Text

ff. 1a–370a · 739 folio sides

  1. 1a

    gsang ba 'dus pa'i bshad sbyar sti ma pa'i me tog ces bya ba le'u bcu bzhi pa man chad bzhugs/

  2. 1b

    #/ /dngos grub mchog gi nye bar sgrub pa'i drag shul gyi sgrub pa dang/ dbang du bya ba dang/ bsrung ba'i sbyor ba zhar la 'ongs pa dang bcas pa bstan pa'i phyir lha mo bzhi dang/ khro bo dgu rnams dang/ mdung chen ma dang/ khro nyer ma'i sngags sbyor ba dang bcas pa dang/ phur bu gdab pa'i sngags bzhi po ni/ de nas zhes bya ba la sogs pa'i le'u bcu bzhi pa gsungs te/ de bzhin gshegs pa thams cad kyi dam tshig ni/ de rnams kyi sngags dang phyag rgya la sogs pa'i rnam pa gang yin

  3. 2a

    pa'o/ /ji ltar na dam tshig yin zhe na/ rgyal ba'i bka' dang 'dra bar bya ba ma yin pa nyid kyi phyir ram/ chos kyi sku yang dag par thob pa'i rgyu mthun pa yin pa'i phyir ram/ yang dag par thob pa ni yang dag par rtogs pa nyid kyi phyir te/ yang dag pa'i ye shes kyi thabs nyid yin pa'i phyir ro/ /de rnams kyi bdag po ni gtso bo'i rgyu nyid yin pa'i phyir ram/ thun mong gi rgyud nyid yin pa'i phyir ro/ /rdo rje 'dzin pa chen po ni bcom ldan 'das so/ /de ci'i phyir zhe na/ 'di ltar ni de bzhin gsheD

  4. 2b

    pa thams cad kyi chos kyi sku yin no/ /'dis ni de nyid dam tshig thams cad ston par mdzad pa por rigs so zhes bstan par 'gyur ro/ /lus kyi nyes pa nad dang rga shi la sogs pa thams cad shin tu zhi ba ni rnam par snang mdzad do/ /de'i dam tshig ni lhan cig spyod pa'i shes rab kyi lus te spyan zhes bya ba'i don to/ /de'i mchog la dmigs pa mnga' bas na de skad ces bya'o/ /ci'i phyir snyoms par 'jug par mdzad ce na/ de'i 'am de la sdug pa'i rnal 'byor gyis de dag gi sngags kyi sbyor ba shin tu legs pa yin no zhes shes par bya ba'i phyir ro/ /'di nyid kyi zhes bya ba ni sngags kyi rnam par 'chad par 'gyur ba'o/ /de bzhin gshegs pa thams cad ni de bzhin gshegs pa thams cad kyi shin tu rnam par dag pa'i sku'o//

  5. 3a

    de rnams kyi btsun mo ni dbyings te/ dka' mo dang btsun mo dam pa'o/ /de yang de rnams kyi me long lta bu'i ye shes kyi bdag nyid kyi de kho na nyid rig pa ni zhi gnas so/ /de ni de rnams dang lhan cig tu spyod pa de lhag mthong ngo/ /de nyid kyis de kho na nyid bye brag tu mthong pas de kho na nyid dang ro gcig pas de bas na de rnams la de kho na nyid dang dmigs pa zhes kyang brjod do/ /dga' ba skyed par byed pas dga' ba dang sdug pa yang yin no/ /de nyid kyis dmigs pa'i tshul du 'dzin pa'i phyir dang/ nye bar ston pa'i tshul du gos pa'i phyir gso bar byed pa de ltar na btsun mo'o/ /'dzin par byed pa'i dbyings so/ /ji ltar nye bar ston pa yin zhe na/ tshim par byed pa'i phyir ro/ /sangs rgyas bcom ldan 'das ni chos la dga' ba'i dgyes pas nye bar bsten par mdzad pa yin gyi

  6. 3b

    khaM gyi zas la sogs pas ni ma yin no/ /de bas na tshim par byed pas na dga' ma'o/ /shin tu yid du 'ong ba'i phyir btsun mo dam pa'o/ /de skad du le'u bcu bdun pa las/ dbyings su gyur pa'i rgyal po che/ /tshim par byed par rnam par bsam/ zhes bya ba dang/ le'u bco brgyad pa las/ dga' ba rdzogs pa'i longs spyod mchog /bud med bde mchog phun sum tshogs/ zhes 'byung ngo/ /de'i ngo bo nyid yin pas na de'i sngags la yang de skad ces bya'o/ /sems can thams cad 'byor pa ni 'byor pa kun no/ /dgyes pa rnams ni bzhed par rnams so/ /de rnams la dgyes pa ni de la nye bar longs spyod pa'o/ /de dang ldan pas na 'byor pa kun la dgyes pa rnams te/ so sor sdud pa la snyoms par bzhugs pa'i sangs rgyas dang byang chub sems dpa' rnams zhes bya ba'i don to/ /de rnams mnyes pa ni gsan pa tsam gyis so/ /rab tu dgyes pa ni gti mug dga' ma de nyid do/ /sangs rgyas rdo rje ni rnam par snang mdzad kyi chos nyid du spyan no/ /de ston par mdzad pas na de skad ces bya'o/ /de rjes su dran pa ni dgyes pas so/ /sangs rgyas rnams kyi zhing 'byung ba ste/ de rnams kyi zhing 'byung ba yang de la rag las pa nyid yin na

  7. 4a

    rims la sogs pa zhi bar byed pa lta i zhig smos/ las rnams thams cad sgrub byed cing zhes bya ba la sarba artha sA d+ha ni swA hA zhes gsungs pa'i phyir te/ sbyor ba'i bye brag gis rgyas pa la sogs pa'i las rnams kyang byed do zhes bya ba'i don to/ /rdo rje ni sems tsam nyid do/ /de'i dam tshig ni yang dag par rtogs pa'o/ /de bskul ba ni dgug pa ste/ spyan gyi sbyor bas bzlas na de myur du skye bar byed ces bya ba'i don to/ shi ba gsos par byed pa ni shi ba'i srog kyang 'gugs par byed pa'i phyir dang/ 'chi bar 'dod pa'i srog kyang 'dzin par byed pa'i phyir ro/ /de la zhi ba'i don tu ji ltar rnam par snang mdzad kyi sbyor bas sbyor ba gsungs pa de bzhin du spyan gyi sbyor bas kyang blta bar bya'o/ /yang na kham phor kha sbyar gyi nang du tsandan dkar pos pad+ma 'dab brgyad bris te de lte ba'i rdo rje'i lte bar gnas pa'i yi ge hUM gis mgor bsgrub par bya ba'i ming dang spel ba rnam par snang mdzad kyi 'byin pa'i sngags kyis bskor ro/ /de'i 'dab ma la spyan gyi sngags kyis kyang bskor bar bya'o/ /de nas cho ga bzhin du spyan drangs pa la sogs pa byas nas/ nang pa'i sngags su tsandan gyis byugs pa'i sa gzhi'i gnas la kham phor kha sbyar bzhag ste me tog dkar pos mchod par bya'o/ /snga ma bzhin du rang gi snying kha'i zla ba la de dbang bskur bar bsams nas bskul tshig dang bcas pI phreng ba'i sngagS khri bzla bar bya'o/ /shi ba gso ba'i phyir cho ga bzhin du spyan

  8. 4b

    gyi sbyor ba byas nas rang gi snying ga las grub pa'i rdo rje lcags kyu phyung ba nges shi ba'i rnam par shes pa 'jig rten pha rol tu song ba gsal zhing dmar ba'i yi ge a'i rnam pa can nam/ mar me'i rtse mo rlung gis pa bskyod pa'i mi g.yo pa lta bu bkur/ la shi ba'i snying gar bzhug par bya'o/ /de la mo ha ra hi zhes bya ba'i snying po bkod de/ de'i 'od zer gyis lus de mi snang bar byas la mo ha ra ti zhes brjod bzhin du spyan gyi rnam par yongs su gyur par bsams te/ mig la sogs pa dang lus la sogs pa byin gyis brlabs par byas nas rang gi snying ga na gnas pa'i ye shes kyi lha mo'i thugs ka'i zla ba la bkod pa'i phreng ba'i sngags de las byung ba'i ? gyi sprin rnams kyis shes gyi bum pa'i bdud rtsis dbang bskur ba dang/ snga ma bzhin du 'od zer gyi gong bu'i dbang bskur bas dbang bskur bar bya'o/ /'chi bar 'dod pa'i srog yang dag par gzung ba'i phyir/ 'chi 'dod snying ga'i pad+ma la/ /ming gi yi ge 'am yi ge A:/ bltas shing pad+ma kha btsums la/ pad+ma zhags pas bcings par bya/ / yang na snying gar rdo rje kha sbyar ltar/ /gnas pa'i A:ni gser 'od can/ /bsams nas rtse mo gnyis dag ni/ /zhags pa dag gis bcing bar bya/ /rgyas pa'i don du snying ga'i pad+ma la yi ge baM kha dog ser po/ kha thur du bltas pa bdud rtsi 'dzag pa bsams nas lte ba'i phyogs su yang yi ge A:pad+ma'i kha sbyar can bdud rtsi dang bcas pa bsams par bya'o/ /sbyor ba thams cad la spyan gyi sbyor bas de'i phreng ba'i sngags bzla bar bsta bar bya'o/ /de la ? pa'i sngags ni oM ru ru phu ru dzwa la tiSh+Tha sid+d+ha lo tsa ne artha sA d+ha ni tshe gi mo shAn+tiM gu ru swa hA/ /de bzhin du rgyas pa la ni sarba artha sA d+ha ni che ge mo puSh+TiM ku ru oM mo/ /'dir tshigs su bcad pa ni/ zhi la swAhA rgyas la oM/ /dgug la dza:ste dbang don to/ /hUM ni gsod dang rmongs pa la/ mngon

  9. 5a

    spyod la ni hUM dam phaT/ /bsrung la haM ste mkha' 'gro ha/ /bcing la baM ste mi snang oM/ /'di yi mdza' can bskul ba'i sngags/ /lhan cig skyes pa'am byas pa yin/ /zhi dang byas der dbang dgug dang/ /drag po yin ni las rnams la/ /shar byang nub dang lhor bltas pa/ /dkar ser dmar dang gnag pa nyid/ /brtse bcas dga' chags khros pa yis/ /srod dang tho rangs mtshan nyid phyed/ /brtsam bya 'gugS pa bya ba la/ /khang steng? phyogs pas phyogs bla zhing/ /sngags pa yang yang rang lha nyid/ /rdo rje sems dpa' i rang bzhin smos/ /las rnams grub phyir de nyid la/ /rdo rje sems dpa' zhes bskul bya/ /sku gsum po ro gcig par rtogs pa ni sku gsum gyi dam tshig ste/ de'ang mi bskyod pa'o/ /de nyid ni thogs pa med pa'i ye shes kyi gzi brjid kyi rang bzhin can yin pa'i phyir rdo rje khro bo'o/ /de nyid ni dngos po med pa ste/ nyon mongs pa'i rnam par rtog pa rnams 'joms par mdzad pa nyid kyi phyir/ /de'i dam tshig ni shes rab kyi lus te mA ma kI zhes bya ba'i don to// bdag ces bya ba ni sems la bya la/ de yang 'dir sangs rgyas rnams kyi ste de yang mi bskyod pa'o/ /de'i 'dis shes rab yin pas na mA ma kI'o/ de la dmigs pa'i ting nge 'dzin la de skad ces bya'o/ de nyid ni dbyer mi phyed pa nyid kyi phyir rdo rje'o// de bzhin gshegs pa thams cad kyi thugs ni rdo rje 'dzin te/ rig bya dang rig pa gnyis su med pa'i tshul du 'dzin par mdzad pa'i phyir ro/ /de rnams kyi btsun mo'i mchog ni snga ma bzhin te mA ma kI zhes bya ba'i don to/ /de'i ngo bo nyid yin pa'i ph yir de'i sngags la yang de skad ces bya'o/ /rdor gsum dbyer med rdo rje can ni chos kyi ye shes de dang ldan pa ste/ bsam gtan lnga la snyoms par 'jug pa'i sangs rgyas dang byang chub sems dpa' rnams zhes bya ba'i don to/ /yid 'ong spyan ni gdangs nas su ste

  10. 5b

    zhe sdang dga' ma dang yang dag par ldan pa'i phyir ro/ /rdo rje'i thugs ni mi bskyod pa'i chos nyid de de ston par mdzad pas na de skad ces bya'o/ /rdo rje srung pa ni mi shigs pa'i srung pa ste/ de'i don gyi sbyor pa la'o/ /las rnams rab tu bsgrub pa ni khro po'i rdo rje'i dam tshig nyid yin pa'i phyir ro/ /rdo rje chen po ni nyon mongs pa'i rnam par rtog pa'i stobs dang ldan pa'o/ /de dag gis 'jigs shing nges nyen pa ni gzir ba ste/ theg pa dam pa la mngon par phyogs par byed pa zhes bya ba'i don to/ /de rnams kyi rtag tu stobs ni byed pa ste/ dngos po med pa'i dam tshig nyid yin pa'i phyir/ /stobs de gang yin zhe na/ sems kyi stobs te sems kyi stobs gang gis de rnams kyi nyon mongs pa'i rnam par rtog pa de rnams zil gyis gnan nas rdo rje theg pa la bstan par 'gyur ro/ /ji ltar stobs byed pa yin zhe na/ de'i sbyor bas de'i phreng ba'i sngags bzlas pa'i phyir ro/ /srung ba'i don gyi sbyor ba ni la lar mi ma yin pa la sogs pa'i 'jigs pa la yang gi lha'i sbyor ba dang ldan pas bsgrub par bya ba'i mgo las hUM las byung ba'i rdo rje rtse lnga pa rtse mo gyen du bltas pa mi bskyod pa'i rdo rje de'i lte bar mA ma kI bsams te/ de'i ye shes kyi lha mo thugs ka'i zla ba la gnas pa de'i phreng ba'i sngags las byung ba'i rdo rje gcig tu mkhregs par gyur pa rdo rje phra mo'i go tshes go bgos pa'i bsgrub par bya ba bsams par bya zhing/ oM shAM kA re shAn+ti kA ra/ g+huTNa g+huTTa g+haTTi ni/ g+hA ta ya g+hA ta ya/ g+huTTe ni che ge mo rak+Sha ku ru haM zhes bya ba'i sngags kyang bzla bar bya'o/ /de ltar na 'di'i mi shigs pa'i srung bar 'gyur ro/ /'dod chags chen po ni 'od dpag tu med pa ste/ de ni so sor rtog pa'i ye shes so/ /dam tshig ni rin chen 'byung ldan te/ de ni mnyam pa nyid kyi ye shes so/ /de dag gi gzigs pa ni shes rab ste/ gos dkar mo

  11. 6a

    zhes bya ba'i don to/ /de la dmigs pa'i ting nge 'dzin la yang de skad ces bya'o/ /chos kyi sku ni sangs rgyas thams cad kyi shin tu rnam par dag pa'i 'du shes kyi tshogs so/ /de'i btsun mo'i mchog ni snga ma bzhin no/ /dkar mo de yang dkar por byed pas na dkar mo ste/ srid pa sbyor ba byed pa'i phyir ro/ /de nyid kyi phyir gos dkar mo ste/ /dag pa'i srid pa la gnas par byed pa'i phyir ro/ /rdo rje ni sangs rgyas rnams kyi gsang ba'o/ /de rnams kyi chos kyi mchog ni tshogs te/ chos 'dus pa rin po che phra mo zhes bya ba'i don to/ /sna'i rtse mo 'am sngags kyi thig le la de 'dzin par mdzad pas na rdo rje chos mchog 'dzin pa rnams te/ srog dang rtsol ba'am 'dzin pa la snyoms par zhugs pa'i sangs rgyas dang byang chub sems dpa' rnams zhes bya ba'i don to/ /bsam gtan ni 'dod chags dga' ma'o/ /chos ni rin chen dpal dang 'od dpag tu med pa'o/ /de dag gi chos ni rdo rje chos ste gos dkar mo nyid do/ /de ston par mdzad pa la yang de skad ces bya'o// chos rgyas zhes bya ba ni bsod nams dang ye shes rgyas pa'o/ /rtag tu stobs mdzad pa zhes bya ba ni yun ring por nyams zad pa rnams kyi lus rgyas pa'o/ /gnyis po 'di byed par 'gyur ro/ /'di dag ci 'dra ba zhig ce na/ mdzod chen po dang ldan pa zhes bya ste/ dbul po rnams nor chen po rgyas par byed pa ni mdzod chen po ste/ de dang ldan zhing de dang bcas pa'o/ /rtag tu zhes bya ba ni bstan pa ste de yang rgyas pa gsum po dag gi nang nas gang gi don du sbyor ba byas pa de nges par skyed par byed do zhes bya ba'i dn to/ /'da' bar mi bya ba'i gsung mnga' bsan rdo rje gsung ngo/ /ji ltar rdo rje gsung gi bka' 'di yin pa de bzhin du shes par bya ste/ nges par rgyas par 'gyur ro zhes bya ba'i don to/ /sbyor ba yis ni bzlas pa tsam gyis zhes bya ba gsungs te/

  12. 6b

    bsgom pa sngon du 'gro ba'i zhes bya ba ni lhag ma'o/ /bsgom pa ni ji ltar gzhan? rgyas par bya ba'i phyir sngar rin chen 'byung ldan gyi sbyor bas gsungs pa de bzhin du 'dir yang gos dkar mo ser ma'o sbyor bas blta par bya'o/ /bdag nyid rgyas par bya ba'i phyir ni ? dkar mo ser mo'i sbyor bas bdag nyid dbang bskur pa la sogs pa thams cad bya'o/ /de la bzlas pa'i sngags ni oM ka Te pa ka Te ni ka Te/ ka Ti ka Ta/ d+harmma puSh+TiM me ku ru oM gzhan dag la ni de bzhin du che ge mo'i d+harmma puSh+TiM ku ru oM zhes bya ba 'di yin no// kun nas 'byung ba ni spro ba ste/ don yod par grub pa'o/ /de'i rdo rje ni de kho na nyid de sgrol ma zhes bya ba'i don to/ /'gro ba rnams sgrol bar byed pas na sgrol ma'o/ /de la dmigs pa'i ting nge 'dzin la de skad ces bya'o/ /dam tshig ni thams cad du khyab par byed pa'i phyir ro/ /sems dpa' ni sems brtan pa rnams te bya ba nan tan gyi ye shes zhes bya ba'i don to/ /de rnams kyi btsun mo'i mchog go/ don dam pa thugs chud pa'i phyir sangs rgyas te/ sangs rgyas dang byang chub sems dpa' nams zhes bya ba'i don to/ /bdag nyid che las skyes zhes bya a ni sku'i sprin la skyes pa te/ rjes su dran pa'i snyoms par 'jug pa zhes bya ba'i don to/ /ye shes ni rdo rje dga' ma ste/ ye shes kyi tshogs nyid yin pa'i phyir ro/ /sku ni sna tshogs so/ /de'i chos nyid ni rdo rje sku'o/ /de ston par mdzad pa la yang de skad ces bya'o/ /sangs rgyas rdo rje zhes bya ba la sogs pa la don ni sangs rgyas rdo rje 'chang yin yang rung sems can gyi khams yin yang rung/ skad cig gis bran bzhin du ste bka' bzhin byed pa dang g.yo pa med de rtog pa med/ /de dag thams cad dbang du byed par 'gyur ro zhes bya ba 'di yin no/ /de la gang gi tshe bdag gam gzhan 'ga' zhig gi dbang du byed par 'dod na de'i tshe bdag nyid sgrol ma dmar ba'i sbyor bas 'dug la/ bdag gam

  13. 7a

    gzhan gyi ye shes sems dpa' i thugs ka na gnas pa'i le'u bcu gsum pa las gsungs pa'i dbang bskur ba'i cho ga bzhin du byas pa 'am/ ma byas pa rang dam gzhan gyi ye shes kyi lha mo'i thugs ka na gnas pa'i zla ba dmar po la/ oM tA re tut+tA re tu re swA hA/ zhes bya ba'i phreng ba'i sngags dmar po bsams nas de'i 'od zer dmar po rnams kyis skyes pa 'am bud med dbang du bya ba thugs ka'i pad+ma dmar po 'am bud med kyi pad+ma dmar po la bskul te rang dam gzhan gyi ye shes kyi lha mo'i thugs ka na gnas pa'i sngags kyi yi ge'i phreng ba de nyid zhal gyi sgo nas byung ste/ dbang du bya ba'i kha'i sgo nas snying gar zhugs nas de'i sems zla ba'i dkyil 'khor dmar po lta bu blangs te/ de'i mtshan gyi sgo nas byung zhing 'ongs te/ ye shes kyi lha mo'i pad+ma'i sgo nas zhugs nas ye shes kyi lha mo'i thugs ka'i zla ba'am/ gzhan gyi thugs ka'i zla ba dang zla ba'i dkyil 'khor gnyis pa med par byas nas yang de nyid du 'dug par bsams par bya'o/ /dbang du bya ba'i snying phrogs pa can de yang bdag gam gzhan gyi rkang pa'i drung du 'dud pa bka' nod par blta bar bya'o/ /de bzhin du yang nas yang du bya zhing/ oM tA re tut+tA re tu re che ge mo bdag gi 'am che ge mo'i ba sha ma ra na ya ho zhes bzla bar bya'o/ /sbyor ba gzhan yang sgrol ma'i sbyor ba thams cad dmar bar byas la bsgrub par bya ba thams cad dmar ba mdun du pus mo btsugs te/ thal mo sbyar nas lung nod pa las gzhol ba bltas nas g.yon gyi lag pa gnyis pas yi ge tsa las byung ba'i gzhu dmar po dang g.yas gyi lag pa nyis pas ho las byung ba'i mda' dmar po utpal dmar po kha ma byed pa'i mde'u yod pa 'dzin pa de nyid kyi sngags bzlos pa na sngags kyi mthar bsgrub par bya ba skyes pa'i ni snying ga dang/ bsgrub par bya ba bud med kyi ni pad+ma la mda' des spro ba'i sbyor bas bsnun na nges par dbang du 'gyur ro/ /de bzhin gshegs pa thams

  14. 7b

    cad kyi sku dang gsung dang thugs rdo rje ni rdo rje 'chang ngo/ /dri ma med pa ni me long lta bu'i ye shes so/ /de las 'od zer 'byung ba ni 'od zer nag po 'bar ba'o/ /de'i rang bzhin ni rdo rje sprin te/ dus mdza' i sprin dang chos mthun pa'i phyir te/ gshin rje mthar byed ces bya pa'i don to/ /de la dmigs pa'i ting nge 'dzin la de skad ces bya'o/ /'di nyid ces bya ba ni sngags kyi rnam pa'o/ /grags pa chen po ni bdag nyid chen po'o/ /de dag kyang 'jigs shing kun tu skrag par gyur nas te/ 'jigs shing skrag par bdag nyid yang dag par byed ces bya ba'i don to/ /de ci'i phyir zhe na/ sngags kyi mthu bstan pa'i phyir ro/ /rdo rje sems ni byang chub kyi sems so/ /rjes su dran zhes bya ba rdo rje 'chang yongs su skyobs shig ces sma'o/ /ci'i phyir zhe na/ sbyor ba mdzad pa po'i mthu bstan pa'i phyir ro/ /de bzhin du khro bo 'og ma rnams la yang blta bar bya'o/ /thod pa zhes bya ba la sogs pa la 'dren par bstan pa'i phyir gong bu dgugs pa 'am rig pa bskyed pa la sbyor ba ni 'di yin no zhe smra'o/ /de la thod pa ni mi'i mgo bo'i rus pa'i thod pa'o/ /mchog pa zhes bya ba ni bug med pa'o?/ /bu ga med pa yang gang yin zhe na/ gang bud med kyi'o/ /gzugs mdzes zhes bya ba ni rab tu bsngags pa'i gzugs can te/ zla ba dang ba lang gi gdong dang/ pad+ma dag las gang yang rung pa'o/ /yid 'ong zhes bya ba ni gang mkhas pa rnams kyi'o// de skad du yang/ gser gyi sgo dang yang dag ldan/ /mi yi thod par shes par bya/ /bram ze la sogs thar pa ni/ sgo ni re res 'phel ba yin/ /rigs dma' ba yi thod pa ni/ /rna ba'i steng na bug can/ /ma ning gi ni ltag bug can/ /bud med rtag tu bug med pa/ /mkhas dang shes ldan sngags pa yi/ /rna ltag bar du dpral ba la/ /mu tig phreng 'dra'i ri mo can/ /thod pa yin par shes par bya/ /dum gcig gnyis rang gsum dang bzhi/ /zla ba bcu drug bcu gnyis so/ /ba lang gdong dkar dmar bar 'gyur/ /cung

  15. 8a

    zad ring zhing shin tu mdzes/ /pad+ma pad+ma 'dra ba'i dbyibs so/ /ser dmar dang ni de bzhin dkar/ /thod pa rnams ni bsngags pa ste/ /lhag ma rnams ni spang bar bya/ /zhes gsungs te/ zegs pa dang gas pa la sogs pa'i nyes pa'i skyon dang ldan pa ni shin tu blang bar bya ba ma yin no/ /rnyed pa la zhes bya ba ni blangs pa la'o/ /tshul byas nas zhes bya ba ni skabs nyid yin pa'i phyir te/ bsgrub par bya ba'i gzugs brnyan thod pa'i nang du chud par byed pa zhes bya ba'i don to/ /de'i rkang pas mnan par byas nas so/ /rjes su dran par bya ba ni bzla bar bya ba'o/ /'gugs zhes bya ba ni 'dren par byed pa'o/ /'di'i don ni bud med kyi thod pa bsngags pa blangs la de'i rgyab tu lte ba yangs pa'i pad+ma 'dab ma brgyad pa bris na lte ba la bsgrub par bya ba'i spyan la sogs pa'i gzugs brnyan gur gum dang gi waM dang srin lag gi khrag gis bris te/ de'i snying gar yang phreng ba'i sngags dang che ge mo A karSha ya dza zhes bya ba'i mthar thug pa bris nas/ de'i snying ga de yang nyi ma'i dkyil 'khor la gnas pa hUM las byung ba'i rdo rje lcags kyus mtshan ma'i rkang mthil dang g.yas pa brkyang pa g.yon gyi byin pa cung zad bkug pa'i rkang pas mnan la/ khros par gyur pas phreng ba'i sngags kyis bskul ba dang bcas pas zlos shing dgug pa'i rim gyis rkang pas drang par bya zhing/ sgrub par bya ba yaM las byung ba'i rlang gi dkyil 'khor la dzhai dang ldan pas bteg cing drangs par gyur par bsams la rang gi snying ga las kyang grub pa'i 'khor lo'i lcags kyu phyung la ji lta ba bzhin du sgo ba byas la de dgug pa'i phyir btang bar bya'o/ /nges kyang ji lta ba bzhin du 'gugs par byed pa rmongs par byas na nges par 'od par 'gyur ro/ /'ongs pa de dang khro bo la yang tsan dan bzang po la sogs pa'i chu dang mchod yon phul la/ de las de blangs nas ji ltar mngon par 'dod par bya'o/ /de bzhin du gnod sbyin mo la sogs pa dang/ mi mo la

  16. 8b

    sogs pa'i gzugs dgug par bya'o/ /skyes pa dgug pa la ni skyes pa'i thod pa la g.yon brkyang ba'i rkang pa g.yas pas mnan pa byas la zhes bya ba khyad par yin zhes bya ba 'di yin no/ /rig pa bskyed pa la yang don ni 'di yin te bde bskyod par byed pas na thod pa ste bu mo'i lus so/ /ma chags pa ni skye gnas ma smos pa'o/ /gzugs mdzes pa ni gzugs sngags pa'o/ /yid 'ong ni dam tshig dang sdom pa la sogs pa la bslab pa nyid kyi phyir ro/ /rkang pas mnan pa'i tshul du byas nas zhes bya ba ni mdun du bzhag nas spyan la sogs pa'i gzugs su bskyed la bdag nyid gshin rje mthar byed kyi gzugs su gnas pa'i rang gi snying ga las grub pa'i lcags kyu phyung ste/ des ye shes kyi spyan bkug la de la gzhug par bya'o/ /de ltar na bu mo'i lus de skad bsam nan pa'i tshul du byas par 'gyur ro/ /de ltar na tshul ni lha mo'i gzugs su bskyed pa yin la rkang pas mnan pa'i ye shes kyi lha mo yang dag par bstim pa'o/ /rjes su ngan par bya zhes bya ba ni bskul pa dang bcas pas bzla bar bya'o// 'gugs pa ni 'gugs par byed pa ste bu mo mngon sum nyid du lha mo'i gzugs su bskyed pa'i phyir ro/ /gnyis su gsum dag ni phul du byung ba gsungs pa yin no/ /rnam par snang mdzad la sogs pas sngags lnga po brjod pa ni gang la la sngags brjod pa de thams cad de las byung ba'i 'bras bur 'gyur ro/ /zhes bstan pa'i phyir ro/ /dam tshig ni bya ba nan tan gyi ye shes so/ /de las byung ba'i 'od zer ni 'bar ba nag po'o/ /de'i rang bzhin can gyi stug po'i mchog ni dus mdza' i sprin te bdud rtsi thab sbyor zhes bya ba'i don to/ /de la dmigs pa'i phyir de skad ces bya'o/ /brgyal zhing zhes bya ba ni shin tu 'jigs pa'i phyir/ /rab tu 'jigs gyur nas zhes bya ba ni 'jigs pa dang bcas pa nyid dang bsad pa'i phyir ro/ /

  17. 9a

    rdo rje'i sku ni rnam par snang mdzad do/ /sngags rnams kun gyi sbyor ba ni zhi ba dang rgyas pa la sogs pa'o/ /rdo rje bskrad ba ste bgegs bskrad pa'i las gang yin pa de la sngags 'di sbyar bar bya'o/ zhes bya ba ni lhag ma'o/ /cho ga yis ni skrad par 'gyur zhes bya ba la de la cho ga ni 'di yin te/ dur khrod kyi mes tshig pa'i myos par byed pa'i shing gi sol ba dang ba bla dang dug dang lung thang gi lo ma'i khu pa dang/ rkang pa g.yon pa'i srin lag gi khrag dang sbyar bas bya rog gi sgro'i rtsa ba sbom po'i smyu gus ba dan gyi ras la rlung gi dkyil 'khor gyi dbus na gnas pa'i ral gri'i chad zungs chen po'i dbus su 'khor lo rtsibs brgyad pa bris la/ de'i lte bar bsgrub par bya ba'i gzugs brnyan dang de'i snying gar bskul tshig dang bcas pa'i phreng pa'i sngags bris la/ rdze? mkhan gyi 'khor lo'i 'dzim pa dang rkang rjes kyi sa dang/ bzhi mdo'i sa las gzugs brnyan byas te de'i snying gar zhugs par bya'o/ /de nas thod par bcug ste/ dgug pa sngon du song ba can gyi hUM che ge mo u tsa ta ya hUM zhes bya ba'i bskul ba dang ldan pa'i phred ba'i sngags kyis bdun brgya mngon par bsngags la ma me'i khyim mam/ bzhi mdo 'am dur khrod du sba bar bya'o/ /bsgrub par bya pa'i yang rlung gi dkyil 'khor gyi steng du gnas pa'i rnga mo la zhen te legs par gnas pa la rgyab nas lag na dbyug pa thogs pa'i skyes bu drag pos lho phyogs su bdas par bsam par byas na nges par skrod par byed par 'gyur ro/ /don dam pa thugs su chud pas na sangs rgyas te/ chos kyi dbyings shin tu rnam par dag pa'i ye shes so/ /de las byung ba'i 'od zer ni dkar po 'bar ba'o// de'i rang bzhin can gyi rdo rje khro bo ni shes rab mthar byed ces bya ba'i don to/ /de la dmigs pa nyid kyi phyir de skad ces bya'o/ /bdag nyid che skyes bya ba ni bdag nyid chen po nyid las skyes pa'o/ /byang chub kyi sems ni rin chen 'byung ldan te/ thugs

  18. 9b

    rin po che nyid yin pa'i phyir/ /ma rungs pa ni sprul lo?/ /gtum mo ni gdod la sogs pa ste/ de rnams zhugs na 'jigs pa chen pos 'khrugs pa la te sems can la'o/ /las rnams zhes bya ba ni sngon po la sogs pa las thar pa las te de byed par 'gyur ro/ /chog bzhin du te rdo rje thugs ni rab sbyar phyir te 'bar ba'i rdo rje sems dpa' ni rdo rje thugs yin la/ de cho ga bzhin du sbyar ba'i phyir ro/ /don ni 'di yin te gzhan gyis mi thub pa'i sbyor bas gnas shing bsrung ba yang byas nas lag ba gnyis kar ram/ rkang pa gnyis la yi ge hUM las byung ba'i rdo rje 'bar ba bsams nas/ bsgrub par bya ba'i lus las srin po la sogs pa'i yid kyis drangs te rdo rje gnyis kyi bar du chud par byas la/ de'i 'od zer 'bar bas tshig bar gyur par bsams par bya zhing lag par dag gam/ rkang pa dag sbyang bas kun tu btsir zhing mnyes le?/ na ma:sa man+ta kA ya bAk+tset+ta? badzra NAM oM hUM dzin ri ti Da hUM hUM phaT phaT che ge mo srin po la sogs pa dag las thar par mdzod cig ces bskul ba dang bcas pa'i sngags bzla bar bya'o/ /yang na bsgrub par bya ba'i lus la zhugs pa'i srin pa la sags pa la de bzhin du mos bar bya'o/ /yang na cho ga bzhin du dgug pa dang bzhug pa dang bcing? ba bya ba la de nas bsgrub par bya ba'i dbugs 'gags shing dbugs med pa lag pa gnyis kyi rdo rje 'bar bas rtsi ba logs gnyis nas btsir ba dang de'i lkog ma dang/ snying gar bsgoms pa'i rdo rje 'bar ba gnyis kyis snying ga dang lkog ma bsregs pa ni yi ge hUM 'bar ba las bskyed pa'i yungs kar gyi rgyal po ser ba'i gzugs can la brgya rtsa brgyad bzlas pa dang/ phyi nas sngags re re bzla zhing de la brdeg bar byas la de rnams kyis kyang lus phug par bsam par bya'o/ /de ltar na des nges par snying rje ba'i sgra 'byin cing du la shing gi yal ga gcog pa la sogs pas rtags ston

  19. 10a

    na gtong ba'am dug med par 'gyur ba yin no/ /yang na srin po la sogs pas gzhan 'dzin par 'dod na/ de'i tshe yang gzhan gyis mi thub pa'i sbyor bas mar ngo'i chos grangs gang yang rung ba dag la khros par gyur nas gsal shing dang mtshon gyis gsod pa dang 'gags te shi ba'i nang nas gang yang rung ba'i thod pa la dur khrod kyi sol bas yi ge hUM las byung ba'i mche ba gtsigs pa 'jigs su rung ba thod pa'i phreng ba can khro ba skra gyen du brdzes pa lag pa g.yas pas ro langs kyi gri 'phyang ba/ g.yon gyis sdigs mdzub byed pa bris la dug dang/ rus phye dang mdzub mo'i khrag gis de'i snying gar che ge mo gri h+Na zhes bya ba'i bskul tshig dang ldan pa'i sngags bri bar bya'o/ /thod pa gnyis po bsgrub par bya ba'i rkang rjes kyi sa dang/ ro bsregs pa'i thal ba dang sol ba rdo rje chu dang sbrus la gzugs brnyan du byas ba'i gzugs kyi snying gar rus ba'i phye ma dang dug dang mdzub mo'i khrag gis tA la'i 'dang ma la bskul tshig dang bcas pa'i sngags bris te snying gar bkang zhing dug dang lan tshwa dang ske tshe la sogs pas bskus la gnyi ga dgug pa la sogs pa byas te dris pa'i thod bas steng nas bkab la kha sbyar bar byas nas de des mnan cing bzung bar bsams la rkang pas mnan te bsgyings pa dang bcas pas dur khrod du mtshan phyed na sngags bzlas na de des nges par zin par 'gyur ro/ /de bzhin du rims dang gdon dang sprul la sogs pas kyang 'dzin par 'gyur ro/ /tshe dpag tu med pa ni so sor rtog pa'i ye shes so/ /de las byung ba ni kun nas 'byung ba ste chags pa'i ye shes kyi gzi brjid do/ /de'i rang bzhin gyi rdo rje ni rta mgrin zhes bya ba'i don to/ /de la dmigs pa nyid kyi phyir ting nge 'dzin la yang de skad ces bya'o/ /padmo ni 'od dpag tu med pa'o/ /chos kyi phung po nyid yin pa'i phyir chos kyi rdo rje ni sangs rgyas so/ /che mchog skyes zhes bya ba ni rab kyi mdza' la skyes pa'o/ /ye shes rgyal po zhes bya ba ni 'jig rten dbang phyug go /ha la ha la zhes bya ba

  20. 10b

    ni dug chen po'o/ /de nyid ni shin tu 'bar pa nyid kyi phyir rdo rje'o/ /de'i 'od ni de dang 'dra ba'o/ /de la rta mgrin gyis rnal 'byor sku mdog dkar por byas nas bsgrub par bya ba'i snying gar yi ge hUM las byung pa'i nyi ma'i dkyil 'khor 'bar pa'i steng du bkod pa'i yi ge hUM dkar po'i 'od zer rnams kyi yan lag thams cad la gnas pa'i dug gsang par bya ba'i phyir sba bar bya'o/ /de nas lag mthil du paM las byung ba'i pad+ma dkar po 'dab na brgyad pa'i dbus yi ge hUM dkar po 'od zer dang bcas pa bdud rtsi 'jog? pa bsam pa 'am zla ba'i dkyil 'khor la gnas pa'i yi ge ha 'am/ oM h+ri ha hUM ja? phu zhes bya ba'i sngags kyi yi ge bsam par bya'o/ /de nas phreng ba'i sngags zlos shing lag pa nges bsgrub par bya ba'i spyi bo nas brtsams te/ rkang pa'i mthar thug pa'i bar du yang dang yang byab par bya'o/ /lag pa na gnas pa'i sngags las bdud rtsi 'jigs pa des kyang yan lag thams cad nas dug drangs te/ rkang pa'i rtse mor 'jag? par gyur cing nag por bsam par bya'o/ /sngags kyi 'od zer rnams kyang de bzhin du drangs te rim gyis phab nas lag pa'i shugs kyis sod pas 'bar ba la sogs par spangs nas yang dkar por gyur par mos par bya'o/ /yang na mgo po la bkod pa'i yi ge h+rA'i? dkar po bdud rtsi'i rgyun 'bab pas snga ma bzhin du bsgrub par bya ba'i rkang pa'i rtse mor babs pas dug med par byas la lus dkar po yang dang yang du mos par bya zhing phreng ba'i sngags bzla par bya'o/ /rnam pa gnyis kas kyang nges par dug med par 'gyur ro/ /yang na spang leb dkar po la bsgrub par bya ba'i ming gi yi ge dkar po re re zhing yi ge ha dkar po dang spel pa bkod la sbyor ba de nyid kyi phreng ba'i sngags bzla bar bya ba 'am/ bsgrub par bya ba'i lus dkar po'i spyi bor bkod pa'i yi ge h+ri(rgyud 'grel): dkar po bdud rtsi dkar po'i rgyun 'bab pas dug sngon po bkrus nas dri ma med par bsam par bya ste rnam pa gnyis kas kyang dug med par 'gyur ro/ /gzhan yang spang? leb? l+la?

  21. 11a

    ni ming yig re re ni/ /du ba sngo dang dkar dang ser ba'o/ /ha dang rnam par spel ba las ni dug /g.yo 'dren nye bar zhi dang rengs par byed/ /dang po'i rang sngags la sogs yi ge yis/ /dug 'ching byed de de bzhin yi ge ha/ /gal te cho ga bzhin du de sbyar na/ /me yi sa bon gyis kyang 'phel bar byed/ /'byung ba ni gzung ba dang 'dzin pa 'byung ba zad pa'i rgyunyid yin pa'i phyir de rnams kyi dpal yang de yin la/ khro bo nyid yin pa'i phyir rdo rje yang yin pas na de skad ces bya ste/ dpal dbyug sngon no/ /de la dmigs pa'i ting nge 'dzin de la yang de skad ces bya'o/ gdug ba'i mchog ni gdug pa'i chogs te de rnams kyi 'byun ba'o/ /sems pa rdo rje ni don yod par grub pa ste/ bstan pa nyid kyi phyir dang 'gro ba yin pa'i phyir ro/ /cho ga'i 'khor lo na tshogs yin la de'i sbyor ba ni rab tu sbyor ba'o/ /de la cho ga bzhin du 'phags pa dang dbyug sngon gyi rnal 'byor pas ro bsreg pa'i sol ba dang/ grog mkhar gyis dang/ dug dang sha chen dang bsgrub par bya ba'i rkang rjes kyis las gzugs brnyan byas la dur khrod gyi ras la mi rus kyi smyug gu dang dug dang/ khrag dang rams dang tshal gsum dang lung thang gi 'dab ma'i khu bas sna tshogs rdo rje la gnas pa'i me'i dkyil 'khor dang de'i dbus su bsgrub par bya ba'i ming phreng ba'i sngags dang spel ba bris nas/ gzugs brnyan gyi rnying gar bcug ste/ bkug la thod pa gnyi ga'i nang du chud par byas la de lhung ba bya ba'i phyir khros shing gtum bar gyur pa'i rkang pa g.yon pas mnan la rdo dang rus pa dang ni pa'i? lo ma dang bcas shing nyi ma'i phyed dam mtshan phyed na che ge mo mA ra ya phaT ces bya ba'i bskul ba'i tshig dang ldan pa'i sngags khro bo'i chog gis brgya rtsa brgyad bzlas na/ nyi ma bdun gyis gsod par byed do/ /de lta na yang ma grub na dur khrod du song ste sa tshan phyed kyi dus su ro bsregs pa'i thal bas me thab gru gsum byas la/ nim pa la sogs pa'i shing gis me sbar zhing dgug pa sngon du 'gro bas de'i dbus su

  22. 11b

    khro po'i rgyal po bsams nas gzugs brnyan gyi rkang pa g.yon pa'i mdzub mo nas brtsams te/ mtshon snon bos bcad cing bcang cing shin tu khro ba dang ldan pas bskul ba dang ldan pa'i khro po'i tshig gis sngags bzlas te/ de'i zhal shin tu gdangs pa la sbyin sreg byas na de nges par de'i mtshan mo nyid la 'chi bar 'gyur ro/ /kun nas sbyin? ni mnyam pa nyid kyi ye shes te/ bdud rtsis thams cad la dbang bskur pa'i phyir ro/ /de las dpal te gzi brjid nag po 'bar ba ni stobs po che zhes bya ba'i don to/ /de la dmigs pa nyid kyi phyir ting nge 'dzin la yang de skad ces bya'o/ /sku gsum ni rdo rje ma bskyod pa'o/ /bzlas pa tsam gyis sbyor ba yis/ /zhes bya ba ni stobs po che dkar pa dang ser pa la sogs pa'i sbyor bas zhi ba la sogs pa bya ba'i phyir bskul ba dang ldan pa'i sngags pa zlo pa gtso bor gyur pa'i spyod ba yis so/ /las rnams thams cad ni zhi ba la sogs pa'o/ /chu'i dkyil 'bebs par byed ces bya ba la 'dir spyod ba ni 'di yin te stobs po che'i rnal 'byor pas/ kham phor so ma btang ba rang? mas kyi khu pas ral gri la 'khor lo rtsib brgyad pa dbus su pad+ma 'dab ma brgyad pa la mdung can ma'i sngags nang spel ba'i klu thams cad kyi snying po bris pa kham phor sems btang ba gnyis pa dang kha spyar byas la srang bu sngon mo dkris te mdung can ma dang blu rnams kyang bkug cing yang dag par mchod de bsgo ba byas nas klu thams cad bskul par byed pa'i kham phor kha sbyor klu gnas pa'i rdzing bu la sogs par gzhug par bya'o/ /yang na tA la'i lo ma la snag? tshas rdo rje rtse lnga bsngags kyi chig dang ldan pa bris la de nyid 'bar pa'i me dang 'dra bar rnam par bsams la de yongs su gyur pa las ral pa gcig ma 'chad par 'gyur de'i klu thams cad kun tu skrag par byed pa bsam la legs par mchod de/ bka' bsgo la tA la'i lo mchu mig la sogs par gzhug par bya'o/ /de nas skye bo mi gnas pa'i sa phyogs gzhan dag tu

  23. 12a

    me'i dkyil 'khor la rlung gi dang de'i dbus su chu bo dang de'i pad+ma 'dab ma brgyad pa bris te/ lte bar chu lha dkar po lte ba yan chad skyes? bu'i gzugs can la lag pa gnyis pa klu'i zhags pa thogs pa gdengs ka bdun dang ldan pa bri bar bya'o/ /shar la sogs pa'i 'dab ma la mdza' yas utpa la sngon po ltar sngo sangs nor rgyas dkar po/ 'jog bo dmar po/ korka? Ta nag po'o/ /mi dang bden bral gyi mtshams su pad+ma dang pad+ma chen po dkar skya rlung gi mtshams su dud skyong ser po/ dban ldan gyi mtshams su rigs ldan kha dog sna tshogs pa'o/ /de ltar klu'i dkyil 'khor bris nas yi ge naM las klu thams cad bskyed la bu ram dang 'o ma dang mar la sogs pas klu la 'os pa'i lha bshos yi ge phus mngon par bsngags pa sbyin par bya'o// me tog dang spos dang mar me dang/ dri dang gos dang ba dan dang bum pa sngon pos gang ba yang sbyin par bya'o/ /sardza ra dang kun tu ru dang/ ta ka ra dang chu srin sen mo dang yungs kar ser po dang/ nA ga ge sar rnams kyi phye ma 'am/ nA ga ge sar rnams kyi phyi ma sha kha ra? dang lhan cig sbyar ba'i spos dang mar gyi mar me rnams sngags kyi btab pa sbyin par bya'o/ /de nas yi ge dza dang spel ba'i yi ges klu thams cad bkug la/ rang rang gi gnas su bstims nas mchod yon byin la yang dag par mchod nas 'di skad ces brjod par bya'o/ /klu chen po khyed rnams bdag cag la dga' ba dang/ bcom ldan 'das kyis bkas kyang char phob? cig /de nas klu rnams yang dag par char 'bebs par bsam mo/ /oM u gra shu la pa Ni barSha pa ya shI g+h+raM ma/ oM dzyo ti nir+Na dang barSha pa la shA g+h+reM? zhes bya ba'i bskul tshig dang ldan pa'i sngags bzlas na de'i 'og tu char 'bebs bar 'gyur ro/ /de ltar na yang char mi 'bebs na me thab zlum por de bzhin du dkyil 'khor bris la bkug cing de rnams kyis lce la naM bsams te/ mchod yon la sogs

  24. 12b

    ba sngon du song ba can gyi sbyin sreg gi cho gas bu ram dang 'o ma dang/ mar gyi dgang blugs gsum byin la/ oM naM swAhA zhes pa'i sngags dang bu ram dang 'o ma dang mar la sogs pa'i sbyin sreg ci 'dod pa sbyin par bya'o/ /de ltar na tshims par 'gyur bas yang dag par char 'bebs par 'gyur ro/ /de lta na yang char mi 'bebs na 'chad pas bcad par bya ste/ rlung dang me la sogs pa'i rim gyis klu'i dkyil 'khor bris la/ de'i dbus su yid kyis bkug ste/ bskal pa'i me 'bar ba lta bu'i stobs po che'i sbyor bas klu thams cad kyi mjug ma'i tshogs g.yon brkyang bas mnan cing bcing bar bya'o/ /yi ge hUM dgu dang yi ge phaT dgu'i bar du yi ge ni re re dang spel la/ oM u gra shu la pa Ni pi Da ya sarbba gAM oM dzyaM ti nirta Da barSha pa ya shI g+haM zhes bya ba'i bskul tshig dang ldan ba'i sngags bgyings pa dang bcas par bzla bar bya'o/ /khro bo'i rgyal po 'bar ba'i 'jigs pas rnam par dkrigs pa dang/ klu thams cad nam mkha' i ngos la chu'i rgya mtsho skyug par mos pa byas na nges par char 'bebs par 'gyur ro/ /de lta na yang char mi 'bebs na/ klu? rnams mngon spyod chung du dang 'bring dang chen po'i rim pa 'dis bya ste/ mtshon gyis bsad ba'i gos sam dur khrod kyi ras la dug dang khrag dang skre tshe dang lan tshwa dang/ yungs mar gyi ral gri'i 'khor lo'i tsibs brgyad la pad+ma 'dab ma brgyad pa bris nas 'dab ma brgyad pa la klu brgyad po ni gnyis dang spel ba dang lte ba la ni yi ge baM tsam zhig bris la/ chu'i ngos gnyis kyi sa 'am klu gnas pa'i mtsho la sogs ba'i sa ro bsregs pa dang/ grog mkhar dang shing gcig rtsa ba'i sa dang bcas ba bshar ba dang gci ba dang bsnos te/ klu'i gzugs brnyan bris nas 'dab ma la bris pa de'i snying gar bcug pa la dgug pa sngon cu song ba la tsha ba gsum dang ske tshe la sogs pas bskus te/ me thab gru gsum gyi ngos la gnas par byas la dur khrod kyi shing las me

  25. 13a

    sbar ba la gdugs te/ sngags brgya rtsa brgyad zlos shing hUM gis rdo rjer byas pa'i yungs kar gyis brdegs na de nas char 'bebs par 'gyur ro/ /'on kyang mi 'bebs na de'i tshes la klu'i dkyil 'khor de bzhin du bris la stod g.yogs sam ze kha sngon por byas pa 'am gcer bur byas la/ dkyil 'khor de la gnas pa'i nyi ma 'bar ba la gnas shing rdo rjes mtshan pa'i rkang pa g.yon pas klu gan rkyal du 'dug pa mnan pa dang de dag shin tu 'jigs pas rnam par dkrugs shing mgo bo'i steng du bteg cing bsgyings pas nam mkha' khyab par gyur cing/ khrag du bskyugs pas char 'bebs pas rgya mtshor byed par bsams la snga ma bzhin du yi ge bco brgyad kyi yi ge naM dang spel te/ oM u gra shul pa ni mA ra ya sarbba nA gaM oM dzya ta nir n+ya da ha na sarbba nA gaTArSha? pa ya shI g+h+raM zhes bya ba'i bskul chig dang ldan par sngags bzlas na de nas nges par char 'bebs par 'gyur/ gal te de ltar na yang klu gdug pa de rnams char mi 'bebs na de'i tshe dug dang lan tshwa dang ske tshe dang d+ha d+hu ra ka las kru'i gzugs brnyan byas la/ seng ldeng gi phur bu sor dgu pas snying gar btab la me thab gru gsum byas te/ rme sha can gyi me 'am dur khrod kyi me der blangs la/ yi ge phus sbar te lus la bshad gcis byugs shing kha lho phyogs su bltas pas bcom ldan 'das stobs po che thab kyi dbus su bsams te zhal shin tu gdangs pa ltags la hUM gis mtshan ma'i zhal der khros pas sngags de ma lus pa dang chos par bzlas pa lag pa g.yon pas mjug ma'i rtse mo nas brtsams te/ mtshon rnon pos gtub cing gtub cing de sbyin sreg bya'o/ /sbyin sreg brgya rtsa brgyad byas ? par 'bebs par 'gyur ro/ /'on kyang char 'bebs par mi byed ba ni de'i stobs po che nyid kyis nyes pa'i yin no zhes shes par byas la/ dug dang ske tshe dang lan tshwa

  26. 13b

    dang d+ha d+hu ra las byas pa'i stobs po che'i gzugs brnyan la dgug ba? sngon du 'gro ba can gyi dpal gnod mdzes rgyal po'i sbyar bas nyi ma 'bar ba la gnas pa'i rdo rjes mtshan pa'i/ /nga ba g.yon pas gan rgyal du mnan la barSh pa ya shI g+haM zhes bya ba'i bskul tshig dang ldan pa'i yi ge hUM bzhi pa'i sngags khri bzla bar bya'o/ /de nas nges par stobs po che char 'bebs par byed do/ /de lta na yang char 'bebs par mi byed na/ de'i tshe mngon spyod kyi thab khud du gnod mdzes rgyal po zhal gdangs shing hUM gi sngags dang ldan pa rnam par bsams la/ de'i zhal du gnod mdzes rgyal po'i sbyor bas gzugs brnyan gtub cing bskul tshig dang ldan pa'i yi ge hUM bzhi pa'i sngags kyis sbyin sreg brgya rtsa brgyad bya'o/ /'dis ni des par 'phags pa stobs po ches char 'bebs par byed pa yin no zhes bya ba'i nyams su myong ba'i rnal 'byor pa thams cad la rab tu grags pa yin no/ /char bcad pa la ni klu dang 'phags pa stobs po che la dmigs te/ me thab zlum por sangs rgyas spyan dkar po zhi ba oM gyis mtshan pa'i ljags dang ldan pa'i zhal de'i sngags dang zhi ba'i cho gas mar dang 'o ma la sogs pa'i sbyin sreg khri byas na de dag nges par zhi bar 'gyur ro/ /char ches pa la sngar bshad pa'i mngon spyod kyi thab khung du dpal rdo rje sems dpa' la phul ba dang bas bal gyi rus pa dang bcas pa'i sbyin sreg byas na nges par char ches pa gcod par 'gyur ro/ /bcom ldan 'das zhes bya ba ni rdo rje 'chang ba'o/ /phyi'i don thams cad la dmigs pa ni kun tu'o/ /de nges par 'joms pa ni ma lus par 'joms pa'o/ /de'i don gyis rdo rje ni thogs pa med pa'i phyir ro/ /de ltar na kun tu 'joms pa'i rdo rje ste 'dod pa'i rgyal po zhes bya ba'i don to/ /de la dmigs pa'i ting nge 'dzin la yang de skad ces bya'o/ /dam tshig ces bya ba ni sbyor ba po'i yul can

  27. 14a

    gyi yang dag pa'i ye shes so/ /rdo rje sku gsum zhes bya ba ni rdo rje 'chang ste sbyor ba mdzad pa po'o/ /rjes su dran zhes bya ba'i rdo rje 'chang yongs su skyobs shig ces de ltar rjes su dran pa dang ldan pa'o/ /ling+ga zhes bya ba ni bsgrub par bya ba'i ? brnyan no/ /rkang pa g.yas pa zhes bya ba la mnan zhes bya ba ni lhag ma'o/ /rdo rje sems dpa' ni rang gi mtshan ma'i gdan dang bcas pa ste/ nyi ma'i dkyil 'khor la gnas pa'i lcags kyu'o/ /de'i sbyor ba ni rkang pa'i 'og tu bsam pa'o/ /rdo rje gsum ni ye shes sems dpa' i thugs ka'i sa bon no/ /de las byung ba'i sngags tshogs ni rdo rje lcags kyu la sogs pa'i tshogs so/ /sngags rnams thams cad ni sangs rgyas dang byang chub sems dpa' thams cad do/ /de la gong bu dgug ba'i sbyor bas ni ji ltar gshin rje gshed kyi sbyor bas de'i sngags gsungs pa de bzhin du 'dod pa'i rgyal po'i sbyor bas de'i sngags su shes par bya'o/ /rkang pas 'gugs pa la ni pad+ma'i snod la pad+ma 'dab ma brgyad pa de'i lte ba la rdo rje lcags kyu bris la rdo rje lcags kyu'i steng dug? gu dang srin lad? gi khrag ? gi'u lbang sogs pa 'dod pa'i rgyal po'i sngags dang spel ba'i bsgrub par bya ba'i ming bris la/ pad+ma'i 'dab ma rnams la de dag nyid kyi sgrol ma'i sngags bris shing 'dab ma'i dbus dag la myos par byed pa'i khu ba dang/ gi wang dag gis bsgrub par bya ba'i ming bri bar bya'o/ /'dab ma'i rtse mo dag la gshin rje gshed kyi sngags bsgrub par bya ba'i ming dang spel ba'i mdzub mo'i khrag dang dug dag gis bri bar bya'o/ /de bzhin du pad+ma'i snod gnyis pa la yang bris la/ dur khrod kyi ras la yang 'khor lo 'di nyid bris nas rdza mkhan gyi lag pa las lhung ba'i 'jim pa las byas pa'i gzugs brnyan gyi snying gar bcug nas gzugs brnyan de la bkug la/ nang du bcug nas thod pa gnyis kha sbyar du byas te/ seng ldeng gi mer bsregs

  28. 14b

    la sngags re re zhing brgya rtsa brgyad bzlas na mtshan mo bdun gyis nges par 'gugs par 'gyur ro/ /ye shes ni sems kyi yid bzhin gyi nor bu la so sor rtog pa'o/ /de'i phreng ba ni rgyun dang ldan par 'jug pa ste 'dzin pa zhes bya ba'i don to// de nyid ni chu ste shin tu ldan pa'i sems rlan par byed pa'i phyir ro/ /de'i rang bzhin nyid yin pa'i phyir de yang yin la khro bo nyid yin pa'i phyir rdo rje yang yin pa de ltar na/ ye shes kyi phreng pa'i chu'i rdo rje ste/ khro bo mi g.yo ba zhes bya ba'i don to/ /de la dmigs pa'i ting nge 'dzin la yang de skad ces bya'o/ /mi g.yo ba yang de yin la rdo rje gtum po yang yin pas na'o/ /de'i dam tshig ni sngags so/ /rdo rje sku ni rdo rje 'chang ba ste/ gsang ba 'dus pa yin pa'i phyir ro/ /kha sbyar lus su zhes bya ba ni chung ma dang bcas par ro/ /'gugs bar 'gyur zhes bya ba ni 'gugs par byed par 'gyur ro/ /'dir sbyor ba ni skyes pa'i thod pa la rkang pa g.yas pa'i mdzub mo'i khrag dang lan tshwa dang yungs kar dang tsha ba gsum gyis lha chen po la sogs pa gzugs brnyan chung ma dang bcas pa bris la/ rdo rje mi g.yo ba'i sbyor bas de'i sngags brlos? shing ji ltar gshin rje gshed kyi sbyor bas de'i sngags zlos pas skyes pa dgug pa gsungs pa de bzhin du dgug par bya'o/ /dam tshig ni bya ba nan tan sgrub pa'i ye shes so/ /de'i rnam par 'phrul pa ni de las 'od zer nag po'i gzi brjid 'bar ba yin pa de'i rang bzhin can gyi rdo rje ste/ gnod mdzes kyi mchog khro bo'i rgyal bo zhes bya ba'i don to/ /de la dmigs pa'i ting nge 'dzin la yang de skad ces bya'o/ /rdo rje 'dzin pa thams cad kyi dam tshig ni bsdus pa ste/ de'i ngo bo nyid yin pa'i phyir?/ /de yang de yin la khro bo chen po gnod mdzes kyang yin pas so/ /de'i sngags la de skad ces bya'o/ /bu mo thams cad ni zhes pa ni rdo rje'i bu mo'o/ /thams cad ni bcom ldan 'das rdo rje 'chang ste/ de'i spyan la sogs pa'i lha mo rnams zhes bya ba'i don to/ /skra bshig gos dung?

  29. 15a

    bral gyur nas zhes bya ba ni 'dod chags chen po dang ldan ba'i phyir ro/ /rdo rje lcags kyu zhags pa yis/ /rdo rje'i bu mo 'gugs pa'i mchog ces bya ba dang sbyar ro/ /ji ltar zhe na/ rdo rje sems dpa' i zhabs kyis mnan te/ nyi ma la gnas pa'i rdo rje lcags kyu ni rdo rje sems dpa' o/ /de dang ldan pa'i rkang pa ni rdo rje sems dpa' i zhabs te/ des gnon pa'i mnan pa gang la yod pa de la de skad ces bya'o/ /de bzhin gshegs pa kun ni dpal gnod mdzes te/ bdag po de 'di la yod pas na de skad ces bya'o/ /don ni dpal gnod mdzes kyi sbyor ba shin tu sngags pa'i bud med kyi thod pa la rkang pa g.yon pa'i srin lag gi khrag gi spyan la sogs pa'i bu mo gang yang rung ba bris la nyi ma la gnas pa'i rdo rje lcags kyus mtshan pa'i g.yon pa'i rkang mthil g.yon brkyang pas de'i pad+ma la mnan la lag pa g.yas pa'i lcags kyus de'i snying ga phug ste lag pa g.yon pa'i zhags pas mgul pa bcings nas bskul ba'i chig dang ldan pas sngags bzlas na 'gugs par 'gyur ro zhes bya ba 'di yin no/ /'dir spel ba ni hUM A na ya mo tsa ne he b+ha ga ban zhes bya ba 'am/ yang na bi dya rA dza hUM lo tsa naM A kArSha ya dza:zhes bya'o/ /dam tshig sems dpa' i rang gi ngo bo sku rdo rje la sogs pa'i tshul 'dra ba gang yin pa de ni dam tshig chen po'o/ /de'i de kho na nyid 'byung ba ni gsang ba gsum tshul 'dra bar 'byud pa'o/ /de la dmigs pa'i ting nge 'dzin la yang de skad ces bya'o/ /dam tshig chen po ni snga ma dang 'dra'o/ /gzhung la la las ni gsang ba'i sgra yang gsungs te/ der ni tshul 'dra ba nyid kyi phyir 'di la gsang ba chen po mda' bas? na gsang ba chen po'o/ /de yang yin la dam tshig chen po yang yin pas zhes bya bar sbyar bar bya'o/ /de'i rdo rje gsum gyi gsang

  30. 15b

    pa'o/ de'i gsung ni ston pa'o/ /de nyid kyi dam tshig gi de kho na nyid ni 'gug pa'i snying po'o/ /tshig ni ston pa ste/ 'chang par 'gyur ba'i tshigs su bcad pa rnams so/ /sangs rgyas rdo rje ni mi skyod pa ste/ de'i sbyor ba byas nas so/ /de'i sku gsum la ste/ thugs ka dang lkog ma dang spyi bo rnams su'o/ /rdo rje sems dpa' de thugs rdo rje rnam par bsgom pa'o/ /zhags pa rdo rje kyo ba 'dzin zhes bya ba ni rdo rje sems dpa' de nyid rnam par spros pas so/ /sangs rgyas ni rdo rje 'chang ste/ de dgug pa'o/ /sangs rgyas sku gsum ni rnam par mdzad dang 'od dpag tu med pa'o/ /de dag gi sbyor bas kyang rdo rje sems dpa' 'gugs par byed do/ /ji lta zhe na/ 'khor lo chen po'i sbyor ba yis te/ 'khor lo chen po ni gzugs tshul 'dra ba'i gsang ba gsum mo/ /de'i sbyor ba ni 'od dpag tu med pa ste/ sku gsum la pad+ma chen po'i lcags kyu bsgom pa dang rnam par snang mdzad kyi sku gsum la yang 'khor lo'i lcags kyu bsgom pa'o/ /mi phyed ba'i rdo rje gsum bsgoms pas zhes bya ba ni 'di rnams kyi thugs ka dang/ lkog ma dang spyi bor tshul 'dra ba'i sems dpa' bsgom pas so/ /'khor lo pad+ma rdo rje che zhes bya ba ni rnam par snang mdzad dang 'od dpag tu med pa dang mi bskyod pa'i sbyor ba de dag nyid kyis/ /ji ltar zhe na/ rdo rje kyo ba ces bya ba ste/ rang rang gi mtsham nas mtshan pa'i lcags kyu ni rdo rje kyo ba'o/ /de'i khyad par ni go rim bzhin du 'khor lo'i lcags kyu nyid dang/ pad+ma'i lcags kyu nyid dang/ rdo rje'i lcags kyu nyid bsgoms pas zhes bya ba'i don to/ /sngags rnams thams cad ni sngags kyi lha thams cad do/ /bu mo sna tshogs dgug pa ni thams cad rdo rje'i rang bzhin/ zhes bya ba gsungs te sku la sogs pas byin gyis

  31. 16a

    brlabs pa'i phyir ro/ /zhi ba zhes bya ba ni rnam pa thams cad kyi mchog dang ldan pa nyid kyi phyir ro/ /rang? sngags skyes bu zhes bya ba ni rab gi lha nyid do/ /mchog rnams kyi zhes bya ba ni/ rgyal po'i bu mo la sogs pa'o/ /rlung gi dkyil 'khor sbyor ba yis zhes bya ba ni dgug par bya ba'i rlung gi dkyil 'khor la bskyon pa'o/ /snying gar rdo rje kyo ba sbyar zhes bya ba ni rang gi lha'i lag na gnas pa'i rdo rje lcags kyu spros pas snying gar phug pa'o/ /'di ni nye bar mtshon pa tsam du zad de/ zhags pas kyang mgul pa bcings nas bskul ba'i tshig dang ldan pa'i rang gi sngags bzlas nas des par 'gugs par 'gyur ro zhes bya ba'i don to/ /rnam par snang mdzad ni 'khor lo'i lcags kyu ste/ de'i gzugs chen ni lus chen po'o/ /de nyid kyang zla ba'i dkyil 'khor dag tu byas nas so/ /sha ci zhes bya ba ni brgya byin gyi chung ma'o/ /de nas gnas pa nas zhes bya ba ni 'og tu myur bar 'od du zin kyang zla ba'i dkyil 'khor de la brtan par 'gyur ba'o/ /rdo rje mi 'chi sbyor ba yis zhes bya ba ni bdud rtsi thab sbyor gyi sbyor bas snying ga phug cing mgul pa bcings ba yis so/ /rdo rje kyo ba zhes bya ba la sogs pa la rdo rje lcags kyu'i gzugs chen po'o/ /'bar ba'i rdo rje 'dra ba'i 'od gang yin pa de nyid nam mkha' i bu mo gnas la/ nyi ma'i dkyil 'khor bsgom na ni/ de la gnas ba'i nam mkha' i bu mo ste/ lta bama mi 'am ci la sogs pa'i bu mo de bzhin du bu mo bdud rtsi thab sbyor gyi sbyor bas snying ga phug cing mgul pa bcings nas rang gi sngags bzlas na nges par 'gugs par 'gyur ro zhes bya ba'i don to/ /gzhan dag ni sha tsi ni spyan yin la rdo rje'i dkyil 'khor mi rlung gi dkyil 'khor

  32. 16b

    yin zhing nam mkha' i bu mo ni mA ma kI'o zhes 'dod do/ /rang gi khro bo zhes bya ba ni rang gi lha nyid kyi ye shes kyi thugs ka'i sa bon las nges par byung ba'i khro bo nag po sgeg pa'o/ /rdo rje'i dam tshig ces bya ba ni mi bskyod pa'i cod pan can no/ /rdo rje sa 'og gnas par gces bya ba ni rdo rje sa 'og ces grags pa'o/ /shu la rdo rje kyo ba'i gnas zhes bya ba ni rtse gsum dang lcags kyu la sogs pa'i mtshan ma dang ldan pa ste/ lcags kyu dang ral gri dang zhags pa dang rtse gsum bsnams pa zhes bya ba'i don to lha min bu mo 'gugs pa zhes bya ba ni/ des de bzhin du snying phug cing mgul pa bcings nas 'degs par byed pa'i rlung gi dkyil 'khor la gnas pa'i lha ma yin gyi bu mo 'gugs par byed ces bya ba'i don to/ /btsag dag gam zhes bya ba la sogs pa la/ kyang zhes bya ba'i sgras ni gi wang la sogs pas kyang ngo/ /rdo rje'i kyo ba'i sbyor ba yis zhes bya ba ni mi g.yo ba la sogs pa bsdus pa'i dkyil 'khor gyi dbus su mi g.yo ba'i syor as 'dug pa btsag dang yi ge hUM gis rdo rje lcags kyu'i lhar byas nas so/ /khar zhes bya ba ni rang gi kha 'am rang gi rig ma dang gnyis su med par gyur pa'i pad+ma ro/ /bcug pa ni gzhug pa dang g.yogs nas so/ /bsgrub par bya ba ni ye shes kyi rdo rje lcags kyus bkug la bcug ste/ spro ba dang bsdu bas ji srid zla ba gtang ba de srid kyi bar du bsgom par bya ste/ de nas 'grub par 'gyur ro zhes bya ba'i don to/ /de yang bsrung bar bya ste blangs la grub pa des ming rnams bris nas ni lha rnams 'ong bar 'gyur ro/ /'jigs shing skrag pa ni 'jigs shing 'dar nas/ /gzhan dag ni ming bris nas rkang pa g.yon pas mnan la/ skul tshig dang ldan pa'i rang gi sngags bzlas na 'ong bar 'gyur ro zhes 'dod do/ /rnam pa'i mchog rnams zhes bya ba la sogs pa la bdag nyid

  33. 17a

    'jam pa'i rdo rje bsgoms la rang gi snying ga'i yi ge hUM las byung ba'i rdo rje lcags kyu yongs su gyur pa'i gshin rje gshed phyag na lcags kyu bsnams pa bsgom pa dang mngon par 'dod pa'i gnod sbyin mo de yid dam? mthun pa'i gnas su song la bsam par bya'o/ /de yang gshin rje gshed las spros pa'i 'jigs pa'i dus kyi me 'bar bar gyur pa phyogs bcur 'gro ba bkags cing 'on kyang bdag nyid las 'od zer spros pa bdud rtsi ltar bsil bar gyur bas 'di'i lam sprul la mngon par phyogs pa sbyin pa dang/ de nas skyabs su 'gro ba'i don du spyi bor gnas ba'i gshin rje gshed kyi zhabs kyis drangs par gyur par bsam zhing bskul ba'i tshig dang ldan pa'i gshin rje gshed kyi sngags bzlos na nges par 'ong par 'gyur ro/ /'ongs pa dang dri dang chu dang bsres pa dang mchod yon byin na rgyud gzhan las ji skad gsungs ba'i ma 'am sring mo 'am sgyug mo 'am chung ma 'am grogs mor sgrub par 'gyur ro/ /gzhan dag na re gnod byin mo bsgrub bya zhes bya ba la sgrub pa ni bkug la nye bar longs spyod pa tsam zhig yin no zhes zer ro/ /cho ga nyams pa bzlog pa'i don du tshigs su bcad pas bag yod pa dang/ tshigs su bcad pas thabs chen po nyid du gsungs pa ni kun gyi zhes bya ba la soD la kun gyi zhes bya ba ni lha thams cad kyi'o/ /thams cad du zhes bya ba ni shin tu yang ngo/ /phyag rgya dang sngags kyi khyad par ni gang dang yang ma 'dres par te/ rang rang gi sngags dang phyag rgya dag gis zhes bya ba'i don to/ /de la rnam pa gnyis te cho ga ji lta ba bzhin du bskyed pa'i lus kyi mtshan ma la sogs pa'i phyag rgya dang/ rang gi rigs kyi mtshan mas mtshan pa'i lcags kyu la sogs pa'i phyag rgya'o/ /thabs ni las so/ /gzhan du byas na zhes bya ba ni de ltar ma byas te gal te 'dres

  34. 17b

    par byas na zhes bya ba'i don to/ /de'i tshe 'jigs par 'gyur ba ni 'jigs pa ste dngos grub las nyams pa'o/ /lan 'ga' ni srog nyams pa yang yod do/ /bskul bar bya zhes bya ba ni cho ga nyams kyang dngos grub kyi phyir brtsom pa nas brtsams te/ rdo rje sems dpa' i snying po 'am mchog dang po'i snying pos bsad par bya'o/ /gang gi phyir de nyid sngags rnams thams cad kyi rgyal po mchog tu rtag pa yin pa de'i phyir/ de'i bka' sngags thams cad 'grub par 'gyur ro/ /kun tu ni sna tshogs pa ste bya ba nan tan grub pa'i ye shes so/ /de'i rnam par 'phrul pa ni gzi brjid nag po 'bar ba'o/ /de'i rang bzhin can gyi ye shes ni shes rab ste ral pa gcig ma zhes bya ba'i don to/ /de la dmigs pa'i ting nge 'dzin la de skad ces bya'o/ /de nyid ni rdo rje'o/ /dam tshig chen po'i rgyal po ni don yod par grub ba'o/ /de'i rdo rje mchog ni btsun mo drag mo'o/ /rdo rje thor tshugs gcig ma zhes bya ba ni mdung can ma'o/ /de'i sngags la yang de skad ces bya'o// sangs rgyas byang chub ni rdo rje 'chang ba'o/ /bkug nas nye bar spyad bar bya zhes bya ba ni bdud rtsi thabs sbyor dang sku mdog dang dbyibs dang cha lugs 'dra ba klu rnams kyi brgyan pa rtsa ba'i phyag gnyis kyis dang snang ba'i thabs la 'khyud pa/ lhag ma lcags kyu dang ral gri dang/ zhags pa dang/ thod pa bsnams pa'i mdung can mar bsgoms la/ srin lag gi khrag nA ga ge sar dang sbyar bas bud med kyi thod pa la rlung gi dkyil 'khor la gnas pa'i klu'i bu mo bris la de'i snying gar sngags dang spel ba'i ming bris nas bkug ste/ ral gri lcags kyus mtshan pa rkang pa g.yon brkyang bas mnan la bskul ba'i dam tshig dang ldan pa'i sngags bzlas pas bkug la nye bar longs spyod par

  35. 18a

    bya'o/ /nam mkha' dang 'dra bar dam tshig chos rnams la yang dag par lta ba ni nam mkha' i dam tshig ste/ so sor rtog pa'i ye shes zhes bya ba'i don to/ /de 'byung ba ni dmigs pa ste/ de yang khro nyer can ma'o/ /de nyid ni rdo rje'o/ /de la dmigs pa'i ting nge 'dzin la de skad ces bya'o/ /chos chen po ni 'od dpag tu med pa'o/ /de'i dam tshig ni shes rab kyang de yin la/ khro gnyer ma yang yin te de nyid ni rdo rje'o/ /de'i sngags la yang de skad ces bya'o/ / ye shes kyi rgyal po ni rdo rje 'chang ngo/ /dgug pa zhes bya ba ni nye bar spyad bya zhes bya ba dang sbyar bar bya'o/ /ji ltar dgug par bya zhe na/ dam tshig la sogs pa yin te/ dam tshig ni khro gnyer ma'i ting nge 'dzin yin te gos dkar mo dang 'dra'o/ /'di ni sku mdog dkar mo mdangs dmar po can no/ /dgug pa la yang lcags kyu dang ral gri dang zhags pa dang pad+ma bsnams pa'o/ /sogs pa smos pas ni bud med kyi thod pa la srin lag gi khrag nyid kyis glu'i bu mo dang 'dra bar rig pa 'dzin pa'i bu mo bri ba la sogs pa bsdu'o/ /sngags dang rigs pa zhes bya ba ni bskul ba dang ldan pa'i bltas pa des so/ /dgug pa'i sbyor ba thams cad la yang 'bar ba'i snying po dang sbyar bar bya ste/ de skad du dpal de kho na nyid bsdus pa'i rgyud las/ rdo rje lta bas chags pa ni/ /dga' bas mig ni rab tu bgrad/ /de yis bud med bltas pas ni/ /rtag tu dbang du 'gyur ba yin/ /rab tu myur bar mig bskul zhing/ /mig gi ? 'gugs byed la/ /blta ba'i gzi can yin par bshad/ /'gro ba thams cad 'gugs byed pa'o/ /khro gnyer gnyer ma rab bsdus pa/ /khro bo'i mig ni btsums pa'o/ /khro bo'i blta ba byas na ni/ /khams

  36. 18b

    gsum yang ni 'jigs par byed/ /ri rab ri yi brag 'dra ba/ /brtan par 'dzum par byed pa'i mig /byams pa'i lta ba yin par bshad/ /nad dang gdon dang dug sel dang zhes gsungs pa lta bu'o/ /de nas 'di rnams kyi snying po ni badzra driSh+Ti maT/ di b+ha dri? aM ku sha dza(rgyud 'grel): kro d+ha driSh+Ti ti me driSh+Ti traT ces gsungs so/ /de nas ci sngs rgyas la sogs pa dgug pa yang bzlas pa tsam gyis 'grub par 'gyur ram zhe na/ 'grub po zhes bstan pa'i phyir 'gog du zhes bya ba ni rang gi khro bo'i sbyor bas 'dug la/ de'i lag na gnas pa'i rdo rje 'bar ba 'phangs pa la sogs pas phye mar byas pa nyid kyis so/ /gdug sems ldan pa'i dgra rnams la zhes bya ba ni dkon mchog gsum la sogs pa la gnod pa byed pa'am/ de la gnod par 'dod dang ldan pa rnams la'o/ /khro lo'i sngags la gsungs pa'i bsang pa dang bskrad pa la sogs pa'i cho ga kha bskang ba'i phyir khrag ces bya ba la sogs pa gsungs te/ khrag la sogs pas gsher bar byas pa'i gos zhes bya bar shes par bya'o// gos nas zhes bya ba ni gos de'o/ /ling+ga ni gzuD brnyan no/ /khro bo'i rgyal po dbyug sngon nam de las gzhan bdag ste/ khrau thams cad ni mngon spyod la gtso bo nyid yin pa'i phyir ro/ /brgya rtsa brgyad ces bya ba ni brgya las rtsa brgyad lhag pa'i bzlas pa'o/ /nges par 'jigs byed ces byin? 'chi ba'o/ khro bo'i mchog gi bcings pa yis zhes bya ba ni khros nas gos kyi mdud pa dam? du bcings ba'o/ /khro bas 'khrugs bzhin du zhes bya ba ni yog de nyid las khro bo'i rigs spros pa'i phyir ro/ /'jigs ba'i tshul ni khro bo las byung ba'i lus kyi rnam par 'gyur ba'i tshul du'o/ /gtsigs pa ni g.yer zhing 'gyur ba ste/ las la bsgyings pa yod pas na de skad ces bya'o/ /mngon spyod kyi cho ga'i gnas ni ma mo'i gnas sam zhes bya ba la sogs pa gsungs te/ gdan ma mo bdun yod pa ni ma mo'i gnas so//

  37. 19a

    shing gzhan dag gi grib mas ma non pa'i shing ni shing gcig go /dbyug sngon gyi sngags su gsung spa'i cho ga dang/ brgya rtsa brgyad bzla ba dang/ /kha ba dang che ba dang/ zegs ma dang phub ma la sogs pa dang ldan pa'i rtsub pa'i zas za zhing rtsub cing khro ba'i nga rgyal gyis mngon spyod kyi sbyor ba thams cad la bya bar blta bar bya'o/ /phur bu'i mngon spyod ni mi rus zhes bya ba la sogs pa gsungs pa la/ phur bu zhes bya ba ni stong khro bo lta bu la smad rdo rje rtse gcig pa lta bu zur bzhi pa'o/ /shes pa ni sdug bsngal nyams su myong ba'o/ /mi shes pa ni 'chi ba ste/ de dag dang shin tu bral ba'i phyir/ shes dang mi shes rnams spangs pa'o/ /de yang nyams sam yang na 'chi bar 'gyur ba ni shes pa dang ldan pa 'am mi shes pa dang ldan par 'gyur ro zhes bya'i don to/ /khyad par du gsungs pa 'di ni sbyor ba'i mthu gsal bar bya ba'i don yin no/ /don ni khro bo gang yang rung ba'i sbyor bas dur khrod kyi ras la dug dang lan tshwa dang ske tshe la sogs pas khro bo'i rdo rje bris la de'i lte bar bsgrub par bya ba'i ming dang spel pa'i sngags bris te/ gzugs brnyan gyi snying gar gzhug par bya'o/ /de nas phur bu de blangs la de'i 'og dang ngos bzhi dang steng du hUM re re bkod la de nyid kyis dgra'i sgo la sogs par yi ge A(rgyud 'grel): las byung ba'i sna tshogs rdo rje bris la de'i steng du gzugs brnyan de byang phyogs su mgo bstan te/ bzhag cing bkug nas phur bu de la/ /brgya rtsa brgyad bzlas nas snying gar phur bus btab la yi ge as mtshan pa'i sna tshogs rdo rje'i nang na yod pa can gyi kham por so ma btang bas bkab la de yang sas bkab

  38. 19b

    ste/ de'i steng du rkang pa bzhag nas sngags brgya rtsa brgyad mtshan phyed dam nyi ma'i gung la bzlas na de nas ji skad gsungs pa bzhin du 'gyur ro zhes bya ba'i don 'di yin no/ /bskrad pa ni yang na thod pa zhes bya ba la sogs pa gsungs te/ gang ba dag ni sngon med pa'o/ /bzlas pa bya ste snga sa na zhes bya ba ni bzlas par byas nas spas na'o/ /rdo rje'i tshig ni rdo rje'i dag ste/ lce rtse shin tu mi bskyod cing/ /mchu dang so ni legs sbyar ba/ /zhes bya ba gsungs pa la 'gog pa'i rdo rje bzlas pa zhes bya ba ni 'gog pa'i bzlas pa dang rdo rje'i bzlas pa'o/ /yongs su rdzogs pa mdzes mchog gis ring por mi thogs par 'gugs par 'gyur ro/ /kun nas zhes bya ba'i phyogs bcu nas so/ /ci 'gugs she na/ ye shes rdo rje gsum las byung ste/ sku dang gsung dang thugs dang ye shes kyi rdo rje las yongs su grub pa ste/ sangs rgyas dang byang chub sems dpa' rnams zhes bya ba'i don to/ /kyang gi don du yang rtogs par bya ste/ de rnams kyang 'gugs par byed na lha la sogs pa lta smos kyang ci dgos/ de la rang gi lha'i rnal 'byor la gnas la rang gi snying ga'i nyi ma 'am/ rang gi snying ga'i zla ba la/ rang gi sngags kyi yi ge'i phreng ba bkod la de nyid la rang gi sems gnyis su med sbyor bas brtan par byas nas bzlos pa gang yin pa de ni 'gog pa'i bzlas pa ste/ de yang gang gi tshe bzlas pa byed pa'i nges par bsdus pa'i sems de yun ring du sgoms par byas pa las/ sems de nyid brtan pa zhi gnas bya ba rdzogs par 'gyur ba de'i 'grub par 'gyur te/ de tsam du snang ba'i phyir dang sbrang bu dang sha sbrang la sogs pas gtses par gyur kyang tshor ba med pa'i phyir dang rnga dang rnga bo che la sogs pa'i sgra rnams nye na yang thos par mi 'gyur ba'i phyir ro/ /rdo rje ni sangs rgyas rnams kyi sku

  39. 20a

    dang gsung dang thugs so/ /de rnams kyi bzlas pa ni rdo rje bzlas pa ste/ de yang le'u bcu gsum pa las gsungs pa yin no/ /de ni gang gi tshe bzla bar bya ba'i sngags bzhi po de dag gis rdo rje rnams sems tsam nyid las ? bdag med pa nyid las byung ba dang bdag med pa nyid dang bdag dang mnyam pa nyid dang de thams cad mi dmigs pa ste/ sngags bzhi po bzlas pas lhag par mthong ba ste/ shin tu yun ring du bzlas pa las zhi gnas dang lhag mthong dang rdzogs par gyur ? kyang mngon sum dang 'dra bar snang bar 'gyur ba de'i tshe grub pa yin no/ /mdzes mchog gis zhes bya ba ni rdzogs pa'i mtshan ma ston te zhi gnas grub pa na zlos pa po'i glo bur du ba spu ldang zhing mchi ma 'byung ba dang lus dang sems yang ba la sogs pa'i rgyus dga' ba chen po skye bar 'gyur ro/ /de bas na yongs su rdzogs pa'i bzlas ba ni mdzes ba'i mchog tu gyur te/ mchog tu mi dga' bar 'gyur zhes bya ba'i don to/ /grangs kyi khyad par gyis kyang grub pa ni/ yang na zhes bya ba la sogs pa gsungs te/ dben pa'i gnas ni chen po du ste/ ri bo dang nags tshal la sogs pa'i gnas su 'dug la/ khro bo de dang de'i sbyor bas rang gi snying ga'i nyi ma la gnas pa'i bzlas par bya ba la/ gnas pa'i bzlas par bya ba la sems kyis dmigs ns khro bo bcu po re re'o/ /sngags bas 'bum du bzlas byas na/ yang las rnams thams cad byed par 'gyur ro zhes bya ba'i don to/ /kha cig na re dpag tu med pa'i bzlas pas ni sdig pa zad cing mtshan ma thob par gyur pa dang/ de'i 'og tu rang gi khro bo nyid kyi bzlas brjod 'bum phrag gcig byas na 'grub bar 'gyur te/ lus can sdig dang bral ba la/ /grangs kyi nges pa gsungs pa yin zhes gsungs pa'i phyir ro zhes zer ro/ /las kyi dam tshig gis kyang 'grub pa ci rdo rje slob dpon zhes bya ba la sogs pa gsungs so/ /gnas nas spro ba ni bskad pa ste/ de bya'o zhes bya ba ni lhag ma'o/ /'di yis zhes bya ba ni sngar bshad pa'i las kyi ste/ ji skad du

  40. 20b

    snying ? sems ni dag pa yis/ bsad na myur du 'grub par 'gyur zhes gsungs ba lta bu'o/ /bsgom pa'i dam tshig gis kyang 'grub pa ni yang gsungs pa zhes bya ba la sogs pa gsungs pa la/ sems can thams cad kyi zhes bya ba ni nam mkha' i ngos la bsgoms pa rnams/ / gi bzhin du rtog pa kun las bsngags pa ste/ rdo rje'i tshig ni sgra spangs ba'o/ /don ni ji skad du bshad pa'i thod par bab la dang sol ba dang/ rkang pa g.yon pa'i srin lag gi khrag gis ral bris mtshan pa'i rlung gi dkyil 'khor dang de'i steng du bsgrub bar bya ba'i gzugS brnyan dang/ de'i snying gar de'i ming dang sngags spel ba bris nas bkug ste/ sngags brgya rtsa brgyad mngon par bsngags par byas te/ rdo rje'i tshig gis sngags bzla zhing dgra'i sgo la sogs par brkos te sbas na des bar skrod par 'gyur ro zhes bya ba 'di yin no/ /bye ba ni sbyor ba gnyis su 'gyur te/ khro bo rnal 'byor pas khros bzhin du spyi bor rang gi ming phyin ci log tu dgod pa 'am/ dpral bar yi ge ha dgod la lug thug dang 'dra bar ram/ ma he dang rta dang 'dra bar phan tshun 'thab par gyur pa dang so dang rmig pas 'debs par byed pa de dag bsam par byas pa gang yin pa des de dang rnam par dbye bar 'gyur/ /yang na rta mgrin gyi sbyor bas dur khrod kyi ras la gi wang dang/ dug dang myos par byed pa'i lo ma dang /ni ma pa'i lo ma'i khu ba dang/ khwa dang 'ug pa'i khrag lhan cig sbyar la des rdo rje rtse lnga ba 'bar ba dang /de'i lte ba la pad+ma 'dab ma brgyad pa dang de la cho ga mo dang lhan cig ? dwe Shar ku ru zhes bris la gnyi ga'i nang du chud pa sngon du song ba can gyi ma he dang rta'i rmig pa'i nang du bzhag cing/ dug dang ske tshe dag gis legs par bkang? nas khro bo'i tshig gis brgya rtsa brgyad mngon par sngags la/ nim pa'i shing gi nang du bcug la bzhag par bya'o/ 'dis ni gang 'dod pa de dbye bar 'gyur ro/ /tA la'i lo ma zhes bya ba la sogs pa la gzhan la zhes bya ba ni dur khrod kyi ras la sogs pa la'o/ /'dir man ngag ni lha chen po'i gzugs kyi

  41. 21a

    g.yas rol la sogs pa la 'dug nas de gnod mdzes kyis bkug ste/ dam tshig la bzhag nas tsha ba dang kha ba dang sngags pa ma yin pa'i me tog rnams kyis mchod de/ de blangs nas de la rang gi las grub pa'i phyir gsol ba btab cing slar btang ste/ bdag nyid kyang grong gi g.yas phyogs su song la/ tA la'i lo ma la sogs pa 'bus zos pa'i lhag ma la mi rus kyi thur mas phyag rgya brko ba'i tshul du bsgrub bar bya ba'i ming dang spel ba'i sngags bkod la zhag la sogs pa bskus te nim pa'i lo ma la sogs pa'i kha chu gtor zhing/ khros pas sngags brgya rtsa brgyad bzla bar bya'o/ /me tog de dag la yang lan bdun mngon par bsngags pa byas la/ de nas nyung zad cig tA la'i lo ma la dkris la/ tA la'i lo yang me tog lhag ma rnams kyis steng nas dkri bar bya'o/ /de nas dgra bo'i sgo la sogs par tsog bus khung bu brkos la sbas na ji srid gsungs ba bzhin du 'gyur ro zhes bya ba 'di yin no/ /'bras bu chen po nyid yin pa'i phyir/ dam tshig chen po yang de yin la mthar byed pa nyid kyi phyir dpal yang yin la/ brtan pa nyid kyi phyir rdo rje yang yin pas na'o/ de sngon bar mdzad pa la yang de skad ces bya'o/ /sbyir phur bus gdab pa'i sngags bstan ba'i phyir ro/ de nas zhes bya ba la sogs ba gsungs te/ de'i rang bzhin nyid yin pa'i phyir/ de bzhin gshegs pa thams cad kyang de yin la/ de rnams mi g.yo bar byed pa'i phyir/ sku dang gsung dang thugs nges par 'ching ba yang yin la/ rdo rje phur bu nyid yin pa'i phyir/ rdo rje yang yin pas na'o/ /de la dmigs pa'i ting nge 'dzin la yang de skad ces bya'o/ /sngags 'dir yang sarbba duSh+TaM sarba pA paM/ zhes bya ba phyung ba'i gnas su bsgrub bar bya ba'i ming gnyis pa'i mdza' can blta bar bya'o/ /A dz+nyA pa ya ti zhes bya ba 'di'i de ma thag tu yang de nyid kyi byed pa'i tshig drug pa'i mdza' can blta bar bya'o//

  42. 21b

    rdo rje kun ni sangs rgyas dang byang chub sems dpa' o/ /de nyid ni rdzu 'phrul chen po'o/ /nam mkha' rdo rje thugS ni rdo rje 'chang ba'o/ /rigs gsum la phur bu gsum kha dog gi dbye bas gsungs pa ni mi rus zhes bya ba la sogs pa'o/ /seng ldeng rtse ni seng ldeng gi snying po'o/ /thugs rdo rje la sogs pa'i sbyor ba 'am/ khro bo'i sbyor ba byas la thugs rdo rje la sogs ba'i phur bus phur bu gdab bar bya ba yin pa de'i phyir/ 'od 'phro zhes bya ba la sogs ba gsungs te/ rdo rje sems dpa' ni mi bskyod pa khros par 'gyur ba'o/ /mnyam gzhag la zhes bya ba ni bsgoms nas so/ /gzugs brnyan zhes bya ba ni bsgrub par bya ba'i gzugs brnyan no/ /bsams nas zhes bya ba ni bsgrub par bya ba'i gzugs su bsgoms nas so/ /sbyar bar bya zhes bya ba ni gzugs brnyan de nyid las bsnun pa'o/ /gang zhe na/ skabs nyid yin ba'i phyir thugs kyi rdo rje phur bu'o/ /ji ltar bsnun bar bya zhe na/ rdo rje sku ni gsum gyi mthar te/ rdo rje gsum yang spyi bo dang lkog ma dang snying ga'o/ /sku'i mdza' yang rkang pa'i mdza' ste bsnun pa gang la phur bu gnas pa de la de skad ces bya'o/ /rdo rje gsum yang bsnun? zhes bya ba la mgo nas rkang pa'i mthar ni sku rdo rje'o/ /lkog ma dang snying gar ni sku dang gsung dang thugs kyi rdo rje ste/ de rnams la phur bus bsnun par bya'o zhes bya ba ni lhag ma'o/ /'dir sbyor ba ni sngar bshad ba'i rdzas kyis dur khrod kyi ngas la rdo 'bar ? lte par? zhe sdang rdo rje yi ge hUM las byung ba'i 'og rtse gcig pa'i rnam pa can bris nas bkug ste/ lcags las byas pa'i phur bu sor brgyad ba'i khong stong du bcug la me tog sngon pos mchod de zhe sdang rdo rje'i sbyor bas brgya rtsa brgyad bzla bar bya'o/ /de nas snga ma bzhin du gzugs brnyan phur bu tsam du byas la de'i snying gar bris pa'i 'dab ma la bcug nas bkug ste bsgrub bar bya ba'i ming bskul ba'i tshig dang ldan pa'i bsngags bzlas la spyi bos nas brtsams te/ rkang ba'i mthar thug gi bar du phur bus gdab bar

  43. 22a

    bya'o/ /de bzhin du 'khor lo'i lte bar khros shing gnag pa'i rnam par snang mdzad kyi phur bu bris la/ ? rus gyi phur bu sor brgyad pa'i khong stong du bcug nas khros shing gnag pa'i rnam par snang mdzad kyi sbyor ba des snga ma bzhin du phur bu gdab par bya'o/ /de bzhin du pad+ma'i lte ba la 'od dpag tu med pa'i phur bu bris te/ seng ldeng gi phur bu sor brgyad pa'i khong stong du bcug la khros shing gnag pa'i 'od dpag tu med pa'i sbyor ba des phur bus gdab par bya'o/ /de bzhin du khro bo gshin rje gshed la sogs pa'i sbyor bas gang yang rung ba'i phur bu gsum dang bya'o/ /rdo rje bdud rtsi zhes bya ba la sogs pa la bdud rtsi 'khyil ba ni bdud rtsi thab sbyor ro/ /rdo rje ni de'i rang bzhin can te/ de'i phur bu zhes bya ba'i don to/ /des gdug cing khro ba rnams tshar bcad par bya'o/ /gang gi gdug cing khro ba zhe na/ sangs rgyas bdag nyid chen po yang ste/ gzhan dag lta smos kyang ci dgos /rdo rje'i sbyor bas zhes bya ba ni sku la sogs pa'i rdo rje dang khro bo rnams kyi sbyor bas so/ /snga ma bzhin du dur khrod kyi ras la khro bo'i rdo rje dang de'i lte bar yang bgegs mthar byed 'og rtse gcig pa'i rnam pa can bris shing/ de lcags la sogs pa la byas pa'i phur bu sor brgyad pa'i khong stong du bcug la sku rdo rje la sogs pa'i sbyor ba des snga ma bzhin du phur bus gdab par bya'o zhes bya ba'i don to/ /'dir man ngag ni bsgrub par bya ba'i gzugs brnyan la mi rus kyi phur bu lan brgya rtsa brgyad bzlas pa dang bcas pas spyi bor phur bus btang na klad gzer gyis gtang par 'gyur ro/ /de nyid la seng ldeng gis phur bus btab la mi'i thod ba kha sbyar la dur khrod kyi me la bsres na tsha ba'i rims kyis btab bar 'gyur ro/ /de nyid la lcags las byas pa'i phur bu sor brgyad bas btab la dur khrod kyi me'i nang du bcug na 'phral du 'chi bar 'gyur ro/ /snying ka na zhes bya

  44. 22b

    pa la sogs pa ni bris pa dang bsam pa'i phur bu'i gzugs gsungs pa ste/ lcags dang rus pa dang seng ldeng gi phur bu'i rnam pa 'di ni nges pa ma yin no/ /snying ga nas rkang ba'i bar du rdo rje rtse gcig pa lta bu'i phur bu bya'o/ /snying ga las gong du yang dam tshig de nyid la bya ste/ snying ga yan chad sku rdo rje la sogs pa'i gzugs zhes bya ba'i don to/ /'di ni zhes bya ba'i mjug ma bsdu ba'o/ /phur bu'i rnam 'phrul yin zhes bya ba ni phyi'i phur bu'i cho ga rgyas pa zhes bya ba'i don to/ /bsam gtan zhes bya ba la sogs pa la bsam gtan rdo rje ni bsam gtan gyi phur bu'o/ /kyang gi sgras ni gzhan dag lta smos kyang ci dgos zhes bya ba'i don to/ /phur bus btab na zhes bya ba ni phur bus btang par gyur pa na'o/ /nye bar sgrub ba la drag shul gyi sbyor ba yang bzhed la/ de ni bcu pa nyid mang du gsungs mod kyi lhag ma bstan pa'i phyir/ de nas zhes bya ba la sogs pa gsungs te/ rnam par snang mdzad nyid bdud rtsi thab sbyor dang gnyis su med par gyur pa ni rnam par snang mdzad chen po'o/ /des sku rnam par 'phrul ba ni rnam par snang mdzad kyi phur bu'o/ /de'i don gyi rdo rje ni bsam gtan gyi phur bu'o/ /de la dmigs ba'i ting nge 'dzin la yang de skad ces bya'o/ /de bzhin du 'chad bar 'gyur ba'i ting nge 'dzin rnams la yang bshad par bya'o/ /sku'i dam tshig ni rnam par snang mdzad kyi sems so/ /de'i tsham dam ni 'gugS pa'o/ /de'i don gyi phur bu dang de'i don gyi sngags so/ /phan tshun zhes bya ba la sogs pas sbyor ba gsungs pa ni phan tshun dkri ba ni dam du 'khyud ba'o/ /tshul du ste thabs dang shes rab kyi lus gang la khros shing gnag pa'i spyan rnam bar snang mdzad kyi tshul du bsgoms pa yod pa'o/ /'bar ba'i gsang ba'i rdo rje ni mthe bo'o/ /gzhi ni pad+ma ste/ de dag gang la 'dus pa yod pa'o/ /rnam par snang mdzad tshul ni pad+ma'i lte ba la bzhugs pa'i rtag pa'i gzugs dkar po'o/ /der gnas pa ste/ gang la rang gi mthe 'os snying gar gnon pa

  45. 23a

    gang yin pa de la de skad ces bya'o/ /de yang gang yin pa zhe na rdo rje phur bus nges par gdab ba ni bsam gtan gyi rang bzhin gyi sku rdo rje'i phur bu sngags kyi mthar rdo rje las bsgrub par bya ba'i snying gar nges par gdab pa gang gis 'di'i thugs dang phyag mtshan dang sngags yang dag par phur bus bsnun par 'gyur ro/ /btab ma thag tu zhes bya ba ni cho ga gzhan la bltos pas ni ma yin no/ /rdo rje sku gsum ni byang chub kyi sems so/ /de'i 'byung ba ni skye ba'o/ /ldang bar 'gyur zhes bya ba ni mthong bar 'gro ba ste/ 'jig rten las 'das pa grub par 'gyur ro zhes bya ba'i don to/ /dam tshig gi mchog gis zhes bya ba ni skad cig gis te/ dus gzhan dag la bltos pas ni ma yin no/ /yang na zhes bya ba ni gang gi tshe ldang bar ma gyur na/ de'i tshe 'chi ba'i gnas su 'gyur te/ phur bus bsnun bas 'chi bar 'gyur ro/ /khyad par gsungs ba 'di ni sbyor ba la bstod ba'i don/ 'jig rten gyi dbang phyag ni chags chen rnam pa gsum gzung de'i tshe khro bo dang bcas pa'i 'od dpag med du sgom pa'o/ /gsung de nyid ni rnam par 'phrul ba'o/ /ye shes padme ni rang gi rigs pa gos dkar mo'i pad+ma'o/ /rdo rje nyid ni sor mo'o/ /'dir rdo rje'i phur bu ni gsung gi rdo rje'i phur bu'o/ /rdo rje che ni gsum po rnams la cig car ro/ /sku gsum dri med ni byang chub kyi sems so/ /btab pa tsam gyis zhes bya ba ni de'i skad cig la'o/ /rdo rje 'dzin ni mi bskyod pa'o/ /de'i tshe rdo rje can gnyi ga yang khro bo dang bcas pa'i mi bskyod par bsgom pa'o/ /thugs de nyid ni rnam par 'phrul pa'o/ /rtse mo lnga par bcings nas ni zhes bya ba ni rdo rje rtse lnga pa'i rnam par bsgoms pa'i mi bskyod pa'i gsang ba'i rdo rje'i nges bar bcing ba ni rang gi mA ma kI'i pad+ma'i lte ba la yang dag par sbyor bas so/ /gang la 'od 'phro ba mang po 'khrigs ba'i rdo rje bsgom pa yod ba'o/ /sku gsung zhes bya ba la sogs pa la cho ga ni 'das ma thag tu bshad

  46. 23b

    ba'o/ /sku gsung thugs kyi sbyor ba yis zhes bya ba ni ji skad du gsungs pa nyid kyis so/ mkha' dbyings rdo rje ni rdo rje 'chang ba'o/ /de'i mdza' klas pa ni de'i bar du yang zhes bya ba'i don to/ /rdo rje phur bu ston par mdzad pa'i phyir de skad ces bya'o/ /de nas zhes bya ba la sogs pa la sku gsum pa'i mchog ni dam pa'o/ /mnyes ba ni mgu ba'o/ /des mdzad pa'i sku dang gsung gi rnam par 'gyur ba ni rab tu dgyes ba'o/ /ci zhig bzhed nas bka' stsal ce na/ sems can khams la phan mdzad pa ste/ phan pa ni 'dir ji skad du bshad pa'i don la the tshom las ldog ba ste/ 'di ni sangs rgyas thams cad mnyes par byed pa yin gyi mnyes par mi byed pa ni ma yin no zhes yang dag par rtags pa'i phyir ro/ /de nyid kyi phyir mnyes ba yang dag par ston par mdzad de/ 'dir yang 'bras bu chen po nyid yin no zhes khong du chud? pa'i phyir ro/ /'di nyid rtogs par bya ba'i phyir ro/ /e ma'o zhes bya ba la sogs pa gsungs te/ gsang ba ni thugs kyi yon tan rnams kyi mthar thug pa'o/ /de nyid kyi gnas kyi mchog ni thabs kyi dam pa'o/ /snying po ni sku'i yon tan dag pa rnams so/ /de rnams kyi kun btus ba 'di ni ma lus bar thob pa'o/ /chos ni gsung ste yon tan rnams kyi mthar thug pa'o/ /de nyid kyi gnas zhi ba 'di ni nyes pa dang bral ba'i thabs so/ /rdo rje ni nyon mongs pa'i rnam par rtog pa rnams te de rnams rnam par 'joms pa'o/ /de ltar na rdzogs? pa'i 'bras bu rnam pa gsum dang bzhi ba spangs ba'i 'bras bu la re re zhing ngo mtshar sbyar ba yin no/ /phur bus bsnun pa 'bras bu chen po 'di nyid gang yin pa de ci rnam par snang mdzad dang/ 'od dpag tu med pa dang mi bskyod ba gsum po nyid yin nam 'on te sngags thams cad kyi yin zhe na/ de'i phyir sangs rgyas zhes bya ba la sogs pa gsungs te/ sku la sogs ba'i phur bu dang/ sku la sogs pa'i sbyor bas phur bus gdab bar gsung ba gang yin pa de ni sngags rnams la te/ rigs

  47. 24a

    rnams ni 'khor lo sgyur bas bsdus bas de'i tshe de rnams kyang de dag nyid du bsgom par bya'o/ /'di de zhes bya ba ni yan lag drug gi bsnyen ba rdzogs par byas nas nye bar sgrub pa la zhugs pas sgrub ba bzhis ma grub pa'i rnal 'byor pas bya ba don yod ba gang yin pa de yang 'di de yin no/ /de nyid las byung ba zhes bya ba ni yang dag pa'i ye shes kyi ngo bo nyid sku rdo rje la sogs pa'i phur bu las 'di 'byung ba'i phyir ro/ /sku gsung thugs ni byang chub kyi sems so/ /mchog ni 'jig rten las 'das pa'o// de thob par byed pas na sku gsung thugs kyi mchog sbyin pa'o/ /rang rang gi sngags kyi de nyid ni sku la sogs ba'i yon tan rnam par dag pa mthar thug pa rnams so/ /de rnams kyi bsdus pa ni ma lus par thob pa nyid kyi phyir ro/ /le'u bcu bzhi po 'di la/ nyi shur gcig gis ma tshang sngags/ /de rnams don gyi tshul 'di ni/ /dbang bskur dam pa dag las mchog /blo tsam nyid shes rtsa ba yin/ /mchod pa las ni rab tu byed/ /des na sngags kyi thog mar oM/ mthar ni swA hA zhes gsal byed/ /la lar dkon mchog gsum la 'dus/ /la yar? sngags de nyid la 'dud/ /gang phyir 'dud par byed pa des/ /sngags de shin tu dgyes par 'gyur/ /des sbyor dang ni gsal mdza' can/ /gang der phal cher lan gnyis brjod/ /yang yang dang ni nges par ram/ /myur ba nyid ces shes par bya/ /de la dang por spyan gyi sngags la ru ru ni snying ga'i zla ba'i sngags kyi yi ge rnams kyis brjod cig bya ba'i don te gsungs shig gsungs shig ces bya ba'i bar du'o/ /phu ru ni de rnams la spros pa'i rang gi sku'i sprin gyis nam mkha' khyab bar mdzad cig ces bya ba'i don to/ /dzwa la ni de rnams kyi 'od zer tsam nyid du nye bar 'gro ba yis so/ /tiSh+ThA? ni de rnams nad ba'i lus su zhugs nas so/ /de ltar na las bzhi bo 'di ni zhi bar byed pa yin no/ /sid+d+ha ni sangs rgyas rnams te/ don thams cad blo tsam du snang ba'o/ /de rnams kyi lo tsa ne ni de bzhin mthong bar byed ba ste/ de nyid kyis mthong

  48. 24b

    ba rnams de rnams kyis de bzhin du mthong ba'i phyir ro/ /de 'di'i de kho na nyid do/ /sarbba artha rnams ni zhi ba dang rgyas pa la sogs pa'o/ /sA d+ha ni thob par byed ba ste/ rang gi thugs tsam nyid du yang dag par mthong ba nyid thob pa'i rang bzhin nyid yin pa'i phyir ro/ /swa? zhes bya ba ni mchod pa ste/ khyod la mchod bar bgyi'o zhes bya ba'i don to/ /'di la lan gnyis brjod pa ni ci yang med do/ /mA ma kI'i sngags pa shar ka re shAn+tiM ka re zhes bya ba ni 'di'i de nyid nyid do/ /de la shar ni bde ba'o/ /nyon mongs pa'i rnam par rtog pa zad ba ni shan+ti te?/ go rim bzhin du shes bya dang shes pa 'byung ba zad ba'i phyir ro/ /g+huTTa g+huTa ni go cha dang 'joms ba dag yin ba de'i phyir bsrung ba'i cho ga'i dbang du mdzad nas gsungs pa g+huTTa? g+hanTa ni'o/ /gdug pa gzhom pa'i dbang du mdzad nas gsungs pa ni g+hA ta ya g+hA ta ya g+huTTi ni'o/ /gos dkar mo'i sngags la ka Te ne char dang sgrib pa dag yin te/ tshar? 'bebs par byed pas na ka Te ste/ sprin la sogs brlan par byed pa'o/ /de yang rlan ba rnams rgyas par byed pa'o/ /rigs pa 'di yang rlan par byed pa dang 'dra bas ka Te zhes bya ba de rgyas par byed ces bya ba'i don to/ /de bas na thun mong gi rjod par byed pa ma yang gtso bo yang dag bar shes par byed ba'i phyir ka Te zhes bya ba ni chos rnams rgyas par byed pa yin no/ /bi ka Te zhes bya ba ni rnam par bskams ba rnams so/ /ni ka Te zhes bya ba ni nor med pa rnams so/ /rgyas ba de yang dang yang byed pa'i phyir ka Ta da ka Te'o/ /sgrol ma'i sngags la bya ba'i pha rol tu phyin bar mdzad pa'i phyir sgrol bar mdzad pas na tA ? ? gdung ba ste/ gdung bas na tu sbyin? sdug bsngal zhes bya ba'i don to/ /gdung ba las grol bar mdzad bas na tu twA? re'o/ /tu re ni myur ba ste/ sgrol ba la myur ba nyid kyi phyir tu re'o/ /gshin rje gshed kyi sngags las mAn+ta yang de yin la kA ya la sogs pa'i badzra yang yin te/ de la kA ya ? sangs rgyas dkon mchog go/ ? badzra ni chos dkon mchog go/ tsit+ta badzra ni dge 'dun mchog go /de dag ni bzhi ba'i don gyi drug pa yin te/ kha kha zhes bya ba'i yi ge dang pos ni btab pa yin la/ khA hi khA hi zhes bya ba ni bshad pa yin te /phyi rol gyi don

  49. 25a

    zo zhig zo zhig ces bya ba'i don dang sems tsam du ltos shig ces bya ba'i don du'o/ /de ltar na khro bo'i ye shes mngon sum du bya ba la nges par sbyangs so/ /sarba dushtsa satwa ni gshin rje la sogs pa dang gzhan dag go/ de rnams dam ka ni 'dul ba la 'jigs par byed ba'o// de ltar na khro bo'i las kyi 'bras bu yin no/ /a si ni gri'o/ /mu Sha la ni tho ba ste/ phyag g.yas kyi mtshan ma'i gtso bo yin pa'i phyir ro/ /'di la mchog tu gyur pa'i 'od yod pa'i? phyir na par shu ste yid bzhin gyi nor bu'o/ /chu la nyal ba nyid kyi phyir pA? sha ste pad+ma'o/ /'di'i hasta pa de dag la mnga' bas na de skad ces bya'o/ /g.yer bag dang bcas par gsol bar mdzad pa nyid kyi phyir tsa tur mu kha'o/ /grims par mtshon cha 'phyar ba nyid kyi phyir tsa tur b+huM dza'o/ /phyogs drug char du sku sna tshogs kyi cig car bzhud pa'i phyir ShaT tsa ra Na'o/ /de ltar na khro po'i las kyi thabs yin no/ /a gats+tsha A zhes bya ba ni bod pa'o/ /sarbba duSh+Ta ni dkon mchog gsum la gnod pa byad? pa la sogs pa'o/ /de rnams kyi pra rna? a ba ha ra ne ni srog 'phrog par gyis shig pa'o/ /bod pa la rnam par bsgyur nas bzhi pa yin no/ /mahA big+h+nAM ni gshin rje la sogs pa ste/ de rnams kyi g+ha ta ka'o/ /de ltar na khro bo'i las so/ /gdug pa rnams 'jigs par byed pa yang khro pa'i las yin te sarbba b+hu? ta b+ha ya ma ka ra'i tshig gis so/ /gzhan lhag ma gsum gyis de'i thabs bstan pa'i phyir/ bi kri ta A nan? zhes bya ba la sogs pa gsungs te smin ma bsdus pa dang mche ba gtsigs pa la sogs pa dang ldan pa'i zhal mnga' ba nyid kyi phyir bi kri ta A na na'o/ /sarbba b+hu ta ni gshin rje la sogs pa ste b+ha yaM ka ra'o/ /drag shul bshad pa'i dang tshul can nyid yin pa'i phyir a TA TTa? ha sa na da ni de bya khra khra tsarma ni ba sa na ni ma nabs pa'o/ /'di man chad ni sgo ba la nges par sbyar ba yin no/ /sarbba karmA Na ni zhi ba la sogs pa ste bdag 'dod pa zhes bya ba ni lhag ma'o/ /sarba man+ta na zhes bya ba la pha rol gyi zhes bya ba ni lhag ma'o/ /mu draM

  50. 25b

    ni lag pa'i phyag rgya la sogs pa'o/ /pra be sha ya pra be sha ya zhes bya ba ni 'dul bar bya ba'i phyir ro/ /bai ba shwa ta ni gshin rje'o/ /de'i dzI bi tA n+d+re an+ta ka ra te/ gshin rje gshed ces bya ba'i don to/ /da ha da ha pa tsa pa tsa zhes bya ba ni gzhan dag go/ sa ma ya ni dam bcas ba'o/ /yi ge hUM gnyis kyis ni drag po'i las kyi sgo ba la nges par sbyar ba gnyis so/ /yi ge phaT gnyis ni lhung bar bya'o/ /sgo Ta ya sngo Ta ya zhes bya ba ni tshogs re re nas shig shig shig shig pa'o/ /sarba a sha ba ri bU ti ka zhes bya ba ni sgrub pa po rnams kyi'o/ /ri phun zhes bya ba ni bsgrub par bya ba 'dug pa rnams so ka ra ka ra zhes bya ba ni ji ltar sgo ba la nges par sbyar ba bzhin du gyis shig gyis shig pa'o/ /kin tsi ra yis zhes bya ba ni ci'i phyir 'gor ba'o/ /a nu sma ra dang na sha ya dang sad ya zhes bya ba gsum la lan gnyis brjod pa med do/ /bdud rtsi thab sbyor gyi sngags la sgrib pa thams cad rnam par 'jig par mdzad pa nyid kyi phyir badzra yang yin la kro d+ha yang yin la de ltar na mtshan gzhan yin no/ /ma hA daMSh+To yang yin la ung+ga? ta yang yin zhing/ b+hai ra bA ya yang yin pa de ltar na/ sku dang gsung dang thugs dang drag pa nyid do/ /mu Sha la ni rdo rje kha gyes pa ste/ g.yas kyi phyag mtshan gyi gtso bo nyid yin pa'i phyir ro/ /lhag ma ni snga ma bzhin no/ /khyad par gsum po de dag gis bstod nas thab sbyor lan mo ni phyag byed pa yin no/ /a mri ta kuN+Da laM zhes bya ba ni rtsa ba'i mtshan nas bod pa'o/ /kha kha zhes bya ba ni yi ge dang bos tshig gis don gsungs pa yin te/ sna tshogs su snang ba can gyi sems la gnas nas phyi rol gyi don zo zhig ces bya ba'i don to/ /khA hi khA hi zhes bya ba ni sems 'di'i yang gnyis su snang ba nub par gyis shig pa'o/ /tiSh+Tha tiSh+Tha zhes bya ba ni snang pa tsa de nyid la chags par mdzod cig pa ste/ de nyid ni rnam pa thams cad kyi brjod pa yin te/ don dang blo dang ming can ma yin no zhes bya ba'i don to/ /b+handa b+handa zhes bya ba ni de ny+d la gzhan dag kyang bzhag bar mdzod cig pa ste/ rang bzhin

  51. 26a

    gyis 'od gsal ba'i ye shes nyid yin pa'i phyir dang/ mi 'jig pa rnam par mi shes pa/ brjod du med cing mi rtog pa'i khro bo'i ye shes mngon du bya ba'i phyir ro/ /bzhi po 'di ni sgo ba la des par sbyor ba'o/ /ha na ha na ni mtshon cha rnams kyis so// da ha da ha na khro bo 'bar bas so/ /gardzdza gardzdza ni khro bo'i gsung gis so/ /bi spho Ta ya bi spho Ta ya ni khro bo las byung ba'i sku'i mdzad pa rnams kyis so/ /gang dag ce na sarbba big+han bi nA ya ka na zhes bya ba gsungs so/ /da ltar na bzhi po ni khro bo'i las la des par sbyor ba'o// ma hA ga na ba ti ni bgegs kyi rgyal po'o/ /de'i dzI bi ta an+ta ka ra ni bdud rtsi thab sbyor/ /de la swahA ni de mchod par bgyi ba'i zhes bya ba'i don to/ /shes rab mthar byed pa'i sngags la hUM zhes bya ba ni khro bo zhes bya ba'i don to/ /hUM ni khro bo yin par bshad ces gsungs pa'i phyir ro/ /dza na zhes bya ba ni gzhan gyis mi thub pa zhes bya ba'i don te/ 'dis rgyal ba'i phyir ro/ /de bas na ri ste 'dzin pa zhes bya ba'i don to/ /blta bar bya ba yin bas na Ti ste gzung ba zhes bya ba'i don to/ /ri Ti bsdu mdzod cig pa zhes bya ba ni ri? Ti ta'o/ /de ltar na khro bo'i ye shes mngon sum du byed ba la des bar sbyor ba yin te lan gnyis brjod pa ni med do/ /hUM gnyis kyi ni blo la bzhag ba'i khro bo'i la nges par sbyor ba gnyis yin no/ /phaT gnyis kyis ni lhung bar bya'o/ /rta mgrin gyi sngags la rgyud gzhan dag las rta'i gzugs su gyur ba'i khyad par gyi phal cher bshad pa yin no/ /dang po'i hUM gsum gyis ni khro bo'i ye shes mngon du byed ba las des bar sbyor ba'o/ /de ltar na lus kyang de yin la dag kyang de yin zhing yid kyang yin pa de ltar na gsum po'i/ mnyam ba nyid ni yi ge hUM gi don yin no/ /de la don thams cad ni lus dang ngag dang yid kyis bsdus pa yin la/ de rnams kyi mnyam pa nyid ni sems tsam nyid yin/ /de'i yul can gyi sems ni mnyam pa nyid ni lus la sogs pa'i snang ba nub pa'o/ /de'i ming gi mnyam

  52. 26b

    pa nyid ni lus la sogs pa'i brjod pa dbyer med pa'o/ /de de ltar na don thams cad mnyam par byas ba dang/ sems mnyam pa dang mi mnyam pas yang dag par mtshon pa ni ? khro bo'i ye shes te/ yi ge hUM gsum gyi don yin no/ /khro bo'i ye shes 'di yod mngon / sum? du bya'o zhes bya ba ni lhag ma'o/ /rgya mtsho chen po las grol bar mdzad pas na ta ru la'o/ /de 'di rnam par dkrug par mdzad bas na bi ru la'o/ /sarbba bi sha ni rgyu ba dang mi rgyu ba ste bcos ma ste/ de rnams kyi g+ha Ta ka'o/ /lus la sogs pa la 'bar ba nyid kyi me stag 'byin par mdzad pas na dza li ta'i bi spu ling+ga'o/ /'di dra ba'i aTTa TTa ha sa 'di la mnga' bas na de skad ces bya'o/ /sa Ta yang ral pa'i tshogs yin pa de shin tu sra zhing 'gred ba rnams to pa ste/ rnam par 'gyings pa ta ka ra'i sgra dang bcas pa'i sgra dang ldan pas seng ge dang 'dra ba'i sprug? pa gang la mnga' bas de skad ces bya'o/ rdo rje'i rang bzhin gyi zhabs ni badzra khur ste/ de dag gis ni ra g+hA ta na'o/ /de dang 'dis tsa li ta ba su d+ha ta la mnga' bas na de skad bya'o/ ni shwA sa ma du to ? ki b+ha Sha Na b+hA ra Ni d+hA ra gyen du dge ba yin la de rnams kyi b+hi Sha Na ni 'jigs par byed pa yin te/ a TTa TTa mahA gang mnga' ba de la de skad ces bya'o/ /a pa ri mi ta ba la pha ra kra ma 'di la mnga' bsan? de skad ces byi'o/ /sdig ba med pa nyid kyi phyir Arya yang de yin la/ sangs rgyas kyi mngag gzhug pa nyid yin pa'i phyir gan yang yin pas na'o/ Arya ka na b+hi ta rnams dang/ b+hu ta ga na rnams khyod Arya shan+ti ni bsten ba'o/ /b+hu d+ha b+hu d+ha zhes bya ba ni dgongs shig dgongs shig pa'o/ /rta dang 'dra ba'i ha ya gri ba 'di la rmig pa gnyis dang ldan zhing rta'i gdong dang ldan pa'i phyir de? skad ces bya'o/ /khA da khA da par man tan zhes bya ba la sogs pa ni khro bo'i las des par sbyar ba'o/ /tshinda tshinda zhes bya ba ni pa ra man tran zhes bya ba dang sbyar ngo/ /di sha zhes bya ba ni rtsol cig ces bya ba'i don to/ /a ? sha ya zhes bya ba ni snod la babs bar mdzad pa'o/ /'dzin

  53. 27a

    par byed pas na ga ha ste/ de nyid ni dzwa ra la sogs pa'o/ /apra ti ha to ni nus pa thogs pa med pa'o/ /d+hu na ni snying sprugs par gyis shig pa'o/ /ma tha ni krugs pa'o/ /manTa ni rus pa bcag pa'o/ /pA Ta ya ni chur gnyis su bkag pa'o/ /band+ha ni mi g.yo bar gyis shig pa'o/ /a nu dzA na smos pa ni kha na ma thob med pa'i yul yin pas nye bar bstan pa'i phyir ro/ /karma zhes bya ba ni gdug pa'i las so/ /'di man chad ha ya grib la sogs ba'i sgra rnams ni bod pa'i bzhi ba'o/ /yi ge phaT ni lhung pa'i sngags don te/ /badzra ku la ni phyi dang nang gi khro bo'i rigs so/ /hUM gsum gyis ni gdug pa'i las la nges par sbyor ba yin no/ /phaT gsum gyis ni ltung ba la'o/ /de sha dang a be sha ya dang b+ha ba dang/ ku ru zhes bya ba bzhi ni lan gnyis brjod ba med do/ /dbyig mngon gyi sngags la e hi e hi bya ba ni tshur byon tshur byon no/ /'di la nI la badzra daN+Da mnga' bas na de skad ces bya'o/ /'di man chad kyis ni rtsod ba la sogs ba'o/ /tu ru tu ru nI myur zhing myur bar mdzad pa'o/ /hu lu hu lu zhes bya ba ni song zhig pa'o/ /kye hA hA zhes bya ba ni 'khor ba na skyo ba'o/ /gu lu gu lu gu/ lA yA ya zhes bya ba ni 'gro zhing kun tu bskyod pa las byung ba ni gu lu gu lu ste gu la'i sgras gyis shig pa'o/ /dgos pa ci'i phyir zhe na b+hu hA na zhes bya ba la sogs pa gsungs te/ b+hu tA ni lha dang drang srong dang yid dags la sogs pa'o/ /da ha da ha zhes bya ba ni thal bar gyis shig thal bar gyis shig pa'o/ /dar dar zhes bya ba rnam par choms shig rnam par choms shig pa'o/ /tra Ta tra Ta zhes bya ba ni rol cig rol cig pa'o/ /ca la tsa la zhes bya ba ni yang spong pa'o/ /da ha da ha zhes bya ba ni spor cig spor cig pa'o/ /ba tsa ba tsa zhes bya ba ni go ?/ /ma tha ma tha zhes bya ba ni rang nyid kyis rus pa chog cig chog cig pa'o/ /pA ta ya ni rang nyid so/ /pA ta ya ni gzhan gyis so/ /ma TA ba ya ma TA pa ya ni gzhan gyis so/ /sarbba karmA ni zhes bya ba ni 'byung po de dag nyid kyis gzhan la gnod par bya ba dang

  54. 27b

    rang la srung ba'i phyir byas pa'o/ /tshin? tshin? zhes bya ba ni rnam par shig rnam par shig pa'o/ /a sya zhes bya ba ni 'byung po la sogs pa'i 'o/ med zhes bya ba ni tshil lo/ /madzdza? zhes bya ba ni rkang ngo/ /e dya hi b+ha ga ban zhes bya ba ni yang spyan 'dren pa'o/ /sarbba zhes bya ba la sogs pa ni bsgo ba la nges par sbyor ba'o/ /de la big+ha ni 'byung po'i khyad par dang/ sdig pa la sogs pa'o/ /birya gzhan gyi sngags so/ /mu la karma ni 'khrul 'khor dang rgyud kyi sbyor ba'o/ /gra ha ni rigs la sogs pa'o/ /ha na ha na zhes bya ba ni dbyug pas so/ /b+hany+dza b+hany+dza zhes bya ba ni shig shig pa'o// mar dmar da zhes bya ba ni phye ma re klogs shig phye mar klogs shig ba'o/ /'di thams cad kyis ci zhig bya zhes bya ba ni i dam zhes bya ba la sogs pa gsungs te/ i dam ni blo la gnas pa'o/ /hUM zhes bya ba ni khro ba bcas pas sbod ba'o/ /mi la zhes bya ba la sogs pa bzhis ni bod ba'i bzhi pa yin no/ /nI la ni shin tu gnag pa nyid kyi phyir ro/ /nI la badzra daN+Ta ni snga ma bzhin no/ /tu ru tu ru bi g+hanaM bi nA sha ka ces bya ba ni bgegs rnam par gzhig ba'i don du myur cig myur cig pa'o/ /hu lu hu lu zhes bya ba ni sod cig sod cig pa'o 'bar ba rnams kyis ? yang de yin la 'tshe bar byed pa nyid kyi phyir tsand+ha yang yin pas so/ /gsal bar bya ba'i phyir sarbba sha truM NAM zhes bya ba gsungs te/ rjes su gnang ba'i sgrub par bya ba thams cad kyi'o/ h+ri da yA ni gnad kyi khyad par/ /de rnams la b+hi da ya ni? mtshon gyis so/ /tshinda tshinda birya ni ts+tsha de ka zhes bya ba la gzhan gyi rig pa zhes bya ba ni lhag ma'o/ /hUM bidya n+ya? ma shi Sh+Ta ka zhes bya ba ni rag pa thams cad kyi nang nas shin tu khyad par can no/ /sma ra ma ya ya zhes bya ba ni dam bcas pa'o/ /badzra d+ha ra ba tsi nI tsa zhes bya ba la pa tsa nI ni bka' o/ /ma ra mI ni bsgrub par bya ba rnams kyis so/ /hUM zhes bya ba ni khro bo'o/ /ta na ha na da ha da ha ku ru ku ru/ tu ru tu ru/ phaT phaT ces bya ba lnga po dag gi don ni snga ma bzhin no/ hUM gnyis kyis ni mdor bsdus nas shin tu khyad par mdzad pa la sogs pa yang des par sbyor ba

  55. 28a

    yin no/ /de nyid kyis na kri tanTa ya zhes gsungs so/ /de ba ni brgya byin la sogs pa'o/ /ri Shi ni me la sogs pa'o/ /de rnams ci drA ba ka ni skrag pa rnams 'byer bar byed pa'i phyir ro/ /ha na badzra daN+Da de na zhes bya ba ni mtshon gyis bsnun pa 'am bsad pa'o// gu lu gu lu gu la ba ya dang/ pa ta ya pa ta ya dang/ ma Ta ma Ta ba ya dang sa da ya dang lo nga ya dang smar dang/ ni grin ta zhes bya ba brgyad dang/ tha ma'i ha ni sgra ste lan gnyis brjod pa med do/ /stobs po che'i sngags la lar ni oM nor bu'i rigs rjod par byed pa yin te/ bdag dang sngags ni stong ba nyid yin no zhes bya ba'i dbang du byas nas so/ /de nyid khro bo'i nyams la gnas pa ni stobs po che dang sbyar ro/ /de nas 'dir de nyid kyis de bos te hUM gsum gyis gdug ba'i las la nges par sbyar ba gsum yin no/ /phaT gsum gyis gdug ba'i las la nges par sbyar ba gsum yin no/ /phaT gsum gyis ni ltung bar byed pa'o/ /yang de bzhin du bos nas u gra shu la pa ni zhes bya ba ni khyad par te/ 'bar ba'i rtse gsum bsnams pa nyid kyi phyir ro/ /de bzhin du nges par sbyor ba nyid yin no/ /yang de bzhin du bos nas dzyo ti ni ra NA da zhes bya ba ni khyad par yin te/ khro bo chen po'i nyid yin pa'i phyir dzyo ti yang de yin la/ ha ha zhes shes tshe rab zhad pa nyid kyi byir nA ra yang yin pI phyir nA da yang yin ba'i phyir ro/ de bzhin du nges par sbyar ba nyid yin no/ /mahA ba lA swAhA zhes bya ba ni rtsa ba'i mtshan las bos nas mchod pa yang dag par ston pa'o/ /'dod pa'i rgyal po'i sngags la Tak+kI hUM zhes bya ba ni 'dod pa'i khro bo zhes bya ba'i don to/ /dza(rgyud 'grel): zhes bya ba ni khug shig ces bya ba'i don to/ /ji skad du bde mchog/ ji skad du bde mchog rgyud phyi ma las/ Tak+kE rtag tu 'dod par bshad/ /hUM ni khro bo yin par bshad/ /yi ge dza(rgyud 'grel): ni 'gugs par bshad ces gsungs pa lta bu'o/ /'dir swAhA'i sgra ni med do/ /mi g.yo ba'i sngags la de kho na nyid la chags pas na a tsa la yang de yin la/ /don dang blo dang ming yang dag par ston

  56. 28b

    pa'i phyir kA Na yang yin pas na a tsa la kA na'o/ /gang gi phyir zhen cing chags pa de nyid kyi phyir na Ta na Ta ste drag po'i gar ro/ /moTTa moTTa ni ri bo lag pa'i shugs kyis so/ /saTTa saTTa ni sa la rkang pa 'jog pas so/ /ha ha ha ha zhes bya ba ni mi gsal bar rjes su byed pa'o/ / 'di nyid kyi bshad pa ni ha sa ha sa'o/ /gang gi phyir ka na yin pa de nyid kyi phyir/ ha na ha na gnyis su rtog pa'o/ /da ha da ha ni gnyis med snang ba'o/ /taTTa taTTa snang ba tsam nyid yin pa'i phyir/ 'ba' zhig dri ma med pa mdza' yas pa'i nam mkha' bzhin du snang ba'i phyir ro/ /tiSh+Tha tiSh+Tha ni de la sems gnas pa'o/ /A bi sha A bi sha ni de la sems de nyid de /de dag tha dang pa med pa'i phyir ro/ /lcags kyu med pa nyid kyi phyir mahA man tra yang yin la/ gzugs gzhon pa'i phyir bA la ka yang yin pas na ma hA man tra pA sa spra'o?/ /de la ma hA man tra shin tu myos pa nyid yin pa'i phyir/ d+hu na d+hu na zhes bya ba ste/ sbrugs shig sbrugs shig pa'o/ /ti Ni ti Ni zhes bya ba ni sa'i gzhi la thod shig thod shig pa'o/ /khA da khA da zhes bya ba ni bro zhig zo? zhig pa'o/ /gang zhig ce na/ bi g+h+nan zhes bya ba gsungs so/ /mA ra mA ra duSh+Ta zhes bya ba ni sod cig sod cig pa'o/ /rak+Sha rak+Sha sarbba na zhes bya ba ni bskur bar bya'o/ /ba la ka nyid yin pa'i phyir ku ru ku ru zhes bya ba ste ca co mdzod cig pa'o/ /ki ri ki ri zhes bya ba ni ku co gyis shig pa'o/ /shin tu bzlog dka' ba nyid kyi phyir mahA bi sha yang de yin la khro bo nyid yin pa'i phyir rdo rje yang yin pa de ltar na mahA bi sha ma badzra'o/ /de nyid kyi phyir spho Ta ya ni tshig rnams gzhig pa'o/ /hUM gsum khro bo'i don gyis gzhig par sbod pa'o/ /tri ba li nI dbral ba la khro bo las byung ba'i'o/ /de nyid du chu rlabs dang chos mthun pas na ta rang ga'o/ /de rnams kyi a na ra ta ka ni yang dang yang du khros pa'i phyir ro/ /yi ge oM gsum gyis ni yod pa gsum ste/ yid tsam nyid yin pa'i phyir ram/ mkha' i gzugs can zhes bya ba ni ang?/ /de nas snang ba byed pa nyid kyi phyir nam mkha' i yid la gnas ba

  57. 29a

    zhes bya ba ni aM ngo/ /de nas brjod byas stong pa nyid kyi phyir nam mkha' i sngags zhes bya ba ni aM ngo/ /de nyid kyi phyir gsum po ni nges par sbyor ba yin te/ don la rtog pa rnams phrog shig ces bya ba ni haM ngo/ /snang ba phrogs shig ces bya ba ni haM ngo/ /don gyi tha snyad du phrogs shig ces bya ba ni haM ngo/ /sangs rgyas kyi ye shes la mi 'da' ba yin pas na a tsa la yang yin la/ sangs rgyas kyi bka' bzhin byed pa'i phyir tse ta yang yin pa de ltar na a tsa la tse Ta'o/ /de nyid kyis na spho Ta ya spho Ta ya'o/ /yi ge hUM ni bshig pa'i don la sbong pa'i a sa ma ni sangs rgyas yin la/ de rnams kyi an+ti ka ni nye bar gnas pa ste gdung ba'i phyir ro/ /a sa man+ti ka'o/ /trA twa? ces bya ba ni drol zhig ces bya ba'i don to/ /'di la stobs chen po mnga' bas na mahA ba la'o/ /de nyid kyis na sha ta ya sa ma ya man tra ma zhes bya ba ni gzhan gyi sngags shin tu 'da' bar bya ba'o/ /a tsa la tse Ta dang a sa man+ti ka dang/ mahA ba la zhes bya ba ni go rim bzhin du sangs rgyas kyi bka' dang sangs rgyas kyi stobs dang rang gi stobs kyis gzengs bstod pa'o/ /haM maM zhes bya ba ni bod pa gnyis te/ spang bar bya ba las thar bar mdzad pas na haM ngo/ /rjed par byed pa la rjed par byed pa haM ngo/ /de nyid kyi phyir de la dga' ba'i bsngags pas de mnyes par bya'o/ /shud+d+hya tu li ka tu Sh+yaM tu badzri na mo stu a bra to ha ha ba le thA zhes bya ba la/ a pra ti ta ha ba ta ni sangs rgyas la sogs pa dang sngags thams cad ngo// dzwa la ya zhes bya ba ni kun tu gsal bar gyis shig pa'o/ /tra Ta zhes bya ba ni dral ba ste/ gdug pa zhes bya ba ni lhag ma'o/ /mi bzod pas na a sa ha ste khro bo zhes bya ba 'i don to/ /na ma swAhA zhes bya ba ni phyag 'tshal ba dang mchod pa ste khyed la zhes bya ba ni lhag ma'o sha ta ya dang/ shud+hA? tu dang /na mo stu dang/ dzA la yang zhes bya ba la ni lan gnyis brjod pa med do/ /rdo rje gnod mdzes kyi sngags la lus kyang de yin la ngag kyang de yin zhing yid kyang de yin pas na hUM ste/ rdo rje gsum ro gcig pa'i rdo rje 'chang gi snying po gnod mdzes

  58. 29b

    rdo rje de ni yi ge hUM 'di'i don yin no/ /de nyid kyis na bcom ldan 'das 'di la rdo rje hUM mdzad ces bya'o/ /sum b+ha ni suM b+ha zhes bya ba ni bod ba gnyis te/ sgrib ba thams cad la gnod bar byed bas na su b+ha'o/ /nges par gnod par byed pas na ni suM b+ha'o/ /yi ge hUM gis bskul zhing dang nyid 'dzin pa la nges par sbyor ba ni hUM grih+Na grih+Na'o/ /de bzhin du gzhan ngag gis 'dzin pa ni grih+Na pa ya'o/ /de bzhin du 'gugs pa la ni hUM A na ya ho b+ha ga bAn bidyA rA dza'o/ /yi ge ho ni gus pa dang bcas pas bod pa'o/ /de bzhin du ltung ba la ni hUM phaT 'o/ /yang na hUM bzhi char yang bka' bsgo ba la'o/ /'di la swAhA'i sgra ni med do/ /grih+NA zhes bya ba gcig bu lan gnyis brjod do/ /ral pa gcig ma'i sngags la phyag na mdung bsnams pa nyid kyi phyir na shU li na'i'o/ /khro gnyer ma'i sngags la b+ha ya nA sha ya ni dam pa rnams kyi'o/ /trA sa ni trA sa ni zhes bya ba ni gdug pa rnams kyi ste/ de dang slob dpon gyis skrag par byed pas na sa ni'o/ /trA sa ya trA? sa ya zhes bya ba ni nges par sbyar ba'o/ /'jig rten dbang phyug gi khro ba gnyer ba las byung ba nyid kyi phyir b+ha'i ku TI'o/ /rgal dga' bar ltung ba rnams kyi skyabs su gyur bas dogs dang chos mthun pa'i phyir ta Ti'i/ /skyabs dang bral ba ni ba tri Ta'o/ /nyams dag pa'i dar 'don pa na bair ta ste skyabs don du gnyer ba'o/ /de rnams kyi skyabs su gyur pa yin pas na bai ta Ti bai ta Ti bai ra ti ste/ bod pa'idon la thung ba dang rtabs bag gi tshig gnyis spros pa yin no/ /shwe? ti ni sku mdog las so/ /shwe ta dza Ti zhes bya ba ni ral pa dkar po mnga' ba'i phyir ro/ /phur bu'i sngags la ni swA hA'i sgra med do/ /de la sngags dang po phaT kyi mdza' can gsum ni nges par sbyor ba'o/ /g+ha g+ha zhes bya ba ni yi ge dang ngos ni bstan pa yin la/ g+hA ta ya g+hA ta ya zhes bya ba ni bshad pa yin no/ /phaT ces bya ba ni ltung bar gyis shig ces bya ba'i don to/ /sarbba pA paM ni gdug pa thams cad do/ /hUM gsum gyis gdug pa'i tshig gis ni sku la sogs pa'i phur bu gdab par bstan pa'o/ /'og nas ni bshad pa yin no/

  59. 30a

    badzra kI la ya zhes bya ba ni bod pa'o/ /badzra da ri zhes bya ba ni yi ge oM ni lung yin no/ /rdzogs ka'i yi ge hUM ni bod pa'i don to/ /sgo ba la sbyor ba gsum pa la ni tshig bzlos pa med do/ /sku'i phur bu'i sngags la/ bcod pa dang 'joms pa dang sreg pa las nges par sbyor ba'o/ /tIr? ta yang de yin la/ badzra tsakra yang yin pas na sku'i phur bu ste de la bod pa'o/ /hUM phaT ces bya ba ni snga ma dang 'dra'o/ /gsung gi phur bu'i sngags la h+rI(rgyud 'grel): zhes bya ba ni pad+ma'i phur bu zhes bya ba'i don to/ /b+hur b+hu ba:zhes bya ba ni sa dang nam mkha' dang mi 'dra bar mi g.yo bar gyis la phur bus thob shig pa'i don to/ /thugs kyi phur bu sngags badzra rA dza zhes bya ba ni thugs kyi phur bu zhes bya ba ni thugs kyi phur bu zhes bya ba'i don to/ /hUM zhes bya ba ni phur bus bsnun cig ces bya ba'i don to/ /le'u 'di'i mthar bstan pa'i phur bus ting nge 'dzin 'di gang yin pa de dag gsal bar byed pa nyid kyi le'u 'di ni ting nge 'dzin gyi le'u'o/ /sku dang gsung dang thugs rmad du byung ba ni phur bu gsum yin la/ des bsdags te lha thams cad 'gugs pa ni de rnams kyi bdag nyid thams cad 'dzin pa'o/ /de'i don du rnam par 'phrul pa ni phur bus 'debs pa'o/ /de nyid ni rgyal po ste dngos grub kyi mchog gi nye bar sgrub pa nyid la gtso bo yin pa'i phyir ro/ /de gsal bar byed pa nyid kyi phyir le'u la yang de skad ces bya'o/ /gtso bo'i sgo nas tha snyad du byas pa'i phyir ro/ /gsang ba 'dus pa'i bshad sbyar snying pa'i me tog las le'u bcu bzhi pa'o// //'dir ni dngos grub kyi mtshan mar gyur pa rmi lam ni brjod par bya ba yin te/ bsnyen pa'i yan lag nyid yin pa'i phyir ro/ /de dang 'brel pa'i phyir dngos grub rnams dang rmi lam rnam par dpyad pa'i snying po yang brjod par bya ba yin no/ /de la dang po'i tshigs su bcad pas 'di ches pa bskyed pa'i phyir/ de nas zhes bya ba la sogs pa gsungs pa la/ rdo rje ni de bzhin gshegs pa rnams te de'i bdag nyid kyis de 'dzin par mdzad pa'i phyir rdo rje 'dzin

  60. 30b

    pa'o/ /gang gi phyir de lta bu yin pa de'i phyir rdo rje gsung ste/ don rnam pa gzhan du mi 'gyur ba'i gsung ngo/ /bka' stsal pa ni gsungs par gyur pa'o/ /de ltar na 'di mdzos shing 'bar bas na rgyal po? ste rnam par snang mdzad ces bya ba'i don to/ /shes bya dang shes pa zad pa'i phyir thams cad nam mkha' ste/ mi bskyod pa zhes bya ba'i don to/ /sangs rgyas thams cad kyi bde ba nyid kyis rgya che ba'i phyir dang/ mi zad pa'i phyir mi 'gyur che ste/ rin chen dpal zhes bya ba'i don to/ /rig pa dang thams cad du yang dag par sbyor ba'i phyir thams cad dbang bskur te/ 'od dpag tu med pa zhes bya ba'i don to/ /thams cad du ye shes spros pa'i phyir kun mkhyen pa ste/ don yod par grub pa zhes bya ba'i don to/ /bcu gnyis pa las zhes bya ba la sogs pa la bcu las gnyis ma tshang ba ni gnyis te/ de rnams rkang pa bcu gnyis pa ni le'u brgyad pa zhes bya ba'i don to/ /bcu gnyis pa las gang gi lo grangs ston pa de la de skad ces bya'o/ /'di yang rigs gsum char la yang sbyar bar bya'o/ /de la brgyad pa las gti mug gi rigs kyi bu ni lo bcu bzhi pa nas brtsams te lo bco brgyad pa'i bar du lnga gsungs pa yin no/ /dme sha can dang btso blag mkhan gyi sgra gnas brje? bar bya'o/ /debas na 'dir bco blag mkhan ni dri ma dag par byed pa yin no/ /de yang rnam par snang mdzad yin la de ni sems dag pa 'ba' zhig don gyis stong pa nyid rtogs par byed pas na sems kyi dri ma dag par byed pa'o/ /de'i bu mo ni de'i bdag nyid las skyes pa ste de ni spyan ma'o/ /bshad gci zhes bya ba la sogs pa la 'da' bar mi bya ba yin pa'i phyir don gyis na dam tshig go /sogs pa'i sgras ni thig skud dang sa tshon dgye ba la sogs pa yang bsdu'o/ /gru bzhi ni phyi'i rim pa ste nang gi rim pa ni ? po nyid yin no/ /de ru zhes bya ba ni bris pa'i dkyil 'khor du yid kyis dbus ma'i gang na/ 'dug par gyur nas so/ /rdo rje dkyil 'khor ni rang gi sems dpa' i gzhal yas khang ngo/ /de'i bsgom pa ni rnam pa thams cad bsgom pa ste/ de rgyur gyur pa yis so/ /bu mo pad bar

  61. 31a

    bzhag nas rnam par bsgom par bya'o/ ci zhig tu bsgom zhe na/ de nyid las spyan gyis rnam pa can dang/ pad+ma rdo rje gnyi ga'i rnam par nor bu rnam par dag pa'o/ /de nas dkyil 'khor lnga can 'khor lo ni/ /sangs rgyas gzugs su rnam pa ? bsgom/ /dkyil 'khor lnga rang gi rigs kyi sngags kyi mchog bsdus pa sangs rgyas lnga'i ngo bo dang bcas pa gang la yod pa de la de skad ces bya'o/ /de bzhin du de yang yin la 'khor lo yang yin pas na zhes bsdu bar bya'o/ /de yang pad+ma'i lte ba la rig ma bzhi yongs su gyur pa las byung ba'i dam tshig chen po'i dkyil 'khor ro/ /des de gtso bo nyid du mtshon pa'i sangs rgyas kyi gzugs te rang gi sems dpa' rnam par snang mdzad kyi gzugs su bsgom par bya'o/ /sangs rgyas rnams kyi mchod pa de yang yin la/ bla na med pa'i bde ba nyid yin pa'i phyir gnas kyang yin pas na mchod pa'i gnas te gang de rnams zhu bar gyur pa'o/ /nyams dga' sngags kyi 'khor lo can gyi zhes bya ba ni/ ye shes kyi dkyil 'khor can te yang de nyid du zhu bar gyur pa'i phyir ro/ /rig ma dang bcas pa'i mchog dang po'i gsang ba ste de yang de nyid du zhu ba'i phyir gsang ba'o/ /rnam par snang mdzad sku chen po zhes bya ba ni sngags dang mtshan ma la sogs pa bskyed pa'i rim gyis rnam par snang mdzad kyi phyag rgya chen po thob par gyur pa de nyid do/ /sku gsung thugs ni rdo rje can zhes bya ba ni/ rdo rje lngas byin kyis brlabs pa'o/ / bsam gtan ni rnam par mi rtog pa'i bde ba'o/ /sngags ni rigs kyi rig pa de nyid de /de lhan cig skyes pa la spyan du bsgoms pas thim pa'o/ /bsam gtan ni rnam par mi rtog pa'i bde ba ste/ bsam gtan gyi sngags kyi sgo nas sbyor ba ni bskul ba ste/ rim gyis rgya mtsho'i rlabs bzhin du rgyas pa'o/ /'di tsam ni 'dir mngon par rtogs pa yin no/ /ji ltar 'gyur ba de'i 'bras bu ni sangs rgyas zhes bya ba la sogs pa gsungs te/ sangs rgyas ni rnam par snang mdzad do/ /'od ni 'od zer te che ba'i bdag nyid de/ /sa bcu'i

  62. 31b

    dbang phyug du gyur ba nyid kyis na cung zad dman pa nyid kyis phyir sangs rgyas 'od 'dra 'gyur ba'o/ /'dir ni bu mo'i rigs bstan la brgyad pa las ni na chod gsungs so/ /kha dog ni sgre bar bya ste phyi rol gyi ni tsam pa ltar dkar skya'o/ /spyan ni zla ba ltar dkar mo'o/ /utpal mthil? zhes bya ba la sogs pa gtum pa nyid kyi phyir dme? sha can te mi bskyod pa'o/ /de'i bu mo ni mA mi kI'o/ /'dir ni bu mo'i rigs dang kha dog gsungs pa yin no/ /na tshod ni brgyad pa las lo grangs bcu gnyis pa nas gzung ste bcu drug pa'i bar du gsungs pa yin no/ /rdo rje sems dpa' ni mi bskyod pa'o/ /de'i sbyor ba ni rnam par snang mdzad kyi gnas su bsgoms pa yis so/ /sbyor ba'i cho ga de nyid ni byas nas zhes bya ba la dben pa'i gnas su zhes bya ba la sogs pa nas bzhag nas rnam bsgom pa ces bya ba de'i bar ni cho ga yin par shes par bya'o/ /des bsgrub par bya ba dang sgrub par byed pa dag dang/ pad+ma rdo rje dag yang dag par sbyor ba byas nas dkyil 'khor lnga can zhes bya ba la sogs pas gsungs pa gang? yin pa'i las de rnams brtsam par bya'o/ /dam tshig ni lam mo/ /shin tu 'da' dka' ba zhes bya ba ni cho ga 'di yis nges par 'di dag grub pa'i phyir ro/ /rdo rje sems dpa' ni mi bskyod pa'o/ /de dang 'od 'dra 'gyur ba ni sa bcu'i dbang phyug nyid yin pa'i phyir de la cung zad dma' ba nyid kyi phyir ro/ /rgyal ba'i chos rnams thams cad mtshungs zhes bya ba la rgyal po ni byang chub sems dpa' i dbang rnams dang ldan pa'i phyir ro/ /chos thams cad dang mtshungs pa yin gyi dman pa ni ma yin no/ /'dod pa ni bde ba chen po'i rgya mtsho'o/ /des thar ba ni sa bcu pa'i sgrib pa las grol ba ste/ thabs gsum pa'i 'bras bu zhes bya ba'i don to/ /der bsgrub pa ni de thob par byed pa'i phyir ro/ /rdo rje chos ni zhes bya ba la sogs pa la rdo rje chos ni 'od dpag tu med pa'o/ /de rnams bsgom pa ni snga ma bzhin no/ /gsung gi chags par mdzad pas ni gar mkhan ni 'od dpag tu med pa'o/ /de'i bu mo ni

  63. 32a

    gos dkar mo ste lo nyi shu lon pas brtsams te lo grangs bcu drug lon pa'i bar du'o/ /rab mdzes shing zhes bya ba ni dbyibs dang kha dog nyid kyis so/ /rdorje chos kyi bdag ces bya ba'i ni 'od dpag tu med pa dang mnyam pa'o/ /sa bcu la ni gnas par 'gyur zhes bya ba ni yan lag drug gi bsnyen pas mos pas spyod pa nas nye bar sgrub pas rab tu dga' ba la sogs pa lhag pa'i bsam pa dag pa'i sa bdun rtogs nas/ sgrub pa 'dis ma g.yo ba la sogs pa rnam par smin pa'i sa gsum thob pa'i phyr ro/ /gsung gi dam tshig ni 'od dpag tu med pa'i chos thams cad do/ /kun gyi mchog ste byang chub sems dpa' thams cad gyi dam pa'o /rgya mtsho dang 'dra ba'i bde ba chen po ni dam pa yin la de'i mnga' bdag ni de thob bar byed pa'i phyir ro/ /'dod chags kyi rigs kyi bu mo gang yin de nyid ni rin po che dang las? kyi rigs dag gi yang yin te nges de dag bsdus pa'i phyir ro/ /de ltar shes shing rigs gsum la btso blag mkhan la sogs pa'i bu mo bsgrub bar bya ba yin no/ /yang na bram ze rgyal rigs rje rigs kyi bu mo ni rdo rje chos bdag ces bya ba rdo rje'i thugs kyi dbang phyug go /chos ni gsung gi dbang phyug go /bdag ni sku'i dbang phyug go/ de'i rnal 'byor la de skad ces bya'o/ /'dir yang grangs ji lta ba bzhin du sbyar ba'i phyir sku thog mar blta bar bya'o/ /yang na dmangs rigs las byung ba ste/ gtsang sbra gtsor byed pa dang mtshon cha gtser? byed ba dang/ bzo dang las gtsor byed pa'i dmangs rigs rnams go rim bzhin sbyar ro/ /gsang ba thob byed pa ni rigs gsum gyi dngos grub thob par byed pa'o/ /sgrub pa rtsom pa dang dngos grub kyi dus ni rdo rje nyi ma zhes bya ba la sogs pa gsungs te/ rdo rje nyi ma ni sprin gyis ma bsgribs ba'i nyi ma gsal bar 'char ba nub pa'i dus su sgrub pa la 'jug pa'i phyir ro/ /skya? red ni nyi ma kha las ste/ de ltar na kha cig na re thun bzhis grub pa yin no zhes zer ro/ /gzhan dag na re rdo rje nyi ma ni dam tshig

  64. 32b

    ge nyi ma ste rig pa'i me tog ces bya ba'i don to/ /skya red ni de nyid kyi sar pa ste de ltar na thun bzhi'i sbyor bas zla ba phyed kyi nang du 'grub par 'gyur ro zhes zer ro/ /gnyi ga la yang skya rengs 'char ba'i dus su bde ba chen po'i rgya mtsho rlabs de yod nas 'grub par 'gyur zhes bya bar sbyar ro/ /'dir tshigs su bcad pa ni/ sngags pas rdo rje bar bar du/ /cung zad kyang ni bskyod par bya/ /nor bu gnas pa'i phaT kyis ni/ /yid las byung ba dgag bar bya/ /byang chub sems ni me 'phen/ /rgyun mi 'chad par snang ba yin/ /cig car bde mchog skye bar 'gyur/ /de yi rang bzhin 'gro spros pas/ /bstan la khyab byed bde zhi ba'i/ /go 'phang mchog ni thob par 'gyur/ /byang chub sems ni 'pho 'gyur zhing/ /sems brgyal bas ni thob mi 'gyur/ / bsgom pa mchog gis zhes bya ba ni bde ba'i mchog bsgom pa yis so/ /rkyan rnams zhes bya ba la sogs pa la/ /rdo rje sems dpa' i mchog ni rigs gsum gyi rig pa gang yang rung ba'o/ /sangs rgyas ni rdo rje 'dzin pa'o/ /dpag tshad brgya'i khyon tsam du zhes bya ba ni lhan cig skyes ba'i 'od kyis so/ /spros na ni 'jig rten gyi khams thams cad khyab par byed pa yin no/ /'di'i 'og mai tshigs su bcad pa gsum gyis go rim bzhin du las kyi dam tshig dang/ bza' ba'i dam tshig dang bcas pa nyid las grub bo zhes gsungs pa yin no/ /'dod pa dang thar pa ni thabs gsum pa'i 'bras bu yin no/ /de'i dam tshig gi rdo rje ni dbyer mi byed pa'i dam tshig go/ de ston bar mdzad pa nyid kyi phyir de skad ces bya'o/ /rig pa'i rtul zhugs kyi 'og tu ni sgrub pa yin no/ /de gnyis ka yang bu mo rnyed pa las 'gyur ro/ /gang gi tshe yang de 'brel pa rnams las mang du bslangs kyang ster bar ma gyur pa de'i tshe de rengs par bya'o/ /da bas na bu mo de rengs bar bya'o/ /de bas na bu mo re rengs pa'i don du sngags dang rgyud las 'jug pa ni de nas zhes bya ba la sogs pa gsungs te khyab par byed pa nyid kyi phyir dang/ yang dag pa'i ye shes nyid yin pa'i dam

  65. 33a

    tshig chen po ste me long lta bu'i ye shes so/ /de las byung ba'i rdo rje khro bo ni dpal gshin rje mthar byed do/ /de la dmigs pa'i ting nge 'dzin la de skad ces bya'o/ /de bzhin gshegs pa thams cad kyi rdo rje kun tu skrag par byed pa ni dgra bo skrag par byed pa'o/ /khro bo ni gshin rje mthar byed de nyid do/ /de'i sngags la yang de skad ces bya'o/ /oM h+rI:Sh+TI zhes bya ba la sogs pa la/ 'dzoms pa pos sel cing med par byed pas na h+rI(rgyud 'grel): ste gshin rje mthar byed ces bya ba'i don to/ /mche ba yang de yin la gdug pa rnams 'dul bar byed pa'i phyir rtsod par byed pa'i yang yin pas Sh+TrI'o/ /bi kri tA nan zhes bya ba snga ma bzhin no/ /sarba sha truM zhes bya ba ni mngon par 'dod pa'i bu mo'i khyo gnyis la sogs pa'o/ /nA sha ya zhes bya ba ni bu mo ste de bar byed pa'i sems kyis ma mthong bar gyis shig pa'o/ /staM b+ha ya zhes bya ba ni khyo gzhan la sbyin par bya ba'i bu mo la sogs pa'o hUM hUM phaT phaT ces bya ba ni bgegs rnams choms shig chems shig/ ltung bar gyis shig ltung bar gyis shig ces bya ba'i don to/ /swAhA zhes bya ba ni snga ma dang 'dra'o/ /sngags kyi yi ge ni nyi shu rtsa bzhi pa yin no/ /tsher ma'i me la zhes bya ba ni po son cha dang/ tsher ma can la sogs pa'i shing las spar ba'i me la'o/ /bu mo'i ming dang tshig tu bcas par oM h+rI(rgyud 'grel): Sh+T?/ bi kri tA na na ka n+ya che ge mo staM b+ha ya hUM hUM phaT phaT swAhA zhes bzla'o/ /gru gsum zhes bya ba ni me thab gru gsum bu'o/ /stong rtsa brgyad ces bya ba ni bsregs blugs stong las brgyad lhag pa'o/ /tshul bzhin du zhes bya ba ni gshin rje mthar byed ser po'i sbyor bas mthab kyi me la de nyid bsgoms te/ de'i zhal gdangs shing ljags hUM dang ldan pa la sbyin bsreg bya zhing bu mo de dang/ sbyin ba po'i spyi bor gnas pa'i sna tshogs rdo rje la ri rab dang mnyam pa'i gshin rje thar byed ser po g.yon brkyang ba'i zhabs dang mnan par bsam par bya'o zhes bya ba'i

  66. 33b

    don to/ /don gyi phyir zhes bya ba ni thob pa'i don du'o/ /gnod par gyur zhes bya ba ni ci nas kyang bu mo gzhan la mi sbyin par ro/ /bskal ba grangs med gsum du yang zhes bya ba ni gal te dus de srid kyi bar du bu mo de nyid du 'gyur zhing mtshon na zhes bya bar dgongs so/ /gal te 'di sangs rgyas la sogs pa yang yin par 'gyur zhing gal te de yang 'das nan ste/ de gzhan la byin rnam sem par byed na zhes bya ba'i don to/ /'dir man ngag las sbyor ba gzhan dag kyang bshad par bya ste/ dur khrod kyi ras la dug dang khrag dang ske tshe dang lan tshwas me'i dkyil 'khor de'i dbus su pad+ma 'dab ma brgyad pa dang de'i lte bar sngags dang spel ba'i bu mo'i ming bris pa/ dug dang grog mkhar gyi sa dang/ khrag dang ske tshe dang lan tshwa las byas pa'i gzugs brnyan gyi snying gar bcug nas bkug cing thod pa kha sbyar gyi nang du bcug ste/ skul ba'i tshig dang ldan pa'i sngags brjod la nyi ma gsum gyi bar du khros pas tsher ma'i me la bsros na de ltar nges par 'gyur ro/ /tshig 'phrog pa la sogs pa la ni che ge mo'i ba tsam ga ma na ma ga ma ni pa ste pa ya zhes bya ba'i bskul ba'i tshig gis khyad par gyis 'gyur ro/ /de la sbyor ba ni dur khrod kyi ras la ba bla dang/ rdo rgyus dang srin lag gi khrag gis sna tshogs rdo rje mtshan pa'i dbang gi dkyil 'khor dang de la sngags dang sbel ba'i bsgrub par bya ba'i ming bris ba chu'i dogs gnyis kyis las byas pa'i gzugs brnyan gyi kha la sogs par bcug ste/ bcug cing kham por kha sbyar la gnas par bya'o/ /bcu bzhi 'am yang na tshes brgyad la zhes bya ba la mar ngo'i zhes bya ba ni lhag ma'o/ /dur khrod ces bya ba ni mi shi ba bsregs ma thag pa'i gnas pa las so/ /blangs nas zhes bya ba ni gshin rje gshed kyi sbyor bas blangs so/ /sngags btab na zhes bya ba ni de'i sbyor ba nyid kyis h+rI(rgyud 'grel): Sh+Tri zhes bya ba'i sngags stod rtsa brgyad mngon par sngags pa byas na'o/ /cho ga bzhin zhes bya ba ni gshin rje gshed kyi sbyor ba nyid kyis gnas la sol ba de dang/ oM h+rI:Sh+TrI(rgyud 'grel): bi kri tA na na cheg mo yak+Sha che ge mo ka ni da dA tu hUM hUM phaT phaT swA hA zhes bya ba'i sngags dang spel zhing bskul ba'i tshig dang ldan pa'i gnod

  67. 34a

    sbyin la sogs pa gang yin pa'i ming bri bar bya'o/ /ster bar 'gyur ste de nyid ster bar byed ces bya ba'i don to/ /gzhung la la las ni 'dul byed 'gyur zhes 'byung ste/ der ni de nyid kyi bu mo la 'gags byed pa de'i bu mo ster pa'i phyir 'dul bar byed par 'gyur ro zhes bya ba'i don to/ /rtag tu zhes bya ba ni nges par ro/ /zhor la sbyor ba gzhan yang bstan pa'i phyir sngags shes pa yis zhes bya ba la sogs pa gsungs te/ gang yang rung ba'i dgra bo'i gzugs brnyan de bzhin du mngon par bsngags pa'i sol ba de nyid kyis byas nas ni bkug la'o/ /bsam gtan dag gi zhes bya ba la/ bdag gshin rje gshed nyid dang/ sol ba mtshon cha nyid dang gzugs brnyan bsgrub bya nyid de 'dis 'di'i mgo bcang bar bya ba'i don to/ /bris na ni zhes bya ba ni sol ba nges gzugs brnyan gyi mgul du'o/ /'chi bar 'gyur bar zhes bya ba ni mgo bcad pas so/ /thob ces bya ba la sogs pa la/ bsam gtan sbyor pa yis shes bya ba la/ bdag nyid ni gshin rje gshed dang/ phyag na de'i rang bzhin can gyi rdo rje thob dang/ bsgrub bya bdun du bsams nas tho ba ? zhes bya ba ste/ tho ba de bsgrub par bya ba'i lus la phab na'o/ /nges par ltung bar 'gyur ro zhes bya ba ni bsgrub par bya ba de nges par 'chi bar 'gyur ro/ /hUM zhes bya ba la sogs pa la/ gnod mdzes la sogs pa'i sbyor bas hUM las byung ba'i rdo rje 'bar ba lag tu bsams la de gdug pa'i steng du bab pa gang yin pa de nyid kyi de 'jig par byed par 'gyur ro zhes bya ba'i don to/ /rdo rgyas zhes bya ba la sogs pa la sogs pa'i sgras ni bcig? gam bab la dag gis so/ /lag par sta re zhes bya ba ni/ bdag nyid gnod mdzes la sogs pa'i lag par hUM las byung ba'i ster bsams nges de'i ming bcad bar rnam par bsgoms na bcad pa nyid du 'gyur ro// sangs rgyas zhes bya ba la sogs pa la sku la sogs pa rdo rje rin chen mchog go/ yang ni ba sgra ni 'das ma thag pa'i sangs rgyas pa blta bar byi'o/ /snad 'gyur ba zhes bya ba ni ? par gyur rang zhes bya ba'i don to/ /la dor pa gsungs pa 'di ni sbyor ba la bstod pa'i don

  68. 34b

    to/ ? ches pa'am dkyil 'khor 'bri ba na char bcad pa'i phyir/ las kyi zhes bya ba la sogs pa gsungs pa la don ni rdo rje 'chang chen po ser ba'i sprod ba dang ldan pas dkyil 'khor gyi khang ba dang/ /grong dang grong khyer la sogs pa'i steng gi bar snang la yi ge ha las byung ba ni sa tshogs rdo rje ser po? 'bar ba mngon par 'dod pa'i phyogs khabs par gnas pa de'i dbus su hUM las byung ba'i rdo rje chen po rtse mo gyen du bltas pa bskal pa'i me dang 'du bar nges par bsams la/ de'i lte bar de nyid kyi sbyor bas 'dug la rang gi ba spu'i bu gnas byung ba'i rdo rje phra mo lta bu'i 'od zer ser po'i tshogs kyis nam mkha' i nges khabs par bsam par bya'o/ /de lta bus ni mngon par 'dod pa'i gnas las phyi rol nyid du char 'bab kyi nang du ni ma yin no/ /'di tsam thams cad kyis kyang sngags pa'i mthu bstan par 'gyur ro/ /gang gi tshe thams cad du char gcod par 'dod pa de'i tshe nam mkha' i gtos khyab pa'i sna tshogs rdo rje la/ rdo rje'i nang du chud pa'i rang gi rdo rje 'drin pa'i rdo rje'i 'od zer rnams spros pas kla thaM cad yongs su skams par bsam par bya 'o/ /yang na rdo rgyus la sogs pas dur khrod kyi ras kyi pad+ma 'dab ma brgyad la klu brgyad po rang gi sa bon dang de'i lte bar phaT dang sgel ba'i chu lha bris nas bkug ste/ ras gnyis pa la sna tshogs rdo rje ser po 'bar ba'i lte bar khros pa'i rdo rje 'grong ba hUM gis mtshan ma bris la/ de'i steng du kha sbub ste kha sbyar byas la rdo leb kyis mnan ste bzhag na tshar gcod par 'gyur ro zhes bya ba 'di yin no/ /dkyil 'khor dag gis zhes bya ba la sogs pa la/ rlung la sogs pa zhes bya ba'i rlung dang char dang ser ba dang thogs ? pa dang sa g.yo ba la sogs pa'o/ /mche ba'i phyag rgya bcings nas zhes bya ba ni bdud rtsi zab sbyor kyi phyag rgya rin po rdo rje me ltar 'bab 'jig pa'i dus ltar snang pa ri rab kyi tshad tsam khro bo'i lta bas bgegs kyi gnas rtogs par byed pa can brtan por byas nas zhes bya ba'i don to/ /gdug pa'i sgra ni bgegs mthar byed do/ /de yang 'tshad par 'gyur pa'i yi ge phaT ste de brjod par bya'o/ /brjod pa'i rjes thogs nyid la 'byin pa'i rlung spros pa las khro po'i rigs kyi bgegs rnams

  69. 35a

    bzlog par bsam me zhes bya ba'i don to/ /rlung la sogs pa sprul par gyur pa 'gag 'gyur te rnam par dengs par 'gyur ro/ /'jig par 'gyur zhes bya ba ni sprul pa rnams so/ /mngon spyod kyang sngags 'di nyid kyis bya ba ni/ sangs rgyas zhes bya ba la sogs pa gsungs so/ /sngags ro nyid ni de la sogs pa gsungs te sngags kyi gsang ba ni gsang sngags so/ /de rnams kyi snying po ni gces pa'o/ /de de ltar na bu mo rnyed pa'i bya re zhar la 'byung ba'i cho ga dang bcas pa bshad nas de byas kyang rung ma byas kyang rung/ /bu mo rnyed pa dang lhan cig zla ba drug gi bar du rig pa'i brtul zhugs spang nas sngon bsten pa dang nye bar sgrub pa dag gis khyad par thob pa can gyis le'u yi rtsom par gsungs pa'i cho gas bu mo de bsgrubs par bya'o/ /chog de nyid la bskad pa'i phyir ye shes zhes bya ba la sogs pa gsungs pa la ye shes sems dpa' ni rdo rje sems dpa' o/ /de'i sbyor ba ni der lhag par mos pa'o/ /dbugs su zhes bya ba ni dam tshig chen po'i dkyil 'khor gyi dbus kyi gdan la'o/ /gzugs ni rdo rje sems dpa' i sku bsgom par bya'o/ /ji ltar zhe na/ ye shes sems dpa' i sbyor ba yis te bskyed par bya ba'i rdo rje 'dzin pa ye shes sems dpa' i rigs las bskor ba'i rigs kyi bdag po mdun gyi nam mkha' la lta'o/ /de'i rab sbyor ni de nyid dbus kyi gdan la dgod par bya'o/ /sngags zhes pa ni rigs dang rigs kyi bdag po'i rigs yongs su shes tha yis so/ gnas bzhi ru zhes bya ba ni de'i logs kyi bdan re re la'o/ /bud med ces bya ba ni rang rang gi rigs kyi sngags kyi mchog bsdus pa las byung ba'i rigs pa'i rgyal mo'o/ /de la rigs gnyis bsdus pa las byung ba ni gos dkar mo'o/ pad+ma ni rig pa'i pad+ma'o/ /de rgyas pa ni rang gi rdo rje bcug pas kha phye ba byas nas so/ /sngags 'di zhes bya ba na dam dang po'i snying po gnyis po'o/ /de nyid gsungs pa hUM zhes pa'o/ /ci 'dra zhe na/ 'od zer lnga ni 'bar ba ste/ sangs rgyas lnga'i nam pa'i 'od zer

  70. 35b

    can te sangs rgyas lnga'i rnam par 'ong 'phro bas 'od zer lnga po de dag zhugs pas ye shes lnga'i rang bzhin gyis khyad par du 'phags par snang bas na rab bo/ /yang zhu bar gyur pas na 'bar ba'o/ /rdo rje can gyis sbyor ba bsgom zhes pa ni rdo rje can ni rang gi rdo rje'o/ /de'i sbyor ? zhu ba'i ye shes de nyid kyis de'i nang du dag snga zhing ldan pa'o/ /dbab ces bya ba ni zhu ba'i ye shes de nyid dgod pa'o/ /rang lus ngag sems rdo rje la zhes bya ba ni dkyil 'khor dang lhan cig pa'i ye shes kyis bdag nyid can gyi sku la sogs pa la go rim bzhin du dbang bskur ba gsum gyis so/ /byang chub thob par 'gyur zhes pa ni sangs rgyas lnga'i ye shes kyi 'khor lo yab dang yum zhu ba'i dkyil 'khor gyi rnam par sangs rgyas thams cad kyi chos mnyam pa nyid mthong nas/ de lha mo bzhi'i blus bskul ba dang/ zhu ba bsdus pa las byung pa'i rang gi sngags kyi mtshan mar byung ba la sogs pa'i rim gyis rdzogs nas bdag nyid rdo rje 'chang du bskyed cing cho ga bzhin du sku la sogs pa'i byin gyis brlabs pa bsam par bya'o/ /zhes bya ba'i don to/ /'bras bu ni de zhes bya ba la sogs pa gsungs pa la de ni zhes bya ba ni sgrub pa'o/ /ston ka'i zla ba ltar dkar ba nyid kyi phyir/ rnam par snang mdzad 'od 'dra zhing ngo/ /sa bcu'i dbang phyug nyid du gyur pa'i phyir rgyal po che'o/ /chos thams cad rnam pa thams cad du mkhyen pa'i phyir sangs rgyas so/ /sku gsum po rtag pa nyid brnyes pa'i phyir sku gsum rdo rje 'dzin to/ /'di bskyed pa'i don gyis cho ga phal cher thun mong nyid bu mjug bsdu ba'i phyir sems dpa' thams cad ces bya ba la sogs pa gsungs te dam par gyur pa nyid kyis na sems dpa' ste bzang po nyid do/ /'di dag ni sems dpa' i thams cad yin pas na sems dpa' thams cad ni kun tu bzang po ste/ sangs rgyas dang rdo rje 'dzin pa la sogs pa'i rigs pa'i skyes bu rnams so/ /de rnams bskyed pa ni bskyed pa'i don gyi cho ga ste/ 'dis bskyed pa yin pa'i phyir ro/ /de la dmigs pa'i ting nge

  71. 36a

    'dzin la yang de skad ces bya'o/ /de nyid ni rdo rje ste/ dbyer mi phyed pa nyid kyi phyir ro/ /de ltar dngos grub kyi mchog gsungs nas dngos grub phra mo'i snang ba rnam pa mang po ni/ bzhin bzang zhes bya ba la sogs pa gsungs te/ chog bzhin zhes bya ba ni rig pa'i rtul zhugs dang/ mi snang ba'i dngos grub kyi mtshan ma ma thob pa dang dkyil 'khor bri ba la sogs pa ni 'dir cho ga yin no/ /mchod pa zhes pa ni gsang ba'i mchod pa ste/ cho ga bzhin zhes bya ba dang sbyar ro/ /'jam dpal de rig pa'i gzugs bskyed pa la sogs pa ni 'dir cho ga yin te/ rab tu dben pa'i gnas nyid du dngos grub? thams cad bsgrub par bya'o zhes bya ba 'di nyid khong du chud pa yin pas 'dir gnyis ka lha nyid kyi gzugs su yin gyi sems can gsum pa mi snang ba ni dben pa'i don to/ /gsang ba ces bya ba ni byang chub kyi sems so/ /bza' bar bya ba ni phan tshun za ba ste tshig bzhin zhes bya ba dang sbyar ro/ /'dir cho ga ni man ngag las shes par bya'o/ /bza' ba zhes bya ba ni 'bras chen la sogs pa'o/ /gzhug par bya zhes bya ba ni pad+ma la'o/ /cho ga bzhin du zhes bya ba ni 'bar ba dang/ bsregs pa la sogs pa'i mngon par 'dus byas pas so/ /bsngags nas ni zhes bya ba ni yi ge gsum gyis brgya rtsa brgyad kyi bar du'o/ /bskul na ni zhes bya ba ni mngon par bsngags nas so/ /mi mthong zhes bya ba ni de nyid du zos pas so/ /kha sbyar sbyor ba ni kham por gyis kha sbyar du gzhug pa'o/ /ri lu'i sgrub pa ni le'u bcu gnyis pa'i rjes su 'brang nas shes par bya'o/ /de lag bud ni byang chub kyi sems so/ /tsan dan ni rkang ngo// gi wang ni? khrag dang bcas pa'i sha'o/ /a ka ru ni bshad pa'o/ /gur gum ni rig ma'i me tog go /de ltar 'jam dpal gyi sbyor pas ni snang bar gsungs nas/ de las gzhan pa'i sbyod bas kyang gsungs pa ni rdo rje 'dzin pa zhes pa la sogs pa

  72. 36b

    las rdo rje 'dzin pa zhes bya ba ni lha rnams kyi'o/ /byin rlabs nas zhes bya ba ni bstan par byas nas so/ /de 'dra'i zhes bya ba ni de dang 'dra ba'o/ /rdo rje 'gro bar zhes bya ba ni thogs pa med par 'gro ba'o/ /stong gsum bgrod pa'i zhes bya ba ni logs su'o/ /'dog bsam? gnas pa'o zhes bya ba ni tshangs pa'i 'jig rten gyi bar du'o/ /lha'i longs spyod ces bya ba ni lha'i bdag pos bsrungs pa yang do/ /brtul zhugs zhes bya ba ni khyim thams cad kyi brtul shugs kyis bsrungs pa yang ngo/ /gzugs khams gnas pa la gnas zhes bya ba'i? mi gtsang pa la sogs pa'i ting nge 'dzin gyis 'dod chags dang bral ba yang ngo/ /'di ltar? stobs chen ni thogs pa med pa'i nus pa dang ldan pa'o/ /dam tshig gis mi snang bas nges na rdo rje chen po ni shin tu bzlog par dga' ba'o/ /de ston par mdzad pa nyid kyi phyir de skad ces bya'o/ /de nas zhes bya ba ni dngos grub mchog dang phra mo bstan cing thos pa'i rjes thogs pa'o/ /'phrul pa ni rab tu dgyes pas rnam par ? pa'o/ /yid la dpang? ba rnams zhes bya ba ni dgongs pa dang bcas pa ste/ 'gro ba dang 'dul ba'i phyir 'di rnams kyis mnyes pa dang don tshar ston par byed pa yin gyi don dam par ni ma yin no zhes bya ba'i don to/ /'di zhes bya ba ni mi snang ba'i che ba'i bdag nyid go /gsang gnas mi 'gyur ces bya ba ni gsang pa gsum gyi gzhir gyur pa'i thar pa ste/ kun tu bzang po'i sangs rgyas kyi mya ngan las 'das pa zhes bya ba'i don to/ /de ltar dngos grub mchog dang phra mo bstod nas de dag nyid kyi lam dag la tshigs su bcad pa'i phyed phyi mas bstod pa yin te chos kyi sgra ni lam gyi tshig yin te/ gnyi ga dang 'brel ba'i phyir ro/ /de la ngo bo nyid kyi dag pa ni gnyis su 'dzin ba'i? gnyan po nyid yin pa'i phyir ro/ /shin tu dri med ni sgrib pa thabs kyi gnyen po yin pa'i phyir/ /'dir rig pa'i skyes bu'i bsgom pa ni le'u bcu bdun pa las de nas ston pa rdo rje 'dzin/ sangs rgyas kun gyis phyag byas pa zhes bya ba la sogs bas/

  73. 37a

    mdzad cing/ rgyas par ni le'u dang po las 'dod chags chen po'i tshul zhes bya ba nas brtsams te/ zhal gsum pa lta bur snang bar gyur to zhes bya ba'i bar du gsungs so/ /de la dbang bskur ba dang rig pa'i brtul zhugs ma gsungs pas de dag gi skabs dbye pa'i phyir/ de nas zhes bya ba la sogs pa gsungs te de nas ston pa rdo rje'i 'dzin gyis bka' stsal pa zhes bya bar sbyar ro/ /ston pa la sogs pa ni rnal 'byor pa'i gnas skabs drug yin no/ /de ston par mdzad pa nyid phyir tshig de dag gis bcom ldan 'das bstan pa yin no/ /dang por rig ma dang bcas pa'i mchog dang po'i tshul gyis rnal 'byor pa ston par 'gyur ro/ /de nas bskyed pa yin te sgrib pa med pa nam mkha' i dbyings dag pa'i tshul du thams cad kyi sa bon yin pa'i phyir ro/ /de nas byed pa yin te dkyil 'khor gyi bdag po'i tshul du bya ba'i gzhi nyid yin pa'i phyir ro/ /de nas mi 'gyur che yin te sku la sogs pas byin gyis brlabs pa'i phyir ro/ /de nas yang dag ba'i rdo rje yin te/ sangs rgyas kyi cod pan gyi dbang bskur pa'i phyir ro/ /de nas 'di la chos chen po yod pas na chos chen po ste/ rig pa'i brtul zhugs rnyed pa'i phyir ro/ /rdo rje'i gsung ni 'chang par 'gyur ba'i gsang ba ston pa'o/ /sems dpa' rdo rje bya ba la sogs pa las sangs rgyas kyang yin la rdo rje 'dzin pa yang yin bsan ste/ mi bskyod pa zhes bya ba'i don to/ /de rnams mnyes 'gyur ni dgyes par 'gyur ba'o/ /sems dpa' rdo rje ni mchog dang po'o/ /de'i sbyor ba ni spyi bor yang dag par sbyor ba'o/ /des na 'di ni nges par gzung ba dang bcas pa yin te mi bskyod pa nyid kyis mchog dang po la yin gyis gzhan gyi ni ma yin no zhes bya ba'i don to/ /rdo rje 'dzin ni byang chub gyi sems 'dzim pa byang chub sems dpa' rnams te/ dkyil 'khor gyi bdag po zhes bya ba'i don to/ /de rnams mnyes

  74. 37b

    par byed pa ni sangs rgyas rab tu dbye ba dang/ byang chub kyi bar du dbye ba ste gang zhig gang gis rigs yin pa de nges dbang bskur pa'i phyir ro/ /gang zhig gang gis byang chub kyi rigs kyi rig pa yin pa des de la brtul zhugs sbyin pa'i phyir ro/ /rdo rje zhes bya ba la sogs pa la rdo rje ni mi bskyod pa ste/ mchog dang por nges pa nyid yin pa'i phyir ro/ /spyan gyi gzugs ni spyan gyi sku'o/ /sogs pa'i sgras ni mA ma ki dang gos dkar mo'i dang sgol? ma'i gzugs bsdu'o/ /de bdag gis ni gtsug tor mnyes par byed pa ste/ 'khor los sgyur ba drug po mnyes par byed par mo /de la mi bskyod pas de las ni gzhan pa lnga pa dag la dbang bskur ro/ /rtag pa dang/ rdo rje 'dzin pa dag dang/ nga rgyal dang 'dod chags dang don yod pa ni go rim bzh+n du spyan la sogs pas rig pa'i brtul? zhugs bya'o/ /gtsug tor rnams dkyil 'khor gyi bdag po yin yang rung/ dkyil 'khor ba yin yang rung mnyes par byed pa ni khyad par gyis tshig med pa'i phyir ro/ /dkyil 'khor pa lhag pa rnams kyi dbang du mdzad nas/ khro bo'i nang nas zhes bya ba la sogs pa gsungs te/ sangs rgyas rdo rje ni mi bskyod pa ste/ des dbang bskur ba'i don du bsgoms pa'o/ /rig pa'i rgyal po ni mig la sogs pa yin la/ de nyid ni chos rnams te/ dkyil 'khor gyi bdag po'i mchog la gnas pa nyid kyi phyir ro/ /rig pa'i rgal mo ni dga' ma bzhi'o/ /de rnams kyi sbyor ba ni ting nge 'dzin te/ de dag la nges bya ba'i don to/ /thams cad 'dod can ni rdo rje'i bdag po drug ste/ de rnams kyi ting nge 'dzin ni thams cad 'dod can sngags rnams la'o/ /gdon mi za ba'i ye shes ni don yod par grub pa'o/ /phyogs gzhan ni sngags rnams zhes bya ba la sogs pa gsungs te/ dkyil 'khor ba bdag dang rigs mi shes pa thams cad kyi spyi bor ni mi bskyod pa nyid bsgoms par bya ste/ des mtshan ma'i dri ma thams cad 'khrud par byed pa'i bsam gtan gyi bdag nyid kyis thams cad dbang bskur ba nyid kyi phyir zhes bya bar bsgoms so/ /de skad

  75. 38a

    du btsug tor la sogs pa'i tshig 'di bdag ni le'u bco brgyad pa las/ /'khor los sgyur rgyal drug po dang zhes bya ba nas brtsams te/ bsam gtan ni rjes thams cad kyi/ /dbang bskur ba ni rab tu bsngags nes? bya ba'i bar du 'chad par 'phyur ro/ /de la bsam gtan rdo rje ni mi bskyod pa yin te/ des thams cad la yin gyi mchog dang pos ni ma yin no zhes bya ba'i don to/ /zhes gsungs zhes bya ba ni dngos grub mchog gi dam tshig nye bar bsdu ba yin no/ /de'i zhar la gnod sbyin mo la sogs pa'i dngos grub phra mo rnams kyi dam tshig kyang gnod sbyin mo zhes bya ba la sogs pa gsungs te/ gnod sbyin mo rnams kyi sngags rgyud ni gnod sbyin mo la sogs pa'i sngags kyi rgyun te/ de rnams kyi spyi bor brtag par bya ba ni bsgom pa'o/ /sbyor ba'i ting nge 'dzin no/ /sngags ni lha rnams so/ /sbyor ba yang yin la sngags kyang yin no/ /shes pa ni sngags pa'o/ /bskul ngan rang gi 'khor los sgyur ba rnams yang dag par sbyor ba'o/ /dbang bskur ba ni khyab par byed pa nyid yin pa'i phyir ro// dam tshig chen po ni brtul zhugs dang dbang bskur ro/ /de ston par mdzad pa la de skad ces bya'o/ /bsam gtan zhes bya ba la sogs pas ni 'jug bsdu pa'o/ /'di yis ni zhes bya ba ni sems dpa' rdo rje sbyor pa yis zhes bya ba la sogs pa thams cad kyis gsungs shes bya bar sbyor ro/ /ci gsungs shen bsam gtan rdo rje zhes bya ba ste/ ting nge 'dzin bstan pos sngags rnams mnyes par byed pa gang yin pa de'i dkyil 'khor dag ste/ snying po bsdus pa'o dam tshig chen po ni rdo rje 'chang chen po'o//de'i sgrub par byed yin gnyes? par byed pa'o/ /de'i bka' sgrub par byed pa'i phyir ro/ /rang gi dngos grub nges bar bya ba la sogs pa'i don du snod la dbang par bya ba yin pa de'i phyir/ de'i dbang du mdzad pa ni de nas zhes bya ba la sogs pa gsungs pa la/ ston pa zhes bya ba ni de'i bkas lha thams cad snod la 'babs par mdzad ba'i phyir ro/ /de ci'i phyir zhe na/ gang gi

  76. 38b

    phyir mchog tu gtso bo'o/ /de yang ci'i phyir zhe na/ gang gi phyir chos rnams kun dbang phyug ste grub pa'i sngags rnams rab tu mdzad pa po/ /de yang ci'i phyir zhe na/ gang gi phyir sku dang gsung dang thugs yongs su dag pas te/ rnam pa thams cad du sbyon mi mnga? ba'o/ /ye shes ni 'bebs ba'i las grub pa'o/ /de nyid ni brtan pa nyid yin pa'i phyir rdo rje'o/ /de 'chad par mdzad pa la yang de skad ces bya'o/ /bka' stsal pa ni bka' stsal par gyur pa'o/ /bsam gtan rdo rje zhes bya ba ni 'bebs pa'i ting 'dzin mi phyed pa'o/ /rab bya ba ces bya ba ni khyad par du bya ba ste/ bdag nyid rdo rje 'chad pa dmar po la sogs pa'i rnam pa dang/ snod dang lha dag kyang ji ltar 'chad par 'gyur pa bzhin du zhes bya ba'i don to/ /bzlas dang zhes bya ba ni dbab pa'i sngags so/ /sngags kyi sbyor bas so zhes bya ba ni yi ge ha la sogs pa'i gnas ji lta ba bzhin du ? dkyil 'khor la sogs pa la dgod pas so/ /de las cir gyur zhe na/ rdo rje sems dpa' zhes bya ba la sogs pa gsungs so/ /'di la gsung gi las mnga' bas na gsung gi las te/ ji skad du gsungs pa de bzhin du mdzad pa'o/ /de ji ltar bka' yin pa de bzhin du ste/ 'di bsgrub? mi mdzad ces bya ba'i don to/ /snod las babs par gyur na bskul ba dang rengs pa la sogs pa dang dkyil 'khor bri ba la sogs pa'i las rnams sna tshogs te rmad du gyur pa byed par 'gyur ro/ /rdo rje chos shes bya ba la sogs pa la rdo rje chos ni 'od dpag tu med ba'o/ /de'i rang bzhin can gyi snod thams cad dmar por yi ge A(rgyud 'grel): las bsams la'o/ /sku gsung thugs kyi rdo rje la zhes bya ba ni de nyid kyi mgo bo dang lkog ma dang snying gar ro/ /gnas gsum du ni rigs brtag go zhes bya ba ni ji skad du gsungs pa'i chu dang rlung dang dbang chen gyi dkyil 'khor la gnas pa'i yi ge hA dang A:dang hUM bsgom par bya'o zhes pa'i don to/ /dbab pa'i chog thams cad ni byas na zhes bya ba ni de nas dbab par bya ba'i lha gnod mdzes kyis bkug la snod kyi lus la bcug ste/ snod kyi yang rkang pa'i 'og tu

  77. 39a

    rlung dang me'i dkyil 'khor la gnas pa'i yi ge dzb+he? dmar pos bteg pa dang/ rigs gsum gyi 'od zer dmar pos lus thams cad la 'byangs par gyur par rnam par bsams la bdug spos btul te/ dril bu dsrol nas a be sha ? ste b+ha ya/ re ra ra ra/ tsa la ya tsa la ya hUM hUM A:dzhe zhes bya ba la sogs pa'i sngags bzla bar bya'o zhes bya ba'i don to/ /gdon mi za bar 'grub ces bya ba ni nges par babs par 'gyur ro/ zhes bya ba'i don 'di 'grub pas cir 'gyur zhe na/ de'i phyir bskul dang zhes bya ba la sogs pa la/ bskyod pa rnam pa gsum ni bskul ba'o/ /g.yo 'gul med pa nyid ni rengs pa'o/ /lkog du gyur pa'i ye shes pa ni lta chen po'o/ /de gsum dang 'phags pa'i sa bzhi pa kyang ste/ 'phags pa'i sa ni sangs rgyas dang byang chub sems dpa' thams cad kyi spyod yul lo/ /de'i yul can gyi ye shes ni 'phags pa'i sa te/ 'di la bzhi pa de yod pas na de skad ces bya'o/ /ngo mtshar rnam pa bzhi bo de ni rdo rje grub pa 'di yis bya'o/ /de yang de ltar byas na rtag par grub ste gsungs pa'i cho gas nges par 'grub par 'gyur ro zhes bya ba'i don to/ /snod kyi mtshan nyid ni bu mo zhes bya ba la sogs pa gsungs so/ /sngon du bya ba bstan pa'i phyir chog ces bya ba la sogs pa gsungs pa la/ thams cad byas nas ni zhes bya ba ni sems brtag par bya ba dang / lhag par gnas pa la sogs pa'o/ /las rnams ni dbab pa'i cho ga'o/ /dbyas par 'gyur zhes bya ba ni bzhad gang nyid du 'gyur ba'o/ /snying po'i sngags kyi yi ge'i tshig ni zhes bya ba la thugs rdo rje la sogs pa'i de kho na nyid ston pas na snying po'o// byang chub kyi sems de'i rgyu mthun pa yin pa'i phyir sngags so/ /don yod pa nyid yin pa'i phyir yi ge'o/ /de rnams 'di dag la gnas pas na tshig go/ /nam mkha' i khams kyang zhes bya ba ni snod gzhan la smos kyang ci dgos zhes pa'o/ /rdo sems dpa' bdag nyid kyang zheS bya ba ni lha gzhan

  78. 39b

    smos kyang ci dgos zhes pa'o/ /'di ni zhes bya ba ni yi ge hUM la sogs pa gsum mo/ /gsang tshig brtan pa'o zhes bya ba ni thugs rje la sogs pa'i rtag tu gnas yin no/ /zhes bya ba'i don to/ /bsgul bar byed par bshad ces bya la/ de yang gsum ste 'gul ba dang g.yo ba dang dran pa'o/ /dran pa zhes bya ba ni blo la gnas par smra bar 'gyur ba ste/ bslang ba zhes bya ba'i don te/ /'di ni zhes bya ba ni yi ge dzhe'o/ /bsgul ba thams cad zhes bya ba la/ sum char yang ston bar byed ces bya ba ni lhag ma'o/ /'di zhes bya ba ni yi ge dzhe de nyid do/ /gsang ba yin par zhes bya bar ni rdo rje las kyi ngo bo nyid ces bya ba'i don to/ /khru brgyang pa tsam 'am lnga tsam du 'phar zhes bya bar sbyar ro/ /rdo rje rgyal po ni gsang ba'o/ /'jigs shing skrag pa ni g.yo ba'o/ /snga ma bzhin du zhes bya ba la sogs pa la/ snod ji lta ba bzhin du 'od dpag tu med par byas nas cho ga gsungs pa de bzhin du yi ge ha las rnam par snang mdzad dmar po 'am/ yi ge hUM las mi bskyod pa dmar po byas nas shes par bya'o zhes bya ba'i don to/ /gsang ba ni / bcas pa'o/ /gang gi tshe snod la babs nas rid du 'bar ba de'i tshe de'i steng du rdo rje ser po/ /rdo rje la ri rab/ de'i steng du dbang chen gyi dkyil 'khor/ de'i steng du rdo rje rtse lnga pa ser po/ /de'i steng du dang po'i dbyangs yig ser po/ /de'i steng du rnam par snang mdzad ser po bsgoms la nges par ldog par 'gyur ro/ /babs pa'i lce la A:dmar po 'bar ba'i phreng ba 'khrigs par bsams la b+h+ru ti badzra zhes brjod na dge ba dang mi dge ba rnams ston par byed do/ /mthar oM khyed kyis 'gro ba'i don kun mdzad/ /rjes su mthun pa'i dngos grub stsal/ sangs rgyas yul du gshegs nas ni/ slar yang gshegs par mdzad du gsol/ zhes gsol ba btab la snyim pa'i me tog gtor te/ hUM hA(rgyud 'grel): A:dzhe mu:zhes bya bas slar gshegs su gsol ba dang/ snod la sogs pa

  79. 40a

    yang bsrung bar bya'o/ /mngon spyod bya ba'i phyir bdud rtsi thab sbyor gyi rtog pa ni de nas zhes bya ba la sogs pa gsungs so/ /gsung ni zhes bya ba ni gdug pa'i las ston pa'o/ /ci'i phyir de ltar ston ce na gang gi phyir rgyal po ste/ rgyal pa rnam? rungs ba rnams tshar gcod par byed pa de bas na'o/ /ci gnod sbyin rnams kyi rgyal po yin nam zhen ma yin no/ /zhes gsungs pa ni de bzhin gshegs pa kun gyi bdag go/ 'o na i ltar gdug pa'i las can yin zhe na/ de ltar ni ma yin no zhes gsungs pa ni sku gsum zhes bya ba la sogs pa la sku la sogs pa'i gnas kyi las de dag gis yongs su dag pa ni/ sku dang gsung dang thugs kyi phrin las yongs su dag pa can zhes bya ba'i don to/ /de ltar ni dam pa'i chos yun ring gnas par bya ba'i phyir dang/ skye bo mang po la phan par bya ba'i phyir dang/ bsgrub par bya ba de nyid/ dmyal ba la sogs pa las bzlog par bya ba'i phyir dang/ sngags dang phyag rgya dang ting nge 'dzin gyi stobs kyis yongs su dag pa'i sangs rgyas kyi zhing du skye bar 'gyur ba'i sa bon gdab pa'i don du phrin las mdzad pa dang ston pa de'i phyir de bas na 'di ni drag po dang 'dra bar snang ba'i phyir drag po yin gyis thugs rje chen po las byung ba nyid kyi phyir mi dge pa ni ma yin no/ /bsgrub par bya ba la sogs pa skye bo mang po la phan 'dogs pa chen po nyid yin pa'i phyir yang bsod nams kyi phung po rgya chen po dang ldan pa yin no/ /sems can gdug pa ma yin pa rnams la ni zhe sdang dang chags pa med du zin kyang mchod sbyin gyi don du phyugs gsod pa dang 'dra bar gti mug las byung ba'i mi dge ba yin te gdug pa yin pa rnams la ni gsod pa ni snying rje med par 'gyur pa'i phyir dang/ de rnams kyis 'dis sangs rgyas kyi zhing du bskyed pa'i sa bon bskyed pa yang mi srid pa ste/ sangs rgyas kyi bkas ma gnang ba nyid kyis na dam tshig las 'das pa'i phyir ro/ /rtse gcig ma gyur

  80. 40b

    pa yis kyang zhes bya ba la sogs pa la rtse gcig pa ste dmigs pa gcig la sems de gnas pa thob pa ste/ 'gog pa'i bzlas pa 'am/ rdo rje bzlas pas rdzogs pa'i sngags pa yin no/ /cig shos te rtse gcig ma gyur pa ni grangs kyi bzlas pa rdzogs pa'i sngags pa yin la/ des kyang gdug pa thams cad rnam par gzhig pa'i las 'di dag byed pa yin na/ snga ma dag gis lta mos kyang ci dgos/ kyang gi sgras ni gsum char las kyang 'grub par 'gyur ro zhes bya bar dgongs pa'o/ /ji ltar bya zhe na/ brtul zhugs brtan pa ste/ thos pa dag dang dad pa snying rje dang/ rang gi lhar mos pa dang/ gzugs brnyan la bsgrub byar mos pa dang/ rang gi dam tshig bskyang ba la sogs pas ni brtul zhugs yin te/ de rnams bstan pa ces bya ba'i don to/ /sbyor ba gzhan gyis mi bya'o zhes bya ba ni lha gang gi sngags yin pa de ni sbyor pa nyid kyis bya'o/ /brtul zhugs brtan pa ma yin pa 'am sbyor ba gzhan gyis byas na 'grub par mi 'gyur ro zhes bya ba'i don to/ /phug sogs las zhes bya ba sogs pa'i sgras ni bsgrub par bya ba'i rkang rjes kyi sa la sogs pa ste lhag ma'i dbyug sngon gyi sngags dang 'dra'o/ /re bsregs thal ba yis zhes bya ba ni ro bsregs pa de nyid na gnas pa'i sa dang thal ba dang bsgrub par bya ba'i rkang rjes kyi sa dang bcas pas so/ /lhag ma ni dbyug sngon gyi sngags dang 'dra'o/ /skra bshig gcer bur zhes bya ba ni gnyi ga la sbyar bar bya'o/ /de 'ba' zhig ni ma yin gyi stong rtsa brgyad du bzlas pas kyang zhes bya ba'i stong rtsa brgyad dam brgya rtsa brgyad bzlas pas kyang zhes pa ste/ mang po ltar smos kyang ci dgos zhes bya ba'i don to/ /dkyil 'khor zhes bya ba la sogs pas ni sbyin sreg gi sbyor ba gsungs pa yin no/ /dkyil 'khor gru gsum zhes bya ba ni me'i dkyil 'khor ste/ dur khrod dang rigs pa'i sa'i cha la

  81. 41a

    sogs pa'i sa dang thal bas me'i dkyil 'khor bris la/ de'i dbus su me thab gru gsum la sbyin bdud rtsi thab sbyor gyi zhal du sbyin sreg bya'o zhes bya ba'i don to/ shwa gsum char bsdus pa'am re re dang gzugs brnyan byas nas bris pa'i sngags snying gar bcug pa'i sbyor ba sna tshogs kyis so/ /byas pa la zhes bya ba la sbyin sreg ces bya ba ni lhag ma'o/ /sha chen gyis ni zhes bya ba la sbyin sreg ces bya ba ni lhag ma'o/ /rdo rje las byung zhes bya ba la rdo rje ni zhe sdang tshan po ste/ de las byung pa'i khro bo'i dbang po rang nyid lta bu zhes bya ba'i don to/ /na ni gang gi phyir ro/ /sha chen ni gzugs brnyan gyi sbyin sreg 'di drag po'i las thams cad kyi nang nas mi bzad pa yin no/ /chos mchog can zhes bya ba ni ting 'dzin brtan pas? dang ldan pa'o/ /tsher ma'i shing las 'bar ba'i me ni tsher ma'i ma'o/ /rgyun gyis 'bab pa'i chu bo'i 'gram gnyis bo de'i 'gram gnyis sa yis kyang zhes bya ba'i dogs gnyis kyis yis kyang ngo/ /de yang mgo byang phyogs su bstan zhing gan rkyal du bzhag de'i yan lag kun til 'bru tsam gyis nang dgang bar bya'o/ /gang gis dga' bar bya zhe na/ dug las byung ba'i tsher ma yin te/ sprul dang sdig pa dang/ sar ko tsa dang nya rwa can la sogs pa'i tsher ma 'am dug gis byugs pa'i bil ba la sogs pa'i tsher mas dgang bar bya'o/ / bskul ba'i tshig dang zhes bya ba ni sarba d+hi g+ha zhes bya ba bton la che ge mo ma ra ya zhes bya ba'i bskul tshig dang ldan pa'i sngags bzla bar bya'o zhes bya ba'i don to/ /drag po'i 'khrul 'khor bri ba'i ched kyi snag tsha ni ske tshe zhes bya ba la sogs pa gsungs pa la 'bru mar zhes bya ba ni yungs mar snum chen po'o/ /dbu? ra'i ka'i khyad par ni rim gsum pa sngon po can no/ /sol ba ni re bsregs pa'i sol ba 'am ro bsregs pa'i me bslangs pas bsreg pa'i myos par byed pa'i sol ba'o/ /lhag ma ni

  82. 41b

    gzhan gyis mi thub pa'i sngags kyi skabs su gsungs pa ni srin po la sogs ba 'dzin pa dang 'dra'o/ /'dir yang che ge mor kra sai gra ta ya zhes bya ba ni bskul chig yin no/ /ling ga ni bsgrub par bya ba'i gzugs brnyan no/ /de bya ba'i phyed kyi rdzas ni dus phyed zhes bya ba la sogs pa gsungs so/ /khyer bar 'gyur zhes byang? ni srin po rnams kyis so/ /ling ga ces bya ba ni bshad ma thag pa'i rdzas ske che ge gtso bor gyur pa'i bshang gci sbyar ba yin te/ byas pa'i bsgrub par bya ba'i gzugs brnyan zhes bya ba'i don to/ /tsha ba chen pos btab par 'gyur zhes bya ba ni che ge mo ma hA da ge na grA ha ya zhes bya ba'i bskul tshig dang ldan pa'i sngags bzla bar bya'o/ /sngags gang gis drag po'i sbyor ba de dag dang 'char bar 'gyur ba de ni de la 'di ni zhes bya ba la sogS pa gsungs te/ de bzhin gshegs pa thams cad ni khro bo chen po'o/ /de thams cad kyi dam tshig ni bsdus pa ste/ bdud rtsi thab sbyor la bya'o/ /de'i snying po ni grub pa'i sngags so/ /na ma zhes bya ba la sogs pa la/ hu lu hu lu zhes bya ba ni rmo bas na gshol te/ /sna tshogs su snang ba'i sems bskyed la/ mtshan ma'i rnam par rtog pa thams cad nub par bya ba'i phyir/ rmos shig rmos shig pa'i don to/ /kha kha khA hi khA hi zhes bya pa'i bar du'o/ /tiSh+Tha tiSh+Tha zhes bya ba la sogs pa ni snga ma dang 'dra'o/ /bI bI ta an+ta ka ra ya zhes bya ba ni bod pa'i don gyis bzhi ba'o/ /swAhA'i gnas su yi ge hUM phaT sbyar te don ni snga ma bzhin no/ /sbyin sreg yang na zhes bya ba la yang na'i sgra ni bzlas pa yang ste/ gnyi ga ji skad du bshad pa bzhin no// yang na bsam gtan dag ni 'chad par 'gyur ba'o/ /ji lta bu zhe na/ lus dang ngag sems 'jig pa ste/ gsum pa de bya'o/ /ma yengs? pa'i sems kyis te/ dus de srid kyi bar du yid rtse gcig pas so/ /rdo rje sems zhes bya ba

  83. 42a

    ni bdud rtsi thab sbyor ro/ /sta re tho ba phyag na bsnams zhes bya ba ni pad+ma dang ral gri'i gnas su'o/ /bsam gtan de nyid ni de la zhes bya ba la sogs pa gsungs te/ drag po chen po'i las la gnas pa'i khro bo la de skad ces bya'o// de'i dam tshig ni bsam gtan no/ /bsad par ni zhes bya ba ni nam mkha' i dbyings kyi yul can la nye bar btags pa'i phyir/ /de yis zhes bya ba ni bsgrub par bya ba yis te/ nam mkha' khyab pa de rnams lag na dgra sta thogs ba des dum bur byed pa'i phyir ro// bsams na zhes bya ba ni de ltar bsgoms na'o/ /rdo rje 'dzin pa nyid kyang zhes bya ba ni gal te bsgrub pa bya ba de rdo rje 'dzin pa'i dngos po yin na yang 'gyur ro/ /sangs rgyas gnod byed ces bya ba ni bshad ma thag pa'i rim pas so/ /mdun zhes bya ba ni mdun la sogs su'o/ / gtum pa ni gnod pa byed pa can nyid yin pa'i phyir ro/ /mchu ring ba ces bya ba ni bya kar ka la sogs pa'o/ /sprul nag ces bya ba ni yi ge khang las byung ba'o/ /dug gi mchog ni dam tshig ces bya ba ni/ ha la ha la sogs pa'i khams gsum du gtogs pa'i dug dag gi mchog ste/ de'i dam tshig go /'di la bsdus pa yod pas na de skad ces bya'o/ /de'i kha na gnas pa'i yi ge spyi? 'od zer rnams kyis de'i kha rdo rje nyid du drug gi tshogs sdud par byed pa'i phyir ro/ /dpral bar bsams nas zhes bya ba ni che ge mo zo zhig ces lung sgo ba can des dpral bar sems 'dzin pa ni sems 'dzin pa'i nang na khyad par 'phags pa zhes bya ba ste/ khyad par can du gyur ba zhes bya ba'i don to/ /phyogs bcu'i sems can thams cad gang na gsod pa'o/ /thob zhes bya ba ni g.yas kyi gsum par bzhag pa gang yin pa de rnams nges par 'bebs pa'i mchog ste shin tu'o/ /dgra'i zhes bya ba ni dgra la'o/ /bskul ba zhes bya ba na gsod pa'o/ /thob zhes bya ba ni g.yas kyi gsum par bzhag pa'o/ /gshegS? ba ci 'dra ba zhes na gtub pa'o/ sta re sogs zhes bya

  84. 42b

    ba la/ dang bo nyid du len cing 'dzin pa ni dang po'i sogs te/ gang la g.yon ba'i phyag gsum bas dang po sta re 'dzin ba gang la mnga' bas de la de skad ces bya'o/ /rdo rje can ni bdud rtsi thab sbyor gyis so/ /mngon spyod la kha sbyar dbye ba la sogs pa sngon du pru? ba'i bla? ma'i man ngag las shes pa gang yin ba de tshigs su bcad pa gnyis kyis bstan par bya ba'i phyir bsrung ba zhes bya ba la sogs pa gsungs te/ bsrung ba'i don du dang por yongs gsung ba ni kha sbyar la sogs pa'o/ /sngags rnams ni bsrung ba'i sngags so/ /lha rnams ni bsrung bar byed pa'i lta rnams de rnams rang gi snying ga las byung ba'i rdo rje lcags kyu phyag na bsnams ba'i lha rnams kyis bkug pa rnams g.yon logs su bzhag ste/ bdud rtsi thab sbyor gyi phung bus kA ya bAk+tsid+ha? badzra zhes bya ba bton la/ che ge mo'i rak+ShaM? saM du ta da mi rak+Sha ? de ba ta shu zhes bya ba bcug la/ /oM g+ha g+ha zhes bya ba la sogs ba'i sngags brjod cing bsnun par bya'o/ /dam tshig ni ting nge 'dzin to/ /rdo rje phung pos zhes bya ba ni bsgrub bar bya ba'i lus la'o/ /dkyil 'khor zhes bya ba ni 'dus pa'i dkyil 'khor gyis rnam pas so/ /bsang bdag nyid gtogs zhes bya ba ni bsgrub par bya ba'i nyes pa bsgrubs pa dang/ de la khros nas khro bo'i gzugs su byas te/ de bsad nas gsod pa'i 'og tu bdag nyid gtogs te/ rang gi dkyil 'khor du byon nas zhugs par bsam par bya'o/ /ston pa sangs rgyas zhes bya ba la sogs pa la/ gal te bsgrub bar bya ba sangs rgyas la sogs par gyur pa de lta na yang cho ga 'dis 'chi bar 'gyur ro zhes la dor ba gsungs pa yin no/ /rdo rje chen po'i dam tshig ni ji skad du gsungs pa'i bsam gtan no/ /des gdug ba'i las can gyis khro bo la de skad ces bya'o/ /de ston par mdzad pa nyid kyi phyir bcom ldan 'das ? yang de skad ces bya'o/ /cho ga 'di dag thams cad ni sngags gzhan dag dang yang gdug pa'i las rnams la sbyor bar bya'o/ /bdud rtsi thab sbyor gyi rtog pa'o/ /yid bzhin gyi nor bu'i rang bzhin can gyis sangs rgyas thams cad gcig tu

  85. 43a

    gyur pa'i phyir thub pa chen po'i don yod pa'i rang bzhin nyid kyis thams cad du rtogs bas spros pa'i phyir rdzogs sangs rgyas so/ /lhag ma ni snga ma bzhin no/ /las phran chags kyi dngos grub ni ye shes rdo rje'o/ /de ston par mdzad pa la yang de skad ces bya'o/ /de la bka' stsal pa yang rdzogs par sangs rgyas pa nyid kyi phyir ro/ /rdo rgyus kyi sprul la sogs pa las/ sprul la sogs pa'i bya ba 'byung ba'i the tshom bsal ba'i phyir/ e ma'o zhes bya ba la sogs pa gsungs te/ ngo bo nyid kyis dag pa ni rang bzhin gyis kun nas dag pa'o/ /rdo rje'i theg pa zhes bya ba ni theg pa chen po ma lus pa bsdus pa ni pha rol tu phyin pa drug yin la de rnams bsdus pa ni thabs dang shes rab yin zhing de dag kyang bsdus pa ro gcig pa de ni byang chub kyi sems yin te/ de yang rdo rje sems dpa' i ting nge 'dzin yin la de nyid ni rdo rje yin no/ /rdo rje yang de yin la theg pa yang yin pas na rdo rje theg pa ste/ sngags kyi theg pa zhes bya ba'i don to/ /bla na med ces bya ba ni theg pa thams cad kyi mchog nyid du gyur pa'i phyir ro/ /de ci'i phyir zhe na/ ma skyes ba'i zhes bya ba la sogs pa gsungs te/ gzhan du na rdo rgyus kyi sprul la sogs pa las gdug pa'i sprul la sogs pa'i las rnams ma skyes pa rnams de las gang gi phyir rgyal ba bden ba gsung pa rnams kyis skye ba bstan pa'i phyir te/ rdo rje theg pa chen po 'di'i 'di che ba'i bdag nyid yin pas na/ 'di ni the tshom gyi gnas ma yin no zhes bya bar dgongs so/ /rdo rgyus dag ces bya ba la sogs ba la khro bo'i lta nyid kyi sbyor ba dang ldan pas rdo rgyus dang dur khrod kyi sol ba dag la yi ge khaM? brgya rtsa brgyad kyis mngon bar bsngags pa byas nas de dag gis ji skad gsungs pa'i sprul nag po bri bar bya'o/ /dug bsam zhes bya ba ni yi ge khaM gis so/ /ci 'dra ba zhig ce na/ mi zad par ni gyur pa'i srog ba'i ma'i kha dog bzhin/ bsgoms na zhes bya ba ni de ltar bsgoms na'o/ /

  86. 43b

    'bul par gdon mi za zhes bya ba ni yi ge khaM nyid kyis bsgrub bar bya ba la 'dzin ba'i phyir bskul na gnas las 'gro bar 'gyur ro zhes bya ba'i don to/ /de yis zhes bya ba ni sprul gyi khar bsgoms pa'i yi ge h+rI'i 'od zer gyi lcags kyus sprul gyi khar 'bab ? 'gyur ba'o/ /reg ma thag tu zhes bya ba ni gal te reg na'o/ /de lta ma yin na che ge mo b+hak+Sha? ya khaM zhes bya ba'i bskul ba'i tshig des bsgrub par bya ba'i dpral bar sos 'dzin ba bsam par bya'o/ /de yis 'dzin ba dang 'chi ba ni snga ma bzhin no/ /sdig ba zhes bya ba la sogs pa la rab tu zhes bya ba ni bskyed par bya ba'o/ /ji ltar bya zhe na/ cho ga bzhin du ste yi ge khaM gis mngon par sngags ba'i tshon gyis bris pa bzhin no/ /de bzhin du sbyor ba 'byung ba'i mtshan nyid gang yin pa ste/ de bdag gis dgra bskyed pa dang dug gtong ba dang/ dug dgug pa la sogs pa ni snga ma bzhin no/ /lta bces bya ba la sogs pa la rdo rje ni 'chi ba'o/ /sogs pa'i sgras ni gnas ba'i dug rnams so/ /gzhan yang dug ces bya ba ni sbyar ba rnams so/ /ye shes rdo rje zhes bya ba ni rnam par snang mdzad dkar bo'i rnal 'byor byas la/ lag pa g.yas par oM las byung ba'i 'khor lo'i lte bar oM gnas pa 'od zer dkar po'i phreng ba can bsam par bya ba de ni 'dir ye shes rdo rje ste/ dbyangs ba las dug drangs nas mkha' la sbyor bar bya'o/ /de bzhin du bu ram gyi kham phor la sogs par bya'o/ /dug 'di dam tshig rdo rje dug swo ba brtan pa'o/ /de ston bar mdzad pa nyid kyi phyir de skad ces bya'o/ /gso ba'i rdo rje ni gso ba brtan pa'o/ /de'i don gyi snying po ni yi ge hUM dkar po'o/ /snying po 'di zhes bya ba ni mi bskyod pa dkar po'i rnal 'byor ram/ rdo rje sems dpa' i rnal 'byor byas nas snying ga'i zla bar sa bon de nyid kyi las rdo rje rtse lnga pa dkar po de'i lte bar rnam par bsam par bya'o/ /de nas de'i 'od zer dkar po bsil ba'i tshogs kyis bsgrub par bya ba'i lus la khyab par

  87. 44a

    byas la/ dug kha dog nag po de de'i snying ga dang lkog ma dang dbral ba dang mgo bor bsdus pa langs par zhes bya ba lan gnyis gsum par bya'o/ /de nas thams cad snying gar bsdus pa thams cad skyug pa nyid du bsgrub par bya ba la des ? par bya'o/ /gang gzhan nang du zhes bya ba ni shu ba dang/ 'brum pa la sogs pa'o/ /pad+ma chen po zhes bya ba ni 'od dpag tu med pa dkar po'i sbyor ba dang ldan pas A(rgyud 'grel): dkar po las byung ba'i pad+ma dkar po'o/ /de'i zhes bya ba ni lag pa g.yas pa'i mthil gyi'o/ /sdud pa na ni? zhes bya ba ni bya bas pa'i skad cig la nang pa la zhugs pa'i 'od zer rnams rgyas bar byas nas bsdus pa na ni'o/ /dam tshig gnag ces bya ba la dam tshig ni 'od zer gyi cho gas so/ /de'i nag po ni dug bsdus pa'i phyir te bsam pa zhes bya bar sbyar ro/ /bskul ba na ni zhes bya ba ni khu tshur phyi rol tu sgrol pas dug thag ring par drang pa na'o/ /dkar po dang 'dra zhes bya ba ni dug las nges? par thar pa nyid kyi phyir ro/ /gzhan dag na re de'i zhes bya ba ni nang gnas su bsdu ba'i sngags kyi'o/ /bskul ba na ni phyogs su 'od zer spro ba'i phyir zhes 'chad do/ /gsang ba ni pad+ma'i don gyis so/ /gsang chen ni yi ge A(rgyud 'grel): nyid kyis so/ /ye shes dri med ni 'od zer gyis las kyis so/ /phyi'i nang ni rims la sogs pa'o// nang gi nad ni sdig pa la sogs pa'o/ /nad rnams gso ba rdo rje'i don dang snying po la sogs pa'i don ni sngar dang 'dra'o/ /'dod pa ni sdug pa ste phul du byung ba'i yul na yin pa'i phyir ro/ /dad pa ni gus pa'o/ /de'i yon tan ni khyad par can no/ de thob par 'gyur ba ni de'i yul can yin pa'i phyir ro/ /yi ge'i tshig ces bya ba la/ sngags de rnams kyi 'bras bu rnam par snang mdzad la sogs pa'i gzugs so/ /de 'dra ba'i gzugs ni zhes bya ba la bdag nyid kyis gzugs khro bo thams cad

  88. 44b

    gnag pa'i 'bar ba'i phreng ba 'khrigs pa'o/ /nang kyi rgyu'i sdig pa ni nad de de bskul ba ni bsgrub par bya ba'i lte ba la bsams pa'i 'dzin dzi ka la sogs par sngags kyi 'od zer 'bar ba rnams kyis bsgrub bar bya ba'i lus dang/ dag dang yid khyab pa rnams kyis bkang ba ste/ de rgyur gyur pa rnams kyis so/ /gang du bskul bas she na/ rang gi lus gang sems gnas las te/ bsgrub par bya ba lus la sogs pa nyid ni sdig pa'i gnas yin la de las de rnams kyis so/ /de'i las la sogs par gtogs pa'i sdig pa nag po yi ge kaM gis de'i snying gar bsdus pa ni dam tshig kyang yin la de byung ba yang de nyid yin no/ /de nas lte ba yin chad du 'od zer 'bar ba'i sngags kyis rim gyis bteg cing/ yi ge khaM yang snying ga las gong bu byung ste/ rang gi lha'i rnam pa thams cad dkar por yongs su gyur pa'i rang gi sngags snying gar phyin nas gnas pa la yi ge khaM yang sna rtse las byung ba nyid na gnag cing mi sdug pa'i spre'u la sogs pa'i rnam par yongs su gyur nas byung bar bsam par bya'o/ /spre'u dang 'dra ba yongs su gyur pa'i dam tshig la de skad ces bya zhing/ phyi dang 'dra bar byung pa'i 'byung ba de la'ang de skad ces bya'o/ /de 'byung ba dag tu rnam par bsam pa ni rnam par brtag par bya'o/ /yang na zhes bya ba gsungs pa'i phyir gnag cing mi sdug pa gcer bu'i yi dags kyi gzugs su yongs su gyur pa'ang rung /'khor lo 'am zhes bya ba ni rnam par snang mdzad kyi phyag du'o/ /rdo rje 'ang rung zhes bya ba ni mi bskyod pa dang 'od dpag tu med pa dag la'o/ /bsgoms nas zhes bya ba ni 'bar ba rnam par bsams nas so/ /rdo rje go 'phang ni sku rdo rje la sogs pa'i nga rgyal te/ de'i gnas so/ /lus la sogs pa'i tshogs ni lus dang ngag sems dam tshig rnams so/ /des ni zhes bya ba ni 'khor lo la sogs pas ni'o/ /rab tu rtsol ba ces bya ba

  89. 45a

    ni bsgrub par bya ba'i nad zhi bar bya ba'i phyir/ /sangs rgyas sprin dag ces byas ni phyogs rnams nas lhags te/ sku la sogs par zhugs nas gnas pa dag go /rdo rje rnams kyi rgyal po ni rdo rje sems dpa' ste/ de'i sprin bsam par bya'o// bsgoms par bya ba ni de ltar bsgoms pa yis so/ /sangs rgyas zhes bya ba ni sangs rgyas rnams so/ /khros par zhes bya ba la/ ni'i sgras ni bsnun par ni'o/ /de la zhes bya ba ni spre'u la sogs pa dang 'dra bar 'byung ba'i nad la'o/ /nang kyi rigs las skyes par gang grags pa de yang 'jig par 'gyur ro/ /brgya rtsa brgyad pa ni brgya dang brgyad bzlas pa ste de'i sbyor ba yis yin gyi bsam gtan yan lag 'gar bas kyang ma yin no/ /yang na zhes bya ba ni phyogs gzhan no/ /bdag gi sngags rgyal gyis zhes bya ba ni rang gi 'dod pa'i lha dang ting nge 'dzin dang sngags kyis so/ /rdo rje'i bsam gtan ni bshad ma thag pa'i bsam gtan no/ /dam tshig ni ting nge 'dzin to/ /las kyi dngos grub phra mo'o/ /de de ltar na dngos grub mchog dang dman pa gsungs nas dngos grub phra mo rnams kyang gsungs pa yin te/ dngos grub tu mtshungs pa'i phyir ro/ /da ni tshogs kyi lam la gnas pa'i rnal 'byor pas bzlas pa dang bsgoms la brtson pa rnams kyis ni dngos grub kyi mtshan ma'i rmi lam dag mthong bar 'gyur la/ mthong nas kyang mngon du bsnyen pa la 'jug par 'gyur ba gang yin pa de bstan pa'i skabs dbye phyir de nas zhes bya ba la sogs pa gsungs te/ 'dod dang thar pa ni thabs gsum pa'i 'bras bu'o/ /rdo rje chen ni rnam bar snang mdzad la sogs pa dang 'dra ba'i sku la sogs pa ste/ dngos grub dman pa rnams zhes bya ba'i don to/ /de dag rgyas par bshad ma thag pa'i tshul du ston par mdzad pa'i bcom ldan 'das la 'dod dang thar pa'i rdo rje zhes bya'o/ /dngos grub rnam pa gnyis phro de nyid ni

  90. 45b

    ye shes yin la/ de 'dren bar mdzad pas na ye shes kyo ba yang ? yin la/ dngos grub kyi mtshan nyid yin pa'i phyir rmi lam chen por snang ba'i 'od pa che yang yin pas na de skad ces bya'o/ /de de ma thag tu ston par mdzad pa nyid kyi phyir bcom ldan 'das la yang de skad ces bya'o/ /de la rang bzhin bslu ba'i rmi lam la yongs su ston zhe na/ 'ga' zhig the tshom du gyur pa de bsal ba'i phyir chos rnams zhes bya ba la sogs pa gsungs te gnyis med kyang gnyis su snang bas bslang pa'i rnam par rig pa tsam gyis lus can gzhan gyi dbang gi mtshan nyid can gyi chos rnams thams cad ni rmi lam lta bu'o/ /kun tu brtags pa nyid yin pa'i phyir gzung pa dang 'dzin pa'i mtshan nyid can skye ba dang bral ba gang yin pa de dang ldan pa'i phyir ngo bo nyid kyis ma skyes shing ngo// gnyis kyang rang bzhin de dag nyid kyis dag pa ste/ stong pa de nyid 'di dag la yod pas na de skad ces bya ste/ /de dag ni gnyis kyis ston gpa'i yongs su grub pa'i rang bzhin zhes bya ba'i don to/ /e ma'o de lta bu'i rnam pa can gyis chos thams cad ni ji ltar rmi lam gyi ? yid brtan du med pa de bzhin du gzhan dag tu yang 'khrul pa tsam yin no/ /'on kyang 'khrul pa'i rdo rje rab tu gsungs te/ bag chags brtan pos shin tu bstan par gyur pa ni 'khrul pa'i rdo rje yin la/ de nyid don byed pa la mi/ bslu ba'i phyir 'jig rten gyi tha snyad kyi tshul du gsungs pa ni tshad mar brjod de/ ji ltar yul dang dus dang rnam pa tha dad pa yin na yang/ chu zla dang ni rmi lam bden pa dang nags tshal stug po la sogs ba'i 'khrul pa'i rdo rje yin pa de bzhin du dngos grub kyi mtshan ma'i rmi lam de dag kyang yin pa'i phyir/ 'di la som nyi bya bar rigs pa ma yin no zhes bya bar dgongs/ /bsam gtan zhes bya ba la sogs ba tshigs su bcad pa 'dis ni bstan pa'o/ /bsam gtan bzlas pa'i don ni dmigs pa'o//

  91. 46a

    de la brtson pa ni sems bstan par gyur pa can no/ yang na bsam gtan bzlas pa'i don ni 'bras bu yin te/ dngos grub rnam pa gnyis so/ /de ni mthong ba de la bzhan? yin pa gang yin pa de la de skad ces bya'o/ /de yang dbye ba mthong zhes bya ba ste dngos grub kyi dbye ba'o/ /rnam gnyis ni bdag nyid la sangs rgyas la sogs ba'i gzugs su mthong ba ni dngos grub mchog yin la gzhan mthong ba ni dngos grub dman pa yin no zhes bya ba'i don to/ /de la zhes bya ba ni de dag gi nang nas so/ /rmi lam gyi dam tshig gi gnas nyid ni rtogs pa'i mtshan ma yin la/ de dang de'i dngos grub mchog gi yul nyid yin pa'i phyir chen po yang yin pas na/ rmi lam chen po'i dam tshig gi gnas so/ /byang chub nyid ye shes kyi mchog yin la de thob pas bdag nyid ces bya bar sbyar ro/ /sangs rgyas 'od ni bzang por zhes bya ba ni rab tu grags pa'i sku yang zhes bya ba ni yongs su dag pa'i sangs rgyas kyi zhing du gtso bo 'ba' zhig tu'o/ /mchod par byed pa zhes bya ba ni bdag nyid la'o/ /sangs rgyas byang chub sems dpa' yis/ mchod pa byas par zhes bya ba ni rang gi gzugs la'o/ /ye shes chen po ni sku rdo rje'o/ /rdo rje sems dpa' ni thugs rdo rje'o/ /rdo rje chos ni gsung rdo rje'o/ /sku rdo rje la sogs ba'i dngos grub la nges pa nyid kyi phyir na gsang ba'o// rdo rje yang de yin la bsod nams mdzad pa nyid kyi grags pa chen po yang yin pas na'o/ /rdo rje can zhes bya ba ni rdo rje 'chang ba'o/ /gzugs zhes bya ba ni rang gi lus so/ /'di 'dra zhes bya ba ni sangs rgyas dang byang chub sems dpa' rnams kyis phyag byas par gyur pa'o/ /sku gsung thugs kyi dngos grub ni rnam bar dag pa'i mthar thug pa'o/ /de ni rdo rje 'dzin ba'i mtshan nyid de las skye ba ste/ /rig pa chen po'i skyes pu'i gzugs su gyur to zhes bya ba'i don to//

  92. 46b

    lha rnams kyi bu mo dang khye'u dang bu mo dag yid du 'ong ba de rnams kyang mngon du phyogs par gyur pa'am gdan gnas par mthong na'o/ /chos kyi 'khor lo sbyar ba'i zhes bya ba ni chos ston pa'i phyir ro/ /bsam gtan rdo rje ni ting nge 'dzin gyi rdo rje'o/ /de la gnas pa ni sems bstan par gyur pa'o/ /de nyid kyis na de las byung ba'i phyir dam tshig sbyor ba yang de ltar mthong bar 'gyur ro/ /dbang bskur ba zhes bya ba 'dir bdag nyid ces bya ba ni lhag ma ste bsam gtan dam tshig can dag gis zhes bya bar sbyar ro/ /de bzhin du mchod yang zhes bya ba 'dir yang po/ /zhes bya ba ni dngos grub kyis mchog gi mtshan ma yongs su rdzogs zhes bya ba'i don to/ /yang gsungs pa zhes bya ba'i dngos grub dman pa'i mtshan ma tshigs su bcad pa 'og ma gnyis so/ /rdo rje las byung zhes bya ba la/ rdo rje ni byang chub kyi sems so/ /'dir ni de thob ba can gyi byang chub sems dpa' nyid la rdo rje zhes bshad do/ /de yang dag par 'byung ba ni yang dag par skyes pa'o/ /sna tshogs pa'i zhes bya ba ni bdag nyid byang chub sems dpa' gyur pa'am byang chub sems dpa' i mdzad pa chen po la 'jug par gyur pa 'am gzhan sangs rgyas dang byang chub sems dpa' mngon sum du gyur pa 'am/ bu mo dang khye'u yid du 'ong ba 'am/ de lta bu'i rigs gzhan 'ga' zhig mthong nas zhes bya ba'i don to/ /dri ma med ces bya ba ni bsngags pa'o/ /bla na med par zhes bya ? bod na med ba nyid de/ dgag pa dang 'dra ba dang ldan ba'i rigs pas 'jig rten las 'das pa'i sangs rgyas dang byang chub sems dpa' dang 'dra ba ces bya ba'i don yin gyis rnam pa thams cad du ni ma yin no/ /'on na ci yin zhe na/ sku gsung thugs kyi rdo rje las skyes pa ste sku'i rdo rje lam gsung gi rdo rje 'am? thugs kyi rdo rje yis sku dang gsung dang thugs rdo rje las skyes pa'o/ /gsol ba zhes bya ba la sogs pa la gang gi tshe gsol? pa

  93. 47a

    mo'am khyi mo'am rgod ma la sogs pa rnams dang/ bdag nyid sbyor bar rdo rje slob dpon te/ brtan pa'i blos mthong bar gyur pa de'i tshe thugs kyi gsang ba 'grub par 'gyur ro/ /mi bskyod pa ni blo ldan mi bskyod pa'i zhes bya ba gang yin pa ni tshigs su bcad ba'i don yin no/ /dngos grub kyi mtshan ma rnams so/ /ji ltar dngos grub kyi mtshan ma'i rmi lam rnams bsgoms pa'i stobs las ma bsams par 'byung ba de bzhin du dngos grub rnams kyang yin no zhes nges par bya ba'i phyir dngos grub nye ba'i ched du rmi lam gyi mtshan ma mthong ba rnams kyi rmi lam brtag par bya ba yin pa de'i phyir/ de la zhes bya ba la sogs pa sungs pa la de la zhes bya ba ni rmi lam gyi mtshan med mthong ba yod na'o/ /rmi lam gyis rnam par dpyad pa ni chos thams cad mnyam pa nyid kyis ye shes kyis rmi lam rnam par dpyad par bya ste/ sems la dmigs pa'o/ /de'i snying po ni snying po bsdus pa ste nam mkha' i rdo rje'o/ /'di ni zhes 'chad par 'gyur ba'i tshigs su bcad pa'i don gyi tshul lo/ /de nyid ni rang sems zhes bya ba la sogs pa gsungs te/ don ni 'di na byang chub sems dpa' rmi lam mthong na rmi lam de nyid la mnyam par bzhag pa'i sems rab tu 'jog ste rnam par dpyod par byed do/ /rmi lam 'di la ni gzung bar bya ba'i don ci yang med la gzung bar bya ba med pas 'dzin pa yang med de/ 'on kyang gnyis med pa la gnyis su snang ba'i sems tsam 'di ni 'khrul tsam yin te/ rmi lam 'di ji lta ba bzhin du yang dag pa ma yin pa'i kun tu rtog ba tsam gyi lus kyi chos thams cad gnyis su med pa la gnyis su snang ba yin no zhes bya ba 'di yin no/ /de lta na rmi lam lta bu nyid yin pa'i phyir chos thams cad ni sems tsam nyid yin pa de lta na de rnams sems su dmigs pa ste/ yang dag pa la so sor rtog pa gang yin pa 'di ni sems la dmigs pa zhes bya bar brjod do/ /'di la chos rnams thams cad rab tu gnas pa ste

  94. 47b

    rang gi sems snang ba yin no/ /zhes bya ba ni lhag ma ste/ gzugs dang tshor ba la sogs pa'i chos snang ba gang yin pa de thams cad gzugs dang tshor la sogs pa'i rnam pa can gyi rang gi sems nyid yin gyi sems las phyi rol tu gyur pa'i sems kyis gzugs kyi gzung par bya ba'i don ma yin pa de ltar na de rnams sems su dmigs pa la yang dag pa ji lta ba bzhin du snang ngo zhes bya ba'i don to/ /de'i 'og tu gzung ba med pas 'dzin pa yang yod pa ma yin pa de ltar na gnyis su med pa'i phyir gnyis su med par snang ba tsam gyis mtshan nyid can gnyis kyis stong ba nyid kyi chos thams cad ro gcig pa gnyis su snang ba'i 'khrul pa'i rgyu mtshan yongs su spangs nas yang dag pa'i yid la byed pas/ yid la byed pa de nyid kyis rjes su 'gro ba'i phyir lhun gyis grub pa mngon par 'du mi byed pa spros pa'i mtshan mar snang ba thams cad dang bral bas gnyis kyi steng pa'i spros pa med pa de la sems mnyam par 'jog go /de ni spros pa med pa rnam par mi rtog pa 'jig rten las 'das pa'i ye shes don dam pa'i byang chub kyi sems yin par bshad do/ /de nyid ni nam mkha' rdo rje ste/ chos thams cad nam mkha' dang 'dra bar mthong ba'i phyir nam mkha' yang de yin la/ byang chub kyi sems nyid yin pa'i phyir/ rdo rje yang yin pa de ltar na nam mkha' rdo rje'o/ /nam mkha' rdo rje'i gnas zhes bya ba la/ ni'i sgra ni yang gi don te/ nam mkha' i rdo rje la yang chos rnams thams cad rab tu gnas pa'o/ /chos med chos nyid med pa ste/ re zhig chos kyi tshul du snang ba ma yin te/ chos thams cad kyi rgyu mtshan nub pa na de la stong pa nyid tsam du snang pa'i phyir ro/ /chos nyid kyi tshul du yang ma yin te/ ltung ba'i chos can rgya shug gi 'bras bu khar gzhong gis rton par byed ba na/ de rnams kyis rten du gyur pa yin la/ stong pa nyid ni rtag pa nyid yin pa'i phyir rnam pa ji ltar yang bya ba ma yin pa de?

