Text
ff. 1a–365a · 729 folio sides
- 1a
/ rdo rje phur pa lung gi kha byang byang chub sems kyi mdo/
- 1b
rgya gar skad du/ badz+ra ki la ya ka ma ni pra ta bo d+hi tsit+ta sU tra nA maH/ bod skad du/ rdo rje phur pa lung gi kha byang byang chub sems kyi mdo zhes bya ba/ bcom ldan lhun grub dbyer med ngang la phyag 'tshal lo// 'di skad bdag gis thos pa'i dus gcig na/ ngang nyid rdo rje chos kyi dbyings nas lhun grub dbyer med kyi rgyal po la rdo rje 'dus pa chen po la sogs te/ nyid las mi zhan pa'i 'khor rnams kyis skor nas/ dus gsum mnyam pa nyid la dgongs te gnas so// rdo rje phur pa lung gi kha byang byang chub sems kyi mdo las/ gleng gzhi'i le'u ste dang po'o// // de nas rdo rje 'dus pas 'di skad ces gsol to// kye ma lhun grub dbyer med ngang gi rgyal// rgyud kyi rgyal por gyur pa dang // lung go bla mar gyur pa
- 2a
dang // man ngag nges don gyur pa yi// phur pa byang chub sems kyi don// bdag cag rnams la bshad du gsol// zhes zhus pa'i tshul gyis glengs so// rdo rje phur pa lung gi kha byang byang chub sems kyi mdo las/ gleng slong ba'i le'u ste gnyis pa'o// // de nas bcom ldan 'das lhun grub dbyer med rgyal pos/ 'dus pa'i 'khor la 'di skad ces bka' stsal to// btsal med dbyings kyi ngang du thams cad 'dus// mi 'gyur byang chub sems kyi kyi phur pa yi// bsgrub med chos kyi dbyings su ye nas gdab// btab tsam nyid na 'khor ba ming yang med// ma bcos lhun gyis grub pa'i dbyings nyid las// ye shes rig pa'i phur pas ye nas gdab// btab tsam nyid na dngos po'i mtshan ma med// snang
- 2b
srid byang chub snying po'i ling ga la// kun tu bzang po rol pa'i phur pa btab// btab tsam nyid nas sems rtog yid las 'das// dngos po snang ba'i shes rab ling ga la// rang byung thabs kyi rgyal po'i phur pa btab// btab tsam nyid na brjod pa'i mtha' las// de phyir dbyer med rtogs pa mnyam pa yis// ma btsal bzhag pas phur pas btab ces gsungs// rdo rje phur pa lung gi kha byang byang chub sems kyi mdo las/ phur pa gdab pa'i le'u ste gsum pa'o// // de nas rdo rje 'dus pas 'di skad ces gsol to// kye ma lhun grub dbyer med rgyal// byang chub sems kyi phur pa yi// nges pa'i tshig ni ji ltar lags// dpa' bo khyod kyis bshad du gsol// zhes gsol pas/ dbyer med ngang gis bka' stsal pa// de la chos nyid phur pa ni// chos can gang la mi gnas shing // ma bcos ngang du thams cad 'dus// phur pa zhes ni de la bya// de la sems nyid phur pa ni// skye mched khams la mi gnas shing / rang byung du ni thams cad 'dus// phur pa zhes ni de la bya// de la nam mkha'i phur pa ni// kha dog dbyibs la mi gnas par// khyab brdal dang du thams cad 'dus// phur pa zhes ni de la bya// de la btsal du med pa'i phur pa ni// rang bzhin rdo rje gzhon nu de// sems can kun gyi rgyu la gnas// phur pa zhes ni de la bya// zhes
- 3a
gsungs so// rdo rje phur pa lung gi kha byang byang chub sems kyi mdo las/ nges tshig bstan pa'i le'u ste bzhi pa'o// // de nas rdo rje 'dus pas 'di skad ces gsol to// kye ma lhun grub dang gi rgyal// byang chub sems kyi phur pa de// 'khor ba mya ngan ji ltar 'das// dbyer med rgyal pos bshad du gsol// dbyer med rgyal pos bka' stsal pa// phur bu dbyer med mya ngan 'das// dngos po mtshan mar / mi snang zhing // bsam pa las kyang mya ngan 'das// 'khor ba rnam rtog 'khrul ba nyid// chos nyid klong du mya ngan 'das// shes gsungs so// rdo rje phur pa lung gi kha byang byang chub sems kyi mdo las// 'khor ba dang mya ngan las 'das pa'i le'u ste lnga pa'o// // de nas yang rdo rje 'dus pas 'di skad ces gsol to// kye ma lhun grub ngang gi rgyal// phur bu mnyam pa chen po la// ma rtogs ma rig 'khrul pa de// chos nyid chen por ji ltar bgyi// dbyer med ngang gis bshad du gsol// lhun grub rgyal pos bka' stsal pa// thams cad ye nas mnyam nyid las// rgyu dang 'bras bu dbye ru med// tha snyad 'dogs nas 'khrul pa yin// mthar yang sangs rgyas rnyed mi 'gyur// dmyal ba'i gnas nyid bla med gnas// rnam rtog nyid na ye shes skye// sdug bsngal nyid na byang chub sems// tha snyad gang la mi gnas shing // btsal du med cing
- 3b
dngos po med// thams cad dbyer med ngang du gcig/ 'khrul pa tha snyad ming yang med// ces gsungs so// rdo rje phur pa lung gi kha byang byang chub sems kyi mdo las/ 'khrul pa chos nyid du la zla ba'i le'u ste drug pa'o// // de nas yang rdo rje 'dus pas 'di skad ces gsol to// kye ma lhun grub ngang gi rgyal// byang chub sems kyi phur pa de'i// ma rtogs gol sa ji ltar lags// rgyal ba khyod kyis bshad du gsol// zhes gsol pas/ dbyer med rgyal pos bka' stsal pa// bdag nyid phur pa'i rang bzhin pa// gzhan du 'dogs na 'khrul pa'i ngang // grangs kyi bgrang du ga la yod// chos nyid gcig tu gnas pa la// grangs kyis bgrang na gol sa yin// snang srid phur pa'i rang bzhin pa// gzhan yang 'dogs na 'khrul pa'i ngang // grangs kyis bgrang du ga la yod// chos nyid gcig tu gnas pa la// grangs kyis bgrang na gol sa yin// snang srid lha 'dre mi ma yin// mkha' 'gro dam can nyams len rnams// gol sa yin par dpa' bos bshad// ces gsungs so// rdo rje phur pa lung gi kha byang byang chub sems kyi mdo las/ ma rtogs gol sa bstan pa'i le'u ste bdun pa'o// // de nas yang rdo rje 'dus pas 'di skad ces gsol to// kye ma lhun grub ngang gi rgyal// byang chub sems kyi phur pa de// rang gi ji ltar rtogs par bgyi// ra
- 4a
chos can la ji ltar gsungs// gsang bdag khyod kyis bshad du gsol// zhes gsol pas// dbyer med rgyal pos bka' stsal pa// phur pa'i rang bzhin gdod nas dag pa la// ming tsam gzhan la brten mi bya// rnam par mi rtog pa las 'das// de bzhin nyid du bsgom par bya// rang gi rang bzhin rig cing rtogs par gyis// de ltar rtogs na chos sku thob ces bshad// lung dang man ngag gtan la phob pa 'di// phal gyi spyod yul thun mong ma yin pas// khye dang grags par khar mi dbyung // skyes bu blo rab 'ga' las bstan par bya// rdo rje phur pa lung gi kha byang byang chub sems kyi mdo las/ byang chub sems kyi don rtogs par bya ba dang ra gcod can la gab pa'i le'u ste brgyad pa'o// / de nas rdo rje 'dus pas 'di skad ces gsol to// kye ma lhun grub ngang gi rgyal// phyi rabs rnal 'byor don gyi phyir// phur bu byang chub sems kyi mdo// bdag gis ji ltar gzung bar bgyi// zhes gsol pas/ dbyer med rgyal pos bka' rtsal pa// rdo rje 'dus pa chen po khyod nyon cig/ gang zhig phur pa gdab par 'dod pas/ mdo 'di nyid kyi don gyis gdab par bya'o// gang zhig nges pa'i tshig brjod par 'dod pas/ mdo 'di nyid kyi nges tshig brjod par bya'o// gang zhig la zla bar 'dod pas/ mdo 'di nyid kyi don gyis la zla bar bya'o// gang zhig
- 4b
gol sa bcad par 'dod pas/ mdo 'di nyid kyi don gyis gcad par bya'o// gang zhig byang chub sems kyi don rtogs par 'dod pas// mdo 'di nyid kyi don nyams su blangs par bya'o// de bas na rdo rje'i dus pa chen po mdo 'di ni khyod la gtad kyi mi nub par gyur ta re/ cang mi gsung bar gyur to// de nas rdo rje 'dus pa chen po des shin tu dga' ba'i yid g.yos te/ rang gi gsang ba'i rdo rje gnas su gsor zhing 'di skad ces dam bcas so// bcom ldan 'das lhun grub dbyer med ngang gi rgyal po/ mdo 'di ni bdag la sogs pa rnams kyis mi nub pa'i rgyal mtshan chen po gzugs so// chos kyi rnga mngon par brdungs so// chos kyi dung mngon par bud do// chos kyi char mngon par dbab bo// chos kyi 'khor lo mngon par bskor ro// zhes dam bcas so// rdo rje phur pa lung gi kha byang byang chub sems kyi mdo las/ mdo yongs su gzung zhing gtad pa'i le'u ste dgu pa'o// // rdo rje phur pa lung gi kha byang byang chub sems kyi mdo zhes bya ba rdzogs so// /
- 5a
rgya gar skad du/ badz+ra krod+ha ma hA rA dza gu he tan tra/ bod skad du/ rdo rje 'jigs byed chen po'i rgyud kyi rgyal po gsang ba chen po/ bcom ldan 'das dpal 'jigs byed kyi rgyal po la phyag 'tshal lo// de nas gsang ba'i bdag nyid rdo rje 'dus pa chen po de srid pa thams cad kyi bdag po/ sangs rgyas thams cad kyi ngo bo nyid/ rigs rnams kun gyi byed pa po/ gsang ba pas kyang ches gsang ba des// 'jigs pa'i sku sna tshogs pa/ 'jigs pa'i gsung sna tshogs dang / 'jigs pa'i thugs rtog pa mi mnga' ba'i thugs thams cad mkhyen pa dang ldan pa/ 'gro ba 'dul ba'i don du bsam gyis mi khyab par mdzad pa las/ 'dir 'jigs byed kyi khro bo snang nas don mdzad de/ sku 'jigs pa'i cha lugs kyis sems can gyi don mdzad de/ dbu dgu brgya phrag stong brgyad brgya dang / zhabs brgyad du sprul nas snang / sku 'gying ba'i cha lugs la dpal gyi chas brgyad kyis brgyan pa/ zhal nas ki la ya 'brug ltar sgrogs pa de lta bu'i ston pa/ gnas ni 'og min gyi gnas chen po mtha' dang dbus med pa mthing nag 'bar ba'i gzhal yas khang 'phrin las rnam pa bzhi rang bzhin gyis grub pa/ dur khrod sna tshogs kyi rgyan gyis brgyan pa/ tshad med pa bzhi'i sgo nas rang bzhin gyis 'jug pa/ sprul pa'i gdan rang bzhin gyis grub pa/ rtse
- 5b
mo thams cad gcig tu 'khyil pa/ rgyu thams cad rang gi rig pa las byung ba phyin nang med par dur khrod kyi gzhal yas khang de lta bu yod pa ni rang bzhin gyis gnas so// gsang ba'i yum 'khor ba thams cad rgyas 'debs pa'i kun tu bzang mo skye ba med pa'i don las ma g.yos pa/ rig pa'i rtsal khro ltar snang ba zhal gcig phyag gnyis pa zhabs brtul zhugs dges pa'i tshul du bzhugs pa/ rgyan dang cha lugs kyi brgyan pa/ dbyings dang ye shes kyi phyag/ dang ldan pa mkhyen pa gsum dang ldan pa'i spyan gsum dang ldan pa/ stong pa nyid kyi ye shes dang ldan pa'i don du ral pa mthing nag tu 'dug pa/ phung po lnga gnas su dag pa'i khrag 'thung chen po lnga dang / 'byung ba lnga gnas su dag pa'i khro mo gsang ba'i yum lnga dang / dbang bcu gnas su dag pa'i khro bo bcu dang / pha rol tu phyin pa bcu gnas su dag pa'i khro mo bcu dang / shes pa bcu gnas su dag pa'i sprul pa bcu dang / 'dzin pa bcu gnas su dag pa'i mgo brnyan ma bcu dang / 'jug pa'i tshogs drug rten khog pa dang / bcas pa'i khro bo chen mo bdun dang / sprul pa dang yang sbrul la sogs pa re re la yang bsam gyis mi khyab pa dang ldan pa/ de la sogs te 'khor dang g.yog dang yang g.yog tu bcas pa/ bran dang yang bran dang 'khor dang yang 'khor la sogs pa bsam gyis mi khyab dang ldan
- 6a
par bzhugs so// rang rig pa'i cho 'phrul ni bsam gyis mi khyab pa dang ni ldan/ rdzu 'phrul gyi cho 'phrul gyi dregs pa can thams cad ni sgrol/ 'khor rnams thams cad kyi dbang du bsdus/ stong gsum thams cad yam yom shig shig tu gyur te/ thams cad khro bo'i 'jig rten du sna bar gyur to// khams gsum gyi 'khor ba rang ga ma ni ming mi grag/ lha dang lha mo'i ling long du gyur nas khams gsum thams cad kyang dus gcig tu btul bar gyur to// yang dag rdzogs pa'i sangs rgyas ni thams cad mkhyen pa dang ldan pas ci'i ngo bo kyang sprul nas bzhugs so// sangs rgyas thams cad kyang gcig tha da du snang ngo // zhes gsang ba'i bdag pos de skad ces gsungs so// rdo rje 'jigs byed gsang ba'i rgyud las/ gleng gzhi'i le'u ste dang po'o// // de nas gsang ba'i bdag pos zhus pa/ kye rdo rje 'dus pa chen po gsang sngags kyi don dang // tshul dang / rang bzhin ji lta bu zhe na/ rdo rje 'dus pa chen pos bka' stsal pa/ gsang ba'i bdag po nyon cig/ don ni sangs rgyas rnams kyi de kho na nyid ma bcos pa ye bzhin pa ji lta ba'i don chos kyi dbyings sangs rgyas rnams kyis kyang mi mkhyen pa/ rang gi ngo bo thams cad la yod pa/ byed stsal med pa rang bzhin gyis 'ad gsal ba/ ma 'dres la yongs su rdzogs pa/ thams cad
- 6b
bskyed pa'i yul 'byung ba thams cad kyi ngo bo nyid gsang ba bas kyang ches gsang ba'o// rang bzhin ye nas gnas pa ste sa gzhi rin po che dang 'dra ba/ nam mkha' bzhin ma khyab pa med pa/ thams cad kyi bdag po yin pa/ ye nas yod pa rang bzhin khyab pa/ kun gyi byed pa po de lta ba'i don no// tshul ni rjes su rnyog pa ste/ nga dang rang bzhin bdag nyid chen po'i don gyis mjal ba ste/ shes rab rnam pa gsum gyis 'jal ba/ phyi dang nang gi dngos po thams cad rdo rje gzhon nu'i sku gsung thugs su rtogs pa/ shes pa'i rigs pa ji ltar skyes pa thams cad chos kyi sku'i bdag nyid snang ba'i dngos po thams cad ye shes kyi bdag nyid// sgra skad rab 'bring tha ma thams cad ni rang gi gsung du grag la nyi ma 'od kyi rang bzhin du shar te/ nyi ma ni gzhan gyis ma byas pa dang / dus gsum du mi 'gyur ba dang / kun la snyoms pa'i yum dang / chos nyid rang gi 'char ba'i yul tha dad du snang yang g.yos pa med pa/ phyin ci ma log pa ru sangs rgyas pa med pa/ gzhan nas ma byung ba/ rang bzhin gyis 'od gsal ba/ gnyen po gang yang med pa/ dus gsum du mi 'gyur ba dang rang bzhin ma 'gags pa/ rig pa'i rtsal gyis khyab pa/ kun la snyoms pa'i yab yum gyi rang bzhin rang la yod pas gzhan la btsal du med pa/ sna tshogs kun tu bzang po rdo rje
- 7a
sems yin pas/ rgyal ba rnams kyi sku sna tshogs cir yang snang mod kyang / kun kyang rin chen lta bu ste/ don dang las byung bsgoms pas grub po// dngos po gcig ru ma nges pas/ ngo bo gcig la sna tshogs shar/ shar kyang dbyings las g.yos pa med// g.yos med de ni de bzhin ces pa gsungs pas tshul rig par 'gyur ro// khrag 'thung rigs lnga la sogs pa 'khor rnams kun gyis zhus pa/ rdo rje 'dus pa chen po bdag cag rnams kyi don phyin ci ma log pa ji lta bu lags/ de skad ces zhus pas/ rdo rje 'dus pa chen pos bka' stsal pa/ 'khor rnams phal mo che nyon cig/ khyed rnams kyi don ni gcig tu yod la bgrang du med pa nyid do// kun la khyab la ngo bo med pa nyid do// 'dus ma byas pa nyid do// rang bzhin gyis 'od gsal ba nyid do// thams cad kyi ngo bo nyid du 'gyur ba'o// sgra med pa nyid do// brjod pa na gyi ngo bo nyid do// tshig med pa'o// tshig lam chad pa'o// kun gyi bdag nyid do// kun gyi byed pa po'o// tshul sna tshogs su bzhugs pa'o// dngos po thams cad kyi bdag nyid do// de skad ces bka' stsal pas/ 'khor rnams thams cad skrag par gyur te/ brgyal nas 'di skad ces gsol to// bdag cag rnams gyis sngon chad ma mthong ma shes pa ngo mtshar che'o// bde bar gshegs pa ngo mtshar che'o// a la la ho
- 7b
zhes dges par gyur to// chos nyid rang bzhin gyis dbang du gcig tu bskur pas/ thams cad kyis dus gcig tu thob par gyur to// gsang ba pa'i bdag po de lta bu'i don gyi rang bzhin can de kun la snyoms par yod dam ci zhes gsol pas/ rdo rje 'dus pa chen pos bka' stsal pa/ rang bzhin gnas kyang rang gis bsgribs pa nyid do// kun la khyab kyang ma mthong ba nyid do// lhan cig yod kyang ngo ma shes pa nyid do// nam mkha' dngas kyang sprin gyis mtshungs pa dang 'dra'o// de rnams la shes pa'i thabs ni ji lta bu zhe na/ rang la yod la gzhan la med par shes par gyis// rang gam bor nas rgya mtsho la// sems kyi sems bsal de mi rnyed// de rnyed de ni drod cig rtogs// drod cig rnyed nas don cig rtogs// don rtogs phan chad de kho na nyid la// gzhan zhes bya ba'i don btsal kyang rgyal bas mi rnyed do// zhes gsungs so// gsang ba'i bdag pos yang zhus pa/ rdo rje 'dus pa chen po de lta bu'i tshul ni ma rig gsang sngags kyi spyod pa sgra bzhin spyad pas/ yi dgas kyi srin po chen por ni skyes/ khams gsum 'khor ba'i sdug bsngal mang po ni spyad/ skye ba mi mthun pa ni bsam gyis mi khyab pa cig blangs/ sbyor ba ngan pas ni thams cad dbang du bsdus/ ru dra'i srin po chen por ni song ba de/ sems can thams cad dkar po'i chos ni
- 8a
ming yang med pa de gdul ba'i thabs ji ltar bya// zhes gsol pa las/ rdo rje 'dus pa chen pos bka' stsal pa/ gsang ba pa'i bdag po nyon cig/ 'di 'dul ba'i thabs ni gzhan gyis thul bar mi 'gyur gyis/ 'di ni nga'i spyod yul lo// nga'i mdzad pa'o// nga'i 'phrin las so// de skad ces gsungs pa dang / gsang ba ba'i bdag po la sogs pa rnams kyi dus gcig bstod pa legs so yin no// 'thad do ces bstod par gyur to// rdo rje 'jigs byed gsang ba'i rgyud las/ gleng slangs dang gnang ba bstan pa'i le'u ste gnyis pa'o// // de nas bcom ldan 'das rdo rje 'dus pa chen po de gdug pa 'dul ba zhes bya ba ting nge 'dzin la snyoms par zhugs nas 'di skad ces gsungs so// gsang ba'i bdag po nyon cig/ 'di ni 'di lta bu'i rang bzhin te/ sngon gyi bskal ba thog ma la slob dpon dang chos kyi rang bzhin la ma 'jal nas rtsod gzhi ru gyur pas rkang 'og ni log par spyad pas/ sdug bsngal sna tshogs myong ba yin te/ de nas sngon gyi srid pas mtshams sbyar nas yi dgas bya'i gshog pa can du gyur nas/ sems can thams cad la gnod pa'i cho 'phrul sna tshogs bstan nas/ 'dod khams dang gzugs khams gnyis dbang du bsdus so// nad mi mthun pa sna tshogs dang / gdon du gyur pa bco brgyad dang / ye 'brog sum bcu drug
- 8b
cus ni khengs par gyur to// sangs rgyas kyi bstan pa ni 'jig la thug nas mdzad pa sna tshogs bstan pas kho thul bar ma gyur to// gsang ba ba'i bdag pos yang zhus pa/ thugs rje'i bdag po khyod dgongs pa'i don la thugs ma g.yel bar drag po'i 'phrin las mdzad du gsol/ myur du mdzad du gsol/ de skad ces gsol pas/ rdo rje 'dus pa chen po de drag po de 'dul ba zhes bya ba'i ting nge 'dzin la zhugs te/ khams gsum dur khrod kyi gzhal yas khang du gyur/ oM badz+ra kI li ki la hUM hUM/ zhes pa brjod pas/ stong gsum thams cad yam yom du gyur/ lhun grub pa'i sa la gnas pa'i sangs rgyas thams cad kyang shin tu sdasngangs shing bred par gyur la/ phyag na rdo rje rang yang brgyal bar gyur to// rang gi 'khor na gnas pa'i khro bo dang khro mo thams cad kyang rngam zhing 'dar bar gyur to// phaT phaT ces brjod pas/ stong / gsum thams cad stor stor/ rab tu stor stor/ shig shig/ rab tu shig shig/ kun tu shig shig tu gyur to// sarba big nan baM hUM phaT ces pas brjod/ dregs pa thams cad brgya la/ la la 'gyel/ la la shi la khad/ la la ni dbang du 'dus nas rang dbang med par bcum par 'gyur/ de nas kI li kI la ya sarba big nan/ ces brjod pas/ khro bo dang / khro mo sprul pa dang // yang sbrul la sogs pa thams cad dang /
- 9a
'khor na gnas pa kun bka' sdod zhal gcig phyag gnyis smad lcags kyi phur pa zur gsum par gyur nas/ kun kyang drag sngags sgrogs shing phur pa 'debs pa nyi tsher gyur to// bdag rang gi thugs ka nas kyang khro bo dang khro mo zhal gcig phyag gnyis pa phyag na phur pa 'dril ba smad phur par 'dug pa sha dag go/ bdag nyid kyis kI la ya phaT/ ces brjod pas/ dus gcig la yang dbang med par 'debs par gyur te/ khams gsum thams cad phur bu'i rang bzhin du gyur nas dregs pa can thams cad dus gcig tu bsgral lo// skad ngan tsher tsher mtsher ba sdug bsngal nyams su myong bar gyur to// de nas bdag nyid kyis khA hi khA hi zhes brjod pas/ lha rnams thams cad kyis 'byung po thams cad kyi sha khrag dus gcig du gsol/ rus pa thams cad 'chol nas yan lag dang nying lag thams cad ni bcad gtubs/ nang khrol thams cad ni drangs/ tsit+ta thams cad ni khro bo chen po'i zhal du gsol/ de rnams kyi phyag mtshan ni khro bo khro mos khyer te phrogs/ phung po lhag rol ni gdan du btings/ 'khor g.yog thams cad ni bran du bkol/ gdug pa po ni ming yang mi grags par byas so// de nas dus gsum gyi sangs rgyas thams cad mnyam pa nyid kyi ngang la bzhugs so// thams cad bde ba chen po'i zhing khams su gyur
- 9b
to// khams gsum gyi sems can thams cad kyang sbyor ba ngan pa de ming med du gyur to// rdo rje 'jigs byed chen po gsang ba'i rgyud las/ dregs pa can btul ba'i le'u ste gsum pa'o// / de nas yang rdo rje 'dus pa chen po de thugs rjes 'byung ba chen po de thugs rjes 'byung zhes bya ba'i ting nge 'dzin la snyoms par zhugs nas ched du brjod pa 'di brjod do// khams gsum ye nas sku gsung thugs// srid gsum ye nas phur pa'i lha// 'gro drug phur bu ngo bo nyid// lha ni gzhan nas bod mi dgos// stong gsum zhing khams rnams par dag/ ri rab gling rnams gzhal yas khang // dbang chen gzhan nas bskyed mi dgos// skye 'gro rtsi shing phur bu'i gzugs// sku ni gzhan du bsgom mi dgos// sgra skad rab 'bring kI la ya'i gzugs// snying po gzhan du brjod mi dgos// dran rtogs thams cad gnyis med thugs// ye shes gzhan du bskyod mi dgos// ji ltar snang ba yum gyi dbyings// mtshan ma sna tshogs ye shes dang // gnyis su med pas zung 'jug go/ de lta bu yi rang bzhin no// zhes gsungs so// de nas gsang ba'i bdag pos zhus pa// kyekyi rdo rje 'dus pa chen po/ phur pa'i don dang / rang bzhin dang / mtshungs tshul dang / nges pa ji lta bu gzhan gyi don du bshad du gsol/ gsang ba pa'i bdag po nyon cig/ don ni skye med chos kyi
- 10a
dbyings// sangs rgyas nyid kyis bstan bka' na// de lta bu yi tshul rig na// don du nges par shes par bya// rang bzhin la ni gnyis yin te// don dam kun rdzob rnam gnyis so// dam pa'i don du bstan pa ni// gnyis su med pa'i chos kyi sku// kun la khyab pa'i rang bzhin can// gcig dang dngos po du ma bral// rig pas phyin ci ma log par// lhan gyi rtogs pa phur bu'o// kun rdzob tshul dang rnam gnyis te// mtshan ma bcas dang mtshan ma med// rnam pa gnyis su yongs su bstan// mtshan ma med pa gang zhe na// dngos po rang bzhin mi dmigs par// rig pas nyams su myong ba ni// phur pa zhes su bstan pa yi// mtshan ma rnam pa bsgom pa yin// rtogs tshogs ma spangs lha ru bsgom// rang nyid gsal bar gyur pa ni// phur pa zhes su brjod pa yin// tshul ni don rtags gnyis su bstan// don ni sku gsung ngo bo nyid// rtags ni phyi rab rnal 'byor rnams kyi lam// chos kyi sku ni mtha' dbus med// nam mkha' bzhin du kun la khyab// rang gi ngo bo bstan pa dka'// longs spyod sku dang ye shes so// sbrul sku cir yang sprul nas ston// rdo rje 'dus pa chen po rtags ni gang dang gang zhe na// ting nge 'dzin dang dkyil 'khor dang // gzugs brnyan rdzas dang bya thabs dang / 'phrin las las kyi bya thabs dang // don de yongs su shes par
- 10b
gyis// rdo rje 'jigs byed chen po gsang ba'i rgyud las/ don dang rang bzhin tshul rtags bstan pa'i le'u ste bzhi pa'o// // de nas bcom ldan 'das rdo rje 'dus pa chen po de mi g.yo ba zhes bya ba'i ting nge 'dzin la snyoms par zhugs nas ched du brjod pa 'di brjod do// rdo rje khros pa zhe sdang gcod// thugs ni yang dag rdo rje nyid// stong pa nyid kyi ye shes ni// rnam par mi rtog rtog las 'das// gzung 'dzin mtshan ma gnyis ma grub// gnyen po med pa'i ye shes ni// mtshan ma'i dngos po thams cad 'joms// ma bcos ngang gis de bzhin no// nam mkha'i dkyil nas thig pa shar// gnyis su med pa'i ye shes dang // kun la snyoms pa'i yum gyi dang // mtha' dbus med par khyab pa'o// rig pas phyin ci ma log par// 'od gsal rjes su 'jug pa'o// rang gi rig pa hUM nyid de// rig pa'i hUM dang don gyi hUM// hUM gnyis su ni shes par bya// rang gi rig pa ye shes las// ji ltar bskur ba bzhin du snang // rang gi sems kyi rtsal rdzogs pas// stong par bsgom mam mtshan mar bsgom// gang ltar snang yang rang gi ngo // de phyir hUM gsal bar bsgom// bdag nyid hUM du gsal ba las// 'byung ba lnga yi dkyil 'khor bsgom// yaM raM khaM su raM e kai/ snang srid ye nas stong pa las// rang gi rig pa rlung du snang // yin pa'i don la yin
- 11a
par bsgom// rnal 'byor sems nyid kha du shar// baM dkar chu yi rang bzhin bsgom// rnal 'byor sems nyid su ru shar// gser gyi sa gzhi yin par bsgom// rnal 'byor sems nyid raM du shar// smin cing btang ba nyid dang ldan// rnal 'byor sems nyid e ru shar// gru gsum e yi rang bzhin no// rnal 'byor sems nyid ke du shar// ri rab chen po'i rang bzhin la// rgya khyon dpag tu med pa'o// rang gi rig pa'i ye shes las// b+h+rUM zhes nges par byung ba yis// bskyed pa'i sngags kyi gzhal yas khang // sgo dang dbyibs dang ldan par bsgom// gser gyi 'khor lo rtsig par rab tu byas// tshangs pa yi ni gdung brgyad dang // zhing chen bcu drug ka ba byas// sa bdag bcu drug gdan du bting // rgyu skar nyi shu rtsa brgyad mig/ gza' brgyad mthong khungs dag dang ldan// zhing chen pho mo phram phran la// mchog phran dag gi drad thabs byas// ka ru na yi ya sgribs la// chu srin nag gis ma thems byas// rigs bzhi sbrul gyi skyes bu la// mdzes pa'i zhing gis sgo mo byas// phyogs skyong bcu gcig gdan du shar// nyi zla pad+ma rang bzhin gdan// mtha' dbus rgya khyon dpag du med// mtho dman yangs dog bsam mi khyab// de lta bu yi gzhal yas khang // yin pa'i don la yin par bsgom// rdo rje 'jigs byed gsang ba'i rgyud las/ ting
- 11b
nge 'dzin bsgom pa'i rim pa ste lnga pa'o// // de nas bcom ldan 'das rdo rje 'dus pa chen po de dkyil 'khor 'byung ba zhes bya ba'i ting 'dzin la snyoms par zhugs nas ched du brjod pa 'di brjod do// tshon chen sngon po 'bar ba yis// rig pa'i ye shes 'bar ba'i phyir// bskyed pa'i sa bon ngo bo las// bdag nyid rig pa'i rtsal gyis bskyed// yin pa'i don ni yin par gsal// rtogs pa'i phung po ma spangs dag/ kun gzhi rnam shes ngo bo nyid// ye nas yin pa'i bdag nyid do// rtags kyi rang bzhin 'di lta ste// rnam thar sgo gsum dbu gsum ldan// ye shes dgu yi spyan dgu la// pha rol phyin drug snyan gyi don// mngon shes drug gi shangs dang ldan// stong pa mi dmigs skye med shangs// ye shes gsum gyi ljags su 'dril// rigs pa'i don mtshon zhal gsum pa// ye shes drug yul phyag mtshan bcas// ye shes dgu yi rdo rje rtse dgu'o// 'phrin las bzhi yi rgya gram yin// stong pas srid gsum sregs pa'i me dpung ngo // dug gsum sku gsung thugs kyi don// kha T+wAM kha yi phyag mtshan no// thabs dang shes rab don mtshon no// byang chub sems kyi phur pa 'dril// dbyings dang ye shes zhabs gnyis brkyang bskum tshul// dregs pa tshar bcad zhabs gnyis bgrad pa'i tshul// nyon mongs ma spangs glang chen ko rlon la// 'phrin las bzhi brtsam stag
- 12a
gi sham thams ldan// mtshan ldan ma yi dngos po ma spangs zhag gi thig le la// snyigs ma ma spangs srog rtsa a tsa li// phyi nang chags pa'i yul dag khrag gi thig le ldan/ sku gsum rdzogs pas skams rlon thod pas brgyan// gzhan yang ye shes bsam gyis mi khyab phyir// khro tshul drug cu rtsa gnyis ldan// snying gi dkyil du bsgom par bya// dbyings dang ye shes gnyis med phyir// rig pa'i ye shes tshon gang po// snying la nges par gnas pa yin// gzungs su gyur pa'i rdo rje la// rang bzhin rdo rje'i dbyings su gnas// rtsa brgyad 'bru brgyad rang bzhin te// oM ni kun gyi dngas la gnas// phaT kyi rlung sgrom 'jug la gdangs// yon tan ldan pa'i lte ba la// ye shes rtsa la gnyis gnyis te// yon tan rtsa la bzhi bzhi gnas// gsum pa tha ma re re'o// srog gi go ru shar ba dang // srog ni mi 'gyur chos nyid dang // go ru rig pa'i ngo bo la// ngo bo mi dmigs ngang nyid las// rig pa'i rtsal snang yum du shar// rgyan dang cha lugs yab de bzhin// dbyings dang ye shes gnyis med do// rdo rje gzhon nu rigs 'dzin rnams// gnyis med ye shes rdo rje ni// nyes pa'i skyon gyis ma gos phyir// chos kyi sku las longs skur shar// bsam gyis mi khyab khro bo'o// srid gsum sku gsung thugs kyi bdag/ 'dod pa'i don la gsol ba gdab// srid
- 12b
gsum lha yi bdag nyid yin// snang srid khro bo dkyil 'khor ro// yin pa'i don la yin par bsgom// rjes 'jug rnams kyi nga rgyal bskyed// rang gi rig pa cir yang snang // lha yi dkyil 'khor 'di lta bu// yin pa'i don la gsal bar bshad// khro bo chen po hUM kar dang // yum chen rdo rje sgra 'byin ma// phag dang smig bu'i mgo can no// rnam par rgyal dang rnam snyems ma// stag dang bya rgod gzugs su gyur// dbyug pa sngon dang sder mo dag/ g.yag dang bya rog rang bzhin no// gshin rje gshed dang dur khrod bdag/ sha ba 'ug pa'i rang bzhin no// mi g.yo mgon dang rtun khung ma// gzig dang khwa yi mgo can no// rta mgrin rgyal dang gtum mo dang // byi la pu shud mgo can no// gzhan gyi mi thub mda' snyems dang // sbrang khu kra yi mgo can no// bdud rtsi 'khyil dang rlung 'byin ma// seng ge pha wang rang bzhin no// khams gsum rgyal dang gsod ma dang // dred dang sre mo'i mgo can no// stobs po che dang bskul ma dang // dom dang byi ba'i mgo can no// rgyan dang cha lugs gtso de bzhin// sangs rgyas thams cad gcig gi ngang // gdul bya don phyir tha dad snang // sku dang gsung yang tha dad do// phyag dang phyag mtshan ma nges te// gdul bya'i ngo la tha dad do// bsam gyis mi khyab nges pa med// 'on kyang rmongs la mdo tsam bstan// re zhig zhal gsum
- 13a
phyag drug ste// rgyan dang sku mdog yab dang mthun// g.yas g.yon bzhi ni rdo rje gshog pas gtams// tha ma ri rab phur bu 'dril// sprul pa rnams ni zhal gcig phyag gnyis te// g.yas pa lcags kyu g.yon pa sdigs mdzub bsnams// dbyings dang ye shes don rtogs kun la tshang // ye shes lnga yis rang bzhin brgyan// sku yi bye brag bsam mi khyab// tshangs pa'i dbyangs kyis kun la khyab// res dga' zhal gsum phyag drug ste// zhal ni sku mdog 'chol bar snang // phyag drug phyag mtshan drug dang ldan// dang po dbyings dang ye shes mtshon// g.yas kyi bar ma 'dul byed rtags// g.yon gyi bar ma sprod gtong 'dzin// tha ma byang chub phur pa 'dril// khro mo rnams ni zhal gcig phyag gnyis spyan gsum ldan// g.yas pa shes rab thabs la 'khyud// g.yon pa dung dmar gtso la stob// sprul pa rnams kyi phyag mtshan kyang // g.yas par rang rtags phur pa 'dril// g.yon pa gdug pa'i mtshon cha phrogs// zhabs gnyis bgrad pa'i tshul du bzhugs// dbu la bdag pos brgyan pa'o// zhes brjod pa'i gzims mos mnyes par gyur to// rdo rje 'jigs byed gsang ba'i rgyud las/ bdag dang khro bo'i dkyil 'khor bstan pa'i le'u ste drug pa'o// // de nas rdo rje 'dus pa chen po des byin brlab 'byung ba zhes bya ba'i ting nge 'dzin la snyoms
- 13b
par zhugs nas ched du brjod pa 'di brjod do// thams cad gsung gi sgra ltar shes par gyi shig/ gsung nyid sgra'o// sgra nyid gsung ngo // oM badz+ra kI li kI li ya sarba big nan baM hUM phaT/ de bzhin gshegs pa thams cad kyi sku gsung thugs yon tan 'phrin las kyi snying po phyogs bcu'i de bzhin gshegs pa thams cad kyi sku'i snying po 'di brjod do// oM badz+ra kro d+ha hUM ka ra hUM/ gardza gardza hUM phaT/ oM badz+ra krod+ha bi dza ya hUM/ ha na ha na hUM phaT/ oM badz+ra kro d+ha ni la daN+Da hUM/ da ha da ha hUM phaT/ oM badz+ra kro d+ha ya man+ta ka hUM/ pa tsa pa tsa hUM phaT// oM badz+ra krod+ha ar+ya a tsa la hUM/ ba na da ban da hUM/ oM badz+ra kro d+ha ha ya gri ba hUM/ hu lu hu lu hUM phaT/ oM badz+ra kro d+ha a par dzi ta hUM/ tiSh+Tha tiSh+Tha hUM phaT/ oM badz+ra kro d+ha a mr-i ta kuN+Da li hUM/ ts+tshin+da ts+tshin+da hUM phaT/ oM badz+ra krod+ha trai lo kya bi dza ya hUM/ b+hin d+ha b+hin d+ha hUM phaT/ oM badz+ra kro d+ha ma hA ba la hUM phaT/ sgo Ta s+pho Ta hUM phaT/ ces brjod pas khams gsum thams cad gsung gi dkyil 'khor du gyur nas stong gsum thams cad 'ur 'ur/ rab tu 'ur 'ur/ tshig/ rab tu tshig/ kun tu tshig/ 'bar/ rab tu 'bar/ kun tu 'bar bar gyur to// de ltar du snang bar 'gyur to// 'dren pa'i snying po yang yin/ rgyun gyi snying po yin// bskyed pa'i snying po yang yin/ 'phrin las kyi snying po yang yin/ zil gyis mnan pa'i snying po yin/ mtshan nyid lnga dang
- 14a
ldan pa 'di kun dang thun mong ma yin zhes gsungs so// rdo rje 'jigs byed gsang ba'i rgud las/ khro bo sngags kyi le'u ste bdun pa'o// / de nas 'dus pa chen po de gdug pa 'dul ba'i sras mchog sgrol ba zhes bya ba'i ting nge 'dzin la snyoms par zhugs nas ched du brjod pa 'di brjod do// gsang ba'i bdag po nyon cig/ 'di ni yang dag pa'i don te/ sngon gyi dus su yang ngas dregs pa can 'dul ba'i tshe khro bo 'di rnams thugs las sprul pa/ dregs pa can thams cad bsgral nas rtsad bcad do// de bzhin rnal 'byor rnams kyis kyang 'di'i don sgoms shig ces bka' stsal to// gsang ba'i bdag pos zhus pa/ kye rdo rje 'dus pa chen po/ rdzas kyi dkyil 'khor ji lta bu// sras kyi don ni ji lta bu// mchog gi don ni ji lta bu// sngags kyi don ni ji lta bu// de skad ces zhus pas// rdo rje 'dus pas bka' stsal pa// rdzas kyi dkyil 'khor ni ji lta bu// phung po rdo rje gtams byas nas// mtshan ma'i dngos po rdzas 'di la// gcig la dkyil 'khor thams cad tshang bar bkod pa ni yongs su rdzogs pa'i dkyil 'khor ro// bdun nam nyi shu rtsa gcig la re re la yang drug cu rtsa gnyis grub pa'i skabs su shes par bya// drag po'i skabs su nyi shu gcig/ las la rgyug kar shes par gyis// mtshan mi la rdzas kyi phur pa'o// maN+Dal
- 14b
bkod pa rkyang pa yin// rig pa'i cho 'phrul cir yang snang // sras kyi don ni 'di lta bu// bdag nyid thugs kyi cho 'phrul las// thugs las phyung zhing mkha' la gdon// snying rje sgrol ba'i dam tshig ni// rnam shes brgyad kyi rang bzhin ni// rig pas thugs su bstan pa yin// gcig la kun gyi ngo bor shar// bdag nyid gsal ba'i kun kyang gsal// kun kyang bdag nyid ji bzhin te// mi phyed gzungs su gyur pa'o// mchog gi don ni gang zhe na// byin gyis brlabs pa brgyad dang ldan// byug dug gzi byin skyed dang bzhi// bcu gnyis don gyi yongs su rdzogs// ma hA shu ta chos kyi sku// rang bzhin nyid kyis stong pa'o// ki la ya yi longs spyod rdzogs// rgyan dang cha lugs ldan pa'o// sarba big nan sbrul sgra ste// kun kyang zhal gcig phyag gnyis so// b+ha ga ban ni rigs lnga ste// dbu la nges par brgyan pa yin// mo laMts+tsha ri rab ste// brtan zhing mi 'gyur ngang du bzhugs// kI la ya ni rdzogs pa yis// bdag nyid la ni gdon cing bstim// shri kri thabs dang shes rab kyis// de nyid ngo bo gnyis med brtags// hUM ka ra a ni brjod pa yis// dkyil 'khor rnam gsum dus gcig tu// byang chub sems gsum dus gcig 'dres// a yi rang bzhin gcig par gyur// yid la dran pa'i sngags brjod pas// rnam gsum dkyil 'khor gsal bar
- 15a
bsgom// chos nyid ngang du 'dres pa la// thams cad ngo bo gcig par gyur// rnam par shes pa rdo rje bsgom// byi ta ya yis khrag chen byug/ ha sa dag gi gu gul bdug/ shri tri dag gi tshil chen gyis// gzi mdangs dag ni bskyed par bya// ta tha dag gi nyungs kang gyis// brabs te khro bo'i tshul dang ldan par bya// rno la ngar btags ji bzhin du// nus pa'i tshad dang ldan pa'o// bcu gnyis don gyi man ngag 'di// phur pa kun la 'byor bar gyis// mthun pa'i rdzas bdun gang zhe na// dung gi phur pas grogs 'brel// bya rgod dag gi phur pa yis// nam mkha'i mtha' nas 'gugs par bye// zangs sam tsan dan phur pa yis// thams cad zil gyis gnon par byed// gser ram ser po'i shing rnams kyis// gang yin sdug bsngal myong bar byed// seng ldeng dag gi phur pa yis// tshe srog thams cad 'phrog par byed// lcags sna lnga yi phur pa yis// gang yin rdul du rlag par byed// bsnyen pa'i grangs nang phur pa yis// gang yin kun gzhi gcod par byed// bsnyen pa dag la grangs 'dzin bya// bsgrub pa dag la phur rten bca'// lcags kyi khang pa zur gsum pa// dur khrod sol bas phyis byug bya// khrag chen dag gis nang byug bya// steng nas gru gsum dbyibs dang ldan// dza ni bzhi bcu rtsa gnyis ldan// 'dzin gying bzhi bcu rtsa
- 15b
gnyis ldan// dung sogs gsum ni zur gsum dgod// gser sogs gsum ni logs la dgod// dmigs pa'i rten ni ling kha'o// de yi steng du bsnyen phur ro// 'phrin las las kyi rim pa ni// go rim bzhin du brtsam par bya// oM badz+ra kI li kI la ya sarba big nan baM hUM phaT/ bsad cing mnan pa ma yin te// dang po'i don du bsnyen pa bya// mtshan ma sgom pa'i rim pa dang // de bzhin nyid du bsgom pa'o// mtshan ma'i rim pa rnam gsum ste// dang po bdag nyid gsal bar bzlas// de nas yi ge 'phreng bar bzlas// de nas nye ba'i bsnyen pa lha rnams gsal bar bzlas// de bzhin nyid kyi chos nyid dang // gnyis med don du bsgom par bya// bsgrub pa la yang rnam gnyis te// sgrub dang sgrub pa chen po gnyis// bsgrub pa yang ni 'di lta ste// phyi snod dur khrod gzhal yas khang // srid gsum ye shes lha yi bdag/ skye 'gro rtsi shing nags tshal kun// kun kyang dkyil 'khor rnam gsum ste// zhal gsum phyag drug zhabs bzhi bgrad// zhal nas kI la 'brug ltar sgrogs// khams gsum 'khor ba ming yang med// de nas 'khor lor bzlas pa ni// rtsibs brgyad 'khor lo cha gnyis la// drag po'i ming spel rtsibs la bskyon// bsgrub pa'i dus dang las la sbyor ka gnyis su bzlas// oM badz+ra kI li kI la ya sarba big nan baM hUM phaT/ ma ha g+ha ya/ b+ha ga ban
- 16a
shri kr-i bi kr-i badz+ra hUM ka ra hA hUM phaT/ gnyis kyi bar du mtshan ma gzhug/ khro bo khro mo'i bar mtshams su// gzas pa gang yin chud par bsam// rang re sngags kyis rang re bzlas// rang rang lha tshogs gsal bar bsgom// bsgrub pa chen po bzlas pa ni// dgug par bya ba'i don rnams ni// nan dang hUM phaT bar du ni// dza hUM baM ho gzhug par bya// kun kyang zhal gcig phyag gnyis te// zhabs gnyis kun tu rnam par rgyug/ g.yas pa lcags kyu g.yon pa tho// gang yin 'gugs shing gzir bar byed// hUM dang phaT kyi bar mtshams su// che ge mo ni mar gdags// kun kyang zhal gcig phyag gnyis te// sku smad lcags kyi phur pa la// phyag na phur pa 'dril ba ni// kun kyang mi bzad 'jigs pa'i sku// kun la 'debs shing gzir bar byed// sdug bsngal nyams su myong bar bya'o// de skad ces bka' stsal to// rdo rje 'jigs byed gsang ba'i rgyud las/ sras mchog sngags dang bcas pa'i le'u ste brgyad pa'o// // de nas rdo rje 'dus pa chen po de gzhan gyi sems 'phrog pa zhes bya ba'i ting nge 'dzin la snyoms par zhugs nas ched du brjod pa 'di brjod do// gang zhig gnod par gyur pa ni// sems can kun la gnod pa dang // sangs rgyas bstan pa 'jig byed de// de la drag po'i sbyor ba bya// zhes pas/ gsang ba'i bdag pos zhus
- 16b
pa// rdo rje 'dus pa chen po/ dmigs pa'i rten ni gang la bya// bsgral ba'i thabs ni ji lta bu// zhes zhus pas/ rdo rje 'dus pas bka' stsal pa// dmigs pa'i rten ni ling ga ste// de ni gang dang gang zhe na// bstab pa'i ling kha dag dang ni// bsgral ba'i ling gdag dang gnyis// gnan pa'i ling kha dag dang gsum// de gsum ling ga'i mtshan nyid do// bstab pa'i ling gshog bu la// mtshan ma gang yin ming bris la// dus bzhi dag tu bstan par bya// bsgrub pa dag gi ling kha ni// rgyu drug rkyen drug thabs drug/ ki la ya mtha' brgyad dag gis bya// rgyu ni gang dang gang zhe na// gangs kyi dum bu gnam gyi thigs pa// srub ma'i lo ma sa yi ras// dri chen dri chu rnam gnyis so// khre dang rngu rtse phug ma dang // gdugs sa rjes su bdud chud chu// ming phung sa dang grog mkhar sa// ra thug lug thug bong bu'i chu// chu bdun nges par bstan pa yin// re ba dag gi zlum por gzhug/ sngo dmar dag gis byad du bya// mtshan byang sngags kyi dra bar gzhug/ lcags zag nag pos skye nas gdags// sbyor ba skor tshoms gsum du bya// gnan pa dag ni ling kha ni// gro ga dag dang shin shun la// gzas pa'i ming rnams bri bar bya// sngags kyi dra bar nges par gzhug/ de ni dmigs pa'i ling ga'o// bsgral ba'i thabs ni ji ltar bya// bsnyen bsgrub gnyis
- 17a
ni zin pa dang // sngags kyi thig le brtag pa gces// de ni gang dang zhe na/ bla yi drod tshad rnam gsum la// drag po las kyi bya ba 'di// gsum du nges par bya bar gsungs// dang po dag la rnam bdun te// sngags kyi skor tshom bdun du bzlas// bskal ba'i tshig drug las la bskul// rang gi bskul bdun las dang sbyar// mthun pa'i rdzas ni gcig tu dril// sku gsung thugs kyi sngags kyis gzir// rang re'i lha rnams grogs dang 'brel// bya rog la ni rdo brgya ba bzhin// rang dbang med par bros par bsam// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// sho na mu ka'i dus la bab// bdag nyid chen po'i dus la bab// sa bdag chen mo'i dus la bab// khyed kyi 'phrin las dus la bab// mthu rtsal dbyung ba'i dus la bab// dngos grub par chad byed pa'i bgegs// gdug cing sdang sems byed pa rnams// zung zhig chings shig rnam par chings// rtogs shig grogs dang bral bar gyis// rigs par khug la smrar chu gcig/ phob cig rnam par gzir bar gyis// lus ngag rdul phran bzhin du rlogs// lha yang rung ste bsgral bar bya// sdug bsngal nyams su sbyong bar mdzod// nga yi dbang du gyur nas kyang // bsgo ba'i bka' rnams nyan par gyis// gnyis pa la ni
- 17b
rnam bdun te// bskul ba'i tshig ni bdun du sdeb// rang gi tshig bdun bskul dang sdeb// rang sngags bdun dang dam can gyi snying por sdeb// rang rang mthun pa'i rdzas bdun bsham// gnad la dbab pa'i tshig gis skor tshom bdun du dbab// ting 'dzin rang re bdun du rgyug/ thun gyi cho ga bdun du dgye// gsum pa'i don la rnam brgyad de// drag po sngags kyi skor tshoms mdun du bzlas// rgya shog dag la ser chen babs pa bzhin// bzod glags med par nyal thag gcod// bslus pa'i tshig dang rang tshig bsdeb// drag po sngags kyi sngags rdzas kyis// skor tshoms bdun du brab par bya// gnad la dbab pa'i tshig bdun sdeb// tshig gi pho nya drag po gtang // gzir gnon drag pos rdul du brlag/ rang dbang med par bsgral bar bya// ha sa ya/ ra ha ta na hUM phaT/ shri bi tri a na ya hUM phaT/ a be sha ya a be sha ya hUM phaT/ dza la pa ya dza pa ya hUM phaT/ ta thA ya ta thA ya hUM phaT/ bi ta ya bi ta ya hUM/ oM laM hUM laM staM pa nan/ mo hag+ha ya/ ba ga ba na/ shri kri bi kri shri badz+ra/ hUM ka ra hUM hUM phaT phaT/ badz+ra ki li kI li ya/ ki la ya/ dza hUM baM ho/ sarba big nan badz+ra kI la ya/ hUM ka ra hUM phaT/ hUM ka ra hUM/ a a a/ su ru su ru badz+ra/ mu ru mu ru badz+ra/ ka taM ka te badz+ra/ dza ye bi dza ye badz+ra/ a tsid te badz+ra ma ra san pri mar ta ye hUM phaT/ ma ma pa shi ku ru ma taM nyan/ ka
- 18a
ra i nan da ti ma ma shig krang ka re ya/ bran dang bka' nyan pho nya'i tshogs// khyed kyi dam tshig dus la bab// sngon chad ji bzhin dam bcas pa// mngon spyod 'phrin las myur du mdzod// khyed kyi 'phrin las dus la bab// mthu rtsal dbyung ba'i dus la bab// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// gdug cing sdang sems byed pa yi// lha yang rung ste bdud kyang rung // nga la bar chad byed pa'i bgegs// mthu dang rdzu 'phrul med pa gyis// pa ra big ta na hUM phaT/ tshin d+ha tshin d+ha hUM phaT/ b+hin d+ha b+hin d+ha hUM phaT// gr-i Na gr-i Na hUM phaT/ ha na ha na hUM phaT/ b+han d+ha b+han d+ha hUM phaT/ ha na ha na badz+ra/ da ha da ha badz+ra/ pa tsa pa tsa badz+ra/ ma tha ma tha badz+ra/ dzadz+wa la dza la badz+ra/ sarba a na ya hUM phaT/ ta da ya ta da ya tha hUM phaT/ khrag zor nyung zor dug zor dang // mtshon zor gtor zor drab par bya// 'bu lin ta ra yo/ bdag nyid gsal bar gsum ldan par bya// khrus lung rnam gsum rdzogs par bya// tshe lung gsum dang ldan par bya// byang chub mchog tu sems bskyed cing // dus gsum rgyal ba'i gdung 'tsho ba pa// rigs 'dzin bdag cag rnams la ni// gnod cing gdug
- 18b
pa'i dgra dang bgegs// bdud dang bar du gcod pa rnams// khro bo chen po'i byin brlabs kyis// yud tsam gyi ni 'dir khug la// sdug bsngal nyams su myong bar mdzod// hUM ka ra a a a/ las la rgyu skar khro bopo bdun// dmigs pa'i ling kha'i gnas bdun la// ye shes bdun gyi dgos ched brtag/ bdag nyid khro bo 'dus par bsgom// re re la yang bdun bdun bsgom// gcig la bstab ste kun la 'debs// rdzas kyis phur pa re re la// rang re tshig dang bskul bdun skrag/ rang rang sngags bdun dag gis ni// las sngags bcu gcig gdags par bya// thun dang sgrags la gdags par bya// rten ni rnam pa bdun po la// lam mgo bdun ni bkug nas gu/ ye shes bdun du shar bar bya// drag po sngags kyi smon lam gyis// sngags dang sgrags te brdeg par bya// chos nyid kyi bden pa'o// gsang sngags kyi byin gyis brlabs so// sangs rgyas kyi mthu'o// a bi ra tsar+ya'i dus la bab pa'o// gnag po de kho na la'o// kI li kI la ya nyi shu rtsa gcig/ e gam 'bar ba'i dkyil 'khor du// gzas pa gang yin brdung bar bya// brdungs shig rdo rje 'bar ba'i gtun// bka' las 'das pa'i sdig can rnams// khro mo 'bar ba'i gtun khung du// rdo rje tho bas brdung byas nas// lha yang rung ste bsgral bar bya'o// kha tha ma kha tha ma kha tha ma hUM phaT/ ye shes rdo/
- 19a
rje tho ba yis// gzas pa gang yin brdung bar bya'o// de skad ces gsungs so// rdo rje 'jigs byed gsang ba'i rgyud las/ mngon du bsgral ba'i thabs bstan pa'i le'u ste dgu pa'o// // de nas rdo rje 'dus pa chen po de 'phrin las sbyor ba zhes bya ba'i ting nge 'dzin la snyoms par zhugs nas ched du brjod do// bzlas pa'i drod rtags rnams las// bla yi 'khor ba gsum byung ba// 'di ni shin tu zab pa yin// de nas bsgral ba'i rim pa bya// zhes gsungs so// gsang ba'i bdag pos zhus pa// rdo rje 'dus pa chen po/ de yi don rnams ji ltar bzlas// drag po'i don ni ji ltar bya// zhes gsol pas// de ni 'di ltar bya ba ste// dung gi phur pa dag la ni// rang gi snying po rab grangs la// de nas khro sngags bcu pa bzlas// de nas thams cad 'dus pa bzlas// de nas gong ma'i sngags lnga bzlas// dus la bab drug gi las kyang dgye// gu gul nag po'i dud pa gtang // rang gi lha rnams thams cad kyi// bya rog dag la rdo brgya ba bzhin// rang dbang med par bskrad par bya// kun la de ltar shes par gyis// bya phur dag gi ni/ rang gi snying po mgo nas drang // de bzhinag gzhan dang 'dra shes kyis// rang rang snying po mgo nas drangs// ting 'dzin rdzas dang pho nya gsum// drag po sngags kyi sdebs dang bzhi// kun la de bzhin 'byor par
- 19b
gyis// bar ba la ni bdun yod de// rdzas kyi phung pa bdun nyid do// dang po la ni 'di bzhin te// ha sa dag dang su ru dang // ki li la ya bing bing hUM phaT/ tshig gi pho nya drag po ni// sprul pa chen po'i dus la bab// sho na mu ka'i dus la bab// dngos grub par bcad byed pa'i dgra/ gdug cing sdang sems byed pa rnams// rtogs shing grogs dang bral bar gyis// bran dang bka' nyan pho nya'i tshogs/ khyed kyi dam tshig dus la bab// sngon chad ji bzhin dam bcas pa// mngon spyod 'phrin las myur du mdzod// mthu rtsal dbyung ba'i dus la bab// gu gul nag po'i dud pa dang // gdug pa'i rdzas lang sgrags la brab// thugs kyi sprul pa'i lha tshogs dang // sho na mu ka la sogs kyis// rgyang shog rlung gi ded pa ltar// rang dbang med par 'ongs par bsam// mchod dang bstod pa tshul bzhin bya// gnyis pa dag ni 'di lta ste// shri kri dag dang mu ru ru sgrags// badz+ra kI li kI la ya/ na ma sa man ta bi sho ta be ra be ra hUM phaT/ sprul pa chen po'i dus la bab// bdag nyid chen mo'i dus la bab// zung zhig chings shig rnam par chings// bran dang ces pa brjod// bal tshon sngo dmar dag gis brubs// ling ga dag la bdog par bya// rang gi lha rnams thams cad dang // bdag nyid chen mo 'khor bcas kyis// gang yin de ni byad bcug nas// 'gyur dbang med
- 20a
par 'ong bar bsam// gsum pa'i don ni 'di lta ste// a be sha ya dag dang ni// rkang pa gnyis kyi bar dang ni// badz+ra kI la ya ma ra ya hUM phaT/ sprul pa chen po'i dus la bab// sa bdag chen po'i dus la bab// phob cig rnam par gzir bar gyis// zangs phye dngul phye gser phye// mud ka'i chan dang sbyar pa yis// gang yin de la brab par bya// thugs kyi sprul pa'i lha tshogs dang // rgyal mo bzhi dang bcas pa yi// gang yin de ni gzir ba dang // rang dbang med par 'ong bar bsam// bzhi pa yang ni 'di lta ste// dza la pa ya dag dang ni// a tsit+te a pa ra tsi ta/ badz+ra kI li ki la ya u rtsu sa ma krod+ha hUM phaT/ sprul pa chen po'i dus la bab// sa bdag chen mo'i dus la bab// rings par khug la smar chu gcig/ bran dang zhes pa sngon de bzhin no// 'da' du ra yi rtsa ba dang // ro shob dang sras ma'i me tog dag dang ni// ldum bu dang ni se mo do// de rnams sbyar la brab par bya// gang yin de ni smyo ba dang brgyal ba dang // sdug bsngal nyams su myong gyur nas// rang dbang med par 'ong bar bsam// lnga pa'i don ni 'di lta ste// ta thA ya dang ma ra ya badz+ra kI li kI la ya tshin d+ha tshin d+ha hUM phaT/ sprul pa chen po'i dus la bab/ khyed kyi 'phrin las dus la bab// lus ngag rdul phran bzhin du rlogs// aM gu sha ni dkar nag dang // nyungs kar rgyal po
- 20b
lcags phye brdeg/ lus dang mgo po yan lag kun// bcad gtubs dum bu gyur pa dang // rang dbang med par 'ong bar bsam// drug pa'i don ni 'di lta ste// bi dang ma ma pa shir bsdeb// sarba duSh+TAn mjug la gdags// sprul pa chen po'i dus la bab// lha yang rung ste bsgral bar bya'o// phyag brnyan chen po'i dus la bab// sha sna khrag sna'i tshogs pa yis// gang yin de la brab par bya// rang gi thugs kyi sprul pa dang // ma bdun tshogs rnams thams cad kyis// gzas pa gang yin de rnams la// rims nad sna tshogs gtang gyur nas// gang yin de ni lugs par bsam// bdun pa'i don ni 'di lta ste// oM laM dag dang 'di ti skrag/ oM sarba na sa pa ra ni ra ni ni/ sarba nag ka sa ni ni/ sarba tsin tar ni ni/ kun gyi mjug la gzas pa ming dang aM gu sha ya btags// dam tshig chen po'i dus la bab// dngos grub par chod byed pa'i dgra/ sdug cing sdang sems byed pa rnams// sdug bsngal nyams su myong bar byed// nga'i de bzhin bran dang de bzhin// thugs kyi sprul pa'i lha rnams dang // dam can thams cad 'dus pa yi// drag po'i rdzas rnams kun rdzogs pa// brab cing gzir ba'i las rnams bya// sdug bsngal nyams su myong ba dang // bzod glags med pa nyal thag chod// skad cig yud kyis 'ong bar bsam// de lta bu yis khugs
- 21a
pa'o// gsum pa 'bu lin ta ra ya// 'di yi don la rnam brgyad de// tha ma'i dang po la ni 'di lta ste// oM laM ting la las sngags bcu gsum gdags// nyi shu rtsa gcig grangs dang sbyar// pho nya drag po'i drug yang bsdebs// rdo rje gsang ba'i tshig dang ni// gdug cing sdang sems bsdeb par bya// zor sna bdun gyi las rnams bya// kun kyang gcer bu ral pa can// zhal gcig phyag gnyis phur pa 'dril// smad kyang phur pa'i dbyibs su gnas// gang yin de yi lus ngag la// mtshon cha sna tshogs char du dbab// rgya sho ba la ser chen bab pa bzhin du bzlas// lus ngag yid gsum phye mar gyur// mchod dang bstod pa tshul bzhin bya// gnyis pa yang ni ha sa dang // las sngags bcu gsum skrag par bya// gsum pa yang na shi ba dang // de bzhin du yang bsdeb par bya// bzhi pa ya ni a pa dang ni de bzhin bsdeb// lnga pa dza la dang ni bzhin no// bdun pa bi dang de bzhin bsdeb// bdag nyid shin tu 'dris pa dang // gsal ba rnam gsum tshul ldan nas// khrus lung rnam gsum lung rdzogs bya// tshe lung rnam gsum srog dang ldan// rdzas kyi phur pa bdun gsher la// byin gyis brlab dang byug la sogs// gong ma bzhin du bya ba gces// bskul drug rang gi tshig drug bsdebs// dang po'i tshig dang tha ma gnyis// kun la de
- 21b
bzhin gdags par bya// bskul dang tshig gi mjug tu ni// byang chub mchog tu gdags par bya// rang rang snying po bdun dang ni// las sngags mtshan rnams mthun par sbyar// thugs kyi sprul pa bdun nyid ni// bdag nyid kyi ni cha 'dzin dang // rnam par rgyal dang gshin rje gshed// mi g.yo mgon dang rta mgrin dpal// stobs po che dang khams gsum rgyal// 'di rnams kyi ni las la rgyug/ gnas ni kun gzhi lte ba dang // gsang ba mig dang rna ba dang // spyi bor stab la rkang mthil dbyung // mgrin pa dag dang bdun du gdab// sbyor ba'i las med bdun bya// de skad ces gsungs so// rdo rje 'jigs byed gsang ba'i rgyud las/ las kyi sbyor la bstan pa'i le'u ste bcu pa'o// / rdo rje 'dus pa chen pos bka' stsal pa// gsang ba'i bdag po/ don 'di ni bsgrub pa'i 'phrin las mthar dbyung bar bya ste/ 'phrin las thams cad kyi mjug las kyi dkyil 'khor bzhengs su gsol bar bya'o// bsgrub pa dang bsgrub pa chen po las/ 'di na bsgrub pa chen po yin par bya'o// gsang ba'i bdag pos zhus pa/ rdo rje 'dus pa chen po 'phrin las kyi don ni gang / las kyi dkyil 'khor ni gang // bsgrub pa chen po ni gang lags/ de skad ces zhus pa dang / rdo rje 'dus pa chen pos bka' stsal pa/ gsang ba'i bdag po nyon cig/ 'phrin las kyi don ni rnam pa
- 22a
bzhi ru shes par bya'o// dkyil 'khor ni gsum mam drug tu shes par bya/ bsgrub pa ni gnyis su shes par bya'o// de rnams kyi don ni ji lta bu/ gsang ba'i bdag po bzhi'i dang po ni 'di lta ste/ las kyi dkyil 'khor ni bya ba dang gcig/ rdzas dang yo byad bsags pa dang gnyis/ drag po sngags kyi bya thabs dang gsum/ bskul ba las kyi pho nya dang bzhi/ khrig dang bstan de 'phang dang lnga// de lngas dang po don shes bya// gtan tshigs rgyas par bshad du gsol// dkyil 'khor chen po 'jug la ni// bya ba'i las rnams gong bzhin ni// rang gi dgos su bya ba ni// mthing nag gru gsum zla gam dmar// zlum po e yi mtha' bskor la// rtsang dang thod pa gzhung bzhi dgod// 'phrin las bzhi yi phur bu bzhi// phyogs bzhi dag tu mtshams gcad bya// mchod pa'i rim pa gzhung bzhin gzugs// 'dzab dang ting 'dzin gong bzhin shes// bar mtshams bstod dang mchod pa bya// rang gis ting 'dzin ma yangs bzlas// skabs su dam can gnad la dbab// rdzas dang yo byad gang zhe na// yo byad bsgrub pa'i zhag dang sbyor// drag po'i sngags kyi sngags rdzas dang // rang rang mthun pa'i rdzas gsum dang // thod pa mtshan ldan bzhi'am lnga// dug gi gtor ma cha gsum dang // mud ka'i chan dang sbyar ba yis// til dang dzu tshe phub ma dang // nyungs
- 22b
kar rgyal po dag dang ni// thun gyi rdzas su sbyar ba yi// 'brul gtor ma cha gcig bsham par bya// lcags phye zangs phye rdo phye dang // aM gu sha ni dkar nag bsogs// mda' nag sle nag dag kyang bya// sma shad dag ni bla ma la// bdud kyi khram bam bcu bdun bri// rme dri mo yi thod pa'am// gling brgyad rabs chad mo'i thod pa ru/ khrag sna nyi shu rtsa gcig pa sogs// ma mo dag gi khrag gi zor ro// spa'am smyug ma dag la ni// dur bya sgro yis bskyon nas su// bud shing skyer pa'i mde'u gzhug/ sgro mtsham bug pa nyi shu gcig/ las sngags rdzas dang tshang bar gzhug/ de ni ming gi mda' zor ro// dang po bdag nyid snying po bzlas// de nas khro bcu snying po bzlas// bar du rang rang bskul rnams btang // de nas ma mo 'dus pa dang // dam can sil bu'i sngags rnams bzlas// de ni rdzas kyis thod pa la// stong stong thon nas sngags kyis brab// rang gi bskul ni skabs su gzhug/ ma mo'i rims nad sna tshogs kyis// gzas pa gang yin de la ni// nad rims sna tshogs btang bar bsam// de nas bdud kyi khram bam la// zab mo'i sngags bdun rim bzhin bzlas// skabs skabs rang gi bskul dang ni// thun gyis sngags dag skrag la brdeg/ gzas pa gang yin de nyid la// bdud kyi khram la thebs par bsam// de nas gyi gi mda' nyid la// las
- 23a
sngags nyi shu rtsa gcig bzlas par bya// tshar re thon cing rang gi bskul re dang // bzlas nyungs re sbags te gzhug par bya// gzas pa gang yin de nyid la// skar mda' lam du gzhug pa bzhin// rang dbang med par thal phyung nas// bzod glags med par dmyal zag gcod// bskul ni dus la bab drug dang // mchod drug dag tu sgrags la gtang // ting 'dzin sngags dang pho nya gsum// kun la btags par shes par gyis// rang re'i thun sngags zin pa dang // bskul drug mchod dang gdags par bya// gang zin de ni las la 'gro la ma reg par// kun kyang chas pa'i mdog tu snang // khrigs ni srid pa'i mar ngo yi// khyab 'jug rgyu ba'i dus su bya// bdag nyid chas gos nag por bya// ting 'dzin gdeng dang ldan par bya// gying po gsum gyi zor sna gsum// rang rang lag tu khyer nas ni// rang rang sngags ni rang rang bzlas// rang rang bskul kyang rang rang gtang // gu ru dag gi phyag tu ni// drag po'i sngags rdzas kun khyer la// mgo 'jug sngags rnams ma nor bar// bzlas shing ting 'dzin gsar bar bya// kun dga'i ting 'dzin nga rgyal bskyed// bzlas pa gang yin phyogs su ni// nye'am ring ba'i phyogs brtags la// bskul dang pho nya drag tu gtang // khrigs dang sgrags la gdags par bya// zor lam dag kyang 'di ltar
- 23b
bstan// steng gi lha la mi zor ro// 'og gi klu la mi zor ro// bar snang lha bran mi zor ro// 'di ni sdang ba'i dgral zor// 'di ni gnod pa'i bgegs la zor// ces pa dang / rdo rje gsang ba'i dang / sngags mgo 'jug ma nor par bzlas shing / de nas khrag zor dang khram zor rim pa bzhin du brdeg/ gang yin rdul du brlag par bya// tshangs pa'i tshe dang ldan pa yang zhag nyi shu rtsa gcig dag gis rlag par byed/ nor cing log na rang la ldog pa'i nyen yod do// de skad ces gsungs pa dang / 'khor rnams thams cad brgyal bar gyur// rdo rje 'jigs byed gsang ba'i rgyud las/ drag po'i zor bstan pa'i le'u ste bcu gcig pa'o// / de nas yang rdo rje 'dus pa chen pos bka' stsal pa/ gsang ba ba'i bdag po/ 'di ni las ngan pa'i sdig can gang gis kyang 'dul ba'i dus la ma bab pa legs pa'i don ni gang yang med pa/ rnam par 'tshe ba'i las ni sna tshogs byed pa/ bstan pa 'jig pa'i log sde pa/ dkar ba'i sems ni gtan brlag pa/ thugs rje gang gis kyang 'dul bar ma gyur pa/ sngon gyi dus su dge slong thar pa nag po dang 'dra ba'i sems can des gzhan la gnod pa'i las sna tshogs byed pa de bsgral cing mnan pa'i phyir/ drag po las kyi 'khor lo 'di bshad par bya'o// gsang ba'i bdag pos zhus pa/ dus kyis mnar ba'i sdig can
- 24a
'di// las kyi mtha' ni gang du gtad// 'khrul 'khor las 'di ji ltar bya// drag po'i rdzas rnams ji ltar gsog/ ces zhus pa dang / rdo rje 'dus pa chen pos bka' stsal pa/ gzugs brnyan maN+Dal mngon bzhengs la// bya ba'i las rnams rdzogs par bya// rme dri mo yi thod pa la// sdig pa nag po'i gzugs su bya// rabs tshad mon gyi thod pa la// sbal pa nag po'i gzugs kyang bri// drag po'i 'khor lo rtsibs brgyad pa// cha gnyis su ni bri bar bya// rtsibs brgyad 'khor lo gong ma la// oM ni dbus kyi dang la bzhag/ gzas pa'i ming byang bar du gzhug/ yab yum zhal ni sprad pa'am// 'bru brgyad dag gi 'khor lo brgyad// rdo rje dag ni shar du ste// 'di 'am ru ni lho ru'o// 'og ma dag ni nub tu ste// mdzes pa dag ni byang du'o// sna tshogs lnga pa shar lho'o// 'bigs pa dag ni lho nub bo// 'gugs pa dag ni byang ba tu// gnan pa dag ni byang shar ro// yon tan ldan pa lte ba la// drag po'i ming spel rtsibs la bskyon// mo yi sngags kyang 'og tu ste// bde gshegs ldan pa lte ba la// ri rab dag ni shar du'o// thugs ni ri rab lho ru'o// gnyis med dag ni nub byang la/ khro mo rnams ni byang du'o// bcom ldan 'das ni shar lho la// shes rab dag ni lho nub bo// thabs dang ldan pa byang nub yin// gnyis su med pa byang shar ro// khro
- 24b
po 'dus pa'i rtsibs la bskyon// gzas pa'i ming byang bar du gzhug/ oM badz+ra kI li kI la ya/ sarba big nan bai nri ma ra ya hUM phaT/ oM laM hUM laM stam pa nan mo hag+ha ya b+ha ga ban/ shri kri bi kri/ shri badz+ra/ hUM ka ra hUM hUM phaT phaT/ ma ra ya staM ba nan/ e gaM 'bar ba'i dkyil 'khor ram// nyi shu rtsa gcig khyams byas nas/ gong gi phur pa tshul bzhin dgod// gnan na phur pa brgya ni rtsa brgyad ni// 'byung ba bzhi la btab pa'i phyir// sor bzhi pa yi tshad du bya// ming byang brgya ni rtsa brgyad dang // bar khyams dag la dgod par bya// e gam yin na gra ru bzhag/ gzas pa'i ming byang dag la ni// zab mo sngags kyi 'khor lo dgod// sa dag ni rna ba la// shi pa dag ni yan lag la// dza la dag ni kha la'o// ta pa dag ni mig la bya// a pa dag ni lte ba la// bid da dag ni 'phongs su'o// a a a dag ni snying la'o// ha sa ya ra ha ta na hUM phaT// shri kri bi kri a na ya hUM phaT/ a be sha ya a be sha ya hUM phaT/ dza la pa ya dza la ba ya hUM phaT/ ta tha ya ta tha ya hUM phaT/ bid ta ya bid ta ya hUM phaT/ hUM ka ra a a a/ mdzo dang tol gyi thod pa ru// phag pa phra bo khyi nag dang // tsi tsi dza la'i thod pa dang // thod sna tshang bar bsog par bya// lcags phye zangs phye nyungs kar rgyal// dur dag gi sol ba dang // aM gu sha ni dkar nag dang // dug rdzas rnam pa sna tshogs dang // dar
- 25a
dang mtshal dang gu gul dang // klu sman rnam pa sna tshogs dang // bal tshon brub dang sngon dmar byed// lcags thags rim pa sum rim dang // re nag gos nag dag dag ni// til dang rngu tshe phug ma dang / khre dang mon sran mun ka'i chan// 'bras dang gro dang nas la sogs// 'bru sna rnam pa sna tshogs bsog/ gser dang spug dang a ma gar ba sogs// rin po che ni sna tshogs gsog/ de la sogs pa mthun pa'i// rdzas rnam pa sna tshogs bsags// rdzas rnams kun ni tshogs pa dang / bsgrub pa'i rim pa tshul bzhin bya// kun gyi 'phrin las kyi kha tshar rdzogs par bya// bsnyen pa'i man ngag zin par bya// de nas 'gug pa'i brtul zhugs bskyed// de nas bsgrub pa'i bsnyen pa bzlas// de nas 'khor lo'i sngags rnams bzlas// bar bar dza hUM baM ho dgug gzhug bya// phral dang gzir dang byad du gzhug/ rang dbang med par 'ong bar bya// stong stong thon mchod bstod tshul bzhin bya// de nas sngags bdun sde bdun dag dang ni// sbags te ma 'gugs bar du bzlas// bskul dang gnad la dbab pa dang // skabs dag tu ni bya bar shis// zab mo'i sngags ni rkyang pa la// tista tsakra btags pa ni// sgrol ba dag tu shis par bshad// mchod dang bstod pa gong bzhin no// skabs skabs rdzas dang tshig tu sgrags te brab// a sho dag la me chen
- 25b
shor ba bzhin// rang dbang med par 'tshig par bsam// pha rol phyin la sogs pa yi// sngags ni nyi shu rtsa gcig gi/ rnal 'byor pa yi bzlas pa yis// thams cad gcer bu ral pa can// stod ni zhal gcig phyag gnyis la// smad ni phur pa'i rang bzhin la// brgya ni rtsa brgyad dag tu shar// mgar gyi tsha tshas btab pa bzhin// gcig la btab pas kun la thebs// sdug bsngal nyams su myong bar bgyis// nyi shu rtsa re tshangs pa dang // dus drug gi ni dgug gzhug bya// gnad la dbab dang skur ba yis// drag po rdzas sgrags te brab par bya// shin tur dang gzas pa gsal ba yis// sdug bsngal nyams su myong ba yis// rang dbang med par brlag pa yis// ma brlag bar du bskur cing bzlas// de ltar drod rtags byung ba dang // las kyi sbyor ba rim par bya// rdzas dang lag cha kun khyer la// spyi'am yang na re re 'gras// spyi la dur khrod gling dag tu// gnan pa'i kha tshang tshang bar bya// g.yas ri nag po'i lcags thags la// dur khrod dag gi sol ba yis// rgya gram dag gi tshul bzhin bri// rgya gram za ma nri yis bskor// cha gnyis tshul du bsog par bya// 'og ma dag ni 'og tu gding // de yi steng du 'di ltar bya// dus la bab pa'i tshig tsho dang // bskul dang sngags su sbags pa ni// gzir ba ri rab gsum gyis gzir// brgya rtsa brgyad kyi gab
- 26a
gzung bya// dgra bos nyes pa'i bgrang lung bya// rang nyid shin tu gsal bsgom la// gzas pa'i ming byung de nyid la// dngos su bsgral ba'i 'phrin las bya// gnas ni nyi shu rtsa gcig tu// drug tshe bcu bdun rkyang ba bzhi// brgya rtsa brgyad kyis gdab par bya'o// sngags ni gong gi las sngags tsho yis gdab// gdab pa'i kha tshar zin pa dang // thun gyi las rnams rdzogs par bya// da ni gtad pa'i las bya ste// bdag nyid dpa' bo'i las ldan pas// phur pa'i ling gar bcas pa ni// 'khor lo dag gi dbus su gzhug/ dri yi thod pa 'og tu bca'// gshed kyi thod pa steng na'o// sbal pa sdig pa steng 'og go/ sbrul gyi chu 'khor dag gis bcing // mdze'am tol gyi thod pa dag/ g.yas kyi phyogs su gzhug par bya// phag pa khra bo'i thod pa dag/ g.yon phyogs su ni gzhug par bya/ khyi nag dag gi thod pa dang // rta nag dred kyi thod pa ni// shar nub gnyis su gzhug par bya// dur khrod re bas thum po bya// bdag nyid kun ma rar gsal nas// gnod sbyin rgyal po lag tu gtad// ha pa dag gis gtad par bya// des ni ma mo 'khor lo rnams// ma nor tshul du gtad par bya// ma mo 'dus pa'i man ngag rnams// de ni bdud kyi lag tu gtad// ha ba dag gi man ngag sbyin// gtad do ma gtang sho ra re// thams cad 'dus pa'i man ngag
- 26b
gis// ri bo chen po'i 'og tu gzir// kun kyang mi shor lcags zag gis// rang dbang med par bcing bar bya// rgya gram gcig gis gong nas mnan// karma 'dus pa'i 'phrin las gdab// de nas bdag nyid dkyil 'khor dgod// shin tu brjod pa'i nga rgyal bya// 'phrin las rnam bzhi'i bros kyang brdung // de lta bu yi tshul rig na// thams cad ma lus phung bar byed// snyam pa nan zhes ri rab gzir// bzlas brjod ma nyams tshul byas dang // 'phrin las tshul bzhin byas pas ni// rtsa rgyud kun kyang brlag par 'gyur// de nas gsang ba'i bdag po des// rdo rje 'dus pa chen la zhus// rang rang bsgos su 'gras pa la// bya ba'i thabs ni ji lta bu// ston pa'i ston pas bshad du gsol// gsang ba ba'i bdag po nyon cig/ 'di yi don ni 'di lta ste// btad thabs bzhi ru shes par gyis// srog la byed na dmu bdud tsan la'o// rims nad gtong na ma mo la'o// zhwa grum byed na sa bdag la'o// mdze rnams gtong na klu rnams so// gang la byed par gyur pa la// bya ba'i rim pa de bzhin no// mthun pa'i rdzas ni rang rang gi/ gang yin de ni bsag par bya// srog gi rdzas ni gang byed pa// snying sna rnam pa sna tshogs dang // drag po'i rdzas rnams kun dang ni// ling ga 'khor lo sgrags pa yis// khyu ba nag po'i rwa ni g.yon pa dag tu bya// bdud la gtod par
- 27a
gyur pa na// brag ni nag po'i rtsa shed dam// grog po phug rdugs dag tu gnan// de ni glang thabs dag gis 'chi bar 'gyur// btsan po dag la gtod 'gyur na// glang dmar dag gi ra g.yas la// bya ba'i rim pa de bzhin no// gnan pa brag dmar btsan skyar 'dug pa la// chu ni tsag tsog dag kyang yod// de yi 'gram logs gnan par bya// mdzes pa'i nga rgyal tshul bzhin bya// gzer ba dag gis 'chi bar 'gyur// ma mo dag la byed 'gyur na// thod pa mtshan ngan bzhi bshams la// sme dri mo yi thod pa ru// nal phrug sha khrag tshogs pa la// lha mo nag mo'i thun yig bya// rabs chad nag po'i thod pa ru// sha sna khrag sna tshogs pa la// mched bzhi bdag gis thun yig bya/ khyi'am sbrang khu'i thod pa ru// shasna kun ni tshogs pa la// shon na ka'i thun yig bya// dur khrod dag gi thod pa ru// sha tshil khrag rnams tshogs pa la// bse yi lha mo'i thun yig bya// rang rang 'dzab ni rdzogs pa dang // bskul dang mchod pa tshul bzhin bya// rtags ni drod la phebs pa la// sme dri mo yi thod pa ru// gong gi rdzas rnams gcig tu gsog/ mtshan ma'i gzugs dang sgrags la ni// dur khrod ma mo bzhi rnams byas// snying khar mtshan ma'i ming byang ni// gzhug par bya ba'i rim po ni// nub brag dag tu gru gsum brus nas ni// bya nag dang gi sgo nga dang // smug
- 27b
dang dkar dang gro dang bzhi// de bzhi sgo nga bzhi nang du// mtshan ma'i ling kha gzhug par bya// lha khang lder so dag gam ni// gzugs brnyan yod pa'i 'og tu gzhug/ bdag nyid kyis ni bsgo ba yis// ma mo rnams kyang lag tu gtad// ma mo de rnams kyis ni// gnod sbyin rnams kyi lag tu gtad// gnod sbyin rgyal po chen po yis// sa bdag phag gi lag tu gtad// des ni klu rgyal mchog la gtad// des ni mtsho sman dbu dgu ma'i lag tu gtad// des ni e ka dza ti gsang ba'i yum la gtad// byang chub mchog dang ma ldan na// nams kyang thar pa'i khar mi dbyung // nad ni rims nad sna tshogs dang // gzir ba pho log dag gis 'chi// lo dus dag tu 'byung bar 'gyur// sa bdag klu la gtad pa ni// bya ba'i rim pa gong bzhin no// 'khrul 'khor las kyi 'khor lo brtsam// sbrul gyi 'khor lo mgo brgyad la// mtshan ma'i ming byang dbus su gzhug/ sngags kyi them yig gong bzhin bzlas// de nas klu yi mchod pa bya// dgug gzhug bya zhing gzugs la bstim// sbal pa nag po'i gzugs bris la// khong ba dag tu mtshan ma gzhug/ sdig pa nag po'i gzugs bris la// rwa phrag dag tu mtshan ma gzhug/ sa bdag dag gi dgug gzhug la// mchod dang bstod pa tshul bzhin bya// rang gi 'phrin las tshul bzhin bya// klu dang sa bdag bcol bskul
- 28a
bya// a be sha yis gzugs la bstim// ha pa dag ni dbang du bsdu// shi ba bzlas shing sngon dmar gyis// sbrul gyis chun 'khor dag tu bcing // gdab pa'i phur pa gong bzhin du// las kyi rim pa rdzogs par bya// bdag nyid ku ma ra ru bsgom// zhal gcig phyag ni gnyis pa la// rin chen gshog pa dag la ni// klu rnams thams cad zil gyis gnon// phyag gnyis sbrul gyi zhags pa 'dzin// shin tu 'dris par gsal bar bya// sa bdag klu rnams dbang du bsdu// a ba yang yang bzlas shing bsdu// klu yi mchod pa skabs su gzhug/ a pa'i zhabs la na ga gdags/ khri tsho gcig tu bskyal bar bya// las la sbyor ba'i la khar ni// glang bu dmar po'i rwa nang du// sgra tshil tshas dang ldan par gzhug/ gong gi ling kha dbus su gzhug/ la cha thigs pa'i kha yang bcad// shing bu rkang gcig drung du gnan// bya ba'i rim pa gong bzhin no// gru gsum khru gang 'thur du brus la ni// sa bdag chen po'i lag tu gtad// rgya gram 'phrin las bro yis brdung // rang gi rjes rnams khrag gis bcad// rag ta'i thig le gsum du bya// gting la phur pa khro bor gdab// rA ya 'gram du khro 'dus btab// nyal dang langs pa'i dus tshod btab// sgo dang phug ni ngo shes bya// 'jigs pa med pa'i sems kyi gnan// de ltar byas pa rdzogs pa na// lo dus dag
- 28b
ru nad kyis gzir// 'chi bar 'gyur te the tshom med// rdo rje 'jigs byes gsang ba'i rgyud las/ gnan gzir gyi las kyi le'u ste bcu gnyis pa'o// / rdo rje 'dus pa chen pos bka' stsal pa/ gsang ba pa'i bdag po bsgrub pa'i don ni 'di ltar shes par gyis shig/ sngon du bya ba'i las dang ni// bsgrub pa'i kha tshar dang bskyed pa'i rim pa bya ba dang // rang bzhin grub pa'i gnas nas spyan drangs bstim// mchod pa'i kha tshar rdzogs par bya// bsgrub pa chen po'i las rnams bya// dbang dang dngos grub rim pa bya// drag po hom gyi mtha' brtul bya// lta ba'i mtha' brtul rdzogs par byed// ces gsungs pas/ gsang ba'i bdag po la sogs pa rnams yi rang bar gyur to// de nas gsang ba'i bdag pos zhus pa/ rdo rje 'dus pa chen po/ gsang sngags kyi sngon du 'gro ba'i rim pa ni gang lags/ de skad ces zhus pa dang / rdo rje 'dus pa chen pos bka' stsal pa/ gsang ba'i bdag po de ni 'di ltar shes par gyis shig/ dam tshig ma dag pa rnams dag par bya ba'i phyir mdo gsum du bklag par bya/ zhi dang rgyas dang dbang dang drag/ 'phrin las bzhi yis sku gdung gdab// bgegs rnams zhi dang brlag pa dang // ma dag pa rnams dag pa'i phyir// rdo rje khrus kyi mdo dag gdon// yongs kyi sgrib pa dag pa'i phyir// yan lag bdun pa tshul bzhin
- 29a
bya// bsgrub pa po la stong grogs bya ba'i phyir// mgon po rnams la mchod sbyin gtor ma sbyin// 'gro drug sems can tshim bya'i phyir// mchod sbyin gtor ma gnyis pa sbyin// bgegs rnams thams cad bskrad pa dang // gzas pa'i gshed dang dpral ba'i phyir// mchod sbyin tha ma bsngo bar bya// rgyal chen bzhi'am phyogs skyong bcu rnams la// gtor ma bzhi'am bcu bzhi dag ni byin brlabs pa// mchod rten bzhi'am bcu bzhi dag kyang brtsig/ rang rang ming dag gnod pa'i 'byung po rnams// mjug la btags shing 'phrin las bcol// e gam re la phur pa bzhi 'am bcu bzhi dag/ rang rang sngags kyis byin gyis brlabs la gzugs// de nas 'phrin las bcol la dbang yang gzugs// phyi mtshams rim pa de bzhin bya// thod pa gling brgyan mtshan ma la// dam sri ma ra ya bris la gnan// bdud rtsi kun da li bsgoms pa'i phur pas gdab// las kyi gshed bzhi gzhom pa'i phyir// 'phrin las bzhi yis mnan te bcad pa'i las bya'o// seng ldeng skyer ba dag la byas pa yis// rdzas kyi phur pa bcu la ni// byug dang bdug pa tshul bzhin bya// ye shes lnga yi rgyan bya'i phyir// mthing kha dar gyi cod pan gdags// phyogs skyong bcu ni gnan pa'i phyir// phyogs bzhi mtshams brgyad steng 'og tu// rang rang sngags kyis bskyed sgom nas// phyogs
- 29b
/ phyogs dag tu gdab par bya// mi re bskal pa'i 'dab 'byor du// raM gyis thams cad bsregs par bya// de ni mtshams kyi 'phrin las so// maN+Dal 'dom gang gru bzhir rtsig/ rdzas dur khrod dag las ni// 'jim pa shin tu 'thag par bya// dur khrod khrag gis skyang nul bya// sku gsung thugs dang ldan bya'i phyir// dngos gzhi gsum gyis chag chag gdab// ye shes lnga dang ldan bya'i phyir// rin chen lnga yis skyang nul bya// srab 'thug tshad ni glang ko tsam du bya// bcu drug lon pa'i gzugs ma yis// bkal byas tshon skud rnam lnga la// sku gsung thugs dang yon tan las// rnam lngar byin gyis brlabs pa yi// gsang ba'i thig ni mkha' la gdags// tshon skud gsar las byas pa yi// dam tshig dag gi thig rnams gdab// dri za gshin rje klu rnams dang // gnod sbyin dag gi phyogs rnams// tshang thig zur thig gdab par bya// rlung lha dbang ldan me lha dang // srin mo dang ni chu lha dang // phyogs dang zur thig gdab par bya// cha ni rnam pa bzhir bya ste// bya rog rjes gnyis dor bar bya// de nas thig cha bzhi ru gdab// cha brgyad dag tu gyur pa la// nang gi phyogs su bsgo bar bya// shar nas tshang thig lho ru gdab// lho nas nub tu nub nas byang // byang nas shar du gdab// lho shar nas lho nub tu// lho nub nas ni nub byang du// byang nub nas
- 30a
ni nub byang shar du// de nas shar lho mtshams su gdab// de ni bcu drug e yi rang bzhin no// thig rkang gnyis gnyis kun la gdab// che chung re re'i bar mtshams bzhag/ mu khyud zlum po bskor ba yis// nyi shu bar ni shes par bya// zla gam dmar po e dang bcas// rtsa gcig pa yi tshul du bri// mthing nag gru gsum rang bzhin yum gyi dbyings// zangs lam dmar po rdo rje ra bar bcas// zla gam dmar po dbang gi tshul// dkar po'i zlum po zhi ba'i ngang // phyi rim thod pa tshar gsum dur khrod gzhal yas khang du ldan par bya// de'i phyi rim sgo khyud rta babs bcas par bya// nyi shu rtsa gcig shes rab yum gyi rang bzhin te// drag po'i phur pa nyi shu gcig/ gzas pa'i ming dang rus su bca'// nyi shu rtsa gcig bdun tsho gsum// zla gam dmar po gsum la dgod// de ni bya ba'i rim pa'o// rdo rje 'jigs byed gsang ba'i rgyud las/ sngon du bya ba'i rim pa bstan pa'i le'u ste bcu gsum pa'o// // de nas gsang ba'i bdag po des zhus pa/ bsgrub pa las kyi kha tshar ni ji ltar bya bar 'gyur/ tshul gang ltar bya/ rdo rje 'dus pa chen pos bka' stsal pa/ drag po'i gzugs brnyan mngon bzhengs nas// phur pa las kyi kha tshar bya// bdag nyid ku ma ra bsgom la// phur pa gzhal yas khang dmigs la// bkra shis mtshan ldan thod pa rnam
- 30b
gsum du// hUM dang laM dang e bkod la// yum gyi mkha' ru dmigs pa bya// 'og min chos kyi dbyings nyid las// skye med dbyings nas 'bar ba'i skur bstan pa// bzhengs shig bzhengs shig chos kyi dbyings nas bzhengs// chos nyid nam mkha' lta bu la// bzhengs dang ma bzhengs ye nas med// zhen pa dran phyir sku ru sbrul// nam mkha' dbyings kyi mtha' yas pa// dkyil 'khor gsum gyi ngo bo sbrul// stong gsum 'jig rten rab 'byam nas// rig pa rtsal gyi khyad par las// skar mda' lam du zhugs pa bzhin// rang dbang med par byon par bsam// ting 'dzin yid kyis phyag 'tshal nas// rang rang sngags kyis bstim par bya// rang la rang nyid gnyis su med// byin brlab brgyad dang byug dug gsum// ye shes lnga'i dbang dang bcu gnyis// las kyi kha tshar bya/ bskul ba'i tshig gis rab bskul la// maN+Dal la e la dgod par bya// bstod pa dag gis rab bskul la// sras kyi phur pa dgod par bya// de ni phur pa'i rim pa'o// mchod pa phyi nang gsang ba gsum// rim pa bzhin du dgram par bya// bdag nyid las kyi lhar bsgoms la// rigs lnga sras mchog lnga yis ni// brgya byin dri za gshin rje srin po chu lha dang // rlung lha gnod sbyin dbang ldan dang // nyon mongs sa bdag la sogs pa// rang rang sngags ni bzlas byas pas// kun kyang
- 31a
brgyal nas gzir bar bsam// 'byung po phal dag smos ci dgos// rang dbang med par brlag par bsam// rdo rje gur gyis bskor bar bsgom// dkyil 'khor lha dang dam can tshogs// rnal 'byor pho mo tshogs pa rnams// des sgrib ma dag de dag bya// zla dang zhal la nyams pa rnams// dag par bya phyir bshags byang bya// dpal chen mkha' 'gro gsang ba yi// snod min gsang ba'i sgo bcad de// bdag nyid sngags pa tshul ldan gyis// brda dang sngags kyis sgo dbye'o// bdud dang rnal 'byor cha dbye'i phyir// dur khrod rtags kyis gdab par bya// byin brlabs nus mthu ldan gyur pas// byin gyis brlabs pa tshul bzhin bya// rigs lnga byin gyis brlabs pa'i phyir// bdag dang dkyil 'khor rdzas rnams gsum// lha nyid du ni brlab par bya// bdag nyid lung srog ldan pa'i phyir// phyin chad mi nyams dam bca' 'o// dkyil 'khor mkha' 'gro dam can tshogs// rdzas dang ting 'dzin gzugs kyis ni// thugs dam bskang ba'i las rnams bya// dam can bsten pa'i bsten rdzas dang // sgrub pa'i rdzas dang mchod pa'i rdzas// drag po sngags kyi sngags rdzas dang // drag po sngags kyi chas gos gsum// tshang bar bsogs na nus mthu ldan// gsang ba pa'i bdag po de ni mngon du bya ba'i kha tshar ro// rdo rje 'jigs byed gsang
- 31b
ba'i rgyud las// las kyi kha tshar gyi le'u ste bcu bzhi pa'o// // de nas yang gsang ba'i bdag pos zhus pa/ rdo rje 'dus pa chen po/ rnal 'byor bskyed pa'i rim pa ji ltar bya/ thabs ni ji lta bu zhes zhus pas/ rdo rje 'dus pas gsungs pa/ sngon du bya ba'i las rdzogs nas// bskyed pa'i rim pa 'di ltar bya// rdo rje rang bzhin 'dus ma byas// stong pa nyid kyi ye shes te// rnam par mi rtog rtog las 'das// dang po'i don du bsgom par bya// chos kyi sku yi don rtags so// chos nyid ngang gis khro// thugs rje shugs kyi khro// mtshan ma khro bor bcas dang bcos// tshol ga gnyis pa'i don gsal ba// rang bzhin ma bcos ngang gis gsol// longs spyod rdzogs pa'i sku rtags ldan// zhe sdang gi rang bzhin gyis zhe sdang gis zhe sdang gcod pa ste/ don gyi hUM dang rig pa'o hUM// hUM gnyis su ni shes par bya// don gyi hUM ni chos nyid do// rtags ni sems nyid hUM du shar// tshol ba gnyis pa sbrul sku'o// srog ni mi 'gyur ye shes te// 'di ni thams cad gcod dang ldan/ go rgyu rim pa rim par shar// chos nyid stong pa'i bsregs sbyangs las// dbang chen rim pa rim par shar// sna tshogs b+h+rUM las gzhal yas khang // rim pa bzhin du bskyed par bya// b+h+rUM/ rig pa rtsal gyi khyad par las// phyogs skyong gdan rnams rang bzhin shar// thabs dang shes rab nyi zla la// ma
- 32a
chags pad+ma'i gdan du shar// sangs rgyas pa yi e la gnas// rig pa'i ye shes mtshon pa'i phyir// rtsa ba'i rnal par shes pa nyid// hUM nyid las ni ku ma ra// mtshan ma'i rtog pa ma spangs dag/ chos kyi sku dang ldan pa'i rtags// g.yas kyi zhal mdog dkar ba yin// sprul pa'i sku dang ldan pa'i rtags// g.yon gyi zhal mdog dmar ba yin// longs spyod rdzogs pa'i sku dang ldan pa'i rtags// dbus kyi zhal mdog mthing kha ni// rnam thar sgo gsum dbu sgra kham nag gyen du 'bar// spyan dgu ye shes dgu dang ldan// shangs drug stong pa drug dang ldan// snyan drug pha rol phyin pa drug dang ldan// zhal gsum ljags dang bcas pa ni// sprul pa'i sku gsum rnam par sgrogs// phyag drug thabs kyi spyod pa drug/ zhabs bzhi 'phrin las bzhi yi tshul// nyon mongs ma spangs dur khrod chas brgyad ldan// dug gsum ma spangs sku gsung thugs ldan phyir// thod pa tshar gsum se ral kha ru bcing // me ri me dpung kun las gtams// don dam ma spangs lhun gyis grub pa'i phyir// ye shes sems dpa' snying la nges par gnas// skye med nam mkha'i chos kyi dbyings nyid las// rig pa ma 'gags 'khor lo rgyas 'debs gsal// stip+ta tsakra ha na ha na hUM phaT/ zhal gcig phyag gnyis sku mdog mthing // thabs dang
- 32b
shes rab phyag mtshan bsnams// zhen chags 'dul phyir zhal spyod bzhugs// sa ma ya snyom/ rig pa'i rtsal gyi khyad par gyis// ye shes sku gsung thugs dmigs las// gnyis med ngang gis phyag dang mchod pa tshul bzhin bya// bdag nyid la ni dbang dang byin brlabs bskur bar bsam// rig pa stobs su gyur pa dang // phyogs bcu khro bo bskyed par bya// yab yum rol ba'i dus nyid las// mkha' la dkyil 'khor gsal bsgom la// rang rang rtsa ba'i sngags brjod pas// mngal nas skyes pa'i tshul dang sbyar// 'phen pa'i las sngags dag gis ni// sprul pa lcam dral tshul dang sbyar// rgyan dang cha lugs yab de bzhin// phyag mtshan rnams ni 'gyur bar nges// yum rnams kun de yab de bzhin// sprul pa rnams ni phyag gnyis te// phyag dang zhabs ni 'gyur bar nges// rang rang phyogs phyogs gdan la bzhugs// thugs la 'bar ba'i / srog dang bcas// bsnyen bsgrub gnyis la ye shes lnga yis brgyan// dus kyis mnar ba'i dgra bgegs gdug pa 'dul ba'i phyir// rang g.yas ni gsad cing mnan pa ma yin te// rtog pa ma spangs lha yi dkyil khor bsgom byas la// gcig la lha rnams kun kyang tshang bar bsgom// srog gsum ldan pa'i man ngag tshul bzhin bya// bdag nyid kyi ni thugs ka nas// e ni nyi shu rtsa gcig ste// ting 'dzin dus su bar snang
- 33a
la// kun kyang yab kyi cha 'dzin pa// bsnyen bsgrub rnam gsum rim pa la// skabs skabs sbyar zhing bsgom par bya// sprul pa spu yi rtags 'dzin no// rdo rje 'dus pa chen pos de skad ces gsungs pas/ gsang ba'i bdag po la sogs pa thams cad bskyed pa'i rim pa dang ldan par gyur to// rdo rje 'jigs byed gsang ba'i rgyus las/ ting nge 'dzin bsgom pa'i rim pa bstan pa'i le'u ste bco lnga pa'o// // de nas gsang ba'i bdag pos zhus pa/ spyan drang mchod pa'i don ni gang // tshul dang rig pa ji ltar bya// zhes gsol ba dang // rdo rje 'dus pa chen pos bka' stsal pa// gsang ba ba'i bdag po nyon cig/ don dam ngang la byon dang ma byon ye nas gnyis su med// mchod dang mchod bya gang yang med// gdul bya rnams kyi don du ni// 'jig rten pa dang tshul bstun phyir// spyan drang mchod pa'i rim pa yod// chos nyid mnyam pa'i ngang nyid la// ting nge 'dzin gyi bye brag gis// rang gi ting 'dzin rtsal gyur phyir// snyan gsan dbab dang spyan drang dgos// mi dmigs stong ba'i ngang nyid las// bskul dang bcas su bcas pa yis// chos kyi sku las gzugs skur bzhengs// rgyan dang cha lugs longs spyod rdzogs// rang bzhin dkyil 'khor rnam gsum shar// nam mkha' dag la skar chen shar ba bzhin// ma skyes pa las cho 'phrul
- 33b
shar// badz+ra sa man dza/ gang nas spyan drang gang du bya// gang zhig spyan drang gang la dmigs// drangs pa'i dgongs chen gang dag bya// drang ba'i thabs ni bskul dang sngags// rig pa'i cho 'phrul chen po yis// 'og min chen po'i gnas dag nas// ting 'dzin gzugs brnyan dkyil 'khor du// bdag nyid la sogs dkyil 'khor gsum// ting 'dzin sbyang dang byin brlab bsdu// dbang dang dngos grub blang phyir ro// e h+ya hi b+ha ga ba na ma hA ka ru Ni ka hUM/ dza hUM baM ho/ phyag rgya bzhi yis dgug gzhug bya// bar snang nam mkha' dag la dmigs// dkyil 'khor gsum la phyag btsal bas// gnyis su med par mjal bar bsam// sku gsung thugs yon tan las// rang rang gnas su gnyis med thim// dkyil 'khor rnam gsum lag gnas pas// 'pho 'gyur med par gsal bar bsgom// ye shes lnga yis rang dbang bskur// sku gsung thugs dang ye nas ldan// spyan drangs pa yi rim pa'o// gnas su stob phyir mchod pa ni// phyi nang gsang ba gsum shes// phyi nang mchod pa rnam lnga ste// lha mo lnga ru byin brlabs pa// dkyil 'khor kun la rgya par 'bul// gsang pa'i lha mo lnga dang ni// snang srid kun tu bzang po yis// nang gi shes par bya ba'o// mnyam la mnyam par sbyor ba yis// mnyam pa'i bsgrub rdzas chen po dag/ bdag dang mnyam pa'i
- 34a
tshogs la dbul// bza' dang bca' dang btung dang bgo/ longs spyod lnga ldan thams cad kyi// dkyil 'khor la yang dkyil 'khor thim// chos nyid la ni chos nyid rol// ki li ki la ya khA hi// dug gsum mchod pa bstabs mchod bya// sbyor dang sbyor pa'i mchod pa bya// rang rang rtsa ba'i snying po la// byi ta a mr-i btags pas mchod// de skad ces gsung pas thams cad mnyes par 'gyur ro// 'khor rnams thams cad dgyes nas bcom ldan 'das la bstod pa/ hUM oM oM sgeg po dpa' bo 'jigs su rung ba dang // rgod dang gshe dang 'jigs par mngon pa dang // gshin rje rngam dang zhi ba la sogs pa yi// sku che yan lag rags pas 'jigs 'jigs 'dra// rgyan dang cha lugs ldan pas sgeg sgeg 'dra// gdug tshogs zhal du rngub pas rngam rngam 'dra// zhal g.yas dkar la bzhad pas zhi zhi 'dra// zhal g.yon dmar la gdangs pas rngam rngam 'dra// zhal dbus sngo la mthing bas khro khro 'dra// de 'dra'i khro bo 'jigs pa'i tshul bstan pa// rdo rje rtse dgus sa dgu'i rtog pa 'joms// rdo rje rtse lngas rgyud lnga gnas su 'dren// ye shes me dpung khams gsum 'khor ba bsreg/ kha T+wAM rtse gsum dug gsum rtsa da nas gcod// ri rab phur bus khams gsum dbang du sdud// dur khrod rgyan gyis dpal chen chas su brgyan// de 'dra'i
- 34b
khro bo 'jigs pa'i tshul bstan pa// tshe mchog khro rgyal nyid la phyag 'tshal bstod// ces bstod pas mnyes par gyur to// rdo rje 'jigs byed gsang ba'i rgyud las/ spyan drangs pa dang mchod pa'i le'u ste bcu drug pa'o// // de nas gsang ba'i bdag pos yang zhus pa/ rdo rje 'dus pa chen pos/ drag po las kyi kha tshar ji ltar bya// bsgral ba'i thabs ni ji lta bu// zhes zhus pas/ rdo rje 'dus pas gsungs pa/ gsang ba ba'i bdag po nyon cig/ drag po las kyi kha tshar 'di// mtshan ma dang ni bzlas brjod dang // ting 'dzin pho nya rnams kyis so// thabs ni ting nge 'dzin dang mngon 'byung gnyis kyis bsgral// mtshan ma'i rten ni ling ga la// dkyil 'khor chen po la bsten nas// bsgral ba'i dkyil 'khor chen po ni// dug gsum bam rim gsum brtsegs la// za byed zhal dang mda' gzhu bcas// rdo rje dbyug tho ral gri dang // mtshon cha lnga yis kun la gtang // nyi shu rtsa brgyad rtsang gis bskor// me lha srin po gnas pa'i phyogs su brtsig/ bdag gi dbang du gyur dang rlag pa'i phyir// rang gi phyogs su gzhug par bya// dmigs pa'i bya thabs gong de bzhin// 'jig rten pa dang tshul bstan phyir// ma nyes dag gi dbang yang gzugs// dam nyams nyes pa'i bgrang lung bya// de nas bskul ba las kyi pho nya gtang // ting 'dzin sngags dang pho nya gsum// re re la
- 35a
yang gsum gsum mo// dang por bdag nyid rtsa ba bskul// bdag nyid shin tu gsal ba las// stong gsum gzhal yas khang gyur las// pho nya kha skong rdzogs par bya// bdag nid las kyi sprul pa 'phros// rgya shog dag ni rlung khyer bzhin// rang dbang med par 'ong bar bsam// badz+ra kI li kI la ya dza hUM baM ho/ badz+ra aM gu sha dza dza/ sems bskyed mchod dang ldan pas dgug/ stong gsum khro bo las sprul ba/ khro bo khro mo bsam mi khyab// bskul ba'i pho nya drag tu bskul/ khra thabs sprul pa mgo brnyan tshogs// re re la yang bsam mi khyab// rgya grog glongs pa'i tshang bzhin du// rang dbang med par bkug par bsam// sho na dung gi khyi mo bzhi// bde bar gshegs pa'i sprul pa ste// phyogs bzhi nas ni bkug nas su// re re la ni 'khor ni 'bum phrag ste// rang dbang med pa khugs par bsam// bdag nyid chen mo la sogs pa'i// sa brgyad non pa'i sems ma dang // ye shes bzhi yi sprul pa bzhi// 'khor ni ma mo 'bum gyis bskor// g.yog dang yang g.yog bcas pa yis// rang dbang med par bkug par bsam// tsha ba'i ma mo bcu gnyis ni// mtsho brgyad dag la gnas bcas shing // dbang phyug ma yi pho nya ste// las rnams kun la brgyug par byed// nyi zer dag ni gzings pa bzhin// rang dbang med par 'gugs par
- 35b
bsam// dmigs pa'i rten la a be sha yas dbab// ting 'dzin yid la mngon sum du// sdug bsngal nyams su myong bsam la// nyungs kar rgyal po lag thogs la// zhing bcu dag gi bgrang lung bya// gru gsum dag tu mi gzhug tu// khyod ni dug gsum dag tu mi gzhug te/ khyod ni dug gsum dbang la skyes// mtshon cha'i ra bar mi gzhug tu/ khyod ni las ngan dus zad yin// za byed zhal gyis mi bskor du/ khyod kyis chos bskor gnyen po bshig/ til gyi phug ma mi gding du/ khyed ni nyon mongs dbang las skyes// tsher ma'i dong du mi gzhug tu/ khyod kyi nga rgyal tsher mas rno// re ba'i thum por mi gzhug tu/ khyod ni 'dod chags dbang las skyes// sngon dmar byad du mi gzhug tu/ khyod ni zhe sdang dbang gis skyes// lcags thag nag pos mi gdags su// khyod ni las ngan rgyun chad yin// kI li kI la ya sti ri mug ta ni ma ra ya phaT/ ces nyungs kar rgyal po brab po// gu gul nag po'i dud pa gtang // des ni 'go ba'i lha thams cad phral nas bdag gi dbang du gyur par bya'o// de nas 'dzab dgongs kyi rim pa la 'jug par bya ste// bsnyen pa dang nye ba'i bsnyen pa gnyis ni bdag nyid tshags su gzhug pa'o// bsgrub pa'i khams gsum yongs grol gyi dgongs pa bya ba'o// bsgrub pa chen po 'di'i dus su// gu ya badz+ra 'dus pa ni// lha rnams thams cad drag
- 36a
po las la bskul// phyag rgya bzhi ni btags pa yis/ sprul pa'i pho nya mang bkye nas// grog tshang de ni klog pa bzhin// rang dbang med par khugs par bsam// gu ya badz+ra bcu pa bzlas pa yis// re re la ni sprul pa bsam mi khyab// gang yin de ni dgug par bsam// skabs skabs pho nya drag tu bskul// ni dza dag gis brdungs par bya// sbyar ba'i gu gul dag gis bdug/ de ni dang po'i don du shes par bya/ zab mo dag gi sngags bdun dang // dam can dag ni bdun du sbyar// bskul ba'i pho nya bdun du sdeb// gnad la bab pa'i tshig tu sde// rang gi bskul tshig bdun du sbyar// mthun pa'i rdzas ni bdun du rgyug/ kun kyang rang dbang med pa ru// rgyal po dag gis bka' stsal bzhin// rang dbang med par 'gro bar bsam// hor mo dag gis bya 'ded bzhin// gar yang 'gro ba'i dbang med par// dmigs pa'i rten la dbab par bya// ma khugs bar du bskur zhing bzlas// gnyis pa'i don du shes par bya// las la rgyug pa'i nyi shu gcig/ skor tshogs nyi shu gcig tu bzlas// rang gi tshig gi bskul drug dang // pho& kha tshar drug tu gtang // dgongs pa'i ting 'dzin drug tu dgye// bskul ba'i sngags ni nyi shu gcig/ kI li kI li nyi shu gcig/ khrag zor dag ni nyungs zor dang // dug zor mtshon zor gtor zor dang // dam chu
- 36b
khrag dang bsres pa'i rdzas// bzhi'am nyi shu rtsa gcig rgyug/ rgya shog dag la ser chen 'bab pa'am// skar mda' lam du zhugs pa'i tshul du bzlas// sdug bsngal nyams su myong bar 'gyur// tshangs pa'i tshe dang ldan pa cig kyang zhag nyi shu rtsa gcig na 'chi bar 'gyur ro// mngon du phyung ste bsgral bar bya// gsal ba gsum dang yang dag ldan// drod tshad gsum gyis nges par zin// rnam gsum a yi rang bzhin la// khrus lung rnam gsum rdzogs byas la// tshe lung nges pa'i blo gros bya// bsgral ba'i gnas dang dgos ched dang // bya ba'i thabs dang bsgral tshul lo// gnas ni gang dang gang zhe na// kun gzhi yid dang rnam saganyis// snying la nges par gdab par bya// rnam shes drag dang dbang po drug/ bcu gnyis gnas su gdab par bya// phung po bzhi la gdab pa'i phyir// yan lag bzhi la gdab par bya// skye brgyud gnyis ni gcad pa dang // rten pa'i bzhi ni bsgral ba'i phyir// spyi bo rkang mthil bco lnga srang la gdab// dgongs pa'i don ni// gnas ni nyi shu rtsa gcig dang sbyar nas// ye shes nyi shu rtsa gcig tshul du bsgral// bsgral ba'i thabs ni gang zhe na// gab pa'i sdom pa gzung ba dang // gzir gnon drag pos brdung ba dang // dam can gnad la dbab pa dang // rtsa bas khams gsum bsgral ba dang // thun zor las kyi bya ba
- 37a
dang // sngags drug mjug la gdags pa dang // bsgral nas mchod par bslab pa dang / tshe mdangs phrogs la bdag gir bya ba'o// bsgral ba'i tshul ni gang zhe na// nyi shu rtsa gcig tsho bzhir gdab// kun kyang thugs kyi sbrul la ste// cha 'dzin nyi shu rtsa gcig go/ kun kyang gcer bu ral pa can// stod ni zhal gcig phyag gnyis phur bu 'dril// lte ba man chad phur par snang // skar mda' lam du zhugs pa bzhin// gcig la btab pas kun la thebs// mda' thun brgyad ni dus bzhir rgyug/ oM laM hUM laM/ staM pa nan mo ha g+ha ta ya/ b+ha ga ban/ hri kri bi kri// shri badz+ra hUM ka ra hUM hUM phaT/ badz+ra kI li kI li ya/ ki la ya/ dza hUM baM ho/ sarba big nan/ badz+ra kI li ki li ya/ hUM phaT phaT/ badz+ra hUM ka ra hUM phaT/ hUM ka ra hUM/ a a a/ hUM pa ra bid ta na hUM phaT/ tshin d+ha tshin d+ha hUM phaT/ g+hin g+hin hUM phaT/ ha na ha na hUM phaT/ b+ha na d+ha b+han d+ha hUM phaT/ ha na ha na hUM phaT/ da ha da ha badz+ra/ pa tsa pa tsa badz+ra/ ma ta ma ta badz+ra/ dza la dza la badz+ra/ su ru su ru phaT/ mu ru mu ru badz+ra/ ka ta ka te badz+ra/ dza ye bi dza ye/ a tsi te a pa ra tsi ta/ ma ra sa na pra mar d+ha ni ye hUM phaT/ sarba a na ya hUM phaT/ tad+ya tha tad+ya tha hUM phaT/ hUM ma ma pa shi ku ru ma tam nya ka ra i nan/ d+ha ti ma ma karma shri kra/ ka re ya/ g+hu ya man tra 'di rnams ni/ las kyi snying po yang yin/ 'debs pa'i
- 37b
snying po yang yin/ thugs kyi snying po yang yin/ gzir ba'i snying po yang yin/ sregs pa'i snying po yang yin/ rgyun gyi snying po yang yin/ las thams cad kyi snying po yang yin no// kA li ki la ya nyi shu rtsa gcig/ ri rab chen po gsum gyi gong du gzir bar bya// kI la ya bco brgyad gso ba gsum dang ldan par bya'o// stobs chen khro bo chen po yis// mtshon cha lnga yis rgya gram gtub// gsang ba'i mkha' dbyings dag pa rba// lab rnams kyi ni rdo rje yis// gnyis su med par bzung bar bya/ kha ba~M kha baM kha ba~M kha be kha Tha/ swAh+ma hA hASh+Ta/ phaT phaT phaT phaT phaT/ badz+ra lag sha krod+ha kha hi kha ti kha hi kha ti kha ti/ ha ha ha ha \u0f7f/ hAr+k+kats+tsha hUM/ phaT phaT phaT phaT phaT/ smon lam drag pos gnyis med dang du bsgral// thams cad thig le gcig gi dang / bsgral dang ma bsgral gnyis su med// bdag dang sems can tha mi dad// bsgral ba 'ba' zhig snying rje'i mchog/ de skad ces gsungs pas/ 'khor rnams thams cad brgyal bar gyur to// rdo rje 'jigs byed gsang ba'i rgyud las/ mngon du bsgral ba'i le'u ste bcu bdun pa'o// // de nas yang gsang ba'i bdag pos smras pa/ rdo rje 'dus pa chen po/ drag po hom ni ji ltar bya// bsgral ba'i thabs ni gang gis bya// gsang ba ba'i bdag po nyon cig/ las kyis mnar ba'i dus ngan 'di// mngon du byung ste bsreg par
- 38a
bya// bya ba'i thabs ni rnam gsum ste// chos nyid rang bzhin hom las ni// ye shes chen po'i hom dang las// thugs rjes mngon du phyung dang gsum// 'di yis don rnams rdzogs par 'gyur// nam mkha' lta bu'i chos nyid la// kun bzang mkha' klong hom khung du// kun tu bzang po'i me sbar ba// rtogs pa'i bag chags ma lus bsregs// 'byung chen lnga yi mchod pa 'bul// ye nas ma skyes nga du bsgral// raM/ ye shes chen po'i rang bzhin no// phung po lnga po hom khung du// rnam shes brgyad kyi me sbar bas// ye shes lnga yi sgron ma gsal// khams dang skye mched mchod par 'bul// gzung 'dzin rtog pa ma lus sreg/ dug ldang gzung 'dzin rtsa ba gcod// raM/ thugs rje mngon du phyung ba ni// dkyil 'khor bya thabs rdzas dang ni// mchod pa dang ni bro rnams so// gnas kyi dkyil 'khor chen po der// 'brub khung shu lam dgos su byed// dgos su byed na dkyil 'khor bang rim sum brtsegs la// phyi rol bar khyams sgo dang bcas par bri// sme shing gdug pa'i shing rnams la// mgo mjug ma nor dbus su gzugs// gzas pa gang yin dmigs pa bya// gro ga shing shun dag la ni// ming byang nyi shu rtsa gcig bri// lcags thag nag po dag la rgyu// hom gyi rtse la bskor la bzhag/ mchod pa dag gi mchod rdzas ni// phyi
- 38b
nang gsang ba gsum yang bsogs// sha chen dang ni rus chen dang // til dang mon sran gre'u dang // tshil chen dang ni mar nag dang // khrag sna rnam pa sna tshogs dang // skyer ba'i mda' dang mtshan mar bcas// dgang gzar blug gzar tshogs pa la// drag po'i dbyibs su 'og ma dag ni sor bzhi la// gong ma dag ni sor gnyis so// dkyil du hUM muM du bri// sngags pa'i chas gos nag por bya// stong sum khrag 'thung la dmigs la// bskul ba'i pho nya drag tu gtang // ni dza sngags kyis dgug par bya/ gzas pa'i hom la bstim par bya// rang bzhin ting 'dzin tshul bzhin bya// mchod pa'i kha tshar rdzogs par mchod// raM zhes bya ba'i me sbar bas// gzas pa'i snying na sdig pa'i rwa ni/ bco brgyad nas me lce dag ni bco brgyad 'bar// rang srog rang gis sreg par 'gyur// dkyil 'khor lha rnams thams cad kyi// me nyid du ni gyur bsgoms la// stong gsum thams cad me'i rang bzhin du// thams cad thams cad bsreg par bya// rang bskul dang sngags skrag la// rdzas bcas pa mchod par dbul raM// me lha'i dgyes pa spyan drangs la// bstod dang mchod pa tshul bzhin bya// dkyil 'khor lha tshogs thams cad dang // dam can tshogs la mchod pa bya// gang yin rdul du brlag par bsam// smon lam drag po'i ni chos kyi bden pa'o// gsang
- 39a
sngags kyi byin gyis brlabs so// sangs rgyas kyi mthu'o// a bi ra dza'i dus la bab pa'o// sdang ba'i dgra dang gnod pa'i bgegs// ma lus par ni zhal du bsreg/ dkyil 'khor lha tshogs kyi byin gyis// ma lus par ni zhal du bsregs// raM dzaM la raM zhes brlag par bya'o// 'phrin las rnam bzhi'i rgyud gzhan bzhin// spyod lam rnam bzhi ci byed kyang // ku mar yi ngang du bsgom// rtag tu nang gu mchod pa gtang // de skad ces gsungs pas/ thams cad tshig par gyur to// rdo rje 'jigs byed gsang ba'i rgyud las/ drag po hom gyi le'u ste bco brgyad pa'o// // de nas yang gsang ba pa'i bdag pos yang zhus pa/ rdo rje 'dus pa chen pos rnal 'byor don ched du// dbang dang dngos grub ji ltar bu// de skad ces ni gsol pa las// rdo rje 'dus pa chen pos bka' stsal pa/ kI la ya yi dgongs pa yi// dbang ni rnam pa sum nyid do// phyi nang gsang ba gsum du bshad// phyi ni phan pa'i dbang bcu ste// rgyud gzhan dag las gsal bar bshad// nang ni 'di ltar shes par gyis// dang po byang chub mchog tu sems bskyed cing // de nas dag par bya phyir khrus gsum bya// nan tan gdams ngag tshul zhing dbog/ bar du gcod pa'i bgegs chen bsam// de nas nyan pa'i dbang bskur te// nyon cig pu khyod rab tu nyon// khyod kyi rna
- 39b
ba'i gzhal yas su// 'khor lo rtsibs brgyad tshul bzhin bsgom// traM las rin chen dkyil 'khor bsgom// byang chub sems kyi 'od zer las// rin chen rigs kyi lha rnams gsal// bsgrags dang bskur ba tshul bzhin bya// rdo rje gsang ba'i gsang sngags 'di// theg pa kun las mnyan par byos// lcags kyi dkyil 'khor chen po ru// pad+ma rigs kyi lha rnams bsgom// snying gi go ru bsgom pa ru// rdo rje rigs kyi dkyil 'khor bsgom// yan lag lnga la 'phrin las nyid// thabs dang shes rab zung ldan pa'i// cang ti dag gis dbang yang bskur// rdo rje bsregs pa'i hom gzar bskur// snying rjes bsgral ba'i dam tshig gis// sras mchog 'debs pa'i dbang yang bskur// bran dang po nya dbang sdud phyir// dam can bsten pa'i dbang yang bskur// sku gsung thugs dang ldan pa'i phyir// kI la ya yi dbang yang bskur// rdo rje / gzugs su gyur bya'i phyir// ming gis nges pa'i dbang yang bskur// rang rang rdzas ni mthun// rdo rje slob dpon chen po ni// yan lag lnga la rigs lnga bsgom// snying khar bdag po kun kyang bsgom// dbang gi rdzas rnams ma lus par// shi sha gang yin lag tu gtad// de ni nang gi dbang rim mo// gsang ba dag gi dbang gsum ni// khro mo 'bar ba'i b+ha ga ru// khro bo dag gi rdo rje yis// gnyis su med par gyur bya
- 40a
ste// gsang ba'i mkha' la dngos grub blang // dam rdzas lnga yi mthun par bskur// rtsa rnams 'jug 'dul las bya ste// rlung rnams spor ba'i gdags ngag byin// ye shes rang gnas dbang chen po// rang la yod pa'i ye shes te// yin pa dag la ngo ti spras// thod par gyur pas dbang zhes bya// des thob phyir mi ldog pa'i phyir// ming du yang dag brjod pa yin// khams gsum sdug bsngal las grol bas// yon tan nyid du brjod pa yin// gsang ba pa'i bdag po/ de ni dbang du nges par shes par gyis// dngos grub dag ni gang zhe na// thun mong dang ni mchog gnyis so// mchog ni hUM gsum dgongs pa ste// dam rdzas rag ta bsres pa yis// lan sum du ni bstab pa yi// zhal dbye ba dang zhal du gsol// dges pa'i tshul gyis bzhad par bsam// lha nyid du ni nges par thob// bdag dang gnyis su med gyur nas// rig pa mchog gi dngos grub thob// thob dang ma thob ye nas med// drang ba'i don phyir thob tshul bstan// rtags dang mtshan ma bstan pa dang // kI la ya yi dngos grub gsol// mthun pas mthun pa sgrol phyir ro// thun mong dag gi dngos grib ni// 'jig rten pa dang tshul bstun phyir// 'dod yon lnga ni rab bshams nas// nyi shu rtsa gcig snying po yis// zhal zas dag la bstim ste blang // bskul ba'i tshig
- 40b
dang glu ru bcas// spyan drangs mchod dang bstim pa dang // gsum gyi tshul gyis sbyin par bya// 'khor na gnas pa'i dam can tshogs// sngags dang tshig tu bcas pa yis// bran gyi tshul du stor bar bsam// grub pa thob pa'i rigs 'dzin la// byin brlabs nus mthu ldan gyur bas// mtshan ma rdzas kyi dngos grub blang // nyi ma'i zer bzhin 'od las byung // rol pa bdag nyid gnyis su med// tha dad ma yin rgyu gcig phyir// lha la lha nyid rol bar bsam// de ni dngos grub rim pa'o// rdo rje 'jigs byed gsang ba'i rgyud las/ dbang dngos grub bstan pa'i le'u ste bcu dgu pa'o// // de nas gsang ba pa'i bdag pos/ byang chub sems kyi rang bzhin ji lta bu// rnal 'byor pas ni ji lta bu// zhes gsol pas/ rdo rje 'dus pa chen pos gsungs pa/ byang chub sems kyi rang bzhin ni// gcig tu yod la bgrang du med// tshig tu mtshon pa'i dngos po bral// kun la khyab la ngo bo med// smras pas phebs par ga la 'gyur// rang gi mtshan nyid ma bcos de bzhin nyid// nam mkhas kyang ni mtshon du med// 'di zhes nges par bstan pa dka'// smrar med pa'i tshig med pa'o// tshig lam chad pa'o// kun gyi rang bzhin du gyur pa'o// dngos po thams cad kyi bdag nyid do// theg pa kun gyi rang bzhin no// mtshon pa'i dpe gang yang med pa'o// bstan cing brtag
- 41a
par dka' ba la brjod pa'i tha snyad rnams dang bral bar thams cad kyi ngo bo nyid du gyur pa'o// thams cad 'byung ba'i gzhi'o// 'byung khungs so// rang bzhin no// tha snyad thams cad kyi bdag po'o// chos thams cad ni sems so// sems kyi rang bzhin mi rnyed pa'o// mtshon pa'i dpe cung zas bstan na nam mkha' dang 'dra ba'o// dpag bsam gyi shing bu dang 'dra ba'o// sa gzhi las thams cad 'byung ba dang 'dre'o// me long gi bzhin sna tshogs snang ba'o// rgya mtsho chen po dang 'dra bas thams cad 'byung ba'o// gsang ba ba'i bdag po de ni rang bzhin du shes par bya'o// rdo rje 'dus pa chen po rnal 'byor pa'i don ni ji lta bu zhes gsol pas/ bcol ldan 'das kyis bka' stsal pa/ gsang ba'i bdag po nyon cig/ rtog pa'i ri bo rgya bcu ni bcos pa'i tshul lo// mtshan ma bsgom pa ni dkri ba'i thabs so// nges par lha ni gang bsgoms pa// de ni mu stegs rtag lha yin// mtshan mas mtshan ma grol phyir ro// kun tu 'gro ba'i tshongs sems lhar// shes rab rnam gsum sgo yos tshol// tshol bas sgo de rnyed par 'gyur// sgo 'dogs gsum ni gcad par bya// sems kyi sems btsal sems de rnyed// sems de rnyed na chos kyi dbyings// rang byung ye shes don gcig brtag/ ye shes bzhi yi sgo mo 'char// snyoms 'jug bzhi la nges par
- 41b
'jug/ btang snyoms bzhi yi drod kyis glan// ngo bo gcig pa'i rgyur shar bas// nges par gang dag skyed par 'gyur// dug 'gyur rtsi dang gser 'gyur bzhin// ma spangs gnas su dag par rtogs// nges skyes phyir mi ldog pa'i phyir// rigs su nges par bstan pa yin// ming gi sgra la mi brtan par// blo yi gting du go bar byos// de ltar rtogs pa'i rnal 'byor ni// lus ni gang zag 'jig rten yin// sems ni dngos po sangs rgyas yin// don dang phrad par nga yis bshad// gsang ba pa'i bdag po de ni rnal 'byor pa'i rim pa'o// lta bas nam 'phangs chod par gyis// dam tshig so mtshams mkhar bzhin bsrungs// 'phrin las dus su 'brug ltar rgyug/ spyod pa glang po chur bcug bzhin// ci la nyam nga med par spyod// ting 'dzin ri bo chen po ltar// gang gi dbang du mi 'gyur bsgom// zhes gsungs par gyur to// thams cad ye shes skyes par gyur to// rdo rje 'jigs byed gsang ba'i rgyud las/ byang chub sems kyi rang bzhin dang rnal 'byor pa ting nge 'dzin gyi rim pa bstan pa'i le'i ste nyi shu pa'o// rdzogs so// // byi to ta ma la 'bum sde las/ oM rgyan gyi slob dpon thod 'phreng gis sdebs nas le'u nyi shur bkod pa'o// bod yul mkhar chen bza' mtsho rgyal la gtad pa'o// des mkhar chen dpal gyi dbang phyug la gtad pa'o// des mi
- 42a
nub dpal gyi snying po la// des lo dpal dbang phyug la/ des nga 'bre klu'i rgyal mtshan la/ des nga 'bre gsal le la// des lang lhab byang chub rdo rje la dbang rtags su gcig nas gcig tu brgyud pa'o// mo phyi ngo dga' ru snod ngan pa la snying sgor mi byung mi bstan no// // @#// rgya gar skad du/ bi to ta ma la 'gu ya tan+t+ra nA ma/ bod skad du/ phur pa gsang ba'i rgyud ces bya ba/ bcom ldan 'das dpal rdo rje gzhon nu la phyag 'tshal lo// 'di skad bdag gi thos pa'i dus gcig na/ 'og min gyi gnas lcang lo can gyi pho brang na bcom ldan 'das dpal rdo rje gzhon nu dang / 'khor khro bo dang / khro mo dang / sprul pa dang / yang sbrul dang / ma mo dang / ging dang / pho nya dang // bran dang / yang bran bsam gyi mi khyab pa dang ldan par bzhugs so// de nas gsang ba'i bdag pos des/ sras mchog kI la yar sprul nas/ bcom ldan 'das la zhus pa/ ma 'ongs pa'i sems can la gnod pa'i dgra bgegs gnyis dar ba'i dus su/ 'dul ba'i thabs ji ltar bya zhes zhus so// bcom ldan 'das rdo rje srin pos gsungs pa/ gdul ba'i thabs ni gnyis yin te/ thabs kyis 'dul ba dang / mngon du 'dul ba'o// thabs ni ji lta bu dang ldan/ mngon du byung ba ji lta bu// thabs kyi spyod pa'i 'gro don du// byams dang snying rje gang
- 42b
'dul ba// sangs rgyas 'phrin las rdzogs mdzad nas// thabs ni bsam gyis mtha' yas mchog/ res 'ga' zhig la res 'ga' drag/ res 'ga' dbang la res 'ga' rgyas// 'jig rten pa dang 'jig rten 'das// bsam gyis mi khyab sprul te bstan// 'gro ba 'dul ba'i don du cir yang ston// bdag la sprul pa khro bo phyung // khro bo las ni 'phra men byung // 'phra men las ni 'jig rten dregs pa'i lha rnams byung // kro d+hi shwa ri las ni khro mo byung / khro mo las ni e ka dza ti kun tu bzang po byung // e ka dza ti nyid las ni re ma ri dang lha mo nag mo phyung // de nyid las ni ma mo nyi shu rtsa gcig phyung // sho na bzhi dang bse mo bzhi// rgyal mo bzhi dang ma mo bdun// phung byed ma dang gru 'degs ma'o// de las sprul pa'i ma mo ni// stong ni rtsa brgyad yin par shes// de yi bran mor gyur pa ni gdong mo bzhi dang // las kyi dbang mo che ni bzhi ru sbrul// de yi yang bran du gyur pa ni// bod khams skyong ba'i bstan ma bcu gnyis so// bran dang yang bran tshul du shes par gyis// 'khor dang yang g.yog tu ni 'byor bar gyis// gcig gi 'khor dug gcig nas pas// rgyal po blon po 'bangs kyi tshul// dang po bskyod pas kun gyi las rnams byed par 'gyur// de phyir bran dang pho nya bka' nyan tshogs// khyed kyi dam tshig dus la bab// sngon chad ji bzhin dam
- 43a
bcas pa// mngon spyod 'phrin las myur du mdzod// su ru su ru b+h+yo/ mu ru mu ru b+h+yo/ ka tang ka ta b+h+yo/ dza ya bi dza ye b+h+yo/ a tsadza te b+h+yo/ a pa ra tsing b+ha ma ra sa na pra marta na ma rbA b+h+yo/ ma mo rnams kyi srog gi snying po ste// go non sngags kyis gtims nas rang dbang med par 'dul// de ni ma mo stong rtsa brgyad kyi srog gi snying po bsdus pa zhes bya'o// de rnams sprad pa'i snying po ji ltar lags// ma ta ma ta badz+ra// hUM ma ma pa shi ku ru/ ma taM mag nya na/ ka ra i nan/ d+ha ti ma ma kar ma shi kr-i ka re ya/ nyi shu rtsa gcig las la sprad do// rang dbang med par 'gro bar 'gyur// sho na mu ka'i dus la bab// bdag nyid chen po'i dus la ba// sa bdag chen mo'i dus la bab/ khyed kyi 'phrin las dus la bab// mthu rtsal dbyung ba'i dus la bab// 'jug 'jug bra dang pho nya gdags// gsang ba thun gyi snying po gang // su ru su ru badz+ra/ hUM pa ra bid ta na hUM phaT/ tshin d+ha tshin d+ha hUM phaT/ bin d+ha bin d+ha hUM phaT/ g+hi na g+hi na hUM phaT/ ha na ha na hUM phaT/ ban d+ha ban d+ha hUM phaT/ ha na ha na badz+ra/ da ha da ha badz+ra/ pa tsa pa tsa badz+ra/ sarba a na ya hUM phaT/ tad ya tha tad ya tha hUM phaT/ de bzhin drug la 'byor pa gyis// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon
- 43b
cig bgegs dang log 'dren tshogs// nga yi bka' las 'da' ma byed// khrag zor nyungs zor dug zor dang // mtshan zor rting la gtor zor gdab// rbad sngags nyi shu rtsa lnga kun la 'byor pa yis// de ni drag po thun gyi rdzas rnams yin// rbad dang rten pa'i rdzas rnams ni// sha sna khrag sna tshogs tshad la// na la spug gi sha rnams so// de yi bzlas lugs ji ltar lags// 'dus pa chen pos bshad du gsol// rtsa ba'i snying po'i mjug la ni// srog sngags bcu gcig btags pa ni// ma mo kun gyi srog gi snying por 'byor ba yis// stod kyi snying po nyi shu rtsa gcig la// dgug sngags bzhi dang srog sngags bcu gcig gis// gang yin gnas nas 'gugs par gyis// mgo gnon sngags kyi snying po dang // dam can sil bu'i snying po la// b+h+yo rnams btags pa'i snying po yis// ma mo stong ni rtsa brgyad rnams// mthun pa'i rdzas dang gnad la dbab pa'i tshig dang ni// rang rang bskul tu bsdebs pa yis// thugs dam gnad la 'bebs par gyis// ma mo'i las sngags bsdus pa dang // yi ge nyi shu rtsa lnga dang // bskul drug gnad dbab drug tu bsdebs pa yis// dam can rnams ni bskal ba yis// gang yin de ni khugs par gyis// srog gi snying po bdun po rnams// gsang sngags bcu gcig btags pa dang // bskul tshig drag dang bsdebs pa ni// sgrol ba'i
- 44a
las rnams rdzogs par gyis// zab mo thabs dang ting 'dzin dang // sngags kyi sbyor thabs shes pa yis// las la thogs pa med par 'gyur// sngags kyi ngo bo ji ltar lags// su ru sho na mu ka ste// mu na bdag nyid chen mo yin// ga ta bzhi ni rgyal mo bzhi// mar sa nam mo stong gi snying po yin// bsdus na re ma ti dang e ka dza tir 'dus// ma ti kun tu bzang mo ste// srid pa'i rgyal mo nyid du'o// ma mgo re ti mched bzhi'o// pa shi phung byed ma bzhi'o// ku ru sho na mu ka'o// ma tam tsha ba'i ma mo bzhi// dz+nyA na ye shes ma mo'o// ka ra zhes pa bstan ma'i tshogs// i nan zhes pa ma mo bdun// d+ha ti man chad gsang sngags te// kun gyi pho nya dang ni gying du shes par gyis// rang rang srog gi snying po la// las sngags bcu gcig btags pa ni// shan pa'i gying chen bcu gcig gis// thams cad ma lus sgrol bar gyis// zhes gsungs so// thabs 'dul ba'i le'u ste dang po'o// // de nas yang gsang ba'i bdag pos zhus pa dang / kye rdo rje 'dus pa chen po/ mngon du bsgral ba'i thabs ni ji ltar lags/ de yi 'phrin las ji ltar bya// 'dus pa chen pos bshad du gsol// gsang ba'i bdag po/ de yi don ni 'di ltar byas te// rjes su 'jug pa'i gang zag pas// dkyil 'khor bya dang 'phrin las dang // bsgrub dang nges par
- 44b
bsgrub pa dang // zab mo bsdus pa'i lung 'di bstan// srid pa'i phur bu bsgrub pa dang // 'jig rten pa dang 'jig rten las 'das pa gnyis su 'gyur/ bi to ta ma la'i rgyud las/ dkyil 'khor brgya ni rtsa brgyad do// nyi shu rtsa gcig thabs dang shes rab bsgrub// rtsa gnyis dregs pa mngon du phyung ste bsgrub// mA ra ya gsad pa'i dkyil 'khor bsgrub// thun phor dmar nag le tshe dgu pa bya// 'phrin las don ni/ rgyas pa bsdus pa gnyis su gyur// rgyas par bya ba rgyud gzhan bzhin// 'di ni shin tu bsdus pa ste// bdag nyid lha yi ting nge 'dzin 'byor pa yis/ khro bo 'dus pa'i mtshams dag gcad// gsang mtshams 'bar ba'i khro bo bcu dag gis// phyogs bzhi mtshams brgyad steng 'og bcu// brjid pa'i thabs kyis gcad par bya// dngos gzhi lnga yis chag chag gdab// ba su tu yis thig rnams gdab// gsang ba'i 'phrin las tshul bzhin bya// rtsa gcig dkyil 'khor tshul bzhin bri// thabs dang shes rab tshul gyis lha phur nyi shu rtsa gcig dgod// bar khyams e yig gdan la ni// sras kyi phur pa nyi shu gcig/ rtsa gcig sngags kyis dgod par bya// bsgrub pa'i rim pa shes par gyis// las la rgyug kar spungs la bzhag/ byin brlabs brgyad dang byug bdug gsum// gzi byin bskyed dang bcu gnyis ni// tshul bzhin go rims 'byor bar gyis// rdo
- 45a
rje khros pas zhe sdang gcod// mi 'gyur ye shes lta ba'i gdeng // mtshon chen sngon po 'bar ba yis// nam mkha'i dkyil nas zigs pa shar// srog gi go ru shar ba dang // snying gi sgo ru bsgom par bya// gnyen po lha yi gdeng / stong gsum lha yi gzhal yas khang shes na// snang srid lha yi dkyil 'khor la// mi skyed rdzogs pa'i tshul du bsgom// snying rje bsgral ba'i dam tshin ni// srid pa'i phur bi bdag sgrub kyis// ye shes khro bo grub par 'dod// phur pa'i khong stong gzhal yas khang // lha yi dkyil 'khor tshang bar bsgoms// brda yi sgo nas mtshon pa'o// 'og gnon sngags kyis gdeng // oM badz+ra ki li ki la ya sarba big nan baM hUM phaT/ ma ra sa na bra marta na ye hUM phaT/ khro sngags bcu la de bzhin no// rdo rje gzhon nu rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par dod// sangs rgyas kun gyi ye shes sku// ngang nyid rdo rje chos dbyings la// 'bar ba'i khro bo mi bzad pa// sku yi dbyig tu bdag gyur cig/ bzlas brjod sngags kyi 'phro 'du yis// sku gsung thugs kyi dbang yang bskur// ma mo mkha' 'gro dbang du sdud// rigs 'dzin rnams ni dngos grub ster// lha la phog pas dngos grub la// bgegs la phog pas thal bar rlog/ phar 'phros rgyal ba'i thugs dam
- 45b
bskul// dam can rnams ni las la bskul// 'od zer 'phro 'du rgyun mi chad// byang chub bsgrub dang 'phrin las rnams// sngags rnams brjod pas rdzogs par 'gyur// bdun 'bum nyi khri brjod pas gdon mi za// e ma ho ngo mtshar ya mtshan gyi// snying po gcig gis don rnams byed// srid pa'i phur bu bsgrub pa'i phyir// dbang dang dngos grub 'dir gsol cig/ mchod pa'i 'phrin las rdzogs par bya// 'od zer 'phrin las 'phro 'du rgyun mi gcad// rtags dang mtshan ma bstan pa dang // kI la ya yi dngos grub gsol// ye shes gcig la ye shes bsam mi khyab// bdag nyid dngos grub blang ba dang // gzhan gyi bgegs rnams 'dul ba dang // gsang ba'i bdag po de yis ni// mgo gnon gsum gyis zin par bya// bsgrub pa zhes su bstan pa yin// bsgrub par bstan pa'i le'u ste gnyis pa'o// // de nas yang gsang ba'i bdag pos zhus pa/ nges par bsgrub pa'i don ni ji lta bu lags// rdo rje 'dus pas bshad du gsol// gsang ba'i bdag po nyon cig/ tshul 'di ni rdzogs pa chen po'i tshul te/ srid pa'i phur bu ji ltar bsgrub na// sna srid sku gsung thugs kyi dkyil 'khor la// kI la ya ni bzlas yis// bdag nyid snang ba sku yi dkyil 'khor la// grags pa thams cad gsung gi dkyil 'khor yin// dran rig thams cad thugs kyi
- 46a
@#// dkyil 'khor yin// ji skad brjod kyang ki la ya// phyi snod gzhan yas khang gi ngang // nang bcud skye 'gro thams cad ni// lha yi dkyil 'khor ma yin pa// 'khor ba bya ba'i ming yang med// dkyil 'khor gsum du shes pa'o// sems sbyangs pa yi rim pa ni// bdag nyid lha yi rnal 'byor gsal ba las// ye shes lha rnams bdag gi bdun na gsal// bdag nyid shar du kha bltas te// sngags rnams tshul bzhin brjod pa yis// phar 'phros pas ni lha la phog/ lha rnams 'od zer tshul 'dus pas// sku gsung thugs kyi dbang yang bskur// ye shes lnga yis byin gyis brlab// gzha' tshon bskor ba bzhin du bsgom// rig pa ye shes tshon gang po// bzlas pa sngags kyis bskyod pa yis// rang gi rig pa rang nyid de// gnyis su med pa'i don du gsal// ye shes sems dpa' thugs khar bsdu// rang byung ye shes 'od du zhu// kun gsal me long 'od po che// gsal ba ma 'dres tshul du bsgom// phar 'phros rgyal ba'i thugs dam skongs// tshur 'phros bdag gi thugs nyid zhu// 'od zer 'phro 'du rgyun mi 'chad// se 'bru gtor ba'i tshul bzhin du// stong gsum 'od kyi rang bzhin la// thams cad dbang gi rang bzhin no// skabs skabs mchod dang bstod pa tshul bzhin bya// oM badz+ra kI li kI la ya sarba big nan baM hUM phaT/ de ltar
- 46b
'phro 'du tshul bzhin bya// ting 'dzin mi gsal ldang 'dod na// 'od zer thams cad bdag la bsdu// sku gsung thugs kyi dngos grub blang // spyod lam rnam bzhi ci byed kyang // lha yi don las 'da' ma byed// gsang ba'i bdag po de ni nges par grub pa'o// kye 'dus pa chen po/ bzlas pa'i don ni de lags na// 'phrin las don ni ji ltar lags// 'dus pa chen pos bshad du gsol// smad kyi stod kyi klong drug gi/ lha rnams drag pos las la bskul// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// shon mu ka'i dus la bab// bdag nyid chen mo'i dus la bab// sa bdag chen mo'i dus la bab// gang yin gnas la 'gugs par byed// grog tshang dgu klongs pa yi tshul du dgug/ stod kyi smad kyi glong drug gis// gnad la dbab cing tshe lung khrus lung bya// byang chub mchog tu sems bskyed cing // dus gsum rgyal ba'i gdung 'tshob pa'i// rigs 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa rnams// hUM ka ra hUM ka ra a a a/ bar gyi klong brgyad kyis mthun pa'i man ngag sbyar/ khro bo chen po'i byin brlabs kyis// yud tsam gyis ni 'dir bkug nas// mngon spyod tshul bzhin bsgral ba dang // lus ngag rdul phran bzhin du
- 47a