  95. 48a

    bsan 'di'i ni 'ga' zhig yang rten ma yin pa de ltar na 'di ni gang zhig ni yang chos nyid ma yin no/ /chos rnams kyi ni stong pa nyid chos nyid yin no zhes gsungs pa gang yin pa de la don ni 'di'i rang bzhin zhes bya ba yin gyis /rten pa'i yon tan ni ma yin no zhes bya ba'i don to/ /de nas zhes bya ba la sogs ba la ngo mtshar du gyur ba ni chos rnams rang bzhin med pa la'o/ /rmad du gyur pa ni nam mkha' i rdo rjes mkha' rdo rje mthong ba la'o/ /sku dang gsung dang thugs ni chos thams cad ngo/ /de rnams kyi dam tshig yang dag pa'i de kho na nyid dang/ yang dag par rtogs ba zhes bya ba'i don to/ /de dag gi the tshom ni de bzhin gshegs pa thams cad kyi ste/ de'i spyod pa'o/ /ngo mtshar dang rmad du gyur ba ni the tshom las gyur pa yin pa de'i phyir zhus pa ni bcom ldan 'das zhes bya ba la sogs pa yin te/ don ni chos rnams ngo bo med ba la/ /chos kyi de nyid kun bshad pa/ /gang yin ba de dang de ni ngo mtshar yin te/ rang bzhin med bar ma grub ba'i phyir ro/ zhes bya bar dgongs so/ /ngo mtshar las byung ba nam mkha' la ni nam mkha' bsgom pa zhes bya ba ni nam mkha' rdo rjes nam mkha' bsgom pa ni shin tu ngo mtshar dang ldan pa'o/ /gang gi tshe rang gi sems nyid chos thams cad yin pa de'i tshe sna tshogs pa nyid yin na ci'i phyir nam mkha' i rdo rje yin/ 'on te rang gi sems nyid nam mkha' rdo rje nyid yin pa de'i tshe sna tshogs ba nyid med pa yin pas na ji ltar na de nyid chos thams cad yin/ 'on te nam mkha' rdo rje nyid chos thams cad du 'gyur ba de lta na yang nam mkha' rdo rjes nam mkha' i rdo rje nyid rig bar bya ba yin no zhes bya ba ni zhes bya ba ni rigs pa ma yin te/ rang nyid la byed ba 'gal ba'i phyir ral gri'i so rnon pos kyang ral gri'i so rnon bo de nyid gcod bar mi byed ba lta bu'o/ /de bzhin du nam mkha' rdo rje rnam pa med pa yin na yang de ji ltar de bzhin nyid la dmigs ba can yin / de la dmigs ba can yin na yang

  96. 48b

    na ni thams cad du gtogS ba dang/ thams cad kyi rjes su lta ba yin no/ /zhes rnam bar rtog par thal bar 'gyur ro zhes na/ de la re zhig dang por ngo mtshar du gyur la nyid bsal ba'i phyir de nas zhes bya ba la sogs pa gsungs pa la/ sku dang gsung dang thugs ni sku la sogs pa ro gcig ba'i byang chub kyi sems so/ /de nyid ni rdo rje ste/ de gang gi phyag na bsnams ba de la de skad ces bya'o/ /chos zhes bya ba ni gzugs can no/ /mi ldan te zhes bya ba ni ldan pa nyid du rtog tu mi snang ba ste/ nam mkha' mdza' yas skye mched thob pa rnams ni rnam pa thams cad du gzugs kyi 'du shes las 'das nas nam mkha' mdza' yas tsam du snang ba'i phyir ldan ba yang ma yin no/ /mi ldan pa yang ma yin te zhes bya ba ni mi ldan pa nyid rtag tu snang ba ma yin te/ gzugs mthong ba rnams kyis nam mkha' nyid la gzugs thams cad mthong ba'i phyir ro/ /nam mkha' ni 'di snyam du yang mi sems so zhes bya ba ni nam mkha' rnam par rtog pa med ba'i phyir ro/ /zhes bya bar dgongs so/ par bya'o de 'di skad du sems la dmigs ba las chos thams cad /de dang ldan bas na rjes su lta ba can te/ nga ni mdza' yas pa dang 'ba' zhig tu mthong bar bya ba yin no zhes bya ba'i don to/ /de bzhin du zhes bya ba ni gzugs can gyi rdzas dang nam mkha' i tshul du'o rmi lam zhes bya ba ni rmi lam lta bur snang ba'i phyir te/ sems de la dmigs pa ni/ sems tsam yin pa'i phyir ro/ /rmi lam dang mtshungs ba de rnams kyi dam tshig ni ro gcig ba'i ye shes te/ nam mkha' rdo rje'o/ /de las byung ba ni der ro gcig par gyur pas snang bar shes par bya'o de 'di skad du sems la dmigs ba las chos thams cad sems tsam du shes par gyur pa yin na yang blo 'khrul pa'i phyir rang gi sems can mtshan nyid kyi rgyu mtshan yang dag par ma yin ba dang ldan ba snang ngo/ /nam mkha' rdo rje ni de rnams dang bral ba yin te/ yid la mi byed pas yongs su spong zhing de rnams nub bas yang

  97. 49a

    dag pa la so sor rtog pa'i stobs bskyed pa'i phyir lhun gyis grub pa'i nam mkha' i rdo rje shin tu 'khrul pa med par skye ba'i phyir ro/ /zhes bstan par 'gyur ro/ /de bsan sems la dmigs pa la sna tshogs par snang zhing nam mkha' rdo rje la ni ro gcig par rin pa de ltar na 'di 'gal ba ci zhig yod/ sems ji lta bur gyur bar skye ba de lta bur gyur pa nyid du snang ba ste/ gsal ba'i mtshan nyid can nyid yin pa'i phyir ro/ /de ltar gsal bar gyur pa nyid kyis 'di de ltar gyur pa'i bdag nyid du rig pa de'i phyir ji ltar 'di de ltar gyur ba 'byung ba 'gal ba med pa de bzhin du de lta bur gyur pa'i bdag nyid rig pa yang yin pa'i phyir rang rig pa la yang 'gal ba yod pa ma yin no/ /dgongs pa nges par 'grel pa las kyang byams pas gsol ba bcom ldan 'das ting nge 'dzin gyi spyod? yul gyi gzugs brnyan gal te sems de las tha dad pa ma lags na/ sems de nyid kyis sems de nyid la ji ltar rtogs par bgyid lags/ bcom ldan 'das kyis bka' stsal pa/ byams pa de la chos gang yang chos gang la yang rtog par mi byed mod kyi 'on kyang de ltar skyes pa'i sems gang yin pa de de ltar snang ngo zhes gsungs pa dang/ gnyis su gyur pa las rag las pa'i gcod par byed pas bcad par bya ba rnam pa gnyis su byed pa de'i phyir bdag nyid gcod pa 'gal ba yin pa de ltar na dpe 'dra ba ma yin no// 'di ltar chos thams cad la gnyis kyis stong pa nyid du yang dag par rig pa nyid dmigs pa nyid yin gyi gzung ba nyid ni ma yin no/ /mtshan ma gnyis kyis dben pa nyid ni nam mkha' rdo rje'i rnam pa yin te/ de nyid kyis de yang dag par rig pa 'grub pa'i phyir dang/ rnam pa gzhan gyis grub pa ma yin pa'i phyir te/ dper na bum par snang bas dben pa/ mthong bas sa phyogs bum pas stong pa nyid du 'grub kyis gzhan gyis ni ma yin pa lta bu'o/ /theg pa chen pos bsdus pa las kyang/ byang chub sems dpa' rnams kyis/

  98. 49b

    shes/ rnams rtogs med pa'i dmigs pa ni/ /chos rnams brjod du ming pa nyid/ /bdag med de bzhin nyid kyang de/ /byang chub sems dpa' rnams kyis shes/ /byang chub sems dpa' i rnam pa ni/ /shes bya dmigs pa de nyid la/ /mtshan ma med pa gang yin pa'o/ /zhes bshad do/ /'o na ji ltar rnam par mi rtog ba'i ye shes 'di rnam pa med pa zhes bya zhe na gnyis kyis rnam pas stong pa nyid kyi phyir ro/ /ji ltar na dmigs pa med pa zhes bya zhe na/ gzung ba'i don gzhan la mi rtog pa'i phyir ro/ /de ltar na rnam par mi rtog pa de nyid nam mkha' rdo rje thams cad du gtogs pa de ni de bzhin nyid rig cing nyams su myong ba na yang 'di ltar/ da ni thams cad du gtogs la thams cad kyi rjes su blta'o snyam du yang rnam par rtog par mi byed do/ /de de ltar na shin tu ngo mtshar du gyur pa mdor bsdus pas gsal nas rgyas par ngo mtshar du gyur pa gsal ba'i phyir bcom ldan 'das zhes bya ba la sogs pa gsungs te/ /'dis ni gzung pa med par ston bar byed do/ /gzugs kyi phung po las gzhan gzung bar bya ba'i rdzas nyid du yod pa ma yin no zhes bya ba de ni rab tu grags pa yin la/ gzugs kyi phung bo ni yod pa yin no zhes ma grags pa de 'di dngos su brjod par bya'o/ /'di lta ste zhes bya ba ni tshig rtsom pa'o/ /dper na zhes bya ba ni ji ltar rab tu grags pa'o /de gang zhe na/ nam mkha' i gzugs can ma yin pa ltar mi snang ba ste/ gzugs kyi phung po'i rang bzhin med pa'i phyir gzugs can ma yin pa'o/ /de nyid kyi phyir mig gi rnam par shes pa 'dis ltar snang ba med pa'i phyir ro ltar mi snang ba ste/ nam mkha' la ni gzugs can gyi rdzas med pa'i mtshan nyid yin pa'i phyir ro/ /zhes bya ba ni nam mkha' dang 'dra ba nyid du chos thams cad gzugs can ma yin zhing ltar mi snang bar shes par bya ste/ gcig dang du ma'i rang bzhin dang bral ba'i gzugs kyi phung po dang skye mched bcu

  99. 50a

    dang khams bcu po don dam par yod pa nyid ma yin pa'i phyir ro/ /zhes bya bar dgongs so/ /gal te gzhan gyi sems la sogs pa gzung ba yod pa nyid kyi phyir ro zhe na/ ji ltar snang ba 'di med pa'i phyir dang/ ji ltar yod pa nyid ni mi snang ba'i phyir te/ de dag kyang gzung ba ma yin pa de ltar na skyon yod pa ma yin na/ /'dzin pa med par bstan pa'i phyir/ bcom ldan 'das zhes bya ba la sogs pa gsungs te/ stong pa nyid du gsungs pa gang yin pa de 'di lta ste/ dper ma mdo sde gzhan dag tu rab tu grags pa'i chos thams cad rgyas pa de mdor bsdus nas lus dang ngag dang sems kyi dam tshig gi de kho na nyid de bzhin du rig par bya'o/ /ci 'dra ba zhig ce na thams cad kyi rjes su song ba ste/ chos thams cad la yod pa'i phyir ro/ / ngo bo nyid gcig pa ni zhes bya ba ji ltar gzung ba de dang/ de'i rang bzhin gyis stong pa de bzhin du 'dzin pa'i rang bzhin gyis kyang ste/ gzung ba mngon 'dzin pa yang mi rung ba'i phyir ro/ /'dzin pa'i rang bzhin gang gis shes na gang lhag mar gyur pa'i phung po bzhi dang khams brgyad dang skye mched gnyis so/ /de ltar ni rnam par shes pa ste/ de yang don gyi rang gi ngo bo tsam 'dzin pa yin la/ don de nyid kyi khyad par 'dzin pa'i sems las byung ba'i tshor ba dang 'du shes dang 'du byed dag yin no/ /de ltar na gzung ba dang 'dzin pa'i rang bzhin med pa'i phyir rang bzhin gzhan gang zhig lus na gang gis de ngo bo nyid gcig pa yin snyam pa la de'i phyir 'di lta ste sems kyi ngo bo nyid do zhes gsungs te/ gsal pa'i mtshan nyid can gyi sems 'di nyid ni thog ma med nas gnyis su rtog pa'i bag chags kyis bslang pa'i phyir gnyis med kyang gnyis rnam par byung ba yin te rmi lam la sogs pa lta bu'o zhes bya ba'i don to/ /gzhung 'di tsam gyis ni sems la dmigs pa la chos thams cad kyi de kho na nyid sems

  100. 50b

    can nyid ces snang ba ci 'dra ba yin pa de rab tu bsgrubs pa yin no/ /nam mkha' rdo rjer snang ba ci 'dra ba yin pa de rab tu bsgrub pa'i phyir lus dang zhes bya ba la sogs pa gsungs te/ lus dang ngag dang sems kyi khams ni chos thams cad snang ba'i lus can rnams kyi rang bzhin yin te/ yongs su grub pa'i ngo bo nyid 'di ni gnyis kyi stong pa nyid yin no/ /nam mkha' i khams ni rang bzhin te dag pa'i nam mkha' o/ /de dag gnyi ga yang gnyis su med cing gnyis su dbyer med pa ste/ khyad par med do zhes bya ba'i don to/ /chos kyi rang gi mtshan nyid rnams ni gnyis po rdzun pa'o mtshan ma'o/ /khyad par nyid kyis yongs su grub pa ma yin pa nyid do zhes bya bar dgongs so/ /'di tsam gyis ni chos thams cad rang gi mtshan nyid du yod pa ma yin no zhes rab tu bsgrub pa yin no/ /chos nyid kyang mtshan nyid ji lta ba bzhin du yod pa ma yin no zhes rab tu bsgrub ba'i phyir bcom ldan 'das zhes bya ba la sogs pa gsungs pa la 'di lta ste zhes bya ba ni de'i phyir ro/ /nam mkha' i khams la gnas te zhes bya ba'i nam mkha' lta bu'i chos kyi dbyings la gnas pa'o/ /ji ltar nam mkha' lta bu yin zhe na/ dper na zhes bya ba gsungs te/ 'das ma thag pa nyid du ji ltar rab tu bsgrubs pa'o/ /ji ltar de? rnams de la gnas shes na nam mkha' dang 'dra ba'i chad med pa dang rtag pa de'i nang du tshad yod pa dang/ mi rtag pa de rnams 'dus pa nyid kyi phyir ro/ /de yang zhes bya ba ni chos kyi dbyings so/ /'dod pa'i khams la sogs pa la gnas pa ma yin pa ni nang du 'dus pa ma yin te/ tshad med pa'i phyir dang/ rtag pa nyid kyi phyir ro/ /de las cir 'gyur zhe na chos gang zhes bya ba la sogs pa gsungs so/ /rtag par mi nus so zhes bya ba ni brten par nus pa ma yin la brten par nus pa nang du 'byung ba'i mtshan nyid ma yin pa'i phyir te/ dper na khar gzhong gis rgya shug gi 'bras bu lta bu'o//

  101. 51a

    zhes bya bar dgongs so/ /gang gi phyir 'ga' zhig ltar yang brten par bya ba ma yin pa de'i phyir 'ga' zhig gis yang chos nyid ma yin no zhes bstan par 'gyur ro/ /de bas na zhes bya ba la sogs pas ni mjug bsdu pa yin te/ gang gi phyir mtshan nyid can ji lta ba bzhin du chos ma yin zhing chos nyid ma yin pa de bas rang dang spyi'i mtshan nyid dag gis chos thams cad ni ngo bo nyid med pa yin te/ ngo bo nyid med pa gang gis spros pa'i rgyu mtshan thams cad nub pa'i dri ma med pa nam mkha' i rdo rje la snang ngo zhes bya bar dgongs so/ /nam mkha' rdo rje ni byang chub kyang ma yin byang chub kyi sems kyang ma yin pa de bas na 'di bsgoms pas cir 'gyur zhe na/ bcom ldan 'das zhes bya ba la sogs pa gsungs te/ 'di lta ste zhes bya ba nam mkha' i rdo rje nyid de byang chub kyi sems so/ /dper na zhes bya ba ni ji ltar rab tu grags pa'i theg pa chen po la'o/ /ci'i phyir de byang chub kyi sems yin zhe na/ gang gi phyir de bzhin gshegs pa thams cad kyi ye shes te /sangs rgyas kyi chos thams cad do/ /de rnams 'byung ba ni bskyed pa'o/ /rdo rje'i gnas ni bskyed pa'o/ /rdo rje'i gnas ni rdo rje 'chang chen po'i go 'phang ste/ bla na med pa'i byang chub pa/ /de byed pa ni thob par byed pa ste/ rgyu zhes bya ba'i don to/ /sangs rgyas rnams kyi sku dang gsung dang thugs gang yin pa de la dmigs pa can gyi sems ma yin nam de ci'i phyir nam mkha' i rdo rje yin zhe na/ de'i phyir byang chub kyi sems zhes bya ba la sogs pa gsungs te/ don dam pa byang chub kyi sems ni lus la sogs pa la dmigs pa can ma yin te/ 'khrul pa med pa nyid yin pa'i phyir ro zhes bya ba'i don to/ /sangs rgyas rnams kyi sku dang gsung yang yod pa ma yin te/ gzung ba med pa'i phyir ro/ /thugs kyang yod pa ma yin te/ 'dzin pa med pa'i phyir ro/ /sku la sogs pa'i rnam par rig pa'i mtshan nyid can

  102. 51b

    sku dang gsung dang thugs sangs rgyas rnams kyi longs spyod rdzogs pa dang sprul pa can gang yin pa de yang dag pa'i 'jig rten pa rnam par rtog pa'i rang bzhin nyid yin pa'i phyir gtso bo'i byang chub ma yin no/ /dmigs pa dang bcas pa'i byang chub kyi sems kyang gtso bo ma yin no zhes bya ba thugs la bzhag nas/ chos gang zhes bya ba la sogs pa gsungs pa la/ chos gang zhes bya ba ni sems kyi rgyun rnam par byang bar gnas par gyur pa'o/ /khams gsum na mi gnas pa zhes bya ba ni kun nas nyon mongs pa'i chos yang dag pa ma yin pa kun tu rtog pa'i rang bzhin can thams cad ni khams gsum pa yin la/ de la mi gnas pa ni de'i rgyu mtshan du mi gnas pa ste/ kun nas nyon mongs pa can gyi chos thams cad kyi sa bon ni der 'phags ba'i lam gyis yongs su zad pa'i phyir ro/ /de la skye ba med zhes bya ba ni de la kun nas nyon mongs pa'i chos ni yod pa ma yin te/ sa bon med pa nyid kyi phyir ro zhes bya ba'i don to/ /'di ni zhes bya ba la sogs pa la gang gnas yongs su gyur pa'i mtshan nyid can gyi chos gang yin pa 'di ni kun nas nyon mongs pa can gyi sa bon thams cad zad pa yin pas na rnam par dag pa yin la/ lus dang gnas dang longs spyod du snang ba'i rnam par rtog pa rnams nub pa'i phyir nam mkha' dang mnyam pa ste/ 'di ni de bzhin gshegs pa thams cad kyi ye shes 'byung pa'i rdo rje'i gnas yin no/ /de bas na de byed pa nam mkha' i rdo rje ni byang chub kyi sems kyi mchog yin no zhes dgongs so/ /gang gi tshe de nyid rdo rje'i gnas yin pa de'i tshe de bzhin gshegs pa rnams mdzad pa med pa dang/ sku la sogs pa mi mnga' ba yin na de rnams kyi sku dang gsung gi khyad par sna tshogs pa de rnams kyis 'gro ba ma lus pa'i don mdzad pa gzhan dag gis ji ltar dmigs par 'gyur zhe na/ de'i phyir bcom ldan 'das zhes bya ba la sogs pa la/ rmi lam zhes bya

  103. 52a

    ba ni gnyid log pa'i'o/ /khams gsum du rmi lam zhes bya ba ni khams gsum gyi rnam par rtog pa dang 'gro ba la sogs pa'i las rmi lam du mthong ba'o/ /de rnams kyang zhes bya ba ni rmi lam du ston pa'i rnam par rtog pa la sogs pa'i bya ba'o/ /rmi lam lta bu zhes bya ba ni dang po'i rmi lam mthong zhing rmi lam gyi bya ba'i rang bzhin can gyi bya ba de la ji ltar gnyid log pa dang skyes bu dag la 'dod pa med cing g.yo 'gul med pa de bzhin du sems las rmi lam gyi khams gsum pa phyi rol na med bzhin du ste/ rang gi bya ba la smra bar 'dod pa med pa de bas na 'di ni rmi lam lta bu'o/ /g.yo 'gul med pa de bas na 'di ni rmi lam dang 'dra ba'o/ /rmi lam las byung ba zhes bya ba ni rmi lam dang/ lhan cig ro gcig pa ste/ gzung ba dang? 'dzin par byed ba snang ba dag gi rdzun pa nyid kyis na der snang ba dag ni ro gcig pa nyid yin pa'i phyir ro/ /rmi lam la bdag med pa'i gnas zhes bya ba ni rmi lam las mthong ba rnams kyis bdag med pa'i gnas 'di ni bdag med ba'i tshul gang yin pa de rtogs par bya ste mthong bar gyur ba de rnams kyang mthong bas na 'khrul pa'i rgyu mtshan nyid kyis mi rtog pa nyid dang/ g.yo 'gul med pa nyid kyi phyir dang snang ba tsam nyid yin pa'i phyir ro/ /de la rdo rje'i tshig 'di gsungs pa gang yin pa de las sangs rgyas rnams kyi sku gang yin zhe na chos kyi sku zhes bya bar smra ste/ der sangs rgyas kyi chos thams cad kyi sa bon gyis yongs su gdab nyid kyi phyir sangs rgyas kyi chos rnams skyed par byed pa yin pa de bas na chos rnams kyi rten yin pa de ltar na chos kyi sku zhes bya'o/ /sangs rgyas kyi chos rnams kyang rnam pa gnyis te/ de la la ni don dam pa mthong ba'i phyir rnam pa med ba nyid kyis 'jig rten las 'das pa yin la/ la la ni chos kyi longs spyod kyi phyir ram gzhan gyi don gyi phyir rnam pa dang bcas pa nyid kyis dag pa 'jig rten pa yin te/

  104. 52b

    rnam par mi rtog pa'i rgyu mthun pa dang gnyis su mngon par zhen pa med pa nyid kyi phyir dang/ gnyis kyis stong pa nyid la rtag tu 'khrul pa med pa'i phyir dag pa yang yin la rnam par dang bcas pa yin pa nyid kyi phyir 'jig rten pa yang yin pas na dag pa 'jig rten pa'o/ /'jig rten pa'i rnam pa rtog pa thams cad ni/ sangs rgyas rnams kyi shin tu spangs par 'dod do/ /mchog tu gnas gyur pa kun nas nyon mongs pa thams cad kyi sa bon zad pa can gang yin pa de ni mya ngan las 'das pa yin la /de nyid ni zag pa med pa'i dbyings yin zhing de ni yang dag par rdzogs pa'i sangs rgyas dang nyan thos dang rang sangs rgyas rnams kyi rnam par grol ba'i sku ma yin no gad gi tshe yang dag par rdzogs pa'i sangs rgyas rnams kyi de nyid chos kyi sku yin pa de'i nyan thos dang rang sangs rgyas dag gi yang yin par 'gyur ba 'am/ yang na 'ga' zhig gi yang rnam par grol ba'i sku chos kyi skur mi 'gyur la/ de la sangs rgyas kyi chos rnams med pa ni nam mkha' i me tog dang 'dra bar des skye ba mi rung ba'i phyir ro zhe na/ de'i phyir bcom ldan 'das zhes bya ba la sogs pa gsungs te/ de bzhin du sangs rgyas kyi chos thams cad kyang rjes su rtogs par bya'o zhes bya bar sbyar ro/ /de ltar ni dper na yid bzhin gyi nor du rin po che ni thams cad kyi gtso bo yin zhing yid bzhin gyi nor bu rin po che'i yon tan dang ldan gyi gzhan dag ni ma yin no/ /de bzhin du sangs rgyas kyi rnam par grol ba'i sku ni rnam par grol ba'i sku thaMs cad kyi gtso bo yin zhing sangs rgyas kyi chos thams cad kyi sa bon sngon gyi tshogs kyi stobs bskyed pa mtshan nyid can dang ldan pa yin gyi gzhan dag ni ma yin no/ /ji ltar yid bzhin gyi nor bu rin po che de ni mngon bar 'du byed pa med par don du gnyer ba rnams gser ram rin po che 'am dngul bsam pa tsam gyis 'byor bar byed kyi gzhan dag gis ni ma yin no/ /de bzhin du sangs rgyas

  105. 53a

    rnams kyi rnam par grol ba'i sku yang mngon par 'du mdzad pa med par sems can skal pa dang ldan pa rnams kyi don du rang gi sku dang gsung dang thugs sems can gyi skal pa tsam gyis skyed par mdzad kyi gzhan dag gis ni ma yin no/ ji ltar gser dang rin po che dang dngul de dag gi don du gnyer ba rnams kyi sems la yang mi gnas yid bzhin gyi nor bu la gnas pa yang ma yin pa de ltar na yang de dag las byung bar 'gyur ro/ /de bzhin du sangs rgyas rnams kyi sku dang gsung dang thugs ni sangs rgyas kyi rnam par grol ba'i sku la yang mi gnas pa sems can gyi rgyud la gnas pa yang ma yin pa de ltar na yang de dag las 'byung bar 'gyur ro/ /chos thams cad ces bya ba ni chos thams cad la yang de bzhin du rjes su rtogs par bya ste/ yid bzhin gyi nor bu dang gser la sogs pa'i tshul du rgyu dang rkyen rnams la yod pa ma yin bzhin du chos thams cad 'byung bar 'gyur te/ sangs rgyas kyi chos 'ba' zhig ni ma yin no zhes bya ba'i don to/ /de bas ni chos kyi sku ni yod pa de de yang yang dag par rdzogs pa'i sangs rgyas rnams nyid kyi yin gyi nyan thos dang rang sangs rgyas rnams kyi ni ma yin no/ /zhes bya ba ston par 'gyur ro/ bcom ldan 'das gang zhes bya ba la sogs pa la de ngo mtshar ro zhes bya ba ni zab pa nyid kyi phyir ro// nam mkha' i khams ni chos kyi sku'o/ /de'i rjes su 'brang ba ni bsdus pa ste /'di dag la de nyid du sa bon 'gog pa ni shin tu 'gog pa yod pa'i phyir de skad ces bya'o/ /chos thams cad kyis zhes bya ba ni kun nas nyon mongs ba rnams kyi'o/ / rjes su 'brang ba zhes bya ba ni chos kyi sku de nyid du rtag pa'i sa bon gyi gnas pas de nyid las rtag tu 'byung ba'i phyir ro/ /de bzhin gshegs pa thams cad kyi ye shes 'byung ba rdo rje'i gnas nyid ni byang chub kyi gtso bo yin la/ de byed pa nam mkha' i

  106. 53b

    rdo rje nyid ni 'jig rten las 'das pa'i byang chub kyi sems yin te/ sems la dmigs pa ni sbyor ba las byung ba'i byang chub kyi sems yin no zhes bya ba der gnas so/ /de la rmi lam gyi mtshan ma mthong bas ngas par dngos grub phra mo la sems la dmigs pa bsgom par bya ba yin la/ dngos grub mchog la ni de'i sngon du 'gro ba'i nam mkha' rdo rje yin no/ /de la de dag gi gdams ngag brjod par bya ba yin la/ dang po'i skabs dbye ba'i phyir de nas zhes bya ba la sogs pa gsungs te/ zhabs gnyis la phyag 'tshal ba ni gdams ngag gnyis la gus pa'i phyir te/ sngags kyi rdo rje ni sngags kyi lha rnams te/ de rnams kyi dngos grub bo/ /de rnams kyi mdor bsdus pa ni rnam pa mang po'o/ /mdor btus pa'i dngos grub ni dngos grub rnam pa mang po'o/ /gnas po ? de la gnas pa'i phyir ro/ /'byung ba ni de'i bdag nyid du 'dus pa thob pa'i phyir te/ gnas pa dang 'byung bar 'gyur zhes bya ba'i don to/ /'di snyam du 'dir sems la dmigs pa ni dngos grub nye bar bya ba'i phyir sgom par byed pa yin na de yang rigs pa ma yin te/ de ni rang gi sems bsgom pa yin na rang gi sems la sa grub pa ma yin no/ /'o na ci yin zhe na lha rnams kyi sku dang gsung dang thugs las yin te/ gzhan du na bsgom pa de don med pa'i phyir ro/ /de bas na dngos grub 'di lha'i sku dang gsung dang thugs nyid la gnas pa dang/ de las byung ba yin no snyam na/ de dgag par bya ba'i phyir bcom ldan 'das zhes bya ba la sogs pa gsungs te/ sgrub pa pos thob par bya ba'i dngos grub rnams lha rnams kyi sku gsum la mi gnas pa nyid yin no/ /ci'i phyir zhe na zhes bya ba ni rgyu gang las kyang ma yin no zhes bya ba'i don to/ /sa bon gzhan dag las 'bras bu gzhan 'byung ba ni med do zhes bya bar dgongs so/ /'o na gang la gnas she na/ 'on kyang zhes bya ba la sogs pa gsungs te/ sangs rgyas kyi chos

  107. 54a

    thams cad ces bya ba ni sangs rgyas kyi chos kyi rang bzhin sna tshogs pa rnams so/ /'di rdo rje'i sgras ni lha'i sku dang gsung dang thugs la bya bar bshad do/ /bdag gi lus dang ngag dang sems nyid rdo rje yin te/ bdag gi lus dang ngag dang sems nyid la lha'i sku dang gsung dang thugs kyi tshul du mos bar bsgom pa'i phyir ro/ /de la gnas pa ni rgyu dang dngos grub kyi gnas skabs kyi 'bras bu ni de las de tha mi dad pa'i phyir ro zhes bya bar? dgongs so/ /lha'i ? la sogs par mos pa ni dngos grub kyi rang bzhin la de'ang shin tu ring du gnas pa ma yin nam/ de bsan? de dag ni rang gi lus la sogs pa la gnas pa ma yin no zhe na/ lus dang zhes bya ba la sogs pa gsungs te/ 'di nyid du snang bar gyur pa ni 'di las gzhan pa 'dod pa'i khams la sogs pa la gnas pa ni mi rigs te/ gang du snang ba de nyid du gnas pa'i phyir te tshad mas grub pa nyid kyi phyir ro zhes bya bar dgongs so/ /'on kyang tha dad pa med pa'i phyir rang gi lus la sogs pa la gnas pa na bla ste/ lha'i sku la sogs pa ni rang gi sems kyi yul nyid yin pa'i phyir ram rang gi sems la snang ba'i phyir dang rten dang/ brten pa dag tha dad pa'i phyir ro zhe na/ de'i phyir sems kyang zhes bya ba la sogs pa gsungs te/ gsal ba'i bdag nyid can gyi sems las tha dad pa nyid kyi phyir lus kyi khams su snang ba yin gyi rten dang brten pa nyid kyis ni ma yin no zhes bya bar dgongs so/ /de nyid gsal bar bya ba'i phyir ro/ /de ci'i phyir zhe na/ zhes bya ba la sogs pa gsungs pa la de zhes bya ba de dag la ste/ sems dang sems la de dag ni mi gnas pa nyid ni dper na steng dang 'og gi nam mkha' rten dang brten pa'i ngo bo nyid dag cir? stong pa ni gzugs can ma yin pa nyid kyis thog ma med pa nyid kyi phyir ro/ /de bzhin du lus la sems dang ngag la sems ni sems tsam nyid yin pas na thogs pa med pa nyid

  108. 54b

    kyi phyir ro/ /de bas na rang gi lus dang ngag dang sems/ rang gi lha'i sku dang gsung dang thugs ni rang gi sems nyid yin te/ de'i bdag nyid las ma rtogs par rang gi sems snang bar mi rung ba'i phyir ro/ /de bas na rang gi sems nyid la dngos grub / rnams gnas pa dang/ 'byung ba yin pa de ltar na sems la dmigs pa ni rigs pa yin no/ /'dis ni rang gi lus dang/ /dag dang sems la rang gi lta'i sku dang/ gsung dang thugs kyi tshul du mos shing gnyi ga'i sku dang gsung dang thugs rang gi sems tsam du mos par bya'o/ /'di ni 'dir sems la dmigs pa yin la 'di nyid ni 'dir dngos grub phra mo'i gdams pa yin no zhes gsungs par 'gyur ro/ /dngos grub mchog la ni chos kyi sku yang bsgrub par bya ba nyid yin pa'i phyir snga ma bzhin sems la dmigs pa bsgoms nas nam mkha' i rdo rje bsgoms par bya'o/ /de la gdam ngag gi skad ma? dbye ba'i phyir de nas zhes bya ba la sogs pa gsungs so/ /'di snyam du gang gi tshe nam mkha' i rdo rje la gnas pa dang byung ba yin na/ de'i tshe lha bsgoms pa don med do zhes sems ni rdo rje 'chang zhes pa la sogs pa la/ rang gi lus dang ngag dang sems la rang gi lha'i sku dang gsung dang/ thugs kyi tshul dang rang gi sems tsam nyid du snang ba las gnas pa dang byung ngo zhes bya ba ni las gyi don yin no/ /'di tsam gyi ni snga ma bzhin du sems la dmigs pa gsungs pa yin no/ /bcom ldan 'das zhes bya ba la sogs pa gsungs pa la gang la gnas zhes bya ba ni de ltar sems tsam nyid du mthong ba na/ ci de nyid la gnas shing brten pa yin nam/ ci nam mkha' dre ma lta bu'i stong pa nyid la 'gyur grang na/ gang gi tshe de nyid la yin pa de'i tshe de nyid de kho na nyid kyi mchog yin pa de ltar na/ ci'i phyir nam mkha' i rdo rje yin la/ yang na stong pa nyid la yin pa de'i tshe lha'i sku dang/ gsung dang thugs su snang ba tsam yang med pa'i phyir gang la dngos

  109. 55a

    grub tu 'gyur zhes bya ba bsam pa'o/ /nam mkha' la gnas zhes bya ba ni nam mkha' lta bu'i stong pa nyid la stong pa nyid ni de kho na nyid kyi mchog yin gyi rnam par rig pa tsam ni ma yin no zhes bya bar dgongs so/ /de ltar ni dngos po ? bsal ba tsam gyis rang gi rang bzhin yin te/ sgro ma btags pa nyid kyi phyir ro/ /gnyis kyi rgyu mtshan gang yin pa de yang rdzun pa'i ngo bo yin te/ blo'i 'khrul pas sgros btags pa nyid kyi phyir ro/ /de bas na sems tsam nyid ni de kho na nyid kyi mchog la yin te/ de mthong ba na yang dkar po la sogs pa'i rnam pa med bzhin du snang ba'i phyir ro/ /gnyis kyis stong pa nyid ni mchog yin te/ 'khrul pa'i rgyu mtshan thams cad nub pas de mthong ba'i phyir ro/ /'o na sngags kyi tshul la ci'i phyir lha'i sku la sogS ba bsgoms she na/ pha rol tu phyin pa'i tshul la pha rol tu phyin pa lnga bsgoms pas kyang ci bsgoms pas ci dgos/ nam mkha' gang la gnas zhes bya ba'i ni stong pa nyid ni chos rnams kyi chos min pas na de rnams nyid la gnas kyi/ de med pa'i de mi mthong na gang las nam mkha' rdo rje yin zhes bya bar bsams pa'o/ /gang na'ang mi gnas zhes bya ba ni ji ltar nam mkha' gang la yang mi gnas pa de bzhin du nam mkha' lta bu'i stong pa nyid kyang ngo/ /de ni 'di ni chos gang gis kyang brtag par mi nus so zhes pa 'dir rab tu bsgrubs pa yin no/ /gzhan yang rang gi mtshan nyid dag rdzun gyi rnam pa'i khyad par can nyid yin pa'i phyir de dag ma gnas pa ma yin no/ /de nyid kyi phyir chos thams cad kyi rang gi mtshan nyid snang ba med pa snang ba'i chos gang la yang mi gnas par snang ba yin pa de ltar nam mkha' rdo rje'i rigs pa yin no/ /gal te'o na chos nyid kyang chos nyid kyi rang gi mtshan nyid du mi snang ngo zhe na/ de ni 'dod pa yin no/ /de ltar ni chos med chos nyid med par nam mkha' rdo rje snang ste/ rang dang spyi'i mtshan nyid

  110. 55b

    kyi rgyu mtshan rnams ni der nub pa'i phyir ro/ /de bsan gnyis kyis stong pa gsal ba tsam nyid 'ba' zhig dri ma me pa'i mdza' yas pa'i nam mkha' lta bur chos thams cad dang/ rang gi lha'i sku la sogs pa rnams nam mkha' i rdo rje la snang zhing de nyid lha rnams kyi yang de kho na nyid kyi mchog mthong ba yin no/ /de nyid kyi phyir chos kyi sku yang sku gzhan dag dang sangs rgyas kyi chos thams cad yongs su rdzogs pa yin no/ /dang por byang chub kyi sems snang ba med pa la sems mnyam par 'jog pa ni rgyu'i rtsa ba nyid yin pa'i phyir ro/ /de nas lha'i sku la sogs par de nyid snang ba'i phyir ro/ /de nas de'i rang gi lus la sogs pa nyid yod na rang gi lus la sogs pa nyid du de ltar snang ba'i phyir ro/ /de nas de'i rang gi sems tsam nyid yod na rang gi sems nyid de ltar snang pa'i phyir ro/ /de nas de'i gnyis su med pa'i stong pa nyid yod na de nyid de ni de kho na nyid kyi mchog yin no zhes bya ba 'di ni nam mkha' rdo rje bsgoms pa yin te/ 'di ni 'dir dngos grub kyi mchog la gdams pa yin no/ /ngo mtshar du gyur pa ni sems la dmigs pa la'o/ /rmad du gyur pa zhes bya ba ni nam mkha' rdo rje la'o/ /rang gi sems kyi chos nyid la gnas nas zhes bya ba la/ rang nyid kyi sems nyid yin pas na rang gi sems te/ chos thams cad sems tsam nyid du mthong ba'o/ /de rnams kyi chos nyid ni rang dang spyi'i mtshan nyid stong pa nyid do/ /de la gnas pa ni sems kyi ting nge 'dzin te/ 'das ma thag pa'i nam mkha' rdo rje'i gdams ngag thob pa'o/ /nges sems shing zhes bya ba ni mngon du byed pa'o/ /cad mi smra bar zhes bya ba ni ngag gi rnam par rtog pa med par ro/ /'dir dang por rmi lam rnam par dpyad pa'i snying po'i tshigs su bcad pa ni mdo yin la/ de la tshigs su bcad pa nyid kyis ni rgal ba yin zhing de nas rgyas pas ni gzhung

  111. 56a

    btsugs pa yin la/ de nas gdams ngag yin no/ /zhes bya ba ni bsdus pa'i don yin no/ sems thams cad ces bya ba la sogs pa la sems kyang yin la thams cad kyi dam tshig kyang yin pas sems thams cad kyi dam tshig ste/ yid kyi ting nge 'dzin rnams so/ /de rnams kyi snying po ni stobs brtan par 'gyur ba'o/ de'i rdo rje ni mtshan ma'o/ /de rnams 'byung ba ni skyes pa'o/ /don de gsal bar byed pas le'u la yang de skad ces bya'o/ /de na de nyid kyi phyir 'di ltar le'u 'di ni bsnyen pa'i le'u zhes dngos kyi ming yin par rigs kyi sgrub ba dang por bstan pas gtso bor gyur bas ni ma yin no/ /gsang ba 'dus pa'i bshad sbyar snyim pa'i me tog ces bya ba las/ le'u bco lnga pa'o// //bcu drug pa ni sgrub pa'i le'u yin pa de bas na 'dir slob dpon gyi las dang/ dngos grub dang/ brtul zhugs dang/ sdom pa rnams bstan par bya'o/ /de la bris pa'i dkyil 'khor nyid du ni dngos grub kyi sgrub pa dang/ slob dpon gyi bya ba yin pa de bsan/ dang po bri ba'i dkyil 'khor gyi skabs dbye ba'i phyir de nas zhes bya ba la sogs pa gsungs te/ de bzhin gshegs pa thams cad kyi sku dang gsung thugs de rnams kyi dam tshig ste/ go bar byed pa ni le'u bzhi pa las /de bzhin gshegs pa kun zhi zhes bya ba la sogs pa gsungs te/ dkyil 'khor gsol po 'debs pa'i tshigs su bcad pa bzhi zhes bya ba'i don to/ /nges gsol ba btab nas so/ /de bzhin gshegs pa thams cad kyi rdo rje rin chen zhes pa la/ dga' ba rgyas par byed pas na rin chen no/ / nyon mongs pa zad par byed pas rdo rje ste/ gzugs rdo rje la sogs pa'o/ /de nyid mchod pa yin la de'i bkod pa ni gang dag gis nam mkha' khyab pa'i chogs so/ /rdo rje thams cad ni sangs rgyas dang byang chub sems dpa' thams cad do/ /de rnams kyi dkyil

  112. 56b

    'khor de nyid seng ge'i rgyal po dang 'dra bas na/ seng ge'i dam tshig gi rgyal po'o/ /de'i so sor spros pa de so so'i mtshan ma'i rnam par bsdus pas ni ji lta ba bzhin du bkod pa ni bkod pa'o/ /de la dmigs pa'i ting nge 'dzin la de skad ces bya'o/ /sangs rgyas thams cad kyi rdo rje'i sku ni rtag pa'i sku ste/ rnam par snang mdzad yin la/ de'i dkyil 'khor ni gsang ba 'dus pa brten dang bcas pa bris pa'i sku'i dkyil 'khor ro/ /mchog ces bya ba ni sku rdo rje de ni de bzhin gshegs pa thams cad kyi yin pa'i phyir ro/ /thugs kyi rdo rje de ni rdo rje 'chang gis sprul pa'i ting nge 'dzin gyi dkyil 'khor ro/ /de dang 'dra ba ni de dang mtshungs pa'o/ /dkyil 'khor rnams ni kun gyi zhes bya ba gsang ba gsum po 'dus pa ste/ de la lha mo rnams ni gsung gi gsang ba'o/ /khro bo rnams ni thugs kyi gsang ba'o/ /lhag ma rnams ni sku'i gsang ba'o/ /mchog ces bya ba ni gsang pa de rnams de bzhin gshegs pa nyid yin pa'i phyir ro/ /khru ni bcu drug ces bya ba ni logs re re zhing khru bzhi 'am khru bcu drug pa nyid do/ /'di ni sgrub pa'i dkyil 'khor gyi tshad yin no/ /dbang bskur pa la sogs pa'i dkyil 'khor ni logs re re zhing khru gang nas brtsams te/ khru stong gi bar yin no/ /sku'i rdo rje rab tu gnas zhes bya ba ni de'i bdag po can zhes bya ba'i don te/ /'khor lo ni bri bar bya zhes bya ba ni phyi'i dkyil 'khor gyi phyed kyi tshad tsam rdo rje'i thig btab nas ka ba brgyad kyis mdzes par byas pa'i re cha brgyad pa nang gi dkyil 'khor zlum po'o/ /rdo rje'i cho ga ces bya ba ni thig gdab pa la sogs pa nas dbang bskur ba'i mthar thug pa'i bar du sbyar? bar bya ste/ de kho na nyid bsdus pa dang dpal mchog dang po la sogs pa'i rgyud gzhan dag las spyir gsungs pa'i bya ba 'gal ba med pa can 'dir yang bya ba nyid yin pa'i phyir cho ga'o/ /gsang ba 'dus pa khyad par du gsungs pa ni 'gal ba nyid yin pa'i phyir rdo rje ste/ chog

  113. 57a

    dang lhan cig pa'i rdo rje'i cho ba'o/ /des thig 'dab cing bri bar bya'o/ /de bzhin du ji srid dbang bskur ba dang/ sngags dang ting nge 'dzin sbyin pa'i bar du rdo rje cho ga yis zhes bya bar sbyar ro/ /de ma lus par yang dkyil 'khor gyi cho gang blta bar bya'o/ /phyag rgya ni mtshan ma'i phyag rgya'o/ /de nyid ni rdo rje'i gnas te/ sngags rnams kyi de kho na nyid dgod par bya'o/ /ci 'dra ba zhig ce na/ gsang ba'i mchog ste/ mchog ni dam tshig go /yang na mchog ni phyag rgya chen po la sogs pa gzugs so/ / gsang ba ni bstan par bya ba ma yin pa ste/ bri bar bya ba ma yin no zhes bya ba'i don to/ /rnam par snang mdzad gnas ni 'od zer dang bcas pa'i 'khor lo'o/ /mi bskyod pa la sogs pa zhes bya ba ni de'i ngos kyi re'u cha rnams la ste/ 'od zer dang bcas pa'i rdo rje dad nor bu dang pad+ma dang ral gri'o/ /sku gsung thugs rdo rje mchog rnams grwa kun tu zhes bya ba ni sku'i mchog dang/ gsung gi mchog dang/ rdo rje thugs kyi mchog dang rdo rje'i mchog rnams ni go rim bzhin du spyan dang mA ma kI dang/ gos dkar mo dang/ sgrol ma yin te/ de rnams ni go rim bzhin du nang gi dkyil 'khor gyi me la sogs pa'i mtshams dag la dgod par bya'o/ /khro bo rnams ni zhes bya ba ni gshin rje gshed la sogs pa'o/ /lha mo rnams kyi mang po'i tshig dang sogs zhes bsdus par 'gyur te/ des na mchod pa'i lha mo drug gzung ste/ bzhi ni bya'i grwa bzhir ro/ /dbang ldan dang me mtshams gnyis su ni/ reg pa dang chos kyi dbyings kyi rdo rje ma dag rims bzhin no zhes kun dga' snying po'i zhal snga nas gsungs so/ /'di gnyis rtsa ba'i sgo'i ngos gnyis su ste/ de dag grwa? dang nye bas grwar zhes bya'o zhes ye shes zhabs kyi'o/ /sge'i ngos rnams kyang grwa yin pas phyi rim gyi grwa bcu gnyis su skye mched bcu gnyis te/ gleng gzhi'i gzhung dang dkyil 'khor chen po'i bstod pa las de dag smos pa'i phyir ro zhes gzhan dag 'dod do/ /de

  114. 57b

    la rgyal mo rnams kyi spyan dang/ /rdo rje dang pad+ma dang utpa la sngon po'o/ /mchod pa rnams kyis ni me long dang pi wang dang/ dril dus dang/ ro'i snod dang/ gos sna tshogs dang/ chos 'byung ba ces bya ba bri bar bya'o/ /sa'i snying po la sogs pa'i ni/ 'khor lo dang/ rdo rje sngon po dang/ nor bu dang/ pad+ma dang/ ral gri dang/ rdo rje bzang po rnams so/ /khro bo rnams kyi 'bar ba dang bcas pa'i tho ba dang/ dbyug pa dang/ pad+ma dang/ rdo rje kha gyes pa'i rnam pa'o/ /rdo rje gsang ba rab bsgoms pas zhes bya ba ni pad+ma dang rdo rje las byung ba'o/ /gsung rdo rje thams cad kyi ngo bo ni chos kyi ngo bo nyid kyi gsang ba gsum mo/ /de spros pa ni sprin te/ so sor spros pa'i sprin no/ /de rnams kyi bkod pa ni re re zhing mtshan ma'i rnam par bsdus nas ji lta ba bzhin du dgod pa'o/ /lhag ma rnams ni snga ma'i rjes su 'brangs nas shes par bya'o/ /rdo rje bsgoms pas zhes bya ba ni bsgom par bya ba'i don bstan par bsgoms pas so/ /rdo rje chos ni 'od dpag tu med pa ste/ 'di la rgyal po chen po de mnga' bas na de skad ces bya'o/ /rig pa'i dbang po ni 'od dpag tu med pa ste/ de'i ngo bo nyid yin pa'i phyir rig pa'i dbang po'o/ /'od dpag tu med pa de nyid kyi rang gi sku dang rang gi dkyil 'khor gang yin pa de dag ni gnas te gzhi'o/ /gsung gi rdo rje ni 'od dpag tu med pa ste/ de'i yon tan de rnams skyed par mdzad pa ste/ mthong ba dang 'jug pa la sogs pas de'i sa bon btab pa dang gsol ba gdab pa'i phyir ro/ /dbang par bya zhes bya ba ni dkyil 'khor sar pa bri bar bya'o/ /'khor lo chen po ni dbus ma'i dkyil 'khor ro/ /phyag rgya thams cad ni thams cad kyi mtshan ma'o/ /phyag rgya chen po ni mtshan ma chen po'o/ /de nyid du zhes bya ba ni le'u bzhi pa

  115. 58a

    las gsungs pa gang yin pa de nyid du'o/ /rdo rje'i gnas ni mtshan ma dgod pa'o/ /kun nas sprin ni dkyil 'khor gyi bdag po thams cad kyi dkyil 'khor spros pa'o/ /de rnams kyi chogs ni rang gi mtshan ma'i rnam pa ji lta ba bzhin du dgod pa'o/ /brtan pa nyid kyi phyir rdo rje'o/ /de la dmigs pa nyid kyi phyir de skad ces bya'o/ /rab tu gsang ba'i dkyil 'khor ni dkyil 'khor gyi de kho na nyid do/ /de ji ltar na mchog tu gsang ba yin zhe na/ de bzhin gshegs pa thams cad kyi bdag po dkyil 'khor gyi bdag po'i tshul du byang chub sems dpa' rnams kyang 'dir bskyed pa'i phyir ro/ /de yang rdo rje 'dzin ces bya ba la sogs pa la dkyil 'khor yang lha'i dkyil 'khor yin la/ gnas kyang de'i rten gyi 'khor lo yin pas na dkyil 'khor gyi gnas so/ /ji lta bu zhe na/ sku gsung thugs kyi gsang ba las phyung ste/ de bzhin gshegs pa'i gsang ba gsum las skyes shing gsum gyi yang dag par bsdus pa zhes bya ba'i don to/ /rten gyi dkyil 'khor yang sku'i gsang bas bsdus pa'i phyir ro/ /'di 'dra ba'i dkyil 'khor gyi gnas su de 'gyur ba ni bdag por 'gyur ba yin te/ gang yin pa'i gzugs te/ mtshan ma de'i dbus su legs bris pa'o/ /rdo rje 'dzin mchog ji lta bu zhig ce na/ de bzhin gshegs pa thams cad kyi gsang ba'i bdag po nyid yin pa'i phyir rdo rje 'dzin pa yang de yin la/ sangs rgyas dang byang chub sems dpa' rnams kyi nang nas gang yang rung ba nyid yin pa'i phyir mcho kyang yin pa de ltar na rdo rje 'dzin chog ste/ rin po che dang/ don yod pa dang/ sems dpa' dang/ 'jam pa'i rdo rje la sogs pa'i dkyil 'khor de dag tu 'gyur ro zhes bya ba'i don to/ /sangs rgyas bcom ldan 'das rnams dang byang chub sems dpa' rnams kyang kun nas bzang ba'i gzugs can yin te/ skyes pa dang/

  116. 58b

    bud med dang/ khro bo la sogs pa'i dbye bas sna tshogs par ston pa yin pa la 'dir the tshom mi bya'o/ /mu stegs pa'i lha rnams kyang rgyud 'dir dkyil 'khor gyi bdag po ma yin zhing dkyil 'khor pa yang ma yin te/ tshigs su bcad pa ni rdo rje 'dzin mchog gang yin pa'o zhes bya ba 'dis ni 'khor de dang/ 'khor lo'i dbang phyug sangs rgyas dang/ de'i sras ji ltar 'dod pa bzhin gsungs/ sku la sogs pa'i rdo rje gnas ni gsang ba'i dkyil 'khor ro/ /de'i ye shes dang de'i gsang ba ni don dam pa'o/ /dkyil 'khor thams cad 'byung ba ni thig gis bkod pa dang/ tshon dgye ba'o/ /de la dmigs pa'i ting nge 'dzin la de skad ces bya'o/ /dkyil 'khor thams cad ni sku la sogs pa'i gsang ba rnams so/ /de gsal bar byed pa'i yi ge gsum po la de skad ces bya'o/ /rdo rje dkyil 'khor ni gsang ba gsum gyi dkyil 'khor ro/ /de'i sngags ni de shes par byed pa'i phyir ro/ /snying po'i tshig ni de kho na nyid ston par byed pa'i phyir ro/ /yi ge ni yi ge gcig nyid yin pa'i phyir ro/ /gnas ni rjod bar byed pa yin pa'i phyir ro/ /de bas na yi ge gsum po 'di dag gis dkyil 'khor gyi thig gdab pa dang tshon dgye ba dag bya'o zhes bya bar dgongs so/ /thig gdab pa dang tsho? na dgye ba gang yin pa de dang de dag slob dpon rang nyid kyis rtag tu bya ba 'am zhe na/ de'i phyir rdo rje'i zhes bya ba la sogs pa gsungs te/ sngags ni rang gi lha nyid do/ /sngon du bsnyen pas bstan par byas pa'i sems ni sems dpa' o/ /yun ring por rig pa'i brtul zhugs can nyid yin pa'i phyir sngags sgrub pa'i sems dpa' 'di la yod pas na sngags kyi sems dpa' ste/ bsnyen pa mthar phyin pa dang rig pa'i brtul zhugs mthar phyin pa can gyi sgrub pa po la sngags kyis sems dpa' zhes gsungs so/ /des thig gdab pa dang tshon rtsi dgye ba rang nyid kyis mi bya'o/ /byas na

  117. 59a

    byang chub rnyed par dka' zhes bya ba ni rang nyid byed na/ de'i byang chub ni thob par dka' o zhes bya ba'i don to/ /gang gi phyir de lta yin pa de bas dam tshig tshul shes pas zhes bya ba ni dam tshig ni bshad ma thag ba'i tshigs su bcad? pa'i don to/ /tshul ni le'u bco lnga pa las gsungs pa'i lha dbab pa la sogs pa'i cho ga'o/ /de dag shes pa yin pas shes pa'o/ /sngags kyi lha rnams zhes bya ba ni/ rigs kyi tshig gcig pa tsan no/ /lo gnyis len pa'i khye'u dang bu mo dag lhag par gnas pa'i ci rigs par lha dang lha mo'i gzugs de dag ye shes kyi lha gnyis dag phab ste bcug nas su zhes bya ba'i don to/ /byin gyis brlab pa'i gnas ni mig dang sku la sogs pa byin gyis brlab pa'o/ /rnam par brtag pa ni de dag nyid 'dri ba ste/ gzhug par bya'o zhes bya ba ni lhag ma'o/ /sku dang gsung dang thugs kyi dkyil 'khor rnams go rim bzhin du lha dbab par bya la gnyis po go rim gang dang gang yin pa de ni rgyal chen zhes bya ba la sogs par gsungs so /sku'i dkyil 'khor gnas zhes bya ba ni lha gnyis po de dag nyid de/ go rim bzhin du sku'i dkyil 'khor ro zhes bya ba'i don to/ /rang gi chos ma rang zhes bya ba ni rang gi btsun mo 'dod chags dga' ma dang lhan cig go /gzhung la la las ni rang gi chos ma yin zhes 'byung ste/ de ni byed pa'i tshig med pa can yin no/ /'di ni zhes bya ba ni lha de dag gi snyoms par zhugs pa'i sngags rnams thams cad kyi gsang ba zhes bya ba ni gsung gi dkyil 'khor rten dang bcas pa'i de kho na nyid do/ /rdo rje sems dpa' ni mi bskyod pa'o// rdo rje thams cad kyi zhes bya ba ni thugs kyi dkyil 'khor rten dang bcas pa'i'o/ /snyoms par 'jug pa rnams kyi dbab pa byas pas cir 'gyur zhe na/ de ltar byas nas zhes bya ba la sogs pa gsungs te/ yid la dbang ba nyid ces bya ba ni lha drug

  118. 59b

    go/ gshegs te zhes bya ba ni mngon sum du bcas pa'o/ /gsang ba rnams kyi mchog ces bya ba ni sku la sogs pa'i dkyil 'khor ro/ /kyang gsungs so zhes bya ba ni bris pa'i dgos pa dang dkyil 'khor bsgrub pa dang/ sgrub pa'i mchod pa'o/ /sngags kyi dngos grub kyis zhes bya ba bsgrub pa'i phyir grub pa ste/ sngags kyi sems pas zhes bya ba'i don to/ /rdo rje bri ba'i gsang ba ni rdo rje gsang ba ste/ sku rdo rje la sogs pa babs pas bris pa'i dkyil 'khor ro/ /rmad bo che zhes bya ba ni de mthong na lha dang mi rnams kyi yid dga' bar byed pa'o/ /khro bo'i rgyal po ste/ gnod mjes rdo rjes so/ /mchod par bya zhes bya ba ni rang dang rang gi gnas su bkod la mig dang sku la sogs pa byin gyis brlabs pa dang dbang bskur bar byas so/ /dam tshig gi mchod pa dus gsum pa ni thun mtshams su'o/ /rdo rje dri med gsum dag gi ni rdo rje can te/ de ni 'khor gyi bdag po'o/ /rdo rje yi ni sbyor bas bya zhes bya ba ni dkyil 'khor gyi bdag po'i sbyor ba nyid kyis so/ /kyang gsungs so zhes bya ba ni lha bshos rnams so/ /sngags rnams zhes bya ba ni lha rnams so/ /bshang ba la sogs pa ni mi'i bdud rtsi lnga'o/ /tshigs su bcad pas ni lnga pa'i khyad par gsungs pa yin no/ /des de ltar sgrub pa'i dkyil 'khor ji ltar bri ba de bzhin du gsungs pa yin no/ /dam tshig gi dkyil 'khor yang ma grub tu zin kyang bri bar bya'o/ /de'i phyir ma grub pa'i dbang du mdzad nas/ thig gdab ba'i zhes bya ba la sogs pa gsungs te/ de'i sku dang thugs dang gsung gi dkyil 'khor bri bar bya ba'i phyir go rim bzhin du bdag nyid rnam par snang mdzad dam /yang na rdo rje 'od po che zhes bya ba 'od dpag tu med par bdag nyid bsgoms nas su'o/ /rdo rje mi 'chir grags slob ma zhes bya ba ni thig skud 'dzin par 'os pa'i slob ma bdud rtsi 'khyil pa nyid du bsgoms par bya'o/ /gzhan dag na re

  119. 60a

    bdag nyid rnam par snang mdzad dam/ dkyil 'khor gyi bdag po gzhan dag tu bsgoms nas/ slob ma rdo rje sems dpa' 'am/ bdud rtsi thab sbyor 'od zer 'bar ba can bsgom par bya'o zhes zer ro/ /las ni dkyil 'khor dri ba'o/ / de la brtson pa gang yin pa de ni sangs rgyas kun gyi ngas bsten pa/ bsgom par bya ste de ni sangs rgyas thams cad kyi goms par mdzad pa yin no/ /zhes bsam par bya'o/ /sangs rgyas zhes bya ba la sogs pa la rgyal chen zhes bya ba ni rgyal po chen po'o/ /rdo rje thig skud ni tshon gyi bye brag gis thig skud sangs rgyas dang kha dog mtshungs pa'o/ /de dag chung bar dgod pa ni sku 'am ye shes kyi thig gi rnam par nang du chud par dgod pa ni nang du chud par dgod pa ste bstim par bya'o/ /thig skud kha dog lnga par so so so sor bcos la thugs kyi dkyil 'khor bri bar bya ba'i phyir lag pa g.yon pa'i mthil du sor mo'i rtse mo nas brtsams te/ mthe bo'i rtsa ba'i bar du dkar po dang/ ser po dang/ dmar po dang/ ljang gu dang nag po rim bzhin du dgong ngo/ /sku'i dkyil 'khor gyi don du ni nag po dang/ ser bo dang/ dmar po dang/ ljang gu dang/ dkar po rnams so/ /gsung gi dkyil 'khor gyi don du ni dkar po dang ser po dang/ nag po dang/ ljang gu dang/ dmar po'o/ /rin po che'i dkyil 'khor gyi don du ni dkar po dang nag po dang dmar po dang/ ljang gu dang/ ser po'o/ /don yod par grub pa'i dkyil 'khor gyi don du ni dkar po dang/ ser po dang dmar po dang/ nag po dang ljang gu rim bzhin du bzhag la/ de rnams la dus thams cad du de bzhin gshegs pa lnga dang/ kha dog mthun pa'i sa bon bsams la de bzhin gshegs pa lnga'i rang bzhin can 'bar ba'i sras bu de bsam par bya'o/ /de nas ye shes kyi thig cho ga bzhin du bkug la bcug ste/

  120. 60b

    cho ga bzhin du bsgril par bya'o zhes bya ba'i don to/ /rnam pa nyi shu rtsa lngar ni/ tshon rtsi dag kyang rnam par bsgom par bya'o/ /thig skud 'ba' zhig la ni ma yin no zhes bya ba ni kyang gi sgra'i don to/ /rdul tshon kha dog lnga pa snod so sor bzhag la de bzhin gshegs pa thams cad kyi sa bon gyis de bzhin gshegs pa thams cad dang kha dog mthun pa'i rang bzhin can du byas nas 'bar ba'i lta bas sbyar te/ oM badzra tsi tra sa ma ya hUM zhes mngon par bsngags te/ thugs dang sku dang gsung dang/ nor bu dang sna tshogs kyi dkyil 'khor du ji ltar thig gdab pa bzhin du tshon gyis gzhi la phan tsa re ga'i don du rdul tshon phyi rol nas brtsams pa'i rim gyis nang du bya ba'i tshul gyis dgye bar bya'o/ /'dir tshigs su bcad pa ni/ dkar dang ser dang dmar dang ljang/ nag po mi bskyod dkyil 'khor du'o/ /nag dang ser dang dmar dang ljang/ /dkar bo rgyal po'i dkyil 'khor du'o/ /dkar dang ser dang nag dang ljang/ /dmar po dpag med dkyil 'khor du'o/ /dkar dang nag dang dmar dang ljang/ /ser po nor bu'i dkyil 'khor du'o/ /dkar dang ser dang dmar dang sngo/ /ljang dang sna tshogs dkyil 'khor du'o/ /thig dang rdul tshon dgye pa dag/ phyi rim nas ni rim bzhin brtsams zhes gsungs pa yin no/ /'dir yang dkyil 'khor bsgrub pa snga ma dang 'dra'o/ /de ltar dkyil 'khor chen po gsungs nas/ bsdus pa'i dkyil 'khor 'di ni zhes bya ba la sogs pa gsungs pa la sngags rnams zhes bya ba ni lha rnams so/ /rdo rje ni rdo rjes mkhrags par gyur pa ste/ ci rigs par bsdus pa zhes bya ba'i don to/ /hUM ni bsgom par bya/ sku dang gsung dang dam tshig mchog /bsgom par bya zhes pa ni dang gi don du rtogs par bya ste/ yi ge hUM du brtags pa dang sku la sogs par brtag par bya ba'i don to/ /de la hUM ni mi

  121. 61a

    bskyod pa'o/ /sku ni rnam par snang mdzad do/ /gsung ni 'od dpag tu med do/ /dam tshig ni don yod par grub pa'o/ /mchog ni rin chen 'byung ldan ste/ nam mkha' thams cad nyid yin pa'i phyir ro/ /gnas lnga dag tu zhes bya ba ni dbus su bdag po byas la de'i logs rnams su sangs rgyas bzhi dkyil 'khor chen po dang 'dra bar bya ba'o zhes bya ba'i don te/ /thams cad du bri ba'i dkyil 'khor la ji lta ba bzhin du bsam pa'i dkyil 'khor yang yin no/ /de ltar du byas na ni zhes bya ba ni ji ltar gsung ba'i cho gas bri bar byas na'o/ /rdo rje gsum po ro gcig pa'i byang chub kyi sems ni rdo rje mi phyed gsum ste/ de las skyes pa ni sangs rgyas dang byang chub sems rnams zhes bya ba'i don to/ / rdo rje sems dpa' zhes bya ba ni rdo rje sems dpa' nyid las so/ /'jigs shing zhes bya ba ni dam tshig las 'das pa'i 'jigs pa'o/ /des skrag pa ni rab tu 'dar ba'o/ /gzhan dag na de gnas lnga dag tu zhes bya ba ni ji ltar ba'i rigs kyi dkyil 'khor rnams su'o/ /sngags rnams zhes bya ba ni ye shes kyi'o/ /rdo rje hUM ni bsgom par bya ba gnod mdzes rgyal pos dgug par bsgom pa'o/ /de nas sku dang gsung dam tshig mchog bsgom par bya ba ni sku la sogs pa'i byin gyis brlabs pa'o/ /de ltar byas pas byin gyis rlob par byed ces zer ro/ /bum pa'i dgod pa bstan par bya ba'i phyir rdo rje bum pa zhes bya ba la sogs pa gsungs pa la/ sngags rgyud bdag pos zhes bya ba ni lha gang gi bum pa gang yin pa de'i sngags kyis de la bzlas pa'i phyir dang/ rgyud de 'bru lnga la sogs pas byin gyis brlabs pa'i phyir dang/ bdag po ste rang gi lha'i rang bzhin du bskyed pa'i phyir ro/ /dkyil 'khor gyi bdag po dang yin pa de nyid ni rdo rje

  122. 61b

    sems dpa' yin la/ ting nge 'dzin gnas zhes bya ba ni de'i rnal 'byor dang ldan pa'i slob dpon no/ /ci zhig brtan par bya zhe na/ de nyid dgod pa'o/ /brtan pa'i blos ni zhes bya ba ni ci rigs par bdag nyid dam bum pa la sogs pa la lha la sogs pa'i mos pa brtan pa'o/ /sbyin sreg gi cho ga brtan par bya ba'i phyir dngos grub ces bya ba la sogs pa gsungs te/ 'dod pa'i zhes bya ba ni don du gnyer ba'o/ /sngags shes pas ni zhes bya ba ni rgyud mang po shes pa ste/ de nyid kyi ngo bo lhag ma rnams bsgre ba zhes bya ba'i phyir ro/ /bsreg bya khyad par can ni bshad gcig zhes bya ba la sogs pa gsungs so/ /rdo rje gang ba'i sbyin sreg ni dga' blugs so rdo rje mi phyed gsum ni dkyil 'khor gyis bdag rban?/ /'khor lo de'i de dkyil 'khor pa rnams so/ /dbus su zhes bya ba ni 'bar ba'i me thab kyi dbus su'o/ /rang gi lha'i gzugs zhes bya ba ni bdag tu mos par byas pa'i dkyil 'khor gyi bdag po'i dkyil 'khor ba thams cad kyis yongs su bskor ba'o/ /zhal du zhes bya ba ni de rnams kyi zhal te/ de'i sa bon gyis byin gyis brlabs pa'i ljags? la'o/ /kyang gsungs zhes bya ba ni 'chad par 'gyur ba'i tshigs su bcad pa'o/ /dbang po gnyis kyis sbyor ba yis zhes bya ba ni me la zhugs pa'i dkyil 'khor gyi lha rnams snyoms par 'jug pa nyid du bsam pa'o/ /brgya rtsa brgyad ces bya ba ni nye bar mtshon pa tsam ste/ lan 'ga' stong rtsa brgyud dam dpag tu med pa'o/ /slob ma gzhug pa'i cho ga bstan pa'i phyir rnam par snang mdzad kyi zhes bya ba la sogs pa gsungs pa la/ slob ma zhes bya ba ni sngon du bya ba byas pa'i slob ma'o/ /rnam snang mdzad kyi sbyor ba yis zhes bya ba ni yi ge oM las rnam par snang mdzad du byas pa'o/ /rdo rje gsum

  123. 62a

    las byung zhes bya ba ni sku la sogs pas byin gyis brlabs pas te/ sku'i dkyil 'khor du gzhugs par bya'o zhes pa ni lhag pa'o/ /A:ni lus dang ngag sems la bsgoms nas zhes bya ba ni 'jug pa de la dbab par bya ba'i phyir de'i snying ga'i mtshan ma'i lte ba'i dbus su bde ba chen po'i sku mdog dmar po bsam la rdo rje de brdabs pa las byung ba'i dbyangs yig tha ma kha dog dmar po dpag tu med pa spros pa'i tshul gyis de'i lus dang ngag dang/ sems thams cad la bsgoms nas so/ /ci zhig byed ce na/ de'i 'od zer rnams kyis de dag bsgyur bar bya'o zhes bya ba ni lhag ma'o/ /de las cir 'gyur zhe na/ rdo rjes gzung bar bya zhes bya ba gsung ste/ sku rdo rjes slob ma de byin gyis brlabs par bya ste dbab par bya'o zhes pa'i don to/ /de bzhin du thugs kyi dkyil 'khor la sogs pa la yang dkyil 'khor gyi bdag pa'i sbyor bas 'jug pa la dbab pa ni/ rgyal chen zhes bya ba la sogs pa gsungs pa la rgyal chen ni 'od dpag tu med pa ste/ shin tu zhen pa yin pa'i phyir ro/ /rdo rje sems dpa' ni mi bskyod pa'o/ /sku gsung thugs kyi dam tshig ni yi ge A:las ji skad du bshad pa'i khyab par bya'o/ /de la 'di ni zhes bya ba la sogs pa la 'jug pa'i phyir rdo rje dam tshig ni 'da' bar dka' ba'i sngags so/ /dam tshig thams cad ni lha thams cad do/ /de rnams kyi lus dang ngag dang sems kyi dam tshig ni gsang ba gsum gyi dkyil 'khor ro/ /de rnams kyi sngags kyi rdo rje ni mi phyed pa'i sngags so/ /'di ni zhes bya ba ni yi ge lnga po 'di nyid do/ /de ci'i phyir zhe na/ /de bzhin gshegs pa lnga'i snying po rnams kyis thams cad

  124. 62b

    bsdus pa'i phyir ro/ /de bas na 'di nyid brjod pas dkyil 'khor thams cad du 'jug pa dang 'jug par byed par 'gyur ro/ /zhugs pa ni slob ma la ci rigs par cho ga ji lta ba bzhin du dbang bskur ba sbyin par bya'o/ /'dir tshigs su bcad pa ni/ phreng ba'i dbang bskur dang po ste/ /phred gtor spyi bor bcing phyir ro/ /chu dang cod pan rdo rje dang/ /bdag po dang ni ming dang gnyis/ /'di drug rig pa'i dbang bskur yin/ /slob dpon zhes bya bdun pa ste/ /slob dpon zhes bya 'di rnam gsum/ /rdor? gsang ye shes kyis bshad do/ /de la rig pa'i dbang bskur ba drug kyang rgyud gzhan dag dang 'dra ba nyid kyi phyir ma bshad do/ /slob dpon gyi dbang bskur nyid kyang khyad par rnam pa gsum dang ldan pa'i phyir bshad par bya ba yin no/ /de nyid kyi bstan pa ni de la 'di ni zhes bya ba la sogs pa gsungs te/ rdo rje chen po'i dbang bskur ba dang gsang ba dang yes kyi gsang pa zhes bya ba bzlas dbye ba'i tshig bsdu pa'o/ /ji ltar bstan pa bzhin du bshad par bya'o zhes bya ba'i rigs pas/ rdo rje chen po bstan pa dang po nyid bshed pa ni kun gyi zhes bya ba la sogs pa gsungs pa la/ sangs rgyas kun gyis zhes bya ba ni 'dus pa'i dkyil 'khor nang du chud cing zhu ba'i dam tshig gi ye shes kyi chus gang ba'i rin po che'i bum pa phyag na bsnams pa rnams kyis so/ /sil snyan dri la sogs pa nyid dam tshig yin te/ dbang bskur ba'i yo byad yin pa'i phyir ro/ /de rnams kyi sprin tshogs ni nam mkha' khyab pa ste/ chen po dang bcas pa'i rigs pa'i tshogs rnams kyi phyag na bsnams pa'o/ /rdo rje sku gsum sngags kyis ni zhes bya ba ni yi ge gsum gyis so/ /yungs kar zhes bya ba ni snying po'i sa bon gyi thig le las byung ba'i 'od zer rnams kyis so/ /btegs par bya zhes bya ba ni bskul par bya ba'o/ /yang na zhes bya ba ni phyogs gzhan no/ /sangs rgyas zhes bya ba ni nam mkha' i

  125. 63a

    ngos na bzhugs pa rnams so/ /rdo rje sems dpa' i ting nge 'dzin gyis zhes bya ba ni ting nge 'dzin brtan pas snyoms par 'jug pa yis so/ /dam tshig mchog rnams kyis zhes bya ba ni sangs rgyas de dag nyid kyi thugs ka'i sa bon gyis 'od zer gyi sgo las byung ba'i rig pa'i rgyal mo rnams kyis so/ /gzugs rdo rje ma la sogs pa'i yo byad rnams ni snga ma bzhin no/ /slob pa zhes bya ba ni slob dpon du dbang bskur bar 'os pa'o/ /rnam par snang mdzad ces bya ba ni dkyil 'khor gyi bdag po'i gzugs su'o/ /sku gsung thugs kyi rdo rje can zhes bya ba ni sku rdo rje la sogs pa'o/ /dgod par bya zhes bya ba ni de nyid kyi spyi po dang lkog ma dang snying ga rnams su'o/ /dbang bskur ba thams cad kyi gsang ba zhes bya ba ni dbang bskur ba gsum char yang rdzogs par byed pa'i de kho na nyid do/ /de gang zhig yin zhe na/ slob dpon thams cad kyi rdo rje'i tshig tu smra bar zhes bya ba gsungs te/ slob dpon thams cad kyis rdo rje'i tshigs su bcad pa'i tshul gyis dbang bskur ba'i skad cig la brjod par bya'o/ /tshigs su bcad pa de nyid ni sangs rgyas rnams ni zhes bya ba la sogs pa gsungs te/ sgrib pa'i dri ma 'khrus pa'i phyir 'dis dbang bskur bar byed pas na dbang bskur ba'o/ / gang gi sgrib pa zhes na phyir mi ldog pa nyid dang dngos grub thams cad kyi'o/ /rdo rje chen po zhes bya ba ni byang chub kyi sems chen po'o/ /sbyin zhes bya ba la slob ma 'di la zhes bya ba ni lhag ma'o/ /de yang gang yin zhe na/ sangs rgyas rnams ni thams cad kyi gsang ba gsum ste/ gsang ba 'dus par ro gcig pa'o/ /ji ltar bu zhig ce na/ rdo rje las byung ste dad pa'i dbang bskur ba ni lha thams cad kyi rdo rje las byung ba yin la gnyis pa ni ster ba po yi'o/ /gsum

  126. 63b

    pa ni yab kyi'o/ /ji lta na dang po nyid rdo rje chen po'i dbang bskur ba yin gyi gzhan dag ma yin nam zhe na/ 'dir rgya che bo nyid ni chen po nyid yin te/ phyag rgya chen po dang 'dra'o/ /de yang sku'i dbang bskur ba nyid yin pa'i phyir ram ster ba po du ma yin pa'i phyir ro/ /tshigs su bcad pa gang gis gsol ba 'debs pa can gyi slob ma la dbang bskur pa re re stsol ba de'i skabs dbye ba'i phyir /de la 'di ni zhes bya ba la sogs pa gsungs te/ slob ma thams cad kyis rdo rje chen po las gsol ba 'debs pa gang yin pa de'i cho ga gsang ba ni thabs kyi de kho na nyid de/ tshigs su bcad pa'i rang bzhin no/ /byang chub rdo rje ni rdo rje 'chang ba'o/ /tshon chen zhes bya ba'i tshig ni dga' ston chen po ste/ mngon par 'dod pa'i dbang bskur ba zhes bya ba'i don to/ /nam mkha' rdo rje ni rdo rje 'chang ba yin la/ 'dir ni slob dpon nyid nam mkha' rdo rje ste/ nam mkha' rdo rje dang mtshungs pa nyid kyi phyir ro/ /ji ltar stsal ba bzhin zhes bya ba'i tshig las de bzhin du stsol cig ces bya bar shes par bya'o/ /de tshe zhes bya bar gsol ba btab pa'i de ma thag tu'o/ /stsol bar mdzad pa ni slob dpon gyis so/ /lha'i gzugs kyi sbyor ba yis zhes bya ba ni rdo rje rnam snang gi tshigs su bcad pa bstan pa yis so/ /snying gar zhes bya ba ni slob ma'i ye shes sems dpa' i snying ga'i zla ba la'o/ /bdag po bzhag par bya ba ni rdo rje sems dpa' i dga' bde la zhugs par bsams la/ de nas dbang bskur ba sbyin par bya'o/ /rdo rje zhes bya ba la sogs pa la cho ga bzhin zhes bya ba ni cho ga bzhin du bcug la'o/ /dam tshig kyang zhes bya ba ni dang khyod de bzhin gshegs pa thams cad kyi rigs su zhugs kyis zhes bya ba la sogs pa rgya cher

  127. 64a

    gsungs pa'o/ /kyang gis ni dbab pa yang ste/ phreng ba dkyil 'khor du ngor la spyi bor bcings nas/ de nas sngags kyi yi ge'i tshig byin la zhes bya ba de ni de nyid kyi mig dag la 'bar ba dang bcas pa'i oM dkar po bsgom par bya'o/ /de nas mig dbye ba'i sngags kyis gdong g.yogs dkrol zhing de la dkyil 'khor dag ni bstan par bya ba ni gshin rje gshed nas brtsams te/ dkyil 'khor gyi bdag po'i par du'o/ /de nas chu dang cod pan dang rdo rje dang bdag po dang ming gi dbang bskur ba sbyin la rdo rje chen po'i dbang bskur ba sbyin par bya'o zhes bya ba ni lhag ma'o/ /de nas zhes bya ba ni rdo rje chen po'i dbang bskur ba'i 'og tu'o/ /dam tshig ni 'dab bar bya ba ma yin pa'i phyir ro/ /gsang ba ni bsgrag par bya ba ma yin pa'i phyir ram sba bar bya ba'i don nyid yin pa'i phyir ro/ /don yang bla ma'i man ngag las shes par bya'o/ /rdo rje'i lam ni byang chub kyi lam mo/ /'di dag gi ni zhes bya bas ni dam tshig bzhi po yis so/ /sems can thams cad ces bya ba ni de'i skal dang ldan pa rnams so/ /bskul bar bya zhes bya ba ni 'jug par bya'o/ /de skad kyang gsungs so zhes bya ba ni rdo rje'i lam ni zhes bya ba la sogs pa'i tshigs su bcad pa'o/ /de tshe zhes bya ba ni dam tshig bzhi bsgrags nas so/ /sngags kyang sbyin par bya zhes bya ba ni de'i 'dod pa'i lha'i sngags so/ /sngags kyis bskul ba smras pa yis zhes bya ba la sngags ni sngags bzlas pa'o/ /bskul ba ni sbyin pa bsgrag pa'o/ /smras pa ni blangs par brda sbrad? pa ste/ dkyil 'khor du rang nyid kyis brgya rtsa brgyad bzlas la bcom ldan bdag gis stsal lags kyis/ 'di la 'go bar mdzad du gsol zhes slob dpon gyis brjod cing slob mas kyang mgo bo btud la/ bcom ldan bdag la

  128. 64b

    gzung lags kyis/ bdag la 'go bar mdzad du gsol zhes brjod par bya'o zhes pa'i don to/ /sngags kyi rgyal po'i ting nge 'dzin dang/ zhes bya ba ni sngags de nyid kyi ting nge 'dzin kyang sbyin par bya ba ste/ dbu gsum dang phyag drug pa la sogs pa dang ldan pa sbyin par bya'o/ /gsang ba'i sbyin pa brtsams par bya zhes bya ba de ltar 'di la rig pa'i dbang bskur ba drug dang rdo rje chen po'i dbang bskur ba dang sngags dang sngags kyi ting nge 'dzin kyang sbyin pas de'i 'og tu gsang ba brtsams par bya ste /gsang ba'i dbang bskur ba sbyin par bya'o zhes bya ba'i don to/ /'dir dam tshig gi khu ba 'am zhes bya ba la sogs pa gsungs so/ /de nas shes rab ye shes kyi dbang bskur ba sbyin par bya ba'i phyir rnam pa 'di bzhi zhes bya ba la sogs pa gsungs pa la rnam pa bzhi ni bzhi pa'o/ /'di zhes bya ba 'di rnams so/ /gsang chen ni shes rab ye shes so/ /de la snod du rung ba ni gsang ba'o/ /ji ltar zhe na/ phyi rol gyi rig ma rnams de'i tshul du bsgoms pa'i phyir zhes dgongs so/ /gang dag gis gsang ba yin zhe na/ rdo rje can ni kun gyi ste kun ni mchog dang po'i gzugs can gyi dang dam tshig sems dpa' o/ /rdo rje ni rang gi lha'i rang bzhin gyi ye shes sems dpa' o/ /de dang ldan pa ste/ de dang ldan par bsgoms pa'i slob ma rnams zhes bya ba'i don to/ /bzhi gang zhe na/ sngags kyi zhes bya ba la sogs pa gsungs pa la bud med ni lha mo bzhi ste/ de'i gzugs so/ /sngags kyi 'khor lo ni lha rnams bsdus pa'i dkyil 'khor du gnas pa gang yin pa'o// sngags kyi rdo rje'i gsum gyi gzugs zhes bya ba ni mngon par mi shes pas de ltar gzhung du byas pa yin no/ /'o na bya ba gang gis gnas she na/ sems dpa' don spyod ces bya ba la sems dpa' ni rdo rje sems dpa' ste/ lha rnams kyi

  129. 65a

    dkyil 'khor gyi bdag po'o/ /de'i don ni bya ba ste/ sems can thams cad bla na med pa'i go 'phang thob par byed pa'o/ /de'i spyod pa ni bcom ldan 'das de nyid dang lhan cig nan tan du byed pa ste/ gti mug dga' ma la sogs pa zhes bya ba'i don to/ /'dis ni rdo rje sems dpa' bsdus pa'i dkyil 'khor yang bshad pa yin no/ /de la zhes bya ba la sogs pa la rdo rje dkyil 'khor yang de yin la thams cad kyang yin te/ de rnams kyi sngags so/ / de rnams mnyes par bya ba yang yin la spa bar bya ba nyid yin pa'i phyir gsang ba yang yin pas na'o/ /yid ches ba ni yid rton par byed pa nyid do/ /de lta ba ni the tshom med par zad par byed pa'i dpyad pa'o/ /rdo rje gsang ba'i cho ga dag ste de ni ji ltar mna' bsgags pa la sogs pa gus par nyan par gyur pa'o/ /sgrub pa'i dkyil 'khor du ni don yang yin te yid ches pa zhes bya ba ni sngags kyi che ba'i bdag nyid yid ches pa'i yan lag skyes bu'i rang gi byed pa'o/ /mkhas pas zhes bya ba ni sngags kyi sems dpa' o/ /ci lta zhe na/ bshang gci bya ba dang zhes bya ba gsungs te/ de ma thag tu 'chad par 'gyur ba dang ngo/ /rdo rje gsang ba'i tshig dag gis zhes bya ba ni snod la babs pa'i sku rdo rje la sogs pa btsun mo dang bcas pa bris pa'i dkyil 'khor du sngar ji skad gsungs pa'o/ /bshad pa la sogs pa'i dbang du bya ba de nyid ni sngags rnams zhes bya ba la sogs pa gsungs pa la/ sngags rnams kun gyi zhes bya ba ni dkyil 'khor ba thams cad dang brel ba ste/ de las de rnams spros te bsdus pa'i gzugs rin po che phra bas byin gyis? brlabs pa'i thig le zhes bya ba'i don to/ /'bar ba ni bshang ba la sogs pa la yi ge oM bsgoms pa las de nyid la 'bar ba spro bar bsgom pa'i phyir ro/ /sngags chen po ni yi ge oM/

  130. 65b

    mo// de'i rdo rje rin po che'o/ /de nyid ni rig pa'i skyes bu ste/ /des rdo rje ni bshang? ba la sogs pa 'bar ba'o/ /de ston par mdzad pas na bcom ldan 'das la yang de skad ces bya'o/ /de nas sngags kyi sems dpa' des sgrub pa'i dkyil 'khor du ci zhig bsgrub par bya zhe na/ dngos grub ces bya ba la sogs pa gsungs te/ dngos grub dman pa thams cad dang dam tshig chen po ste/ rdzogs par byang chub pa chen bo'o/ /sgrub pa ni sgrub pa'i dkyil 'khor du bya ba ste/ tshig rkang pa gnyis pa ni bstan pa'o/ /tshigs su bcad pa phyed dang gnyis kyis bshad pa ni nan tan ni yan lag drug gi bsnyen pa la sogs pa'o/ /sangs rgyas byang chub ni bco lnga pa las gsungs pa'i sa bcu pa'i dbang phyug nyid do/ / nyid dag ces bya ba ni mngon sum du gyur pa nyid yin gyi 'dra ba tsam ni ma yin no/ /kyang gi sgras ni mi snang ba la sogs pa yang sbyar te mi snang ba ni ri lu la sogs pa'o/ /stobs ni rig pa 'dzin ba'i bdag po'o/ /brtson 'grus ni mngon par shes pa lnga'i mtshan nyid can gyi mthu'o/ /rdo rje 'gugs pa ni sangs rgyas la sogs pa 'gugs pa'o/ /mchog dag ni dam par gyur pa'i sangs rgyas byang chub sems dpa' rnams dang 'dra ba ste/ rdo rje gsum zhes bya ba'i don to/ /dngos grub dmon pa 'di dag ni le'u bcu gnyis par bstan pa yin no/ /lhan cig 'khod ces bya ba ni lhan cig gnas pa ste/ dkyil 'khor gyi dbus su mtshan thog thag bzhag pas so/ /de ltar rdzas de grub par gyur na mthu chen po ldan par 'gyur ro/ /de la zhes bya ba la sogs pa la gsang ba'i rdo rje ni rigs gsum gyi khro bo rnams so/ /de nyid ni man ngag gzhug pa ste/ bka' bsgo ba

  131. 66a

    thams cad byed pa'o/ /de lta bur gyur pa de rnams kyi rab tu bsgrub ba ni rdzogs par byed ba'o/ /de'i don gyi tshig gi mchog ni gsang ba'i khro bo de rnams kyi sa bon gyi chig yin te sangs rgyas thams cad nang du chud pa'i phyir mchog ste dam pa'o/ /h+ri ni zhes bya ba la sogs pa la rang gi 'dod pa'i lha'i sbyor ba dang ldan pas mdun gyi nam mkha' la/ yi ge h+ri 'bar ba'i phreng ba can dang/ sangs rgyas kun gyi nam mkha' yongs su khyab bar byed pa rnam par bsgom par bya'o/ /sku gsung thugs kyi gnas ni sku la sogs pa'i dngos po thams cad do/ /der ni sngags la zhes bya ba ni yi ge h+ri la'o/ /dbab par bya ba zhes bya ba ni bsdu bar bya/ /sku dang gsung dang thugs kyi sngaD ni rdo rje ni sku la sogs pa'i gsang ba dang gnyis su med par gyur pa'i yi ge h+ri'o/ /de'i byin gyis brlabs pa ni brtan par byed pa'o/ /de'i don gyi tshig ni sngags te a khaM kha'o/ /gzhung kha cig la ni a khaM bi'o/ /phyag na rdo rje ni bgegs mthar byed dam/ /gnod mdzes rgyal po'o/ /phyag na pad+ma ni pad+ma mthar byed do/ /gzhan gyis mi thub pa ni gshin rje gshed dmar pos rab mthar byed do/ /bsgoms nas zhes bya ba ni yi ge h+ri de las byung ba bka' nod par rnam par bsams nas so/ /gsang ba'i gnas zhes bya ba ni gsang ba'i gnas nyid de thugs kyi gsang ba zhes bya ba'i don to/ /de gang yin zhe na/ de la zhes bya ba la sogs pa gsungs ba la rdo rje ni mngag gzhug pa'i khro po rnams te/ de rnams kyi gsang ba'i gnas so/ /nyi ma zhes bya ba la sogs pa la mngag gzhug pa'i snying gar nyi ma 'bar ba la gnas pa 'od zer gyi phreng ba can gyis mi bskyod pa

  132. 66b

    la sogs pa gang yang rung ba'i rigs kyi dbye bas bsam par bya'o/ /snying bo zhes bya ba ni a las byung ba'i rtse gsum la sogs par so/ /bskul bar bya zhes bya ba ni brdeg par bya ba'o/ /sdug bsngal chen po yis zhes bya ba ni sdug bsngal mi zad par byed pas so/ /'od chen thams cad ces bya ba ni nam mkha' khyab ba'i ye shes kyi mngag gzhug pa'o/ /rdo rje thams cad ni ye shes kyi mngag bzhug pa'o/ /de rnams kyi snying po rdo rje ste/ rtse gsum la sogs pa spros pa yis so/ /bskul ba 'di brdeg pa'o/ /aM ni dam tshig gi mngag gzhug pa'i thugs kyi gsang ba'i snying ga'i nyi ma la bsam par bya ba'i sngags so/ /ji ltar bskul bar bya zhe na/ mdur rtse che dang zhes bya ba la sogs pa gsungs te/ cho ga bzhin zhes bya ba ni yi ge A:nyid las mdud rtse la sogs pa spros pas dam tshig gi mngag gzhug pa la byin gyis brlabs la bdag la grub par gyur cig ces bya ba'i bsam pas brdeg pa ni 'dir cho ga yin no/ /sangs rgyas byang chub ces bya ba ni sangs rgyas kyi thabs kyi mngag gzhug pa'o/ /sa phyogs gang du mngag gzhug pa bsgrub par bya ba dang/ dus ji srid nas 'grub par 'gyur ba de na nyams dga' ba'i zhes bya ba la sogs pa'i tshigs su bcad pas gsungs pa yin no/ /mngag gzhug ba grub par gyur nas cir 'gyur zhe? na/ ri rab ces bya ba la sogs pa gsungs te/ rdo rje can nyid byang chub ste/ de'i don gyi 'khor rnams so/ /'gro bar 'gyur zhes bya ba ni rdzu 'phrul gyi 'gro bar 'gyur ro/ /thos 'gyur zhing zhes bya ba ni de nas bzhugs pa sangs rgyas rnams so/ /sangs rgyas sa yang zhes bya ba ni mthar 'tshang rgya ba nyid do/ /dam tshig rdo rje'i bzhad pa yang de yin la chen po yang yin pas na'o/ /de la dam tshig ni dam tshig gi mngag gzhug pa'o/ /de'i rdo rje ni thugs kyi gsang ba'o/ /de'i bzhad pa ni snying gar gnas pa'i yi ge a'oM(rgyud 'grel): las byung ba'i

  133. 67a

    mdung la sogs pa'i tshogs so/ /de yang nam mkha' khyab pas na chen po yin te/ ye shes kyi mngag gzhug pa'i rigs kyi snying po bskul bar byed pa nyid kyi khyab par byed pa nyid yin pa'i phyir ro/ /de ston par mdzad pa nyid kyi phyir bcom ldan 'das la yang de skad ces bya'o/ /mngag gzhug pa bsgrub pa rnam pa gnyis las gcig bshad nas gnyis pa bshad pa'i phyir/ de la zhes bya ba la sogs pa gsungs pa la de la zhes bya ba ni snga ma bzhin du bskyed pa'i dam tshig gis mngag gzhug pa'o/ /mngag gzhug pa thams cad kyi gsang ba'i rdo rje ni sku dang gsung dang thugs kyi gsang ba'o/ /de rnams kyi gsang ba ni de kho na nyid do/ /de gang yin zhe na/ rdo rje sems dpa' zhes bya ba la sogs pa la ni mi bskyod pa dang/ 'od dpag tu med pa dang rnam par snang mdzad kyi'o/ /dgod pa zhes bya ba ni snying ga dang/ log ma dang spyi bor 'bar ba'i phreng ba can 'di rnams rnam par dgod pa yis so/ /bskul zhes bya ba ni grub pa'i phyir sad par bya ba ni gsang ba gsum dgod par byas par ro/ /rdo rje ni gsang ba'o/ /de rnams kyi ye shes kyi 'khor lo ni de dag nyid kyi snying ga'i sngags kyi 'od zer gyi sprul pa rnams re re zhing nam mkha' khyab pa'i ye shes kyi mngag gzhug pa'i rigs gsum pa'o/ /de rnams kyi dam tshig gi gnas bzhi ni dam tshig gi gnas bzhi ste/ dam tshig ni ye shes kyi 'khro lo yin la de'i gnas ni las rnams so/ /dam tshig bskul ba ni A(rgyud 'grel): la sogs pa'i rang gi de kho na nyid kyis sad pa'o/ /dam tshig gtong ba ni a la sogs pa'i 'od zer pho nya'i gnas su gyur pa rnams gteng ba'o/ /dam tshig bod pa ni 'od zer de dag nyid kyis dgug pa'o/ /dam tshig bcing ba ni bkug pa de nyid yi ge A(rgyud 'grel): la sogs pa la bsdus te 'jog pa'o/ /de nas

  134. 67b

    dam tshig gi tshig 'di dag gis ci zhig byed ce na/ mkha' dbyings zhes bya ba la sogs pa gsungs te/ ye shes kyi khro bo'i 'khor lo'i rang bzhin nyid yin pa'i phyir chos kyi dbyings su ro gcig pa'i rdzogs pa'i byang chub gyi sems ni nam mkha' khams kyi rang bzhin nyid yin pa'i phyir mkha' dbyings so/ /mdza' yas pa nyid kyi phyir rgya chen no/ /rang bzhin gyis 'od gsal ba nyid yin pa'i phyir dag pa'o/ /rnam pa thams cad du gzung? ba dang 'dzin pa'i rnam pa dang bral ba nyid kyi phyir chos rnams thams cad rnams spangs pa'o/ /de gong bu'i tshul gyis zhes bya ba ni rdo rje gsum du bsdus pa'o/ /rdo rje nyid ni ngo mtshar du gyur pa'i tshul can yin te/ de dang ldan pas na rdo rje rmad 'byung gzugs can te/ nam mkha' khyab par byed pa'i sangs rgyas thams cad kyi bu gcig pa ni gsang ba gsum bsdus pa de rnams kyis bskyed pa nyid kyi phyir ro/ /de gang yin zhe na/ dam tshig gi mngag gzhug pa'o/ /de ston bar mdzad pa nyid kyi na bcom ldan 'das la yang de skad ces bya'o/ /mngag gzhug pa sgrub pa 'di la yang de nyid 'bras bu yin te/ gzhan du ma gsungs ba'i phyir ro/ /mngag gzhug pa sgrub pa'o/ /rdo rje lus med kyi sbyor ba ni sangs rgyas zhes bya ba la sogs pa gsungs te /'ang gi sgras ni lha dang mi'i dbang po'i bu mo la sogs pa'o/ /'di zhes bya ba ni 'chad par 'gyur ba'i bsam gtan no/ /bsgrub par bya ba'i lus dang ngag dang yid ni rdo rje gsum mo/ /de dbang du byas nas mdun du 'jog pa'i phyir rdo rje mchog gsum 'dzin pa'o/ /rdo rje 'jam pa zhes bya ba ni zla ba dmar po la gnas pa sku dang thugs dang/ na bza' dang/ rgyan dang phreng ba dmar po'o/ /mda' lnga zhes bya ba la sogs pa la bsgrub par bya ba kha dog dmar zhing gos med pas 'jigs

  135. 68a

    par 'gyur ba mdun du bsams te/ de nyid 'bem du byas nas tsam las byung ba'i gzhu dmar bo lag ba g.yon pas gzung la gzhu'i rgyud 'dren bar byed pa can ser mo lnga'i nang na gnas ba'i yi ge ram las byung ba'i utpa? la dmar po kha ma bye ba'i mde'u dang ldan pa'i mda' lnga 'dzin par byed pa'i g.yas kyi khu tshur cod pan gyi mthar 'jog pa ni mnga' lnga'i sbyor ba dag gis ni dbu rgyan rtse mor ro/ /des yang dag spro pa ni mnga' lnga las mnga' lnga 'byung zhing spro ba bsam par bya'o/ /de nas mda' las byung bas ci zhig byed ce na/ gnas lnga dag tu rab tu dbab pa ste/ bsgrub par bya ba'i mig gnyis dang/ snying ga dang lte ba dang gsang ba rnams su'o/ /rdo rdo khro bos zhes bya ba ni 'bar zhing chags pa dang bcas pa'i yi ge hUM ma/ yi ge maM gyis so/ /brgyal ba ni myos te dbang du gyur pa'i phyir ro/ /de zhes bya ba ni bsgrub par bya ba'o/ /byis pa'i gzugs yang de yin la/ sangs rgyas thams cad kyi blo yang yin pas na byis pa'i blo ste 'jam dpal lo/ /de'i grags chen grags pa dang ldan ba'i mda'i gsang ba'i bskul ba dag gis zhes bya ba ni gnang du bsnun ba yas so/ /sngags rnams kun ni lha thams cad do/ /de rnams kyi rab gsang ni nor ro/ sgrub pa pos don bya ba yin la blo ni bsgrub par bya ba rnams kyi bsam pa yin pas na/ don gyi blo yin zhing de gang las dbyer mi phyed par 'gyur pa de ni rdo rje don gyi blo ste/ rdo rje lus med kyi sbyor ba'o/ /de ston par mdzad ba nyid kyi phyir bcom ldan 'das la yang de skad ces bya ste/ /rdo rje lus med do/ /mchog dang zhes bya ba'i phyag rgya chen po'i gzugs so/ /nam mkha' i dbyings ni chos 'byung pa ba'i nang du chung pa'i gzhal yas khang ngo/ /ji ltar bsaM par bya zhe na /sngags kyi rdo

  136. 68b

    rje hUM la sogs te dbyangs kyi yi ge thams cad las byung ba'i zla ba'i dkyil 'khor la gsal ba'i yi ge thams cad yongs su bskor ba mchog dang po'i snying po ste de las rdo rje'o/ /de'i dbus su snying po de nyid do/ /sogs pa smos pas ni spro ba dang bsdu ba dang/ rdo rje 'dzin ba bskyed ba 'dod chags chen po'i tshul la sogs pa'i rim gyis dkyil 'khor gyi bdag po dang/ dkyil 'khor pa rnams sprul pa dang/ dkyil 'khor gyi bdag po la sogs pa de rnams kyi rdo rje gsum la sogs pa sgoms te/ sku rdo rje la sogs pa dang/ ye shes sems dpa' dang/ cod pan la rigs kyi bdag po dang/ rig pa dangyang dag par sbyor ba ci rigs par bsgom par bya'o/ /zhes bya ba'i don to/ /cho ga bzhin du zhes bya ba ni slob ma gzhug pa'i cho ga bzhin du'o/ /bstan zhes bya ba ni sprul pa'i dkyil 'khor 'di bstan pa'o/ /oM ni mig gi dbus bsams nas zhes bya ba ni sngags kyi yi ge'i tshig byin la zhes sngar gsungs ba gang yin pa'o/ /sprul pa'i dkyil 'khor yang dag par bstan pa'o/ /bkres skom zhes bya ba ni bkres dang skom pa rnams kyis so/ /nyon mongs chos zhes bya ba ni ngal ba chen po yin te/ de gyur bas rnams bsams nas te zhi ba'i don du'o/ /don rnams thams cad 'byor ces bya ba ni gzugs kyi phung bo la sogs dbang thob pa'i phyir ro/ /bam zhes bya ba ni bum pa dkar po lta bu'o/ /kha'i nang du zhes bya ba ni ma mchu dang sbyar cing cung zad khas sgrub pa'o/ /bza' bar bya ba kun zhes bya ba bza' par bya ba dang btung ba la sogs pa'o/ /yid bzhin nor bus brgyan pa ste zhes bya ba ni zla ba phyed ba'i rang bzhin can phyed bkad ba'i thig le'i gzugs can gyi yid bzhin gyi nor bus rnam par brgyan pa ste/ bum ba bzang po nyid yin

  137. 69a

    pa'i phyir ro/ /ye shes rdo rje ni ting nge 'dzin bstan pa'o/ /de las byung ba ni bskyed pa'o/ /zhi ba ste nyon mongs pa med pa bkres pa la sogs pa'i sdug bsngal spong ba gang yin pa de 'dra ba'i yi ge pa bsams nas so/ /oM ni lce la 'dug par bsam lce'i rtse mo la yi ge oM bsam pa kha der gtang par bya ste/ bza' ba dang btung ba la sogs brdub pa'i phyir ro zhes bya ba'i don to/ /yid bzhin gyi nor bu rdo rje 'di nyid ting nge 'dzin to/ /de ston par mdzad pa la yang de skad ces bya'o/ /zas kyi yid bzhin nor bu'o /dpa' bo chen po'i rdo rje yang de yin la de bzhin gshegs pa yang yin ste/ de'i rdo rje bsgoms pa ni sku gsum bsgom pa'o/ /de'i dam tshig gi mchog ni sa bon gyi ? ? rdo rje gsung las zhes bya ba ni rdo rje gsung la sogs pa las so/ /bsgom pa ni sangs rgyas zhes bya ba la sogs pa gsungs pa la sangs rgyas dkyil 'khor ni zla ba'i dkyil 'khor ro/ /rdo rje gsum ni zla ba dang rdo rje baM gi'o/ /de rnams kyi sku'i sbyor ba ni nam mkha' khyab par byed pa'i rgyal ba'i sku bsdus pa ste des bskyed pa'o/ /des ci zhig bskyed ce na/ skabs nyid yin pa'i phyir dpa' po rdo rje'o/ /ser ba zhes bya ba ni gser lta bu'o/ /rdo rje 'gyid ba zhes bya ba ni phyag na gnas pa'i rdo rje 'bar ba lta bu'o/ /rang snang ba'i rig pas 'khyud pas rdo rje dang/ ral gri dang nor bu dang/ pad+ma bsnams pa'o/ /'di ni rnam par bsam zhes bya ba ni sa bon gyi yi ge baM snying ga'i zla ba rdo rje'i lta ba la gnas pa bzla ba'o/ /bsams nas zhes bya ba ni de lta bu'i yi ge baM gi rnam par bsams nas so/ /thams cad brtsams par bya ba ni bsgrub par bya ba ma yin pa'i las kyang brtsams nas de nges par 'grub par 'gyur ro zhes bya bar dgongs so zhes pa'i don to/ /

  138. 69b

    rdo rje dpa' bo'i rlabs ni brtson pas gzengs bstod pa'i sngags kyi 'od zer rnams te de rnams kyi phreng ba'o/ /de la dmigs pa'i ting nge 'dzin la yang de skad ces bya'o/ /dpa' bo'i rdo rje'o/ /kun nas dbyangs ni sngags thams cad de sangs rgyas dang byang chub sems dpa' zhes bya ba'i don to/ /de'i rdo rje ni tsun de'i rnam par bsdus pa'o/ /de la dmigs pa'i ting nge 'dzin la de skad ces bya'o/ /rdo rje chen mo bskul byed ma de nyid de de'i bsgom pa'i don gyi tshig ni sa bon no/ /rdo rje gsum gyi zhes bya ba ni rdo rje sems dpa' la sogs pa'i byang chub sems dpa' rnams so/ /lus dang ngag dang sems zhes bya ba ni nyi ma dang pad+ma? dang yi ge tsu? mo/ /rab tu bsgom zhes bya ba ni rab tu brtags chas? bsgom pa ste/ nyi ma'i gdan dang nyi ma'i 'od mda' ba thabs kyis 'khyud pa pad+ma dkar po dang ral gri dang nor bu dang/ 'khor lo bsnams pa'o/ /rdo rje sems dpa' zhes bya ba ni mi bskyod pa'i cod pan ni/ /sngags kyi tshig ces bya ba ni snying ga'i nyi ma la bzlas pa'i sngags kyi yi ge tsuM 'am/ yang na oM tsa ? tsu? la tsunde swAhA zhes bya pa'o/ /de la sdig pa rnams bskyod cing sel bar mdzad pas na ci le'o/ /de rnams kyang mi phyed pa'i sdoms shing yang dag par sdom bas na tsu la'o/ /dkar po'i chos rnams kyis 'bar bar byed cing gsal bar byed pas na tsun de'o/ /tsun de'i don gyi yi ge baM las/ yang na tsa lA tsu la tsunda'i? don gyis yi ge gsum mo/ /rdo rje ni sngags thams cad do/ /de rnams kyi dam tshig ni bsdus pa ste de nyid ni skul byed ma'o /de'i ye shes ni sa bon te/ de'i 'od zer ni phreng ba'o/ /de dag la dmigs pa'i ting nge 'dzin la yang de skad ces bya'o/ /sdig pa thams cad 'jig pa'o/ /bsam ba thams cad ni nor thams cad bsam pa'o/ /de'i rdo rje'i longs spyod ni nges par

  139. 70a

    rdzogs bar byed pa ste dpal gnod gnas so/ /de la dmigs pa'i ting 'dzin la de skad ces bya'o/ /ting nge 'dzin de nyid ni ting nge 'dzin rdo rje'o/ /de'i tshul ni thabs so/ /sangs rgyas dkyil 'khor ni zla? pa'i dkyil 'khor ro/ /rdo rje bsgom bas zhes bya ba ni zla ba de la sa bon gang ba de'i lte bar rdo rje ste dzaM bsgom pa'o/ /sangs rgyas kun zhes pa ni sangs rgyas thams cad do/ /dbab par bya zhes bya ba ni yi ge dza? la bsdu ba'o/ /ji? lta la ni gnod sbyin chen po zhes bya ba ni ser bo 'am nag po'i zla ba'i gdan dang/ zla ba'i 'od yod pa mi'u thung gsus ba che ba rang? snang ba'i rig mas 'khyud pa lag pa g.yas gnyis na sa bon gang ba dang/ ral gri thogs pa g.yon pa gnyis na rin po che skyug ba ne'u la dang pad+ma thogs ba'o/ /thor tshugs dang dbu rgyan dang rdo rje can ni sku rdo rje can la sogs pa ste/ de dag dang ldan pa'o/ /gnas lnga dag tu zhes bya ba ni cod pan gyi steng gi bar snang la'o/ /cho ga yis zhes bya ba ni lnga po yang rang gi rig pa rjes su mnyes pa'i cho gas gnas pa'o/ /rdo rje bdud rtsi'i chu zhes bya ba ni de dag nyid kyi dga' ba byung ba'i rgyun mi 'chad pa'o/ /dbul zhes bya ba ni spyi bor dbang bskur ba'i phyir ro/ /rdo rje sems dpa' i zhes bya ba ni mi bskyod ba'i'o/ /cho ga yis zhes bya ba ni chu de nyid kyis bskyed pa'o/ /de bzhin du rdo rje sems dpa' la sogs pa'i sbyor ba dang ldan bas snod la sogs par rmugs 'dzin gyi mdzod sbu ru gnas pa yi ge ji ser po'i 'od zer rnams kyi sgrubs po/ /kun tu 'gangs bar bye bar bsams la lag pa g.yas pa'i ser mo'i rtsa ba rnams la/ rdo rje chu de bdud rtsir mos bar byas la phyir chu de'i spyi bor sngags bzla zhing sbyin par bya'o/ /sngags ni oM dzam+b+ha la dza len+d+ra a swAhA/

  140. 70b

    rdo rje rgya mtsho'i byang chub kyi sems kyi rgya mtsho ste/ dpal gnod gnas so/ /de la rdzas bsgrub pa ni nor thob pa'i la'o/ /de'i don gyis tog gi dpal ni rgyal mtshan mdzes pa'o/ /de'i 'bras bu nyid kyi sa de gsal bar byed pa nyid kyi phyir ro/ / rdzas sgrub pa'o/ /mi zad pa'i 'dod pa ni rdo rje 'dod ba ste/ /de rnams kyi nye bar longs spyod pa'o/ /de'i don gyi dpal ni de sgrub par byed pa yin pa'i phyir ro/ /de yang khyad par gyi gnod sbyin mo yin no/ /de la dmigs ba'i ting nge 'dzin la yang de skad ces bya'o/ /gnod sbyin mo thams cad kyi tshig ni bsdus pa'o/ /de las skyes pa'i ni rdo rje gnod sbyin ma gcig gi gzugs so/ /de'i dam tshig ni sa bon no/ /mkha' dbyings rdo rje ni de'i mdun gyi nam mkha' o/ /rin chen bzhi las byas zhes bya ba ni shar dang lho dang nub dang byang gi ngos rnams shel dang in+d+ra nI la dang pad+ma rA ga dang mar gang la sogs pa'i ri bo'o/ /kun tu 'khrigs zhes bya ba ni khyab pa'o/ /rdo rje gsum gyi sbyor bas dbab ces bya ba ni ji skad du bshad pa'i ri bo'i phug gi dbus kyi pad+ma la 'dug ba zla mtsham ma'i yi ge k+Sh+NI? ni rdo rje sbyin pa gsum ste/ de la sbyor ba des dbab par bya ste/ k+Sh+NIm? gi 'od zer rnams kyis bkug nas yi ge k+Sh+NIM? la gzhug par bya'o zhes bya ba'i don to/ / gzugs gcig dag ni zhes bya ba ni rgyud gzhan dag gi rjes su 'brangs nas longs spyod ldan ma la sogs pa gnod sbyin mo 'am/ gzhan gang yang rung ba'i gzugs so/ /de la longs spyod dang ldan pa ni rin po che'i ri? phug de nyid na g.yon pas dpag bsam gyi shing de la brten bas g.yas pas gdugs dkar bo thoD pa gser gyi mdog can yid du 'ong ba'i gzugs dang ldan pa dar la bab cing sgeg pas rnam par rol pa'i kha 'dzums ba can dar la'i stod g.yogs dang smad g.yogs

  141. 71a

    can rgyan thams cad kyis brgyan pa/ kha dog lnga'i me tog phreng bas skra phyed 'khyil bas mgo brgyan pa'o/ /las gsum zhes bya ba la sogs pa la rang nyid 'jam pa'i rdo rje'i ting nge 'dzin la gnas te/ gnod sbyin mo de'i bsam gtan bsgom par bya'o/ /ji lta bu zhig ce na las gsum ste/ las gsum po 'di la yod pa'i phyir ro/ /ji ltar na las gsum yin zhe na/ rdo rje'i bye phrag gis te/ sku la sogs pa'i dbye bas so/ /khro bo zhes bya ba ni gshin rje gshed do/ /sngags kyi tshig ces bya ba ni yi ge k+Sh+NIM do/ /rdo rje sbyor ba zhes bya ba ni snyoms par 'jug pa'i bde ba la yang dag par sbyor ba ste/ 'di dag ni go rim bzhin du de'i lus dang ngag dang/ yid kyi las rnams yin no/ /gnod sbyin mo thams cad kyi mnyam pa nyid ni bsdus pa ste/ de gnas ba ni bde ba dang yid bde ba'o/ /de bsgom pa yang de yin la brtan pa nyid kyis na rdo rje yang yin ba'i phyir de skad ces bya'o/ /gnod sbyin mo'i sgrub ga'i thabs so/ /rdo rje'i sngags thams cad ni sangs rgyas dang byang chub sems dpa' rnams te/ de rnams kyi dngos grub bo/ /de'i rnam par 'phrul ba'i mthu'o/ /de la dmigs pa nyid kyi phyir dang dbyer mi phyed ba nyid kyi phyir ting nge 'dzin la de skad ces bya'o/ /dngos grub phra mo zhes bya ba ni dngos grub dman pa'i bya ba'i khyad par ro/ /sku dang gsung dang thugs yang dag bar grub pa ni thob pa'i khyad par ro/ /sangs rgyas gzugs ni mtshan la sogs pa'o/ /de 'dzin pa dang 'dra bar 'od byed pas na sangs rgyas gzugs 'dzin 'od bzang po/ /'dzam bu chu bo'i gser 'od 'dra zhes bya ba ni lus gsar gyi mdangs dang ldan pa'o/ /de ltar su zhig 'gyur zhe na/

  142. 71b

    dngos grub phra mo dag la gnas ba rnams so/ /de ltar thun mong gi khyad par gsungs nas thun mong ma yin ba'i rdo rje 'chang ba'i gtso bo ni thugs kyi rdo rje gtso bor gyur pa'o/ /rig pa 'dzin pa'i gtso bo ste/ gsung rdo rje ni gtso bo yin te cig shos kyi gzhan rnams la ni sku rdo rje gtso ba'o/ /bshad ma thag ba'i cho gas gang gis gnod sbyin mo grub pa de ni gnod sbyin gyi rgyal po'o/ /sogs pa smos pas ni bcu gnyis pa las gsungs pa'i rig pa 'dzin pa ste/ de rnams kyi dngos grub ni gnod sbyin rgyal po la sogs pa grub pa na'o/ /dngos grub mchog gi bya ba'i khyad par ni de la zhes bya ba la sogs pa gsungs te/ thams cad zhu ba'i rang bzhin gyis bcom ldan 'das ni rdo rje thams cad yin la/ de'i dngos grub gsum ba'i 'bras bu'o/ /de'i gzugs dang/ gsad ba dang sngags kyi dngos grub rnams ni sku dang thugs dang gsung gi khyad par ro/ /thams cad ni ma lus pa'o/ /sngags kyi grub cing zhes bya ba ni sngags te dag gi bya ba grub pa'o/ /mdzes pa gzugs ni mtshan dang dpe byad dang ldan pas/ 'jig rten khams ni thams cad du mthong ba nyid kyis dga' bar 'gyur zhes bya bar sbyar ro/ /'dod ba'i zhes bya ba ni 'dod ba tsam gyis 'grub cing zhes bya bar sbyar ro/ /thams cad kyi mchog bstan pa'i phyir/ gtsug tor zhes bya ba la sogs pa gsungs te/ yid bzhin nor bu'i bdag por gyur pa gang yin pa de ni dngos grub thams cad kyi rtse mo yin te/ chos thams cad la dbang bskur ba'i chos kyi sku'i mtshan nyid can gyi sangs rgyas kyi byang chub ni yid bzhin nor bu'o/ /de'i bdag po'i gtso bo yin te de thob pa nyid kyi phyir ro/ /sangs rgyas byang chub byed ba'i mchog ces bya ba ni sangs rgyas byang chub de'i thabs phyi ma'o/ /sangs rgyas rdo rje rab bsgom pa'i zhes bya ba la sangs rgyas ni dkyil 'khor gyi bdag

  143. 72a

    po'o/ /de'i rdo rje ni gsang ba gsum bo yin la de rnams bsgom pa ni dkyil 'khor thams cad kyi rnam par rab tu phye nas bsgom pa ste/ sgrub pa chen po zhes bya ba'i don to/ /dngos grub thams cad ston par mdzad pa'i phyir bsam pa thams cad yongs su rdzogs pa de yin la mi bslu ba nyid yin pa'i phyir/ rdo rje yang yin pas na'o/ /dngos grub mchog 'dod pa rnams kyis ni yan lag drug gi bsnyen pa dang nye bar sgrub pa'i 'bras bu la gnas pas rig pa'i brtul zhugs zla ba drug gi bar du dpyad la/ de'i 'og tu bsgrub pa brtsam par bya ba de'i phyir 'di'i rig ba'i brtul zhugs brtan pa'i phyir/ de nas zhes bya ba la sogs pa gsungs te/ de bzhin gshegs ba thams cad ni sku rdo rje la sogs pa'o/ /de rnams kyi sku dang gsung dang thugs ni sku la sogs pa dang 'dra ba'o/ /de dag nyid ni rig pa'i don gyi brtul zhugs yin la/ /de yang dag par len pa'i spyod pa nyid ni bla ma las yang dag par blangs pa sngon du 'gro ba can gyis nyams su len pa'o/ /rang tshul nyid kyi zhes bya ba ni lugs ma dang byas ba la sogs pa'i gzugs dang bcas pa nyid kyis so/ /sku dang gsung dang thugs kyi rig ba'i brtul zhugs zhes bya ba la/ ral ba dang thor tshugs la sogs pa'i sku'i brtul zhugs so/ /gnyi ga lha la sogs bar mos pa ni gsung gi brtul zhugs so/ /rang gi rig pa dang gnyis su med pa'i sbyor ba las byung ba'i shes rab kyi ye shes ni thugs kyi brtul zhugs so/ /thor tshugs dbu rgyan ni lugs ma dang byas pa la sogs pa'i mi bskyod pas brgyan pa'o/ /kha dog dkar po 'dra ba ni dkar zhing snum pas yan lag btsos pa'o /

  144. 72b

    cho ga bzhin du thams cad ces bya ba ni lag tu 'khor bo dkar po rtsibs brgyad pa dang/ rgyan dang gos srab cing yang la mdzes pa'o/ /dpung pa dag la dpung rgyan g.yas ba'i ril bu gsum ste/ lus dang ngag dang sems bsrung ba'i phyir sangs rgyas thams cad kyi yang dag par btang pa'o/ /sngags kyi sdom pa ni 'chad par 'gyur ba'i sdom pa'i tshigs su bcad pa ste/ des bla ma las yang dag par ma nos pa'o/ /rkyen rnams kun ni rin thang med pa shin tu mdzes pa'o/ spyan gyi go 'phang ni gzugS so/ /longs spyod ni rin po che'i cod pan la sogs pa'o/ /rdo rje ni cod pan la 'od dpag tu med pa'o/ /mtshan ma ni lag pa'i 'khor lo'o/ /phyag rgya'i cho ga ni phyag rgya chen po la sogs pa bsgom pa'i cho ga'o sngags kyi cho ga ni bzlas pa'i cho ga'o/ /sngags kyi rab tu sbyor pa ni sngags kyi rgyud de rnams la legs par bslabs pa ni slob mar yang dag par byas par zhes bya ba'i don to/ /sangs rgyas 'gyur zhes bya ba ni rnam par snang mdzad du'o/ /zla ba drug gis zhes bya ba ni brtul zhugs kyi dus su'o/ /rtag tu gzhan gyi zhes bya ba la sogs pa 'di ni sngags kyi sdom pa'i tshigs su bcad pa'o/ /gzhan gyi nor rku ba ni rang gi lha'i cha lugs 'dzin pa'o/ /bsang pa ni lhar mos pas tha mal pa'i nga rgyal lo/ /'dod chags rdo rje ni ji skad du bshad pa'i rig pa dang/ gnyis su med par spyod ba las byung ba chos kyi dbyings so sor rteg pa bsgom pa'o/ /de nyid ni gnas te bla na med pa'i bde ba'o/ /de la spyad pa ni longs spyod pa'o/ /sdom pa 'dis ni kun tu bsdams zhes bya ba ni nga yis sdom pa 'di rnams yang dag bar blangs pas na kun tu bsdoms pa'o/ /rnam par snang mdzad kyi rig pa'i brtul zhugs gsungs nas 'od dpag tu med pa dang mi bskyod pa dang dag

  145. 73a

    gi gsungs pa la/ 'dod chags rdo rje ni 'od dpag tu med pa'o/ /de'i lcags kyu mo ni 'gugs par byed pa ste gos dkar mo'o/ /yon tan ska rags zhes bya ba 'di sangs rgyas kyi yon tan nyid kyi ska? rags mnga' bas na de skad ces bya'o/ /gsung gi rdo rje ni 'od dpag tu med pa'o/ /thugs mchog ni mi bskyod pa'o/ /'di ni zhes bya ba ni bshad ma thag pa'i rig ma gnyis so/ /rnam pa kun tu zhes bya ba ni gnyi ga'i ral pa dang cod pan la sogs pa'i rnam pa thams cad snga ma dang rjes su mthun par go sla ba'o/ /yon tan dang ldan pa'i phyir rig ma ma rnyed pa 'am sgrub pa pa'i phyi'i rig ma 'ga' zhig gis rgyab kyi phyogs na ji ltar bya zhe na/ bsam gtan zhes bya ba la sogs pa gsungs la yang na zhes bya ba ni phyogs gzhan zhes bya ba'i don to/ /rang gi phyag rgya 'am zhes bya ba'i sgra ni nges par gzung ba ste/ lhan cig skyes pa'i rang gi snang ba kho na yin gyi/ phyi rol gyi ni ma yin no zhes bya ba'i don to/ /de nyid kyi phyir bsam gtan zhes bya ba gsungs te/ yid kyi rang bzhin can zhes bya ba'i don to/ /bsam zhes bya ba ni snga ma bzhin du spyan la sogs pa'i gzugs su'o/ /yig gsum rdo rje can zhes bya ba ni rnam par snang mdzad la sogs pa'i yi ge gsum mo/ /de rnams kyi rdo rje ni sku la sogs pa dang 'dra ba'i ral pa dang/ cod pan la sogs pa de dang bdag nyid dang ldan pa'o/ /gal te phyi rol gyi rigs ma ma mthong ba de'i che ji ltar sangs rgyas rnams mnyes par 'gyur zhe na/ de ltar zhes bya ba la sogs pa gsungs te/ de rnams ni thams cad mkhyen pa nyid yin pa'i phyir de rnams kyi rang bzhin can gyi rig ma dang sems bstan par gzigs

  146. 73b

    ba na / shin tu mnyes par 'gyur ro/ /zhes bya bar dgongs so rdo rje zhes bya ba ni bsnyen pa dang nye ba'i sgrub pa dag gis rdo rje gsum du grub pa'o/ /'das dang zhes bya ba ni mi bskyod pa 'am nyams pa'o/ /rdo rje'i yi ge ni 'dod pa dang thar pa'o/ /'jig par 'gyur ba ni 'jig pa thob par 'gyur pa ste/ /'grub par mi 'gyur ro zhes bya ba'i don to/ /rdo rje gsum gyi ye shes ni rtog pa'o/ /de'i don bsten cing goms pa gang la yod pa de la de skad ces bya'o/ /tshul chen yin pa ni thabs chen po yin pa'o/ /rdo rje gsum gyi ye shes 'byung zhes bya ba ni skyes pa'o/ /rig pa'i brtul zhugs nyid ni dam tshig gi de kho na nyid de/ dam tshig gi mchog go /de nyid ni rdo rje ste/ dngos grub kyi sgrib pa thams cad 'jig par byed pa nyid kyi phyir ro/ /de ston par mdzad pa nyid kyi phyir bcom ldan 'das la yang de skad ces bya'o/ /dngos grub thams cad kyi don gyi dkyil 'khor te/ de'i rdo rje ni gsang ba'i las rnams so/ /rnams kyi mngon par byang chub pa ni ma lus par yang dag par rtogs pa'o/ /de'i don gyis le'u la de skad ces bya'o/ /gsang ba 'dus pa'i bshad sbyar snyim pa'i me tog las le'u bcu drug pa'o// // bcu bdun pa ni sgrub pa chen po'i le'u yin pa de dag na 'di ni sangs rgyas dang byang chub sems dpa' rnams kyi de kho na nyid rdo rje 'chang ba chen po'i rang bzhin ting nge 'dzin gsum dang dam tshig ni brjod par bya ba ma yin na/ /de la ji ltar de bzhin gshegs pa thams cad kyis bcom ldan 'das la gsol ba btab pa dang/ ji ltar ston par mdzad pa de gnyi ga'i skabs dbye bar bya ba'i phyir de nas zhes bya ba la sogs pa gsungs pa la de bzhin gshegs

  147. 74a

    pa thams cad ni sngags kyi lha thams cad de de rnams kyi sku ngang gsung dang thugs so/ /de rnams kyi rdo rje ni de bzhin nyid do/ /de'i rang bzhin can nyid yin pa'i phyir rdo rje 'dzin pa la yang de skad ces bya'o/ /rang bzhin gyi 'od gsal ba nyid yin pa'i phyir/ rtag tu de bzhin du gnas pa ni de bzhin gshegs pa'o/ /de la gsol ba btab pa ni de lta bur gyur pa de nyid ston pa nyid du'o/ /ji ltar zhe na mi bskyod zhes bya ba la sogs pa gsungs te/ lnga pos bsdus pa'i de bzhin gshegs pa thams cad ni lnga po de dag yin la/ de dag gi de kho na nyid gsum ni rdo rje gsum po yin zhing de kho na nyid kyang de bzhin nyid yin pa de bsan/ de lta bur gyur pa'i de bar gnyid ston par mdzad pa'i bcom ldan 'das khyed la phyag 'tshal lo zhes bya ba ni bsdus pa'i don to/ /yan lag gi don brjod par bya ba yin te/ de la bsdus pa'i don ni 'di yin te/ tshigs bcad so so zhing khyad phyag 'tshal zhes pas ni phyag gi mchod pa bstan pa bod pa'i tshig thams cad nyid kyis bstod pa yin no/ /de la dang pos ni bcom ldan 'das mi bskyod pa la sogs pa'i de kho na nyid kyi tshul du bstan pa yin la/ lnga pos ni de nyid bshad pa yin no/ /ji ltar bshad ce na/ gcig gis ni mtshan nyid yin la bzhin ni mtshan nyid kyi rigs pas so/ /bdun pas ni sku rdo rje la sogs pa'i gsang ba'i tshul gsungs pa yin la/ bstod pa lnga pa'i brgyad pas ni rdo rje 'chang gi bdag nyid can gyi gsang ba'i tshul nyid du gsungs pa yin no/ /dbyangs dang ston pa dang gsung zhes bya ba tshigs bcad kyi bdun pas ni gsol pa 'debs pa ste/ ston par mdzod ces bya ba'i

  148. 74b

    don to/ /ci zhig ston ce na/ skabs ston pa'i phyir bdag nyid kyi de kho na nyid do/ /spros pa'i rgyu mtshan thams cad kyis rnyog par bya ba'i mi nus pa nyid kyi phyir mi bskyod pa yang de yin la/ brtan pa yin pa'i phyir rdo rje yang yin pa de ltar na mi bskyod pa rdo rje'o/ /sna tshogs pa ye shes tsam du mthong bas na ye shes chen po ste/ ye shes chen po ni mi bskyod pa zhes bya ba'i mtshan nyid do/ /mtshan nyid de'i rigs pa ni rdo rje dbyings dang mkhas pa che dang/ rdo rje gsum mchog dang dkyil 'khor gsum zhes bya ba rnams so/ /rdo rje ni zhi gnas bzhi ste/ nges sems 'dzin pas rdo rje dbyings so/ /de kho na nyid rig pa'i lhag mthong bzhi ni de rnams kyis mkhas pa che'o/ /de nyid snying po bsdus pas dkyil 'khor te/ dbye ba gsum gyi dkyil 'khor dang bsdus pa ste/ bzhi par bsdus pa'i dkyil 'khor dag ni dkyil 'khor gsum mo/ /rdo rje gsum dang de bzhin du bzhi pa dag gi tshogs yang dag par bsdus pa ni/ rdo rje gsum mchog go thugs kyi gsang ba yin pa'i phyir rdo rje'o/ /khyab par gsal ba'i byang chub rtogs pa gang yin pa de ni rnam par snang mdzad de rang gi don la a NI rkyen byas pas rnam par snang mdzad do/ /rang bzhin sna tshogs ye shes tsam gyis snang ba/ yin pas dag pa che ste/ 'di ni de'i mtshan nyid do/ /de'i rigs pa ni rdo rje zhi ba dang/ dga' ba che dang rang bzhin 'od gsal dang/ mchog gi mchog ces bya ba rnams so/ /rdo rje ni 'byung ba lnga'i dbang po dang/ 'byung ba las gyur pa'i dbang po rnams so/ /de gnyi ga lnga par bsdus pa ni rdo rje zhi ba'o/ /gnyis med par chos kyi dang sna tshogs ba'i gzugs kyis rol pas na dga' ba che'o/ /rang bzhin ni 'od gsal ba ni bdan rnam pa lnga'o/ /de rnams

  149. 75a

    kyi mchog ni 'dus pa ste/ de bas na mchog gi mchog go /sku'i gsang ba yin pa'i phyir rdo rje'o/ /sems kyi rin po che yin pas na rin chen no/ /nor gyi bdag po yin pas na rgyal po ste/ rin chen rgyal ba'o/ / dus gsum gyi sangs rgyas rnams dang 'brel pa'i sku dang gsung dang thugs bsdus pa'i zab mo yang bsdus pas na rab tu zab ste/ de bas na shin tu zab pa 'di la yod bas rab tu zab mo ste/ 'di ni mtshan nyid do/ /rigs pa ni rdo rje dang/ nam mkha' dri ma med pa dang/ rang bzhin dag pa dang/ gos pa med pa ces bya ba rnams te/ mkha' dang mtshungs par rig bya rnams bsdus bsan rdo rje mkha' o/ /shin tu rnam par dag pa'i chos kyi dbyings nang du chud ba'i nam mkha' dri ma med pa 'di la yod pas na/ nam mkha' dri ma med do/ /rang bzhin zhes bya ba la rang gi bdag ste sku'o/ /de rnams ki rang bzhin ni rang gi mtshan nyid do/ /dag pa ni de rnams bsdus pa'i stong pa nyid de/ de'i phyir rang bzhin dag pa nyid do/ /phra mo gsum po bsdus ba de dmigs pas na gos ba med pa'o/ /gsung gi gsang ba yin pa'i phyir gsang ba'o/ /'od kyi snang ba dpag tu med pas so sor rtogs pa 'di la yod pas na 'od dpag tu med de tshig dang po mi mngon pa'o /bstan pas rdo rje ste/ rdo rje yang yin la 'od dpag tu med pa yang yin no/ /mchod pa ni rgyal po yin la shin tu mchad pas na rgyal po che'o/ /ji ltar na shin tu ba yin zhe na/ rin po'i? chos thams cad mnyam ba nyid du bzhag pa la/ de rnams dang de dag gi ming dang blo rnams mi dmigs pas yang dag par mtshon pa'i phyir ro/ /'di ni cha men nyid do/ /rigs pa ni mi rtog dang nam mkha' rdo rje 'dzin dang/ 'dod chags dang//

  150. 75b

    pha rol phyin pa mnyes zhes bya ba'o/ /rang gi snying ga'i sngags tsam du blta bas na/ rnam par mi rtog pa'o/ /der nam mkha' i sngags kyi thig le'o/ /der sems kyi rin po che 'dzin bas ni nam mkha' rdo rje 'dzin no/ /de'i rjes la rang gi sngags su sngags gsum bo rim bzhin du bcug ste/ gsang gsum dang de bsdus pa'i nor bur gyur pa'i mtshan nyid la shin tu chags pas 'dod chags so/ /de nas sngags rnams bsdus pa'i thig le la sems kyi rin po che nges par bya ste/ yun ring du brtan par gyur pa'i mchan nyid ni mchog tu song bas na pha rol tu phyin pa brnyes so/ /gsung gi gsang ba yin pa'i phyir rdo rje'o/ /thams cad du 'gro ba'i don grub pa 'di la yod pas na don yod grub pa ste/ tshig tha ma mi mngon pas na don yod do/ /de yang yin la brtan pa'i phyir rdo rje yang yin te/ nges na don yod rdo rje'o/ /ma lus par rtogs pas na rdzogs sangs rgyas te 'di ni mtshan nyid do/ /rig pa ni bsam pa thams cad rdzogs mdzad pa dang dag pa dang ngo bo nyid dang/ las byung zhes ba ba rnams so/ /'dzin ba'i stobs gyis phyogs thams cad du 'gengs ba'i num pa rnyed pa ni bsam ba thams cad rdzogs par mdzad pa'o/ /phyogs thams cad du gang bar gyur kyang ting nge 'dzin gyi skyon rab tu g.yo ba dang spros pa mang pas dag pa'o/ /ji ltar na phyogs gang ba yin zhe na spros pa'i phyir ro/ /de nyid bsungs ba ngo po nyid ces bya ba ste rang rang gi ngo bo ste/ bdag nyid kyi phyogs rnams su shin tu 'thug / bor gyur pa 'di la yod pas no ngo bo nyid do/ /kun tu spro ba na mthar yin pa 'byung bas na las byung ngo/ /gsung gi gsang ba nyid yin pas rdo rje sems dpa' nyid yin pas na sems dpa' i ste/ tshig dang po mi mngon pa'o/ /gsang pa gsum po'i rdo rje 'di dag gi rdo

  151. 76a

    rje rnams kyi sems dpa' de ni sems dpa' o/ /sems dpa' ni snying po ste ba bla dang lhang tsher gyi snying po lta bu'o/ /gsang ba rnams kyi snying po yang gang yin zhe na/ de ma thag pa'i rdo rje gsang pa'i tshigs su bcad pas brjod par bya ba gang yin pa'o/ /mdor bsdus na de rnams kyi shin tu rnam par dag pas shin tu rnam par dag pa'i de bzhin nyid de ni de rnams kyi snying po'o/ /bskul bar zhes bya ba ni sgra rab tu sbyar ba'i'o/ /zhi ba zhes bya ba ni dag pa'o/ /rdo rje ni de bzhin gshegs pa rnams sam/ de'i gsang ba rnams so/ /de'i longs spyod ni yang dag par rdzogs pa'i byang chub ste/ longs spyod rdzogs pa'i sku 'am 'khor rnams gang dag la mnga' ba de dag ni rdo rje 'chang zhes bya ba'i don to/ /dkyil 'khor gyi bdag po zhes bya ba'i bar du'o/ /de yang zhes bya ba ni bstod bar byed pa gang yin pa'o/ /rdo rje 'chang 'dra ni rdo rje 'chang dang mtshungs par ro/ /de nas zhes bya ba la sogs pa la sangs rgyas kun te chos bzhed pa rnams la de bshad pa'i phyir rjes brtse ba'o/ /rdo rje ni rdo rje 'chang ba'o/ /de'i gsang ba ni de kho na nyid do/ /de'i gsung ni dka' o/ /dag pa'i don dang ldan pa nyid kyi phyir dag pa'o/ /rdo rje gsung ni gnod par byed pa ma yin pa nyid kyi phyir ro/ /sangs rgyas rnams kyi gsang ba gsum ni sangs rgyas thams cad do/ /de rnams kyi chos kyi dbyings te de bzhin gang yin pa de nyid ni yi ge ste thar pa'i mchog go / ci'i phyir yi ge yin zhe na/ gang gi phyir dag pa nyid ni bag chags dang bcas pa'i sgrib pa thams cad yongs su zad pa'i phyir ro/ /ci'i phyir mi 'gyur chen po yin zhe na/ gang gi phyir sngar yang de zad pa'i phyir ro/ /rang bzhin nyid kyi 'od gsal ba ni dri ma rnams de'i rang bzhin ma

  152. 76b

    yin pa nyid kyis der glo bur ba nyid yin pa'i phyir ro/ /ci 'dra bar zhe na /mkha' dbyings bzhin du dri ma med pa ste/ glo bur ba'i mun pa dad sprin la sogs pa dang bral ba bzhin du'o/ /de nyid ni rdo rje 'chang gi de kho na nyid yin pas de ltar na ngo mtshar zhes bya ba'i don to/ /'di tsam gyis ni sku rdo rje la sogs pa'i mtshan nyid kyi de kho na nyid gsungs te/ de kho na nyid gang gis mthong ba ni de dag 'grub par 'gyur ba'o/ /dam tshig gi de kho na nyid brjod par bya ste/ gang zhig la spyod na nges par 'grub par 'gyur ba'o/ /des na sku rdo rje la sogs pa dam tshig tshigs su bcad pa gsum gyis gsungs pa ni de nas zhes bya ba la sogs pa gsungs te/ sku rdo rje la sogs pa'i dam tshig ni 'da' bar bya ba ma yin pa'i las te/ des de rnams nges par grub pa'i phyir ro/ /de rnams ni rdo rje 'chang ba'i bka' 'di las 'da' bar mi mdzad do/ /de ci'i phyir zhe na/ 'di ltar de ni phyag na rdo rje dang de bzhin gshegs pa thams cad kyi bdag po yin pas so/ /ji ltar bza' bar bya ba'i dam tshig yin zhe na/ lus la sogs pa mi gtsang ba'i gnyen po sku rdo rje la sogs pa'i sbyor ba'i me rnams la/ de rnams sreg pa'i phyir ro/ /de la shin lus kyi phyogs gcig yin pas na sku'i'o/ /bshad gci ni nam mkha' dang rlung gi 'bad pa las byung ba nyid kyi na ngag dang chos 'thun pa'i phyir gsung gi'o/ /cig shos gnyis ni sems kyi khyad par las byung ba nyid kyi phyir thugs kyi'o/ /dam tshig bzhi ni zhes bya ba ni bcu drug ba las khyod kyis srog chags zhes bya ba la sogs pa gang gsungs pa'o/ /bsrung bar bya zhes bya ba ni zhig par mi bya ba'o/ /sangs rgyas zhes bya ba ni sku rdo rje'i sbyor ba la gnas pa'o/ /ye shes rgya

  153. 77a

    mtsho yis zhes bya ba ni rgya mtsho lta bu yis te/ thams cad rang gi sems tsam du mthong bas zhes bya ba'i don to/ /de'i rnal 'byor pa nyid yin pa'i phyir gsung gi rdo rje yang de dag yin la/ gsum po dmigs su med pas chos thams cad yang dag par mchon pa'i phyir yi ge chen po yin pa de ltar na/ gsung gi rdo rje yi ge'i'o/ /thugs kyi rdo rje'i rnal 'byor pa nyid yin pa'i phyir rdo rje sems dpa' yang de dag yin la thams cad nam mkhar byed pa'i phyir rdzu 'phrul chen po yang yin pa de ltar na/ /rdo rje sems dpa' rdzu 'phrul ches so/ /rtag pa ni rgyun du 'dod par bya ba'o/ /bsrung bar bya ba ni ma nyams par ro/ /rdo rje 'dzin gyis zhes bya ba ni sangs rgyas dang byang chub sems dpa' i rnal 'byor pa thams cad kyis so/ /'bras bu ni 'dir gang zhig ces bya ba la sogs pa gsungs te/ gang zhig te srung ba po'i sku gsung thugs su gtogs pa ste/ sangs rgyas su 'gyur ro/ /ji lta bu zhe na 'od po che ste mthu che ba'o/ /gang zhe na rdo rje sems dpa' ste/ rdo rje 'chang chen po'o/ /yang na go rim bzhin du sangs rgyas dang byang chub 'od po che dang rdo rje sems dpa' i ni de'i sku la sogs par rtog par 'gyur te/ de bzhin gshegs pa rnams kyi sku dang gsung thugs kyi rdo rje zhes bya ba'i don to/ /ji ltar rdo rje dam tshig gi mthus dman pa'i zas kyi dngos grub gsungs nas/ theg pa dman pa la mos pa rnams kyi ni de nas zhes bya ba la sogs pa gsungs te/ rang sangs rgyas nyid don du gnyer ba ni sangs rgyas kyi don ces gsungs so/ /de rnams kyi dam tshig ni bsgrub par bya ba 'da' bar bya ba ma yin pa'i las so/ /de rnams kyi bsgrub par bya yang gang yin zhe na/ sngags dang phyag rgya dang dam tshig gi mthu las byung ba'i sku

  154. 77b

    rdo rje'o/ /rdo rje sku la rab tu gnas zhes bya ba ni rnam par snang mdzad kyi rnal 'byor pas rnam par rig ba tsam nyid du mos pa la gnas par byas nas so/ /lus kyis zhes bya ba ni sangs rgyas kyi spros pas byas pa yis so/ / ston pa zhes bya ba ni sems can thams cad la chos kyi sbyin pa byed pas/ skal pa ji lta ba bzhin du tshul khrims dang/ ting nge 'dzin dang shes rab kyi phung po skyed par byed pa'i phyir ro/ /sems can gzung pa ni mgu bar byed pa'o/ /tshul khrims te lus dang ngag dang sems kyi legs bar spyod pa'o/ /ngo nyid kyis ni sbyor ba 'di ni bud med kyi gzugs kyi sbyor ba med ba na yin par shes par bya'o/ /nyan thos zhes bya ba ni nyan thos don du gnyer ba rnams so/ /de rnams kyi bslab pa nyid dam tshig ste/ sku rdo rje la sogs pa bsgrub par bya ba rnams kyis 'da' par bya ba ma yin pa'i las so/ /dge ba bcu'i las kyi lam zhes bya ba ni srog gcod pa la sogs pa bdun las ji srid 'tsho ba'i bar du ldog cing yang dag par blangs pa ni bdun yin la / gnod sems dang brnab sems dang/ lag bar lta ba gsum pa yang spod pa'o/ /byed pa zhes bya ba ni ji srid 'tsho'i bar du ma nyams par byed pa'o/ /ye shes spangs pa rnams zhes bya ba ni chos bdag med pa'i ye shes spangs pa yin gyi gang zag la bdag med pa'i ye shes ni legs par gnas pa nyid yin no/ /'di dag la 'bras bu dman pa ste/ rang gi sdug bsngal zad pa tsam la mos ba'i don du gnyer ba nyid yod pa de la de skad ces bya'o/ /thams cad kyi zhes bya ba ni rnal 'byor pa thams cad de ji ltar 'dod pa'i bud med spangs te/ sku rdo rje la sogs pa zhi ba'i rnal 'byor ba'i zhi ba zhes bya ba'i don to/ /log pa'i theg pa la mos

  155. 78a

    pa rnams kyi rdo rje dam tshig ni tshangs pa'i dam tshig ces bya ba gsungs te/ tshangs pa nyid don du gnyer ba'i bsgrub par bya ba rnams 'da' bar bya ba ma yin pa'i las so/ /gti mug lam gyis zhes bya ba la sogs pa oM las byung ba'i tshangs pa ser po gdong bzhi pa/ ral pa dang cod pan can/ /phyag drug pa phyag gnyis kyis rang snang ba la 'khyud pa/ lha mo zhal gcig pa phyag gnyis pa lha mo rdo rje zhi ba mo dang snyoms par 'jug pa dang phyag lhag ma rnams kyis bgrang phreng dang dbyug pa dang spyi blugs dang pad+ma bsnams pa/ dang pa'i rgyab tu sna tshogs pad+ma dang zla pa'i gdan la gnas pa'i tshangs par bdag nyid bsams la de bzhin gshegs pa thams cad kyi yon tan rin po ches bdag nyid brgyan par bya'o zhes bya ba'i bsam pa ni gti mug gi lam mo/ /nges sangs rgyas kyi byang chub thob par byed pa'i las gang rnams byed pa ni sngags pa'o/ /rang bzhin ci 'dra ba zhig ce na/ 'jigs shing mi sdug pa ste/ yun ring bo'i ngan 'gros 'jigs pas na mi sdug pa'o/ /las de yang dgu pa las ji skad du/ nam mkha' khyab pa'i de bzhin gshegs pa thams cad kyi rin po che'i rgyan thams cad oM gyis phrogs la nges bdag nyid brgyan par bya'o zhes gsungs pa lta bu'o/ /sku'i rdo rje nyid du 'gyur pa ste/ 'dis ni zhes bya ba ni lhag ma'o/ /drag po nyid don du gnyer ba'i dam tshig ni khams gsum zhes bya ba la sogs pa gsungs te/ 'dod chags lam gyis zhes bya ba ni snga ma'i rjes su 'brangs nas shes par bya'o/ /lha chen po'i yi ge a las 'byung ba thal ba'i mdog can zhal gcig pa spyan

  156. 78b

    gsum pa/ zla ba phyed pa dang ldan pa'i ral pa dang cod pan can/ phyag drug pa phyag gnyis kyis 'khyung ba dkar mo phyag gnyis pa dang snyoms par 'jug pa/ phyag lhag ma rnams kyis rtse gsum pa dang ral gri dang nor bu dang pad+ma bsnams pa/ stag gi pags pa bsnams pa khyu mchog dkar po'i/ rgyab tu sna tshogs pad+ma dang zla ba'i gdan gyi steng du dbang phyug chen por bdag nyid bsgoms la/ de bzhin gshegs pa thams cad kyi rig ma la nye bar longs spyod pa'i bsam pa ni 'dod chags kyi lam mo/ /bud med kun ces bya ba ni bud med thams cad de/ /khams gsum dag na gnas pa'i zhes bya ba ni nam mkha' khyab par byed pa'o/ /rdo rje las byung ba zhes bya ba de bzhin gshegs pa thams cad dang yang dag par byung ba'o/ /sna tshogs dngos po zhes bya ba ni dga' ba dang mgu ba dang bde ba la sogs pa'i rnam pas so/ /spyad pa ni zhes bya ba ni yi ge as de rnams las phrogs nas longs spyod pa'o/ /gsung gi rdo rje nyid du 'gyur pa ni snga ma'i rjes su 'brangs nas shes par bya'o/ /sems can zhes bya ba la sogs pa la/ zhe sdang sbyor bar zhes bya ba ni snga ma'i rjes su 'brangs nas zhes bya ba ste / yi ge hUM las byung byang chub zar ma'i me tog lta bu rin po che'i cod pan/ phyag drug pa phyag gnyis kyis 'khyud pas rdo rje dga' byed lha mo ser mo snyoms par 'jug pa phyag lhag ma rnams kyis 'khor lo dang dbyug pa dang bkra bo dang dung dang pad+ma bsnams ba/ na bza' ser pa bsnams ba/ nam mkha' lding gi rgyab tu sna tshogs pad+ma dang zla ba'i gdan gyi steng du khro bo mig dmar zhing gdug pa'i lta ba can gyi khyab 'jug du bdag nyid bsgom par bya'o/ /zhes bya

  157. 79a

    ba ni zhes sdang gi sbyor pa'o/ /sbyor ba 'di yis sems can las byung ba ji snyed pa ni semms dang ldan pa rnams te sems can zhes bya ba'i don to/ /de thams cad dbyer med sku gsum la gnas pa ni/ sku dang gsung dang thugs ro gcig pa de kho na nyid dang/ de bzhin nyid ces bya ba nam mkha' lta bu gang yin pa'i tshul des gnas pa'o/ /de ltar na bsam gtan rdo rje ste/ bsam gtan gyi bsam pa brtan pa 'dis yi ge hUM brjod cing sems can de dag thams cad dang po nyid du nam mkha' i ngos la blta zhing bsang par bya ste/ de kho na nyid des blta bar bya'o zhes bya ba'i don to/ /rdo rje mkha' dbyings bdag nyid kyang zhes bya ba ni rdo rje 'chang ba chen po yang ste/ gzhan sangs rgyas dang byang chub sems dpa' dang/ nyan thos dang rang sangs rgyas dang/ lha dang lha ma yin dang/ /mi dang dud 'gro dang/ yi dags dang/ ? la ba lta mos kyang ci dgos te/ gzung ba dang 'dzin par dmigs par bsdus pa 'di dag thams cad gsal bar bya ba nyid yin pa'i phyir ro/ /thugs kyi rdo rje nyid du 'gyur ro zhes bya ba ni snga ma'i rjes su 'brangs nas shes par bya'o/ /gal te mu stegs pa'i sbyor bas sku rdo rje la sogs pa nyid ji ltar rnyed par 'gyur zhe na/ de nas zhes bya ba la sogs pa gsungs pa nas mdo gdon pa'i bar gyi sbyor ba'o/ /sbyor ba de nyid ni ngo bo nyid dag pa yang yin la rdo rje 'chang ba'i bdag nyid yin pa'i phyir rdo rje yang yin pas na'o/ /de? ston par mdzad pa'i phyir bcom ldan 'das la yang de skad ces bya'o/ /'di man chad ni sbyor ba dang po'i tshing nge 'dzin bstan to/ /sbyor ba de yang yan lag bzhi can yin no/ /yan lag bzhi ni snying bo mnyam pa nyid kyi ye shes dang

  158. 79b

    mnyam pa nyid kyi che ba'i dag nyid kyi ye shes dang/ snying po che ba'i bdag nyid kyi ye shes dang/ rig pa'i skyes bu bsgom pa'o/ /de la bcom ldan 'das cang mi gsung par gyur pa ni snying po mnyam pa nyid kyi ye shes kyi mdo yin no/ / de ni de nas zhes bya ba la sogs pa gsungs te/ rdo rje 'dzin pa thams cad ni rig pa'i skyes bu thams cad do/ /de rnams kyi rang gi sku dang gsung dang thugs kyi rdo rje dang snying po mnyam pa nyid rdo rje zhes bya ba ni drug pa'i bsdu ba'o/ /rang gi sku dang gsung thugs rdo rje dang/ snying po zhes bya ba ni zlas dbye ba'o/ /rang gi sku dang gsung dang thugs nyid ni sku la sogs pa dmigs su med pa'i rdo rje yin te/ rang gi sems tsam nyid kyi ji ltar ? ba bzhin du med par snang ba'i phyir ro/ /snying po ni sgrib pa med pas dag pa'i nam mkha' mkha' i khams so/ /de dag mnyam pa nyid ni khyad par med pa nyid de/ gnyi ga yang yang dag pa'i ye shes nyid yin pa'i phyir ro/ /de'i ye shes la yang de skad ces bya'o/ /de nyid ni brtan pa nyid kyis na rdo rje'o/ /de ltar ma yin par dgongs nas zhes bya ba ni mngon sum du mdzad nas so/ /cang mi gsung bar gyur pa ni de nyid la mnyam par 'jog pa'i phyir ro/ /phyag 'tshal ba ni cang mi gsung bas bstan pa'i de kho na nyid chen po thob par 'dod pa'i phyir ro/ /bzhugs pa ni btang snyoms su mdzad cing dus 'da' bar mdzad pa'o/ /rtag pa nyid yin pa'i phyir yi ge yang de yin la thob par bya ba nyid yin pa'i phyir tshig kyang yin te/ rdo rje 'chang dag gi sku dang gsung rdo rje dmigs su med pa ni rang gi sems tsam nyid kyis ji ltar snang ba bzhin du med pa nyid du snang ba'o/ /de nyid ni ngo bo nyid de snang ba 'di la yod bas na'o/ /de yang de yin la

  159. 80a

    yi ge'i tshig kyang yin pas na'o/ /de la ngo bo nyid med pa'i yi ge'i tshig dpyad nas te/ /ngo bo nyid med pa ni sgrib pa med pas dag pa nam mkha' i dbyings kyi ye shes te/ snang ba med pa nyid yin pa'i phyir ro/ / de nyid yi ge'i tshig yin te/ brtan pa nyid kyi phyir dang thob par bya ba nyid yin pa'i phyir ro/ /de nyid 'di yin pa ci'i phyir zhe na/ don dam pa'i ye shes nyid du de mnyam pa nyid kyi phyir ro/ /snying po mnyam pa nyid kyi ye shes kyi mtshan bzhi'i mtshan nyid ni bzhi ste / ma skyes pa'i mtshan nyid dang mthos pa'i mtshan nyid dang thob par mi dmigS pa'i mtshan 'di dang sems can thams cad dang thun mong pa'i tshan nyid do/ /de dag nyid bstan par bya ba'i phyir rigs kyi bu zhes bya ba la sogs pa gsungs te ma skyes pa zhes bya ba ni ji ltar snang ba bzhin du ma skyes pa ste/ gcig dang du ma nyid dang bral bas ji ltar snang ba bzhin du med pa nyid kyi phyir ro/ /sgrib pa med par dag pa nam mkha' i dbyings kyi don ni nam mkha' rdo rje'o/ /de la rtog pa las byung ba'i ni de yongs su gcod par byed pa nyid kyi phyir ro/ /log par gzung ba ni dag pa 'jig rten pa'i ye shes te /de ni don dam pa'i yul nyid du yang dag par 'dzin pas na gzung ba ste/ de nyid kyis na dag pa'o/ /med pa'i snang par snang ba nyid kyi 'khrul pa nyid kyi phyir log pa ste/ de nyid kyis na 'jig rten pa'o/ /des 'di la zin pa yod pas na de skad ces bya'o/ /gal te log par gzung ba yin na ji ltar dpal rdo rje rtse mo las dkyil 'khor gyi bdag po ngo bo nyid kyi sku gsungs zhen// des don ni ngo bo nyid kyi phyag rgya yin no zhes bya ba yin gyi rang nyid ngo bo nyid ni ma yin no zhes bya ba 'di yin no/ /

  160. 80b

    de skad gsungs pa na/ tshangs pa la sogs pa log pa'i rnam par rtog pa skyes pa de bsal bar bya ba'i phyir/ 'jam dpal la sogs pas gsol ba ni rdo rje 'chang pa'i sku rdo rje la sogs pas ston pa'i gsung de nyid rdo rje'i tshig nyid yin te/ mi bslu ba nyid yin pa'i phyir rdo rje yang yin la byang chub sgrub par byed pa nyid kyi phyir tshig yin no/ /? ba nyid kyis bskyed pa ni phyin ci log kun 'byung ba'i nges mi brtag tu gsol ba ni mi 'grub par gsol pa'o/ /de zhes bya ba ni gsung rdo rje'i tshig nyid do/ /de ci'i slad du zhe na/ de bzhin gshegs pa thams cad kyi rdo rje dbyings ni sgrib pa med pa'i nam mkha' i dbyings so/ /de'i ngo bo nyid ni rang bzhin no/ /de'i spyod pa ni don dam pa'i ye shes dang bdag dang gzhan gyis bya ba'o/ /der 'gro zhing rjes su 'gro ba'i ngo bo nyid kyis 'jug pa ni 'gro ba yin la de'i rgyu mthun pa'i sku rdo rje la sogs pa'i ngo bo nyid kyis 'jug pa ni rjes su 'phro ba yin te/ de gnyi ? 'gro ba dang rjes su 'gro ba zhes gsungs so/ /de lta bur gyur pa'i gsungs rdo rje'i tshig nyid ni phyin ci log kun 'byung ba ni ma yin no zhes bya bar dgongs so/ /de zhes bya ba ni phyin ci log kun 'byung bar rtog pa ste/ /ci'i slar? du zhe na / chos thams cad ni rdo rje 'chang ba'i sku rdo rje la sogs pa'o/ /de rnams kyi mtshan nyid kyi ngo bo nyid ni sngar bshad pa'i dmigs su med pa'i ngo bo nyid do/ /bcom ldan 'das dang de bzhin gshegs pa rnams kyis bstan pa mi shes pa ste/ bcom ldan 'das kyis sku rdo rje la sogs pa yod pa nyid dang/ de bzhin gshegs pa rnams kyis ni med pa nyid du bstan pa yin no zhes shes nas so/ /rdo rje nyid chos yin la de rnams kyi de kho na nyid ni yod pa

  161. 81a

    nyid do/ /gsang ba'i yi ge rnams ni yod pa nyid du 'chad par mdzad dam snyam pa'o/ /de ltar tshangs pa la sogs pa mi bden pa'i rnam par rtog pa 'jam dpal la sogs pas bsal ba yin no/ / dang po'i mtshan nyid bstan nas gnyis pa dang gsum pa'i dbang du mdzad de de nas zhes bya ba la sogs pa gsungs te/ byang chub sems dpas mi shes so zhes bya ba'i skabs yin pa de'i phyir bka' stsal pa ni byang chub sems dpa' khyed rnams lta ci smos te/ nged kyis kyang mi shes shing mi dmigs so /ci zhig ce na/ /sku dang gsung dang thugs rdo rje rnams kyi byang chub thob pa ste/ sku la sogs pa dmigs su med pa yin na de thob pa yang dmigs med pa'i phyir ro zhes bya bar dgongs so/ /ci zhig thob nas she na/ sku dang gsung dang thugs rdo rje'i gsang ba ste/ ji lta ba bzhin du snang ba ma yin pa de kho na nyid do/ /de nyid ni yi ge'i gnas te/ de'i yod pa nyid las rtag tu mi 'gyur pa'i phyir ro/ /ji ltar snang ba'i sku la sogs pa'i rdo rje na 'gyur ba nyid yin te/ de'i 'og tu med pa na yod pa nyid las rtag tu 'gyur ba yon pa'i phyir ro/ /de nyid kyis na gnas pa ma yin te/ med pa ni thob par mi nus pa nyid kyi phyir ro/ /de ltar na 'di ni ma thob pa'i mtshan nyid yin no/ /de ci'i slad du zhe na/ zhes bya ba ni sangs rgyas rnams kyi rang gi sku la sogs par snang ba'i ye shes ni skye ba yang yin la/ sku la sogs pa rnyed pa yang mi dmigs pa yin no zhes bya ba de gnyi ga'i rgyu gang las yin gang las kyang ma yin de/ 'gal ba nyid kyi phyir ro zhes bsams pas so/ /skye ba med pa la sogs pa ni lan yin te/ ngo bo

  162. 81b

    nyid med par mi 'gyur pa'i gnas ni sgrib pa med pa dag pa'i nam mkha' i dbyings sangs rgyas rnams kyi ngo bo nyid kyi sku ste chos kyi sku'o/ /de las byung ba ni mnyam pa nyid du skyes pa ste/ de'i rgyu mthun pa yin pa'i phyir ro/ /sku? la sogs pa mi dmigs pa'i rang bzhin nyid yin pa'i phyir sku? rdo rje la sogs pa skye ba med par mthong ba ni sbye ba med pa'i rdo rje'o/ de rnams kyi mngon par byang chub pa ni thob pa'o/ /dgongs pa ni 'di ltar 'jig rten na ji ltar mthong ba'i nus pas ji ltar mthong ba'i don la nges pa skye bar 'gyur ba de bzhin du/ sangs rgyas rnams kyang ngo bo nyid med pa'i mi 'gyur ba yang dag par gzigs pas sku la sogs pa'i snang ba med pa nyid du gzigs pa nyid ni de'i stobs kyis dag pa 'jig rten pa'i rdo rje la sogs pa'i rang bzhin gyis nges pa skye bar 'gyur ro zhes bya ba 'di yin no/ /sku la sogs pa med pa nyid du dmigs pa gang yin pa de rnams kyi mi dmigs pa yin no/ /de nyid ni thob pa mi dmigs pa nyid yin pa de ltar na thob pa mi dmigs pa mtshan nyid yin no/ /mtshan nyid bzhi pa bstan pa'i phyir rigs kyi bu zhes bya ba la sogs pa gsungs te/ byang chub ni ngo bo nyid med pa mi 'gyur ba'i gnas te de la gnas pa'o/ / 'di rnams kyi sangs rgyas te mngon par rdzogs par sangs rgyas pa yin la/ rdo rje ni sku la sogs pa'i yin pa de ltar na sangs rgyas rdo rje'o/ /sku la sogs pa'i rdo rje ni gsang ba gsum mo/ /ye shes ni byang chub ste de gnyis thob pa'o/ /sku gsum rdo rje'i chos nyid ces bya ba la 'dir rdo rje ni ye shes tsam ste/ thogs pa med pa'i phyir ro/ /sangs rgyas rnams kyi ye shes kyi de bzhin nyid dang/ sku la sogs pa'i de bzhin nyid gang yin pa de nyid na

  163. 82a

    sems can thams cad kyi yin no/ /de bas na snang par 'gyur pa med pa nyid kyi phyir chos kyi rang bzhin nyid kyis sangs rgyas rnams dang sems can rnams ni ye shes mnyam pa dang/ sku dang gsung dang thugs mnyam pa yin no/ /de ltar na mtshan nyid bzhi po yin no/ /de nas zhes bya ba la sogs pa la de ltar cang mi gsung bar ston par byed pa snying po mnyam pa nyid kyi ye shes de bzhin gshegs pa rnams kyis rgya cher rnam par bkrol nas zhes bya ba ni de nas kyi sgra'i don yin no/ /'di skad gsungs so/ /zhes bya ba ni snying po mnyam pa nyid kyi ye shes kyi tshigs su bcad pa ste/ rtog par smra bar byed pa zhes bya bar sbyar ro/ /gang zhe na rdo rje las byung ba ste/ /sku rdo rje la sogs pa'i rnam par 'dres pa'o/ /smra bar byed pa ni rjod par byed pa'o/ /de la ci'i phyir rtog pa zhes bya zhes na/ rnam pa rnams ni rang nyid rdzun pa nyid kyi phyir ro/ /don gang la de rtog ce na/ rang bzhin dag cing bdag med pa ste/ sangs rgyas thams cad kyi sku dang gsung dang thugs rdo rje ro gcig par gyur pa'i zhes bya ba'i cha de nyid kyi ngo bo nyid la'o/ /rang bzhin ni gnas yin te de ni byang chub po/ /ye shes kyi cha dag pa ni ye shes kyi mdag pa'o/ /rang bzhin la dag pa ni rang bzhin dag pa ste/ byang chub kyi sems zhes bya ba'i don to/ /de nyid ni bdag med pa ste/ dam tshig chen po'i bdag nyid kyang de bzhin nyid du ro gcig pa'i phyir ro te de la'o/ /ji lta bu zhe na chos ni dkyil 'khor pa rnams yin la/ dbyings ni rten gyi dkyil 'khor yin te ro gcig par byed pa'i phyir chos kyi dbyings kyang de yin la/

  164. 82b

    chags pa'i gnas phung po dang khams la sogs par ro gcig par byed pa'i phyir gnas med pa yang yin pa de ltar na chos kyi dbyings ni gnas med pa ste/ sgrib pa med yid dag pa'i nam mkha' i dbyings kyi dngos po'i mtshan nyid can gyi snying po'i don yin no zhes bya ba'i bar du'o/ /de'i bdag nyid can gyi dag pa mthong pa'i stobs kyis ji ltar mthong ba'i don des pa'i tshul du de 'byung ba'i phyir ro zhes bya bar dgongs so/ /smra pa'i ni de la rtog pa zhes pa mi brjod de med pa la mos pa'i phyir snying po'i dang don mtshungs pa nyid dang snying po'i rgyu mthun pa nyid kyis snying po las khyad par med pa'i phyir ro zhes bya bar dgongs so/ /snying po mnyam pa nyid kyi ye shes gsungs nas mnyam pa che ba'i bdag nyid kyi ye shes kyi skabs dbye ba'i phyir de nas zhes bya ba la sogs pa gsungs te/ bdag po'i 'byin pa dang sdud pa la dbang du gyur pa nyid kyi phyir ro/ /de ston par mdzad pa la de skad ces bya ste/ de nyid kyis na phyag 'tsha ba yin no// ji ltar zhes bya ba ni gang du'o/ /de bzhin gshegs pa thams cad ni rdo rje 'chang ngo/ /de'i sku la sogs pa'i rdo rje ni gsang ba gsum ste/ 'di lta ste/ bcom ldan 'das dang/ dkyil 'khor ba'i chos rnams dang sangs rgyas kyi zhing yongs su dag pa ste/ de rnams kyi dngos grub ni grub pa'o yang dag par 'byung ba ni rgyu'i gnas skabs kyis bsdus par gyur pa'o/ /gnas pa ni rgyu'i gnas skabs kyi mthar thug pa ste/ de ma thag pa'i 'bras bu'i gnas skabs skye ba'i phyir ro/ /gang gi tshe snying po mnyam pa nyid med pa de'i tshe de'i bsgom pa don med par 'gyur ro zhes bya bar dgongs so/ /de bzhin gshegs pa thams cad kyi bdag po ni chos kyi sku brnyes pa'i phyir ro/ /

  165. 83a

    rdo rje 'dzin pa ni gsang ba gsum brnyes pa'i phyir ro/ /de gsal bar mdzad pa la de skad ces bya'o/ /rang gi sku dang gsung dang thugs kyi rdo rje snying pos mnyam pa nyid de ni ye shes te de skad ces bya'o/ /de'i rgyud ni rgyun mi 'chad par 'jug pa'o/ /de nyid ni brtan par gyur pa thob pa'i phyir rdo rje ste/ de nyid la gnas pa'o/ /rgyud de las yang dag par byung pa zhes bya bar don gyis shes par bya'o/ /dngos grub thams cad ni rdo rje 'chang ba'i dngos grub sna tshogs pa'o/ /rdo rje'i ye shes ni dkyil 'khor pa'i chos rnams so/ /khams gsum ni yongs su dag pa'i sangs rgyas kyi zhing ngo/ /snying po che ba'i bdag nyid kyis ye shes kyi dbang du mdzad nas de bzhin gshegs pa thams cad kyis zhes bya ba la sogs pa gsungs te/ de bzhin gshegs pa thams cad ni dam tshig chen po'i dkyil 'khor gyi dbang phyug go /sku la sogs pa dngos grub ni de nyid kyi dkyil 'khor ba'i chos rnams thob pa'o/ /khams gsum pa thams cad ni dam tshig gi dkyil 'khor chen po'o/ /gang na gnas zhes bya ba ni/ ji ltar nyid kyi pad+ma 'am de zhu ba'i snying po la yin/ gal te snying po la ma yin na de'i tshe snying po'i rgyu mthun pa'i snying po mnyam pa nyid kyis ye shes la yang dngos grub dang/ rdo rje ye shes dang khams gsum pa mi gnas pa de bas na/ dngos grub de gang la 'gyur zhes bsams pa'o/ /de bzhin gshegs pa thams cad ni dkyil 'khor gyi bdag po'o/ /rdo rje ni dkyil 'khor ba rnams so/ /ye shes ni rten gyi dkyil 'khor ro/ /de rnams kyi bdag po ni sdud par mdzad pa'o/ /de ston par mdzad pa la de skad ces bya'o/ /nam mkha' ni snying po

  166. 83b

    de nyid de la gnas pa ni de nyid du zhu ba'i phyir ro/ /gang na gnas zhes bya ba ci de la yab yum la gnas sam/ ci de dag nyid la thim par 'gyur grang na/ phyogs dang po'i ltar na ni de sgrib pa med par mi 'gyur ro/ /zhes bsam pa la'o/ /rdo rje ni sngar bsdus pa thams cad de rig pa dang bcas pa'i mchog dang pos de rnams bsdus nas 'dzin par mdzad pa'i phyir rdo rje 'chang ba ste/ sgrib pa med cing dag pa'i nam mkha' i dbyings so/ /de ston par mdzad pa'i bcom ldan 'das la yang de skad ces bya'o/ /gang na yang ma yin no zhes bya ba ni de dag kyang de nyid du zhu ba'i phyir ro/ /ngo mtshar ni mnyam pa nyid kyi rdo rje la'o/ /rmad du gyur pa ni snying po rdo rje la'o/ /de nyid kyis na e ma'o rdo rje e ma'o rdo rje zhes gsungs so/ /rdo rje'i zhes pa ni rdo rje 'chang ba'i'o/ /bstan pa 'di dag gang yin pa de yang ngo mtshar to/ /ci'i phyir zhe na gang du zhes bya ba la sogs pa gsungs pa la/ gang du zhes bya ba ni snying po dang rdo rje mnyam pa nyid rdo rje gang la'o?/ /lus dang dag dang sems med ces bya ba ni go rim bzhin du lus la sogs pa ni rnam par rtog pa med pa'i phyir dang rnam par rtog pa dmigs su med pa'i phyir ro/ /de ru gzugs ni rnam par bsgom pa ni sku dang gsung dang thugs su snang bar te/ /rim bzhin du de kho na nyid ro gcig pa dang lus dang ngag dang sems su snang pas so/ /rigs pa'i skyes bu bsgom pa'i dbang du mdzad nas/ de nas zhes bya ba la sogs pa gsungs te/ yi ge gsum brnyes pa'i phyir rdo rje gsum yang de yin la mcho chen po yang yin pas na'o/ /dam pa nyid yin pa'i phyir mchog ni byang chub sems dpa' rnams so/ /shin tu dam pa nyid

  167. 84a

    yin pa'i phyir mcho chen ni sangs rgyas rnams so/ /de rnams kyi tshogs ni tshogs so/ /de rnams kyi rdo rje gsum ni gsang ba gsum mo/ /de rnams kyi dbang phyug mchog ni 'byim pa'i mchog go /rig pa'i skyes bu bsgos pa'i dngos grub ni dngos grub kyi thabs yin pa'i phyir ro/ /mkha' dbyings ni chos 'byung ba'o/ /de la rdo rje ni gzhal yas khang ngo/ /de'i dbus na gnas pa ni dbus ma'i gdan la gnas pa'o/ /sangs rgyas ni mngon par byang chub pa rnam pa lnga dang ldan pa'i mchog dang po'o/ /de'i dkyil 'khor ni snying po bsdus ba ste/ 'dod chags chen po'i la sogs pa'i cho ga las grub pa'i sgrib pa med cing dag pa'i nam mkha' i dbyings so/ /bsgom par bya zhes bya ba ni glu bzhis bskul? ba la sogs pa'i rim gyis so/ /rdo rje'i sku ni zhes bya ba ni rnam par snang mdzad do/ /rdo rje zhes bya ba ni mi bskyod pa'o/ /sku gsum las byung? ba zhes bya ba ni sku rdo rje la sogs pa'i sku gsum gyis byin gyis brlabs pa'o/ /rnam par 'phro ba ni 'od zer lnga spros pa'i phyir ro/ /spyi bor rdo rje dang phyag du 'khor lo 'dzin par mdzad pas na rdo rje 'khor lo 'dzin to/ / thams cad 'di ni zhes bya ba ni mthun par bsgres pa ste bud med dang skys pa'i rnam pa dang ldan pa'i bdag nyid can la 'dir phyag rgya chen po blta bar bya'o/ /de nyid kyi phyir rig pa'i skyes bu rdo rje gsar bas zhes bya ba gsungs te/ rig ma dang yang dag par ldan pa'i skys bu ni rigs pa'i sky bu'o/ /de'i rdo rje ste 'khor los sgyur ba'i spyi bo rang/ gsang ba ni gnas ji lta ba bzhin du gsum mo/ /de ston par mdzad pa la de skad ces bya'o/ /

  168. 84b

    dbyings gyur pa zhes bya ba ni khams gsum gyi lha mo bzhi las rigs kyi dbye bas gcig go /mnyes par byed pa zhes bya ba ni mdun du bskyed nas cho ga ji lta ba bzhin du sbyar bas so/ /rdo rje sku ni gsum gyis mtshan zhes bya ba ni rdo rje dang sku gsum gyis ji lta bzhin du mtshan pa'o/ /'char 'bebs pas na khyu mchog ste/ bde ba chen pos bdag dang gzhan pa dbang bskur bar mdzad pa'i phyir ro/ /byang chub ni brnyes pa'i 'bras bu'o/ /sems dpa' ni nye bar sgrub pa'i 'bras bu ste/ de dag dang ldan pas na byang chub sems dpa' o/ /grags chen rnams ni rig pa'i brdul zhugs legs par spyad pas so/ /zhag bdun gyis gzi chen po zhes bya ba ni rgyu'i nus pa shin tu phul du byung bas so/ /de bas rgyu'i stobs chung bas zla ba phyed na'o/ /de bas kyang chung bas ni zla ba gcig na'o/ /de bas kyang shin tu chung bas ni phyed dang gnyis te/ de bzhis 'grub pa'o/ /sku gsum dngos grub ni 'dod pa'i thar pa'o/ /sku? dang gsung dang thugs ni sku rdo rje la sogs pa'o/ /rdo rje ni ye shes sems dpa' o/ /de rnams bsdus pa ni gnas ji lta ba bzhin du bzhi char yang bkod pa'o/ /gsang ba'i thugs ka'i zla ba dang mtshan ma'o/ /gsang chen ni mtshan ma'i lte ba'i zla ba la sa bon no/ /de gsal bar byed pa'i gzhung la yang de skad ces bya'o/ /sku gsung thugs ni sems dpa' byin gyis brlabs pa'o/ /de rnams kyi dam tshig ni thugs su chud pa ste/ 'di rnams kyi so so'i rang gi thugs ka'i sa bon no/ / sku gsum mi phy+d pa nyid kyi phyir phyag rgya chen po ste/ ye shes sems dpa' o/ /de'i don ni rang gi sa bon no/ /de'i bstan pa ni 'byin pa po ste/ de nyid kyis ngos? gsum du de nyid las dbye gsum gyi sngags spros pa'o/ /

  169. 85a

    thams cad ces pa ni sngags bdun po de dag bsgom pa'o/ /cho ga bzhin zhes pa ni so so'i gdan gyis mtshan ma rnams kyi nang du gnas pa'i gdan rnams la'o/ /'bras bu ni skad cig gis zhes bya ba gsungs te/ dus kyis skad cig gis zhes bya ba'i don to/ /sangs rgyas zhes bya ba ni sa bcu'i dbang phyug nyid do/ /sgrub pa'i cho ga lhag ma rnams dang brtul zhuD dang dbang bskur ba'i spros pa rnams ni bco lnga pa las gsungs so/ /de de ltar na yan lag drug pa'i rig pa'i skyes bu bsgom pa ni bskyed pa dang byin gyis brlab pa dang/ dbang bskur ba dang/ brtul zhugs dang/ gsang ba dang/ gsang chen dang/ sdom pa zhes bya ba yan lag drug go/ de la sdom pa ni khyu mchog gi sgras gsungs so/ /de bas ni 'di rig pa'i skyes bu bsgom pa ni rnal 'byor gyi lus yin la snying po mnyam pa nyid kyi ye shes ni phyin ci ma log pa'i don yin zhing phye ba'i bdag nyid kyis ye shes gnyis ni sgrub pa'i sbyor ba las kyang sgrub pa chen po'i sbyor ba dang 'dra bar tshogs yongs su rdzogs par grub pa'i phyir ro/ /sgrub pa'i sbyor ba la gdams pa'o/ /gal te zhes bya ba la sogs pa la gsang ba 'dus pa'i rnal 'byor la ni phyi rol gyi lag pa'i phyag rgya bcing bar mi bya'o/ /zhes bya ba'i don to/ /mtshan ma 'dzin ba'i khu tshur gyis phyag rgya ni yid kyi nyid yin pa'i phyir bkag pa med do/ /gal te rgyud gzhan dag du lag pa'i phyag rgya la sogs pa med par dngos grub yod pa ma yin pa de ltar 'dir yang yin no zhe na sngags rnams zhes bya ba la sogs pa gsungs te/ rgyud gzhan dag du ni de rnams bcing ba ni dam tshig yin la 'dir yang ma bcings pa nyid dam tshig

  170. 85b

    chen bo yin no zhes bya ba'i don to/ /gsang ba 'di ni zhes bya ba ni sku rdo rje'i sbyor bas bza' ba'o/ /rdo rje gsum 'byung zhes bya ba ni rigs gsum gyi thun mong ngo/ /khams gsum ba ni lha yul dang mi yul dang sa 'og go /nyams dga' ba ni yid du 'ong pa'i rnam par bsgom pa'i phyir ro/ /dran pa rnams zhes bya ba ni spyan la sogs pa'i ngo bor bsam pa'o/ /gsung gi rdo rje zhes bya ba ni gsung gi rdo rjes rnam par spros pa'i rang gi lus kyis te/ sbyad ces bya bar sbyar ro/ /dam tshig kun zhes bya ba ni phyogs bcu na bzhugs pa'i sangs rgyas dang byang chub sems dpa' rnams so/ /rdo rje gsum gyis bdag nyid can du bsgom pa'i rang gi lus ni rdo rje gsum sku'o/ /de la gnas pa ni nang du 'dus pa'o/ /de tshim pa dag tu bya ba ni mchog bde ba dang yid bde ba can du bya ba'o/ /gang gis zhe na rdo rje gsum gyis dam tshig ste/ de'i sku dang gsung dang thugs ro gcig par gyur pa yis so/ /ji lta bus zhe na thugs kyi rdo rje ste/ rang gi byang chub kyi sems kyi rnam pas so/ /sku rdo rje la sogs pa'i dam tshig rnams la smad pa dang dgag pa dang sman pa'i 'du shes kyi gnyen por go rim bzhin du bdud rtsi myang ba dang chos kyi longs spyod dang/ bla na med pa'i mchod pa'i 'du shes bskyed pa'i phyir te dam tshig yin no/ /de bzhin gshegs pa thams cad kyi gsang ba'i rdo rje ni sba bar bya ba'i dkyil 'khor ro/ /de ltar na 'di ni rdzogs pa'i rim pa'i rnal 'byor yin te/ /sgrub pa dang sgrub pa chen po'i rnal 'byor dag las langs nas 'di ltar yang dang yang du mos par byas te/ 'dir bdag gi pha dang ma ni thabs dang shes rab bo/ /de dag sbyor ba las byung ba'i sa bon gang yin pa de

  171. 86a

    ni byang chub kyi sems so/ /de yongs su gyur pa ni bdag nyid do/ /de bas na bdag gi mdor na phung po lnga rnams ni gang dag yin pa de dag sangs rgyas lngar ni sangs rgyas thams cad mdor bsdus pa'i rang bzhin no/ zhes bya ba'i don to/ /bdag gi lus dang ngag dang yid gang yin pa de dag ni rdo rje rnams so/ /skye mched nyid dag pa ste mig la sogs pa drug po gang yin pa de dag nyid ni/ byang chub sems dpa' i dkyil 'khor mchog ste byang chub sems dpa' thams cad kyi mdor bsdus pa'i rang bzhin no/ /khams gsum pa nyid ni dam tshig gi 'khor lo yin te/ yang dag pa'i ye shes kyi rang bzhin can rten gyi 'khor yin no/ /phyi rol gyi sa la sogs pa gang yin pa ni spyan la sogs pa gang yin pa de'i phyir de'i rang bzhin can gyi khams gsum ni bdag gi gzhal yas khang yin no/ /mkha' rdo rje ni nam mkha' o/ /de nyid ni bzhi po rnams kyi dbyings yin zhing dam ni bsdus pa yin te/ chos 'byung ba zhes bya ba'i don to/ /de nyid rdo rje 'dzin par bshad pa ste gsungs so/ /rten dang brten pa'i 'khor lo gnyi ga yang nga'i yin pa de bas na nga nyid ni dkyil 'khor gyi dbang phyug yin zhing phyi rol gyi 'dod pa lnga ni nga nyid kyis mchod pa'i lha mo yin no zhes pa'i don gyis shes par bya'o/ /de bzhin gshegs pa thams cad ni rten pa po'i 'khor lo yin la/ gnas ni rten gyi 'khor lo yin zhing de rnams kyi dbang phyug gi rnal 'byor pa yin no/ /de nyid ni dkyil 'khor rgya chen po'i rnal 'byor pa nyid yin pa'i phyir rdo rje sems dpa' chen po'o/ /de ston par mdzad pa la de skad ces bya'o/ /mnyam par ma bzhag pa'i rnal 'byor ro/ /de bzhin gshegs pa thams cad kyi mnyam pa nyid du gnas pa

  172. 86b

    ni gsang pa gsum gyi tshogs ro gcig gi tshul du mchog tu bde ba dang/ yid bde ba nyams su myong ba'o/ /de la dmigs pa'i ting nge 'dzin la de skad ces bya'o/ /de la ci'i phyir snyoms par 'jug ce na bla na med pa'i byang chub kyi sems de ni byang chub rdo rje ste/ de nyid kyis dbang bskur bar byed pa gang yin pa de ni slob dpon yin zhing de nyid dngos grub thams cad kyi snod yin gyi cig shos ni ma yin no/ /zhes bstan pa'i phyir ro/ /ci'i phyir 'khor la gzigs she na/ dbang bskur ba'i che ba'i bdag nyid bstan pa ni sangs rgyas dang byang chub sems dpa' bskul bar bya ba'i don to/ /cang mi gsung bar gyur pa ni de rnams nyid kyi tshig gi go skabs dbye ba'i don to/ /de bzhin gsheD pa thams cad kyi sku dang gsung dang thugs te/ de rnams kyi rdo rje ni ro gcig par gyur pa'o/ /des gsang ba 'dus pa'i dkyil 'khor du dbang bskur ba la de skad ces bya'o/ /byang chub kyi sems rdo rje ni rdo rje 'chang chen po'o/ / byang chub kyi sems dang slob dpon zhes bya ba ni/ rdo rje 'chang chen pos dbang bskur ba zhes bya ba'i don to/ /gnyis po de ni gnyis su dbyer med de gnyi ga yang byang chub kyi sems chen po'i rang bzhin nyid yin pa'i phyir ro/ / slob dpon la ni so so'i skye bo'i chos yod la/ rdo rje 'dzin pa chen po la ni dag pa'i sangs rgyas kyi chos mnga' o/ zhes tha dad par mtshan mar 'dzin pa ni gnyis su med pa yin la sangs rgyas dang byang chub sems dpa' rnams la ni gnyis su byed pa mi mnga' bas na gnyis su dbyer med pa'o/ /gal te de rnams la de dag gi gnyis su byed pa ci'i phyir spong zhe na/ rdo rje 'dzin pa chen po la byas pa drin du gzo ba'i phyir dang/ slob dpon nyid

  173. 87a

    la gdul bya rnams spre? ba bskyed pa'i phyir dang/ /slob ma rnams kyang rdo rje 'chang chen po dang/ bla ma la dad pa mnyam par bya ba'i phyir dang/ rdo rje 'chang gi nga rgyal la brtan par bya ba'i phyir dang? tshogs? chung dus tshogs bsags pas myur du 'grub par bya ba'i phyir ro/ /ji ltar zhe na/ rigs kyi bu zhes gsungs te bstan pa'o/ /ci zhe na de la de rnams kyis de bzhin du blta ba'o/ /mdor yin gyi phyogs kyi dbye ba re re nas rgyas pa ni ma yin no/ /nas zhes bya ba ni 'di'i mthar thug pa'o/ /de gang yin zhe na/ /phyogs bcu'i zhes bya ba la sogs pa la thams cad ces bya ba ni thams cad nyid do/ /ci'i phyir de mchod par bya ba yin zhe na/ de'i phyir ngag rdo rje zhes bya ba la sogs pa gsungs te/ /ngag rdo rje ni mi phye ba'i ngag go /de nyid ni don las mi 'gyur bas na yi ge'o/ /ci lta bu zhe na/ bdag cag ces bya ba la sogs pa gsungs te/ bdag cag ces bya ba nas thams cad mkhyen pa'i ye shes 'byung gnas yin pa'i bar du gsungs te/ byang chub nyid ster bar byed pas pha dang ma nas ston pa'i bar yin no/ /de bas na phan 'dogs ba'i zhing nyid yin pa'i phyir mchod par bya ba yin no zhes bya bar dgongs so/ /yon tan gyi zhing nyid kyang yin pas na zhes bstan par bya ba'i phyir 'di lta ste zhes bya ba la sogs pa la 'di lta ste dper na zhes bya ba ni 'das ma thag pa bstan pa'i zhing nyid ji lta bar ro/ /yang zhes bya ba yang 'chang par 'gyur ba'i yang de bzhin no zhes bya ba'i don to/ /de rnams kyis zhes bya ba la yang ni rim pa bzhin du sbyar te/ slob dpon zhes bya ba'i de ma thag tu blta

  174. 87b

    bar bya'o/ /ji snyed zhes bya ba re re'i bar du zhes bya ba'i don to/ /khyad par du 'phags zhes bya ba snga ma las 'di nyid ces bya ba ni lhag ma'o/ /sangs rgyas thams cad kyis ye shes ni gang de rnams kyi chos thams cad yin la/ snying por gyur pa ni 'dus pa nyid kyi phyir dang rkang du gyur pa nyid kyi phyir ro/ /skye ba'i gnas su gyur pa ni rgyu'i gtso bo nyid yin pa'i phyir ro/ /thams cad mkhyen pa'i ye shes ni rnam pa thams cad kyi mchog mkhyen pa'o/ / de bzhin gshegs pa thams cad kyis mchod par bya ba nyid yin par thos nas byams pas skrag par gyur pa'i rdo rje 'dzin pa thams cad kyi mchod par bya ba nyid du yang gsungs pa de'i skabs dbye ba'i phyir de nas zhes bya ba la sogs pa gsungs pa/ rdo rje 'dzin thams cad kyi dngos grub kyi dam tshig gi ni thun mong gi rgyu nyid dam de kho na nyid de dang po'i rdo rje 'chang ngo/ /de la dmigs pa ni slob dpon de dang 'dra bar ro/ /de la dmigs pa'i ting nge 'dzin la de skad ces bya'o/ /ci'i phyir snyoms par 'jug par mdzad ce na/ de nyid la snyoms par 'jug pa nas rdo rje 'dzin pa rnams kyis de la mchod par bya'o zhes bya bar bstan pa'i phyir ro/ /dus gsum gyi rdo rje ye shes ni de bzhin gshegs pa thams cad kyi gsang ba gsum ro gcig pa'i ye shes so/ /de las 'byung ba ni rdo rje 'dzin par gyur to zhes bya ba'i don to/ /ston pa yin zhes bya ba ni phan 'dogs pa'i zhing nyid do/ /sangs rgyas kyi ye shes kyi bdag po zhes bya ba ni yon tan gyi zhing nyid do/ /gal te de lta yin na yang mnyam pa nyid yin pa'i phyir de rnams kyis mchod par bya ba ma yin no/ /zhes na 'dir de nyid ces gsungs te/ de nyid ni slob dpon no/ /bcom

  175. 88a

    ldan 'das rdo rje 'dzin pa chen po ni mchog dang po yin zhing gang de dag thams cad kyi skyed pa po dang ston pa yin te/ slob dpon dang mnyam pa nyid las bdag nyid bye brag tu brtags nas/ de rnams kyis de la mchod par bya'o zhes bya ba'i don to/ /phan yon gzhan dag gi skabs dbye ba'i phyir de nas zhes bya ba la sogs pa gsungs te/ cil gnas gang du 'byung zhes bya ba ni go rim bzhin du rgyu'i gnas/ gnas dang de mthar thug pas so/ /gsang pa gsum ni dbang bskur ba'i sgrub pa'i byang chub kyi sems so/ /nges dbang bskur ba'i phyir gang la de'i rang bzhin can gyi sku dang gsung dang thugs yod pa ste/ de yang 'di yin la rdo rje slob dpon yang yin pas so/ /de'i lus la sogs pa'i rdo rje la rang gi lha'i sku? la sogs par snang ba rang gi sems la yin gyi dbang ma bskur ba la ni ma yin no/ /lus dang ngag sems kyi gsang ba'i rdo rje rang gi sems de nyid do/ / de gang la gnas pa ni dmigs pa ste/ lus la sogs pa la 'am ji ltar snang ba'i sems la zhes bya ba bsams pa'o/ /gang la yang mi gnas so zhes bya ba la sogs pa la ni ma yin te/ sems dang tha dad pa med pa'i phyir ro/ /ji ltar snang ba'i sems la yang ma yin te/ rang gi sems tsam nyid dang ji ltar snang ba bzhin du de rnams snang ba'i phyir ro zhes bya bar dgongs so/ /cang mi smra bar 'khor pa ni brjod par bya ba yongs su rdzogs pa'i phyir ro/ /dbang bskur ba'i phan yon no/ /gsang ba'i rdo rje ni gsang ba gsum pa ro gcig pa'i byang chub kyi sems so/ /de la dmigs pa nyid kyi phyir gsang ba'i rdo rje yang de yin la ting nge 'dzin kyang yin pas na'o/ /

  176. 88b

    de las bzhengs pa ni so sor slar sad nas so/ /de bzhin gshegs pa thams cad dang/ byang chub sems kun 'byung pa'i rdo rje ni ting nge 'dzin gyi cho gas so/ /ting nge 'dzin gyi bdag nyid can gyi dkyil 'khor chen po la de skad ces bya'o/ / sangs rgyas dkyil 'khor sbyor ba yis/ /bsam gtan rdo rje rab bskul bya zhes ba ni sangs rgyas kyi rnal 'byor pa'i slob ma rnams dbang bskur ba'i phyir sangs rgyas gtso bor gyur pa'i sangs rgyas kyi dkyil 'khor gyi tshul gang yin pa des/ bsam gtan gyi dkyil 'khor la zhugs par bya ba zhes bya ba'i don to/ /rdo rje'i dkyil 'khor bsam gtan gyis/ /'khor lo can kun bzhuD? dang? bya zheS bya ba ni byang chub sems dpa' i rnal 'byor pa'i slob ma rnams dbang bskur bas phyir rdo rje ste/ byang chub sems dpa' de gtso bor gyur ba'i dkyil 'khor gyi bsam gtan te/ bsam gtan gyi rim pa gang yin pa des 'khor lo can thams cad dgong par bya'o/ zhes bya ba'i don to/ /de nyid kyis zhes bya ba ni bri ba'o?/ / dkyil 'khor du gsungs pas so/ /slob dpon zhes bya ba ni ye shes sems dpa' de'i rang bzhin can gyi rdo rje 'chang de'o/ /snying gar zhes bya ba ni slob ma'i snying gar ro/ /dbang bskur ba'i gnas zhes bya ba ni dbang bskur ba'i don gyis tshogs so/ /gsum gyis zhes bya ba ni bum pa dang/ gsang pa dang/ shes rab ye shes kyi dbang bskur ba'i cho ga rnams kyis so/ /ci'i phyir gsum por bya ba yin zhe na/ gsum po nyid kyis slob dpon du byed pa'i phyir ro/ / slob dpon gyis dbang bskur ba yang sngar 'phreng ba dang chu dang cod pan dang rdo rje dang bdag po dang ming zhes bya ba rig pa'i dbang bskur ba drug po rgyud gzhan las gsungs pa'i cho ga nyid bri ba'i dkyil 'khor ram bsam gtan gyi dkyil

  177. 89a

    'khor du sbyin par bya ste/ khyad par gyi tshig med pa'i phyir ro/ /thams cad ces bya ba ni sangs rgyas thams cad do/ /byang chub ces bya ba ni rdo rje 'dzin pa'i go 'phang ngo/ /ngo mtshar chen po'i dngos grub kun ces bya ba ni dngos grub phra mo thams cad do/ /sku gsung thugs ni zhes bya ba ni sangs rgyas kyi chos thams cad do/ /dam tshig gi 'khor lo ni ting nge 'dzin gyi cho gas so/ /de bas bsam gtan gyi dkyil 'khor 'dir dbang bskur ji lta bus ji lta bu la sbyin par bya ba ni brtan cing mi 'gyur ba'i sems dang ldan pas brtan cing mi 'gyur ba'i sems dang ldan pa la'o/ /de la slob dpon gyis sems brtan pa nyid ni sprul ba'i dkyil 'khor yongs su gsal par mthong ba'o/ /sems mi 'gyur ba nyid kyang dkyil 'khor de nyid kyi dkyil 'khor gyi bya ba thams cad byed kyang de nyid du mthong ba'o/ /slob ma'i sems brtan pa nyid ni bris pa'i dkyil 'khor las bla ma'i bsam gtan gyi dkyil 'khor khyad par du 'phags pa 'am dman pa ma yin no zhes stobs dang ldan par mos pa'o/ /sems mi 'gyur pa nyid ni bdag ni bla ma dam pa 'dis yang dag bar dbang bskur par 'gyur ba dang dbang bskur ba dang/ dbang bskur bar gyur pa yin no zhes dus gsum char la yang bdag dang gzhan gyis mi bskyod par nges pa'o/ /dam tshig nyams pa las bslang ba la sogs pa'i don du yang bsam gtan gyi dkyil 'khor la yang dbang bskur bar bya'o zhes bya ba ni man ngag yin no/ /bsam gtan gyi dkyil 'khor ro/ /de bzhin gshegs pa thams cad kyi rdo rje ni sku dang gsung dang thugs so/ /de rnams kyi sbyor ba ni mnyam pa nyid de/ /rdo rje ni rdo rje 'chang ba ste/ de'i sku dang

  178. 89b

    gsung dang thugs so/ /de rnams kyi gsang ba ni snying po'o/ /de gang zhe na/ bcom ldan 'das rdo rje mkha' 'gro yin la 'dir ni sa bon la de skad ces bya'o/ sha rus la sogs dkyil 'khor ni zhes bya ba ni yi ge khaM las bsgrub par bya ba'i lus spags pa khong stong rus pa dang sha rnams khrag gcig por gyur pas yongs su gang ba'i rgyal pa'i rnam pa'o/ /rdo rje sems dpa' i sku dang gsung thugs gsum gang yin pa de rnams kyi snying po ni snying po bsdus pa ste/ rdo rje mkha' 'gro zhes bya ba'i don to/ /bsgom par bya zhes bya ba ni cho ga yis zhes bya ba 'og ma dang sbyar bar bya'o/ /de la nyi ma'i dkyil 'khor la hUM h+rI(rgyud 'grel): khaM zhes bya ba yi ge gsum yongs su gyur pa'i rtse mo gsum de'i lte ba'i 'od zer spro ba dang bsdu pa la sogs pa'i rim kyis bskyed pa dang mi bskyod pa'i cod pan gyis dbang bskur ba ni cho? ga yin no/ /drag po ni gdug pa rnams char gcod pa'i dgongs pa can rnams nyid yin pa'i phyir ro/ /mi sdug pa ni mche ba gtsigs pa dang/ ljags bskyod cing zhal 'gyur ba nyid kyi phyir dang dbu skra khams ser gyen du rjes pa nyid kyi phyir dang/ thod pa dang rgyu ma'i phreng ba la sogs pas brgyan pa can nyid yin pa'i phyir ro/ /khros pa ni g.yon brkyang ba dang smin ma bsdus pa dang/ spyan dmar ba dang/ ha ha zhes bzhed pa dang ldan pa'i phyir ro/ /phyag bzhi po ni mtshon cha bsnams pa'i phyag dang/ rdo rje mkha' 'gro ma la 'khyud pa'i phyag dag dang bcas par phyag drug pa nyid do/ /phyag thod pa bsnams par bsgom zhes bya ba ni rtse gsum dang rdo rje dam tshig dang phur bu drag ba'i mchog dag gis bya ba 'og ma dang sbyar te bsnams pa zhes bya ba ni lhag ma'o/ /g.yas kyi phyag dag gis rtse gsum dang mi'i rus pa'i phur bu bsnams shing g.yon dag gis thod pa dang rdo rje kha TwaM ga bsnams pa zhes bya ba'i don to/ /'od zer zhes bya ba la sogs pa la kha dog lnga pa'i yi ge h+ri'i 'od zer 'phro zhing snang ba gang la yod pa de la de skad ces bya'o/ /

  179. 90a

    bsam gtan rdo rje ni goms pa brtan par byas pa'i bsam gtan no/ /de'i sbyor ba ni phyag na bsnams pa'i mi'i dus pa'i phur bus bsgrub par bya ba'i lus kyi rgyal pa'i gnas lnga dag pa phug nas der zhugs pa'i 'od zer bu gus de las khrag drangs la nges rang gi kha yongs su brang bar bsgom pa 'di ni sbyor ba yin no/ /des khrag drangs pa'i mchog yin no zhes bya ba la 'grub par 'gyur ro zhes bya ba ji ltar ma'o?/ /gdab par bya zhes bya ba ni bsgrub par bya ba bsad par 'os pa sbyor ba 'di nyid kyis khrag bzhibs la rtse gsum gyis phug pas shi bar bsams nas 'chi bar 'gyur ro/ /rdo rje mkha' 'gro'o/ /rdo rje khams kyi dam tshig gi bya ba ni de'i don gyi grangs so/ /sbyor ba yis zhes bya ba ni bsam gtan kyis so/ /cho ga bzhin du zhes byar ni nam mkhar gnas pa bsam par bya zhes bya ba la sogs pa'i cho ga bzhin du'o/ /yongs su brtag pa ni legs par sbyangs te de nas bza' bar bya'o/ /mchod pa yo byad lnga ni bdud rtsi lnga'o/ /dam tshig ni spyan la sogs pa'i gzugs yin pa de 'dzin pa ni de ltar bsams pa nyid kyi phyir ro/ /sems can gyi khams kyi ma ni bud med yin te/ thog ma med pa'i 'khad bar thams cad bud med las skyes pa nyid kyi phyir ro/ /rdo rje gsum ni rdo rje 'chang pa'o/ /de'i dam tshig ni rang gi lha'i rnam par zhes pa'i don to/ sdom pa'i rdo rje nyid kyis zhes? bya ba ni sdom pa 'di nyid la sems brtan pa'i'o/ /lus dang ngag sems longs spyod ni zhes bya ba ni ro gcig pa'i khongs chud pa'o/ /gsang ba gsum gnas ni pad+ma'o/ /rdo rje ni rdo rje nyid do/ /bzang po ni kun du bzang po'o/ /'dir ni bsam pas thams cad du zhes bya ba ni bsam gtan 'di nyid kyis te/ spyad par bya'o zhes bya bar sbyar ro/ /rdo rje sems dpa' ni mi phyed pa'i gzi brjid de de'i don gyi sdom pa'o/ /spyi bor zhes bya ba ni spyi bo'i steng du'o/ /dkyil 'khor brtag par bya zhes bya ba ni bdud rtsi lnga'i

  180. 90b

    rang bzhin stug cing rgya che ba'i? zla ba bsgom par bya'o/ /oM ni dbus su gnas bsams nas zhes bya ba ni zla ba'i dbus su oM phra mo bsgom pa'o/ /bdud rtsi lnga po dbab par bya zhes bya ba ni oM gyis 'od kyis thad dkar khyab pa'i rim gyis zhu bar gyur pa dbus su bu ga can du byas pa? bdud rtsi lnga'i rgyan bsil? zhing? dkar pa'i rgyun gtsigs pa'i tshul du 'bab cing rtsa sbugs? su rgyu bas lus thams cad khyad par bsams par bya'o zhes bya pa'i don to/ /gzhan dag na de zla? ba'i dbus su rang bzhin gyis nu ba'i bdud rtsi mgo'i dbus su bsams pa'o/ oM gyis? 'od zer gyis ? bu ga nas dbab? par bya'o/ zhes bya bar 'dod do/ /sngags 'dzin pa ni sngags drug pa'i 'o/ /mchod? rten dag gis zhes bya ba la sogs pa la sangs rgyas thams cad kyi sprul pa dang/ chos thams cad bshad pa dang/ mchod pa thams cad sprul? pa dang/ de bzhin gshegs pa thams cad kyis bdag nyid la byin gyis brlab pa ston pa'i dngos grub kyi mtshan mas sems can rnams shin tu 'dun par bya'o/ /mchod rten gyi las la sogs pas ni bya ba ma yin te/ 'di ltar 'di ni grub pa ma yin no zhes the tshom du 'gyuis? nas bya pa'i don to/ /gzhan dag sgrub pa las zhugs p nyid 'dir sngags 'dzin pa yin te/ da rtsams kyi dam tshig ni 'di yin na zhes 'dod de/ /dug bsal ba la sogs pa'i don du gsang ba ni yi ge b+h+ruM mo/ /de la dug bsal ba la ji ltar bya zhe na/ yi ge ? byung ba'i rnam par snang mdzad dkar po'i sbyor ba byas la lag pa g.yas pa'i mthil du yi ge b+h+ruM las byung ba'i 'khor lo rtsibs brgyad pa dkar po'i lta bar yi ge? b+h+ruM dkar po 'od zer dkar po'i 'phreng ba can gyi gsang ba bzhag la de'i 'od zer 'jug pa dang 'byung pa'i bya bas? dug gis zin pa'i lus con gyiS dug bton par byed do/ /dug gnod pa la ji ltar bya zhe na/ de bzhin du thams cad ser por bsgoms la yi ge b+h+ruM ser po 'od zer pos khyab pa can yang bsgom par bya'o/ /de'i 'od zer rnams kyis dug

  181. 91a

    gis smras pa'i lus dgang bar bya'o/ /dug drang ba la ji ltar bya zhe na/ de bzhin du thams cad dmar bor bsams la yi ge b+h+ruM dmar po 'od zer dmar po can pad bsams nas de'i 'od zer rnams kyis khams gsum du gtogs pa'i ? bkug la gang du 'dod pa der dbab par bya'o/ /de nyid kyi phyir rdo rjer gsum zhes bya ba la sogs pa gsungs te/ rdo rje ni sangs rgyas rnams te sangs rgyas gsum dang 'dra ba'i 'od zer gyi rgyu ba yis so/ /las gyi gsang pa gsum 'byung ba ni rgyu'o/ /'dir 'di skad du 'od ni kha dog gi 'od zer gyi 'phreng ba can ni dkar mo yang de yin la de yang yin te/ de dang ldan pa'o/ /'od zer ser po ste/ kha dog ser po'i 'od zer gyi chogs ba gang la yod pa dang/ gang la 'od zer ser po lta du'i kha dog yod pa'o/ /rdor gsum 'od zer de rnams kyi dam tshig ste rgyu ba'o/ /'di las byung bas na 'byung ba zhes bya bar tshig sbyar ba'o/ /oM zhes bya ba la sogs pa la/ oM hu lu hu lu tiSh+Tha tiSh+Tha/ b+hand+ha b+hand+ha? /ha na ha na/ da ha da ha/ zhes bya ba ni snga ma bzhin no/ /ya mri ta zhes bya ba ni bdud rtsi thab sbyor la chos nyid kyi lus kyis bod pa'o/ /swA hA'i gnas su yi ge hUM phaT ni snga ma bzhin te/ sngags kyi yi ge nyi shu rtsa drug pa yin no/ /gro ga la sogs pa zhes bya ba'i sgra ni der la sogs pa la yang ngo/ /'khor kho ni las kyi rdo rje la gnas par zhes bya ba ni cho ga bzhin du rnam par snang mdzad kyi sbyor ba byas la skyes pa bsrung ba'i phyir ni gur gum dang/ bud med bsrung ba'i phyir ni gi ? gis sna tshogs rdo rje'i lte ba la gnas pa'i 'khor lo rtsibs brgyad pa bris la'o/ /haM? ni dbus su bzhag nas zhes bya ba ni 'khor lo'i lte ba'i dbus su yi ge haM mgo gru gsum pa tsha ba zla ba phyed pa dang thig le gtsug tor dang ldan pa bris nas su'o/ /ming ni dbus su bri bar bya zhes bya ba ni yi ge ? gi mgo'i dbus su snying po dang spel pa'i ming dzi na che ge ma'i rak+Sha kyu ru dzik

  182. 91b

    ces bya bar bri bar bya'o/ /sngags kyi yi ge'i tshig rnams kyis brgyan te zhes bya ba ni 'khor lo'i shar la sogs pa'i phyogs kyi rtsibs kyi dbus dag du/ de bzhin gshegs pa mi bskyod pa la sogs pa'i 'byin pa'i sngags dang/ me la sogs pa'i mtshams rnams kyi rtsibs kyi dbus su lha mo bzhi 'byin pa'i sngags dang/ shar la sogs pa'i phyogs kyi rtsibs ki mdza' dag tu gshed la sogs pa'i sngags dang/ mtshams rnams su ni yi ge gsum bri bar bya'o/ /'khor lo'i mu khyud la ni/ oM hu lu hu lu/ tiSh+Tha tiSh+Tha? /a? ? ka sya/ u ba dra pa ro kaM/ b+hand+ha b+hand+ha/ ha na ha na/ da ha da ha/ a mri te hUM phaT ces bya ba 'khor bar bri bar bya'o/ /de nas rang gi snying po las rnam par snang mdzad la sogs pa'i lha rnams kyi 'khor lo gnas ji lta ba bzhin du bskyed nas mu khyud pa bkod pa'i? yi ge re re las byung ba'i 'phags pa bdud rtsi thab sbyor gyi tshogs kyis yongs su bskur bar bsams la/ rnam par snang mdzad kyi thugs ka'i zla ba la gnas pa'i rang gi ming las byung ba'i rdo rje'i lus dang ldan pa'i bsgrub par bya ba la/ haM las byung ste ji skad du bshad ba'i tshangs pa la sogs pa dang gzugs ma thun pa ni rdo rje gsum gyi dam tshig ste sku rdo rje la sogs pa'i phyag rgya chen po yin gyi 'di ni changs pa la sogs pa'i gzugs nyid ni ma yin te/ mtshan nyid mi mthun pa'i phyir ro/ /'di'i don gsal bar byed pa'i tshigs su bcad pa la yang de skad ces bya'o/ /tshangs pa la sogs pa dang mthun pa 'di gang yin pa de ni sku rdo rje la sogs pa nyid yin te/ 'gro ba 'dul ba'i dbang du mdzad pa'i phyir ro zhes bya ba'i tshigs su bcad pa'i don to/ /gnod sbyin mo la sogs pa sgrub pa la ni de rnams kyi rdo rje dam tshig dang bcas pa'i tshigs su bcad pa lngas gsungs pa yin te/ bud med ni gnod sbyin mo rnams so/ /'di rnams kyis zhes bya ba ni khrag dang sha dang 'dod pa rnams kyis te/ ci rigs par bsgoms pa dang de dag rang nyid kyis phyi rol rten pa

  183. 92a

    rnams kyis so/ /dga' ba'i 'da' bar dka' ba'o/ /phra ma dang ldan pa'i phyir phra ma can no/ /de dag ces bya ba ni de klu'i rgyal po'o/ /'dis ni zhes bya ba la sogs pa rnams kyis de snga ma bzhin no/ /rdo rjes 'og ces bya ba ni sa 'og gi phu mo bsgrub ba'o/ /thod pa dang 'bru mar ni mi'i 'o/ /zhag ni glang po dang rta la sogs pa'i'o/ /'byung po kun gyis zhes bya ba ni 'byung po dang yi dags la sogs pa yi yang ngo/ /dag byed ces bya ba ni de kho na nyid du mos pa'i yi ge gsum gyis dag par byas pa'i phyir ro/ /rdo rje mkha' 'gro mo ni gau rI dang cau rI la sogs pa zhes bya'o/ /char ni 'bru'i chang dang sbyar ba'i chad ro/ /sbyor ba yis zhes bya ba ni dpal sangs rgyas thams cad dang mnyam par sbyor ba la sogs pa grags pa'i sku mdog dang/ mtshan ma dang/ sngags la sogs pa dang/ dbu gsum dang phyag drug la sogs pa'i ting nge 'dzin gyis so/ /gsang bya zhes bya ba ni bsgoms pa'i sems can thams cad do/ /gnas kyi mtshan nyid kyis zhes bya ba ni sngags dang mtshan ma rnams kyis so/ /ngo bo nyid kyis zhes bya ba ni mngon sum nyid du'o/ /kun 'byung ba zhes bya ba mi la sogs pa'i khyad par gyis 'byung ba'o/ /rnam par spyod ces bya ba ni lhan cig skyes pa'i mthu yis so/ /dam tshig gi ma lus pa tsam bya ba ni de rnams nyid yongs su brnyes par byed pa'o/ /dngos grub kun nyid la phan 'dod pa ni gnyen te de'i don du'o/ /tshangs pa la sogs pa ni 'jig rten pa nyid yin pa'i phyir khams gsum pa yang yin la/ sku rdo rje la sogs pa ni 'jig rten las 'das pa nyid min pa'i phyir rdo rje yang? yin zhing thams cad kyang de dag nyid la de dag kyang yin pas na'o/ /de rnams kyi rjes su 'brang ba ni rdo rje 'chang chen po'i nang du chud ba ste/ rdo rje'i sngags las skyes pa yin pa'i phyir dang mi bskyod pa la sogs pas rgyas btab pa yin pa'i phyir ro/ /de la dmigs pa'i ting nge 'dzin la yang de skad ces bya'o/

  184. 92b

    lus kyi dngos grub kyi phyir dam tshig gi rdo rje ni lus kyi las thams cad ro gcig pa'o/ /de gsal bar byed pa'i tshigs su bcad pa la yang de skad ces bya'o/ /lus kyi thams cad ni lus kyi thams cad do/ /rnam gsum zhes bya ba ni dge ba dang mi dge ba dang lung du ma bstan pa'o/ /de ni rtag par rdo rje las ni 'byung bar bya ste skad cig de las spro ba'i tshul du gang las sku rdo rje kun 'byung ba de bzhin du bya'o/ /spro ba de dag gcig tu byas pa'i phyir sems can thams cad sangs rgyas skur byed pa ni bya ba ste/ sku rdo rje'i sbyor ba la gnas nas zhes bya ba ni lhag ma'o/ /gnas ni thabs su bya ba'o/ /ma lus pa ni dag gi las so/ /ji lta bu zhe na khams gsum dri med dkyil 'khor te/ spros pa'i dag rdo rje dang gcig tu byas pa'i phyir dri med do/ /dkyil 'khor ni 'jig rten gsum gyi dkyil 'khor ro/ /'di las zhes bya ba'i dbang du byas pa'i phyir ro/ /tshig gi dngos grub gyi gnas kyang de yin la yid 'ong pa yang yin pas na'o/ /'dir yang gsung gi rdo rje'i sbyor ba la gnas nas zhes bya ba ni lhag ma'o/ / yid de sems kyi rdo rje'i rang bzhin kun bsgom par bya'o/ /rdo rje brtan pa ni thugs rdo rje ste/ de rnams kyi 'dzin pa ni spro zhing gcig tu byed pa'i tshul gyis 'byin pa yin pa de ltar na rdo rje bstan pa 'dzin pa yis so/ /rdo rje gsum mi phyed 'khor lo ni thugs rdo rje yin la/ de dang ldan pa ste de'i rnal 'byor ba zhes bya ba'i don to/ /sbyor ba gang las las thams cad dge ba ni kun tu mdzes dga' o de ston par mdzad pa la de skad ces bya'o/ /'dir rnal 'byor pa thams cad ni rdo rje 'chang ba'i rnal 'byor pa yin pas/ gal te de sangs rgyas la sogs pa la phyag ma byas na smad pa nyid du 'gyur ba dang/ chogs gnyis kyang myur du rdzogs par mi 'gyur ro/ /yang na phyag byed pa de'i 'di'i rdo rje 'chang ba'i nga rgyal 'dor bar 'gyur ba de bas na 'dis thabs gang gis

  185. 93a

    phyag bya zhe na/ de'i phyir de nas zhes bya ba la sogs pa gsungs te/ thams cad ni sangs rgyas la sogs pa la phyag 'tshal bar bya ba'o/ /sngags ni lha'i rnal 'byor pa phyag byed pa'o/ /de rnams kyi rdo rje ni dmigs su med pa'o/ /de nyid ni snying po ste khyad par du 'phags pa'i dam tshig go /de gsal bar byed pa'i tshigs su bcad pa la de skad ces bya'o/ /phyag 'tshal na ni zhes bya ba ni phyag 'tshal ba na'o/ /ma rung zhes bya ba ni mi snang ba ste /de rnams dang bdag nyid dang phyag byed pa mi dmigs pa stong pa nyid du ro gcig pa'i ye shes zhes bya ba'i don to/ /rang gi lha la ji ltar phyag byas zhe na/ de nas zhes bya ba la sogs pa gsungs te/ de bzhin gshegs pa thams cad ni phyag bya ba'i rang gi lha ste/ de'i sku dang gsung dang thugs so/ /de rnams kyi bsam gtan ni rang gi lus dang ngag dang yid dag la'o/ /de nyid ni dam tshig go/ rdo rje sems ni rang gi lha nyid de de'i bsam gtan no/ /rdo rje gsum sbyor bas zhes bya ba ni de'i sku dang gsung dang thugs rnams gcig tu gyur pa'i phyir ro/ /gang du zhe na/ sku dang gsung dang thugs kyi dkyil 'khor la ste/ rang nyid kyi thams cad la'o?/ /sngags zlos pas ni rang gi lha'i rnal 'byor ro/ /bla ma dang slob dpon dang rgan rabs la sogs pa la ji ltar phyag bya zhe na/ de nas zhes bya ba la sogs pa gsungs te/ sngags dang rdo rje bsgrub pa'i bla ma dang rgan rabs la sogs pa la rang gi lha nyid kyis rnam par bsgom pa'o/ /de yi dam tshig ste/ de'i sku dang gsung dang thugs dang/ rang gi lus dang ngag dang yid gcig tu byed pa'o// de nyid ni sdom pa ste phyag bya ba'i dus su nges par bya ba'i cho ga'o/ /sems can khams rnams ni zhes bya ba ni bla ma dang rgan rabs la sogs pa'o/ /bsam gtan rdo rjes bskul bar bya ba ni bsam gtan las byung ba'i rang gi lha'i rnam par sbyor bar bya ba'o//

  186. 93b

    rdo rje gsum phyag 'tshal mchog ces bya ba ni rang gi lus dang ngag dang yid kyis gong nas gong du phyag 'tshal ba'o/ /de gang yin zhe na/ rdo rje las byung zhes bya ba smos te/ de nyid kyi sku dang gsung dang thugs 'byung ba ste/ ro gcig par gyur pa'o/ /gang du zhe na/ skabs nyid yin pa'i phyir rang gi lus dang ngag dang yid la'o/ /de dag gis kyang 'da' bar bya ba nyid ma yin pas na dam tshig go /de de ltar phyag bya ba ni rnam pa gnyis te/ 'khor gsum mi dmigs pa 'am rdo rje 'byung bas so/ /de nas zhes bya ba la sogs pa la dngos grub kyi mchog la thabs bzhi ni bsnyen pa la sogs pa yin no/ /de rnams kyi dam tshig ni dus so/ /de'i tshe bsgom pa ni nges par bya ba'i cho ga'o/ /gnyis po ni rab tu grags pa nyid yin no/ /rdo rje ni byang chub kyi sems so/ /ye shes kyi nyi mar byas pa de dag gis re res yongs su gang ba dbul zhes bya ba ni lha bshos kyi bsam pas so/ /rdo rje thams cad mi snang bar mos pa ni dngos grub phra mo'i nye bar mtshon pa yin no/ /de nas mchog rdzas zhes bya ba ni de'i dus su byung pa'i byang chub kyi sems so/ /rdo rje thabs te de rdzogs par byed pa'o/ /de nas zhes bya ba la sogs pa la nam mkha' i ni mi bskyod pa'o/ /de'i rdo rje rigs 'dzin rnams kyi dam tshig yin no/ /sku gsung thugs kyi rdo rje ni zhes bya ba ni bdag nyid kyi'o/ /bsam gtan zhes bya ba ni mi bskyod pa khros pa'i'o/ / rdo rje gsum gyi dam tshig ste zhes bya ba ni rdo rje rigs 'dzin rnams kyis so/ /sngags 'chang ba ni sngags pa'o/ /las dang po pa ni ma sgrub pa ste/ de rnams kyi dam tshig go/ sku'i rdo rje zhes bya ba'i lhag ma ni bya zhes bya ba dang sbyar bar bya'o/ /phyi rol ces bya ba ni phyi rol du 'gro ba la'o/ /rdo rje 'dzin pa ni thugs rdo rje la'o/ /rdo rje chos zhes bya ba ni gsung gi rdo rje'i sbyor ba'o/ /mdo gdon cho ga bya ba la zhes bya ba ni 'dir thugs rdo rje'i sbyor ba ni sems kyi dri ma bsal bar bya ba'i phyir ro/ /bde bar gshegs

  187. 94a

    pa'i sku dang gsung gi sbyor ba lhag ma bdag nyid kyi lus dang blo rgyas bar bya ba'i phyir ro/ /yang na phyi rol du 'gro ba ni 'chag pa ste/ de ltar sbyor ba gsum po 'di dag go rim bzhin du phyi'i don la dmigs pa dang/ sna tshogs su snang ? dmigs pa dang brjod pa dang dmigs pa'i mnyen por rig par bya'o/ /de skad ces stsal to/ /zhes bya ba ni sku'i las la sogs pa'i rdo rje'i go chas go bsgon par nges par bsams la dam tshig 'khor lo'i ye shes kyi 'khor lo nang du chud pa'i sngon du song ba can gyi mchod pa thams cad kyis mchod par bya'o/ /de ltar 'khor lo'i rnam pa 'di sngags kyi yi ge'i tshig rnams kyis brgyan te rtag tu bzhag par bya zhes bya ba ste/ kham phor la sogs pa'i kha sbyar gyi nang na gnas par byas la/ lha rnams kyi mchod pa la gnas la rtag tu bzhag cing rgyun du mchod par bya'o/ /'di ni zhes bya ba la sogs pa la gang gi phyir 'khor lo la sngags bkod pa'i lha thams cad kyi gsang ba gsum gyi dkyil 'khor gyis bsgrub par bya ba bsrung ba'i phyir mngon du phyogs pa yin pa de'i phyir 'dis 'tshe ba thams cad las bsrung bar 'gyur ro zhes bya ba'i don to/ /yang na 'khor lo bris la shar gyi rtsibs la oM/ me'i rtsibs la hu lu hu lu/ lho'i rtsibs la tiSh+Tha tiSh+Tha/ bden bral gyi rtsibs la b+hand+ha b+hand+ha/ nub kyi rtsibs la ha na ha na/ rlung gi rtsibs la da ha da ha/ byang gi rtsibs la a mri te/ dbang ldan gyi rtsibs la hUM phaT/ 'khor lo'i lte pa dang de bzhin du yi ge haM gi mgo'i nang du oM ji na che ge mo rak+Sha ku ru jig ces bri bar bya ste/ de ltar 'khor lo de ni sngags kyi yi ge'i tshig rnams kyis brgyan te rab tu bzhag par bya zhes bya ba ni snga ma bzhin no/ /sngags dgod pa 'di ni lha thams cad kyi gsang ba gsum gyi gnas ni 'phags pa bdud rtsi thab sbyor te/ bsdus pa ni bsgrub par bya ba'i phyir kun nas byung ba 'am mngon du phyogs pa'o/ /de

  188. 94b

    bsan 'dis ni thams cad du bsrung bar 'gyur ro zhes bya ba'i don to/ /'khor lo rnam pa gnyis po 'di dag ni bsrung ba'i cho ga yin no/ /bsrung ba'i 'khor lo'o/ /an dza na nyid ni gnas yin te/ dngos grub kyi thabs so/ /'di nyid ni rdo rje 'chang dang 'dra ba'i phyir ro/ / rdo rje yin pa de ltar na rdo rje an? dza na'i gnas nyid do/ /tshil chen ni mar me'i don du'o/ /khrag dang bshad ba dang zhes bya ba ni lnga po dag gis nye bar mtshon ba'o/ /kun tu bzang po ni an dza na de nyid do/ /ston par mdzad pa nyid kyi phyir de skad ces bya'o/ /'dis ni 'di skad du rdo rje an dza na'i dngos grub kyi ched du bzlas brjod 'bum byas pa mar gyi ngo'i bcu bzhi la phyi'i rig ma dang lhan cig tu 'dod pa'i lha dmar po'i sbyor ba dang ldan pas ji skad du bshad pa'i gnas gang yang rung bar yid kyis rang gi dkyil 'khor yongs su brtags la de'i dbus su thod pa gsum kha sbub pa'i steng du bdud rtsi lnga dang ldan pa'i 'chang gis legs par byugs pa'i thod pa kha sbub? tu bzhag la/ de'i 'og tu bdud rtsi lnga cung zad dang ldan pa'i tshil chen po bzhus par bkar ba'i thod pa bdud rtsi lnga dang bcas pa'i arga'i shing bal dang pad+ma'i skud pas dkris pa'i sdong bu can du mar me sbar la mtshan phyed kyi dus su thod pa gcig gi stan la 'dug cing thod pa gnyis la pus mo gnyis bzhag ste/ snyoms par 'jug pas gnas shing rang gi sngags zlos pas dud pa dbab par bya'o/ /de nas de dag bsdus la bdud rtsi lnga dang bcas pa'i snum chen po dang sbrul la ras sam dar bzang po la thum dur gtums la rig ma'i pad+mar bcug la de'i sbyor ba dang ldan pas gnas de nyid du dro ba dang du ba dang 'bar ba'i mtshan ma shes par bya ste/ rang gi sngags brgya rtsa brgyad bzla bar bya zhing dro ba de nyid kyis mig bskus nas thams cad du skad cig gis 'gro ba dang 'od bar 'gyur ba dang sa la spyod pa'i sems can thams cad dbang du byed do/ /du ba mthul

  189. 95a

    bas ni nam mkha' la 'gro ba dang/ nam mkha' la spyod pa'i sems can thams cad dbang du byed do/ /'bar bas ni nam mkha' thams cad du 'gro bar 'gyur ba dang/ sems can thams cad dbang du byed do/ /de ltar na dngos grub rnam pa gsum du 'gyur ro zhes bstan par 'gyur ro/ rdo rje mig sman no/ /'di man chad ni sgrub pa chen po'i sbyor ba'i gdams ngag yin la de yang sbyor ba 'di la skal pa dang ldan pa rnyed par dka' ba nyid dang/ 'bras bu che? ba nyid kyis gus pa bskyed nas brjod par bya ba yin no/ /de la rnyed dka' ba'i dbang du mdzad nas de nas zhes bya ba la sogs pa gsungs te/ de bzhin gshegs pa thams cad kyi bdag po ni dkyil 'khor ba dang bcas pa'i dkyil 'khor gyi dbang phyug go /de ston par mdzad pa'i phyir de skad ces bya'o/ /ldan zhes bya ba ni myur du de thob pa'i skal pa dang ldan pa zhes bya ba'i don to/ de bzhin gshegs pa thams cad ni dkyil 'khor gyi dbang phyug go/ de yang dad po'i sbyor ba'i bdag nyid can no/ /spyod pa ni de nyid kyis bdag dang gzhan gyi don nan tan du byed pa'i dkyil 'khor gyi rgyal po mchog dang/ las kyi rgyal po mchog ste/ de bzhin gshegs pa thams cad dang lhan cig spyod pa'o/ /de nyid ni rdo rje ste rdo rje 'chang ba'o/ /de ltar na ting nge 'dzin gsum po ni go rim bzhin du rdo rje 'chang gi ngo bo nyid dang/ longs spyod rdzogs pa dang sprul ba'i sku gsum yin no/ /yang na de nyid ni rdo rje yin te mi zad pa'i rin po che nyid yin pa'i phyir ro/ /'di ltar de bzhin gshegs pa ni rtag pa'i sku can yin te go rim bzhin du rtag pa dang rgyun mi 'jigs pas rtag pa dang/ rgyun gyis rtag pas so/ /'dir dad pa dang sgom pa gang yin pa de gnyi ga yi ge gsum gyi skal pa dang ldan no zhes bya ba ni dris pa dang po'i lan gyi don yin no/ /zhabs dag la phyag 'tshal ba ni gdams par gsol ba

  190. 95b

    'debs pa'o/ /ma gsungs par gyur pa ni gdams pa'i yul ston pa'o/ /yi ge gsum po de'i skal ba yod pa 'dis ni skal pa dang ldan pas zhes gsungs pa nyid yin te/ de rnams kyis rnyed par dka' ba nyid kyang brtan pa'i phyir/ bcom ldan 'das zhes bya ba la sogs pa gsungs so/ /gang gi tshe bskal pa 'das she na/ bcom ldan 'das zhes bya ba la sogs pa gsungs te/ mar me mdzad mya ngan las 'das pa nas 'od srungs mngon par sangs rgyas pa'i bar du ste/ de gnyi ga'i bar du zhes bya pa'i don to/ /ma gsungs so zhes bya ba ni ngas de'i tshe zhes bya ba 'og ma dang sbyar ro/ /skal pa med pa zhes bya ba ni de'i dus na zhes gong ma dang sbyang ngo?/ /gsang ba chen po'i gnas ni rdo rje 'dzin chen po'i gnas so/ /de'i don ni sgrub pa'i thabs de nyid rgyud kyi rgyal po 'di'o/ /gal te ma gsungs pa de ltar na yang gzhan pa'i phyir de'i tshe de'i don grub par 'gyur ro zhes kha cig dogs pa la/ de bsal ba'i phyir 'bras bu chen po nyid ma bshad de zhes bya ba la sogs pa gsungs te ma gsungs pa nyid yin no/ /'on kyang 'di khyad par 'di'i don chen po gzhan las grub pa ma yin pa gang yin pa de ni/ bcom ldan 'das zhes bya ba la sogs pa gsungs pa la/ skad cig thang cig yud tsam ni dus kyi skad cig ma'o/ /gal te skad cig de nyid dus ji tsam gyis yin zhe na/ gang+gA'i zhes bya ba la sogs pa gsungs pa la gang yin pa zhes bya ba ni byang chub bo/ /'bad cing ni gang go cha'i brtson 'grus kyis so/ /rtsol ba ni sbyor ba'i brtson 'grus kyis so/ /de zhes bya ba ni byang chub de'o/ /tshe 'di nyid la zhes bya ba ni skye ba 'di nyid la'o/ /sangs rgyas zhes bya ba'i grangs ni bgrang ba ste/ sgrub pas sa bcu'i dbang phyug nyid dang sgrub pa chen pos sa thams cad nyid du'o/ /de dag gis zhes bya ba ni gang dag de'i tshe gdul bya rnams kyis so/ /mi 'gyur ba ni thun mong yin no/ /zhes bya ba ni mi 'gyur ba gsum ni thun mong nyid do/ /thun mong

  191. 96a

    nyid ni rigs kyi bu zhes bya ba la sogs ba gsungs so/ /gsang ba'i mi 'gyur pa gsum rnam par dag pa ni ji ltar snang ba bzhin du med pa nyid yin pa de'i phyir de ltar snang ba ma thob cing ma mthong ba yin no/ /cang mi smra par gyur pa ni mi 'gyur ba dmigs su med pa'i phyir ro/ /thams cad cang mi smra bar gyur pa ni bshad pa'i skabs dbye ba'i don to/ /ston pa'i dbang du mdzad nas zhes bya ba la sogs pa gsungs pa la/ de nas zhes bya ba ni mngon par byang chub pa rnam pa lnga'i 'dod chags chen po'i de ma thag tu'o/ /de bzhin gshegs pa thams cad ni phyogs bcu nas byon pa rnams so/ /de bzhin gshegs pa thams cad ni rnam pa lnga las byang chub pa'i rdo rje 'dzin chen po'o/ /de'i sku dang gsung dang thugs ni thabs kyi sku ste/ der de bzhin gshegs pa lngar gyur nas bzhugs pa'o/ /rdo rje'i btsun mo ni rig ma dgu'i gzugs kyis de rnams spros ba'i'o/ /b+ha ga ni shes rab kyi sku der de rnams ro gcig tu gyur pa'o/ /lha mo bzhi'i glu'i gzhung rim pa bzhin du sbyar bar bya ste cang mi gsungs par gyur to/ zhes bshad pa gang yin pa de'i rjes thogs la de nas brtsams te /sems can thams cad kun tu bzang po kun tu bzang po zhes de bzhin gshegs pa thams cad kyi sku dang gsung dang thugs rdo rjes dbang bskur bar gyur to zhes bya ba ni brjod nas brjod par bya'o/ /gzhung 'di las ni 'di nyid du bshad par bya ba yin te/ de nas zhes bya ba ni snying po'i rdo rje la gnas pa'i de ma thag tu'o/ /de bzhin gshegs pa thams cad ni dkyil 'khor gyi dbang phyug go/ de'i bdag bo ni rgyu'o/ /rdo rje ni de bzhin gshegs pa rnams kyi gsang ba'o/ /de 'dzin par mdzad cing bdag nyid la sdud par mdzad pas na rdo rje 'dzin pa'o/ /de rnams kyi ro gcig pa ston ka'i zla ba ltar dkar ba'i zhu ba gang yin pa de nyid ni rten dang brten pa skyed bar byed ma dang skyed par byed pa

  192. 96b

    zhu bas na chen po yin pa de ltar na rdo rje 'dzin chen po ste snying po rdo rje zhes bya ba'i don to/ /de la bstod pa ni bstod bar byed pa ste yang dag pa'i yon tan brjod pas mchod par byed pa'o/ /dga' bas zhes bya ba ni de bzhin gshegs pa thams cad kyi bde ba dang yid bde ba'i snying po'i rdo rje de la yongs su mgu pas so/ /mA ma kIs zhes bya ba ni/ rang gi phyogs nas lhags te/ rang gi stan la bzhugs pa'i zhe sdang dga' ma'o/ /de bzhin gshegs pa thams cad kyi thugs gang yin pa de'i btsun mo ni so sor 'bigs pas tshim par mdzad pa'i phyir ro/ /rdo rje'i thugs zhes bya ba la/ rdo rje ni de bzhin gshegs pa thams cad do/ /de rnams kyi thugs ni gsang ba dang gsum zhu ba'i bdag nyid can gyi byang chub kyi sems so/ /gnas kyi dbang phyug ni dkyil 'khor gyi dbang du zhu ba'i phyir ro/ /sems can khams ni rten dang brten pa'i 'khor lo zhu ba'i phyir ro/ /dga' ma rnams kyi yid du 'od ba ni dga' bar byed pa ste/ de dag kyang zhu ba'i phyir ro/ /yul chen po nyid yin pa'i phyir don chen po'o/ /yul gang gis she na 'dod pas te/ de rnams kyang zhu ba'i phyir ro/ /mchog dang po rig ma dang bcas pa zhu ba'i phyir sems can yab chen po gnyen mchog ni sangs rgyas rnams te/ de rnams kyang zhu ba'i phyir gnyen mchog go/ dgyes par mdzad du gsol zhes bya ba ni skur gyur nas don mdzad pa'o/ /khyed kyis bdag la skyabs su gsol zhes bya ba ni thun mong du bsrung ba'o/ /gsal bar bya ba'i phyir ni mgon po zhes bya ba la sogs pa rgsungs pa la/ mchis bzhed na ni lus can du mdzad par dgyes na'o/ /mgon po gal te de ring gson pas zhes bya ba ni gal te gtso bo'i bdag 'tsho bar bzhed na'o/ /rdo rje'i sku la sogs pa'i yang snying po'i? rdo rje nyid kyis rgyu mthun pa yin pa de ltar na de dag gi rang bzhin gyis kyang de la bstod pa ni de nas bya ba ni/ mA ma kI sa bstod pa'i de ma thag tu'o/ /sangs rgyas spyan yin gyi nam mkha' i

  193. 97a

    spyan ni ma yin no/ /de bzhin gshegs pa thams cad kyi sku ste/ de'i btsun mo ni 'khyud pas tshim par byed pa'i phyir ro/ /ye shes tsam nyid kyi mthar thug pa'i 'dod pa ni rdo rje 'dod pa ste/ de rnams kyi dga' ba ni longs spyod cing 'khyud pa'o/ /de nyid ni mchod pa yin la de'i mchog ni de'i gtso bo'o/ /don las mi 'gyur ba'i phyir na yi ge'o/ /rjod par byed pa nyid yin pa'i phyir tshig ste de yis so/ /de bzhin gshegs pa thams cad kyi sku nyid yin pa'i phyir rdo rje'i sku'o/ /bka' i 'khor lo ni chos kyi 'khor lo ste/ de yang rnam pa mang po yod mod kyi 'dir ni gzugs kyi khyad par dang ldan pa'i phyir tshim pa de byed pas na phan pa'i bka' i 'khor lo'o/ /sangs rgyas kyi 'khor lo nyid yin pa'i phyir sems can kun no/ /byang chub pa'i tshul gyi blo 'di la mnga' bas na sangs rgyas so/ /don rnams ni de las tha mi dad pa'i phyir don to/ /sangs rgyas kyang de yin la don kyang yin pas na sangs rgyas don to/ /ye shes dam pa'i thugs su chud pas na byang chub bo/ /ye shes tsam nyid du snang ba'i don gyi mchog 'di la mnga' bas na don dam pas so/ /snying po'i don ni phan pa ste snying po'i rgyu mthun pa nyid yin pa'i phyir rjes su te/ dus phyis mthong ba yin pa de ltar na rjes su phan ston pa'o/ /'dod chags dam tshig ni lhan cig spyod pa'o/ /bdag la zhes bya ba ni bdag nyid la'o/ /dgyes par mdzad du gsol zhes bya ba ni rdo rje'i sku nyid brnyes nas dgyes par ro/ /chags pa ni 'khyud pa ste/ kho mo ni yongs su bcad pa'i ye shes tsam nyid yin la khyod ni yongs su gcod ba ni rtogs pa yin te/ khyed ni yongs su gcod pa ni 'khyud pa yin no/ /'jig rten dbang phyug ni de bzhin gshegs pa thams cad kyi so sor rtogs pa'i rgyal po'o/ /de'i sku dang gsung dang thugs ni mtshan gzhi dang mtshan nyid dang mtshon bya la rnam par gzigs pa'o/ /de

  194. 97b

    rnams kyi tshul te de ni mtshan gzhi la sogs pa'i de bzhin te/ gzigs pa'i yul la/ /'dod pa ni rdo rje 'dod pa'o/ /de rnams kyi nye bar longs spyod pa ni mtshan nyid do/ /de'i dam tshig te ming gis so/ /smra bas shes par byed cing mtshon par byed pas ni gsungs te/ brjod pa dang shes rab ngo?/ /de bzhin gshegs pa thams cad kyi rdo rje gsung nyid yin pas na rdo rje gsungs so/ /kun la zhes bya ba ni sna tshogs pa'o/ /zhi ba dang bde ba dag sgrub par byed pa'i phyir go rim bzhin du phan pa dang de yin la rtse ba yang yin pa de ltar na phan zhing thugs brtse ba'o/ /'jig rten dag ni dogs pa'i don ni phan pa bde ba'o/ /de mdzad pa ni sgrub par mdzad pa'o/ /rtag tu brtson pa yin gyi ras dga' ni ma yin no/ /dga' ba ni de kho na nyid thams cad la rnam par spyod pa'o/ /de nyid kyi spyod pa 'di la mnga' bas na rab dga' spyod pa'o/ /kun tu ni rnam pa thams cad du'o/ /bzang po ni phan pa dang bde ba dang bde ba ste/ 'di las 'jig rten las 'gyur ba de ltar na kun tu bzang po'o/ /des ni 'dis sems can thams cad la dus thams cad du dang/ de kho na nyid la spyod pa dang phan pa dang bde ba'i rnam pa thams cad mdzad pa'i phyir go rim bzhin du tshig bzhi po 'di dag yin no/ /dgyes par mdzad ces bya ba'i rdo rje'i gsung de nyid thob nas spyod pas dgyes par ro/ /de bzhin gshegs pa thams cad kyi sku dang gsung dang thugs kyi dam tshig ni ro gcig pa'i sku la sogs pa'i ye shes so/ /'dod pa ni bde ba dang yid bde ba'o/ /de nyid ni rdo rje ste yang dag par rig pa'i cha yis so/ /de'i btsun mo ni yang dag bar rig par bya ba sku la sogs pa'i de bzhin nyid do/ /ji ltar na btsun mo yin zhe na/ de'i bdag nyid kyis tshim par byed pa yin pa'i phyir ro/ /'dis zhes bya ba ni 'chad par 'gyur ba'i tshigs su bcad pas so/ /bde ba dang yid bde ba ni rdo rje 'dod pa nyid do/ /de la dga' ba ni sdug

  195. 98a

    pa'o/ /de gsal bar byed pa'i tshigs su bcad pa la de skad ces bya'o/ /de bzhin gshegs pa thams cad kyi 'dod pa nyid yin pa'i phyir rdo rje 'dod pa'o/ /dam tshig ni yang dag par rtogs pa ste/ gti mug rdo rje ma la sogs pa'i longs spyod do// de rnams kyi mchog nyid yin pas na dam tshig go /mchog tu phan pa'i bde ba nyid yin pa'i phyir phan don che'o/ /yang dag par rdzogs pa'i sangs rgyas kyi gdung ste/ rigs gang las de rnams 'byung zhing de rnams kyi mchog nyid yin pa'i phyir/ yang dag par rdzogs pa'i sangs rgyas kyi gdung mchog go /mnyam nyid ni ro gcig par gyur pa'o/ /des rjes su brtse bar mdzad pa'i phyir mnyam nyid rjes brtse'o/ /rin chen mang po ni sku gsum gyi de bzhin nyid bsdus pa yin pa'i phyir ro/ /de nyid kyi phyir yon tan gter gyur pa ste/ bdag la dmigs nas sangs rgyas kyi yon tan thams cad skye ba'i phyir ro/ /bdag la dgyes zhes bya ba ni mnyam bde nyid kyis yang dag par dmigs pa'i phyr ro/ /de nas zhes bya ba ni rig pa bcu po gnyis su med par 'gyur ba'i rjes thogs la'o/ /'dod chags thams cad ni rig pa ste dag nyid do/ /de rnams kyi nye bar longs spyod pa ni gti mug dang/ zhe sdang dang/ 'dod chags so/ /de las byung ba ni rdo rje'i dpal ste snying gar zhugs pa'i sangs rgyas lnga rdo rje nor bur zhu zhing ro gcig par gyur pa ni rdo rje yin la/ de nyid ni phun sum tshogs pa'am gzi brjid do/ /de la dmigs pa'i ting nge 'dzin la yang de skad ces bya'o/ /de la snyoms par zhugs nas mi gsung bar gyur to/ /de bzhin gshegs pa thams cad kyi btsun mo de dag ces bya ba ni rig pa bcu po de nyid do/ /dam tshig gi dkyil 'khor los zhes bya ba ni dam tshig chen po'i dkyil 'khor rten dang bcas pa'i bdag pos so/ /'dod pa spyod cing ni yang dag par shes par byed cing ngo/ /nam mkha' i dbyings thams

  196. 98b

    cad ni rig pa'i pad+ma'o/ /de bzhin gshegs pa thams cad kyi sku dang gsung dang thugs rdo rje ste/ de rnams kyi dam tshig ni ro gcig bar gyur pa ste/ ston ka'i zla bltar dkar ba yin zhing de nyid ni khu ba yin te/ khu ba dang chos mthun pa'i phyir ro/ /de nyid ni rdo rje chu te des yongs su gang ba'i bum pa la de skad ces bya'o/ /de ltar dbang bskur ba dang po'o/ /bsdus pa nyid kyi phyir rdo rje yin la/ /khong stong nyid yin pa'i phyir nam mkha' yin zhing gzhir gyur ba nyid kyi phyir dbyings de nyid ni pad+ma'o/ /gang sems can zhes bya ba ni bdag po dang bcas pa'i dkyil 'khor pa rnams so/ /sku gsum gyi dam tshig ni zhu ba de nyid do/ /'di rnams la du ba'i nang na zhugs shing babs nas yang dag par byung ba mnga' bas de skad ces bya'o/ /de ltar na gnyis pa'o/ /de rnams rdo rje dpal gyis reg nas zhes bya ba la rdo rje dpal ni zhu ba de nyid do/ /des reg pa ni ro gcig par gyur pa reg pa ste/ de rnams kyang de nyid du zhu ba'i phyir ro/ /de nyid der zhu ba rdo rje gsum gyi ye shes can mchog tu bde ba dang/ yid bde ba'o/ /de ltar na gsum pa'o/ /thams cad ces bya ba la sogs pa la de ltar rdo rje gsum gyi ye shes can du gyur pa thams cad de bzhin gshegs pa dgra bcom pa yang dag par rdzogs pa'i sangs rgyas su 'gyur te/ zhes bya ba thams cad phyin ci ma log par mkhyen pas na yang dag par rdzogs pa'i sangs rgyas so/ /dgra bcom pa ni nyon mongs pa yin la de thams cad bag chags dang bcas par bcom pa'i phyir dgra bcom pa'o/ /chos ji lta ba de bzhin du ston par mdzad ba'i phyir de bzhin gshegs pa'o/ /de nas brtsams te zhes bya ba la sogs pa nas dbang bskur bar gyur to/ zhes bya ba 'di'i mthar thug pa'i gzhung ni rim pa gzhan du sbyor ba yin te/ cang mi smra bar gyur to zhes 'chad par 'gyur ba gang yin pa de'i de ma thag tu

  197. 99a

    blta bar bya'o/ /de nas brtsams te zhes bya ba ni thams cad zhu ba de nas brtsams te/ sems can thams cad ces bya ba ni phyogs bcu'i 'jig rten gyi khams na gnas pa'i sems can rnams so/ /kun tu bzang po kun tu bzang po zhes bya ba gyur pa ni ming de skad ces bya ba ste/ de bzhin gshegs pa thams cad kyis rdo rje'i ming gis dbang bskur ba'i phyir ro/ /ci glo bur ba nyid du yin nam zhe na/ ma yin no zhes bya ba ni de bzhin gshegs ba zhes bya ba la sogs pa gsungs te/ de bzhin gshegs pa thams cad kyi sku dang gsung dang thugs kyi rdo rje ni zhu ba de nyid do/ /des dbang bskur ba ni 'od zer spos pa'i sbyor bas so/ /'di man chad de nas phyag na rdo rje zhes bya ba nas brtsams te/ chos ma yin chos ma yin pa yang ma yin no zhes bya ba'i bar ni mngon par rtogs pa ma yin no/ /'o na ci zhe na/ pha dang mas bsdus ba'i phung po la sogs pa'i zhu ba'i mngon par rtogs pa'i yan lag la bzhugs ba'i phyir ro/ /de dag ces bya ba ni zhu ba ste yid kyis myong bar mdzad nas dri bar mdzad pa'o/ /mthong ba ni mngon sum du byas pa'o/ /sangs rgyas thams cad kyi chos mnyam pa nyid la chos ni rdo rje'i ye shes te de dang mnyam pa nyid do/ /thams cad du ro gcig pa'i ye shes so/ /rdo rje ye shes kyi sbyor ba ni bde ba la gnas stag? las zhes bya ba ni lhag rnams las so/ /gang zhes bya ba la sogs pa ni ngo mtshar gang yin pa ston pa yin te gang zhes bya ba ni gsungs pa'o/ /de ci zhe na/ 'dod chags kyi ye ge'i tshig gis sangs rgyas kyi byang chub rjes su rtogs pa de ni ste/ rig? ma'i nye bar longs spyod ni 'dod chags so/ /de las skyes pa'i mi 'gyur ba'i rdo rje ye shes ni yi ge'o/ /de'i tshig ni gnas te dmigs pa dang bcas pa'i phung po la sogs pa byang chub tu rjes su rtogs pa'o/ /nam mkha' rdo rje ye shes

  198. 99b

    de nyid do/ /dam tshig ni der zhu bas ro gcig tu gyur ba'i rgyu des mtshungs pa ste/ sngar zhu ba dang lhan cig tu mtshungs pa'o de nyid bstan par bya ba'i phyir gzugs kyi phung po ma yin zhes bya ba la sogs pa gsungs te/ de la phung po rnams ni sangs rgyas lnga'o/ khams ni dga' ? ma rnams dang mchog dang po'o/ /skye mched ni yul drug go/ 'dod chags ni reg ba'i mtshan nyid do/ /zhe sdang ni so sor 'bigs pa'o/ /gti mug ni kun tu 'khyud pa'o/ /chos ni nam mkha' i rdo rje'o/ /chos ma yin pa ni lhag ma rnams te/ de dag kyang gnyis med cing gnyis su med par gyur pa'o/ /de nas de bzhin gshegs pa thams cad ces bya ba ni phung po la sogs pa so sor rig pa rnams so/ /cad ma smra bar gyur to zhes bya ba ni snying po rdo rje de nyid du zhu bar gyur pa'o/ /de'i rjes la de nas brtsams? te zhes bya ba la sogs pa gang yin pa'o/ /de'i 'og tu ni lha mo bzhi'i glu bzhis bskul ba'i gzhung ngo/ /de'i rjes la de bcom ldan 'das zhes bya ba la sogs pa 'di yin te/ de nas zhes bya ba ni glu bzhis bskul ba'i 'og tu'o/ /phyag na rdo rje zhes bya ba ni snying po rdo rje bsdus pa las byung ba'i rang gi sa bon las bskyed pa'i rig ma'i skyes bu'i sku ste/ rdo rje 'dzin pa'o/ /'di ni sbyor ba dang po'i ting nge 'dzin te dang po'o/ /bcom ldan 'das zhes bya ba la de bzhin gshegs pa rnams kyi rang gi rtogs pa 'dul bya rnams la 'di ltar rnam par phye bas na bcom pa ste dkyil 'khor pa thams cad do/ /de rnams su sprul ba 'di la yod pas na bcom ldan 'das so/ /'di ni dkyil 'khor rgyal po'i mchog ces bya ba'i ting nge 'dzin gnyis ba'o/ /de rnams la zhes bya ba ni dkyil 'khor pa rnams dang 'khor rnams la'o/ /bka' stsal ba zhes bya ba ni bka' bsgo ba'o sku la sogs pa'i rdo rje'i gsang ba ni de kho na nyid do/ /bsgo bar gyis shig ces bya ba ni 'dzin du chug shig pa'o/ /chos kyi rnam grangs zhes bya ba ni chos kyi bar du dbye ba ste/ skal pa yod pa ni

  199. 100a

    de'i snod du gyur pa ste/ snying po rdo rje 'od spros pas kun tu bzang por byas pa'i phyir ro/ /de ltar bsgo ba byas pas dkyil 'khor ba ji snyed pa rang rang gi sprul pa rnams kyiS 'byin pa po'i bka' ji lta ba bzhin du nyams su blang ste/ rang rang gi sprul pa rnams bdag nyid la bsdu bar gyur pa'o/ /'di ni las rgyal ba mchog gi ting nge 'dzin te gsum pa'o/ /'khor rnams ni ston pa'i bka' bzung nas cad mi sna bar gyur pa'o/ /de nas zhes bya ba la sogs pa la de bzhin gshegs pa thams cad kyi bdag po ni de'i bstan pa bzung ba'i phyir ro/ /rdo rje chos ni rdo rje theg pa ste/ de la dbang bar gyur pas phyag na rdo rje ni rdo rje chos so/ /dam tshig ni de kho na nyid gsang chen gyi chos so/ /chos kyi dbang phyug theg pa chen po'o/ /de bsrung ba la dper? bas na rgyal po'o/ /rdo rje yang de yin te thogs pa med pa'i stobs dang ldan pa'i phyir ro/ /des na chos kyi dbang phyug gi rgyal po rdo rje'o/ /de bzhin gshegs pa de dag thams cad ces bya ba ni dkyil 'khor ba rnams so/ /rdo rje sems dpa' zhes bya ba ni dkyil 'khor gyi dbang phyug go /de'i yi ge ni de nyid kyi sku dang gsung dang thugs kyi yi ge rnams te/ rdo rje gsum po mi 'gyur bas yi ge zhes gsungs pa'i phyir ro/ /rdo rje sems dpa' i yi ge yang yin la gsum po yang de yin no/ /de rnams la rang gi sku dang gsung dang thugs zhugs par gyur ba ni dkyil 'khor nye bar bsdu ba'o/ /de dag thams cad ni sgrub pa chen po'i gdam dag go /khams gsum thams cad kyi lus rdo rje ni 'dus par gyur pa'i sangs rgyas rnams kyi sku'o/ /gnas shing zhes bya ba ni de rnams la yid kyis so/ /de rnams kyi mnyam pa nyid dmigs nas zhes bya ba ni bdag nyid la gzhug pa ste/ de rnams nam mkha' dang mnyam pa nyid du blta ba'o/ /cang mi gsung bar gyur to zhes bya ba ni de dag nyid rang gi nang du chud pa'o//

  200. 100b

    de bzhin du 'dod dpag tu med pa dang mi bskyod pa la yang shes par bya ste/ gsung gi rdo rje ni 'od dpag tu med pa'o/ /phyag na rdo rje ni mi bskyod pa'o/ /de skad ces stsal te zhes bya ba ni rtsa ba'i rgyud bcom ldan 'das rdo rje 'dzin pas gsungs pa'o/ /de bzhin gshegs pa zhes bya ba la sogs pa la byin gyis brlab ces bya ba ni sprul ba'o/ /rdo rje ni nye bar bsdu ba ste byin brlabs dang bcas pa'i rdo rje rnams nye bar bsdu ba ni rdo rje byin gyis brlabs so/ rdo rje ni dkyil 'khor ba'i gsang ba rnams 'dus pa'i phyir ro/ /dam tshig dang sdom pa dang bcas pa'i rdo rje byin gyis brlabs kyi rdo rje ni dam tshig dang sdom pa rdo rje byin gyis brlabs kyi rdo rje ste/ de gsal bar byed ba'i le'u la de skad ces bya'o/ /de dag ni 'dir gtso bo yin la/ /le'u'i don lhag ma rnams ni zhang la byung ba yin no/ /gsang ba 'dus pa'i bshad sbyar snyim? pa'i me tog las le'u bcu bdun pa'o/ /le'u bcu bdun pa'i bshad pa slob dpon chen po shan+ti bas mdzad pa rdzogs so// //de ltar bcom ldan 'das rdo rje 'dzin pas rtsa ba'i rgyud le'u bcu bdun gyis gsungs pa la/ der? gnas pa'i rdo rje'i tshig gsal bar byed pa'i phyir rgyud kyi ga le'u bco brgyad pa de bzhin gshegs pa thams cad kyis gsung gcig tu bstan par bya ba de byang chub sems dpa' rnams kyis zhu pa'i sgo nas skabs dbye ba'i phyir de nas zhes bya ba la sogs pa gsungs pa la/ de bzhin gshegs pa thams cad kyis dbang bskur ba ni sgrib pa med cing dag pa nam mkha' i khams kyi rang bzhin can yin pa'i phyir ro/ /de yang bcom ldan 'das dkyil 'khor gyi bdag po rdo rje 'chang chen po ste/ de'i sku dang gsung dang thugs kyi gsang ba'o/ /de rnams kyi bstan pa ni bshad pa'i rnam pa'o/ /dngos po thams cad de ma lus pa'o/ /de dus ji lta ba bzhin du mthong zhing thos 'khor du cung nas zhes bya ba la dus de gzugs su bstan pa'i dus su mthong la/ gsung du bshad pa'i dus su thos shing phyis khong du chud ba te mngon sum du byas nas so/ /ji lta ba bzhin du zhes bya ba ni phyin ci ma

  201. 101a

    log par ro/ /de dag ces bya ba ni gang gis bstan pa 'di gsan pa'o/ /gzigs pa ni nyid kyis chos thams cad mngon par rdzogs pa thugs su chung pa'o/ /de dag gis tha snyad du mdzad ba'i phyir chos gzigs pa dang ldan pa'o/ /gsol to zhes pa ni zhus pa'o/ /e ma'o zhes bya ba ni ngo mtshar gyi sgo nas dri ba zhus pa'o/ /kun tu bzang po ni rdo rje 'chang ba ste de'i sku dang gsung dang thugs so/ /de rnams kyi nges pa dag ni yongs su zhes bya ba'i de kho na nyid de ngo mtshar yin no/ /ji ltar ngo mtshar yin zhe na kun tu zhes bya ba ni 'jig rten gyi khams thams cad du'o/ /gang de'i sku dang gsung dang thugs dag gis rnam par bzhugs so/ /gang la zhugs she na/ sems can thams cad la'o/ /ci kho bo cag dang 'dra zhe na/ ma yin no zhes gsungs pa ni dus gsum gyi rdo rje'i ngo bor yang ngag byung/ de bzhin gshegs pa thams cad kyi gsang ba gsum ni dus gsum yin la/ de rnams kyi rdo rje ni ro gcig par snang ba'i bdag nyid can byang chub kyi sems shin tu rnam par dag pa'i de nyid ngo bor te/ rang gi rang bzhin der yang yang dag par byung ba ste/ de rnams kyi sgrib pa ma lus bar spangs pa'i phyir ro/ /de nyid kyi phyir byang chub rdo rje rdo rje 'chang gi gnas chos kyi sku thob pa yin no/ /de nyid kyi phyir longs spyod rdzogs pa'i sku'i sgonas mi zad pa nyid kyi phyir sangs rgyas rdo rje yang de dag yin la/ sprul pa'i sku'i sgo nas de dang der bltam pa dang mya ngan las 'das pa'i phyir rdzu 'phrul chen po yin pas na/ sangs rgyas rdo rje rdzu 'phrul che'o/ /'di tsam gyis ni thams cad du thams cad kyi tshe sku thams cad kyis sangs rgyas thams cad kyi bzhugs pa'i gnas nyid kyi sgo nas ngo mtshar te gsungs pa yin no/ /yang khyad par lngas ngo mtshar du bstan pa'i phyir e ma'o zhes bya ba la sogs pa gsungs pa la/ 'dir rab ngo mtshar che zhes bya ba ni rgya che ba'i khyad par gyis so/ /zhi ba zhes bya ba ni spros pa med pa'i khyad par gyis so/ /dbang po 'das zhes bya ba ni

  202. 101b

    zab pa'i khyad par gyis so/ /mchog tu mya ngan 'das zhes bya ba ni spangs pa'i khyad par gyis so te/ kun nas nyon mongs pa'i sgrib la thams cad ma lus par spangs pa'i phyir ro/ /'khor bdag gis rgyun zhes bya ba ni sku rtag pa nyid kyi khyad par gyis so// de de bzhin no zhes gsungs pa ni lan de nges par gzung bas the tshom gcod pa'i phyir ro/ /phyi ma'i phyi ma zhes bya ba ni mchog las kyang mchog tu 'gyur pa'o/ /yang dag gsung bas zhes bya ba ni rdo rje 'chang gis/ /gang zhes bya ba ni rtsa ba'i rgyud do// de la sbas pa'i gnas gang yin pa de rnams rtogs pa nyid ni don de bya ba nyid yin pas na don de'i phyir ro/ /khyed la zhes bya ba ni khyed rnams la'o/ /legs so legs so zhes bya ba ni spro ba bskyed pa'o/ /sems dpa' che zhes bya ba ni dgongs pa chen po ste/ sems can rnams kyi don chen po bya ba'i bsam pa yod pa'i phyir ro/ /gsang ba rnams thos pa dang/ 'dzin pa dang bston pa la mkhas pa dang ldan pas na/ yon tan gyi gnas so/ /so ma nyis zhes bya ba ni the tshom can gyi don to// 'dir zhes bya ba ni rgyud la'o/ /gsang ba la sogs ba'i sgra rang gi ngo bo tsam du bstan pa'i phyir 'brel pa med pa can yin mod kyi zhes bya ba brjod pa'i phyir 'brel pa thob par 'gyur ro zhes bya ba'i sgra 'dis ni zhes bya ba'i don te/ dper na 'di ba lang zhes smra so zhes bya ba lta bu ste/ 'di'i sgra zhes bya ba'i don to/ zhes bya'i sgra 'di ni rnam par dbye ba'i tshig can 'di thams cad kyi don la 'jug pa yin no/ /gsang ba 'dus ba zhes bya ba 'di ni rnal 'byor gyis rgyud yin te/ de brjod par byed pa nyid yin pa'i phyir ro/ 'brel pa med pa ni rjod par byed par 'gyur ba yang ma yin te /se'u 'bru bcu zhes bya ba la sogs pa'i dag lta bu'o/ /de nyid kyi phyir tshigs su bcad pa dang pos ni dri ba lnga zhus pa yin no/ /rnal 'byor dang rgyud ni rgyud dang

  203. 102a

    rnal 'byor ro/ /de dag ci la bgyi zhes bya ba ni zhu ba gnyis so/ /gang du rnal 'byor zhes 'dir ci la gyi zhes pa'i tshig 'byung ba ni rigs pa ma yin no/ /de bzhin rigs shes 'dir ci lags shes pa la de bzhin gyi sgra ni bsdu ba'i don to zhes bya ba ni sogs pa'i don to/ /'dir zhes bya ba ni bsdu pa'i tshigs su bcad pa thugs la bzhag pa ste/ rigs la sogs pa'i sgras ci zhig brjod ces bya ba'i don te/ /byang chub sems dpa' chen po zhes bya ba la de kho na nyid yin pa'i phyir byang chub chen po yang de yin la/ dam tshig nyid yin pa'i phyir sems dpa' yang yin pas na de skad ces bya'o/ /rab skul ba zhes bya ba ni gsol ba 'debs par byed pa'o/ /gzhag nas zhes bya ba ji ltar zhe na de'i sbyor bas gnas pa'i phyir ro// zhus pas rgya chen zhes bya ba ni zhus pa rgyas pa'i yul can gyi don rnams so/ /rang rang gi lus la sogs pa la rdo rje 'chang chen po'i sku la sogs pa'i rnam par dmigs la zhes bya bar sbyar ro/ /rang gi thugs la dmigs par zhes bya ba ni mngon sum du mdzad pas sa/ /byin gyis brlabs zhes bya ba ni nus pa'i khyad par gyis de la yang dag par sbyor ba'o/ /gsung gcig gis ni dbyangs gcig gis so/ /rnam pa gsum zhes bya ba ni re re'i sku dang sngags dang mtshan ma'i bdag nyid can nyid yin pa'i phyir ram sangs rgyas dang rig pa dang khro bo'i bdag can yin pa'i phyir ro/ /'di la sangs rgyas thams cad yod pas na sangs rgyas thams cad do/ /gsang ba 'dus pa ni bcom ldan 'das rdo rje 'chang chen po'o/ /de rjod par byed pa nyid yin pa'i phyir rgyud la yang de skad ces bya'o/ /de'i rjod par byed pa nyid kyang ngag gcig po nyid du 'brel pa'i phyir ro/ /'brel pa de yang gsang ba 'dus pa don gcig nyid la bsdu ba'i phyir le'u thams cad phan tshun phan 'dogs par byed pa'o/ /de la dang por rang gi don gyi dbang du mdzad nas

  204. 102b

    tshigs su bcad pa bzhis 'brel pa bstan pa'i phyir lnga pa dang ni zhes bya ba la sogs pa gsungs te gsang ba 'dus pa 'di ni bcom ldan 'das thabs las byung ba'o/ /de'i thabs ni bzhi ste bsnyen pa dang nye bar sgrub pa dang sgrub pa chen po zhes bya ba 'chad par 'gyur ba'o// de la thabs las byung ba rdo rje 'chang nyid ni le'u dang por bstan pa yin te gtso bo yin pa'i phyir ro/ /de'i 'og tu le'u bcu drug gis ni thabs bzhi yin la/ de nas bco brgyad pas ni de gnys ka gsol bar byed pa yin no/ /de bas na thabs las byung ba thabs dang bcas pa gsal bar byed pa dang bcas pa bsdus pa'i phyir bltos pa'i mtshan nyid can ni le'u rnams kyi 'brel pa yin no/ /de la le'u thog ma tha ma dag ni ma gsungs kyang 'brel pa grub pa yin pa de ltar na le'u lhag ma rnams kyi 'brel pa tshigs su bcad pa gsungs pa yin te/ 'di ni 'di rnams kyis bsdus pa'i don to/ /dga' ba can gyi le'us ni sgrub pa chen po dang/ rdzogs ldan gyi le'us ni sgrub pa dang/ gnyis ldan gyi le'us ni nye bar sgrub pa dang/ gsum ldan gyi le'u sa ni bsnyen pa ston to// de la thabs bzhi po re re'i phyed phyi mas ni mtshan nyid dang/ phyed snga mas ni le'u yin no /rgyas pa'i don ni lnga pa dang ni dgu pa dang/ bcu bdun pa dang bcu gsum pa zhes bya ba le'u bzhi po de dag ni sgrub pa chen po ste/ sgrub pa chen po'i zhes bya ba'i don yin zhing sgrub pa chen po'i bshad pa yin no zhes bya ba'i bar du'o/ /thabs bzhi po so sor re re zhing mngon par rtogs pa dang dam tshig gnyis gnyis dbye ste/ mtshan nyid gnyi ga yang gcig gi nus pa tha dad kyi rigs pas ngag gcig gis ston to/ /de las sgrub pa chen po'i mtshan nyid sangs rgyas byang chub sems dpa' rnams bstan pa zhes bya ba yin te/ de la rigs pa'i skyes bu'i bdag pos yan lag dang bcas pa'i dkyil 'khor pa'i sangs rgyas dang byang chub sems dpa' rnams phyung ba ni sgrub pa chen po'i mngon

  205. 103a

    par rtogs pa'o/ /de yang ma lus par bcu bdun par ro/ /bcu gsum pa'i rig pa'i skyes bu'i nges pa bstan pa las ni phyogs gcig go/ dang por yang thabs las byung ba'i zhong la phyogs gcig gis so/ /le'u lhag ma rnams su yang zhong? la bstan to/ /gnyis su med pa'i ye shes tsam ni byang chub ngo/ /de snyed pa ni sangs rgyas so/ /de la nges par bstan pa ni byang chub sems dpa' ste/ de rnams kyi bya ba'i phyir bstan pa ste/ shin tu gsang ba'i spyod pa zhes bya ba'i don to/ /dam tshig de yang sgrub pa chen po ste/ thabs chen po yin pa'i phyir ro/ /de ni lnga pa dang dgu pa ma lus pas ston pa bcu bdun pa la sogs pa'i phyogs res so/ /bzhi pa dang ni bcu drug pa/ brgyad pa bcu gnyis pa dag ni/ sgrub pa ste 'di na gnas med pas tshigs su bcad pa bzhi pa'i mthar sgrub pa'i sdom pa zhes pa dang sbyar te/ sgrub pa nyid gsang ba'i phyir sdom pa'o/ /slob dpon spyi'i las dang ni/ dngos grub brtul zhugs sdom pa yin zhes bya ba ni mtshan nyid yin te/ de la 'dod chags chen po'i tshul gyis rim pas dam tshig chen po'i dkyil 'khor du ye shes sems dpa' la dbang bskur ba gsum sbyin pa ni slob dpon spyi'i las so/ /rig pa'i skyes bu bskyed pa nas dbang bskur ba'i mthar thug pa ni dngos grub bo/ /rig pa'i brtul zhugs ni brtul zhugs so /mchod pa dang bstod pa la sogs pa ni sdom pa ste/ sgrub pa'i mngon par rtog pa'o/ /slob dpon gyis las thams cad dang dngos grub thams cad yongs su shes par bya ba dang/ rig pa'i brtul zhugs gzung ba dang/ bsrung ba dang bza' ba'i sdom pa rnams ni sgrub pa'i dam tshig go/ drug pa dang ni gnyis pa dang bcu pa dang bcu bzhi pa dag ni nye bar sgrub pa'i sdom pa'o/ /ni zhes bya bas mtshams sbyor ro/ /kha cig lan drug pa 'dir zhes 'byung ste/ 'dir zhes pa ni rgyud 'dir ro/ /drug pa zhes pa ni grangs drug par

  206. 103b

    shes bar byed pa 'am gnas drug par shor bas na drug pa'o/ /nye ba'i sgrub pa'i mtshan nyid ni drag spyod dang rjes su chags pa'o/ /de la rjes su chags pa'i mngon par rtogs pa ni byin gyis rlobs pa'i sngags lnga ste/ thugs mnyes par byed pas so/ /drag shul gyi mngon par rtogs pa ni lnga pa rnams te zab cing phra ba'i dngos po la drag shul gyis yid 'jug par byed pa'i phyir ro/ /dam tshig gi drag shul ni drag shul gyi spyod pa'o/ /nye bar longs spyod pa'i sbyong ba dang/ dka' ba'i spyod pa ni lha rnams rjes su chags par byed pa'o// de dag thams cad le'u bzhi po 'di rnams su ston to/ /bdun pa dang ni gsum pa dang/ bcu gcig pa dang/ bco lnga pa ste/ bzhi po 'di dag ni bsnyen pa yin no/ /'di'i mtshan nyid ni dngos grub zhing dang mtshan ma ste/ dngos grub ni 'khor lo mar ba'i rnal 'byor ro/ /zhing ni yan lag drug gi sbyor ba ste/ de dag gis bdag nyid dngos grub mchog gis zhing du byed pa'i phyir ro/ /mtshan ma ni dam tshig dang gri lam ste/ dngos grub kyi rgyur gyur pa'i phyir dngos grub ston par byed pa'i phyir ro/ /yang gzhan gyi don las brtsams te/ rgyud kyi 'brel pa tshogs su bcad pa bzhis bstan par bya ba'i phyir/ de bzhin gshegs pa kun gyi las zhes bya ba gsungs te/ gzhan gyi don ni rnam pa bzhi ste/ gzhug pa dang dbyugs 'byung ba dang yongs su smin pa dang/ yongs su grol ba'o/ /dbugs dbyung ba'i tshig ni tshigs su bcad pa'i gnyis pa'i khong nas dbyung bar bya'o/ /de bzhin gshegs pa kun g yi las/ /gzhan dag tshar gcog pan 'dogs spyod pa dag gang yin pa de ni rgyud 'di la dul dang zhes bya ba la sogs pa sems can rnams kyi 'jug ste/ mngon par dad ba'o/ /dul ba ni tshar gcad pa chung dus bsgrub bar bya ba yin la/ gdul dka' ba ni tshar gcod pa chen pos bsgrub par bya ba rnams yin no/ /zhi ba ni phan gdags pas bsgrub par bya'o/ /mchog

  207. 104a

    nyid ni dngos grub mchog dang 'brel pa'o/ /de la thun mong gi dngos grub dang 'brel pa gang yin zhe na/ gang de'i bsnyen pa de yang rnam pa bzhi ste/ rdo rje'i chog zhes bya ba rdo rje bzhi po bshad pa'o/ /dngos grub mchog gi 'brel pa gang yin zhe na/ bskyed pa'i rim pa dang 'brel pa ste/ rang gi lha nyid du skyed pa'i go rim dang 'brel pa'i ni mig dang sku la sogs pa'i sems pa las yang dag par sbyor ba'o/ /de gnyi ga ni dbugs dbyung ba ste/ rang gi lha'i rnal 'byor la yang dag par sbyor ba'i phyir ro/ /dkyil 'khor zhes bya ba ni bri ba'i dkyil 'khor dang mchod pa'i dkyil 'khor ro/ /brtul zhugs ni rig pa'i brtul zhugs so/ /slob dpon phun sum tshogs pa zhes bya ba ni gzhug pa dang/ dbugs dbyung ba dang yongs su grol ba ma gtogs par slob dpon gyi bya ba gzhan dag yin no/ /de ni bla ma'i sngags kyi lam gyis ni slob ma snod du rung ba rnams yongs su smin par bya ba yin no/ /brtul zhugs bzang dang zhes bya ba ni yang dag par gzung ba'i rigs pa'i brtul zhugs can gyi'o/ /slob dpon gyi dbang bskur ba gsum gyis kyang dbang bskur ba'o/ /rang gi slob ma ni bka' las mi 'da' ba' i phyir ro/ /bdag nyid che zhes bya ba ni 'dus pa'i de kho na nyid thams cad bstan pa la rjes su mthun pa'i dad pa dang shes rab dang/ bstan pa dang/ zab pa dang ldan pa'o/ /sangs rgyas la sogs pa'i shin tu gsang ba'i de kho na nyid ston pa gang yin pa de yongs su grol ba yin te/ dgongs pa thams cad nges par 'grel pa'i phyir ro/ /de la dga' ba can gyi le'u ldar ni yongs su grol ba yin la lhag ma rnams ci rigs par le'u gzhan dag la sbyar ro/ /de ltar na rtsa ba'i rgyud kyi cha shas bzhi'i dag bzhi gang dag yin pa ni yan lag rnam par 'thor ba phan tshun ltos pa can yin pas na gzhan gyi re re sdud par byed pa yin zhing/ gzhan gyi don ma lus par bsdu ba'i phyir rtsa ba'i rgyud ni

  208. 104b

    ngag gcig yin no/ /de gsal bar byed pa ni rgyud phyi ma yin te/ de gnyi ga ni bstan pa dang bcas pa de nyid kyi'o rgyud kyi 'brel ba gnyi ga dag la yang phal cher de rjod par byed pa'i gzhung yin pas na de skad ces bya'o/ /rnal 'byor zhus pa'i lan gsungs pa thabs dang zhes bya ba la sogs pa la/ thabs dang shes rab snyoms par 'jug pa'i rab tu sbyor ba rnal 'byor yin te/ phul du byung ba'i shes pa ni shes rab bo/ /gang zhig ni gang yang rung ba'i shes pa dngos med pa ni rig bya dang rig pa gnyis su byar med pa'o/ /dngos med pa de nyid shes rab tu brjod pa de nyid 'dir bye brag tu mthong bas na lhag mthong ste/ dga' ba'i yul yin pas dga' ma yang yin te/ yul dang yul can dbyer med par gyur pas so/ /shes rab nyid rig pa dang shes bya zhes kyang bya'o/ /nye bar song ba ni thabs te sems der nye bar 'jug pa'o/ /de yang dngos po'i mtshan nyid sems de kho nar gyur pa ni phra mo nyid las mi 'phro ba sems der gyur pa kho na te brtan zhing mi g.yo bas so/ /de nyid ni zhi gnas te gyur pa po gud na med pa'i phyir gud na sems nyid thabs yin la skyes bu dang ye shes kyang yin no/ /rig bya dang rig pa po dang sems las byung ba dang/ sems de nyid dbyer med par gyur ba ni thabs dang shes rab sbyor ba ste rnal 'byor ro/ /rgyud kyi dri ba zhus pa'i lan ni rgyud ni zhes bya ba la sogs pa gsungs pa la ni rgyud ni rgyun rgyas pa'o/ /de ni rgyud de skad kyi byings la rgyud ni rgyas pa zhes 'byung ba'i phyir ro/ /rgyun yang de yin la de yang yin pas rgyun te de ni rnam pa gsum 'gyur te rab tu dbye ba las so/ /ji ltar rab tu dbye ba las yin zhe na/ gzhi dang de bzhin rang bzhin dang/ spang du med pa yis zhes bya ba ste/ de las 'byung gnas rang bzhin rgyu yin te/ 'gro bar byed cing 'bras bu

  209. 105a

    nyid thob par byed pas na rgyu ste/ sa bon zhes bya ba'i don to/ /de ni rang bzhin yin te/ gtso bo'i rgyu nyid yin pa'i phyir ro/ /de yang gang yin zhe na/ de 'byung gnas te thog ma'i rgyu zhes bya ba'i don to/ /byang chub kyi rgyud dang po gang yin zhe na/ thog ma dang tha ma med pa chos kyi dbyings 'di ni byang chub kyi sems so/ /de bzhin spang med 'bras bu ste bag chags dang bcas pa'i sgrib pa thams cad spangs pa'i phyir/ rang gi rang bzhin du gnas pa'i chos kyi dbyings kyi 'bras bu de ni spang du med pa yin te spangs par bya ba'i sgrib pa de'i tshe shin tu med pa'i phyir ro/ /gzhi ni thabs zhes bya ba ste/ rang bzhin las rgyu gzhan ni thabs yin no/ /de ni gzhi yin te de la gnas pa'i rnal 'byor pas 'bras bu thob pa'i phyir ro/ /gsum gyis rgyud kyi don bsdus te/ rgyu dang 'bras bu thabs kyi rgyud gsum nyid kyis rgyud kyi don ma lus par bsdus pa yin no/ /thabs ni sngags dang phyag rgya la sogs pa'i dbye bas rgyun dang ldan pa'i phyir thabs kyi rgyud du rig pa ma yin nam/ rgyu ni chos kyi dbyings nyid yin la /yang gcig nyid yin pa de ltar na/ rgyun med pa'i phyir rgyu'i rgyud rigs ma yin la de nyid kyi phyir 'bras bu'i rgyud kyang rigs pa ma yin no zhe na/ 'dir rigs ni zhes bya ba la sogs pa gsungs pa la rigs kyi sgra ni thams cad la sbyar bar bya ste/ rigs dang rus dang rgyud dang sa bon dang rgyud dang khams dang bla ma dang thog ma dang 'byung gnas dang rang bzhin zhes bya ba ni rnam grangs yin no/ /rigs lnga ni gti mug dang zhe sdang dang nga rgyal dang 'dod chags dang/ phrag dog ces bya ba rigs lnga po dag go /rigs gsum dag ni gti mug dang/ zhe sdang dang 'dod chags zhes bya ba rigs gsum po dag go /ngo bo nyid gcig rigs ni rang bzhin ngo bo nyid de rang bzhin ro gcig tu 'jug pa

  210. 105b

    de ni rigs gcig ces bya ba'i don to/ /rigs brgya zhes bya ba ni rigs mdza' yas pa yin te/ sangs rgyas kyi chos rnams ni re re zhing rab tu mdza' yas pa nyid kyi phyir ro/ /rigs kyi rab tu dbye ba gsungs pa'o/ /byang chub rdo rje ni rnam par dag pa'i mthar thug pa na byang chub kyang de yin la/ byang chub kyi sems kyi rang bzhin nyid yin pa'i phyir rdo rje yang yin pas na byang chub rdo rje ste de nyid ni chos kyi dbyings so/ /de ni khyad par de dang de dag bcas par gsungs pa ste/ rigs lnga la sogs pa gsungs pa'o/ / de'i phyir yang de ni bla ma'i rgyud du 'dod do/ /de'i khyad par de dang bcas dang gsungs pa de ni rgyu'i rgyun gyi rang bzhin can nyid yin pa'i phyir rgyud? bla ma ste/ rgyu'i rgyud ces bya ba'i don to/ /de skad du yang dpal mchog dang po la sogs pa las rgyud ni rgyun zhes bya bar bshad/ bla ma nyid ni thog mar brjod/ /de nyid gsang ba gsang chen ni/ /bla ma'i rgyud ni yin par 'dod ces gsungs so/ /ji ltar 'phags pa'i rigs gcig la nyan thos la sogs pa'i dbye bas rnam gsum du byed par 'gyur ba de bzhin du byang chub sems dpa' i rigs gcig la rigs lnga la sogs pa'i dbye bas so/ /de skad du yang/ chos kyi dbyings la dbyer med phyir/ /rigs ni tha dad rung ma yin/ /rten pa'i chos kyi bye brag gis/ /de yi dbye ba rab tu brjod ces gsungs so/ /gti mug gtso bor gyur pa'i byang chub sems dpa' i chos rnams kyi gnas su gyur pa'i rigs ni gti mug gi rigs so/ /zhe sdang gtso bor gyur pa rnams kyis ni zhe sdang gi rigs te/ de bzhin du gzhan dag la yang sbyar bar bya'o/ /rgyu'i rgyud nyid rnam par dag pa'i mthar thug pa yang/ /'bras bu'i rgyud yin no zhes bya ba de yang mi? rigs ba ma yin no/ /rgyud kyi don zhus nas rgyu'i rgyud kyang gsungs la/ de yang rigs lnga la sogs ba yin no zhes nges par mdzad nas tshigs su bcad pa gnyis kyi de kho na nyid ni rnam pa du rigs kyi gsang ba'i rnam pa du/

  211. 106a

    rigs kyi gsang chen ni gang lags rigs kyi dam pa ni rnam pa du zhig mchis zhes 'dri ba'i zhu ba bzhi po byas pa de la de nyid ces bya ba la sogs pa gsungs te/ de nyid rnam pa lnga gang yin pa de rgyud thams cad kyis bsdus pa phra ba nyid yin pa'i phyir ro/ /gsang ba rnam gsum ni de shin tu phra ba nyid yin pa'i phyir ro/ /lha rnams kyi bdag po lhag pa'i lha'i rang bzhin ni bcom ldan 'das so/ /de ni gsang chen te shin tu rab tu phra nga? nyid kyi phyir ro/ /rigs rnam pa brgya ni rigs kyi rang bzhin sna tshogs pa'o// de ni dam pa ste mdza' yas pa nyid kyi phyir ro/ /nga de ltar na dri ba'i zhu pa dgu po dang lan gyi rnal 'byor gyi rgyud gsang ba 'dus pa yin no zhes bya ba'i spyi'i don yang dag par bya ba yin no/ /gzhung gzhan ni yan lag gi don ji ltar spas pa rnams rab tu dbye ba'i phyir ro/ /de la dang por le'u dang po la sbas pa'i tshig gi don rnams zhus pa ni/ byang chub sems zhes cil bgyi zhes bya ba la brtsams te/ de bzhin big+h+nan ta krita ci zhes bya ba'i bar du'o/ /de la byang chub kyi sems kyi don ni thog ma tha ma zhes bya ba la sogs pa gsungs te/ thog ma ni skye ba yin la tha ma ni 'jig pa yin no/ /de dag med pa'i phyir thog ma dang tha ma med pa ste/ chos kyi dbyings sems kyi rang bzhin yin la de nyid ni byang chub kyi sems yin no/ /de'i phyir rdo rje 'chang gi don gyis na thog ma dang tha ma med pa'o/ /sems la ma gtogs pa'i don du rtogs pa thams cad nye bar zhi ba'i phyir rnam par snang mdzad kyi don gyis na zhi ba'o/ /chos dang chos nyid kyi rgyu mtshan rnams nub pa'i phyir mi bskyod pa'i don gyis dngos dang dngos min zad pa'o/ /chos kyi dbyings tsam gyi bdag nyid dang sangs rgyas thams cad dbyer med par mthong ba'i phyir rin chen 'byung ldan gyi don gyis na khyab bdag ste thams cad du 'gro ba'o/ /mtshan gzhi dang mtshan nyid la dga' ba rnams rnam pa thams cad du stong pa nyid du yongs su

  212. 106b

    gcod pa'i phyir 'od dpag tu med pa'i don gyis na stong pa nyid mi phyed pa'o/ /sna tshogs kyi don mdzad pa'i phyir don yod par grub pa'i don gyis na snying rje mi phyed pa'o/ /byang chub kyi sems kyi sems kyi don 'di yang le'u dang por sangs rgyas lnga rnams chos nyid dang lhan cig thugs kar zhugs pa dang/ de zhu ba dang dkyil 'khor du zhu ba dang/ longs spyod pa po dang/ longs spyod par bya ba dang/ longs spyod zhu ba dang/ 'od zer spos pas sna tshogs dbang bskur bar shes par bya'o/ /byang chub kyi sems de nyid las rig pa'i skyes bu 'byung bar gsungs pa yin no/ /de'i phyir de zhus pa'i de ma thag tu lan sku zhes bya ba la sogs pa gsungs so/ /tshigs bcad phyed phyi mas ni nges tshig bstan te/ lhan cig ces pa ni gsum pa'o/ /rig par ldan pa zhes pa ni don gyis na skyes bu la bya'o/ /rig pa dang lhan cig pa'i skyes bu ni rig pa'i skyes bu ste bar gyi tshig mi mngon pa'o/ /phyed snga ma ni 'di'i rig pa ste mi phyed pa ni 'dir byang chub kyi sems su thams cad zhu bar gyur pa gang yin pa'o/ /gang gis mi phyed ce na sku gsung thugs kyi rdo rje yis te/ rdo rje ni de bzhin nyid do/ /sangs rgyas rnams kyi sku gsung thugs dang de bzhin nyid ces bzlas phye la zhu bar mi phyed pa'o zhes bsdu ba'o/ /phye ba'i ngo bos zhes pa ni de dag nyid phye ba'i rigs pas rig pa dang skyes bur phyed bas te/ sangs rgyas rnams kyi de bzhin nyid ni rig pa ste/ de yang rig bya'i cha'o/ /rig pa po'i cha ni skyes bu'o/ /de sku gsung thugs phye ba las ni gnyi ga'i zhal gsum mo/ /mi phyed par ni don dam par te nges na de dang ldan pa'o/ /rig pa'i skyes bu de nyid kyis dkyil 'khor phyung pa yin no/ /de la sngags bcu gsum dang rigs lnga btsun mo'i phun sum tshogs pa zhes bya ba'i sdom pa gnyis kyi dbang du mdzad nas/ dri ba'i zhu ba nyi shu rtsa drug byas pa yin no/ /de la ci zhes bya ba'i sgra bco lnga ni dri ba bco lnga dang rigs 'dir de bzhin gang zhig lags zhes

  213. 107a

    bya ba gcig nyid kyis bcu gcig go /rigs zhes bya ba la sogs pa'i sgras sdom gyi tshigs su bcad pa la gang zhig lags zhes pa ni thun mong du sgra gcig yin gyi bye brag tu na bcu gcig go /don ni rigs ni ci zhe sdang ni gang gti mug ni gang 'dod chags ni gang yid bzhin gyi nor bu ni gang/ dam tshig ces pa ni gang/ nga rgyal ni gang dregs pa'i don ni gang phrag? dog gi ni gang/? thar pa ni gang/ 'dod pa ni gang zhes bya ba 'di yin no/ /yang na zhu ba nyi shu rtsa bdun yin te/ de bzhin big+h+nan ta krita ? zhes pa de la/ dri ba gnyis su byas te big+h+nan ta krata pa zhes pa dang/ de bzhin gi zhes pa'o/ /de bzhin zhes pa ni de dag dang 'dra bar dkyil 'khor ba gzhan dag gi ming ji lta bu zhes pa'i don to/ /de la dang por zhus pa'i badzra d+h+ri ka gi sngags kyi don gsungs pa/ rig pa lnga dang zhes bya ba la sogs pa la rig pa lnga ni mtshan ma rnams te zhi gnas so/ /rig bya ni lhag mthong ste de yang rnam pa lnga'o/ /bcu po de dag gcig tu gyur pa ni rdo rje zhes bshad do/ /de nyid mchog tu brtan pa'i phyir dang mchog tu phra ba'i bsam gtan gyi bdag nyid yin pa'i phyir rdo rje'o/ /de nyid 'dzin pa ste byang chub kyi sems brtan par byed pa'i phyir d+h+rika ces bshad de/ badzra yang yin la d+h+rika kyang yin no zhes bya bar dgongs so/ /de ci zhig ce na/ yid ces bya ba smos te rnam par shes pa'o/ /rig pa dang rig bya'i shes pa bcu po'i tshogs rnam par shes pa'i phung po'o/ /dzi na dzi ka gi sngags kyis don gsungs pa yod dang med pa zhes bya ba la sogs pa la lus zhes bya ba ni sngar thal ba'i yid ces bya ba dang sbyar te/ des na yid kyi lus so /sems can kun ces bya ba ni sngags kyi lha thams cad do/ /yang de ci zhe na/ gdan rnam pa lnga la gnas pa'i sngags rnam pa lnga'o/ /ci 'dra zhig ce na/ 'byung ba dang 'byung ba las gyur pa las byung ste/ sa la sogs pa'i 'byung ba lnga yang dag par bsdus pas na 'byung ba ni pad+ma'o/ /mig la sogs pa'i 'byung ba las

  214. 107b

    gyur pa rnams yang dag par bsdus pa'i phyir/ 'byung ba las gyur pa ni rdo rje'o/ /yul drug po yang dag par bsdus pa'i chos kyi dbyings kyi zla ba yang 'byung ba ste don dam pa yin pa'i phyir ro/ /de la gnas pa'i yid sna tshogs pa yang 'byung ba las gyur pa ste/ chos kyi dbyings la dmigs pa'i phyir ro/ /de dag las 'byung ba 'di la yod pas na de las byung ngo/ /ji ltar zhe na/ rdo rje'i sgo las pad+ma'i nang du gdan dang bcas pa'i sna tshogs pa las byung ba'i der chud pa rnams so/ /yod dang med dang dbus las 'das zhes pa la/ gnyis kyi rang bzhin du yod pas na yod pa las 'das pa'o/ /rnam par rig pa'i rang bzhin du yod pas na med pa las 'das pa'o/ /res 'ga' gnyis kyi rang bzhin du yod la res 'ga' med par ma yin pas na dbus las 'das pa'o/ /de lta bu'i yid ni ji ka ste/ rgyal ba zhes bya ba ni rgyal ba rnams kyi'o/ /de rnams kyi skye ba ni skye bar gyur pa'o/ /de bas na yid kyi lus ni sems can kun gyi lus yin la lus kyang gzugs yin te/ de'i phyir don gyi gzugs kyi phung po zhes bya bar 'gyur ro/ /ratna d+h+rika zhes bya ba'i sngags kyi don gsungs pa/ don rnams thams cad ces bya ba la sogs pa la/ sems ni rin po che zhes bya zhes bya ba ni dam pa yin pa'i phyir dang yid bzhin gyi nor bu dang mtshungs pa'i phyir sems ni rin po che'o/ ji ltar zhe na/ don rnams zhes bya ba la sogs pa smos te mnyam pa'i rong yang dag par bsdus te/ 'byung ba 'di la yod pas na yang dag par 'byung ngo/ /gang dang lhan cig ce na/ don rnams dang ste bsgrub par bya ba nyid dang 'dod par bya ba yin pas na don te/ bde ba dang yid bde ba'o/ /thams cad ces pa ni sna tshogs pa ste/ dus gsum gyi sangs rgyas rnams kyi sku dang 'dod pa dang bcas pa thams cad ces bya ba'i don to/ /de bas na don zhes bya bas ni dus gsum gyi sangs rgyas rnams kyi sku'i tshor ba yang bsdus so/ /tshor ba pos tshor ba zhes bya ba ni

  215. 108a

    sku dang thugs kyi tshor ba po dang bcas pa'i bde ba dang yid bde ba'i tshor ba'o/ /nges pa zhes bya ba ni brtan zhing rtag pa ste/ des ni d+h+rika gi don bshad par 'gyur te/ d+h+rika nga d+h+rika ga ces bya ba'i don gcig pa nyid yin pa'i phyir dang/ 'jig pa med pa la 'jug pa'i phyir ro/ /ratna yang yin la d+h+rika kyang yin pas na ratna d+h+rika go /tshor ba zhes bya ba ni tshor ba'i phung po ste/ de bzhin gshegs pa thams cad kyi bde ba dang yid bde ba bsdus pa'i phyir ro/ /yid ces bya ba ni sngar bshad pa bzhin no/ /a ro lika gi sngags kyi don gsum pa mtshan gzhi zhes bya ba la sogs pa thams cad du zhes bya ba ni drug pa'i don gyi bsdu ba'o/ /mtshan nyid kyi gnas su ni gsum pa sbyar la mtshan gzhi'i gnas su ni drug pa sbyar ro/ /de'i don ni 'di yin te mtshan gzhi thams cad kyi mtshan nyid kun gyi rol pa kun yin pa de yin pa de ni A ro lika ces bshad pa yin te/ 'di ltar A zhes bya ba ni Ad ste ma lus pa'i don yin la/ de ni ro dang li dang ka rnams so so dang sbyar ro/ /nga ni rol pa ste/ A or byas pas ro'o/ /la ni mtshan nyid de A ir byas pas na li'o/ /ka ni mtshan nyid gzhi ste/ A re lika go de la mtshan gzhi ni dus gsum gyi sangs rgyas rnams kyi sku dang gsung dang thugs so/ /mtshan nyid ni de rnams kyi ming ngo/ /rol pa ni mtshon pa'i 'du shes te des de dag yongs su gcod pa'i blo'o/ /de dag ma lus par dbyer med pa brjod pa brtan pa'i phyir mtshan gzhi mtshan nyid ces bya ba la sogs pa smos te/ mtshan nyid kyi sgra ni dngos po dang byed pa sgrub pa la gcig lus pa yin no/ /mtshan gzhi dang mtshan nyid dang rol pa rnams kyi dngos po ni de kho na nyid de mnyam pas na dbyer med pa'o/ /ni zhes bya ba ni ngas par gzung ba'i don te dbyer med pa kho na yin gyi tha dad pa ni ma yin no

  216. 108b

    zhes bya ba'i don to/ /de la sku dbyer med pa ni sku'i gsang bar ro/ /ngag ni dag gi gsang bar ro/ /thugs ni thugs kyi gsang bar ro/ /gsang ba rnams dbyer med pa ni gsang ba rnams bsdus pa'i nor bur ro/ /gsang ba rnams kyi ming ni oM A:hUM du'o/ /de rnams kyi dbyer med pa ni sa bon de dag nyid bsdus pa'i rang gi lha'i sa bon gyi nor bur ro/ /mtshan gzhi ni mtshan nyid kyi bsdus so/ /mtshan nyid ni rol pas bsdus so/ /de nyid kyi phyir 'du shes bsdus pa yin pas na 'du shes kyi phung po'o zhes don gyis shes par bya'o/ /ratna d+h+rika gi sngags kyi don gsungs pa rnams zhes bya ba la sogs pa la rab mthar phyin zhes bya ba ni rab tu song ba ste/ btang zhing spros pa zhes bya ba'i don to/ /khyad pa'i shes pa yin pas rnam shes te de gang yin pa shes rab yin par bcom ldan 'das kyis gsungs pa'o/ /de dag las yi ge gnyis gzung zhes bya bar dgongs so/ /ji lta bu'i rnam par shes pa zhe na/ sems dpas 'dzin pa zhes bya ba smos te/ sems dpa' ni sems mngon par 'du byed pa'o/ /des 'dzin pa ni 'bad pa dang bcas pas yun ring du nye bar bzhag pa yin gyi rang gi ngang gis ni ma yin no/ /de nyid kyis na 'du byed ces bya ba smos te 'du byed ni 'du byed kyi phung po'o/ /des shes rab 'dzin pas na pradzrA? d+h+rika ces bya bar bshad de/ /'di ltar sems pa nyid du byed de/ ji skad du 'du byed gang zhe na/ sems dpa' o zhes gsungs pa'i phyir ro/ /sems pa yan gcig gis shes rab 'dzin pa ma yin te 'o na ci zhe na/ sems dpa' i tshogs kyis te/ de'i phyir 'du byed kyi phung po ni shes rab 'dzin pa'o/ /rigs kyis dri ba'i lan bstan pa'i phyir rigs ni zhes bya ba la sogs pa smos te/ rgyud ces bya ba ni rigs rnams lnga rnams kyi thog ma ste/ 'di ni bstan pa'o/ /phyed phyi ma ni nye bar bstan pa ste/

  217. 109a

    mi skye mi 'jigs ces bya ba ni chos kyi dbyings las yin par bstan pa'o/ /de'i dbye ba ni rnam pa lnga zhes bya ba'i don to/ /de nyid ni mgon po ste de la dmigs pas sangs rgyas la sogs pa'i go 'phang thob par byed pa'i gtso bo yin pa'i phyir ro/ /sdem gyi tshigs su bcad pa las de bzhin zhes 'byung ba ni/ ji ltar 'dod chags la sogs pa'i nyon mongs pa bzhin du yid bzhin gyi nor bu dang dam tshig kyang nyon mongs par bzung ba ste/ go rim bzhin du dregs pa dang/ nga rgyal dang phrag dog ces bya ba'i don to/ /de bas na nyon mongs pa drug gi dri ba yin la lan ni rig bya zhes bya ba la sogs pa tshigs su bcad pa byed dang gsum gyis gsungs te/ rnam par shes pa zhes bya ba ni rnam par shes pa'i phung po ste mi bskyod pa'o/ / sdang ba ni 'joms pa ste/ nyon mongs phyogs zhes pa ni don to/ /gang gi zhe na/ rig bya rig byed gnyis kyi ste/ drug ba'i don gyi gsum pa'o/ /de dag sun 'byin par byed pas na sdang ba'o/ /gzhung kha cig las ni gnyis kyi blo zhes 'byung ngo/ /der yang zhe sdang zhes pa dang sbyar te rig bya rig byed gnyis kyi blo la zhe sdang ba zhes bya ba'i don to/ /de bas na gnyis kyi mi mthun pa'i phyogs yin pas rnam par shes pa'i phung po ni zhe sdang ngo/ /bems po zhes bya ba la sogs pa la gzugs ni phung po ste/ rnam par snang mdzad do/ /bems po ni rmongs pa ste/ skyes bu glen pa bzhin no/ /bcings pa ni 'chang ba ste ral pa bcings pa bzhin no/ /des na gzugs ni phung po ste/ bzung bas stong par 'dod pa'i phyir ro/ /bems pos gzhir gyur pas na bcings pa ste/ de'i phyir gzugs kyi phung po ni gti mug go /bdag tu zhes pa la sogs pa la tshor ba ni tshor ba'i phung po ste/ rin chen 'byung ldan no/ /de ni dregs pa dang nga rgyal yin par bshad do/ /ji ltar zhe na/ bdag tu rlom pa'i rang bzhin pas zhes bya ba smos te/

  218. 109b

    bdag tu rlom pa ni nga rgyal lo/ /rang bzhin ni dregs pa ste/ 'di ltar rang gi phun sum tshogs pa nyid du gnas shing der chags pas gzhan du mi 'gro ba ste des na drags pa'o/ /ji skad du rang gi chos la zhen pa'i sems kyis gzhan du mi 'jug pa ni dregs pa'o zhes gsungs pa'o/ /oM d+harma d+hU tu swa b+hA pa at+ma ko haM zhes bya bas bdag gi sems dang de bzhin gshegs pa'i thugs mnyam pa nyid yin no zhes sems gzengs bstod pas nga rgyal te/ sems gzengs bstod pa'i mtshan nyid ni nga rgyal yin na/ /de bas na tshor ba'i phung po ni drags pa dang nga rgyal lo/ /dngos la zhes bya ba la sogs pa la 'du shes ni 'du shes kyi phung po ste/ snang ba mdza' yas so/ /de ni kun chags te yang dag pa'i 'dod chags so/ /de ci zhig ce na bdag nyid de sems so/ / ji lta bu zhe na/ dngos la ste don dam pa la'o/ /chags pa ni kun tu zhen pa yin la de'i mtshan nyid ni chags pa'i mtshan nyid de 'dod chags so/ /rtogs pa zhes bya ba la sogs pa la 'du byed ni 'du byed kyi phung po'o/ /de yang don yod grub pa ste/ de ni brag dog go /ji ltar zhe na/ rtogs pas stong pa'i bdag nyid de rtag tu zhes bya ba ni yang dang yang du'o/ /rtogs pa zhes bya ba ni 'dzin pa yang dag par mtshon pa'o/ /gtod ba ni yang dang yang du gtod ba ste/ rtogs par gyur pas yang dang yang du spro bar byed ces bya ba'i don to/ /bdag nyid ces bya ba ni rang rang gi ngo bo ste/ 'khor lo dang pad+ma la sogs pa spro ba'o/ /de ltar stong pa'i i ra dang yang dag par mtshon pa'i sha dang bdag nyid kyi a rnams ni lhag ma byi bas phrag dog ces bya bar 'gyur ro/ /de'i phyir 'du byed kyi phung po ni phrag dog go /yid bzhin nor bu dang dam tshig dang 'dod pa dang thar pa rnams dris pa'i lan byang chub sems dpa' zhes bya ba la sogs pa'i tshigs su bcad pa phyed dang gnyis kyis gsungs te/ byang chub ni bde ba'i phra mo'o/ /sems ni sems

  219. 110a

    kyi phra mo ste/ byang chub dang ro gcig pa'i sems ni byang chub sems so/ /'dod pa thams cad kyi gdan dang bcas pa'i sna tshogs pa'i ngo bo nyid de dus gsum gyi sangs rgyas rnams kyi sku'i bdag nyid yin pa'i phyir ro/ /dang po nyid kyi byang chub kyi sems ni sems kyi rin po che zhes bya ba'i don to/ /de ni srid pa las kun 'byung yin no/ /yid la byung bas na srid pa ste gsum mo/ /srid pa las byung ba 'di la yod pas srid pa las byung ste/ ci zhig ce na/ thams cad de 'gro ba? rnams zhes bya ba'i don to/ /de bas na yid bzhin gyi nor bu dang chos mthun pa'i phyir yid bzhin nor bu'o sems de ni 'dod pa zhes kyang bya'o/ /ji lta bu zhig ce na/ 'dod chags zhes bya ba la sogs pa smos te/ 'dod chags la sogs pa'i rang bzhin dang ldan pa'o/ /sna tshogs ni bdag nyid kyis khyab par spro ba'i phyir te/ de ltar na yid las byung bas na 'dod pa yin la 'dod pa gang yin pa de ni dam tshig kyang yin te kun tu 'gro ba yin pa'i phyir ro/ /de nyid kyi phyir sna tshogs snang bas na zhes gsungs te/ rnam pa sna tshogs kyis kun tu rtogs shing gsal ba'o/ /sna tshogs kyis ye shes 'bad pa dang bcas pa de nyid ni las las skyes pa zhes bya ba la de nyid rtag tu gyur pa ni mngon sum du gyur pa zhes brjod do de nyid 'bras bu zhes bya ste thar pa zhes bya'o/ /de ltar byas na 'dod pa las thar pa ni 'dod pa dang thar pa zhes bstan par 'gyur ro/ /sdom dang bcas pa'i mo ha ra ti la sogs pa'i sngags kyi dbang du byas pa'i dri tshig drug po rnams kyi lan tshigs su bcad pa nyid kyis bstan par bya ba'i phyir chos rnams zhes bya ba la sogs pa smos te chos rnams ni shes bya dang shes pa rnams so/ /gnyis med ye shes kyi nga rgyal zhes bya ba ni ye shes tsam du gnyis su med par nges pa'o/ /da ni

  220. 110b

    gti mug ste gnyis su mi shes pa'i phyir ro/ /phan tshun 'dzer ba zhes bya ba ni rdo rje dang padmo 'dus pa'o/ /de ni zhe sdang ste gnyis 'byor pa'i yi ge rnams las a ya dang sha la mi mngon pas so/ /mchan nyid ces bya ba ni zhes sdang dang gti mug las skyes nga'i? tshor ba'i phung po'i rol pa dang mtshan nyid dang mtshan gzhi rnams dmigs su med par yang dag par mtshon pa ste/ de ni 'dod chags ci'i phyir zhe na/ zhen pas te gang gi phyir rgyun gyis 'jug pa'i phyir ro/ /ye shes 'dir ni rdo rje bshad ces bya ba ni/ de rnams ro mnyam pa'i ye shes gang yin pa de 'dir rdo rje zhes brjod do/ /bzhi po 'di rnams kyi tshig phyi ma ni ra ti zhes bya bar 'gyur ro/ /de'i don ni shin tu longs spyod rdzogs pa ste/ gti mug la sogs pa rnams kyi yul la longs spyod pa yin la dga' bas ni de rnams longs spyod pa yin te zag pa med pa'i phyir yang dag par dga' ba zhes bya'o/ /shin tu zhes bya ba ni phul du byung ba 'am rtag pa'i phyir te/ mdza' las 'das pa zhes pa'i don to/ /sdom las btsun mo'i mchog phun sum tshogs pa zhes bya ba la phun sum tshogs pa'i don bstan pa'i phyir gsum gyi bde mchog phun sum tshogs zhes gsungs te rab tu dbye ba la bltos nas mang pa'i chig ste/ sku dang gsung dang thugs kyi bde ba'i mchog ces pa'i don to/ /de dag ni rten dang brten pa'i 'brel pas na/ drug pa'i mtshams sbyor yin te de'i phyir gsungs la gti mug zhe sdang zhes bya ba la sogs pa la dka' ba rtag tu gnas zhes bya ba'i rang bzhin la mkhas pas rtag tu yid bde bar gyur pa'o/ /byed phyi mas ni dga' pa'i bdag che ba bstan te/ de nas zhes bya ba ni gang phyir de lta bur mtshon pa de'i phyir ro/ /thabs zhes bya ba'i phul du 'byung bar 'gro ba'i phyir sems can rnams kyi byang chub thob pa'i thabs chen po'o/ /de'i phyir rdo rje theg pa ste pha rol tu phyin pa'i theg pa ni der zhugs su zin kyang sdug

  221. 111a

    bsngal mang po nyid kyi phyir mang du phyir ldog bar 'gyur bas brtan pa ma yin la dga' ba rnams ni shin tu bstan pa'i phyir rdo rje theg par brjod de/ gang gi phyir sangs rgyas kyi byang chub sgrus pa rnams bde ba nyid kyis 'jigs pa med pa'i phyir ro/ /sgo skyong rnams gyi sngags kyi don gyi ? tshig bzhi'i lan tshigs su bcad pa re res bstan pa'i phyir/ chos rnams mi 'jig pa dag nyid ces bya ba la sogs pa smos te lus la sogs pa'i chos rnams ni ma skyes ba'i ngo bo nyid de gang gi phyir bum pa la sogs pa 'di dag gcig dang du ma'i rang bzhin dang bral pa'i phyir don dam par yod pa ma yin la med bas na skye ba med de ma skyes na 'jig par mi 'gyur/ /de'i phyir 'jig pa med pa'i bdag nyid do zhes bya'o/ /de nyid ni mngon sum du rtogs pa'i phyir 'di'i dam tshig ste dngos po kun gyi zhes bya ba ni lus dang gnas dang longs spyod rnams kyi'o/ /dam tshig 'di'i gang yin pa 'di nyid kyi mthar byed gshin rje ste/ gshin rje mthar byed do/ /de yang drug pa'i mtsham sbyor ba 'di ni lag pa'i rtse mo dang rtse mo lag pa zhes pa'i mthar byed gshin rje dang gshin rje mthar byed gnyi ga'i yin no/ /gshin rje ni dus te 'jig rten pa yin la de mthar byed pa ni brten bar byed pa'i don to/ /chos rnams rnam par mi shes bdag ces bya ba la/ sems kyi chos thams cad rnam par mi shes pa'i bdag nyid do/ /ci'i phyir zhe na/ don dam mi 'gyur dag 'gyur nyid kyi phyir te mi 'gyur ba'i chos kyi dbyings kyis so/ /dag pa ni 'ba' zhig pa ste 'di ltar gzung ba dang 'dzin pa med pas de'i snang ba yang nub par gyur pa'i phyir/ chos kyi dbyings 'ba' zhig lhag mar gyur pa zhes bya'o/ /de nyid mngon sum du rtogs pas 'di'i dam tshig go/ dam tshig 'di yin pa de? na 'di nyid ni shes rab mthar byed de shes pa mthar byed pa'o/ /rgyal ba ni

  222. 111b

    shes pa las rgyal ba'o/ /chos rnams brjod du med bdag nyid ces bya ba na brjod par bya ba'i chos thams cad gzhan la tshig gi brtan par mi nus pa'i phyir ro/ /ci'i phyir zhe na/ gang gi phyir ming dang rang bzhin blo dngos med pa'i phyir ro/ /ji ste ming rnams las don rnams kyi blo skye ba yod na brjod bya dang brjod byed du 'gyur zhig na de ltar yod pa ma yin te de gang gi phyir mi bden pas so/ /blo las phyi rol na ming dam rang bzhin yod pa ma yin pa las blo yang yod pa ma yin te/ gzung ba med pas 'dzin pa med pa'i phyir dang/ de snang ba dag kyang nub pa'i phyir ro/ /de nyid ni mngon sum du rtogs pa'i phyir 'di'i dam tshig ste/ de lta bu yin pa nge na 'di nyid ni pad+ma na ta krita te 'dis don rnams go zhing rtogs bar byed pas na pad+ma ni cho ga ste/ de mthar byed pa'o/ /mthu dang ldan pa'i phyir khyab bdag go /chos kun rnam par ma rtog bdag ces bya ba ni rtag pa'i chos thams cad bdag nyid kyis byang? rtag par mi nus so/ /ci'i phyir zhe na/ rang bzhin gyis ni zhi ba'i dngos kyi phyir te/ chos rnams rang bzhin gyis de bzhin nyid nges de dag rtag tu zhi ba'o/ /bems po yin pa'i phyir mi rtog pa'o/ /de ni rnam par rtog pa'i phul yang ma yin te/ rnam par rtog pa'i mtshan ma nub na der snang ba'i phyir ro/ /de ni mngon sum du rtogs pa'i phyir 'di'i dam tshig go /rdo rje kun ces bya ba ni/ rnam par rtog pa thams cad de/ /dam tshig 'di'i gang yin pa des na 'di nyid bgegs mthar byed de bgegs rnams ni rang gi rnam par rtog pa las byung ba'i phyir ro/ /mthu dang ldan pa'i phyir gtso bo'o/ / mi 'jig ces bya ba la sogs pas ni sgo rnams kyi thun mong gi don dang de dag gi 'bras bu yang gsungs pa yin te/ 'chi ba'i gnyen po yin pa'i phyir dang mtshan ma rnams nub pa'i phyir dang ngag dang rnam par rtog pa'i yul las 'das pa'i phyir go rim ji lta ba

  223. 112a

    bzhin du mi 'jigs pa dang rnam par mi shes pa dang/ brjod pa med pa dang/ rnam par rtog pa med pa rnams so/ /ye shes 'di zhes bya ba ni khro bo bzhi'i bdag nyid kyi sangs rgyas kyi byang chub kyi ye shes so/ /shes nas zhes bya ba ni lhag par khong du chud pa'o/ /bde ba thob par 'gyur zhes bya ba ni bde ba chen po'i rdo rje 'dzin pa'i go 'phad thob par 'gyur ba'o/ /de ltar byas na de bzhin gshegs pa lnga dang/ rig pa bzhi dang khro bo bzhi rnams go rim bzhin du rang bzhin dang rang gi bde ba dang zhi ba zhes bya ba grags pa'i byang chub kyi sems gsum rgyu dang thabs dang/ 'bras bu dag yin no/ /mthar thug pa'i 'bras bu ni rdo rje 'chang chen po'i go 'phang ste/ de dag brtan par 'dod nas gti mug ces bya ba la sogs pa'i tshigs su bcad pa lngas dkyil 'khor gyi 'brel pa gsungs te gti mug gi rigs gang yin pa ste rnam par snang mdzad do/ /de ni gti mug longs spyod kyis te/ gti mug dga' ma'i thabs kyis gti mug zad pa'i phun sum tshogs par 'gyur te ye shes tsam du shes pa med pa ni gti mug yin la de zad pa ni gti mug zad pa ste/ de yang bcom ldan 'das gshin rje mthar byed do/ /des na zhes bya ba ni gti mug zad pa'i rgyu des na'o/ lus mthar byed ces bya ba ni lus kyi rtog pa mthar byed pa'o/ /des na zhes bya mthar byed 'gyur zhes bya ba ni shes bya'i rtog pa mthar 'byin pa'o/ /nyes pa zhes bya ni rigs gang yin pa ste mi bskyod pa'o/ /zhe sdang nyid nyes pa ste der byas pas de ni nyes pa'i longs spyod kyis te/ zhe sdang dga' ma'i thabs kyis nyes zad phun sum tshogs par gyur te 'dir nyes pa ni gnyis su snang ba yin te dwa dor byas las shar byas pas so/ /de zad pa ni nyes pa zad pa ste/ de yang bcom

  224. 112b

    ldan 'das shes rab mthar mdzad do/ /des na sems mthar byed yin te/ 'dzin pa po nub pa'i phyir ro/ /des na nyon mongs pa mthar byed kyang yin te/ de rnams 'dzin pa'i bye brag yin pa'i phyir ro/ /'dod chags zhes bya ba ni rigs gang yin pa ste/ rin po che dang 'od dpag tu med pa'o/ /de ni 'dod chags longs spyod pa zhes bya ba'i 'dod chags dga' ma thabs kyi 'dod chags zad pa'i phun sum tshogs par 'gyur te 'dir 'dod chags rol pa dang mtshan nyid dang mtshan gzhi la nye bar dmigs pa'i mtshan nyid gang yin pa ste/ de zad pa ni 'dod chags zad pa'o/ /de yang bcom ldan 'das pad+ma mthar mdzad do/ /des na ngag mthar byed pa ste/ rnam par rtog pa las byung ba'i dag mthar byed pa'o/ /de bzhin snyoms par 'jug mthar byed 'gyur zhes bya ba 'dir snyoms pa ni snyoms par 'jug pa'i sgrib pa ste/ tshig phyi ma mi mngon par snyoms par 'jug pa'o/ /de mthar byed ni 'dod chags dga' mas sems brtan par byas pas na rdo rje sems dpa' zhugs pa'i phyir 'dod pa bzhin du ting nge 'dzin la snyoms par 'jug pa'i phyir ro// nyon mongs kun ni go rim bzhin du gti mug dang zhe sdang dang 'dod chags rnams so/ /rdo rje thams cad ni lus dang sems dang dag rnams so/ /sgrib pa kun ni zhes bya ba dang nyon mongs pa dang snyoms par 'jug pa'i sgrib pa rnams so/ /de la shes byar rtog pa nyid shes bya'i sgrib pa'o/ /nyon mongs pa nyid nyon mongs pa'i sgrib pa'o/ /snyoms par 'jug pa la sgrib pa ni snyoms par 'jug pa'i sgrib pa'o/ /de nas zad par byed pa'i ye shes te/ de ni bcom ldan 'das bgegs mthar byed do/ /des 'di skad du/ nyon mongs rdo rje longs spyod pas/ nyon mongs zad pa bgegs mthar byed/ /des na nyon mongs rdo rje zad 'gyur la/ /de bzhin sgrib pa mthar byed 'byung/ zhes bstan par 'gyur te/ gzhan du na don yod grub pa dang rdo rje dga' ma dang bgegs mthar byed rnams kyi 'brel

  225. 113a

    pa ma bstan par 'gyur/ /de dag gis rigs dang longs spyod rnams khro bo rnams dang 'brel la bstan nas 'bras bu dang 'brel la bstan pa'i phyir nyon mongs zhes bya ba la sogs pa smos te/ nyon mongs pa rnams dang rdo rje rnams dang sgrib pa rnams zad pas bdud rtsi 'khyil ba'i dus su las thams cad rnam par dag cing dri ma med par 'gyur te/ des na las las skyes pa'i 'bras bu rdo rje 'chang chen po go 'phang shin tu rnam par dag par 'gyur ro/ /de bzhin big+h+nAn ta krita bi zhes bya ba'i dri ma ni big+h+nAn? ta kita? ji lta bu de bzhin ni ji lta bu zhes rnam par dbye ba byas pas gnyis su 'gyur ro/ /de bzhin zhes bya bas ni de dang 'dra ba'i lha gzhan dag gi yang ming ji skad ces bya ba dang don ji lta bu zhig lags zhes bya ba'i don to/ /de bas na de dag gi lan gsungs pa gzung ba dang zhes bya ba la sogs pa la gzung ba ni 'dod pa rnams la longs spyod pa'o/ /'dod chags ni bsam gtan gyi sems kyi dbyings la rol pa'o/ /rnam pa ni de nyid kyis rig bya dang bcas pa'i dus gsum gyi sangs rgyas rnams kyi sku dang thuD kyi rig pa pos rin po che phra mor byed pa'o/ /mi g.yo ba ni rin po che de nyid sngags kyis thig le la brtan zhing mi g.yo bar byed pa'o/ /rgyu ni rin chen de nyid las mtshan ma rnams khyab par spro ba'o/ /'bras bu ni khyab par spros pa rnams de nyid du bsdus te nyi ma 'am zla ba'i gzugs gang yang rung bar bskyed pa'o/ /rdo rje zhes bya ba ni byang chub kyi sems te/ yan lag drug po de dag las yang dag par byung ba'o/ /de bas na don drug po 'di dag ni ji ltar rigs par drug tshan gsum du rig par bya'o zhes bya bar dgongs so/ / de nyid kyi phyir gsungs pa 'dod pa zhes bya ba la sogs pa ste/ 'dod pa'i rgyal po la sogs pa drug go/ 'di ltar 'dod pa'i rgyal po ni longs spyod kyi phyir 'dod pa rnams 'gugs pa'o/ /sngon po ni nag po ste de bas na bsam gtan gyis sems 'gugs shing 'dul

  226. 113b

    ba ni dbyug sngon can no/ /tshor ba'i phung pos bdag nyid gso ba ni stobs po che'o/ /brtan par gyur pa ni mi g.yo ba'o/ /'bras bu la sgrib pa 'joms pa ni gnod mdzes rdo rje'o/ /rtse mor gyur ba'i 'bras bu nyid ni gtsug tor khro ba'i/ /dbang por rnam par grags zhes bya ba la khro bo gshin rje gshed la sogs pa'o/ /dbang po ni de rnams kyi bdag po'i rkyen no/ /de nyid kyi phyir khro bo'i 'khor lo la bdag po dang bcas pa'i lha bcu gcig go dam tshig ces bya ba la sogs pa la sngags kyi lha thams cad kyi lus ni dzi na dzika ces bya ba'i sngags kyiS don yin la de ni sna tshogs pa las skyes pa ste/ de yang yi ge b+h+ruM mo/ /de'i don ni yi ge b+ha dang ra dang u dang ma rnams kyis go rim bzhin du 'byung ba dang/ 'byung ba las gyur pa dang/ gzugs la sogs pas stong pas yid sna tshogs pa tsam zhes bya'o/ / de la 'byung ba lnga stong pa nyid kyi pad+ma'o/ /'byung ba las gyur pa lnga stong pa nyid ni rdo rje'o/ /gzugs la sogs pa stong pa nyid ni rdo rje'i nang du chung pa'i chos kyi dbyings so/ /'byung ba las gyur pa drug yid ni/ chos kyi dbyings la gnas pa sna tshogs pa de nyid do/ /de bas na dam tshig rdo rje sogs drug dang/ sa la sogs pa rnam pa lnga/ /'byung dang 'byung las gyur par grags zhes gsungs so/ /rig pa'i rgyal po zhes byang? bshad ces bya ba ni dam tshig rdo rje la sogs pa drug ces bya ba dang sbyar ro/ /ji ltar na rig pa'i rgyal po yin zhe na/ dag pa'i 'dod pa rnams kyi rig pa dang/ bsam gtan gsum dang bzhi pa'i rig pa rnams kyi bdag po yin pa'i phyir te/ de dag gi stobs kyis de rnams skye ba'i phyir ro/ /gzugs kyi rdo rje la sogs drug/ rdo rje'i bdag po zhes bya bar brjod ces bya ba ni yongs su dag pa'i 'dod pa drug gi longs spyod las bsam gtan dang po gnyis pa las bsdus pa'i rdo rje'i dag skyes pa'o/ /lha bcu gnyis pa de dag dkyil 'khor pa chen po la gang dang 'brel tsa na/ bcu gnyis po 'di dag ni sangs rgyas lnga rnams zhes bya

  227. 114a

    ba dang sbyar te/ de dag ni 'bras bu lnga'i rgyur gyur pa'o/ /ji ste bcu gnyis po de dag gi brjod pa'i sngags ni gang zhig gang las ni skyes snyam du sems na de'i phyir sku zhes bya ba la sogs pa smos te/ de kho na nyid gsum brjod pas so/ / bdag nyid che las zhes bya ba ni dkyil 'khor chen po'i bdag po'i rig pa'i pad+ma'i nang na gnas pa'i sa bon las cho ga bzhin du bskyed do zhes bya ba'i don to/ /kun dga' snying po dang ye shes zhabs kyi zhal snga nas 'di ni 'das? ma thag pa yin pa'i phyir/ gzugs kyi rdo rje la sogs pa dang sbyar gyi dam tshig rdo rje la sogs pa dang ni ma yin no zhes zer ro/ /ci ste sa'i snying po la sogs pa drug /ji ltar dbang po drug yin zhe na/ gzugs la sogs pa'i shes pa bskyed pa'i bdag po yin pa'i phyir te/ de bas na dbang du byed pa'i phyir dbang po zhes bya ba'o/ /de la 'khor lo bsgyur ba rnams kyi de kho na nyid ni go rim bzhin du gzugs la sogs pa'i shes pa yin pas drug kho na yin la de'i sbyor ba'i gnas skabs ni sa'i snying po la sogs pa'o/ /de nyid kyi phyir de dag ni de bzhin gshegs pa rnams dang mtshungs pa'i mtshan ma can no/ /sa'i snying po'i sgra ni de las gzhan pa rnams kyi rten du gyur pa ste sa dang mtshungs pa'i sems bskyed pa lta bu'o/ /sangs rgyas rnams kyi gzugs ni rnam par rig pa tsam yin pa'i phyir gzuD brnyan lta bur shes par byed de bas na gzugs kyi rdo rje mdog dkar mo lag na me long thogs pa'o/ /sangs rgyas rnams kyi gsung gi don chos kyi dbyings su shes par byed de de yang rnam par rtog pa med par shes par bya'o/ /de nyid kyi phyir sgra rdo rje ma la lag na pi wang thogs pa ste/ pi wang yang rnam par rtog pa med par sgra sgrogs so/ /sangs rgyas kyi dri ni tshor ba'i phung po yongs su dag pa ste/ de dus gsum gyi sangs rgyas rnams kyi sku dang gsung dang thugs la byug par byed do/ /de nyid kyi phyir dri? rdo rje ma'i lag

  228. 114b

    na dri'i dung thog pa'o/ /yid bzhin gyi nor bu'i sems de nyid sngags kyi thig ler bzhag ste/ bsgoms pa'i ro myong bar gyur pa ni ro'o/ /de nyid kyi phyir rdo rdo rje ma'i lag na ro'i snod thogs ba'o/ /de las 'khor lo phra mo la sogs pa rnams la thams cad spros te/ bde ba bskyed pa'i phyir lus kun la bde ba skyed pa ni rig pa ste/ de nyid kyi phyir reg rdo rje ma'i lag na sna tshogs pa'i na bza' srab mo? thogs pa'o /shin tu phra ba'i nor bu'i snying por shin tu phra ba'i rdo rje'i byang chub ni 'dzin pa'i ye shes so/ /de'i rig par bya ba ni sems dpa' rnams kyi chos kyi dbyings so/ /de nyid kyi phyir chos kyi dbyings kyi rdo rje ma chos 'byung dkar po thogs pa'o/ /le'u dang po'i tshig gi don sbas pa rnams gsal bar byas pa zhar la byung ba dang bcas ba'o/ /le'u dang por thabs las byung pa'i don sbas pa rnams gsal bar mdzad nas/ da ni thabs rnams kyi le'u gsal bar byas te/ de las dang por sgrub pa chen po'i le'u lnga pa dang/ dgu pa dang bcu gsum pa dang bcu bdun pa rnams las/ le'u lnga pa'i don kun tu spyad pa dris pa'i lan gsungs pa thabs dang shes rab ces bya ba gsungs pa la/ sngags pa nges pa spyod ces bya bar sbyar te/ yang dag pa'i ting nge 'dzin gyis sngags 'dzin pas na sngags pa zhes bya'o/ /ci zhig nges shes na/ phung po dang khams dang skye mched dang lus so/ /ji ltar nges shes na/ thabs dang shes rab las byung bar zhes bya ste/ mdza' med pa'i nam mkha' i rang bzhin gyi rdo rje 'chang chen po ni thabs so/ /de dang lhan cig spyod pa'i chos kyi dbyings kyi rang bzhin ni shes rab bo/ /de las byung ba ni de dag sbyor ba las skyes pa ste/ byang chub kyi sems 'byung ba zhes bya ba'i don to/ /ji ltar sbyor bar des bar bya zhe na/ ji ltar rigs par bya zhes bya ba'i don to/ /de la ji ltar rigs pa'i don ni 'od yin te/ de rnams la phyi rol gyi khams bzhi ni lha mo bzhi las byung ba'i bdag gi gzhal yas khang rgya chen po'o/ /bdag gi lus gang yin pa ni bdag gi yi dam gyi lha'i sku'o/ /

  229. 115a

    bdag gi rig pa gang yin pa de ni khams bzhi'i lha mo'o/ /bdag nyid ni dkyil 'khor gyi bdag po'o/ /bdag gi phung po lnga gang yin pa de ni sangs rgyas thams cad bsdus pa'i dkyil 'khor pa'i sangs rgyas lnga rnams so/ /bdag gi mig la sogs pa'i skye mched drug gang yin pa de ni byang chub sems dpa' thams cad bsdus pa'i sa'i snying po la sogs pa'i dkyil 'khor ba'i byang chub sems dpa' rnams so/ /'jigs pa thams cad ni sems can dang/ las dang nyon mongs pa rnams kyis skrag pa spong ba'o/ /rgyu ci'i phyir zhe na/ thams cad dag par mos pa yin te/ de dag thams cad bdag po nyid lhag par mos pas so/ /de nyid kyang ji ltar zhe na/ rdzogs pa'i rim pa'i sbyor ba yis zhes bya ba gsungs te rdzogs pa'i rim pa'i bye brag gang yin pa'o/ /de'i sbyor ba'i ting nge 'dzin te bstan pa'i nga rgyal lo/ /de ni bdag ji lta ba bzhin du sems can thams cad de gti mug la sogs pa'i nyon mongs pa drug ni sangs rgyas lnga'o/ /lus la sogs pa rnams ni sku rdo rje la sogs pa'o/ /lus la sogs pa'i las rnams ni sku rdo rje la sogs pa'i mdzad spyod de/ /de ltar snang ba 'di dag lha rnams nyid du mthong ba'i lhag mar mos pa 'di ni rdzogs pa'i rim pa'i sbyor pa'o/ /dogs pa med pa'i sems kyis zhes bya ba ni sangs rgyas rnams nyid de sangs rgyas ma yin pa'i dogs pa mi bya'o/ /sngags ni rang gi lha'o/ /de 'di la shin tu yod pas na sngags pa ste/ de'i nga rgyal brtan par gnas pa'o/ /seng ge bzhin du rgyu zhes bya ba ni dogs pa med pa'i sems kyi rgyu ba'o/ /yang zhes bya ba ni gang gi phyir zhes bya ba'i don to/ /'di la zhes bya ba ni rnal 'byor 'dir ro/ /mi bya med ces bya ba dang mi bza' yod pa ma yin zhes bya ba ni lus kyi las dgag pa med pa'o/ /smra bar mi bya zhes bya ba ni ngag gi las rnams so/ /mi bsam pa zhes bya ba ni sems

  230. 115b

    kyi las te sku la sogs pa'i mdzad spyod yin zhes bya ba'o/ /mnyam par ma gzhag ces bya ba ni lhag par mos pa'i sems kyis sbyor ba ste / ji skad du gsungs pa'i ting nge 'dzin to/ /rtag pa nyid du mnyam par zhog ces bya ba ni gang gi phyir de nyid kyis gnas bas so/ /sems kun la zhes bya ba ni kha phyir bltas pa'i sems yin du zin kyang ngo/ /gang gis spyod pa zhes bya ba ni/ sbyor ba gang gis spyod pa'o/ /sems kun la spyod pa ni kun tu spyod pa zhes bya bar dgongs so/ /kun tu spyod pa'i zhor la de'i 'og tu sngags kyi spyod pa dris pa'i lan gsungs pa dbang po zhes bya ba la sogs pa la dbang po rnams dang yul rnams dang bcas pa'i yid kyis rkyen las byung ba gang dang gang yin pa de ni yid yin te/ yid de ni man zhes bya bar grags pa'o/ /de zhes bya ba'i sgra ni gang dang gang bya ba dag dang 'brel pas de zhes bya ba gnyis su 'gyur bar shes par bya'o/ /dbang po zhes bya ba ni 'byung ba lnga'i dbang po ste pad mar bsdus pa'o/ /'byung ba las gyur pa'i dbang po lnga ni rdo rjer bsdus pa'o/ /yul rnams zhes bya ba ni gzugs la sogs pa'i yul drug po rnams kyi chos kyi dbyings kyis bsdus pa'o/ /yid ces bya ba ni rnam par shes ba'i khams bdun yid kyi skye mched du bsdus pa'o/ /de rnams kyi rkyen gyis de rnams la brten te gang dang gang skyes pa'o/ /ci zhig skye zhes na/ yid ces bya ba ste yid kyi yul yin pas na yid de sems kyis dmigs pa dang ting nge 'dzin ces bya ba'i don to/ /de yang so sor sdud pa la sogs pa yan lag drug dang de'i phyogs gcig gzugs la sogs pa'i zla ba yang ste/ de yang de'i yid man zhes bya bar bshad pa ni yan lag drug gi bsdus pa'i mnyam par gzhag pa'i shes rab ces bya ba'i don to/ /bshad pa ni grags pa'i sde lhag pa'i don zhes bya ba'i des pa'i tshig gis de'i ngang tshul can gyi ting nge 'dzin la bya'o/ /de bas na yan lag drug la mnyam par

  231. 116a

    bzhag pas sdus pa'i shes rab ni ma na'o/ /ma na yang yin la tra yang yin pas na man tra ste/ ma na ni shes pas man yin la skyob pas na tra yin no/ /nges pa'i tshig tu'o/ /tra ni skyob par byed pa'i don/ zhes bya ba 'dis man? ni shes par byed pa'i don zhes bya ba yang don gyis/ shes par bya ste/ ngan 'gro dang srid ba'i sdug bsngal dang theg pa dman pa srung? bas na skyob pa ste de byed pa'o/ /'dir tshigs su bcad pa ni/ longs spyod dang yan lag? rnams gang yin blo dang zhi gnas gcig bsdus gang yin dang/ /de las phra mo gsum gyi rin chen dang ni ngag bsdus thig le'i rin chen gzung ba dang/ /nor bu las 'od khyab par sbros dang de dbus bsdus pa las skyes dkyil 'khor sngags su gsungs/ /drug po 'di dag rim pa bzhin bu? ci rigs? chos drug tu phye ba yang yin/ 'jig rten spyod las rnam grol ba ni phyi rol rnams dang 'dra ba ma yin pa'o/ /dam tshig ni bde ba la sogs pa'o/ /sdom pa ni 'dzag pa la sogs pa'o/ /skyong ba ni de dag thams cad nyams su len pa ste/ spyod pa zhes bya pa ni lhag ma'o/ /rdo rje thams cad kyi zhes bya ba ni lus la sogs pa ci rigs pa'o/ /de zhes bya ba de dag gnyis ka sngags kyi spyod par bshad pa ste brjod pa'o/ /sngags dang lhan cig pa'i spyod pa ni sngags kyi spyod pa zhes bya bar dgongs so/ / le'u bcu gsum pa'i rdo rje bzlas pa las bzlas pa ni bzlas pa nyid do/ /de bas na bzlas pa'i don du dris pa bshad par bya ba'i phyir rang rang zhes bya ba la sogs pa smos te/ bzlas par bya pa lha'i rnal 'byor byas la rang rang ngo bo zhes bya ba de'i sku dang gsung dang thugs 'di dag rnam par spyad pa ste nges par dpyad par bya ba'o/ /snying la yid kyis zhes bya ba ni snying gar son pa yid kyis te mnyam par bzhag pa'i sems kyis shes bya ba'i don to/ /le'u bcu gsum pa las/ thams

  232. 116b

    cad rigs kyi sngags rnams ni/ sku dang gsus dang thugs su mtshon zhes gsungs te/ dper na rnam par snang mdzad kyi bzlas pa la de bzhin gshegs ba thams cad sku mnyam pa nyid du mngon par rdzogs par byang chub pa ni sku'i de ? nyid yin la/ de gsal bar byed pa ni snying kha'i ye shes kyi 'khor lo ste thugs so/ /de'i de kho na nyid ni sku de'i dngos po dang dngos po med pa dgag pa ste/ lus 'di ni ye shes kyi 'khor lo'i rang bzhin te skye ba med pas lus kyi dngos por yod pa ma yin no/ /mi skye ba yang ma yin te ye shes lus kyi rnam par 'byung ba'i phyir ro/ /de'i ngag ni 'khor lo de'i lte bar gnas pa'i rab sngags yin te/ de'i de kho na nyid ni gdod nas skye ba med pas stong pa nyid kyi rang bzhin gyi yid nyid de zhes bya bas 'khor lo'i don ston par byed pa'o/ /gsang sngags zlos pa zhes bya ba ni yi ge bzhi'i sngags zlos bzhin pas zhes bya ba'i don to/ /phye nas su zhes bya ba ni sna tshogs pa dang bye brag par phye pa yin te/ gsum po ni thun mong pa nyid kyi phyir ro/ /zlos par byed bas spro zhing bsdu zhes bya ba ni spro ba dang bsdu bas bzlas so zhes bya ba'i don to/ /de la phyi ma gnyis kyis sgro pa ni bcu gsum pa las dngos su gsungs pas gzhan gnyis kyis bsdu ba ni lhag ma yin no/ /'dir ni snga ma gnyis kyi bsdu ba ni lhag ma yin no/ /'dir ni snga ma gnyis kyis bsdus pa dngos su gsungs pas/ phyi ma/ gnyis kyi spro bar shes par bya ba ni lhag ma'o/ /bcu gsum pa las/ sku gsung thugs dang bdag med las/ /ye shes sems kyis spro bar bya zhes gsungs te/ ye shes ni sna tshogs pa'o/ /sems ni hUM ngo/ /de dag gi go rim ji bzhin du sku gsung thugs rnams dang bdag med pa las spro zhes bya ba'i don to/ /bdag med pa ni sna tshogs pa'o/ /rdo rje bzlas pa yang rnam pa gnyis te/ thams cad las spro ba dang gcig las spro ba'o/ /de la dang po'i dbang du byas te gsungs pa/ sangs rgyas zhes bya ba

  233. 117a

    la sogs pa la sangs rgyas ni sangs rgyas rnams kyi sku dang gsung thugs kyi lus dang bcas pa'o/ /sna tshogs rdo rje bdag ces pa la sna tshogs pa brjod pa na rdo rje'i bdag nyid kyi rang gi sa bon/ rang gi sa bon rnams las spro ba'o/ / hUM brjod pa na sna tshogs pa las spros te/ sna tshogs pa'i bdag nyid du ro mnyam par bya'o/ /ye shes sa bon ni rab sngags te/ don rnams ye shes tsam yin pa'i phyir ro/ /de brjod bzhin pa na bsdu bar bya ba ste/ 'di bdag bdag gi ye shes so zhes bya ba'i don to/ /de ltar 'di dag gzung ba ma yin pas/ de dag med na 'dzin pa yang med do zhes bya bar 'grub bo/ /de lta mod kyi mtshon par bya ba ni yod do snyam na de bzlog pa'i phyir byang chub ces bya ba la sogs pa smos te byang chub ni mtshan nyid do// de med pa ni bdag med pa'o/ /sa bon ni de gsal bar byed pa'i yi ge A(rgyud 'grel): sta tha snyad na nam mkha' lta bu'o zhes bya ba'i don to/ /des gzung ba ni nges par bya ba'o/ /ji ltar zhe na med bdag ces bya ste/ rnam par rtag par bya ba'i rang bzhin gyis stong par ro/ /gcig las sgro pa'i bzlas pa'i dbang du byas te gsungs pa/ sna tshogs bya ba la sogs pa la sna tshogs bzhin du zhes bya ba ni thams cad pa bzhin du ste ji ltar sngar thams cad las spros pa de bzhin du sna tshogs pa spro bar byed pa po yin te sna tshogs pa zhes brjod bzhin pas na sna tshogs pa nyid las bye brag rnams spro ba dang hUM brjod bzhin pa na sa bon la bdag nyid ji lta ba bzhin du sku dang gsung dang thugs kyi sprin rnam pa sna tshogs pa'i sprin dang ro mnyam par byas te rab sngags brjod pas ni bsdu la/ A(rgyud 'grel): yis ni bdag med par gzung bar bya'o/ /thams cad las spros pa ni snga ma bzhin bzlas pas tshogs par bsdu bar bya'o/ /bcu gsum pa las/ sku gsum rdo rje'i bye brag gis/ spro ba dang ni bsdu bar 'gyur zhes

  234. 117b

    gsungs te rdo rje ni sna tshogs ba'o/ /sku gsum rdo rje'i bye brag gi spro ba dang bsdu bar bya ba ste gang gi tshe sku la sogs pa'i sku gsum las spros pa de'i tshe rdo rjer bsdu la/ gang gi tshe rdo rje las yin pa de'i tshe sku gsum la'o zhes pa'i don to/ /bzlas pa spyir dris pa las bcu gsum pa'i rdo rje bzlas pa gnyis po dag bshad nas/ bcu bzhi pa'i 'gog pa'i bzlas pa dang grangs kyi bzlas pa gnyis kyi dbang du byas te gsungs pa tshig kun ces bya ba la sogs pa la bzlas pa 'di la bdag ni rang rang gi snying gar gnas pa'i bzlas par bya ba'i yi ge 'bar ba las 'gog pas yid kyi zlos bzhin ba dang/ bzlas bar bya ba'i yi ge la dmigs te sngags yid tsam gyis brjod bas bzlas kyi spros pa dang bsdu bar ni mi bya'o/ /'jig rten na sngags kyi don ni tshig yin pas tshig thams cad brjod par bya ba 'am zhes na/ 'dir tshig kun ces bya ba la sogs pa smos te/ 'jig rten pa'i tshigs kun sngags yin ba bden mod kyi 'dir ni sngags nyid du grags pa la/ brten nas sngags so/ /sngags nyid ces bya ba ci zhig ce na/ de kho na nyid bskul pa smra ba zhes smos te de la de kho na nyid bskul ba zhes bya ba ni ston pa ste/ phyag rgya zhes bya pa'i don to/ /de yang sa bon gyi yi ge'o/ /smra ba ni 'chad pa'o/ /'chad pa yang mdor bsdu na rnam pa gsum ste/ dzi na dzi ka ces bya ba la sogs pa ni snying po'o/ /oM shu li ni swAhA zhes bya ba la sogs pa ni dbang? ba dang bcas te shin tu shes par byed pas na sngags so/ /oM tA re tut+ta re tu re swAhA/ zhes bya ba la sogs pa ni khyad par du rig par byed pas na rig pa'o/ /'o na ci'i phyir mdung can ma'i sngags la rig pa zhes bya zhe na/ rig pa brjod par byed pa'i phyir te/ bzlas pa'o/ /rgyas btab pa ni bcu bdun pa las rig pa'i skyes bu bsgom pa'i dngos grub kun ni bshad pa mdzad ces bya ba na brtsams te lag pa'i phyag rgya mi 'ching ngo/ /zhes bya ba'i bar du gsungs pa

  235. 118a

    de'i phyir rgyas btab pa gang yin zhes zhus pa de'i lam ni ji ltar zhes bya ba la sogs pa gsungs la ji ltar sku dang gsung dang thugs dang ye shes kyis byin gyis brlabs pa mngon sum du gsungs pa/ ting nge 'dzin kyang de bzhin du snying ga ste/ snying ga ru bsams par bya'o /ting nge 'dzin ni longs spyod rnam pa bzhi ste/ gdan bzhi la gnas pa'i sngags kyi dkyil 'khor bzhi'o/ /spyi bor dbang bskur zhes bya ba ni ci rigs par zhes bya ba ni ci rigs par/ zhe sdang rdo rje la sogs pas so/ /mchod pa zhes bya ba ni ci rigs par rigs kyi rig pa'o/ /de rnams zhes bya ba ni 'dir sngags kyi skyes bu gang yin pa de rnams kyi'o/ /kun tu ni rgyas btab pa de tsam ma lus par ro/ /rnam par phye nas rdo rje 'chang ba zhes bya ba la sogs pa gsungs pa la gang yin pa'i sbyor ba de'i rig pa dang/ sbyor ba las byung ba la longs spyod bzhi'o/ /bdag byin rlab sogs de bzhin te/ zhes bya ba la de'i sbyor ba zhes bya bar sbyar ro/ /de bzhin te zhes bya ba ni lus can te/ ye shes dang sku dang gsung dang thugs kyis byin gyis brlabs pa lus dang bcas pa de rnams kyang de dang 'dra bar de nyid kyi sbyor ba yin gyi/ gzhan gyi ma yin no zhes bya ba'i don to/ /rdo rje 'chang ba zhes bya ba ni dkyil 'khor gyi bdag po'o/ /'dis ni dkyil 'khor pa rnams kyi rig pa dang sbyor ba yod du zin kyang/ brgyad pa de dag gis rgyas btab pa yod pa ma yin no zhes ston par 'gyur ro/ /de la lhan cig skyes pa'i shes rab bam lhan cig skyes pa'i thabs dang/ de dag byin gyis brlab pa la sogs pa ni/ lus med pa dang dbu ? na sangs rgyas yin no zhes dkyil 'khor rnams rgyas btab pa'o/ /phyag rgya chen po dang yang dag par sbyor ba'i gnas kyis mchog rnams ni spyan la sogs pa la yang rjes su 'jug pa'i phyir te/ sbyor ba yi ni sngags

  236. 118b

    rnams kun/ /spyi bo nas ni bskul ba shes zhes gsungs pa'i phyir ro/ /de bzhin gshegs pa rnams kyi rigs kyi rig ma rnams la yang/ rdo rje spyan gyi gzugs la sogs/ /gtsug tor mnyes par byed par 'gyur bshad ces gsungs pa'i phyir ro/ /dpa' po zhes bya ba ni gcig pu ste/ dkyil 'khor las phyi rol pa zhes bya ba'i don to/ /rdo rje gcig bu'i zhes bya ba ni rig ma dang/ 'khyud pa can no/ /re re zhes bya ba ni rig mas mi 'khyud pa ste/ don gyis na rig ma dang bcas pa la rig pa dang bcas pa nyid do/ / snying gar phyag rgya sngags tsam gyis/ /rgyas btab par ni brtag par bya/ /da rnams kyi snying gar rnams su ste/ snying ga dang spyi po dang/ lkog ma dang/ sems kyi gnas rnams kyi rgyan snying gar phyag rgya'o/ /rang rig rim gyis zhes bya ba ni/ ye shes dang sku gsung thugs ngag gi rim gyis so/ /'o na rig ma dang/ yang dag par sbyor ba can lus dang bcas pa dang lus med pa can snying ga'i phyag rgya rnams la sngags ji ltar bsgoms par bya zhe na/ de'i phyir 'bras bu zhes bya ba la sogs pa gsungs pa la 'bras bu ni gdan to/ snying ga'i nyi ma 'am/ zla ba yin la/ rgyu ni de'i dbus kyi mtshan ma ste/ de'i lte ba'i nyi ma 'am zla ba bzhi la/ de'i dbus su sngags zhes bya ba'i don to/ /chos 'byung ba bsgom pa ni bcu pa las/ 'gog pa khro bo'i 'khor lo yis zhes bya ba 'dis/ bstan pa de'i dri ba zhus pa'i lan ni longs spyod bzhi zhes bya pa la sogs pa gsungs pa ste/ 'di ni nye ba'i grub pa'i drag shul gyi sbyor bar bya bar mi nus pa rnams kyi cho ga'o/ /rig pa'i skyes bu yang de yin la/ rdo rje can yang yin la ste/ de bsgom par bya zhes bya bar sbyar ro/ /gang du zhe na gru gsum ste chos 'byung ba'i nang du chud pa'i gzhal yas khang du zhes bya ba'i don to/ /ji ltar gru gsum zhe na/ sku gsung thugs kyi bye brag gis so/ /ji lta bu'i rdo rje can zhe na/ longs spyod bzhi dang yang dag ldan pa ste/ dga'

  237. 119a

    ma bzhi'i rigs mas yongs su bskor ba'o/ /dbus su zhes bya ba ni rdo rje can gyi snying gar 'khor lo bsgom pa'o/ /de ru zhes bya ba ni 'khor lo la'o/ /rtsibs kun la ni zhes bya ba ni rtsi bas bcu po rnams la'o/ /ye shes bcu ni gzung pa dang/ 'dod chags la sogs pa 'chad par 'gyur ba rnams so/ /de'i bdag nyid can ni de'i rang bzhin du 'byung ba ste/ 'di dag la rang gi sa bon las rang gi mtshan ma'i rnam par 'byung ba yod pas na de skad ces bya'o/ /de ci'i phyir zhe na/ lcags kyu 'byig pa mdud dang ni/ /ral gri mtshams su dgod par bya/ /'dod rgyal dbyug sngon stobs mi g.yo/ /steng du 'khor lo 'og mnod mdzes/ /khro rgyal rnams kyis rgyas btab bo zhes phyag rgya dgod pa zhus pa'i lan gsungs pa'i phyir ro/ /'khor lo'i lte bar yang rdo rje 'dzin pa'i mtshan ma sa bon las byung ba lte bar sa bon can du don gyis shes par bya'o/ /de ltar lha bcu gcig gis byin gyis brlabs pa shin tu mi g.yo ba dang/ tshungs pas 'khor ba'i 'khor lo'i rtsibs bcu pa de nyid do/ /rnal 'byor pas 'gog pa'i sems kyis bsgom par bya'o/ /bsgoms pa'i stobs kyis rdzogs pa'i 'gog pa'i rdo rje ste/ brtan par 'gog pas so/ /shin tu gsal bar snang ba nyid kyi phyir mchog tu'o/ /dga' bar byed pa nyid kyis phyir mdzes par gyur pas so/ /rdo rje 'bar ba'i sprin spro bas khro bo'i mtshan ma rnams las khro bo'i rnam par 'bar ba nam mkha' khyab par byed pa rgyun gyi yang dang yang phyogs bcur spro bar bya'o/ /de ltar zhes bya ba la sogs pas ni mjug bsdus pa yin te/ chos 'byung ye shes de ni ye shes bcur 'byung ba bsgom pa'o/ /dri ma med pa ni nyes pa med pa nyid kyi phyir ro/ /zhi ba ni yon tan gyi 'byung gnas nyid yin pa'i phyir ro/ /'di bsgoms pas cir 'gyur zhe na/ bsgoms pas zhes bya ba la sogs pa gsungs pa la/

  238. 119b

    bsgoms pas ni bsgom pa yongs su rdzogs pa'o/ /sangs rgyas spyan ni 'jig rten las 'das pa'i byang chub kyi sems nye bar sgrub ba'i 'bras bu'o/ /bsrung pa'i 'khor lo ni phyi'i khro bo'i gzugs bcu po nyid kyis byin gyis brlab par bsgom par bya'o/ /sdom pa ni phal cher lnga pa dang dgu pa dang bcu bdun pa las gsungs pa de dri ba zhus pa'i lan ni rdo rje can gyis zhes bya ba la sogs pa gsungs pa la 'da' bar mi bya ba'i don gyis na dam tshig yin la/ bgegs bzlog pa'i don gyis na sdom pa yin te rnam grangs kyi dbye bas yin gyi don gyis dbye bas ni ma yin pa de'i phyir sdom pa'i sgras ni zhus pa yin la/ dam tshig dang sdom bdag gis ni lan gsungs pa yin no/ /rim pa gnyis ni rnal 'byor rnam pa gnyis so/ /de la rang gi lha la sogs pa'i sngags dang phyag rgya mtshan? la sogs pa yongs su gyur pa las nyin re zhing yongs su bskyed pa ni skyed pa ste/ de la gnas pa nas bskyed pa'o/ /rdzogs pa ni kun tu spyod pa ste thabs gsum gyis 'bras bu rtogs so/ /thabs gong ma bzhi pa'i bsgom par brtan por gyur pas dngos po thams cad la ci rigs par skyes shing rdzogs par skad cig re re zhing mthong par gyur pa kun tu spyod pa'i don ni rdzogs pa'o/ /rdzogs pa de nyid las dang po pas kyang lhag par mos pas dmigs pa ni rdzogs pa'i rim pa'o/ /de ltar rim pa gnyis la brten nas bshad pa yin gyi rim pa gcig gis ni ma yin no/ /sgrub pa ni mngon par rtogs pa'o/ /'bar ba ni nyams su len pa'o/ /dam tshig dang sdom pa gang yin pa ni sngar rgyas par bshad pa nyid do/ /de ni rim pa'i dbye bas bye ba yin te/ bskyed pa'i rim pa la mngon par rtogs pa ni ting nge 'dzin gsum mo/ /de'i nyams su len pa ni mchams dang langs nas mnyam par ma bzhag pa'i rnal 'byor ro/ /dam tshig ni sbyad pa dang sbar ba dang sro ba la sogs pa dang ldan pa'o/ /de nyams su len pa ni bag med pa spang ba dang bsam gtan gyis kyang ngo/ /rdzogs

  239. 120a

    pa'i mngon par rtogs pa ni kun tu spyad pa'o/ /nyams su len pa ni skad cig cing? rgyun mi 'chad par ro/ /dam tshig ni lhag par mos pa tsam gyis sbyad ba'o/ /dam tshig gi nyams su len pa ni rang gi sku 'am lus gzhan gyis kyang ci rigs par ro/ /las dang po pa rnams kyi yang bskyed pa bzhin te sdom pa'o/ /dbang bskur bas kun tu bzang po nyid du 'gyur ro zhes bcu bdun pa las 'byung la/ kun tu bzang po de yang dpal mchog dang po la sogs par/ snying stobs rdul dang mun pas kyang/ / gang phyir 'gro ba'i don 'byung ba/ /de'i phyir de ni kun tu bzang/ /zhes bshad pa yin no/ /de la snying stobs dang rdul dang mun pa ni 'dod chags dang/ zhe sdang dang/ gti mug dang/ de'i phyir 'dod chags dang zhe sdang gti mug ces/ sems can don mdzad ji lta bu zhes bya ba 'di dris pa yin te/ de'i lan ni gzugs rang zhes bya ba gsungs pa la 'dod pa zhes bya ba ni/ so sor sdud pa la gdan gyi rang bzhin rnams so/ /bde ba ni bde ba bskyed pa'i bsil ba dang dkar ba'am/ dmar ba'o/ /sdug bsngal ni dro zhing dmar ba'o/ /gnyi ga'i bdag nyid ni zhi zhing dkar ba'o/ /snying la zhes bya ba ni cho gas pa'o/ /skye bar 'gyur zhes bya ba ni bsdus pa'o/ /'dod chags ni tshim par byed pa'i kha dog ste/ ser po dang dmar po dang ljang gu rnams sam/ dkar zhing bsal ba'o/ /zhe sdang ni dro zhing gnag pa'o/ / mun pa ni zhi zhing dkar ba'o/ /chags pa'i rang bzhin ni sna tshogs pa'i rang bzhin no/ /rdo rje ni sems kyi phra mo'o/ /dam tshig ni spros pa'i dkyil 'khor ro/ /'dod par byas pas na 'dod pa ste byang chub ngo/ /dam tshig mtshungs pa ni dam tshig gi rjes su byed pa ste /sngar? gyi 'dod pa bzhin no/ /rnam pa ni sangs rgyas rnams kyi sku'i ye shes te/ don byed do zhes bya ba 'og? nas 'byung ba dang 'brel to/ /rnam pa med pa zhes bya ba ni thugs kyi ye shes te/ phra mo gnyis pa'o/ /kun 'gro ba zhes bya ba ni bde ba'i

  240. 120b

    shas? te/ phra mo gsum gyi rang bzhin nor bu'o/ /yi ge gsum gyi bdag nyid ni de nyid nye bar mtshon pa ste/ gang du ye shes gsum po yod pas de'i yi ge gsum mo/ /bdag ni rang gi sngags so/ /gang zhes bya ba ni deng de dag nyid bde ba ste/ 'di ni yi ge gsum gyi bdag ces bya'o/ /byed pa zhes bya ba ni de bzhin du sgom pa brtan par byed pa'o/ /'phrog pa zhes bya ba ni rdo rje'i nang du spros pa'o/ /spro bar bya zhes bya ba de nyid kyi 'od zer phyung bas nam mkha' khyab par bya'o/ /rang gi bzlas zhes bya ba ni de'i bdag nyid kyis 'khor lo dang pad+ma la sogs pa spro ba'o/ /de ltar zhes bya ba ni chags pa'i rang bzhin zhes bya ba dang sbyar te bstan pa'i rim gyis 'dod chags kyi rang bzhin spros pas sa gsum po ma lus par bskyed par bya'o/ /zhe sdang gti mug ces bya ba yang de ltar zhes bya ba dang sbyar te/ rim pa de nyid kyis zhe sdang gi rang bzhin dang gti mug gi rang bzhin du 'gro ba rnams bskyed pa'o/ /rgyas btab cing zhes pa ni spros pa'i dkyil 'khor bsdus pa las byung ba shin tu phra ba'i gdan sngar gyi gdan dang mtshungs pa'i rig bya dang kha dog can nor bu phra mo'i nang du rnam par bsam mo zhes bya pa'i don to/ /rdo rje can gyi zhes bya ba ni rdo rje sems dpa' i 'o/ /don zhes bya ba ni de kho na nyid rnal 'byor pas byed pa'o/ /don ji lta bu zhig byed ce na/ gsang ba dag pa ste/ sgrib pa dang bral ba'i ye shes gsang ba'o/ /de dag ni bsnyen pa'i sbyor ba'i yan lag ste/ zhor? la 'ongs pa bshad nas gzhan le'u dgu pa las 'dod chags la sogs pas/ sems can gyi don? bya bar gsungs pa zhe sdang zhes bya ba la sogs pa la/ zhe sdang 'khor lo bskyed nas su zhes bya ba ni bdag nyid zhe sdang 'khor lo bskyed nas su zhes bya ba ni bdag nyid zhe sdang 'khor lo bskyed pa'o/ /zhe sdang rnal 'byor pas zhes bya ba ni/ bdag nyid mi bskyod pa'i rnal 'byor pas so/ /sbyor ba zhes bya ba ni nam mkha' i ngos la

  241. 121a

    bsgoms pa'i sangs rgyas dang/ byang chub sems dpa' bkod pa'i ting nge 'dzin gyis bstan por bya ba'o/ /rdo rje drag po zhes bya ba ni bdag dang bdag gi dkyil 'khor ba'i lag pas 'phangs pas so/ /bcom nas su zhes bya ba ni bkod pa chen po de dag nyid bsad pa'o/ /ye shes rdo rje can zhes bya ba ni bcom pa rnams kyi ye shes sems dpa' ste/ bsdus nas bdag gi dkyil 'khor gyi ye shes sems dpa' la bsdu ba'o/ /de zhes bya ba ni bsdus pa de rnams so/ /bsad par bya zhes bya ba ni slar spro ste bcom pa rnams la rjes su bcug bas yang bar gso ba'o/ /de bzhin du zhes bya ba ni snga ma bzhin du bsad pa'o/ /goms byas na zhes bya ba ni yang dang yang du spro zhing bsdu ba'o/ /zhe sdang rdo rjer bdag nyid 'gyur pa ni mthar thug pa'i 'bras bu'o/ /khams gsum po ni ma lus pa bsad dang zhes bya ba la sogs pa ni 'phral gyi 'bras bu ste bsad par nus pa zhes bya ba ni sems brtan par gyur pas mngon du nus par gyur pa'o/ /gti mug ni rnam par snang mdzad do/ /rgyan la sogs pa ni nam mkhar bsams pa rnams kyi'o/ /brku bar bya zhes bya ba ni bdag nyid dang bdag gi dkyil 'khor pa rnams kyis kyang blangs te sbyang pa'o/ /rtag tu zhes bya ba ni yang dang yang du'o/ /gti mug sems kyi rgya mtsho zhes bya ba ni bdag dang bdag gi dkyil 'khor pa'o/ /gti mug 'khor lo can gyis kun la ste/ bcom pa rnams la ni rin po che slar sbyin pa'o/ /'dod chags ni snang ba mdza' yas so/ /lha mo thams cad ni nam mkhar bltas pa'i lha mo rnams so/ /'dod pa'i sbyor ba ni 'dod pa'i bya ba'o/ /dga' ba ni 'khyud pa la sogs pa'o/ /sdug pa ni dga' ba yang dag par mtshon pa'o/ /bde ba ni ye shes skye ba'o/ /dangs pa ni bde ba las byung ba'i rab tu mgu ba'o/ /'dod pa'i rtsed mo ni rengs 'a las byung

  242. 121b

    ba'i lus dang dag gis 'gyur ba'o/ /de'i rnam par 'phrul pa ni rnam par rol pa'o/ /khams gsum zhes bya ba la sogs pa ni 'phral gyi 'bras bu gsungs pa'o/ /mthar phyin pa'i 'bras bu ni gnyi ga'i rim bzhin du gti mug rdo rje dang 'dod chags rdo rje'o/ /skad cig tsam gyis zhes bya ba ni ji ltar bstan pa'i don de rnams rnal 'byor de dag la gnas te/ bsams ma thag tu zhes bya ba'i don to/ /de yang rigs pa ma yin te/ rdzas dang 'khrul 'khor la sogs pa'i sbyor ba du mas bsgrub par bya ba'i don rnams ni de dag med par mi srid pa'i phyir ro zhe na/ 'dir dkyil 'khor zhes bya ba la sogs pa smos te las mchog ni/ las dam pa rnams so/ /tshogs ni rgyas pa'o/ /nyams len pa ni thabs su bya'o/ /byin gyis rlob ni nus pa lhag par bzhag pa'o/ /grub pa ni dkyil 'khor la sogs pa gang yin pa'o/ /de dag gi brjod pa gzhan ni rnam pa gzhan yin gyi/ gdon mi za bar rgyud ji bzhin du ni ma yin te/ gang gi phyir khyad par du gyur pa 'di dag thams cad ni de dag gi sems la rag las pa'i phyir ro/ /sgrub pa chen po'i le'u rnams kyi sbas pa'i chig gi don zhor la 'dos pa dang bcas pa gsal bar byas nas/ sgrub pa'i le'u rnams kyi sbas pa'i tshig don brjod par byed de/ de dkyil 'khor ni phal cher bzhi pa dang/ bcu drug pa dang/ brgyad pa la yin la/ de'i dris pa'i lan ni b+ha ga zhes bya ba la sogs pa gsungs pa yin te/ de'i phyir shes rab b+ha gar brjod ces gsungs pas na/ b+ha ga ni shes rab yin la de nyid ni ngag yin te/ de'i phyir b+ha ga'i dkyil 'khor ni gsung gi dkyil 'khor ro/ /byang chub kyi sems ni thugs so/ /de'i phyir byang chub sems kyi dkyil 'khor ni mi bskyod pa'i dkyil 'khor ro/ /lus ni rnam par snang mdzad do/ /de bas na de'i dkyil 'khor ni sku'i dkyil 'khor ro//

  243. 122a

    yang na lha ga ni gdan dang sngags so/ /byang chub ni mtshan ma'o/ /lus ni phyag rgya chen po'o/ /de gsum ni dkyil 'khor yin par brtags pa ste rnam par bzhag pa'o/ /gsum char yang snying po bsdus pa'i phyir dkyil 'khor yin no/ / phyag rgya dgod pa yang dkyil 'khor yin pa'i phyir dkyil 'khor gyi de ma thag tu de dris pas na de'i lan phung po zhes bya ba la sogs pa smos te/ thams cad ces bya ba ni sangs rgyas rnams kyi'o/ /phyag rgya ni skye bo rnams rjes su gzung ba'i phyir rgyas btab pa'o/ /phyag rgya gang gi yin zhe na/ phung po skye mchad khams kyi'o/ /'o na sgo skyod rnams kyi phyag rgya gang la gdab ce na/ rnam par shes pa'i phung po la te/ sangs rgyas byang chub ye shes 'di gsungs pa'i phyir ro/ / rtag tu zhes bya ba ni 'khor rnams kyis so/ /lcags kyu zhes bya ba la sogs pa ni mtshan mo'i phyag rgya ste/ snying gar son pa'i khro po'i 'khor lo rtsibs bcu pa rnams kyi'o/ /'khor lo gnod mdzes ni gnod mdzes dang 'khor lo'o/ /rig pa'i rgyal po rdo rje rnams zhes bya ba ni mig la sogs pa'i yin no/ /zhes kha cig zer ro/ /gzhan dag ni dkyil 'khor chen po nyid kyi'o zhes zer ro/ /sa la sogs pa'i sems dpa' rnams shes bya ba ni lha mo bcu po rnams so/ /rang gi dkyil 'khor ro zhes bya ba ni ji lta ba bzhin du saur sdud pa las rang rang gi 'dod pa'i gdan gi dkyil 'khor dang spyod bzhi'i dkyil 'khor las la sogs pa rnams kyi'o/ /me long la sogs pa'i phyag rgya drug ni dkyil 'khor chen po nyid kyi 'dod pa rnams kyi'o/ /sangs rgyas ni rnam par snang mdzad pa la sogs pa'o/ /byang chub sems dpa' ni rig pa'i rgyal mo rnams so/ /khro bo'i rgyal po ni sgo skyod rnams te/ de rnams kyi phyag rgya ni rtsa ba'i rgyud du bshad pas 'dir ma bstan to

  244. 122b

    zhes bya bar dgongs so/ /gal te de lta na ci'i phyir sa la sogs pa'i sems dpa' rnams phyag rgya rang gi dkyil 'khor yin zhes brjod cen/ de ltar yin pa de nyid kyi phyir so sor sdud pa'i dkyil 'khor dang/ longs spyod bzhi'i dkyil 'khor gyi dbang du byas pa'i gdan bcu'i dkyil 'khor yin par shes par bya ba'i phyir/ sa la sogs pa'i sems dpa' rnams zhes bya ba la sogs pa gsungs pa yin no/ /de bzhin du lcags kyu la sogs pa yang 'gog pa'i dkyil 'khor gyi dbang du byas pa/ yin pas na/ phyag rgya thams cad gcig kho nas dkyil 'khor chen po'i dbang du byas te gsungs pa ni ma yin no/ /de bas na phyag rgya sum cu rtsa gcig bdag po dang bcas pa'i dkyil 'khor chen po lha sum cu rtsa gnyis kyis yin par kha cig smra ba de dag rigs pa ma yin no/ /sku rdo rje la sogs pa'i byang chub sems dpa' rnams kyis ni/ sa'i snying po la sogs pa bzhin te rigs rnams kyi mtshan ma ni sangs rgyas rnams kyi mtshan nyid do zhes bya ba 'di ni grub pa yin no/ /de bas gzhan duAng zhes bya ba la sogs pa la gzhan du zhes bya ba ni rgyud gzhan du gsungs pa'i lha rnams so/ /dpa' po gcig ces bya ba la dpa' bo ni dkyil 'khor gyi bdag po yin pas so/ /gcig ni grogs med pas so/ /rigs kyi kha dog gis ni brtag ces bya ba la brtag ces pa ni brtag go zhes da lta ba'i dus ston pa'o/ /de las zhes bya ba ni bltes pa'i lnga pa ste/ rgyud 'di'i skabs su zhal gsum phyag drug pa la bltos pa'o/ /rigs zhes bya ba ni khyim ste de rnams rang gi rgyud do/ /rigs de'i kha dog gcig gis brtags te/ de la bar+Na ni sngags dang mtshan ma dang/ dkar po la sogs pa dang bram ze dang rgyal rigS la sogs pa bzhin du rigs dang rnam pa bzhi la bya'o/ /phyag rgya dgod pa'o/ /pad+ma dang utpa la la sogs pa me tog dang mchod rten dag brgyad pa las

  245. 123a

    gsungs pa de'i don dri ba zhus pa'i lan ni lha mo zhes bya ba la sogs pa gsungs pa la lha mo dgu ni rig ma dgu'o/ /de rnams kyi nam mkha' i khams ni gsang ba'o/ /me tog ces bya ba ni me tog gi ming can no/ /dgod par bya zhes bya ba ni me tog de rnams nyid do/ /sku gsung thugs kyi dbye ba yis rigs kyis rim gyis zhes bya ba ni gti mug dang/ 'dod chags dang zhe sdang bskyed par byed pa'i sku rnams ni go rims bzhin du gti mug dang 'dod chags gsum dang/ zhe sdang la'o/ /de bzhin du gti mug dga' ma la sogs pa'i gti mug dang zhe sdang dang 'dod chags gnyis dang rdo rje la'o/ /sangs rgyas thams cad kyi bzhugs gnas ni gzhal yas khang ste/ mchod rten no/ /'dis ni mchod rten yang bshad pa yin te/ gnyi ga'i don gcig pa nyid kyi phyir ro/ /ye shes 'khor lo dang gnas kyi yi ge dang dam tshig bskul ba dang gtong ba dang por pa dang bcing ba dang ste bcu drug pa las gsungs pa drug po 'di dag gi don dri ba'i lan ni ye shes sems zhes bya ba la sogs pa gsungs pa la ye shes sems dpas sprul zhing phyung pa'i 'khor lo gang yin pa de ye shes 'khor lo ste/ ye shes las byung pa'i 'khor lo ni ye shes kyi 'khor lo zhes bya bar dgongs so/ /de nyid ni kun tu rtogs pas zhes bya bar byas pas dam tshig go /sa bon yi ge gnas shes bshad ces pa la/ lha'i gnas yin pas na sa bon no/ /de'i brjod pa ni yi ge ste des gnas so/ /ji ltar rjod par byed pas yi ge yin zhe na/ gang gi phyir yi ge tsam 'dir yi ge ma yin te/ 'o na ci zhig ce na/ rdo rje gsum po de ye shes mi 'gyur ba ste/ sems gang yin pa de nyid rjod pa'i dag gi rnam pa dang/ lus su yang 'gyur te/ rdo rje gsum po de las mi 'gyur bas na rdo rje gsum yi ge'o/ /de'i phyir rjod par byed pas na yi ge yin gyi yi ge tsam ni ma

  246. 123b

    yin no/ /sad par bya ba ni dam tshig ste ye shes kyi 'khor la'o/ /sku dang gsung dang thugs ro mnyam pa'i sa bon gyi yi ge yin te/ des na de nyid brjod pas shes pa'i don to/ /'od zer 'gyed pa ni 'od 'ba' zhig spro ba'o/ /rdo rje kun gyi sangs rgyas thams cad kyi'o/ /rdo rje can ni sku gsung thugs kyi rdo rje can no/ /de rnams spyan drangs pa ni 'od zer de nyid kyis dgug pa'o/ /de'i gnas ni ye shes kyi sa bon no/ /dbang bskur ba dang rig pa'i brtul zhugs ni bcu drug pa las gsungs pa nga'i dri ba zhus pa'i lan ni sku zhes bya ba la sogs pa gsungs pa la/ sku la sogs pa'i dkyil 'khor gyi bdag po'i sku dang gsung dang thugs kyi rang bzhin gyi sku gsung thugs ni rgyas btab ste/ ri mo'i dkyil 'khor brtag par bya zhed? 'byin par bya'o/ /sangs rgyas thams cad mnyam par spyod pa la sogs pa las/ dkyil 'khor yang dag ji lta bar/ /rab tu brtag par su yis nus/ /rang gi lha yi sbyor ba yis/ /dkyil 'khor brtag par 'grub par 'gyur zhes gsungs pa'i phyir ro/ /de ltar dkyil 'khor bris nas cho ga bzhin du bzhugs shing cho ga bzhin du bcug pa'i slob ma la dbang bskur ba sbyin par bya zhes bya ba la sogs pa gsungs so/ /ci'i? phyir 'dir dbang bskur gsum gsungs she na/ gsum po nyid kyi slob dpon du byed pa'i phyir ro/ /de ltar bzhi pa de bzhin no zhes bya ba ni gsum po dag las lhag ma nyid kyi phyir bzhi ste/ rig pa'i dbang bskur ro/ /de yang de bzhin te rgyad gzhan ji lta ba de bzhin du ste/ de bas na de'i rgyud gzhan gyi rjes su 'brangs nas shes par bya'o de yang dbang bskur ba drug ste/ phreng ba dang chu dang cod pan dang/ rdo rje dang/ bdag po dang/ ming gi dbang bskur ba zhes bya'o/ /de la bum pa'i dbang bskur ba ni le'u bcu drug ba nyid du yongs su gsal bar mdzad pa yin no/ /gnyis pa ni mig yangs zhes bya ba la sogs par gsung pa la/ sngags ni yid

  247. 124a

    ches pa 'di nyid do/ /sngags kyi gnod du rung ba ni thos pa dang/ dad pa la sogs pa'i khyad par ldan pa'i phyir ro/ /me tog ni dus su 'byung ba'o/ /rdo rje thams cad ni sangs rgyas thams cad do/ /sku gsung thugs kyi rdo rje ni ro gcig par 'gyur ba ste/ de'i rnam pa phyung nas so/ /gsum pa ni mchog tu dad cing zhes bya ba la sogs pa gsungs te/ sbyor ba gcig ni rgyud gcig la nan tan du byed pa'o/ /dam tshig dag gi dam tshig can zhes bya ba ni de'i thabs rnal 'byor pa sgrub pa po'o/ /shes rang ni rnal 'byor ma'o/ /rmongs pa zhes bya ba ni gti mug gi rigs rang gi lhag pa'i lhar gyur pa na'o/ /gti mug bdag nyid rnal 'byor zhes bya ba ni rnam par snang mdzad kyi rnal 'byor bya'o/ /gti mug dga' ma zhes bya ba ni rig ma de nyid gti mug dga' mar byas pa'i gti mug rgyun ni bsil zhing dkar ba'o/ /gti mug rdo rje rang nyid gyur ces pas de'i rigs las skyes par 'gyur ba lta ci smos shes pa'o/ /de ltar phyi ma gsum la yang sbyar bar bya'o/ /'on kyang zhe sdang gi rgyun ni dro zhing gnag pa'o/ /'dod chags kyi rgyun ni pad+mar ga lta bu'o/ /ye shes kyi rgyun mar ka ta lta bu'o/ /shes rab ye shes ni don yod grub pa'o/ /rig pa'i brtul zhugs la sgrub pa pos ni rig pa gnyis ka yongs su gzung ste btang bar mi byed do/ /slob dpon tsam las ni phyi rol gyi des pa ma yin no/ /bdud rtsi lnga dang dpa' bo lnga dag brten pa ni bcu drug pa dang bcu gnyis pa la sogs pa las gsungs pa de'i dri ba zhus pa 'di dag gis lan ni tha mal zhes bya ba la sogs pa gsungs te/ 'dir 'jig rten la rab tu grags pa'i rang bzhin gyi tha mal pa'o/ /ngo bo nyid des dri ma lnga rnams de nyid do/ /lus kyi chos la zhes bya ba ni lus gnas pa'i phung po la

  248. 124b

    sogs pa la'o/ /snang ba ni yongs su gsal bar bya zhes bya ba'i don to/ /de bas na ngo bo nyid de nyid bsten par mi bya bar dgongs so/ /'o na ji ltar na bdud rtsi lnga yin zhe na/ ye shes lnga yis byin brlabs pa ste/ ye shes lnga ni spar pa la sogs pa'o/ /ye shes kyi bdud rtsi dbab pa ni lnga pa'o/ /des ni bdud rtsi lnga nyid bdud rtsir gyur pa'o/ /de bas na bdud rtsi lnga zhes gsungs pa yin no/ /'di rnams kyi 'grel pa ni rdo rje hUM zhes bya ba la sogs pa yin te/ rdo rje ni sngon po kha gyen? du bltas pa'o/ /pad+ma ni thod pa dmar po kha bkan pa'o/ /de'i dbus su zhes bya ba ni pad+ma'i nang du'o/ /spar ba dang gdung bar bya ba ni ye shes gnyis so/ /rnal 'byor pas zhes bya ba ni rnal 'byor gyi stobs kyis so/ /shel dang mtshungs par snang gyur cing zhes bya ba ni shel dang 'dra bar dang bar byas nas su/ /de ni ye shes gsum pa'o/ /ye shes nyi ma bzhi par gyur ces bya ba ni/ ye shes kyi rang bzhin can gyi nyi ma'i dkyil 'khor lta bur bstan nas so/ /de ni ye shes bzhi pa'o/ /mtshon cha tshogs ni 'od zer rnams so/ /'jig rten gyi khams na bdud rtsi gang yin pa de ni sangs rgyas thams cad kyi thugs ka na gnas pa'i ye shes kyi bdud rtsi'o/ /phab nas kyar zhe bya ba ni thugs kar zhugs te/ spubs kyis 'dren pa bzhin du drangs nas so/ /de ni ye shes lnga pa'o/ /bza' ba'i sbyor bas zhes bya ba ni sngags kyi lus dang/ rdo rje'i lcags kyu dang/ rdo rje'i lce dang/ yi ge gsum gyis byin gyis brlabs nas so/ /de bzhin zhes bya ba ni bdud rtsi lnga'i cho ga nyid kyis so/ /dpa' 'o lnga zhes bya ba ni sha lnga'o/ /bsgrub bya'i dngos grub cho ga yis zhes bya ba ni/ dngos grub gang gis sgrub par bya bar gang gsungs pa'o/ /gzhan du zhes bya ba ni sbar ba la sogs pa'i cho ga yi ge gsum gyi byin gyis brlab

  249. 125a

    pa'i mthar thug pa rnams las 'das te/ bshad ba la sogs pa yang/ da dang ha dang/ na la sogs pas ni dngos grub stsol bar mi 'gyur ro/ /dngos grub ni bcu drug pa dang/ bcu gnyis pa dang/ bco lnga pa dang/ bcu gcig pa dag tu gsungs la/ de las tha mal pa ni ji lta bu mchog kyang ji lta bu zhes zhus pa'i don yin la/ lan ni mi snang zhes bya ba la sogs pa yin te/ dngos grub ni zhes bya ba ni dngos grub rnams so/ /tha mal pa zhes bya ba ni dman pa'o/ /mchog ces bya ba ni mi dman pa'o/ /sgrub pa'i le'u rnams kyi sbas pa'i tshig gi don bshad pa zhar? la 'ongs pa dang bcas pa'o/ /thabs ni rtsa ba'i rgyud ma lus pa yin pa de bas na de la thabs ni rnam pa du zhes zhus pa de'i lan ni thabs ni rnam pa bzhi po dag ces bya ba la sogs pas rgya cher gsungs so/ /ci'i phyir gsungs she na/ gang gi phyir rnal 'byor pa yi rtag par bsngags pa ste/ de nyid rtag tu bsngags pa 'am rab tu gsal bar mdzad ces bya ba'i don to/ /ji ltar na rnam pa bzhi po yin zhe na/ bsnyen pa'i zhes bya ba la sogs pa gsungs so// bsnyen pa rnams pa gnyis su 'gyur zhes bya ba ni bsnyen pa'i cho ga ni rnam pa gnyis yin no zhes bya ba'i don to/ /ji ltar rnam pa gnyis yin zhe na/ thun mong gi bye brag gis te dngos grub dman pa bsgrub pa'i phyir bsnyen pa'i thun mong gi bsnyen pa'o/ /dngos grub mchog gi phyir bsnyen pa gang yin pa de ni mchog gi bsnyen pa'o/ /de la thun mong gi bsnyen pa ni rdo rje bzhes 'gyur la/ mchog gi bsnyen pa ni ye shes bdud rtsis so/ /de la dang por rdo rje bzhi ni dang po zhes bya ba la sogs pa gsungs pa la/ stong nyid byang chub ste zhes bya ba ni sna tshogs rnam par rig pa tsam yin no zhes mos par byas la/ rnam par rig pa tsam de yang gnyis su snang ba snub pa'i phyir/ gnyis

  250. 125b

    kyis stod pa rtog pa nam mkha' lta bu/ oM shU n+ya tA dz+nyA na badzra swa b+hA ba At+ma ko haM zhes bya ba 'dis brtan par bya ba ni stong nyid byang chub ste/ de ni rdo rje dang po'o/ /sa bon bsdus pa yin zhes bya ba ni snying gar gnas pa'i rang lha'i sa bon de nyid las spros pa'i de bzhin gshegs pa thams cad bsdus pa'o/ /gzugs ni rdzogs pa ste/ zhes bya ba ni rang gi lha'i rnam par rang gi lus bsten bskyed pa'o/ /yi ge bkod pa'o zhes bya ba ni rang gi lha'i rnam pa'i bdag nyid kyi snying gar de'i sa bon bkod pa'o/ /'di dag gis zhes bya ba 'dis bskyed par bya zhes bya bar sbyar ro/ /sbyor ba drug gis zhes bya ba ni yan lag drug gi sbyor pas so/ /'di nyid kyis nges par byas pa ni/ bsnyen pa zhes bya ba la sogs pa gsungs so// so sor sdud pa dang zhes bya ba la sogs pa ni yan lag drug gis bstan pa yin la/ dbang po bcu po zhes bya ba la sogs pas ni rgyas par bston pa yin no/ /de la so sor sdud pa'i dbang du byas nas/ dbang po bcu po zhes bya ba la sogs pa rkang pa drug pa'i tshigs su bcad pa gsungs so/ /'byung ba'i dbang lnga po yongs su bsdus pa ni pad+ma dang 'byung ba las gyur pa'i dbang po lnga po yongs su bsdus pa'i rdo rje dag ni dbang po ste/ 'dod pa la nye bar longs spyod pa'i bdag po yin pa'i phyir ro// de dag ni bcu'o/ /bcu pa de rnams ni byed pa'i drug pa ste/ dper na ral gri'i bcad pa bzhin no/ /nye bar spyod pa la bltos nas byed pa yin te/ gcig las ni byung ba la cig shos su ni 'jug pas so/ /sdud pa ni sdud cing nye bar spyod pa'o ste/ sangs rgyas lnga'i rang gi sa bon gyi rnam pa'o/ /gang la spyod ce na/ gdan gyi rang bzhin can gyi 'dod pa lnga la'o/ /de'i phyir gsungs pa 'dod pa zhes bya ba ste 'dod pa rnams la zhes bya ba'i don to/ /gang las nye bar spyod ce na/ de'i phyir gsungs pa/ rang gi

  251. 126a

    bzhir gnas thams cad las zhes bya ba ste/ rang gi gdan la gnas pa'i sna tshogs pa las zhes bya ba'i don to/ /'di lta bur 'dod pa la spyod pa gang yin pa de ni so sor sdud? pa'o/ /de'i phyir 'dod pa so sor zhes bya ba la sogs pa gsungs te/ ci'i phyir gsungs she na/ so sor sdud pa zhes bya ba gsungs te so so'i sgra ni so sor phye ba'i don to/ /so sor phye nas nye bar spyod do zhes gsungs zhing sbyar bar bya ste zhes bya bar dgongs so/ /so sor phye ba la nye bar yod pa ji ltar so sor bya? zhe na/ gang phyir dbang po rnams sbyor ba'i rdo rje'i nang du son pa'i chos kyi dbyings las/ rdo rje'i bu gnas 'dod pa lnga po rim bzhin du phyung ste/ pad+ma'i nang du bkod de de'i rjes la/ de bzhin du sna tshogs pa las sangs rgyas rnams phyung ste/ 'dod pa rnams la dgod? par bya'o/ /gnyis pa la ni so so'i sgra ni so sor kun tu sdud ba ste/ /so sor kun tu bsdus nas nye bar spyod pa ni so sor sdud pa zhes bya ba'o/ /de'i phyir zhe na/ 'dod pa lnga zhes bya ba la sogs pa gsungs te/ mdor bsdus zhes bya ba ni thams cad ces bya ba gzung ba la sbyar ro/ /a si zhes bya ba ni gdan te gdan lnga'o/ /'dod pa'i gdan lnga po sna tshogs pa'i gdan la mdor byas te/ bsdus pa'o/ /rgyu de nyid kyis ni sangs rgyas lnga rab tu sbyor bas sna tshogs pa la bsdu bar bya'o/ /bsam gtan gyi dbang du byas te gsungs pa brtag pa zhes bya ba la sogs pa la/ brtag pa ni zhi gnas dang lhag mthong ste de ni bsam gtan no/ /de'i rnams lnga lngar 'gyur zhes bya ba la/ rtog pa dang bcas pa dang/ rtog pa dang bcas spyod pa dang bcas pa dang/ rtog pa med pa la spyod pa tsam dang/ rtog pa yang med spyod pa yang med pa'i ting nge 'dzin rnam pa gsum la bsam gtan rnam pa bzhi ste/ rtog pa dang bcas shing spyod pa dang bcas pa dang/ rtog pa yang med spyod pa yang med pa dang/

  252. 126b

    dga' ba med pa'i bde ba dang/ sdug bsngal yang med pa de ba yang med pa'i sems rtse gcig pa'o/ /de la ting nge 'dzin gnyis pa bsam gtan gnyis par byas nas bsam gtan rnam pa lngar brjod do/ /de nyid kyi phyir rtog dang zhes bya ba smos te/ 'dod pa rnams las 'das pa na rtog pa'o/ /de las 'das pa ni spyod pa'o/ /de la 'das pa ni dga' ba'o/ /de la 'das pa ni bde ba'o/ /de las kyang 'das pa ni sems rtse gcig pa'o/ /bsam gtan bsdus zhes bya ba ni sems yang dag par bsdus pa ni bsam gtan zhes bya'o/ /'dir ji lta bu zhig yin zhe na/ gsang ba zhes bya ba la sogs pa gsungs te/ gsang ba gsum 'byung ba ni pad+ma'i lte ba'i grwa gsum du 'khor lo dang/ pad+ma dang/ rdo rje rnams 'byung ba'o/ /rtog pa zhes bya ba ni rtog par grags pa ste/ rgya che ba'i bsam gtan yin pa'i phyir ro/ /gsang ba de rnams kyi longs spyod ni de rnams ro gcig par gyur pa'i ral gri dbus su dgod pa'o/ /spyod pa zhes bya ba ni dpyad par grags pa ste/ phra ba'i bsam gtan yin pa'i phyir ro/ /dga' ba kun snang zhes bya ba ni kun tu yongs su snang ba'o/ /gsum pa zhes bya ba ni dga' ba zhes grags pa'i bsam gtan de/ mtshan ma bzhi'i lte bar/ oM A:hUM hA zhes bya ba 'di'i dga' ma rnams ji lta ba bzhin du dgod pa'o/ /bzhi pa zhes bya ba ni bde ba zhes grags pa'i bsam gtan te/ bde ba bsdus pa zhes bya ba la/ dga' ma de dag bsdus nas zhu pa'i phyir bsdus pa yang yin la/ bde ba'i thig le yin pa'i phyir bde ba yang yin pas bde ba bsdus pa'o/ /lnga pa zhes bya ba ni sems rtse gcig pa zhes bya bar grags pa'i bsam gtan no/ /de ci zhig ce na/ rang sems te tha mal par gnas pa'i rang gi sems ni rang sems te/ bde ba'i thig le'i nang du chud pa'i mtshan ma bzhi bsdus pa las byung ba'i

  253. 127a

    sems kyi thig le zhes bya ba'i don to/ /de nyid kyi phyir shes dang shes bya 'byung zad pa ste/ shes pa 'byung ba ni mtshan ma rnams so/ /shes bya 'byung ba ni dga' ma rnams so/ /zad pa ni de dag bsdus pa'o/ /'di ni bsam gtan gyi yan lag ste gnyis pa'o/ /zhi ba ni sna tshogs pa ste/ der sangs rgyas thams cad bsdus pa'i phyir sangs rgyas kun dngos so/ /de'i gdan la sangs rgyas rnams kyi gdan bsdus pa la gnas na 'dod pa kun la rab tu gnas so/ / dbugs zhes bya ba ni sems kyi thig le'o/ /mtshan ma bzhi bsdus pa las byung ba'i zhi gnas lnga'i bdag nyid yin pa'i phyir ye shes lnga'i dngos so /dga' ma rnams bsdus pa las byung ba'i bde ba'i thig le nang du chud pa'i phyir 'byung ba lnga'i ngo bo'o/ /gang gi sgra yang don gyi shes par bya ste de nyid bsdus pa las rin po che chen po phyung zhes bya ba ni bskyed pa ste ci'i? dang pad de'i don gcig pa'i phyir ro/ /ji lta ji ltar sems phra mo'i 'gyur ba de lta de ltar rin thang phya ba'i phyir rin chen te/ rin chen phra mo zhes bya ba'i don to/ /'khor lo sgyur ba'i rnal 'byor la gnas nas yan lag drug gi rnal 'byor bya ba yin pa las/ rin po che yang de'i mdog dang 'dra ba de bas na rin chen kha dog sna lnga pa'o/ /ji ltar bskyed par bya zhe na gong bu'i gzugs kyis te/ zlum pas gong bu yin la/ nges par brteg? pas na gzugs te/ de gnyis ni gong bu'i gzugs so/ /des ni gdan dang bcas pa'i yi ge b+h+ruM yungs kar tsam gyi nor bu'i gong bur byas te/ dpe'i? thig le'i snying po can gyi sems kyi thig le nang du chud par bya ba'i gong bu'o/ /de nas oM d+harma d+hA tu swa b+hA ba At+ma konyahaM/ zhes bya bas byin gyis brlabs te/ nges par brtag par bya'o/ /de ltar rin po che bskyed la btegs nas sna'i rtse mor rab tu brtag par bya'o/ /srog ni sems kyi rin po che de'o/ /de'i

  254. 127b

    rtsol ba ni sna'i rtse mor gsungs pa'o/ /'di ni srog rtsol pa'i yan lag ste gsum pa'o/ /srog ni rin chen de nyid do/ /thig le ni sngags kyi thig le'o/ /bzhag pa ni der ji ltar son par gyur pa'o/ /rang dbang ni yid kyi dbang po'o/ /dgag pa ni sngags kyi thig ler mi g.yo ba'i bya ba'o/ /gzung ba zhes bya ba ni brtan par bya ba'o/ /'di ni 'dzin pa'i yan lag ste bzhi pa'o/ /rjes su dran pa brjod par bya ste de yang 'dzin bas rin po che brtan par byas pas de bya ba yin la brtan pa yang mtshan ma shes pa las so// de nyid kyi phyir sems ni zhes bya ba la sogs pa smos te/ sems ni rin po che'o/ /mi g.yo bas na 'gog pa ste/ de nyid brtan pas na rdo rje'o/ /'gog pa'i rdo rje der gyur pa ni thob pa'o/ /mtshan ma de'i rtags so/ /nyer 'dzin ni so sor snang ba 'byung ba'o/ /gsungs so zhes bya ba de gang du gsungs she na gsum par te/ sangs rgyas 'bar ba'i 'od 'dra ba'i/ /rang mchog sprin ni spro bar bya zhes bya ba'o/ /de yang de nyid du bdag gis bshad zin to/ /sprin med nam mkha' lta bu yang de yin la/ rtag tu snang ba yang yin no zhes bsdu ba'o/ /brtan 'gyur ces bya ba ni rin po che brtan pa nyid do/ /brtan pa nyid du gyur nas spro bar bya zhes sbyar ro/ /pad+ma dang ldan pa'i rdo rje nor bu phab la zhes don gyis shes par bya ste/ skal ba ni mi rigs pa'i phyir dang/ ting nge 'dzin gyi yan lag la slar brdeg pa'i tshig yod pa'i phyir ro/ /rdo rje lam nas zhes bya ba ni rdo rje'i dug nas so/ /nam mkha' i khams so/ /zhes bya ba ni pad+ma'i nang dang lus gnyis kyi nang dang ba sbu'i bu ga nas thams cad ji snyed pa ru'o/ /de las yang ci zhig spo zhe na rjes dran gang zhig ces bya ba ste/ de'i rnam par zhes bya ba ni pad+ma'i nang du mtshan mar spro ba bsgoms pas de bzhin du sangs rgyas dang chos dang rdo rje dang/ rigs dang khro bo rjes su dran pa ste lnga po go rims bzhin du 'khor lo dkar po dang/ pad+ma dmar po dang/ rdo rje

  255. 128a

    nag po dang/ ral gri dang/ 'khor lo ser po rnams kun tu spros pa'o/ /dam tshig rjes su dran pa ni slar yang mtshan ma lnga po de dag las 'khor lo ser po gtso bor bsgoms la spro ba'o/ /'di dag rjes su dran pa'i yan? lag tu shes par bya'o/ /so sor snang ba ni gsal bar snang ba'o/ /de la zhes bya ba ni rjes su dran pa de la skye ba ste/ ji ltar 'dzin pa mthar phyin pa'i tshe mnyam par bzhag pa ni mtshan ma gsal bar snang pa de bzhin du rjes su dran pa las 'phros pa'i smin khyab pa so sor snang ba yang de bzhin no/ /'di ni rjes su dran pa'i yan lag lnga pa ste/ shes pa ces bya ba ni snying gar gnas pa'i sngags so/ /thabs ni de'i rin po che'o/ /de dag gi snyoms par 'jug pa ni yang dag par 'jug ste/ rin po che slar yang blang ste/ sngags kyi thig ler bzhag go zhes bya ba'i don to/ /dngos po thams cad ces bya pa ni nam mkha' i ngos su khyab pa'i 'khor lo la sogs pa bsdu ba'o/ /mdor bsdus zhes bya ba ni skad cig tsam gyis so/ /gong bu'i tshul gyis shes par bya ba ni srab mor byas te zhes bya ba'i don to/ /dbus su zhes bya ba ni rin po che'i nang du'o/ /gzugs ni zla ba 'am nyi ma'i gzugs su bsgom pa'o/ /de lta bu'i sbyor ba ni ting nge 'dzin ces bya ba'i ming can no/ /yid kyis zhes bya ba ni ye shes kyi khyab pa'o// rdzogs pa ni 'bad pa med pa ste/ sgrib pa rnam par zad par dgongs pa'o/ /'di ni ting nge 'dzin gyis yan lag go /de'i rjes su tshigs su bcad pa phyed po drug gis ni yan lag gi phan yon gsungs so/ /ting nge 'dzin dbang du gyur tsam gyis zhes bya ba ni ting nge 'dzin gyi yan lag gi ting nge 'dzin la dbang thob pas so/ /sgrib pa med pa dang ldan par 'gyur zhes byas pas ni snyoms par 'jug pa ni sgrib pa rnams yongs su zad pa'o/ /bsnyan pa zhes bya ba ste thabs dang po'o/ /snying po de

  256. 128b

    ni thugs ka ru zhes bya pa ni mngon par 'dod pa'i 'khor lo sgyur ba'i thugs ka'i sa bon gyi yi ge'o/ /zla ba ni de nyid kyi gdan no/ /rdo rje ni de nyid kyi mtshan ma ste/ zla ba'i rdo rje de gnyis nye bar mtshon pa'o/ /de'i sbyor ba ni de'i lte bar bkod pa ste/ des sems de'i mtshan nyid la lta ba'o/ /mtshon cha mchog ces bya ba ni sems de'i 'od zer spros pa ste/ de phyogs kun tu khyab pa'i sngags kyi lha'i bkod pa rnams bkug ste/ sems de la bstims nas sems de sngags kyis ngo bor bya'o/ /mtshon par bya zhes bya bar sbyar te/ da nas sngags denyid kyis 'khor lo sgyur ba'i dus su bskyed pa ni sngags kyi lus su rab sbyor ba'o/ /rgyu nges na byang chub tshigs bcad brjod pa ste byang chub ni sku de nyid yin la de rnam par dpyad pa tshigs su bcad pa ni byang chub tshigs bcad de/ le'u gnyis par gsungs pa brjod par bya'o/ /de nas sku dang gsung dang thugs dang ye shes rnams ji lta ba bzhin du zla pa dang rdo rje lnga pa bzhin du bsam par bya'o/ /de ni byang chub kyi sems rags pa ste/ 'dir byang chub ni phyag rgya chen po'o/ /semS ni tshigs su bcad pa ste/ de gnyis kar dgra ba'o phra mo brjod par bya ste/ de la mtsh+n ma phra mo'i nang gi shin tu phra ba'i gdan ni byang chub bo/ /de la gnas pa'i mchog tu phr ba'i sa bon ni sogs so/ /rang gi dkyil 'khor ni ye shes? kyi mtshan ma'o/ /der gnas pa ni de'i nang du 'gyur ba'o/ /de ci zhig ce na/ rang gi sngags so/ /ye shes gzugs kyis bsgom pa zhes bya ba ni mtshan ma phra mos yang dag par sbyar bar bya ste/ de'i thig le la mtshan ma phra mo bsam par bya zhes bya ba'i don to/ /ci ste mtshan ma phra mo gang gis mtshon par bya zhe na/ byang chub sbyor pa bsgom pa ste/ byang chub dang sbyor ba dang/ bsgom pa dag gis so/ /de la bsgom pa ni mtshan ma

  257. 129a

    phra mo las spros te/ sna tshogs pa la khyab pa'o/ /byang chub ni de dag nyid bsdus pa las byung ba'i mtshan ma phra mo nang du byung ba'i shin tu phra ba'i gdan no/ /yang dag sbyor ba ni mchog tu phra ba'i rang gi sngags kyis de nyid mnan pa'o/ /byang chub kyi sems de gnyig ni nye ba'i sgrub pa ste/ nye ba'i sgrub pa'i mngon par rtogs pa'o/ /dam tshig ni spyod pa gsum mo /de la dang po gsungs pa/ ji srid ces bya ba la sogs pa la ji srid ces bya ba ni zla drug phrag gcig dang gnyis dang gsum gyi bar du shes par bya ba'i don to/ /rnam pa gnyis mthong ba zhes bya ba ni gnyis su snang ba ste/ gnyis su med pa ma yin pa na zhes bya ba'i phyir to/ /thams cad du ni zhes bya ba ni gus pa ste/ shin tu dri mas dag ba'i sbyor ba zhes bya ba'i don to/ /rtag tu zhes bya ba ni rgyun mi 'chad par ro/ /dam tshig gnyis pa gsungs pa/ gal te zhes bya ba la sogs pa ji skad du gsungs pa ji lta ba bzhin du bshad pa ste/ gnyis med pa zhes bya ba'i don to/ /dam tshig dang pos zla ba drug pa gsum gyis ma grub na lan bzhi par brtsam par bya'o/ /ji skad bshad pa'i cho ga dang sdom pas zhes bya ba ni dka' ba'i spyod pa'o/ /'byung bar ma gyur ces bya ba ni gang gi tshe zhes bya ba dang sbyar te/ de nyid kyi bzhad pa ni mi grub pa zhes bya ba'i yin no/ /byang chub ni gnyis su med pa'i ye shes ces mo/ /rigs kyi zhes bya ba la sogs pas ni drag shul gyi sbyor ba nyid ston to/ / dbang du bya ba dang bsrung ba zhes bya ba ni de'i 'og tu phur bu bton la rjes su chags par bya'o/ /nye bar sgrub pa zhes bya ba ste/ thabs gnyis pa'o/ /chos 'byung ba nang du chud pa'i rim pa gnyis pa'i gzhal yas khang gi gdan dbus

  258. 129b

    ma mngon par byang chub pa rnam pa lngas rdo rje 'dzin pa dang snang ba'i rig pa la 'khyud pa'i snying ga'i sngags kyi 'od zer gyi sgo nas rigs lnga spros pa ni 'dod chags chen po'i tshul yin te/ mthar bya ba nas thams cad zhu pas mthar thug pa'i 'dod chags chen po'i thabs su bya bas na tshul lo/ /rgyu de nyid kyis de'i ting nge 'dzin la snyoms bar zhugs so zhes bya ba'i don to/ /ye shes 'khor lo can zhes bya ba ni ye shes sems dpa' i sa bon las spros pa sangs rgyas kyi 'khor lo'o/ /bsdu zhes bya ba ni rigs lnga'i de bzhin gshegs pa mdor bsdus te/ rang gi lus kyi nang du gzhug par bya'o/ /btsun mo dgu zhes bya ba ni rig pa'i lha mo dgu'o/ /spros nas zhes bya ba ni sangs rgyas de rnams spros pa'o/ /bsgrub bar bya zhes bya ba ni lhan cig skyes ba ste bcu ba'o/ / phyag rgya ba ni zhes bya ba ni 'byung ba bzhi'i lha mo ste sa bon gyi phyag rgya dang/ mtshan ma'i phyag rgya dang/ phyag rgya chen po las so/ /dkyil 'khor ni gzhal yas khang ngo/ /der lha mo bcu'i pad+ma bsdus par ro/ /bdag nyid ces bya ba ni bsgom par 'gyur ba'i rang gi lha'i ye shes kyi sems dpa' mdun du byon pa'o/ /dbus su zhes bya ba ni dbus kyi gdan la dgod pa'o/ /'khor can kun ces bya ba ni de rang lhan cig tu 'ongs pa'i rigs dam pa lnga'o/ /bsdu bar bya zhes bya ba ni gdan bzhi la lna mo bzhi'i gzugs su 'am gnas lnga rnams su sangs rgyas lnga'i gzugs so/ /rdo rje kun gyi dngos bya la zhes bya ba ni sangs rgyas lnga po'i rig pa dang ces pa rang gi snying gang bstim ste/ zhu bar gyur nas zhu ba de rdo rje'i lam nas 'dzag par pad+ma'i nang dkyil 'khor la dbang bskur te/ dkyil 'khor gyi lha rnams kyi ba spu'i bu ga nas lus kyi nang du zhu ba de zhugs pas de rnams kyang zhu bar gyur pa nges pa dang ma lang zhu bar gyur pa'o/ /rim pa 'dis thams cad byang chub sems kyi rang bzhin du byas nas

  259. 130a

    de'i 'og byang chub bsgom par bya'o/ /ji ltar zhe na/ bskul ba'i gla zhes bya ba la sogs pa smos te/ snying las zhes bya ba ni snying la ste/ zhu ba'i ro de nyid la'o/ /sangs rgyas thams cad kyi sku dang gsung dang thugs ni dus gsum mo/ /de rnams kyi rdo rje ni ro mnyam par gyur pa ste/ de nyid zhu ba'i ro'o/ /de'i rang bzhin ni bsdus pa las byung ba'o/ /sems ni gdan la gnas pa'i rang gi lha'i sa bon no/ /ye shes lta bu zhes bya ba ni ye shes sems dpa' dang 'dra ba'o/ /lus bsgom mo zhes bya ba ni rang gi lus bsgom pa'o/ /ji ltar bsgom zhe na/ sems des mtshan ma bsgoms la mtshan ma'i nang du yang sems so/ /de las dkyil 'khor pa thams cad spros te bsdu ba byas la/ gdan dang mtshan ma dang sngags rnams yongs su gyur pa las so/ /de'i rjes la tshigs rkang pa drug dang tshigs su bcad pa phyed dang bzhi'i rdo rje'i tshig bcu'i bshad pa'o/ /de yang sgrub pa chen po'i gzhung gi 'og tu blra bar bya ste/ de bas na de yang de nyid du bshad par bya'o/ /'di yis ni zhes bya ba ni 'dod chags chen po'i tshul la sogs pa'o/ /ye shes kyis zhes bya ba ni ye shes sems dpa' ste/ rten dang brten pa'i 'khor lo dang pha dang ma dag zhu ba de nyid la lus su bskyed pa'o/ /sku gsung thugs ni rdo rje yis zhes bya ba ni sems dpa' bzhis byin gyis brlabs pa dang bcas par ro/ /gnyis su med pa byed pa ni bsgom pa gang yin pa ste/ de ni bsgrub pa zhes bya ba'i don to/ /bsgrub pa zhes bya ba ste thabs gsum pa'o/ /sngar bshad pa'i le'u dang por bshad pa'o/ /bdag dang 'dra zhes bya ba ni rig pa'i pad+ma'i nang du sangs rgyas rnams zhu ba yongs su gyur pa las byung ba'i sa bon las dam pa'i rigs rnams spros nas bsdus ba las bskyed de bkod pa'o/ /dkyil 'khor ni

  260. 130b

    dkyil 'khor chen po'o/ /bskyed pa ni dbyung ba'o/ /sgrub pa chen po zhes bya ba thabs bzhi pa'o/ /dregs pa yis zhes bya ba la sogs pa la/ tshig drug pas dang po'i mdza' pa rnams bshad par bya'o/ /gsum pa'i mdza' ba rnams kyis ni 'chad pa'o/ / dbye zhes bya ba rnams ni bshad pa'o/ /gsum pa las ni rin chen chen po kha dog lnga zhes gsungs pa la de la wa na'i sgra ni dregs pas dbye ba ste/ de'i don dregs pa'o/ /myos bar byed par na dregs pa ste/ bde ba dang yid bde ba'o/ /dga' ba bzhi ni yid bde ba yin la/ de bsdus pa ni bde ba ste/ kha dog lnga po gang la yod pa de ni kha dog sna lnga ste/ sems kyi thig le'o/ /de dang gnyis su med par gyur pas na/ rin chen chen po kha dog lnga'o/ /ji ste lnga pa ji ltar kha dog yin zhe na/ bde ba'i thig le ni rjes su 'gro ba'i dbyangs yin pa dang/ kha dog bsgyur par byed pa yin te gla rtsi bzhin du mnyam pa nyid kyi ye shes yin pas/ dus gsum gyi sangs rgyas rnams kyi sku dang thugs la byug par byed pa'i phyir ro/ /snying po'i sgra ni dang po dang bcu gcig pa la sogs pa las byung ba'o/ /de ni ros phyi ba'o/ /ro ni snying po snying yin te/ dper na sku dang gsung dang thugs kyi snying po zhes bya ba dang sku dang gsung dang thugs kyi nyid khu zhes bya ba de bzhin du sngags rags pa ni nyid khu'o/ /mdor bsdus pa'i sngags sa bon la sogs pa ni snying po'o/ /de bzhin du sgrib pa med pas dag pa'i nam mkha' i dbyings kyang snying po dang nyid khu zhes bya'o/ /bcu gcig pa las sangs rgyas rgyu dang 'bras bu 'byung zhes gsungs pa la/ 'dir rgyu zhes bya ba'i sgra ni mtshan ma yang rdo rje dbang bskur ba yin pas dbang bskur gyis phye ba'o/ /'bras bu'i sgra ni bzhis phye bar shes par bya ste/ bzhi ni gdan de des phye ba zhes bya ba'i don to/ /chos mchog mi g.yo brnyes pa yang zhes bya ba la sogs

  261. 131a

    pa la/ chos kyi sgra gang yin pa de ni sngags kyis phye ba ste/ sngags kyi yi ge zhes bya ba'i don to/ /bcu gcig pa las sngags la gnas pa'i rin po che/ rig pa'i skyes bur brjod pa de la/ skyes bu'i ni sems rin po che yin par grags? ba nyid do/ /rig pa'i sgra ni chos kyi phyag rgyas phye ba ste/ de yang sa bon gyi yi ge'o/ /'khor lo sgyur ba rnams kyi dbu rgyan ni bsnyen pa la yang yod pas de'i zhor la sangs rgyas kyi dbu rgyan dang rig pa'i brtul zhugs bco lnga pa las rgyas par gsungs so/ / de la tshig rnam pa bzhi 'dir bshad par bya ste/ rgyal po zhes bya ba ni rgyal po rnams so/ /rdo rje spyan gyi gzugs la sogs/ /gtsug tor mnyes par byed par brjod ces bya ba der ro/ /rnam par grags zhes bya ba ni bsgrags shing bshad pa'o/ /longs spyod bzhi zhes bya ba ni dga' ma bzhi ste rig pa'i rgyal mo rab sbyor ba zhes bya ba der ro/ /'dod pa thams cad ces bya ba ni gang du shes par bya zhe na/ 'dod pa kun gyi sngags rnams la zhes bya ba der ro/ /de nyid kyi phyir thams cad las/ bye sngags rnams la zhes bya ba'i tshig 'byung ba ni mi rigs so/ /sngags rnams thams cad nyid las ni/ /rdo rje sems dpa' rnam par bsgom zhes bya ba der ci sangs rgyas kyi byang chub rdor je sems dpa' 'am/ yang na mi bskyod pa gang zhig yin zhes the tshom du gyur pa de nyid kyi phyir bsam gtan rdo rje zhes bya ba ste/ thams cad la mi bskyod pas dbang bskur ro zhes bya ba'i don te/ de ni bsam gtan lnga ba'i bdag nyid do zhes bya bar dgongs so/ /rdo rje tshigs bcu'i bshad pa'o/ /thabs bzhi rnams las gang du gyur pa cung zad cig bshad par 'dod nas bsnyen dus zhes bya ba la sogs pa smos te/ dmigs pa zhes bya ba yid la bya'o/ /sbyor ba nyid ces bya ba ni rnal 'byor gyis rang gi lha'i gzugs dang lhan cig gnyis su med par bya ba ste/ khro bo