bshig nas kyang // sdug bsngal chen po myong bar mdzod// bskul ba'i las dang gdab pa dang // gzir bcing dbang du bya ba dang // bskul drug dag gi mjug la gdags// byin brlabs gdon / dang // mgyogs ma las kyi ting 'dzin dang // sdug bsngal chen po myong bar byed// 'di brgyad las kyi pho nya yin// oM laM hUM laM staM pa nan/ mo ha ga ya/ b+ha ga b+han/ shi kri bi kri/ shri badz+ra hUM ka ra hUM hUM phaT phaT/ badz+ra kI li kI la ya/ kI la ya/ dza hUM baM ho/ sarba big nan/ badz+ra ki li kI la ya/ hUM hUM phaT phaT badz+ra hUM ka ra hUM phaT/ 'di ni thams cad 'dus pa'i ngan sngags zhes kyang bya'o// 'phrin las bzhi'i snying po zhes kyang bya'o// sku gsung thugs yon tan 'phrin las kyi snying po zhes kyang bya'o// dkyil 'khor gyi lha rnams kyi las kyi snying po bsdus pa zhes kyang bya'o// rdo rje gzhon nu 'jig rten par phyung ba'o// rbad pa'i snying po bsdus pa zhes kyang bya'o// 'khor lo bskor ba'i snying po zhes kyang bya'o// ma mo kun gyi las sngags bsdus pa zhes kyang bya'o// gsang ba 'dus pa'i phur gcig ma zhes kyang bya'o// de nas man ngag gi las brgyad ces bya'o// bar gyi smad kyi klong bdun gyi bsgrub thabs rnam pa bdun du skyer/ ha sa ya ha ta na hUM phaT/ dngos grub par chad byed pa'i bgegs// gdug cing sdang sems ldan pa rnams// rtogs shig grogs dang bral
- 47b
bar gyis// nga yi dbang du gyur nas ni// bsgo ba'i bka' rnams nyan par gyis// mchod dang bstod pa tshul bzhin bya// gu gul sbyar ba'i dud pas bdug/ dus bab drug gi pho nya btang // gzas pa'i dgra bgegs gang yin pa// bya rog la ni rdo brgyab bzhin// grogs dang bral nas rkyang bar gnas// ma phrel bar du rgyun mi bcad// rtags rnams byung bar gyur pa dang // dung gi phur pa dag gis gdab// de bzhin du ni 'byor ba yis/ shri krin bi kri a na ya hUM phaT/ dngos grub par chad byed pa'i bgegs// gdug cing sdang sems ldan pa rnams// zung zhig chings shig rnam par chings// nga yi dbang du gyur nas kyang // bsgo ba'i bka' rnams nyan par gyur// sngon dmar dag gi brungs bdag gis// gang yin de ni byad du chud par bsam// mchod bstod bskul ba tshul bzhin no// rtags rnams byung na bya phur dag gis gdab// smon lam drag po dag kyang gdab// chos nyid kyi bden pa'o// gsang sngags kyis byin gyis brlabs so// sangs rgyas kyi mthu'o// a bi rtsa rgya'i dus la bab pa'o// rnag pa de kho na'o// badz+ra ki la ya nyi shu rtsa gcig mnan cig gdab// kun la de bzhin 'byor bar gyis// dza la pa ya dza la pa ya hUM phaT/ dngos grub par chad byed pa'i bgegs// gdug cing sdang sems ldan pa rnams// rings par khug
- 48a
la smrar chu gcig/ nga yi dbang du gyur nas kyang // bsgo ba'i bka' rnams nyan par gyis// dug rdzas sna tshogs brab// gang yin de ni sdug bsngal myong nas smyo zhing 'bog par bsam/ rtags byung na ni skyer pa'i phur pa dag gis gdab// bya ba'i rim pa gong bzhin no// a be sha ya a be sha ya hUM phaT/ dngos grub par chad byed pa'i bgegs// gdug cing sdang sems ldan pa rnams// phob cig rnam par gzir bar gyis// nga yi dbang du gyur nas kyang // bsgo ba'i bka' rnams nyan par gyis// lcags phye zangs phye dag gis brab// rnam shes bkug nas gzir bar bsam// bya ba'i rim pa de bzhin no// rtags byung na ni zangs kyi phur bas gdab// ta tha ya ta tha ya hUM phaT/ aM gu sha na dkar nag dang // nyungs kar rgyal po dag gis brab// gang yin de ni lus ngag rdul phran bzhin du brlag par bsams// dngos grub par chad byed pa'i bgegs// gdug cing sdang sems ldan pa rnams// rtogs shig rgyob cig rnam par chings// nga yi dbang du 'gyur nas kyang // bsngo ba'i bka' rnams nyan par gyis// bya ba'i rim pa tshul bzhin no// rtags byung na ni lcags kyi phur pas gdab/ bi da ya bi da ya hUM phaT/ dngos grub par chad byed pa'i bgegs// 'dug cing sdang sems ldan pa rnams// bi da ya yi zhal du bstabs// gtor chen dag
- 48b
la khyi 'dul bzhin// rang dbang med par gsol bar bsam mo// thun gyi rdzas rnams kun dang ni// khrag sna tshogs pa'i rdzas kyis brab// dus bab drug gi 'gugs 'dren bya// mchod dang bstod pa tshul bzhin bya// smon lam drag po dag kyang gdab// rtags byung na ni seng ldeng phur bus gdab// de nas thun ni drag pos brab// gdug cing sdang sems ldan pa rnams// lha'am gnod sbyin bdud kyang rung // nga la bar chad byed pa'i bgegs// mthu dang rdzu 'phrul med par byos// hUM ma ma pa shi ku ru ma taM dz+nya ka ra i nan/ 'da' ti ma ma ka ra ma shi krang ka re ka ya/ drag po thun rnams skor tshoms gsum du brdeg/ thams cad 'dus pa'i gong bzhin no// gdab pa'i rim pa ni/ 'phrin las bzhi yi phur pas gdab// las sngags bcu gcig dag la ni/ khro bo bcu gcig gi brdeg/ sbyor ba gsum gyi sgo nas gdab// d+ha ti ma ma kar ma/ shi krang ka re phaT/ dzag pa'i skyes bu bcu gcig gis// kun gyi mjug la gdags par bya// de nas gsang ba'i thun rnams brdeg/ rdo rje gsang ba'i bka' las ni// sdig can gang zhig 'da' byed pa// stobs chen khro bopo chen po yis// klad pa tshal pa brgyad du khos// nyon cig bgegs dang log 'dren tshogs// nga yi bka' las 'da' ma byed// dam can sil bu'i thun rnams brdeg/ 'phrin las rim pa tshul bzhin bya// bsgrub
- 49a
pa chen po 'phrin las bstan pa'i le'u ste gsum pa'o// // de nas yang rdo rje gsang ba'i bdag pos/ rdo rje 'dus pa la sogs pa/ kye 'dus pa chen po bzlas brjod sngags kyi mtshan nyid ji ltar lags/ 'dus pa chen pos bshad du gsol/ gsang ba'i bdag po nyon cig/ tshul 'di ni 'di ltar bshar par bya'o// bdag nyid ku ma rar bsgoms la// bdag nyid kyi snying kha ru gser gyi 'khor lo rtsibs brgyad bum pa'i tshul du bsgom// sngags kyi yig 'bru 'di bcu la// rtsibs brgyad 'bru brgyad tshul du bsgom// oM dang badz+ra dbus su ste// nan dang baM ste steng 'og go/ hUM ni thugs kyi snying po ste// phaT ni kun kyang khro bo'i tshogs// rtsa ba'i lha rnams bcu gcig dag/ snying la nges par bstan pa yin// bum pa nang gi mar me ltar// bdag nyid gsal bar kun kyang gsal// se 'bru tsam gyi nyi zla la// rtsa ni 'bru tsam pad+ma'i gdab// phra zhing 'dus pa nyungs 'bru tshul// sku mdog phyag mtshan yab de bzhin/ khro mo rnams de lus dang grib ma'i tshul du bsgom// shin tu 'dris shing gsal bar bsgom// sras mchog bskyed pa'i rgyu yang yin// srog gi sgo ru shar ba dang // snying gi dkyil du bsgom par bya// gser gyi sbu gu lta bu'i mgrin pa nas// yig 'bru ma nor rin po che'i 'phreng ba lta bu// 'od zer 'phro 'du rgyun mi 'chad par 'phro
- 49b
'du bya// phar 'phros rgyal ba'i thugs dam bskul// tshul 'dus bdag la byin gyis brlab// sangs rgyas kun gyi ye shes sku// nga nyid rdo rje chos dbyings la// 'bar ba'i khro bo mi bzad pa// sku yi dbyig tu bdag gyur cig/ gsung dang thugs kyang de bzhin no// mchod dang bstod pa tshul bzhin bya// de nas sku yi lha rnams bskyed par byas te/ bskyed sngags bcu po 'di ni rdzogs pa'i rim pa dang ldan pa yin pas/ thugs kha'i lha rnams las bskyed de/ thugs ka'i sa bon las til mar gcig las gnyis su 'phros pa'i tshul du bskyed/ dkyil 'khor gsal tsam na bdag gi phur po la gsal bar sgom/ yum rnams thams cad lus dang grib ma'i tshul du bsgom/ las sngags dag las za byed dang // gsod byed shugs las bskyed par bsgom// sku mdog phyag mtshan yab de bzhin/ khro mo rnams kyang yum de bzhin// za byed gsod byed zhal gcig phyag gnyis te// kun kyang mthing nag rol pa can// phyag na lcags kyi phur pa 'dril// zhabs gnyis bgrad pa'i tshul du bzhugs// oM badz+ra kro d+ha hUM ka ra hUM/ gardza gardza hUM phaT/ khro bo hUM ka ra yum sprul pa lcam dral dang bcas pa gtso bo'i mdun du bkod tsam na/ bdag gi klad pa dung khang gi gzhal yas khang du bsgom// oM badz+ra krod+ha bi dza ya hUM/ ha na ha na hUM phaT/ dkyil 'khor gyi shar
- 50a
phyogs su bkod tsam na/ bdag gi nu phrag tu bsgom/ oM badz+ra krod+ha ni la dan+ta hUM/ da ha da ha hUM phaT/ dkyil 'khor gyi lho shar du bsgom tsam na/ bdag gi dpung pa g.yas par bsgom// oM badz+ra krod+ha ya man+ta ka hUM/ pa tsa pa tsa hUM phaT/ dkyil 'khor gyi lho phyogs su bkod tsam na/ bdag gi dpral ba'i dbyings su bsgom// oM badz+ra krod+ha Ar+ya a tsa la hUM/ ban d+ha ban d+ha hUM phaT/ dkyil 'khor gyi lho nub tu bkod tsam na/ bdag gi brla g.yas par bsgom/ oM badz+ra kro d+ha h+ya gri ba hUM/ hu lu hu lu hUM phaT/ dkyil 'khor gyi nub phyogs su bkod tsam na/ bdag gi mgrin pa'i nang du bsgom// oM badz+ra kro d+ha a pa ra tsit+ta hUM/ stiSh+Tha stiSh+Tha hUM phaT/ dkyil 'khor gyi nub byang du bkod tsam na/ bdag gi dpung pa g.yon par bsgom// oM badz+ra kro d+ha a mr-i ta kun Da li hUM/ tshin d+ha tshin d+ha hUM phaT/ dkyil 'khor gyi byang phyogs su bkod tsam na/ bdag gi thugs kar bsgom// oM badz+ra krod+ha trai lo kya bi dza ya hUM/ b+hin d+ha b+hin d+ha hUM phaT/ dkyil 'khor gyi byang shar du bkod tsam na/ bdag gi brla g.yon par bsgom/ oM badz+ra krod+ha ma hA ba la hUM/ phoT phoT hUM phaT/ gtso bopo'i rgyab tu bkod tsam na// bdag gi lte bar bsgom mo// rtog tshogs ma spangs lha yi dkyil 'khor du/ yin pa dag la yin par bsgom// srid pa'i phur bu bsgrub pa dang // dbang dang dngos grub blang ba'i
- 50b
phyir// ye shes khro bo gshegs su gsol// ye shes khro bo gshegs nas kyang // rtags dang mtshan ma bstan pa dang // ki la ya yi dngos grub stsol// mchod pa'i kha tshar rdzogs par bya// gnyen po lha yi gdeng zhes bya'o// rdo rje gzhon nu'i rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par mdzod// stong pa'i go cha bla na med// mi 'gyur chos nyid brtan pa'o// mi 'gyur lta ba'i gdeng ngo // snying rjes bsgral ba'i dam tshig ni// bsad cing mnan pa ma yin te// phung po rdo rje gtam byas nas// rnam par shes pa rdo rje bsgom// sras mchog bcu gcig thugs ka'i lha// bcu gcig las kyi bskyed cing gdon// kun kyang zhal gcig phyag gnyis la// sku mdog mthing nag gcer bu ral pa can// phyag na phur bu 'dril ba sha dag go/ sku smad lcags kyi phur pa zur gsum pa// zhal nas kI la ya 'brug ltar sgrogs pa sha dag go/ oM badz+ra kI li kI la ya sarba big nan baM hUM phaT/ bskyed pa'i snying po yin/ sku gsung thugs su byin gyis brlab cing dbang bskur ba'i snying po ni/ oM laM hUM laM staM pa nan/ mo ha ya/ b+ha ga ban/ shi kri bi tri/ sras mchog gzi byin bskyed pa byin brlabs pa// shi ri badz+ra hUM ka ra hUM hUM phaT phaT/ oM badz+ra ki li ki la ya/ ki la ya/ 'phrin las la gzud pa/ dza hUM baM ho/ sarba big
- 51a
@#// nan/ badz+ra ki la ya hUM hUM phaT phaT/ tshe lung dang khrus lung gi dgongs pa/ badz+ra hUM ka ra hUM phaT/ hUM ka ra hUM a a a/ rdzogs pa bzlas pas ni 'og gnon sngags kyi snying por yang 'gro/ ya bzhin ded pas lha rnams thams cad 'phrin las bzhi'i snying por yang 'gro/ lam gyis ded pas mnan pa'i snying po yang 'gro/ dzas ded pas 'gugs pa'i snying por yang 'gro/ shri kris ded pas yab yum thabs dang shes rab kyi snying por yang 'gro/ hUM ka ras ded pas sgrol ba'i snying por yang 'gro/ sarba sa ded pas thams cad tshogs pa'i snying po ste/ 'jig rten las 'das pa dang 'jig rten pa gnyis su yang 'gro'o// mo ha g+has yas ded pas 'khor lo bskor ba'i snying por yang 'gro/ bcu gnyis don gyi man ngag 'di// dkyus las ngo ti phrad par gyis// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// sho na mu ka'i dus la bab// bdag nyid chen po'i dus la bab// sa bdag chen po'i dus la bab// khyed kyi 'phrin las dus la bab// mthu rtsal dbyung ba'i dus la bab// bskul ba'i 'phrin las sbyor ba gsum gyi sgo nas dgug/ de nas zab mo sngags kyi mtshan nyid bshad par bya ste/ ta tha ya ta tha ya hUM phaT/ ha sa ya ra ha ta na hUM phaT/ shi kr-i a na ya hUM phaT/ dza la pa ya dza la ya hUM phaT/
- 51b
a be sha ya a be sha ya hUM phaT/ bi ta ya bi ta ya hUM phaT/ bi ta bi ra ya hUM phaT/ dngos grub par chad byed pa'i bgegs// gdug cing sdang sems byed pa rnams// zung zhig rgyob cig rnam par chings// rtogs shig grogs dang bral bar gyis// phob cig rnam par gzir bar gyis// nga yi dbang du gyur nas ni// bsgo ba'i bka' rnams nyan par gyis// lus ngag rdul du bshig nas kyang // lus ngag rdul phran bzhin du rlogs// mthu dang rdzu 'phrul med par byos// nga yi dbang du gyur nas ni// bsgo ba'i bka' rnams nyan par gyis// rdzas rnams drag po ni/ gu gul dag dang sngon dmar brungs// nyungs kar rgyal po dag dang ni// dug gi rdzas rnams bsog par bya// lcags phye zangs phye bstim par bya// aM gu sha ni dkar nag dang // nyungs kar rgyal po dag gis brab// ma te la yi 'bras bu dang // til dang nyungs nag dag gis brab// de yi don ni ji ltar lags// de yi don ni 'di lta ste// 'jig rten 'das dang 'jig rten pa// rnam pa gnyis su shes par gyis// 'das pa de ni 'di lta ste// ha sa dag ni rnam rgyal lo// gzas pa gang yin lha dang 'brel ba'o// shi krin de ni mi g.yo mgon// rnam par 'ching bar byed pa'o// dza la pa ya dang po ni// gshin rje rgyal po nyid du nges// sgra sgro thal bar rlog pa'o// dza la pa ya 'og ma ni/ hUM mdzad rgyal
- 52a
po nyid du nges// lus ngag rdul du bshig pa'o// a be sha ya dang po yis// rta mgrin rgyal po nyid du nges// gzungs la dbab pa'i pho nyar bya// a be sha ya 'og ma ni// gzhan gyis mi thub pa zhes bya// gang yin de ni 'dzin par byed// ta tha ya ni dang po yis// bdud rtsi 'khyil ba nyid du nges// lus ngag rdul phran bzhin du rlogs// ta tha ya ni 'og mas ni// stobs chen rgyal po nyid du nges// gzir ba'i las ni byed pa'o// bi ta ya ni dang po yis// dbyug pa sngon po nyid du nges// mthu dang rdzu 'phrul med par byed// bi ta ya ni 'og ma yis// khams gsum rnam rgyal nyid du nges// rdeg cing sgrol bar byed pa'o// ya ni rnam pa bcu po 'di// khro bo bcu ru nges pa yin// re re la ni stong tsho re// las la sbyor kar shes par gyis// rgyun mi 'chad par bzlas par bya// 'das pa'i bsgrub pa de lags na// 'jig rten pa ni ji ltar lags// gsang ba'i bdag pos bshad du gsol// de yi don ni 'di lta ste// thugs kyi sprul ba'i gying po bcu// yang ni bcu po dag la sbyar// rtsa ba'i snying po ya la ni// sku mdog dmar po nyid du sbyar// sna tshogs snying po ya bzhi ni// shan pa bzhi ru sbyar bar bya// rdzas dang pho nya gang bzhin no// re re la ni khri tsho re// mchod dang bstod pa tshul bzhin no// spogs pa'i las su shes par gyis// sngags kyi
- 52b
bzlas pa'i thabs bstan pa'i le'u ste bzhi pa'o// // de nas yang gsang ba'i bdag pos yang zhus pa/ kye rdo rje 'dus pa chen po/ drag po thun gyi bsgrub pa ji ltar lags/ 'dus pa chen po bshad du gsol// gsang ba'i bdag po nyon cig/ 'di ni 'di ltar bsgrub par bya// dkyil 'khor dmar nag le'u tshe dgu pa la// bya ba'i rim pa rdzogs par bya// rdzas kyi phur pa bcu gsum la// byin brlabs brgyad dang byug bdug gsum// gzi byin skyed dang bcu gnyis ni// rgyud gzhan dag tu shes par gyis// ting 'dzin bskyed spyan drangs mchod la sogs pa dang // tshul bzhin du ni goms par gyis// 'dzab kyi bya ba'i rim pa ni// dang po rtsa ba'i snying po bzlas// de nas khro sngags bcu pa bzlas// de nas snying po dag dang ni// dam can bsdus pa'i snying po bzlas// de nas zab mo sngags bdun bzlas// bskul dang phonya tshul bzhin bya// de nas rbad pa'i snying po bzlas// skam thun dang ni gsher thun gnyis// rang rang skabs su shes par gyis// srod dang nam phyed gnyis po ni// dam can snying po bcu gnyis la// b+h+yo ni bcu gnyis btags te bzlas// khrag sna sna tshogs dag gis brab// bskul dang gnad la dbab pas bsdebs pa na// rdzas dang sgrags te brdeg/ bsgral ba'i las sngags bcu gcig dang // ya ni bcu gcig bsdebs pa
- 53a
yis// lcags phye zangs phye rdo phye dang // til dang nyungs kar sbags te brdeg/ bskul dang bcas te tho rangs brab par bya// gsum mam bdun nam nyi shu rtsa gcig dag tu bsgrub// slad kyi klong brgyad dag gis bsgrub// e yi 'brub khung bang rim sum brtsegs la// za byed zhal dang mda' gzhur bcas// mtshon cha rtsang gis bskor la bzhag/ mtshan ma'i ling ga dag kyang gzhug/ sngags kyi rim pa ma nor bzlas// nyi ma tshang zhugs bzla ba la// drag po sngags kyi thun yig bya// oM badz+ra kI li kI la ya sarba big nan baM hUM phaT/ ma ra sa na/ pra marta ni ye hUM phaT/ hUM ma ma pa shi ku ru/ ma taM nya ka ra na b+h+yo/ ka ra i na b+h+yo/ d+ha tI ma ma karma b+h+yo/ shri kr-i ka re ya b+h+yo/ ma ta ma ta b+h+yo/ dza la dza la b+h+yo/ su ru su ru d+yo/ mu ru mu ru b+h+yo/ ka tang ka te b+h+yo/ dza ye bi dza ye b+h+yo/ a tsi te b+h+yo/ a pa ra tsit+ta b+h+yo/ dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// shon mu ka'i dus la bab// bdag nyid chen po'i dus la bab// sa bdag chen mo'i dus la bab// khyed kyi 'phrin las dus la bab// mthu rtsal dbyung ba'i dus la bab// bran dang pho nya bka' nyan tshogs// khyed kyi dam tshig dus la bab// sngon chad ji bzhin chad bcas pa// mngon spyod 'phrin las myur du mdzod// dam tshig chen po'i dus
- 53b
la bab// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgyad du khos// nyon cig bgegs dang log 'dren tshogs// nga yi bka' las 'da' ma byed// hUM pa ra bid tan yang // ts+tshin d+ha ts+tshin d+ha ya/ b+hin d+ha b+hi na d+ha ya/ gri na gri na ya/ ha na ha na ya/ ban d+ha ban d+ha ya/ ha na ha na ya/ da ha da ha ya/ pa tsa pa tsa ya/ sarba a na ya/ ta tha ya ta tha ya hUM phaT/ ging gi thun gyis bsgral ba'o// skar chen thang la babs pa'am// ag sho la me thar pa'am// rgya sho ba la ser chen babs pa bzhin du bsgral par bsam// snying rtsa gcad cing dbang po phyung // bla bzhi skam zhing yan lag gcad// lus ngag rdul du bshig par byas// gtor chen dag la khyi 'dul bzhin// tshangs pa'i tshe dang ldan pa yang // zhag nyi shu rtsa gcig na 'chi bar 'gyur ro// drag po thun gyi bsgrub pa ste le'u lnga pa'o// / de nas yang gsang ba'i bdag pos/ rdo rje 'dus pa chen po la zhus pa/ kye 'dus pa chen po/ mngon du bsgral ba'i 'phrin las ji ltar lags// 'dus pa chen pos bshad du gsol// 'dus pa'i bdag pos bka' stsal pa/ 'di ni 'di ltar bsgral bar byas te// mA ra ya yi dkyil 'khor du// mtshan ma'i ling ga dag bcug la// thun gyi las rnams rdzogs pa dang // mngon du byung ba'i 'phrin las
- 54a
bya// gsal ba gsum dang ldan par bya// sngags kyi zem yig rdzogs par bya// tshe lung khrus lung rdzogs par bya// hUM ka ra A A A/ chos nyid kyi bden pa'o// gsang sngags kyi byin gyis brlabs so// sangs rgyas kyi mthu'o// a pi tsar+ya'i dus la bab bo// brnag po de kho na la'o// kI li kI la ya nyi shu rtsa gcig bzlas// brnag pa de kho na la'o// las sde nyi shu rtsa gcig tu bsrang // bden pa sems gyis brda don gyi ngo sprad/ gnag pa bsgrub pa'i 'phrin las kyis brda don dgrol ba'i gdams ngag bya'o// hUM dus gsum gyis dgongs pas chos nyid kyi phul dbul/ gzas pa'i gnad pa bcu gcig la thugs kyi sprul pa bcu gcig gis gdab par bya// mthun pa'i tshig gsum gyis bsgral ba'i las med bya// gnan sreg 'phang dang gsum gyis 'phrin las mthar 'byung // hUM gsum gyis dgongs pas mthun pa'i man ngag gsum du sdebs/ dngos grub par chad byed pa'i bgegs// gdug cing sdang sems byed pa rnams// byang chub mchog tu sems bskyed cing // dus gsum rgyal ba'i gdung 'tsho ba pa// rigs 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa rnams// dngos grub 'phrog cing 'tshe ba dang // khro bo chen po'i byin brlabs kyis// yud tsam gyis ni 'dir khug
- 54b
la// mngon spyod tshul bzhin bsgral ba dang // lus ngag rdul du bshigs nas kyang // sdug bsngal nyams su myong bar mdzod// nga yi dbang du gyur nas kyang // bsgo ba'i bka' rnams nyan par mdzod// oM laM dang par bid du bsdebs la kun bzhi la gdags/ las kyi sbyor ba gsum gtang / sbyor ba dang po sngags kyis bskul bar bya// dngos grub par chad dang rdo rje gsang ba ru bsdebs// ts+tshin d+ha man chad khro bo lngas gnas lngar bsgral// dngos grub par chad dang bran dang bka' nyan sdebs pa yis pho nya gtang / ha na badz+ra gsum po khro bo yis gnas gsum la gdab// mjug gi las gsum kun btang / skye brgyud gnyis kyis khro bo gnyis// bdun brgyud rtsad nas gcad pa'i phyir// spyi bo rkang mthil gnyis la gdab// dngos grub 'dra/ gdug cing sdang sems byed pa rnams// nga'i gong bzhin sarba dang ta tha yas gdab/ hUM phaT gnyis kyis kun gdugs// zab mo sngags kyi sbyor ba dang // thun zor las kyi sbyor ba dang / ting 'dzin pho nya'i sbyor ba gsum// kun la de bzhin 'byor bar gyis// rdungs shig rdo rje 'bar ba'i gtun// bka' las 'da' byed sdig can rnams// rdo rje me dpal snying bsreg nas// lus ngag rdul phran bzhin du rlog/ khro mo 'bar ba'i gtun khung du// rdo rje'i tho bas brdungs byas nas// lha yang rung ste
- 55a
bsgral bar bya'o// kha thaM kha tha kha za/ hUM hUM hUM/ phaT phaT phaT/ badz+ra yak+Sha kro d+ha khA hi khA hi/ ki la ya bcu brgyad dkar nag gi mtshams su'o// drag po mngon du bsgral ba'i le'u ste drug pa'o// // gab pa gsang ba'i rgyud ces kyang bya// klag rgyud chung ngu zhes kyang bya ba rdzogs so// @#// rgya gar skad du/ ki la ya ka la big tre tri'i tan+t+ra/ bod skad du/ phur pa nag po mdung rtse gsum pa'i rgyud/ dpal 'jigs byed kyi rgyal po la phyag 'tshal lo// 'og min chen po'i gnas dag na// 'jigs byed chen po'i sku bzhugs pa// bstan pa 'jig byed dus dag tu// drag pos bsgral ba bstan pa'i phyir// las ngan sems can tshar gcod phyir// 'jigs byed badz+ra he ru dang // khrag 'thung bstan pa srung byed pa// bstan pa 'jig byed bsgral ba dang // nag po chen pos gzhig pa dang // bstan pa gnyen po bsrung ba'i phyir// khrag 'thung chen po'i brgyud 'di bsgrags// gleng gzhi'i le'u ste dang po'o// / ston pa badz+ra he ru kas// bsdus pa khrag 'thung he ru la// sangs rgyas bstan pa bsrung ba'i phyir// mdun bsu gus pas gleng slong ba// khro bo chen po mdun bsu ba// khrag 'thung he ru 'dir dong la// ma nor bstan par 'di la nyon// spyi yi bdud dang bye brag bdud// khyad par bdud byed sna tshogs la// gsang ba dam
- 55b
pa ma nor 'di// gsang ba dam pa 'dir bstan pas// ma nor sa yang bsrung ba dang // dad dang brtson 'grus che ba dang // yid ches gus par byed pa dang // g.yo sgyu tshul 'chos med pa dang // khungs 'byin che ngag med pa dang // ngas bstan khrag 'thung chen pos ston// yang dag ma nor dam pa'o// dam med dad med brtson 'grus chung // yid mi ches shing gus mi byed// g.yo sgyu tshul 'chos khungs 'byin pa// gsang pa'i ma nor snod min pas// dam pa gsang ba b+ha ga yis// gsang ba dam pa bstan mi bya// snod med dag thams cad la// gsang ba ma nor bstan gyur na// 'di dang ma 'ongs gnyis ka ru// mgo 'gas snying yang 'tshig par gyur// rul myags tshig nas dmyal bar 'gro/ de phyir gdams ngag sna tshogs gsungs// gus pas dris te gleng gsungs pa// gsang bdag badz+ra he ru ka/ ha ha badz+ra he ru ka/ khrag 'thung bdud pas ma gos pas// yang dag sang ba bstan du gsol// nag po dag po ma 'tshal na// mdung rtse zhes ni gang la bgyi// gsum zhes bya ba gang dang gang // ston pa he rus ma nor gsungs// yang dag brda dang bcas pa la// ka la nag po gcig nan drag/ mdung rtse gcig tre gsum ni tri// bsad dang dbab dang sbas dang gsum// mdung rtse zhes ni bya ba yin// 'jigs byed dpa' bos bstan du gsol// gsad pa gang
- 56a
dang gang gis gsad// dbab pa gang dang gang gis dbab// sbas pa'i las ni gang gis bya// dpa' bo chen po ma nor gsungs// khrag 'thung khyod la bstan bya ba// gsad thabs rnam pa gsum yod de// gsal gdab dgongs pas gsad pa dang // thun zor lam gyis gsad pa dang // mnan gtad rdzas kyis bsad pa'o// dbab pa rnam pa gsum yod do// sngags kyi dbab dang rta ma dbab// btsan thabs dbab pa gsum yod de// rdzas kyis sbam dang gtad pas sbram// 'khor los sbam dang gsum yod do// thabs ni de ltar bya ba yin// khrag 'thung khyod la nga yis ni// mdo tsam gleng bslang don du bstan// brnag pa'i 'ba' zhig bya ba la// 'di las gsang ba'i nges don ni// dpal chen khrag 'thung thams cad dang // 'jigs byed rgyal po chen po yis// dgongs pa sa bkrol kyang lhag don med// gleng bslang ba'i le'u ste gnyis pa'o// // de nas yang dag bshad pa yang // rgyud don ma nor bshad bya ba// phun sum tshogs pa lngar ldan dang // bsnyen bsgrub bzhi yi tan tra yi// khog don khog gos dbub par bya// gzhug sdud las kyi bya thabs kyis// drag las rdzogs par shes par bya// bsnyen bsgrub gzhung du bsrang ba la// phun sum tshogs pa lngar ldan dgos// ston pa gnas dang dus dang 'khor// yo
- 56b
byad phun sum lngar ldan pa'o// bstan pa spyi ru shes par bya// phun sum tshogs pa lngar ldan na// bar chod med de las rab bo// ston pa phun sum tshogs pa ni// khol dal man ngag ldan pa dang // gtsang sme chung zhing g.yo sgyu chung // dam la gnas shing thugs brtser ldan// rgyud lung man ngag kun la mkhas// gcig pu rang gnas 'jigs bag med// gdeng dang ldan pa'i bla ma dgos// gnas khang phun sum tshogs pa ni// dur khrod nag por da rod can// mkhar phung shul lam dug shing rkang gcig rtsa// gtsug lag 'dre can brag chu 'thab/ ri gsum rtse'am dgu 'dus rtse// bla ma dgongs dang ldan pas bya// dgongs pa med na bkra shis gdams// lnga par byin dang ldan pa'i gnas// bkra shis nyams dga' gnas su bya// de ltar byas na phung 'tshang chung // de lta bu yi gnas dag tu// yun rings mtshams dang ldan par bya// dus ni zhag dang zla ba dang // lo yi dus dang gsum dus// nam zla'i dus ni dgun zla ra// dpyid zla 'bring dang dbyar zla 'bring // ston zla ra ba'i dus su bya// mtshan ma rtags dang dus dang grangs// bsnyen bsgrub dus su shes par bya// dus tshod ma nor don grub na// the tshom med de gdon mi za// 'khor ni gtsang sme chung ba dang // bag tsha med de brtul zhugs che// khu ldog med cing dam la gnas// g.yo sgyu chung dang ru la
- 57a
'dud// rtag tu dad brtson le mo med// gsang thub dpon mched brtse gdung che// de lta bu yi 'khor la gdams// yo byad phun sum tshogs pa ni// yo byad 'tshogs na don rnams 'grub// yo byad gsum du shes par bya// 'tsho ba zas dang rkyen bzlog sman// bsgrub pa rdzas kyi yo byad gsum// sgrub pa'i cha rkyen yin par gsungs// yod byad nus mthu cher ldan pas// de la shin tu nan tan bya// bstan pa phun sum tshogs pa ni// don gyis bstan dang tshogs kyis bstan// phur ni chos nyid bde ba'i klong // pa ni rag ma lus pa'i ngang // phur ni skye ba med pa'i dbyings// pa ni dgag pa med pa'i don// phur ni chos kyi dbyings nyid de// pa ni rig pa'i ye shes yin// phur ni sems nyid dag pa'i klong // pa ni gsal ba'i rig pa'o// phur ni mnyam pa nyid kyi dbyings// pa ni ye shes bde ba gsal// de ltar don rtags gnyis med don// 'khor rnams kun gyis de ltar byor// rdo rje phur pa mdung rtse nag po gsum pa'i rgyud las/ rgyud kyi don dang phun sum tshogs pa'i le'u ste gsum pa'o// de nas las rab gang byed kyang // phyi nang bar dang gsang mtshams dang // gral lhag bshags byin gzhung ldan bya// de nas las rims dgongs la 'jug/ dang po ting 'dzin rim par bsgom// rang bzhin rnal 'byor bde gshegs gsum// ting 'dzin
- 57b
re la shes par bya// rang bzhin mnyam bzhag rnal 'byor nyams// bde gshegs 'bras bu rdzogs pa'o// dbang chen rim pas dgongs pas skyed// phyi nang gsang ba gsum du shes// gzhal yas gdan dang bcas pa yang // tshul ni de ltar shes par bya// dgongs pa cig char rim gyis pas// gtso bo sku ni bskyed par bya// mkha' gsang byin brlob rim pa gsum// 'phrin las rnam bzhi gtso bo drag/ ma nor tshul du bsgom par bya// de nas 'khor gyi sku bskyed pa'o// phyi yi mtha' ru gcig bskyed de// nang gsang mkha' nas rim pa bskyed// lhag pa ting 'dzin bdag gi sras// lhag pa'i gzugs brnyan gzhan sras dgod// sras mchog rdo rje phur pa 'di// tsit+ta gsang ba'i dkyil nas gdon// sras mchog thugs las bskyed pa'o// dam tshig dkyil 'khor bskyed pa dang // gtso bo 'khor dang rdzas sras gsum// dkyil 'khor gsum du shes par bya// rtsa ba bskyed dang las kyi sngags// gtso 'khor kun la shes par bya// rtsa ba rgyud dang bskyed pa rkyen// las sngags bsnyen bsgrub dus su yin// ma nor don la 'jug pa dang // bar du gcod pa tshar yang gcad// gzhung bzhin bsgrub pas don rnams rdzogs// rdo rje phur pa nag po mdung rtse gsum pa'i rgyud las/ ting nge 'dzin gyi rim pa bsgom pa dang dam tshig gi dkyil 'khor bskyed pa'i le'u
- 58a
ste bzhi pa'o// // de nas rang bzhin spyan sngar mchod// gnyis su med par bstim par bya// spyan drangs mchod bstod gzhung bzhin bya// bsnyen bsgrub bzhi ru shes par bya// bsnyen pa'i dus su rang sngags la// sa ma dza yi sham bu gdags// nye bsnyen dus su las sngags la// dmod sngags dag gi sham bu gdags// sgrub pa'i dus su rbad sngags la// man ngag sngags kyi sham bu gdags// sgrub chen dus su bsad sngags la// thun sngags dag gi sham bu gdags// tha ma las kyi sbyor ka las// sgrol bsad gdab pa'i las rnams dang // thun zor gtad mnan las rnams dang // sbyin sreg las rnams sbags par bya// bsnyen bsgrub gzhung bzhin rdzogs pa dang // lan gsum lan bdun bcu gcig gam// yang na bco lnga'am nyi shu gcig/ yang nas yang du bsgrub par bya// rab kyi sa gsum 'bring gi bdun// tha mas lan ni bcu gcig bsgrub// tha ma'i tha mas bco lnga'am// yang na nyi shu rtsa gcig bskur// de kyang las rnams ma grib na// spogs pa'i cho ga gzhung bzhin bya// lan gsum byas nas gdon mi za// lan bdun bcu gcig byas gyur na// 'theb bshom med de phung par 'gyur// des kyang grub par ma gyur na// dam tshig nyams sam dpon mched la// dam nyams bshags shing bskang gso bya// de nas bsnyen bgrub gzhung
- 58b
btsugs la// sgrub dang sgrub chen nub bdun btud// spogs pa'i cho ga nub bdun lnga btud// de ltar gzhung bzhin bsgrubs gyur na// gdon mi za ste the tsom med// des kyang 'grub par ma gyur na// dam tshig gtad med zhig med pas// nub mthu las 'phro med 'gyur bas// gtan nas phro bcad dge ba la// brtson 'grus bskyed la 'bad rtsol bya// sgom bsgrub yang dag don la 'bad// de ltar 'bad pa byas gyur na// thun mong mchog gi dngos grub thob// rdo rje phur pa nag po mdung rtse gsum pa'i rgyud las/ spyan drang ba dang / mchod pa dang / bsnyen bsgrub kyi don gyi le'u ste lnga pa'o// / de nas gzhung gi don bstan pa// nag po mdung rtse gsum zhes pa// gsad dang dbab dang sbram dang gsum// mdung rtse gsum zhes de la bya// dang la gsad pa'i mdung rtse gsum bstan// bsad thabs rnam pa gsum yod de// gsum po ya yang dgu yod do// gdab gsal dgongs pa gsad pa dang // thun zor las kyis bsad pa dang // mnan gtad rdzas kyis bsad pa dang // rab la mdo tsam smos pas chog/ 'bring la tha ma'i don du bshad// gdab pa bsad pa ji ltar bsad// gsal bas bsad pa ma 'tshal na// dgongs pas bsad pa ma 'tshal na// dpal ldan rdo rjes bstan du gsol// thun dang zor dang lus dang gsum// dpal chen
- 59a
dpa' bos bshad du gsol// mnan pa gtad pa rdzas kyis bsad// gang ltar mnan pa ji ltar gtad// rdzas kyis bsad pa bshad du gsol/ khrag 'thung chen po 'di ltar mdzod// gdab pa'i gnas ni gcig dang gsum// lnga dang brgyad dang bcu gcig dang // bco lnga nyi shu gcig tu gdab// gcig tu gsang ba tsit+ta la// gsum na lus ngag yid gsum la// lnga nas yan lag rnam lnga la// yang na dbang po lnga la'o// brgyad pa gdab na dkar nag mtshams// skra mtshams don gsang rtags gsang gsum// dpung mgo gnyis dang dpyi mgo gnyis// brgyad du gdab par shes par bya// bcu gcig gdab pa mig gnyis dang // gser sgo gnyis dang na ngas gnyis// kham ta'i khyil dang tsit+ta'i g.yas// g.yas dang g.yon dang dkyil dang gsum// bcu drug mdo ru gdab par bya// bco lnga gdab ba bdud khung dang // lag mthil rkang mthil g.yas g.yon bzhi// brla dkyil byin dkyil g.yas g.yon bzhi// gru mo gnyis dang mtshan khung gnyis// bdun rgyab dag tu gdab par bya// nyi shu rtsa gcig dbang sgo bdun// tsit+ta'i steng 'og dkyil dang gsum// yan lag lnga dang lus ngag yid// sku ltebs g.yas g.yon lce nar gdab// yang na dge sdig cha mnyam phyir// spyi bo rkang mthil gnyis su gdab// man ngag de ltar ma shes na// btab kyang
- 59b
nga la don med yin// gdab pa'i dus su bla ma yin// cha gos nag po lnga gon la// rdo rje gzhon nu'i dgongs par 'jug/ gsal ba rnam gsum dran byas la// dpa' bo rtsa ba'i dkyil 'khor gsal// sras mchog khro bcus byin brlob gsal// gzas pa byad bzhin ngo mdog gsal// de ltar gsal byas dgongs pas brdeg/ gsal bas bsad pa shes bya'o// gdongs pas bsad pa'i ji ltar gsal// dpal chen dpa' bos bshad du gsol// dgongs pas bsad pa'i don bstan pas// bdag nyid rdo rje gzhon nur bsgom// sras mchog badz+ra kI la yi// sku gsung thugs su byin gyis brlob// spyi bor oM la mgul du aM// thugs kar hUM ni bsgom par bya// rgya mdud gong 'og yab yum bcu// zur gsum phaT gsum rtse mo phaT// sgo ba bzhi ru shes par bya// thel gsum hUM gsum srungs ma gsum// de ltar byin rlabs gu gul sbyar// nyungs kar rgyal pos gzi byin te// bdag nyid sor mo'i bre ga la// zla dal lnga la 'bru lnga dgod// g.yas g.yon thabs dang shes rab bsgom// bar du phur pa bcu gnas dril// gsang sngags dam pa 'di bzlas so// oM laM hUM laM staM pa naM/ b+ha ga ban/ shri kri bi kri/ badz+ra kI li kI la ya/ sarba big nan baM hUM phaT/ badz+ra hUM ka ra hUM a/ de skad lan stong bzlas byas pas// phur pa sngags la 'od byung bas// 'jig
- 60a
rten khams ni thams cad khyab// bde gshegs thugs dam rgyud bskul nas// rnal 'byor dam tshig chag nyams bskangs// sems can don byas nyon mongs sbyangs// 'od phung slar 'dus phur la thim// phur pa bkrag dang gzi mdangs bskyed// sku stod khro bo chen po la// sku smad zur gsum dpal dang chas// ye shes sprul pa'i phur pa ste// klad la bskor dal dril ba yis// ri rab gling bzhi gza' skar rgyan// gyur na gzas pa'i dkar na mtshams// btab pas grog tshang bshig pa bzhin// gul gul shig shig gyur pa yis// gzas pa po yang gul gul shig/ gyur pas dgongs pa dkar nag dkyil// rgyab pas gzas pa'i lus po ste// tsa sgo 'dra bar phug bsregs nas// tsit+ta rin chen gur phug 'dra// gur rdibs bzhin du 'bas kyis 'dus// kun gzhi dar dkar 'dra ba de// gtar tshan sbur bzhin btul gyis bsregs// nri tshe ba rgya phaT dral nas// khrag tsal pa sran ma tsam// gtar tshan chu bzhin tog gis blangs// ni tshe ljang khu la brgyab pas// ljon shing rtsad nas bcad pa bzhin// gzas pa sngo 'drad song bar bsam// phur pa bton pas zho 'bru nas// gzar ba bton bzhin sngar tsam gyis// bton nas bdag la bstim pa yis// gzab pa'i tshe phrogs bdag la bstim// ye shes 'bru gsum gyur nas
- 60b
ni// lus ngag yid gsum gzi mdangs bskyed// bdag dang gzas pa gnyis ka yi// tshe lung khrus lung don gyis sbyar// de nas gdab pa'i 'phrin las bya'o// dbang bskur byin brlabs gzi byin skyed// gong ltar tshe khrus bzhin du sbyar// rdo rje gzhon nu sku gsal btab// man ngag 'di brjod phur bskor bya// oM badz+ra kI li kI la ya/ che ge mo a pa ra tsi ta/ a na tsi ti/ dza ya thi ye// ka tang ka te/ hUM pa ri bad tan// ts+tshin+da ts+tshin+ta/ che ge mo mA ra ya/ ma ra sa na pra marta na ye hUM phaT/ nri nri/ de la sogs pa'i man ngag kun// rtsa ba ru ni shes par bya// sngags drug dag kyang gzhug la gdags// oM badz+ra kI li kI la ya/ che ge mo ha sa ya/ ra ya ni had na hUM phaT/ a be sha ya a be sha ya hUM phaT/ shi krin a na ya hUM phaT/ dza la pa ya dza la ya hUM phaT/ ta tha ya ta tha ya hUM phaT/ bi ta ya bi ta ya hUM phaT/ sngags drug man ngag dam pa ni// skad thon khong skas bzlas pa dang // man ngag nu lugs bzlas pa'o// gzhug la zang thal bzlas pa'o// las kyi sbyor ba nub tha ya la// 'debs pa'i dus su lugs 'dis gdab// oM badz+ra kI li kI la ya/ che ge mo tsit+ta tsit+ta badz+ra hUM hUM phaT/ ma ra ya/ oM badz+ra kI li kI la ya/ che ge mo ma ra ya phaT/ kI la ya yis mgo mnan pa// thams cad kun la shes par bya// ha na ha na hUM phaT/ bin d+ha bin d+ha kha ta kha ta hUM phaT/ g+hA ya da ha hUM
- 61a
phaT/ g+hu ya da ha hUM phaT/ ha na ha na hUM phaT/ grih+Na grih+Na hUM phaT/ ma tha ma tha hUM phaT/ da ha da ha hUM phaT/ 'bur sta 'bur sta hUM phaT/ tsi ta ha na hUM phaT/ hU ra bu hUr bu hUM phaT/ ka ta ka ta hUM phaT/ da ha da ha hUM phaT/ ha ra ta ha ra ta hU~M phaT/ tsi ta ba ra ta hUM phaT/ da ha da ha hUM phaT/ nr-i tri nr-i tri hU~M phaT/ pa tsa pa tsa hUM phaT/ tad ya tha tad ya tha hUM phaT/ sarba a na ya hUM phaT/ las kyi gzhug la gdags pa'o// rdo rje phur pa nag po mdung rtse gsum pa'i rgyud las/ gsal dgongs pas bsad pa'i le'u ste drug pa'o// // de nas thun zor las kyi bsad de/ dang la thun gyis gsad pa ni// brnag pa thun nag gi le'u 'dis/ thun gyi man ngag rdzogs par bya// bla mas nag po'i rgyan chas lnga gon la// dkyil 'khor khru gang tshad du bya// gru gsum sum brtsegs kha khyer la// za byed zhal dang mda' gzhur bcas// mtshon cha lnga dang rtsang gis bskor// dkyil 'khor chen po lho nub bca'// de dbus mon pa'i thod nang du// khrag chen la sogs khrag sna tshogs// b+han d+ha'i nang du blugs la bzhag/ rabs chad mdze po'i thod nang du// dug chen la sogs dug sna tshogs// blugs la gru gsum nub tu bzhag/ snol dri mo yi thod pa ru// nyungs kar rgyal po bdun la sogs// nyungs kar sna tshogs blugs la bzhag/ byang shar dag tu bzhag par bya// sa
- 61b
bdag rgyal po'i thod pa ru// phur pa khab tsam bdun blugs la// gru gsum shar lho'i rtse la bzhag/ de nas thun sngags dam pa bzlas// oM badz+ra kI li kI la ya/ che ge mo su kri ba ya ba ra tsa ka/ yo gi shwa ra sa ma ya tsit+ta hUM phaT/ me ri kun da li/ thabs thub rbad khrag sti rma ra rbad/ ma ra ya nri tsit+ta rbad thums/ dang la grangs med rtags dang mtshan ma grub nas grangs kyis grub// rdo rje phur pa nag po mdung rtse gsum pa'i rgyud las/ brnag pa thun nag gi le'u ste bdun pa'o// // de nas dmod pa thun nag dang / man ngag thun ni brdeg par bya// oM badz+ra kI li kI la ya/ che ge mo ma ra ya/ du ru kan/ phi ra sha ho/ ma ra ya du ru/ sma sha ni ma ra ya/ ma kha ni ma chu ma/ ha ba ma hu ba ma/ mA ra ya bruM bruM nr-i nr-i b+h+yo b+h+yo/ oM badz+ra kI li kI li ya/ che ge mo ha sa ya ra na ha da na/ de ba pra be sha ya hUM phaT/ a be sha ya/ a be sha ya hUM phaT/ shi krin a na ya hUM phaT/ dza la pa ya dza la pa ya hUM phaT/ tad za ya tad tha ya hUM phaT/ bid ta ya bid ta ya hUM phaT/ che ge mo mA ra ya nr-i nr-i dz+nyA/ oM badz+ra kI li kI la ya/ che ge mo ma ra ya hUM ma ma pa shi ku ru ma taM nya ka ra/ in nan d+hi tiki/ ma karma shi krang karma nye ya mA ra ya nri dzA/ rdo rje phur pa nag po mdung rtse gsum pa'i rgyud las/ dmod pa thun nag dang man ngag gi thun gyi le'u ste brgyad pa'o// / de nas zor gyis bsad pa la// khrag zor
- 62a
nyungs zor phrar zor gsum// mda' zor nang du blugs te 'phang // zod zor nang du blugs te 'phang // ra zor nang du blugs te 'phang // lag zor nang du blugs te 'phang // mda' mo stug ma tshigs bdun dang // lnga pas skyug rgod mda' skyug bya// pho rog sbrang kha kha drin bya// smyug tshigs dgu pa sbron par bya// 'ug pa kha sgrin pu shud kyis// sgyug tshigs bdun pa sgron par bya// khu byug 'ug pa pho rog khra/ lnga pa dag la sbron par bya// dgu par khrag chen rta khrag dang // ba khrag g.yag khrag bzhi blugs so// bdun par khrag chen rta mgo rog khyi khrag sgre khrag bzhi blugs so// lnga par khrag chen zug ri khrag/ gtso bor ra thug khrag blugs so// dgu par nyungs kar nyer gcig blugs// bdun par ske tshe nyer gcig blugs// dgu par skyer phur khab tsam bdun// bdun par mdze mo'i phur pa bdun// lnga par glang phur bdun blugs so// skyer pa mdzo mo glang ma gsum// mgo mjug ma nor mde'u bya'o// dgu pa sngo la bdun pa dmar// lnga pa ser po sgro rtsar dbyug/ gong gi khrag nyungs phur la sogs// blug la sngags ni bri bar bya'o// bdun pa dgu pa lnga pa la// sngags ni rim par bri bar bya'o// oM badz+ra kI li kI la ya/ che ge mo tsa pa la a shug me/ badz+ra ra ti phaT/ badz+ra gardza ti phaT/ oM kI li ki la ya/ che ge mo trag rag sha ma ni dun b+h+yo/
- 62b
ma ma yag sha tig sna nag dug b+h+yo// oM badz+ra kI li kI la ya/ che ge mo su tri badz+ra tsit+ta ra ya/ yo gi shwa ra ya/ sa ma ya tsit+ta ya b+h+yo/ thun zor bsnyen bsgrub bzhi la ni// bzlas pa'i sngags ni mda' yis bya// bsnyen pa gong gi bri sngags so// nye bsnyen ya ni bzlas pa'i gus// oM badz+ra kI li kI la/ kro d+ha kro d+ha ha he phaT b+h+yo/ che ge mo tsa pa la a shug me/ badz+ra ra ti phaT/ badz+ra gardza ti phaT b+h+yo/ oM su kri ba ya/ badz+ra tsa ka yo shwa ra/ sa ma ya tsit+ta hUM phaT/ me re kun da li/ thabs thubs rbad/ khrag ti rba ra rbad/ rbad rbad b+h+yo mA ra ya phaT/ oM badz+ra ki li ki la ya/ krod+ha krod+ha ha he phaT b+h+yo/ che ge mo trag rag sha ma'i dun b+h+yo/ ma hA yag sha tig rna na mo'o// oM su kri ba kri ba ya ba/ rA dza ka yo gi shwa ra/ sa ma ya tsa hUM phaT/ me re dun da li/ thams thums rbad/ khrag tirma ra rbad/ phaT rbad/ mA ra ya b+h+yo/ sgrub chen la ni ngan sngags 'di// oM badz+ra kI li ki li ya/ kro d+ha kro d+ha ha he phaT b+h+yo/ che ge mo swa tri badz+ra ya/ badz+ra tsa ta ya/ oM gai shwa ra ya/ ya ma tsaH/ oM su kr-i ma ya ba/ ra sha yo gai shwa ra/ sa ma ya tsany+tsa hU~M phaT/ mo raM kun da laM/ thams thams/ khrag te rmad zad/ mar b+h+yo/ bsgrub chen nub ni tha ma la// oM badz+ra kI li kI la ya/ krod+ha kro d+he ha he phaT b+h+yo/ che ge mo la b+h+yo b+h+yo b+h+yo/ de nas thun lhag khrag dang ni// bdud rtsi chang phud thod nang khyer// ri rtse dur khrod mchod khang ngam// ri bi
- 63a
sbrul dkyus lung pa nag/ rkang gcig 'chad khang dmar nag/ gser skyems bzang la zor 'di 'phang // dang por zor lam bsam bya ba// mtho mtho ni zhabs sngogs shig/ lha gnyan ni zhabs sngogs shig/ dma' dma' dbu chum zhig/ klu gnyan ni dbu chum zhig/ bar bar ni sku zur cig/ yul lha dgra lha sku zur cig/ lha srin sde brgyad sku zur cig/ sa bdag gnyan rnams sku zur cig/ gser skyems gsol lo// zor gyi lam 'di phye/ khrag phur zor 'phros pas// sku la ni phog ga re// mda' nyungs kyi zor 'phros pas// sku la ni phog ga re// zor gyi ni lam 'di phye// snum chen gyi dud pas gtang // dung dang ni rnga rol bsgrags// b+h+yo ma yel ma yel gal ga can// thun zor brdeg pa'i dus la bab/ khrag zor 'phang ba'i dus la bab// dmar lam bstan pa'i dus la bab/ khrag nyungs 'phang ba'i dus la bab// ra phur nga ba'i dus la bab// lag zor 'phang ba'i dus la bab// phur bu mda' 'phen sha ra ra// nyungs kar sgrub ril sil li li// dmar mo khrag mda' ci li li// ma mo zor 'phen si li li// do nub zor gyi las mdzad ma// bcom ldan dpal chen yab yum dang / khro bo pha bcu ma bcu dang // za byed pa bcu ma bcu dang // sras mchog nyi shu rtsa gcig dang // srungs ma rnam gsum sgo ba'i tshogs// zor gyi las 'di myur du
- 63b
mdzod// zor 'phangs slar la ma ldog cig/ gzas pa'i snying la zor 'di rgyob// yan lag lnga la zor 'di rgyob// dam tshig sprul pa'i dus la bab// phyag brnyan sgo srungs ma yi tshogs// zor las dam pa myur du mdzod// rdo rje phur pa nag po mdung rtse gsum pa'i rgyud las/ phur zor gyi le'u ste dgu pa'o// // de nas las kyis bsad pa bstan// rdo rje dpa' bos bstan du gsol// khrag 'thung chen po nga yis zhus// khrag 'thung chen po la bshad kyis// snod ngan dam med gar dga' la// bshad na rdo rje dmyal bar skye// de bas dam la ma 'da' zhig/ dam gnas dad can tshun gshis dang // gus shis g.yo sgyu med pa la// gzhung bzhin spyod la gtad par bya'o// nag po bsad pa'i thun lam gsum// gnas lam par lam bsad lam gsum// lam gsum ma nor rab tu gces// dang po gnas lam bshad pa yis// grol lam dbus su thod pa gzhug/ g.yas su phur pa g.yon du khrag/ bcug la thun ni rtag tu brdeg/ gtso 'khor srungs ma sgo ba'i tshogs// bar bar bskul la drag tu bya'o// bar lam dam pa bstan pa la// ri gsum rtse'am lung gsum mdo// dur khrod khang ngam se'u'i mtshan// rkang pa gcig pa'am gong gsum las// gang rung bar lam gzhug par bya// g.yas su phur pa g.yon du khrag/ dbus su thod pa gzhug par
- 64a
bya// bar lam bsad pa'i dam pa 'di// lam 'byed pa yi las rab yin// gsum pa bsad lam bstan pa ni// gzas pa'i khang pa gnas dang rten// zhing tshigs yul tshigs gang rung la// g.yas su thod pa g.yon du khrag/ dbus su thod pa gzhug par bya// bcug la gsad pa'i lam 'di brtsam// gsang lam gsum po ma shes na// las bu la gzhan du 'bo bar 'gyur// de bas 'di la nan tan bya// thod pa gsum po bstan pa la// thod chen sre mo byi ba gsum// dang po thod chen bar du zi// tha mar byi ba'i thod pa gzhug/ phur pa gsum po bstan pa la// mchog phur skyer phur sher shing phur// ma rnyed na tha ma dug chus bsku// khrag chen pa dang khrag chen dang // rta khrag khyi khrag gsum gyis bya// lam gsum bstan na don gsum 'grub// dang po lha rten bar pas 'byed// tha mas gsad pa'i don 'grub bo// dang po rbad sngags bar du dbye// tha mas bsad sngags bstan pa'o// oM badz+ra ki li kI la ya/ krod+ha kro d+ha ha he phaT b+h+yo/ nri tr-i/ rba na ya rba na ya/ tsit+ta chum/ mA ra ya phaT/ oM badz+ra kI li kI la ya/ kro d+ha kro d+hi ha he phaT b+h+yo/ ha sa ya ra na ha da na de ba pra be sha ya/ trag shag mA ra ya phaT/ oM badz+ra ki li ki li ya/ nri tri/ kro d+ha kro d+hi ha he phaT b+h+yo/ tsit+ta rbad zums mA ra ya/ subs tsit+ta rbad/ phyogs thums mA ra ya phaT/ rtag tu thun brdeg par bar
- 64b
du// zor brdeg lam gsum ma nor bar// mchod bsten bskul zhing thun zor brdeg/ ma nor don la yid ches bya'o// rdo rje phur pa nag po mdung rtse gsum pa'i rgyud las/ zor lam bstan pa'i le'u ste ba pa'o// // de nas dpal chen he ru kas// mnan gtad rdzas kyis bsad pa la// dang la mnan pas bsad 'dod na// gnas dang rdzas dang sngags dang gsum// gnas ni gang dang gang du mnan// de la 'og ma la 'og them 'og gam// rgya gram lung gsum chu gsum mam// shing gcig dur khrod lha rten nam// lha khang mchod rten gnas khang rnying // grog po phu rdug lu ma'i dkyil// de ltar bcu bzhi dag tu mnan// 'dam par dkyil 'khor 'og dang // them 'og dag tu mnan par bya// de la rtag tu dmod pa dang // brnag pa thun nag ngan sngags dang / thun ni rgyun du brdeg par bya// mnan pa'i rdzas su bstan pa la// gangs kyi dum bu ju tshe phub ma dang // srub ma'i lo ma dur khrod ri phung sa// 'khor ba'i so sa du mkhar chen phung ba'i sa// grog mkhar sa dang gra zhing mu ma'i sa// bdud rtsi lnga dang sha khrag sna tshogs dang // pho rog 'ug par sha khrag sna tshogs dang // srin bya sbal pa'i sha rus khrag/ dmigs pa sdig pa'i sha rus khrag/ dgra khyim dkyil 'khor sa dang mdze gnas sa// de rnams bsres la ling kha bya ba ni// gtsang po pha ka tshu ka'i 'dag pa
- 65a
sbyin pos byug/ thal chen khrag chen dug chus thal kar bya// dpral bar ming la snying khar rus// 'doms su mA ra ya bris// kI la ya yis g.yas bskor bya// sngags drug g.yon bskor bri bar bya// de ltar byas la 'brub khung du// rkang pa byang shar mgo lho nub// yugs sa mo yi mkhar nag skud// skye nas btags la phur la gtod// gan rgyan bzhag la gsal gsum ldan// byas la mnan sngags shog bu la// byis la mdun du glan la bzhag/ gshed chen la brgya la 'phang du gtad// dkar nag mtshams su skyer phur cig/ bsngags sngags pa cig rgyab la bzhag/ thal phyung gshed chen las rgyal la// sleb ma / slob tsam gnan la bzhag/ dur khrod ras mas phur nas ni// yugs sa mo yi skra bshad kyis// phyin ka log gis bkyigs la bzhag/ dur khrod g.yam pa sngon po la// dbang chen rdo rje rgya gram bri// steng nas bkab la mnan la bzhag/ sngags kyis mnan pa 'di ltar bya// dang po dpal dang ma mo dang // chos skyong srungs ma 'khor dang bcas// lha ma srin ni sde brgyad dang // gnas de'i bdag po 'khor dang bcas// dam bdar dbang gzugs legs par bya// de nas dpa' bo rdo rje yis// rdo rje rgya gram 'gros kyis ni// mnan cing sngags 'di bzlas par bya// oM badz+ra kI li kI la ya/ krod+ha kro d+hi ha he phaT b+h+yo/ nri tri//
- 65b
ta sa ya ra na/ de ba pra be sha ya phaT/ nri tri/ gam tri nan/ dran pa myogs tri nan// tsag tri nan/ gser tri nan/ nas tri nan/ kham ta nan/ tsit+ta nan/ gu ya gsang ta nan/ nr-i tri dza dza/ rbad thums sa ma ya staM/ ma ra ya phaT/ de nas ling ga gsum byas la// gcig mnan gcig ni rgya mtshor sgyur// gcig ni khyi yi thod par gzhug/ dang po mnan la thun brtag brdeg/ gnyis pa mtsho sman la gter gtad// gsum pa pha med dur du gzhug/ de ltar byas la dus rtag tu// brnag pa thun brnag ngan sngags kyis// brjed pa med par rtag pa ru// thun ni rgyun mi bcad par brdeg/ bar pa bskul la zor yang 'phang // rdo rje phur pa nag po mdung rtse gsum pa'i rgyud las// gsang ba man ngag gi le'u la mnan pa'i le'u ste bcu gcig pa'o// // de nas dpa' bo 'jigs byed kyis// dkon mchog bstan pa bsrung ba dang // sku dam dgra dang sgos dgra dang // log byed gnod pa mtha' dag la// brnyas byed dge la bar du gcod// don du gtad khram gsang ba 'di bstan pa bya yis dam par zung // gsang ba'i lhag don 'di las med// dam bca' don du phyin pa dang // dad ldan brtson 'grus che ba dang // lung dang man ngag ldan pa dang // yang dag don dang ldan pa gtad// de dang mi ldan mi phyin ci log/ dus su ma phyin dam tshig med// g.yo sgyu che zhing dang brtson
- 66a
med// gzhan du khungs 'byin ser sna che// de dang ldan pa'i gang zag la// bstan na rdo rje dmyal bar skye// de bas 'di la nan tan bya// de bas yang dag dam par bya// gtad khram dgu pa gsang ba 'di// yang dag don dang ldan pa la// bstan pa bsrung ba'i don du gtad// chos skyong srungs ma bdud dang rgyal po dang // btsan dang dgra bla klu dang mtsho sman dang // lha srin sde brgyad yul lha gnyen la gtad// rgyas par chos skyong srungs la gtad// rabs chad nag po'i thod par ma mo'i gzugs byas gzhug/ gzas pa'i ming bris shing shun dril// la cha'i og phor bcug la ma mo'i g.yon du bskur// gzas pa'i khram byang bris la g.yas su bskur// mnan pa'i gnas ni 'dab par bya// mchod rten nag po'i 'og gam gtsug lag mgon nag 'og/ gnas khang 'dre can stong bar gru gsum sol khung byug/ rdo rje rgya gram kha bcad las rgyal 'phang du gtad// chos skyong srungs la bden bdar dbang yang gzugs// gsang sngags pa yis mnan par bya// oM badz+ra kI li kI la ya/ ni tri gam tri nan/ ni tri nan/ dran pa phyogs tri nan/ tsag tri nan/ gser tri nan/ sa na sa tri nan/ kha ma ta nan/ tsit+ta nan/ gu ya gsang ta nan/ nr-i tri mA ra ya phaT rbad/ thums ni mA ra ya dza dza/ trag rag sha la snying rtsa la ya/ dun dun ma ra ya phaT/ bdud la gtad
- 66b
pa mon thod du/ bdud la gzugs byas lag g.yon du/ ling ga shing shun dril la bskur// g.yas su khram byang mnan la ni// nub phyogs brag nag steng dkar po// mon pa khoras pa 'dra ba'i rtsa ra// gru gsum la sogs gong mthun// bdud la bden pa dar dbang yang gzugs// mgo mnon mnan sngags gong dang mthun// tri ni bdud long dung dung sod mA ra ya// de nas rgyal po la gtad na// rgyal po'am khyi dkar thod pa ru// rgyal gzugs byas la lag g.yon bskur/ khyi dkar lpags pas ling ga dril la bskur// g.yas su khram bskur mnan pa ni// shar phyogs rin chen kha 'am brag dkar zang nge rtse// spre'u ldem bya shar zur la mnan// gru gsum la sogs gong dang mthun// mgo mnon mnan sngags ting la bzlas pa ni// hUM ra tsa ka karma dung nge so tsit+ta la yang rbad thums mA ra ya/ de nas btsan la gtad pa ni// btsan gzugs la bud med yug sa'i thod pa ru// ra dmar thod par btsan gzugs gzhug/ ling gar dmar lpags pas dril// ling ga g.yon bskur khram byang g.yas su bskur// mnan sa byang shar brag dmar 'tsho la zangs 'dra ba'am// grog po dmar po dmas can phugs rdug mnan// gru gsum la sogs dkyil 'khor dang mthun// btsan la bden bdar dbang yang gzugs// mgo mnan mnan sngags gzhug la btsan
- 67a
sngags gdags// bcan 'gong dmar po srog la breng thun thun tset+ta zad/ de nas dgra la la gtad pa/ dgra lnga'i gzugs byas sde dri mo'i thod par gzhug/ ra'am brang ba'i pags pas dril// lag pa g.yon du ling ga bskur// g.yas su khram byang gtad la mnan pa ni// gzas pa'i lha 'dre steng 'og gam ra tho'i 'og tu mnan// hUM ra tsa swa ti tsit+ta rbad thums ma ra ya phaT// de nas klu la gtad pa ni// sbal gzugs byas la mdze bo'i thod par gzhug/ nya lcibs dril la lag pa g.yon du bskur// g.yas su khram byang bskur la mnan pa ni// chu mig nag po'i sa bdag gnyen cher mnan// gru gsum la sogs gong dang / mthun// klu la dam bdar dbang yang gzugs// mgo gnon mnan sngags ting la bzlas pa ni// nA ga rA dza dza la/ tsi tsi mugs/ mA ra ya phaT/ de nas mtsho sman la gtad pa// mtsho sman gzugs byas chu srin thod pa'am// me reg do/ hUM la gtums la lag g.yon bskur// g.yas su khram byang bskur la mnan pa ni// gting rdo dang sgrags mtsho sman yod par bsgyur// mtsho sman dbang gzugs dam yang bdar// mgo mnan sngags gting la bzlas pa ni// hUM mu le mugs subs ti sta myogs la rbad ti sta myogs la rbad/ de nas lha srin sde brgyad la gtad pa// mon zod rgyal zod gang rnyed du// lha srin gzugs
- 67b
byas sbrul gyi pags pas gtums la gzhug/ g.yon du ling ga bskur zhing g.yas su khram byang bskur la mnan// lung gsum chu gsum brag dang chu 'thab par// mkhar phug dur khrod ro langs lha 'dre 'du ba'i gnas// rkang gcig rtsa'am rgya gram lha khang ngam// mchod rten 'og gam chu mig lkugs par mnan// gru gsum dkyil 'khor gong dang mthun// bden bdar dpang gzugs dang mthun// mgo mnon mnan sngags gzhug la bzlas// hUM ra tsa breng breng dung dung gtso gtor pa ma rbad/ de nas yul lha gnyen po la gtad// yul lha gzugs byas khrag gis byugs// mi rta ra khyi khrag gis byug/ shing shun ro gos ling ga g.yon bskur khri kha g.yas// mnan sa lha 'dre rten rmang du mnan// gru gsum la sogs gong dang mthun// dam bdar dbang gzugs mnan sngags bzlas// mgo gnan mnan sngags gzhug tu bzlas// hA long ci long khram rtse dmar thum/ tsit+ta la ya rbad mA ra ya phaT/ gtad khram rgyu ba ma nor ba tsit+ta'i yang sba bar bya'o// rdo rje phur pa nag po mdung rtse gsum pa'i rgyud las/ gtad khram bsad pa'i le'u ste bcu gnyis pa'o// // de nas rdzas kyis bsad pa ni// gsang sngags dam pa 'di bzlas na// rdzas kyis bsad pa gdon mi za'o// oM badz+ra kI li kI la ya/ krod+ha krod+ha tsit+ta rbad/ thums mA ra ya/ de skad bzlas la
- 68a
rdzas kyis bsad// rdzas kyis bsad pa gang dang gang // snying chen sha chen khrag chen dang // tshil chen zhun chen klad chen dang // dri chen dug chen chang gis bsring // zod chen nang du blugs la// phag pa'i tshul bus thod chen byug/ dug chus bskus la gzas pa yi/ khyi la byin la 'drad du gzhug/ de ltar byas na gzas pa 'chi// des kyang tshugs par ma gyur na// gzas pa'i khyi mgo de bcad la/ kham tshul khrag chen dug gis byug kha ru gzas pa'i ling ga gzhug/ gzas pa'i mu ma'i dkyil du sba// de lta byas na the tshom med// rdo rje phur pa nag po mdung rtse gsum pa'i rgyud las/ rdzas kyis bsad pa'i le'u ste bcu gsum pa'o// // de nas gsang sngags bya ba// bsnyen pa dang ni nye bsnyen dang // bsgrub pa dang ni bsgrub chen po// dus su sngags ni bzlas bya ba// bsnyen pa la ni bzla ba'i sngags// oM badz+ra kI li kI li ya/ ti ba ta tsakra/ kro d+ha kro d+he ha hi phaT b+h+yo/ sa ma ya dza/ nye bsnyen dus su bzlas pa'i sngags// oM badz+ra ki li ki la ya/ sarba big nan be hUM phaT/ ti ba ta tsakra/ ha na ha na/ oM badz+ra ki li ki la ya/ kro d+ha kro d+ha ha phaT b+h+yo// che ge mo ga dza hU lu/ ha na tiSh+Tha/ da ha ts+tshin+na/ pa tsa bin d+ha/ phoT hUM phaT/ che ge mo mA ra ya/ dur ru kan/ phyi ra sha ya ho/ ma ra ya du hu/ sma sha ni ma ra ya/ ma kha ni ma chu ma/ ha ba ma hu ba ma/ ma ra ya
- 68b
ninr-i T+Tar+thi nri b+h+yo/ sgrub pa'i dus su rbad sngags bzlas// oM badz+ra ki li kI la ya/ mo kI li ki la ya/ kro d+ha kro d+hi ha he phaT b+h+yo/ nri tri rba na ya rba na ya/ tsit+ta chu mA ra ya phaT/ nri tri ha sa ya ra na ya/ had na de ba/ pra ba sha ya hUM phaT/ a be sha ya hUM phaT/ a be sha ya hUM phaT/ shi krin a na ya hUM phaT/ dza la pa ya dza la pa ya hUM phaT/ ta tha ya ta tha ya hUM phaT/ bid d+ha ya bid d+ha ya hUM phaT/ mA ra ya phaT/ sgrub chen dus su gsang sngags bzlas// oM badz+ra kI li kI la ya/ nri tri kro d+ha kro d+hi/ tsit+ta rbad thums mA ra la/ subs tsit+ta rbad/ myogs thums mA ra ya phaT/ nri tri au su tri ba ya bA bA/ rA dza ka yo gi shwa ri/ sa ma ma tsit+ta hUM phaT/ me re kun da li/ thums thums rbad/ khrag ti dmar rbad/ phaT rbad/ ma ra ya phaT b+h+yo/ rdo rje phur pa gdab pa'i sngags// oM badz+ra kI li kI la ya/ ti ba ta tsag tsikra kra rba na big tri mA ra ya phaT/ nyungs kar rgyal po'i thun brdeg na// oM badz+ra ki li ki la ya/ nri tri/ badz+ra be ta la/ tsit+ta la rbad na trag mA ra ya phaT/ gu gul sbyar ba'i thun brdeg na// oM badz+ra ki li ki la ya/ nri tri/ badz+ra ma gu ta la/ pra ta la tset+ta tsa na subs tset+ta mA ra ya phaT/ / dug thun sna tshogs brdeg 'gyur na// oM badz+ra ki li kI la ya/ nri tri badz+ra mugs tsit+ta tsan/ mA ra ya phaT/ khrag chen la sogs thun brdeg na// oM badz+ra ki li kI la ya/ nri tri/ badz+ra mA hA rag ta/ rag mo snying za pa la
- 69a
tsit+ta la rbad na mA ra ya phaT/ rdo thun zangs phye ma yi thun// oM badz+ra kI li ki la ya/ nri tri/ 'ur ba 'ur tsit+ta rba na ma ra ya phaT/ rdo rje phur pa nag po mdung rtse gsum pa'i rgyud las/ man ngag sngags kyi le'u ste bcu bzhi pa'o// // rtogs pa 'jigs byed chen po yis// dbab pa'i las ni bstan du gsol/ khrag 'thung badz+ra he ru kas// dbab pa'i las ni gsum yod de// sngags dang rta ma btsan thabs gsum// dbab pa'i thabs ni gsum yin no// ngang la sngags kyi dbab pa bstan// bsnyen pa'i dus su bod bsnyen bzlas// sngags/ oM badz+ra kI li ki la ya/ kro d+ha kro d+ha ha he phaT b+h+yo/ dz+nyA badz+ra ki li krod+ha thibs su ru sa ma ya dza/ bsgrub pa'i dus su rbad sngags bzlas// oM badz+ra kI li kI la ya/ sa ma ya trag chum chum hril ta ka ya sa ma ya b+h+yo/ tha ma las kyi sbyor ka la// thun brdeg dbab pa'i las kyis bya// oM badz+ra kI li kI la ya/ thun thun sa ma ya trag rag shar shar/ trag thums rtse shar/ thums rtse khrad ma ma lo ser shar shar/ pa ma ma ya b+h+yo phob pho ba ya/ de ltar thun ni dbab sngags kyis// rgyab la ser ba dbab par bya'o// rdo rje phur pa nag po mdung rtse gsum pa'i rgyud las/ man ngag sngags kyis dbab pa'i le'u ste bco lnga pa'o// / de nas phebs par ma gyur na// gzer gsum btab la rta mas dbab// gnam gzer sa gzer bar
- 69b
gzer gsum// dag la gnan gzer sten/ khyab 'jug rgyu ba gnam gzer yin// rta ma 'dzud pa sa gzer yin// thun zor brdeg pa bar gzer yin// gzer gsum chud na gdon mi za// 'theb shol med par theb par 'gyur// gnam gzer thebs bzlog bza' rtsis shes// bar gzer rgyu ba'i phyi nas brdeg/ gdong tshugs rgyob na phung bar 'gyur// sa gzer rta ma 'dzud pa ni// mu ma'i dkyil dang lha tho'i / 'og/ gnyen sa gang cher gzhug par bya// dam bdar dpang gzugs dbang sngags bzlas// bstan pa gnyis po bsrung ba'i phyir// rta thog gser ba sgong ltar phob// sa ma ya zhes ngu zhing 'bod// thod pa nag po mtshan ngan du// nyungs kar thal chen dug dang bsres// thebs pa'i dus su thun zor brdeg/ sngags ni gong gi dbab sngags bzlas// gzhung bzhin bsgrub pa byas nas ni// rtags bsnams sangs rgyas bstan pa 'di yis bsrung // zor lam dbye las gzhung bzhin bya// byas nas zor ni rta phog 'phang // rdo rje phur pa nag po mdung rtse gsum pa'i rgyud las/ man ngag rta zor rgud de dbab pa'i le'u ste bcu drug pa'o// // de nas btsan thabs dbab pa ni// ri gsum rtse 'am gnyen sa'i rmigs// lung stong brag phug 'dre can nam// mchod khang lha rten yod pa'i sar// phyi nal zhing lpags phying dkar gon// gdong ba
- 70a
khrag chen dag gis byug/ thal chen g.yang byug po la khu g.yon// spyi blugs zha gon gcer bu ru// thud chen phug pa rkang chen sbed// byas la sngo skam dug shing gis// me gtang dkar zab dmar zab sbyar// ra khyi rta yi 'o ma yis// dkar thab g.yas su sbyar bar bya/ khrag chen ra khyi rta yi khrag/ yugs sa'i mngal khrag g.yon thab sbyar// mon pa'i lag pa g.yas pa dang / snrel dri mo yi lag g.yon gyis// dkar dmar zor zhing dgra phyogs rgyug/ 'o 'dod 'bod cing cho nges 'debs// rkang gi gling bu bud par byed chen rnga yang brdung bar bya// me reg ma yi zhabs mas brdag/ dbab sngags bzlas shing nyungs kar gtor/ khrag chen thal thal la gtor// de nas zor thun las kyang bya// ma dud rme dud 'bod dud dang // tshil chen gu gul nag po yi// dud pa gtang la yul lha bsgog/ ma dag ma phyogs bzhir gtor bar bya// gnyan sa lha rten yod sar gtor// dbab sngags 'di yang bzlas par bya// oM badz+ra kI li kI la ya/ thun thun sa ma ya/ trag rag sha shar trag zhum rtse shar/ thum tse khrad ma lo sred shar shar b+h+yo b+h+yo/ phob phob/ btsan thabs dbab pa'i man ngag go/ man ngang yin te the tshom med// smyon pa'i brtul zhugs byas te bsgrub// rdo rje phur pa nag po mdung rtse gsum pa'i rgyud las/ btsan thabs kyis dbab
- 70b
pa'i le'u ste bcu bdun pa'o// // de nas dpa' bo 'jigs byed kyis// dkon mchog bstan pa bsrung ba dang // sku dgra dam dgra sgos dgra dang // log lha'i gnod pa mtha' dag la// brnyas byed dge la bar du gcod// don du sbams pa gsang ba yis// bstan par bya yis dam par zung // gsang ba'i lhag don 'di las med// dam bcas dus su phyin pa dang // dad ldan brtson 'grus che ba dang // lung dang man ngag ldan pa dang // yang dag don dang ldan la gnod// de dang mi ldan phyin ci log/ dus gsum ma phyin phyin ci log/ g.yo sgyu che zhing dad brtson med// gzhan du khungs 'byin ser sna tshe// de dang ldan pa'i gang zag la// gtad na rdo rje dmyal bar skye// de bas 'di la nan tan bya// de bas yang dag ldan pas gtad// sbams pa'i man ngag dam pa ni// yang dag don dang ldan la gtad// bstan pa bsrung ba'i don du gtod// de bas sbams pa bshad bya ba// rdzas kyis sbams dang gtad pas sbams// 'khor los sbams pa gsum bstan pa'o// dang po rdzas kyis sbams pa ni// mdze bo rabs chad nag po'i thod// nang du rdzas rnams 'tshogs par gsal// mdze po'i khrag dang gzas pa'i khrag/ mdze po'i lud snabs gzas pa'i snabs// mdze bo'i mgo snying gzas pa'i mgo snying // mdze bo'i shang gcig zas pa'i bshang // mdze po'i dud
- 71a
pa gzas pa'i dud// de rnams nya cibs dril nas ni// la cha'i og phor gzhug par bya// phag pa'i snying dang rtol po'i snying // sre ma'i snying dang sbal pa'i snying // sdig pa'i snying dang rmigs pa'i snying // nya yi snying dang sbrul gyi snying // byi ba'i snying dang don gyi snying // gzas pa'i pha mes thod nang du// bcug la thal nu'i dug chus bsku// bong bu'i snying lpags kyis dril la// de rnams thod pa rangs pa ni// rongs pas sbal pa sbrul dang sdig/ de gsum khrag gis byugs la ni// na ra'i lag pas bgyigs la bzhag/ gong ma'i de tsho rangs pa la/ khrag chen thal chen sol chen gyis// byugs la sngo kyi ba mo khar// byas la gzas pa'i lha rten gyi// 'og tu bcug na the tshom med// nad ngan lo dus 'ong bar nges// ngan sngags 'di ni rgyun bzlas la// gzas pa'i lha rten khang pa la// rtag tu brgyab na phung bar 'gyur// oM badz+ra kI li ki la ya/ che ge mo zi tsi zi tsi/ tsi tsi khrad// tsi ri nag/ na ga za tsa/ tsa b+h+yAM tshu/ bri ta bri ta/ 'brul ta tsir/ tsi ra sa ta/ zhes pas gzas pa phung bar 'gyur// rdo rje phur pa nag po mdung rtse gsum pa'i rgyud las/ rdzas kyis sbams pa'i man ngag gi le'u ste bco brgyad pa'o// // de nas gtad pa'i sbram bstan pa// mdze pho rabs chad nag po'i thod nang du// gzas pa'i ming yang yugs sa
- 71b
mo// mngal khrag gis bris thod par gzhug/ g.yas su rtsa sngags mngal khrag bri// g.yon du las sngags bri bar bya// dpral bar sbal gzugs las sngags bskor// lte bar sdig gzugs las sngags bskor// rgyab tu sdom gzugs las sngags bskor// g.yas su rtsa sngags g.yon du las sngags so// dpral bar ming la snying khar rus// 'doms su ma ra ya bri// rtsa sngags las sngags sbams pa 'di// ma nor bzlas na gtad kram bya// oM badz+ra ki li ki la ya/ kro d+ha kro d+hi ha he phaT b+h+yo/ mA ra ya phaT/ oM badz+ra ki li ki la ya/ che ge mo zing tsi zing tsi/ tsi tsi khrad/ tsi tsi nag/ nA ga za tsha/ tsi sr-i/ chum chum/ br-i ta br-i ta/ 'bur ta tsir tsir/ gsang sngags bzlas nas gtad pa'i gnas// chu mig nag po nub tu blta// klu nag yod par rtag par bya// sa bdag gnyen ni gar che sar// sbrul lpags ming byang dril la gzhug/ dpral ba snying kha skog ma ru// sbrul gzugs re yang bris la gzhug/ gong la sbal pa'i pags pas dril// dpral ba lkog ma snying kha ru// sbal gzugs re yang bris la bzhag/ sbal pa dkar nag gnyis par// ming byang bcug la khro bos mnan// steng nas khro bo 'og tu ser// dmar pos bkang nas then du gzhug/ sbrul kyang de ltar shes par bya// dbang gzugs dam bdar byas la gtad// las sngags gong ma brgya rtsa
- 72a
brgyad// rtags byung grub pa'i rting la bzlas// las sngags bzlas sngags gdon mi za// sbam pa'i las la 'theb shom med// rdo rje phur pa nag po mdung rtse gsum pa'i rgyud las/ gtad pa'i sbam pa'i le'u ste bcu dgu pa'o// / de nas 'khor los sbam pa ston// las kyi 'khor lo bca' ba dang // gnan pa'i 'khor lo bca' ba dang // gtad pa'i 'khor lo bca' ba dang // gzir ba'i 'khor lo bca' ba dang // sbam pa'i 'khor lo bca' ba dang // gnan pa'i 'khor lo bca' thabs bstan// phyi ma'i 'khor lo rtsibs brgyad pa'i// nang du sbams pa'i gzugs bris la// lag pa g.yas su sbrul nag zhags pa bskur// g.yon du gzas pa'i ling ga bskur// snying khar gru gsum bri bar bya// gru gsum khrag chen byug la bzhag/ ske yang sbrul gyis dkris la bzhag/ gzas pi kha brum gnan la bzhag/ sngags ni gong gi las sngags kyis// mgo mnon gnan pa'i las kyis bya// oM badz+ra kI li ki la ya/ che ge mo ga tri nan/ ni tri nan/ dran pa phyogs tri nan/ tsag tri nan/ gser tri nan nas pa ti nan/ khaM ta nan/ tsit+ta nan/ gu ya gsang ta nan/ che ge mo zing rtsi zing rtsi/ tsi tsi khrid/ tsi tsi nag/ na ga za tsa/ tsi 'bruM chu chu/ br-i ta br-i ta/ 'bur ta tsir tsir swA hA/ de skad mang du bzlas nas ni// las mang grub pa'i bar du ni// ma tang zhes par
- 72b
las gnyer gtad// gtad pa'i 'khor lo bca' ba ni// 'khor lo pad+ma 'dab brgyad bri// dbus su sbal pa dmar po bri// lag g.yon ling ga g.yas su ni// sbrul ni dmar khra'i zhags pa bskur// snying khar gru gsum dmar nag byug/ rked dang yan lag nag bi dmar// dkris la dmar nag chu mig nan// sngags ni gong dang mthun par bya// las gnyer tshul bzhin gtad la bzhag/ gzer ba'i 'khor lo bca' ba ni// 'khor lo bcas la rin chen zur brgyad bri// dbus su sbal pa ser po bri// snying khar gru gsum ser nag bri// g.yon du ling kha g.yas su sprul// gser khra'i zhags pas rkang lag bskor// bkri la lho phyogs sa ser gyi// chu mig gnan la gong sngags bzlas// las gnyer dpang gzugs tshul bzhin bya// sbam pa'i 'khor lo bca' ba ni// gru gsum bcu gcig 'khor lo yi// dbus su sbal nag bri bar bya// snying khar gru gsum ldang nag bri bar bya// g.yon du ling ga g.yas su sbrul// na bkra'i zhags pas rkang gnyis bcing // nub phyogs ri nag chu mig gam// shar nas nub ltar chu mig tu// lkug pa nag po yod pa'i sar// gnan la gong ma'i sngags bzlas la// las gnyer dpang gzugs gong dang mthun// gzhug la sbram sngags dam pa 'di// bzlas pa la sbam pa'i las bya'o// tsi tsi tsir tsi ra ya khrad/ bru khrad ya
- 73a
lo tsi/ tsi ra ya br-i/ tsir zug thug/ tsa la ya ya/ rtsa sngags g.yas la las sngags g.yon// mgo gnon gnan sngags bris la bzhag/ bskang nas sbam sngags bri bar bya// de ltar 'khor lo rim bcas nas// sbam pa'i las la gdon mi za// rdo rje phur pa nag po mdung rtse gsum pa'i rgyud las/ 'khor lo sbam pa'i le'u ste nyi shu pa'o// // de nas sbyin sreg gtad pa bshad// dkyil 'khor chen po'i shar lho ru// da la ni gru gsum khru khang tshad du bya// gru gsum sum brtsegs kha khyer la// za byed zhal dang mda' gzhur bcas// mtshon cha lnga yis khros mas bskor// thab khung dkyil 'khor bca' ba'o// dug shing tsher can sregs shing la// mi tshil dug chus byugs la brtsig/ yaM shing nag po me 'bar la// bsreg rdzas nag po 'tshogs tshad kyis// mchod pa dbul zhing ma ra yas// sna drangs sngags kyis dbul bar bya'o// me reg khyim nas me blangs la// bsreg rdzas nag po sna tshogs dbul// rabs chad nag po'i lag pa g.yas g.yon gyis// dgang gzar byas la dbul// bstab gzir ling kha la sogs pa'i// thun lhag gtor lhag bsreg par bya// tshe dang lhag ma bstan ma yang // gzhung bzhin byas na nus mthu che// de nas gnan dur gtad pa ni// sdud pa po la gtad pa dang // bud med sna tshogs la gtad pa'o// sdud pa khrag
- 73b
'thung he ru la// rtog pa spang po rdo rje yis// gdam nas zung la spros zhig par/ gtad nas phyi rabs rnal 'byor pa'i// bstan pa srung bar gtad pa'o// de ni sdud pa po la gtad pa'o// bud med tshogs la gtad pa ni// srung ma'i tshogs la gtad pa'o// rgyud 'di bar chod byed pa dang // tho tsho ras chod byed pa dang // g.yo rgyu gzo lung byed pa dang // bka' rku bslud ma byed pa dang // tsit+ta khos la srog rtsa chod// gzungs la srungs shig gtad pa'o// rdo rje phur pa nag po mdung rtse gsum pa'i rgyud las/ sbyin sreg dang gtad pa'i le'u ste nyi shu rtsa gcig pa'o// // rdo rje phur pa nag po mdung rtse gsum pa'i rgyud bstan pa bsrung ba'i las bstan pa rdzogs so// // @#// rgya gar skad du/ badz+ra kI li kI la ya/ pa ti ta ma hA rA dza pra ha tan+t+ra/ bod skad du/ rdo rje phur pa shan pa spu gri'i rgyud kyi rgyal po chen po/ bcom ldan 'das dpal rdo rje gzhon nu mkha' 'gro shan pa spu gri'i rgyud ston par byed pa la phyag 'tshal lo// dpal kun tu bzang pos don gyi chos kyi sku las longs spyod rdzogs pa'i skur sprul/ longs spyod rdzogs pa'i sku las sprul pa'i skur sprul// sprul pa'i sku grangs med par byung nas/ 'jig rten khams gsum mnga' mdzad rim par byung nas/ bstan pa bsrung ba'i bar du yang dag pa'i rdo rje las
- 74a
'dul ba'i rdo rje 'byung // mtshon pa'i rdo rje/ rtags kyi rdo rje/ don gyi rdo rje/ gzhi pa'i rdo rje bzhi'o// gzhi'i rdo rje ni/ chos kyi sku'i rdo rje/ rtags kyi rdo rje ni/ longs spyod rdzogs pa'i rdo rje'o// mtshon pa'i rdo rje ni/ sprul pa'i rdo rje'o// mtshon pa'i rdo rje la yang gnyis te/ rdo rje rtse dgu pa dang / rtse lnga pa gnyis so// de ni mtshon pa'i rdo rje'o// gzhi'i rdo rje la ni bzhi ste/ gzhi'i gnas pa'i rdo rje dang / rig pa'i rdo rje dang / rtogs pa'i rdo rje dang / rang grol du ma 'gags pa'i rdo rje dang ngo // da ni rdo rje las yang dag pa chos nyid kyi rdo rje las/ cis kyang mi shigs pa/ gang gis kyang mi bskyod/ gang la yang rag ma lus/ rdo rje'i mtshan nyid rang du yang ma grub/ rdo rje stong par yang ma grub/ mi stong par yang ma grub ste/ rtags kyi rdo rje des shul mtshon nas don gyi rdo rje ston te/ phyi'i rtags de ma rtogs par/ nang gi rtags de 'char ba dka'// phyi'i rtags rtogs pa ni/ yul sems la ris su mi 'dzin// nga bdag gi ris med/ ser sna'i rgyun chod/ lus sems la nyam pa med/ 'gro ba rigs drug gi rjes su mi 'breng / 'khor ba'i rgyu med// sangs rgyas la bsgrub pa mi re/ thob byed gnas med/ lam la bgrod du med/ bgrod bya ru gdags su med/ sa lam sbyang du med/ sbyang ba'i nges tshig med/ de lta bu'i rdo rje las snang stong gi ris med pas/ lta ba
- 74b
gting gsal chen po yin// nyams myong gis gzhag sa med pas/ bsgom pa'i don yin/ dug lnga dug gsum la spyad du med pas spyod pa chen po yin/ de lta bu'i rdo rje las 'bras bu yang dag pa nyid do// de lta bu ma rtogs te rdo rje la ris su bzung / lha la ming btags so sor bzung // nga med pa la nga ru bzung / phyogs med pa la phyogs su bzung / ris med pa la ris su gzung // rang la rang gis mtshon 'dzugs te rang gis ma tshor ro// rang gis sreg ste ma tshor ro// rang gis rang la rme byed de rang gis ma tshor ro// shing rta'i 'khor lo dang 'dra'o// yang dag pa'i rdo rje ni zer tsam cig kyang ma byung ste/ ma rig pa'i bdag ni khyab par brdal/ 'khor ba'i 'dam rdzab nas thon mi srid do// mun pa'i g.yung drung nas 'byung mi srid do// nga rgyal gyi brag 'jig mi srid do// zhes gsungs so// yang dag pa'i rdo rje de ltar gnas kyang na 'grib pa mi mnga' ba'o// mu 'khor ba'i 'dab rdzab na yod tsam na ngan pa med la/ yang dag pa'i rdo rje de rtogs tsam na bzang min no// mun pa'i g.yung drung na yod tsam na chub pa med la/ rig pa'i ye shes shar tsam na gsal ba med do// zhes gsungs so// rdo rje phur pa shan pa spu gri'i rgyud las/ gleng gzhi bstan pa'i le'u ste dang po'o// // de nas kun tu bzang po gdug pa 'dul ba'i ting 'dzin la snyoms par zhugs
- 75a
so// mu stegs kyi lta ba dar ba dang / gshin rje khram thogs kyi lta ba dar ba dang / bdud kyi lta ba dar ba ste/ nga rgyal gyis dbang byas te/ zhe sdang me ltar 'bar ba ma thul ba la ni/ gshin rje ma hA de ba de nga rgyal dang chas nas 'dug/ che ba'i nga rgyal dang chas nas 'dug ste/ bde bar gshegs pa'i thugs rjes dgongs nas/ thugs rdo rje rigs kyi sprul pa dpal rdo rje gzhon nu ru sprul nas/ gshin rje'i rgyal po de cham la phab nas/ rgyal khams kyi gnod sbyin pho mo yang btul lo// de ji ltar btul na khol 'khor phyogs skyong bcu byung bas khro bo bcu thugs las byung nas btul/ yum rnams byung bas khro mo bcu thugs las phyung nas btul/ sprul pa grangs med pa byung ba yang sbrul dang sum sbrul du bcas nas btul/ 'khor 'jig rten du dregs pa can drug byung bas/ ye shes kyi lha drug sras su bskyed nas btul// de ltar gnod sbyin pho mo thabs cad btul te/ sems can thams cad bde ba la bkod do// chos byar yod pa'i skal ba dang ldan no// rnam par 'tshe ba bya ba ming yang med do// gal te rnal 'byor pa la rnam par 'tshe ba'i log pa'i sems can byung na/ drag po'i rgyud 'di 'byung bar bstan// gsod cing bcad la thogs pa med// mkha' la 'phyo dang chu la 'dzul// gang ltar bsgrubs kyang thogs pa med// ma rig
- 75b
nyams par byed pa la// drag po 'grub pa'i las byas pas// spu gri klad la bskor ba 'dra// gang la brgyab pa thogs pa med// bstan pa bsrung phyir rgyud 'di gsungs// zhes bya'o// rdo rje phur pa chen po shan pa spu gri'i rgyud las/ gshin rje'i 'khor tshogs btul ba'i le'u ste gnyis pa'o// // de nas bcom ldan 'das drag po srog gi snying po bstan pa'i ting nge 'dzin la snyoms par zhugs so// drag po'i lha thams cad dang / mkha' 'gro srungs ma thams cad dang / ma mo mkha' 'gro skyes bu ging la sogs pa rnams/ srog snying drag sngags bstan du gsol/ zhes gsungs so// da ni sngags kyi bsgyur lugs bstan te/ sngags kyi sgras bsdebs pa dang gcig/ sngags kyi tshig gis bsdebs pa dang gnyis/ snying pos bsdebs pa dang gsum mo// de la sngags kyi drag sngags kyi bsdeb lugs ni/ srog snying gis bsdeb pa yin no// dam can bcu gnyis la yang srog bzhi ste/ sngags kyi mtshan nyid kyis shes par bya'o// de la spyir sngags kyi bsdebs lugs ni/ mgo can mgo bo gcad pa dang / mgo med mgo bo gdags pa dang / 'dug sa gong 'og bsgyur ba dang / sngags mtha' yis bsgyur ba dang bzhi'o// da ni mgo can mgo bo bcad pa ni/ drag sngags su zlos pa'i dus yin te/ kI li ki li ya la/ oM bcad na ki la ya ngan sngags su 'gro ba'i phyir
- 76a
ro// gsod byed 'bar ba'i rgyud du yang / sngags mtha' dag drag sngags su gtong bas gdab na ngan sngags su byed pa yin te/ oM zhes bya ba'i ming mi grag go/ de ni mgo can mgo bo gcod pa'o// mgo med mgo bo gdags pa ni// rgyud byin po rnams sam/ dgongs 'grel kun nam/ sngags kyi 'phreng ba kun la/ oM badz+ra kI li kI la yas mgo mnan pas/ mgo med mgo bo gdags pa'o// dbu non mjug sdud bya ba ni// oM gyis mgo mnan/ big gis mjug sdud pa ni/ dbu non mjug sdud ces gsungs so// da ni 'dug sa gong 'og bsgyur ba ni/ rtsa ba'i sngags la tshig sde tshan longs par yang gong 'og nor nas 'gro/ ni yas kyang nur nas 'gro/ drag sngags byed dam bsgra sngags byed// de yang gong 'og bsgyur zhing bya// mkha' 'gro'i sngags dang sgrol byed ging gi sngags// de yang 'dug sa gong 'og bsgyur gyin bya// de ltar blo la rig par gyis// zhes gsungs so// sngags kyi mtha' yis bsgyur ba ni// ma yis bsgyur ma mo ru 'gyur// ya yis bsgyur na pho ru 'gyur// phaT kyis bsgyur na sgrol bar 'gyur// ni yis bsgyur / na gsod par 'gyur// hUM gis bsgyur na sdud par 'gyur// b+h+yo yis bsgyur na zor du 'gyur/ de ni sngags kyi mtha' bsgyur yin// zhes gsungs so// da ni bsrungs ma bcu gnyis la srog bzhi bzhi yod de/ nag
- 76b
po bzhi las kyang dbang du bsdu ba'i srog dang gcig/ dbang bskul ba'i srog dang gnyis// bran gyis tshul du khas blangs pa'i srog dang gsum/ dam tshig las mi 'da' ba'i srog dang bzhi'o// de las srungs ma gnyis po yang des 'dre'o// de srog rang las kyang snga sbyor gyi srog gnyis/ phyi sbyor gyi srog gnyis yod pa'o// ka dang zhes pas bdag nyid chen mo re ma ti/ re ma tre/ ka te zhes pas/ re ma dza/ re ma dzu gnyis kyi srog go zhes gsungs so// yang na bse mo mched bzhi'i srog ni a tsid te zhes pas/ rdo rje ya byin/ rdo rje de byin gnyis kyi srog go/ a pa ra tsi te zhes gsungs pas/ rdo rje bse byin/ rdo rje phag byin gnyis kyi srog go/ yang na a a ra tsid ta na/ bse'i skyes bu bzhi'i srog yin par yang gsungs so// da ni shwa na ma mched bzhi'i srog ston te/ dza yi zhes pas/ lcags kyi spyang mo mgo dgu ma dang / lcags kyi khyi mo rkang gsum gyi srog go/ bi dza ya zhes pas/ zangs kyi wa mo rkang gsum dang / gser gyi phar ba lce brgyad kyi srog go/ zhes gsungs so// srog drug gi mkha' 'gro bcu gnyis srog tu 'dus pa ci ste/ de ni 'di lta ste/ ka zhes bya ba na/ re ma ti'i srog/ ka zhes bya ba na/ re ma dza'i srog/ te zhes bya ba na/ re ma dzu'i srog go/ a zhes bya ba na/ rdo rje ya byin gyi srog/ tsi zhes bya ba na/ rdo rje de byin gyi srog/ te zhes bya ba na/ bse
- 77a
byin gyi srog/ oM zhes bya ba na/ rdo rje phag byin gyi srog/ de ni bse mo mched bzhi'i srog tu gsungs// pa zhes bya ba na/ mon pa nag po'i srog/ ra zhes bya ba ni/ 'byung po ser po'i srog/ ci zhes bya ba na/ sku mdog dmar po'i srog/ ta zhes bya ba na/ bdud kyi rgyal po'i srog/ gyad chen po bzhi'i srog go shra na ma'i srog ni/ dza zhes bya ba na/ lcags kyi spyang mo mgo dgu'i srog/ ye zhes bya ba na/ lcags kyi khyi mo rkang gsum gyi srog/ bi zhes bya ba na/ zangs kyi wa mo rkang gsum srog/ dza ye bya ba na/ gser gyi phar ba lce brgyad kyi srog go/ de ltar srungs ma bcu drug gi srog snying du yang 'gyur ro// srog de rnams slob dpon la snga sbyor du phul ba'o// srog de rnams dril bas srog gzhi las kyang // dbang du sdud pa'i srog dang / dbang bskur ba'i srog gnyis yin no// phyi sbyor du phul pa'i srog gnyis 'di lta ste/ ma ta ma nya ka ra in na ma ma pa shi ku ru/ da ti ma ma karma zhes phul lo// srog gnyis las kyang / bka' nyan pa'i srog dang / dam tshig bsrung ba'i srog gnyis so// bka' las mi 'da' ba'i srog ni/ nag mo'i ma tang nya zhes gsungs so// dam tshig bsrung ba'i sngags ni/ ka ra i nan ces gsungs so// bse mo'i srog sngags ni/ bka' nyan pa'i srog ni/ ma ma zhes gsungs so// dam tshig las mi 'da' ba'i srog ni/ pa shi ku ru zhes
- 77b
gsungs so// pa shi ku ru ni gyad chen po bzhi'i srog snying yang yin par gsungs so// shwa na ma'i srog ni/ da ti ma ma bran gyi tshul du khas blangs pa'i srog go/ ma ma karma dam tshig las mi 'da' ba'i srog go/ de ni phyir sbyor gyi srog drug go/ srog rkyang pa ni 'di lta ste/ ma tam na lcags kyi spyang mo mgo dgu'i srog/ nya na lcags kyi khyi mo rkang gsum gyi srog/ kar zhes pas zangs kyi wa mo rkang gsum gyi srog/ i nan zhes pas gser gyi phar ba lce brgyad kyi srog/ ces gsungs so// ma zhes bya ba rdo rje ya byin gyi srog go/ ma zhes bya ba rdo rje de byin gyi srog go/ pa zhes bya ba rdo rje bse byin gyi srog/ shi zhes bya ba rdo rje phag byin gyi srog go/ ku ru gyad chen po bzhi'i srog go/ zhes gsungs so// sgrol byed ging dang / bdud dang / btsan/ dge bsnyen/ gza' dang / zang lha/ aM bo/ yaM shud/ skyes bu pho rigs rnams la ni/ srog gnyis gnyis las med do// dkyus su shes par bya/ dam can gsum gyi sku gsung thugs kyi sngags ni/ bshad pa'i rgyud kyi mthus yig nas bstan no// srog gi snying po 'di rnams yang // dpa' bo khyod la dbul bar bya// dam pas dgongs la bzhes su gsol// 'bangs su mchi 'bangs su mchi// 'bangs la nan tan ma chung zhig/ snying rnams bton nas dpal la phul// phul te bran gyi tshul du khas blangs so// snga sbyor phyi
- 78a
sbyor srog gi snying po ma lus kyis// dpa' bo nyid kyis bzhes su gsol// zhes gsungs so// da ni srog snying nas bod pa dang / srog snying nas dbang bskur ba dang / srog snying gi bran gyi tshul du khas blangs pa dang / srog snying gi dam tshig las mi 'da' bar bya ba dang bzhi'o// bod na dbang du bsdu ba'i srog snying nas bod/ las la 'gyed na bran du khas blangs pa'i srog snying nas rbad/ bran mo'i las la dbang bskur na/ dbang bskur ba'i srog snying gis bya// bran mo las mi byed na/ dam tshig gi srog snying gis gnad la bor ro// zhes gsungs so// de las kyang mkha' 'gro srog gi 'khor lo bskor na/ srog gi 'khor lo'i bya thabs ni// gtor ma'i rgyud nas ston/ dbang du sdud pa'i srog gi 'khor lo ni/ dbang du sdud pa'i srog sngags gcig pu gzhug/ sngags gzhan mi dgos/ las la mi mgron bran du khas blangs pa'i srog snying gzhug/ 'khu ldog byed na/ dbang bskur ba'i srog snying dang / dam tshig gi srog snying gnyis gzhug go/ des srog 'khor lo kun 'dre'o// lha 'dre pho rigs mo rigs gang gi srog gi 'khor lo bskor kyang de bzhin du bya'o// zhes gsungs so// rdo rje phur pa chen po shan pa spu gri'i rgyud las/ srog gi gnas lugs bstan pa'i le'u ste gsum pa'o// // da ni mkha' 'gro bsgrub pa'i ting nge 'dzin la snyoms par
- 78b
zhugs so// mkha' 'gro bsgrub pa'i gnas btsal ba dang rdzas bsag pa'o// bdag nyid ma'i mthun rdzas ni/ bse mo'i mthun rdzas dang // shwan ma'i mthun rdzas dang / phur pa bcu bdun dang / mngar gsum dang / dkar gsum dang / mtsho chen po bzhi dang / khram bam dang / rdzas tshogs tshad du bsag go/ rdzas tshogs pa dang phyi mchod bya/ 'bum lnga 'do na/ gzungs gra bzhi gdon/ phyi mchod rgyas par bya'o// zhes gsungs so// da ni maN+Dal bya bar bstan te/ maN+Dal mda' gang gru bzhi la khrag sna tshogs kyi chag chag gdab// dug sna tshogs kyi chag chag dang / thal chen gyi chag chag gdab bo// dkyil 'khor bri ste/ dang po gru gsum las 'khor lo rtsibs bzhi bcad// de'i phyi rim du 'khor lo rtsibs brgyad bcad// sgo dang rta babs bcas pa bri/ zhes gsungs so// de nas mtshams bcad de// dang po stong pa nyid du bsam// de las hUM du gyur/ de las sbar na phaT/ spros pas rdo rjer gyur// yang spros pas 'od du zhu/ oM badz+ra kI li kI la ya/ sarba big+ha nan baM hUM phaT/ rdo rje gzhon nur gyur/ bdag gi thugs ka nas nyi ma'i dkyil 'khor re skyed// hUM bcu bsam/ oM badz+ra kro d+ha hUM ka ra hUM/ khro bo bcu bskyed des 'dres// dngos grub par chod byed pa'i bgegs// gdug cing sdang sems ldan pa rnams// rdo rje gsang ba'i bka' las ni// sdig can gang
- 79a
zhig 'ba' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed/ oM badz+ra kro d+ha hUM ka ra hUM gardza gardza hUM phaT/ khro bo bcu des 'dre'o// bgegs dang log 'dren thams cad sog sbur rlung gis ded pa bzhin bsam/ des kyang mi 'gro ba cig yod na// oM badz+ra kI li kI la ya// aM ku sha dza zhes brjod la/ hUM gdug cing sdang sems ldan pa rnams// lha'am 'on te bdud kyang rung // nga la bar chad byed pa rnams// mthu dang rdzu 'phrul med par gyis// oM badz+ra kI li ki la ya/ ta tha ya ta tha ya hUM phaT/ rdo rje tho bas rdza bye'u tshogs brdungs legs pa bzhin bsam/ bgegs bya ba ming med do zhes gsungs so// da ni phur pa dgod pa bstan te/ phur pa'i mtshan nyid ni zangs sam/ ldom dmar ram/ drag po'i shing la bya'o// dpal gyi phur pa la byin brlabs dbang bskur ba ni/ dgongs 'grel dang rgyud bying po dang mthun no// phur pa bcu drug la byin brlabs mi dgos so// dpal gyi phur pa dbus su dgod// shra na ma mched bzhi'i phur pa 'khor lo rtsibs bzhi la dgod/ 'khor lo rtsibs brgyad la/ mtshams bzhi'i 'khor lo la bse mo'i phur pa dgod/ phyogs bzhi'i 'khor lo la bdag nyid ma'i phur pa dgod/ sgo bzhi la bse'i skyes bu bzhi'i phur pa
- 79b
dgod/ gra bzhir bse mdung bzhi yang gzugs/ mtsho bzhi yang bzhag/ khram bam yang mkhar thun la bzhag/ sman dang / gtor ma dang / rag ta dang / thun rdzas dang / rdzas yod tshad dkyil 'khor la dgram mo// zhes gsungs so// de ni gtso bo bskyed cing 'khor spyan drangs pa bstan te/ gtso ba'i phur pa la gtso bor byin gyis brlabs pa kun mthun par byas la/ gtso bo nyid dbus su bskyed la bzhag/ de nas mkha' 'gro ma spyan drangs te// hUM/ srid pa'i phur bu bsgrub pa dang // dbang dang dngos grub blang bya'i phyir// ye shes khro bo gshegs su gsol// a dzi te a pa rA dzi te/ dza ye bi dza ye/ ka tang ka te ye/ zhes spyan drang ngo // bzhugs su gsol ba ni// hUM/ srid pa rdo rje grub mdzod cig/ srid pa rdo rje phur pa'i lha// ye shes khro bo grub par mdzod// ces mi ro rlon pa'i steng du bzhugs par bsam mo// dam tshig bstan pa ni// sngon chad ji ltar dam bcas pa// mngon spyod 'phrin las myur du mdzod// ces dam bca' bo// sman mchod bya ste/ sngags mchod kyang gal med/ sman che bar btang yang gal med// ho/ bcom ldan dpal chen rdo rje gzhon nu la// rnam dag bdud rtsi'i dam rdzas mnyes mchod 'bul// thugs rjes brtser dgongs dbang dang dngos grub stsol// oM badz+ra kI li kI la ya/ ma hA pany+tsa a mri ta khA hi/ 'jig rten khams rnams bsrung
- 80a
bar zhal 'ches pa// dam can shra na mu kha mched bzhi la// rnam dag bdud rtsi'i dam rdzas mnyes mchod 'bul// dza ye bi dza ye kha ram kha hi/ dam can khas blangs bdag nyid chen mo mched bzhi la// rnam dag bdud rtsi'i dam rdzas mnyes mchod 'bul// thugs rje'i brtser dgongs dbang dang dngos grub stsol/ ka tang ka te ye kha raM kha hi/ mkha' 'gro 'jig rten dbang sdud bse mo mched bzhi la// rnam dag bdud rtsi'i dam rdzas mnyes mchod 'bul// thugs rje brtse dgongs dbang dang dngos grub rtsol// a dzi te a pa ra dzi ste/ ma ha pany+tsa a mr-i ta la kha raM kha hi/ dam can bse yi gyad chen rnam bzhi la// rnam dag bdud rtsi'i dam rdzas mnyes mchod 'bul// thugs rjes brtse dgongs dbang dang dngos grub rtsol// zhes de nas dam can rigs 'dzin pho mo rnams dang dregs pa can mtha' dag la mchod do// oM AHhUM gsum gyis bdud rtsi byin gyis brlabs la/ sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ gsung gi dbyig tu bdag skyed cig/ thugs kyi dbyig tu dag skyed cig/ kA ya sid+d+hi oM/ bAka sid+d+ha A/ tsit+ta sid+d+hi hUM/ oM badz+ra kI li kI la ya/ sarba big+h+na nan baM hUM phaT/ sku gsung thugs kyi dngos grub thob par bsam mo// hUM/ thabs kyis spyod
- 80b
pa'i 'gro don du// byams dang snying rjes gang 'dul ba// sangs rgyas 'phrin las rdzogs mdzad nas/ dbang dang byin rlabs bdag la stsol// ma hA ba ling ta la kha hi/ ma hA rag ta la kha hi/ zhes mchod pa dbul lo// de nas bran mo las la dbang bskur te/ bdag rdo rje gzhon nur gsal bar byas la/ bran mo rnams dkyil 'khor la gnas pa rnams la/ nyon cig pa'i ting nge 'dzin dang chas la/ gong du srog snying phye ba'i dus kyi dbang bskur ba'i srog snying rnams 'dir bzlas la/ bran dang pho nya bka' nyan tshogs// sngon chad ji ltar dam bcas bzhin// mngon spyod 'phrin las myur du mdzod// ces bran mo las la dbang bskur te/ bka' nyan te las byed do// da ni 'dzab bya ste/ oM badz+ra kI li kI la ya/ a dzi te a pa rA dzi te/ ma ma pa shi ku ru/ ka tang ka te ya/ ma tam nya ka ra i nan/ dza ya bi dza ye/ da ti ma ma karma/ ma ra sa ni sgra ma rta ne ye hUM phaT/ sarba big+h+nA nan baM hUM phaT/ ces sngags bzlas pas/ bdag rdo rje gzhon nu'i sbugs khong du brngubs pas/ thugs ka'i rta mgrin dang ye shes sems dpas bzlas/ thugs la nas 'od zer 'phros pas/ dkyil 'khor gyi mkha' 'gro rnams kyis bzlas/ de las 'od 'phros pas/ 'jig rten gyi khams 'di dag bud med nag mo dang dmar mos khengs nas/ phyag na phur pa 'dril zhing gang na gnas kyang sgrol
- 81a
bar byed pa/ grog tshang bshig pa'am/ bud tshang bshig pa bzhin du phar 'gro tshur 'du ba/ mer mer po shig shig par yod par bsam/ sngags ni nyin khri mtshan khri gdon no// 'dzab bskul ba ni// bshad pa'i rgyud nas shan pa'i bskul ston/ de'i rting la mkha' 'gro'i thun bya'o// zhes gsungs so// da ni tshogs bya ste/ spyi dang mthun par bya'o// grub pa'i rtags ni rab 'bring tha ma gsum ste/ rab ni mkha' 'gro mas lung ston pa dang / 'bring ni rmi lam du 'ong ba dang // tha ma ni me dang 'od 'ong ba dang / de ltar byung tsam na/ gdab pa'i las bya ste/ spro ba dang / dgug pa dang / bstim pa dang bzhi byas la/ ling ga la rnams shes bstim la/ gtso bo phur pa la byin brlabs dbang bskur mchod pa tshul bzhin byas la/ phur pa dril zhing / dza/ rdo rje bsad pa'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos/ oM badz+ra kI li kI la ya/ che ge mo pa ra bid ta na hUM phaT/ nan ni dza/ ma ra sa ni pra mar+ha ni ye hUM phaT/ oM laM dang bden pa dang thun gsum 'dre'o// shwa na ma mched bzhi'i phur pa blangs la dril zhing / dza/ bran dang pho nya bka' nyan tshogs// sngon chad ji ltar dam bcas bzhin// mngon spyod 'phrin las myur du mdzod// gdug cing sdang sems ldan pa yi// lha'am 'on te
- 81b
bdud kyang rung // nga la bar chad byed pa rnams// mthu dang rdzu 'phrul med pa byos// oM badz+ra kI li kI la ya/ che ge mo ka tang ka te ye/ ma ta ma nya ka ra in na/ ma ra sa ni pra marta ni ye hUM phaT/ nan ni dza/ su ru su rus thun brab bo// nag mo gsum yang de bzhin du byas la gdab bo// bse mo mched bzhi'i phur pa blangs la// dza/ bran dang pho nya bka' nyan tshogs// sngon chad ji ltar dam bcas bzhin// mngon spyod 'phrin las myur du mdzod// gdug cing sdang sems ldan pa yi// lha'am 'on te bdud kyang rung // ngal bar chad byed pa rnams// mthu dang rdzu 'phrul med par byos// oM badz+ra kI li kI la ya che ge mo a dzi te/ a pa rA dzi te/ ma ma pa shi ku ru mar sa ni pra martar+ha ni ye hUM phaT/ na Na ni dza/ su ru su rus thun brab/ bse mo mched gsum yang des gdab bo// mkha' 'gro ma'i phyag cha kun gyis kyang gdab bo// ming byang lhag lhog rnams bsreg pa dang gtor mar gtang ngo // mkha' 'gro rnam gsum bsgrub pa ni/ grong yul zag nye bar mi bya'o// zhes gsungs so// rdo rje phur pa chen po shan pa spu gri'i rgyud las/ mkha' 'gro bsgrub pa'i le'u ste bzhi pa'o// // da ni bcom ldan 'das dpal kun tu bzang pos bse ming srid bsgrub pa'i ting nge 'dzin la snyoms par zhugs so// dang por mtshams bcad nas bsgrub pa dang / rgyun du bsgrub pa gnyis
- 82a
so// de la mtshams gcod na/ maN+Dal gyi dkyil du dong gru gsum du brus la/ de'i nang du snying sna tshogs la byas pa'i gtor ma gzhag go/ gru bzhi ru bse mdung bzhi gzugs so// ming byang gtor ma'i kha la bzhag go/ rgyun du byed na sngas 'og tu dong gru gsum brus la/ gtor ma de ru bcug la/ ming byang gtor ma'i kha la gzhag la bsgrub bo// tshe dang / yungs nag dang / dug sna tshogs dang / zangs phye dang / lcags phye dang / bse mo'i 'khar ba dang / bse pho'i rdo thun rnams bsham mo// dong de mis mi mthong bar kha bcad/ de nas bdag nyid stong pa nyid du bsam/ de las hUM zhes pas hUM mthing nag gcig tu bsam/ de las sngags kyis gtso bo ru bskyed do// oM badz+ra kI li kI la ya/ sarba big+h+nAn baM hUM phaT/ ces brjod pas/ rdo rje gzhon nur gsal bar bsgom mo// sngags des gnas lngar bsrung ngo // de nas 'dzab bya ste/ oM badz+ra ki li kI la ya sarba big+h+nAn baM hUM phaT/ ces mi mang rin tsam du bzlas so// de nas sngags la 'jug par bya ste/ ma ra sa na pra mar+ha ni ye hUM phaT/ shri krang kar nye ye hUM phaT/ ces mang du bzlas pas/ / ming srid rnams rang dbang med par 'dus nas bka' nyan cing gsung bsgrub par bsam mo// dam nyams pa'i dgra bo la bdud kyi smyo 'bog la sogs pa bzhi ni 'gug pa'i las byed/ lcags kyu dang zhags pa
- 82b
lcags sgrog dril bu bzhi bsnams pas/ de gang na 'dug kyang 'gugs par byed pa/ bse yi ming po gdug pa can bzhi yis nyams pa sgrol zhing snying khrag kha ru 'thung bar bsam mo// de ltar bzlas pas gtor ma me ru 'bar ba 'byung // ling ga 'gul ba 'byung / gong gi thun thams cad brab bo// ting nge 'dzin gyis kyang dgra po la brgyab pas/ nag myogs myogs 'dug par bsam mo// de nas ming byang bsregs la gtor mar dbul/ gtor ma la gong gi sngags bzlas la dgra'i phyogs su 'phang / me ru 'bar ram mer lam gyis 'byung ngo // de ni rab yin/ me stag tsam byung yang don grub 'ong ngo // de bzhin du byas na rtags rnams myur bar 'ong ngo // de bzhin du byas na rtags rnams myur ba 'ong ste las bstun la bya'o// bse mo'i ngan sngags drag po 'di// gsang ba'i las su byas pa yin// mi gsang bsgrags na dam tshig nyams// las rnams thams cad myur bar nus// zhes gsungs so// rdo rje phur pa chen po shan pa spu gri'i rgyud las/ bse mo bsgrub pa'i le'u ste lnga pa'o// // de nas bcom ldan 'das kyis 'jig rten pa drug ngan sngags su bsgrub pa'i ting nge 'dzin la snyoms par zhugs so// da ni ngan sngags bsgrub pa la yid dam gyi lha mi dgos/ 'phrin lasad kyi gzhung mi dgos/ de ltar 'dug na ngan sngags min// ngan sngags 'di
- 83a
lta ste/ sha rkyang gi snying la rtse mo sum shags su byas te/ de ru ming byang bcug la/ tshe lag tu thogs la/ dbu la mthing ber gyi le brgan bcings la/ sku la dar dmar po'i ber gsol la/ bdag nyid yam shud dmar po'i chas su zhugs la/ lag pa g.yon pa ru snying thogs la/ g.yas su mtsho thogs la/ ngan sngags bzlas te/ che ge mo dz+wa la pa ya dza la pa ya hUM phaT/ ces snying gi ling ga la mtshe brgyab la// mgo nas rkang par 'don/ rkang pa nas mgor 'don/ dpag chen gyi mda' ltar bsam la nga ro dang bcas par bskyed/ de la gus par byas pa na/ las rnams mi 'grub mi srid do// zhes gsungs so// da ni rgyal po srog bdag gi ngan sngags bstan te/ rta thod dkar mo la mkhar brtsigs/ gro ga ser po la ling ga bris/ rgyal po'i sku rten dang yungs kar rgyal po tshags byas la/ bdag nyid dar dkar po'i thod pa cing / byad dkar por bya/ dar gyi gos gyon la sngags bzlas te/ shi krin a na ya hUM phaT/ yungs kar gyis rta thod ling ga la brdeg/ rta thod de la 'od 'bar ba dang me 'bar ba byung na/ rta thod dgra'i khang pa'i 'gram 'og tu sba'o// srog bdag rgyal po'i ngan sngags so// zhes gsungs so// da ni bdud kyi ngan sngags ni/ mi nag po'i snying la/ snying shun la ming byang bris la/ phyi ru bzlog la nang du brtag/ thod pa'i nang du
- 83b
snying gi rtse mo kha nang du bstan la bzhag go/ thal chen dang / thun yungs kar dang / khrag dang gsum gyis thun bya/ bdag nyid bdud nag po 'dzum med kyi chas su zhugs la/ dar nag po'i dbu thod bcings la/ sku la dar nag gi gos gyon la/ byad nag por bskus la/ rkang pa la re ba'i 'bob bu gyon la/ snying gi nang na dgra bo'i srog dbugs yod par bsams la/ mig 'bru tshugs su bltas la/ ngan sngags bzlas la thun brdeg go/ che ge mo ta tha ya ta tha ya hUM phaT/ ces thun mang du brab bo// bdud kyi rtags rnams 'byung ngo // rtags byung ba dang snying dang ming byang bcas pa bdud la sbyin/ mchod pa 'bul lo zhes gsungs so// da ni dge bsnyen gyi ngan sngags bstan te/ mda' bya rgod ma la dar sna'i brgyan btags la/ mda'i sgro mtshams su dge bsnyen gyi sngags rnams bris la bzhag/ ra kham pa dge sna'i thod pa dang snying la/ thod pa'i nang du snying gzhug/ snying la thun rdzas bya/ khrag dang dug dang / til gsum gyi thun bya/ ngan sngags bzlas pa ni/ che ge mo ha sa ra na ha ta na hUM phaT/ ra zod du thun bya/ rtags byung ba dang snying dge bsnyen la mchod/ ra thod mnan pa bya'o// zhes gsungs so// da ni btsan gyi ngan sngags bsgrub pa ni/ snying sna gsum la gtor ma bya// rta dmar po/ lug se po/ bya dmar po gsum gyi snying sna la gtor ma bya/ shing byang la
- 84a
ming byang bri/ bdag nyid btsan gyi chas su zhugs te/ dar dmar po'i thod byas la/ ber dmar po gyon la/ ngan sngags bzlas te/ che ge mo bi ta ya bi ta ya hUM phaT/ ces mang du bzlas/ rtags byung ba dang shing byang me la bsreg/ thal ba brag dmar po btsan gnas sar gnan no// zhes gsungs so// da ni sgrol byed gying gi bsgrub pa bstan te/ gnas khang shin tu dben par stegs bu mda' gang ba brtsigs te/ der khrag gi chag chag btab la/ skyes pa grir shi ba'i snying nang du ling ga bcug la/ bdag nyid dpal gyi chas su zhugs la/ yungs kar dang yungs nag la thun bsngags la snying la brab bo// sngags bzlas bar bya ste/ che ge mo A be sha ya A be sha ya hUM phaT/ ces bzlas pas/ snying 'gul ba dang 'phar ba 'byung ngo // de byung ba dang ling ga dme la bsregs la thod nang du bcug la lha khang du mnan pa bya/ snying de gtor mar 'bul lo// zhes gsungs so// rdo rje phur pa chen po shan pa spu gri'i rgyud las/ 'jig rten pa drug bsgrub pa'i le'u ste drug pa'o// / de nas bcom ldan 'das drag po 'bar ba'i rgyal po chen po de/ drag po dug thun bsgrub pa'i ting nge 'dzin la zhugs nas 'di gsungs so// drag po'i dug tu bsgrub pa ni/ dur khrod dam mi phung ba'i re shul 'dre yod pa'i gnas su bsgrub par bya'o// rabs chad nag po'i thod
- 84b
par btsan dug dang / ra dug dang / bong dug la sogs pa dug sna tshogs bsags pa dme khrag gis sbrus la thod par blug ste/ stegs bu'i khar bzhag la drag po'i bsgrub pa la 'jug pa bya'o// yang dgra bo'i zag pa'i rdzas la ling ga byas la thod nang du bcug la thun gyis brab par byed// badz+ra kI li kI li ya/ che ge mo ha sa ya ra na ha ta na hUM phaT/ shi krin A na ya hUM phaT/ dza la pa ya dza la pa ya hUM phaT/ A be sha ya A be sha ya hUM phaT/ bi ta ya bi ta ya hUM phaT/ ta thA ya ta thA ya hUM phaT/ ma ra sa ni pra mar+ha ni ye hUM/ che ge mo mar ya rbad hUM sarba big+h+nA na baM hUM phaT/ ces bzlas nas thod pa'i dug thun la bsngags pas/ rtags su thun de nyid khol ba dang me 'bar bar 'gyur te/ de nas ling ga la brab pas/ dgra bo de nyid dug khrag gis myos nas brgyal zhing myur du sgrol bar 'gyur ro// zhes gsungs so// drag po'i khro bos dug gis lha rnams 'byed// dug tu bsgrub pas shin tu zab par bstan// rdzas kyi 'brel bas nus mthu yod par byed// thabs kyi sgo nas pha rol phyin par byed// mang po tshogs pa'i nus mthus las rnams 'grub par byed// ces gsungs so// rdo rje phur pa chen po shan pa spu gri'i rgyud las/ ngan sngags kyi sngags drug dang drag po dug bsgrub bstan pa'i le'u ste bdun pa'o// // de nas bcom ldan 'das rgyun gyi tshogs kyi ting nge 'dzin la
- 85a
snyoms par zhugs te/ tshogs rgyas 'bring rnam pa gsum/ tshogs rgyas pa ni/ tshogs rgyud nas bstan/ 'bring po ni dgongs 'brel nas bstan/ 'di tshogs las tha chungs so// zhes gsungs so// rnal 'byor pa tshogs lam pa rnams la/ lta ba'i sgo nas tshogs bstan pa dang / sgom pa'i sgo nas tshogs bstan pa dang / 'phrin las kyi sgo nas tshogs bstan pa dang gsum mo// 'phrin las kyi sgo nas tshogs bstan pa ni rgud gzhan nas bstan no// lta ba'i sgo nas tshogs bstan pa ni rnal 'byor pa lta ba dang ldan pa/ bdag nyid rang bzhin lhun gyis grub pa'i dkyil 'khor du 'dug pa/ dkyil 'khor nyid ngo grol ba/ lha nyid ma 'dres la yongs su rdzogs par 'dug pa/ de ni rang gi kun gzhi byang chub kyi sems las byung ste/ tshogs la dbul bya dbul byed gnyis med de/ tshogs la bsags pa'i yul med/ dbul ba'i gnas med/ tshogs sog pa yang rang gi rig pa byang chub kyi sems/ dbul ba yang rang gi rig pa byang chub kyi sems/ dbul sa yang rang gi rig pa byang chub kyi sems/ dbul bya dbul byed rnam pa gnyis med pa'i phyir ro// de'i phyir/ bdag gis bdag mchod kun mnyes phyir// zhes bya'o// de ni khyad par gyi tshogs lam mo// rnal 'byor lta ba rab kyis rtogs// zhes gsungs so// tshogs lam 'bring po ni/ rnal 'byor pa
- 85b
'bring gi cha rkyen te/ bza' ba dang btung ba'i cha rkyen mdun du drangs la/ rnal 'byor pa ting nge 'dzin la zhugs la/ rtsa dang thig le las lha tshogs bskyed la/ sngags kyis gsal btab la/ lha tshogs lus la tshang bar bya ste/ sngags kyis tshogs kyi nyams pa bsangs la/ tshogs byin gyis brlabs la/ byin gyis brlab pa kun dang mthun/ zad pa med pa'i tshogs su gyur nas lha'i zhal zas su 'dug pa la/ bdag nyid kyis tshogs gsol bas/ lha thams cad kyis gsol te/ lha rnams dgyes shing tshim par bsam/ de lta bu'i tshogs las byas pas/ dam tshig nyams pa yang skongs/ dngos grub kyang myur/ sgrib pa yang byang / yang dag pa'i sa yang thob/ rgyu rkyen de la brten bsgrub/ nyams chags bskang ba bya phyir bsgrub// ces gsungs so// zas za ba'i dus su zas byin gyis brlab cing de ltar byas na/ nyams chag thams cad skongs// 'jig rten 'di ru tshe ring longs spyod 'phel/ tshe phyi ma la yang dag pa'i sa non no// zhes gsungs so// rdo rje phur pa chen po shan pa spu gri'i rgyud las/ rgyun gyi tshogs lam pa'i le'u ste brgyad pa'o// // da ni rgyud 'byung ba bstan te/ yang dag pa'i chos nyid las rgyud 'byung / skye ba med pa'i rgyud/ yang dag pa'i chos nyid las rgyud 'byung / snang stong dbyer med kyi rgyud/ yang dag pa'i chos nyid las rgyud 'byung /
- 86a
'gag pa med pa'i rgyud/ 'gag pa med pa las rgyud 'byung / snang ba dang stong par grol ba'i rgyud/ snang stong rang grol ba las rgyud 'byung / mtha' dang dbus med pa'i rgyud/ mtha' dang dbus med pa las rgyud 'byung / chad pa dang ltung ba med pa'i rgyud/ chad pa dang ltung ba med pa las rgyud 'byung / yi ge dang tshig las 'das pa'i rgyud/ yi ge dang tshig las 'das pa las rgyud 'byung / gang yang med pa'i rgyud/ gang yang med pa las rgyud 'byung / gzhi don gyi kun gzhi'i rgyud/ gzhi don gyi kun gzhi las kyang rgyud 'byung / 'grib pa med pa'i rgyud/ 'grib pa med pa las kyang rgyud 'byung / gsal ba med pa'i rgyud/ gang du yang smrar mi btub pa'i rgyud/ sgra brjod dang bral ba'i rgyud/ thig le'i rgyud/ 'phra ba'i rgyud/ yangs pa'i rgyud/ ngo bo cir yang ma grub pa'i rgyud/ nor bu rin po che'i rgyud/ sman gyi rgyal po ga bur gyi rgyud/ dug gi rgyal po btsan dug gi rgyud/ rma bya ma dongs kyi rgyud/ rgya mtsho chen po'i rgyud/ rin chen gser gyi rgyud/ 'byung ba sa'i rgyud/ 'byung ba me'i rgyud/ 'byung ba chu'i rgyud/ 'byung ba rlung gi rgyud/ dug lnga'i rgyud/ 'gro ba rigs drug gi rgyud/ khro bo'i rgyud sangs rgyas kyi rgyud/ rgyud ces 'byung ste/ de ltar 'byung yang kun gzhi byang chub kyi sems las 'byung ste/ 'dus kyang der 'dus/ yang dag pa'i kun
- 86b
gzhi la/ kun gzhi bya ba rang du yang gdags su med do// kun gzhi don dam pa'i mtshan nyid gang yang med pa la gang yang yin pa'o// de lta bu las thabs lam du 'jug pa'i rgyud bya ba 'byung ngo // rdo rje phur pa chen po shan pa spu gri'i rgyud las/ rgyud 'byung ba'i le'u ste dgu pa'o// // de ni rgyud gtad pa bstan te/ rnal 'byor tshul dang ldan pa la// brda yis bstan pas go ba dang / zur tsam bstan pas rig pa dang / yang dag pa'i 'bras bu rtogs pa/ dam pa'i chos bsgrub pa la brtson pa dang / rang gi rig pa la 'grib pa med pa/ pha rol gyi phra ma'i rjes su mi 'brang ba/ slob dpon la brtse gdung che ba/ yum gyi dbang mo ma ltar 'khur ba/ smras pa'i tshig la ngag mi gcog pa/ tshe rabs snga ma ru sbyangs pa/ dam tshig tshul bzhin du bsrung ba/ gling gcig tu skyes pa/ gnas gcig tu dus mtshungs pa/ yi dam gyi lha dang mi 'bral ba/ mkha' 'gro ma stong pa la rim pa/ snying po bzlas pa la spongs med pa/ rigs dang mthun pa'i rnal 'byor pa rje'u rigs su 'dug pa de lta bu la rgyud 'di gtad par bya ste/ rdo rje phur pa chen po rang bzhin gyi rgud gtad par bya'o// rdo rje phur pa chen po'i rgyud gtad par bya'o// rdo rje phur pa chen po shan pa spu gri'i rgyud las/ rgud gtad pa'i le'u ste bcu pa'o// // shan pa skra gri'i rgyud 'di ni/ dge
- 87a
ba'i bshes gnyen gyi sku la sngo ba dang / dkon mchog gnyen par mi byed pa rnams la bya'o// gzhan dang gzhan gyi thun mong ma yin te// bstan pa bsrung phyir rgyud 'di gsungs// thams cad kun la spel na rgyal khams me yis gtang // de ltar gtang na slob dpon nyid kyang 'tshig par 'gyur// snod ldan gcig la gtad par gsungs// rdo rje phur pa chen po shan pa spu gri'i rgyud drag sngags spu gri dang 'dra ba/ bzlas pa tsam gyis sgrol bar byed pa/ rgyud phyi ma'i phyi ma rdzogs so// // o r+yan gyi mkhan po chen po pad+ma 'byung gnas kyis sgra rang 'gyur du bsgyur te/ bstan pa'i btsas su bzhag pa'o// gsang ngo // // @#// rgya gar skad du/ bo d+hi tsit+ta kI la ya A ti yo ga bi to ta ma la ma hA rA dza tan tra/ bod skad du/ byang chub sems kyi phur pa rdzogs pa chen po theg pa'i yang zhun rgyud kyi rgyal po chen po/ bcom ldan 'das byang chub sems kyi phur pa la phyag 'tshal lo// 'di skad bdag gi zos pa'i dus gcig na/ chos nyid spros pa med pa dang kun 'byung ye shes chen po ste/ gnyis med gsang ba'i 'og min gnas mchog dam pa na/ bcom ldan 'das tshig dang / don dang / las dang / 'bras bu yang dag par ston pa'i mchog/ brjod med mi gnas sku mi mnga'// sgra las 'das pa don gyi
- 87b
gsung // bsam bral ye shes thugs kyi ngang // thugs rje yon tan rgya mtsho kun la khyab// ma 'dres yongs rdzogs 'phrin las mchog/ phyogs ris dbyibs gnas zhing khams te// bzhugs pa med pa'i tshul gyis bzhugs pa'o// btags pa'i ming dang ye shes rol pa dang // byin brlabs sprul pa'i 'khor dang ldan// bskor ba med pa'i tshul gyis bskor// tshig don brjod rtogs pa skad cig ma las dngos por 'byung bar btub bam zhe na/ bka' stsal pa/ sems las 'dod chags zhe sdang dang // nga rgyal phrag dog sdug bsngal 'byung // gti mug dag kyang de bzhin te// 'di las khams gsum thams cad dang // skyes pa bud med ma ning 'byung // 'di las 'dod dang gzir ba 'byung // nyon mongs gdung 'dod chags pa 'byung // ri dang skye bo de bzhin du// nam mkha' dang ni rlung dang dang // sreg pa me ni rab tu 'byung // 'di las sa dang chu dag ni// rdo dang sa bon myu gu 'byung // de bzhin glog dang skar ma dang // nyi ma zla ba sprin rnams 'byung // de bzhin spyod dang mi spyod kun// thams cad thams cad 'byung bar 'gyur// zhes pa dang / gsol pa// byang chub sems kyi phur pa las 'byung ba'i chos 'di dag thams cad ci zhig lags zhe na/ bka' stsal pa/ chos rnams thams cad sems las 'byung // sems kyis bstan pa'i lus la nyon// phyogs bcu'i
- 88a
sangs rgyas nga yi sems// phyi nang snod bcud nga yi sems// phyogs su snang ba nga yi sems// mtho ris ngan song nga yi sems// sems kyi sangs rgyas phur pa la// sprul pa phyogs bcu sangs rgyas nyan// zhes pa'o// gsol ba/ byang chub sems kyi phur pa de 'khrul pa'i dngos po sna tshogs pa 'di gang spyod yul lags she na/ bka' stsal pa/ 'byung ba lnga dang yum lnga dbang por bcas// skye rgas na 'chi la sogs sdug bsngal tshogs// dbyibs dang kha dog mtshan ma ji snyed pa// 'di dag 'khrul pa'i sems can yul yin te// bden pa mthong ba'i ngo la 'di mi snang // snang ba 'di kun gyis ni tshad ma mthong ba ma yin/ te// snang ba med bzhin thog ma med pa'i dus nas rtogs pas brtags pa yi// gzung 'dzin bag chags rtas pa'i dbang yin te/ 'khrul te 'di la gdags su zad kyi yang // sems nyid ma 'khrul par yang bden pa'i phyir// skad cig gcig la snang myong ngo // gsol pa/ byang chub sems kyi phur pa de 'khrul ba'i yul du snang ba'i dngos po 'di dag ci la gnas pa lags she na/ bka' stsal pa/ bdag dang bdag gzhan rnams dang ni// log par rtogs pa tsam nyid las// phra zhing zag pa yod ma yin// log rtog nyid la nyid spyod de// gzhan du gsol ba ci yang med// ces pa'o// gsol pa/ byang chub sems kyi phur pa de
- 88b
tshul ji ltar gnas she na/ bka' stsal pa/ de phyir sems kyi skad cig dang po de la lus dang chos kun gnas// de bas zhen phyir phyi ma yang des de la snang // rang sems rgyun las 'phags pa skye ba'i chos ni gzhan na yod ma yin// rgyu drug rigs las de la sna tshogs de dag rang gi ting nge 'dzin te// gsol pa/ byang chub sems kyi phur pa de dngos po sna tshogs par snang ba 'di dag tshad ma lags sam ma lags she na// bka' stsal pa/ skye bo kun gyi sems dang dngos snang phyi nang grags pa'i chos 'di ni// 'dzin pa drug gis ji ltar mthong zhing brtags pas de lta ma yin 'khrul// rang gi rtogs pas myos pa de nyid gzung ba bden gyur na// de dag dngos po med rtogs dgra bcom 'dra bar grol bar 'gyur bar rigs/ gzhan du skye mched bsgoms nas rig pa de dag tshad mar 'gyur na ni/ de nyid tshad mar gyur pas 'phags pa'i lam de su la rgas mi 'gyur// lam de rnam grol lam de bstan cing dbang po'i shes pas mi thar te// sdug bsngal 'ga' yang mi 'jil rnam rig ces te nyon mongs 'byung ba'i gnas// de phyir skye bas mthong ba de dag 'khrul pa yin par mngon zhing rgyal bas gsungs pa'o// gsol ba/ byang chub sems kyi phur pa des 'khor ba'i sdug bsngal bzlog par 'dod pa'i phyir rnal 'byor las gang la brten par bya zhe na/ bka' stsal
- 89a
pa/ 'khor ba'i sdug bsngal sel 'dod na// man ngag ldan pa'i slob dpon tshol// de nas 'khor ba rtsad nas 'don// de ltar rtag tu gus par gyis// zhes gsungs so// gsol pa/ byang chub sems kyi phur pa'i don bstan pa'i slob dpon ji lta bu brten par bgyi zhe na/ bka' stsal pa/ slob dpon tshad mar mi ldan spre'u 'dra ba'i lus// bsten kyang lam nor rtog pas zin ta re// de bas gser la nag tshul gtong ba'i slob dpo rin chen te// rin thang dpag tu med pa'i rin gyis bslu bar bya'o// gsol ba/ byang chub sems kyi phur pa'i don ston pa'i slob dpon brten pa'i yon tan ci zhe na/ bka' stsal pa/ bla med byang sems phur pa ston pa'o// yon tan mi zad sbyin pa yin// byang chub lam chen 'dren mdzad pa// 'khor ba'i lam rnams stongs par byed// ma rig mun sel sgron ma yin// long pa rnams kyi dmigs bu mkhan// de la rtag tu mchod byas na// sangs rgyas byang chub zag mi ring // zhes gsungs so// gsol ba/ byang chub sems kyi phur pa de'i don ston pa'i slob dpon de la thabs ji lta bus mnyes par bgyi zhe na/ bka' stsal pa/ slob dpon la smod pa ni/ dper na mun khung sgron bsad na// mthong ba'i don mi rnyed pa bzhin// sdug bsngal nam nyag yun rings su// bskal pa mang por myong bar 'gyur// de bas
- 89b
rtag tu gus par bgyi// yul la dbang pa'i rgyal po bas// shin tu gtso bor blang bar bya// drin chags bskyed pa'i pha ma bas// shin tu gdung zhing brtse bar bya// brnag pa'i nor la 'phangs med cing // gus dang bcas pa'i brtse gdung gis// man ngag thob phyir dbul bar bya// gsol ba/ byang chub sems kyi phur pa de'i go ba'i phyir mang du thos pa'i shes rab gces sam mi gces zhe na/ bka' stsal pa/ ji ltar cang shes kyi ling dag/ sdom byed sgrog gis bcings 'gyur ba// bkrol nas bde rlag btang gyur na// ci yang thogs med 'gro ba ltar// sems kyi dbang po cang shes 'di// mi shes bcings pas bcings 'gyur na// rnam grol thos pa'i sgo mo yis// shes rgyud kun 'grol thogs med 'gro// 'di ni mi shes rgyud 'grol ba'i// bcings par 'gyur ba dgrol ba ste// rgyud rnams dgrol ba'i brlab pa ru// goms par byed pa rab tu gces// zhes gsungs so// gsol pa/ byang chub sems kyi phur pa'i man ngag yid kyang mang du thos pa gces lags sam zhe na/ bka' stsal pa/ rang gi sems kyi rtsa ba mchod na// ji lta smras kyang don med g.yeng ba'i rgyu// nyan pa mang po 'du 'dzi bskyed pa yin// dge ba'i chos spyod rnam grol thob par dka'// de bas don 'di yongs su goms par gyis// sde snod rnam grangs chos la blo 'byongs kyang // nges
- 90a
pa'i gtan tshigs gcig tu ma shes na// don med spungs pa'i tshig des sus kyang go mi 'gyur// gdeng ldan blo la man ngag ma bzhag na// mu med slab col don med smra ba bon po bzhin// ji ltar brjod kyang don med g.yeng ba'i rgyu// zhes gsungs so// gsol ba/ de lta bu'i byang chub sems kyi phur pa'i man ngag ston pa la// dpe 'am tshad ma zhig 'tshal lam mi 'tshal zhe na/ bka' stsal pa/ gsang sngags rgya mtsho chen po 'di// dpe dang tshad ma'i gtan tshig dang // rjes su dpag pa'i shes rab kyis// rtogs par gyur pa ma yin no// mngon sum la sogs rgyu'i dngos po 'jig cing grub pa'i mtha' spyod pa'i// de nyid rtogs pa'i rgyu 'bras spyod yul tshad mar bzhag nas blo yis 'jig byed de// rtog mtha' med phyir spyod mtha' med// de yi snying po med na tshad ma gang // de phyir 'jig rten brtags pa'i tha snyad rtogs pa rnal 'byor lam 'dir mi dgongs so// zhes gsungs so// gsol ba/ byang chub sems kyi phur pa'i tshad ma gang lags// bka' stsal pa/ de bas gsang sngags bdag nyid che// dngos grub rlabs chen 'bar ba can// bsam yas gting ni dpag dka' 'o// lung dang man ngag thob par 'gyur// ston pas nges pa'i lung dang ni// bla ma rnams kyi man ngag de ni don 'dir blta// tshad ma gsum dang ldan blos rnam
- 90b
par rtogs pa rjes bcad pa/ lung dang man ngang gi tshig tsam la rten pa yang ma yin/ rang gi blo yis mngon sum du yid ches pa'o// zhes gsungs so// gsol ba// de ltar tshad ma gsum po des byang chub sems kyi phur pa don ji ltar rtogs par bgyi zhe na/ bka' stsal pa/ nges dang nyams ldan gnyis rten la// rang gi ngo bo shes par bya// gdul bya ji snyed pa'i don du yang // bka' rab 'byams kyi bstan pa bsam gyis mi khyab pa gcig gsungs kyang / don byang chub sems kyi phur par lhun gyis grub pa'o// khams gsum gnas pa'i sems can la// byang chub sems ni ma yin pa'i// phan pa'i sman ni gzhan med de// byang chub sems kyi phur pa'i don rtogs ni// 'khor ba'i chos ni rgyun med de// myur du byang chub kun gyis thob// mi skye mi 'gag bde la gnas// zhes gsungs so// gsol ba/ 'khor ba'i chos thams cad byang chub sems kyi phur bur dag go mnyam mo zhes bgyi ba'i don ji lta bu lags zhe na/ bka' stsal pa/ snod bcud rgyu rnams dag rtogs shing // mnyam nyid lhag pa'i mnyam nyid kyis// dkyil 'khor byang sems phur pa'i zhing du dag/ mnyam pa la yang rnam bzhi ste// don dam par skye ba med par mnyam pa dang / kun rdzob sgyu ma'i mtshan nyid du mnyam pa dang / phyi'i yul de bzhin gshegs pa lngar mnyam pa dang / nang gi sems
- 91a
ye shes lngar mnyam pa'o// 'byung ba chen po so sor ma byas ma bcos pa las sgra skad sna tshogs par tha dad par 'byung ba ni/ byang chub sems kyi phur pa nyid do// 'di dag ni bdag nyid las byung bas gang gi ngo bor yang ma gyur chos kyi sku ste/ byang chub sems kyi phur pa nga nyid do// stong gsum gyi stong chen po'i 'jig rten gyi khams 'di dag ni nga'i sku'o// nga'i gsung ngo // nga'i thugs so// nga'i yon tan no// nga'i 'phrin las so// stong gsum gyi stong chen po'i 'jig rten gyi khams thams cad ni/ sangs rgyas kyi sa mthar phyin pa rdzogs pa chen po nyid do// thams cad sku gsung thugs las ma gtogs pa 'khor ba dang nyon mongs pa'i ming yang med do// sangs rgyas 'byung ba las ma gtogs pa sems can du skye ba'i rgyu ci yang med do// sku snang ba las ma gtogs pa sems can dang chen po lnga ye nas med do// sangs rgyas kyi bde ba chen po las ma gtogs pa sems can dang sdug bsngal gyi chos ye nas med do// zhes gsungs so// gsol ba/ byang chub sems kyi phur pa de yang dag par yab dang / yum dang / sku gsung thugs yon tan 'phrin las su yod pa lags sam zhe na/ bka' stsal pa/ thams cad ma skyes zag pa med// khams kyang med cing 'byung ba med// byang chub med cing mngon rtogs med// mtshan med mi 'gyur nam mkha'
- 91b
bzhin// gnyis med gnyis su med min zhi// byang chub sems 'di rgyas pa'i phyir/ thugs nyid sku yi dkyil 'khor la// dbyings nyid sku yi dkyil 'khor te// yon tan 'phrin las dbyer med de bzhin lhun gyis grub// ces gsungs so// gsol pa/ dngos po thams cad kyi mtha' byang chub sems kyi phur pa skyes pa de/ tshul ji ltar 'tshal bar bgyi zhe na/ bka' stsal pa/ dper na rdo rje'i rang bzhin dag/ sra zhing mkhregs pa'i dngos po yang // brtags te du mar byas nas ni// rlung gi mthu yis gtor byas na// de la dngos po ga la yod// dper na me yi rang bzhin dag/ tsha zhing dngos po kun bsregs shing // 'bar 'phro snang gsal mched byed pa// chu yi mthu yis rlag byas na// de la rang bzhin ga la yod// dper na rdzas kyi dngos po yang // me yi mthu yis bsregs gyur na// de la rang bzhin ga la yod// shes pas zin pa'i shes pa rnams// gzugs dang 'dra ba sna tshogs kyang // dbang po la sogs mdzes gyur kyang // phung po mi rtag shi 'phos nas// dngos po thams cad zhig 'gyur te// zhig dang rdul la sogs pa dang // rus pa dag kyang rlag 'gyur te// tha ma cir yang snang mi 'gyur// ri bo chen po la sogs pa// dngos po brtan g.yo 'jig rten rnams// bskal pa gsum gyis rlag byas na// de la rang bzhin ga la yod// des na dngos