  262. 131b

    rjes su dran pa bsgom mo zhes bya ba lhag ma yin no/ /bdud rtsi 'khyil pa'i gzugs zhes bya ba ni dmigs pa'i sbyor ba nyid ces bya ba dang sbyar te/ phur bus gdab bo zhes bya ba ni lhag ma yin no/ /lha'i sbyor ba zhes bya ba ni dam tshig gi lha dang ye shes kyi lha gnyis su med par bya'o zhes pa'i den to/ /sangs rgyas bdag po'i gtso bo zhes bya ba ni dam tshig gi dkyil 'khor dang ye shes kyi dkyil 'khor gnyis su med par bya'o/ /zhes bya ba'i don to/ /sngags pas chog shes pas zhes bya ba dang 'brel te/ /dngos grub mchog ni yang dag pa'i dngos grub go /ji lta bu zhig ce na/ mchog tu zhi ba zhes bya ba smos te/ bla na med pa'i byang chub sems bya ba'i don te/ /sangs rgyas rnams kyis kyang zhes bya ba ni shin tu la zla ba'o// thabs bzhi pa rnams gtso bo bzhi'o/ /don gsungs pa bsgrub par bya zhes bya ba la sogs pa la/ bsgrub bya ni byang chub kyi rang bzhin no/ /sgrub pa ni byang chub kyi rang bzhin no/ /sgrub pa ni byang chub kyi sems so/ /de'i yang dag par sbyor ba ni yang dag pa'i rnal 'byor de yan lag bzhi yis sgrub pa'i rin po che phra mo'i nang du yan lag gnyis kyis sgrub pa'i gdan phra mo bsgom pa nyid do/ /rdo rje ni mchog tu phra ba'i sa bon no/ /pad+ma'i mtshan ma phra mo'i nang gi shin tu phra ba'i gdan no/ /de dag gi mnyam sbyor ni yang dag bar sbyor ba ste cho ga bzhin du sgrub pa'i pad+mar rdo rje bsgoms pa nyid do/ /bskyod pa zhes bya ba ni dam tshig chen po'i dkyil 'khor gyi bdag po'o/ thabs zhu ba las chog bzhin du dkyil 'khor chen pa'i dbang phyug tu bya'o/ /hUM zhes bya ba ni de'i sa bon nye bar mtshon pa'o// phaT ces bya ba ni phyi rol gyi sa bon dgag pa'i phyir ro/ /ngo bo nyid ni sangs rgyas rnams so/ /rang gi bde ba ni rig ma rnams so/ /zhi ba'i sgo bsrung rnams so/ /gzhan yang bsgrub bya sgrub pa ni shes rab dang thabs so/ /rdo rje pad+ma zhes bya ba ni dbang po

  263. 132a

    gnyis so/ /bskyod ces bya ba ni ngal bud la bus so/ /hUM zhes bya ba ni rdo rje padmo dag gi'o/ /ka zhes bya ba ni sku'i sa bon te bar bsngags so/ /ral sogs pa zhes bya ba 'dod chags kyi sa bon te a'o/ /de dag ni nor bu gnyis kyi'o/ /phaT ni sngags ma bzhin no/ /ye shes skyes pa las dmigs pa'i ting nge 'dzin ni ngo bo nyid do/ /de'i bde ba'i rang bzhin ni rang gi bde ba'o/ /de nyid las gzhan la mi dmigs pa ni zhi ba ste/ thabs? rnam pa bzhi'o/ / thabs las byung ba'i dra? ba'i tshigs su bcad pa'i lan gsungs ba dpal ldan zhes bya ba la sogs pa la/ dpal ni rig ma rnams/ /sangs rgyas kun gyi bdag ni de bzhin gshegs pa la'o/ /rdo rje 'dzin ? ni gshin rje gshed la sogs pa rnams so/ /gnas ni dkyil 'khor gyi rang bzhin can yin pas so/ /de ltar gsang ba 'dus pa'i bdag nyid can gyi bcom ldan 'das 'dis ni sangs rgyas kun gyi thabs byung ngo/ /de nyid chos rnams kyi chos nyid de bcom ldan 'das de nyid chos dkar po thams cad shin tu rnam par dag pa'i de bzhin nyid sangs rgyas thams cad kyi thun mong gi chos kyi sku gang yin pa ste/ gang gi dbang gis de rnams longs spyod rdzogs pa'i sku dang sprul pa'i skus bdag dang/ gzhan gyi don phun sum tshogs pa'i mthar thug pa ste/ thabs las byung pa'o/ /thabs bzhi po 'di dag gsungs pa gang yin pa de rnams kyi nang nas cig gcig gis kyang sangs rgyas nyid rtogs par 'gyur ram/ 'on te ma lus pas yin zhes 'di dpyad bar bya'o/ /ma lus pas zhes bya ba ni grub pa'i mdza' yin no/ /de ji ltar zhe na gsum pos rim gyis de dang de'i khyad par grub pa yod na bzhi bar 'bras bu ma lus pa 'grub ba'i phyir ro/ /de ltar na bsnyan pa ni chos

  264. 132b

    thams cad rnam par rig pa tsam nyid dang nye bar sgrub pa la ni nam mkha' dang mnyam ba nyid dang sgrub pa la ni dag ba'i nam mkha' i dbyings nyid dang sgrub pa chen po la ni shin tu rnam par dag pa'i nam mkha' i dbyings nyid du mngon sum du gyur pa byang chub yin no/ /gzhan yang bsnyen pa la ni sangs rgyas kyi chos rnams kyi khams rgyas pa dang/ nye bar sgrub pa la ni skye par 'gyur pa dang/ sgrub pa la ni dag pa dang sgrub pa chen po la shin tu rnam par dag pa nyid dang yang dag par ston pa la/ dbang du gyur pa nyid do/ /gzhan yang re zhig bsnyen pas ni mos pas spyid pa'i sa nyid dang/ nye bar sgrub pa thob pa rab tu dga' ba la sogs pa lhag pa'i bsam ba rnam par dag pa'i sa bdun dang/ sgrub pas thob pa mi g.yo ba la sogs pa rnam par smin pa'i sa gsum dang sgrub pa chen pos thob par bya ba ni sangs rgyas kyi sa nyid yin no/ zhes bshad par bya'o/ /gzhan yang dngos grub mchog gi phyir zhing du gyur ba ni bsnyen pa'i don yin la/ de ma lus pa ma yin par sgrub pa ni nye bar sgrub pa'i don yin zhing/ ma lus par sgrub pa ni sgrub pa'i don yin la/ shin tu sgrub pa ni sgrub pa chen po'i don yin la/ shin tu rnam par dag pa dang longs spyod la dbang ba la sogs pa yongs su spyod bde sgrub pa'i phyir ro/ /bsnyen pa ni 'dis ni de bzhin gshegs pa'i sku/ rdo rje 'dzin pa'i thugs dang ni/ /chos 'dzin mchog gi gsungs dag kyang/ /tshe 'di nyid la thob par 'gyur/ zhes gsungs pa yin no/ /nye bar sgrub pa ni/ rdo rje gsum mkha' 'dra pa yis/ /byang chub 'di gyis thob par 'gyur/ /byang chub sems dpa' rgyal rgya mtsho/ /rdo rje sems dpa' i mchog des thob/ /ces gsungs pa yin te/ 'dir rgyal pa ni sangs rgyas kyi chos rnams so/ /sgrub pa'i

  265. 133a

    'bras bu bco lnga ba las/ bsam gtan sngags kyi sbyor ba yis/ /sangs rgyas kyis ni 'od 'dra 'gyur/ /de ni de ma thag tu yang/ /rdo rje sems dpa' 'od 'dra 'gyur/ /rgyal po chos rnams thams cad mtshungs ? 'dod dang thar pa rab sgrub pa/ /de ni rdo rje chos kyi dag/ sa bcu la ni gnas par 'gyur/ zhes gsungs pa yin te/ 'dir sa bcu dbang phyug nyid yin pa'i phyir sangs rgyas dang mnyam par 'gyur byin te/ sangs rgyas nyid ni ma yin te de bas na rnam par snang mdzad la sogs pa 'od dang 'dra ba zhes gsungs pa yin no/ /sangs rgyas kyi chos thams cad nyid dang mnyam pa yin gyi shin tu rnam par dag pa dang ni ma yin pa des na chos rnams kun dang mtshungs zhes gsungs ba yin no/ /rgyal po ni rnam par mi rtog pa la dbang du gyur pa dang zhing las dbang du gyur pa dang/ ye shes la dbang du gyur pa dang/ las/ la dbang du gyur bas so/ /slob pa'i sa ni thams cad 'dod pa dang bcas pa nyid kyi phyir ro/ /de'i sgrib pa las rnam par grol ba ni 'dod ba'i thar pa ste/ der rab sgrub pa ni de thob par byed pa'i phyir ro/ /sgrub pa chen po'i 'bras bu ni bcu drug pa las/ dngos grub thams cad gtsug tor ni /yid bzhin nor bu'i bdag por 'gyur/ /sangs rgyas byang chub byed pa'i mchog /sangs rgyas rdo rjer rab bsgoms pa'o/ /zhes gsungs pa yin te/ 'dir dngos grub thams cad gtsug tor ni rtse mo ste/ yang dag par rdzogs pa'i sangs rgyas zhes bya ba'i don to/ /de ni yid bzhin gyi nor bu'i rgyal po de dang chos mthun pa'i phyir lhun gyis 'grub pa rnam pa thams cad du sangs rgyas kyi sku rgyun mi 'chad par 'jug pa'o/ /yang dag par rdzogs pa'i byang chub de ni mchog ste dam pa'i sgrub

  266. 133b

    pa'o/ /sangs rgyas rdo rje rab bsgoms pa st+t/ sangs rgyas ni dkyil 'khor gyi bdag po yin la/ de las rdo rje rab tu bsgom pa ni gsang? ba gsum po dkyil 'khor pa'i rnam par rab tu rnam par phyi nas bsgom pa ste/ sgrub pa chen po zhes bya ba'i don to/ /de bas na tshogs pa bzhi po ma lus pa 'di dag gi rim pa 'di nyid kyis sangs rgyas nyid rtogs par 'gyur gyi ma lus pa ma yin zhing/ rim pa gzhan gyis kyang ma yin no zhes bya ba ni res bo yin no/ /gal te 'di ltar re zhig sangs rgyas nyid sgrub pa chen po nyid kyis 'thob par 'gyur na de nyid kyis chog mod/ gzhan gsum pos ci zhig bya zhe na/ byang chub sems dpa' rnams sangs rgyas sa la 'jug pa'i ched kyi sbyor ba gang yin pa de nyid chog namos pas spyod pa la sogs pas sa bcur gtogs pa'i sbyor ba gzhan gyis ci zhig bya zhes ci'i phyir mi 'dod yang nas snga mar gtogs pa'i sbyor ba med par sbyor ba phyi ma phyi mar? byed par nus pa ma yin te rim pa ni nges pa'i phyir ro/ /byed pa nyid 'di gang yin pa de nyid ni ma yin no/ /'o na ci yin zhe na/ de'i gzugs brnyan tsam yin te/ de'i gzugs brnyan ni de'i bya ba byed pa ma yin no/ /de bas de rnams 'bras bu med pa ma yin no snyam na de bzhin du bsnyen ba la sogs pa la yang snga ma snga ma med par nye bar sgrub pa la sogs pa byed pa gang yin pa de ni gzugs brnyan tsam yin gyi de nyid ni ma yin pa de ltar na/ de las 'bras bu 'grub pa ma yin no/ /de bas na gcig kyang don med pa ma yin no/ /'o na ji ltar na bsgrub pa chen po las sangs rgyas nyid du 'gyur zhes brjod ce na gsum po dag las rim gyis rtog pa'i sa la gnas pa des mthar thu pa thob bar byed pa'i phyir ro/ /yid kyi chos gang dag goms pa bogs phyin par gyur pa de dag shin tu goms par byas pa na rab kyi mthar

  267. 134a

    thug pa thob par 'gyur ba srid de/ bram ze gtsang mar spyod pa rnams thod pa can la dga' ba bzhin no/ /bdag cag lta bu'i snying rje dang shes rab la sogs pa yang de lta bur gyur pa'o zhes bya ba ni rang bzhin gyi gtan tshigs so/ /de bas na 'di ni rang rgyud rigs mthun pa rnams la snying rje la sogs pa rab kyi mthar thug par srid par rjes su dpog pa yin te/ de dag nyid kyis de rnams sangs rgyas kyi chos rnams dang/ byang chub tu 'gyur ba srid pa yang rjes su dpog go/ 'gyur ba de yang nyan thos dang pha rol tu phyin pa'i tshul gyis ni sdug bsngal dang dka' thub kyi rnam pa thams cad kyis pha rol tu phyin pa rnams goms par byas bas bskal ba zangs med pa gsum du bsgrub pas so/ /rnal 'byor gyi rgyud kyis ni sngags dang phyag rgyal sogs pa'i thabs dpag tu med pas sngags kyi lha rnams kyis byin gyis brlabs bde ba dang bde bar spyod pas ring po mi thogs par tshe 'di nyid la rab tu dga' ba'i sa bon thob nas/ tshe bcu drug gis sangs rgyas thob par 'gyur ba nyid do/ /gsang ba 'dus pa ni rgyud rnams kyis bla ma'i bla ma ste/ tshe 'di nyid la byang chub thob par 'gyur ba'i thabs kyi phul du phyin pa yin par gsungs te/ 'di ltar 'dir sngags kyi lha thams cad kyis byin gyis rlob par 'gyur ba'i rgyur yan lag drug giS ting nge 'dzin dbang du byed do/ /nye bar sgrub pas ni rnam par mi rtog pa'i dbyings su 'jug go/ sgrub pas ni de nyid rnam par dag pa'i mthar thug pa'i byang chub sems dpa' ro/ /sgrub pa chen pos ni de bzhin gshegs par ro/ /de skad du yang de ltar bye brag rtogs bya sa nas/ dngos grub mchog ni bsgrub bar bya/ /gzhan du bskal ba stong du ni/ /sangs rgyas skyob pa rnams kyis kyang/ /dngos grub mchog

  268. 134b

    ni zhi pa dag/ 'gub pa 'byung bar mi 'gyur ro/ /zhes gsungs so/ /de bas na bsnyen pa la sogs pa'i thabs rnams ma lus pa'i rim gyis/ byang chub thob par 'gyur ro zhes bya ba 'di ni gnas pa yin no/ /rnal 'byor rdo rje can gyi bka' ni ji ltar bsgo bar gyi/ /zhes zhus pa'i rim pa'i don dang la bskang ba'i don de'i lan ni las dang zhes bya ba la sogs pa gsum pa la/ drag shul gyi las dang rjes su mthun pa gang gis sbyor ba'i le'u bcu gsum pa las kyang gsungs pa ste/ khro dang gnag pa'i sku rdo rje la sogs pa'i rnal 'byor ro/ /rnal 'byor ba yis de dmigs te/ dkyil 'khor de dang de zhes bya ba ni bcu gsum pa las gang dang gang gsungs pa'o/ /dam tshig ces bya ba ni dam tshig go /sku gsung thugs kyi sbyor ba can zhes bya ba la sogs pa'i tshigs su bcad pa gnyis pa'i rang bzhin can gyis so/ /dam tshig ces bya ba ni bdag dang gnas dang lha la sogs pas/ /dang bar zhes bya ba ni thog ma nyid du'o/ /sku zhes bya ba la sogs pa la sku la sogs pa'i rdo rje 'am gtsug tor gyi dam tshig ste rnal 'byor ro/ /cho ga ji skad gsungs pa'i rnam pa des gang la byung zhing skye ba mnga' ste/ khro bo bcus byin gyis brlabs pa'i 'khor lo rtsibs bcu pa'i bdag por byung ba'i don te/ /las ni de de'i zhes bya ba bsad pa dang yan lag bshig pa pa la sogs pa'o/ /rang gi 'khor lo ni rang gi 'khor lo'o/ /sgrub pa ni bsgrub bya nyid do/ /dkyil 'khor zhes bya ba ni phung po la sogs pa la lha de rnams kyis byin brlabs pa'o/ /de'i lus gnas 'khor lo can zhes bya ba ni 'khor lo can de rnams la'o/ /byung bar gyur pa zhes bya ba ni de'i lus las so/ /dngos po kun gyi ni bdag nyid thams cad kyis so/ /gzugs brnyan ni bcos ma'i lus so/ /bsad phyir zhes bya ba ni bsad pa'i phyir ro/ /

  269. 135a

    bsgrub bya zhes bya ba ni bsgrub par bya'o/ /rdo rje can zhes bya ba ni sgrub pa po nyid rdo rje can yin no zhes bya ba'i don to/ /khro bo'i rgyal po des zhes bya ba ni phro bo'i rgyal po de rnams kyis so/ /rdo rje gsum gyis zhes bya ba ni rdo rje gsum la'o/ /sngags pa zhes bya ba ni sngags pas so/ /sna tshogs zhes bya ba ni rnam pa sna tshogs pas so/ /du ma las byung zhes bya ba ni sna tshogs pa'i rgyu can no/ /gzugs zhes bya ba ni gzugs brnyan rnams so/ /de la zhes bya ba ni gzugs brnyan no/ /rang la zhes bya ba ni rang gis so/ /gang du de zhes 'byung ba der ni sgrub pa po zhes bya ba'i don to/ /sbyor ba thams cad ni rtsom pa thams cad do/ /zos par gyur pa zhes bya ba ni zos bzhin par ro/ /bka' bsgo ba'i 'khor lo'o/ /las kyis tshogs rnams la sgrub pa po'i sems la sna tshogs par ji ltar bgyi bar 'gyur zhes dri ba zhus pa de'i lan tshigs su bcad pas gsungs pa ni/ zhi ba'i sems ni byams pa'i sems so/ /rgyas pa'i yid ni dga' ba'i sems so //chags pa'i yid ni rjes su chags pa dang/ bcas pa'i sems te/ gsum po 'di dag byas nas zhi ba la sogs pa'i las rnams rab tu bsgrub par bya'o/ /gsum pa ni khro bo'i la la gtum pas rab tu bsgrub par bya zhes bya ba tshigs su bcad pa'i don yin no/ /thams cad sku zhes bya ba la sogs pa la khyod ces bya ba ni khyed rnams la'o/ /sems can thams cad kyi lus ni thams cad sku ste/ de la lus 'di rnams mnga' ba zhes bya ba ni 'bru mang po ste/ bar gyi tshigs mi mngon par byas pa'o/ /de bzhin du bya ba lhag ma rnams la yang ngo/ /mdzad pa ni bya ba ste phrin las zhes bya ba'i don to /de skad du de bzhin gshegs pa gsang ba bstan pa'i mdo las/ gzugs dang/ sgra dang/ yid

  270. 135b

    kyi g.yo ba thams cad go rim bzhin du de bzhin gshegs pa thams cad kyi sku dang gsung dang thugs kyi gsang ba'i rjes su 'gro ba yin no/ /zhes gsungs pa yin no/ /de nyid kyi phyir sku gsung thugs ni zhes bya ba la sogs pa'i rgal ba yin te/ gang dag la sku dang gsung dang thugs kyi rdo rje mnga' ba de rnams la de skad ces bya ste/ sangs rgyas thams cad ces bya ba'i don to/ /de rnams kyi sku dang gsung dang thugs gang yin 'od thob par 'gyur bas na/ sems can thams cad nyid sangs rgyas yin no/ /sangs rgyas ci 'dra ba yin zhe na/ mnyam med mnyam ste rdo rje 'chang chen po dang mnyam pa nyid yin gyi/ chos kyi dbyings kyis so sor khyab btsam gyis sangs rgyas nyid ni ma yin no/ /de rnams kyi nang nas bsgrub byas su yin sgrub pa po gang rdo rje'i sku can nyid las gzhan 'ga' zhig kyang yod pa ma yin zhing tshul khrims shin tu rnam par dag pa nyid kyi phyr gsod pa po 'ga' yang med pa de'i phyir/ drag shul gyi 'grub par mi 'gyur ro zhes bya ba rgal ba'o/ /gal te gsang ba gsum gyi rjes su 'gro ba 'am/ chos kyi chos de rnams kyis thob pa yin gyi/ rnam pa thams cad kyis ni ma yin no zhe na/ de ltar na sangs rgyas rnams kyi rten gsod pa na/ sangs rgyas gsod pa la sogs pa ni/ sgrub pa'i dbang po zhes bya ba la sogs pa rgal ba yin te/ sgrub pa po bdag nyid chen po'i mtshams med pa 'am/ mtshams med pa 'dra ba'i ji ltar sdig pas gos mi 'gyur/ 'on te gos par 'gyur ba nyid yin na/ de'i tshe gang las 'grub bar 'gyur zhe na/ legs so legs so zhes bya ba la zhus pa zhes bya ba ni lhag ma'o/ /tshigs su bcad pa 'di la sems pa ni/ sems can la phan pa'i bsam pa yin la bdag nyid ni de'i spobs pa yin zhing/ gsungs dbyangs ni de zhu ba'o/ /chen po ni gsum po de rnams kyis sangs rgyas rnams mnyes par

  271. 136a

    bya'o/ /de nas slob dpon zhes bya ba la sogs pa ni lan yin te/ slob dpon ni sgrub pa chen po'i mthar thug par gnas ba dang de'i rnal 'byor pa gnas pa'o/ /byang chub ces bya ba ni rang nyid rdo rje ? gi bdag nyid do/ /dpal ldan sangs rgyas kun gyi bdag /rdo rje can zhes bya ba ni sangs rgyas dang rig ma bcu dang khro bo bzhis longs su bskor ba'o/ /de yang bsgrub par bya ba la sogs pa'i dngos po rnams thams cad sgyu ma'i rnam ba ste/ sgyu ma'i glang po la sogs pa bzhin du'o// bdag rang nyid ma rmongs pa nyid du skyed pa dang/ sdud par mdzad pa'o/ /rgyu des na de'i sdig tu mi 'gyur te/ sdig pa skye bar mi 'gyur ba'i phyir sdig pa dang ldan pa mi dmigs pa'i phyir te/ rdo rje 'dzin pa'i spyod pa rmas du byung ba tsam la sems mnyam par 'jog ba'i phyir ro/ /bsod nams kyang ni de bzhin no zhes bya ba ni/ bsod nams nyid de la 'byung bar 'gyur te/ de yang de la de bzhin du yod pa nyid ma yin te/ bsod nams de dang ldan nges dmigs su med pa'i phyir ro/ /zhes bya ba'i don to/ /tshul 'dis ni gang la sdig pa mdo pa ste/ sdig pa rnams shin tu ma skyes ba'i phyir dang/ bsod nams nye bar bsags ba'i phyir dang/ gnyi ga yang dmigs su med pa'i phyir ro/ /gang la bsod nams kyang med pa ste/ bsod nams dang bsod nams dang ldan pa dang/ bsod nams kyi 'bras bu dmigs su med pa'i phyir ro/ /sangs rgyas rnams kyis de'i byang chub yin par gsungs te/ ye shes dang bsod nams kyi tshogs dag cig car sbyangs pa'i phyir dang rdzogs pa'i phyir ro/ /gal te sgrub pa po yang de ltar don med par mi 'gyur na yang/ des sems can rnams kyang don med par byas par gyur pa ma yin nam zhe na/ 'dir mgon po zhes bya ba la sogs pa gsungs te/

  272. 136b

    ji ltar sgyu ma mkhan gyi/ sgyu ma'i glang po la sogs pa yang dag par bstan pa ni rmongs pa rnams bslu ba yin pa de bzhin du/ mgon po de'i zhes bya ba sgrub pa po thugs brtse ba can gyi sems can gdug pa 'joms ba ni rmongs pa ste/ lus can thams cad bslu ba yin no/ /'di ltar thabs des gdug pa de rnams mtshams med pa la sogs pa las bzlog pa'i rgyu can des ngan 'gror skye bar mi 'gyur zhing/ byang chub kyang rnyed sla bar 'gyur te/ sangs rgyas kyi ye shes kyis rgyas btab pa'i phyir ro/ /gang gi tshe sdon gyi las kyi dbang gis de rnams dmyal ba rnams su skye bar 'gyur ba de'i tshe/ de rnams kyi dmyal ba rnams su 'gyur na yang 'bras bu chen po ni gang de rnams kyi sangs rgyas kyi ye shes gyis rgyas btab par 'gyur te/ 'di ltar 'di dmyal ba de las 'phos nas ring por mi thogs par 'tshang rgya bar 'gyur ro/ /gang gis de ltar byas pa'i rgyu des 'di zhes bya ba'i gdug pa'i las kyi mtshan nyid sems can rnams la mchog tu phan gtags pa'o/ /de nyid kyi phyir byang chub rdo rje can te rnal 'byor pa rnams kyis bsgrub byar shes par bya ste/ rnal 'byor la gnas pa'i slob dpon gyis bya ba yin par shes bar bya'o/ /tshar gcod pa zhes bya ba la sogs pa la gang gis de ltar byas pa de/ ji ltar sems can rnams la phan 'dogs par bye pa las zhib la sogs pa bya ba de bzhin du/ tshar gcod pa drag po'i las kyang bya ba yin te/ de yang mchog tu phan 'dogs pa nyid yin pa'i phyir ro/ /'o na ji ltar tshar gcod pa zhes bya zhe na/ rmongs pa rnams la tshar gcod pa dang 'dra bar snang ba'i phyir te/ kha ba dang tsha ba'i sman chen po lta bu'o/ /bdag nyid chen po zhes bya ba ni bsam pa chen po ste/ thugs rdo rje can zhes bya ba'i don te/ de la ji las dang po pas kyang de ltar bya ba'am zhe na/ ma yin no zhes bstan pa'i phyir/ sgrub pa chen po'i

  273. 137a

    zhes bya ba la sogs pa gsungs pa ste/ yan lag drug gis bsnyen pa la sogs pa nas/ sgrub pa chen po'i mthar thug gi bar du rtogs par byas nas de'i 'og tu drag po'i las brtsam bar bya ste/ de'i tshe ye shes dang mthun bar sbyor ba byas ba ni mchog tu phan pa 'dogs bar byed ba yin pa'i phyir ro/ /bzlas ba la sogs ba tsam gyis kyang las rnams 'grub ba ma yin nam zhe na/ 'grub par 'gyur ba ni bden mod kyi nges par byas ba ma yin gyi tshar gcod ni ma yin te/ gang gi tshe de mchog tu phan 'dogs par gyur pa de'i tshe/ bya ba yin no bya bar dgongs so/ /rdo rje can thams cad ni sangs rgyas thams cad do/ /thugs rje chen po las byung ba'i tshul gyis lam ni thugs rje chen bo'i tshul te/ ji skad gsungs pa'i drag po'i las so/ /gsal bar byed ba'i chos te de thos pas so/ /dga' zhing rab tu dga' ba la yang dag par mgu ba ni/ chung du dang 'bring dang chen bo'i rim gyis dga' ba thob pa'i phyir ro/ /mgon po chen po zhes bya ba ni thabs thams cad kyis gzhan gyi don byed pa'i phyir ro/ /thub pa chen po zhes bya ba la thub ba chen po chen po rnams te/ rtag tu shin tu rnam bar dag ba'i sku dang gsung dang thugs kyi phrin las can nyid yin pa'i phyir ro/ /chos rnams chen po zhes bya ba ni rnam pa thams cad du/ kha na ma thob med pa'i chos rnams ston bar mdzad pa nyid kyi phyir re?/ /gsum po de dag nyid kyis na thugs rje chen po'o/ /kun tu bzang po'i zhes bya ba ni snying stobs dang rdul dang/ mun ba rnams kyis gzhan gyi don la gcig tu gzhol ba'i byang chub kyi sems so/ /gdug ba'i mi zang las byas pa gang yin pa des kyang bsgrub par bya ba dang/ sgrub pa bo dag sangs rgyas nyid du rdzogs par mdzad ba'o/ /de bzhin gshegs ba thams cad kyis dbang bskur ba

  274. 137b

    ni rnam pa gsum gyis dbang bskur pa'o/ /des gsang ba 'dus ba'i dkyil 'khor du dbang bskur ba'i sngags pa gang yin ba des drag po'i las la sogs pa 'di la skrag ba la sogs pa mi bya'o/ /byang chub rdo rje ni kun tu bzang po'i thugs bskyed ba'o/ /rnam pa tsam gyis na zhi sdang yin la/ byang chub kyi sems kyi rgyu mthun pa nyid yin pa'i phyir/ rdo rje yin bas na zhe sdang rdo rje'o/ /sogs pa'i sgras ni 'dod chags rdo rje la sogs pa de dag thams cad ni mchod pa chen po yin no/ zhes bya ba'i don to/ /sgrub bar bya ba rnams la mchog tu phan 'dogs bas sangs rgyas thams cad yang dag par mnyes par byas pas zhes bya ba'i don to/ /de bas na 'di rnams su yang spang bar mi bya'o/ /'di ltar sngags kyi rgyun ni rnam pa du ma'i sngags bsdus pa ste/ shes pa dang skyob par byed pa'i phyir sngags te/ thabs dang shes rab kyi bdag nyid can gyi byang chub kyi sems so/ /de'i bsdus pa ni yang dag bar ston par mdzad ba'i ston pa ste/ de skad du yang/ gang du 'di blos rtogs bar ma gyur pa/ /der na de bzhin gshegs pa dbang mdzad 'gyur/ bdag gis mi shes rgyal ba rnams kyis mkhyen byang chub mdza' yas bde bar gshegs pas gsungs/ /zhes gsungs ba yin no/ /thugs rje chen po'i tshul lo/ /de bzhin gshegs pa la mngon bar bstod do/ zhes bya ba la byang chub rdo rje nyid de bzhin gshegs ba thams cad kyi ngo bo nyid kyi sku yin la/ dkyil 'khor pa rnams ni longs spyod rdzogs ba yin zhing phyag rgya la sogs par sprul pa ni sbrul ba yin la/ lhag ma rnams ni des byin gyis brlabs pa nyid kyi phyir/ de'i rang bzhin yin pas na de rnams kyi yon tan brjod ba'i tshigs su bcad pa rnams kyis/ de bzhin gshegs pa nyid la bstong par gyur ba yin no zhes bya bar dgongs so/ /gang yin zhes bya ba ni bcom ldan 'das dkyil

  275. 138a

    'khor chen po'i dbang phyug go /dus gsum zhes bya ba ni dus gsum gyi sangs rgyas rnams kyi gzugs chogs te/ so sor sdud pa'i sgo nas so/ /rdo rje ni de rnams nyid kyis sems kyi tshogs te/ bsam gtan gyis so/ /phun tshogs 'byung ni de rnams kyi tshor ba'i tshogs te sog dang rtsol bas so/ /dngos zhes bya ba ni de nyid bsgoms pas brten bar gyur ba ste 'dzin bas so/ /grol ba ni spro ba la dbang du gyur pa ste rjes su dran ba rnams kyis so/ / gyur pa ni yongs su gtugs te/ ting nge 'dzin gyi yan lag gis so/ /zhi ba ni rnam par mi rtog cing dmigs su med ba ste/ nye bar bsgrub pas so/ /sgrib med nam mkha' dag gi ngo bo nyid ni sgrub ba pas so/ /lhag ma ni sgrub pa chen po ste/ sangs rgyas lhag sangs rgyas ni/ de bzhin gshegs pa rnams so/ /dbang phyug mchog ni dga' ma rnams so/ /byang chub rdo rje ni sgo skyod rnams so/ /gang yin de la zhes bya ba ni bcom ldan 'das nyid yin pas pho rtags so/ /lhag ma rnams ni thugs nyid yin pa'i phyir ma ning gi rtags so/ /dkyil 'khor chen po'i bdag po la bstod bas bstod pa'o/ /nam mkha' i ni skyes ba dang bud med kyi lha rnams kyi lhan cig skyes ba'i thabs rnams dang rig ma rnams so/ /byang chub sems ni rdo rje 'dzin pa ste/ de dang 'dra ba ni des skyed pa'i phyir ro/ /rgya chen zhes bya ba ni rdzu 'phrul chen po dang ldan pas so/ /de rnams la zhes bya ba ni dkyil 'khor chen po'i dkyil 'khor la bstod pas so/ /gti mug ces bya ba la sogs pa la chos ni sngags so/ /sngags gang yin zhe na/ gti mug zhe sdang de bzhin 'dod chags rdo rje bcas pa ste/ gti mug dang zhe sdang dang 'dod chags dang rdo rje ste/ longs spyod bzhi zhes bya ba'i don to/ /'dir chos la sogs

  276. 138b

    pa bzhi ni dang po'i don gyis gnyis pa'o/ /rtag tu rgyun chags zhes bya ba ni bsgom pa'i rgyun chags so/ /rnam pa ni bye brag mang po'o/ /sna tshogs pa ni ngo mtshar du gyur pa'o/ /dga' ba ni de rnams bdag gi rang bzhin no/ /myos pa'i dngos po ni de la lhag par zhes pa'o/ /der gyur pa ni thob pa ste/ de la phyag 'tshal ba'o/ /longs spyod kyi dkyil 'khor la bstod bas bstong ba'o/ /rdo rje'i dkyil 'khor rnam ba gnyis las longs spyod kyi dkyil 'khor la ji ltar de bzhin du bzlas ba'i dkyil 'khor yin no/ /de la longs spyod kyi dkyil 'khor gyis ni ting nge 'dzin 'grub la/ bzlas ba'i dkyil 'khor gyis ni/ rdo rje ye shes 'grub ste/ bcu gsum pa las ting 'dzin ye shes rdo rje dag /rdo rje'i dkyil 'khor gyis 'grub 'gyur/ zhes gsungs so/ gang yang gzung dang zhes bya ba la sogs pa la/ son ba'i chos zhes bya ba ni dang po'i don gyis gnyis pa'o/ /chos zhes bya ba'i sgra ni 'dir ye shes kyi tshig go /gang zhes bya ba ni chos gang dag yin pa'o/ /kha cig la ni yongs su gzung ba zhes 'byung ste/ der ni dag dang de ni rtag tu 'brel pa yin pas gang zhes bya ba don gyis shes bar bya ba'o/ /ji lta bu chos shes na/ sems kyi rang bzhin du son ba ste/ 'khor lo ser po rtsibs bcu ba la gnas pa zhes bya ba'i don to/ /ste zhes bya ba tshig kha bskad ba'o/ /ji lta bu'i chos yin zhe na/ gzung ba dang dga' ba dang/ rnam pa dang/ mi g.yo ba dang/ rgyu dang 'bras bu dang drug ste/ gzung ba zhes bya ba ni 'dzin pa nyid do/ /rmongs ba zhes bya ba la sogs ba bzhi ni rdo rje ste/ gti mug la sogs pa ni mthar byed rnams so/ /de rnams kyang 'gog pa'i 'khor lo la ni mtshan ma'i rnam pa yin la/ bsrung ba'i 'khor lo la ni lus can no/ /khro bo'i 'khor lo la bstod bas bstod ba'o/ /gang zhig gis zhes bya ba la

  277. 139a

    sogs pa la rnam dag ni so sor dag pa'o/ /'di zhes bya ba ni 'di dag go/ /'di la thog ma med pa'i ngo bo yod bas na thog ma med dngos so/ /shes rab thabs dag ni 'dod chags chen po'i tshul sogs pa'i rim byas? bskyed pa'i rim pa'i skyes bu'o/ /dpe dang bral bas nas dpe med pa'o/ /de lta bu'i lha rnams shin tu bsgom pa ni/ gsang ba la sogs pa'i sbyor bas te/ de la gsang ba ni sku rdo rje la sogs pa'o/ /dbang bskur ba ni sangs rgyas kyi cod pan no/ /brtul zhugs ni rig ba dang yang dag bar sbyor ba'o/ /sdom pa ni bla na med ba'i bde ba ste/ sgom pa po de yang rdo rje 'dzin pa dang 'dra bar blta'o/ /de nyid kyi phyir gsungs ba/ byang chub rdo rje zhes bya ba la sogs pa smos te rnal 'byor pa la bstod bas bstod pa'o/ /gang zhig ces bya ba la sogs pa la nye bar sgrub pa dang sgrub pa dang sgrub pa chen po zhes bya ba ni/ nye bar sgrub pa dang sgrub pa dang sgrub ba chen po rnams zhes bya ba'i don to/ /blo mi g.yo ba zhes bya ba ni migs? g.yo ba'i blo yod ba'o/ /sgrub ba'i dbang po zhes bya ba ni dngos grub mchog gi sgrub pa po yin pa'i phyir ro/ /gang zhig ces bya ba la sogs ba la thun bzhi zhes bya ba ni/ thun mtshams bzhir byas pa'o/ /rdo rje bzhi zhes bya ba ni/ rdo rje bzhi po rnams kyis so/ /mi snang ba la sogs pa zhes bya ba ni/ mi snang ba la sogs pa'i thun mong gi dngos grub du ma rnams zhes bya ba'i don to/ /ma nyams ba zhes bya ba ni mtshang ba med pa'i lam 'di'i rtogs pa ni khong du chud pa'o/ /dngos grub gnyis kyi sgrub ba po la bstod ba gnyis kyis bstod pa'o/ /nyan ba zhes bya ba ni/ gzhan las gzhung dang don 'dzin pa'o/ /'don pa ni rang nyid 'don bar byed bas na/ rang 'don par byed pa ste/ thos pa rnams de bzhin du/

  278. 139b

    yang dag par dpyad bas/ rang nyid goms bar byed ces bya ba'i bar du'o/ /'dir 'don ba'i yul du byas pa ste/ des byas pa'o/ /klog ba zhes bya ba ni tshig tu brjod pas so/ /sems dpa' dang zhes bya ba ni the tshom bcad bar bya ba'i phyir/ rang dam gzhan pas yang dag pa'i rigs pa dang/ rigs pa'i yul las 'das pa la yang/ bcom ldan 'das nyid chad mar byas pas rnam par dbyod pa'o/ /gsang ba 'dus pa la mngon par brtson pa rnams la bstod pas bstan pa'o// // gang du zhes bya ba la sogs pa la 'di zhes pa ni rgyud 'dir ro/ /mngon ldan pa zhes bya ba ni mngon par brtson ba ste/ yang dag pa'i sbyor ba rnams la dgos ba med ba'i sgrub pa po dang/ de rnams kyis bsgrub par bya ba gang yin pa yang ngo/ / sgrub pa po dang bsgrub par bya ba ji lta bu zhig ce na/ zhe sogs las rgyas shin tu btab pa yis zhes bya ba smos te/ legs par byas pa ste/ 'khrul 'khor ni gro ga la bris pas so/ /sngags ni sngags kyi cho ga zhig gis so/ /de bzhin rgyas btab ces bya ba ni/ bsam gtan la 'byung ba'i rgyas btab bas kyang ngo/ /de lta bu'i sgrub ba po dang bsgrub par bya ba la phyag 'tshal ba'o/ /sgrub pa po dang bsgrub par bya ba la bstod pas bstod pa'o/ /mthong ba zhes bya ba ni lta ba'o/ /sgrub pa gtso bo zhes bya bar sbyar te/ sgrub pa po nyid gtso bo ste khyab bdag rdo rje 'dzin ba zhes bya ba'i don to/ /sgrub pa po lta ba la bstod pas bstod pa'o/ /zhi ba zhes bya ba ni nyes pa dang bral ba'o/ /rjes su yi rang ba zhes bya ba ni bstod pas mdzad pa la'o/ /mgon po de dag ces bya ba ni sangs rgyas rnams so/ /byang chub sems dpa' ni byang chub sems dpa' rnams so/ /grags chen po zhes bya ba ni shin tu dgyes pa'o/ /de skad gsum

  279. 140a

    nas zhes bya ba ni/ legs par gsungs pa yin zhes bya ba la sogs pa'o/ /gsang ba thams cad ston pa ni sbas pa'i tshig rnams so/ /'di nyid rdo rje ste/ de rnams kyi ye shes ni don la nges pa'o/ /de byin gyis rlob pa ni bskyed pa'o/ /gsang ba 'dus pa'i bshad sbyar snyim ba'i me tog las/ le'u bco brgyad pa'o/ /bdag gi dang ba'i stobs kyis rgyud kyi snying po'i don ni rnam 'byed ba'i/ /snyim pa'i me tog byas ba 'di las bsod nams phung po gang bsags pa/ /des ni rim can 'di ni rim gyis byang chub rtogs dang ldan gyur cing/ /lha rnams dad pas me tog snyim pa zhabs gtor ba la brten gyur cig/ 'dus pa'i snying po rnam par 'grel pa 'di/ /legs par smras pa dri med rin po ches/ /mun pa bcom nas gsal byed rgyan yin la/ /rnam par 'grel pa'ang rin chen 'byung ba'i gnas/ /gsang ba 'dus ba'i bshad sbyar snyim pa'i me tog ces bya ba/ /slob dpon chen po ratna A ka ra shAn+tis mdzad pa rdzogs so// //paN+Di ta chen po shAn+ta b+ha dra dang/ zhu chen gyi lo tsa ba chen po mgos lhas btsas kyis bsgyur cing zhus te gtan la phab pa'o// // dpal gsang ba 'dus pa'i rgyud 'grel zla ba'i 'od zer zhes bya ba/ slob dpon rab tu dga' ba'i 'byung gnas go cha'i zhal snga nas kyis mdzad pa bzhugs// //rgya gar skad du/ sh+rI gu hya sa ma dzA tran+t+ra rA dzA TI ka tsan+d+ra bra b+ha nA ma/ bod skad du/ dpal gsang ba 'dus ba rgyud kyi rgyal po'i bshad pa/ zla ba'i 'od zer zhes bya ba/ dpal rdo rje sems dpa' la phyag 'tshal lo/ /'jam pa'i mgon la phyag 'tshal lo/ /shes rab thabs

  280. 140b

    gnyis dag pas bdag gzhan phan pa phun sum tshogs chen mnga' ba chos kyi sku/ /rgyal ba mchog gi chogs dang de yi sras rnams bcas par rig pa spro ba 'byung pa dang po yi/ /dpal ldan chos 'byung zhes byar bzhugs shing rgyal ba'i rig tshogs lhan cig sems can don mthar phyin/ /sgyu ma'i sprul gzugs bde gshegs mang po'i bdag po rdo rje sems dpa' la ni phyag 'tshal lo/ /'gro ba don phyir skye bo mkhas pa yi/ /pad+ma kha 'byed yang dag rig la dgyes/ mgon po rdo rje slob dpon zhes bya ba/ /ma lus pa la rab tu phyag 'tshal zhing/ /dkon mchog gsum dang khyad par du/ /yi ge gsum la phyag 'tshal nas/ /dpal ldan gsang ba 'dus pa yi/ /bshad pa 'di ni bdag gis bya/ /'di'i brjod par byed pa ni gang brjod par bya ba ni gang/ 'brel pa ni gang/ dgos pa ni gang/ 'di'i dgos pa'i dgos pa ni gang zhig yin zhes bya ba de lta bu'i rnam par dpyad pa med na/ rtog ba sngon du gtong ba rnams rab tu mi 'jug pas rjod par byed pa la sogs pa bstan to/ /'di'i rjod par byed pa ni gsang ba 'dus ba yin no/ /ji ltar zhe na/ 'di ltar gsang ba ste/ shes rab kyi pha rol tu phyin pa'i b+ha gar lha thams cad tshogs pa'o/ /yang na gangs ba ni lha mo ste de rnams byang chub kyi sems rdo rje dang lhan cig tshags pa ni 'dus pa'o/ /yang na nyan thos la sogs pa rnams la sba bar bya ba nyid yin pa'i phyir gsang ba'o/ /chos thams cad mnyam pa nyid yin pa'i phyir mnyam pa'o/ /mig gnas ba'i mya ngan las 'das pa'i rang bzhin dang lhan cig kun tu gnas pa'i phyir ma skyes pa ni skye med pa'o/ /gsang pa yang yin la mnyam pa dang skye ba med pa yang yin pas gsang ba 'dus pa ste/ bcom ldan 'das rdo rje 'chang chen po'o/ /

  281. 141a

    don de ston par byed pa'i sgra'i tshogs ni rgyud yin no/ /rgyud dang brjod par bya bdag ni rjod par byed pa dang brjod par bya ba'i mtshan nyid kyi 'brel ba yin no/ /byang chub tu sems bskyed ba la sogs pa'i sgo nas gdul bya'i skye bo'i ? don bya ba ni dgos ba'o/ /'dir gdul bya ni rgyud gzhan las bkag ba'i gdol pa la sogs ba rnams kyang yin te/ mchog gi yang mchog gi rgyud ni rnam pa thams cad du dag pa nyid yin pa'i phyir/ bcom ldan 'das kyis mi dag ba cung zad kyang med do zhes gsungs so/ /de'i dgos ba ni bsgom pa goms pa brtan pa'i stobs kyis rang gi 'dod pa'i lha'i gong bar thob pa'o// //de la le'u bcu bdun po rnams kyi don bshad bar bya ste/ de bzhin gshegs pa thams cad kyi ting nge 'dzin gyi dkyil 'khor byin gyis rlob pa'i le'u dang po'i sgo nas rdo rje 'chang chen po'i yan lag gi cha shes su gyur pa/ bar ta'i bu rnams kyis 'das pa'i don so sor snang bar byed pa bzhin du khyad par can la mos shing 'khrul pa dang ldan pa'i ma 'ongs pa'i sems can rnams kyi zlos gar ston par byed pa thams cad mkhyen ba'i ye shes mngon du mdzad ba'i de bzhin gshegs pa la sogs ba rnams kyis bcom ldan 'das la chos bstan pa'i phyir gsol ba btab bo/ / bcom ldan 'das kyis kyang legs so zhes bya ba sngon du 'gro ba can gyi spro ba med pa gsal bar mdzad do/ /yang slar gsol ba btab ba ni/ dkyil 'khor sbrul par mdzad de/ ma 'ongs pa'i skye bo rnams dang tha dad pa med pa'i rang bzhin gyi byang chub sems dpa' rnams dkyil 'khor du bcug nas/ le'u bcu drug pa las gsungs ba'i dbang bskur ba gsum bo rnams kyis dbang bskur te/ sngags thams cad kyi sbyod pa'i le'u lnga pa las gsungs pa'i dam tshig dang sdom pa

  282. 141b

    phog pa mdzad do/ /de nas ma 'ongs pa'i skye bo rnams kyis zlos gar ston par byed pa'i sgrib ba thams cad rnam par sel ba la sogs pa'i byang chub sems dpa' chen po rnams kyis bcom ldan 'das zhes bya ba la sogs pas de kho na nyid la smad pa dang/ de bzhin gshegs pa thams cad kyis rigs kyi bu thong zhes bya ba la sogs pas khong du chud bar byas pa nam rtogs pas 'jigs skrag cing brgyal bar gyur to/ /de nas bslad bar bya ba'i phyir bcom ldan 'das la de bzhin gshegs ba thams cad kyis gsol ba btab pa na/ nam mkha' dang mnyam pa'i gnyis su med pa'i ye shes kyi rdo rje zhes bya ba'i ting nge 'dzin la snyoms par zhugs nas/ ji lta ba bzhin du dbang bskur te bslang bar mdzad do/ /de nas bcom ldan 'das kyis de rnams la sdom pa de dag thams cad dbog pa'i phyir don dam pa'i dag pa de kho na nyid kyi don ni don gyi dam tshig gi le'u rab tu phye nas bstan to/ /slar de nas yang de bzhin gshegs pa thams cad kyi dam tshig rdo rje dpal la sogs pa byang chub sems dpa' chen po rnams kyis bcom ldan 'das zhes bya ba la sogs pa smras so/ /de nas de bzhin gshegs pa rnams kyis rigs kyi bu dman ba'i 'du shes dang smad pa'i 'du shes 'di lta bu ma bskyed cig ces bya ba la sogs pas rtogs par mdzad pa na/ ngo mtshar du gyur cing rmad du gyur nas mig gdangs te/ dga' bar gyur nas/ rmad byung chen po'i chos rnams ni/ zhes bya ba la sogs pas rang gi rtogs pa brjod do/ /de ltar ye shes kyi sprul pa'i dkyil 'khor du byang chub sems dpa' rnams kyi don mdzad nas/ de bzhin du ma 'ods pa'i slob dpon rnams kyis dbang bskur ba la sogs pa rnams kyi sgo nas sems can skal pa dang ldan pa rnams kyi don bya ba'i phyir bri ba'i dkyil 'khor gyi don ston par byed pa/

  283. 142a

    de bzhin gshegs pa thams cad kyi thugs kyi dkyil 'khor gyi le'u bzhi pa gsungs so/ /'di rnams kyi dbang bskur dang dam tshig dang sdom pa yang snga ma bzhin no/ /de ltar dam tshig dang sdom pa thob pa rnams la rdo rje 'chang chen po la sogs pa rnams bsgrub ba'i man ngag sbyin par bya'o/ /man ngag de yang ji ltar bla ma brgyud ba las 'ongs pa de bzhin du bshad par bya'o/ /de bzhin gshegs pa thams cad kyi rdo rje sbyor ba'i dam tshig sgrub pa'i mchog bstan ba'i le'u bcu gnyis pa las gsungs pa'i dgon po chen po la sogs pa'i gnas/ bshad gci dam tshig gi le'u brgyad pa las gsungs pa'i/ /sa phyogs gtsang zhing rab dben ba/ zhes bya ba la sogs pas mngon par 'dus byas pa/ sems can thams cad kyi dam tshig gi snying po'i rdo rje yang dag par 'byung ba'i le'u bco lnga pa las gsungs ba'i/ bshad gci la sogs dam tshig gis zhes bya ba la sogs pas nye bar byugs par stan 'jam po la nye par 'dug ste/ sems can thams cad sdud pa'i snying rje chen bo'i sems bskyed nas/ rdo rje bkod pa zhes bya ba'i ting nge 'dzin gyi le'u gsum pa las gsungs pa'i/ /nam mkha' dbyings kyi dbus gnas bar/ zhes bya ba la sogs pa nas/ gzugs ni dbus su bsgom bar bya/ zhes bya ba la thug ba'i bar gyis bdag nyid rdo rje 'chang chen po ji lta ba bzhin du mos pa bya'o/ /de nas le'u dang po las gsungs pa'i ye shes sgron ma rdo rje zhes bya ba'i ting nge 'dzin gyi tshul gyis mi bskyod pa phyung ste bcug pas zhe sdang rdo rjer gyur nas/ gnod mdzes rgyal po phyung la/ oM suM b+ha zhes bya ba la sogs pas de la bka' bsgos te/ phyogs bcu na rnam bar gnas pa'i khyab 'jug la sogs ba'i bgegs kyi tshogs

  284. 142b

    rnams bkug nas/ rdo rje'i dam tshig bkod pa de kho na nyid kyi don bsgom pa mngon par byang chub pa'i le'u bcu gsum pa las gsungs pa'i/ bsam gtan las byung zhes bya ba la sogs pa dang/ bcu drug pa las 'chang bar 'gyur ba'i tshul gyis bdud rtsi 'khyil pa'i phur bu rnams kyis/ gnod mdzes la bka' bsgos te gdab par bya zhing bka' bsgom te/ phyogs kyi phyi rol yang bcing bar bya'o/ /phyogs dang phyi rol bcing ba la sogs pa'i cho ga sngon du 'gro ba can gyi sdam bzhin du rdo rje 'chang chen por mos ba dang ldan pas sgrub thabs kyi rim ba bzhin du/ byang chub kyi sems kyi le'u gnyis pa las gsungs pa'i/ dngos po zhes bya ba la sogs pa'i tshigs su bcad ba'i don rnam par bsgoms te/ le'u gsum pa las gsungs pa'i oM shu nya tA zhes bya ba la sogs pa'i sngags kyis byin gyis brlabs rnam rang gi sngags brjod de zla ba la gnas pa'i rdo rje 'chang chen po'i nga rgyal dang ldan pa zla ba'i dkyil 'khor gyi rnam par gyur te/ zla ba ste yang A li dang kA li rnam par dgod pa la sogs ba'i cho ga sngon du 'gro ba can gyi shes rab kyi chos 'byung gi gzugs su yongs su gyur nas/ le'u dang po las gsungs pa'i/ de nas de bzhin gshegs pa mi bskyod bas zhes bya ba la sogs pas rdo rje'i btsun mo'i b+ha ga der mA ma kI dang snyoms par zhugs ba'i mi bskyod pa'i rnal 'byor dang ldan pas 'dug ste/ ye shes sems dpa' snying gar bcug nas/ rol pa'i sbyor bas byang chub kyi sems phyung ste/ le'u brgyad pa las gsungs ba'i/ nam mkha' dbyings kyi dbus gnas par/ /ye shes rgya mtsho bsgom par bya/ zhes b a ba la sogs pas ye shes kyi rgya mtsho'i gzugs su gyur bar bya zhing/ de bzhin gshegs

  285. 143a

    pa lngas ye shes kyis gzhi rdzogs par bya'o/ /mi bskyod pa ni rdo rje'i rigs gtso bo gyur ba yin pa'i phyir gtso bo nyid yin te/ ji skad du /de bzhin gshegs pa thams cad kyi sngags kyi dam tshig gi de kho na nyid rdo rje'i rigs pa'i skyes bu mchog gi le'u bcu gcig pa las/ nam mkha' rdo rje'i dbus gnas par/ /dkyil 'khor rdo rje kun skyes bsam/ /zhes gsungs pa bzhin no/ /rnam par snang mdzad la sogs pa rjes su zhugs pas sa'i rnam pa la sogs par byin gyis brlub pa yin par khong du chung par bya ste/ brgyad pa las/ zhi ba rdo rje 'dzin 'dod na/ /bsdu ba dag kyang rab tu bya/ /zhes gang gsungs ba'o/ /de ltar bur gyur ba'i yan lag rdzogs nas der/ le'u bcu gcig pa las gsungs ba'i/ yi ge b+h+ruM gis gnas bsgoms te/ zhes bya ba 'dis gzhal yas khang le'u brkyang ba las/ rin chen sna bzhi'i mchod rten ni/ /zhes bya ba la sogs pas gsungs ba'i mtshan nyid can/ rgyar dpag tshad bye ba yod pa shin tu che ba'i tshad dang ldan pa/ yang le'u dang po las gsungs ba'i/ /gsal ba la sogs dkyil 'khor ldan/ /zhes bya ba la sogs pas 'dab ma sna chogs ba'i pad+ma'i steng du zla ba'i dkyil 'khor la sogs ba'i gdan kyis brgyan pa/ lha thams cad kyi gnas de bzhin gshegs pa thams cad kyi khang pa brtsegs pa bsgom bar bya'o/ /sdon la gnas rdzogs par byas te/ rdo rje gsum bskyed pa bsgom par bya'o zhes 'byung bas/ de'i dbus kyi gdan la sems dpa' skye la mo krung gi 'dug ste/ snga ma bzhin du lhag par mos pa ni sems kyis lha'i 'khor lo'i dbus na gnas pa'i rdo rje 'chang du bdag nyid dmigs nas byang chub kyi sems rnam par bsgoms te/ oM shU nya tA zhes bya ba la sogs pa'i sngags

  286. 143b

    kyis byin gyis brlabs nas/ skye ba med pa'i ri mo la thig le'i zla ba'i dkyil 'khor A li dang kA li la sogs pa'i cho ga sngon du 'gro ba can bsgoms te/ le'u bcu gcig pa las rdo rje'i dkyil 'khor dbus gnas par/ yi ge oM ni zhes bya ba la sogs pas thugs la sogs pa'i rten rnams la sku la sogs pa'i yig 'bru sems kyi bdag nyid du bsgom bar bya'o/ /de nas yi ge gsum las byung ba'i 'od zer rnams kyis de bzhin gshegs pa la sogs pa thams cad yi ge gsum du gzhug par bya zhing chos kyi dbyings kyi sngags kyis byin gyis brlabs pa'i sgo nas zla ba'i dkyil 'khor gyi rnam par gyur pa'i zla ba'i dkyil 'khor de la/ thugs skul bar byed ba'i le'u bcu pa las gsungs pas sa bon bkod do/ spro ba dang bsdu ba'i rim gyis rdo rje'i dang rgyal las byung ba'i rdo rje ba'i rdo rje 'chang chen por bdag nyid bsgom par bya zhing/ nga rgyal yang bya'o zhes bya ba ni rnal 'byor te/ le'u dang po las gsungs ba'i dam tshig 'byung ba'i ting nge 'dzin du rig ba'i skyes dung sku'i don du gzugs bstan to/ snying gar ye shes sems dpa' gzhug pa ni rjes su rnal byor ro/ /le'u bcu bdun pa las gsungs pa'i phung po zhes bya ba la sogs pa nas bdud rtsi 'khyil pa la thug pas byin gyi rlabs bya ste/ le'u bcu gcig ba las gsungs ba'i sku la sogs pa byin gyis rlob par byed pa'i sgrub pa'i yi ge gsum mgo dang lkog ma dang snying ga'i phyogs rnams su rnam par bkod nas/ de rnams las byung ba'i sangs rgyas spyan la sogs pa rnams kyis sku rdo rje la sogs ba rnams bkug? ste/ le'u bcu gcig pa las gsungs pa'i/ dpal ldan sangs rgyas sku 'chang ba /zhes bya ba la sogs pa'i tshigs su bcad ba rnams kyis gsol ba btab nas/ le'u bcu bdun pa las gsungs pa'i/ sangs rgyas kun gyi sku gang

  287. 144a

    yin/ /zhes bya ba la sogs ba'i tshigs su bcad pa rnams kyis nga rgyal bskyed de/ le'u drug ba las gsungs ba'i/ oM sarba ta thA ga ta kA ya zhes bya ba la sogs pa'i sngags rnams kyis byed gyis brlab bar bya'o zhes bya ba ni rnal 'byor chen po ste/ de tsam gyis sngags kyi byin gyi brlabs zhes bya ba la sogs ba ni dam tshig 'byung ba rdo rje'i ting nge 'dzin kho na'i don bstan to/ /dang por bcom ldan 'das 'dod chags chen po'i tshul gyi ting nge 'dzin la snyoms par zhugs pa gang yin pa de ni 'dod chags la sbyod pa'i sems can rnams rab tu dga' bar bya ba'i phyir yin no/ /'dir man ngag kyang brjod bar bya ste/ bcom ldan 'das kyis rjes su mnyes bar bya ba'i phyir de bzhin gshegs ba'i bkod pa rab tu bcug nas/ de bzhin gshegs pa thams cad kyi 'dod pa sangs rgyas sbyan la sogs pa'i gzugs rnams mngon par sbrul te byung nas de bzhin gshegs pa thams cad kyi dam tshig dang sdom ba rdo rje byin gyis rlob pa'i le'u bcu bdun ba las gsungs pa'i 'dod pa thams cad la nye bar longs spyod ba'i dpal gyi ting nge 'dzin la snyoms bar zhugs nas/ de bzhin gshegs pa thams cad kyi 'dod pa de rnams dam tshig gi 'khor lo zhes bya ba la sogs pas slob bzhin pa'i rnal 'byor pa rnams kyis kyang sngon du bya ba rdzogs par bya ste/ sgrub pa chen po'i dus su le'u bco lnga ba las gsungs pa'i mtshan dang ldan ba'i gdol ba'i bu mo legs par bslabs pa mdun du bzhag nas sgrub thabs kyi tshul bzhin du rang gi snying gnas byung ste nu ma'i dbus der zhes bya ba la sogs pas de bzhin gshegs ba lnga yis snying ga'i gnas la sogs ba byin gyis brlabs shing snying ga'i nang du ye shes kyi lha mos brgyan pa/ sa la sogs ba la sangs rgyas sbyan la sogs pa dang/ de'i

  288. 144b

    gzugs dang sgra la sogs pa la gzugs rdo rje ma la sogs pa dang/ de'i dpung pa g.yon la sogs pa la ro langs ma la sogs pa la bkod nas/ le'u bdun pa las gsungs ba'i yi ge hUM dang zhes bya ba la sogs bas rang gi rdo rje dang pad+ma mngon par 'dus byas te/ de nyid las gsungs ba'i 'od zer lnga'i 'od kyis khyab ces bya ba la sogs bas de gnyig 'od zer lngas khyab ba dang/ bdun ba las gsungs ba zla ba'i 'od zer zhes bya ba la sogs pas rang gi rig ma bsil ba'i 'od zer lnga dang ldan par bsams nas/ /chags shing chags pa'i blta bas lta/ zhes bya ba 'dis rdo rje dang pad+ma las byung ba'i 'od zer gyi tshogs kyis rdo rje gnyi ga rjes su mnyes bar bya ste/ rin chen tog gi nga rgyal dang ldan bas le'u drug? pa las gsungS pa'i rjes su chaD pa'i sngas brjod la/ rim pa de nyid kyis le'u bdun pa las gsungs pa'i rdo rje rjes dran pa'i tshul gyis rdo rje g.yo ba pad+mar bcug ste/ 'dod ba thams cad la nye bar longs sbyod ba'i dpal gyi ting nge 'dzin las gsungs sa bon bzhin du 'dod bar bya'o/ / yi ge hUM gi glu len cing las la gnas bar bya ste/ ting nge 'dzin de nyid la cang mi smra bar gnas bar bya'o/ /byang chub kyi sems dbyung ba'i gnas skabs ni/ le'u dang po las gsungs ba de bzhin gshegs pa thams cad zil gyis gnon pa'i ting 'dzin gyi rang bzhin gyi chos kyi sku'i rnam ba bstan pa yid no/ /de nas nam mkha' i dbyings 'di zhes bya ba la sogs pas rnam par spras pa'i byang chub kyi sems kyis nam mkha' i dbyings thams cad yongs su gang bar bsams te/ byang chub sems kyi dul phra rab de rnams kyang rang gi rig mas 'khyud ba'i de bzhin gshegs pa la sogs pa'i rnam par bltas pa bsdus nas pad+mar bcug ste/ le'u bdun pa'i dam tshig rjes su dran ba bsgom pa las gsungs pa/ khu ba? phyung nas zhes bya ba la sogs

  289. 145a

    pas sgyu ma lta bu'i ye shes kyi bdud rtsi'i rnam par gyur pa'i zhu ba nyid du btud par bya'o/ /de nas slar yang 'dod chags chen po'i tshul las gsungs pa'i tshul gyis bcug ma thag pa de rnams bcom ldan 'das la mngon par mchod pa'i phyir bud med kyi gzugs 'dzin par gyur pas/ bcom ldan 'das kyi sku la mngon par byung nas/ /nam mkha' i dbyings ma lus pa mngon par khyab ste/ le'u brgyad pa las gsungs pa'i bla na med pa'i mchod pa rnams kyis mchod par dmigs la/ don yod par grub ba'i nga rgyal dang ldan pas le'u brgyad pa las gsungs pa'i sngags kyis mchod pa'i tshogs byin gyis brlab par bya'o zhes bya ba ni shin tu rnal 'byor ro/ /gzhung de tsam gyis ni rnal 'byor bzhi'i bdag nyid kyi bdag gi don phun sum tshogs pa'i rang bzhin gyi dang po sbyor ba ting nge 'dzin dad po bstan to/ /bdag dang gzhan gyi don phun sum tshogs pa'i ched du le'u bdun pa las dkyil 'khor rjes su dran pa bsgom pa gsungs te/ le'u dang po las gsungs pa'i ye shes sgron ma rdo rje'i ting nge 'dzin gyis tshul gyis mi bskyod pa phyung la/ nges kyang zhe sngad? la spyod pa'i sems can rnams yang dag par sbyangs nas/ de bkug ste rang gi lus la bcug nas zhe sdang rdo rjer gyur pas/ de bzhin gshegs pa thams cad kyi dam tshig 'byung ba rdo rje'i ting nge 'dzin la sogs pa sngon du bya ba sngon du 'gro ba can gyi rnam par snang mdzad la sogs pa dkyil 'khor ba'i lha rnams yang dag par phyung ste/ de rnams kyis gti mug la sogs pa la mngon par dga' pa'i sems can rnams yang dag par sbyangs nas/ de rnams slar bkug la gnas ji lta ba bzhin du bkod par byas te/ phyag rgya bzhis rgyas btab nas bsdus te ye shes kyi 'khor lo gzhug par bya'o zhes bya ba ni

  290. 145b

    dkyil 'khor rgyal po mchog ces bya ba'i ting nge 'dzin te gnyis pa'o/ /las rgyal po'i mchog ni mi bskyod pa la sogs pa re re zhing phyung ba'i rjes thogs nyid du zhe sdang la sogs pa la mngon par dga' ba'i sems can rnams kyi don bya ba'i rnam pa'o/ /sku gsung thugs rmad du byung ba'i sngags kyis 'gugs pa'i rnam par 'phrul pa'i rgyal po'i le'u bcu bzhi pa las gsungs pa'i zhi pa la sogs pa'i las can du rtags par bya'o zhes bya bas ni/ gcig tu gzhan gyi don byed pa'i mtshan nyid can gyi ting nge 'dzin gsum pa yin par bstan to/ /de nas le'u gsum pa las gsungs pa rin chen kha dog sna lnga pa/ zhes bya ba la sogs pa dang/ le'u drug pa las gsungs pa sna'i rtse mor yungs kar zhes bya ba la sogs pa dang/ sems ni thig ler gyur ba bzhag ces bya ba la sogs pas sems brtan par bya ba'i phyir phra mo'i rnal 'byor bsgom par bya'o/ /le'u bcu gsum pa las gsungs pa'i bzlas pa yang sgrub thabs kyi tshul bzhin bya'o/ /de ltar dam tshig dang sdom pa la rab tu gnas shing/ dbang bskur ba dang rjes su snang ba thob pa/ cho ga thob pa ma tshang ba med pa'i phyir bya ba ma lus pa bsgrub pa lhur len pas/ gang gi tshe bsgrub pa drug gis kyang bcom ldan 'das ma grub pa de'i cho/ le'u bcu pa las gsungs pa'i nga rgyal dang ldan pas sbyor bas bsgrub par bya ste/ rang gis gsungs pa'i dam tshig las 'das pa'i 'jigs pas bdun phrag gsum gyi nang du nges par 'grub par 'gyur ro/ /de nas thun pa ni sa la thams cad bsdus nas zag pa med pa'i bde pa dam pa'i rang bzhin gyi chos kyi sku la dmigs te gnas par bya'o/ /de nas mA ma kI la sogs pa'i lha mo rnams kyis rdo rje thugs khyod ces bya ba la sogs pa'i glu rnams kyis rab tu bskul nas/ de bzhin gshegs pa rnams kyis

  291. 146a

    kyang mi bskyod rdo rje zhes bya ba la sogs pa'i bstod pa rnams kyis kyang bstod de yang dag par sod nas/ de bzhin gshegs pa rnams rang gi lus la bcug nas cho ga bzhin du yang dag par mchod do/ dkyil 'khor lus tha mi dad par bltas la brtan par byas te nye bar bsrung bar bya'o/ /de ltar bsgrub pa'i thabs kyis bsdus pa'i don bstan pa na le'u dang po la brten nas le'u bcu'i don bshad pa nyid yin no/ /le'u bcu gcig pas ni gnas kyi lha bskyed pa dang/ sku gsung thugs byin gyis brlab pa bstan nas/ dben zhing zhes bya ba la sogs pas sngon du spyod pa byas shing lha'i gnang ba thob pa'i rnal 'byor pas ni/ rang gi lha bsgom pa sngon du 'gro ba can gyi yi ge oM la sogs pa snying gar sgom pas bskal pa gsum du gnas pa'i phyir ye shes kyi bcud kyis len zla ba phyed kyis 'grub par 'gyur ro/ /ye shes dkyil 'khor dbus su ni zhes bya ba la sogs pas mi snang ba bsgom ste/ rdo rje'i dkyil 'khor dbus su ni zhes bya ba la sogs pa nas/ sku gsum mi phyed sgrub par 'gyur/ zhes bya ba la thug pa'i bar gyis go rim bzhin du/ 'phags pa 'jam dpal dang/ sa'i snying po dang/ phyag na rdo rje dang/ nam mkha' i snying po dang/ 'jig rten dbang phyug dang/ sgrib pa thams cad rnam par sel ba dang/ kun tu bzang po dang/ mgon po byams pa'i ting nge 'dzin rnams bshad do/ /rnam par dben pa'i ri bo dang/ /zhes bya ba la sogs pas ni mngon par shes pa bsgrub pa'i gnas bstan to/ /mi bskyod ye shes zhes bya ba la sogs pas ni/ lha gang yang rung ba'i rnal 'byor dang ldan pas mig la sogs pa rnams la sa'i snying po la sogs pa bkod pa bsgom pa'i sgo nas mngon par shes pa lnga bsgrub pa bstan to/ /rdo rje la sogs pa

  292. 146b

    bsgom pas kyang de dang 'dra ba nyid do/ /snying gar yi ge oM zhes bya ba la sogs pas ni sems bstan par bya ba'i bsgom pa'i man ngag gsungs so/ /lus ngag sems la yi ge oM zhes bya ba la sogs pas ni bskal par gnas pa'i man ngag gsungs so/ bcu gnyis pas ni bsgrub pa chen po'i gnas bstan nas/ maM zhes bya ba la sogs pas ni 'phags pa 'jam dpal bsgom pa'i sgo nas mi snang pa'o/ /rdo rje mi phyed ces bya ba la sogs pas ni rdzas kyi ri lu bsgrub pa'o/ /rdo rje chen po rang sngags kyis zhes bya ba la sogs pas ni 'khor lo la sogs pas ni sems bsgrub pa gsungs so/ /'od zer lnga'i zhes bya ba la sogs pas rdo rje gsum gyi rig pa 'dzin pa nyid do/ /oM ni zhes bya ba la sogs pas ri lu bsgom pa'o/ /nam mkha' i dbyings gsal zhes bya ba la sogs pa ni 'khor lo'i rig pa 'dzin pa la sogs pa rnams bslab pa'o/ /lam gyi bzhi mdo zhes bya ba la sogs pas ni dgug pa bsgrub pa'i gnas so/ /sbyor gsum zhes bya ba la sogs pas ni sangs rgyas la sogs pa rnams dgug pa'o/ /rnam pa mchog rnams zhes bya pa la sogs pas ni rig pa bskul ba'i sgo nas shin tu myur bar dngos grub bsgrub pa'o/ /sha chen zhes bya ba la sogs pas ni sgrub pa chen po la sogs pa la zhugs pa'i zas nges par byed pa'o/ /rnam pa mchog rnams kun ldan pa zhes bya ba la sogs pas ni dam tshig spyod pa'i sbyor ba'o/ /rdo rje dam tshig gsum bsgrub mchog ces bya ba la sogs pas ni grub pa phan yon gyi 'bras bu'o/ /bsnyen pa la sogs pa'i don rdo rje bzhi ni sngar bshad pa'i bsgrub pa'i don dang mtshungs pa kho na yin no/ /bsnyen pa'i ye shes bdud rtsi dag zhes bya ba la sogs pas ni rdzogs pa'i rim pa gsungs so/ /dus bzhi dag tu zhes bya ba la sogs pas ni de bzhin gshegs pa bzhi'i dbus na gnas pa'i lha gang yang rung ba'i rnal 'byor ro/ /bcu gsum pas ni bzlas pa'i cho ga

  293. 147a

    bstan nas/ 'dod chags de ni bon bsgom ba/ zhes bya ba la sogs pa ni 'dod pa'i 'dod chags dang/ gti mug dang/ zhe sdang rnam par dag pa kho na rdzogs pa'i byang chub yin no zhes bshad do/ /ye shes 'khor lo can rnams kyi/ zhes bya ba la sogs pas ni rang gi dkyil 'khor na gnas pa'i rnam par snang mdzad la sogs pa'i rnal 'byor pa rnams kyis sngags kyi don bsgom par bya'o zhes bshad do/ /rdo rje rnam pa bzhi'i las/ zhes bya ba la sogs pas ni zhi ba la sogs pa'i las bzhi bstan to/ /ma dang smra ba'i zhes bya ba la sogs pa nas/ bka' i 'khor lo sbyar bar bya/ zhes bya ba la thug pas ni mngon spyod kyi yul dang de'i las bsten to/ /sngags kun bsrung phyir zhes bya ba la sogs pa na 'gro ba 'dul bzhi ba rdo rje'i ting nge 'dzin la thug pa ni/ byang chub 'dod pa'i rnal 'byor pa'i bsrung ba dang/ chu'i steng nas 'gro ba dang pha rol rgol pa rnams rengs par bya ba dang/ rgyal po dang dgra dang gnod par byed pa rnams rmongs par bya ba dang/ gnas bsrung ba'i phyir zhi ba'i sbyor ba dang/ dkyil 'khor gyi gnas dang/ bsgrub pa'i gnas bsrung ba bsten to/ /zhi ba'i dkyil 'khor zhes bya ba la sogs pas ni zhi ba la sogs pa'i las kyi tshogs bstan to/ /rnam par snang mdzad zhal gsum pa/ zhes bya ba la sogs pas ni bsgom pa po'i dbang du byas nas zhal dang kha dog dang phyag dang mtshan cha rnams nges par byed do/ /sangs rgyas gzugs ni zhes bya ba la sogs pas ni sangs rgyas te rdo rje 'chad de bsgom pa sngon du 'gro ba can gyi lha thams cad bskyed pa bstan to/ /le'u bcu bzhi pa'i don ni sngar bshad zin to/ /le'u bco lnga pa las ni rdo rje'i rigs kyi yan lag dkyil 'khor gru bzhi pa gsungs so/ /dkyil 'khor lnga'i zhes bya ba la sogs pas ni bco ?

  294. 147b

    mkhan gyi bu mo dang ldan pa'i rnam par snang mdzad kyi rnal 'byor dang/ rdo rje sems dpa' bzhin du gsung rdo rje'i gar mkhan gyi bu mo dang/ rdo rje 'chang chen po'i bram ze la sogs pa'i bu mo dang/ /rnam par snang mdzad la sogs pa'o/ /rdo rje nyi ma nub nas ni// zhes bya ba la sogs pas na dus nges pa dang don gzhan yin no/ /rgyan rnams thams cad ces bya ba la sogs pa nas 'dod dang thar pa'i dam tshig rdo rjes de snang? bka' stsal to zhes bya ba la thug pas ni sangs rgyas kyi byang chub sgrub pa'o/ /de nas bcom ldan 'das zhes bya ba la sogs pas ni bu mo rnams rengs pa'i sbyor pa'o/ /bcu bzhi zhes bya ba la sogs pas ni tshangs pa dang srin po la sogs pa rnams ri mo dang tho ba dang yi ge hUM dang rdo rje 'chang ba rnams kyis bsad pa gsungs so/ /las kyi rdo rje zhes bya ba la sogs pas ni chu rengs pa'o/ /dkyil 'khor dag ni 'dri ba na/ zhes bya ba la sogs pas ni yi ge phrad kyi sngags kyis rlung la sogs pa'i bgegs rnams bzlog pa'o/ /ye shes sems dpa' zhes bya ba la sogs pas ni rdo rje 'chang chen po sku mdog dkar po bsgom pa'i man ngag go /bud med ces bya ba la sogs pas ni 'jam dpal lta bu'i mi snang ba'i bdag po bstan to/ /bshad pa'am zhes bya ba la sogs pa nas dam tshig mi snang ba'i rdo rje chen pos de skad bka' stsal to zhes bya ba la thug pa'i bar? khyis? ni mi snang ba kho na'o/ /de nas sangs rgyas zhes bya ba la sogs pas ni ngo mtshar du gyur pa bstan to /de nas ston pa rdo rje 'dzin/ zhes bya ba la sogs pas ni lha thams cad kyi dbang bskud pa'o/ /ri rtse zhes bya ba la sogs pas ni sgrub pa'i gnas so/ /rdo rje sems dpa' la sogs zhes bya ba la sogs pas ni ltas bzang ngan dri ba'i phyir slob ma dbab pa'i cho ga gsungs so/ /rtse gcig ma gyur ces bya ba nas bcom ldan 'das khro bo chen po'i dam tshig rdo rje khro bos

  295. 148a

    de skad bka' stsal to/ zhes bya ba la thug pa'i bar gyis ni/ 'phags pa bdud rtsi 'khyil ba'i rnal 'byor gyis rnam pa du ma'i sgo nas bsad pa gsungs so/ /sprul ni mi sdug ces bya ba la sogs pas ni bris pa'i sbrul dang/ spal pa la sogs pa la reg pas 'jig pa dang oM la sogs pas ni dug 'pho ba dang dug med par bya ba dang/ 'bras la sogs pa nye ba'i dug rnams bzlog pa'o/ /dzi na dzika zhes bya ba la sogs pas ni phyi dang nang gi nang rnams bzlog pa'o// chos rnams rmi lam lta bu ste/ /zhes bya ba la sogs pas ni rmi lam gyi mtshan ma rmongs so/ /de la 'di ni zhes bya ba la sogs pas ni rmi lam gyi mtshan ma'i bye brag las byung ba'o/ /de nas zhes bya ba la sogs pas ni phyag 'tshal ba byas te/ bcom ldan 'das la gsol ba btab pas yang dag par rtogs par mdzad cing/ de rnams kyis kyang rtogs par gyur nas/ /rang gi sems kyi chos nyid la gnas nas sems shing cang mi smra par 'khod par gyur pa'o/ /le'u bcu drug pas ni/ de nas zhes bya ba la sogs pas sku rdo rje sgrub pa'i dkyil 'khor dam tshig gi dkyil 'khor dang/ de bzhin du gsung gi dkyil 'khor nyid gsungs so/ /rdo rje 'dzin mchog gang yin pa'i/ zhes bya ba la sogs pas ni gnyi ga'i rang bzhin gyi lha'i dkyil 'khor thams cad gsungs so/ /de la 'di ni zhes bya ba la sogs pas ni thig gdab pa dang/ tshon rtsi dgye ba dang/ sngags kyi yi ge rnams so/ /sngags kyi sems pas mi bya ste/ zhes bya ba la sogs pas ni rdzogs pa'i rnal 'byor pas snod du rung ba gnyis bcug nas bsgrub pa khyad par can gyi dkyil 'khor 'drir gzhug par bya ste rang gis ni ma yin no zhes bshad pa yin no/ /bdag nyid gang tshe sbyor pa na/ zhes bya ba la sogs pas ni khyad par can du gyur

  296. 148b

    pa yin yang/ mngon par 'dus byas pa'i thig skud kyis bdag nyid slob pa dang bcas pas thig gdab ste/ dam tshig gi dkyil 'khor bri bar bya'o zhes bshad do/ /sngags rnams thams cad nyid la'ang/ zhes bya ba la sogs pas ni lha thams cad dgug pa la sogs pa'i don du zhags pa dang lcags kyu thogs pa'i rdo rje hUM mdzad du shes par bya'o/ /rdo rje bus pa bzhag pa ni/ zhes bya ba la sogs pas lha rnams bkod pa'i rjes thogs la/ sngags shes pas ni sbyin sreg bya/ zhes bya ba la sogs pas ni/ dkyil 'khor rtse me pa 'am/ sgrub pa rtsom pa'i dang por bgegs 'joms pa'i zhi ba dang/ de nas spyan drangs pa rnams tshim par bya ba'i sbyin sreg dang/ bcug pa'i slob ma rnams kyi sdig pa bsreg pa'i phyir dang/ zin pa'i dus su zhi ba'i sbyin sreg go/ rnam par snang mdzad ces bya ba la sogs pas ni bcug par gyur pa'i slob ma la dbab pa gsungs so/ /de la 'di ni zhes bya ba la sogs pas ni/ dkyil 'khor du 'jug pa la sogs pa la yi ge lnga pa'i sngags sbyar bar bya'o/ /sangs rgyas kun gyis nam mkha' i khams/ zhes bya ba la sogs pas ni dbang bskur pa gsungs so/ /byang chub rdo rje zhes bya ba la sogs pas ni sngon du gsol ba gdab pa blta bar bya'o/ /de tshe de la dbang bskur pa/ zhes bya ba la sogs pas? ni dbang bskur ba'i dus su snying gar bdag po bsgom par bya'o zhes bstan to/ /rdo rje slob ma blo ldan pa zhes bya ba la sogs pas ni dbab pa'i rjes thogs la dkyil 'khor bstan pa'i phyir/ bum pa'i dbang bskur pa'i rjes thogs? su dam tshig bdad?/ sdom pa 'bog pa dang/ gsang pa'i dbang bskur pa dang/ shes rab ye shes kyi dbang bskur ba dang/ langs nas lung bstan pa'i rjes thos la man ngag sbyin par bya ba'o/ /gsang ba zhes bya ba gsang ba'i dbang

  297. 149a

    bskur ba'i sngon du blta bar bya'o/ /khu ba 'am zhes bya ba la sogs pas ni slob ma ? gzhug pa'o/ /glang po'i sha la sogs pa ni lha rnams la rab tu dbul bar bya'o/ /yid ches bskyed pas zhes bya bas ni bdud rtsi lnga 'bar bar slob ma la bstan par bya'o/ /dngos grub thams cad bsgrub pa dang/ zhes bya ba la sogs pas ni dkyil 'khor thams cad du bsgrub par bya pa'o/ /bshad gci zhes bya ba la sogs pas ni rdzas blangs pas grub pa'o/ /dri ni 'bar ba 'od bzang po zhes bya ba la sogs pa nas/ bcom ldan 'das sangs rgyas thams cad kyi bu gcig pa rdo rje 'chang chen pos de skad bka' stsal to/ /zhes bya ba'i bar 'dis ni phyag na rdo rje la sogs pa'i gzugs can gyi man ngag gzhug pa bsgrub pa'o/ /sangs rgyas zhes bya ba la sogs pa nas rdo rje'i don gyi blo yis gsungs zhes bya ba la thug pa'i bar gyis ni 'phags pa 'jam dpal gyi rnal 'byor gyi dbang du bya ba'o/ /sngags kyi rdo rje hUM la sogs zhes bya ba ni dbab pa'i rjes thogs nyid du'o/ /rnam par snang mdzad ces bya ba la sogs pas ni bkres pa dang skom pa la sogs pa bzlog pa'i sbyor pa'o/ /de nas bcom ldan 'das zhes bya ba la sogs pas ni de bzhin gshegs pa dpa' bo rdo rje'i ting nge 'dzin no/ /tsuM? zhes bya ba la sogs pas ni sku la byed ma'i ting nge 'dzin mchog go/ dzi zhes bya ba la sogs pas ni 'phags pa ? b+ha la'i ting nge 'dzin no/ /k+ShaM zhes bya ba la sogs pas ni gnod sbyin mo bsgrub pa'o/ /de nas phyag na rdo rje de bzhin gshegs pa zhes bya ba nas/ bsam pa thams cad yongs su rdzogs par byed pa rdo rjes de skad bka' stsal to/ /zhes bya ba la thug pa'i bar gyis ni/ dman pa dang bar ma dang mchog gi dngos grub kyi dbye ba'o/ /yang de nas bcom ldan 'das zhes bya ba

  298. 149b

    nas rdzogs pa la thug pas ni rig pa'i brtul zhugs gsungs so/ /bcu bdun pas ni de bzhin gshegs pa thams cad kyis 'dus pa sngon du 'gro ba can gyi gsol ba btab ste/ rang gi rjes su mthun pa'i bstod pa'i mchod pa rnams kyis yang dag par bstod? par gyur nas/ ngo mtshar sngon du 'gro ba can gyi sku rdo rje la sogs pa'i sgrub pa ma lus pa'i dam tshig bstan te/ rdo rje 'chang thams cad kyi sku gsung thugs kyi snying po mnyam pa nyid rnam par bsams nas cad mi gsung bar gyur pa'o/ /de nas bcom ldan 'das zhes bya ba la sogs pa ni/ byang chub sems dpa' thams cad kyis de bzhin gshegs pa rnams la cad mi gsung ba'i don dris par gyur nas sku ni mi 'gyur skye ba med zhes bya ba la sogs pa bstan pa na/ tshangs pa la sogs pa rnams kyis bcom ldan 'das la brnyas par 'gyur du 'ong pas zhes bya ba de lta bus byang chub sems dpa' rnams kyis de bzhin gshegs pa rnams kyis bkag par gyur nas/ de rnams kyis brnyas par gyur du zin kyang/ 'on kyang rang gi ngo bo kho na gsungs kyi/ rang gi ngo bo ma yin pa ni ma gsungs so zhes/ de bzhin gshegs pa rnams kyis re zhig ces bya ba la sogs pa gsungs so/ /de nas sangs rgyas chos ni gnas med pa/ zhes bya ba la sogs pa de bzhin gshegs pa rnams kyis bcom ldan 'das la dris pa nas/ nam mkha' gang la gnas gang la yang ma yin no/ /zhes bya ba'i bar 'dis ni mngon par 'dod pa'i don bstan to/ /de nas ngo mtshar zhes bya ba la sogs pa brjod par gyur to/ /nam mkha' rdo rje'i dbus gnas par/ zhes bya ba la

  299. 150a

    sogs pas ni rang gi dkyil 'khor la gnas pa'i de bzhin gshegs pa rnam par snang mdzad la sogs pa'i dbang bskur ba'i bsgom pas byang chub myur du 'grub par 'gyur ro zhes bya ba bshad do/ /gal te dngos grub mchog ces bya ba la sogs pas ni gong ma gong ma'i tshul la don khyad par can gsungs so/ /slar yang sangs rgyas kyi dam tshig ces bya pa la sogs pas ni/ sku rdo rje la sogs pa rnams las mi 'da' bar bya ba nyid kyi phyir phung po lnga ni zhes bya ba la sogs pa gsungs so/ /de bzhin gshegs pa thams cad kyi mnyam pa nyid la gnas pa rdo rje'i ting nge 'dzin gyi sgo nas cang mi gsung par gyur pas ni byang chub kyi sems dang rdo rje slob dpon dag la tha dad pa med par bstan to/ /de'i rjes thogs la de nas byang chub sems dpa' sems dpa' chen po byams pas zhes bya ba la sogs pas ni/ de bzhin gshegs pa thams cad la phyag btsal nas/ de bzhin gshegs pa thams cad kyi sku gsung thugs rdo rje gsang ba 'dus par dbang bskur bar gyur pa'i bcom ldan 'das slob dpon la/ de bzhin gshegs pa thams cad dang byang chub sems dpa' thams cad kyis ji ltar blta bar bya zhes dris par gyur to/ /de nas de bzhin gshegs pa rnams kyis byang chub kyi sems rdo rjer zhes bya ba la sogs pa thams cad mkhyen pa'i ye shes kyi rnam par zhes bya ba'i khyad par gyi tshig rnams kyis slob dpon gyi che ba nyid bstan pas dus sngar brnyes pa'i the tshom sems la bzhag nas/ 'jigs shing skrag pa'i yid kyis cang mi smra bar gyur te/ /slar yang mi bskyod pa la sogs pa'i de bzhin gshegs pa rnams kyi don de nyid byang chub sems dpa' thams cad la bstan to/ /yang byang chub sems dpa' rnams kyis/ de bzhin gshegs pa thams cad kyis sku gsung thugs rdo rje dngos grub rnams

  300. 150b

    gdal? gnas/ zhes de bzhin gshegs pa rnams la dris par gyur pa na/ de bzhin gshegs pa rnams kyi sku gsung thugs gsum gyi rdo rje slob dpon gyi zhes bya ba la sogs pa gang la yang mi gnas so zhes bya ba'i bar gsungs te/ de rnams kyang ngo mtshar la sogs par gyur nas cang mi smra par 'khod par gyur to/ /de nas bcom ldan 'das phyag na rdo rje de bzhin gshegs pa gsang pa rdo rje'i ting nge 'dzin las bzhengs nas/ zhes bya ba la sogs pa bsam gtan gyi dkyil 'khor zhes bya ba la thug pa'i bar byis ni/ de'i snod du rung ba'i sems kyi spyod pa dang ldan pa'i sems can rnams kyi thun mong du bsam gtan gyi dkyil 'khor gsungs par gyur to/ /hUM tri khaM zhes bya ba 'dis ni bdud rtsi dgug pa'i don du sbyor ba gsungs so/ /bza' ba 'am zhes bya ba la sogs pas ni bza' ba la sogs pa bdud rtsi lnga dang mtshungs par mngon par 'dus byas la bza' bar bya'o/ /de nas phyag na rdo rje zhes bya ba la sogs pa bcom ldan 'das kun tu bzang pos de skad bka' stsal to zhes bya ba la thug pa'i bar gyis ni mchod pa rnam pa lnga dang/ dbang po nyid sbyor ba dang/ ma'i rnal 'byor dang/ sgrub pa po'i nga rgyal dang/ tshim par bya ba'i sbyor ba dang/ mchod rten gyi las la sogs pa mi bya ba dang/ dug gsal ba dang/ rengs pa dang/ dgug pa dang sngags dang ldan pa'i bsrung ba'i 'khor lo bri ba dang/ rdo rje mig sman gyi bya ba rnams bshad do/ /de nas bcom ldan 'das de bzhin gshegs pa thams cad kyis zhes bya ba la sogs pas ni/ de bzhin gshegs pa rnams kyis gsang pa'i yi ge bris nas bcom ldan 'das kyis bshad par gyur to/ /de nas don rtogs nas phyag btsal te cang mi gsung bar bzhugs par gyur to/ /sngon 'das pa'i dus su zhes bya ba la sogs pa byang chub sems dpa' ni/ de bzhin gsheD

  301. 151a

    pa'i nang nas sangs rgyas zhes bya ba'i grangs su 'gro'o zhes bya ba'i bar 'dis ni skal pa dang mi ldan pa'i sems can rnams kyi spyod yul ma yin pa dang/ 'bras bu myur du sgrub par byed pa yin par bstan to/ /de nas byang chub sems dpa' de rnams zhes bya ba la sogs pa cang mi smra bar gyur to zhes bya ba'i bar 'dis ni/ sngon gyi dus su byang chub tu sems bskyed pa nas brtsams te/ dka' ba spyad pa la sogs pa'i sdug bsngal rjes su dran nas/ chos kyi rnam grangs 'di yang rnyed par dka' ba nyid du rtogs te/ rab tu du zhing sdug bsngal gsum skyes par gyur to/ /de nas de bzhin gshegs pa rnams kyis rtogs par mdzad do/ /de nas ji skad bshad pa'i gnas nas bzhugs pa'i bcom ldan 'das mchog tu bde pa la zhugs nas/ mA ma kI la sogs pa'i lha mo rnams kyis/ rdo rje thugs khyod ces bya ba la sogs pa'i blu rnams kyis sad par byas so/ /'dod pa thams cad nye bar longs spyad pa dpal gyi ting nge 'dzin gyi don bshad zin pa yin no/ /de nas de bzhin gshegs pa rnams btsun mo'i b+ha ga las mngon par byung ste/ bcom ldan 'das ngo mtshar che'o zhes bya ba la sogs pa gsungs so/ /bcom ldan 'das kyis kyang bcom ldan 'das zhes bya ba la sogs pas rnam pa thams cad du rnam par dag pa bstan to/ /bcom ldan 'das zhes bya ba la sogs pas ni/ dpal gyi rig pa'i sgo nas chos kyi rnam grangs 'di la skal pa dang ldan par gyur pa'o/ /rigs kyi bu zhes bya ba la sogs pas ni rdo rje chos kyi ting nge 'dzin dang khas blangs pa'o/ /de nas rnam par snang mdzad la sogs pa de bzhin gshegs pa thams cad kyis brtan pa dang g.yo ba'i dngos po thams cad kyi rang bzhin gyi sku dang/ gsung dang thugs rnams byin gyis brlabs par gyur to/ /des ni thog ma dang tha ma med pa'i rang bzhin du/ rtag tu gnas pa'i dpal ldan gsang ba 'dus pa'i

  302. 151b

    bsdus pa'i don bstan to/ /'di la gzhung tshad ni rjes su bsngags pa'i tshigs su bcad pa sum brgya sum cu rtsa gnyis yod do// //de ltar bsdus pa'i don bstan nas yan lag gi don rnam par dbye ba'i phyir rgyud la gzhug par bya'o// 'di skad ces bya ba la sogs pa la/ 'di skad ces bya ba ni bsdus pa po rdo rje chos kyis rgyud kyi don ma lus pa sems la bzhag cing bsngogs nas byams pa la sogs pa byang chub sems dpa' sems dpa' chen po rnams la bstan pa'i phyir gsungs pa'o/ /bdag gis thos pa zhes bya ba ni/ da bdag nyid kyis dngos su bcom ldan 'das las thos kyi/ thos pa brgyud pa las 'ongs pa ma yin na'o/ /de gang zhig ce na/ gsang ba 'dus pa'o/ /gang gi tshe zhe na/ dus gcig na zhes bya ba dus tshod gcig na ste/ 'dis ni gzhan dang gzhan gyi dus su gzhan dang gzhan yin no zhes rnam pa mang po thos pa yin par ston to/ /yang na dus gcig na zhes bya ba skad cig gcig na thos par bya pa gang ji snyed pa de rnam par thar pa'i sgo mdza' yas pa thob pa'i stobs kyis/ skad cig gcig gi dus su thos so zhes 'dis ni blo bzang bo dang ldan pa nyid du bstan pa'i sgo nas tshig bzung bar 'os par nyid du bsten to/ /gang zhig gi thos pa brgyud pa las 'ongs shing/ gang la rnam par thar pa'i sgo dpag tu med pa dngos su thob pa med pa de'i tshig ma tshang ba srid do zhes bstan pa yin no/ /su las zhe na/ bcom ldan 'das las thos so/ /bcom ldan 'das bzhugs so zhes bya bar sbyar te/ bdud bzhi bcom pa'i phyir ram/ skal ba phun sum tshogs yin pa'i phyir bcom ldan 'das so/ /yang na dbang phyug dang gzugs bzang ba dang grags pa dang dpal dang/ /ye shes rdo rje dang brtson 'grus te/ yon tan drug dang ldan pa'i phyir ram/ b+ha ga la

  303. 152a

    gnas pa'i phyir ram/ 'di la b+ha ga yod pas na bcom ldan 'das so/ /de skad du yang/ b+ha ni gsal ba zhes su gsungs/ /ga ni 'gyur med nam mkha' ste/ gnyis po dag ni 'dus pa'i phyir/ /b+ha ga shes rab thabs su brjod/ /ces gsungs so/ /de bzhin gshegs pa thams cad kyi sku dang gsung dang thugs rdo rje snying po zhes bya ba la/ de rnams ni de bzhin gshegs pa yang yin la thams cad kyang yin pas de bzhin gshegs pa thams cad de/ nam mkha' i dbyings ma lus pa til gyi gang bu bzhin du yongs su gang pa'i sku rdo rje la sogs pa rnams so/ /yang dag pa'i de kho na nyid thugs su chud pa'i phyir de bzhin gshegs pa 'am/ rang bzhin gyis rnam par dag pa'i chos thams cad rtogs pa'i sgo nas rang gis khong du chud pa sems can rnams la ston par mdzad pas na de bzhin gshegs pa'o/ /de rnams kyi sku dang gsung dang thugs rdo rje ni rnam par snang mdzad dang/ 'od dpag tu med pa dang/ mi bskyod pa'i rang bzhin rnams so/ /de rnams kyi snying po ni de bzhin gshegs pa thams cad kyi rdul phra rab kyis yongs su bskyed pa'i rang bzhin gyi rdo rje 'chang chen po'o/ /de'i rdo rje btsun mo ni shes rab kyi pha rol tu phyin ma ste/ de'i b+ha ga chos 'byung zhes bya bar ji skad bshad pa'i mtshan nyid dang ldan pa'i gzhal yas khang gi nang du gsal pa la sogs pa'i gdan dang ldan pa'i lha thams cad kyi gnas la rang gi rig ma dang gnyis su med pa'i sbyor bas bcom ldan 'das 'khor lo thams cad dang thabs gcig tu bzhugs zhes bya ba naM gdul bya'i skye bo rnams kyi yid de dang de lta bu'i rnam par dag pa'i thabs rnams kyis mgu bar byas te bzhugs par gyur to/ /zhes bya ba'i don to/ /des ni 'di skad du gang gi tshe de bzhin gshegs pa la sogs pa'i 'khor dang thabs gcig tu

  304. 152b

    bcom ldan 'das rdo rje btsun mo'i b+ha ga la bzhugs pa de'i tshe bcom ldan 'das las bdag gis thos so/ /zhes btags pa yin no/ /'khor de rnams mang ba nyid du bstan pa'i phyir brjod kyis mi lang bzhes bya ba la sogs pa gsungs to/ brjod pa ni grangs yin zhing gang la de med pa de rnams ni brjod kyis mi lang ba zhes bya ba ste/ grangs las yang dag par 'das pa zhes bya ba'i tha tshig go/ brjod kyis mi lang pa gnyis pa'i sgras ni so so re re'i zhing gi gzugs dang yon tan dang sems can gyi don dang sprul pa la sogs pa rnams bstan to/ /don de nyid gsungs pa sangs rgyas kyi zhing mdza' yas pa'i ri rab rnams rdul phra rab re rer phye ba'i rdul snyed ces bya ba'i don to/ /byang chub kyi bdag nyid kyi sems dpa' ni byang chub sems dpa' o/ /sems can gyi tshogs chen po'i don bya ba la zhugs pa nyid yin pa'i phyir sems dpa' chen po ste de rnams dang thabs gcig tu'o/ /de rnams kyi nang nas gang dag med na lha'i rnal 'byor dang dkyil 'khor rdzogs par mi 'gyur ba de rnams btus nas 'di lta ste/ zhes bya ba 'dis gsungs pa yin no/ de rnams kyang byang chub sems dpa' zhes bya ba la sogs pas nye bar ston par byed de/ lha mnyes pa ni dam tshig gtso bor gyur pa yin pas dang por bstan to/ /dam tshig ni don yod par grub pa ste/ ji lta zhe na/ 'dod chags zhe sdang gti mug dang/ /yid bzhin nor bu dam tshig go /zhes bya ba la sogs pa bstan pa'i phyir de'i rang bzhin gyi sgrib pa thams cad rnam par sel pa'o/ /sku dang gsung dang thugs rdo rje rnams ni sa'i snying po dang 'jig rten dbang phyug dang phyag na rdo rje rnams so/ /ting nge 'dzin rnams ni sems rtse gcig pa ste/ de bzhin gshegs pa thams cad rjes su mnyes par byed pa'i rnam pa can yin zhing/ de'i rang bzhin gyi nam mkha' i snying po la sogs pa rnams so/ /nyon mongs pa thams cad las rgyal ba'i mtshan nyid ni mchog tu zag pa med pa'i

  305. 153a

    bde ba chen po ste/ de'i rang bzhin gyi kun tu bzang po'o/ /sa dang chu dang me dang rlung dang nam mkha' rdo rje rnams ni/ 'phags ma sangs rgyas spyan dang/ mA ma kI dang/ gos dkar mo dang/ sgrol ma dang/ kun tu bzang mo rnams te/ le'u bcu bdun pa las/ sa ni sangs rgyas spyan du bshad/ ces bya ba la sogs pa bstan pa'i phyir ro/ /gzugs dang sgra dang dri dang ro dang reg bya dang chos kyi dbyings kyi ngo bo nyid rdo rje rnams ni/ gzugs rdo rje ma la sogs pa lha mo drug go/ de rnams thams cad kyi byang chub sems dang zhes bya ba/ byang chub ni shes rab kyi pha rol tu phyin pa ste/ sgrib pa thams cad rnam par sel ba la sogs pa kun tu bzang po la thug ba'i byang chub sems dpa' gang rnams la/ de lha mo'i gzugs su gyur pa dang gnyis su med par yang dag par sbyor ba'i rang bzhin yod pa de rnams la de skad ces bya'o/ /sangs rgyas spyan la sogs pa chos kyi dbyings rdo rje la thug pa rnams ni rig pa'i rang bzhin nyid kyis byang chub kyi bdag gi sems dpa' yin pas byang chub sems dpa' rnams so/ /bde ba chen po'i nyams su myong ba'i rang bzhin dang lhan cig kun tu gnas pa'i phyir sems dpa' chen po rnams so/ /byang chub sems dpa' i tshogs 'ba' zhig gis yongs su bskor nas bzhugs pa ni ma yin gyi/ de bzhin gshegs pa nam mkha' i dbyings te nam mkha' i gtogs dang mnyam par brjod cing bstan pa rnams dang thabs gcig tu ste/ nam mkha' i gtogs kun tu gang ba rnams dang zhes bya ba'i don to/ /'di lta ste zhes bya ba ni dper na zhes bya ba'i don to/ /de bzhin gsheD pa rnams kyi nang nas kyang gtso bo ni/ de bzhin gshegs pa rdo rje mi bskyod pa zhes bya ba la sogs pas gsungs te/ thog ma dang tha ma med pa'i chos kyi dbyings kyi ye shes kyi rang bzhin yin pas/ sra zhing brtan la khong stong med pa dang/

  306. 153b

    bcad cing gzhig par bya ba ma yin pa'i mtshan nyid kyi byang chub kyi sems kyi rang bzhin gcig du nyid yin pa'i phyir rdo rje'o/ /bdud bzhi yis bskyod par mi nus pa nyid yin pa'i phyir mi bskyod? pa ste/ de ni rdo rje yang yin la mi bskyod pa yang yin pas rdo rje mi bskyod pa'o// rnam par thar pa'i sgo stong pa nyid gyi rgyu mthun pa me long lta bu'i ye shes kyis rnam pa sna tshogs par gsal zhing kun tu snang bar byed pas na rnam par snang ba yin zhing/ rnam par snang ba nyid ni rnam par snang mdzad de/ rang gi don can gyi mdzad ba'i rkyen ni 'gyur pa? pa la 'gyur bar byed pa zhes bya ba bzhin no/ /rin chen ni zag pa med pa'i bde ba chen po dam pa ste/ de la 'phel zhing rgyas pas rin chen yin zhing/ mnyam pa nyid kyi ye shes kyi rang bzhin gyi rin chen 'byung ldan gang la de nyid 'gro ba'i bsam pa yongs su rdzogs par byed pa nyid kyis yid bzhin gyi nor bu'i gzugs kyi dpal du gyur pa'i phyag mtshan yod pa de la de skad ces bya'o/ /'di ni so sor rtog pa'i ye shes kyi rang bzhin sems can gyi don byed pa'i sprul pa'o/ /dpag pa ni yongs su chad pa ste dpag tu yod pa ma yin pas na dpag tu med pa'o/ /gdon zab ni 'bras bu med pa ste/ gdon za ba ma yin pas na gdon mi za ba ni sems can rnams kyi 'dod pa grub pa'i 'bras bu sgrub par byed pa rnam par thar pa'i sgo rang bzhin gyis 'od gsal ba'i rgyu mthun pa bya ba sgrub pa'i ye shes kyi rang bzhin gyi don yod par grub pa yin no/ /de lta bu la sogs pa ni rigs lngas bsdus bar gyur pa gzhan rnams te/ nam mkha' i dbyings thams cad kun du khyab pa rnams dang ngo/ /'di lta ste zhes bya ba la sogs pas ni de rnams nyid til gyi gang bu'i dpe'i sgo nas ston par byed de/ ji ltar til gyi gang bu'i til rnams phran? tshun reg cing/ gzugs so so so sor ma 'dres pa'i rang bzhin du snang ba de bzhin du chos bstan pa'i tshe/ de bzhin gshegs pa kun nam mkha' i khams thams cad na snang ngo zhes bsdus pa pos

  307. 154a

    bshad do/ /de nas zhes bya ba la sogs pas ni 'dod pa'i khams na gnas pa'i sems can rnams kyi don bya ba'i phyir/ tshong dpon gyi bu yid 'od sngon du 'gro ba can gyi chod dus kyi gtam rgyud kyi tshul bzhin du/ dang po kho nar bcom ldan 'das rnam par snang mdzad chen po ste/ dpal rdo rje 'chang rdo rje chen po 'dod chags chen po'i tshul zhes bya ba'i ting nge 'dzin la snyoms par zhugs so/ /'dod chags chen po zhes bya ba la sogs pa la/ yang dag par rdzogs pa'i byang chub la chags pas sems can kye rgyud dga' bar byed pas na 'dod chags so/ /'dod pa na spyod pa'i sems can rnams kyis rdo rje 'chang chen po la sogs pa'i 'bras bu thob bar byed pa nyid yin pa'i phyir chen po'o/ /de ni 'dod chags yin la chen po yang yin pas 'dod chags chen po ste/ bde ba chen po'o/ /de'i tshul ni de thob pas thabs te ting nge 'dzin gang la ming de skad ces bya ba yod pa de la snyams par zhugs shing mngon du mdzad par gyur te/ /de bzhin gshegs pa'i bkodpa de dag thams cad ces bya ba ni bshad ma thag pa ste/ nyid kyi sku la btsug par gyur to/ /gzhan du na 'dod chags spyod pa rnams mgu bar mi 'gyur bas/ de nas zhes bya ba la sogs pa gsungs te/ yongs su mnyes par bya ba'i phyir zhes bya ba brtan pa dang/ g.yo pa'i dngos po thams cad kyi rang bzhin 'dod chags spyod ba'i sems can gyi rgyud kyi bdag nyid can mnyes bar bya ba'i don du/ rnam par snang mdzad la sogs pa rnams kyi bdag nyid sangs rgyas spyan la sogs pa'i gzugs su mngon par sprul nas bcom ldan 'das kyi sku las gyur bar gyur te/ de bzhin gshegs pa thams cad yongs su gyur pa nyid kyis rang gi 'khor du gzigs nas 'gro ba'i don du de yongs su mnyes bar gyur to/ /de la la la zhes bya ba rnam par snang mdzad dang mi

  308. 154b

    bskyod pa dang/ 'od dpag tu med pa dang don yod grub pa rnams ni/ sangs rgyas spyan dang mA ma kI dang gos dkar mo dang/ sgrol ma'i rnam par ro/ /yang 'od dpag tu med pa dang rin chen 'byung ldan dang don yod pa dang mi bskyod pa dang rnam par snang mdzad rnams te/ dri dang sgra dang ro dang reg bya dang gzugs rdo rje'i lha mo'i rnam par ro/ /ji ltar bcom ldan 'das des btsun mo'i b+ha gar byang chub sems dpa' rnams kyi don mdzad pa de bzhin du slob bzhin pa'i rnal 'byor pa rnams kyis kyang der 'dug ste/ bdag dang gzhan gyi don bsgrub par bya ba yin pas de nas zhes bya ba la sogs pa gsungs te/ de nas zhes bye ba'i sgra ni rjes thog su'o/ /yang zhes bya ba'i sgra ni tshig gi rgyun no/ /b+ha ga de rdo rje btsun mo'i b+ha gar dam tshig chen po ni rdo rje 'chang chen po ste de'i dkyil 'khor ye shes kyis gzhi'i cha bcom ldan 'das mi bskyod pas de bzhin gshegs pa rnams rang gi rig ma dang gnyis su med par gyur pa'i ye shes kyi bdud rtsi'i rnam par gyur pa'i sgo nas sprul par mdzad do/ /rdul med pa ni skyon thams cad dang bral ba'o/ /mi mnyam pa nyid med pa'i phyir mu bzhi'o/ /gsal ba ni dri ma med pa ste/ gzhal yas khang gi phyi rol na gnas pa rnams kyis kyang shes la sogs pa'i nang na gnas pa'i gzugs mthong ba bzhin du sangs rgyas la sogs ba'i gzugs mthong ba'i phyir ro/ /de'i do po nyid ces bya ba ni de bzhin gshegs pa thams cad kyi mchog tu dga' ba'i rang bzhin no/ /sna tshogs gzugs can ni kha dog dkar po lo sogs pa dang ldan pa'o/ /sangs rgyas sprin gyis kun tu khyab ces bya ba ni de bzhin gshegs pa dang dkyil 'khor ba rnams kyis khyab pa'o/ /'od zer 'phro ba mang po 'khrug pa ni 'od zer sna tshogs 'phro ba'o/ /gsal ba la sogs dkyil 'khor ldan zhes bya ba ni zla ba'i gdan la sogs pas brgyan pa'i lha thams cad kyi gnas so/ /'di ni de bzhin gsheD

  309. 155a

    pa thams cad kyi yin pas de bzhin gshegs pa kun gyi'o/ /gnas ni gzhal yas khang ngo/ /de nas zhes bya ba la sogs pa la de bzhin gshegs pa thams cad kyi sku dang gsung dang thugs rdo rje'i bdag po ni rdo rje 'chang chen po ste/ de bzhin gshegs pa thams cad kyi dkyil 'khor chen po bshad ma thag pa'i dbus su bdag nyid bzhugs par gyur to/ /de nas zhes bya ba la sogs pas ni dang po sbyor ba'i ting nge 'dzin bsgoms pa'i rjes thogs la rten gyi dkyil 'khor bskyed pa'i phyir/ de bzhin gshegs pa rnams shin tu phra ba'i dam tshig gi dkyil 'khor gyi rang bzhin du rten gyi dkyil 'khor gyi dbus na gnas pa'i de bzhin gshegs pa byang chub kyi sems rdo rje'i thugs la ste/ shes rab ye shes kyi rang bzhin bde ba chen po'i gnas chos 'byung zhes bya ba la bzhugs bar gyur te/ de skad du yang thugs ni ye shes zhes byar brjod zhes gsungs so/ /de nas zhes bya ba la sogs pa'i byang chub kyi sems rdo rje zhes bya ba la/ byang chub ni shes rab ste de dang ldan pa'i sems rdo rje ni byang chub kyi sems rdo rje'o/ /yang na ba ni rdo rje'o/ /d+hi ni 'dzin pa'o/ /tsa ni 'dzag pa'o/ /ta ni mchog tu dga' ba ste/ de skad du yang zla gsang thig le las/ pa ni rdo rje zhes byar bshad/ /yi ge d+hi ni 'dzin ba'i gnas/ /ce ni 'dzag par rab tu brjod/ /ta ni bde ba chen po'o zhes gsungs so/ /de nyid ni shes rab gtso bor gyur pa nyid yin pa'i phyir rdo rje ste/ nges 'byed shes rab rdo rje yin/ zhes 'byung ba'i phyir ro/ /de bzhin gshegs pa thams cad ces bya ba la sogs pa la/ de bzhin gshegs pa thams cad ni dkyil 'khor pa rnams dang/ til gyi gang bu dang mtshungs pa rnams so/ /de dag ting nge 'dzin gang gis de rnams zil gyis gnon pa ste/ mchog tu dga' pa'i rang bzhin gyi chos kyi skul

  310. 155b

    dmigs pa'i sgo nas snang ba med bar byed pa de la de skad ces bya'o/ /de nyid rnam par dag pa'i blo yin pa'i phyir rdo rje ste/ sdom pa'i rgyud phyi? ma las kyang/ /zla ba lta bu bdag pa'i go rdo rje zhes ni mngon par brjod/ zhes gsungs so/ /ting nge 'dzin gang la ming de skad ces bya ba yod pa de la de skad ces bya'o/ /bcom ldan 'das zhes bya ba la sogs pa'i nam mkha' i dbyings 'dir ri de bzhin gsheD pa thams cad kyi rdo rje'i ngo bor zhes bya ba la/ de bzhin gshegs pa thab? kyi rdo rje ni don dam pa'i byang chub kyi sems yin zhing/ de'i ngo bo ste rang bzhin du gyur cing gnas par gyur to zhes bya ba'i don to/ /de nas zhes bya ba la sogs pa la/ rdo rje sems dpa' i byin gyi rlabs kyis zhes bya ba ni bde ba chen po las byung ba'i rdo rje dpal dang reg pas so/ /de bzhin gshegs pa thams cad kyi bde ba ni mchog tu dga' ba'o/ /yid bde ba ni de las byung ba'i mdza' yas pa'i sprul pas sems can gyi don byed pa ste/ sems can gang dag gis de dag thob cing rnyed pa de rnams de skad ces bya'o/ /sems can thams cad kyis rdo rje 'chang la sogs pa'i go 'phang thob pa'i thabs ston par byed ba'i rnal 'byor gsum ston pa'i dam tshig 'byung ba rdo rje'i ting nge 'dzin la snyoms par zhugs pa ni/ de nas zhes bya ba la sogs pas gsungs te/ /de bzhin gshegs pa thams cad kyi sku dang gsung dang thuD rdo rje ni yi ge gsum ste/ sku rdo rje la sogs pa skyed par byed pa nyid yin pa'i phyir ro/ /dam tshig ni de bzhin gshegs pa thams cad kyis 'da' bar bya ba ma yin pa'i rdo rje 'chang chen po ste/ ting nge 'dzin gang de la 'byung zhing skye ba rdo rje ltar mi shigs pa yod pa ? de skad ces bya'o/ /de ni rig pa yang yin la chen po yang yin pas rig pa chen po ni sngags kyi yi ge rnams kho na yin te/ sngags ni rig pa zhes su bsgrags/ zhes 'byung ba'i phyir ro/ /de rnams kyi bskyed pa'i mgo dang lag pa la sogs pa dang ldan pa'i skyes bu'i rnam ba'i lha'i sku ni rig pa'i chen po'i

  311. 156a

    skyes bu'i gzugs so/ /yang na rig pa dang 'khyad pa nyid yin pa'i phyir te/ bco brgyad pa las/ skyes bu rig pa dang ldan pa/ de ni rig pa'i skyes bur brjod/ ces gang gsungs pa'o/ /de bzhin gshegs pa zhes bya ba la sogs pa la/ de bzhin gshegs pa thams cad kyi sngags ni yi ge hUM la sogs pa rnams te/ de rnams kyis byin gyis brlab pa ni rnal 'byor rdzogs pa'i rjes su rnal 'byor dang rnal 'byor chen po'i rang bzhin yin zheng de dag gis byin gyis brlabs par gyur to/ /byin gyis brlabs pas ji lta bu'i rnam par gyur ce na/ zhal gsum pa lta bur 'jig rten gyi khams thams cad na bzhugs pa rnams kyis gzigs par gyur to zhes gsungs so/ /des ni 'di skad du bstan pa yin te/ dpon pa chen po la sogs pa'i gnas mngon par 'dus byas bar/ bdud rtsi lngas byugs pa'i dkyil 'khor grub bzhi'i steng du stan 'jam po la nye bar 'dug ste/ sems can ma lus sdud par byed ba'i snying rje chen po'i sems bskyed nas/ skad cig gis chos 'byung gi nang na gnas pa'i gzhal yas khang gi nang du lha thams cad kyi 'khor la'i dbus na gnas pa'i rdo rje 'chang chen po'i nga rgyal dang ldan pas 'chad par 'gyur ba'i mi bskyod pa dbyung ba dang gzhug pa'i sgo nas zhe sdang rdo rjer gyur par bya'o/ /de nas mA ma kI'i pad+ma la gnas pa'i zla pa yi ge hUM gyur pa las yi ge gsum gyis byin gyis brlabs ba'i gcod mdzes rgyal po bskyed de phyung nas/ mdun na gnas pa'i nyi ma'i dkyil 'khor la 'jig pa'i dus kyi sprin ltar drag cing sngo la bskal pa'i me ltar 'bar ba/ pus mo bskum pa'i rkang pa g.yas pas u ma'i nu ma rgyas pa mnan cing/ g.yon pa brkyang bas mtho lngas bar chod par drag po'i rna ba g.yon pa'i steng du mnan te gnas pa/ zhal dbus ma sngo zhing khro gnyer dang bcas la spyan dmar zhing mche ba gtsigs pa/

  312. 156b

    zhal g.yas dang g.yon ni dkar zhing ni ba dang dmar zhing sgeg pa/ rgyan sna tshogs kyis brgyan pa/ ral ba'i cod pan la gnas pa'i mi bskyod ba'i dbang bskur ba dang ldan pa/ rtsa ba'i phyag dag gis rdo rje hUM mdzad kyi phyag rgyas rig ma la 'khyud cing rdo rje dang dril bu bsnams pa/ g.yas pa dag gis lcags kyu dang ral gri/ g.yon pa dag gis dgra ste dang zhags pa bsnams pa/ rnam par bsams nas/ de la bka' bsgo bar bya ste/ oM suM b+ha ni su b+ha hUM/ grih+Na grih+Na/ grih+Na ba ya grih+Na pa ya hUM/ oM A nya to b+ha ga ban birdA? rAdzA hUM phaT/ de nas bcom ldan 'das gnod mdzes rgyal pos zhags pa dang lcags kyu rnams phyogs bcu ru skyur nas/ de rnams kyis rang rang gi phyogs na gnas pa'i log 'dren rnams ske nas bcings shing snying ga ru btab ste bkug nas gnas rnams mngon du phyogs par 'god par byed par bsam par bya'o/ /khyab 'jug la sogs pa rnams kyi kha dog la sogs pa brjod par bya ste/ mkha' lding sa srung dag la zhon/ sprin dang 'dzam bu'i gser mdog can/ /'khor lo rdo rje 'dzin pa'i lha/ /khyab 'jug brgya byin zhes bya mdag?/ dbang po yi ni phyogs su'o/ /dmar po me thab phrang ba thogs/ /bskyes la zhon drang srong bcas/ /me lha me yi phyogs su'o/ /gshin rje nag po dbyug pa thogs/ /ma he la zhon 'khor dang bcas /gshin the yi ni phyogs su'o/ /bden bral srin ltar snang ba ni// yi dags la zhon ral gri thogs/ /bden bral gyi ni phyogs su'o/ /lag 'gro la zhon zhags pa thogs/ /chu lha zla ba lta bu ni/ /'khor bcas chu yi phyogs su'o/ /ri dags la zhon bab la mdog /rgyal mtshan 'dzin pa'i rlung lha ni/ /'khor bcas rlung gi phyogs su'o/ /rtsangs pa dang ni mi la zhon/ /la thu dpal 'bras dag thogs shing/ /zla ba dang ni gser lta bu'i/ /dgegs dag lus ngan po dag ni/ /ma lus bgegs dang srin sogs kyi/ 'khor gyi tshogs dang yang dag lan/ /lus ngan po yi phyogs su'o/

  313. 157a

    glang la zhon zhing rtse gsum thogs/ /'khor bcas zla ba ltar snang ba/ /dbang phyug chen po dbang ldan du'o/ /kha dog ser po dang dmar po dang/ kar po dang ldan pa/ lag na me thab dang phreng ba/ pad+ma dang ku mu nga thogs pa/ rang la dang rta'i shing rta dang me tog ku mu la gnas pa'i/ tshangs pa dang nyi ma dang zla ba rnams 'khor dang bcas pa rnams ni steng du'o/ /shing rta la zhon ral gri thogs /ljang gu drag po lha min dbang/ /bu dang chung ma 'khor bcas pa'i/ /thag bzang ris ni sa 'og du/ /sa yi lha mo kha dog ser/ /bum pa ser po lag na thogs/ /lus kyi phyed ni nges phyung ba/ /ma lus klu bcas dgod par bya/ /de nas bcom ldan 'das zhe sdang rdo rje nyid kyis mA ma kI'i chos 'byung na gnas pa'i byang chub kyi sems kyi zla ba la yi ge hUM bcu bsams te/ de rnams grub pa'i khro bo bdud rtsi 'khyil pa lte ba man chad phur bu'i rnam pa can/ /stong 'chang par 'gyur pa'i zhal dang phyag la sogs pa dang ldan pa/ yi ge gsum gyis byin gyis brlabs pa bcu phyung nas/ gnod mdzes la bka' ? te de rnams lag pa g.yon pas bzung nas/ shar la sogs pa'i phyogs na gnas pa'i khyab 'jug la sogs pa'i bgegs kyi tshogs rnams kyi mgo'i steng du/ lag pa g.yas pa'i rdo rje tho ba dang 'dis phung bu gdab par bya'o/ /oM g+ha g+ha/ g+ha ta ya g+hA ta ya/ biSh+TI rI na phaT phaT/ kI la ya kI la ya biSh+Tha? dIna phaT/ hUM hUM hUM badzra kI la ya badzra d+ha ro Adz+nyA pa ya ti/ piSh+Na dI na bi ? kA ya bA k+tsiN+ta badzraM kI la ya hUM phaT/ yang na rim pa pas dgug pa dang phur bus gang par bya'o/ /khro bo rnams kyi 'od kyi rig pa dang/ de bzhin du bdag nyid kyi 'od zer 'bar bas sha za la sogs pa rnams thal bar gyur par kun tu bsam par bya'o/ /yi ge raM las nges 'byung ba'i/ /me yi 'khor los phyogs rnams ni/ /kun nas bcing bar mkhas pa yis/ /mdong na yang

  314. 157b

    dag brtan par bya/ /lam gyi sa bon las byung ba'i/ /dbang chen gyi ni dkyil 'khor kyis/ /phyogs rnams mdza' yi mtshams su ni/ /kun nas yongs su bcing bar bya/ /skal ba yi ni me ltar snang/ /rdo rje dag las byas pa yi/ /ra ba phur bu'i nang gnas pa/ /hUM byung kun nas bsam bar bya/ /zhes 'byung ba'i phyir/ /mtshams bcing pa las nang ra ba las phyi rol du bgegs rnams phur bus gdab par bya'o/ /de nas rab tu 'bar pa'i me ltar snang/ /'od zer 'bar ba'i phreng bas khyab/ /rdo rje dra brgya chen po'i/ /ra ba'i nang du bsam par bya/ /bsrung ba'i 'khor lo bshad pa 'di/ /mchog gyur rgyud kyi don dang mthun/ /bsam gtan las byung 'di yis ni/ /gnas ni kun nas bsrungs 'gyur na/ /nam yang sangs rgyas rnams kyis kyang/ /gzhig par nus pa ma yin nyid/ /gal te de? lta na yang bgegs gzhom par ma nus na/ /de'i tshe don dam pa'i byang chub kyi sems bsgom par bya'o/ /de lta bur gyur pa'i sems gang yin pa la/ /bgegs rnams 'byung bar 'gyur ba gang yin pa de ni gnas med cing skabs med de/ bgegs la sogs pa rnams ni tha mal ba'i rnam par rtog pa las byung ba nyid yin pa'i phyir ro// //de ltar bsrung ba'i cho ga yongs su rdzogs nas 'bras bu grub par bya ba'i phyir de bzhin du rten gyi bdag po rdo rje 'chang chen po gcig pu'i lhag par mos pa dang ldan pa der rang gi snying gar yi ge h+ri las pad+ma 'dab ma brgyad pa/ de'i steng du yi ge a las zla ba'i dkyil 'khor de'i steng du yi ge hUM las rdo rje rtse lnga pa 'bar ba dbus na yi ge hUM gis mtshan pa bsams te/ de las byung ba'i 'od zer gyi tshogs kyis lus la sogs pa rnams mi snang? bar byas la/ /dngos po med par bsgom pa med bsgom par bya ba bsgom pa min/ /de ltar dngos po dngos med pas/ /bsgom pa dmigs med pa'o/ /zhes bya ba 'dis chos thams cad bdag med par bsgoms

  315. 158a

    te/ oM shU n+ya tA dz+nyA na badzra swa ba ba A twa lo nya? hUM/ zhes bya ba 'i sngags kyis byin gyis brlabs par bya'o/ /de nas yi ge hUM yid kyis brjod cing zla ba'i dkyil 'khor gyi dbus na gnas pa kun tu bzang mo dang yang dag par ldan pa'i rdo rje 'chang chen por bdag nyid rnam par bsgoms te/ rang gi bsdu'i bu ga'i gseb nas byung ba'i 'od zer gyi tshogs rnams kyis nam mkha' i dbyings khyab pa'i de bzhin gshegs pa la sogs pa rnams yang dag par bkug nas/ rang gi lus dang sangs rgyas spyan la sogs pa rig ma'i lus la bcug ste/ las la gnas pas zag pa med pa'i bde ba mchog gi gnas skabs thob pa las /gnyi ga yang zhu bar gyur te/ zla ba'i dkyil 'khor gyi rnam par gyur par blta bar bya zhing bzla ba de la yi ge a la sogs pak+Sha la thug pa mgo steng du bstan zhing/ steng na thig le mtshan pa bsams la/ yi ge a la sogs pa rnams ni sangs rgyas spyan la sogs pa'i lha mo'i rnam pa dang/ yi ge ka la sogs pa rnams ni de bzhin gshegs pa la soD pa dkyil 'khor pa'i lha rnams kyi gzugs su nges par bsams te/ de rnams kyi thugs kar pad+ma dang zla ba la gnas pa'i rang gi sa bon gyis bskyed pa/ rang gi rigs kyi phyag mtshan dbus na sa bon de rnams kyis mtshan pa bsams la/ hUM gi sa bon las byung ba'i 'od zer sngon po'i lcags kyu'i rnam par spros nas/ mngon par dga' ba'i nam mkha' i dbyings na bzhugs pa'i ye shes sems dpa' i rdo rje'i lam nas zhugs te/ thugs yang dag par bskul la zhal nas byung ba nas/ rig ma'i 'khor lo la zhugs shing sugs? bskul te pad+ma nas byung ba'i rim pas mi bskyod pa la sogs pa rdo rje'i rigs thams cad kyi ye shes kyi lha'i 'khor lo bkug nas/ de'i rigs kyi dam tshig sems dpa' rnams kyi thugs kar bzhugs par bya'o/ /de

  316. 158b

    bzhin du thugs ka na gnas pa'i phyag mtshan gyi steng gi sa bon las byung ba rang dang rjes su mthun ba'i kha dog dang ldan pa'i rim gyi 'og min gyi gnas dang/ rin chen 'byung gnas dang/ bde ba can dang/ me tog dang ldan 'jig rten gyi khams rnams na bzhugs pa'i de bzhin gshegs pa dang rin po che dang pad+ma dang las kyi rigs kyi ye shes kyi 'khor lo de dang de'i rig? rnams kyi thugs kar gzhug cing ka kan 'di'i 'jig rten gyi khams na gnas pa'i lha mo'i 'khor lo de bzhin du bzhugs par bya'o/ /de nas phan tshun 'dus ba'i rol pa'i bde pa nyams su myong ba'i dbang gi zhu bar gyur nas chos 'byung gi rnam par gyur par blta bar bya'o/ /de nas de ru mA ma kI dang ldan pa'i mi bskyod pa'i rnal 'byor par ldan pa ye shes sems dpa' thugs kar bcug nas rol pa la thug pas ye shes kyi 'phreng bas khyab pa'i rgya mtsho chen po'i gzugs su gyur pa bya'o/ /de bzhin du sangs rgyas spyan dang ldan pa'i rnam pa snad mdzad la ye shes sems dpa' gzhug pa bsngol? ba dang zhu? gyur pa'i thim pa'i sgo nas chu'i khams sra ba'i rnam par byin gyis brlab bo/ /de bzhin du rin po che'i dam tshig dang ldan pa'i rin chen 'byung ldan thim pas rgya che par gyur ba'o/ /gos dkar mo dang ldan pa'i 'od dpag tu med pa zhugs pas ye shes kyi 'bar ba'i 'phreng bas khyab par byin gyis brlab bo/ /sgrol ma dang ldan pa'i don yod par grub bzhugs pas bsdus te gru bzhi ba'i rnam pa'i ye shes kyis bzhir byin gyis brlab par bya'o/ /de nas sa'i cha der gser gyi ri bo lta bu'i yi ge b+h+ruM bkod de/ /de las byung ba'i 'od zer gyi tshogs kyis nam mkha' i dbyings khyab pa'i de bzhin gshegs pa rnams bkug la ba nug ste/ 'khor lo rtsibs brgyad pa'i gzugs su bsams la/ de gyud pa'i rdo rje dbyings kyi dbang phyug ma dang ldan pa'i rnam par snang mdzad kyi sku bas byung ba rin po che sna bzhi'i rang bzhin can gyi mchod rten gyi dbyibs can

  317. 159a

    'od zer gyi 'phreng bas rnam par brgyan cing dpag tshang bye ba'i khyon dang ldan pa'i gnas bsgom par bya'o/ /de'i 'od gzhing yi ge ha las byung ba'i sna tshogs rdo rje sa 'og la thug par kun tu khyab par gnas par blta bar bya'o/ /de'i steng na gnas pa/ zung bzhi pa la gru bzhi pa/ /rta babs bzhi dang yang dag ldan/ /dril bu ba dan gos sogs kyis/ /sgo dang sgo 'khyud rnam par brgyan/ /mtshams kyi che ni thams cad du/ /rdo rje rin chen rnams kyis mdzes/ / dra ba dra ba phyed pas spras/ /zla ba nyi ma sogs pas brgyan/ /bla re bres shing sna tshogs pa'i/ /gos dang 'phreng bas rnam par brgyan/ /thig bzhi dag gis yongs su bskor/ /ka ba brgyad kyis kun nas btag/ de yid bus su 'khor lo ni// kun nas yongs su zlum por dgod/ /lha rnams kun gyi gnas su ni/ /yi ge h+ri las byung ba yi/ /sna tshogs pad+ma lte ba dang/ /ge sar ldan pa bsam par bya/ /dbus su zla ba rnam par bsgom/ /rnam snang rigs la de bzhin no/ /rin po chen che brgyad pa/ /bsam bya rin chen rigs kyi'o/ /de bzhin pad+ma rigs kyi ni/ /pad+ma'i steng du pad+ma dmar/ /las kyi rigs kyi rnal 'byor ba/ /gru gsum me dang yang dag mtshungs/ /sna tshogs 'od zer 'ong 'bar pa'i?/ /gdan ni mtsho skyes steng du bsam/ /phyag na rdo rje mA ma kI khyad par du ni khro rnams kyi/ /rang gi pad+ma nyid dkyil 'khor/ /bdag nyid chen po rnams kyis bsam/ de ltar gnas dang gdan rnams bskyed nas/ lha rnams bskyed pa'i phyir/ dbus kyi gdan la sems dpa' i skyil mo ? gis nye bar 'dug ste/ snga ma bzhin du rdo rje 'chang chen por lhag par mos pa dang ldan pa/ oM shU n+ya tA zhes bya ba la sogs pa'i sngags kyis byin gyis brlab pa'i cho ga'i rdzes la/ srid ba'i rtse mo'i bar du so sor

  318. 159b

    brtags te/ shes rab dang snying rje'i bdag nyid can g.yas dang g.yon dkar zhing dmar la pad+ma'i sdong bu'i skud pa dang mtshungs pa'i skye ba med pa'i ri mo ? gyen du ltas pa zhu ba'i gzugs can bsdus nas thig le'i zla ba'i dkyil 'khor gyi rnam par gyur bar bsgom bar bya'o/ /de nas zla ba de la snga ma bzhin du A li kA li'i rnam par bkod la dbyangs dang yi ge rnams lha'i rnam par gyur cing ye shes kyi lha'i 'khor lo bcug la rol pa la thug pas zhu bar gyur te/ zhu ba'i gzugs can gyi zla ba gsal ba la steng dang bar dang 'og tu rim bzhin du zla ba dang pad+ma dang nyi ma la gnas pa dkar po dang dmar po dang sngon po'i oM A(rgyud 'grel): hUM zhes bya ba'i yi ge gsum gyi bdag nyid kyi byang chub kyi sems bsgom par bya'o/ /de nas rang gi yi ge gsum las byung ba'i 'od zer kyi tshogs rnams kyis 'gro ba drug gi sems can rnams dang sangs rgyas dang rdo rje 'chang la sogs pa rnams la yang dag par ? gnas/ nyi ma dang zla ba dang pad+ma la gnas ba'i yi ge gsum du byas te/ ye shes kyi 'od zer gyi lcags kyu de rnams nyid kyis bkug nas bdag nyid kyi yi ge gsum du gzhug par bya'o /de nas sems can ma lus pa sdud par byed pa'i snying rje chen po'i bdag nyid kyi byang chub kyi sems de/ oM d+harma d+hA du swa b+hA ba At+ma konyahaM zhes bya ba'i sngags kyis byin gyis brlab pa'i sgo nas snying rje dang shes rab kyi bdag nyid kyi dmar po dang dkar por snang ba'i zla ba'i dkyil 'khor gyi rnam par blta bar bya'o/ /de nas de la ye ge hUM mgo gyen du bltas pa bsams la/ de las byung ba'i 'od zer gyi tshogs rnams kyis nam mkha' i dbyings thams cad khyab pa'i de bzhin gshegs pa la sogs pa rnams bkug nas bcug ste/ thams cad gyur nas/ dang po'i rdo rje dkar dmar du gyur te/ badzra At+ma ko nya hi/ zhes bya ba'i nga rgyal dang ldan pas rdo rje las byung pa'i rdo rje 'chang chen por bdag nyid bsgom par bya

  319. 160a

    zhing/ bdag ni rdo rje 'chang chen po yin no zhes bya ba'i nga rgyal yang bya'o zhes bya ba ni rnal 'byor ro/ /de nas snying gar yi ge h+ri dang a las byung ba'i pad+ma dang zla ba dag bsams te/ der snga ma bzhin du ye shes sems dpa' bcug pa de dang lhan cig tha mi dad pa'i nga rgyal bya'o zhes bya ba ni rjes su rnal 'byor ro// //de nas oM swA A hA hUM zhes bya ba 'di rnams kyis/ gzugs dang/ tshor ba dang/ 'du shes dang/ 'du byed dang/ rnam par shes pa'i phung po rnams rnam par snang mdzad dang/ rin chen 'byung ldan dang/ 'od dpag tu med pa dang/ don yod grub pa dang/ mi bskyod pa'i rang bzhin du bsams la/ mo ha ra te/ de Sha ra ti/ rA ga ra ti/ badzra ra ti hUM zhes bya ba de rnams kyis/ phyi dang nang gi bdag nyid can gyis dang/ chu dang me dang/ rlung dang/ nam mkha' rnams sangs rgyas spyan dang/ mA ma kI dang/ gos dkar mo dang/ sgrol ma dang/ kun tu bzang ma'o rang bzhin du'o// //thli? oM oM oM haM oM zhes bya ba de rnams kyis/ mig dang/ rna ba dang/ sna dang/ lce dang/ lus dang yid rnams/ sa'i snying po dang/ phyag na rdo rje dang/ nam mkha' i snying po dang/ 'jig rten dbang phyug dang/ sgrib pa thams cad rnam par sel ba dang/ kun tu bzang pa'i rang bzhin du'o/ /ya man+ta kri ta/ pradz+nyAn+ta krita/ pad mA n+ta krita/ big+h+na ta krita/ ces bya ba de rnams kyis/ dpung pa g.yas pa dang g.yon pa dang kha dang gsang ba'i rdo rje rnams/ 'phags pa gshin rje gshed dang/ gzhan gyis mi thub pa dan rta mgrin dang bdud rtsi 'khyil pa'i rang bzhin du bsam par bya ste/ de lta bu ni tha mal pa'i phung po la sogs pa rnams kyi gnyen po yin no/ /de nas brtan pa dang g.yo ba'i dngos po thams cad dang/ sangs rgyas la sogs pa'i rang bzhin dang ldan pa mun pa la sgron ma bzhin du rnam par rtog pa'i mun pa ma lus pa rab tu bcom zhing/ nyi ma'i 'od

  320. 160b

    zer lta bu'i ye shes kyi snang ba'i bdag nyid kyis kun tu gsal bar gyur par bdag nyid bltas la/ sku la sogs pa byin gyis brlab par bya ste/ bar snang la rang gis sprul pa'i sku rdo rje'i tshogs nam mkha' i dbyings khyab pa'i dbus na bzhugs pa'i rtag pa bsams la/ rang gi spyi bor zla ba'i gzugs la gnas pa'i yi ge oM dkar po bltas la de las byung ba'i 'od zer gyis bskyed pa'i sangs rgyas spyan/ /rang gis sprul pa'i sangs rgyas sbyan gyi tshogs nam mkha' i dbyings khyer pa'i dbus na bzhugs pa sgros te/ de yis bdag po dang/ sprul pa rnams kyis sprul pa rnams mnyes par byas nas/ lag bar gyi zhags pa rnams gyis bkug ste mdun na gnas pa'i pad+ma dang zla ba la bzhugs pa la/ tshigs bcas pas gshol ba gdab par bya ste/ dpal ldan sangs rgyas sku 'chang pa/ /rdo rje mi phyed gsum bsgoms pa'i/ /rdo rje sku yis deng bdag ni/ /byin gyis brlab par mszad du gsol/ /thog ma dang tha ma med pa de la brten nas grub pa gzhan rnams la yang gsol ba gdab par bya ste/ phyogs bcur? bzhugs pa'i sangs rgyas rnams/ /rdo rje mi phyed gsum bsgoms pa'i/ /rdo rje sku yis deng bdag ni/ /byon gyis brlab par mdzad du gsol/ /sangs rgyas spyan dang bcas pa rthams cad chu'i rlabs bzhin du rang gi lus su zhugs nas mtshan dang dpe byad? thams cad kyis rnam par spras par bdag nyid bltas la nga rgyal bya ste/ sangs rgyas kun gyi sku gang yin/ /phung po lnga yis rab gang ba/ /sangs rgyas sku yi ngo bo yis/ /bdag kyang de dang 'dra bar shog /de nas oM sarba ta thA ga ta kA ya badzra sA b+hA ba At+ma konya haM zhes bya ba'i sngags kyis brlab par bya'o/ /de nas de khon bzhin du rang gi tshogs kyi dbus na bzhugs pa'i 'od dpag tu med pa/ lkog ma'i chu skyes la gnas pa'i yi ge A(rgyud 'grel): dmar po las gos dkar

  321. 161a

    mo spros te mnyes par byas la bkug ste mdun gyi mtsho skyes kyi steng gi pad+ma la bzhugs pa la gsol ba gdab par bya ste/ chos kyi gsung lam dpal dang ldan/ /rdo rje mi phyed gsum bsgom pa'i/ /rdo rje gsung gis ded bdag ni/ /byin gyis brlab par mdzad du gsol/ /de nas phyogs bcur bzhugs pa'i sangs rgyas rnams/ /rdo rje mi phyed gsum bsgoms pa'i/ /rdo rje gsung gis deng bdag ni/ /byin gyis brlab par mdzad du gsol/ /de nas de rnams bcug pas dung g.yas su 'khyil brgya chen po la gnas shing rang gi bzhin gyi dkyil 'khor khebs pa/ chos thams cad kyi gnas kyi rang bzhin du gyur cing gsung dbyangs thams cad rnam par dag pa'i mtshan nyid dang ldan pa'i lce rnam bar bsgoms nas nga rgyal bya ste/ rdo rje chos kyi gsung gang yin/ /nges pa'i tshig ni phun sum tshogs/ /bdag gi tshig kyang de 'dra zhing/ /chos 'dzin pa dang 'dra bar shog /oM sarba ta thA ga ta pA ga badzra swa b+hA ba At+ma konyahaM/ de kho na bzhin du thugs ka'i nyi ma la gnas pa'i yi ge hUM mthing shun lta bu las mA ma kI spro ba sngon du 'gro ba can gyi mdun na pad+ma la gnas pa la gsol ba gdab par bya ste/ dpal ldan rdo rje thugs 'chang ba/ /rdo rje mi phyed gsum bsgoms pa'i/ /rdo rje thugs kyis deng bdag ni/ /byin gyis brlab par mdzad du gsol/ /phyogs bcur bzhugs pa'i sangs rgyas rnams/ /rdo rje mi byed gsum bsgoms pa'i/ /rdo rje thugs kyis deng bdag ni/ /byin gyis brlab par mdzad du gsol/ / de rnams bcug par gyur pa nyid kyis yi ge hUM las byung ba'i pad+ma dang zla ba chos thams cad 'byung ba'i phyag rgya 'od zer gyi phreng ba 'bro ba bltas la nga rgyal byas te/ sems dpa' rgyal ba sras rnams kyi/ /sku gsung thugs kyi mtshan

  322. 161b

    nyid thugs/ /mkha' dang mtshungs ba gang yin pa/ /bdag kyang de dang 'dra bar shog /gsang ba'i dbang po blo ldan pa/ /kun tu bzang po'i thugs gang yin/ /bdag gi sems kyang de 'dra zhing/ /rdo rje 'chang dang mtshungs bar shog/ oM sarba ta thA ga ta tsit+ta badzra swa b+hA ba At+ma konyahe/ de ltar byin gis brlabs nas bdag /zla ba'i dkyil 'khor dbus su ni/ /sems dpa' i skyil mo grung gnas shing/ /zla ba'i mdog tu rnam par bsgom/ /rnam pa mchog rnams kun ldan zhing/ /rgyan rnams kun gyis rnam par brgyan/ /shes rab ye shes dbang bskur ldan/ /ral pa'i cod pan dag gis brgyan/ /dpa' bo zhal gsum phyag drug ste/ /zhi zhing sgeg pa'i gzugs dang ldan/ /g.yas pa drag cing sngo ba ste/ /g.yon dmar zhal ni dkar ba'o/ /sna tshogs 'od zer tshogs rnams kyis/ /nam ga'i byings ni ma lus khyab/ /rdo rje ye shes lnga rang bzhin/ /'od zer lnga yis rnam par brgyan/ /sangs rgyas sprin ni spro byed ba/ /de'i phyag du rnam par bsam/ /gnyis pa na ni 'khor lo che/ /rtsibs brgyad zla ba dang mtshungs shing/ /bdud dang bgegs kun gcod byed pa/ /thogs pa rnam par bsam par bya/ /'od kyi sprin gyis kun khyab cing/ /gangs dang 'o ma ltar dkar ba/ /'dod chags thams cad dag byed pa'i/ /pad+ma chen po gsum par ro/ /g.yon na dril bu ram dmar zhing/ /zla ba lta bu'i 'od dang ldan/ /chos rnams sgra brnyan lta bur ni/ /sgra yis rtogs par byed pa rnams/ /rdo rje 'bar bas rnam brgyan cing/ /nyi ma 'char ka dang mtshungs pa/ /bsam pa thams cad rdzogs byed pa'i/ /rin po che ni gnyis pa na/ /utpal sngon po'i 'dab 'dra zhing/ /phyogs bcu'i sems can thams cad kyi/ /nyon mongs mi shes gcod byed pa/ /ral gri chen po gsum par ro/ /'bar zhing 'bar ba'i rnam pa yi/ /'od kyi dkyil 'khor gyis spras pa/ /zla ba nyi ma dri med pa

  323. 162a

    stong pas lhag par mkhas pas bsam/ /zhes bya ba ni rnal 'byor chen po'o// //de nas ye shes sems dpa' i thugs ka'i pad+ma dang zla ba la gnas pa'i rdo rje'i lte bar yi ge hUM bkod de/ dam tshig dang sdom pa la gnas pas bsnyen pa la sogs pa'i chog sngon du 'gro ba can gyis bsgrub pa chen po brtsam par bya ste/ gzugs dang lang tsho dag gis brgyan/ /utpal sngon po'i 'dab 'dra ba/ /dme? sha can ni bdag nyid che/ /rgyan rnams thams cad yang dge rdzogs/ /di dang me tog rnams kyis brgyan/ /na tshod lo ni bcu gnyis ldan/ /bu mo mig yangs rnyed nas ni/ /blangs te bsgrub pa brtsam bar bya/ /de ni mdun du bzhag bya ste/ /khro bo hUM las byung ba yi/ /rdo rje 'bar ldan nyi ma'i gzugs/ /de dbus 'od zer 'bar ba'i hUM/ /dang por de yi snying gar bsam/ /de las byung ba'i 'od zer gyis/ /de ni thal bar byas blta zhing/ /rnam shes mar me lta bu yin/ /ye shes sems dpa' i thugs ka yi/ /hUM las 'od zer sngon po'i tshogs/ /sna khung g.yas nas spros nas ni/ /de yis mar me de bcing ste/ /de bzhin sna khung g.yon nas ni/ /de nyid kyis ni gzhug bar bya/ /ye shes sems dpa' i lam nas ni/ /rdo rje lam nas des byung ste/ /rig ma'i pad+mar bzhag byas nas/ /nur nur po la sogs pa dang/ /yan lag sor mo snga rim gyis/ /rig ma yi ni gzugs su 'grub/ /rig ma'i chu skyes nas byung ste/ /rang gis rdo rje lam nas byung/ /g.yas pa yi ni gsum pa yis/ /ut+mal sngon po 'dzin byed cing/ /me tog bzang po sna tshogs kyis/ /spyi bo la ni rnam par brgyan/ /lhag ma thams cad bdag po dang/ /mtshungs par bsams nas rigs lnga dgod/ /mgo dang snying ga dang lte ba dang gsang ba dang rkang ba'i steng du pad+ma la gnas pa'i zla ba dang/ nyi ma dang rin po che dang/ pad+ma dang 'od kyi

  324. 162b

    dkyil 'khor la/ /oM hUM swA A hA/ zhes bya ba de rnams las byung ba'i rnam par snang mdzad la sogs pa rang rang gi rig ma dang gnyis su med par gyur pa/ sangs rgyas spyan la sogs pa lha mo bzhi sa yongs su bskor ba rnams bsam par bya'o/ /de ltar rigs lnga yis khyab par byas nas/ rjes su rnal 'byor gyi sgo nas de'i snying gar ye shes kyi rig ma bsams te/ de'i sme ba nyid ni sangs rgyas spyan gyi rang bzhin gyi nu ma gnyis dang/ chu'i khams ni mA ma kI'i dang bzhin gyi mchu dang/ me'i khams ni gos dkar mo rnam pa'i pad+ma dang/ rlung gi khams ni sgrol ma'i rnam pa g.yo ba'i bya ba dang/ nam mkha' ni kun tu bzang mo'i rang bzhin gyi mtsho skyes kyi khong stong dang/ de'i gzugs ni gzugs rdo rje ma dang/ tshig dang sid kyi sgra la sogs pa ni sgra rdo rje dang/ dri tshor ba na tshim pa ni dri rdo rje ma dang/ de'i mchu ni ro myang ba dang/ /bde ba'i ro myang ba ni rdo rje ma dang/ lus kyi reg bya dang/ dbang po'i reg bya bde ba ni reg bya rdo rje ma dang/ mchog tu dga' ba ni chos kyi dbyings rdo rje ma'i rang bzhin dang/ dpung pa g.yon pa ni ro langs ma dang/ g.yas pa ni gzhan gyis mi thub mo dang/ kha ni khro gnyer can dang/ pad+ma ni ral pa gcig pa'i rang bzhin du blta bar bya'o zhes bya ba ni man ngag yin no/ /de nas yi ge hUM las byung zhing rig ma'i tshogs mdza' yas pa rjes su chags par byed pa'i snying rje chen po dang/ 'dod chags rnam par dag pa'i sgo nas dkar dmar du snang zhing dang po'i rdo rje'i rang bzhin can/ 'od zer sna tshogs kyi 'phreng ba can/ oM gyis byin gyis brlabs pa'i rin po che 'bar ba'i nor bu dang ldan pa'i rang gi gsang ba'i rdo rje bsams la/ yi ge a las rig ma'i pad+ma/ rnam par shes pa brgyad rnam par dag pas 'dab ma dkar dmar brgyad dang ldan zhing sprul? ba mdza' yas bas 'gro ba rnams kyi don byed pa'i phyir ge ser dang bcas pa/ bsam pa thams cad yongs su

  325. 163a

    rdzogs par byed pa'i sgo nas sems can gyi rgyud yongs su rdzogs par byed pa'i phyir lte ba ser po dang ldan zhing 'od zer rnam pa tha dad pas 'bar ba/ de bzhin gshegs pa la sogs pa lha ma lus pa mnyes par byed par bsams te/ de yang zla ba la sogs pa kha dog gi 'od zer gyis gsal ba'i sgo nas yid 'phrog par byed par bsgom par bya'o/ /de nas rdo rje las byung ba'i 'od zer gyi tshogs pad+ma'i lam nas zhugs te/ lha mo'i 'khor lo rjes su mnyes par byas nas/ 'od zer gyi tshogs rig ma'i kha nas phyung ste/ bdag nyid kyi khams zhugs nas rdo rje'i lam nas byung ste/ der gnas par blta bar bya'o/ /de bzhin du pad+ma las byung ba'i 'od zer gyi tshigs rdo rje'i lam nas zhugs te/ lha'i 'khor lo mnyes bar byas nas/ rang gi kha nas byung ste rig ma'i khar zhugs nas pad+ma nas byung ste/ de nyid du gnas par bsam par bya'o/ /de nas de bstod pa'i tshig dang ldan pa'i klu rnams kyi sgo nas sgyu ma'i dga' ba don du gnyer bar byed par dmigs la/ rin chen dpal gyi nga rgyal dang ldan zhing dga' pa la shin tu brtson pas rang gi dam tshig la mngon par blta ba nas/ /'dod chags ma yin chags bral min/ /bar ma yang ni mi dmigs la/ /bud med sgyu ma'i phyag rgya 'di/ /gnyis med theg pa bla med yin/ /zhes lhag par mos par byas te/ oM sarba ta thA ga ta a nu rA ga na badzra swa b+hA ba At+ma konyahaM/ /zhes brjod cho ga 'di lta bus/ /rjes su chags pa brtsam par bya/ /lag par dag gis de la ni/ /dam du 'khyud nas rang brang gis/ /sngags pas de yi brang steng du/ /nu ma rgyas pa bcid bar bya/ /lag pa g.yon pa de yi skra/ /rol pa dang bcas bzung nas ni/ /g.yon pas bzhin ni bteg byas nas/ /kha ni kun tu sbyar bar bya/ /'khyud dang kha ni sbyor ba dang/ /'dzib cing sid kyis sgra sgrogs pas/ /de ni lag dar nang bzhag ste/ /rab tu

  326. 163b

    gsang ba'i dga' ba bya/ /sna rtsa de bzhin mtshan khung dang/ /mdun 'og to smad la sogs pa ri/ /sngags pas sen mo gdab bya zhing/ /yang nas yang du gdab par bya/ /g.yon pas pad+ma mnyam bya zhing/ /lag pa dag gis su dkyil 'khor g.yon pa'i rdo rje sor mo gsum/ /de nas pad+mar rab gzhug bya/ /byang chub kyi ni sems 'byung rtsa/ /yi ge hUM las yang dag byung/ /'od zer lnga ni rab 'phro ba'i/ /rdo rje lce yis bskul bar bya/ /de ltar byas par gyur pa na/ /gang tshe snying ni 'dar zhing myos/ /skra bshigs lus ni gos dang bul/ /rdul gyi thig le 'jog pas khyab/ /ldog par byed cing pa spu langs/ /mig ni kun tu chags pas khyab/ /rang nyid 'gul la 'khyud byed cing/ /sid kyi sgra ni rgyun 'byin pa/ /de tshe rig dang gnyis med pa'i/ /rnal 'byor pa ni skyil krung bcas/ /rdo rje 'chang gi nga rgyal 'dzin pa yis/ /byang sems bskyed phyir de nas ka la'i sgra/ /phaT ces bya ba'i sgra ni rnam brtags cing/ /thabs dang shes rab rdo rje chu skyes byung/ /byang sems spros nas de yis yongs gang bya/ /rdo rje'i chus gang bum pa gang ba bzhin/ /sangs rgyas mdza' yas rdul snyed de ru gzhug/ rig bcas til gang bzhin du nam mkha' gang/ /chos 'byung 'od zer tshogs kyis bsdus nas ni/ /rab mchog bde ba bum pa phun tshogs gzhug/ 'dod chags me yis thub tshogs zhu gyur pa/ /pad gnas sangs rgyas mchog zhi bcud len te/ /de nyid khas blangs bde ba chen po yis/ /rang gi lus bsgom/ 'khor lo kun tshim bya/ /'di ni mkhas pas nang gi sbyin sreg bshad/ /de nas de bzhin gshegs pa de rnams kyis bcom ldan 'das la mngon par mchod pa'i phyir nyid kyi sku sangs rgyas spyan la sogs pa lha mo

  327. 164a

    rnams kyi gzugs su mngon par sprul nas/ gzugs rdo rje ma la sogs pa lha mo'i tshogs du mas yongs su bskor ba/ rnam par bskyed cing sgeg pa dang bcas pa'i phyag yid du 'ong ba dang ldan pa/ 'od zer 'bar ba rnams gyis pad+ma dang utpa la dang sna ma dang dor ka dang/ ma li ka dang yu ti ka dang ka ra bi ra la sogs ba'i me tog kha dog sna lnga pa dang/ spos dar dri dang mar me dang/ gtor ma'i yo byad dang/ mal stan dang/ glang po dang/ rta dang/ skyed mos tshal dang/ gdugs dang/ rgyal mtshan dang/ ba dan dang bla re dang rlung yab dang/ gos dang rin po che la sogs pa sna tshogs pa'i mchod pa'i sprin gyi dra ba'i tshogs sprul par byed pa/ 'jig rten rnams la sgyu ma'i la sogs pa'i dngos por shes pa'i sgo nas lta ba la mkhas pa/ bdag nyid ji lta bzhin du rtog pa ma lus pa rnams las grol ba/ bza' ba la sogs pa dang/ myang ba dang gzhib ba dang myos pa dang bcas pa dang myos pa med pa'i gtung ba la sogs pa dang/ gar dang glu dang rol mo la sogs pa'i mchod pa bla na med pa sgrub bar byed pa/ rgod pa dang sgeg pa dang ldan pa'i rol cing dga' ba'i mchod pa bla na med pa dang bde ba bskyed pa'i rgyur gyur pa de rnams kyis/ mchog tu zag pa med pa'i bde ba chen po'i mchod pa bla na med pa rnams kyis/ rang gi bdag po 'khor dang bcas pa la mchod par don yod grub pa'i nga rgyal dang ldan pas blta bar bya zhing/ oM sarba ta thA ga ta pU dzA badzra swa b+hA ba At+ma konyahaM zhes bya ba 'dis mchod pa'i tshogs byin gyis brlab par bya'o zhes bya ba ni shin tu rnal 'byor ro/ /des ni rnal 'byor bzhi'i bdag nyid can gyi dang po sbyor ba zhes bya ba'i ting nge 'dzin rang gi don phun sum tshogs pa'i mtshan nyid can bstan to/ /de nas lha mo'i tshogs de rnams rig ma'i pad+mar bcug la yang dag par mchod de /

  328. 164b

    byang chub sems kyi zla ba'i dkyil 'khor gyi rnam par gyur par bsams nas/ zla ba de la badzra d+h+rika ces bya ba'i sa bon rnam par bkod la/ de gyur pa las yi ge gsum gyis phyin gyis brlabs shing/ /rdo rje rtse lnga pas byin gyis brlabs pa/ rdo rje bsnams pa'i mi bskyod pa badzra d+hika ces bya ba brjod cing byung nas des zhe sdang gi spyod pa can rnams btul te/ bkug ste rang gi lus la bkug ste/ rang gi ngo bor yongs su gyur nas zhe sdang rdo rjer gyur par bya ste/ in+d+ra nI la'i 'od 'dra zhing/ rnam brtsegs gtum zhing 'jigs su rung/ /rdo rje sems dpas dbang bskur zhing/ /'jig rten khams ni kun tu khyab/ /nyi ma'i dkyil 'khor dbus gnas shing/ /nyi ma stong gi 'od dang mtshungs/ /spyan dmar shin tu 'jigs par byed/ / rgyan rnams kun gyis brgyan pa ste/ /dag po zhi ba phyag chen gyi/ /zhal gsum gyis ni rnam par mdzes/ /rang gi dam tshig snyoms zhugs shing/ /phyag drug gis ni brgyan pa ste/ /in+d+ra nI la'i 'od mtshungs pa'i/ /sangs rgyas sprin gyis kun tu khyab/ /rdo rje chen po rtse dgu pa/ /de yi phyag tu rnam bsgom zhing/ /sngar bshad pa yi rim pa bzhin/ /phyag rgya lhag ma rnam bsgom bya/ /zhe sdang rdo rje'i ting 'dzin gnas/ /dkyil 'khor thams cad rab tu dbyung/ /de ltar rang snyid las byung zhing/ /yi ge gsum gyis brlabs pa yi/ /lha rnams thams cad pad zla las/ /de rnams nyid kyis spro bar bya/ /dzi na dzika sngags las byung ba'i/ /khyab bdag rnam par snang mdzad spro/ /zhi ba'i ro yis kun tu khyab/ / phyogs rnams thams cad snang bar byed/ /sku ni ston ka'i sprin dang mtshungs/ /rgyan rnams sna tshogs dag gis brgyan/ /de yi zhal gsum kha dog ni/ /dkar dang sngo dang shin tu dmar/ /sna tshogs 'od zer bkod chen ldan/ /de ni phyag

  329. 165a

    drug ldan par bsgom/ /'khor lo rdo rje chu skyes dkar/ /g.yas pa dag tu rnam ? bar bsam/ /dril bu nor bur la gri? ni/ /g.yon bdag? tu rnam par bsam/ /pad+ma zla ba las byung ste/ /phyags rnams kun tu rnam gzigs shing/ /sangs rgyas rdzu 'phrul rnam 'phrul sogs/ /chos kyi 'khor lo bskor ba yis/ /gti mug lam la rab gnas pa'i/ /sems can thams cad yang? dag sbyangs/ /slar byon nas ni mgon po yi/ // shar du zla ba la bzhugs so/ /ratna d+h+ri? ka ces bya ba 'dis snga ma bzhin du rin chen 'byung ldan ser po/ /rtsa ba'i zhal sku dang mtshungs shing zhal g.yas ba dang g.yon pa sngon po dang dkar po mda' ba/ /rtsa ba'i phyag na nyi ma ltar dmar ba'i rin po che dang/ /gzhan dag na rdo rje dang 'khor lo bsnams shing g.yon pa rnams na dril bu dang pad+ma dang ral gri bsnams pa byung ste/ mngon pa'i nga rgyal can gyi sems can rnams btul nas log ste/ bcom ldan 'das kyi lho phyogs su rin? po che zur brgyad pa la bzhugs so/ /a ro li ka ces bya ba 'dis 'od dpag tu med pa/ g.yas pa dang g.yon pa kha dog sngon po dang dkar po/ g.yon pa na sgeg pa dang bcas bas dril bu dang bcas pa'i pad+ma dmar po'i sngon bu bsnams shing/ /g.yas pa yis thugs ka na gnas ba'i pad+ma kha 'byed bar gdzad pa/ g.yas pa dag na rdo rje dang 'khor lo/ /g.yon bdag na rin po che dang ral gri bsnams ba/ 'dod chags kyi sbyod ba can rnams btul nas/ bcom ldan 'das kyi nub phyogs su pad+ma dmar po 'dab brgyad pa'i gdan la bzhugs so/ /pra dz+nyA d+h+rig ces bya ba las byung ba'i don yod bar grub pa baiDUrya ljang ser lta bu rgyan thams cad kyis brgyan pa/ zhal g.yas pa dang g.yon pa sngon po dang dkar po

  330. 165b

    mnga' ba/ 'od zer kha dog sna lnga pas kun tu khyab pa/ phyag grul? g.yas pa'i rtsa ba'i phyag na ral gi dang gnyis na 'khor lo dang/ sna rdzogs rdo rje bsnams shing/ g.yon bdag rtha? dril bu dang rin po che dang pad+ma ljang ser bsnams pa byung ste/ phrag dog gi spyod pa can gyi sems can rnams yang dag par sbyangs nas log ste byang phyogs su 'od zer gyi gdan la bcom ldan 'das la gzigs shing bzhugs par bsam bar bya'o/ /de bzhin gshegs pa rnams ni ral ba'i cod pa na dang ldan zhing rdo rje 'chab chen po'i dbang bskur ba dang ldan pa'o/ /dwe Sha ra ti zhes bya ba 'dis mA ma kI utpal sngon po'i mdog can/ zhal mdzes pa dang ldan zhing spyan yangs ba mnga' pa/ gzugs dang lang chos brgyan ba zhal dbus ma sku dang mtshungs shing/ zhal g.yas pa dang g.yon pa dkar po dang dmar po mda' pa/ me tog sna tshogs kyis bcings ba'i thor? tshugs can mi bskyod pa'i dbang bskur ba dang ldan ba/ rgyan thams cad kyis brgyan pa/ phyag g.yas pa na rdo rje dang 'khor lo dang utpa la rtsa dmar ba/ g.yon pa na sgeg pa dang bcas pas dril bu dang rin po che dang ral gri bsnams pa phyung ste/ des bgegs chen po rnams kyis 'jigs pas nyen pa rnams kun tu bsrungs nas bkug ste/ bden bral gyi phyogs su pad+ma dang nyi ma la bzhugs shing mgon po la gzigs bar blta bar bya'o/ /de bzhin du chos kyi dbyings rdo rje ma la thug pa'i lha mo rnams ni me tog sna tshogs kyis bcings pa'i thor tshugs dang ldan pa'o/ /byang chub sems dpa' rnams ni ral pa'i cod pan dang ldan pa/ /dkyil 'khor ba thams cad rtsa ba'i zhal sku dang mtshungs shing rang gi de bzhin gshegs pa rnams kyi dbang bskur ba dang ldan pa'o/ /mo ha ra ti zhes bya ba 'dis sangs rgyas spyan zhal gsum pa ston ka'i zla ba lta bu zhi ba'i ro dang ldan pa/ zhal

  331. 166a

    g.yas pa dang g.yon pa sngon po dang dmar po mnga' ba/ 'od zer dkar pos khyab pa'i 'od dang ldan pa/ rnam pa'i mchog thams cad dang ldan zhing rgyan thams cad kyis brgyan pa/ g.yas pa rnams kyis 'khor lo dang rdo rje dang utpa la dkar po dang/ g.yon pa rnams kyis dril bu dang rin po che dang ral gri bsnams pa des gdon la sogs pa rnams kyis nyen pa rnams zhi bar byas te/ de slar bkug nas me'i? phyogs su zla ba la bzhugs so/ /rA ga ra ti zhes bya ba 'dis gos dkar mo pad+ma rA ga dang/ zla ba'i mdog can/ zhal g.yas pa dang g.yon pa sngon po dang dkar po mda' ba/ mtshan thams cad yongs su rdzogs shing/ rgyan thams cad kyis mdzes pa/ g.yon pa na sgeg pa dang bcas pas sdod pu'i khri shing dang bcas pa'i dril bu bsnams shing/ g.yas pas utpal dmar po kha 'byed pa/ g.yas dag na rdo rje dang 'khor lo/ g.yon pa dag na nor bu dang ral gri bsnams pa des gdon la sogs pas bskams pa rnams rgyas par bya ste/ rlung gi phyogs su pad+ma'i steng gi 'dab ma la bzhugs so/ /badzra ra ti'i sa bon las sgrol ma ma rgad ltar ljang ser du snang ba/ yan lag thams cad mtshan dang ldan zhing bud med kyis bsgrub par bya ba'i 'dod pa la brtson pa/ sgeg cing 'dzum la zur mig dang ldan pa'i zhal mnga' ba/ zhal g.yas pa dang g.yon pa sngon po dang dkar po mnga' ba/ g.yas pa rnams kyis ral gri dang sna tshogs rdo rje dang 'khor lo/ /g.yon pa rnams kyis dril bu dang rin po che dang utpa la ljang ser bsnams pa byung ste/ chags shing sngar? la rmongs par gyur pa rnams 'od zer rnams kyis reg pas dbang du byas nas/ log ste dbang ldan gyi mtshams 'od zer gyi dkyil 'khor la bzhugs te mgon po la gzigs par bsam par bya'o/ /yi ge thliM las sa'i snying po

  332. 166b

    sku mdog dang zhal la sogs pa rnam par snang mdzad dang mtshungs pa'o/ /yi ge oM tshar gsum pa'i sa bon las byams pa phyag g.yas pa na na ga ge sar gyi ltug? ma dang ldan pa/ lhag ma snga ma dang mtshungs pa'o/ /yi ge oM gsum las go rim bzhin du rdo rje dang rin po che dang pad+ma la gnas pa'i phyag na rdo rje dang nam mkha' i snying po dang 'jig rten dbang phyug/ mi bskyod pa dang rin chen 'byung ldan dang 'od dpag tu med pa dang mtshungs pa'o/ /yi ge haM las byung ba'i 'phags pa 'jam dpal g.yas pa'i rtsa ba'i phyag gis ral gri 'phyang zhing/ g.yon pas thugs ka'i phyogs su dril bu bsnams pa'o/ /hA zhes bya ba 'di las sgrib la thams cad rnam par sel ba phyag g.yon pa rol pa'i tshul gyis gang na mnan pa/ g.yas pa na me tog gi phyag rgyas rdo rje utpal brnams pa/ lhag mo don yod pa dang mtshungs pa/ yi ge oM las kun tu bzang po de dang mtshungs pa'o/ /de nas oM swA A hA hUM a zhes bya ba de rnams las gzugs rdo rje ma la sogs pa rnams dang/ byams pa dang 'jam dpal gyi sa bon dag las byams pa dang snying rje ma sa bon gsum gyis byin gyis brlabs pa rnams byung ste/ de rnams kyis rnam pa gsum pa'i gzugs la sogs pa'i yul rnams dang/ byams pa dang snying rje dag rnam par sbyangs nas bkug ste dbang ldan gyi phyogs dang nye ba nas brtsams nas/ shar du sa'i snying po dang gzugs rdo rje ma byams pa dang lha mo byams na dgod par bya'o/ /de bzhin du lho ru phyag na rdo rje dang skra? rdo rje ma nam mkha' i snying po dri rdo rje ma'o/ /de bzhin du nub du 'jig rten dbang phyug dang ro rdo rje ma/ 'jam dpal dang lha mo snying rje ma'o/ /byang du ni sgrib pa rnam par sel ba

  333. 167a

    dang reg bya rdo rje ma/ kun tu bzang po dang chos kyi dbyings kyi rdo rje ma ste rang gi phyogs dang rjes su mthun pa'i gdan la bzhugs pa dang/ rang gi de bzhin gshegs pa rnams kyi kha dog dang ldan pa rnams bsgom par bya'o/ / khyad par rnams ni brjod par bya ste/ gzugs rdo rje ma ni phyag gnyis kyis me long 'dzin pa'i bya ba dang ldan pa'o/ /de bzhin du thams cad kyang na ga ge sar gyi lhug? ma dang/ pi bang? brdung pa dang dri'i dur phor dang/ ye shes kyi bdud rtsi'i snod dang/ ral gri dang dril bu dang mdza' gnyis su rdo rjes mtshan pa'i ka tsa yin nga'i gos reg bya bde ba dang ldan pa dang/ sna tshogs rdo rje mtshan pa'i gru gsum dkar po chos kyi dbyings kyi phyag rnams phyag gnyis na bsnams pa'o/ /ya man+ta krita ces bya ba 'di yis 'phags pa gshin rje mthar byed 'jig pa'i dus kyi sprin gyi tshogs dang mtshungs pa/ zhal g.yas pa dang g.yon pa dkar po dang dmar po mda' ba/ 'od zer 'bar ba'i tshogs rnams kyis nam mkha' i dbyings ma lus pa khyab pa/ g.yas pa rnams na 'khor lo dang ral gri dang tho ba bsnams pa/ g.yon pa dril bu dang bcas pas snyoms par zhugs pa'i ro langs ma'i nu ma 'dzin cing/ gzhan dag gis dgra sta dang zhags ba'o/ /pradz+nyAn+ta krita ces bya bas gzhan gyis mi thub pa dkar po zhal g.yas dang g.yon sngon po dang/ dmar po mnga' ba/ g.yas pa rnams kyis rdo rje dang dbyug pa skor ba dang ral gri 'phyar ba'o/ /g.yon pa dril bu dang bcas pas gzhan gyis mi thub ma'i nu ma 'dzin cing/ gzhan dag gis dgra sta dang sdig mdzub zhags pa dang ldan pa'o/ /pad+man+ta krita ces bya bas rta mgrin me tog band+hu ka lta bu/ zhal g.yas dang g.yon sngon po dang dkar po mnga' ba/ gad brgyangs kyis ri bo'i

  334. 167b

    tshogs 'jig bar mdzad pa/ g.yas pa rnams kyis pad+ma bskyod pa dang ral gri dang tho ba bsnams pa/ g.yon pas de bzhin du khro gnyer can gyi nu ma dang gzhan dag gis dgra sta dang zhags pa 'dzin pa'o/ /dig+h+nAn+ta krita ces bya bas 'phags pa bdud rtsi 'khyil pa bgegs kyi rigs ma lus pa skrag par mdzad pa zar ma'i me tog lta bu/ zhal g.yas pa dang g.yon pa dkar po dang dmar po mnga' ba/ g.yas ba rnams kyis sna tshogs rdo rje bskyod ba'i dang ral gri dang tho ba bsnams pa/ g.yan pas ral pa? gcig ma'i nu ma/ gzhan dag gis dgra sta dang zhags pa 'dzin pa ste/ yi ge gsum gyis byin gyis brlabs pa de rnams ya man+ta krita ces bya ba la sogs pa brjod pas rim pa bzhin du phyung ste/ sems can thams cad kyi rgyud la yod pa'i 'chi bdag dang nyon mongs pa dang phung po dang lha'i bu'i bdud kyi rnam bar rtog ba rnams bsal nas/ log ste shar dang lho dang nub dang byang gi sgo rnams su rang gi pad+ma'i nyi ma'i gdan rnams la/ gshin rje dang khyab 'jug dang tshangs ba dang bgegs kyi bdag po dang lus dan po dang 'dod pa'i lha la sogs ba'i rang bzhin can de rnams nyid/ go rim bzhin du g.yas brkyang pa dang g.yon brkyang ba dang sa ga dang zlum pa'i 'dug stangs rnams kyis mnan nas bzhugs par bsam par bya'o/ /khro bo 'dod pa in+d+ra nI la'i mdog dang ldan zhing khro ba dang bcas pa/ zhal g.yas pa dang g.yon pa dkar po dang dmar po mnga' ba/ sgeg ba'i cha byad can/ phyag bzhi pa/ rtsa ba'i phyag dag na 'dod pa'i rgyal po'i phyag rgyas rdo rje lcags kyu dang zhags pa bsnams shing/ gzhan dag gis mda' dang gzhu bsnams pa rnam pa'i mchog thams cad dang ldan zhing/ rgyan thams cad kyis brgyan pa nyi ma lta bu'i 'od mnga' ba/ me'i mtshams su

  335. 168a

    pad+ma dang nyi ma'i gdan la g.yon brkyang pas me lha mnan nas bzhugs par bsam bar bya'o/ /dbyug pa sngon po sku mdog la sogs pa rnams bdud rtsi 'khyil pa dang mtshungs pa/ phyag g.yas pa rnams kyis dbyug ba spon po bskyod pa dang 'khor lo dang pad+ma bsnams pa/ g.yon pa dril bu dang bcas pas snyoms par zhugs shing 'khyud pa'i rig ma'i nu ma 'dzin cing/ gzhan dag gis rin po che dang ral gri bsnams pa/ bden bral gyi mtshams su g.yon brkyang ba'i 'dug stengs kyis bden bral mnan nas bzhugs so/ /'phags pa stobs po che 'phags pa dbyug pa sngon po dang mtshungs te/ 'on kyang phyag g.yas pa dag gis 'od zer dkar po dang ldan pa'i rdo rje dang/ 'khor lo bsnams pa/ rlung gi mtshams su rlung lha dang/? chu lha dag mnan nas bzhugs so/ /'phags pa mi g.yo ba sku mdog la sogs/ rnams mi bskyod pa can te/ 'on kyang g.yas pa'i rtsa ba'i phyag gis rdo rje ral gri bskyod cing/ gzhan phyag g.yon pa dril bu dang zhags pa dang bcas pas rig ma'i nu ma 'dzin pa/ gsum pas pad+ma bsnams pa/ dbang ldan gyis mtshams su g.yon brkyang pas dbang phyug chen po mnan nas bzhugs so/ /yi ge bruM las byung ba'i gtsug tor 'khor los sgyur ba chen po rig ma dang bcas shing sku mdog ser po/ /rtsa ba'i zhal sku dang mtshungs shing/ zhal g.yas pa dang g.yon pa sngon po dang ser po mnga' ba/ phyag la sogs pa rnam par snang mdzad dang mtshungs pa ste/ 'on kyang mdun du rtsa ba'i phyag gis gtsug tor bsnams shing/ rdo rje dang pad+ma dang 'khor lo dang phreng ba dang ldan pa/ 'og tu pad+ma dang nyi ma'i gdan la g.yon brkyang bas thag bzang ris dang klu rnams dang sa'i lha mo mnan nas bzhugs pa'o/ /dpal gnod 'dzes rgyal po ni

  336. 168b

    snga ma dang mtshungs pa ste/ 'on kyang steng na tshangs ba dang nyi ma dang zla ba la sogs pa rnams mnan nas bzhugs par bsam par bya ste/ le'u bco brgyad pa las/ 'dod dbyug stobs chen mi g.yo ba/ lcags kyu dbyug pa rtse gsum dang/ ral gri mtshams rnams dag tu dgod/ /'khor lo gnod mdzes 'og steng du/ zhes bstan pa'i phyir ro/ /khro bo de rnams thams cad kyang smin ma bteg cing khro gnyer dang bcas pa/ 'jig pa'i dus kyi me dang nyi ma dang mtshungs pa'i spyan zlum po g.yo zhing 'jigs su rung ba/ dbu skra ser po gyen du brdzes pa/ bum pa ltar sngo ba'i klu mdza' yas dang rigs ldan dag gis bcings pa'i thod pa'i phreng ba dang ldan pa'i cod pan mnga' ba/ sma ra 'bar bas shin tu bsal zhing mche ba gcigs la khro ba dang bcas shing bzhad pa'i zhal mnga' ba/ gsus pa 'phyang zhing brad rgya che ba dang ldan pa gser dang mtshungs pa'i 'jog po sgeg pa dang bcas pas rna rgyan byas la/ gser bco ma dang mtshungs pa'i klu pad+ma chen po zhes bya bas brgyan pa/ pad+ma'i skud pa ltang? dkar ba'i stongs rgyu ba'i tshangs pa'i skud pa thogs pa/ pad+ma dmar po lta bu'i nor rgyas kyi bus rnam par sbras pa'i ska rags bzang po mnga' ba/ klu pad+ma dang dung skyod dkar po dang dmar pos rkang gdub byas pa/ seng ge'i pags pa rlon pa bsnams shing/ stag gi pags pa'i sham thabs dang ldan par bsam par bya'o/ /de bzhin gshegs pa rnams ni sems pa'i skyil mo krung gis rang gi rig ma dang bcas pa'o/ /lha mo rnams ni bdag po rnams dang po// byang chub sems dpa' rnams ni rang gi rig ma rnams dnga'o/ /de kho na bzhin du khro bo rnams ni g.yas brkyang ba la sogs pa'i 'dug stangs kyis bcas pa'o/ /de ltar sku dang gsung dang thugs dang shes rab dang bcas pa ste/

  337. 169a

    phyag rgya bzhis lha'i 'khor lo rgyas btab par blta bar byas te/ sku ni phyag rgya chen po ste/ gsung gi chos kyi phyag rgya yin/ thugs ni las kyi phyag rgya ste/ shes rab dam tshig phyag rgyar bshad ces gang gsungs ba'o/ /de nas rang gi ye shes kyi 'od zer gyi lcags kyu rnams kyis de bzhin gshegs pa la sogs pa rnams bsdus nas chu'i rlabs bzhin du dkyil 'khor pa rnams la bcug ste/ de rnams dang lhan cig tha mi dad par lha'i 'khor lo bsam par bya'o/ /de nas dkyil 'khor las phyi rol du gser gyi mdog can rgyan thams cad kyis brgyan pa/ pad+ma'i steng na 'dug cing/ bde ba'i yo byad thams cad thogs pa'i bud med rin po che dang/ de bzhin du gnod sbyin gyi cha byad can gyi khyim bdag rin po che dang/ mche ba drug dang ldan zhing dkar ba'i blang po che dang/ mtho zhing ser ba'i rta rin po che dang/ rin po che du mas spras ba'i chang zungs dang ldan zhing/ utpa la sngon po'i bde? ba ma lta bu'i ral gri rin po che dang/ 'od zer 'phro zhing rtsibs brgyad dang ldan pa'i 'khor lo rin po che dang/ 'od zer dpag tu med pas nam mkha' i dbyings ma lus pa gsal bar byed pa'i dmag dpon rin po che dang rdo rje'i lha'i bu mo dang/ grub ba dang rig pa 'dzin pa la sogs pa'i chogs rab tu dga' ba dang ldan pa rnams kyis byas pa'i glu dang gar dang pi bang dang gling bu dang rdza rnga dang khar dkrol la sogs pa'i ca co'i sgras nam mkha' i dbyings ma lus pa kun tu gang zhing 'khrugs pa dang/ gser gyi mdog can gyi utpa la dang/ pad+ma dkar po la sogs pa rnam pa sna tshogs pa rnams kyis brgyan pa /dang pa dang ngur pa la sogs pa'i tshogs yid du 'ong zhing sgra snyan pa sgrogs pa rnams dang ldan pas yid du 'od ba/ me tog dang shing mchog rnam pa tha dad pa rnams kyis brgyan pa/ rin po che rnam pa sna tshogs kyi skas dang ldan pa'i rdzing bu rnams dang/

  338. 169b

    dpag bsam gyi shing rnams dang/ phyogs bzhi ru 'khor lo mchod pa'i phyir dri dang spos dang mar me dang me tog dang bza' ba dang bca' pa dang khang bzad dkar po bla na med pa dang/ skyes mos tshal dang bzhon pa dang/ mal stan dang/ gdan? la? sogs pa dpag tu med pa/ yi ge swA'i sa bon las byung ba/ chos kyi dbyings kyi mthas gtugs pa bsam par bya'o/ /de nas rang bzhin dag pa'i chos rnams kyi/ /chos dbyings gnas pa med pa la/ /rtog pa'i rdo rje las byung ba/ /rdzod? pa yang ni brjod pa min/ /zhes bya ba 'dis stong pa nyid du ro gcig cing/ brtan pa dang g.yo ba'i dngos po thams cad kyi bdag nyid dkyil 'khor pa'i lha rnams dang tha dad pa med cing rang bzhin gyis 'od gsal ba'i mchog tu dga' ba'i rang bzhin du bdag nyid bsgom par bya'o zhes bya ba ni dkyil 'khor rgyal po mchog ces bya ba'i ting nge 'dzin gnyis pa'o// //las rgyal po mchog ni de nyid du zhe sdang la sogs pa rnams la mngon par dga' ba'i sems can gyi don bya ba'i mtshan nyid du khong du chud par bya'o/ /de nas brtan par bya ba'i phyir phra mo'i rnal 'byor bsgom par bya ste/ rdo rje 'chang chen po'i rnal 'byor pas ni rang gi rig ma'i pad+ma'i sna rtse rin po che kha dog sna lnga pa yungs kar gyi 'bru'i? tshad tsam bsams la/ de'i nang du brtan pa dang g.yo ba'i dngos po thams cad kyi bdag nyid kyi rang gi 'khor lo bdag po dang bcas pa 'am/ lha mo bzhis yongs su bskor ba'i gsang ba lnga'i bdag nyid blta bar bya'o/ /yang na phung po la sogs pa byin gyis brlabs pa snyoms par zhugs shing las la gnas pa'i gzugs gcig pu/ ji srid sgra la sogs pa nye bar gyur pa mi dmigs pa dang/ bsam par bya ba cam la dmigs pa'i mtshan ma'i sko nas sems

  339. 170a

    brtan par gyur par sems kyis shes par gyur pa de srid du bsgom par bya'o/ /de nas sangs rgyas 'bar ba'i 'od dang mtshungs pa'i/ /rab mchog sprin rnams spro bar bya/ /de nas rdo rje dang 'khor lo dang dril bu dang/ rin po che dang pad+ma'i dang ral gri'i sprin dang/ de bzhin gshegs pa la sogs pa dkyil 'khor pa rnams kyis nam mkha' i dbyings ma lus pa til gyi gang bu bzhin du kun tu bkang ste/ bsdu ba dang bstim pa dang brtan par bya ba dang/ rjes su mnyes par yid bya'o/ /de bzhin du zhe sdang rdo rje'i rnal 'byor pas ni utpal sngon po'i 'dab ma lta bu'i rdo rje rtse dgu pa 'bar ba nas kyi 'bru'i tshad tsam dang/ de bzhin gshegs pa'i rigs kyi mi bskyod ba'i rnal 'byor pas ni rdo rje rtse lnga pa 'bar ba dang/ rang gi rigs kyi de bzhin gshegs pa'i rnal 'byor pas ni tsa na ka'i 'bras bu'i tshad tsam gyi 'khor lo rtsibs brgyad pa dang/ de bzhin du pad+ma rigs kyi rnal 'byor pas pad+ma 'dab ma brgyad pa dang/ rin po che'i rigs kyi rnal 'byor pas snga ma bzhin du rin po che ste/ 'on kyang bairUrya dang/ rang gi rigs kyi don yod par grub pa'i rnal 'byor pas utpal ljang ku'i mdab ma lta bu'i ral gri nas kyi 'bru'i tshad tsam bsams la/ thams cad kyi cho ga kun rdo rje 'chang chen po'i dang mtshungs par bya'o/ /de ltar mtshan ma dang lha'i rjes su gnang ba thob pa/ sgrub pa'i dkyil 'khor du thams cad byed cing grub pa ni 'gro ba ma lus pa rnams kyi bsam pa yongs su rdzogs par byed nus par 'gyur ro/ /bzlas ba yang bya ste/ rang gi snying ye shes sems dpa' i thugs ka'i pad+ma dang zla ba la hUM maM A:hUM badzra d+h+rika swAhA/ /zhes bya ba'i sngags kyi phreng ba mgo gyen du bltas shing/ khang pa'i nang na gnas

  340. 170b

    pa'i mar me bzhin du lus kyi yan lag kun tu gsal bar byed pa bkod la/ mar me las mar me 'byung ba bzhin du ye shes sems dpa' i rdo rje nas phyung ste/ rang gi rig ma'i kha nas ye shes kyi rig ma'i zhal du bcug la/ de bzhin du rdzogs pa'i byang chub kyi 'bras bu'i rang bzhin gyi 'khor lo bcug nas/ de'i pad+ma'i lam dang rig ma'i pad+ma'i lam nas phyung ste/ rang gi rdo rje'i lam dang ye shes sems dpa' de'i lam nas bcug la/ dkyil 'khor de thugs ka'i zla ba'i dkyil 'khor la gzhug cing bzlas pa bya ste/ /yang dang yang du sngags brjod cing/ til gyi gang bu dang mtshungs pa'i dkyil 'khor pa rnams la yang de bzhin du sngags bkod de/ thams cad kyi sngags kyi sgra la de rnams kyi sgo nas dmigs shing bzlas pa bya'o/ /de bzhin du lha thams cad kyi rnal 'byor pa bdag nyid kyis rang gi sngags dgod pa sngon du 'gro ba can ni rdo rje bzlas pa'i rim pa'o/ /de la lha thams cad kyi sngags ni b+h+ruM oM A(rgyud 'grel): hUM zhes bya ba bkod nas 'byin pa'i snying po swAhA'i mdza' can rnams yin no zhes bya ba ni man ngag yin no/ /mgo dang lkog ma dang snying ga'i phyogs rnams su rten dang bcas pa'i sku la sogs pa'i yi ge rnams rnam par bkod de/ sngags de rnams las phyag mtshan dang lha rnams rigs kyi bye brag gi sgo nas rnam pa gsum rim gyis sam cig car du spro bar bya ste/ 'dis ni rdo rje gsum dang mtshungs par 'gyur ro/ /til gyi gang bu dang mtshungs pa'i dkyil 'khor pa rnams la sku gsung thugs bsams te/ lha mo'i tshogs yang dag par spros la/ snga ma bzhin du bla na med pa la sogs pa'i mchod pa bya ste 'bras bu ni de dang mtshungs pa'o/ /yang na dkyil 'khor na gnas pa'i sku rdo rje'i rnal 'byor pas sgyu ma lta bu'i sku la sogs par lhag par mos pa'i sgo nas ye shes sems

  341. 171a

    dpa' i thugs kar pad+ma'i zla ba la yi ge oM rnam par bkod de/ yi ge oM las 'khor lo'i phyag rgya dang rnam par snang mdzad rnams spro bar bya'o/ /de bzhin du gsung rdo rje la sogs pa thams cad kyi rnal 'byor pa rnams kyis kyang bya ba yin te/ thams cad du sngags brjod par bya zhing/ de bzhin gshegs pa la sogs pa thams cad yang dag par spros te/ de rnams kyis nam mkha' la bkad la/ brjod pa'i mthar de rnams yang dag par bsdus te/ rang gi snying gar gzhug cing bzlas pa bya'o/ /yod pa 'am med pa dang/ sgra 'am sgra ma yin pa dang/ phyi 'am nang 'am gnyis ka'i bar na sems gnas zhes rnam par spyod pa ni sku rdo rje dang gsung rdo rje dang thugs rdo rje rnams kyi bzlas pa yin no/ /mnyam pa nyid kyi ye shes kyi dus gsum gyi sangs rgyas dkon mchog rnams kyi don la rnam par dpyod pa ni rin po che'i bzlas pa'o/ /rang gi ba spu'i bu ga'i gseb nas byung ba rten dang brten par bcas pa'i sangs rgyas kyi zhing nam mkha' dang mnyam pa spro ba ni don yod pa'i bzlas pa'o/ /khro bo'i rnal 'byor pas ni dpag tshad bya ba'i tshad dang ldan pa'i dkyil 'khor na bzhugs pa'i lha'i 'khor los gsan par bya'o snyam du lhag par mos pa'i sgo nas bzlas pa byas te/ lce ni shin tu mi g.yo zhing/ so dang mchu dag mi sbyor pa'i/ /rdo rje tshig ni sgra med pas/ /'dod pa thams cad bsgrub par bya/ zhes bya bas gang yang rung ba'i ming can ji srid 'dod par bzlas pa byas la/ de'i don la nges par brtag par bya ste/ sngags la dmigs pa'i lus dang ni/ /dag dang yid kyis bskul nas su/ /yid ni dga' zhes mgu ba yis/ /dngos grub rab mchog bsgrub par bya/ /sems la dmigs pa bdag med pas/ /ngag dang lus kyang rnam par bsgom/ /nam mkha' bzhin du mnyam pa'i gnas/ /

  342. 171b

    sbyor ba rnam gsum bsgrub par bya/ /lus dang ngag dang sems dmigs na/ /ngo bo nyid ni dmigs su med/ /sngags kyi lus su sbyor ba la/ /byang chub med cing sbyor ba med/ /sku gsung thugs kyi mtshan nyid du/ /'di ni mdor na rnam dpyad nas/ / sngags kyis? brtags pa'i ting nge 'dzin/ /byang chub sbyor ba bsgom par bya /zhes bya ba 'dis rdzogs pa'i ye shes rtog pa'i nyes pa thams cad dang bral zhing mchog tu zag pa med pa'i bde ba chen por bdag nyid blta bar bya'o/ /de nas zhes sdang rdo rje mchog tu bde ba la zhugs mthong nas ni/ /bde ba'i ro dang bral bas mA ma kI sogs yid 'ong zhing/ 'dod pa'i bde ba bsgrub nus rnams kyis sgra snyan dang ldan pa'i/ /glu rnams snyam pa yid 'ong dag gis bskul bar bsam byas te/ /rdo rje thugs khyod sems can khams na gnas kyi dbang phyug ste/ /dga' ba'i yid 'ong don chen 'dod pas bdag la bskyab tu gsol/ /mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes par mdzad du gsol/ /rdo rje'i sku khyod bka' i 'khor lo sems can kun la phan/ /sangs rgyas don du byang chub mchog sgrub rab tu phan par gzigs/ /mgon po gal te de ring bdag ni gson par mchis bzhed na/ /'dod chags dam tshig chags pas bdag la dgyes par mdzad du gsol/ /khyod ni rdo rje'i gsung te kun la phan zhing thugs brtse pa/ /'jig rten dag gis dgos pa'i don mdzad pa la shin tu brtson/ /mgon po gal te de ring bdag ni gson par mchis bzhed na/ /spyod pa dri med kun tu bzang po bdag la dgyes par mdzod/ /khyod ni rdo rje 'dod pa dam tshig mchog gi phan yon che/ /yang dag rdzogs pa sangs rgyas gdung mchog mnyam pa nyid gzigs pa/ /mgon po gal te

  343. 172a

    de ring bdag ni gson par mchis bzhed na/ /yon tan rin chen mang po'i gter gyur bdag la dgyes bar mdzod/ /ces lha mo rnams kyis yang dag par bskul bar byed do/ /de nas de bzhin gshegs pa rnams kyis mi bskyod pa ni ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /gsang ba'i gsung la phyag 'tshal lo/ /rnam par snang mdzad rab tu dag /rdo rje zhi ba dga' ba che/ /rang bzhin gyis ni 'od gsal chos/ /ston ba rdo rje phyag 'tshal lo/ / rin chen rgyal po rab tu zab/ /rdo rje nam mkha' dri ma bral/ /dngos nyid dag pa dri ma med/ /rdo rje skul phyag 'tshal lo/ /rdo rje mi 'chi 'dod chags che/ /mi rtog nam mkha' rdo rje 'dzin/ /'dod chags pha rol phyin pa brnyes/ /rdo rje gsung la phyag 'tshal lo rdo rje dag la gdon mi za/ /bsam pa thams cad yongs rdzogs byed/ /ngag pa ngo bo nyid las byung/ /rdo rje sems dpa' khyod phyag 'tshal/ /zhes bya bas bsdod par gyur to/ /de nas yang dag par bzhengs nas de bzhin gshegs pa la sogs pa thams cad la bla na med pa la sogs pa'i mchod pa rnams kyis yang dag par mchod de dkyil 'khor rnams phung po la sogs pa rnams la bcug nas/ thams cad kyang yi ge gsum du bsdus la/ de rnams kyang nam mkha' dang mtshungs par dmigs nas nye bar bsdu bar bya'o/ /de ltar bsgom pa na gang gi tshe skyo bar gyur pa de'i che/ rang gi lha tshim par bya ba'i don du mgo las mtho gang tsam gyi steng du dam tshig lnga'i dkyil 'khor bsams la/ de'i dbus na gnas pa'i yi ge oM gyi 'od zer dmar pos zhu par gyur nas/ zla ba ltar bsil ba'i rgyun rkan gyi phyogs su babs pas rtsa rnams kyi sbubs khyab? pa'i sgo nas lus thams cad tshim par bsam par bya'o/ /rnal 'byor ba 'ga' zhig gang gi tshe bkres pa dang skom pa la

  344. 172b

    sogs pa'i sdug bsngal byung ba de'i tshe/ ji lta ba bzhin du rnam par snang mdzad kyi rnal 'byor dang ldan pas yi ge oM las byung ba'i rang gi lce 'od zer sna tshogs kyi phred gang ldan pa bsams la/ rang gi mchu la reg par yi ge las byung ba'i bum pa bzang po ser po/ zla ba phyed pa dang thig ler bcas pa'i oM las byung ba'i yid bzhin gyi nor bus rnam par brgyan pa bltas te/ de nas lce'i 'od zer gyis bkug la bza' ba dang btud ba la sogs pa byas na thams cad 'grub par 'gyur te/ bcom ldan 'das kyis bka' 'di ni phyin ci ma log pa yin no/ /yid ches pa brtan zhing sdom pa la gnas pa/ lha'i nga rgyal gyis bya ba ma lus pa sgrub pa lhur len cing/ lha rnams kyis rjes su gnang ba byin pas gang gi tshe zla ba drug dang gnyis dang phyed dang gnyis dang gcig gi? dang? phyed dang zhag bdun pa'i bsgrub pa drug gis lha rnams ma grub pa de'i tshe zhag bdun pa'i sgrub pa brtsam bar bya ste/ hUM gi sa bon las byung ba'i gzhal yas khad gi nang na gnas pa'i chogs kyi dkyil 'khor gyi dbus na bzhugs pa'i rdo rje 'chang chen po la sogs pa gang yang rung ba'i rdo rje'i rigs kyi rnal 'byor dang ldan pas/ rang gi ba sdu'i bu ga'i gseb nas phyud ba'i lha mo'i chogs kyis mngon par dga' ba'i 'jig rten khams na bzhugs pa'i ye shes kyi lha la bla na med pa la sogs pa'i mchod pa rnams kyis yang dag par mchod de de rnams nyid kyis snyan cing 'jam la yid du 'ong ba'i tshig rnams kyis bskul nas bkug la rang gi lus la bcug ste de dang lhan cig tha mi dad par bdag nyid bsgom par bya ste zhag bdun na 'grub par 'gyur ro/ /gal te de lta na ma grub pa de'i tshe rang gi ye shes sems dpa' i thugs ka na gnas pa'i pad+ma'i sted gi zla ba la gnas pa'i rdo rje'i lte ba'i hUM las byung ba gnod mdzes rgyal po dang

  345. 173a

    mtshungs shing sa bon gsum gyis byin gyis brlabs ba'i rdo rje lcags kyu rang gi kha nas byung ste/ yi ge yaM las byung ba'i rlung gi dkyil 'khor la gnas pa'i raM las byung ba'i shing rta gsum la bzhag la/ 'jig pa'i dus kyi me dang nyi ma lta bu rang la bka' nod bar bsams nas mdag par bya'o/ /yang dag bar song nas rdo rje lcags kyu 'bar bas de'i thugs kar brdab? cing/ /rdo rje chen po che ge mo/ /khyod kyi sgrub pa la gnas shing/ /khyed? la rtag tu gus pa nyid/ /dam tshig srung ba lhur len zhing/ /dbang dag bskur zhing rjes gnang thob/ /de la dngos grub rtsal du gsol/ /zhes brjod na zhag bdun na 'grub par 'gyur ro/ /gal te de lta na yang dngos grub mi ster? na de'i tshe rig ma'i nang ma'i nang du yi ge ha las byung ba'i sna chogs rdo rje/ de'i steng du yi ge hUM las byung ba'i nyi ma'i dkyil 'khor nyi ma bye ba dang mtshungs par rnam par bsams la/ de'i yang steng gi yi ge ra dang/ de'i steng gi phaT las byung ba'i gru gsum 'bar ba bskal ba'i me ltar 'bar ba yongs su bsams te/ rang gi rdo rje snga ma bzhin du rdo rje 'bar bar rnam par bsams nas de kho na bzhin du rdo rje lcags kyu ma dags te/ des ye shes kyi lha snying ga nas phug la bkug ste bcug la lha mo'i pad+ma'i nang du mo'i dkyil 'khor la bzhag par bya'o/ /de nas sreg par byed pa'i 'od zer gyi chogs 'phro pa'i rdo rje de pad+mar bcug la sngar bshad ba'i rig ma'i sngags kyi 'phreng ba bkod pa dus mdza' i me'i phreng ba ltar de'i lus la bsam par blta bar bya'o/ /de dag thams cad kyis thal ba nyid du byas bar bltas la/ /de'i rnam par shes pa mar me lta bu yi ge hUM gi gzugs can yongs su gyur par byas nas/ rdo rje 'chang chen po la sogs ba'i gzugs su

  346. 173b

    rnam bar bsgoms nas/ rang gi lus la yang bcug ste de dang lhan cig tha mi dad par bdag nyid bsgoms na rang gis bshad pa'i dam tshig las 'das pa'i 'jigs pas zhag bdun na gdon mi za bar 'grub par 'gyur ro/ /rnam pa gsum po de rnams kyis go rims bzhin du bsdum pa dang dpye ba dang chad pa gcad ba'i rim par shes par bya ste/ de lta bu ni sgrub thabs kyi rim pa'o// //de lta bu'i zhal dang phyag la sogs pa dang ldan zhing 'khor lo dang bcas ba'i bcom ldan 'das gzigs nas/ btsun mo'i chos 'gyur nas byung ste/ mi bskyod ba la sogs pa de bzhin gshegs pa rab tu dga' ba'i yid dang ldan pa rnams kyi ched du brjod pa 'di ched du brjod de/ e? ma zhes bya ba ni ngo mtshar ba'o/ /'o zhes bya ba'i sgra ni gang gi phyir gyi don chen no// byang chub sems ni rab 'jug ba ni yang dag bar sbyor ba las byung ba'i dkyil 'khor 'khor lo'i sgo nas 'gro ba ma lus ba rnams kyi don byed pa'o/ /'di de bzhin gshegs pa kun gyi yin bas de bzhin gshegs pa kun gyi'o bya ba la sogs pa'i tshul la brten pa rnams kyis mi shes pa nyid yin pa'i phyir gsang ba'o/ /thabs las 'das pa nyid yin pa'i phyir rab tu brtag tu med pa'o/ /nyon mongs pa thams cad dang bral ba nyid yin ba'i phyir rnyog pa med pa'o// // da ni ma 'ongs pa rnams la gzigs nas rdo rje 'chang chen po'i yan lag gi cha shas kyi bdag nyid nus ba dang mi ldan zhing 'khrul pa can gyi gdul bya rnams dang tha mi dad pa'i rang bzhin gyis sa'i snying po la sogs pa rnams la slob dpon dang slobs? ma'i 'brel pa bstan pa'i phyir/ de bzhin gshegs pa rnams kyis thabs dang shes rab gnyis su med pa nyid yin pa'i de kho na nyid yin zhing/ de dag snyoms par 'jug pa'i rang bzhin de las byung ba'i byang chub kyi sems ni dga' ba rgyas par

  347. 174a

    byed pa nyid yin pa'i phyir rin bo che yin la /de'i sprin de nam mkha' khyab pa'i bkod pa rnams kyis yang dag par mchod de phyag 'tshal nas de bzhin gshegs pa zhes bya ba la sogs pa gsungs te/ de bzhin gshegs pa kun gyi gsang ba ni bde ba chen po'o/ /de las byung ba ni gsang ba las byung 'dus pa'o/ /de nyid rdo rje de bzhin bshegs pa rnams kyi yin pas na rdo rje snying po'o/ /mdor bsdus nas bstan pa'i phyir btus? pa'o/ /de nyid ni thabs dang shes rab kyi rang bzhin de bshad cing gsal bar mdzad du gsol zhes bya ba'i don to/ de nas zhes bya ba ni rjes thogs su ste bcom ldan 'das byang chub kyi sems rdo rjes de bzhin gshegs pa thams cad la 'di skad ces bka' stsal to/ /legs so? sogs? so? zhes bya ba ni zhal gyis bzhes pa ste/ legs so zhes bya ba ni mngon par 'dod pa'i don ston par byed pa nyid yin pa'i phyir ro/ 'on kyang zhes bya ba'i sgra ni rnam par rtog pa'o/ /de bzhin gshegs pa thams cad ces bya ba ni rigs nges pa dang ldan pa'i sems can rnams te/ dus gsum gyi dam tshig de bzhin gshegs pa thams cad ni da ltar byung ba'i de bzhin gshegs pa kho na yin par rjes su shes par bya ste byang chub tu sems bskyed pa nyid yin pas so zhes 'byung ba'i phyir ro/ /gzhan rnams lta ci smos zhes bya ba ni 'di rigs ma nges pa dang? rigs chad pa rnams kyi sbyor yul yin par spro ba med par ston to/ /'di ni rigs nges pa rnams kyi yang yul ma yin no zhes bya ba'i bcom ldan 'das kyi gsung de lta bu thos nas ngo mtshar du gyur cing/ rigs ma nges pa rnams gyi yin pa lta ci smos zhes bya bas ni rmad du gyur to/ /de nas slar yang de bzhin gshegs pa thams cad kyis bcom ldan 'das the tshom thams cad gcod par mdzad pa de la 'di skad ces gsol to/ /gang zhes

  348. 174b

    bya ba ni gang gi phyir ro/ /'di lta bu'i yon tan khyad bar can du gyur pa dang ldan pa zhes bya ba ji skad bshad pa'i 'khor du'o?/ /de rnams ni de bzhin gshegs pa yin la thams cad kyang yin bas/ de bzhin gshegs pa thams cad de mi bskyod pa la sogs pa rnams so/ /de rnams kyi sku dang gsung dang thugs gsang ba ste/ dam tshig dang sdom pa la sogs pa ston par mi spro ba de'i phyir bcom ldan 'das de bzhin gshegs pa thams cad la byin gyis brlabs cing snod du rung ba nyid du mdzad de yang dag par bstan du gsol zhes bya bar sbyar ro/ /gang gis zhe na/ rdo rje dam tshig 'byung ba'i tshig rnams kyis ste/ de la rdo rje dam tshig ni dbang po gnyis yang dag bar sbyor ba'i mtshan nyid de/ de las byung ba'i tshig rnams ni byang chub kyi sems dbyung ba la sogs pa rnams te de rnams kyis so/ /nges ni 'di skad du ye shes kyi dkyil 'khor du ji skad bshad pa'i tshul ba rnams bcug la/ phreng ba dang bum pa la sogs pa'i dbang rnams dang/ gsad ba dang shes rab ye shes kyi dbang dag gis dbang bskur te/ bzhengs nas lung bstan pa sngon du 'gro ba can gyi bshad pa mdzad du gsol zhes bstan pa yin no/ /ci'i phyir zhe na/ bde ba dang zhes bya ba la sogs pa gsungs te/ de bzhin gshegs pa thams cad kyi bde ba ni thabs dang shes rab las byung ba'i mchog tu dga' ba'i/ /yid bde ba ni de las byung pa'i lha'i khyad par nam mkha' i gtos khyab pa rnams kyis 'gro ba ma lus pa rnams kyi don byed pa'o/ /de bzhin gshegs pa zhes bya ba la sogs pas ni bsgom pa gong nas gong du goms bar byas ba'i stobs kyis/ rgyud las gsungs pa sangs rgyas dang rdo rje 'chang la sogs pa rnams kyi dngos grub dag thob bar bya ba'i bar gyi phyir ro zhes bstan to/ /de nas de rnams snod du rung bar bya ba'i phyir bcom ldan 'das kyis ye shes kyi dkyil 'khor sprul par

  349. 175a

    mdzad de/ de nas zhes bya ba la sogs pa nas phyung ngo zhes bya bar sbyar ro/ /de bzhin gshegs pa thams cad kyi sku dang gsung dang thugs rdo rje de bzhin gshegs pa ni rdo rje 'chang chen po ste rigs thams cad bsdus par gyur pa nyid yin pa'i phyir ro/ /ye shes sgron ma ni mi bskyod pa ste thog ma dang tha ma med pa'i chos kyi dbyings kyi ye shes kyis rnam par rtog pa'i mun pa thams cad rnam par 'joms par byed pa nyid dang/ gdul bya rnams kyi rgyud la ye shes kyis snang bar byed pa nyid yin ba'i phyir ro/ /de nyid rdo rje ltar mi shigs bsan rdo rje ste/ ting nge 'dzin gang la de skad ces bya ba'i ming yod pa de la snyoms par zhugs so/ /shin tu drag cing gtum pa la/ /zhi bar phan par mi 'gyur te/ zhes 'byung ba'i phyir/ de lta bur gyur pa'i gdul bya rnams kyi don bya ba'i phyir thugs rje chen po'i thabs kyis khro ba ni zhe sdang ste/ so ga'i dus kyi sprin med pa'i nyin bar gyi nyi ma phyed kyi rgya mtsho chen po'i chu bzhin du phyi rol dro zhing nang bsil ba yin no zhes bya ba'i don to/ /de'i rigs ni khro bo thams cad kyi rang bzhin gyi rdo rje rtse lnga ba mchog tu 'bar ba ste 'gro ba ma lus pa'i rnam par shes pa'i phung po'i rang bzhin gyi mi bskyod pa'i gzugs skyed par byed ba yin ba'i phyir ro/ /mchog gi snying po'i snying po 'di zhes bya ba ni thugs la gnas pa'o/ /phyung ngo zhes bya ba ni bcom ldan 'das kyis ji skad bshad pa'i sgrub thabs kyi tshul bzhin du mi bskyod pa phyung ba'o/ /badzra d+h+rika ces bya ba 'di'i don ni 'di yin te/ rdo rje zhes bya ba ni 'og gi rtse mo lngas chos ma yin pa'i rang bzhin gyi mun pa'i rnam par shes pa lnga'i rnam par rtog pa lnga spangs ba dang/ steng du ltas ba rnams kyis stong ba nyid la sogs pa'i rgyu mthun pa me long lta bu la sogs pa'i ye shes lnga khong du chud pa mtshon par byed pa'o//

  350. 175b

    rdo rje 'dzin par byed bas na badzra d+h+rika ste/ bcom ldan 'das mi bskyod pa'o/ /de skad du yang/ lnga ni yangs pa lnga rig ba/ /badzra zhes ni mngon par brjod/ /'dzin pa d+h+rika ces bya bar bshad/ /rnam shes badzra d+h+rika du 'dod/ ces gsungs so/ /de nas 'di zhes bya ba la sogs pa nas bzhugs so zhes bya bar sbyar te/ de nyid ces bya ba ni rdo rje 'chang chen po'o/ /sku dang gsung dang thugs zhes bya ba ni nang gi bdag nyid can no/ /rig ba'i skyes bu zhes bya ba ni yang dag par sbyor ba dang ldan p ste/ sku gsung thugs kyi rdo rje yis/ /tha dad dngos su dbyer med pa'i/ /rig dang lhan cig sbyor ba yi/ /skyes bu rig pa'i skyes bur brjod/ /zhes 'byung ba'i phyir ro/ /mi bskyod pa'i phyag rgya chen po ni zhal nag po la sogs pa'i bdag nyid can te/ der sbyor pa ni dbyung? ba sngon du 'gro ba can gyi rang la gzhug ba yin zhing/ des nag po'i rnam par gyur pa'i phyir sgrub thabs las bshad pa'i mtshan nyid can gyi zhe sdang rdo rjer gyur to zhes bstan to/ /de bzhin du le'u bco brgyad pas bcom ldan 'das kyis 'byin ba'i sngags thams cad bshad pas de'i phyir brjod par bya'o/ /de nas zhes bya ba la sogs pa la bshad ma thag pa dang rjes su mthun par kho na sbyar bar bya'o/ /de bzhin du bcom ldan 'das zhes bya ba ni rdo rje 'chang ngo/ /de bzhin gsheD pa la sogs pa la/ de bzhin gshegs pa thams cad kyi dam tshig ni 'da' bar bya ba ma yin ba ste/ me long bzhin du lha thams cad kyi gzugs 'byung ba'i rgyu me long lta bu'i ye shes so/ /de las 'byung ba ni dam tshig 'byung ba ste rnam par snang mdzad do/ /de nyid mi shigs pa nyid yin pa'i phyir rdo rje ste/ de'i nga rgyal du sems rtse gcig pa nyid du mdzad de zhes bya ba'i don to/ /lam la rmongs pa dang bcas pa'i sems can gdul bar bya ba'i don du zhi ba'i ro dang ldan pa ni gti mug ste/ de'i

  351. 176a

    rigs ni zhi ba la sogs pa'i gzugs can no/ /mchog gi zhes bya ba la sogs pa ni snga ma bzhin no/ /yod med dbus las 'das gyud cing/ /'byung dang 'byung gyur las byung pa/ /sems can dag ni kun gyi lus/ / rgyal ba skyed byed dzin dzika /spyan sngar zhes bya ba ni mdun du ste/ bcom ldan 'das la gzigs te bzhugs so/ /de nas zhes bya ba la sogs pa nas snga ma bzhin du sbyar ro/ /de bzhin gshegs pa thams cad kyi sku dang gsung dang thugs kyi rin po che ni thabs dang shes rab mnyam pa nyid du ro gcig pa'i bde ba chen po ste/ de las byung bas ni rin po che 'byung ba ste rin chen dpal lo/ /rdzas thams cad dag par byed pa'i phyir phun sum tshogs pa mi phyed pa ni rdo rje dpal te/ ting nge 'dzin gang la de skad ces bya ba nyid kyi ming yod pha de la snyoms par bu? gso/ /de bzhin du nga rgyal gyis khebs pa'i sems can rnams 'dul bar mdzad pa'i sgo nas don bya ba'i phyir 'gro ba ma lus pa rnams kyi bsam pa yongs su rdzogs par byed cing/ khams gsum pa'i chos gyi rgyal srid kyi bdag po nga rgyal gyi ba dan bsgreng ba na gnas pa dang mtshungs pa ni yid bzhin gyi nor bu ste/ /de'i rigs ni yangs shing che ba'i rang bzhin no/ /ratna d+h+rika ces bya ba la/ don rnams kun las byung ba yi/ /sems ni rin chen zhes byar bshad/ /rig bas rig bya 'dzin pa yi/ /rig ba ratna? d+h+rika du 'dod/ /lo gnas bcom ldan 'das kyi lho ru'o/ /de nas zhes bya ba la sogs pa nas de kho na bzhin du sbyar ro/ /thabs dang shes rab thams cad kyi phan tshun shin tu chags pa rnam par dag par byed pa'i so sor rtog pa ni nga bzhin gshegs pa thams cad kyi 'dod chags chen po ste/ de las byung ba ni 'od dpag tu med pa yin zhing mi byed pas na rdo rje ste/ de'i rnam par sems rtse gcig pa nyid du mdzad do zhes bya ba'i don to//

  352. 176b

    'dod chags kyi spyod pa can gyi sems can rnams kyi don bya ba'i phyir pad+ma dag par byed pa'i rdo rje ni rdo rje 'dod chags ste/ de'i rigs ni 'dod chags thams cad kyi bdag nyid can no/ /a ro lika? ces bya ba ni/ mtshon cha mtshon byed 'dod pa yis/ /kun tu thams cad kun nas ni/ /mtshon bya mtshon byed la rol pa/ /a ro lika? ces bstan pa yin/ /'jig rten dbang phyug ni gsung rdo rje yin zhing/ de nyid sgra las byung ba'i shes rab kyi ngo bo nyid yin pa'i phyir rig pa thams cad kyi bdag po ste/ bcom ldan 'das? kyi nub tu'o/ /de nas zhes bya ba la sogs pa la/ de bzhin gshegs pa thams cad kyi gdon mi za ba ni don yod par grub pa yin zhing de nyid dang tshig ste/ 'gro ba ma lus pa rnams kyi bya ba yang dag par bsgrub pa'i bya ba bsgrub pa'i ye shes yin pas 'da' bar bya ba nyid ma yin pa'i phyir ro/ /ting nge 'dzin gang la rdo rje yin pa de nyid yod pa de la de skad ces bya'o/ /phrag dog gi spyod pa rnams de dag par byed pa'i thabs yang dag par bstan pa nyid kyi sgo nas 'gug par byed pa'i phyir/ 'phags ma sgrol ma dang bcas pas phrag dog la sogs pa'i bya ba yang dag par ston pa ni dam tshig 'gugs pa ste/ de'i rigs ni phrag dog gi bdag nyid can no/ /pradz+nyA d+h+rika ces bya ba ni/ rnam shes khyad par can gyur gang/ /de ni shes rab yin zhes bya/ / 'du byed sems dpa' i chos dag ni/ /pratnyA? d+h+rika ces bya bar brjod/ /byang du bzhugs par gyur to/ /'dis ni mi bskyod pa rnams kyi rnam par shes pa'i phung po la sogs pa rnams bcom ldan 'das kyis ji skad gsungs pa kho na bzhin du bshad pa yin te/ rnam par shes dang zhe sdang brjod/ /yangs dang ye shes gnyis kyi gsal/ /de bzhin ye shes rang bzhin rmongs/ /bems po sra pa'i ngo bo nyid/ /tshor ba rgyags dang rlom sems kyi/ /nga rgyal ngo bo nyid yin no/ /'du shes kun tu chags