- 92a
po'i chos rnams kun// dngos po rtag pa ma yin pas// chos rnams rang bzhin med par shes// dbang po brtan g.yo snang ba kun// yul rnams yod pa ma yin te// kun gzhi rnam par shes pa nyid// dngos po sna tshogs par snang ste// snang ba'i dngos po rnams bshig na// gzhigs na nam mkha'i ngang du zhi// nam mkha' de nyid lngas gzhig na// mtshan ma med pa'i dbyings su thim// 'jig rten brtan g.yo la sogs pa// snang ba nyid na ngo bo med// de nyid byang sems phur pa chos sku chen po yin// zhes gsungs so// gsol ba/ byang chub sems kyi phur pa de yang dag par sgyu ma tsam du yang ma mchis sam zhe na// bka' stsal pa/ de lta dngos po'i mtshan ma kun brtags na// rang bzhin sgyu ma med 'gyur phyir// yod las ltos pa med de med pa'i med pa med// mtha' rnams med phyir dbus med dbus la'ang gnas par mi byed do// ma spangs ma bsgrubs nam mkha'i ngang du gnas// khams gsum brtags na 'khor ba mya ngan med// phyogs char dbye na bde gshegs snying po yin// zhes gsungs so// gsol pa/ byang chub sems kyi phur pa de sgyu ma tsam du yod pa de zhin gshegs pa yin bgyi ba de ji lta bu lags she na/ bka' stsal pa/ yang dag nyid na gnas bcas na// phyi nang snod bcud rnams par dag/ rags par snang ba de bzhin
- 92b
gshegs// sgyu mar 'dzin pa yum gyi dbyings// gzugs kyi mtshan nyid dngos po med// gcig la'ang lngar gzhig pa dang // thams cad nam mkha'i ngang du gnas// nam mkha' de ni chos kyi dbyings// zhes gsungs so// gsol ba/ byang chub sems kyi phur pa de thams cad stong pa kho nar shes nas yang dag pa'i don lags sam zhe na/ bka' stsal pa/ mdo sde dang bstan bcos bkri drang gi don gyis ni thams cad stong bar bshad/ de bas med par bshad// de bas kyang stong pa bdag med par bshad de/ stong pa nyid la blta nyes na// shes rab chung ldan phung par 'gyur// ji ltar sbrul la bzung nyes dang // rig sngags log par bsgrubs pa bzhin// rgyal ba rnams kyi stong nyid ni// lta kun nges par 'byin pa ste// gang zag stong pa nyid lta ba// de ni sor mi rung zhes gsungs// sna tshogs snang zhing med par gang smra ba// med par mthong bas mu stegs 'chal ba'i lam// zhes bya'o// gsol ba/ byang chub sems kyi phur pa chos rnams thams cad stong pa nyid du bstan pa ci 'tshal zhe na/ bka' stsal pa/ skye ba med ces bstan pa yang // dngos po 'dzin pa bzlog phyir te// sgyu ma ye nas skye med la// skye med nyid kyis sgro mi gdags// nam mkha' 'di ni med do zhes// blun po gang zhig rtog par byed// mkhas pas sngon nas yong mi 'dzin// zhes gsungs
- 93a
so// gsol ba/ byang chub sems kyi phur pa stong pa nyid ces bya ba 'di ji lta bu 'tshal bar bgyi zhe na/ bka' stsal pa/ nga med phyogs dang bral bar yongs la bstan du med// med pa'i sa mtshams bcad par yong mi bstan// med par bstan pa yod pa'i ngo bo yin// yod med gnyis su bstan pa shin tu dka'// gzugs rnams sna tshogs mtshan ma cir snang ba// don dam nyid du yod pa ma yin pas// gang la 'di 'dra zhes ni brtag pa med// ces gsungs so// gsol ba/ byang chub sems kyi phur pa de ci zhig gis med par 'gyur ba lags zhe na// bka' stsal pa/ chos kyi dbyings nyid chos kyi sku// mi rtog ye shes yin zhes bshad// rang byung ye shes rang bzhin snang // gang zhig stong pa'i ngang yod ces// med pa'i rang bzhin rtog pa ste// ri bong rwa dang mo sham bu// tshig tsam gdags su rung mod kyis// thams cad ming tsam stong nyid med// thams cad stong pa zhes pa ste// sa rdo dran med ma yin pas// rtog med rang bzhin 'di gsal ba// ji ltar snang ba thams cad kun// gdos pa can gyi chos med de// shes pa 'ba' zhig kho na'o// rang bzhin cha phra gang 'dzin pa// 'dzin pa de la chos med do// chos med 'bras bu de la med// chos kyi 'bras bu gang yin pa// rig pa'i don ni 'di rnams so// sngon dang phyi mar ma gyur cing / phyogs dang
- 93b
ris su ma phye bar// 'dzin chags 'dzin pa'i rtogs spangs na// de ni chos nyid ces bya'o// zhes gsungs so// gsol pa/ byang chub sems kyi phur pa de kun rdzob tu thams cad sgyu ma lta bu'o zhes bgyi ba'i tshul ji ltar 'tshal bar bgyi zhe na/ bka' stsal pa/ kun rdzob sgyu mar mnyam pa ni// 'dus byas dngos po sna tshogs kun// sgyu ma'i tshul du thams cad snang // 'phral snang bya ba kun kyang byed// rtag pa kun gyi tshad mar snang // 'di dag thams cad gzugs brnyan de// bya byed snang zhing dngos po med// chu zla'i tshul du thams cad gnas// thams cad snang la rang bzhin med// thams cad ma lus chos so cog/ snying po yod pa ma yin te// sgyu ma mig yor sprul pa dang // smig rgyu 'ja' tshon chu zla'i tshul// de ltar gang gis rtogs pa ste// de nyid sangs rgyas yin par bshad// ces gsungs so// gsol pa/ byang chub sems kyi phur pa de bden pa gnyis dbyer med do zhes bgyi ba de lta bu lags zhe na/ bka' stsal pa/ don dam po dang kun rdzob byer med par mnyam pa ni/ chos rnams ma lus thams cad kun// gzhi rtsa med las thams cad 'byung // yod dang med pa gnyis ka med// don dam kun rdzob dbyer med de// 'dus ma byas nyid 'dus byas snang // snang ba nyid na dngos med de// dngos med de nyid sna tshogs snang // de nyid sgyu ma mig yor
- 94a
tshul// bden pa gnyis med sems par zad// ces gsungs so// gsol pa/ byang chub sems kyi phur pa de bden pa gnyis su brtags pa ci 'tshal zhe na/ bka' stsal pa/ gang zag sgyu ma bkri don bden gnyis med// bag chags stong sems de dag g.yeng ba che// rang bzhin dus gcig stong las na// sems dang bag chags gcig par gsungs// shes tsam yin pa bdag nyid las/ thig le'i chen por rgyal bas bshad// ces gsungs so// gsol pa/ byang chub sems kyi phur pa de bden pa gnyis dbyer med pa'i byang chub sems kyi phur pa de nyid ji lta bu lags zhe na/ bka' stsal pa/ yod de dngos po ma yin te// chu zla bzhin du rang bzhin med// med de chad pa yod ma yin// nam mkha'i dbyings ltar cing yang snang // gcig ste rnam pa ma yin te// don dam gcig tu thams cad 'dus// gnyis med phyal ba ma yin te// yongs la khyab pas brdal ba'i sku// gang ltar bstan kyang gang yang med// med pa ma yin dran bzhin tshol// chad par ma song rig cing rtogs// rtag par ma song rig cing rtogs// rtag par ma song dngos po med// gnyis su ma song rtog pa med// gcig tu ma song kun la khyab// dang po skye ba'i rgyu med la// tha ma 'chi zhing 'pho ba med// da ltar dngos po'i rdzas med pas// rtag par chags zhing gzung du
- 94b
med// gzhi rtsa med pa'i sems nyid ni// pho mo ma yin ma ning med// mtshan med ma yin rigs rgyu min// de bzhin nyid dbyings ye shes te// thabs kyi phyag rgya kun gyi rgyu// zhes gsungs so// gsol pa/ dngos po dbyibs dang kha dog gos brnyas pa 'di kun byang chub sems kyi phur pa ma yin nam zhe na/ bka' stsal pa/ tha snyad thams cad byang chub mchog gi lam// gza' dgrol ba yi yul ni gang la yod// thams cad ma lus chos so cog/ sems nyid las ni gud na med// sems dang chos su dbyer med pas// byang chub lam de ring ba med// sems dang chos ni ye nas gnyis su med// cir snang ji srid sems kyi rang bzhin snang zhing srid// sems nyid byang chub sems lam ma rtogs pa// dus gsum rgyal bas gsungs shing // mnyam nyid ngo la mos snang ngo // zhes gsungs so// gsol ba/ byang chub sems kyi phur pa'i don ston pa'i 'bras bu'i theg pa 'di la rdo rje theg pa zhes bgyi ba ci'i phyir lags shes pa dang / bka' stsal pa/ de bzhin gshegs pa rnams dang / snod bcud nam mkhas bsdus pa'i chos ma lus lus pa med pa thams cad don gcig ste// sku gsung thugs su 'dus so// sku gsung thugs kyi don dbyer med do// gang gis kyang mi shigs/ gang gis kyang mi chod/ gang gis kyang mi phyed pas rdo rje'o// sku gsung thugs su ma gyur pa'i
- 95a
dngos po'am/ ma lus pa'i chos gcig kyang med de/ sku gsung thugs su lhun gyis grub par phab pas theg pa/ de'i rdo rje'i theg pa'i chos zhes bya'o// gsol ba/ byang chub sems kyi phur pa de chos nyid tshig las 'das pa gsungs pa ci'i phyir lags zhe na/ bka' stsal pa/ sems kyi rang bzhin btsal bas mi rnyed na// gzhan la 'di 'dra zhes ni bstan du med// mchog tu gsang ba'i chos nyid ni// rna dbang gzhan las thos mi 'gyur// de bzhin lce yi dbang pos kyang // de kha brjod du rdul tsam med// skye ba med pa'i chos rnams ni// ma skyes pas ni snying por bzhed// snying po'i don du gang 'gyur ba// tshig tu smra ba legs ma yin// spros pa nyid na gol ba zhes// rgyal ba rnams kyis yang dag bshad// de bas rdo rje rgyal po nyid// bka' mi gsol bar dgongs pa'o// phra zhing shes dka' drang srong chen po'i lam ni mi rtog rtogs las 'das// mi gnas dmigs pa'i yul med bsam pa kun dang bral// tshig gis ma phebs dbyibs dang kha dog dbang po'i spyod yul min// bstan cing brtag par dka' la brjod du rdul tsam med// dus gsum sangs rgyas thams cad kyis// 'gro ba mi shes drang don du// chos kyi 'khor lo yongs bskor te// theg pa'i bye brag bsam yas pa// 'gro ba'i don la ci gsungs kyang // sems kyi rang bzhin
- 95b
yongs ma gsungs// rang bzhin tshig dang yi ge 'das// zhes gsungs so// gsol pa/ chos nyid byang chub sems kyi phur pa de'i don ye mi rtogs lags sam zhe na/ bka' stsal pa/ yi ge kun la mi snang yang // sems la gsal bar mngon par snang // skal ldan rnams la rang rig pa// don chen yi ge dam pa yin// tshig tshig bden bde 'ang bde nyams nyams brnag pa'i 'bras bu de/ yi ge las 'das tshig tu ma bris so// zhes gsungs so// gsol ba/ byang chub sems kyi phur pa de'i don mi rtogs pa lags na/ tshig dang yi ges ci bgyi zhes pa dang / bka' stsal pa/ dngos po med phyir dngos po stong pa med// chos can mi dmigs chos nyid yod ma yin// zhen pa bzlog phyir rkyen bshad ma rtogs pa// chos kyi ngang la tshig med brjod du med// skye ba med ces bstan pa yang // dngos por 'dzin pa bzlog phyir te// ji bzhin pa yi chos btsan par// chos la chos ni mi 'jug ste// ji tsam zab pa'i tshig brjod kyang // don dang mthun par mi 'gyur ro// zhes gsungs so// gsol pa/ byang chub sems kyi phur pa de tshig las kyang 'das pa ste/ rtogs pa'i rtags cis mngon pa lags zhe na/ bka' stsal pa/ snang la rang bzhin med pa de// chu la chu zla smig rgyu bzhin// med pa yang ni ma yin la// yod par yang ni ma yin no// yod med gnyis las
- 96a
'das pa yi// rang bzhin med las yod pa dran// shes rab chen pos rtogs pa'i rtags// mkha' ltar mnyam pa nyid la gnas// shes rab chen pos khyab pa'i rtags// mi g.yo mnyam bzhag 'dus ma byas// shes rab chen pos grub pa'i rtags// ma chags thabs kyis kun la spyod// rtogs pa chen po'i chen po la// ma rtogs sbyor ba'i las byed na// che ba'i yon tan yod ma yin// zhes gsungs so// gsol pa/ byang chub sems kyi phur pa'i don rtogs pa de'i skabs gang du dgos pa lags zhe na/ bka' stsal pa/ mkhas pa mi gtso rtogs pa gtso// mkhas pa mi tshig zan pa yin// rtogs la chos nyid rlung la 'byo// bsgrub pa bas kyang rtogs par rigs// rtogs pa de ru ma gyur na// bsgrub pa rtog pa'i rgyun la bsgrub// sgom pa mtshan ma'i ngang la sgom// rtsol ba nyon mongs zhen pas rtsol// zhes gsungs so// gsol ba/ byang chub sems kyi phur pa'i rtogs pa de'i spyod yul dang yon tan ji lta bu lags/ bka' stsal pa/ dag pas brtags na kun kyang lags// rtogs pas bsam na gang yang 'grub// thams cad dag ces bya ba yang // dngos po gsal dag ma yin te// snang spyod nyid na rnam par dag/ ces gsung so// gsol pa/ byang chub sems kyi phur pa de'i ngang du thams cad dag pa'i tshul ji ltar lags zhe na//
- 96b
bka' stsal pa/ 'di ltar snang ba thams cad la// mngon sum tshad mas rtags mthong yang // snang ba nyid na dngos po med// de bzhin nyid du yang dag rtogs// mthong na mthong du zad de rnam dag dbyings su mthong // thos nas thos su zad de man dang nges pa thos// tshor na tshor du zad de rtsa ba med par tshor// myong na myong du zad de bcos pa med par myong // reg na reg tu zad de 'gyur ba med par reg/ chos na chos su zad de rnam dag dbyings su chos// sngags kyi yongs su zin pa'i nad// kun la gnod par byed mi nus// thabs dang shes rab rtogs pa yis// dug gsum sdug bsngal gnod mi 'gyur// thabs la mkhas pas ma zin na// lam gyi dge spyad stegs bcas kyang // mtho ris dang ni mi ru skye// skye shi med dpa'i sa mi thob// thabs mkhas snying rjes zin pas ni// mtshams med sems can ma lus kun// byang chub snying rjes bsad na yang // bsod nams dpag tu med pa thob// ye shes rtogs pa'i khyad par las// spyod lam rnam bzhi ci spyad kyang // 'chi bar mi 'gyur rnam grol rdzogs// lta bas mthong la rtogs pa med// ye nas lhun grub nyam mi nga // de la gol sa ga la yod// ces gsungs so// gsol pa/ byang chub sems kyi phur pa de rtogs pas sgrib pa ji ltar dag pa lags zhe na/ bka' stsal pa/ de ltar shes pa'i mthu yis
- 97a
ni// bag chags mun pa kun gsal te// ji ltar rlung gis rdul chags ltar// skad cig tsam gyis ting 'dzin gyis// sgrib pa'i phung po phyags par 'gyur// ji ltar mar mes mun bsal na// mun nyid snang bar 'gyur ba bzhin// skad cig ma yi don rig par// sngon nas bsags pa'i mun pa sel// rmad byung byang chub sems bsgoms pas// 'gro ba myur du byang chub ste// ma skyes byang chub rmad byung ba// nyon mongs las kyis gos mi 'gyur// byang chub sems ni spu gri'i so// til mar ngar btab ral gri bzhin// byang chub sems ni yongs kyi lam// skyon gyis ma gos pad+ma bzhin// ci byas nyes pa'i skyon ma / gos// bskal ba 'bar ba'i me bzhin du// sdug bsngal sdig pa ci spyad kyang // rnam grol bla med sangs rgyas 'grub// ces gsungs so// gsol pa/ byang chub sems kyi phur pa'i don// thugs su chud pa'i rnal 'byor pas// spyod pa ji ltar bslab par bgyi// zhe na/ bka' stsal pa/ snang srid mtshan ma'i rdzas rnams kun// ma rig rmongs pa'i blo rnams kyis// spyod pa nyid du snang ba de// thabs la mkhas pa'i rnal 'byor pas// rang bzhin med par 'dris par spyod// sems nyid cir yang mi snang phyir// spyod pa cir yang mi spyad de// gtsang sme phyogs ris spyod pa dang // che chung chags sdang blang dor sogs// ci la'ang bye brag mi bya/
- 97b
ste// bdag smod gzhan rkyen la sogs pa// theg chen rnal 'byor ga la yin// sems can dmyal ba'i chos kyang mi 'gal te// nyan thos la sogs cis ci dgos// thams cad mnyam nyid ngang du spyad// bdag nyid mi rtogs nyams rnyed kyang // 'gro don dge chos rdzogs byed pa// yon tan ma lus sbed shes te// mdor na sbrul sku'i sangs rgyas bzhin// chos rnams stong pa nyid du rab rtogs kyang // las kyi rnam smin yod ces byas// bsam du med pa'i chos nyid la longs spyod// 'dus byas dag pa rgyun mi 'chad// ces gsungs so// gsol pa/ byang chub sems kyi phur ba'i don spyod pa de ltar spyad na/ dngos po'i chos la zhen par mi 'gyur ram zhe na/ bka' stsal pa/ rnal 'byor chen po'i spyod pa ni// thams cad kun la dbyer med spyod// bde ba'i ro mchog myong 'gyur te// de la su zhig chags par byed// spyod bzhin ma chags ye shes yin// bde ba'i mchog nyid bsod nams tshogs// de lta bu yi ngang du spyod// ces gsungs so// gsol pa/ byang chub sems kyi phur pa'i don spyod pa'i 'khrul pa ji lta bu lags zhe na/ bka' stsal pa/ rdo rje theg mchog khas 'ches la// mnyam pa'i don nyid mi shes par// gsang sngags dam tshig mnyam zer zhing // thugs thub dag tu spyad byas pas// dmyal khams dag tu brgyud par 'gyur// bde dang sdug bsngal
- 98a
rdzogs pas na// bdag rgyal gzhan 'pham ci yi phyir// bzang dang ngan pa 'khrul pa na// 'dod pas mchog gang gis bstan// mnyam nyid che chung med pa la// bdag bstod gzhan smod su zhig smra// chos nyid spong len med pa la// blang dang dor ba gang gis brjod// byang sems phur pa'i khas 'ches nas// ma rungs log par spyod byed cing // rang shes ras chod byed pa ni// mu stegs lta ngan chad pa yin// ci yi phyir na 'bras bu med// lta bu che bar khas blangs nas// bdag nyid che la gzhan la chung // rang la mi bzod gzhan la phod// mu stegs rtag par blta ba yin// nga ni sangs rgyas yin pas na// gzhan ni nga yi gong na med// de phyir blta ba gting thug pa'i// rgyal ba'i sras 'bras rnal 'byor pas// lam bstan skyon sel mkhas pa la/ kha cig dregs pa'i phrag dog gis/ khro ston thabs kyis smod par byed// de ni 'khor ba'i gting rdo ste// nam yang thar pa'i khar mi 'byung // dge ba'i phyogs dang sdig la sogs// tha snyad tsam yang yod ma yin// rnal grol rnam par bcings pa yi// gnyis po de yod gdod nas med// gang gis de ltar ma rig pa// don med sgra phyir de 'brengs nas// dge ba'i chos ni rnam spangs nas// de ni 'thoms nas dmyal bar 'gro/ gsang sngags dbang phyug go 'phang chen po 'dir// phyi nang
- 98b
gsang ba'i don dang mi ldan par// la la mkhas 'dod dregs pa'i nga rgyal can// rang gi lta ba yang rab thob 'dod de// gti mug dbang gis bag zon ma chags par// dran 'dod yas bzhag btsan thabs dregs pa yis// bdag las gzhan med dpe zlas 'phags 'dod pa// gzhan la brnyas 'dod bdag nyid lhar bsgoms kyang // mnyam pa'i rgyal po che las 'gal ba'i phyir// lha spyod ya chab bdud kyi las su 'gyur// mtho dman rlom sems dbang sgyur mnyam pa'i thugs// zhes gsungs so// gsol ba/ byang chub sems kyi phur pa'i don dang ldan pa'i rnal 'byor pas las kyi mtha' gang lags zhe na/ bka' stsal pa// dper na zhing pas lor btab pa'i// tha ma snga rtsa ma byas na// 'bras bu tha ya khyer ba bzhin// rnal 'byor lta spyod dam tshig dbang // nyan bsam las kyi mtha' ma ru// mi sgom pa yang de bzhin no// zhes gsungs so// gsol ba/ byang chub sems kyi phur pa de shes rab rnam pa gsum gal che ba ci'i phyir lags zhe na/ bka' stsal pa/ rang gsang thabs kyi 'bras bu ni// ma bstan pa ru shes mi srid// yang dag don gyi ngo bo ni// ma bsam par du rtogs mi srid// yang dag nges pa'i 'bras bu 'di// ma bsgoms bar du 'grub mi srid// bsgoms na 'bras bu thag mi ring // dgos pa dam pa kun 'dus la// 'jug pa'i gtsor ni
- 99a
bsam gtan te// 'khor lo dbang bskur ji bzhin du// chos kun dbang bskur bsam gtan yin// gal te bsam gtan 'di med na// rgya mtsho 'dzings kyi pha bong ltar// dpag tu med pa'i / sgo spyod kyang // don med snying po skams pa yin// bsgrub pa'i gtsor ni ting 'dzin pas// ting 'dzin 'di yis byed par 'gyur// mun las snang byung de bzhin du// 'gyur ba gser 'gyur sman gyi tshul// rdzogs pa'i dbang sgyur ting 'dzin yin// zhes gsungs so// gsol ba/ byang chub sems kyi phur pa'i don bsgoms pa'i rnal 'byor ba'i gnas ji lta bar lags zhe na/ bka' stsal pa/ rnam par mi rtogs don tshol na// gcig pu dben pa'i sa bzung ste// bar chad rnam gsum med pa'i gnas// rnyed nas gcig pur gnas par bya'o// de nyid nyams su len 'dod pas// gcig pu seng ge bzhin du gnas// g.yeng ba'i yul rnams zag bcad de// 'brel yul dpag tshad du mas bshugs// de nas sems kyi me long blta'o// zhes gsungs so// gsol ba/ byang chub sems kyi phur pa bsgom 'dod pa'i rnal 'byor pas sngon du 'gro ba'i las ni ji ltar byas la 'jug ce na/ bka' stsal pa/ zab don 'jug pa'i sngon logs su// the tshom g.yengs ma thag bcad de// sdig bshags byang chub sems bskyed nas// rnal 'byor tshogs kyi bsod
- 99b
nams dpung // phyis nas 'gyod pa med par bya// rnam par mi rtog sgom 'dod na// nges dang nyams ldan gnas bsten pa// rang gi ngo bo shes par bya// zhes gsungs so// gsol pa/ byang chub sems kyi phur pa de don dam par bsgom du med ces bya ba'i don de ji ltar lags zhe na/ bka' stsal pa/ 'khor ba rnams ni kun tu bzang po'i sku ste mtshan med nam mkha'i klong // gang yang bsgom par bya ba rdzogs pa chen po'i 'di la ci yang med// mi bsgom bsgom du rdul yang med de ci zhig bsgom// bsgom par 'dod pa rnams kyis 'di yi don mi rtogs te klong las nyams// drang srong sgom 'dod pas ni yul la dpyad mi bya// sgom med yul lam dmigs par byed pa ni// de ni smig rgyu chu rnyeg 'dra// sems dpa' chen po thams cad bsgom pa'i mchog/ ngo bo nyid du dmigs su med// nga yi lugs su sbyor ba las// byang chub med cing bsgom pa med// ces gsungs so// gsol pa/ byang chub sems kyi phur pa de lam bsgoms nas rdo rje lta bur mi 'gyur ram zhe na/ bka' stsal pa/ bsam gyis mi khyab mi shes par// bsam med ngang du gang 'jog pa// bus pa de ni blun pa ste// mun pa'i skye mched nyid du 'gyur// bsam gyis mi khyab don shes na// bsam med ngang du gang 'jog pa// de ni thams cad mkhyen pa nyid// yon tan dpag tu med pa
- 100a
'byung // zhes gsungs so// gsol ba/ byang chub sems kyi phur pa chos nyid la bsgom du yod pa la/ rnal 'byor pas mi sgom pa ci zhig lags zhe na// bka' stsal pa/ chos nyid bsam du med pa nam mkha' che// nam mkha'i bsam pa de dag kun dang bral// nam mkha'i dmigs par yang ni dmigs su med// sems dang chos ni ci yang ma yin pas// bsgom pa'i tshe na ci yang mi bsgom mo// zhes gsungs so// gsol pa/ byang chub sems kyi phur pa de bsgoms na skyon ci mchis zhe na/ bka' stsal pa/ ma bcos byang chub de bzhin nyid// bsgom du med pa'i chos nyid la// bsgom pa dmigs su med pa ste// ting 'dzin zhes ni gdags su med// bsgoms kyang rnyed pa ma yin la// de bzhin ma bcos stor ba med// bsgom chos sna tshogs cir snang ba// bsgoms na de yi ngang mi gnas// de bas byis pa'i spyod yul yin// brtags na med la bzhag na legs pa 'byung // bsgoms na mtshan dang dpe bzhin de la rtog pa skye// dmigs pa'i yul med gnas par brtag par dka'// zhes gsungs so// gsol pa// byang chub sems kyi phur pa de ni mi bsgom par bzhag pa lags sam zhe na/ bka' stsal pa/ bsgom pa'i yul med de la bsgom pa'i gnas// bsgom chags bde ba bdag 'dzin sdug bsngal yin// bsgom pa'i gnas med
- 100b
dag tu rab rtogs na// bsgoms kyang skyon med chos dbyings nam mkha' 'dra// zhes gsungs so// gsol ba/ byang chub sems kyi phur pa de bsgoms kyang skyon med pa lags na bsgom pa nyid ni tshul ji ltar bsgom zhe na/ bka' stsal pa/ ma skyes pa yi chos rnams la// ngo bo med de bsgom pa med// nam mkha'i tshul du rab 'byor bas// dngos grub kun tu rab tu grags// zhes gsungs so// gsol ba/ byang chub sems kyi phur pa de las dang po'i rna 'byor pas blos ji ltar bzhag ce na/ bka' stsal pa sems kyi skad cig dran pa la// yid kyi dmigs pa rgyun chad nas// byung tshor chad pa'i mtha' spangs te// chos rnams nam mkha' lta bu ni// brjod med rgyun gyi chad par dmigs// don ni phyin ci ma lor par// brjod med ting 'dzin bsgom pa'i mchog/ yang dag don gyi rang bzhin 'di// ci yang mi len mi gnas shing // ci yang mi thos thos pa med// ci yang mi byed byed dang bral// ci yang snang ba med pa ste// de ni snang ba'i dam pa yin// bsam du med pa'i chos nyid 'di// bsam du med par de bzhin bzhag/ rang bzhin med pa'i chos nyid la// sems kyi gyin da skad cig ma// mi g.yo rgyun du dran par bya// zhes gsungs so// gsol ba// byang chub sems kyi phur pa de thams cad du dmigs shing dran par bya ba legs sam zhe na/ bka'
- 101a
stsal pa/ bsgom par bya ba bsgom pa min// gsal bya dmigs su med pa ste// de ltar sems kyis gang bsgoms pa// don la sems bsgom ting 'dzin mchog/ ces gsungs so// gsol ba/ byang chub sems kyi phur pa de ci'i phyir mi bsam par gnas par bgyi zhe na/ bka' stsal pa/ snang ba med pa'i rang bzhin la// shes blo yod pa'i sems mi 'gyur// mnyam nyid ston pa'i don 'di la// don ldan stong pa'i sgro mi 'dogs// ma bcos rang bzhin zhi ba yi// mtshan ma'i rtog bral shes ldan pas// med do tsam du'ang mi dmigs na// byung tshor 'dzin par ga la 'gyur// thams cad mi gnas byang chub sems// btsal nas grub pa ma yin yang // sgyu ma sangs nas 'khrul ba bzhin// spros bral ye shes snying po gnas// bsgom dang bsgom par bya ba gnyis med na// don dam ngang la bde bar gnas pa ni// byang chub sems bsgom zhes kyang de la bya// zhes gsungs so// gsol ba/ byang chub sems kyi phur pa de blo'i yul med par blo la gnas pa de ci'i phyir lags zhe na/ bka' stsal pa/ rdo rje 'dus pa chen po/ byang chub snying por bzhugs pa'i tshe/ stong pa'i chos la stong pa'i yul med de ni mi gnas so// byang chub sems byang chub bsgrub pa'i rgyu med de ni mi gnas so// 'gro la sems rgyud gnyis mi 'chang // zhes pa ni de la ma
- 101b
/ skyes ming mi dmigs// de las gzhan pa'i sems med phyir// bcos shing gnas pa gang zhig yod// ji ltar nam mkha' mkhan ma yi// de phyir nam mkha' de nyid bsgom par mi 'gyur zhing // ngo bo nyid kyis ma skyes sems kyi ni// ma skyes de nyid bsgom par ga la 'gyur// mi mthun pa dang mnyam po dbyer med don// gang gis shes nas rtsol ba kun spangs te// btang snyoms chen por ma bcos dang bzhag na// tha snyad tsam du sgom zhes de la brjod// ces gsungs so// gsol pa/ byang chub sems kyi phur pa de bsgom pa'i dus na ting nge 'dzin gyi skyon dag ji ltar 'tshal bar bgyi zhe na/ bka' stsal pa/ dran 'byung rjes su 'brangs nas ni// 'khor ba'i gnas su 'khor bar 'gyur// dran 'byung g.yo ba ci bkag pa// de ni 'gog pa nyid du 'gyur// dran 'byung med par blun par na// mu stegs can nam mun par 'gyur// 'di zhes sems su gcig bzung na// mtshan ma rtog pa'i ri bo yin// snga phyi med pas phya chad na// med de chad pa'i mun can yin// gzhi yi don las yud tsam zhig/ ci g.yo skye 'gag 'byung ba de// de las dran pa mang 'phel zhing // lam 'tshal ba yi grangs byung na// lam gyi rnam grangs 'phel 'gyur gyi// chos nyid lam du ga la 'gyur// lhung bar gyur pa'i skyon chen ni// mtshan ma'i g.yeng ba rnam drug yin// rang bzhin yul
- 102a
la g.yeng ba dang // nad dang mtshan ma'i g.yeng ba dang // yid la byed dang gnas ngan len// 'di dag rab tu gsal byas na// don la mnyam par bzhag pa'i tshe// mnyam pa'i don la sgrib pa'i skyon// rnam pa lnga 'byung 'di lta ste// byung tshor dbang gis g.yeng ba dang // bying rmugs dbang gis thibs pa dang // 'dzin chags dbang gis 'gog pa dang // zer zug dbang gis drug pa dang // phul ba'i dbang gis med pa dang // 'di ni mnyam nyid skyon yin no// ting 'dzin bde ba'i rol chags gnas pa// yod med rgyu dang lam lta chos nyid yin// de bas chags pa'i gnas la ting 'dzin na// zhi bas sa stengs mya ngan de mi 'da'// sems ni ci la'ang mi gnas dang // ci la'ang mi dmigs shes bya ba// sems la gnas dmigs skyon sel ba// sems 'dzin phra mo de la yod// smig sgyu bzhin du sems med na// mi gnas mi dmigs byed pa gang // nam mkha'i rang bzhin ma shes na// bsgom pa don dang ldan mi yin// ji tsam rtog med zab mo zhig/ blo yi yul du snang zhe na// mi rtog zab mo'i nyams myong ba/ myong ba yin phyir de nyid min// zhes gsungs so// gsol pa/ byang chub sems kyi phur pa de ltar shes nas bsgom pa la/ theg pa 'og ma'i rtsal sgrub spyod mi dgos pa ji ltar 'tshal ba lags zhe na/ dka' stsal pa/ sangs rgyas kun gyi
- 102b
byang chub sems// bla na med pa 'byung 'gyur ba// rgyal bas gsungs pa'i ye shes gang // de ni dkyil 'khor snying por gsungs// der gzhol de ni mchod pa'i sprin// glong du gnas pa sgrub thabs so// ngang gis mi ldog dngos grub pas// don du kun grub phyag rgyar rdzogs// ci la ma chags sbyin pa ste// nges pas mi gting dad pa'o// chos nyid las ma 'das pas dam tshig go/ man ngag dang 'brel pas gzungs so// de bzhin nyid las mi g.yo bas ting nge 'dzin/ gnyis su med pas lta ba/ yin pa'i don ma spros pas 'phrin las/ bden pa mnyes pas sngags dang phyag rgya/ snang srid ye 'byam dbang gi mchog/ 'gyur med rtog pa byin rlabs te// chos nyid gsal ba mchod pa dang // rtogs pas sgrol ba'i 'phrin las yin// goms pas sbyor ba'i 'phrin las yin// gsal ba'i ting 'dzin 'phrin las yin// phebs pas mchod pa'i 'phrin las yin// gsang thub bka' yi 'phrin las yin/ 'phrin las rdzogs shes de la bya// kun gzhi bzang po'i rig pa la// rgyud ltar dgrol zhing lung ltar bskyed// don dam man ngag gzhung ltar bsgom// sgrub thabs tshang zhes de la de skad bya// zhes gsungs so// gsol pa/ byang chub sems kyi phur pa gong ma ltar bsgoms pa'i dus su mtshan ma phra mo ldan pa kun skyon lags sam zhe na/ bka' stsal pa/
- 103a
'du byed med pa mkha' 'dra bas// 'du byed las byung bsam gtan skyon// brtag tu med pa'i chos nyid ni// rtog pa can gyis mi rtogs te// gang zhig de don mi rtogs par// g.yeng bar ltung ba ci cha yod// chos nyid tsam du mi skyon na// sgyu ma phra rags smos ci dgos// bsam dang bral ba ye shes pas// mtha' kun yid la mi bya'o// zhes gsungs so// gsol ba/ byang chub sems kyi phur pa bsgom pa la de ltar skyon lags na/ ldang ba rnams dgag lags sam zhe na/ bka' stsal pa/ ldang mi ldang ched du mi spong sems rten ci 'chang mngon du min// 'jam pa ma yin rdul tsam g.yo ba de nyid yin te der mi gnas// bsgom pa'i sa mi rnyed cing bsgoms pas rnyed ma 'gyur ba ste// sems kyi spyod yul shes pa de la de dag chos rnams kyi mtshan nyid yin// rnam 'bras gang la'ang mchog dang tha ma med par lam mchog 'di bsgom mo// 'du byed ma skyes chos kun 'byung med shin tu chos rnams mya ngan 'das// dngos med de tshe kun kyang chos kyi dbyings shes dgra bcom rab 'byor yin// rnam par rtog pa'i mtshan ma ci byung yang // rtog pa de nyid chos nyid yin shes na// chos kyi dbyings nyid gzhan du bsgom mi dgos// de la gnyen pos bcos shing dpag tu med// the tshom ldang ngo cog ni chos kyi dbyings yin pas// lhag par the tshom
- 103b
bsal ba'i rgyu med do// de ltar shes na byung yang skyon med do// byung chos g.yo 'gog thams cad kyang // rang bzhin gyis 'byung ngang gis zhi// mdor na cir brtags bsam pa bzhin// 'byung bas thams cad ngo bobor snang // ma bcos g.yo ba med nyid la// sna tshogs 'byung rgyu mi skyon zhing // cho 'phrul mi 'gag nyam pa med// skyon med gnyis pos ma skyes phyir// rnam rtog mtshan ma ci byung yang // ma bkag rang byung rang zhi ste// ma bcos ma byas rang gi ngang gis gsal// nam mkha' yangs pa'i dkyil yangs su// dngos po mtshan ma kun zhi ltar// rtogs pas yangs pa'i lta ba la// 'dzin rtog mtshan ma kun kyang shong // shong ba bas kyang yangs kyang yangs// zhes gsungs so// gsol ba/ byang chub sems kyi phur po bsgom pa'i dus na gol sar cis ma ltung ba lags zhe na/ bka' stsal pa/ sems nyid dngos po yod ce'am// med ces bya bar mi lta bas// mu stegs can du ltung mi 'gyur// bying rmugs can du ma gyur pas// 'du shes med par de mi ltung // 'du shes rjes su ma 'brengs pas// sems can khams su de mi 'khor// kun gzhi'i don la goms pas na// nyan thos theg par de mi ltung // stong zhing zhi bar mi byed pas// rang rgyal lta bar de mi 'gyur// rnam dag stong par mi byed pas// byang chub spyod par yong mi ltung // mnyam nyid stong pa'i
- 104a
don dag la// so sor tha dad mi byed pas// sa yi rim par mi ltung zhing // rim gyis sbyang zhing 'phar ba med// gang zhig gsal zhing dmigs yod na// de nyid nges par g.yeng ba yin// ci yang yid la mi byed pas// gsil bar lhung ba ci zhig lhung // bsam med bsgom pa ma nor na// chos sku byang chub the tshom med// ces gsungs so// gsol pa// byang chub sems kyi phur pa bsgom pa'i tshe dmigs pa bcug kyang chos nyid gsal na skyon ci mchis zhe na/ bka' stsal pa/ gzhan ma dman pa'i sgo nas ni// dmigs pa 'dzin pa med pa'i chos nyid la// dmigs pa'i rtog pa yod pas nor// ther tsher dmigs kyi nam mkha' la// phra rab then thag 'dzud pa ltar// byis pa las gang byed pa ste// shes tsam dag gis bya ma rung // byang chub de yang mi dmigs te// mi gnas shes ni gang brjod cing // gnas dang dmigs pa'i gnas 'dzin pa// gzung 'dzin zhe ni de la bya// dmigs pa'i yid la ci gsal ba// shes pa'i yul du 'jug 'gyur bas// de dag ma rabs ting nge 'dzin// des na dmigs med rgyal bas gsungs// zhes bya'o// gsol ba/ byang chub sems kyi phur pa bsgom pas grub pa'i rtags ji lta bu 'byung ba lags zhe na/ bka' stsal pa/ de ltar don la mnyam bzhag na// rtags kyi tshor ba 'di ltar 'byung // drod dang rtags
- 104b
dang cho 'phrul dang // rnam shes dang ni ye shes dang // drod ni g.yo dang thob pa dang // rtags ni myong dang brtan pa dang // cho 'phrul 'byung dang rdzogs pa dang // rig pa phra mo yan chad gsal// de ni don rnams rdzogs pa yin// drod gsum nyams su lon pa dang // rnam gnyis rtags kyang 'byung bar 'gyur// ched du rtsol ba mi byed kyi// mi 'khrugs mnyam pa nyid shes dang // gang la chags dang yul gyis myos// skrag med de ni mi 'bral mi gnas shing // mi 'phrog mnyam shes bzhi po phyogs dang pha rol phyin rnams der shes// zhes gsungs so// gsol ba/ byang chub sems kyi phur pa bsgom pa de klong du tshul ji ltar 'gyur zhe na/ bka' stsal pa/ de ltar yun rings 'dug gnas dang // sems ni mi 'gyur rdo rje dang // bzod cig sdug bsngal byang chub sems// byang chub mchog gi snying po ni// mtshan mas btsal ba ma yin te// dag pa rnam gsum ma nor cing // rang gi rgyal po goms pa yis// byang chub mchog 'di rnyed par 'gyur// bsgrub par bya ba gang yin de la ni// btsal ba yang nas yang du mnyam bzhag ste// goms pa klong du gyur cing khad kyis ni// rtsol ba med par lhun gyis grub par 'gyur// zhes gsungs so// gsol ba/ byang chub sems kyi phur pa de snying rje chen po zhes bgyi bar ji ltar 'byung zhe na/ bka' stsal pa/ thabs kyi rtsa bar snying
- 105a
rje ma shar na// 'phral du phyogs chas yongs la khyab mi 'gyur// bdal ba chen po'i blo yis spyir khyab na// kun tu snang gi ting 'dzin ma bsgoms gsal// thugs rje 'byung ba'i gnas ni nyon mongs lnga// nyon mongs de nyid yang dag yin rtogs na// don dam rgyu la 'bras bu yin rtogs na// sangs rgyas sems can 'bras bu yin rtogs mnyam// thugs rje chen po skye zhes de la bya// chos dbyings mtha' dbus med pa la// skye 'gag med pa'i blo bdal bas// spros pa med par rtogs pa yi// khyab pa spyi yi thugs rje che// thugs rje chen po cir mi mdzad// ces gsungs so// gsol ba/ byang chub sems kyi phur pa bsgom pa'i dus na/ thugs rje chen po thabs kyi spyod pa'i 'gro don bya'o zhes gsungs pa de don ji ltar lags zhe na/ bka' stsal pa/ de ltar de bzhin chos kyi dbyings rig nas// ma rig rnams la snying rje chen po bskyed// snying rje skyes nas sgyu ma'i ting 'dzin gyis// 'gro don thabs kyi spyod pa sna tshogs ston// rtsa ba byang chub sems nyid rtogs// thabs kyi pha rol phyin pa spyod// snying rjes chud ma zos par zung // zhes gsungs so// gsol pa/ byang chub sems kyi phur pa de mtshan ma'i gzung 'dzin du mi 'gyur lags sam zhe na/ bka' stsal pa/ thabs kyi spyod pas gdul bya kun gdul kyang // sgyu ma'i blo ldan rlom sems rdul
- 105b
tsam med// ma skyes sems la sems can med pa'i phyir// ngo bo nyid kyi chos kun nga rgyal 'chang // chos kun sgyu mar mngon sum snang ba'i phyir// ting 'dzin sgyu mas ting 'dzin de ltar ston// zhes gsungs so// gsol pa/ byang chub sems kyi phur pa de thabs dang shes rab 'brel bas bden pa mthong zhes bgyi ba ji ltar lags zhe na/ bka' stsal pa/ de ltar sems kyi sems mthong // ye shes kyis chos nyid mthong // dus kun tu ni skye 'gag med// sngon nas mthong ba'i don mthong 'gyur// de yang dngos po mi mthong ba'i// thams cad rang bzhin med pa cig/ blo la 'das pa kho nar zad// de lta bu yi don mthong na// mtshan mar mthong ba ci yang med// sgyu ma tsam du tshul shes na// nam mkha' mnyam pa'i don snang 'gyur// kha cig dang ni de don la// snang ba zhes ni ci phyir gdags// med pa'i don dang 'gal lo/ zhes// the tshom za 'gyur de dag la// mthong ba med pa'i don de nyid// yid kyi ngo la snang 'gyur na// snang zhes de phyir brjod par bya// de bas 'khrul pa ma zad par// nam mkha' mthong ba med pa de// de nyid yid la snang 'gyur yang // gzugs la snang bar gyur ma yin// sems nyid bden pas ma mthong na// yid la mtshan nyid don gsal yang // mtshan ma 'khrul pa rgyu ba gnyis// 'dren mar rgyu ba 'bras bu
- 106a
med// de nyid bden par mthong 'gyur na// de nas de ma thag tu yang // yid kyis rgyu ba rgyun bcad nas// sngar 'khrul mtshan ma'i chos bral te/ des ni bden pa mthong ba yin// zhes gsungs so// gsol ba/ byang chub sems kyi phur pa de'i bden pa mthong ba'i drod tshad ci gzung ba lags zhe na/ bka' stsal pa/ nges don mthong ba'i nyams drod ni// man ngag lung gi brgyan cha ste// nges par drod gsum myong bar 'gyur// de dag thog tu phebs pa'i drod// drod chen rtag tu bstan pa yin// de yis zhar la 'byung ba'i phyir// 'khor ba'i khams su snying rje yi// byang chub sems kyang skye bar 'gyur// mtshan ma rtogs pa'i chos rnams la// yid ma ches pa'i 'du shes skyes// chos rnams 'di ltar yin pa la// log par 'khrul pa ngo mtshar zhes// ya char spyod pa'i 'du shes 'byung // 'di don ma shes 'gro ba rnams// rtsol sgrub dka' ba'i thabs chen gyis// yang dag don 'tshol lam de ring // bsags pa'i 'bras bu yod gyur kyang // gzugs la snang bar don de mthong bar yongs ma nus// de ltar shes pa'i nyams drod ni// skal dang ldan pa'i skyes bu gang // rgyud 'gros tshig gis ma bkrol bar// sems las chos 'byung 'bum phrag yas// smra ba'i sgo mo thams cad gsal// don la nges pa'i gtan tshig dag/ tshig tu mtshon te 'byin par
- 106b
nus// de ni chos sku mnyam nyid dang // dbyer med gnyis su med pa yin// bstan pa'i gzugs su gzugs brnyan dang // de ni mtshungs pa ma yin no// zhi lus mthar 'gog rkyen gnyis dang // de ni mtshungs pa ma yin no// sa la slob pa'i sems dpa' dang // de yang mi mtshungs rgyal bas gsungs// rigs 'dzin drang srong don spyod dang // lus 'dra sems ni yong mi mtshungs// zhes gsungs so// gsol pa/ byang chub sems kyi phur ba'i don spyod pa'i rnal 'byor pa de la bar chad kyi bdud kyi spyod yul rnams 'byung ba ji lta bu lags zhe na/ bka' stsal pa/ rnal 'byor bdud kyi spyod yul ni// dam par mdun mthong dam par sgra// sprul pa grangs med 'gyed mthong dang // dam pas gsung kun gsal mthong dang // dus kun shes gsal mthong ba dang // rgyud drug lam gnas kun snang dang // de la gdung ba'i shugs phyung dang // kun gang gsal bar mthong ba dang // ci la thogs med 'gro ba dang // mkha' la bya bzhin 'gro 'dug dang // sangs rgyas phyag rgya lung ston dang // kun gyi skad du chos ston dang // dngos po brtan g.yo bsti gnas mthong // thams cad mnyam par bkod pa dang // de nyid rang bzhin gsal snang dang // las su rung ba thogs med dang // dam pas don la bsngos pa dang // ting 'dzin gtso bos mchod pa dang // rang bzhin
- 107a
shes na dam pa'i thabs// gang gis mi shes log pa'i bdud ces bya// chags sdang drag po'i yul dang ni// mi ma yin pa'i gzugs su snang ba dang // mkha' la sna tshogs gzugs su mthong ba dang // de dag bdud kyi spyod yul lo// zhes gsungs so// gsol pa/ byang chub sems kyi phur par spyod pa'i tshe/ gong gi spyod yul de dag ji ltar shes par bgyi ba lags zhe na/ bka' stsal pa/ sems dang snang ba'i mtshan ma dang // nga bdag gnyis pa'i mtha' med pas// snang ba thams cad yon tan min// de bas dga' brod 'du shes med// yon tan snyems pa'i nga rgyal gyis// dregs khengs mtho dman sems bskyed na/ nges par bden pa ma mthong ba// de bas bdud kyi spyod yul gsungs// de bas sgyu ma rab shes nas// rlom sems bral bas sangs rgyas yin// de bzhin gshegs pa'i spyod yul mthong yang ma chags pa dang / srid pa gsum sa le mthong yang rig pa'i gnas su mi 'jigs pa dang / dus gsum gyi tshe gsum dran yang chos nyid las ma g.yos pa'o// zhes so// gsol pa/ byang chub sems kyi phur pa gong ma ltar bsgoms pas 'bras bu ji ltar thob pa lags zhe na/ bka' stsal pa/ dmigs med ting 'dzin rtogs gyur na// chos sku rtogs zhes de la bya// mi zad rgyan gyi 'khor lo yang // sgyu ma'i spyod yul dpag tu
- 107b
med// ces gsungs so// gsol ba/ byang chub sems kyi phur pa de'i 'bras bu thob pa zhig lags sam zhe na/ bka' stsal pa/ nam mkha' bzhin te mtha' mnyam zhing // gzhan la ltos 'gyur chos ma yin// mtshungs pa med pa'i ye shes kyis// rang gi mthu yis rig pa las// chos ni gzhan nas 'byung mi 'gyur// rang rig skyes bu dam pa la// bla ma'i sangs rgyas de la gnas// don dam bcos ldan bzhag pa la// yon tan 'bras bu rang bzhin tshang // bka' gsang thabs kyi 'bras bu ni// re med don dam nga la yod// kye/ rnal 'byor gang du don gcig nyan// ma yengs don la blo 'jog dang // snang med 'bras bu lag chang ma// mi 'byung mi 'jug bdag med snying rje'i de yis ni// gzhan gyi nor med ma 'ongs ye nas gnas pa yin// byang chub snying por dag 'jug pas// thob pa med pas spangs pa med// sangs rgyas / rnams kyi byang chub ni// tha snyad yin te don dam min// zhes gsungs so// gsol ba/ byang chub sems kyi phur pa'i 'bras bu thob pa bgyi ba nyid ji lta bu lags zhe na/ bka' stsal pa/ bdag nyid chos sgra snying po byang chub pas// gzhan nas btsal zhing thob pa ma yin yang / rmi lam sad nas gzugs dang bral ba bzhin// sgrib spangs byang chub thob ces rgyal bas gsungs// rtogs pa'i 'du shes zad gyur na// lhun grub
- 108a
ye gsal rang las 'char// de la rgyu dang 'bras bu med// de phyir ye shes spros bral yin// zhes gsungs so// gsol ba/ byang chub sems kyi phur pa'i de la rgyu 'bras dbyer med pa zhes bgyi ba ji lta bu lags zhe na/ bka' stsal pa/ rgyu 'bras ye nas dbyer med snga phyi ma yin// 'bras bu lam du gyur na dus gcig mnyam par sbyor// byang chub sems kyi phur pa'i don gong ma de ji ltar dbyer med ce na// bka' stsal pa/ 'bras bu rnam par dag pa ni// 'jig rten brtan g.yo la sogs pa// snang ba nyid na ngo bo nyid med// chos nyid chos sku chen po yin// sku dang rgyan dang 'khor lo ni// lung chen bzang mo'i nang na gsal// dngos grub mchog gi snying po dang // dang po'i don rtogs mthar mi gtong // chu srin phyag rgya ji bzhin no// spyod yul kun tu tshad dpag med// ces gsungs so// gsol ba/ bcu bzhi pa yi gsang sngags don// byang chub sems kyi phur pa yi// nges par bzlas pa'i nyams blangs pa// lnga gsum dang po'i yi ge yi// shes rab thabs kyi phur pa gang // gnyis med theg chen phur bu gcig/ thams cad bgegs kyi don ci lags// de dag bsdus pa gang du bsgral// bka' stsal pa/ dang po dgon par gnas pa'i phyir// lnga drug sems can rang byung ba// gcig mang lnga bshad gang yin dang // rdo rje sku mchog lhun
- 108b
rdzogs nyid// dus gsum rgyal ba'i yab chen po// sangs rgyas thams cad 'dus pa'i sras// rang las gzhan na yod min pa// mtha' bral ba yang yod ma yin// 'di ltar yin zhes nga mi smra// li sgras shes rab mchog gi dbyings// chos can mtshan ma kun la thebs// de dag spros dang bral ma bral// phyogs bcu thug pa ga la yod// bsam pa'i dbyings las yul med par// rig pa rang shar thabs kyi mchog/ spyod yul dag pas bzang po ni// la sgras mtshon pa'i theg chen po// ya sgras mtshon pas dbyings la thebs// gnyis med phur bu mthar phyin no// ye shes spros bral phur ba'i mchog/ 'thob dbang kun gyi mchog yin te// gza' gtad med par zag chod na// re bzhin dogs pa ga la yod// de rjes mngon du gang byed pa// dgon pa gnyis po rnam bral ba'i// dgon pa mchog la gnas pa ste// re dogs med par rang bzhin 'dug/ dbyings nyid rang snang rgya che la// 'dug na mtshon dang rlabs tshul las// dang po sngags su don nyid snang // phyogs nas ldang pa ga la yod// de tshe drug gis mtshon bsgribs pa// rtsa ba rang bzhin rkyen blang ste// nyams myong ched byed shugs snang bgegs// thams cad gsum la ji ltar bsgrib// zin nas nyam nga dang po la// 'byung tshe bcom pa'i yi ge gcig/ dbang ste rtogs pas dbang gyur na// bying rmugs
- 109a
lhag mthong rgod zhi nas// tha dad zung 'brel rang bzhin las// sgrib rtsal rtsol ba ga la yod// thugs kyi yi ge rang gnas na// nyams lnga'i drod rtags rang byung bas// 'khor ba'i rgya mtsho las sgrol ba// yi ge 'bru dgu drang ba'i don yin te// ming tsam gzhan la rten 'dra yang // mngon sum smin pa rang nyid yin// gsol ba/ byang chub sems kyi phur pa de// gdab pa'i gnas ni gang ltar lags// bka' stsal pa/ byang chub sems kyi phur pa de// gzhan du 'debs pa'i gnas med de// dngos po phyin ci log la gdab// gzung 'dzin 'khrul pa'i chos la gdab// thabs kyi phur bu shes rab dang du gdab// ye shes phur pa dbyings la gdab// dngos po kun bral phur bu yis// rang rig byang chub sems la gdab// de ltar rtogs na thebs pa yin// gsol ba/ byang chub sems kyi phur pa de// de ltar thebs pa'i 'bras bu gang // bka' stsal pa/ dngos po chos nyid chen por snang bar 'gyur// gzung 'dzin 'khrul snang rang bzhin dag/ thabs dang shes rab gnyis su med// dbyings la btab pas don rnams rtogs// sems la gdab pas rig pa shar// mya ngan 'das pa'i dbyings su gdab// de yi don gyis thebs gyur na// 'khor ba nyid na mya ngan 'das// dmyal ba'i gnas nyid bla med gnas// sdug
- 109b
bsngal nyid na byang chub lam// rnam rtog nyid na ye shes skyes// ma lus phur pas thebs shes bya'o// gsol ba/ byang chub sems kyi phur pa de ngo bo ji lta bu lags/ bka' stsal pa/ phur pa bla ma chen po yin// phur pa rgyud kyi rgyal po yin// phur pa lung gi bla ma yin// phur pa man ngag nges pa yin// lhangs kyi rtogs na lta ba'i phur pa yin// mngon du gyur pa dkyil 'khor phur pa yin// nyams su lon pas ting 'dzin phur pa yin// gnas su son pas mchod pa'i phur pa yin// gdeng du gyur pas dbang mchog phur pa yin// thugs rjes zin pas dam tshig phur pa yin// lhun gyis grub pas 'phrin las phur pa yin// bya bral rdzogs pas spyod pa'i phur pa yin// lhangs kyis rtogs pas sgrol ba'i phur pa yin// thams cad byang chub sems kyi phur par lhun gyis grub par gyur to// gsol ba/ de ltar byang chub sems kyi phur pa las su rung ba'i dus na ni 'khor ba'i chos 'di dag mtha' gang du bcing zhe na// bka' stsal pa// 'jig rten 'di na brtan g.yo ci yod pa// ming dang tha dad 'dzin pa dag/ so so'i mtshan nyid gzhig byas na// rang bzhin med de yang dag sems kyi phur pa nyid// ye shes spros bral chen po ste// thams cad sangs rgyas zhing du sbyor// ma bcos ma byas ngang gis sems nyid phur par gsal// 'khor ba myang 'das
- 110a
gnyis med de// gud na yod pa ma yin te// 'khor ba yongs su shes pa nyid// de nyid mya ngan 'das pa'i mtha'// zhes gsungs so// gsol ba/ byang chub sems kyi phur pa 'bras bu lhun gyis grub pa'o// zhes bya ba ji ltar 'grub par 'gyur ba lags zhe na/ bka' stsal pa/ stong dang mi stong byang sems phur pa la// 'bras bu dpag med ye gnas pa// sus kyang ma byas byas pa med// de bas gsang mchog lus spyod pa'i// bsod nams mchog ldan gzugs kyi sku// rnam smin tshul gyis grub pa'i lha// btsal nas thob par mi byed de// rgyu'i dus na byang sems phur pa 'bras bu'i mchog/ gzhan nas btsal nas rnyed par mi 'gyur te// byang chub phur pa kun la khyab gnas pa// byang sems phur pa spros bral bcom ldan 'das// rtsol bas btsal du med de snying po'i don// ji bzhin pa zhes mi rtog na// gzugs sku phur pas rtsol ba'i nad spangs te// lhun gyis gnas pas byang sems phur pa'i mchog/ ces gsungs so// gsol ba/ byang chub sems kyi phur bu thams cad mya ngan las 'das zhes bya ba ji ltar gsal zhe na// bka' stsal pa/ mya ngan 'das pa'i byang sems phur pa'i mchog ni/ chos nyid phyogs bcur brdal ba dang // rig pa mtha' dbus med pa dang / kun gzhi bzang ngan med pa dang / shes pa phyogs ris med pa
- 110b
dang // mya ngan 'das pa'i dgongs pa kun// mi g.yo sems la rig pa'i phur pa shar// sangs rgyas sems ni mya ngan 'das// yul ni chos su mya ngan 'das// rtag pa ye shes mya ngan 'das// snod bcud chos skur mya ngan 'das// sems can sangs rgyas mya ngan 'das// kun rdzob don dam mya ngan 'das// mya ngan 'das pa'i don rtogs na// 'khor ba ngan song ming yang med// ces gsungs so// gsol pa/ thams cad byang chub sems kyi phur par mya ngan 'das te gzugs kyi sku ru byung nas 'gro ba'i don mdzad pa tshad ma lags sam ma lags zhe na/ bka' stsal pa/ sangs rgyas pas kyang sangs rgyas ming yang med// sangs rgyas ston pas ming du btags pas nor// sems nyid chos pas sems nyid sku mi mnga'// sgra las 'das pas sgra nyid ye shes te// zhi ba 'di gang la gdod nas lhun gyis grub// mtshan ma 'jil ba'i sku med rags pas na// byang chub sems kyi phur pa la// bza' ba'i yul med btsal ba'i dngos po stong // zhes gsungs so// gsol pa/ byang chub sems kyi phur pa la// sku zhes gang la gdags zhe na/ bka' stsal pa/ sku yi dkyil 'khor yang dag pa// chos nyid byang chub sems la yod// gsung gi dkyil 'khor yang dag pa// chos nyid byang chub sems la yod// thugs kyi dkyil 'khor yang dag nga // chos nyid byang chub sems la
- 111a
yod// byang chub sems kyi phur pa la// yon tan 'phrin las de bzhin pas// zhing khams dag tu sku ru snang // zhes gsungs so// gsol ba/ byang chub sesam kyi phur pa gzugs kyi skur bstan nas zhing khams 'dul ba ji lta bu lags zhe na/ bka' stsal pa/ bde gshegs byang chub med phyir de// rdzu 'phrul sgra 'dra 'khrul la snang // ji srid mtshan ma yod kyi bar// de bzhin sangs rgyas sku yang yod// ji srid mtshan ma med na ni// de bzhin sangs rgyas sku yang med// ji srid rnam grangs yod kyi bar// de bzhin lha yi grangs kyang yod// ji srid rnam grangs med na ni// de bzhin lha yi grangs kyang med// ma rig 'khrul ba'i sgo tsam du// grangs la rtags kyi mtshan pa zad// don dam bcos pa med pa la// byang sems phur pa'i sku gcig bsdus pa la// ris dang rtags su ga la bstan// zhes gsungs so// gsol pa/ byang chub sems kyi mthar phyin pa'i dus na ji lta phur pa bu zhig gnas pa lags zhe na/ bka' stsal pa/ 'di ltar dus gsum rnam pa thams cad du byang chub sems kyi phur pa nyid las ma yengs pa ni chos kyi sku'o// stobs su gyur nas 'jig rten rang bzhin med// ces gsungs so// gsol pa/ byang chub sems kyi phur pa de stong zhing phyal chad pa gcig lags sam zhe na/ bka' stsal pa/ gzung 'dzin bral ba'i ye
- 111b
shes ni// de bzhin gshegs pa kun gyi gnas// mthar phyin snang ba med pa'i klong // mu mtha' med pa'i chos dbyings la// sgrib spangs ye shes klong brdal bas// yon tan dpag med lhun gyis grub// dus gsum 'gyur med snang ba'o// zhes gsungs so// gsol ba/ byang chub sems kyi phur par thams cad sangs rgyas na sems can ye mi gzigs lags sam zhe na/ bka' stsal pa/ bskal pa sngon gyi smon lam dang // kun mkhyen ye shes che bas ni// 'gro drug dus gnas sdug bsngal yang // rmi lam tshul du med par snang // yin bzhin nor ltar rtog med pas// sna gsum 'phrin las lhun gyis grub// log par rtogs brtags rnam dag cing // ye shes dbyings las mi gzhan phyir// thugs rje chen pos 'brel bar ni// 'gro drug dus gnas ma lus snang // zhes gsungs so// byang chub sems kyi phung pa rdzogs pa chen po'i theg pa'i yang zhun rgyun kyi rgyal po las// byang chub sems kyi phur pa'i don ston pa dang sdud pa po'i zhus lan bstan pa ste gsum pa'o// // de ltar byang chub sems kyi phur pa'i don ston pa dang / sdud pa pos zhus lan du bstan na/ byang chub sems kyi rdo rje'i phyag mngon par mdzad de/ sems nyid ma chags pa'i mchod pas mchod de 'di skad bstod do// byang sems phur pa'i mdzad ni mig gi sgron mar snang // bka' lung
- 112a
bdud rtsi yang dag ston byed pa// spyi dang rang gi mtshan nyid chos rnams gnas pa ste// sems las byung ba'i chos rnams rgyu 'bras chos rnams 'khor// sems nyid chos dbyings thams cad 'dus par sdud pas e ma'o ngo mtshar che'o// zhes bstod pa med pa'i tshul gyis bstod do// bcom ldan 'das byang chub sems kyi phur pas bka' stsal pa/ byang sems phur pa'i yid bzhin rin po che// theg pa'i nang na yang zhun bla na med// tshigs chung bgrod sla rdzogs pa che// tshig don lam rgyud nges pa'i don// khyod la gtad kyi mi nub gyur ta re// zhes gdams so// bcom ldan 'das sdud pa po rdo rje 'dus pa 'di skad ces khas blangs so// don dam byang chub sems kyi phur pa gter chen 'di// bdag la sogs pa'i 'khor rnams kyis// phyi rabs rnal 'byor don 'dod cing // mi nub sems kyi phur pa gdab par bya// byang chub sems kyi phur pa'i chos kyi srog shing mngon par gzugs// byang chub sems kyi phur pa'i chos kyi 'khor lo rgyun du bskor// byang chub sems kyi phur pa'i chos kyi dung yongs su 'bud// byang chub sems kyi phur pa'i char rgyun du dbab// ces khas blangs shing dam bcas so// 'jig rten chos kyis 'brel ba'i gtam nyan pa'i 'khor rnams kyis de lta bu'i nges pa'i don tshig tu gsungs pas/ chos nyid la ye shes kyi rtsal mnga' ste/ gnyis su
- 112b
med pa'i byang chub sems kyi phur pa'i don thugs su chud par gyur to// byang chub sems kyi phur pa rdzogs pa chen po'i theg pa'i yang zhun rgyud kyi rgyal po las/ byang chub sems kyi phur pa yongs su gtad pa'i le'u ste bzhi pa'o// // de ltar bde gshegs bka' yi rgyud pa de// lha gnas gsum du rigs 'dzin rigs pas brgyud// lha sras khri srong don gyi phyir// slob dpon pad+mas bsnams nas gshegs// gang zag snyan khungs rim pas brgyud// slob dpon dz+nya nas snrums chung yang dbang gtor la bshad// byang chub sems kyi phur pa don rtogs nas// tshom bu'i gzugs la ma chags par// byang chub lam la smin par 'gyur// rdzogs so// // @#// rgya gar skad du/ badz+ra ki la ya khaM shud di phreM ma hA ta na tra/ bod skad du/ rdo rje phur pa chu 'khyags dbab pa'i rgyud chen po/ bcom ldan 'das 'jigs byed chen po rdo rje gar gyi dbang phyug la phyag 'tshal lo// 'di skad bdag gis zos pa'i dus gcig na/ 'og min gyi gnas gdug pa sgrol ba'i pho brang / dur khrod kyi rgyan rnam pa sna tshogs kyis brgyan cing / b+ha ga gsang ba'i gzhal yas khang gru gsum zla kham mu khyud 'khor lo 'bar ba na/ mnyam pa chos kyi sku las bzhengs pa'i bcom ldan 'das 'jigs byed kyi rgyal po rdo rje gzhon nu de rigs dang ye shes thams cad kyi
- 113a
ngo bo/ sprul pa'i mdzad pa gang la yang ma 'gags par bzhugs so// yum rdo rje gar gyi dbang phyug rgyas 'debs ma dang gnyis su med pa las byung ba ni/ ye shes rigs kyi khro bo/ dbyings kyi khro mo/ thabs shes rab las dral dang lcam du bcas pa dang / ki sing gnas yul phyag brnyan dbang phyug ma dang bcas par bzhugs so// gzhan yang gdug cing dbang che bar mi bzad pa/ nad dang chu 'khyags cho 'phrul gtong ba dpag tu med pa ni/ pha srin dang ma klu las sprul pa'i sras// dregs pa gza' bdud kyi tshogs srin mo'i gzugs can 'byung po'i mnga' bdag chen mo bzhi 'di lta ste/ pho nya rnams kyi gtso mo stag srin zor ba gdong zhes bya ba dang / bdud mo kun gyi gtso mo bam srin dred mo gdong zhes bya ba dang / sman phran kun gyi gtso mo skong srin pa glang gdong dang / nyul le kun gyi gtso mo 'brog srin chu srin gdong zhes bya ba rnams gling bzhi dbus ri rab kyi zom dang phyogs bzhi na gnas te/ gling bzhi ri rab tu 'tshe/ kun tu 'khrug/ thams cad gsod cing gling bzhi phung la khang nas gnas so// rdo rje phur pa chu 'khyags dbab pa'i rgyud las/ gleng gzhi'i le'u ste dang po'o// // de'i tshe de'i dus na thugs rje dang mthu stobs su ldan pa'i rdo rje gzhon nu gsang ba zhes bya bas sems can rnams dregs pa pho mos 'tshe ba de dag gzigs
- 113b
nas/ sku gsung thugs yon tan 'phrin las gsang ba las/ ye shes kyi 'od zer bye brag bsam gyis mi khyab pa zhig gser gyi ba thag gzings pa bzhin spros pas/ dregs pa pho mo rang bzhin du zil gyis mnan te srog gi dbang pos ma bzod de/ bcom ldan 'das kyi spyan sngar 'dug ste dbang du bsdus/ 'khod nas 'dar zhung bred nas gnas so// de nas 'jigs byed chen po phyag na rdo rje zhes bya ba rang gi stan las langs nas 'di skad ces gsol ba btab bo// he he bcom ldan dpa' bo thugs rje'i bdag/ klu srin pho mo ming sring 'jig rten phung la rag/ don chen smon lam thugs rjes dgongs mdzad la// mi bzad dregs pa pho mo tshar gcod bka' la thogs// 'jig rten 'di yang bde ba'i lam la 'khod// ma thub nges la bka' yi chad pas chod// mngon ci mi nad chu 'khyags thob// ho zhes gsol nas phyag g.yas pa'i rdo rje srid pa'i rtse mo la zug par gsor bas/ de'i tshe 'jig rten drug gi phyogs mtshams thams cad 'dar zhing g.yos so// rdo rje phur pa chu 'khyags dbab pa'i rgyud las/ gleng bslang ba'i le'u ste gnyis pa'o// // de nas bcom ldan 'das rdo rje gzhon nus gdug pa can sgrol ba zhes bya ba'i ting nge 'dzin la snyoms par zhugs nas// thabs dang shes rab sbyor ba'i brdas bskul nas yum dang gnyis su med
- 114a
par gyur to// de'i tshe yum gyi b+ha ga nas khro bo dang khro mo'i tshogs ye shes las sprul pa bsam gyis mi khyab pa'i sku tha dad cing ngo bo nyid gcig pa dang / oM badz+ra kI li kI la ya hUM hUM ha he ha he phaT b+h+yo ru lu ste/ brjod kyis mi lang ba'i gsung gi sgra 'brug ltar sgrogs shing thugs ye shes kyi 'od zer 'jig rten gyi byams po glog stong 'phro ba bzhin spros so// de'i yon tan gyi khyad par las/ 'jig rten drug gi phyogs mtshams thams cad g.yos/ rab tu g.yos/ kun tu rab tu g.yos/ de bzhin du 'gul/ ldeg/ tshig/ 'thor/ 'ur chem du gyur pas/ ye shes rol ba'i 'khor rnams kyang rab tu 'jigs skrag dngangs te/ nya bye tshan la bzhag pa bzhin du gyur to// 'jigs byed dregs pa'i 'khor rnams skrag cing brgyal nas gan rkyal du 'gyel to// khrag skyugs so// de dag kyang rang rang gi mtshon cha shor te bkrag mdangs nyams nas/ lus la dri nga ba dag kyang langs so// yid kyi shes pa nyams nas ngag gi sgra yang lkugs par gyur to// de nas ye shes rol pa'i 'khor tshogs rnams slar 'dus te/ yab yum la lan stong du brkyang phyag 'tshal zhing bskor ba byas nas/ gsang ba yum gyi mkhar zhugs so// de nas yang ke'u ri la sogs pa gsang ba rol ba'i 'khor rnams kyang / gtso bo'i sku la rang gi thad du 'khril te dges pa dang bcas nas
- 114b
'khod// de nas bcom ldan 'das ni rdo rje lta bu'i chos nyid ces bya ba'i ting nge 'dzin la snyoms par zhugs so// de nas yang gsang bdag phyag na rdo rjes/ bcom ldan 'das thugs rje che la thabs mkhas pa'i bdag nyid can/ dregs pa'i tshogs rnams slar gso bar gsol zhes zhus pa dang / bcom ldan 'das kyis bskul bar mkhyen te/ thugs rje'i dbugs dbyungs pa zhes bya ba'i ting nge 'dzin la snyoms par zhugs te/ thugs rje byang chub sems kyi 'od zer gyis dregs pa'i tshogs rnams slar gsos so// de nas dregs pa rnams 'jigs bzhin du langs te khro bo chen po'i thad du 'ongs so// de nas sems kyi dran pa cung zad tsam skyes nas/ lam brgya phrag stong du bskor ba byas te/ bag gzhi sa la brdabs zhing phyag btsal nas phyogs gcig tu 'khod do// 'khod nas kyang mgrin gcig tu 'di skad ces gsol ba btab bo// e ma'o rab 'jigs dpa' bo khyod// chos sku byang chub sems kyi byin brlabs pas// mthu stobs mi bzad khro bo 'bar ba yis// dregs pa kun 'dul mthu stobs ngo mtshar che// khyed kyis bdag cag skyabs mdzod byin brlabs bka' gsal bskos pa nyan// dbang bskur dam thob ci bgyi zhes ni lung yang nos// zhes gsol zhing khas blangs nas rang rang gi gnas ga la ba ru dong ngo // de lta bu'i 'phrin las
- 115a
lhun gyis grub par gyur to// rdo rje phur pa chu 'khyags 'bebs pa'i rgyud las/ dregs pa can btul ba'i le'u ste gsum pa'o// // de nas yang bcom ldan 'das rdo rje gzhon nus dkyil 'khor bstan pa zhes bya ba'i ting nge 'dzin la snyoms par zhugs nas/ rdo rje'i dkyil 'khor chen po byin gyis brlab pa mdzad do// e ma'o rgya khyon med pa'i gnas chen ni// rdo rje thod rus 'bar ba'i gzhal yas khang // zla kham gru gsum lte bar ldan pa la// shes rab 'bar ba'i 'khor lo bzhi// mu khyud thod par ldan pa la// gru bzhi blo 'bur sgo khyud ldan// zhing gi ka gdung nyi zla'i ka gzhu can// rta babs phyi brgyan dur khrod brgyad// lhun gyis grub ste rdo rje me ri lag chu'o// rin chen mchog gi khri rkang dang // dregs pa nyi zla pad+ma'i gdan stengs su// 'jigs byed chen po yab yum bzhugs// de yi byin rlabs 'od zer la// bka' las btags pa'i gza' bdud ni// spyan snga nyid du 'khod par 'gyur// pha ni g.yas la ma ni g.yon// 'khor lo 'bar ba'i rtsibs gzhi la// las kyi gdong mo sring bzhi gnas// gru chad blo 'bur brgyad dag tu// lha srin sde brgyad tshogs bcas 'khod// de tshe phyi yi dkyil 'khor de// pha ma ming sring tshogs bcas kyis// rang gi rdzas dang srog snying yang // mgrin gcig tu ni mthun par phul// de bzhin
- 115b
dregs pa yongs kyis kyang // de bzhin du ni rim par mdzad// de nas rdo rje gzhon nu yis// srin po 'bar ba'i thod pa ru// mi bzad pha ma ming srid rnams// dbang du bsdus shing bcug nas ni// gsang ba'i gnas su byin gyis brlab// mi bzad nang gi dkyil 'khor der// sku bskyed rtsa ba'i snying po phul/ khri rkang bzhi la dbus su ni// dregs pa 'khor dang bcas pa rnams// zhabs bzhi rdo rje'i 'og tu sbas// rbad pa gsang ba'i snying po phul// de nas gdan la bkye nas ni// sku gsung thugs kyi snying po phul/ sku la sbrul ltar 'khril nas ni// yon tan 'phrin las snying po phul// ma chags sbyor ba mdzad pa yi// gnad la dbab pa'i snying po bstabs// gsang ba'i don ni rtogs byas pas// drag sngags zor thabs snying po phul// dam tshig lung ni phog pa yis// gzer sngags sur sngags gnad la dbab pa phul// khas blangs dam tshig gnos pa yis// nye bar bya ba'i bsnyen pa dang // bod dang dmod pa'i sngags rnams bstabs// tha tshig bcas nas don byed phyir// mgo nas bsngags shing sham bu bstan// de bzhin snying po phul nas ni// gtso bopo la ni bskor nas su// mgrin gcig tu ni 'di skad gsol// bdag cag skyabs mdzad sdug bsngal mgon// 'jig rten las rgyal mthu stobs can// bdag gis ci bgyi lung ston mdzad// ces
- 116a
gsol to// de nas bcom ldan 'das chen gyis// gsung ni 'di skad bka' stsal to// kye kye kye ma'o gsang ba'i yum// khyed la kho bos bsgo ba ni// bsgral ba'i zhing bcur gyur pa dang // nyams pa bdun po tshar bcad phyir// 'gal ba cham la phab nas kyang // srog ser gnyis la ki kang phob// sangs rgyas bstan pa'i bka' 'khor bsrung bar gyis// zhes gsungs so// don de dag ji ltar mdzad kyang // don chos nyid las mi g.yo ba'i phyir/ oM d+harma d+hA tu swa b+hA ba At+ma ko&haM/ zhes gsungs so// thugs ye shes dgongs pa chos nyid du gyur to// 'khor rnams kyang dpal gyi dam la gnas nas 'khod do// rdo rje phur pa chu 'khyags dbab pa'i rgyud las/ rang bzhin dkyil 'khor du snying po phul zhing dbang bskur nas dam la btags pa'i le'u ste bzhi pa'o// // de nas yang gsang ba'i bdag pos/ bcom ldan 'das la 'di skad ces gsol to// e ma'o ngo mtshar thams cad dbang sdud bdag/ gdug pa'i tshogs rnams gdul phyir dam la btags pa ngo mtshar che'o// gong du 'jigs byed dpal la bstab cing phul ba'i snying po dang // sngags rnams phyi rabs rnal 'byor pa rnams la sman pa'i slad du// mi bzad zab mo'i sngags rnams ma lus kun// dpa' bo khyod kyis bshad du gsol// zhes gsol pas/ bcom ldan 'das kyis chos
- 116b
sku mnyam pa'i ngang las byams mgon thugs kyis bzhengs nas/ man pra chen po'i ting nge 'dzin la snyoms par zhugs te 'di skad ces gsungs so// e ma'o thams cad mnyam nyid don gyi gsung // thugs rje brtan g.yo sgra ru grags pa ngo bo nyid// bde gshegs rgyal ba'i gsung ste sngags kyi tshig/ gsung gi don nyid bshad kyi nyon// ye shes lha yi dkyil 'khor bskyed cing mchod pa'i snying po 'di dag sku gsung thugs rdo rje las 'thon to// shU n+ya ta d+harma d+hA tu oM AHhUM/ e yaM khaM su ko re bruM b+han d+ha dz+nyA na e baM ya tsakra maN+Dal/ hUM kr-i badz+ra gnad/ badz+ra kI li ki la ya hUM phaT/ di ba sta tsakra krod+ha krod+ha ha he ha he phaT b+h+yo/ badz+ra sa ma ya dza/ dza hUM baM ho/ e a ra li hring / ka ya wA ka tsit+ta tiSh+Tha badz+ra/ ma hA su kha sid+d+hi na ma a ra li ho/ kha raM yo gi ni/ kha raM DA ki ni/ kha kha le le tsI b+h+yo hAM/ sarba pany+tsa a mr-i ba ling rak+ta kha kha/ khA hi khA hi ru lu ru lu hUM b+h+yo/ bsnyen pa dang ni nye bsnyen pa bsgrub pa dang ni bsgrub chen du rig par bya'o// de nas yang rtsa ba'i snying po 'di rnams 'thon te/ hUM/ nya sha/ ma tsa ra sha/ de nas yang sku bskyed pa'i snying po gsungs pa/ oM badz+ra kI li kI la ya hUM phaT/ oM pu tse pu tse da na pu tse sa ma ta a ka ra hUM phaT/ rag mo da ro ru tsam mo sham mo/ snyan gsan gsol ba'i snying po ni/ ma ra tsa sha sa ma ya dza dza/ spyan drang ba'i snying po ni/ rag mo
- 117a
snying rtsa la ru ro ru/ tsab mo tsab mo tsab mo/ khrag la mu sha ma snying kha rag ma b+h+yo dza hUM baM ho/ bstan par bzhugs su gsol ba'i snying po ni/ rag mo rag mo snying rtsa la/ rug ru tsab mo/ tsab mo tsab mo khrag la mu sha/ snying kha rag snying kha rag/ sa ma ya tiSh+Tha lhan/ phyag btsal ba'i snying po ni/ ma ra tsa sha na mo sid+hi ku ru hUM/ mchod pa dbul ba'i snying po ni/ ma hA pU dza ba ling ta a mr-i te sa ma ya khA hi/ 'dzab 'das pa'i snying po ni/ badz+ra ma ti pra li ma pra ma dz+ra hUM sa ha/ ba lo ag shu meg badz+ra du pri hUM dza sa ha/ ga tra ma dzA badz+ra yak+Sha kri kring ra ma dza swA hA/ badz+ra ki li pri ka li ho dza hUM swAhA/ ma mo s+thi yi sngags ni/ ma mo snying kha rag/ ma ma rag sha rag sha/ ma mo snying khrag mo mdun mdun trag rag sha ma snying ste/ khem ma ru lu b+h+yo snying kha rag ma sa ma ya dam dam dza dza/ bod pa'i sngags so// ma ma snying tsit+ta la thun snying kha rag ma thun// sha ti ta ma thun snying la ya ya b+h+yo thun/ rbad pa'i sngags so// ma ma ra ra ma ma sha sha ma ma sa sa ma ma ya ya dgra bo sod sod ma hA tsit+ta dza la raM/ snying rtsa ta ma la rol/ chum chum zum thum ri la ri la ma ma las myur du mdzod cig/ ces pa ni dmod pa'i sngags so// oM badz+ra kI li kI la ya hUM a mr-i ta kuN+Da li sarba big+ha naM kro d+ha ni hUM hUM phaT/ ces pa ni bzlog sngags spyir dril ba'o// yang snying thugs kyi brnag pa ni/ de yang pha srin
- 117b
po'i yang snying ni/ oM badz+ra yag sha ke te pro/ tro trag ru tsa sha tri phreM/ sa man ta a ka ra du ru pro/ ma klu'i yang snying ni/ oM badz+ra nA ga shu ga le su ra phreM/ ma ma hril shar phreM/ tsa mu sha sa ma ya phreM/ ming po'i yang snying yang dag pa ni/ oM pu pu tse sa ma ta a kar du ru du ru hUM phaT/ srin mo bzhi'i yang snying gcig tu dril ba ni/ rag mo khrag la mu sha dza/ snying rtsa la rag mo rag mo/ tsa pa la ma ma b+h+yo ma ma dril shar sha tra hUM phaT/ ma mo'i sku'i sngags ni/ pa sha sha ni rag sha du dza dza/ gsung gi sngags ni/ ma ra tsa sha gur bi gur bi ta ma la ni ra ya swA hA/ thugs kyi sngags ni/ ting ting gar pa ne ra ya swA hA/ yon tan gyi sngags ni/ rag mo rag mo snying rtsa sha ma b+h+yo/ rag mo ro ru tsa pa ma b+h+yo/ rag mo tsa ba mo tsa ba mo shig shig snying kha rag ma b+h+yo/ rag mo rag khrag la mu sha la b+h+yo/ 'phrin las kyi sngags ni/ gu su dan ma dgra la b+h+yo/ u tsu sma sha dgra la b+h+yo/ khaM khas dgra la b+h+yo/ rbad sha ma dgra la b+h+yo/ ma mo mdor bsdus pa'i sngags lung ni/ ma ma ril ma ma ril b+h+yo/ tshal pa tshal pa ma ma hril b+h+yo/ tsab mo tsab mo ma ma hril b+h+yo/ rag mo rag mo ma ma hril b+h+yo/ bzhi snying gcig tu dril ba ni/ badz+ra la ting mo po a ka tra badz+ra kI li bi ma ro hri tring hUM dza/ sngags kyi mgo nan ni/ ma ka ye pa ka ye/ sing ka ye/ bya tsa ye/ sgrol byed nye bar bsnyen pa'i sngags ni/ hri sti bi ki ti ma ma snying rtsa la ya
- 118a
dgra bo ma ra ya hUM phaT/ ngan sngags kyi sham bu ni/ rag mo snying rtsa ru ru tsab/ snying kha rag gu sing dan ma shag mu shag mu b+ho/ snying kha rag ma b+h+yo/ thig ni gcig med shud ti phro gnyis trag rgyab gcod/ dud phreM nam mthongs phye/ lcags sgrog khrol/ mi ro sod/ rgyang rje btsun mo tsun sU ta phaT/ che ge mo ma ra hril ril shar shel hUM trag tsa ra ga shu ti phreM/ ya ma snying ya ma khrag ra hUM la hril hril shag shag sen ya b+h+yo/ d+hi la nA ga shu na ga le dum pa le/ oM pu tse pu tse sa ma ta a ka ra du ru du ru phreM oM hUM phaT/ thun la bkol ba ni/ rag mo rag mo ta ma ke ta/ nA ga nA ga ke tse dus hril phro shar b+h+yo/ zor la bkol ba ni/ hUM tsab tsab snying kha rag kha rag mo shig shig kha rag lam b+h+yo/ thabs la bkol ba ni/ rag sha na ga tri thang gu si dan ma u tsusma sha khams khas rbad shag dgra la b+h+yo b+h+yo/ rdo rje phur pa chu 'khyags dbab pa'i rgyud gza' gdong bsres pa'i las kyi lung las/ gsang sngags kyi le'u ste lnga pa'o// // de nas yang gsang ba'i bdag pos 'di skad ces gsol ba btab bo// e ma'o// bde bar gshegs pa rgyal ba thams cad dngos grub mtha' yas pa/ rgyal ba'i bstan pa bsrung ba'i phyir/ dregs pa pho mo'i gnas dang dkyil 'khor rdzas dang las rnams bshad du gsol/ a la la sa ma ya ho/ zhes gsol to// de nas bcom ldan
- 118b
'das rdo rje khrag 'thung chen pos/ dngos grub kyi thabs 'byung ba zhes bya ba'i ting nge 'dzin la snyoms par zhugs nas 'di skad ces gsungs so// gnas kyi rim pa bstan pa yang // byin can bkra shis yid 'ong dang // dmar nog ri brag dur khrod dam// bla gab med pa dag kyang rung / lha klu drag po gnas pa ru// rdo rje khrag 'thung gnas yin no// dkyil 'khor rim pa 'di skad gsungs// bar chad gsal phyir sa chog bya// yo byad tshogs nas smon bcol te// gdeng ldan rnal 'byor bdag dbang bya'o// dur khrod snying rgal sa dag la// 'dom gang tshad du dkyil 'khor bya'o// bdud rtsi rme khrag gsum gyis ni// maN+Dal spangs te skam rlon snyoms par bya'o// sbrul shun ba su'am tshon skud la// mkhas pas byin rlabs mchod nas srad bu bri'o// cha chen gsum bgos phyi ma gnyis su bgos// dbus su smug nag gru gsum zla kham mu khyud bcas// 'khor lo rtsibs bzhi zod 'phreng brgyan// gru bzhi glo 'bur sgo bzhi sgo khyud sgo brgyan phyir// gling bzhi gling phran lcags ri mu khyud la// khyab 'jug mgo dang yan lag rdzogs par bya'o// 'khor lo rigs kyi kha dog mtshon// dbus su hUM dang sha gnyis bri bar bya'o// 'khor lo rtsibs bzhi dag la ni// ma ra tsa sha bzhi ni shar nas bri// rdzas kyi rim pa bstan pa ni// stag dang dom dang ba glang nya yi snying // mngal
- 119a
khrag la sogs khrag sna 'byor tshad dang // ra mchin la sogs sems can sha sna bu// dre'u dang bong bu'i thod par tshil chen dag kyang bsre// rigs kyi dbyibs su ldan pa'i zan// khrag gi thig le byas la 'khor lo dgod// de la 'ug pa khra dang srin bya skye ka'i sgo// ming rus sngags dang sbrel te bris la gdags// rgyal mtshan bzhi la sogs pa'i rgyan yang dgram// ga bur tsan dan la sogs dri yi tshogs rnams kun// rog ta'i gnas su bse khab nang du bsogs te sbrul gyi pags pas gtams// sha lnga la sogs pa'i dmar gyi rdzas// lho yi gling la thod pa'i nang du gsog/ dkar gsum mngar gsum klu sman sna tshogs rnams// dung phor nang du nub kyi gling la bsogs// 'bru dang me tog rin chen sna tshogs rnams// rin chen snod du gling gi gling la bzhag/ rabs chad rtsa ki la ni nag po la// nang du dri lnga bdud rtsi lnga yis byug khrag sna gsum gyis thig gdab 'khor lo bri// gong bzhin snying po bris te rdzas bsags pa// chu yi mi dang sa yi mi dang byi ba'i snying dang dgra cha'i snying dag la// sha sna khrag sna 'byor tshad dag dang ni// de yi yul dang dgra yi ming rus dang // thun gyi rdzas rnams de ru blugs par bya'o// gsang ba nang gi 'khor lo yin// sbas pa gsang ba'i 'khor lo ni// rnal 'byor lus kyi yan lag ste// snying khar yi ge hUM
- 119b
bkod la// 'khor lo dbus kyi lte ba yi// g.yas g.yon yan lag rtsa chen bzhi// 'khor lo bzhi ste sring bzhi gnas// de yi rdzas te dmar chen yin// yang na seng ldeng phur pa la// sngags dang snying po bcas pa bri// mchog tu de la sngags pa yin// de ltar dkyil 'khor rnam bzhi rdzas dang bcas pa ru// rnal 'byor dngos grub rnam gnyis thob// ces gsungs so// rdo rje phur pa chu 'khyags dbab pa'i rgyud las/ dregs pa ming sring gi gzugs brnyan gyi dkyil 'khor bstan pa'i le'u ste drug pa'o// // de nas yang bcom ldan 'das kyis mi 'gyur ba'i gzer 'di dag bka' stsal to// 'khor lo can dang dam rdzas can// sa / bon can gyi thod pa phur par bcas// 'di ni rdzas kyi bar snang gzer// sgrub pa'i mgo 'jug par gsum du// yul dang ming rus smos pa ni// 'di ni sgrub pa'i gzer gsum mo// lha sngags dregs pa pho mo'i sngags// las la sbyor ba'i dbu zhabs bar du brnag pa brjod// 'di ni sngags kyi gzer chen gsum// mdung shing rtse dang spyang mo'i rtsed// phag mo'i rdur la rta gsum gzhug/ de ni nges par gdon mi za// 'di ni rta ma'i gzer gsum zhes bya'o// yang na lha rten chu mig yul dbus su// khung bu gru gsum chag gang bru// zhabs su pho brang dkyil 'khor bri// tsag kro la yi thod pa der// bsgrub pa'i rdzas dang gtor ma
- 120a
dang // sman gyi phud dang gtor khrag blugs// dregs pa rgyu ba'i dus tshod la// gza' dang ma mo bkug la mchod// der bzhug mnan pa'i 'khor los gdab// dbang rnams btsugs la lha srin mchod// de ni phyi yi sa gzer yin// bsnol dri mo'am rgyal po'i snying dag la// ngan sngags bris la pho brang dbus la bsgrub// yungs kar yungs nag khrag skams gu gul nag po rdzas// til nag thal chen mi snying dag dang sgrags// dngos grub thob pas rtag tu lus la bcang // de ni nang ltar bsgrub pa'i gnam gzer yin// ngan sngags yang snying rtag tu gdon pa bya// gsang ba'i dmar chen nang du sku bstim nas// rtag tu bsgom nas bdag mchod gsang ba'i bar snang gzer// rtag tu yi dam mi 'gyur mi 'bral na// dregs pa ming sring rta ma yin par bzung // rgyun gyi gzen chen ye nas thebs pa yin// rdo rje phur pa chu 'khyags dbab pa'i rgyud las/ rog ti nag po 'byung ba'i bdag mo bzhi yi gzer gdab pa'i le'u ste bdun pa'o// // de nas yang bcom ldan 'das kyis ting nge 'dzin gyi de kho na nyid kyi dkyil 'khor gsal ba la mnyam par gzhag nas/ 'di skad ces gsungs so// e ma'o// sems can kun rtog ting 'dzin byin gyis rlobs// chos rnams ting 'dzin spros bral dam pa las// hUM gi mtha' las byung ba'i dkyil 'khor
- 120b
'bar// bruM las ban d+ha rin chen gnas su bsam// dur khrod rgyan dang dbyibs su ldan pa la// dbus kyi e la nyi zla dregs pa'i gdan// hUM las rdo rje tshon gang bdag nyid khro bo gsal// mthing nag zhal gsum phyag drug zhabs bzhi bgrad// g.yas dkar g.yon dmar dbus mthing rigs lnga'i sangs rgyas rdzogs// g.yas g.yon dang po rdo rje me dpung dang // bar ma rtse lnga kha T+wAM tha ma ri rab phur bu 'dril// sku gsung thugs ldan khro chung ska nan dang // thugs la 'bar ba'i srog kyang bzhugs// 'jigs byed sku la dur khrod chas brgyad gsol// rngam pa'i gsung gi ki li 'brug ltar sgrogs// rdo rje gar gyi dbang mo sku la 'khril// cha lugs sku 'dra chags pa'i bde ba stobs// sku yi gnas bcur khro bo'i 'khor bcas tshom bur bsam// rnam shes brgyad po yul dang bcas pa la// ki ri sing nga'i tshogs kyang de bzhin te// dbang po sras mchog yan lag sgo ma dang // ci bgyi la sogs mdun rgyab zur gnyis thugs kar te// thugs kar brgyad de phyogs bzhir lnga lnga'o// de ltar gsal na mkha' gsang byin gyis brlab// sbyor ba'i brda bskul byang chub sems chu las// yi ge lnga ni 'thon nas su// dbus dang 'khor lo bzhi la dgod// sku bskyed rtsa ba'i sngags brjod pas// dbus su khyab 'jug nyid kyi sku// sku stod mi la sku smad sbrul// nyid kyi dbu ni
- 121a
chu srin te// sprul pa'i dbu brgyad dang yang ldan// mgo lus med par spyan gyis khengs// gdug pa'i phyag cha sna tshogs 'chang // lcags kyi dra ba'i nang na zhugs par bsam// shar du stag srin phyag gnyis smug nag sku// dbu gnyis steng ma'i dbu ni stag gi dbu// sku zhabs stag gi sham thabs thod 'phreng brgyan// dri za rnams la dbang sgyur 'brug sgra 'byin par bsgom// lho ru bam srin phyag gnyis ser nag sku// dbu gnyis steng ma'i dbu ni dred kyi dbu// g.yang gzhi stod g.yogs dred kyi sham bu can// glog 'gyur grul bum rnams kyis bskor bar bsgom// nub tu skong srin phyag gnyis dmar nag sku// dbu gnyis steng ma'i dbu ni ba glang dbu// sku la g.yang gzhi ba glang sham thabs can// klu yi skor ni bu yug 'thor bar bsgom// byang du 'brog srin phyag gnyis ldang nag sku// dbu gnyis steng ma'i dbu ni chu srin te// g.yang gzhi gsol nas chu srin sham bus brgyan// yag shos bskor nas nad kyi rlangs pa 'thor// ma mo tshogs che rab 'jigs pa// dur khrod rgyan dang gnam lcags zor ba'i dbu brgyan can// thugs la so so'i rang sngags ldan par bsam// so so'i ma mo'i 'khor gyis bskor ba la// 'khor bcas rnal 'byor bka' stsal nyan par bsam// sprul pa rnams ni don gyis shes par bya'o// spyan drangs la sogs mchod cing bzlas
- 121b
pa yis// rtags byung nas ni thod par de bzhin bskyed// der mchod 'dzab bzlas dngos grub blangs pa dang // rnal 'byor sku yi dkyil 'khor gsang bar bstim// zhabs g.yon shar gyi rtsa de dar dkar lce'u// gser gyi sbu gur stag srin 'khor bcas bsgom// phyag g.yon rtsa chen bai DUr+ya yi mdog/ gser gyi sbu gur bam srin 'khor bcas bsgom// phyag g.yas nub kyi rtsa de la brgan mdog/ gser gyi sbu gur skong srin 'khor bcas bsgom// zhabs g.yas byang gi rtsa de g.yu yi mdog/ gser gyi sbu gur 'brog srin 'khor bcas bsgom// dbus kyi rtsa chen yan lag bcas pa la// 'jigs byed chen po 'khor dang bcas pa bsgom// de dag rang rang rigs kyi gdan stengs su// sor bzhi'i tshad du rang rang rigs su bsgom// de ru thod pa dkyil 'khor sngags 'di bsdu// rag sha rag sha rak+Sha rag mo sa ma ya tiSh+Tha hUM dza hUM/ de rtag tu bsgom zhing las la spros// zhes gsungs so// de skad ces gsungs pa la/ gsang ba'i bdag pos 'di skad ces bstod do// e ma'o dpa' bo chen po thugs rje'i bdag/ phyi rabs don du dkyil 'khor rnam gsum bstan// dngos grub thabs ldan bdag cag ngo mtshar che// e ma a la la ho zhes bstod do// rdo rje phur pa chu 'khyags dbab pa'i rgyud las/ ting nge 'dzin gyi dkyil 'khor bstan pa'i le'u ste brgyad
- 122a
pa'o// // de nas yang gsang ba'i bdag po lag na rdo rjes/ bcom ldan 'das la 'di skad ces gsol ba btab bo// kye kye/ kye ma'o bcom ldan bdud kyi bdag/ bdud kun gyi ni bdud bdag po// bdud kyi bdud de bdud mdzad pa// 'gal byed dam sri gdul zhing chu 'khyags dbab pa'i phyir// dregs pa khyab 'jug chen po bsgrub pa'i 'phrin las gang // bdud kyi rgyal pos bstan pa bsrung ba'i don du ston// zhes zhus so// de nas bcom ldan 'das kyis sngags gsang ba'i 'di dag thugs rje las 'thon te/ oM badz+ra pa ti hUM la/ su badz+ra yag sha ke te ke te/ badz+ra rag sha dza la ti swA hA/ zhes pa ni bod pa'o// oM pu tse pu tse da na pu tse sa man+ta a kar ra du ru du ru pro/ zhes pa ni rbad pa dang kun la 'jug pa'o// hUM dza ti ra hUM ka li la ya/ phob ta shar/ shal ta shal ta hUM phaT/ yon tan gyi snying po'o// tsa ra mu ne phreM ag nA ga rag mo krod+ha re swA hA/ pha ma bu'i snying po bsdus pa'o// rgyang rje rkyang mo tsu ru ta phaT/ ho ho phreM mu ra mu sha du ru phreM/ 'phrin las la bskul ba'o// de nas yang dkyil 'khor gsang ba 'di skad ces 'thon to// gru bzhi pa yi dkyil 'khor la// dri yi rgyal po byugs nas ni// rtsibs brgyad pa yi thig btab ste// sgo dang ging bzhi de bzhin no// dbus kyi gru gsum mthing nag la// zla gam dmar dang mu khyud
- 122b
dkar// 'khor lo ser la rtsibs mtshan gnag/ mtshams byed thams cad 'phreng gru chad ldang // ga ling bzhi sgo rnams rigs dang sbyar/ de nas yang las kyi stong thebs par bya ba'i phyir// mthun pa dam rdzas bsag pa 'di skad ces gsungs so// bse khab zod pa kha sbyar dang // dri dang sman dang mngar gsum la// rnam pa sna tshogs 'byor tshad de// dmar ser ba yi 'o mar bcas// gzhan yang sha sna thal chen dang // gu gul nag dang gdug pa'i 'bru/ khrag sna dang ni sbyar nas ni// sbrul shun dag gis rgya gram bcing // pho brang dbus kyi e la'o// yul dang bsgrub bya'i ming byang dang // rang dang ling ga de bzhin no// gzhan yang 'khor lo rtsibs brgyad la// sprul pa brgyad kyi mchod rdzas dang // mthun pa'i sgrub rdzas sna brgyad kyang // de bzhin du ni dgod par bya'o// spyan drang mchod cing bzlas pa dang // bsgrub cing thugs dam gnad nas bskul// phyogs mtshams rim gyis ma nor bar// rgyu dang ldog pa'i dus bzung ste// dus brgyad du ni drag sngags brdeg/ tshes bzhi brgyad dang bcu gcig dang // bco lnga bco brgyad nyi shu gnyis// nyer lnga nyi shu dgu la bya// gdong tshugs su ni byed gyur na// 'ong ba'i sngon du ling ga bzhag/ gting thogs su ni byed gyur na// phyi bzhin sngags thun phur pas gdab// de yang ting 'dzin nyams
- 123a
dang sbyar// nyams dang ting 'dzin g.yel gyur na// bsregs nas brdeg cing lha srungs dbye// de yis 'gal byed rlag par 'gyur// rdo rje phur pa gza' gdong bcas pa'i rgyud kyi chu 'khyags dbab pa'i rgyud las/ khyab 'jug sprul pa dang bcas pa bsgrub pa'i le'u ste dgu pa'o// // de nas yang bcom ldan 'das badz+ra kI la ya/ zor thabs thun gyi las 'di rnams nyid kyi sku gsung thugs rdo rje las 'thon to// e ma'o bde gshegs thugs byin bsam mi khyab// srin po srin mo'i dam tshig bskul nas kyang // 'gal byed tshogs la zor phur thabs kyi bsad cing bzlog par bya'o// bdun zur gshed kyi dus la dbab pa dang // dkyil 'khor sgrub rdzas gong bzhin las// zor thun thabs kyi gzhi bsgrub rdzas bsag pa// yul gyi sngo rga phu chu ser pa'i chu// thod par blug la byang gi zla kham la// ra dkar khyi dkar dmar ser ba yi zho// gu gul dkar po 'bres chen sman dang sbyar// thod par blug la nub kyi zla gam la'o// sha sna khrag sna ban da hril po blug/ shar gyi zla kham stengs su bzhag par bya'o// dgra dang yul sa dgra bla bon chos bsrungs ma'i ming byang bri// ra yi skyer gdags shes bstim la// dus drug bskang zhing zhal du bstab// seng ldeng phur snying sngags ldan pas// ri rab ltar du bsgom la byin brlabs la// tshil chen thal chen
- 123b
khrag chen byugs nas kyang // gu gul la sogs sme ba'i dud btang nas// khro bdag chen po gzas pa lha dang bcas pa la btab la// las kyi phur thun brgyad kyang dus dang sbyar zhing gdab// thod pa gsum pos las kyi thun yang gdab// srog dang ser ba byed pa don gyi man ngag sbyar// ra bsgral sha rus khrag rnams zor thun rdzas su sbyar// g.yang gzhi brdab cing drod pa bud// zor du byed na khrag 'phang thod pa skyil// de nas zab tu byed 'gyur na// mi rkang skyed gzugs ban du phru bar bya// dur khrod shing la me btang khol nas khram shing nag po skyel// sngo dang bsres zab lho ru ste// 'o ma dang bsres thab ni shar du yin// dmar dang sbyar ba'i zab ni byang du'o// gnam sa par snang gsum gyi thab ces bya// mi sogs khyim byas thal 'jim phyogs su dor// rang la 'khris na rab tu dgra la bzlog/ sdigs mdzub bsgreng ste dmigs pas lam yang bstan// de ltar las rnams ci byed kyang // bsnyen dang bsgrub dang las la so sor sbyar// sngags rnams go rims don gyi ma nor man ngag sbyar// bsngags bsgo ba srungs dbang gis rgyal pos dbang du bsdu ba ni// oM badz+ra kI la ya ha ya gri ba hri dbang / phaT man+ti hri ga ba/ tsan dar ga sha hri ga ba/ las kyi gzhung du gdags pa ni/ oM tista baM dza ti bam/ u tista ku ru dza ti sta rbad/ sa ma ya tista rbad/ dza la mu ga ti sa
- 124a
zad/ de ltar las rnams byas gyur na// ngan byed mtshams med srog can rab tu 'joms par byed// srog ser gnyis la gdon mi za// zhes gsungs so// de nas yang 'khor rnams kyis mgrin gcig tu 'di skad ces rmad du byung ba'i tshig gis bstod do// hUM/ dus gsum mnga' mdzad dpal chen rol pa'i sku// bzhad pa'i sgra skad kI la ya'i srid gsum 'brug sgra sgrogs// thugs kyi dgongs pa ma g.yos dbu ma'i ngang // spyan mig bzlog pas thog bdag las la gtong // shangs nas rlung byung srid gsum 'thor zhing g.yo// sbrul gyi chun pos klu rgyal gdan la bebs// snyan gyi sgra mas srin po dam la sdud// ral pa gsigs pas ma mo ser chen 'bebs// ljags kyi rkan brdabs par snang glog gis 'gengs// mche ba gtsigs pa'i sprul pas ki kang 'bebs// zhabs kyi stang stabs dgra bgeg gnad la 'bebs// rdo rje gshog pas khams gsum zil gyis gnon// dur khrod chas kyis sangs rgyas dam la sdud// rab 'jigs khro rgyal khyod la phyag 'tshal bstod// dregs pa'i tshogs rnams 'joms la phyag 'tshal bstod// zhing bcu gnas nas len la phyag 'tshal bstod// yal gam dngos grub gsol la phyag 'tshal bstod// tsakra kI la ya/ a si kI la ya/ pa sha kI la ya/ sid+d+hi kI la ya/ rdo rje phur pa gza' gdong chu 'khyags dbab
- 124b
pa'i rgyud las/ zor zab thun gyis dbab pa dang 'khor gyis bcom ldan 'das la bstod pa'i le'u ste bcu pa'o// // de nas yang bcom ldan 'das rdo rje phur pa'i bdag po la// lha'i lcam mos 'di skad ces gsol to// he he dpa' bo thugs rje'i bdag/ bdag gi las dang 'tshal ba gang // bdag la dmigs pa bdag la gsol// zhes gsol to// de nas rdo rje phur pa'i rgyal pos 'di skad ces bka' stsal to// khyed cag 'khor la gtad pa ni// lus 'phags gling gi lo thog dang // zhi ba dang ni pho log nad/ khyed kyis las dang zas skal gyis// zhes lung nos shing phog go/ de yi 'phrin las bshad bya ba// maN+Dal 'dom gang zla kham dbyibs// dri sna lnga yi chag chag gdab// dbus su gru gsum zla kham gsum// 'khor lo rtsibs brgyad mu khyud bcas pa bri// dbus su ma dang hUM bkod la// rtsibs la lha chen brgyad kyang bri// stag gi snying dang dmar gtor dang // ra khrag ban d+ha dbus su bzhag/ dre'u lam rta yi thod pa ru// dgra yi ming dang thun rdzas blugs// dri dang spyan gzigs sna tshogs dang // 'khor lo brgyad kyi rtsibs la bzhag/ dbus su khro bdag chen po dang // stag srin zor ba gdong yang bskyed// bos la rbad de drag sngags brdeg/ oM badz+ra ma ti pra li pra ma dza hUM swA hA/ rag mo rag mo snying tsa sha ma la b+h+yo/ oM trag rag sha snying ke taM ku si la sha
- 125a
hri da ya nri dgra snying la gshogs/ dang po bdun 'bum nyi khri la// gnyis pa brgya ni rtsa brgyad yin// gsum pa stong gi las byed 'gyur// las ni 'di skad bcom par bya'o// hUM/ shar phyogs rdo rje rigs kyi dkyil 'khor nas// sring cig stag srin zor ba gdong // tshangs dang brgya byin kun gyi lcam mo ste// 'khor du lha dang dri za'i tshogs kyis bskor// srid pa'i chu 'babs pho lkog nad kyi bdag mo khyod// lcags kyi thog ser 'bebs shing 'brug sgrogs ma// bcol ba'i las rnams grub par mdzod// ces bskul nas khrag thun dang sbyin sreg byas nas mdangs dang bral/ khyim la gtor na pho log 'ong // yul la gtor na thog ser 'bab// ces gsungs so// rdo rje phur pa chu 'khyags dbab pa'i rgyud las/ stag srin sgrub cing las bcol ba'i le'u ste bcu gcig pa'o// / de nas yang gshin rje'i lcam mos 'di skad ces gsol to// kye kye dpa' bo chen po yon tan bdag/ thams cad rgyas par thugs kyis rab gzigs pas/ khyod kyis bdag la las dang 'tshal ma gsol// zhes zhus so// de nas bcom ldan 'das kyis 'di skad ces gsungs so// 'dzam bu gling gi lo thog 'bru bcud dang / 'gal byed srog chod glang thabs bkrug pa thong // dkar po phyogs kyi 'chi bdag khyod kyis bzlog/ ces lung nos shing phog
- 125b
go/ de nas yang dag 'di gsungs so// dkyil 'khor 'dom gang sog kha la/ khrag dang bdud rtsi'i chag chag gdab// rtsibs brgyad e dang ldan pa la// dbus su hUM dang ra bkod nas// rtsibs brgyad ya ma brgyad kyang dgod// mon gyi snying dang dmar gtor dang / khyi khrag ban da gang yang bzhag/ stag gam spyang khu'i thod pa ru// thun rdzas dgra bo'i ming rus gzhug/ sha khrag spyan gzigs ldan pa yi// gtor ma brgyad kyang rtsibs brgyad la// gshin rje gshed dang dred gdong bskyed// bod dang rbad dang gsang sngags bzlas// oM ba lo ag shug me badz+ra dum phreng hUM dza/ oM rag mo rag mo ru ro ru tsa pa la a shu me dgra bo'i snying kha rag ma b+h+yo/ oM sha ti sta ma snying la ya u tsus sme shas khrag snying las gshog rbad/ de nas 'phrin las 'di skad bcol// hUM lho phyogs rin chen rigs kyi dkyil 'khor nas// sring cig bam srin dred mo gdong // gshin rje 'bar ma rnams kyi lcam mo ste// 'khor du gshin rje grul bum rnams kyis bskor// srid pa'i chu 'bebs rlung nag 'khrug pa'i bdag/ gser gyi thog ser 'bebs shing glog 'gyur ma// rnal 'byor bcol ba'i las rnams grub par mdzod// de skad bskul zhing drag po'i rdzas// dur du mnan na srog dang bral/ khyim la gtor na klad nad 'khrug pa 'ong // yul du gtor na gser thog ser ba'o// rdo rje
- 126a
phur pa chu 'khrugs dbab pa'i rgyud las/ bam srin dred mo gdong bsgrub cing las la sbyar ba'i le'u ste bcu gnyis pa'o// // de nas yang klu'i lcam mos 'di skad ces gsol ba btab bo// rang rang dpa' bo thugs rje chags pa'i bdag/ dbang sdud khyod kyis thugs rjes rab gzigs la// bdag la khyod kyis las dang 'tshal skal zhu// zhes gsol to// de nas yang bcom ldan 'das dpal badz+ra ku ma ras 'di skad ces gsol to// ba glang spyod kyi lo thog 'bru bcud dang // 'gal byed srog phrogs mdze dang khrag gzer thong // dam la gnas pa'i chung srid 'phel par gyis// zhes lung nos shing phog go/ de nas yang de yi 'phrin las 'di gsungs so// dkyil 'khor zlum po khru de'i tshad du ste// 'o ma sman gyi chag chag btab nas kyang // rtsibs brgyad e dang ldan pa bris nas ni// dbus su hUM dang sha bris te// rtsibs brgyad la ni klu brgyad bri// glang chen snying dang dmar chen dbus su bzhag/ bya khrag ban d+ha gang yang zla gam dag la bzhag/ sbrul nag mdze to dag gi zod pa ru// thun dang dgra bo'i yul ming bcug la bzhag/ dkar gsum klu sman la sogs brgyan ldan dgram// ba glang gdong dang rta mchog dbus su bskyed// spyan drangs mchod cing bsnyen pa'i don rdzogs nas// bod rbad bsad pa'i sngags kyis brdeg par
- 126b
bya'o// oM ga trag ma ta dza badz+ra yag sha kring kring raM ma dza/ oM rag mo rag mo tsa ba tsa ba mo khrag mu sha dgra snying b+h+yo b+h+yo/ oM snying tsit+ta ma la b+h+yo b+h+yo/ gr-i ma ta ma ta khaM kham khas rbad du phob dgra la b+h+yo b+h+yo/ de nas 'di skad las bcol/ hUM/ nub phyogs pad+ma rigs kyi dkyil 'khor nas// srid cig rkong srin pa glang gdong // klu rgyal kun gyi lcam mo ste// 'khor du klu bdud bye ba 'bum gyis bskor// srid pa'i chu 'bebs khrag gzer rgyal mo khyod// zangs thog khrag gi gzer nad 'bebs rnal 'byor bcom las rnams grub par mdzod// de skad bstod de las bcol nas/ rdzas de chu mig dag tu mnan na mdze ru 'gyur/ de dag dgra la brgyab na khrag gzer 'ong / de dag yul du gtor na ser ba dmar po 'bab/ ces gsungs so// rdo rje phur pa chu 'khyags dbab pa'i rgyud las/ rkong srin pa glang gdong bsgrub cing las la sbyar ba'i le'u ste bcu gsum pa'o// // de nas yang gnod sbyin gyi sring mos 'di skad ces gsol ba btab bo// e ma'o dpa' bo thams cad rdo rje las kyi sgrol// thams cad rgyal ba'i lus su dgongs mdzod la// bdag gi las dang tshal ma khyod la zhu// zhes gsol to// de nas yang bcom ldan 'das rdo rje phur pa'i rgyal pos 'di skad ces bka' stsal to// sgra mo snyan gyi 'bras bu'i lo thog dang // smyo 'bog lhog rgal gag pa'i nad thong
- 127a
la// dam chos spyod pa'i 'khor bzhi 'phel bar gyis// zhes gsungs so// de yi las su bstan pa ni// dkyil 'khor gru bzhi tshad ldan la// spos dang rin chen chag chag gdab// de dbus gru gsum zla kham gsum// 'khor lo rtsibs brgyad mu khyud bcas// dbus su hUM dang sha bkod nas// rtsibs la gnod sbyin srin po gdong // rta yi snying dang dmar gtor dang // mi khrag ban da gang yang bzhag/ dom mam phag pa'i thod pa ru// dgra bo'i yul dang ming byang gzhug/ de la thun gyi rdzas kyis brab// rtsibs las 'bru dang rin chen dang // rgyan dang ldan pa'i gtor ma dgram// bdag nyid bdud rtsi 'khyil ba dang // chu srin gdong yang dbus su bsgom// de tshe bod rbad bsad pa'i sngags 'di bzlas// oM badz+ra ki li pring ka ling ho pa ya hUM dza/ oM badz+ra rag mo rag mo trag mo shig shig/ dgra bo'i snying kha rag la b+h+yo/ oM thum ri li li pra tsar pra ma ya gshogs/ thums rbad shag ma dgra la b+h+yo/ de yi dus su 'di skad bskul/ hUM/ byang phyogs las kyi rigs kyi dkyil 'khor nas// byang gi 'brog srin chu srin gdong / khyod ni gnod sbyin rnams kyi sring mo ste// 'khor ni gnod sbyin pho mo stong gis bskor// srid pa'i chu 'bebs lkog rgal gag pa'i bdag/ mthing shing g.yu yi thog ser 'bebs// rnal 'byor bcol ba'i las rnams
- 127b
grub par gyis// de skad bstod nas mchod de las bcol nas// shing gcig drung du sbas nas spro zhing 'bog/ dgra bo'i snying la gtor na lkog rgal 'ong // yul dang lo la gtor na lcags thog ser ba 'ong // zhes gsungs so// rdo rje phur pa chu 'khyags dbab pa'i rgyud las/ 'brog srin bsgrub cing las la sbyar ba'i le'u ste bcu bzhi pa'o// // de nas yang gsang ba'i bdag po lag na rdo rjes/ rdo rje gdug pa 'dul ba'i rgyal po la ngo mtshar gyi tshig 'di skad ces gsol lo// e ma'o bde gshegs rdo rje gdug pa 'dul ba'i gtso// dregs pa lcam dral bcas pa yi// ma ni klu las byung bas na// drag po klu yi ser ba rnams ni ji ltar dbab// rnal 'byor don du rgyal ba gdab pos bstan du gsol// zhes gsol pa dang / de nas bcom ldan 'das rdo rje gsang bas rdo rje drag po mi g.yo ba'i ting nge 'dzin la snyoms par zhugs nas/ drag po gnam lcags kyu klu ser dbab pa 'di dag sku gsung thugs rdo rje las 'thon to// klu yi gnas su 'dug nas ni// dkyil 'khor pad+ma 'dab brgyad la// dkyil du b+ha ga e yis mtshan// rdo rje sbrul gyi chun pos brgyan// dbus su hUM dang nA ga bri// 'dab brgyad klu brgyad snying por bcas// mchod rdzas dkar gsum mngar gsum klu sman dang // gtor ma la sogs mdzes par dgram// bdag nyid gsang ba'i
- 128a
khro bor bsam// klu brgyad pho mo bkug bstim mchod// me thab dkar po zlum po la// rdo rje 'od zer 'phros pas brgyan// rgyal rigs khyim nas blang ba'i me// u dum 'ba' ra'i shing la sbar// me yi lha nyid mchod nas su// me lha'i lto bar klu rnams bsam// dkar la mngar ba'i rdzas rnams kyis// zhi ba'i tshul du sbyin sreg bya// oM kI la ya ag+ne de ba nA ga de ba rA dza ma hA pU dza sa ma ya ma hA shin+ti ku ru hUM swA hA/ brgya ni rtsa brgyad dag tu dbul// gtor ma byin brlabs 'khor la sbyin// bden pa'i tshig gis las la bskul// des ni klu yi gdug pa zhi bar 'gyur// de nas yang ni las la sbyar// ban da mtshan med bkra mi shis// de ru khrag sna dug sna dang // rgya tshil 'u zu dkar po dang // yungs kar gu gul thal chen dang // gsang sngags 'di yis bzlas shing bsgrub// oM s+thi ri tra shon shon bi li zer khrol/ shu shu raM she na raM// zhes ni thod par rab tu bsngags// gzhan yang seng ldeng phur pa la// sngags 'di dag ni stong du bzlas// oM badz+ra kI li kI li ya mi li mi li tsan tri badz+ra da ya swA hA/ zhabs mas phur bu thod pa dril// klu nag gnas pa'i chu ru gzhug/ bdag nyid rdo rje gzhon nur bsgom// byin brlabs dbang bskur tshul bzhin bya// che ba'i nga rgyal bskyed nas ni// klu gzugs brdung zhing sngags 'di bzlas// oM badz+ra ma ti sa ma ni dza//
- 128b
krugs krugs ma ma ni sri sod/ drag por sod phob/ na ma sa ma ta bing bing hUM phaT/ nA ga nA ga de ba gan drag por sod phob/ gu gul gnag dang 'ba' dud btang // ming rus bcug nas mdze yis 'dzin// yul ming bcug na klu ser 'bab// re dogs med par gdon mi za'o// gzhan yang thun byung char 'bebs na// mchod cing bsgrub pa gong bzhin du// las la sbyar ba 'di skad gsungs// mtshan ma ngan pa'i thod pa la// badz+ra ma ti'i sngags kyang bri// sme khrag gsum dang gar ti sbreng // lkugs pa'i chu dang sngo khu dang // gzhan yang yungs kar thal chen la// gsang sngags 'bum phrag gsum du 'don// de la til mar thal chen sku/ khro bo byin brlabs dud pas bdug/ klu yi dmigs su btab ste gzhug/ khyab 'jug sgru ba'i dus su mnan// de yis char chen gdon mi za// char chen rang yang gcod par bya// srog la ming rus ling khar bcas// klu yi gnas su mnan gzir ni// ya nga ba yi nad rnams 'byung // zhes rdo rje gsang ba'i tshig tu gsungs so// rdo rje chu 'khyags dbab pa'i rgyud las/ klu ser dang klu char dbab pa'i le'u ste bco lnga pa'o// // de nas yang gsang ba'i bdag pos/ bcom ldan 'das la 'di skad ces gsol ba btab bo// kye kye/ kye ma'o dpa' bo chen po mi ldog sgrol// dregs pa'i gsang sngags mi bzad pa// phyi
- 129a
rabs don du bdag la bshad par 'tshal// zhes zhus so// de nas yang rgyal ba dpa' bos 'di skad ces gsungs so// he he srid pa'i 'jig rten dregs pa skyong ba'i dregs pa rnams// gsang sngags 'di yi sgo nas mnyes par gyis// oM ru/ oM i/ oM aM/ oM a/ oM ga/ oM d+hi/ oM bri/ oM k+Sha/ oM ha na ha na b+hin+d+ha badz+ra hUM/ i tra ye swA hA/ lha rnams kyi'o// hUM ya ma/ hUM sa to/ hUM ya ma ye/ hUM na yo/ hUM ya to hUM ra ya/ hUM yak+Sha she/ hUM ni ra/ badz+ra kA la b+han d+ha b+han d+ha na ha na ha na hUM phaT/ ya ma ye swA hA/ gshin rje'i 'o// oM phu/ oM pho/ oM phuM/ oM phe/ oM pha/ oM phaM/ oM pho'u/ oM nA ga badz+ra ya na ya sarba da na da na da ru pa rna ye swA hA/ klu rnams kyi'o// oM dza/ oM ba/ oM ka/ oM ga/ oM bri/ oM gru/ oM maM/ oM ma/ oM karma ku bi ra/ yak+kha hUM phaT/ a ti pa ta ye swA hA/ gnod sbyin gyi'o// dza hUM baM ho/ A gats+tsha ya/ A gats+tsha ya/ spyan drang pabapaba'o// phu dza me kha raM kha hi/ mchod pa'i 'o// zhes gsungs pas dregs pa rnams 'dar zhing skrag ste/ bcom ldan 'das la lan brgya phrag stong du bskor ba byas te/ bag gzhi sa la brdabs nas brkyang phyag 'tshal te/ rang rang gi gnas ga la ba der 'khod do// phyi rabs kyi rnal 'byor pa rnams kyis bstan pa bsrung bar lung nos shing bka'i lung phog nas dam la gnas par gyur to// rdo rje phur pa chu 'khyags dbab pa'i
- 129b
rgyud las/ dregs pa can rnams kyi rtsa ba'i sngags kyi le'u ste bcu drug pa'o// // de nas yang gsang ba'i bdag pos gsol pa/ dregs pa pho mo'i yab gyur pa'i// srin po'i rgyal po ji ltar sgrub// bka' stsal pa/ khang stong grog po gting zab par// dkyil 'khor gru gsum sum brtsegs la// nag po rtsang thod rgyan gyis brgyan// mi chen thod pa kha sbyor du// mi sha khrag rus la sogs dang // ra snying mchin pa dug rnams dang // 'da' 'ur dang zir dang // smyo ba'i khu ba nyings par sbyar/ khang ral ma yi zhabs mas dril// dbyar zla gsum la bsnyen bsgrub bya// ston zla gsum la las la sbyar// bdag nyid dpal chen 'bar ba ste// de yi byin rlabs cho 'phrul las// yi ger las sku bskyed la// srin po rag sha 'jigs pa'i gzugs// bka' nyan gsung sdod bsam byas la// ming rus khram shing gnas la gdags// bsnyen pa bgrang zhing dus drug gtang // sha khrag gtor ma de bzhin sbyin// bsnyen bsgrub rdzogs nas las la sbyar// oM badz+ra krod+ha kI li kI la ya/ rag sha ha li karma sa ma ya dza 'du 'du dza dza/ badz+ra rak+Sha krod+ha nri nri ga shu ti phobs ma ya pho ba/ oM rag sha krod+ha te tso ni ra srog la chum ha sti ba la rag sha kham ga shu ti pho ba ya/ ya rbad phaT/ ces bod cing rbad nas las la sbyar/ 'phrin las bskul ba 'di skad do// hUM/ mthing nag gru gsum
- 130a
'bar ba'i dkyil 'khor nas// mi ro rta re 'bum gyi gdan stengs na// rnag khrag chu ser rba klong 'khyil ba'i nang shed na// srin po'i tshogs kyi rgyal po ni// gcer bu skrag sig sdang mig bgrad// lag dang mdung dang ral gri 'khor lo gri khug thogs// sha dang khrag dang thal ba'i thig les brgyan// gsod la brtson zhing sha khrag dmar la dga'// dam la rub bcing don la 'phreng // rag sha ru lu'i sgra yis bos tsam na// pha bas byams shing khu bas gdung // las bcol 'phrin las myur du sgrubs// srog ser gang byed las gnyer gtad// gang la dmigs pa gdon mi za'o// rdo rje phur pa chu 'khyags dbab pa'i rgyud las/ pha srin po bsgrub cing las la sbyar ba'i le'u ste bcu bdun pa'o// // de nas yang badz+ra kI la yas mi 'da' ba'i dam tshig 'di dag bka' stsal to// mi sgom mi rung ba yi lha// bcom ldan dpal chen 'bar ba nyid// spyan lam bcu drug gnas pa ni// sku yi sa ma ya zhes bya'o// mi bzlar mi rung ba'i ba yi sngags// rab kyis chu bo rgyun bzhin nam// 'bring gis nyin gsum mtshan gsum dang // tha mas nyin gcig mtshan gcig bzlas// gsung gi sa ma ya yin no// gzhan la bstan par mi rung ba'i// man ngag gsang ba'i 'bras bu ni// snod ngan phal la mi ston pa// thugs kyi sa ma ya yin no// mi bcang
- 130b
mi rung ba yi rdzas// lus sam mgul du btags pa las// g.yel bar byas na mi rung bas// 'di ni yon tan sa ma ya// sgrub pa'i don la gnas pa dang // zhi rgyas dbang drag sbyor dang sgrol// ming gi mi byar mi rung bas// 'di ni 'phrin las sa ma ya// de ltar dam la gnas gyur na// dam la gnas pa'i rnal 'byor la// ma rten bzhin du dam can 'gro/ srog ser gang yang gdon mi za'o// dam tshig de la mi gnas na// ming gi rnal 'byor 'ba' zhig gis// bsgrubs kyang 'grub par mi 'gyur zhes// dus gsum rgyal ba rnams kyis gsungs// de bas dam tshig rnam lnga po// bsgrub pa'i don ldan rnal 'byor pas// lus dang srog gi phyir yang mi gtong bas// 'jigs pa'i mkhar bzhin rtag tu bsrung bar gyis// zhes gsungs so// rdo rje phur pa chu 'khyags dbab pa'i rgyud las/ mi 'da' ba'i dam tshig bstan pa'i le'u ste bco brgyad pa'o// // de nas yang bcom ldan 'das kyis chos kun sems dang snang ba zhes bya ba'i ting nge 'dzin la snyoms par zhugs nas// thams cad yang dag pa'i sangs rgyas su bya ba'i phyir na/ chos thams cad kyi rtsa ba dbyings kyi lha 'di dag bka' stsal to// ma g.yos rnam dag chos kyi dbyings// de la sems rol ye shes mchog/ rang bzhin lhun grub ngang gis gsal// gnyis med chos sku bde ba che// che ba'i yon
- 131a
tan bsam yas pas// snying rje chen po'i byang chub sems// ma bcos thig le nyid kyi ngang // longs spyod rdzogs sku mi zad gter// g.yo ba med pa'i chos nyid la// rang snang ye shes lhun gyis rdzogs// bcom med sems nyid ye shes chen por snang // mngon par byang chub skur bstan pa'o// dus gsum 'dus ma byas pa'i sems// mi 'gyur mi shigs rdo rje'i ste// rang bzhin med pas 'dus ma byas// dmigs med bstan pas rdo rje'i sku// rdzu 'phrul thabs kyi 'od zer yang // yongs la khyab cing dogs med sems// bye brag sna tshogs cir yang ston// sprul pa'i sku de kun khyab pa'o// thabs dang shes rab gnyis med pa'o// lhag pa'i byang chub sems chen po// skal med rnams la rang bzhin gsang // gsang ba rol ba'i sku zhes bya// gang la ci 'dul de la de bstan yang // byang chub sems kyi ngo bopo nyid// gdul bya'i ngo ltar snang ba'i sku// mi 'gyur ngo bo nyid kyi sku// de nyid chos nyid byang chub sems// las kyi phyag rgya zhes su bya'o// ngo bo nyid gsung 'dul ba'i ngo la snang // chos kyi phyag rgya sems nyid yin// thugs nyid mtshon pa'i ye shes kyang // dam tshig phyag rgya byang chub sems// dngos snang sku ru snang mod kyang // sems nyid sku yi phyag rgyar snang // mtho dman gnyis su med pas theg pa mnyam nyid byang
- 131b
chub sems so// skye shi gnyis su med pas lta ba byang chub kyi sems// bzang ngan gnyis su med pa spyod pa byang chub kyi sems// 'du 'bral gnyis su med pa dam tshig byang chub sems// spong len gnyis su med pa 'phrin las byang chub kyi sems// mtha' dbus gnyis su med pa dkyil 'khor byang chub kyi sems// rtag chad gnyis su med pa ting nge 'dzin byang chub kyi sems// che chung gnyis su med pa mchod pa byang chub kyi sems// yod med gnyis su med pa sgrub pa byang chub kyi sems// dngos po dang mtshan ma gnyis su med pa ni sku byang chub kyi sems// gzung 'dzin gnyis su med pa gsung byang chub kyi sems// yangs dog gnyis su med pa thugs byang chub kyi sems// thob dang ma thob med pa yon tan byang chub kyi sems// grub dang ma grub med pa 'phrin las byang chub kyi sems// phyi nang gnyis su med pa zhing khams byang chub kyi sems// de ltar gnyis med byang sems lta ba de rtogs na// srog ser las la sbyor ba de mi 'grib ste// sdig pa spyad kyang ye shes 'bar// me la shing gis mnan pa 'dra// zhes gsungs pas/ 'khor rnams bla na med pa'i byang chub la re dog med par gyur te/ don dam pa byang chub sems kyi phur pa thebs par gyur to// rdo rje phur pa chu 'khyags dbab pa'i rgyud chen po las/ don dam pa byang chub kyi sems kyi lta ba
- 132a
bstan pa'i le'u ste bcu dgu pa'o// // de nas rgyal po yo byad 'dzin// gsung ni 'di skad bka' stsal to// sku yi sgrub pa byed gyur na// sgra sbar btags pa'i sku gzugs la// zhi gnas las su rung bar bya'o// sngags kyi rim pa rdzogs gsal na// gsung gi sgrub pa yin par 'dod// phur pa rtsa gzir las bstan pa// thugs kyi sgrub pa zhes su bya// mthun pa'i dam rdzas gtso bzhag la// yon tan bsgrub par bstan pa'o// zor thab thun gzer las la sbyar// 'phrin las bsgrub par rgyal bas gsungs// gsung ba pos ni yang gsol ba// de bsgrub dus dang rtags ni gang // 'jigs byed chen pos bstan du gsol// 'jigs byed chen pos bka' stsal pa// nyon cig lag na rdo rje nyon// rab kyis zla ba gcig gis grub// 'bring gis zla ba gsum gyis so// tha mas lo gcig tshun chad kyis// grub 'gyur 'di la the tshom med// lo zla zhag grangs brgyad la yang // gsum gsum dag tu shes par bya'o// phur bu 'phar 'tsheg 'khol 'phyor 'od dang du ba 'byung // thod pa 'phag cing thun khol dang // sgro 'gul yungs kar sgom pa dang // chu chen brub dang rlung chen 'tshub// 'brug grags glog ni 'gyu ba dang // sa g.yo ba dang rung chad cing // nam mkha' 'ja' tshon gang ba dang // chu bo chen po nag pa dang // gnam lcags zor ba lag tu
- 132b
babs// de lta bu yi ltas rnams ni// rab kyis mngon du 'byung ba dang // 'bring gis nyams dang rtags 'ong ste// tha mas rmi lam ston par 'gyur// de ltar grub na las la sbyar// rtags de mngon du ma byung na// las kyi sbyor ba ci byas kyang // ngal ba tshi chad don med 'gyur// de las btan la phebs pa gces// zhes gsungs so// rdo rje phur pa chu 'khyags dbab pa'i rgyun chen po las/ bsgrub pa'i shan dbye zhing dus dang rtags bstan pa'i le'u ste nyi shu pa'o// // de nas bcom ldan 'das la/ mthu stobs kyi bdag pos 'di skad ces gsol to// dregs pa 'khor dang bcas pa rnams// 'khu zhing dam las ldog 'gyur/ ram// shing dbang bskur ji ltar bgyi// kI la ya yis bstan du gsol// zhes pa dang / bcom ldan 'das kyis 'di skad ces gsungs so// dregs pa 'khu ldog dam las 'da' gyur na// dbang sdud shi sa 'di / ltar bstan// gong du bsgrub pa'i dregs pa rnams// oM sa ma ya rag sha ma ra tsa sha/ ru lu ru lu hUM dza nan/ zhes pas/ dregs pa rnams kyis mnan te ma bzhi zhabs kyis mardzis/ oM badz+ra ban+d+ha tra tha/ zhes ni sgrib pa bral/ oM bi d+hi tsit+ta hUM a/ zhes pa ni/ gdan gyi snying khrag zhal du rngub// bdag nyid yab yum sbyor ba'i byang chub sems// dregs pa'i lce la gsal bar gzhag/ oM sa ma ya tiSh+Tha haM/ zhes dam tshig dbog/ oM
- 133a
sa ma ya i tan ti na ra kan/ zhes pas dam bsgrags nas/ sa ma ya pra be sha phaT kyis gdan la bkye/ de nas bzod cing las la bskul// de ni khyad par dbang du bsdu ba'i shi sa yin// ting nge 'dzin gyi bya bar gsungs// yang na ban d+ha mtshan ldan du// rdo rje dri chu bdud rtsis brgyan// sku gsung thugs kyi dam yang bsre// rdo rje dri chu bdud rtsi mchog/ pany+tsa a mr-i ta dang sbyar// dam tshig snying gi khrag chen po// bsregs pa'i mchog ste srog gi snying // snying dang snying gi grogs su bya'o// a ma hA ku pany+tsa sa ma ya/ hUM ma hA a mr-i ta sa ma ya/ zhes ni rdzas kyi dam yang bsre'o// hUM/ nga ni khrag 'thung kun gyi rje// khams gsum snying khrag dang dngas ma'i bdag/ khyed kyi snying khrag nga la yod// nga yi las rnams khyed kyis gyis// zhes che ba'i nga rgyal gyis dbang du bsdu ba'o// shi sa dbang bskur bka' stsal pa// blo ldan gsol btab dbang thob nas// cho ga lnga yi sbyor ba yis// shi sa rgyal ba'i skur bskyed la// sme ba can dang mthu chen gyis// khang gcig ma yi gzungs ma la// phyag rgya gsol bar bkod nas ni// rnam gsum tshul gyis nan tan bya'o// sbyor thabs sems chus dbang bskur nas// gong bzhin dregs pa dbang bsdu mnan dam bya// des ni dregs pa dbang du bsdu// de yi yon tan dpag las 'das// de ltar dbang rnams ma thob
- 133b
par// drag shul spyad kyang mi 'grub pas// khrag 'thung rol pas 'di skad gsungs// rdo rje phur pa chu 'khyags dbab pa'i rgyud las/ dregs pa dbang du bsdu zhing slob ma dbang bskur ba'i le'u ste nyi shu rtsa gcig pa'o// // de nas yang gsang ba'i bdag pos 'di skad ces gsol ba gdab ste/ e e ma rdo rje gar gyi dbang phyugs thugs rje'i bdag/ bdag dang 'gro ba bstan la phan gdags phyir// chu 'khyags bsrung ba'i rim pa gang // phan pa'i slad du bshad du gsol// zhes pa dang / rdo rje gar gyi dbang phyug chen pos bka' stsal pa/ nyon cig rdo rje gsang ba'i bdag/ 'gro bstan la phan gdags na// sa la spyod pa'i rnal 'byor pas// yid 'ong ba yi gnas dag tu// dpyid zla gsum gyi zla ba la// gza' skar nyi ma bkra shis la// yo byad ma lus ldan byas na// stegs bu khru gang dal mnyam thig btab ste// dbus su las bzhi gru gsum brgyad dang sgo bzhir bcas// phur pa bcu gcig yang dag ldan// yungs kar khrag chen thal chen gu gul bcas// bsgrub rdzas mchod rdzas yang dag ldan// dbus su dgod pa'i phur pa la// sngags 'di bris te dgod par bya// oM badz+ra kI li kI la yA ya hUM/ dza la dza la a mu ka badz+ra tsaN+Da li a ra li hUM dza phaT/ de bzhin steng du dgod pa'i phur pa la// oM badz+ra kI la ya hUM/ ka ra khaM raM yaM hUM phaT/ shar du dgod pa'i
- 134a
phur pa la/ oM badz+ra ki la ya bi dza ya/ a ni da la ni la swAhA/ shar lhor dgod pa'i phur pa la/ oM badz+ra ki li kI la ya ni lan dan tra ni tri a tri nan hUM swAH/ lho yi phyogs kyi phur pa la/ oM badz+ra ki li kI la ya/ ya man+ta hUM/ a shu tri na hUM swA hA/ lho nub phyogs kyi phur pa la/ oM badz+ra ki li kI la ya/ Ar+ya a tsa le hUM/ a tri su tri nan hUM swA hA/ nub kyi phyogs kyi phur pa la/ oM badz+ra kI li kI la ya/ ha ya gri ba hUM/ na ga a li nan hUM swA hA/ nub byang gi phur pa la/ oM badz+ra kI li kI la ya/ a pa rA dzi ta hUM/ shu li shu li nan swA hA/ byang phyogs kyi phur pa la/ oM badz+ra kI li kI la ya/ a mr-i ta kuN+Da li hUM/ shu lo b+h+yo du nan hUM swA hA/ byang shar gyi phur pa la ya/ oM badz+ra kI li kI la ya/ trai lokya bi dza ya hUM/ ti li nan hUM swA hA/ 'og gi phyogs kyi phur pa la/ oM badz+ra kI li kI la ya ma hA ba la/ be a tra na gra ti li nan hUM swA hA/ zhes ni bris la dgod par bya// de nas ting 'dzin rim pa ni// rdo rje khro bo bcu gcig bskyed// spyan drangs bstim ste mchod pas mchod// 'dod don gsol te 'phrin las bcol// gong gi sngags kyi rim pa bzhin// bsnyen bsgrub yan lag don sbyar te// de la khri phrag dag tu bzlas// byug brdeg bdug pa dus drug bya// bstod cing bskul ba dus drug bya// de nas kham phor dag tu bsdu// dam brjod yi dam thun mtshams sbyar// dbyar ston
- 134b
gnyis kyi zla mtshams su// gang bsrungs pa yi phyogs mtshams su// steng 'og dbus dang bcu gcig dag tu gdab// gang nas 'ong ba'i phyogs dag gi/ gong gi sngags bzlas sdigs mdzub bsgreng // yungs kar thal chen la sogs gtor// de bzhin byas na bsrung bya thub// zan pa byung na'ang char 'bebs shing // char chen rang yang gcod par nus// zhes gsungs so// rdo rje phur pa chu 'khyags dbab pa'i rgyud gza' gdong gi lung las/ gzhan la phan gdags bsrung ba'i le'u ste nyi shu rtsa gnyis pa'o// // de nas yang gnod sbyin gyi sde dpon lag na rdo rjes/ 'jigs byed chen po gsang ba la 'di skad ces gsol to// kye kye kye ma phyi rabs don gyi phyir khyab 'jug rgyu dus dang las la sbyar ba'i grub rtags gang // zhes zhus pas/ 'jigs byed chen pos bka' stsal pa/ tshes bzhi srod nas lag pa g.yon// ma mor sprul nas nub nas shar du rgyu// yul ming shar gzhag mo'i drag sngags nub nas shar du brdeg/ gdon mi za bar grub pa'i rtags// sprin nag 'khrug cing ser ba dum bur 'ong // gang la dmigs pa 'phang ba'i sngags// yungs nag mchog phur dag la bzlas// trag rag sha rbad ser hril shar/ zhes gsungs so// tshes brgyad snga dro lag pa g.yas pa dgra bla'i rgyal mor sprul// shar lho mtshams nas nub byang mtshams su
- 135a
rgyu// dmigs pa nub byang mtshams su bzhag/ shar lho mtshams nas yungs kar bya phur dag gis gdab// ru lu ru lu ma ma trag rag sha shar b+h+yo/ grub rtags sprin ni lug gi lto tshal ltar// shar lho mtshams nas nub byang mtshams// sna yang 'dren cing ser ba nya mig 'ong // bcu gcig dag ni nam 'jing la// mchu so bdud du sprul nas ni// byang nas lho ru rgyu ba ste// de dus bsgrub bya lho ru bzhag/ byang nas yungs kar lcags phur gdab// oM pa sha mi ki ra hUM la shar hri b+h+yo/ srog ser gang yang 'joms par byed// grub rtags sprin yang long long gshig pa'am// sems can tha dad gzugs su ston// ser pa'i dbyibs kyang zur gsum pa'o// bco lnga nyi ma phyed dus na// lho nub mtshams nas byang shar mtshams su ni// mgo bo srin po sprul nas rgyu// gzas pa byang shar mtshams su bzhag/ lho nub mtshams nas sha rul khrag rul dang // seng ldeng phur pas sngags 'di brdeg/ oM ser khrag la mu sha blugs swA hA/ bzlas pa tsam gyis grub par 'gyur// nges par grub pa'i rtags nyid kyang // sprin ni kham nag mdung shing shar ba 'dra ba dang // g.yag rgod 'khrig pa lta bur 'ong // ser pa'i chu yang sprad kha dag tu mchong zhing 'ong // bco brgyad nam gyi phyed yol nas// mjug ma dmu ru sprul nas ni// shar nas nub tu rgyu ba ste// de dus ling ga
- 135b
nub tu bzhag/ shar nas til dang gzugs mo byi dur gdab// oM raM traM thun shag hril raM b+h+yo/ grub pa'i rtags kyang sprin ni phying pa brkyang pa 'dra// ser ba'i tshad kyang bya ni phur pa bzhin du 'ong // nyi shu gnyis kyi nyi ma phyed yol la// mche ba g.yas g.yon gshin rjer sbrul// nub byang mtshams nas shar lhor rgyu ba dang / de tshe dmigs pa shar lhor bzhag/ ske tshe be con phur pa brdeg/ oM ya ma rA dza raM hril shar raM raM/ grub rtags sprin ni hral po dang // ser ba 'ong sar mdzub ris byas pa'o// nyi shu lnga yi skya rings shar tsam na// snying dang nang khrol klu btsan dag tu sbrul// lho nas byang du rgyu ba ste// de tshe bsgrub bya byang du bzhag/ yungs kar yungs nag gser gyi phur bas gdab// oM nA ga hril ser shag tu sa ma ya hril b+h+yo/ de yi grub pa'i rtags dag kyang // sprin dang phyar skye btsugs pa 'dra// ser pa'i dbyibs kyang sgra tshugs dril ba 'dra// nyi shu dgu yi nyi ma nur tsam na// rkang gnyis gza' bdud nyid sprul nas// byang shar mtshams nas lho nub dag tu rgyu// de dus nyin mtshan gnyis ka ru/ gzugs brnyan lho nub mtshams su bzhag/ yungs kar khro chu'i phur pas gdab// oM sa ma snying ya ma khrag ra hUM la hril hril shag shag se na ya b+h+yo/ de yi grub pa'i rtags nyid kyang // sprin dud ka mgo ser du 'byung ba dang // ser ba yang gang la
- 136a
dmigs pa gdon mi za ba 'ong ngo // rdo rje phur pa chu 'khyags dbab pa'i rgyud las/ rog tu sringad bzhi'i lung las las brgyad bstan pa'i le'u ste nyi shu rtsa gsum pa'o// // de nas yang gsang ba'i bdag po'i bdag pos 'khor du ma dang bcas pas// bcom ldan 'das la rmad du byung ba'i mchod pa du mas mchod nas/ ngo mtshar gyi tshig 'dis mngon par bstod do// e ma'o bzhi bcom drug ldan 'khor ba'i mtha' las 'das// bdag gzhan gnyis su med pa'i dpal mnga' zhing // rtag chad mthar mi 'gyur ba rdo rje ste// dus gsum bgres rgud med pas gzhon nu'o// don dam nges pa'i mtshan la phyag 'tshal bstod// dus gsum rnam thar sku gsum zhal// 'gro drug sgrol mdzad pha rol phyin pa'i phyag/ skye shi tshar chod zhabs bzhi rdzu 'phrul bzhi// 'jigs pa'i sku la dur khrod chas brgyad gsol// dpa' bo chen po'i sku la phyag 'tshal bstod// ljags gsum theg gsum dam chos kyis// 'gro ba'i skad rnams ji tsam par// de snyed sgra skad tha dad ston// tshin don ngo bo nyid kyi gsung snyems pa// bzhad pa'i ga rgyangs gsungs la phyag 'tshal bstod// ma g.yos thugs mchog dbu ma'i don snyems pas// sku dang ye shes rigs kyi ngo bo nyid// mthar thug spros dang bral ba'i mchog/ mi dmigs chos nyid rang snang ba// dges pa chen
- 136b
po'i thugs la phyag 'tshal bstod// mi bzad sku gsung thugs kyi yon tan las// tshad med pa yi gzugs brnyan ni// chu yi nang na gnas pa yang // zla ba la ni g.yo med bzhin// yon tan zad mi shes la phyag 'tshal bstod// zhi rgyas dbang gis 'dul bar ma gyur la// drag shul btsan thabs gdul dka' 'dul ba'i gtso// bstan pa bsrung zhing rnam 'byor bde la 'khod// rtags dang mtshan ma mngon du ston pa ste// 'phrin las lhun gyis grub la phyag 'tshal bstod// e ma dges pa chen po yum gyi mkha' glong nas// dus gsum 'du 'bral med pa rtag tu sbyor// thugs rjes sprul pa sna tshogs bsam yas spros// gdug pa tshar gcod bde chen dbyings la dgod// dregs pa rog ti nag po mi srid thabs kyis 'dul// gsang ba snyoms par 'jug phyag 'tshal bstod// stong gsum 'jig rten zhing khams rnam par dag/ 'dul dbang thugs rje'i gsod kyis snyoms mdzad cing // mi 'dul bsgral ba'i zhing bcur gyur pa la// rtag pa'i las kyis thog ser las mdzad de// hag sngangs skrag pa'i don rnams cir yang ston// zhing khams khyab par che la phyag 'tshal bstod// ces pas mngon par rdo rje tshig gis bstod do// rdo rje phur pa chu 'khyags dbab pa'i rgyud chen po las/ rog ti nag po'i lung las rgyud bshad pa rdzogs nas/ bcom ldan 'das
- 137a
kyi mtshan dang sku gsung thugs yon tan 'phrin las gsang ba zhing khams la bstod pa'i le'i ste nyi shu bzhi pa'o// // de nas yang 'di skad ces gsol ba btab bo// thugs rje thabs la mkhas pa'i bdag nyid rgyud kyi don de dag bsdus te bstan par gsol zhes pa dang / bcom ldan 'das kyis bskul ba'i thugs su chud de/ rgyud kyi don bsdu ba'i ting nge 'dzin la snyoms par zhugs te/ nyon cig gsang bdag lag na rdo rje nga yis bstan pa'i rgyud 'di yang // lta spyod dkyil 'khor 'phrin las dang // ting 'dzin bsgrub cing mchod pa dang // dbang dang dam tshig ngo bo nyid// srog ser zor zab thun nyid dang // phan gnod las kyi don bsdus pas// drang don bstan pa'i rim pa'i tshig/ nges don rgyud kyi ngo bor bsdus pa 'di// 'gro ba'i lam du khyod la gtad// rjes 'jug don du nub pa re// bstan pa bsrung phyir dar bar gyis// shes gdams shing gnyer nges par gtad do// de nas lag na rdo rje rab tu dga' ba'i yid kyis 'dzum pa'i mdangs phyung ste/ ngo mtshar gyi mdangs kyis 'di skad ces dam bcas so// e ma yang dag don dam bsdus don rgyud 'di dag/ phyi mtha' mu yi bar du gnas par gyis// mi nub bstan pa'i rgyal mtshan yongs su gzugs// mi 'da' bstan pa'i char chen po mngon par dbab// mi 'dul bstan pa sgro skur
- 137b
la// skrag cing rgyal ba'i las kyis bka' dang bstan pa bsrung bar gyis// zhes khas blangs te gtsug gi mdud pas phyag rnal 'byor gyi tshul du byas so// de nas 'jig rten chos kyis 'brel ba'i 'khor rnams rjes su yi rang ste// gsang ba nges pa'i don nges par 'byung ngo // a la la ho zhes mngon par bsgrags so// de nas bcom ldan 'das nyid ni dus bzhi mnyam pa nyid la dgongs nas cad mi gsung bar gyur to// rdo rje phur pa chu 'khyags dbab pa'i rgyud chen po rog ti sringad bzhi dang bcas pa'i rgyud las/ yongs su gtad pa'i le'u ste nyi shu lnga pa'o// rdzogs so// // @#// rgya gar skad du/ nI la tsakra na ma/ bod skad du/ 'khor lo nag po zhes bya ba/ dpal karma he ru ka la phyag 'tshal lo// 'das pa'i dus na sngon byung ba// rdo rje sems dpa'i bstan pa la// 'gro ba'i tshul du sngon byung ba// de tshe sems can thams cad kun// shin tu khro zhing gtum pa la// zhi bas phan par mi 'gyur te// shes rab thabs kyi sbyor ba yis// khro bo de bzhin gshegs kun mdzad// hUM/ khro la khros pa'i rgyal po yis// khro bo nye bar zhi / mdzad pa// khro zhi che la phyag 'tshal te// rdo rje slob dpon smod pa dang // dam tshig la sdang dgra bgegs rnams// bsgral phyir 'khor lo nag po ni// lung rgyud kun nas rab bsdus bshad// sngon tshe bya ba sngon byung
- 138a
ste// sngon byung 'dus pa nag po ni// dpal ldan rdo rje sems dpa' yi// bstan pa byung ba'i bskal ba ni// bde ba chen po zhes bya la// 'gro ba'i tshul du byung ba ni// gsang sngags don rnams la spyad de// nges don ma rtogs dor nas ni// ji bzhin bsgral bzung nyon mongs dang // mi dge bcu po spyad pa yis// rnam smin mnar med dmyal bar ltung // de las rims kyis thar nas kyang // rgyu mthun rgyu dang 'dra ba ste// dpal ldan he ru gsal bsgom nas// rnam dag mi shes dngos po bzung // de yi stobs kyis srin po ni// 'da' sha gri ba la sogs te// gshin rje ma mo dbang bsdus te// srid pa gsum na dbang re che// brgya byin gshin rje chu lha dang // gnod sbyin 'khor du gtogs pa ni// shra na bzhi dang re'u tri dang // bse mo dbang phyug brgyad la sogs// 'khor du bsdus te gnas pa ni// lus ni gtum bag ldan pa ste// dbu dgu dbu gsum la sogs pa// ji srid dbu mtha' yas pa'i bar// las kyi srin po gtum par snang // gnod pa'i bsam pa sbyor ba dang // drag po'i sngags ni bzlas pa yis// rgyu mthun gnod bsam srid gsum 'joms// ngag gis sod sgrogs gtogs chom sogs// shin tu khro zhing gtum pa la// zhi bas phan par mi 'gyur te// brag phug byang du bltas pa la// nyi ma 'char ba'i skabs med ltar// zhi
- 138b
ba'i thugs rjes 'byung mi srid// sngon tshe log bltas dad skyes pas// dbang gi 'bras bu 'byung bas ni// de bzhin gshegs pa ma lus kun// 'dres 'dres 'dra la ma 'dres pa// shes rab stong pa'i bdag nyid las// snying rje ngang gis skyes pa yis// bcom ldan karma he ru ka/ khro bo tshul du kun mnga' bas// srin po 'jigs par byas pa las// srin po khro zhing gtum par snang // de gdul don du khams gsum rgyal// khro bo brgya byin 'khor bcas btul// gshin rje gshed po sprul pa yis// lho phyogs gshin rje 'khor bcas btul// khro bo rta mgrin bton pas ni// nub phyogs chu lha 'khor bcas btul// khro rgyal stobs chen bton pas ni// byang phyogs gnod sbyin 'khor bcas btul// ye shes lnga la rtog med du// smon lam stobs kyis snang ba yi// gtso bo phyogs skyong bzhi po dang // shwa na bse mo re ma ti// dbang phyug rtsa brgyad dbang bsdus nas// khas blangs gtsigs la bor ba'o// 'khor rnams kun la btul nas kyang // gtso bo de dag gdul don du/ thugs ka nas kyang hUM byung ste// khro bo las kyi srin po la// khros pa'i rgyal po sras mchog ni// zhal gcig phyag bzhi zhabs sur gsum// khros pas ru tra btul nas kyang // khro bo'i sems ni zhi bya'i phyir// lcags kyus blang nas zhags pas bcings// lcags sgrog bcings nas dril bu
- 139a
yis// zhal du bstabs te phul ba yin// sku klong spros bral chos sku rtogs// nyon mongs sems ni zhi bar 'gyur// lus ni dpal gyi gdan du phul// gus pas phyag 'tshal de dad yin// mnyam nyid ngang gi dbang gis khro bo bstan// ye shes shugs khro ltar bcas bcos pa yis// sku gsum bco lnga'i tshogs la phyag 'tshal nas// thugs kyi man ngag nyid ku bdag zags pas// bla ma'i zhabs la gtums te bdag gis bshad// // bsham pa 'khor lo nag po ni// dang po sa phyogs dben pa ru// sa gzhi chag chag byi dor bya// gtor ma nag po cha gcig bshams// dam rdzas rag ta bdud rtsi bshams// rgyu dang 'bras bu dbyibs ldan pa'i// phur pa nag po bcu bdun bsham// sgom pa 'khor lo nag po ni// dang por stan bder rab gnas nas// bcud kyi snang ba rab tu bsgom// skad cig ma la las kyi lhar dmigs nas// nyi ma'i steng gi hUM las ni// 'od 'phros dkon mchog gsum spyan drangs// yan lag phyag 'tshal mchod 'bul dang // sdig bshags yi rang skyabs gsol nas// tshad med bzhi bsgom bsod nams tshogs// ma hA shun+ya ta dz+nyA rab brjod nas// phur pa'i hUM ni nyi ma dmigs// rim gyis 'od gyur bdag 'dus zhu// rim 'phros bcud nas snod bcud rim// thams cad zhu ste 'od sems yin// rim pa bsdus te
- 139b
hUM gi 'od// de yang rim gyis thig le ste// thig le chos kyi dbyings su thim// de ni chos skur byin brlabs pa'o// skad cig tsam las lhar dmigs te// phyag na rdo rje mig g.yas nyi// hUM las khro dpung 'bar ba yis// bgegs bskrad thams cad bsregs par bsam// shangs khung rlung nag 'tshubs pa yis// thal bar gyur bas gtor bar bsam// spyan g.yon zla ba'i dkyil na a// de las khro mo chu kyin gnas// bgegs rnams thams cad bkrus par bsam// hUM oM A// hUM hUM khaM/ rdo rje 'khor lo ral gri dang // phur bu mda' gzhu tho ba yis// bgegs bskrad tshur 'dus go rims bzhin// 'og 'khor rtsibs bcu mthar zug gsam// gnod mdzes de nas rab sprul te// oM suM b+ha la sogs bsgo bar bya// bgegs kyi bdag po mnan pa ni// hUM bcu phur ba'i ngo bo bya// sngags bcu khra bcu stong du ste// smad ni phur pa zur gsum rtse// gnod mdzes bsgo bsngags gdab par bya// de nas sgom byed 'od zhu la// zla gam ba dan mtshan mas bskyod// zur gsum rdo rje zlum pa ni// bum mtshan gru bzhi rdo rjes mtshan// ri rab sna bzhi sogs snang ba// thams cad dag pa yin par brjod// hUM/ sdud dang 'phro 'du gzhal yas khang // gru bzhi sogs pas mtshan mar bsgom// 'khor lo rtsibs bzhi nyi zla sogs// ye shes chos nyid hUM sgril lnga// so
- 140a
so'i sngags brjod thabs shes bcu'o// rtsibs mtshan bzhi po dag la ni// gtor ma rag ta bdud rtsi sogs// byin gyis brlab par bya ba ni// a hUM thod phur lnga lnga gnyis// phaT phaT/ oM AHhUM/ rlung mes sbyar bar rtogs pa las// byang chub sems bzhis dmigs pa yin// dza hUM baM ho tshad med bzhi// sgo ma bzhi yi ngo bor bskyed// hUM las 'od 'phros spyan drangs nas// mdun du byon nas gcig 'dres la// gzugs sgra dri ro reg bya yin// phyi yi mchod pas mchod par bya// dug gsung bkug ste mchod 'bul ste// sgo ma bzhi yi bdud rtsis mchod// de dngos gyis ni rab bstod de// bskal pa me ltar 'bar ba sogs pa'o// de nas 'phrin las rab bcol te// nang du spyan drangs rang la bstim// yab yum sbyor ba mdzad pa las// 'dres par gyur las hUM phyung ste// oM badz+ra kI li kI la ya/ zhes brjod sras mchog dag gyur nas// rigs lnga so so'i yig 'bru phyung // gnas lngar bkod pas byin brlabs pa'o// sku gsung thugs su bdag gnas spro// las gsum byas pa gsum dag rtse// gcig par rigs so khro bo las// 'chol ba mang po phar 'phros nas// sku la thim ste thugs bcud bsdus// de nas phyung ste 'gro ba bsgral// slar 'dus ma 'dres so sor bsdus// dbang nus byin brlabs dngos gyur pa'o// phyogs bcu dus gsum bde
- 140b
gshegs kyang // 'di la byin gyis brlab par mdzad// lag pa nyi shu zla thabs shes rab/ sor mo lnga yang lnga lnga gnyis// hUM a chos sku mtha' thabs shes// 'bru lnga lnga gnyis sa bon te// sbyor sngags skur bskyed snyoms par bzhugs// 'dod chags bskyed sbyor a dza li// badz+ra b+han d+has 'od du 'khyil// de dus ting 'dzin sbyor kun zhugs// rtse gsum 'dab brgyad rab rgyud de// ye shes ting 'dzin thim dbang bskur// a ni spros te 'od thim bskul// zhe sdang rjes dran til 'bru tsam// grangs med dag ni sku la thim// bdag dang khro bo yab yum las// sbyor ba mdzad pa'i byang chub sems// sku gsung thugs su gyur pa ni// bdag dang gnyis su med par ni// sngags dang phyag rgyas gyur pa bya// des ni bdag nyid chen po ste// las byed nus dang bzhugs gsol nas// phyi nang mchod pa gzhung bzhin dbul// lha mos bstod pa byas rjes su// las ni de la bcol bar byed// bzlas brjod nye bar bya ba ni// phra mo'i ting 'dzin sgom pa dang // bzlas brjod 'phro 'dus bsnyen cing bsgral// dkyil 'khor lus bsdu dngos grub don// tsit+ta rin chen srog rtsar 'dud// ye shes sems snying rdo rje ste// lte ba nyi zla kha sbyar nas// sngags brjod bug nas dbugs 'od steng // bug nas srog rtsa'i nang du byung // bad dbus srog rtsa'i nang du byung // bad dbus srog
- 141a
rtsa'i ya dbugs bkag/ rwa dbus phyung ste du ma las// oM badz+ra kI la kI la ya che ge mo zhig mar ya phaT/ ces brjod pas/ phur bu 'dra ba'i khro bo phyogs bcur spros// don byas gza' ba bsgral nas 'dus// khams gsum rnam rgyal de bzhin gshegs// rigs dang sbyar te 'khor lo'i steng // kha dog dkar po bud d+har sbyar// gshin rje gshed po rin chen rigs// sbar te rin chen zur brgyad lha'i// kha dog mthing kar da nar sbyar// ha ya gri ba pad+ma'i rigs// sbyar te pad+ma 'dab brgyad lha'i// kha dog dmar po pad+mar sbyar// khro bo stobs chen las kyi rigs// sbyar te rdo rje rgya gram lha'i// kha dog ljang khu dkar dmar sbyar// 'phros pas nyon mongs lnga bsgral phyir// gnas lngar brgyab ste bsgral bar bya// tshul 'dus sras mchog gnas lngar 'dus// phur pa dag la thim pas grub// skyo bar gyur na rab bsdu ste// sgo ma khro pobopo khro mo la// de ni yab yum gnyis med thim// yab kyi spyod pa thams cad bya'o// de nas nyams len rim pa ni// mtshan ma'i bsnyen pa byed dus su// thun gcig spyod pa thu gcig bsgom// thun gcig bzlas te mtshan mo ni// thun gnyis nyal te gnyis de bzhin// bsnyen pa gnyis pa'i dus su ni// nyi phyed mtshan phyed thun dus su// bzhir phye gci bsgom gcig bzlas so// rtags dang dus grangs thim par bya// dbang
- 141b
phyug ma dang gnod sbyin mo// sha za srin mo skabs su mchod// las kyi he ru kar gnas pas// snying kha'i hUM las 'od phyung ste// Tak+ki rA dza'i sngags brjod pas// mdun du sprin bzhin gtibs par bsgom// rang rang sngags la dang po ni// btags pa brgya rtsa brgyad du brjod// ma nu rag sha si b+h+yo/ pra ma ni b+h+yo/ ra tri ma b+h+yo/ b+he na b+he b+h+yo/ ko ma ri b+h+yo/ in+na ma b+h+yo/ ping la b+h+yo/ a mr-i ta b+h+yo/ s+ye mya s+ye b+h+yo/ dan da s+ye b+h+yo/ rag+ma si b+h+yob+hob+h+yo/ bag sha si b+h+yo/ pra ma ni b+h+yo/ ra ti badz+ra b+h+yo/ ra ti re ma ti b+h+yo/ e kA rA dza ma b+h+yo/ ma no ha ra ma b+h+yo/ si ti ka b+h+yo/ ma hA karma badz+ra b+h+yo/ ag+ne ma b+h+yo/ ba ra hi b+h+yo/ tsu mu ti b+h+yo/ u ta na b+h+yo/ ma ha kA la badz+ra b+h+yo/ tsa ka la b+h+yo/ kuM pa ka ran b+h+yo/ badz+ra laM po da ra b+h+yo/ tad+ya thA/ trag rag sha ta bi ru nan/ mug ti bai ru lu ru lu dza/ dza hUM baM ho/ e h+ye hi b+ha ga wAn bi ta sha ya k+Shi dza b+h+yo b+h+yo ru lu hAM/ zhes pas spyan drangs de/ mdun du bya nag gtibs pa tsam bsgom/ de nas zil gyis mnan cing bsdigs par bya ste/ dza hUM baM ho/ shri he ru ka ma hA badz+ra sarba dang sta a bi dang shwa/ a bi staM ka ya hUM phaT/ ces brjod do// mche ba'i phyag rgya bcas nas za ba'i tshul bstan te bsgom pas bsdigs so// dza hUM baM ho/ shrI he ru ka ma ma hA badz+ra a ka ta ya a ka ta ya/ pra be sha ya pra be sha ya/ ban+d+ha ya ban+d+ha ya/ bi tang sa ye bu ta gshe tri pra ri a b+hi staM pa ka ya hUM phaT/ ces
- 142a
brjod pas/ gshog pa'i phyag rgya bcas pa'i rdo rje gshogs pas zil gyi mnan par bsgom mo// de nas rtsa sngags la/ ar+g+ha pra tI ts+tsha ho btags pas zhal dbye'o// rtsa sngags la/ oM sa ma ya mahA pany+tsa a mr-i ta ar+g+ha pra tits+tsha ho/ brjod pas gtor ma 'bul/ rtsa sngags la/ mA ra ya zhes pa dang spel bas las bcol lo// ya hi ga dza zhes pas gshegs su gsol lo// bsnyen pa'i 'khor lo nag po ni// snod rab la yang gsum phye nas// rab kyi mtha' la bstan par bya'o// 'bring rnams man chad bstan mi bya// s+thiH6/ hUM/ khrag 'thung thugs su gnas pa ni// ye shes rtse mo mchog nyid la// rtogs pa'i tshul gyis rab btud de// bsgrub pa'i 'khor lo nag po bstan// bdag dang dus dang gnas gzugs nyid// byin brlabs bzlas brjod 'phrin las ni// 'khor lo rdzogs pa'i nag po ste// 'dis btab ci 'dod byin no zhes// dam tshig bdag pos rab tu gsungs// 'das na lha yang brlag pa'i phyir// rang gi bka' las rang mi 'da'// 'di rgyud mang du thos pa yis// las la mkhas shing yid ches pa'i// dad thob gzhan gyis ma zlogs shing // dbang tshig las la gnas pa dang // brtson 'gris drag cing 'bras bu ni// maM sa stong byung rnam pa lnga// de rtags byung na phrag dog med// bsgrub pa chen po 'di nyid kyis// bar chad bsal nas
- 142b
byang chub la// blo bzhag nyid dus nag pa ni// bsgrub bzhi yin pas sngon du bstan// bcu bdun yan chad yar ngo ni// bsnyen pa'i dus yin zla rgyas ltar// bsod nams ye shes tshogs rgyas pas// bdag gi don gyi dus yin bshad// de phyir bsnyen pa tshang ba dang // rtags byung gzhan gyi don bya'i phyir// bcu bdun man chad mar ngo dang // phur bu mig dmar la sogs pa// zla 'bring bsod nams 'bring po dang // thebs dang bkri mi shis pa'i phyir// dus 'dir bstun bsgrub la 'jug/ dus kyi 'khor lo nag po'o// de yis rjes su rab tu bstan// dur khrod ma mo shing rkang gcig/ gnod sbyin yod par nges pa'i gnas// der byas ma mo gnod sbyin gdon// dbang bsdus dam la le lan gyis// gza' ba pho ni bsgral phyir ro// gnas kyi 'khor lo nag po'o// mtshams kyi 'khor lo nag po ni// gtor ma nag po bcu bzhi bsham// mtho nag bcu bzhi phyogs skyong dang // rgyal chen bzhi ru mnga' gsol te// gtor ma byin brlab de la dbul// phyi mtshams bsrung ba de la bcol// nang mtshams gong du bshad bzhin no// dkyil 'khor 'khor lo nag po ni// 'dom gang mda' gang gru bzhi la// sgo bzhi gra bzhir bskor ba'i dkyil// thig bzhi dkyil nas 'khor lo ni// rtsibs bzhi lte ba zlum po'i dkyil// zur gsum sum brtsegs bskor ba la// sa tshon byin
- 143a
gyis brlabs te dbye// gzugs kyi 'khor lo nag po ni// lcags sam lcags lnga tsher ma can// shing las rgyu dang tshad dang byibs// ldan pa bcu bdun bsham nas ni// bdun ni gru gsum dbus su gzugs// bsham pa 'khor lo nag po ni// maM sa stong byung rnam pa lnga// glang po rta dom khyi la sogs// sha rnams khrag ni sna tshogs las// gtor ma nag po cha gcig bsham// de rkyen mchod yon rag ta ni// gong la sogs pa rnam pa lnga// myos byed sna tshogs sbyar ba ni// rag+na mchod pa'i rdzas su bsham// ra sa ya na tshogs pa la// myos byed du ma sbyar ba bsham// dgra bgegs myur ru bsgral ba'i phyir// dug gtor nag po cha gcig dang // phye ma gsum dang ra khrag sbyar// gnyis pa gdon la btab rdzas bshams// zhing chen bla re chen po dang // sha chen lcug dum bkram pa dang // gsur chen dud pa bkram pa dang // the tshom med par 'di rnams bsam// sngon bya 'khor lo nag po ni// 'bol zhing 'jam pa'i stan bting nas// de stengs rnal 'byor bdag gnas te// snying po nang nyid dkyil 'khor steng // hUM las 'od zer sna lnga ni// 'phros pas dkon mchog gsum spyan drang // lus ni bco lngar rab sprul te// tshigs bcad 'dis kyang bstod pa ni// lce bco lnga ni dbyangs bco lnga// shin tu khros shing gtum pa la// zhi bas phan par mi
- 143b
'gyur te// shes rab thabs kyi sbyor ba yis// khro bor de bzhin gshegs kun mdzad// hUM/ khro la khros pa'i rgyal po yis// khro bo nye bar zhi mdzad pa// khro zhing che la phyag 'tshal lo// zhes brjod spyi zhabs la bzhugs// hUM las 'od 'phros phyi nang gi/ mchod pas nye bar mchod par bya// thog med dus nas sdig byas bshags// 'od 'phros sdig pa tshig par bsam// sangs rgyas byang chub sems dpa' yi// dge la rjes su yi rang ngo // dkon mchog gsum la skyabs song bas// 'khor lo rtse la gnas par bya'o// don bya sdug bsngal gyis gsungs dang // dga' dgod dmigs med tshad med bzhi// ma hA shu ne dz+nyA na brjod nas// stong nyid byang chub sems la gzhol ba// sngon du 'gro ba'i mchog yin no// yang mtshams 'khor lo nag po ni/ skad cig ma las bgegs gdab bo// phyag na rdo rje gsal bar rab dmigs// sku mdog ljang khu phyag g.yas na// rdo rje g.yon pa sku la rten// spyan g.yas nyi ma'i dkyil steng du// hUM las khro bo me dpung 'bar// bgegs bskrad thams cad bsregs par bsam// g.yon pa'i bar gyi shangs khungs nas// bgegs gtor g.yon du a las zla// chu nang gnas pa'i khro mo yis// bgegs bskrad chu yis khyer bar bsam// hUM oM ha hUM hUM khaM/ rdo rje 'khor lo ral gri dang // phur ba mda' gzhu tho ba
- 144a
yis// bgegs bskrad tshur 'dus go rims bzhin// 'og 'khor rtsibs bcu mthar thugs bsam// thugs kha'i hUM las hUM byung la// de nas gnod mdzes rab sprul te// oM suM b+ha la sogs bsgo bar bya// bcu'am gcig gis rims kyis bsam// gcig par bgegs kyi bdag po kun// de rjes mnan pa mtshams phur bcu// hUM 'phros 'od zhu chos sku yin// hUM bcur gyur pa longs spyod rdzogs// de las skur bskyed phyir brjod pas// bi dza ya badz+ra mahA krod+ha hUM phaT/ nI la daN+Da badz+ra ma hA kro d+ha hUM phaT/ ya mAn+ta ka badz+ra ma hA kro ta hUM phaT/ Ar+ya a tsa la badz+ra mahA krod+ha hUM phaT/ ha ya gri ba badz+ra mahA kro d+ha hUM phaT/ a pa rA dzi ta badz+ra ma hA kro d+ha hUM phaT/ a mr-i ta kun+da li badz+ra ma hA kro d+ha hUM phaT/ tre lo kya ba'i sha ya badz+ra ma hA kro d+ha hUM phaT/ hUM ka ra hU~M badz+ra ma hA kro d+ha hUM phaT/ ma hA pa la badz+ra ma hA kro d+ha hUM phaT/ dkar mthing sngo nag sngo skya dmar ldang ser sngo skya// dud kha zhal gcig phyag gnyis pa// g.yas pa phur pa g.yon pa zo// smad ni phur pa zur gsum rtse// oM g+ha la sogs bsgo bas gdab// ci tsam 'dod pas mtshams bcad do// byin brlab 'khor lo nag po ni// phur pa bdun pa dag la ste// phur pa'i hUM ni nyid la dmigs// rims kyis 'od 'dus bdag 'dus zhu// rims 'phros mched nas snod bcud rim// thams cad zhu ste 'od sems
- 144b
yin// rim par bsdus te hUM gi 'od// de yang rims kyis thig le ste// thig le chos kyi dbyings su thim// de ni chos skur byin brlabs pa'o// de rjes 'khor lo'i nang du hUM// 'phro 'du zla kham pa dan dang // zur gsum rdo rje zlum po ni// bum mtshan gru bzhi rdo rjes mtshan// ri rab sna bzhi sogs snang ba// thams cad dag pa yin par brjod// hUM sdud 'phro 'du'i gzhal yas khang // gru chad sogs pa mtshan mar bsgom// dkyil 'khor thog rims 'khor lo ni// rtsibs bzhi shar lho nub byang rnams// dkar ser dmar ljang go rims bzhin// ru tra brgya byin gshin rje dang // chu lha gnod sbyin rgyal chen bzhi// dbus nas byang du byi chings bsam// nyi dkyil ye shes chos nyid ni// hUM bsgril lnga yi kha dog bzhin// sngon gyi smon lam rkyen gyis langs// chos kyi dbyings kyi ye shes las// de las rang sgra byung ba ni// oM karma shrI he ru ka/ karma kI li ki ya ma hA tsaN+Da sarba duSh+TaM/ ta ka ha na da ha pa tsa hUM hUM phaT phaT/ ka raM kro d+hi shwa ri hUM/ zhes brjod pa/ kar ma he ru ka ni yab yum dmigs// sku mdog ljang khu dkar dang dmar// zhabs bgrad spyan dgu sdang mig 'gyur// g.yas phyag dang po 'khor lo ni// nam mkhar 'phyar zhing gdeng ba dang // tri shul dgra sta g.yas gnyis la// rgya gram thugs lar bstan pa dang // ban+d+ha dmar bkang phur pa
- 145a
'gril// g.yon gyi phyag ni rim pa bzhin// zhabs bzhi brkyang bskum gyad dor thabs/ rnam thar ye shes tshad med rnams// me long lta bur dag pa'o// oM trai lo kya bi dza badz+ra mahA kro d+ha hUM phaT/ kro d+hishwa ri hUM/ zhes brjod/ shar du hUM bsgril ma las bskyed/ khra bo rna rgya yab yum ni/ zhal gsum dkar dang sngo dmar po/ oM ya man+ta ka badz+ra ma hA kro d+ha hUM phaT/ kro d+hi shwa ri hUM/ mnyam nyid ye shes chen po'i / rtags// lho ru hUM bsgril las bskyed pa// gshin rje gshed po yab yum ni// sngo nag dkar dang dmar ba'i zhal// oM h+ya gri ba badz+ra ma hA kro d+ha hUM phaT/ kro d+hi shwa ri hUM/ so sor kun rtogs ye shes rtags/ nub phyogs hUM bsgril las bzhengs pa// khro rgyal rta mgrin yab yum ni// dmar po dkar sngo rta yi dbu// oM ma hA ba la badz+ra kro d+ha hUM phaT/ kro d+hi shwa ri hUM/ bya ba grub pa'i ye shes rtags// byang gi hUM bsgril las 'thon pa// khro bo stobs chen yab yum ni// ljang khu dkar dang dmar ba'i zhal// ban+d+ha dmar bkang zod dbyug dang // rdo rje dbyug pa rgya gram rtse// bzhi po g.yas kyi dang po ste// nyon mongs phung po lha 'chi bdag/ bdud bzhi 'joms phyir go rims bzhin// glang chen zhing lpags stag dang sbrul// thod pa zhag dang khrag thal bas// gcer bu'i dbu la brgyan pa yi// g.yon pa'i phyag gis rang rig 'khyud// tri shu dgra
- 145b
sta bar bar ste// thabs dang shes rab mtha' phur 'dril// da mo 'og zer 'og 'jigs pa'i 'og/ sha ba 'ug pa 'gying ba'i 'og/ byi la pu shud mdzes pas mgyogs// dred dang byi ba rtsal 'og mang // kun kyang mi lus gong ma'i 'og/ gtso 'dra rang gi 'og 'dra'o// g.yas pa'i phyag gis lcags kyu 'dzin// g.yon pa'i phyag ni phur pa 'dril// zhabs ni rgyug pa'i tshul du bzhugs// rtsibs mtshan bzhi po dag la yang // gtor ma rag ta bdud rtsi dang // sha chen mang po dum bur gtor/ khyad par dgra bgegs skyo ba btang // a hUM oM las grub pa ni// thod pa mi 'chi dpa' bo lnga// phur pa bzhi yang dmigs pa yin// yaM raM oM AHhUM 'bru yi// rlung mes sbyar 'bar rtogs pa las// byang chub sems bzhi dmigs pa yin// dza hUM baM ho tshad med bzhi// sgo ma bzhi yi ngo bor bskyed// hUM las 'od 'phros spyan drangs nas// mdun du byon nas gcig 'dres la// gzugs sgra dri ro reg bya yis// phyi yi mchod pas mchod par bya'o// dug gsum bkug ste mchod 'bul te// sgo ma bzhi yis mchod par bya'o// de dngos kyis ni rab bstod de// bskal pa me ltar 'bar sogs pa'o// de nas 'phrin las rab bcol te// rang 'dod las la bsgo bar bya// thugs ka'i hUM dza 'phros// lcags kyu thogs pa lha drang spro// phyogs bzhi lha ni phyogs mthun bsgo// dbus kyi
- 146a
lha tshogs lho sgo nas// spyan drangs rang rang mdun du dmigs// rang rang gi ni phyogs kyi yang // bdud rtsi mchod pa'i rjes su ni// rang rang hUM zhags thogs nas// grangs dang mnyam par rang la bstim// hUM las baM 'phros lcags sgrog can// grangs mnyam zhabs dang bcing bar bya// hUM las ho 'phros dril bu can// grangs mnyam rang rang dgyes pa bskyed// yab yum sbyor mdzad byang chub sems// 'dres par gyur las hUM phyung ste// oM badz+ra kI li kI la ya/ zhes brjod sras mchog dag gyur pa// dbu skyes kham nag zur gsum gyen// ka ba la dang ltos 'gros bcings// lte ba yan chad mthing nag ste// chos brgyad spyan gsum ldan pa la// lte ba man chad lcags phur ni// zur gsum g.yas kyi dang po ni// sta re gyen bstan bsdig pa dang // rdo rje rab gnon thabs ni mkha'// g.yon gyi phyag na go rims bzhin// kha T+wAM 'khor rdung phur pa 'dril// khro rgyal 'dus pa thams cad pas// mthu chen gru gsum la bzhugs bsam// zla ba'i dkyil 'khor lnga stengs su// rigs lnga so so'i yig 'bru phyung // oM AHhUM traM phaT/ gnas lnga'i kha dog so sor dgod// sku gsung thugs su dag nas spros// zla pad nyi ma'i dkyil stengs su// oM hri phaT/ phaT phaT phaT hUM hUM hUM/ lan gsum byas pas gsum dag rtse// gcig par byin gyis brlab pa'o// sku
- 146b
ltas ting 'dzin gsal ba dang // rigs lnga'i khro bo 'khor bcas las// ting 'dzin rgyu las 'phros gsal ba// rang rang 'dra ba'i so sor 'phros// ye shes lnga yi bcud bsdus te// nyon mongs lnga po rab bcom nas// gnas lngar bsgral ba'i tshul byas nas// zhal nas phaT kyi sgra sgrogs shing // slar 'dus hUM gi sgra brjod nas// dbang byin so sor 'dus pas thob// de ltar dbang thob byin brlabs stobs// 'gro ba'i don du rab gshegs nas// phyogs bcur bde gshegs thams cad kyang // byang chub sems dpa'i mdzad spyod dus// stong grogs mdzad par zhal bzhes pa// 'di yi stong grogs mdzad du gsol// til 'bru tsam 'dus bde gshegs 'dus// lag pa nyi zla thabs shes rab// sen mo lnga la lnga lnga gnyis// hUM a chos sku mtha' thabs shes// gung mo sdig pa mthe 'ong dang // tha ltag dang yang tha chung la// oM AHhUM hri ha las byung // 'bru lnga lnga gnyis sa bon te// sbyar sngags skur bskyed mnyam par bzhugs// thal sbyar su ra ta staM pa yis// ser po dkar po mthing ka dang // dmar po ljang khu zhal gcig pa// phyag gnyis 'khor lo rdo rje dang // rin chen pad+ma ral gri dang // dril bu g.yon na 'dzin par byed// 'dod chags bskyed sbyor thal mnyam sbyar// oM badz+ra a dza li hUM/ sor mo cung zad bsnol ba ni// phrad pa'i bde ba yang dag
- 147a
@'byung // moM rdza ban d+ha hUM/ rgyab tu bsnol de bsdams pa yis// yab yum bcu po 'od du zhu// sa ma ya s+t+waM/ phur blangs chang ba'i nang bcug nas// lag mthil phye la mthe bong gnyis// srin lag mthe chung bar du gzhug/ mthe bong cung zad bskul zhing drud// oM badz+ra A be sha a a a/ phyogs bcu dus gsum bde gshegs kyi// yab yum sras dang bcas pa kun// zhe sdang rjes su dran pa'i sku// yungs 'bru'i tshad tsam par mtshams med// grangs med dag ni bsdu zhing thim// sor mo rgyab bsnol gung mo gnyis// bsgreng ba'i bar du phur pa bzung // oM badz+ra satwa rA dza hUM/ thugs kyi snyoms par 'jug pa yi// byang chub sems mchog phaT la bsdu// sor mo pug phug par byas te// lag pa'i rting pas phur pa bzung // oM hri phur bu phaT/ gsung gi bdag nyid snyoms zhugs pas// byang chub sems mchog hri la bsdu// sor mo rgyab bsnol mthe bong gshibs// chang par phur pa rab bcug nas// oM ha na ha na tib ta tsakra hUM phaT/ sku yi bdag nyid chen po kun// snyoms 'jug byas pa'i byang chub sems// oM la 'du zhing bstim pa ste// bcu gcig gnas las khro chung ni// stong khams gang bar me tog 'phro// dmigs pa thams cad nges 'grub pa'i// dbang byin chen po ldan par 'gyur// e yi gdan la bzhugs gsol nas// lag g.yas
- 147b
nyi ma'i dkyil stengs su// hUM las khro bcur gyur pa bstim// gu gul sbyar ba'i dud pa yis// bdugs te me dpung nag por gyur// phyi nang mchod pa ci 'byor dbul// bdud rtsi'i mchod pa dbul bar bya// yid la brnag pa'i 'phrin las bcol// bzlas brjod 'khor lo nag po ni// phra mo'i ting 'dzin bsgom pa dang // bzlas brjod 'phro 'dus bsgral zhing bsnyen// dkyil 'khor lus bsdu dngos grub don// tsit+ta rin chen gzhal yas khang // ye shes sems snying rin po che// zur brgyad lte bar nyi zla ni/ kha sbyar gnas dkyil hUM mthing kha// sngags brjod bug nas dbugs 'od steng // spyi gtsug srog rtsa'i nang du byung // pad thugs srog rtsa yang dbugs bkag/ ra dbus phyung ste du ma las// oM badz+ra kI li kI la ya/ che ge mo zhig mA ra ya phaT/ phur pa'i khro bo phyogs bcur spros// don byas slar 'dus bsgral nas su// phur pa dag la thim pas 'grub// skyo bar gyur na rab bsdus te// sgo ma khra thabs pho mo la// de yang khro bo khro mo la// de yang yab yum gnyis med thim// yab kyi spyad pa thams cad bya'o// rdo rjes gong dang 'drar bskur ba// bcu bdun brtsams shing nyi shu dgu'i bar du rab tu bya'o// // sbyor ka'i 'khor lo nag po ni// rus pa rnams dang byang sems dang // khrag dang rkang dang nang khrol dang // bshang dang gci ba rnams
- 148a
su// thal chen ske tshe lan tshwa khrag/ srub mo khre dang ju co'i phub// bris nas snying khar glan pa ni// grog mkhar sa dang mgar dang ba pa'i// bdud rtsi la s+tha bya ba'am// ri mo smug nas bris pa'ang rung // shud pa la sogs nri rag+has// hUM che ge mo mA ra ya phaT/ rnam shes rten gang yin pa'o// mgo ni lho phyogs gshin rjer gtad// chos 'byung rtse mo gshin rje'i gnas// steng du gan rkyal gnas rnams bsam// las byed lha 'dis bskyed pa yang // nyi shu'i gnas las mi 'gyur ba// tha dad phyung ste lho phyogs sgor// 'dus la ki la ki brjod pas// zhal gcig phyag bzhi phur zhabs kyis// nyams pa'i mgon byed brdzis par bsgom// byin rlabs dbang bskur tshul bzhin bya// dgug pa 'khor lo nag po ni// rang gi snying kha'i hUM nyid las// Tak+ki rA dza zhal gcig pa// phyag gnyis tho ba lcags kyu thogs// mdun na bka' sdod la bsgom pa// oM suM b+ha ni suM b+ha hUM hUM phaT phaT/ grih+Na grih+Na hUM hUM phaT phaT/ grih+NA pa ya grih+NA pa ya hUM hUM phaT phaT/ A na ya ho b+ha ga wAn bid+yA rA dza hUM hUM phaT phaT/ ces brjod khros tshul nas phyin pas// shangs khung nang rlung byung 'og zla gam// spyan nas me ni gru gsum la// sha drung de na gnas par bsam// lcags kyus snying bzung tho bas mos// 'og 'degs bkug nas khugs pa ni// ma gsal bar du yang yang
- 148b
dmigs// cung zad byin chung ma khugs na// mngag gzhug bdag pos dgug pa'i phyir// so so'i sngags la dza brjod spro// karma he ru ka la sogs pa'i// so so'i thugs la sprul pa 'phro// dgra bgegs la ni bskor te gnas// de rjes bskul bar bya ba ni// 'khor lo rtsibs bzhi 'bar ba'i steng // mi bskyod dbyings las ma g.yos kyang / khrag 'thung ba yi sku bzhengs pa// 'jigs byed tshogs la phyag 'tshal te// dgra bgegs gnas nas dgug pa'i phyir// 'jigs byed chen po he ru ka/ ljang nag 'jigs byed chen po ni// khro gtum sems can btul ba bzhin// dam nyams dgra bgegs gnas nas drongs// rnam shes phung po rdul du lhogs// gong ma'i tshig sbyar de rjes su// khro rgyal rnam gsum rnam rgyal dpal// dkar ba 'jigs byed chen po ni// nyams pa'i mgo gcod rab tu brtson// de yi thugs dam rgyud bskul ba// mi gnas dbyings su rab sgrol mdzad// rdo rje gsod ma chen po ste// dgra bgegs spyi bo'i gtsug nas drongs// gzugs kyi phung po rdul du lhogs// khro rgyal gshin rje gshed po ni// 'chi bdag tshogs la dbang sbyar ba'i// mthing nag 'jigs byed chen po ste/ de yi thugs dam rgyud bskul ba// rdo rje gtum mo chen mo ste// btang snyoms mi bshol las la brtson// ngag gi gnas nas dgra bgegs drongs// 'du byed phung
- 149a
bu rdul du lhogs/ khro rgyal stobs po che nyid ni// bla med gnas su stobs mdzad ma// ljang nag 'jigs pa gnod sbyin 'dul// de yi thugs dam rgyud bskul ba/ rdo rje skul byed chen po ste// dbyings kyi don ni ye shes bskul// khyed kyi thugs dam dus la bab// yan lag gnas nas sdus la shog/ 'du shes phung po rdul du lhogs// de yi bka' nyan gsung stod pa// sku gsung thugs kyi byin rlab las// mos byed chen mo'i ting 'dzin ldan// dom gyi mgo can dus la bab// g.yo med ting 'dzin nus ldan pa// sha ba'i mgo can dus la bab// mkhas brtson ting 'dzin nus ldan pa// byi la'i mgo can dus la bab// stobs ldan ting 'dzing nus ldan pa// dred kyi mgo can dus la bab// de yi bka' nyan gsung sdod pa// mgyogs ma yang rtsal ldan pa mo/ sre mo'i mgo can dus la bab// mun mthong dbu ma nus ldan pa// 'ug pa'i mgo can dus la bab// 'od byed chen mo gsal bkra ldan// pu shud mgo can dus la bab// 'phra men sku mkhan sgo mangs la// byi ba'i mgo can dus la bab// lcags kyus snying nas rab tu drongs// zhags pas yan lag rab tu chings// lcags sgrog dbang po bsdams nas kyang // dril bus ma 'khrugs dga' bar gyis// ma mo brgyad kyi dus la bab// sing ha brgyad kyi dus la bab// shwa na mu kha'i
- 149b
dus la bab// sa bdag chen mo'i dus la bab// bdag nyid chen mo'i dus la bab// khyed kyi dam tshig dus la bab// so so'i gnas nas drangs nas kyang // gzugs la gnyis su med par bstim// cung zad byin chung ma khugs na// phyag rgya bzhi yis dgug pa'i phyir// ye shes sems dpa'i thugs ka'am// rang gi snying kar zla dkyil 'khor// dz+nyA brtsegs dmar po gcig bzhag la// dza hUM baM ho che ge mo badz+ra aM ku sha che ge mo zhig hUM dz+dza/ lha mo dmar mo lcags kyu can// grangs med brgyud dmar byung nas kyang // snying nas bzung ste der 'ongs pas// dza hUM baM ho/ che ge mo zhig pra be sha hUM/ ting 'dzin gsal bar brjod nas kyang // gzugs su ri mo la bab ste// dza hUM baM ho brjod nas kyang // lcags kyu zhags pas lcags sgrog dang dang // dril bu'i phyag rgya bcas nas kyang // hUM 'byung yig bsams de nyid bsgyur// bcing dang bsdam dang de yi sems// ma 'khrugs dga' ba bya ba'i phyir// yang dang yang du gsal bar bya'o// gdug pa'i 'khor lo nag po ni// dgra bo lha lnga dbye ba'i phyir// gu gul sbyar mas bdug pa dang // bud med zhabs ma la sogs pas// de la yang yang bdug pa'o// brdeg pa'i 'khor lo nag po ni// brdeg pa'i dang po gsal gsum ldan bya'i phyir// de nas phur pa rab blangs te// las kyi lha yi snying po la// rdo rje rder mo btab
- 150a
ste brjod// lha dang sras mchog gnas bdun ni// dbye bas gsal bar gsum ldan bya// thal mo sbyar thabs rab gsol te// ting 'dzin gsal bar ma khugs par// yang rig sngags bzlas bslang bar bsgom// ting 'dzin gsal bar zhugs pa dang // ling ga snying gi steng dag tu// rtse mo nas gang ma reg gzas// khro bo'i ske na lag g.yon bzung // lag g.yas rdo rje tho ba'am// sta re pags pas brdeg cing sngags// rdo rje sder mo brjod cing gdab// na ma sa ma na ta kA ya wAka tsit+ta badz+ra nan/ oM g+ha g+ha/ g+ha ta ya g+ha ta ya/ sarba duSh+Ta che ge mo zhig phaT phaT/ kI li kI la sarba pA paM phaT phaT/ hUM hUM badz+ra kI la ya/ badz+ra d+ha rod Adz+nyA pa ya ti/ kA ya wA ka tsit+ta badz+ra kI li kI la ya hUM phaT/ ces drag tu brjod do// gsum mam bdun nam nyi shu gcig/ ji tsam gsal gsal rab tu bzlas// shes pa kun gyi rten yin phyir// dang por snying la rab tu gdab// dpral ba che yi gnas rten dang // srog rtsa'i las gyes dpung mgo gnyis// 'og gi srog rtsa las gyes pa// brla yi nang rol gnyis na gnas// de kun 'dus pa'i gyes pa ni// lte ba la yang rab tu gnas// rtsa la srog ni rab brten cing // de kun gcad phyir sdong po ni// srog rtsa bye brag dag la dbab// nges pa'i lung bzhi'i gong ltar gdab// mnan pa'i 'khor lo nag po ni// phur pa de
- 150b
rnams btab nas kyang // lcags kyu zhags pas bkug bcings nas// lag gnyis sor mo bsnol ba la// mthe'u chung ngos sprad nas rkyang // drang por bsrang ste de sngags la// oM badz+ra karma kro d+ha hUM phaT phaT swA hA/ bdun gsum nyi shu gcig tu bzlas// bdun phyogs g.yas phyogs phyogs gsum btub// rtsal phrogs sku gsung thugs mnan phyir// g.yas mtha' rdo rje ri rab kyis// de steng du gnas pa brjid// phur pa mi 'byung mi phyin phyir// lhag par zung cig thal phyin bsam// bsgyur ba'i 'khor lo nag po ni// sras mchog nyid kyi sprul pas bya// de nas dam tshig phyag rgyas bstan// sor rnams rgyab bsnol bcangs pa las// gung mo gnyis sbyar rtse rnon byas// phur bu'i klad du gnan byas te// phur pa'i lha dang bgegs khyod kyang // dam tshig las ni ma 'da' zhig/ oM badz+ra sa ma ya hUM phaT/ rang snying thugs ka'i rdo rje yi// hUM las 'phros te thugs nyid hUM// dkar po'i 'od zer brgyud mnyes tshim// bsgo ba thams cad nyan par bsam// sor mo nang bsnol mthe bong dang // mthe'u chung ngos sbyar sgreng ba la// sor mo phyir bkyed phur stengs mnan// oM badz+ra krod+ha ha na ha na/ pa tsa pa tsa/ ban+d+ha ban+d+ha/ tshin+da tshin+na/ rba na rba na hUM hUM phaT phaT/ bdun gsum nyi shu rtsa gcig bzlas// dbu brgyan khro rgyal dang bcas kyis// 'debs pa'i dbang bsdus
- 151a
bka' nan te// bgegs dbang bsdus te rims nyan bsam// yungs kar rgyal pos rab brdegs te// lag mthil nyi ma'i steng du hUM// khro bo rgyal po bzlas pa yis// khro chung tshon gang skar ltar 'khrug/ phur pa thim pas gzi byin ldan// bgegs la brgyab pas btul bar bsam// gu gul sbyar mas bdugs pa yis// phur pa dpal bskyed bgegs subs dang // dgra bo'i lha lnga dbye bar bsam// lag gnyis rgyab sbyar mthe'u chung gnyis// gcig la gcig 'khyud mdzub mo yang // kha 'gram g.yas g.yon yid dgur bsgreng // lha rnams nang bcangs mdzub mo gnyis// mche bar bsams te las kyi lhas// mche ba las \u0f7f\u0f7fki la lab kyang khro tshogs g.yos// bza' zhing g.yon brkyang snying mnan mos// badz+ra yak+Sha kro d+ha kha kha ha ha ha ha/ hUM hUM hUM/ phaT phaT phaT/ lag gnyis lu gu rgyud du bsnol// mthe bong g.yas pa g.yon steng bzhag/ mdzub gnyis ngos sbyar bsgreng nas brdeg/ sdang mig bgrad pa'i nang byung ba'i// khro bo khro mo du ma ni// lag pa mdung rtse rnon po yis// gnad pa'i gnas su phug bsams te// bdun nam nyi shu rtsa gcig gam// brgya rtsa brgyad rim gsal rim bsgom// oM badz+ra krod+ha ma hA ba la ha na da ha pa tsa bi d+hA na sa ya/ tsit+ta laM bo da ra u tsus sma krod+ha hUM phaT/ yungs kar brdeg cing gu gul
- 151b
bdug/ gong dang 'dra phyir 'dir ma bshad// las 'di bstan zhing grub par ni// sras mchog de la bcol bar bya// mnan pa'i 'khor lo nag po ni// nges pa'i don du bshad phyir ro// cung zad byin chung mi dga' na// rdo rjes brjid cing mnan pa yis// bsam gtan dag gis mnan pa'i phyir// dza hUM gong gi 'phro 'du yis// lcags kyus mgrin bkug zhags pas bcing // sras mchog spyi bo bsdus pa'i steng // hUM mthing nag las rdo rje ni// rgya gram me lce'i 'phreng bskor dkyil// su ni gser btso'o kha dog 'dra// oM badz+ra sA me raM hUM sa ma ya s+t+waM/ zhes brjod gser gyi ri rab ni// pad+ma bye ba gru bzhi pa// de stengs bruM las gzhal yas khang // 'khor lo rtsibs bzhi dkyil stengs su// bsgrib ma las ni bcom ldan 'das// don yod grub pa ljang khu ni// zhal gsum phyag drug zhabs bzhir bgrad/ khro bo yab yum khra thabs brgyad// sgom bzhi 'khor bcas pa bsgom// spyan drangs byin brlabs dbang bskur nas// mchod bstod bzlas brjod tshul bzhin bya// 'od zer 'phro du ri rab brjid// ri rab kyis kyang 'khor lo mnan// 'khor lo 'khor bas rgya gram yang // brjid pas hUM 'phros hUM rdo rjes/ khro bos gzir cing mi g.yo bar// bskal pa'i mtha' ru mnan pa dang // hUM las sras mchog 'phro 'du yis// gza' ba bsgral zhing
- 152a
nan par bsam// 'phrin las de bzhin bcol ba'i phyir// tshig dang dbyangs kyis bskul ba ni// khro bos mi btang gzir ba'i phyir// rgya gram rdo rje gzir bar mdzod// 'khor los rdo rje gzir bar mdzod// 'khor los rdo rje gzir ba dang // ri rab kyis kyang 'khor lo yi// byin bskyed don du gzi ldan mdzod// ri rab gzi byin ldan pa'i phyir// khro rgyal tshogs kyis mnan par mdzod// nyin zhag gcig/ ni de la bsgom// gal te des kyang ma grub na// bstan pa'i 'khor lo nag po ni// dug gtor nag po cha gcig la// hUM nag gzi byin ldan pa yis// 'phro 'du dug gi rlangs pa dang // mtshon cha'i char du gyur pa yin// nag po nag mo drag mo ni// dug gis phyag tshang yin pa'i phyir// de yi bsgom pa 'di ltar bya// nag po chen po ral pa can// gseb nas dug sbrul mgo gsum pas// kha nas dug skyug spyi gtsug nas// rtsa 'gram thams cad 'gengs par byed// dpral nas dug mig lhang cer nas/ khro rgyal dug gis dud 'dra bas// mig nas zhugs te lus kun brlag/ rna ba dug gi sgra sgrogs pas// sna ni dug gi dud pa dang // kha nas dug gi ma chu dang // snying ni dug gi 'phro 'du can// shangs ni dug gi dud pa dang / 'joms pa dug gi chu rgyun dag/ ldan pa'i du ma byung ba yi// bug dgur zhugs pas las byas te// gdon ni de la blud
- 152b
pa'i phyir// oM badz+ra kro d+ha ha la ha la hUM phaT/ stong phrag gcig tu nges par bzlas// ma hA de ba dbang bsdus pas// phyag tshang yin par bshad// dpal ldan re tri dbang bsdus phyir// nag mo sgra gcig mig gcig las// bug dgu mtshon cha spros pa'o// bgegs kyi tshogs la brgyab par dmigs// oM badz+ra kro d+ha ha na ha na hUM phaT/ stong phrag gcig ni nye bar bzlas// ya stabs 'khor lo nag po ni/ bsgrub pa'i gtor ma nag po de// dbul phyir 'di ltar bsgom par bya// ye shes lha dang 'jig rten pa// he ru yab yum khro bo la// yab yum khra thabs yab dang yum// sgo ma bzhir dmigs ma mo dang // sing ha gnod sbyin srin mo dmigs// hUM las 'od 'phros spyan drangs phyir// dza hUM baM ho e h+ye hi b+ha ga wAn/ bid da ya sha dza b+h+yo b+h+yo ru lu ru lu hUM/ lan bdun brjod par spyan drang ngo // thugs ka'i hUM las 'od 'phros te// sku gsung thugs kyis byin gyis brlab// 'od zer 'phro 'dus dbang bskur rjes// gtor ma la hUM 'phros pa las// 'od zer 'dod yon lnga ru dmigs// mchod par dmigs te sngags 'di brjod// oM pra ti dza/ lan bdun gtor ma dbul ba'o// bdud rtsi de la dbul ba ni// rigs mthun rdo rje rin chen dang // pad+ma ral gri lce de yis// bdud rtsi la ni gsol bar dmigs// oM sa ma ya a mr-i ta a mr-i ta pra ti dza hUM swA hA/ lan
- 153a
bdun bzlas te a mr-i ta// phul nas ci 'dod las bcol ba// zhi rgyas dbang drag las rnams kyang // ci dga' bzhin du byed par dmigs// khyad par drag po nyid byed dmigs// rjes bstab 'khor lo nag po ni// gtor ma nag po cha gcig bshams// phyag na rdo rje rgyal dmigs te// 'od 'phros spyan drang dmigs pa ni// mgon byed bdun cu rtsa gnyis so// dam tshig can 'khor dang bcas pa dang // 'jig rten nang na mthu che ba// kun tu rab tu spyan drangs te// hUM las 'od 'phros thams cad kyang // 'od du zhu ste chos sku yin// dag pa'i las su bskyed pa la// gtor ma 'od zhu 'od zer las// 'dod yon gyur pa dbul bar dmigs// sras mchog thugs ka'i hUM las kyang // bdud rtsir gyur pas snod bkang ste// phul ba'i dus su las bcol bas// gsod pa'i las la brtson par dmigs// gshegs gsol ting 'dzin bsdu ba ni// rim pa bzhin du shes par bya'o// bsgrub pa'i 'khor lo nag po ni// bcud du gyur pa'i man ngag ste// rab kyi 'bring la bstan par bya'o// rab mtha' man chad bstan mi bya// bsgrub pa'i 'khor lo nag po'o// rdzogs so// //
- 153b
// rgya gar skad du/ badz+ra ki la ya pa ra gu h+ya e ka tan tra nA ma/ bod skad du// rdo rje phur pa phur gcig ma don gsang ba zhes bya ba'i rgyud/ dpal phyag na rdo rje la phyag 'tshal lo// 'di skad bdag gi thos pa'i dus gcig na/ bcom ldan 'das 'og min na sras mchog dang // ma mo dang / ging las byed dang bcas pa rnams bzhugs so// de nas rdo rje 'dus pa rang gi stan las langs te/ ye shes kyi phur pa gtso bo'i thugs khar gtad de dril nas 'di skad ces gsol to// e ma gsang bdag bcom ldan 'das// phur gcig zab mo'i don ldan pa// phyi rabs pa la sman slad du// dpa' bo chen pos bshad pa'i rigs// zhes gsol te/ bcom ldan 'das kyi thugs kar zhugs te dbyer med par gyur pas/ bcom ldan 'das rdo rje rab tu snang ba zhes bya ba'i ting nge 'dzin la snyoms par zhugs te/ thugs ka'i 'od zer gyis 'khor thams cad la khyab ste snod dang ldan par byas nas/ sems can thams cad bde ba la bkod do// rdo rje phur pa phur gcig ma don gsang ba'i rgyud las/ gleng gzhi dang gleng bslang ba'i le'u ste dang po'o// // de nas khros pa'i rgyal po yis// gsang ba'i don dag bka' stsal pa// bsnyen phur gyis ni las kun byed// dkyil 'khor byi dor legs byas la// mchod rdzas la sogs bsags par bya'o// lta ba
- 154a
rdo rje dbyer med shes// khros pas khro bcu'i zhe sdang gcod// ye shes mtshon chen hUM sngon las// 'od 'bar yo byad byin gyi brlabs// de bzhin nam mkha'i dkyil nyid nas/ khyab pa'i snying rjes mtshams sbyar nas// thigs pa lta bur hUM shor ro// snying gi gor skyed hUM las ni// dbang chen gzhal yas gdan bcas bsgom// gdan thog hUM las 'od 'phros te// snying rjes sems can kun bsgral nas// 'phags mchod sngags mchod sngags kyi skur bskyed pa// tha mal lta bu ma yin te// rang gi phur pa rdo rje'i sku// mthing nag zhal gsum phyag drug pa// rdo rje rtse lnga rtse dgu dang // me dpung kha T+wAM phur pa 'dril// rgyan rnams kun dang ldan pa ste// sku smad phur pa zur gsum gyis// dregs pa'i gdan la bzhugs pa'o// rnam shes rten ma snying dkyil du// ye shes sems thugs nyi rdo rje// de la sngags kyis bskor bar bsgom// stong pa'i dam tshig chen po ste// g.yon du yum ni bsgom par bya'o// de nas yum gyi brda bskal te// rdo rje'i gzhon nu'i rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub mdzod cig/ ces pas gsang ba'i sbyor mtshams nas// yig 'bru lnga las sngags kyis bskul// sras mchog lnga po bsgom bya ba// mthing nag gcer bu phur pa 'dril// sku smad phur pa sha
- 154b
stag la// sgro dang gtso bo dag la thim// de nas dpal gyi thugs ka nas// d+ha ha ma tri k+Sha las ni// ma khyams phyogs bzhir bse mo bzhi// ya phyin zhal gcig phyag gnyis ma// mthing nag 'brug zhon rgyun gyis brgyan// de phyin ser mo chu srin zhon// zhags pa phur pa thogs pa'o// bse phyin dmar mo glog la chibs// lcags sgrog phur pa thogs pa'o// phag phyin ldang nag ru sbal zhon// dril bu phur pa thogs pa'o// mkhyams stod bzhir bdag nyid bzhi// ri ti nag mo dre rta zhon// khram shing phur pa thogs pa'o// re 'du ldang nag rnga mong zhon// mtshon gyi gru bu phur pa thogs// ma khyams spad bzhi sho na bzhi// shA na mthing ka lcags sbyang zhon// tho dbyug phur pa thogs pa'o// kri ta ser mo 'phar ba zhon// lcags kyu phur pa thogs pa'o// sri la dmar mo wa la zhon// rdo rje phur pa thogs pa'o// ku ku ljang nag khyi la zhon// zhing chung phur pa thogs pa'o// mkhyams mtha' bzhir ming po dang // shan pa pho mo bskyed pa ni// shel skyes dkar po seng ge zhon// bse skyes dmar mo stag la zhon// bse yi za gri phur pa thogs// shan pa dkar dmar mche ba can// gri khug phur pa thogs pa'o// mo ni sngo dmar gcer bu ste// gri khug phur pa thogs pa ste// stag dang sbrang khu'i mgo can no// zor la de ltar skyed dus su// ming sring drug dang shan pa'o// de
- 155a
rnams ngang nyid chos dbyings las// sangs rgyas kun mthun ye shes sku// gong gi khro bo mi bzad pa// chos sku dbyig gi rgyas gdab bo// rdo rje phur pa phur gcig ma don gsang ba'i rgyud las/ ting nge 'dzin kyi dkyil 'khor bskyed pa'i le'u ste gnyis pa'o// // dpa' bos sngags rnams bka' stsal pa// oM badz+ra kI li kI la ya sarba big+h+nAn baM hUM hUM phaT/ rtsa ba'i rig pa'o// oM badz+ra kI li kI la ya/ d+ha hi ma ma shi krang karma ma ka ra ya/ che ge mo mA ra ya/ ha sa ya ra ha daM na ya/ bi da ya bi da ya/ shi krin a na ya/ dza lA pa ya dza la pa ya/ A be sha ya a be sha ya/ ta thA ya ta thA ya/ ma ra sa na pra marta na ya hUM phaT/ 'phreng ba'i sngags so// oM badz+ra kro d+ha hUM ka ra hUM/ ga rdza ga rdza hUM phaT/ oM badz+ra kro d+ha bi dza ya hUM/ ha na ha na hUM phaT/ oM badz+ra kro d+ha ni la daN+Da hUM/ da ha da ha hUM phaT/ oM badz+ra kro d+ha ya mAn ta ka hUM phaT/ pa tsa pa tsa phaT/ oM badz+ra kro d+ha gar+ya a tsa le hUM/ ban d+ha ban d+ha hU~M phaT/ oM badz+ra krod+ha ha ya gr-i ba hAM/ hu lu hu lu hUM phaT/ oM badz+ra kro d+ha a pa ra tsit+ta thA/ tiSh+Tha tiSh+Tha hUM phaT/ oM badz+ra kro d+hA a mr-i ta kuN+Da li hAM/ chen d+ha tshin d+ha hU~M phaT/ oM badz+ra krod+ha tretraitre lo kya bi dza ya hUM/ b+hin da b+hin da hUM phaT/ oM badz+ra kro d+ha ma hA ba la hUM/ s+pho Ta s+pho Ta hUM phaT/ bgegs tshar bcad pa'o// hUM pa ra bi tan hUM phaT/ bin da bin da hUM phaT/ grih+Na grih+Na hUM phaT/ ha na ha na hUM phaT/ sras
- 155b
mchog gi rim pa'o// ma tha ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka tang ka te ya/ dza ye bi dza ye ya/ a tsi te ya/ a pa ra tsi te ya/ ma ma pa shi ku ru/ ma tang nya ka ra i nan ta ki// ma ma karma d+ha ti mA ma/ shi krang karma ka ra re ya/ dam can gyi sngags zor dang thun la bzlas so// oM laM hUM laM// dza hUM baM ho staM pa nan/ mnan pa'o// oM badz+ra yag sha krod+ha bi da ya/ khA hi khA hi/ sbyin sreg gi'o// de nas bcom ldan 'das kyi thugs ka nas rab tu grags pa'i 'od 'phros te/ gdug pa pho mo'i srog nas bkug ste mdun na bi bka' stsol ces 'dor ro// dpa' bo chen pos bka' stsal pa/ phyi rabs pa ni bskyang bar byos// bse bdug pho mos sngags bzhin smras// oM du du trag rag sha sha la kyi la khyang rol mug ti snying kha rag ma hA de ba tsit+ta dza la dza la b+h+yo b+h+yo/ oM su kri ba ra ya ba ra tsit+ta ya/ yo gi shwa ra ya/ ya ma tsit+ta ya b+h+yo b+h+yo/ de ni bdag gi srog lags so// oM baM hraM ha che ge staM b+ha raM sruM hra hUM badz+ra ha na ha na che ge a bi tsa ra hUM phaT/ des ni bdag gis dgra bo 'gug par byed do// ma ma dun b+h+yo che ge nri bai rol gzer mu tri ma he da nag / mo bruM ri li li/ snying 'byin trig don phyung / ni sha'u ru kha so ba ti yam/ sen man sen yaM/ dgra bo pra be sha ya/ du tri yaM/ snying rtse chod srog srig phrig shaM khyer b+h+yo/ khu le za khung za snying la rbud/ lce dang ma sod lce dur
- 156a
ma sod// des ni bdag gis gzas pa brdeg par byed do// de nas shan pa pho mos smras/ b+h+yo badz+ra shwa na mu kha aM ku sha dza/ shal gyi khye breng zal shaM shaM ya ma ga ri la snying la ya snying gong chod ciH rbad thu ba ril khA hi/ oM de i a dmar du tse ni/ ra ya dza rbad si di sa ma ya thibs dza/ de ni bdag cag gi srog/ mkha' la yi zan yugs mi 'bar ti rbad/ thum ri la ya shal kyi spyang kang ka sha la ya 'du srugs shig/ snying la ya rbad pu rbad pu rtsa rgyud drungs nas phyung cig ni mA ra ya dza dza/ dza du srog la myos myos dmar du ce srog la myos myos/ ma ra ya sod 'du 'du/ de ni bdag cag gi brnag pa rdeg par byed pa'o// dpa' bos drag sngags bka' stsal pa// trag rag sha snying la trag sha/ tsit+ta srog tung hu/ srog la 'du 'du/ thu liM sa du du/ srog brig srig/ sha khrer ma ma ni'i srog la dza la rag ra ya hUM phaT/ dar pa wa yi thod pa ru// bla rdo bcug la gdug pa bod// drod la phebs na sbyang zod du// ling ga bcug la bla tshe dgug/ rtags byung nas gsad par bya// gnad ma shes na rang la ldog/ rdo rje phur pa phur gcig ma don gsang ba'i rgyus las/ sngags kyi le'u ste gsum pa'o// // dbang bskur byin brlabs bstan pa ni// thabs kyi spyod pas 'gro don du// thugs kha'i 'od zer 'phros pa yis// byams dang snying rjes gang 'dul
- 156b
btul// mi 'dul drag po rdzogs pas btul// thams cad 'dus te dbang bskur zhing // de las 'phros pas bsnyen phur brgyab// de nas spyan drang mchod pa ni// srid pa phur bu bsgrub pa dang // dbang dang dngos grub bslang ba'i phyir// thugs ka'i hUM las dza 'phros pas// ye shes khro bo gshegs su gsol// bzhugs shing phyag kyang btsal bar bya// ye shes khro bo gshegs nas kyang // mtshon pa rnam gsum sngags kyi dbul// dgos pa rtags dang mtshan ma ston// kI la ya yi dngos grub ster// de rnams lha ru gsal byas la// phur pa sras su gsal ba ni// dam tshig chen po'i dus la bab// sprul pa chen po dus la bab// phyag brnyan chen po'i dus bab// shwa na mu kha'i dus la bab// bdag nyid chen po'i dus la bab// sa bdag chen mo'i dus la bab// khyed kyi dam tshig dus la bab// mthu rtsal dbyung ba'i dus la bab// gcig ni spyir btang gzhan dngos so// rdo rje phur pa phur gcig ma don gsang ba'i rgyud las/ dbang bskur byin brlab dang phur pa sras su gsal ba'i le'u ste bzhi pa'o// // dpa' bos bsgral zhing mchod pa gsungs// dur khrod ro tshas sbyang byas la// bris mkhan dam tshig yod pa yis// dpal gyi sku bris me ri yi// phyi rol tA ra Na dag dang // rin chen rgyan gyis brgyan par bya// rab gnas byas la dngos grub
- 157a
rten// 'brub khung nang du ling kha gzhug/ dgug gzhug byas la gzas par gsal// rgyud lnga'i shes pa bkug la bstim// bdud rtsi dag la brten la mchod// dam tshin chen po'i dus la bab// sprul pa chen po'i dus la bab// phyag brnyan chen po'i dus la bab// shra na mu kha'i dus la bab// bdag nyid chen po'i dus la bab/ khyed kyi 'phrin las dus la bab// sa bdag chen mo'i dus la bab// mthu rtsal dbyung ba'i dus la bab// byang chub mchog tu sems bskyed la// dus gsum rgyal ba'i gdung 'tshob pa// rigs 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang // dngos grub 'phrog cing 'tshe ba rnams// khro bo chen po'i byin brlabs kyis// yud tsam gyis ni 'dir bkug nas// mngon spyod tshul du bsgral ba dang // lus ngag rdul du bshig nas kyang // sdug bsngal nyams su myong bar mdzod// oM laM hUM laM staM pa nan/ mo ha ga/ b+ha ga wan/ shi kri bi kri badz+ra hUM ka ra hUM hUM phaT phaT/ badz+ra kI li kI li/ kI la ya kI la ya/ dza hUM baM ho/ sarba big+ha nan/ badz+ra kI la ya hUM phaT phaT/ badz+ra hUM ka ra hUM phaT/ badz+ra hUM ka ra hUM a/ gzas pa'i tsit+ta'i dkyil nyid na/ khrag gi sbal pa nri trir bcas// btab pas sems bsten dag par byas// phul bas lha yi
- 157b
'jig rten bsgral// dngos grub par chad byed pa'i bgegs// gdug cing sdang sems ldan pa rnams// zung zhig chings shig rnam par sdoms// gtogs shig grogs dang bral bar gyis// rings par khug la sgraslar chug cig/ phob cig rnam par gzir bar bgyis// nga yi dbang du gyur nas kyang // bsgo ba'i bka' rnams nyan par gyis// hUM pa ra bid tan/ ts+tshin d+ha ts+tshin d+ha hUM phaT/ b+hin d+ha b+hin d+ha hUM phaT/ gr-ih+Na gr-i h+Na hUM phaT/ ha na ha na hUM phaT/ ban d+ha ban d+ha hUM phaT/ ta thA ya ta thA ya hUM phaT/ ha sa ra na ha ta na hUM phaT/ shi krin a na ya hUM phaT/ dza la pa ya dza la pa ya hUM phaT/ A be sha ya A be sha ya hUM phaT/ bi da ya bi da ya hU~M/ phaT/ lus rten lte ba bsdom brdzis 'dra// btab pas lus kyi sgrib pa dag/ phul bas byol song 'jig rten stongs// bran dang bka' nyan pho nya'i tshogs// khyed kyi dam tshig dus la bab// sngon chad ji ltar dam bcas pa'i// mngon spyod 'phrin las myur du mdzod// ha na ha na badz+ra/ da ha da ha badz+ra/ pa tsa pa tsa badz+ra/ ma tha ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka tang ka te/ dza ye bi dza ye/ a tsi te/ a ra pA rA tsi ti/ ma ra sa na/ pra marta nri ye hUM phaT/ ngag rten mgrin pa pad+ma 'dra// btab pas ngag gi sgrib pa dag/ phul pas yi dwags 'jig rten bsgral// rdo rje gsang ba'i bka' las ni// sdig can gang zhig
- 158a
'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// hUM ma ma bi sham ku ru/ ma tang nya ka ra i nan/ 'da' ti ma karma shi krang kar kang kar nye ya/ tshe rten dpral ba zla tshes 'dra// btab pas tshe yi rgyud skad chad// phul bas mi yi 'jig rten bsgral// gdug cing sdang sems ldan pa yi// lha'am 'on te bdud kyang rung // nga la bar chad byed pa rnams// mthu dang rdzu 'phrul med pa ru byos// sarba a na ya hUM phaT/ ta thA ya ta thA ta hUM phaT/ mthu rten rkang mthil 'khor lo 'dra// btab pas mthu dang rdzu 'phrul dag/ phul bas dmyal ba'i 'jig rten bsgral// rdungs shig rdo rje 'bar ba'i gtun// bka' las 'da' byed sdig can rnams// rdo rje me dpal snying bsregs nas// lus ngag rdul phran bzhin du rlog/ khro mo 'bar ba'i gtun khung du// rdo rje tho bas brdungs byas nas// lha yang rung ste bsgral bar bya'o// kha thaM kha thaM kha thaM hUM hUM hUM/ phaT phaT phaT/ badz+ra yag sha kro d+ha khA hi khA hi khA hi/ ha ha ha/ hUM hUM hUM/ phaT phaT phaT/ mkha' gsang lha yi rang bzhin du// phung po gdos bcas dag byas la// drug gi ling ro thod par blug/ rdo rje gnod sbyin sngags kyis btab// ha ha sa zhal dbye ru gsol// sangs rgyas mnyes shing smon lam
- 158b
gdab// de nas sngags kyi bzlas pa bya// de nas zor thun las la sbyar// tha ma rgyun gyi spyod lam bya// gang la bya ba brdeg par nus// rdo rje phur pa phur gcig ma don gsang ba'i rgyud las/ gzas pa gsal ba dang mchod cing bsgral ba'i le'u ste lnga pa'o// // dpa' bos gtad pa bka' stsal pa// zab mo don gyi snying po 'di// dgos 'dod kun 'byung rin chen 'dra// gtad do gtad do ma nub par// dam par gzung la rab tu chongs// de nas 'khor 'dus pa thams cad yi rangs te/ rnal 'byor gyi gral du 'khod do// rdo rje phur pa phur gcig ma don gsang ba'i rgyud las/ rgyud yongs su gtad pa'i le'u ste drug pa'o// // phur gcig ma don gsang ba'i rgyud rdzogs so// / @#// rgya gar skad du/ ma ma karma tan tra lo ka u pa de na ma/ bod skad du/ ma mo las thams cad srid pa'i rgyud lung zhes bya ba/ yum chen mo mu kha le la phyag 'tshal lo// 'di skad bdag gis zos pa'i dus gcig na/ bcom ldan 'das ma yum chen mo kha le/ de bzhin gshegs pa thams cad kyi sku dang // gsung dang thugs kyi byin rlabs las byung ba'i rdo rje dang b+ha ga la bzhugs te/ de'i tshe yab mngon rdzogs lha'i yul gzhan pa'i 'khor thams cad dang / mkha' 'gro ma dang / ma mo dang gnod sbyin mo dang / srin mo dang / lha mo la
- 159a
sogs pa'i skye gnas mo yi bsdus pa nyi tshes bskor zhing gnas par gyur te/ de nas yab mngon rdzogs lha yis yum chen mo mu kha le la gsol ba dang / skyes pa dang / bud med dang // lha dang // bzhin lha mo dang / srin mo srin po la sogs pa yab dang yum gyis 'dul ba las// ji ltar yab kyi 'dul ba yi/ 'jig rten chags 'jig ngas gsung na// ji ltar yum gyis 'dul ba yi// 'jig rten chags 'jig khyod kyis gsungs// khe le yum gyis bka' stsal pa// gson cig mngon rdzogs rgyal po yab// shes rab nga yis bshad pa'i rgyud// mi 'jigs seng ge'i nga ro ste// ltas ngan wa sogs zil gyis gnon// rang bzhin 'od gsal sgron ma ste// ma rig mun pa ngang gis sel// nad rnams sel ba'i bdud rtsi ste// 'dod chags las log dug rnams sel// 'di nyid nga yis bshad kyis nyon// shes rab stong pa nam mkha' 'dra// nam mkha' sems can kun 'dul bas// nga nyid 'jig rten chags pas bstan// bde chen nam mkha'i thig le 'dra// phra rab rdul ni srin dang 'dra// phra rab rdul ni mu kha le// sems can rnams ni de ltar bstan// phra rab bdun la rdul phran gcig/ de nyid dbyings kyi yum drung ste// rdul phran bdun la lcags rdul gcig/ ye shes ma mo dang po la// lcags rdul bdun la chu rdul gcig/ ye shes
- 159b
ma mo 'og ma bdun// chu rdul bdun la bong rdul gcig/ dang po sman mo bdun du 'dod// bong rdul bdun la lug rdul gcig/ bdun pa gnyis pa yin par 'dod// lug rdul bdun la glang rdul gcig/ bdun pa gsum pa yin par nges// glang rdul bdun la me rdul gcig/ bdun pa bzhi pa de bzhin nges// me rdul bdun la nyi rdul gcig/ bdun pa lnga pa shes par bya// nyi rdul bdun la srom gcig/ sman mo drug pa yin// sro ma bdun la shig gcig ste// bdun pa'o bdun du shes par bya// shig gi bdun la nas gcig ste// nas kyi 'gyur las sor tshigs te// sman mo lnga bcu rtsa brgyad kyi// bdun brgyad pa'i ngo bor bstan// sor tshigs nyi shu rtsa gcig la// khru gang du ni gyur pa ste// mu kha le ni rang bzhin yin// khru bzhi la ni gzhu bdun te// dbyings kyi yum drug rang bzhin yin// gzhu lnga brgya rgyang grags gcig/ ye shes ma mo bcu bzhir gsungs rgyang grags brgya la de yi tshad// dpag tshad dag ru gyur pa ste// sman mo lnga bcu'i rang bzhin yis// de ltar phra rab rdul nas ni// ri rab dang ni gling bzhi sogs// gzugs kyi dngos po de ltar 'phel// grib ma de las ldog pa'o// de ltar gling bzhi ri rab 'di// ma mo rab tu mkhas pas brtag/ skra yi mtha' ni ma yin te// ma ni skye med mu kha le// mo ni dbyings
- 160a
kyi yum drug ste// bde chen g.yung drung thig ler 'khyil// ye shes ma mo bcu bzhi yin// rgyud dang 'jig rten tha snyad la// ka ba rtsig pa la sogs kun// sman mo rnams kyi rang bzhin te// 'di ni sgra yi 'phel ba ste// 'grib pa de las zlog pa ste// ming dang sgra yi 'phel 'grib 'di// mkhas pas ma mo'i ngang du brtag/ skad cig ma ni mu kha le// zang cig dbyings kyi yum drug ste// yud tsam ye shes ma mo brgyad// thun ni ye shes ma mo gzhan// nyin zhag sman mo'i tshogs yin te// zla ba bcu gnyis mu kha le// lo gcig dbyings kyi yum drug ste// bar gyi g.yog mo brgyad brgya ni// ye shes ma mo bcu bzhir 'dod// ya thog ma thog ring thung gnyis// sman mo lnga bcu'i rang bzhin te// sred ltar bskal pa'o nyi shu brgyad// ma mo'i rang bzhin yin par bshad// de ltar gzugs dang ming dang rus// ma mo'i sku gsung thugs su 'dod// de ltar gzugs ni phra rags dang // ma mo sku yi rang bzhin te// de ltar ma shes snying re rje// de ltar ming gi bsdus rgyas kyang // ma mo'i gsung gi rang bzhin lags// de ltar ma shes zang re chad// ma mo rten pa spre'u 'dra// dus kyi 'phel 'grib mnga' mo'i thugs// sems ni mi rtag thugs su bstan// de ltar ma shes gol sgrib che// ma mo smra ba kha re ngal// ma mo sgom pa snying re
- 160b
nyams// ma mo sgrub zang re chad// rtag dang zer mo ji bzhin no// nam mkha' mtshan nyid de// de la dus bzhi'i ma mo rtsal// dgun gyi rgyal mor 'khyag 'bebs ma// 'byung ba rlung la mnga' mdzad ma// 'khyag pa khrag khrol sprul pa'i sku// dpyid kyi rgyal mo drod 'bebs ma// 'byung ba me la mdzad ma// zhun chu chal chol sprul pa'i sku// dbyar gyi rgyal mo skyed mdzad ma// 'byung ba chu la mnga' mdzad ma// dmu chu kham lcags yal ga can// me tog sna tshogs sbrul skur bstan// ston gyi rgyal mor bcud len ma// 'byung ba me la mnga' mdzad cing // lo thog 'bras bcud sbrul skur ston// sebs can rtag par 'dzin pa la// dus ni bzhi yis ming rtag bstan// de ltar bstan kyang mi 'dul ba// sems can rmongs pa snying re rje// sdug bsngal spyod pa thang re chad// de ltar ston pa'i thabs chen ni// gzhan la med cing rang la med// theg chung nyan thos la med cing // theg chung la med// rig pa 'dzin la 'di med phyir// de ltar sems can 'dul thabs dang // lta ba rmad du byung bas ni// 'di ni theg pa'i snying por gsungs// nga yi thugs rje sprul pa dang // sems can las kyi dge sdig gis// srid pa'i 'di ltar chags pa yin// bshad kyi mngon rdzogs yab khyod nyin// de yang 'di ltar 'jig rten gyi// khams 'di kun rdzob mos pa sna tshogs pa'i// sems
- 161a
can bsam pa'i dbang gis 'jig rten gyi// khams ni so sor snang ba'o// de dag sems can rnams kyi bsod nams dang // sdig pa'i dbang gis so sor snang ba'o// don dam par spags pa dang gzhal bar ni 'jig rteg gyi khams yin te dpes ma gang du phug/ khru lnga'i tshad du 'dod chags dang bral ba 'am/ byang chub sebs dpa' yang dag pa'i rigs 'dzin rnams kyi phug der/ de'i tshogs dang ye shes kyi stobs kyi rang bzhin yang dag par 'gyur te// de'i bde tshan 'khor lo sgyur ba'i 'gyur bar bzhugs te// de la cung zad yang pa yang med la// de la cung zad dog pa yang med pa'i phyir ro// de ltar kun rdzob kyi 'jig rten gyi khams dang / don dam pa las shes par bya'o// de yang phyi rol gyi 'jig rten gyi khams ji lta ba bzhin du// lus kyi 'jig rten gyi khams dag 'dra ste/ phyi rol 'jig rten khams kyi tshad de 'jig rten gyi khams kyi dkyil 'khor gyi don no// nang du lus kyi tshad ni lus kyi dkyil 'khor du gsungs te/ ji ltar phyi ru 'jig rten pa yi tshad ma ri rab lhun po la dpag tshad 'bum mo// de bzhin du lus kyi / sgaskal tshigs la dpangs su khru gang ste/ de nas lus la khru'i tshad kyi bzhi'o// ri rab lhun po la dpag tshad 'bum tshad kyi 'jig rten gyi khams las dpag tshad 'bum phrag bzhi/ gzhan du phyi ji lta ba bzhin nang ba
- 161b
yin na mi mthun par 'gyur ro// de ltar 'jig rten gyi khams kyi tshad ni kun rdzob la ji lta ba bzhin no// bcos ldan 'das kyi bsreg pa dang bcas pa'i las la sogs pa'i dam bcas pa ni 'di la ma yin te/ gang du dam bcas pa ni bsod nams dang ye shes kyi yul lo// gang du 'jig rten gyi khams kyi tshe dag yul gyi tshad brjod pa las/ 'dod pa rnam pa sna tshogs smra ste/ rig byed grub pa'i mtha' bsam pas smra na/ tshangs pa gcig gi gnas la yang phar tshur dpag tshad byed po yod// ces gol bar smra ba dang / nyi ma'i shing rta la sogs pa yongs su smin par bya ba dang / tshangs pa'i sgo lnga'i tshad de bzhin pa'i phyir gza'i rtsis dang / phung po'i 'khor lo ldan pa'i 'jig rten gyi khams kyi tshad rab tu bzhag go/ de yang tshad 'di las sangs rgyas pa tshad gzhan mthong bas 'khrul par mi bya ste/ 'di ltar bcom ldan 'das kyis 'jig rten gyi khams kyi 'bum phrag sum cu rtsa drug lhagag par gsungs po dang / gang du 'jig rten gyi khams kyi tshad 'bum bzhi tsam mo zer ba'i phyir bcos ldan 'das rdzun smra ba zhes pa dang // gang gis 'dod pa yin zhes tshig de khams rnams kyis mi bsam ste/ sems can rnams kyis bsam pa'i dbang gis zhes bya'o// de bzhin du yang ngas gsungs pa// sems can mos pa sna tshogs pa// sna tshogs grub pa'i mtha' rig
- 162a
pa// sna tshogs lam ni mnyam gnon pa// mi shes rgyal khams rta rnams rang bzhin du grub pa'i mtha'// ji srid rigs pa ma bstan pa// de srid dbang du mi 'gyur te// kun mkhyen la yang khengs pa rnams/ sems cad phan pa mi bden te/ bsod nams tshogs kyi rgyu can dang // gzhan la gnod pa'i bden pa ste// man ma sems la sogs ster ba'o// khyim na gnas pa'i ser sna can// yi dgas kyi ni rang mthong ste// khams kyi rtse mo nag po ri// sa la srig pa byed pa rnams// bu btsas bzhin du snga ba yis// grub rnams kyi ni ri mthong na// rkang mgyogs dngos grub thob pa rnams// lha mo'i khang du rtseg mar 'gro// de nas 'jig rten gyi tshad la// sems can rnams kyi rang rang gi bag chags kyi dbang gis des gsungs pa so sor snang ste// la la rangs mngon par shes pa'i dbang gis 'jig rten gyi khams la mthong ba dang / gzung ba nang 'dzin pa'i ngo bor dngos po'i tshad zin pa ma yin no// de ltar na mu kha le ngas ma mos 'dul ba'i sems can dang / sgrub pa po smin par bya ba'i phyir 'jig rten gyi khams dang / lus kyi dkyil 'khor gyis tshad gsungs so// 'di la rlung gi mtha' nas lhun po'i mtshams su ni/ sa dag chu dang me'i dkyil 'khor rnams ni/ 'og gi rlung gi dkyil 'khor nam mkha' na gnas so// de'i phyir rlung gi
- 162b
mtha' nas lhun po'i bar na/ dmyal ba bdun dang brgyad pa rlung gi grong khyer zhes bya ste/ dmyal ba dang rlung gi grong khyer la dpag tshad 'bum phrag gnyis yin no// rlug gi dkyil 'khor la stong phrag lnga bcud yin no// der ma rung ba chen po'i rlung dang / mun pa chen po dmyal ba chen po gnyis te/ de'i tshad ni steng dang / 'og dang / rgyar dpag tshad nyid shu rtsa lnga rnam par dbye bas sa'i dkyil 'khor gyi tshad do// de ltar me'i dkyil 'khor du dmyal ba gnyis te/ de yang me'i dmyal ba dang gcig/ de'i steng du bzod par dka' ba chu'i dmyal ba dang gcig go// de bzhin du chu'i dkyil 'khor du dmyal ba gnyis te/ bye ma'i 'dam dang / bye ma'i 'dam gyi chur yang dag par ldan pa dang / bye ma bye mar chur yang dag par ldan pa bgrang ba chen po'i/ sa'i dkyil du gseg ma'i chu'i dmyal ste/ dpag tshad stong phrag nyi shu rtsa lnga'o// de'i steng du rlung gi grong khyer steng dang 'og tu dpag tshad nyi shu rtsa lnga'o// de gnyis kyi tshad la gnyis te/ phyed ni lha ma yin gyi gnas so// phyed ni klu'i gnas so// phyi'i de ltar lus la rkang pa'i mthil nas skyed pa'i bar du'o// khru do yin la/ de gnyis dbye bas la du dbye bas phye ste/ cha re re'i rigs pa ji lta bas dmyal ba dang klu'i grong khyer rig par bya'o// de nas ri rab lhun po'i bum gyi tshad ni/ de'i phyi rim sa'i dkyil
- 163a
'khor nas lhun po'i steng dang 'og tu dpag tshad 'bum zhes bya'o// nang du yang lus khra gcig ste rkang pa nas rked pa'i bar du'o// de nyid gza'i tshogs rnams bskor ba ste// de'i phyir gza'i tshogs rnams kyi gnas lhun po yis bskor ba las stong phrag nyi shu rtsa lnga'o// skye nas dpral ba'i bar du sor bcu gnyis so// dpral ba nas spyi bor sor drug ste// ji ltar 'jig rten khams la 'bum phrag bzhi'i tshad ni lus la khru bzhi ste// khru gang sor mo nyi shu rtsa bzhi'i bdag nyid do// de ni zheng gi tshad bshad de/ rlung gi mtha' nas rlung gi mtshams la 'bum phrag bzhi ste/ rlung dang nam mkha'i mtha' ru shar dang nub kyi mtha' rnams kyi bar du'o// de bzhin lho dang byang mtha'i bar du'o// zhes bya'o// de nas rlung gi dkyil 'khor gyi steng du me'i dkyil 'khor ro// me'i dkyil 'khor gyi nang du chu'i dkyil 'khor ro// chu'i dkyil 'khor gyi dbus su sa'i dkyil 'khor te// de nyid bstan par 'dzin pa ste// steng de rnams su gling drug dang // ri drug dang // rgya mtsho drug dang chu'i dkyil 'khor bdun pas lhan cig pa'i rgya mtsho bdun dang // 'dzam bu'i gling bdun pas lhan cig gi gling bdun/ rdo rje'i ri yis lhan cig pa'i ri bzhin no// rdo rje'i/ ban da ba a ni la dang // tsha'i rgya mtsho ni rlung gi dkyil 'khor gyi mthar 'og gi rgyar rnam par
- 163b
dbye bas gnas so/ 'dzam bu gling chen po'i mtha' ni sa ste phyogs thams cad dang 'og gi rgya mtsho'i gnas so// cha'i rgya mtsho nas rgya mtsho'i mthar ni 'bum phrag gnyis so// ri rab lhun po'i dbus nas g.yas nas g.yon dang mtsho mthar 'bum phrag gnyis te/ yang g.yang su 'bum phrag gcig dang g.yon du 'bum phrag gcig go// de bzhin du shar dang // nub dang // me dang // bden bral dang / dbang ldan no// me dang rlung gi dkyil 'khor rnams la dpag tshad 'bum phrag gnyis te/ de yang tsha rang chu'i dkyil 'khor gyi g.yas dang g.yon du me dang rlung gi dkyil 'khor g.yas su 'bum phrag gcig dang g.yon du 'bum phrag gcig go/ de ltar phyogs thams cad du'o// de ltar gyur pa'i dbus kyi ri rab lhun po ji lta bur 'gyur ba yin zhe na/ ri rab gang gi steng phung po'i 'khor lo'i rtsibs bcu gnyis sgrol bar bcas pa/ mtha' yas par sgrol ba/ dbang zang dang yang dag par ldan pa'i sgrol par bcas te/ nyin mo dang mtshan mo 'khor lo zhes bya'o// 'dir ji ltar chog 'di rig pa yin/ ci'i phyir gzhan yang ri rab lhun po yod dam/ 'di'i tshig gang zhig ces bya ba brjod par bya ste/ mu stegs can dag man da ra yang ri rab kyi ming du smos te/ de na na man d+ha ra las bye brag tu phye ba las tshig gong ma dang ni rigs so// drug gi cha la 'bum phrag gnyis
- 164a
gnyis te/ de yang 'di ltar brjod de/ 'og dang / steng dang / shar dang / nub dang / lho dang / byang la sa'i dkyil 'khor gyi dbus nas 'bum phrag gnyis gnyis yod do// de ltag gnas pa'i 'jig rten gyi khams 'di yang sems can gyi gnas te/ mtho rim dang / mo yul dang / sa'i 'og gi srid pa ni srid pa gsum mo// de dag ma lus pa ni mtha' dag ste/ dus su sbyor ba las rab tu skye ba dang / gnas pa dang / rgas pa dang // 'jig pa'o// de yang skye ba'i dbang las yang dag par 'dzin pa dang / srub pa dang / dbyibs rlung gi dus su yang ba'i sbyor ba'i skye ba ste/ sems can rnams kyi dge ba dang mi dge ba'i las kyi 'bras bu las so sor longs spyod pa'i don no// da ni mtha' skor gyi tshad ni 'di ltar brjod par bya ste/ de yang 'jig rten gyi khams thams can kyi zheng gi tshad kyi sum 'gyur ni/ de dag gi mtha' / skor la yod pa yin no// ri rab lhun po la sogs rlung gi steng gi mtha' rnams kyi rlung dang / brag dang / rgya mtsho thams cad kyi zheng las sum 'gyur gyi mtha' skor yod do// de bzhin du sa'i dkyil 'khor gyi zheng la tshad 'bum phrag gcig go/ mtha' skor gyi tshad dang 'bum phrag gsum gsum mo// de bzhin du chu dang / me dang // rlung gi dkyil 'khor rnams kyi rang rang gi dkyil 'khor rnams kyi mtha' nas/ rang rang
- 164b
gi dkyil 'khor kyi mtha'i bar du 'bum phrag gnyis so// 'bum phrag gsum dang 'bum phrag bzhi ni rang rang gi zheng gi tshad do// mtha' skor gyi tshad ni chu'i dkyil 'khor gyi 'bum phrag drug go// me'i dkyil 'khor gyi dgu'o// rlung gi dkyil 'khor gyi 'bum phrag bcu gnyis so// de'i yang phyi rim gyi 'jig rten gyi khams la dpag tshad rnams kyi 'bum phrag gcig go// de bzhin du rang gi lus la yang rang gi khru bzhi tshad du gyur te// snga ma smras pa'i rim bzhin no// de nas rgya mtsho rnams dbye ste/ tsha dang / chang chung dang / 'o ma dang / zho mar sbrang rtsi'i rgya mtshos te/ de tsha ni sa'i dkyil 'khor gyi phyi rol na'o// chang la sogs pa ni sa'i steng du'o// phrag bdun ni 'od sngon po dang / man d+ha ra'i ba ri dang / rdul bral dang / nor 'od dang / dro na dang / grang ba dang / rdo rje'o// rdo rje ni cha'i rgya mtsho'i phyi rol tu'o// kha dang ldan pa la sogs pa ni// chang la sogs pa'i rgya mtsho'i phyi rol tu rigs so so'i ri rnams chu sbyor bar byed do// gling bdun ni zla ba dang / 'od dkar rab mchog dang / ku sha ni 'am ci dang / longs spyod dang // krung krung dang / drag po dang / 'dzam gling bdun pa las gyi sa'o// de yang bdun pa ni 'dzam gling ste/ zla ba'i rnam pa chu ru dpag tshad 'bum pa la mtha' skor dpag tshad 'bum gsum pa ste/ gdan gnas pa'i mi de ni
- 165a
las kyi sa rig par bya'o// longs spyod drug pa'i sa ni/ 'dzam bu gling gi tshad rgya mtsho'i lho'i me'i dkyil 'khor rang bzhin gru gsum// byang du chu'i rang bzhin gyi dkyil 'khor gyi 'khor zla gam mo// nub tu sa'i dkyil 'khor gyi rang bzhin grum bzhi/ dbus su lhun po'i ma mo thig le stong pa'i rang bzhin gyi dkyil 'khor te/ bum pa thig le'i rnam pa ste/ de yang gling drug la sogs pa ni ra ba lta bur gnas pa la/ lhun po ni bang rim gsum ste/ gzugs bzang ba seng ges bteg pa bang rim ni sku'o// stobs chen glang po ches bteg pa'i bang rim ni thugs so// mdzes sdug rma byas bteg pa ni bang rim gsung ngongo// ya mtshan khyung gis mtshan pa'i bum pa ni sku gsung thugs bya bral rdzogs pa ste/ ber stong pa ni thig le chos kyi sku'o// lhun po de yang rin po che sna bzhi las grub pa rin po che sna tshogs kyis brgyan pa'o// de la dkyil 'khor bzhi po des/ lhung po'i sgo nas gnas so// dkyil 'khor bzhi po 'di rnams kyi tshad ni/ dpag tshad kyi grangs ji lta ba bzhin du/ stong phrag bdun dang / stong phrag dgu dang / stong phrag bcu ste// dpag tshad rnams kyi tshad ni/ gling bzhi ji lta ba bzhin gyi rnga bzhin no// de yang 'dir shar zlum po dang nub gru bzhi pa ni/ de rang bzhin lus kyi rang bzhin gyis/ shar dang nub dang rlung dang sa'i dkyil
- 165b
'khor bzhin no// de bzhin du g.yas dang g.yon// gru gsum dang zla khams lus ni me dang chu'i rang bzhin zhes bya'o// de lta bas na dkyil 'khor bzhi'i rnam pas gling bzhin rnams kyi mtshan nyid do// da ni lhun po la sogs pa'i rgya'i tshad bshad de/ lhun po steng gi rgya shar dang / nub dang / byang dang // lho'i cha'i bar lnga bcu'i/ sa'i steng gnam gyi rgyar stong phrag drug cu'o// khor yug ni stong phrag gcig ste// brgya nges pa'o// steng du rtsa lnga'o// phyi rol tu gling bzhi nang na 'dug pa'i gnas na gling drug ste// de rnams la kha ba can la rba can zhes bya'o// de la rgya mtsho drug la so sor stong gi bcu gcig gis ma las pa yin no// de ltar na gling drug dang / rig mchog ri drug ste/ de rnams bco brgyad kyi tshad do// bdun pa ni gling brgyad mtsho dang bral ba rnams so// de gnyis kyi de kho na phra mo nyid kyi stong phrag bcud drug las/ bco brgyad kyi cha thob na gsal bar gyur to/ 'di ri rab lhun po dbus tshangs pa'i 'og gi cha la phyogs thams cad du dpag tshad brgyad stong dang / khor yug la gcig ste/ spyir dpag tshad stong phrag bcu drug par du gling drug la sogs pa gnas pa de lta bas na/ stong phrag bcu drug dag gi tshad las bco brgyad thob pa gsal ba yin no// de'i phyir rol tu stong phrag nyi shu rtsa lnga/ 'dzam bu gling gi rgya zlum po rnam par ri rab kyi phyogs kyi
- 166a
phyogs su mtshams brgyad rnams su'o// de'i phyi rol tsha'i rgya mtsho la phyogs thams cad du 'bum phrag phyed kyi tshad yin no// de bzhin me'i dkyil 'khor dang / rlung gi dkyil 'khor dang / srid pa gsum 'dzin pa ni mthar 'di'i tshad yin no// de ltar tshangs gnas kyi phyogs thams cad dpag tshad 'bum phrag gnyis gnyis kyi tshad du 'gyur ro// srid pa'i rgyud las/ snod kyi srid pa'i rgyud lung gi le'u ste/ dang po'i/ nang du lus la brang sa'i dkyil 'khor ro// phung po ni chu'i dkyil 'khor ro// lag ngar ni me'i dkyil 'khor ro// khrims gnas lag pa'i mtha' ni rlung gi dkyil 'khor te// de ltar nang gi 'jig rten gyi khams kyi nges pa'o// gling bzhi de dag dang lus kyi khyad par du 'phags pa'i phyir na shar gyi lus 'phags so// shing 'dzam bu prig sha la 'dzam bu zhes bya ba'i sgra byung ba'i phyir 'dzam bu gling ngo // ba glang ngo la longs spyod pas pa glang spyod do// rang gi 'chi ba'i rtags sgra mi snyan pa/ de rnams kyi mi lus kyi tshad dang lus 'phags po la khru bcu drug pa'o// ba glang spyod la khru bcu gnyis so// sgra mi snyan la khru brgyad do// gling 'di ni gru bzhi pa yin// bcud kyi 'jig rten gyi khams gdos su gtor te/ sgong na gzugs kyi ring thung shes par bya'o// 'jig rten gyi khams chags pa de ni gnas pa'i la la sogs pa'i yang sum cu
- 166b
rtsa gcig ste// de yang 'du shes med 'du shes med 'du shes med min skye mched dang / cung zad med min skye mched dang / rnam shes mtha' yas skye mched dang / nam mkha' mtha' yas skye mched dang / gzugs med kyi khams bzhin 'o// 'og min dang / shin tu mthong pa dang / mi gdung ba dang / mi che ba dang / 'bras bu che po dang // bsod nams skyes pa dang // sprin med skyes dang // dge rgyas dang / tshad med skyes dang / dge chung dang / 'od gsal dang / tshad med// 'od dang / 'od chung dang / tshangs chen dang / tshangs pa mdun na 'don dang / tshangs rigs te gzugs khams bcu drug go/ gzhan 'phrul dbang byed dang / 'phrul dga' dang / dga' ldan dang / 'thab bral dang / sum cu rtsa gsum dang / rgyal chen rigs bzhin dang / 'dod khams kyi lha rigs drug go/ lha ma yin ni mi'i nang du 'dus so// mi rnams dang / dud 'gro dang / yi dgas dang / dmyal ba ni 'dod pa'i srid pa lnga ste/ de ltar srid pa sum cu rtsa gcig go/ 'di rnams kyi ming gi rnam grangs ji lta ba bzhin du gzugs med pa la sogs pa'i rim pa ste// ya a oM a zhes bya bas gzugs med par zad pas nam mkha' bzhi'o// a i e e zad pa rlung ngo // re re ar ar zhes pas zad pa me'o// u u o o zhes pas zad pa chu'o// le le al zhes pas zad pa sa'o// de yang tshul
- 167a
khrims kyi stobs gzugs bcu drug la sogs pa'i zad par gyi ting nge 'dzin gyi stobs kyi 'og min la sogs pa rnams 'byung bar 'gyur ro// ha ha ya ya ra ra de rnams las 'dod pa la spyod pa'i lha drug sbyin pa'i stobs dang sngags bzlas pa'i stobs ngad kyis 'byung bar gyur to// b+ha ga las lha ma yin dang mi rnams te/ lha ma yin rnams ni sbyin pa'i stobs kyis so// mi rnams ni dge ba dang // mi dge ba dang / las kyi stobs kyis byung ba'o// la lar ni byol song rnams dang yi dgas so// byol song rnams ni sdig pa chung ngu las so// yi dgas ni sdig pa'i 'bring pos so// ka yis kyis ni dmyal ba rnams te sdig pa chen po las byung bar gyur te/ dang po rlung gi 'jig rten bsod nams kyis stobs so// dang po dmyal ba'i sdig pa'i stobs kyis sdig pa bskal chung ngu kyi tshe rnam so// gnyis pa dang gsum pa'i dmyal bar bskal pa 'bring po'i tshe rnams so// bzhi pa dang lnga par dmyal bar mchog tu gyur pa'i tshe rnams so// drug pa dang bdun pa ni dmyal ba bskal pa chen po'i tshe rnams so// brgyad pa ni 'jig rten gyi khams su'o// nye bar sdud pa'i tshe zhes bya// srid pa gsum mtha' dag ni mtho ris dang // mi yul dang // sa 'og ste// nam mkha' la sogs pa'i bar du dbye ba la sogs pa'i khams gsum gyi khongs su 'dus
- 167b
so// bskang pa chung ngu'i tshad ni mchu dang zheng la chod cig gi do ste// de yang skra'i rtse mos bkang ba la// lo brgya la skra'i rtse mor phyung ste stong pabar 'gyur ba de// bskal pa chung ngu'i nyi ma gcig go// nyi ma de sum cu zlo'o// zla ba bcu gnyis las lo'o// lo brgya yis bskal pa 'gro'o// de ltar de'i tshogs la bskal pa bar ma'o// bskal pa bar ba'i tshogs la bskal par mchog tu byung ba zhes bya'o// dmyal ba la sogs pa sems can rnams sdug bsngal te// sdig pa'i dbang gi bskal pa du mar gnas so// mtho rigs la sogs par bsod nams la sogs pas lus can rnams bskal par gnas so// de ltar na ma mo spyod pa / rnams kyis kyang sdig pa las myur bar zlog cing dge ba la myur du 'jug cing bsgrub par bya'o// dud 'gro rnams kyi tshe tshad ni bskal pa las lo dang // zla ba dang // nyin zhag dang // skad cig ma'i bar du ste// klu nas skad cig ma'i srin bu'i bar du'o// yi dgas kyi tshe tshad ni bskal pa mchog nas pa'i rim par dbye'o// lha ma yin yang de dang 'dra ste// mi rnams ni sgra mi snyan na lo stong ste// lus 'phags po na lnga brgya'o// ba glang spyod na nyis brgya lnga bcu'o// 'dzam bu gling na ma nges pa'o// de na lha rnams kyi tshe dang / bskal pa chung du gcig dang / gnyis dang / gsum dang / bzhi dang // lnga dang / drug bar du 'dod
- 168a
do// lha drug gi tshe'i/ bskal pa gcig nas bcu drug gi bar ni/ gzugs khams kyi lha bcu drug gi tshe tshad do// bskal pa chen po gcig nas bzhi'i bar ni gzugs med pa'i lha'i tshe'o// de dag dang snod bcud kyi 'jig rten gnas pa'i tshul te// ri'i rgyal po ri rab ni bar yang stong pa la/ khog pa ma'i nang yang stong pa ste/ byang shar mtshams kyi bar nas shing yongs su la brtol ba/ ri rab kyi bum pa la sor bzhi 'byung ba/ ma mo'i gnyen po rdo rje khyung gshog lding ba gnas so// nang gi sems can rnams skye ba bzhi ste/ dmyal ba dang / lha dang / srid pa bar ma dang / mi rnams rdzus nas skye'o// mi phal cher dang byol song phal cher ni mngal nas skye'o// yi dgas phal cher dang dud 'gro phal cher ni sgo nga dang drod gsher las skye'o// yi dgas phal char dang lha ma yin no rdzus te rkyen dbang las skye'o// de dag dang lha dang dmyal ba mardzus te skye'o// mi skye ba bzhi pa'o// lha ma yin dang yi dgas ni skye ba gnyis pa'o// dud 'gro ni skye gnas gsum pa'o// de ltar skabs 'dir ma mo las la grub pa rnams ni skye ba gsum pa ste// de yang lha dang / lha ma yin dang / yi dgas yin pa'i phyir ro// de ltar ma mo las la skye bar gol bar lhung ste// de ltar 'gyur ba'i sdig pa 'di yang bskal pa nyi shur chags te// de yang bskal pa lngas rlung gi
- 168b
dkyil 'khor chags pa'o// de bzhin lngas me'o// lngas chu'o// lngas ni ri rab// dang gling bzhi la sogs pa'i sems can rnams can rnams chags te// de yang dus bzhi rgyal mo ma shes na// ma mo rnams kyis / gol sa dang sgrib par 'gyur ro// de nas bskal pa nyi shur srid pa gnas te// de yang dus bzhi rgyal mo ma shes na// ma mo rnams gos zhing grib mar gyur to// de nas mu ge dang // mtshon cha dang // nad kyi dang // me dang // chu dang // rlung gi bskal pa bdun bdun te// sum cu rtsa lngas 'jig ste// las kyi ma mo drug tu ma shes na gol pa dang grib mar 'gyur ro// de nas bskal pa nyi shu stong ste// ma mo thig le nyi shur ma shes na gol ba dang grib mar 'gyur ro// bcud dang srid pa'i rgyud lung gi le'u ste gnyis pa'o// de ltar srid pa chags nas kyang // 'jig stong yang bskal pa brgyad cu yang // ma mo brgya bcur ma shes na// 'di dag ma mo gol grib ste// ma mo bsgrub pa snying re rje// ma mo 'khor ba las zad// phra rab yul las chags pa ltar// mdos kyi 'cha' lugs ma shes par// mdos kyi dbyibs rtsom gol sgrib ste// srid pa rgyud lung ma mthong na// mdo sde lta ba zang re chad// theg pa chung du gol sa yin/ sems can srid pa chags pa ltar// ma mo skye rgyud ma shes par// ma mo sgro bsdu gol sgrib yin// rang bzhan phung ba kho nar
- 169a
zad// ri rab gling bzhi la sogs pa// dbyibs kyi 'chal lugs ma shes par// mdos kyi 'cha' lugs byed pa gol// ri rab gling bzhi la sogs ni// dbyibs kyi gnas lugs ma shes par// mdos kyi gnas lugs rtsom pa gol// ri rab gling bzhi la sogs pa'i// kha dog dbye ba ma shes par/ mdos kyi kha dog bsgyur ba gol// ri rab gling bzhi la sogs pa'i// so so'i mtshan nyid ma rtogs par// mdos kyi mtshan nyid rtsom pa gol// ri rab gling la sogs pa yi// so so'i las rnams ma shes par/ mdos kyi las rnams rtsom pa gol// dpag bsam shing gi tshad med par// de yi tshad rtsom gol ba sgrib// gol sgrib las ni rdo rje dmyal// skye bar 'gyur ba the tshom med// de dag srid pa snod kyi mdos// de nas srid pa bcud kyi mdos// sems can dngos su gtong ba yang // mi nag lug nag bya nag gas// 'di dag mdos kyi rgyu yin te// mthing nag dar la sogs pas brgyan// gling bzhi la sogs sngar bshad bzhin// mdos kyi dbye ba ma shes par// nag smug skong ba gol sgrib yin// bsad pa rnams dang ma yin te// bkrag dang mdangs kyis bskang ba las// srog dang dbugs kyi bskang ba gol// ma mo'i ru trar skye ba'i rgyu// sems can 'dod par gyur pa ni// sangs rgyas nga yi bka' min no// gol sa nyi shu
- 169b
rtsa lnga ni// las kyi rgyud lung dag tu ltos// man ngag gnyis khu de na yod// mngon rdzogs yab kyis yang gsol ba// ri rab glig bzhi la sogs pa'i// ci yi phyir na mdos zhes bya'o// mdos kyis ma mo ji ltar / skongs// sems can glud du ji ltar 'gyur// mdos kyi dbye ba ji ltar lags// yum gyis yab la bka' stsal pa// nyon cig mngon rdzogs rgyal po yab// 'dod pa skangs sam tshim pas mdos// chags sdang la sogs zhibs mdos// 'phel lam rgyal ba'i phyir na mdos// lha yi bu mo la sogs dang // dbang du bsdus pa'i phyir na mdos// dgra bsad bgegs gzhom phyir na mdos// gzhan yang nges tshig nyi shu ni// las kyi rgyud lung dag tu ltos// ri rab gling bzhi la sogs dang // 'dod pa tshang bas mdos su gsungs// de yang ma mo 'dod pa ste// dpag bsam shing gi bum pa la// 'dod khams rgyal mo'i gnas yin te// gnas la 'dod pa skye ba yin// de yang ri rab dag la yod// zhal zas ro mchog brgya la sogs// spyan gzigs rnam pa sna tshogs dang // ri rab gling bzhi dag la yod// rgyal mo mnyes pa'i dkor cha dang // rin chen sna lnga sna bdun dang // ri rab gling bzhi dag la yod// mdzes sdug kha dog sna tshogs yang // mnyen 'jam dar tshon sna tshogs dang // stag sgro gzig sgo la sogs pa// ri rab gling bzhi dag la
- 170a
yod// de phyir rgyal mor mdos su 'gyur// dpag bsam shing gi rtsa ba la// blon mo rnams kyi gnas sa ste// de yang ri rab dag la yod// spyan gzigs ro ni bcu ba dang // dkor cha zangs lcags la sogs dang // la skyugs lung skyugs la sogs dang // ri rab gling bzhi dag la yod// de phyir ri rab gling bzhi dag/ blon mo skong ba'i mdos su 'gro// dpag bsam shing gi rtsa ba la// sman mo rnams kyi gnas yin te// sman mo spyan gzigs ro lnga dang // dkor cha ba tsha bul tog sogs// ri rab gling bzhi dag la yod// de phyir sman mo'i mdos su gsungs// mdor na 'jig rten bud med la// rgyal mo blon mo bran mo la// ji ltar dgos shing yod pa las// las kyi ma mo 'di la dgos// de dag mi la med pa ste// gling bzhi ri rab dag la yod// de phyir ri rab dag la yod// ma mo skong ba'i mdos su gsungs// mdos kyi ma mo skong ba yang // ma mo gnas dang spyan gzigs dang // dkor cha ji ltar gnas pa rnams// shes nas skongs na skong bar 'gyur// de yang bskang ba'i bye brag kyang // ri rab gling bzhi kha dog lnga// gnas dang chags sdang lnga po skong // nam mkha'i kha dog lnga po ni// ma mo sku yi kha dog lnga// sku yi chags sdang lnga po skong // bal tshon kha dog lnga po ni// ma mo nad kyi ka rlangs lnga// ma mo gsung gi chags
- 170b
sdang skong // spyan gzugs dang ni dkor cha dang // sku dang thugs kyi chags sdang skong // bskang bas ma mo mi dges sam// dges pas tshe srog mi gsol lam// de bas ma mo bskang bar bya// ma mo'i mtshan nyid 'dod chags che// 'dod chags bskang ba dmar po yin// ma mo'i mtshan nyid zhe sdang che// zhe sdang skong ba nag po yin// ma mo'i mtshan nyid gti mug che// gti mug bskang ba mthing kha yin// ma mo'i mtshan nyid phrag dog che// phrag dog bskang ba ser po yin// ma mo'i mtshan nyid nga rgyal che// nga rgyal bskong ba ljang khu yin// ma mo'i mtshan nyid ser sna che// ser sna bskong ba dkar po yin// de ltar snang zhig srid pa kun// byung yang ma mo rang las byung // bskang yang ma mo rang gis bskang // de ltar bskang na skongs par 'gyur// ma mo skongs pa'i rtags rnams ni// 'phral du bde zhing nad med la// slob dpon slob mar bcas pa la// 'khor 'bangs longs bskyod che la sogs// bkra shis sna tshogs 'byung bar nges// ma mo skong ba'i mtshan nyid ni// 'phral du bde zhi nad med kyang // 'khor rnams mi 'phel la sogs pa// mi dge rtags rnams 'byung bar gyur// sems can glud du gyur pa yang // sems can mi la kha dog lnga// mdos 'di la yang kha dog lnga// 'dra ba'i glud du 'dra ba gtong // de phyir rnal 'byor thabs la
- 171a
mkhas// sems can mi la dbang po lnga// lnga la sogs pa tshang ba ste// skye 'gro glud du ma mo la// de la dbang po lnga sogs tshang // 'dra bas glud byed 'dra bas ma mo smra// de phyir sems can glud du 'gyur// mngon rdzogs yab kyis yang zhus pa// snod kyi srid pa glad yin na// sems can gnas la gang gis byed// nang gi gnas sa gang na yod// bcud kyi sems glad yin na// rang yang glad du mi 'gyur ram// sems can mos mi 'khyer ram// nyon cig mngon rdzogs yab nyon cig/ ri rab gling bzhi rang ma yin// de dang 'dra bas snod kyi mdos// 'bru sna lngas yan lag lnga'i mdos// 'bru sna bdun ni sprin gyi glud// bcu gsum bgo dang lU yi glud// bco brgyad khams kyi glud du shes// de bzhin 'bru sna brgya yi bar// rang gi glud du bsngo bar bya// rin chen sna bdun longs spyod glud// de yi phyi la ri rab dang // gling bzhi la sogs 'dra ba yis// ma mo skongs na snod kyi mdos// sems can rten dang rang la gnas// mdos su btang ba ma yin te// 'dra ba slu ba thabs la mkhas// de bzhin bcud kyi mdos la yang // sems can mdos su mi gtong ste// ngar phye bag zan kham pa la// sems can 'dra ba'i gzugs byas te// dpa' bo 'bru lngas gzugs de dang // ma mo shes pa'i snang ba gnyis// sems can yin par byin brlabs
- 171b
te// ma mo skong na bcud kyi mdos// de bas rang dang sems can gnyis// mdos su gtong ba ma yin te// de phyir rnal 'byor thabs la mkhas// de nas mdos kyi dbye ba yang // rnam pa gnyis su re zhig dbye// phyi yi srin mo mdos dang ni// nang du ma mo mdos su dbye// phyi la rnam pa bzhi yod do// bang rim bum pa rgyal mo'i mdos// ri rab kha khyer blon mo'i mdos// zhag thud slo ma gling bzhi ni// de ni srid pa'i dman mo'i mdos// gling dang ri rab bum par bcas// ma mo srid pa spyi yi mdos// gnas kyi mdos kyi dbye ba bstan// spyan gzigs sna tshogs de dang 'dra// de bzhin nam mkha' lnga pa yang // dgu pa dang ni bcu gsum pa// sor bzhi stug ma'i ri skra la// zhag thud slo ma gling la rten// bcu dgu pa dang nyi shu gcig/ de la sogs pa'i spyi don gnyis// ri rab bang rim bum pa rten// bdun cu mdos dag brgyad cud mdos// bang rim bum pa kun la rten// nam mkha'i tshad dang mdos kyi tshad// gong du sum 'gyur shes par bya// de re la yang sum 'gyur te// spyir na bcu gnyis nyi shu bzhi// phyi yi mdos su brtags par bya// re re la yang bzhi bzhi ste// bsad pa'i mdos dang gso ba'i mdos// bskang ba'i mdos dang bzlog pa'i mdos// bsad pa gnod byed dgra la yin// gso ba gtong skyong yon bdag yin// bskang pa sngags
- 172a
pa'i dam skongs yin// bzlog pa'i mdos la gsum yin te// dgra bzlog pa dang bgegs pa bzlog pa// gzhan gyi byad kha bzlog pa'o// gong ma kun la de bzhin dbye// de lta bu yi dbye ba ni// nang gi mdos la shes par bya// mdos kyi dbye ba ji lta bar// gnas dang spyan gzig skor cha kun// mkhas pa dbye ba shes par bya// shes na yon tan bsam mi khyab// dbye bar ma shes de las bzlog pa'o// de dag phyi yi snod kyi mdos// de nas phyi yi bcud kyi mdos// gcan gzan rgyal po drug la sogs// de ni rgyal mo bcud kyi mdos// glang chen gzugs ni bcu gzhi sogs/ de ni blon mo bcud kyi mdos/ snang srid sems can sna tshogs gzugs// de ni nang gi dman mo'i mdos// de dag spyi ru bskang ba ni// srid pa spyi yi bcud kyi mdos/ snod dang bcud kyi phyi bskang ba// de dag snod bcud spyi yi mdos// de nas ma mo nang gi mdos// drug tu mkhas pa'i shes par bya// rdul tshon dkyil 'khor la brten nas// mdos kyi 'phrin las gzhung srong ba// de ni ma mo phyi yi mdos// keng rus dkyil 'khor la brten nas// de ni ma mo nang mdos yin// mi khog skyal mo'i dkyil 'khor la// rten pa ma mo gsang pa'i mdos// tsit+ta'i 'phreng ba'i dkyil 'khor la// brten pa'i ma mo yang gsang mdos// tsit+ta'i dkyil 'khor brtseg ma la// rten pa
- 172b
yang gsang rmad byung mdos// gnas la bor ba'i dkyil 'khor la/ rten pa gnas la bor ba'i mdos/ 'di ltar ma shes mdos rtsom pa// rang yang phung la gzhan yang brlag/ ma mo rnams kyi bka' chad 'byung // de nas 'bad pas shes par bya// mdos mi shes par ma mo rten 'khor lo bskor ba nyes pa bzhin/ rang gi longs spyod 'khor lo gnod// gol sgrib dang mdos bstan pa srid pa rgyud lung gi le'u ste gsum pa'o// nyon cig mngon rdzogs rgyal po khyod// sangs rgyas bstan pa 'jig la sogs// bsgral ba'i zhing la bab pa la// ma mo las kyi mtha' sdud de// gnanas zhing gtad pa'i las ci ste// rang gi gnan pas gnan pa ste// lha srin la gtad khram gtad pas// gtad khram las kyi mtha' sdud yin// gtad khram chen po bzhi yin te// dbye na brgya tsha bcu gnyis yin// de yang 'di ltar shes bya te// bsad pa srog gi 'khor lo ni// gshin rje tshogs bskor bar bya// mdzes nag las kyi 'khor lo ni// klu nag tshogs la bskor bya ba// zhwa grum las kyi 'khor lo ni// sa bdag tshogs la bskor bar bya// skyo 'bog las kyi 'khor ni// ya chos rgyal po'i tshogs la bskor// bsad pa'i srog gi 'khor lo ni// re zhig rnam pa gnyis su 'gri// dgra yi dri ma drag blangs te// dur khrod ras sam shin shun la// dgra yi lus la gzugs byas
- 173a
la// 'brub khung las kyi dkyil 'khor bdun// dpral ba'i ming dang snying kha ru rus spyod bor oM la snying khar phaT// mdoms su phaT ser bris nas kyang // snying la sogs pa'i gnas bdun du// phur bu bdun dang bya nag bdun// gdab dang 'thog pa'i tshul du bri// lcags kyu mdung dang ral gri sogs// mi shigs mtshon cha lus la dgod// bdun po gdug pa'i sngags kyis bskor// gtso mo nas bzung sman mo'i tshogs// sde brgyad gnyen dgu mtha' ru chug/ 'dun gyi za ma chu gri dang // gsang sngags mnan sngags srin mo 'gros// mtshams re b+h+yo bdun rtsod pa ste// de bzhin bdun bdun rgyud dkrugs// rang gi nyes na dpang mi gzugs// ma nyes dbang gi kha yig bri// phyi ru rdo rje rgya gram la// bsad pa'i dkyil 'khor de bzhin te// gtso mo sngags dang 'khor gyi sngags// lte bar ra ba dag la bri// de nas lha dang dpral bar bye// pho nya ting 'dzin sngags kyis dgug/ dug la sogs pa'i thun rnams dbab// sngon dmar dag gis bsdam bya ste// la cha'i sbal par dral bar bya// rgya gdab re bas dril nas kyang // rabs chad mya ngan khang bu ru// bcug la dur khrod rdo pa dgab// gshin rje nag po'i sa ru mnan// gting gi khro chung re re ste// sa der gnas pa thams cad la// mchod cing las bcol rim pas
- 173b
mnan// de ni mthun par mnan pa ste// des kyang grub rtags ma byung na// gshin rje gzir dang gshin rje bgrod// spogs dang nye bar spogs pa ste// rang nyid ting 'dzin ma ldan na// gshin rje'i dbang du bdag 'gyur te// shing gi ber kha rengs pa 'dra// rang nyid ting 'dzin ldan gyur na// gshin rje'i dbang du dgra 'gyur te// lcug phran zor gyis btab pa 'am// sdong gog sta res bsgyel ba 'dra// de ni gshin rje rten la mnan// gshin rje rang la mnan pa ni// dur khrod ras sam shin shun la// dang por 'brub khung bdun byas te// dgra yi 'brub khung gshin rje'i gnas// gnas der gshin rje'i gzugs rnams bri// gshin rje la ni dgra rnams gtad// gzugs brnyan gshin rje'i lag tu bri// lcags kyus gzung zhing zhags pas bcing // khran la thob cig shad la gtad// mi shis rdzas rnams lus su bri// gzhan rnams gong dang 'dra ba yin// bza' ba bkug la lha dang dpral// gshin rje'i spyan ras gzigs la bri// mchod de las la zab par gtad// gshin rje yi ni gnas su sba// 'di ni gsang ba'i mnan pa ste// gshin rje nag po spu gri ste// ma mo srog gi shan pa yin// de ltar srog gi 'khor lo yin// dbye ba nyi shu rtsa bdun ni// bla ma mnyes shing zhal la shes// mdze nag las kyi 'khor lo yang // rnam po gnyis su shes bya ste// 'khrul 'khor
- 174a
gong ma ji bzhin la// sngags dang rdzas dang kha byang dang // bye brag chung 'thung shes byas la// las bcol ba dmar ra ru mnan// klu sman la sogs mthun pa'i rdzas// gzir zhing bgrod pa de las bzlog/ mdze nad mya ngan khang bu ru// bcug ste klu yi rten la mnan// chu mig klu yi khang par du// rkang 'do bdun bcal snying kha yin// gang yang rung bar mnan pa bya// bskor ba bya zhing cho ngas gdab// ma nyes 'dod drag tu bod// dus ni nam gyi phyed nas te// gzhan du dam tshig nyams par nges// las kyi mdze nag 'khor lo 'di// klu nag rang gis bskor ba yin// mkhas pas 'di ltar shes par bya// klud nag gnas pa'i shing shun la// gzas pa 'brub khung bam khung bdun// klu rnams gnas pa'i sa ru bri// gnas der klu rnams gzugs bris la// gzas pa'i gzugs dang der bris la// klu yi gzugs ni sbrul yin/ pas// gzas pa'i gzugs la sbrul gyis dkri// spyi bsdams yan lag bsdams la sogs// bdun bcus mkhas pas shes par bya// de yang gdug pa'i klu brgyad kyang // rigs drug rigs bzhis bsdams pa ste// rigs kyi dbye bas kha dog bsgyur// gzhan ni gong dang 'dra ba ste// klu yi rabs bskor ba ste// de nas klu rnams spyan drangs la// sbrul gyi gzugs la bstim la mchod// bar phra ma brdzun tshig
- 174b
smra// gzas pa bkug la nye 'byed bya// de nas klu la gtad la gzhag/ ba dmar rA la sogs pa yi// gnas su bcugs klu rnams kyi// sa ru sbas na 'jig rten gyi// lus kyi sa ru 'di 'gyur te// me togs kyis gsod pa bzhin// lus srog snying po 'di yis 'joms// ma mo sog byed me lce yin// klu yi las kyi gsod chen yin// 'di la dbye ba nyi ra drug/ thugs kyi gsang du sba bar bya// zhwa grum lus kyi 'khor lo yin// rnams pa gnyis su shes par bya// sa bdag rten la gtad pa ste// stong lam chen po stag skya bo// de ru gong gi gzugs la sogs// mnan pa stag la mnan pa ste// lam gnyis par ni stag gi dpal// mche ba yin te de las gzhan// gol ba yin te nus pa med// gang gi mya ngan khang bu sogs// bye ba yin te sa bdag gi// gnas pa'i shing shun bris la rten// gzhan du thun mong dang po bzhin// gzhan yang bya ni dmar mo yang // pra ma sa dmar brag dmar yang // bya ni dmar mo'i rten yin pas// bya yi gshog ru mchu la mnan// chu sbrul nag po mchu yin pas// sbrul gyis la mnan par bya// rus sbal bong la sogs pa yin// de yi yan lag lnga la gdags// gzhan yang gshed bzhi la sogs pa'i// dbyibs dang kha dog shel brag la// mnan pa rten la mkhas par bya// de nas sa bdag la gtad la// gong bzhin
- 175a
shing gi shun pa la// 'brub khung shun pa gnas bris la// sa bdag gang rung gzugs bris la// gza' yi gzugs bris de la gtad// sa bdag spyan drangs de la gtad// sha tshig rgya spyad sgros sogs pas mchod// gzas pa bkug la de la gtad// sa bdag gar gnas de ru sba// yan lag bcings pa'i srad bu ste// ma mo lus kyi lcags sgrog ste// sa bdag srog gi lcags gzir yin// las 'di kun tu mi rtse ste// gzhan yang phung ste rang yang phur// lcags phung sol zhi de bzhin no// smyo 'bog snying gi 'khor lo yang // dbye ba rnam pa gnyis yin te// rgyal po rten la mnan pa yang // rgyal po dkon khang lha khang ste// gtsug lag khang dang mchod rten dang // skyed shing dpag bsam shing la sogs// rgyal po gnas po'i sa de ru// dang po 'khrul 'khor de ru mnan// dkon cha spyan gzigs mang pos mchod// bye brag smyo 'bog las bcol na// ma hA de pa dran pa stor// rgyal po rang la gtad pa ni// brgya byin shing gi shun pa la// rgyal po'i gzugs bris gza' yi gzugs// rgyal po de yi phyag tu bri// grang zhing gsol ba'i ser po yang // de yi snying khar bzhugs par bri// mi snyan 'jigs pa'i sgra dag kyang // de yi rnam par gzhug par bya// snyan pa'i sgra yang de bzhin te// spyan dmar spyan gzigs dkor cha bri// de nas rgyal po spyan drangs
- 175b
la// rgyal po'i gzugs dang gcig tu bya// de la spyan gzigs dkor cha rnams// dngos su bsham la rgyal po mchod// de nas gza' de bkug la// gzugs su bstim la rgyal po yi// phyag tu gtad la sbyo ru/ gzhug/ de nas rgyal po gnas pa'i sar// dkor cha sogs dang sba bar bya// rgyal po rang yang snying 'phyo na// mi la sogs pa smos ci dgos// 'di dag las bdag 'khor lo la// dbye ba nyi shu drug yod de// gtad khram la ni cig nyid la// dbye ba rnam pa bzhi ru 'gyur// bye brag brgyad du bcu gnyis te// 'di la ma rmongs sngags pa ni// dug gi sdong bu yin par 'dod// dug gi thams cad 'chi 'gyur te// sems can rma bya'i gsol su 'gyur// 'dis kyang thams cad phung 'gyur te// rnams 'byor sngags kyi gsos su 'gyur// nad med nyi ma de ru shar// sangs rgyas po cig de na gnas// ru tra rnam bzhi ming yang med// dam tshig nyams pa'i ming yang med// rtag tu dad pa'i sems dang dge// 'di dang phyi ma gnyis ka dge/ de las grub pa'i sangs rgyas dang // rigs 'dzin 'bras bu gnyis ka thob// gal te 'khrul pa'i zhe sdang can// 'di ni nga yin zhes// zhe sdang sol pa'i sdong po 'dra// bsgral pa'i zhing la ma bab pa// bsad sogs las rnams de tsam ste// mnan pa'i las rnams rtsom byed pa// 'di ni sdug bsngal rgyud nyid
- 176a
de// gzhan yang sdug la rang yang sdug/ gnyis ka sdug pas sdug bsngal rgyu// 'dir yang 'jigs la phyi mar 'jigs// gnyis ka 'jigs pas 'jigs pa'i rgyu// 'jigs dang sdug bsngal spongs pa las// 'phran tshoms rnams kyi 'da' ma bye// dregs pa rnams ni 'joms par byed la// de bas zab mo'i don 'di ni// snying gi dkyil du sba bar bya// bsad pas nges par gsod dam ci// thun gyi nges par nyos sam ci// bsreg pas nges par tshig gam ci// de dag re zhig mos pa tsam// gtad dam mnan na nges par phung // phung byed khram gyi man ngag 'di// rang gi bu dang slob ma las// gzhan la sbrel na dam tshig nyams// ma mo las gnan pa gtad pa ste srid pa rgyud lug las le'u ste bzhi pa'o// de nas ma mo mdos kyi tshad// dang po nga yis bshad par bya// de dag mang yang rngub pa gnyis// bsad pa dag ni gso ba gnyis// bsad pa 'bru sna sna tshogs la// ngar glud mang po'i gzugs byas la// dbus su ra khyi mi mo la// rgyan chas brgyan la khram shing dang // shod rje la sogs brtsis byas te// khrag 'thung la sogs shes par bya// de yi tshad ni mtho gang dang // khru gang sor mo tshad du bstan// 'bru sna brgyad la sogs pa yi// gling bzhi ri rab gzugs byas la// 'di ni phal cher gso ba'i mdos// rgyal mo'i mdos la khru bzhi ste// zheng
- 176b
du khru do mdzes par bya// blon mo la ni khru do yin// de yi phyed ni sman mo la// ma mo spyi dang gzugs thams cad// 'phrin las bzhi yi mdos las ni// rgyal mo ri rab gling bzhi tshad// rgyud ni rin chen sna bdun nam// sna lnga mkhas pas rin chen srid// nyi shu rtsa gcig 'bru sna lnga// ngar phye bye dgu bcal nas ni// rin chen sna tshogs phye bdar te// sum cha ri rab gling bzhin bya// rigs dang mthun pa'i kha dog bya// de nas ngar phye sum cha la// gcan gzan rgyal po drug gi gzugs// dkar la mdzes dang ldan par bya// ser ge'i gzugs ni dkar po la// ral pa rnga ma sngon por sku// rtsal gyi rgyal por drug pa'o// mdzes lhun ser po brgyad kyis brgyan// sna sngo mche ba dkar po la/ ma// gser dang g.yu yi sna zag spras// 'dod chags gtso mo drug po bskyon// stag ral gzig shugs skyes phran chas// skyes pa chas kyis brgyan pa zhon// shugs kyi rgyal po drag po la// kha dog lnga la sgra srab ldan// 'dod chags gtso mo zhon po la// bud med chas su zhugs pa drug/ lus la ber dmar bu ru 'bral// phyag na dngon gyi 'phag thogs ma// 'dab chags gtsu mo drug po la// sna tshogs dar gyis mgul pa brgyan// gnyis dmar gnyis ser gnyis ser dkar te// sems can gtso mo de rnams sku// spyan gzugs dkor cha sna tshogs dang // ri rab bang rim dang po
- 177a
la// gzhan nas gtso mo drug pa ste// rnam snang gsal bas sogs pa dbul// de nas ngar phye sum chal// glang chen gzugs ni bcu bzhi dang // stag gzig la sogs bcu bzhi dang // mdangs ldan rma bya bcu bzhi dang // 'dod chags rgyal mo bcu bzhi dang // ku kur dkar bcu bzhi'i gzugs// sreg chags gzugs ni de dag kun// ri rab bang rim tha ma la// rgyal mo bzhi yi rdzas yin te// de nas ngar phye sum cha la// sna srid sems can gzugs su byas// kha dog sna tshogs yang dag ldan// ri rab bang rim tha mar bskor// srid pa chags byed la sogs te// ma mor grags pa kun gyi rdzas// ri rab bum pa'i rtse mo la// sna tshogs dar gyi rgyal mtshan la// stag dang gzig gi rgyal mtshan lnga// de dag mnga' bsam lnga lnga pa// gra bzhi dbus dang lnga'o// dkyil du dmar po dar gyis gzugs// me mar lnga yang de bzhin no// gser skyems 'phra men sgyogs lnga ste// dbus su bse yi bya'o gang // steng du gru bzhi dri zhim ldan// rag ta dza gad maN+Dal la// me tog sna tshogs mdzes par ldan// de yi steng du gtor ma gzhag/ mtha' ma mda' dar yol bas bskor// de bas pags pa'i maN+Dal la// rdzas dang ldan pa'i dmar gtor gzhag/ dbus su dpal gyi mchod pa la// mda' dang dar sna rgyu zhags ldan// phud dang rag
- 177b
ta sman sbyar ba'o// maN+Dal de yi phyi rim du// phyogs mtshams brgyad du maN+Dal brgyad// shar gyi maN+Dal steng du yang // gdon byab pi pi las bya ste// ma mo rang gi zin 'gyur na// bal tshol sna lnga der bzhag la// mdos kyis ma mo skongs pa dang // khrag gi zhal bu der yang gzhag/ nad pa bdun du bkug nas ni// bal gyis nad pa'i lus la byug/ nad ka ma 'tshal slar la bzhes// da la ka mi 'tshal slar la bzhes// nad kyi kha dog sna lnga yang // dang po byung yang ma mo rang las byung // bstim yang ma mo rang la bstim// nad ka mi 'tshal zhes pa'i sngags tshig rnams kyis ma mo'i gdon bsal ba la// oM hUM he ru ka kro d+hi shwa ri stau// hUM ha he phaT b+h+yo// che ge mo mam spa na na phaT// maM yo ki ni ru lu b+h+yo// maM yo ki ni ru lu b+h+yo/ che ge mo ma ran phaT// ces pas ma mo'i don rnams bsal// yang ma mo rang gis rang bsal// bu byi ru lu// bu byi ru lu byi b+h+yo// che ge mo lus sems las par na phaT/ ma mo rang rang snying pos kyang // ma mo rang rang gsal bar byas// klu yi gdon gyis zin gyur na// smag shad bdun la rma bya yi// sgro bdun btsugs la byab par bya// gtso bo'i sngags dang ma mo'i sngags// mjug la nA ga s+pha ra na gdags// rma byas lus la byab// klu yi gdon rnams 'byung bar nges// lha yi gdon la sogs pa kun// gdon
- 178a
rtags rnams ni shes pa dang // de dag dag rim pa gsal bar bya// de nas lho shar mtshams su ni// khrus kyi rdzas ni tshang ba las// ma mo khrus kyi cho ga yin// nad pa khrus bya dri yis byug/ gtsang paba'i gos kyis lus brgyan la// lho yi maN+Dal steng du bzhag/ ma mo sems skyed dam tshig 'bog/ de nas lho nub mtshams su ni// nyen dag byang sdig las rnams bsreg/ nub tu ma mo tshe rnams sbyin// byang nub mtshams su ma mo yi// bkra shis dag gi rdzas brgyad kyis// bkra shis byas la byang du ni// ma mo tshogs kyi 'khor lo bskor// byang shar mtshams su ma mo yi// bsrung ba'i 'khor lo brtsam par bya// gong gi sngags dang nad pa'i ming // bsrung ba'i sngags ni rag sha ste// de dag spel ba'i bsrung ba dang // srung skud nad pa'i mgul du gdags// sri bu la sogs 'di bzhin te/ srid pa 'di las bzlog pa ste// dgug dang dbye dang bsgyel la sogs// phyogs mtshams brgyad kyi shes par bya// 'di ltar gyur pa'i mdos 'di ni/ srid pa spyi mdos zhes kyang bya// de nas sarba ru pa ni// sngar bshad pa yi rim pa las// nam mkha' rgyu ba'i bya rnams dang // nyi ma zla ba bskar ma'i tshogs// bsam gtan dang po la sogs pa'i// nam mkhar snang zhing srid pa'o// gzugs kyi ri rab dang po ru// bskor te dar gyi ru mtshon gyis// bang rib dang
- 178b
por bskor ba ni// rgyal mo sarba ru pa'i mdos// ri rab ri la gnas pa yi// snang zhing srid pa'i gzugs byas la// bang rim par ma bskor nas kyang // spos dang mar mes bskor ba ni// blon mo sarba ru pa'i mdos// sa dang chu la gnas pa yi// snang zhing srid pa'i gzugs byas la// bang rim tha ma bskor ba la// me tog mdzes po'i 'phreng bas bskor// de ni sman mo sarba ru pa'i mdos// 'di ltar mdos gsum rdzogs pa dang // rdzogs chen sarba ru pa yin// de nas las bzhi'i mdos bshad de// gang gis srid pa spyi mdos la// shar du zhi ba'i mdos brtsams nas// zhi par bya bzhi pa'i mdos som// nad dang sdug bsngal la sogs la// zhibs ma mo shan ting ste// de bzhin lho nub byang du yang // puSh+paM pa shaM sha truM gyis// tshe dang dbang thang bsod nams sogs// rgyas pa ma mo puSh+paM shaM ste// rgyal mo yul 'khor mkha' 'gro sogs// dbang du bsdus pas ba shaM la// bgegs rnams gzir zhing dgra gsod phyir// sha tram bsad pa'i mdos 'dir re las re mdos yin// mdos chen gcig la 'di bzhi tshang // 'di ni las bzhi'i mdos yin te// gcig la tshang na las bzhi yis// rdzogs lung chen po'i mdos zhes bya// 'di ni srid pa spyi yi mdos// rdzogs lung chen po'i mdos zhes bya// de bzhin sarba ru pa la// las bzhi'i mdos dang
- 179a
sbyar byas la// bye brag sarba ru pa'i mdos// 'di ltar mdos ni bzhi pa dang // ma mo dam tshig med pa yi// mi rnams phyi ru mtshams bcad de// rgyal chen bzhi yis phyi mtshams bcad// mtshams las rlung mi thar bar bsam// sngon du bsnyen pa zhag gsum gyis// ma mo nye bar dgongs pa bya// de nas sngags pa'i gos su yang // dmar po nag po sngon por gsungs// de nas rgyan chas ldan par bya// ting 'dzin gsum dang gsal bar bsam// mtshon cha sna tshogs me mtshams bcad// las kyi ha ya g+hi ba bsam// yang na che mchog he ru ka/ sku mdog mthing nag ral pa can// dbu gsum pa la phyag kyang drug/ dbus mthing g.yas dkar g.yon dmar te// par ma shing gi dbyug tho ste// tha ma sbrul gyi zhags pa yis// khams gsum ma mo dbang du sdud// g.yon gyi dang po ban d+ha la// bar ma zhing gi g.yas gzhi yis// ma mo thams cad 'gugs 'dren pa'o// tha ba dung chen ga bu la// gnam lcags gzer gyis gdam tu rung // mi phyugs gnyis ka'i tshe dang g.yang // yi ge hUM du bsdus pa'o// yum ni dus gsum dbang sdud ma// rgyan dang cha lugs gtso dang 'dra// gnyis su med pa'i rang bzhin la// de nas bskang bzlog gtor ma yang // dmar gtor he ru ka la sogs// dpal gyi 'khor tshogs mchod du gsol// mdos glud
- 179b
ni nas nag bre bcu gsum yang // dpa' bo 'bru lngas byin gyis brlabs// mi yi glud du chas par bsam mo// hUM/ bcom ldan dpal chen he ru ka/ mthing nag 'jigs pa'i cha lugs can// dkar nag 'bar ba'i zhal lnga pa// phyag drug phyag chas skye 'gro sgrol// sbrul chen zhags pas ma mo 'gugs// g.yas bzhi g.yab mos thams cad 'bul// yum dang gnyis su med pa ste// khro bo tshogs kyi mchod pa ste// thugs kyi dbyings nas rol pa mdzad// ces pa la sogs pas bstod la// dpal gyi 'khor tshogs kyi rgyud bzhin bshags pa bgyis la 'phrin las bcol// de nas ma mo rnams rang gang gi gnas nas srog gi snying po dang lag tu rnga thogs la spyan drang ngo // aM mra tas dan ba dar te// khyed ma mo rnams ma g.yel glud la thud cig/ mi 'di ni nga'i 'khor yin pas 'di dang gnyis spungs bde ba bya yis nyon byas la// bdag nyid che ba'i nga rgyal bskyed de// hUM/ nga ni khrag 'thung chen po ste// khams gsum snying khrag dngas ma'i bdag/ nga ni rus 'cha' chen po ste// khams gsum dur khrod keng rus bdag/ nga ni sha za chen po ste// khams gsum ma lus kun gyi bdag/ nga ni skye 'gro dbugs kyi bdag/ nga ni skye 'gro bkrag gi bdag/ ma mo kun gyi re gnas yin// ma thogs myur du gtor ma long // tshe dang dbang thang mngon par gsol// phag
- 180a
rgod dud pa btang nas kyang // glud 'di bsngo ba 'di skad do// ma mo phyogs ni gnyen mchod phyir// 'bru sna de ni mang po dang // rin chen de ni sna bdun dang // ri rab ni gling bzhi la// srog chags ni mang pos bskor// kun kyang ni rin po che// rgyan dang de ni cha lugs ldan// 'jig rten de yang zas kyis bskor// dkon pa'i ni rdzas kyis bskor// mu men gyi stegs bu// rin chen ni gcal bkram la// bu ru'i skas btsugs nas// spos kyis gzhi la// dbang gi ni dkyil 'khor ldan// dar dkar gyi yol ba bris la// gsal ba'i me bus te// rgyal mtshon mang po btsugs// le brgan gyi gdugs kyis bkab// dud pa ni gnyen phyung zhung // gser gyi skyems gtam ste// tshe srog glud du 'bul// longs spyod kyi sbyin du gsol// 'dir spyon glud bzhes shig/ hUM/ ri rab gling bzhi'i dkyil 'khor nas// 'jig rten / yongs kyi mnga' bdag mo// ma tshogs kun gyi rgyal mo ste// srid gsum yongs la mnga' mdzad cing // skye 'gro yongs kyi za byed ma// na bza' srid gsum g.yang gzhi la// zod rlon mang po'i 'phreng bas brgyan// lag na snying gi longs spyod ma// 'dir spyon tshe srog glud bzhes shig/ shar phyogs yongs kyi mnga' bdag mo// dkar mo sprin chen gos zu la// lag na sprin gyi spu gri thogs// srid pa gsum gyis rus
- 180b
'cha' mo// mdos bdag chen mo mdos long zhig/ hUM/ rin chen rigs kyi rgyal mo ste// lho phyogs rigs kyi rgyal mo ni// nag mo g.yu yi gos zul// bskal pa me 'do rab 'bar zhing // srid pa gsum gyi drod 'beb ma// skye 'gro kun gyi tshe 'phrog ma// 'dir sgron tshe srog glud bzhes shig/ mdos bdag chen mo mdos long zhig/ hUM/ pad+ma rigs kyi rgyal mo ste// nub phyogs khams kyi mnga' bdag mo// dmar mo khrag gi / gos zu can// lag na thod pa khrag gis bkang // skye 'gro kun gyi khrag 'thung ma// 'dir spyon tshe srog glud bzhes la// mdos bdag chen mo mdos long zhig/ las kyi rigs kyis rgyal mo ste// byang phyogs khams kyi mnga' bdag mo// ser mo rlung gi gos zu can// skye 'gro kun gyi dbugs bdag mo// 'dir spyon che srog glud bzhes shig/ mdos bdag chen mo mdos long zhig/ hUM/ nam mkha' rigs kyi rgyal mo ste// 'jig rten yongs kyi mdangs kyi bdag/ mthing nag nam mkha'i gos zu can// gser gyi dril zhags ldog cing 'phen// skye 'gro kun gyi bkrag 'phrog ma// 'dir sgron tshe srog glud bzhes shig/ mdos bdag chen mo mdos long zhig/ hUM/ ri rab gling bzhi'i zom rtse na// snang srid srog gi phud gsol ma// sku mdog mthing kha chen mo la// dbu dang spyan ni cir yang ston// rin chen ral pa sna tshogs kyis// snang
- 181a
srid kha dog sgyur mdzad ma// spyan gnyis mdzes pa'i mchi na yis// g.yas pas snang srid dbang du sdud// g.yon pas skye 'gro gsos mdzad ma// lnga bcu rtsa bdun gtso mo ste// skye 'gro yongs kyi mnga' mdzad ma// ma mo chen mo gshegs nas kyang // mdos bdag chen mo mdos long zhig/ glud bdag chen mo glud bzhes shig/ chen zhes chen mo dkar mo ste// nyi zla stong gi thod 'phreng can// lcags dang zangs kyi dril zhags can// snying gi zhags pa sdog cing 'phen// sprul pa chen mo'i ming nas phyung // mdos bdag chen mi mdos long zhig/ glud bdag chen mo glud bzhes shig/ hUM// che zhes chen tshe nyi ma'i mdangs// srid pa gsum par sgrol mdzad ma// lag na shel gyi spu gri thogs// khros pa'i rgyal mo'i ming nas phyung // mdos bdag chen mo mdos long zhig/ glud bdag chen mo glud bzhes shig/ hUM// chen zhes gnas bdag 'phrul dga' ma// srid pa gsum par gsal bar sbyor// lag na zhing lpags rgyal mtshan thogs// khros pa'i rgyal mo'i ming nas phyung // mdos bdag chen mo mdos long zhig/ glud bdag chen mo glud bzhes shig/ hUM// mtshan ni srid pa'i rgyal byed ma// lag na sku yi zhags pa thogs// phung byed chen mo'i ming nas phyung // mdos bdag chen mo mdos long zhig/ glud bdag chen mo glud bzhes
- 181b