  353. 177a

    bdag nyid/ /dngos po nus pa'i mtshan nyid do/ /'du byed rtag tu phrag dog ldan/ /brten 'byung bskyod pa'i bdag nyid do/ /zhe sdang la sogs pa'i rigs lnga po 'di rnams thabs dang shes rab kyis dag par lhag par mos pa'i sgo nas bsten na /sems can rnams kyi mngon par 'dod pa'i 'bras bu sangs rgyas la sogs pa sgrub par byed do/ /ci'i phyir zhe na/ nyon mongs pa nyid yang dag par ji lta ba bzhin du yongs su shes pa nyid byang chub yin no zhes pa byung ba'i phyir ro/ / de nas zhes bya ba la sogs pa snga ma bzhin du sbyar te/ de bzhin gshegs pa thams cad kyi rdo rje 'dzin ni mi bskyod pa ste/ de mnyes pa'i dam tshig ni mA ma kI yin zhing de la dmigs pa'i ting nge 'dzin la de skad ces bya'o/ /'di dang po sbyor? ni rdo rje'i rigs gtso bor gyur pa'i phyir te dre Sha to ti'o/ /rdo rje 'chad de nyid mA ma kI'i gzugs su gyur nas bden bral gyi mtshams su nye bar bzhugs so/ /de bzhin gshegs pa thams cad ni rnam par snang mdzad yin zhing rjes su mnyes par byed pa'i rdo rje ni sangs rgyas spyan te mo ha rati me'i mtshams su'o/ /'dod chags 'dzin pa ni 'od dpag tu med pa yin zhing de rjes su mnyes par byed pa'i rdo rje ni gos dkar mo ste/ de'i rnam par sems rtse gcig pa nyid du mdzad nas rA ga ti rlung gi mtshams su'o/ /de bzhin gshegs pa thams cad kyi sku dang gsung dang thugs ni don yod par grub pa ste/ de bya ba dang 'dzin pa dang lan pa la sogs pa rab tu dga' ba rjes su mthun pa'i sbyor ba rnam pa tha dad pa rnams kyis gang gis bslu zhing yang dag par sbyor bar byed pa de ni rnam par bslu ba rdo rje ste 'phags ma sgrol ma yin zhing/ de la dmigs pa'i ting nge 'dzin la de skad ces bya ste/ badzra ra ti'o/ mA ma kI la sogs pa rnams zhe sdang rdo rje la sogs pa rnams dang lhan cig yang dag par sbyor ba

  354. 177b

    phun sum tshogs pa'i bde ba ni dga' ba ste/ shin tu sbyor ba phun sum tshogs pa'o/ /bud med bde mchog dga' ba ste/ gti mug de bzhin zhe sdang chags/ /rdo rje rtag tu dga' ba gnas/ zhes gsungs ba'o/ /byang phyogs kyi bra ru zhes bya ba ni dbang ldan kyi mtshams su? thabs ni g.yas su bzhag bya ste/ de bzhin shes rab g.yon nyid du/ zhes 'byung ba'i phyir/ lha mo rnams ni rang gi de bzhin gshegs pa rnams kyi g.yon logs su bzhag par bya ste/ de rnams dang lhan cig yang dag par ldan par bsgom par bya'o/ /de bzhin gshegs pa thams cad kyi mchog phun sum tshogs pa ni btsun mo'i mchog phun sum tshogs pa zhes bya ba'i sgras bstan te/ /de nas zhes bya ba la sogs pa la phyung ngo zhes bya par sbyar te/ 'phags pa gshin rje mthar byed bskyed ba'i phyir rnam par snang mdzad kyi rnam par sems rtse gcig pa'i ting nge 'dzin de la snyoms par zhugs nas so/ /de bzhin gshegs pa thams cad kyi dkyil 'khor byin gyis rlob pa zhes bya ba ni dkyil 'khor la mthu ster bar byed pa'o/ ya man+ta krita ni/ chos rnams ? med bdag nyid dang/ /skye ba med pa'i rang bzhin ni/ /dngos rnams kun gyi dam tshig ste/ /de phyir ya man+ta krit de/ /bsnyengs par byed pa'i tshul zhes bya ba ni bshad zin pa'i mtshan nyid can gyi khro bo'i gzugs so/ /de bzhin gshegs pa thams cad kyi mngon par byang chub pa rdo rje ni 'phags pa gzhan gyis mi thub pa ste de'i rnam par sems rtse gcig pa nyid du mdzad nas zhes bya ba'i tha tshig go /pradz+nyA n+ta krit? ces bya ba ni/ /mchog tu dga' bas rnam dag phyir/ /chos rnams rnam shes bdag nyid yin/ /sems rnams kun gyi dam tshig ste/ /des na pradz+nyAn+ta krita rgyal/ /chos rin po che ni pad+ma'i rigs yin zhing/ 'phags pa rta mgrin gang la 'byung gnas te skye ba'i gnas de nyid yod pa de la de skad ces bya ste/ de la dmigs pa'i

  355. 178a

    ting nge 'dzin la de skad ces bya'o/ /pad man+ta krita ni/ chos rnams brjod bya'i bdag nyid min/ /ming dang gzugs zlo rang bzhin med/ /chos rnams kun gyi dam tshig ste/ /des na pad man+ta krita gtso/ /sku gsung thugs kyi tshul du zhes bya ba ni zhal gsum par ro/ /de nas zhes bya ba la sogs pa la khro bo chen po phyung ngo zhes bya bar sbyar ro/ /bcom ldan 'das zhes bya ba ni rdo rje 'chang chen po'o/ /de bzhin gshegs pa thams cad kyi sku dang gsung dang thugs rdo rje ni 'phags pa bdud? rtsi 'khyil pa ste/ de la dmigs pa'i ting nge 'dzin la de skad ces bya'o/ /big+h+nAn+ta krita ces bya ba ni/ rang gis zhi ba'i rang bzhin phyir/ /chos rnams mi rtog bdag nyid ni/ /rdo rje kun gyi dam tshig ste/ /de phyir big+h+nAn+ta krita gtso khro bo rnams kyi skyil krung ni g.yas brkyang ba la sogs pa nyid yin te/ bcom ldan 'das kyis/ rkang pa bskyod dang des bskyod dang/ /yang dag bskyod dang gyen bskyod gnas/ /de dag khro bo rnams kyi ni/ /skyil krung chen por yang dag bslags/ /zhes gsungs so/ /khro bo rnams ni shar la sogs pa'i sgo nas gnas pa ste/ de rnams kyi kha dog dang dbyibs dang gdan la sogs pa'i des pa ni sgrub pa'i thabs su bshad pa de nyid phyir yang dag par brjod pa mi bya'o/ /dkyil 'khor du mnyes par bya ba'i don gyi dam tshig sems dpa' rnams ni dkyil 'khor mnyes par bya ba'i dam tshig sems dpa' rnams te/ bgegs thams cad rab tu 'joms par byed pa nyid yin pa'i phyir dang/ bka' thams cad sgrub par byed pa'i phyir ro/ /ting nge 'dzin dang dkyil 'khor dag byin gyis rlob pa 'am/ ting nge 'dzin gyis bskyed ba'i dkyil 'khor du sems can rnams kyang nyan par 'dod pa nus pa can du byin gyis rlob pa ste/ don de ston par byed pa'i sgra'i tshogs la de skad

  356. 178b

    ces bya'o/ /ba ta ni byang chub kyi sems yin zhing de len par byed bas na ba ta la ste le'u'o// //rab tu dga' ba'i 'byung gnas go chas mdzad pa las le'u dang po'i rnam par bshad pa'o/ /'di la bsdus pa'i tshang ni tshigs su bcad pa stong dgu bcu rtsa gnyis yod do// //snod du rung bar byas pa rnams la gnas dang bstan la sogs pa'i cho ga sngon du 'gro ba can gyi byang chub kyi sems sgom pa nye bar bstan par bya ba ma yin pa'i phyir/ de'i rjes thogs su byang chub sems kyi le'u de nas zhes bya ba la sogs bas gsungs te/ gsol to zhes bya bar sbyar ro/ /de ni sku gsung thugs kyi bdag nyid kyang yin la bdag po yang yin pas rdo rje 'chang chen po ste de la'o/ /de rnams ni de bzhin gshegs pa yang yin la thams cad kyang yin pas de bzhin gshegs pa thams cad de/ rnam par snang mdzad la sogs pa rnams kyis mchod pa zhes bya ba bla na med pa la sogs pa'i rang bzhin can te byas te phyag kyang 'tshal nas bcom ldan 'das la gsol pa btab po/ /sku dang gsung dang thugs kyi mchog/ bcom ldan snying po bshad du gsol/ zhes bya bar sbyar te/ snying po zhes bya pa ni chos kyi sku'i rang bzhin te/ /shes rab gtso bor gyur pa'o/ /de nyid ni mi phyed cing khyad par du 'phags pa'i thabs gtso bor gyur ba'i sku la sogs pa rnams sgrub par byed pa nyid yin pa'i phyir/ sku dang gsung dang thugs kyi mchog ste rgyu la 'bras bu nye bar btags ba'i phyir ro/ /de bas na 'dis ni thabs dang shes rab kyi rang bzhin can gyi byang chub kyi sems gsungs so/ / 'di ni de bzhin gshegs pa kun gyi yin pas de bzhin gshegs pa kun gyi'o /spyod pa la sogs pa'i tshul brten pa rnams la bshad par mi bya ba nyid yin pa'i phyir gsang ba'o/ /byang chub sems bya ba ni don dam pa ste de nyid kyi phyir

  357. 179a

    thams cad las mchog yin pas bla na med pa'o/ /de nas bcom ldan 'das kyis 'di skad bka' stsal to zhes bya bar spyad te lhag ma ni go sla'o/ /sems kyi yongs su rtog pa yang thugs kyis mkhyen nas zhes bya ba ni gal te bcom ldan 'das kyis rdzogs pa'i byang chub kyi 'bras bu thob par bya ba'i phyir bdag cag la byang chub kyi sems chen po'i man ngag byin pa de'i cha/ sems can rnams kyi don chen por 'gyur ro snyam pa'i de lta bur ro/ /khyod kyis sems zhes bya ba ni byang chub thob par byed pa ste/ thog ma dang tha ma med pa'i chos kyi dbyings kyi rang bzhin no/ /lus kyi rnam la de lta bu zhes bya ba ni de bzhin nyid du ro gcig pa'i bdag nyid can gyi gzugs brnyan lta bu'i sku rdo rje'i ngo bor ro/ /lus zhes bya ba ni nyon mongs pa can dang/ nyon mongs pa can ma yin pa dang/ brtan pa dang g.yo ba'i khams gsum pa ma lus pa ni lus yin te/ 'di nyid las de nas de bzhin gshegs pa rdo rje rnam par snang mdzad khams gsum pa'i sku rdo rje thams cad la zhugs te/ de bzhin gshegs pa? thams cad kyi mnyam pa nyid la lhag par dmigs nas cad mi gsung bar gyur to zhes gang gsungs pa'o/ /sems lta bu zhes bya ba ni sra zhing brtan la khong stod med pa gzhig par bya ba mang zhing bcad par bya ba ma yin pa'i mtshan nyid can dang po'i rdo rje'i rnam par ste/ sgyu ma la sogs pa bzhin du snang ba tsam yin zhing don dam par rang bzhin med par ro/ /sems zhes bya ba ni khams gsum pa'i snang ba'i rnam pa'o/ /tshig brjod pa lta bur zhes bya ba la tshig nyid brjod pa yin pas tshig brjod pa ste/ gsung rdo rje yin zhing de lta bu ste brag ca'i sgra dang mtshungs shing nam mkha' i mtshan nyid du'o/ /tshig kyang zhes bya ba ni khams gsum pa

  358. 179b

    thams cad kyi thugs dang gsung rdo rje rnams la bzhugs te zhes bya ba la sogs pa 'byung pa'i phyir khams gsum pa'i tshig ste skyed cig pa'o/ /de nas zhes bya ba la sogs pa la sbyar nas zhes bya ba thos pa'i don brtan par byas shing sgom pas khong du chud par byas nas sems rab tu dga' bar gyur bas ched du brjod pa 'di ched du brjod de/ spyod nas thos dang bsam ldan pas/ /bsgom pa la ni rab tu sbyar/ zhes 'byung ba'i phyir ro/ /e ma zhes pa ni ngo mtshar ba'o/ /'o /zhes bya ba'i sgra ni gang gi phyir zhes bya ba'i don to/ /gang las kun tu bzang ba ste dge legs gdul bya rnams kyi rgyud las 'byung bas na kun tu bzang po ste/ tshangs pa la sogs pa'i gzugs rnams kyi sgo nas kyang zhes bya ba'i tha tshig go /de lta bu'i yon tan khyad par can dang ldan pa'i rdo rje 'chang chen po de'i sku dang gsung dang thugs rnams ni don dam par nam mkha' bzhin du skye ba med ba yin pas 'di ni skye ba med pa ste chos kyi sku'o/ /de'i sbyod ba ni rnal 'byor pa rnams kyi rgyud de'i rang bzhin du bya ba'o/ /des skye ba ni longs spyod rdzogs pa'i sku la sogs pa rnams kyi rnam par nam mkha' las mtshan ma dad gzugs su 'byung ba ste/ rtsig pa la sogs pa slangs nas nam mkha' la bzhag go zhes bya ba la sogs pa'i tha snyad bzhin no/ /'di ni zhes bya ba ni thugs la gnas pa ste rab tu bsgrags shing bstan to zhes bya ba'i don to/ /de ltar rigs chad pa dang rigs ma nges pa rnams dang rjes su mthun par ston pa lhur len pa'i byang chub sems dpa' rnams la byang chub kyi sems bstan te/ da ni rigs nges pa'i sems can rnams kyi rang bzhin can gyi de bzhin gshegs pa rnams kyi dbang du mdzad nas/ de nas zhes bya ba la sogs pa gsungs te/ gsungs so zhes bya bar sbyar ro/ /de bzhin gshegs pa thams cad kyi mngon par rdzogs par byang chub pa ni rnam pa'i sgo stong pa nyid la sogs pa'i rgyu

  359. 180a

    mthun pa me long lta bu la sogs pa'i ye shes lnga rtogs pa'o/ /de'i tshul ni de mngon du bya ba'i thabs yin zhing de nyid rdo rje ste don de bstan pa'i phyir sems rtse gcig pa nyid du mdzad nas zhes bya ba'i don to/ /dngos po rnams la/ dmigs pa'i spyod pa can gyi sems can rnams kyi dbang du mdzad nas/ dngos po med pa zhes bya ba la sogs pa gsungs te/ ji ltar brtags pa'i dngos po rnams kyi gzugs la sogs pa'i rnam pa rdul phra rab la sogs par phye ba'i sgo nas bsal ba nyid yin pa'i phyir dngos po med pa'o/ /de bas na de bsgom pa med cing stong pa'o/ /gal te chos thams cad ces bya ba ni mngon par zhe na pa'i rnam pa ste/ de ni med pa yin zhing bsgom pa ma grub pa de lta na ni stong pa nyid kho na yin grang ngo zhes bya bar nges so/ /mtshan ma dgag pa'i phyir bsgom par bya ba la sogs pa gsungs te/ stong pa'i rnam pa can gyi bsgom par bya ba kun tu brtags pa gang yin pa de ni rud pa ma yin pa nyid de/ gdan bum pa nye bar dmigs shing de med pa na/ 'di ni bum pas stong pa'i gnas yin no zhes brjod par bya ba yin na/ 'di ni re zhig bsgom pa nyid kyang ma grub na des stong pa nyid lta ga la grub/ de skad du yang med pa yod pa'i zlas drangs so zhes bshad do/ /smon pa dgag pa'i phyir de ltar zhes bya ba la sogs pa gsungs te/ de ltar de bzhin du yang smon lam gyi sgo nas kun tu brtags ba'i 'bras bu gang yin pa de yang med pa yin te/ dngos po dang mtshan ma bkag pa nyid yin pas/ bskal pa'i smon par bya ba dang smon par byed pa dang smon pa nye bar dmigs pa med pa'i phyir ro/ /de la dam pa'i don du ma/ /? du 'gro bya 'gro ba dang/ /'gro ba po med sgom pa dang/ /bsgom bya bsgom pa po nyid med/ /ces gang gsungs ba'o/ /'dis ni bar du gcod pa'i 'bras bu la nges pa med pa'i phyir mngon par rdzogs

  360. 180b

    pa'i byang chub ni rang gi sems yin par bstan ste/ rang gi sems yang dag pa ji lta ba bzhin du yongs su shes pa kho na byang chub yin no zhes 'byung ba'i phyir ro/ /'du byed pa'i mtshan nyid bsal ba'i phyir de bas bsgom pas zhes bya ba la sogs pa gsungs te/ de bas zhes bya ba ni tshigs su bcad pa'i don bstan pa'i sgo nas so/ /bsgom pa ste dngos po la sogs pa'i rnam pa can dmigs su med cing yod pa ma yin no zhes bya ba'i tha tshig go/ tshig de rnams kyis ni dngos po la sogs pa rnams kyi gnyen por gyur pa rnam par thar pa'i sgo stong pa nyid la sogs pa bzhi bstan par rtogs par bya'o/ /de la thog ma dad tha ma med pa'i chos kyi dbyings ni thar ba'i grong khyer shin tu khyad par du 'phags pa yin par brjod par bya ste/ der 'jug pa'i sgo dang lam ni stong pa nyid la sogs pa yin pa'i phyir rnam par thar pa'i sgo bstan pa nyid kyis chos kyi dbyings kyi don bstan pa kho na yin no/ /de'i phyir bdag po gtso bor bya ba'i sgo nas bcom ldan 'das kyis tshig tha dad pas bstan te mi bskyod pa'i rang bzhin yin no/ /slar yang stong pa nyid la sogs pa rnams kyi dgongs pa bstan te/ dngos po tsam 'ba' zhig 'gog gi thams cad ni ma yin zhing/ me long du byung ba'i gzugs brnyan gyi tshul du thams cad yod do zhes bya ba 'dis ni stong pa nyid kyi rgyu mthun pa me long lta bu'i ye shes kyi rang bzhin kyi rnams pa snang mdzad kyi mdo bstan te/ /de bzhin du mtshan ma med pa'i sogs pa rnams kyi rgyu mthun pa'i mnyam pa nyid kyi ye shes la sogs pa'i rang bzhin gyi rin chen dpal la sogs pa rnams kyi mdo tshig rnams bstan to/ /de ltar na sems can de rnams pa'i ches pa thob par gyur pas bsgrub pa la sogs pa la yang dag par 'jug par 'gyur ba'i phyir/ bcom ldan 'das kyis de lta bu la sogs pa gsungs so/ /da ni bcom ldan 'das kyi byang chub kyi sems kyi tshigs su bcad pa'i don rtogs nas/ de bzhin

  361. 181a

    gshegs pa rnams kyi rang rang gi rnam par thar pa rnams kyi sgo nas gdul bya'i skye bo rnams kyi don bya ba'i phyir tshigs su bcad pa rnams gsungs te/ de nas bcom ldan 'das rnam par snang mdzad kyis gsungs so zhes bya bar sbyar ro/ / de bzhin gshegs pa thams cad kyi mngon par te rnam pa ma lus par rtogs pa ni gzugs brnyan 'byung mtshan nyid tsam gyi me long lta bu'i ye shes kyi rang bzhin gyi rnam par snang mdzad do/ /de'i tshul ni de skyed par byed pa'i de bzhin nyid yin ? ? la de nyid rdo rje yin pa yod pa de la de skad ces bya ste/ de ston pa'i rnam pa can du sems rtse gcig par mdzad de zhes bya ba'i the tshig go /dngos po thams cad ces bya ba la sogs pas ni mdo'i don bstan te/ dngos po thams cad dang bral ba zhes bya ba ni dngos por dmigs pa med pa'o/ /dngos po de gang zhe na/ phung po la sogs pa rnams so/ /gzung ba ni yul gyi rang bzhin no/ /'dzin pa ni rnam par shes pa yin la/ de dag lcags kyi gong bu skam pas 'dzin pa'i tshul du gzung ba dang/ 'dzin pa mi dmigs te/ skad cig gcig tu 'byung bar snang ba tsan nyid yin pa'i phyir ro/ /rang dang spyi'i mtshan nyid 'dzin pa'i phyir chos te/ nyon mongs pa can dang nyon mongs pa can ma yin pa'i rang bzhin can gyi phung po la sogs pa rnams pa dang/ /stobs bcu dang mi 'jigs pa la sogs pa rnams dang/ sangs rgyas kyi yon tan gyi 'byung gnas kyi yon tan bco lnga'o/ /de rnams don dam par rang bzhin med pa nyid ni chos bdag med pa yin zhing/ gang dag la bdag ste rang bzhin med pa de ni bdag med pa ste/ bdag med pa'i dngos po ni bdag med pa nyid do/ /de nyid ni mnyam pa nyid de dngos po thams cad tha dad pa med pa'o/ /de'i phyir rgyu des sems can thams cad kyi rang gi sems gzod ma nas ma skyes pa yin zhing de nyid kyi phyir stong pa nyid kyi rang bzhin yin no/ /de nas zhes

  362. 181b

    bya ba la sogs pa la gsungs so zhes bya bar sbyar ro/ /de bzhin gshegs pa thams cad kyi mi zad pa ni thog ma dang tha ma med pa'i chos kyi dbyings te/ ting nge 'dzin gang la de nyid mi bzhigs pa nyid kyi phyir rdo rje yin pa yod pa de la de skad ces bya'o/ /dngos po na nyon mongs pa can dang nyon mongs pa can ma yin pa'i rnam pa can gyi phung po la sogs pa rnams dang/ rdo rje'i rigs kyi rang bzhin can gyi yon tan gyi tshogs rnams te de rnams ma skyes pa ni ma byung ba'o/ /ci'i phyir zhe na/ chos dang zhes bya ba la sogs pa gsungs te/ 'di ltar shes rab stobs kyis rnam par dpyad na chos rnams nye bar mi dmigs shing/ de'i chos nyid ni stong pa nyid de de yang dngos por ma grub pa nyid kyis bsal ba yin no/ /don de nyid dpe'i sgo nas bstan pa'i phyir/ nam mkha' zhes bya ba la sogs pa gsungs te/ ji ltar nam mkha' rjes thams cad med pa'i rang bzhin yin pa de bzhin du/ chos thams cad bdag med pa ste thog ma dang tha ma med pa'i chos kyi dbyings kyi ye shes kyi rang bzhin no/ /'di ni zhes bya ba ni thugs la gnas pa'o/ /ji skad bshad pa'i byang chub kyi sems kyis thos pa dang bsam pa dang bsgoms pa las byung ba'i shes rab kyi sgo nas byang chub tu khrid par byed pas na byang chub tshul lo/ /brtan pa ni nges pa'o/ /de nas zhes bya ba la sogs pa la gsungs zhes bya bar sbyar ro/ /de bzhin gshegs pa thams cad kyi bdag med pa ni rnam par thar pa'i sgo mtshan ma med pa'i rgyu mthun pa'i mnyam pa nyid kyi ye shes te/ gang la de nyid rdo rje yod pa yin pa de la 'di skad ces bya'o/ /chos rnams thams cad dngos med cing/ zhes bya ba ni bshad zin pa'i mtshan nyid can kho na yin no/ /ji ltar zhe na/ chos kyi zhes bya ba la sogs pa gsungs te/ re zhig khams gsum pa'i dag pa dang ma dag pa'i rnam par rtog pa'i rang bzhin can gyi chos rnams ma grub pa kho na yin na/ de rnams kyi mtshan nyid lha gang la grub ste/ mo

  363. 182a

    bsham gyi bu'i sngo bsangs dang dkar sham nyid la sogs pa bzhin no/ /de'i phyir chos kyi mtshad nyid rnam par spangs ba yin no/ /ji ltar rigs la sogs pa rnams 'byung zhe na/ chos zhes bya ba la sogs pa gsungs te choS bdag bdag med pa ni bshad zin pa yin zhing de las kun tu 'byung bas chos bdag med las kun tu byung ba ste/ rin po che'i rigs kyi lha rnams so/ /de nas zhes bya ba nas gsungs so zhes bya bar sbyar ro/ /ye shes kyi 'od zer ni rnam par thar pa'i sgo smon pa med pa yin zhing/ gang la bsgom par bya ba dang sgom par byed pa dang bsgom pa bkag ba'i sgo nas nyon mongs pa'i bud shing ma lus pa sreg par byed pa de las byung pa'i rdo rje sgron ma ste/ so sor rtog pa'i ye shes yod pa de la de skad ces bya'o/ /ma skyes pa'i zhes bya ba la sogs pa ni bshad zin to/ /nam mkha' ni rnam par thar pa'i smon pa med pa'o/ /de nyid gnas te zhing so sor rtog pa'i ye shes kyi rang bzhin can gyi 'od dpag tu med pa'i skye ba'i gnas so/ /sbyor ba ni pad+ma'i rigs bsgom pa'i rnam pa ste de yis so/ /de ltar zhes bya ba la sogs pa 'dis ni de ltar dngos po dngos med bas zhes bya ba'i mdo de'i don yin par rab tu bsgrags shing bstan to/ /de nas bcom ldan 'das don yod grub pas gsungs so zhes bya bar sbyar ro// rnam par thar pa'i sgo rang bzhin gyis 'od gsal pa'i rgyu mthun pa bya ba bsgrub pa'i ye shes gang gis/ de bzhin gshegs pa thams cad de bshad ma thag pa de rnams zil gyis gnon cing snang ba med par byed pa de la de skad ces bya zhing/ gang la de nyid rdo rje yin pa yod pa de la de skad ces bya'o/ /chos rnams zhes bya ba la sogs pa la chos rnams zhes bya ba ni sngar rnam par phye ba rnams ni rang bzhin te ngo bo nyid kyis 'od gsal zhing dri ma med pa'o/ /ci'i phyir zhe na/ gdong nas dag pa

  364. 182b

    zhes bya ba gdod ma nyid nas ma skyes ba nyid yin pa'i phyir ro/ /de rnams ci lta bu zhe na/ nam mkha' bzhin zhes bye ba gsungs te/ nyi ma phyed kyi dus kyi sprin dang bral ba de bzhin du de rnams ni dri ma med cing gsal ba'i rang bzhin yin no zhes bya ba'i? don to/ /gdod nas dag pa nyid yin pa'i phyir byang chub ste kun tu btags pa'i rang bzhin gyi 'bras bu med cing mngon par rtogs te de thob par byed pa'i rgyu med pa kho na'o/ /lhag ma ni bshad zin te /don yod par grub pas de skad ces gsungs so/ / kha cig ni bcom ldan 'das nyid ting nge 'dzin de dang de la snyoms par zhugs nas byang chub kyi sems kyi tshigs su bcad pa rnams gsungs so zhes zer te/ dngos po de ni yid bzhin gyi rin po che lta bu yin pas bshad pa gzhan de yang yin la ni dag na/ 'on kyang ji ltar 'byin pa'i skabs su bcom ldan 'das nyid de dang de'i rnam gzugs su gyur nas de dang der bzhugs pa de bzhin du'i rang ni mi 'dod de/ tshigs su bcad pa rnams kyi thog ma dang tha mar rnam par snang mdzad la sogs pa'i mtshan gyi tshig rnams dang spel ba nyid yin pa'i phyir ro/ /byams pa la sogs pa byang chub sems dpa' chen po rnams kyis/ bcom ldan 'das dang de bzhin gshegs pa rnams kyi byang chub kyi sems bstan pa thos nas ngo mtshar dang rmad du gyur pa'i tshig dag gis rgyu dang 'bras bu la ngo mtshar du gyur pa ston par byed cing dga' ba'i tshig gis ched du brjod pa sngon du 'gro ba can gyi bstod pa byed de/ e ma'o zhes pa ni ngo mtshar ba'o/ /sangs rgyas zhes bya ba la sogs pas ni ston pa po rnyed bar dka' ba nyid du ston to/ /mi bskyod pa gang la de kho na nyid kyis dag pa'i don chos kyi dbyings kyi rang bzhin yod pa de la de skad ces bya'o/ /dag pa'i don ni rnam par snang mdzad de me long lta bu'i ye shes dri ma med pa dang ldan pa'i phyir ro/ /bdag med

  365. 183a

    pa'i chos ni snga ma bzhin te de las byung ba ni rin chen dpal lo/ /gdul bya rnams kyis sangs rgyas kyi byang chub thob par byed pas na sangs rgyas byang chub rdzogs par mdzad pas ni 'od dpag tu med pa'o/ /rang bzhin gyis 'od gsal ba'i rgyu mthun pa bya ba sgrub pa'i ye shes kyis rnam par rtog pa'i nyes pa ma lus pa'i spangs pa nyid yin pa'i phyir rnam par mi rtog pa ni don yod par grub pa'i/ /gnas skabs la sogs pa'i rnam pa can gyi mA ma kI'i sprul pas dmigs pa spong ba'i phyir dmigs su med pa'o/ /sangs rgyas spyan gyi sprul pa'i sgo nas zhi ba la sogs pa rnams kyis 'gro ba ma lus pa'i don mdzad pa'i phyir kun tu bzang po'o/ /de kho na bzhin du gos dkar mo'i sgo nas sems can rnams kyi rgyud la chos kyi don rgyas par byed pa'i phyir thams cad don no/ /'phags ma sgrol ma sprul pa'i sgo nas zhi ba la sogs pa rnams kyis 'gro ba ma lus pa'i bya ba sgrub pa'i phyir byang chub sems ni rab skor ba'o/ /byang chub kyi lam la 'dur? bar byed pa'i phyir dang/ zhugs pa'i sems can gyi khams kun tu srung ba'i phyir/ gshin rje mthar byed ni byang chub sbyod pa rdo rje che'o /de bzhin gshegs pa'i thugs dag pa zhes bya ba nyon mongs pa ma lus pa kun tu pham par byed pa'i phyir 'phags pa gzhan gyis mi thub pa'o/ /sku dang gsung dang thugs rdo rje ltar mi phyed pa nyid 'dzin par byed pas na sku dang gsung dang thugs rdo rje 'dzin te 'phags pa rta mgrin no/ /gang la sangs rgyas kyi byang chub la sems can rnams khyad par 'god pa'i dang tshul yod pa de ni sangs rgyas byang chub rab ston pa de 'phags pa bdud rtsi 'khyil pa'o/ /byang chub kyi sems la phyag 'tshal ba'i chog bzhi po rnams kyis ni rnam par dag pa'i byang chub kyi sems chen po mda' zhing rnam

  366. 183b

    par dag pa bzhi dang ldan pa/ rnam par thang pa'i sgo bzhi'i rgyu ba'i me long lta bu la sogs pa'i ye shes kyi bdag nyid 'byin pa'i dkyil 'khor gyi rang bzhin can gyi bcom ldan 'das la phyag bzhi byas so/ /gzhan ni bshad zin to/ /byang chub sems kyi le'u ste gnyis pa'i rnam par bshad pa'o// //lhag par mos pa'i byang chub kyi sems bsgom pa'i rjes thogs su byang chub kyi sems bsgoms nas de brtan par bya ba sngon du 'gro ba can gyi rang gi lha la dmigs par bya'o zhes bstan pa'i phyir/ rdo rje bkod pa zhes bya ba'i le'u gsungs te/ de nas zhes bya ba nas gsungs so zhes bya bar sbyar ro/ /sku dang gsung dang thugs rdo rje de bzhin gshegs pa ni rdo rje 'chang chen po'o/ /de bzhin gshegs pa thams cad ni rnam par snang mdzad la sogs pa rnams so/ /de rnams kyis nam mkha' khyab pa ni 'phro ba yin zhing/ nam mkha' i dbyings ma lus pa khyab par byed pa'i phyir de nyid sprin yin no/ /de dag yang dag par bsdus nas/ rten gyi dkyil 'khor la gnas ji lta ba bzhin du gnas pa'i dkyil 'khor ba'i lha rnams nye bar dgod pa'i rim pa'i rang bzhin nyid yin pa'i phyir bkod pa'o/ /de nyid mi shigs pa nyid yin pa'i phyir rdo rje yin zhing de la dmigs shing de'i ming can gyi ting nge 'dzin la de skad ces bya ste de la snyoms par zhugs nas so/ /rdo rje ni sangs rgyas bcom ldan 'das so/ /de rnams kyi bkod pa ni dkyil 'khor du bgod pa'i rang bzhin te/ de nyid ting nge 'dzin kyi le'u zhes bya ba la rten dang brten pa nyid rdo rje 'chang chen por lhag par mos pa'i rnam par sems rtse gcig pa nyid ni ting nge 'dzin no/ /pa ta ni byang chub kyi sems te chos kyi dbyings kyi ngo bo nyid kyis thams cad la bkab pa'i phyir ro/ /de len cing 'dzin par byed pas na pa ta la ste le'u'o/ /'di zhes bya ba ni thugs la

  367. 184a

    gnas pa'o/ /'di skad du bstan pa yin te/ slob bzhin pa'i rnal 'byor pa ji skad bshad pa'i gnas na gnas shing snying rje chen po'i sems bskyed pa sngon du 'gro ba can gyi rdo rje chen por lhag par mos pa dang ldan pas spro ba rang sdu pa'i rim gyis rten dang brten pa'i bdag nyid can du gyur nas/ sgrub thabs kyi tshul bzhin du byang chub kyi sems rnam par bsgoms te/ oM shU n+ya tA zhes bya ba'i sngags kyi byin gyis brlab par bya bya'o/ /don de nyid nam mkha' i zhes bya ba la sogs pa gsungs te/ nam mkha' i dbyings ni lha mo kun tu bzang mo'i chos 'byung yin zhing de'i dbus su bsgom par bya'o/ /sangs rgyas dkyil 'khor zhes bya ba la/ sangs rgyas te rnam par snang mdzad la sogs pa de bzhin gshegs pa rnams kyi dkyil 'khor ni sangs rgyas dkyil 'khor ro/ /'od zer sprin gyi tshogs chen po zhes bya ba ni 'od zer mdza' yas ba'i tshogs rnams kyis rnam par spros shing mdzes pa'o/ /gang la sangs rgyas kyi 'bar ba rnams dang mnyam zhing mtshungs pa'i 'od yod pa de ni sangs rgyas 'bar mnyam 'od dang ldan pa ste mchod rten gyi nang na gnas pa'i dkyil 'khor ro/ /de nyid 'od zer sna lngas kun tu khyab ces bya bas khyad par du byed de 'od zer dkar po dang ser po dang ljang gu dang dmar po dang sngon po rnams kyis khyab pa'o/ /kun nas yongs su zlum po ste zhes bya ba ni dbus kyi dkyil 'khor 'od kyi dkyil 'khor zlum po nyid yin pa'i phyir ro/ 'dod pa'i yon tan lnga ni gzugs la sogs pa'i yul rnams te gang la gzugs rdo rje ma la sogs pa'i lha mo'i rang bzhin can de rnams nyid yod pa de la de skad ces bya'o/ /rtag pa la sogs ba'i rang gi ngo bo can gyi bdud rtsi ldan mchod pa rnam pa lnga ste/ de rnams kyis brgyan cing

  368. 184b

    mdzes par byas pa zhes bya ba'i don to/ /mdor na de ltar bsgoms nas su/ /zhes bya ba ni skad cig gi ji skad bshad pa'i rten no/ /gzugs ni dbus su bsgom par bya/ zhes bya ba ni rten ba rdo rje 'chang chen po'i gzugs yin zhing/ de yang de kho na bzhin du ste/ 'og nas sangs rgyas gzugs ni rab bsgoms na/ rnam par snang mdzad la sogs bsgom zhes ston pa'i phyir ro/ /de'i sgrub thabs las bshad pa'i tshul bzhin du rnam par snang mdzad la sogs pa dbyung ba dang gzug pa'i sgo nas phyag rgya chen po gsum gyi rang bzhin dang ldan par bsgom par bya'o/ /yang na sku gsung thugs rdo rje ni zhe sdang rdo ? ste de'i phyag rgya chen po'o/ /tshogs gnyis dang ldan pa zhes bya ba ni yang dag par sbyor ba las phyung ste/ de'i sprul pa rnams kyis 'gro lam lus pa'i don byas nas/ de bsdus te rang gi lus la bcug nas mi bskyod bar gyur par bya zhing tshul 'dis rdo rje 'chang chen po dang mi bskyod pa dag gcig nyid du gyur bas tshogs gnyis dang ldan pa ste/ de yis so/ /mi bskyod pa'i rgyal mchog ces bya ba rdo rje'i rigs gtso bor gyur ba yin pa'i phyir mchog dang/ de bzhin du rin chen dpal la sogs pa lha thams cad kyis phyag rgya chen po rdo rje 'chang chen po dang tha mi dad pa'i bdag po'i rang bzhin du dkyil 'khor gsum las gang yang rung ba'i dbus su bsgom par bya ste/ rdo rje 'dzin mchog gang zhig gi / gzugs ni dbus su legs bris pa'i/ /dkyil 'khor gnas ni de yi yin zhes 'byung ba'i phyir ro/ /sku gsung thugs kyi rdo rje can zhes bya ba ni zhe sdang rdo rje'i/ /in+d+ra nI la'i 'od 'dra ba zhes bya ba nI la lta bu'i sku mdog dang ldan pa'o/ /phyag na rdo rje rtse lnga pa 'bar ba bsnams pa ni mi bskyod pa yin zhing/ de nyid rab 'bar ba de gang la rab tu 'bar ba yod pa de la

  369. 185a

    de skad ces bya'o/ /mche ba 'gul ba ni rnam pa ste /de gtsigs pa ni shin tu drag pa'o/ /de nyid kyi phyir 'jigs su rung ba ste 'jigs par byed pa yin la/ mche ba gtsigs shing rnam par khros pa'i mdangs can gyi zhal dang ldan pa'i mi bskyod pa'o/ /shel dang zla ba'i 'od ces bya ba la sogs pas ni rnam par snang mdzad 'khor lo bsnams pa'o/ /'dzam bu chu po'i gser 'od 'dra ba rin chen dpal sku mdog ser po dang ldan pa'o/ /sangs rgyas sprin gyis rab tu 'khrigs rdo rje chen po rtse dgu pa/ /zhes bya ba ni sangs rgyas sprin gyi tshogs 'phro zhing in+d+ra nA li lta bu'i rdo rje chen po rtse mo dgu ba ste thugs kyi dkyil 'khor gyi le'u las in+d+ra nI la'i mdog can du bstan pa'i phyir ro/ /de'i zhes bya ba zhe sdang rdo rje'i phyag du'o// ma ra ka ta'i 'od 'dra ba zhes bya ba ni de nyid kyi 'od kyi dkyil 'khor ro/ /pad+ma rA ga zhes bya ba la sogs pas ni 'od dpag tu med bas sku mdog dmar po phyag na bsdams pa'o/ /'od zer sna lnga zhes bya ba la sogs pas ni don yod par grub pa 'od zer kha dog sna lnga pa'i 'od 'bar zhing phyag na ral gri bsnams pa'o/ /kha dog sna tshogs pa ni ma yin te 'byin pa'i skabs su ljang gu nyid du bstan pa'i phyir ro/ /rang gi yi ge gsum las byung ba'i 'od gzer rnams kyis de bzhin gshegs pa la sogs pa thams cad yi ge gsum du byas te bcug pa'i rjes thogs la chos kyi dbyings kyi sngags kyis byin gyis brlab bar bya ba yin pas/ de nas zhes bya ba la sogs pa gsungs so/ /chos kyi dbyings zhes

  370. 185b

    bya ba ni sems can ma lus ba sdud par byed pa'i snying rje chen po'i rang bzhin can rang gi sku dang gsung dang thugs kyi yi ge rnams kyi chos kyi dbyings te de bzhin nyid do/ /de la dmigs pa'i ting nge 'dzin ni chos kyi dbyings kyi ngo bo'o/ /snyoms par zhugs nas zhes bya ba ni de bstan pa'i rnam par sems rtse gcig pa nyid du byas nas so/ /sku dang gsung dang thugs zhes bya ba yi ge gsum gyi rnam pa can gyi sngaD kyis byin gyis brlabs pas snying rje dang shes rab tha mi dad pa dang bsod nams dang ye shes kyi tshogs kyi rang bzhin can gyi zla ba'i dkyil 'khor dmar skya blta bar bya'o/ /ting nge 'dzin gsum gyi rjes thogs su slob bzhin pa'i rnal 'byor pas phra mo'i rnal 'byor pa sgom par bya ba yin pas/ rin chen kha dog ces bya ba la sogs pa gsungs so/ /rin chen zhes bya ba ni byang chub kyi sems kyi thig le nyungs kar gyi 'bru'i tshad tsam mo/ /rigs lnga'i ye shes bsdus pa nyid yin pa'i phyir kha dog lnga pa ste/ de'i dbus su rdo rje 'chang chen po'i rnal 'byor pas dkyil 'khor gyi 'khor lo'i bdag nyid dam/ yang na lha mo bzhis yongs su bskor cing dngos po thams cad kyi bdag nyid can gnyis su med par snyoms par zhugs pa'i gzugs can gyi rdo rje 'chang chen po bsgom par bya'o/ /sna'i rtse mor zhes bya ba ni rang gi rig ma'i pad+ma'i sna'i nang du'o/ /nan tan du zhes bya ba ni sems rtse gcig par ro/ /sbyor ba yis zhes bya ba ni rdo rje dang pad+mar sbyor bas so/ /rtag tu zhes bya ba ni nyin dang mtshan du'o/ /rin chen brtan par gyur ce bya ba ba ni ji srid du sgra la sogs pa nye bar gyur pa mi 'dzin pa dang/ bsam par bya ba tsam la dmigs pa'i mtshan ma mthong ba'i sgo nas sems brtan par gyur bar shes pa de srid du bsgom par bya ba'i/ de nas sems dbang du

  371. 186a

    gyur par bya ba'i phyir spro bar bya ste/ rnam par snang mdzad la sogs pa'i sangs rgyas rnams kyi 'od zer dkar po la sogs pa'i tshogs kyi rnam pa ni sangs rgyas ? ba'o/ /rnam par spros pa'i de bzhin gshegs pa la sogs pa gang dag la de rnams dang 'dra ba'i 'od yod ba de dag la de skad ces bya'o/ /mchog rab ces bya ba ni khyad par du 'phags pa yin zhing de'i sprin ni tshogs rnams te de dag gis so/ /de nyid 'khor lo zhes bya ba la sogs pas 'tshal yang byed de/ 'khor lo ni dkar po rtsibs brgyad pa'o/ /rdo rje ni in+d+ra ni la lta bu'o/ /sprin chen zhes bya ba ni sgra'i rdzas su 'jug pa'i shes rab kyi ran bzhin gyi dril bu dmar skya'o/ /pad+ma ni de'i lha dang rjes su mthun pa'i mdog can no/ /mdzod ni nor gyi khang pa de'i rang bzhin can gyi yid bzhin gyi rin po che 'chang ka'i nyi ma lta bu'o/ /mtshon cha ni ral gri utpa la sngon po'i mdog can te/ rang gi rigs kyi phyag mtshan de rnams g.yas pa'i rtsa ba'i phyag gis 'dzin cing/ lhag ma rnams gzhan rnams kyis 'dzin par byed pas na dkyil 'khor pa thams cad phyag mtshan drug 'dzin pa ste de rnams so/ /de nyid kyi phyir byang chub sems dpa' sprin chen rnams zhes bya ba gsungs so/ /de ni nye bar mtshon ba yin te lha mo dang khro bo'i sprin rnams kyang ngo zhes shes par bya'o/ /gang la gnas nas 'di bsgom par bya zhe na/ nam mkha' zhes bya ba la sogs ba gsungs te/ nam mkha' i dbyings ni btsun mo'i pad+ma'o/ /dbus gnas ba zhes bya ba ni de'i nang du shel gyi rang bzhin can gyi gdan la rnam par snang mdzad kyi dkyil 'khor in+d+ra nI la dang pad+ma rA ga dang gser dang ma ra ka ta'i rang bzhin gyi gdan rnams la mi bskyod pa dang 'od dpag tu med pa dang rin chen 'byung ldan dang don yod

  372. 186b

    par grub pa'i dkyil 'khor rnams bsgom par bya'o/ /'di dag ces bya ba ni bshad ma thag pa'i rnam par snang mdzad la sogs brten dang rten pa'i dngos po rnams so/ /snying po bsdus pa nyid yin pa'i phyir dkyil 'khor ro/ /rdo rje ni byan chub kyi sems te de las byung bsan rdo rje las byung ba'o/ /bsgom pa po rnams kyis thams cad mkhyen pa'i go 'phang thob par byed pa'i phyir de'i tshul thob pa'o/ /lhag ma ni snga ma bzhin no/ /rdo rje bkod pa zhes bya ba'i ting nge 'dzin gyi le'u ste gsum pa'i rnam bar bshad pa'o/ /de ltar bsgom pa brtan pa dang ldan pa'i slob dpon rnams kyis phra mo'i rnal 'byor bsgom pa'i sgo nas sems brtan bar byas te/ khyad par can la mos pa'i ma 'ongs pa'i sems can rnams la dkyil 'khor du dam tshig dang dbugs dbyung ba sbyin ba la thug pa'i cho ga'i sgo nas don bya ba'i phyir thugs kyi dkyil 'khor gyi le'u gsungs te /de nas zhes bya ba la sogs ba la gsol ba btab po zhes bya bar sbyar ro/ /yang zhes bya ba'i sgra ni le'u dang po'i 'dus pa la bltos pa'o/ /'dis zhes bya ba ni 'chad par 'gyur ba'i bstod pas so/ /sngon du bsnyen pa'i bya ba thams cad rdzogs par byas nas/ yang sgrub thabs kyi tshul bzhin du dbus kyi bstan la nye bar 'dug ste bdag po'i nga rgyal dang ldan pa la/ shar? la sogs pa'i phyogs na gnas shing sangs rgyas rnams kyi nga rgyal dang ldan pa rdo rje dang dril bu thogs ba'i sgrub pa'i grogs mchog rnams kyis bstod pa'i mchod pas dkyil 'khor bri ba'i phyir gsol ba gdab bar bya ba yin pas/ de bzhin gshegs pa kun zhes bya ba la sogs ba gsungs te/ snyoms par 'jug pa'i sgo nas spro ba las byung zhing bde ba chen bo'i rang bzhin can nyid yin pa'i phyir zhi ba'i dkyil 'khor te/ dbang po gnyis ni snyoms

  373. 187a

    'jug pa/ /mkhas pas rang gi khu ba dag /rnal 'byor pas ni rtag tu dbyung/ /dkyil 'khor dkyil 'khor tshul du bya zhes 'di nyid las bshad pa'i phyir ro/ /de nyid ni gnas te lha thams cad kyi gnas so// bdag med ces bya ba ni shes rab kyi rnam par dag pa'o/ /chos rnams kun gyi mchog ces bya ba ni ye shes lnga dang rigs lnga bskyed pa'i bdag nyid can gyis rdo rje 'chang chen po'i rgyu mthun pa ste yon tan gyi khyad par can de lta bu dang ldan pa bshad du gsol zhes bya ba'i don to/ /tshigs su bcad pa de ni rigs thams cad kyi thun mong pa yin no/ /mtshon rnams thams cad yang dag par rdzogs/ /zhes bya ba ni zung bzhi la sogs pa'i mtshan nyid dang ldan pa'o/ / ri mo sbom pa dang phra ba dang 'khyog pa la sogs pa'i skyon thams cad dang bral ba nyid yin pa'i phyir/ mtshan min thams cad yang dag spangs pa ste sku'i dkyil 'khor ro/ /zhi ba'i chos ni so sor rtog pa'i ye shes ni de las byung ba'i mchog ni/ 'gro ba ma lus pa'i bya ba gtso bor gyur pa'i rang bzhin du grub pa ste gsung gi dkyil 'khor ro/ /thams cad mkhyen pa'i ye shes thob par bya ba'i phyir de ye shes kyi spyod pas de rnams rnam par sbyor ba ni dkyil 'khor nyid yin te bde ba chen po rab sgrub phyir/ /gang du zhugs pa tsam gyis ni/ /de rnams zil gyis mi non cing/ /phyir mi ldog cing mkhas par 'gyur/ /zhes 'byung ba'i phyir ro/ /sems can thams cad sdud par byed cing rdo rje 'chang chen po'i rang bzhin can gyi thugs kyi dkyil 'khor ni sems can kun gyi sems chen po'o/ /de nyid ni rang bzhin dag pa ste/ dkyil 'khor gsum po de rnams su sems can rnams kyi 'dod pa kun tu sgrub par mdzad pa nyid yin pa'i phyir kun tu

  374. 187b

    bzang po'o/ /de nas zhes bya ba ni gsol ba btab pa'i rjes thogs su'o/ /nyon mongs pa'i dgra 'joms pa'i phyir ston pa'o/ /'jig rten gsum ni sa 'og dang sa steng dang sa bla'i 'jig rten na/ khams gsum pa ni 'dod pa dang gzugs dang ? gzugs med pa'i khams kyi rang bzhin can no/ /'jig rten gsum gyi mchog ni dam pa ste tshangs pa la sogs pa rnams yin zhing de rnams las rdo rje ste ye shes kyis gtso bor gyur pa ni nyan thos dang rang rgyal ba rnams so/ /'jig rten gsum gyis mchog tshangs pa la sogs pa rang rgyal ba rnams la thug pa de rnams las mchog ste/ gtso bo ni byang chub sems dpa' rnams yin zhing/ de rnams las kyang mchog ni de bzhin gshegs pa rnams te/ de rnams 'chis? par byed cing rang gi bstan pa la sbyor bar byed pas na ston pa ste/ dpal rdo rje sems dpa' nges de bzhin gshegs pa kun gyi thugs kyi dkyil 'khor/ de bzhin gshegs pa thams cad kyi thugs nyid snying po bsdus pa yin pa'i phyir dkyil 'khor dang 'dra pa yin zhing/ gdul bya'i skye bo rnams kyi yid du 'ong ba bshad do/ /de las zhes bya ba ni skabs su bab pa'o/ /de nas zhes bya ba ni rjes thogs su'o/ /thugs kyi rdo rje rab 'dra ba/ zhes bya ba ni ye shes kyi dkyil 'khor rnam par dag pa'i sgo nas bri ba'i dkyil 'khor yin te/ yon tan dang rnam par smin pa dang dbyibs la sogs pa de dang mtshungs pa nyid yin pa'i phyir ro/ /rdo rje sems sogs lha rnams kyi/ /'khor la mngon sum mthong ba las/ /bsod nams rtag pa ji 'dra thob/ /phyi nas bris pa las de bzhin/ /zhes 'byung ba'i phyir ro/ /sku dang gsung dang thugs rnams kyi/ /dkyil 'khor zhes bya ba la/ thugs kyi gtso bor gyur pa nyid kyi rgyud yin pa'i phyir dang por thugs kyi dkyil 'khor

  375. 188a

    bshad mod kyi/ 'on kyang gsol ba btab pa'i tshul bzhin du le'u bcu drug pa las gsungs pa'i sku dang gsung gi dkyil 'khor dag kyang gzung bar bya'o/ /rab tu rnam par phye nas bshad pa ni rab tu bshad par bya'o/ /sar pa zhes bya ba ni gsar du bka' ba' o/ /legs par bkal ba ni mdud pa la sogs pa med pa'o/ /tshad ma zhes bya ba ni khru nyi shu rtsa bzhi las lhag ma dang bcas pa 'am sgrub pa po'i khru drug pa'o/ /khru ni bcu gnyis tshad du bya zhes bya ba ni kha cig na re logs re re zhing khru gsum pa yin no zhes zer te/ 'di ni gsang ba'i dkyil 'khor nyid yin pa'i phyir de nyid rigs pa yin no/ ngos bzhin mi mnyam pa med pa'o/ /phyogs bzhi'i ri mo phan tshun phrad pa nyid yin pa'i phyir grwa bzhir ldan pa'o/ /de'i zhes bya ba phyi'i dkyil 'khor gyi dbus su nang gi dkyil 'khor zlum po'o/ /de nas las kyi cho ga ni/ /mthong bas phyag rgya dgod par bya/ zhes bya ba la cho ga zhes bya ba'i sgra ni sems can rnams bzhugs pa'i phyir dam tshig gi dkyil 'khor bri ba ste de'i phyir de bshad bar bya'o/ /slob dpon lan gnyis gsum gsol btab/ /gsang ba dam pa bdud rtsi'i snod/ /gus dang ldan zhing yang dag brtags/ /slob ma bzang po thar par 'dod/ /dpal ldan 'dus pas gzung 'os pa/ /de rnams snying rje'i sems ldan pas/ /bdag gis byang chub dgod snyam gzung/ /de la re zhig rdo rje theg pa chen po'i tshul la mkhas shing 'gro ba ma lus pa kun tu gdon pa'i bsam pa dang ldan pa/ dad pa dang thos pa la sogs pa'i stobs kyis chos thams cad rang bzhin gyis 'od gsal bar kun tu rtogs par gyur pas yul gyi longs spyod ma lus pa dri ma med par byas pa/ chos kyi dbyings kun tu 'gro ba rtogs pa'i lhag pa'i bsam pas

  376. 188b

    rnam par dag pa'i dga' ba la gnas pa/ shes rab kyi tshogs mngon par 'phel bas phyin ci log gi rnam par rtog pa'i bag chags las byung pa'i gti mug gi dra ba'i ling tog thag ring du phangs pa'i slob dpon gyis/ gang gi tshe slob mas gsol ba btab pa de'i tshe/ sems can gyi khams 'di thams cad bdag gis bla na med pa'i bde ba chen po'i go 'phang la dgod par bya'o snyam pa'i lhag pa'i bsam pa dang ldan par byas pas slob ma la khyod kyi yo byad thams cad tshogs sam 'on te ma yin zhes dri bar bya'o/ /gal te cung zad ni tshogs cung zad ma tshogs so zhes zer na/ de'i tshe de'i lte bar nyi ma'i dkyil 'khor la gnas pa'i yi ge hUM bkod pa'i 'od zer rnams kyis snying ga na gnas pa'i yi ge kaM las byung ba'i mdog nag pa rnam par gtsigs shing sha za dang mtshungs pa'i sdig pa sna'i rtse mo nas gyur ste/ yi ge hUM de yang snying gar byin par byas nas/ g.yon brkyang bas gnas shing mche ba gtsigs pa snying gar g.yon pas mche ba dang bcas pa'i sdigs mdzub byas shing phyag g.yas pa mche ba 'phyar ba dang ldan pa mnga' ba'i khro bo rdo rje gnod sbyin gyi gzugs su byas te phyung nas/ oM badzra yak+Sha kro d+ha/ khA ? khA da/ sarba pa pa ni a sya/ hUM phaT ces bya bas sdig pa zar bcug ste/ yi ge saM las kun tu bzang po'i gzugs rnam par bsams la/ sngar bshad pa'i bdud rtsi 'khyil pas de'i sems kyi bgegs rnams phur bus btab te/ /de las byung ba'i 'od zer gyi drag po'i tshogs rnams kyis gdug pa rnams kun tu bsregs la/ bslob ma'i sems kun tu bsrung ba'i phyir mgo'i steng du dbyangs dang po las byung ba'i zla ba'i dkyil 'khor dang/ dbyangs

  377. 189a

    tha ma las byung zhing de la gnas pa'i las kyi rdo rje dbus na yi ge haM gyis mtshan pa bsam par bya'o/ /de ni slob ma yongs su gzung pa'o/ /de nas sgrub thabs la bstan pa'i gnas su de las bshad pa'i bsrung ba'i cho ga dang ting nge 'dzin gsum bsgom pa'i cho ga sngon du 'gro ba can gyi phra mo'i rnal 'byor la sogs pa gang yang rung ba bsgom pas sems brtan par byas te/ byad ngam shar gyi phyogs kyi char lha rnams re re zhing bzlas pa 'bum/ kun nas mdzes shing snum pa dang/ zug rngu'i nyes pa dang bral zhing/ /yid 'ong shar dang byang du gzhol/ /shing dang me tog chur ldan pa/ /yang na yid ni nyams dga' ba/ /gang yang rung par yang dag brtsam// de nas phyi dro'i dus su mi bskyod pa'i rnal 'byor dang ldan pas yi ge baM las byung ba'i sa'i lha mo mdog ser po lag na gser gyi bum pa thogs pa lus phyed phyung ba rnam bar bsams la/ lag pa g.yas pas sa la reg cing bskul bar bya ste/ skyob pa'i sangs rgyas thams cad kyi/ /spyod pa'i tshul gyi khyad par dang/ /sa dang pha rol phyin pa la/ /lha mo khyod ni dbang du gyur/ /skyob pa'i shAkya seng ge yis/ /ji ltar bdud kyi sde bcom pa/ /de bzhin bdud dpung pham? byas nas/ /bdag ni dkyil 'khor 'dri bar byed/ /sngags pas cho ga bzhin bskul te/ lag pas sa la reg nas ni/ /dri dang me tog sogs mchod nas/ /de nyid du ni thim par bsam/ /sa bdag la sogs pa rnams la gtor ma dang mchod pa la sogs pa byin te sa bslangs la de nyid du nyal bar bya'o/ /gal te rmi lam la sogs pa 'khrul pa byung na/ /de'i tshe phye de zhag nyi ma phyed kyi dus su khro bo'i rnal 'byor dang ldan pas mngon spyod kyi cho gas bgegs

  378. 189b

    rnams nye bar gzhom ba'i phyir sbyin sreg byas te/ phyi dro'i dus su khrus byas shing yan lag dri zhim pos byugs la/ rdo rje 'chang gi nga rgyal dang ldan pas 'chad par 'gyur ba'i tshul bzhin du zhi ba'i sbyin sreg byas nas/ dngos grub tha ma dang 'bring dang mchog gi bye brag gis/ sa pus mo dang rked pa dang lte ba tsam du brkos la/ sbun pa dang rdo ba dang sol ba dang dus pa dang/ gseg ma dang gyo mo la sogs pa dang bral bar byas te/ bdud rtsi lnga'i chus dri dang ldan par byas pa'i sa dri zhim po gzhan gyis kun tu dgang bar bya'o/ /'phags pa bdud rtsi 'khyil pa bzlas pa'i bdud rtsi'i chus chag chag btab ste/ mi bskyod pa dang bcas ba'i lag mthil gyis bcags la gzhal yas khang gi nang na gnas shing rin po che dang sman dang 'bru thams cad kyi snying po dang ldan pa/ phyogs bzhi ru rta babs dang yol ba bres pa/ kun nas rab tu rnam par sgras pa/ dril bu bzang po btags pa'i rgyal mtshan mdzes pa dang ldan pa'i bla de bres pas mchog tu gyur pa/ /dpal bdud rtsi zhes bya ba'i khro bo'i rnal 'byor gyis yi ge gsum gyis mngon par 'dus byas pa'i bdud rtsi lngas byugs pa/ spos dang me tog la sogs pa dang yang dag par ldan par byas shing/ khro bo'i blta bas g.yon phyogs su blta ba'i sgo nas rim gyis gdug pa rnams bskrad pa dang/ phyogs bcing ba la sogs pa byas te/ oM b+hu khaM zhes bya bas sa gzhi nam mkhar gyur cing/ hUM laM hUM zhes bya bas rdo rje'i rdul phra rab rnams las grub pa/ /oM me di ni badzri b+ha ba badzra band+ha hUM zhes bya ba 'di yis byin gyis brlabs nas/ /lag pa g.yas bas rig te yi ge gsum gyis byin gyis brlabs shing mngon par bzlas pa'i sa gzhir bya'o/ /'du khang dang/ rdo leb kyi steng dang/ ba lang gi lhas dang/ drang srong gi gnas dang/ gtsug lag khang la sogs pa

  379. 190a

    dang/ chu bo'i 'gram dag la ni yi ge gsum bzlas par bya ste brko bar ni mi bya'o/ /de lta bu ni sa spyang? ba dang yongs su gzung ba'i cho ga'o// //de nas nyi ma re re'am/ zla ba re re'am/ lo re re zhing dkyil 'khor bri bar bya ste/ nya nas brtsams nas phyi ma'i nya'i bar ram/ yar ngo'i chos gcig gam brgyad dam dgu la sogs pa nas brtsams te/ nya'am snga dro'i mtshams kyi dus nas brtsams te zhag de nyid la thams cad bya'o/ /de nas sngar bshad pa'i gnas bskyed pa'i rim pa gzhal yas khang gi nang du dkyil 'khor gyi rnam pa can gyis gzhir lhag par mos par byas te/ de bzhin gshegs pa la sogs pa dkyil 'khor ba'i lha rnams kyi gnas la/ de bzhin du pad+ma dang zla ba la sogs pa'i gdan rnams bsams nas/ de'i dbus kyi gdan la 'dug pa'i rdo rje 'chang bdag nyid deng ni bdag tshe 'bras bu yod/ /bdag gi gson pa'ang 'bras bur bcas/ /lha dang dam tshig gis mnyam par/ /gyur par bdag ni the tshom med/ /byang chub sems dang sems gcig pas/ /phyir mi ldog pa nyid du 'gyur/ /de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gis mchod sbyin bla na med/ /sangs rgyas thams cad spyan 'dren bas/ /deng bdag 'dus pa'i mchog yin no/ zhes spro ba bskyed bar bya'o/ /de nas yan lag thams cad kyis phyag bcal nas/ lag tu spos kyi reng bu thogs pas sangs rgyas thams cad/ ma lus phyogs na bzhugs pa yi/ /sangs rgyas bdag la dgongs su gsol/ /bdag ming 'di zhes bgyi pa yi/ /rdo rje can gyi dkyil 'khor 'dri/ /de ring sangs rgyas kun gshegs te/ /dngos grub de 'dra stsal du gsol/ zhes bya bas spyan

  380. 190b

    drang bar bya'o/ /de nas dbus kyi gdan la bzhugs pa'i gtso bo'i rnal 'byor nyid dang ldan pas sku la sogs pa byin gyis brlabs pa'i rjes la/ /rdo rje'i rigs kyis mngon par 'dus byas pa'i phyi rol gyi bud med dang ldan pas mchod pa bsdus pa'i zla ba'i dkyil 'khor du badzra d+h+ri ka ces bya ba la sogs pa rnams kyis mi bskyod pa la sogs pa rnams yang dag par phyung nas/ de rnams kyis zhe sdang la sogs pa'i spyod pa can gyi sems can rnams kyi don byas nas bkug ste/ rang gi gnas la gnas par byas nas/ spro ba dang bsdu ba dang bstim ba dang brtan par bya ba dang mnyes bar bya ba dang/ las la gnas par bltas te/ oM badzra At+ma konyahaM/ oM swa b+ha ba shud+d+honyahaM /oM sarba sa mo ti /zhes brjod la/ rdo rje'i bdag nyid dang /rang bzhin gyis dag pa dang/ lha thams cad dang tha dad pa med par bdag nyid bsgom par bya'o/ /de nas rnam par snang mdzad la sogs pa'i rnal 'byor pa shar la sogs pa'i phyogs na gnas shing rdo rje dang dril bu mchog thogs pa'i bsgrub ba'i grogs mchog rnams kyis dkyil 'khor bri pa'i phyir/ de bzhin gshegs pa kun zhi ba/ /zhes bya ba la sogs pa bshad zin pa'i bstod pa'i mchod bas gsol ba gdab par bya'o/ /de nas bla ma rdo rje dang dril bu thogs pas sangs rgyas thams cad la phyag 'tshal te/ hUM badzra u ta taSh+ShI? zhes bya bas ji ltar sprul pa'i dkyil 'khor gyi 'khor lo bteg la/ dpal rdo rje 'chang gi nga rgyal dang ldan zhing/ mig g.yon yi ge ta yis zla bar byas/ yi ge ma yis nyi ma mig g.yas bkod/ /rdo rje 'chang gi nga rgyal legs 'chang bas/ /dkyil 'khor sa gzhi'i cha ru yongs su bskor/ /rdo rjer ba la sogs pa kun tu rnam par 'god cing rkang pa'i mthil du sna tshogs rdo rje bkod pa/ khro ba dang bcas shing rdo rje sems dpa' i nga rgyal byas pas

  381. 191a

    yi ge gsum 'don cing/ rol pa dang bcas pa'i gar gyi 'gros kyis dkyil 'khor gyi sa gzhi yongs su bskor bar bya'o/ /dpal ldan rdo rje sems dpar spyod/ /mchu gnyis ma mkhal yang dag bsdams/ /dpal ldan g.yon du bsnyems bcas pas/ /'khor lo'i phyogs su stang stabs bya/ /'og dang steng dag byin brlabs te/ /sa 'og sa steng sa blar bsam/ /yi ge hUM ni brjod byas na/ /bdag nyid ngan pas 'jug par dka' / /de nas snga ma bzhin du rin po che'i sna bzhi'i rang bzhin kyi mchod rten rnam par bsams te/ gsang ba'i dkyil 'khor la bong thung zhing gsum ba che la kha dog gnag pa/ ral pa dang ldan zhing/ zhal gsum pa/ g.yas pa dag na rdo rje dang 'khor lo/ cig shos dag na pad+ma dang dril bu bsnams pa/ gdul bya rnams sangs rgyas nyid thob par bya ba'i phyir/ sgor gyur pa'i zhal de rnams nas rang gi khong par 'jug par byed cing rten du gyur pa'i rdo rje rgyu'i ngo bo rnam par bsams la/ sgo dbye ba'i sngags kyis sgo rnams phye ste/ oM badzra man la hUM dza(rgyud 'grel): /zhes bya ba 'dis gsang ba'i dkyil 'khor dgug par bya zhing/ oM mahA badzra tsakra a d+hi tiSh+Tha sid+d+hya hUM/ zhes bya bas dkyil 'khor byin gyis brlabs la/ snga ma bzhin du 'phags pa khro bo bdud rtsi zhes pa'i bsam gtan gyis phur bus phyi'i dkyil 'khor gyi zur bzhir / oM g+ha g+ha zhes bya ba la sogs pa dang/ badzra mung ka ra hUM zhes bya ba 'dis phur bus gdab par bya'o/ /de nas snga ma bzhin du yi ge hUM brjod cing/ phyogs kyi mtshams dang nam mkha' bcing ba la sogs pa'i gsung ba

  382. 191b

    byas nas/ 'chad par 'gyur ba'i cho gas 'phags pa bdud rtsi 'khyil pa yongs su bzlas ba'i las thams cad pa'i bum pa ku sha'i bam bo dang ldan pa/ 'jug pa rnams bsang bar bya ba'i phyir dkyil 'khor gyi pho brang las phyi rol du 'am/ / nang gi sgo dang nye bar g.yas su bzhag ste/ bgegs mthar byed kyi nga rgyal gyis snying po'i sngags yang dag par zlos shing grogs po shar phyogs nas brtsams te/ dkyil 'khor gyi sa gzhi bdud rtsi lngas nye bar 'jug tu gzhug go /de nas bdag po lnga'i gnas rnams su tsan dang bcas pa'i bdud rtsi lnga'i dkyil 'khor gru bzhi rang rang gi lha'i sngags lan bdun bzlas pa rnams gnas pa ji lta ba bzhin du byas te/ me tog rnams kun tu bkram la/ slob dpon dkyil 'khor gyi dbus su sna tshogs pad+ma'i steng gi zla ba la gnas pas dkyil 'khor de rnams la snga ma bzhin du gdan rnams bsams te/ rang gi gnas na gnas pa'i lha'i 'khor lo bltas la nam mkha' na gnas pa dang /gcig tu byas te/ bla na med pa la sogs pa'i mchod pa rnams kyis yang dag par mchod nas / gser dang dngul dang zangs ma la sogs pa las byas ba rtsa ba na gnag bag med pa lto la che zhing mgrin pa ring ba mchu 'phyang ba/ dri dang bcas pa'i gos bzang po zung cig gis mgrin pa bcings pa yal ga dang 'bras bu bzang po'i kha rgyan dang ldan pa/ rang gi bdag po'i phyag mtshan gyis mtshan pa'i rnam par rgyal ba'i bum pa/ danDo? ta pa la dang/ si ta rak+ta dang/ bri ha ti dang/ kan+ta ka ri dang gi ri ka ra ni ka ste sman chen po dang ldan pa/ in+d+ra nI la dang/ mu tig dang byu ru dang dngul dang gser te rin po che dang ldan pa/ til dang/ nas dang/ ma sha dang gro dang 'bras so ba ste 'bru lnga dang ldan pa/ sa bon gyis mtshon pa la/

  383. 192a

    badzra d+h+rik ces bya ba 'di brgya rtsa brgyad bzlas pa'i yon chab dang/ dril chab dang/ mngon par 'dus byas pa'i bdag nyid cung zad blugs te/ der yi ge hUM las 'phags pa bdud rtsi 'khyil ba/ ral pa gcig ma dang snyoms par zhugs ba rnam par bsgoms la dbang bskur te/ yon chab dang mchod pa rnam ba lnga dang bla na med pa la sogs pa'i mchod pa rnams kyis yang dag par mchod nas/ de la me tog gi phreng bas bcings pa'i gsang ba'i rdo rje bzhag ste/ phreng ba de'i rtse mo lag pas bzung nas/ oM A/ big+h+nAM? ta krit hUM phaT ces bya ba brgya rtsa brgyad bzlas te/ me tog dkar po sil ma gtor la spos dbul bar bya'o/ /de bzhin du rdo rje me dang thugs rdo rje dag gis thams cad byas la spos dbul bar bya ste/ de la yi ge hUM las byung ba'i rdo rje nyi ma g.yon brkyang bas gnas pa sku mdog sngon po/ snying gar g.yon pas khro bo'i khu tshur gyi sdigs mdzub byas ba/ g.yas pa na rdo rje 'bar ba bsnams pa'i sngags/ hUM badzra a na la ha na da ha pa tsa ma tha d+hany+dza? ra na hUM phaT ces bya ba 'di bzlas par bya'o/ /de ltar nyin re zhing thun bzhir lha'i 'khor lo bkod kyi bar du bya ste/ de ni bum pa lhag par gnas pa'o/ /de nas phyi rol pa rnams la gtor ma byin te/ 'phags pa bdud rtsi 'khyil pa zhes bya bas bgegs gzhom pa'i sbyin sreg dang/ rdo rje 'chang chen pos zhi ba'i sbyin sreg byas la/ dkyil 'khor pa rnams yang dag par bkod de mchod nas/ yon chab phul la lhag par gnas par bya ste/ lce'i rtse mo la yi ge hUM las byung ba'i rdo rje rnam par bsams la/ oM pad+ma sa ra sa ti sa tyaM a barta ya sho d+ha ya hUM h+rI/ ra h+rI zhes bya bas lce byin gyis brlabs te/ lag na spos kyi red bu thogs pas yan lag

  384. 192b

    thams cad kyis phyag byas nas/ thugs rjes zin pas dgongs pa can/ /sangs rgyas bdag la dgongs su gsol/ /thugs kyi dkyil 'khor dam pa ni/ /rdo rje 'chang bdag che ge mo/ /rnal 'byor pa yi yo byad kyis/ /nang bar gyi ni dus su 'dri// sras dang bcas bar gshegs su gsol/ /zhes bya bas lhag par gnas par bya'o// //de nas slob ma rnams lhag par gnas par bya ste/ dkyil 'khor gyi sgo la mngon par phyogs par gnas pa sngar bshad pa'i mtshan nyid dang ldan pa'i slob ma rnams kyis slob dpon la phyag 'tshal nas/ 'di skad du/ byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun dang/ /skyabs gsum dag kyang bdag la stsol/ /thar pa chen po'i grong mchog du/ /mgon po bdag ni gzhug du gsol/ zhes brjod par bya'o/ /de nas slob dpon gyis slob ma gtso bo mngon du bya ste 'di skad du/ khyod ni tshul chen snod yin te/ /bu tshur theg pa chen po yi/ /gsang sngags spyod tshul chen cho ga /khyod la yang dag bstan par bya/ /rdzogs pa'i sangs rgyas 'das gang dang/ /de bzhin ma byon gang dag dang/ /da ltar byung ba'i mgon gang dang// 'gro la phan phyir bzhugs pa dag/ de rnams kun gyi gsang sngags kyi/ /cho ga bzang mchog 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /shAkya seng ge skyob pa yis/ /bdud sde shin tu mi bzad pa/ /dpung chen dag ni gang gis bcom/ /gsang sngags sbyor iba mnyam med de/ /de bas kun mkhyen thob bya'i phyir/ /bu yis blo gros 'di bskyed cig /ces

  385. 193a

    brjod par bya ste/ slob ma rnams kyis so sor re re la bos par khong du chud par bya'o/ /de ltar yang dag par 'dzin du bcug nas/ slob ma re re zhing me'i dkyil 'khor la gnas pa'i yi ge ra las byung ba'i mes thal bar byas te/ yi ge gsum gyi bdag nyid can rang gi kha nas bcug la/ bde ba chen po'i rang bzhin gyi rdo rje nas phyung ste/ sku la sogs pa byin gyis brlabs pa/ snying ga na hUM las byung ba'i rdo rje dang ldan pa/ a khaM bI ra hUM zhes bya ba go rim bzhin du lkog ma dang/ /spyi bo dang/ dpung pa g.yas pa dang/ g.yon pa'i rtsa ba dag dang/ snying gar bkod la/ bdag gis sdig pa bgyis pa dang/ /bgyid stsal rjes su yi rang gang/ /mgon po kun gyi spyan sngar deng/ /de ni bdag gis gshegs par bgyi/ /rang rgyal slob ma las byung dang/ /thub pa sangs rgyas 'gro ba yi/ /bsod nams gang yin de kun la/ /bsam pa thag pas bdag yi rang/ /sangs rgyas byang chub sems rnams kyi/ /bla na med pa'i chos dkon mchog/ 'phags pa byang chub sems tshogs la/ /bdag ni nye par skyabs su mchi/ /rdzogs pa'i sangs rgyas chos bstan gsol/ /nam yang mya ngan 'da' ma mdzad/ /sems can rnams ni bde mdzad de/ /go 'phang mchog ni thob par shog /ji ltar sangs rgyas de yi sras/ /skal chen rnams kyis bskyed ba bzhin/ /bla na med pa'i byang chub sems/ /dam pa nyid ni bskyed par bgyi/ /bdag ni thams cad mkhyen gyur nas/ /kun gyi dbang phyug gnas 'dug ste/ /srid pa'i rgya mtsho mdza' med las 'gro pa 'di? kun bskal par bgyi/ /sangs rgyas nyid thob rgyu la yang/ /ci nus pas ni 'jug par bgyi/ /der zhen de bzhin brtan pa yis/ /bdag gis smon lam

  386. 193b

    gdab bar bgyi/ /skye ba 'di la grub thob phyir/ /de yi thabs la brtson byed cing/ /skyon bral yon tan bde ldan dang/ /phun tshogs kun la dbang thob shog/ bdag gis dge ba gang bgyis dang/ /cung zad bgyid par 'gyur ba dang/ /des ni bdag dang 'gro ba 'di/ /bde gshegs go 'phang thob par shog /ces lan gsum brjod du bcug nas/ /sdig pa bshags pa la sogs pa byed du bcug ste/ snying gar yi ge hUM las zla ba dang rdo rje rnam par bsams la/ dri'i chus bsangs te/ lag pa g.yas pa rdo rje dang bcas pas gtugs te/ surya ta sa ma ya staM? b+ho? si ta badzra ya thA su khaM zhes bya bas byin gyis brlabs te/ skyi? bo dang lkog mar yi ge oM dang yi ge A dag las/ 'khor lo dang pad+ma pa rnam par bsams la/ dzi na dzika dang a ro lika ces bya ba 'dis de nyid gtugs te/ yi ge gsum brjod la/ de rnams kyi leg par dri dang me tog byin nas spos kyis bdug pa dang/ mar mes snang bar byas te/ 'phags pa bdud rtsi zhes pa bzlas pa/ u duM ba ra dang a shwarSha'i rang bzhin can sor bcu gnyis pa/ rma med pa dri'i chus bkrus pa/ rtse mo la me tog bcings pa'i so shing/ bla ma kha byang du bltas pas slob ma thal mo sbyar ba rnams la sbyin bar bya'o/ /de rnams kyis kyang ba'i ko pa tsam gyis dkyil 'khor gyi dbus su 'dug ste/ kha? shar? du bltas pa'am kha byang du bltas bas rtse mo nas bcas la/ ma gas pa mdun drang por bltos pa med par dor bar bya'o/ /de la rang la mngon du phyogs bar ltung na bgegs med par dngos grub thams cad 'byung bar 'gyur ro/ /de gal te kha gyen du bltas te lhung ba de'i tshe rig pa 'dzin pa'i dngos grub bo/ /kha thur du bltas te lhung na 'og gi dngos grub bo/ /skor phyogs kyi rim gyis shar

  387. 194a

    la sogs par kha bltas te lhung na/ rgyas pa dang/ mngon spyod dang/ dbang dang/ zhi ba la sogs pa 'grub bo/ /dkyil 'khor las phyi rol du lhung na ni dngos grub med do/ /de nas yi ge baM las byung zhing de nyid bzlas pa'i chu 'thar thung bya'i phyir byin la/ oM h+ri bi shud+d+ha d+harma sarba pa pa ni tsA/ a sa sho d+ha ya sarba bi ka la pAn a pa na ya hUM zhes bya ba bzlas pa'i dri dang bdud rtsi'i chu khyor ba gsum du bcug ste/ yi ge hUM las byung zhing oM A hUM swAhA zhes bya ba bzlas pa/ ku sha sar pa ma nyams pa cig sngal? su byin zhing yi ge hUM las byung ba bdud rtsi 'khyil pa bzlas pa'i ku sha stan du gding bar bya ba byin te/ 'di nyid bzlas pa'i bsrung skud sum sgril mdud pa gsum ldan pa/ yi ge gsum gyis brten par byas pa rang nyid kyis de rnams kyi dpung pa g.yas pa la bcings la/ oM shud+d+ha me tri raksha sarba swAhA/ zhes bya ba byams pa'i go chas yang dag par bsrungs nas chos bshad pas gzed bstod par bya ste/ bdag nyid chen po khyed rnams kyis /de ring rnyed pa mnyam med rnyed/ /gang phyir rgyal ba sras bcas pa/ /bdag nyid chen po thams cad kyis/ /bstan pa 'di la khyed rnams kun/ /yongs su bzung ste bskyed bya ba/ /de phyir khyed rnams theg chen du/ /sang ni skye bar 'gyur ba yin/ /theg pa chen po 'byung ba che/ /lam mchog 'di ni dpal dang ldan/ /khyed rnams gang nas 'gro ba nas/ / skal pa chen po rang 'byung ba/ /'jig rten thams cad 'dul mdzad pa'i/ /de bzhin gshegs par 'gyur ba ni/ /yod dang med las rnam par 'das/ /nam mkha' bzhin du dri ma med/ /zab mo rtog ge thams cad

  388. 194b

    kyis/ /rtag par bya min gnas med pa/ /spros pa kun dang bral ba ste/ /spros pa kun gyis ma spros? pa/ /las dang bya ba la sogs bral/ /bden pa gnyis la gnas pa yi/ /theg mchog khyad par 'phags pa 'di/ /tshul la gnas na thob par 'gyur/ /bzhin bzang rnams long zhig nang? par rdo rje chen po'i bka' drin gyis thugs kyi dkyil 'khor mthong par 'gyur gyis/ /ji ltar mthong ba'i rmi lam yang smos shig ces brjod la gtang bar bya'o/ / de ni lha dang slob ma rnams lhag par gnas pa'i cho ga'o/ / //de nas dkyil 'khor yang dag mchod la/ /slob ma dang lhan cig mnyam par bzhag pa'i yid kyis dkyil 'khor gyi sa gzhi'i tha mar rnal 'byor pas nyal bar bya'o/ /di nas nyi ma gzhan la de kho na bzhin du dkyil 'khor steng gi nam mkha' la bkod de/ bdud rtsi dang dri zhim po dang bcas pa'i tshon rtsi dkar po dang ser po dang dmar po dang ljang ku dang sngon po nyungs kar gyi phye ma dang bsgom? pa rnams kyis so so so sor kha bsgyur ba'i srad bu rnams/ rim pa de nyid bzhin du bzhag la/ oM swA A hA hUM gi sa bon rnams kyis srad bu rnams la rnam par snang mdzad la sogs pa rnam par bkod de/ rang gi phyogs na bzhugs pa'i de bzhin gshegs pa rnams kyi thugs kar sa bon de dag nyid kyis de dang de'i kha dog can gyi 'od zer gyi srad bu rnams gnas par bltas la thugs kyi dkyil 'khor thig gdab pa'i phyir/ bcom ldan 'das de bzhin gshegs pa thams cad kyis/ rdo rje'i thig bdag la stsal du gsol/ zhes rnam par snang mdzad la sogs pa la yang dag par bskul nas/ oM dIpti tiSh+Ta aM ku sha dza/ zhes bya ba mig

  389. 195a

    dag la bkod de/ rab tu myung par g.yo pa'i mig /mig gi rdzi ma 'dren byed pa'i/ /'bar ba'i lta ba'i lcags kyus rnam par snang mdzad la sogs pa rnams kyis thugs ka nas/ de rnams nyid kyis btang ba'i 'od zer gyi srad bu rnams bkug nas/ de rnams kyis rang gi lag na gnas pa'i srad bu rnams kun tu bkang la/ a n+yo n+ya a nu ga tA sarba d+harmA/ pa ra spa ra a nu pra paSh+Ti sarba d+harmA/ a dya na ta a nu pra biSh+Ta sarba d+harmA/ zhes brjod la yi ge gsum zlos shing bsgril bar bya ste/ kyus su brkyang na dkyil 'khor gyi nyis 'gyur yod pa dang/ sbom su sgo'i nyi shu'i cha yod par bsgril la/ mig gnyis su yi ge ma dang Ta dag gis nyi ma dang zla ba bkod de/ badzra DiSh+Ta ma Ta ces bya bas brtan par byas nas/ dri dang bdud rtsis nye bar byugs pa'i gser la sogs pa'i snod du bzhag la/ dri la sogs pa rnams kyis mchod de/ lag pa reg la yi ge sum brgya rtsa brgyad bzla par bya'o/ /yang dkyil 'khor gyi sa gzhi snga ma bzhin du grogs po 'jug du bcug la/ me tog sna tshogs dgram pa byas te/ bar snang na bzhugs pa rnams la mchod yon dang dri la sogs pa rnams kyis yang dag par mchod la/ phyag 'tshal te rdo rje 'chang du gyur bas yang dag par sbyor ba'i sgo nas/ sred bu 'dzin pa rnam par snang mdzad dam bdud rtsi 'khyil par yang dag par phyung ste/ mig g.yon pa dang g.yas pa dag la yi ge dza las byung ba'i zla ba dang nyi ma kha dog ser po bsams la/ nyungs kar dad bcas pa'i bdud rtsi lnga dang ldan pa'i dri zhim po'i chu yi ge gsum bzlas pa la spangs te/ srad bu de g.yon pa'i khu tshur gyis lte bar 'dzin cing/

  390. 195b

    oM dza:dza dza(rgyud 'grel): zhes bya bas btang nas/ sgrub pa'i grogs mchog gis kyang oM dza:dza(rgyud 'grel): zhes bya bas drangs te/ de kho na bzhin du lte ba'i phyogs su 'dzin cing lho dang gnod sbyin gyis dang dbang po'i phyogs su bltas pa'i rdo rje can dag gis gnam thig gdab par bya'o/ /de nas phyogs thams cad mnyam pa nyid du lhag par dmigs nas/ de kho na bzhin du tshangs pa'i thig gnyis btab ste/ slob dpon me dang rlung gi mtshams su 'dug ste/ gnod sbyin dang yi dags dang dbang po dang klu'i phyogs rnams su mngon par bltas pas/ shar dang nub dang byang dang lhor thig btab la/ yang me'i mtshams su 'dug pas rlung gi mtshams dang/ bden bral gyi mtshams su 'dug pas dbang ldan gyi mtshams kyi bar du thig btab ste/ shar dang nub dang byang dang lho'i phyogs su thig bzhis dkyil 'khor brgyad du 'gyur ba'i thig kyang rim pa de nyid kyis gdab par bya ste/ yi ge gsum brjod pa sngon du 'gro ba can gyi/ oM badzra sa ma ya su traM mA ti kra ma hUM/ zhes bya ba zlos shing thig btab pa'i sgras nam mkha' khyab pa'i de bzhin gshegs pa rnams la/ bcom ldan 'das rnams kyis sems can gyi don mdzad pa'i dus lags pas 'dir gshegs su gsol zhes bskul bar bya zhing/ /slob dpon dang sgrub pa'i mchog dag gis thams cad du yang bskor phyogs su 'gro bar bya'o/ /gru bzhi pa la sgo bzhi pa/ /rta babs bzhis ni mdzes bgyis pa/ /thig bzhi dang ni yang dag ldan/ /dar dang me tog phreng bas brgyan pa/ /mtshams kyi cha ni thams cad dang/ /sgo khyud kyi ni mtshams rnams su/ /rdo rje rin chen rnams kyis spras/ /phyi yi dkyil 'khor thig gdab bo/ /de yi nang gi 'khor lo ni/ /dkyil 'khor brgyad dang

  391. 196a

    yang dag ldan/ /phyi rol gyi ni 'khor lo'i phyed/ /kun nas yongs su zlum po ste/ /rdo rje ka ba mchog gi sbras/ /mdzes shing rdo rje phreng bas bskor/ /de nas hi dang khro lta bas/ /sgo dag rnam par bsgo bya ste/ /bsgo ni 'khor lo'i brgyad kyi cha/ /kha khyer med pa nyid du 'dod/ /sgo khyud sgo yi tshad yin te/ /lha yi rnam buAng de dang 'dra/ /kha khyer kun tu sgo yi phyed/ /sgo 'gram logs kyang de bzhin no/ /dra ba dra phyed nyi zla dang/ /me tog phreng snam de dang 'dra/ /rtsa ba'i thig las phyi rol du/ /tshon gyis ni de yi phyed/ /kha khyer ri mo la brten pa'i/ /rta babs dang ni ka bar ldan/ /ka ba rdo rje sogs thig gi / sa ni mtshon gyi sa dang mnyam/ /rta babs sgo yi sum 'gyur te/ ba dan dril bu rnams dang ldan/ /dril bu btags shing rlung bskyod pa'i/ /pa dan phyi yi mtshams su'o/ /gzhan rnams 'khor lo'i rjes mthun par/ /ji ltar mdzes bar rab tu bya/ /gal te 'ga' yang thig gdab par/ / 'ongs par med na de yi tshe/ /grogs po med par rang nyid kyis/ /phur bu la bstod thig gdab bya/ /de nas dkyil 'khor gyi lte ba la ji skad bshad pa'i phur bu 'am/ rdo rje btab ste/ srad bu nyis sgril du byas bas bcings la/ / mthe bong gi rtsa bar dkris pa'i khu tshur rang dang phyi'i dkyil 'khor dag gi phyi rol du rdo rje phyed ba dang 'od kyi 'khor lo'i thig /dbang ldan gyi phyogs nas brtsams te/ rim bzhin du g.yas phyogs su bskor bas btab la/ ye shes kyi thig gshegs su gsol lo/ /de nas baM laM raM haM yaM kyi sa bon rnams kyis bskyed pa'i tshon rtsi dkar po la sogs pa/ srid bu'i skabs su bshad pa'i kha dog gi rim pa dang ldan pa/ rin po che las byung ba 'am/ lcags lnga

  392. 196b

    las byung ba 'am/ sa'i khams las byung ba 'am/ 'bras las byung pa'am/ dmar po so phag bsregs pa dang/ nag po sol ba las byas pas bzang po rnams/ /sngar bshad pa'i sa bon rnams las/ sangs rgyas spyan la/ sogs pa dang yang dag par ldan pa'i rnam par snang mdzad la sogs pa de bzhin gshegs pa rnams kyi rang bzhin du bsams la/ yi ge hUM mngon par bzlas te/ yi ge dza:dang 'bar pa'i lta ba dag gis tshon rtsi yang dag par sbar te/ yi ge hUM gis phur bu phyung la/ de'i khung bu tshon rtsi lnga yis kun tu bkang ste/ thugs rdo rje'i rnal 'byor dang ldan pas bla na med pa'i shes rab kyi dril bu'i sgras mtshan ma ngan pa la sogs pa bsams la/ chos kyi dbyings rnam par dag par lhag par mos par byas nas/ dang por dbus su 'dug ste/ shar du bltas pas/ oM badzra tsit+tra sa ma ya hUM zhes bya ba brjod cing g.yon pa'i khu tshur gyis dbang ldan gyi phyogs nas brtsams te/ g.yas phyogs su bskor bas tshon rtsi dgye bar bya ste/ phyis ni rtsi? bde bar ro/ /ran zhing snyoms la ma g.yo dang/ mchad g.yas phyogs nas bskor zhing/ /sboms su sgo'i nyi shu'i cha/ /ldan par ri mo bri bar bya/ /sbom por bkye na nad 'byung 'gyur/ /phra mos nor ni rnam par 'jig /yon pos 'gye? 'gyur chad pa yis/ /bla ma dang ni slob ma 'chi/ /g.yas bskor min bar bkye ba yis/ /tshon ni phur bus btab par 'gyur/ /ri mo dkar po'i phyi rol du/ /gzhan ni gser ltar snang ba ste/ /pad+ma rA ga'i rang bzhin dang/ /de bzhin gzhan ni mchad? 'dra/ /nang du sngon po zhes bya ste/ /'di ni tshon gyi rim par bshad/ /shar gyi cha ni dkar por bya/ /lho ni sngon por snang ba ste/ /nub kyi kha dog dmar po'o/ /byang ni ljang gur yang dag ldan/ /dbus ni in+d+ra nI la

  393. 197a

    mtshungs/ /thugs kyi dkyil 'khor 'di lta bu/ /rtag tu rdo rje dril thogs shing/ /shin tu mnyam par bzhag pas bri/ /tshon rtsi'i ri mo phan tshun nas/ /gang tsam gyis bar mchod par bri'o/ /gal te dkyil 'khor 'dri ba na/ /bgegs byung ba de'i tshe/ khro bo bdud rtsi zhes bya ba'i rnal 'byor dang ldan pas phreng ba'i sngags zlos shing bsal bar bya ste/ na ma sa man+ta kA ya bAk+tsit+ta badzra NAM/ na mo badzra kro d+ha ya/ mahA dISh+To? tkaTa b+he ra bA ya? a si mu sa la pa la shU pA sha hasta ya/ oM a mrita kuN+Da li/ kha kha khA hi khA hi/ tiSh+Tha tiSh+Tha/ b+hand+ha b+hand+ha/ ha na ha na/ da ha da ha/ pa tsa pa tsa/ gardza gardza/ bi sphoT ya bi sphoT ya/ sarba big+h+nAn? bi nA ya kan/ ma hA ga na pa ti dzI bi ta an+ta ka ra ya hUM phaT/ bdud rtsi zhes pa'i rnal 'byor dang ldan pa nyid kyis lag pa g.yon pa'i srin lag brkyang ste/ gung mo dang mthe'u chung gi rtse mo sbyar la/ mthe bong dang sbyar te mdzub mo mnan pa'i mche ba'i phyag rgya 'di kha'i mdza' mar 'dzin cing/ phaT kyi mdza' can bzlas pas gzhom par bya ba 'am/ sngar bshad pa'i bsrung ba'i 'khor lo bsgom pa'i sgo nas phur bus gdab pa 'am/ don dam pa'i byang chub kyi sems bsgom par bya'o/ /rang bzhin gyis rnam par dag pa'i sems la bgegs rnams 'byung bar 'gyur ba gang yin pa de ni gnas med cing skabs med de/ bgegs la sogs pa rnams ni tha mal pa'i rnam par rtog pa las rab tu byung pa nyid yin pa'i phyir ro/ /de nas lha rnams bzhugs pa'i gnas rnams su snga ma bzhin du pad+ma dang nyi ma la sogs pa'i gdan rnams ji lta ba bzhin du bkod la/ badzra d+h+rika ces bya ba la sogs pa'i

  394. 197b

    snying po rnams brjod cing/ nam mkha' la gzhugs pa rnams phyag mtshan gyi nang na gnas pa'i lha'i gzugs rnams dang lhan cig gcig tu byas te/ skud ris su byas pa 'am/ lugs su blugs pa 'am/ 'bur du brkos pa 'am/ ri mor bris pa'i mtshan ma rnams dgod par bya'o/ /de la dbus su ni in+d+ra nI la lta bu'i rdo rje rtse lnga pa bskal pa'i me ltar 'bar zhing 'jigs su rung ba dgod par bya'o/ /rnam par snang mdzad kyi gnas su rdo rje'i rnam pa can gyi 'od zer 'bar ba'i 'khor lo rtsibs brgyad pa dkar po dang/ de bzhin du rin chen 'byung gnas kyi gnas nas brtsams te/ chos kyi dbyings rdo rje la sogs pa lha mo rnams kyi gnas kyi bar la/ go rim bzhin du 'od zer gyis khyab pa'i nyi ma lta bu'i rin po che dang/ 'od zer dang bcas pa'i pad+ma dang/ ral gri dang/ sprin lta bu'i mig de'i 'od dang ldan pa dang/ rdo rje sngon po 'bar ba dang/ pad+ma kha bye ba sdong bu dang bcas pa dang/ utpal sngon po dang/ 'bar ba dang bcas pa'i tho ba dang/ dbyug pa rdo rje ltar 'bar zhing g.yo ba dang/ ral gri lta bu'i 'od zer 'bar ba'i pad+ma dang/ /sna tshogs rdo rje dbus na sngo ba dang/ shar la sogs pa'i phyogs bzhir 'khor lo dang/ me long dang/ nag ge sar kyi lcug ma dang/ yang de nyid dkar po dang/ rdo rje dang/ ba bdad? pa/ rin po che dang/ 'dri'i? dud por ser po dang/ pad+ma dang/ khrag chen pos gang ba'i thod pa dang/ ral gri dang/ ral gri gnyis pa dmar po dang/ dri ba'i phyag rgya dang/ tha mar rdo rjes mtshan pa'i ka tsa lan? di'i? gos reg bya 'jam? po dang ldan pa dang/ sna tshogs rdo rjes mtshan cing dbus dkar ba'i chos 'byung gi phyag rgya gru gsum ljang gu dgod bar bya'o/ /me la sogs pa'i mtshams rnams su lcags kyu dang/ dbyug pa dang/ rtse gsum dang/

  395. 198a

    ral gri rnam par bkod la/ shar gyi sgor tho ba las shar du 'khor lo dang /de bzhin du nub du pad+ma laS? nub? du dril bu dang bcas pa'i rdo rje pad+ma dang nyi ma'i gdan rnams la rnam par bkod par bya'o/ /gal te de nyid du thugs kyi rdo rje la sogs pa gang yang rung ba'i rang gi lha bsgrub par 'dod pa de'i tshe/ na tshod lo bcu gnyis lon pa'i khye'u dang bu mo dag la/ mi bskyod pa dang mA ma kI bcug ste/ de dag thig gdab la sogs pa'i chog? sngon du 'gro ba can gyi de dkyil 'khor 'drir bcug la// lha ma lus pa'i gnas su sgrub thabs las bshad pa'i gdan dang gzugs dang kha dog dang zhal dang/ phyag la sogs pa dang ldan pa bkod pa'i rten gyi dkyil 'khor ji lta bzhin zhugs te bsgrub par bya'o/ /phyogs bzhir/ /rin po che'i rang bzhin gyi rta babs me tog gi phreng ba dang dril bu dang ba dan la sogs pa dang ldan pa rdo rje 'chang mngon par bzlas pa dbul bar bya'o/ /dkyil 'khor las phyi rol du shar la sogs pa'i phyogs rnams su/ /shes rab kyi pha rol tu phyin pa dang/ /sdong pos brgyan pa dang/ de bzhin gshegs pa'i gsang ba dang/ gser 'od dam pa rnams bklag par bya'o/ /ga bur dang la ka ru dang du rus ka la sogs pa'i spos smod rnams rgyun mi 'chad par phyogs dang phyogs mtshams brgyad du bzhag par bya'o/ /de nas bdud rtsi 'khyil pa'i nga rgyal dang ldan pa'i grogs po/ 'od kyi phreng ba las phyi rol du bdud rtsi lnga dang ldan pa'i dri'i chus kun tu 'byug par byed du bcug /me tog sil ma bkram nas/ las thams cad pa bzlas ba'i chus dkyil 'khor bsangs te/ de'i dbus su lag pa gzhag la/ 'khor lo byin gyis brlab pa'i phyir yi ge sum

  396. 198b

    brgya rtsa brgyad bzlas te/ oM a big+h+nAn+ta krita hUM phaT ces bzlas par bya'o/ /de nas mtshams kyi dus su dpal gnod mdzes rgyal po'i nga rgyal dang ldan pas me tog sngon pa'i phreng ba blangs te/ oM suM b+ha zhes bya ba la sogs pa brjod cing/ mtshon gyi ri mo'i 'og nas 'gro ba'i bsam pas dkyil 'khor du zhugs la/ /dril bu dkrol zhing skor ba gsum bya ste/ ma tshang ba dang lhag pa'i nyes pa zhi bar bya ba'i phyir 'khor lo bltas nas/ bcom ldan 'das la phreng ba phul te/ de slar gar gyi sbyor bas blangs la/ yi ge hUM bzhis rang gi mgo la bcing bar bya'o/ /de nas phyi rol dang nang gi dkyil 'khor dag gi mtshams su 'dug cing/ mnyam par bzhag ba'i rdo rje slob dpon gyis yi ge gsum 'don cing yid kyis sgo dbye bar bya ste/ shar la sogs pa'i sgo rnams ni/ /nub la sogs par gnas pa dang/ /de bzhin g.yas brkyang sogs rnams kyis/ /rim bzhin dbye bar bya ba nyid/ /de nas sngar lhag par gnas par byas pa'i rnam par rgyal ba'i bum pa cho ga de nyid kyis bzlas pa bdag po'i mdun du bzhag par bya'o/ /cig shos badzra d+h+rik ces bya ba brgya rtsa brgyad bzlas pa yang/ de'i chus bdag nyid dang slob ma rnams gsang ba'i phyir 'jug pa'i sgor mngon du 'phyogs par bzhag ste/ dkyil 'khor gyi phyi rol 'od kyi 'khor lo'i nang shar dang lho'i sgo dag gi bar du mtshan nyid dang ldan pa/ rang gi lha dang rjes su mthun ba'i tshon rnams kyis bskus pa/ der lha de rnams kyi mtshan bris pa/ gos bzang pos mgul bcings byas pa/ yal ga dang 'bras bu bzang po'i kha rgyan dang ldan pa/ rin po cha dang sman dang 'bru lnga dang ldan pa/ bdud rtsi dang bcas pa'i tsan dan gyi chus gang ba/ rang gi sngags brgya rtsa brgyad bzlas la/ 'phags pa gshin rje

  397. 199a

    mthar byed la sogs pa khro bo rnams kyi bum pa de rnams kyang bzhag par bya'o/ /de bzhin du lho dang nub kyi dbus su dpal gnod mdzes rgyal po la sogs pa rdo rje ma la thug pa rnams kyi dgu dang/ de bzhin du nub? dang byang gi bar du 'jig rten dbang phyug la sogs pa sangs rgyas spyan la thug pa rnams kyi lnga nyid dang/ byang dang shar gyi sgo dag gi bar du mA ma kI la sogs pa mi bskyod pa la thug pa rnams kyi bum pa brgyad dgod par bya'o/ /? na rnam par rgyal ba'i bum pa dang/ sangs rgyas spyan la sogs pa bzhi po'i bzhi dang/ lha lhag ma rnams kyi bzhi dang/ las thams cad pa'i bum pa dang/ bum pa gang ba rnams kyang bzhag par bya ste/ bcu las nyung bar mi bya'o zhes gsungs pa'i phyir ro/ /de nas sgrub thabs las bshad pa'i yo byad la sogs pa dang/ phyi'i mchod pa rnams kyis dkyil 'khor la mchod de/ rdo rje slob dpon ji skad bshad pa'i rig ma dang lhan cig slob ma gzhug pa'i cho ga bzhin du zhugs la/ bcom ldan 'das las bum pa'i dbang dang/ gsang ba dang/ shes rab ye shes kyi dbang dang/ slob dpon dang/ rjes su gnang ba dang/ langs nas lung bstan pa dang/ ting nge 'dzin bsgom pa rnams thob nas/ bdag po'i gnas su sna tshogs pad+ma'i steng du gos kyis g.yogs pa'i khri la gnas pas gdol pa'i bu mo lo bcu gnyis pa/ bzhin bzang mig ni yangs pa dang/ /rgyan rnams thams cad dag gis brgyan /de nyid rigs pa la rtson pa/ /mA ma kA'i yon tan brgyan/ /sgrub thabs las bshad cho ga bzhin/ /dri dang me tog gis khyab par/ /byas na lha rnams mchod bya'i phyir/ /de ni rnal 'byor pas bsten bya/ /de nas de kho na bzhin du byang

  398. 199b

    chub sems spro ba dang bsdu ba las phyung ba'i zla ba'i dkyil 'khor du/ /sngar bshad ba'i snying po rnams kyis dam tshig gi dkyil 'khor phra mo phyung la/ /mtshan ma'i nang na gnas ba'i lha'i gzugs rnams la thim par bsgoms te/ gnod mdzes rgyal po phyag na zhags pa dang/ lcags kyu thogs pas yi ge dzA'i mdza' can gyi yi ge hUM bzhis ye shes kyi 'khor lo dkug nas/ lha so so'i thugs kar gzhug pa sngon du 'gro ba can gyi phung po la sogs pa byin gyis brlab ba sku dang gsung dang thugs byin gyis brlab pa la thug pa bya ste/ snga ma bzhin du rdo rje 'chang chen po la sogs pa'i cod pan dang dar dbyangs kyi dbang bskur ba rnams kyis dbang bskur la/ rjes su mnyes par bya ba'i rim pas rjes su mnyes par bya ste/ snga ma bzhin du de bzhin gshegs pa'i tshogs kyi rnam pa can gyi byang chub kyi sems bsdus nas pad+mar bcug ste/ ye shes kyi bdud rtsi'i rang bzhin du zhu bar gyur pa/ de bzhin gshegs pa la sogs pa thams cad la bza' ba'i phyir phul la/ slar lha mo'i tshogs kyi gzugs rnams su gyur? ste/ de rnams kyi dkyil 'khor la bla na med pa la sogs pa rnams kyis yang dag par mchod la/ yi ge gsum bzlas pa'i dri dang me tog dang spos dang mar me dang lha bshos kyang phul la/ rdo rje 'chang mngon par bzlas pI mchod yon gyi dri'i chu dung por la sogs pa'i snod du blugs la/ /bdud cing bcas pa'i til dang nas dang ku sha dang dri zhim po dkar po dang ldan pa/ lha rnams la mchod yon gyi snod des blugs shid dbul bar bya'o/ /de nas mchod pa bya ste/ de la lha rnams re re zhing ras yug zud re 'am re re 'am/ thams cad la ras yug bzang po kha cig phul la/ bla re dang/ gdugs dang/ rgyal mtshan

  399. 200a

    dang/ bdan rnam pa sna tshogs pa la/ yi ge oM 'am rdo rje sems dpa' bzlas te badzra spha ra Na khaM zhes bya ba 'di yis dbul par bya'o/ /oM sarba ta thA ga ta pU dzA ma g+ha sa mu tra spha? ra Na sa ma ye hUM/ zhes bya ba'i sngags kyis sngar mngon par 'dus byas pa'i ga pur dang a ka ru dang du? rus ka la sogs pa'i dri tsandan dang bsres pa dang/ /me tog gi shing brgya 'am/ shing bzhi dang/ me tog thams cad dang/ spas kyi snod stong dam brgya 'am bcu las nyung ba ma yin pa dang/ mar la sogs pa'i mar me'i grangs 'bum 'am stong dam mar me'i snod brgya 'am snod bzhi dbul bar bya ste/ bshad ma thag pa'i sngags la/ puShpa/ /d+hu pa dI pa pU dza/ zhes bya ba la sogs pa re re zhing sbyar bar bya'o/ /'bru la sogs pa las byas pa'i swasti ka la sogs pa yi ge gsum mngon par bzlas pa'i bza' ba dang bca' ba dang myang ba dang bzhi pa pa dang myos pa dang bcas pa dang/ myos pa med pa'i btung ba dang/ gtor ma dang mchod pa rnam pa sna tshogs pa'i grangs stongs dang/ de nyid kyis rol cha stong dam/ pi bang dang dung la sogs pa'i rol cha bcu dang/ phyi rol gyi gar mkhan dang/ lag gdub dang/ rna rgyan dang/ cod pan la sogs pa dang/ rta dang/ glang po dang/ ba lang gi khyu rab tu brtags pa de rnams dang/ gos dang bcas shing/ dril? bu dang rnga yab dang bcas pa'i rta babs rnams dbul bar bya'o/ /de nas ba dan dkar po dang/ smug po dang/ sngon po dang/ dud ka dang dmar po dang/ khra bo dang/ ser po dang/ ljang gu dang/ brgyad go rim bzhin du dkyil 'khor las phyi rol du dbang po la sogs pa'i phyogs su bsgrang bar bya'o/ /de nas yang bla na med pa la sogs pa'i mchod pa rnams kyis yang

  400. 200b

    dag par mchod nas/ mi bskyod rdo rje zhes bya ba la sogs bas snga ma bzhin du bstong ba bya ste/ de 'am gzhan gyis bstong nas/ bshang? ba dang gci ba la sogs pa dang ldan pa/ byang chub kyi sems su bsgrubs pa/ dud chen du glugs pa yi ge gsum gyis mngon par 'dus byas pa/ 'khor lo'i dbus su bzhag la/ des dkyil 'khor pa rnams yang dag par tshim par bya'o/ /de nas dbang po'i phyogs nas brtsams te/ lha dang lha ma yin la sogs pa rnams la/ nges mngon? par 'dus byas pa'i bza' ba la sogs pa'i gtor ma byin la/ lha rnams tshim par byed ba'i sbyin sreg bya'o/ /de nas yang slar zhugs te langs nas lung bstan pa la thug pa snga ma bzhin du rdzogs par byas nas/ slob ma rnams gzhug pa'i phyir/ chos rnams gzugs brnyan lta bu ste/ dag cing gsal la rnyog pa med/ /gzung du med cing brjod du med/ /rgyu dang las las kun tu 'byung/ /de bzhin nyid las nges par skyes/ /bden pa 'di yis dkyil 'khor du/ /skyon gral slob ma thams cad kyis/ /gzugs brnyan gsang bar mthong par shog /ces bden pa'i byin gyis brlabs bsgrags par bya'o/ /nam mkha' las byung mtshan ldan phyir/ /thog ma tha ma med pa'i mchog/ sems dpa' rdo rje che rang bzhin/ /rdo rje sems dpa' der grub mdzad/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa 'ang khyod/ /'dod chags kun gyis rjes chags pa/ /'dod chags chen po dga' ba che/ /bcom ldan de nyid bdag grub mdzod/ /shin tu dag pa kun gyi mchog /gdod nas grol ba de bzhin gshegs/ /kun tu

  401. 201a

    bzang po kun bdag nyid/ /byang chub sems dpa' bdag grub mdzod/ /dngos grub chen po'i kun gyi mchog /dbang phyug chen po'i rgyal mchog dang/ /shin tu khyad? 'phags rdo rje yis/ /rdo rje bsnyems? bdag bdag grub mdzod/ /sems can kun gyi yid khyab cing/ /sems can kun gyi snying la bzhugs/ /sems can kun gyi yab gyur nyid/ /dam tshig mchog gi 'dod pa mchog /bden pa gang gis ye shes mchog /shes rab thabs dag dkyil 'khor 'gyur/ /bden pa de yis mgon khyod kyis/ /bdag gis 'dod pa yongs rdzogs mdzod/ /ces bya bas dam tshig gsum gyis glu'i mchod pa dang gsol ba gdab par bya'o/ /de nas slob ma'i cho ga 'byung ste/ dam tshig dang sdom pa 'dzin par khas blangs pa/ yon rab tu phul ba'i slob ma snga ma bzhin du mngon par 'dus byas nas/ de'i snying gar snyoms par 'jug pas bzhugs pa'i bde ba chen po rnam par bsams te/ de'i sbyor ba'i g.yo ba las byung pa'i yi ge A dmar po'i 'od zer gyi phreng bas lus thams cad gsal bar byas par rnam par bsgoms la/ bdud rtsi zhes pa bzlas pa'i gos dmar po'i stod g.yogs dang smad g.yogs dang ldan pa/ sgo srungs bzhi mngon par bzlas pa'i gos kyis mig bkab pa/ rang gi dbang bskur ba'i de bzhin gshegs pas byin gyis brlabs pa'i gdong g.yogs nyid kyis cod pan byas pa/ /ji skad bshad pa'i rang gi rigs kyi bu mo lag pa g.yon pas 'khyud pa'i sbyor ba khyad par can gyis 'dzin pa bcug ste/ las thams cad pa'i bum pa'i chus kun tu bsangs la/ e ma'o sangs rgyas e ma'o chos/ /chos bshad pa'i ngo?

  402. 201b

    mtshar che/ /de nyid don ni dag pa'i don/ /byang chub sems khyod la phyag 'tshal/ /bdag med pa yi chos las byung/ /sangs rgyas byang chub rdzogs mdzad pa/ /rnam par mi rtog dmigs su med/ /byang chub sems khyod la phyag 'tshal/ /kun tu bzang po thams cad don/ /byang chub sems ni rab skor ba/ /byang chub spyod pa rdo rje che/ /byang chub sems khyod la phyag 'tshal/ /de bzhin gshegs pa'i thugs dag pa/ /sku dang gsung thugs rdo rje 'dzin/ /sangs rgyas byang chub rab ston dang/ byang chub sems khyod la phyag 'tshal/ /zhes bya ba 'di phyag bzhi byed du gzhug go /de nas A khaM bi rA? hUM zhes bya ba'i sngags kyis me tog gi phreng ba thal mo sbyor bas 'dzin du bcug bsgo drung du bzhag la/ kye? rab tu dga' ba 'dod pa khyod su yin zhes dri bar bya zhing/ /nges kyang kye bde ba chen po bdag ni bskal pa bzang po'o zhes brjod par bya'o/ /de nas rdo rje sems dpa' i bum pa'i chus bsangs te/ yi ge lnga yis bcug la 'di skad brjod par bya ste/ deng khyod de bzhin gshegs pa thams cad kyi rigs su zhugs par gyur gyis/ de'i phyir ngas khyod la gang gis de bzhin gshegs pa thams cad kyi dngos grub kyang thob par 'gyur na/ dngos grub gzhan lta smos kyang ci dgod pa'i ye shes bskyed par bya yis/ khyod kyis dkyil 'khor chen po ma mthong ba'i mdun du brjod par mi bya ste/ khyod dam tshig nyams par gyur ta re/ oM rdo rje sems dpa' rang nyid ni/ /de ring khyod kyi snying la gnas/ /gal te tshul 'di smra ba na/ /skad cig de la dral nas gshegs/ /sbyangs shing rtogs par byas pa nyid/ /ye shes 'bar pa'i 'od kyis khyab/ /dngos grub sgrub byed dkyil 'khor gnas/ /dung chen nang blugs bdud rtsi lnga/ /sa bon lnga dang gsum bkod ba/ /blangs te slob ma

  403. 202a

    'thung du gzhug /'di ni khyod kyi dmyal ba'i chu/ /dam tshig las 'das sreg par byed/ /dam tshig srung bas dngos grub thob/ /'thung zhig rdo rje bdud rtsi'i chu/ /oM badzra u dka' / /deng phyin chad khyod kyi phyag na rdo rje nga yin gyis/ /ngas 'di gyis shig ces smras pa gang yin pa de khyod kyis bya dgos shing khyod kyis nga la brnyas par mi bya ste/ /khyod nyam da bar ma spangs par 'chi ba'i dus byas nas/ sems can dmyal bar ltung par 'gyur ta re/ de nas bdag la de bzhin gshegs pa thams cad byin gyis brlabs pa dang/ /rdo rje sems dpa' dbab par mdzad du gsol zhes smros shig ces slob ma smrar bcug la/ de'i snying gar hUM las byung ba'i dbang chen gyi dkyil 'khor gru bzhi kha dog ser po rdo rje rtse gsum pas mtshan pa la gnas pa'i yi ge hUM dang/ mgo bo baM las byung ba'i chu'i dkyil 'khor zlum po kha dog dkar po bum pas mtshan pa la gnas pa'i yi ge ha dang/ lkog mar yi ge yaM las byung ba'i rlung gi dkyil 'khor sngon po gzhu lta bu'i 'od zer gyi tshogs 'phro ba'i rgyal mtshan gyis mtshan pa la gnas pa'i yi ge a dang/ rkang pa'i 'og tu yi ge raM las byung ba'i me'i dkyil 'khor gru gsum 'od zer 'bar ba la gnas pa'i yi ge dzhai? rab tu 'bar ba rnam par bkod nas/ hUM ha/ A dzheM? zhes bya bas bskul zhing dbab par bya ste/ ji skad bshad pa'i dbang chen gyi dkyil 'khor la sogs pa rnams la gnas pa'i yi ge hUM la sogs pa las byung ba'i rdo rje la sogs pa de dag nyid kyis mtshan pa rnams yi ge dzhaiM? las byung ba'i me'i 'od zer rnams kyis mngon par khyad par bsams la dbab par bya'o/ /babs par

  404. 202b

    gyur pa'i lce la yi ge A:dmar po bsams la/ rdo rje smros shig ces brjod par bya ste/ bzang dan thams cad smra bar 'gyur ro zhes bcom ldan 'das rdo rje 'chang gsung ngo/ /tiSh+Tha badzra dri Dho me b+ha ba/ shA shwa to me b+ha ba/ h+ri da yaM me ad+hi tiSh+Tha/ /sarba sid+d+hi mme pra yats+tsha / hUM ha ha ha ha ho/ zhes bya ba brjod pas dbab pa de nyid brtan par bya ste/ yi ge lnga yis phreng ba de dkyil 'khor du skyur du bcug la/ de nyid kyis slar blangs te de'i mgo la bzhag nas/ snying gar zla ba la rang gi bdag po'i dad mig tu yi ge oM dang/ dpral bar yi ge ra bsams te/ yi ge lnga yis gdong g.yogs bkrol la/ man ngag ji lta ba bzhin du dkyil 'khor bstan zhing/ 'di skad brjod par bya'o/ /kye rdo rje ji ltar mig sman dag pas mthong/ / de ring dkyil 'khor 'di ltos shig /sangs rgyas chos kyi rigs su skyes/ /sngags dang phyag rgyas byin brlabs gyur/ /dngos grub thams cad phun sum tshogs/ /dam tshig rnams kyi mchog tu 'gyur/ /rdo rje pad mchog rol pa yis/ / gsang sngags ni mnyes par gyis/ /mi mnyam med pas gru bzhi ste/ /dran dang dbang pos sgo bzhi yin/ /rta babs bzhir ldan bsam gtan gyis/ /khyams ni ting nge 'dzin du bshad/ /kha khyer rten pa'i lha mor ldan/ /rdo rje mchog gi gzungs rnams te/ /rgyan rnams kun gyis spras pa ni/ /bsam pa thams cad rdzogs byed pa'o/ /rlung bskyod ba dang dril bu dang/ /sna tshogs mchog gi sgra sgrogs pa/ /gdul bya bskyod pa dam chos kyi/ /sna tshogs mchog sgras kun tu khyab/ /me tog me long ye shes ste/ /byang chub yan lag me tog phreng/ /dra ba dra phyed rin chen bzang/ /nyi ma zla bar yang dag ldan/ /dngos grub mi bzad bde ba ste/ /bde ba chen po zhes bshad do/ /de yi nang gi 'khor lo ni/

  405. 203a

    dkyil 'khor brgyad pa'i rnam pa ste/ /dngos grub bde ba kun ster ba'i/ /rnam par thar ba brgyad po yin/ /byang chub sems dpa' i theg chen gyis/ /mdo yi 'khor lo rab bskor bas/ /rdo rje'i thig gis yongs bskor dang/ /kun nas yongs su rdzogs pa yin/ /'gro la ye shes kyis chags pas/ /rdzogs sangs rgyas lnga mtshon rtsi yin/ /rang gi mtshon nyid rab dbye bas/ /dbang po'i don ni rnam dag phyir/ /bum pa rdo rje can gyis sngon/ /ye shes bdud rtsi gsol de yin/ /bum pa gang ba thugs rje yi/ /rlan dang tshogs rdzogs rgyu mthun yin/ /me tog spos dang mar me dri/ /dkyil 'khor na ni gang yod pa/ /byang chub yan lag yid rab tshim /chos kyi sgron ma grags pa'i chogs/ /lha bshos chos kyi zas yin te/ /bde ba chen po 'phel byed pa'i/ /glu dang gar dang rol mo'i mchog /ngo tsha khrel yod sdom pa yin/ /khang brtsegs thar pa'i grong khyer phyir/ /snying po bsdus / pas dkyil 'khor ro/ /zhes bya ba 'dis rgyu dang 'bras bu'i rang bzhin can gyi dkyil 'khor bstan nas/ yang ni brten pa'i 'khor lo bstan par bya ste/ dad pa'i dbang po rnam par dag pa ni/ /'phags pa gshin rje mthar byed yin zhing sems can ma lus pa'i rgyud la gnas pa'i 'chi bdag gi bdud zil gyis gnon par byed pa'i rang bzhin no/ /de bzhin du dran pa dang ting nge 'dzin dang brtson 'grus kyi dbang po rnam par dag pa ni/ 'phags pa gzhan gyis mi thub pa dang rta mgrin dang/ /'phags pa bdud rtsi zhes bya ba ste/ nyon mongs pa dang/ phung po dang/ lha'i bu'i bdud rnams zil gyis gnon par byed pa'i mtshan nyid can gyi sgo srungs rnams so/ /de bzhin du 'dod pa'i rgyal po dang/

  406. 203b

    dbyug pa sngon po dang/ stobs po che dang/ mi g.yo ba dang/ gtsug tor 'khor los sgyur ba dang/ gnod mdzes rgyal po rnams ni zhe sdang la sogs pa rnam par dag pa'i rang bzhin no/ /sa'i snying po ni mig gi skye mched rnam par dag pa'i rang bzhin no/ /gzugs rdo rje ma ni phyi rol gyi gzugs rnam pa gsum rnam par dag pa'i rnam par snang mdzad gyi rang bzhin no/ /byams pa dang lha mo byams ma ni byams pa mchog rnam par dag pa'i rang bzhin no/ /phyag na rdo rje ni rna ba'i skye mched rnam par dag pa'i rang bzhin no/ /de bzhin du sgra rdo rje ma ni rin chen dbal gyi rang bzhin no/ /nam mkha' i snying po ni sna'i skye mched do/ /gri rdo rje ma ni 'od dpag tu med pa'i rang bzhin no/ /'jig rten dbang phyug ni lce'i skye mched do/ /ro rdo rje ma ni don yod par grub pa'i rang bzhin no/ /'phags pa 'jam dpal ni shes rab rnam par dag pa'i rang bzhin no/ /lha mo snying rje ni brtse ba rnam par dag ba'i rang bzhin no/ /sgrib pa thams cad rnam par sel ba ni lus rnam par dag pa'o/ /reg bya rdo rje ma ni reg bya rnam par dag pa'i mi bskyod pa'i rang bzhin no/ /kun tu bzang po ni yid rnam par dag pa'o/ /chos kyi dbyings rdo rje ma ni chos thams cad rnam par dag pa'i rang bzhin no/ /sangs rgyas spyan ni phyi dang nang gi bdag nyid kyi sa'i khams rnam par dag pa'i rang bzhin no/ /de bzhin du mA ma kI ka dang/ gos dkar mo dang/ sgrol ma ni chu dang me dang rlung rnam par dag pa'i rang bzhin no/ / de bzhin du rnam par snang mdzad dang/ rin chen 'byung ldan dang/ /'od dpag tu med pa dang/ /don yod par grub pa rnams ni/ /stong pa nyid la sogs pa'i rgyu mthun pa'i me long lta bu la sogs pa'i ye shes bzhi'i rang bzhin no/ /

  407. 204a

    bcom ldan 'das zhe sdang rdo rje ni rnam par thar pa'i sgo stong pa nyid la sogs pa bzhi'i rgyu mthun pa'i ye shes lnga'i rang bzhin no/ /bde ba chen por bsgrub phyir/ /gang du zhugs pa tsam gyis ni/ /de rnams zil gyis mi non cing/ /phyir mi ldog dang rgyal sras 'gyur/ /de nas rdo rje slob dpon la/ /shin tu khyad 'phags yon phul nas/ /rab tu btud de tshigs bcad 'dis/ /dbang bskur par ni gsol ba gdab/ /byang chub rdo rje sangs rgyas la/ /ji ltar mchod chen gsol mdzad pa/ /bdag la bsrung ba'i don gyi phyir/ /nam mkha' i rdo rjes deng bdag stsol/ /slob ma rang bdag rnal 'byor ldan/ /'jug pa'i sgo ru mngon phyogs par/ /pad+ma 'dab brgyad steng du ni/ / rnam spras khri la bzhag byas te/ /lus la dkyil 'khor bcug gyur pa/ /cho ga 'di yis dbang bskur bya/ /dbang bskur dus su slob dpon gyis/ /gdugs dang rgyal mtshan ba dan thogs/ /bum pa rol cha gos bzang dang/ / rgyan rnams bzang po dang ldan zhing/ /sngar bshad dbab pa bya ba yis/ /bkug nas yang dag gshegs pa yi/ /sangs rgyas kun gyis nam mkha' i khams/ /yongs su gang bar rnam bsgom bya/ /bum pa'i chu ru bdag po lnga/ /la sogs zhu ba'i gzugs bcug la/ /mgrin pa gos rnams bzang pos bcing/ /bum pa sangs rgyas spyan sogs kyis/ /bzung ba de yis ba spu yi/ /bu ga kun nas sangs rgyas gzhug /sngags kyi chigs bcad 'di 'don cing// slob ma'i mgo la dbang bskur bya/ /dbang bskur ba ni rdo rje che/ /khams gsum pas ni phyag byas shing/ /sangs rgyas kun gyi gsang gsum gyi/ /gnas las byung ba sbyin par bya/ /ji lta ba bzhin cod pan gyis/ /

  408. 204b

    dbang bskur de nas shes rab dang/ /rnal 'byor gyis ni brtan byas te/ /rim pa 'di bzhin mtshan ma sbyin/ /sangs rgyas kun gyi deng khyod kyi/ /rdo rje'i dbang gis dbang bskur 'gyur/ /rab tu grub phyir sangs rgyas kyi/ /rdo rje 'di ni khyod kyis long? oM badzra a d+hi pa hi twAM? a b+hi Shiny+tsa ma tiSh+Tha badzra sa ma ya stAM?/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems tshul bdag po'i bdag /ces bya bas ni hUM las byung bas rdo rje'o/ / rgyal ba byang chub mchog bzhed pa/ /'di de sangs rgyas thams cad kyis/ /shes rab sgra'i rjes 'gror bshad/ /khyod kyis kyang ni rtag tu bcang/ /zhes bya bas yi ge a las byung ba'i dril bu'o/ /srid pa ngo bo nyid kyis bdag /ngo bo nyid kyis srid bral byas/ /ngo bo nyid dag sems mchog gis/ srid pa mchog tu byed par 'gyur/ /zhes bya bas de dkrol du gzhug go /srid pa'i bde ba shin tu chung/ /sdug bsngal chen po dag bya'i phyir/ /shin tu bde ba'i thabs dam pa/ /dam tshig 'di ni rtag tu bskyed/ /'dod pa'i longs spyod thams cad ni/ /ji bde ba ru bsten bya zhing/ /rang gi lha yi sbyor ba yis/ /bdag dang gzhan nyid mchod par bya/ /ji srid 'khor ba'i gnas su ni/ /mkhas mchog rnams ni 'dug 'gyur ba/ /de srid mtshungs med sems can don/ /mya ngan mi 'da' byed par nus/ /thabs dang shes rab pha rol phyin/ /bsod nams tshogs ni sgrub byed cing/ /dngos grub kun gyi dbang phyug gyur/ /grub pas sems can don brtan bya/ /yid kyi gzugs ni bsnyan nyid phyir/ /phyag rgya dam tshig zhes byar brjod/ /gang gi gzugs kun brtan gyur pa/ /des ni phyag rgyar rab tu bsgrags/ /zhes bya pa ni dam tshig go /de ltar dam tshig gsum phog nas/ /oM badzra a d+hi ba ti stwaM/ a b+hi Shany+tsi mi/ badzra nA ma

  409. 205a

    a b+hi She ka ta/ kye dpal rdo rje che ge mo zhes bya ba'i sgra dang bcas pa'i ming gdags par bya ste/ de ni ming gis dbang bskur ba'o/ /phyag na rdo rje'i brtul zhugs brtan/ /'di de sangs rgyas thams cad nyid/ /rdo rje sems dpa' i phyag na gnas/ /khyod kyis kyang ni rtag tu bcang/ /zhes bya pas rdo rje'i brtul zhugs phog pa ste/ /oM sarba ta thA ga ta sid+d+hya badzra sa ma ya tiSh+Tha e Sha twAM d+hA ra yA mi/ hi hi hi hi haM hUM zhes bya ba brjod cing/ /slob ma 'dzin du bcug ste/ dri la sogs pa rnams kyis yang dag par mchod nas bzhag par bya'o/ /de lta bu ni bum pa zhes bya ba'i ming gis bsdus pa phyi'i dkyil 'khor gyi dbang bskur ba ste/ le'u bco brgyad pa las/ bum pa'i dbang ni dang po ste/ gsang ba'i dbang bskur gnyis pa yin/ /shes rab ye shes gsum pa ste/ zhes bya ba la sogs pa bstan pa'i phyir ro/ /de nas gnas dben par slob mas sngags dang rgyud la legs par bslabs pa/ bzhin bzang zhing mig yangs pa/ de kho na nyid kyi rig pa la brtson pa/ dam tshig srung ba lhur len pa/ /bde ba'i yo byad thams cad dang ldan pa'i rang gi rigs kyi bu mo/ /rdo rje slob dpon la rab tu dbul bar bya'o/ /de nas g.yon logs na gnas pa de dang lhan cig 'dug pa'i bla ma la'o ma dang mar me'i mchod pa rnams dang/ dri dang phreng ba la sogs pa phyi rol gyi mchod pa rgya chen po rnams dang/ bla na med pa'i mchod pa rnams kyis yang dag par mchod la/ pus mo g.yas pa'i lha pas kha btsugs te/ de nas thal mo sbyar ba yis/ /slob dpon che la gsol ba gdab/ /khyed kyi zhal lnga'i bka' drin gyis/ /bdag gis bya ba bla med shes/ /de ring dbang bskur rin

  410. 205b

    chen gyis/ /mgon po brtse ba mdzad du gsol/ /ji ltar dpal mgon bde chen gyis/ /dpal ldan rdo rje chos la ni/ /de nyid dag pa zhes byad bshad/ /de bzhin mgon pos bdag la stsol/ /sdug bsngal kun gyi gnas 'gyur bdag / gtso bos dmyal ba las gdon stsol/ /mgon med pa la sdug bsngal kun/ /gcod byed pa yi thugs rje mdzod/ /khyod zhabs pad+ma ma gtogs par/ /gtso bo bdag la skyabs gzhan med/ /de bas thub chen sangs rgyas mchog / 'gro ba'i dpa' bos bka' drin gson/ /de ltar gsol btab cho ga bzang/ /dam pa thob par gyur nas ni/ /bla ma yon tan rgya mtsho yis/ /snying rje slob ma la bskyed de/ /bzhin ni rab tu 'dzum byas nas/ /brtse ldan rab tu dga' gyur pas/ /gsang ba las kyang chos? gsang mchog /sdom pa bzang po bsgrag par bya/ /bu khyod kyis ni srog chags bsad/ /rdzun pa'i tshig kyang smra bar bya/ /khyod kyis ma byin blang bya ste/ /bud med kyang ni bsten par bya/ / sems kyi sdom pa mchog gyur pa/ /bzang po khyod kyis bsung par bya/ /bshad dang gci ba sha dang khrag /rnam pa sems las byung ba dang/ /rta khyi glang po ba lang sha/ sbyang ba la sogs cho ga yis/ /khyod kyis rtag tu bza' bya ste// dam tshig 'de ni ngo mtshar che/ /de nas bsgom pa kun tu btags pa'i sngar bshad pa'i dkyil 'khor nyid du/ /lha ma lus pa'i 'khor lo'i dbus na 'dug pa'i slob dpon rdo rje 'chang chen po'i nga rgyal dang ldan pas/ /rang gi rig ma'i pad+mar bdud rtsi lnga bcug ste/ ji skad bshad pa'i man ngag gis de dang yang dag par sbyor ba dang ldan pas rang gi lhag pa'i lha yang dag par dbang bskur par gyur pa phyung la/ de 'gro ba rnams kyi don byed du bcug ste/ de

  411. 206a

    bkug nas rang gi lus la bcug ste/ de'i rnam par gyur nas slob ma yang de'i rang bzhin dang ldan zhing phung po la sogs pa byin gyis brlabs pa/ rang gi lha mo la sogs dang yang dag par ldan par bsams la? ge ba spu'i bu ga'i gseb nas byung ba'i 'od zer gyi lcags kyu'i chogs rnams kyis/ /nam mkha' i dbyings ma lus par khyab pa'i de bzhin gshegs pa rnams bsdus te/ rang gi sku dang gsung dang thugs rnams la bcug nas/ las la gnas par bya ste/ rang gi snying pos de bzhin gshegs pa rnams yang dag par bskul la/ mchog tu dga' ba'i gnas skabs su zhu bar gyur pa nyid slob ma'i kha ru blugs par bya zhing/ des kyang e ma'o bde'o zhes brjod la/ sems las byung ba med par bya'o/ /de ni rdo rje can kun gyi/ /dbang bskur go 'phang ma chog yin te/ /rdo rje can ni thams cad dang/ /las mchog tshogs rnams 'grub par 'gyur/ /de ni gsang ba'i dbang bskur ba'o/ /de nas sems byung me tog bcas/ /pad+ma la gnas blangs nas ni/ /bshad gci sha dang yang dag ldan/ /mi'i nya phyis nang blugs te/ /mchod phyir rang gi kha dang ni/ /rig ma'i kha ru blugs par bya/ /de nas shes rab dad la sogs dang ldan/ / gzugs bzang sgrub po yid du 'ong/ /rnal 'byor 'ga' zhig goms byams pa/ /dam tshig shes pa'i rnal 'byor ma/ /de 'am gzhan pa'i sgrub pa pos/ /bla ma la ni yon du dbul/ /me tog la sogs dam tshig ldan// sangs rgyas rnams kyis byin brlabs pa/ /bla mas byin gyis brlabs nas ni/ /sgrub pa po la sbyin par bya/ /de dang snyoms 'jug slob ma ni/ /rdor 'dzin gnyis pa lta bu la/ /mchod pa bla na med pa dang/ /phyi rol

  412. 206b

    mchod pa rnams dang ni/ /bkra shis 'don pa'i sgra rnams dang/ /rol mo'i sgra ni sna tshogs dang/ /rnga yab gdugs dang rgyal mtshan sogs/ /tsan dan me tog phreng sogs mchod/ /shes rab ye shes dbang bskur la/ /kun tu brtan par bzhag byas te/ /dad pas thal mo sbyar ba la/ /cho ga 'di yis dbang bskur bya/ /de la sangs rgyas spyan dang yang dag par ldan pa'i gti mug rdo rje'i rnal 'byor dang ldan pa'i slob dpon gyis/ /slob ma yang de'i rnal 'byor dang ldan par byed du bcug ste/ rang gi ting nge 'dzin las rnam par snang mdzad dang snyoms par zhugs pa'i sangs rgyas spyan gyi tshogs/ /phyag na byang chub kyi sems kha dog dkar pos yongs su gang bar gyur pa'i bum pa zla ba'i 'od zer lta bu thogs pa yang dag par spros la/ de rnams kyis dbang bskur te/ snyoms par 'jug pa las byung ba'i byang chub kyi sems kyi rgyun dkar pos kyang dbang bskur ba byin la/ sku rdo rje dang sangs rgyas spyan gyi tshogs de rnams thams cad bde ba chen po nyams su myong ba'i gzhan gyi dbang gis/ /mar gyi bum pa bzhin du zhu nas ye shes kyi bdud rtsi'i rnam par gyur pa/ /slob ma'i lus la bcug ste/ de yang bde ba chen po'i rang bzhin can gyi lha'i lus su bsam par bya'o// de'i don ni 'di skad du bstan pa yin te/ gti mug dga' ma dang ldan pa'i/ /gti mug rnal 'byor gyis rmongs la/ /gti mug rgyun gyis dbang bskur bas/ /rang nyid gti mug rdo rjer 'gyur/ /de bzhin du/ zhe sdang dga' ma dang ldan pa'i/ /zhe sdang sbyor pas sdang ba la/ /zhe sdang rgyun gyis dbang bskur bas/ /rang nyid zhe sdang rdo rjer 'gyur/ /'dod chags dga' ma dang ldan pa'i/ /chags bdag sbyor bas chags can la/ /'dod chags rgyun gyis dbang bskur bas/ /rang nyid 'dod

  413. 207a

    chags rdo rjer 'gyur/ /rdo rje dga' ma dang ldan pa'i/ /shes rab ye shes rnal 'byor gyis/ /ye shes rgyun gyis dbang bskur bas/ /rang nyid shes rab ye shes 'gyur/ /byang chub sems kyi rgyun rnams ni rang gi de bzhin gshegs pa rnams kyi sku mdog dang rjes su mthun par blta bar bya ste/ de ni shes rab ye shes kyi dbang bskur ba'o/ /de bzhin gshegs rnams dbang bzhag ste/ /de tshe bla mas rig ma de'i/ /lag bzung nas ni de lta bu'i sgrub pa po'i lag tu gtang/ /byang chub chen po'i sgrub pa'i phyir/ /'di nas brtsams te dam tshig gi /bu mo sgrub pa po la gtang/ /de bzhin gshegs rnams mkhyen par mdzod/ /de nas de la 'di skad brjod par bya'o/ /dbus nas rdo rje slob dpon gyis/ /mgo slob ma yi lag gtad de/ /yid du 'ong ba'i gzugs 'di ni/ /khyod kyis rtag tu brten par bya/ /thabs gzhan gyis ni sangs rgyas min/ /de phyir rig ma 'di mchog yin/ /gnyis kyi dngos por snang ba yi/ /chos rnams thams cad gnyis su med/ /de phyir rtag tu khyod kyis ni/ /'khor ba spang bar mi bya'o/ /'di de sangs rgyas thams cad kyi/ /rig pa'i brtul zhugs bla na med/ /rmongs pa gang zhig 'da' byed pa/ /de yis dngos grub mchog gi min/ /yi ge'i phyag rgya'i rgyud kun tu/ /sbas pa gang dag ji snyed pa/ /de nas brtsams te de yis ni/ /de la gsang mchog bshad par bya/ /yang ji lta ba bzhin du rang gi bdag po'i sangs rgyas kyi nga rgyal dang ldan pas/ sems can kun la phan bya'i phyir/ /rtag tu 'jig rten thams cad du/ /ji ltar 'dul ba'i sgo nas ni/ /chos kyi 'khor lo sna tshogs bskor/ /de bzhin du nor bu dang pad+ma dang 'khor

  414. 207b

    lo bskor zhes bya ba'i tshigs su bcad pa lngas rjes su gnang ba byin te/ langs la snying gang g.yon pa'i de bzhin gshegs pa'i khu tshur gyis chos gos kyi dbus nas gzung ba dang/ g.yas pas mchod sbyin gyi tshul du byas shing sangs rgyas thams cad kyi bdag nyid kyi rnal 'byor dang ldan pa/ /rdo rje ming gis dbang skur ba'i sgo nas lung bstan par bya ste/ oM ngan 'gro srid pa las bton nas/ /srid pa mchog ni grub bya'i phyir/ /rdo rje sems dpa' de bzhin gshegs/ /nga yis khyod ni lung bstan no/ /kye rdo rje de bzhin gshegs pa rdo rje che ge mo zhes bya ba sid+d+hya sa ma ya stwaM b+hur b+hu ba swA/ langs te mchog tu gsang ba'i cho ga 'di/ /gang la lung bstan pa byas pa'i de bzhin gshegs pa thams cad kyi rang gi dam tshig gi slob dpon de la/ de bzhin gshegs pa thams cad dang rdo rje 'chang byang chub sems dpa' i 'khor gyi dkyil 'khor dang bcas pa thams cad gsung gcig gis bla na med pa yang dag par rdzogs pa'i byang chub tu lung ston par mdzad de/ gang gi phyir langs pa'i phyag rgya chen po 'di yi mchog tu gsang ba'i dngos grub mchog gi byin rlabs dang/ sngags 'di yi mthu yin pa de'i phyir dang par bya'o zhes slob ma rnams la brjod par bya'o/ /de nas gsang ba brjod par bya ste/ chags bral sdig pa dang mtshungs pa/ /khams gsum dag na gzhan med de/ de bzhin 'dod las chags bral bar/ /khyod kyis kyang ni mi bya'o/ /mahA sa ma ya ha na phaT/ de'i rjes la/ mkhas pas lag pa g.yon pa yi/ /g.yas pa'i mthe bong nas bzung ste/ /slob ma gtso bo la dmigs nas/ /mar gyi bsreg lugs brgya phul la/ /mar dang sprang rtsi zho bsres pa'i/ /til gyi bsreg

  415. 208a

    rdzas brgya phul te/ /kun byed rigs kyi rig sngags kyis/ /snying ga ru ni reg byas la/ / bdud rtsi 'khyil pa'i sngags bzlas pa'i/ /lag pa la ni gdu bu dang/ /mgo la gdugs ni thogs pa dang/ /skor ba byed du bcug nas ni/ /dkyil 'khor sgo ru thal spyar ba/ /gdugs dang bcas par bsnyal bya ste/ /phul bar gyur pa'i slob ma 'di/ /gsang sngags 'dzin pa nyid du 'gyur/ /gdugs 'jog bcug nas slob dpon gyis/ / de la snying la bab pa rjod/ /da ni dkyil 'khor slob dpon dang/ /gsang sngags rgyud kyang 'dzin par 'gyur/ /sangs rgyas byang chub sems dpa' dang/ /lha rnams kyi yang thugs su byon/ /sems can rnams la snying brtse'i phyir/ /khyod kyis dkyil 'khor cho ga bzhin/ /rab tu 'bad de bri bar bya/ /sgrub pa po yang rgyud la sbyor/ /de nas man ngag ji lta ba bzhin du byin la/ /drang ba'i don la sogs pa'i dgongs pa'i gnas rnams bshad par bya'o/ /de nas ji ltar zhugs pa rnams la de bzhin gshegs pa thams cad 'dus pa la sogs pa'i dbugs dbyung ba sbyin par bya ste/ gsang ba'i dkyil 'khor mchog dam par/ /zhugs pa dang ni mthong gyur pas/ / sdig pa kun las nges grol zhing/ /khyed rnams de nyid legs par gnas/ /bde chen theg pa 'di yis ni/ /khyed la slar mchi yod min te/ /mi tshugs pa dang mi bsod pas/ /cis kyang mi 'jigs dga' bar bgyi/ / srid pa shin tu dag bya'i phyir/ /srid pa'i sdug bsngal dag las bton/ /srid pa'i mchog ni bsgrub pa'i phyir/ /ston pa mchog tu gyur pa yin/ /dam tshig sdom pa grub 'di dang/ /sangs rgyas kun gyis mthun par gsungs/

  416. 208b

    dam pa brtag pa'i dka' yang ni/ /khyed kyi rtag tu bsrung bar bya/ /gang zhig bskyed pa tsam gyis ni/ /sangs rgyas nyid du dogs med cing/ /rdo rje zhes pa'i phyag rgya gang/ /byang chub sems kyang gtang mi bya/ /dam chos smad par mi bya zhing/ / nam yang dor bar mi bya'o/ /mi shes pa 'am rmongs pa yis/ /de ni rnam par dbye mi bya/ /bdag nyid yongs su spangs nas su/ /dka' thub kyis kyang gdung mi bya/ /ji bde bar ni bde ba gzung/ /'di ni ma byon rdzogs sangs rgyas/ /rdo rje dril bu phyag rgya ni/ /nam yang dor bar mi bya'o/ /slob dpon brnyas par mi bya ste/ /'di ni sangs rgyas kun dang 'dra/ /sangs rgyas kun mtshungs bla ma yi/ /slob dpon la ni gang smod pa/ /de ni sangs rgyas kun smad pas/ /rtag tu sdug bsngal thob 'gyur te/ /rims dang dug dang dbyig dug nad/ /mkha' 'gro ma rnams 'tshe dad don/ /bgegs dang log 'dren gtum po yis/ /bsang nas sems can dmyal bar 'gro/ /de bas 'bad pa thams cad kyis/ / rdo rje slob? dbon blo gros che/ /dge mchog rab tu mi sgyoms? pa/ /nam yang smad par mi bya'o/ /bla ma la ni gus bcas yon/ /rjes mthun khyod kyis dbul bar bya/ /des ni rim sogs gnod pa rnams/ /slar yang 'byung bar mi 'gyur ro// rang gi dam tshig slob dpon ni/ /sbyin men bu dang chung ma dang/ /rang srog gis kyang bston bya na/ /longs spyod g.yo ba smos ci dgos/ /gad phyir bskal pa grangs med pa/ /bye bas shin tu rnyed dka' ba'i/ /sangs rgyas nyid ni brtso na ldan pa/ /tshe 'di nyid la ster bar byed/ /rtag tu rang gi dam tshig bsrung/ /rtag tu de bzhin gshegs rnams mchod/ /rtag tu bla ma la yang dbul/ /de ni sangs rgyas kun dang 'dra/ /de byin sangs rgyas thams cad la/ /rtag tu byin pa nyid du

  417. 209a

    'gyur/ /de byin bsod nams tshogs yin te/ /tshogs las dngos grub mchog tu 'gyur/ /gang phyir 'dir ni legs gnas pas/ /der khyed skye ba 'bras bur bcas/ /lha dang dam tshig gas mnyam par/ /khyed rnams gyur par the tshom med/ /sangs rgyas rdo rje 'dzin bcas pa/ /kun gyis ded khyod dbang bskur te/ /khams gsum rgyal srid chen po la/ /dbang byed rgyal por gnas par gyur/ /deng ni bdud las rnam rgyal te/ /grong khyer mchog tu rab tu zhugs/ /ded ni khyod kyis sangs rgyas nyid/ /thob pa 'di la the tshom med/ /de bas yid ni rab dang rdo rje nyid du gyis/ /rang gi dam tshig mi bzang bde skyed bsten par gyis/ /deng ni bde ba chung ldan 'gro ba'i nang nas mkhyen/ /rdo rje sems dpa' dang mtshungs rtag pa nyid du gyur/ /slob ma rab bus brtsa ldan pas/ /bla ma'i zhabs la phyag 'tshal te/ /gtso bos ji ltar bka' stsal pa/ /thams cad bgyid ces brjod par bya/ /de ltar chog 'di yis ni/ /dam bcas pa yi slob ma rnams/ /zhi pa'i don du sbyin sreg ni/ /'chad 'gyur cho ga bzhin du bya/ /de nas slob ma re re zhing/ /mkhas pas lag pa g.yon pa yis/ /g.yas pa'i mthe bo nas bzung ste/ / g.yas su bskor ba'i rim gyis ni/ /dgang gzar spyi bo nas phab ste/ /mar gyi bsreg blugs bdun gyis ni/ /sbyin sreg byas nas thams cad la/ /bla mas yon rnams blang bar bya/ /gser dang dngul dang rin chen rta/ / de bzhin glang pos sa gzhi rnams/ /blangs te de bzhin btang byas nas/ /cho ga bzhin du sngags sbyin bya/ /gsang sngags rgyal po'i ting 'dzin yang/ /ji bzhin nye par brtan nas ni/ /gsang ba'i phyag rgya dang sbyor ba//

  418. 209b

    ci rigs par ni byad? bcug ste/ /de las byung ba'i byang chub sems/ /blangs la 'thung du gzhug bar bya/ /de tshe rdo rje can gyis ni/ /de la 'dod bzhin sgrub thabs bshad/ /de nas sngar bshad ba'i mchod pa rnam pa lnga dang/ 'dod pa'i yon tan lnga dang/ bla na med pa la sogs pa'i mchod pa rnams kyi dkyil 'khor yang dag par mchod la/ slob ma rnams la 'di skad du/ thams cad kyis de bzhin gshegs pa thams cad la ci nus par mchod pa gyis shig ces brjod par bya'o/ /ro dang ldan ba'i zas kyi bye brag la sogs pa thams cad dang/ ba lang dang/ khyi dang/ glang po dang/ rta'i dang/ mi'i mar me bye brag rnams dang/ myos pa dang bcas pa dang/ myos pa med pa'i btung ba'i bya brag 'khor lo la phul ba rnams kyis ji ltar zhugs pa rnams kun tu tshim par bya'o/ /'di de sangs rgyas thams cad kyi/ /zhes bya ba la sogs pas kyang rdo rje brtul zhugs phog la/ de rnams lhan cig mtshan mo gnyid mi log bar/ mchog tu dga' ba'i cho gas dpal bde ba chen po bsgom pa dang/ glu dang gar la sogs pa rnams kyis 'dug cing bzlas pa bya'o/ /yang thams cad la su la yang ma smra zhig ces mna'i/? / snying pa brjod la/ zhugs pa thams cad btang ste/ /yang mgon po mchod nas yang dag par bstod de/ phyogs rnams gtor ma byin la/ /nye reg byas te phyag btsal nas mchod yon phul te/ dge ba yongs su bsngos nas/ dkyil 'khor la bskor pa gsum bya ste/ /badzra b+hik? a/ zhes bya ba 'am/ yi ge mu(rgyud 'grel): yi mdza' can gyi yi ge gsum brjod cing/ nam mkha' dang mnyam pa nyid kyis rang gi sku dang gsung dang thugs la dkyil

  419. 210a

    'khor gyi 'khor lo bcug la/ oM a kA ro mu khaM sarba d+harma NI?/ A tyA nu tpana twAt/ ces bya ba brjod cing dkyil 'khor gyis te/ /gsang ba'i dkyil 'khor yang snga ma bzhin du gshegs su gsol la/ tshon rtsi la sogs pa chu bo chen po la pho ste/ hUM zhes bya ba brjod cing dkyil 'khor gyi phur bu bton la/ bdud rtsi dang bcas pa'i 'o mas dkrus te/ rang gi slob ma dang sa bdag bsrung ba'i phyir zhi ba'i sbyin sreg byas la/ dus gsum mnyam pa nyid du bsgom pa'i sgo nas ji bde bar gnas par bya'o/ /thugs kyi dkyil 'khor gyi cho ga de sta bu ni cho ga zhes bya ba'i sgras bstan pa yin no/ /thugs kyi dkyil 'khor zhes bya ba la sogs pa la/ yongs su ste rnam pa kun tu gsal ba ni dang mo nas brtsams te/ bum pa la sogs pa yang dag par dgod pa'i mthar thug pa'o/ /shes byas nas zhes bya ba ni cho ga rnam pa sna tshogs pa ma tshang ba med par sems kyis khong du chud nas zhes bya ba'i don to/ /sku dang gsung thugs mchod pa yis/ /zhes bya ba la sku'i dkyil 'khor dang/ gsung gi dkyil 'khor dang/ thugs kyi dkyil 'khor rnams kyi mchod pa ni/ /sku dang gsung thugs mchod pa ste de rnams kyis so/ /mchod pa zhes bya ba ni phyi dang nang gi bdag nyid dang/ /bla na med pa la sogs pa'i rang bzhin te/ de dus 'dir nan tan du bya'o/ /de nyid bstan pa'i phyir/ bud med ces bya ba la sogs pa gsungs te/ /rab tu mdangs bza' ba zhes bya ba ni zla ba'i mdog dang/ ldan zhing de'i 'od zer gyi tshogs kyis khyab pa'o/ /ji skad bshad pa'i mtshan nyid dang ldan pa'i bco blag mkhan gyi bu mo lo brgyad phrag gnyis lon pa ni sku'i dkyil 'khor gyi'o/ /de'i zhes bya ba ni sku'i dkyil 'khor gyi'o/ /

  420. 210b

    dbus su zhes bya ba ni bdag po'i gnas su'o/ /mnyes par bya zhes bya ba ni sngar bshad pa'i sgrub thabs kyi tshul bzhin du'o/ /de bzhin du gar mkhan gyi bu mo na tshod lo nyi shu lon pa/ rgya skyegs lta ba'i mdog dang ldan pa/ gos dkar mo'i rnam ? can ni gsung gi dkyil 'khor gyi'o/ /yon tan ske rags zhes bya ba la sogs pa la/ gdol ba'i bu mo lo bcu gnyis lon pa/ utpal sngon po'i 'dab ma'i mdog can/ stobs bcu dang mi 'jigs pa la sogs pa sangs rgyas kyi yon tan gyi tshogs ma lus pas brgyan pa'i mA ma kI'i gzugs su rnam par bsgoms la ste/ /le'u 'di nyid du sku'i dkyil 'khor la sogs pa'i don du gsol ba btang pa nyid yin pa'i phyir ro/ /sangs rgyas ni dpal rdo rje 'chang byang chub kyi sems kyi rang bzhin te/ dam tshig gi dkyil 'khor phra mo gang la de nyid gnas te/ rgyu yin pa yod pa de la de skad ces bya'o/ /de nyid ni zhi ba ste mchog tu dga' ba'i rtog ba'i nyes pa ma lus pa dang bral ba nyid yin pa'i phyir ro// spro zhes pa ni slob ma gzhug pa'i cho ga bzhin du/ slob dpon gyis gzhug pa dang/ dbang bskur ba dang/ man ngag phog pa'i rjes thogs la'o/ /shes rab kyi chos 'byung gi nang na gnas pa nyid yin pa'i phyir nam mkha' i dbyings ni rab tu brgyan pa ste/ de thams cad ni bshad zin to/ /bshad gci zhes bya ba la sogs pa yang bshad zin to/ /de ltar byas nas bka' sgrub par byed pa'i rnal 'byor pa la de bzhin gshegs pa thams cad mnyes par gyur nas de'i rang bzhin du 'gyur ro/ /sangs rgyas rnams 'ba' zhig ni ma yin te/ de'i phyir byang chub sems dpa' zhes bya ba gsungs te/ byang chub sems dpa' ni sa'i snying po la sogs pa ste/ de rnams kyi skye mched

  421. 211a

    rnams byin gyis brlabs nas mngon par rdzogs par byang chub pa sgrub par byed do zhes bya ba'i tha tshig go/ 'byin pa'i skabs su byang chub sems dpa' rnams dbyung ba mi snang mod kyi/ 'on kyang tshig 'di nyid kiys 'di rnams dkyil 'khor 'dir dgod pa kho na yin no/ /de rnams ni sngags kyis bskyed par bya ba yin te/ brjod kyis mi lang pa rnams kyi nang nas dgos pa'i don du dam tshig rdo rje la sogs pa rnams btus nas brjod pa nyid yin pa'i phyir ro/ /le'u bcu gcig pa las kyang 'di rnams kyi sngags dang dngos grub rnams gsungs te/ de'i phyir de rnams kyis phyung la gnas ji lta ba bzhin du dgod par bya'o zhes rtogs par bya'o/ / le'u bzhi pa'i rnam par bshad pa'o// //bum pa'i dbang bskur ba'i rjes la rdo rje brtul zhugs kyi mthar dam tshig dang sdom pa dpog par bya ba yin pas/ kun tu spyod pa mchog gi le'u/ de nas de bzhin gshegs pa zhes bya ba la sogs pas gsungs so/ /spyod pa kun ni 'jig rten pa dang 'jig rten las 'das pa'i sbyin pa dang tshul khrims la sogs pa'i rang bzhin no/ /de'i mchog ni rnal 'byor gyi spyod pa yin zhing/ smyod pa'i rang bzhin gyi chos de'i don ni de bzhin nyid de/ de'i rang bzhin can gyi bcom ldan 'das des bka' stsal to/ /rnam par mi rtog ces bya ba la sogs pa la/ sgrub bar byed ces bya bar sbyar ro/ /rtog pa'i nyes pa ma lus pa dang bral ba'i zag pa med pa'i bde ba chen po mchog ni rnam par mi rtog don to/ /de las byung ba'i 'dod chags zhe sdang gti mug rigs zhes bya ba la/ 'dod chags ni pad+ma'i rigs so zhe sdang ni rdo rje'i rigs so/ /

  422. 211b

    gti mug ni de bzhin gshegs pa'i rigs so/ /theg pa'i mchog ces bya ba ni/ /theg pa thams cad kyi gtso bor gyur pa'o/ /'dod chags la sogs pa rnam par dag pa'i thabs ston par byed pa nyid do/ /de nyid kyi phyir 'di las mchog tu gzhan med pas na bla na med pa'o/ /sgrub par byed ces bya ba ni de bzhin du rnal 'byor pa'i rgyud la 'od dpag tu med pa la sogs pa'i rang bzhin gyi rigs gsum sgrub par byed ba'o/ /ji de tsam 'ba' zhig sgrub par byed dam zhe na/ de'i phyir gsungs pa/ dngos grub ces bya ba ni don yod par grub pa'o/ /rab mchog ces bya ba ni rin po che'i rigs kyi phyag rgya chen po'o/ /'dis ni 'dod chags la sogs pa rnam par dag pa'i rigs gsum ni rigs thams cad bskyed pa yin no zhes bya bar bstan pa yin no/ /de la 'dod chags rnam par dag pa ni nges par 'byed pa'i shes rab ste/ don de ston par byed pa'i sgra'i tshogs ni sgra'i rjes su 'jug pa'i shes rab yin zhing/ de'i rang bzhin ni 'od dpag tu med pa'o/ /phrag dog ni zhe sdang gis rab tu phye ba nyid yin pa'i phyir ro/ /de rnam par dag pa'i rang bzhin ni don yod par grub pa'o/ /rdzas kyi gzhis kun tu rmongs pa rnam par dag pa'i rang bzhin mchog ni rin chen 'byung ldan no/ /rdzogs pa'i byang chub kyi rgyu ni rnam pa thams cad rnam par dag par lhag par mos pa kho na yin gyi/ rigs la sogs pa ni ma yin pas/ de'i phyir rigs dan zhes bya ba la sogs pa gsungs te/ 'grub par 'gyur ro zhes bya bar sbyar ro/ /sogs pa zhes bya ba'i sgras ni gdug pa dang/ drag po dang/ mi bzod pa'i las byed pa ral gri la sogs pa rnams gzung par bya'o/ /ri dags la sogs pa bsang pa'i don de rgyu mtshan du/ dug dang

  423. 212a

    mtshon dang rlubs dang rgya la sogs pa sems par byed pa dang/ de bya ba'i thabs nyid dang mtshan du sems par byed pas na/ gsod don don nyer sems dpa' rnams te/ /de rnams kyis kyang dge ba'i bshes gnyen mnyes pa'i sgo nas yang dag pa'i man ngag thob ste /sgom pa'i goms pa'i stobs kyis nyes pa de rnams kyis gos par mi 'gyur zhing/ mi bskyod pa la sogs pa mngon par 'dod pa rnams kyang 'grub par 'gyur te/ de skad du yang las rnams mi bzang gang gang gis/ skye bo rnams ni 'chid 'gyur ba/ /de nyid thabs dang bcas pa yis/ /srid pa 'ching ba las grol 'gyur/ zhes gsungs so/ /sems can mtshams med ces bya ba la sogs pa la/ pha dang ma dang dgra bcom pa gsod pa dang/ dge 'dun gyi dben byed pa dang/ de bzhin gshegs pa la ngan sems kyi khrag 'byin pa dang/ lnga po 'di rnams kyi nang nas gang yang rung ba byas na shi ma thag kho nar dmyal par 'gro bar 'gyur bas na mtshams med pa'o/ /yang na man ngag gi sgo nas gzhan du bshad par bya ste/ mi bzang pa'i las byed pa'i sems can rnams 'dzin pas na rigs ngan ni bcom ldan 'das mi bskyod pa ste/ de rnam par sbyong ba'i thabs yang dag par ston pa'i sgo nas rang gi rigs su skyed par byed pa'i phyir ro/ /smig ma mkhan ni rnam par snang mdzad de/ rmongs par gyur pa'i sems can rnams ni smig ma yin zhing/ /de rnams gti mug gi rgyud rnam par dag pa'i dang du byed cing skyed par byed pa'i phyir ro/ /sogs zhes bya ba'i sgras ni 'od dpag tu med pa dang/ rin chen 'byung ldan dang/ don yod par grub pa rnams kyis/ /'dod chags

  424. 212b

    dang/ nga rgyal dang/ phrag dog gi spyod pa can rnams de dang de rnam par spyod pa'i thabs kyi sgo nas rang rang gi rig rnams su skyed par byed pa'o/ /de nyid gsod ces bya ba la sogs pas gsungs te/ gsod pa la mngon par dga' ba rnams kyi don sems dpa' ni mi bskyod pa'o/ /kun tu rmongs pa rnams kyi don sems pa ni rnam par snang mdzad do/ /de bzhin du 'dod chags la sogs pa la mngon par dga' ba rnams kyi don sems pa ni/ 'od dpag tu med pa la sogs pa rnams so/ /mtshams med ces bya ba ni mA ma kI te/ de bzhin gshegs pa thams cad phyung ba'i rjes thogs nyid du gang zhig dbyung bar bstan pa'o/ /sogs pa zhes bya bas ni/ 'phags pa bdud rtsi 'khyil pa la thug pa'i dkyil 'khor pa rnams gzung ngo/ /de nyid kyi phyir sems can zhes gsungs te/ sems can gyi don dang chos kyis dbyings la shin tu chags pa nyid yin pa'i phyir ro/ /gang gi phyir de lngar rnam pa thams cad yongs su dag pa'i rang bzhin can gyiS bcom ldan 'das rdo rje 'chang chen po ni/ de dang de de la lhag par mos pa rnams de dang de lta bu'i ting nge 'dzin rnams kyi sgo nas rdzogs par byang chub par mdzad pa spyod pa yin pa de'i phyir/ de'i mthus sdig pa chen po byed pa rnams kyang 'grub par 'gyur te/ sdig pa chen po zhes bya ba la sogs pas ni rigs ngan la sogs pa bsdus pa nyid yin pa'i phyir ro/ /skabs 'dir sdig pa chen po rnams ni mtshams med pa lnga la sogs ba rnams yin bar rtogs par bya'o/ /rigs ngan ni mi bskyod pa'o zhes bya ba'i sgra 'di ni mi rigs pa'i don can ma yin te/ /dpal ldan thams cad btus pa las/ bcom ldan 'das kyis/ /nga? ni yi dags zhes bya ba la sogs pa gsungs

  425. 213a

    pa de la/ ji ltar bcom ldan 'das yi dags yin zhe na /sdig pa thams cad spong ba dang/ /'khor ba las ni sgrol pa'i phyir/ /des na nga ni yi dags brjod/ /chos kun rnam par dag phyir ro/ /zhes gang gsungs pa'o/ /yang gang zhig 'grub par mi 'gyur ba nyid yin zhe na/ snying nas slob dpon smod pa rnams so/ /ci'i phyir zhe na/ 'di ltar de bzhin gshegs pa ma lus pa'i yon tan gyi tshogs kyi rten du gyur pa/ /byang chub kyi sems dam pa'i rang bzhin can gyi rdo rje slob dpon chen po la/ sems log ba cung zad tsam byas pas kyang dmyal pa la sogs pa ngan song gi rgyu'i kha na ma tho ba chen por 'gyur ba de'i phyir 'grub pa'i skabs ga la yod/ dngos grub rnams ni dge ba'i bshes gnyen la rag lus la nyid in pa'i phyir ro/ /de skad du yang 'di nyid las/ de bzhin gshegs pa thams cad kyi sku dang gsung dang thugs kyi dngos grub rnams ni sku dang gsung dang thugs gsang ba gsum gyi rdo rje slob dpon gyi lus dang dag dang yid la gnas pa yin no zhes gsungs so/ /sdig pa chen po byed pa nyid dag bsal bar bya ba'i phyir/ srog gcod pa zhes bya ba la sogs pa gsungs te/ srog ces bya ba ni rgyun mi 'chad par rab tu 'jug pa'i mtshan nyid can gyi rlung chen po'o/ /de gcod pa ni 'gog pa ste de byed pas na srog gcod pa'i sems can rnams yin zhing/ de rnams la 'chad par 'gyur ba'i tshul bzhin du mi bskyod pa'i man ngag sbyin par bya'o/ /de bzhin du rdzun du smra ba dang/ gzhan gyi nor 'phrog pa dang/ tshangs par spyod pa ma yin pa la 'jug pa rnams la go rim bzhin du/ don yod par grub pa dang/ rnam par

  426. 213b

    snang mdzad dang/ 'od dpag tu med pa rnams kyi man ngag sbyin par bya'o/ /bshad gci zhes bya ba la sogs pas ni/ bza' ba dang/ bza' ba ma yin pa'i rnam par rtog pa'i nang zhi bar byed pa dang/ mthu bsam gyis mi khyab pa dang ldan pa dang/ rdo rje'i sku sgrub par byed pa yin pa'i bsam pa dam pas sman zas su za ba rnams kho na snod du 'gyur gyi/ dam tshig la sdang ba gzhan rnams ni ma yin pa brten pa'o/ /ji ltar 'jig rten la rab tu grags pa'i ma dang sring mo dang bu mo la / rang gi dam tshig kun tu spyod cing de kho na nyid shes pas man ngag ji lta ba bzhin du rang gi rig ma'i rnam par yang dag par dmigs te mnyes par bya'o/ /ci'i phyir zhe na/ tshwa dang chang dag la bye brag ma mthong ba bzhin du/ tha mal pa'i bud med rnams dang lhan cig ma la sogs pa rnams la/ nu ma dang skra la sogs pa rnams dang ldan par bye brag mi dmigs pa'i phyir ro/ /re zhig 'jig rten pa'i ma la sogs pa rnams lta zhog gi /sangs rgyas te rdo rje 'chang chen po'i yum shes rab kyi pha rol tu phyin ma mnyes par byes kyang de'i nyes pa rnams kyis mi gos te/ des ni sangs rgyas nyid 'grub bar 'gyur ro/ /ji lta bu zhe na/ rnam par mi rtog pa ste ma la sogs pa'i 'du shes kyi rnam par rtog pa dang bral ba'o/ /gal te de lta'o na ni phyugS rnams kyi 'grub par 'gyur ro zhe na/ de bsal ba'i phyir blo can gyis zhes bya ba gsungs te/ khams gsum pa 'di ni sems kho na yin no snyam du sems bskyed pa'i sgo nas phyi rol gyi don bkag la sems /de yang stong pa nyid kyi rnam par rtogs par bya ste/ skye ba med pa rtogs pa'i rang bzhin can gyi sems de ni ngo bo nyis med

  427. 214a

    pa'i shes rab yin no/ /de skad du yang sngags kyi don la rnam par rtog par byed pa ni rnam par mi rtog pa'i blo can yin no zhes gsungs so/ /de ltar na rnam par mi rtog pa'i blo can gyi sngags thams cad shes pa ni 'bras bu ster ba yin gyi gzhan gyi ni ma yin no zhes bya ba'i don to/ /de nas zhes bya ba la sogs pa la/ de skad thos nas sgrib pa thams cad rnam par sel ba la sogs pa byang chub sems dpa' chen po/ rigs ? ma nges pa'i sems can rnams dang tha mi dad pa'i rang bzhin can rnams ngo mtshar du gyur pa ni de rnams dang rjes su mthun par ston pa'o/ /ci'i phyir rgyu kun nas nyon mongs pa can las 'bras bu kun nas nyon mongs pa can ma yin par 'gyur snyam du rmad du gyur pa ni de lta bu ma mthong zhing ma thos pa'o/ /ji yi slad du zhes bya ba'i sgra ni spong pa'o/ /tshig dan pa gsung zhes bya ba ni/ sdig pa chen po zhes bya ba la sogs pa sangs rgyas gtso bo'i yum dag la zhes bya ba la thug pa'i bar gyi tshig 'di gsung ba'o/ /don de ni rigs pa ma yin pa kho na ste/ sgra'i don sgra ji bzhin du 'dzin pa'i ma 'ongs pa'i sems can rnams de skad du smra bar 'gyur pa'i phyir ro/ /de nas de bzhin gshegs pa thams cad kyis de rnams dang tha mi dad pa'i byang chub sems dpa' rnams la 'di skad ces bka' stsal to/ /rigs kyi bu rnams mthong ji skad ma zer cig ces bya ba la/ /mthong rnams zhes bya ba ni rigs pa yin pa'o/ /ma ni dgag pa ste/ de skad ma zer cig ces bya ba 'di nyid kyis dgag pa grub pa'i phyir ro/ /'di zhes bya ba bshad ma thag pa'i sdig pa chen po la sogs pa'i chos rnams kyi chos nyid ni stong pa

  428. 214b

    nyid de/ gzugs nyid stong pa'o/ /stong pa nyid gzugs so zhes 'byung pa'i phyir ro/ /de gang rnams dang 'brel pa yin zhe na/ snying po ye shes can rnams kyi/ /sangs rgyas zhes bya ba gsungs te/ thog ma dang tha ma med pa'i chos kyi ? dbyings kyi ye shes thugs su chud pa'i phyir/ /snying po ye shes can ni rnam par snang mdzad la sogs pa sangs rgyas rnams te/ de rnams kyi'o/ /snying po chos kyi don ni bde ba chen po'i rang bzhin chos kyi sku ste/ de las byung pa ni snying po chos kyi don las byung ba'o/ /'di ni zhes bya ba ni nges par gzung ba'i don te/ 'di lta bu kho na byang chub thob par byed pa'i spyod pa'i gnas te/ rgyu yin gyi gzhan ni ma yin zhes bya ba'i don to/ /de skad du yang/ thabs chen dag dang ldan pa la/ /bag chags bcas pa'i 'khor ba dang/ /nyon mongs byang chub yan lag 'gyur/ /de phyir de bzhin gshegs bsam yang/ /zhes gsungs so/ /de ltar de bzhin gshegs pa rnams kyis rtogs par mdzad bzhin du yang/ /lam log par zhugs pa'i rigs ma nges pa rnams ni 'jigs skrag par gyur to/ /rigs chad pa de rnams brgyal bar gyur to/ /de nas zhes bya ba la sogs pas ni byang chub sems dpa' brgyal ba rnams bslad pa'i phyir/ de bzhin gshegs pa thams cad kyis bcom ldan 'das la gsol ba btab par gyur to/ /gsol ba btab pa'i rjes thogs la bcom ldan 'das ting nge 'dzin la snyoms par zhugs te/ nam mkha' dang? mnyam pa ni nam mkha' tha mi dad pa'i nges par 'byed pa'i shes rab yin zhing de nyid bzlaS? kyis stobs kyis bud med kyi gzugs su gyur te/ de dang lhan cig gnyis su rnam par rtog pa med pas rdo rje dang pad+ma yang dag par sbyor ba ni/

  429. 215a

    nam mkha' mnyam pa gnyis su med pa zhes bya pa'i sgrar brjod do/ /de nyid ni mi shigs pa nyid yin pa'i phyir rdo rje te ting nge 'dzin gang la ming de skad ces bya ba nyid yod pa de la snyoms par zhugs so/ /snyoms par/ zhugs ma thag tu zhes bya ba la sogs pas ni/ rang gi ting nge 'dzin las rnam par byung ba'i 'od zer gyi lcags kyu rnams kyis/ /nam mkha' i dbyings ma lus ba khyab par gyur pa'i de bzhin gshegs pa rnams bkug ste/ rang gi lus la bcug nas / lus la gnas par bya ste/ mchog tu dga' ba'i gnas skabs su byang chub kyi seMs can kyi bdud rtsi'i rgyun ye shes kyi 'od zer 'bar ba rnams kyis dbang bskur nas bslad bar gyur pa de ni/ 'od kyis reg pa tsam gyis zhes bya ba 'di'i don yin par bstan to/ /rang rang gi stan la zhes bya ba dkyil 'khor gnas ji lta ba bzhin du gnas shing 'khod par gyur to zhes bya ba'i don to/ /bcom ldan 'das kyi ting nge 'dzin gyi stobs kyis sems can gyi don chen po mdzad pa gzigs nas de bzhin gshegs pa rnams ngo mtshar dang rmad dang dgyes par gyur nas/ chos kyi dbyangs bsgrags par gyur to/ /e ma'o zhes bya ba ni ngo mtshar ba'o/ /chos zhes bya ba ni bshad ma thag pa'i lung gi bdag nyid do/ /chos zhes bya ba sgra gnyis pas ni bcom ldan 'das kyis stobs dang mi 'jigs pa la sogs pa thugs su chud pa'i sgo nas sems can rnams kyi don mdzad pa gzigs nas ngo mtshar du gyur pa ston to/ /chos kyi don las byung ba ni stong pa nyid la sogs pa'i rgyu mthun pa me long lta bu la sogs pa'i ye shes lnga'i rang bzhin can gyi rdo rje 'chang chen po'o/ /chos don dag pa bdag med pa zhes bya ba

  430. 215b

    la ji ltar kun tu brtag pa'i dngos po rnams kyi stong pa nyid kyi rgyu mthun pa me long lta bu'i ye shes ni chos dag po ste de'i rang bzhin can gyi nam par snang mdzad ni chos don dag pa bdag med pa'i sgrar? brjod do/ /rdo rje ni so so brtog pa'i ye shes yin zhing/ nges /gsal zhing 'bar bas na rdo rje rgyal po ste 'od dpag tu med pa'o/ /sku dang gsung dang thugs rab tu dag pa ni/ rin chen 'byung ldan te/ rnam par thar ba'i sgo mtshan ma med pa'i rgyu mthun pa sku la sogs pa mnyam ba nyid kyi rang bzhin can yin pa'i phyir ro/ /nam mkha' dang ni mnyam nyid gnas pa ni don yod par grub pa ste/ rnam par thar pa'i sgo rang bzhin gyis 'od gsal ba'i rgyu mthun pa bya ba bsgrub pa'i ye shes kyi rang bzhin can ni nam mkha' i mtshan nyid can yin pa'i phyir ro/ /rnam par mi 'gyur snang ba med/ ces bya ba ni rnam pa thams cad dang bral ba'i thog ma dang tha ma med pa'i chos kyi rang bzhin can kyi mi bskyod pa ste/ nam mkha' bzhin du mi zad pa nyid yin pa'i phyir ro/ /rdo rje sku zhes bya ba ni sku rdo rje sangs rgyas spyan gyi rnam par yongs su gyur pa nyid yin pa'i phyir ro/ /thugs ni de bzhin gshegs pa'i gtso/ zhes bya ba ni 'das pa dang/ ma 'ongs pa dang/ da ltar byung ba'i sems can rnams kyi rgyud kyi bdag nyid kyi thugs mA ma kI'i rnam par gsal bar byung ba nyid min pa'i phyir ro/ /dbyings gyur nam mkha' chen mo ste/ /zhes bya ba ni smon lam mi dmigs pas dbyings te/ rgyu rnam par dpyad na med pa'i phyir nam mkha' chen mo ni 'od dpag tu med pa yin zhing/ /de'i rang bzhin can gyi gos dkar mo'o/ /nam mkha' i lam zhes bya ba ni nam mkha' i/ mtshan nyid can gyi rnam par thar pa'i sgo rang bzhin can gyis 'od

  431. 216a

    gsal ba'i rgyu mthun ba bya ba bsgrub pa'i ye shes kyi rang bzhin gyi don yod par grub pa'i rang bzhin can gyi sgrol ma'o/ /nam mkha' i sku las yang dag byung/ /zhes bya ba ni sku rdo rje'i rang bzhin can gyi 'phags pa gshin rje mthar byed yin pa'i phyir ro/ /nam mkha' i gsung la gnas pa po/ zhes bya ba ni 'od dpag tu med pa'i bdag nyid kyi 'phags pa rta mgrin gyi ngo bo nyid yin pa'i phyir ro/ /nam mkha' i thugs te chos kyi mchog / zhes bya ba ni mi bskyod pa'i rigs las byung ba'i 'phags pa gzhan gyis mi thub pa'i ngo bo nyid yin pa'i phyir ro/ /spyod pa'i gnas zhes bya ba la/ spyod pa ste 'gro ba ma lus pa'i bya ba sgrub par byed pa'i rang bzhin gyi gnas ni rgyu ste/ 'phags pa bdud rtsi 'khyil pa yin zhing de'i rang bzhin can gyi dpal rdo rje sems dpa' o/ /tshig de rnams kyis ni ji ltar bcom ldan 'das nam mkha' dang mnyam pa gnyis su med pa'i rdo rje'i ting nge 'dzin la nye bar dmigs pa kho na bzhin du/ de bzhin gshegs pa rnams kyi dkyil 'khor gyi 'khor lo'i bdag nyid kyi rang bzhin gyi sgo nas yang dag pa'i yon tan rnams kyis kun tu bstod pa'o/ /phyag 'tshal pa'i tshig 'di rnams kyis kyang snga ma bzhin du phyag bzhi bya bar khong du chud par bya'o/ /kun tu spyod pa'i mchog ces bya ba ni/ rnam pa thams cad rnam par spyod pa'i thabs kyi rnam par 'jog pa ste/ don de ston par byed pa'i le'u la de skad ces bya'o/ /le'u lnga pa'i rnam par bshad pa'o// //ji lta ba bzhin du rnal 'byor dang rjes su rnal 'byor dang ldan pas phung po la sogs pa byin gyis bslab pa'i rjes thogs la sku dang gsung

  432. 216b

    dang thugs byin gyis brlab pa dang/ rjes su mnyes bar bya ba dang/ mchod pa'i tshogs byin gyis brlab par bya ba yin pas/ sku dang gsung dang thugs byin gyis brlab pa'i le'u gsungs te/ de nas zhes bya ba ni rjes thogs su'o/ /yang zhes bya ba'i sgra ni tshig gi rgyan yin no/ /de bzhin gshegs pa thams cad ces bya ba la sogs pa nas/ gsungs so zhes bya bar sbyar ro/ /de bzhin gshegs pa thams cad kyi sku gsang ba ni ji skad bshad pa'i mtshan dang dpe byad? rnams kyis rnam par spras pa'i skur 'grub par byin gyis rlob par byed pa'i sngags so/ /gsung gi gsang ba ni so sor yang dag par rig pa bzhis gsal bar gyur pa'i gsung rdo rjer byin gyis rlob par byed pa'i sngags so/ /thugs kyi gsang ba ni snying gar dpal be'u'i rnam pa can gyi skyes bu chen po'i mtshan byin gyis rlob par byed pa'i sngags te/ ting nge 'dzin gang la de yod pa de la de skad ces bya'o/ /thugs byin gyis brlab pa'i sngags zhes bya ba la/ rgyud thugs rdo rje gtso bor gyur pa'i nyid yin pa'i phyir dang por gsungs te/ sku dang gsung dang thugs go rim bzhin du byin gyis brlab pa ni man ngag yin par khong du chud par bya'o/ /rdul dang bral pa ni sku rdo rje ste/ gzugs brnyan ma lus pa'i rgyu me long lta bu'i ye shes dri ma med pa nyid yin pa'i phyir ro/ /de nyid gnas te gzugs brnyan ma lus pa'i 'byung pa'i rgyu yin pa'i phyir ro/ /ting nge 'dzin gang la mi phyed pa nyid yin pa'i phyir rdo rje gang yin pa yod pa de la de skad ces bya'o/ /mnyam pa nyid mi gnyis pa ni gsung rdo rje ste khams gsum pa'i tshig tu brjod pa'i brag cha'i sgra dang mtshungs pa la yod pa dang med pa'i rnam par rtog pa gnyis med pa nyid yin pa'i phyir ro/ /gang la de nyid rdo rje yin pa yod pa de la de skad ces bya'o/ /rdo rje gsum po zhes

  433. 217a

    bya ba ni bshad ma thag pa'i sngags gsum po sku rdo rje la sogs par bskyed par byed pa'i rgyu ste/ rgyu la 'bras bu nye bar btags pa yin pa'i phyir ro/ /'di ni de bzhin gshegs pa rnams kyi yin pas na /de bzhin gshegs pa'i 'o/ /gsang zhes bya ba ni brtan par bya ba ma yin pa'o/ /gnas zhes bya ba ni mgo dang lkog ma dang snying ga'o/ /gnas ni rnam par bsgom par bya zhes bya ba ni/ de rnams su rten dang bcas par sku rdo rje la sogs pa'i yi ge bsgom ba'i rang bzhin no/ /sngags te sku rdo rje la sogs pa rnams kyi mtshan dang dpe byad dang so sor yang dag par rig pa bzhi dang ldan pa'i gsung gi 'jug pa dang/ skyes bu chen po'i mtshan dpal le'u rnams ni sngags kyi mtshan nyid de/ de rnams kyis mtshon cing gsal bar byas pa ni/ sngags kyi mtshan nyid rnams kyis mtshon par gyur pa'o/ /bsgrub pa nyid du bya zhes bya ba ni man ngag ji lta ba bzhin du sku rdo rje la sogs pa rnams su'o/ /gang dag gis zhe na/ rab mchog 'di yis zhes bya ba/ bshad ma thag pa'i yi ge gsum gyis so/ /des ni 'di skad du bshad pa yin te/ ji lta ba bzhin du phung po la sogs byin gyis brlab pa la thug pa'i cho ga byas la/ mgo dang lkog ma dang snying ga'i phyogs su 'khor lo dang chu skyes dang nyi ma'i dkyil 'khor rnams la/ sku la sogs pa'i yi ge rnams bsams te/ de rnams las byung ba'i 'od zer rnams kyis bskyed pa'i sangs rgyas spyan dang/ gos dkar mo dang/ mA ma kI rnams kyis/ nam mkha' khyab pa'i gsung dang thugs rdo rje rnams rjes su mnyes bar byas la/ bkug ste mdun na gnas pa'i zla ba la sogs pa'i gdan la bzhugs pa rnams la/ dpal ldan sangs

  434. 217b

    rgyas sku 'chang ba/ zhes bya ba la sogs pa'i tshigs su bcad pa rnams kyis gsol ba btab ste sku la sogs pa la bcug la/ sangs rgyas kun gyi zhes bya ba la sogs pa rnams kyis nga rgyal bskyed nas/ sngags 'di rnams kyis byin gyis brlab par bya'o/ /ye shes sgron ma ni rin chen dpal te/ rdo rje dang pad+ma las byung ba'i 'od zer gyi snang ba'i sgo nas 'khor lo gnyi ga rjes su mnyes par byed pa'i phyir ro/ /gang la de nyid rdo rje yin pa yod pa de la de skad ces bya'o/ /gdon mi za ba ni don yod par grub pa ste/ 'bras bu dang bcas par mngon par 'dod pa'i rdzogs pa'i byang chub la sogs pa'i 'bras bu sgrub par byed pa'i mchod pa'i tshogs byin gyis rlob par byed pa yin pa'i phyir ro/ /des ni 'di skad du bstan pa yin te/ sgrub thabs las bshad pa'i tshul bzhin du mngon par 'dus byas pa'i rig ma dang lhan cig rdo rje dang pad ma yang dag par sbyor ba'i tshe rin chen dpal gyi nga rgyal dang ldan pas/ rjes su mnyes par byed pa'i sngags brjod la/ rim pa de nyid kyis las la gnas par byas te/ spro zhing bsdus la/ byin gyis brlabs pa'i rjes thogs su de bzhin gshegs pa rnams kyi tshogs sangs rgyas spyan la sogs pa'i rnam par spros te/ des nam mkha' i dbyings kun tu khyab par blta zhing/ don yod par grub pa'i nga rgyal dang ldan pas mchod pa'i tshogs de sngags 'dis byin gyis brlab par bya'o/ /de nyid rtag tu 'dod pa'i yon tan lngas/ zhes bya pa la sogs pa gsungs te/ tshul bzhin zhes bya ba ni la la ni gzugs kyi ngo bor zhes bya ba la sogs pa'i tshul bzhin du'o/ /mchod pa rnam pa lnga ni bdud rtsi lnga ste/ de ltar byed pas ni myur du rdzogs pa'i byang chub kyi 'bras bu thob par 'gyur ro zhes bcom ldan 'das kyis gsungs so/ /sngags rnams gang las 'byung pa dang/

  435. 218a

    ji ltar de las byung ba'i 'bras bu 'byung bar 'gyur zhes dpyad pa'i phyir/ de nas zhes bya ba la sogs pa gsungs te/ gsungs so zhes bya bar sbyar ro/ /dmigs par bya bas na dmigs pa ste/ dpyad par zhes bya ba'i don to/ /sngags rnams gang las 'byung zhe na/ lus te rkang dang mchu gnyis kyi tshogs pa'i rang bzhin las so/ /ji lus 'ba' zhig las sam zhe na/ de'i phyir gsungs pa dag ste sgra'i rang bzhin las so/ / de ji tsam 'ba' zhig las sam zhe na/ de'i phyir yid kyis bskul ba las zhes bya ba gsungs te/ gal te de dag la skul bar byed pa yid yod na'o/ /de ltar gsum 'dus pa las byung ba'i sngags ni sku dang gsung dang thugs rdo rje rnams sgrub bar byed pa yin no/ /ji? de'i nus pa de tsam kho na yin nam zhe na/ rab mchog ces bya ba gsungs te/ rin chen dpal gyi phyag rgya chen po'o/ /dngos grub ces bya ba ni don yod par grub pa'o/ /yid ni de bzhin gshegs pa drug pa ste/ rdo rje 'chang chen po de bzhin gshegs pa thams cad sku dang gsung dang thugs kyi dkyil 'khor gyi bdag nyid do/ /de mnyes par byed pa ni 'phags pa gshin rje mthar byed la sogs pa sgo srungs rnams te 'di nyid las mnyes par byed pa'i dkyil 'khor gyi dam tshig sems pa rnams zhes gsungs pa'i phyir ro/ /'dod pa zhes bya ba ni 'od ba ste kun tu bzang mo la sogs pa yin zhing / dkyil 'khor pa'i lha thams cad dang rig ma'i sku yang sgrub par byed do/ /de rnams kyi rgyu dgag pa'i phyir/ sems la dmigs pa zhes bya ba la sogs pa gsungs te/ re zhig sems nyid ni skye ba la sogs pa'i rnam pa dang/ rtag pa la sogs pa'i mtshan nyid

  436. 218b

    ? nang la sogs pa'i rang bzhin du dmigs par mi 'gyur ro/ /de bzhin du dag dang lus ngag mi dmigs pa'i phyir nam mkha' i mtshan nyid can yin te/ gsum 'dus pa las byung ba'i lus dang ngag dang sems la dmigs na ngo bo nyid dmigs su med do zhes de ltar rnam par dpyad na /re zhig lus la sogs pa nyid mi dmigs na/ de las byung ba'i sngags rnams dang/ de las byung pa'i sku rnams lta ga la dmigs / de ltar don dam par byang chub spyod ba bsgom par bya/ zhes bya ba ni kun rdzob dang don dam pa tha mi dang cing thabs dang shes rab 'brel ba'i bdag nyid can/ bshad zin pa'i mtshan nyid dang ldan pa'i lha'i rnal 'byor bsgom par bya ba'i don to/ /sngar ni sgoms pa goms par ma byas pa'i slob dpon rnams kyis dkyil 'khor bri ba'i phyir phra mo'i rnal 'byor bshad la/ de ni sgrub pa po rnams kyi sems brtan par bya ba'i phyir/ de nas zhes bya ba la sogs pa gsungs te/ bka' stsal to zhes bya bar sbyar ro/ /'jig rten pa dang 'jig rten las 'das pa'i ting nge 'dzin thams cad phun sum tshogs pa dang ldan pa nyid yin pa'i phyir dpal ldan no/ /de bzhin gshegs pa thams cad kyis bla na med pa la sogs pa'i mchod pa rnams kyis mchod pas na/ de bzhin gshegs pa kun gyis mchod pa'o/ /sangs rgyas kun mchog kun mkhyen te rdo rje sems dpa' bshad do/ /nam mkha' i dbyings ni dbus gnas par/ /zhes bya ba rig ma'i chos 'byung gi dbus kyi dkyil 'khor gyi lte ba na gnas pa'i pad+ma'i steng du zla ba'i gzugs kyi gdan rnam par bsgom la/ de'i steng du sangs rgyas gzugs ni zhes bya ba rdo rje 'chang chen po'o/ /sne'i rtse mor zhes bya ba ni pad+ma'i sna rtse'o/ /nyungs kar zhes bya ba ni de'i tshad kyi byang chub kyi sems rin po che kha dog lnga ba/?

  437. 219a

    pa'o/ /'gro dang mi 'gro zhes bya ba ni/ brtan ba dang g.yo ba'i dngos po thams cad kyis rang bzhin gyi dkyil 'khor 'khor lo'i bdag nyid rdo rje 'chang chen po'am/ yang na lha mo bzhi dang ldan pa'i? gsang ba lnga'i bdag nyid dam/ phung po la sogs pa byin gyis brlabs pa dngos po thams cad kyi bdag nyid can snyoms par zhugs pa'i gzugs gcig pu ste de'i nang du bsgom par bya'o/ /ye shes gnas zhes bya ba ni ye shes lnga'i bdag nyid kyi dpal rdo rje sems dpa' sngon du bya ba'i 'bras bu'o/ /de'i gzugs dang sku mdog la sogs pa'i rnam par byin gyis brlabs pa ni ye shes kyis brtags pa'o/ /sangs rgyas sku'i gnas zhes bya ba ni/ dpal rdo rje 'chang las byung ba'i mi bskyod pa dang/ de bcug pa'i zhe sdang rdo rje'o/ /de'i steng du gnas zhes bya ba ni mi bskyod pa'i rnal 'byor pas mA ma kI'i pad+ma'i sna rtse na gnas pa'i nas kyi 'bru'i tshad tsam gyi utpa la sngon po lta bu'i rdo rje rtse lnga pa'i lte bar yi ge hUM las byung ba'i mi bskyod pa'o/ /de kho na bzhin du zhe sdang rdo rje'i rnal 'byor pas kyang rdo rje rtse mo dgu pa'i lte bar zhe sdang rdo rje'o/ /de bzhin du sangs rgyas spyan gyi pad+ma'i sna rtser tsa na ki 'bras bu'i tshad tsam gyi 'khor lo rtsibs brgyad pa dkar po'i lte bar rnam par snang mdzad do/ /dang po'i sbyor ba zhes bya ba la sogs pa ni bshad zin to/ /rin chen ni nyungs kar gyi 'bru'i tshad tsam ste/ 'on kyang baiDUrya'i mdog can yin zhing de'i nang du rin chen dpal lo/ /tsa na ka'i 'bru'i tshan tsam zhes bya ba pad+ma 'dab ma brgyad pa'i lte bar 'od dpag tu med pa'o/ /'od kyi dkyil 'khor zhes bya ba ni gdan gru gsum 'od

  438. 219b

    zer gyis khyab pa'o/ /sangs rgyas tshul ni zhi ba spro/ /zhes bya ba ni dang po sbyor ba'i ting nge 'dzin gyi rang bzhin don yod par grub pa'o/ /'khor yang khyad par dag tu spro/ /zhes bya ba ni lha'i 'khor lo phyung ba ste/ des 'gro ba ma lus ba'i bya ba bsgrubs nas/ de bkug ste gnas ji lta ba bzhin du dgod par bya'o/ /des ni ting nge 'dzin gsum bsgom pa sngon du 'gro ba can gyi phra mo'i rnal 'byor bsgom par bya'o zhes bstan pa yin no/ /utpa la mthing ga zhes bya ba la sogs pa de yang bshad zin pa kho na'o/ /'khor lo la sogs zhes bya ba ni lha ma lus pa'i phyag mtshan zlum po dang thung? dad dang po'i bye brag gis tha dad pa rnams te/ de dag dang rjes su mthun par yungs kar dang nas dang tsa na ka'i tshang tsam bsgom pa'o/ /der ni brtag par bya zhes bya ba ni ji skad bshad ba'i sna'i rtse mor te gzhan du ma yin zhes bya ba'i don to/ /don yod par grub pa ni nas kyi 'bru'i tshad tsam gyi ral gri utpa la sngon po lta bu'i nang na gnas par ro// nam mkha' i dbyings kyi dbus gnas par/ /zhes bya ba rang gi rig ma'i chos 'byung gi nang na gnas pa'i mi bskyod pa la sogs pa'i dkyil 'khor gyi lte ba na gnas pa'i pad+mar nyi ma la sogs pa'i gdan la bzhugs pa'i mi bskyod pa la sogs pa gang yang rung ba'i rnal 'byor dang ldan pas/ rang gi rig ma'i pad+ma'i sna rtse na gnas pa'i rdo rje la sogs pa'i mtshan ma'i nang na gnas pa'i rang gi sa bon las byung ba'i dkyil 'khor gyi 'khor lo'i bdag nyid dam /gsang ba lnga'i rang gi nyid dam snyoms par zhugs pa'i rang gi bdag po'i gzugs gcig du bsgom bar bya'o/ /de las cir 'gyur zhe na/ byang chub gnas zhes bya ba gsungs te/ thabs dang shes rab kyi bdag nyid can gyi rang gi 'dod ba'i lha'i gzugs so/ /de

  439. 220a

    nyid ni mchog tu dga' ba'i rang bzhin nyid yin pa'i phyir nyams dga' ba ste/ de skad du yang/ de nas brtsams te mnyam bzhag pas/ ting 'dzin ye shes kyis brtags pa/ /gang zhig cung zad ci bsgom pa/ /de dag thams cad brtan par 'gyur/ /zhes gsungs so/ /khyad bar ji lta bu can zhig yin zhe na/ gsungs pa dpal rdo rje 'chang la sogs pa'i dngos grub thams cad dang/ stobs dang mi 'jigs pa la sogs ba'i yon tan rnams kyi gnas te 'dug ba'i rten no/ /sangs rgyas byang chub rab gnas bar/ zhes bya ba ni rang gi rig ma dang ldan pa'o/ /de las mdor na spro bar bya/ /zhes bya ba ni rin chen brtan par gyur nas spro/ /zhes sngar bshad pa'i tshul bzhin du sems brtan bar gyur nas rang gi mtshan ma'i nang na gnas pa'i lha'i sku spro ba'o/ /dkyil 'khor gyi sngon du bsnyen ba'i don dang/ sgrub pa'i don du rim pa 'di nyid dang po yin no/ /chos kyi dam tshig ces bya ba ni lha de dang de'i rang bzhin ston bar byed cing sku la sogs pa nye bar mtshon par byed ba'i sngags kyi tshig ste/ de ni bzlas ba'i cho ga la sbyar bar bya'o/ /de ltar gang yang rung ba'i sgom pa'i sgo nas sems brtan par byas pa'i rnal 'byor pa gzugs la sogs ba'i yul dang ldan bas nyin re zhing thun bzhi'i rim par rang gi rigs kyi rig ma dang yang dag bar sbyor ba'i mchog tu dga' ba las byung ba'i bdud rtsi myang ba dang/ sangs rgyas spyan la sogs pa spro bas mchod pa byed cing zla ba drug bsgom par bya'o/ /shes rab can zhes bya ba ni de kho na nyid mthong bas so/ /yang dag bar sbyor ba sogs ba nyid bshad ba'i phyir/ gsang ba de nyid mchod chen gyis/ /zhes

  440. 220b

    bya ba gsungs te/ gsang ba ni rdo rje dang chu skyes yang dag par sbyor ba'o/ /de nyid ni bde ba chen po'o/ /mchod chen de spro ba'i rang bzhin dang mngon par 'dod ba'i dngos grub kyi 'bras bu don du gnyer bas bdud rtsi lnga bza' ba'i bya ba yang bya'o/ /de yang dgug pa sngon du 'gro ba can yin te/ de skad du yang bshang gci la sogs bkug nas ni/ bza' ba'i don du rab sbyar bya zhes gsungs so/ /sgom pa'i mthu ni/ de nyid bla med 'grub 'gyur zhes bya bas gsungs te/ thabs dang shes rab kyi bde ba chen po'i rang bzhin can gyi mngon par 'dod pa'i lha'i gzugs so/ /byang chub kyi sems kyi rgyu mthun pa nyid yin pa'i phyir byang chub sems te/ 'bras bu la rgyu nye bar btags pa'i phyir ro/ /de nyid kyi phyir rang bzhin gyis yongs su dag pa nyid yin pas skyon med pa'o/ /phyag rgya chen po sgrub pa la zhugs pas ni sngags kyis mngon par 'dus byas pa'i sha chen bza' ba'i bya ba bya'o/ /de bzhin du mngon par shes pa la sgrub pa pos ni glang po'i sha bza' ? ba dang/ mi snang ba don du gnyer bas ni rta'i sha bza' ba dang/ zhi ba la sogs pa'i las thams cad bsgrub pa la zhugs pas ni khyi'i sha bza' bar bya'o/ /zas gzhan dag ni ma zos na/ zhes bya ba ni phul du byung ba thob pas bkug la/ ji skad bshad pa'i sha bza' bar bya'i zas la sogs pa ni ma yin pa'o/ /yang na gang gi tshe mthu med pas ji bshad pa'i bza' ba ma rnyed par gyur pa de'i tshe go skabs med bas zas gzhan mi bza' 'am zhes pa'o/ /sangs rgyas thams cad kyi bka' bsgrub par byed pa yin pa'i phyir mnyes par 'gyur ro/ /'dod pa'i khams na gnas pa'i sems can gyi khams rnams kyi mngon par 'dod pa'i don sgrub par byed pa'i phyir/ 'dod khams dbang phyug 'jig rten na'o/ /rang gi 'dod pa lha'i

  441. 221a

    /dkyil 'khor gyi go 'phang gis 'gro ba ma lus ba'i bya ba byed pa'i phyir/ go 'phang las ni byed pa ste/ gzhan ni go sla'o/ /lus ngag sems las 'da' ba' o zhes bya ba ni/ tha mal pa'i lus dang ngag dang sems las 'da' bar byed pa ste/ rnam par byang ba'i rnam par dag ba'i sku la sogs par byin gyis rlob par byed pa yin pa'i phyir ro/ /le'u drug pa'i rnam par bshad pa'o// //rnam par snang mdzad la sogs pa'i rang bzhin can gyi gzugs la sogs ba'i yul rnams dbul bar bya ba'i phyir sangs rgyas rjes su dran pa la sogs pa'i rnal 'byor bsgom par bya ba yin pas/ sngags spyod pa'i mchog gi le'u de nas bcom ldan 'das zhes bya ba la sogs pas gsungs te/ gsungs so zhes bya bar sbyar ro/ /'di ni dam tshig kyang yin la chen po yang yin pas dam tshig chen po ste/ rnal 'byor thams cad la nye bar longs spyod pa'i mtshan nyid can gyi dpal rdo rje 'chang ngo/ /de'i de kho na nyid ni zag pa med pa'i bde ba chen po yin zhing/ kun tu bzang po'i gzugs bsgom pa las byung ba'i rab tu dga' ba ste/ dam tshig chen po'i de kho na nyid ni kun tu bzang po'o/ zhes 'byung ba'i phyir ro/ /man zhes bya ba ni mA ma kI'i dbang dang yul rnams la brten nas byung ba yin no/ /tra zhes bya ba ni 'gro ba ma lus pa skyob par byed pa'i don te/ le'u bco brgyad pa las/ yul dang dbang po la brten nas/ byung ba'i yid ni gang dang gang/ /de dang de ni man zhes brjod/ /skyob pa'i don gyis yi ge tra/ /zhes gang gsungs ba'o/ /de ltar na yul dang dbang po rnams rnam par spyod pa'i thabs kyi rnam pa'i 'gro ba'i don byed

  442. 221b

    pa'i spyod pa ni sngags spyad pa yin zhing/ de nyid byang chub mchog sgrub par byed pa nyid yin ba'i phyir de skad ces brjod par bya ste bcom ldan 'das kyis don de ston par byed pa'i sgra'i tshogs gsungs so/ zhes sdud ba pos bshad do/ /'dod pa'i longs spyod thams cad la zhes bya ba ni gzugs la sogs pa'i yul gyi longs spyod thams cad la'o/ /ji ltar 'dod par bsten na zhes bya ba ni ji ltar mngon par 'dod pa bzhin du ste/ tshad pa'i las bzhin du ni ma yin pa'o/ /'di lta bu zhes bya ba rang gi 'dod pa'i ltar dmigs pa'i sgo nas yul la nye bar longs spyod pas myur ba nyid du 'grub par 'gyur ro/ /gang gi phyir de lta yin pa de bas na yul thams cad kyis rang gi lhag ba'i lha'i rang bzhin can gyi bdag nyid dang/ dkyil 'khor pa rnams la mchod par bya ste/ rmongs pa gang gis 'ching 'gyur ba/ /de yis mkhas ba grol 'gyur te/ /de ltar byang chub rnam bsgom pas/ /ma lus 'di ni bzlog la yin zhes gang gsungs pa'o/ /dka' thub ces bya ba ni rang gi yan lag gcod pa la sogs pa rnams so/ /sdom pa ni lo ma kham gcig za ba dang/ zla ba re re zhing bsnyen gnas srung ba la sogs pa'o/ /mi bzang ba ni mi lnga bsten pa dang rtse gsum rko pa la sogs pa rnams so/ /de rnams bsten kyang 'grub par mi 'gyur te/ ? phyir zhe na/ rdzogs pa'i sangs rgyas la sogs pa'i rang bzhin gyi rang gi lus gdungs pa'i phyir ro/ /yang nges ji ltar na 'grub par 'gyur zhe na/ 'dod pa'i longs spyod thams cad la zhes pa la sogs pa gsungs te/ slongs ma za zhing ma bzlas te/ zhes bya ba ni / slongs mo nyid 'ba' zhig la rgyu bas so/ /slong la dga' bar mi bya'o zhes bya ni/ slongs mo la rgyur zin kyang de la mngon par dga' bar mi bya'o/ /

  443. 222a

    yan lag ma nyams pa ni yan lag mtshang ba med pa'o/ /yul thams cad ma tshang ba med pa'i phyir ro/ /don re nyid/ 'dod ba kun la longs spyod cing zhes bya ba gsungs so/ /ci'i phyir zhe na/ 'di ltar lus dang ngag dang sems rnams bde bar gnas par gyur na byang chub 'thob kyi/ gzhan du nam yin no zhes bya ba'i don to/ /dam tshig dang sdom pa dang yul rnams dor ba'i bsam pas gang yang rung ba zhig ma bsten kyang nyes bcing 'gyur zhe na/ dus ma yin par 'chi ba dang/ /dmyal bar 'gro bar 'gyur ro zhes gsungs te/ /bcom ldan 'das kyi bka' las 'das pa'i phyir 'jig rten 'di la de'i 'bras bu mthong bar 'gyur ro/ /rgyu de'i phyir yul la nye bar longs spyod pa ni rigs pa yin no/ /sangs rgyas zhes bya ba la sogs pa la brnyas pa zhes bya bar sbyar ro/ /sngags kyi spyod pa mchog spyod pa rnams ni/ 'di las gsungs pa'i tshul la zhugs pa rnams so/ /mi g.yo chos zhes bya ba ni thabs dang shes rab kyi bdag nyid kyi bde ba chen po'o/ /de nyid thams cad las phul byung ba nyid yin ba'i phyir mchog ste/ de brnyas pa'o/ /gang gi phyir de lta yin pas de bsan/ /chags can zhes bya ba la sogs pa gsungs te/ chags can ye shes 'dod pa yis zhes bya ba ni/ /chags can te/ rdo rje sems dpa' i ye shes don du gnyer ba gang yin pas so/ /rtag tu zhes bya bar ni nyin dang mtshan du'o/ /'dod par bya zhing mngon par chags par bya ba yin pas na 'dod pa'o/ /yang dang yang du goms par bya ba yin pas na yon tan ni gzugs dang sgra dang dri dang ro dang reg bya rnams te chu skyes las byung ba de rnams brten bar bya'o/ /byang chub sems

  444. 222b

    dpa' zhes bya ba ni mig la sogs ba'i skye mched rnams rnam par spyod ba'i rang bzhin gyi sa'i snying po la sogs pa rnams so/ /mnyes par bya zhes bya ba ni dman pa dang bar ma dang mchog gi bye breg gis tha dad ba'i gzugs la sogs pa'i rnam par snang mdzad la sogs pa'i rang bzhin gyi gzugs rdo rje ma la sogs pa lha mo'i rnam par gyur pa rnams kyis so/ /chags par bya zhes bya ba ni byang chub sems dpa' rnams kyis gzugs rdo rje ma la sogs pa lha mo rnams kyi rang bzhin gyi de bzhin gshegs pa rnams so/ /gzugs rnam gsum zhes bya ba nas mchod par bya zhes bya ba ni bshad zin to/ /de nyid bcom ldan 'das sna tshogs pa zhes bya ba ni thams cad kyi bdag nyid yin pa'i phyir rdo rje sems dpa' ste/ gzhan ni ma yin no zhes bya ba'i don to/ /'gyur ba can gyi gzugs la sogs pa las lus dang ngag dang sems ji ltar bde bar 'gyur snyam du dgos par mi bya ste/ 'di ltar rnam par rtog pa de ni kha phyir bltas pa rnams kyi yin gyis rnal 'byor gyi dbang phyug rnams la ni thams cad ro gcig pa nyid do/ /brel bar mi bya ba nyid du bstan pa'i phyir/ rtag tu sems ni sbyar bar bya zhes gsungs so/ /'bras bu rdzogs pa'i byang chub sgrub par byed pa/ nyid yin pa'i phyir snying po btus pa'o/ /gang gi phyir de lta yin pa de bsan/ rnam par dag pa'i gzugs la sogs pa rnams dang ldan pa'i rigs lngas btus pa'i lha nyid bsgom par bya'o/ /rjes su dran pa bcu drug bsgom bar bstan pa'i phyir/ de nas yang zhes bya ba la sogs pa gsungs te/ yang zhes bya ba'i sgra ni tshig gi kha bskang ba'o/ /der zhes bya ba ni rang rang gi dkyil 'khor du'o/ /rigs kyi dbye ba rnams bsgom pas zhes bya ba ni/ de

  445. 223a

    bzhin gshegs pa la sogs pa'i rigs kyi dbye ba rnams bsgom ba'i sgo nas so/ /de nyid ni sangs rgyas rjes su dran zhes bya ba la sogs pas gsungs te/ mdor bstan pa'i tshig bcu drug go /'di ltar bshad pa'i tshig bcu drug 'byung bar 'gyur ro/ /sangs rgyas ni rnam par snang mdzad te/ /de rjes su dran par bya ba yin pas na rjes su dran pa'o/ /chos ni 'od dpag tu med pa'o/ /rdo rje ni dpal rdo rje sems dpa' i? rigs kyi rin chen dbang ste/ rigs thams cad rjes su mnyes par byed pa yin pa'i phyir ro/ /khro bo ni 'phags pa gshin rje gshed la sogs ba'i gzugs te/ de rjes su dran pa ni dkyil 'khor gyi dbus na bzhugs pa'i bdag po'i gzugs du dmigs pa'o/ /lha ni don yod par grub pa ste/ lha ma lus pa'i mchod pa'i rang bzhin nyid yin pa'i phyir ro/ /lo grangs bcu drug lon ba'i zhes bya ba ni/ bco blag mkhan gyi bu mo'o/ /de ni nye bar mtshon ba yin te/ des na rang gi rigs kyi rig ma dang dag par sbyor ba'i sgo nas rjes su dran pa 'di dag thams cad bsgom par bya'o zhes bstan pa yin no/ /byin gyis rlabs kyi gnas gsum gyis zhes bya ba ni/ rnal 'byor dang rjes su rnal 'byor dang/ rnal 'byor chen po'i mtshan nyid rnams kyis so/ /dben par te dgon pa chen po la sogs pa 'am/ gzhan phyi rol gyi skye bo'i tshogs dang bral bar ro/ /mchod pa zhes bya ba ni snyoms par 'jug pa'i mtshan nyid do/ /spyan ni zhes bya ba la/ ni zhes bya ba'i sgra ni nges par bzung ba ste/ des na de kho na bsgom bya'o/ /yid 'ong de ni zhes bya ba rang gi rigs kyis rig ma sangs rgyas spyan la sogs pa 'od zer dkar po dang sngon po la sogs pas khyab cing yid du 'ong ba bsgom par bya'o/ /mdor bstan pa'i tshig de nyid bshad pa'i phyir de

  446. 223b

    la zhes bya ba la sogs bas gsungs te/ sangs rgyas sprin rnams zhes bya bar sbyar ro/ /b+ha ga la ni ling ga zhes bya ba la sogs pa ni 'di skad du bshad pa yin te sku la sogs pa byin gyis brlabs pa la thug ba'i cho ga'i rjes thogs la/ sgrub thabs kyi tshul bzhin du sangs rgyas spyan la sogs pa'i gzugs su bskyed pa'i rang gi rigs kyi bu mo/ /rigs lnga yis khyab par byas pa snying gar ye shes kyi lha mos byin gyis brlabs pa lha mo'i 'khor lo ma lus pa rnam par bkod pa/ rang gi dbang bskur bas rnam par brgyan pa bsams la/ rdo rje dang chu skyes las byung ba'i 'od zer gyi tshogs kyis 'khor lo gnyi ga rjes su mnyes par byas te/ rin chen dpal gyi nga rgyal dang ldan pas rjes su mnyes pa'i sngags brjod la/ de spros nas bsdus te/ rdo rje dang pad+ma yang dag par sbyor ba bya'o/ /sangs rgyas gzugs zhes bya ba ni rnam par snang mdzad kyi'o/ /sangs rgyas sprin rnams zhes bya ba las kyi dus su yi ge oM gyi glu len cing rnam par snang mdzad kyi sprin spro ba'o/ /de bzhin du 'od dpag tu med pa la sogs ba'i rnal 'byor pa rnams kyis rang gi sngags kyi glu len cing rang gi lha rnams spro bar bya'o/ /dam tshig rjes su dran pa zhes bya ba ni don yod par grub pa bsgom pa'o/ /rang gi khu ba'i thigs pa yis zhes bya ba ni dam tshig gi mchod pas lha rnams rab tu mchod pa'o/ /sngon du bsnyan pa'i dus su rnal 'byor dang ldan pas rtag tu yid kyi dkyil 'khor bya'i bri bar bya ba ni ma yin pas/ de'i phyir ji ltar mngon par 'dod ba'i dkyil 'khor byang chub kyi sems las byung ba spros te/ ji lta ba bzhin du bsgoms la yang dag par mchod nas gzhug pa la sogs pa bya'o/ /zhes bya ma 'dis ni dkyil 'khor thams cad sgrub par byed pa'i phyag rgya'i ye shes gsang ba bstan pa/

  447. 224a

    yin no/ /sku rdo rje la sogs pa'i chogs? bcug ba'i rjes thogs su nga rgyal bskyed la sku la sogs pa byin gyis brlabs bar bya dgos pas/ sangs rgyas kun gyi zhes bya ba la sogs pa gsungs te/ ye shes lha'i rang bzhin can nyid kyi phung po rnams kyis rab tu gang bsan phung po lnga yi rab tu gang ba'o/ /sangs rgyas sku'i rang bzhin gyis zhes bya ba ni de'i rang bzhin gyi ngo bo ste/ bdag kyang de dang 'dra ba'i skur gyur cig ces nga rgyal bskyed par bya'o/ /rdo rje chos kyi zhes bya ba ni gsung rdo rje'i'o/ /ngas tshig ces bya ba 'di ni nye bar mtshon pa yin te/ des na chos dang don dang nges pa'i tshig dang spobs pa ste so so yang dag par rig pa bzhi dang ldan pa'i gsung phun sum tshogs pa mnga' ba ni gsung rdo rje ste/ bdag gi tshig kyang de nyid kyi dang 'dra par gyur cig ces nga rgyal bya'o/ /kun tu bzang po ni thugs rdo rje'o/ /de nyid sku la sogs pa'i gsang ba 'dzin par byed pa'i de bzhin gshegs pa la sogs pa rnams kyi dbang po ste gtso bo yin bas gsang ba'i dbang po'o/ /de'i thugs sems can ma lus pa'i don byed pa ji 'dra bar bdag gi sems kyang de dang 'dra bar gyur cig ces nga rgyal bya'o/ /da ni chos nyid mngon par rdzogs par rtogs pa'i dbang du byas nas/ sems can kun gyi sems gang yin zhes bya ba gsungs te/ 'khor ba'i sems can rnams kyi lus dang ngag dang sems rnams kyis mtshon ba'i sems gang yin pa de nyid tha dad ba med pa'i phyir sangs rgyas thams cad kyi rtog pa dang bral ba yin no/ /khyad par ji lta bu dang ldan pa rnams kyi zhe na/ mkha' mtshungs mkhas pa ste/ de kho na nyid du ro gcig pa'i ye shes dang ldan pa rnams kyi'o/ /bdag gi sems kyang de dang 'dra zhes bya ba ni/ ro gcig par bsgom pa

  448. 224b

    ste/ bsgom pa de lta bus ni rnal 'byor pa thams cad la khyab pa'i nges par 'byed pa'i shes rab kyis ye shes thugs su chung ba'i mtshan nyid can gyi rang gi 'dod pa'i lha'i gzugs su 'gyur ro/ /sngags thams cad kyi gzugs ni/ rang rang gi sngags las yongs su grub pa'i lha thams cad kyi rang bzhin gyi dpal rdo rje sems dpa' ste/ de rjes su dran par bya ba ni rjes su dran pa'o/ /sngags kyi rdo rje'i sku gang yin zhes bya ba ni/ rdo rje 'chang chen po'i'o/ /sku ni gsung du rnam bsgoms pa zhes bya ba ni sku dang gsung dang thugs tha mi dad par grub pa ste/ bdag kyang de dang 'dra bar gyur cig ces nga rgyal bskyed bar bya'o/ /sbyor las zhes bya ba ni yang dag par sbyor ba las cho ga bzhin du byang chub kyi sems phyung la/ des na mkha' kun tu bka' ste /de'i rdul phra rab re re las yang dag par grub pa'i de bzhin gshegs pa la sogs pa'i gzugs bsams la/ bsdus te rig ma'i pad+mar bcug la/ bde ba chen po'i gnas skabs su ye shes kyi bdud rtsi rnam par gyur par blta par bya ste/ de ni 'dir de bzhin gshegs pa'i tshogs bsad pa'o/ /de nas bdud rtsi nges rang gi lus la gnas pa'i lha rnams kyi 'khor lo tshim par bya ste/ de ltar na rang 'dod par gyur pa'i dngos grub rab tu 'grub bar 'gyur ro/ /shes rab ni thos ba dang bsams pa dang bsgoms pa las byung ba'i rab kyi mthar phyin pa dang/ de'i 'bras bu chos thams cad so sor 'byed pa'i mtshan nyid can gyi ye shes so/ /de phun sum tshogs pa ni pha rol tu phyin pa ste/ pha rol tu phyin cing son ba de'i phyir shes rab kyi pha rol tu phyin pa'o/ /de nyid 'da' bar bya ba ma yin pa'i phyir dam tshig go /rang bzhin gyis ni 'od gsal ba/ thams cad ces bya ba ni dag pa dang ma dag pa'i rang bzhin gyi 'od gsal ba ni phung po la

  449. 225a

    sogs pa rnams so/ /ci'i phyir zhe na/ ma skyes pa nyid yin pa'i phyir ro/ /de nyid kyi phyir zag pa med pa'o/ /gang gi phyir de ltar yin pa de bas na byang chub ste/ kun tu brtags pa'i 'bras bu'i rang bzhin med cing/ de bsgoms pas mngon par rtogs pa ste/ de khong du chud pa med la/ khams te de thob par byed pa'i rgyu yang med cing/ de nyid kyi phyir 'byung ba ? med do zhes bya ba 'dis ni shes rab yongs su sbyar ba gsungs so/ /rang bzhin 'od gsal ni khams gsum pa'i rnam par rtog pa'i rnam pa can gyi sems rang bzhin gyis 'od gsal ba nyid do/ /dpe'i sgo nas nam mkha' bzhin zhes bya ba gsungs te nam mkha' dang mtshungs pa'o/ /bskyed par bya ba ma yin pa'i phyir mtshan ma med pa'o/ /de nyid kyi phyir yi ge rnams med pas na yi ge med pa'o/ /gzung ba dang 'dzin pa'i rnam par rtog pa med pa'i phyir gnyis med do/ /sgyu ma bzhin du mchod par bya ba dang mchod par byed pa rtog ba tha dad pa'i phyir gnyis su med min pa'o/ /de gang zhe na/ zhi ba zhes bya ba gsungs te/ rtog pa thams cad sgyu ma bzhin du shes pas na zhi ba ste/ byang chub kyi sems so/ /de nyid kyi phyir shin tu dri med nam mkha' bzhin zhes byas ste/ des ni thabs rnam par spyar ba'o/ /ji lta ba bzhin du thabs dang shes rab rjes su dran pa bsgoms pa de dag gis ni/ srid pa dang zhi ba ro gcig pa'i mi gnas pa'i mya ngan las 'das ba la lhag par mos pa'i de kho na nyid la brten nas/ zhe sdang rdo rje la sogs pa lha sna tshogs kyi rnams par snyoms par zhugs shing bde ba chen po'i rang bzhin can gyi bcom ldan 'das rdo rje 'chang chen po bstan to/ /de nyid rdzogs ba'i rim pa

  450. 225b

    yin no zhes kho bo cag gi bla ma'i zhal snga nas gsungs te/ le'u bco brgyad pa las kyang/ rim pa gnyis la brten nas ni/ sangs rgyas rnams kyis chos bstan te/ bskyed pa yi ni rim pa dang/ /rdzogs pa'i rim pa nyid yin no/ /zhes gsungs so/ /bud med sems zhes bya ba la sogs pa ni bshad zin to/ /sku dang gsung dang thugs kyang 'grub ces bya ba ni yul thams cad la nye bar longs spyod pa bsgoms pa'i sgo nas rang gi lhag pa'i lha'i phyag rgya chen po 'grub pa'o/ /gang gzhan phra mor bshad pa rnams zhes bya ba 'jig rten pa'i mngon par shes pa la sogs pa dngos grub rnams kyang rnal 'byor ba des 'grub par 'gyur ro/ /le'u bdun pa'i rnam par bshad pa'o// // tshogs mngon par 'phel bar bya ba'i phyir/ pad+ma'i nang du chung ba'i mchod rten gyi dbus na gnas pa'i dkyil 'khor na 'dug pas bla na med pa la sogs pa'i mchod pa bya dgos pas/ de nas zhes bya ba la sogs pas bshad gci'i dam tshig le'u gsungs so/ /mchog tu dga' ba bsgrub par byed pa'i mchod pa rin po che la sogs pa rdzas thams cad rnam par dag pa'i rang bzhin can gyi dkon mchog dpal gyis gsol ba btab bo zhes bya ba ni rang gi rigs kyi rig ma mA ma kI phul nas/ bcom ldan 'das slob dpon du gyur pa la mchod par 'gyur ba'i bstod pas gsol ba btab pa'o/ /rdo rje sems dpa' theg pa che zhes bya ba la rdo rje sems dpa' ni mchog tu zag pa med pa'i bde ba chen po ste/ de bsgom pa goms pa'i stobs nyid kyis sems can rnams dpal gsang ba 'dus pa'i mngon par byang chub par khrid par byed cing/ 'thob par byed pas na/ theg pa chen po'o/ /mA ma kI khod stong dang yang dag par sbyor ba'i sbyor pas sems can gyi khams rnams yang

  451. 226a

    dag par spyod bar byed pa yin pa'i phyir/ nam mkha' i spyod pas rnam spyod ba ste/ mi bskyod pa'o/ /sangs rgyas spyan dang yang dag par sbyor ba'i sgo nas kun tu bla na med pa la sogs pa'i mchod pa sgrub par byed ba'i phyir/ kun tu bzang po mchod pa'i mchog ste/ rnam par snang mdzad do/ /mi mthun pa'i phyogs ma lus pa las rgyal ba dang/ rigs thams cad rjes su mnyes par byed pa'i sgo nas phul du byung ba nyid yin pa'i phyir /rgyal mchog ste/ rin chen 'byung ldan no/ /'dod chags la sogs pa rnam par dag pa'i rigs gsum khyad par du ston bar byed pas na/ 'dod chags dang zhe sdang dang gti mug chen po rab tu ston pa ste/ 'od dpag tu med pa'o/ / nam mkha' kun tu gang ba'i mchod pa rnams sprul pa ston par byed pa'i phyir/ nam mkha' dbyings dang mtshungs ba'i mchog ste/ don yod par grub pa'o/ /rgyal ba ni rnam par snang mdzad de/ de'i rten dang de la chags pa'i sangs rgyas spyan ni rgyal ba gzhi zhes bya ba'i sgrar brjod do/ /thar pa ni nyes pa thams cad dang bral zhing rgyun chags su 'jug pa'i dka' ba ste/ de skyes par byed pa'i mA ma kI ni lam zhes bya bar brjod cing/ des khyad par du khrid par byed bas na rab ston pa'o/ /theg pa gsum ni byang chub gsum ste/ de'i lam ni bgrod pa yin zhing/ de la gnas par byed pa ste/ gos dkar mo sprul pa'i sgo nas sems can rnams kyi rgyud rgyas par byed pa'i phyir ro/ /sangs rgyas rnams kyi skal ba mchog ni sangs rgyas skal mchog ste/ 'phags ma sgrol ma sprul pa'i sgo nas 'gro ba rnams dbang du mdzad pa'i rang bzhin no/ /de nyid sems can rnams kyi rgyud dag par mdzad pa yin pa'i phyir dag pa'i bdag?

  452. 226b

    nyid do/ /byang chub kyi bdag nyid kyi sems ni byang chub sems te/ de'i rang bzhin can gyi 'phags pa gshin rje mthar byed do/ /'phags pa gzhan gyis mi thub gang la rgyas pa ste rgya che ba'i spyan lnga mnga' de la de skad ces bya'o/ /chos ni stobs dang mi 'jigs la sogs pa rnams dang/ dkyil 'khor pa rnams te/ gsung rnam par dag pa skor bar byed pa'i 'phags pa rta mgrin gang la gdul bya rnams kyi rgyud la 'pho ba'i don gyis 'khor lo mnga' ba de la de skad ces bya'o/ /rang bzhin gyis 'od gsal ba'i chos nyid khong du chud par mdzad pa'i phyir sku dang gsung dang thugs shin tu ngag pa ste/ 'phags pa bdud rtsi 'khyil pa'o/ /gang zhig gis dkyil 'khor la sogs pa rnams sprul pa yang dag par bstan pa'i sgo nas sems can rnams kyis mi phyed pa'i gnas thob par mdzad pa'i rdo rje sems dpa' ni rdo rje theg pa ste/ de la phyag 'tshal ba'o/ /mi bskyod pa la sogs pa rnams sprul pa bstan pa'i sgo nas sems can rnams kyi don byed pa'i mtshan nyid can gyi yang dag pa'i yon tan gyi tshig de rnams kyis bcom ldan 'das la yang dag par bstod pa yin no zhes bshad do/ /de nas zhes bya ba ni gsol ba btab pa'i rjes thogs la ste/ bshad ces bya bar sbyar ro/ /rdo rje ni des par 'byed pa'i shes rab ste/ de mngon du mdzad pa'i chul gyis 'dzin pas na/ rdo rje 'dzin no/ /de nyid kyi phyir rigs thams cad kyi gtso bor gyur pa'i don gyis gsal zhing 'bar bas na rgyal bo'o/ /spros pa rnams kyis nam mkha' khyab par mdzad pa'i phyir/ thams cad nam mkha' o/ /'jig pa med pa'i bde ba chen po'i rang bzhin nyid yin pa'i phyir mi 'gyur che'o/ /bum pa dang gsang ba dang shes rab ye shes kyi dbang bskur ba'i bdag

  453. 227a

    nyid yin pa'i phyir thams cad dbang bskur ro/ /dngos po thams cad kyi rnam par dag pa nyid yin pa'i phyir kun gyi don no/ /khams gsum na chos kyi rgyal srid kyi bdag po yin pa'i phyir kun dbang ngo// mi phyed cing zag pa med pa'i dga' ba rgyas par byed bas na rdo rje rin chen 'dzin pa ste/ nges so/ /mchod pa zhes bya ba na bla na med pa la sogs pa'i rang bzhin te/ bshad cing bstan te zhes bya ba'i don to/ /mig yangs pa zhes bya ba ni mig yangs shing rgya che ba ste/ /gang la dngos po thams cad la de kho na nyid kyi rnam par lta ba lhur len pa yod pa de la de skad ces bya'o/ /'dir ni lo grangs bcu gnyis pa nas brtsams te nyi shu rtsa lnga lon pa la thug pa mngon bar 'dod de/ de yang gzugs bzang ba dang/ gzhon pas brgyan pa'o/ /byol sod las byang zhes bya ba ni gal te de lta bu'i rnam pa can ma rnyed na/ de'i tshe lo grangs nyi shu rtsa drug lon pa nas brtsams te/ ji srid shug kra 'byung ba de srid gyi bar du gzung bar ro/ /kha cig na re glang mo dang rgod ma la sogs pa yin no zhes zer ro/ /gnas gang du dkyil 'khor bri ba dang sgrub ba'i don du sngon du bsnyen pa bya ba de gsungs te/ sa phyogs ni dgon pa chen po la sogs pa'o/ /gtsang ba zhes bya ba ni yongs su gzung ba'i cho gas mngon bar 'dus byas pa'o/ /phyi rol gyi skye bo'i tshogs med pa'i phyir dben pa'o/ /rgyal bdag skyes pa ni sgrub pa ba'o/ /zhi bzhi ba'i gnas rnams su ste/ shes rab kyi chos 'byung gi nang na gnas pa'i mchod rten gyi gnas su'o/ /'am zhes bya ba'i sgra ni nges par gzung ba yin par blta par bya'o/ /der 'phags pa bdud rtsi 'khyil pa'i nga rgyal dang ldan pa'i?

  454. 227b

    grogs po mngon par 'dus byas pa'i bdud rtsi lngas nye bar 'byung du gzhug par bya'o/ /ci'i phyir zhe na /gsungs pa/ rgyal ba rtag pa ni sku rdo rje ste/ de mchod pa'i phyir ro/ /de ni nye bar mtshon ba yin te/ lha gzhan mchod pa'i phyir gang de kho na bzhin du bya'o/ /sngar bshad pa'i rim pa bzhin du bskyed ba'i rig ma la rigs lnga rnam par dgod par bya dgos pas/ de'i phyir nu ma'i dbus bar zhes bya ba la sogs pa gsungs te/ le'u bcu pa las bshad pa'i yi ge lnga'i tshul bzhin du/ snying ga la sogs par rang gi rig ma dang ldan zhing lha mo bzhis yongs su bskor ba'i mi bskyod pa la sogs pa rnams dgod par bya'o zhes bya ba'i don to/ /nam mkha' dbyings kyi dbus gnas par zhes bya ba ni le'u dang po las bshad ba'i tshul bzhin du rdo rje btsun mo'i b+ha gar mi bskyod pa dang mA ma kI zhu bar gyur pa la chu'i khams su gyur pa/ ye shes kyi rlabs kyi phreng bas kun tu khyab pa'i rgya mtsho chen po bsam pa'o/ /de nas snying gar zhes bya ba ni b+ha ga der ro/ /bdag nyid zla ba'i dbus gnas par zhes bya ba ni sangs rgyas spyan dang ldan pa'i rnam par snang mdzad kyi gzugs zla ba'i dkyil 'khor la gnas pa rnam par bsgoms la/ de zhu bar gyur te zhugs pas sra ba'i rnam par gyur par blta'o/ /de bzhin du rin po che'i dam tshig dang/ gos dkar mo dang ldan pa'i dkon mchog dpal dang/ 'od dpag tu med pa dag zhugs pas rgya che ba'i dngos po dang ye shes kyi 'bar bar byin gyis brlabs bar yang bsam par bya'o/ /bsdu ba dag kyang zhes bya ba ni sgrol ma dang don yod par grub pa zhugs pa'i sgo nas bsdus te zur bzhi pa'i rnam par byur par bsam pa'o/ /rin chen sna bzhi'i mchod rten ni zhes bya ba la/ thugs kyi dkyil 'khor la ni/ shar dang lho dang nub dang/

  455. 228a

    byang gi phyogs rnams go rim bzhin du/ rin po che shel dang baiDUrya dang pad+ma rA? ga dang mar ga ta'i rang bzhin gyi mchod rten no/ /sku'i dkyil 'khor la ni shar gyi cha sngon po'i rang bzhin/ lhag ma ni snga ma dang 'dra'o/ /gsung gi dkyil 'khor la ni shar dang nub dkar po dang sngon po yin zhing lho dang byang ni ji ltar gnas pa bzhin yin no/ /rin po che'i dkyil 'khor la ni lho sngon po'o/ /don yod pa'i dkyil 'khor la ni byang sngon po ste/ gnyi ga'i lhag mo ni snga ma dang mtshungs so/ /ji ltar thugs kyi dkyil 'khor du sku rdo rje la sogs pa rnam par bkod na kha dog sngon po da dang de nyid du 'pho ba de bzhin sku'i dkyil 'khor la thugs rdo rje la sogs pa rnam par bkod pa na/ kha dog dkar po yang de dang 'dra'o/ /gsung gi dkyil 'khor la ni kha dog dmar po de bzhin du shes par bya'o/ /'od zer phreng bas rnam par brgyan zhes bya ba ni 'od zer dkar po la sogs pa rnams kyis spras pa'o/ /ye shes kyi rgya mtsho'i rgyu mthun pa'i sa'i? cha'i steng du yi ge b+h+ruM las byung zhing de bzhin gshegs pa thams cad kyi ye shes kyi rdul phra rab rnams las grub pa nyid yin pa'i phyir ye shes rgya mtsho'o/ /de nyid kyi phyir dus gsum gyi de bzhin gshegs pa rnams kyi gnas te ye shes kyi gzhal yas khang bsgom par bya'o/ /mchod pa'i sprin rnams spro zhes bya ba ni ji skad bshad pa'i gzhal yas khang gi nang du bkod pa'i lha ma lus pa'i 'khor lo'i dbus na gnas pa'i rdo rje 'chang la sogs pa gang yang rung ba'i bdag po'i nga rgyal dang ldan pa snga ma bzhin du mngon par 'dus byas shing byin gyis brlabs pa dri dang me tog la sogs pas brgyan pa'i rang gi rigs kyi rig ma dang yang dag par ldan pas/ rang gi ba spu'i bu

  456. 228b

    ka'i gseb nas byung ba'i mchod pa'i sprin spro bar bya'o zhes bya ba'i don to/ /pad+ma rnam lnga zhes bya ba ni kha dog sngon po dang dkar po dang ser po dang dmar po dang ljang gu/ /utpal yang de dang 'dra'o/ /dzA ti rnam gsum zhes bya ba ni kham 'bus pa dang/ kha bye ba dang/ zhu bar gyur pa'i gzugs rnams so/ /yang na gzhan du bshad par bya ste/ pad+ma zhes bya ba ni shel gyi rdo ba lta bu'i chos 'byung ste/ de bzhin gshegs pa lnga dang nye ba'i phyir kha dog lnga pa'o/ /utpa la zhes bya ba ni thabs kyi rdo rje ste de yang kha dog lnga pa'o/ /de nyid kyi phyir shes rab kyi de kho na nyid thugs su chud pa phyag na gnas pa bzhin du bstan pa'i de bzhin gshegs pa rnams rang dang rjes su mthun pa'i kha dog dang ldan pa'i pad+ma'i phyag mtshan bsnams pa yin no/ /de bzhin du lha mo ni utpa la'i phyag mtshan bsnams pa'o/ /dzA ti rnam gsum zhes bya ba ni gdol pa mo dang/ bco blag mkhan dang/ gar mkhan ma'o/ /me tog kar ni kar la sogs pa rnams ni mA ma kI la sogs pa lha mo rnams kyi dngos po dang tha mi dad pa'i btsun mo rnams kyi b+ha ga ste/ le'u bco brgyad pa las btsun mo gzhon nu'i nam mkha' i khams/ me tog zhes ni mngon brjod/ zhes gang gsungs pa'o/ /me tog bsams zhes bya ba ni lha dang lha mo yang dag par sbyor ba byas nas so/ /mchod pa thams cad ces bya ba ni bla na med pa la sogs pa'i rang bzhin te/ des snga ma bzhin du bdag nyid dang dkyil 'khor la mchod par bya'o/ /dpag tshad brgya'i khyon tsam du zhes bya ba 'di ni nye bar mtshon pa yin te/ dpag tshad bye ba'i khyon yod pa mchod rten gyi nang na gnas pa rjes su mthun pa'i dkyil 'khor bsgom par bya'o/ /'khor lo dkyil 'khor zhes bya ba ni rnam par snang mdzad kyi'o/ /rigs rnams zhes bya ba ni dbus na

  457. 229a

    bzhugs pa'i sku rdo rje dang 'khor mi bskyod ba la sogs dkyil 'khor pa rnams dgod par bya'o/ /gang zhig gis zhe na/ gsungs pa rnam par mkhas pa ste bsam gtan gyi chog shes pas so/ /de bzhin du pad+mas mtshan pa ni gsung gi dkyil 'khor ro/ /de bzhin du rdo rjes mtshan pa ni thugs kyi dkyil 'khor ro/ /ral gris mtshan pa ni don yod ba'i dkyil 'khor ro/ /utpa la zhes bya ba ni thabs te mchod pa'i yan lag la thabs ?? yin pa'i phyir rin po che'i rigs kyi phyag mtshan no/ /des nye bar mtshan pa'i dkyil 'khor ni tha mi dad par nye bar btags pa'i sgo nas utpa la zhes bya bar brjod do/ /kha cig las rdo ba zhes 'don pa der ni rin po che nyid yin ni zhes bya/ bar grub bo/ /rigs rnams rab tu dgod par bya zhes bya ba ni thams cad la sbyar bar bya'o/ /gru bzhi zhes bya ba ni dbyibs kyi sgo nas so/ /me long lta bu la sogs pa'i ye shes lnga'i bdag nyid yin pa'i phyir rin chen rnam bzhi pa'o/ / chos kyi dbyings kyi rgyu mthun pa nyid yin pa'i phyir gsal zhing rang bzhin gyis dri ma med pa ste/ dkyil 'khor pa rnams la bla na med pa la sogs pa rnams kyis mchod pa'i phyir gnas su bsgom par bya'o/ /de nyid ni 'dod ba'i yon tan lnga rnams kyis/ de la mchod pa rgya mtsho brtsam/ zhes bya ba gsungs so/ /rin chen na bza' la sogs pas zhes bya ba la sogs pa'i sgras ni gdugs dang rgyal mtshan dang ba dan la sogs pa rnams mdza' yas pa/ nam mkha' khyab pa'i bla na med pa'i mchod pa'i tshogs bstan to/ /mchod pa rnam pa lnga ni bdud rtsi lnga'o/ /rin chen 'byung gnas zhes bya ba ni zag pa med pa'i bde ba'i mchog rgyas par byed pa'o/ /na chung ni lo grangs bcu gnyis lon pa'o//

  458. 229b

    mA ma kI'i gzugs su rnam par bsgoms pa rdo rje sems dpas bdag gis byas pa nyid yin pa'i phyir mchog go/ dbul bar bya zhes bya ba ni grub pa'i rgyu mtshan du rigs kyi lha thams cad la dbul bar bya'o/ /rin chen sna bdun gyis zhes bya ba ni bud med dang skyes bu dang/ nor bu dang 'khor lo dang ral gri dang glang po dang rta rin po che rnams kyis so/ /sbyin pa'i phyir zhes bya ba ni nam mkha' mdzod kyi ting nge 'dzin gyi phyir ro/ /bdag po'i phyag rgyar zhes bya ba ni rdo rje 'chang gi phyag rgya chen por? ro/ /'dod chags la kun tu chags pas rang gi dam tshig las byung ba'i sangs rgyas spyan la sogs pa rnams dang rnam par snang mdzad la sogs pa rnams yang dag par sbyor ba byas te/ byed ba chen po'i rnam par blta bar bya'o/ / bshad ma thag pa thams cad ni btsun mo'i pad+ma'i dbus na gnas pa'i bsdus pa'i dkyil 'khor du bya ba yin pas/ de'i phyir nam mkha' dbyings kyi zhes bya ba la sogs pa gsungs te/ de bzhin gshegs pa thams cad kyi rdul phra rab rnams las grub pa ni rdo rje 'chang chen po'i sku'o/ /bdag gi lus zhes bya ba ni 'khor lo'i lte ba na bzhugs pa'i bdag po'i dkyil 'khor gyi dbus na bzhugs pa'o/ /de nyid de bzhin gshegs pa thams cad las mchog tu gyur pa nyid yin pa'i phyir bla ma ste/ bdud rtsi lngas mchod par bya'o/ /rig ma 'dod pas ni lha'i bu mo la sogs pa rnams kyis de la mchod par bya ba yin pas/ bzhin bzang zhes bya ba la sogs pa gsungs te/ byin gyis rlabs kyi gnas zhes bya ba ni snying ga la sogs par lha mo'i 'khor lo rnam par dgod pa'i mthar thug pa'o/ /de nyid mchod pa zhes bya ba ni rang gi 'dod pa'i lha la mchog tu dga' bas mchod pa'o/ /blangs nas zhes bya ba ni pad+ma na gnas pa'i

  459. 230a

    byang chub kyi sems rang gi kha yis blangs nas so/ /mi shigs pa'i sku la sogs pa rnams sgrub par byed pa'i mchod pa ni sku gsung thugs kyi mchod pa'o/ /de'i phyir sngags rnams dngos grub byed pa zhes gsungs so// ye shes rdo rje can gyis zhes bya ba ni de bzhin gshegs pa rnams kyi'o/ /thabs dang shes rab kyi bde ba chen po las byung ba nyid yin pa'i phyir gsang ba'o/ /le'u brgyad pa'i rnam par bshad pa'o// // le'u lnga par mdor bstan pa'i mdo rnams bshad pa'i phyir / don dam pa'i dag pa'i de kho na nyid kyi don gyi dam tshig gi le'u de nas rgyal po rdo rje 'dzin zhes bya ba la sogs pa gsungs te/ de ni bshad zin to/ /sku gsung thugs dang ste/ sku rdo rje la sogs pa rnams dang/ dkyil 'khor gang la yang dag par ldan pa/ yod pa de ni sku gsung thugs dang yang dag par ldan pa'o/ /de ni rdo rje yang yin la mi phyed rdo rje gsum yang yin pas/ rdo rje mi phyed gsum ste rnam par snang mdzad la sogs pa rnams yin zhing/ de rnams kyi dkyil 'khor ni rdo rje mi phyed gsum gyi dkyil 'khor ro/ /sangs rgyas ye shes can gyi zhes bya ba la/ sangs rgyas rnams kyi ye shes ni me long lta bu la sogs pa rnams yin zhing/ gang dag la de rnams yod pa de dag ni sangs rgyas ye shes can te/ de bzhin gshegs pa rnams yin zhing/ de rnams kyi dkyil 'khor gsungs so/ /yang dag par sbyor ba las byung ba nyid yin pa'i phyir gsang ba ste/ de rnams kyi de kho na nyid do/ /nyams dga' ba ni yid du 'ong ba'o/ /mchog ni dam pa ste/ rab tu bshad cing bstan to/ /nam mkha' i dbyings zhes bya ba ni sangs rgyas spyan gyi b+ha ga'o/ /sangs rgyas ni

  460. 230b

    rnam par snang mdzad de/ de'i dkyil 'khor ni sangs rgyas dkyil 'khor ro/ /'dis dkyil 'khor phan tshun du bsgyur ba'i sbyor ba las de dang de 'grub par 'gyur ro zhes bshad pa yin no/ /rdo rje mi bskyod rab bsgoms nas zhes bya ba ni mi bskyod pa 'am zhe sdang rdo rje'o/ /lag tu zhes bya ba ni lag na thogs pa'i rdo rje 'bar ba ji 'dra ba de 'dra bar rang gi gsang ba'i rdo rje hUM las byung ba bsam pa ste/ rdo rje gsang ba 'di lta bus zhes rjes thogs nyid du 'chad par 'gyur ba nyid yin pa'i phyir ro// dus gsum pa'i sangs rgyas rnams zhes bya ba ni/ gal te dngos grub bsgrub pa la zhugs pa'i sgrub pa po'i slob dpon la sangs rgyas rnams gnod pa mdzad par gyur na de rnams kyang brlag par bya'o zhes bya ba 'di la der brjod pa'o/ /gtso bor ni slob dpon smod pa lhur len pa la sogs pa rnams kyi dbang du mdzad nas gsungs pa yin te/ 'di nyid las slob dpon smod pa lhur len dang/ /theg chen mchog ni sun 'don rnams/ /'bad pa yis ni bsad bya ste/ / yang na gnas nas bskrad par bya zhes gang gsungs pa'o/ /ci bcom ldan 'das kyis bud med la brten nas sha 'khon zhugs pa bzhin bdu 'di gsod sems kyis kun nas bslang ba yin par gsungs sam zhe na/ de ni ma yin te/ 'di ni gang gis slob dpon smod pa la sogs pa dmyal ba chen po dang ngan song du 'gro ba'i rgyu'i las byed pa rnams kyang mi bskyod pa'i sa thob par byed pa'i 'gro ba ma lus pa mngon par 'don pa'i bdag nyid can gyi snying rje chen po'o/ /gal te bdag nyid ma rgal bar gzhan ji ltar sgrol bar byed ce na/ ma yin te/ nam mkha' lding gi cha byad du byas pa'i lus can gyi sngags pas mchu rang gshog pa la sogs par snang ba med kyang sngags kyi mthu nyid kyis sprul la sogs pa'i dug gis non

  461. 231a

    pa'i sems can 'tsho bar byed bde bzhin du/ mi bskyod ba'i rnal 'byor bas kyang nyon mongs pa'i dug gis non pa rnams yang dag par 'don par byed do/ /sku gsung thugs kyi longs spyod ni zhes bya ba ni sangs rgyas dang sems can rnams kyi'o/ /rdo rjes zhes bya ba ni rang gi lag na thogs pa dang/ rang gi gsang ba dang/ gdan la sogs pas so/ /sems la mngon par 'dod pa'i dngos grub ni/ thugs kyi dngos grub ste/ bsgrub bya mi bskyod ba'i rnam par bsgrub pa yin zhing/ de thob par byed pa nyid yin pa'i phyir thugs kyi dngos grub 'thob byed pa'o/ /bsam gtan mchog ces bya ba ni de'i sems snang ba med par byas nas yi ge hUM las byung ba'i mi bskyod ba'i gzugs so/ /bsod nams kyi tshogs des ni bdag nyid kyis kyang rdo rje dngos grub chen po thob par 'gyur ro/ /'di lta bus zhes bya ba ni bshad ma thag pa'i rdo rjes so/ /sems can thams cad ces bya ba ni bla ma la smod par byed pa la sogs pa rnams so/ /mi bskyod ces bya ba la sogs pas ni 'di skad du bshad pa yin te/ bshad ma thag pa'i dkyil 'khor du ji skad bshad ba'i rnal 'byor dang ldan pas/ ji skad bshad pa'i sems can gyi yul la 'chad par 'gyur ba'i tshul bzhin du sdig pa ? ba dang kha sbyar dbye bar bya ste/ mdun na gnas pa'i rlung gi steng gi me'i dkyil 'khor la gnas pa'i lus til mar gyis bsdus la/ gter bu go cha dang bral pa dmigs la/ lag pa g.yas pa na gnas ba'i rdo rje 'bar bas bsnun te thal bar byas par blta bar bya'o/ /yang na bshad ma thag pa'i sems can rig ma'i pad+ma'i nang na gnas pa'i rlung gi steng gi me'i dkyil 'khor la gnas par bsams te/ rang gi snying ga nas

  462. 231b

    rdo rje spros la/ rig ma'i kha nas bcug ste de'i lus la thog gi phreng ba lta bu'i sngags kyi phreng ba 'bar ba dbab cing/ nyi ma bye ba phrag brgya'i 'od dang ldan ba'i rang gi gsang ba'i rdo rje 'bar bas bsnun te/ thal bar byas bar bsam par bya'o/ / de'i rnam par shes pa ni dri ma med ba'i rlung gis ma bskyod pa'i mar me'i me lce'i rnam par bsams te/ phung po la sogs pa byin gyis brlabs pa/ yi ge hUM las 'byung ba'i mi bskyod pa'i gzugs su bsgoms la/ badzra d+h+rik ces bya ba 'dis phyung ste/ mdun na yi ge raM las byung ba'i gru gsum gyi rnam pa'i shing rta la gnas pa 'og nas yi ge yaM las byung ba'i rlung gi dkyil 'khor gyis bteg la mngon par dga' ba'i 'jig rten gyi khams su btang ste/ khams gsum pa'i chos kyi rgyal srid chen po la yang dag par bkod nas/ de bzhin gshegs pa la sogs pa thams cad kyis dbang bskur te byin gyis brlabs par bsam par bya'o/ /de ltar mngon par 'du bya ba des ni mi bskyod pa'i zhing du de'i gzugs can gyi rgyal pa'i sras rnams su skye bar 'gyur ro/ /zhes bya ba'i don to/ /khyad par can du gyur pa ma yin pas kyang rnam pa gzhan gyi de kho na bzhin du mi bskyod pa'i gzugs su bskyed par bya'o/ /phyi rol gyis bsad pa sdig par 'gyur ba kho na'i zhe na/ de'i ma yin te/ zhe sdang gis rab tu phye ba'i lus dang ngag dang yid gsum gyi las ni sdug bsngal skyed par byed pa yin no/ /'dir ni snying rje chen pos de rnams la phan pa kho na'i phyir bsad par bya ba dang gsod par byed pa dang bsad pa'i bya ba ste mu gsum dang bral bas 'jug pa yin te/ snying rje'i sems 'byung ba'i dus su gsod pa'i sems 'byung bar mi 'gyur te/ snang ba dang mun pa bzhin du gcig la phan tshun 'gal ba dang/ dus gcig tu sems gnyis 'byung ba

  463. 232a

    med pa'i phyir ro/ /bdag yod na ni gzhan gyi 'du shes 'byung/ /bdag dang gzhan du 'byed pa las chags sdang te/ sdug bsngal thams cad rab tu 'byung ba ni/ /de dag la ni kun tu rag las yin/ zhes kyang bshad do/ /bcom ldan 'das kyis dzam+bu'i gling 'jig pa'i mdo las kyang /sgyu ma byed pas sems can ni/ /mang po sprul nas 'dir bsad kyang/ /der ni gsod byed 'ga' yang med/ /chos rnams mtshan nyid de bzhin no/ /zhes gsungs so/ /chos 'di ni skye ba gcig nas gcig tu de bzhin gshegs pa mdza' yas pa mnyes par bya ba lhur len pa/ khyad par du 'phags pa la lhag par mos pa/ bcom ldan 'das kyi gsung rab la yid ches bar gyur pa la bstan bar byi'o/ gzhan mi gtsang ba dang 'dres pa'i 'o ma'i btung ba'i bum pa la smod cing 'thung ba bzhin du lhag par mos pa yongs su rdzogs par byed smin par gyur pa la ni ma yin no/ /'di nyid bcom ldan 'das kyis/ dge slong dag gam mkhas rnams kyis/ /bsregs bcad bdar ba gser bzhin du/ /yongs su btags te nga yi bka' / /blang bar bya yang gus phyir min/ /zhes bya bas gsungs so/ /yongs su btag pa yang rgyud 'di nyid kyi byang chub kyi sems kyi le'u la sogs pa thams cad las bshad do/ /'dir ni yongs su mi shes pa nyid mchog tu yin par khas blang par bya yi/ dmyal par 'gro ba'i phyir sems phyin ci log pa gzhan ni ma yin te/ 'phags pa mdo sde dkon mchog brtsegs pa las/ gang du blos ni 'dzin par mi nus pa/ /bdag gis mi shes rab tu mi shes zhes/ /der ni de bzhin gshegs pa dbang por bzhag/ mi bzang byang chub thob ces bde gshegs gsungs zhes gang gsungs pa ste/ shin tu thal ches pas chog

  464. 232b

    go/ de tsam gyis ni 'dir/ srog gcod pa yi sems can gang/ /zhes bya ba'i mdo'i don bshad pa yin no/ /de nas zhes bya ba la sogs pa la bka' stsal to zhes bya bar sbyar ro/ /ye shes thar pa rab sgrub pa zhes bya ba ni /phyug po srang bye ba la sogs pa ser snam / non pa'i sems can rnams de spong ba'i ye shes yid bzhin gyi nor bu rin po che lta bus sangs rgyas kyi sku nyid du grub par byed pas na/ ye shes thar pa rab sgrub pa'o/ /bdag dang gzhan dang dngos po ste mdza' gsum rang bzhin gyis yongs su dag pa nyid yin pa'i phyir ngo bo nyid dag pa'o /de nyid kyi phyir nam mkha' bzhin du skyon dang yon tan gyi tshon rnams kyis bsgyur bar mi nus pa nyid yin pas gos pa med pa'o/ /ser sna dang ldan pa'i sems can rnams 'don pa'i bdag nyid can gyi spyod pa ni byang chub spyod pa yin zhing de rab tu rnam bar phye nas ston pas na rab ston pa ste/ dpal rdo rje sems dpa' o/ /dam tshig de nyid bka' stsal to zhes bya ba la/ 'da' bar bya ba ma yin zhing bdag dang gzhan gyis de kho na nyid 'thob par byed pa nyid yin pa'i phyir/ /dam tshig de nyid de dkyil 'khor ro/ /de nyid ni nam mkha' i dbyings kyi dbus gnas par /zhes bya ba gsungs ste mA ma kI'i b+ha gar ro/ /rdo rje'i dkyil 'khor ni mi bskyod pa'i dkyil 'khor ro/ /rnam par snang mdzad ces bya ba ni de'i dbus su sangs rgyas spyan dang snyoms par zhugs pa'o/ /sangs rgyas thams cad ces bya ba ni dkyil 'khor la rnams te yang dag par sbyor ba las kun tu byung la gnas ji lta ba bzhin du dgod par bya'o/ /de nas rang gi ba spu'i bu ga'i gseb rnams nas de bzhin gshegS pa spro ste/ 'phrog par mngon par 'dod pa'i rdzas kyi rigS la bcug nas/ /pad+ma dag la soD pa rin po che rnams kyi 'khyung khung du yongs su gyur par bsam par bya ba ni/ rin chen kun gyi sbyor ba yis/ /rdo rje'i gzuD te de bzhin gsheD pa rnams su bsam par bya'o zhes bya bas gsungs so/ /rdzas rnams thams cad 'phrog pa zhes bya ba ni bshad mthag pa rnams so

  465. 233a

    rdo rje gsum gyis zhes bya ba ni dag gis oM A:hUM dzin dzika che ge mo'i rdzas a karSha ya swAhA zhes bya ba brjod cing/ sems kyis mngon par 'dod pa bdag dang gzhan dang dngos po dang 'khor gsum yongs su dag pa la gnas pas/ lus las byung ba'i 'od zer gyi lcags kyu rnams kyis rdzas de bkug ste/ rang gi khyim dgang bar bya ba'o/ /nor gyi rgya mtshos zhes bya ba la sogs pas ni nor gyi bdag po rnams kyi phan yon gsungs te de ni go sla'o/ /sngags kyis mngon par 'dus byas pa'i stobs kyis gsad pa ni 'grub par 'gyur pa yin du chug na/ 'di la go rgyu ci zhig yod ce na/ rnal 'byor pa'i rgyud rnam par dag pa kho na'o/ /ci phyir zhe na/ bdag las gzhan lam 'gro cig snyam pa ni ser sna ste/ des non pa'i sems can gyis ni rang nyid kyis spyin par mi nus so/ /de'i phyir de lta bur gyur pa'i rnal 'byor pa'i rgyal pos 'khor gsum rnam par dag par gyur pa'i nor de bdag dang gzhan gyis nye bar longs spyod pa dang/ dkon mchog gsum la sogs pa la nye bar phul ba ni rdzogs pa'i byang chub kyi 'bras bu rab tu ster ba yin te/ dpal rnam par snang mdzad mngon par byang chub pa'i rgyud las kyang/ 'dir byang chub sems dpas ser sna can ma gtogs pa gzhan las thams cad kyi thams cad du ma byin par len pa spang bar bya ba yin no zhes gsungs so/ /gti mug gi rigs kyi dam tshig ni rigs thams cad kyi thun mong pa nyid yin no/ ji lta zhe na/ rigs kyi rgya mtsho kun la zhes gsungs so/ /de ni nye bar mtshon pa yin te/ rigs thaMs cad kyi rnal 'byor pa rnams kyis sdom pa bzhi nyams su blang bar bya ba yin no zhes bstan pa yin no/ /'di ni gzhan gyi nor la chags pa zhes bya ba mdo de'i don yin no/ /de nas rgyal po rdo rje 'dzin pas rab tu bka' stsal to/ /zhes bya bar sbyar ro/ /de la 'dod chags ni yang dag par sbyor ba

  466. 233b

    la kun tu chags pa'i mtshan nyid do/ /des thar pa rab tu sgrub pa ni sems can rnams kyi rgyud la thabs dang shes rab kyi bde ba chen po sgrub par byed pa'o/ /dbang po gnyis snyoms par zhugs pa nyid yin pa'i phyir gsang ba'o/ /zag pa med pa'i dga' ba mchog gi rang bzhin yin pa'i phyir dag pa'o/ /der yang mi dmigs pa'i phyir dmigs med pa'o/ /dbus gnas par zhes bya ba ni rin po che'i dam tshig gi ? ga'i nang na gnas par dkon mchog dpal gyi dkyil 'khor ro/ / dpag med che zhes bya ba ni de'i dbus su bdag nyid gos dkar mor rnam par bsgoms pa'i gar mkhan gyi bu mo dang snyoms par zhugs pa'i 'od dpag tu med par ro/ /sangs rgyas rnams kyis zhes bya ba yang dag par sbyor ba las/ 'byung ba'i dkyil 'khor pa rnams kyis dkyil 'khor thams cad yongs su dag par bya'o zhes bya ba'i don to/ /bud med rnam par sbyor pa zhes bya ba ni rig ma'i tshogs kyi dkyil 'khor pa yang dag par phyung ste/ lha thams cad dang lhan cig yang dag par sbyor ba bsgom pa'o/ /lha'i sku ni phyag rgya chen po'o/ /gsung ni chos kyi phyag rgya/ thugs ni las kyi phyag rgya'o/ /kun tu khyab pa'i shes rab lha mo'i gzugs su gyur pa de ni dam tshig gi phyag rgya ste/ phyag rgya bzhi pa de rnams dang gnyis su med par yang dag par sbyor ba'i phyir dam tshig bzhi'i sbyor ba ste nges so/ /mi phyed pa'i ye shes thob par byed pa'i thabs ni rdo rje'i tshul lo/ /de nyid bshad pa'i phyir de dag thams cad nye bar spyad zhes bya ba gsungs te/ phyag rgya bzhi'i? bdag nyid dang yang dag par ldan pa'i 'khor gyi dkyil 'khor dang bcas pas thams cad las khyad par du 'phags pa? ma lus par bstan par bya ba'o/ /dga' ba la sogs pa rab kyi

  467. 234a

    mthar phyin pa'i rang bzhin can gyi sku gsum sgrub par byed pa nyid yin pa'i phyir mi phyed sku gsum bsgom pa'o/ /sngags pa rnams kyis zhes bya ba ni lha gzhan gyi rnal 'byor pas kyang ste/ bcom ldan 'das kyis/ rdzogs sangs rgyas kyis 'dod pa bstan/ /dge slong gi 'phang mchog thob 'gyur/ /sgrub pa pos kyang de bzhin sbyar/ /sdom pa gsum la gnod pa min/ /zhes gang gsungs pa'o/ /'di ni rtag tu 'dod la spyod pa zhes bya ba de'i don yin no/ /de nas zhes bya ba la sogs pa la/ bka' stsal te zhes bya bar sbyar ro/ /rdzun du smra ba la dga' ba rnams de rnam par sbyong ba yang dag par bstan pa'i sgo nas don yod par grub pa'i rang bzhin gyi byang chub sems dpa' rnams su sgrub par byed pas na rdo rje sngags kyi don sgrub ba'o/ /sangs rgyas ni 'od dpag tu med pa ste/ de'i dkyil 'khor gos dkar mo'i mtsho skyes la gnas pa ni sangs rgyas dkyil 'khor ro/ /rdo rje don yod ces bya ba ni/ de'i dbus su sgrol ma dang yang dag par ldan pa'i don yod par grub pa snga ma bzhin du dkyil 'khor pa rnams kyis yongs su bskor pa bsam pa'o/ /sgyu ma la sogs pa bzhin du snang ba tsam gyi kun tu brtags pa'i dngos po rnams dngos su med do zhes bya ba'i brdzun pa'i don dang chos thams cad rang bzhin gyis 'od gsal ba zhes ston par byed pa'i mi phyed pa'i tshig rnams ni/ rdo rje tshig gi rdzun smra ba ste de rnams kyis so/ /thams cad gzugs su zhes bya ba ni/ 'jig rten pa dang 'jig rten las 'das pa'i brtan pa dang g.yo ba'i rnam pa can gyi dkyil 'khor po'i lha'i gzugs bsgom pa'o/ /rgyal ba kun gyi gnas zhes bya ba ni/ sangs rgyas

  468. 234b

    spyan la sogs ba rnams so/ /rgyal ba zhes bya ba ni sangs rgyas la sogs pa dkyil 'khor pa rnams so/ /bslu bar bya zhes bya ba ni zla gsang thig le la sogs pa las bshad pa'i bya ba'i sbyor ba? rnam pa tha dad pa rnams kyi sgo nas bslu ba ste rdo rje dang pad+ma yang dag par sbyor ba de la yang dag par sbyor ba'o/ /yang na don gyi khyad par mthong ba'i 'jig rten la grags pa las gzhan du rtsa dang mtshungs par 'khor gsum yongs su dag par brjod pa ste/ gzhan rnams bde ba'i don dang ni/ /slob dpon bde ba'i rgyu nyid dang/ dkon mchog gsum la phan pa'i phyir/ /rtag tu rdzun du smra bar bya/ /zhes 'byung ba'i phyir ro/ /de bas na nam mkha' i gsung de dri med pa zhes gsungs so/ /ye shes blo can rnams kyi zhes bya ba ni/ me long lta bu'i sogs pa'i ye shes rnams bsgrub pa la zhugs pa rnams kyi'o/ /gsang ba ni nyan thos la sogs pa rnams la gsang bar bya ba'o/ /rang gi 'dod pa'i lha'i go 'phang thob bar byed pa nyid yin pa'i phyir/ sngags kyi dngos grub 'thob par byed pa'o/ /dam tshig don yod par grub pa'o/ /de 'gugs par ni rnal 'byor pa'i rgyud de'i rang bzhin du byed pa'o/ /de don can gyi dam tshig gi de kho na nyid ces bya ba ni bshad zin pa'i mtshan nyid can gyi bslu ba'o/ /don ji lta ba bzhin du spro bar bya zhes bya ba ni ji ltar gnyis su bshad pa de kho na bzhin du bya'o zhes bya ba'i don to/ /lung las ni sbyor ba byas pa la sogs pa yan lag lngas srog gcod pas yoD pa bzhir 'gyur te/ gang yang rung pa gcig ma tshang na yang ma 'gyur ro zhes gsungs so/ /'dir ni yan lag gcig kyang mi dmigs pa'i phyir rang bzhin gyis rnam bar dag pa'i rdzogs pa'i byang chub kyi 'bras bu nyid sgrub

  469. 235a

    par byed pa nyid yin no/ /'di ni rdzun du smra la dga' ba dang/ zhes bya ba'i mdo'i don yin no/ /de nas zhes bya ba la sogs pa la bka' stsal to zhes bya bar sbyar ro/ /rgyal ba rnams kyi gnas ni rgyal gnas te/ de'i sku dang gsung dang thugs la de bzhin gshegs pa thams cad bzhugs pa'i phyir ro/ /mi phyed pa'i dngos grub yang dag par sgrub par mdzad pa nyid yin pa'i phyir rdo rje dngos grub rab ston pa'o/ /'phags ma sgrol ma'i? 'dab skyes su dam tshig /dkyil 'khor zhes bya ba ni don yod par grub pa'i dkyil 'khor ste/ de'i dbus su bdag nyid rin chen 'byung ldan du rnam par bsgoms nas so /gzugs rnams kun gyis zhes bya ba ni dkyil 'khor pa rnams dang til gyi gar bu dang mtshungs pa rnams kyis so /'di dag dgang zhes bya ba ni dkyil 'khor dang nam mkha' i dbyings kun tu dgang ba'o/ /rtsub pa'i dag la sogs pa ni zhes bya ba la sogs pa'i sgras ni so sor thar pa la sogs pa sdom pa gsum yong su dag pa bstan te/ mod sde rgyan las/ ltung ba kun las 'byung ba ni/ /stong nyid so sor rtog pa yin zhes gang gsungs pa'o/ /de la bcom ldan 'das kyis tshig rtsub po ni 'gro ba drug gi skyes bu don du byed cing rmongs pa rnams la gsungs so/ /de bzhin du bslab pa'i gnas gzhan dang gzhan dag kyang skye bo de dang de rnams kyi skyon dag la gzigs nas/ bcom ldan 'das kyis bcas kyi/ dang po nas rang bzhin gyis yongs su dag pa'i chos nyid kyi dgongs pa la brtan nas ni ma yin no/ /ci'i phyir de ltar shes she na/ skye bo'i skyon gyi rgyur 'gyur te/ de nyid phyir na bkag pa yin/ zhes 'byung pa'i phyir ro/ /bsten na ye shes thob par 'gyur/ zhes bya ba ni gsod pa la sogs pa

  470. 235b

    bzhin du ltung? ba thams cad bsten na rnam pa thams cad du mnyam pa nyid kyi ye shes kyi ngo bo'i dkon mchog dpal gyi rang bzhin gyi byang chub sems dpa' i ting 'dzin thob par 'gyur zhes bya ba'i don to/ /mos pa sna tshogs pa'i sems can gyi tshogs kyis mi phyed pa'i ting nge 'dzin 'thob par mdzad pa nyid yin pa'i phyir ro/ /rdo rje bkod pa ste rdo rje 'chang chen pos mi phyed pa de skad ces bka' stsal to/ /sngar mdor bstan pa'i tshig rnams thos nas/ chos la smad do? rgyal bar gyur pa rnams nam mkha' dang mnyam pa gnyis su med pa'i ye shes rdo rje'i ting nge 'dzin gyis bslang nas/ /slar de bshad pa na yang rigs chad pa dang/ rigs ma nges pa rnam par spros pas go ba rnams 'byung bar 'gyur bas de rnams dang rjes su mthun par bstan pa'i phyir /dam tshig rdo rje dpal la sogs pa'i byang chub sems dpa' chen po rnams bcom ldan 'das zhes bya ba la sogs bas ngo mtshar la sogs pa sngon du 'gro ba can gyi smod pa byed par gyur te bshad zin to 'das shing zhes bya ba ni khams gsum las kun tu 'das pa'o/ /khams gsum las kun tu 'das pa nyid kyis 'jig rten thams cad las 'das pa ste/ nam mkha' i dbyings kyi chos nyid gang yin pa de ni 'jig rten gyi khams thams cad kyi chos nyid yin pa'i phyir ro/ /yang dag pa ma yin pa'i tshig gi lam rdo rje'i gnas zhes bya pa la bden pa ni yang dag pa'o/ /bden pa ma yin pa ni yang dag pa ma yin pa ste/ de ston par byed pa'i tshig ni yang dag pa ma yin pa'i tshig go/ de'i lam ni dngos po la sogs pa rnams kyi gnyan por gyur pa'i rnam par thar pa'i sgob zhi'o/ /de nyid rdo rje ste sangs rgyas rnams kyi gnas dang rten yin te/ de la brten nas sangs rgyas nyid grub pa'i phyir de ni rdo rje gnas yin no/

  471. 236a

    de nas bcom ldan 'das de bzhin gshegs pa thams cad kyis zhes bya ba la sogs pa ni go sla'o/ /'di ni sdig pa yin no snyam pa ni dman ba'i 'du shes so/ /rmongs pas smad par bya'o snyam pa ni smad ba'i 'du shes so/ ma zhes bya ba'i sgra ni dgag pa ste mi bya ba'o/ /de ci'i phyir zhe na zhes bya ba ci'i phyir smad par bya ba ma yin pa'o/ /de'i phyir rigs kyi bu zhes bya ba la sogs pa gsungs te/ nyan thos la sogs pa'i sdom pa la zhugs pa rnams kyi las sdom pa'i sbyod pa ches mchog tu gyur pa'o/ /sdom pa thams cad kyi yongs su dag pa'i chos nyid ni de bzhin nyid de/ de thugs su chud pa'i phyir de bzhin gshegs pa nyid ces bya ba ni de bzhin gshegs pa'i spyod pa'o/ /yongs su dag pa'i chos nyid de ji lta bu zhe na/ rigs kyi bu dper na zhes bya ba gsungs te/ 'di lha ste zhes bya ba'i don to/ /nam mkha' i ni thams cad kyi rjes su song ba ste/ khyab par byed pa nyid yin pa'i phyir ro/ /chos thams cad kyang nam mkha' i khams su gtogs pa ni khyab par bya ba yin pa'o/ /de'i phyir 'dis ni chos thams cad skye ba med pa'i zhes bshad pa yin no/ /de nyid kyi phyir 'khar gzhod dang rgya shug gi 'bras bu'i tshul bzhin du rten dad? brten pa med pas/ 'dod pa'i khams la sogs pa na gnas pa ma yin no/ /sa la sogs pa'i khams ni du ma nyid yin pa'i phyir de rnams la tha dad par kun tu rtags pa med pas de rnams la yang mi gnas so/ /de ltar zhes bya ba ni de lta bur ro/ /'gro 'di thams cad sangs rgyas lnga'i bdag /sna tshogs gar dag bzang por snang ba ni/ /gang du 'dren pa bde chen zhes bya ba/ /gcig bu ro rnams du mar gar byed pa'o zhes gsungs so/ /sangs rgyas rnams kyi yon tan gyi tshogs kyi

  472. 236b

    'gyur gnas kyi chos de lta bur gyur pa rnams kyang 'chad par mdzad do/ /ci'i phyir zhe na/ 'di ltar don gyi dbang 'di lta bu mkhyen cir zhes bya ba gsungs te/ 'di lta bu zhes bya ba ni mi bskyod pa la sogs pa rnams kyi ting nge 'dzin gyi 'bras bu'o// sems can rnams kyi bsam pa zhes bya ba ni gsod pa la sogs pa la mngon par? dga' ba rnams kyi'o/ /nam mkha' i tshig nges par brjod pas zhes bya ba nam mkha' las byung ba'i mtshan ma bzhin du bshad pa thag pa'i sangs rgyas kyi yon tan gyi tshogs kyi 'byung gnas de bzhin gshegs pa thams cad kyi dam tshig rtogs par bya ste/ de'i phyir dman pa'i 'du shes bskyed par mi bya'o/ /yang gtsub shing dang gtsub stan la sogs pa las me 'byud? pa dang mi gnas pa'i dpe'i sgo nas brten nas byung ba sgod pa nyid du bstan te/ gang zhig rkyen las 'byung ba de ma skyes/ de la skye ba'i ngo bo yod ma yin/ /rkyen la dag las gang de stong par brjod/ /gang gis stong nyid shes te bag yod yin/ /zhes gang gsungs pa'i/ /'gro ba la sogs pa rnams kyis zhes bya bas ni 'di nas song nas gzhan du 'byung ba la sogs pa 'gog par byed do/ /de nas zhes bya ba la sogs pa ni de ltar spros pa'i sgo nas bstan pas de rnams kyis de kho na nyid rdzogs par 'gyur bas ngo mtshar la sogs pa bstan nas chos kyi sgra bsgrags pa'o/ /rmad byung chen po zhes bya ba sdom pa'i ngo bo nam mkha' dang mtshungs shing rnam par rtog pa dang bral ba rang bzhin gyis yongs su dag cing brjod du med pa rnams la kun rdzob du bshad par bya ba dang bshad pa'i bya ba 'jug bar 'gyur ro zhes bya ba'i don to/ /rmad byung chen po la sogs pa'i don dag pa nyid yin pa'i phyir don dag pa kho na nyid kyi don te rdo rje 'chang chen po'o//

  473. 237a

    'da' bar mi bya ba nyid yin pa'i phyir dam tshig ste/ don de ston par byed pa'i sgra'i tshogs la de skad ces bya'o/ /le'u dgu pa'i rnam par bshad pa'o// /bcom ldan 'das kyi gsung rab 'di ni phyin ci log ma yin pa'o/ /snyam du yid ches pa brtan pa/ nyin dang mtshan du cho ga mtshang ba med pas dam tshig la sogs pa'i bya ba ma lus pa bsgrub pa lhur len ba lhas rjes su gnang ba byin pa'i rnal 'byor pas/ gang gi tshe zla ba drug dang gsum dang gnyis dang phyed dang gnyis dang gcig dang zla ba phyed ste sgrub pa drug gi lha ma grub pa de'i tshe bdun pa btsan thabs kyi sgrub pa brtsams na nyid kyis gsungs pa'i dam tshig las 'das pa'i 'jigs pas nges pa kho nar 'grub par 'gyur te/ de'i phyir de bzhin gshegs pa thams cad kyi snying po bskul pa'i le'u/ de nas bcom ldan 'das de bzhin gshegs pa thams cad ces bya ba la sogs pas gsungs te/ bka' stsal to zhes bya bar sbyar ro/ /yang zhes bya ba'i sgra ni 'dus pa gnyis pa la bltos pa yin pa'i phyir ro/ /dam tshig chen po'i rdo rje ni dpal rdo rje sems dpa' o/ /de'i de kho na nyid mngon par rdzogs par byang chub pa ni thabs dang shes rab kyi bde ba chen po'o/ /de nyid skud de gsung dang thugs gsang ba zhes bya ste/ gzhon nu ma'i dga' ba bzhin du bstan par mi nus pa nyid yin pa'i phyir ro/ /de lta bu'i rang bzhin can gyi de bzhin gshegs pa la phyag 'tshal nas/ de nyid ces bya ba la sogs pa gsungs te/ bshad du gsol zhes bya bar sbyar ro/ /de nyid yi ge lnga pa'o/ /de nyid sgrub pa drug gi sngags snying por gyur pa rnams btsan thabs su sgrub pa'i sgo nas mdor bsdus pa'i 'bras bu nges par ster bar byed pa nyid yin pa'i phyir kun bsdus pa'o/ /

  474. 237b

    gsum gyi bdag nyid kyi snyoms par zhugs pa'i lha sgrub par byed pa nyid yin pa'i phyir sku dang gsung dang thugs gsang bar bsgrags so/ /rdo rje 'chang chen po la sogs pa'i dngos grub rnams sgrub par byed pa nyid yin pa'i phyir dngos grub chen po'i tshul te de nyid mchog yin no/ /de nas zhes bya ba ni gsol ba btab pa'i rjes thogs la'o/ /nyon mongs kun gyi rgya mtshon 'khor pa yin zhing/ de'i gtso bo ni ston pa ste/ nyon mongs pa bcom nas srid pa dang zhi ba mnyam pa nyid du ro gcig pa'i ye shes la sems can khams rnams so sor 'god par mdzad pa yin pa'i phyir ro/ /nyon mongs pa'i bung shing bsreg pa'i phyir 'bar ba'o/ /snying rje'i sgo nas dri ma med pa'i khro ba dang ldan pa nyid yin pa'i phyir drag po'o/ /shes rab kyi spyan phye ba'i phyir spyan yangs pa'o/ /gsung ni 'di skad bka' stsal to zhes bya ba ni lus dang ngag yid rdo rje rnams zhes bya ba la sogs pa rnams gsungs par gyur pa'o/ /rnam par mi rtog pa zhes bya ba ni rnam par rtog pa med pa'o/ /ci'i phyir zhe na/ 'di ltar? me dmigs pa yin pa'i phyir ro/ /mi dmigs pa nyid ni mnyam pa nyid ces bya bas bshad do/ /de ni gang duAng mi gnas zhes bya bas la shing de/ phung po la sogs pa rnams ni rten cing 'dril par 'byung ba'i gzung ba la sogs ba'i rnam par rtog pa dang bral ba nyid yin pa'i phyir gang duAng mi gnas pa'o/ /bsgom zhes bya ba ni bsgom pa nyid do/ /de ltar shes rab gtso bor gyur pa'i bsgom pas lha yang dag par 'grub par ni 'gyur? ba de'i phyir di? nas zhes bya ba la sogs pa gsungs te/ sngags bsdus pa 'di lta bu gsungs zhes bya bar sbyar ro/ /pha rol tu phyin pa ni rnam pa ? me rtog pa'i yi shes so/ /de las byung ba'i sngags ni yi ge ? sogs pa rnams yin zhes rang gi lha'i ting nge 'dzin sgrub par byed

  475. 238a

    pa nyid yin pa'i phyir tshul lo/ /de nyid rdo rje ste/ ting nge 'dzin gang la ming de skad ces bya ba nyid yod pa de mngon du mdzad nas so/ /bcom ldan 'das zhes bya ba la sogs pas/ de bzhin gshegs pa rnams 'dod chags kyi spyod pa can gyi sems can rnams rjes su gzung ba'i phyir/ rig ma la sogs pa rnams dang/ lhan cig 'dod pa'i yon tan lnga po rnams kyi rol cing dgyes la yongs su spyod pa lhur len pa mkhyen nas/ spyan ras kyis mi 'tsho ba'i rgyu kye ma 'di dag ni zhes bya ba la sogs pas gsungs te/ kye ma zhes nges par gzung pa'o/ /'di dag zhes bya ba ni sgrub pa po'o/ /de bzhin gshegs pa thams cad kyi sngags kyi spyod pa'i tshul zhes bya ba la/ de bzhin gshegs pa rnams kyi sngags kyi spyod pa ni sngags kyi sdom pa 'jug pa'i rang bzhin no/ /de nyid tshul gyi chos te rdzogs pa'i byang chub kyi 'bras bu ster bar byed pa nyid yin pa'i phyir ro/ /tshul de la gzhugs pa'i sngags pa gang yin pa de ni rdzogs pa nyid yin par rtogs par bya'o/ /rdzogs pa ni grub pa ste/ byang chub tu sems bskyed pa kho nas nges pa'i phung por gtogs pa nyid yin pa'i phyir rgyu la 'bras bu nye bar gtags pa'i sgo nas so/ /de'i phyir btang snyoms mdzad cing des kyang rnal 'byor pas 'grub par mi 'gyur te/ de bas na skyes bu dam pa de rnams te/ de bzhin gshegs pa de rnams kyis spyan ras kyis brtsal ba'i phyir ro/ /mi phyed pa'i sku la sogs pa rnams skyed par byed pa nyid yin pa'i phyir gsang bar bya ba'o/ /sngags thams cad kyi snying po kun tu bskul par byed pa zhes bya ba ni/ lha thams cad kyi thugs kun tu bskul bar byed pa'i sngags so/ /de nyid kyi phyir bshad par bya ba ma yin pa'o//

  476. 238b

    gtu mug gi rigs kyi lha rnams kyi sku la sogs pa rnams grub par bya ba'i phyir 'da' bar bya ba ma yin pa nyid yin pas de bzhin gshegs pa thams cad kyi sku dang gsung dang thugs kyi dam tshig la dmigs pa'o/ /de bzhin 'dod chags dang zhe sdang la sogs pa'i rigs kyi lha rnams grub par byas pa'i phyir 'da' bar bya ba ma yin pa'o/ /tshig gi lam nges par brjod pa zhes bya ba la/ tshig nyid lam ste sngags so/ /de'i nges par brjod pa ni rgyu dang bral ba nyid yin pa'i phyir yi ge ha ni chos thams cad kyi sgo'o/ /rtog pa dang bral ba nyid yin pa'i phyir ro/ /yi ge a ni chos thams cad kyi sgo'o/ /zhes bya ba la sogs pa'i bar du bshad pa'i nges par brjod pa dang bcas par ro/ /sngags btus pa ni rigs lnga'i snying po mdor bsdus pa'o/ /'di lta bu zhes bya ba ni de bzhin gshegs pa thams cad kyi snying po bskul bar byed pa'i sngags so/ /gsungs so zhes bya ba ni bshad pa'o/ /sngags btus pa 'di'i mthu ni rab tu 'drar zhes bya ba la sogs pas gsungs te/ 'di ni gdon mi za pa de bzhin gshegs pa thams cad kun tu bskul par byed pa yin no zhes rnal 'byor pa rnams la nges par bskyed pa yin no/ /bdag po dran pas ni 'jigs pa chen po la sogs pa rnams 'joms par 'gyur bas/ rdo rje sems dpa' rjes su dran no/ /dam tshig ces bya ba ni sku la sogs pa rnams grub par bya ba'i phyir yi ge hUM bsgom pa'o/ /nam mkha' dbyings kyi dbus gnas par zhes bya ba ni shes rab kyi chos 'byung du'o/ /bkod pa'i dkyil 'khor zhes bya ba ni yi ge hUM las byung ba'i dkyil 'khor pa'i lha tha dad pa rnams kyis yongs su bskor ba/ dpal rdo rje 'chang gis bsdus pa'i dkyil 'khor ro/ de'i dbus gnas yi ge hUM/ rang gi gzugs su zhes bya bas ni 'di skad

  477. 239a

    du bstan pa yin te/ de'i dbus na gnas pa'i dpal rdo rje 'chang gi nga rgyal dang ldan pas lhag par mos pa'i sems kyi byang chub kyi sems rnam par bsgoms la de nyid zla ba'i dkyil 'khor la gnas pa'i yi ge hUM du rab tu brtag par bya'o/ /rdo rje'i 'od zer zhes bya ba la sogs pas ni yi ge hUM las byung ba'i ye shes kyi 'od zer rnams kyi nam mkha' i dbyings ma lus ba khyab pa'i de bzhin gsheD pa la soD pa rnams la kun tu rig ste rdo rje 'chang chen po'i karma? par yongs su gyur par bsams la/ lcags kyu'i rnam par gyur pa de rnams nyid kyis bkug ste/ bcug la thams cad gyur nas rdo rje sems dpar bdag nyid bsgom par bya'o/ /de bzhin du rang gi sngags nyid kyi rnam par snang mdzad la sogs pa rnams kyi rten dang brten pa'i bkod pa'i dkyil 'khor bskyed par bya ba yin pas de'i phyir / rang gi dkyil 'khor rang sngags kyis/ zhes bya ba la sogs pa gsungs so/ /rang sngags skyes bu bsgoms nas ni zhes bya ba ni de'i dbus su rnam par snang mdzad la sogs pa gang yang rung pa'o/ /gnas bzhi rnams su gzugs kyi tshul zhes bya ba ni phyogs bzhi ru bdag nyid gzugs kyi tshul du ji rigs par mi bskyod pa la sogs pa sangs rgyas bzhi rdo rje gsum gyi bdag nyid dang zhal gsum par bsam pa'o/ /gtso bor gyur pa'i sgo nas de skad du bshad pa yin te/ de'i phyir ji skad bshad pa'i bkod pa'i dkyil 'khor kho na bsgom par bya'o/ /de ltar rnal 'byor byas pas gnyis su med par yang dag par sbyor ba'i sgo nas 'di brtsam par bya ste /snying ga'i dbus gnas zhes bya ba ni rang gi snying gar zla ba la ye shes kyi lha'i 'khor lo'o/ /de nyid dkyil 'khor rnams ni zhes bya bas gsungs te/ thugs

  478. 239b

    kyi dkyil 'khor la sogs pa rnams las gang yang rung ba'o/ /de'i dbus gnas zhes bya ba ni ye shes sems dpa' i thugs kar zla ba la rang gi sa bon no/ /rdo rje chen po rtse lnga pa zhes bya ba ni rdo rje'i rigs kyi rnal 'byor pas yi ge hUM las byung ba g.yas pa'i rtsa ba'i phyag dang gsang ba'i rdo rjer ro/ /sbyor bas zhes bya ba ni bsgom pa dang yang dag par sbyor bas so/ /de gnyi ka yang rigs thams cad kyi rnal 'byor pa rnams kyis rnam par bsgoms la/ phyis rang gi snying gi na gnas pa'i ye shes sems dpa' i thugs ka'i rdo rje'i lte bar rang gi sa bon rnam par bkod de/ 'khor lo la sogs pa'i gzugs su yongs su gyur par byas la/ de yang rdo rje lcags kyu'i rnam par bsgom te/ rang gi phyag mtshan gyi mtshan pa'i lcags kyur bsam par bya'o/ /de ga las shes zhe na/ rdo rje pad+ma'i rigs sogs rnams/ /rdo rje kyo bar rnam bsgom zhing/ /zhes rjes thogs nyid du 'chad pa las 'don pa dang rgyud rdo rje'i rigs gtsor gyur pa nyid yin ba'i phyir ro/ /de bzhin du de bzhin gshegs pa dang pad+ma'i rigs kyi rnal 'byor pas go rim bzhin du yi ge oM las 'byung ba'i 'khor lo dang yi ge a las byung ba'i pad+ma bsam par bya'o/ /de'i phyir rdo rje kyo ba'i sbyor ba yis/ /rdo rje gsum rnams bsgom par bya zhes gsungs so/ /de ni nye bar mtshon pa yin te/ de'i phyir rin po che dang las kyi rigs kyi rnal 'byor pa rnams kyis swAhA dag la rin po che dang ral gri lcags kyu ngag bsgom par bya'o/ /de yis snying gar brdab bya ste/ zhes bya ba ni dbye ba'i rim pa'i dus su rdo rje lcags kyus so/ /chad pa'i rim pa'i dus su ni rang gi rdo rjes brteg par bya'o/ /rab tu bskul bar bya zhes bya ba ni nyid kyi 'jig rten gyi khams na bzhugs pa'i ye shes kyi lha

  479. 240a

    rnam par spros pa'i lha mo'i tshogs rnams kyis bla na med pa la sogs pa'i mchod pa rnams kyis yang dag par mnyes par byas ste/ snyan cing 'jam la yid du 'ong pa'i tshig rnams kyis yang dag par bskul bar bya'o/ / dbye ba'i rim pa'i dus su yang lha'i gzugs de dang ds mtshan pa'i lcags kyu lag na thogs pas snying gar brdung zhing/ rdo rje chen po che ge mo zhes bya ba la sogs pas sgrob par byed du gzhug go /rdo rje thams cad kyi zhes bya ba de bzhin gshegs pa rnams kyi'o/ /rdo rje kyo bar rnam par bsgom zhing zhes bya bas ni 'khor lo la soD pa'i lcaD kyu bsgyed pa'i phyir yang rdo rje lcaD kyu kho na ? par bya'o zhes bstan pa yin no/ /rim pa gsum bsten pa'i sgo nas rab tu rnam par phye ste bshad pa ni rab bshad do/ /sangs rgyas rnams la gnod pa bya ba'i rang bzhin can gyi bstan pas 'ga' 'gyod par 'gyur du 'od bas/ de'i phyir 'di ni rol mo 'byung ba ste/ zhes bya ba gsungs te/ sgyu ma'i rol pa bzhin du 'di thams cad ni snang ba tsam yin zhing/ don dam par ni rang bzhin med pa'o/ /de bzhin gshegs pa rnams la ni sus kyang gnod pa bya bar nus pa ma yin te/ de rnams nam mkha' dang mtshungs pa nyid yin pa'i phyir ro/ /gal te de lta yin du chug na 'on kyang sems rab tu dang pa rnams kyi ni bcom ldan 'das bsod nams kyi phung po yin zhing/ sems rab tu dang bar mi byed pa rnams kyi ni bcom ldan 'das sdig pa'i phung po yin pas/ rnal 'byor pa'i rgyud gyi nyes pa yin no zhe na/ de ni ma yin te/ bcom ldan 'das kyis rjes su gnang ba'i mtshang ba med pas sems can rnams kyi don bsgrub pa nyid ni legs par byas pa yin gyi bka' las 'das pa ni ma yin no zhes

  480. 240b

    gsung sso/ /de bas na 'gyod pa med pa med pa'i phyir rdzogs pa'i byang chub thob par byed pa'i bsod nams kho na mngon par 'phel bar 'gyur gyi sdig par lta ga la 'gyur/ de skad du yang bshad gci klad pa rus pa khrag / sha chen sbyin sreg mi gtsang pas/ /ye shes sems dpa' rnams kyi zhal/ /ji ltar nges par dgang bar bya/ /sdig par ji ltar mi 'gyur te/ /gal te sdig 'gyur ji ltar 'bras/ /gsang sngags thabs ni rnam spangs shing/ /phyi rol dngos la mngon par zhe na/ /rnam rtog dra bas nges bcings pa/ /mi shes rmongs pa'i sems can gang/ /de la dge dang sdig pa yod/ /rnam rtog gis ni 'grub mi 'gyur/ /chos 'di rang bzhin dag pa ste/ /skye ba med cing gnas med yin/ /sems can ye shes 'phel bya'i phyir/ / sangs rgyas rnams kyis thabs su bstan zhes bya ba la sogs pa gsungs so/ /'di zhes bya ba ni bshad ma thag pa'o/ /zhag bdun par du byas na ni/ /zhes bya ba ji bstum pa'i nges pas zhag bdun na 'grub par 'gyur ba'o/ /de lta na yang ma grub na/ de nas dbye ba'i rim pas bskul bar bya'o/ /chad pa bcang pa'i rim pas kyang zhag bdun na'o zhes bya ba ni man ngag yin no/ /rim pa de rnams kyang sgrub thabs su rgyas par bshad zin to/ /des cing 'gyur zhe na/ ye shes rdo rje can zhes bya ba la sogs pa gsungs te/ ye shes rdo rje can gyis te/ mi phyed pa'i ye shes bsgrub pa la zhugs pa'i rnal 'byor pa rnams kyi rang gi 'dod pa'i lha'i sku dang gsung dang thugs 'grub par 'gyur ro zhes by aba'i don to/ /de nyid ni mchog stsol ba dag rnam par gzigs zhes bya bas gsungs te/ nyid kyi gsungs pa'i rigs lnga'i snying po kun tu bskul bar byed pa'i dam tshig las 'das pa'i 'jigs pas 'jigs pa yin gyis/ de rnams 'jigs pa la sogs pa gzhan ni

  481. 241a

    yod pa ma yin te/ mi 'jigs pa brnyes pa nyid yin pa'i phyir ro/ /sangs rgyas byang chub sems dpa' rnams zhes bya ba la sogs pas sangs rgyas sam byang chub sems dpa' yang dung sngags kyi spyod pa'i mchog spyod pa'i byang chub sems dpas ji skad bshad pa'i tshul bzhin du yang dag par bskul bar gyur pa ni/ gal te rab tu ma grub cing rmongs pas te/ rnam par me rtog pa'i ye shes kyis 'da' bar byed na/ de'i ste rnam par mi rtog pa'i ye shes can gyi sangs rgyas sam byang chub sems dpa' i'o/ /srog ni der zad 'gyur zhes bya ba ni/ 'das pa'i mthar thug par ro zhes bya ba'i don to/ /gal te sgrub pa po ji skad bshad ba'i rim pa bzhin du mi 'jug cing/ 'bras bu la dmigs te mdor bsdus ba'i sgo nas zhag bdun sgrub pa rtsom pa na/ de yang kun tu rmongs pas nyams par 'gyur ro zhes bya ba 'dis ni sbyor ba 'da' bar bya ba ma yin pa'o zhes rnal 'byor pa rnams kyi sems la nges par skyed par byed do/ /de nas zhes bya ba la sogs pa ni bshad zin no/ /sngags kyi skyes bu ji snyed pa zhes bya ba mi bskyod pa la sogs pa rnams/ /rdo rje gsum gyi ye shes rdzogs/ zhes bya ba ni/ sku rdo rje la sogs pa'i tshogs gzhug pa la sogs pa'i byin gyis brlabs kyis rdzogs par byas pa'o/ /dngos po thams cad ni phyi dang nang gi bdag nyid can gyi phung po la sogs pa rnams te/ de dag la rdo rje dang chu skyes yang dag par sbyor ba'i bsgo nas nam mkha' i dbyings kyi mthas gtugs ba'i tshad dang ldan pa'i dkyil 'khor pa'i lha'i rnam pa'i thabs dang shes rab ro gcig par dmigs pa ni/ dbang po gnyis kyi sbyor ba yis/ /dngos po

  482. 241b

    thams cad brtag par bya'o/ /bdag nyid kun tu 'gro ba'i dkyil 'khor gyi bdag nyid du bsgom pa 'das na de kho na nyid yang dag par bskul bar bya ba nyid do/ /snying po kun tu bskul bar byed pa'i sbyor ba ches khyad par du 'phags pa gzhan no?/ rig ma'i dbang phyug ces bya ba la sogs pa gsungs te/ rig ma'i dbang phyug ni mi bskyod pa la sogs pa rnams kyi rang gi rigs kyi lha mo chen mo rnams so/ /zhugs pa la rdo rje'i/ sbyor ba rab bsgom zhing zhes bya ba ni/ de'i b+ha gar yid kyi rang bzhin gyi rang gi lha'i gzugs su zhugs te/ de'i thugs ka na gnas pa'i ye shes kyi rig ma yang dag par sbyor bas rjes su mnyes par byas la/ de yang dbang du gyur cing shin tu rjes su chags par spyan mar bsgom par bya 'o/ /de ltar na lha mo'i thugs yang dag par bskul bar 'gyur ro/ /de nas bya ba la sogs pa ni bshad zin to/ /'jig rten khams ni thams cad na zhes bya ba ni 'dod pa'i khams su gtogs pa rnams na ste/ gzhan na dbang po gnyis po la sogs pa med pa'i phyir ro/ /tha snyad kyi sgo nas de ltar yin gyi rnal 'byor nga'i mos pa'i dbang gis ni thams cad na yang yod pa yin no/ /phyag rgya chen po ni sangs rgyas spyan no/ /dam tshig gi phyag rgya ni mA ma kI 'o/ /chos kyi phyag rgya ni gos dkar mo'o/ /las kyi phyag rgya ni sgrol ma ste/ de rnams la de lta bu'i rang bzhin can du dmigs pa ni phyag rgya che sogs sbyor ba ste/ de yis so/ /thams cad ces bya ba ni 'dod par gtogs pa'i 'jig rten gyi khams thams cad na gnas pa rnams dang/ rang gis yongs su brtags pa rnams te/ sems rin po che la nges pa med pa'i phyir ro/ /des ni 'di skad du bstan pa yin te/ ji lta ba bzhin du rang gi lha'i rnal 'byor byas la/

  483. 242a

    nam mkha' i dbyings thams cad khyab pa'i bud med kyi tshogs? sangs rgyas spyan la sogs pa'i rnam par yongs su gyur pa rnam par bsams te/ rang gi ting nge 'dzin las rang gi lha'i gzugs nyid rnam par spros la/ de rnams kyis bla na med pa la sogs pa'i mchod pa rnams kyis de rnams nye bar longs spyad par bya'o/ /de'i phyir sangs rgyas gnas ni der spro bya zhes bya ba gsungs so/ /des kyang nyon mongs pa gtso bo rnam par spyod ba'i thabs bstan pa'i sgo nas yang dag par bskul pa kho na bshad pa yin te/ sngags kyis mngon par 'dus byas ba'i dug za ba bcud kyis len du 'gyur ba bzhin no/ /yul rnams 'di dag la ni nyam nga nyid/ /rang nyid kyis med 'on kyang rmongs pa yis/ /dri med blo yi rgyung? ldan rnams kyis ni/ /'di rnams zhi ba'i ngang gi rgyu ru 'gyur/ /le'u bcu pa'i rnam par bshad pa'o// //le'u dang po las bstan pa'i rten ba'i lha rnams rdzogs par bya ba'i phyir byin gyis brlabs pa dang/ rten la sogs pa rnams bshad de/ /de bzhin gshegs pa thams cad kyi rdo rje'i skyes bu mchog ces bya ba'i ting nge 'dzin la snyoms par zhugs te zhes bya ba ni de bzhin gshegs pa thams cad kyi sku dang gsung dang thugs dang rdo rje'i skyes bu bskyed pa'i rnam par thugs rtse gcig par mdzad nas zhes bya ba'i don to/ /de bzhin gshegs pa thams cad kyi sngags rdo rje ni yi ge oM la sogs pa rnams te/ de dag nyid mngon sum du rig pa'i 'bras bu dang ldan pa 'am/ rig ma dang yang dag par ldan pa'i skyes bu skyed par byed pa nyid yin pa'i phyir rig pa'i skyes bu'o/ /rdo rje gsum yi ge sngags kyi mchog/ ces bya ba la sogs pas ni gsum gyi bdag nyid can gyi lha bskyed pa bstan to/ /nam mkha' rdo rje dbus

  484. 242b

    gnas par zhes bya ba ni le'u dang po la bshad pa'i de bzhin gshegs pa thams cad kyi rdo rje btsun mo'i b+ha ga'i dbus su'o/ /dkyil 'khor rdo rje kun skyes zhes bya ba la/ 'di rnams ni rdo rje yang yin la kun yang yin pas na rdo rje kun te/ mi bskyod pa la sogs pa de bzhin gshegs pa lnga yin zhing/ de rnams kyis bskyed pa'i ye shes kyi dkyil 'khor gyi sa'i cha la de skad ces bya'o/ /'di skad du bstan pa yin te/ sgrub thabs kyi tshul bzhin du shes rab kyi chos 'byung ji lta ba bzhin du bskyed la de'i dbus su snyoms par zhugs pa'i mi bskyod pa'i rnal 'byor dang ldan pas ye shes sems dpa' rjes su bcug ste/ /las la gnas pas mchog tu dga' ba'i gnas skabs su zhu bar gyur pa ye shes kyi rlabs dang ldan pa'i rgya mtsho chen po'i gzugs su yongs su gyur par bya'o/ /de bzhin du rnam par snang mdzad rjes su zhugs pas pra ba nyid dang/ de bzhin du rin po che'i dam tshig la sogs pa rnams dang snyoms par zhugs pa'i dkon mchog dpal dang 'od dpag tu med pa dang don yod par grub pa rnams zhugs pas /go rim bzhin du rgyu che bar gyur pa dang/ ye shes kyi 'bar par byin gyis brlab pa dang/ bsdus nas gru bzhi'i rnam par gyur par shes par bya'o/ /rdo rje'i sprin ni 'phro bskyed pa/ /zhes bya ba ni nam mkha' i dbyings thams cad khyab? pa'i 'od zer gyi sprin 'gro ba'o/ /de ru yi ge b+h+ruM bsam mo zhes bya ba ni/ de bzhin gshegs pa thams cad kyi ye shes kyi rang bzhin gyi sa'i cha de ru'o/ /rdo rje gsum yig ces bya ba la sogs pas bstan pa'i don gsal bar bya ba'i phyir/ rdo rje dkyil 'khor zhes bya ba la sogs pa gsungs te/ rdo rje ni mi bskyod pa ste/ /de'i dkyil 'khor yin zhing/ de'i dbus su yi ge oM bsam par bya'o/ /des ni sku thugs kyis 'thob par 'gyur ro zhes 'byung ba'i phyir/ thugs kyi rten la sku'i

  485. 243a

    yi ge rnam par bkod do/ /bsal ba'i dkyil 'khor ni rnam par snang mdzad kyi zla ba'i dkyil 'khor te/ de'i dbus su yi ge a bsam par bya'o/ /sku yod na gsung 'jug pa'i phyir sku'i rten la gsung gi yi ge rnam par bkod do/ /chos kyi dkyil 'khor ni 'od dpag tu med pa'i pad+ma dmar po 'dab ma brgyad pa ste/ de'i dbus su yi ge hUM bsgom par bya'o/ /sems kyis kun tu brtags pa'i don yang dag med pa'i mi 'jug pas de'i phyir gsung gi rten la thugs kyi yi ge rnam par dgod pa mdzad de/ /des ni phan tshun 'brel pa nyid du bstan pa'i sgo nas gsum po rnams tha mi dad par gsungs pa yin no/ /yi ge b+h+ruM gis gnas bsgoms te/ rdo rje gsum 'byung bsgom par bya zhes bya bas ni/ dang po kho nar sgrub thabs las bshad pa'i cho ga bzhin du yi ge b+h+ruM gis bskyed ba'i rin po che'i rang bzhin gyi mchod rten gru bzhi 'od zer gyi 'phreng pa rnams kyis brgyan pa'i gnas bsam la/ de'i dbus na gnas pa'i rnal 'byor pa rdo rje 'chang gi mos pa dang ldan pas yi ge gsum las byung ba bsgom par bya'o zhes bstan to/ /snying po zhes bya ba ni sku la sogs pa'i byin gyis rlob par byed pa'i yi ge gsum po nyid de/ de'i phyir/ sku gsung thugs ni mnyes byed pa/ zhes gsungs so/ /rdzogs pa'i byang chub sgrub par byed pa dang/ byin gyis rlob par byed pa'i sgo nas mchog tu gyur pa nyid yin pa'i phyir byang chub mchog go /'di ni zhes bya ba ni bshad ma thag pa'o/ /sangs rgyas thams cad kyi zhes bya ba ni/ sangs rgyas la sogs pa la thams cad kyi'o/ /sangs rgyas byang chub ni thabs dang shes rab gnyis su med pa'i rang bzhin te/ de khyad par du sgrub par byed bas na/ sangs rgyas byang chub rab bsgrub pa'o/ /ye shes rdo rjes sprul pa ste/ /zhes bya ba ni ye shes lnga'i bdag

  486. 243b

    nyid kyi rdo rje 'chang chen pos zhes bya ba'i don to/ /'di dag zhes bya ba ni/ bshad ma thag pa'i sngags rnams so/ /sems can gyi rgyud sangs rgyas la sogs pa'i sku skyed par byed pa nyid dang/ sku la sogs par byin gyis rlob par byed pa nyid yin pa'i phyir sangs rgyas skyes bu'o/ /de'i phyir rdo rje mi phyed gsum bsgoms pa'o/ /dam tshig sogs pas rdzogs par 'gyur zhes gsungs so/ /de bzhin gshegs pa thams cad kyi sku dang gsung dang thugs kyi dam tshig ni nyi ma dang zla ba dang chu skyes la kun tu gnas pa'i yi ge gsum las byung ba'i lha'i gzugs so/ /de nyid shes rab kyi rnam par dag pa nyid yin pa'i phyir/ de kho na nyid kyi ye shes so/ /grub pa'i gzugs de brtan par bya ba'i rgyu nyid yin pa'i phyir rdo rje byin gyis rlob pa'i rgyu ste/ gang la ming de skad bya ba nyid yod pa de skad ces bya'o/ /gzhung de tsam gyis ni ji lta ba bzhin du rnal 'byor dang rjes su rnal 'byor byas pas phung po la sogs pa byin gyis brlab pa sngon du 'gro ba can gyi sku dang gsung dang thugs byin gyis brlab pa la thug pa'i rnal 'byor chen po bya'o zhes bstan to/ /dben zhing zhes bya ba la sogs pas ni dngos grub bsgrub pa dang mthun pa'i gnas gsungs so/ /de la dben zhing zhes bya ba ni ri'i phug gam/ phyi rol gyi skye bo'i chogs med pa'o/ /rab tu nyams dga' bar zhes bya ba ni sgrub pa po'i yid dang rjes su mthun par ro/ /'di ni zhes bya ba ni 'chad par 'gyur pa'o/ /zla ba phyed kyis zhes bya ba ni sngon du bya ba ji lta ba bzhin du byas shing lha rnams kyis rjes su gnang ba byin pa'i rnal 'byor bas gnod du rung ba la phab pa'i lhas bris pa'i sku'i dkyil 'khor du yang dag par 'dug ste/ gnas pa zhes bya ba ni snying ga na gnas pa'i ye shes sems dpa' i sku'i thugs kar zla ba'i steng gi rdo rje'i lte ba la'o/ /'di ni dam tshig kyang yin la chen po yang

  487. 244a

    yin pas dam tshig chen po ste/ rdo rje 'chang chen po'o/ /de yi de nyid ni yi ge hUM ste/ sangs rgyas la sogs pa thams cad skyed par byed pa nyid yin pa'i phyir ro/ /kha dog rnam lngar zhes bya ba ni/ 'od zer sngon po la sogs pa 'bar bar ro/ /rdo rje kun dang rgyal ba'i gnas zhes bya ba ni 'jig rten gyi khams thams cad kyi rdul phra rab kyi rdul snyed kyi mi bskyod pa'i rigs kyi dkyil 'khor rnams slos? pas nam mkha' khyab pa'o/ /ye shes rdo rje dag gis zhes bya ba ni sgrub pa pos so/ /rdo rje thugs 'dra bar zhes bya ba ni/ thugs rdo rje bzhin du ye shes dang yon tan tshad med pa 'byung par 'gyur ba'o/ /de bzhin gshegs pa thams cad kyi sku dang gsung dang thugs kyi dam tshig rdo rje ni mi bskyod pa ste/ de zhal gsum pa'i gzugs su bskyed pa'i rnam par sems rtse gcig pa ni ting nge 'dzin no/ /ye shes dkyil 'khor dbus su ni/ /rdo rje chen po bsgom bya ste/ /zhes bya ba ni rdo rje 'chang chen po'i dkyil 'khor du bdag nyid dpal rdo rje sems dpa' bsams nas so/ /lus rnams kun la kham zhes bya ba ni mgo dang lkog ma dang snying ga'i phyogs su 'khor lo dang pad+ma dang rdo rje la gnas pa'i yi ge kham bur ba ltar sngo ba zla tshes dang thig le dang rtse mo 'phra ba dang ldan zhing 'od zer sngon po'i 'phreng ba 'phro ba rnam par bsams nas/ bdag nyid kyang nam mkha' dang mtshungs par bsam pa'o/ /nam mkha' rdo rje'i dam tshig ni dpal rdo rje sems dpa' ste/ nam mkha' dang mtshungs pa'i chos ston pa'i phyir ro/ /sku la sogs pa rdo rje rnams mi snang? ba ni mi mthong ba'o/ /de 'byung bar bya ba'i phyir bkod pa'i? 'phreng ba ni gnas ji lta ba bzhin du rnam par bkod pa'i yi ge rnams kyi 'od zer gyi rlabs kyi gzugs te/ ting nge 'dzin gang la de yod pa de la de skad ces bya'o/ /

  488. 244b

    rdo rje'i dkyil 'khor dbus su ni/ /rang sngags skyes bu rab bsams la/ /zhes bya ba ni gsung rdo rje'i dkyil 'khor du rang gi sngags las grub pa'i 'od dpag tu med pa'o/ /snying gar zhes bya ba ni rig ma'i pad+ma na gnas pa'i byang chub kyi sems kyi zla ba la yi ge haM dmar skya rnam par bsams la de yang rdo rje ral grir rnam par bsgom ste/ de la byung ba'i 'od zer gyi tshogs rnams kyis nam mkha' kun tu gang bar bzhugs pa'i sangs rgyas dang rdo rje 'chang la sogs pa rnams la kun tu reg nas/ 'phags pa 'jam dpal gyi gzugs su yongs su gyur par bsams la lcags? kyu'i rnam par gyur pa de rnams nyid kyis bkug ste/ rdo rje ral gri de la bcug nas/ thams cad yongs su gyur pa las bdag nyid 'phags pa 'jam dpal rdo rjer bsgom par bya'o/ /de ltar nyin dang mtshan du bsgom pas rnal 'byor pa des bcu'i dbang phyug 'phags pa 'jam dpal du 'gyur ro/ /dpal 'jam pa'i mgon ni thams cad mkhyen pa'i ye shes mngon du mdzad pa nyid yin pa'i phyir byang chub kyi bdag nyid kyi sems dpa' nyid do/ /de'i phyir de'i lha mo gzugs rdo rje ma la sogs pa drug dang/ sangs rgyas spyan la sogs pa bzhi ni 'bras bu'i rang bzhin nyid kyi sa bcu yin par brjod do/ /'jig rten gyi tha snyad dang mthun par rang bzhin gyi lo bcu drug pa'i gzugs can yin te/ bud med rnams gzhon nu gzugs kyi dbang du 'gyur ba yo byad thams cad dang ldan pas bsgrub pa brtsams na zla ba phyed kyi nang du nges pa kho nar 'grub par 'gyur ba'o/ /bsgrub pa de nyid ni gsal ba'i dkyil 'khor zhes bya ba la sogs pas gsungs te/ gsal ba'i dkyil 'khor zhes bya ba ni rnam par snang mdzad kyi dkyil 'khor dbus kyi cha na zla ba gsal bas nye bar

  489. 245a

    mtshan ba'o/ /nam mkha' rdo rje'i dbus zhes bya ba ni btsun mo'i pad+ma'i dbus su'o/ /rang gi sngags kyi dam tshig bskyed/ ces bya ba ni rdo rje 'chang chen por rnam par bsgoms la/ kun tu bzang mo'i pad+ma las/ dzi na dzika ces bya ba'i sngags las byung ba'i sku rdo rje byung ste bcug pa'i sgo nas bdag nyid rnam par snang mdzad kyi gzugs su'o/ /yi ge oM ni snying gar bzhag ces bya ba ni rang gi snying ga na gnas pa'i pad+ma'i steng gi zla ba la bzhugs pa'i ye shes sems dpa' i thugs kar zla ba'i steng gi 'khor lo la'o/ /rnam par snang mdzad mchog tu bsgom zhes bya ba ni yi ge oM las byung ba'i 'od zer dkar po la sogs pa'i tshogs rnams kyis rang gi lus kun tu gsal bar byas la/ ba spu'i bu ga'i gseb nas byung ba de rnams kyi rtse mo las rab tu thub pa'i rnam par snang mdzad rnams spros pas nam mkha' i dbyings ma lus pa kun tu khyab par byas te/ bsdu ba dang bstim pa dang brten par bya par dang rjes su mnyes par bya ba dang bzhi yang dang yang du bsam pa'o/ /sangs rgyas sku dang 'dra ba'i 'od ces bya ba ni rnam par snang mdzad dang 'dra ba'i byang chub sems dbar 'gyur ro/ /ye shes lngar ldan bsten na ni/ /zhes bya ba la sogs pas ni sangs rgyas kyi zhing de dang de rnams su me long lta bu la sogs pa'i ye shes can gyi de bzhin gshegs pa rnams bsten na bskul pa grangs med pa gsum du gnas par 'gyur ro/ zhes kha cig zer ro/ /gzhan dag na re sku dang gsung dang thugs rdo rje nyid du brtags te/ ye shes lnga'i rang bzhin can gyi bdag nyid la bla na med pa la sogs pa'i mchod pa rnams kyis mchod cing gnas par bya'o zhes zer ro/ /sku'i gsang ba ston par byed pa'i

  490. 245b

    phyir sku rdo rje gsang ba ste/ dpal rdo rje sems dpas so/ /ting nge 'dzin gang la de bzhin gshegs ba thams cad kyi sku rdo rje'i gzugs su byang chub sems dpa' skyed par byed pa'i 'od zer bkod pa yod pa de la de skad ces bya'o/ /chos kyi dkyil 'khor ni 'od dpag tu med pa'i dkyil 'khor ro/ /rang gi sngags kyi skyes bu bskyed ces bya ba ni/ a ro lake? ces bya ba 'dis snga ma bzhin du'o/ /a ni dag gi lam bzhag ste zhes bya ba ni lce'i chu skyes kyi lta bar ro/ /'jig rten dbang phyug gi mchog bsgoms pas zhes bya ba ni de las byung ba'i 'od zer dmar po la sogs pa'i rtse mo las grub pa'i 'od dpag tu med pa rnams spros pas nam mkha' kun tu bkad ste/ snga ma bzhin du bsdu ba la sogs pa bya ba'o/ /dam tshig ye shes zhes bya ba ni byang chub sems dpa' o/ /rdzogs byas de zhes bya ba ni bshad ma thag pa'i tshul bzhin du'o/ /tshig gi dam tshig lnga'i mchog ni gsung rab kyi yan lag dgu ston par byed pa'o/ /de ltar bsgoms pas 'od dpag tu med pa dang mtshungs pa'i byang chub sems dpa' ? 'grub par 'gyur ro/ /de bzhin gshegs pa thams cad kyi gsung rdo rje'i dam tshig ni byang chub sems dpa' i gzugs te gang las de 'byung zhing skye ba de la de skad ces bya'o/ /rdo rje'i dkyil 'khor ni mi bskyod pa'i dkyil 'khor ro/ /nam mkha' rdo rje ni snga ma bzhin no/ /rdzogs byas la zhes bya ba ni badzra d+h+rika ces bya ba'i sngags kyi de kho na bzhin du'o/ /sems la yi ge hUM nyid yin pa'i phyir ro/ /gnas pa zhes bya ba ni chos 'byung du 'khor gyi dkyil 'khor dang lhan cig rim gyis de rnams dga' par byed cing gnas pa zhes bya ba'i don to/ /ting nge 'dzin gang la zla ba dang rdo rje'i rim gyis bskyed pa'i byang chub sems dpa' i ye shes kyi dam tshig yod pa de la de skad ces bya'o/ /nam mkha' dbyings kyi dbus su bsam/ zhes bya ba ni ji lta

  491. 246a

    bzhin du sangs rgyas spyan gyi chos 'byung gi nang na gnas pa'i rten dang brten ba'i dkyil 'khor gyi dbus na bzhugs pa'i rnam par snang mdzad du bdag nyid yang dag par sbyor bas gnas pa'i rig ma'i pad+mar yi ge ? kha dog dkar po 'od zer sna lnga rab tu 'phro ba rab tu bsams la/ de yang yi ge gsum gyis byin gyis brlab pa'i sa'i snying por dem par bsam ste/ phyung nas des sems can thams cad kyis lha'i mig thob par byas te/ de bkug nas rang gi lus la bcug ste/ bdag nyid rnam par snang mdzad kyi rang bzhin gyi sa'i snying por bsam par bya'o/ /mtshon mchog zhes bya ba ni lha'i mig gi mngon par shes pa thob pa'i phyir smrin ma bteg cing rnam par gdangs pa'i mig gis lag mthil du skyu ru ra'i 'bras bu bzhag pa bzhin du dngos po thams cad yang dag par mthong ba'i sgo nas so sor rtogs pas mtshon mchog ste sa'i snying po'o/ /de skad du yang mda' dang gzhu dang smin ma bteg pa zhes gsungs so/ /rdo rje'i sku dang zhes bya ba ni rgyur gyur pa'i rnam par snang mdzad dang 'dra bar 'gyur ba'o/ /nam mkha' rdo rje zhes bya ba ni pad+ma yin zhing/ deng dang yang dag par sbyor ba las lha thams cad 'byung ba ni dam tshig ste/ ting nge 'dzin gang la brtan pa'i lha'i bkod pa'i gnas pad+ma nyid yod pa de la de skad ces bya'o/ /'jig rten pa'i mngon par shes pa yang yod pas de la khyad par du bya ba'i phyir/ sangs rgyas mngon shes dam tshig mchog ces bya ba la sogs pa gsungs te/ sangs rgyas rnams kyi mngon par shes pa ni/ lha'i mig dang/ rna ba dang/ sngon gyi gnas rjes su dran pa dang/ gzhan gyi sems shes pa la/ rdo rje rdzu 'phrul rnams rnam pa thams cad du shes pas na mngon par shes pa'o/ /de rnams nyid 'da' bar mi bya ba nyid yin pa'i phyir dam tshig ste/ de rnams kyi

  492. 246b

    mngon par shes pa lnga dang ldan pa dang 'dra bar 'gyur ro/ /'di ni zhes bya ba ni bshad ma thag pa dang 'chang par 'gyur ba thugs la bsngogs nas gsungs pa'o /sangs rgyas dkyil 'khor zhes bya ba ni mA ma kI dang mi bskyod pa'i dkyil 'khor ro/ /rdo rje sems dpa' zhes bya ba ni/ de'i dbus su mi bskyod pa ste/ rdo rje sems dpa' ni mi bskyod pa zhes 'byung ba'i phyir ro/ ye shes ni byang chub kyi sems kyi bdag nyid kyi dang po'i rdo rje ste/ de'i lte ba'i yi ge oM ni ye shes oM mo/ /bsgom par bya zhes bya ba ni/ rig ma'i pad+mar de yang gyur nas phyag na rdo rje'i gzugs su bsam pa'o/ /rdo rje dam tshig gsum zhes bya ba ni/ /yi ge gsum gyis sku la sogs pa byin gyis brlab pa byas la gyur? ste des kyang sems can rnams kyis rna ba'i mngon par shes pa thob par byas la/ de bkug nas rang gi lus la bcug ste bdag nyid phyag na rdo rje'i gzugs su bsgom pa'o/ /mi bskyod pa'i sku 'dra dang zhes bya ba la sogs pas ni mi bskyod pa'i rang bzhin can gyi phyag na rdo rjer 'gyur ba'o/ /sku mngon? bar? byang chub pa gang la mi bskyod pa nyid dam tshig ste/ rgyu yod pa de nyid rdo rje yin zhing/ ting nge 'dzin gang la de yod pa de la de skad ces bya'o/ /sangs rgyas dkyil 'khor zhes bya ba ni/ rin po che'i dam tshig gi chos 'byung gi nang du rin chen 'byung ldan gyi dkyil 'khor lo/ /nam mkha' rdo rje rab bsgoms la/ zhes bya ba ni de'i dbus su rin chen 'byung ldan nyid de/ rgyu la 'bras bu nye bar btags nas brjod do/ /rin chen oM zhes bya ba la/ nyi ma 'chang ka lta bu'i rin po che zung brgyad pa'i nang na gnas pa'i yi ge oM ni rin chen oM mo/ /rab bsgom bya zhes bya ba la sogs pas ni/ /nam mkha' i snying po la sogs pa kun tu bzang po la thug pa rnams rang gi de bzhin gshegs pa gyur ba sngon du 'gro bas bskyed

  493. 247a

    pa dang/ phyag na rdo rje bzhin du sems can thams cad kyi sna dang lce dang lus dang yid kyi skye mched rnams sbyad? ba bstan to/ /dkon mchog dpal gyi 'od dang 'dra zhes bya ba ni/ de dang mtshungs pa'i kha dog dang dbyi bas la sogs pa dang ldan pa'o/ /bdag med byang chub kyi ye shes ni thabs dang shes rab mnyam pa nyid kyi ye shes so/ /de nyid sba bar bya ba nyid yin pa'i phyir gsang ba'o/ /stobs dang mi 'jigs pa la sogs pa sangs rgyas kyi yon tan tshogs rnams kyi rten nyid yin pa'i phyir gnas so/ /'gyur zhes bya ba ni sgrub pa po'o/ /rin po che'i dam tshig ni dkon mchog dpal te/ gang la de'i longs spyod de sku mi phyed pa yod pa de la de skad ces bya'o/ /sangs rgyas dkyil 'khor ni gos dkar mo'i pad+ma 'od dpag tu med pa'i dkyil 'khor ro/ /'jig rten dbang phyug ces bya ba ni 'od dpag tu med pa'o/ /pad+ma dmar skya 'dab ma brgyad pa'i lte ba na gnas pa'i yi ge oM ni chos kyi oM mo/ /sems can thams cad rdo rje theg pa chen po bstan pa'i sgo nas kun tu dga' bar byas te/ lam de las 'dzung par byed pas na theg chen lam ni 'byung ba'o/ /yon tan ched med cing mi phyed pa rnams kyi mthu ni nus pa khyad par can te gang la de phun sum tshogs pa'i dpal yod pa de la de skad ces bya'o/ sangs rgyas dkyil 'khor ni 'phags ma sgrol ma'i mtsho skyes la gnas pa'i don yod par grub pa'i dkyil 'khor ro/ /rdo rje utpa la ni don yod grub pa ste/ utpa lAM? mtshan mas nye bar mtshon pa'i 'phags ma sgrol ma dang yang dag par ldan pa nyer? yin pa'i phyir rdo rje utpal zhes bya'o/ /dam tshig ni sna tshogs rdo rje ste/ de'i lte ba'i yi ge oM ni dam tshig oM mo/ /rdo rje don yod 'dra ba'i 'od/ /ces bya ba ni don yod par grub pa dang mtshungs pa'i sgrib pa thams cad rnam

  494. 247b

    par sel bar 'gyur ba'o/ /mi shes pa'i rlabs 'joms pa dang/ /ye shes kyi rgya mtsho mngon par 'phel bar byed pa'i phyir ye shes mtsho'o/ /de nyid kyi phyir 'jig rten las 'das pa'i ting nge 'dzin rnams phun sum tshogs pa'i sgo nas 'gro ba ma lus ? gyi don byed pa'i sems can kun don 'byung ba'o/ /'phags pa kun tu bzang po yang rim pa 'di nyid kyis bskyed par bya ste/ gnyi ga yang las kyi rigs nyid yin pa'i phyir bcom ldan 'das kyis tha dad par rnam par dbye ba mdzad do/ /gdon mi za? ba'i dam tshig ni don dam par grub pa ste/ de las byung ba ni sgrib pa thams cad rnam par sel pa'o/ /'od zer ye shes mchog ni don yod par grub pa nyid de/ 'od zer gyi dkyil 'khor la bzhugs pa nyid dang de'i 'od zer las byung ba nyid yin pa'i phyir ro// de las byung pa ni kun tu bzang po ste/ ting nge 'dzin gang la de dag yod pa de la de skad ces bya'o/ /snga ma bzhin du dam tshig gi dkyil 'khor du rnam par snang mdzad kyi rnal 'byor byas te/ sku gsum oM ni rab tu bsgom zhes bya ba la/ yi ge oM dang pos ni chos kyi sku'i rang bzhin gyi zla ba'i dkyil 'khor ro/ /gnyis pas ni/ 'khor lo rtsabs brgyad pas bcu'i dbang phyug rnams la chos kyi 'khor lo bskor bar byed pa'o/ /gsum pas ni de'i lte bar sprul pa'i sku'i bdag nyid do/ /bar du bskor zhes bya ba la sogs pas ni sa'i snying po'i ting nge 'dzin bskyed pa bzhin du byams pa'i ting nge 'dzin bskyed par bya bar bstan te/ 'on kyang yang dag par spyod pa las byung nas sems can thams cad phan tshun byams pa chen po'i sems dang ldan par byed do/ /de ni zhes byas? na rnal 'byor pa'o/ /ye shes ni me long lta bu'i ye shes te/ de yis phyin ci ma log pa'i rnam par rtogs pas ni rdzogs pa'i byang chub bo/ /sku gsum mi phyed bsgrub pa zhes bya ba ni rang nyid sku gsum gyi bdag nyid can yin pa'i phyir

  495. 248a

    sems can rnams kyang de'i rang bzhin can du sgrub par byed pa yin no zhes bya ba'i don to/ /lus dang ngag dang yid dmigs pa zhes bya ba ni/ lus dang ngag dang yid rnams la rnam par snang mdzad kyi rgyu mthun pa byams pa'i rnam par bsgoms pa yin zhing /gang la de nyid rdzogs pa'i byang chub dang/ de nyid rdo rje yin pa yod pa de la de skad ces bya'o/ /rnam par dben pa zhes bya ba la sogs pas ni mngon par shes pa bsgrub pa'i gnas gsungs so/ /mi bskyod ye shes rdo rje sogs zhes bya ba ni/ rang gi btsun mo'i nam mkha' i dbyings na gnas pa ji skad bshad pa'i dkyil 'khor du mi bskyod pa la sogs pa lha gang yang rung ba'i rnal 'byor byas nas so/ /sangs rgyas mchog ni gnas su bsgom zhes bya ba la/ sangs rgyas ni rnam par snang mdzad la sogs pa rnams so/ /de rnams kyi mchog ni dam pa ste rgyal ba'i sras sa'i snying po la sogs pa rnams sam/ sangs rgyas kyi gzugs yin zhing/ de rnams kyang mig la sogs pa'i gnas rnams su bsgoms na mngon par shes pa lnga dang ldan par 'gyur ro/ /de brjod par bya ste mig dang rna ba dang sna dang lce dang lus kyi skye mched rnams la/ bshad ma thag pa'i sa bon rnams kyi sa'i snying po dang phyag na rdo rje nam mkha' i snying po dang/ 'jig rten dbang po dang sgrib pa rnam par sel ba'i gzugs rnam par bsgom par bya'o/ /de nas dang pa'i dbang po rnam par dag pa'i 'phags pa sa'i snying po bsgom pa grub pa grub pas ni lag mthil gyi skyu ru ra'i 'bras bu bzhin du dngos po thams cad mthong ngo/ /de kho na bzhin du phyag na rdo rje bsgoms yas? ni bskal pa 'jig rten gyi khams rnams gnas pa'i sgra rnams rna drung na gnas pa bzhin du thos te/ dad pa dang ldan pa nyid kyis

  496. 248b

    yang dag par mthong ba dang thos pa yin no zhes bya ba'i rigs pas so/ /dran pa'i dbang po rnam par dag pa'i 'phags pa nam mkha' i snying po bsgoms pas ni bskal pa grangs med pa 'das pa'i dus kyi skye ba la sogs pa dang bya ba la sogs pa byung bzhag gsum pa la byung ba bzhin du dran par 'gyur ro/ /ting nge 'dzin gyi dbang po rnam par dag pa'i 'phags pa 'jig rten dbang phyug bsgom pas ni sems can gyi sems kyi spyod pa dang bya ba dang g.yo ba thams cad rnam pa thams cad skad cig gcig kho nas shes par 'gyur ro/ /brtson 'grus kyi dbang po rnam par dag pa'i 'phags pa sgrib pa thams cad rnam par sel ba bsgom pa'i sgo nas grub pa ni rnam pa sna tshogs pa'i sprul pa rnams kyis 'gro ba ma lus pa rnams kyi bya ba sgrub bar byed do/ /shes rab kyi dbang po rnam par dag pa'i 'phags pa kun tu bzang po snying gar bkod pa'i bsgom pas kyang zag pa thams cad zad pa'i ye shes grub par 'gyur te/ de ni mngon par shes pa drug pa'o/ /lha'i rnal 'byor gyi dus su yang tha mal pa'i mig la sogs pa'i rnam par rtog pa spang bar bya ba dang/ rnam par byang ba'i ngo bor bsgrub pa'i phyir/ de rnams dgod par bya ba kho na yin te/ 'di nyid las rdo rje skye mched nyid dag ni/ byang chub sems dpa' i dkyil 'khor mchog /zhes bstan pa'i phyir ro/ /dkyil 'khor la ni 'phags pa 'jam pa'i rdo rje la sogs pa byams pa la thug ba'i byang chub sems dpa' brgyad dgong par bya'o zhes bya ba ni man ngag yin no/ /mngon par shes pa'i dam tshig ston par mdzad ba'i phyir dam tshig chen po rdo rje mngon par mkhyen pa ste dpal rdo rje sems dpa' o/ /gnas lnga dag tu sbyor bar yis zhes bya ba ni ji ltar mi bskyod pa'i rnal 'byor pas bshad ma thag pa'i gnas lnga ru yi ge hUM las byung ba'i rdo rje rtsa lnga pa 'od zer

  497. 249a

    dkar po la sogs pa dang ldan pa bsgom pas mngon par shes pa lnga dang ldan par 'gyur ba de bzhin du/ rnam par snang mdzad kyi rnal 'byor pas oM las byung ba'i 'khor lo bsgom pas kyang de kho na bzhin du 'gyur pa'o/ / de ni nye bar mtshon pa yin te/ dkon mchog dpal la sogs pa lha gang yang rung pa sgom pa pos rang gi sngags las byung ba'i bdag nyid kyi phyag mtshan gnas lngar bsgom pas kyang mngon par shes pa lnga dang ldan par 'gyur ro zhes bstan pa yin no/ /rdo rje nam mkha' i dkyil nyid du zhes bya ba la sogs pa ni ji skad bshad pa'i rnam par snang mdzad kyi dkyil 'khor gyi dbus na bzhugs pa'i rdo rje 'chang chen por mos pa dang ldan pas rang gi snying ga'i zla ba la yi ge oM bkod la/ de'i 'od zer gyi tshogs rnams kyis lus la sogs pa snang ba med par byas te/ chos thams cad la bdag med par lhag par mos pa'i sgo nas bdag nyid 'khor lo'i rnam par yongs su gyur par bsams nas/ de la de bzhin gshegs pa thams cad bcug ste/ thams cad gyur par byas nas rnam par snang mdzad kyi gzugs su bsgom pa na de dang 'dra bar 'gyur bar bstan to/ /de'i phyir sangs rgyas gnas dang 'dra bar 'gyur zhes gsungs so/ /de ltar chul 'dis gang gi mtshan ma'i phyag rgya'i gzugs su gyur bar byas te bdag n yid bsgom pa ni de dang mtshungs par 'gyur ro/ /sangs rgyas ni rdo rje 'chang ste de'i dkyil 'khor ni sangs rgyas dkyil 'khor ro/ /'di ni thams cad la kun tu sbyar bar bya ste/ sangs rgyas rdo rje 'chang du brjod zhes 'byung ba'i phyir ro/ /bdag gi lus la snang mdzad bzhag/ zhes bya ba ni/ de'i dbus su rdo rje 'chang gi brgyal dang ldan pas 'dug ste/ rang gi snying ga'i zla ba la yi ge oM bkod

  498. 249b

    la/ de las byung ba'i 'od zer gyi tshogs rnams kyis nam mkha' i dbyings thams cad khyab pa'i de bzhin gshegs pa la sogs pa rnams la kun tu reg ste rnam par snang mdzad kyi gzugs su yongs su gyur pa bsdus nas rang gi lus la bcug ste/ thams cad gyur par byas nas bdag nyid rnam pa snang mdzad du bsam pa'o/ /sngags la rnam par shes pa bsgom zhes bya ba ni rang gi snying ga na bzhugs pa'i ye shes sems dpa' i thugs kar zla ba la yi ge oM bkod la/ der gyur pa'i sems kyi nga rgyal du ji srid mngon sum du mthong ba de srid du nyin dang mtshan du bsgom par bya ba'o/ /sgra la sogs pa nye bar gyur pa 'dzin pa'i shes pa'i rgyu ba med pa'i phyir 'gog pa'o/ /rdo rje sems nyid du zhes bya ba ni yi ge oM de rang bzhin du gyur par ro/ /de ltar bsgom pa'i sgo nas sems rin po che brtan par gyur pa'i rnal 'byor pa de ni yid bzhin gyi nor bu rin po che bzhin du mngon par 'dod pa'i dbang gis sangs rgyas nyid la sogs pa'i dngos grub 'grub par byed par 'gyur ro/ /rnam par snang mdzad bzhin du mi bskyod pa dang 'od dpag tu med pa sgom pa yang blta bar bya'o/ /de ni nye bar mtshon pa yin te/ dkon mchog dpal la sogs pa lha gzhan gyi rnal 'byor pa rnams kyis kyang rim pa de kho na bzhin du snying gar sngags bsgom par bya zhing/ 'bras bu yang de dang 'dra ba kho na'o/ /gsal pa'i dkyil 'khor zhes bya ba ni/ btsun mo'i nam mkha' i dbyings kyi rnam par snang mdzad kyi dkyil 'khor te/ de'i dbus su rnam par snang mdzad kyi rnal 'byor ji lta ba bzhin du byas la/ mgo dang lkog ma dang snying ga'i phyogs na gnas pa'i 'khor lo'i lte bar yi ge oM kha dog dkar po bkod do/ de las byung ba'i ye shes kyi bdud rtsi zla ba lta bu'i tshogs rnams kyis lus

  499. 250a

    kyi yan lag thams cad kun tu khyab pas bsam par bya'o/ /bsgom pa de'i sgo nas grub pa ni rnam par snang mdzad dang mtshungs pa'i bskal par gnas pa'i sku can du 'gyur ro/ /de bzhin du rang gi dkyil 'khor na gnas pa'i 'od dpag tu med pa'i rnal 'byor pas lus la soD pa'i gnas na gnas pa'i pad+ma'i lte ? yi ge A dang/ mi bskyod pa'i rnal 'byor pas ni rdo rje'i lte bar yi ge hUM bkod la/ de las byung ba'i ye shes kyi bdud rtsi khab lta bu'i tshogs rnams kyi rang gi lus kun khyab par sgom pa na grub pa ni bskal par gnas pa'i sku bzang po dang ldan par 'gyur ro/ /sku dang gsung dang thugs gtso bor byas pa'i sgo nas de skad du bstan pa yin te/ lha gzhan sgom pa pos rim pa de nyid bzhin du rang gi sngags bkod de sgom pa yang bskal par gnas par 'gyur ro/ /le'u bcu gcig pa'i rnam par bshad pa'o// //de ltar 'gog pa'i rdo rje bsgom pa'i sgo nas mtshan ma thob pa'i rnal 'byor pa rnams kyis mi snang ba la sogs pa'i dngos grub bsgrub par bya ba dang/ rnal 'byor dang rjes su rnal 'byor byas pa rnams kyis phung po la sogs pa byin gyis brlab pa'i rjes thogs la sku dang gsung dang thugs byin gyis brlab pa'i gsol ba gdab par bya dgos pas/ de bzhin gshegs pa thams cad kyi rdo rje sbyor ba'i dam tshig bsgrub pa'i mchog bstan pa'i le'u bcu gnyis pa de nas zhes bya ba la sogs pa gsungs te/ bka' stsal pa zhes bya bar sbyar ro/ /lam log par lhung ba'i sems can gyi khams rdzogS pa'i byang chub kyi thabs kyi lam yang dag pa la gzhug par bya ba'i phyir ston par mdzad pas na ston pa'o/ /sems can gyi rgyud rnams sangs rgyas la sogs pa'i rnam par skyed par mdzad pas na bskyed pa'o/ /de bzhin gshegs pa

  500. 250b

    thams cad kyi ye shes ni ye shes mchog ste de sems can rnams kyi rgyud la skyed par mdzad pas na ye shes mchog sgrub pa'o/ /'byung ba rnams ni sems can dang sems can ma yin pa'i rang bzhin rnams te/ de rnams nam mkha' dang mtshungs pas 'da' bar bya ba ma yin pa ni mkha' mtshungs dam tshig 'byung ba rnams so/ /rnam par rtog pa thams cad dang bral ba ni don dam par skye ba med pa rnams so/ /de'i phyir chos rnams rang bzhin dag pa la zhes bya ba gsungs so/ /rol mo 'di dag rab tu bsgom zhes bya ba ni/ 'jam pa'i rdo rje la sogs pa bsgom pa'i rang bzin 'chad par 'gyur pa'o/ /dgon pa chen po'i sa phyogs sam/ zhes bya ba la sogs pas ni dngos grub thams cad bsgrub pa'i gnas gsungs so/ /de la kun nas dpag tshad bco lnga'i tshad dang ldan zhing grong la sogs pa med pa'i dgon pa ni dgon pa chen po'o/ /gzhan ni go sla'o/ /sngar bshad pa'i cho ga kho na bzhin du yi ge mi las bdag nyid 'jam pa'i rdo rje'i gzugs su rnam par bsgoms te/ lus dang ngag dang yid kyi gnas su bkod pa'i 'khor lo'i dkyil 'khor la yi ge mi 'od zer rab tu 'phro ba bkod la/ 'od zer gyi rtse mo las byung ba'i 'phags pa 'jam pa'i rdo rje'i sprin spros pa rnams kyi nam mkha' kun tu bkang ste/ bsdu ba dang bstim ba dang brtan par bya ba dang rjes su mnyes par bya ba snga ma bzhin du yang dang yang du bsgom pa na 'jam pa'i rdo rjer 'gyur ro zhes bya ba'i don to/ /dpal rdo rje 'jam pa'i mchog gi dam tshig ni de sgom pa po'o/ /de mi snang ba ste mi mngon par byed pas na mi snang bar byed pa ste/ ting nge 'dzin gang la ming de skad ces bya ba nyid yod pa de la de skad ces bya'o/ /khar bcug nas ni bsgom par bya ba ni/ /phul du byung ba 'thob cing lta rnams kyis rjes su gnang ba byin pa'i gnas 'byor pa 'jam pa'i rdo rje la sogs pa'i gang yang rung ba'i

  501. 251a

    rnal 'byor dang ldan pas rang gi sku dang gsung dang thugs rdo rje las byung ba'i bdud rtsi lnga cha mnyam par byas pa ma sha gcig blangs te/ grangs? mngas? ba cig dang rtul ma sha gnyis dang gser ma sha bzhes go rim bzhin du gtums pa'i ri lu byas la/ rang gi kha 'am rig ma'i bya'i mchur bcug ste/ de'i nang na gnas pa'i dkyil 'khor dang bcas pa'i rang gi bdag po nam mkha' dang mtshungs pa'i rnam par bsams la/ de na gnas pa'i de bzhin gshegs pa thams cad dang lhan cig tha mi dad pa'i nga rgyal du bsgom pa'o/ /kha cig na re kha thams cad du bcug la bsgrub par bya'o zhes zer ro/ /rang gis sngags kyi rab bsgoms nas zhes bya ba ni/ rang gi dkyil 'khor la gnas pa'i rnam par snang mdzad kyi rnal 'byor dang ldan pa 'am/ gtsug tor chen po'i rnal 'byor ngang ldan pas yi ge oM 'am yi ge b+h+ruM gyis mdun du 'khor lo 'od 'phro ba dang bcas shing mdangs mchog dang ldan pa bskyed la de'i nang na gnas pa'i sangs rgyas thams cad sgro ba dang bsdu ba'i tshul du ji srid 'bar bar gyur pa de srid kyi bar du bsgom/ de nas sangs rgyas spyan zlos shing blang bar bya ba'o/ /de nas 'bar bar gyur pa'i steng du dbang chen gyi dkyil 'khor bsgoms na zhi bar/ 'gyur te/ de thogs pa nyid kyis rnam par snang mdzad dang mtshungs pa 'am/ gtsug tor chen po dang mtshungs par 'gyur ro/ /gang la 'khor lo bskyed pa'i dam tshig ste rgyu yod pa de la de skad ces bya'o/ /rdo rje chen po'i rang sngags kyis zhes bya ba ni/ rang gi dkyil 'khor na gnas pa'i rdo rje 'chang chen po'i rnal 'byor ram/ mi bskyod pa'i rnal 'byor byas la/ mdun du yi ge hUM las rdo rje 'bar ba bskyed de/ de'i nang na gnas pa'i rdo rje'i rigs bsgom zhing 'bar bar gyur pa de

  502. 251b

    kho na bzhin du rang gi rig ma zlos shing blang bar bya'o/ /yon tan dag gi gnas zhes bya ba ni sangs rgyas kyi yon tan gyi tshogs thams cad kyi rten mA ma kI la sogs pa rnams so/ /gang la rdo rje dang mnyam zhing mtshungs pa'i dngos grub nyid yod pa de la de skad ces bya'o/ /rang sngags rdo rjes zhes bya ba ni de kho na bzhin du yi ge a yis so/ /chos rnams kun gyi zhes bya ba ni pad+ma'i rigs kyi lha rnams kyi'o/ /snga ma bzhin du thogs pas bsam gyis mi khyab chos ni 'od dpag tu med pa ste de dang 'dra bar 'gyur ro/ /ri rab sum cu rtsa drug gi rdul phra rab kyi rdul snyed kyi de bzhin gshegs pa rnams kyis so/ /dag pa'i bdag nyid ces bya ba ni dag pa'i bdag nyid kyi byang chub sems dpa' o/ /sangs rgyas ni rdo rje rnam par snang mdzad la sogs pa rnams yin zhing/ de rnams kyi mchog gi dkyil 'khor ni khams gsum pa'i chos kyi rgyal po'i gdan te/ de la bzhag nas dbang bskur bar mdzad do zhes bya ba'i tha tshig go/ padmo mnyam pa nyid ces bya ba ni snga ma dang 'dra ba kho na'o/ / gnas zhes bya ba ni bshad zin to/ /rang gi sngags kyis ral gri bsgom zhes bya ba ni snga ma bzhin du ral gri thogs pas 'grub pa'o/ /ral gri 'dzin pa'i dus su bzlas pa'i rig sngags ni 'phags ma sgrol ma'o/ /rdo rje gsum rig 'dzin pa ni don yod par grub pa dang mtshungs pa'i byang chub sems dpa' o/ /lha min phyag byas pa zhes bya ba ni stong gsum gyi bdag po rnams kyis kyang zil gyis mi non pa'o/ /spyod pa'i rgyud la sogs pa rnams kyis 'grub pa'i rig pa 'dzin pa rnams las mchog tu gyur pa nyid yin pa'i phyir mi mchog gsang ba'o/ /de dngos grub ji lta bu mngon par 'dod pa de lta bu rdo rje 'chang chen pos de la ster bar 'gyur ro/ /ral gri thams cad las dam par gyur ba ni ral gri thams

  503. 252a

    cad kyi dam pa yin zhing/ gang la de nyid dam tshig yin pa yod pa de la de skad ces bya'o/ /oM ni ri lu tsa na ka'i/ 'bru tshang du bsam nas ni/ zhes bya ba ni mtshan ma thob pa'i rnal 'byor pas rang gi dkyil 'khor du rnam par snang mdzad kyi dkyil 'khor byas te/ yi ge oM las byung ba'i tsa na ka'i 'bras bu'i tshad tsam gyi ri lu rnam par bsams la/ de'i dbus su de kho na bzhin du rang gi bdag po bsam pa'o/ /de bzhin du 'dod chags dang zhe sdang gi rigs dag len rang gi lha'i rnal 'byor gyis ye shes a dang yi ge hUM ngag gis ri lu bsgrub par bya'o/ /mkha' dbyings gsal ba'i dkyil gnas par zhes bya ba ni/ sangs rgyas spyan gyi nam mkha' i dbyings kyi sku'i dkyil 'khor gyi dbus na gnas pa'i zla ba'i gdan la rnam par snang mdzad kyi rnal 'byor byas te/ g.yas pa'i rtsa ba'i phyag na yi ge oM las byung ba'i 'khor lo de bzhin gshegs pa'i rigs spro ba dang bsdu ba dang ldan pa thogs pa bsam pa'o /rdo rje chen po'i rigs bsgom ste/ /zhes bya ba ni/ rnam par snang mdzad la sogs pa'i rigs kyi rnal 'byor pa rnams kyis kyang bsgrub par bya ba'o/ /rdo rje skur ni rab sbyor zhing/ zhes bya ba ni rnam par snang mdzad la sogs pa bsgom pa bzhin du rigs thams cad kyi rnam pa rnams kyis bsgom par bya ba'o zhes bya ba'i don to/ /de bzhin du mi bskyod pa dang rin chen dbang dang 'od dpag tu med pa dang don yod par grub pa'i rnal 'byor pa rnams kyi rang gi rig ma'i pad+ma na gnas pa'i rang gi dkyil 'khor gyi dbus su go rim bzhin du nyi ma dang rin po che dang pad+ma dang 'od kyi gdan rnams la 'dug ste/ oM dang hUM dang A dang ? zhes bya ba rnams las g.yas pa'i rtsa ba'i phyag tu rdo rje dang rin po che dang pad+ma dang ral gri rnam par bsgom par bya'o/ /

  504. 252b

    'phags pa stobs po che la sogs pa'i rnal 'byor pa rnams kyis kyang rim pa de kho na bzhin du rang gi phyag mtshan rnams bsgrub par bya ba yin pas/ de'i phyir rtse gsum zhes bya ba la sogs pa gsungs so/ /'da' bar bya ba ma yin pa'i phyir 'khor lo la sogs pa'i dngos grub sgrub pa ston par mdzad pa'i phyir /dam tshig chen po'i dngos grub rdo rje ste dpal rdo rje sems dpa' o/ /brtul zhugs spyad cing dngos grub sgrub pa la zhugs pa'i rnal 'byor pa rnams kyis thun bzhing dam tshig bsten par bya ba yin pas/ de phyir rdo rje lcags kyu la sogs pa sgrub pa sngon du 'gro ba can gyi bud med la sogs pa dgug pa gsungs te/ re zhig dang por lam gyi bzhi mdo la sogs pa'i gnas su dkyil 'khor kun tu brtags la/ de'i dbus su 'dug ste/ rdo rje lcags kyu bsgrub par bya ste/ sbyor gsum rdo rje can zhes bya ba ni rang gi snying ga'i pad+ma'i steng gi zla ba la zhugs pa'i ye shes sems dpa' i ngo bo'o/ /sbyor gsum zhes bya ba la sogs pa ni bdag nyid gsum gyi rang bzhin can gyi dpal rdo rje 'chang gi gzugs su grub pa'i bar du'o/ kyo ba dang zhes bya ba ni ye shes sems dpa' i thugs ka'i zla ba la gnas pa'i rdo rje'i lte bar yi ge hUM las byung ba'i lcags kyu gyur pa las phyag g.yas pa na lcags kyu thogs pa'i lha'i gzugs bsams la phyung ste mdun na 'dug pa'i shing rta la gnas pa spro ba dang bsdu ba la sogs pa'i rim gyis ji srid du rang nyid bka' nod par snang ba de srid kyi bar du bsgom pa'o/ /sangs rgyas ye shes blo can gyi/ sku gsung thugs zhes bya ba ni mngon par dga' ba'i 'jig rten gyi khams na bzhugs pa'i rdo rje 'chang chen po rnams kyi thugs kan gnas pa'i ye shes kyi lha'i gzugs yi ge yaM las byung ba'i rlung gi dkyil 'khor gyi steng du gzhag nas/ des rdo rje lcags kyus snying ga nas btab ste bkug nas bka' bsga la

  505. 253a

    nges par sbyad par bya'o/ /de bzhin du lha la sogs pa'i bu mo rnams ting nge 'dzin gyi bkug ste/ nye bar longs spyod par bya'o/ /rim pa de nyid kyi rnam par snang mdzad la sogs pa'i rnal 'byor pas rang gi sa bon las byung ba'i 'khor lo la sogs pa'i rang gi phyag mtshan gyi lcags kyu lag na thogs pa'i lha'i gzugs bskyed de/ sgom pa na de kho na bzhin du 'grub par 'gyur ro/ /rdo rje lcags kyu la sogs pa'i lha bsgom pa'i sgo nas dgug par bya ba 'ba' zhig tu ma zad kyi/ rang gi lag na gnas pa'i rdo rje la sogs pa'i lcags kyu rnams kyis kyang bya bar bshad de/ sangs rgyas sku ni zhes bya ba ni snga ma bzhin du bdag nyid mtshan dang dpe byad thams cad kyis rnam par spras shing rgyan thams cad kyis brgyan pa'i rdo rje 'chang chen por bsams la/ lag tu zhes bya ba lag pa g.yas par yi ge hUM las byung pa'i rdo rje lcags kyu spro ba dang bsdu ba'i rim pas ji srid du dngos su snang ba de srid du bsgom par bya zhing/ de nas lcags kyu des de kho na bzhin du ye shes kyi lha la sogs pa bkug nas/ rang gi bka' la sbyar ba dang nye bar long spyad pa bya'o/ /sku dang gsung dang thuD kyi zheS bya ba ni/ sku dang gsung dang thuD rdo rje'i rnal 'byor pas kyang lag pa g.yas par ye ge oM la sogs pa las byung ba'i rdo rje la sogs pa'i lcags kyu gsum snga ma bzhin du bsgrub pa'o/ /sogs pa smos pas ni rin chen dbang la sogs pa lha thams cad kyi rnal 'byor pa rnams kyis kyang swAhA la sogs pa las 'byung ba'i rang gi phyag mtshan gyi lcags kyu rnams bsgrub par bya'o zhes bstan to/ / gnas las byed ces bya ba ni 'gugs par byed par 'gyur pa'o/ /rang gi lha'i rnal 'byor gyis rig ma thams cad rjes su mnyes par bya'o zhes bstan pa'i phyir/ /rdo rje'i sku ni zhes bya ba la sogs pa gsungs te/ bdag nyid rang gi

  506. 253b

    lha'i rnam par dag par bskyed la/ rang gi lce rdo rje rtse lnga pa kha dog dmar po'i gzugs dad de'i rtse mor yi ge ho kha dog dmar po 'od zer lnga 'bar ba rnam par bsam ste/ phyi rol gyi bud med lha mo'i gzugs su snga ma bzhin mos par byas la de'i b+ha ga'i byang chub kyi sems 'byung ba'i rtsa lce rdo rje gzhug pa dang dbyung ba'i rim gyi ji srid du 'o mi'i thig le 'dzag pa de srid du bskul bar bya'o/ /de nas ji lta bcom ldan 'das 'dod chags rdo rjes rig ma thams cad rjes su mnyes par spyod pa de bzhin du 'di yang 'gyur bas/ de'i phyir rdo rje lce'i sbyor ba sgoms na/ rdo rje'i gsung dad 'dra bar 'gyur zhes gsungs so/ /gsang gsum dam tshig ni lha thams cad kyi gzugs yang dag par ston pa'i mtshan nyid can gyi dpal rdo rje sems dpa' o/ / de'i mchod pa'i mchog ni mchod pa'i gtso bo ste/ bla na med pa la sor pa'i mched pa'i ngo bo nyid yin pa'i phyir ro/ /mchod nas zhes bya ba ni/ lces bskul pa'i rjes thogs la rdo rje dang chu skyes yang dag par sbyor ba bya ste/ bla na med pa la sogs pa rnams kyi yang dag par mchod la/ mchog tu zag pa med pa'i bde ba chen po bsgom par bya'o/ /de'i phyir gsang ba'i snying po bsdus pa yin/ zhes gsungs so/ /bla na med pa la sogs pa'i mchod pa rnams ston par mdzad pa'i phyir gsang pa chen po'i dam tshigs sde?/ dpal rdo rje sems pa'o/ //sha chen zhes bya ba la sogs pas ni mthu thob pa'i rnal 'byor pas phyag rgya chen po la sogs pa'i dngos grub kyi bye brag gi sgo nas bkug ste/ rang dang rjes su mthun pa'i sha la sogs pa rnams nye bar longs spyod par bya'o zhes bstan to/ /thams cad bsam pas rnam par brtag ces bya ba ni nus pas kyang gang gi tshe? goms par byed pa'i dus su ma rnyed pa de'i tshi/ bzang pa la sogs pa'i rang 'dod pa'i dngos grub kyi 'bras bu dang rjes su mthun par

  507. 254a

    brtags la bza' bar bya'o/ /sku gsung thugs ni rdo rje can/ zhes bya ba ni bdag nyid ji lta ba bzhin du rnam pa'i mchog thams cad dang ldan pa'i rdo rje chen po 'am/ mi bskyod par bsams te/ snying gar pad+ma'i steng gi zla ba la dkyil 'khor dang ldan pa'i ye shes sems dpa' dang/ dbu rgyan la rdo rje 'chang chen po rnam par bsams la/ ji skad bshad pa'i dam tshig rnams kyi ye shes kyi 'khor lo tshim par bya ba'i phyir lce'i rtse mo la rdo rje sems dpa' i rang bzhin gyi yi ge hUM bsam par bya ba'o/ /ji skad du bshad pa'i dngos grub kyi 'bras bu sgrub par byed pa nyid yin pa'i phyir mchog go /dam tshig nyams su len pa'i phyir dam tshig mchog ni sgrub pa po ste de yis so/ /ye shes rdo rje ni dngos grub kyi 'bras bu thams cad kyi rang bzhin can gyi dpal rdo rje sems dpa' ste/ ting nge 'dzin gang la de sgrub par byed pa'i zas kyi dam tshig yod pa de la de skad ces bya'o/ /lce la dgong pa nyid bstan pa'i phyir/ bdud rtsi lnga'i? sbyor ba yis zhes bya ba gsungs te/ sgrub thabs las bshad pa'i cho ga bzhin du sbyar ba la sogs pa'i cho gas sha chen la sogs pa za ba na yang phyag rgya chen po la sogs pa mngon par 'dod pa'i 'bras bu thob par 'gyur ro zhes bya ba'i don to/ /de bzhin du 'od dpag tu med pa'i rnal 'byor pas ni rang gi ye shes sems dpa' dang rdo rje 'chang gis byin gyis brlabs pa'i cod pan rnam par bsam ste/ rang gi lce'i rtse mo la 'od dpag tu med pa'i rang bzhin gyi yi ge a bsam par bya'o/ /de bzhin du rnam par snang mdzad kyi sbyor pas ? rtse mo la yi ge oM bsam par bya'o// /de ni nye bar mtshon pa yin te/ rin chen dbang la sogs pa thams cad kyi rnal 'byor pas kyang lce'i rtse mo la rang gi lha'i rang bzhin gyi rang gi sa bon bsgom par bya'o/ /'di lta bu zhes

  508. 254b

    bya ba ni bshad ma thag pa'o/ /rdo rje 'bra ba zhes bya ba ni gang gi lha'i rnal 'byor bsgom pa de dang 'dra bar 'gyur ro zhes bya ba'i don to/ /dam tshig ni sha chen la sogs pa'o/ /rdo rje bdud rtsi ni bdud rtsi lnga ste/ de byin gyis brlab pa'i phyir/ lha thams cad kyi lce'i rtse mo la rang gi sa bon gyi 'phreng pa bkod pa'i rnam par sems rtse gcig pa ni ting nge 'dzin to/ /sha chen dam tshig mchog gis ni/ rdo rje gsum mchog bsgrub par bya/ zhes gsungs pa gang yin pa de'i dngos grub kyi 'bras bu'i mthu phul du byung ba bstan pa'i phyir/ ? gsum zhes bya ba la sogs pa gsungs te/ rdo rje gsum gyi dam tshig ste/ rgyu ni rdo rje gsum gyi dam tshig dpal rdo rje sems dpa' yin zhing de'i dngos grub nyid 'bras bu'i mchog yin pa'i phyir dngos grub mchog go /de lta bur gyur na yid bzhin gyi rin po che bzhin du 'gro ba ma lus pa rnams kyi bsam pa skor bar byed pa dang/ thams cad du snang bar byed pa yin pa'o zhes bya ba'i don to/ /'khor lo'i dam tshig ni rnam pas snang mdzad de/ lhag ma ni snga ma bzhin no/ / dam tshig dam? pa thams cad kyi zhes bya ba ni dngos grub thob pa rdo rje'i rig pa 'dzin pa grub pa rnams la sogs pa rnams kyi rig pa 'dzin pa gtso bor 'gyur pa'o/ /thams cad dam tshig mchog tu 'grub pa ni lha thams cad kyi sku thob pas dngos grub kyi mthu dang ldan par 'gyur pa'o/ /mi snang bar gyur pa zhes bya ba la sogs pa ni go sla'o/ /de bzhin du mngon par shes pa grub pa rnams kyang mthu bla na med pa dang ldan pa yin pas de'i phyir/ gang+gA'i bye snyed sangs rgyas rnams/ zhes bya ba la sogs pa gsungs te go sla'o rdo rje? mngon par shes pa'i don ston par mdzad pa'i dam tshig mngon par mkhyen pa ste/ dpal rdo rje sems dpa' o/ /nga ni gzhan gyi don bya ba phun sum tshogs pa'i 'bras bu/ sangs rgyas mngon shes don grub pa zhes

  509. 255a

    bya ba la sogs pa gsungs te/ sangs rgyas mngon shes ni mngon par shes pa lnga ste/ mngon par shes pa drug pa yin zhing/ grub pa de rnams ni rnam par snang mdzad la sogs pa'i sku dbang? dra ba dang/ 'gro ba ma lus pa rnams kyi don byed par 'gyur ro/ /sngags kyi dngos grub thams cad ni lha bskyed pa sngon du 'gro ba can kho na yin pas/ de'i phyir bsnyen pa'i dam tshig ces bya ba la sogs pa gsungs te/ tshig bzhi ni mdor bstan pa yin no/ /rdo rje'i bye brag shes byas la/ zhes bya ba ni thun mod dang mchog gi rnal 'byor gi bye brag go /de nas las rnams bsgrub par bya zhes bya ba ni rnal 'byor 'di rgyu la khyad par byed pa nyid yin par bstan te/ 'di las bshad pa gang yin pa'i dngos grub kyi las rnams bsgrub par bya ba zhes bya ba'i don to/ /mdor bstan pa'i tshig rnams kyis bshad pa ni/ bsnyen pa'i ting nge 'dzin zhes bya ba la sogs pa gsungs te/ bsnyen par bya zhing mnyes par bya ba yin pas bsnyen pa ste/ dpal rdo rje 'chang la sogs pa'i phyag rgya chen po'i bdag nyid do/ /ting nge 'dzin ni sems rtse gcig pa'i bdag nyid can gyi rig ma ste/ de dang yang dag par sbyor zhing 'dus pa ni bsnyen pa'i ting nge 'dzin rab sbyor ba'o/ /byang chub ces bya ba ni rang gi lha'i mngon par byang chub pa'o/ /'di skad du bstan pa yin te/ sgrub thabs las bshad pa'i cho ga bzhin du brten gyi dkyil 'khor bskyed la/ de'i dbus na gnas pa'i rnal 'byor ba rdo rje 'chang chen por lhag par mos pa dang ldan pas de kho na bzhin du byang chub kyi sems rnam par bsgoms te/ oM shU n+ya tA dz+nyA nA badzra swa pA ba Adma konyahaM/ zhes bya bas byin gyis brlab par bya'o/ /zhes bya ba ni stong pa nyid kyi byang chub po/ /de nas skye ba med pa'i ri mo

  510. 255b

    las byung pa'i byang chub kyi sems kyi zla ba'i dkyil 'khor la gnas pa'i A yi dang kA li dang cho ga'i rjes thogs su thams cad gyur par byas nas nyi ma dang zla ba dang chu skyes la gnas pa'i yi ge gsum gyi bdag nyid du gyur te/ de las byung pa'i 'od zer gyi tshogs rnams kyis 'gro ba drug gi sems can rnams dang sangs rgyas la sogs pa rnams la kun tu reg nas /rten dang bcas pa'i yig gsum gyi rnam par yongs su gyur pa rnams bsdus te/ rang bzhin med par lhag par mos pa'i sgo nas rang gi yi ge gsum la bcug nas/ oM d+harma d+hA tu swa bA At+ma konyahaM/ zhes bya bas byin gyis brlab ste/ yang rdzogs pa'i byang chub kyi zla ba la gnas pa'i yi ge hUM bsam par bya'o/ /zhes bya ba ni sa bon bsdus pa'o/ /de nas yi ge hUM las byung ba'i 'od zer gyis tshogs rnams kyis nam mkha' i dbyings thams cad khyab pa'i de bzhin gshegs pa la sogs pa rnams la kun tu reg ste/ dpal rdo rje 'chang gi rnam par bsams pa la/ bsdus te bcug la/ rdo rje'i bdag nyid du gyur te/ de'i nga rgyal dang ldan pas de gyur par byas nas rdo rje 'chang chen por bskyed par bya'o zhes bya ba ni sku bskyed pa'o/ /de nas de nyid kyi rang gi thugs kar ye shes sems dpa' rnam par bsgoms te/ phung po la sogs pa byin gyis brlab pa'i rjes thogs la sku dang gsung dang thugs byin gyis brlab pa bya ste/ rig ma 'dus bya ba? dang/ rdo rje dang chu skyes bskyed pa dang/ rjes su mnyes par bya ba dang/ las la gnas pa dang/ byang chub kyi sems dbyung ba la sogs byas la/ lha mo'i pad+ma na khe? nas pa'i byang chub kyi sems kyi zla bar badzra d+h+rik ces bya ba la sogs pas bskyed pa'i lha'i 'khor lo sa bon gsum gyis byin gyis brlab pa phyung ste/ de 'gro ba rnams kyi don byed du bcug nas/ gnas lngar bkod de/ bsdus nas bkug pa'i ye shes kyi 'khor

  511. 256a

    los snying gar mtshan pa dang/ phung po la sogs pa byin gyis brlab pa sngon du 'gro ba can gyi phyag rgya bzhis rgyas btab par bsgom par bya'o zhes bya ba ni yi ge dgong pa'o/ /gzhung de tsam gyis thun mong gi sgrub pa bstan te/ 'di nyid las/ de nas rdo rje bzhi po yis/ /brtul zhugs brtan pas bsnyen pa bya/ zhes gang 'chad par 'gyur pa'o/ /de ni bcom ldan 'das kyis le'u bco brgyad pa las kyang/ thun mong mchog gi dbye ba yis/ /'dir ni bsnyen pa rnam gnyis 'gyur/ /rdo rje bzhi pos thun mad ste zhes bshad do/ /de nyid ni dang po stong nyid byang chub ste/ gnyis pa sa bon bsdus pa'o/ /gsum pa sku ru bskyed pa ste/ bzhi pa yi ge dgod pa'o zhes bya bas bstan to/ /bsnyen pa'i ting nge 'dzin rab sbyor bas/ /zhes bya ba bstan pa nyid kyis rnal 'byor ma lus pa bsdus pa nyid yin pa'i phyir/ nye bar sgrub pa grub mchog la zhes bya ba la sogs pa rnams 'dus pa yin te/ 'di ltar stod pa nyid kyis byang chub dang/ sa bon bsdus pa dang/ sku bskyed pa dang/ gsung ni rnal 'byor kho na yin par mngon par 'dod la/ bzhi pa yi ge dgod pa zhes bya ba 'di ni lhag ma thams cad yin no/ /lha'i rnal 'byor grub pa'i nye ba ste dud? du sgrub pa snying gar ye shes sems dpa' gzhug pa'i rjes su rnal 'byor bsgom pa'i mtshan nyid ni nye bar sgrub pa'o/ / de nyid dngos grub mchog sgrub par byed pa nyid yin pa'i phyir grub mchog go /rdo rje skye mched rnam par dpyad zhes bya ba la/ skye mched smos pa ni nye bar mtshon pa yin te/ phung po lnga la sogs pa byin gyis ? pa yang bstan pa yin no/ /'di yis gsung byin gyis brlab pa sgrub par byed cing rdzogs par byed pas na sgrub pa'o/ /de ji ltar zhe na/ bskul bar zhes bya ba la sogs pas gsungs so/ /'di skad du bshad pa yin te/ sku byin gyis brlab pa'i rjes thogs la lkog ma'i chu skyes la

  512. 256b

    gnas pa'i yi ge a'i 'od zer las byung ba'i gos dkar mo rang gi sprul pa'i tshogs kyi dbus na gnas pa rnam par spros la/ de nyid kyi sprul pa'i tshogs kyi dbus na bzhugs pa 'od dpag tu med pa mnyes par byas te/ bkug nas mdun na pad+ma'i gdan la bzhugs pa la tshigs su bcad pa dag gis gsol ba btab pa ni bskul ba'o/ /de nas bcug ste rdo rje chos kyi gsung gang yin zhes bya ba la sogs pa'i tshigs su bcad pas nga rgyal bskyed la/ gsung byin gyis brlab pa'i sngags kyis byin gyis brlab pa ni sngags gyi bdag po bsgom pa yin par gsungs so/ /'di ni sgrub pa yang yin la chen po yang yin pas na sgrub pa chen po ste/ thugs byin gyis brlab pa dang/ rig ma byin gyis brlab pa dang mchod pa la sogs pa'o/ /de'i tshe rang gi gzugs te/ rang gi lha'i rnam par nges par bsams la/ dbu rgyan la ni bdag po zhes bya ba rang gi cod pan gyi gnas na bzhugs pa'i rig ma dang snyoms par zhugs pa'i rang gi de bzhin gshegs pa 'am/ dpal rdo rje sems dpas bde ba chen po las byung ba'i byang chub kyi sems kyi rgyun rnams kyi bdag nyid dbang bskur bar bsgoms na gdon mi za bar 'grub par 'gyur ro zhes bya ba'i don to/ /de ltar bskyed pa'i rim pa'i mtshan nyid kyi thun mong gi sgrub pa bshad nas da ni mchog gi rnal 'byor/ bsnyen pa zhes bya ba la sogs pa gsungs te/ ye shes bdud rtsi yis zhes bya ba ni yan lag drug pa'i rnal 'byor gyis so/ /de la yan lag drug brjod par bya ste/ /yongs su rdzogs pa dang yang dag par ldan pa'i lha'i nga rgyal dang ldan pa'i rnal 'byor bas mig la sogs pa'i dbang po lnga'i spyod yul lha ma rnams dang rjes su 'brel pa'i phyi rol gyi gzugs la sogs pa'i yul lnga la nye bar longs spyod par bya ba ni so sor sdud pa zhes bya ba dang po yin par bstan to/ /gzugs la

  513. 257a

    thogs pa yul de rnams nyid rnam par snang mdzad la sogs pa de bzhin gshegs pa lnga'i rnam par bsam ba ni bsam gtan te bsam gtan nyid/ /rtog ba dang dbyod pa dang dga' pa dang bde ba dang sems rtse gcig ba'i dbye bas rnam pa lnga'o/ /de la rtog pa ni 'dod pa dang 'dod par byed pa dang 'dod par bya ba rnams 'byung pa'o/ /dpyod pa ni de rnams la nye bar longs spyod ba'i bya ba'o/ /kun tu chags pa yod na dga' par 'gyur ro/ /de las dga' ba'i bde ba'o/ / de las kyang mchog tu dga' ba'i gnas zhi pa ni sems rtse gcig pa nyid du 'dod de de ni gnas gnyis pa'o/ /me long lta pu la sogs pa'i ye shes lnga'i bdag nyid la sogs pa 'byung ba lnga'i rang bzhin yungs kar gyi 'bru tshang tsam gyi rin po che kha dog sna lnga pa dbugs dbyung ba'i sbyor bas rang gi snying ga nas phyung ste/ pad+ma'i sna rtser bsam pa ni srog dang rtsol ba zhes bya ba gsung pa'o/ /sngar bshad par rim pa bzhin du rang gi snying gar? sems sngags kyi thig ler gyur par mtshan ma? lnga byung bar gyur kyi bar du khyad par du 'dzin pa ni 'dzin pa'i ngo bo ste bzhi pa'o/ /de la mtshan ma lnga ni smig rgyu lta bu dang/ du pa lta bu dang/ srin bu me khyed lta pu dang/ mar me lta bu dang/ lnga pa sbrin? med pa'i nyin par gyi nyi ma phyir? bzhin du thams cad brtag tu snang ba zhes bya ba ste/ mtshan ma de rnams kyi sgo nas sngags kyi thig le dam pa'i rang bzhin du rang gi sems brtan par gyur par yongs su shes par bya'o/ /de nas byang chub kyi sems de rang gi snying ga nas btsun mo'i nam mkha' i dbyengs su rdo rje'i lam nas kun tu spros te/ nges kyang nam mkha' i dbyings ma lus pa rdo rje'i chu'i bum ba bzhin du yongs su gang bar bsgom ba ni rjes su dran pa zhes bya ba yan lag lnga pa'o/ /rjes su dran pa mthar phyin pa'i tshe rdo rje nam mkha' i/

  514. 257b

    gyings na gnas pa'i sems can thams cad byang chub kyi sems kyi dbang bsang bas kun tu reg ba'i sgo nas de bzhin gshegs ba dgra bcom pa yang dag par rdzogs pa'i sangs rgyas kun tu bzang po rnams kyang? to snyam pa'i snang ba 'gyur bar 'gyur ro/ / de nas sems can med ba'i bdag nyid can byang chub kyi sems kyi rdul phra rab re re snyed kyi rang gi rig ma dang snyoms par zhugs pa'i de bzhin gshegs ba la sogs pa'i lha thams cad kyi gzugs su bsams la ga? bsdus? te de? rnams kyi rdul phra rab? las? grub cing snyoms par 'jug pa la gnas pas bdag nyid bde ba chen po'i rang bzhin can gyi lha'i gzugs rdo rje'i dkyil 'khor gyi dbus na gnas par bsam pa ni ting nge 'dzin ces bya ba yan lag drug ba'o/ /yan lag drug po de rnams kyis ye shes kyi bdud rtsi'i sgo nas yongs su grub ba'i mchog gi rnal 'byor bstan to/ /le'u bco brgyad ba las/ mchog gi ye shes bdud rtsi nyid/ /rnal 'byor brtson ba dag gis bya/ /bsnyeb? pa'i yan lag drug gis ni/ /byang chub mchog tu bsgrub bar bya/ /gzhan dag gis ni bsgrub 'gyur na/ /dngos grub mchog tu mi 'gyur ro/ /so sor sdud dang bsam btan dang/ /srog rtsol de bzhin 'dzin pa dang/ /rjes su dran dang ting 'dzin dang/ /sbyor ba'i yan lag drug ces bya/ /dbang po bcu po rnams kyi yang/ /rang gi 'jug nas thams cad du/ /'dod pa so sor sdud bas na/ /so sor sdud ba zhes bshad do/ /'dod pa lnga ni mdor bsdus nas/ /sangs rgyas lnga ru skyor ba yis/ /rtag pa bsam gtan zhes bshad de/ /bsam gtan de ni rnam lngar 'gyur/ /rtog dang dpyod dang dga' ba dang/ /de bzhin bde ba nyid dang yang/ /sems kyi rtse gcig nyed dag ste/ /lnga ba der ni bsam gtan bsdu/ /gsang ba gsum 'gyur rtog ba ste/ /

  515. 258a

    de'i rab 'byor dpyod pa'o/ /dga' ba dang 'di gsum pa ste/ /bde ba bsdus pa bzhi pa'o/ /shes dang shes bya 'byung zad pa'i/ /rang sems lnga par shes par bya/ /sangs rgyas kun gyi dngos bzhi pa/ /nam mkha' kun la rab tu gnas/ ye shes lnga yi rang bzhin dbugs/ /'byung pa lnga yi ngo bo nyid/ /gong du'i gzugs kyis phyung nas ni/ /sna yi rtse mor rab tu brtag /rin chen kha dog sna lnga pa/ /srog dang rtsol pa zhes byar bshad/ /rang sngags snying gar bsam nas ni/ /srog ni thig ler gyur par bzhag /rang dbang rin chen dgag pa ni/ /gzung ba 'dzin pa yin par bshad/ /sems ni 'gog pa'i rdo rjer gyur/ /mtshan mar nyer 'dzin 'byung bar 'gyur/ /mtshan ma de ni rnam pa ltar/ /byang chub rdo rjes gsungs pa yin/ /smig rgyu 'dra ba dang po ste/ /du ba lta bu gnyis pa yin/ /mkha' snang 'dra ba gsum pa ste/ /mar me ltar 'bar bzhi pa'o/ /sprin? med nam mkha' lta bur ni/ /rtag tu snang pa lnga pa'o/ /brtan gyur rdo rje'i lam nas ni/ /nam mkha' i khams su spro bar bya/ /rjes dran gang zhig rnam bsgom pa/ /de dang 'dra bar spro bar bya/ /rjes su dran pa zhes bshad de/ /so sor snang pa de las skye/ /thabs dang shes rab snyoms 'jug pas/ /dbang po thams cad mdor bsdus pa/ /gong bu'i gzugs kyis bsdus nas ni/ /dbus su gzugs ni rnam par bsgom/ /yud kyis ye shes rdzogs byed pa/ /ting nge 'dzin ces bya ba yin zhes gang gsungs pa'o/ /'di ni zhes bya ba ni bshad ma thag pa'i rdzogs pa'i rim pa'i yan lag drug gi rnal 'byor pa rnams kyis bsgom par bya'o/ /'di ltar sngags rnams thams cad ni lha thams cad de/ de rnams kyi de kho na nyid kyi don ni skye ba med pa'i rang gis rig par bya ba'i mchog tu dga' ba yin zhing/ sems

  516. 258b

    can thams cad kyi rgyud de'i rang bzhin du byed ba'i phyir sngags kyi de nyid don bsgrub pa'o/ /rnal 'byor de nyid kyi rjes su mthun pa'i gnas khyad par can ni/ dgon pa chen po zhes bya ba la sogs pas gsungs te/ 'khor ba ni sred ba'i rtsa ba can yin no zhes 'byung ba'i phyir/ 'khor ba'i 'khor lo'i lte ba na gnas pa'i bud med kyi gzugs kyi sred pa nyid dgen? pa chen po zhes bya ste/ 'dod chags kyi tsher ma la sogs pa rnams kyis khyab pa nyid yin pa'i phyir ro/ /de nyid thabs kyi lam gyis kun tu sbyangs pa'i sgo nas rdzogs pa'i byang chub kyi lam du 'gyur te/ yang dag ji bzhin don mthong la/ /'khor nyid mya ngan 'das pa yin/ zhes gang gsungs pa'o/ /de nyid 'dod chags kyi tshor ma la sogs pa rnams dang bral ba'i phyir/ rnam bar dag pa'i rig ma'o/ /de'i rab kyi mthar phyin pa'i phyogs ni sa phyogs te/ chos 'byung zhes bya ba'o/ /b+ha ga bzhin du rdo rje'i rigs la khyad par can gyi rig ma'i cho gas khyad par du 'phags pa rnams skyed par byed pa nyid yin ba'i phyir/ rab tu rnam bar dben pa'o/ /de nyid rnam par g.yo ba med pa'i bde ba chen po'i rang bzhin nyid yin pa'i phyir ri bo'o/ /theg pa gzhan la zhugs pa'i mos ba'i dman ba rnams kyis 'jug par mi nus pa nyid yin pa'i phyir rgya mtsho 'jigs su rung ba dang mtshungs pa'o/ /dogs? dag tu zhes bya ba ni de dang yang dag par sbyor ba'i thabs dang shes rab kyi dogs pa gnas pa rnams kyis so/ /rtag tu dngos grub ces bya ba ni yid kyi mnyam pa nyid kyi bde ba chen po'i rnam pa rgyun du 'byung ba ste/ de 'thob bar 'gyur zhing de'i rang bzhin du 'gyur ro zhes bya ba'i don to/ /slob dpon pad+ma'i zhal snga nas kyis kyang shes rab kyi spyir? yig las/ 'dod chags tsher mas kun tu khyab/ /ces bya ba la sogs pas bud yed kyi

  517. 259a

    gzugs nyid sred pa yin par bshad do/ /yongs su grub pa'i mchog gi rnal 'byor ston ba'i phyir rdo rje sgrub pa chen po'o/ /rdo rje bzhi pos bsnyen pa bya bar bshad pa des cir 'gyur zhe na sku gsum zhes bya ba la sogs pa gsungs te/ chos dang longs spyod rdzogs pa dang/ sprul pa'i sku'i rang bzhin gyi dga' ba gsum dang ldan pa dang sku dang gsung dang thugs byin gyis brlab pa las byung ba'i rnal 'byor gyis rnal 'byor pas 'grub par 'gyur ro zhes bya ba'i don do/ /dus nam gyi tshe lha'i rnal 'byor bsgom par bya zhe na/ thun bzhi dag tu zhes bya ba la sogs pa gsungs te/ mtshan me'i tho rangs dang nye pa'i thun phyed nas bzung ste/ nyin mo thun phyed kyi bar na thun dang po'o/ /thun gnyis pa'i mthar thug pa ni gnyis pa'o// nyin mo'i lhag ma'i chu chod nas brtsams te mtshan mo'i chu tshod la thug pa ni gsum pa'o/ /mtshan mo'i thun phyed dang gnyis pa nas thun gsum pa la thug pa ni thun bzhi pa ste/ de rnams su rdo rje bzhi pos bsnyen pa sgrub pa'i bskyed pa'i rim pa'i rnal 'byor ni thun bzhi dag du rab sbyor ba ste/ de yis so/ /thog ma dang tha ma med pa'i nga rgyal dang ldan pas rtag tu gnas pa rim pa gnyis pa sgom pa po la ni dus kyi des pa med pas/ sangs rgyas spyan la sogs pa lha mo bzhi thun bzhi'i sgrar brjod do/ /ji ltar thun yin zhe na/ thun ni yul te mtshon par bya ba'i rang bzhin gyi bde ba chen po yin zhing/ de 'dod pa'i yon tan lnga las byung ba'i myos byed la sogs pa'i mnga' rnams kyis so sor rtogs par byed pa'i phyir ro/ /rab 'byor bas te/ de rnams dang lhan cig yang dag par sbyor bas so/ /rab tu sbyor pa nyid bstan pa'i phyir/ blo dang ldan pas zhes bya pa la sogs pa gsungs so/ /'di skad du 'dod chags/

  518. 259b

    chen po'i tshul gyi ting nge 'dzin la gnas pa'i rnal 'byor bas de bzhin gshegs ba la sogs pa'i ye shes kyi lha'i chogs thams cad rang gi lus la bcug nas sangs rgyas spyan la sogs pa'i lha mo'i gzugs su yongs su gyur pa phyung ste/ des 'dod chags kyi spyod pa can gyi sems can thams cad kyi don byas nas bkug ste/ rang gi rig ma'i lus la bcug nas/ sangs rgyas spyan la sogs pa bzhir byung ste/ phyogs bzhin gnas pa'i phyag rgya bzhi'i dkyil 'khor gyi dbus na gnas shing yang dag bar spyod ba dang ldan pas de bzhin gshegs pa lnga'i bdag nyid kyi sgo nas mnyes bar bya zhing mchog tu dga' ba'i gnas skabs su cad mi gnang bar bya'o/ /de nas lha mo rnams kyang bskul ba'i glu bzhis bskul bas sad nas 'gro ba ma lus pa rnams kyi don bya'o zhes bstan pa yin te/ le'u bco brgyad pa las/ 'dod chags chen po'i tshul nyid kyis/ /ye shes 'khor la bsdus nas ni/ /btsun mo rnam par dgur spros te/ /bsgrub bya'i lus la gzhug bar bya/ /phyag rgya bzhi ni rnams spros nas/ de nas dkyil 'khor brtag bar bya/ /bdag nyid dbus su 'dug byas te/ /de tshe byang chub rnam par bsgom/ /bskul ba'i glu rnams bzhi yis ni/ /lha mo rnams kyis bskul gyur bas/ /sems dpa' dag ba'i bdag nyid ni/ /langs nas 'gro ba'i don bsgrub bya/ /zhes gsungs pa'o/ /de ni bskyed ba'i rim pa bsgom pa po'i dbang du byas nas/ /ye shes rdo rje zhes bya ba la sogs pa gsum ste/ le'u bcu gcig pa las/ oM ni sangs rgyas sku ru brjod/ ces gsungs pa gang yin pa de nyid dran par byed do/ /mgo'i zla ba la gnas pa'i yi ge oM las byung pa'i sangs rgyas spyan gyi tshogs kyi sku rdo rje sprul pa dang bcas pa bkug la/ mdun na bzhugs pa la gsol ba btab nas bcug ste/ sku byin gyis brlab par bya'o/ /sdom pa yin par bshad

  519. 260a

    ces bya ba ni sku rdo rje bcug pa'i sgo nas byin gyis brlab par bya'o/ /rdo rje dam tshig ni sems brtan par byed pa'i mtshan nyid de/ bskyed nas bsgrubs na myur du 'grub par 'gyur ro zhes bya ba'i don to/ /rgyas par zhes bya ba ni zla ba drug pa la sogs pa'i nyin zhag gi dbye bas bsod nams kyi tshogs ma bsags pa'i bsod nams 'phel bar bya ba'i don du'o/ /sems brtan zhing bsod nams bsags pas ni/ zla ba phyed kyi nang du 'grub par 'gyur pa kho na'o ga las zhe na/ gsang ba mchog ces bya ba la sogs bas gsungs te/ 'di ni gsang ba yang yin la mchog kyang yin pas? na gsang ba mchog ste/ dag la rdo rje sems dpa' yin zhing/ dpal gsang ba 'dus pa gang las de rnal 'byor pa'i rgyud las 'byung zhing skye pa yod pa de la de skad ces bya'o/ /sku byin gyis brlab pa'i sdom nyid gsal bar bya pa'i phyir/ de la 'di ni zhes bya ba la sogs pas gsungs te/ nye bar sgrub pa'i sdom pa ste rjes su rnal 'byor pa la sogs pa'i mtshan nyid kyi sku rdo rje sprul ba dang bcas pa mdun na bzhugs ba ye shes kyi mig gis yul du byas ba'i phyir yul lo/ /sangs rgyas sku 'dzin zhes bya ba la sogs pa la/ sangs rgyas sku 'dzin ni sku rdo rje'o/ /sku dang gsung dang thugs rdo rje mi phyed pa rnams/ sgom pa byed pas na/ rdo rje mi phyed gsum bsgom pa ste/ /sgrub pa po'o/ /rdo rje mi phyed gsum bsgom ba te lta bu bdag la sku rdo rje dang 'brel ba'i byin gyis brlabs mdzad du gsol zhes gsol ba gdab pa'o/ /tshigs su bcad pa gnyis pas ni des sprul pa'i rtag pa rnams la gsol ba gdab bar bya'o/ /de bzhon du gsung rdo rje dang thugs rdo rje dag gis yang dag par byin gyis brlab ba'i phyir gsol ba gdab bar bya'o/ /de ltar gsol ba btas pas

  520. 260b

    phyogs bcu na bzhugs pa'i sangs rgyas rnams kyis rnal 'byor pa de'i sku la sogs pa byin gyis rlob par mdzad do zhes bya ba'i don to/ /gsol ba gdab pa'i sbyor ba'i 'bras bu dang bcad pa'i mthun ni/ sangs rgyas rdo rje sems dpa' 'am zhes bya ba la sogs pas gsungs te/ rmongs pa ni rnam par mi rtog ba'i ye shes can yin zhing/ de byin gyis rlob par mi byed cing 'da' bar byed na/ tshal par 'gas shing 'jig par 'gyur ro zhes bya pa'i don to/ /rdo rje sgyor ba'i dam tshig ces bya ba la/ de bzhin gshegs pa thams cad kyi sku dang gsung dang thugs rdo rje rnams dang sbyor pa de nyid dam tshig yin zhing/ da nyid sgrub pa'i mchog ste dam pa'o/ /de bstan pa ni ji skad bshad pa'i gzhung gi gsal bar byas pa ste/ de nyid le'u'o// // le'u bcu gnyis pa'i rnam par bshad pa'o// //bshad ma theg pa'i bsnyen pa'i cho ga bsgom pa la mngon par dga' ba'i sngags pas bzlas ba dang rang gi lha bsgrub pa dang las kyi tshogs nyams su blang bar bya ba yin pas/ de'i phyir// de nas zhes bya ba la sogs pas rdo rje'i dam tshig bkod pa de kho na nyid kyi don bsgom pa mngon par byang chub pa'i le'u gsungs so/ /ye she snyid rdo rje yin pas na ye shes rdo rje ste thabs dang shes rab kyi bde ba chen po yin zhing/ de nyid mchog ste de mi 'dor par 'dzin par mdzad pa de'i phyir ye shes rdo rje mchog 'dzin pa'o/ /gang dag la sems can thams cad kyi don byed pa'i mtshan nyid kyi sku mnga' ba de la de skad ces bya'o/ /sku dang gsung bsdams pa dang ldan pas na thub pa'o/ /phung po la sogs pa thams cad dbyer med par thugs su chud ba'i phyir don kun rdo rje can no/ /ston pa zhes bya ba ni ston pa po ste de bzhin gshegs pa la sogs pa thams cad 'chos par mdzad pa nyid yin pa'i phyir ro/ /dam tshig 'di nyid ni thog ma tha med

  521. 261a

    pa'i chos kyi dbyings kyi ye shes yin zhing/ de thugs su chud pa'i phyir dam tshig de nyid mkhyen pa ste/ de la bla na med pa la sogs pa'i mchod pa rnams kyis yang dag par mchod cing phyag 'tshal nas ched du brjod pa sngon du 'gro ba can gyi gsol ba btab bo/ /sangs rgyas ni rnam par snang mdzad yin zhing/ de'i bsnyen pa dang nye bar bsgrub pa'i mtshan nyid kyi tshul ni sangs rgyas kyi tshul te/ lha thams cad kyi sku rdo rje sgrub par byed pa nyid yin pa'i phyir ro/ /de nyid rig ma dang yang dag ldan pa nyid yin pa'i phyir byang chub tshul gyi mchog go /chos kyi tshul zhes bya ba ni sgrub pa'i mtshan nyid de chos kyi de kho na nyid ston par mdzad pa'i gsung rdo rjer byin gyis rlob bar byed pa'i phyir zhi ba'o/ /sngags kyi tshul ni bsgrub pa chen po'i rang bzhin te/ de nyid thugs rdo rje'i rang bzhin du byed pa yin pa'i phyir brtan pa'o/ /'di la ngo mtshar ba ci yod ce na ma skyes ba'i zhes bya ba la sogs pa gsungs te/ chos rnams ni dag pa dang ma dag pa'i phung po la sogs pa rnams so/ /de rnams kyi med pa'i ngo bo nyid kyi khyad par te de lta bur gyur pa de rnams las rdo rje bzhi po'i ye shes 'byung bar rab bshad do zhes bya ba ni ngo mtshar che'o/ /de skad du rab tu bshad pa'i rjes la de bzhin gshegs pa rnams kyis rdo rje bzlas pa bshad du gsol zhes gsungs te/ mdor bsdus nas bstan pa'i phyir kun bsdus pa'o/ /mi ched pa'i tshig brjod pa'i sgo nas sngags 'don pa ni rdo rje bzlas pa ste/ de nyid bla na med pa'i ye shes kyi rgyu nyid yin pa'i phyir ye shes chen po'o/ /chos kyi sku la sogs pa'i snying po sdud par byed pa yin pa'i phyir sku gsung mi phyed dkyil 'khor ro/ /sangs rgyas ye shes zhes bya ba la sogs pa la/ sangs rgyas rnams kyi ye shes ni sangs rgyas ye

  522. 261b

    shes te/ me long lta bu la sogs pa rnams yin zhing de rnams rdo rje mi phyed pa gsum bsgom pa'i bdag nyid kyi sngags bzlas pa gang gis 'thob par 'gyur ba de la de skad ces bya'o/ /sku dang gsung dang thugs rdo rje spro ba'i rang bzhin gyi rdo rje'i sbyor bas bzlas pa na sgrub pa po la sangs rgyas kun gyi byin gyis brlob par 'gyur ro/ /rigs kyi sngags thams cad kyi zhes bya ba ni/ rigs lnga'i bdag nyid kyi lha thams cad kyi'o/ /sku dang gsung dang thugs kyi mtshan ni rdo rje sku la sogs pa rnams kyi rang bzhin te de lta bu'i gsang sngags bzlas pa de rang zhes bya ba de ltar gsungs shig pa'o/ /ci'i phyir zhe na/ ye shes rgya mtsho zhes bya ba la sogs pa gsungs te/ ye shes rgya mtsho ni de bzhin gshegs pa rnams te/ shes rab ye shes zab ba'i phyir ro/ /sku gsung thugs kyi rdo rje can ni sku rdo rje la sogs pa rnams so/ /sangs rgyas te byung bar gyur pa dang/ 'byung bar 'gyur ba dang byung ba rnams kyis rdo rje sngags rab du bsgoms pas nyid kyis ye shes mnyam pa med par thob par gyur te/ de'i phyir bshad du gsol zhes pa'o/ /de nas zhes bya ba ni gsol ba btab pa'i rjes thogs la'o/ /yang dag par sbyor ba las byung ba'i bde ba chen po'i bdag nyid yin pa'i phyir/ nam mkha' rdo rje ye shes byung ngo/ /gzhan ni bshad zin to/ /sngags kun te yi ge dang sgra'i rang bzhin rnams kyi don ni rang gi lha'i 'bras bu'i ngo bo yin zhing/ de'i don du brjod pa ni bzlas pa ste/ de rnams la'o/ /rdo rje mi phyed gsum gyi mtshan zhes bya ba ni bdag nyid gsum gyi rang bzhin gyi rdo rje 'chang chen por ji lta ba bzhin du rnam par bsams la'o/ /rdo rje dbye ba gsum zhes bya ba la sogs ni rang gi ye shes sems dpa' i thugs kar pad+ma'i steng gi zla ba la gnas pa'i rdo rje'i lte bar yi ge hUM bsam pa dang/ de bzhin du lkog mar pad+ma dang mgo bor 'khor lo la

  523. 262a

    gnas pa'i yi ge A:dang oM bsam bar bya'o zhes bstan te/ de ni rdo rje gsum bkod ba zhes bya'o/ /sku gsung thugs kyi gnas rnams su zhes bya ba ni/ sku la sogs pa'i yi ge rnam par bkod pa rnams las rang gi yi ge rnams dang rang gi phyag mtshan rnams dang rang gi lha'i gzuD rnams spro ba 'am/ yi ge re re las yi ge gsum dang phyag mtshan gsum dang gzugs gsum spro pa 'am/ yang na re re las gcig car rang gi yi ge dang phyag mtshan dang rang gi lha spro ba ste/ de lta bu la sogs pa ni spro ba'i bar du dbye ba rnam pa gsum yin no/ /rdo rje bzlas pa zhes bya ba ni bshad ma thag pa'o/ /rdo rje gsum gyi thugs ni dpal rdo rje sems dpa' ste/ de dang rnal 'byor pa 'dra bar 'gyur ro/ /yi ge gsum bzlas pa de ni rdo rje'i rigs gtso bor gyur pa yin du zin kyang rigs thams cad kyi thun mong yin te/ sngags kun don ni bzlas pa la zhes 'byung ba'i phyir ro/ /sku rdo rje'i ni sangs rgyas rnams kyi zhes bya ba la sogs pas gsungs te/ sku gsung thugs bsams? nas zhes bya ba ni spyi bo la sogs par yi ge gsum gyi gzugs so/ /mchod pa'i mchog brtag pa zhes bya ba ni bla na med pa la sogs pa'i mchod pa'i rang bzhin spro bar bya ba'o ye shes rdo rjes zhes bya ba ni thabs /dang shes rab kyi ting nge 'dzin bsgrub pa la zhugs pas so/ /rdo rje gsum gyi thugs ni rnam par snang mdzad de/ de dang 'dra bar 'gyur ro zhes bya ba'i don to/ /gsung rdo rje'i ni sangs rgyas rnams kyis zhes bya ba la sogs pas gsungs ste/ bzlas pa'i rdo rjes zhes bya ba ni gsung rdo rje'i bsgom pa pos so/ /yang na zhes bya ba la soD pa la/ yang na zhes bya ba'i sgra ni phyoD gzhan ston pa'o/ /dbye ba rnam gsum gyis so so dag du zhes bya ba ni/ sku dang gsung dang thugs rdo rje'i dbye bas so/ /sku

  524. 262b

    dang gsung thugs bdag med pa zhes bya ba ni sdu la sogs pa rnams sgyu ma lta bur rnam par bsams nas so/ /ye shes sems kyis zhes bya ba ni/ ye shes sems dpa' i rnam par ro/ /'di skad du rang gi dkyil 'khor nad nas shing ji skad bshad pa'i sku rdo rje'i rnal 'byor dang ldan pas rang gi snying ga na bzhugs pa'i ye shes sems dpa' i thugs kar pad+ma'i steng gi zla ba la gnas pa'i 'khor lo la yi ge oM bsams la/ de nyid brjod cing de las byung ba'i yi ge oM rnams dang 'khor lo'i phyag mtshan rnams dang sku rdo rje rnams spro ste/ rjod pa'i tha mar bsdu bar bya'o/ /de bzhin du gsung dang thugs rdo rje'i rnal 'byor bdag gis ye shes sems dpa' i thugs kar pad+ma la gnas pa'i 'khor chu skyes dang rdo rje'i lte ba dag la yi ge a dang hUM bsams la rang gi yi ge la sogs pa spro ba dang bsdu ba bya'o zhes bstan pa yin no/ /spro ba'i dus nyid bstan pa'i phyir/ brjod nas zhes bya ba la sogs pa gsungs te/ sems dbang du gyur par bya ba'i phyir yi ge gsum gyi bdag nyid dam tshig yi ge gzhan gyi sngags brjod cing ji skad bshad pa'i spro ba rnams kyis nam mkha' kun bkang ste/ brjod pa'i tha mar bsdus nas sngags kyi yi ge rnams la bcug ste bzlas pa bya'o/ /gzhan dag ni bzlas pa thams cad kyi zhabs su bsdu bar bya'o zhes zer ro/ /sangs rgyas rnams kyi zhes bya ba ni 'di ni lha thams cad kyi thun mong yin pa'o/ /gzhan ni go sla'o/ /sku'i rdo rje zhes bya ba la sogs pa la/ dngos dang dngos med rnams dpyad pa zhes bya ba ni/ yang dag par na dngos pa yang med cing dngos po med pa yang med pa ste/ sgro btags pa nyid yin pa'i phyir ro/ /de dag bsal ba'i mtshan nyid can gyi sku rdo rje'i ting nge

  525. 263a

    'dzin ni sku rdo rje'i rdzogs pa'i byang chub ste/ de nyid rtog pa dang bral ba nyid yin pa'i phyir sku'i bzlas par brjod par bya'o/ /de bzhin du brag ca'i sgra dang mtshungs par sgra dang sgra ma yin par rnam par dpyad pa'i bdag nyid kyi 'od dpag tu med pa'i ting nge 'dzin ni gsung gi dam tshig gi rdzogs pa'i byang chub ste gsung gi bzlas pa'o/ /de bzhin du thugs rdo rje'i rnal 'byor pas 'od srung sems ni nang na med phyi rol na yang med/ gnyis ka'i bar na yang mi dmigs so zhes bya ba la sogs pas gnas pa'i rdo rje rnam par dpyad pa'i bdag nyid ni thugs kyi dam tshig gi rdzogs pa'i byang chub ste rdo rje bzlas par bshad do/ /don rtogs pa'i zhes bya ba la don de stobs dang mi 'jigs pa la soD pa sangs rgyas kyi yon tan gyi tshogs rnams rtogs pa ni khong du chud pa ste/ sangs rgyas kyi yon tan 'di rnams ni mnyam pa nyid kyi ye shes kyi rang bzhan no zhes gtan la phab pa'o/ /de nyid rtog pa dang bral ba'i bzlas pa ste de yis so/ /de nyid bstan pa'i phyir/ ngo bo nyid med ces bya ba gsungs ste/ kun tu brtags pa'i rang bzhin dang bral ba'o/ /bzang po yis zhes bya ba la dus gsum gyi sangs rgyas rgyu ma lta bur yang dag par mthong ba'i mtshan nyid can gyi dkon mchog dpal gyi rnal 'byor gyis rnam par dpyad pa ni rin po che'i bzlas pa'o/ /sangs rgyas zhing zhes bya ba la sogs pa la don yod grub pa'i rnal 'byor pas 'gro ba ma lus pa'i bya ba sgrub pa'i phyir ye shes sems dpa' i thugs kar pad+ma'i steng gi zla pa la gnas pa'i ral gri la yi ge hA rnam par bkod de/ de nyid brjod cing don yod pa'i rigs spros pa rnams kyis sangs rgyas kyi zhing thams cad kun tu bkang la/ chos thams cad rang bzhin gyis 'od gsal par

  526. 263b

    lhag par mos pa'i sgo nas brjod pa'i mdza' mar bsdu par bya'o zhes bya ba 'di ni 'gro ba dang 'ong pa'i mtshan nyid can gyi don yod pa'i bzlas pa'o/ /'phags pa gshin rje mthar byed la sogs pa'i khro bo gang yang rung pa'i rnal 'byor pas ni ye shes sems dpa' i thugs kar pad+ma'i steng gi nyi ma la gnas pa'i rang gi phyag mtshan la bzlas par bya ba rnam par bkod de rang gi dag rdo rjes bsgrags pa'i sgra dpag tshad bye ba'i tshad dang ldan pa'i dkyil 'khor na gnas pa'i lha'i 'khor los thos par gyur cig snyam du lhag par mos pa'i sgo nas sgeg pa dang bcas pa'i khro bo'i tshigs ? bzlas par bya'o zhes bya ba 'di ni kho bo'i bzlas pa'o/ /'dod pa'i don gyis myos 'gyur ba zhes bya ba ni/ 'byor pa'i don gyis shin tu sdug 'phongs par gyur pa'o/ /rab tu skyob cing phan par dga' / zhes bya ba ni mngon par 'dod pa'i don chol ba la brtson par sems can thams cad rnams par bsams nas so/ /gti mug gnas la dgod ces bya pa ni le'u dgu pa las bshad pa'i rnam par snang mdzad kyi rnal 'byor pa rnams kyis gti mug rdo rje'i skur yongs su gyur pa dang de kho na bzhin du rdzas kyi rgya mtshos rab tu gang bar bsam pa ste/ de ni gti mug gi bzlas pa'o/ /de bzhin du 'dod chags dang zhe sdang gi rigs kyi rnal 'byor dag gi de'i rang bzhin du rnam par bsgoms pa'i sems can thams cad kyi rgyud go rim bzhin du rnal 'byor pas rnam par sbyang bar bya'o/ /zhes bya ba ni gsung dang thugs kyi bzlas pa'o/ /dam tshig rdo rje gsum ni sku dang gsung dang thugs mi phyed pa'i lhar dmigs pa'i rang bzhin no/ /de'i de nyid ni nges par 'byed pa'i shes rab lha mo'i gzugs su yongs su gyur pa'o/ /de dag gis dbu ma ni yang dag par sbyor ba las byung ba'i bde ba chen po'o/ /dam tshig rdo rje can zhes bya ba ni gti mug gi rigs kyi lha rnams

  527. 264a

    kyi ste/ de skad du yang 'dod chags snying rje zhe sdang pho/ /gti mug gnyi ga yangs pa'o zhes gsungs so/ /de nyid thun mong yin pa nyid du bstan pa'i phyir/ de nyid ces bya ba la sogs pa gsungs te/ dam tshig rdo rje zhes bya ba rigs thams cad kyi lha rnams kyi ma ning gi bzlas pa ste/ skyes pa dang bud med kyi rnam par rtog pa dad pa'i phyir ro/ /'dod chags la sogs pa'i rnam par spyod pa bsgom pa'i bzlas pa 'di la dgos pa ci yod ce na/ 'dod chags zhes bya ba la sogs pa gsung te/ 'dod chags ni yang dag par sbyar ba la chags pa ste/ de'i de nyid ni mchog tu dga' ba nyid yin zhing de nyid don te/ de bsgom par byed pas na 'dod chags de nyid don bsgom pa'o/ /rdo rje'i bdag po ni rigs lnga'i bdag po ste/ 'dod chags de las byung ba'i bde ba chen po ni rdzogs pa'i byang chub yin zhing/ de sems can gyi rgyud rnams la mdzad cing skyed par mdzad pa zhes bya ba'i don to/ /rigs pa chen mo spyan la sogs/ zhes bya ba la sogs pa la/ 'di ni rig pa yang chen mo yang yin pas na rig pa chen po'o/ /'dod pa ni dngos po thams cad kyi mchog gi don chen po ste/ de rnams kyi mngon par 'dod par bya ba yin pa'i phyir lha thams cad kyi gzugs kun tu ston pa'i mtshan nyid can gyi dpal rdo rje sems dpa' o/ /des don de mchog tu bde ba bskyed nas de la brtson pa ni de la chags pa'o/ /gang gi phyir de ltar yin pa de bas na 'dod pa'i yon tan lnga la nye bar longs spyod pa nyid kyi sgo nas de rnams ji ltar 'dod pa bzhin du bsten na 'grub par 'gyur gyi 'dod pa 'dod chags dang bral ba'i sgo nas ni ma yin no/ /gti mug dam tshig ni sku rdo rje ste de las byung ba ni gti mug dam tshig las byung ba'o/ /de rnams

  528. 264b

    gang zhe na/ rig pa'i rgyal po rdo rje can zhes bya ba gsungs te/ gtsug tor dang gtsug tor chen po la soD pa brgyad ma ning gi gnas la gnas pa ji skad bshad pa'i mtshan nyid kyis grub cing yongs su rdzogs pa rnams kyis sgrub pa po rnams la mngon par 'dod pa'i dngos grub dam pa rab tu ster bar byed do/ /khro bo zhes bya pa la sogs pa la/ zhe sdang ni zhe sdang rdo rje ste/ khro bo gang dag la de nyid gnas ste skye ba'i gnas yod pa de la de skad ces bya'o/ /de las skyes pa ni de las grub pa'o/ /de rnams ji lta bu'i las can zhe na/ gsod la rtag tu brtson pa dag zhes bya ba la sogs pas gsungs te/ zhe sdang rnam par sbyod ba'i snying rje chen po'i sgo nas mi bskyod pa'i go 'phang thob par bya pa'i phyir bla ma la smod par byed pa la sogs pa'i sems can rnams kyi tha mal pa'i phung po gzhon pa ni gsod pa'o/ /de nyid kyi phyir don de nyid la zhugs pa'i mchog gi las can gyi sgrub pa pos 'grub par 'gyur ro/ /skyes bu chen po'i skyed pa'i rgyu'i bzlas pa ston par mdzad pa'i phyir/ skyes bu chen po'i dam tshig ste/ dpal rdo rje sems dpa' o/ /de ltar 'das pa'i mtshan nyid bshad nas/ da ni bsgom pa gzhan/ ye shes 'khor lo zhes bya ba la sogs pas gsungs te/ zla ba'i gzugs gsal ba'i gdan gyi dbus kyi cha mtshan pa'i rnam par snang mdzad kyi dkyil 'khor ni gsal ba'i dkyil 'khor ste/ de'i dbus su rnam par snang mdzad kyi rnal 'byor ji lta bzhin du byas la bsgrub par bya'o/ /ye shes rdo rje can zhes bya ba ni rang gi snying ga na bzhugs pa'i ye shes sems dpa' i thugs kar oM las byung ba'i 'khor lo'i lte ba la yi ge oM haM b+h+ruM oM sha hUM dzi na dzika swAhA/ zhes bya ba'i sngags rnam par bkod de/ de las byung ba'i 'od zer dkar po spros pa rnams kyis dngos po thams cad la kun tu reg nas snang ba med par bya ba ste/

  529. 265a

    de ni rnam par thar pa'i sgo'i rang bzhin can gyi 'khor lo'i don bsgom pa'o/ de bzhin du nyi ma dang rin po che dang pad+ma dang 'od kyi gdan rnams kyis dbus kyi cha ru nye bar mtshan pa'i mi bskyod pa la sogs pa'i dkyil 'khor rnams su/ / go rim bzhin du brten pa mi bskyod pa dang/ rin chen dbang dang 'od dpag tu med pa dang don yod par grub pa'i rnal 'byor byas te/ ye shes sems dpa' i thugs ka na gnas pa'i rang gi phyag mtshan rnams la rang gi sa bon nam bzlas par bya ba rnam par bkod nas/ yi ge dang rjes su mthun pa'i 'od zer spro ba sngon du 'gro pa can gyi rang gi rnam par thar pa'i sgo bsgom pa ni/ rdo rje'i sngags la sogs pa don bsgom pa yin par bstan to/ /dkyil 'khor kun ni rnam par snang mdzad la sogs pa rnams kyis bshad ma thag pa'i dkyil 'khor rnams so/ /ngos rnams su zhes bya ba bdag po'i logs bzhir dkyil 'khor pa'i sangs rgyas thams cad gnas ji lta ba bzhin du dgod par bya'o/ /zhes bya pa'i don to/ /'od zer lnga'i bye brag gis zhes bya ba ni rnam par snang mdzad la sogs pa de bzhin gshegs pa lnga'i rang gi kha dog dang rjes su mthun pa'i 'od zer gyi bye brag spro zhing 'khor lo la sogs pa'i don bsgom pas byang chub thob par 'gyur ro zhes bya ba'i don to/ /sngags rnams zhes bya ba la sogs la sngags rnams thams cad ni lha thams cad do/ /bye brag rnam pa gnyis su zhes bya ba ni rig ma dang skyes bu yang dag par sbyor ba'i bye brag du'o/ /sku gsum rdo rje bye brag gis zhes bya bas ni spros pa'i gzugs re re zhing sku gsum gyi bdag nyid can dang/ rdo rje gsum gyis rang bzhin can nyid yin par bsrung? ?/ /lus kyis zhes bya ba ni sku rdo rje sangs rgyas spyan gyis gzugs su yongs su

  530. 265b

    gyur pas so/ /sku'i ngo bo nyid ni rnam par snang mdzad do/ /sems ni mi bskyod pa'o/ /de'i ngo bo ni mA ma kI'i gzugs te de yis so /ngag gi 'od dpag tu med pa'o/ /de'i ngo bo ni gos dkar mo'i gzugs te/ des bdag nyid rnam par snang mdzad la sogs pa'i gzugs can mchog na/ sangs rgyas spyan la sogs pa dang yang dag par sbyor ba las byung ba'i bla na med pa'i mchod pa bsgoms pas de bzhin gshegs pa la sogs pa rnams la mchod par 'gyur ro/ /rig gsum gtso bor byas pa'i sgo nas de skad du bshad de/ dkon mchog dpal la sogs pa lha thams cad kyi rnal 'byor pa rnams kyis kyang rang gi rig ma dang yang dag par sbyor ba las byung ba'i mchod pa bsgom par byas na 'bras bu de kho na bzhin du 'gyur ro/ /da ni las rnam pa bzhi 'o/ /dkyil 'khor chen po'i 'khor lo yis/ zhes bya ba la sogs pas gsungs te/ dkyil 'khor chen po'i 'khor lo'i tshul bzin du ji skad bshad pa'i bsam gtan gyi dkyil 'khor rnam par bsams la/ rdo rje lnga rnams bsgom par bya zhes bya ba de'i dbus su/ /bdag nyid rang gi lhag pa'i lhar bsam te/ logs bzhir de bzhin gshegs pa bzhi rnam par bsgom par bya'o/ /de nyid ni dbus su bdag po bsam nas ni/ /sku gsuM rdo rje rang gi gzugs zhes bya bas gsungs so/ /rang sngags rdo rje'i gzugs dag ni/ /zhes bya ba ni/ rang gi bdag po'i'o/ /gang du zhe na/ dkyil 'khor rnam pa bzhi dag tu/ zhes bya ba gsungs te/ chu dang dbang chen dang rlung dang me'i dkyil 'khor rnams kyi nang nas las kyi bye brag gis ga? yang rung pa'i dkyil 'khor du'o/ /kha dog rnam bzhir zhes bya ba ni zhi ba la sogs pa'i las dang rjes su mthun par ro/ /ye shes sems dpa' thugs kar pad+ma'i steng gi zla ba la gnas pa'i sngags rnams kyi don ni zhi ba la sogs pa ste/ de

  531. 266a

    bsgom pa ni sngags kyi don bsgom pa'o/ /des ji zhig bya zhe na/ rdo rje rnam pa bzhi zhes bya ba gsungs te/ 'di skad du bsam gtan gyi dkyil 'khor gyi dbus kyi gdan la gnas pas chu'i dkyil 'khor dkar po zlum po'i dbus su yi ge paM las byung ba'i bum pa kha dog dkar po dang/ de bzhin gshegs pa thams cad dang bcas pa'i rang gi lha sku mdog dkar po zhi ba'i ngang tshul can rnam par bsams la/ rang gi ye shes kyi lha'i thuD kar pad+ma'i steng gi zla ba la bsgrub bya bsams te/ de'i rnam par shes pa gzhug pa sngon du 'gro ba can gyi rang gi lha'i sngags kyi phreng ba kha dog dkar po bdud rtsi 'dzag pa bkod pas de'i lus kun tu khyab par bltas la/ 'od zer gyi sgo nas byung ba'i rang gi lha'i tshogs rnams kyi bum pa kha dog dkar po'i bdud rtsi lnga'i dbang dang/ yang dag par sbyor ba las byung ba'i byang chub kyi sems su zhu bar gyur nas bdag nyid las zhugs pa'i dngar? gis dbang bskur zhing/ skyon thams cad dang bral bar bsams na zhi bar 'gyur ro/ /de bzhin du bsam gtan gyi dkyil 'khor gyi dbus kyi gdan la gnas pas laM yaM raM zhes bya ba de rnams las grub pa'i dbang chen dang rlung dang me'i dkyil 'khor go rim bzhin du kha dog ser po dang sngon po dang dmar po rnams la rang gi bdag po de bzhin gshegs pa thams cad kyis bskor ba bsams la/ rang gi ye shes sems dpa' i thugs kar pad+ma la gnas pa'i zla ba ser po la rgyas pa'i don du gnyer ba bcug ste/ sngags kyang bkod la/ de bzhin du zla ba dmar po la dbang du bya bar 'dod pa sngags dang bcas pa bsams te/ ye shes kyi chu ser po dang dmar po'i dbang la sogs pas snga ma bzhin du dbang bskur bar

  532. 266b

    bya zhing nyi ma 'bar ba la sngags bkod de 'chad par 'gyur ba'i rim pa bzhin du mngon spyod bya'o zhes bshad pa yin no/ /bsam gtan rdo rje can ni lha thams cad kyi rang bzhin can gyi dpal rdo rje sems dpa' ste/ de'i'o/ /'di zhes bya ba ni bshad ma thag pa'o/ /ni zhes bya ba'i sgra ni nges par gzung ba'o/ /sngags rnams thams cad kyi te lha thams cad kyi'o/ /gsang ba ni nyan thos la sogs pa rnams la bstan par bya ba ma yin pa'o/ /mchog tu brtag pa ni nyams pa med pa'i go 'phang thob par byed pa'o/ /de ltar lha thams cad kyi thun mong gi las bzhi bshad nas/ khyad par ni zhi ba la sogs pa gsungs te/ spyan gyi tshul zhes bya ba ni sangs rgyas spyan dang yang dag par ldan pa'i rnam par snang mdzad do/ /pad+ma rigs kyi lha mo chen mo dang yang dag par ldan pa'i phyir rdo rje padmo can ni rin chen 'byung ldan no/ /rnam par snang mdzad ni sku rdo rje ste/ de'i rjes thogs la bshad pa'i sngags kyi brda'i sgo nas shes shing brtogs par bya ba yin pas na gnas te gsung rdo rje'o/ /rdo rje khro bo ni mi bskyod pa ste de yis so/ /'di de zhes bya ba ni bshad ma thag pa'o/ /gzhan ni go sla'o/ /bya ba rol mo mtshan pa'o zhes bya ba ni sgyu mas sprul pa'i rol mo dang mtshungs pa'o/ /mdor bstan pa'i tshig bzhi po de rnams kyi nang nas rdo rje'i rigs gtso bo nyid yin pa'i phyir dang po kho nar mngon spyod/ ma dad smra ba'i sems can dang zhes bya ba la sogs pas gsungs te/ ma dang pa dang yang dag par ldan pa dkon mchog gsum la gnod par byed pa ston par byed pa'i tshig sma ? byed pas na ma dang/ smra ba rnams dang/ bla ma la smod pa rnams dang/ gzhan rnams zhes bya ba ma gsod pa la sogs pa/

  533. 267a

    sems can mang po la 'tshe bar byed pa rnams dang dam tshig la sdang ba rnams la/ rab tu bskul ba 'di zhes bya ba 'chad par 'gyur ba bya'o/ /'chad par 'gyur pa ye shes chen po'i 'khor lo yongs su 'dzin pa'i phyir/ ye shes chen po'i 'khor lo rdo rje ste dpal rdo rje sems dpa' o/ /khams gsum zhes bya ba la sogs pa la/ 'jig rten gyi khams thams cad kyi rdul phra rab kyi rdul snyed kyi sems can rnams sangs rgyas kyi sku rnam par bsgoms la/ ma dang par smra ba rnams kyis dgra sta dge gis gtubs te/ tho ba rnams kyis phye mar byas par bsams la/ sems can gdug pa de rnams bdag cag ni sangs rgyas gsod par byed pa'o snyam du 'gyod pa kun tu bskyes la dmyal pa'i 'jigs pas 'jigs shing skyabs med par bltas te rnams kun tu gnod pa'i phyir snying rje chen po'i khro ba bskyed par bya'o/ /kha spyad dang ni phral byas nas/ zhes bya ba ni bsrung ba'i kha sbyar bsal nas so/ /'di skad du bshad pa yin te/ 'chad par 'gyur pa'i rdo rje 'chang chen po'i rnal 'byor pas ji skad bshad pa'i sems can gyi yul sdig pa bsags shing 'jigs pa'i 'jigs pas khyab pa rnams la bltas te/ de rnams mngon par gdon pa'i phyir snying rje chen po'i khro bskyed la/ snga ma bzhin du rang gi snying gnas rdo rje lcags kyu phyung ste/ de rnams la hUM dang baM phyi rol gyi bsrung ba kha sbyar dang/ mgo la gnas pa'i dbyangs mdza' ma las byung ba'i rdo rje dang 'khor lo dang rin po che dang pad+ma dang yi ge haM gyis mtshan pa'i sna tshogs rdo rje kha sbyar rnams kyis bsrung bar byed pa rnams la/ 'di ni ma dad par smra ba 'am/ bla ma la smod pa 'am/ sangs rgyas rnams gsod par byed pa ste/ de'i phyir 'di la bsrung pa dang

  534. 267b

    byin gyis brlab pa gtang du gsol/ gal te mi gtong na khyed rnams brdzun du smra ba dang/ rang gis bshad pa'i dam tshig las 'da' bar byed pa yin no zhes rdo rje lcags kyu de bskul du gzhug go /de nas kho bo cag gis 'di'i lus btang gis ji ltar 'dod pa gyis shig ces de rnams kyis khas blangs pa brjod pa'i rjes thogs la/ rdo rje lcags kyus bsrung ba kha sbyar dang bcas pa'i lha'i 'khor lo bsal nas/ /gtad pa de nyid du yang dag par bzhag ste/ lag pa g.yon pas bzung pa'i bdud rtsi zhes bya ba'i khro bo'i phur bus lag pa g.yas pa na thogs pa'i rdo rje tho bas brdung zhing phur bus gdab par bya'o zhes bya ba ni kha sbyar dang dpral ba ste/ /'di nyid las bsrung ba la sogs sngags rnams dang/ lha rnams kyang ni phur bus gdab ces gang 'chad par 'gyur pa'o/ /de nas mngon spyod kyi las bsgrub par bya'o/ /de ji ltar bya zhe na/ nam mkha' i dbyings kyi zhes bya ba la sogs pa gsungs te/ sgrub thabs las bshad pa'i cho ga bzhin du/ /shes rab kyi pad+ma la gnas pa'i rang gi dkyil 'khor du rdo rje rtse lnga pa 'bar ba yongs su gyur pa las bdag nyid rdo rje 'chang chen por bsgom par bya'o/ /ji lta bur zhe na/ zhal bzhi zhes bya ba la sogs pa gsungs te/ g.yas dang g.yon dang rgyab dang rtsa pa'i zhal rnams dang sku thams cad ni khro zhing mdog sngo ba /phyag drug pa rnam pa'i mchog kun dang ldan pa rgyan thams cad kyis brgyan pa g.yon brkyang pa'i zhabs kyis bzhugs pa ste/ /de las byung ba'i rnam par snang mdzad la sogs pa thams cad sngon po kun tu khro ba g.yon brkyar? ba la sogs pa'i zhabs kyis bzhugs pa'i lha'i 'khor lo bsgom par bya'o/ /dus gsum zhes bya ba la sogs pas ni 'das pa la sogs pa'i dus kyi rdo rje'i dkyil 'khor rnams kyi bkod pa gang yin pa'i g.yas pa'i rtsa ba'i

  535. 268a

    phyag na gnas pa'i rdo rje 'bar ba la bcug ste/ stobs po che dang ldan pa'o snyams su rnam par bsams la/ 'khor lo mthu dang ldan par bsam par bya'o/ /phyogs bcu nas byung sems can rnams zhes bya ba la sogs pa la/ sangs rgyas ni rnam par snang mdzad de/ de'i sku ni zhi ba'i gzugs yin zhing/ de'i rnam par sems can thams cad rnam par bsam nas so/ /rang gi lus la zhes bya ba la sogs pa ni zhi ba'i gzugs de rnams bsdus nas rang gi lus la bzhug pa'o/ /sangs rgyas ye shes rdo rje can/ /slar yang spro bar rab tu bya/ zhes bya ba ni zhi ba'i gzugs de rnams khro bo'i dang tshul can la bcug pas/ til mar shin tu tsha ba la chu grang mo blugs pa bzhin du shin tu rab tu 'bar zhing drag la/ mi sdug cing 'jigs su rung pa la 'khor lo la sogs pa mtshon sna tshogs pa thogs pa/ gdug pa rnams gsad pa nyid kyi sgo nas mi bskyed pa'i 'bras bu thob par bya bar sems pa'i khro bo rnams su bsams la/ mdun na gnas pa'i me'i dkyil 'khor la 'dug pa'i/ gcer bu go cha dang bral ba lus la til mar gyis bskus pa lha dang bral ba'i bsgrub bya rnams kyang bltas te/ sku gsung thugs kyi sbyor ba can/ /sangs rgyas thams cad bdag la gson/ / bdag ni dpal ldan 'khor lo 'dzin/ /bka' i 'khor lo rab sbyar ba/ /'khor lo 'bar ba'i gzugs kyis ni/ /sku gsum las byung dags par dgyid?/ gal te dam tshig las 'das na/ /zhigs par 'gyur pas mdon mi 'tshal/ / zhes bya bas khro bo rnams la bka' bsgos te/ /de rnams kyi dum bur gtub cing lag na thogs pa'i 'khor lo 'bar bas brdeg par bya'o/ /bsgom pa de lta bus na rdo rje sems pa dang mtshungs pa'i bsgrub bya rnams kyang zhag bdun na/

  536. 268b

    gsod par byed pas de'i phyir/ rdo rje sems dpa' rang nyid dam/ /gdug pa chen po gsod par byed/ /ces kyang gsungs so/ /sangs rgyas zhes bya ba la sogs pas ni de nyid ston to/ /sangs rgyas ni rdo rje 'chang ngo/ /de nyid chos kyi sku la sogs pa bdag nyid yin pa'i phyir sku gsum mchog stsol ba'o/ /'di'i mgo dang lkog ma la sogs pa la sku rdo rje la sogs pa rnams kun tu gnas pas na rdo rje gsum gnas so/ /snying po sdud par byed pa nyid yin pa'i phyir dkyil 'khor te/ des grub pa ste dang ba ni gdug pa rnams gsod pa'i dngos grub bo/ /skabs 'dir ni bsad par bya ba nyid rmongs pa'i bdag nyid du mngon par 'dod do/ /nyi ma bdun du 'di byas na/ zhes bya ba ni drag po'i las so/ /sangs rgyas kyis kyang zhes bya ba ni rnam par snang mdzad kyis kyang ngo/ /gal te rnal 'byor pa nges par sbyor ba na des kyang 'da' bar bya bar mi 'grub bo zhes 'dor ba brjod pa'i sgo nas sbyor ba 'di 'da' bar bya dka' nyid du bstan to/ /rdo rje chen po ni dpal rdo rje sems dpa' o/ /de nyid 'da' bar bya pa ma yin pa nyid yin pa'i phyir dam tshig ste/ phyag na 'khor lo bsnams pa des rtag par byas shing bcug par gyur pa'i sems can thams cad mchon cha sna tshogs thogs pa'i khro bo'i gzugs rnams su spro ba nas ting nge 'dzin gang la bdag ni dpal ldan rdo rje 'dzin/ zhes bya ba la sogs pas bka' bsgo ba yod pa de la de skad ces bya'o/ /de bzhin du btsun mo nam mkha' i dbyings na gnas pa'i sku'i dkyil 'khor du bdag nyid de kho na bzhin du rdo rje'i rnam pa'i 'bar bas rnam par brgyan pa'i 'khor lo las byung ba'i rnam par snang mdzad sku mdog sngon po zhal gsum dang? sku khro ba dang bcas shing 'bar ba g.yon rkyang bas bzhugs pa de bzhin du dkyil 'khor pa rnams dang ldan par bsams la/ 'das pa dang

  537. 269a

    ma byon pa dang da ltar byung ba'i rten dang brten pa'i bdag nyid can gyi rdo rje 'chang chen po rnams phyag g.yas pa na gnas pa'i rdo rje 'bar ba la bcug ste/ phyogs bcu khyab pa'i sems can thams cad zhi ba'i gzugs can gyi rdo rje 'chang chen po rnams su rnam par bsams la/ rang gi ye shes las byung ba'i 'od zer gyi lcags kyu rnams kyis de rnams bsdus nas rang gi lus la bcug ste/ slar khro bo'i nga rgyal dang ldan pas phyag na mtshon cha sna tshogs bsnams pa'i dpal rdo rje 'chang rnams su spro bar bya'o/ /gang gis zhe na/ ye shes mchog gi gnyen gyis zhes bya ba gsungs te/ gdug pa rnams kyis mi bskyod pa'i go 'phang mchog thob par bya ba la gnyen du gyur pa'i sgrub pa pos zhes bya ba'i don to/ /bka' bsgo ba dang bsgrub pa dang ni snga ma bzhin te/ 'on kyang khyad par ni 'di yin no/ /dpal rdo rje 'chang rnams la bka' bsgo ba'i dus su/ rdo rje thams cad bdag la gson/ /bdag ni dpal ldan rdo rje 'dzin/ zhes brjod par bya'o/ /rgyu la 'bras bu nye bar gdags pa'i phyir /'khor lo yi ni rnam par snang mdzad de/ gang la des dam tshig ste rdo rje 'chang rnams la bka' bsgo ba yod pa de la de skad ces bya'o/ /sangs rgyas zhes bya ba la sogs pa la/ sangs rgyas ni rnam par snang mdzad de/ de'i dkyil 'khor gyi rdo rje can ni 'phags pa gshin rje gshed yin pas sangs rgyas dkyil 'khor rdo rje can no/ /'khor lo che zhes bya ba ni dkyil 'khor ro/ /rang gi rdo rje yin pas zhes bya ba de nyid 'phags pa gshin rje gshed kyi dkyil 'khor yin par brtag par bya'o/ /'di skad du bshad pa yin te/ rnam par snang mdzad kyi dkyil 'khor du bdag nyid rnam par snang mdzad sgrub pa bzhin du yi ge hUM las

  538. 269b

    bskyed pa'i rdo rje tho ba las byung ba'i 'phags pa gshin rje gshed du rnam par bsams la dus gsum sangs rgyas sems can rnams zhes bya ba rten dang brten par bcas pa'i bdag nyid kyi zhi ba'i gzugs can gyi dpal rdo rje 'chang rnams su? rnam par bsgom ste/ rang gi ye shes kyi 'od zer gyi lcags kyu rnams kyis bkug nas lag pa g.yas ne gnas pa'i khro bo'i rdo rje 'bar ba dang/ rang gi lus la bcug ste/ slar 'phags pa gshin rje gshed kyi gzugs rnams su spros la/ snga ma bzhin du sdig pa bsags shing kha sbyar phye bar gyur pa'i gdug pa'i sems can rnam par snang mdzad bzhin du mdun bka' bgos te/ bde ba rnams dang bdag nyid kyis bsad la/ le'u dgu pa las bshad pa'i tshul bzhin du mi bskyod par bskyed par bya'o/ /de bzhin gshegs pa thams cad kyi dam tshig ni yi ge hUM las byung ba'i rdo rje tho ba yin zhing/ de las byung ba'i 'phags pa gshin rje'i dag ni thams cad kyi dam tshig las byung ba gshin rje gshed de/ ting nge 'dzin gang la nges chos nyid la sogs pa'i rang bzhin can gyi ye shes lnga'i bdag nyid kyi rdo rje 'chang chen po rnams la bka' bsgo ba yod pa de la de skad ces bya'o/ /sku gsung thugs kyi rdo rje 'am zhes bya ba ni sku rdo rje la sogs pa'o/ /dkon mchog dpal la sogs pa lha thams cad kyi yi ge dang sgra'i rang bzhin can gyi sngags rnams kyi don ni rang gi phyag mtshan gyi gzugs so/ /de'i yon tan ni de las byung ba'i dkon mchog dbang la sogs pa'i khro bo ste de yis so/ /rigs kyi bye brag brjod par 'dod pas gcig gi tshig can du byas so/ /yang na gtsug tor dam tshig gis zhes bya ba ni gtsug tor dang gtsug tor chen po la sogs pa'i gtsug tor brgyad po de rnams thams

  539. 270a

    cad kyis/ 'phags pa gshin rje mthar byed kyi rig pa kho na bzhin du 'dug pa rnams bsad par bya ba ste/ des ni sbyor ba 'di lha thams cad kyi thun mong nyid yin par bstan to/ /go bgos pa nyid kyis gdus? pa rnams gsod par nus kyi gzhan gyis ni ma yin pas/ sngags kun zhes bya ba la sogs pas gsungs te/ sngags kun zhes bya ba ni bshad ma thag pa'i rdo rje 'chang chen po la sogs pa'i rnal 'byor bsgom pa'o/ /ye shes mchog rdo rje ni ye shes lnga'i bdag nyid kyi rang gi bdag po yin zhing/ de dmigs pa'i sbyor bas 'di la yod pas na ye shes mchog rdo rje can te bsgrub pa po nges so/ /gang gi phyir de lta yin pa de bas na lha thams cad kyi byang chub kyi mthar thug pa'i bsrung ba'i rang gi ngo bor brjod par bya'o/ /nam mkha' rdo rje zhes bya ba la sogs pa la btsun mo nam mkha' dbyings su ji skad bshad pa'i rdo rje 'chang chen po la sogs pa'i rnal 'byor byas nas/ chos ni go cha nyid de/ snang mdzad sku mchog las byung ba/ zhes bya ba rnam par snang mdzad las byung ba'i rdo rje'i go cha sku gsum gcig du mi phyed par bsams la/ des spyi bo nas brtsams te rang gi lus la go bgos par bsams te/ gdan du de zhes bya ba rkang pa'i 'og tu yang 'khor lo'i go cha de nyid kyi gdan rab tu brtag par bya'o zhes bya ba'i don to/ /mkha' dbyings zhes bya ba nam mkha' i dbyings ma lus pa sangs rgyas thams cad kyis yongs su rnam par gang bar rnam par bsgoms la/ thugs kyi rnam par bsgom par bya zhes bya ba sangs rgyas de rnams thams cad kyi thugs ka na bzhugs pa'i ye shes sems dpa' i thugs ka'i zla ba rnams la sngags kyi yi ge'i gnas rnams bsams te/ de las byung ba'i ye shes kyi 'od

  540. 270b

    zer rnams kyis sangs rgyas rnams snang ba med par byas nas/ zla ba la gnas pa'i rdo rje'i gzugs su bsam par bya'o/ /de'i phyir sangs rgyas rnams ni sems tsam du/ bsgoms nas slar yang rab tu bsdu/ zhes gsungs so/ /sems ni rdo rjer? byas nas su/ /zhes bya ba bdag gi sems 'di nyid de bzhin gshegs pa thams cad kyi zla ba rdo rje'i gzugs yin no snyam du bsams nas sku gsum gyi bdag nyid kyi go cha la zla ba'i rdo rje'i gzugs kyi sangs rgyas de rnams gzhug bar bya'o zhes bya ba'i don to/ /de ltar bsgoms pas mngon spyod sgrub pa po rab tu bsrungs par 'gyur ro/ /rdo rje chos ni mi phyed pa'i bsrung ba'i go cha ste/ gang la des 'khor lo'i dkyil 'khor snang ba gsal bar byed pa yod pa de la de skad ces bya'o/ /rnam pa'i mchog rnams zhes bya ba la sogs pa la/ sems brtan pa'i rnal 'byor pas bdag nyid rdo rje sems dpar ji lta ba bzhin du rnam par bsgom ste/ sangs rgyas rim par bkod nas ni/ zhes bya ba yang dag par sbyor ba las mi bskyod pa dang rnam par snang mdzad dang/ rin chen 'byung ldan dang 'od dpag tu med pa dang don yod par grub pa rnams phyung ste/ chu'i steng du go rim bzhin du ri rab ser po dang mtshungs pa pha rol gyi mthar kun tu khyab par gnas pa kun tu bsams la/ rkang pa mnyam gzhag sbyor ba yis/ zhes bya ba thabs dang shes kyi rkang pa gnyis mnyam pa nyid du dmigs pa des mi bskyod pa la sogs pa rnams kyi dbu'i steng du rkang pa gnyis 'jog par bsgom zhing chu'i steng du bcag par bya'o/ /sangs rgyas rnams kyi spyi bor rkang pa bzhag pas sdig par 'gyur ro snyam pa'i 'gyod pa bsal ba'i phyir/ ngo bo nyid dag pa zhes bya ba gsungs te/ rang

  541. 271a

    bzhin gyis dag pa nyid yin pa'i phyir nyes par mi 'gyur zhing 'grub par yang 'gyur/ /gang la rdo rje'i rgya mtsho ste/ rgya mtsho nyid rkang pas gnon pa yod pa de la de skad ces bya'o/ /dbang chen dkyil 'khor bsgoms nas ? ni rtsod pa'i dus su pha rol rgol ba'i kha'i nang du yi ge laM las byung ba'i dbang chen gyi dkyil 'khor ser po gru bzhi bur? bzhi ru/ rdo rje rtse gsum pas mtshan pa dang/ mtshams kyi rdo rje de rnams kyang rna ba gnyis dang skan rang spyi bo dang lce'i rtsa ba phug ste phyi rol du byung bar lta zhing/ de yang kha sdug tu 'gyel zhing rgyal bar gyur pa dbyangs tha ma las byung ba'i sna tshogs rdo rje la gnas pa'i khro bo'i rgyal po gang yang rung ba gser gyi ri bo thogs pas g.yon brkyang ba'i zhabs kyis mnan par bsam par bya ba ste/ des ni thams cad kyi dag rengs par 'gyur ro/ /gang la mu stegs can dang las kyis rgol ba thams cad ki dag rengs par bya ba yong pa de la de skad ces bya'o/ /rdo rje gsum mchog khro bo'i tshul/ zhes bya ba ni pha rol gyi dpung rengs par bya ba'i phyir phul du byung ba thob pa'i rnal 'byor pas rang gi dkyil 'khor du khro bo'i tshul gyi bdag nyid kyi rang gi lha'i rnal 'byor dang ldan pas rnam par snang mdzad la sogs pa de bzhin gshegs pa khro zhing khro ba'i gzugs can sku mdog ser po gser gyi ri bo dang mtshungs pa rnams spros te skyes bu dpa' bo re re'i spyi bor mnan te bzhugs par bsam par bya'o/ /'dir ji ltar snying pa'i man ngag bshad par bya ste/ kha phyir bltas pa rnams kyi spyi bor khro bo kha phyir bltas pa rnams bsgom zhing/ 'bros pa rnams la kha mdun du bltas pa 'am/ kha phyir bltas pa dgod par bya ste/ de ltar na bcung zad kyang mi byed par gnas par 'gyur ro/ /kha mdun du bltas pa rnams la ni sku mdog ser po kha mdun du bltas pa rnams

  542. 271b

    bsam par bya ste/ de rnams kyang de bzhin du 'gyur ro/ /sangs rgyas dpung yang gnod byed pas/ zhes bya bas ni sbyor ba 'di'i che ba bdag nyid kyi khyad par gsungs so/ /de bzhin gshegs pa thams cad kyi sku dang gsung dang thugs las pha rol gyi dpung ? gnon pa byung bas na de bzhin gshegs pa thams cad kyi sku dang gsung dang thugs las byung ba ste dpal rdo rje sems dpa' o/ /gzhan ni go sla'o/ /dgra bo skrag par bya ba'i dus su/ bsam gtan rab tu brtag pa 'di/ zhes bya ba ni 'chad par 'gyur pa'o/ /sangs rgyas dag gis zhes bya ba la sogs pas ni mthun phul du byung ba bshad pa'i sgo nas brtan pa nyid du ston par byed do/ /hUM zhes bya ba la sogs pa la/ nyi ma'i dkyil 'khor la gnas pa'i rang gi lha'i khro bo'i rnal 'byor dang ldan pas yi ge hUM las byung ba'i rdo rje phur bu rtse lnga pa 'bar ba yang dag par sbyor ba las byung nas khros par gyur pas nges dgra bo'i snying kar phur bus gdab par bya ste/ rmongs pa dang bsang pa'i bsam pa'i dbang gis rmongs pa dang shi par 'gyur ro/ /gang la dgra po rnams rnongs pa ste brgyal ba dang gnod pa byed pa ste/ gsod par byed pa yod pa de la de skad ces bya'o/ /grong la sogs pa'i nang kyi 'tshe ba zhi bar bya ba'i phyir / grong dam zhes bya ba la sogs pa gsungs te/ de ni go sla ba'o/ /rdo rje rtse mo zhes bya ba la/ snying rje chen po dang ldan pa'i rnal 'byor pas bdag nyid rten dang brten pa'i bdag nyid kyi rdo rje 'chang chen po sku mdog dkar po zhi ba'i tshul can du ji lta ba bzhin rnam par bsgom ste/ nam mkha' i phyogs su yi ge hUM las byung ba'i rdo rje chen po 'bar ba rtse mo gyen du lhas pa grong khyer la sogs pa kun tu khyab par gnas pa bsams la/ de las byung pa'i 'bar pa'i tshogs rnams kyis de na gnas pa'i sems can nad kyis gtsos? pa rnams kun tu bsregs nas kyang gos

  543. 272a

    gtsang ma bzhin du nad kyi dri ma thams cad tshig par byas te de nyid du 'od zer gyi tshogs bsdu par bya'o/ /rin chen yid bzhin nor bu'i 'od ces bya ba la sogs pas ni rdo rje de nyid las dkon mchog dpal gyi tshogs gos dkar mo sku mdog ser po dang ldan pa rnams rnam par spros te/ de rnams kyis bum pa ser po'i bdud rtsi'i dbang bskur ba dang/ byang chub kyi sems kyi rgyun gyi dbang bskur ba dang/ rin po che dang gos dkar mo zhu bar gyur pa'i nam mkha' dbyings su gzhug pa'i dbang bskur ba de rnams la sbyin par bya'o zhes bstan to/ /des cir 'gyur zhe na/ /dgang bka' ba yang rab tu 'gengs/ zhes bya ba gsungs te/ nang thams cad kyi shin tu skem pa yang sha rgyas shing shes rab 'phel bar 'gyur ro/ /sbyin po'i rdo rje sgrub byed pa/ yin bzhin nor bu dpal ldan 'gyur/ zhes bya ba ni bshad ma thag pa'am sems can dbul po gzhan yang rung rim pa de bzhin du dbang bskur na yang bzhin gyi nor bu bzhin du 'gro ba ma lus pa'i bsam pa yongs su rdzogs par byed par 'gyur ba'o/ /de ltar zhi ba dang rgyas par byas na/ nad la sogs pa'i 'tshe ba rnams slar mi 'byung bar bya ba'i phyir/ sangs rgyas sprin dang zhes bya ba la sogs pa gsungs te / rnam par snang mdzad dang 'od dpag tu med pa dang mi bskyod pa'i tshogs rnams spros te/ de rnams kyi grong khyer la sogs pa'i sa gzhi kun tu bkang la/ /sa 'og gi bar du sku rdo rje la sogs pa'i rdul phra rab rnams las grub par bsam par bya'o/ /de ltar bsgoms pas grong khyer la sogs pa'i gnas bskal pa grangs med pa gsum gyi bar du sangs rgyas thams cad kyi byin gyi brlob par 'gyur ro/ /'di de zhes bya ni bshad ma thag pa'o/ /sems can gyi lus nyon

  544. 272b

    mongs pa thams cad dang bral bar byed pa nyid yin pa'i phyir gsang ba'i sku ste skyon med pa'o/ /gang la sems can thams cad kyi nad med par byed pa yod pa de nyid rdo rje ltar mi phyed pa nyid yin pa'i phyir de skad ces bya'o/ /bskyed pa'i rim pa bsgom par byed pa'i dbang du byas nas bsrung pa'i 'khor lo bsam gtan las byung zhes bya ba la sogs pas gsungs te/ bsam gtan las byung zhing skyes pas na bsam gtan las byung ba ste bsrung ba'i 'khor lo yin zhing de yis so/ /rnal 'byor pa'i dbang phyug gi bdag po gdong ma nas ma skyes pa'i dngos po thams cad rnam par dag pa la gnas pas bgegs la sogs pa'i rnam par rtog pa tha dang pa bskyed par mi bya zhing nges par bya ste/ rgyun mi 'chad par thun bzhir bsgom pa dam bcas pa gnas gang du spyod pa ni/ 'di yis zhes bya ba 'chad par 'gyur ba'i bsrung ba'i 'khor lo'i rnal 'byor gyi gnas dang/ sgrub pa po sangs rgyas thams cad kyi byin gyis rlob par 'gyur ro/ /rdo rje bdud rtsi zhes bya ba la sogs pas ni 'di skad du bstan pa yin te/ sgrub thabs las bshad pa'i cho ga bzhin du zhe sdang rdo rje'i rnal 'byor dang ldan pas gnod mdzes rgyal po phyung ste/ de la bka' bkos nas/ phyogs bcu na gnas pa'i khyab 'jug la sogs pa'i bgegs kyi tshogs bkug ste/ gnas ji lta ba bzhin du rnam par bkod la bdud rtsi zhes bya ba'i khro bo bcu snang phur bu'i rnam pa can 'od zer 'bar ba rnams kyis ma dangs bzang po dang ldan pa phyung ste/ dpal gnod mdzes rgyal pos lag pa g.yon pas bzung zhing/ oM g+ha g+ha zhes bya ba la sogs pa'i bkas lag pa g.yas pa na thogs pa'i rdo rje tho bas brdungs nas/ mgo bo nas brtsams te/ rkang pa'i bar du bgegs thams cad phur bus gdab par bya'o/ /'gro ba ste

  545. 273a

    bgegs kyi tshogs kyi rang bzhin gyi sems can gyi khams 'dul ba ni phur bus gdab pa ste/ gang la des zhi ba mi phyed par 'gyur ba yod pa de la de skad ces bya'o/ /zhi ba la ni spyan gyi tshul zhes bya ba'i mdo de'i bshad pa/ zhi ba'i dkyil 'khor zhes bya ba la sogs pa gsungs te/ zhi ba'i dkyil 'khor ni bshad zin pa'i mtshan nyid can gyi chu'i dkyil 'khor yin zhing de nyid dam pa'o/ /rnam par snang mdzad gzugs bsams nas/ rang gi thugs kar 'dod? pa gzhag/ zhes bya ba la sogs pas ni/ 'di skad du bstan pa yin te/ sngar bshad pa'i tshul bzhin du sangs rgyas spyan gyi chos 'byung gi nang na gnas pa'i sku'i dkyil 'khor gyi dbus su pad+ma'i steng gi zla ba'i gdan la gnas pa'i ji skad bshad pa'i chu'i dkyil 'khor la 'dug ste/ bdag nyid rig ma dang bcas pa'i rnam par snang mdzad sku dang zhal gsum sku mdog dkar po zhi ba'i dang? can shin tu snying rje'i dbang du gyur pa dkar zhing zhi ba'i dang can gyi de bzhin gshegs pa bzhis yongs su bskor bar rnam bar bsams nas/ ye shes sems pa'i thugs kar pad+ma'i steng gi zla ba la bsgrub bya dang sangs rgyas spyan gyi sngags kyi 'phreng ba mgo gyen? du ltas pa mdog dkar po bdud rtsi 'dzag ba bsgrub bya'i lus kun du khyab par byed? pa rnam par bkod la/ de'i rnam par shes pa gzhug pa sngon du 'gro ba can gyi 'od zer gyi sgo las byung ba'i rtags dang yang dag par ldan pa'i sangs rgyas spyan rnams kyis nam mkha' i dbyings kun tu gang bar bltas te/ sngags las byung ba'i 'od zer gyi lcags kyu rnams kyis gnas nas bkug la snga ma bzhin du / bum pa la sogs pa'i dbang bskur ba'i tshul gyis bsgrub bya'i lus la bcug ste/ slar sangs rgyas spyan dang yang dag par ldan

  546. 273b

    ba'i rtag pa rnams spros la/ de kho na bzhin du dbang bskur par bya'o/ /des ni bsgrub bya mi phyed pa'i sku can du 'gyur ro/ /sangs rgyas ni rnam par snang mdzad do/ /dam gyi sgras ni sangs rgyas spyan te gang la de dag gi bkod pa'i sprin gyis zhi bar bya ba yod pa de la de skad ces bya'o/ /rgyas la padmo rdo rje can zhes bya ba'i mdo bshad pa/ zla ba'i dkyil 'khor zhes bya ba la sogs ba gsungs te/ rin po che'i dam tshig gis b+ha gar rin po che'i dkyil 'khor gyi dbus na gnas pa'i pad+ma'i steng gi zla ba'i gdan gyi dbus su dbang chen gyi dkyil 'khor bshad zin ba'i mtshan nyid can no/ /de nyid dge legs thob par byed pa nyid yin pa'i phyir dam pa'o/ /chos ni 'od dpag tu med pa gos dkar mo'i gzugs su gyur pa yin zhing/ /de snyoms par 'jug pa'i sgo nas 'dzin par byed pas na chos 'dzin pa ste/ rig ma dang bcas ba sku mdog ser po thugs rgya che ba snga ma bzhin du de bzhin gshegs pa bzhi'i dbus na bzhugs pa'i rin chen 'byung ldan no// snying gar 'dod pa zhes bya ba ni bshad ma thag pa'i rang bzhin du gos dkar mo'i sngags kyi 'phreng bas kun tu bskor ba'o/ /dkar mo zhes bya ba ni dkon mchog dpal dang ldan pa'i gos dkar mo sku mdog ser po rnams kyis nam mkha' kun tu bkang? ste bsdus nas sangs rgyas spyan bzhin du kun tu sbyar te/ lus la gzhug par bya'o/ /de'i phyir 'dod pa la de dbab par bya zhes bya ba gsungs te/ rang gis spu'i bu ka'i gseb nas byung ba'i dkon mchog dpal gyi tshogs gos dkar mo dang yang dag par ldan pa yang spros la bsdus te de kho na bzhin du dbang bskur ba dang rjes su zhugs par bsam par bya'o/ /'di yis zhes bya ba ni bshad ma thag pas so/ /dgang dka' ba? yang rab tu 'gengs zhes bya ba ni bshad

  547. 274a

    zin to/ /chos ni gos dkar mo/ /dam tshig ni dkon mchog dpal te/ gang la de dag gi sprin bkod pa dag gis rgyas par byed pa yod pa de la de skad ces bya'o/ /dbang la rnam par snang mdzad gnas zhes bya ba mdo de'i don ni/ /mkha' dbyings kyi zhes bya ba la sogs ba gsungs te/ gos dkar mo'i mtsho skyes su gsung gi dkyil 'khor gyi dbus na gnas ba'i pad+ma'i steng gi zla ba'i gdan la'o/ /rdo rje zla gam dkyil 'khor ni yi ge baM las byung ba'i gzhu'i rnam ba can gyi rlung gi dkyil 'khor rdul phra rab dmar po g.yo ba'i rang bzhin can rdo rje'i can nan gyis mtshan pa'o/ /rdo rje nam mkha' zhes bya ba la soD pa la/ rdo rje nam mkha' zhes bya ba ni lha mo rdo rje nam mkha' ma'o/ /chos mchog ni de dang yang dag par ldan pa'i 'od dpag tu med pa'o/ /'dod pa zhes bya ba ni 'gro ba thams cad dbang du bya bar 'dod pa'i gsol ba 'debs par byed pa'o/ /sangs rgyas zhes bya ba ni 'od dpag tu med pa rnams so/ /byang chub sems dpa' yis zhes bya ba ni rin po che'i rigs kyi mA ma kI'i gzugs rnams kyis ste/ 'di nyid las byang chub sems dpa' chu rdo rje dang zhes bshad pa nyid kyi phyir ro/ /'od zer lnga'i sbyor ba yis zhes bya ba la sogs pas ni/ 'di skad du bstan pa yin te/ bdag nyid ji skad bshad pa'i dkyil 'khor na gnas pa sku mdog dmar skya kun tu chags pa'i thugs mnga' ba snga ma bzhin du de bzhin gshegs ba bzhis yongs su bskor ba rig ma dang bcas pa'i 'od dpag tu med par bsams la/ snga ma bzhin du 'dod pa mA ma kI'i sngags kyi 'phreng bas kun nas bskor ba bltas te/ sngags las byung ba'i 'od zer gyi sgo las byung ba spros pa'i 'od dpag tu med pa dang yang dag par

  548. 274b

    ldan ba'i mA ma kI dmar po'i tshogs rnams kyis nam mkha' kun tu bkang la/ de rnams kyis de la bum pa dmar po'i bdud rtsis dbang bskur te/ 'dod chags kyi mes 'bar ba la 'od zer lngas khyab pa'i byang chub kyi sems kyi rgyun kha dog dam pa'i rnams dbang bskur la/ mA ma kI'i tshogs zhu bar gyur pa zhugs pas dbang bskur bar bya zhing/ de bzhin du rang gi ba spu'i rtse mo las byung ba'i 'od dpag tu med pa'i tshogs kyis kyang dbang bskur bar bya'o/ /de ni zhes bya ba dbang du bya ba don du gnyer ba'o/ /de ma thag tu ste sems brtan pa'i rnal 'byor bas mnyam par bzhag pa'i rjes thogs nyid du sangs rgyas thams cad kyi thugs su byon ba dang/ 'phags pa 'jam dpal dang 'dra ba'i sku dang ldan pa dang/ bltas pa tsam gyis 'gro ba thams cad dbang du bya ba'i las byed bar dbang bskur ba'i rjes thogs nyid la 'gyur ro zhes bya ba'i don to/ /de'i phyir bltas pa tsam gyis bskul na/ 'gro ba thams cad dbang du 'gyur zhes gsungs so/ /rin po che zhes bya ba ni rin po che'i rigs kyi lha mo chen mo'o/ /dam tshig ni 'od dpag tu med pa ste/ /gang la de dag gi sbrin bkod pa dag gis dbang du bya bar nus pa'i don byed ba yod ba de la de skad ces bya'o/ /sngar ni rdo rje'i rigs gced? byas pa'i sgo nas spyod bstan pa yin no/ da ni las kyi tshogs kyi go rim gyi sgo nas nam mkha' rdo rje zhes bya ba la sogs pas gsungs te/ mA ma kI'i pad+ma'i nang na gnas ba'i thugs kyi dkyil 'khor gyi dbus na gnas ba'i pad+ma'i steng gi nyi ma'i gdan gyi dbus su bdag nyid yi ge raM las byung ba'i nam mkha' lta bu'i me'i dkyil 'khor gru gsum 'bar ba'i yi ge raM gyi mtshan pa la bzhugs pa rdo rje 'chang chen po dang mtshungs pa'i mi bskyod par rnam par bsgoms la/ de kho na bzhin du sdig pa bsag pa kha sbyar phye bar gyur pa 'jigs

  549. 275a

    pas myos pa mdun na gnas pa'i me'i dkyil 'khor la gnas pa me'i dkyil 'khor la gnas pa gcer bu skra grol ba lus til mar gyis bskus pa'i bsgrub bya dmigs te/ rang gi ba sbu'i bu gnas byung ba'i 'od zer gyi sgo las spros ba'i rdo rje srin po drag po mi bzad pa rnams dang ce spyad dang bya rog dang bya rgod dang khyi rnam pa tha dad pa'i rnams kyis nam mkha' i dbyings kun tu bkang la/ mtshon cha sna tshogs thogs pa'i khro bo rnams kyis mnan te dum bur byas shing srin po la sogs pa rnams kyis khrag dang klad pa la sogs pa phyung nas zos par bsam par bya'o/ /gal te de ltar zhes bya ba la sogs pa la/ phul du byung ba ma thob pas kyang bsgom ba 'di'i sbyor bas kha sbyar phye bar gyur nas sangs rgyas la sogs pa yin yang zla ba phyed kyi nang du nges par 'chi bar 'gyur ro zhes bya ba'i don to/ /gang la rdo rje srin po la sogs pa'i sprin bkod pa rnams kyis mngon spyod bya ba yod pa de la de skad ces bya'o/ /sngar na byang chub sems dpa' rnams kyi sprul pa'i dkyil 'khor bstan pa'i phyir kha dog la sogs pa bshad cing/ da ni rnal 'byor bsgom bar byed ba'i dbang du byas nas/ rnam par snang mdzad ces bya ba la sogs pas ston te de ni bshad zin to/ /'khor lo rdo rje padmo che/ /g.yas pa'i phyag du rnam par bsgom zhes bya ba la/ /rnam bar snang mdzad kyi g.yas pa'i rtsa ba'i phyag na 'khor lo mi bskyod pa'i rdo rje 'od dpag tu med pa'i ni pad+ma chen po'o/ de ni nye bar mtshon pa yin te/ rin chen 'byung ldan gyi g.yas ba'i rtsa ba'i phyag na rin po che don yod par grub pa'i ni ral gri'o/ /nges par 'byed pa'i shes rab kyi don ston par byed pa'i dril bu'i sgra'i rjes su 'gro ba'i shes rab kyi rang

  550. 275b

    bzhin can ni lha thams cad kyi g.yon pa'i rtsa ba'i phyag tu blta bar bya'o/ /mtshon cha bzang po sna tshogs bsnams pa zhes bya ba 'dis ni de bzhin gshegs ba lnga lta thams cad dang thun mong du shes rab ye shes gyi don ston bar byed cing rnam par thar pa drug gi bdag nyid kyi phyag mtshan drug bsnams ba yin no zhes bstan pa yin te/ 'on kyang rgyud ni sku dang gsung dang thugs gtso bor gyur pa nyid yin ba'i phyir/ sku rdo rje'i phyag g.yas pa rnams na ni 'khor lo dang rdo rje dang pad+ma'o// thugs rdo rje'i ni rdo rje dang 'khor lo dang chu skyes so/ /gsung rdo rje'i ni pad+ma dang rdo rje dang 'khor lo'o/ /g.yon pa rnams na ni dril bu dang yid bzhin gyi nor bu dang ral gri'o/ /rin chen 'byung ldan gyi g.yas pa rnams na ni/ yid bzhin gyi nor bu dang rdo rje dang 'khor lo/ /g.yon pa'i gnyis pas ni pad+ma'o/ /de bzhin du don yod par grub pa'i g.yas pa'i rtsa ba'i phyag na ni ral gri gnyis pa na ni sna tshogs rdo rje/ /g.yon pa'i gsum pa na ni pad+ma'o/ /de bzhin du rigs kyi dbye ba'i sgo nas thams cad la shes par bya'o/ /gang du khyad par gyi gnod pa med pa de ni bar bu chos gos 'khar gsil dang/ mtshon cha sna tshogs mchog 'dzin ba/ /zhes bya ba de lta bu la sogs pa bzung nas yang 'grub par 'gyur ro/ /sku dang gsung thugs sbyor ba las/ /lha rnams thams cad zhal gsum mo/ /rnam thar brgyad kyi rang bzhin phyir/ /de bzhin phyag mtshan thams cad bsnams/ /rigs gsum gtso bor gyur ba'i phyir/ rdo rje 'khor lo chu skyes ni/ /g.yas ba'i phyag na bsnams ba yin/ /don gyi g.yon na lhag ma rnams/ /phyag mtshan du ma bsnams pa nyid/ /kun tu so sor grub pa yin/ /gzhung gi don dang man ngag las/ /ral gri g.yon ba'i phyag na brnams?