shig/ hUM// mtshan ni bdag nyid chen mo ste// lag na zhing gi rgyu zhags thogs// phung byed chen mo'i ming nas phyung // mdos bdag chen mo mdos long zhig/ glud bdag chen mo glud bzhes shig/ hUM/ gling bzhi phyogs bzhi dkyil 'khor nas// srid pa shar gyi bdag mo ste// dkar mo chen mo ming gcig ma// lag na ban d+ha zlum po thogs// skye bar byed po'i ming nas phyung // mdos bdag chen mo mdos long zhig/ glud bdag chen mo glud bzhes shig/ hUM// srid pa lho yi mnga' bdag mo// nam mo chen mo mche ba can// lag na ban d+ha sul mangs thog/ sreg par byed pa'i ming nas phyung // mdos bdag chen mo mdos long zhig/ glud bdag chen mo glud bzhes shig/ hUM/ srid pa nub kyi mnga' bdag mo// dmar mo dbang gi rgyal mo ste// lag na ban d+ha lcang lo thogs// 'chi bar byed pa'i ming nas phyung // mdos bdag chen mo mdos long zhig/ glud bdag chen mo glud bzhes shig/ hUM// srid pa byang gi mnga' bdag mo// ser mo chen mo las kyi gtso// lag na ban d+ha rgya gram thogs// len par byed pa'i ming nas phyung // mdos bdag chen mo mdos long zhig/ glud bdag chen mo glud bzhes shig/ da ni sman mo'i tshogs la bsngo// hUM// srid pa yongs la za ba mo// shan ne shan ne tshogs kyi rje// gos su mi yi pags pa la// tha ma mi
- 182a
mgo stong gis bskor// srid pa kun gyi mnga' bdag mo// zangs ka ag ni ming nas phyung // mdos bdag chen mo mdos long zhig/ glud bdag chen mi glud bzhes shig/ hUM// ha la ha la gdong brgya mo// srid pa gsum gyi khyim bdag mo// stag lpags g.yang gzhi gos zu la// he ru kas ni ming nas phyung // mdos bdag chen mo mdos long zhig/ glud bdag chen mo glud bzhes shig/ hUM// 'jig rten kun gyi byan mkhan ma// srid dkar mdzes pa'i gos zul// lag na mi yi pags pa thogs// e ka dza ti ming nas phyung // mdos bdag chen mi mdos long zhig/ glud bdag chen mi glud bzhes shig/ hUM// ri rab gling bzhi gru 'degs ma// cha byad dkar mo sgeg pa la// lag na rdo rje kha gdengs thogs// shan ting dkar mi'i ming nas phyung // mdos bdag chen mo mdos long zhig/ hUM// cha byad dmar mo sgeg po la// lag na chu yi 'khor lo thogs// shan ting dmar mo ming nas phyung // mdos bdag chen mo mdos long zhig/ glud bdag chen mo bzhes shig/ hUM// cha byad ser mo sgeg mal// lag na dung gi 'khor lo thogs// grub ting ser mo ming nas phyung // mdos bdag chen mo mdos long zhig/ glud bdag chen mo grub bzhes shig/ dmag gi rgyal mo khyod bzhi yang // rigs bzhi dmag dpung 'khor gyis bskor// kha
- 182b
rje zang kha'i bdag mo ste// mdos bdag chen mo mdos long zhig/ glud bdag chen mo glud bzhed shig/ hUM// dngos po cha byad nag mi chen mo la// 'jigs su rung ba'i cha byad can// sku stong zhing lpags g.yang gzhi la// sku smad stag gi sham bu can// mi phyugs gsod pa'i khram la 'debs// khyod ni 'dod khams gtso mo ste// gshin rje ma chen ming nas phyung // mdos bdag chen mo mdos long zhig/ glud bdag chen mo glud bzhes shig/ hUM// lha chen brgyad kyi ma mo ste// srin mo chen mo rkang ma dang // srin mo chen mo phor thogs ma// srin mo dri ma 'dod ma dang // srin mo chen mo g.yang gzhi ma// srin mo rab tu gsod byed ma// srin mo chen mo mdos long zhig/ 'jig rten khams ni khrugs byed ma// srogs chags kun la gnod byed cing // mkham ma snying dang nang khrol gyis// snying pa shin tu bkag nas ni// za zhing rnams pa kun tu rgyug/ ma bdun chen mo'i ming nas phyung // mdos bdag chen mi mdos long zhig/ glud bdag chen mo glud bzhes shig/ hUM// shar phyogs khams nas kun tu rgyug/ mi mgo'i phor pa khrag gis bkang // grong bskor thor zhing nad 'bebs na// ma bdun chen mo'i ming nas phyung // mdos bdag chen mo mdos long zhig/ glud bdag chen mo glud bzhes shig/ hUM// gling bzhi kun gyi gtsug mgo
- 183a
ma// phyogs bzhi dag na srin mor grags// srin mo chen mo ming nas phyung // mdos bdag chen mo mdos long zhig/ glud bdag chen mo glud bzhes shig/ hUM// pho nya chen mo ming nas phyung // mdos bdag chen mo mdos long zhig/ glud bdag chen mo glud bzhes shig/ hUM// gzhan yang ma mo 'am srin mo 'am// srid pa mo ru grags pa kun// mdos su bskang ba zhes par bya// de nas mdos kyi byung sa bdag ste// 'di la ma srid gang yang med// snod kyi 'jig rten 'di la tshang // de bzhin bcud kyi 'jig rten sogs// mkhas pas byung ni theb par gdab// de nas gdon bsal la sogs pa'i// cho ga brgyad po skams 'dir bya// de nas mdos kyi lam bstan te// ma mo rang rang gnas su btang // gtsang po gzhung ngam ri gsum rtse// bud med tshogs kyis bskyal bar bya// de ltar gyur ba'i mdos shes pas// sngags pa ma mo'i snying po can// de la ma mo bran bzhin 'khor// ma mo tshogs dang da cang ches// bud med tshogs kyis bskyal bar bya// dag pa'i mdos 'di dag pas// lo zla dus su gang byed pa// tshe tshad dpag ni shi shas 'dra// nor dang longs spyod char bzhin 'bebs// ci 'dod bsam pa yid bzhin 'grub// dgra dang bgegs kyi nyin ma nub// 'di ni mdos kyi phan yon te// mdos mi shes par mdos rtsom pa// srid pa'i ma
- 183b
mo kha gting 'khrug/ gnod pa gong la sogs pa 'byung // de bas 'bad la thams cad kyi// nga rgyal dregs pa'i sems spangs te// gol pa spangs pa'i shes pa bsgrub// ma mo'i mdos bsten pa ste// srid po rgyud lung las le'u ste lnga pa'i// de nas srid pa pho rgyud kyi// mdos su bya ba 'di lta ste// stegs bu go 'phang mtho dman phyed// 'bru sna bcu gsum ngar phye la// rin chen sna bdun phye bdar te// rgyal po chen po'i gzugs su bya// dbang po yan lag rin po che/ gsal byed chen po de bzhin no// sna lnga dar dgyi tshim bu lnga// lus dang yan lag de bzhin brgyan// bdun dang brang dkar chen po dang // de la nor gyi bdag mo dang // gshin rje ru tra'i rdzas yin te// skyes to re la'ang de bzhin no// bre cha gsang phye gru bzhi la// 'khar thabs mnga' ni rnam par brgyan// le'u zangs ra kar kra 'gyed// de bzhin sha dang rin chen mkhyen// gsar glud rkyen dang chas pa ni// byang shar mtshams su de bzhin no// nas dang nyungs kar mngon gyi skye// srid pa kun la de bzhin te// 'byung po kun la gtor ma sbyin// de tshe 'di skad brjod par bya// kye// dpag bsam shing gi skyed pa la// gser mkhar de ni ser po la// bse sgo de yang thabs se thabs// g.yu bad de yang sngon pos bskor// de yang bdag po ste// skos rje brang dkar cig/ skos mkhan
- 184a
ni ming nas byung // mdos bdag chen mo mdos long zhig/ glud bdag chen mo glud bzhes shig/ bse mkhar ni dbu rtse na// rin chen stegs bu la// lcags kyi mu khyud can// de yi steng na mo// ni brang dkar ba// zhig 'dzin ming nas phyung // mdos bdag chen mo mdos long zhig/ rim pa ni bcu gsum la// gnam gyi steng shed na// lcags mkhar ni sngon po la// gser gyi bad bskor zhing // zangs kyi gtan gsol ba// de yang bdag po ste// ma hA ni sha ri zhig/ ya bdud ni ming nas phyung // mdos bdag chen mo mdos long zhig/ de yang gling phran na// yar gyi ni yang la shod// skyes bu ni skyes to re// ya bdud rgyal 'thems ming nas phyung // mdos bdag chen mo mdos long zhig/ kye// lho phyogs gling na gnas pa ste// rus mkhar gling na gnas pa ste// shi bdud kun gyi khram 'debs pa// gshin rje'i rgyal po ming nas phyung // mdos bdag chen mi mdos long zhig/ gnas kyi mthongs na gnas pa ste// 'dzam bu gling gi nor gyi bdag/ ma hA de ba lha chen po// btsun mo u ma 'khor dang bcas// nor lha chen po'i ming nas phyung // mdos bdag chen mo mdos long zhig gnam gyi mthong na gnas pa ste// dung mkhar dkar po la// g.yu yi bad bskor zhing // bse yi sgo gsal ba// de yi mnga' bdag po// khyab 'jug dung gi thor
- 184b
tshugs can// gnam la dkar mo'i ming nas phyung // mdos bdag chen mo mdos long zhig/ byang shar gyi mtshams shed na// bse 'khar khra bo la// dung gi bad bskor zhing // lcags kyi sgo stsal ba'o// de yi bdag po ste// shar phyogs gnam sa phyed// tshangs thor lus la thor thug gnas// btsan 'gong rgyal po'i ming nas phyung // mdos bdag chen mo mdos long zhing // bse btsun rol po rgyal po ste// mdos bdag chen mo mdos long zhig/ hUM// btsan la sogs pa'i pho rigs dang // 'jig rten ze rang la sogs pa'i// srid pa'i pho rigs thams cad bskangs// de yi mdos la gnas gsum ste// dar gzugs mkhar la sogs pa yi// srid pa pho yi rgyal po 'o// bshos bzang ldem pa bar ba ste// mda' skya zang ma tha ma ste// 'di ltar shes pa'i pho mdos las// glo bur yi 'brog la sogs pa'i// srid pa pho yi nad mi 'byung // dgral bsam pa yid bzhin 'grub// ma she de zlog pa'o// srid pa'i pho mdos kyi le'u ste drug pa'o// de nas ma mo skye rgyud ni// nga yis bshad kyis legs par nyon// dang po snod kyi 'jig rten chags// 'jig rten bde zhing dge ba las// nad med tshe dag dga' bde ste// ma mo ma rtog la sogs phyed// bar der shin tu mi bde ba'i// sems can rnams la gnod par byung // las dang rkyen ni drag po
- 185a
las// skyes pa'i las kyi ma mo gcig/ sems can kun la rnam par 'chi// sad dang ser ba rims nad gtong // 'jig rten stongs par byed pa yi// mu kha le zhes grags pa 'byung // de la las kyi ma mo rnams// ji ltar byung bar bshad par bya// ru tra las kyi cho 'phrul las// las kyi ma mo mu kha le// lus ni ri rab gling bzhi tsam// gdong bzhi lag drug rkang pa brgyad// shar gyi b+ha ga rtsu ba la drang // rdo rje ge sar shel gyi mkha'// lho yi b+ha ga dro la 'dzin// ke ke ka la rin chen 'dzin// nub gyi b+ha ga sher la ldan// pad+ma b+ha ga byu ru yi ge/ byang gi b+ha ga grang la bgrad// bai DUr+ya yi b+ha ga can// rlung dang mkhris pa bad kan 'byung // khrag dang tsha ba dal nad 'byung // de 'dra'i las kyi ma mo dang // dbang phyug ma hA de ba yi// mdangs las srin mo lnga skye ste// rtag pa'i rgyal mo gnas snang gsal// rtag pa'i rgyal mo 'do gsal ma// rtag pa'i rgyal mo mnyan gsal na// rtag pa'i rgyal mo yang gsal yo// rtag pa'i rgyal mo bkra gsal ma// ru tra las kyi cho 'phrul dang // srid pa chags byed mdangs las ni// khros pa'i ma mo bzhi bskyed de// rdo rje nyi ma khros ma dang // rdo rje sri pa khros ma dang // rdo rje srid pa bde 'gro khros/ rdo rje khams gsum rdzogs byed khros/ khams gsum rdzogs byed khros// sprul ba'i srin mo bzhi po dag/ 'byung ba
- 185b
bzhi yi cho 'phrul las// thugs kyi dges sde bzhi bskyed de// dkar mo mig gcig nag mo ral pa can// dmar mo dbang sgyur ser mo las// de dag las dang rkyen las byung // de bzhin nyi zla zod 'phreng yang // 'phra men rgya mtsho mdangs las skyes// skos rje brang dkar bdud las skyes// cha snyoms las kyi srin mo drug skyes te// bzhi ni khros pa'i dbang mo che// lnga pa he ru ka ni ste// drug pa e ka dza ti yin// rgyal chen bzhi yi mdangs las ni// las kyi srid mo bzhi byung ste// dkar mo mche ba can nag mo ral// dmar mo mchu 'jib ser mo skang // de las ma mo skyes nas e ka dza ti las// las kyi sring mo bdun skyes te// dang po rdo rje kun grags ma// gnyis pa kun tu bzang mo yin// gsum pa rdo rje kun gsal ma// bzhi pa rdo rje chen mo yin// lnga pa rdo rje 'od chags yin// drug pa rdo rje 'do gsal 'phro// bdun pa rdo rje g.yu sgron yin// lha chen bdun gyi kha bdag mo// de ltar gong du bstan pa yang // 'og nas rim pa 'byung ba yin// rgyu dang rkyen dang 'bras bu ste// rgyu ni rang rang pha ma ste// 'bras bu rang rang srin mo skyes// rkyen ni dbye ba bshad par bya// mi shes grib ma chen mo yin// ma ma drug gi rgyu ru brgyud// de las byung ba'i 'dod chags dang // zhe sdang de yi rang bzhin no// phrag dog la sogs rjes su
- 186a
'breng // zhen pa'i 'dod chags chen po yis/ ma mo bzhi yi phyag rgyar 'gyur// gti mug zhe sdang de bzhin te// ser sna la sogs rjes su 'breng // mnar med rin po zhe sdang gis// ma mo lnga bcu'i rgyu ru 'gyur// de las gti mug de bzhin te// nga rgyal la sogs rjes su 'breng // de ltar dug lnga las skyes pa'i// las kyi srin mo mi bzad pa'i// pha dang ma ni rkyen gyi tshul// chags dang sdang dang ldan pa la// gnas dang lus las kha dog lnga// chags sdang lnga po de ltar shes// de ltar gyur pa'i ma mo la// brgyad cu grangs kyi tshad med de// 'dod chags ma mo brgyad cu phrag/ gti mug ma mo brgyad cu phrag/ 'phra men ma mo brgyad cu phrag/ 'dod chags ma mo brgyad cu phrag/ rgyal mo blon mo bran mo yis// brgyad cu phrag gsum mkhas pas shes// zhe sdang gti mug de bzhin te// phrag dog nga rgyal de bzhin no// rgyal mo bskyed bcur bye brag las// ma mo zhing gi rdul dang mnyam// de ltar ma mor gyur pa yang // ma mo dgu yi dbye ba ste// 'dod chags chen po gcig nyid las// 'dod chags zhing gi rdul snyed skye// zhe sdang la sogs de bzhin no// yang srid pa byan mkhan dang // mu kha le yi mdangs gnyis las// 'dod khams lha yi rgyal mor snang // yar yar la skyes to re// mdangs las skyes pa las/ sa bdag pad+ma 'phreng du byung // yang de
- 186b
gnyis mdangs las ni// pad+ma gar gyi dbang phyug ma// de nas ya bdud nga gnyis kyi// mdangs las ma mo spyan gnyis te// nam mkha'i rgyal mo gling bzhi sbyin phud ma// gzhan yang chu srin rgyal po ku bi ra// de yang mdangs las gyur pa yi// srin mo nag mo khrag 'dzag ma// gzhan yang srin mo'i tshogs rnams byung // lha chen mo hA de ba dang // gnyis kyi mdangs las lha mo ltar// snang ba'i ma mo rdul tsam byung // gnod sbyin gtsug na me 'bar dang // gnyis kyi mdangs las gnod sbyin dang // 'jig rten khams las 'jigs pa byung // klu rgyal dga' mo gnyis las// gdug pa'i klu mo sna tshogs byung // gshin rje la sogs de bzhin te// sa stengs ma mo de bzhin te// sa 'ogs ma mo rang bzhin la// sa las ma mo snang bar 'gyur// ma mos lo thog la sogs la// sad dang ser ba la sogs pa// dus min mu ge'i bskal pa 'byung // lha dang mi la sogs pa la// nad dang mtshon cha la sogs pa'i// dus ma yin gyi bskal pa 'byung sems can kun la rnam par 'tshe// skugs su 'jug cing la sogs pa// ltas ngan dud 'gro la sog 'byung // skar mda' ltung dang lce 'bab sogs// ma mos 'jig rten phung la khad// rang cag phan tshun rgyal khams na// gcig la gcig dang za byed cing // gdug pa'i ma mos stong gsum khengs// sems can zas su 'cha'
- 187a
bar 'gyur// las kyi ma mo skye brgyad bstan pa srid pa rgyud lung gi le'u ste bdun pa'o// de nas mngon rdzogs rgyal po yis// yum la phyag 'tshal 'di skad gsol// sems can bsod nams chung ba la// 'jig rten phung byed mu kha les// snod bcud srid pa stongs la khad// srid pa sems can snying re rje// 'di la thugs rje mi mdzad dam// dregs pa'i ma mo mi 'dul lam// 'jig rten bde la mi 'god dam// myur du sems can bskyab pa dang // ma mo myur du gdul du gsol// nyon cig mngon rdzogs yab nyon cig/ sems can bde la bkod pa dang // las kyi ma mo 'dul ba ni/ yang dag nga yis rtsam// de nas yum chen mos sems bde bzhes bya ba'i sngags dang ting nge 'dzin la snyoms par zhugs so// de nas de ma thag tu nam mkha' las sems can/ bde ba la sogs pa'i sgra snyan sna tshogs byung ste// sems can rnams sdug bsngal dang bral nas sngar gyi bde ba dang ldan// las kyi ma mo rnams kyi sngar kyi sngar gyi gdug pa mig gi/ mtshon cha bsogs pas sems can la ma gnod par gyur te// de nas yum chen mos ma mo 'dul ba'i sku'i ting nge 'dzin la snyoms par zhugs so// de nas bud med tshogs kyis kyang ma mo 'dul bar gyur to// de nas khro bo ma mo 'du ba 'drag po zhes bya ba'i ting nge 'dzin la snyoms par zhugs
- 187b
so// des kyang 'dul bar ma gyur te// ma mo rdzu 'phrul dang mthu mang po slar ston par byed do// de nas ma mo mu kha les gzugs sna tshogs dang // sgra dang mtshan ma sna tshogs kyis nam mkha'i khams gang bar byas so// de nas rgya mtsho'i gting du bros so// de nas me'i bskal bas rgya mtsho bskams so// de nas 'dar zhing dngangs te rengs nas kyi hud kyi sgra 'don no// de nas gragasad pa'i ting nge 'dzin gyi thad du khugs par gyur te/ de nas yum gyi sku mthong nas skrags skyes pa'i ting nge 'dzin gyis ta la'i mgo bcad bzhin sa la 'gyel lo// de nas yum gyi dbugs dbyung ba'i ting nge 'dzin gyis dran pa slar rnyed de// de nas las la grub pa'i mu kha le la sogs pas/ yum chen mo la sogs pa/ ma mo bdag cag 'di ltar gyur pa'i rgyu rkyen ji lta bu lags/ yum gyis gsungs pa/ khyed rnams kyi rgyu dang rkyen ni/ skye ba lnga pa la sngags kyi lta ba spyod pa 'khrul te/ sha khrag dmar gyi gtor ma la sems can snyig rje la sogs pa med par srog bcad pa la sogs pa'i lta ba dang / spyod pa dang / dkar po'i las tsha tsha gdab pa la sogs pa bka'i lha bas da ltar ma mor skyes pa yin te// ting nge 'dzin dang sngags bzlas pas dmyal bar ma skyes shing // da lta mthu dang ldan pa yin te/ 'di nas shi 'phos nas sems can dmyal bar skye nges so// de nas ma mo
- 188a
rnams kyis zhus pa// sems can dmyal ba ji lta bu/ yum gyis gsungs pa/ sems can dmyal ba'i tsha ba'i dpe dang grang ba dang dri mi zhim pa la sogs pa'i tsha ba 'jig rten na med do// de bzhin tshe'i tshad la sogs pa zhib tu bsnyad do// de nas ma mo de dag sa la 'gyel ba'o// de nas lo bdun du ma mo de dag shi bar gyur to// sems can kun nub phyogs su thal bas gsol pa'i zhing khams su sems can bde ba can du skyes so// de nas slar dran pa rnyed par gyur to// de nas yum la gsol pa/ sngar gyi sdig pa thams cad 'chags so// da yang mi legs pa mi bgyid do// da bdag cag gi las dang bya ba gang lags/ 'tshal ba'i skal pa gang lags/ su'i bka' mnyan par bgyi/ de nas yum gyis bka' stsal pa/ las ni nga'i bstan pa la gnod pa'i dgra dang bgegs zul cig/ zas skal ni dam tshig can gyi ba ling zo zhig/ bka' ni rna 'byor ma mo bsgrub pa rnams kyi bka' nyon cig/ rang cag rnams dang rang rang gi srog gi snying po dang // dam tshig gi snying po yang phyag rgya dam tshig gi can du bya dgos so// zhes gsungs so// de nas ma mo mu kha le la sogs pa rang cag rnams kyi srog gi snying spyi'i snying po 'di phul lo// bu bi ru lu bu bi ru lu byi b+h+yo// zhes phul te bdag cag rnams 'di 'dren pa'i gam du mchi ba yi las bgyid
- 188b
do// de nas rang rang gi srog gi snying po 'di yum gtsam thabs su phul/ b+h+yo hAM ka ri kha ba dor da dor/ ni la chur ma ti// kha tog kad la dza/ pad+ma dza la du/ mgur rag to ting saM dang saM/ e a ra li// 'di dag ni kun tu bzang mo la sogs pa bdun gyi'o// oM badz+ra kro d+hi shwa ri b+ha ga pad+ma rgya hUM hUM/ srid pa bde 'gro mas rang gi srog snying phul lo// de bzhin du/ oM badz+ra sha D+hi pad+ma ka ru ti b+h+yo/ nyi ma thod 'phreng can gyi'o// oM mu tri na a sha na ti/ rgyan gyi rgyal mo'o// b+ha ga dun tri/ bdag nyid ma'o// ga mun dun tri ni/ ral gcig ma'o// oM sur+ya ba'i ya a ti ye/ nyi ma khros pa'i dbang mo'o// pad+ma bi ta ma to ye// pad+ma khros pa'i dbang mo'o// kha rag ba'i to ye/ khams gsum 'tshe byed khros pa'i dbang mo che'o// shin tu a to ye// srid pa bde 'gro khros pa'i dbang mo che'o// oM kai ko/ dkar mo'i 'o// oM ta ke ma/ nag mo'i 'o// madz+ra te ka ma// ljaldang mo'o// badz+ra ni la badz+ra ni la/ ldang mo yi'o// badz+ra lan ta badz+ra lan ta/ ser mo'o// oM badz+ra za 'gram mu ram sha/ srid pa chags byed ma'o// zang gring raM shwa/ oM badz+ra snying kha rag snying kha rag/ srid pa cha snyoms ma'o// rag sha ka mu khang / rag sha sbas pa'i shaM shaM ma'o// trag sha mu ban baM// e ka dza ti// nam ma tra ba trag rag sha// 'dod pa khams kyi gtso mo'i// phra bam dz+ra ga rang ga ti su b+h+yo// 'jig rten dbang
- 189a
sdud ma'o// bang gi wang gi sha b+h+yo// gling bzhi spyi phud ma'o// ru rag sha// pad+ma gar gyi'o// oM sha ting b+h+yo// mche gtsigs ma'o// bting b+h+yo// kha glal ma'o// bu ting b+h+yo// mchu 'jib ma'o// mu ting b+h+yo// rkang ldag ma'o// au badz+ra shan tig b+h+yo// gru 'debs ma spyi yi'o// har ting b+h+yo/ te sa ti pang b+h+yo/ lha'i sring mo'o// a par ta b+h+yo/ mkha' la khyung lding gi'o// da la dun b+h+yo// dkar mo g.yas thod kyi'o// 'di yas b+h+yo// nag mo sder gyi'o// gzhan dag srid pa'i ma mo kun// so so'i srog snying phul nas ni// spyi ru 'di dag phul ba ni// ma ma rag mo yag mo de ba'i dun b+h+yo b+h+yo// de ltar srog snying phul nas ni// 'jig rten ma mo 'di dag gi/ snying ngam 'dir zhing ma dga' nas// bkrag dag gzi mdangs nyams 'gyur te// sngar gyi mthu dang rdzu 'phrul da med nas// yum la 'di skad gsol// bdag can srog snying phul ba las// dran pa nyams shing mthu med pas// ma 'ongs bstan pa ji ltar bsrung // khyed kyis bdag can byin brlab cing // dbang bskur bka' las 'da' bar mdzod// de nas yum chen mu kha les// phyogs bcus dbus mtha' thams cad du// ma mo 'di rnams chos skyong gi// nang gi srung mar byin rlabs// dpag bskur dam la gdags pa zhus// de nas phyogs bcu dbus mtha' kun// gsung cig mu
- 189b
kha le la zhus// sangs rgyas kun gyi byin brlabs kyis// 'di yi bya ba khyed kyis gyis// skye gnas mi mthun mo 'dul bas// skye gnas 'thun pas 'dul bas ni// las kyi ma mo mu kha len// 'dul ba'i don du dbus mtha' yang // mu kha le ru skur ston pa// ma mo 'dul ba'i don phyir bas// 'di yi bya ba khyed kyis mdzod// de nas yum chen mu kha les// dang po dam tshig sdom pa byin// rtags su dam tshig phyag rgya dang // dam tshig snyig po so sor gtad// mu kha le dang yum drug la// ma mas ma ya snyom dang // thod rlon dam tshig phyag rgya byin// ye shes ma mo bcus bzhi la// gong gi snying po de nyid dang // thod tshal dam tshig phyag rgya byin// sman mo 'khor tshogs mtha' dag la// thod skam dam tshig phyag rgya byin// dam tshig can du de nas byas// dam tshig rdzas kyis bdud rtsi blud// 'das na nyes pa dmyal ba'i chu// srung na dngos grub 'byung ba'i chu// de la sogs pa'i dam tshig ni// gnas nas bskul ba'i mtha' dag gsung // ma 'ongs pa rnams de yi tshul// de nas thod rlon bcas nas yang // mthe ba mdzu ba gnyis ni mig 'bur// mthe chung snosngon ma mig 'bras yin// gur mo gnyis ni ya mkhal la// srin lag gzhibs pa ma mkhal yin// de gnyis su ni byis pa yin// thod tshal yin par gsung pa yin// sor mo thams cad nang du bsnol// tshigs
- 190a
chen phyir ru bton nas bsdam// de ni thod skam phyag rgya yin// 'di ni dam tshig phyag rgya yin// dam tshig su la yod pa dang // dam tshig phyag rgyal su 'cha' ba// de yi gam du ma mo rnams// srog la bab kyang 'du bar nges// rgyud la dam tshig mi ldan zhing // dam tshig phyag rgya mi shes na// ma mo mi 'grub rang ga phung // dgra la gnod pa 'byung na yang // kho bo las kyi rkyen dang ni// rlung rta las byung rkyen dang ni// ma mo rnam smin de ma yin// dam tshig phyag rgya dbye ba yang // thod skam sku yi phyag rgya yin// thod tshal gsung gi phyag rgyal yin// thod rlon ma mo kun gyi thugs// phyag rgya yin par nga yis bshad// srid pa spyi mdos la sogs la// dam tshig phyag rgya med pa ru// mdos dang ma mo phrad mi 'gyur// bsad gso la sogs de bzhin no// de nas ma mo la sogs kyis// srog snying la sogs byin gyis brlabs// sngar bas mthu dang gzi byin ldan// de nas thod pa'i ma mo spyi mgo bo kun la dbang bskur te// mthu dang ldan par nges par 'gyur/ ka/ zhag gi zo ris thal chen mtsho// rag ta'i thig le la sogs pa'i// ma mo rang rtags dam yang bskur// lag pa g.yas par rang rang gi// las kyi dbang rtags phyag mtshan byin// las kyi ma mo 'di dag ni/ ma// mu kha les dbang bskur bas// snang srid dbang gi rgyal mo yin// bsten zhing sgrub pa'i
- 190b
ma ma ni// ma mo 'di rnams yin par 'dod// ma mo skye rgyud dbang du bsdu ba bstan po ste// srid pa rgyud lung las le'u ste brgyad pa'o// de nas ma mo dbye ba yang // nga yis bshad kyis legs par nyon// ma mo dbye ba rnam pa gnyis// ma mo spyi dang bye brag go// spyi la rnam pa gsum yin te// dang po las kyi ma mo// sngar gsungs pa yi rim pa rnams// las las grub cing dam tshig go// las kyi ma mo dam tshig can// mu kha le dang yum drug sogs// 'jig rten ma mo yin par 'dod// ma mo de dag 'dul bar 'dod// ye shes thugs kyi sprul pa las// mu kha le dang yum drug dang // ma mo bcu bzhi sman mo'i tshogs// ji ltar 'dul ba de ltar byung // 'di ni ye shes las byung phyir// skye med ngang las sprul pa ste// chos kyi dbyings kyi ma mor 'dod// sku gsung las byung rim pa ste// sku gsung ma mo yin par 'dod// 'di ni 'bras bu'i ma mo ste// rtsal med dbyings su gcig pa'o// lam dang 'brel ba'i ma mo ni// sa bcu'i byang chub sems dpa' rnams// ma mos 'dul ba'i sems can la// ma mo'i gzugs su sku ston te// 'di ni las kyi gnas par 'dod// de yang rnam pa gsum yin te// mu kha le dang yum drug tshul// sa brgyad pa nas bcu ba'i tshul// byang chub sems dpa' sprul pa ste// lam gyi 'bras bu'i ma mo yin// ye shes ma mo bcu bzhi'i
- 191a
tshul// sa bzhi pa nas bdun pa'i bar// byang chub sems dpa'i sprul pa ste// lam gyi lam pa'i ma mo yin// sman mo 'khor tshos 'dus pa ni// sa dang po nas gsum pa'i bar// byang chub sems dpa'i sprul pa ste// lam gyi rgyu yi ma mo yin// de nas ma mo spyi yi yang // mtshan nyid dbye ba rgyas par bstan// mu kha le dang yum drug la// dbye ba rnam pa gsum yin te// rgyu la gnas pa rgyu yin te// 'di ni srin mo zang ma ste// re zhig dbyings kyi yum drug rtags// rgyud ni lan la gnas pa ste// 'di ni byang chub sems ma ste// re zhig dbyings kyi yum drug rtags// 'di ni bud+d+ha'i sprul pa ste// dbyings kyi yum drug ces kyang de la byang // bcu bzhi'i ma mo yang de bzhin te// nyi zla zod 'phreng la sogs pa'i// bcu bzhi las dang rgyu yi gnas// 'di ni rgyu yi ma mo ste// 'di ni gnod sbyin zang ma ste// sha khrag za zhing gsod la dga'// bcu bzhi lam gyi ma mo ste// byang chub sems mar nges pa'o// 'di la phan mdzad gnod pa spongs// bcu bzhi 'bras bu'i ma mo ste// rang gi gzugs kyi 'dul ba ste// 'dul bya 'dul byas sprul pa yin// srid pa chags byed la sogs pa'i// sman mo rnams su snang ba yang // rgyu la gnas pa'i lnga bcu brgyad// 'di ni sring mo zangs kha ste// gsod la dga' zhing snying rje med// lam la gnas pa'i ma mo lnga bcu
- 191b
brgyad// 'di ni byang chub sems ma ste// thugs rje khyab pa'i 'khor bar gnas// 'bras bur gnas pa'i lnga bcu brgyad// 'di ni bud+d+ha'i sprul pa ste// ma mo 'dul ba'i sems can dang // sman mo rang dang 'dra ba yi// rang 'dul phyir na sman pa'i gzugs// lnga bcu rtsa brgyad 'bras bu yi// ma mo mkhas par shes par bya// de nas ma mo de dag gi// bye brag mtshan nyid bshad par bya// las las grub pa'i yum drug la// ci'i phyir na dbyings kyi yum drug/ yum ni skye 'gro bskyed pas ni// skye 'gro phung ba ci yi phyir// dbyings ni skye ba med pa na// sku mchog phyag mtshan ci yi phyir// las kyi ma mo drug po la// sdug bsngal bskyed pa cha yod pas// de yi cha las yum drug btags// bde dang dga' ba mi skye bas// de yi cha la dbyings zhes btags// las kyi ma mo rgyud drug byung // las 'phro gcig pas gnas 'dir skyes// de la dbyings kyi yum drug grags// ye shes rang rig bde chen klong // ci phyir ye shes ma mo lags// ye shes rang rig 'di la med// rang gi mthu dang rtsal shes pas// de la ye shes tha snyad btags// las mthun pas nag nas gcig ste// rgyu ni sems can bcu bzhi ste// ye shes ma mo bcu bzhir grags// ci yi phyir na sman mo yin// las dang skal ba dman pa dang // spyod pa rnams kyi tshul las kyang // dman pa btags
- 192a
pa de bzhin te// sems can lnga bcu rtsa brgyad kyi// rgyud kyis dman mo lnga bcu brgyad// las la 'brel ba dbye ba'o// las kyi ma mo de ltar na// lam dang 'brel pa ji ltar bu// sa brgyad pa nas bcu pa ru// chos nyid dbyings kyi shas che bas// dbyings kyi yum drug ces kyang de la bya// sa bzhi pa nas bdun pa yang // de la rig pa shas che bas// ye shes ma mo de la bya// sa dang po nas gsum pa la// gong bas sman pas sman mor 'dod// 'bras bu dang 'brel ji lta bu// chos nyid rang bzhin bral ba las// skye med pa la ma mo skyes// 'bras bu dbyings kyi yum drug yin// rang rig ye shes dbyings na gsal// de phyir de la ye shes kyi// ma mo bcu bzhi'i sku ru byung // ye shes ma mo bcu bzhi ste// 'bras bu yin par bud+d+ha sa gsungs// dman pa'i sems can 'dul ba la// dman pa'i gzugs kyi ma mor snang // 'bras bu'i ma mo ste// 'dul bya ma mo 'dul ba dang // ma mos 'dul ba'i sems can la// sangs rgyas mdzad pa sna tshogs byung // thugs rje'i snang ba yin par 'dod// 'bras bu dang 'brel bar ma mo dang // sku gsung ngo bor shes bya ste// chos sku skye med nam mkha' 'dra// nam mkha'i ngang las sprin byung ba// de bzhin chos kyi sku las ni// dbyings kyi yum drug sprin ltar byung // 'dod ni chos kyi sku yin te// sku las byung bas sku
- 192b
zhes gsungs// longs sku sprin dang 'dra ba las// ye shes ma mo char gyi tshul// longs sku las byung ye shes kyi// ma mo longs spyod rdzogs pa'i sku// de bzhin sman mo'i tshogs rnams kyi// sgyu ma'i sku ste gsung bar yang // sprul pa'i sku ru nges pa ste// mi 'dra bar byung ba'i phyir ro// lam la gnas pa'i ma mo gsum// de bzhin sku gsum yin par 'dod// lam gyi ma mo drug po ni// mos pa'i chos kyi sku ru gsung // lam gyi ma mo bcu bzhi ni// longs spyod rdzogs pa'i ma mo'i sku// lam gyim ma mo lnga bcu ni// mos pa'i sprul pa'i sku ru gsungs// las kyi ma mo drug po ni// 'dra ba'i chos kyi sku ru bstan// las kyi ma mo bcu bzhi ni// 'dra bas longs spyod rdzogs pa'i sku// las kyi ma mo lnga bcu ni// 'dra bas sprul pa'i sku ru gsungs// de ltar ma mo sde gsum la// sku yi dbye ba de ltar na// 'byung ba'i sku gsum gang ltar lags// mos ba'i sku gsum ji ltag lags// 'dra ba'i sku gsum ji ltar lags// dang po 'byung ba'i sku gsum na// nam mkha' sprin dang char gyi dbye// me ni ma byung shes par bya// de nas mos pa'i sku gsum yang // sku men mos pa sku ru dbye// ma phyin 'gro ba'i bsam pa ni// mos pa'i de bzhin gshegs par bya// 'dra ba'i sku ni 'di ltar ste// stag dang ze mong 'dra ba dang // byang dang rma bya 'dra ba dang // khyi dang seng ge 'dra ba
- 193a
bzhin// 'dra ba'i sku gsum de yin no// de nas bye brag ma mo yi// dbye ba mkhas pas shes par bya// dbye ba yis las kyi ma mo rnam pa lnga// dkar mo ser mo nag mo dang // dmar mo ljang mo lnga ru gsungs// dkar mo gnam sman tshogs su shes// ser mo kun tu bzang mo ste// dmar mo bse mo dag tu gsung // nag mo nag mo 'bum tshogs te// ljang mo rje mo bzhin la sogs// de dag la yang rnam gsum ste// las la grub dang lam la gnas// 'bras bur gyur pa de bzhin no// de ltar gyur pa'i ma mo ni// spyi dang bye brag rim pa las// mcho cing bsgom pa'i ma mo gang // bkol zhing mngags pa'i ma mo gang // mchod cing bsgom pa'i ma mo ni// lam dang 'bras bu'i ma mo yin// mngag gcing bkol ba'i ma mo ni// las la grub pa'i ma mo yin// mchod bya mchod par ma shes na// rgyal po dmangs su babs pa bzhin// bkol bya bkol bar ma shes na// rigs ngan rgyal sar ston pa bzhin// de bas 'bad la thams cad kyi// ma mo dbye ba shes par bgyi// ma mo dbye ba ma shes na// ma mo'i dngos grub mi shes so// dngos grub/ med pa'i las rnams ni// thal ba rlung la khyer ba 'dra// ma mo'i dbye ba ma shes par// las rnams 'chol zhing sgrub pa byed// mu stegs ka la yag sha yis// ma mo sgrub lugs de ltar ro// ma mo
- 193b
dbye ba de ltar na// ma mo las kyi dngos grub ji ltar lags// nyon cig ka la yag sha kun// ma mo'i dngos grum rnam pa gsum// dang po 'bras bu'i ma mo yi// dngos grub nga yis bshad par bya// 'bras bu'i ma / mo bsgom par bya// 'jig rten bsad gsol sogs pa// gnyis med ye shes las byung ba'i// sku gsung ye shes lnga la sogs// bud+d+ha'i yon tan thams cad kyi// 'bras bu ma mo'i dngos grub ste// ma mo 'og ma gnyis po las// 'di yi dngos grub mi 'byung ste// dben na gro las nas mi 'byung // bud+d+ha'i dngos grub khyad par can// sman pa'i rkyen las ga las 'byung // de na 'bras bu'i ma mo'o// dngos grub yin par shes par bya// lam gyi ma mo sgom bzlas pas// sa la gnas pa'i sems dpa' du// skye bar 'gyur gyi gzhan du min// sa dang po nas sa bcu yi// byang chub sems dpa' zhes kyang bya// 'jig rten 'das pa'i rigs 'dzin sar// skye bar 'gyur gyi gzhan du min// rigs 'dzin de la ci yod pa'i// yon ten de las byung ba yi// lam gyi ma mo'i dngos grub yin// las kyi ma mo'i grub pa la// dngos grub rnam pa bzhir byung // dgra bsad las kyi dngos grub cig/ rang gso las kyi dngos grub gnyis// lo la ser ba dbab pa ni// las kyi dngos grub gsum pa yin// ser ba bcad pa bzhi pa yin// de yang rim pa dbye ba
- 194a
ste// bsad pa la yang dbye ba ste// bsad dang lhag ma gdon mi za// gdon mi za la rnam bzhi ste// bsad pa gshin rje'i srog la sogs// bzhi dang brgya rtsa bcu gnyis te// bsad pa'i 'khor lo chen po bzhi// de las brgya rtsa bcu gnyis te// de la zlog pa bzhi dang ni// brgya rtsa bcu gnyis gso ba la// mkhas pas zlog pa shes par bya// lo la ser ba 'bab pa dang // bsad pa'i sbyor ba'i tshul las ni// gshis rje 'khor lo la sogs pa// 'khor lo chen po bzhi las ni// bye brag brgyad dang bcu gnyis te// 'di yis lo thog thal bar 'gyur// dbab pa'i 'khor lo ji bzhin du// gsad pa de las bzlog pa ste// 'khor lo chen po bzhi las ni// brgya dang bcu gnyis mkhas pas dbye// de ltar shes na lo thog la// sad dang ser ba ming yang med// las kyi ma mo'i dngos grub ste// de ltar byung ba'i dngos grub dang dang // ma mo dbye ba la sogs pa'i// dam pa'i man ngag ma rtogs par// rang 'dod nga rgyal dregs sems kyang // 'jig rten rgyang 'phan lung khyer bas// ma mo gnyis po ming yang med// las kyi ma mo grub mi 'gyur// las kyi ma mo ma grub par// bsad gsol las rnams snying re rje// bzlas pa byed pa sogs re na// bsgom pas rang sebs thang re chad// rdzas dang yo byad god la sogs// phur ba brgyad cu rtsa gnyis
- 194b
'byung // ma mo dbye ba la sogs shes// dngos grub de las bzlog pa 'byung // ma mo shes pa'i yon tan yin no// las kyi ma mo de ltar na// lam dang 'bras bu'i ma mo gnyis// mi shes rtsom pa snying re rje// grub pa byed pa thang re chad// de bas ma mo grub pa rnams// bla ma dam pa rtag tu ba sten// rang gi dregs pa nga rgyal spang // bag ma gsar ba'i tshul lta bu// man ngag gsal ba'i thabs la 'bad// de ltar byas na 'grub par 'gyur// ma mo dbye ba bste// srid pa rgyud lung las le'u ste dgu pa'o// ma mo dbye ba yang rnam pa gsum du shes par bya// dang po mos pa'i ma mo gnas// rgyal mo dpag bsam bum pa ste// ma mo de yi gnas yin te// 'di ni las la grub pa'i gnas// sgrub pa gnas kyi dkyil 'khor gyi// gnas kyi rim pas kun la sbyor// blon mo dpag bsam skyed par gnas// sman mo dpag bsam rtsa bar gnas// sman mo kha cig mtsho dang ni// ri bdun lcags ri dag la gnas// las kyi ma mo'i gnas yin te// de las gnas pa'i gzhan ma yin// lam la gnas pa ma mo gnas// lcang lo can la sogs pa dang // 'dul bya ji ltar 'dul ba yi// gnas de lam gyi ma mo'i gnas// srin mo gnas sa de ma yin// 'bras bu'i ma mo'i gnas bstan pa// 'og mi na gnas dang rnam 'byor pa// ma mo sgom pa'i lus yin
- 195a
te// snying dang mgo dang lus po dang // rang gi sgal tshigs la sogs pa// ye shes ma mo'i gnas su gsungs// ye shes ma mo'i gnas de ru// lam dang las kyi ma mo gnyis// skad cig gnas par mi rung ngo // lam gyi ma mo re zhig ste// las kyi ma mo phyogs su med// de dag gnas kyi dbye ba ste// rang rang sa sar gnas pa'o// de nas las kyi dbye ba yang // rnam pa gsum du shes par bya// dang po las kyi ma mo ni// las rnam mkhas pas shes par bya// las kyi ma mo las ma mo las ngan lha log las byung bas// de yang las kyi ma mor grags// de nas las ngan sdig byed pas// de phyir las kyi ma mo ste// ma mo 'di rnams dag las byung // dus kyi mtshan mo byed pa ste// sems can bcud la rims nad dang // mtshon dang mu ge'i bskal ba dang // yams dang 'khrug pa sna tshogs dang // mdor na gnod pa sna tshogs byed// 'bras bu sman snod kyi 'jig rten thams cad// sad ser brtsa mu ge rtsi shing rtsi thog bcud rnams gsod// mdor na sems pal ba la// gnod par gyur par 'ba' zhig las// phan pa til 'bru tsam med pa// las kyi ma mo las yin te// de ltar gnod pa 'ba' zhig ni// gso ba la sogs ji ltar 'byung // de yang 'di ltar shes par bya// las la ma mo// mchod cing bstod cing srog snying 'dra// de la las
- 195b
bcol de yis byed// byis pa yid mgu bzhin// res 'ga' de yis las byed de// rtag tu byed pa ma yin te// lam dang 'bras bu ma mo gnyis// 'phrin las mdzad pa mjug pa ste// sems can ji ltar bde ba dang // nad med longs spyod 'phel ba dang // bkra shis tshe dpal ldan pa dang // lo rnams legs shing 'bru rgyas dang // bde skyed phun sum tshogs pa ldan// byams dang snying rjes sems can 'dzin// thar dang nges byed lam la 'jug/ gol sgrib las rnams rtag tu sel// sems can 'khor na'i don gyi phyir// mdzad pa rnam pa sna tshogs byed// ma mo gnyis kyi las yin te// bud+d+ha'i mdzad pa bsam mi khyab// mdor na ma mo'i las bstan pa// las kyi bye brag shes pas kyang // ma mo'i gol sa shes par gyis// de ltar gyur ba'i mkhas pa yi// ma mo'i dbang du bdag mi 'gyur// las rnams byed pa gzhung bzhin grub// bsad gso las rnams the tshom med// ma mo shes pa'i phan yon no// rang yang tshe ring nad med la// 'khor dbang longs spyod 'phel ba la 'gyur// 'di ni ngo matsar rnam gnyis te// gnas kyi dbye bas ma mo yi// gol sa yang spangs te bstan// las kyi dbye ba ma mo 'o// gol sa spangs pa ma mo yi// de dag khyed kyi nan tan gyis// ma mo gnas dang las dbye ba bstan pa ste// srid pa rgyud lus las le'u ste bcu pa'o// // de
- 196a
nas lam dang ma mo'i sa// mkhas pas 'di ltar shes par bya// lam dang 'bras bu'i ma mo la// lam la re zhig rnam pa gsum// bskyed dang rdzogs dang rdzogs chen te// skye ba la yang rnam pa gnyis// snod kyi 'jig rten gzhan yas khang // 'di ni dang po'i bskyed pa ste// dbang chen sa la sogs pa yi// bye brag bskyed pa rnam pa lnga// drug pa bskyed pa'i babs rdzogs pa// snod kyi 'jig rten bskyed par 'dod// de nas bcud kyi bskyed pa yang // skye 'gro sems can rang bzhin gyi// ma mo sku dang mtshan mar bsgom// bcud kyi ma mo bskyed pa ste// snod bcud bkag pas ma mo snang // nges par ma mo bskyed pa yi// rnam 'byor las su rung ba ste// 'di la nyon mongs zhes sdang med// dgra la sogs pa bkag pa yi// de ni dang po'i lam yin te// de la ma mo nang rtags ni// bcu ste phyi rtags bcu gsum 'byung // 'di la mkhas pas nan tan gyis// las kyi ma mo rgyu ma spongs// sems can gnod pa'i ma mo spongs// 'di la lam ni gnas pa ste// mu stegs bka' spangs lam yang // rang gi theg pa las la gzhan// gsum pa shes rab bskyed pa'i lam// lam 'di la yang bzhi ste// mu stegs bka' spangs dang gcig/ nyan thos byis pa spangs dang gnyis// theg chen dar gyis spangs dang gsum// shes dbyibs las bskyed pa'i
- 196b
sa// bzhi par ma mo las kyis// bskyed pa la yang gnyis su byed// de ni bcud kyi sa lnga ste// snod kyi sa lnga ste// snod kyi sa lnga 'di lta ste// dang po g.yo sgyu rlung gi sa// de nas sreg min me yis// de nas gsher sdud chu yi sa// sra zhing brtan pa sa dang yang // de nas stong zhing go 'byed sa// rang bzhin 'od gsal lhun rdzogs la// yang skyed pas dgu ste// khams gsum sa dgu spangs pa yi// sa dgu skyed pa 'di la ldan// sa gsum pa sman mo'i rang bzhin te// sa gsum ma mo bcu bzhi yin// sa bzhi dbyibs kyi yum drug ste// de nas ma mo rdzogs rim yang // lus kyi ri rab gling bzhi la// ma mo lha yi gzhal yas khang // gru bzhi sgo bzhi la sogs pa'i lus la de bzhin shes par bya// phur po khams dang skye mched kun// ma mo lha yi rang bzhin yin// 'di ni phyi yi rdzogs pa ste// de nas nang gi rdzogs pa yang // rtsa yi dkyil 'khor rnams pa bzhi// tsit+ta dar dkar gur nang na// sa dang chu dang me dang rlung // nam mkha' lnga yi dngas ma lnga// de la hUM gi rnam pa ni// ma mo thugs kyi thig le ste// lte bar ma yi thig le ni// sgra med ma yi rnam pa las// mgrin pa phung lnga'i dngas ma lnga// ring po 'am gnyis dang ldan// spyi bor lus ngag yid gsum gyis// dngas ma hUM gis rlab pa ste// mu ga le yi rang bzhin 'dod// snying khar mda' bcu drug gi
- 197a
rtsa// dbyings kyi yum drug yin par 'dod// mgrin pa rgyu bzhi ye shes kyi// ma mo bcu bzhi yin par 'dod// lta bar lnga bcu rtsa brgyad rtsa// sman mo 'dra ba'i ma mor 'dod// rtsa 'dir gnas pa'i byang chum sems// dkar dmar spel ba'i gzha' mtshon 'dra// de ni sems kyi ma mo yin// rtsa yi nang na gang ba'i rlung // rigs kyi dbye ba gong bzhin gnas// g.yo ba rlung gi ma mo yin// 'di rag pa sra ba yin// rdzogs pa'i ma mo bsam mi khyab// 'di yi lam ni rnam pa bzhi// dang po ye shes me yi lam// gnyis pa thu sum rtse gcig lam// gsum pa longs spyod rdzogs pa'i lam// bzhi pa bde chen klog gi lam// lam re la yang sa gsum pa// bcu gnyis sa yi dbang phyag ma// rdo rje 'dzi pa'i sa zhes bya// zab mo bya rtsal rdzogs pa yin// sman pa bya rtsal spangs pa yin// bde chen thig le'i ngang las ni// rang bzhin thig le bcu drug shar// rang bzhin thig le bcu drug la// bde chen thig le bcu bzhi byung // bde chen thig le bcu bzhi las// khyab pa'i thig le lnga bcu brgyad// 'di ni ma mo thugs kyi gsang // rtsa yi sdong po gcig gcig gnyis las// rtsa yi yan lag gsum dang ldan// gsum ni ma mo sku gsung thugs// lnga ni sku lnga ye shes lnga// sman mo sku la ye shes gsung // dbyings kyi yum drug thugs su 'dod// rtsa ba
- 197b
las ni gzer ba cig la yal ga ni// bcu bzhi skyed de bcu bzhi las// lcug ma lnga bcu rtsa brgyad de// 'di dag gnas pa'i ma mo gsang // byang chub sems ni dkar dmar la// rlung dang mkhris pa'i kha dog dang // 'byung ba'i khams kyi kha dog gi// gcig la rnam pa drug yin te// drug po las ni bcu bzhir 'gyur// bcu bzhi las ni lnga bcu brgyad// de yang 'gyur la mkhas pas brtag/ rlung gi g.yo 'gul gcig nyid las// bye brag rnam pa drug tu shar// bye brag dag gi rang bzhin las// bcu bzhi dang ni las yongs kyi// lnga bcu rtsa brgyad 'byung bar 'dod// de ni g.yo ba rlung gi yang // ma mo yin par yum chen gsungs// snang srid thams cad yum gyi b+ha ga klong // de phyir snang srid thams cad ma mo'i dbyings su thim// skye 'gro thams cad yi dang // de phyir skye 'gro thams cad ma mo'i sku la thim// sems can 'gro dang 'ong ba dang // bza' dang chags pa'i spyod pa kun// ma mo las kyi cho 'phrul te// de phyir ma mo'i sku la thim// sgra dang brjod pa'i tha snyad kun// ma mo gsung gi cho 'phrul te// de phyir ma mo'i gsung la bstim// dran bsam sems kyi rgyu ba kun// ma mo thugs kyi cho 'phrul te// de phyir ma mo'i thugs la bstim// sku gsung thugs kyi cho 'phrul las// snang srid ma mo'i klong du 'dod// byung yang ma mo'i klong nas
- 198a
byung // thim yang ma mo'i klong la bstim// rang bzhi ngang gi ma bstim par// tshig gis bstim pa spre'u 'dra// rang bzhin ngang gis bstim pa spangs// snang zhing srid pa'i dngos po 'di// ma mor ji ltar yin par shes// shes pas ngang du bstim pa la// tshig tu smra ba byis pa 'dra// de ni ma mo'i rdzogs rim mo// ma// de nasam mo rdzogs chen ni// mkhas pas 'di ltar shes par bya// kun gzhi ma bcos byang chub sems// 'di ni bde chen g.yung drug sgra// 'gyur ba med pa'i sems nyid la// yongs su med pa'i sems gnas pas// 'di ni brdal ba chen po'i sku// ma bcos lhun grub nam mkha'i dbyings// rdzogs pa chen po'i sku ru 'dod// nam mkha'i ma bcos stong pa'i ngang nyid las// skye 'gro thams cad ngang las srid// bya rtsal med pa'i bde klong las// 'gyur ba med pa'i sems nyid gnas// sems kyi rtsa dang ma ldan na// sgra ba'i rtsal ni tha snyad yin// rig pa'i ye shes ma sher na// sems kyi bsam pa stong pa yin// rang sems rang gis mthul bar// sems nyid rtogs par mi 'gyur ro// bde chen thig le nyams dga' la// sgra dang tha snyad 'dogs na gol// sgra bsam brjod las 'das pa la// smra zhing gle rlong byed na gol// bya rtsal bral ba'i rdzogs chen la// sems la bya rtsal byed pa gol// yengs su med pa'i sems nyid
- 198b
la// sems nyid gzhan du rtog pa gol// 'gyur ba med pa'i sems nyid la// nyon mongs drug tu 'gyur ba gol// ma bcos sems kyi ngo bo la// bcos pa'i sems can gol pa yin// de ltar rdzogs pa chen po 'di// sangs rgyas kun gyi thugs kyi gsang // theg pa kun gyi snying po 'di// 'di yi gong na gang yang med// ma ni skye ba med pa'i ngang // ma ni 'gag pa med pa'i klong // dngos por skye ba med pa'i phyir// skye ba med par sems nyid 'dod// rang zhes bya ba rang bzhin yin// dngos po 'gag pa med pa'i phyir// 'gag sa med par sems nyid 'dod// klong ni de yi cha shes so// na mi dges chen rtag pa'i mkha'// mo ni bde chen longs spyod klong // ma ni rtag chen g.yung drung mkha'// mo ni chags med byang chub klong // ma mo sku gsung thugs kyi mkha'// mo ni lus ngag yid gsum klong // ma ni rgyal ba kun gyi mkha'// mo ni srid po kun gyi klong // ma ni skye ba med pa'i klong // mo ni 'gag pa med pa'i klong // ma ni thabs chen 'dod med mkha'// mo ni shes rab chags med klong // ma ni nam mkha'i dbyings nyid mkha'// mo ni sems kyi sems nyid klong // ma ni chos kyi chos nyid mkha'// mo ni b+ha ga dbyings nyid klong // ma ni kun gzhi bde chen klong // mo ni rnam shes hUM chen 'bar// ma ni sprin med nam mkha'i mkha'// mo no sprin dang nam
- 199a
mkha'i klong // ma ni rang byung bde chen dang // mo ni rang byung sdug bsngal klong // ma ni sems kyi sems nyid dang // mo ni der rtogs rang rig klong // ma ni thams cad ma mo dang // mo ni ma mor bsdus pa'i don// ma ni ye shes brdul ba ste// mo ni chos nyid brdal ba'i klong // ma ni dbyings kyi yum drug ste// mo ni bcu bzhi ma mo dang // lnga bcu rtsa brgyad ma mo'i klong // ma ni tsit+ta byang chum sems// mo ni sems can sgrol ba'i klong // ma ni shes rab mun pa'i ngang // mo ni rang rig mun pa'i klong // de ltar rdzogs pa'i ma mo la// skad cig thang cig yud tsam gyi// thun dang nyid zhag zla ba lor// rang don sbrum pas 'di ltar brlab pa// bslab par bya ba med mod kyang // dang po las ni de bzhin nol/ rdzogs chen 'di la lam bcu ste// dang por thabs kyi lam lnga yang // mthar phyin lam dang sgrib med lam// g.yo med lam dang sgrim med lam// bya rtsal lam dang bral ba'i lam dang // de bzhin shes rab dang lnga ste// rdzogs chen lnga dang rnam pa bcu// 'di la sa ni rnam pa nyi shu ste// dang por sangs rgyas sa dang gcig/ ma chags pad+ma can gyi sa// yi ge 'khor lo rdzogs chen sa// g.yo sgyu med pa rab tu dga'// mi g.yo ba dang 'dren pa'i sa// dag pa'i sa dang smin pa'i sa// grol ba'i sa dang rdzogs chen sa// lhun grub sa dang btsal med
- 199b
sa// blta ru mi mthong mi rnyed sa// rang rigs dang rang gsal sa// mthong med sa dang nyams myong med pa'i sa// nyi shu sa yi dbang phyug ste// ma mo rdzogs pa chen por 'dod// 'di lta bu yi ma mo ma shes par// nga rgyal khengs dang dregs pa yis// ma mo sgrub pa snying re rje// ma mo ma yi don shes na// phyi nang thams cad 'di la yod// 'di la shes pa'i rnal 'byor pa// byin gri yu ba bud pa 'dra// de bas ma mo 'dod pa yi// rang srog nor dang chung ma yi// bla ma dam pa mnyes byas la// ma mo rtsa yi man ngag zab// de lta bu yi man ngag dam pa 'di// btsal bar bya zhing sba bar bya// khyed kyis 'di la nan tan gyis// de ltar 'di la rim pa yang // sngags pas sems ni gnas gyur na// bskyed la phyi rtags bcu dang dgu// nang rtags bcu dang brgyad 'byung ngo // rdzogs la phyi rtags bcu phrag bzhi// nang rtags nyi shu rtsa lnga ste// rdzogs chen phyi rtags drug dang lnga// nang rtags bzhi dang lnga la sogs// rtags te ma mo rnam 'byor las// 'byung ba lnga yis bsdus pa yin// 'di la rtags rnams mi 'byung na// me la dud pa mi 'byung ngo // dud pa me yi sheng bsregs rtags// ma mo'i lam yang de dang 'dra// 'di ni ma mo'i spyi yi te// bye brag mang po de dang 'dra// de ltar gyur ba'i ma mo yi// bskyed dang rdzogs dang rdzogs chen gyi// sems gzug yag lag bsam mi
- 200a
khyab// ma mo'i sems gzung ma shes par// ma mo sbom po snying re rje// las rnams 'chol ba zang re chad// ma mo'i sems gzung ji lta bu// de la phan yon ji ltar 'byung // ma mo sems ni 'dzin 'dod na// dang po ma mo'i mtshan nyid dang // dbye ba so sor shes byas te// de nas ma mo'i sems gzung ste// byed brag nyi shu rtsa lnga ni// shes nam mo rtsal dang ni// ma mo gang yin dbang du 'gyur// bdag nyid 'dod pa sna tshogs 'byung // ma mo sems gzung phan yon no// ma mo lam bstan pa ste// srid pa rgyud lung las le'u ste// bcu gcig pa'o// de nas ma mo de dag gi sgrub thabs bshad bya ste// dang po ye shes ma mo dang // lam gyi ma mo re zhig 'dra// gnyis pa bdag don yin pa'i phyir// de dag gnyis gnyis sgrub thabs kyi// sngar bshad sa gong gi rim pa ste// ma mo bsgom pa bsam mi khyab// 'di ni sgrub thabs grangs de// grangs la bsam gyis mi khyab ste// de la rtsom pa sbrel dang 'dra// rang don sgrub pa'i sgrub thabs so// gzhan don sgrub pa'i sgrub thabs ni// las la grub pa'i ma mo la// dbyings kyi yum drug la sogs la// ma mo spyi sgrub chen po la// ma mo bdun cu rtsa brgyad yod// de nas sgrub lugs gsum yin te// dbyings kyi yum drug sgrub lugs cig/ ye shes ma mo sbrum lugs cig/ sman mo 'khor tshogs sgrub lugs
- 200b
cig/ de nas rim gyi ma mo yi// sgrub lugs rib par dbye ba ste// tha ma mo'i bye brag la// ma mo re la sgyug lugs re// de yi sgrub lugs bshad kyi// dpe na dbyings kyi yum drug la// phyir sgrub la sogs drug yin te// phyi ltar sgrub na rdul tshon la// de yi snga rdzas la sogs pa// nang ltar keng rus dkyil 'khor te// rdzas la sogs pa de bzhin no// gseng ba mi khog skya mo ste// ting 'dzin la sogs de bzhin no// yang gsang rmad du byung ba yi// sgrub pa rang gi rigs mthun pa'i// mi yi khog pa'i dkyil 'khor la// rdzas la sogs pa de bzhin no// bya rtsal rdzogs pa'i sgrub thabs dang // de bzhin nang ltar gzir ba dang // gsang ltar gzir ba'i sgrub pa dang // yang gsang rmad kyi gzir ba dang // bya rtsa rdzogs pa'i sgrub thabs dang // yongs rdzogs gzir ba'i sgrub thabs so// sgrub thabs de dag re re la// gnas skabs las ni drug drug ste// phyi ltar bsnyen dang sgrub pa dang // las la spyir dang las kyi ni// lha ma yi ni chog dang // lhag ma nges par grub pa dang // de dag nye bar bsgrub pa ni// nges par gdon ni mi za bar// drug gis phyi yi las rdzogs te// bsnyen pas ma mo she bar byed// sgrub pas rang tha mi dad// las la sbyar bas dgra bas bsad de// las kyi lhag ma sbyin sregs yi// zor thun las kyi lhag ma yin// lhag ma nges par
- 201a
grub pa yin// rten la zor thun brdeg pa yin// de dag nye bas bsgrub pa yin// rten la mnan pa byed pa yin// nges par gdon ni mi za bar// klu la sogs pa rang la 'dod// 'di ni las kyi mtha' rdzogs pa// phung byed drag po'i las yin no// phyi la ji ltar nang la ste// de bzhin nang gi bsnyen pa ste// bsgrub pa las la sbyor ba dang // las kyi lhag ma gdon mi za// nye bar bsgrub pa rnam gnyis te// 'di ni nang gi las rim mo// de nas gsang ba'i bsnyen pa dang // bsgrub dang las la sbyar ba dang // las kyi lhag ma gdon mi za// nye bar bsgrub pa rnam pa gnyis// 'di ni gsang ba'i go rim yin// de nas yang gsang rmad du byung ba yi// bsnyen dang sgrub dang las la sbyar// las kyi lhag ma gdon mi za// nye bar sgrub pa rnam gnyis te// de bzhin bya rtsal rdzogs pa yi// bsnyen dang bsgrub dang las la sbyar// las kyi lhag ma gdon mi za// nye bar sgrub pa rnam gnyis te// yongs rdzogs chen po sgrub pa la// bsnyen dang bsgrub dang las la sbyor// las kyi lhag mo gdon mo za// nye bar sgrub pa rnam pa gnyis// phyi ltar shis bstan pa dang // shi sa'i bsnyen dang bsgrub pa dang // las dang las kyi lhag ma dang // lhag ma nye bar bsgrub pa dang // nges par gtan la 'bebs pa'o// drug gi las kyi rim pa rdzogs// de bzhin nang gi shis
- 201b
la// bsnyen dang bsgrub pa la sogs pa// drug po 'dra bar shes par bya// gsang ba'i shi sa bstan pa la// bsnyen dang bsgrub dang las la sbyar// las kyi lhag ma ste// gdon mi za bar nye bar bsgrub// yang gsang shi sa bstan pa la// bsnyen dang bsgrub dang las la sbyar// las kyi lhag ma gdon mi za bar bstan pa'o// bya bral shis bstan pa la// bsnyen dang bsgrub dang las la sbyar// las kyi lhag ma yang nges par// grub pa yin par 'dod// yongs rdzogs shis bstan pa la// de yi bsnyen pa bsgrub pa dang // las la sbyar dang las kyi lha// lhag ma nye bar bsgrub pa dang // de dag nges par byed pa ste// drug gi las kyi mtha' sdud yin// shi sa sgrub thabs mtha' sdud de// las kyi mtha' sdud drug tu 'dod// shi sa la yang gsum yin te// ma mo 'jigs sa bstan pa ni// dgra yis bsad pa bstan pa yang // ma mo gzir ba'i tshul bstan te// dgra yis bsad pa bsten pa dang // ma mo yang bsad pa'i tshul bstan pa// dgra yang bsad pa'i tshul yin no// de yang 'di ltar shes bya ste// ma mo 'jigs bsgrub la ni// shi sa dkyil 'khor la bzhin bri// ting 'dzin tshul lam 'jigs sa ste// ma mo dbus su bsgyel nas kyang // seng ldeng phur bu lag g.yon gyis// rang gi yongs su dpal bar bstan// sngags zlos 'jigs pa'i sa gzhi yin// de
- 202a
nas phur ba ma mo yi// snying khar bstan nas sngags zlos pa// ma mo gzir ba'i shis yin// de nas phyur pa ma mo la// btab pas bdud rtsi gso byed la// ma mo bsad tshul shi sa yin// 'di ni rnal 'byor mchog gi las// thams cad kun gyi bya ba min// de ltar ma mo sgrub pa ste// dbye ba gang yang mi shes par// las kyi ma mo las rtsom pa// phung byed las kyi mtha' 'khor te// 'jig rten rims dang dal gyis 'gongs// las kyi ma mo kha gting 'khrugs// gnod pa dgra bas rang la mang // phan na dgra bas rang la 'byung // ma mo sgrub pa'i dkyil 'khor yang // rgyas par nga yis bshad par bya// dang po phyi ltar bsgrub pa dang // rdul tshon legs par bris byas te// mtshams bzhi mda' dar me long yang // ral gri phur pa skud pas spras// dar gyi yol ba bla re dang // ma mo sgrub pa phyi bsgrub yin// de nas ma mo nang bsgrub yang // zhing chen zhing chung rtsig pa la// thod pa skam rlon kha bad btags// mchog chen mchog chung steng nas phul// 'og nas rag ta'i rba klong 'khrug/ steng nas zhing gi bla bre bkram// phyogs rnams zhing gi yol bas bskor// mtshams su mi dbang rgyal mtshan gzugs// nang ltar bsgrub pa'i dkyil 'khor yin// de nas gsang ba'i dkyil 'khor yang // gong gi de yi nang du yang // rgol khog pa grub bzhir gde
- 202b
nas// sher gyi sgor ni mgo bo ste// rkang pa nub la g.yas pa lho// lag pa g.yon la byang gi sgo// 'di ni gsang ba'i dkyil 'khor ro// yang gsang rmad kyi dkyil 'khor ni// rang rang sngags pa'i zhing chen nam// na chung khog pa dkyil 'khor yin// bya bral rdzogs pa'i dkyil 'khor yin// gri rgod snying gi dkyil 'khor yin// yongs rdzogs mi dbang tsit+ta yin// dkyil 'khor yin te de ltar ro// dkyil 'khor de ltar shes pa dang // de yi dkyil 'khor yod pa de// ma mo ngang gis 'du bar 'gyur// dkyil 'khor zab mo'i phan yon no// sgrub lugs de ltar re re la// las ni rnam pa bzhi yin te// bsad dang gso dang dbab dang bcad// 'di yang las kyi mtha' sdud yin// gsad la nang la sogs pa ste// gso la phyi ltar bsgrub pa shis// dbab bcad gnyis kyang de bzhin no// las kyi sbyor ba ma shes par// 'khrul 'khor brtsam pa snying re rje// mi shes pa dang the tshom pa// nyam nga 'jig dang le lo dang // mi gsang la sogs kun spangs nas// bsgrub na ma mo 'gyur par nges// ma mo sgrub par byed pa bstan pa ste// srid pa rgyud lung las le'u ste bcu gnyis pa'o// de nas ma mo'i g.yang sa yang // 'di ltar mkhas pas shes par gyus// dang po ye shes ma mo yi// sgrub pas bdag don 'dod pa la// las kyi ma nor 'khrul pa ni// 'di
- 203a
ni ma mo'i g.yang sa ste// ltung ba gzhan gyi don du lhung // lam gyi ma mo sgrub pa las// las kyi ma mo de bzhin no// ma mo g.yang sa gnyis pa yin// las kyi ma mo sgrub pa la// ye shes ma mor gol ba ni// ma mo'i g.yangs gsum pa yin// 'jig rten phan yon las pa yi// las kyi ma mo gang yin pa// 'di ni ye shes ma mo zer// srid mo la ni sangs rgyas zer// ma mo'i g.yangs chen por lhung // mnar med gnas su skye bar 'gyur// sems can phan pa 'ba' zhig mdzad// 'di la las kyi ma mo zer// mnar med gnas su de skye bas// 'di rnams ma mo'i g.yang sa ste// ma mo dbye ba ma shes par// g.yang sa las ni thar mi 'gyur// ma mo gnas kyi g.yang sa yang // ye shes ma mo rang gnas yang // 'og min la sogs yin pa las// dpag bsam shing dang ri rab la// ye shes ma mo'i gnas byed gol// 'di ni gnas kyi nga sa yin// las gyi ma mo de bzhin no// ri rab dang ni gling bzhi sogs// las kyi ma mo gnas yin te// rnal 'byor rang gi lus po la// las kyi ma mo gnas 'dod gol// de yang gnas kyi g.yang sa yin// rang gi dpal chen sku yin no// dpal gyi lus la srin mo gnas// skad gcig gnas ni yod ma yin// de na gnas kyi g.yang sa min// ri rab gling bzhi las kyi gnas// ye shes chos nyid ma mo
- 203b
la// las dang bag chags rdul yang med// de phyir gnas kyi gnas la bstan// lam dang 'bras bu'i ma mo gnyis sems can gnod pa mi mdzad do// rtswa dang mu ge sad ser dang // rims dang nad dang dal sogs pa// ye shes ma mo'i mthu yin zer// 'di yang las kyi g.yang sa yin/ las las grub pa'i ma mo ni// sems can bde dang dga' ba dang // rang gi bla med rigs 'dzin la// las kyi ma mo'i mthu yin zer// las kyi g.yang sa gnyis pa yin// ye shes ma mo'i mtshan nyid ni// rang rig ye shes dbyings na gsal// las kyi ma mo'i mtshan nyid ni// nyon mongs dug lnga khong nas 'khrug/ de gnyis dbye ba ma shes par// mtshan nyid g.yang sa chen por 'gro// lam dang ye shes ma mo la// mchod pas mnyes shing don mdzad med// ma bskangs mi dges gnod mi mdzad// de la mdos kyis skong ba gol// 'di ni skong ba'i g.yang sa yin// 'jig rten las dang dam tshig gi// ma mo 'di yi sha chos ni// bskang na dga' bde phan pa med// ma bskangs mi dga' gnod ma byed// 'di la mi skongs gol sa ste// 'di yang skong ba'i g.yang sa yin// mi rtag 'jig cing rten pa ni// 'di rten ma mo zhes kyang byang // drag po'i las las grub pas na// las kyi ma mo zhes kyang bya// mu kha le sa yi dam tshig/ dam tshig ma mos zhes bya ba// tha dad gsum du
- 204a
'dod pa gol// 'di ni ming gi g.yang sa'o// srid pa rgyud lung las byung ba'i// ri rab gling bzhi la sogs pa'i// dbyibs dang tshad sogs ma shes par// mdo sde theg pa la lta zhing // srid po spyi mdos byed pa gol// mdos kyi tshad kyi g.yang sa yin// mdos kyis dbye ba ma shes par// mdos kyi las la 'jug pa gol// mdos kyi las kyi g.yang sa yin// mdos kyi las kyi mtha' sdud brgyad// bye brag rim par ma shes par// mdos kyi las kyi mtha' sdud med// las kyi mtha' sdud g.yang sa yin// mdos kyi rgyu dang tshad dang dbyibs// kha dog sol sogs bzhi bcu brgyad// de dag byed brag ma shes par// mdos kyi bye brag g.yang sa yin// ting 'dzin sa yi bshags pa yang // las kyi ma mo dag la bshags// bshags pa'i g.yang sa gnyis pa yin// dmar gtor sha khrag dam rdzas dang // shel gong nag mo la sogs pas// las kyi ma mo bskang ba ste// sangs rgyas shad dang khrag mi gsol// srog dang mdangs la mnga' mi brjod// las kyi ma mo bskang ba la// ye shes ma mo skong ba gol// 'di ni skong ba'i g.yang sa yin// rang rig rang gsal ye shes des// mtha' dbus med pa'i chos nyid de// mi slu bas na don dam yin// skye 'gag med pas 'dus ma byas// rang byung yin pas 'jig rten 'das// de dag ye shes
- 204b
de// mang par 'dod pa ming las gol// 'di ni ming gi g.yang sa yin// ye shes ma mo'i ma mi gsod// srog chags 'das la de mi gzigs// dbugs dang srog la de mi dbang // drod dang rus la de mi gzigs// sems can gnod pa spangs pa'i phyir// de lta bu ye shes ma mo la// srog gcod zer nas dgra la sbyor// ling ga la sogs bstan byed cing // gsod pa gso bar gol ba ste// 'di ni gsang ba'i g.yang sa'o// srog dang mdangs la sogs pa la// skur pa 'debs pa'i g.yang sa yod// srod la dga' ba'i sha khrag za// mtshan mo dur khrod khyab par nyul// 'di ni las kyi ma mo ste// 'di las bsad pa'i las la ni// rigs 'dzin dngos grub 'dod na gol// 'di ni dngos grub g.yang sa yin// las kyi ma mo 'di la yang // mtshan nyid ngo bo las dang gnas// rgyu dang 'bras bu sa dang lam// nges tshig lam dang gnas dang rgyud// 'bras bu sa dang lam dang rtags// dbye ba'i ming la sogs pa yi// sum cu rtsa brgyad dbye ba yis// lam gyi ma mo bshad pa yin// de bzhin ye shes ma mo la// ye shes ma mo'i mtshan nyid dang // ye sa ma mo'i ngo bo dang // ye shes ma mo'i las dang // ye shes ma mo'i lam dang yang // ye shes ma mo'i rnam grangs dang // ye shes ma mo'i rgyud dang gnas// ye shes ma mo'i babras bu dang // ye shes sa dang la ma
- 205a
dang ni// ye shes ma mo dbye ba ming // ye shes ma mo las gol dang // mtshan ma gol dang gnas gol dang // ngo bo gol dang dbye ba gol// nus pa rtags la sogs pa yin// sum cu rtsa brgyad dbye ba yi// ye shes ma mo dbye ba ste// bshad pa de ltar ma shes par// ma mo bsgrub pa g.yang sa yin// g.yang sar lhung la mi spyod par// nyon mongs dbang po tho co spyod// de 'dra'i sems can snying re rje// dam pa'i rjes su mi 'brang bar// nyong mongs dbang gis gsang sngags spyod// 'di ni sngags kyi dam srid ste// ting 'dzin stobs dang ldan pa yis// bsgral ba'i zhing la gtogs pa ste// 'di la ma bsgral g.yang sa yin// g.yang sa ma spangs pa'i rnal 'byor pa// 'dab chags tha ma pha wang 'dra// g.yang sa spangs pa'i rnal 'byor pa// 'dab chags rgyal po khyung dang 'dra// g.yang shes pa'i rnal 'byor pa// ri dwags rgyal po seng ge 'dra// g.yang sa ma shes ma mo'i byed// dud 'gri lci ba'i sbar ba 'dra// de bas ma mo byed pa kun// ye shes ma mo rbad mi bya// las kyi ma mo skong ba yang // shel sgong la sogs srog chags kyi// 'dra ba'i gzugs dang bkrag dang mdangs// de yi ma mo snang ba la// srog dang sha khrag la sogs pas// bskang bar bya ba ma yin te// nga yi bka' la btags pa dang // nga yi dam tshig phog pa las// sems can 'dod
- 205b
par 'gyur ba ni// skad cig mi byed dam tshig yin// de ltar ma shes bya lugs de// rgyu yi mchog tu de byas na// ma mo skong ba dug dang mthun// mtha' ru phung ba ngas gsungs kyis// de bas srog chags 'dod pa spongs// rtag tu ma yang mchod pa phul/ sngags dang snying po sgra ma chag/ rang bzhin shi ba'i sha khrag las// gtor ma mtshan dang ldan pa gtang // bshags pa bskul brgyan ma bcad// rang dang spyi yi dam tshig bsrung // nus pa'i bya ba 'bad la bya// mi nus bya ba khas mi blang // de ltar byas na dam tshig ldan// dam tshig ldan na dngos grub 'byung // de ltar sngags pas nan tan gyis// gsang bas g.yang sa lhung ba med// ma mo'i g.yang sa bstan pa ste// srid pa rgyud lung las le'u ste bcu gsum pa'o// de nas gsang ba sngags kyi le'u// las ngan sems can 'dul ba dang // bstan pa gnas par bya ba'i phyir// nga yis khyed la bshad par bya// bsad pa srog gi 'khor lo yi// gsang pa'i g.yang sngags 'di yin te// ma ma ra tsa che ge mo mA ra ya nan// du man ta ka nan// ka ra Na na na Na// che ge mo mA ra ya las mdzod cig/ gsang ba srog gi 'khor lo'i mnan pa'i sngags so// de nas yang mdze nag las kyi 'khor lo'i sngags la// nA ga na ga shag/ che ge mo duM ba dum ya shig che ge mo tsit+ta dz+wa la ya ka ri na na Na Na na ga ya na Nan Na ya las
- 206a
mdzod cig/ mdze na ga las kyi 'khor lo'i mnan pa'i sngags so// sa bdag zha grum gyi la// A sta A sta b+han d+ha che ge mo b+han d+ha na na Na// b+han d+ha na na Na ya ya las mdzod cig/ sa bdag zha grum gyi mnan pa'i sngags so// de nas smyo 'bog snying gi sngags la// ma hA rA dza nu chol dbyang smra ru chug che ge mo rdul du chug/ ma hA ra tsa che ge mo na Na Na na ya ya las mdzod cig/ ya chod sgro 'bog snying gi 'khor lo bskor ba mnan pa'i sngags so// nag mdos kyi bzlog pa'i sngags// b+h+yo b+h+yo b+h+yo b+h+yo b+h+yo b+h+yo// srog snying rtsa ru 'di ru ste// dbyings kyi yum drug b+h+yo bzlog sngags// b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo// 'di ma mo bcu bzhi'i bzlogs pa'i sngags su shes par bya// b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo// b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo// b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo// b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo// b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo// r+dz+dzar+dz+dzats+tsha b+h+rU~M b+hUts+tsha b+h+yo zla bo mdos ma mo lnga bcu rtsa brgyad srog phreng yin par gsungs pa yin// bsad pa'i mdos kun gyis mtha' ma ra ya dang thun par gdags// de nas mdos kyi las brgyad la// gdon byas pa la mA ra ya phaT// rang sngags gzhug la gdags par bya// bkra shis swa ti si do ste// tshe la A yu dz+nyA na bsrung ba badz+ra rak+Sha te// khrus ni sna lnga sngags su shes// dbang la a b+hi Shiny+tsa
- 206b
yin// sems bskyed dam tshig gi sngags po d+he hrI sa ma ya yin// ma mo tshogs kyi 'khor lo'i sngags// ma mo 'ag na tsak+ka yin// mgo gzhugs pa'i bzhin rnams brtags// ma mo las kyi thun sdud sngags// zab pa sngags kyi le'u ste// srid pa rgyud lus las le'u ste bcu bzhi pa'o// de nas ma mo'i lta ba yin// gnyis med bde chen klong du lta// rang 'byung ma mo dang du lta// snang srid yum gyi b+ha gar lha// skye 'gro 'byung ba lnga ru lha// snang zhing srid pa grol bar lta// rang byung ye nas dag par lta// ye shes ma mo'i lta ba yin// lam gyi ma mo'i lta ba yang // snang zhing srid pa sgyu ma ste// sgyu ma ye nas rang bzhin med// rang bzhin med las rang bzhin byung // rang bzhin grol ba'i sems can la// thugs rjes 'gro ba skyob mdzad pa// lam gyi ma mo'i lta ba yin// las kyi ma mo'i lta ba ni// snying rje med cing gsod la dga'// mi sha khrag la longs spyod byed// sems can srog dang gsod par byed// nad dang rims kyi bdag mo ste// kha nas nad kyi rlang ba 'thor// sna nas bskal pa'i rlung dmar 'tshub// mig nas sngon dmar gzha' tshon 'char// snang srid zhig par bya ba ste// ma mo nga ni 'jigs byed yin// snod kyi 'jig rten zhig bya ste// sad ser rtsa ni 'jigs byed yin// bcud kyi 'jig rten zhig bya ste// rims dang nad dang dal dang mtshon// bskal ba 'jig par
- 207a
byed pa ste// ha yis sems can sgrags par 'gyur// hUM gis sems can sgrags par spro// 'dod chags zhes sdang la sogs pa// 'khrug pa las kyi ma mo yi// lta ba yin par nga yis bshad// ma mo'i lta ba bstan pa ste// srid pa rgyud lung gi le'u ste bco lnga pa'o// de nas ma mo'i spyod pa yang // gang du sa phyogs dkar ba ru// sku dang mchod rten brtsig pa dang // tsha tsha 'debs dang nye 'don dang // zam 'phrang chos dang bskor ba dang // yi ge 'dri mchod bklag pa dang // nyan dang kha don la sogs pa'i// mdor na dkar po'i chos rnams dang // de yi rdzas dang yo byad dang // bcang zhing rtsa bskyod pa yin// ma mo gong ma'i spyod pa'o// las kyi ma mo spyod pa ni// mi sha khrag la logs ku spyod bya// sha chen za zhing khrag chen btung // las kyi ma mo bdun cu brgyad// lus 'khor lo'i rtsibs bcu gnyis la drag snga dgod// ma mo'i sku gzugs bris nas// tshil chen dud pa rgyun mi bcad// tshil chen me mar de bzhin gtang // dang po lnga yi mchod pa yang // dus drug rgyun mi bcad par dbul// rkang gi gling bu bud par bya// thod pa'i cha lang brdab par bya// thod pa btags la rnga yang brdung // srid pa spyi blugs wa sa chen bgo/ sor tshigs 'phreng ba bgrang bar bya// bud med tshul du lab chung bgo// rang ga chen mchog gsal dmigs te// bdun
- 207b
gnas rnams ni ma mor lta// snang zhing srid rdzas rnam pa kun// ma mo'i rdzas su blta bar bya// bud med tshogs la khro mi bya// rang gis nyes na dbang mi gzugs// dur khrod chas kyi spyod pa dang // sman mo'i spyod pa 'phral du bya// mdos na gdug cing gtum pa yi// spyod pa bya bar ma gsungs so// srin po dang ni srin mo yin// spyod pa yin pa nga yis gsungs// ma mo'i spyod pa bstan pa ste// srid pa rgyud lung las le'u ste bcu drug pa'o// // de nas ma mo'i dkyil 'khor ni// chos nyid brtag pa'i ngang la 'dod// ma bcos bdal ba'i dkyil 'khor ni// chos nyid spyi khyab chen por 'dod// rang rig rang gsal dkyil 'khor ni// ye shes snang ba chen por 'dod// b+ha ga yongs kyi dkyil 'khor dang // bde chen thig le'i dkyil 'khor dang // bya rtsal lhun grub dkyil 'khor dang // mtha' dbus gnyis med dkyil 'khor dang // ya mtshan rmad du byung ba'i dkyil 'khor dang // ngo mtshar yongs rdzogs dkyil 'khor dang // bde chen klong 'byams dkyil 'khor dang / mkha' dbyings lhun grub dkyil 'khor dang // bdal ba chen po'i dkyil 'khol yin// ye shes ma mo'i dkyil 'khor yin// ji ltar 'dul ba'i dkyil 'khor ni// lam gyi ma mo'i dkyil 'khor yin// phyir ru rdul tshon dkyil 'khor dang // nang du keng rus dkyil 'khor
- 208a
sogs// sgrub pa'i skabs su gsungs pa kun// las kyi ma mo'i dkyil 'khor te// phyir yi dkyil 'khor rang la yang // dang po bsnyen pa'i dkyil 'khor yin// de nas bsgrub pa'i dkyil 'khor dang // las la sbyor ba'i dkyil 'khor dang // las kyi lhag pa'i dkyil 'khor dang // lhag ma nges pa'i dkyil 'khor dang // nye bar bsgrub pa'i dkyil 'khor dang // the tshom med pa'i dkyil 'khor dang // nang la sogs pa de bzhin no// bdun phrag bdun yang bdun te// bdun phrag bcu gnyis mkhas pas dbye/ dkyil 'khor de dag bzlas lugs ni/ rang las dmigs te bzlas pa dang / ma mo la dmigs te bzlas pa dang / bdag dang ma mo la dmigs te bzlas pa dang / bza' ba la dmigs te bzlas pa dang / sreg byed me la dmigs te bzlas pa dang / rdzas dang bral ba la dmigs te bzlas pa dang / srid pa lha srin la dmigs te bzlas pa dang / gza'i rten la dmigs te bzlas pa dang //
- 208b
@#// rgya gar skad du/ kar ma Da e na hi tan tra nA ma/ bod skad du/ bkol byang nam mkha'i rgyud ces bya ba// bcon ldan 'das rdo rje he ru ka la phyag 'tshal lo// sngon 'das pa'i dus ma byon pa'i sngob rol tu// ri rab ri'i rtse mo lha g.yung drung gi gnas su dpa' chen rdo rje he ru kas/ snang zhing srid pa thams cad yum gyi b+ha ga las shar bar mkhyen nas/ yum chen mo mu ga le'i klong nas gsang ba'o sku phyed nub tsam du bzhugs pa ste/ rnam par thar pa'i dbu gsum gyis/ snang srid pa thams cad zil gyis gnon gyin bzhugs so// gzhan yang nyid las mi pa'i 'khor dang / lhan cig skyes pa'i 'khor gnyis las// chos kyi sku'i cha 'dzin pa'i dbyings kyi yum chen mo lnga dang // longs spyod rdzogs pa'i cha 'dzin pa ye shed kyi ma rje mo bcu bzhi dag sprul pa'i sku'i ma mo 'dzin pan sman mo lnga bcu rtsa brgyad dang / dkar mo dbu dgu ma dang / spun mthing gi rgyal mo dang / dpal ldan re ma ti dang / gzhan yang tshangs ma la sogs pa dang / kun grags ma la sogs dang / bdud mo dgu dang / phugs bdag dgu dang / kha'i 'dud mo dang / bdud mo nyi shu drug dang / khyo mi 'dod bzhi dang / khyo mi 'dod lnga dang / bse mo bzhi dang / gdong mo bzhi dang / 'khor 'dul rgyal mo dang / byang 'brog dang // klu bdud dang / swa sin dang / rigs kyi ma mo dang / rdo rje dbyings
- 209a
phyug ma la songs pa'i rdo rje'i rigs kyi ma mi bsam gyis mi khyab pa dang / rin chen dbyings phyug ma la sogs pa rin chen rigs kyi ma mo bsam gyis mi khyab pa dang // pad+ma dbyings phyug ma la sogs pa pad+ma rigs kyi ma mo bsam gyis mi khyab pa dang / las rab dbyings phyug ma la sogs pa las kyi rigs kyi ma mo bsam gyis mi khyab pa dang // nam mkha' dbyings phyug ma la sogs pa de bzhin rigs kyi ma mi bsam gyis mi khyab pa dang // srid pa mo rigs thams cad kyis bskor zhing bzhugs so// gzhan yang bdud nag po bkrag med dang / dmu rje tsan pa dang / btsan ya ma skya gcig dang / tshangs pa dung gi thor tshugs can dang / de nor gyi bdag po// shan pa bya sprin dmar po dang / yar la shol gyi skye ho re dang // srid pa'i skos rje brang dkar la sogs pa'i/ bgegs kyi byang chub sems dpa' brgyad kyis bskor bapab 'di bzhugs so// de'i tshe 'khor de'i nang nas lha gnod 'dul stan las langs nas// yab mngon rdzogs kyi rgyal po la brkyang phyag lan bdun du bcal nas// 'di skad ces zhus so// mngon rdzogs rgyal po yab cig lags// sku gsum rdzogs pas thams cad 'dul// 'dul ba'i dus la bab lags na// 'jig rten pa yi mkha' 'gro rnams// dam la gdags shing brtan pa na gling bzhi mi yi 'jig rten
- 209b
du// 'jig rten las kyi ma mo 'khrug/ sems can kun la gnod byed pa// 'di rnams bcol zhing bskang ba'i don// mngon rdzogs yab kyi bka' stsol cig/ ces zhus pas// mngon rdzogs rgyal pos bka' stsal pa// nyon cig gnod 'dul lha yi gtso// de rnams bshad pa'i don de yang // rtsa brgyad mi gsal spros pa'i don/ nga yis khyed la bshad par bya'o// ston pa'i ston pa mngon rdzogs rgyal po ngas// nga yis ma byas gang yang med// ston pa sku gsum nga yi 'khor// de ji bzhin sku lnga nga yi 'khor// ma mo stong rdzogs nga yi 'khor// rtsa ba'i lha dang mgron gyi lha// de ltar snang ba nga yi 'khor// tan tra sde gsum nga las byung // rta mchog rol dang snang mdzad dang // he ru ka yi rol par snang // de yang 'dul bya bye brag gis// snang srid spyi yi gnas lugs dang // ma mo rnams kyi gnas lugs so// srid pa spyi yi gnas lugs ni// nam mkha' stong pa'i yi ge 'byung // stong pa drag po'i yi ge 'byung // mthing nag dbyibs kyi dkyil 'khor chags// ljang nag 'bar ba'i sa bon las// rdo rje ram las dkyil 'khor bskyed// chags pa dbang gi sa bon las// rba klong 'khrug pa'i dkyil 'khor bskyed// thugs rdzogs 'bar ba'i sa bon las// rab 'byams 'bar ba'i sa gzhir chags// zhe sdang rol pa'i sa bon las// brjid non 'bar pa'i
- 210a
ri rab chags// yon tan snying rje'i na sa bon las// bdud rtsi srog shing ljon par chags// srin las bzhi yi sa bon las// gling bzhi ri bran 'khor du chags// yon tan snying rje'i sa bon las// srid pa'i ri rgya mtshor chags// de ltar ri rab gling bzhi dang // gser gyi ri bdun rol pa'i mtsho bdun dang // mtha' ma lcags ri nag po bcas pa yang // dbyibs dang khyon dang rtsi shing nags tshal dang // 'byung ba chen po ldang dang // ma mo'i rang bzhin du gnas te// phyi snang ba rnam par dag pa'i ma mo zhes bya'o// de la rten pa'i 'gro ba rigs drug gi sems can sha khrag srog dbugs kyis bsdus pa rnams ma mo'i dkyil 'khor du gsal ba ni nang srid pa dag pa'i ma mo zhes bya'o// de ltar na snang srid thams cad ma mo'i dkyil 'khor du gsal lo// dang po srid pa chags tsam na las kyi ma mo rnams rab tu 'khrugs te snang srid rab tu g.yos so// 'gul lo// rab tu 'gul lo// ldeg go/ rab tu ldig go// 'ur 'ur// rab tu 'ur 'ur// kun tu 'ur 'ur// shig shig/ rab tu shig shig/ kun tu rab tu shig shig/ mtha' mtho / na dbus dma' 'o// dbus dma' na mtha' mtho ba las/ yum kun tu bzang mo'i mkha' klong du snang srid kyi ma mo dbang du 'dus so// de ltar na 'jig rten las kyi ma mo rnams bcos shing bskang ba'i don du//
- 210b
bdud mo bkol byang nam mkha'i rgyud chen po 'di ngas khyod la bshad par bya'o// khyod legs par nyon la yid la zung zhig ces gsungs so// bdud mo bkol byang nam mkha'i rgyud las/ gleng gzhi le'u ste dang po'o// gnod 'dul lha yis yang gsol pa/ mngon rdzogs rgyal po yab cig lags/ ma zhes bya ba ji ltar lags/ mo zhes bya ba ji ltar lags/ ma mo'i mtshan nyid ji ltar lags/ sde dang tan tra du zhig mchis/ 'jig rten las kyi ma mo 'di// bcos na yon tan du dang ldan// ma bcos pa yi skyon ni gang // mngon rdzogs dpal gyis bshad du gsol/ yang dag rdzogs kyis bka' stsal pa/ nyon cig gnod 'dul sems dpa' khyod/ ma mo'i mtshan nyid 'di ltar ro// skye ba med pas ma zhes bya/ 'gag pa med pas mo zhes bya// sde dang tan tra bsam mi khyab// tan tra stong phrag 'bum sde las// bsdus pa rnam pa bcu ru 'dus// lta ba'i rgyud dang spyod pa'i rgyud// dkyil 'khor rgyud dang 'phrin las rgyud// dbang gi rgyud dang dam tshig rgyud// ma tshang kha skong rgyud dang ni// spros pa'i rgyud dang rnam pa bcu// de las bsdus na rnam pa lnga// sku yi rgyud dang gsum gi rgyud// thugs kyi rgyud dang yon tan rgyud// 'phrin las rgyud dang rnam pa lnga// tan tra stong phrag 'bum sde las// le'u nyi shu rtsa gcig pa// rtsa ba'i rgyud du gsungs pa'o// bkol byang nam mkha'i rgyud
- 211a
chen po// sde yi spros pa'i rgyud du gsungs// 'jig rten las kyi ma mo 'di// bcos na yon tan bsam mi khyab// ma bcos mi bde sna tshogs 'byung // des na bcos pa rab tu gces// zhes gsungs so// bdud mo bkol byang nam mkha'i rgyud las// rgyud dbye ba dang skyon yon gyi le'u ste gnyis pa'o// gnod 'dul lha yis yang gsol pa// rgyud kyi nges tshig ji lngar lags// de skad gsol pa gsan nas kyang // yang dag rdzogs kyis bka' stsal pa// rgyud kyi nges tshig ngas bshad kyi// nyon cig gnod 'dul sems dpa' khyod// rgyud ces bya ba 'grel pa'i don// lung zhes bya ba gtan la 'bebs// don gyi dbyings byin man ngag yin// kun gyi gzhir gyur lung zhes bya// de don bshad pa rgyud kyi rgyal// tha snyad kun bral man ngag yin// zhal nas gsungs pa rgyud kyi don// mgur du ston pa lung zhes bya// thugs la gnas pa man ngag yin// steng sgo 'og sgo la brten nas// bskyed pa'i rim pa la gnas pa// theg pa'i rgyud ces rgyal bas gsungs// dbyings dang ye shes la smra zhing // rdzogs pa'i rim pa la gnas pa// theg pa'i yul du rgyal bas gsungs// rgyu las ma byung rkyen las ma skyes pa// rang byung ye shes la gnas shing // 'khor ba ka dag rin chen gling // man ngag yin par rgyal bas gsungs// gang la gleng gzhi gleng bslang
- 211b
la// shes par bya ba'i dngos po dang // ma tshang med dang 'brel ba'i phyir// gang las rgyud pas rgyud ces bya// brjod pa med las rjod 'byung ba// tshig gi don mtshon lung zhes bya// rtsal tshegs chung la dgos 'dod 'grub// nges par myur grub man ngag yin// rgyud don rnam pa gsum yin te// sbas pa gter dang 'grub pa lam// mthar phyin 'bras bu'i rgyud yin no// zhes gsungs so// bdud mo bkol byang las// rgyud lung man ngag gsum gyi nges tshig bstan pa'i le'u ste gsum pa'o// gnod 'dul lha yis yang gsol pa// ma mo'i rtsa rnams ji ltar lags// yang dag rdzogs kyis bka' stsol cig/ de skad gsol pa gsan nas kyang // yang dag rdzogs pas bka' stsal pa// ma mo'i rtsa rnams ngas bshad kyis// nyon cig gnod 'dul sems dpa' khyod// zab pa ma mo rtsa yin te// rab tu zab pa rlung yin no// kun tu zab pa thig le yin// zab pa'i zab pa byang chub sems// mkhas pas de yi don la sgom// yang na ma mo'i rtsa gnas yin// nga yis bshad kyi legs par nyon/ yul dang dngas ma'i rtsa rnams ni// 'khor lo gnas te rtsa 'dab so sor 'byung // ma mo'i rang bzhin ye yin pas// spyi sdom rang gnas 'di ltar ro// klad pa bde ba chen po la// rtsa 'dab sum cu so gnyis te// 'adz+ra he ru rtag pa'i rgyal mo bskor// mgrin pa
- 212a
longs spyod rtsa 'dab bcu drug ste// rnam par snang mdzad la nyon po'i ma bdun bskor// snying kha chos kyi 'khor lo rtsa 'dab rnam pa brgyad// rdo rje sems dpa' ye shes ma mos bskor// sprul pa'i 'khor lo rtsa 'dab drug cu rtsa bzhi ste// 'jam dpal dmar mo'i tshogs la nag mo stong gis bskor// yul dang dngas ma rtsa la gnas pa yang // rje mo bcu bzhi smin pa'i yul yin te// srin mo bdud dang gnyen po'i pa bdun ni// dmigs yul la sogs bdun la gnas// chags yul lte ba chags byed gnas// 'jug yul pho ba cha snyoms gnas// nam mkha' rgyal mo spun gnyis ni// bskyod yul gdung yang spyi phud ma// srid 'degs sreg yul gru gsum me la gnas// rtsa la gnas pa'i ma mo ni// gzhungs pa dza ti spun drug go/ srog rtsa 'dod khams ni mtshan gsum// yan lag dmag dang sring mo ste// sgal tshigs dbang mo nyer brgyad do/ dngas ma dag la yul drug gnas// rnal 'byor ma mo'i don sgoms pas// gnas lugs de ltar shes par bya'o// zhes gsungs so// bdud mo bkol byang nam mkha'i rgyud las// ma mo rtsa gnas kyi le'u ste bzhi pa'i// gnod 'dul lha yid yang gsol pa// ma mo'i bskyed rim ji ltar lags// yang dag rdzogs la bdag nyan 'tshal// yang dag rdzogs kyis bka' stsol cig/ de skad gsol ba gsan nas
- 212b
kyang // yang dag rdzogs kyis bka' stsal pa// nyon cig gnod 'dul sems dpa' khyod// ma mo'i bskyed rim ngas bstan gyis// dang por bdag gis bsam bya ni// mdun du mkha' 'gro rnam gsum bsam// de la bdun po yongs dag bya// de nas 'di ltar bsgom par bya// dmigs med ting 'dzin rnam dag cing // snying rjes nam mkha'i ngo bo las// 'dod chags gtan la 'bebabs pa'i hUM// zhes pas ting 'dzin rnam sum bsgom// hUM las rdo rje las grub pas// gur dang me ri 'bar ba bsgom// sa chu me rlung nam mkha' rnams// yum lnga yin te dbang chen bsgom// steng keng rus ri rab las// kha dog lnga dang ldan pa la// yi ge brum las byung ba yi// dur khrod gzhal yas ye shes lnga// mtha' dang dbus med gsal bar bsgom// de nas 'khor lo rtsibs bzhi la// phyogs skyong bzhi la sogs pa'i gdan// nyi zla pad+ma chags par bskyed// de ni rten gyi dkyil 'khor ro// zhes gsungs so// bdud mo bkol byang las// rten gyi dkyil 'khor bskyed bstan pa'i le'u ste lnga pa'o// gnod 'dul lha yis yang gsol pa// rten gyi dkyil 'khor de dbus su// rten can lha nyid ji ltar bskyed// yang dag rdzogs la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang // yang dag rdzogs kyis bka' stsal
- 213a
nas// nyon cig gnod 'dul sems dpa' khyod// rten gyi dkyil 'khor de dbus su// rten can lha nyid bskyed pa ni// nga yis khyod la bstan par bya// de nas rten can lha yi sku// bdag nyid yongs su gsal bya ba// yid chos hUM las rab grub pa// cho ga gsum pa'i 'phro 'du yis// mngon rdzogs rgyal po nga nyid dang // yum chen nyid gzhi'i sku ru bskyed// dbang bskur byin brlabs gzhung du bya// yab yum gnyis kyi byin brlabs las// sa ni mkha' 'gro rnam snang gsal// bgrang ba chu ni gnyen gsal ma// me ni 'od gsal rang bzhin te// dbugs ni yang gsal ma ru gsal// bkrag ni mkha' 'gro bkrag gsal 'bar// kun gzhi bde 'gro srog rtsa ni// nyi zla thod 'phreng yin par 'dod// dngas ma bzhi ni khros pa'i gzugs// tshogs brgyad du gsal// lte ba la sogs skal tshigs rnams// chags byed la sogs dbang phyug 'khor// yongs su rdzogs par bsgom pa yin// spyan drangs mchod dang bstod pa rnams/ gzhung gzhan dag kyang mthun par gsungs// de ni bskyed pa'i rim pa ste// de las yang dag bsgom par bya// de la bstan par gyur nas ni/ tshogs kyi lam la gnas pa ste// khams gsums ni non pa ru// kun tu bzang pos yang dag bshad// bkol byang nam mkha'i rgyud las// rten can lha'i sku bskyed
- 213b
pa'i le'u ste drug pa'o// gnod 'dul lha yis yang gsol pa// bskyed pa'i rdzogs pa ji ltar lags// nyag gcig yab la bdag nyan 'tshal// nyag gcig yab kyis bka' stsal pa// nyon cig g.yung drug yang dag pa// bskyed pa'i rdzogs pa gsungs pa ni// phung po lha yi skur gsal la// de la rtsa dang 'khor lo ni// rang bzhin gdod nas dag par 'dod// rtsa yi bye brag bsam yas kyang // bsdu na rnam pa gsum du ston// sku dang gsung dang thugs kyi rtsa// g.yas g.yon dbus dang gsum yin te// oM A hUM du rnam par gnas// yab yum gnyis dang bde 'gro ma'o// rtsa gsum de yi ngo bor gnas// 'khor lo'i bye brag bsam yas kyang // bsdu na rnam pa brgyad du gnas// rlung gi 'khor lo yang gsal lam// me ni 'od gsal rang bzhin te// lte ba chu ni gnyen gsal ma// snying kha chos kyi 'khor lo na// rdo rje rigs te rnam snang gsal// mgrin pa'i 'khor lo bkrag gsal ma// spyi bor nam mkha' kun bzang yum// gsang ba'i nor bu bde 'gro ma// 'khol lo drug ni ye shes drug/ gsang ba bde ba che po ste// ye shes drug dang bde chen sku// rtsa gsum sku gsung thugs su gnas// gzugs ni rtsa dang 'khor lo ste// de rnams ye shes rang bzhin pas// yang dag don la sbyor bas na// sbyor ba'i lam la nas pa'o// gzugs gzhan dag na 'di
- 214a
bstan te// snying kha chos kyi pho brang na// rtsa yi 'khor lo bzhi gnas te// chos nyid rtsa dang ye shes rtsa// rang skur yon tan rnam pa bzhi// thig le dngas ma rten dang drug/ ma mo drug gi rang gzhin te// chos nyid mkha' 'gro bkrag bsal ma// ye shes rnam snang rang bzhin te// rang rgyud gnyen gsal ma ru bshad// yon tan yang gsal ma ru bshad// thig le mkha' 'gro 'od gsal ma/ dngas ma sems kyi rang bzhin te/ kun tu bzang mo nyid yin no// de yi don rtogs bde chen po// yongs su bde bas bde 'gro ma// de yi don na gsal nyi zla// nyi zla thams cad gsal ba bzhin// dpe des mtshon nas don rtogs pas// chos nyid don la gsal ba'o// dngas ma chen po chos kyi sku// rang 'byung ye shes shar bas na// khyab pa chen po don gsal ba'o// rgyud gzhan dag gi 'dod pa ni/ 'khor lo rnam pa bzhi la yang // mkha' 'gro rnam pa gsum ni// rang byung gi ni gnas pa'o// lte ba chu yi pho brang na// A li dang ni kA li gnyis// rang bzhin ye nas gnas pa yin// snying kha chos kyi pho brang nas// dbyings phyug lnga dang ye shes lnga// rang bzhin ye nas gnas par 'dod// mgrin pa longs spyod pho brang na/ ye shes ma mo bcu bzhi dang / bcu drug yab yum gtso 'khor bcas// gdod nas rang bzhin na gnas pa'o// spyi bo bde ba chen po yi// sum
- 214b
cu rtsa gnyis rtsa rnams na// srid pa chags byed la sogs te// dbang phyug ma yi gtso bo bzhi// sum cu rtsa gnyis rang bzhin gnas// 'khor lo bzhi dang ye shes bzhi// rtsa rnams ye shes 'od zer te// 'od zer de nyid byang chub sems// sems nyid rnam par mi rtog pa// thams cad dmigs pa med pa'o// zhes gsungs so// bdud mo bkol byang las// rdzogs rim bstan pa'i le'u ste bdun pa'o// gnod 'dul lha yis yang gsol pa// ma mo'i rdzogs chen ji lta bu// yang dag rdzogs la bdag nyan 'tshal// yang dag rdzogs kyis bshad du gsol// de skad gsol pa gsan nas kyang // yang dag rdzogs kyis bka' stsal pa// nyon cig g.yung drug yang dag pa// rdzogs pa chen po'i don bstan pa// bdag nyid sku dang 'khor lo dang // rtsa yi bye brag bsam yas kun// sku gsung thugs kyi rtsa bar 'dus// rtsa gsum thig le cher por 'dus// thig le chen po byang chub sems// thams cad kun la khyab pas na// khyab pa chen po'i byang chub sems// bdal ba chen po'i rang bzhin nas// bde ba chen po'i byang chub sems// sems nyid kun bzang yab yum la// pha ma med pa'i pho mo gnyis// srid pa sngon du byung ba yin// sangs rgyas nyid pas shin tu 'gros// lnga las gyur pa'i ye shes lnga// gnyis med dbyings kyi yum drug yin// de kun yab yum
- 215a
gnyis su gsal// yab yum gnyis ni byang chub sems// byang chub sems la skye shi med// byang chub sems la 'du 'bral med// byang chub sems la rtag chad med// byang chub sems la 'pho 'gyur med// byang chub sems la phyi nang med// byang chub sems kyi don rtogs na// mngon rdzogs rgyal po rang byung sems// kun tu bzang mo chos nyid klong // chos nyid bdal ba chen po'i klong // 'byung ba lnga nyid ye shes lnga// ye shes lnga ni bdal ba'i klong // snang srid ma mo byang chub sems// snang srid ma mo skye 'gag med// ma ni rtag chen g.yung drung la// mo ni 'pho 'asgyur ye nas med// bde chen klong nas gting dpag med// ma ni rtag chad med pa la// mo ni 'pho 'gyur ye nas med// skye ba med pas 'gag med klong // mtha' dbus med par bdal ba'i klong // klong bdal 'di ni byang chub sems// byang chub sems kyi don rtogs na// bde ba chen po khyab pa'i sku// sems la yon tan kun 'dus pas// lhun grub byang chub sems zhes bya// rgyu dang rkyen gyis ma smyon pas// rang byung byang chub sems zhes bya'o// kun la khyab cing gsal bas na// khyab gsal bde rdzogs zhes bya'o// byang chub sems kun 'dus pas na// rdzogs pa chen po zhes kyang / bya'o// rdzogs pa chen po'i don rtogs na// man ngag thams cad de la rdzogs// ma
- 215b
mo thams cad de la rdzogs// snang srid thams cad de la rdzogs// skye ba rnam bzhi de la rdzogs// zhes gsungs so// lha gnod 'dul la sogs pa'i 'khor rnams dus gcig la dbugs phyung ngo // bkol byang nam mkha'i rgyud las// kun gzhi gtan la dbab pa'i le'u ste brgyad pa'o// gnod 'dul lha yis yang gsol pa// ma mo'i lta ba ji ltar lags// yang dag rdzogs la bdag nyin 'tshal// yang dag rdzogs kyis bka' stsol cig/ de skad gsol pa gsan nas kyang / yang dag rdzogs kyis bka' stsal pa// ma mo'i lta ba ngas bstan gyis// nyon cig g.yung drung yang dag pa// snod kyi 'jig rten shes bya'i yul// bcud kyi 'jig rten rig pa'i rten// yul dang rig pa gnyis med de// yang dag don gyis lta bar bya// thabs shes 'du 'bral med par lta// yab yum rol pa byang chub sems su lta// ma mo mkha' 'gro bran dang g.yog tu lta// sprul pa sna tshogs 'phro 'du dbyings su lta// gzhan yang ma mo'i lta ba ni// ma ni skye med sku ru lha// mo ni brjod med gsung du lha/ ma dang mo ni gnyis med thugs su lta// zhes gsungs so// bdud mo bkol byang nam mkha'i rgyud las// ma mo lta ba'i le'u ste dgu pa'o// gnod 'dul lha yis yang gsol pa// ma mo'i skye rgyud ji ltar lags// yang dag rdzogs kyis bka' stsal pa/ ma mo'i skye rgyud ngas bstan
- 216a
gyis// nyon cig g.yung drung yang dag pa// dang po snod kyi 'jig rten chags// 'jig rten bde ba'i dges pa las// bar der shin tu mi bde ste// sems can rnams la gnod pa byung // las dang rkyen ni drag po las// skyes pa'i las kyi ma mo gcig/ mu kha le nag mo bya ba byung // lus ni ri rab gling bzhi tsam// gdong lnga zhal lnga phyag drug la// rdzu 'phrul brgyad kyi zhabs dang ldan// sems can kun la gnod cing 'tshe// las kyi ma mo kha le dang // dbang phyug ma hA'i mdangs las ni// las kyi srin mo lnga skyes te// rnam snang gsal dang 'od gsal ma// gnyen gsal ma dang yang gsal ma// bkrag gsal ma dang srin mo lngas// bdud ni dgu khri'i rgyal po dang // srin mo phya sangs rgyal mo gnyis// ri rab bum par srid pa las// srid pa bde 'gro chen mo skyes// de bzhin dgu khri'i rgyal po dang // phya sangs rgyal mo de gnyis ni// bar snang mkha' la srid pa las// yum chen nyi zla'i zod 'phreng byung // yum chen nyi zla'i zod 'phreng dang / mu stegs ka la nag po gnyis// yid kyi sbyor ba byas pa las// bud med nag mo bzhi skyes te// dbyings phyug ma dang rgyan gyi rgyal mo dang // bdag nyid ma dang gcig pu chen mo bzhi// de bzhin phung byed sbas pa'i ma bzhi dang // nag po mi bza' sbyor ba byas pa las// khros pa'i dbang can bu mo spun
- 216b
bzhi byung // rdo rje nyi ma khros pa dang // srid pa bde sbyor khros pa dang // rdo rje bdud rtsi khros pa dang // khams gsum 'tshe byed khros pa'o// khros pa'i bu mo spun bzhi dang // rigs kyi 'byung ba bzhi par bshos// bu mo spun bzhi skyes pa ni// dkar mo mig gcig ma dang nag mo mche ba can// dmar mo mchu 'jib ma dang ser mo las mkhan no// srid pa skos rje brang dkar dang // srid pa chags byed srid pa las// bud med ral can spyan drug skyes// srid pa'i gru 'degs ma bzhi dang // rgyal chen bzhi rnams srid pa las// ma mo dmag dpon bzhi rnams skyes// dmu dang srin mor mtshos pa las// phung byed khros ma spyan bdun skyes// yar la shod kyi skyes to re dang // bdag nyid ma gnyis srid pa las// 'dod khams gtso mo spun gnyis skyes// bdud nag gsod byed chen po dang // e ka dzA Ti srid pa las// nam mkha'i rgyal mo ne mtshan skyes// lha dang gshin rje klu dang gnod sbyin bzhi// de bzhin srin mo bzhi ru srid pa las// las kyi sring bzhir skyes so// zhes gsungs so// bdud mo bkol byang las// las kyi ma mo skye rgyud bstan pa'i le'u ste bcu pa'o// gnod 'dul lha yis yang gsol pa// 'jig rten las kyi ma mo rnams// gling bzhi mi la gnod byed pas// de yi bskang ba ji ltar lags// yang dag rdzogs la bdag nyan 'tshal// yang dag
- 217a
rdzogs kyis bka' stsol cig/ de skad gsol pa gsan nas kyang // yang dag rdzogs kyis bka' stsal pa// nyon cig g.yung drug yang dag pa// ma mo bskang ba mdos yin no// gnod 'dul lha yis yang gsol pa// mdos la rnam pa du zhig mchis// yang dag rdzogs kyis bka' stsol cig/ de skad gsol ba gsan nas kyang // nyon cig yab kyis bka' stsal pa// mdos la rnam pa mang yod kyang // bsdus na brgyad dang bcu gsum mo// de las bsdus na mthar bsdus brgyad// brgyad ni rtsa ba'i mdos lngar 'dus// gnod 'dul lha yis yang gsol pa// rtsa ba'i mdos lnga ji ltar lags// yang dag rdzogs kyis bka' stsal cig/ de skad gsol pa gsan nas kyang // yang dag rdzogs kyis bka' stsal pa// nyon cig g.yung drung yang dag pa// rtsa ba'i mdos lnga ngas bshad kyis// srid pa spyi mdos btang ba dang // zhen zlog dgra mdos bya ba dang // rkyen zlog zug pa 'byung ba dang // sarba ru pas bskang ba dang // srid pa brgya yis gdab pa'o// de yi rtsa ba'i mdos lnga ste// kun la phyi nang gsang ba gsum// mdos la bye brag bsam mi khyab ces gsungs so// mkha' 'gro rdo rje bkol byang gi rgyud las// rtsa ba'i mdos lnga bstan pa'i le'u ste bcu gcig pa'o// gnod 'dul lha yis yang gsol pa// srid pa'i dbang can mo rnams
- 217b
kun// sems can kun la gnod byed pas// ma mo sgrub pa ji ltar lags// ri rab dkyil 'khor ji ltar bzhengs// sarba ru pas ji ltar bskang // sems can glud kyis ji ltar bslu// yang dag rdzogs la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang // yang dag rdzogs kyis bka' stsal ba// nyon cig g.yung drung yang dag pa// dkyil 'khor bsrung ba rnam pa lnga// bdag don ma mo spyi sgrub dang // ma mo bdud rtsi sgrub pa dang // gzhan don du ma mo gnas ro bsreg pa'i sgrub pa dang // mdos kyi skongs kyi sgrub pa dang // thun mong ma mo'i tshe dang dbang gi sgrub pa'o// ri rab dkyil 'khor bzhengs pa la// don ni rnam pa gnyis su bstan// sngon 'gro bsgrub pa'i gzhi dang ni// nyams su blang ba'i 'phrin las so// sngon 'gro'i gzhi ste// sgrub gnas nyams chag bskang pa dang // rdzas la sog pa'i bca' gzhi'o// spyi sgrub pa la don brgyad de// las dang rkyen dang thugs rje byen// sbyin bskyed dge ba bstan ldan pa// tshe ba sring dbang zang bskyed pa dang // snang srid ma mo bskang ba dang // yab bskyed man ngag gzhug pa na// thugs rje gnas su skong ba dang // ri rab gru 'degs mdzes ma bzhi// srung byed bzhi dang bcas pa'o// zhes gsungs so// bkol byang nam mkha'i rgyud las// ri rab dkyil 'khor mdor bstan
- 218a
ba'i le'u ste bcu gnyis pa'o// // gnod 'dul lha yis yang gsol ba// rten gnas btsal dang blang ba dang // rdzogs sangs rgyas bdag nyan 'tshal// yang dag rdzogs kyis bka' stsal pa// nyon cig g.yung drung yang dag pa// rten gnas btsal dang blang ba ni// ngas bstan pa las sems thud cig/ btsal bar bya ba'i cho ga ni// sngon du sgrub pa byin chen byas pa 'am// zhabs kyis bcags pa bkra shis pa 'am// rgyud gzhan dag las byung ba yi// gzhung dang mthun pa'i gnas btsal lo// sa blang la rnam pa gnyis// snang ba bdag po dag la blang ba dang // mi snang ba ni lha klul// gser skyems byin gyis brlab pa ni// 'di lta ste// hUM/ nga ni bdag gzhan don bsgrub pas// phyogs mtshams steng 'og thams cad na// lha klu gnod sbyin dri za rnams// 'byung po mang po gang gnas pa// bskang bzlog chen po'i bka' byung gis// mthun pa'i gser skyems 'di bzhes la// dngos grub bgegs su gyur pa yi// gnas 'dir g.yar gyis gzhan du zur// de skad ces ni brjod la btang // zhes gsungs so// bkol byang nam mkha'i rgyud las/ sa bslang ba dang gnas btsal ba'i le'u ste bcu gsum pa'o// gnod 'dul lha yis yang gsol pa// nyams chag byung na ji ltar bskang // yang dag rdzogs la bdag nyan 'tshal// yang
- 218b
dag rdzogs kyis bka' stsol cig/ de skad gsol pa gsan nas kyang // yang dag rdzogs kyis bka' stsal pab// nyon cig g.yung drung yang dag pa/ sku yi dam tshig nyams pa bskang zhing tshogs bsag pa'i thabs tsha tsha gdab pa dang / mchod rten brtsig pa dang gsung gi dam tshig nyams pa bskang zhing tshogs bsag pa'i thabs kun tu bzang mo bag chag dngos grub 'phrin las kyi don 'phreng klag pa dang // thugs kyi dam tshig nyams pa bskang zhing tshogs bsag pa'i thams nye 'don bya zhing zam 'phrang bcos pa dang / yon tan gyi dam tshig nyams pa bskang zhing tshogs bsag pa'i thabs kun tu bzang mo lta spyod kyi bshags pa nus tshad bya ba dang / 'phrin las kyi dam tshig nyams pa bskang zhing tshogs bsag pa'i thabs tshogs mchod chen po bya ba dang / de ltar ma grub na bde gshegs mchod pa gsung gi sbyin pa rgya chen po gtong ngo zhes gsungs so// bkol byang nam mkha'i rgyud chen po las/ nyams chag bsag pa'i le'u ste bcu bzhi pa'o// gnod 'dul lha yis yang gsol pa// nyams su blang ba'i 'phrin las gang // yang dag rdzogs la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang // yang dag rdzogs kyis bka' stsal pa// nyon cig g.yung drung yang dag pa// nyams su blang ba'i 'phrin las bsgrub pa la
- 219a
lnga ste// ri rab kyi dkyil 'khor bya ba dang / dkyil 'khor gyi sa gzhi gzung ba dang / sta gon bya ba dang // sarba ru pa bzhengs pa dang // 'phrin las bya ba dang // bska ba'i rim pa'o// dang po rab dkyil 'khor bya ba drug/ dang po sa sbyang ba ni/ dri chab kyi chag btab la 'di skad do// hUM/ dmigs med dbyings nyid kyi dkyil 'khor rang byung bas// dngos dang dngos med bag chags bsregs// badz+ra dza la raM// sna nas yaM las rlung byung bas/ dngos dang dngos med bag chags gtor// yam kar ma rag sha haM/ g.yon nas zla dkyil khaM byung bas// dngos dang dngos med bag chags bkrus// khaM khas me hUM// phyi nang snod bcu ma lus kun// ma rig log rtog dbang gis na// 'khrul pa yin par rab brtags la// ma grub dbyings su yang dag bsgom// ma dang mo yi don rtogs na// thabs dang shes rab sbyor ba las// byang chub sems kyi don rtogs shing // thams cad de las mnyam pa med// ces gsungs so// bkol byang nam mkha'i rgyud las// sbyangs pa'i le'u ste bco lnga pa'o// gnod 'dul lha yis yang gsol pa// sa gzhi byin rlabs ji ltar lags// yang dag rdzogs la bdag nyan 'tshal// yang dag rdzogs kyis bka' stsal pa// sa gzhi byin rlabs ngas bstan gyis// nyon cig g.yung drung yang dag pa// sa gzhi byi gyi
- 219b
brlabs pa ni// bdag gi thugs ka'i hUM las ni// 'od zer lcags kyus lha mo spyan drangs te// skyob pa sangs rgyas thams cad kyi// spyod pa'o tshul dang khyad par las// sa dang pha rol phyin pa yi// lha mo khyod ni dbang du 'gyur// lcug ma lan gsums la brdab// lha mo byon nas mdun du bsam// de la mchod pa dbul ba ni// hUM/ a ka ru dang ru ka/ sha ka ru dang lngar sbyar ba'i// tsan dan dkar dmar dri zhim spos// lha mo spos me'i mchod par 'bul// oM badz+ra d+hU pe hUM// me tog chu skyes dang ni thang skyes dang // pad+ma'i me tog 'dam nas skyes/ dbyibs legs rnam pa sna tshogs pa// lha mo me tog ma yi mchod par 'bul// oM badz+ra puSh+pe hUM// hUM/ gdug pa'i tshogs rnams 'joms pa dang // kun mkhyen ye shes gsal ba'i phyir/ kun tu gsal byed mar me 'di// lha mo mar me'i mchod par 'bul// oM badz+ra a lo ke hUM// hUM/ gsor chu glang chu la sogs pa'i// lhan cig skyes dang lngas sbyar ba'i// sna tshogs dag pa'i dri chab 'di// lha mo dri chab ma yi mchod par 'bul// oM badz+ra gan d+he hUM// hUM kha dog dri dang ro ldan pa'i// bza' btung rnam pa sna tshogs pa'i// thams cad sbyar ba'i bshos bzang 'di// lhan cig skyes dang lngas sbyar ba'i// lha mo ro mchog ma yi mchod par 'bul// oM badz+ra ne pe te hUM// hUM/ pi wang gling bu 'khar ba'i rnga// rdza rnga cang te g+han d+he
- 220a
dang // cha lang dril bu le sogs pa'i// sgra dbyangs sna tshogs pa// lha mo dbyangs snyan ma yi mchod par 'bul// oM badz+ra kyi te ka ta hUM// hUM/ sku dog bcom gser 'dra ma// rang rtags legs pa'i 'od 'bar ma// phyag na gser gyi bum pa'o// che mchog bka' gsol ji ltar bgyi// de'i tshe 'di skad smra bar bya'o// ji ltar mngon rdzogs rgyal po yis// rgyal bar byas te bdud kyi sde bcom ltar// thabs dang shes rab gnyis med par// bcom par byas te dkyil 'khor bri// de'i phyir dbang gyur lha mos kyang // sa gzhi byin gyis brlab tu gsol// gsum mdzod lha mo dga' mdangs 'byung // bdag la bskur ba 'di skad zer// khyod ni che mchog thugs rje can// sems can don phyir dkyil 'khor bris// de brjod lha mo'i 'od du zhu// sa gzhi gser 'gyur snyoms la bsnyen// sa gzhi byin gyis brlab pa'o// gsum pa lto 'phye rtags pa ni// dpyid gsum shar du ltar// dbyar gsum lho ru lta// ston gsum nub tu lta// dgun gsum ma byang du lta// de ltar ma nor brtags byas la// dngos grub gang 'dod// lto dbus bskor// bzhi pa chu yi pra lta ba// brkos pa'i lto dbus bdun rtsi chu yis dgang // gang bcus shar phyogs gom bdun 'gro// dngos grub brtags pa'i sngags 'di bzlas// oM 'adz+ra shri he ru ka sid+d+hi hUM// slar log g.yas 'khyil
- 220b
/ dngos grug 'bar// g.yon 'khyil drag po'i sbyin sreg bya'o// lnga pa/ sa yi pra lta ba/ mdog gang ma nor tshad dag gis/ phyogs bzhir drangs brko ba ni// snying kha lte ba pus num tsab// dngos grub rab 'bring gsum du dgo// de nas ro lnga bsal ba ni// dum bu gsum pa'i thod pa la// gtor lnga sha lnga 'bru sna lnga// sman lnga snying lnga khrag sna lnga// nyi shu rtsa lnga nang blug la// phyogs bzhi dbus dang lnga ru bzhag/ g.yo ba steng 'og me rgya gram// kha rnams de 'dras gcad par bya// rtsa ru ga tshogs phur stobs po che// byin gyis brlab la gzugs par bya// hUM// sa yi lha mo 'khor bcas rnams// sngon tshe che mchog he ru kas// khyad par chen po'i gter bum 'di// dkyil 'khor bri phyir gter du 'bul// zhes gter du sba'o// mkha' 'gro lnga yi sngags btab la// de rjes sa yis dgos pa bya ba'o// sa dbus mtho na dngos grub 'grub// ma / khengs sngags 'di gdab par bya// oM shri he ru pra sha staM pa ni hUM phaT// sa yi pra ni brtag pa yin// 'dom gang tshad ni 'das par brtsig/ rag ta dza gad bdud rtsi lngas// skyang nul legs par bya ba'o// hUM/ rag ta dmar gyi chag chag 'di btab pas// thugs rje chags pas dbang du sdad gyur cig/ dza gad rgyal po'i chag chag 'di btab pas// khams gsum zil gyis dus gcig gnon 'gyur cig/ bdud rtsi rnam pa
- 221a
lnga yi chag chag 'di btab pas// ye shes lnga yi 'od zer gyis// dkyil 'khor mi gtsang dag gyur cig/ dkyil 'khor bya ba'i rim pa// sa gzhi sta gon la gnas pa'o// zhes gsungs so// bdud mo bkol byang nam mkha'i rgyud las/ sa gzhi byin gyis brlabs pa dang dkyil 'khor bya ba'i rim pa sa gzhi sta gon la gnas pa'i le'u ste bcu drug pa'o// gnod 'dul lha yis yang gsol pa// dbang gzugs rim pa gang lags pa// rdzogs sangs rgyas la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang // yang dag rdzogs kyang bka' stsal pa// nyon cig gnod 'dul sems dpa' khyod// sa gzung cho ga ngas bstan gyis// sa gzhi mnyam pa'i steng du yang // slob dpon gtso bo'i nga rgyal can// rje chung rnga lding thogs nas ni// nyid kyi ting 'dzin bzlas pa las// ma yengs gnas de 'jug pa las// mkha' 'gro bzhi yi nga rgyal can// mnor slob ma phyogs bzhir 'dul// phyi nang gsang bas mchod bya ba// phyi yi mchod pa gong bzhin bya// hUM// pad+ma zil dri dang ni ra gtar bcas// rdo rje las kyi chu dang pany+tsa a mri ta// sbyor dang sgrol ba'i bdud rtsi mchog nyid kyis// rdo rje slob dpon tshogs kyi gtso bo mchod// snod kyi 'jig rten gtor gzhong du// 'gro drug sems can gtor ma
- 221b
bya// sha sna brgyad dang snying sna brgyad// dam rdzas tshang ba'i mchod par bzhes// mu la rag ta rtsa ba'i khrag/ chu dang ma 'dres dang ma'i khrag/ ma hA rag ta sbyor ba'i khrag/ khrag sna stong la sbyar ba yi// dam rdzas tshang ba'i mchod pa 'bul// yul rnams phar snang yum gyi dbyings// dbang po tshur snang thabs kyi yab// gnyis med sbyor ba byang chub sems// byang chub sems kyi mchod pa bzhes// zhes mchod la bstod de// hUM/ mi skye mi 'gag dkyil 'khor nas// mkha' 'gro gtso bo thugs mchog nyid// mi 'byed rdo rje bdag nyid can// zhe sdang tshar gcod khyod la bstod// hUM/ dgos 'dod re skong kyil 'khor nas// yon tan zad med bdag nyid can// nga rgyal tshar gcod khyod la bstod// hUM/ gsung mchog rgyal ba'i dkyil 'khor nas// thams cad gsung gi bdag nyid can// 'dod chags tshar gcod khyod la bstod// hUM/ zhi rgyas dbang drag dkyil 'khor nas// 'phrin las lhun grub bdag nyid can/ 'bras bu lhun grub bdag nyid can// 'bras bu lhun grub bdag nyid gtso// phrag dog tshar gcod khyod la bstod// de skad bstod cing 'di skad bskul// hUM/ bde gshegs kun gyi thugs mchog nyid// mi skye'i chos la mnga' brnyes pas// dbang thang tshe sring bdag po khyod// ri rab dkyil 'khor bshad du gsol// bde gshegs mkha' 'gro yon tan
- 222a
mchog/ nga rgyal srin mo'i dpung bcom nas// bskang bzlog chen po'i bdag po khyod// ri rab dkyil 'khor bshad du gsol// bde gshegs mkha' 'gro'i gsung mchog nyid// sna tshogs sgra yi don rnams ston// sems can thams cad gso mdzad pa// ri rab dkyil 'khor bshad du gsol// bde gshegs mkha' 'gro 'phrin las bdag/ gdug pa'i dgra bgegs tshar gcod cing // 'phrin las rnam bzhi mthar phyin pa// ri rab dkyil 'khor bshad du gsol// de skad rjes la bgegs bskrad bya// gtso bo dkyil 'khor la bzhengs nas// phyogs bzhir rnam par ltas che ba// che mchog rkang pa g.yon pa las// a las sna tshogs rdo rje bsam// mig gnyis a las nyi zla bsam// bzlog ste khros pa'i spyan gyis lha// nyid kyi sngags kyis sku gsung thugs// ri rab byin brlab mdzad nas ni// gsang ba'i rnga brdung 'di skad brjod// hUM/ nga ni khrag 'thung kun gyi rje// nga ni khrag 'thung kun gyi mgon// nga ni khams gsum kun gyi yab// snying rje mchog gi dkyil 'khor srun/ byang shar mtshams su rab mchod la// drag po'i rkang thabs la gnas te// khros pa'i sems kyis 'di skad smras// hUM/ nyon cig bgegs tshogs ma lus kun// lus ngag sems la gnas pa kun// che mchog he ru nga yi bka'// bsrung ba'i 'khor lo dam
- 222b
pa yin// zhes bsgrags la// hUM hUM zhes brjod cing khri bo bzhi'i stang stabs kyis g.yas nas bskor la// khro bo dza mi ri yis bsrung ba'i 'khor lo'o// de nas mkha' 'gro lnga dang ldan pa'i dar gyi cod pan can lnga ni phyogs bzhi dbus dang lngar btab la// mchod cing bstod de go bsgo bsrung ba bya// de ni sa gzhi gzung ba dang mtshams kyi bca' gzhi'o// zhes gsungs so// bkol byang nam mkha'i rgyud chen po las// sa gzhi gzung ba dang mtshams kyi bca' ba'i le'u ste bcu bdun pa'o// gnod 'dul lha yis yang gsol pa// thig gi cho ga ji ltar lags// yang dag rdzogs la bdag nyan 'tshal/ yang dag rdzogs kyis bka' stsol cig/ de skad gsol pa gsan nas kyang // yang dag rdzogs kyis bka' stsal pa// nyon cig gnod 'dul sems dpa' khyod// thig gi cho ga 'di lta ste// ral pa la dag la bkal pa yi// thig skud gsar pas rab tu mdzes// tshon sprad kha dog rab lnga ldan// nyis 'gyur nyi shu rtsa lnga'o// yab yum byang chub sems de lnga// 'kha' 'gro lnga yi sa bon bsam// de zhu mkha' 'gro lnga ru gyur// de las rang bzhin mkha' 'gro bstim// mchod pa'i rdzas ni rdzogs byas na// lha lnga 'od zhu thig tu gyur// thig skud de la sngags 'di bzlas// oM shri he ru ka ha ha ha ha ha ha pra ta ka ra sa ta hUM// grangs ni nyi shu rtsa gcig ste// sku
- 223a
gsung thugs kyi snying po bzlas// rdzas bskul nas ni tshogs kyi rje// ye shes thig gi rang bzhin pas// mkha' 'gro lnga yi thugs nas drangs// tshon thig la bstim gnyis med bstim// phyogs bzhir grangs la 'di skad bsgo// hUM/ phyogs bcu drengs pa srin mo'i tshogs// log lta 'dul zhing don bya'i phyir// dpal chen mkha' 'gro'i tshogs bcas kun// ye shes lnga ni gcig tu gyur// rdo rje gcig tu bsgril bar bya'o// de la mchod bstod mkha' 'gro'i bzlas pa bya// che mchog nga rgyal dang ldan pa'i// sa ma yang su tra ma ti kra ma hUM// zhes brjod la lte ba nas skyangs slob ma las kyi he ru kas// sa ma ya su tra ma ti kra ma dzA dzA// zhes smin mtshams su gzud do// slob dpon shar lta slob ma nub// slob dpon byang slob ma lho// tshangs thig gnyis pa gdab par bya// dri za srin po'i phyogs rnams la// mtshams kyi thig gnyis gdab par bya// cha chen bcu drug dag tu gdab// phyed dang sum la pho dngas// bzhi dang lnga phyed bang rims// lnga phyed drug phyed bsdom pa las// rgya mtsho ri rab bum pa'i sa// bdun drug par ni ro bdun sa// ba rgyad pa gzhan pas cha bskyed la// gling rnams lcags ri bri sa yin// thig 'debs la gar 'di skad bsgrags// hUM/ stong gsum stong gi 'jig rten nas// nga yis dkyil 'khor thig 'debs kyis// bar gcod
- 223b
bgegs sogs gang yang rung // thig gi sgra yis gzhan du dngos// brjod la gong bzhin gdab par bya'o// de ni ye shes thig gdab pa'o// de nas las thig gdab bya ste// yab yum thabs dang shes rab kyis// gnyis su med par sgrib par bya'o// thig skud skyon med nyis 'gyur tshad// sbom phra sgo yi nyis 'gyur cha// hUM las rdo rje rgya gram gyur// cho ga rdzogs pa'i las byas na// 'debs pa'i byin dang ldan par gyur// de nas gong bzhin gdab par bya'o// rdo rje tshig tu 'di skad brjod// hUM/ bkra shis mtshan ldan mi mo dang // rdo rje rigs kyi yum mchog ni// so'i tshags dam shing smin kyus ring // sha mdog dkar la mdangs ldan nas// 'gro na bstas sdug smra ngag snyan pa// mtshan mchog sum cu rtsa gnyis tshang ba des// bsgrub pa po yi yum du byin gyis brlab par bya'o// mang ngag can gyis bstod par bya'o// shes rab can gyis bka' bar bya'o// zhes brjod la yab yum gnyis su med pa'i byang chub sems thig le la babs pas thig skud dkar ldem gyis zhu nas dkyil 'khor la thim pas/ steng lha'i gnas// 'og klu'i gnas/ bar mi'i gnas/ mdos ri rab kyi dkyil 'khor du gyur par bsam mo// de nas las kyi he ru lcags kyu thogs pa gcig byung ste spos pa las/ 'og min gyi gnas nas phyogs bcu dus gsum gyi bde bar
- 224a
gshegs pa dang / mkha' 'gro ma mo'i thugs yang dag pa'i ye shes ri rab kyi dkyil 'khor gcig tu bkug nas bstim pas/ rin po che 'bar ba'i dkyis 'khor gcig tu gyur par bsam mo// zhes gsungs so// bdud mo bkol byang nam mkha'i rgyud las/ ri rab kyi dkyil 'khor thig gdab pa bstan pa'i le'u ste bco brgyad pa'o// gnod 'dul lha yis yang gsol pa// sta gon rim yang ji ltar lags/ yang dag rdzogs la bdag nyan 'tshal/ yang dag rdzogs kyis bka' stsol cig/ de skad gsol pa gsan nas kying // yang dag rdzogs kyis bka' stsal pa// nyon cig g.yung drung dag pa// sta gon rim pa' de lta ste/ de nas lha yi sta gon la/ lha rang rang gi gnas ni dbus gru gsum na yab yum gnas so// ri rab kyi bum pa la 'khor lo rtsibs bzhi dbus kyi lte ba dang lnga la yum lnga'o// gnyis pa'i byang shar la srid pa bde 'gro ma// shar lhor zod 'phreng ma// zur bzhir dbang mo che bzhi// phyogs bzhir ma bzhi phyogs slad bzhi// gsum pa'i phyogs bzhir cha byad cha snyoms gnyis// nam mkha'i rgyal mo spyan gnyis// byang sha ra du bdag nyid ma// mtshams gsum du srin mo gsum// phyogs bzhir srin mo bzhi// bzhi pa'i shar nub tu 'dod khams spun gnyis// phyogs bzhir dmag dpon bzhi// phyogs bzhir sring mo bzhi// mtshams
- 224b
bzhi'i gru chad la gru 'degs bzhi// shar gyi lcags ri la rdo rje rigs kyi dbang phyug ma bdun// lho ru rin chen rigs kyi dbang phyug ma bdun// nub tu pad+ma rigs kyi dbang phyug ma bdun// byang du las kyi rigs kyi dbang phyug ma bdun no// de ltar lha thams cad kyi gnas su rang rang gi sngags bzlas shing ri dang me tog gi thig le bya'o// bdud rtsi'i thig le bkod la// dbyings kyi yum lnga la ha lnga dgod// ma mo bcu bzhi la hUM bcu bzhi// sman mo'i dmag dpon yan chad la ma nyi shu rtsa gsum// srid bzhi la phaT bzhi// dbang phyug ma rnams b+h+yo nyi shu rtsa brgyad dgod// yi ge rnams 'od kyi tshul lam// skyed pa rkyen gyi sngags kyis rdzogs pa'i tshul du bskyed do// ye shes pa bkug la gur gyi nang bzhugs pa la mchod bstod bya// dang po la spyan drang ba ni// thod pa mkhar gyi phyag rgya bcas la dbyings kyi yum lnga spyan drang ba ni// ye shes rtsal 'phangs thig le la/ bsgom bya'i ma mo bcu gsum la// drug cu rtsa brgyad dkyil 'khor rdzogs// gnas 'dir mchod kyis gshegs su gsol// thig le dbyings las bskyed pa'i khro rgyal yum// ye shes thugs las sprul te khro mo'i tshul bstan pa// khrag 'thung rgyal po dur khrod kun gyi rje// yab yum gnyis med bsres mor dam bcas pa// thugs dam bdag la dgongs las gshegs
- 225a
su gsol// snying khar phyag rgya bcas la ye shes ma mo rnams spyan drang pa// ye shes dang la bskyed pas sprul pa khro mo'i tshogs// sems la skye shi med pa' ma mo bcu gsum dang // srid pa'i thugs da ma bskang phyir gshegs su gsol// gsang bar bcas pa spyan drangs pa// yul dang sems las bskyed pa'i khro mo'i tshogs// lnga bcu rtsa brgyad tshogs kyi dkyil 'khor nas// thugs dam bdag la dgongs zhing gshegs su gsol// nam mkha'i lus can gar yang thogs med cing // 'dod dgur bsgyur ba'i gzugs can 'phrul mo che// ma sring byams ma'i tshul du grogs mdzad ma// rnal 'byor mthu rtsal bskyed phyir gshegs su gsol// e h+ye hi b+ha ga ban// dza hUM baM ho// sa ma hUM/ sa ma ya s+t+waM// shri he ru ka// e h+ya hi a ra li ho// hri hri// zhes spyan drang ngo // oM shri he ru ka kro d+hi shwa ri s+t+waM// hUM ha he phaT// ma mo yo gi ni ru lu ru lu hUM b+h+yo// ka ya bag tsit+ta badz+ra a ti pu ho// pra ti bu ho// ma hA pu ru sha ho// zhes pas bzhugs su gsol ba la phyag 'tshal lo// gong gi phyi nang gsang ba'i mchod pas mchod do// de nas bstod do// hUM// bcom ldan che mchog he ru ka/ mtshan dang dpe byad yang dag ldan// yum dang gnyis su med par bzhugs// yab yum gnyis med sku la bstod// hUM// gdod nas dag pa'i theg le chen po nyid// rtog pa gsang
- 225b
ba'i theg le chen po nyid// dngos grub len pa'i theg le chen por 'bar// lhun gyis grub pa'i ma mo khyod la bstod// hUM/ gdod nas ma 'gags rang byung 'od gsal ba'i// yon tan tshogs rdzogs bde ba chen po'i sku// gdul bya rnams la gzhan don lta bur mdzes// ye shes rol pa'i ma mo khyod la bstod// hUM/ snying rje'i shugs kyis sna tshogs sku ru bstan// gdul bya rnams la chu zla lta bur gsal// gdug pa'i tshogs rnams 'dul ba'i las mdzad ma// thugs rje sprul pa'i ma mo khyod la bstod// hUM/ khams gsum kun la dbang sgyur rdzu 'phrul can// thugs rje shugs kyis sna tshogs sku ru bstan// rtag tu sbyor grol gnyis kyi las la brtson// srid pa'i sman mo 'jigs pa'i tshogs la bstod// de rjes bstim gzhugs bya ba ni// oM A hUM// dza hUM baM ho// dzas 'gugs// hUM gis gzhug/ baM gyis bstim/ ho yis dges pa bskyed do// de ni lha sta gon la gnas pa'i bca' gzhi'o// da ni rdzas dang yon bdag gi sta gon la// yon bdag gi sta gon ni che'i bum pa bzheng la/ tshe khugs par byas la tshe bkugs su gzhug pa'o// de nas yon bdag gi sta gon no// rdzas kyi sta gon ni// bstang bdag gi sta gon no// rdzas kyi sta gon ni// bstang ba'i rdzas rnams bsogs la/ yul mkhar du byin gyi brlab pa ni// lus ngag yid gsum byin gyis brlab pa dang // nor phyugs gser
- 226a
dang dngul du byin gyis brlab pa dang gsum mo// de la dang po yul mkhar du byin gyis brlab pa ni/ bdag gi thugs kha nas yi ge ma cig dar che gsum gnyis la 'phros pas ma las nyi ma'i dkyil 'khor du bsam/ steng du yi ge 'bru lnga 'phros 'dus pas yab yum gyur/ yab yum sbyor ba mdzad pa'i byang chub sems phyogs bcu dus gsum gyi bde bar gshegs pa rnams la thim/ bde gshegs rnams kyi bcud bsdus nas yab yum la thim pas// yab yum 'od du zhu nas bdud rtsi dri ma med par 'gyur ba ni nang ma mo'i mdos la sta gon no// 'od kyi sgra dang rnal 'byor pas// oM A hUM// sarba pan+d+ha rad na ye swA hA// zhes pas rin po che lnga'i phung po yul mkhar bas lhag par bsam la// de ni srin mo las kyi ma mo la snang ba'i sta gon no// sems can gyi rgyu sum cha'i sgra las// a Ni su tri pri du// sarba tad khaM// ud khaM de swA hA// zhes 'gro ba rigs drug gi sems tsan bsam yas par brlab pa ni// phyi srin mo'i mdos las snang ba'i sta gon no// nam mkha' bdud rtsir gyur pa'i sgra las// kha sa mu ma pa la tra tha tad khaM ud ga te// sa ra na hi maM ga ga na khaM swA hA// zhes pas srin mo'i sems la ji ltar 'dod pa bzhin byin gyis brlab bo// de ni sta gon gyi bca' gzhi'o// zhes gsungs so// bdud mo bkor byang nam mkha'i rgyud chen po
- 226b
las// ri rab kyi dkyil 'khor gyi rim pa dang sta gon gyi bca' gzhi bstan pa'i le'u ste bcu dgu pa'o// gnod 'dug lha yis yang gsol pa// sa tshon byin gyis brlab pa dang // dkyil 'khor bri ba ji ltar lags// yang dag rdzogs kyis bka' stsal pa// nyon cig g.yung drung yang dag pa// sa tshon byin gyis brlab pa ni// nga yis khyod la bshad par bya'o// de nas slob dpon dam pa yis// nang par dkyil 'khor bri ba brtsam// sa tshon rnams ni dgod par bya// mthing kha dbus la dkar po shar// sngon po lho la dmar mo nub// ser po ljang khu byang du gzhag/ rab 'bring tha ma lcogs tshad la// rigs kyi lha lnga dgod par bya// rgyal mo lnga yi sku bskyed nas// rang bzhin dkyil 'khor bzhugs su gsol// mchod pa phul la 'dzab 'di bzlas// oM shrI he ru ka rat+na ban tsa sa ma ya hUM// lha rnams zhu nas tshon la thim// rin chen lnga ru gyur bar bsam// de nas 'bri ba'i las rnams bya// sa tshon bro kar 'di skar brjod// hUM ma bcos dbyings nyid dag pa las// de byung rtag pa'i rgyal mo lnga// tshon gyi 'phrin las bdag gis bgyi// de skad brjod de bri bar bya// dma' na dngos grub 'ong ba med// yon bgegs rnams 'jug pa yin// chad na yon bdag slob ma 'chi// log pa'i ri mo byung ba na// zhi ba'i sbyin sreg bya bar gsungs// de nas pe ga tra