  551. 276a

    tha mal pa'i sems can yang/ /g.yon bas ral gri 'dzin bar snang/ /de rnams bya ba'ang byed pa ste/ /goms pa'i sgo nas bya min med/ /shin tu spros pas cho ga'o/ /bcom ldan 'das kyis kyang/ /dngos grub kun gyi gter 'gyur ba/ /dgongs pa lung bstan la brten nas/ /gang gi sems kyi ji ltar nus/ /de yis de ltar bya ba yin/ zhes gsungs te/ /bdag gi nus pa yang de lta bu yin no/ /sems can kun la zhes bya ba la sogs pa ni go sla'o/ /nam mkha' rdo rje ni dkon mchog dpal lo/ /de'i spyan ni shes rab kyi spyan du gyur pa 'am rang gi ? sngags kyi rnal 'byor pa rdo rje'i gnas su khrid par byed pas so/ /'di ni dus 'dir mdog ser po yin no zhes bya ba ni man ngag yin no/ /gnag ces bya ba mi bskyod pa dang yang dag par sbyor ba'i dus su'o/ /de'i phyir mA ma kI 'di ni rigs gnyis kyi rang bzhin yin no/ /gsung gi spyan ni bshad ma thag pa bzhin du dkar mo zhes bya pa'o/ /rdo rjes mtshan ba'i utpal rdo rje utpa la yin zhing/ ngar 'dzin par byed pas ni rdo rje utpa la bsnams pa ste/ 'phags ma sgrol ma'o/ /khro bo chen po zhes bya ba la sogs pa la/ drag po ni rdo rje 'jigs byed yin zhing/ de dang mtshungs pas na drag po'i 'od bzang ba'o/ /sems can thams cad 'jigs pa skyed bar byed pas ni 'jiD pa'ang 'jiD pa byed ces rjod do/ gzhan gyis mi thub ces bya ba la sogs pa ni shes par zad do/ /khro bo chen po rta mgrin ni zhes bya ba la sogs pa la/ bskal pa'i me bzhin rab tu 'bar/ /zhes bya ba ni 'jig pa'i dus kyi me dang mtshungs pa'o/ /gdug pa zhabs kyis mnan zhes bya ba ni phung po'i bdud kyis rang bzhin gyi tshangs pa mnan nas bzhugs pa'o/ /sbyor ba can gyis rtag tu

  552. 276b

    bsam/ /zhes bya ba ni rdo rje 'chang chen po'i rnal 'byor ram/ 'od dpag tu med pa'i rnal 'byor byas la/ snga ma bzhin du rnal 'byor thams cad pa las yang dag par phyung ste/ des sems can gyi khams phung po'i bdud dang bral bar byas nas/ bkug ste rang gi lus la bcug la thams cad gyur par byas nas bdag nyid 'phags pa rta mgrin du bsam par bya'o zhes bya ba'i don to/ /rdo rje mi 'chi zhes bya ba la sogs pa la/ rdo rje 'bar ba ni zhe sdang ste/ de dang 'dra ba'o/ /ma bshad pa rnams kyi sku mdog la sogs pa ni/ tA ki ye shes la sogs pas bstan te/ ta ki 'dod par yang dag brjod/ /ces 'byung ba'i phyir ta ki zhes bya ba'i sgra ni 'dod ba la bya'o/ /de nyid ye shes gyi khro bo'i gzugs yin pa'i phyir khro bo chen po'o/ /zhal gsum pa ni 'jigs par byed/ ces bya ba la sogs pa ni sku rdo rje la sogs pa'i rang bzhin gyi zhal gsum gyi tha mal pa'i lus la sogs pa rnams 'jig par byed pa'o/ /spyod pa la brtson pa thams cad las mchog tu gyur pa nyid yin pa'i phyir stobs po che'o/ /sems can thams cad kyi mi shes pa'i mun pa thams cad rnam par 'joms par byed ba nyid yin pa'i phyir 'jig rten gsum gyi mun sel ba'o/ /gdug pa thams cad 'joms par byed/ ces bya ba ni bdud bzhi dang bla ma la smod par byed pa la sogs pa rnams 'joms par byed pa'o/ /zhal gsum par zhes bya ba la sogs pa ni bshad zin to/ /rdo rje dbyug pa kha dog sngon po 'dzin par mdzad pa nyid yin pa'i dbyug sngon can no/ /khams gsum dag gi nang na gnas pa'i gdug pa rnams 'jigs par byed bas na khams gsum dag ni 'jigs par byed pa'o/ /sku dang gsung dang thugs las byung ba'i zhal gyi yan lag dang ldan pa nyid yin pa'i phyir zhal gsum

  553. 277a

    rdo rje gsum las byung ba'o/ /nyon mongs pa'i bud shing ma lus pa bsreg pa'i bdag nyid kyi 'od kyis 'bar? ba nyid yin pa'i phyir 'bar ba rnon po can no/ /rdo rje ni sbyor ba'i mi phyed pa'i thabs te/ de las g.yo ba med? bas na rdo rje mi g.yo ba'o/ /thugs las byung ba nyid yin pa'i phyir rdo rje las byung ba'o/ /srid pa dang mya ngan las 'das pa dag tha mi dad par lta ba'i sgo nas gcig du mthong ba'i phyir mi g.yo ba'o/ /zhi ba zhes bya ba ni khro bo gzhan la bltos nas cung zad tsam nyid kyis yin gyi/ rnam pa thams cad du zhi ba'i gzugs can ni ma yin te/ khro bo nyid yin pa'i phyir ro/ /gzhan ni bshad zin to/ /gtsug tor chen po yi ge cig /ces bya ba ni yi ge bruM las byung ba'i gtsug tor 'khor lo sgyur ba chen po'o/ /'od zer dag ni kun nas 'phro/ zhes bya ba ni nyi ma'i 'od zer bzhin du spros pa'i 'od zer rnams kyis kun tu snang bar byed pa'o/ /zhal gsum zhes bya ba la sogs pa ni bshad zin to/ /nyon mongs pa thams cad nges par 'joms par byed pa'i mtshan nyid can gyi ye shes mchog 'dzin par mdzad pas na gnod mdzes ye shes mchog 'dzin pa'o/ /de nyid ni drag po yin zhing de nyid ni 'jig pa'i dus kyi rgya mtsho dang mtshungs pa'o/ 'di'i sku mdog la sogs pa ni srung ba'i 'khor lo las bshad de 'on kyang skabs 'dir ni rdo rje hUM mdzad kyi phyag rgya dang ldan pa yin zhing phyag g.yon pa lhag ma rnams kyis ni mi bskyod pa bzhin du mtshon cha des par bsnams pa'o/ / de bzhin gshegs pa thams cad kyi gzi brjid kyi rang bzhin nyid yin pa'i phyir gzi brjid phung po'o/ /'di la 'khor los bsgyur ba thams cad kyis zil gyis mi gnon pa'i gtsug tor yod pas na gtsug tor rgyal pa'o/ /gang

  554. 277b

    gzhan sngags kyi 'khor lo can/ zhes bya bas ni 'di dag la brten nas 'khor lo sgyur ba brgyad bzung ngo/ /de rnams kyi sku mdog la sogs pa'i nges pa ni rdo rje snying po'i rgyan las shes par bya'o/ /zhal dang phyag gi des pa yang de nyid las bshad de/ /rang gi phyag mtshan ni rtsa ba'i phyag la/ lhag ma la ni de las bshad pa'i phyag mtshan rnams dgod par bya'o/ /dam tshig longs spyod 'di rnams ni/ /zhes bya ba ni sku mdog dang zhal dang phyag dang mtshon? cha la sogs pas khyad par du byas pa'i sku mnga' ba bdag nyid bsrung bar nus pa rnams so sor rnal 'byor pa rnams kyis bsgom par bya'o zhes bya ba'i don to/ /lha rnams re re'i ting nge 'dzin dpag tu med cing tshad med par bshad payin no/ /de ji ltar shes zhes na/ de'i phyir re re yang zhes bya ba la sogs pa gsungs te/ nam mkha' i steng du shin tu 'phags/ zhes bya ba ni gal te nam mkha' la yul des pa yod na de'i tshe khro po'i ting nge 'dzin gyi sprul pa rnams kyis de yang kun tu bkad nas sprul pa ches lhag par yang 'gyur ro zhes bya ba'i don to/ /rdo rje 'chang chen po yongs su gyur par byas nas bshad ma thag pa'i lha thams cad bsgom par bya ba yin pas/ de'i phyir nam mkha' i dbyings zhes bya ba la sogs pa gsungs te/ ji skad bshad pa'i btsun mo'i nam mkha' i dbyings su 'od gsal ba'i dkyil 'khor ni rnam par snang mdzad kyi'o/ /sangs rgyas ni rdo rje 'chang ste/ de'i gzugs ni sangs rgyas gzugs so/ /rnam par snang mdzad rnam par bsam/ /zhes bya bas ni 'di skad du bstan te sgrub pa'i thabs kyi tshul bzhin du rdo rje 'chang chen po'i rnal 'byor dang ldan pas dang po'i sbyor ba'i ting nge 'dzin gyi rjes thogs la rang gi rig ma'i pad+ma la gnas pa'i byang chub kyi sems kyi zla ba la dzi na dzi ka ces bya ba 'dis rnam

  555. 278a

    par snang mdzad bskyed nas rdo rje gsum gyis byin gyis brlabs la phyung ste/ de 'gro ba'i don byed du bcug la de bkug nas rang gi lus la bcug ste/ thams cad gyur par bya bas bdag nyid rnam par snang mdzad du bsam par bya'o/ /de bzhin du lha thams cad bskyed pa'i bsgom pa shes par bya'o/ /rang bzhin gyi yongs su dag pa nyid yin pa'i phyir zla ba gsal ba bzhin no/ /stong pa nyid kyi rgyu mthun pa'i me long lta bu'i ye shes kyi rang bzhin nyid yin pa'i phyir me long lta bur yang dag par 'byung ba'o/ /de nyid kyi phyir rdo rje'i rnam pa can gyi khams gsum pa'i gzugs brnyan 'byung ba'i rgyu nyid yin pa'i phyir khams gsum dag gi dkyil 'khor ro/ /gzhan ni go sla'o/ /bsam gtan rdo rje zhes bya ba la sogs pas ni phan yon gsungs te/ gzhan la yang de dang 'dra'o/ /gang la rnam par snang mdzad 'byung zhing skye ba yod pa de la de skad ces bya'o/ /rdo rje'i dkyil 'khor ni mi? bskyod pa'o/ /thog ma dang tha med pa'i chos kyi dbyings kyi ye shes rnam par dag pa yin pa'i phyir gsal ba'i lus dang 'dra ba'o/ /gzhan ni shes par zad do/ /'di la chos kyi dbyings kyi ye shes kyi bdag nyid kyi thugs kyi rnam pa mnga' bas na ye shes gnas so/ /dam tshig thams cad ni mi bskyod pa ste/ de 'byung ba ni skye ba yin zhing gang la de nyid mdzes pa ste/ bzang po'i rdo rje yod pa de la de skad ces bya'o/ /chos kyi dkyil 'khor ni 'od dpag tu med pa'i dkyil 'khor ro/ /chos kyi sems dpa' ni 'od dpag tu med pa ste/ chos thams cad la so sor rtog pa rnam par dag pa nyid yin pa'i phyir ro/ /gsal ba ni pad+ma rA ga'i mdog can no/ /mchog du

  556. 278b

    dga' ba dang sgeg pa'i ro'i bdag nyid can yin pa'i phyir zhi ba'o/ /'od zer sprin gyi zhes bya ba la sogs pas ni rang gi ba spu las byung pa'i 'od zer sna tshogs kyi sprin ni 'khor los nam mkha' kun tu gang par bsam bar bya'o/ / chos kyi sku nyid yin pa'i phyir sku gsum mi phyed pa las byung ba'o/ /des par 'byed pa'i shes rab kyi ye shes nyid chu'i khams bzhin du thams cad du 'gro ba nyid yin pa'i phyin ye shes rgya mtsho yin zhing/ de rig ma'i gzugs su yongs su gyur pa dang sbyor bas brgyan pa nyid yin pa'i phyir rnam par brgyan pa ste/ de tshe 'di nyid la thob par 'gyur ro zhes bya ba'i don to/ /ting nge 'dzin ni 'das ma thag pa bzhin no/ /zla bas mtshan pa'i dkyil 'khor ni zla ba'i dkyil 'khor ste/ sku'i dkyil 'khor nyid do/ /spyan gyi mchog ces bya ba ni sangs rgyas spyan no/ /gzhan ni bshad zin pa dang 'dra'o/ /spyan gyi dam tshig ni 'khor lo'i phyag mtshan gyi gzugs kyi rnam par snang mdzad de/ sems rtse gcig pa gang la de phyag gi mchog tu rnam par bsgoms pa yod pa de la de skad ces bya'o/ /rdo rje'i dkyil 'khor ni thugs kyi dkyil 'khor ro/ /nam mkha' rdo rje mchog ces bya ba ni rigs gnyis kyi rang bzhin can mA ma kI'o/ /nam mkha' i yum zhes bya ba ni nam mkha' dang mtshungs pa'i rin po che'i rigs kyi yum ste/ gang la de nyid kyis pad+ma las byung ba'i 'od zer gyi sprin rnams kyis rdo rje rigs tshim par byed pa yod pa de la de skad ces bya'o/ /chos kyi dkyil 'khor ni bshad zin to/ / rdo rje chos ma zhes bya ba ni gos dkar ma'o/ /pad+ma rA ga zla 'od 'dra ba ni dmar po cung zad skye ba ste/ rgya skyegs kyi khu ba dang thod lo 'khor bsres ba des bris pa lta bu'o/ /thugs rje chen pos chags ba'i thugs 'dzin pas na 'dod chags

  557. 279a

    chags pa 'dzin pa ste 'od dpag tu med pa yin zhing/ /de'i sdug pa ni 'dod pa'o/ /chos kyi ye shes 'byung gnas zhes bya ba ni 'od dpag tu med 'byung ba'i gnas so/ /de'i phyir bsgrub pa po rnams kyis gsang bar bya'o/ /utpal dmar po phyag na bsnams zhes bya ba ni g.yas pa'i rtsa ba'i phyag gis thugs kar kha phye ba de'i rtsa ba g.yon pa dril bu dang bcas pas gzung ba'i thabs mtshon par byed pa'o/ /chos ni 'od dpag tu med pa'o/ /dam tshig ni gos dkar mo ste/ /de dang yang dag par sbyor ba bsgom pa'i sgo nas de kho na nyid mngon par byang chub pa kun tu ston pa ni bde ba chen po mngon par byang chub pa mngon du byed ba yin zhing gang la de nyid mi phyed pa yin pa yod pa de la de skad ces bya'o/ /dngos grub dkyil 'khor zhes bya ba ni don yod grub pa'i dkyil 'khor ro/ /sgron? ma mchog ces bya ba ni 'phags ma sgrol ma'o/ /gang la kha dog ljang ser 'dra ba ste bab la'i kha dog dang mtshungs pa yod pa de la de skad ces bya ba ste/ /pe DUrya ljang ser gyi mdog can zhes bya ba'i don to/ /byang chub kyi sems kyi zla ba las byung ba nyid yin pa'i phyir rdo rje ting 'dzin las byung ba'o/ /utpal ser po'i mdog 'dra ba zhes bya ba yang de dang 'dra ba nyid do/ / dam tshig ni don yod par grub pa ste/ /de'i rig ma ni dam tshig sgrol ma yin zhing ngo? nyid mchog ste sems rtse gcig pa gan la de yod pa de la de skad ces bya'o/ /nyi ma'i dkyil 'khor zhes bya ba ni sku'i dkyil 'khor gyi dbus na gnas pa'i pad+ma'i steng gi nyi ma'i gdan no/ /gshin rje'i rnam pa'i 'chi bdag gi bdud 'joms par byed pa'i phyir gshin rje bshed do/ /de nyid ni mchog ste de'o/ /gzhan ni gshad zin to de ltar dkyil 'khor de dang de la gnas pad+ma'i steng?

  558. 279b

    gi nyi ma'i gdan la bzhuD pa'i rdo rje chen po'i rnal 'byor dang ldan pas rig ma'i pad+ma na gnas ba'i byang chub kyi sems kyi nyi ma'i dkyil 'khor la bdag nyid rang gi snying po rnams kyis de kho na bzhin du khro bo thams cad kyi gzugs su bskyed par bya'o zhes bya ba ni khyad par yin no/ /gang la 'phags pa gshin rje gshed spro ba'i bkod pa rnams kyis sems can thams cad kyi rgyud la yod pa'i 'chi bdag gi bdud rnam par gzhom par bya ba yod pa de la de skad ces bya'o/ /nyon mongs pa rnams kyis pham? pa bya ba mi nus pa nyid yin pa'i phyir gzhan gyis mi thub pa'o/ /rdo rje gyis pa mche ba gtsigs/ /zhes bya ba ni rdo rje gyis pa bsnams pa dang/ mche ba drug du gtsigs pa'o/ /gang la 'phags ba gzhan gyis mi thub pa'i rdo rje bkod pa rnams kyis sems can rnams kyi nyon mongs pa'i bdud rnam par gzhom par bya ba yod pa de la de skad ces bya'o/ /dpal sangs rgyas thams cad kyi rgyud las bshad pa'i rta mchog bzhin du tshangs pa la sogs pa'i rnam pa can gyi phung po'i bdud la sogs pa rab tu 'joms pa'i phyir rdo rje rta ste dpal pad+ma mthar byed yin zhing de'o/ /pad+ma mthar byed gang gis rnam pa thams cad du gdug pa'i phung po'i bdud kyi rang bzhin can tshangs pa gnon pa de la de skad ces bya'o/ /gang la rta bskyed pa dang de las byung pa'i bkod pa rnams kyis phung po'i bdud rnam par gzhom par bya ba yod? pa de la de skad ces bya'o/ /rdo rje mi 'chi ni bdud rtsi 'khyil ba'o/ /rdo rje'i sprin ni kun tu 'khrug ces bya ba ni ye shes kyi 'od zer gyi sprin gyis khyab pa'o/ /gang la bdud rtsi 'khyil ba las byung ba'i rdo rje'i dam tshig bkod pa rnams kyi lha'i bu'i? bdud rnam par bzhom par bya ba yod pa de la de skad ces bya'o/ /rdo rje 'od bzang zhes bya ba ni dpal zhe sdang rdo rje'i mdog can no/ /bsam gtan nyid rdo rje yin

  559. 280a

    pas na bsam gtan rdo rje'o/ /des rdzogs par byang chub pa zhes bya ba ni yang dag par sbyor ba las byung ba'i bde pa chen po ste/ ting nge 'dzin gang la ming de skad ces bya ba nyid yod pa de la de skad ces bya'o/ /zhags pa 'dzin ces bya ba ni phyag gsum pas rig ma'i nu ma 'dzin pa'o/ /gang la sku dang gsung dang thugs mi phyed pa'i stobs yod pa de la de skad ces bya ba'o/ /rgya mtsho nag po skyed par byed/ ces bya ba ni rgya mtsho rnams kyis chu'i khams bzhin du 'phags pa dbyug pa sngon po sku mdog nag po sgyed par byed pa'o/ /gang la rdo rje dbyug pa nyid 'da' bar mi bya ba nyid yin pa'i phyir dam tshig mchog yin pa yod pa de la de skad ces bya'o/ /rdo rje'i nam mkha' i dbyings kyi dam tshig ni mi gnas pa'i mya ngan las 'das pa'i 'phags pa mi g.yo ba ste/ gang la des srid pa dang zhi ba'i rnam par rtog pa'i zhabs 'joms par byed pa yod pa de la de skad ces bya'o/ /rig pa'i 'khor lo zhes bya ni gtsug tor 'khor los sgyur ba'o/ /gtsug tor nyid dam tshig ste/ 'da' bar mi bya ba nyid yin zhing/ /gang la de'i stobs kyi rig pa'i 'khor lo mi shigs pa yod pa de la de skad ces bya'o/ /rdo rje sum+b+ha zhes bya ba ni dpal gnod mdzes rgyal po'o/ /'di ni khro bo thams cad kyis/ /'da' bar dka' pa'i dam tshig go /zhes bya ba ni khro bo thams cad sgom pa'i rnam pa 'di nyid ni/ /de bzhin gshegs pa thams cad kyis kyang 'da' par bya ba ma yin par bcom ldan 'das kyis gsungs pa'o/ /gang la rdo rje'i dam tshig nyid dpal gnod mdzes rgyal po ste/ /de rab tu 'byung ba yod pa de la de skad ces bya'o/ /gang gi tshe rang gi rigs su bshad pa'i dkyil 'khor gyi cho gas sangs rgyas la sogs pa rnams ma grub na/ de'i

  560. 280b

    tshe dkyil 'khor rnams bka' i 'khor los mnan nas bsgrubs na gdon mi za bar 'grub par 'gyur pas/ /de'i phyir 'gog pa zhes bya ba la sogs pa gsungs te/ 'gog pa ni mnan pa'o/ /gang gi zhen khro bo'i 'khor lo yis te/ khro bo'i dkyil 'khor 'bar bas so/ /'di gang gis bya zhe na/ sangs rgyas 'khor lo bsten pa yi ste/ 'gog ba'i ting nge 'dzin mngon du byas shing sangs rgyas la sogs ba'i dkyil 'khor bsgom pa pos so/ /gang las she na 'di ltar ting nge 'dzin rdo rje sems dpa' rnams/ rdo rje'i dkyil 'khor las 'grub 'gyur zhes gsungs te/ rdo rje'i dkyil 'khor ni 'khor lo rtsibs bcu pa'o/ /'di skad du bstan pa yin te/ mA ma kI'i mtsho skyes su yi ge hUM las byung ba'i 'khor chen po 'bar ba rtsibs bcu pa kha dog kun tu ser po rnam par bsgoms la /de'i lte ba'i dbus su bdag nyid ji skad bshad pa'i zhe sdang rdo rjer rnam par bsam ste/ ji lta ba bzhin du yang dag par sbyor ba las kun tu phyung nas/ rnam par snang mdzad la sogs pa cung zad nur pa'i gnas la rten pa'i rtsibs bzhi la 'phags pa gshin rje gshed la sogs pa bzhi po dang/ de bzhin du sangs rgyas can la sogs pa cung zad nur ba'i gnas rnams su go rim bzhin du 'phags pa 'dod pa'i rgyal po dang/ dbyug pa sngon po dang stobs po che dang/ mi g.yo ba dang/ dbang po dang dbang ldan gyi phyogs kyi rtsibs dag gi dbus na gnas pa'i rtsibs cung zad 'dor ba la khro bo gtsug tor 'khor los sgyur ba dang/ de bzhin du chu lha dang bden bral gyi phyogs dag gi dbus na gnas pa'i rtsibs la khro bo dpal gnod mdzes rgyal po bsam par bya'o/ /le'u bco brgyad pa las kyang/ 'khor lo ser po'i rtsibs bcu pa/ /de'i dbus na rnam par bsgom/ /ye shes bcu 'byung bdag nyid can/ /khro bo bcu ni rtsibs kun la/ /

  561. 281a

    rdzogs pa mchog du bzang ba yin/ 'gog pa'i rdo rjes bsgom par bya'o zhes gsungs so/ /rdo rje'i dam tshig ni thabs dang shes rab kyi bdag nyid kyi dpal rdo rje sems dpa' o/ /de'i bkod pa ni dkyil 'khor gyi lha rnams tha dad pa rnams kyis dbyibs la sogs pa'i bkod pa'i rang bzhin no/ /des de kho na nyid kyi don bsgom pa ni yang dag par sbyor ba la gnas pa nyid kyi sgo nas las rnam pa sna tshogs bsgrub pa rnams so/ /des mngon bar ste rnam pa/ thams cad du byang chub pas na mngon par byang chub pa ste/ thams cad la khyab pa'i bde ba chen po yin zhing/ don de ston par byed pa'i sgra'i tshogs la de skad ces bya'o// //le'u bcu gsum pa'i rnam par bshad pa'o// //sangs rgyas spyan la sogs pa'i sngags dgod pa dang brjod pa sngon du 'gro ba can gyi zhi ba la sogs pa'i las kyi cho ga bya ba yin pas/ de'i phyir sku dang gsung dang thugs rmad du byung ba'i sngags kyis 'gugs pa'i rnam par sprul pa'i rgyal po'i ting nge 'dzin gyi le'u de nas zhes bya ba la sogs pa gsungs te/ de bzhin gshegs pa thams cad kyis 'da' bar mi bya ba nyid yin pa'i phyir de bzhin gshegs pa thams cad kyi dam tshig gi bdag po ni rdo rje 'chang chen po'o/ /rims dang gdon la sogs pa'i nyes pa thams cad zhi bar byed pas na zhi ba'o/ /de'i don gyi dam tshig ni rgyu dang lam ste sangs rgyas spyan yin zhing/ /gang la de nyid mchog rdo rje yin pa yod pa de la de skad ces bya ste/ sangs rgyas spyan gyi sngags brjod pa'i rnam par sems rtse gcig pa nyid du byas nas zhes bya ba'i tha tshig go /de bzhin gshegs pa thams cad ni rnam

  562. 281b

    par snang mdzad do/ /de'i btsun mo ni sngags kyi lha mo'o/ /phyung ngo zhes bya ba ni sku dang gsung dang thugs yang dag par sbyor pa las phyung bar gyur pa'o/ /'byor ba kun la dgyes pa rnams ni sems can thams cad kyi phun sum tshogs pa la 'dod pa'i gti mug gi rigs can rnams so/ /sangs rgyas rdo rje rjes su dran zhes bya ba ni/ /sangs rgyas kyi spyan gzugs su mngon par byung ba'i sku rdo rje ste/ des 'gro ba bde bar mdzad pa mngon nas mnyes shing shin tu dgyes par gyur to/ zhes bya ba'i don to/ /sangs rgyas rnams kyi zhing 'byung ba/ /zhes bya ba ni bsgrub par mngon par 'dod pa'i de bzhin gshegs pa rnams kyis mngon par 'dod pa'i dngos grub thob nas/ 'dis sngar bshad pa'i rim pa bzhin du zhi bar bya ba'o/ /'di nyid gdan kha dog ser po la sogs par bsam pa'i bye grag gis zhi ba la sogs pa'i las thams cad rab tu sgrub pa'o/ /shi ba gson par byed par gsungs/ zhes bya bas ni 'di skad bstan pa yin te/ ji lta ba bzhin du sangs rgyas spyan gyi rnal 'byor/ byas la/ rang gi snying gnas grub pa'i rdo rje lcags kyu phyung ste nges shi ba'i dri za'i sems can gyi bdag nyid dam mngal du zhugs pa'i rnam par shes pa gsal zhing rlung gis mi bskyod pa'i mar me'i me lce'i rnam pa can bkug nas de'i snying gar bcug ste/ /der mo ha ra ti zhes bya ba'i snying po rnam bar bkod la de las byung ba'i 'od zer gyi tshog ma rnams kyi de'i 'jigs pa mi snang bar byas ste/ snying po nyid rjod cing sangs rgyas spyan gyi gzugs su yongs su gyur bar bsams la/ phung po dang skye mched dang sku dang gsung dang thugs byin gyis brlab pa yang byas te/ rang gi snying ga na bzhugs pa'i ye shes kyi lha mo'i thugs kar pad+ma'i steng gi zla ba la bkod pa'i 'phreng ba'i sngags las byung ba'i 'od zer gyi sgo las spros

  563. 282a

    pa'i sangs rgyas spyan gyi tshogs rnams kyis bum pa'i byang chub kyi sems dang bdag nyid zhugs pa'i dbang bskur ba rnams kyis dbang bskur bar bya'o/ /de ltar na shi ba de gson zhing rdo rje'i sku dang ldan par 'gyur ro/ /rdo rje'i dam tshig ni dpal rdo rje sems dpa' yin zhing/ de bskul bar mdzad pas na rdo rje'i dam tshig bskul mdzad ma ste/ gang gi tshe ji skad bshad pa bzhin du byed pa'i rnal 'byor bas grub par ma gyur na/ de'i tshe dpal rdo rje 'chang rjes su mnyes par byas te/ snyan cing 'jam pa'i tshig rnams kyi yang dag par bskul nas/ bkug ste de'i rgyud la sgrub par byed pa yin pa'i phyir ro/ /sku gsum gyi dam tshig rdo rje khro bo ni chos kyi sku la sogs pa'i ngo bo nyid yin pa'i sgo nas 'da' bar bya ba ma yin pa'i mi bskyod pa'o/ /de'i dngos po ni sems can thams cad sdud par byed ba'i thugs rje chen po'i rang bzhin can gyi thabs kyi thugs so/ /de'i dngos po med pa ni de'i rang bzhin med ba'i shes rab ste/ kun rdzob du ni mA ma kI'i gzugs so/ /dam tshig ni srid pa dang zhi ba mnyam pa nyid du ro gcig pa'i mi gnas pa'i mya ngan las 'das pa ste/ shes pas srid la mi gnas shing/ snying rjes zhi la mi gnas te / zhes 'byung ba'i phyir ro gang la de nyid rdo rje yin pa yod pa de la de skad ces bya ste/ de la snyoms par zhugs nas so/ /rdo rje 'dzin gyi btsun mo'i mchog 'di zhes bya ba ni bla na med pa'o/ /de bzhin du thams cad la rigs kyi bye brag gi sgo nas shes bar bya'o/ /rdo rje bsrung ba'i sbyor ba las/ zhes bya ba ni rang gi rnal 'byor gyis ro langs la sogs pas bsgrub pa rnams la'o/ /'di skad du bstan pa yin te/ ji lta ba bzhin du rang gi lha'i rnal 'byor dang ldan pas rang gi

  564. 282b

    mgo la dwe Sha ra ti zhes bya ba'i snying po las byung ba'i rdo rje kha gyen du ltas shing zla ba'i dkyil 'khor la gnas pa bsams te/ de'i lte ba'i nang na gnas pa'i mA ma kI bsams la/ ye shes kyi lha mo'i thugs ka'i pad+ma'i steng gi zla ba la gnas pa'i 'dod ba'i sngags las byung ba'i rdo rje rtse gsum pa rnams kyis bdag nyid rkang pa'i mthil gyi bar du rdo rje'i go bgos par bsgom par bya'o/ /de ltar na mi phyed pa'i bsrung bar 'gyur ro/ /las rnams rtag tu rab sgrub pa/ zhes bya ba ni sangs rgyas spyan ? du? zhi ba la sogs pa'i las rab tu bsgrub par 'gyur ro/ /rdo rje chen po ni dpal rdo rje sems dpa' ste/ de'i 'jigs pas myos bar gyur pa rnams la yang 'di ni rtag tu stobs bskyed pa yin no/ /gang gi phyir de lta yin pa? de bas na gdon pa soD pa thams ? 'jigs pas 'jigs par 'gyur di'i sems can la bshad ma thag pa'i cho ga'i sgo nas 'di nyid kyis bsrung bar bya'o/ /mngon spyod bya ba'i sems can kha sbyar phye bar gyur cing bsrung ba dang bral ba la yang/ gal te rnal 'byor pa 'dis 'di'i sgo nas bsrung bar byas nas de yang mi byed par 'gyur ro/ /'dod chags chen po ni 'od dpag tu med pa'o/ /de'i dam tshig ni gos dkar mo ste/ gang la de gzigs shing ye shes kyi spyan gyis yul du bya ba yod pa de la de skad ces bya'o/ /chos te mi 'jigs pa la sogs pa rnams rgyas shing 'phel bar byed pas na chos rgyas pa'o/ /stobs mdzad pa zhes bya ba ni nad la sogs pa rnams kyis nyams pa rgyas par mdzad pa'o/ /mdzod chen po'i nam mkha' mdzod kyi ting nge 'dzin gyi rang bzhin can gyi dkon mchog dpal te de dang yang dag par ldan pas na mdzod chen po dang ldan pa'o/ /'di skad du bstan pa yin te/ ji lta ba bzhin du 'od dpag tu med pa dang bcas pa'i gos dkar mo sku mdog ser po'i rnal 'byor dang ldan pas snga ma

  565. 283a

    bzhin du dbang bskur ba rnams kyi sgo nas stobs zad pa'i stobs bskyed pa dang/ /dbul po'i nor 'phel bar bya'o/ /bzlas pa tsam gyis zhes bya ba ni ji skad bshad pa'i bsgom pa sngon du 'gro ba can gyi sngags ? pa nyid kyis zhes bya ba'i don to/ /'gro ba ma lus pa'i bya ba bsgrub pa'i phyir kun nas yang dag par 'byung bas na kun nas 'byung ba ste 'phags ma sgrol ma yin zhing/ de'i sngags brjod pa'i rnam par sems rtse gcig pa mi phyed pa ni ting nge 'dzin te de la snyoms par zhugs nas zhes bya ba la sogs pa sngar bshad zin to/ /sangs rgyas rdo rje ni de bzhin gshegs pa rnams te de rnams kyi sde ni tshogs yin pas sangs rgyas rdo rje sde chen no/ /sems can khams ni ma lus pa/ zhes bya ba ni 'di skad du 'od dpag tu med pa dang yang dag par ldan zhing de'i mdog can gyi 'phags ma sgrol ma gdan dang 'od dang rgyan dmar po dang ldan pa'i rnal 'byor ji lta ba bzhin du byas la/ ye shes kyi rig ma'i thugs kar pad+ma'i steng gi zla ba la 'phred bas? sngags kha dog dmar po mgo gyen du ltas pa rnam par bkod de/ oM las byung ba'i yi ge a yis bskyed pa'i mnga' kha 'ug gi dngos po yi ge hUM las byung ba'i utpa la dmar po kha ma bye ba'i ma de bu dang ldan pa rang gi sngags kyis byin gyis brlabs pa rna rtsa'i bar du bkad bas bsgrub bya skyes pa'i snying dang lkog ma dmar po dang bud med kyi pad+ma phug la/ rang gi snying ga las 'phreng ba'i sngags rdo rje nas byung ba de'i khar bcug ste/ /de'i sems zla ba'i dkyil 'khor dmar pa'i rnam pa can bkug nas log ste/ ye shes kyi lha mo'i pad+ma'i lam nas snying gar bcug la bzlas pa bya zhing/ bsgrub bya yang snying 'phrog shing rtsa ba nas bcod

  566. 283b

    ba'i ljon shing bzhin du skad ba'i drung du 'gyel bar blta par bya'o/ /de ltar na bran bzhin du thams cad byed bar dbang du 'gyur ro zhes bstan pa yin no/ /de nas zhes bya ba la sogs pa la/ sku dang gsung dang thugs rdo rje de bzhin gshegs pa ni dpal rdo rje sems dpa' o/ /gshin rje gshed gang la dri ma med pa ste/ rtog pa'i skyon dri ma thams cad dang bral zhing/ thugs rdo rje chen po las byung ba'i 'od zer gyi sprin spro bar bya ba yod pa de la de skad ces bya ste/ de la dmigs pa'i ting nge 'dzin ni mi phyed ba nyid yin pa'i phyir de skad ces bya'o/ /sangs rgyas grags pa chen po kun/ /zhes bya ba ni gti mug gi rigs kyi dkyil 'khor ba rnams/ /'jigs shing kun tu skrag gyur nas/ zhes bya ba ni rigs des ba la sogs pa'i sems can rnams dang rjes su mthun par ston pa'o/ /rdo rje'i sems ni rjes su bran/ /zhes bya bas ni rdo rje 'chang chen po rjes su dran pas 'jigs pa thams cad dang bral bar 'gyur ro zhes kyang bstan to/ /thod pa zhes bya ba la sogs pas ni gong bu dgug par brtsams pa gsungs so/ /'di skad du ji skad bshad pa'i sku'i dkyil 'khor du rdo rje 'chang chen po'i rnal 'byor dang ldan pas dang po sbyor ba'i ting nge 'dzin gyi rjes thogs la 'phags pa gshin rje gshed dbyung ba dang/ /gzhug par gyur par byas nas/ bdag nyid 'phags pa gshin rje gshed zhal bzhi pa phyag drug pa zhabs bzhi pa phyag na ral gri dang gtun shing dang dgra sta dang zhags pa rnams la lhag ma bshad zin pa'i mtshan nyid dang ldan par dmigs la/ /bzlas pa las bshad pa'i chog/ bzhin du bzlas pa mang du bya'o/ /de nas lha rnams kyis rjes su gnang bar gyur cing bzlas pa 'bum byas pas bud med kyi thod pa bzang po mchog pa blangs te/ de'i phyi rol du pad+ma chen po 'dab ma brgyad pa'i lte ba la rnam pa'i mchog thams

  567. 284a

    cad dang ldan pa'i 'phags ma sangs rgyas spyan la sogs pa gang yang rung ba'i thugs kar sngags kyis mtshan pa bris la phyi rol du nyi ma'i dkyil 'khor la gnas pa'i oM las byung ba'i 'khor lo lcags kyus mtshan pa'i g.yas pa rkyang ba'i rkang ba g.yon ba'i mthil gyis mnan te/ lcags kyu de yis snying gar phug la bkug par bsam zhing bskus ba'i tshig dang bcas pa'i sngags bsgrags pa dang bcas pas lan gsum brjod na gdon mi za bar 'gugs bar 'gyur ro zhes bstan pa yin no/ /gnod sbyin mo la sogs pa rnams kyang de bzhin du dgug par bya'o/ /skyes bu'i thod par g.yon brkyang ba'i rkang pas bsgrub bya mnan te skyes bu dgug par bya'o zhes bya ba ni khyad par yin no/ yang na ka zhes bya ba bde ba yin zhing de bsrung bar byed cing 'phel par byed pas na ka pA la ste thod pa ni bu mo gzhon nu ma'i lus so/ /ma chag pa zhes bya ba ni skye gnas mnyams pa'o/ /mdzes zhes bya ba ni gzugs mdzes pa'o/ 'dod pa tshim par byed pa nyid yin pa'i phyir yid du 'ong ba ste/ /de lta bu'i yon tan khyad bcan dang ldan pa mdun na gnas pa ji lta ba bzhin du sangs rgyas spyan gyi gzugs su bskyed la 'phags pa gshin rje gshed kyi rnal 'byor dang/ ldan bas rang gi snying gnas grub ba'i 'khor lo'i lcags kyu phyung ste/ nges ka kan de'i 'jig rten gyi khams na bzhugs pa'i ye shes kyi sangs rgyas spyan bkug nas de la bcug pa rkang pas mnan ba byas la/ 'phreng ba'i sngags lan gsum brjod nas/ khro bo'i me dang ye shes kyi rig mi'o rdul chu'i? sbyor bas zangs la sogs pa'i khams rnams gser du bya ba bzhin du nges pa kho nar 'phags ma sangs rgyas spyan du 'gyur ro/ /de bzhin du mA ma kI la soD

  568. 284b

    pa 'jig rten las 'das pa'i rig ma thams cad dgug pa bsgrub bar bya'o zhes bya ba ni man ngag yin no/ /de nas zhes bya ba la sogs pa la/ dam tshig ni las kyi rigs so/ /de las byung ba'i 'od zer stug po mchog ni 'phags pa bdud rtsi ste/ de la dmigs pa'i ting nge 'dzin la de skad ces bya'o/ /sangs rgyas kun ni las kyi rigs can rnams so/ /brgyal zhing zhes bya ba la sogs pa'i tshig rnams kyi snga na bzhin du sems can rnams dang rjes su mthun par ston pa yin no zhes thams cad du shes par bya'o/ /rdo rje sku ni rnam par snang mdzad de de rjes su dran pa ni snga ma bzhin no/ /sngags rnams kun gyi sbyor ba dang/ zhes bya ba ni lha thams cad kyi las kyi tshogs sna tshogs sna tshogs pa bsgrub ba'i mtshan nyid rnams la bcom ldan 'das 'di nyid sbyar bar bya ste/ /bya ba thams cad sgrub par byed pa nyid yin pa'i phyir ro/ /khyad par ni rdo rje bskrad ba zhes bya ba la sogs pas gsungs te/ tshul bzhin zhes bya bas ni 'di skad du bstan pa yin te/ ji lta ba bzhin du 'phags pa bdud rtsi 'khyil pa'i rnal 'byor dang ldan pas thong lo kar dang ro sreD kyi mel bsregs pa'i smyo byed gi shing gi sol ba dang bcal? dang A ri ShA'i lo ma dang dug la sogs ba rkang ba g.yon ba'i srin lag gi khrag dang bcas pa rnams btags te/ ka gnyis pa'i sgro'i smyu gus rgyal mtshan gyi gos la rlung gi dkyil 'khor dang de'i dbus su ral gri 'khor lo rtsibs brgyad ba bris la/ de'i lte bar bsgrub bya'i gzugs sngags kyi yi ge bkod ba bris te phyi rol tu bskul ba'i tshig dang ldan pa brgya rtsa brgyad mngon par bzlas ba byas la/ ma mo la sogs ba'i khyim du sbas par bya ste/ de ltar na sangs rgyas kyi dbung yang skrod par 'gyur ro de nas zhes bya ba la sogs pa la/ sangs rgyas kyi 'od zer ni mnyam pa nyid kyi ye shes yin zhing/ de las

  569. 285a

    byung ba'i rdo rje ni 'phags pa gzhan gyis mi thub pa zhes bya ba ste/ de la dmigs pa'i ting nge 'dzin la de skad ces bya'o/ /srin po zhes bya ba la sogs pa la/ srin po ni tshangs pa'i srin po la sogs pa rnams so/ /ma rungs pa ni sgrul rnams so/ /gtum po ni gdon la sogs pa rnams te/ de las byung ba'i 'jigs pa dang ldan pa rnams la/ las rnams cho ga bzhin du byed/ ces bya ba de la cho ga ni 'di yin te/ ji lta ba bzhin du khro bo gzhan gyis mi thub pa'i rnal 'byor dang ldan pas lag pa dag tu yi ge hUM dag las rdo rje 'bar ba bsams la/ srin po la sogs pas zil gyis non pa'i lus las srin po la sogs pa sems nyid kyis bkug nas rdo rje gnyis kyi bar du bcug la/ de'i 'bar ba rnams kyi tshig bar bsam zhing/ lag pa'i bar du kun tu bsdams te/ mnye zhing che ge mO rA ksha sA ti b+hyo mo tsa ya ti zhes bya ba'i bskul ba'i tshig dang ldan pa'i sngags brjod par bya'o// de ltar na rdo rje gnyis kyi rnam par sems yang dag bar sbyor bas du zhing shing gi yal ga chag pa la sogs pa yid ches pa ston pa sngon du 'gro bas gdon mi za bar gtong bar byed pa 'am dug med par 'gyur ro/ /gal te de rnams kyis 'dzin du gzhug par 'dod ni/ de'i tshe de'i rnal 'byor dang ldan pa kho nas mar do'i nyin zhag dag las gang yang rud ba'i nyin zhag la dur khrod kyi sol das 'gegs pa'i thod pa la lcags kyi yu ba dang ldan/ pa'i mi skra'i pir gyis yi ge hUM las byung ba'i 'jigs su rung ba'i mche ba gtsigs pa'i zhal mnga' ba dbu skra gyen du brdzes pa g.yas pa ro langs kyi chu gri 'dzin pa g.yon pas sdigs mdzub byas pa bris la/ dug dang

  570. 285b

    rus pa'i phye ma dang 'dzub mo'i khrag gis ming dang bcas pa'i sngags de'i snying gar che ge mo grih+Na zhes bya ba la sogs pa'i tshig dang ldan pa'i sngags bri bar bya zhing thod pa gnyis par bsgrub bya ba nga? pa ma su dang ro bsreg gis dang chal ba dang sol ba rnams rdo rje'i chu dang sprul pa'i gong bu las byas pa'i mi'i gzugs kyi snying gar dug dang rus pa'i phye ma dang 'dzub me'i khrag gis ming dang bcas pa'i sngags bris pa'i ta la'i lo ma bcug la bskul ba'i sngags kyis spyan drang ba sngon du 'gro ba can gyi de la gtad pa'i dmigs pas/ a d+ha s+tha ba'i gzugs brnyan dang kha sbyar te des mnan nas gzung bar bsam zhing/ mtshan mo dur khrod du rol pa dang bcas pas sngags bzlas na/ de gdon mi za bar des gzung bar 'gyur ro/ /de bzhin du rim pa 'di kho na bzhin du gdon la sogs pa thams cad kyis 'dzin du gzhug go/ de nas zhes bya ba la sogs pa la/ dpag tu med pa ni 'od dpag tu med pa yin zhing 'di de las byung bas na 'od dpag tu med par byung ba ste// dpal rdo rje rta mgrin yin zhing/ /de la dmigs pa'i ting nge 'dzin mi phyed pa nyid yin pa'i phyir de skad ces bya'o/ /chos kyi rdo rje che mchog skye ni/ pad+ma'i rigs kyi dkyil 'khor ba rnams so// ye shes kyi bdag po nyid yin pa'i phyir ye shes rgyal po ni 'od dpag tu med pa ste de'o/ /mkha' dbyings zhes bya ba la sogs pa la/ ha la ha la'i 'od ni ches shin tu drag pa'o/ /khro bo'i rgyal po'i bskul ba yis/ dug rnams thams cad med par byed/ ces bya bas ni 'di skad du bstan pa yin te/ ji lta ba bzhin du 'phags pa rta mgrin gyi rnal 'byor dang ldan pas bsgrub bya'i snying gar yi ge hUM las byung ba'i nyi ma'i dkyil 'khor bskal pa'i me 'bar ba lta bu

  571. 286a

    dang/ de'i steng du yi ge hUM rnam par bkod la/ de'i 'od zer rnams kyis yan lag thams cad na gnas ba'i dug rab tu bsregs te/ lag pa g.yas par yi ge paM las byung ba'i pad+ma dkar po 'dab ma brgyad pa? bsams la/ de'i lte bar yi ge hUM kha dog dkar po 'od zer dkar po 'bar zhing bdud rtsi 'dzag par rnam par bsam nas/ phreng ba'i sngags brjod pas des bya ba cing bsgrub bya dug med par bya'o zhes bya ba'i don to/ /de nas zhes bya ba la sogs pa la/ 'di las sangs rgyas rnams la mchod pa dang sems can rnams kyi don 'byung bas na 'byung ba ste/ don yod par grub pa'o/ /de las byung ba'i dpal ni khro bo dpal dbyug pa sngon po can te/ gza' mjug rings bzhin du gdug pa thams cad gzhom pa'i ched du byung ba nyid yin pa'i phyir ro/ /de la dmigs pa'i ting nge 'dzin mi phyed pa nyid yin pa'i phyir de skad ces bya'o/ /gdug pa'i mchog las byung ba'i kun ni tshangs pa la sogs pa rnams so/ /'jigs shing zhes bya ba la sogs pa'i tshig rnams kyis ni sngags kyi mthu mi bzod par gyur pa bstan to/ /cho ga'i tshul bzhin bskul ba yis/ /gdug pa thams cad gsod par 'gyur/ zhes bya ba ni ji lta ba bzhin du 'phags pa dbyug pa sngon po can gyi rnal 'byor dang ldan pas sha chen dang dur khrod kyi sol ba dang/ bal mi ka'i sa dang spun pa dang bsgrub bya'i ba da baM su rnams kyis gzugs brnyan byas te/ dur khrod kyi gos la dug dang khrag dang rams rnams kyis sna tshogs rdo rje la me'i dkyil 'khor dang de'i dbus su bsgrub bya'i ming sngags dang rnam par spel ba bris la/ de'i snying gar cug ste/ phyi rol tu thod pa gnyis kyi nang du bug la/ de gsang ba'i

  572. 286b

    phyir shin tu khro zhing gtum par gyur pas rkang pa g.yon pas kun tu mnan te/ nyi ma phyed dam mtshan phyed kyi dus su rdo ba dang rus pa dang nim pa'i lo ma rnams kyis sbyin sreg brgya rtsa brgyad byas/ zhag bdun na 'chi bar 'gyur ba'o/ /de lta ? yang ma grub na/ dur khrod du seng? ste mtshan phyed kyi dus su ro bsregs kyi thal bas me thab gru gsum byas la/ nim pa'i shing nyid kyis me sbar te de'i dbus su sbyar drang ba sngon du 'gro ba can gyi khro bo'i rgyal po mchi ba gtsiD shing 'jigs su rung ? rigs su rung bar byas pa rnam par bsams la/ mtshon rnon pas pra ti kri ta rkang pa g.yon pa'i a na mi ka nas brtsams te gtubs nas shin tu khro ba'i dbang du gyur pas che ge mo mA ra ya ti zhes bya ba'i bskul ba dang bcas pa'i sngags khro bo'i tshig gis rjod cing tad wang khro bo yang sbyin sreg byas ne de nyid kyi mtshan mo la gdon mi za bar 'chi bar 'gyur ro/ /de nas zhes bya ba la sogs pa la/ kun nas ni thog ma dang tha ma med pa'i chos kyi dbyings kyi ye shes kyi rang bzhin can gyi mi bskyod ba ste/ thams cad la khyab pa nyid yin pa'i phyir ro/ /de las byung ba'i sprin gyi dpal ni sbrin gyi char phun sum tshogs pa dang ldan pa nyid yin pa'i phyir bcom ldan 'das stobs po che ste/ de la dmigs pa'i ting nge 'dzin la de skad ces bya'o/ /bzlas pa tsam gyis sbyor ba yis/ /las rnams thams cad bsgrub par byed/ ces bya ba ni sngar bshad pa'i cho ga bzhin du bzlas pa 'bum byas shing/ ji skad bshad pa'i sbyor bas zhi ba la sogs pa'i lha thams cad kyi las rnams bsgrub par bya'o zhes bya ba'i don to/ /chu'i dkyil 'khor 'bebs par byed ces bya bas ni/ 'di skad du bstan pa yin te/ de kho na bzhin du rdo rje 'chang chen po yongs su gyur pa sngon du 'gro ba

  573. 287a

    can gyi yi ge phaT kyis byung ba'i 'phags pa stobs po che bdag nyid bsams la/ 'bum bzlas nas kham por so ma btang ba la rams kyi khu bas ral gri rtsibs brgyad pa'i 'khor lo dang/ de'i steng du pad+ma 'dab brgyad pa la mdud can ma'i sngags dang rnam par spel ba'i klu thams cad kyi snying po bris te/ kham phor gzhan dang kha sbyar la skud pa sngon pos kun nas dkris te/ mdud can ma dang klu rnams spyan drangs la yang dag par mchod la/ klu gnas pa'i chu mig la sogs par klu thams cad kun tu skul bar byed pa'i kham por kha sbyar te bzhag la/ sa phyogs dben pa gzhan du me'i dkyil 'khor la rlung gi dkyil 'khor dar de'i steng du chu dang/ de'i dbus su pad+ma 'dab ma brgyad pa bris te/ de'i lte bar rlung lha mdog dkar po sbrul mgo bdun gyis gdangs ka dang ldan pa skyes bu'i gdod can lag na sbrul gyi zhags pa thogs pa bri zhing shar gyi 'dab ma la mdza' yas utpal ljang gu'i mdog can dang/ lhor nor rgyas kyi bu dkar po dang/ nub tu 'jog po dmar po dang/ byang du stobs rgyu nag po dang/ me dang bden bral gyi mtshams dag du pad+ma ma dang pad+ma chen po dkar po dang/ rlung gi mtshamS su dud skyong ser po dang/ dbang ldan gyi mtshams su rigs ldan sna tshogs kyi mdog can de de lta bu'i klu'i dkyil 'khor bris la/ yi ge naM las klu thams cad bsam te/ de nas kha dog sngon po dang ldan pa'i bum pa la sogs pa rnams kyiS 'o ma dang bu rams la sogs klu dang rjes su mthun pa'i lha bshos byin la/ yi ge dza dang rnam par spel ba'i yi ge na gis bkug ste/ /rang rang gi gnas rnams su bcug la mchod pa byas te/

  574. 287b

    'di skad du bdag la rtse ba dang bcom ldan 'das kyis bka' yis klu chen po khyed rnams kyis char phob cig ces brjod par bya'o/ /de nas klu de rnams char gyi rgyun rab tu 'bebs par bsam zhing bzlas pa bya'o/ /de nas bcom ldan 'das kyis bkas klu de rnams kyis char 'bebs bar byed do/ /gal te de ltar byas kyang char mi 'bebs na/ de'i tshe me thab zlum po la de kho na bzhin du dkyil 'khor bris nas spyan drang ba sngon du 'gro bas 'chad par 'gyur ba'i sbyin sreg gi cho ga tshul bzhin du klu thams cad kyi lce'i dbus su yi ge ni bsams la/ mchod yon la sogs ba sngon du 'gro ba can gyi bu ram dang 'o ma dang mar rnams kyi dgar blugs gsum phul te/ ji ltar 'dod pa bu ram dang 'o ma dang mar la sogs pa sbyin sreg byas na dga' bar gyur nas gdon mi za bar char gyi rgyun 'bebs bar byed do/ /gal te de lta na yang char mi 'bebs pa de'i tshe mngon spyod bya ste/ grog mkhar dang chu bo'i 'gram gnyis bshad pa dang gci pa dang sprul pas klu'i gzugs brnyan byas nas/ dur khrod kyi gos la dug dang khrag dang ske tshe dang cha dang nyungs mar che bas ral gri'i 'khor lo rtsibs brgyad pa bris te/ de'i steng du pad+ma 'dab ma brgyad pa dang/ 'dab ma brgyad la klu brgyad kyi snying po rnams sam yi ge? naM re re sngags dang rnam par spel ba dang/ lte ba la yi ge baM de bzhin du bris la/ spyan drangs te de snying gar bcug la ske tshe la sogs pa tsha bsteg rdzas rnams kyis rab tu byugs te/ sngags brjod cing me la gdungs na/ gdon mi za bar char 'bab par 'gyur ro/ gal te de ltar byas na yang klu rnams char mi 'bebs na/ de'i tshe de kho na bzhin du sa la klu'i dkyil 'khor bris la gos sngon pa'am dmar pos stod g.yogs dang cod/

  575. 288a

    pan byas pa 'am/ gcer bus dkyil 'khor de na gnas pa'i klu rnams nyi ma la gnas pa'i rdo rje 'bar bas mtshan pa'i rkang pa g.yon pas gan rkyal du mnan te/ steng du bsgrags pa'i phaT kyi sgras nam mkha' kun tu khyab par byas nas shin tu 'jigs par gyur cing khrag skrugs ba'i rgyun rnams kyis chu'i rgya mtsho byed bar blta zhing sngags bzlas par bya ste/ oM hUM naM hUM naM hUM/ phaT naM phaT naM phaT/ u gra shthU la pa ni/ hUM naM hUM naM hUM/ mA ra ya sarba nA gAM/ phaT naM phaT naM phaT/ oM dzyo ti ni nA da/ ha na nA gaM/ wa ra shA ba shI g+hAM b+ha ga ban/ hUM naM hUM naM hUM/ oM oM oM/ phaT phaT phaT naM phaT/ oM ma ha ba la ya swAhA/ gal te de lta yang klu gdug ba rnams char gyi rgyun mi 'bebs na de'i tshe me thab gru gsum byas la/ de'i dbus su 'phags pa stobs po che bsams nas/ gdol ba'i me blangs la yi ge phu rnams kyis spar te/ dug dang ske tshe dang lan tshwa dang smyo byed rnams kyis saM klu'i gzugs brnyan byas la/ mtshon rnon pos mgo bo nas brtsams te/ gtubs nas kha lho ru bltas pas 'phags pa stobs po che'i sngags so so 'am ma lus par brjed la/ lag pa g.yon pas de sbyin sreg bya'o/ /lus bshad gcis byugs pas sbyin sreg brgya rtsa brgyad byas na gdon mi za bar char gyi rgyun 'bebs par byed do/ /gal te de lta na yang char mi 'bab pa na 'phags pa stobs po che nyid kyi nyes ba yin te/ de'i phyir sngar bshad ba'i rdzes? rnams kyis 'phags ba stobs po che'i gzugs brnyan byas la/ khro bo dpal gnod mdzes kyi rnal 'byor dang ldan pas/ spyan drang ba sngon du 'gro ba de kho na bzhin du rkang pa g.yon pas mnan te/ myur du char phob cig ces bya ba'i

  576. 288b

    bskul ba'i tshig dang ldan pa'i yi ge hUM gi sngags khri bzlas par bya'o/ /de nas mngon spyod kyi thab khung na gnas pa'i khro bo'i dpal gnod mdzes rgyal po yi ge hUM las byung ba'i ljags mnga' zhing zhal gdangs pa de'i zhal du gzugs brnyan bcug ste sbyin sreg khri bya'o/ /'dis ni nges bar 'phags pa stobs po ches char 'bebs su 'jug go /zhes bya ba'i mthu ni rnal 'byor ba thams cad la rab tu grub bo/ /yang na klu thams cad dang 'phags pa stobs po che la dmigs te/ me thab zlum pa la zhugs pa'i sangs rgyas spyan sku mdog dkar po zhi ba'i yi ge oM las byung ba'i ljags dang ldan pa'i zhal du de'i sngags kyi zhi ba'i cho ga bzhin du mar dang 'o ma la sogs pa'i sbyin smag khri byas na don mi za bar bcom ldan 'das ma de sangs rgyas rnams kyi zhi ba bskyed bar 'gyur ro/ /de nas zhes bya ba la sogs pa la/ snga ma bzhin du kun tu mi bskyed pa yin zhing/ de las byung ba'i 'joms pa ni 'dod ba'i rgyal pa'i ste 'dod chags la sogs pa'i nyon mongs pa 'joms? par byed pa'i phyir ro/ /de la dmigs pa'i ting 'dzin ni mi phyed pa nyid yin pa'i phyir de skad ces bya'o/ /rdo rje sems dpa' sbyor ba yis/ zhes bya ba ni ji lta ba bzhin du 'phags pa 'dod pa'i rgyal po'i rnal 'byor dad ldan pas bsgrub bya'i gzugs brnyan byas la/ spyan drang ba sngon du 'gro bas g.yon brkyang zhing rdo rje lcags kyu 'bar bas mtshan ba'i rkang ba g.yas bas mnan te/ de'i sngags brjod cing snga ma bzhin du rdo rje lcags kyus dgug bar bya pa'o/ /de nas zhes bya ba la sogs pa la/ me long lta du la sogs pa'i ye shes rnams kyi yan lag thams cad brgyus ba'i phyir ye shes kyi 'phreng ba ste/ rdo rje 'chang chen po'o/ /de las byung ba'i tshul ni

  577. 289a

    byang chub kyi sems kyi chu'i rang bzhin can gyi 'phags pa mi g.yo ba ste/ de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /skrag gyur nas kha sbyar lus su 'bugs par 'gyur/ zhes bya ba ni ji lta ba bzhin du 'phags pa mi g.yo ba'i rnal 'byor dang ldan pas skyes bu'i thod pa ma gas shing mchen dang ldan pa blangs la/ rkang pa g.yas pa'i mdzub me'i khrag dang lan tshwa dang nyungs dmar che ba dang ske tshel sogs pa rnams kyis lha chen po la sogs pa'i gzugs brnyan rang gi lha mo dang ldan pa bris te/ spyan drang ba sngon du 'gro bas snga ma bzhin du rdo rje lcags kyus mtshan pa'i rkang pa g.yas bas mnan la/ lcags kyu des dgug par blta zhing bskul ba dang bcas pa'i sngags brjod na/ chung ma dang bcas pa rnams gdon mi za bar 'gugs par 'gyur ba'o/ /de nas zhes bya ba la sogs pa la/ dam tshig ni khro bo thams cad kyi rgyu mi bskyod pa ste/ khro bo zhe sngar gnas las skyes zhes 'byung ba'i phyir ro/ /de'i rnam par 'phrul pa ni dpal gnod mdzes zhes bya ba ste/ de la dmigs pa'i ting nge 'dzin ni mi phyed pa nyid yin pa'i phyir/ de skad ces bya'o bu mo mthu chen thams cad ces bya ba ni/ spyan la sogs pa rnams so/ /'dod chags kyi bde ba'i gzhan gyi dbang du gyur pa nyid kyi phyir sku bshig cing gos dang bral bar gyur pa'o/ /rdo rje sems dpa' ni dpal gnod mdzes rgyal po'o/ /de nyid rang gi dkyil 'khor gyi bdag nyid yin pa'i phyir de bzhin gshegs pa kun gyi bdag po ste/ de'i zhabs ni de bzhin gshegs pa kun gyi bdag po rdo rje sems dpa' i zhabs te/ des so/ des ni 'di skad du ji lta ba bzhin du 'phags pa gnod

  578. 289b

    mdzes rgyal po'i rnal 'byor dang ldan pas bud med kyi thod pa mtshan dang ldan pa la/ spyan la sogs pa rnams kyi nang nas gang yang rung ba 'am lha la sogs pa'i bu mo rkang pa g.yon pa'i a na mi ka'i brag gis bris te/ de'i b+ha ga la rdo rje lcags kyus mtshan pa'i rkang pa g.yon pas mnan nas lag pa g.yas pa na thogs pa'i lcags kyus snying ga nas btab ste/ zhags pas ske nas bcings la/ skul ba'i tshig dang ldan pa'i sngags brjod cing dgug par bya'o zhes bstan pa yin no/ /de nas zhes bya ba la sogs pa/ dam tshig chen po ni de bzhin du thugs rdo rje ste/ gang la de 'byung ba mi phyed pa yod pa de la de skad ces bya'o/ /dam tshig chen po ni dpal rdo rje sems dpa' o/ /de'i sku dang gsung dang thugs kyi gsang ba ni gsum gyi gsang ba'o/ /tshig tu brjod pas 'da' bar bya ba ma yin pa'i phyin ci ma log pa'i don ston par byed pa'i sgra'i tshogs ni gsung gi dam tshig gi de kho na nyid kyi gnas so/ /sangs rgyas rdo rje ni dpal rdo rje sems dpa' o/ /de'i chos dang longs spyod rdzogs pa dang sprul pa'i bdag nyid kyi sku bsgom pa ni rdo rje sems dpa' rnam par bsgom pa'o/ /zhags pa rdo rje kyo pa 'dzin pa ste rdo rje rigs kyi lha rnams kyi gzugs kyis so/ /sangs rgyas ni rnam par snang mdzad yin zhing/ de dgug pa ni sangs rgyas dgug pa ste bya'o/ zhes bya ba'i don to/ /sangs rgyas gsung ni 'od dpag tu med pa'o/ /sku ni rnam par snang mdzad de de dag las gang yang rung ba'i sbyor bas so/ /'khor lo chen po ni gsung rdo rje la sogs pa rnams kyi rang gi dkyil 'khor te/ de la gnas pa'i sgom pa pos sam pad+ma'i lcags kyus dpal rdo rje sems dpa' 'gugs par 'gyur ro/ /de ni nye bar mtshon pa yin te/ rin po che la sogs

  579. 290a

    pa'i rang gi phyag mtshan gyis mtshan pa'i lcags kyu dang zhags pa rnams kyi lha thams cad phan tshun dgug par bya ba yin pas/ de'i phyir rdo rje kyo ba'i khyad par gyis/ sngags rnams thams cad dgug pa'i? mchog ces gsungs so/ /de bzhin gshegs pa thams cad kyi rdul phra rab las grub pa nyid yin pa'i phyir thams cad rdo rje'i dngos so/ /sgrub pa po rnams kyi dge legs thob par byed pa nyid yin pa'i phyir zhi ba'o/ /rang sngags skyes bu zhes bya ba ni/ rang gi snying ga nas bskyed pa'i rang gi lha'o/ /mi'i bu mo mchog ces bya ba ni rgyal po'i bu mo'o/ /snying gar rdo rje kyo ba sbyar/ /zhes bya ba ni ji ltar khro bo 'phags pa gnod mdzes kyi rnal 'byor gyis rdo rje lcags kyu dang zhags pas bu mo dgug pa bstan pa de bzhin du lha gang yang rung ba'i rnal 'byor gyis kyang rang gi phyag mtshan gyi lcags kyus snying ga nas phug ste/ de dang des mtshan pa'i zhags pas kyang sked pa nas bcings la/ yi ge yaM las byung ba'i rlung gi dkyil 'khor la 'dug pa'i bu mo yi ge dza'i mdza' can gyi rang gi sngags bzlos shing dgug par bya'o zhes bya ba'i don to/ /zla ba'i dkyil 'khor zhes bya ba la sogs pas ni 'di skad du ji lta bzhin du 'phags pa bdud rtsi 'khyil pa'i rnal 'byor dang ldan pas snga ma bzhin du rnam par snang mdzad chen po nyid zla ba'i dkyil 'khor du gyur par bsams la/ brgya byin gyi chung ma sha tsi de ru bzhag ste/ 'das ma thag pa bzhin sngags lan lnga bcu brjod cing zhags pa dang lcags kyus dgug par bya'o zhes bya ba'i don to/ /bstan pa yin no/ /rdo rje kye? ba gzugs chen po/ /'bar ba rno ba 'dra ba'i 'od/ /'od ces bya

  580. 290b

    ba ni lha'i gzugs phyag na rdo rje lcags kyu bsnams shing nyi ma bye ba phrag brgya'i 'od dang ldan pa'o/ /rdo rje dkyil 'khor zhes bya ba ni nyi ma'i dkyil 'khor ro/ /nam mkha' i bu mo zhes bya ba ni nam mkha' rdo rje spyan no/ /'di skad du ji lta ba bzhin du mi bskyod pa la sogs pa rdo rje'i rigs kyi lha gang yang rung ba'i rnal 'byor gyis ldan pas snga ma bzhin du rang gi snying ga nas grub pa'i rdo rje lcags kyu zhal gsum phyag drug pa snyoms par 'jug pas gnas la gru? ba'i phyag gnyis na rdo rje lcags kyu dang zhagS pa bsnams pa phyag lhag ma mi bskyod pa dang mthun pa phyung ste/ de la bka' bsgo bar bya zhing hUM dza(rgyud 'grel): zhes bya ba'i sngags kyang bzla bar bya'o/ /de nas de song ste nam mkha' na nyi ma'i dkyil 'khor la gnas pa'i nam mkha' i rdo rje spyan de kho na bzhin du bkug nas 'ongs te gtad par bsams na gdon mi za bar 'gugs par 'gyur ro/ /nam mkha' la spyod pa'i lha'i pu mo la sogs pa dgugs pa yang de dang 'dra'o zhes bstan pa yin no/ /khro bo zhes bya ba la sogs pa la/ sku dang gsung dang thugs bzang po'i bdag nyid yin pa'i phyir rdo rje'i rang bzhin no/ /rdo rje sa 'og gnas pa ni lha ma yin gyi gnas na 'dug pa'o/ /lha min ni lha ma yin te de rnams kyi bu mo ni lha min bu mo'o/ /'di skad du snga ma bzhin rdo rje 'chang chen po yongs su gyur pa sngon du 'gro ba can gyi 'phags pa rdo rje sa 'og? mi bskyod pa dang mtshungs pa ste/ 'on kyang g.yon brkyang bas bzhugs pa g.yas dang g.yon gyi rtsa pa'i phyag dag gi rdo rje lcags kyu ngang zhags pa g.yon pa'i gsum pas rtse gsum bsnams par bdag nyid dmigs la/ rlung gi dkyil 'khor la 'dug pa'i lha ma yin gyi bu mo de kho na bzhin du dgug par bya'o zhes

  581. 291a

    bstan pa yin no/ /btsag gam zhes bya ba la sogs pas ni 'di skad du bstan pa yin te/ rdo rje 'gog pa bsgom pa'i sngo nas mtshan ma thob pa rdo rje'i rigs la sogs pa lha gang yang rung ba'i rnal 'byor dang ldan pa'i phyir rol gyi rig ma dang yang dag par ldan pas dang po'i sbyor ba'i ting nge 'dzin gyi rjes thogs la rig ma'i pad+ma na gnas pa'i byang chub kyi sems kyi zla ba'i gdan la btsag gam rde? rgyus bzhag ste/ de yang yi ge hUM la sogs pa'i sa bon gang yang rung bas rdo rje lcags kyu phyag na bsnams pa'i lha'i gzugs bskyed la/ sa bon gsum gyis byin gyis brlab pa bya ste/ de las byung ba'i lha rdo rje lcags kyu spres pa rnams kyi nam mkha' kun tu bkang la/ bsdu ba dang bstim pa dang bstan par bya ba dang mchod pa byed cing zla ba btang gi bar du yang dang yang du bsgom par bya'o/ /de nas 'grub par 'gyur te/ des tshangs pa la sogs pa'i ming bris pa tsam gyis gdon mi za bar 'ong bar 'gyur ro/ /rnam pa'i mchog rnams kun ldan pa/ zhes bya ba ni bdag nyid/ dpal 'jam pa'i rdo rje bshad zin pa'i mtshan nyid can du bsams nas so/ /bskal pa'i sreg pa 'khor lo che / zhes bya ba ni 'di skad du ji skad bshad pa'i rim pa bzhin du gsung gi dkyil 'khor bskal pa'i me ltar 'bar ba dang mtshungs pa bsams la/ de'i dbus su ji lta ba bzhin du 'phags pa 'jam dpal gyi rnal 'byor dang ldan pas g.yas pa'i rtsa ba'i phyag du rang gi sngags las byung ba'i 'phags pa gshin rje gshed yongs su gyur bar byas nas rdo rje

  582. 291b

    lcags kyu bsams te/ de nas mngon par 'dod pa'i gnod sbyin mo lcags kyu nges snying ga nas phug la/ zhags pas kyang ske dang lag pa nas bcings te/ de nyid sngags brjod cing bkug la nye bar longs spyod par bya'o/ /zhes bstan pa yin no/ /bshad zin pa'i don nyid gsal bar bya ba'i phyir/ kun gyi phyag rgya'i zhes bya ba la sogs pa gsungs te/ phyag rgya'i khyad par ni lha de dang de rnams kyi rang gi rig ma dang gnyis su med pa'i phyag rgya chen po'i khyad par/ rang rang gi phyag mtshan gyi lcags kyu'i khyad par te de dang rang gi bzlas pa'i sngags kyi khyad par gyis thams cad du zhes bya ba sbyor ba rnams pa thams cad du rdzogs par bsgrub pa pos ni ji skad bshad pa thams cad 'grub par 'gyur ro/ /gzhan du byas na 'jig par 'gyur/ zhes bya ba ni sbyor ba ma tshang bas dngos grub 'jig par 'gyur ro/ /zhes bya ba'i tha tshig go/ bskul bar bya zhes bya ba ni de bzhin gshegs pa thams cad kyi bdag nyid yin pa'i phyir dngos grub thams cad bsgrub pa'i dus su rang gi spyi bor snyoms par zhugs pa'i mgon po dpal bde ba chen po byang chub kyi sems kyi rgyun rnams kyis dbang bskur ba yang dang yang du bsam pa ste/ sngags rnams nyid ni thams cad la/ /rdo rje sems dpa' rnam par bsgom/ / zhes kyang 'chad par 'gyur ro/ /yang na yi ge hUM skabs skabs su brjod par bya ste/ mchog dang po'i snying po ni rdo rje 'chang chen po'i rang bzhin nyid yin pa'i phyir ro/ /de ltar na mngon par 'dod pa'i 'bras bu gdon mi za bar 'grub par 'gyur ro// de nas zhes bya ba la sogs pa la/ 'jig rten gyi khams thams cad kyi rdul phra rab kyi rdul snyed kyi 'phags ma ral pa gcig ma'i gzugs rnams kyi nam mkha' i dbyings khyab par kun tu rnam par 'phrul pa skyed par byed pa'i ye shes ni kun tu rnam

  583. 292a

    par 'phrul pa'i ye shes te/ de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /dam tshig chen po ni 'phags pa bdud rtsi zhes bya ba yin zhing/ de dang yang dag par sbyor bas na/ dam tshig chen po rdo rje mchog ste/ ral pa gcig ma de'o/ /gzhan ni bshad zin to/ /bkug nas nye bar spyad par bya zhes bya bas ni 'di skyad du rdo rje 'chang chen po ji lta ba bzhin du yongs su gyur par byas nas bdag nyid ral pa gcig ma kha sbu ma gtogs pa phyag dang zhal la sogs pa brjod cing bkug la/ nye bar longs spyad par bya'o zhes bstan kyang nu ma la sogs pa dang ldan zhing/ de dang snyoms par zhugs pa g.yas pa dang g.yon pa'i phyag gsum pa dag gis chos kyi dang 'dzin par bsams la/ rkang pa g.yon pa'i khrag nag ge sar dang bcas pas bud med kyi thod pa la rlung gi dkyil 'khor la gnas pa'i klu'i bu mo snying gar sngags bkong pa ji lta ba bzhin du bris te/ bkug la g.yon brkyang ba'i ral gri'i lcags kyus mtshan pa'i rkang pa g.yon pas mnan te/ skul ba dang bcas pa'i sngags brjod cing bkug la/ nye bar longs spyad par bya'o zhes bstan pa yin no/ /de nas zhes bya ba la sogs pa la/ nam mkha' i dam tshig ni dpal bde pa chen po yin zhing/ de las byung bas nam mkha' i dam tshig byung ba ste/ 'phags ma khro gnyer can yin zhing de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /chos chen po'i dam tshig ni dpal pad+ma mthar byed de de dang yang dag par ldan pa'o/ /gzhan ni bshad zin to/ /dam tshig la sogs pa yis dgug /zhes bya bas ni 'di skad du bdag nyid 'das ma/

  584. 292b

    thag ba bzhin dpal rta mgrin gyi rnam pa can gyi 'phags ma khro gnyer can de dang ldan par bsams la/ bshad ma thag pa'i cho ga bzhin du na ga ge sar dang bcas pas rig pa 'dzin pa'i bu mo bris te/ dgug par bya'o zhes bstan pa yin no/ / sems brtan par gyur pa'i rnal 'byor pas 'das ma thag pa'i dngos grub bsgrub par bya ba yin pas/ de'i phyir 'gog pa zhes grangs kyi nges pa rab tu bshad/ /ces 'byung ba'i phyir ro/ rje gsum las byung zhes bya ba ni/ khams gsum bar gtogs pa'i rnam par shes pa dang bcas pa'i sems can rnams so/ /yang na khro bo thams cad ni/ /dben pa'i gnas ni chen po ru/ /sngags pas 'bum du bzlas byas nas/ /las rnams thams cad byed par bshad/ ces bya ba ni/ yid dang rjes su mthun ba'i gnas su bzlas pa mang du byas pas lhas rjes su gnang ba'i sgo nas bzlas pa 'bum byas pa ni dgug pa la sogs pa'i las byed par 'gyur ro zhes bya ba'i don to/ /lus can kun gyis grub bya'i phyir/ / grangs kyi nges pa rab tu bshad/ /ces 'byung ba'i phyir ro/ /drag po'i las kyi yul bstan pa'i phyir/ slob dpon smod pa lhur len pa dang/ zhes bya ba la sogs pa gsungs te/ de ni go sla'o/ /'di yis byang chub mchog dang ni/ / sngags kyi dngos grub thob par 'gyur/ zhes bya ba ni yang dag par rdzogs pa'i byang chub dang las kyi tshogs sna tshogs kyi dngos grub thob par 'gyur ro zhes bya ba'i don to/ /snying rje dag pa'i sems kyi ni/ /bsad na myur du 'grub par 'gyur/ /zhes 'byung ba'i phyir ro/ /phyogs bcu'i sangs rgyas thams cad kyi/ /zhes bya ba la sogs pas? ni/ sangs rgyas thams cad gsod pa'i sgo nas sdig pa 'phel bar byas te bsad par bya'o/ /de ji ltar bya zhes na/

  585. 293a

    khrag dang zhes bya ba la sogs pa gsungs te/ khro bo'i rgyal po sbyar bar bya/ /zhes bya ba ni 'phags pa dbyug pa sngon po can nam gzhan du ste/ khro bo thams cad ni drag po'i las rab tu sgrub par byed pa nyid dang/ las thams cad byed pa nyid yin pa'i phyir ro/ /brgya rtsa brgyad ni rdzogs pa na/ zhes bya bas ni 'di skad du bstan pa yin te/ snga ma bzhin du thams cad byas shing ji lta ba bzhin 'phags pa dbyug pa sngon po can la sogs pa'i rnal 'byor dang ldan pa gos med cing sgra bshig pa khro bo'i sprin gyi chogs 'phro ba khrag la sogs pas gsher ba'i gos gyon zhing 'khros par gyur pas sngar bshad pa'i cho ga bzhin du ji skad bshad pa'i sA d+hya'i gzugs la bcug ste/ nyi ma'i dkyil 'khor la gnas pa'i rdo rje 'bar bas mtshan pa'i rkang pas mnan la/ brgya rtsa brgyad bzlas na 'chi bar 'gyur ro/ /sbyor ba 'di mthu phul du byung ba bstan par bya ba'i phyir nam mkha' i dbyibs zhes bya ba la sogs pa gsungs so/ /nam mkha' i dbyings yongs su gang ba'i sems can gyi khams kyang 'jig par 'gyur ro/ /drag po'i las bsgrub pa'i gnas ni/ ma mo'i gnas sam zhes bya ba la sogs pas gsungs te/ de ni shes par cad? do/ /mi rus zhes bya ba la sogs pas ni 'di skad du bstan pa yin te/ khro bo'i rnal 'byor dang ldan pas ra dzi ka dang dug dang ldan tshwa dang 'bru mar rnams kyis dur khrod kyi gos la khro bo'i rdo rje dang de'i lte bar sngags dang rnam par spel ba'i bsgrub bya'i ming bris la/ ro bsregs kyi sa dang chu bo'i 'gram gnyis kyi sa dang/ to sha dang/ bsgrub bya'i pA da paM bshad gci dang sprus pa las byas pa'i gzugs brnyan gyi snying gar bcug ste/

  586. 293b

    bsrung ba dang bral bar byas la/ bkug ste a ri'i sgor bzhag la/ sor brgyad pa'i chad dang ldan pa'i mi'i rus ba'i phur bu brgya rtsa brgyad bzlas pas sngags brjod cing phur bus gtab na rnam par mi rtog pa'i ye shes kyi bdag nyid can gyi sangs rgyas dang 'dra ba yang zla phyed tshun chad kho nas gnas dang bral ba 'am 'chi bar 'gyur/ /'bad pa yis ni bsad bar bya zhes bya ba'i mdza' i don bstan nas / da ni yang na gnas nas bskyod par bya zhes bya ba'i mdo'i don/ yang na thod pa zhas bya ba la sogs pas gsungs so/ /yang na zhes bya ba'i sgra ni nges par bzung ba ste/ gang ba kho na zhes bya ba'i don to/ /khyad par du zhes bya ba ni bud med dang ma ning bskrad pa la rang dang rjes su mthun par ro/ /der ni sngags kyi chig bris te zhes bya ba la sogs pas ni 'di skad du bstan pa yin te/ 'phags pa bdud rtsi'i rnal 'byor ram/ yang na khro bo gzhan gyi rnal 'byor gyis ji skad bshad pa'i thod pa la bab la dang sol ba dang a riSh+Ta'i lo ma'i khu ba dang/ rkang pa g.yon pa'i srin lag gi khrag rnams kyis ral gris mtshan pa'i rlung gi dkyil 'khor ngang de'i steng du bsgrub bya'i gzugs brnyan bris la/ de'i snying gar de'i ming rang gi rig ma ral ba gcig ma la sogs pa a na ta ma'i sngags dang rnam par spel ba bris te dgug pa sngon du 'gro ba can gyi brgya rtsa brgyad mngon par bzlas pa/ rdo rje'i tshig gis sngags zlos shing dgra bo'i sgo ru sbas na skrod? par 'gyur ro/ /ta pa'i lo ma zhes bya ba la sogs pa la/ ta la'i lo ma la sogs pa rnams la bshad ma thag pa'i rdzas rnams kyi bsgrub bya'i ming dang rnam par spel ba'i sngags bris te brgya rtsa brgyad mngon bar bzlas pa sgo dang

  587. 294a

    kha thog la sogs pa gang yang rung bar sdes? na? de 'grub par 'gyur ro/ /gzhan ni bshad zin to/ /da ni phur bu rtse gsum gyi mngon sbyor/ de nas zhes bya ba la sogs pas gsungs te/ de bzhin gshegs pa thams cad kyi sku dang gsung dang thugs nges par 'ching ba ni phur bu gdab pa'i sngags te/ sku rdo rje la sogs par dmigs pa'i sgo nas rdo rje gsum phung bus 'debs pa nyid yin pa'i phyir ro/ /de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /rdo rje rdzu 'phrul chen po kun/ zhes bya ba ni sangs rgyas bcom ldan 'das rnams so/ /brgyal zhing zhes bya ba la sogs pas ni de kho na bzhin du sems can rnams dang rjes su mthun bstam nas/ 'jigs pa dang bral bar bya ba'i phyir rdo rje 'chang chen po rjes su dran par gyur pa bstan to/ /rdo rje sku gsum 'jig par byed zhes bya bas ni 'di skad du bstan pa yin te/ ji lta ba bzhin du bzlas pa 'bum byas pas sngar bshad pa'i rdzas rnams kyi dur khrod kyi gos la 'khor lo 'bar ba'i lte ba la rnam par snang mdzad sku mdog sngon po khro ba pad+ma kha ma bye ba lta bu'i rtse mo'i gzugs can bris la yi ge oM gyis bskyed de spyan drangs la mi'i rus pa'i phur bu sor brgyad pa'i khong stong du bcug ste/ dgug pa sngon du 'gro ba can gyi/ sarba duSh+TaN/ sarba pA paM/ zhes bya ba'i tshig gnyis phyung la/ der bsgrub bya'i ming che ge mo zhes bya ba bcug ste/ kA ya bAka tsit+taM? zhes bya ba der yang che ge mo'i zhes bya ba dang rnam par sbel la sngags brjod cing taM mgo bo nas pa rtsams te dad pa la thug par phung bus btab na rdo rje sku gsum 'jig par 'gyur ro/ /de bzhin du ser ldeng? gi phung bu sor brgyad pa'i khong stong du mngon spyod kyi cho ga las bshad pa'i de kho na bzhin du pad+ma'i lte ba la smad rtse mo'i gzugs

  588. 294b

    can gyi gsung rdo rje byis la bcug ste/ de'i rnal 'byor nyid kyis 'das ma theg ba bzhin du phur bus gdab par bya'o/ /de nas btsas ba'i gos la rdo rje 'bar pa'i lte ba la thugs rdo rje kun tu khro zhing smad rtse mo'i gzugs can bris la/ lcags las byas pa'i phung bu khong stod du bcug ste/ de'i rnal 'byor gyis de kho na bzhin du phur bus gdab par bya'o zhes bya ba'i don to/ /'dir man ngag bri bar bya ste/ mi'i ha s+thi pa'i phur bu lan brgya rtsa brgyad rtsa brgyad bzlas pas A? rgya'i gzugs brnyan gyi mgo la phur? bus btab na klang gzer gyis thebs par 'gyur ro/ /de nyid ser ldeng gi phur bus btab la gsum kha sbyar bar bya ste/ dur khrod la sogs pa'i me la 'dugs na rims nad tsha ba chen pos thabs? par 'gyur ro/ /de nyid lcags las byas pa'i phur bu sor brgyad pa'i phur bus btab ste/ me de nyid du bcug na skad cig de nyid la 'chi bar 'gyur ro/ /sbyor ba de nyid bstan pa'i phyir/ /rdo rje sems dpar mnyam bzhag la zhes bya pa la sogs pa gsungs te/ phur bu dkar po dang dmar po dang sngon po rnams ni sku rdo rje la sogs pa'i dbye bas nye bar mtshon? pa'i phyir/ bcom ldan 'das thugs rdo rje 'di ni lcags las byas pa'i phur bu la sbyor bar bya'o/ /de ni nye bar mtshon pa yin te/ mi'i rus pa'i phur bu la ni rin po che'i nang na gnas pa'i dkon mchog dpal sku mdog sngon po 'bar zhing khro ba bris pa dang/ de bzhin du lcags kyi la ni ral gri la gnas pa'i don yod par grub pa bcug ste / de dag las gang yang rung bas mngon spyod las bshad pa'i sbyor bas snga ma bzhin du dur bus gdab par bya'o/ /de ltar rigs gsum gyi phur bu rnams la rigs lnga rnam par bzhag par shes par byas nas/ rang gi sems kyi nang du bris pa'i rang gi rigs kyi lha khro zhing smad rtse mo'i gzugs can rang gi

  589. 295a

    rigs kyi phur bu la bcug la/ snga ma bzhin du mngon spyod gyi cho ga las bshad ba'i sbyor ba nyid kyis spyan drangs te/ me tog sngon po rnams kyis mngon par mchod la brgya rtsa brgyad yongs su bzlas nas snga ma bzhin bu gzugs brnyan la phur bus gdab par bya'o zhes bstan pa'i phyir/ gshin rje gshed kyi rgya chen dang/ zhes bya ba la sogs pa gsungs so/ /rdo rje bdud rtsi 'khyil pa yis/ /zhes bya ba ni thugs rdo rje'i phur bu'i nang na gnas pa dang de'i rnal 'byor nyid kyis zhes bya ba'i don to/ /sangs rgyas zhes bya ba ni sangs rgyas dang 'dra ba'o/ /bsrung ba dang bral zhing kha sbyar phye ba'i bri ba'i phur bu'i mtshan nyid gsal par bya ba nyid kyi phyir/ snying ga zhes bya ba la sogs pa gsungs te/ snying gnas brtsams te rkang pa la thug pa ni rdo rje rtse gcig pa'i rnam par ro/ /stod ni dam tshig de nyid bya/ zhes bya ba ni lha gang yang dud ba'i gzugs te/ 'on kyang mngon spyod kyi cho ga la ni sngon po dang ldan pa'o/ /da ni gang gi tshe ji skad bshad pa'i bsgrub pa'i cho ga ji lta ba bzhin du nyams su blangs pa'i sngags pas dngos grub ma thob pa'i de'i tshe lha rnams phur bus btab nas bsgrub par bya ba yin pas / de'i phyir bsam gtan zhes bya ba la sogs pa gsungs te/ bsam gtan ni rang gi lha'i nga rgyal gyis bshad ma thag pa'i phur bu'i gzugs can gyi lha bsgom pa dang/ bsgrub bya'i lha'i gzugs brnyan rang gi sa bon las byung ba bsgom pa'o/ /rdo rje ni rang gi gsang ba'i rdo rje'o/ /sbyor ba ni thabs dang shes rab yang dag par sbyor ba ste/ des so/ /sangs rgyas rnams ni rnam par snang mdzad do/ /nges par 'debs zhes bya ba ni 'chad par 'gyur ba'i tshul du'o/ /gang gi tshe rdo rje 'chang chen po lab? tu phur bus btab kyang dngos grub mi ster ba de'i tshe rang gi

  590. 295b

    bshad pa'i dam tshig las 'das pas 'chi bar 'gyur ro/ /phur bu gdab pa'i bsgrub pa nyid gsal bar bya ba'i phyir/ de nas zhes bya ba'i? srogs? pa gsungs te/ sku ni rnam par snang mdzad do/ /de'i rnam par 'phrul? pa ni sku rnam par ? pa ste/ sngags la sogs pa'i bdag nyid yin zhing/ de nyid mi phyed pa ste gang la yod pa de la de skad ces bya'o/ /sku'i dam tshig ni rnam pa'i snang mdzad yin zhing sngags gang gis de'i cham? dam ste rnal 'byor gyi de nyid phur bus 'debs pa de sku dang gsung dang thugs rdo rje rnams las byung ngo/ /gal te dngos grub mchog 'dod na/ /lag pa'i phyag rgya bcing? ma bya/ /zhes 'di las bshad pa'i phyir/ /'di ni bsgrub pa mchog yin pas de'i phyir/ /phan tshun dgri ba'i tshul du bya zhes bya ba gsungs te/ phan tshun dkri ba'i tshul du bya ba'i rnam par snang mdzad kyi rnal 'byor gyis 'phags ma sangs rgyas spyan du rnam par bsgoms pa'i bco? blag? mkhan gyi bu mo dang lhan cig phan tshun 'khyud pa la sogs pa'o/ /mthe bo zhes bya ba ni rang gi gsang ba'i rdo rje 'bar ba'o/ /gzhi ni bden pa chen po'i gnas chos 'byung zhes bya ba ste/ de dag yang rig par sbyor ba ni mthe bo bzhi ni rab tu bsngams pa'o/ /rdo rje'i phur bus des par gdab ces bya bas ni 'di skad bstan pa yin te/ ji lta ba bzhin du rang gi drig? ma dang yang dag par ldan pa'i rnam par snang mdzad sngon po khro zhing 'bar ba'i rnal 'byor dang ldan pas/ rang gi ? ma'i pad+ma? la gnan? pa'i ma'i dkyil 'khor la gnas pa'i rnam par snang mdzad sku mdog dkar po dam tshig la 'das pa'i 'jig? pas myos? pa dmigs la/ rang gi gsang ba rdo rje 'bad ba las sngar bshad pa'i phur bu'i gzugs can gyi rnam par snang mdzad phyung ste/ sngags brjod cing des mgo la brgyab ste/ rkang pa'i bar du phur bus gdab par

  591. 296a

    bya'o/ /de ltar btab pa tsam gyi rjes thogs nyid la rdo rje gsum gyi bdag nyid kyi rnam par snang mdzad ldang bar 'gyur zhes bya ba ni mngon sum du 'gyur nas 'grub par 'gyur ro mzhes bya ba'i tha tshig go /gzhan ni ? zin to/ /de nas zhes bya ba la sogs pa la/ 'jig rten gyi dbang phyug gsung zhes bya ba ni 'od dpag tu med pa'o/ /de'i rnam par 'phrul pa ni 'das ma thag pa bzhin no/ /de nyid mi phyed pa ste/ gang la de la dmigs pa yod pa de la ? ces bya'o/ /lhag ma ni bshad zin to/ /'di ni ye shes padmo yang yin la kha bye ba yang yin pas na ye shes padmo kha bya ba ste/ 'gro ba ma lus pa'i yid sim par byed pa nyid yin pa'i phyir 'phags ma gos dkar mor rnam par bsgoms pa'i gar mkhan gyi bu mo'i b+ha ga ste der ro/ /rdo rje nyid ser mo yin pas na rdo rje ser mo ste/ /de nges par bzhag pa na ji skad bshad pa'i pad+mar bzhugs pa'o/ /gzhan ni rnam par snang mdzad dang 'dra ste/ 'on kyang bsgrub bya'i 'od dpag tu med pa ni sku mdog dmar po/ /de bzhin bsgrub bya gzhan rnams kyang gnyug ma'i sku mdog dang ldan zhing 'jigs pas myos pa dang/ dngos grub ster ba la mngon du phyogs par shes par bya'o/ /de nas zhes bya ba la sogs pa la/ thugs ni mi bskyod pa ste/ de'i rnam par 'phrul pa rdo rje'i ting nge 'dzin la yang de skad ces bya'o/ /rtse mo lnga par zhes bya ba ni mi bskyod pa'i rnal 'byor dang ldan pas rang gi gsang ba'i rdo rje rtse lnga pa 'bar ba'o/ /bcings pa ni 'phags ma mA ma kI'i pad+ma nyid do/ /de'i nang na gnas pa'i nyi ma'i dkyil 'khor la bzhugs pa'i bsgrub bya mi bskyod pa bzhugs pa'i rdo rjes mnan pa ni rdo rje thugs kyi tshul mnan pa'o/ /sku dang gsung dang rdo rje'i tshul mnan pa yang de dang 'dra pa

  592. 296b

    nyid do/ /rdo rje phur bus nges par gdab zhes bya ba la sogs pa thams cad ni/ rnam par snang mdzad bzhin no/ /phur 'debs sangs rgyas thams cad dang/ /byang chub sems dpa' grags tshan te/ sna? zhes bya ba 'chad par 'gyur ba las bstan de'i? phyir/ rig ma dang bcas shing kun tu sngo ba khro zhing 'bar ba'i lha dang phur bu bsgom pa dag gis ji skad bshad pa'i dkon mchog dpal la sogs pa bsgrub bya'i lha thams cad la phur bus gdab pa'i bsgrub pa shes par bya'o/ /bshad ma thag pa'i yang dag pa'i cho ga dang ldan pa'i sngags kyi sgo nas mi phyed pa'i phur bu ste/ dpal rdo rje sems dpa' o/ /de nas sangs rgyas zhes bya ba la sogs pa ni bshad zin to/ /e ma'o zhes bya ba ni ngo mtshar ba'o/ /nyan thos la sogs pa rnams la bstan par mi bya ba nyid yin pa'i phyir na gsang ba'o/ /'dis zhi ba la sogs pa'i las spros pa'i tshogs kyi don ston cing khong du chud par byed pas na tshig yin zhing/ 'di ni gsang ba yang yin la tshig kyang yin pas na gsang ba'i tshig ste/ da nyid mchog yin no/ /sku rdo rje phur bus gdab pa'i sgo nas de'i go 'phang thob par byed pa nyid yin pa'i phyir snying po kun btus pa'o/ /de bzhin du 'od dpag tu med pa dang mi bskyod pa dag la yang sbyar bar bya'o/ /phur 'debs sangs rgyas thams cad dang/ zhes bya ba la sogs pa ni bshad zin to/ /sku gsung thugs kyi rdo rje rnams zhes bya ba ni lus la sogs pa'i bdag nyid can gyi sems can yul rnams te/ sangs rgyas thams cad ces bya ba de nyid kyi sku rdo rje la sogs pa rnams bsdus pa nyid yin pa'i phyir ro/ /'di ni zhes tbya ba ni bshad ma thag pa'o/ /bde ba chen po las byung ba nyid yin pa'i phyir de nyid las byung ba'o/ /mi phyed pa'i sku la sogs bsgrub pa byed pa nyid min pa'i phyir sku

  593. 297a

    gsung thugs ni mchog ster ba'o/ /slu ba med pa'i gnas mdor bsdus pa 'thob par byed pa nyid yin pa'i phyir sngags kyi de nyid bsdus pa'o/ /de bzhin gshegs pa thams cad kyi sku dang gsung dang thugs nyid rmad du byung ba ste/ de mtshar du byed pa nyid yin pa'i phyir ro/ /de rnams kyi sngags te lha rnams 'gugs pa ni rnal 'byor gyis 'dul ba'i sems can gyi rgyud de'i bdag nyid du bya ba dang/ 'phags ma spyan la sogs pa dgug pa'o// des rnam par 'phrul pa ni rnam par rol pa yin zhing/ de nyid kyis gsal zhing rgyal bas na sku dang gsung dang thugs rmad du byung ba'i sngags 'gugs pa'i rnam par 'phrul pa'i rgyal po zhes bya ba'i ting nge 'dzin te/ de ston par byed pa'i sgra'i tshogs ni byang chub kyi sems kyi gos len par byed pa'i mtshan nyid yin pa'i phyir le'u'o// //le'u bcu bzhi pa'i rnam par bshad pa'o// //'di las bshad pa'i rmi lam la sogs mtshan ma thob cing sgom pa lhur len pa rnams kyis rigs kyi bye brag dang bu mo'i rigs na tshod kyi rnam par dbye ba dang rmi lam du lhag par dmigs pa'i sgo nas dngos grub thams cad 'grub par bya ba yin pas/ de'i phyir sems can thams cad kyi dam tshig gi snying po'i rdo rje 'byung ba'i le'u/ /de nas zhes bya ba la sogs pas gsungs te/ mi bskyod pa'i rang bzhin gyi thog ma dang tha ma med pa'i chos kyi ye shes kyis mdzes pa na rgyal po'o/ /rnam par snang mdzad kyi bdag nyid me long lta bu'i ye shes kyis dngos grub thams cad kyi go skabs 'byed pas na thams cad nam mkha' o/ /'od dpag tu med pa'i rnam pa'i so sor rtog pa'i ye shes kyi rang bzhin yin pa'i phyir mi 'gyur bas na mi 'gyur che'o/ /dkon

  594. 297b

    mchog dpal gyi mtshan nyid kyi mnyam pa nyid kyi ye shes dang mngon par 'brel ba'i sgo nas nyon mongs pa'i dri ma thams cad 'khrud par mdzad pas na thams cad dbang bskur ro/ /don yod pa'i rnam pa'i bya ba bsgrub pa'i ye shes kyis 'gro ba ma lus pa'i bya ba yongs su mkhyen pas na kun mkhyen no/ /tshig de rnams kyis ni de bzhin gshegs pa lha'i ye shes bsdus pa'i rang bzhin can kyi bcom ldan 'das bstan te/ des bka' stsal pa'o/ /dme? sha can ni zhes bya ba la sogs pa la/ rig ma'i brtul zhugs ji lta ba bzhin du spyad pa'i rnal 'byor pa rang gi dkyil 'khor na gnas pas/ dme sha can gyi bu mo lo bcu gnyis lon pa dang lhan cig de sgrub par bya'o/ /dpen pa'i gnas su zhes bya ba ni dgon ba chen po la sogs par ro/ /bshad pa'i dam tshig la sogs pas zhes bya bas ni ji skad bshad pa'i bdud rtsis lngas so/ /cho ga bzhin du zhes bya ba ni/ 'phags pa bdud rtsi 'khyil pa'i rnal 'byor dang ldan pa ste/ thugs kyi dkyil 'khor gyi rten bsgoms nas de'i dbus su dkyil 'khor gru bzhi bya'o/ /thams cad yongs su dag ces bya ba la sogs pas ni mthong ba rnams kyi sgo nas sems dga' bar byed pas 'grub par 'gyur ro zhes bstan to /ngad bar bzhag nas rnam par bsgom zhes bya ba ni/ 'di skad du ji skad bshad pa'i gnas su bsrung pa'i cho ga sngon du 'gro ba can gyi khro bo 'phags pa bdud rtsi zhes bya ba'i rnal 'byor gyis btsun mo'i nam mkha' i dbyings su rnam par dag pa'i bdud rtsi lngas thags kyi dkyil 'khor gyi rang bzhin gyi dkyil 'khor gru bzhi byas la/ de'i dbus su stan 'jam po la nye bar 'dug ste/ sems can thams cad sdud par byed pa'i snying rje chen po'i sems bskyes pa mngon du 'gro ba

  595. 298a

    can gyi mi bskyod pa'i rnal 'byor sku la sogs pa byin gyis brlabs pa la thug pa byas la/ ji skad bshad pa'i bu mo ji lta ba bzhin du rA ma kIr rnam par bsgoms pa dang yang dag par sbyor ba'i ston? pa zhes? la gnas pas byang chub kyi sems phyung ste/ de kho na bzhin du pad+ma la gnas pa'i zla ba'i dkyil 'khor gyi rnam par bsams la/ /de las rang gi snying pos bskyed pa'i lha'i 'khor lo yi ge gsum gyis byin gyis brlab pa byung ste/ gnas ji lta ba bzhin du dgong cing dam tshig bzhis rgyas btab la ye shes kyi 'khor lo'i ting nge 'dzin sngon du 'gro ba can gyi bla na med pa la sogs pa'i mchod pa rnams kyis kun tu mchod nas ji srid du ji skad bshad pa'i dngos grub grub pa de srid du nyin dang? mtshan du bsgom par bya'o zhes bstan pa yin no/ /sku gsung thugs ni rdo rje can/ zhes bya ba la sogs pas ni sku dang gsung dang thugs mi phyed pa'i rnam par snang mdzad du bdag nyid bsgom pa bstan to/ /de ji lta zhes na/ bsam gtan zhes bya ba gsungs te/ snga ma bzhin du rdo rje 'chang chen po'i rnal 'byor gyi rnam par snang mdzad dbyung ba dang gzhugs pa'i sgo nas yongs su gyur pas bdag nyid rnam par snang mdzad du bsgom pas sbyor ba ni bsam gtan gyi sngags kyi sbyor ba ste/ des rnam par snang mdzad dang 'dra bar 'gyur ro/ /rdo rje sems dpa' i sbyor ba yis/ /zhes bya ba ni bshad ma thag pa'i mi bskyod pa'i sbyor bas so/ /utpa la mthing ga'i mdog 'dra ba/ zhes bya ba ni bshad ma thag pa'i dme sha can gyi bu mo'o/ /gal te ji las de ltar shes zhe na/ man ngag dang gzhung 'khrugs pa nyid las te/ 'dir bshad pa'i btso blag mkhan gyi bu mo mdog dkar po/ ji ltar thugs kyi dkyil 'khor las bshad pa'i na tshod dang ldan pa/

  596. 298b

    man ngag gis sku'i dkyil 'khor la sbyar ba de bzhin du/ 'dir bshad pa'i utpa la mthing ga'i mdog 'dra ba'i dme sha can gyi bu mo lo bcu gnyis pa ni thugs kyi dkyil 'khor la sbyar bar bya'o/ /bu mo rtag tu bsgyur ces bya ba ni/ bshad ma thag pa/ 'phags ma sangs rgyas spyan du rnam par bsgoms pa rigs lnga dang bsre ba byas nas so/ /ji skad du bshad pa'i bu mo dang yang dag par ldan pa'i snang mdzad kyi rnal 'byor gyis bdag nyid sku rdo rjer bsgom par bya'o zhes bya ba de nyid bstan to/ /sbyor ba'i cho ga de nyid ni/ zhes bya ba ni bshad ma thag pa'o/ /rdo rje sems dpa' i 'od 'drar? 'gyur/ /zhes bya ba ni ji ltar rang gi sbyor bas mi bskyod pa grub pa de bzhin du rnam par snang mdzad kyang 'gyur ro zhes bya ba'i don to/ /stobs dang mi 'jigs pa las sogs pa chos thams cad 'dzin par mdzad pas na chos 'dzin pa'o/ /ji skad bshad pa'i bu mo dang yang dag par sbyor ba'i sgo nas 'od dpag tu med pa bsgrub par bya ba yin pas/ de'i phyir rdo rje chos ni rnam bsgoms pas/ zhes bya ba la sogs pa gsungs pa ste/ bsgrub ces bya ba ni mi bskyod pa'i sbyor ba nyid kyis bdag nyid 'od dpag tu med par ro/ /sa bcu la ni gnas par 'gyur/ zhes bya ba la/ gzugs rdo rje ma la sogs pa drug dang/ sangs rgyas spyan la sogs pa bzhi ste 'bras bu'i rang bzhin gyi lha mo rnams kho nas sa bcu ru brjod par bya ste/ sgeg mo ni sbyin pa'i pha rol tu phyin pa'o/ /zhes bya ba la sogs pa'i tshul bzhin du/ gzugs rdo rje ma la sogs pa rnams ni sa rab tu dga' ba la sogs pa rnams yin no zhes shes par bya'o/ /de rnams dang yang dag par sbyor ba'i sgo nas bde ba chen po'i rang bzhin du gnas pas nas bcu la gnas pa ste/ de kho na nyid ni yid bzhin gyi rin po che dang mtshungs pa nyid yin pa'i phyir

  597. 299a

    'dod pa chung ba'i rnal 'byor pa yang ji ltar mngon par 'dod pa bzhin du sa bcu'i dbang phyug du 'gyur ro/ /gsung rdo rje'i dam tshig ni gsung gi dam tshig ste/ phyag rgya dam tshig zhes bya bar brjod/ zhes 'byung ba'i phyir de'i phyag rgya chen po yin zhing/ de 'dzin par mdzad pas na gsung gi dam tshig 'dzin pa'o/ /khams gsum pa'i bde ba chen po'i bdag po yin pa'i phyir mnga' dbang dam pa'o/ /dkyil 'khor thams cad kyi mchog yin pas kun gyi mchog go /de ltar rigs gsum gyi bye brag gis dngos grub bsgrub pa bshad nas/ da ni de bzhin gshegs pa'i bye brag gis/ bram ze zhes bya ba la sogs pa gsungs te/ bram ze'i bu mo dang yang dag par sbyor ba'i sgo nas ni rnam par snang mdzad bsgrub bar bya'o/ /de bzhin rgyal rigs dang/ rje'u rigs dang/ dmangs rigs kyi bu mo rnams dang yang dag par sbyor ba'i sgo nas/ go rim bzhin du rin chen 'byung ldan dang/ 'od dpag tu med pa dang/ don yod par grub pa rnams kyis dngos grub bsgrub par shes par bya'o/ /rdo rje 'chang chen po ni rdo rje'i rigs gtso bor gyur pa'i sgo nas bdag po nyid yin pa'i phyir thams cad dang yang dag par sbyor ba nyid kyi sgo nas bsgrub par shes par bya'o/ /de bzhin du rigs kyi bye brag gi sgo nas lha thams cad bsgrub par rtogs par bya'o/ /rdo rje 'chang chen po la sogs pa'i chos kyi rang bzhin gyi bdag nyid yin pas na rdo rje chos bdag ste sgrub pa pos so/ /de nyid ni bsgrub par bya zhes bya ba la sogs pas bshad do// bskyed pa'i rim pa sgom pa po'i dbang du byas nas/ bshad ma thag pa'i bsgrub pa'i dus nges pa ni/ rdo rje nyi ma zhes bya pa la sogs pas gsungs te/ 'dul pa la shes bzhin sngon du 'gro ba bzhin du rdo rje theg pa chen po la rdo rje sngon du

  598. 299b

    'gro ba can du brjod par bya ba yin pas nyi ma nyid rdo rje nyi ma ste/ de nub par gyur nas bsgom par bya'o/ /skya rengs ni nyi ma'i shing rta khrid ba ste/ de 'char ba'i dus su zhag bdun tshun chad kyis 'grub par 'gyur ro/ /rtag tu rnal 'byor la gnas pa la ni dus nges par med pas gzhan du brjod par bya ste/ sems can thams cad kun tu sdud par byed pa'i snying rje chen po'i rang bzhin nyid dang/ mi shes pa'i mun pa 'joms par byed pa nyid yin pa'i phyir/ rang gi gsang ba'i rdo rje nyid ni rdo rje nyi? ma'o/ /de nub nas ste bcun ma'i nam mkha' i dbyings su nub nas so/ /skya rengs ni byang chub sems te de 'chang ba ni 'byung ba'o/ /de bas ni des ni 'di skad bshad pa yin te/ rtag tu lha'i nga rgyal dang ldan zhing rang gi rigs kyi bu mo dang snyoms par zhugs pas spro ba la sogs pa mi bya zhing/ cung zad 'bar ba'i byang chub kyi sems mi dbyung bar bsgoms na/ byang chub kyi sems dbyung ba brtan pa nyid du gyur nas/ gdon mi za bar de'i rang bzhin du 'gyur zhes bya ba'i don to/ /rnal 'byor pas ni byang chub sems/ /ji srid stong par mi byed pa/ /de srid rgyun mi 'chad par du/ /dga' skyes bde ba dga' thob 'gyur/ /skad cig rnam par yang dag byung/ /spro dang sdud par byed pa ste/ /'di ni sa 'og sa steng bla/ /rgyu dang mi rgyu kun gsal byed/ /de'i rang bzhin ro myang ba/ /dbang po las 'das thob pa ni/ /'di de zhes ni de brjod par/ /sangs rgyas kyis kyang mi spyod do/ /rtag cing khyab bdag mchog zhi ba/ /rgyu dang dpe rnams spangs pa ste/ /yod med las ni rnam par grol/ /gnyis med gnas ni dam pa ste/ /dngos grub kun gyi gter gyur pa/ /byang chub sems ni lhung gyur nas/ /rnam shes phung po brgyal gyur na/ /smad min dngos grub ga la yod//

  599. 300a

    ces bya ba gsungs so/ /rgyan rnams thams cad yongs su rdzogs/ /zhes bya ba la sogs pa ni shes par zad do/ /rdo rje 'chang chen po'i mchog ste/ gtso bo'i 'phags ma kun tu bzang mor rnam par bsgoms pa'i dme sha can la sogs ba'i bu mo nang rdo rje sems dpa' mchog go /myur du zhes bya ba ni mgyogs par ste zhag bdun gyi nang du zhes bya ba'i tha tshig go/ 'di ni sku gsum zhes bya ba la sogs ba ni go sla'o/ /pad par bzhag nas rnam par bsgom/ /zhes gang bshad ba de nyid gsal bar bya ba'i phyir dbang po gnyis ni sbyor ba yis/ /zhes bya ba la sogs bas gsungs so/ /ji skad bshad pa'i dam tshig nyams su blang ba dang/ snyoms par 'jug pa bsgoms pas dge legs kyi go 'phang thob bar 'gyur bas de'i phyir/ bshad gci'i dam tshig la sogs pas/ /zhes bya ba la sogs pa gsungs so/ /'dod pa bsten pa dang dam tshig nyams su blang ba'i sgo nas yod pa dang med pa'i rnam par rtog pa las grol ba ston par mdzod pa'i phyir/ 'dod pa dang thab pa'i dam tshig rdo rje ste/ dpal rdo rje sems dpa' o gang gi tshe ji skad bshad pa'i mtshan nyid dang lhan pa'i rang gi rigs kyi bu mo rnams dang/ de'i rigs can rnams la yang dang yang du gsol ba btab pas ma thob pa de'i tshe/ de rengs par bya ba yin pas de'i phyir de nas zhes bya ba la sogs pa gsungs so/ /dam tshig chen po'i khro bo ni 'phags pa gshin rje bshed de/ de la dmigs pa'i ting nge 'dzin ni phyed pa nyid yin pa'i phyir de skad ces bya'o/ /de bzhin gshegs pa thams cad kyi rdo rje rnams kyis mchi bdag gi bdud la sogs pa skrag par byed ba'i phyir/ de bzhin gshegs pa thams cad kyis rdo rje kun tu skrag par byed pa'i khro bo ste de'o//

  600. 300b

    khro zhing tsher ma'i me la bsreg /ces bya bas ni 'di skad du bstan pa yin te/ ji lta ba bzhin du mngon du bsnyen pa byas pa snyoms par zhugs pa'i 'phags pa gshin rje'i gshed kyi rnal 'byor dang ldan zhing khro bas mngon spyod kyi thar khung/? khru gsum tsher ma can gyi bud shing gis sbar bar yi ge hUM las byung ba'i lce dang ldan pa'i 'phags pa gshin rje gshed kyi zhal du stob bas/ oM h+ri:Sh+Tri bi kri tA na na bu mo che ge mo stam+b+ha ya hUM hUM phaT swAhA/ zhes bya ba zlos shing nyi ma phyed? dam mtshan phyed kyi dus su dug? la sogs pa'i sbyin sreg stong rtsa brgyad zhag gsum byas na/ bu mo de gdon mi za bar rengs par 'gyur zhing gzhan la ster bar mi 'gyur ro/ /bskal ba grangs med gsum du yang zhes bya ba ni/ gal te de'i tshe nang na chod yod na'o/ /sangs rgyas sam ni chos 'dzin pa 'am/ zhes bya ba la sogs pas ni rnam par mi rtog pa'i ye shes can gyi 'das par gyur kyang 'tsho? bar mi 'gyur ro/ /zhes la dod ba brjod pa'i sgo nas sbyor ba'i che ba'i bdag nyid gsungs so/ /de ni rtag tu ster bar 'gyur zhes bya ba ni/ mar po'i zhag dag las gang yang rung ba'i nyin par/ dur khrod kyi sol ba blangs te 'phags pa gshin rje gshed kyi rnal 'byor dang ldan pas stong rtsa brgyad bzlas pa'i sgo nas/ bdag la bu mo 'di byin cig ces bya ba'i bskul ba'i tshig dang ldan pa'i bshad ma thag ba'i sngags dang rnam par spel ba'i tshangs pa dang srin po la sogs pa'i gang gi ming bris pa des de bkug nas ster bar byed ba'o/ /dgra bo'i gzugs brnyan bris nas ni/ zhes bya ba ni bshad ma thag pa'i rim pas mngon par bzlas pa'i sol ba nyid kyis dur khrod kyis gzhi la bsgrub bya'i gzugs brnyan kun tu bres te bkug la 'di'i ske bcad par bya'o snyam pa'i bsam pa dang ldan pas taM tsa mtshon cha'i rnam par

  601. 301a

    lhag bar mos par byas nas ske la ri mo bris na mgo chad par 'gyur ba'o/ /tho ba bsam gtan sbyor ba yis/ zhes bya ba ni/ de'i rnal 'byor nyid kyi lag par 'phags pa gshin rje gshed kyi rang bzhin gyi thob bsams la/ mdun du bsgrub bya rnam par bsams te/ taM lus la phab na gdon mi za bar slar ltung mi nus par ltung bar 'gyur ba'o /hUM ni zhes bya ba la sogs pas ni zhe sdang rdo rje la sogs pa gang yang rung ba'i rdo rje'i rigs kyi khro bo'i rnal 'byor dang ldan pas rang gi lag du yi ge hUM las byung ba'i rdo rje rtse lnga pa 'bar ba 'od zer gyi tshogs 'phro bsams la/ de kho na bzhin du bsgrub bya'i lus la nges par phab na gdon mi za bar kho nar 'jig par 'gyur bar bstan to/ /de'i phyir phyag na rdo rje'i rigs la zhes gsungs so/ /rdo rgyus zhes bya ba la sogs pa la/ bshad ma thag pa'i rnal 'byor nyid kyis de rgyus dang sol ba la sogs pa rnams kyis ji skad du bshad pa bzhin du bsgrub bya kun tu bris la bkug ste/ hUM ka ra las byung ba'i sta re rnam par bsams la/ des de'i mid pa bcad na 'chad par 'gyur ro/ /sangs rgyas sku gsum rin chen mchog /ces bya ba la sogs pas ni/ sgrub pa po la yid ches pa nyid skyed par byed do/ /char ches pa 'am dkyil 'khor 'dri ba'i dus su char rengs par bya ba ni/ las kyi rdo rje zhes bya ba la sogs pas gsungs so/ /'di skad du bstan pa yin te/ rdo rje 'chang chen po sku mdog ser po'i rnal 'byor gyis grong dang yul la sogs pa'i steng gi bar snang la yi ge hUM las byung ba'i sna tshogs rdo rje 'bar ba kha dog ser po mngon par 'dod pa'i yul khebs par gnas par bsams

  602. 301b

    la de'i dbus su yi ge hUM las byung ba'i rdo rje chen po kha gyed du ltas pa bskal pa'i me'i phung po dang mtshungs par bsams nas/ de'i lte bar rnal 'byor de nyid kyi nye bar 'dug ste/ rang gi ba spu'i bu ga'i gseb nas byung ba'i 'od zer ser po'i tshogs rnams kyis thams cad bkab par bsam par bya'o/ /de ltar na mngon par 'dod pa'i gnas las phyi rol du char 'bab par 'gyur ro/ /des ni mngon par 'dod pa'i dkyil 'khor la sogs par rnal/ 'byor bas byas pa'i char mi 'bab pa dang/ phyi rol du char 'bab pa'i mthu gnyis bstan pa'i sgo nas sngags kyi che ba nyid bstan pa yin no/ /thams cad du bcad par 'dod na de nyid thams cad khyab pa bsams la/ 'od zer 'bar ba'i tshogs rnams kyi klu thams cad yongs su bskams par bsam par bya'o zhes bya ba ni nyams su myong ba dng bcas pa'i man ngag gi bsgom pa bya bar mi nus pa la bya ba'i chog brjod bar bya ste/ sngar bshad pa'i bri ba'i rdzas rnams kyi dur khrod kyi gos la pad+ma'i 'dab ma brgyad du rang gi sa bon gyis klu brgyad dang/ de'i lte bar yi ge phaT kyi mtshan pa'i rlung lta kun tu bris la bkug te/ gos gnyis pa la 'bar ba'i 'od kyis khyab pa'i sna tshogs rdo rje'i ser po'i lte bar rdo rje rtse lnga pa ser po 'greng ba yi ge hUM gis mtshan pa yang bris la/ gyen du ltas pa de'i steng du spub ste kha sbyar la rdo leb kyis mnan te bzhag na char 'chad par 'gyur ro/ /gdug pa ni bgegs rnams yon zhing de dag 'joms par byed pas na gdug pa'i dgra ste/ 'phags pa bgegs mthar byed yin zhing/ de'i rnal 'byor gyis mche ba'i phyag rgya yang bcings la/ rlung la sogs pa'i bgegs bsal par bya ste/ lngar bshad pa'i mtshan nyid can mche ba'i phyag rgya kha'i logs kyi mdza' mar

  603. 302a

    'dzin cin gyi ge phaT zlos bas bgegs rnams kyi mdun du bstan na de bzhin gshegs pa la sogs pas sprul pa'i rlung la sogs pa'i bgegs kyang sel bar byed do/ /de nyid ni sangs rgyas zhes bya ba la sogs pas gsungs so/ /gzhan du na dam tshig las 'das pas rlung la sogs pa 'jig par 'gyur ba kho na'o/ /de ltar phyag rgya'i phan yon bshad nas/ de ni sngags kyi mthu/ sangs rgyas zhes bya ba la sogs pa gsungs te/ de ni go sla'o/ /rdo rje 'chang chen po bsgrub pa ni ye shes sems pa zhes pa la sogs pas gsungs te/ ye shes ki bdag nyid kyi sems dpa' ni ye shes sems dpa' o/ /de'i sbyor pa ni dam tshig sems dpa' dang lhan cig gcig du bya ba ste de yis so// dbus su gzugs zhes bya ba ni ji skad bshad pa'i dkyil 'khor gyi dbus su thugs kar ye shes kyi lhas byin gyis brlabs ba'i rdo rje 'chan chen po'i gzugs brnyan no/ /sngags shes pas ni gnas bzhi ru/ bud med rtag tu bzhag par bya zhe bya ba spyan la sogs pa'i gnas rnams su de dag gi gzugs su rnam par bsgoms pa'i ji skad bshad ba'i bu mo bzhi bzhag la/ dam sha can gyi bu mo kun tu bzang mor lhag par mos par byas nas/ de'i pad+mar rang gi gsang ba'i rdo rje bcug ste/ las la gnas par gyur nas/ 'dod chags chen po'i mthus gnyis ka yang zhu bar gyur te/ byang chub kyi sems kyi zla ba'i dkyil 'khor gyi rnam par bsams la/ de la yang yi ge hUM kha dog dkar po mgo gyen du ltas ba yongs su gyur par byas nas/ 'od zer lnga 'bar ba'i rdo rje 'chang chen po sa bon gsum gyis byin gyis brlabs pa rnam par bsams te/ de las byung ba'i 'od zer gyi tshogs rnams kyis nam mkha' i gtos khyab ba'i de bzhin gshegs pa la sogs

  604. 302b

    ba rnams la/ kun tu reg nas rdo rje 'chang chen po'i rnam par byas te/ bsdus nas rang gi lus dang ngag dang sems la kun tu bcug ste/ bdag nyid rdo rje 'chang chen por bsgoms par bya'o/ /bsgom pa 'dis mtshan ma thob pas myur du rdo rje 'chang chen po'i mngon par byang chub pa thob par 'gyur ba de'i phyir/ rnam par snang mdzad 'od 'dra zhing/ zhes bya ba la sogs pa gsungs te/ rnam par snang mdzad ni sngar bshad pa yin zhing/ 'di la de dang ba dra ba'i 'od yod pas na rnam par snang mdzad 'od 'dra ste/ dpal rdo rje 'chang sku mdog dkar po'o/ /de nyid de bzhin gshegs pa thams cad kyi bdag pa nyid yin pa'i phyir rgyal po che'o/ /ji skad bshad pa'i chos kyi sku la sogs pa 'dzin pa dang/ sku rdo rje la sogs pa 'dzin par mdzad pa'i phyir sangs rgyas sku gsum rdo rje 'dzin no/ /ting nge 'dzin gang la ji skad bshad ba'i rdo rje sems dpa' skyed cing 'byin pa yod pa de nyid ni phyed pb nyid yin pa'i phyir de skad ces bya'o/ /de nyid kyi phyir dang por rdo rje 'chang chen po sku mdog dkar po dpal zhe sdang rdo rje'i gdan la bri dang bya'o/ /gsang ba blangs nas bza' bar bya zhes bya ba snga ma bzhin du 'phags pa 'jam pa'i rdo rje'i rnal 'byor dang ldan zhing/ ji skad bshad pa'i bu mo dang lhan cig rig pa'i brtul zhugs spyan pas phyi rol gyi sems can gyi tshogs med pa'i gnas su rten dang bcas pa'i 'khor lo'i dbus na gnas pas mi snang ba'i ting nge 'dzin mngon du bya bar lhag par bya bar mos pa'i sgo nas gsang ba'i mchod pa las byung ba'i byang chub kyi sems 'od zer 'bar pa'i pad+ma na gnas pa khas blangs te/ rig ma la yang rang gi kha nas phyung ba sbyin par bya'o/ /de ni zhes bya ba la sogs pas ni 'bras bu gsungs so/ /bza' ba ni 'bras kyi bza' ba la sogs pa'o/ /bshad pa dang/ rta dang glang po'i sha la

  605. 303a

    sogs pa ni bza' ba ma yin pa'o/ /gzhug bar bya zhes bya bas ni/ 'di skad du bstan pa yin te/ rig ma'i brtul zhugs sbyan cing mi snang ba bsgrub pa la mtshan ma thob pas snod du rung ba gnyis bsgrub pa'i dkyil 'khor 'dir bcug ste/ de'i dbus su rang gi lha'i rnal 'byor la snyoms bar zhugs pas snga ma bzhin du mngon par 'dus byas pa'i gshad ma thag pa'i bza' ba la sogs pa bcug ste/ yi ge gsum 'am rang gi sngags brgya rtsa brgyad mngon par bzlas nas zos na ni skad bshad pa bzhin du 'grub par 'gyur bas/ de'i phyir thos na sangs rgyas kyi mi mthong zhes bya ba gsung so/ /bshad pa cho ga bzhin zhes bya ba la sogs pa la/ bshad pa yang bshad ma thag pa'i cho ga kho na bzhin du kham por so ma btang ba'i kha sbyar bar bzhag ste/ mnon par bzlas la bzla bar bya'o/ /thugs rjes dmar ba nyid dang ye shes kyis snang bar mdzad pa nyid yin pa'i phyir sangs rgyas nyid nyi ma yin pas na sangs rgyas nyi ma ste/ de rnams kyis kyang mi mthong do zhes bya ba'i tha tshig go/ de bzhin khyi'i sha la sogs pa gang yang rung ba kham por kha sbyar na gnas ba zos na yang 'bras bu de dan 'dra ba kho na'o/ /bshad dang zhes bya bas la sogs bas ni/ 'das ma thag pa bzhin du bris pa'i dkyil 'khor gyi dbus na gnas pa lha gang yang rung ba'i rnal 'byor gyi rang gi rigs kyi bu mo dang snyoms par zhugs pas bdud rtsi lnga ma sha phyed bshad pa la sogs pa gang yang rung ba'i rdzas ma sha phyed dang lhan cig sbyar te/ snga ma bzhin du lcags gsum gyis bkris ma pad+mar bzhag la/ 'od nang na gnas pa'i rang gi bdag po sbro ba dang bsdu ba'i rim gyis bsgoms ? de khon bzhin du 'grub pr 'gyur ro zhes bsten to

  606. 303b

    thun mong nyid yin par bsten pa'i phyir/ rdo rje 'dzin pa gang yang rung zhes bya ba la sogs pas gsungs so/ /de ni zhes ba bal sogs pa ni shes par ? do/ /steng du rang gi ye shes kyi mthus dpag chod? snying kyi steng gsum gyi cod du 'gro bas ? rdo rje 'gro ba gzhan ni bshad zin te/ /'da' bar bya bam yin pa'i mi snang ba'i cho ga bstan ba'i phyir/ dam tshig mi snang ba 'i rdo rje chen po de dpal rdo rje 'chang ngo/ /bcom ldan 'das kyi dngos grub sna tshogs bsgrub pa'i tshogs bstan pa'i sgo nas sems can rnams kyi don mdzad par rtogs nas/ rab tu dgyes shing sbyan pa/ dangs pas ched du brjod pa ched du brjod pa ni/ de nas zhes bya ba la sogs pa gsungs te/ rigs nges pa'i sems can rnams kyi zlos gang bstan pa'i phyir dga' ba phul du byung ba nyid kyi sems 'khrul pa'o/ /gzhan ni bshad zin te/ /se ma'o zhes bya ba la sogs pa la/ 'di dag rab tu de mtshar che zhes bya ba ni rigs la sogs pa'i bu mo dang yang dag par sbyor ba la sogs pa rnams kyi dngos grub bsgrub pa'i dus 'di'o/ /thabs dang shes rab kyi zag ba mrd pa'i bd+d thob par byed pa nyid yin pa'i phyir gsang gnas mi 'gyur ba'o/ /de nyid kyi phyir ngo bo nyid kyis dag pa'o/ /lus dang rtogs pa'i chos dri ma med pa med pa nyid yin pa'i phyir shin tu dri med chos so// sangs rgyas la sogs pa rnams kyi dbang bskar gyi des pa bstan par bya ba'i phyir/ de nas zhes bya ba la sogs pa gsungs te/ ston pa zhes bya ba la sogs pa ni bshad zin to/ /yongs su dag pa'i sku can nyid yin pa'i phyir dag ba'o mi phyed pa'i thugs mnga' ba nyid yin pa'i phyir rdo rje'o/ /phyin ci ma log pa'i gsung sbrogs pas che ba nyid yin pa'i phyir chos chen po ste/ de lta bu'i yon tan khyad par can dang ldan pa'i bcom ldan 'das des rdo rje gsung bka' stsal to/

  607. 304a

    sems dpa' zhes bya ba la sogs pa la/ sems dpa' ni dpal rdo rje sems dpa' ste/ sangs rgyas la sogs pa sems dpa' thams cad 'byung ba'i rgyu nyid yin pa'i phyir ro/ /dpal de kho na nyid bsdus pa las kyang/ sems dpa' chen po de nyid las sems dpa' thams cad kun tu 'byung zhes gsungs so/ /de'i shes rab nyid ni rdo rje yin zhing/ kun tu bzang mo sku mdog dkar po lha mo'i gzugs can yin te/ dpal bde mchog phyi ma las kyang/ zla ba lta bur dag pa'i blo/ /rdo rje zhes bya ba ni mngon par brjod/ zhes gsungs pa'i phyir ro/ /de dag yang bar sbyor ba ni/ sems dpa' rdo rje'i sbyor ba ste/ des mnyes par 'gyur ro/ /gang dag zhes na/ gsungs pa/ sangs rgyas rdo rje 'dzin te/ mi bskyod pa la sogs pa de bzhin gshegs pa rnams so/ /ji ltar zhe na/ spyi bo na gnas pas bskul ba las byung ba'i byang chub kyi sems kyi rgyun gyi dbang bskur ba rnams kyis zhes bya ba'i don to/ /'di nyid las/ spyi bo nas ni bskul ba shis zhes 'chad par 'gyur ba nyid kyi phyir ro/ /sangs rgyas byang chub rab dbye bas/ /zhes bya ba la/ sangs rgyas ni rnam par snang mdzad la sogs pa'i de bzhin gshegs pa rnams so/ /de rnams kyis byang chub ni thugs ka nag nas pa'i shes rab bo/ /de'i bar du dbye ba ni sangs rgyas spyan la sogs pa'i gzugs yongs su gyur pa dang gnyis su med par yang dag par sbyor ba ste/ de yis so/ /rdo rje ste rtogs pa'i ye shes dang phyag mtshan 'dzin par mdzad pas na rdo rje 'dzin te/ sa'i snying po la sogs pa byang chub sems dpa' chen po rnams/ /de rnams ni rang gi rigs kyi de bzhin gshegs pa rnams kyi dbang bskur bas mnyes par 'gyur ro/ /rdo rje can gyi gzugs sogs kyis/ zhes

  608. 304b

    bya ba ni/ drug pa'i don can gyi gsum pa ste/ de'i phyir spyan la sogs pa rnams dang khro bo rnams kyi ni rang gi de bzhin gshegs pa nyid kyis dbang bskur ba'o/ /bshad ces bya ba ni bstan pa'o/ /rig pa'i rgyal po chos mchog rnams/ zhes bya ba ni gtsug tor chen po la sogs pa ral pa'i tshogs bcings pa'i gtsug tor can gyi rig pa'i 'khro los sgyur ba'i gtsug tor brgyad de/ dkon mchog dang dpal gyis dbang bskur ba'o/ /sngar ni spyan la sogs pa rnams kyis khyad bar dbang bskur pa bstan nas/ da ni lha mo thams cad kyi thun mong gi dbang bskur pa/ rig pa'i zhes bya ba la sogs pas gsungs te/ reg pa ni gzugs rdo rje ma la sogs pa'i lha mo rnams so/ /rgyal mo ni spyan la sogs pa ni rigs kyi lha mo bzhi'o/ /de rnams kyi sbyor ba ni rang gi de bzhin gshegs pa la sogs pa rnams dang yang dag par sbyor ba ste/ de rnams la'o/ /tshe dpag med pa rab tu bsgom/ /zhes bya ba ni sgra las byung ba'i shes rab kyi ngo bo nyid dang/ rig ma thams cad kyi bdag po yin pa'i phyir de'i dbang bskur bas de rnams mnyes par 'gyur ba'o/ /thams cad las byed sngags rnams la/ zhes bya ba 'phags pa bdud rtsi 'khyil pa la sogs pa rnams la don yod par grub pas dbang bskr bar bya'o/ /zhi ba la sogs pa'i las bsgrub pa'i dus su yang lha thams cad kyi rnal 'byor pa rnams kyis las dang rjes su mthun pa'i sku mdog can gyi don yod par grub pas dbang bskur bar bya ste/ don yod ba'i bkas nges par 'grub par 'gyur ba'i phyir ro/ /'di thams cad ni rdo rje 'chang chen po'i rnam par 'phrul pa yin pas/ lha thams cad kyi thun mong gi rdo rje'i sems dpa' i dbang bskur ba yang/ sngags rnams thams cad nyid la

  609. 305a

    ni/ zhes bya ba la sogs pas gsungs so /sngags gang dag gis rgyud gzhan rnams las grags pa'i gnod sbyin ma rnams kyi rgyud de gzugs la sogs pa bkod pa de rnams la de skad byas te/ sngags kyis bskyed pa'i gnod sbyin ma'i gzugs can rnams kyis cod pan dbang bskur ba'i don du bdag po nyid yin pa'i phyir 'phags pa gshin rje gshed kho na bsgom par bya'o/ /sngags rnams thams cad nyid la ni/ zhes bya ba ni/ bshad ma thag pa'i yang dag pa'i sbyor bas gnas pa'i lha thams cad la'o/ /spyi bo nas shis bskul ba zhes bya ba ni/ de rnams kyi spyi bor rdo rje dang pad+ma kun tu bskul ba las byung ba'i byang chub kyi sems kyi rgyan gyis dbang bskur ba'o/ /shis zhes bya ba ni mngon par 'dod pa'i dngos grub sgrub par byed pa'o/ /dngos grub kyi don du 'dab bar mi bya ba'i dam tshig ston par mdzad pas na dam tshig chen po ste dpal rdo rje sems dpa' o/ /bsam gtan 'khor lo 'di yis ni/ /zhes bya ba ni dkyil 'khor gyi lha rnams la dbang bskur bas so/ /sngags mnyes byed pa'i 'khor lo dag / zhes bya ba ni lha mnyes pa'i 'khor lo'o/ /de nyid ni dam tshig chen po sgrub byed pa zhes bya bas bshad do/ /dam tshig chen po ni gzugs thams cad ston par mdzad pa'i bdag nyid can gyi dpal rdo rje sems dpa' yin zhing/ de sgrub par byed pa ni dam tshig chen po sgrub byed pa'o/ /sgrub pa po rnams kyi mngon par 'dod pa'i dngos grub mchog sgrub par byed pa nyid yin pa'i phyir phan pa'o/ /dbang bskur ba'i sgrub pa 'di ni sku la sogs pa byin gyis brlab pa'i rjes thogs pa rang gi sku'i dngos grub sgrub pa yongs su shes par byed pa'i ched yin no/ /snod la dbab pa dang/ dkyil 'khor du slob ma gzhug pa'i don du

  610. 305b

    sbyor ba ni/ de nas zhes bya ba la sogs pa gsungs te/ de ni rnam par phye zin to/ /bsam gtan rdo rje rab bya ba/ zhes bya ba ni/ bshad ma thag pa'i gnas su phra mo'i rnal 'byor bsgoms pas sems brten par byas nas so/ /bzlas dang sngags kyis sbyor bas zhes bya ba ni/ 'chad par 'gyur ba'i yi ge hUM la sogs pas bskul ba'i sbyor bas so/ /de lta bur gyur pa'i rnal 'byor pa des dpal rdo rje sems dpa' la sogs pa thams cad sngags dang bsam gtan gyi kun tu bskul na las rnams sna tshogs byed par 'gyur ba yin pas de'i phyir /rdo rje sems dpa' la sogs kun/ zhes bya ba la sogs pa gsungs te/ gsung gi las ni dpal rdo rje sems dpa' ste phyin ci ma log pa'i don ston par byed pa'i dag gi bya ba'i bdag nyid yin pa'i phyir ro/ /rdo rje chos kyi gzugs chen po zhes bya ba ni/ yi ge a las byung ba'i pad+ma rA ga ltar dmar ba'o/ /gnas gsum du ni rigs brtag go / zhes bya ba ni 'di skad du bstan pa yin te /bdag nyid ji skad du bstan pa'i 'od dpag tu med par rnam par bsams la/ rang gi mgo bo dang lkog ma dang snying ga'i phyogs rnams su/ zla ba kha dog dmar po dang chu skyes dang nyi ma la gnas pa'i oM dang A(rgyud 'grel): dang hUM zhes bya ba'i sa bon dmar po rnams kyis rigs gsum thams cad dmar por bsams te/ de kho na bzhin du 'od dpag tu med pa rnam par bsgoms pa'i ji skad bshad pa'i snod du rung ba'i mgo dang lkog ma dang snying ga'i phyogs rnams su yi ge baM la sogs pa las byung ba'i chu dang rlung dang dbang chen gyi dkyil 'khor la gnas pa'i ha dang a dang hUM zhes bya bas byin gyis brlab pa'am/ de rnams kyi skyed pa'i rigs gsum gyis byin gyis brlab pa byas la/ de'i rkang pa'i 'og tu me'i

  611. 306a

    dkyil 'khor la gnas pa'i dzhai 'bar bar byed par bsams te/ snga ma bzhin du ye shes sems dpa' bcug la yi ge dzhai las byung ba'i 'od zer gyi tshogs rkang pa'i mthil gyi gis gseb nas zhugs ba rnams kyis yi ge gsum 'am rigs gsum kun du bskul ba dang/ dril bu dkrol zhing hUM ha a dzhai? zhes bya ba'i sngags brjod na/ de la bcom ldan 'das des par 'babs par 'gyur ro/ /de nyid ni dbab pa'i cho ga thams cad ni/ byas na gdon mi zar 'grub/ ces bya bas gsungs so/ /de bzhin du bdag nyid yi ge ha dang yi ge ha dang yi ge hUM dag gis go rims bzhin du rnam par snang mdzad dam mi bskyod pa pad+ma rA ga ltar dmar ba bsams la/ thams cad 'das ma thag pa bzhin du bya'o/ /babs pa'i lce la yi ge a dmar po rdo rje'i 'bar ba dmar pos khyab pa bsams la rdo rje smros shig ces brjod par bya ste/ /de ltar na bzang ngan thams cad smra bar 'gyur ro/ /de nas tiSh+Tha badzra zhes bya ba la sogs pas dbab ba bstan bar bya ste/ oM sems can don kun mdzad lags te/ zhes bya ba la sogs pas brjod la/ yi ge mu'i mdza' can gyis snod du rung ba la babs pa'i rdo rje chos la sogs pa rnams thal mos me tog gyen du gtor ma'i sgo nas gshegs su gsol te/ snod du rung ba sku rdo rje la sogs pa rnam par dgod pa'i sgo nas kun tu bsrung bar bya'o/ /skul dang zhes bya ba la sogs pa la/ 'phags ba bzhi po dag ces bya ba ni/ sku la ba la sogs pa bya ba'i snying ga dang lkog ma dang spyi bo rnams su dbang chen dang rlung dang chu'i dkyil 'khor la gnas ba'i yi ge gsum mchog chen po'i 'phags ba'i sa'i rang bzhin can rnams dang/ me'i dkyil 'khor la gnas ba'i yi

  612. 306b

    ge dzhai ni bzhi pa ste 'phags pa'i sa bzhi'o/ /rdo rje grub ba dag gis zhes bya ba ni sems brtan par gyur bas so/ /de ltar byas na cir 'gyur zhe na/ de'i phyir rtag par 'grub ces bya ba gsungs te/ nyams pa med pa'i bde ba chen bo'o/ /cho ga thams cad ces bya ba ni/ sems brtan bar bya ba dang lhag par gnas ba la sogs pa rnams so/ /rnam pa gzhan du ste snod du rung ba la lha ma bsas na/ skye bo rnams kyis dpyad par 'gyur pa kho na'o/ /dzhai ni zhes bya ba la sogs pa la/ yi ge dzhai yis rlung gi dkyil 'khor bskyod pas 'gul pa ste gyen du 'phags pa dang/ gser lta bu'i dbang chen gyi dkyil 'khor la gnas pas mnan pa rengs pa dang/ chu'i dkyil 'khor la gnas pa'i kha dog dmar po nyid kyi g.yo pa la sogs pa bya'o zhes bya ba ni man ngag yin no/ /nam mkha' i khams ni sems med cing/ zhes bya ba la sogs pas ni/ sbyor ba'i mthu phul du byung ba bstan to/ /khru gang zhes bya ba la sogs pa la/ rdo rje ste 'od dpag tu med pa la sogs pa rigs gsum gyi ye shes kyis gsal zhing 'bar bas na rdo rje rgyal po ste/ dpal rdo rje sems dpa' yin zhing/ des khyad par du sngar bshad pa'i sbyor ba rnams kyis bskul ba ni/ rdo rje rgyal pos rab bskul ba'o/ /'phar par 'gyur zhes bya ba ni gyen du 'phags par 'gyur ba'o/ /snga ma bzhin du thams cad zhes bya ba la sogs pas ni 'od dpag tu med pa la sogs pa'i rnal 'byor nyid kyis gshegs su gsol ba la thug pa'i bar thams cad bya'o/ /zhes bstan to/ /de ltar snod du rung ba la dbang pa'i cho ga bstan nas/ da ni gdug? pa rnams gzhom pa'i phyir 'phags pa bdud rtsi 'khyil pa'i rtog pa/ de nas zhes bya ba la sogs pa gsungs te/ bka' stsal to zhes bya bar sbyar ro/ /rdo rje 'dzin

  613. 307a

    ces bya ba la sogs pa'i don ni bshad zin to/ /chos dang longs spyod rdzogs pa dang sprul pa'i sku'i gnas gsum kun tu dag pa nyid yin ba'i phyir sku gsum gnas ni yongs dag pa'o/ /'di ni zhes bya ba ni thugs la gnas pa'o/ /bka' stsal to zhes bya ba ni gsungs pa'o/ /rtse gcig ma gyur pa yis kyang/ zhes bya ba mang po la zhugs shing mtshan ma ma thob pa'i rnal 'byor pa yis kyang ngo/ /brtul zhugs brtan pas zhes bya ba ni dag po chad pas bcad pa la nges ba'i blo can rnams kyis bya ba'o/ /sbyor ba gzhan min pas zhes bya ba ni/ 'phags pa bdud rtsi 'khyil pa'i rnal 'byor 'chad par 'gyur ba'i sngags dang 'khrul 'khor dang bcas pa kho na gdug pa rnams la chad par bya'o zhes bya ba'i don to/ /dgra'i gzugs brnyan byas nas ni/ zhes bya ba ni ro bsregs pa'i sol ba dang to sha dang ra dzi ka dang lan tshwa dang til mar tsha ba dang/ dug dang smyo byed rnams kyis dgra bo'i gzugs brnyan byas la/ rdzas de rnams nyid kyis dur khrod kyi gos la sngags dang rnam par spel ba'i ming bris pa snying gar bcug ste/ dgug pa ston du 'gro bas gcer bu skra grol ba ro bsregs kyi sol ba'i chus rlan pa'i gos gyon pa 'phags pa bdud rtsi zhes bya ba'i khro bo'i nga rgyal dang ldan bas g.yon brkyang bas mnan la/ brgya rtsa brgyad dam stong rtsa brgyad bzlas na ji skad bshad pa bzhin du 'gyur ba'o/ /dur khrod ro bsregs thal ba yis/ /zhes bya ba ni dur khrod kyi tsu lu kha bcag pa las byas pa'i gzugs brnyan bshad ma thag pa bzhin du mnan te/ mtshan byed kyi dus su bzlas na de kho na bzhin du 'grub par 'gyur ro/ /dkyil 'khor gru gsum byas pa la/ zhes bya ba ni pa lang dang rta dang khyi'i sha

  614. 307b

    rnams kyis me'i dkyil 'khor gru gsum 'bar ba yi ge ra yis mtshan pa'o/ /sangs rgyas kyang ni nges par 'jig ces bya ba 'dis ni sangs rgyas kyang gdon mi za bar 'jig par 'gyur na dgra bo tsam lta smos kyang ci dgos zhes rnal 'byor pa rnams la yid ches pa skyed par byed do/ /'di skad du bstan pa yin te dur khrod la sogs par to sha dang ldan pa'i me'i dkyil 'khor la gnas pa'i thab khung gru gsum byas la de ru rdzas de rnams nyid las byas pa'i gzugs brnyan mngon spyod kyi cho ga bzhin du sbyin sreg bya'o/ /rdo rje las byung 'jig ces bya ba ni mi phyed pa'i ye shes las byung ba'o/ /sha chen gyis kyang 'das ma thag pa bzhin du thams cad bya'o/ /'di ni zhes bya ba ni 'di kho na'o/ /drag po thams cad kyi zhes bya ba ni/ dkon mchog dang bla ma la gdug cing drag la mi zad pa'i sems dang ldan pa rnams kyi'o/ /mi bzad pa ni shin tu drag pa'o/ /chos mchog can zhes bya ba la chos mchog ste mi bskyod pa'i sa'i mtshan nyid yin zhing de lta bur 'di 'gyur bas na chos mchog can de bsgrub bya de'o/ /khros nas srog zhes bya ba ni dur khrod la sogs par bshad ma thag pa'i thab khung tsher ma'i me sbar ba la bshad gci'i gzugs brnyan de kho na bzhin du sbyin sreg byas na'o/ /chu bo'i 'gram gnyis sa yis kyang// zhes bya ba ni rgyun du 'bab pa'i chu bo'i 'gram? gnyis kyi sa las gzugs brnyan byas te/ ut+ta na mgo byang du bstan te bzhag nas so/ /dug las byung ba'i tsher ma yis/ /zhes bya ba ni sprul dang sdig pa dang chu srin kruM? b+hi ra dang rwa can dang nya la sogs pa'i tshed? ma dang/ byis pa'i tsher ma dug la bcos pa rnams kyis so/ /skul pa'i tshig dang zhes bya ba ni sarba big+han bi na ya kA na zhes bya ba'i tshig gnyis bzhag la che ge mo mA ra ya zhes bya ba'i bskul pa'i tshig dang ldan pa'i sngags khro dang ?

  615. 308a

    bcas pa'i brjod cing til gyi gang bu bzhin du dgang bar bya'o zhes bya ba'i don to/ /ske tshe zhes bya ba la sogs pas ni gzugs brnyan la sogs pa thams cad la ske tshe la sogs pa gzhug pa dang/ dur khrod kyi gos la sngags dang rnam par spel pa'i ming de rnams kyis bris pa gzhug par bya'o zhes bstan to/ /sol khus gsher ba'i zhes bya ba la sogs ni bshad zin to/ /ling+ga zhes bya ba ni mi'i rus pa'i phye ma dang dug dang khrag rnams las byas pa'i gzugs brnyan ni/ /gzhan ni bshad zin to/ /srin pos mkhyer bar gdon mi za/ zhes bya ba ni che ge mo rAku? ser gra ha yod ces bya ba'i bskul pa'i tshig dang ldan pa'i sngags khro ba dang bcas pas bzlas na gdon mi za bar rdo rje sems dpa' dang mtshungs pa yang khyer par 'gyur ro zhes bya ba'i don to/ /ske tshe bshang gci sbyar ba yis/ /zhes bya ba ni bshad ma thag ste 'on kyang ske tshe gtso bor gyur pa'o/ /tsha ba chen pos btab bar 'gyur/ /zhes bya ba ni che ge mo zhes bskul ba'i dbang gis so/ /sbyor ba gzhan min pas bya ba/ zhes gang bshad pa'i de'i sngags bstan pa'i phyir/ de la 'di ni zhes bya ba la sogs pa gsungs te/ de bzhin gshegs pa thams cad kyi dam tshig chen po'i khro bo ni 'phags pa bdud rtsi bya ba ste/ de bzhin gshegs pa thams cad kyi bka' sgrub par byed pa dang/ de rnams kyis 'da' bar mi bya ba nyid yin pa'i phyir ro/ /de ni snying po ni sngags so/ /sbyin sreg ces bya ba ni bshad ma thag pa'o/ /yang na bsam gtan zhes bya ba ni 'chad par 'gyur pa'o// gzhan ni go sla'o/ /rdo rje sems dpa' zhes bya ba ni ji skad bshad pa'i rdo rje 'chang chen po'o/ /khro bo che zhes bya ba ni 'phags pa bdud rtsi 'khyil pa dbyung ba dang gzhug pa'i sgo nas yongs su gyur pa'i khro bo bdud rtsi zhes bya ba'i

  616. 308b

    gzugs can ni/ /de nyid kyi phyir rnam pa dgrad pa 'jigs 'jigs lta ste/ rnam par dgrad pa la sogs pa'i don ni bshad zin to/ /bsams nas zhes bya ba ni lag na sta re dang tho ba thogs pa'i bsgrub bya'o/ /bsam gtan rab tu bya zhes bya ba ni 'chad par 'gyur ba'o/ /sems can drag po chen po gzhom pa'i phyir khro ba 'byung pa'i rgyu ni drag po chen po'i khro bo'i dam tshig go /mkha' dbyings zhes bya ba ni nam mkha' i dbyings so/ /skabs 'dir yongs su gang pa zhes bya ba ni sangs rgyas/ dang byang chub sems dpa' rnams kyis yongs su gang ba'o/ /gdug pa de yis bsad par ni/ zhes byas pa ni sta re dang tho ba lag na thogs pas gtubs shing bcad de phye mar byas par bsam pa'o/ /de ma thag tu zhes bya ba ni 'chad par 'gyur ba'i bsam gtan la sbyor ba'i rjes thogs nyid la rdo rje 'chad dang mtshungs pa yang 'chi bar 'gyur ro zhes bya ba'i don to/ /sangs rgyas gnod byed dgra rnams ni/ sngags mkhan gyis ni mdun bsams na/ zhes bya ba la/ sangs rgyas la sogs pa rnams bsad pas 'gyod pa skyes pa/ skrag cing 'jigs pas ? pa zhes bya ba dmyal bar ltung ba'i 'jigs pas myos par gyur pa mgon med cing skyabs med pa gcer bu skra bshig pa lus la til mar/ bskus pa lngar bshad pa'i rim pa bzhin sam po ta dbye ba byas te/ me'i dkyil 'khor la gnas par rnam par bsams la/ de la phan par bya ba nyid kyi phyir khro bo'i tshul du gyur pa'i dkyil 'khor pa'i lha'i 'khor lo'i dbus na gnas pa'i khro bo 'phags pa bdud rtsi zhes bya ba'i rnal 'byor dang ldan pas gnod sbyin la sogs pa spros pa rnams kyis kun tu sdags bar byas te zos par bsam zhing/ de'i rnam bar shes pa yang snga ma bzhin du mi bskyod pa'i

  617. 309a

    gzugs can gyi byang chub sems dpar bskyed la/ mngon par dga' ba can gyi 'jig rten gyi khams na gnas pa'i chos kyi rgyal srid kyi gnas la yang dag par bzhag ste dbang bskur bar bya'o/ /sprul nag ces bya ba la sogs pa la gshin rje'i gzugs can gyi 'chi bdag gi bdud kyang 'jigs par byed pas na 'jigs pa dag kyang 'jigs par byed pa'o/ /dug gi mchog gi dam tshig ces bya ba ni/ yi ge ni? las klu rigs ldan gyi gzugs bung ba ltar sngo ba'o// nam mkha' na gnas pa'i yi ge h+ri las byung ba'i 'od zer gyi lcags kyu rnams kyis bkug pa'i khams gsum gyi dug gis gang bar bsams la/ che ge mo'i 'phral ba nas za cig ces de la bka' bsgo ste/ des de zos par bsam zhing de'i rnam par shes pa yang 'das ma theg pa bzhin du mi bskyod par bya'o/ /phyogs bcu'i sems can thams cad kyi nyams la sogs bkug ste/ de kho na bzhin du bsgrub bya'i lus la gzhug par bya'o/ /tho ba ni yi ge hUM las byung ba'i thob 'bar ba'o/ /gzhan ni shes par zad do/ /gshegs cing zhes bya ba la sogs pas na phyag na ste rol sogs pa bsnams pa'i rdo rje khro bo la sogs pa rnams kyis rnam par bsgyel te dum bur gtubs par bsam par bya'o/ /bsrung ba la sogs zhes bya ba la sogs pas ni 'di skad du bstan pa yin te/ snga ma bzhin du rang gi snying ga nas phyag na rdo rje lcags kyu bsnams pa phyung ste/ des de'i bsrung ba kha sbyar la sogs pa dang lha rnams bkug la rang gi par shwa g.yon par bzhag ste/ /'phags pa bdud rtsi 'khyil pa'i phur pa nyid kyi oM g+ha g+ha zhes bya ba'i sngags/ sarba duSh+Tan sarba pA ba zhes bya ba'i tshig? gnyis bzhag la/ 'di'i sarba rA rak+Sha a ti man trAM de ba tAM shtsaki la ye ta ces bya ba'i bskul ba'i tshig

  618. 309b

    dang ldan pa brjod cing phur bus gdab par bya'o zhes bya ba'i don to/ /'di ni zhes bya ba la sogs pa la/ gsod pa thams cad las gtso bor gyur pa 'di yin pa'i phyir gsod par byed pa'i chog go /bsrung ba la sogs pa'i kha sbyar dbye ba ni dam tshig ste 'das bar mi bya ba nyid yin pa'i phyir ro/ /rdo rje phung pos zhes bya ba la sogs pa la/ mi phyed pa'i phung po la sogs pa dang ldan pa'i sems can te/ de bzhin gshegs pa la sogs khro bo'i dkyil 'khor na gnas pa ji snyed pa de dag thams cad khro zhing gdug pa gsod pa la gcig tu brtson par bsam par bya'o/ /de ltar na mnyes bar 'gyur te gzhan du min/ zhes bya ba ni di skad bshad pa de kho na bzhin du bsgrub pa la brtson pa'i rnal 'byor pa la de bzhin gshegs pa la sogs pa rnams mnyes par 'gyur gyi/ gzhan du phyin ci log gis bsam pas byed pa la ma yin pa'o/ /ston pa sangs rgyas zhes bya ba la sogs pa la/ chos thams cad rab tu rtogs pas na sangs rgyas so/ /de nyid des par 'byed pa'i shes rab lha mo'i rnam par gyur par 'dzin par mdzad pas na rdo rje 'dzin no/ /de nyid de bzhin gsheD pa la soD pa chos par mdzad pa nyid yin ba'i phyir ston pa'o/ /rdo rje chos ni 'od dpag tu med pa'o/ /'khor lo can ni rnam par snang mdzad de/ de rnams kyi rnal 'byor lhur len pa'i sgrub pa po rnams de'i ming can du bstan to/ /de ni nye bar mtshon pa yin te/ lha bsgom pa bo rnams kyang gzung bar bya'o/ /de rnams kyang sdig pa bsags shid bsrung ba la sogs pa dang phral nas bsam gtan gang yang ba'i sbyor bas nges par sbyar na 'chi bar 'gyur ro zhes bya ba'i don to/ /gzhan ni bshad zin to/ /sems can khro ba chen po can rnams gzhom pa'i phyir 'da' bar bya ba ma yin zhing mi phyed pa'i khro bo ston par

  619. 310a

    mdzad pa'i khro bo chen po'i dam tshig rdo rje khro pa'o/ /de ni bdud rtsi 'khyil pa'i rtog pa'o/ /de nas zhes bya ba la sogs pa la/ bka' stsal pa zhes bya bar sbyar ro/ /rgyal po rdo rje 'dzin zhes bya ba la sogs pa'i tshig rnams kyis rims bzhin du chos kyi dbyings dang me long lta bu dang so sor rtog pa dang mnyam pa nyid dang bya ba grub pa'i ye shes kyi bdag nyid can gyi bcom ldan 'das bstan te/ des bka' stsal pa'o/ /e ma'o zhes bya ba ni ngo mtshar ba'o/ /rang bzhin gyis yongs su dag pa nyid yin pa'i phyir ngo bo nyid kyis dag pa'o/ /da gang yin zhe na/ rdo rje'i theg pa zhes bya ba mi phyed pa'i theg pa chen po'o/ /de nyid thams cad las phul du byung ba nyid yin pa'i phyir bla na med pa'o/ /ma skyes pa'i zhes bya ba la sogs pa la skye ba'i rgyu med pa nyid yin pa'i phyir ma skyes pa'i phung po la sogs pa'i mtshan nyid dang/ stobs dang mi 'jigs pa la sogs pa'i rang bzhin can gyi chos rnams la yang kun rdzob du drag po'i las kyi bya ba'i mtshan nyid skye bar bstan to/ / gang dag gis zhe na/ rgyal ba rnams kyis zhes bya ba mi mthun pa'i phyogs ma lus pa las nges par rgyal ba'i sangs rgyas rnams so/ /de ni las phran tshogs kyi tshogs/ de la 'di ni zhes bya ba la sogs pas gsungs te/ bsam gtan dang bzlas pa la bltos nas bri ba la sogs pa'i bya ba gtso bor gyur pa yin pa'i phyir las phran tshogs rdo rje gsang ba'o/ /sprul ni zhes bya ba la sogs pa la/ rngo? rgyus dang ro bsregs kyi sol ba dag la yi ge khaM brgya rtsa brgyad mngon par bzlas la de dag gis sprul mi sdug cing 'jigs su rung ba nag po 'bar ba 'khrug cing khre ba lce gnyis pa ? che ba'i 'phreng ba can kun tu bris te de'i khar yi ge kham me'i mdog can dug ha la ha la'i bdag nyid can 'bar

  620. 310b

    ba rnam par bsams la/ dang khar yi ga h+ri bsams te/ de las byung ba'i 'od zer gyi lcags kyu rnams kyi khams gsum na yod ba'i dug rnams gkug? la/ sprul gyi khar gzhug par bya'o/ /de ltar bsgoms na de des ? gnas nas g.yo bar 'gyur te/ des reg pas sems can gyi khams 'jigs par 'gyur ro/ /sdig pa zhes bya ba la sogs pa la/ sbyor ba las byung ba'i mtshan nyid kyis zhes bya ba 'das ma thag pa bzhin du/ yi ge khaM mngon par bzlas shing/ de dang rjes su mthun pa'i kha dog dang ldan pa rnams kyis dug gi sdig pa la sogs pa rnams mngon par bris la/ de rnams kyi khar de da kho na bzhin du rnam par bsams te/ khams gsum na yod pa'i dug bkug la gzhug par bya'o/ /de ltar na sdig pa la sogs pa gang yang rung ba dang/ rig pas kyang skad cig de nyid la 'jig bar 'gyur ro zhes bya ba'i don to/ /de la 'di ni zhes bya ba la sogs pa la/ dug thams cad 'pho ba'i snying po'o/ /zhes bya bas ni 'di skad du bstan pa yin te/ ji skad bshad pa'i rang gi dkyil 'khor na gnas pa'i rnam par snang mdzad kyi rnal 'byor dang ldan pas lag pa g.yon ba'i mthal la oM las byung ba'i 'khor lo dkar po rtsibs brgyad la 'od zer 'khrug pa'i lte bar 'od zer dkar pos khyab pa'i oM rnam par bsams la/ des bya bas bas ji ltar 'dod pa bzhin du nam mkha' i dbyings na gnas pa'i brtan pa dang g.yo ba'i dug kham por gyi bu raM bzhin du de nyid kyis 'pho bar bya'o/ /zhes bya ba'i don to/ /dug chen po 'da' bar mi bya zhing mi phyed ba'i don ston bar mdzad pas na/ dug chen po'i rdo rje'i dam tshig te rdo rje ste rdo rje sems dpa' o/ /de la 'di ni zhes bya ba la sogs pas ni dug gso ba gsungs te/ bsgrub bya'i snying gar rdo rje bskyed pa'i rgyu nyid yin pa'i phyir rdo rje

  621. 311a

    chen po'i snying po'o/ /'di skad du bstan pa yin te/ rten dang bcas pa'i brten pa'i 'khor lo'i dbus na gnas pa'i rdo rje 'chang chen po'i rnal 'byor dang ldan pas bsgrub bya'i snying ga na gnas pa'i yi ge hUM las byung ba'i rdo rje dkar po las rnam par spros pa'i 'od zer gyi sprin zla ba dkar po zhu ba'i rnam pa can rnams kyis de'i lus mngon par khyab par byas nas de rnams nyid kyis snying ga dang lkog ma dang dpral ba dang mgo bo'i gnas rnams su kun tu bsdu bar lan gnyis lan gsum du rnam par bsams te/ yang thams cad snying gar kun tu bsdus la/ skyug cing kha dog nag po dbyung bar bsam par bya'o/ /gzhan ni shes par zad do/ /'bras la sogs pa'i nye ba'i dug gzhom pa'i sbyor ba ni/ de la 'di ni zhes bya ba la sogs pas gsung ste/ gang gzhan zhes bya ba ni g.yan pa dang shu ba rkang shu la sogs pa rnams so/ /bsams pa tsam gyis med par 'gyur zhes bya bas ni 'di skad du bstan pa yin te/ 'das ma thag pa bzhin du rang gi dkyil na gnas ba'i 'od dpag tu med pa'i rnal 'byor dang ldan pas/ lag pa g.yas par yi ge a las byung ba'i pad+ma dkar po 'dab ma brgyad pa'i lte ba la yi ge a 'od zer lnga 'bar ba bsams la des bya ba cing khu tshur bcad pa'i sbyor bas kha dog nag po bsdus te yi ge a la gzhug par bya'o/ /bskul ba la ni dkar po 'dra/ /zhes bya ba ni yi ge a brjod pa'i bskul bas dug med par gyur cing kha dog dkar por bsam par bya'o zhes bya ba'i don to/ /bsam gtan gnas ni gsang ba 'di/ zhes bya ba ni bshad ma thag pa'o/ /bsgom pa'i ye shes kyi bskyed pa nyid yin ba'i phyir ye shes sprul pa'o/ /shin tu gsang ba nyid yin pa'i phyir gsang chen no/ /phyi nang

  622. 311b

    gi na/ rnams gso ba ni 'di la 'di ni zhes bya ba la sogs pas gsungs te/ mi phyed cing yid du 'od la shes pa dang skyob pa'i don can rab tu nyams pa med pa'i sku la sogs pa'i go 'phang sgrub par byed pa nyid yin pa'i phyir rdo rje snying po'i sngags kyi yi ge'i tshigs rnams so/ /yi ge'i tshig ni gang 'dod pa zhes bya ba ni/ dzina dzika ces bya ba la sogs pa'i rnam par snang la sogs pa rnams kyi nang nas phyin ci ma log pa'i yon tan thob par byed pa'i ngad pas mnyes par byas pa gang yin pa de kho na dang 'dra ba nyid du bdag nyid kyi gzugs bsam pa'o/ /nad kyi rdo rje bskul ba yis/ zhes bya ba la rang gi ye shes sems dpa' i thugs ka'i dbus na zla ba la gnas pa'i dzin dzik ces bya ba la sogs pa'i snying po las byung ba'i 'od zer gyis bskul khyi 'am/ spre'u'i rnam pa 'am/ yi dags kyi gzugs kyi rnam par gcer bu rang gi lus dang ngag dang sems rnams las byung bar rnam par bsam la/ 'khor lo 'am zhes bya ba la sogs pas rigs gsum gyi phyag mtshan 'bar ba'i phreng bas khyab pa gang yang rung ba bsams te/ rdo rje'i go 'phang gnas zhes bya ba/ de'i rnal 'byor dang ldan pas des ni zhes bya ba rang gi lag na gnas pa'i 'khor lo la sogs pa'i phyag mtshan 'bar bar ji skad bshad pa'i nang rnams kyi lus dang ngag dang sems phyi mar lhag ste thal bar byas par bsam par bya'o/ /de nas brtsams te zhes bya ba la sogs pa la rdzogs pa'i sangs rgyas dang byang chub sems dpa' dgyes pa'i spyan dang ldan pa rnams kyis de'i lus la byin gyis brlab par mdzad do zhes bya ba'i don to/ /rang lus ngag sems zhes bya ba la sogs pas ni/ 'di skad du bsten dang bcas pa'i brten pa rtag pa la sogs pa gang yang rung ba rigs gsum gyi

  623. 312a

    gzugs can khro ba kun nas sngon po bskyed pa'i rim pa las byung 'am/ rdzogs par bdag nyid rnam par bsams la/ de kho na bzhin du rnam par snang mdzad la sogs pa khro bo spros pa'i sprin rnams kyi phyogs bcu kun tu khyab par byas te/ de rnams kyi nag kyi lus dang ngag dang sems phyi mar brlag par blta ba dang/ rang gi sngags brjod pas rang gi lag na gnas pa'i mtshon cha 'bar bas kyang thal bar byas par bsam zhing thun bzhi lan brgya rtsa brgyad zlos pas gzhom par bya ba dang/ yang bdag nyid mdog dkar po zhi ba'i dang can du dmigs la ji lta ba bzhin du rnam par spros pa'i zhi ba'i dang can dkar po phan 'dogs par zhugs pa de rnams kyis kyang snga ma bzhin du bum pa'i ye shes kyi chu dang/ byang chub kyi sems kyi rgyun dang zhu bar gyur ba'i sgo nas bdag nyid zhugs pa'i dbang bskur ba byas na/ zhag bdun gyis las las byung pa'i nang thams cad kyang nges par rab tu zhi bar 'gyur zhes bstan pa yin no/ /yang na bdag gi sngags kyi zhes bya ba la sogs pas ni tshul de kho na bzhin du dkon mchog dpal la sogs pa rang gi lha gang yang rung ba'i rnal 'byor gyis kyang gzhom par bya'o zhes bstan to/ /'di ni zhes bya ba la sogs pa shes par zad do/ /bzlas pa dang bsam gtan la dga' ba rnams kyi dngos grub kyi mtshan ma rnams rmi lam du ma thong bar 'gyur bas/ de'i phyir/ de nas zhes bya ba la sogs pa gsungs te/ rmi lam gyi mtshan ma'i ye shes kyis mngon par 'dod pa'i dngos grub bkug ba'i sgo nas sems can gyi rgyud kun tu snang ba'i mdzad par phyir ye shes skye ba 'od bo che'o/ /'dod dang thar pa zhes bya ba la 'dod chags dang bral ba rnams rjes su

  624. 312b

    chags par bya ba'i phyir thabs dang shes rab kyi yab dang yum yang dag par sbyor ba'i rang bzhin can gyi dpal rdo rje sems dpa' ni 'dod dang thar pa ste/ bcom ldan 'das kyis/ chags bral shin tu chags byed phyir/ /da ni gsang chen rab dga' yin/ 'dod pa ma gtogs bde chen med/ /nga 'di 'dod pa bde ba dang/ /yum ni shes rab yang dag bshad/ /yab ni thabs la mkhas pa ste/ /de ni nye bar bstan byas na/ /'dod dang thar ba rab 'grub 'gyur/ /zhes gang gsungs pa'o/ /de nyid thams cad las phul du byung ba nyid yin pa'i phyir rdo rje che'o/ /'di skad ces bya ba ni 'chad par 'gyur ba'o/ /chos rnams rmi lam lta bu ste/ /zhes bya ba la sogs pa la/ chos rnams zhes bya ba ni phyi dang nang gi bdag nyid can gyi gzug la sogs pa mngon sum du gyur pa rnams rmi lam bzhin du snang ba tsam yin zhing de kho na nyid du ma skyes pa rnams la yang 'khrul pa'i ye shes rab tu gsungs so/ /bsam gtan zhes bya ba la sogs ba ni go sla'o/ /de la 'di ni zhes bya ba la sogs pa la/ rmi lam chen po'i dam tshig ces bya ba ni/ /mngon par 'dod pa'i 'bras bu skyed pa'i rgyu'o/ /byang chub ye shes mchog ni don dam pa'i byang chub kyi sems kyi rang bzhin gyi chos kyi sku'o/ /sangs rgyas skyes pa'i rgyu nyid yin pa'i phyir/ sangs rgyas 'od ni bzang po ste/ /bdag nyid kyis de thob par rmi lam du mthong bar 'gyur ro/ /sangs rgyas ni rnam par snang mdzad do/ /de'i rdzos longs spyod pa'i sku ni sa bcu'i dbang phyug rnams kyis chos mnyan pa'i sgo nas longs spyad par bya ste der yod do/ /sems can chen po khams gsum pa/ zhes bya ba rgyal chen rigs bzhi la sogs pa rnams dang sangs rgyas la sogs pa rnams kyis mchod pa byas par mthong /

  625. 313a

    zhes bya ba ni/ bdag nyid la bla na med pa la sogs pa'i mchod pa rnams kyis so/ /ye shes chen po'i 'od 'dra zhes bya ba ni grub pa'i ye shes kyi bdag nyid can gyi sprul pa'i sku'o/ /rdo rje sems dpa' i gzugs so can dang zhes bya ba la sogs pa ni/ rdo rje 'chang la sogs pa rang gi lhag pa'i lha gang yang rung ba 'das ma thag pa bzhin du sku gsum gyi bdag nyid can bstan to/ /gsang ba rdo rje grags pa cher/ /zhes bya ba ni rang gi rig ma dang snyoms par zhugs par ro/ /byang chub sems dpa' zhes bya ba la sogs pa ni go sla'o/ /rmi lam de lta bu yang dag par mthong bas ni myur pa nyid du sku dang gsung dang thugs 'grub par 'gyur ro/ /rgyan rnams thams cad ces bya ba la sogs pa yang go sla'o/ /phyogs bcu'i sangs rgyas thams cad kyang zhes bya ba la sogs pa la/ phyogs bcu'i 'jig rten gyi khams mdza' thug pa med pa na gnas pa'i sangs rgyas kyi zhing rnams na bzhugs pa'i sangs rgyas kyi gzugs rnams mthong ba'o/ /stsol zhes bya ba ni sangs rgyas de rnams nyid thugs dgyes bar gyur nas sgrub pa po de la zab cing rgya che ba'i don ston pa'i dam pa'i chos kyi mdzod do/ /chos kyi 'khor lo zhes bya ba la/ lus zhes bya ba ni bdag gi lus te/ rang gi lhag ba'i lha dang/ 'phags pa'i gzugs dang/ rang dang rjes su mthun pa'i sems can rnams kyis yongs su bskor cing gsung rab rnam par bshad par byed par ro/ /bsam gtan rdo rje la gnas pas te rang gi lha'i po 'phang la gnas pos/ /rnal 'byor dus su mthong ba 'gyur/ zhes bya ba ni rnal 'byor goms par bya ba la zhugs pa'i che'o/ /kun dga' ra ba zhes bya ba la sogs pa ni shes par zad do/ /bsam gtan dus su

  626. 313b

    zhes bya ba ni bsam gtan gyi tshe'o/ /de kho na bzhin du cung zad gnyid log par gyur pa na/ bdag nyid sangs rgyas thams cad kyis phung po la sogs pa byin gyis brlabs pa dang/ sangs rgyas la sogs pa rnams kyis dbang bskur ba dang/ rig pa 'dzin pa la sogs pa rnams kyis mchod pa byas par mthong bar 'gyur ro/ /rdo rje las byung zhes bya ba ni sgom pa'i ye shes las nges par 'byung pa'o/ /sna tshogs pa zhes bya ba ni bshad ma thag pa'o/ /nyon mongs pa dang las dang skye ba dang shes bya'i sgrib pa spong ba'i rgyu nyid yin pa'i phyir dri ma med pa'o/ /bla med ces bya ba des 'dod pa'i lha'i go 'phang myur ba nyid du nges par 'grub par 'gyur ro/ /gdol ba zhes bya ba la sogs pa la/ gdol pa'i rigs kyi bu mo rnams sam/ khyi dang rgod ma la sogs pa bdud rtsi lnga thogs pa rnams dang bdag nyid rdo rje 'chang chen po'i gzugs can yang dag bar byung ba'i las kyi mchog du dga' ba nyams su myong ba'i rmi lam mthong bas sems kyi gnas te rten dang brten pa'i dkyil 'khor 'grub cing yongs su 'grub par 'gyur ro/ zhes bya ba'i don to/ /da ni mtshan ma de la mngon par zhen pa zlog pa'i phyir/ de nas zhes bya la sogs pas gsungs te/ dam tshig gi snying po zhes bya ba ni/ 'da' bar bya ba ma yin pa'i rmi lam rnam par dbyed pa'i nges pa'i shes pa'o/ /rang sems zhes bya ba la sogs pa la/ dmigs pa nyid yin pas na dmigs pa ste nges par rtogs pa nyid yin zhing/ 'di lta ste khams gsum pa 'di ni rnam par rig pa kho na'o zhes phyi rol gyi don gsal nas/ sems kyang yul na mi gnas pa gzugs can ma yin pa bstan du med pa'o/ /zhes bya ba la sogs par rnam par dpyad de nam mkha' bzhin du rang bzhin med pa'o snyam du nges pa'o/ /chos thams cad ste rmi lam du nye bar

  627. 314a

    dmigs pa'i sangs rgyas la sogs pa'i rnam pa dang/ khams gsum pa'i rnam par rtog pa'i rang bzhin rnams rab tu gnas zhes bya ba ni/ nam mkha' i mtshan nyid can gyi sems la rnam par gnas pa yin pas de'i phyir nam mkha' i rdo rje gnas chos 'di/ zhes bya ba gsungs so/ /chos med ces bya ba ni kun tu brtag pa'i dngos po'i rang bzhin rnams so/ /chos nyid med pa zhes bya ba ni de rnams nyid ma grub pa'i phyir stong pa nyid kyang med pa'o/ /de nas zhes bya ba la sogs pa ni bshad zin to/ /dngos grub kyi mtshan ma'i rmi lam dang de bzlog pa gsan nas ngo mtshar dang rmad du gyur pa 'thob pa rnams kyis de bzhin gshegs pa thams cad kyi sku la sogs pa'i the tshom gcod pa'i rdo rje 'chang chen po la zhus pa ni/ bcom ldan 'das 'di ci lags zhes bya ba la sogs pa ste/ ngo bo med pa zhes bya ba ni gal te dngos po thams cad nam mkha' dang mtshungs pa yin na/ de'i tshe khyod kyis rmi lam gyi mtshan ma rigs lnga sgrub pa'i chos kyi de kho na nyid rnam par bzhag pa ji ltar mdzad/ rnam par gzhag pa yang mdzad de de'i phyir chos rnams ni ngo bo nyid med pa ma yin no snyam du bsams pa'o/ /de'i phyir/ e ma'o ngo mtshar las byung ba/ /nam mkha' la ni nam mkha' bsgom/ / pa gsungs te/ ? thams cad med pa'i rang bzhin can gyi nam mkha' dbyings ni chos gang dang yang rtag tu mi ldan zhing/ kun rdzob tu dngos po thams cad de las 'byung ba'i phyir nam mkha' i ni mi ldan pa yang ma yin no/ /nam mkha'

  628. 314b

    der? ni chos thams cad du gtogs la thams cad kyi rjes su lta'o snyam du yang mi sems te/ rdzas su med pa nyid yin pas nga rgyal la sogs pa mi srid pa'i phyir ro/ /de bzhin du zhes bya bas nges pas bzung nas de bzhin gshegs pa rnams la gsungs pa rmi lam zhes bya ba ni rmi lam gyi mtshan ma ston par byed pa rnams so/ /rmi lam gyi dam tshig las byung ba zhes bya ba ni sems can rnams kyi rgyud la/ rmi lam gyi rgyud las nges par byung ba'i sku rdo rje la sogs pa 'bras bu'i rang bzhin rnams te de rnams kyang nam mkha' bzhin du rjes su rtogs par bya'o zhes bya ba'i don to/ /rmi lam las yang dag par byung ba'i dngos grub rnams kyis gzung ba la sogs pa'i dngos po bsal ba'i phyir/ /bcom ldan 'das zhes bya ba la sogs la gsungs pa'i tshig rnams kyis ni yang dang yang de bzhin gshegs pa rnams la bod pa'o/ /nam mkha' la zhes bya ba la sogs pa la/ bzung ba la sogs pa'i rang bzhin dang bral ba nyid yin pa'i phyir brtag du med pa'o/ /blta bar bya ba mi/ nus pa nyid yin pa'i phyir/ bltar mi snang ba ste/ sa thams cad kyang de dang 'dra ba kho na'o/ /lus dang ngag dang sems dang chos thams cad dang rdo rje'i gnas kyi dam tshig ni thams cad kyi rjes su song ba zhes bya ba ni/ brtan pa dang g.yo ba'i khams gsum pa thams cad kyi rjes su song ba sku rdo rje la sogs pa'i rang bzhin ni ngo bo nyid gcig pa'o/ /'di lta ste sems kyi ngo bo nyid do zhes bya ba la sems ni bshad zin pa'i mtshan nyid can te de'i ngo bo nyid do/ /de nyid ni lus dang zhes bya ba la sogs pas gsungs te/ lus la sogs pa'i rang bzhin dang nam mkha' i rang bzhin de dag ni gnyis su med de/ skabs 'dir ni khams zhes bya ba'i sgra rang bzhin la 'jug go /sems can thams cad ni nam mkha' i khams la gnas te zhes bya ba la sogs pa ni

  629. 315a

    shin tu gsal lo/ /byang chub kyi sems zhes bya ba la sogs pa la/ me long lta bu la sogs pa mi phyed pa'i ye shes 'byung ba'i rten du gyur pa nyid yin pa'i phyir de bzhin gshegs pa thams cad kyi ye shes kyi 'byung ba rdo rje'i gnas byed pa'o/ /byang chub kyi sems de yang zhes bya ba la/ ngo bo nyid med pa nyid yin pa'i phyir yul la sogs pa la mi gnas so/ chos gang khams gsum na mi gnas pa zhes bya ba la/ sems ni 'dod pa'i khams te/ gzugs la sogs pa'i yul la mngon par 'dod pa'i rang bzhin can nyid yin pa'i phyir ro/ /lus ni gzugs kyi khams te brtan pa dang g.yo ba'i rnam pa thams cad du so sor snang ba'i phyir ro/ /ngag ni gzugs med pa'i khams te drag gi nam mkha' ni gzugs med pa nyid yin pa'i phyir ro/ /de lta bur gyur pa'i khams gsum na mi gnas pa nyid yin pa'i phyir skye ba med pa yin no/ /rmi lam de ni zhes bya ba la sogs pa ni go sla'o/ /phyogs bcu'i zhes bya ba la sogs pas ni gnyid sad pa'i gnas skabs kyi mig la sogs pa'i spyod yul gang dag yin pa de rnams kyang rmi lam bzhin du snang ba tsam yin zhing yang dag par na rang bzhin med pa'o/ /snyam du khong du chud par bya'o/ /yid bzhin gyi nor bu rin po che ni zhes bya ba la sogs pa ni shes par zad do/ /de nas zhes bya ba la sogs pa la/ stsol te zhes bya bar sbyar ro/ /dngos grub ki mtshan ma rmi lam rnams dang/ de rnam par spyad pa'i chos nyid thos nas shin tu dgyes pa'i spyan gdangs par gyur pas dpal rdo rje 'chang la 'di skad ces gsol to/ /gang zhes bya ba la sogs pa la/ rjes su 'brang zhes bya ba ni/ gang dag la nam mkha' i khams kyi rjes su 'brang zhing

  630. 315b

    kun tu khyab pa'i dang tshul yod pa de dag la de skad ces bya'o/ /sangs rgyas kyi chos rnams ni stobs dang mi 'jigs pa la sogs pa rnams so/ /rjes su 'brang ba ni mngon par 'phel ba 'gyur ba zhes bya ba'i don to/ /ngo mtshar zhes bya ba rmad du byung ba'o/ /de nas zhes bya ba la sogs pa ni go sla'o/ /sngags thams cad kyi rdo rje'i dngos grub mdo btus pa zhes bya ba ni mi phyed pa'i sngags kyis tshogs so/ /gang la gnas zhes zhus pa na/ bcom ldan 'das kyis de bzhin gshegs pa thams cad la/ bcom ldan 'das zhes bya ba la sogs pa gsungs te/ sngags kyi dngos grub thams cad ste/ sngags kyi rdo rje thams cad sku dang gsung dang thugs rnams la mi gnas pa'o/ /de ci'i phyir zhe na zhes bya ba ni dri ba'o/ /lan ni khong nas dbyung bar bya ste/ don dam par 'bras bu la sogs pa rnams dang dngos grub rnams rang bzhin med pa nyid yin pa'i phyir ro/ /'on kyang zhes bya ba la sogs pa ni/ kun rdzob tu dngos grub thams cad dang sangs rgyas kyis chos thams cad rang gi lus dang ngag dang sems la gnas par zhal gyis bzhes nas/ slar de bsal ba'i phyir lus dang zhes bya ba la sogs pa gsungs te/ de naM bcom ldan 'das nyid kyis rab tu rnam par phye ba de'i phyir yang bshad par mi bya'o/ /sems can thams cad kyi dam tshig ces bya ba la sogs pa la/ sems can thams cad kyi don dam pa'i byang chub kyi sems chen po ni sems thams cad do/ /de nyid ni dam tshig ste rdo rje 'chang chen po la sogs pa lha thams cad 'byung ba'i rgyu nyid yin pa'i phyir rgyu'o/ /de nyid kyi phyir snying po mi phyed pa 'byung ba ste/ rdo rje 'chang chen po la sogs pa'i ting nge 'dzin gyi 'bras bu'i rang bzhin 'byung ba yin zhing gang las de kun du bshad pa de'i ming can

  631. 316a

    gyi le'u gsungs so// //le'u bco lnga pa'i rnam par bshad pa'o// //mtshan ma thob pa dang lha dag gis rjes su snang ba rnams kyi rang gi dkyil 'khor du dngos grub thams cad bsgrub par bya zhing/ sems can rnams kyang snod du rung bar bya dgos pas/ de'i phyir dngos grub thams cad kyi dkyil 'khor rdo rje mngon par byang chub pa'i le'u bcu drug pa/ de nas zhes bya ba la sogs pa gsungs te/ yang zhes bya ba'i sgra ni le'u bco lnga po 'dus pa la bltos pa'i phyir ro/ /de bzhin gshegs pa la ste/ dpal rdo rje sems dpa' o/ /sku dang gsung dang thugs rdo rje'i tshig rnams kyis zhes bya ba / de bzhin gshegs pa kun zhi ba zhes bya ba la sogs pa thun mong gi tshigs su bcad pa'i tshig rnams dang/ yang sku'i dkyil 'khor gyi don du de'i don ston par byed pa'i tshigs su bcad pa gnyis pa'i tshig rnams dang/ gsung gi dkyil 'khor gyi don du/ /zhi pa chos don yang dag 'byung/ /zhes bya ba la sogs pa tshigs su bcad pa gzhan gyi tshig rnams dang/ de bzhin thugs rdo rje bsgrub pa'i dkyil 'khor gyi don du/ /sems can kun gyi thugs chen po/ /zhes bya ba la sogs pa tshigs su bcad pa gzhan gyi tshig rnams kyis gsol ba gtab po/ /ci zhig byas nas zhe na/ de bzhin gshegS pa thams cad kyi zhes bya ba la sogs pa gsungs te/ de bzhin gshegs pa thams cad kyi rin chen ni yongs su dag pa'i rang bzhin can gyi bud med kyi gzugs rnams te/ sangs rgyas thams cad las/ /don dang rin chen tshogs kun las/ rin chen gcig ni mchog yin te/ /gang gi gnas la rin thang med/ /bud med rin chen mchog dag pa'i/ /zhes gsungs pa'i phyir ro/ /de rnams nyid rdo rje dang yang dag par sbyor ba'i sgo nas mchog tu dga' ba'i bde ba'i mchod pa rgyas shing

  632. 316b

    'phel bar byed pas na/ rdo rje rin chen gyi mchod pa yin zhing de chogs kyis te/ gzugs rdo rje ma la sogs pa lha mo rnams kyis yongs su bskor ba dag gi yang dag par mchod nas zhes bya ba'i don to/ /de nas zhes bya ba la sogs pa la rdo rje thams cad kyi ste/ rigs kyi lha thams cad kyi rang gi bdag po dang bcas pa'i sku'i dkyil 'khor ni rdo rje thams cad kyi dkyil 'khor ro/ /de nyid bgegs kyi ri dags thams cad 'joms pa'i phyir seng ge'o/ /sangs rgyas nyid la sogs pa'i 'bras bu'i rgyu nyid yin pa'i phyir dam tshig go /rten dang brten pa'i dbyibs la sogs pa'i bkod pa'i sgo nas mdzes shing gsal bas na rgyal po'o/ /bkod pa ni sku'i dkyil 'khor ste/ de la dmigs pa'i ting nge 'dzin ni de'i ming can du brjod do/ rdo rje sku'i dkyil 'khor zhes bya ba la sogs pa ni go sla'o/ /de nas bya ba la soD pa la yang dag par rab tu rnam par phyo nas bshad par bya'o/ /de gang zhe na sku'i dkyil 'khor mchog ste dngos grub sgrub par byed pa nyid yin pa'i phyir mchog go/ thugs kyi dkyil 'khor rab 'dra ba zhes bya ba ni/ 'di yang le'u dang po las gsungs pa'i ye shes kyi sprul pa'i dkyil 'khor dang 'dra ba ste/ de dang yon tan dang rnam par smin pa dang/ dbyibs la sogs pa mtshungs pa'i phyir ro/ /lha thams cad kyi thun mong du gyur pa nyid kyi sgo nas mchog nyid yin pa'i phyir/ dkyil 'khor rnams ni kun gyi mchog go / khru ni bcu drug tshad du zhes bya ba ni/ logs re re zhing dam logs bzhi char la'o/ /gru bzhi lham pa zhes bya ba la sogs pa ni rnam par bshad zin to/ /sangs rgyas kun gyi zhes bya ba ni 'di nyid mi bskyod pa la sogs pa dkyil 'khor pa'i lha thams cad kyi yang thun mong pa'o/ /gang gi dbus na sku rdo rje'i rab tu gnas pa de ni sku rdo rje rab tu gnas pa'i dkyil 'khor ro/ /'khor lo zhes bya ba