- 227a
ma sid+d+hi hUM zhes pas// sta gon gyi lha rnams gur gyi steng du bzhugs su gsol lo// sngags 'di bzlas pa la mchog phur gdab/ oM shrI he ru ka si su sarba shad druM hUM phaT// ces brjod nas mchog phur btab la// phur ba'i shul du tshon lnga'i tshom bu bya'o zhes gsungs so// bdud mo bkol byang nam mkha'i rgyud chen po las// sa tshon byin gyis brlab pa bstan pa'i le'u ste nyi shu pa'o// gnod 'dul lha yis yang gsol pa// dkyil 'khor ji ltar bri bar bgyi// dam pa khyod kyis bshad du gsol// de skad gsol ba gsan nas kyang // yang dag rdzogs kyis bka' stsal pa// nyon cig g.yung drung yang dag pa// bri paba'i thabs ni 'di yin no// ngas bstan pa la sems thud cig/ yum chen mo nyid bzhi mu kha le'i b+ha ga las// snang srid thams cad 'char ba'i rtags su dbus gru gsum du bri'o// chos nyid ma bcos pa'i rtags su kha dog mthing nag tu bri'o// yum gyis b+ha gas khams gsum thams cad dbang du sdud pa'i rtags su zla kham dam po gsum gyis bskor ro// b+ha ga'i don rtogs pad 'khor ba'i chos la spyad kyang // nyes pas ma gos pa'i rtags su dkar po zlum por bskor ro// rnam par shes pa'i tshogs brgyad gnas su dag nas 'gro ba sems can gyi don mdzad pa'i rtags su pad+ma 'dab brgyad dmar por bri'o// 'phrin las rnam
- 227b
bzhis 'gro ba'i don// mthar phyin par mdzad pa'i rtags su lce mtshan ljang khus bri'o// tshad med pa bzhi dang ldan pa'i rtags su gru chad bzhi la shar lho dkar// lho nub sngo// nub byang dmar byang shar ljang khus bri'o// yum chen mo chos kyi sku la ma g.yas pa'i rtags su chos 'thun pa'i dpe gzhan gyi mi spogs te// chos kun gyi sgo nas ri rab kyi gong na gzugs che ba gzhan med de// dper na ri rab lhun po la bskal pa'i chus kying mi 'jig la las kyi rlung gis kyang mi khyer// srid pa'i mes kyang mi tshig pa dang 'dra bas// yum chen mo nyid bzhi mu kha le chos kyi sku la dngos po dang mtshan mar mi 'gyur// rtag pa dang chad par mi 'gyur bas sku ri rab lta bur bzhugs so// ri rab lhun po de yang rin po che bzhi las grub pa ste// shar ka ka ri dkar po// lho be DUR+Ya sngon po// nub pad+ma ra ga dmar po// byang in tra ni la ljang khu// dbus btso ma gser ser po'o// bum pa la 'khor lo rtsibs bzhi dang ldan pa'o// de bzhin du yum chen mo nyid bzhi mu kha de la yang // yum gyi chos nyid dngul dang 'dra bas dkar po'o// yon tan g.yu dang 'dra bas sngon po'o// bag chags skyon gyis ma gos pas dmar po'o// 'phrin las sna tshogs badzad pas ljang khu'o// gang du yang mi 'gag rgyu rkyen gyis ma gos pas ser po'o// rin po che sna lnga las grub
- 228a
pa'o// de las yum chen mos thugs rjes sdug bsngal gyis dmyal ba yi dgas byol song du gyur ba'i sdug bsngal mi dang bzhis sbyong zhing don mdzad pa'i rtags su ri rab lhun po la bang rim bzhi'o// chos kyi dbyings thams can du ma spros pa'i rtags su ri ran bre ma chad par 'byung ba'o// yum la chos kyi sku byin brlabs 'byung ba'i ri rab lhun po ni sogs kha gyen du bltas pa'o// yum gyi chos kyi skus kun la khyab par grags pas ri rab ni g.yel bar 'byung ba'o// yum chen mo la thugs rje bzhi dang ldan pa'i rtags su ri rab lhun po gling bzhi mkhar du 'byung ba'o// yum chen mo la rdzu phrul gyi zhabs brgyad dang / ldan pa'i rtags su ri rab lhun po la lhun po la gling phran brgyad kyis bskor ba'i/ yum chen mo la longs spyod rdzogs pa'i yab dang ldan pa'i rtags su ri rab lhun po dpag bsam gyis shing dang ldan pa'o// yum chen mo la sku gsung thugs yon tan 'phrin las rnam pa bzhis 'gro ba'i don mdzad pa'i rtags su ri rab lhun po de yang gser gyi ri bdun dang ldan pa'o// yum chen mos 'khor brtsad gcod pa'i dus med pa'i rtags sum ri rab de yang rol pa'i mtsho bdun dang ldan pa'o// yum de ni 'khor ba dang mya ngan las 'das pa gnyis su med pa'i rtags su ri rab lhun po de yang brgyad khri mtsho la nub brgyad
- 228b
khri kha la zon pa'o// yum chen mo thobs dang shes rab zung du 'brel ba'i rtags su ri rab de yang gser gyi ri bdun dang rol pa'i mtsho bdun dang zung du 'brel ba'o// ri rab lhun po de las dgu byung ba ni/ bang rim tha ma lhung bzad pas dmyal ba'i sa dang / gnyis pa byol song yi dgas kyi sa dang // gsum pa bsod nams las grub pa mi'i sa dang / bzhi pa sa gzhi spos kyi ngad ldang ba'i sa dang // lnga pa bskyod par 'gyur ba klu'i sa dang / drug pa gzhal yas rin po che bkod pa'i sa dang / bdun pa mtho rigs lha'i sa dang / brgyad pa mchod pa rten pa sprin gyi sa dang / dgu pa ming gis mtshon pa skye med sa dang // de ltar du sa dgu ri rab las gnas pa'o// de bzhin du yum chen mo nyid gzhi mu kha le chos kyi sku la yang / theg pa'i rim pa rnams dgu 'byung ba ni dmyal ba'i sa dang nyan thos kyi theg par sbyar/ rtsa ba'i ltung ba nyams na dmyal bar skye/ de yang dmyal ba'i sdug bsngal nyam zag pa'o// nyan thos dka' thub nyam zag pa'o// yi dgas byol song gi sa dang rang sangs rgyas kyi theg par sbyar/ rang sangs rgyas rten 'brel gol nas ma rig pas srid pas yi dgas su skye bar sbyar/ yi dag bkres skom gyis sdug/ byol song gi gti mug gis rmongs/ de las thar bar bya ba'i phyir rang sangs rgyas 'dod chags sun 'byin pa'i don du bse ru ltar
- 229a
gcig pur bsgom// gti mug bsal ba'i phyir ne tso ltar khyung lding bso// kun tu grub pa ma'i sa dang / byang chub sems dpa'i theg par sbyar/ mi rnams bsod nams bsags pas rgyal rigs chos rigs mtho bar skye/ bsod nams ma bsags pas 'on dig gi slar log thur la ltung / bde ba gnyis thob byang chub sems dpa'i theg pa'o// sa bzhi pa spos kyi ngad ldang dang kri ya'i theg par sbyar// kri ya dag pa chos nyid du gzung nas ye shes sems dpa' rje bo ru gzung nas mchod pa spos la gzung bas so// spyod par 'gyur ba rlung gi sa dang u pa yar sbyar/ u pa ya de nyid rnam gsum gyi spyad nas 'gro/ ba'i don rlung bzhin mdzad pas so// gzhal yas rin chen bkod pa'i sa dang po yo gar sbyor/ de kho na nyid rnam pa lngas 'byung ba 'bras bu rnam pa lnga rin po che dang / pad+ma dang / khang bu 'bar ba'i sangs rgyas man mchod do// mtho rigs kyi go 'phang lha'i sa dang ma hA yo gar sbyar// 'dod spyod rnam lngas rang sangs rgyas rgyan du rig/ phung po lnga lha'i dkyil 'khor du bsgom pas so// mchod pa sten pa sprin gyis dang a nu yo gar sbyar/ rtog pa rnam pa bzhi mngon sum gtan la phab pas sprin las char 'babs nas sa gzhi gang bar byas te sman dang lo thog skyes pa dang 'dra bar// dbyings dang ye shes gnyis su med par chos kyi sku
- 229b
la ye shes lnga byung nas/ rnam par dag pa'i sku dang ye shes su sangs rgyas par mdzad pas so// ming gis mtshon pa skye med sa dang a ti yo gar sbyar/ a ti yo ga'i skabs na 'khor ba'i chos dang mya ngan 'das pa'i chos ming gis mtshon pa tsam yin te/ de nyid rang byung kun bzang por sangs rgyas so// de ltar na theg pa'i rnam grangs la sogs pa'i yon tan thams cad 'byung ba'i gzhi yum chen mo nyid bzhi mu kha le yin la// dngos su mi 'gags pa yab kyi cho 'phrul lo// yum la theg pa rim pa dgu dang ldan pa'i rtags su ri rab smyug ma tshigs dgu ba gzugs so// tshigs dgu la za 'og gi khug ma dgu'i nang du dar dang // 'bru sna tshogs dang // bcud rnams blugs la gdags so// de ltar bur yum chen mo de la sprul pa'i rang bzhin gyis byung ba ni// 'byung ba rnam lnga ni phyi'i mkha' 'gro ma lnga'o// srid pa'i chos ni srid pa bde 'gro ma'o// nyi zla gsal ba'i rang bzhin nyi zla thod 'phreng ma'o// drag pos 'gro ba'i don byed pas khros pa'i ma bzhi'o// dus su ma nges pa'i don shes pas sbas pa'i ma bzhi'o// don las ma yol bar skye ba rang grol pa'i don lam mthar phyin pas dges sde bzhi'o// chags pa'i chos can snyoms pa'i las byed dang cha snyoms so// yul drug go/ ma bdun gyi dbang po drug yul rnam par dag dang bdun no// 'jig rten
- 230a
dbang sgyur gyi kun la dbang sgyur bas so// rin chen srid 'degs ma ni rin po che dngos so// 'dod khams kyi bu mo spyan gnyis chags pa'i dngos po'o// srid bzhi ni sring mo dngos so// dmag dpon ni dmag dpon du 'dzin pas so// dbang phyug ma ni phyogs kyi kha dog tu 'dzin pas so// phyi snang ba rnam par dag pa snang srid snam par dag pa'i sprul pa'i ma mo byung ngo sprul pa byung bas ye shes rnam par dag pa'i ma mo byin skyed do// de ltar rang bzhin gyi gzhal yas khang lha ru ldan pa'o// ma// zhes gsungs so// bdud mo bkol byang nam mkha'i rgyud chen po las/ bdag gzhan gyi don ri rab kyi don bstan pa dang dkyil 'khor bri ba'i don bstan pa'i le'u ste nyer gcig pa'o// gnod 'du la lha yis yang gsol pa/ srid pa'i dbang can ma mo rnams/ sems can kun la gnod byed pas// bskang pa'i cho ga ji ltar lags/ srid pa'i dkyil 'khor de stengs su/ sarba ru pa ji ltar bzhengs/ sems can glud kyis ji ltar bslu/ snang srid ma mo ji ltar bskang // gzhan gyi byad kha ji ltar bzlog/ yang dag rdzogs la bdag nyan 'tshal// de skad gsol pa gsan nas kyang / yang dag rdzogs kyis bka' stsal pa// nyon cig g.yung drug yang dag pa/ ngas bstan pa la segs thud cig/ bskang bzlog mchod pa'i yo byad la// sarba ru pa
- 230b
bzhengs pa la don bcu yi bstan te/ rgyu dang / tshad dang / byin brlabs dang / ri rab gling bzhi bya ba dang / sems can gyi gzugs bya ba dang / dkor chas brgyan dang / spyan gzigs gsog pa dang / dpag bsam gyi shing dang // rgyan gzugs pa dang / nam mkha' bri zhing gdugs bri ba dang // skyogs dgod pa dang / mda' dar ral gri me long gis brgyan pa'o// tha ma la gdugs bri'o// de la dang po rgyu gsog pa ni// 'bras la sogs 'bru dkar po sna lnga nyungs nag dang // nas nag dang / til nag la sogs pa'o nag po sna lnga/ gro dang yungs kar la sogs pa'i ser po sna lnga/ khre dang rngu che la sogs pa'i sna lnga dang / 'bru'i rgyal po rgya sran dang nyi shu rtsa gcig go/ tshad ni ma ga d+ha'i bre gsum ste/ bod kyi khal gsun bre brgyad do// phyed la skud nas su bya'o// phyed la chu bkrus dang rjen thags su byas pa ni ngar phye'o// de la sna tshogs bdud rtsi rin po che spos dang bla babs la// sta gon byin gyis brlab pa ni/ de nas gling dang sems can bya ba ni/ gsum gnyis la dbus su ri rab bya/ gru bzhi pa la bang rim bzhi dang ldan pa'o// de'i phyi rim gling bzhi// de'i phyi rim gling phran brgyad g.yon du bya'o// tha ma lcags ri nag pos bskor ba cig bya'o// sems can bya ba ni tsho gcig gsum du bcad la/ de la drug tu bya'o// drug cha la seng ge drug bya/ rnga rdog
- 231a
rams kyis byug pa glang ser po drug la ro gser rna ba g.yu/ sna thag dar mig pa dung gis byas pa drug la dar dkar po drug la dar dkar gyi ral ga bskon la dar dmar gyi zod bcings la stag ral g.yas la gzig shugs g.yon du btags pa/ skye ru g.yu btags pa drug bskyon la gzhag/ shugs kyi rgyal po rta drug la dkar po gnyis/ ser po gnyis/ dmar po gnyis/ 'dod chags kyi gtso mo na chung sgeg mo drug lus dar zab kyis brgyan no// mgo la gser g.yus brgyan pa lag na dngul gyi mo 'phang la gser gyi me long bcu drug bskur la rta drug la bskyon la gzhag go/ 'dab chags kyi rgyal po khyung drug la lus po gser la gshog pa g.yu mchu zangs spun mig gzi la byas pa drug/ lus la dar sna tshogs kyis brgyan la gzhag go/ 'dab chags kyi rgyal po rma bya drug la lus po g.yu// gshog pa gzha' tshon/ mjug ma rin po che sna lnga'i thag les brgyan la dar sna tshogs kyis brgyan la gzhag go/ yang 'dab chag shang shang drug la// lus po mi la gshog pa bya/ sde mo g.yu ru 'dug pa drug la sna tshogs dar gyi brgyan la gzhag go/ tsho gcig la shugs kyi rgyal po rta bcu bzhi la dar gyi mthur srab dang chas pa gcan gzan gyi rgyal po stag gzig bcu bzhi// glang po che dkar po dung gi sna thag can bcu bzhi/ seng ge zangs kyi ral ba can
- 231b
bcu bzhi/ khyi dkar po gser gyi a long can bcu bzhi/ mdangs ldan rma bya bcu bzhi/ bang rim par ba la ma mo bcu bzhi'i rdzas su bzhag go/ tsho gcig la 'gro ba lnga'i gzugs dang / lha ma yin gyi gzugs dang / mi'i gzugs dang / yi dgas kyi gzugs dang / byol song gi gzugs dang / dmyal ba'i gzugs dang / snang srid thams cad kyi gzugs byas la sman mo'i rdzas su bang rim tha ma la gzhag go/ gser gyi ri bdun la/ gser dngul dang zang lcags la sogs pas brgyan la gzhag go// rol pa'o mtsho bdun la// chang rag ta 'o ma la sogs pas brgyan la gzhag go// nam mkha' bri ba'i rim pa ni gnyis te/ 'jig rten pa'i nam mkha' dang / 'jig rten las 'das pa'i nam mkha' gnyis so// de la 'jig rten las 'das pa'i nam mkha' bstan pa ni/ nam ni chos kyi dbyings ma bcos pa'i ngang nyid do// mkha' ni rig pa'i ye shes don ma nor bar shes pa ste 'byung ba lnga'i ngo bo nyid gsal ba'o// nam ni shes rab kyi rang bzhin la/ mkha' ni thabs kyi rang bzhin no// nam ni mkha' dbyings rnam par dag pa yin la/ mkha' ni gsang ba'i rdo rje'i rang bzhin no// nam ni byang chub sems ma bcos pa'i thig le yin la/ mkha' ni ma mo rnams kyi sku bskyed pa'o// nam ni dam tshig gi dkyil 'khor bskyed pa yin la/ mkha' ni ye shes kyi
- 232a
dkyil 'khor spyan drang ba'o// de dag ni ye shes las grub pa ste 'jig rten las 'das pa'i nam mkha' bstan pa'o// da ni 'jig rten pa'i nam mkha' bstan par bya ste/ de la yang rgyu 'byung ba lnga las grub par shes par bya'o// de la nam mkha' bri ba'i thabs ni/ dang po la tshon dang smug la byin gyis brlabs// tshon lnga phyogs bzhi dbus dang / lnga ru gzhag la ye shes lnga ru byin gyis brlab po// de nas 'thun rdzas bri ba ni/ phyogs kyi smyug tshal bzhi la ni/ dbus mthing g.yas dkar g.yon dmar ba/ rnam par yar pa gsum dang ldan/ che mchog zhal gyi rang bzhin no// phyogs kyi smyug ma bzhi la ni/ mthing nag drag po 'khor lo ris// phyogs bzhir rigs kyi 'khor lo mdzes// kha le nag mo'i zhal yin no// de stengs che mchog rdo rje rigs// gsang ba'i mkha' la phyed nub tsam// yab yum zhal gyi rang bzhin no// phog brang nag po de nas dkar// ser dang dmar gyi mdangs dang ldan// sngon po 'od dang bcas pa ni// kha le nyid kyi mthun rdzas so// dkar po'i pho brang ser pos brgyan// dmar po sngon po'i mdangs dang ldan// nag po 'do dang bcas pa ni// rnam snang gsal gyi mthun rdzas so// sngon po'i pho brang dkar pos brgyan// ser po dmar po'i mdangs dang ldan// nag po'i 'od dang bcas pa ni// 'od gsal 'bar gyi
- 232b
mthun rdzas so// dmar po'i pho brang sngon pos brgyan// dkar po ser po'i mdangs dang ldan// nag po'i 'odo dang ldan pa ni// gnyen gsal 'bar gyi mthun rdzas so// ser po'o pho brang dmar pos brgyan// sngon po dkar po mdangs dang ldan// nag po'i 'od dang bcas pa ni// yang gsal g.yos kyi mthun rdzas so// ser po'i pho brang dkar pos byas// sngon po dmar po'i 'od dang ldan// nag po'i 'od dang bcas pa ni// bkrag gsal 'bar gyi mthu rdzas so// dkar dang nag po'i rim pa la// ser dar dmar po'i mdangs dang ldan// sngon po 'od dang bcas pa ni// srid pa bde 'gro'i mthun rdzas so// dkyil dmar dkar ser sngon po nag/ nyi zla thod 'phreng mthun rdzas so// sngo dang dmar du rnam par spras// za 'og ris su bris pa bzhi// khros pa'i ma bzhi'i mthun rdzas so// ser pos dbu byas de nas dmar// dkar dang sngo dang mtha' bzhi nag/ sbas pa'i ma bzhi'i mthun rdzas so// phyogs bzhi tshon gyi pho brang la// rim pa gsum gyi bskor ba ni// dges sde bzhi yi mthun rdzas so// dkar mo g.yu yi chud 'khor can// zangs kyi 'od dang ldan pa ni// shel 'phreng can gyi 'thun rdzas so// dmar mo lcags kyi chud 'khor can// dung gi 'od dang ldan pa ni// mug ti rgyal mo'i mthun rdzas so// nag mo gser gyi chud 'khor can// zangs kyi 'od dang ldan
- 233a
pa ni// re ma ti yi mthun rdzas so// dkar la 'od bcas rim pa la// nag pos mtha' bskor bzhi byas pa// srid pa chags byed cha snyoms dang // nam mkha'i rgyal mo spun gnyis rdzas// ser po dbu byas rin pa bzhi// sngon pos mtha' yi 'od bcas pa// bdag nyid ma yi mthun rdzas so// de 'dra ma nor gsum byas pa/ srin mo gsum gyi mthun rdzas so// dkar dang dmar dang ser dang sngo// dbus byas rim pa bzhi bskor ba// srin mo bzhi yi mthun rdzas so// nag pos dbu byas so so yi// rim pa lnga yis byas pa gnyis// 'dod khams gtso mo spyan gnyis rdzas// lcags mig zangs kyi brgyan pa la// dung gi 'od dang bcas pa gnyis// dza ra dza ta'i mthun rdzas so// phyogs bzhi'i tshon gyi pho brang la// tshon sna gsum gyis brgyan pa bzhi// glu 'degs bzhi yi mthun rdzas so// dung gi nam mkha'i dung sham can// gser gyis nam mkha' g.yu sham can// g.yu yi nam mkha' gser sham can// dmag dpon bzhi yi mthun rdzas so// dkar la sogs pa bzhi dang ni// tshon gsum mdangs kyis brgyan pa la// so so'i mtha' dang ldan pa ni// las kyi srid bzhi'i mthun rdzas so// dkar la byas pa drug dang ni// dkar mthar dmar gyis brgyan pa bdun// rdo rje rigs kyi ma bdun rdzas// sngo la byas pa drug dang ni// sngo mtha' gser gyis brgyan pa
- 233b
bdun// rin chen rigs kyi ma bdun rdzas// dmar la byas pa drug dang ni// dmar mtha' dkar gyis brgyan pa bdun// pad+ma rigs kyi ma bdun rdzas// ser la byas pa drug dang ni// ser mtha' sngon pos brgyan pa bdun// las kyi rigs kyi ma bdun rdzas// lcags kyi nam mkha' g.yu mig bzhi// bdud mo bzhi yi mthun rdzas so// zangs kyi nam mkha' g.yu sham bzhi// gnod sbyin bzhi yi 'thu rdzas so// dung gi nam mkha' gser mig bzhi// sman btsun bzhi yi mthun rdzas so// phyogs kyi nam mkha' zangs ma bzhi// bse mo bzhi yi mthun rdzas so// las kyi ma mo'i mthun rdzas ni// lcags kyi nam mkha' nag po dag/ gser gyi 'dod dang ldan pa ni// bdud mo dgu yi mthun rdzas so// dung gi nam mkha' g.yu sham dgu// phugs bdag dgu yi mthun rdzas so// lcags kyi g.yu mig bcu gsum ni// bdud mo bcu yi mthun rdzas so// 'bri yi nam mkha' zangs sham bzhi// mi sring bzhi yi mthun rdzas so// rtsod pa'i nam mkha' dung sham bzhi// chu srin bzhi yi mthun rdzas so// rtsid pa'i mkha'i gser sham can bzhi// g.yu yi 'od dang ldan pa ni// shing srin bzhi yi mthun rdzas so// ra bar nam mkha' zangs mig bzhi// sa srin bzhi yi mthun rdzas so// ro yi nam mkha' rjid sham bzhi// phug bdag bzhi yi mthun rdzas so// nam mkha'
- 234a
nag po g.yu mig ni// ra bal dkar po'i sham bu can// bdud mo nyag gcig mthun rdzas so// lcags kyi nam mkha' g.yu sham lnga// bdud mo dbang mo che lnga'i rdzas// 'bri yin nam mkha' dung sham lnga// kha yi bud med lnga yi rdzas// nam mkha' nag mo zangs ma ni// dam sri bzhi yi mthun rdzas so// ra bal dmar po'i nam mkha' la// 'bri yi 'od dang ldan pa la// khyi bal dkar po'i mtha' can bzhi// bdud mo khyo med 'dod bzhi rdzas// dung gi nam mkha' 'bri sham bzhi// bdud mo khyo med bzhi yi rdzas// lcags kyi nam mkha' zangs mig bzhi// bdud mo khyo rkun ma bzhi rdzas// khol bu nam mkha' 'bri sham can// med chol ris su bris pa ni// dam srid bzhi yi 'thun rdzas so// 'bri yi nam 'kha' zangs mig ma// dung gi 'do dang ldan pa ni// klu srin chen mo'i mthun rdzas so// lcags kyi nam mkha' zangs mig ma// gser gyi 'od dang ldan pa ni// klu bdud chen po'i mthun rdzas so// lcags kyi nam mkha' zangs mig bzhi// gser gyi 'od dang ldan pa ni// gting bdud che mo'i mthun rdzas so// ra bal dmar po'i nam mkha' la// 'bri yi sham bu rab tu brgyan// g.yu yi 'od dang ldan pa ni// klu bdud chen mo'i mthun rdzas so// 'bri yin nam mkha' zangs ma lnga// 'brog mo rnams kyi mthun rdzas so// ri'u g.yu mig lho
- 234b
'brog pa// 'bri spu zangs mig byang 'brog la// srin bal gser mig byang sman la// dkar gsal re dang bsres pa'o// sngo gsal 'bri dang bsres pa'o// dmar gsal khol bu dang bsres pa'o// ser gsal rtsid pa dang bsres pa'o// sral mo sde bzhi mthun rdzas so// dung gi nam mkha' 'bri sham can// zhag ris su ni bris pa bzhi// phung sri bzhi yi mthun rdzas so// 'bri yi nam mkha' zangs mig ma// byung sri chen mo'i mthun rdzas so// phyogs bzhi'i gling du bris pa ni// ma sangs gnas bzhi'i mthun rdzas so// 'di dag nam mkha'i rim pa ste// las kyi ma mo rnams kyi rdzas so// dpag bsam shing dang rgyan gzugs mi'i rim pa ni// bum pa la dpag bsam gyi shing bu// sgyug ma tshig dgu pa gzugs so// sngon la 'od dang chas par bya'o// za 'od khug ma dgu ru mda' dang // 'bru dang // rin po ches bkang pa dgu tshig dgu ru re re gdags par bya'o// dbyings kyi yum lnga mthun pa'i rdzas so// shing lo yal ga lnga la ni// kha dog rigs dang mthun pa yi// gro gshing shun dag la bri// dus bzhi'i rgyal mo'i gzugs bris la// yal ga re la gdags par bya'o// ser pos dbus byas rim pa bzhi// za 'og rig kyi rna bar spras// dkar dang dmar dang nag mtha' can// shing lo'i dbus su gdan du gding // de stengs ras la byas pa'i gzugs// rtse
- 235a
mor nam mkha' zung gnyis gzugs// gcig ni dbus zhal nam mkha' la// shar du kha stan bzhag pa ni// dbyings kyi yum gyi mthun pa'i rdzas so// de stengs gdan 'dra'i nam mkha' yis// steng nas gdugs su dbub par bya'o// zur bzhi dbus kyi steng dang lngar// rma bya bya rgod dar gyi gdugs// bco lnga dag gis dgab par bya'o// skyogs pa ni// dbus su bse yi bya ste// ban d+ha dum bu gcig gi nang du snying sna tshogs dang / rag ta sna tshogs bsres pa'i gtor ma bzhag/ shar du dung skyogs/ lho ru skyogs/ nub tu zangs skyogs rnams kyi nang du phud ma nyams pa blug la bzhag/ shar du mda' bya / rgod ma// lho ru bya rog ma// nub tu 'ug pa ma// byang du khra sgro ma gzhag go/ de nas ri rab kyi dkyil 'khor gyi steng du phur pa bzhi gru 'degs ma bzhi ru byin gyis brlabs la gzugs/ mdos bzhi phur bzhi'i steng du spyan drangs/ mda' bzhi/ ral gri bzhi/ me long bzhi/ phyi nang gsang ba gsum du mnga' gsol la gzugs/ steng nam mthing nag gi gur dbus/ de'i phyi rim rigs kyi dar sham bzhi yis yol ba bri// de'i mtha' mar spyan gzigs dkor byas bskor/ de nas phyi rol tu cha gsum gtang / phud kyi nang nam mkha'i rgyal mo dang bsrung ma la gtang las bsgo/ gser skyems gtang / ma mo 'kha' 'gro'i mdun du ban
- 235b
d+ha bdud rtsis bkang la rag ta thigs gcig blugs la gzhag khrag zangs gang yang bzhag go de'i shar sgo ma zad tsam du dbang gi dkyil 'khor gzhung bzhin bris la/ de'i grwa bzhir mda' bzhi gzhag phur pa bzhi gzugs so// ba su d+ha ras mtha' bris la/ dbus su dam rdzas tshang ba'i gtor ma la rag ta 'dza' gad bcas cig gzhag go/ nub kyi sgo ru che'i bum pa'i nang du che'i snying po lnga dang / 'brang rgyas dang / skyems kyis dgang ngo // mda' bya rgod ma gcig la dar le brgan gcig gdags so// de'i phyi rim du phyogs mtshams brgyad du man+dal brgyad byas la/ shar gyis man+dal steng du gdon byas pa'i cho ga bya'o// lho'i man+tal gyi steng du dam tshig dpog cing sdom pa bzung ngo // nub kyi maN+Dal gyi steng du tshe srung cho ga bya'o// byang gi maN+Dal gyi steng du tshogs kyi cho ga rgyas par bya'o// shar lho'i maN+Dal gyi steng du khrus kyi cho ga bya'o// lho nub kyi ma N+Dal gyi ste/ du sbyin sreg gi cho ga bya'o// byang nub kyi maN+Dal gyi steng du rdzas brgyad ba sogs la bkra shis kyi cho ga bya'o// byang shar gyi maN+Dal steng du bsrung ba'i 'khor lo brtsams la srung skud gdags so// de ni bskang mdos kyi rim pa'o// bzlog mdos dang gsad mdos ni/ dgug pa dang / bcing ba dang // gsad pa la sogs pa bya/ phyogs mtshams brgyad mgo bsreg la bya'o// de ni mnyes bya mchod pa'i
- 236a
yo byad do// mdzes pa brgyan gyi yo byad pa sngags pa'i chas gos dar nag gi ber dbu rgyan dar dmar pos bya/ sgra mtshams su me long gdags/ dbu thod bcings/ stod g.yogs dang smad dkris phyag rgya'i phur bu lhag par rgya long gdags/ mkhur ba g.yas g.yon du kha gser dang kha g.yu gser mis ma phog pa dang g.yu nyi ma ris gzhug/ rin po che 'bar ba snying khar gdags so/ gsur chen gyi dud pa/ tshil chen gyi mar me/ spos kyi dud pa/ rus chen gyi 'phreng ba/ dri chen gyi dri/ sna tshogs dbang po'i me tog mchod pa'i zhal zas/ sgra dang rol mo sna tshogs pa'o// 'tsho ba zas kyi yo byad ni/ rgya la sogs pa tshogs kyi yo byad do/ tha ma bskang pa'i rim pa la gnyis te/ bdag don du nang ma mo'i mdos su bskang ba dang / gzhan don du phyi srin mo'i mdos su bskang ba gnyis so// nang cha gnyis te/ bsnyen pa dang bsgrub pa gnyis/ spyi bsgrub dang ni spyi gsal shes par bya'o// phyi srin mo'i mdos su bskang ba la gnyis te// sngon 'gro bya ba dang bskang ba gnyis so// de ni bskang rim pa'o zhes gsungs so// bdud mo bkol byang nam mkha'i rgyud chen po las// bskang bzlog mchod pa'i yo byad sarba ru pa zhes pa'i le'u ste nyer gnyis pa'o// gnod 'dul lha yis yang gsol ba// srid pa rgya yis ji ltar gdab// yang dag rdzogs la bdag nyan
- 236b
'tshal// yang dag rdzogs kyis bka' stsol cig/ de skad gsol pa gsan nas kyang // yang dag rdzogs kyis bka' stsal pa// nyon cig gnod 'dul lha yig tso// phyi yi srid pa rgyas 'debs ni// dkyil 'khor 'dra ba cha lnga la// rtse me kha dog rigs kyis bsgyur// dkyil 'khor lha yi gnas su dgod// zhag gsum bar du bsnyen par bya// bskul dang bskang so rigs su bskul// sngags dang so so'i// rigs su bzlas// skongs dang de dang 'dra bar gdab// sgrub pa tha ma bskang bar bya// dkyil 'khor lha yis mkha' rnams// ri rab gling la dgod par bya// spyan drangs bskul te btab nas kyang // ri rab de la gzugs par bya// tha ma ri rab cha lnga la// gcig ni chu bo'i gzhung la bskyol// gcig ni dur khrod gling du sba/ gcig ni ri rab rtse la bskyal/ gcig ni lam chen rgya gram bskyal/ gcig ni chu mig chad pa la// gang rung de la bsgral par bya// de ltar byas la dngos grub blang // de ni phyi yi rgyas 'debs so// nang gi srid pa rgyas 'debs ni// rten rdzas bsgrub rdzas bskang rdzas bsog/ rdzas gsum bsog pa'i tha ma la// ma ha shan ting rgyas par bsog/ srid pa pho la rgyas par bsngo// pho yi las kha rdzogs par ba// sarba ru ba rgyas pa bsog/ mo rigs rnams la rgyas par bskang // mo yi las ka rdzogs par bya/ de ni nang gi rgyas 'debs
- 237a
/ so// gsang ba srid pa rgyas 'debs ni// rdzas rnams gsum po tshang ba la// rigs kyi nad ngo gzung nas ni// de dang 'dra ba'i bskor btab la// khyad par brgya dang bco brgyad mdos/ gtso mo gang gnod gcig la bskang // de ni rgyas 'debs rim pa'o// zhes gsungs so// bkol byang nam mkha'i rgyud chen po las// srid pa rgyas 'debs kyi le'u ste nyer gsum pa'o// gnod 'dul lha yis yang gsol pa// zhen bzlog dgra mdos ji ltar bya// yang dag rdzogs kyis bka' stsol cig/ de skad gsol pa gsol pa gsan nas kyang // yang dag rdzogs kyis bka' stsal pa// nyon cig gnod 'dul lha yi gtso// zhen bzlog dgra la bya ba ni// nam mkha' re la ngar glud re// kha dog ma mo lta bur shes// ri rab gling la dgod par bya// bsnyen pa ring zung lcogs tshad bya// khram shing g.yas la shod sdog g.yon// bskul te btab la thun re brdeg/ chu bo chen po'i gzhung la gtang // khrag sna sna tshogs 'byor tshad dang // thun dgu dmod dgu zor dang bcas// gang rung de la 'phang bar bya// mdos phur drug gis gsad bar bya'o// zhes gsungs so// bkol byang nam mkha'i rgyud las// zhen bzlog mdos kyi le'u ste nyer bzhi pa'o// gnod 'dul lha yis yang gsol pa// rkyen bzlog zug pa ji ltar 'byung // yang dag rdzogs la bdag nyan
- 237b
'tshal// yang dag rdzogs kyis bka' stsal pa// nyon cig cig gnod 'dul lha yi gtso// rkyen bzlog zug pa dbyung ba ni/ ma mo'i nad kyis zin pa la// khrag gi zhal bu lnga bshams la// rigs kyi nad ngo bzung nas ni// rigs mthun pa yi bskor btab la// gang gnod de la bskang bzlog bya// khyad par brgyad cu rtsa brgyad mdos// gtso mo gang gnod de yis bya'o// sngags dang de ltar bzlas par bya'o// zhes gsungs so// bkol byang nam mkha'i rgyud las// rkyen bzlog zug pa 'byung ba'i le'u ste nyer lnga pa'o// gnod 'dul lha yis yang gsol pa/ dbang can mo rnams bskang byas na/ dbang byed pho la mi 'tshal lam/ rdzogs sangs rgyas la bdag nyan 'tshal/ yang dag rdzogs kyis bka' stsol cig/ de skad gsol pa gsan nas kyang / yang dag rdzogs kyis bka' stsal pa/ pho yi bskang ba ngas bstan gyis// nyon cig g.yung drung yang dag pa/ dregs pa po rnams bskang 'dod na/ 'bru sna bcu gsum ngar phye la// rin chen lnga dang sman lnga brdar/ ri rab gling bzhi gling phran bya/ de la dgod par bya ba ni/ dpag bsam shing gi rtse mo la/ bdud nag po skag med kyi mkhar nag po sgo dgu pa la gzhag go/ de yi ya gad la bdud bya nag po dgod/ nam mkha' nag po lnga dgod/ zur bzhi la ba la tshon sna lnga la byas pa'i mdung tshoms bzhi bzhi gzugs/ ri rab
- 238a
kha khyer shar phyogs su bdud mkhar gcig brtsig/ lho ru gcig brtsig/ nub tu gcig brtsig/ byang du gcig brtsig/ kha dog ni rigs bzhi'i kha dog go/ so so'i kha dog dang ldan pa'i nam mkha' lnga lnga gzugs so// mdung mtshoms bzhi bzhi gzugs so// lug nag po mkhal dkar dang / nag po zangs ma dang / nag po spyi tshigs dang / nag po mkha' rgya dang / chu kha dang // smug po 'bras bu can rnams dgod do// rta nag po dang // khyi nag po sgo'i g.yas g.yon du dgod/ mon pa nag po lag na bdud rta thogs pa sgo ru bzhag/ de ni bdud kyi bya thabs so// ri rab kyi mtshams bzhi ru dmu'i mkhar sngon po la ya khang la dmu bya gong sngon gzhag go/ sgo g.yas su dmu rta gro bo gzhag/ sgo g.yon du dmu lug gro mo gzhag/ dmu'i nam mkha' sngon pa'o lnga lnga gzugs// dmu thag legs pa lnga lnga gzhag go/ de ni dmu'i bya zabs so// de'i 'og ma'i bang rim la/ shar du btsan gyi mkhar dmar po la nam mkha' dmar po lnga/ bal dmar gyi mdud tshoms lnga bya/ se bo sgo g.yas su lug dmar/ sa bo sgo g.yon du gzhag go/ lho phyogs su sa btsan gyi mkhar ser po la nam mkha' ser khra lnga/ ba dan smug po lnga/ lug ser khra sgo ru gzhag go// nub tu klu btsan gyi mkhar sngon dmar la nam mkha' sngon dmar lnga/ ba dan sngon dmar
- 238b
dang / lug nag ser dang / dmar ser gzhag go/ byang du btsan gyi mkhar smug po la nam mkha' za 'og rigs lnga/ ba dan smug po lnga/ lug gur khra gzhag go/ de ni btsan gyi bya thabs so// de 'og ma la shar phyogs su tshangs pa dung gi thor tshugs can gyi mkhar dkar po la nam mkha' dkar po lnga/ bal gyi mdung tshogs lnga/ lug bya sgo g.yas su bya/ se dmar sgo g.yon du'o// shar phyogs su blon po nyi phag sad kyi mkhar dmar po la g.yu'i kha bad can// nam mkha' smra po lnga/ smug se'i mdung lnga/ lug smug se sgo ru gzhag go/ byang shar mtshams su btsan rgod dmar po'i mkhar dmar po la nam mkha' dmar po lnga/ bal dmar gyi mdung lnga bya'o// glang rgya bo sgo g.yas su// dmar po g.yon du/ mkhar gyi rtse mo la brag bya 'ug pa dgod do// shar phyogs su rdo rje legs pa'i mkha' rin po che sna bzhi las byas pa/ sgo g.yas nas stag smad rol pas/ g.yon na spyang khu sngon po 'dur ba// rgyab na zangs kyi 'phar pa rgyug pa/ mkhar gyi rtse la ltas ngan gyi byi bzhi gzhag go/ nam mkha' rin po che sna lnga byas pa gzugs so// rin po che lnga'i mdung tshogs lnga zur la gzugs so// bshos bu khru gang ba gcig la/ mda' bya rgod ma gcig gzugs so// dar dmar po yug gcig gdags/ sgo'i thad kar ra rgya bo bzhi dkar gcig go/ de'i rwa la dar tshon sna lnga
- 239a
gdags so// de ni shar kha bde bzhi'i bya zabs so// bang rim za ma la shar lho mtshams su gnam te dkar po'i mkhar la/ dung mkhar po la nam mkha' dkar po lnga/ bal gyi mdung lnga// shul bu rgyal mtshan lnga/ sgo g.yas su rta dkar po phug dmar/ g.yon du ra dkar po dung ru gzhag go/ lho nub mtshams su spyi rings lan to re'i mkhar zangs mkhar dmar po la/ ya khang sngon po can/ nam mkha' khra bo lnga dang ra pags khra bo'i rgyal mtshan lnga gzugs so// sgo ru ra khra bo gzhag go/ byang shar mtshams su shel gyi mkhar dkar po la ya khad ser po// nam mkha' dkar ser lnga// ba dan dkar po bzhi/ shog bu'i rgyal mtshan gcig gzugs so// byang nub mtshams su brgya byin gyi mkhar/ sre long dang glong mong las tshogs pa// ya kha gla ba'i mor gyi byas pa'o// ra khra bo nam mkha' lnga// ra dkar gyi rgyal mtshan bzhi gzugs so// de'i mtha' ma la snang srid sems can gyi gzugs gzhag go/ de'i phyi rim du 'bru sna lnga la byas pa'i dar gyi mi bo che gcig la/ mu tig gi klad pa/ sho sha'i snying // lung tang gi mig/ 'gron bu'i so// byi ru'i lce/ tshal gyi gdong pa dar sna tshogs sna lnga brgyan la/ yan lag bzhi la ban da bzhi// rnam shes brgyad la me mar brgyad/ nor bu rin po che skye ru gdags/ stag ral g.yas la gzig shug g.yon/
- 239b
lug nag lcags ru mdun du gzhag go/ rwa g.yas pa la dar mthing nag gis dkri/ bya nag po dang / lug nag se dang / smug po dang / pags pu dkar po dang / bya phod dang zangs ras la sogs pa ci mang du btags la/ lag pa g.yas par gser dang g.yu/ g.yon par byi ru dang mtshal dang pos/ lha'i zhal zas sna tshogs gzhag/ shing thig sna tshogs dang / rin po che sna tshogs kyis brgyan pa gzhag go// ma trang gi snying khar sa'i lha mo'i snying po su mun tri zhes bri ste/ steng du gling gzhag go/ ngar gyi bshos bu bcu gsum byas la mtha' ma bskor ro// mda' bcu gsum gzugs so// mda' la bri ba ni// bdud mda' ltong / nag tu bri/ dmu mda' dmog ltong bri btsan gyi za 'og ris su bri/ brgya byin nyi ma ris su bri/ shel ge mkhar zabs nyi zla yis brgyan pa'o// byang btsan gyi dmar po gri thabs su bri// brag srin dmar skya za 'og ris su zi/ ma bdud kyi spug mo gur mgo ris su bri/ sa bdag klu srin la/ mda' khre dang 'phang khre bri// so so'i spu thog dang / bya phod dang / bzang ras la sogs dang / bal tshon la sogs pas brgyan la gzhag go/ skyogs bcu gsum du gser skyems gyis bkang la bshos bu re re'i mdun du dgram mo/ shar du dngul skyogs/ lho ru lcags/ nub tu zangs// byang du bse 'am gser skyogs/ ma 'byor na kham skyogs
- 240a
so// zangs phye lcags phye nyungs nag 'bru nag po sgyogs bzhi khas bzlog la nang du blugs so// mda' bzhi la shar du bya rgod ma/ lhor bya rog ma// nub tu 'ug pa ma/ byang du srin bla ma gzugs so// sgra'i bar du hUM phaT bris la skyer pa 'am se ba la mde'u zur gsum pa byas la gzugs so// gro ga la yid la dgyes pa'i ming rus ra ri khrag gam khyi khrag gis bris la mda' la gdags so// yungs kar dang / yungs nag dang // dug sna tshogs dang / shing gdug pa can gyi sol che la/ gdug pa'i snying po dang / zlog byed kyi snying po bzlas la mda'i ltong dang sgyogs kyi kha na mar brlas so// zor du 'phang ngo // gzhu stod za 'og gis dkris/ smad dar zab kyis dkri// sngags pa'i chas la dmar po 'am nag po mgo thod mthing nag bcings la/ dar dkar g.yang mo dang za 'og sleb mo bya/ kha ru gser mas ma phog pa dang / g.yu nyi ma ris gzhug/ smin mtshams su g.yu za rig ma dang / me long dang btags pa la skyer ro// bud med la le'u dkar po gon pa gcig gis me long dang gser thogs la// thal chen gyi mtshan mas btab la/ g.yab dar nag pos g.yab/ sngags chen gyis ma dang gying rnga brdung zhing srid pa thams cad bskul lo// de ltar byas la pho rgyud rnams bskang bar bya'o// zhes gsungs so// bkol byang nam mkha'i rgyud chen
- 240b
po las/ ma ha shan ting rgyas par bstan pa'i le'u ste nyer drug pa'o// gnod 'dul lha yis yang gsol pa/ srid pa pho rgyud 'di rnams kyi/ mdos kyis bskang ba ji ltar lags/ yang dag rdzogs la bdag nyan 'tshal/ yang dag rdzogs kyis bka' stsol cig/ de skad gsol pa gsan nas kyang / yang dag rdzogs kyis bka' stsal pa/ nyon cig g.yung drung yang dag pa/ pho yi bskang bangs bstan gyis/ legs par nyon la yid la gzung / hUM/ s+pho ri spo mthon rtse mo nas/ bdud mkhar sgo dgu bsdigs pa ni/ bram bzhi lcags la bgyis// nag po khrigs se khrigs// zur bzhi g.yul bgyis// sngon po zangs se zangs/ logs bzhi mthing la bgyis// mthing logs lhag ge lhag/ mkhar gyi rtse mo na// bdud bya pho rig gsum// gsung snyan stongs se stongs// sgo yi sgo srungs pa// sgo zur g.yas pa na// shin rje thang bzang ris/ sgo btsas bzhes// 'brang bas 'phrang btsas bzhes/ sgo pa chen po la// yar la glud 'bral lo// zhes pa nas nyi ma shar phyogs ma gi na// shar phyogs nam mkha' ra phyed bdag/ ya mtshan srid pa'i mi po che// legs pa'i ming nas byung / mdos bdag chen mo mdos bzhes shig/ glung bdag chen mo glud bzhes shig/ ces bya ba'i bar gyis bsngo ba bya'o// zhes gsungs so// bkol byang nam mkha'i rgyud chen po las//
- 241a
pho rigs bskang pa'i le'u ste nyer bdun pa'o// gnod 'dul lha yis yang gsol pa/ srid pa'i dbang can mo rnams ni// sems can kun la gnod byed pas/ so so'i bskang ba ji ltar lags// yang dag rdzogs la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang / yang dag rdzogs kyis bka' stsal pa// nyon cig gnod 'dul lha yi tshogs// snang srid ma mo bskang ba yi// so so'i bskang ba 'di rnams so// ri rab gling bzhi bzhengs pa la// sha sna stong gis bskor ba ni// mkha' 'gro gti mug sha yi mdos// mdze shu phol 'bras byung na bskang // ri rab gling bzhi bzhengs pa la// khrag sna stong gis bskor ba ni// mkha' 'gro 'dod chags khrag gi mdos// dgra la khrag zor byed na shis// ri rab gling bzhi bzhengs pa la// snying sna stong gis bskor ba ni// mkha' 'gro tsiSh+Tha thugs kyi mdos// rnal 'byor ma mo bsgrubs na shis// ri rab gling bzhi bzhengs pa la// thod pa stong gis bskor ba ni// mkha' 'gro ba na da zod pa'i mdos// dgra la thod zer byed na shis// ri rab gling bzhi bzhengs pa la// gtor ma gtong ba'i bskor ba ni// mkha' 'gro'i lam gtor ma yi mdos// chags nyams 'gal 'khrugs byung na shis// ri rab gling bzhi bzhengs pa la// sman sna stong gis bskor ba
- 241b
ni// mkha' 'gro 'tsho byed sman gyi mdos// rims nad sna tshogs byung na shis// ri rab gling bzhi bzhengs pa la// spos dang mar mes bskor ba ni// mkha' 'gro chos skyong mchod pa'i mdos// rnal 'byor dam tshig nyams na gtang // ri rab gling bzhi bzhengs pa la// phur pa stong gis bskor ba ni// mkha' 'gro ki la'i phur pa'i mdos// sdang dgra gnod bgegs sgrol na bya// zhes gsungs so// bdud mo bkol byang / nam mkha'i rgyud las// thun mong ma yin pa'i bskor brgyad// bstan pa'i le'u ste nyer brgyad pa'o// gnod 'dul lha yis yang gsol pa// bskang pa mdos kyi chad lhag ji ltar lags// yang dag rdzogs la bdag nyan 'tshal// yang dag rdzogs kyis bka' stsol cig/ de skad gsol ba gsan kyang // yang dag rdzogs kyis bka' stsal pa// nyon cig g.yung drung yang dag lha// bskang ba mdos kyi cha lag ni// spyi dang sgos ni gnyis su bstan// spyi la cha lag bcu gnyis te// sgos la brgyad dang bco brgyad do// de las sdud ni rnam pa brgyad// de las rtsa ba gnyis su bstan// gnod 'dul lha yis yang gsol pa// cha lag bcu gnyis ji ltar lags// mtha' sdud brgyad rnams ji ltar lags// rtsa ba gnyis ji ltar lags// yang dag rdzogs kyis bka' stsal pa// nyon cig g.yug drung yang dag pa// cha lag bcu gnyis 'di ltar ro// pho
- 242a
rigs cha mnyam pa// lang 'ga' gser mdos dang // yon tan tshe sring zhing dbang zang skyed pa che'i mdos// sa gzhi bkra shis pa dang bar chad bzlog pa'i phyir mda' bzhi phur bzhi'i mdos dang // brod pa skyed pa mkhyen pa gsol ba'i mdos dang // yas gong du spyan drangs pa gur dbye ba'i mdos dang // glud btsal ba lo rgyus kyi mdos dang // spyan drang ba rnams mnyes par bya ba'i phyir thugs dam bskang zhing bskul pa'i mdos dang // rigs so so nas rang gi lag cha gtad pa'i mdos dang // dngos grub stsol ba tshogs kyi mdos dang // yon bdag gis bsham pa'i rdzas chud mi gson pa dang // sngags pa rang la mi bsgrib par bya ba'i phyir smon lam gdab pa dang // lha 'dre la 'khrug mi ldang // bar bya ba'i phyir sgo dbye 'phrang bsal ba'i mdos dang / dmigs pa gnas su bskyal bar bya ba'i phyir ro// ri rab gru 'degs shing chags pa dang bral ba'i mdos de ni chags lugs bcu gnyis so// mtha' sdud brgyad ni 'di ltar ro// zhi ba'i mtha' sdud dkar po lce'i mdos dang // dbang gi mtha' sdud smug mo sha rus kyi mdos dang // drag po'i mtha' sdud rem ti lcags sgrol ma'i mdos dang // bzlog pa'i mtha' sdud dbang phyug ma'i zor mdos dang // bdud mo mtha' sdud stong bskor gyi mdos dang // gsad pa'i mtha' sdud 'brub khung
- 242b
khra mo brgyad bdud bsad pa'i mdos dang // bskang pa'i mtha' sdud sarba ru pa'i mdos dang // sgrol ba'i mtha' sdud bdud mo lcags sgrog ma'i mdos dang rnam pa brgyad do// rtsa ba gnyis ni 'di lta ste// srid pa'i pho mdos so// phol yang ni gnyis yin te// bskang ba dang ni bzlog pa'o// mo la rnam pa gnyis yin te// phyi ru srin mo'i mdos dang ni// nang du yang dag rdzogs la bdag nyan 'tshal/ ma mo'i mdos nyid do// zhes bka' stsal to// bdud mo bkol byang nam mkha'i rgyud las// bskang ba mdos kyi cha lag bstan pa'i le'u ste nyer dgu pa'o// gnod 'dul lha yis yang gsol pa// srid pa'i dbang can mo rnams kyi// bskang ba'i cho ga gang lags pa// yang dag rdzogs la kyis bka' stsal pa// de la rnam pa gnyis yin te// sngon du bya ba dang bskang ba'o// de la sngon du bya ba ni// cho ga yan lag rnam pa bdun// gnod 'dul lha yis yang gsol pa// yan lag bdun po ji ltar lags// yang dag rdzogs kyis bsha du gsol// de skad gsol pa gsan nas kyang // yang dag rdzogs kyis bka' stsal pa// nyon cig g.yung drung yang dag pa// cho ga bdun gyi rkang grangs ni// nga yis khyod la bshad par bya'o// dang por zhub gsol zhing mazhen pa gsol ba dang // srid pa khog dbub pa dang // cha mnyam pa dang // mdos mkhyen cha ba
- 243a
dang // mdos bzhengs su gsol ba dang // mdos spyan drangs shing bzhugs su gsol ba dang // dbang po spyan drangs shing mda' bzhi phur bzhi bya'o// de la zhu ba gsol zhing mkhyen pa gsol ba ni// yul rgya yul bstan bzangs su// rgyal po mgo sha ma bdun mo babs nas gnam sa bar gsum gyis pra ltas mkhan gyis gzigs nas// rgya gar 'dzam gling shar phyogs nas ston pa dga' rab rdo rje spyan drangs nas zhu ba gus par phul te// ston pas yas dang thabs bsher ba// bud med bu 'di chags pa che bas rdzas bsogs na blu rung // yas dang thags bsogs nas// ri rab gling bzhi shoms sam// bal tshon sna lnga mchis sam// nam mkha' gzha' tshon ris bris sam// gnam la 'phur dgu'i phos mchis sam// thig le lnga'i thod mchis sam// sgo ba'i btsas mchis sam// 'og tu ga dan mchis sam// zhal du skyems mchis sam// phyag tu g.yon mchis sam// kha gser dang kha g.yu mchis sam// gnam la 'phur dgu'i sgro mchis sam// logs la 'grim dgu'i ras mchis sam// sa la skye dgu'i rdzas mchis sam// mchis na brla ru rung gsung gsung bas// rgyal po ston pas ji ltar gsungs pa stsal nas// rgyal po bdud mo'i kha nas bslus so// de ni zhu ba gsol zhing mkhyen pa gsol ba'i rim pa zhes
- 243b
gsungs so// de nas srid pa khog dbub pa ni// hUM/ srid pa gang zhig lnga// dang po ci yang med pa las// srid pa yel yel ser ser po// ji med stong pa'i dus tsam na// bde gshegs thugs rje'i byin brlabs dang // sems can spyi mthun las dbang gis// dang po srid pa rlung gi dkyil 'khor chags// de stengs chu yi dkyil 'khor chags// de stengs med yi dkyil 'khor chags// rlung gis chu gzhig me yis smin// de stengs gser gyi sa gzhir chags// de stengs ri rab lhun por chags// ri bdun rol mtsho gling rnams dang // tha ma lcags ri nag por chags// de ltar srid pa chags so// bkol byang nam mkha'i rgyud las// srid pa khog dbub pa'i le'u ste sum cu tham pa'o// gnod 'dul lha yis yang gsol pa// srid pa cha mnyam ji ltar lags// yang dag rdzogs la bdag nyan 'tshal// yang dag rdzogs kyis bka' stsal pa// nyon cig g.yung drung yang dag pa// de ltar srid pa chags pa las// ru tra bka' bsgo log pa yis/ ri rab ngos la gnas pa'i tshe// gdug pa'i bud med dam la btags// rang rgyud ma mo dbang du bsdus// ma mo nyi zla thod 'phreng mas// nyi zla stong gi rtsa gcig gis// snang srid phud la khad pa las// bcon ldan phyag na rdo rje yis// bcom ldan che mchog he ru la// srid pa cha mnyam zhu ba phul// shar ri mtho
- 244a
ste nub ri dma'// nub ri mtho ste sha ri dma'// lho ri mtho ste byang ri dma'// byang ri mtho ste lho ri dma'// mtshams bzhi mtho ste phyogs bzhi dma'// phyogs bzhi mtho ste mtshams bzhi dma'// shar gyi ri'u dpangs mtho na// nub gyis klu bdag nyon re mongs// de phyir srid pa cha mnyam 'tshal// nub kyi ri bo dpangs mtho na// shar gyi dri za nyon re mongs// de phyir srid pa cha mnyam 'tshal// lho yi ri bo dpangs mtho na// byang gis gnod sbyin nyon re mongs// de phyir srid pa cha mnyam bya// byang gi ri bo dpangs mtho na// lho yi gshin rje nyon re mongs// de phyir srid pa cha mnyam bya// shar lho'i ri bo dpangs mtho na// byang nub rlung lha nyon re mongs// de phyir srid pa cha mnyam 'tshal// byang nub ri bo dpangs mtho na// shar lho me lha nyon re mongs// de phyir srid pa cha mnyam 'tshal// lho nub ri rab dpangs mtho na// byang shar dbang ldan nyon re mongs// de phyir srid pa cha mnyam 'tshal// byang shar ri bo dpangs mtho na// lho nub srin po nyon re mongs// de phyir srid pa cha mnyam 'tshal// steng phyogs mtho ba'i dus tsam na// 'og gis bdag nyon re mongs// de phyir srid pa cha mnyam 'tshal// 'og phyogs mtho ba'i dus tsam na// steng gi tshangs pa nyon re mongs// de phyir srid pa cha mnyam 'tshal// bcom ldan mchog he ru
- 244b
kas// sku la srid pa bzhi 'dzin sprul// srid pa zhig pa 'dzin du bcug/ thugs las ma mo bcu bzhi byung // gsung las sman mo lnga bcur sprul// srid pa cha byed cha snyoms kyis// snang srid thams cad bde la bkod// srid pa bde la gnas so skad// bkol byang nam mkha'i rgyud las// srid pa cha mnyam pa'i le'u ste sum cu gcig pa'o// gnod 'dul lha yis yang gsol pa// mdos mkhan mdos la ji ltar cha// yang dag rdzogs kyis bka' stsal pa// mdos mkhan mdos la cha ba ni// mdos mkhan rgya mtsho mer ba 'dra// mdos mo gyur sram dmar mo 'dra// gyur bsam mi yi glud du chos// glum sram rdza yi khams su chos// mdos mkhan mdos la cha ba ni// mdos mkhan nam mkha' yangs pa 'dra// mdos mo nyi zla gza' skar 'dra// nyi zla mi yi glud du chos// gza' skar rdza yi khams su chos// mdos mkhan mdos la cha ba ni// mdos mkhan ri rgyal lhun po 'dra// mdos mo rtsi shing nags tshal 'dra/ rtsi shing mi yi glud du chos// nags tshal dza yi khams su chos// mdos mkhan mdos la cha ba ni// mdos mkhan sa gzhi gro bo 'dra// mdos mo lo thog snar mo 'dra// lo thog mi yi glud du chos// lo thog rdza yi khams su chos// phyag lnga mdos la cha ba ni// snang srid ma mo thams cad kyang // gong gong chum chum las la spyon// sti ra'i rnga chen
- 245a
'di brdungs pas// khams gsum ma lus dbang du sdud// sti ra'i rnga chen 'di brdungs pas// srid gsum ma lus zil gyis mnan// sti ra'i chen 'di brdungs pas// ma mo mkha' 'gro las la bskul// sti ra'i rnga chen 'di brdungs pas// dgra bgegs mgo lus dum bur gtubs// sti ra'i rnga chen 'di brdungs pas// bgegs kyi tshogs rnams bran du khol sti ra'i rnga chen 'di brdungs pas// stong gsum chos sgra chen pos bkang // tsan dan dkar po'i rnga shing la// ban glang dkar po'i pags pas g.yogs// gnod pa'i dgra bgegs zhi pa'i rnga// dmar mo gdangs snyan rnga shing la// ser mo stag gi pags pas g.yogs// tshe dang bsod nams rgyas pa'i rnga// ser ldeng dmar po'i rnga shing la// drod mo mo zin pags pas g.yogs// thams cad dbang du sdud pa'i rnga// gram chen smug po'i rnga shing la// mi lpags gzhi'i pags pas g.yogs// gnod pa'i dgra bgegs bsgral ba'i rnga// thod pa ltag spyad rnga shing la// zheng chen g.yang mazhi lpags pa g.yogs// dbyings nas ma mo spyan 'dren rnga// zhes bka' stsal to// bkol byang nam mkha'i rgyud chen po las// mdos mkhan mdos la cha ba dang phyag rnga mdos la cha ba'i le'u ste so gnyis pa'o// gnod 'dul lha yis yang gsol pa// gling ma zhi mdos chen ji ltar bzhengs/ yang dag rdzogs
- 245b
kyis bka' stsal pa// bskal pa dang po'i dus tsam na// mar me mdzad ni 'das 'og tu// shAkya thum pa ma byung dus// ru tras ma mo dam la bsdus// ma mo srid pa'i bde 'gro des// dpag bsam shing gi rtsa ba na// rgya mtsho mer pa'i nang shed na// rin chen g.yu yi gur phub pas// byu ru'i tshugs shing rongs se rongs// gser gyi gur thag sha ra ra// ma mo srid pa'i bde 'gro ma/ 'khor du sna srid mang pos bskor// shin tu bzang sdug mdangs dang ldan// de ka si yis mthong ste gzigs// rgyal po lha yi bu yis gzigs// rgyal po lha yi bu de yang // chags pa skyes nas zhu ba phul// srid pa'i rgyal mo yas nyid dang // bdag nyid srid pa bde 'gro zer// srid pi bde 'gro'i zhal na re// rgyal po lha yi bu nyid dang // nga gnyis brdeb tu cang mi 'tshal// 'khor gyi ma mos yas ra sod// de skad zer nas ma gnang ste// rgyal po lha yi bu de yis// nan tan bskyed de yang zhus pas// srid pa bde 'gro'i zhal na re// rgyal po lha yi bu khyod dang // nga yi gan du 'ong 'dod na// do nub nam gyi gung smad la// g.yu gur sngon mo rdib pa re// byu ru'i tshugs shing 'gyel la re// gser gyi gur thag chad da re// mu men tshon phur byung nga re// 'khor gyi ma mo tshor ra re// sus kyang mtshor zhog la sbron// de skad nyid du gsungs pa las// rgyal po lha yi bu de yis// da la
- 246a
'bul bzhag nas ma byon par// 'ur 'ur thog thog byon pa las// 'khor gyi ma mo 'kha' 'gros tshor// ma mo zhe sdang phrag dog skyes// gser gyi zangs gri rnon po yis// rgyal po lha yi bu la brgya pa// rgyal po lha yi bu de bsad// ma mo phyogs bzhir bros de thal// srid pa bde 'gro mya ngan bskyes// yum cig srid pa bde 'gro mas// snang srid ma mo dbang du bsdus// 'bru sna nyi shu rtsa gcig la// ri rab gling bzhi mdos chen bzhengs// 'byung ba lnga yis nam mkha' brgyan// shar phyogs dpag bsam yal ga las// ma mo rus nad gtong ba bkug/ lho phyogs dpag bsam yal ga las// ma mo mkhris nad gtong ba bkug/ nub phyogs dpag bsam yal ga las// ma mo khrag nad gtong ba bkug/ byang phyogs dpag bsam yal ga las// ma mo rlung nad gtong ba bkug/ dpag bsam shing gi rtse mo las// ma mo rims nad gtong ba bkug/ ri rab gling bzhi bzhengs pa yang // ma mo rnams kyi rten du byas// shar gyi dkar mo 'bum tshoms la// lug dkar bya dkar sna drangs nas// 'thun pa'i rdzas kyis thugs dam bskang // lho yi sngon mo 'bum spel// lug nag bya nag sna drangs nas// 'thun pa'i rdzas kyis thugs dam bskang // nub kyi dmar mo 'bum sde la// bya smug lug smug sna drangs nas// mthun pa'i rdzas kyis thugs
- 246b
dam bskang // byang gi ser mo 'bum sde la// lug nag mkhal skye ri bya yi// mthun pa'i rdzas kyis thugs dam bskang // der 'khor gyi ma mos tshe srog gtang // lha yi bu de shi bslong // skye shing med pa'i dngos grub thob// mdos bzhengs srid pa bde 'gros bzhengs// mdos byung lha yi don du byung // mdos kyi dgos ched shi bslong // bskal pa bar ma'i dus de ru// mdos bzhengs dpal chen he rus bzhengs// ru tra bka' bsgo zlog pa dang // rnal 'byor grong bsnyen dar ba yis// lnga brgya dus kyi tha ma la// srid pa'i ma mo thams cad 'khrugs// ma mo kha rlangs sna tshogs kyis// 'gro ba rigs drug sems can la// nad mtshon mu ge'i bskal pa byung // 'gro drug sems can rlag pa khad// dpal chen thugs rjes ma bzod nas// sbrul sku ji ltar 'dul ba'i lhas// las kyi ma mo dbang du bsdus// mthun pa'i yas dang glud bshams te// snang srid sems can bde la bkod// mdos kyi dgos ched de ltar che// mdos bzhengs dpa' chen nyid kyis bzhengs// mdos byung sems can don du byung // mdos kyi dgos ched phan yon gyis// nad mtshon mu ge'i bskal pa bzlog/ bskal pa tha ma'i dus tsam na// rnal 'byor grong bsnyen dar dus du// snang srid ma mo mkha' 'gro 'khrugs// rgyu sbyor yon gyi bdag po 'di// sngon gyi las dang
- 247a
'phral gyi rkyen 'dom nas// rgyu sbyor yon bdag 'khor bcas la// snang srid ma mo thams cad ni// tshe dang srog la bar chad byed// de la mdos cig bzhengs kyang 'tshal// 'bru yi pha dang ma smos pa// pha ni gnam la ma ni sa// gnam sa gnyis kyi byin rlabs la// gnam las ba mo zil tsam srid/ sa la sa zil pa phrol tsam chags// 'byung ba lnga ni cha bsnyams te// 'bru sna nyi shu rtsa gcig smin// sngon mo srang phyed chab nas ston// skyes pa gzhon pas sbrus su btsugs// na chung gzhon pa'i yos su btsugs// sku gsung thugs dang ldan pa'i phyir// kha gsum dag tu bcad nas ni// sum gnyis rgyu las ri rab bzhengs// gser gyi ri bdun dag gis bskor// mtsho chen rol mtsho bdun rnams dang // gling chen bzhi dang gling phran brgyad// tha ma lcags ri 'bar bas bskor// yon bdag yul dang mkhar gyi glud// sum cha'i rgyu sems can bzhengs// dpag bsam shing gi rtse mo nas// ri rab 'gram gzhi yan chad du// skye 'gro 'dul ba'i srog chags kyis// ri rab gling gi rgyan du byas// yon bdag nor dang phyugs kyis glud// smug ma'i pha dang ma mos pa// pha ni sba dkar ldem pa la// ma ni u pa'i khog stong ma// bu ni lho skyug ldem pa dang // skyes pa lho brag ngos las skyes// mon bu spyi bzlums kha 'phra yis// rgya zor khug pas
- 247b
smyug ma brngas// sha 'breng mnyen la drags// smyug ma khru tshad gang du byas// mdzub tshad lag tu byas// tshon gyi pha dang yab// srid pa pho mo'i byin brlabs las// 'byung ba lnga yi lu gu la// bal tshon sna lngas brgyan pa cig/ snang srid ma mo'i rdzas su byung // 'byung bapa'i lug rdzis bal tshon bregs// na chung gzhon pa'i lag gis bkal// sngags 'chad rgyas pa'i lag gis blangs// nam mkha' gdan dang gur du byas// rin chen sna lnga nam mkha'i rgyan du byas// gnam la 'phur dgu'i phod kyis brgyan// dpag bsam shing gi rtse mo nas// ri rab 'gram gzhi yan chod du// nam mkha' sngon dmar sna tshogs kyi// ri rab gling bzhi sbugs su bcug/ snang srid ma mo'i thugs dam bskang // rgyu sbyor yon gyis bdag pi yi// tshe srog gnyis kyi bar chad bzlog/ mdos bzhengs sngags 'chang rgyal pos bzhengs// mdos byung yon bdag don du byung // mdos kyi dgos chen phan yon gyis// tshe srog gnyis kyi bar chad bzlog/ mdos kyis phan yon de ltar che// zhes gsungs so// bdud mo bkol byang nam mkha'i rgyud las// mdos bzhengs lugs kyi le'u ste so gsum pa'o// gnod 'dul lha yis yang gsol pa// mdos chen spyan drangs gang nas drang // yang dag rdzogs kyis bka' stsal pa// gling bzhi'i mdos chen spyan drangs pa// gdan
- 248a
bcas khri med sa nas drangs// rma snam gtsang ma'i gdan stengs su// sngon mo srang phyed gcal du bkram// ma traM chen po'i gzugs su bris// mgo bo lho nub mtshams su bstan// rkang pa byang shar mtshams su bstan// lag g.yas lho la lag g.yon byang // mgo bo lho nub mtshams su bstan pa ni// srin po zil gyis mnan pa'i rtags// rkang pa byang shar bstan zhes gsungs pa ni// dbang ldan zil gyis mnan pa'i rtags// lag g.yas lho ru bstan pa ni// gshin rje zil gyis mnan pa'i rtags// lag g.yon byang du bstan pa na// gnod sbyin zil gyis mnan pa'i rtags// ma trang de yi snying kha ru// ri rab gling bzhi bzhengs pa yis// 'dre srin zil gyis gnon pa'i rtags// ma tram de yi phyogs bzhi ru// gser gyis drang shing lan phur bzhi// gru 'degs bzhi ru mnga' gsol te// gru 'degs bzhi yi gdan stengs su// gling bzhi'i mdos chen spyan 'dren na// snang srid ma mo spyan lam na// yid bzhin nor bu rin po che// dgos dgu 'byung ba'i ngo bor gnas// dpal dang ma mo mkha' 'gro la// gling bzhi mdos chen mchod par 'bul// snang srid las kyi ma mo rnams// chags sdang dpral ba'i phyir// 'gro drug sems can thams cad kyi// nad mtshon mu ge bzlog pa dang // rgyu sbyor yon bdag 'khor bcas kyi// tshe srog nyams pa slu
- 248b
ba dang // gru 'degs bzhi yi gdan stengs su// gling bzhi'i mdos chen spyan 'dren ni// mkha' 'gro mchod pa'i yon du bzhugs// ma mo bskang ba'i rdzas su bzhugs su// yon bdag 'khor bcas glud du bzhugs// zhes gsungs so// bdud mo bkol byang nam mkha'i rgyud las/ mdos spyan drang zhing bzhugs su gsol pa'i le'u ste so bzhi pa'o// gnod 'dul lha yis yang gsol pa// dbang po spyan drangs ji ltar lags// yang dag rdzogs kyis bka' stsal pa// mdos kyi dbang po spyan drangs pa// nga yis khyod la bshad par bya// legs par nyon la yid la zung // nyi ma shar phyogs ma gi na// gnas yang dkar te zla gam po/ sa yang dkar te zla gam po// ri yang dag dkar te zla kham po// mkhar yang dkar te zla kham po// mi yang dkar te zla kham po// rta yang dkar te zla kham po// 'dzam gling de yi mnga' bdag ni// rgyal po chen po yul 'khor srung // btsun mo sras dang blon por bcas// de ring mdos la spyan 'dren gyis// mdos kyi dbang por bzhugs su gsol// nyi ma lho phyog pha gi na// gnam yang sngo ste sogs ka'o// ri yang sngo ste sogs kha'o// mkhar yang sngo ste sogs ka'o// mi yang sngo ste sogs ka'o// rta yang sngo ste sogs ka'o// 'dzam gling de yi mnga' bdag po// grul bum rgyal po 'phags skyes po// btsun mo sras dang blon por
- 249a
bcas// de ring mdos la spyan 'dren gyis// mdos kyi dbang por bzhugs su gsol// nyi ma nub phyogs ya gi na// gnam yang dmar te zlum po la// sa yang dmar te zlum po la// ri yang dmar te zlum po la// mkhar yang dmar te zlum po la// mi yang dag te zlum po la// rta yang dmar te zlum po la// 'dzam gling de yi mnga' bdag ni// klu bdud rgyal po spyan mi bzang // btsun mo sras dang blon por bcas// de ring mdos la spyan 'dren gyis// mdos kyi dbang por bzhugs su gsol// nyi ma byang phyogs pha gi na// gnam yang ldang ste gru bzhi po// sa yang ldang ste gru bzhi'o// ri yang ldang ste gru bzhi pa'o// mkha' yang ldang ste gru bzhi'o// mi yang ldang ste gru bzhi'o// rta yang ldang ste gru bzhi'o// 'dzam gling de yi mnga' bdag po// gnod sbyin rgyal po rnam thos sras// btsun mo sras dang blon por bcas// de ring mdos la spyan 'dren gyis// mdos kyi dbang por bzhugs su gsol// zhes gsungs so// bdud mo bkol byang nam mkha'i rgyud las// mdos kyi dbang po spyan drang ba'i le'u ste so lnga pa'o// gnod 'dul lha yis yang gsol pa// mda' bzhi phur bzhi ji ltar lags// yang dag rdzogs kyis bka' stsal pa// hUM/ mda' bzhi dag mnga' gsol ba// yes shes 'bar pa'i khro bo bzhi// shar nas khro bo rnam par
- 249b
rgyal// shar phyogs dri za'i dpung tshoms la// shar gyi bgegs rnams thub par mdzod// lho yi khro bo gshin rje gshed// lho phyogs gshin rje'i dpung tshoms la// lho yi bgegs rnams thub par mdzod// nub nas khro bo rta mchog dpal// nub phyogs klu dbang dpung choms la// nub kyi bgegs rnams thub par badzod// byang nas khro bo bdud rtsi 'khyil// byang phyogs gnod sbyin dpung tshoms la// byang gis bgegs rnams thub par mdzod// ye shes khro rgyal khyed bzhi yis// mda' bzhi dag la mnga' gsol ba// phyogs bzhi'i bgegs rnams thub par bsrungs// hUM// ral gri bzhi la mnga' gsol pa// chos skyong rgyal po chen po bzhi// shar phyogs nas ni yul 'khor srung // lho phyogs nas ni 'phags skyes po// nub phyogs nas ni spyan mi bzang // byang phyogs nas ni rnam zos sras// chos skyong rgyal po khyed bzhi yis// ral gri bzhi la mnga' gsol la// phyogs bzhi'i bgegs rnams thub par mdzod// me long bzhi la mnga' gsol pa// gzhal yas sgom chen mo bzhi// shar nas stag gdong lcags kyu ma// lho nas phag gdong zhags pa ma// nub nas nyi zla lcags sgrog ma// byang nas thal byed dri bu ma// gzhal yas sgo ma khyed bzhi yis// me long bzhi la mnga' gsol la// gzhal yas sgo bzhi thub par bsrungs// hUM/ gur dang yol la mnga'
- 250a
/ gsol ba// ma traM dngas ma lnga po las// srid pa'i las mkhan bu med la// shar nas dkar mo las mkhan mo// dar dkar gur phub skongs se skongs// dar dkar yol dri me re re// lho nas sngon mo las mkhan mo// dar sngon gur 'bum skongs se skongs// dar sngon yol dri me re re// nub nas dmar mo las mkhan mo// dar dmar gur 'bub skongs se skongs// dar dmar yol dri me re re// byang nas ser mo las mkhan mo// dar ser gur 'bub skongs se skongs// der ser yol 'bri me re re// mas nas mi 'gyur las mkhan mo// dar nag gur 'bub skongs se skongs// dar nag yol bris me re re// srid pa'i bud med las mkhan lnga// ma trang thugs kyi dkyil du thim// zhes gsungs so// bdud mo bkol byang nam mkha'i rgyud las// mda' bzhi phur bzhi'i cho ga bstan pa'i le'u ste so drug pa'o// gnod 'dul lha / yis yang gsol pa// rgyan gyi cho ga ji ltar lags// yang dag rdzogs la bdag nyan 'tshal// yang dag rdzogs kyis bka' stsal pa// hUM rin chen sna lnga'i snod chen du// bdud rtsi bcud ldan dza gad sbyar// snang srid ma mo bskang pa'i phyir// ri rab phyogs bzhi dbus dar lngar// mi 'gyur brtan par bzhugs su gsol// hUM thugs rjes rtogs pa'i smyug ma la// rtogs 'jom che ba'i rgod sgros bskyon// 'khor pa'i gnas
- 250b
su gcig pa'i mda'// ri rab gling bzhi'i rgyan du dgod// hUM/ thugs rjes rno mtshon ral gri 'di// che bar mtshon gyi rgyal po ste// dug gsum rtsa ba gcad pa'i phyir// ri rab gling bzhi'i rgyan du dgod// hUM/ snang srid sgron ma gsal ba'i me long 'di// ye shes bzhi yi rang bzhin pas// snang srid ma mo bsal ba'i phyir// ri rab gling bzhi'i rgyan du bkod// hUM/ chos nyid mnyam pa'i don rtogs ni// skye shi med pa'i don gyi rang bzhin las// mthing nag 'bar ba'i yol chen 'dis// gling bzhi 'di la legs par bskor// zhes gsungs so// bdud mo bkol byang nam mkha'i rgyud las// rgyan gyi cho ga bstan pa'i le'u ste so bdun pa'o// gnod 'dul lha yis yang gsol pa// dang por zor skyogs ji ltar byung // rdzogs sangs rgyas la bdag nyan 'tshal// yang dag rdzogs kyis bka' stsal pa// zor skyogs cho ga 'di ltar ro// hUM/ dang po srid pa ji ltar chags// gnas yang ma mchis sa yang mchis// shar phyogs lho nub byang ma mchis so// cing med stong pa'i dus tsam na// rang 'byung rgyal po srid pa bkod// bdud ma traM bya ba sdig can gyis// snang srid thams cad stongs su cha// khams gsum thams cad brlag tu cha// bcom ldan phyag na rdo rje yis// ma trang bya ba'i sdig can de// byang shar mtshams nas tsir gyis bzung // mgo ni lho nub
- 251a
mtshams su bstan// rkang pa byang shar mtshams su bstan// ma traM chen po bshas te btang // ma traM chen po'i klad gshegs pas// dum bu gcig la gyo tshal bzhi// gcig ni dpal he ru'i rdzas// gcig ni ma mo mkha' 'gro'i rdzas// gcig ni mkha' 'gro brten pa'i rdzas// gcig ni rnal 'byor bzlog pa'i rdzas// dngul skyogs dkar po de nas byung // ma traM chen po'i tshul bshas pas// bse skyogs khra bo de nas byung // ma traM chen po'i lce bshas pas// zangs skyogs dmar po de nas byung // ma traM chen po'i snyan bshas pas// ras skyogs nag po de nas byung // dang po sgyogs byung de nas kyang // da ni gzhu byung gang nas byung // ma traM rtsi bas las gzhu gcig byung // ma traM rgyus pas na rgyud cig byung // chang pa brdang pas rtsad pa'i tshul// rnam pa thabs dang shes rab tshul// mchog ma dang bzang nyi ma rang // ma nor brtan par rgyud kyis bsrings// dang po mda' byung gang nas byung // ma traM thur ma g.yas pa las// sgyogs mda' bya rgod dang // mda' nag pho rogs byung // ma haM mchog phur g.yon pa las// mda' dmur 'ug pa dang // mda' gser khra sgro byung // ltong ni thabs dang shes rab ste// sgro ni ye shes bzhi yis sgron// smyug ma byang chub sems kyi dang // mde'u sku gsung thugs kyi dang // dang po mda' chung de nas phyung // dang po
- 251b
skyogs la srog ma mo mchis// mtshe mo srog tu mchis// skyogs la snying ma mchis/ yungs nag snying du bcug dang po skyogs la dbugs ma mchis/ ya la dbugs su gsal/ dang po skyogs sa khrag ma mchis// dmar po khrag dang gsal/ da ni sgyogs 'phang gang du 'phang / mda' mo bya rgod shar du 'phang / mda' nag pho rog lho ru 'phang / mda' dmar 'ug pa nub tu 'phang / mda' ser khra sgro byang du 'phang / shar gyi phyogs cig 'phen/ shar gyi dri za 'bum gyi rgyal/ dri za lcam cig ma la sgyogs mi 'phang / mu stegs a 'bras yul du 'phen/ lho yi phyogs su skyogs cig pha 'phen// lhogs phyogs gshin rje 'bum gyi rgyal// gshin rje lcam cig ma la skyogs mi 'phen// mu stegs gnyen pa'i yul la 'phen// nub kyi phyogs su skyogs cig 'phen// nub phyogs klu bdud 'bum gyi rgyal// klu bdud lcam cig ma la skyogs mi 'phen// bal po sbyi cings yul du 'phen// byang gi phyogs su skyogs cig 'phen// byang phyogs gnod sbyin yul gyi rgyal// gnod sbyin lcam cig ma la sgyogs mi 'phen// byang gi dgra dang bgegs la 'phen// da ni sgyogs bgrong ste// mi bgrang ba'i rnam pa la// chos kyi bsrung ma la mi bgrang ngo // bon gyi lha gsal la mi bgrang ngo // skyes pa'i lha la mi bgrang ngo // bud med kyi dpal mi bgrang ngo // zas kyi bcud mi
- 252a
bgrang ngo // nor gyi dbyig mi bgrang ngo // zas kyi bcud nor gyi dbyig yang mi bgrang ngo // mi khyim gang mi bgrang ngo // phyugs ra gang mi bgrang ngo // rta 'og rte mi bgrang ngo // bran khol mi bgrang ngo // byas la nas dang tshe phugs su gtor ro// da ni bra po dang // yungs nag thogs la bgrang ba ni// lha ngan gyi pha mos pas// 'gog po mgo gsum la// gzig ngan gyi phyi mo gnyis// de gnyis tshogs kyi bu// bdud kyi zan byung ba// g.yag mo ru 'dzings yin te bgrang // dmu yi than ngan pa// dmu sgo thig yar yin te bzang // btsan gyi zan ngan pa// sha ba ru 'dzings yin te bgrang // ya chos zan ngan pa// kyi la drug phrom yin te bgrang // shar phyogs zan ngan pa// lug la ro khal yin te bgrang // ma bdun zan ngan pa// zhing la shul ba yin te bgrang // dur sri'i zan ngan pa// khang thog srin byang yin te bgrang // srod la bya 'tsher bgrang // tho rang khyi du bgrang // sa la lnga brgyal bgrang // kha phrad mdza' 'o ni// lhag phrad 'cha' ba bgrang // bla ru ma 'bud bgrang ngo // 'og tu chu skol bgrang // mi kha ngan kha bgrang // lta ngan sdig bcu bgrang // rus la sogs ngan 'grang // snag la 'chil ngan bgrang // mo ngan thun ngan bgrang // ltas ngan sdig can bgrang ngo // de ni skur zhing byol te s+t+waM// hUM/ shar gyi phyogs nas bsgyur mdzad ma// che zhe dri
- 252b
za'i lcam cig ma// chebs su sbal bu kha dkar chibs// rang rtags dung gi rdo rje gsor// bran du dri za pho mo 'khol// las su bdud dang khram bzlog ma// don du sbyar la dga' ba mo// shar nas myos pa'i dgra dang bgegs// zlog cig sgyur cig shar du bsgyur/ lho yi phyogs nas bsgyur mdzad ma// che zhe gshin rje'i lcam cig ma// chibs su chu glang sngon po chibs// rang rtags lcags kyi rdo rje gsor// bran du gshin rje pho mo 'khol// las su bdud dang khram bzlog ma// don du bsgyur la dga' ba mo// lho nas nyes pa'i dgra dang bgegs 'gugs ma// zlog cig sgyur cig lho ru bsgyur// nub kyi phyogs nas bsgyur mdzad ma// che zhe klu bdud lcam cig ma// chibs su chu srin dmar po chibs// rang rtags byu ru'i rdo rje gsor// bran du klu bdud pho mos bskor// las su bsgyur la dga' ba mo// nub nas nyes pa'i dgra dang bgegs// zlog cig sbyar cig nub tu bskur cig/ byang gi phyogs nas bsgyur mdzad ma// che zhe gnod sbyin lcam gcig ma// chibs su shing rta gsar rnying chibs// rang rtags gser gyi rdo rje gsor// bran du gnod sbyin po mos bskor// las su bdud dang khram bzlog ma// don du bsgyur la dga' ba mo// byang nas nyes pa'i dgra dang bgegs// zlog cig sgyur cig byang du bsgyur// steng gi phyogs nas sgyur byed ma// nam mkha'i rgyal
- 253a
mo sbyar byed ma// chibs su skar chen dmar po chibs// rang rtags mu tig rdo rje gsor// bran du lha bdud pho mos bskor// las su bdud dang khram bzlog ma// don du bskur la dga' ba mo// steng nas nyes pa'i dgra dang bgegs// zlog cig sgyur cig steng du bsgyur// 'og gi phyogs nas bsgyur mdzad ma// e ka dzA Ti mthu mo che// chibs su sa bdag chen mo chibs// rang rtags gser gyi rdo rje gsor// bran du sa bdag pho mos bskor// las su bdud dang khram bzlog ma// don du bsgyur la dga' ba mo// 'og nas nyes pa'i dgra dang bgegs// zlog cig sgyur cig 'og tu bsgyur// phyogs bzhir bskur la mtshams bzhir bzlog/ de nas mda' dang skyogs thang la khyer la 'di skad do// stag gdong chen mo lcags kyu ma// ri rab shar gyi sgo phye la// mda' lam sha ra ra// skyogs lam 'brengs se brengs// phag gdong nag mo zhags pa ma// ri rab lho yi sgo phye la// mda' lam sha ra ra// sgyogs lam brengs se brengs// nyid ma zla ba mar mo lcags sgrog ma// ri rab nub kyi sgo phye la// mda' lam sha ra ra// sgyogs lam / brengs se brengs// thal byed ldang nag dril bu ma// ri rab byang gi sgo phye la// mda' lam sha ra ra// skyogs lam brengs se brengs// zhes brjod la sna la mda' 'phang // de nas skyogs 'phang ngo // ma hA shan ting
- 253b
dang sarba ru pa'i mda' bzhi sgyogs bzhi'i cho ga'o// zhes gsungs so// bdud mo bkol byang nam mkha'i rgyud las// zor skyon pa'i le'u ste so brgyad pa'o// de nas bdag gi don du nang ma mo'i mdos su bskang ba zhes bya ste// ma mo spyi yi 'phrin las gzhung bsrang la tshogs dbul// 'dzab bstod bya zhing bzlas pa zhes bya ba dang // dngos grub slang ba bzhin byas// ma mo spyi yi bskul ba ring nas so so'i gnas nas bskul// dbang phyug ma dang bstan ma yan chad rdzogs par bya'o// bkol byang nam mkha'i rgyud las// nang ma mo mdos su bskang ba'i le'u ste so dgu pa'o// gnod 'dul lha yis yang gsol pa// de nas dpal chen lhag ma la// phyi srin mo'i mdos su bskang ba gang // yang dag rdzogs kyis bka' stsal pa// de nas srin mo'i mdos bskang ba// nga yis khyod la bshad par bya'o// dang la gur sgo dbye ba ni// hUM/ stong gsum stong gi 'jig rten na// dbus phyogs stong gi 'jig rten na// gser mtsho ser mo mtsho// gser mtsho de yi dkyil shed na// gser brag gnas du zangs se zangs// gser zag de yi kha shed na// gser gyi sgra mkhar ldems se ldems// sku mkhar de yi kha shed na// nam mkha' rigs kyi rgyal mo bzhugs// do nub gur gyi sgo phye la// do nod yas kyi sgo phye zhig/ do nod las dang don du sprod// mkhar ba'i me long gsal
- 254a
gong du// nas ser mo 'bru bdun la// rma'u zan dang 'phrin mtho yis// zan gyi gong du sha ra ra// yas kyi gong du si li li// yas la dbang ba yas la spyan// thags la dbang ba thags la sbrospyon// stong gsum stong gi 'jig rten na// shar phyogs stong gi 'jig rten na// dung mtsho dkar ma mo re re// dung mtsho de yi dkyil shed na// dung brag gnam du zengs se zengs// dung brag de yi kha shed na// dung gi sku mkhar ldems se ldems// sku mkhar de yi nang shed na// rdo rje rigs kyi rgyal mo bzhugs// de nub gur gyi sgo phye la// do nod yas kyi sgo phye zhig/ do nod yas dang gdon du sprod// mkhar ba'i me long gsal gong du// nas dkar la mo 'bru bdun la// rma bu than dang 'phrin mtho yis// than gyi gong du sha ra ra// yas kyo gong du si li li// yas la dbang ba yas la spyon// thags la dbang ba thags la spyon// stong gsum stong gi 'jig rten na// lho phyogs stong gi 'jig rten na// g.yu tshe sngon mo me re re// g.yu mtsho de yi nang shed na// g.yu brag gnam du zangs se zengs// g.yu brag de yi kha shed na// g.yu yi sku mkhar ldems se ldems// sku mkhar de yi nang shed na// rin chen rigs kyi rgyal mo bzhugs// do nod gur gyi sgo phye la// do nod yas kyi sgo phye zhig/ do nod yas dang gdon du sprod// mkhar ba'i me long gsal gong du// nas
- 254b
sngon de ni 'bru bdub la// rma bu zan dang 'phrin mtho yis// zan gyi gong du sha ra ra// yas kyi gong du si li li// yas la dbang ba yas la spyon// thags la dbang ba thags la spyon// stong gsum stong gi 'jig rten na// nub phyogs stong gi 'jig rten na// zangs mtsho dmar po me re// zangs mtsho mer ba'i nang shed na// zangs brag gnam du zengs se zengs// zangs brag de yi kha shed na// zangs kyi sku mkhar ldems se ldems// sku mkhar de yi nang shed na// pad+ma rigs kyi rgyal mo bzhugs// do nod gur gyi sgo phye la// do nod yas kyi sgo phye zhig/ do nod yas dang gdon du sprod// mkhar ba'i me long gsal gong du// nas dmar mo 'bru bdun la// rma bu zan dang 'phrin mtho yis// than gyi gong du sha ra ra// yas kyi gong du si li li// yas la dbang ba yas la spyon// thags la dbang ba thags la spyon// stong gsum stong gi 'jig rten na// byang phyogs stong gi 'jig rten na// dug mtsho nag po me re re// dug mtsho de yi dkyil shed na// lcags brag gnam du zangs se zangs// lcags brag de yi kha shed na// lcags kyi sku mkhar ldems se ldems// sku mkhar de yi nang shed na// las kyi rigs kyi rgyal mo bzhugs// do nod gur gyi sgo phye la// do nod yas kyi sgo phye zhig/ do nod yas dang gdon du sprod// mkhar ba'i me long gsal gong du// nas
- 255a
nag mo 'bru bdud la// rma bu than dang 'phrin mtho yis// than gyi gong du sha ra ra// yas kyi gong du si li li// yas la dbang ba yas la spyon// glud la dbang ba glud la spyon// zhes gsungs so// bdud mo bkol byang nam mkha'i rgyud las// gur sgo dbye ba'i ste bzhi bcu pa'o// gnod 'dul lha yis yang gsol pa// ma mo'i kha rlangs ji lta dbyung // yang dag rdzogs kyis bka' stsal pa// ma mo gdug pa'i kha rlangs la// da la nad byung ba bsdu ba ni// gnam thar bshus la 'di skad do// bcom ldan phyag na rdo rje yis// shar phyogs gur gyi sgo phye la// gdug pa'i bud med dkar mo 'bum// dkar mo 'bum gyi kha rlangs las// dal nad rims nad sna tshogs byung // bcom ldan phyag na rdo rje yis// thugs rje sprul pa'i 'od zer gyis// bsdu bsnga rul nad rgya nad bsdu// bcom ldan phyag na rdo rje yis// lho phyogs gur gyi sgo phye la// gdug pa'i bud med sngon mo 'bum// sngon mo 'bum gyi kha rlangs las// dal nad rims nad sna tshogs 'byung // bsdu ba mdze nad bco brgyad bsdu// bcom ldan phyag na rdo rje yis// nub phyogs gur gyi sgo phye bas// gdug pa'i bud med dmar mo 'bum// dmar mo 'bum gyi kha rlangs las// phrag nang rnam pa sna tshogs byung // thugs rje sprul pa'i 'od zer gyis// bsdu ba khrag nad sna tshogs bsdu// bcom ldan
- 255b
phyag na rdo rje yis// byang phyogs gur gyi sgo phye la// gdug pa'i bud med ser mo 'bum// ser mo 'bum gyi kha rlangs las// dal nad rims nad sna tshogs 'byung // thugs rje sprul pa'i 'od zer gyis// bsdu ba mkhris nad sna tshogs bsdu// bcom ldan phyag na rdo rje yis// steng phyogs gur gyi sgo phye las// gdug pa'i bud med nag mo 'bum// nag mo 'bum gyi kha rlangs las// dal nad rims nad sna tshogs 'byung // bcom ldan phyag na rdo rje yis// thugs rje sprul pa'i 'od zer gyis// bsdu bo yams nad sna tshogs bsdu// bsnga'o skyon nad sna tshogs bsdu// yas kyi bdud g.yos 'di yis bsdu// mas kyi sri langs 'di yis bsdu// mdze nad bco brgyad 'di yis bsdu// mi nad sna dgu 'di yis bsdu// rta nad 'tsher bcu 'di yis bsdu// gnag nad lhog yor 'di yis bsdu// lug nad rtal pa 'di yis bsdu// khyi nad khrag pa 'di yis bsdu// rta nad kar phyags 'di yis bsdu// bsdus pas mi 'gro gcig kyang med// shar phyogs dri za'i lag tu bsdus te cha la la// lho phyogs gshin rje'i lag tu bsdus te cha la la// nub phyogs klu bdud lag tu bsdus te cha la la// byang phyogs gnod sbyin lag tu bsdus te cha la la// shar lho me lha'i lag tu bsdus te cha la la// lho nub srin po'i lag tu bsdus te cha la la// nub byang rlung lha'i lag tu bsdus te cha
- 256a
la la// de nas bcu pa'i cho ga la// yol ba'i dar sham bshus la// da ni bcu bcu na// gling bzhi mdos chen nang du ni// chos kyi srung ma mi bcu'o// bon gyi lha gsal mi bcu'o// skye bo'i dgra bla mi bcu'o// skyes pa'i lha mi bcu'o// mgo ba yi sman mi bcu'o// byas la 'bru phyugs su gtor ro// da ni bcu pa'i cho ga la// yas kyi bdud g.yos 'di ru bcu// mas kyi sri langs 'di ru bcu// rus la srog ngan 'di ru bcu// snag la mchin ngan 'di ru bcu// ltas ngan cho dgu 'di ru bcu// ngan 'gyur sdig bcu 'di ru bcu// bcu bcu de ni bsdu bsda nas// sbrul nag bzhin du chus kyi bcus// sngags chen rgyal ba'i dbu la bcings// sham bu g.yas kyi cod pan gyis// ya bdud gyen du bsgyur// g.yon gyi cod pan gyis// ma bdud thur du sbyar// zhes gsungs so// bdud mo bkol byang nam mkha'i rgyud las// nad bsdus pa dang kha rlangs dbyung ba'i le'u ste zhe gcig pa'o// gnod 'dul lha yis yang gsol pa// klu btsal rim pa ji ltar lags// yang dag rdzogs la bdag nyan 'tshal// yang dag rdzogs kyis bka' stsal pa// glud btsal cho ga ngas bstan gyis// nyon cig gnod 'dul lha yi gtso// dang po gnam yang ma mchis so// sa yang de ni ma mchis so// shar yang de ni ma mchis so// lho yang de ni ma mchis so// nub yang de ni ma mchis
- 256b
so// byang yang de ni ma mchis so// gling bzhi de ni ma mchis so// gling phran de ni ma mchis so// gser gyi ri bdun ma mchis so// rol mtsho bdun yang ma mchis so// 'gro drug de ni ma mchis te// sems can de ni ma mchis so// ma mo de na ma mchis te// mkha' 'gro de ni ma mchis so// dpag bas na de ni ma mchis te// shing bu de ni ma mchis so// bgegs rigs de ni ma mchis so// stong phrag de ni ma mchis so// sems can spyi mthun las dbang gis// sa chu de ni me rlung gis// 'byung ba chen po cha bsnyams nas// dang po gnam yang ma mchis de nas byung // sa yang ma mchis de nas byung shar yang ma mchis de nas byung // lho yang ma mchis de nas byung // nub yang ma mchis de nas byung // byang yang ma mchis de nas byung // ri rab ma mchis de nas byung / gling bzhi ma mchis de nas byung // gling phran ma mchis de nas byung // gser gyi ri bdun de nas byung // rol mtsho bdun yang de nas byung // 'gro drug sems can de nas byung // ma mo mkha' 'gro de nas byung // dpag bsam shing bu de nas byung // bgegs rigs stong phrag de nas byung // sems can spyi mthun las dbang gis// sa chu de ni me rlung gis// 'byung ba chen po che bsnyams nas// 'bru sna lnga ni dus su smin// 'bru sna nyi shu rtsa gcig la// phye bre srang phyed gcal nas ni// rin
- 257a
chen sna tshogs phye bdar te// bzhi cha gcig la ri rab gzugs// rigs dang bstun pa'i kha dog dbye// gser gyi ri bdun rnams kyis bskor// rol mtshos bdun gyis bskor ba 'di// ston pa dga' rab rdo rje yis// mi yi glud du byin gyis brlabs// rdza yi khabs su byin gyis brlabs// de na ngar phye bzhi cha la// gcan gzan rgyal po drug gi gzugs// dkar la mdzes dang ldan par bya// 'dod chags gtso mo drug kying bskyon// ri rab bang rim dang po bskor// gtso mo rnams la 'bul par bya// ston pa dga' rab rdo rje yis// mi yi glud du byin gyis brlabs// rdza yi khams su byin gyis brlabs// de nas ngar phye bzhi che la// shugs kyis rgyal po drug po la// 'dod chags gtsod po dag kyang bskyon// kha dog rgyan chas rnam par mdzes// rin chen gyis ni rab tu brgyan// sna tshogs dar gyis brgyan pa'o// ri rab bang rim dang po bskor// de yang gtso mo rnams la 'bul// ston pa dga' rab rdo rje yis// mi yi glud du byin gyis brlabs// rdza yi khams su byin gyis brlabs// de nas ngar phye bzhi cha la// glang chen gzugs ni bcu bzhi dang // stag gzig la sogs bcu bzhi dang // mdangs ldan byad gzugs bcu bzhi dang // dkar po ku ku ra tsa bcu bzhi dang // gser g.yu dkor dang nor bur bcas// ri rab bang rim
- 257b
bar ma bskor// ston pa dga' rab rdo rje yis// mi yi glud du byin gyis brlangs// rdza yi khabs su byin gyis brlabs// de nas ngar phye bzhi cha la// snang srid sems can gzugs su byas// kha dog sna tshogs yang dag ldan// sha sna dag ni sna tshogs dang // khrag sna dag ni sna tshogs dang // gser g.yu dkor dang nor bur bcas// ri rab bang rim mtha' mar bskor// srid pa cha byed la sogs te// ma mor grags pa kun gyis rdzas ston pa// dang po glud phul su yi ring la phul// rgyal po 'khor lo drug pa nad rtsi tsi dzo las zin pa las// phyi snod kyi 'jig rten dang nang bcud kyi sems can bcas te 'phul// gnam gyis de ni bya nag dang // sa yi de ni lug nag dang // shing gra de ni sna tshogs dang // 'phang khra de ni sna tshogs dang // rgyang bu de ni sna tshogs dang / gser 'phang de ni g.yu 'phang dang // rgyal po'i glud du 'bul// de nas glud du phul su yi ring la 'phral// rgyal po khri khri sbyang ba las// glud kyi dpe ni 'khor lo drug pa'i dpe la blangs te phul// de nas glud 'phul su yi ring la phul// 'bal yul grong brgyad na// 'bal 'khor rtse dgu na// 'bal lce ma re tri bya ba de// 'dug 'dug 'dug ma mkhas// rgyags rgyags rgyags ma mkhas// me btang chen po phyogs bzhir bstang // rta skad chen po phyogs bzhir skad// 'di su yi thugs su
- 258a
bskrad// ma bdud kyi thugs su bskrad// rgyal mo yi thugs su bskrad// ma bdud rgyal mo de// mi che nyal chung nya la na// ma bdud mi nyal lo// rlung nyal ngad nyal dang // ma bdud mi nyal lo// me nyal drod nyal dang // ma bdud mi nyal lo// chu nyal rlabs nyal dang // ma bdud mi nyal lo// sems nyal mdangs nyal dang // ma bdud mi nyal lo// ma bdud rgyal mo de// nam phar phyed tshur phyed nas// srod dang dbugs la nyab// 'byal lce rma hri ti dang 'byal// lce ma hri ti la// ma bdud thugs khros nas// lcags kyi sdig pa kha dgu mig/ dgu pa cig sprad de gtang ba las// lce rma hri ti nad kyis zin// rgya nag gtsug lag rgyal po la// rtog dang spyad bgyis pas// ma bdud thugs khros nas// sprul pa skyes nas 'dug go zer// de la glud du ci 'phul na// gnam gyi bya nag dang // sa yi lug nag dang // shing bkra sna tshogs dang // 'phang phra sna tshogs dang // rgyang bu sna tshogs dang // gser 'phang g.yu 'phang dang // glud du 'tshal lo skad// mdos 'di su yis byas// rgya nag mdos mkhan nag po hal gyis byas// dang po nam mkha' gang nas byung // nam mkha'i pha dang yab// 'o rgyad stong gi 'bras phyug po// ci phyir zhes te 'bras phyug po// 'bras sa le byang lba nya re la// 'bras khal stong du 'phel// de phyir zhes te 'bras phyug
- 258b
po// nam mkha'i ma dang yum// g.yu za g.yu phyug sman// ci phyir zhes te g.yu phyug sman// ra ma sa g.yu lnga dkor du mang ba las// ran 'tshal gser gyis yar bor 'tshal// chab 'tshal g.yu yi lu mar 'tshal// rol ma de ni g.yu ru 'brul// de phyir zhes te g.yu phyug sman// dang po ba 'byung gang nas byung // ra ma sa g.yu lnga dkor du mang ba las// ra mas g.yu gcig la// gser gyis lu gu gse ru la// dpral na g.yu'i mdos cha khyi li li// bal ser nam mchis te de nas byung // dngul gyi lu gu dkar ru la// zangs kyi mdos cha khyi li li// bal dkar ma mchis de nas byung // ra ma sa g.yu gcig la// zangs kyi lu gu dmar po la// dpral na gser mdos bya khyi li li// bal dmar ma mchis de nas byung // ra ma sa g.yu cig la// lcags kyi lu gu nag po la// dpral na zangs kyi mdos bya khyi li li// bal sngon ma mchis de nas byung // dang po bal byung ste// bal la rmel ba'i mi ma mchis// bal rmel su yi rma la// nam mkha'i bu mo skar mig ma yis rmal// rmel ba'i mi mchis kyis// gru bu su yis btul// mgon bzangs phya bu mos btul// gru bu thul ba'i mi mchis kyang // nam mkha' su yis bri// rgya nag mdos mkhan nag po ha kyi bris// nam mkha' bri ba'i mi mchis kyang // nam mkha' 'bri ba'i dpe ma mchis// nam mkha' bri pa'i dpe
- 259a
btsal ba// phyug pa'i gzha' yul du byon// nam mkha' dpe ni gzha' las blangs// gzha' ris sar na nam mkha' ser// gzha' ris sngon nam mkha' sngo// gzha' ris ldang na nam mkha' ljang // gzha' ris dmar na nam mkha' dmar// gser gyi nam mkha' g.yu'i chun bskor nas// dngul gyi nam mkha' la lcags kyi chun bskor can// lcags kyi nam mkha' gser gyi chun bskor can// gser gyi nam mkha' la// g.yu'i re kha can// zangs kyi nam mkha' la// dngul gyi re kha can// gser gyi nam mkha' la// g.yu yi chun skor can// g.yu yi nam mkha' la// zangs kyi re mkha' can// dngul gyi nam mkha' can// nam mkha' des byung ste// nam mkha' phur gyi gshog ma mchis// nam mkha' phur ba'i gshog mchis kying // rma bya mdongs ldan lha yis bya// nam mkha' 'phur ba'i gshog ma mchis so// zer mo 'phan bzang klu yi bya// nam mkha' 'phur ba'i bya gshog tu byas// re sde nag po bdud kyi bya// nam mkha' 'phur ba'i gshog tu bgyis// kang ka mchu rings nam mkha' bya// nam mkha' 'phur ba'i gshog tu bgyis// krung krung skya mo gnam gyi bya// nam mkha' 'phur ba'i gshog tu bgyis// nam mkha' 'phur ba'i ba'i gshog mchis kyang // nam mkha' khong gi snying ma mchis// nam mkha' khong gi snying btsal
- 259b
ba// ston pa dga' rab rdo rje yis// rgya yul snying du byon// zongs du gser phye ser mo snams// khal par mdze mo bre mo de dang // ya zam 'das pa las// ting zam rgyal ba las// mdze mo bre mo chab kyis khyer// gser phye ser mo chab tu pho// nam mkha' khong gi snying med nas// yungs kar ser mo de yis bgyis// gser long ser mo de yis bgyis// nam mkha'i khong gi snying mchis kyang // nam mkha' mdzes pa'i rgyan ma mchis// nam mkha' mdzes pa'i rgyan btsal ba// dar sna dkar po che ba'i rgyan// nam mkha' mdzes pa'i rgyan du bgyis// dar sna sngon po yon tan brgyan// nam mkha' mdzes pa'i rgyan du bgyis// dar sna dmar po chags pa'i rgyan// nam mkha' mdzes pa'i rgyan du bgyis/ dar sna ser po las rab brgyan/ nam mkha' mdzes pa'i rgyan du bgyis/ mdzes pa'i rgyan mchis kyang // nam mkha' mgul gyi rgyan ma mchis// nam mkha' mgul gyi rgyan 'tshal// skar gyi rgyal po 'phra med 'dis// dkar dang dmar dang ser dang ldang // sngo dang nag tu 'khyil ba 'dis// dang po stag gzig yul nas byung // bris pa stag gzig rgyal pos bris// nam mkha' mgul gyi rgyan med nas// nam mkha' mgul gyi rgyan du bgyis// mgul rgyan mchis kyang // stong du lhag pa'i bya ma mchis// byang chub gang nas byung // srid pa la byang ste// ye med
- 260a
stong pa las// mi srid pa'i chos byung ste// rgya mtsho gting med bya ba nas// rtsa rtsa med bya bskyes// rtsa rtsa med kyi rtsa ba ru// drod dang rlan gshog pos// ya mtshan 'phrul gyi tshang gcig btsas// ya mtshan 'phrul gyi tshang nang du// sprul pa'i sgong lnga tsam byung // gser sgong ser po dang // g.yu sgong sngon po dang ma// dngul sgong dkar po dang // zangs sgong dmar po dang // lcags sgong nag po dang / gser sgong ser po la// rtol ba'i mi ma mchis// sgo nga rang rdol bas// gser byang ser du byung // g.yu sgong sngon po la// rtol ba'i mi ma mchis// sgo nga rang rdol bas// g.yu bya sngon po byung // zangs sgong dmar po de// rtol gyi mi ma mchis// sgo nga rang rtol bas// zangs bya dmar po byung // lcags sgong nag po la// rtol gyi mi ma mchis// sgo nga rang rdol bas// lcags bya nag po byung // nag mo gser mig 'di// che yang mi che ste// 'jig rten mdos dang mnyam// chung yang mi chung ste// sa gzhi mdos dang mnyam// nag mo gser mig 'di// bya mig mas yang 'gebs pa ni// srid pa mas yang chags pa yin// bya mig dmar la gdangs pa ni// srid pa khrag las chags pa yin// nag mo gser mig 'di// 'gro na stobs dang ldan// smra na ngag kyang snyan// gsung snyan kyu ru ru// ma bdud bskang ba'i bya// ma bdud kun bskang ngo // byang byung der
- 260b
byung ngo // shing khra'i cho ma ston// shing khra'i brang ma gdon// yo rkye dkar po lha'i shing // shing khra'i rgyu ru byas// mu la shing glu shing // smon shing mkhal ma 'dis// shing khra'i rgyu ru byas// gser shing skyer pa gdug pa'i shing // shing khra'i rgyu ru bgyis// g.yu shing 'phang ma 'di// shing khra'i rgyu ru bgyis// lho smyug ldem pa 'di// shing khra'i rgyu ru bgyis// shing khra'i cho bton te// lug gi cho ma bton// lug gi cho ga/ bton// lug gi 'brang ma btang // lug byung gang nas byung // g.yung byung gang nas byung // mche'i snying po brag tu byung // brag gi snying po mtshe ru byung // tshe'i snying po nas su byung // nas kyi snying ngo lug gi snying po de// gnam lug nag po spyi tshigs nga // sa lug nag po skog gnyis// de gnyis 'tshogs kyi bu// nag po sna bkur de nas byung // nag po mkhal dkar de nas byung // nag po mkhal skya de nas byung // mkhal rgya stong gser de nas byung // mkhal rgya mchi ris de nas byung // srol po mkhal rgya de nas byung // nag po lcags ru de nas byung // nag mo mon mgo de nas byung // dkar mo shad mgo de nas byung // dkar mo yangs de nas byung // srid pa'i lug 'byung de nas byung // lug byung de ltar byung ste// 'phrang gi cho ma bton// 'phang gi 'phrang ma bton// 'phang byung gang nas byung // gser 'phang ser mo la// g.yu yi mo lo dgu
- 261a
brtsegs la// g.yu 'phang sngon mo la// zangs kyi mo lo dgu brtsegs la// zangs 'phang dmar po la// dngul gyi mo lo dgu brtsegs gsal// lcags 'phang nag mo la// gser gyi mo lo dgu brtsegs gsal// dngul 'phang dkar po la// g.yu yi mo lo dgu brtsegs gsal// mdzo lug sngon pos bzlog/ dang po glud byung de nas byung // sku glud dang po de ltar phul// zhes gsungs so// bdud mo bkol byang nam mkha'i rgyud las// glud btsal ba lo rgyus kyi mdos bstan pa'i le'u ste zhes gnyis pa'o// gnod 'dul lha yis yang gsol ba// srid pa'i dbang can ma mo rnams// sems can kun la gnod byed pa'i// de yi bskang ba ji ltar lags// yang dag rdzogs kyis bshad du gsol// yang dag rdzogs kyis bka' stsal pa// srid pa'i ma mo bskang ba ni// rnam pa gnyis su ngas bstan na// gnyis kyi rim pa 'di lta ste// de yang rgyus bskang ba dang // mdangs kyis bskang ba'o// de la rnal 'byor ba dam tshig nyams pa la sogs pa rnams ni rgyu chen pos bskang ngo // sems can phal pa'i ched du rgyu chung ngun gyis bskang ngo// rang bzhin ni mdos kyis bskang ngo // de la bskang bar bya ba'i dus// sngon la bsgrub par bya ba'i dkyis 'khor gsal bar bya ste 'di skad do// hUM/ ri rab gling bzhi ni rgyan gsal ba// dbus nas dpag
- 261b
bsam shing gcig 'khrungs// dpag bsam shing gi rtsa ba ni// 'dod chags khrag go rgya mtsho khyi li li// dpag bsam shing gi shun pa la// zhe sdang me 'bar lams se lams// dpag bsam shing gi lo ma la// gti mug mun pa thibs se thibs// dpag bsam shing gi khong srog la// nga rgyal khrag chen thabs se thabs// dpag bsam shing gi rtse mo na// phrag dog chud pa'i shing gcig gda'// dpa' bsam shing gi rtse mo na// phrag dog tshub nag khyi li li// tshag snang rnam lnga tshad ma'i nang shed na// pha dgu khri stong gi rgyal po zhes kyang bya// skos rje brang dkar zhes kyang bya// srid pa'i skos mkhan zhes kyang bya// dpag bsam shing gi rtse la bzhugs// dpag bsam shing gi rtsa ba na// 'dod chags khrag gi mtsho'i dkyil shed na// ma phya sangs 'bum gyi rgyal mo bzhugs// bdud mo rgya byin kun dga' mos kyang bya// srid pa'i skos 'dings rgyal mo bzhugs// pha gu khri stong gi rgyal po des// thugs kyi yig 'phrin rgya mtsho'i gting du bskyal// ma phya sangs 'bum gyi rgyal mo des// thugs kyis yig 'phrin ri rab rtse la bskyal// 'dod chags srid le'i bya ru ltas// bar snang khams la sbyor ba mdzad pa las// yid kyi stong thal gyi skyes// dpag bsam shar phyogs yal ga la// dung sgong dkar po'i tshang cig bcas// phyi yi sgo nga yang ni bcas// bar gyi
- 262a
bdar bcad nang gi bri brtol bas// dung gi gur gcig khyi li li// dar dkar yol bres me re re// dung gi phyir dkar khrigs se khrigs// bse yi nang mkhar krongs se krongs// dung 'dra dgu yol nang shed na// bud med dkar mo dung gi ral pa can// phyag na dung gi ga'u bsnams// sems can kun la 'tshe bar byed// pha dgu khri stong gi rgyal pos ming btags pa// mkha' la 'gro zhing sems can rus bdag mdzad// mkha' 'gro rnam snang sems can rus kyi bdag/ de phyir rnam snang rus bdag chen pos bya'o// ma phya sangs 'bum gyi rgyal mos ming btags pa// snang srid 'byung ba sa yi bdag mos bya'o// 'byung ba sa la dbang sgyur zhing // skye 'gro ma rung ba la mnga' mdzad ma// las su rus nad chen mo gtong // rus bdag chen mo'i thugs dam bskang // lho phyogs dpag bsam yal ga la// g.yu sgong sngon po'i tshang cig bcas// phyi yi sgo nga ya ni bcag/ bar gyi bdar bcad nang gi bri brtol bas// g.yu yi gur cig skongs se skongs// byu ru'i bying dkar khrigs se khrigs// de 'dra'i gur yol nang shed na// bud med sngon mo g.yu yi ral pa can// phyag na g.yu yi ga'u bsnams// sems can kun la 'tshe bar byed// pha dgu khri stong gi rgyal po'i ming btags pa// mkha' la 'gro zhing sems can drod kyi bdag/ phyir 'od
- 262b
gsal sems can drod kyi bdag/ ma phya sangs 'bum gyi rgyal mos ming btags pa// snang srid 'byung ba me yi mnga' 'bag mo// 'byung ba me la dbang sgyur zhing // skye 'gro'i drid la mnga' mdzad ma// las su rims nad rnam lnga gtong // drod bdag chen mo'i thugs dam bskang // nub phyogs dpag bsam yal ga la// zangs sgong dmar po'i tshang cig bcas// phyi yi sgo nga bcag par gyi bdag bcad// nang gi srid yang brtol// zangs gur cig skangs se skangs// dar dmar yol bres me re re// g.yu nad 'khor khrigs se khrigs// sre yi phying dkar zangs se zangs// de 'dra'i gur yol nad shes na// bud med dmar mo byu ru'i ral pa can// phyag na zangs kyi ga'u bsnams// nang na sems can mnga' khrag blugs// sems can kun la 'tshe bar mdzad// pha dgu khri stong gi rgyal pos ming btags pas// mkha' la 'gro zhing sems can khrag bdag mdzad// de phyir mkha' 'gro gnyen bsal ma yis byas// ma phya sangs 'bum gyi rgyal mos ming btags pas// snang srid 'byung ba chu la mnga' mdzad ma// skye 'gro'i khrag la mnga' mdzad ma// las su khrag nad chen mo gtong // khrag bdag chen po'i thugs dam bskang // byang phyogs dpag bsam yal ga la// phra stong phrag pa'i tshang bcas nas// phyi yi sgong bcag bar gyi sri brtol bas// 'phra gur khra bo skong se
- 263a
skongs// 'phra yol khra bo khyud de khyud// zangs kyi nam mkha' khrigs se khrigs// dung gi phying dkar khrigs se khrigs// de 'dra'i gur yol gyi nang shed na// bud med phra mo bse yi ral pa can// phyag na bse yi ga 'u bsnams// sems can kun la 'tshe bar byed// pha dgu khri stong gi rgyal pos ming btags pa// mkha' la 'gro zhing sems can dbugs mdzad mo// de phyir mkha' 'gro yang gsal g.yos// ma phya sangs 'bum gyi ming btags pas// snang srid 'byung ba rlung gi mnga' bdag mo// zhes gsungs la mnga' mdzad ma// las su rlung nad skya lgangs gtong // dbugs bdag chen mo'i thugs dam bskang // dpag bsam shing gi rtse mo na// lcags sgong nag po'i tshang cig bcas// phyi yi sgong bcag par gyi bdar bcad// nang gi pri brtol bas// lcags kyi gur cig skongs se skongs// mthing nag yol bre me re re// rin chen sna lnga'i phying dkar khrigs se khrigs// pha dgu khri stong gi rgyal pos ming btags pas// mkha' la 'gro zhing sems can bkrag bdag mdzad// de phyir mkha' 'gro bkrag gsal ma// ma phya sangs 'bum gyi rgyal mos ming btags pa// snang srid 'byung ba nam mkha'i mnga' bdag mo// nam mkha' stong la dbang sgyur zhing // skye 'gro'i bkrag la mnga' mdzad ma// las su yams nad sna lnga
- 263b
gtong // bkrag bdag chen tsho'i thugs dam bskang // pha dgu khri stong gi rgyal po dang // ma phya sangs 'bum gyi rgyal mo gnyis// ri rab bum pa'i nad du sbyor ba mdzad pa las// rdzu 'phrul mnga' ba'i mi mo cig tu byung // mthing nag 'bar ba'i gzhal yas nas// mi nad sna tshogs 'bebs// dbu dang spyan ni ji ltar ston// dbu la rin chen ral pa can// g.yas kyi phyag na khrag 'thor ma// mi nad phyugs nad sna tshogs 'bebs// g.yon nas bdud rtsi'i mchil ma 'thor// nad rnams thams cad bsil bar mdzad// zhal nas 'bras bu'i bcud 'dzag pas// skye 'gro kun gyi gsol mdzad ma// g.yas kyi phyag gi srid rtse bzung // srid pa gsum yang thal bar rlog/ g.yon pas 'og gi sa gzhi bzung // klu rnams kun kyang bred cing sngangs// khyod kyi gsang ba'i lha gang las// snang srid thams can 'phel 'grib mdzad// rin chen ral pa'i gseb nas ni// khrag gi 'od zer 'phros pa las// srid pa'i bud med dbang du sdud// nad dang rims nad thams cad bdag/ ri rab bum pa'i nang na bzhugs// snang srid bdag mo'i thugs dam bskang // pha dgu khri stong gis ming btangs pa// snang srid kun la dbang mdzad ma// de phyir dbang ra byed rgyal mos bya'o// ma phya sangs 'bum gyi ming btags pa// thog med srid pa gsum du mchi mdzad
- 264a
ma// srid pa bde 'gro ma shes ming yang btags// bde 'gro ma yi thugs dam bskang // pha dgu khri stong gi rgyal po dang // phya sangs 'bum gyi rgyal mo gnyis// chags pa g.yos nas bar snang mkha' la sbyor ba mdzad pa las// 'byung ba me las sprul pa'i bud med gcig/ dkar mo dung mdog g.yu yi ral pa can gcig 'khrungs// dpral na mig gcig snang srid star// g.yas na lcags zangs dril zhags 'phen// snang srid thams can dbang du sdud// g.yon pa'i snying gi zhags pa bkra// tsit+ta kun gyi bdag mo ni// nyi ma stong gi dbu rgyan can// snang srid thams can bde la bkod// pha yis ming btags srog gcod 'khor lo sgyur bas na// srig gi bdag mo zhes kyang bya// ma yis ming btags pa// dkar mo nyi zla stong gi thod du bcings pas na// de phyir nyid zla stong gi thod 'phreng can zhes bya// 'tshe ba'i nad kyi dbang bdag mo bskang // yum chen nyi zla'i zod 'phreng can// mu stegs ka la nag po gnyis// yid kyi sbyor ba mdzad pa las// gdug pa'i bu mo spyan bzhi mchis// ka la nag pos ming btags pa// srid pa phung bar byed pa'i nag mo gnyis// yid kyi 'bum gyis ming btags pa// dkar mo thod bzang mngal dbang // de phyir dbyings phyug chen mos bya'o// nag mo mi bzad pa yi rgyan// mdog bzang
- 264b
nad rnams rnams sna tshogs gtong // de phyir rgyan gyi rgyal mos bya'o// dmar mo bzang bzhin mi sdug/ skrag pa'i nad rnams 'bebs par byed// de phyir bdag nyid ma zhes bya'o// ljang nag stod khams brgyad par mdzad// 'bras nad thams cad stong par byed// de phyir gcig dgrar btags// g.yas pa khrag 'thor g.yon pa snying yang 'byin// nad gtong mi zad na gdug pa'i bud med bzhi// bskang ngo bskal pa'i thugs dam bskang // phung byed nag mo sbas pa'i ma bzhi dang // nag mo mi zad sbyor ba byas pa las// dbang byed las mkhan ma mo bzhi zhig 'khrungs// pha yis ming btags khros pa'i dbang mo can bzhi zhes// ma yis ming btags nad gtong gdug pa'i tsha ba 'bebs mdzad ma// khros shing dbang du sdud nyi mas brgyan// de phyir nyi ma 'gros pa'i dbang mo che// mnga' khrag mnga' mdzad nad sna tshogs 'bebs// pad+mo stong gis sku la legs par brgyan// khros nas dbang du ma yang sdud// de phyir bde sbyor 'phros pa'i dbang mo che// srog la mnga' mdzad bdud rtsi sbyor// phyag na ga'u bsnams shing stong gsum gsos mdzad ma// khros nas yang dbang du sdud// de phyir bdud sbyor khros pa'i dbang mo che// b+ha ga yongs kyi mkha' la mnga' mdzad cing // skye ba'i rgyud rnams rtsad nas gcod par mdzad// khros nas ma yang
- 265a
dbang du sdud// de phyir b+ha ga khros pa'i dbang mor btags// khros pa'i dbang can g.yang gzhi khrag 'thor zhing // bde ba kun lam thams cad rdzogs mdzad ma// khros pa'i dbang chen bzhi yi thugs dam skangs// khros pa'i dbang chen ma mo bzhi rnams dang // 'byung ba bzhi yi bdag mo rtses pa las// mu stegs ka la nag pos tshor// mu stegs gdug pas dmod pa bor ba las// mtsha' sna byed pa'i bud med khyed rnams kyi// nal bu lho ru bsrel nas kyang // ngo tsha bu yang sbed par shog/ gdug pa'i dmod pa de btsan nas// bu mo spun bzhi skyes pa las// 'am bzhi yi ngo tsha nas// ngo rab gling bzhir bskus nas bzhag/ bud med bzang sdug la 'dod chags pa bzhi 'khrungs// pha yis ming btags pa// gling bzhi'i rgyal mo bya'o// 'am nyi ma khros pas ming btags pa// dkar mo mig gcig bya rgod thul pa can// tshe la dbang byed sems can dbang sdud ma// de phyir dkar mo stong khams rgyas 'debs ma ru btags// 'am pad+ma khros pas ming btags pa// nag mo ral ba can zhing gi g.yang gzhi gsol// dbang po kun la dbang byed pas// de phyir nag mo snang srid rmongs byed mar btags// 'am bde sbyor khros pa'i ming btags pa// dmar mo mi zad chu srin ga yang gzhi gsol// sha khrag kun la dbang byed pas// de phyir
- 265b
dmar mo snang srid za byed ma ru btags// 'am cag khros pas ming btags pa// ser mo las mkhan rma bya'i thul pa can// tshe dbang sdud cing snang srid 'phel mdzad ma// de phyir ser mo las mkhan ma ru btags// g.yas pa khrag 'thor bal nad 'bebs// g.yon pa gab 'thor ma mo 'bod// gling bzhi'i ngos la dbang gnas pas// sbas bdag gling gi bdag mos bya'o// bskang ngo gling bzhi'i rgyal mo'i thugs dam bskang // bskang yang bskang ste mchod kyang mchod// bskang mchod bya'i dus la 'bab// srid pa skos rje brang dkar yang // ri rab kha la gnas bcal nas// dpag bsam shing skyes pa nas// srid pa cha byed cha snyoms bzhugs// de gnyid sbyor ba mdzad las// gdug pa'i ma mo spun drug skyes// pha yis ming btags pas// phung byed nag mo ral pa can drug ces ming btags// 'am srid pa cha byed ma yis ming btags pa// ri rab byang shar mtshams la dbang byed ma// na bzar sprin dkar rgyan gsol ma// e ka dza ti ma ru ming yang btags// de yi nub mo tha chungs ni// nu nges stengs kyis nang shed na// nag mo mi bzad mi thod can// g.yas nas bdud kyi khram bam bsnams// sems can thams cad khram la 'debs// khram bdag kun gyi khang dpon ma// g.yon na shod rde dkar nag 'grems// sems cad thams cad
- 266a
shod la 'debs// shos la 'debs pa'i khang dpon mdzad// mtshan ni nad kyi rgyal pa 'debs// nad dar rims kyi bdag mo lags// bu mo yin te dbang yang che// ma bdud mo yis dbang byas nas// phung byed nad dang da la 'debs ma// ya bdud nag mo dbang byas nas// ya bdud gnam nas 'debs par byed// mthing gi gur nag nang na bzhugs// nag mo 'dod khams gtso ru btags// phung byed nag mo'i thugs dam bskang // bzhi ni ri rab zung bzhir bzhag/ ri rab gru yang 'debs su bcug/ rgyal chen bzhi yi chung mar byin// srid pa'i gru 'debs chen mo ste// shan ting dkar mo chen mo dang // dun ting nag mo chen mo dang // har ting dmar mo chen mo dang // gru ting ser ljang zhes su btags// bu mo yin te dbang yang chung // de phyir ri rab gru yang 'debs par byed// gru 'degs chen mo'i thugs dam bskang // srid pa'i gru 'degs bzhi rnams dang // rgyal chen bzhi rnams dang 'tshogs pa'i sras// mi mo bzhi rnams skyes pa las// pha yul 'khor srung gis ming btags pa// lag na dar dkar ba dan bsnams// khrag 'thung kun la dbang sgyur mas// dmag gi rgyal mor ming yang btags// 'am shan ting dkar mos ming btags pa// snang srid skye 'gro thams cad kyi// yan lag dbang sdud mche ba
- 266b
gtsigs// de phyir dkar mo mche gtsigs ma ru ming yang btags// bskang ngo dmag gi rgyal mo ma bzhi bskang // pha 'phags skyes po yis ming btags pa// gshin rje khams kyi dbang sdud btags// de phyir dmag gi rgyal mor btags// 'a ma dun ting nag mos ming btags pa// snang srid 'bum la rag ta'i bdag/ nag mo kha rlan nad 'bebs ma// de phyir nag mo kha g.yal ma// bskang ngo dmag gi rgyal mo ma bzhi bskang // pha mig mi bzang gis ming btags pa// klu yi dbang sdud phyag na dar dmar ba dan bsnams// de phyir dmag gi rgyal mor btags// 'a ma shan ting dmar mos ming btags pa// dmar mo klu/ nad rnam pa sna tshogs 'bebs// rtsa nad 'ching zhing zha grum nad 'ching ma// de phyir dmar mo mchu 'jib ma ru btags// bskang ngo dmag gi rgyal mo ma bzhi bskang // pha rnam thos sras kyis ming btags pa// gnod sbyin dbang sdud dar ser phyag na bsnams// de phyir dmag gi rgyal mo zhes kyang bya// 'am grub ting ser ldang ming btags pa// ser mo snang srid dbugs la mnga' badzad ma// rkang dang bcud len za byed chen mo ste// de phyir ser mo rkang ldag ma zhes btags// bskang ngo dmag gi rgyal mo ma bzhi bskang // dmu dang srin por 'tshogs pa'i sras// mi bzad ral can bdun 'khrungs te// nags kyi bu mo chen mo
- 267a
ni// lha chen tshogs kyi bdag la byin// nag mo rgya mtsho gting skems ma// sems can khrag thang dbang mo che// a pha dmu yis ming btags pa// nag mo dbang sdud ces su btags// 'am srin mo mgo 'phyangs ma yis ming btags pa// dbang chen sems can kun bsgral bas// de phyir dpal ldan shugs 'grol ma zhes bya ba// bskang ngo dmag gi dmag gi rgyal mo ma bzhi bskang // de 'og dga' byed chung ma yin// mdzes pa'i cha byad bzung nas ni// 'chi bdag kun gyi gzi 'phrog ma// a pha dmu yis ming btags pa// gzi 'phrog bdag mo chen mos bya'o// ma srin mo'i rgyal mos ming btags pa// rgyan bzang srid pa dbang sdud ma// dkar mo kun bzang zhes su btags// bskang ngo dmag gi rgyan mo ma bzhi bskang // de 'og byed sna'i chung ma yin// nam mkha'i dkyil nas nad gtong ma// srid gsum rtse la dbang mdzad ma// dregs pa kun gyi kha lo sgyur// a pha dmu yis ming btags pas// tshe bdag chen mor ming yang btags// 'a ma srin mo'i rgyal mos ming btags pa// dkar mo za byed kun grags ma zhes btags// bskang ngo dmag gi rgyal mo ma bzhi bskang // de 'og khyab 'jug chung ma yin// rnal 'byor dam tshig nyul byed ma// de phyir ye shes chen mor ming btags pa// bskang ngo dmag gi rgyal mo ma bzhi
- 267b
bskang / de 'og b+h+ring gi ri rab snying chung ma yin// khrag gi rgyal mo'i nang na bzhugs// nad kyi dra ba mig dgu thogs// kha rlangs nad gtong za byed ma// a pha dmu yis ming btags pa// lag rings dgug pa zhes su btags// 'am srid mo'i rgyal mos ming btags pa// rdo rje 'od chags zhes su btags// bskang ngo dmag gi rgyal mo ma bzhi bskang // de 'og ma hA kA la'i chung ma yin// dmar mo sgeg ma lag na zhags pa thogs// kha gsum ma lus 'ching zhing sgrol bar byed// a pha dmu yis ming btags pa// srid pa thams cad 'ching byed ma// ma srin mo'i rgyal mos ming btags pa// 'jig rten ma yis 'gengs zhing gsal mdzad ma// rdo rje gsal 'phros zhes su btags// tha chungs gzhon nu'i chung ma yin// mthing nag 'bar ba'i ral pa can// lcags kyu thogs shing dbang du sdud// dam las 'das pa'i snying 'byin ma/ a pha dmu yis ming btags pa// 'dren byed chen mos ming yang btags// 'a ma srin mos ming btags pa/ ma// dbu la g.yu yi ral pa can// ral pa'i gseb nas skul pa 'gyed// 'gyed byed g.yu yi sgosgrol mar btags// bskang ngo dmag gi rgyal mo ma bzhi bskang // yar la shod kyi skyes to re// ri rab byang shar 'tshams na gnas// bdag nyid zhes bya ba ni// nub kyi phyogs na gnas pa las// de gnyis yi
- 268a
kyis 'tshogs pa las// dbu mnga' ral pa 'bar gzigs// spyan mig snang srid bya ra byed// gdug pa'i las mkhan chen mo ste// a pha skyel to re yis ming btags pas// sprul pas 'jig rten bsgral bar mdzad// ma bdag nyid ma nyid ma yis ming btags pa// rdzu 'phrul che zhing las la brtson// de phyir gar gyi rgyal mos btags// bskang ngo dmag gi rgyal mo ma bzhi bskang // yar la shod kyis skyes to dang // dbyings phyugs ma zhes bya ba ni// yid kyis sbyor ba byas pa las// nad gtong chen mo 'khrugs pa las// dmar nag 'jigs byed ral pa can// lag na thod pa khrag gis bkang // grong las thor zhing nad 'bebs na// pha yis ming btags nad gtong yin// ma dbyings phyug ma yis ming btags pa// khrag 'thor klu rnams dbang byed pa// sa bdag pad+ma 'phreng du btags// bskang ngo dmag gi rgyal mo ma bzhi bskang // ri rab kha khyer shar phyogs nas// bdud nag gsol byed chen mo gnas// ri rab bang rim shar phyogs na// e ka dzA ti gnas pa las// de gnyis sbyor ba byas pa'i bu// za byed bud med gnyis cig 'khrungs// a pha bdud kyis ming btags pa// phung byed nam mkha' rgyal mos bya'o// e ka dzA tis ming btags pa// sngon mo ral gcig gser sha bcibs// lag na tshe yis bum pa rnams// tshe dang g.yang gi
- 268b
bdag mo yin// rin chen srid 'debs ma zhes btags// bskang ngo dmag gi rgyal mo ma bzhi bskang // dkar mo g.yu yi go cog can// chibs su dung sha g.yu chung chubs// lag na gser gyi lcags kyu/ bsnams// khams gsum thams can thal bar rlog/ gling bzhi kun la dbang sgyur ma// de phyir 'jig rten dbang phyug ma ru btags// lha chen rgyal po grags mchog dang // dkar mo mig gcig tshogs pa'i sras// las la mkhas pa'i bud med 'khrungs// gling bzhir sgrub cing las la brtson// brgya byin mi zad srin mo yin// de phyir gling bzhi rgyal mo lha yi sring // bskang ngo dmag gi rgyal mo ma bzhi bskang / gshin rje dag po chen po dang / nag po ral can tshogs pa'i sras/ mi yi lus la gcan gzan sder/ gdug pa'i brjid med nag mo 'khrungs// mkha' la rgyug cing srog 'phrog cing // de phyir mkha' la khyung lding gshin rje'i snying // bskang ngo dmag gi rgyal mo ma bzhi bskang // klu yi rgyal mo a ldan dang // dmar mo dbang sdud 'tshogs pa'i sras// gdug byed bud med lus po la// dbu yang 'phra med dbu can 'khrungs// dmar / chen khrag la rol mdzad cing // klu yi las rnams kun la 'khas// klu yi khams las kun las bskul// dga' bo 'jog po'i sring mo yin// de phyir dkar mo g.yag thod klu yi sring // bskang ngo dmag gi rgyal mo
- 269a
ma bzhi bskang // gnod sbyin rag sha byed dang // ser mo las ma 'tshogs pa'i bu// nag mo sder can gnod sbyin sring // gnod sbyin dkar mo'i sring mo yin// gling bzhir rgyug cing las la brtson// nag mo sder chen gnod sbyin sring // 'jig rten rnams kyis sring mo ste// gdug byed nad gtong 'phra men bu// lag na glo snying nang grol thogs// mkhal la khrag glang snyim par 'debs// bskang ngo dmag gi rgyal mo ma bzhi bskang // dkar nag dmar ldang zhal ma'i// gdug pa'i ma mo khyed bskang ngo // bdud mo bkol byang las// bskang le nag mo ri rab la gnas pa'i ma mo bskang ba'i le'u ste zhe gsum pa'o// gnod 'dul lha yis yang gsol pa// 'jig rten las grub pa'i ma mo yi// 'khor na nag mo 'bum sde dang // bdud mo rnams kyis bskor nas bzhugs// 'jig rten mi la gnod byed pas// de yi bskang ba ji ltar lags// yang dag rdzogs kyis bshad du gsol// mngon rdzogs dpal gyis bka' stsal pa// 'jig rten pa yi bdud mo ni// sems tsam kun la gnod byed pas// de yi bskang ba ngas bshad kyis// nyon cig gnod 'dul lha yi gtso// hUM/ chos nyid kun tu bzang mo las// kro d+hi sho ru mu kha le// bdal ba chen po'i mkha' klong dbyings// sku gcig zhal lnga dbang sgyur ma// zhal nas 'byung ba lnga 'char
- 269b
ma// dbyings lnga ye shes lnga 'char ma// klong lnga rgyal mo rus 'gyur ma// dpyid kyi rgyal mo rus 'gyur ma// gting gi drod na kha ru 'don// kha yi khyag pa gting du sdud// snang srid 'bras bu'i bcud skyed ma// na bza' lha gur mthing skya gsol// sku mdog mon kha thal mdog ma// dpyid zla gsum gyi rgyal mo yang // me dang drod la mnga' mdzad ma// dpyid kyi rgyal mo rus sgyur ma// sngo la gdang ba'i zhal 'char ma// skye 'gro gso ba'i las mdzad ma// do nod dpyid kyi rgyal mo bskang // dbyar gyi rgyal mo dus sgyur ma// snang srid mkhar la thon rgyas ma// sku mdog sngo ljang g.yu 'od 'bar// dbyar zla gsum gyis rgyal mo las// gsher dang rlan la mnga' mdzad ma// dbyar zla rta pa'i zhal 'char ma// mi las 'khor ba'i b+ha ga can// thugs rje skye 'gro gso ba'i phyir// do nod dbyar gyi rgyal mo'i thugs dam bskang // ston gyi rgyal mo dus sbyar ma// rtsi bcud 'bras bu smin par mdzad// sku mdog gser gyi 'do 'bar ma// ston zla gsum gyi rgyal mo yi// gsal 'dod pa'i dbang chen gyis// bkrag dang mdangs la mnga' mdzad ma// ston gyi rgyal mo'i thugs dam bskang // dgun gyi rgyal mo dus sgyur ma// gting gi 'khyag pa kha ru 'don// kha ru gton cing rgyal 'debs ma// sku mdog shel gyi 'do 'bar ma// dgun zla gsum gyi rgyal mo yi// lcags
- 270a
dang rlung la mnga' mdzad ma// dgun gyi rgyal mo dbang sgyur ma// grang la 'den pa'i zhal 'char ma// thugs rje skye 'gro gso ba'i phyir// do nod dgun gyi rgyal mo bskang // dus bzhir ba'i rgyal mo bzhi// zhal sngar bskyod pa'i yum lngar bskang // gleng lngar sdud pa'i kha lngar bskang // dbyings lngar gsal ba'i thud sngar bskang / rgyud dang 'bras bu sman dang rdzas// phu dang gling dang rin po che// rgyal mo bzhi yi thugs dam bskang // kro d+hi shwa ri bzhi bskangs pas// kro d+hi shwa ri mu kha le// srid pa'i rgyal mo bskang nas kyang // kun tu bzang mo bde gyur cig/ rgyal ba bskyed pa'i yum du bskang // sems can skyed pa'i ma rung bskang // 'byung ba gnod pa'i dbyings su bskang // snang srid 'char ba'i klong du bskang // 'khor ba brgyud pa'i b+ha gar bskang // chos rnams rdzogs pa'i dbyings su bskang // dus gsum 'dzin pa'i snying por bskang // khams gsum rgyal ba rol par bskang // srid gsum rdzogs pa'i ma mo bskang // dbang thang bskyed pa'i rgyal mor bskang // chung srid bskyed pa'i rgyal mor bskang // tshe srog bskyed pa'i rgyal mor bskang // skye 'gro bskyed pa'i rgyal mor bskang // de nas srid pa'i rgyal mo bzhi'i blon mo bzhi bskang la// srid pa'i sgo dbye ba ni 'di skad do// srid pa'i 'gram bzhi zur bzhi nas// rgyal mo bzhi yi dbang sgo
- 270b
can// blon mo bzhi yis phyag brnyan pa// mkhar bzhi yi ni gur bzhi nas// brtan bzhin phur bzhir gur bshing bzhi// ri ram grwa bzhi 'byung ba ni// shar lho ri rab 'gram zur nas// dung gi rol mtsho'i gling thogs nas// shel mkhar dung gi kha bad can// shel gyi gtan pa thabs se thabs// dung gi g.yag shing khrol te khrol// dung gi sgo mo khrigs se khrigs// de 'dra blon mo'i dbyar sa nas// dung gi me tog li ni// dar dkar gur phub skongs se skongs// dkar mo'i// dung gi tshugs shings rongs se rongs// dung gi re zag brengs se brengs// dar dkar yol bres me re re// de 'dra'i gur gi nad shed na dpyid kyi rgyal mo'i phyag brnyan ma// blon mo dung gi sku zhal la// dar dkar ral gyi sku la gsol// bya rgod dkar mo'i thul pa can// dung gi lde mig phyag na bsnams// g.yas na nag mo spyi dkar thogs// g.yon na bya nag gshog khra thogs// khyod ni srid pa'i sgo 'byed ma// yon bdag khyim bu 'di sgo ru// shi ba gshin gyi ma dbye// gson po spel ba'i 'gags ma bcad// bya lug 'di yis thugs dam bskang // lho nub ri rab 'gram zur nas// g.yu yi rol mtsho'i gling thogs nas// g.yu mkhar mthing gi kha bad can// g.yu yi sgo mo khrigs se khrigs// g.yu yi gtan pa thams se thams// g.yu yi ya shing khrol te khrol// de 'dra'i blon
- 271a
mo'i dbyar san// g.yu yi me tog ha ling na// dar snod gur phub skongs se skongs// g.yu yi tshugs shing rengs se rengs// g.yu yi gur zag brengs se brengs// mthing gi yol brel me re re// de 'dra'i gur gyir nang shed na// dbyar gyi rgyal mo'i phyag brnyan mo// blon mo g.yu yi sku zhal la// bai DUR+Ya 'od kyi zangs ral can// rma bya'i thul pa sku la gsol// g.yu yi lde mig phyag na bsnams// g.yas na nag 'khar brgya thogs// dbyar gyi blon mo'i thugs dam bskang // byang nub ri rab 'gram zur na// khrag gi rol mtsho'i rol mtsho'i gling thog na// mchong gi me tog ha ling na// zangs gur dmar po skongs se skongs// byung ru'i tshugs shing rengs se rengs// mkhar dang gur gyi nang shed na// ston gyi rgyal mo'i phyag brnyan ma// bla ma zangs kyi sku zhal la// le brgan dmar po'i zangs ral can// sku la bya thul sngon po gsol// byu ru'i lde mig phyag na bsnams// g.yas na nag mo chag thogs// ston gyi rgyal mo'i thugs dam bskang // byang shar ri rab 'gram zur nas// zhal gi rol mtsho'i gling thog nas// gser mkhar gling gi kha bad can// gser gyi sgo mo khrigs se khrigs// ra gan yan shing khrol te khrol// gser gyi me tog ha ling na// gser gyi gur phub skongs se skongs// gser gyi g.yag shing khrol te khrol// ra gan tshugs
- 271b
shing rengs se rengs// mkhar dang gur gyi nang shed na// dgun gyi rgyal mo phyag brnyan ni// blon po gser gyi sku zhal la// shang shang bya yi thul pa can// gser gyi lde mig phyag na bsnams// g.yon na bya nag gser mig thogs// dgun gyi blon mo'i thugs dam bskang // bdud mo bkol byang nam mkha'i rgyud las// bdud mi'i rgyal blon brgyad bskang ba'i le'u ste zhe bzhi pa'o// gnod 'dul lha yis yang gsol pa// nag mo lcags rus ji ltar bskang // yang dag rdzogs kyis bka' stsal pa// de yi bskang zlog 'di ltar ro// nyi ma byang shar pha gi na// dpal ldan gnyin gyi re ma ste// lha mo nag mor bzhugs tsam na// rma bya'i thul pa sku la gsol// mtshan na sngon dmar gru bu skyed// chibs su dre rta rkang gsum chibs// nad kyi rkyal pa khal du 'gel// rlung nag tshub ma'i nang na gnas// 'dod khams gtso mo'i thugs dam bskang // lha mo nag grur bzhugs tsam na// sku la zhing chen thul pa gsol// mthing gi gtso mo chibs su chibs// khrag gi rkyal pa khal du bkal// grib so nag po'i nang du bzhugs// nam gru 'bum gyi bdud mo bskang // rma thebs rgyal mor bzhugs tsam na// dred mo kham nag thul pa gsol// chibs su rnga mo g+ha pa chibs// lcags kyi dra ba kha la du 'gel// 'dzam gling bzhi yi gra bzhi nas// lcags khang chen mo bzhi
- 272a
gnas pa// de yang lcags kyi dra bar 'dzud// dmag dang rmug pa'i nang na rgyug/ rma thebs bdud mo'i thugs dam bskang // gshin rje'i yum cig mdzad tsam na// nag mo bral hral khrag smug ma// khrag gi thul pa sku la gsol// skar chen dmar mo'i 'od la zhon// skya ring 'od kyi nang na rgyug/ nag mo khrag 'dzag ma yang bskang // khyod kyi snyan cha g.yas g.yon na// gser gyi rje chung di ri ri// lha rgyal tshang pa zhu ba 'bul// khyod kyi zhabs kyi g.yas g.yon no// lha srin sde brgyad bskor phyag 'tshal// nya smad mang po rgyab nas mchod // sbrul smad mang po mdud nas rgyug/ khyod kyi dbu yi gtsug rum nas// rgyu skar mang po phungs se phungs// 'khor ni bong zhon 'bum gyis bskor// rtse ni khram dang shod pa rtse// rol ni skye 'gro yongs la rol// skom du de ni rag ta 'thung // dgun la mkhar na bzhugs tsam na// khro chu'i bang rim sku mkhar na// ma ru ci yi grong gis bskor// ma bdud dbyar sar bzhur pa'i tshe// gur nag mang po skongs se skongs// yol nag mang po khyud de khyud// gnam lcags phur pa thams se thams// glog gi 'phreng ba brengs se brengs// gur nag nang na bzhugs tsam na// bdud kyi bu mo sa mtsho sman// nag mo spyad bdud mo mo bskang ma mo khyod kyi 'khor g.yog tu// sgrol ging las kyi shugs sgrol bcu// sku mdog sna
- 272b
tshogs rang chas la// phyag na sgrol byas mtshon cha thogs// sgrol ging bcu yi thugs dam bskang // bdud mo bkol byang gi rgyud las// nag mo rem ti bskul ba'i le'u ste zhe lnga pa'o// gnod 'dul lha yis yang gsol pa// smug ting rgyal mo ji ltar bskang // yang dag rdzogs kyis bka' stsal ba// smug mo bskang ba ngas bstan gyis// nyon cig g.yung drung yang dag pa// yul dang yul ni dmu yi yul// jo bo dmu rje legs pa la// sras ni lcam dral gnyis mnga' ste// ral pa dmu rje btsan pa lags// mkhar ni dmu mkhar ldong na bzhugs// de yi sring mo lcam mo ni// nyi ma nub byang mtshams shed na// mchod ri mchod brag mkhar ldem na// ri smug de ni lung du smug/ srid pa'i gting khams ma gi na// gnam sa smug 'thibs nang shed na// dmu bdud rgyal mo de na bzhugs// srid pa'i gting khams ma gi na// dmu mkhar bse yi logs bzhin// mchong gi kha bad ban skor can// seng ldeng sgo bzhi thams se thams// sku mkhar de yi nang shed na// za 'og gur cig skangs se skangs// mchong gi tshugs shing rengs rengs// rma bya'i rgyal mtshan ye re re// de 'dra'i gur gyi nang shed na// smug ting rgyal mo bzhi zur ma// mchong gi bud med dmu yi lcam// dmu za bdud kyi lcam cig can// sku la mchong gi zang ral gsol// rma bya stong gi phud khad
- 273a
can// bse yi thub pa ya ba bskor/ mtshan ni dmu lcam bral ma nyan/ smug po 'bras bu can du bskang / de yi bu mo gcung mo ni// dmu mkhar lcags kyi sta zur la// gong sngon dmu bya 'phur zhing 'chags// gur dang yol gyi ru zur la// mthing gi mdzo mo 'brug ltar ngur// smug mi dmu yi mdun zur ma// rma bya spungs pa'i thul pa gsol// phyag na mchong gi gyid dkar bsnams// smug mo 'bum gyi rgyal mo bzhugs// dmu sman bdud zur srid pa'i las// dmu bdud 'did chags nga yi bskang // de yi g.yog mo bskang ba ni// ri rab zad pa'i rmang sna na// jo mo sri bdud rgyal mo ni// phung sri lnga mo rta ru zhon// ra nag ral kha gos su gon// phung sri rnga mog pa la// lcags kyi dra ba khal du 'gel// kha dgu 'o dod gnam du 'bod// mig dgu bya ra srid la gtong // phung sri rnga mo zhen pa bskang // gling bzhi 'gras pa'i tha ma na// lcags kyi gur zlum nag po na// zhing srid rgyal mo mig gcig ma// rta ru phag pa lto zhan zhon// zhing sri rgyal mo'i thugs dam bskang // srid pa bgrangs pa'i mar gzhug na// dur sri mjo mo ru yon zhon// wa mi gzhug rings rol du khrid// lus la lcags kyi slog pa gsol// bskang ngo ma mo khyed kyang bskang // khu le shangs ma gi na// rta ru rtol mo ru yon zhon// khyi mo dmar mo rol du khrid// khrim sri nag mo'i thugs
- 273b
dam bskang // khu le shad smad ma gi na// rta ru brum pa rag pa chibs// rol du zangs kyi bred mo khrid// khrim sri nag mo'i thugs dam bskang // zhes gsungs so// bdud mo bkol byang nam mkha'i rgyud las// smug ting rgyal mo bskang ba'i le'u ste zhe drug pa'o// gnod 'dul lha yis yang gsol pa// yul gdon ma mo ji ltar bskang // yang dag rdzogs kyis bka' stsal pa// yul gdon ma mo bskang ba ni// nga yis khyod la bshad kyis nyon// gnam srid 'ol ma chen mo ni// rta ru klong rta dmar mo zhon// gos su smag gi smug pa gon// gnam sri'o la ma'i thugs dam bskang // de nas sa sri mer ba bskang // bzhugs ni sa yi gting na bzhugs// rnga mo nag mo rta ru zhon// grum ma skya bo rol du khrid// ral lcags grum ka'i rol pa gsol// sa srid mer ma'i thugs dam bskang // dam sri mchod ma chen mo ni// ban de mo ni chen mo la// 'phreng ba dkar nag skyel 'chang // long gor sgyu ma rkang la gyon/ kyi sra'i klog pa sku la gsol// mchod rten hrul po'i gseb nas ldang / khang pa hrul po'i nang na gnas// sdongs ni the rang 'byung po de dang sdongs// dur khrod shin ngog sdongs zla mdzad// dbang ni phag pa khyi sde dbang // dam sri mtshon pa'i thugs dam bskang // de nas chung srin myug ma ni// bzhugs ni rgya mtsho'i gting na bzhugs// ljang ni rgya mtsho'i gting nas
- 274a
ldang // chu gzhung sngon mo rta ru zhon/ 1sram mang pha rol du rol// me bzhur mang po'i 'od la lha/ 'debs ni dar dang 'khag par 'debs// chu yi kha ni thur du 'bab// rtse yi kha na gyen la 'khyil// rgyu na mtsho rgyu gsum la rgyu// dbang ni phag pa chu kha dbang // chu lag sngon mo'i thugs dam bskang // de 'og phug srin// dkar sral can dang sngo sral can// dmar sral ma dang gser sral ma// se skyer mang po yangs se yangs// lcug phran mang po ldems se ltems/ bya bran mang po pu ru ru/ gcan gzan mang po zal ma zul/ mdzo rtol mang po ngar ma ngur// smug mo mchod mdog 'di yis bskang // zhes gsungs so// bdud mo bkol byang nam mkha'i rgyud las/ yul gdon ma mo bskang ba'i le'u ste zhe bdun pa'o// gnod 'dul lha yis yang gsol pa// srid pa'i bdud mo ji ltar bskang // yang dag rdzogs kyis bka' stsal pa// bdud mo bskang ba 'di lta ste// nyon cig gnod 'dul mos pa khyod// le shod bdud yul rtse 'byam na// mthong gur snar gur mthong yol na// nag mo 'od kyi phod ka can// bu yug nag po sku la gsol// sbrul nag 'khrigs pa'i zhags pa 'phen// rdzu 'phrul zhabs kyis nam mkha' gnon// phyag gis bdud kyi sgo rdo 'dril// rma bya zhon nas rlung lcags rdeg/ srid pa gsum mthong mig rtsa
- 274b
bsgrib// g.yung drung mun pa'i ral pa can// me ri brtsegs pa'i phod ka can// rgyal mo dbyar na bzhugs pa'i tshe// sngon dmar 'thibs pa'i gur na bzhugs// rgyal mo ston na bzhugs pa'i tshe// snang srid gsol ba'i snying po can// rgyal mo dgun na bzhugs pa'i tshe// lcags mkhar sngon mo rtsa 'dral ma// rgyal mo dpyid na bzhugs pa'i tshe// rlangs pa drod kyi snying thibs nang // khyod ni rin chen mgo yag lcam// nag mo khyod kyi 'khor g.yog ni// nag mo khram thogs bcu yis bskor// gling bzhi khram khra'i nang du bcug/ snang srid sems can khram la 'debs// nam mkha' nag mo bcu yis bskor// bdud la dbang 'dul mthu mo che// rin chen 'gong yag kha sbyar la// ya bdud lag tu sho ra re// yu lung gser gyi ye khyud na// srid ma mer gyi gur yol na// nag mo 'bum gyi phod ka bsgyur// gos su grin so nag po gon// lcags thag dgu yi zhags pa 'phen// zhabs kyis dpag bsam shing bu non// phyag gis bdud rta yam pa 'debs// skyung mo zhon nas me lcags rdeg/ sems can mthing na mig rtsa bsgrib// shing lo thib sa pa'i rol pa can// khro bcu brtsegs pa'i mche ba ga/ tsigs// rgyal mo dbyar na 'grogs pa'i tshe// khrag gi rgya mtsho'i gting na bzhugs// rgyal mo ston dang 'grogs pa'i tshe// gser gyi mching bar 'bras bu
- 275a
/ 'gems// rgyal mo dgun dang 'grogs pa'i tshe// rlung chub glong ba'i ded dpon mdzad// lho rgyal mo dpyid dang 'grogs pa'i tshe// lha gur 'thibs pa'i nang na gzims// 'khor ni srin mo stong gis bskor// brtul zhugs bcu yis las byed ma// khyod ni bkrag med lcam mo yin// bdud la dbang sgyur mthu mo che// khyod la nag mo'i mdos bskang gis// nag po bkrag med lcam mo khyod// nag po bkrag med kha sbyar la// bdud kyi lag tu sho ra re// nam mkha'i bcu yis thugs dam skong // bdud yul lu gu gur shod na// dgun gyi dgun sa nas// bdud mkhar sgo dgu'i rdzong na bzhugs// skya mo gdong dgu rlung gi ral pa can// tshub ma dgu 'khyil rang ral can// zangs kyi dri rta dgu la zhon// bskang ngo khyod kyi thugs dam bskang // yul dang mang yung yang stengs na// ye la yel yel kha na// g.yung drung gzi 'bar mdun sa nas// nag mo me yi phod ka can// mun pa'i bzang ral sku la gsol// sngon dmar gzha' yi zhags pa 'phen// zhabs kyis ri rab rtse mo gnon// phyag gis sprin dang khu rlangs sdud// 'brug lnga zhon nas grog lcag rdeg/ tsha grang 'bar ba'i ral pa can// gza' skar 'od kyi lcags skyed nas// rgyal mo dbyar na bzhugs pa'i tshe// ha lo me tog gur gling na// mthing nag g.yu gur nang na bzhugs// blon mo bcu gsum
- 275b
'khor gyis bskor// rgyal mo srid pa rdzogs pa'i ston sa nas// ka sha 'bras bu bcu gsum bdag/ bud med bcu gsum spyi bdud ma// rgyal mo dgun na bzhugs pa'i tshe// snang srid gting du btsud nas ni// snang srid kha la rgyas 'debs ma// rgyal mo dpyid na bzhugs pa'i tshe// skyed pa'i ma mo bcu gsum bdag/ khyod ni phya bdud lcam mo yin// bdud la dbang skur mthu mo che// bdud ye le khyab pas kha sbyar la// nag mo shel sgong 'di yis bskang // nam mkha' gsum gyis thugs dam bskang // yul dag na yul yang rtse na// nam mkha' 'thongs kyi gur yul na// khyung gshog nyi ma'i phod ka can// 'od zer 'bar ba'i zang ral can// nyi zer dkar po'i zhags pa 'phen// zhabs kyis srid pa'i rtse mo gnon// phyag gis srid pa'i tshe brag sdud// khyung ka zhon nas gzha' lcag rdeg/ skye 'gro yongs la mig rtsa sgrib// rlung dang bu yug ral pa can// gnam lcags khros pa'i mche ba gtsigs// dar nag 'od kyi lcags bskyong ma// rgyal mo dbyar nas 'grogs pa'i tshe// g.yu lu 'od kyi mar shod na// mthing ni gur ba gur yon tan// shugs sgrol bcu yi 'khor du bskor// rgyal mo ston na bzhugs pa'i tshe// gser mdog bcu gnyis rang skyegs ma// rgyal mo dgun na bzhugs pa'i tshe// srid pa'i dpal skyed dgun yul na// 'phra med
- 276a
gser gur mnga' bdag mo// ye shes kar lung khong ser nas// rgyal mo dpyid na bzhugs pa'i tshe// mkha' la drod 'bebs bcu gnyis bsnan// khyod no sgos mkhan lcam mo yin// nam mkha' bcu gnyis thugs dam bskang // bdud la dbang sgyur mthu mo che// skong rje brang dkar bka' sgyur la// bya nag lug nag 'di yis bskang // rgyal mo dgun na bzhugs pa'i tshe// bu yug gangs kyi phod ka can// nam mkha' skya mo'i mnga' bdag mo// rgyal mo dpyid na bzhugs pa'i tshe// gting ra drod lung khyud 'khor nas// ma khyim chen mo kha dgu ma// lho gur skya mo na bza' gsol// lcags kyi dre rta dgu la zhom// gting khams 'khrug cing dod glong ma// rgyal mo srid kyi las mkhan mo// nam mkha' dmar mo'i mnga' bdag mo// rgyal mo dbyar na 'grogs tsam na// rgya mtsho ru yi dgu ling na// mthing nag gur phub skongs se skongs// chu dar yol ba khyud de khyud// g.yu yi tshugs shing rengs se rengs// gur dang yul gyi nang shed na// g.yu char zam zim kha chu la// nam mkha' sngon mo'i mnga' bdag mo// rgyal mo ston dang 'grogs pa'i tshe// gangs kyi ri rab gser mtshon// gser gur mang po skongs se skongs// bud med gser gyi phod ka can// phod mkhar 'bras bu bcud chags ma// chibs su bdud kyi rta la
- 276b
zhon// rgyal mo ston gyi las byed ma// nam mkha' gser mig mnga' bdag ma// 'khor ni nag mo bzhi yis bskor// shar nas bskong ba'i nag mo ni// nag mo srid par nyal byed ma// shel sgong nag mo spyi dkar bdag/ nag mo lcags skad la 'bebs na// nam mkha' nag mo'i mnga' bdag mo// lho nas bskyod pa'i nag mo ni// nag mo dud kha sham thabs can// shel sgong nag mo'i mnga' bdag mo// lho nas srid pa dbang la 'debs// lag na bdud kyi khram thogs ma// khyod ni nam mkha' mthing ging bdag/ nub nas bskor ba'i nag mo la// nag mo cha ri rgya mtsho'i bdag/ shel sgong nag mo chu kha'i bdag/ lag na khrag gi rkyal pa thogs// khyod ni nam mkha' dmar mo'i bdag/ byang nas bskor ba'i nag mo na// nag mo gser gyi zangs dal can// lag na gling thogs// shel sgong nag mo lha ser bdag/ dus bzhu las byed spun dgu byed// mche ba dgu gtsigs srid pa za// nyi ma dgu yi mig zur lta// spun dgu zhag gi phod ka can// zhabs kyis gser gyi ri bdun gnon// phyag gis snang srid tshe bkrag sdud// cho 'phrul zhags pa dgu 'phen ma// da la nad 'bebs pas khrag lus ma// nag mo ral pa dgu thibs ma// khyod ni nam mkha' klog gi bdag/ 'dzam bu gling bzhir nyal ba'i tshe// na bza' smug nag sku la gsol// chibs su mdzo
- 277a
na na tu na na rdzu na du shA sa su kra su
- 277b
can// mi sngon rta sngon bka' bsgyur cig/ byang shar mtshams kyi gser gur nas// mi ser rta ser lcam mo ni// lag na mtshon tsha sna tshogs thogs// mtsho ni ser mo las byed ma// na bza' gser gyi na bza' la// ra gan 'bar ba'i cha ga can// mtshan ni ser mo las mkhan mo// mi ser rta ser bka' bsgyur cig/ lho shar mtshams kyis gling gur nas// mi dmar rta dmar lcam mo cig/ lag na gcod pa'i sbu / gri thogs// mtshan ni shan pa gri thogs ma// na bza' zangs kyi na bza' la// byu ru 'bar pa'i cha ga can// mtshan ni dmar mo ral gcig ma// mi dmar rta dmar bka' bsgyur cig/ srid pa'i bud med bdud btsan lcam// gling bzhi mtshams kyi bdud mo bzhi// nam mkha' brgyad kyis thugs dam bskang // bdud btsan khram la thebs sam re// phyag brnyan lag tu sho ra re// srid pa'i gling khams ya ga na// ra smug de ni lud du spug/ mchong gi bud med g.yu yi lcam// mtshan ni dmu lcam bra ma nyan// za 'og gur la g.yu yi yol// gur dang yol gyi sta zur la// dmu bya gong sngon 'chags shing 'phur// dmu nag dmu yi mdud zur ma// rma bya spungs pa'i thul pa gsol// ming po dmu bdud bka' sgyur la// dmu khams chen pos bka' pa re// dmu ba tsan lag tu shor ra re// bar snang nam mkha'i mthongs gong nas// srid pa'i bud med
- 278a
nyi ma 'phreng // na bza' nam mkha'i bza' ral can// sprin dkar brtsegs pa'i phod ka can// gnam sman 'bum gyi gtso mo mdzad// dkar mo dung gi thod rdeng can// shel gyi ser ba yar thabs 'thor// nam mkha' stong la dbang sgyur ba// nam mkha'i ma mo drug zur ma// khyod ni ya jo dkar po'i lcam// gnam gyi dkar po kha bsgyur la// rgyal mo dmangs la babs sam red// bsnams te lag tu shor ra re// bai DA nam mkha'i 'od gling nas// srid pa'i bud med glog mda' 'phen// skya rengs 'od kyi bzang ral can// sprin dkar brtsegs pa'i phod ka can// nyi zer khra bo'i ral pa can// phyag na skar mda' phyogs bcur 'phen// skar chen lus la za zur ma// nam mkha' lnga yi mnga' bdag mo// the brang khra bo kha sgyur cig/ the brang phugs su zhu sa re// the brang lag tu sho ra re// srid pa'i bud med mthu mo che// ma shod gling gi mnga' bdag mo// sku la pad+ma'i 'phreng ba can// sku la ser gyi thul pa gsol// sa theb nag po kha bsgyur la// grong du 'byung po babs sa re// sribs kyi lag tu shor ra re// srid pa'i bud med mi bzad ma// mdzad pa'i cha lugs thol ma gyur// spyi gtsug ral pa rdo rje 'greng // drag shul tshang rmad srid la byed// bud med dbu la gdong drug mo// dmar mo glog gi gdong rangs ma// sri can lag tu sho ra re// sro
- 278b
can gdug pa'i drug zur ma// srid de dmar mo kha bsgyur la// blon po'i mang po dar ra re// sri mgo lag tu sho ra re// sngon gyi bdud mo'i thugs dam bskang // srid pa'i bud med ral gcig ma// dpral na dmar mo gcig zangs kyi zhal// kha nas so gcig gyen la gtsigs// spyi gtsug ral gcig khrag gi dbu// lag na tshub ma'i snam bu 'greng // na bza' bse yi skrag pa la// dmar nag khrag gi phod ka can// nag mo srid pa'i drug zur ma// nag mo nyams can spyan gsum gyis// dmar po spun gsum kha sbyar cig/ srog bdag nar ba byung nga re// yam shud dmar po thugs su bcug ga re// brag srin dmar po / yul phyir 'khor ra re// mi reng dmar po'i lag tu sho ra re// gting bdus nag mo'i sprul pa'i lus// srid par 'khyams pa'i khrag 'thung ma// gling bzhi nyul zhing khrag la sgro// chibs su rlung gi 'khor lo chibs// dpral na mig gcig snang srid gsal// se skyer ral pa yengs se yengs// mdzo dang rtol gyi skrag pa la// dred mo bla tshar phod ka can// sku la sbrul gyi ska rags bcing // bud med lus la pho chas can// shel rtsal lus la lnga zur ma// nam mkha' lnga yi mnga' bdag mo// khyod ni glu btsan lcam mo ste// skyes bu glu btsan lcam mo yin// glu btsan thams cad kha sbyar la// rgyal btsan sgrog la btab pa re// skyi
- 279a
bcan lag tu sho ra re// srid pa'i bud med ro khyung ma// thabs kyi rdzu 'phrul ye shes can// seng ge dkar po chibs si chibs// na bza' mthing gi skrag pa la// g.yu bran brtsegs pa'i phod ka can// 'jigs pa'i ral pa se ral kha// tshangs pa'i bu mo bzhi zur ma// bzhi zur lhags kyi sras gcig ma// 'khor ni 'dod khams rgyal mo bzhi// gling bzhi 'khrug pa'i khro tshul ma// jo mo gcig dang khol mo gsum// spyi 'gro legs kyi rgyan zhal ma// ri rab 'grim zhing rgyal mtsho bskor// nam mkha' bzhi yi mnga' bdag mo// khyod ni rje btsan lcam mo yin// rje bdud rje btsan kha bsgyur la// rje bdud khram la thebs sa re// srid pa'i bud med dbang gi sku// khyab 'jug nad kyi skar mda' ma// bud med bu yi skar mda' 'phen// dbang mo khyab bdud zhal can// bud med bu la 'pheng rtsal 'phrog ma// phyogs mtshabs med par skar mda' 'phen// gzha' dang dgung tshigs gzhu thogs ma// srid pa gsum du sprul pa'i tshe// dbang gi bud med sum rol ma// khams gsum nyul ba'i zhugs can ma// ston gsum thugs la go mdzad ma// nam mkha' gsum gyi mnga' bdag mo// khyod ni btsan phran jo mo ste// lung gsum mtsho ba kha bsgyur la// btsam gyi khram la thems sa re// shar ba'i lag tu sho ra re// srid pa'i bud med dri 'dul ma// dri
- 279b
btsan zer thabs 'dul ba mo// ri rab lhun po'i zom rtse nas// khams gsum rlabs kyis 'dul mdzad ma// sku mdog de ni dmar skya la// phyag na gsor gyi zangs gri thogs// gnas lcags ngar ma'i mche ba can// phyag na tshon cha'i bal tshon thogs// spu gri thogs pa'i skrag pa la// 'khor lo brtsegs pa'i phod ka can// dus bzhi srid pa'i khyab par nyul// khros nas gling bzhi khrag tu 'gengs// sku gcig zhal drug gsum zur ma// nam mkha' gsum gyi mnga' bdag mo// mchog tu khrag dang dri la snom// dri bo'i dri thabs kha sbyar la// dri btsan thun du byung nga re// srid pa'i ro langs srid 'dul ma// rta sha za ba'i mo gdong ma// srid dgu 'dul ba'i dpal gyi yum// sku la 'jigs pa'i ral kha gsol// dred mo ral pa dgu sbrul ma// zangs dang bse yi mche ba gtsigs// srid pa dgu gting kha yi 'debs// khros na rang la yang g.yeng dus na// stong gsum mchi mche khrag gis 'gengs// g.yas na 'jigs pa'i sbar chen rdeng // srid can kha nas bzung ste rdebs// g.yon na dgra sta drang byed ma// sri can thal bar rlog mdzad ma// zhal kha / sre khung gdengs pa 'dra// shangs nas glog stong bsnol mar 'don// nyin zhing dur khrod gnas nyul ma// mtshan zhing dur khrod khyab par 'gro// thabs dang shes rab zhabs gnyis ma// srid pa gsol ba'i na
- 280a
bza' la// sprul pa zabs kyi phod ka can// dur sri nag po kha bsgyur la// sri dgu can langs sa re// sri can lag tu sho ra re/ khyod ni nam mkha' gcig gi bdag/ bskang ngo ma mo khyod bskang ngo // zhes gsungs so// bdud mo bkol byang las// bdud mo phod ka can bcu gsum bskang ba bstan pa'i le'u ste zhe brgyad pa'o// gnod 'dul lha yis yang gsol pa// bdud mo khyo tshol 'di rnams kun// nag brgya'i bskang bzlog ji ltar lags// yang dag rdzogs kyis bka' stsal pa// bskang bzlogs las rnams gong ma bzhin// 'di yi bca' thabs ni// 'bru sna mang po la rin po che brdar la smra'o// de tshe gsum du bcad la gcig la bud med nag mo dgu bya'o// gcig la 'brang rgyas dgu bya'o// gcig la ra rab gling bzhi bya'o// 'brang rgyas dgu la 'phang khra dgu gzugs so// bzang ras kyis brgyan pa'o// nag mkha' bcu gsum bya ste/ gtso mo la nag po khong sngon gcig bya'o// de'i phyi ma la nag po dung mig gcig/ g.yu mig gcig/ zangs mig gcig/ gser mig gcig/ 'bri gnyis/ ra gnyis/ nag mo zangs ma bzhi ste bcu gsum bya'o// phye gtsang ma gcig la lug po mkha' skya gcig/ lug nag po gcig la bdud mo nag mo gcig bskyon par bya// bya nag po la bud med nag mo gcig bskyon par bya// lug
- 280b
nag gcig la bya nag gcig bskyon la bzhag/ de rnams bca' thabs so// dang po khyo 'tshol ba bcu la glud bsngo ste 'di skad do// lug ni nag po mkhal skya 'dis// bdud mo khyo tshol khyod rnams thugs dam bskang // rgyab ni nag por 'dug pa 'di// bdud kyi bu mos bris pa yin// rA gnyis lcags rur 'dug pa ni// lha yi bu mos bris pa yin// mig gnyis ser por 'dug pa ni// lha min bu mos bris pa yin// gdong pa rgya bor 'dug pa ni// dmu yi bu mos bris pa yin// lkog mi dkar mor 'dug pa ni// lha yi bu mos bris pa yin// kho ba ma ser mor 'dug pa ni// khyo tshol bzhi yis bris pa yin// rmig pa lcags su 'dug pa ni// bran mo khyo tshol bzhi yis bris// lte ba dkar por 'dug pa ni// pad+ma 'phreng gis bris pa yin// de ltar rtags rnams yod pa ni// bdud mo nyi shu rtsa drug mthun pa'i rdzas// de phyir thugs dam skongs gyur cig/ de nas khyo tshol ma bcu'i thugs dam bskang ste// glud bsngo zhing ba skad bzlog bya ste 'di skad do// hUM// lha yi bu mo khyo tshol ma// khyod mthun pa'i rdzas chen ni// mthing gi nam mkha' nag mol// mthing nag gur phub skongs se skongs// mthing gi yol ba khyud de khyud// de 'dra'i gu gur gyi nang shed na// bud med nag mo hral hral mo// phung bya mang mo gdong la 'ded// pha ni lha ste ma ni bdud// de
- 281a
phyir shA la dbang ba yin// 'thibs shing lci ba'i nad bdag mo// bskang ngo khyed kyi thugs dam bskang // skong gyur dgra bgegs bzlog gyur ci/ nag rgya 'di yis thugs dam bskang // ma mo de yi gcing mo ni// lha min bu mo khyo tshol ma// 'bri ya nam mkha' nag mo la// nam mkha' gur nag skongs se skongs// yol nag mang po khyud de khyud// de lta bu yi nang shed na// bud med nag mo hral hral mo// phung bya mang po gdong la 'dod// kha brgyad mang po tshe re re// bskang ngo khyod kyi thugs dam bskang // skong gyur dgra bgegs bzlog gyur cig/ nag rgya 'di yis thugs dam bskang // ma mo de yi 'byung mo ni// phyogs phyogs de ni pha gi na// nyi ma byang shar mtshams shes na// brag dang chu 'thab pha gi na// byang zang zad ri dmar po bya// zangs mtsho dmar po khyil li li// de lta bu yi nang shi/ na// me med shing med rgyu zhags dgu// bzar med gtsang med dgung zhags dgu// dgung zhags dgu gsum phar 'das na// ltas ngan srin bya nyin dang sgong // 'grag lcog sngon mo mtshan yang 'gyur// mi skyid de ni sdug yul na// de na dga' bo dgon pa tsam// de na bskang ba yog pa tsam// de lta bu yi nang shed na// nam mkha' bal bag nam mkha' la// dar nag gur phub skongs se skongs// dar nag yol ba khyud de khyud// de lta bu yi nang
- 281b
bzlas pa dang // gzungs sngags nang du bzlas pa dang // gsang sngags gsang la bzlas pa dang // zab mo mi 'gyur la gnas par bsgrub pa'o// gzhan yang lus ngag gi nus pas bsam gyis mi khyab pa dang du blangs te// mi spang zhing zab mo'i rten du tshogs rnam par bsag go/ dpal dngos grub thams cad kyis bstan par gzigs pa'i rgyud kyi rgyal po chen po las// tshogs yongs su bsags pa'i le'u ste so gcig pa'o// de nas bcom ldan 'das kyis sku dang // gsung dang // thugs rdo rje rnams las// dpal byang chub sems dpa'i rnam par 'phrul pa// 'jig rten gyi khams srid pa'i zhing khams na// srid pa'i rgyal mo chen mo bzhi zhes bya ba'i gsang sngags// drag po khrag 'thung gi sbyor ba gnod par gyur pa'o// gsod pa'i sngags 'di gsungs so// bos nas rbad pas gsad pa yi// srid pa'i ma mo stong rtsa brgyad// rje mo bzhi yi sngar 'dus pas// thams cad dang por bod par bya// ma mo tsiSh+Na kha rag ces// tsit+ta kha rag ma rag sha rag mo tsit+ta rag ta ma// thun thun zhes ni drag tu gdab// trag dang rag sha ma zhes bod tsit+ta te ke ma rnam par sbyar// ma ru lu ru lu'i srog b+h+yo b+h+yo// zhes ni las kyis gdags kyis gdags// tsit+ta kha rag 'di la 'bod// sa ma ya zhes dam tshig smos// daM daM dzA dzA myur du dgug/ stong rtsa brgyad po myur du dgug pa
- 282a
la// de sngon gur phub skongs se skongs// dar sngon yol bya khyud de khyud// bskang ngo khyed kyi thugs dam bskang // skong gyur dgra bgegs bzlog gyur cig/ nag rgya 'di yi thugs dam bskang // ma mo de yi gcung mo ni// bdud kyi bu mo khyo tshol ma// bud med nag mo hral h+la mo// phung bya mang gdong la ded/ khA ta mang mo gdong la ded// nam mkha' bal nag nam mkha' la// dar nag gur phub skongs se skongs// dar nag la ba khyud de khyud// bskong ngo khyed kyi thugs dam bskang // skong gyur dgra bgegs bzlog gyur cig/ nag rgya 'di yis thugs dam bskang // ma mo de yi gcung mo ni// btsan gyi bu mo khyo tshol ma// bud med nag mo hral hral mo// hral hral chen mo khrag mig ma// mu men gur gyi nang shed na/ mi rkang dung du 'bud cing mi rkang gling bu 'bud// phung bya mang po gdong la ded// srin bya mang po gdong la ded// rkan sgra grags pa chems se chems// khu skad byung byung cig cig zer// bskang ngo khyod kyi thugs dam bskang / skong gyur dgra bgegs bzlog gyur cig/ nag rgya 'di yis thugs dam bskang // ma mo de yi gcung mo ni// rgyal po'i bu mo khul tshol ma/ bud med dkar mo hral hral mo// phung bya mang po gdong la ded// chu bya zal mo gdong la ded// mdzod nad sna tshogs gtong ba'i bdag/ bal dkar de yi nam
- 282b
mkha' la// dar dkar gur phub skongs se skongs// dar dkar ba dan lhabs se lhabs// shel gyi rte'u khrigs se khrigs// dar dkar yol ba khyud de khyud// khyod ni nag rgya'i mnga' bdag mo// bskang ngo khyod kyi thugs dam bskang // skong gyur dgra bgegs bzlog gyur cig/ nag rgya 'di yis thugs dam bskang // ma mo de yi gcung mo ni// sa bdag bu mo khyod tshal ma// med khrag mo hral hral mo// 'og gi nag mo phung khrol ma// sa bdag chen mo pad+ma 'phreng // phung bya pu shud gdong la ded// nam mkha' de ni khra mo la// ha yi gur phug skongs se skongs// gzi yi stegs bu khrigs se khrigs// ha yi gdan khri stobs se stobs// ha yi yol ba khyud de khyud// nag rgya 'di yis thugs dam bskang // bskang yang bskang ste bzlog kyang bzlog/ bskang bzlog chen po'i las mdzad ma// rim kha bsgyur la da la kha bsgyur// bskur bdag chen mo glud la gshegs// yas bdag chen mo yas la gshegs// bskang ngo khyod kyi thugs dam bskang // bdud mo bkol byang mas/ bdud mo khyod tshol ma bcu la glud bsngo ba'i le'u ste zhe dgu pa'o// da ni bran mo khyo stor ma dgu la glud bsngo ba ni// 'phang re la bzang ral re btags la// lug nag mo la bya nag mo bskyon la gzhag/ g.yu yi 'phang la gser gyi 'phang lo gsal te gzhag/ de nas glud bsngo ba 'di skad
- 283a
do// sa yi de ni lug nag la// gnam gyi de ni bya nag skyon// dpal ldan dbus kyis khyo stor ma// bdud kyi lcam la gshin rje'i yum// chu nad thabs cad bzlog tu gsol// glud bdag chen mo glu 'di bzhes// shar gyi phyogs su khyod stor ma// mi bzad rdo rje ral gcig ma// srin mo mang po'i sprul pa 'gyed// snying chu stong gzen nad 'di bzlog/ glud bdag chen mo glud 'di bzhes// shar lho mtshams kyi / khyod stor ma// drang srong dkar skya mche ba can// gza' dang rgyu skar sprul ba 'gyed// rgyu gzer bcu pa'i dal 'di bzlog/ glud bdag chen mo glud 'di bzhes// lho yi phyogs kyi khyod stor ma// dpal ldan gnyen gyi re ma ti// nag gru mang po sprul pa 'gyed// g.yon pa shu ba'i nad 'di bzlog/ glud bdag chen mo glud 'di bzhes// lho nub mtshams kyi khyod stor ma// 'jig rten phung byed nag mo'i 'di// srin po mang po'i sprul par 'gyed// tsha ba'i nad 'di bzlog tu gsol// glud bdag chen mo glud 'di bzhes// nub kyi phyogs kyi khyod stor ma// glud bdag chen mo 'di ni// 'khor ni glu bran stong gis bskor// mdze nad 'di yang bzlog tu gsol// glud bdag chen mo glud 'di bzhes// nub byang mtshams kyi khyod stor ma// rgya rkyen lha zhen chen mo ni// rlung lha'i bu mo sprul par 'gyed// rlung bsnyon nad 'di bzlog tu gsol// glud bdag
- 283b
chen mo glud 'di bzhes// byang gi phyogs kyi khyod stor ma// nag mo chen mo e ka sham// gnod sbyin nag po sprul par 'gyed// lhog pa sgrengs pa'i nad 'di bzlog/ glud bdag chen mo glud 'di bzhes/ byang shar mtshams nas khyod stor ma// glang gzer 'tshe ba'i nad bdag mo// byi na ya ga'i sprul par 'gyed// tsha ba'i gzer nad bzlog tu gsol// glud bdag chen mo glud 'di bzhes// bdud mo bkol byang las// bran / mo khyod stor ma dgu la glud bsngo ba'i le'u ste lnga bcu pa'o// de nas bdud mo khyo tshol bzhi la glud bsngo ba 'di skad do// phyogs phyogs de ni pha gi na// nyi ma byang shar mtshams shed na// gling gi ming ni khyi yi gling // bya yi ming ni gser gyi bya// mchi yi ming mi g.yu yi mtsho// gser bya g.yu mtsho'i nad shed na// sngon gyi rgyal mo khyo mi 'dod// da lta bdud mo khyo tshol ma// 'bul lo nag mo mkhal rgya 'bul// bzhes shig/ gtan gyi grogs su bzhes// 'bul lo yun gyi 'bangs su 'bul// yul dag shar lho'i mtshams shed na// gling gi ming ni ki ta'i gling // bya yi ming ni g.yu yi bya// mtsho yi ming ni gser gyi mtsho// g.yu bya gser mtsho'i nang shed na// sngon gyi rgyal mo khyo mi 'dod// da lta bdud mo khyo tshol ma// glud du nag mo mkhal rgya 'bul// bzhes shig gtan gyi grogs su bzhes// 'bul lo yun gyi 'bangs su 'bul// bskang
- 284a
@ngo thugs dam gnyen po bskang // rgya gar za hor bar shed na// gling gi ming ni gyin rnga'i gling // bya yi ming ni dngul gyi bya// mtsho yi ming ni gser gyi mtsho// dngul bya gser mtsho'i nang shed na// pho ru skyes pa sbal pa ste// mo ru skyes pa bud med yin// khyo ga bya ba ming yang med// sngon gyi rgyal mo khyo ma'i 'dod// da lta bdud mo khyo tshol ma// glud du nag mo mkhal rgya 'bul// bzhes shig gtan gyi grogs su bzhes// 'bul lo yun gyi 'bangs su 'bul// bskang ngo thugs dam gnyan po bskang // yul dag nub byang mtshams shed na// gling gi ming ni srin rta'i ming // bya yi ming ni zangs kyi bya// mtsho yi ming ni dngul gyi mtsho// zangs bya dngul mtsho'i nang shed na// pho ru skyes pa sbal pa yin// mo ru skyes pa bud med yin// khyo ga bya ba'i ming yang med// sngon gyi rgyal mo khyod mi 'dod// da lta bdud mo khyod tshol ma// glud du nag mo mkhal rgya 'bul// bzhes shig gtan gyi grogs su bzhes// 'bul lo yun gyi 'bangs su 'bul// bskang ngo khyod kyi thugs dam bskang // gting bdud rnams kyi thugs dam bskang // ma bdud rnams kyi thugs dam bskang // klu bdud rnams kyi thugs dam bskang // mtsho bdud rnams kyi thugs dam bskang // bdud mo bkol byang las// nag rgya'i skongs bzo bstan pa'i le'u ste nga gcig pa'o// gnod 'dul lha
- 284b
yis yang gsol pa// bdud mo khyo med 'di rnams la// nag po sril pos ji ltar bskang // yang dag rdzogs kyis stsal pa// bdud mo khyo med 'di rnams la// nag po sril pos bskang ba 'di'o// gting yul ma gi gting re ring // gting yul gting dag mi zab ste// 'dod chags rgya mtsho gting re zab// ri bo ya gi dpangs re mtho// ri bo dpangs dag mi mtho ste// gti mug ri mi dpangs re mtho// rong khams ma gi rtse re rtsub// rong khams rtse dag mi rtsu ba ste// zhe sdang dgram bu rtse re rtsub// dug gsum bsgral ba mar 'das nas// 'byung ba chu dag ma lags te// khrag gi rgya mtsho khyil li li// rgya mtsho de yi dkyil shed na// rdo yi/ / gur phub skongs se skongs// srin rdo'i re thag rgyangs se rgyangs// khro chu'i chun phur thams se thams// de 'dra'i gur sgo g.yos pa na// sog po nag po spyugs glu len// de 'dra'i gur sgo g.yon pa na// mon mo nag mo 'greng 'phyar 'dzad// de 'dra'i gur gyi nang shed na// bzhi zur ma cig lcems se lcems// thor tshugs ma cig ye re re// bdud bsgyur ma cig shal la la// sku yi na sdod sdings ma la// mdzad pa'i stabs ni thos ma gyu// sku la zhing chen g.yang gzhi gsol// thod pa rlon pa'i kha bad can// nad kyi rgyal pa mtshan na sde// sngon dmar gru gu skyong zhing sdig/ khyod ni bdud mo khyo med ma// dbang ni nag mo srol mi
- 285a
dbang // skyes pa pho yi srig ma gcod// za ma mo yi skal ma gcod// bskang ngo nag po srol pos bskang // rgya mtsho de yi gting shed na// rus pa'i gur cig skangs se skangs// rul pa'i re zag / rgyangs se rgyangs// khro chu'i tshon phur thams se thams// de 'dra'i gur sgo g.yas pa na// sog po nag po sgre slag gon// de 'dra gur sgo g.yon pa na// dom pa nag gu khyi skad zug/ de 'dra'i gur gyi mnga' bdag mo// rus pa'i bud med khrag med ma// rus pa'i skrag pa gos su gyon// khrag gi gos lag thibs se thibs// las su mdze nad sna tshogs gtong // khyod dang bdud mo khyo med ma// dbang mi nag mo srol mo dbang // skyes pa pho yi srog ma bcad// za ma mo yi skal ma bcad// bskang ngo nag po srol pos bskang // de bas bag tsam dma' ba na// mthing nag gur phub skongs se skongs// mthung nag tshon zag rgyangs se ngas// lcags kyi tshon phur sha ra ra// de 'dra'i gur sgo g.yas pa na// lce bye lto dkar 'phur zhing lding // da lha'i gur sgo g.yon pan// gdug pa'i sbrul cig khyugs se khyugs// de 'dra'i gur gyi mnga' bdag mo// khrag gi bud med ral pa can// gos su khrag gi thul pa gsol// las su dmu chu sna tshogs gtong // khyod dang bdud mi khyo med ma// dbang ni nag po srin po dbang // skyes pa pho yi srog ma gcod// za ma mo
- 285b
yi skal ma gcod// bskang ngo nag po srol pos bskang // de bas bag tsam dma' ba na// re lde'i gur cig skongs se skongs// re lde'i tshon zag rgyangs se rgyangs// lcags kyi tshon phur phral la// de 'dra'i gur sgo g.yas pa na// gdug pa sbrul cig khrugs se khrugs// de 'dra gur gyi mnga' bdag mo// nag mo chas kyi blun mo 'khrul/ gos su re lde nag po gon/ nad du 'bras dang khol mi gtong / khyod dang nag po khyo med ma/ dbang ni nag po srol med dbang / skyes pa kham yi srog ma gcod// za ma mo skal ma gcod// bskang ngo nag po srol pos bskang // bdud mo khyo med sde bzhi yang // gnas ni rgya mtsho'i gting na gnas// rgyu ni gling bzhi khyab par rgyu// bskang ngo bskal pa'i thugs dam bskang // zhes gsungs so// bdud mo bkol byang las// gting bdud khyed med ma bzhi bskang ba'i le'u steng gnyis pa'o// gnod 'dul lha yis yang gsol pa// bdud mo khyo rkun ma bzhi ji ltar bskang // yang dag rdzogs kyis bka' stsal pa// 'og gi rgya mtsho mar 'das na// rlung nag rdo rje rgya gram chags// shar gyi rdo rje'i rtse mo la// dung gi bud med khrag med ma// sha khrag ral pa sha ra ra// sha rjen za zhing khrag mngal 'thung // khyod ni bdud mo khyo rkun ma// khyod gyi khyo dag mi rku ste// skye ba de yi gong ma la// pha ni dri za'i rgyal po lags// ma ni lha mo nam chung
- 286a
'dzin// pha ma gnyis kyi bgro bgro nas// nye dbang nag po'i chung mar byin// bud med zhe sdang che ba yis// nam gyi yar phyed mar phyed na// grogs kyi zla grogs gri ru bsad// de yi la yogs da lta byung // stong khams bskor kyang khyo ba rnyed// dbang ni smug po srol po dbang // skong ni gling dang zhag gis skong // skyes pa pho yi srog ma gcod// za ma mo yi skal ma bcad// bskang ngo smug po srol pos bskang // lho yi rdo rje rtse mo la// gser gyi bud med ser po la// khrag gi ral pa sha ra ra// sha chen za zhing khrag mngal 'thung // khyod dang bdud mo khyo rkun ma// khyod dang khyod dag mi rku ste// skya ba 'di yi gong ma la// pha ni grul bum sna bo che// ma ni lha mi zur phud can// pha ma gnyis kyis bgro bgro nas// gnod sbyin nag po'i chung mar gtang // bud med zhe sdang che ba yis// nam gyi yar phyed mar phyed na// grogs kyi zlo grogs gri ru bsad// de yi la yogs da lha langs// stong khams btsal kyang khyo ma rnyed// dbang ni smug nag srol po dbang // skyong ni gling dang mdos kyis skyong // skyes pa pho yi srog ma gcod// za ma mo yi skal ma gcod// bskang ngo smug po srol pos bskang // nub phyogs rdo rje'i rtse mo la// zangs kyi bud med khrag med ma// sha khrag ral pa sha ra ra// sha rjen za zhing khrag mngal 'thung // khyod dang bdud mo khyo rkun
- 286b
ma// khyod dang khyo dag mi rku ste// skye ba de yi gong ma la// pha ni sa bdag gdug pa can// ma ni sa bdag pad+mo 'phreng // pha ma gnyis kyis bgro bgro nas// klu bdud chen po'i chung mar gtang // bud med zhe sdang che/ ba yis// nam gyi yar phyed nas// grogs kyi zla grogs gro ru bsad// de yi la yogs da lta langs// stong khams bskor kyang khyo ma rnyed// dbang ni smug rgya lto ser dbang // skong ba zhag dang gling gis skoslong // skyes pa pho yi srog ma gcad// za ma mo yi skal ma gcad/ spug rgya lho ser 'di yis bskang // byang gi rdo rje rtse mo la// g.yu yi bud med khrag mig ma// g.yu yi ral pa sha ra ra// sha rjen za zhing khrag mngal 'thung // khyod dang bdud mo khyo rkun ma// khyod dang khyo dag mi rku ste// skye ba de yi gong ma la// pha ni gnod sbyin skar ma gdong // ma ni klu mo lce 'byam ma// pha ma gnyis kyis bgro bgro nas// sha tre nag po'i chung mar gtang // bud med zhe sdang che/ ba yis// nam gyi yar phyed mar phyed na// grogs kyi zla grogs gri ru bsad// de yi la yogs da lta langs// stong khams bskor kyang khyo ma rnyed// dbang ni spug nag mkhal brgya dbang // skong ni mdos dang gling gis skong // skyes pa pho yi srog ma gcod// za ma mo yi skal ma gcad// bskang ngo mkhal brgya 'di yis bskang // zhes gsungs so// bdud mo khyo rkun ma bzhi bskang ba'i
- 287a
le'u ste nga gsum pa'o// gnod 'dul lha yis yang gsol pa/ bdud mo khyod ma rnyed sde bzhi ji ltar lags// yang dag rdzogs la bdag nyan 'tshal// yang dag rdzogs kyis bka' stsal pa// de yi bskang thabs 'di ltar ro// 'dzam bu gling bzhi'o phyogs bzhi nas// gling bar mun pa'i phyogs bzhi nas// pha ni gnod sbyin sngon po la// ma ni dus bzhu'i tshod 'dzin ma// de gnyis srid cing sprul pa las// bdud kyi bud mo bzhi skyes te// shar phyogs gling bar mun pa nas// gnod sbyin sngon po'i bu mo ni// rus pa'i bud med khrag mig ma// rus pa'i ral pa sha ra ra// 'dod khams lha yul ya gi ru// grogs kyi zla rogs tshol du phyin// lha yul bskor kyang khyo ma rnyed// des na bud med bson nams chung // rung ba'i skrag pa gos su gon// las su rus nad 'brum bu gtong // dbang ba smug nag srol po dbang // bskang / ngo khyed kyi thugs dam bskang // lho phyogs gling bar mun pa nas// gnod sbyin sngon po'i bu mo ni// me yi bu mo g.yo mig ma// 'dod khams lha yul ya gi na// grogs kyi zla rogs tshal du phyin/ lha yul btsal kyang khyod ma rnyed/ des na bud med bsod nams chung / me yi slag sa gos su gon/ me yi ral sa sha na na/ las su tshad nad sna tshogs gtong // dpang ni nag rgya srol po dbang // bskang ngo bskang pa'i thugs
- 287b
dam bskang // nub phyogs gling bar mun pa nas// gnod sbyin sngon po'i bu mo ni// khrag gi bud med dung mig ma// 'dod khams lha yul ya gi ru// grogs kyi zlo rogs tshol du phyon// lha yul btsal kyi khyod ma rnyed// des na bud med bsod nams chung // khrag gi skrag pa gos su gon// khrag gi ral pa sha ra ra// las su khrag nad rgyu gzer gtong // dbang ni mkhal rgya srol po dbang // bskang ngo khyed kyi thugs dam bskang // byang phyogs gling bar mun pa nas// gnod sbyin sngon po'i bu mo ste// gser gyi bud med khrag mig ma// khrag gi ral pa sha ra ra// 'dod khams lha yul ya gi ru// grogs kyi zla rogs tshol du phyin// lha yul bskor kyang khyo ma rnyed// des na bud med bsod nams chung // rlung gi skrag pa gos su gon// rlung gi ral pa sha ra ra// las su sgro 'bog log rgal gtong // dbang ni mkhal rgya srol po dbang // bskang ngo bskal ba'i thugs dam bskang // rlung gi gur chen skongs se skongs// rlung gi ba dan thibs se thibs// ser bu'i tshon thag na ra ra// de 'dra'i gur sgo g.yas pa na// chu sron rgya mtshan ye re re// de 'dra'i gur sgo g.yon pa na// rlung gi rgyas mtshan ye re re// de 'dra'i gur gyi mnga' bdag mo// ma btsun dbug chos dbyar mo sil// za ma las kyi dbang mo cho// ting 'dzin drod la mnga' mdzad ma// sman dang phud dang mdangs
- 288a
kyi bskang // dpag bsam shing gi rtse mo na// ri rab lhun po'i bum pa na// yum srid pa'i rgya mo de na bzhugs// thugs la sprul pa khri dang 'bum// gling bzhi mdos kyis thugs dam bskang // gling bzhi rgyal ba'i gtor mas bskang // zhes gsungs so// bdud mo bkol byang las// smyug rgya sngon po'i drug skor bstan pa'i le'u stong bzhi pa'o// gnod 'dul lha yis yang gsol pa// de yi yas thabs ji ltar lags// yang dag rdzogs kyis bka' stsal pa// 'bru sna tshang ba'i gling chung la// smug mo dgu la bud med da// 'brang rgyas dgu la 'phang khra dgu/ mtsho dgu nang du bya dgu 'o// gling chung de la nam mkha' dgu/ khong sngon gcig dang mig bzhi dang // tshon gsum bzhi dang dgu ru bsog/ sman dang gtor ma cha dgu'o// de ni yas sku rim pa'o// zhes gsungs so// bdud mo bkol byang las// smug rgya'i yas bstan pa'i le'u ste nga lnga pa'o// / gnod 'dul lha yis yang gsol pa// gting khams klu bdud 'di rnams la// nag mo chu khams ji ltar bskang // yang dag rdzogs kyis bka' stsal pa// gting khams klu bdud 'di rnams la// dkar nag sbrul gyi ral pa can// chu khams bskang ba 'di ltar ro// de 'og srid pa'i ma mo ni// srid pa'i rgya mtsho khu rlangs nas// khram thog klu yis sol gtong ma// chu srin g.yang gzhi lus la
- 288b
/ gon// dkar nag sbrul gyi ral pa can// chu glong sngon po'i gdan la bzhugs// nyin zhing glud sman rgya dang rtse// mtshan zhing sa bdag gnyen dang sdengs// zhal nas rgya mtsho'i klong 'khyil na// klu chen brgyad kyi sring gcig ma// snang srid rtsa ba phyag gis bzung // dgyes na 'jig rten rgyas 'debs ma// khros na klu yi da la 'begs ma// bud med kun gyi ting rgya ba can// klu srin pho mo'i jo mo ste// khyod la ming dang mtshan/ btags pa// klu yi rgyal pos ming btags pa// gtsug na rin chen skad du na// klu sman rgyal mo chu 'khrim ma// gshen rabs mi bo'i skad du na// klu bdud rgyal mo sku 'jal ma// dam pa chos kyis ming btags pa// klu mo yid 'ong bkra shis ma// chu gur 'khyil ba'i nang na bzhugs// stag sgron glang dmar brgya yi khal// gzig sgron glang dmar rgya yi khal// gling dmar nyis brgya'i khwa 'degs ma// rgyal mo nam mkha' gcig gi bdag/ klu bdud kun la dbang sgyur ma// gdug pa klu yis zin ta re// klu gnyan lag tu sho ra re// ding ring nag mo chu mdos long // ma bdud bcu gnyis rgyal mo ni// rol mtsho khrag gi gting khams na// bdud khams chud kyi rgyal mo ni// chu bdud gting gi khrag 'thung ma// dmar mo phya sangs chu bya gdong // chibs su zangs kyi chu bya chibs// rol mtsho'i gting nas mdos lon ma// do nod nag mo'i chu mdos
- 289a
long // yon bdag khrag gi glud du bzhes// glud bzhes de ni phya sangs cig/ rol mtsho g.yu yi gting mtsho nas// ma bdud chud kyi rgyal mo ni// lag na sngon dmar me 'bar ma// sngon moH lcags g.yu ral mo// chibs su mtsho yi rgyur mi chibs// sngon mo ba gdong mtsho sman bdud// khyod ni sngon mi chu kha'i bdag/ de ring nag mo mdos kyis bskang // gting gi bdud mo klu bdag mi// de 'og ma yi / mdos bdag mo// rol mtsho gting gi 'o mtsho nas// klu sman ma bdud chud za mo// gting bdud gur bdag phya sangs ma// chibs su chu glang sngon po chibs// de ring nag mo chu mdos long // gting gi bud med 'bre bo gdong // chibs su chu glang sngon po zhon// lag na me yi ba dan 'phyar// na bza' chu dar sngon po gon// nag mo chu mdos sram len ma// de ring nag mo chu mdos long // mun mtsho khrag gi gting bdud mo// nag mo chu bdud sha zan ma// bzhugs ni rgya mtsho'i gting na bzhugs// kha rlangs nag po gnam du gtong // chibs su chu sram nag po zhon// nag mo mdos bdag sram bdog ma// mtsho bdud rgyal mo glud kyi bdag/ na bza' chu bya'i thul pa gsol// nag mo 'bring mig gting bdud mo// chu mtsho mer nag gting na bzhugs// yar 'gro mar 'gro chu gzhung zhon// rol du chu sram sngon po khrid// me bzhur zhon zhing
- 289b
rjes rnyog ma// ribs po 'thibs pa'i bdud dang sdong // nag mo'i rdzong mdos drod pa long // khyi phag sha zan glud mig lus// lus la chu gri'i mtshan gon no// mtsho bdun gyi gting myul zhing // rgya mtsho kha yi rlabs gcod ma// chibs su chu srin pir la zhon// do nub rdzing mdos chu mdos long // khyod ni chu bdu rdzing gi bdag/ nag mo chu mdos 'di yis bskang // nag mo chu kha la dbang ba bdun bskang ba'o// bdud mo bkol byang las// klu bdud bskang ba'i le'u ste nga drug pa'o// gnod 'dul lha yis yang gsol pa// snang srid ma mo mkha' 'gro ni// sha dang khrag la ngad che bas// de yi bskang ba ji ltar lags// yang dag rdzogs kyis bshad du gsol// rdzogs sangs rgyas kyis bka' stsal pa// nyon cig g.yung drung yang dag pa// hUM/ ye shes tshogs kyi rje mo ni// kun tu bzang mo mu kha le// seng ge dkar po'i sha yis bskang // chags sdang rnam lnga byang bar mdzad// rten byed shal gyi mkha' ston nas// mnga' bdag mkha' 'gro ser ge gdong // ba glang dkar po'i sha yis bskang // gti mug nad rnams byang bar mdzod// g.yo byed rlung gi mkha' stong nas// 'degs byed mkha' 'gro yang gsal g.yos// thogs med bya khyung sha yis bskang // phrag dog nad rnams byang bar mdzod// sdud byed chu yi mkha' stong nas// mthu ldan mkha' 'gro
- 290a
gnyen gsal 'bar// rol pa rma bya'i sha yis bskang // 'dod chags nad rnams byang bar badzod// rtog bral me yi mkha' stong nas// mi gnas mkha' 'gro 'od gsal 'bar// dpa' gtum stag mo'i sha yis bskang // nga rgyal nad rnams byang bar badzod// mi rtog nam mkha'i mkha' stong nas// rtogs med mkha' 'gro bkrag gsal 'bar// sha tshon tshogs pas thugs dam bskang // zhe sdang nad rnams byang bar mdzod// khams gsum gsal ba'i yum mchog ma// 'phra men rgya mtsho srid pa'i yum// bar snang shol mo'i mo'i sha yis bskang // dkar mo nyi zla'i thod 'phreng can// bya rgod dkar po'i sha yis bskang // rnal 'byor khros pa'i dbang chen bzhi// lce sbyang nag po'i sha yis bskang // phung byed sbas pa'i ma mo bzhi// gtum pa dom gyi sha yis bskang // dpal chen thugs kyi dge sde bzhi// zhe sdang sbrul gyi sha yis bskang // srid pa cha byed cha snyogs la// gti mug dred kyi sha yis bskang // e ka dzA ti spun drug la// nga rgyal ra yi sha yis bskang // phung byed dur khrod ma bdun la// phung sri rnga ma'i sha yis bskang // phung byed nam mkha'i rgyal mo ni mtshan gsum// lcags kyi bya khra sngon po'i sha yis bskang // 'dod khams gtso mo ne mtshan la// lcags kyi dri rta rkang gsum sha yis bskang // dmag dpon rgyal po bzhi po la// 'dod
- 290b
chags sbrang mo'i sha yis bskang // las kyi sring mo bzhi po la// gsung snyan ne tsho'i sha yis bskang // phung byed nyi shu rtsa brgyad la// lcags bya nag mo'i sha yis bskang // bse yi lha mo bzhi rnams la// dur khrod wa yi sha yis bskang // gti mug nad rnams byang bar mdzod// bdud mo bkol byang las// sha snas bskang ba'i le'u ste nga bdun po'o// khrag gis bskang ba 'di lta ste// hUM/ kun tu bzang mo mu kha le// brjid pa seng ge'i khrag 'bul na// dam nyams sdang ba'i dgra bo 'di// kun bzhi rnam shes rtsa ba chod// yon bdag khrag nad zhi bar mdzod// rtag pa'i rgyal mo rnam snang gsal// brtan pa glang chen khrag 'bul na// dam nyams sdang ba'i dgra bo 'di// mig gi rnams shes rtsa ba chod// rtag pa'i rgyal mo yang gsal g.yos// thogs med khyung gi khrag 'bul na// dam nyams sdang ba'i dgra bo yi// lce yi rnam shes rtsa ba chod// rtag pa'i rgyal mo gnyen gsal 'bar// rol pa rma bya'i khrag 'bul na// dam nyams sdang ba'i dgra bo yi// sna yi rnam shes rtsa ba chod// rtag pa'i rgyal mo bkrag gsal 'bar// lhun grub bam gyi khrag 'bul na// dam nyams sdang ba'i dgra bo yi// yid kyi rnam shes rtsa ba chod// 'phra min rgya mtsho srid pa'i yum// bar snang shol mo khrag 'bul na// dgra bo zhes sdang rtsa ba chod// nyi zla stong gi thod 'phreng can// bya rgod
- 291a
dkar po'i khrag 'bul gyis// dgra bo'i gti mug rtsa ba chod// rnal 'byor khros pa'i dbang chen bzhi// lce spyang nag mo'i khrag 'bul gyis// dgra ba'o 'dod chags rtsa ba chod// phung byed sbas pa'i ma mo bzhi// gtum pa don gyi khrag 'bul gyis// dgra bo'i nga rgyal rtsa ba chod// dpal chen thugs kyi dges sde bzhi// zhes sdang sbrul gyi khrag 'bul gyis// dgra bo'i khrag dog rtsa ba chod// srid pa chags byed cha snyoms la// gti mug dred mo'i khrag 'bul gyis// e ka dzA ti spun drug la// nga rgyal 'bar ba'i khrag gi bskang // phung byed dur khrod ma bdun la// phung byed khrag gis bskang // phung byed nam mkha' rgyal mo ne mtshan gsum// lcags kyi bya khra sngon po'i khrag gis bskang // 'dod khams gtso mo ne mtshan la// lcags kyi dri rta rkang gsum khrag gis bskang // dmag dpon rgyal po bzhi po la// 'dod chags sbyang mo'i khrag gis bskang // las kyi sring mo bzhi po la// gsung snyan ne mtshan la// gsung snyan ne tsho'i khrag gis bskang // phung byed nyi shu rtsa brgyad la// lcags bya nag mo'i khrag gis bskang // bse yi lha mo bzhi rnams la// dur khrod wa mo'i khrag gis bskang // gti mug bdud za rnams byang bar mdzod// ces gsungs so// bdud mo bkol byang las// khrag snas bskang ba'i le'u ste lnga bcu nga brgyad pa'o// // gnod 'dul lha
- 291b
yis yang gsol ba// tsit+ta sa yi bskang ba ji lta bu// yang dag rdzogs kyis bka' stsal pa// hUM/ chos nyid kun bzang mu kha le// seng ge dkar po'i snying gis bskang // bsgrub ni ye shes mkha' 'gro bsgrub// rtag pa'i rgyal mo rnam snang gsol// ba glang dkar po'i snying gis bskang // rdo rje rigs kyi mkha' 'gro bsgrub// rtag pa'i rgyal mo yang gsal g.yos// thogs med khyung gi snying gis bskang // las kyi rigs kyi mkha' 'gro bsgrub// rtag pa'i rgyal mo gnyen gsal 'bar// rol pa rma bya'i snying gis bskang // pad+ma rigs kyi mkha' 'gro bsgrub// rtag pa'i rgyal mo 'od gsal 'bar// dpa' brtul stag mo'i snying gis bskang // rin chen rigs kyi mkha' 'gro bsgrub// rtag pa'i rgyal mo bkrag gsal 'bar// lhun grub mi yi snying gis bskang // de bzhin rags kyi mkha' 'gro bsgrub// 'phra men rgya mtsho la sogs te// ye shes ma mo bcu bzhi la// gnan la 'phur dgu'i snying gis bskang // bsgrub ni ye shes mkha' 'gro bsgrub// srid pa che byed la sogs te// dman mo lnga bcu rtsa brgyad la// logs la 'grim pa'i snying gis bskang // bsgrub ni las kyi mkha' 'gro bsgrub// skong ni dam tshig nyams pa skong // zhes gsungs so// bdud mo bkol byang nam mkha'i rgyud las// snang srid snying gis bskang ba'i le'u ste nga dgu pa'o// / gnod
- 292a
'dul lha yis yang gsol pa/ yang dag rdzogs kyis bka' stsal pa// ye shes tshogs kyi rje mo la// seng ge dkar mo'i zod nang du// bam gyi snying khrag glu gsal dbul// gzugs kyi khungs so rtsa ba chotshod// 'grim ma mo kha ha b+ho// rtag pa'i rgyal mo yang gsang g.yos// thogs med khyung gi thod pa ru// gnod sbyin snying khrag byug la dbul// dam nyams sdang ba'i dgra bo yi// rnam par shes pa'i rte phrog cig/ nying bzhi mu kha le b+h+yo// rtags pa'i rgyal mo rnam snang gsal// ban glang dkar po'i thod pa ru// dri za'i snying khrag blugs la 'bul// dam nyams sdang ba'i dgra bo yi// gzugs kyi phung po rtsa ba chod// 'gros mu kha b+h+yo// rtag pa'i rgyal mo yang gsal g.yol// thog med khyung gi thod pa ru// gnod sbyin snying khrag blugs la dbul// dam nyams sdang ba'i dgra bo yi// 'du byed phung po'i dkyil du rgyo ba// ba / yang yang te b+h+yo// rtag pa'i rgyal mo gnyen gsal 'bar// rol pa rma bya'i thod pa ru// klu bdud snying khrag blugs pa 'bul// dam nyams sdang ba'i dgra bo yi// 'du shes phung po'i dkyil du rgyo ba// bis san ti b+h+yo// rtag pa'i rgyal mo 'ad gsal 'bar// dpa' brtul stag mo'i thod pa ru// gshin rje'i snying khrag blugs la dbul// dam nyams sdang ba'i dgra bo yi// tshor ba'i phung po'i dkyil du rgyo ba// dza la b+ha ram ha
- 292b
b+h+yo// rtag pa'i rgyal mo bkrag gsal 'bar// rabs chad nag po'i thod pa ru// brgya byin snying khrag blugs la dbul// dam nyams sdang ba'i dgra bo yi// rnam shes 'khung mo'i rtsa ba chod/ ma hA yon to hA b+h+yo/ ye shes po mo bcu bzhi la/ gnam la 'khur dgu'i thams sa ru/ khrag sna stong gis bskang la 'bul/ dam nyon sdang ba'i dgra bo yi// rnam shes tshogs brgyad rtsa ba chod// badz+ra kro d+hi shwa ri b+ha ga pad+ma rgya hUM b+h+yo// srid pa'i sman mo thams cad la// logs la 'grim dgu'i thod pa ru// khrag sna stong gis bkang la 'bul// dam nyams sdang ba'i dgra bo yi// lnga phung thal pa bzhin du thong // oM badz+ra dza khram mu ran b+h+yo// zhes gsungs so// bkol byang nam mkha'i rgyud las// thod zor gyi le'u ste drug cu pa'o// de nas gtor mas bskang spyi dang mthun no// sman gyis bskang ba ni spyi dang mthun pa 'di lta ste// chos nyid yangs pa'i gling dkyil nas// kun tu bzang mo mu kha le// g+hi waM sman gyi thugs dam bskang // yams nad sna tshogs zlog tu gsol// me long ye shes klong dkyil nas// rtag pa'i rgyal mo rnam snang gsal// ga bur sman gyis thugs dam bskang // rus pa'i nad rnams zlog tu gsol// mnyam nyid ye shes klong dkyil nas// rtag pa'i rgyal mo 'od gsal 'bar// dza ti sman gyis thugs dam bskang // mkhris pa'i nad rnams zlog tu
- 293a
gsol// so sor kun rtog klong dkyil nas// rtag pa'i rgyal mo gnyen gsal 'bar// li shi sman gyis thugs dam bskang // khrag nad thams cad zlog tu gsol// bya grub ye shes klong dkyil nas// rtag pa'i rgyal mo yang gsal g.yol// gur kum sman gyis thugs dam bskang // rlung nad thams cad zlog tu gsol// stong nyid ye shes klong dkyil nas// rtag pa'i rgyal mo bkrag gsal 'bar// cu gang sman gyis thugs dam bskang // rims nad sna tshogs zlog tu gsol// mkha' 'gro 'dus pa'i klong dkyil nas// ye shes ma mo bcu bzhi la// sman snang snying gis thugs dam bskang // ma mo 'dus pa'i klong dkyil nas// ma mo lnga bcu rtsa brgyad la// sman sna tshogs pa'i thugs dam bskang // rims nad thams cad zlog tu gsol// zhes gsungs so// bkol byang nam mkha'i rgyud las// sman gyis bskang ba'i le'u ste drug cu re gcig pa'o// gnod 'dul lha yis yang gsol pa// rnal 'byor dam tshig nyams gyur na// de yis bskang ba ji ltar lags// yang dag rdzogs kyis bka' stsal pa// dam tshig nyams pa bskang ba 'di'o// hUM// ri rab bum pa'i rnal 'byor mi spong rnam lnga nyams byang bar mdzod/ ri rab bum pa'i nub phyogs na// yum gcig mkha' 'gro mnyen gsal bzhu bzhugs// spos dang mar me thugs dam bskang
- 293b
rtse mo na// yum chen kun tu bzang mo bzhugs// spos dang mar mes thugs dam bskang // rnal 'byor sku gsung thugs kyi// dam tshig nyams pa bskang du gsol// ri rab bum pa'i shar phyogs na// yum cig mkha' 'gro rnam snang bzhugs// spos dang mar mes thugs dam bskang // rnal 'byor spyad par bya ba yi// dam tshig nyams pa bskang du gsol// ri rab bum pa'i lho phyogs na// yum chen mkha' 'gro 'od gsal bzhugs// spos dang mar mes thugs dam bskang / rnal 'byor dang du blang ba yis// dam tshig nyams pa byang bar mdzod// ri ram bum pa'i byang phyogs na// yub cig mkha' 'gro yang gsal bzhugs// spos dar mar mes thugs dam bskang // rnal 'byor shes bya'i dam tshig nyams pa byang bar mdzod// ri rab bum pa'i byang shar nas// yum cig mkha' 'gro bkrag gsal bzhugs// spos dang mar mes thugs dam bskang // rnal 'byor bsgrub pa'i dam tshig nyams pa byang bar mdzod// ri rab bang ri me gnyis pa la// ye shes rje mo bcu bzhi bzhugs// spos dang mar mes thugs dam bskang // yan lag dam tshig stong dang rtsa brgyad nyams pa byang bar mdzod// ri rab bang rib gsum pa la// sman mo lnga bcu rtsa brgyad bzhugs// spos dang mar mes thugs dam bskang // rnal 'byor bsgrub pa bdag cag gi// sngags kyi dam tshig sa ma
- 294a
ya// 'bum sde nyams pa bskang du gsol// snang srid ma mor bgrangs pa la// spos dang mar mes thugs dam bskang // skongs gyur dbang dang dngos grub gsol// zhes gsungs so// bkol byang nam mkha'i rgyud las// dam tshigs nyams pa bskang ba'i le'u ste drug cu re gnyis pa'o// gnod 'dul lha yis yang gsol pa// phur pas bskang ba ji ltar lags// yang dag rdzogs kyis bka' stsal pa// hUM/ ri rab gling bzhi bzhengs pa la// phur pa stong gis bskong ba ni// snang srid ma mo'i thugs dam bskang // sdang dgra gnod bgegs bsgral du gsol// hUM// lcags sna lnga yis phur pa la// mthing nag dar gyi cod pan btags// skong ni kun tu bzang mo skong // bskul ni mkha' drug rgyal mo bskul// dgra bgegs rnam shes phung po'i rtsa ba chod// nyid bzhi mu kha le kI li yA mA ra ya rbad// hUM/ tsan dan dkar po'i phur ba la// dkar po dar gyi cod pan btags// rnam snang gsal gyi thugs dam bskang // rdo rje rigs kyi ma mo bskul// dgra bgegs gzugs phung rtsa ba chod// 'gris mu kha kI la mar ya rbad// hUM/ mdzo mo dag gi phur pa la/ le brgan dmar po'i cod pan btags// gnyen gsal 'bar gyi thugs dam bskang // pad+ma rigs kyi mkha' 'gro bskul// dgra bgegs 'du shes phung po'i rtsa ba chod// bsi san ti kI la ya mA ra
- 294b
ya rbad// hUM/ skyer pa dag gi phur pa la// ser po dag gi cod pan btags// yang gsal g.yos kyi thugs dam bskang // las kyi rigs kyi mkha' 'gro bskul// dgra bgegs 'du byed phung po rtsa ba chod// bi yang yang te kI la ya ma ra ya rbad// hUM/ sher sheng nag po'i phur pa la// za 'og dar gyi cod pan btags// bkrag gsal 'bar gyi thugs dam bskang // de bzhin rigs kyi ma mo bskul// dgra bgegs yid kyi rnam shes rtsa ba chod// ma hA ya ma te ki la ya mA ra ya rbad// ces gsungs so// bkol byang nam mkha'i rgyud las// mdos phur drug gi bsad pa bstan pa'i le'u ste drug cu re gsum pa'o// gnod 'dul lha yis yang gsol pa// sems can rnams la mi 'tshe'i phyir// gzugs kyi bskang ba ji ltar lags// yang dag rdzogs kyis bka' stsal pa// gzugs kyis bskang ba ngas bstan gyis// nyon cig gnod 'dul lha yi gtso// hUM/ dpag bsam shing gi rtse mo na// gser mkhar ser po'i kha chen// yab ni skos rje brang dkar rje// sku la gser gyi skrag pa gsol// g.yas na gser gyi 'gying 'khar bsnams// g.yon na srid pa'i rtsibs byang bsnams// dbu la rin chen srog zhu gsol// g.yu sngon gsor skye ma 'di bzhes la// ma mo'i skos ka mdzad du gsol// snang srid cham la dbab tu gsol// srid pa ri rab lhun po la// bang
- 295a
rim dang po gser la bgyis// bang rim gnyis pa g.yul bgyis// tha ma rin chen sna lngas brgyan// srid pa rtse mo man chad nas// na rag dmyal khams yan chad du// skye 'gro 'dus pa'i srog chags kun// ri rab gling bzhi'i rgyan du bkod// ri rab bang rim dang po la// 'dab chags rgyal po bya khyung drug/ 'dab gshog g.yul bgyis// nas nam mkha'i mtha' dang mnyam// lus po gser la bgyis te khams gsum dbang du sdud// sder mo lcags la bgyis te 'khor ba dbyings nas 'dren// sbyin mig g.yas g.yon nyi zla 'khyil// ya mchu ma mchu zangs la bgyis// khyab pa ye shes sku dang mnyam// yum chen kun tu bzang mo la// sku ni ming mngon dbyings na bzhugs// mkha' bzhi bde klong gcig tu 'khyil// zhal nas 'byung ba lnga 'char ma// skye 'gro gsang ba'i mkha' la 'khyil// 'dab chags rgyal po khyung drug sa// kun tu bzang mo'i thugs dam bskang // yul drug dbang po drug dang bskang // srid pa'i byol kha bzlog tu gsol// rtag pa'i rgyal mo rnam snang gsal// skra ni nam mkha'i mthal dang mnyam// 'byung ba bzhi yi stongs su che// sder chags rgyal po seng ge drug/ 'dab gshog med par mkhal 'gro// rdog ma g.yu 'do sprin ltar gtibs// lus po dung mdog 'og du 'phro// nga ro'i skad kyis gdug pa zil gyis
- 295b
non// yul drug dbang po drug dang skong // rnam snang gsal gyi thugs dam bskang // stobs kyi rgyal po gling chen drug/ dmag dpung bzlog pa'i stobs dang ldan// yang gsal 'bar gyi thugs dam bskang // cang shes rgyal po rta mchog drug/ shugs kyis sems can don mdzad cing // 'byung ba me la dbang sgyur ma// 'do gsal 'bar ba'i thugs dam bskang // dbang gi rgyal mo rma bya drug/ dbu la rin chen srog zhu gsol// lus po g.yu 'do skar ltar 'khrug/ gzhug ma rin chen thig les brgyan// 'di ltar sems can ya mtshan can// 'byung ba chu la dbang sgyur ma// gnyen gsal 'bar gyi thugs dam bskang // 'dab chags smra shes shang shang drug/ thog med mkha' la 'gro ba'i g.yu yi gshog 'dab can// mi skad smra ba'i rdzu 'phrul lce btags nas// 'byung ba rlung la dbang sgyur ma// yang gsal g.yos kyi thugs dam bskang // yul drug dbang po drug kyang skong // dbyings kyi yum drug go// ri rab bang rim dang po la// bcu bzhi kun gyi gtso mo ni// dbu gsum rnam mthar gsum gyi dbu// phyag drug rgyud drug drug thugs rjes gzung // sku mdog cir yang ma nges te// thugs dam rkyen du dbul pa ni// cang shes rta rgyal bcu bzhi la// 'dod chags gtso mo bcu bzhi bskyen// dkar mo mdzes pa'i na bza' la// 'ja' tshon lnga yi rgyan
- 296a
gyis brgyan// ma mo thugs dam des skong ngo // srid pa'i byad kha zlog tu gsol// brgyad kyis rnam shes brgyad kyang skong // drug gis yum drug dbyings su skongs gyur cig/ rgyud drug kha lo sbyar pa'i byol zlog mdzod// khams gsum dbang sgyur ma mo kun gyi gtso// dkar mo nyi ma'i thod 'phreng can// stag gzig ris bkra bcu bzhi la// le brgan 'bar ba'i 'phur lce btags// ma mo'i thugs dam 'dis skongs la// stongs gsum mun nag sel ba'i las mdzod cig/ rnal 'byor khros pa'i dbang mo che// khams gsum pad+ma nyi ma bdu rtsi khros pa'i dbang mo che// ba gling 'bar ba bcu bzhi dang // 'dab chags rma bya bcu bzhi la// rin chen dbu rgyan gtsug bud bkod// rin chen rnam lnga rgyan gyis brgyan// dbang chen bzhi yi thugs dam bskang // srid pa zil gyis gnon pa'i 'phrin las mdzod// dbyings phyug rgyan gyi rgyal mo bzhi// sku mdog ljang khu lha yi gos su gsol// 'ja' tshon rnam lnga'i 'od kyi kha chag can// gling bzhi dbang du sdud cing skye 'gro dbugs nyul ma// stong gsum phung bar byed pa'i ma mo la// dkar mo ku ku tsa ra bcu bzhi la// rin chen gser gyi khol thag btags// ma mo'i thugs dam 'dis skongs la// dgra bgegs phung po rdul du rlog tu gsol// gsang pa thugs kyi dges sde ma// gling bzhi'i rgyal mo
- 296b
bzhi po la// 'dab chags sme shes shang shang bcu bzhi la// 'phrin las kha dog lnga khu la// stong khams 'phyo ba g.yu yi gshog 'dab can// le brgan dmar po dbul bcings// mo rkang smra ba'i rdzu 'phrul lce btags nas// srid pa'i byos po bzlog pa'i phyir// phung sri dur sri zlog tu gsol// brgyad kyi rnam shes brgyad kyang skongs// drug gi yul drug dbyings su skongs gyur cig/ de yan chad ye shes kyi rje mo bcu bzhi'o// hUM/ grub pa'i rnal 'byor chen mo ni// gser gyi sha po rwa bcu la// lus po gser la bgyis te gser 'od me ltar 'bar// rmog bzhi lcags la bgyis te bdud bzhi zil gyis gnod// ru bcu dung la bgyis te dge bcu thar lam ston// mig gnyis shel la bgyis te shes mog nyi zla 'khyil// kha rlangs sprin la bdud rtsi'i char ltar 'bebs// bsam gtan lha yi skor yin 'gro ba mi yi glud// srid pa chags byed cha snyoms thugs dam bskang // e ka dza ti chen mo la// dung sha dkar mo chen mo bzhi// le brgan 'bar ba'i phur rtse ra btags// der rje dkar po'i sgo yi bstad// rin chen g.yu yi thig les brgyan// bsam gtan lha yi skor yin 'gro ba mi yi glud// e ka dza ti'i thugs dam skongs gyur cig/ bdud kyi yum cig chen mo la// lcags kyi dri rta rkang gsum la// za 'og gis ni sgra stan gtad// shes ni spyi
- 297a
dkar la dar gyi phur lce btags// srid pa'i khung gi nor yin yang 'gro ba mi yi glud// bdud kyi yum cig thugs dam skongs gyur cig/ gling bzhi sgyid phud ma dang tshe bdag chen mo la// thogs med mkha' la 'phyo ba ba rgod gsum// lus po dung la g.yu yi gshog pa can// dar kra le brgan phur lce btags// gling bzhi spyi 'gro chen mo dang // tshe bdag chen mo'i thugs dam bskongs// rdo rje gar gyi dbang phyug spun gnyis la// thog med sder 'dzing lcags kyi bya khra ni// khams gsum khyab cing srog gcod las la dga'// gser gyi thig les brgyan cing lcags kyi sder chen gdengs// 'dab chags kun gyi bdud yin kyi 'gro ba mi yi glud// yo ma srog chags nor gyi dbyings mchog ste// rdzu 'phrul rkang bzhi 'gro ba yongs kyi skyabs// ltos 'gro mgyogs byed dung gi mche ba can// srid pa khyung gi sems can dang // 'gro ba mi yi glud du 'bul// rdo rje gar gyi dbang phyug ma dang // sa bdag chen mo thugs dam skongs gyur cig/ thugs dam skongs nas rkyen bzlog cig/ dur khrod dregs pa'i ma bdun la// phur sri rnga mo dpung dmar bdun// skyes pa zhig can bdud bskyon nas// tshe dang dpung gi mtshon bskur nas// bdud kyi dmag dpung bzlog pa'i phyir// ma bdud gnyen gyi thugs dam skongs gyur cig/ skyes pa dar
- 297b
dkar ral pa can// ne tsho sgra mkhan bzhi bskur nas// srid mo bzhi yi thugs dam skongs gyur cig/ shar du shel dkar rgyal dang bzhi// skyes pa rgyan can bzhi bskyon nas// dkar mo mtsho gtsigs thugs dam bskang // lho ru don bu snying dkar bzhi// bud med nag mo bzhi bskyon nas// nag mo kha glal ma yi thugs dam skongs gyur cig/ nub tu spre'u thang can bse yi skyes bu bzhi dang chas// dmar mo mchu 'jib ma yi thugs dam bskang // byang du 'brong bu dar ma bzhi// skyes bu rgyan can bzhi dang chas// ser mo las mkhan yi thugs dam bskang // ri rab chen po'i logs bzhi nas// gsang ba'i skar khung bzhi nas ni// dkar mo g.yu yi thor tshugs can// sngon mo gser gyi go cag can// dmar mo g.yu yi thor tshugs can// ser mo byung ru'i lan tshar can/ gsang ba thugs kyu dges sde bzhi// gsal ba'i mar me bzhi bskur nas// zhi khro 'bar ba'i lha tshogs dang // gtso mo yum drug man chod nas// bod khams bstan ma yan chod du// so so'i thugs dam skongs gyur cig/ dkar mo bse yi gzhong thogs bdun// sngon mo gser gyis gzhong thogs bdun// dmar mo zangs kyi gzhing thogs bdun// ljang nag g.yu yi g.yang thogs bdun// so so'i gzhong thogs rdzas kyis bkang // mtshogs dbang phyug nyi shu rtsa brgyad kyi thugs dam skongs
- 298a
gyur cig/ bse yis lha mo mched bzhi la// gnod sbyin bdun mo sman mo la// bse yi bya chung nyi shu gcig/ bdun mo'i tshogs la bdun tsho gcig/ gnod sbyin tshogs la bdun tshogs gcig/ dman mo'o tshogs la bdun tsho bdun// so so'i khram kha gzhan du sgyur// ma mo'i khram nad dgra la sgyur// da la kha nad kha dgra la sgyur// ma he ba glang bong bu dang // chu glang sbal ba nya dang sram// chu la rgyu ba'i srog chags kyis// chu ba'i gzhung la zhon pa dang // rgyal mtsho'i gting na gnas pa dang // sa dang rlan la gnas pa dang // bdud mo dang ni klu mo dang // ma mo dang ni srid mo'i tshogs// so so'i thugs dam dbyings su bskang // rkyang bu de ni kha dkar dang // bcos bu de ni lag dkar dang // sha ba dgo ba rna ba rnyan sram le kha dkar dang // 'brong bu dar ma dang // gser sgong g.yu sgong mtshal gyi thig phran dang // gser skyems dang ni mngon dang chas// ma tshogs thugs dam dbyings su skong // ri rab gling bzhi'i rtse mo nas// snang srid ma mo yongs kyi sgos btab pas// ma mo yongs kyi thugs dam bskang ba'i phyir// 'dab chags rgyal po bya khyung man chod du// 'dab chags phye ma leb yan chod du// 'dab chags nyi khri chig stong gis// srid pa'i ma mo yongs kyi thugs dam skongs gyur cig/ gcan gzan rgyal po seng ge
- 298b
man chod nas// bar snang cha gar yan chod du// sder chags nyi khri chig stong gis// srid pa'i rgyal mo yongs kyi thugs dam skongs gyur cig/ stobs kyi rgyal po glang chen man chad nas// rtol bu mig nag yan chod du// rmig pa kha brag nyi khri chig stong gis// srid pa'i ma mo yongs kyi thugs dam bskongs gyur cig/ rdzu 'phrul rta mchog man chod nas// dre'u dang bong bu man chod nas// rmig zlum nyi khri chig stong gis// srid pa'i ma mo yongs kyi thugs dam skongs gyur cig/ sems can rkang gnyis nyi khri tshig stong dang // rkang bzhi nyi khri tshig stong dang // rkang mangs nyi khri chig stong dang // lto 'phye la sogs gzugs rnams dang // gzugs rnams ji ltar mi mthun pa'i// srid pa'i ma mo rnams kyi thugs dam skongs gyur cig/ de ltar skongs pa'i yon tan gyis// yon bdag bsam pa yid bzhin 'grub// rnam 'byor tshe dang dbang thang rdzogs// mi mthun rkyen ngan bar chad bzlog/ snang srid ma mo'i thugs dam bskang // zhes gsungs so// zhu ba dbul zhing skos gdam pa'o// bdud mo bkol byang las// gzugs kyis bskang ba bstan pa'i le'u sta drug cu re bzhi pa'o// gnod 'dul lha yis yang gsol pa// de ltar ri rab lhun po'i gling bzhi las// nam mkha'i rim pas brgyan pa yi// snang srid ma mo ji ltar bskang // yang dag rdzogs la bdag nyan
- 299a
'tshal// yang dag rdzogs kyis bka' stsal pa// hUM// dang po nam mkha' gang las byung // bal tshon smyug ma'i gnyis las byung // pha ni spa dkar ldem pa lags// ma ni u ba'i khong mo che// sba dang u ba'i bshos pa las// lho skyug sdem pa sha ra ra// mon bu spyi zlum kha sgra yi// lag pa g.yas par 'phar tshab thogs// lag pa g.yon par sba thag thogs// lho brag gting nas khur gyi brag/ skyug byung lho brag gting nas byung // bal tshon pha dang yab smos pa// srid pa pho mo'i byin brlabs las// 'byung ba lnga yi gu la bal tshon sna lngas brgyan pa cig/ snang srid ma mo'i rdzas su byung // 'byung ba'i lug gi bal tshon / bregs// na chung gzhon pa'i lag gis bkal// rnal 'byor bdag gi lag tu blangs// yon bdag lus srog glud du 'bul// ri rab glig bzhi bzhengs pa ni// 'gro drug sems can mang pos bskor// rang rang mthun pa'i sems can rnams// ri rab gling bzhi dpag bsam shing // g.yung drug sku yi rten du btsugs// g.yung drung mthun pa'i gur du 'bral// nam mkha'i lcags mig tshon bzhis spras// dar dang za 'og rgyan gyis brgyan// ri rab bum pa'i byang shar du// mkha' 'gro bkrag la gur du 'bul// nam mkha' dung mig tshon bzhis spras// dar sna lnga yis rtse la brgyan// nam mkha' g.yu mig tshon bzhis spras// dar
- 299b
sna sngon pos rtse la brgyan// nam mkha' zangs mig tshon bzhis spras// dar sna dmar pos rtse la brgyan// nam mkha' gser mig tshon bzhis spras// dar snang ser pos rtse la brgyan// ri rab kha khyer phyogs bzhi ru// yum bzhi 'thun pa'i gur du 'bul// nam mkha' lcags mig tshon bzhis bsgres// gnam la 'phur dgu'i sgo yis brgyan// srid pa bde 'gro'i gur du 'bul// nam mkha' zangs mig tshon bzhis sgras// gnam la 'phur dgu'i sgro yis brgyan// bang rim gnyis pa'i shar lho ru// nyi zla zod 'phreng gur du 'bul// nam mkha' dmar po za 'og rigs// gnas la 'phur dgu'i sgro yis brgyan// bang rim gnyis pa'i shar lho ru// khros pa'i ma bzhis gur du 'bul// nam mkha' gser mig tshon bzhis spras// gnam la 'phur dgu'i sgo yis spras// ba rim gnyis pa'i phyogs bzhi ru// sbas pa'i ma bzhis gur du 'bul// dkar sngo dmar ser tshon bzhis spras// gnam la 'phur dgu'o sgro yis brgyan// bang rim gnyis pa'i mtshams bzhi ru// thugs kyi dges sde bzhi yi gur du 'bral// dkar mo g.yu yi chud 'khor can// zangs kyi 'od dang ldan pa ni// bang rim gsum pa'i shar lho ru// shel 'phreng can gyi gur du 'bul// dmar mo lcags kyi chud 'khor can// dung gi 'odo dang ldan pa ni// bang rim gsum pa'i byang nub
- 300a
tu// sdug mthing rgyal mo'i gur du 'bul// nag mo gser gyi chud 'khor can// zangs kyi 'od dang ldan pa yis// bang rim gsum pa'i byang shar du// re ma ti yi gur du 'bul// nam mkha' dung mig tshon bzhis spras pa bzhi// gnam la 'phur dgu'i sgo yis brgyan// bang rim gsum pa'i phyogs bzhi ru// srid pa cha byed cha snyoms dang // nam mkha'i rgyal mo spun gnyis gur du 'bul// nam mkha' gser mig tshon bzhis spras// gnam la 'phur dgu'i sgo yis brgyan// bang rim gsum pa'i byang shar du// bdag nyid ma yi gur du 'bul// de 'dra ma nor gsum byas la// gnam la 'phur dgu'o sgro yis brgyan// bang rim gsum pa'i tshams gsum du// srin mo ma gsum gur na du 'bul// dkar mo dmar ser tshon bzhis spras// gnam la 'phur dgu'i sgro yis brgyan// bang rim gsum pa'i phyogs bzhi ru// srin mo ma bzhi'i gur du 'bul// nam mkha' lcags mig tshon bzhis spras// gnam la 'phu dgu'i sgro yis brgyan// bang rim gsum pa'i shar nub tu// 'dod khams gtso mo spun gnyis gur du 'bul// dkar sngon dmar ser tshon spras bzhi// gnam la 'phur dgu'i sgro yis brgyan// bang rim gsum pa'i mtshams bzhi ru// gru 'degs bzhi yi gur du 'bul// dung gi nam mkha' zangs sham
- 300b
can// zangs kyi nam mkha' dung sham can// g.yu yi nam mkha' gser sham can// gser gyi nam mkha' g.yu sham can// gnam la 'phur dgu'i sgo yis brgyan// bang rim gsum pa'i phyogs bzhi ru// dmag gi rgyal mo'i gur du 'bul// dkar sngo dmar ser tshon bzhis spras// gnam la 'phur dgu'i sgo yis brgyan// bang rim gsum pa'i phyogs bzhi ru// las kyi gling bzhi'i gur du 'bul// nam mkha' dkar mo zang ma drug/ dung mig zangs kyi sham bu can dang bdun// gnam la 'phur dgu'i sgo yis brgyan// lcags ri tha ma'i shar phyogs su// rdo rje rigs kyi ma bdun gur du 'bul// nam mkha'i sngon mo zangs ma drug/ g.yu mig gser sham can dang bdun// gnam la 'phur dgu'i sgo yis brgyan// lcags ri tha ma'i lho phyogs// rin chen rigs kyi ma bdun gur du 'bul// nam mkha' dmar mo zangs ma bdun// zangs mig dung sham can dang bdun// gnam la 'phur dgu'i sgo yis brgyan// lcags ri tha ma'i nub phyogs su// pad+ma rigs kyi ma bdun gur du 'bul// nam mkha' gser mo zangs ma drug/ gser mig g.yu sham can dang bdun// gnam la 'phur dgu'i sgo yis brgyan// lcags ri tha ma'i byang phyogs na// las kyi rigs kyi ma bdun gur du 'bul// lcags kyi nam mkha' g.yu yi sham bu mig bzhi// dung gi nam mkha'
- 301a
g.yu sham bzhi// zangs kyi nam mkha' g.yu sham bzhi// brtan ma bcu gnyis gur du 'bul// nam mkha' dag ni zangs ma na bzhi// gnam la 'phur dgu'i sgro yis brgyan// bang rim gsum pa'i phyogs bzhi ru// srin mo bzhi yi gur du 'bul// bskang yang bskang ste mchod kyang mchod// bskang mchod gnas 'dir gshegs su gsol// khyed kyi thugs dam bdag skong na// bdag gis bcol ba'i 'phrin las mdzod// lcags kyi nam mkha' mthi nag 'di// gser gyi 'od kyis brgyan pa dgu// bdud mo dgu yi gur du 'bul// 'bri yi nam mkha' zangs sham bzhi// mi srid bzhi yi gur du 'bul// rtsid pa'i nam mkha' dung sham bzhi// chu srin bzhi yi gur du 'bul// rtsid pa'i nam mkha' gser sham pa bzhi// g.yu yi 'od dang ldan pa ni// shing srin bzhi yi gur du 'bul// ra bal nam mkha' zangs mig bzhi// sa srin bzhi yi gur du 'bul// de yi nam mkha' rtsid sham bzhi// phud bdag bzhi yi gur du 'bul// nam mkha' nag mo g.yu mig ma// ra bal dkar po'i sham bu can// bdud mo nyag gcig gur du 'bul// lcags kyi nam mkha' g.yu sham lnga// kha yi bud med lnga yi gur du 'bul// nam mkha' nag mo zangs ma bzhi// dam sri bzhi yi thags dam bskang // ra bal nag po'i nam mkha' la// 'bri yi nam mkha' 'od ldan
- 301b
la// khyi bal dkar po'i mtha' chag bzhi// bdud mo khyo mi 'dod bzhi yi gur du 'bul// dung gi nam mkha' 'gri sham bzhi// bdud mo khyo med bzhi yi gur du 'bul// lcags kyi nam mkha' zang mig bzhi// bdud mo khyo rkun ma bzhi'i gur du 'bul// khol bu'i nam mkha' bde chod bzhi// dam sri mtshon ma'i gur du 'bul// 'bri yi nam mkha' zang mig ma// dung gi 'od dang ldan pa ni// klu srin chen mo'i gur du 'bul// lcags kyi nam mkha' zang mig ma// gser gyi 'od dang ldan pa ni// gting bdud chen mo'i gur du 'bul// ra bal dmar po'i nam mkha' la// 'bri yi sham bus rab tu brgyan// g.yu yi 'od dang / ldan pa ni// klu bdud chen mo'i gur du 'bul// re 'bri'i nam mkha' zang ma lnga// 'brog mo rnams kyi gur du 'bul// re lde g.yu mig nam mkha' ni// lho 'brog chen mo'i gur du 'bul/ 'bri bung bu zang mig nam mkha' ni// byang 'brog chen mo'i gur du 'bul// srin bal gser mig nam mkha' ni// byang sman chen mo'i gur du 'bul// dkar sral ma dang dmar sral na// ser sral ma dang sngo sral ma// sral mo sde bzhi'i gur du 'bul// zhes gsungs so// bdud mo bkol byang nam mkha'i rgyud las// nam mkha' bskang ba'i le'u ste drug cu re lnga pa'o// gnod 'dul lha yis yang gsol pa// de ltar ri rab gling bzhi
- 302a
'di// ma mo rnams la ji ltar bsngo// yang dag rdzogs la bdag nyan 'tshal// yang dag rdzogs kyis bka' stsal pa// nyon cig g.yung drung yang dag pa// so so'i bsngo ba 'di ltar ro// hUM// ma tshogs ni gnyen mchod phyir// 'bru sna ni sna tshogs la// 'bru chen ni mang po la// rin chen gyi phye bdar te// ri rab ni lhun po'i gzugs// gling bzhi ni gling phran brgyad// lcags ri ni nag pos bskor// kha dog ni rigs dang bstun// rgya khyon ni dpag tu med// gling bzhi ni gtor ma dang // srog chags ni mang pos bskor// kun kyang ni rin po che// rgyan dang ni cha lugs ldan// 'jig rten ni zas kyis bskor// dkon pa'i rdzas kyis brgyan// mu men gyi stegs bu la/ rin chen ni gsal bkram ste/ byu ru'i skas btsugs nas/ spos kyi sa gzhi la// dbang gi dkyil 'khor ldan// dar dkar yol bres te// gsal ba'i me bus nas// rgyal mtshan ni mang pi btsugs// le brgan ni gdugs kyis bkab/ dud ba ni gnyen 'phyur zhing / gser kyi ni skyems bdar te// tshe srog gi glud du 'bul/ chung srid kyi glud du 'bul// longs spyod kyi glud du 'bul// mdos bdag ni mdos bzhes shig/ glud bdag ni glud bzhes shig/ hUM// ri rab gling bzhi'i dkyil 'khor ni// ma mo tshogs kyi rgyal mo ste// 'jig rten yongs kyi
- 302b
mnga' bdag mo// srid pa yongs kyi bdag mo la// skye 'gro g.yangs kyi za byed ma// na bza' stong gsum g.yang gzhi la// thod rlon mang po'i 'phreng bas brgyan// lag na snying gi longs spyod ma// 'dir skyon tshe srog glu bzhes la// mdos bdag chen mo mdos long la// glud bdag chen mo glud bzhes shig hUM/ rdo rje rigs kyi rgyal mo ste/ shar phyogs khams kyi mnga' bdag mo// dkar mo sprin dkar gos zu la// lag na gser gyi spu gri thogs// srid pa kun gyi rus 'cha' ma/ 'dir sgron tshe srog glud bzhes la/ mdos bdag chen mo mdos bzhes la// glud bdag chen mo glud bzhes shig/ hUM// rin chen rigs kyi rgyal mo ste// lho phyogs khams kyi mnga' bdag mo// nag mo g.yu yi gos zu la// lag na me yi dkyil 'khor thogs// bskal pa me yi 'do 'bar zhig/ skye 'gro kun gyi tshe srog bdag/ 'did sgron tshe srog glud bzhes la// mdos bdag chen po mo mdos bzhes la// glud bdag chen mo glud bzhes shig/ hUM/ pad+ma rigs kyi rgyal mo ste// nub phyogs khams kyi mnga' bdag mo// dmar mo khrag gi gos zla la// lag na zod pa khrag gis bkang // skye 'gro kun gyi khrag 'thung ma// 'dir sbyor tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM las kyi rigs kyi rgyal mo ste// byang phyogs
- 303a
khams kyi mnga' bdag mo// ser mo rlung gi gos zu can// lag na ne la'i rgyal pa thogs// skye 'gro kun gyi dbugs 'phrog ma// 'dir sgron tsher srog glud bzhes la// mdos bdag ni mdos bzhes la// glud bdag ni glud bzhes shig/ hUM/ nam mkha' rigs kyi rgyal mo ste/ 'jig rten yongs kyi mnga' bdag mo/ mthing nag nam mkha'i gos zu la// gser gyi dril zhags rdeg cing 'phen// skye 'gro kun gyi bkrag 'phrog ma// 'dir sgron tshe srog glud bzhes la// mdos bdag ni mdos bzhes la/ glud bdag ni glud bzhes shig/ hUM/ ri rab gling bzhi'i zom rtse nas// snang srid srog gi phud nyul ma// sku mdog mthing nag chen mo la// dbu dang spyan ni cir yang ston// rin chen ral pa sna tshogs kyi// snang srid kha dog gsal mdzad ma// spyan gnyis mdzes pa'i mchi ma yis// g.yas pas snang srid dbang du sdud// g.yon pas skye 'gro gso mdzad ma// lnga bcu rtsa bdun jo mo ste// skye 'gro yongs kyi mnga' bdag mo// ma mo chen mo gshegs nas kyang // tshe dang srog gi glud bzhes la// 'di sgron tshe srog glad bzhes shig/ mdos bdag ni mdos bzhes shig/ glud bdag ni glud bzhes shig/ hUM/ che zhe chen mod dkar mo ste// nyi zla stong gi thod 'phreng can// lcags dang zangs kyi dril zhags la// snying gi zhags pa sdog cing
- 303b
'phen// sprul pa chen mo'i ming nas phyung // 'dir spyon tshe srog glud bzhes la// mdos bdag ni mdos bzhes la// glud bdag ni glud bzhes shig/ hUM/ che zhe dkar mo nyi ma'i bdag/ srid pa gsum char sgrol mdzad ma// lag na shel gyi spu gri thogs// khros pa'i rgyal mo'i ming nas phyung // 'di sgron tshe srog glud bzhes la// mdos bdag ni mdos bzhes la// glud bdag ni glud bzhes shig/ hUM/ chen zha nag mo khrag 'thung ma// srid pa gsum char dbang du sdud// lag na thod pa khrag gis bkang ba bsnams// khros pa'i rgyal mo'i ming nas phyung // 'dir sgron tshe srog glud bzhes la// mdos bdag chen mo mdos la// glud bdag chen mo glud bzhes shig/ hUM/ che zhe dmar mo bdud rtsi bdag/ srid pa gsum gyi gsos kyi bdag/ lag na bdud rtsi bum pa thogs// khros pa'i rgyal mo'i ming nas byung // 'dir spyon tshe srog glud bzhes// mdos bdag chen mo mdos bzhes la// glud bdag chen mo glud bzhes shig/ hUM/ che zhe ljang nag gnas 'phrul ma// srid pa gsum char gnas la sbyor// lag na zhing lpags rgyal mtsho thogs// khros pa'i rgyal mo'i ming nas phyung // 'dir sbron tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM// mtshan ni srid pa'i rgyan byed ma// lag na rgyu ba'i zhags
- 304a
/ pa thogs// phung byed chen mo'i ming nas phyung // 'dir sgron tshe srog glud bzhes la/ mdos bdag chen mo mdos bzhes la// glud bdag chen mo glud bzhes shig/ hUM// mtshan ni dbyings phyug chen mo ste// lag na zhing gi dbyug pa thogs// phung byed chen mo'i ming nas phyung // 'dir spyon tshe srog glud bzhes la// mdos bdag ni bdag bzhes shig/ glud bdag ni glud bzhes shig/ hUM// mtshan ni bdag nyid chen mo ste// lag na zhing gi rgyu zhags 'phen// phung byed chen mo'i ming nas phyung // 'dir sbyor tshe srog glud bzhes shig/ mdos bdag ni mdos bzhes shig/ glud bdag ni glud bzhes sheg/ hUM// mtshan ni gcig pu chen mo la/ ma// lag na mi yi g.yang gzhi rdebs// phung byed chen mo'i ming nas phyung // 'dir sbyor tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ gling bzhi phyogs kyi dkyil 'khor nas// srogs shar gyi mnga' bdag mo// dkar mo chen mo mig gcig ma// lag na ban d+ha zlum po thogs// skye bar byed pa'i ming nas phyung // 'dir sgron tshe srog glud bzhes la// mdos bad sag chen mo mdos bzhes shig/ glud bdag cha ne mo glud bzhes shig/ hUM// srid pa lho yi bdag mo ste// nag mo cher na mo ral pa can// lag ma ban d+ha sul mang thogs// srid par byed
- 304b
pa'i ming nas phyung // 'dir spyon tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ srid pa nub kyi bdag mo ste// dmar mo dbang gi rgyal mo ste// lag na ban d+ha lcang lo can// 'chi bar byed pa'i ming nas phyung // 'dir spyon tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ srid pa byang gi bdag mo ste// ser mo chen mo las kyi bdag/ lag na ban d+ha rgya gram thogs// len par byed pa'i ming nas phyung // 'dir sgron tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ srid pa yongs kyi sha za mo// shan shan ne'u tshogs kyi rdzas// gos su mi lpags rlon pa gon// mtha' ma mi mgo stong gis bskor// srid po kun gyi bdag nyid ma// zangs sri nam mo'i ming nas / phyung // 'dir skyon tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ ha la ha la gdong brgya mo// srid pa gsum gyi khyim bdag mo// stag lpags g.yang gzhi gos su gon// he ru ka ni'i ming nas phyung // 'dir sgron tshe srog glud bzhi la// mdos bdag chen mo mdos bzhes la// glud bdag chen mo glud bzhes shig/ hUM/ 'jig rten gsum gyi byan mkha' mo// sprin
- 305a
dkar brtsegs pa gos si gon// lag na mi yi pags pa thogs// e ka dzA ti'i ming nas phyung // 'dir sgron tshe srog glud bzhes la// mdos bdag chen mo mdos bzhes la// glud bdag chen mo / glud bzhes shig/ hUM/ dngos po cha byad nag mo la// 'jigs su rung ba'i ral pa can// sku stod mi lpags g.yang gzhi gsol// sku smad zangs kyi sham thabs can// mi phyung gsod pa'i khram bam thogs// khyod ni 'dod khams gtso mo ste// gshin rje'i lcam cig ming nas phyung // 'dir sgron tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM// cha byad sngon mo chen mo la// mu tig gos phangs gong su gon// lag na bdud rtsi za ma to// nam mkha'i rgyal mo'i ming nas phyung // 'dir skyon tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM// cha byad dkar mo chen mo la// lcags kyu 'bar ba lan thogs// gling bzhi nyul byed ming nas phyung // 'dir skyon tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ ri rab gling bzhi'i gru 'degs ma// cha byad dkar mo sgeg pa la// lag na rdo rje kha TaM thogs// har ting // dkar mo'i ming nas phyung // 'dir sgron tshe srog glud bzhes la// mdos
- 305b
bdag chen mo mdos bzhes la// glud bdag chen mo glud bzhes shig/ hUM// cha byed nag mo sgeg ma la// lag na me yi dkyil 'khor thogs// dun ting nag mo'i ming nas phyung // 'dir sgron tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ cha byad dmar mo sgeg ma la// lag na chu yi dkyil 'khor thogs// sham ting dmar mo'i ming nas phyung // 'dir sgron tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ cha byad ser mo sgeg ma la// lag na rlung gi ba dan thogs// grub ting ser mo'i ming nas phyung // 'dir spyon tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ dmag gi rgyal mo chen mo bzhi// shar gyi dkar mo mche gtsigs ma// lho yi nag mo kha dbyal ma// num kyi dmar mo mchu 'jib ma// byang gi ser mo rkang ldag ma// rigs bzhi dmag dpung 'khor gyis bskor// kha rje zangs kha'i mnga' bdag mo// dmag dpon rgyal mo'i ming nas phyung // 'dir sgroskyon tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM// lho chen brgyad kyi ma chen mo// nag mo chen mo brkam mdang // srin mo chen mo rab tu
- 306a
/ brkam// srin mo chen mo phor thogs ma// srin mo chen mo drig 'dod ma// srin mo chen mo g.yang gzhi ma// srin mo chen mo gsos byed ma// srin mo chen mo sha za ma// 'jig rten khams rnams 'khrug par byed// tshe srog kun la gnod byed ma// mkhal ma snying dang nang khrol gyis// snyim pa shin tu bkang nas su// za zhing rngam pa kun tu rgyug/ ma bdun chen mo'i ming nas phyung // 'dir sgron tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ shar phyogs khams nas kun tu rgyug/ mi mgo'i phor pa khrag gi bkang // grong sgor 'thor zhing nad 'bebs ma// ma bdud chen mo'i ming nas phyung // 'dir sgron tshe srog glad bzhes la// mdos bdag chen mo mdos bzhes la// glud bdag chen mo glud bzhes shig/ hUM// gling bzhi kun tu rgyug 'gro ste// so 'og kun nas gnyom byed cing // 'jig rten myos byed za ba mo// sa bdag chen mo'i ming nas phyung // 'dir sgron tshe srog glud bzhes la// mdos bdag chen mo mdos bzhes la// glud bdag chen mo glud bzhes shig/ hUM/ nag mo chen mo hral hral mo// thab dang gzhob kyi sdong la mo// ma sang chen mo'i ming nas phyung // 'dir byon tshe srog glud bzhes la// mdos bdag chen mo mdos longs la// glud bdag chen mo glud bzhes
- 306b
shig/ da ni dbang phyug ma la bsngo bar bya ste// 'di skad do// b+h+yo// ma nu rag sha srin po'i chung ma ste// rgya mtsho'i ngos la gnas pa'i smug nag ral pa can// ban d+ha rag tas bkang nas rdo rjes 'phrug cing gsol// khyod kyi bu ni srin phrug lnga brgya ste// dpag tshad brgyad khrir 'gro zhing snying khrag dron mo 'thung // dam tshig srung ba'i mchog ste rdo rjes mkha' 'gro ma// 'gro ba kun gyi tshe srog sha rag dbang du sdud// dam nyams dgro bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ pra ma ni tshangs pa'i chung ma ste// ser mo dbu bzhi 'bar ba'i ral pa can// ser mo dbu bzhi 'bar ba'i ral pa can// khyod kyi bu ni gzugs khams lho tshogs te// tshangs rigs lha tshogs bye ba 'bum gyis bskor// dam tshig srung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgro bo'i snying nas 'dren mdzad ma// sngon gyi bka' dang dam las ma 'da' bar rdzas mchog bdud rtsi'i gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ ri'u tri ma ni lha chen chung ma ste// dkar mo ral pa 'bar po'i thod
- 307a
'bring can// hud kyi lag na tri shu la thogs pas// gdug pa rdul du rlog pa bdag nyid ma// dam tshig bsrung ba'i mchog rtse rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i sring nas 'dren mdzad ma// sngon gyi bka' dang dam las ma 'da' bar// rdzas mchos ga bdud rtsi gser skems 'bral// mdos bdag chen mo mdos bzhes la// glud bdag chen glad bzhes shig/ be na be ni khyab 'jug chung ma ste// sngon mo ral pa 'bar ba'i zod 'phreng can// mthu chen rnams kyi mthu rnams phrogs nas ni// lag na 'khor lo thogs pas bdun bzhi 'dzegs// dam tshig bsrung ba'i mchog ste rdo rje mkha' 'gro ma// 'gro ba kun gyi tshe grog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser snyems mchod par 'bul// mdos bdag chen mo mdos bzhes la// glang bdag chen mo glad bzhes shig/ ko ma ri ni dbang phyug gzhon nu'i chung ma ste// dmar po ral pa 'bar ba'i thod 'phreng can// dbang chen rnams kyi dbang ni sdud byed ma// lag na mdung zung thogs pas kun sgrol ma// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam thams
- 307b
dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ in+d+ra ma ni brgya byin chung ma ste// dkar ser ral pa 'bar ba'i thod 'phreng can// sum cu rtsa gsum lha dang dbang sgyur ma// lag na o thogs pas ni mtshams gcod ma// dam tshig bsrung ba'i mchog ste rdo rje mkha' 'gro ma// 'gro ba kun gyi tshe sog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ 'gugs byed ma ni khu byug mgo bo can// khyod kyi lag na lcags kyu thogs pa yin// shar phyogs dri za mang po gyis gnon// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes shig/ glud bdag chen mo glud bzhes shig/ lho phyogs nas 'adz+ra bi ka la ni rdo rje'i chung ma ste// dkar ser
- 308a
ral pa 'bar ba'i thod 'phreng can// ban d+ha rag tas bkang nas 'khrug cing gsol// mtshams kyi bgegs rnams ma lus tshar gcod ma// dam tshig bsrung ba'i mchod ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// dam rdzas bdud rtsi gser skyems mchod par 'bul// mdos bdag chen mo mdos bzhes shig/ glud bdag chen mo glud bzhes shig/ a mr-i ta ni nyi ma'i chung ma ste// dmar mo ral pa 'bar ba'i tha 'phreng can// khyod kyi lag na pad+ma dmar po bsnams pa yi// bdud rtsi / bum pa sdug bsdus sel bar byed// dam tshig bsrung ba'i mchod ste rdo rje mkha' 'gro ma// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ ser sgyu ma ni zla ba'i chung ma ste// dkar mo ral pa 'bar ba'i thod 'phreng can// lag na pad+ma bsnams pas gza' skar bzlog/ dam tshig bsrung ba'i mchod ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka dang dam
- 308b
las ma 'ad las bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ ban d+ha haM ni be con chung ma ste// sku mdos ldang nag 'bar ba'i ral pa can// khyod kyi lag na be con thogs pa yin// gang la bya ba'i gnod byed rdul du rlog/ dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgro bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ rag sha si ni po'i chung ma ste// smug nag ral pa 'bar ba'i thod 'phreng can// stir ba su drangs te zhal du gsol// skye shi rtsa ba gcod pa'i bdag nyid ma// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchod bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ bag sha sa ni spen pa'i chung ma ste// ljang khu ral pa 'bar pa'i zod 'phreng can// rdo rje dbyug pas gdug pa
- 309a
rdul du rlog/ mi bzad 'jig rten khams la dbang byed ma// g.yas kyi zangs gri rnon po sgrol bar byed// dam tshig bsrung nga ba'i mchod ni rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgro bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ tsa ka la ni rdo rje mgo can// 'ching bar byed pa'i lag na zhags pa thogs// lho phyogs gshin rje'i rigs rnams rdul du rlog/ dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud/ dam nyams dgro bo'i snying nas 'dren mdzad ma/ sngon gyi bka' dang dam las ma 'da' bar// rdzas mchog bdud rtsig ser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ num phyogs kyi ru ti re ma tin ston bzang chung ma ste// dkar mo ral pa 'bar ba'i thod 'briphreng can// phyag na gshog mda' ban d+ha 'dzin// sdug bsngal ma lus gnas nas 'dren mdzad ma// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren
- 309b
mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdo bzhes la// glud bdag chen mo glud bzhes shig/ e ka tsa ra khyod ni bdud kyi chung ma ste// dmar mo ral pa 'bar ba'i thod 'phreng can// khyod kyi lag na zangs gri thogs pa yis// skye shi rtsa ba gcod pa'i bdag nyid ma// dam tshig bsrung ba'i mchog ste rdo rje mkha' 'gro ma/ 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skems mchod par 'bul// mdo bdag chen mo mdos bzhes la/ glud bdag chen mo glud bzhes shig/ ma nu ha ra ma khyod ni 'dod pa lha chen chung ma ste// dkar mo ral pa 'bar ba'i thod 'phreng can// khyod kyi lag na mda' gzhu thogs pa / yis// dam las 'da' ba ma lus sgrol bar byed// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snyig nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen po mdos bzhes la/ glud bdag chen po glud bzhes shig/ si ti bka' ni nor bsrung chung ma
- 310a
ste// dmar mo wa mgo 'bar ba'i thod 'bring can// khyod kyi lag na bum pa 'dzin pa yin// gang la bya ba'i thig le nor sbyin ma// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ ba yi be ni rlung lha'i chung ma ste// sngon mo ral pa ba'ar ba'i thod 'phreng can// khyod kyi lag na ban d+ha thogs pa yis// phyogs mtshams med par mthong zhing g.yeng bar byed// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ ma ha ma ra ni spug nag gsod byed me// mthing nag ral pa 'bar ba'i thod 'bring can// khyod kyi lag na shes ra ba ral gri 'dzin// thams cad rdul du rlog pa'i gsod byed ma// dam tshig bsrung ba'i mchog ste rdo rje mkha' 'gro ma// 'gro ma kun gyi tshe srog sha khrag dbang
- 310b
du sdud// dam nyams dgra bo'i snying nas 'dren mdzad ma// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud pazhes shig/ u mu ka la dmar mo lcags sgrog ma// 'bar ba nyi ma'i spyan can glud 'dul ma// nub phyogs klu dang chu gdol 'dul bar byed// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bdag bzhes shig/ glud bdag chen mo glud bzhes shig/ byang gi phyogs nas ag ne ma ni me lha'i chung ma ste// dmar ser ral pa 'bar ba'i thod 'phreng can// gsal shing 'dzin pa'i ye shes me dpung gis// 'khor ba'i sdug bsngal ma lus sreg par byed// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ bar hi ni sa bdag chung ma ste// nag mo mo bzad
- 311a
rngam pa phag gi dbu// phyag na zhags pa bsnams pas bdud bzhi 'dul// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgro / bopo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ tsa mu ti ni gshin rje'i chung ma ste// smug nag ral pa 'bar ba'i thod 'phreng can// lag na zhing chung bsu drangs nas gsol// gshin rje'i rigs rnams g.yo ba med par sgrol// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ pu ta ya ni byin ya ga'i chung ma ste// sngon mo ral pa 'bar ba'i thod 'phreng can// ban d+ha rag tas bkang nas 'khrug cing gsol// stong phrag brgyad cu'i bgegs la mnga' mdzad ma// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren
- 311b
mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag bdag chen mo mdos bzhes la// glud bdag chen mo glud bzhes shig/ ru ba na ni chu lha'i chung ma ste// sngon mo ral pa 'bar ba'i thod 'phreng can// chu lha rgyan gyi brgyan pas mdzad pa ste// lag na chu srid dang ni sbrul zhags 'dzin// gang la bya ba dbang du sdud nas ni// klu yi rigs rnams g.yo ba med par sgrol// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ lam po dar ma ni dril 'khrol ma// ljang nag 'jig rten pas rdul du rlog byed ma// dam tshig bsrung ba'i mchog ste rdo rje mkha' 'gro ma// 'gro ba kun gyi tshe srog sha khrag dbang du sdud// dam nyams dgra bo'i snying nas 'dren mdzad ma// sngon gyi bka' dang dam las ma 'da' bar// rdzas mchog bdud rtsi gser skyems mchod par 'bul// mdos bdag chen mo mdos bzhes la// glud bdag chen mo glud bzhes shig/ dbang phyug gi bsngo'o// de nas bse mo la bsngo ba ste/ hUM/
- 312a
grub pa'i rnal 'byor chen po ni/ sa bdag chen mo'i dus la bab/ ma mo chen po dam tshig can// tsha ba'i rong nas bzhengs pa ni// mar khu'i mtsho yi gting shes nas// bdud kyi bu mo chen mo / ni// chibs su bdud rta rting dkar chibs// na bza' mthing nag ber chen gsol// mthing gi ral pa sha ra ra// ral pa re la phur pa re// dar nag cod pan pu ru ru// dbang gi khrab si li li// brda ni mi phrad lo bal mo// skad ni snyan ldan mi ldab// dri ni mi zhi ma tshal mchil// gzugs ni mi sdug lag brgya mo// g.yas pa brgya ni phur pa 'dril// g.yon pa brgya ni zhags pa sdog/ mdos bag chen mo mdos bzhes la// glud bdag chen mo glud bzhes shig/ hUM/ grub pa'i rnal 'byor chen mo ste// bal yul mthil nas bzhengs pa mo// skrag rtsi ma mo yi gting shes nas// gzi yi bu mo chen mo ste// chibs su zangs rta ser po chibs// na bza' gser mo'i ber chen gsol// bse yi ral pa sha ra ra// ral pa re la phur pa re// dar nag cod pan pu ru ru// dbang gi bse khrab si li li// brda ni mi phrad lto ba la mo// skad ni mi snyan lngaldab ma ldib// gzugs ni mi sdug lag brgya mo// g.yas pa brgya ni phur pa 'dril// g.yon pa brgya ni zhags pa bsnams// mdos bdag chen mo mdos bzhes la// glud bdag chen mo glud bzhes shig/ hUM/
- 312b
grub pa'i rnal 'byor chen mo ni// mang yul gseb nas bzhengs pa ni// khrag gi mtsho yi gting yangs nas// btsan gyi bu mo chen mo ste// chibs su bcan rta dmar po chibs// na bza' dar dmar ber chen gsol// khrag gi ral pa sha ra ra// ral pa re la phur pa re// dar nag cod pan pu ru ru// dbang gi bse khrab si li li// brda ni mi phrad lto bal mo// skad ni mi snyan ldab ma ldib// gzugs ni mi sdug lag brgya mo// g.yas pa brgya ni phur pa 'dril// g.yon pa brgya ni zhags pa bsnams// mdos bdag chen mo mdos bzhes la// glud bdag chen mo glud bzhes shig/ hUM/ grub pa'i rnal 'byor chen mo ni// snyan nam 'gram nas bzhengs pa ni// 'o ma'i mtsho dkyil yangs pa nas// klu yi bu mo chen mo ni// chibs su rta sngon po chims// na bza' dar ldang ber chen gsol// dung gi ral pa sha ra ra// ral pa re la phur pa re// dar nag cod pan pu ru ru// dbang gi bse khrab si li li// brda ni mi phrad lho bal mo// skad ni mo snyan ldab ma ljib// gzugs ni mi sdug lag brgya mo// g.yas pa brgya ni phur pa 'dril// g.yon pa brgya ni zhags pa bsnams// mdos bdag chen mo mdos bzhes la// glud bdag chen mo glud bzhes shig/ ces pas bse mo la bsngo ba'o// hUM// dgung sngon mtho yi yar stengs nas// nam mkha'i rgyal mo ting lo/
- 313a
sman// sku ni dra li lo 'bar ba 'dre// zhal ni sku btsun sgrol ma yas// dbu la g.yu yi thod gdeng can// mu tig mdzad pa'i zhugs 'bar can// phyag na gnam lcags snying khrag thogs// sbyin gyi / gos lu mdzes brgyan gsol// chibs su sprin dkar yud la chibs// 'khor du gnam sman mang pos bskor// rol du nyi zla gnyen gyi sa rol// gdan du skad ma smin bdud 'dis// dgra bo dam nyams snying nas drongs// mdos bdag chen mo mdos bzhes la// glud bdag chen mo glud bzhes shig/ hUM// ri rab gnas kyi ngos shes nas// ma bdun ug chos dbyar mo sil// na bza' spang rgyan gos zul// u chos mdzes pa'i sug ma gtang // rus sbal dkar po'i thod gdeng can// chibs su snar chung sha mo chibs// 'khor du gnam sman 'bum gyis bskor// phyag na gser kyi dar dmar bsnams// 'khor 'di bsrung la rkyen 'di bzlog/ mdos bdag chen mo mdos bzhes la// glud bdag chen mo glud bzhes shig/ hUM/ shar gyi phyogs kyi 'khor 'dul ma// de ring nag mo'i lha khang nas// kong btsun de mo bed khams skyeng // gdong las 'od 'khor nyi zla'i spyan// che zhe sring cig dpal mo bstan// na bza' smug mo me 'bar gsol// gser gyi thod rdengs thor tshugs can// phyag na khrag gi bum pa bsnams// chibs su kong rta
- 313b
nag chung chibs// 'khor du kong btsun mang pos bskor// rol du bdud byang mang mo mnga'// ya ka dam nyams snying nas drongs// mdos bdag chen mo mdos bzhes la// glud bdag chen mo glud bzhes shig/ hUM/ shar lho mtshams na 'khor 'dul ma// mdo lung stag gzig 'dam kha nas// che zhe 'dam la sman gcig ma// na bza' ber chen dgu brtsegs gsol// dbu la g.yu yi thod rdengs can// phyag na gser gyi nya mo bsnams// chibs su kong rta kha dkar chibs// 'khor du ma bdud tshogs kyis bskor// skang 'bur dkar nag mnga' bdag mo// dgra bo dam nyams gting nas drongs// mdos bdag chen mo mdos bzhes la// glud bdag chen mo glud bzhes shig/ hUM/ lho phyogs ngos kyi 'khor 'dul ma// spang snang mthon po'i ljongs dag nas// legs sbyor gser dang 'brog mgrin che// sku la mun pa'i gos zu la// gser gyi 'od la 'dis brgyan gsol// rin chen mang po'i zod rdengs can// lag na mi khrag bsngal mo khyer// chibs su sras mo shar la chibs// 'khor du spangs sman 'bum gyis bskor// rol du brag srin mang po khrid// dgra bo dam nyams snying nas drongs// mdos bdag chen mo mdos bzhes la// glud bdag chen mo glud bzhes shig/ hUM/ lho nub mtshams kyi 'khor 'dul ma// gsang ri sngon po'i rtse ri
- 314a
nas// lho yi skyen mthing g.ya' ma skyong // g.yu bun dan sa bya bun 'thul// na bza' sprin dkar me ba gsol// shes kyi zod rdeng thor tshugs can// phyag na dung gi 'phreng ba bsnams// chibs su ser mo mdos long chibs// 'khor du glog char srin glog 'gyu// rol du khu 'phangs skya mo rol// dgra bo dam nyams snying nas drongs// mdos bdag chen mo mdos bzhes la// glud bdag chen mo glud bzhes shig/ hUM/ nub phyogs ngos kyi 'khor 'dul ma// mnga' la spyi bdud gangs rtse nas// mkha' la spyi bdud dpal gyi yum// na bza' btsos dang mu men gsol// gser g.yu spras pa'i thogs 'phreng can// phyag na mda' bzang g.yab dar thogs// chibs su byed chen lcag mo chibs// 'khor du rgyu skar mang pos bskor// rol du gza' chen brgyad dang bcas// dgra bo dam nyams snying nas drongs// mdos bdag chen mo mdos bzhes shig/ glu bdag chem mo glud bzhes shig/ hUM/ nub byang mtshams kyi 'khor 'dul ma// gangs dkar mthon po'i rtse nas kyang // gangs kyi yum chen g.yu 'bum ma// che zhe gangs dkar sha med ma// na bza' btsos dang ral dkar gsol// dar chen yug gis brgyan pa gsol// dbu la g.yu yi thod rdeng can// phyag na gser gyi sman sha bsnams// chibs su rkyang bu kha dkar chibs 'khor du gnas sman
- 314b
'bul gyis bskor// rol du glog dang me lce khrid// dgra bo dam nyams snying nas drongs// mdos bdag chen mo mdos bzhes la// glud bdag chen mo glud bzhes la/ hUM/ byang phyogs ngos nas 'khor 'dul ma// byang gi gser thang yi ge ma// byang gi sman ting ting mo btsun// na bza' btsos dang g.yag lpags gsol// lcags kyi thod rdeng thor tshugs can// phyag na gser gyi cha lang thogs// chibs su don bu smin nag chibs// 'khor du byang sman 'bum gyis bskyor// rol du skar mda' glog ltar 'phen// mdos bdag chen mo mdos bzhes la// glud bdag chen mo glud bzhes shig/ byang shar mtshams kyi 'khor 'dul ma// g.ya' ri sngon mo'i ljang dag nas// khrag 'thung mon mo g.yu dril ma// na bza' sprin dkar brtsegs ma la// mu tig g.yu dril mang pos brgyan// mthing nag go chos yol ba bskon// phyag na mu tig tshar gsum bsnams// 'khor du g.ya' sman 'bum gyis bskor// rol du bu yug dud ltar 'thul// mdos bdag cher na mo mdos bzhes la// glud bdag chen mo glud bzhes shig/ lho phyog spang snar mthon po nas// dan ting shes chags sman cig ma// mi g.yo brtan pa'i sa 'dzin ma// na bza' btsos kyi gos zul// gser gyi byang bu 'bum gyis brgyan// gser gyi thod rdeng thor tshugs na// phyag na zangs kyi ral
- 315a
gri bsnams// chibs su mdzo mo dkar mo chibs// 'khor du brag btsan mang pos bskor// rol du sha kyang mang po khrid// mdos bdag chen mo mdos bzhes la// glud bdag chen mo glud bzhes shig/ hUM// nub phyogs spang snar mthon po nas// sbyin mthing gangs kyi pha rol sman// kha nas me 'bar rgya mtsho skems// mi sha khrag la longs spyod cing // na bza' bya rgod thul pa gsol// dkar mo mig gcig lcags kyi mche ba can// lag na mi mgo rlon pa thogs// chibs su chu srin dmar po chibs// 'khor du klu srin mang pos bskor// rol du nya mo 'bum dang bcas// bka' yi gtor ma 'di long la// bco lam pa'i las rnams grub par mdzod// mdos bdag chen mo mdos bzhes la// glud bdag chen mo glud bzhes shig/ ces gsungs so// bdud mo bkol byang nam mkha'i rgyud las// gling bzhi la che ba'i yon tan gyis sgo nas bstod pa dang ma mo rnams la mdos so so bsngo ba bstan pa'i le'u ste drug cu re drug pa'o// gnod 'dul lha yis yang gsol ba// snang srid ma mo mkha' 'gro la// rdzong brdab cho ga ji ltar lags// yang dag rdzogs la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang // yang dag rdzogs kyis bka' stsal pa// nyon cig gnod 'dul sems dpa'
- 315b
khyod// hUM// ri rab gling bzhi'i dkyil 'khor 'dir// 'di la ma tshang dgu cig tshang // snod kyi 'jig rten 'di la tshang // bcud kyi sems can 'di la tshang // snang srid ma mo mkha' 'gro la// mthun pa'i rdzas su 'bul lags na// thugs dam gnas su skor bar mdzod// hUM// ri rab bang rim dang po ni// chos kyi sku yi don dang ldan// rtsal gyi rgyal po seng ge drug/ ma mo rnams la rdzongs 'debs// stobs gyi rgyal po glang chen drug/ ma mo rnams la rdzongs su 'debs// shugs kyi rgyal po rta mchog drug/ ma mo rnams la rdzongs su 'debs// dbang gi rgyal mo rma bya drug/ ma mo rnams la rdzongs su 'debs// 'dab chags rgyal po shang shang drug/ ma mo rnams la rdzongs su 'debs// mkha' lding rgyal po bya khyung drug/ ma mo rnams la rdzongs su 'debs// ri rab bang rim bar pa la// shugs kyi rgyal rta bcu bzhi yang // ma mo rnams la rdzongs su 'debs// 'dod chags gtso mo bcu bzhi ni// ma mo rnams la rdzongs 'debs// stag gzig 'bar ba bcu bzhi yang // ma mo rnams rdzongs su 'debs// ba glang 'bar ba bcu bzhi yang // ma mo rnams la rdzongs su 'debs// ku kur tsa bcu bzhi yang // ma mo rnams la rdzongs su 'debs// 'dab chags shang shang bcu bzhi yang // ma mo rnams la rdzongs su 'debs// mdos ldan sman byang bcu bzhi yang //
- 316a
ma mo rnams la rdzongs su 'debs// ri rab bang rim tha ma la// 'gro drug sems can rnams kyi bskor// sman mo rnams la rdzongs su 'debs// gnam la 'phur dang sa la skye// chu la 'phyo ba'i rdzas rnams ni// sman mo rnams la rdzongs su 'debs// 'di na sman mo dgu zhig mchis// yang tshangs pa'i bu mo yis// mang yul la gtab nas// rgyas skyegs lce le dang // sma rams rtog chen dang // mthing rams sngon mo dang // rgyal mo khyed la dkor du 'bul// blon mo khyed la rdzongs su 'bul// yal yal bzhad kyin gshegs// phud phud dgyes kyin gshegs// pa rol la brnyan nas// btsod mo yu rug dang // zhu mkhan ltebs chen dang // skra mo ltob chen dang // dbyer ma kha che dang // 'bras chen gar ma rnams// rgyal mo khyed la dkor du 'bul// smin pa dus su smin// blon mo khyed la rdzogs su 'bul// yal yal bzhad kyi na gshegs// phud phud dgyes kyi na gshegs// yang bcud sa'i bu mo yis// 'bru drug sa la btab/ 'bru sna nyi shu rtsa gcig mchis// 'bru'i rgyal po rgya sran dang // sran ma zlum dang // yungs kar yungs nag dang // 'bras dkar dmar dang // rgya bra bre dang cu tshe dang // sob dkar mo bzhin bzang dang // nas dang spang mtha' ram bu ni// rgyal mo khyed la dkon du 'bul// blon mo rnams la rdzongs su
- 316b
'debs// yal yal bzhad kyi na gshegs// phud phud dges kyin gshegs// yang skyes pa dar ma yis// byang sna brgyad nas// sha bla na nya blan nas// sha rgod nya rgod dang // rgo yi sha bal dang // ba tsha bul thogs dang // skung khrod su pa dang / ka/ rtsang khrod nyi shing dang // za mo g.yu rgyal dang // lo ma spang ma dang rnams// rgyal mo khyed dkor du 'bul// blon mo khyed rnams la rdzas su bsngo// yal yal bzhad kyin gshegs// phud phud dges kyin gshegs// zhes gsungs so// bdud mo bkol byang gi rgyud las// rdzongs gdab pa'i le'u ste drug cu re bdun pa'o// gnod 'dul lha yis yang gsol pa// gdon dang mi ru dbye ba gang // yang dag rdzogs kyis bka' stsal pa// dbye ba'i cho ga ngas bstan gyis// nyon cig gnod 'dul lha yi gtso// dbye ba la ni 'di nyid do// sngon su dang su yi glud// rgyal mo bcu gnyis na se khri legs pa dang bcu gsum gyi glud// slob dpon bcu gnyis dang smra blon zings dang bcu gsum gyi glud// rje bcu gnyis na pha rje yag pa dang gsum gyi glud// 'bangs bcu gnyis na rgyu sbyor yon bad sag dang bcu gsum gyi glud// de ring su yi glud// yon bdag bcu gnyis sngags 'chang rgyal po dang bcu gsum gyi glud// da ni mi dang gdon dbye 'tshal// mi dang gdon dbye ba// yas dang thags kyis dbye// gnam dang sa
- 317a
dbye ba// skye ma ser dad dkyil dbye// shar dang nub dbye ba// nya zla dros kyis dbye// lho dang byang dbye ba// rdzi dang ngad kyis dbye// pho brang bskyod de gshegs// zhugs zab ling nge gshegs// ma 'dug zhi ba'i dang // 'dzam gling shar phyogs nas// rgyal po yul 'khor srung gi grong khyer na// bzhugs kyi nyams re dga'// gtan gyi yul re bzang // rgyal po sku re drang // blon po khong re lhod// btsun mo mdangs re legs// sras bu bzhin re sdug 'dod pa de na tshang // rgyal mo bskyod de gshegs// der kyang mi gshegs nas// 'dzam gling lho phyogs na// rgyal po 'phags skyes po'i grong khyer na// bzhugs kyi nyams re dga'// gtan gyi yul re gzang // rgyal po sku re che// blon po khong re lhod// btsun mo mdangs re legs// sras bu bzhin re sdug/ 'dod pa de na tshang // rgyal mo bskyod de gshegs// 'dzam gling nub phyogs na// rgyal po spyan mig bzang gi grong khyer na// bzhugs kyi nyams re dga'// gtan gyi yul re bzang // rgya po sku re che// blon po khong re lhod// btsun mo mdangs re legs// sras bu bzhin re sdug/ 'dod pa de na tshang // rgyal mo bskyed de gshegs// der kyang mi gshegs sa// der kyang mi gshegs na// 'dzam gling byang phyogs na// rgyal po rnam thos sras kyi grong khyer na// bzhugs kyi nyams re/
- 317b
dga'// gtan gyi yul re bzang // rgyal po sku re drang // blon po khong re lhod// btsum mo mdangs re legs// sras bu bzhin re sdug/ 'dod pa de na tshang // der kyang mi gshegs na// 'dzam gling rgya re che// mgo nag grangs re mang // srid pa gru re yangs// phod brang bskyod de gshegs// bzhugs thab ling ste gshegs// ma gdug zhi ba'i ngang // zhes brjod do// mdos dbye ba'i cho ga'o// gdon dang mi ru dbye ba'i cho ga'i rim pa'o zhes gsugs so// bdud mo bkol byang nam mkha'i rgyud las// gdon nga mi ru dbye ba'i le'u ste drug cu re brgyad pa'o// gnod 'dul lha yis yang gsol// ye shes rang bzhin srid pa'i sa// ma mo 'di thugs dam bskang ba la// sngon lam gdab pa ji ltar lags/ yang dag rdzogs kyis bka' stsal pa// yon bdag gi bshams pa'i rdzas chud ma zos pa dang rnal 'byor pa la mi sgrib par bya ba'i smon lam gdab pa bstan pa'o// smon lam gdab pa ngas bstan gyis// nyon cig g.yung drung yang dag pa// hUM/ ri rab gling bzhi bzhengs pa la// gser gyi ri bdun// rol pa'i mtsho bdun// za ma lcags ri khyung mos bskor// snang srid sems can gzugs kyis bskor// nam mkha' sna tshogs rgyan dang bcas// dpag bsam shing dang yal khar bcas// za 'og rigs kyi gden dag gur// 'dab chags sgo dang
- 318a
gcan gzan ras// rin chen sna tshogs 'dod par mdzes// 'thun par bshams te phul ba yis// yon bdag rgyu sbyor ma lus dang // bdag cag rnal 'byor sngags 'chang gnyis// 'dod pa phun sum mtshogs gyur cig/ 'bru sna sna tshogs bcud rnams dang // ma ra gur tsha'i rdzas rnams dang // mthun par bshams te phul ba yis// bdag dang yon gyi bdag po gnyis// mu ge'i bskal pa zad gyur cig/ 'tsho byed sman gyi rnam pa dang // bla ba la sogs spos rnams dang // mar dag bu ram shing thog rnams// mthun par bshams te phul ba yis// bdag dang yon bdag rgyu sbyor gnyis// nad kyi bskal pa zad par shog/ ral gri bzhi dang mda' bzhi dang // mthun par bshams te phur ba yis// bdag dang yon gyi bdag po gnyis// mtshon gyi bskal pa zad par shog/ gling khog phul ba'i yon tan gyis// bdag dang yon bdag rgyu sbyor gnyis// phung po'i sdug bsngal byang nas kyang // yul zhing phun sum tshogs nas kyang // skye ba 'di dang phyi ma la// tshad med bzhi dang ldan nas kyang // dga' ldan gnas su skye bar shog/ rin chen sna lnga'i gter phul bas// bdag dang yon bdag rgyu sbyor gnyis// rin chen gter la spyod par shog/ bdag dang yon bdag rgyu sbyor gnyis// skye ba 'di dang phyi ma la// bdag nyid sangs rgyas
- 318b
byin rlabs kyis// sems can 'gro don byed par shog/ snang srid sems can mang pos dang // sdug cing mdzes sa'i rdzas phul bas// bdag dang yon bdag rgyu sbyor gnyis// ngag gi sgrib pa dag gyur nas// chos kyi longs spyod rdzogs par shog/ stobs kyi rgyal po drug po dang // shugs kyi rgyal po drug po dang // 'dod chags gtso mo rnams// bskyon nas phul ba'i yon tan gyis// bdag dang yon bdag rgyu sbyor gnyis// gsung gi dngos grub 'thob nas kyang // 'jig pa kun las thar bar shog/ 'byung ba lnga yi nam mkha' dang // rgyal mtshan me long phul ba yis// bdag dang yon bdag rgyu sbyor gnyis// dug gsum rtsa bar brdar bcad nas// ye shes lnga yi yon rtogs nas// mngos shes drug dang ldan par shog/ ces gsungs so pa// bdud mo bkol byang nam mkha'i rgyud las// smon lam btab pa'i le'u ste drug cu re dgu pa'o// gnod 'dul lha yis yang gsol pa// ri rab gru 'degs ji ltar lags// yang dag rdzogs la bdag nyan 'tshal// yang dag rdzogs kyis bka' stsal pa// nyon cig gnod 'dul sems dpa' khyod// hUM/ ri rab gling bzhi gru 'degs ma// shar lho mtshams kyi ma mo ni// srid pa'i dkar mo mi bza' ma// ral gcig mdzes pa'i 'od 'phro zhing // g.yas na sa yi dkyil 'khor thogs// g.yon ni dar
- 319a
dkar gur zag 'then// gur nas theg la glung yang bsgyur// gur 'degs glung bskur mtha mo che// 'dzam bu gling bskor ra re// srid pa'i gru 'degs skongs so skongs// ri rab shar lho gru 'degs la// gur thag theg la gling sgyur cig/ hUM/ ri rab gling bzhi'i lho phyogs nas// lho yi nag mo mi zad ma// lcags kyi ral pa bsigs pa yis// gshin rje'i khams rnams dbang du sdud// g.yas na mi yi dkyil 'khor thogs// g.yon na dar nag gur thag 'dren// gur thag theg la gling sgyur cig/ gur 'degs glud bsgyur thu mo che// 'dzam bu gling bzhi khyi li li// srid pa'i gru 'degs skongs se skongs// gur thag theg la gling skur cig/ hUM/ ri rab gling bzhi'i nub phyogs nas// srid pa'i bu med dmar mo la// byu ru'i ral pa gsigs pa yis// klu yi 'khor rnams dbang du sdud// g.yas na chu yi kyil 'khor thogs// g.yon na dar dmar gur thag 'dren// gur thag theg la gling sgrar cig/ 'dzam bu gling bzhi khyi li li// srid pa'i gra 'degs sha ra ra// gur thag theg la gling sgrar cig/ ri rab gling bzhi'i phyag phyogs nas// srid pa'i bud med ldang nag ma// g.yu yi ral pa gsigs pa yis// gnod sbyin khams rnams dbang du sdud// g.yas na rlung gi dkyil 'khor thogs// g.yon na dar ljang gur thag
- 319b
'dren// gur nas theg la gling yang bsgyur// gru 'degs gling bsgyur mthu mo che// srid pa'i gru 'degs bskor ra re// 'dzam bu gling bzhi khyi li li// gur thag theg la glung sgyur cig/ ces gsungs so// bdud / mo bkor byang las// ri rab grwa 'degs pa'i le'u ste bdun cu pa'o// gnod 'dul lha yis yang gsol pa// sgo dbye 'phrang bsal ji ltar lags// yang dag rdzogs la bdag nyan 'tshal// yang dag rdzogs kyis bka' stsal pa// hUM// srid pa'i gting khams ma gi na// rgya mtsho gting sgo e re dam// rgya mtsho'i gting na bdud mo'i sgo re dam// de ring glud sgo ma phye na// nag mo mdos kyi sgo phye dang // de rang chud 'phrang ma bsal na// nag mo mdo so kyi lam mi rnyed// tsho bdun bdud kyi sgo phye zhig/ lam bdun rgyal mos 'phrang sol cig/ shar phyogs 'o mtsho dkar mo'i sgo re dam// shel sgo dkar po thams se thams// dung gi yag shing e re dam// rdo rje rigs kyi rgyal mo yis// 'o mtsho dkar mo'i sgo phye zhig/ lho na g.yu mtsho sngon mo'i sgo re dam// g.yu yi yag shing e re dam// rin chen rigs kyi rgyal mo yang // sngon mo g.yu yi lde mig cig/ g.yu mtsho sngon mo'i sgo phye zhig/ nub nas zangs mtsho dmar mo'i sgo re dam// 'dzin dmar yag shing e re dam// pad+ma rigs kyi rgyal mo mi// dmar mo byi ru'i lde mig can// zangs mtsho dmar po'i sgo phye
- 320a
zhig/ byang na gser mtsho ser mo'i sgo re dam// ra gan g.yag shing e re dam// las rab rigs kyi rgyal mo ni// ser mtsho ser mo sgo phye zhig/ dbus na dug mtsho nag mo'o sgo re dam// lcags kyi g.yag shing e re dam// nam mkha' rigs kyi rgyal mo yin// nag mo sbrul gyi lde mig can// dug mtsho nag mo'i sgo phye zhig/ ces gsungs so// bdud mo bkol byang las// sgo dbye 'phrang bsal ba'i le'u ste bdun cu don gcig pa'o// gnod 'dul lha yis yang gsol pa// mdos chas cho ga gang lags pa// yang dag rdzogs kyis bka' stsal pa// nyon cig g.yung drung yang dag pa// hUM/ nyi ma shar phyogs ma gis na// dri za'i rgyal po yul 'khor srung // rgyal po sku re btsun// btsun mo bzhin re legs// rgyal bu khung re drang // mdos chas shar du chas// rgyal po chen po sku bzur la// btsun mo na bza' mthar btul cig/ bran g.yog mang pos slar khyer cig/ lho yi gling khams na// rgyal po 'phags skyes po// rgyal po sku re btsun// btsun mo zhin re sdug/ rgyal bu khong re drang // mdos chas lho ru chas// rgyal po sku bzur la// btsun mo na bza' mthar btul la// bran g.yog mang po slar khyer cig/ nub kyi gling khams na// rgyal po spyan mig bzang // rgyal po sku re btsun// btsun mo bzhin re sdug/ rgyal bu khong re drang // mdos
- 320b
chas nub tu chas// rgyal bu sku bzur la// btsun mo na bza' mthar btul la// bran g.yog mang po slar khyer cig/ byang gi gling khams na// gnod sbyin rgyal po rnam thos sras// rgyal po sku re btsun// btsun mo bzhin re sdug/ rgyal bu khong re drang // mdos chas byang du chas// rgyal po sku bzur la// btsun mo na bza' mthar btul la// bran g.yog mang po slar khyer cig/ mdos chas steng du chas// steng gi phyogs kyi gling khams na// rgyal po sku re btsun// btsun mo bzhin re sdug/ rgyal bu khong re drang // mdos chas steng du chas// rgyal po sku bzur la// btsun mo na bza' mtha' brtul la// bran g.yog mang po slar khyer cig/ mdos chas 'og tu chas// 'og gi gling khams na// ma la chud kyi yul// bskal pa thang re yang // 'jig rten rgya re che// rgya mtsho gting re zab// rgyal po chen po sku bzur la// btsun mo na bza' mthar brtul la// bran g.yog mang po slar khyer cig/ ces gsungs so// bdud mo bkol byang las// mdos chas bstan pa'i le'u ste bdun cu don gnyis pa'o// gnod 'du lha yis yang gsol pa// mdos lam bstan pa ji ltar pa lags// yang dag rdzogs kyis bka' stsal pa// nyon cig gnod 'dul lha yi gtso// zhun mar sna lnga bltam// spos kyi ni dud gtang nas// 'tshal gyi thig drangs te// gur sgo mi srin gyis
- 321a
phye// yo ba ni mi yis so// glud lam mi yis bstan// de rje bshas sgo ru shar ra ra// btsun mo dbyings nas bskor// 'khor rnams gnas nas chos// re thag rgyang nas khrol// tshon thag mtha' nas khros// tshon phur mtha' nas thon// da rje gshegs so sha ra ra// da rje gshegs shar du gshegs// shar phyogs pha gi na// dung mtsho dkar mo'i dkyil shed na// shel gyi gur cig skongs se skongs// des ma zan sna dgu la// g.yo ngag cho dgu bgyis// jo mo mi byon du re// sgang bu mtho mtho nas// spos chen dud pa gtong // gsheng bu dma' dma' nas// dngul rigs dkar po 'dri// rje gshegs de ru gshegs// zla gam gling chen nyams re dga'// kha dog dkar po 'od re gsal// mtshan dang dpe byad ldan// de yi gnas su gshegs// da rje gshegs lho ru gshegs// lho phyogs pha gi na// g.yu mtsho sngon mo'i nang shed na// mthing gur sngon mo de skongs se skongs// dar sngon yol bres me re re// de 'dra'i gur yol nang shed na// sngon mo mi bzad 'bum dang sdongs// de jo mo'i g.yog mo lags// ma zan sna dgu la// g.yog ngag tsho dgu bgyis// jo mo mi byon byon du re sgag bu mthong nas// spos dkar dud pa 'thul// shong bu dma' dma' nas// g.yu ris sngon mo 'dri// rje gshegs de ru gshegs// lho phyogs gling du
- 321b
gshegs// sogs kha gling chen nyams su dga'// mthing sngob 'od rigs la// kha dog sna tshogs ldan// de yis gnas su gshegs// da rje gshegs nub tu gshegs// nub phyogs ya gi na// zangs mchod dmar po'i nang shed na// byung ru'i gur cig skongs se skongs// le brgan yol bre me re re// de 'dra'i gur yol gyi nang shed na// bud med dmar mo 'bum dang sdongs// byu ru'i ral pa gsigs pa yis// mi bzad pho nya 'bum 'phro ma// de jo mo'i g.yog mo lags// mi zan sna dgu la// g.yo ngag cho dgu bgyis// jo mo mi byon byon du re// sgang bu mtho mtho nas// spos chen dud pa gtong // shong bu dma' dma' nas// dmar chen mtshal gyis ri mo 'bri// rje gshegs nub tu gshegs// zlum po chen po nyams re dga'// le brgan dmar po 'od re legs// de na longs spyod sna tshogs ldan// de yi gnas su gshegs// da rje gshegs bskor ra re// gtso mo dbyings nas bskyong // 'khor rnams gnas nas chos// re thag rgyang nas khrol// chos zag mtha' nas btul// tshon phur da phyung zhig/ da rje gshegs byang du gshegs// byang phyogs pha gi na// tsha mtsho mer ba'i gting shed na// bse yi gur cig skongs se skongs// za 'og yol bres khyud de khyud// de 'dra'i gur yol nang shed na// bud med ljang nag 'bum dang
- 322a
sdongs// bas yi ral pa gsigs pa yis// byang gi 'brog mo skul byed ma// de jo mo'i g.yog mo lags// mi zan sna dgu la// g.yo ngag tsho gu bgyis// jo mo mi byon byon du re// sgang mu mtho mtho nas// spos chen dud pa 'thul// shog bu dma' dma' nas// bse rigs khra bo 'dri// da rje gshegs de ru gshegs// byang phyogs gling du gshegs// gru bzhi glig chen nyams re dga'// kha dog ser po'i 'od re gsal// gshegs shig byang phyogs gling du gshegs/ rje gshegs skor ra re// gtso mo dbyings nas bskyong // 'khor rnams gnas nas chos// re thag rgyang nas khrol// chos phur btab pa phyung // byur gyi sha chibs srog la gshegs// nad kyi rlangs bsdud la gshegs// mtshon gyi gru gu brtul la gshegs// 'og phyogs gling khams na// ma la chud kyi yul// rgya mtsho gting re zab// bskal pa thang re yangs// longs spyod nyams re yangs// me tog ne srin rgya re che/ skyo cig rgyal po der spyod cig/ ces gsungs so// bdud mo bkol byang las// mdos lam bstan pa'i le'u ste bdun cu don gsum pa'o// gnod 'dul lha yis yang gsol pa// chags sdang bral ba ji ltar lags// yang dag rdzogs la bdag nyan 'tshal// yang dag rdzogs kyis stsal pa// nyon cig gnod 'dul sebs dpa' khyod// ri rab
- 322b
gling bzhi gling phran brgyad// gser kyi ri bdud rol mtsho bdun// mtha' ma lcags ris bskor ba 'di// snang srid sems can mang pos brgyan// 'byung ba lnga yi nam mkha' btsugs// dpag bsam shing dang yal gar bcas// nam mkha' sna tshogs gdon dang gur// 'dab chags mang po'i srog dang ni// gcan gzan mang po'i ris kyis brgyan// 'di yang chags pa'i rgyu yin te// 'di yang tshe srog glud du 'bul// 'di la chags shing ma zhen cig/ 'di la chags shing zhen pa na// 'khor ba ngan song gsum gyi rgyud// rma bya'i gdugs pa dang dar gyi// za 'og gur dang dar dkar yol// mda' dang me long ral gris brgyan// 'di yang chags pa'i rgyu yin te// 'di yang tshe srog glud du 'bul// 'di la chags shing ma zhen cig/ 'di la chags shing zhes pa na// 'khor ba ngan song gsum gyi rgyud// snang srid dkar po'i nor rdzas dang // rin chen gser g.yu byung ru dang // 'bru sna sna tshogs bcud rnams dang // 'di yang chags pa'i rgyu yin te// 'di yang tshe srog glud du 'bul// 'di la chags shing ma zhen cig/ 'di la chags shing zhen gyur na// 'khor ba ngan song gsum gyi rgyu// dngar dgu sbyar ba'i zas rnams dang // gla ba spos dang shing 'khun rnams// 'di yang chags pa'i rgyu yin te// 'di yang tshe srog glud du 'bul// 'di la chags
- 323a
shing zhen pa ni// 'khor ba ngan song gsum gyi rgyud// 'thun pa'i rdzas chen shes sgog 'di// srog dang dbugs dang dngas mar bcas// 'di yang chags pa'i rgyu yin te// 'di yang che srog glung du 'bul// 'di la chags shing ma zhen cig/ 'di la chags shing ma zhen cig/ 'di la chags shing zhen pa na// 'khor ba ngan song gsum gyi rgyu// phung po khams dang skye mched rnams// 'di yang chags pa'i rgyu yin te// 'di yang tshe srog glud du 'bul// 'di la chags shing ma zhen cig/ 'di la chags shing zhen gyur na// 'khor ba ngan song gsum gyi rgyu// yul dang zhing dang 'khor dpe kun// sgo nor rta phyugs thams cad kun// 'di yang chags pa'i rgyu yin te// 'di yang tshe srog glud du 'bul// 'di la chags shing ma zhen cig/ 'di la chags shing zhen pa na// 'khor ba ngan song gsum gyi rgyud// zhes gsungs so// bdud mo bkol byang nam mkha'i rgyud las// chags pa dang bral ba'i le'u ste don bzhi pa'o// gnod 'dul lha yis yang gsol pa// mngon rdzogs rgyal po yab cig lags// sku gsum rdzogs pas thams cad 'dul// 'gran gyi do med srid pa'i lha// bcom ldan dpal gyi dpal la phyag 'tshal stod// rigs kyi khro bo mang po sku la rdzogs// khrag 'thung rdzogs pa'i sku la phyag 'tshal bstod// mam mo 'khor 'gro 'bum gyi
- 323b
dbus na 'gying // rigs kyi ma mo bran dang g.yog tu 'khol// ma mo 'bum gyi rje la phyag 'tshal bstod// bzhi bcom drug ldan 'khor ba mya ngan 'das// mngon rdzogs dpal gyi sku la phyag 'tshal bstod// ces bstod do// de nas mu kha le la sogs te chos kyi sku'i ma mo dang // srid pa bde 'gro la sogs pa'i longs spyod pa'i sku'i ma mo dang // srid pa chags byed ma la sogs pa'i sprul pa sku'i ma mo rnams rjes su yi rang nas// bcos ldan 'das mngon rdzogs rgyal po dang lha gnod 'dul la gsang ba dges pa'i mchod pa phul lo// bdud mo bkol byang nam mkha'i rgyud chen po las// dpal chen po la bstod pa 'phul ba'i le'u ste don lnga pa'o// bdu mo bkol byang nam mkha'i rgyud chen po zhes bya ba bskang thabs stod pa'i rgyud rdzogs so// ma mo srid pa'i rgyud lung gi ma tshang pa kha skong ba'i rgyud do//
- 324a
rgya gar skad du// ma ma karma sarba tan ta ra tsa ta nA ma// bod skad du// ma mo las thams cad kyi las rgyud lung zhes bya ba// yum chen mo mu kha le la phyag 'tshal lo// 'di skad bdag gi zos pa'i dus gcig na// bcom ldan 'das de bzhin gshegs pa thams cad kyis sku dang // gsung dang // thugs rdo rje'i rang bzhin gyi b+ha ga la// zo mdog bde ba ca co la sogs med par snyoms par zhugs so// de'i / tshe dpa' bo dang mkha' 'gro ma la sogs pa zhing gi rdul snyed dang // 'jig rten gyis gnod sbyin mo la sogs pa dang // srin mo rnams mdun du bdar nas bzhugs so// de nas lha'i dbang po stan las langs te bskor ba dang phyag 'tshal nas// yum chen mo snang srid bde ba la 'god cing srid mo rnams dbang du 'dzad pa ni ngo mtsher na// las la grub pa'i ma mo rnams ji ltar bsgrub// las kyi dbye ba ji ltar bgyi// yum gyis bdag bshad du gsol// zhes gsol pa dang // de yi tshe yum chen mos 'di skad ces gsungs so// ma mo nga'i bstan pa 'di la snyigs ma lnga'i dus te// bstan pa rang gi rang 'jigs pa dang // gos su re ba gon pa dang // zas su lci bza ba dang // nye ba dgra ru ldang ba dang // dam chos rang dgar spyod pa dang // ma nyes dam las gcod pa dang // gsang sngags sgor kun tu 'jug pa dang // man ngag zong du 'khyer
- 324b
be dang // rgyal ba'i sku la ring thang 'debs pa dang // lam grog por gyur pa dang // rgyal khams sil bur song ba'i dus su// ma mo yang rang dam rang gis 'das nas man ngag gis grub pa'i dus 'byung bas// de'i dus su ngas bstan pa dral pa la phan gdags shing // ma mo grub pa'i thams bstan cing bshad par bya yis// brgya byin la sogs legs par nyon la yid la zung zhig/ de nas yang dag bshad bya/ ba// dang po ma mo sgrub pa'i gnas// dur khyod dag gam mtsho gling dam// ngam grog phug la sogs pa yin// bar chod bgegs dang mi med par// las la grub pa'i rkyen dang ldan// gnas kyi mang ngag shes pa yis// dang por dben pa'i gnas btsal te// gnas der ma mo'i rdzas btsal pa// mi sha ma yin gzhan gyi sha mi za// mi khrag ma yin gzhan gyis khrag mi btung // mi snying ma yin gzhan gyis snying mi bza'// mi gsur ma yin gzhan gyis gsur mi snom// mi g.yab ma yin gzhan gyis g.yab mi bya// mi gos ma yin gzhan gyis gos mi bgo// mi zhwa ma yin gzhan gyi zhwa mi bgo// zhes ma mo spyi'i dam rdzas so// ma hA maM la sogs sha sna stod// ma hA ra k+ta la sogs khrag sna stong // ma hA tsit+ta la sogs snying sna stong // rang bzhin shi ba'i lus la btsal// gos su zhing gi g.yang gzhi bgo// zhwa ru srid pa'i spyi blugs bgo// bud pa rkang
- 325a
gi gling bu bud// brdab pa thod pa'i cha lad brdab// rdung ba ltag spros rde'u chung rdung // g.yab pa mi yi g.yab mo g.yo ba// dkyil 'khor rgyan ni zhing yin te// zhing gi bla re dar gyi phur sgrogs can// zhing gi yol ba mdzes pa'i rgyan gyi brgyan// zhing gi rgyal mtshan dar gyi sham bu can// spro bo la sogs gnas rnams su// rma bya mdzes pa'i rgyan gyis brgyan/ mig la sogs pa'i gnas rnams su// nor bu mdzes pa'i rgyan gyis brgyan// ma mo dges pa'i rdzas rnams ni// tsan dan dang ni gur kum dang // rtag tu dri dang ldan par bya// kha dog kyang ni legs par btsal// dper na rang gi kha zas kyang // bza' ba khyad par ma 'phags tsam// ma mo'i dam rdzas de bzhin no// shing sdog sman mar me tog 'bras bur bcas// 'di yang ma mo'i dam rdzas te// mda' dang ral gri dar sna dang // mtshon thag rtsang skud legs par btsal// de yang dkyil 'khor rdzas yin te// rus pa'i rdzas dag sbyin sreg rdzas// thun gyi rdzas dang mnan pa'i rdzas// thams cad dang por sngags pas btsal// rdzas rnams shin tu gsang ba ste// mi thos mi mthong legs par sba// de dag spri yi rdzas rnams te// ma mo bye brag rdzas rnams ni// grub blon bzhi yi rdzas rnams ni// zangs chu dngul chu bya lug dkar// bar mtshams blon mo bcu gsum rdzas// khyi khu mig ma
- 325b
bye ba dang // bya nag sgo nga bcu gsum ste// yar gyi bcu gsum rdzas kyis ming // mda' 'phang bcu gsum yin par 'dod// sngar gyi glud bu bcu gsum yin// kha blon bzhi yi rdzas dag ni// srog med pa yi mdags bzhi ste// me long dang ni rma bya dang // chu dang mar me yin par 'dod// gzugs can gzugs kyi phung po bzhi// zangs mchu can dang stag glang can// g.yag glang can dang rtsi ber sogs// grub blon bzhi la de lta bu'i// gzugs bzhi chu srin seng ge dang // hor dang bya khyung bag phye las// gzugs can srog gi bsdud pa bzhi// lug dkar mo la sogs pa yin// srog bcad pa yi 'bras bu gnyis// khyod dkar / rog pa'o// lnga gong nas ni 'bras bu mchog/ mtshams kyi blon po bcu gnyis la// shing a mra'i 'bras bu ste// mi 'bras sngon nas btsal te mchog/ btsun mo chas zhugs bcu gnyis te// khyi dkar ra rogs bya nag mo// bong bu 'bras bu'i chas su zhugs// yang bag phye las// btsun mo chas byas mthing grur nang du zhugs// bar mtshams blon mo bcu gsum la// sems can srog med bcu gsum ste// ngur pa 'phye ba bya nag mo// rmad lcam khyi dang 'ug pa dang // se rigs su myu gu dang // ti bya bya dkar krung krug yin// btsun mo bcu gsum dar dkar chas// rgyal mo bzhi la srog ma bcad// khra bzhi mtshal dang li khri
- 326a
dang // me lcags sro lo dmar po yin// sa yin rgyal mo rmig pa yin// chu yi rgyal mo nya rtsang pa// me rgyal srin bu me khyer yin// rlung gi rgyal mo wang pa ste// bag phye gzugs bya chas su gzhug/ sman / mo bcu gcig dag la yang // brgyad la khyod yod gsum la med// khyo skal 'bras bu 'di ltar ste// tsit+ta'i 'bras bu gnya' ba dang // lug rdur ba ru mkhas pas brtag/ chu 'bras bse yi 'bras bu ste// me 'bras lcags phye yin par nges// srog med sems can bcu gcig ni// dbu gdas kyi 'di dag kun gyi rdzas// srog chags gang rung bcu gcig la// mthing nag dar gyi brgyan pa ste// go le ma bzhi rdzas kyang bzhi// sring mo bzhi la bam chen tshogs// ma bdud rag ta gsum gyi rdzas// gzhon bu ma bzhi mu stegs sogs// dge bsnyen bzhi ni 'di lta ste// gnam gyi dge bsnyen nam mkha' lding // sa yi byi ba sa yi sbal// mi yi bdug pa yin par nges// cir mi 'ong gi spun drug bzhi// klu dang btsan dang bdud dang yas// gnod sbyin las grub ma mo bzhi// shing 'bras shing tog sna tshogs te// chu 'bras chu sna tshogs pa yin// sa yi 'bras bu dmigs pa yin// me 'bras sol ba sna tshogs so// mi bcos mi rung mi mo brgyad// tsit+ta dgu dag mi dbang dgu// gzugs can dgu dang gzugs med dgu// tsit+ta dgu ni 'di lta
- 326b
ste// shing gi tsit+ta ga bur yin// chu yi tsit+ta ka ra yin// sa yi tsit+ta rgya spos lags// rlung gi tsit+ta du ru ka// mi yi tsit+ta ga pur thal// nam mkha'i tsit+ta a ru ra// bar snang tsit+ta mi yi snying // brag gi tsit+ta brag spos pa// dur khrod tsit+ta ro bsregs thal// de ni srog med tsit+ta dgu// srog chags tsit+ta dgu dag ni// rmug rgya srol po tsat+ta dgu// mi dbang 'bras bu dgu dag ni// sa yi mi dbang ba bras pa bya// me yi mi dbang phye ma leb// chu yi mi dbang nya tshan pa// nam mkha'i mi dbang ri bong yin// bar snang mi dpag wa yin te// brag gi mi dbang sha ba yin// shing gi mi dbang ri skegs yin// de dag mi dbang dgu yin no// ma mo stong la rdzas brgya phrag/ bdud du nges pa de dag la// de kun mu kha le las byung // tsit+ta dgu yi me tog las// ni dbang dgu yi dbu las byung // gzug brgyad spyi bo dag las byung // srog ma bcad pa'i rag ta dgu// pad+ma las byung shi ba med// ro dgu pad+ma'i cha la bzhag/ 'di dag sgo nga las byung ba// ka la yal sha'i dmod po ni// dper na lha mo re ma ti// gsang ba'i mi dbang kyi dbang dang // shi ka'i mtshal thig shing la sogs// nag mo'i rdzas te de bzhin kun// de ltar gyur pa'i rdzas rnams dang // bod pa'i rdzas dang mchod pa'i rdzas// rten dang dam tshig bsre ba'i rdzas// bskang ba'i rdzas dang rung ba'i
- 327a
rdzas// sprin sreg rdzas dang thun gyi rdzas// tha mar mnan pa'i rdzas yin te// rdzas 'di dang por shes bya ste// de nas tshul dang mthun par btsal// ma mo'i rdzas rnams 'tshogs gyur na// byis pa me tog mthong ba ltar// de nyid du ni ma mo rgyug/ de bas dngos grub 'dod pa'i mis// dang por rdzas la nan tan bya// ma mo thams cad las rgyud lung las// ma mo'i dam rdzas bstan pa'i le'u ste dang pa'o// de ltar rdzas rnams gsogs gyur nas// dang po ma mo sten pa tsam// yang kong gdon pa sogs pa yin// phyi bshags dang po legs par bya// de nas mtho gzus dgas mthon rnams la// kha byang btags te gtor ma sbyin// dam bca' las kyi bsgo ba bya// phyi mtshams bcad nas bar mtshams gcad// gnas kyi phyogs mtshams phur pas gdab// de yi cho ga gzhung bzhin bya// de nas gnas kyi zem 'og tu// dam sri legs gnas par bya// maN+Dal grub bzhi dgra 'am bgegs// de dag legs par mnan par bya// mi bsad pa 'am g.yul nyes pas// de la maN+Dal legs par bya// dang por 'byung po thams cad pa'i// gtor ma rgya cher sbyin par bya// de nas yo byad cha gsum bgo// cha gcig mchod dang gtor ma bya// cha gcig tshogs dang yo byad bya// cha gcig za tshogs dus su 'bul// sa yi lha mo'i cho ga bya// dur khrod chag chag rnams
- 327b
kyis gdab// lha srin kun la 'go ma yengs// zhi ba'i tshi gis smra bar bya// de nas thigs gdab sa tshon bri// kri ya'i rgyud dang yo ga'i rgyud// dkyil 'khor bri ba ji lta bar// shes pa rnal 'byor ma mo ru// mkhas pa rnams kyis shes par bya// de ltar dkyil 'khor bris nas kyang // rang rang yig 'bru dgod par bya// de nas rdzas rnams dgod par bya// ste nas zhing gi bla ri ste// phyogs nas zhing gi yol ba 'o// mtshams nas zhing gi rgyal mtshan no// zhing gi lU sdum la sogs pa// rol mo sna tshogs tshu gyis brgyan// yang na dar gyi yol dang gdugs// zur du mda' dang phur pa dang // gri dang tshon skud dra ba ris// mda' phur ral gri khro bo ste// skud pa rdo rjer byin gyis brlams// tha mar rtsang gi srin mo 'gros// b+h+yo las srin mo re re bsam// de nas dpal gyi gtor ma yang // chos 'byung dbyibs dang yo byad bsogs// mdzes sdug rgyan gyis brgyan par bshams// ma mo'i gtor ma'i mtheb kyu'i grangs// gcig dang gsum la sogs pa yin// snod kyi nad dgram da yi nang // khrag gis bkang ba de yi nang // mthun pa'i rdzas kyis gang bar bya// mtheb kyus thod pa'i rang bzhin te// khrag gi rag ta'i rgya mtshor bsam// snying dbus glo ba shar mcher nub// mkha' ma lho dang byang du bzhag/ 'bras bu dbus la
- 328a
mig ni shar// rna ba nub la sna ni lho// lce ni byang du dgod pa ste// rang rang mthun pa'i dam rdzas te// rang bzhin shi ba'i dam rdzas rnams// rjes yi rang zhing dam tshig rdzas// gzhan yang mchod pa'i tshogs rnams bshams// rus pa'i rdzas la sogs pa kun// gnas der re zhig bzhag par bya// ma mo las thams cad kyi las rgyud lung las// dkyil 'khor bri zhing rdzas dgod pa'i rim pa ste le'u ste gnyis pa'o// de nas yang dag bshad bya ba// rang kha chas zhugs rtags gdab ste// g.yeng ba'i bar chod kun spangs te// bde ba'i stan la legs 'dug la// de bzhin nyid kyi ting 'dzin rdzogs// ting 'dzin gsung bsgoms rjes thob la// phyogs bcu'i khro bo'i sku yi mtshams// mtshon cha 'chol ba gsung gi mtshams// rdo rje me mtshams thugs kyi mtshams// mtshams su mkhas pas legs par bcad// mtshams kyi rgya dang 'phangs kyi tshad// rgya ni lcags ri 'og ni rlung // steg ni 'jig rten 'og min mtshams// de nas dbang chen dkyil 'khor kyang // chags sdang lnga yi dkyil 'khor 'khrug/ de ltar keng rus ri rab brjid// ri rab steng du ma mo yi// gzhal yas khang pa brtsegs ma bsam// phyi nang rin chen sna lnga ste// nang du thod pa'i gzhal yas khang // 'og nas khrag gi rba klo nga 'khrug/ steng na zhing gi bla ra 'phyo// bar na dar nag ru
- 328b
mtshon 'phyar// de ltar rang rdzogs mchod par bya// bdag nyid che mchog skur gsal nas// dpal gyi mchod pa gzhung bzhin bya// de nas rang nyid gsal bya'i phyir// stong gi 'dzab kyang rang la 'bul// de nas ma mo'i gnas rnams su// dar tshig snying po de bsams la// rang nyid che ba'i nga rgyal dang // sngon gyi dam tshig rjes dran nas// lag tu rnga dril thogs nas su// ma mo gnas nas spyan drangs te// rang rang gnas su legs 'ong ste// steng bu snying po la thim nas// rang rang sku dang rgyan du gsal// brda sgo dang ni brda phyag 'tshal// gdan gding la sogs de bzhin no// de nas dus tshigs gang yin pa'i// rab tu brtan par bzhugs su gsol// sngar dam nyams pa bshags par bya// sman dang khrag sogs byin gyis brlabs// dang po sman mchog de nas khrag/ de nas chang dang gtor ma'o// rnam lnga mchod pa la sogs pa// dang po nyid du bya ba yin// de nas de la bstod pa bya// de rjes ma mo'i srog snying nas// drangs te mkhas pas bsnyen pa bya// skabs 'dir ma mo la dmigs pa'i// bzlas lugs yin par shes par bya// nyin mo shi'u mis mi thos// mtshan mo srog tu mda' ltar drang / man ngag med par srog snying 'dren// sa na ma mo 'khrug par nges// man ngag don ni 'di yin te// mtsho yi gnas pas srog yin te// lus la
- 329a
srog tu 'dod pa yin// lus kyi snying po snying yin pas// srog snying bya ba snying la yod// srog gi snying po snying de la// yi ge'i rnam pa 'di lta bu// rtsa ru gnas pas srog de yin// drang ba snying gi rtsa nas 'dren// ting 'dzin mda' ltar snying rtsa drang // snying rtsa drang bas snying yang 'ong // snying 'ongs lus sems dag kyang 'ong // ma mo 'ong bas bsnyen pa yin// srin la sogs pa thams cad kyi// srog snying la sogs de bzhin no// de ltar thun bzhi spyod pa yin// mtshan ma'i bar du bsnyen par bya// dang po srog snying ngo bo dang // gnas pa'i tshul lam tshad rnams shes// grangs mang zur yang ma chag na// gug 'greng tshig bar ma chad na// 'di ni ma mo'i snying rtsa ste// snying rtsa drangs pas nges par zhugs// bar ma chad par stong stong la// mtshan mo stong tshigs mchod pa dang // bstod pa de bzhin bya ba yin// nyin mo khri sogs mchod pa bya// de yis dus su zab tshogs la// byin rlabs spyan drangs mchod sogs bya// tshogs la cha bzhir khyo byas la// dang por dpa' bo mar me mchod// bar mas skabs kyi nyams chags bshags// tha mar bar / chotshod dgra bgegs kyi// gzugs byas bsgral dang btab par bya// de nas mtshan ma byung bar du/ lo dang zla bar bsnyen par bya// ma mo las thams cad kyi las rgyud lung las// bsnyen pa bstan pa'i le'u ste
- 329b
gsum pa'o// de nas bsnyen pa byas pa dang // de nas bsgrub pa brtsam bya ba// snyen pa'i maN+Dal de nyid la// bdag gi gzugs dang ma mo'i gzugs// gzugs kyi snying khar gsang mtshan nang // dam tshig sngags kyi de nyid sbyang // lus dang grib ma'i tshul bzhin du// rtag tu gnas pa grub pa yin// de ltar bsgrub pa grub pa na// las la sbyar ba brtsams par bya// sgrub pa'i dus kyi ting 'dzin ni// kha nag lta bu'i ting 'dzin te// ji ltar snang dang grags pa kun// thams cad ma mo'i rang bzhin te// ma mo rang sems snang ba na// sems dang ma mo tha dad med// ting 'dzin man ngag de ltar ro// bzlas lugs bdag dang ma mo la// dmigs pa mkhas pas shes par bya// bsnyen pa ma grub sgrub mi brtsam// bsgrub pa ma lus las mi brtsam// las ma grub par las kyi ni// lhag ma la sogs 'bras bu med// ma mo las thams cad kyis las rgyud lung las// grub pa bstan pa'i le'u ste bzhi pa'o// de nas las la sbyar ba yi// dkyil 'khor rdzas rnams dgos par bya// dgra bo 'grub sa 'brub khung ste// drag po'i dkyil 'khor gru gsum bya// kun kyang nag por byas nas kyang // nang du tsher mas bkang byas la// tha ma pho nya rtsang gis bskor// de ni las kyi dkyil 'khor te// de nas dgra yi dri ma drug/ ru pa'i rgyu las ru ba bya// srub mo'i lo ma rkang gis
- 330a
phrum// sbyin dang shal shul rgyal mtshan dum// grogs mkhar sa dang khri tshe phug/ dgra yi gzugs bya rang kha yi// rdzas rnams gang yang mi btang ngo // dpral bar ming la snying khar rus// spyi bor oM la 'doms su phaT// snyig khar hUM nag sgril ma'i bar// ni dang dza yi 'brub khung du// gan rkyal bzhag la lha dang dpral// srog lha dgra lha mo lha sogs// srung ba'i lha dang legs par phral// ma nyes 'o dod drag tu 'bod// de nas ling khar dgra bsam la// kha ti ra dang bse shing gi// me la gzugs de gzugs par bya// de nas 'brub khur nang du gzhug/ 'byung po kun tshim gtor ma btang // bden pa'i dam yang legs par bdar// las kyi rdzas rnams dgos legs bya// sngon du bya ba'i las rnams ni// bsnyen rdzas skabs dang thun mong bya// ting 'dzin gsum dang mchod bstod par// gong ma bzhin du shes par bya// thun bzhi'i sbyor ba ma chad na// las la sbyor ba'i rim pa ste// sngags kyang dgra bo dgug la sogs// gsad pa'i sngags dang bye brag las// tshig kyang bsad pa'i tshig yin// dgra bsad pa yi las yin phyir// las la sbyor bar grags pa yin// ting 'dzin ma mo'i thugs kha nas// 'od zer nag mo lcags kyu 'dra// 'phros pas gza' ba'i lha dang dbral// lus la nad gzhi sna tshogs langs// bkrag dang gzi
- 330b
mdangs nyams pa de// dkar nag dkyil gyi mtshams dag nas// mi yi sa bon nri bkug nas// 'brub khung ling ga la bstims nas// lca gdas kyu lta bu'i ting 'dzin yin// stong gi 'od zer khong pa nas// dgra la sogs pa'i bzlas pa yin// mtshan ma byung nas ru pa ste// thun dbab ral gris gtubs pa ste// pho g.yas mo ni g.yon nas gtub// shin tu khros sems ting 'dzin bsar// de nas bsreg dang bsteb pa bya// bsreg pa'i thal ba cha gsum ste// cha gcig b+h+yos gdab gtor mar btab// cha gcig mnan pa'i rten du bzhags// cha gcig shi ba'i rten phyogs su// gtor la brang brdung 'o dod 'bod// las la sbyar ba'i du drug tu// za tshogs tha ma dgra ru bya// de ltar byas pa'i nam byed nas// skyugs glu blang zhing gzu dpang gsol// brang brdung tsho nges chen pos brdab// lag mchog dpal gyi gtor ma bya// ma mo gang yang bsre ba med// 'byung po kun tshim gtor ma sbyin// de la las bcos dbang yang gzugs// tshogs kyi 'khor lo chen po bskor// log la rang gi cho gas bsrung // las la sbyar ba yin par nges// ma mo las thams cad kyi las rgyud lung las// las la sbyar pa'i le'u ste lnga pa'o// de nas las kyi lhags ma ni// thun ni 'di ltar bya ba ste// thun rdzas so sor dgram par bya// de la zhing gi dgra brtags sam// rgyus
- 331a
chen dgrol ba bshams nas kyang // dang por khro bo byin dbab cing // gsur chen gtang zhing chas zhugs la// thun gyi ma mo bskul par bya// de nas thun gyi sngags bzlas te// ting 'dzin dug gi na bun dang // mtshon gyi char pa nad kyi bskal// byung bar bsams pa na bun gyis// lta ba'i ting 'dzin yin par nges// de nas dur khrod 'chad pa 'am// byang ri mthon po'i khar 'dzegs la// ma mo bskul ba thun dmig bca'// de nas thun gyi lam bstan pa// bla nas phyogs dang 'bebs phyogs dang // thun gyi 'gro gzugs srin po dang // srin mo'i 'gros kyis bskor bar bya// rnga ma dang za 'phyong pa yi tshul// brdeg tshul bskor ba lan gsum bya// de nas gyad kyi 'dug stangs dang // tha ma rten la brdeb par bya// thun gyi gzi byin bskyed pa ni// mtshan gyi bu la 'phang ba'i tshe// bdun brgyud rtsa ba gcod sogs yin// de nas brdeb pa'i gnas bstan pa// mtshan gyi bu la khrag thun ya// de nas thun gnas nges par 'chad// thun gyi mtshan nyid shes par bya// khrag dang thos pas sna drangs te// drag po'i gtor mas gzhug btul lo// de nas thun gyi dbye ba yang // gsad thun dang ni gso thun dang // bskang thun bzlog thun yin par nges// de re'i thun gyi rim pa yang // mkhas pas 'di ltar shes par bya// phur thun yungs thun
- 331b
tshetshi thun dang // rdo thun chu thun zangs thun dang // mdung thun ra thun mda' thun dang // khrag thun thod bya thun dang // sgom thun kham thun snying thun dang // dug thun lug thun la sogs pa// brgya rtsa brgyad kyi thun 'phangs pa// ma hA de ba 'jig 'gyur nas// gling bzhi'i mi la smos ci dgos// thun gyi man ngag ma gol ba// dug gi na bun ti 'dzin yin// gol na rang la mtshon cha yin// ma mo las thams cad pa'i las rgyud lung las// thun gyi le'u ste drug pa'o// de nas yang dag bshad bya ba// lhag ma nges par gdon mi za// bsreg pa'i cho ga yin par 'dod// bsreg pa'i dgra ni ho ma yin te// ma mo drag po las kyi hotom// dkyil 'khor rim pa 'di ltar bya// gru gsum pa rtsang dang bcas// zur du 'bar ba'i zhal gsum ste// logs kyi de bzhin shes par bya// zur gsum 'gugs byed lcags kyu gsum// logs gsum 'bigs byed tri shul gsum// shod rde byang dmar khram bam gdags// sngon dmar tshon gyi dra ba bgyi// de yi nang du gzas pa'i gzugs// ming byang btags pa sa la bya// snying khar gdan kyi 'brub khung bya// gdug pa'i hom shing gzugs la bya// de la bsreg shing rtsang gis brgyan// de nas bde bar gshegs pa'i hom// phyi yi 'grub lung spangs nas ni// bsreg rdzas spang ba'i sbyin sreg ni// kA la yag sha drag
- 332a
po'i hom// 'phrin las rnam bzhi bcol ba yis// bya ba mi 'grub drag po 'byung // gzugs de thun dbab gtubs nas su// sngar rdzas drag shing bsreg byas na// gang yang phung bar the tshom med// de yi ting 'dzin 'di ltar ste// dper na shing bsregs thal ba bzhin/ gzugs bsregs ni dang lus bsregs bsam// shing bsregs thal ba'i ting 'dzin yin// de tshe sreg pa'i sngags zlos pa/ drag po'i me la dmigs la bzlas/ gong ma drag po rdzas la dmigs te bzlas/ bzlas pa yin par shes par bya/ de nas drag po me yi rdzas// 'di ltar mkhas pas btsal bar bya// dug dang khrag dang ske tshe dang // lan tshwa nim pa la sogs te/ da du ra tsas dag lugs yin// yam shing dmar nag khrag dang dug/ dri chen dri chu mi rus phye// ske tshe lan tshwa skra sen mo// zangs lcags 'khar ba ra gan phye// sha ba gla ba dgo ba rnam/ ri bong la sogs ri dwags dang // bong bu rnga mo la sogs rtug/ ji snyed rdzas kyi ro sreg sa'i maN+Dal du// rdzas dgod pa yi rim pa yang // me tog nag po dri mi zhim// ro ni kha ba'i me mar chen// mi sogs sha ba'i lha bshos dang // khrag gi arga mchod yon sogs// mchod rdzas sngags pa'i g.yon du bzhag/ ming rus dri chen dri chu dang // bong bu rnga sogs rtug pa dang // tsher ma can gyi yam shing dang // tsha ba'i
- 332b
dmar nag skra sen sogs// sngags pa rang gi g.yas su bzhag/ dgang gzur blugs gzar ma dun du bzhag/ rdzas de bsreg pa'i ting 'dzin yang // yam shing la sogs 'bar bas spras// de ni bza' ba ru pa ste// 'bar ba'i 'od la bsreg par bya// mar sogs 'ju ba'i rdzas rnams ni// de dag bza' ba'i khrag tu bsam// de ni ma mo'i zhal du dbul// dri chen la sogs rdzas rnams ni// de ni bza' ba'i sha yin/ te// ma mo'i phyag tu dbul bar bya// drag po hom gyi me de yang // sme sha can dang rdol pa po// mi sdong shan pa'i khyim nas blang // de ltar bsreg pa'i thabs shes na// rdzas bsregs nges par dgra bgegs yin// 'di dag las kyi kha tshar las// sbyin sreg yin par gsungs pa ni// las kyi kha tshar ma shes par// las la sbyor ba wa dang 'dra// dper na mda' la mde'u med pas// bsgrub bya 'bigs par mi nus so// las dang las kyi cho ga sogs// gcan gzan stag gi mche ba 'dra// dper na mda' la mdo bcug bzhin// las med las kyi kha tshar yang // mgo bo med pa'i rnga ma 'dra// mgo med rnga ma 'gro ba med// de ltar las dang kha tshar gnyis// bye brag mkhas pas shes par bya// las dang spyi dang bye brag de// kha tshar spyi dang bye brag yin// dper na sreg pa'i me la yang // zhi rgyas dbang drag mngon spyod rdzogs// me yi bye
- 333a
brag mkhas pas dbye// las dang las kyi tshar las// mkhas pa spu gri'i so dang 'dra// de bas 'bad pa thams cad kyis// las gzhan legs par shes par bya// las kyi gzhung la ma rmongs shing // sems can brtul zhugs dang ldan pa// dug gi sdong po yin par nges// las gzhung 'di la sgrub lugs gsum// dang po bka' yi sgrub pa ste// gnyis pa bka' brten bsgrub pa yin// gsum pa man ngag sgrub pa'o// bsgrub pa de la dus gsum ste// rgyal ba nga yi sku bzhugs dus// nga yi bstan la gnod pa la// bsgrub pa'i las rnams bcol dgos te// ma mo mkha' 'gro la sogs pa// mdongs sol tshul du las byed pa// de ni bka' yi sgrub pa yin// rgyal srid yod pa'i rgyal po bzhin// nga ni mya ngan 'das 'og tu// nga yi gsung gi byin brlabs dang // dge bcu dag la gnas pa dang // bka' bsgo las bcol byed pa'i dus// bka' brten pa'i sgrub lugs yin// rgyal srid phar brten tshur brten bzhin// snyigs ma mi dge bcu yi dus// man ngag gi ni bsgrub pa ste// ma mo rang gi man ngag las// bka' yis 'dul bar mi 'gyur te// dper na rgyal khams sil bu bzhin// de ltar bsgrub pa'i man ngag spangs// tho tshor ma mo sgrub byed pa// rang yang phung la gzhan la 'ang gnod// de bas mi shes rmongs pas rmongs// ma mo
- 333b
las thams cad pa'i las rgyud lung las// hom gyi le'u ste bdun pa'o// de nas nges par gdon mi za// las rnams 'di ltar shes par bya// sbyin sreg byas pa'i thal ba dang // dgra yi dri ma drug po la// mnan pa'i ling kha bya ba ste// mnan pa'i rten ni du yod pa// 'khrul 'khor grangs kyang de tsam bya// gnan pa'i gzhan ma ro ras sogs// de la dug sogs rdzas kyi sku// thebs pa'i dus su 'khrul 'khor bca'// mnan pa'i 'brub khung bdun byas la// de la dgra yi gzugs brnyan bdun// bdun rgyud rtsa ba yin par nges// yang na de yi gnas bdun gyi// gzugs brnyen mdun du mkhas pas bsam// zhal las byung bar 'brub khung la// ling ga de bzhin shes par bya// phyi ru rdo rje rgya gram la// man ngag can gyis ling ga bri// sngon dmar thun gyi dkyil 'khor yin// de yang yan lag rdzogs par bri// snying khar ming la dpral bar rus// spyi bo snying ka 'dom par du// oM dang hUM nag phaT ser ni// dbus kyi 'brub khung tha ma ru// gtso bo'i sngags bris ma mo yi// gsang sngags rim par bris nas kayang // de la thun gyi sngags rnams bri// de la sde brgyad gnyen dgu'i sngags// de rdzas mnan pa'i sngags kyang bri// gzugs kyi bla gnas rnams su// byang dang phur pa dza lcags kyu// mda' la sogs pa'i za byed bri// srog gi za byed bdun
- 334a
yin te// mdzes la sogs pa za byed dgu// bla nas gnas pa mkhas pas bri// bla gnas man ngag ma shes par// thun 'debs phur 'debs gris gtub pa// de ni zhe sdang don med yin// bla gnas rnam pa gnyis yin te// tshes gcig la sogs bla gnas ni// de ni mi 'gyur bla gnas yin// bya'i me'u chung gshang lcags gnas// byi ba la sogs lo bcu gnyis// dpyid zla ra ba la sogos pa'i// zla ba zhag ni sum cu dang // dus tshod bcu gnyis la sogs pa'i// 'di ni 'gyur ba'i bla gnas so// rtsang dang gri dang dza la sogs// lha srin gang gi rab bri// tha mar dbang gi kha byang gdags// gtad dang khram gnyis sbrel mar bri// rang gis nyes na dpang mi gzugs// bar du dbye ba'i phra ma gzhug/ bden tshig ma lus sog par bri// de nas mnan pa'i sa yang rung // 'byung po kun tshims gtor ma gtang // dar nag re nag gur phur la// dang por za byed gang yin pa'i// rten las rang gi snying po bzlas// sku ru bzhengs la mchod bstod bya// za byed rnam pa bzhi yin te// srog gi za byed gshin rje yin// zha gram za byed pa bdag la// sgro 'bog za byed rgyal po yin// mdze nad za byed klu yin no// za byed gang yin mnyes byas la// de la mnan pa'i las bcol lo// bza' ba lha dang dpral byas la// mnan pa'i 'khrul 'khor
- 334b
gzugs la bstim// de nag lha srin sde brgyad do// de nas 'khrul 'khor dri byas nas// sngon dmar skud pas rgya gram bri// skud pa'i sngags kyang bzlas shing bri// de nas la ca'i sbal bar gzhug/ re ba nag pos dral ba dang // de nas thod pa'i nang du gzhug/ thod pa rlung dang chu la sogs// mi tshor ba ru bsrung byas la// de nas sa de tshad du brko// de yi khung par thod pa gzhag/ sa de lha srin rten yin pas// de gzhag rten la gtad pa'o// de ltar gtad dang khram bris pas// 'di ni gtad pa'i khram zhes bya// gtad cing khram du btab pa de// mi tshor phyir na mnan pa bya// mnan pa re zhig bdun yin te// bsgom pa po la bdun po de// las byang nang du shes par bya// de ltar byas pa'i ting 'dzin ni// mi bzung lcags bcug ting 'dzin yin// de ltar bzlas pa'i sngags rnams ni// lha srid la dmigs bzlas pa yin// thun ni spu gri lta bu ste// lo ma yal ga gcod pa yin// mnan pa ste re lta bu ste// bdun rgyud rtsa ba gcod pa yin// srog gi mtha' sdug mnan pa yin// ser ba'i mtha' sdud rta ma yin// ma mo las thams cad kyi las rgyud lung las// mnan pa'i le'u ste brgyad pa'o// de nas yang dag bshad bya ba// khar nag thun gyi sngags rnams ni// dkar nag sngo dang dmar mo ser// phying kha log ste gsang ba'i thun// oM badz+ra gi bi hUM kar po ma hA
- 335a
ba ra ga hUM phaT// nag po sa shis shi bla shi sa zad hUM phaT// sngon po// lo shi kha la rag+na rbad na hUM// dmar po// du ra sa thim na dgra bo hUM// ser po'i sngags so// ma mo thams cad kyang rgyud lung las// spyod lam khar nag thun gyi le'u ste dgu pa'o// da ni lta ba bshad bya ste// gnyis me lta bas zag bcad nas// spyod pa chen po la dor ro// 'khor dang mya ngan 'das pa'i chos// rtogs na de gnyis ga la srid// rtog pa log pas gnyis snang ste// de la mi mos log rtog can// rang la mngan byed go ba'i sems// bsten bsrung skur 'debs gshegs byed pa// de yi 'khor ba'i ngan 'gror ltung // thugs rje chen po sa bsgral bar bya// de lta'i lta ba dang ldan na// lta ba de nyid sangs rgyas yin// shin tu gdug pa'i zhe sdang can// ji srid 'di ni gsang bar bya// 'di ni nga yis dgra yin zhes// rgya cher ma rtogs gol sems can// zhe sdang sol pa'i sdong po 'dra// de ni 'khor ba'i sha yang sar lhung // gzhan yang phra mo'i lta ba ni// spyod lam kun tu ma gol bar// bdag nyid che mchog gtso bor lta// g.yon rnams thams cad yum du lta// mdun rnams thams cad ma mo'i tshogs// bka' lung nyan cing las byed lta// rtsi shing nags tshal la sogs kun// thams cad ma mo'i tshogs su lta// bza' dang bca' dang btud dang bgo// longs spyod
- 335b
tshogs su snang ba kun// thams cad ma mo'i zas su lta// snod kyi 'jig rten gzhal yas khang // bcud du gnas pa 'khor sogs lha// steng ni zhing gi g.yang gzhi gsol// 'og ni khrag gi rgya mtsho sogs// bar ni keng rus rtsig par lta// spyod lam kun tu blta bar bya// ma mo thams cad kyi las rgyud lung las// spyod pa'i le'u ste bcu pa'o// de nas rnal 'byor spyod pa ni// longs spyod mi khrag sha la rlom// khyad par tshil / chen sha dang rkang // bris sku g.yas g.yon kun tu yang // spos kyi na bun 'thibs par bri// mdo long dre rta zhon pa kun// bud med tshul du lab chung bgo// sor tshigs 'phreng ba 'bral mi bya// na chung gzhon pa'i / gos legs bgo/ tshil chen me mar bltam byas la// bris sku de yi tha ma ru// 'gro dang 'dug dang bskor dang 'bud// rkang gling bud cing cha lang brdab// gsang ba sngags kyi sgo dang skang // mis mi mthong bar drag tu bzlas// 'gro dang 'du 'dzi zas dag la// chags par mi bya thod pa'i rnga// brdung zhing mdo long sbugs glu blang // drag po dag la zhugs pa'i tshe// phyar ba gon la mchi ma btang // gdung ba'i smre sngags gdon par bya// thun la zhing gi skra btags 'then// sha chen dag kyang za bar bya// skom na khrag kyang btung bar bya// de ltar byas nas 'grub par nges// gzhan yang spyod pa 'di lta ste// ras chen dag ni blangs
- 336a
nas kyang // rang la mos shing shis pa yi// ma mo bri sku 'dra 'bag sogs// byed pa spyod pa yin par 'dod// gzhan yang khyad par zhing chen gyi// sha dang khrag dang tshil chen sogs// gtor ma rtag tu gtang par bya// ma mo thams cad pa'i las rgyud lung las// spyod pa bstan pa'i le'u ste bcu gcig pa'o// de nas sngags pa'i dam tshig ni// snying rje dus dang ldan pa ru// chu bo chen pa'i gzhung bzhin du// lha mi spang zhing bla ma bkur// dam 'dres gsang ba'i 'tshang mi 'bru// 'og ma mi shes snying rje bskyed// gsang sngags sgra dang ting nge 'dzin// spyod lam kun tu rgyun mi gcad// bza' dang btung ba thams cad la// lha la phud dbul nar pa bshags// dam rdzas ma 'tshoms lha mi bod// bud med tshogs la smad mi bya// rang gis nyes na dpang mi gzug/ rnal 'byor rnal 'byor thams cad la// dus dang rtag tu smad mi bya// dkon mchog spyi ched dang du blang // de ltar byas na myur du 'grub// nga rgyal mi bya g.yo sgyu spang // snyan dang chags dang grags pa dang // khye dang bkur sti longs spyod yang // dam tshig don du thams cad spang // bsgral ba'i las rnams ma shes par// drag po'i las rnams thams cad spang // sems can kun la snying rje zhing // rdo rje spun la gdung sems bskyed// rgyu du brtag cig gtor ma gtang // lo gcig dang
- 336b
la rgyu ba ni// tshes gcig lo gsar gnyen po yin// zla ba gcig la rgyu ba ni// nyi shu dgu la gtor ma gtang // zhag gcig dus ni bzhi yin te// nang nub nyid gung mtshan gur ste// dus der bya ba kun byas te// 'grub par gyur pa the tshom med// ma mo las thams cad pa'i rgyud lung las// dam tshig bstan pa'i le'u ste bcu gnyis pa'o// de nas ma mo de dag ni// dbye ba 'di ltar shes par bya// kun tu bzang mo la sogs pa'i// yang gsang ma mo drug pa yin// kun tu bzang po de nyid la// dbye ba'i rnam pa 'di ltar ste// kun tu bzang mo rgyal mo bzhi// de bzhin gtso mo nyid bzhi ste// kun tu bzang mo'i kha blon bzhi// de bzhin grub blon ma bzhi'o// mtshams kyi blon mo bcu gnyis te// bar mtshams blon mo bcu gnyis yin// de yi sman mo bcu gnyis yin// go la ma gzhi sring mo bzhi// kun ru bzang mo'o ma mo bdun// sring mo bdud te gzhon nu bzhi// bcos su mi rung ma mo brgyad// bcos nas grub pa'i ma mo gcig/ de ltar 'gyur ba'i ma mo rnams// kun tu bzang mo'i ma mo yin// dpag bsam shing gi bum pa la// ma mo 'di rnams gnas pa yin// yang gsang ma mo lnga po la// gong bzhin rgyal mo bzhi la sogs// ma mo dbye ba 'di lte ste// ri rab kha khyer dang po na// rang rang gral gyi rim par gnas// yang gsang ma mo dbye
- 337a
ba'o// ye shes ma mo bcu bzhi yang // re zhig mkhas pas 'di ltar dbye// dper na nyi zla zod 'phreng can// zod 'phreng can gyi kha blon bzhi// de bzhin gru blon ma bzhi dang // mtshams kyi blon mo bcu gnyis dang // bar mtshams blon mo bcu gnyis yin// sman mo bcu gnyis go le bzhi// sring mo bzhi dang ma mo bdun// sring mo bdun te gzhon nu bzhi// dzir mi yongs kyi spun bzhi dang // bcis su mi rung ma mo brgyad// bcos nas grub pa'i ma mo gcig/ 'di dag nyi zla thod 'phreng can// de yi ma mo dbye ba ste// 'phra med rgya mtsho la sogs pa'i// mkha' yi ma mo thams cad la// dbye ba rims bzhin shes par bya// dpag bsam shing gi 'khor lo la// ri rab bang rim par ma la// rang rang gral gyi rim par gnas// mkha' yi ma mo dbye ba'o// srid pa chags byed la sogs pa'i// sman mong dbye ba 'di lta ste// dper na srid pa chags byed kyi// sman mo'i rgyal mo bzhi dang ni// de bzhin sman mo kha blon bzhi// bcos na grub pa'i ma mo'i bar// de tsam ma mo'i rim par gnas// srid pa chags byed la sogs// rang rang gram gyi rim par gnas// ma mo kun la de bzhin dbye// dpag bsam shing gi 'khor lo la// ri rab bang rim tha ma la// ro la mtsho ri rab gling dang yangs// lcags ri rgya mtsho dur khrod sogs// sman mo'i
- 337b
tshogs kyi dbye ba ste// dper na smug mo'i tshogs la yang // smug mo'i rgyal mo kha blon bzhi// smug mo'i grub blon mtshams blon mo// smug mo bar mtshams blon mo dang // smug mo'i dmar mo go le ma// smug mo'i / srid mo ma bdun dang // smug mo'i brgyad mi cig dang // smug mo'i tshogs kyi dbye ba ste// dkar mo la sogs de bzhin no// sngags pa gang zhig ma mo'i dbye mi shes// mu tshor skong dang bskul dang las 'chol dang // gnad las 'bod cing las byed mdos bcos pa// rang yang tshe thung 'jig rten bkra mi shis// de bas srog lus rdzas rnams kyis// bla ma mnyes bya dbye ba'i man ngag brtsam// dper na rigs bzhi'i dbye ba shes tsam gyis// rgyal rigs dbye ba zhib mi 'gyur// de bzhin rigs gsum ma mo shes tsam gyis// ma mo'i bye brag mi shes so// ma mo las thams cad pa'i las rgyud lung las// las kyi ma mo dbye ba bstan pa'i le'u ste bcu gsum pa'o// de nas las kyi ma mo yi// gnas kyi dbye ba 'di lta ste// re zhig gnas ni rnam pa gsum// rang bzhin las las grub pa'i gnas// de ni ri rab gling yin te// btul nas dam tshig dpog pa'i gnas dur khrod ro dang nag po gnas// skar ma 'od kyi bu mo dang // kun tu bzang mo'i mkha' dbyings dang // dbang phyug chen po'i gdan stengs dang // srin mo rgya yi gral sa dang // ma ru rtse
- 338a
yi sgo 'gram yin// las byed zas byed tshol ba rnams// dur khrod la sogs gnas rnams yin// de dag rim pa rgyas par dbye// dpag bsam shing gi bum pa yin// dbus su kun tu bzang mo yi// rgyal mo bzhi yi gnas yin te// de yi phyi rol bum pa la// phyogs bzhir nam mkha'i blon mo bzhi// mtshams su grub blon bzhi yi gnas// de yi phyi rol cha la ni// phyogs mtshams bcu gnyis cha la ni// mtshams kyi blon mo bcu gnyis gnas// de yi phyi rol bum pa la// phyogs mtshams bcu gnyis chas la gnas// sman mo bcu gnyis gnas pa'o// go le ma ste g.yog mo bzhi// phyir byung nang 'jug kun la dbang // de yi phyi rol bum pa yin// phyogs mtshams bcu gnis cha la ni// srid mo bzhi dag ma bdun gnas// de yi phyi rol cha dag la// phyogs mtshams bcu gnis cha la ni// srid bdun bzhon bu bzhi yi gnas// de yi phyi rol bum pa'i chu// phyogs mtshams bcu gnyis cha la ni// spyan bzhi ma mo brgyad kyi gnas// de ni dpag bsam bum pa'i cha// phyogs mtshams dag la lnga yi cha// phyogs mtshams lnga yi cha la ni// go le bzhi dang ma gcig gnas// de ltar rim pa dgu po yang // de ni dpag bsam bum pa ste// nang du dar gyi gur dkar dgu// gsang ba rin chen sna lnga yin// khang pa brtseg ma sgo dgu can// kun tu
- 338b
bzang mo'i gnas rnams so// ri rab kha khyer shar phyogs su// dbus su shar gyi ma mo yi// rgyal mo bzhi yi gnas yin no// shar phyogs de yi rim pa brgyad// chu la dbang pa'i rgyal mo yi// kha blon bzhi sogs brgyad kyi gnas// phyi nas ri rab kha khyer te// nang du dar gyi gur dgu ste// gsang ba rin chen khang pa dgu// shar gyi ma mo'i gnas yin no// ri rab kha khyer dang po yi// lho yi dbus su lho phyogs su// rgyal mo bzhi yi gnas yin te// 'di dag rang bzhin gnas kyi las// grub cing las rnams byed pa'i gnas// gling dang dur khrod la sogs pa'i// btul zhing dam tshig phog pa'i gnas// ma ru rtsa yi sgo 'gram yin// de ltar mkhas pas shes par bya// lho phyogs de yi phyi rol tu// chu yi rgyal mo kha blon dang // grub blon bzhi yi gnas yin no// de bzhin rim pa bdun gyi bar// lho phyogs rgyal mo'i gnas yin te// mdor na rin chen khang bu dgu// rin chen mdzes pa'i sgo dgus spras// ri rab bang rim dang po'i nub// dbus su rgyal mo bzhi yi gnas// kha blon grub blon brgyad kyis gnas// de yi phyi rol mtshams blon gnas// ri rab kha khyer byang phyogs kyi// rim pa drug la de bzhin gnas// phyi nas ri rab nub phyogs te// nang du dar gyi gur dgu yin// gsang ba rin chen khang bu dgu// me la dbang ba'i rgyal mo gnas// ri rab kha khyer byang
- 339a
phyogs kyi// dbus kyi rlung la dbang ba yi// rgyal mo bzhi yi gnas yin te// de yi phyi rim la sogs brgyad// kha blon la sogs brgyad kyi gnas// khang bu dgu la sgo dgu ldan// dpag bsam shing gi bum snying po// nam mkha' rigs kyi rgyal mo yi// rgyal mo bzhi yi gnas yin no// de yi rim pa brgyad la ni// kha blon la sogs sde brgyad gnas// nam mkha' stong la dbang sgyur ba'i// rgyal mo rnams kyi gnas yin no// de ltar 'gyur ba'i gnas rnams ni// yang gsang ma mo drug gi gnas// de nas blon mo tshogs kyi gnas// mkhas pas 'di ltar shes par bya// dpag bsam 'khor lo 'bar ba'i dbus// ye shes ma mo gtso mo yi// rgyal mo bzhi yi gnas yin te// de yi rim pa brgyad la brgyad// de yi gnas su mkhas pas brtag/ 'khor lo'i nub dang byang dang shar// lhor yang ma mo de bzhin gnas// kha khyer la ni sde bzhi ste// skyed pa dang ni rtsa ba dang // ye shes ma mo sde lnga gnas// de ltar bang rim bar pa ni// blon mo rnams kyi gnas yin no// dpag bsam 'khor lo tha ma yi// dbus la sogs pa'i rim pa dang // ri rab kha khyer tha ma yi// shar la sogs pa'i rim pa dang // dpag bsam shing gi rtsa ba dang // ri rab rtsa ba rgya mtsho'i gting // rol mtsho brag dang gling rnams dang // sa dang chu dang brag dang ri// dur khrod grog
- 339b
ral khang ral sogs// lcags ri dang ni gling mtshams kun// sman mo rgyal mo kha blon dang // grub blon mtshams kyi blon mo sogs// de dag gnas su shes par bya// ri rab bang rim dang po yang // rin chen bzhi las phyogs bzhi grub// de la rin chen mdzes pas spras// bang rim gnyis pa de las zlog/ bang rim gsum pa de las 'gyur// de dag gsum las lcog lnga ste// gtso mo rnams kyi gnas yin no// dpag bsam shing gi rtsa ba yang // bai DUR+Ya yi rang bzhin te// pad+ma ra gas mdzes par brgyan// de yi 'khor lo gser yin te// dung dang bai DUR+Ya yis mdzes// dpag bsam shing gi sked pa ni// pad+ma ra ga'i rang bzhin te// bai DUR+Ya dang gser gyis mdzes// de yi 'khor lo dung yin te// dung dang iN+Da ni las mdzes// dpag bsam shing gi rtse mo ni// gser dang dmar dang dkar gyis spras// de yi 'khor lo pad+ma ra// rin chen sna tshogs mdzes pas spras// de ltar dpag bsam shing de yang // lha srin bsod nams stobs las byung // kha cig bza' dang longs spyod de// kha cig gi ni gnas dang rten// dpal gyi khang pa gzhal yas khang // rang bzhin gzhi bkra mdzes pa yod// dpag bsam shing gi rtse mo yi// stobs las rtsa ba'i dkyil 'khor la// myu gu mdzes pa sna tshogs byung // ma mo sman mo rol mo sa// dpag bsam shing gi sked pa
- 340a
dang // rtsa ba gnyis kyi stobs las ni// sked pa'i 'khor lo me tog dag/ dbyibs dang kha dog sna tshogs byung // blon mo 'khor gyi rgyan dang mdzes// rtsa ba gyes pa rtse mo'i stobs// rtse mo 'khor lo 'bras bu dang // dgos 'dod rnam pa sna tshogs dang // kha dog dbyibs dang ro dang dri// sgra dang reg bya khyad par can// dpag tu med pa 'byung ba dang // dpag bsam shing zhes bya bar grags// de ltar dpag bsam shing de yang // mdor na rgyal mo rnams kyi gnas// khang pa rnams kyi snying po'i// ma mo las rgyud lung las// las kyi gnas so sor bstan pa'i le'u ste bcu bzhi pa'o// de nas las kyi ma mo yi// nad dang dal gyi rkyal pa ni// mkhas pas 'di ltar shes par bya// rgyal mos glang po'i rkyal pa ru// nad ni sna tshogs bkang nas gtong // gtso mos steng gi rkyal pa ru// mdze nad sna tshogs bkang nas gtong // blon mos rta yi rkyal ba ru// 'brum bud 'brum bu gu leb dang // shu bas bkang nas phung bar byed// kha blon mo yis rkyal pa ru// 'bras skugs phol gyi nad kyis bkang // grub blon phar ba'i rkyal pa ru// rna gzer mgo skraskangs glo zad byed// mtshams kyi blon po smig pa'i rkyal// bal nad lhog pa dkar nag byed// bar mtshams blon mo bya yi rkyal// gsha' ya rgya nad rgyu gzer rmu// go les stag gi rkyal pa ru// skrangs 'thibs smyo
- 340b
'bog chu ser nad// ma bdun rnga mo'i rkyal pa ru// lkugs rkegs 'dar bu rgyu skams lkugs// sring bzhi pags pa'i rkyal pa ru// 'khru skyugs klad gzer snying gzer nad// gzhogs phyed bskams dang lus gdong g.yon// las byed lcags kyi rkyal pa ru// pho mtshan mo mtshan skra bas bkang // sman mo mi yi thod pa thogs// nad ni sna tshogs thod par blug/ re ma ti ste bdud mo ni// rkyal pa sngon dmar sna tshogs su// nad dang rims dang dal gyis bkang // stong khams sngon dmar 'ja' yis bris// nag mo spun dgu'i dbye ba'o// ma mo las thams cad pa'i rgyud lung las// nad bstan pa'i le'u ste bco lnga pa'o// // de nas las kyi ma mo yi/ khram shing rde shod byang dmar rnams// 'di ltar mkhas pas shes par bya// rgyal mo khram shing byang dmar ni// phug gi shing las byas pa yin// ye shes ma mo rtsa yi shing // sman mo tsher ma can gyi shing // rgyal mo khram ni rtseg ma ste// blon mo'i khram shing spel mar bya// sman mo'i khram ni zur gsum mo// rgyal mo byang bu dmar ser la// blon mo byang bu dmar ldang yin// sman mo byang bu dmar nag go/ rgyal mo'i shod rde dmu rde ste// blon mo'i shod rde srin rnge gnag/ sman mo'i shod rde klu rde yin// rgyal mos rgyal rigs rgan mo rnams// khram la 'debs dang shod la 'debs// de bzhin byang bu'i dkyus su
- 341a
'dzud// blon mo bram ze rje rigs dang // sked mgo na chung bar ma rnams/ khram la 'debs dang shod la 'debs// byang bu la 'dzud shes par bya// sman mo dmangs rigs byis pa chung / khram la 'debs dang shod la 'debs// byang dmar dkyus la 'dzud bar nges// de lha'i khram la sogs pa yang // khram kha ma brtsis khram mi thebs// de nas khram pas khram kha brtsis// shod la ma btab shod mi thebs// de bas mkhas pas shod kha gdab// byang bu ma bris byang mi thebs// de nas mkhas pas byang bu bris// 'di yang las kyi kha tshar te// kha tshar gzhan ni thun mong ste// brnag thun khram la sogs pa 'di// man ngag dam pa 'di la yod// de bas gsad par 'dod pa yis// man ngag 'di la nan tan bya// de yi nang nas khram kha gtso// 'di ni nad kyi khram kha ste// 'di mi shes pa'i sngags pa dag/ byang gri yu ba bud pa 'dra// bsgrub zabs las 'di shes par bya// dgra gsad bya ba byed mi nus// de nas ma mo khram brtsi sogs// 'di la mkhas pas nan tan bya// re ma ti ni 'dod khams bdag/ de yi phyir na shing ris gsum// ma mo khram shing byang dmar yin// snang srid bdag mo yin pa'i phyir// rdo ba gsum phyar shod rje yin// 'dod khams gtso mo yin pa'i phyir// rgyal rigs la sogs bzhi rnams dang // gtso mo la
- 341b
sogs mi tshan gsum// 'di yis khram la 'di yis thams cad 'debs// shod la 'debs shing byang bur 'dri// srog dbugs kun gyi bdag po'i phyir// de nas man ngag ma btsal na// khram kham shes rang la khram// sbyor ba nyes pa rang la ldog/ shod kham shes rang la shod// byang bu ma shes rang la rgyud// sbyor ba ma shes rang la ldog/ tshig tu 'don pa wa sgre 'dra// don dang sbyor ba mkhas pas btsal// sbyor ba dag dang don shes pa'i// bla ma de ni rdo rje 'dzin// de dang rtag tu 'bral mi bya// ma mo thams cad pa'i las rgyud lung las// ma mo khram la sogs pa bstan pa'i le'u ste bcu drug pa'o// // rdzogs so// / @/ rgya gar skad du/ ma ma tsit+ta gu h+ya tan tra/ bod skad du/ ma mo thugs gsang ba'i rgyud// thams cad mkhyen pa'i dpal bcom ldan 'das dpal he ru ka yab mngon rdzogs kyi rgyal po la phyag 'tshal lo// sngon 'das pa'i dus ma byon pa'i sngon rol du/ ri rab kyi rtse lha g.yung drung gi gnas nas/ thig le chen po'i tshul du bzhengs su gsol nas/ yab mngon rdzogs kyi rgyal pos/ 'byung ba chen po lnga srid pa'i rgyur bshig ste/ skye 'gro thams cad de las 'char bar mkhyen to// yab mngon rdzogs kyi rgyal pos thig le chen po ye mnyam pa las// ye mnyam pa'i slad bzhin du// 'byung ba chen po lnga ye nas sangs rgyas par
- 342a
bstan/ 'bras bu bde ba chen po byang chub sems su la bzla'o// che mchog he ru ka'i dgongs spyod kyi le'u ste dang pa'o// // 'di nas mar lta bas zag bcad pa'i phyir/ yang gter lta ba'i man ngag bstan te/ tsit+ta rin po che dkar dmar gyi gzhal yas khang byang chub sems kyi ga'u nas/ kun tu bzang mo mi 'gyur ba'i bdag nyid/ ye shes thams cad kyi 'byung gnas/ chos kyi dbyings kyi ngo bo bla na med pa'i phyag rgyar gsal ba las/ mkha' gsal nyi ma'i dkyil 'khor nas snang srid thams cad 'char bar mdzad de/ mkha' bzhi dbyings dang lnga'o// de'i las dbyings dang ye shes kyi ma mo thams cad bskyed pa'o// tsit+ta rin po che dkar dmar gyi rtsa bzhi las// dang por dpal chen po nyid kyi thugs ye shes las bskyed pas/ ye shes kyi ma mo yang bag bzhi gnas so// mkha' bzhi dbyings dang lnga la 'byung ba'i rgyal mo lnga gnas so// gnas yul bcu drug la ye shes kyi ma mo bcu drug gnas so// phyi rtsa gsum brgya drug cu la ma mo thams cad spro bsdu gsal ba bstan don dbyings dang ye shes las mi 'gal bas/ ye shes kyi ye shes chen po bla na med pa'i phyag rgyar gsal ba'o// yang gter lta ba'i le'u ste gnyis pa'o// // 'di nas mar spyod pas la dor dor ba dang / 'khor ba tshe gso zhing byang chub srog gzung ba'i phyir// stan 'gan gyi
- 342b
las bstan te bsgral bas ma mo rnams kyi thugs dam skongs so// sbyor bas 'phags pa rnams kyi thugs dam skongs so// mnyam par gzhag pas d+ha ra ma ka ya'o// sbyor sgrol gyi gsang tshig stan 'gan gyi le'u ste gsum pa'o// / 'di nas mar bsgrub pas phul du 'byung zhing phyi rabs kyi rnal 'byor pa rnams rtog pa chud mi gnas pa'i phyir/ gsang lung man ngag skos kyi le'u/ gser gyi skud pa la rin po che gtsar la brgyus pa ltar bstan te/ bka' dang mthun zhing thugs dang 'thad pa'i gnas btsal ba dang / gzhung gzhan dang mthun par sa gzhi byin gyis brlabs pa dang / sa glud gtang zhing sa bslang ba dang / sa gzhi byin gyis brlab cing sa'i lha mo brtan ma la spyan gtang ba dang / sa'i smon lam gdab pa kun gzhung gzhan dang mthun par bya'o// rnal 'byor pa sgrib pa sbyang ba'i phyir/ phyi'i mchod pa rgya cher 'bul ba dang / spang skong klag cing tsha tsha gdab pa dang / 'bum lnga'i bshags pa la sogs pa bya'o// 'di lta bu'i las byed pa'i dus su/ phyi'i 'gra bgegs nang du mi gtang / nang gi dngos grub phyi ru mi gtang ba'i phyir/ za lam gom pa sum cu rtsa bdun mkha' 'gro ma'i tshugs sa ru mtho chen po bzhi dang bcu gcig la sogs pa brtsigs la/ phyi mtshams bcad pa dang / dur khrod kyis 'gying stabs te/ dpal chen po'i chas su zhugs la/ gu gul
- 343a
gnyer ma dang / yungs kar rgyal po dang / khro bo bcu'i mtshams bcod/ 'di nas mar lta ba log par lta zhing // bar du gcod pa'i dam srid dur khrod kyi thod pa mtshan ngan la mnan pa dang / sid+d+hi phra mo'i dngos grub la bar du gcod pa'i bgegs bzlog pa'i phyir sgo byang gdams pa dang / 'tsho ba zas kyi yo byad dang / dug 'joms sman gyi yo byad la sogs pa byin gyis brlab pa dang / sa tsho tshon rtsi byin gyis brlabs pa dang / g.yog gzungs ma byin gyis brlab pa dang / dur khrod rdzas kyi chag chag gdab pa la sogs pa kun gzhung bzhin bya'o// dkyil 'khor 'khor lo rtsibs bzhi pa'i thig gdab/ dbus kyi lte ba zlum po la zla gam kha spyod bri/ de'i phyir mi thod pa'i 'phreng bas bskor/ de'i phyir rim du pad+ma 'dab ma bzhi bri/ de'i phyir rim du 'khor lo rtsibs bzhi pa bri/ de'i phyi rim mu khyud zlum po la thod pa'i 'phreng bas bskor/ de'i phyi rim dri med pad+ma bcu bzhis bskor/ de'i phyi rim thod pa'i 'phreng bas bskor/ de'i phyi rim gru chad bzhi la pad+ma 'dab ma bzhi bri/ de'i phyi rim zhing kyang bri/ de'i phyi rim par khyams la/ gru gsum mthing nag khro bo'i dkyil 'khor bri/ lcags ri mtshon tshogs sgo khyud sbag tu bya/ de'i phyi rim me ri 'bar bas bskor/ dkyil 'khor bca' gzhi'i le'u ste bzhi pa'o// / 'di nas mar 'phrin las
- 343b
gzhung bsrang ba'i phyir/ skabs kyis las mde'u ta tho bar nas phyung ba ltar bstan te/ dang po dbang chen gyi dkyil 'khor bskyed cing dur khrod kyi gzhal yas khang dbub pa dang / ting nge 'dzin rnam pa gsum gyi bdag che mchog bsgom pa dang / rang bzhin gyi dkyil 'khor nas ting nge 'dzin gyi dkyil 'khor du spyan drang ba dang / gnyis su med par bya ba'i phyir phyag bya ba dang / dur khrod rdzas kyi dkyil 'khor du gdan gding zhing bzhugs su gsol ba dang / sku gsung thugs kyi thugs dam bskang ba'i phyir bdud rtsi sman ye shes kyi mchod pa 'bul ba dang / mi 'da' gnyis su med par bya ba'i phyir dam bca' ba dang / bag chags sbyang ba'i phyir ye shes mkha' 'gro'i bshags pa bya ba dang / dngos grub mi 'gyur bar bya ba'i phyir smon lam gdab pa dang / bdag ma mo'i dbang du mi 'gyur bar/ ma mo bdag gi dbang du 'du ba'i phyir/ bdag dpal chen po sgra che ba'i nga rgyal bskyed cing ma mo bdag gi dbang du bsdu ba dang / sngags dang snying po brjod pa dang / bsgrub pa'i dus su mtshang bru ba zhing bskyer ba dang / 'jug kun skabs kyi las mde'u gyi bsdus pas/ skabs kyi las mde'u gyi le'u ste lnga pa'o// // ma mo thams cad ni yang gab bzhi ru 'dus te/ de bzhi spyan drang ba'i sngags ni/ de yang srog gi yang snying 'dir 'dus so// rgyun ma chad par
- 344a
bzlas so/ trag rag sha mu tra kha mun tra rag mo dza dza te khaM kha la ma hi b+h+yo/ rgyun ma chad par bzlas pas ni/ rang dbang med par nam mkha' la sprin 'du ba bzhin du 'du zhing tshogs so// rbad pa'i snying po ni/ trag rag sha mu tra snying kha rag rbad chums thum ri li ri li b+h+yo/ ma ma rA dza ya ya thun b+h+yo/ srog gi snying po'i le'u ste drug pa'o// // de nas dkyil 'khor gyi dbus su dar mthing nag gi gur dbub/ snying dmar por bya'o// dar gyi mthing gur gyi nang du/ dur khrod kyi rdzas thugs dam gyi rten ban d+ha mtshan ldan dgu la/ dbus kyi pad+ma 'dab ma bzhi la ban d+ha bzhi dgod do// phyi pa lnga 'khor lo rtsibs bzhi dbus kyi lte ba dang lnga la re re dgod do// ban d+ha de kun gyi nang du khrag sna stong rtsa brgyad rnyed na legs/ ma rnyed na gar 'byor 'byor dang / khrag chen thigs gcig dang / sbrang khu'i khrag chen thigs gcig dang / mtshal chen thigs gcig dang / de rnams bsres la dbus kyi bzhi por blugs so// gser phye me long bzhi dang / bud med mtshan ldan gyi nu zhe dang / khyo ga'i byang chub sems su sbyar la bzhag/ zhing gi g.yang gzhi bla ri ru gdags/ zhing gi rgyal mtshan phyar la rkang gi gling bu 'bud/ thod pa'i cang te'u brdungs te sha chen gyi gtor ma 'bul/ dmar gyi arga sbreng ba ste/ dur khrod rgyan gyi le'u ste bdun pa'o// // de nas yum chen
- 344b
mo spyan drang ngo zer yang / dang po che mchog he ru nyid spyan drangs te/ 'chi med rdo rje dkyil 'khor nas/ gu h+ya dpal chen che mchog spyan 'dren na// chos nyid dbyings kyi dkyil 'khor nas// ye shes rig pa nyid la skyed pa'i lha// ye shes dbyings la bskyed pa'i khro rgyal gtso// gu ya dpal chen che mchog he ru ka/ rang bzhin dkyil 'khor chen po nas// btang snyoms chen po'i ngang las ma g.yos kyang // 'gro ba'i log rtog bsal phyir gshegs su gsol// phyag rgya chen po bzhi'i tshul du byas la 'di skad ces brjod do// e h+ya he dza hUM baM ho/ ma hA che mchog shri he ru ka/ sa ma ya mu tra ru lu ru lu hUM dza/ zhes brjod la/ de nas yum chen mo spyan drang ngo // mkha' mnyam klong gi dkyil 'khor dang nas// kun tu bzang mo spyan 'dren na// gu h+ya rin chen gter 'char ma// kye ma cig kun bzang dbyings kyi chos bdag mo// bzhugs ni nam mkha'i dkyil na bzhugs// mkhar bzhi dang ni dbyings dang lnga// yang gab dbang gi rgyal mo bzhi// mkha' gsal nyi ma'i dkyil 'khor nas// snang srid thams cad 'char bar mdzad/ mtha' yas sems can thams cad dang / cir snang ci srid ma lus kun// chos kyi dbyings su ro gcig ste// bde chen yum gyi klong du rdzogs// thams cad dbyer med mnyam pa'i dbyings mi 'gyur ye shes klong du thim// mtha'
- 345a
dbus med par kun la khyab// bdag med phyogs cha kun dang bral// gzugs 'dzin mtshan ma'i yul las 'das// ye bdal mnyam nyid nam mkha'i sku// chos nyid zhi ba'i ngang las ma g.yos kyang // 'gro ba'i log rtog bsal phyir gshegs su gsol// bde chen gsang ba'i dkyil 'khor nas// dbang gi rgyal mo spyan 'dren na// rang byung ye shes spros dang bral// yid kyi rnam shes gsal ba'i dbyings// spros bral kun tu bzang mo'i mkha'// kun gzhi ma g.yos mnyam pa'i ngang / gsal ba dag pas nam mkha' bzhin// chags pa'i skyon bral pad+ma bzhin// phyogs bral kun tu bzang mo'i klong // mkha' klong gnyis med spros pa'i sras// yang gab dbang gi rgyal mo bzhin// bde chen gsang ba'i dbyings su skungs// dbyings las bskyed pa'i ma mo bzhi// dam la gnas pa'i sring mo bzhi// bdud rtsi sgrub pa'i rgyal / mo bzhi// phur bu bsgrub pa'i blon mo bzhi// ma mo kun gyi gtso mo bzhi// nad rnams gtong ba'i ma mo bzhi// ma mo thun gyi bdag mo bzhi// sems la skyes pa'i bu mo bzhi// yid la gzhung ba'i mdza' mo bzhi// las la shis pa'i bran mo bzhi// bskyed ni chos kyi dbyings nas bskyed// bzhugs ni nam mkha'i dkyil na bzhugs// rgyu ni bar snang khams su rgyu// gnas ni rgya mtsho'i gling la bcas// dbang ni srid pa
- 345b
gsum la mdzad// srid gsum 'jig rten spyod mdzad ma// bdag gi dam tshig dgongs nas kyang // spyan drangs mchod phyir gshegs su gsol// s+thi ti kha la ma snying kha rag dzA dzA/ rag sha ma snying ka rag dzA dzA/ kha raM rag mo rag sha snying kha rag dzA dza/ kha raM rag sha ma snying kha rag dzA dzA/ thod pa re re'i nang du bris te/ gong gi dkyil 'khor gyi dbus su dar gyi mthing gur phub pa'i nang du dgod/ 'di lta bu'i las byed pa'i dus su/ kha gser kha g.yu bsgrub pa po'i snyan char btags so// kha gser kha g.yu mur zhing / bzlas pa'i snying po ni/ sa ma ya ho/ sa ma ya s+t+waM/ trag rag sha mu kha mun tra/ snying kha rag ma ma ni sod// snying ka rag ma ma trag ta thun b+h+yo/ gu h+ya g.yu gter gsang ba'i le'u ste brgyad pa'o// / 'di nas mar dam tshig gis gzhi gzung zhing / sku gsung thugs kyi dam tshig las mi 'da' ba'i phyir dam bca' bar bstan te/ rnal 'byor gang zhig mnyam pa'i dkyil 'khor du// theg chen bla med 'bras bu gtsor bzhag ste/ bla med byang chub 'bras bu 'grub pa dang // gsang sngags gsang ba'i thi tshag tsam pa ru// mi 'da' mtha' dang yun du bdag bsrung na// rdo rje dam can ma tshogs rgya mtsho rnams// so so'i thugs dam rjes su dgongs mdzod la// 'phrin las dus bzhin yun du ma bskyang bar// mi g.yel dam la rub pa'i 'phrin las mdzod// dam
- 346a
tshig sa ma ya 'bum sde yang // dam tshig stong rtsa brgyad du 'dus// dam tshig stong rtsa brgyad kyang // dam tshig nyi shu rtsa brgyad du 'dus// de yang sku gsung thugs kyi dam tshig tu 'dus te/ sku gsung thugs kyi dam nyams na/ chad pa'i bdag mo byang chub sems la bskyed pa'i ma mo dkar mo dbu dgu yin te/ bka'i pho nya thod 'phreng can dang / phyi'i tshangs pa chen po bsdongs te/ nad sgro 'dre dang 'bog nad/ yid phyi nang 'gag byed/ dbang po sdom byed/ yan lag sra byed/ rang gi sems kyi gnyen por sems kyi chad pa 'byung bas/ yang shi dang yang sos nad 'byung bas/ dam tshig dmyal ba'i le'u ste dgu pa'o// / 'di nas mar 'phrin las kyi khyad pa dang sngags kyi che ba dbyung ba'i phyir// ma mo tsit+ta yang snying gi sgrub thabs bstan te/ dkyil 'khor 'dom gang gru bzhi dbangs su chag gang bar byas la/ dbus e gru gsum la sor lnga par byas la/ gting tu brus te sbag tu bya'o// e'i logs gsum la zla gam gsum bris/ zur gsum la lcags gzhu dang lcags mda' bri// de yi phyi rim thod pa'i 'phreng bas bskor// de'i phyir mi 'khor lo rtsibs brgyad bri// mu khyud zlum po la zhing skyong bri// gru chad la phyag rgya chen po bzhi bri// de'i phyir rim la me ri kha nang du bstan pa bri// de'i phyi rim la rdo rje ra ba bri// zur bzhi la rdo rje rgya gram
- 346b
bzhi bri/ ya tags la hom sol dang / thal chen dang / bud med bcu bdun lon pa'i rag ta dang // khyi dom bu'i snying dang // phag pa rog po'i snying dang // ra ser rgya'i snying dang / baM gyi snying dang / de rnams la gtor ma bya'o// lug nag pos bskang ba byas la/ byang shar gyi mtshams su gdags so// shar du lta ba rdeng du gyur ba cig bzhag/ byang du 'phrin las phur bu la mkhas pa cig bzhag/ 'phrin las rgyun ma chad par bskul lo// nub nas sngags dmyal dang sbrid bas par ma chad par brdeg go/ lho nas ma mo la gdung zhing pho nyar dgye'o// ling ga bca' thabs ni/ srog mkhar gyi sa dang / ngar rnabs dang / tshub mi lo ma dang / gnam gyi ras ma la gzugs byas la/ e gru gsum du gzhug go/ e'i lho zur du phur ba la gdags so// zla gam la ma mo'i snying po bri// 'khor lo la khro bo'i phur pa dgod/ yungs kar pad+ma rag tas dbang bskur la/ ling kha la brdeg pa'i sngags ni/ ka la ru pa snying kha rag khang kha tsit+ta/ ti ba ta tsakra hur bu hur bu/ trag rag sha mi tsi b+h+yo hUM phaT/ yungs kar gyi rgyal po yod na rab/ med na sil ma 'brum bu bcu bcu la bsngags la brdeg go/ zhag dgu la nyis 'bum brdeg go/ zhag drang dang grub tshad ni/ ming gzugs la rdeb pa'i yang snying ni/ oM d+harma rag sha rbad/ mu tra rbad/ baM ril dun b+h+yo/ mug trag rak+Sha ri ti
- 347a
swA hA/ ma mo gser gyi 'bru gcig pa'i bsgrub thabs/ che mchog nyid kyi dgongs spyod// yang snying sngags kyi le'u ste bcu pa'o// // 'di nas mar phyi rabs pa'i rnal 'byor pa rnams kyis bstan pa gnyen po bsrung ba'i phyir thun gyi bsgrub thabs bstan pa/ mtsho sman ye shes kyi rgyud las bskyed pa lags te/ rgya gar skad du/ ar+ya re ma ti zhes bya'o// sang kri ta'i skad du/ rdo rje dpal mo ldan zhes bya'o// bod / skad du/ mtsho sman gyi rgyal mo zhes bya'o// gsang ba'i mtshan gsol ba/ gnyen gyi yum cig klu rum bsil zhes bya'o// de'i thun ni grags so phur thun lags te/ bca' ba'i thabs ni dkyil 'khor 'khor lo rtsibs bzhi pa'i dbus su mthing nag gru gsum mthing nag sbag tu bya// dbus sor snga gru gsum gting du bru/ phyi rim sor lnga gru gsum 'phangs su stod/ gru gsum rtse mo lho ru bstan/ logs gsum la zla gam bri/ de'i phyi rim thod pa'i 'phreng bas bskor/ 'khor lo rtsibs bzhi la yang gab bzhi dgod/ mu khyud zlum por gru chad bzhin ldan par bri/ bar khyams gru gsum la khro bo'i phur ba dgod/ lcags ri sgo khyud me ri 'bar bas bskor/ ma trang dkyil 'khor lho'i phyogs su mnan/ 'brub khung gru gsum mtshan khung g.yas g.yon bya/ de'i tha ma rtsang dang phur bus bskor/ bsgrub rdzas rten du tsa ra dkar po gnya'
- 347b
nag gzhag/ bsnyen pa'i grangs ni nyi shu bzhi nas gnam stong yan chad do/ zhag gsum gong du lta bsnyen bya'o// mgo lpags zhag bzhi'i nub mo tsa ras bzlog pa bya'o// g.yang gzhir bshus la dug gtor phur// gnam stong nub mo mnan pa'i las bya'o// thun sngags la dug kha la za mun lo dan ti rbad/ yu na rbad/ thibs rbad/ bam rbad/ du ra rmaM rbad/ che ge mo'i srog rtsa la rbad/ ces bzlas so// dkar mo dbu dgu ma byang chub sems las bskyed pa lags te/ rgya gar skad du/ ar+ya re ma ti zhes bya ba/ sang kri ta'i skad du/ rdo rje dpal mo ldan zhes bya'o// bod skad du/ mtsho sman gyi rgyal mo zhes bya'o// gsang ba'i skad du mtshan gsol ba// gnyen gyi yum cig klu rum sil zhes bya'o// rgya gar skad du/ ar+ya dkar mo re ma ti zhes bya'o// sang kri ta'i skad du/ ma sar dbang phyug rdo rje khro mo man dza zhes bya'o// bod skad du/ dkar mo dbu dgu ma zhes bya'o// gsang ba'i mtshan gsol ba/ rdo rje lcam cig pad+ma gsal zhes bya'o// de'i thun ni ma mo'i snying thun lags te/ bca' thabs ni dkyil 'khor mthing nag gru gsum skrag tu bri/ dbus kyi gru gsum rtse mo lho ru bstan/ dbus kyi gru gsum re la 'brub khung re/ tha ma me rig 'bar bas bskor/ dbus kyi zla ga ma gsum la nyi ma dang zla ba bri/ mu khyud zlum po la thod pa'i 'phreng ba bri/ gru chad bzhi la phyag
- 348a
rgya chen po bzhi dgod par khyams gru gsum la khro bo'i phur ba dgod/ mu ran lcags ri la ma mo'i mchod rdzas dgod/ sgrol bse'i lha mo mched bzhi dgod/ de'i rdzas dang rten du dgod pa ni/ dbus kyi mthing nag gru gsum la skyes pa mi gri shi ba'i thod pa dgod/ de'i nang du baM gyi tsit+ta dang / ra rgya mo'i tsit+ta dang / khyi dom pa'i snying khrag dang / phag pa rog po'i snying khrag bsres la dar mthing nag gis kha bkab la bzhag/ ling kha bca' ba'i thabs ni/ grog mkhar gyi sa dang / tshub ma'i lo ma dang / bung bu'i bdud rtsi dang / ngar snabs dang / khar rkong srin can dang / 'di rnams gzugs byas/ lho phyogs kyi 'brub khung du ling kha phur pa la btags la yungs kar gyis rgyal po brdeg/ lho nub mtshams su 'bru khung du khro bo'i phur ba gdab/ byang shar mtshams su dug shing skyer pa la hom cig byas la drag po'i sbyin sreg bya'o// dbus kyi gru gsum la hUM phaT bri/ ma traM shar gyi phyogs su mnan// ma traM dkyil 'khor bri ba ni/ ma traM snying kar 'brub khung bya// phyi rim mu khyud zlum po la/ pad+ma 'dab ma brgyad du bri/ mgo bo lho yi phyogs su bstan// bsgrub pa'i sngags ni 'di bzlas so// trag rag sha mu tra kha mun tra/ snying kha rag rbad ka tsit+ta rbad chums thums rbad ri li li b+h+yo/ dus tshod zla ba dmar gyi ngo // gza' dmag dpon la gtad par
- 348b
bya'o// thun khrag dgra bo'i khyim la gtor ro// srid pa'i bu mo gsang ba'i do rje dri chu las bskyed pa lags te/ rgya gar skad du/ gu ya gsang chen ma zhes bya'o// sang kri ti'i skad du/ srid pa'i 'phrin blon chen mo / zhes bya'o// bod skad du/ srid pa'i bu mo zhes bya'o// gsang ba'i skad du mtshan gsol ba/ nam mkha'i mkha' 'gro dbyings rum sil zhes bya'o// de'i thun ni bal mo'i dug thun lags te/ dkyil 'khor gyi bca' thabs ni/ dkyil 'khor mthing nag gru gsum pa zur gsum lcags mda' lcags gzhu bri// logs gsum zla gam kha phyir bstan pa re bri/ de'i dbus su yi ge dza re bri/ de'i phyi rim gru chad kyi nang logs su me ri kha nang du bstan pa bri/ de'i phyi rim par khyams la khro bo'i phur pa dgod/ lcags ri la dbang phyug dgod/ sgo la bse'i lha mo bzhi dgod/ dbus su bse gzhong pa sbyar dgod/ nang du e raM brgya bri/ ya stags la/ dug po nga nag po dang / glang po che'i mchim pa dang / bya ngang pa zhes gsol ba dang / khams dug sna tshogs la mngar gsum gyi chang gis bslang la// bsgrub pa'i snying po ni/ oM ka be sha tra ber sha be sha sha ru be sha kha thun b+h+yo/ ma traM nub kyi phyogs su mnan/ ma trang dkyil 'khor bri ba ni// gsang ba'i gnas su 'brub khung bru// 'brub khung gsang ba'i gnas su bya// ras sam gro ga shing shun la// dgra bo'i
- 349a
gzugs dang ming rus bris// 'brub khung nang du mnan pa bya// dug dang khrag tu bsres nas ni// gzugs la brgyab ste khyim la gtor// dur khrod kyi lha mo shri rtsa ma Ni tri ni/ go ru tsa na las bskyed pa lags te/ rgya gar skad du/ nag mo pa te li zhes bya'o// sang kri ta'i skad du/ ging kar rdo rje gtum sgrol ma zhes bya'o// bod skad du/ rdo rje za rlung zhon mi zhes bya'o// gsang ba'i mtshan gsol ba/ sgrol ma rdo rje mkha' 'gro mchog ces bya'o// de'i thun ni ma mo'i tshil zan lags te/ de'i bca' thabs ni/ dkyil 'khor mthing nag gru gsum sbag gnam sgo can/ de'i phyi rim thod pa'i 'breng bas bskor/ tha ma me ri 'bar bas bskor// de'i dbus su bud med kyi ban d+ha cig gzhag/ de'i nang du tshil chen phul gang blugs la/ dur khrod ras la sdong bu byas la me btang ste khyo ga'i ban d+ha gcig gis kha dgab bo// bdag nyid che mchog gsal bar sgom// ngos g.yon du lha mo tsa mun tri sgom/ phyag g.yon pas thod pa'i steng nas mnan te/ g.yas pas 'phreng ba bgrang zhing bsgrub pa'i snying po 'di bzlas so// tsa mun tra pa ra ta ya tis sta dza la ni hUM phaT swA hA/ nyi shu dgu la gzugs nas gnam stong la gdon no// de grub pa dang thod pa kha bkab pa de ru bzhar/ khyi dkar po'i 'o ma dang / sbrul gyi pags pa'i tshil bu dang / sog po'i snying khrag dang /
- 349b
ra rog pa'i snying khrag dang / g.yag bya la'i spu dang / rta ngang pa'i rna spu dang de rnams bsres te/ bya ngang ba'i snying khugs su blug la/ dus rtag tu lus la bcang bar bya'o// ma trang byang gi phyogs su mnan// ma trang dkyil 'khor bri ba ni// mgo bo'i steng du 'brug khung bca'// 'brub khung mtha' ma rtsang gis bskor// gong du bsgrub pa'i rdzas rnams la// thun gyi snying po brjod byas la// tshil thun klad pa'i rgyas su dbab// tsit+ta be'u chung sngags kyi le'u ste bcu gcig pa'o// // bdag nyid ye shes kyi dpal chen po che mchog he ru kar sgom la/ ma mo'i dbang du bdag mi btang bar/ ma mo bdag gi dbang du bsdu ba'i phyir/ khro bopo tsham ngam gyi dregs pa can dpal skong bar bya ste/ hUM/ nga ni sangs rgyas kun gyi yab// nga ni bde gshegs kun gyi gtso// nga ni gshin rje kun gyi gshed// nga ni ma mo kun gyi yab// nga ni dur khrod snying sha can// nga ni bdud kyi bdud chen po// hUM nga ni thams cad dbang du sdud pa'i rang bzhin te// che mchog shrI he ru ka/ nga ni sbyor bdag chen po ste// yag sha shrI he ru ka/ nga ni sgrol bdag chen po ste// ra ga sha shrI he ru ka/ nga ni dam tshig bdag po ste// sa ma ya shri he ru ka/ nga ni thams cad sbas pa'i rang bzhin te// nga ni dpal chen he ru ka/ nga ni dus gsum sngon du byung // nga ni dus gsum ltar gnas pa// nga ni dus gsum
- 350a
slad kyis 'byung // dus gsum 'di ni nga yi dbang // dpal 'bar che mchog sku ba skyod pa// mthing nag 'bar ba 'jigs pa'i sku// dbu dgu phyag kyang bco brgyad de// zhabs ni rdo rje 'bar ba brgyad// dur khrod rgyan gyis lus brgyan cing // rdo rje gshog pa nam mkha' gdengs// thod sbrul 'bar bas lus brgyan cing // me dpung 'bar ba'i klong na bzhugs// zhal bgrad mche gtsigs spyan bzlog nas// tsham ngam drag pos ma mo 'dul// khyed kyi srog snying pa la yod// khra rgod gzan la bcum pa bzhin// srog gi snying po dam la 'du// khyed kyi dam rdzas pa la yod// tsit+ta 'phreng ba nga la yod// mi dbang 'bras bu nga la yod// shi ka'i mtshal thig pa la yod// ras bal rlung gis bsdus pa bzhin// dam rdzas gsang ba'i dam la 'du// bka' ltar mi byed dam la mi gnas na// gzhob rgod rdog pas brdzis pa bzhin// gso glags med par dmyal thag chod// nis ti ma ku ru ni/ kha so ba ti yaM/ se na yaM/ ru yam ni sod/ snying za ba tsit+ta la ma sha ro la khrag 'thung / shal khyi khrid kr-i sha ya/ ta bar la to/ tri hri hUM phaT/ dkra he dkra he zhes brjod do// khro bo 'jigs byed gsang ba'i le'u ste bcu gnyis pa'o// / 'di nas mar la bra se na dbab par bya ste/ dkyil 'khor gong dang mthun/ dam rdzas ban d+ha bco brgyad med du mi rung
- 350b
ngongo// khrag sna stong rtsa brgyad med na yang / bco brgyad med du mi rung ngo // sha sna stong rtsa brgyad dang sman sna stong rtsa brgyad med na yang / brgya rtsa brgyad med du mi rung ngo // gsung chen gyi dud pa rgyun chad med par btang ngo // gzungs ma mtshan ldan brgyad med na yang / bzhi med du mi rung ngo // dgongs ldan cig med du mi rung ngo // las mkhan cig med du mi rung ngo // skyes bu ngar tsan mtshams gcod pa cig med du mi rung ngo // dkyil 'khor gyi gru bzhir ban d+ha bzhi la/ khams brgya ma bzhi'i snying po bri'o// dkyil 'khor gyi mu bran la long pa rgyab sbrel mar bri'o// yang sbrul dang sum sbrul du bcas par bstan// phur pa brgya rtsa brgyad kyis dkyil 'khor bskor/ mda' bzhi'i mtshams su ban d+ha bzhi dgod do/ de'i mtshams su gser phye me long bzhi dgod do// dkyil 'khor rgyan de kun gong ma dang 'thun no// shar phyogs kyi b+han d+ha ni srid pa'i bu mo'i rten no// lho phyogs kyi ban d+ha ni mtsho sman gyi rten no// nub phyogs kyi ban d+ha ni dbu dgu ma'i rten no// byang phyogs kyi ban d+ha ni tsa mun tri'i rten no// bcu bzhi ni mkha' 'gro ma bcu bzhi'i rten no// tshal bu la ma mo stong rtsa brgyad kyi snying po bris la le'u tshel bskor ro// yum sbas la mtshams bcad do// yum rnams bdud rtsi'i chus bkrus la/ mda' bya rgod ma la mde'u rtsang la sna ma bcug la/ dar le
- 351a
brgan gyi mgul chings byas la yum gyi le'u'i dpung kha nas bzung la the tshom smra'o// khar gsang khar nyid sngon/ ma ru ni ngo ma shes/ srid du ni ngo ma shes/ grogs su ni ngo ma shes/ de skad ze tshom smras pa dang / mkha' 'gro bcu bzhis slar lan gsol pa/ srin la gnas bzung ste pra dbab bo// 'jig rten snga phyi'i gtam khyer nas 'ong ba ral gcig ma yin pas snying po nas drangs so// trag rag sha mu tra ru lu ru lu bruM/ shri ma dzu ti pa ta tsa kra rgyan bruM/ sngags mkhan gyi zhabs g.yon pa la btags la/ de ltar lung gi zin par byas na/ lha srin sde brgyad gang bkol yang bsgrub bo// pra se na'i le'u ste bcu gsum pa'o// / 'di nas mar bskul tshig gis thugs dmar gyi rgyud bskul bar bstan te/ snang srid bdag mo sku bzhengs la// gling bzhi mun pa'i g.yung drung 'das pa'i pha rol nas/ 'bying byed chen mo'i ming shed na// gser gyi khri la g.yu'i gdan bting ma// snang srid thams cad dbang sdud mdzad ma// skye 'gro tshe la legs nyes ljang 'dzin ma// thog gi bdag mo glog 'phreng ma// srid cig chen mo klu rgyal 'bum gyi rje/ sku la na bza' ci gsol na// na bza' rma bya'i thul pa la// mtha' ma g.yu yi rdo rjes gtams// mu med gser gyi go cog can// spyan mig g.yon pa nyi ma 'khyil ba tsam// spyan mig g.yas pa zla ba 'khyil pa
- 351b
tsam// bzhugs ni nyi ma lho na bzhugs// mtsho sman chen mo legs nyes ltang 'dzin ma// sku ni mi bskyod dbyings na bzhugs// phyag na 'phrul gyi me long bsnams// 'phrul gyi me long gzigs pa yis// 'khor gyi pho nya bskul nas ni// stong gsum 'jig rten sems can la// tshe srog kun gyi ltang yang 'dzin// rnam par thar pa'i lam yang ston// sangs rgyas kun dang gshegs shul mthun// dbang phyug 'phra men rnams kyi dgongs spyod can// 'jig rten 'dzam bu'i gling bzhi yi// sha khrag dbugs dang srog la dbang sgyur mnga' mdzad ma// 'dzam bu gling bzhi sems can tshe zad dus zad gtan la 'bebs// klu phran 'bum gyis zhabs la bskor// tsi tsi dza la'i bdag cig ma/ sangs rgyas rnams dang thugs dam gcig/ rgyal rigs rnams dang las thabs cig/ legs ldan nag po pho nyar 'gyed// klu yi sde dpon 'khor 'dus ma// ma 'phang g.yu mtsho'i nang sher na// che zhe chen mo klu ru ma sil// nya che yor mo'i thul pa la// nyi phran stong gi sug man brgyan// sbrul nag nyi khri bdud 'bum yang // g.yas nas bcus nas g.yon du 'dril// sbrul nag 'dug pa'i thum pa can// 'phags mo sum khri lnga stong gzhi bas// mgo bo bsnol ba'i gdan la gshibs te bzhugs// phyag rgya chu srin rgyal mtshan 'dzin// zhal nas mtsho chen rlangs pa 'thul chos nyid ma ru
- 352a
ngo ma shes// chos nyid ma ru ngo ma shes na// dbyings dang ni ye shes ldan// pha ru ni ngo ma shes// pha ru ni ngo ma shes na// brtse ba'i ni gzhung dang ldan// grogs su ni ngo ma shes// grogs su ni ngo shes na// grogs mchog ni gzhung dang ldan// ming po ni ngo ma shes// ming por ni ngo ma shes na// dpa' brjig ni mdzes pa dang ldan// rje ru ni ngo ma shes// rje ru ni ngo shes na// dbyings su ni 'bangs su mchi// de nas yab mngon rdzogs rgyal pos srin la gnas bzung nas/ g.yon gyi b+ha ga dbang du bsdus te yar drangs te/ ma ru ni da bsgrub kyi/ ma ltar ni dbang ma che// dbyings la ni ye shes sbyor// srid du ni da bsgrub kyi// srid ltar ni brlab ma dam/ grogs su ni da bsgrub kyi// grogs ltar ni phrag ma dog/ mdza' mor ni da bsgrub kyi// yid la ni gzhungs par gyis// bran mor ni da bsgrub kyi// bran ltar ni snying ma ring // las la ni gshin par gyis// da ni dkyil 'khor gyi grwa bzhir zur dbang bskur la bzhag go/ de'i nub mo bshags byang bya'o// de'i phyi nub par gcod kyi bgegs gdul ba'i phyir// 'phrin las phur bu'i dkyil 'khor bzhengs su gsol lo// de'i phyi nub nam mkha' lding gcig gis bskang ngo // de'i phyi nub tsa ra gcig gis zlog go/ de'i phyi nub shel dkar smug gcig gis bskang ngo // dgung bzhi'i nang
- 352b
par shel dkar mo gcig gis dkar mo dbu dgu ma'i thugs dam bskang ngo // de nas nag po shel mig gis mtsho sman dang klu rnams kyi thugs dam bskang ngo // de nas pra dbab ste/ yum rnams bdud rtsi'i chus bkrus la// rgyan rag ta'i thig les btab la// srin lag la skud pa nag po gcig gdags/ gung mo la skud pa dkar po gcig gdags/ de nas pra dbab mtshams gcad do// de nas yungs kar la bsngags la/ spyi'i snying po'i steng du pra dbab pa'i snying po bzlas so// gong ma'i snying po la bru gdags so// trag rag sha mu tra ru lu ru lu rag mo dza dza kha na ma ti bruM dbang phob cig/ trag rag sha trag rak+Sha mu tra ru su ru lu bruM/ snying kha rag b+h+yo/ ru lu kha raM ra ga sha ni/ shu tri sta rbad/ thum ri li li shu ti sta rbad bruM dbang phob cig/ gzhung las byung ba'i ma mo'i snying po chod phyogs phyogs lhar 'phog la/ ma mo'i snying po 'dzab tu 'don du gzhug go/ de nas pra dbab pa'i mi pad+ma'i gdan steng bzhag la/ phyogs phyogs nas phyi dbang bskur ro// de nas dngos grub kyi cha rkyen lugs bzhin du bshams la/ bdud rtsi'i bdag mo yin pas bsnyen bsgrub bdud rtsi'i 'dzab brgya rtsa brgyad tshang bar gdon no// de ni skad kyis 'jig rten sngangs par mdzad// las su skye shi rtsad gcod ma// gnam sa zlog pa'i phyag rgya sgyur// 'khor gyi pho nya bskul nas ni// dam la
- 353a
rub pa'i 'phrin las mdzad// lag pa g.yon na bdud rtsi shing // ka ka li ste tshe shing 'dzin// lag pa g.yas na 'khor lo sgyur// 'dzam bu gling bzhi byo bzlog mdzad// srog dbugs bdag mo sku skyospyod cig/ ces bskul lo// da ni dkar mo dbu dgu'i thugs dam bskul te/ dpal chen thugs las sprul pa'i sras mo ste// dpal gyi bka' nyan sprul pa'i 'khor sdud ma// gnas ni ri mtsho bdun na gnas// chibs su sprul pa mgo dgu chibs// dkar po dung gi g.yu rdog can// sku ni shel rdo gcag pa 'dra// nyi ma'i zer bas shin tu 'dzer// zla ba'i 'od pas dkar la gsal// sku yi 'od kyis stong khams khyab// zhal nas 'jigs pa'i skar mda' 'phro// sku ni dkar mo chen mo la// srin pa'i gnam ni gos su gyon// grags pa'i sa ni stan du bting // khams gsum 'jig rten phang du khyer// nyi zla kun kyang khyur da byed// srid pa gsum ni sku la rdzogs// nyi ma'i dkyil mdangs sbran nas 'char// zla ba'i rma mdangs zhal nas 'char// lag na ri rab rtsa dgu gsor// shin tu mi zad gtum chen ma// dgu tshigs gzhu ru gdung ba mo// skar chen mda' ru 'phel pa mo// dgra snying phur gyi 'dengs pa mo// che zhe ma sar dbang phyug ma// sha khrag dmar gyi dri bsnam ma// legs nyes kun gyi ljang 'dzin ma// dam tshig nyams pa'i rjes
- 353b
gcod ma// thog dang ser ba zhal nas 'thor// sbrul nag stong gi zhags pa 'phen// zla ba tshes pa'i spyan zur gzigs// dgra bo dam nyams kun gyi gshed mar zhal 'ches ma// dkar mo'i rgyal mo gshegs su gsol// g.yas na ging chen bco brgyad 'gyed// g.yon na ging lcam bcu gnyis 'gyed// ging gi rgyal mor gshegs su gsol// gnas ni shar gyi phyogs na gnas// rgyu ni bar snang khams su rgyu// bzhugs ni nam mkha'i dkyil na bzhugs// las su dgra bo'i snying 'byin cing // zas su dgra bo'i tsit+ta za// skom du snying khrag dron mo 'thung // bcol ba'i 'phrin las grub par mdzod// da ni srid pa'i bu mo bskul te// gangs dkar rtse la gnas pa mo// las su bcol na kun kyang bsgrub// nyin mo rdo rje dam tshig can// mkha' la dbang sgyur dbang mo che// nam mkha' dbang sgyur mthu mo che// dkyil 'khor dbang sgyur byin mo che// dam tshig dbang sgyur rdzu 'phrul can// smug nag chen mo dbu lnga la// tsit+ta stong gis mnga' bdag mo// sku la na bza' ci gsol na// na bza' le brgan 'bar ba gsol// gtsos chen stong gi la dbus klubs// las su bcol na kun kyang 'grub// phyag na 'dril ba'i mchog phur bsnams// dgra bgegs snying la gzer 'debs ma// zhal nas sgra sgrogs 'grug chen ldir// gnam la dbyar dgun mtshams khyad
- 354a
'byed// de phyir srid pa'i bu mo bya'o// phyag na thog bsnams dgra snying sreg/ thugs ni dgra bo'i tsit+ta rlom// de phyir tsit+ta'i bdag mo sa bya'o// spyan ni stong khams khyab par gzigs// srid pa'i 'jig rten bya ra mdzod// de phyir srid pa'i bu mos bya'o// nam mkha' stong la dbang sgyur ma// dpyid zla gsum la rgyu ba'i dus// rlung dang tshub ma'i sna 'dren ma// rtsi shing kun dang ni gsing g.yo// de phyir srid pa'i bu mos bya'o// dbyar zla gsum la rgyu ba'i tshe// thog dang ser ba'o gdong 'dren ma// chu bo kun gyi gzhung 'dren ma// chu phran kun gyi mdog 'byin ma// me tog kun gyi 'od len ma// sems can gzhon pa'i mdangs 'phrog ma// de phyir mdangs bdag bu mos bya'o// ston zla gsum la rgyu ba'i dus// bzhugs ni ri rab zom la bzhugs// gser gyi sgyogs g.yu'i pra zhing // can 'bras bu lo tog bcud len ma// lo thog 'bras bu srid pas bskyed// de phyir srid pa'i bu mos bya'o// dgun zla gsum la rgyu ba'i dus// bzhugs ni sa yi 'og na bzhugs// lag na phyag rum mdung tsam thogs// thams cad sdoms pa'i mnga' mdzad ma// de phyir srid pa'i bya ma'i bya'o// the'u rang has pos dbang sgyur ma// srid pa'i bu mo thugs dam can// dam tshig dus la bab kyis 'phrin las mdzod// da ni dur khrod kyi bdag mo shri tsa mun
- 354b
tra bskul te/ dur khrod lha mo shri tsa mun tra// sku mdog dmar ser chen mo la// sprul pa mthing nag chas kyis brgyan// yar ltas gnam gyi lha rgyal mam// mar ltas sa yi klu rgyal ma/ chibs su sprul ba rlung nag chibs// na bza' gos su nag po gsol// zhal nas rdzi ba 'bud pa mo// g.yas na zangs kyi rgyu zhags thogs// g.yon na srog snying gcod pa'i phyag/ sdang ba dgra bo drang zhing khug/ rlung lha'i phyogs nas pho nya 'gyed// sprul pa sha zhon mang po 'gyed// mthing nag chen mo ral pa can// za byed rdo rje thog 'bebs shing // rlung dang ser bu chibs su chibs// sku la mi bzad 'bar bas brgyan// zas su sems can gson po za// che zhe chen mo sku gcig mar// zas su sems can stong za ma// srid pa za byed skye shi rtsad gcod ma// khams gsum 'jig rten stong par sgrol mdzad ma// khams gsum za bar dam bcas srid par bas gcod ma// bstan pa 'jig pa'i dgra bo nag po lags// las kyi thun cig dbab tu gsol// dug gi kha chus gdab tu gsol// sgrol byed chen mo'i dus la bab// bsgrub pa'i dus su mtshang zu zhing bskul bas// bskul tshig le'u ste bcu bzhi pa'o// // dkyil 'khor gyi dbus su// dus gsum ye shes lnga ldan ka pa la'i nang du// dri chen dang / khyi dkar po'i rus bu dang / tsit+ta cha gcig gis// rnam par
- 355a
snang mdzad kyi thugs dam bskang ngo // shar gyi phyogs kyi 'khor lo la// sku gsung lhun grub rdo rje ka pa la'i nang du// rta sngon po'i 'bras bu cha gcig dang // byang chub sems cha gcig gis// rdo rje sems dpa'i thugs dam bskang ngo // lho phyogs kyi 'khor lo la// yon tan tshogs rdzogs rdo rje ka pa la'i nang du// glang po che'i 'bras bu cha gcig dang // tsit+ta cha gcig gis// rin chen 'byung ldan gyi thugs dam bskang ngo // nub phyogs kyi 'khor lo// mtshan med spros bral rdo rje ka pa la'i nang du/ rma bya'i 'bras bu cha gcig dang / bud med kra ser la li rag ta cha gcig gis// snang ba mtha' yas kyi thugs dam bskang ngo// byang phyogs kyi 'khor lo la// dug gsum gtan srugs rdo rje ka pa la'i nang du// shang shang gi 'bras bu cha gcig dang // dri chu dang // ci yang rung ba'i glo dang // mcher ba dang // tsit+ta cha gcig gis// don yod grub pa'i thugs dam bskang ngo // de nas ma mo rnams kyi thugs dam bskang ba ni// mtsho sman ye shes sku las bskyed pa lags te// de'i thugs dam bskang ba ni/ ku kur nag po shel mig dang // lug chu gam dang / rma bya'i mdongs kyis bskang ngo // dkar mo dbu dgu ma byang chub sems las bskyed pa lags te/ gtso bo nyid kyi thugs dam chos nyid kyi lta ba dang / lung dang man ngag gi chos dang // shel dkar mo
- 355b
smin dmar dang / ku kur dkar pos bskang ngo // srid pa'i bu mo gsang ba'i rdo rje'i dri chu las bskyed pa lags te/ de'i thugs dam bskang ba ni// ku ku ra gtsos ka shel mig dang / lug smug chags kyi thugs dam bskang ngo // tsa mun tra go ro tsa na las bskyed pa lags te/ de'i thugs dam bskang ba ni/ lug nag mo spyi dkar dang // bya nag mo gser mig dang / sha chen gyi gtor ma dang / tshil chen gyi me mar dang / gsung chen gyi dud pas rgyun ma chad par gtang la bskang ngo // tsit+ta pe'u shing bskang tshad kyi le'u ste bco lnga pa'o// / gsang ba'i bsnyen pa rdzogs pa dang // dbang dang ldan pa'i slob dpon la// slob ma gus dang / ldan par la// lag tu rin chen gser thogs nas/ dbang nyid gser gyis blu bar bya'o// slob dpon phyag na rdo rje yis// rdo rje dril bu thogs nas kyang // 'phrin las rnam bzhi'i dbang bskur ro// slob dpon 'jam dpal gzhon nu yis// phyag na po ti bsnams nas kyang // gus dang dad ldan slob ma la// gnyen byed 'khor lo'i dbang bskur ro// ston pa kun tu bzang po yis// khri'u dang chags shing thogs nas kyang // sde snod 'chad pa'i dbang bskur ro// ston pa mngon rdzogs rgyal po yis// lag tu ban d+ha thogs nas kyang // gsang sngags bsgrub pa'i dbang bskur te// rgyal thabs spyi blugs dbang bskur
- 356a
ro// gdugs ltar spyi nas 'gebs pa'i slob dpon gyis// bsgrub pa'i dkyil 'khor mtha' nas bsdus// rdzas dang lag cha bkram pa rnams// dbus kyi ran d+ha bzhi ru bsdu// ma mo sum brgya drug cu yang // yang gab dbang gi rgyal po bzhi ru bsdus// ban d+ha bzhi yis dbang bskur bas// yang gab bzhi yi dbang chen rdzogs// s+thi ti kha la ma mu tra sa ma ya ti sta tsakra rgyan bruM/ rag sha mo rag sha ma shun ti sta tsakra rgyan bruM/ kha raM rag sha ma sa ma ya ti sta tsakra rgyan bruM/ dbang gi rgyal mo bzhis dbang bskur bas/ 'jig rten dang 'jig rten las 'das pa'i dbang rdzogs par gyur cig/ dbang gi tan tra'i le'u ste bcu drug pa'o// da ni thun gyi grub rtags bstan te/ thod pa'i khrag dkar dmar du 'dres pas yab yum gnyis su med pa'i dngos grub pa yin no// khrag de spos na sgrib pa yod pas bshags pa bya'o// thod pa 'gul zhing 'dreg na// pho nya rnams kyi dngos grub thob pa yin no// khol zhing rlangs pa byung na// khro bo zhe sdang gi dngos grub thob pa yin no// de las mdog nag por gyur na/ chos kyi dbyings kyi dngos grub thob pa yin no// grub pa ltas kyi le'u ste bcu bdun pa'o// s+thi//
- 356b
rgya gar skad du/ shrI de wi ma hA ka li tsit+ta gu h+ye tan+ta/ bod skad du/ dpal lha mo nag mo'i thugs kyi srog bsgrub gsang ba'i rgyud// bcom ldan 'das rdo rje he ru ka la phyag 'tshal lo// 'di skad bdag gis thos pa'i dus gcig na// bcom ldan 'das dpal rdo rje 'dzin pa chen po sras dang 'khor du bcas pa rnams// btsun mo'i b+ha ga mkha' klong rnam par dag pa na bzhugs so// byang chub sems dpa' sems dpa' chen po gsang ba'i bdag po lag na rdo rje dang // gzhan yang bdud kyi ma gshin rje'i sring mo dpal lha mo nag mo zhes bya ba// rang bzhin gyi dkyil 'khor mthong zhing 'das pa'i de bzhin gshegs pa rnams kyi thad du dmas pa// da lta'i de bzhin gshegs pa shAkya thub pa'i bstan pa'i bsrung mar smon lam btab pa// dus phyi ma la sangs rgyas kyi sa la smin cing lung bstan pa'i smon lam can dang thabs cig tu bzhugs so// gzhan yang rang bzhin gyi dkyil 'khor ma mthong ba ni// brgya byin dang // tshangs pa dang / gshin rje dang / srin po dang // sha za dang / gnod sbyin dang / ma mo nag mo dang // lto 'phye dang // grul bum dang // dri za dang // mi 'am ci dang / lha ma yin dang / nam mkha' lding dang // ma mo dang / mkha' 'gro dang / mkha' 'gro ma dang / mkha' 'gro ma'i bdag mo dpal nag mo la sogs pa rnams
- 357a
dang thams cad cig tu bzhugs so// de'i tshe de'i dus na gsang ba'i bdag po lag na rdo rje stan las langs te/ rang bzhin gyi dkyil 'khor ma mthong ba rnams la 'di skad ces smras so// brgya byin la sogs pa khyed rnams kyis/ de bzhin gshegs pa sras dang bcas pa rnams la phyag 'tshal ba dang / mchod pa 'bul ba dang // skyabs su 'gro ba dang / rnam par dka' ba'i phyogs la dad par gyis shig/ ces smras pa dang / brgya byin la sogs pa rnams kyis// phyogs bcu'i sangs rgyas rnams kyi mtshan nas brjod cing phyag btsal ba dang / mchod pa 'bul ba dang / skyabs su 'gro ba dang // dkar po phyogs la dad pa mos par byas te/ thal mo sbyar nas thams cad kyis mgrin gcig par byas te 'di skad du'o// na mo sangs rgyas kyi chos 'jig rten du ring du gnas shing rgyas par bya ba'i slad du/ bdag cag rnams kyis de bzhin gshegs pa rnams la phyag btsal ba dang / mchod pa 'bul ba dang // skyabs su 'gro ba dang / dad pa dang / mos pa dang / yid la byas pa'i byin gyis brlabs kyis// de bzhin gshegs pa sras dang 'khor du bcas pa rnams bdag cag gi mngon du snang bar gyur cig ces smon lam btab pa dang / de'i mod la de bzhin gshegs pa sras dang 'khor du bcas pa rnams mngon du snang bar gyur to// de nas brgya
- 357b
byin la sogs pa rnams dga' ba dang spro ba skyes nas/ lha'i me tog man+dA ra ba dang / me tog sna tshogs pas mchod cing rgyan gyi char chen po mngon par phab bo// de nas gsang ba'i bdag po lag na rdo rjes 'di skad ces smras so// brgya byin la sogs pa khyed rnams kyis sangs rgyas kyi bstan pa bsrung ba'i phyir/ dpal lha mo nag mo la zhu ba zhus shig/ ces smras pa dang / brgya byin la sogs pa 'jig rten pa'i 'khor rnams kyis// dpal lha mo nag mo la mchod pa dang bstod pa byas te 'di skad ces// khyod kyis sangs rgyas kyi bstan pa bsrung du gsol zhes smras pa dang / dpal lha mo nag mos smras pa// bstan pa zhes ni gang // bsrung ba zhes ni ji lta bu// ma bsrungs na ci skyon ces smras pa dang // brgya byin la sogs pas smras pa// bstan pa zhes bya ba ni mdo sde dang // 'dul ba dang // mngon pa ste/ rgyal ba'i bka' sder gyur pa/ mtha' dag go/ bsrung ba zhes bya ba ni 'jig rten na yun ring bar gnas pa la bya ste/ 'chad pa dang / nyan pa dang / bsgom pa dang / 'dzin pa dang / klog pa dang / kun chub par byed pa dang // tshul bzhin du yid la byed pa rnams la bar du gcod pa rnams bsgral zhing tshar bcad pa'o// 'chad pa la sogs pa bsrung zhing skyob pa dang / 'khor dang longs spyod 'phel zhing rgyas par bya'o// ma bsrungs na ci ste mi
- 358a
skyon// dkon mchog gsum gyi bka' mi mnyan// mi dang mi ma yin pa la sogs pas bar du gcod cing // de'i dbang gis sangs rgyas kyi bstan pa 'jig rten du yun ring du gnas par mi 'gyur ro zhes smras pa dang // dpal lha mo nag mo rang gi stan las langs te/ bcom ldan 'das la lan brgya phrag stong du bskor ba byas te phyag 'tshal nas/ thal mo sbyar 'di skad ces// bcom ldan 'das bde bar gshegs pa/ bdag gis sangs rgyas kyi bstan pa bsrung ba dang / dam pa'i chos mnyan par bya ba dang / yang dag pa'i dge 'dun bsrung zhing bskyab par bgyi ba'i slad du/ bcom ldan 'das kyis bdag la dbang bskur du gsol/ byin gyi brlab tu gsol zhes pa dang / bcom ldan 'das kyis sgrol ba'i yum du byin gyis brlabs te/ drag po 'dul ba'i nus pa dang ldan par bya ba'i phyir/ zhing chen gyi g.yang gzhis dbang bskur ro// bdud dang srin po las rgyal bar bya ba'i phyir/ g.yul du mtshon gyis bsad pa'i mgo 'phreng dang // thams cad bsgral zhing bsad kyang bag chags kyis mi gos pa'i phyir// re lde nag po'i go tsog dang // sman mo thams cad zil gyis gnan pa'i phyir// snyan cha g.yas pa seng ge dang / klu rgyal gdan la dbab pa'i phyir/ snyan chag g.yon la sbrul gyi gdengs ka da nga / khams gsum gyi srog la dbang
- 358b
bskur ba'i phyir// lag g.yas su ka ta ri rtse gsum dang / nad sna stong gi rkyal ba dang / snod bcud kyi 'jig rten la phan par bya ba'i phyir// thod khrag dang / srid gsum rnal 'byor dam tshig la gnas par bya ba'i phyir// 'phrul gyi me long dang / ma mo thams cad dam la gzud par bya ba'i phyir/ g.yon gyi gser gyi rde'u rnams kyis dbang bskur ro// de'i tshe 'khor brgya byin la sogs pa rnams rab tu 'jigs shing skrag par gyur to// bcom ldan 'das kyis kyang ming gi dbang bskur ba'i phyir// ar+ya re ma ti zhes btags so// sangs rgyas kyi bstan pa bsrung bar gnyer gtad do// dpal chen po'i spyan sngar lha mo re ma tis rang gi snying po phul ba ni// trag rag ma'i dun b+h+yo 'o// ma hA yak+Sha tig+na nag mo dun b+h+yo/ zhes bya ba bsnyen pa'i snying po dang / gzhan yang ma ma trag tak+Sha re ma te/ snying ka rag tsit+ta tsa pa la a shug me b+h+yo dza/ zhes bya ba rtsa ba'i snying po'o// gzhan yang re ma ti la sha tsa pa sha tsa pa la dza dza/ dun dun rak+Sha rak+Sha mu tra ru lu ru lu b+h+yo/ zhes bya ba gsad pa'i snying po rnams phul lo// lha mo des sangs rgyas kyi bstan pa bsrung bar khas blangs te'adi skad du/ bcom ldan 'das bdag gis sangs rgyas kyi rin po che lta bu mngon pa la sogs pa'i sde snod gsum la/ gang zhig mos shing dad pa yi rang ba'i gang zag de la bzung zhing bskyab par
- 359a
bgyi'o// gang zhig 'chad pa dang / nyan pa dang / kun chub par byed pa dang / tshul bzhin du yid la byed pa de'i sbyor ba ngan pa bsal bar bgyi'o// gang bsgom pa dang / bsgrub pa dang / nyams su len pa de dag gi ging dang pho nya dus rtag tu bgyi'o// de ltar bdag gis dam bcas pa ltar ma bgyis na/ bdag gis da lta nyid du bcom ldan 'das bslus pa lags so// de'i dbang gis rang gi srog gi snying po me 'bar nas lus srog thal ba bzhin du tshig par gyur te/ mnar med pa'i sems can dmyal ba chen por gyur cig/ ces smon lam btab cing ma nas bor ro// de nas dpal ldan lha mo nag mo des dbang dang byin rlabs thob cing dam tshig can du gyur ba'i tshe/ brgya byin la sogs pa'i 'khor rnams kyis rang rang gi rgyan dang lag cha phul te/ 'di ltar brgya byin gyis rdo rje phul lo// dpal tshangs pas rma bya'i rgyal mtshan dang / khyab 'jug gis nyi ma dang zla ba'i rgyal mtshan dang / rnam thos kyi bus seng ge'i rgyal mtshan dang / nam mkha'i lha bran gyis dril bu dang / klu'i rgyal po rnams kyis sbrul gyis gdengs ka dang / sa bdag pa las stag gi rgyal mtshan dang / srin mo dang sha za mo rnams kyis thod pa'i 'phreng ba dang / khrag dang / zhag gi yo byad dang / dpal nag mo chen mos mdung phul lo// de dag la sogs pa'i 'khor rnams kyis rang
- 359b
rang gi rgyan dang / yo byad dang / lag cha la sogs pa phul te/ dpal lha mo nag mo la bstod pa'i rgyal po rnams kyis kyang bstod do// lha mo nag mo de yang srid pa gsum na 'gran zla med pa'i mthu rtsal can du gyur to// dpal lha mo nag mo'i tsit+ta gsang pa zhes bya ba'i rgyud las/ gleng gzhi'i le'u zhes bya ba ste dang po'o// // de nas gsang ba'i bdag pos/ bcom ldan 'das la 'di skad ces gsol to// bcom ldan 'das bde bar gshegs pa/ bde gshegs kyi bstan pa yun ring du gnas par bgyi ba'i slad du/ dpal lha mo'i ting nge 'dzin dang / spyan drangs shing mchod pa'i sngags dang / de'i rten gzugs brnyan dang / bod pa dang / rbad pa dang / gsad pa dang / bsgrub pa dang / rgyun gyi sngags rnams btub dang / bsgrub pa'i dkyil 'khor dang / las kyi dkyil 'khor dang / bsgrub pa'i rdzas dang / las kyi rdzas dang / phur pa gdab pa dang / mtshon gyis gtub cing sbyin sreg bya ba dang / thun zor 'phang ba dang / mnan pa bya ba dang / ser ba dbab pa'i las rnams bstan du gsol// zhes gsol ba dang / bcom ldan 'das kyis 'di skad ces gsungs so/ gsang ba'i bdag po lha mo'i ting nge 'dzin ni/ yaM ba ra raM/ ag ne dza la raM/ zhes me rlung gi dbus su thod pa'i gzhal yas khang bskyed pa ni/ b+h+rUM bi sha bi shu d+h+we ka pa la hUM/ de'i nang du go
- 360a
ra ti ga ra pa ta hUM/ zhes pas lcags kyi dri'u rta bskyed do// de'i skra gong du yi ge ma'i 'phro 'dus las/ oM nag po dun ting laM dun ting b+h+yo/ zhes lha mo nag mo ni sku mdog mthing nag dbu skra g.yas nas g.yon du 'khyil pa/ zhal gdangs shing mche ba gtsigs pa/ spyan rtsa dmar la sdang mig tu blta ba/ zhing chen gyi g.yang gzhi dang / stag gi sham bu dang / sbrul gyi ska rag dang / thod pa'i 'phreng ba can/ g.yas gnyis na ka ta ri dang nad stong gi rgyal bu bsnams pa/ g.yon na thod pa'i rag ta dang 'phrul gyi me long bsnams pa'o// nag mo tsit+ta gsang ba'i rgyud las/ ting nge 'dzin gsang ba'i le'u ste gnyis pa'o// // de nas bcom ldan 'das kyis/ spyan drangs shing mchod pa'i sngags 'di gsungs so// bdag nyid gdeng dang ldan pa yis// lcags kyu'i phyag rgya bcas nas su/ spyan drangs bzhugs su gsol ba dang / mchod pa 'bul zhing gtor ma gtang // oM nag mo dun+ting laM ma ma dun b+h+yo/ dza hUM baM ho/ nag mo dun b+h+yo/ oM aM hUM/ sa ma yA e ha he/ dza a ra li hUM hring hring / rak+Sha ma hi ku lang pad+ma sa ma yA tiSh+Tha lhan/ nag mo sa na ta san+ta gu lu gu lu ha ha ha ma hA maM sa/ ma hA rak+ta/ ma hA pany+tsa a mri ta kha kha khA hi khA hi/ bun dza hi bi ba te sa ma ya swA hA/ zhes spyan drangs shing gnyis su med par bstim la/ gtor ma 'bul bar bya'o// nag mo tsit+ta
- 360b
gsang ba'i rgyud las/ spyan drangs shing bzhugs su gsol ba dang mchod pa 'bul ba'i le'u ste gsum pa'o// // de nas bcom ldan 'das kyis bsnyen pa'i rten gzugs brnyan 'di gsungs so// dmigs pa'i rten gyi gzugs brnyan ni// 'dri mkhan gsang thub dam tshig can// dben pa'i gnas su song nas su// dur khrod ras la ma mo'i sku/ tshon gyis legs par bri bar bya// mthing nag zhal gcig phyag bzhi ma/ kha bgrad mche gtsigs spyan rtsa dmar/ zhing gi go zu stag rna can/ sbrul gyi ske rag thod 'phreng can// rtsa ba'i phyag ni g.yas g.yon na// ka ta ri dang thod khrag bsnams// g.yas g.yon gnyis kyi 'og ma na// lcags kyi phur 'dril sbrul zhags 'phen// dri 'u'i stan la khros pa'i gzugs// dur khrod chen po'i dbus gnas par// bris nas dbang bskur mchod pa 'bul// bsnyen pa'i gsang sngags 'bum 'bum dbul// zhes gsungs so// nag mo tsit+ta gsang ba'i rgyud las// gzugs brtan pa'i le'u ste bzhi pa'o// // de nas bcom ldan 'das dpal rdo rje 'dzin pa chen pos gsang sngags 'di dag byin gyis brlab cing btu ba mdzad do// thog mar yi ge thams cad ni// ming med brjod med thams cad bral// sgra yi rnam pa gang la yod// dmigs med gdod nas rnam par dag/ don dam yi ge a zhes bya// sems can las dang smon lam
- 361a
gyis// stobs las kun rdzob yi ge byung // a A/ i I/ u ma?/ re rai/ le lI/ e e/ o o/ aM A/ ka kha ga g+ha nga/ tsa tsha dza dz+ha nya/ ta tha da d+ha na/ Ta Tha Da D+ha na/ pa pha ba b+ha ma/ ya ra la wa/ sha Sha sa ha/ k+Sha/ de las byung ba'i sngags rnams ni/ ma nor gsal ba 'di yin no// lnga pa'i lnga pa lan gnyis gzhag/ de 'og bzhi pa'i dang po la/ drug pa'i gnyis pas brgyan ldan zhing // dang po'i gsam pa de ru sbyar// de 'og drug pa'i gnyis pa dang // dang po'i gsum pa sbyar nas su// de mthar bdun pa'i dang po bzhag/ drug pa'i gnyis pa gtsug gi rgyan// de 'og lnga pa'i lnga pa bzhag/ bzhi pa'i dang po dbyangs gsum ldan// bdun pa yi ni gsum pa la// gnyis pa'i lnga las rgyan ldan zhing // dbyangs yig bcu gsum rgyan gyis mdzes// de la dang po'i lnga pa sbyin// de 'og dang po'i gnyis pa gzhag/ drug pa yin gnyis pa dang // dang po yi ni gsum par sbyor// gnyis pa'i dang po dbyangs gsum ldan// de mthar bzhi pa'i dang po gzhag/ de mthar gnyis pa'i dang po dang // lnga pa'i dang po so sor gzhag/ de 'og drug pa'i gsum pa gzhag/ de 'og dbyangs kyi ngo bo nyid// bdun pa yi ni dang po la// dbyangs kyi lnga pa brgyan ldan zhing // dang po'i gsum pa de la sbyin// lnga pa yi ni lnga pa la// dbyangs yig bcu gcig brgyan ldan zhing // lnga pa
- 361b
yi ni bzhi pa la// 'og nas drug pa'i dang pos mdzes// dbyangs yig bcu gsum brgyan dang ldan// gnyis pa yin ni gsum pa la// dbyangs gnyis rgyan dang ldan pa ni// sngags kyi mtha' ru gzhag par bya// 'di ni rtsa ba'i snying po ste/ rang dbang med par srog nas 'dren// des na rgyud 'di sbed pa'i thugs// tsit+ta gsang ba zhes bya'o// 'bum phrag gsum gyis 'grub par 'gyur// lnga pa'i lnga pa lan gnyis brjod// drug pa yi ni gnyis pa dang / dang po yi ni gsum pa dang / lnga pa yi ni lnga pa gzhag/ dbyangs yig bcu gsum brgyan gyis mdzes// bdun pa yi ni bzhi pa dang // drug pa yi ni gnyis sbyar gnyis// bdun pa'i bzhi po 'og ma la// dbyangs yig lnga pa'i rgyan gyis brgyan// lnga pa'i lnga dang bdun pa'i bzhi// che ge mo yi snying la ni// gnyis pa'i gsum pas lan gnyis bod// de la dbyangs yig rgyan gyis brgyan// de 'og bzhi pa'i lnga pa la// dang po yi ni gsam par sbyar// lnga pa yi ni lnga pa la// dbyangs yig lnga pas 'og nas brgyan bdun pa yi ni bzhi pa la// drug pa'i gsum pa so sor gzhag/ b+h+yo b+h+yo zhes ni rbad par bya// de 'og dbyangs yig drug pa dang // drug pa yi ni gnyis par sbyar// dang po'i dang po de mthar gzhag/ lnga pa yi ni lnga pa la/ dbyangs yig bcu gcig rgyan gyis mdzes// de mthar bdun pa'i
- 362a
dang po gzhag/ de 'og lnga pa'i lnga pa dang / drug pa gnyis pa so sor bzhag/ dang po gnyis pa lan gnyis dang / bdun pa'i bzhi pa lan gnyis brjod// bzhi pa'i dang po so so gsum/ drug pa'i gnyis pas dang po brgyan// tha ma la ni dbyangs gsum brgyan// gnyis pa yi ni gsum pa la// dbyangs yig gnyis pa'i rgyan gyis mdzes// lan gnyis dag tu brjod par bya// de rjes ming smos snying la / b+h+yo// 'di ni rbad pa'i snying po'o// 'bum phrag gsum gyis 'grub par 'gyur// drug pa yi ni gnyis pa la// dbyangs yig bcu gcig rgyan dang ldan// 'og tu lnga pa'i lnga pa gzhag/ bzhi pa'i dang po dbyangs gsum brgyan// lnga pa yi ni dang po dang // gnyis pa yi ni dang po gsum// rims bzhin so sor gzhag pa ni// lan gnyis dag tu brjod par bya// de 'og lnga pa'i dang po dang // drug pa'i gsum pa so sor bzhag/ gnyis pa yi ni gsum pa la// dbyangs yig gsum pa'i rgyan gyis mdzes// lan gnyis dag tu brjod pa dang / bzhi pa yi ni gsum pa la// dbyangs yig lnga pa'i rgyan ldan zhing // bzhi pa'i lnga pa de ru sbyar// de gnyis lan gnyis brjod par bya// drug pa yi ni gnyis pa dang // dang po yi ni gsum par sbyar// de 'og bdun pa'i dang po gzhag/ de 'og lan gnyis brjod par bya// de 'og lnga pa'i lnga pa
- 362b
la// dbyangs brgyan gyis ni 'og nas mdzes// bzhi pa yi ni dang po la// drug pa'i gnyis pas rgyan gyis brgyan// drug pa'i gnyis dang gsum pa la// dbyangs lnga'i rgyan gyis 'og nas spras// de dag lan gnyis brjod par bya// lnga pa yi ni bzhi pa lnga// 'og nas drug pa'i dang por mdzes// dbyangs yig bcu gsum rgyan gyis brgyan// 'di ni snying po gsad sngags te// de rjes ming smos ral gri me// 'thor byed rlung gi sa bon rjes// gsod byed yi ge phaT gnyis brjod// 'bum phrag gcig gis gsod par nges// bzhi pa'i dang po drug gnyis sgra// de ru dang po'i gsum pa sbyar// drug gnyis dang po'i gsum sbyar rjes// bdun pa'i dang po gzhag par bya// de rjes lnga ba'i lnga pa bzhag/ de rjes dbyangs gnyis dbyangs gsum brgyan// bzhi gsum dbyangs yig lnga pa'i brgyan// de la bzhi pa'i lnga pa brgyan// lnga pa yi ni bzhi pa lnga// dbyangs yig bcu gsum rgyan gyis mdzes// 'og nas drug pa'i dang pos brgyan// de 'og lnga pa'i lnga pa gzhag/ de 'og bdun pa'i bdun pa'o// de 'og drug pa'i dang po dang // dang po'i gsum pa sbyar ba'i rjes// bdun pa'i dang po gzhag par bya// bzhi pa'i dang po dbyangs gsum brgyan// de la dang po'i gsum par sbyar// bdun pa yi ni gnyis pa la// bzhi pa yi ni lnga pas brgyan// bzhi pa'i lnga pa de nyid dang //
- 363a
dang po yi ni gsum par sbyar// lnga pa yi ni lnga pa dang / dbyangs yig bcu gsum rgyan gyis mdzes// bzhi gsum dbyangs yig lnga yis brgyan// de la bzhi pa'i lnga pa byin// lnga pa yi ni bzhi pa la// 'og nas drug pa'i dang po sbyin// dbyangs yig bcu gsum rgyan gyis ldan pa'o// 'di ni rgyun gyi snying po'o// rtag tu bzlas shing gtor ma sbyin// dpal lha mo nag mo tsit+ta gsang ba'i rgyud las// snying po btu ba'i le'u ste lnga pa'o// de nas bcom ldan 'das kyis bsgrub pa'i dkyil 'khor 'di gsungs so// maN+Dal gru bzhi lham pa la// tshon rtsi ser pos rgyas pa'i tshul// de yi dkyil du gru gsum ni// drag po'i dkyil 'khor dbus su dgod// de yi dkyil du zlum po ni// mu khyud zhi ba'i tshul du dkar// de yi dkyil du gru gsum ni// nag po chos kyi dbyings kyi rtags// zla gam rnam gsum dbang gi tshul// de yi bsgrub rdzas bshad bya ba// rje'u rigs ban+d+ha mtshan ldan ni// lcang lo can du bsags pa'i rdzas// bdud rtsi rag+na gi'u wang dang // ga bur sha chen tshil chen dang // nal bu'i snying dang 'bras bu dang // dza gad phud kyis bkang la gzhag/ de dang 'dra ba'i baN+Da la// lha mo'i sngags kyis brgyan byas la// dkyil 'khor dbus su kha sprad gzhag/ rtags dang mtshan ma byung ba dang // dngos grub blang zhing dam tshig bsre// sha chen smos dang til
- 363b
chen me// dug las byung ba'i me tog dang // bdud rtsi dri chab zhal zas tshogs// rak+ta'i gsang nan phud dang bcas// thod pa ltag spyod rnga chen sgra// ban+d+ha'i cha lang rkang gi dung // shun chen rgyal mtshan dar nag gdugs// mi ro'i lag pa g.yab mor bcas// bsgrub pa'i rdzas su bsag cing dgod// nag mo tsit+ta gsang ba'i rgyud las// bsgrub pa'i dkyil 'khor bri zhing dam tshig gi rdzas dgod pa'i le'u ste drug pa'o// / de nas bcom ldan 'das kyis las kyi dkyil 'khor bca' zhing // las kyi dus kyi rdzas bsag pa'i thabs 'di gsungs so// gru gsum sum brtsegs nang du bru/ chos bzang lta bu'i bar rim gyis// nang du dur khrod sol bas byug/ zla gam rnam gsum dmar por bya// mu khyud dkar la gru bzhi ser// tha ma me ri'i 'phreng bar bcas// gru gsum bang rim dang po la// thod pa yi ni 'phreng ba btang // gnyis pa ral gri gsum pa mda'// byin gyis brlabs te dgod par bya// nang du yugs sa'i zhabs mas gding // dri ma drug la dmigs pa'i gzugs// mtshan nyid thams cad yongs su rdzogs// tsha ba gsum gyi khu bas byug/ ming dang rus bcas nang du bzhug/ thod pa rab tu mtshan ngan par// ra dang khyi dang rta yi khrag/ phag gi khrag dang sbrang dug blug/ lcags kyi phur ba sor brgyad bdun// rtse
- 364a
mo gnam bstan nang du gzhug/ me 'bar rtags byung phur pa gdab// rbad pa'i sngags kyis bsgrub pa bya// gzhan yang dam rdzas tshang ba yi// gtor ma zla gam gcig pa gzhag/ dug dang lan tshwa ske che dang // chang dang man ngag d+ha ru ra// rims nad dag gis btab pa'i khrag/ khrag chen dag dang thod par sbyar// zla gam gcig la gzhug par bya// dpal lha mo nag mo tsit+ta gsang ba'i rgyud las/ drag po'i dkyil 'khor dang rdzas bsag pa'i le'u ste bdun pa'o// // de nas bcom ldan 'das kyis phur pa btab la mtshon gyis gtub pa dang // sbyin sreg bya ba dang / thun zor 'phang ba dang / mnan pa'i las 'di gsungs so// gong ltar las kyi dkyil 'khor rdzas rnams la// rbad pa'i sngags kyis bsgrub cing bskul// me 'bar rtags mthong phur pa gdab// oM badz+ra ka ru rbad// snying tshal pa rbad/ gtubs tsit+ta rbad// gas rmugs rbad// snying khrag kha la rbad// tshal bu sen se du rbad// hur bruM srog la rbad ya/ de nas mtshon gyis gtubs bar bya// las kyi dkyil 'khor dbus nyid du// dug shing gdug pa'i shing bu la// rigs ngan khyim nas blangs pa'i mes// sbar la ling kha bsreg pa ni// dur khrod shing la yam shing ni// zur gsum lus la khrag chen pos/ ming rus bris pa re re dang // ling ga dum ku re re dang // dug
- 364b
dang ske tshe la sogs rdzas// sgrags shing bsreg pa'i las byas na// myur du rims kyis thebs par 'gyur// ma ma sarba sha truM ma ra ya/ a mu khaM da ha da ha/ pa tsa pa tsa/ b+hiSh+pa ku ru ku ru/ hUM hUM phaT phaT/ brgya rtsa brgyad kyis grub par 'gyur// de nas sreg pa'i thal ba dang // ming byang lhan cig zhabs mar dril// dur khrod dbus su mnan cing gtad// mtshan ngan b+han+d+ha'i khrag dug la// thun sngags bzlas shing zor du 'phang // rag mo thang mu le thang mu le rbad rbad// rtsa thang rtsa thang rbad rbad/ muM sni muM sni nan/ rag mo ni rag mo ni kha long rbad rbad/ dug sti dug sni kha long rbad rbad/ kyi kha long kyi kha long rbad rbad/ rtsa ti rtsa ti rbadrad rbad/ ni rti ni rti mug mug/ thum thum subs te subs te rbad rbad/ rtse kha long mu kha long rbad rbad/ thum thum rbad rbad/ rmog rmog rbad rbad/ che ge mo ling rbad/ sa ma yA dza/ zhes thun 'phangs te/ grangs ni stong rtsa brgyad do// dpal lha mo nag mo'i tsit+ta gsang ba'i rgyud las// las drag po bsgrub pa'i le'u ste brgyad pa'o// // de nas bcom ldan 'das kyis ser ba dbab pa'i las 'di gsungs so// sha sna snying sna khrag sna dang // nal bu'i snying dang lo zla ming // nal bu'i thod par bsngags shing bsgrub// ma ma b+h+yo ru lu ru lu sa ma yA staM/ dza ya du ma du ag shang ma yang trag rak+Sha phreM// gsum rdzogs pa dang las la sbyar// gtor ma
- 365a
gtang zhing sngags kyis bsgyur// thun rdzas gsum du bgos nas su// gcig ni yul ba'i rten la gnan// gcig ni zab bya zer du 'phang // gcig ni phyis kyi rta dmar gzhug/ drag po rgyu ba'i dus tshod la// shun chen gdab cing 'o dod bod// des ni las rnams chud mi za// zhes gsungs pa dang // 'khor thams cad rab tu dga' nas/ bcom ldan 'das kyis gsungs pa la mngon par bstod do// dpal lho mo chen mo thugs gsang ba'i rgyud las/ ser ba dbab pa'i le'u ste dgu pa'o// // dpal lha mo nag mo chen mo'i thugs gsang ba'i rgyud ces bya ba rdzogs so//