  633. 317a

    ni de'i nang du phyi rol gyi dkyil 'khor gyi phyed kyi tshad dang ldan pa 'khor lo'i ka ba brgyad kyis brgyan pa/ 'khor lo'i phreng bas kun nas bskor ba'i nang gi dkyil 'khor zlum po rdo rje'i cho gas bri bar bya/ zhes bya ba ni le'u bzhi pa las thugs rdo rje'i dam tshig gi dkyil 'khor bri ba'i cho ga gsungs pa des so/ /'on kyang 'dir ni sku rdo rje'i rnal 'byor gyi de kho na bzhin du sngon du bya ba thams cad rdzogs par byas te/ 'phags pa bdud rtsis 'khyil ba'i rnal 'byor dang ldan pa'i slob ma dang lhan cig thig gdab pa la sogs pa'i cho gas bri bar bya'o/ /sgrub pa'i dkyil 'khor ni ji skad bshad pa'i tshul bzhin du rnam par snang mdzad dang sangs rgyas phab pa'i snod du rung ba nyid gnyis 'drir gzhug go /phyag rgya rdo rje'i gnas su bya/ zhes bya ba ni sku rdo rje la sogs pa phyag rgya chen po rnam par dgod pa ste/ de nyid ni sngags rnams kyi gsang ba'i mchog go/ de nyid ni dbus su rnam par snang mdzad gnas zhes bya ba la sogs pas gsungs so/ /mchod pa sngags shes pa yis bya/ /zhes bya ba la sogs pas ni 'di skad du bstan pa yin te/ le'u bzhi pa las bshad pa'i tshul ji lta ba bzhin du sku rdo rje sgrub pa'i dkyil 'khor ram/ dam tshig gi dkyil 'khor kun tu bris la/ de kho na bzhin du nam mkha' na bzhugs pa rnams dang lhan cig gcig tu bya zhing/ sku ris su byas pa la sogs pa sgrub thabs las bshad pa'i phyag rgya chen po'i tshogs sam/ dam tshig gi dkyil 'khor las bshad pa'i phyag mtshan gyi phyag rgya'i tshogs gnas ji lta ma rnams rnam par bkod de/ de'i dbus kyi gdan la 'dug cing/ rdo rje chen po'i nga rgyal dang ldan pas sku la sogs pa byin gyis brlabs pa'i cho ga'i rjes thogs la/

  634. 317b

    ji skad bshad pa'i bco blag mkhan gyi bu mo de kho na bzhin du/ kun tu bzang mor rnam par bsgoms pa rigs lngas byin gyis brlab pa byas la/ de dang lhan cig shin tu rnal 'byor la thug pa'i dang po'i sbyor ba'i ting nge 'dzin rdzogs par byas te/ de'i mtsho skyes la gnas pa'i byang chub kyi sems kyi zla ba las/ dzi na dzig ces bya ba'i snying po las byung ba'i sa bon gsum gyis byin gyis brlabs pa'i sku rdo rje phyung la/ de gti mug ti spyod pa can gyi sems can rnams 'dul bar byed du bcug la/ de bkug ste rang gi lus la bcug nas bdag nyid 'phags ma spyan dang yang dag par ldan pa'i sku rdo rjer rnam par bsam la/ rang rang gi phyag mtshan las byung ba'i lha'i rnal 'byor 'khor lo bsam par bya'o/ /de nas snga ma bzhin du bardzra d+h+rik ces bya ba la sogs pa'i snying po rnams kyis lha'i tshogs? phyung ste gnas ji lta ba rnams su bcug la/ de bzhin du ye shes kyi 'khor lo bcug ste/ rnal 'byor chen po la bkod nas shin tu rnal 'byor la gnas pa la dbang bskur ste/ bla na med pa la sogs pa'i mchod pa rnams kyis yang dag par mchod la/ bdud rtsi lngas dkyil 'khor pa rnams mchod par bya'o zhes bya ba'i tha tshig go /'di ni zhes bya ba la sogs pa ni shes par zad do/ /ji ltar 'dod bzhin bya ba spyad/ /ci dga' bar ni bsgrub pa ni/ /zhes rgyud gzhan las rab tu grags pa gsal ba'i phyir/ /bshad dang zhes bya ba la sogs pa gsungs te/ nges par 'bul zhes bya ba ni bdag nyid dang dkyil 'khor pa rnams la 'bul dbul ba'o/ /ci'i phyir zhe na/ 'di ltar bza' ba 'di ni sman mchod dang/ mnyam pa nyid 'thob par byed pa dang/ rdo rje'i sku sgrub par byed pa dang/ thams cad du sgoms par bya ba nyid yin te/ 'di nyid las

  635. 318a

    kyang/ bshad gci zas su za ba ste/ de dag bsgrub pa'i snod du 'gyur/ zhes gsungs pa'i phyir ro/ /'di ni zhes bya ba la sogs pa ni go sla'o/ /sku'i rdo rje'i zhes bya ba ni/ sku'i dkyil 'khor gyi lha rnams kyi'o/ / de bzhin gshegs pa thams cad kyi sku ni rnam par snang mdzad de/ de'i dkyil 'khor ni de bzhin gshegs pa thams cad kyi sku'i dkyil 'khor ro/ /de nas zhes bya ba la sogs pa la/ gsungs rdo rje thams cad ni pad+ma'i rigs kyi dkyil 'khor ro/ /de'i dam tshig ni rgyu ste 'od dpag tu med pa'o/ /de'i sprin ni nges spros pa'i lha'i 'khor lo ste/ sprin bzhin du chos kyi char rnams kyi 'gro ba ma lus pa'i? don bsgrub pa dang/ dkyil 'khor la khyab par byed pa yin pa'i phyir ro/ /de nyid bkod pa ste gnas la sogs pa ji lta ba bzhin du bkod pa'i rang bzhin yin zhing ting nge 'dzin gang la ming de skad ces bya ba nyid yod pa de la snyoms par zhugs nas so/ /'di zhes bya ba ni thugs la gnas pa ste/ gsum 'dus pa las gsung gi dkyil 'khor phyung ngo/ /de nas zhes bya ba la sogs pa ni 'das ma thag pa bzhin no/ /gsung gi dkyil 'khor ni 'od dpag tu med pa'i dkyil 'khor ro/ /gzhan ni bshad zin to/ /lha thams cad kyi dbang du byas pa'i sgo nas thun mong yin pa'i phyir/ dkyil 'khor rnams ni kun gyi mchog go/ khru ni nyi shu'i ched du bya/ zhes bya ba ni logs re re zhib khru nyi shu 'am lnga yod par ro/ /gru bzhi lham pa zhes bya ba la sogs pa ni bshad zin to/ rdo rje sgom pa thig gdab go /zhes bya ba ni 'od dpag tu med pa dang gos dkar mo phab pa dang ldan pa'i snod du rung ba gnyis kyis bzung ba'i ji skad bshad pa'i srad bus thig 'debs su bcug ste 'drir gzhug pa'o/ /nyid kyi sku'i dkyil

  636. 318b

    'khor gnas ni rnam par snang mdzad kyi dkyil 'khor ro/ /rdo rje sku'i yon tan skyed ces bya ba ni rnam par snang mdzad dang/ sangs rgyas ? pa dang ldan pa'i snod du rung ba gnyis kyis dris pa ni de'i go 'phang 'thob par byed pa yin pa'o/ /rgyal po chen po rdo rje chos zhes bya ba ni ji skad bshad pa'i 'od dpag tu med pa'o/ /de nyid rig pa gos dkar mo'i bdag po yin pas na rig pa'i bdag po'o/ /de? dbab par bya zhes bya ba ni dkar mo'i zhes bya ba dang ldan pa'i dkyil 'khor bri ba'i phyir ji skad de bshad pa'i snod du rung ba gnyis pa'o/ /de dbus 'khor lo chen po ni/ /zhes bya ba ni 'das ma thag pa lta bu'i nang gi dkyil 'khor te/ 'od kyang pad+ma'i ka ba brgyad kyis brgyan cing pad+ma'i phreng bas kun nas bskor ba'o/ /phyag rgya thams cad ces bya ba ni sgrub thabs las bshad pa'i mtshan nyid can dkyil 'khor pa'i lha thams cad kyi phyag rgya chen po'o/ /cho ga bzhin du bri bar bya/ zhes bya ba ni snga ma bzhin no/ /de'i dbus su bzhag par bya/ /zhes bya ba ni bsgrub pa'i dkyil 'khor gyi dbus na gnas pa'i sa'i cha la sna tshogs pad+ma'i steng du pad+ma dmar po la bzhugs pa'i 'od dpag tu med pa'i phyag rgya chen po dang/ de kho na bzhin du dam tshig gi dkyil 'khor rnams la ni phyag mtshan gyi phyag rgya ji lta ba bzhin gnas rnams su dgod par bya'o zhes bya ba'i don to/ /de nyid ces bya ba ni sangs rgyas sbyan bzhin du gos dkar mor rnam par bsgoms pa'i gar mkhan gyi bu mo'i gzugs lo nyi shu lon pa'o/ /rdo rje'i gnas zhes bya ba la sogs pa ni rnam par bshad zin to/ /yongs su gsal bar zhes bya ba ni rnam pa thams cad du gsal bar ro/ /cho ga bzhin zhes bya ba la sogs pa ni 'di skad du bstan pa yin te/ thugs rdo rje'i bsgrub pa dang dam tshig gi dkyil

  637. 319a

    'khor dag las gang yang rung ba'i cho ga bzhin du gsung gi dkyil 'khor mngon par bris la de kho na bzhin du lha rnam par dgod pa mngon du 'gro ba can gyi de'i dbus kyi gdan la gnas pa rdo rje 'chang chen po'i rnal 'byor dang ldan pas sku la sogs pa byin gyis brlab pa'i cho ga'i rjes thogs la/ ji skad bshad pa'i gar mkhan gyi bu mo de kho na bzhin du kun tu bzang mong? byin gyis brlab nas/ de dang lhan cig shin tu rnal 'byor gyi ting nge 'dzin la thug pa'i dang po'i sbyor pa'i ting nge 'dzin rdzogs par byas te/ de'i pad+ma na gnas pa'i byang chub sems kyi zla ba'i dkyil 'khor las/ A ro lika ces bya ba'i snying po las byung ba rdo rje gsum gyis byin gyis brlab pa'i gsung rdo rje'i kun tu phyung la/ de 'dod chags kyi spyod pa can gyi sems can rnams 'dul du bcug ste/ de kun nas rang gi lus la bcug ste/ bdag nyid gos dkar mo dang ldan pa'i gsung rdo rjer rnam par bsams la/ dkyil 'khor gyi /'khor lo kun tu bsgrubs te/ dzi na dzik ces bya ba la sogs pa'i snying po rnams kyis lha'i 'khor lo phyung la gnas ji lta ba bzhin du gnas pa rnams la bcug ste/ de kho na bzhin du ye shes kyi 'khor lo rjes su bcug la/ rnal 'byor chen po la gnas par byas nas/ shin tu rnal 'byor la gnas pa la dbang bskur te/ bla na med pa la sogs pa'i mchod pa rnams kyis kun tu mchod la ji skad bshad pa'i bdud rtsi lngas dkyil 'khor pa mchod bar bya'o zhes bya ba'i tha tshig go /de bzhin gshegs pa thams cad kyi gsung gi dkyil 'khor ces bya ba ni snga ma bzhin no/ /lha thams cad kyi thun mong gi bsgrub pa dang/ dam tshig gi dkyil 'khor dag

  638. 319b

    gi nges pa bstan pa'i phyir/ de nas zhes bya ba la sogs pa gsungs te /kun tu sprin rdo rje ni sku rdo rje la sogs pa rnams so/ /de rnams kyi tshogs ni dkyil 'khor du yang dag par dgod pa la sogs pa'i bya ba'i rang bzhin te/ ting nge 'dzin gang la ming de skad ces bya ba nyid yod pa de la de skad ces bya'o/ /gzhan ni rnam par bshad zin to/ /rdo rje 'dzin mchog gang yin pa'i/ zhes bya ba ni sku rdo rje la sogs pa gang yang rung ba'o/ /gzugs ni dbus su legs bris pa zhes bya ba ni/ thugs dang sku dang gsung gi dkyil 'khor ji skad bshad pa'i tshad la sogs pa'i mtshan nyid can rnams las gang yang rung ba'i dbus bdag po'i gnas su/ gzugs kun tu bris pa'i dkyil 'khor de ni de dang 'brel par 'gyur ro/ /de la gang gi tshe thugs kyi dkyil 'khor la sku rdo rje 'god pa de'i tshe/ dbugs kyi sa'i cha dkar po dang/ sku rdo rje'i gnas su sa'i cha sngon po la mi bskyod pa dgod par bya'o/ /de bzhin du dbus kyi sa'i cha ser po dang/ dmar po dang/ ljang gu la go rim bzhin du/ dkon mchog dpal dang/ 'od dpag tu med pa dang/ don yod par grub pa rnams bkod de/ de dang de'i gnas su de kho na bzhin du mi bskyod par dgod par bya'o/ /mA ma kI la sogs pa dkyil 'khor pa'i lha dgod pa'i dus su ni/ dbus kyi sa'i cha sngon po dang rang gi gnas su de dang mtshungs pa nyid kyi gzugs gnyis pa dgod par bya'o/ /'phags pa 'jam dpal la sogs pa phyi rol gyi dkyil 'khor pa rnams sam/ rgyud gzhan dang gzhan las gsungs pa'i lha rnams ni dbus su 'das ma thag pa bzhin du dgod par bya'o/ /mi bskyod pa ni mA ma kI'i bdag po yin pa'i phyir rang la 'dus so/ /de bzhin du sku'i dkyil 'khor la thugs rdo rje la sogs pa

  639. 320a

    de bzhin gshegs pa rnams la 'god pa'i dus su ni dbus kyi sa'i cha kha dog ni/ sngon po dang ser po dang dmar po dang ljang gu yin zhing thugs rdo rje la sogs pa de bzhin gshegs pa rnams kyi gnas su ni sa'i ? po la bzhugs pa'i rnam par snang mdzad dgod par bya'o/ /de bzhin du spyan la sogs pa 'god pa na dbus kyi sa'i cha dkar po dang sku rdo rje 'du par shes par bya'o/ /de bzhin du gsung gi dkyil 'khor la yang 'das ma thag pa bzhin du rang dang rjes su mthun par bya'o/ /de bzhin gshegs pa thams cad kyi sku dang gsung dang thugs rdo rje'i gnas zhes bya ba ni/ de bzhin gshegs pa la sogs pa thams cad kyi ji skad bshad pa'i dkyil 'khor gsum bsgrub pa'o/ /gzhan ni bshad zin to/ /de nas zhes bya ba la sogs pa la/ dkyil 'khor thams cad kyi 'khor lo ni rnam par snang mdzad la sogs pa dang 'brel pa rnams te/ ting nge 'dzin gang la de rnams 'byung ba rdo rje ste skye ba mi phyed pa yod pa de la de skad ces bya zhing de la snyoms par zhugs nas so/ /'di zhes bya ba'i mtshan nyid ni bshad zin to/ /de la 'di ni zhes bya ba la sogs pa la/ thugs rdo rje la sogs pa rnams kyi dkyil 'khor ni/ rdo rje'i dkyil 'khor te/ de thig gdab pa'i phyir snod du rung ba gnyis bskyed pa'i sa bon shes pa dang skyob ba'i rang bzhin can 'dod pa'i 'bras bu thob par byed pa rnams nyid ni sngags kyi snying po'i thig gi yi ge rnams so/ /de la thugs rdo rje bsgrub pa'i dkyil 'khor bri ba'i phyir rol bcu gnyis lon pa'i khye'u dang bu mo dang yi ge hUM gis mi bskyod pa dang mA ma kIr bskyed par bya'o/ /de bzhin du yi ge oM gyi rnam par snang mdzad dang spyan dang/ de bzhin du yi ge a(rgyud 'grel): yis 'od dpag tu med pa dang gos dkar mod

  640. 320b

    bskyed la/ de dag dkyil 'khor de ji skad bshad pa'i srad bus thig 'debs su bcug la/ 'drir bzhug ste/ rang nyid kyis ma yin no/ /zhes bya ba de nyid bstan pa'i phyir/ sngags kyi sems dpas mi bya ste/ zhes bya ba gsungs te/ gang la sngags kyis byin gyis brlabs pa'i sems dpa' ste/ sems yod pa de ni sngags kyi sems dpa' ste/ phra mo'i rnal 'byor la sogs pa bsgom pa la sogs pa'i sgo nas mthu thob pa des so/ /rang gi byas na nyes pa ci yod ce na/ /de'i phyir byas na byang chub rnyed par dka' zhes bya ba gsungs so sgrub pa'i dkyil 'khor la rang nyid kyis thig gdab pa la sogs pa bkag pa yin gyi/ dam tshig gi dkyil 'khor la ni ma yin te/ thig gdab pa'i cho ga 'di/ /bdag nyid gang tshe spyod pa na/ /zhes 'chad par 'gyur ba nyid yin pa'i phyir ro/ / de bas zhes bya ba ni gang gi phyir de lta yin pa de bas na'o/ /dam tshig tshul shes pas ste sgrub pa pos so/ /sngags kyi lha rnams phab nas su/ /zhes bya ba ni/ bshad ma thag pa'i yi ge hUM la sogs pas bskyed pa rang gi rig ma dang ldan pa'i mi bskyod pa la sogs pa'i rang bzhin can gnyis po rnams snga ma bzhin du ye shes kyi lha gnyis dbab par bya'o/ /byin gyis brlabs kyi gnas bsgom la/ /zhes bya ba la sogs pa ni phung po la sogs pa byin gyis brlab pa sku la sogs pa byin gyis brlab pa la thug pa byas la/ rig ma yang snga ma bzhin du mngon par 'dus byas so/ /dkyil 'khor rnams ni rnam par brtag zhes bya ba ni/ thugs rdo rje la sogs pa'i sgrub pa'i dkyil 'khor rnams brtag pa'o/ /dbab par bya ba'i lha nyid kyi/ /rgyal chen rnam par snang mdzad dang/ /zhes bya ba la sogs pa gsungs te/ /sku'i dkyil 'khor te rten pa'i 'khor lo'i gnas dang rten ni sku'i dkyil 'khor gnas so/ /rnam par snang mdzad kyi go 'phang thob par

  641. 321a

    byed pa nyid yin pa'i phyir/ rdo rje sku'i yon tan 'thob bo/ /'di ni zhes bya ba la sogs pa ni go sla'o/ /sngags kyi sems dpa' zhes bya ba ni/ sngags kyi mthu 'thob pas so/ /rdo rje gsang ba ni lhas bris pa'i dkyil 'khor ro/ /de nyid shin tu ngo mtshar bar gyur pa nyid yin pa'i phyir rmad po che'o/ /khro bo'i rgyal pos zhes bya ba ni dpal gnod mdzes rgyal pos so/ /'di skad thugs rdo rje la sogs pa gang yang rung ba'i dkyil 'khor ro/ /de'i rnal 'byor dang ldan pa nas ji lta ba bzhin gnas rnams su lha'i 'khor lo rnam par bkod pa'i rjes thogs la snga ma bzhin du gnod mdzes rgyal po phyung ste/ des ye shes sems dpa' bkug la/ dam tshig gi lha rnams kyi thugs kar bcug ste/ rnal 'byor chen po dang shin tu rnal 'byor la gnas pa'i lha'i 'khor lo la bla na med pa la sogs pa'i mchod pa rnams kyis mchod par bya'o zhes bstan pa yin no/ /dam tshig mchod pa dus gsum pa zhes bya ba ni dkyil 'khor du rang gi rig ma dang yang dag par sbyor ba'i mchod pa dus gsum du bya ba'o/ /gang gi zhe na/ rdo rje dri med gsum dag gi/ zhes bya ba gsungs te/ dkyil 'khor gyi bdag po'i rnal 'byor pa bdag nyid kyi'o/ /rdo rje gsum gyi sbyor bas zhes bya bas ni/ sku dang gsung dang thugs dang mi phyed par dmigs pas so/ /sngags kyi dngos grub thob par byed ces bya ba ni/ de lta bu'i 'jug pas lha'i dngos grub thob par 'gyur ro/ zhes gsungs so/ /sngags rnams thams cad nyid la zhes bya ba la sogs pa la/ sngags rnams zhes bya ba ni lha rnams so/ /gtor ma dbul zhes bya ba ni lha bshos so/ /bshad gci ni shes par zad do/ /sha zhes bya ba ni sha chen no/ /'bru mar

  642. 321b

    ni dar? zhag go /sems las byung ba ni yang dag par sbyor ba las byung ba'i byang chub kyi sems so/ /khyad par du bde ba chen po'i rgyu mthun pa nyid yin pa'i phyir/ khu ba che ba'i bdag nyid ni khu ba dag gis zhes bya ba la sogs pa gsungs te/ de yang snga ma bzhin du mngon par 'dus byas la dbul bar bya'o/ /phul du byung ba ma thob pas kyang tshogs mngon par spel ba'i phyir dang/ sems can rnams kyi don bya ba'i phyir rang nyid kyi thig btab ste dkyil 'khor bri bar bya ba yin pas de'i phyir thig ces bya ba la sogs pa gsungs te/ rnam par snang mdzad bsgoms nas su zhes bya ba la sku'i dkyil 'khor thig gdab pa'i phyir bdag nyid rdo rje sems dpar rab tu bsgom par bya zhing/ srad bu 'dzin pa'i slob ma ni thugs rdo rje lam bdud rtsi 'khyil pa ye shes chen pos 'bar bar bsam par bya'o/ /de bzhin du thugs kyi dkyil 'khor thig gdab pa'i phyir bdag nyid du thugs rdo rjer bsam zhing/ slob ma ni rnam par snang mdzad dam 'od dpag tu med par bsam par bya'o/ /de bzhin du gsung gi dkyil 'khor thig gdab pa'i phyir bdag nyid 'od dpag tu med pa dang slob ma ni rnam par snang mdzad dam mi bskyod par ro/ /'phags pa bdud rtsi 'khyil pa zhes bya ba ni thams cad du thun mong du? kho na yin no/ /las kyi go 'phang zhes bya ba ni srad bu mngon par 'dus bya ba la sogs pa'i rang bzhin no/ /rdo rje'i thig skur dag la dgong ces bya ba la/ thugs kyi dkyil 'khor thig gdab pa ni bshad zin to/ /sku'i dkyil 'khor thig gdob pa'i phyir lag pa g.yon pa'i sor mo tha ma nas brtsams te the bo'i bar la go rims bzhin du gnas pa'i sngon po dang ser po dang dmar po dang ljang gu la sogs pa rnams la/ hUM swA(rgyud 'grel): A hA oM zhes bya ba'i sa bon

  643. 322a

    rnams kyis mi bskyod pa dang dkon mchog dpal par 'od dpag tu med pa dang don yod par grub pa dang rnam par snang mdzad rnams bkod la/ ye shes kyi srad bu bkug ste/ a n+yo n+a a Tu ga ta/ sarba d+ha A zhes bya ba la sogs pa brjod cing bsgril la/ gser la sogs pa'i snod du bzhag pa la ji lta ba bzhin du mngon par bzlas par bya'o/ /de bzhin du gsung gi dkyil 'khor la yang dkar po dang ser po dang sngon po dang ljang gu dang dmar po go rim bzhin du gnas pa rnams la/ oM swA hUM hA A(rgyud 'grel): zhes bya ba'i sa bon las byung ba'i rnam par snang mdzad la sogs pa rnams rnam par bkod do/ de kho na bzhin du ye shes kyi srad bu gzhug pa la sogs pas bya'o/ /de bzhin dkon mchog dpal la sogs pa'i dkyil 'khor thams cad kyi thig la yang ji ltar mthun pa bzhin du thams cad bya'o/ /'di ni zhes bya ba ni go sla'o/ /rnam pa nyi shu rtsa lngar ni/ /zhes bya ba mas rtsi yang snga ma bzhin du mngon par 'dus byas te/ de bzhin gshegs pa lnga'i dkyil 'khor rnams la go rim ji lta ba bzhin du lnga lngar rab tu rnam par phye la dgye bar bya ba yin pas na/ rnam pa nyi shu rtsa lngar tshon rtsi dgye ba'o/ /gzhan dag na re sngon po la sogs pa tshon rtsi rnams la lha mo bzhi dang ldan pa'i de bzhin gshegs pa lnga bcug pa'i phyir ro zhes zer ro/ /'di ni zhes bya ba la sogs pa ni shes par zad do/ /sngags rnams thams cad nyid la'ang// zhes bya ba ni thugs kyi dkyil 'khor gyi lha rnams la'o/ /rdo rje hUM ni bsgom par bya zhes bya ba ni dngos grub med na mgo dang lkog ma dang snying ga dang rked pa dang gsang ba dang rkang pa'i bar rnams su nyi ma'i dkyil 'khor la gnas

  644. 322b

    pa'i rdo rje'i lte bar chud pa'i yi ge hUM 'od zer mdza' yas pas khyab pa bsam pa'o/ /sku dang gsung gi dam tshig mchog/ ces bya ba la/ dam tshig ces bya ba'i sgra ni gnyis ka la yang sbyar bar bya ste/ sku'i dkyil 'khor gyi lha rnams kyi/ 'da' bar mi bya ba'i dam tshig ni yi ge oM mo/ /de bzhin du gsung gi dkyil 'khor gyi lha rnams kyi ni yi ge a kho na yin par rig par bya'o/ /gnas lnga dag tu zhes bya ba ni/ mgo dang lkog ma la sogs pa rnams su/ /go rim bzhin zla ba'i dkyil 'khor la gnas pa'i 'khor lo'i lte ba na 'dug pa'i yi ge oM 'od zer gyi 'phreng ba can dang/ pad+ma 'dab ma sna tshogs pa'i steng du pad+ma la gnas pa'i yi ge a 'od zer 'bar ba bsgom pa'o/ /de ltar byas na rdo rje mi phyed gsum ste dpal rdo rje sems dpa' de las byung ba de'i dkyil 'khor gyi lha rnams ni rdo rje mi phyed gsum las bskyed pa ste/ dpal rdo rje 'chad gi gsungs pa'i dam tshig las 'das pa'i 'jigs pas byin gyis rlob pa ste/ dkyil 'khor la byin gyis rlob par mdzad do zhes bya ba'i don to/ /rdo rje bum pa gzhag pa ni zhes bya ba ni ji skad bshad pa'i mtshan nyid can gyi las thams cad pa dang/ rnam par rgyal ba'i bum pa la sogs pa rnams so/ /sngags ni dkyil 'khor ba'i lha rnams so so'i bzlas pa bya ba'i rang bzhin rnams so/ /rgyud bdag po ni dkyil 'khor so so'i bdag po rnams te/ rang dang rjes su mthun pa'i sku mdog can de rnams las rang gi bdag po'i gzugs su rnam par bsgoms shing bzlas pa byas pa legs par bris pa rang rang gi phyag mtshan gyis mtshan pa bdud rtsi lnga dang bcas pa'i dri dkar po'i chu dang 'bru la soD pas rab tu bkang ba gos la soD pas brgyan pa rnams dkyil 'khor gyi bdag po'i bdag nyid can gyi dpal rdo rje

  645. 323a

    sems dpa' i rnal 'byor dang ldan pas sngar bshad pa'i gnas su gzhag par bya'o/ /dam tshig gi dkyil 'khor gyi don du 'am/ rang dang gzhan zhi bar bya ba la sogs pa'i don du sbyin sreg bya dgos pas/ de'i phyir dngos grub kun gyi zhes bya ba la sogs pa gsungs te/ dngos grub kun gyi 'bras bu ni phyag rgya chen po la sogs pa rnams so/ /sngags shes pas zhes bya ba ni zhi ba la sogs pa'i sbyin sreg gi cho ga yongs su shes pas so/ /gzhan ni shes par zad do/ /rdo rje mi phyed gsum dag la zhes bya ba ni dkyil 'khor gyi lha rnams la'o/ /dbus su rang gi lha'i gzugs zhes bya ba/ 'khor lo'i bdag po gang yang rung bar bdag nyid dang thab khung gi dbus su bsams nas so/ /zhal du gdab par bya zhes bya ba ni rang gi sa bon gyis byin gyis brlabs pa'o/ /dbang po gnyis kyi dam mchog gis zhes bya ba ni/ dkyil 'khor pa rnams dang bcas par bdag nyid dang thab khung na bzhugs pa'i rang gi bdag po snyoms par zhugs par nges pa bsams nas so/ /sbyin sreg brgya rtsa brgyad du bya/ zhes bya ba 'di ni nye bar mtshon pa yin te/ sbyin sreg stong dam dpag tu med pa bya'o/ /'di ni zhes bya ba la sogs pa ni shes par zad do/ 'di'i don ni 'di yin te/ zhi ba la sa phyogs dkar po rgyar khru gang tsam zabs su sor bcu gnyis yod pa'i thab khung zlum po dang/ de'i dbus su pad+ma sor bcu drug pa'i steng du rdo rje rtse lnga pa sor brgyad mgo gyen du ltas pa dang ldan pa/ thab khung gi steng du sor bzhi dor te zheng dang 'phang du sor bzhi yod pa'i kha khyer gyis kun nas bskor ba dang/ mtshams rnams su rdo rje rtse gsum pas mtshan pa dang/ /thab khung dang/

  646. 323b

    de'i nye 'khor ba'i lci bas nye bar byugs te/ yang de gnyis bdud rtsi lnga dang bcas pa'i dris nye bar byugs la dus gsum du me tog dkar po dri zhim pa kun tu dgram par bya'o/ /dgang gzar ni gser ram zangs las byas pa'am? gnam ma'am mchod sbyin shing las byas pa'i pad+ma'i 'dab ma'i dbyibs can/ de'i yu ba ni skyes bu tshad dang ldan pa'i the bo'i sor nyi shu rtsa bzhi yod pa khu tshur gyis gzung du dung ba /de'i rtse mor mgo bo gru bzhi sor bzhi pa/ zabs su sor gnyis brkos pa/ rdo rje rtse lnga pa sor gnyis pas mtshan pa/ khu bcud 'dzag pa'i bu ga sor gcig tsam dang ldan pa de'i rtse mor pad+ma'i 'dab ma'i rnam pa can gyi rdo rje rtse gsum ba sor brgyad pa'am sor bzhi pa/ yu ba'i bzhabs rdo rje dang rin po che sor drug pa dang ldan pa'o/ /blugs gzar ni khru gang tsam la mgo bo rgyar sor gnyis yod pa pad+ma'i 'dab ma'i dbyibs can zhabs su pad+ma'i 'dab ma'i dbyibs su sor gnyis brkos pa dbus na rdo rje rtse lnga pa sor gcig tsam pa yod pa/ yu ba'i zhabs na rdo rje dang rin po che dang ldan pa'o/ /sor mo lnga bcer pas kyang dgang gzar bya zhing/ sor mo gsum bcer bas ni blug gzar bya'o/ /bdud rtsi lnga dang til mar chen po dang ba'i mar dang/ sbrang rtsi dang/ sle tres dang/ yam shing dang/ til dang/ 'bras sA lu'i chen dang/ nas dang 'o ma dang/ zho dang 'bras yos dang/ ku sha sngon po dang/ dur ba dang/ a mra'i lo ma dang/ tsan dan dang/ pri yang ku'i me tog dang/ me tog dkar po dang// be sar dang/ thang chu dri zhim po rnams ji ltar rnyed pa sbyin sreg bya'o/ /de la yam shing pa la sha dang/ u dum wa ra dang/ a mra dang/ ka taM pa dang/ kas mardzya? dang/ a shwad tha dang/ blag sha dang/ sha mi dang/ n+ya gro d+hwa lwa

  647. 324a

    sogs pa shing 'o ma can las byung ba/ 'dab ma dang bcas pa/ rlan dang bcas pa/ mnyam por bcad pa rtse mo'i cha las byung ba/ mtho gang tsam mar dang bcas pa'i dri dkar po'i tshul spangs la/ de dang bcas pa'i sbrang rtsi dkar po dang/ 'o ma la rtse mo gnyis bcug pa/ rtse mo lo ma gnyis dang bcas pa/ rtse gcig pas bsreg par bya'o/ /rnyings pa dang/ 'dab ma med pa dang/ rul pa dang/ khong stong dag/ chog pa dang/ shun drags med pa dang/ thung du dang/ yin po dang/ rtse mo gnyis su gas ba dang/ phra ba dang/ sbom po dang/ ring po dang/ 'bus zos pa dang/ srog chags dang bcas pa ni dor bar bya'o/ /shing de rnams nyid kyi bus shing thab khung las cung zad thung pa 'am/ dgon pa'i ba glang gi lci ba'o/ /de nas sgrub pa po khrus byas pa lus dri zhim pos bsgos pa/ byams pa'i snying rje dang ldan pa/ gos dkar po gyon pa dkyil 'khor gyi bdag po sku mdog dkar po'i rnal 'byor gyi bsrung ba'i tshig dang bzlas pa byas pas/ stan dkar po 'jam po la pad+ma'i 'dug stangs kyis nye bar 'dug ste/ srong la kha shar du ltas pas byams pa'i blos bsgrub bya la dmigs la/ yar ngo'i tshes gcig nas brtsams te zhi ba'i yid kyis zhi ba bya'o/ /gser ram dngul lam rdo 'am zangs sam/ shing dam sa las byas pa 'am/ dung phor ram nya phyis sam/ lo ma sbyar ba las byas pa'i mchod yon gyi snod du/ nas dang 'o ma dang me tog dkar po dang/ til dang ku sha dang/ 'bras yos dang bcas shing/ bdud rtsi dang bcas pa'i dri dkar po'i chu ji 'byor pa blugs te/ rang gi lha'i sngags swA hA'i mdza' can bzlas par bya'o/ /dkar zhing zhi bar rnam par bsgoms pa'i 'phags pa bdud rtsi

  648. 324b

    zhes bya ba dang/ bdag po'i rigs kyi rig sngags dang yongs su bzlas pa'i las thams cad pa'i chu snod dang/ mchod yon gyi snod rang gi g.yon phyogs su bzhag la/ yam shing dang bud shing la sogs pa g.yas phyogs su bzhag sto/ lag pa g.yas pa na gnas pa'i ku sha'i rtse mos blangs pa'i las thams cad pa'i chus bsang gtor bya'o/ /bdud rtsi 'khyil pa'i sngags ni/ b+h+ruM oM A(rgyud 'grel): hUM big+h+nAn ta krita swAhA zhes bya ba 'am 'phreng ba'i sngags so/ /thugs kyi dkyil 'khor dang rin po che'i dkyil 'khor dang rin po che'i dkyil 'khor gyi rig sngags ni/ bruM oM A:hUM dwe Shwa ra ti swAhA zhes bya ba 'am/ oM shaM ka re shAn+ti ka re/ g+huT Ta g+huT Ta/ g+huT Ti ni/ g+hA ta ya g+hA ta ya/ g+hu Ti ni swAhA/ zhes bya ba'o/ /sku la sogs pa'i dkyil 'khor gyi rig sngags ni/ yi ge bruM dang ldan pa'i yi ge lnga dang rnam par spel ba'i spyan la sogs pa'i snying po rnams sam/ /oM ru ru phu ru zhes bya ba la sogs pa'o/ /shing 'o ma can gyi gtsubs shing gi phyung ba'i me blang bar bya'o/ /de nas 'phags pa bdud rtsi 'khyil pa'i sngags lan bdun bzlas pas me rnam par sbyangs te/ de bzlas pa'i chu ku sha'i rtse mos blangs pas g.yas phyogs su bskor zhing lan gsum bsad gtor byas pa'i thab khung du rtswa shin tu skam po dang bcas par bcug la/ oM dzwa la? hUM zhes bya ba bzlos shing rlung yab kyi rlung gis rab tu sphar bar bya zhing/ rigs kyi snying po lan bdun bzlaS? paS kyang rab tu spangs par bya'o/ /oM badzra satwa A(rgyud 'grel): zhes bya ba 'di 'das pa'i ku sha sar pa dri ma med pa sngon po ma gas shing 'dab ma ma grugs pa ha can mi ring ba kha khyer la kha shar du ltas pa dang/ kha lhor ltas pa dang/ kha nub du ltas pa dang/ kha byang du ltas par

  649. 325a

    bzhag la/ thab khung ku sha rtse mo shar du ltas pa rnams kyis g.yogs bar bya'o/ /de nas rang gi lha'i lce byin gyis rlob pa'i yi ge hUM la sogs pa'i snying pos thab khung bskyed la/ de'i dbus su yi ge ra dang bcas pa'i gru gsum gyi steng du oM las byung ba'i pad+ma la gnas pa'i yi ge raM las byung ba'i rdo rje me sku mdog dkar po/ /gdan dang gos dang rgyan dkar po dang ldan pa/ 'bar ba'i phreng ba can/ gsus khyim che pa/ zhi ba'i sems dang ldan pa/ g.yas pa dag gis rdo rje rtse gsum dang phreng ba 'dzin pa g.yon pa dag gis dbyug pa dang guN+De 'dzin pa bsams te/ khro bo dpal gnod mdzes rgyal po'i nga rgyal dang ldan pas/ oM Ta ki hUM dza(rgyud 'grel): zhes bya ba 'dod pa'i rgyal po sems nyid kyi sgo nas bkug la/ de'i snying gar bcug ste/ 'phags pa bdud rtsi zhes bya bas bgegs bskrad pa dang/ bsrung ba dang/ dkyil 'khor bcing pa la sogs pa bya'o/ /de nas me'i rang gi sngags kyis mchod yon gyi chu lan gsum mdun du brugs te/ lag pa g.yas pa kho na me tog blangs la sgeg pa dang bcas pas dbul zhing zhabs dag la zhabs bsil dbul bar bya ste/ oM phra ba ra sa ta kA ra tIts+tsha swAhA/ zhes bya ba ni zhabs bsil gyi sngags so/ /de nas me dam tshig gi phyag rgya'i gzugs su gyur pa'i rang bzhin gyis 'od gsal ba'i shes rab kyi pha rol tu phyin ma dang snyoms par zhugs par lhag par mos par byas la/ oM badzra a na la mahA b+h+ru ta dzA la ya// sarba b+hAsma? ku ru/ sarba duSh+TaM hUM phaT/ traM sh+ya dza(rgyud 'grel): hUM baM ho:/ sa ma ya stwa sa ma ya stwaM a haM zhes lan gsum brjod de/ tha mar yang sngags 'di nyid lan gsum brjod pa bos te blta bar bya'o/ /lce la yang rdo rje dkar po rnam par

  650. 325b

    bsams la/ oM dzwa la hUM phaT ces bya ba rnam par bkod de/ ji lta ba bzhin sku dang gsung dang thugs byin gyis brlabs par bya'o/ /de nas yi ge swAhA dag gis bskyed pa'i rin po che cod pan dkar pos dbang bskur te rdo rje sor ba zhing/ rdo rje 'di ni rdo rje che/ /sangs rgyas kun gyi byin gyis brlabs/ /dam tshig las ni rnam 'das na/ /rigs rnams myur du thal bar byed/ /oM ha na sa ma ya hUM phaT ces brjod cing dam tshig la gzhag par bya'o/ /oM badzra band+ha haM bdag gi mngon par 'dod pa'i bya ba 'di nyid mdzod cig ces bya bas rang gi bsgo ba la sbyar bar bya'o/ /de nas mchod yon phul la dri dkar po la sogs pa'i mchod yon phul la/ dri dkar po la sogs pa'i mchod pa rnams mA ma kI la sogs pa sprul pa'i spros pa'i mchod pa rnams kyi yang dag par mchod de las thams cad pa'i chus lan gsum bsad gtor byas la/ lag pa g.yas pa'i mdzub mo dang mthe bo dag gis thams cad pa bzlas pa'i chu blangs te/ me'i sngags kyis lag par 'thor mthung lan gsum phul la/ de'i lce dang dgang gzar dang blugs gzar kha la rang gi lha'i sa bon rnam par bkod de/ pus mo gnyis kyi bar du lag pa bzhag nas/ /dang por blugs gzar gyis mar gyi bsreg blugs gsum zhal cung zad gdangs par/ oM agna ye ha bya ka bya bA ha nA yA dI byI dI pya/ dI pa ya che ge shAn+ti ku ru swA hA/ zhes bya ba'i me'i sngags kyi dbul bar bya'o/ /de nas bgegs med pa dang bgegs dang bcas pa me 'bar ba la sogs pa'i mchan ma rnams kyi sgo nas brtag par bya ste/ mja' tshan 'dra zhing mdog sdug pa/ byu ru bcag pa lta bu dang/ /g.yas su 'khyil zhing shin tu snum/ /lham bu chu gsher

  651. 326a

    mtshungs pa'i 'od/ /baiDUrya dang le brgan mtshungs/ /mar gyi sreg blugs blugs gzar dbyibs/ /rtse gsum rdo rje pad+ma dung/ /nya dang dpal be rnga yab dang/ /gdugs dang rgyal mtshan sogs bum pa/ / bkra shis gzugs su yang dag byung/ /gling bu rdza rnga lta bur zab/ /shin tu dri zhim yid 'ong ba/ /gangs dang rdul mtshungs du ba med/ /nyi ma gsal 'dra dri ma med/ /zhil kha dog dkar por snang/ /rgyal la ser por snang ba ste// rjes su chags la dmar po shis/ /sngon po nag po mngon spyod la/ /gzhan yang rtse gcig shes pa ste/ /rtse mo gnyis pa 'bring yin no/ /rtse gsum tha mar sgrub pa pos/ /mdor na shes par bya ba yin/ /du ba med zhing me stag 'phro ba dang/ /dal ba dal bar rim gyi 'bar ba dang/ /me lce rnam par 'chad cing gzi brjid med/ /srin po ltar gnag pa la sha'i mdog /mdung gi rtse mo nyid mtshungs dang/ /de bzhin ba lang mgo dang mtshungs/ /ro yi dri dang dri da dang/ /yang na kha dog mi sdug ldan/ /sbrul gyi gdengs ka'i gzugs can dang/ /de bzhin me lce g.yo ba'o/ /de ltar bgegs dang bcas pa mthong na snga ma bzhin du bsang gtor byas te/ bdud rtsi 'khyil pa'i sngags kyis yang dag par sbyangs la kun tu bsrungs te/ de nyid bzlas pa'i sreg blugs bdun sbyin sreg bya'o/ /yang rang gi sngags bsang gtor byas la/ dgang gzar dang mar gyi dgang blugs gsum 'am bdun nam gcig me'i rang gi sngags kyis phul te/ yam shing la sogs pa'i sreg blugs gsum 'am gcig dbul bar bya'o/ /'dir rim pa ni/ 'bar ba'i me la yam shing ste/ de nas mar dang de 'og til//

  652. 326b

    de nas 'bras chan la sogs pa/ /cho ga 'di ni mdor bsdus pa'o/ /de la zhu ba'i rdzas thams cad ni zhal du'o/ /yam shing dang mi'i rus pa'i phye ma ni 'od kyi dkyil 'khor du'o/ /zho dang 'bras chen dang til la sogs pa ni phyag du'o/ /dri ni thugs kar ro/ /me tog ni dbu la'o/ /bdug spos ni 'od 'phro ba la'o/ /zhabs bsil ni zhabs dag la'o/ /mar me dang mchod yon ni mdun du'o/ /de nas 'thor 'thung dang bsang gtor byas la/ me thab kun tu 'dar ba rnam par ram/ rang gi gzugs su me'i phyogs su bzhag par bya'o/ /de ni me lha'i bya ba'o/ /de nas yang rigs kyi bdag po'i rigs sngags kyis sbyin sreg gi yo byad snga ma bzhin du bsang gtor byas la/ me'i dbus su rig ma dang snyoms par zhugs pa'i dkyil 'khor gyi bdag po dkar po zhi ba pad+ma dang zla ba'i gdan dang gos dang rgyan dang 'od dkar po dang ldan pa/ swAhA'i mdza' can gyi snying po las byung ba/ rang gi 'khor lo dang gcig tu gyur pa'i gzugs can rnam par bsams te/ sgrub thabs las bshad pa'i cho ga bzhin du ye shes sems dpa' bkug la/ thugs ka na gnas pa'i pad+ma'i steng gi zla la la bkod de/ gzugs kyi phung po la sogs byin gyis brlab pa sngon du 'gro ba can gyi sku dang gsung dang thugs byin gyis brlabs la/ shin tu rnal 'byor la gnas pa/ rang gi dbang bskur ba rnams kyi bskur te/ bla na med pa la sogs pa'i mchod pa rnams dang/ phyi rol gyi mchod pa rnams kyis yang dag par mchod la/ mchod yon dang 'thor 'thung dang/ gsang gtor byas te/ ljags dang dgang gzar dang blugs gzur gyi kha la dang gi sa bon rnam par bkod la/ rang gi sngags kyi bskur te tha mar che ge mo shin+ta ku ru swAhA/ zhes bya ba zlos shing snga ma bzhin du dgangs blugs phul te/ rdzas thams cad las re re

  653. 327a

    bzhin sreg blugs gsum 'am bdun nam gcig phul la/ bdud rtsi lnga dang bcas pa'i mar gyi sreg blugs brgya 'am stong dam dpag tu med pa sbyin sreg bya'o/ /ji ltar ji tsam rnyed pa sbyin sreg byas la rigs kyi snying pos mar gyi sreg blugs gsum 'am bdun nam nyi shu rtsa gcig gis gzi brjid bskyed par bya zhing rigs kyi bdag po bzlas pa'i dgang? blugs dang mchod yin dbul bar bya'o/ /de la hUM zhes bya ba ni rdo rje'i rigs kyi bdag po'i snying po'o/ /oM A swAhA zhes bya ba ni lhag ma rnams kyi'o/ /de nas bsang gtor lan gsum byas te/ /'thor 'thung phul la/ mi bskyod rdo rje zhes bya ba la sogs pa bstod pa rnams kyis yang dag par bstod de/ snga ma bzhin du yang dag par mchod la/ mchod yon phul te mngon par 'dod pa'i dngos grub kyi phyir bskul la bzod par gsol te/ de'i sku dang gsung dang thugs dang rig ma'i rnam par dag pa la lhag par mos pa'i sgo nas/ badzra d+h+raM ka ces bya ba lan mang du yongs su bzlas la/ yi ge gsum brjod de/ rang gi sngags yi ge mu'i mdza' can brjod cing de nyid kyis ye shes kyi lha gshegs su gsol lo/ /de nas me lha me tog gcig gi thab kun du bzhugs su gsol te/ yang legs par mchod la bsang gtor byas te 'thor 'thung phul la/ sbyin sreg gi yo byad lhag ma rnams phul te/ tha mar dgang blugs dang 'thor 'thung phul la bsang gtor byas te/ yang dag par mchod la/ mchod yon dang 'thor 'thung phul te/ mngon par 'dod pa'i dngos grub bslangs la snga ma bzhin du sku la sogs pa'i rnam par dag pa la lhag par mos par byas te/ badzra d+h+rika ces bya ba lan mang du bzlas la yi ge gsum

  654. 327b

    brjod nas/ hUM mu:zhes bya ba zlos shing gshegs su gsol lo/ /de ltar rtag tu thun gsum 'am thun bzhir ji srid rang? dang gzhan dag zhi bar gyur gyi bar du bya'o/ /de ni zhi ba mdor bstan pa'o// //rgyas pa la ni sa gzhi ser po thab khung khru do pa/ zabs su de'i phyed yod pa/ rin po che zur brgyad pa lta bu 'am/ gru bzhi pa dang/ de'i steng du sor brgyad par du bzhag ste/ rgya dang 'phang dag du sor brgyad kyi tshad dang ldan pa'i kha khyer mnyam du byas pas bskor ba dang/ brkos pa'i nang du 'khor lo rtsibs brgyad pa'i lte ba la gnas pa'i rdo rje rin chen sor drug pa dang ldan pa'i thab khung nas/ de'i so gzhis ser po dang/ bdud rtsi dang bcas pa'i dri ser po rnams kyis nye bar byugs la/ me tog rnam pa sna tshogs dgram par bya'o/ /yam shing na de rnams kho na ste/ 'on kyang dbugs kyi cha las byung ba/ /spoms su chang pa gang yod pa/ /dkyus khru gang tsam pa/ bdud rtsi dang bcas pa'i dri ser po'i chu la spangs pa/ zho dang 'o ma dang mar sar pa rnams kyis byugs pa'o/ /sreg rdzas ni mngar gsum dang sbyar ba'i 'bras chan bzang po'i chang bu dang/ zho dang sbrang rtsi dang mar dang bsres pa'i til nag po dang/ mar dang ldan pa'i zho dang sbyar ba'i 'bras chan dang/ sha ta du Shpa dang/ bil ba'i 'bras bu dang/ 'bras sA lu dang/ pad+ma rA ga dang/ ge sar dang/ me tog ka rni ka ra dang 'bru rnams so/ /dgon pa'i lci ba ma gtogs pa ji skad bshad pa'i bus shing 'bras bu dang bcas pa gzung bar bya'o/ /de nas khrus byas pa yan lag la dri ser po zhim pa bsgos pa/ byams pa dang snying rje dang ldan pa/ /gos dang rgyan dang 'phreng ba dang stan dang 'od ser po dang ldan pa/ gos sna tshogs pa can nam/ sems rgya chen po

  655. 328a

    dang ldan pa/ stan bzang po la 'dug pas bco lnga nas brtsams te/ kha byang du bltas pas snga dro'i dus su rgyas pa bya'o/ /sngar bshad pa'i mchod yon gyi snod bdud rtsi lnga dang bcas pa'i dri ser po'i chu dang gnyis dang zho dang bcas pa de la oM gyi mdza' can gyi rang gi sngags bzlas par bya'o/ /de nas sku mdog ser po'i rnam par bsgoms pa'i 'phags pa bdud rtsi zhes bya ba dang/ bdag po'i rigs kyi lha mo'i sngags dag yongs su bzlas pa'i las thams cad pa'i snod dang/ mchod yon gyi snod rang gi g.yon phyogs su bzhag ste/ snga ma bzhin du bud shing la sogs pa thams cad g.yas phyogs na gnas pa la bsang gtor bya'o/ /rgyal po'am rgyal rigs las byung ba 'am/ nags kyi me 'am/ 'phags pa'i dge 'dun gyi tshad mang gi me blangs la/ de nas snga ma bzhin du 'phags pa bdud rtsi 'khyil ba'i sngags kyi me rnam par sbyangs nas de kho na bzhin du bsang gter la sogs pa bya'o/ /de nas snga ma bzhin du bzlas pa'i ji skad bshad pa'i ku sha kha khyer la kha byang du bltas pa dang/ shar du bltas pa dang lhor bltas pa dang nub du bltas par bzhag la/ de nas thag dung ku sha kha byang du bltas pa rnams kyis g.yog par bya'o/ /de nas snga ma bzhin du dam tshig gi phyag rgya dang snyoms par zhugs pa la de kho na bzhin du lta ba byas la/ sku la sogs pa byin gyis brlab pa dang dbang bskur te dam tshig la bkod la/ rang gi bsgo ba la sbyar te/ mchod yon phul la/ dri ser po la sogs pa'i mchod pa rnams dang/ mA ma kI la sogs pa sgro pa'i mchod pa rnams kyis yang dag par mchod de/ /lan gsum bsnga gtor byas la/ de kho na bzhin du 'thor 'thur phul te/ de'i

  656. 328b

    lce dang dgang gzar dang blugs gzar gyi kha la rang gi lha'i sa bon rnam par bkod nas/ bus mo'i bar du lag pa dag bzhag ste/ dang por blugs gzang gyis mer gyi sreg bluD zhal cung zad gdangs par snga ma bzhin du me lha'i sngags kyis dbul bar rgyas so de nas de kho na bzhin du me'i bgegs med par 'bar pa la sogs pa'i mtshan ma rnams kyis shes par byas la/ ji ltar rjes su mthun par kho na bzhin du thams cad byas nas/ de kho na bzhin du me lha'i sngags kyis sreg rdzas thams cad dbul bar bya'o/ /sreg rdzas la? sogs pa'i go rim kyang snga ma bzhin no/ /de ni me lha'i bya ba'o/ /de nas bdag po'i rigs kyi rigs sngags kyis kyang sbyin sreg gis yo byad rnams snga ma bzhin du bsang gtor byas la/ me'i dbus su dkyil 'khor gyi bdag po sku mdog ser po rtan dang bcas pa rig ma dang snyoms par zhugs pa/ gyes shing rgyas par gyur pa/ pad+ma rlon pa'i gdan dang na bza' dang brgyan dang 'od zer po dang ldan pa'i yi ge oM gyi mdza' can gyi rang gi snying po las byung pa rnam par bsams te/ snga ma bzhin du mchod pa'i bya ba byas la/ mchod yon dang 'thor 'thung dang bsang gtor byas nas/ ljags la sogs pa la rang gi sa bon rnam par bkod la/ sngags kyi mdza' mar cho ga puSh+TaM ku ru oM/ zhes bya ba zlos shing ji skad bshad pa'i tshad kyi dgang blugs phul te/ rdzas thams cad las re re bzhin sreg blugs de kho na bzhin du phul la/ bdud rtsi lnga dang bcas pa'i mar gyi sreg blugs brgya 'am stong dam dpag tu med pa sbyin sreg bya'o/ /de nas de kho na bzhin du gzi bskyed pa dang/ dgang blugs mchod yon dbul ba dang/ bsad gtor bya ba dang/ 'thor 'thung dang/ bstod pa dang/

  657. 329a

    mchod pa dang/ yang mchod yon dbul ba sngon du 'gro ba can gyi/ mngon par 'dod pa'i don gyi dngos grub kyi phyir bskul la bzod pa gsol te/ sku la sogs pa rnam par dag pa lhag par mos pa'i sgo nas/ badzra d+h+rika ces bya ba lan mang du yongs su bzlas la yi ge gsum brjod nas de kho na bzhin du gshegs su gsol lo/ /de nas me lha'i bzhugs su gsol ba la sogs pa thams cad snga ma bzhin du bya'o/ /de ni rgyas pa mdor bstan pa'o// dbang la ni sa gzhi dmar po la thab khung zhi ba'i thab khung dang mtshungs pa ste/ 'on kyang shing gi lo ma dang mtshungs pa/ phyed nub pa'i rdo rje dad pad+mas dbus su mtshan pa/ de'i rnam pa can gyi kha khyer gyi bskor ba/ sa dmar po dang bdud rtsi lnga dang bcas pa'i dri dmar pos nye bar byugs pa/ me tog dmar po la sogs pas nye bar spras pa bya'o/ /yam shing ni shing tsam pa ka dang mya ngan med dang/ ba ku la dang/ pri yang ku dang/ la ku tsa la sogs pa rnams las byas pa sor lnga pa'o/ /sreg rdzas ni 'dab ma dang bcas shing ma rnyid pa'i me tog dang/ 'bras bu dmar po la sogs pa rnams dang/ rang dang gzhan gyi rtog pa las bshad pa'i rdzas gzhan rnams so/ /bu shing ni shing ni ma pa dang a mra dang/ me tog dang bcas pa gzhan yang bya'o/ /de nas dri dmar po nye bar byugs pa rjes su chags pa'i yid dang ldan pa/ gos dang rgyan dmar po la sogs pa dang ldan pa/ kha nub du bltas pa stan kha dog dmar po bde zhing mtho ba la/ rdo rje'i skyil mo krung 'dug pas thams cad kha dog dmar po dang ldan pa'i dkyil 'khor pa rnams dang/ lhan cig 'khor lo'i bdag po'i rnal 'byor la sogs pa bya'o/ /til la

  658. 329b

    sogs pa dang ldan pa bdud rtsi lnga dang bcas pa'i dri dmar po'i chu ji skad bshad pa'i snod na gnas pa la yi ge ho'i mdza' can gyi rang gi sngags lan bdun mngon par bzlas par bya'o/ /de nas thugs dang sku mdog dmar po rnam par bsgoms pa'i 'phags pa bdud rtsi zhes bya ba dang/ rang gi rigs kyi lha mo'i sngags dag bzlas pa'i las thams cad pa'i chu'i snod dang/ mchod yon gyi snod dang/ sbyin sreg gi yo byang ma lus pa de kho na bzhin du bzhag ste snga ma bzhin du bsang gtor bya'o/ /smad tshor ma 'am rje'u rigs kyi khyim nas byung ba'i me blangs la de nas de kho na bzhin du ma rnam par sbyangs te/ gsang gtor dang sbar ba byas la/ ji skad bshad pa bzhin du bzlas pa'i ku sha kha khyer la kha nub du bltas pa dang/ byang du bltas pa dang shar du bltas pa dang lhor bltas par bzhag ste/ de nas thab khung ku sha kha nub du bltas pa rnams kyis g.yog par bya'o/ /de nas de kho na bzhin du chu skyes kyi gdan la me lha mdog dmar po rjes su chags pa'i bsam ba can bskyed la/ spyan drang ba la sogs pa rang gi bsgo ba la sbyar pa'i bar du bya'o/ /de nas mchod yon phul la dri dmar po la sogs pa'i mchod pa rnams dang sku mdog dmar po dang ldan pa'i mA ma kI la sogs pa'i spro pa'i bla na med pa la sogs pa'i mchod pa rnams kyis yang dag par mchod de lan gsum bsang gtor byas la 'thor 'thung phul te/ de'i lce la sogs pa la rang gi lha'i sa bon rnam par dgod pa la sogs pa thams cad snga ma bzhin du byas la/ de kho na bzhin du blugs gzar la sogs pas mar la sogs pa phul te/ de nas de kho na bzhin du 'bar ba la sogs pa'i rnam par bzhag par bya'o/ /de ni me lha'i bya ba'o// //de nas snga ma bzhin du bsang gtor byas la thab

  659. 330a

    khung gi dbus su dbang po gnyis snyoms par zhugs pa'i lha thams cad dmar bo'i 'khor lo'i dbus na bzhugs pa/ rig ma sku mdog dmar zhing rjes su chags pa'i bsam pa can dang snyoms par zhugs pa'i dkyil 'khor gyi bdag po pad+ma dang zla ba'i gdan dang na bzang? dang rgyan dang 'od ser po dang ldan pa ho'i mdza' can gyi rang gi snying po las byung ba rnam par bsams te/ mchod pa las thug pa'i cho ga thams cad byas la/ mchod yon dang 'thor 'thung dang bsad gtor dang sa bon rnam par dgod pa byas te sngags kyi tha mar che ge mo wa sha mA na ya ho/ zhes bya ba brjod cing ji skad bshad pa'i tshad kyi dgang blugs phul la/ rdzas thams cad las re re zhing sreg blugs de kho na bzhin phul te/ bdud rtsi dang bcas pa'i mar gyi sbyin sreg snga ma bzhin du bya'o/ /de nas de kho na bzhin du gzi bskyed pa la sogs pa gshegs su gsol pa'i mthar thug ba byas la/ me lha'i bya ba yang snga ma bzhin bya'o/ /de ni dbang du bya ba mdor bstan pa'o// //dgug pa la yang thab khung ni/ dbang du bya ba'i thab khung dang mtshungs te /'on kyang rdo rje rtse gcig pa'i rnam pa can dbus na rdo rje lcags kyus mtshan pa/ de'i rnam pa can gyi kha khyer gyis bskor ba bya'o/ /bud shing ni lcags kyu'i rnam pa can gyi tsher ma dang ldan pa bzung bar bya'o/ /kha nub du bltas pa/ bshad zin pa'i cho ga bzhin du stan dmar po mtho ba la rdo rje'i skyil mo krung gis 'dug cing kha steng du bltas pas sngon du bsnyen pa yang rim pa de nyid bzhin du bya'o/ /bdud rtsi dang bcas pa'i dri dmar po la sogs pa'i chu la yi ge dza'i mdza' can gyi

  660. 330b

    rang gi lha'i sngags lan bdun yongs su bzlas par bya'o/ /gar mkhan dang glu mkhan dang lam du 'gro bas bus pa'i me blangs la yi ge dza'i mdza' can gyi rang gi sngags las byung bar bdag nyid dang thab khung na gnas pa'i rnam par bsgoms te/ stan las phyar bltas pas bsang gtor byas la/ lhag ma dbang du bya ba'i cho ga bzhin du bya'o/ /de ni dgug pa mdor bstan pa'o// //sngon spyod la ni sa gzhi rtsub mo cha go can ser gags pa thog g.yogs med par thab khung gru gsum sor nyi shu yod pa/ mgo byang du bltas pa dbus su sor bcu drug pa'i rtsa gsum gyi steng du/ khro bo'i rdo rje sor brgyad pas mtshan pa/ de'i steng du sor gsum dor la rgya dang 'phang dag du sor gsum pa kha khyer gyed pa'i kha khyer gyis bskor ba/ bdud rtsi lnga dang bcas pa'i sa nag po dang ro bsregs pa'i thal ba dang/ bod bu dang rnga mdo la sogs pa'i spangs ji snyed pas byugs la dri mi zhim pa dang dri nga ba'i me tog sngon po 'am dmar po rnams sam/ de lta bu'i 'bru la sogs pa rnams mngon par bkram pa bya'o/ /yam shing ni ni ma pa dang/ seng ldeng dang yongs 'du sa rdol dang/ bi lu ta ka dang/ 'dod pa'i shing rnams sam/ tsha ba dang kha ba dang/ tsher ma can gyi shing rnams sam/ ro bsregs pa'i shing gyi rtsa ba'i cha las byung ba kun tu bcas pa/ sor bcu pa dug dang khrag dang nyungs mar la sbangs pa rtse mo gnyis rno ba'o/ /sreg rdzas ni yungs kar dang/ yungs mar tsha ba dang/ khrag dang lan tshwa dang/ ske tshe dang/ nim+ba dang/ ro bsregs kyi thal ba dang rkang pa'i paM su dang/ bong bu dang rnga mo la sogs pa'i spangs dang/ skra gtubs pa dang/ zhag dang/ bya rog la sogs pa'i sgro dang/ bshad ba dang gci ba dang/

  661. 331a

    tsher ma dang/ rus pa'i phye ma dang/ khyi smyon pa'i sha la sogs pa ji snyed pa 'am/ re re'o/ /rdzas de rnams sam sol ba dang bcas pa'i btu sha la sogs pa rnams las byas pa'i dgra bo'i gzugs brnyan dug dang lan tshwa dang bcas pa'i khrag la spangs pa'i rkang pa g.yon pa'i ka ni yas brtsams te mtshon rnon pos dum bur gtubs nas sbyin sreg bya'o/ /bus shing ni tsha ba dang tsher ma la sogs pa dang ldan pa dang/ dri mi zhim pa'i shing rnams sam/ dur khrod nas byung ba 'am/ bong bu dang rnga mo la sogs pa'i spangs shin tu skam po blang bar bya'o/ /khro bo gos dang brgyan sngon po can nam khrag gi chu la spangs pa'i gos gyon bstan sngo ba la kha lhor bltas pas 'dug pa 'am bsgrub bya'i gzugs brnyan gyi brang la 'dug pa 'am/ stan med pa rkang pas rkang ba mnan te/ so yis so mnan pa/ mig mi g.yo ba bzhin khro gnyer dang ldan pas mar do'i nyin zhag dag las gang yang rung ba'i nyin zhag la/ khro bo nyid dbang por gzhag ste/ nyi ma phyed dam mtshan phyed kyi dus su bya'o/ /bdud rtsi lnga dang bcas pa'i bra bo dang ba lang gi chu dang/ dri mi zhim pa la sogs pa'i chu la phaT kyi mdza' can gyi rang gi sngags bzla bar bya zhing/ sku mdog sngon po dang ldan pa'i 'phags pa bdud rtsi zhes bya ba dang/ rigs kyi rig ma dag bzlas pa'i las thams cad pa'i snod dang mchod yon gyi snod g.yas phyogs su bzhag la/ sbyin sreg gi yo byad rnams g.yon du bzhag par bya'o/ /dur khrod dang rus pa dang rdo ba las byung ba 'am gdol pa'i khyim nas byung ba'i me blang bar bya'o/ /de la kha khyer la ku sha kha byang du lta ba la sogs pa g.yon skor du

  662. 331b

    bzhag la thab khung ku sha kha byang du bltas par g.yog par bya'o/ /de nas de kho na bzhin du chu skyes sngon po'i gdan la bzhugs pa'i me lha bskyed la/ spyan drang pa la sogs pa byas te/ bgegs bskrad pa dang/ bsrung pa la sogs pa dang/ phyogs bcing ba la sogs pa dang/ mchod yon dang/ zhabs bsil dbul ba dang/ byin gyis brlab pa dang/ dbang bskur ba dang/ dam tshig la dgod pa dang/ bsgo pa la sbyar ba dang/ yang mchod yon dbul ba dang/ kha dog sngon po dang ldan pa'i dri mi zhim pa la sogs pa'i mchod pa rnams dang/ mA ma kI la sogs pa spro pa'i mchod pa rnams kyis yang dag par mchod la bsad gtor byas te/ 'thor 'thung dang/ lce la sogs pa la sa bon rnam par dgod pa bya la/ bus mos phyi rol du lag pa dag bzhag nas dang por lag pa g.yon pa'i sdigs mdzub kyis bzung pa'i blugs gzar gyis zhal shin tu gdangs par bdud rtsi dang bcas pa'i til mar chen po'i sregs blugs gsum 'am bdun nam gcig /oM badzra a mri ta ma hA b+hU ta dzwa la ya b+hasmi ku ru sarbaduTAM hUM phaT ces bya ba'i me lha'i sngags kyis phul la/ brtags te bgegs bsal ba byas la/ bsang gtor byas te/ shin tu dgang blugs dbul bar bya'o/ /de nas 'thor 'thung dang bsang gtor byas la/ me 'bar ba sngon pa'i rnam pa yongs su gyur pa bsam par bya'o/ /de ni me'i lha'i bya ba'o// //de nas bdag po'i rigs kyi rigs sngags kyi sbyin sreg gi yo byad rnams yang lan gsum bsang gtor byas te me'i dbus su dkyil 'khor pa rnams dang bcas pa/ rig ma kun tu sngo ba dang yang dag par sbyor bar zhugs pa/ shin tu 'jigs su rung ba'i khro bo

  663. 332a

    'bar ba/ gdan dang na bza' dang/ rgyan dang 'od ser po dang ldan pa/ /ye ge hUM gi mdza' can kyi rang gi snying po las byung ba'i rang gi bdag po rnam par bsams la/ snga ma bzhin du ye shes sems dpa' gzhug pa la sogs pa dbang bskur ba la thug pa'i cho ga byas nas/ dri mi zhim pa dang/ dri nga ba nag po rnams dang/ bel ba dang/ arg+ha dang/ sngon po dang/ phyi dro'i dus su kha 'bye ba dang 'ol ma me'i me tog la sogs pa rnams dang/ sar rdzar la sogs pa spos rnams dang/ nya la sogs pa'i mar khu gsum gyi mar me rnams dang/ tsha zhing kha ba la sogs pa'i lha shos rnams kyis mchod par bya'o/ /de nas mchod yon dang 'thor 'thud dang bsang gtor byas nas/ ljags dang dgad gzar dang blugs gzar gyi kha la rang gi sa bon sngon po 'bar ba rnam par bkod la/ rang gi sngags kyi mdza' mar che ge mo mA ra ya u ta tsA ta ya/ zhes bya ba la sogs pa brjod nas mdza' na hUM phaT ces bya ba yod pa'i sngags kyis snga ma bzhin du dgang blugs dang/ rdzas so so'i sreg blugs phul nas/ bdud rtsi lnga dang bcas pa'i til mar chen po blugs gzar la sogs pas brgya 'am stong dam dpag tu med pa sbyin sreg bya'o/ /de ltar rang gi rtog pa las bshad pa'i cho ga rnams kyis ji srid rdzogs kyi bar du sbyin sreg byas la/ rigs kyi snying pos mar khu'i sreg blugs gsum 'am bdun 'am nyi shu rtsa gcig gis gzi bskyed nas/ yang dgang blugs dang mchod yon dbul bar bya'o/ /de nas snga ma bzhin du bsang gtor la sogs pa byas la/ gsang ba'i don du bskul te bzod pa gsol la thams cad byas nas de kho na

  664. 332b

    bzhin du/ rang gi bdag po dang me lha gshegs su gsol lo/ /de ni mngon spyod mdor bstan pa'o// //las thams cad pa'i thab khung yang zhi ba'i thab khung dang mtshungs te/ 'on kyang pad+ma kha bye ba'i rnam pa can gyi kha khyed dang ldan pa/ rdo rje'i phreng bas bskor ba/ dbus na rdo rje dang rin po che'i dang pad+ma dang sna tshogs rdo rje'i dbus na gnas pa'i 'khor lo'i phyag rgyas mtshan pa'o/ /de la sreg rdzas kyi go rim ni zhi ba la sogs pa'i las dang rjes su mthun par byas te/ 'on kyang las thams cad pa'i yam shing ni/ pa la sha dang blag sha dang/ u dum+ba ra dang/ seng ldeng dang/ arga dang/ n+ya gro d+ha dang/ ce kang ka ta dang/ a mra dang/ sha mi dang/ kasma rdza dang/ a pa marga dang/ a shwat+tha las byung ba/ re re zhing rtse mo gcig pa/ drang po mtho gang tsam pa/ bdud rtsi dang bcas pa'i dri zhim pa'i chu la spangs pa/ rtse mo gnyis lo ma dang bcas pa/ rtse mo gnyis mar la ? pa rnams so/ /dkyil 'khor ram lha'i lnga par shar phyogs su ni zhi ba'i thab khud dang/ dbang du bya ba'i thab khung ngo/ /lho phyogs su ni rgyas pa'i'o/ /nub phyogs su ni dgug pa'i'o/ /byang phyogs su ni mngon spyod kyi thab khung ngo/ /de ni sbyin sreg gi cho ga'o// //de ltar sbyin sreg gi cho ga bstan nas/ da ni slob ma gzhug pa'i phyir/ rnam par snang mdzad sbyor ba yis/ zhes bya ba la sogs pa gsungs te/ oM la sogs pa'i yi ge gsum gyis slob ma rnam par snang mdzad du byas la gnas/ ji lta ba bzhin du yi ge gsum po nyid kyis byin gyis brlabs te/ thugs kyi dkyil 'khor las gsungs pa'i cho ga bzhin du sku'i dkyil 'khor bcug la/ de'i thugs ka na gnas pa'i lte ba'i nang na bzhugs pa'i bde ba chen po rnam par bsams

  665. 333a

    te/ de'i rab tu sbyor ba'i bskyod pa las rnam par byung pa'i yi ge a kha dog dmar po mgo bo dang lkog ma dang snying ga'i phyogs rnams su zla ba'i dkyil 'khor dmar po la gnas pa bsams la/ de las byung ba'i 'od zer dmar po'i tshogs rnams kyis kyang de'i lus kun tu khyab par bsam par bya'o/ /rdo rje gzung bar bya zhes bya ba ni/ sku rdo rjes byin gyis brlab par bya'o zhes bya ba'i don to/ /de ni nye bar mtshon pa yin te thugs rdo rje la sogS pa'i dkyil 'khor rnams su yang/ slob ma yi ge gsum las byung ba'i dkyil 'khor gyi bdag bor rnam par bsams la/ yi ge gsum gyis byin gyis brlab pa yang byas te/ yi ge a las 'das ma thag pa bzhin du bsams par bya'o/ /de nyid bstan par bya ba'i phyir/ /rgyal chen rdo rje sems dpa' dang/ zhes bya ba gsungs te/ thugs kyi dkyil 'khor gyi bdag po'i gzugs su rnam par bsgom pa'i slob ma/ dpal rdo rje sems dpa' i sku la sogs pa byin gyis brlabs par brtags la/ gzhan gyi gzugs su yang rnam par bsgom pa yin no/ /de la 'di ni zhes bya ba la sogs pa ni dkyil 'khor chen por gzhug pa'i phyir yi ge lnga pa'i sngags gsungs so/ /'di ni zhes bya ba 'di ni bshad ma thag pa'o/ /de bzhin gshegs pa thams cad kyi 'da' bar mi bya ba nyid yin pa'i phyir dam tshig thams cad do/ /slob ma sku dang gsung dang thugs kyi bdag nyid can gyi 'dod pa'i lha'i gzugs kyi bdag nyid du byin gyis brlob par byed pa nyid yin pa'i phyir lus dang ngag dang sems kyi snying po'o/ /mi phyed pa'i ye shes bdag nyid yin pa'i phyir rdo rje'o/ /shes pa dang bskyob pa'i ngo bo nyid yin pa'i phyir sngags so/ /lnga'i

  666. 333b

    bdag nyid can gyi slob ma'i lkog ma dang mgo bo dang lag pa g.yas pa dang g.yon pa'i rtsa ba dang snying ga rnams su/ /go rim bzhin du sems kyi dkyil 'khor la gnas pa'i yi ge re re rnam par bkod la de nyid brjod pas 'jug par bya zhing slob ma yang gzhug par bya'o/ /dbang bskur pa'i don du de la 'di ni zhes bya ba la sogs pa gsungs te/ mi phyed pa'i go 'phang thob par byed pa nyid yin pa'i phyir rdo rje'o/ /rgyud gong ma gong rnams las mchog tu gyur pa nyid yin pa'i phyir chen po'o/ /rtog pa'i nyes pa'i dri ma ma lus pa rnam pa thams cad du rab tu 'khrud par byed pa'i phyir chen po'o/ /spyod pa la sogs pa'i tshul la rten pa rnams la bstan par mi bya ba nyid yin pa'i phyir gsang ba'o/ /mchog tu dga' ba'i rang bzhin nyid yin pa'i phyir ye shes mchog tu gsang ba'o/ /de nyid ni sangs rgyas kyi zhes bya ba la sogs pas gsungs te/ skabs 'dir sangs rgyas kun gyis zhes bya ba ni/ de bzhin gsheD pa la soD pa dkyil 'khor pa rnams kyis so/ /nam mkha' i khams zhes bya ba ni nam mkha' i dbyings nyid do/ /rdo rje'i rigs ni ye shes kyi rigs yin zhing/ de 'dzin par byed pa dang skal pa dang ldan pa'i sems can rnams kyang der skyed par byed pas na rdo rje'i rigs 'dzin pa ste/ slob dpon no/ /sil snyan dri'i sprin rnams zhes bya ba 'di ni nye bar mtshon pa yin te/ bde ba chen po dbang bskur ba'i mchod pa'i yo byad thams cad dang ldan pa rnams zhes bya ba'i tha tshig go /rdo rje dam tshig gsum sngags kyis/ /zhes bya ba la sogs pa la/ mthu dang ldan pas yi ge sum brgya rtsa brgyad mngon par bzlas pa'i yungs kar dkar po rnams kyis de nyid brjod cing dkyil 'khor ba'i lha'i 'khor lo gdab par bya ba 'am/ bdag nyid ste de

  667. 334a

    bzhin gshegs pa la sogs pa dkyil 'khor pa rnams dang/ nam mkha' i dbyings na bzhugs pa/ de bzhin gshegs pa thams cad zhu bar gyur pa'i ye shes kyi bdud rtsis gang pa'i bum pa phyag na bsnams pa rnams kyi ji skad bshad pa'i bum pa rnams la 'debs par mdzad pa ste/ yi ge gsum gyis bskul ba'i dbang gis bdag nyid dbang bskur bar mdzod do/ /zhes bya ba'i don to/ /rdo rje zhes bya ba la sogs pa la/ rdo rje sems dpa' i ting nge 'dzin gyis zhes bya ba ni bde ba chen po'i ting nge 'dzin gyis so/ /sangs rgyas zhes bya ba ni de bzhin gshegs pa rnams so/ /dam tshig mchog rnams kyis zhes bya ba ni/ 'phags ma spyan la sogs pa lha mo rnams kyis so/ /'di skad du bstan pa yin te/ dkyil 'khor gyi bdag po gang yang rung ba'i rnal 'byor dang ldan pas bum pa'i nang na bzhugs pa'i sangs rgyas thams cad thabs dang shes rab kyi bde ba chen po'i mes mar gyi bum pa bzhin du zhu nas/ ye shes kyi bdud rtsi'i rnam par yongs su gyur par bltas la/ 'phags ma spyan la sogs pa lha mo'i tshogs kyis bzung pa'i bum pa de rnams kyis dkyil 'khor gyi bdag po'i rnal 'byor dang ldan pa'i slob ma lha'i 'khor lo ma lus pa bkod pa la sku la sogs pa byin gyis brlab pa yang byas la dbang bskur bar bya'o/ /de nyid bstan pa'i phyir rdo rje rnam par snang mdzad bsam zhes bya ba la sogs pa gsungs te/ blo brtan pa ste slob dpon gyi sku'i dkyil 'khor du dbang bskur ba'i phyir slob ma sku'i dkyil 'khor gyi bdag por bsam pa'o/ /de la 'di ni zhes bya ba la sogs pas ni/ bum pa la sogs pa'i dbang bskur ba'i dus su brjod par bya ba'i tshigs su bcad pa gsungs te/ dbang bskur ba ni bshad

  668. 334b

    zin to/ /bsod nams dang ye shes kyi tshogs sems can rnams kyi rgyud la 'pho bar gyur par byed pas na 'khor lo chen po'o/ /de nyid kyi phyir khams gsum pa'i sems can rnams kyis phyag byas pa'o/ /ji skad bshad pa'i sku dang gsung dang thugs gsang ba'i bdag nyid can yin pa'i phyir gsang ba gsum mo/ /yang dag par sbyor ba las byung ba nyid yin pa'i phyir rdo rje las byung ba'o/ /sangs rgyas kun pa sbyin par bya zhes bya ba ni sangs rgyas la sogs par dmigs pa'i slob ma rnams la'o/ /de la 'di ni zhes bya ba la sogs pas ni dbang bskur ba'i don du slob mas gsol ba gdab par bya ste/ byang chub rdo rjes zhes bya ba ni rig ma dang yang dag par ldan pa'i bde ba chen pos so/ /sangs rgyas la zhes bya ba ni rnam par snang mdzad la sogs pa rnams la'o/ /mchod chen ni dbang bskur pa'o/ /ji ltar stsal pa bzhin zhes bya ba ni/ rnam pa ji lta bur ro/ /bdag kyang mngon par gdon pa'i don du rnam pa de kho na bzhin du/ kye nam mkha' i rdo rje bdag la stsol cig ces bya ba'i don to/ /thugs kyi dkyil 'khor las gsol ba gdab pa la sogs pa go rim bzhin du bshad zin pas de'i phyir yang brjod par mi bya'o/ /gzhan ni go sla'o/ /lha'i gzugs kyi sbyor pa yis/ zhes bya ba la sogs pas ni ji skad bshad pa'i slob ma'i snying gar snyoms par 'jug pas bzhugs pa'i rang gi bdag po bsam par bya'o/ /sngags kyi yi ge'i tshig byin la/ zhes bya ba de'i mig la yi ge oM ye shes 'bar ba dang/ dpral par yi ge ri bsams la/ yi ge lngas mig dbye zhing dkyil 'khor bstan par bya'o/ /de nas zhes bya ba la sogs pa la thugs kyi dkyil 'khor la bshad pa'i cho ga bzhin du slob ma 'dus bya ba sngon du

  669. 335a

    'gro ba can gyi dam tshig dang sdom pa bzung bar khas len par byed du bcug ste/ phyag bzhi bya ba la sogs pa dkyil 'khor du dbang bskur ba la thug pa'i rjes thogs la/ gsang ba'i dbang bskur pa byin pa'i dus su dam tshig dang sdom pa dbog par bya'o/ /rdo rje'i lam zhes bya ba ni mi phyed pa'i go 'phang thob par byed pa'o/ /'di dag gis zhes bya ba ni bshad ma thag pa yis so/ /bskul bar bya zhes bya ba ni de'i snod du rung bar nges par sbyar bar bya'o/ /'di ni zhes bya ba la sogs pa ni shes par zad do/ /sngags kyi bskul ba zhes bya ba la sogs pas ni gsang ba la sogs pa'i dbang bskur pa'i tha mar/ da ni dkyil 'khor slob dpon zhes bya ba la sogs pa yid du 'ong pa brjod pa'i rjes thogs pa/ bskyed pa dang rdzogs pa'i rim pa gang yang rung ba'i ting nge 'dzin bsgom pa sbyin pa sngon du 'gro ba can gyi dkyil 'khor du bzlas pa byas la/ bcom ldan bdag gis stsal lags kyis/ zhes bya ba la sogs pa sngags bskul pa brjod pa'i sgo nas sngags sbyin pa bstan to/ /gsang ba zhes bya ba ni gsang ba'i dbang bskur pa'o/ /brtsam par zhes bya ba ni man ngag sbyin pa la sngon du'o/ /rdo rje blo can te mi phyed pa'i blo dang ldan pa the tsom med pa'i slob ma ji lta ba bzhin du dkyil 'khor du bcug la/ sngar mngon par 'dus byas shing dung phor chen po na gnas pa'i bdud rtsi lnga yi ge oM gyi 'bar ba las byung bar bsams nas zar gzhug go / rnam pa 'di gzhi gsang chen te/ zhes bya ba ni mA ma kI la sogs pa lha mo bzhi'o/ /de nyid kyi phyir mi bskyod pa la sogs pa rnams dang 'brel pa yin zhing/ nyan thos la sogs pa rnams bstan par mi bya ba yin no/ /de nyid ni sngags kyi 'khor lo bud med

  670. 335b

    gzugs bya bas rnam par 'grel te/ rang gi rigs kyi dkyil 'khor rnams na bdag por gyur pa'i lha mo'i gzugs 'gro ba ma lus pa'i don bya ba'i spyod pas rnam par gnas pa rnams so zhes bya pa'i don to/ /de la 'di ni zhes bya ba la sogs paS ni dkyil 'khor gyi lha thams cad mnyes par bya ba'i gsang ba gsungs so/ /glang po'i sha la sogs pa bdag nyid kyang bza' zhing lha rnams la yang dbul par bya'o/ /de ltar byas na ji skad bshad pa'i bka' bzhin byed pa la mgon po ste dkyil 'khor gyi bdag po thams cad mnyes par 'gyur ro/ /yid ches pa med pa'i dbang du byas nas/ yid ches bya ba la sogs pa gsungs te/ bshad gci zhes bya ba la sogs pas ni/ mthu thob pa'i slob dpon gyis sngar mngon par 'dus byas pa'i bdud rtsi lnga la/ rdo rje gsang ba'i tshig yi ge oM gyis 'bar ba lngas khyab par bsams na ji skad bshad pa bzhin du 'gyur par bstan to/ /gzhan ni bshad zin to/ /ji skad bshad pa'i cho ga bzhin du dbang bskur ba'i slob ma rnams la dngos grub thams cad sgrub pa nye bar bstan par bya ba yin pas de'i phyir dngos grub ces bya pa la sogs pa gsungs te/ dngos grub thams cad ces bya ba ni/ mi snang ba la sogs pa'i dngos grub rnams so/ /dam tshig chen po ni lha thams cad kyi bdag nyid can gyi dpal rdo rje sems dpa' ste/ de'i sgrub pa ni dam tshig chen po sgrub pa'o/ /sangs rgyas byang chub nyid kyang zhes bya ba ni/ rdo rje 'chang chen po la sogs pa'i 'bras bu yang do/ nan tan du ni bsgrub par bya/ zhes bya ba ni g.yeng ba med pa'i rnal 'byor gyis so/ /mi snang ba ni bshad zin to/ /stobs ni mngon par 'dod pa'i don sgrub pa'i mthu nyid do/ /brtson 'grus ni nyin dang mtshan du rtsom pa'o/ /rdo rje dgug pa bshad

  671. 336a

    zin to/ /de ni nye bar mtshon pa yin te/ mngon par shes pa la sogs pa dngos grub thams cad dkyil 'khor du zhugs shing dbang bskur ba man ngag thob pa'i dkyil 'khor sgom pa pos bsgrub par 'gyur ro zhes bya ba'i don to /mtshan ma thob pas rnal 'byor pas bshad gci dang sha chen cha mnyam par byas te/ kham por kha sbyar du bzhag la yi ge gsum gyis mngon par 'dus byas te/ de nyid dang rang gi sngags bzlas na ji skad bshad pa bzhin du 'gyur ro/ /de la 'di ni zhes bya ba la sogs pas ni phyag na rdo rje la sogs pa'i gzugs can gyi sngags gzhug bsgrub po gsungs te/ h+rI ni 'bar ba 'od bzang po'o zhes bya ba ni 'od zer snga 'bar pa'o/ /nam mkha' rdo rje'i dbus su zhes bya ba ni/ btsun mo'i pad+ma'i dbus su'o/ /nam mkha' i khams zhes bya ba ni nam mkha' i dbyings so/ /gzhan ni shes par zad do/ /de'i sku gsung thugs kyi gnas zhes bya ba ni/ de bzhin gshegs pa rnams dang 'brel pa'o/ / der ni sngags kyi gdab par bya zhes bya ba ni/ yi ge hi la'o sku dang gsung dang thugs kyi sngags/ rdo rje byin gyis brlab pa'i tshig/ ces bya ba ni/ de bzhin gshegs pa thams cad kyi sku dang gsungs dang thugs kyi rang bzhin no/ /A khaM d+hI zhes bya ba yi ge gsum ni des mtshan pa'i sgo nas phyag na rdo rje la sogs pa'i gzugs can gyi mdag gzhug pa bskyed pa'i rgyu yin zhing/ mdag gzhug pa'i gzugs su grub pa'i sku dang gsung dang thugs byin gyis brlab pa yang de nyid kyis bya'o// gsang ba'i gnas bzhag go /zhes bya ba la/ phyag na rdo rje'i gzugs can gyi mngag gzhug pa'i mgo la ni ? nyi ma'i dkyil 'khor la gzhug pa'i mi bskyod pa ji lta ba bzhin du bsam par bya'o/ /de bzhin du

  672. 336b

    phyag na padmo'i gzugs can gyi mgo la 'od dpag tu med pa dang/ de bzhin du gzhan gyi mthub pa'i gzugs can gyi spyi bor ni rnam par snang mdzad bsam par bya'o/ /de nyid ni nyi ma'i dkyil 'khor dbus gnas par zhes bya ba la sogs pas bstan to/ /thams cad snying pos bskul bar bya/ zhes bya ba ni/ ji skad bshad pa'i mngag gzhug pa rnams so/ /'od chen zhes bya ba ni de rnams kho na la'o/ /sdug bsngal chen po yis bya ba ni 'chad par 'gyur ba rnams kyis so/ /de la 'di ni zhes bya ba la sogs pas ni rdo rje mngag gzhug pa thams cad bskul pa'i snying po gsungs so/ /mdud rtse che zhes bya ba la sogs pa'i tshigs rnams kyis ni rang gi lag na gnas pa'i yi ge a las byung ba'i mdud dang lcags kyu la sogs pa rnam pa sna tshogs pa rnams kyis de rnams kyi thugs kar gdab pa bstan to/ /chog 'dis bskul bas rang mngon par 'dod pa'i mngag gzhug ba 'grub par 'gyur te/ dngos grub de'i sgo nas phyis rdzogs pa'i byang chub kyang 'grub par 'gyur ro zhes bya ba'i don to/ /nyams dga' zhes bya ba la sogs pas ni mngag gzhug pa sgrub pa'i gnas gsungs te de ni shes par zad do/ /zla ba phyed ni tshun chad kyis/ zhes bya ba la sogs pas ni/ 'di skad du bstan pa yin te/ ji skad bshad pa'i dam tshig dang sdom pa la gnas pa'i rnal 'byor ba rdo rje sems dpa' la sogs pa gang yang rung ba'i rnal 'byor dang ldan pa/ phra mo'i rnal 'byor bsgom pa'i sgo nas sems brtan par byas pa 'am/ bzlas pa mang po sngon du 'gro ba can gyi lhas rjes su gnang ba'i sgo nas bzlas pa 'bum byas pa yang mdag gzhug pa bsgrub pa'i phyir rjes su gnang ba thob pas/ ril sogs pa'i gnas snga ma bzhin mngon par 'dus byas par sgrub thabs las bshad

  673. 337a

    pa'i cho ga bzhin du/ dpal rdo rje sems dpa' dang gsung rdo rje dang sku rdo rje rnams las gang yang rung ba'i rnal 'byor byas la/ de kho na bzhin du rjes su rnal 'byor dang shin tu rnal 'byor mchod pa'i cho ga la thug pa byas te lha mo'i cho gas rang gi rig ma'i pad+mar bcug la/ 'dod chags kyi mes zhu bas zla ba'i dkyil 'khor gyi rnam par yongs su gyur par bsam par bya'o/ /de nas zla ba'i dkyil 'khor de la ji skad bshad pa'i yi ge h+rI mgo gyen du ltas pa bsams la de las byung ba'i 'od zer chogs rnams kyi nam mkha' i dbyings khyab ba'i de bzhin gshegs pa thams cad la kun tu reg nas de rnams kyi sku dang gsung dang thugs A khaM d+hI zhes bya ba yi ge gsum gyi bdag nyid can bsdus te yi ge h+ri la bcug la/ de gyur bar byas nas/ phyag na rdo rje dang 'jig rten dbang phyug dang gzhan gyis mi thub pa rnams las/ gang yang rung ba'i mngag gzhug pa'i gzugs bskyed la/ yi ge gsum po de nyid kyis de'i lus dang dag dang sems sku rdo rje la sogs pa'i rang bzhin du byin gyis brlab ste/ de nyid brjod cing phyung la/ mdun na thal mo sbyar te 'dug par bsams te/ de'i mgo bor gsang ba'i gnas bsam la/ lag pa na gnas pa'i mdung la sogs pa ji skad bshad pa rnams kyis mngag gzhug pa'i snying gar gdab cing thun bzhir bsgoms na/ gdon mi za bar zla ba phyed kyis tshun chad kho nas mngag gzhug pa 'grub bar 'gyur ro zhes bya ba'i don to/ /ri rab sum cu rtsa drug gi zhes bya ba la sogs ba ni go sla'o/ /'da' bar bya ba ma yin zhing mi phyed pa'i mdag gzhug pa ston par mdzad pa'i phyir dam tshig rdo rje bzhad pa chen po ste dpal rdo rje sems dpa' o/ /de la 'di ni zhes bya ba la sogs pas ni

  674. 337b

    dkyil 'khor du rdo rje sems dpa' la sogs pa gang yang rung ba'i rang bzhin can gyi bdag nyid dgod pa dang/ mdag gzhug pa bskyed pa'i gzugs su bskyed pa'i lus dang ngag dang sems la rnam par dgod pa yang byas la bskul bar bya'o zhes bstan pa yin no/ /de la 'di ni zhes bya ba la sogs pas ni sbyor ba gzhan gsungs te/ mi phyed pa'i me long lta bu la sogs ba'i ye shes lnga'i bdag nyid can gyi dkyil 'khor ni rdo rje ye shes 'khor lo ste/ der mdag gzhug ba sgrub pa 'da' bar mi bya ba'i don shes shing rtogs par byed pas na dam tshig gi chig go /de ni rnam pa bzhi ste/ dam tshig bskul ba zhes bya ba ni yi ge a? las byung ba'i lcags kyu 'bar ba la sogs pa rang gi lag na gnas pa rnams kyi snying gar gdab cing A khaM d+hI zhes bya ba brjod pas bskul ba'o/ /dam tshig gtong ba zhes bya ba ni khro zhing sngo la 'bar ba'i sku can gyi de bzhin gshegs pa thams cad spros la/ de rnams kyis yan lag thams cad gang bar yang dang yang du bsam pa'o/ /dam tshig bod pa ni dngos grub kyi don du sngags brjod pas yid sngon du 'gro ba can gyi bskul ba'o/ /dam tshig bcing ba ni grub pa'i mngag gzhug pa'i rang gi bsgo ba la nges par sbyar ba'o/ /mkha' dbyings rgya chen zhes bya ba la sogs pas ni/ dngos po med pa yang gzugs can du byed do zhes phul du byung ba bstan pa'i sgo nas sgrub pa po rnams yid ches par bya ba nyid gsungs so/ /bcom ldan 'das gang la sangs rgyas thams cad bu gcig pa dang 'dra ba yod pa de la de skad ces bya ba 'am/ sangs rgyas thams cad kyi rdul phra rab kyis bskyed pa nyid yin pa'i phyir ro/ /da ni 'phags pa 'jam dpa' i rdo rje'i rnal 'byor gyis dbang du bya ba sangs rgyas zhes bya ba la sogs

  675. 338a

    pa gsungs te go sla'o/ /rdo rje 'jam pa stobs po che/ /nam mkha' rdo rje dbus su bsam/ /zhes bya ba ni/ ji skad bshad pa'i chos 'byung gi nang du chud pa'i rang gi dkyil 'khor gyi dbus sna bdug pa'i pad+ma dmar po'i steng gi zla ba la bzhugs pa'i 'jam ba'i rdo rje sku mdog dmar de? chags pa'i bsam pa can/ de'i rang bzhin can gyi lha'i 'khor los yongs su bskor bar sgrub thabs kyi tshul bzhin du bsam par bya'o/ /mnga' lda'i sbyor ba dag gis ni /zhes bya ba la/ mnga' lda'i sbyor ba ni ? dang /lhan cig sbyor ba de 'dzin par byed pas na mda' lnga'i sbyor ba ste de yis so/ /'di skad du bstan pa yin te/ myos par byed pa dang/ rmongs par byed pa dang/ gdung bar byed ba dang/ brgyal bar byed pa dang/ mi 'gul bar byed ba'i rang bzhin can/ yi ge ma las byung ba/ kha dog dmar po stong gi cha yi ge oM gyis mtshan pa/ smyug ma'i cha yi ge A yis mtshan pa/ yi ge hUM gis mtshan pa'i utpa la dmar po kha ma bye ba lta bu'i mde'u'i cha dang ldan ba'i mda' lngas sna rtsa'i bar du bka' ba' i gzhu/ bsnams pa'i 'phags pa gshin rje mthar byed sku mdog dmar po rjes su chags pa'i bsam pa dang ldan pa/ byis pa'i gzugs can rnams rang gi spyi bo na bzhugs pa'i 'od dpag tu med pa dang yang dag par sbyor ba las spro bar bya'o/ gnas lnga dag tu zhes bya ba ni/ sangs rgyas la sogs pa rnams kyi mgo dang snying ga dang lte ba dang gsang ba dang rkang ba'i mthil lo/ /rdo rje khro bos rab tu dbab/ ces bya ba la rigs brjod bar 'dod pa'i sgo nas gcig gi tshig can du byas te/ /des na ji lta ba bzhin du spros pa'i 'phags pa gshin rje gshed rnams kyis ji skad bshad pa'i mda' rnams kyi go rim bzhin du bshad ma thab pa'i gnas rnams su dbug par bya'o/ /zhes bya bya'i don to/ sngags

  676. 338b

    shing brgyal bar bsgoms pa ni/ /zhes bya ba ni rang gis bshad pa'i dam tshig las 'das pa'i 'jigs pas sngags shing gnas skabs dgu pa thob ba'o/ /byis pa'i blo ni grags chen gyis/ zhes bya ba la sogs pa 'phags pa 'jam dpal gyi cad pan las byung ba'i 'phags pa gshin rje gshed rnams kyis so/ /bsam gtan zhes bya ba la sogs pas ni sems brtan pa la sogs pa snga ma bzhin du bstan to/ /gsang ba bskul ba dag tu zhes bya ba ni bshad ma thag pa rnams su'o/ /sngags rnams zhes bya ba la sogs pa ni bshad zin to/ /mi byed pa'i nges par 'byed pa'i shes rab kyi 'bras bu ? ba'i rdo rje'i ting 'dzin ston par mdzad pas na rdo rje don gyi blo ste dpal rdo rje sems dpa' de yis so/ /sangs rgyas zhes bya ba la sogs pa ni nye bar mtshon pa yin te/ sems can rnams kyi ting nge 'dzin de nyid kyi sgo nas dbang du bya'o/ /thugs rdo rje'i rnal 'byor kyis kyang dbang du bya ba sgrub pa yin pas/ de'i phyir dkyil 'khor zhes bya ba gsungs te/ sangs rgyas rnams kyi dkyil 'khor ni sangs rgyas dkyil 'khor te de nyid mchog yin no/ /dang po'i rdo rje rtse lnga pa dmar skya skyed 'di? sngaD ni rdo rje de sngaD te/ yi ge hUM yin zhing yi ge oM la sogs pa gang dag la de nyid sngon na yod pa de dag la de skad ces bya ste de rnams kyis so/ /rdo rje gsum la sogs pa bsgom zhes bya bas ni 'di skad du bstan pa yin te/ yi ge gsum la sogs pa rnams kyis 'jam pa'i rdo rje bzhin du thugs rdo rje la sogs pa sku mdog dmar po rjes su chags pa'i bsam pa la sogs pa dang ldan pa rnams rnam par bsgoms la/ de kho na bzhin du rang gi spyi bo na bzhugs pa'i rang gi bdag po las gnod mdzes rgyal po la sogs pa rang gi rigs kyi khro bo rnams spros nas sangs rgyas la sogs pa rnams dbang du bya'o/ /oM ni zhes bya ba ni gdong

  677. 339a

    g.yogs dkrol pa na mig gnyis su yi ge oM bsam la/ dkyil 'khor bstan par bya ba'o/ /cho ga bzhin du zhes bya ba ni kye rdo rje ltos shig ces bya ba la sogs pa'i cho gas so/ /sngags rnams kun gyi zhes bya ba las sogs pa la/ sngags rnams kun gyis zhes bya ba ni lha thams cad kyi'o/ /gzugs dag ces bya ba ni sgyu ma lta bu la sogs pa snang ba tsam gyi sku blta bas chog mi shes pa'o/ /dkyil 'khor ba gang dag la sku gsung dang rdo rje gsum yod pa ni sku gsum rdo rje can te de rnams mthong ba'o/ /bkres skom la sogs pa zhes bya ba la sogs pas ni sgrub pa po la sogs pa la zhugs pa'i bkres pa la sogs pa spong ba'i rnal 'byor gsungs te/ gzhan ni go sla'o/ /don rnams thams cad 'byor ces bya ba ni/ ro rnam pa tha dad pa dang ldan pa'i bsam gtan gyi zas dang/ skom la sogs pa'i 'byor pa sgrub par byed pa'o/ /ba ni kha'i nang du zhes bya ba ni/ bum pa bzang po'i gzugs ser po rang gi mchu la mngon du phyogs par ro/ /oM ni lce la 'dug par zhes bya ba ni de'i rang bzhin du gyur pa'i lce'i rnam par ro/ /bza' par bya ba kun gyi gnas ni/ bde ba thams cad ster ba sgrub par byed pa'o/ /yid bzhin nor bus? brgyan pa ste/ zhes bya ba ni de'i kha zla ba phyed pa lta bu'i kha gab kyi cung zad bkab cing/ de'i zhabs la gnas pa'i rjes su 'jug ba'i dbyangs las byung ba'i byang chub kyi sems rin po ches kyang rgyan pa'o/ /bsam gtan gyi zas nyid yin pa'i phyir zhi ba'o/ /bkres pa la sogs pa 'joms pa'i sdug bsngal thams cad sel ba'o/ /mi phyed pa'i ye shes las byung ba nyid yin pa'i phyir ye shes rdo rje las byung ba'o/ /ji ltar mngon par 'dod pa'i zas?

  678. 339b

    la sogs pa sgrub par byed pa'i rnal 'byor ston par mdzad pas na yid bzhin nor bu rdo rje ste dpal rdo rje sems dpa' o/ /de bzhin gshegs pa dpa' bo rdo rje'i ting nge 'dzin bstan pa'i phyir/ denas bcom ldan 'das zhes bya ba la sogs pa gsungs te/ bdud bzhi 'phang bar mdzad pa dang/ mi phyed ba'i de bzhin nyid kyi gnyis su med pa'i ye shes thugs su chud pa'i phyir dpa' bo chen po rdo rje de bzhin gshegs pa'o/ mi phyed pa'i ting nge 'dzin gyi rgyu yin pas na rdo rje bsgom pa'i tshig gis mchog ste/ yi ge d+hI? phyung ngo/ /sangs rgyas dkyil 'khor zhes bya ba la sogs pa ni snga ma bzhin no/ /rdo rje sku gsum sbyor ba yis/ zhes bya ba ni rnam par snang mdzad bskyed pa'i tshul gyis so/ /'di skad du bstan pa yin te/ ji skad bshad pa'i rang gi dkyil 'khor na bzhugs pa'i rdo rje 'chang chen po'i rnal 'byor dang ldan pas/ de kho na bzhin du rjes su rnal 'byor la sogs pa cho ga thams cad byas la/ rang gi rig ma'i pad+ma na gnas pa'i byang chub sems kyi zla ba la yi ge d+hI rnam par bkod de/ de las byung ba'i 'od zer gyi tshogs rnams kyis nam mkha' i dbyings thams cad khyab pa'i de bzhin gshegs pa thams cad la kun tu reg nas/ de bzhin gshegs pa rdo rje dpa' bo chen po'i rnam par bsams la/ bsdus te yi ge d+hI bcug la/ thams cad gyur par byas nas bdag nyid de bzhin gshegs pa rdo rje dpa' bo chen por bsam par bya'o/ /de ji lta bu zhe na/ rgyan rnams thams cad ces bya ba la sogs pa gsungs te/ cung zad ser ba rdo rje 'gyid zhes bya ba la/ rtsa ba'i zhal dang sku ni gser gyi mdog can no/ /zhal g.yas pa dang g.yon pa ni sngon po dang dkar

  679. 340a

    po'o/ /lhag ma cod pan dang rgyan dang mtshon cha dang gdon dang 'od rnams ni rnam par snang mdzad dang mtshungs pa'o/ /ting nge 'dzin gang la yi ge d+hA? las byung ba'i 'od zer spros pa'i rlabs kyi 'phreng ba rnams kyis nam mkha' khyab pa'i de bzhin gshegs pa rdo rje dpa' bo chen po'i gzugs can rnams bsdus nas/ de bzhin gshegs pa rdo rje dpa' po chen por bskyed pa yod pa de la de skad ces bya'o/ /de mngon sum du mdzad nas so/ /rdo rje chen po bsgom pa'i tshig ni mi phyed cing phul du byung pa'i ting nge 'dzin gyi rgyu'o/ /'di zhes bya ni thugs la gnas pa ste/ de nyid kyi sku la sogs pa las phyung ngo/ /nyi ma'i dkyil 'khor zhes bya ba la sogs pa ni 'das ma thag pa bzhin no/ /rdo rje 'chang chen po'i nga rgyal dang ldan pas rang gi rig ma'i pad+ma na gnas pa'i byang chub kyi sems kyi nyi ma la yi ge tsuM kha dog dkar po rnam par bkod la/ de las byung ba'i 'od zer gyi tshogs rnams kyis nam mkhar khyab pa'i de bzhin gshegs pa'i sprin rnams la kun tu rag ste/ 'phags pa skul byed ma'i gzugs su yongs su gyur par byas nas/ yang de rnams bsdus te rang gi sa bon la gzhug par bya'o/ /de nas de gyur par byas te yi ge gsum gyis byin gyis brlabs pa'i 'phags pa skul byed ma bsams la/ yi ge tsuM nyid brjod cing phyung ste/ de 'gro ba rnams zhi bar byed du bcug la/ de bkug ste rang gi lus la bcug la/ thams cad gyur par byas nas bdag nyid 'phags ma bskul byed mar bsam par bya'o/ /de ci lta bu zhe na/ rgyan rnams thams cad ces bya ba la sogs pa gsungs te/ rnam pa thams cad du sangs rgyas spyan sku mdog dkar po dang mtshungs te/ 'on kyang rtsa ba'i phyag gnyis na par bu dkar po bsnams pa dang/ nyi ma'i

  680. 340b

    gdan dang 'od dang ldan pa dang/ rdo rje 'chang chen po'i dbang bskur ba dang ldan pa'o/ /de nyid ni rdo rje sems dpa' rgyal po che/ bsams la zhes bya bas bstan te/ mgo bo'i steng du dbang bskur ba'i don du'o/ /sngags kyi tshig dgong do zhes bya ba ni ye shes lha mo'i thugs kar zla ba la yi ge tsuM rnam par bkod nas/ phung po byin gyis brlab pa la sogs pa snga ma bzhin du bya'o/ /gang la yi ge tsuM las byung ba'i 'od zer gyi rdo rje gsum gyi bdag nyid can gyi 'phags ma bskul byed ma bskyed pa yod pa de la de skad ces bya'o/ /de nas zhes bya ba la sogs pa la sems can rnams kyi mngon par 'dod pa'i don la/ mngon par 'dod pa'i rnam pa ni bsam pa thams cad do/ /de'i don gyi rdo rje'i longs spyod ni 'gro lam lus pa'i bsam pa yongs su rdzogs par byed cing mi phyed pa'i 'phags pa dzam b+ha la'i sku ste/ de skyed par byed pa'i sems rtse gcig pa ni ting nge 'dzin yin zhing/ de la snyoms par zhugs nas so/ /'phags pa dzam+bu la'i ting nge 'dzin dang/ de'i dkyil 'khor skyed pa'i sa bon ni ting nge 'dzin 'khor lo'i tshul lo/ /'di zhes bya ba ni thugs la gnas pa ste/ de nyid kyi sku la sogs pa las phyung ngo/ /sangs rgyas dkyil 'khor zhes bya ba ni rdo rje 'chang chen po'i dkyil 'khor te de nyid dam pa'o/ /nam mkha' rdo rje'i dbus su zhes bya ba ni/ btsun mo'i pad+ma'i dbus su'o/ /gnod sbyin chen po bskyed par bya/ zhes bya ba ni 'di skad du bstan pa yin te/ btsun mo'i nam mkha' i dbyings su yi ge dzaM gyi 'phags pa dzam+b+ha la'i dkyil 'khor bskyed la/ de'i dbus su pad+ma'i steng gi zla ba'i gdan la bzhugs pa'i rdo rje 'chang kchen po'i nga rgyaldang ldan pas de kho na bzhin du rjes su rnal 'byor la sogs ba cho ga thams cad byas te/

  681. 341a

    rang gi rig ma'i pad+ma na gnas ba'i byang chub sems kyi zla ba la/ zla tshes dang thig le dang rtse mo 'bar ba dang ldan pa'i dzaM? gser gyis bsams la/ de las byung ba'i 'od zer ser po'i tshogs rnams kyi nam mkha' i dbyings khyab pa'i de bzhin gshegs pa rnams la kun tu reg ste/ 'phags ba dzam+b+ha la'i rnam par yongs su gyur par byas nas bsdus nas/ yi ge dzi de la bcug la/ de gyur par byas nas 'phags pa dzi b+ha lar bskyed la/ yi ge gsum gyis byin gyis brlabs te/ yi ge dzi snying brjod cing phyung la/ de rin po che la sogs pa'i char rnams kyis sems can gyi khams 'byor pa chen po'i gnas la 'og tu bcug ste/ de bkug nas/ rang gi lus la bcug ste bdag nyid 'phags pa dzi b+ha lar bsam par bya'o/ /de nas bshad ma thag pa bzhin rig ma'i pad+ma'i zla ba las yi ge dzi las byung ba'i 'phags pa dzi g+ha la sa bon gsum gyi mtshan pa phyung la/ mdun na 'dug ba'i pad+ma'i steng gi zla ba'i gdan la mngon du phyogs par gnas par bsams par bya'o/ /de nas rang gi lag pa g.yon pa la/ yi ge a dang paM dag las pad+ma dang zla ba dag bsams te/ de la ji skad bshad pa'i yi ge dzaM rnam par bkod la/ de las byung ba'i 'od zer rnams kyis 'phags pa dzaM b+ha la'i rnam ba can gyi de bzhin gshegs pa thams cad bsdu ba dang gzhug pa'i sgo nas 'phags pa dzaM b+ha lar bskyed par bya'o/ /de ji lta bu zhe na/ zhi ba gnod sbyin gzugs 'dzin pa zhes bya ba la sogs pa gsungs te/ ? bong? thung zhing gsus pa che ba/ zhal gsum pa phyag drug ba/ sku mdog ser po/ zhal g.yas pa dang g.yon pa sngon po dang/ dkar po mnga' ba/ 'phags

  682. 341b

    ma nor 'dzin ma dang snyoms par zhugs pa/ rdo rjes mtshan ba'i sa bon gyis gang ba'i 'bras bu dang bcas pa'i g.yas pa'i rtsa ba'i phyag gi 'khyud pa dri la bus na tshan pa'i ni'u? le dang bcas pa'i g.yon pas rig ma'i nu ma g.yon pa 'dzin ? g.yas pa dag na 'khor lo dang pad+ma bsnams pa/ g.yon pa dag na nor bu dang ral gri bsnams/ ral pa'i cod pan dang ldan pa/ zhib rdo rje 'chang chen po'i dbang bskur ba dang ldan pa pad+ma'i steng gi zla ba'i gdan la skyil krung phyed bas bzhuD gzhabs g.yas ba buM? pa bzang po la bzhag pa'o/ /nor 'dzin ma yang de dang 'dra ste/ 'on kyang g.yas dang g.yon pa'i rtsa ba'i phyag dag na mchod sbyin dang 'bras kyi snyem bsnams ba/ bgeg ba'i sku can/ me tog sna tshogs bcings pa'i do ker can/ dkon mchog dpal gyi dbang bskur ba dang yang ldan pa'o/ /sangs rgyas lnga yi cho ga yis/ /gnas lnga dag tu rnam bsgom bya/ zhes bya ba la/ mgo dang snying ga dang lte ba dang gsang pa dang rkang pa'i bar du go rim bzhin du zla ba dang nyi ma dang rin po che dang pad+ma dang 'od kyi dkyil 'khor ser po la gnas pa'i/ oM hUM swA AhA /zhes bya ba gser gyi mdog can rnams kyis rnam par snang mdzad dang mi bskyod ba dang dkon mchog dpal dang 'od dpag tu med pa dang don yod par grub pa/ rang gi rig ma dang gnyis su med bar gyur pa/ lha mo bzhis yongs su bskor ba/ thams cad kyang sku mdog ser po dang ldan pa rnams rang dang mdun na 'dug pa dang /lag pa na gnas pa'i dzam b+ha la'i lus dang nor 'dzin ma'i lus la bsam par bya'o zhes bya ba ni man ngag yin no/ /de la rdo rje bdud rtsi chu/ /bsam gtan gnas la 'dug pas dbul/ /zhes bya ba la rang gi dbang bskur bzhi gnas na bzhugs pa'i rdo rje 'chang chen bo sku mdog kun tu

  683. 342a

    ser po'i yang dag par sbyor ba las byung ba'i byang chub kyi sems kha dog ser po yi ge dza? gyis mtshan pas bdag nyid kun tu bkang ste/ yi ge dzaM gyis mtshan pa de rang gi yang dag par sbyor ba las kun tu phyung la/ lag pa na gnas pa'i dbang bskur ba'i rdo rje 'chang chen po'i smin mtshams kyi mdzod spu nas bcug ste/ de yang de kho na bzhin du phyung nas/ 'phags pa dzam b+ha la kun tu bkang ste/ yang phyung nas mdun na gnas pa'i dbang bskur ba'i dpal rdo rje sems dpa' i cod pan du bcug ste/ yang dag par sbyor ba las byung ba'i ye shes kyi bdud rtsi gser gyi mdog can gyi yi ge dzaM gyis mtshan pas 'phags bdzam b+ha la kun tu gang bar byas par yang dang yang du bsams par bya'o/ /phyi rol gyi bdud rtsi lnga 'am/ chuAng mos pa 'di nyid kyi sgo nas dbul bar bya'o/ /cho ga yis zhes bya ba ni yi ge hUM gis so/ /de ltar byas na zhes bya ba la sogs pa ni go sla'o/ /rdo rje ni dpal rdo rje sems dpa' o/ /de nyid phyag rgya dang lhan cig bzhugs pas na phyag rgya dang bcas pa'o/ /de'i yang dag par sbyor ba las byung ba'i dbang bskur ba sbyin pa'i bsgom pa'i sgo nas rdzas kyi don du 'phags pa dzam+b+ha la mnyes bar bya ba yin bas na rdzas mnyes pa'o/ /de nyid ni yid bzhin gyi nor bu'i rgyal mtshan bsgreng ba bzhin du 'gro ba ma lus pa'i mngon par 'dod pa'i don sgrub par byed pa'i phyir tog ste gang la de'i dpal te yongs su dag pa'i nor thams cad 'byor ba'i rang bzhin yod pa de la de skad ces bya'o/ /de nas zhes bya ba la sogs pa la/ dpal rdo rje sems dpa' la sogs pa'i rnal 'byor pa rnams 'dod pa'i yon tan lnga la nye bar longs spyod pa'i dpal ni gnod sbyin ma ste/ de la dmigs pa dang/ de'i ming

  684. 342b

    can gyi ting nge 'dzin la de skad ces bya'o/ /gnod sbyin ma thams cad kyi rdo rje dam tshig ni bskyed pa'i sa bon no/ /nam mkha' rdo rje'i dbus gnas bsam/ zhes bya ba la/ mdun na 'dug pa'i nam mkha' la rin po che sna bzhi'i rang bzhin can? 'byung bar 'gyur ba'i gnod sbyin ma'i gnas/ shar shel las byas pa/ lho in+d+ra'i nI la'i mdog can/ nub pad+ma rA ga dmar po dang ldan pa/ byang marga? ta'i rang bzhin can dbum baiDU rya'i rnam pa can bsam ? zhes bya ba man ngag yin no/ /kun tu 'khrigs zhes bya ba ni dus thams cad pa'i me tog la sogs pa mchod pa rnams kyis khyab pa'o/ /rdo rje gsum gyis sbyor bas dbab/ zhes bya bas ni 'di skad du bstan pa yin te/ ji skad bshad ba'i rang gi dkyil 'khor gyi dbus na bzhugs pa'i rdo rje rtse gsum gyi bdag nyid can gyi 'phags pa 'jam dpal gyi rnal 'byor dang ldan pas mdun na 'dug pa'i bshad ma thag pa'i gnas kyi dbus na gnas pa'i pad+ma dang zla ba ser po'i steng du zla chos dang thig le dang rtse mo dang ldan pa'i yi ge shAk+Shi rang mngon par 'dod pa'i gnod sbyin ma dang rjes su mthun pa'i mdog can bsams la de las byung ba'i 'od zer rnams kyis nam mkha' kun tu gang ba'i spyan la sogs pa'i lha mo'i tshogs rnams la kun tu reg ste/ mngon par 'dod pa'i gnod sbyin mo'i gzugs su byas nas bsdus te yi ge kraM la bcug la thams cad gyur par byas nas mngon par 'dod pa'i gnod sbyin ma'i rigs gcig tu bskyed par bya'o/ /de la re zhig bcom ldan 'das ma'i gzugs la sogs pa mngon par brjod par bya ste/ gser gyi mdog can lha'i bud med kyi cha byad 'dzin pa/ na tshod gzhon pa sgeg pa'i

  685. 343a

    ro dang ldan pa/ yan lag gtsang ba/ ne tso'i mdog can gyi gos gyon pa/ rgyan thams cad kyi rnam par brgyan pa/ lag pa g.yas pas gdugs dkar po 'dzin pa/ g.yon pas dpag bsams kyi shing la brten pa'i? bzhin g.yo zhing 'dzum pa dang bcas pas rnam par sgeg pa /mgo la me tog kha dog sna lnga las byas pa'i me tog phreng ba phyed 'phyang ba bcings pa/ dpag bsam gyi shing la sogs pas nye bar spras pa'i rin po che'i ri'i phug gi nang na gnas pa'i pad+ma dang zla ba ser po'i stan la 'dug pa bsam par bya'o/ /sa bon 'di ni gnod sbyin ma thams cad kyi thun mong ba yin te/ de'i phyir gnod sbyin ma gzhan rnams kyang dpal 'byung bo 'dul ba la sogs pa las gzugS la sogs pa shes par byas nas bsgrub par bya'o/ /rdo rje las gsum bye brag gis zhes bya ba la 'jam dpal gyi rnal 'byor dang ldan pas rang gi snyoms par 'jug pa las dpal gshin rje mthar byed phyung ste/ de'i spyi bor byang chub kyi sems kyi rgyun gyis dbang bskur ba rab tu star ba blta zhing/ rang gi snying ga'i zla ba la gnas pa'i sngags kyi phreng ba rang gi kha nas byung ba de'i kha ru bcug la/ snying ga na gnas pa'i pad+ma'i steng gi zla ba la rnam par bkod nas/ de dang lhan cig rdo rje dang pad+ma yang dag par sbyor ba bya'o/ /de nyid ni/ rdo rje 'jam pa'i ting 'dzin gnas/ zhes bya ba la sogs pas gsungs so/ /gang la gnod sbyin ma thams cad bskyed pa thun mong du gyur pa nyid yin pa'i phyir/ gnod sbyin ma thams cad mnyam pa nyid de sa bon las byung ba'i 'od zer rnams kyis gnod sbyin ma thams cad kun nas bsdus te gnod sbyin ma gcig tu

  686. 343b

    bskyed pa yod pa de la de skad ces bya'o/ /de nas zhes bya ba la sogs pa la/ gang la rdo rje thams cad de lha thams cad kyi sngags kyi rnam par 'phrul pa ste/ sku dang gsung dang thugs rnam par dag pa la dmigs pa rdo rje ltar ? phyed pa yod pa de la de skad ces bya'o/ /rnam par snang mdzad la sogs pa'i phyag rgya chen po grub pa rnams ji lta bur 'gyur zhe na/ lus dang zhes bya ba la sogs pas gsungs te/ sangs rgyas gzugs 'dzin 'od bzang po ni de bzhin gshegs pa'i 'od kyi dkyil 'khor dang ldan zhing gser gyi mdog can du 'gyur ro zhes bya ba'i don to/ /dman pa ni 'og na yin zhing/ dman pa ma yin pa ni mi dman pa ste/ dngos grub mchog yin zhing de la gnas zhes bya ba'i tha tshig go /mi snang ba la sogs pa grub pa ni 'jam dpal dang 'dra bar 'gyur ro/ /gnod sbyin rgyal po ni 'phags pa dzam b+ha la ste/ de grub na rig pa 'dzin pa rnams kyi dbang por 'gyur ro/ /de la 'di ni zhes bya ba la sogs pa la/ thams cad ni bshad ma thag pa dang 'chang bar gyur pa rnams so/ /mdzes pa'i gzugs rnams zhes bya ba ni/ gzang po rnams so/ /yid 'ong ba zhes bya ba ni yid dga' bar byed pa rnams te/ 'jig rten gyi khams thams cad na gnas pa'i sems can skal pa dang ldan pa rnams kyis mthong ba tsam kho nas dga' ba skyed par byed pa'o/ /gtsug tor zhes bya ba ni gtsug tor la sogs pa 'khor los sgyur ba brgyad kyi gzugs so/ /thams cad grub pa'i yid bzhin gyi nor bu'i bdag por 'gyur zhes bya ba ni gdul bya rnams kyis yid bzhin gyis nor bu bzhin du/ phyag rgya chen po la sogs pa dngos grub sgrub par byed pa'i bdag por 'gyur ba'o/ /rdo rje 'chang chen po'i mngon par byang chub ba sgrub par

  687. 344a

    byed pa nyid yin pa'i phyir/ sangs rgyas byang chub byed pa'i mchog go /sangs rgyas rdo rje ni thabs dang shes rab kyi mngon par byang chub pa ste/ de'i rnam pa las byung ba ni sangs rgyas rdo rje las byung ba'o/ /yid bzhin gyi nor bu'i rin po che lta ba'i dngos grub kyi 'bras bu thams cad ston par mdzad pas na bsam pa thams cad yongs su rdzogs pa'i rdo rje ste/ dpal rdo rje sems dpa' o/ /de ni sngon du bya ba byas pa'i rig pa'i brtul zhugs zla ba drug pa/ de nas zhes bya ba la sogs pas gsungs te/ go sla'o/ /sku gsung thugs kyi rdo rje rnams zhes bya ba ni rnam par snang mdzad la sogs pa rnams so/ /bsgom pa zhes bya ba ni/ bdag nyid kyi lus dang ngag dang sems su bsgom pa'o/ / de ni dngos su bya ba nyid ces bya ba ni rang gi rigs kyi bu mo dang yang dag par sbyor ba dang bdud rtsi lnga bza' ba la sogs pa dngos su bya ba kho na ste/ de ni 'dir drang ba'i don yin gyi/ ting nge 'dzin gyis dmigs pa tsam ni ma yin pa'o/ / de ltar byas na dngos grub 'thob ces bya ba ni de ltar byas na 'grub par 'gyur gyi/ ma byas na ni mi 'gyur ro snyam du dgongs ba yin no/ /de la 'di ni zhes bya ba la sogs pa la thor tshugs dbu rgyan can gyi gzugs zhes bya ba ni lha thams cad kyi thun mong pa khyad par gyis gnod par gyur pa med pa'o/ /chen po sku mdog dkar por snang zhes bya ba ni rnam par snang mdzad dang rigs can rnams so/ /'od dpag tu med pa la sogs pa rnams kyis ni rang gi kha dog ji skad bshad pa kho na gzung bar bya'o/ /sngags kyi sdom pa ni 'chad par 'gyur pa yin zhing des bsngams pas te ldan pas so/ /cho ga bzhin du thams cad bya/ zhes bya ba ni skud ris su byas pa dang lugs su blugs pa dang/ 'bur du

  688. 344b

    brkos ba dang/ ri mor bris pa rnams las gang yang rung ba/ zhal gsum pa phyag drug pa/ phyag mtshan dang/ gdan dang 'od dang cod pan dang ldan pa bya'o/ /lo grangs bcu drug lon pa zhes bya ba ni/ ji skad bshad pa'i mtshan nyid dang ldan ?? blag mkhan gyi bu mo 'phags ma sangs rgyas spyan du rnam par bsgoms shing phyag mtshan la sogs pa rnams dang ldan pa'o/ /phyag rgya zhes bya ba ni phyag rgya bzhi'o/ /sngags ni yi ge'i rnam pa can dang lha'i gzugs te de'i cho ga yongs su shes pa'o/ /sngags kyi rgyud ni legs par brlabs/ zhes bya ba ni sngags dang sman gyi mthus phan pa dang gnod pa byed par nus pa dang mar? du thos pa'o/ /de bzhin gshegs pa ni rnam par snang mdzad de/ de'i btsun mo ni sangs rgyas spyan no/ /sangs rgyas byang chub la gnas na/ zhes bya ba ni thabs dang shes rab snyoms par 'jug pa'i sgo nas gnyis su med par gyur pa ste/ de dang lhan cig sgrub pa pos sgrub thabs las bshad pa'i cho ga bzhin du dus bzhir yang dag par sbyor ba'i mchod pa bya'o/ /sdom bu zhes bya ba la sogs pa ni 'jig rten pa dang 'jig rten las 'das pa'i bza' ba'i bye brag thams cad bza' bar bya'o zhes bya ba'i don to/ /de ltar byas na zla ba drug tshun chad kho nas me long lta bu la sogs pa'i ye shes kyi bdag nyid kyi de bzhin gshegs pa'i bdag por 'gyur ro/ /rtag tu gzhan gyi zhes bya ba la sogs pas ni sngags kyi sdom ba gsungs te/ de ni le'u dgu par rnam par bshad zin to/ /'dod chags rdo rje'i skyo ba mo ni dkar? po zhes bya'o/ /yon tan ska rags zhes bya ba stobs dang mi 'jigs pa la sogs pa'i yon tan rnams kyis brgyan pa'i mA ma kI'o/ /ngag gi rdo rje mchog sems la /zhes bya ba ni gsung rdo rje la gos dkar mo dang/ thugs rdo

  689. 345a

    rje la mA ma kI rnam par snang mdzad bzhan du sbyar bar bya'o/ /rdo rje can gyi zhes bya ba la sogs pas ni sku dang gsung dang thugs kyi bdag nyid can gyi dkon mchog dpal la sogs pa'i rnal 'byor gyis rang gi rigs kyi bu mo nam mkha' rdo rje zhes bya ba la sogs pas lha mo'i gzugs su bsam pa bstan to/ /de ltar byed pa'i rnal 'byor pa la de bzhin gshegs pa rnams shin tu mnyes par gyur nas myur du dngos grub rab tu stsol bar 'gyur ro/ / rigs pa'i brtul zhugs 'dzin pa'i rnal 'byor pa'i dngos grub kyi 'bras bu la thug gi bar du/ zas kyi nges pa bsgrub pa ni zhes bya ba la sogs pa gsungs te/ sgrub po ni blo brtan pas zhes bya ba ni nges par bsgrub na thams cad 'grub par 'gyur ro snyam pa'i nges pa'i blo can te/ seng ge'i sbyod pa spyod pas so/ /de nas der ni shing rgyal po/ /bsgrub pa'i dpa' bo'i gzi byin gyis/ dam tshig 'jigs pas kha zas ni/ bzang po bstar ba ster bar 'gyur/ gal te 'da' bar byed na nags tshal gyi lha sangs rgyas dang 'dra ba yin yang/ rdo rje'i yi ge bzhin du mi phyed par gsungs pa'i dam tshig las 'das pas ma rung bar 'gyur ro/ /lha mo zhes bya ba la sogs pa ni shes par zad de 'on kyang sngar bshad pa'i khro bo la sogs pa rnams kyis zhags pa dang lcags kyu rnams kyis bkug nas bsgrub pa'i rig ma rnams dang lhan cig brtul zhugs spyad par bya'o/ /sku rdo rje la sogs pa'i ye shes don du gnyer ba'i de bzhin gshegs pa rnams kyi sngon gyi dus su 'di nyid kho na bstan pa yin pas na/ rdo rje gsum ye shes bstan pa'o/ /'di ni zhes bya ba la sogs pa ni bshad ma thag pa'o/ /sngags rnams thams cad kyis te/ lha thams cad yang dag par sbyor ba las

  690. 345b

    byung ba'i bde ba chen po rnam par bsgoms na go 'phangs chen po thob par byed pas na de nyid gsang pa'i tshul chen yin no/ /sku rdo rje la sogs pa skyed par byed pa nyid yin pa'i phyir 'khor lo rdo rje gsum 'byung ba'o /de nyid kyi phyir sangs rgyas byang chub rab 'jug pa'o/ /rig pa'i brtul zhugs dam tshig gi de kho na nyid kyi ye shes ston par mdzad pas na dpal rdo rje sems dpa' la de skad ces bya'o/ /dngos grub thams cad kyi dkyil 'khor gyi gnas der mi phyed cid mngon par ste/ rnam pa thams cad du byang chub pa sgrub par bya ba yin pas na/ rdo rje mngon par byang chub pa ste/ gang la ming de skad ces bya ba nyid yod pa de ni dngos grub thams cad kyi dkyil 'khor rdo rje mngon par byang chub pa zhes bya'o/ /le'u bcu drug pa'i rnam par bshad pa'o// //de nas dam tshig rab tu srung bas mngon par 'dod pa'i dngos grub thob par 'gyur bas /de bzhin gshegs pa thams cad kyi dam tshig sdom pa rdo rje byin gyis brlabs kyi rgyal po'i le'u/ de nas bcom ldan 'das zhes bya ba la sogs pas gsungs te/ yang zhes bya ba'i sgra ni 'dus pa bzhi pa la bltos pa nyid yin pa'i phyir ro/ /de ltar byas nas mi bskyod pa la sogs pa de bzhin gshegs pa lnga'i bdag nyid can gyi bcom ldan 'das la don de ston par byed pa'i sgra rnams kyis dam tshig bshad pa'i phyir gsol pa btab pa ni/ mi bskyod rdo rje zhes bya ba la sogs pa yin te/ bdud bzhis bskyod par mi nus pa nyid yin pa'i phyir mi bskyod pa'o/ /mi phyed pa nyid yin pa'i phyir rdo rje'o/ /thog ma dang tha ma med pa'i chos kyi ye shes kyi bdag nyid yin pa'i phyir ye shes che'o/ /sku rdo rje la sogs pa rnams kyi skyed pa'i rgyu nyid yin pa'i phyir rdo

  691. 346a

    rje dbyings so/ /chos thams cad kyi dri ma med pa nyid thugs su chud pa'i phyir mkhas chen po'o/ /rdo rje gsum mchog ni sku rdo rje la sogs pa rnams kyis mchog ste dpal rdo rje sems dpa' o/ /sku la sogs pa'i dkyil 'khor gsum dgyi bdag nyid can yin pa'i phyir dkyil 'khor gsum mo/ /gsang ba de dam tshig la sogs pa bshad du gsol zhes brjod nas phyag 'tshal lo/ /kun tu rnam pa tha dang par snang zhing gsal bas na rnam par snang ba ste/ 'gyur pa la 'gyur bar byed ces bya ba bzhin du rang gi don la byed ba'i rkyen sbyar bar rnam par snang mdzad do/ /dri ma med pa'i me long lta bu'i ye shes kyi ngo bo nyid yin pa'i phyir rab tu dag pa'o/ /des bar 'byed pa'i shes rab thugs su chud pa'i phyir rdo rje'o/ /de nyid kyi phyir nyon mongs pa'i dri ma thams cad zhi bar mdzad na zhi ba'o/ /bcom ldan 'das gang la mchog tu zag pa med pa'i bde ba chen po'i rnam pa mnga' ba de la de skad ces bod pa'o/ /rang bzhin gyis ni 'od gsal chos/ zhes bya ba na me long la gnas ba'i gzugs brnyan lta bu'o/ /gzhan ni bshad zin to/ /ra ni ra te? ste/ mchog tu dga' ba yin zhing/ de 'phel zhing rgyas bar byed pas na rin chen no/ /des mdzes shing 'bar bas na rgyal po'o/ /de nyid ni nam mkha' dang mnyam pa'i ye shes thugs su chud pa'i phyir zab pa'o/ /de nyid ni mi phyed cing dri ma med pa'i snang ba'i bdag nyid yin pa'i phyir rdo rje nam mkha' dri ma med pa'o/ /de nyid kyi phyir ngo bo nyid dag pa'o/ / bsgo bya dang sgo byed med pa'i phyir gos pa med pa'o/ /rin po che'i rigs ni gti mug gi rigs las byung ba nyid dang/ rdzas la rten pa nyid yin pa'i phyir kun tu rmongs pa dang/ sred pa dag la tha dad pa med pas rdo rje'i sku la phyag

  692. 346b

    'tshal lo zhes gsungs so/ /mi phyed cing dpag tu med pa'i ye shes kyi bdag por gyur pa'i phyir rdo rje dpag med rgyal po che'o/ /nam mkha' dang ro gcig pa'i ye shes 'dzin par mdzad pas na mi rtog nam mkha' rdo rje 'dzin no/ /'dod chags rnam par dag pa'i pha rol tu phyin cing son pas na/ 'dod chags pha rol phyin brnyes pa'o/ /mi phyed cing don yod pa'i 'bras bu sgrub par mdzad pa nyid yin pa'i phyir rdo rje dag pa gdon mi za'o/ /de nyid kyi phyir bsam pa thams cad yongs su rdzogs mdzad pa'o/ /dag pa'i ngo bo nyid ni mchog tu bde ba chen po ste de las byung pa'o/ /zhe sdang las byung ba'i phrag dog gi bdag nyid yin pa'i phyir rdo rje sems dpa' o/ /sangs rgyas kun gyi zhes bya ba la sogs pa ni phan yon te go sla ba nyid do/ /rdo rje ni dpal rdo rje sems dpa' o/ /de'i longs spyod ni mi bskyod pa la sogs pa'i sku la sogs pa'i rnam pa ste gang gis bstod na'o/ /de yang zhes bya ba 'dis ni re zhig sgom pa po ni de bzhin gshegs pa nyid du 'gyur zhing 'dod par byed pa yang de'i don la lhag par mos pa'i sgo nas/ sangs rgyas dang 'dra bar 'gyur bar bstan pas/ de'i phyir sangs rgyas 'dra bar 'gyur zhes gsungs so/ /de nas ston pa zhes bya ba la sogs pa ni bshad zin to/ /sangs rgyas kun la ste phyis sangs rgyas su 'gyur ba'i sems can rnams la thugs brtse bas so/ /rdo rje gsang pa'i gsung ni 'chad par 'gyur ba ste/ de nyid dag pa yin zhing de kun tu gsungs pa ni/ e ma'o zhes bya ba la sogs pa ste/ 'jigs pa med pa'i 'bras bu thob par byed pa nyid yin pa'i phyir chos kyi dbyings so/ /mi 'gyur che ni 'chad par 'gyur pa'i dam tshig go/ de nyid nam mkha' bzhin du dri ma med pa yin pa'i phyir nam mkha' dbyings bzhin dri ma med

  693. 347a

    pa'o/ /de nas zhes bya ba la sogs pa ni shes par zad do/ /sangs rgyas kun gyi rdo rje ni/ rnam par snang mdzad yin zhing/ de'i dam tshig ni sangs rgyas kun gyi sku rdo rje'i dam tshig ste de'o/ /sangs rgyas ye shes mtsho ? kyis zhes bya ba ni gti mug gi rigs can gyi rnal 'byor pa rnams kyis te/ me long lta bu'i ye shes kyi rlabs rnams kyis bar du bkrus pas/ gti mug la sogs pa'i skyon ma lus pa dang bral ba'i phyir kha dog bzang po dang ldan pa rnams kyis zhes bya ba'i don to/ /dam tshig bzhin bsrung bar bya zhes bya ba ni rigs thams cad kyi thun mong ba'i srog gcod pa la sogs pa'o/ /khyad par gyi dam tshig ni rin chen 'byung ldan gyi rang bzhin gyi sha chen bza' pa'o/ / rdo rje gsung ni mi 'gyur ches/ zhes bya ba ni chos thams cad la so sor rtog pas rnam par sbyangs pa'i sgo nas snyoms par 'jug pa'i las nyams pa'i rnam par rtog pa med pa'i 'dod chags kyi rigs can gyi rnal 'byor ba rnams kyis so/ /bshad gci dag ni zhes bya ba la/ ni zhes bya ba'i sgra sa ni srog gcod pa la sogs pa bzhi lam gtogs pa rigs gsum gyi dbye bas bzhag pa gzhan las khyad bar du bya ba'o/ /de la bshad pa ni rnam par snang mdzad kyang rang gi ngo po'o/ /gci ba ni mi bskyod pa'i ngo bo ste 'dod chags kyi rigs can gyi rnal 'byor ba rnams kyis rtag tu bza' bar bya'o/ /gzhan ni bshad zin to/ /rdo rje sems dpa' mthu bo ches/ /zhes bya ba ni thog ma dang tha ma med pa'i chos kyi dbyings kyi ye shes la dmigs pa'i sgo nas smras pa la sogs pa'i rnam par rtog pa med pa'i zhe sdang gi rigs can gyi rnal 'byor pa rnams kyis te/ mthu chen ldan la ltung pa med/ ces 'byung ba'i phyir ro//

  694. 347b

    don yod par grub ba'i rang bzhin gyi khrag /'od dpag tu med pa'i rang bzhin gyi khu ba dang sbyar ba nges pa'i blo can rnams kyi rtag tu bza' bar bya'o/ /sku gsung thugs kyi rdo rje yi/ /zhes bya ba la sogs pa ni shes par zad do/ /rdo rje 'dzin gyis te sku rdo rje la sogs pa'i rnal 'byor 'dzin pa rnams kyis so/ /sku rdo rje la sogs pa sgom pa'i sems dpa' ni rdo rje sems dpa' o/ /de nyid ni 'od po che ste dam tshig bsrung ba de ni mngon par 'dod pa'i de bzhin gshegs pa'i rang bzhin du 'gyur zhes bya ba'i don to/ /de nas zhes bya ba la sogs pa ni thams cad du shes par zad do/ /yid bzhin gyi nor bu rin po che lta bu'i rgyud 'di'i mthu dang/ sems can rnams kyi bsam pa'i dbang gi theg pa dman pa la sogs pa'i dngos grub rnams kyang 'grub par 'gyur bas de'i phyir/ rang sangs rgyas kyi dam tshig ces bya ba la sogs pa gsungs te/ de dag lus kyi ston pa ni zhes bya ba la/ rigs ma des pa rnams nyan thos kyi theg pa dang/ theg pa chen por dge ba bsags nas ? che 'phos te/ gsung rab mi gnas pa'i sangs rgyas kyi zhing de dang de rnams su skye bar 'gyur ro/ /de nas de rnams sngon gyi bsod nams las byung ba'i dad ba'i stobs kyis bsgom pa na bzung ba'i rnam pa brtog pa dang bral ba'i 'dzin pa'i rang bzhin gyi ye shes dngos su skye bar 'gyur ro/ /bla ma rnams kyis bstan pa'i de kho na nyid rtogs pa'i tshig gi sgo nas bstan par mi nus pa nyid yin pa'i phyir/ lus kyi rdzu 'phrul dang tshe? 'phrul rnam pa tha dang ba rnams des 'dul ba rnams la rab tu ston par byed do/ /'bras bu de la lhag par mos pa rnams kyis kyang de kho na bzhin du bsgom pa'i sgo nas thams cad bya'o zhes bya ba ni dam tshig go/ sems can 'dzud? pa'i dang tshul te/ zhes bya ba ni sems can

  695. 348a

    rnams kyis bdag gi rnam par rol pa mthong nas yid dga' bar gyur ba rnams bdag cag kyang de bzhin du gyan? cig ces smon lam btab pa'i sgo nas 'jug par 'gyur zhing/ dus phyis de'i 'bras bu yang thob par 'gyur ba'o/ /sreg gcod pa dang ma byin par len pa dang/ 'dod pas log par g.yem ba dang/ rdzun du ? ba dang/ tshig rtsub mo dang/ phra ma dang/ dag 'khyal ba dang/ ba rnab sems dang/ gnod sems dang/ log par lta ba ste/ mi dge ba bcu po de rnams mi byed pa ni dge ba ste de dag nyid las yin zhing/ bsod nams mngon par 'du byed pa'i rang bzhin can te de rnams/ /byed pa ye ges spangs pa rnams/ zhes bya ba ni thabs dang shes rab kyi ? kho na nyid kyi man ngag dang bral ba rnams so/ /mos pa dman pa zhes bya ba ni rang bdag nyid dul ba dang zhi ba 'ba' zhig lhur len cing/ gzhan gyi don spangs pa ste 'bras bu de mngon par 'dod pa rnams kyi dam tshig 'di'o/ /'jig rten las 'das pa'i rnam par dag ba'i tshangs pa ste/ sku rdo rje'i sgrub par byed pa'i dam tshig ni tshangs ba'i dam tshig go/ gti mug ni mchog tu dga' ba ste rang dang gzhan du rnam par 'byed ba'i rnam par rtog pas kun tu rmongs par byed pa'i phyir ro/ /de thob par byad pa'i lam ni yang dag par sbyor ba'o/ /de'i las ni bskyod pa la sogs pa'i rang bzhin no/ /de nyid 'jigs shing mi sdug pa ste/ nyan thos la sogs pa rnams la 'jigs pa bskyed par byed pa nyid yin pa'i phyir ro/ /sangs rgyas byang chub ston pa ste/ zhes bya ba la sogs pas ni 'di skad du bstan pa yin te/ /? da bshad ba'i rnam par snang mdzad? kyi dkyil 'khor gyid bus na 'dug cing de'i rnal 'byor dang ldan pas

  696. 348b

    mchod pa la thug pa'i cho ga byas nas/ mchog tu dga' ba las byung ba rig ma'i pad+ma na gnas pa'i byang chub sems kyi zla ba la tshangs pa'i dbyangs kha dog ser po rnam par bkod la/ de las byung ba'i 'od zer ser po'i tshogs rnams kyis ? dbyings thams cad khyab pa'i de bzhin gshegs pa rnams la kun tu reg nas tshangs pa'i gzugs rnams su byas la bsdus te/ sa bon de la bcug la/ de gyur par byas nas sa bon gsum gyis byin gyis brlabs pa'i tshangs pa bskyod pa/ oM? brjod cing phyung ste/ de 'gro ba rnams zhi bar byed du bcug la de bkug ste rang gi lus la thams cad yongs su gyur par byas nas/ /bdag nyid tshangs pa'i gzugs kun tu ser po zhal bzhi pa/ phyag bzhi pa/ lus rgyas pa rnam pa'i mchog thams? cad dang ldan pa/ rgyan thams cad kyis brgyan pa tshangs pa'i skud pa thogs pa/ ral pa'i thor tshugs la bzhugs pa'i sku rdo rje'i dbang bskur ba dang ldan pa zlu ba'i 'od dang ldan pa'i dad pa'i steng na pad+ma dang zla ba'i gdan la bzhugs pa rang gi kha dog dang phyag mtshan la sogs pa thams cad dang ldan pa/ me tog sna tshogs bcings pa'i thor tshugs can gyi zhal gcig pa'i lha mo rdo rje zhi ba dang snyoms bar zhugs pa/ byu ru'i myi gu'i dbyug pa dang bcas pa'i g.yon pa'i ? ba'i phyag gi rig ma'i nu ma 'dzin pa/ rdo rje rtse gsum pa dang bcas pa'i g.yas bas 'khyud ba/ gzhan dag na 'phreng ba dang spyi blugs bsnams pa'i sku rdo rje bsam par bya'o/ /de ltar 'das ma thag pa bzhin du gsung rdo rje'i rnal 'byor sngon du 'gro bas bdag nyid yi ge a las byung ba'i dbang phyug chen po'i gzugs can sku mdog thal skya/ zhal gcig phyag gsum pa/ zla ba phyed ba dang ldan pa'i ral ba'i thor tshugs la gzhug ba'i gsung rdo rje'i dbang

  697. 349a

    bskur ba dang ldan pa dang/ dril bu btags pa'i ba dan mdzes pa dang bcas pa'i mgo can gyi rdo rje kha TwAM ga phrag pa g.yon pa la brten pa bsnams shing/ phyag gi mthil du bzhag pa'i bdud rtsis yongs su gang ba'i thod pa dang bcas pa'i phyag g.yon pas snyoms par 'jug pas gnas pa'i lha mo dka' zlogs sku mdog ser po rdo rje rang mdud? thung bsnams pa/ me tog sna tshogs bcings pa'i thor tshugs can rgyan thams cad kyis brgyan pa la 'khyud pa/ rdo rje dang bcas pa'i g.yas pas kyang 'khyud nas nu ma 'dzin ma/ stag gi pags pa'i gos gyon pa/ khyu mchog gi steng gi steng na pad+ma dang zla ba'i gdan la bzhugs pa/ zla ba'i 'od dang ldan pa'i gsung rdo rjer bsam par bya'o/ /de nas rang gi ba spu'i bu ga'i gseb nas byung ba'i dbang phyug chen po'i gzugs mdza' yas pa rnams kyis nam mkha' i dbyings khyab pa'i spyan la sogs pa'i tshogs mnyes par bya zhing/ ji ltar snyed pa'i phyi rol gyi btsun mo rnams kyis mnyes par bya'o zhes bya ba ni dam tshig go/ de bzhin du thugs rdo rje'i rnal 'byor sngon du 'gro bas bdag nyid yi ge hUM las byung ba'i khyab 'jug gi gzugs can zar ma'i me tog lta bu'i rin po che'i cod pan dang ldan pa'i ral pa'i ther tshugs mnga' ba thugs rdo rje'i dbang bskur ba dang ldan pa/ phyag bzhi pa rdo rje rtse gsum pa dang/ dud dang bcas pa'i g.yas pa dang g.yon ba'i rtsa ba'i phyag dag gis rang dang rjes su mthun pa'i kha dog la sogs pa dang ldan pa/ phyag gnyis pa me tog rnam pa tha dad pa bcings pa'i thor tshugs can/ rgyan sna tshogs kyis brgyan pa/ dam tshig dang rjes su mthun pa'i lha mo

  698. 349b

    rdo rje gser mdog la 'khyud nas/ gzhan dag gis 'khor lo dang mnga' ces bsnams pa/ nam mkha' lding gi steng na pad+ma dang nyi ma la bzhugs pa/ nyi ma'i 'od 'bar ba mnga' ba'i thugs rdo rje bsam par bya'o/ /de nas rang gi ye shes byung ba'i 'od zer gyi sgo nas spros pa'i khyab 'jug gi gzugs mdza' yas pa rnams kyis sems can thams cad bsad la/ slar de rnams yi ge hUM las byung ba'i mi bskyod pa bskyed nas mngon par dga' ba'i 'jig rten gyi khams su kun tu bkod de/ khams gsum pa'i chos kyi rgyal srid kyi gdan la 'dug pas de bzhin gshegs pa thams cad kyis ji lta ba bzhin du dbang bskur bar bya'o/ /rdo rje mkha' dbyings bdag nyid kyang/ zhes phul du byung ba bstan pa'i sgo nas rnal 'byor pa rnams la yid ches pa skyed par byed do/ /rdo rje'i sku ni tshangs par 'gyur zhes bya ba la sogs pa ni gsal bar byas zin to/ /de ni nye bar mtshan pa yin te/ gzugs de dang de la mngon par zhes pa'i sems can rnams kyi don bya ba'i phyir brgya byin la sogs pa'i gzugs rnams su yang 'gyur ro/ /dngos po gang dang gang dag gis/ /lus can rnams ni 'dul 'gyur ba/ /brtse ldan thugs rje'i dbang gyur ba/ /de dang de ni bston par mdzad/ /zhes 'byung ba'i phyir ro/ /sha dang khrag ? lhur len pas snga ma bzhin du 'jam pa'i rdo rje rnal 'byor gyis gnod sbyin ma bskyed la/ de dang yang dag par sbyor ba'i sgo nas bsgrubs na/ dam tshig nyams su blangs pas myur du 'grub par 'gyur ro/ /klu'i rgyal po ni chu lha la sogs pa rnams yin zhing/ /rnams kyi btsun mo ni chung ma klu mo chags pa dang ldan pa rnams bsgrub par 'dod cing 'o ma 'thung ba lhung len pa dang/ phra ma can te/ lus dris byugs pas de kho na bzhin du bkug ste mnyes par 'grub par 'gyur ro/

  699. 350a

    gang zhig de ltar mi byed pa de ni nyon mongs pa nyid 'ba' zhig tu 'gyur gyis 'bras bu thob par mi 'gyur ro/ /khro bo'i sems dang ldan zhing mngon pa'i nga rgyal dang bcas pa dri dang me tog la mngon par dga' ba/ khro bo rdo rje sa 'og gi rnal 'byor gyi lha ma yin gyi bu mo rnams bsgrub bar bya'o/ /pags pa'i phye ma'i spos dang/ til mar chen po dang/ glang po dang/ rta'i zhag rnams srin mo rnams la sbyin par bya zhing rang bzhin kyang bza' bar bya'o/ /'di ni srin mo rnams 'ba' zhig gi ma yin gyi/ 'byung po rnams kyi dam tshig kyang yin no/ /gtsang ma zhes bya ba ni sngags kyi mngon par 'dus byas pa 'am/ rang bzhin gyi yongs su dag pa nyid yin pa'i phyir ro/ /rdo rje mkha' 'gro'i sbyor ba yis/ /zhes bya bas ni 'di skad du bstan pa yin te/ rdo rje 'chang chen po'i rnal 'byor dang ldan pas mchod pa la thug pa'i cho ga'i rjes thogs la rang gi rig mar pad+ma na gnas pa'i byang chub sems kyi zla ba la/ dpa' bo bde mchog gi rgyud phyi ma las gsungs pa'i dpal he ru ka'i dkyil 'khor pa'i lha mo rnams ni sa bon yi ge h+ri la sogs pa gang yang rung ba rnam par bkod la/ de las byung ba'i 'od zer rnams kyis nam mkha' khyab pa'i de bzhin gshegs pa rnams la kun tu reg ste/ dkar mo la sogs pa mngon par 'dod pa'i rdo rje mkha' 'gro ma rnams kyis gzugs su byas la/ de rnams lcags kyu'i rnam pa can gyi 'od zer rnams kyis bkug ste/ sa bon de la bcug la/ de yongs su gyur par byas nas dkar mo la sogs ba'i mngon par 'dod pa'i rdo rje mkha' 'gro mar bskyed la/ sa bon gsum gyis byin gyis brlabs

  700. 350b

    ba/ sa bon nyid brjod cing phyung la/ de sems can gdug pa rnams kyi khrag dang snying dbyung ba la sogs pa'i sgo nas gson du bcug la/ de rnams kyi rnam par shes pa snga ma bzhin du mi bskyod pa'i gzugs su bskyed nas de bkug ste bar gi lus la bcug la/ thams cad gyur par byas nas/ bdag nyid dkar mo la sogs pa rdo rje mkha' 'gro ma'i gang yang rung ba'i gzugs su bsam par bya'o/ /de la re zhig dkar mo ni/ sku mdog dkar po phyag gnyis pa/ zhal gcig pa/ tho? pa la bzhugs pa/ mi bskyod pa'i cod pan dang ldan pa/ me tog sna tshogs bcings pa'i thor tshugs can/ rnam pa'i mchog thams cad dang ldan pa rgyan thams cad kyis brgyan pa/ pad+ma 'dab ma sna tshogs pa la gnas pa'i nyi ma'i dkyil 'khor la zhabs g.yon pa brkyang pas bzhugs pa/ nyi ma 'bar ba'i 'od mnga' ba/ dpal rdo rje mkha' 'gro dang snyoms par zhugs pa/ rna rtse'i bar du bkang ba'i gzhu dang/ rnam par thar pa'i sgo stong pa nyid la sogs pa'i rang bzhin can gyi mda' bzhis mya ngan las 'das pa'i rang bzhin can gyi tshangs pa gdong bzhi ba'i mgo bo rab tu 'bigs par mdzad cing bzhugs pa'o/ /lhag ma rnams ni dpal bde mchog las shes par bya'o/ /de rnams ni bshad gci dang khrag za ba dang chang 'thung ba la mngon par dga' ba la 'grub par 'gyur ro/ /gnas kyi mtshan nyid bshad par bya/ zhes bya ba ni 'dis zla ba phyed na 'chi bar 'gyur ro zhes bya ba'i tshig gi don shes par byas nas/ snying dbyung ba la sogs pa'i sgo nas bsad la/ mi bskyod pa'i gzugs su bskyed par bya'o/ /de rnams kyi rang bzhin gyis 'grub pa'i rnams te/ de rnams nyid kyi phyir khams gsum na rnam pa tha dad par spyod pas na rnam par spyod pa'o/ /sems

  701. 351a

    can kun la zhes bya ba la sogs pa ni/ bshad zin to/ /gang la khams gsum thams cad kyi rdo rje dam tshig gis te/ rdo rje mkha' 'gro ma rnams kyi rjes su 'brang ba ste rnal 'byor pa rnams kyi rgyud de'i rang bzhin du bya ba yod pa de la de skad ces bya'o/ /lus kyi rnam pa thams cad ni/ zhes bya ba ni srog gcod pa dang/ ma byin par len pa dang/ 'dod pas log par g.yem pa dang gsum mo/ /rdo rje las ni byung bas bya/ zhes bya ba la/ sku rdo rje'i rnal 'byor dang ldan pas rang gi gsang ba'i rdo rje las byung ba'i rtag pa'i tshogs mi bskyod pa dang rnam par snang mdzad kyi gzugs can gyi 'od dpag tu med pa'i nga rgyal dang ldan pa rnams go rim bzhin du khams gsum par rtogs pa'i sems can rnams bsad ba dang rdzas 'phrog pa dang/ bud med bsten pa byed du bcug ste/ sems can de rnams kyang ci rigs bar mi bskyod pa dang rnam par snang mdzad kyi gzugs can gyi byang chub sems dpa' dang/ rig ma'i tshogs mdza' yas pa dang ldan pa'i gsung rdo rjer yongs su bskyed cing/ rang rang gi 'jig rten gyi khams na gnas pa rnams la de bzhin gshegs pa rnams kyis dbang bskur bar bya'o/ /de nyid ni sems can khams ni thams cad du/ /rtag tu sangs rgyas sku byed pa'o zhes bya bas gsungs so/ /tshig gi las gnas ma lus pa/ zhes bya ba ni rdzun du smra ba dang/ phra ma dang/ tshig rtsub po dang/ dag bkyal ba dang bzhi'o/ /de nyid ni sgra brnyan gyi sgra dang mtshungs pa dang/ sgra dang don dag la 'brel pa med pa'i phyir khams gsum dri med brgyan pa'o/ /gzhan ni go sla'o/ /yid kyi rdo rje rang bzhin kun/ zhes bya ba ni/ gzhan gyi rdzas rnams la/ shin tu chags pa dang/ gzhan la gnod pa bya ba'i

  702. 351b

    sems dang/ spyin sreg la sogs pa las rnams kyi 'bras bu de dang de med pa'o/ /zhes bya ba la sogs pa yid kyi rnam pa gsum ste/ de rnams thams cad kyang sku rdo rje la sogs pa'i rang bzhin dang gzhan la phan 'dogs pa dang/ rang bzhin gyis 'od gsal bar mngon sum du byed cing bya'o/ /rdo rje ni don dam pa byang chub kyi sems yin zhing de bsam pa brtan pas 'dzin par byed pas na/ rdo rje brtan pa 'dzin pa ste/ sgrub pa po'o/ /rdo rje mi phyed ces bya ba la sogs pa ni shes par zad do/ /sems can rdzogs bar bya ba'i phyir mi phyed pa'i dam tshig ston par mdzad pas na/ dam tshig sems dpa' rdo rje ste dpal rdo rje sems dpa' o/ /rdo rje thams cad kyis de nyin dang mtshan du de bzhin gshegs pa la sogs pa bsgom par byed pa rnams kyi shes pa dang skyob pa'i bdag nyid can gyi dam tshig ni rdo rje thams cad kyi sngags kyi dam tshig ste de'o/ /sangs rgyas zhes bya ba la sogs pas ni skud ris su byas pa la sogs pa'i rnam pa dang/ rang gi bsod nams kyis byin gyis brlabs kyis dngos su mig gi spyod yul du gyur pa rnams la/ nyin dang mtshan du yang dag par sbyor ba sgom pa'i bsgrub pa pos/ lus dang ngag dang sems kyis dmigs pa'i sgo nas phyag mi bya par bstan to/ phyag btsal na nyes pa cing 'gyur zhe na/ de'i phyir ma rung 'gyur zhes bya ba gsungs te/ brtan pa dang g.yo ba'i dngos po thams cad kyi bdag nyid can gyi rnal 'byor sgom pa po la tha dad pa'i blos sangs rgyas la sogs bar rtog pa med pa dang/ khyad par du 'phags pa'i nga rgyal gyis gnas pa nyid yin pa'i phyir dam tshig nyams pa nyid du 'gyur te/ de'i phyir ma rung par 'gyur ro/ /thams cad du rgyab pa nyid kun tu rdo rje sems dpa' zhes bya ba la sogs pas

  703. 352a

    gsungs te/ yi ge gsum las byung ba kun tu khyab pa sku rdo rje'i bdag nyid kyi dkyil 'khor ni/ rnal 'byor pa thams cad kyis sgom par bya'o/ /sdom pa gnyis la gnas pa'i rnal 'byor bas gsung rab kyi gzhung bzhin du/ slob dpon la sogs pa rgan po thams cad la phyag bya ba'i phyir/ cho ga gzhan sems can khams zhes bya ba la sogs pas gsungs te/ phyag bya ba'i phyir skad cig gi sems can dpal rdo rje sems dpa' la sogs pa rang gi 'dod pa'i lhar dmigs la/ de'i nga rgyal dang ldan pas bdag nyid de dang lhan cig tha mi dang par bsgom pa'i sgo nas phyag bya ba'o/ /de'i phyir/ bsam gtan rdo rjes bskul bar bya/ zhes bya ba gsungs te/ de ni rdo rje mchog gi phyag yin no/ /mi phyed pa'i ye shes las byung ba nyid yin pa'i dam tshig rdo rje las byung ba'o/ /sku rdo rje'i rnal 'byor dang ldan pas sangs rgyas spyan du lhag par mos par byas la btung par gyur bas de la phyag bya'o/ /phyag bya bar 'os pa rnams la phyag bya ba'i 'du shes yod mod kyi 'ga' la yang phyag byas pa med de/ bcom ldan 'das kyis/ bdag nyid rdo rje skur sbyor bas/ sa ni spyan du bsam byas nas/ mgo bo btud nas phyag byas te/ 'ga' la'ang phyag ni byas pa med/ /ces gang gsungs pa'o/ /bsnyen pa la sogs pa'i sgrub pa la zhugs pa'i rnal 'byor pa rnams kyis nyin re zhing bdud rtsi lnga'i mchod pa rnams kyis nam mkha' kun tu bkang ste/ de bzhin gshegs pa thams cad la mchod pa bya dgos pas/ de'i phyir rdo rje bshad gcis/ zhes bya ba la sogs pa gsungs te/ de ni go sla'o/ /mi snang ba la sogs pa'i dngos grub sgrub pa'i thun bzhir ji lta ba

  704. 352b

    bzhin du yang dag par sbyor ba las byung ba'i byang chub kyi sems rig ma'i pad+ma na gnas pa rang gi khas blang par bya ba'o/ /rdo rje 'chang la sogs pa'i rnal 'byor ba rnams la mi snang ba'i dngos grub sgrub par byed pa nyid yin pa'i phyir rdo rje rdzogs ? pa'o/ /rdo rje'i rig pa 'dzin pa'i dngos grub 'thob par bya ba'i phyir rnal 'byor bas spyi bor rdzogs pa'i sangs rgyas bsam par bya'o/ /de ltar byas na rdo rje'i rig pa 'dzin pa'i grub pa'i khro bo thams cad kyis thub par mi nus par 'gyur ro/ / las dang po pa'i rnal 'byor pa rnams kyi dam tshig ni sngags 'chang las dang po thams cad kyi dam tshig ste de'o/ /lus kyi rdo rje kha zas dang/ zhes bya ba bza' ba'i dus su bdag nyid yi ge oM las byung ba'i sku rdo rjer bsams la/ phyi rol rdo rje 'dzin pa dang/ zhes bya ba bza' ba dang bca' ba dang myang ba dang bzhib pa dang/ bdud rtsi lnga dang bcas pa'i myos par byed pa dang/ myos par byed pa ma yin pa'i btung ba la sogs pa dang/ gzugs dang sgra la sogs pa dang/ phyi rol gyi brtags pa'i ngo bo rnams la/ yi ge hUM las byung ba'i rdo rje 'chang chen po'i rnam par dmigs te/ kha dbye ba'i cho ga bya/ zhes bya ba yi ge a las byung ba'i rdo rje chos kyis byin gyis brlabs pa'i kha phye la zas bza' ba la sogs pa bya'o/ /kha cig mdo don zhes 'don te/ de ni nyin dang mtshan du sgom pa byed pa la/ bcom ldan 'das kyis 'di nyid las glegs bam klag par mi bya'o zhes bkag pa yin no/ /las dang po bas ni rdo rje chos kyi nga rgyal dang ldan zhing sgra yang de'i rnam par byin gyis brlabs la klag par bya'o/ /bza' ba bya ba dang za bar byed pa dang/ de'i bya ba yongs su dag pa ston par mdzad pas na/ ngo bo nyid dag pa rdo rje ste dpal rdo rje sems dpa' o/ /me long

  705. 353a

    lta bu la sogs pa'i ye shes lnga 'dzin pas na rdo rje 'dzin par thams cad te rdo rje 'chang chen po'o/ /de'i sku dang gsung dang thugs rnams la/ so sor rtog pa'i bdag nyid can gyi shes rab ni rdo rje snying po zhes bya ba ste/ de ni de bzhin gshegs pa thams cad kyi thugs ka na gnas pa nyid yin pa'i phyir ro/ /de nyid rdo rje mnyam pa nyid ste sku rdo rje la sogs pa mi dmigs pa'i mtshan nyid mngon du byas nas/ de kho na nyid brjod du med pa'o// zhes gdul bya rnams la bstan par bya ba'i phyir cang mi gsung par gyur to/ /de nas yang zhes bya ba la sogs pa ni rnam par bshad zin to/ /rdo rje la sogs pa'i rigs lnga las nges par byung pa nyid yin pa'i phyir rigs kyi bu ste/ byang chub sems dpa' thams cad yin zhing de rnams la bod pa'o/ /sku dang gsung dang thugs rdo rje rnams kyi ngo bo nyid dmigs med pa ni de bzhin nyid do/ /de nyid rang rang gi ngo bo las mi 'gyur bas ni yi ge'i tshig go /de bzhin nyid kyi don kho na bstan par bya ba'i phyir/ ngo bo nyid med pa zhes bya ba la sogs pas gsungs te/ ngo bo nyid dang bral ba nyid yin pa'i phyir ngo bo nyid med pa'i yi ge'i tshig go /de'i phyir brjod du med pa'i de kho na nyid ste/ de rnam par bsam nas cad mi gsung bar bzhugs so/ /rigs kyi bu zhes bya ba la sogs pa ni shes par zad do/ /sku ni mi 'gyur skye ba med/ ces bya ba la sogs pa ni snga ma bzhin no/ /de nyid kyi phyir nam mkha' dang 'dra ba yin pas bzung ba dang 'dzin pa la sogs pa'i rnam par rtog pas gzung ba gang yin pa de ni don dam pa rnam par dpyad na log par bzung ba kho na yin no/ /de nas 'jam dpal la sogs pa zhes bya ba la sogs pa ni go sla'o/ /gsung

  706. 353b

    skye ba med pa'i zhes bya ba la sogs pa gsungs te/ skye ba med pa'i rdo rje mngon par byang chub pa/ zhes bya bas ni rgyu rigs mthun pa las/ 'bras bu yang rigs mthun par 'byung ngo zhes bstan te/ de skad du yang/ bde chen las byung byang chub ? nam mkha' dang ni mtshungs par 'dod/ /'gro kun de'i mtshan nyid de/ /nam mkha' de la mtshan nyid med/ /ces gsungs so/ /bzod ma nas ma skyes pa'i mchog tu zag pa med pa'i bde ba chen po gang la bdag dang gzhan la sogs pa rnam pa 'byed pa'i rtog pa'i mtshan nyid kyi ngo bo nyid dang bral ba yod pa de la de skad ces bya'o/ /de nyid mi 'gyur ba ste 'jig pa med pa'i phyir ro/ /de las byung ba zhes bya ba ni rtseg pa bsal nas/ nam mkha' bya'o zhes bya ba la sogs pa'i tha snyad dang mtshungs par byung ba'o/ /de'i phyir de bzhin gshegs pa thams cad kyi mngon du mdzad pa'i byang chub ni zhes bya ba la sogs pa'i rnam par rtog pa'i spyod yul nyid ma yin pa'i phyir shes par bya ba ma yin no/ /gang gi phyir de lta yin pa de bas na rang gi rig par bya ba'i byang chub kyi rtogs pa skye ba med pa nam mkha' dang mtshungs shing brjod du med pa ni/ don dam par bcom ldan 'das kyis tshig gi sgo nas bstan par mi spyod de/ de'i phyir tshangs pa la sogs pa rnams bcom ldan 'das la de lta bu'i sems bskyed du zin kyang/ 'on kyang de rnams la sa bon dang rten bzhin du sga dang don dag la 'brel pa med pa'i phyir bstan pa'i tshig ni brjod du med cing phyin ci log gi rang bzhin kho na yin no zhes bstan par bya ba yin no/ /khyab par byed pa nyid du bstan par bya ba'i phyir/ rigs kyi bu zhes bya ba la sogs pa gsungs te/ de ni go sla'o/ /de ci'i phyir zhe na/ zhes byang chub sems dpa' rnams kyis dris pa'i lan gdab pa'i phyir/ kye ma zhes

  707. 354a

    dpal rdo rje sems dpa' gang la de rnams las grub pa'i bdag nyid de sku yod pa de la de skad ces bya'o/ /shes rab kyi ngo bo nyid med pa yin pa'i phyir rdo rje chen po'i bdag nyid do/ /chos rdo rje'i de kho na nyid ni mi phyed pa'i chos kyi sku'i rang bzhin can gyi mchog tu zag pa med pa'i bde ba chen po yin zhing/ de nyid bsad pa'i yi ge chen po ste/ de mi shes bzhin du tshig gi sgo nas 'chad do/ /zhes de snyam du rdo rje 'chad chen po la de rnams kyis brnyes par 'gyur ro/ /de'i phyir bstan pa'i tshig la dpyad pa ma byas pa kho na legs pa yin pa'o/ /de bzhin gshegs pa rnams kyis de skad gsan nas/ rang gi phyogs bstan par bya ba'i phyir/ byang chub sems dpa' sems dpa' chen po khyed ces bya ba la sogs pa gsungs te/ byang chub sems dpa' chen po ni tshangs pa la sogs pa rnams te/ sa'i snying po la sogs pa rnams ni thams cad mkhyen pa kho na yin no/ des ni 'di skad du bstan pa yin te/ tshangs pa la sogs pa rnams kyis brnyas su zin kyang/ 'on kyang kho bo cag gis ni/ chos nyid ji ltar gnas pa'o na bzhin du bstan par bya ba yin gyi/ sems can rnams bslu bar bya ba na mi yin no/ /de bzhin gshegs pa thams cad kyi sku dang gsung dang thugs gsang ba mi 'gyur ba ni rang bzhin mnyam pa nyid du ro gcig pa'i gnyis su med par yang dag par sbyor ba las byung ba'i bde ba chen po'o/ /brnyes nas kang zhes bya ba ni mngon sum du mdzad nas kyang ngo/ /de nyid ni skye ba med pa rtogs pa'i rang bzhin can nyid yin pa'i phyir byang chub ste de mi shes pa'o/ /de ci'i phyir zhe na/ zhes byang chub sems dpa' rnams dri ba byas pa'i lan du

  708. 354b

    rdo rje ni sku rdo rje la sogs pa'i rang bzhin ston par byed pa ste/ bstan par bya ba'i don brjod pa'o/ /de la phyin ci log kun 'byung bar mi brtag tu gsol/ /zhes byang chub sems dpa' rnams kyis de bzhin gshegs pa rnams la bkag pa'o// de ci'i? slar du zhe na/ ste rgyu ci'i phyir zhe na/ de bzhin gshegs pa rnams kyi dri ba mdzad pa na/ lan du de bzhin gshegs pa thams cad ces bya ba la sogs pa gsungs te/ 'di ltar de bzhin gshegs pa thams cad kyi sku dang gsung dang thugs nyid rdo rje dbyings so/ /de rnams kyi ngo bo nyid spyod pa ni/ thams cad kyi gzugs su ston pa'i sgo nas 'gro ba ma lus pa'i don sgrub pa'i rnams pa'o/ /de rnams su 'gro ba ni de bzhin gshegs pa thams cad kyi bdag po sa bcu'i dbang phyug rnams kyi don bya ba'i phyir longs spyod rdzogs pa'i sku rnams su yongs su gyur pa'o/ /rjes su ste phyi nas 'gro zhing des 'dul ba rnams kyi don du sprul pa'i sku rnams yongs su gyur pas na/ rjes su 'gro ba ste/ rjes su 'gro ba nyid ni rjes su 'gro ba ste slar de bzhin gshegs pa rnams kyi dri ba mdzad pa ni/ lan du tshangs pa la sogs pa zhes bya ba la sogs pa gsungs te/ skabs 'dir ni las dang po pa'i byang chub sems dpa' byang chub du sems bskyed pa 'jig rten pa kho na yin par rtogs par bya'i/ /tshangs pa la sogs pa'i gzugs can gyi sku rdo rje la sogs pa rnams ni ma yin te/ /de rnams la the tsom med pa'i phyir ro/ /mngon par shes pa thob pa tsam gyis ni dngos po thams cad ji lta ba bzhin du yongs su shes pa ma yin te/ de'i phyir mi shes nas 'di snyam du rdo rje'i bdag nyid ces bya ba la sogs pa rnams par rtogs te/ rdo rje ni de bzhin gshegs pa thams cad kho na yin zhing bcom ldan 'das

  709. 355a

    bya ba la sogs pa gsungs te/ khye ma zhes bya ba'i sgra ni nges par bzung ba'o/ /'di dag ces bya ba ni thugs la gnas pa ste/ sems can gyi khams su gtogs pa ji snyed yod pa rnams so/ /chos kyi sku la sogs pa thams dang/ sku gsung thugs rdo rje rnams kyi chos nyid ni nges par 'byed pa'i shes rab bo/ /rten pa'i phyir zhes bya ba ni de bzhin gshegs pa rnams kyi dgongs pa'i dbang gi sku rdo rje gsum gyis bdag nyid can rang gi snying ga nas gnas pa'i shes rab rig ma'i gzugs su yongs su gyur pa la 'khyud nas gnas pa'i sems can thams cad kyis gnyis su med par yang dag par sbyar ba'i bde ba chen po'i rang bzhin mthong bar 'gyur bas sku gsum dang rdo rje gsum gyis chos nyid la brten pa'o/ /sku gsung thugs rdo rje'i ye shes ni rdo rje gsum mi phyed pa'i thabs dang shes rab kyi bde ba chen po ste/ de thob pa'o/ /bcom ldan 'das kyang de bzhin gshegs pa rnams kyi phyogs zhal gyis bzhes pas/ de bzhin gshegs pa thams cad dang/ byang chub sems dpa' rnams la 'di skad du ngo bo nyid kyi dag pa'i zhes bya ba la sogs pa gsungs te/ brjod bya brjod par bya ba ba'ang min/ zhes bya bar sbyar ro/ /thams cad la khyab pa'i chos dang longs spyod rdzogs pa dang sprul pa'i sku rnams dang/ rdo rje gsum ni rang bzhin gyis dag pa nyid yin pa'i phyir/ ngo bo nyid kyis dag pa'o/ /de'i bdag med pa ni chos thams cad stong pa'i snyam du so sor rtog pa mtshan nyid can gyi shes rab ye shes te/ de nyid thabs kyi stobs kyi rig ma'i gzugs su gyur pa'o/ /de dang yang dag par sbyor ba las byung ba'i bde ba chen po gang yin pa nyid ni stobs dang mi 'jigs pa la sogs pa sangs rgyas kyi yon

  710. 355b

    'byor chen po'i cho ga'i rjes thogs la de kho na bzhin du rang gi rigs ma bskyed de/ de dang yang dag par sbyor ba'i dus su rang gi spyi bor rdo rje 'chang chen po dbang bskur ba rab tu ster zhing sngar bshad pa'i zhal dang mtshon cha la sogs pa dang ldan pa 'od zer kun nas 'phro ba bsam par bya'o/ /bsgom pa des ni rdzogs pa'i byang chub kyi 'bras bu myur du 'thob par 'gyur ro/ /rdo rje'i sku zhes bya ba de nye bar mtshon pa yin te/ mi bskyod pa dang/ dkon mchog dpal dang 'od dpag tu med pa dang ngon yod par grub pa'i rnal 'byor pa rnams kyis kyang dbang bskur ba'i don du spyi bor rdo rje 'chang chen po nyid bsgom par bya'o/ /kun la zhes bya ba smos pa ni dkyil 'khor pa las phyi rol gyi lha sgom pa po rnams kyis kyang ji ltar mthun pa bzhin du rang gi rigs kyi dbang bsur ba brtan par bya'o/ /rigs kyi bye brag gis zhes bya ba la/ spyan dang sa'i snying po dang 'phags pa gshin rje gshed dang/ byams pa dang byams pa'i rnal 'byor pa rnams kyi spyi bo la rnam par snang mdzad dang/ de bzhin du mA ma kI la sogs pa'i rnal 'byor pa rnams kyis ni rang gi rigs kyi de bzhin gshegs pa'i dbang bsur ba'i go 'phang bsgom par bya zhing/ 'phags pa gzhan gyis mi thub pa dang/ 'phags pa bdud rtsi zhes bya ba'i rnal 'byor pa dag gis mi bskyod pa'i dbang bskur ba bsam par bya'o/ /gal te de ltar ma bsgoms na phyag rgya chen po 'grub par mi 'gyur ro/ /rig ma dang yang dag par ldan pa'i la sgrub par byed cing mi phyed pa'i gsang ba ste dbang bskur ba ston par mdzad pas na/ rig pa'i skyes bu rdo rje gsang bar ste dpal rdo rje sems dpa' o/ /phyi dang nang gi bdag nyid can gyi sa dang chu dang me dang

  711. 356a

    kyis lus ni 'thob par 'gyur/ /sems kyi chos ni ston pa ste/ /sems kyis byang chub thob par 'gyur/ /zhes bya ba la sogs pa bstan pa'i phyir ro/ /'di la ngo mtshar ba ci zhig yod ce na/ gang du zhes bya ba la sogs pa gsungs te/ bstan pa gang du don dam par lus dang ngag dang/ sems nye bar dmigs pa med pa'i med pa der kun rdzob tu gzugs rnam par bsgom pa zhes bya ba ni ngo mtshar ba yin no/ /de nas zhes bya ba la sogs pa ni rnam par bshad zin to/ /rdo rje gsum ni tshangs pa la sogs pa ste/ de rnams kyi ni nyan thogs rnams so/ /de rnams kyi chen po ni rang rgyal ba rnams so/ /de rnams kyi mchog ni sa dang po nas bzung ste sa bcu pa'i dbang phyug gi bar gyi byang chub sems dpa' rnams so/ /de rnams las kyang mchog ni 'di'i dkyil 'khor ba rnams so/ /rdo rje gsum gyi bdag nyid can de rnams kyi sku dang gsung dang thugs mi phyed pa'i bdag po ni/ rdo rje gsum gyi mnga' dbang mchog go/ rig pa'i skyes bu bsgom pa'i phyir/ /zhes bya ba ni bsgrub pa chen po'i nyams su/ /spyi bor bdag po bsgom par bya/ /zhes bya ba la sogs pa gang bshad pa de nyid bstan par bya ba'i phyir yang dran par byed pa'o/ /mkha' dbyings ni btsun mo'i pad+ma'o/ /de nyid mchog tu dga' ba 'byung ba nyid yin pa'i phyir rdo rje'o/ /de'i dbus na gnas pa'i sangs rgyas dkyil 'khor ni rnam par snang mdzad kyi'o/ /rdo rje sku ni rab bsgoms nas/ spyi bor rdo rje rab tu bsgom// zhes bya bas ni 'di skad du bstan pa yin te/ rig ma'i brtul zhugs spyad cing lha rnams kyis rjes su snang ba'i rnal 'byor pas rang gi dkyil 'khor du sku rdo rje'i rnal 'byor ji lta ba bzhin du byas la/ rjes su rnal 'byor dang rnal

  712. 356b

    tan gyi tshogs kyi rang bzhin gyi chos rnams dang tha mal pa'i phung po la sogs pa rnams kyi bskyed pa'i sa bon nyid yin pa'i phyir chos kyi dbyings so/ /de nyid rten dang brten pa'i rtog pa med pa'i phyir gnas med pa'o/ /de'i rdo rje ni bshad ma ? pa'i sa bon du gyur pa'i byang chub kyi sems so/ /de la byung ba ni kun rdzob kyi rang bzhin gyi 'jig rten pa dang 'jig rten las 'das pa'i rtog pa ji snyed pa yod pa ste/ de skad du yang bcom ldan 'das kyis so/ /shes rab thabs byung sa bon ni/ byang chub sems zhes bya bar brjod/ /de las sangs rgyas yang dag byung/ /gnas de thob nas mya ngan las/ /de ni sangs rgyas chos rnams dang/ /dngos grub kun gyi sa bon nyid/ /'jig rten khams gsum khams gsum pa/ thams cad de las yang dag byung/ /zhes bya ba la sogs pa gsungs so/ /brjod bya zhes bya ba ni/ kun rdzob tu bstan par bya ba yin pa'o/ /brjod par bya ba'ang min zhes pa ni/ don dam pa la brten nas ni bstan par bya ba dang/ sten par byed pa dag med pa yin pa'i phyir ro/ /de nas de bzhin gshegs pa thams cad kyis bcom ldan 'das la phyag 'tshal nas/ bcom ldan 'das zhes bya ba la sogs pas dris te/ yang dag bar 'byung zhes bya ba ni skye ba'o/ /gzhan ni bcom ldan 'das nyid kyis rab tu rnam par phye'o/ /de ltar bcom ldan 'das las dngos grub thams cad kyi 'byung ba dang gnas pa'i nges pa rtogs nas/ de bzhin gshegs pa rnams dang/ byang chub sems dpa' rnams ngo mtshar du gyur cing/ nam mkha' ni ci la yang mi gnas so zhes bya bas ni rmad du gyur to/ /kye ma'o zhes bya ba la sogs pa la/ rdo rje zhes bya ba ni thugs rdo rje'o/ /rdo rje tshig smra ba zhes bya ba ni gsung rdo rje'o/ /de ga las she na/ sems

  713. 357a

    rlung gi khams su gyur pa'i 'phags ma spyan la sogs pa'i lha mo rnams kyis kun tu bzang mo dang snyoms par zhugs pa'i rdo rje 'chang chen po la sogs pa 'dod pa'i lha gang yang rung ba'i gzugs can bdag nyid phyi dang nang gi longs spyod rnams kyis tshim par byed par bsam par bya ba yin pas de'i phyir 'byung ba dag tu zhes bya ba la sogs pa gsungs te/ khyu mchog 'o na ting? mnyes par 'gyur/ zhes bya ba ni rdo rje sku gsum gyi bdag nyid can gyi rdo rje 'chang chen po'i sogs pa rnams so/ /gang zhig 'di dag ces bya ba la sogs pa ni go sla'o/ /de ltar zhag bdun gyi bar du byas na bsgrub pa de la zhugs pa'i sgrub pa pos sku gsum gyi dngos grub 'thob par 'gyur ro/ /slar zhes bya ba'i sgra ni sngar bshad pa'i sku rdo rje la sogs pa'i dam tshig la bltos pa yin pa'i phyir ro/ /yang zhes bya ba ni nges par gzung ba'i don can yin par thams cad du rtogs par bya'o/ /sku rdo rje la sogs pa'i sgrub pa po rnams la mdor bsdus nas bstan pa'i phyir bsdus pa ste/ de nyid gsad zhing mchog tu gsad pa'o/ /lus dang zhes bya ba la sogs pa la/ lus dang ngag dang sems gyi bdag nyid can gyi dam tshig ni 'da' bar mi bya ba ste/ des phyag rgya chen po'i kha dog dbyibs la sogs pa'i don brtag par bya'o/ /ji ltar zhe na/ cho ga bzhin du kun bsgoms nas zhes bya ba gsungs so/ /de la cho ga ni 'di yin te/ sngar bshad pa'i sgrub thabs kyi tshul bzhin du byang chub kyi sems bsgom pa sngon du 'gro ba can gyi sgrub pa'i dkyil 'khor bskyed la/ de'i dbus kyi gdan la gnas pas de kho na bzhin du rnal 'byor dang rjes su rnal 'byor dang rnal 'byor chen po dang shin tu rnal 'byor dang mchod pa'i cho ga'i

  714. 357b

    rjes thogs la lha'i 'khor lo phyung ste/ rang gi las rnams la sbyar nas slar bkug ste gnas ji lta ba bzhin du gnas par byas la/ rang rang gi rig ma rnams dang yang dag par ldan par byas te/ rang gi phyag rgya chen po rnam par dgod pa la brtson zhing bde ba chen po'i mthu'i gzhan gyi dbang du gyur par bsam par bya'o/ /de ltar ye shes kyi mthu skyes bas skad cig de nyid kyis lha 'grub par 'gyur ro zhes bya ba'i don to/ /'di las bshad pa'i phyag rgya chen po bsgrub pa la zhugs pas lag pa'i phyag rgya bcing bar mi bya ste/ lha mo'i gzugs can gyi dam tshig gi phyag rgya dang snyoms par 'jug pa'i sgo nas 'khyud pa la sog pa bcings pas 'grub pa nyid yin pa'i phyir ro/ /'di'i dam tshig de lta bu ni de bzhin gshegs pa rnams kyis kyang 'da' bar mi bya ba yin no/ /sku rdo rje'i rnal 'byor pas bshad pa la sogs pa la smad par mi bya ste/ de rnams ni rnam par snang mdzad la sogs pa'i rang bzhin gyi byin gyis brlabs pa nyid yin pa'i phyir de kho na bzhin du sbyang ba byas la bza' bar bye ba yin pas de'i phyir bshad gci zhes bya ba la sogs pa gsungs so/ /thams cad cho ga bzhin du spyad ces bya ba la/ rang gi dkyil 'khor na gnas pa'i 'od dpag tu med pa'i rnal 'byor dang ldan zhing gos dkar mo'i gzugs su rnam par bsgoms pa'i phyi rol gyi bud med dang snyoms par zhugs pas 'dod pa'i khams su gtogs pa rnams dang/ gzugs kyi khams su gtogs pa'i bud med kyi gzugs b+ha ga med pa rnams dang/ gzugs med pa'i khams na gnas pa'i bud med rang gi yid kyis bsams pa gos dkar mo'i gzugs su rnam par

  715. 358a

    bsgoms pa rnams rang gi ba spu'i bu ga'i gseb nas rnam par byung ba'i 'od dpag tu med pa'i tshogs rnams kyis ji lta ba bzhin du spyad par bya'o/ /gsung gi rdo rjes ma smad do/ /zhes bya ba'i tshig? rnams kyis mi smad par mi bya ba'o/ /rdo rje gsum gyi bdag nyid can gyi sku la gnas pas na rdo rje sku gsum la gnas pa'o/ /dam tshig ji snyed yod pa kun/ zhes bya ba ni sngar bshad pa ste/ rnam par snang mdzad la sogs pa'i rang bzhin can gyi rdo rje gsum gyi dam tshig de rnams kyi sgyu ma lta bur lhag par dmigs pa'i sgo nas rdo rje rigs kyi rnal 'byor pa bdag nyid tshim par bya zhing smad par yang mi bya'o/ /khyad par du 'phags shing mi phyed pa'i dam tshig ston par mdzad pa'i phyir dam tshig chen po ste/ dpal rdo rje sems dpa' o/ /mdor na phung po lnga ste/ gzugs dang tshor ba dang 'dus shes dang 'du byed dang rnam par shes pa rnams ni/ rnam par snang mdzad la sogs pa de bzhin gshegs pa lnga'i rang bzhin du bstan to/ /rdo rje skye mched ni nang gi bdag nyid can gyi mig la sogs pa rnams te/ de dag sa'i snying po la sogs pa byang chub sems dpa' drug gi rang bzhin yin no/ /de rnams kyi yul rnam par snang mdzad la sogs pa'i rang bzhin can rnam pa gsum pa'i gzugs la sogs pa rnams ni gzugs rdo rje ma la sogs pa lha mo drug gi rang bzhin no/ /snying po bsdus pa nyid yin pa'i phyir dkyil 'khor te/ rigs la gcig gi tshig tu byas pa'o// sa la sogs pa la ma gtogs pa'i khams gsum pa med pas de'i phyir khams gsum gyi dam tshig rdo rje'o/ /sa dang chu dang me dang rlung ni spyan la sogs

  716. 358b

    pa bzhi'i rang bzhin yin no/ /chos thams cad la nam mkha' bzhin du so sor rtogs pa'i rang bzhin gyi shes rab ni rdo rje nam mkha' zhes bya bar brjod do/ dbyings dam tshig ni bde ba chen po ste/ rdzogs pa'i byang chub bskyed pa'i ched du 'da' bar mi bya ba nyid yin pa'i phyir ro/ /de nyid ces bya ba bshad ma thag pa'i shes rab nyid ni rdo rje zhes bya ste/ zla ba lta bur dag pa'i blo/ /rdo rje zhes ni mngon par brjod/ /ces 'byung ba'i phyir ro/ /de kun tu bzang mo'i gzugs su gyur pa snyoms par 'jug pa'i 'khyud pa'i sbyor bas 'dzin par mdzad pas na rdo rje 'dzin pa ste/ dpal bde ba chen po'o/ /des ni sa'i khams la sogs pa'i rang bzhin can gyi spyan la sogs lha mo bzhis yongs su bskor cing/ chos thams cad la so sor rtog pa'i rang bzhin can gyi kun tu bzang mo dang snyoms par zhugs pa gsang ba lnga'i bdag nyid can gyi dpal bde ba chen po bstan to/ /phung po la sogs pa la rnam par dgod pa'i go rim ni sgrub pa'i thabs su bris pas yang brjod par ma bya'o/ /de bzhin gshegs pa thams cad kyi gnas ni spyan la sogs pa'i pad+ma yin zhing de dang yang dag par sbyor bas snyom par 'jug pa dang ldan pa nyid yin pa'i phyir de rnams kyi dbang phyug yin pas na/ de bzhin gshegs pa thams cad kyi dbang phyug ste dpal rdo rje sems dpa' o/ /de bzhin gshegs pa thams cad ces bya ba la sogs pa la/ de bzhin gshegs pa thams cad ni dpal byang chub kyi sems rdo rje'o/ /de'i mnyam pa nyid ni rdo rje slob dpon dang lhan cig tha dad pa med pa'o/ /de nyid spyod pa ste/ kun tu bzang por byas pa'i khams gsum pa'i sems can rnams sdug bsngal las 'don pa'i rang bzhin yin zhing de nyid rdo rje ste/ ting nge 'dzin gang la de yod pa de la de skad ces bya'o//

  717. 359a

    'khor gyi dkyil 'khor la gzigs nas cang mi gsung bar gyur to/ /zhes bya ba ni mgon po byams pa dang de bzhin gshegs pa rnams go rim bzhin du 'dri ba dang/ 'chad par byin gyi brlab pa nyid kyi phyir/ tsa' mi gsung bar gyur pa'o/ /de'i rjes thogs la mgon po byams pas de bzhin gshegs pa thams cad la phyag 'tshal na/ bcom ldan 'das zhes bya ba la sogs pas dris te/ de bzhin gshegs pa thams cad kyi sku dang gsung dang thugs rdo rje gsang ba 'dus pa ni/ rdo rje gsum gyi bdag nyid can snyoms par zhugs pa'i rdo rje 'chang chen po'i don ston par byed pa'i rgyud kyi rgyal po ste/ de'i lugs su dbang bskur bas na/ /de bzhin gshegs pa thams cad kyi sku dang gsung dang thugs rdo rje gsang ba 'dus pas dbang bskur ba'o/ /de nyid kyi phyir mgon po byams pas/ bcom ldan 'das slob dpon zhes bya ba gsungs te/ 'di la rnam pa thams cad du bcom ldan 'das kyi spyod pa de la 'jug pa yod pas na slob dpon yin zhing/ 'gro ba ma lus pa mngon par gdon pa'i phyir chos kyi dbyings kun tu 'gro ba la so sor rtog pa'i bsam pas/ 'dod chags la sogs pa rnam par dag pa'i gnaS la gnaS pa yin no zhes bya ba'i don to// bstod pa'i tshig des ni 'dir thun mong gi dbang bskur ba nyid kyang thams cad las bla mar gyur ba yin no zhes bstan to/ /de las mgon po byams pas ni thos pa yang med cing man ngag blangs pa yang med do/ /byang chub kyi sems rdo rje bzhin zhes bya ba ni/ byang chub kyi sems rdo rje nyid du'o/ /de ci'i slad du zhe na/ bdag ni rdzogs pa'i sangs rgyas so snyam pa'i nga rgyal 'byung ba'i dus su sems gzhan mi 'byung ba'i phyir ro/ /ji ltar 'khor

  718. 359b

    pa'i phung po 'di/ /nga rgyal las ni 'byung ba bzhin/ /sangs rgyas nga rgyal sbyor ba yis/ /de nyid sangs rgyas gzugs su 'gyur zhes 'byung ba'i phyir ro/ /gzhan yang bcom ldan das kyis da ltar byung ba'i dus nyid ni/ rtag tu 'da' bar dka' ba yin/ zhes gsungs so/ /de skad du yang/ lha dang de bzhin gshegs kun dga' nyid du/ /snyam du gang gi rtag tu nga rgyal byas/ /de rnams lha dang mi'i 'dran pa ste/ /de rnams blo bzangs brtser ldan mchod 'os yin zhes gsungs so/ /de ltar na mchog gi nga rgyal gyis gnas pa'i slob dpon ni byang chub kyi sems rdo rje nyid yin no/ /de nyid ni de bzhin gshegs pa rnams kyis slob dpon dang byang chub kyi sems 'di ni gnyis su med cing rnam pa gnyis su dbyer med de zhes bya bas bstan to/ /rigs kyi bu rnams mdor bstan na zhes bya ba ni rgyas pa bzhag la mdor bsdus nas bstan par bya'o zhes bya ba'i don to/ /phyogs bcu'i 'jig rten gyi khams na zhes bya ba la sogs pa ni shes par zad do/ /'khor ba ji srid kyi bar du rgyun mi 'chad par 'tshe ba'i byin gyi brlabs mda' ba' i phyir 'tsho ba'o/ /bzhes pa zhes bya ba ni dus 'da' bar byed pa'o/ /de dag thams cad dus gsum du lhags nas slob dpon de la/ de bzhin gshegs pa thams cad kyi mchod pa rnams kyis kun tu mchod do/ /bdag cag de bzhin gshegs pa thams cad kyi pha'o zhes bya ba la sogs pa yang brjod nas/ slar yang sangs rgyas kyi zhing thams cad du gshegs par mdzad de/ chos kyi sku ni sems can thams cad kyi thun mong ma yin no/ /longs spyod rdzogs pa'i sku ni sa bcu'i dbang phyug rnams kyis spyod yul yin no/ /sprul pa'i sku ni sems can rnams kyi thun

  719. 360a

    mong ba yin mong kyi/ de mthong ba'i skal pa dang ldan pa dag gis spyod yul kho na yin te bcom ldan 'das shAkya thub pas sangs rgyas kyi gdul bya gang dag yin pa'i sems can thams cad brtul lo 'byung ba'i phyir ro// slob dpon yang sprul pa'i sku'i nang du gtogs pa kho na yin te/ de bzhin nyid kyi rang bzhin te sems na rjes su gzung ba'i phyir/ slob dpon gzugs su kun rdzob du/ /rnal 'byor gnas la yang dag gnas/ zhes 'byung ba'i phyir/ /de bas na khams gsum pa'i chos kyi rgyal po dbang bskur zhing de bzhin gshegs pa thams cad kyis byin gyis brlabs pa'i rgyud can gyi slob dpon gyis/ sprul pa'i sku mthong ba'i spyod yul med pa'i de lta bu'i skal pa dang ldan pa'i sems can rnams kyang byang chub du sems bskyed pa la sogs pa'i mtshan nyid kyis/ 'di las gsungs pa'i tshul bzhin du rdzogs par byang chub par byed do/ /de'i phyir dgyes par gyur pas dus gsum du byon nas de la bla na med pa la sogS pa'i mchod pa rnams kyi yang dag par mchod de/ byang chub tu sems bskyed nas bzung ste/ sa bcu'i dbang phyug gi bar rigs nges pa rnams dang lhan cig rgyud tha dad pa med par gyur nas/ bdag cag de bzhin gshegs pa thams cad kyi pha'o/ /zhes bya ba la sogs pa brjod do/ yang slar rang rang gi sangs rgyas kyi zhing du gshegs so zhes bya ba'i don to/ /lung las kyang kun dga' bo phyogs gang na 'dul ba la gnas pa der ni kho bo spro ba chung ba yin te/ de nyid kyi nga'i bya ba sgrub par byed do zhes gsungs so/ /'di lta ste zhes bya ba la sogs pas ni phyogs bcu'i 'jig rten gyi khams mdza' yas mu med pa dag na gnas pa byang chub kyi sems blangs pa

  720. 360b

    nas sa bcu pa las rab tu gnas pa'i sems can sangs rgyas nyid du dam bca' ba byas pa rnams ni nges pa'i phung por gtogs pa nyid yin pa'i phyir sangs rgyas su brjod cing/ de rnams kyi smon lam gyis kun nas bslang ba'i lus dang ngag dang sems kyi las byung ba'i bsod nams kyi phung po snga ma las/ slob dpon gyi ba spu'i bu ga gcig gis gseb nas byung ba'i bsod nams kyi phung po byang chub sems bsgom pas kun nas slad pa gang yin pa de shin tu khyad par du 'phags pa yin par bstan to/ /de'i phyir de bzhin gshegs pa rnams kyis rigs kyi bu byang chub kyi sems zhes bya ba la sogs pa gsungs te/ me long lta bu la sogs pa'i ye shes lnga bsten par byed pa'i phyir snying por gyur pa'o/ /rdzogs pa'i byang chub 'byung ba'i gnas nyid yin ba'i phyir thams cad mkhyen pa'i ye shes kyi 'byung gnas te gang la de yod cing sems can rnams la yang skyed par byed pa de ni shin tu khyad par du 'phags pa yin no zhes bya ba'i don to/ /gal te zil gyis mngon pa yin du chug na byang chub tu sems bskyed pa'i so so'i skye bo rnams kyi bsod nams kyi phung po sems can bsod nams can rnams kyi phung khos? ji ltar zil gyis gnon ba cus par 'gyur zhe na/ ma yin te/ gang+gA'i klung med po'i bye ma snyed kyi bskal ba grangs med par stsol zhing 'bad pas byang chub ma thob pa'i byang chub sems dpa' / gsang ba 'dus pa 'di nyid la mngon par dga' bar gyur na tshe 'di nyid la de bzhin gshegs pa thams cad kyi sangs rgyas zhes bya ba'i grangs su 'gro zhing 'di nyid las gsungs pa'i phyir ro/ /skabs 'dir de bzhin gshegs pa sgra ji

  721. 361a

    bzhin du bshad na/ nam mkha' dang mnyam pa'i bye ma snyed kyang yon tan gyi cha'i rdul gyi cha shas dang yang mtshungs pa ma yin no zhes gsungs pa dpa' gal bar 'gyur ro/ /de nas yang byang chub sems dpa' byams pa zhes bya ba la sogs pas ni de ltar bsod nams kyi phung po chen po dang ldan pa'i bcom ldan 'das slob dpon la brnyas pa'i sems bskyed pas/ /so so'i skye bo rnams dmyal ba chen por 'gro bar dog pas 'jigs pa la sogs pa bstan nas cang mi gsung bar gyur pa bstan to/ /bla ma la gus pa sngon du 'gro ba can gyi mchod pa la sogs pa ni rdo rje 'chang chen po la sogs pa'i 'bras bu thob par byed pa yin no zhes bstan par bya ba'i phyir/ de nas zhes bya ba la sogs pa gsungs te/ mi bskyod pa dang/ dkon mchog dpal dang 'od dpag tu med pa dang/ don yod par grub pa dang/ rnam par snang mdzad ni de bzhin gshegs pa lnga'o/ /rdo rje 'dzin thams cad kyi zhes bya ba la sogs pa la/ rdo rje 'dzin thams cad ni me long lta bu la sogs pa'i ye shes lnga 'dzin pa'i rigs thams cad kyi lha rnams so/ /de rnams kyi dngos grub ni rnal 'byor pa rnams kyi rgyud la yongs su grub pa'o/ /de bskyed pa'i dam tshig ni slob dpon mnyes par bya ba yin zhing de la dmigs pa'i ting nge 'dzin la de skad ces bya ste/ de mngon du mdzad nas byang chub sems dpa' de rnams la/ byang chub sems dpa' khyed rnams zhes bya ba la sogs pas pos te bka' stsal pa'o/ /gang yang zhes bya ba la sogs pas ni nges pa'i phung por gtogs pa'i sems can sangs rgyas kyi ming can rnams 'ba' zhig du ma zad kyi yongs su rdzogs pa'i sangs

  722. 361b

    rgyas dus gsum gyi ye shes las byung ba de rnams kyang byon nas/ dpal gsang ba 'dus pas dbang bskur ba'i slob dpon la/ bla na med pa la sogs pa'i mchod pa rnams kyis mchod pa byed cing phyag kyang 'tshol lo/ /de ci'i phyir zhe na/ zhes bya ba la sogs pas ni dri ba dang lan bstan to/ /de bzhin gshegs pa thams cad kyi sku dang gsung thugs kyi dngos grub rnams ci la gnas zhe na/ sku gsum gyi rdo rje gsum gyi bdag nyid can gyi rdo rje slob dpon gyi lus dang ngag dang sems la gnas so/ /lhag ma ni snga ma bzhin no/ /rdo rje gsang ba'i ting nge 'dzin te/ thabs dang shes rab kyi bde ba chen po las bzhengs nas zhes bya ba/ de las sad nas 'dir dbang bskur ba'i slob dpon gyi phan yon thos te/ mngon par 'dod pa kun tu skyod pa'i sems can rnams la dbang bskur ba 'byin pa'i mngon du de bzhin gshegs pa rnams dang byang chub sems dpa' rnams la/ de bzhin gshegs pa thams cad dang zhes bya ba la sogs pas bos par gyur to/ /'dis dbang bskur ba'i sems can rnams de bzhin gshegs pa la sogs pa'i don du gsol ba gdab pa'i go rim rab tu ston pa'i de bzhin gshegs pa la sogs pa rnams kyis thal mo sbyar nas gsol ba btab pa na/ bcom ldan 'das kyi nam mkha' i dbyings kyi dbus zhes bya ba la sogs pa gsungs te/ gru bzhi lham ba rab tu bzang/ /zhes bya ba ni kun tu bzang mo'i chos 'byung na gnas shing le'u bzhi pa las bshad pa'i mtshan nyid dang ldan pa'o/ /sangs rgyas ni rdo rje 'chang yin zhing/ de'i dkyil 'khor gyi sbyor ba ni/ sangs rgyas dkyil 'khor sbyor ba ste de yis so/ /rdo rje'i dkyil 'khor ni rdo rje'i rigs kyi bri ba'i dkyil 'khor ro/ /bsam gtan

  723. 362a

    gyis zhes bya ba ni de kho na bzhin du sgrub thabs las bshad pa'i cho ga rdzogs par byas la'o/ /'khor lo can kun gdan bsam mo/ /zhes bya ba ni snga ma bzhin du rang gi lha'i gnas na gnas pa'i yi ge h+ri las byung ba'i pad+ma 'dab ma sna tshogs pa rnams la/ zla ba la sogs pa'i gdan la bsam pa'o/ /bsam gtan rdo rjes bskul bar bya/ /zhes bya bas ni 'di skad du bstan pa yin te/ de'i dbus kyi gdan la 'dug pas snga ma bzhin du rdo rje 'chang chen po'i rnal 'byor byas la/ rjes su rnal 'byor dang rnal 'byor chen po dang shin tu rnal 'byor dang mchod pa'i cho ga'i rjes thogs la dkyil 'khor gyi 'khor lo phyung ste/ gnas ji lta ba bzhin du gnas par byas la/ ye shes 'khor lo spyan drangs te de rnams kyi thugs kar gzhug par bya'o/ /de nas de kho na bzhin du gdol pa'i bu mo lo bcu gnyis lon pa 'am bsgoms pa las byung ba byin gyis brlabs la/ de las byung ba'i byang chub kyi sems dang bla na med pa la sogs pa'i mchod pa rnams kyis dkyil 'khor ba rnams? la mchod par bya'o zhes bya ba'i tha tshig go/ slob dpon snying khar bsgoms nas ni/ zhes bya ba la/ rdo rje 'chang chen po'i nga rgyal dang ldan pa kho nas bdag nyid rdo rje 'chang chen por rang gi yang dag par sbyor ba las phyung ste/ snga ma bzhin du sgo na gnas pa'i pad+ma 'dab ma sna tshogs pa'i steng gi zla ba la 'dug pa'i dbang skur bar bya ba'i slob ma'i snying ga na gnas pa'i pad+ma'i steng gi zla ba la bkod la/ lus la gnas pas byang chub kyi sems kyi rgyun rnams kyis de'i lus gang bar byed par bsams nas/ dbang bskur ba brtsam par bya'o/ /de ji ltar bya zhe na/ sangs rgyas kun gyi nam mkha' i dbyings/ zhes bya ba la sogs

  724. 362b

    pa gsungs so/ /'di skad du bstan pa yin te/ rang gi ba spu'i bu ga'i gseb nas byung ba'i de bzhin gshegs pa til gyi gang bu dang mtshungs pa dang bum pa dang rol cha dang gos bzang po dang brgyan bzang po bsnams la rnams kyis nam mkha' i dbyings thams cad yongs su gang bar bsam par bya'o/ /dbang bskur ba'i gnas gsum gyis/ thams cad cho ga bzhin du dbab/ /ces bya ba ni thugs kyi dkyil 'khor las bshad pa'i cho ga bzhin du/ bum dang gsang ba dang shes rab ye shes kyi dbang bskur ba'i gnas gsum gyis de'i lus la bum pa'i bdud rtsi rang rang dang rjes su mthun pa'i kha dog can dang/ byang chub kyi sems kyi rgyun blugs la/ 'dod chags kyi mes zhu bar gyur pa'i de gzhin gshegs pa thams cad bcug ste/ de kho na bzhin du dam tshig dang dbugs dbyung ba sbyin pa la thug pa thams cad bya'o zhes bya ba'i don to/ /de bzhin du dkyil 'khor gyi dbus na gnas pa'i bdag nyid kyang dbang bskur bar bya'o/ /de ni nye bar mtshon pa yin te/ dbang bskur bar 'os pa'i rang gi 'dod pa'i lha'i dkyil 'khor bsams la/ de'i dbus na gnas pa'i slob dpon de'i rnal 'byor dang ldan pas slob ma 'am bdag nyid kyang de'i rnam par dmigs te/ 'das ma thag pa bzhin du dbang bskur bar bya'o/ /de ltar snod du rung bar byas shing dam tshig dang sdom pa la gnas pa nyid dang mtshan du sgom pa la dga' bas sems can thams cad la phan par 'dod pa'i rdo rje gsum gyi mngon par byang chub pa 'thob par 'gyur ro/ /sangs rgyas ni rigs nges pa'i sems can rnams so/ /byang chub sems dpa' ni rigs ma nges pa dang/ rigs 'chad pa rnams te/ de dag dam tshig la so sor dgod

  725. 363a

    pa'i sgo nas lo ni dam tshig 'khor lo zhes bya'o/ /de nyid sgom pa ni byang chub kyi snying po 'thob par byed pa nyid yin pa'i phyir bsam gtan gyi dkyil 'khor ro/ /gang zhig bag med pas dam tshig nyams par gyur ? de yang bsam gtan gyi dbang bskur ba'i cho ga 'dis dam tshig bskang bar bya'o zhes bya ba 'di ni man ngag yin no/ /rdo rje sbyor ba zhes bya pa 'di ni rdo rje mkha' 'gro'i sbyor ba'o/ /sku gsum dang rdo rje gsum gyi bdag nyid can gyi rdo rje mkha' 'gro'i snying po ni sku dang gsung dang thugs gsum gyi snying po'o/ /'di skad du bstan pa yin te/ rang gi dkyil 'khor na gnas pa'i rdo rje 'chang chen po'i rnal 'byor dang ldan pas/ yin? ma'i pad+ma na gnas pa'i byang chub kyi sems kyi zla ba la/ hUM d+h+ri/ khaM zhes bya ba rnam par bkod la/ de las byung ba'i 'od zer gyi tshogs rnams kyis nam mkha' dbyings thaMs cad khyab pa'i de bzhin gshegs pa thaMs cad la kun tu reg ste/ rdo rje mkha' 'gro'i gzugs kyi rnam pa can rnams bsdus nas de la bcug ste/ de gyur par byas nas rdo rje mkha' 'gro rnam par bsgoms la/ hUM d+h+ri/ khaM zhes bya ba brjod cing de phyung ste/ de gdug pa rnams kyi khrag la sogs pa 'gugs par byed du bcug la/ de bkug ste rang gi lus la bcug la/ thams cad gyur par byas nas/ /bdag nyid rdo rje mkha' 'gro'i gzugs su bsam par bya'o/ /de ji lta bu zhig ce na/ drag po zhes bya ba la sogs pa gsungs te/ gdug pa gsod pa'i bsam pa can gyi mi sdug pa mche ba rnam par gtsigs pa kun tu khros pa'i zhal mnga' ba/ utpa la sngon po lta bu phyag bzhi pa/ g.yas pa dag na khro bo'i rdo rje dang phur bu bsnams pa/ g.yon pa na mchu la sbyar ba'i thod pa bsnams pa/ gnyis pa

  726. 363b

    rtse gsum bsnams pa/ rdo rje mkha' 'gro ma dang snyoms par zhugs pa bsams la/ mdun na gnas pa'i nam mkha' i phyogs su yi ge khaM las byung ba'i bsgrub bya/ mar gyi bum pa bzhin du sha dang khrag dang rus pas gang ba rnam par bsams te de'i dbus? dang thog ma dang/ g.yas dang g.yon dang rgyab rnams su lag pa na gnas pa'i phur bus bu ga lnga byas la/ yi ge d+h+ri yis mtshan pa'i rang gi lce las byung ba'i 'od zer gyi sbu? gu kha dog sngon po dag dkar po dang ser po dang dmar po dang ljang gu go rim bzhin du bu gu lngar zhugs pa rnams nas de'i khrag bkug la khrag kun tu gang bar bsam par bya'o/ /rdo rje mkha' 'gro'i bsam gtan gyi sbyor ba 'dis ni gdon mi za bar khrag 'gugs par byed do/ /ji ste ba dug pa 'ga' zhig la gnod par bya bar 'dod na de'i tshe sbyor ba de nyid kyis rtse gsum la sogs pa rnams kyis kun tu btsugs te/ mi 'gul bar byas par bsam par bya'o/ /bza' ba 'am zhes bya ba la sogs pas ni/ bza' ba dang myad ba la sogs pa gang chung zad ci yod pa de dag bshad pa la sogs pa bzhin du/ sbyang ba la sogs pas mngon par 'dus byas la snga ma bzhin du bza' ba bstan to/ mchod pa'i yo byad mchog lnga yis zhes bya ba la sogs pas ni/ dkyil 'khor thams cad kyi lha'i 'khor lo dang bdag nyid la rnam par sbyangs nas/ bdud rtsi lngas mchod par bya bstan to/ /'di nyid ni de bzhin gshegs pa thams cad kyi 'da' bar mi bya ba'i dam tshig go /gsang bar bya ba nyid yin pa'i phyir mchod pa gsang ba'o/ /dbang po gnyis kyi sbyor ba ste/ snyoms par 'jug pa'i sbyor ba'i dus su las thams cad la gnas par gyur nas byang chub kyi sems kyi byin gyis rlabs kyis rdo rje chu'i bum pa bzhin du/ nam mkha' i dbyings kun tu bkang ste/ byang chub kyi sems rdul phra

  727. 364a

    rab kyi tshogs de yang rang gi rig ma dang gnyis su med pa'i de bzhin gshegs pa'i tshogs su bskyed la/ bsdus te rang gi lha mo'i pad+mar bcug la/ ye shes kyi bdud rtsi'i rnam par gyur par bsam par bya'o/ /de nas pad+ma na gnas pa rang gi khas blangs shing rang byung dang bcas pa'i ye shes kyi bdud rtsi des rang gi lus la gnas pa'i lha'i 'khor lo dang dkyil 'khor ba rnams tshim par bya'o/ /de'i phyir rang gi khung sogs blangs pas/ zhes bya ba la sogs pa gsungs so/ /phyi dang nang gi lha'i 'khor lo mchod pa'i cho ga 'dis ni sangs rgyas kyi byang chub 'thob par 'gyur ro/ /'jig rten las 'das pa'i sangs rgyas rnams kyis gsungs pa'i bya bas lus dang dag dang yid rnams/ 'jig rten gyi tha snyad las kun tu sdom par byed pas na/ lus dang ngag dang sems sdom pa'o/ /sems can gyi khams ma lus pa bskyed pa'i sa bon 'dzin par byed pas na dam tshig 'dzin pa'i ma rnams so/ /dam tshig gsum gyis rdo rjes spyad/ zhes bya ba ni ma rgyud nas bshad pa'i dam tshig gi spyod pa'i de kho na nyid shes par byas nas/ rang gi sku la sogs pa byin gyis brlabs pa la thug pa'i cho ga'i rjes thogs la snga ma bzhin du spyad pa'o/ /sdom pa 'di ni kha phyir bltas pa rnams kyi spyod yul nyid ma yin pa'i rmad po che'o/ /sku dang gsung thugs long spyod ni/ zhes bya ba ni/ rdo rje gsum mi phyed pa'i lha'i gzugs so/ /de gang las byung zhe na/ gsang ba gsum zhes bya ba la sogs pa gsungs te/ gsang ba gsum ni dpal rdo rje sems dpa' o/ /de'i gnas ni chos 'byung zhes bya ba ste/ bde ba chen po laS byung ba nyid yin pa'i phyir gsang ba gsum gnas rdo rje las byung pa'o/ /bzang po bdag gis bsgrub par bya/ zhes bya ba ni de lta bur gyur pa'i dge legs mngon du bya'o snyam du lhag par mos pa bskyed pas bsgom pa'o/ /'dir bdag kun tu

  728. 364b

    nyams mi 'gyur/ zhes bya ba ni/ 'di las bshad pa'i dam tshig dang sdom pa bsgrub pa lhur len cing 'dul bar byed pa/ bdag ni 'jig rten dang lung dag dang 'gal bar spyod par yang mi 'gyur zhing/ mngon par 'dod pa'i lha'i dngos grub kyang 'grub par 'gyur ro/ zhes bya ba'i don to/ /gang gi tshe rnal 'byor pa bsgom pas dub par gyur pa de'i tshe/ rang gi mgo'i steng du mtho gang tsam gyis spags nas bdud rtsi lnga'i dkyil 'khor mtho gang gi tshad dang ldan pa/ gdugs dkar po dang mtshungs pa nyid yongs su brtags la/ de'i dbus na gnas pa'i oM gyi 'bar ba kha dog lnga pas bzhugs te rkan gyi phyogs su babs pa'i zla ba ltar bsil bas rtsa rnams su khyab pas lus thams cad kun tu tshim par bsam par bya'o/ /rdo rje'i sbyor ba 'di yis ni/ zhes bya ba la sogs pa ni go sla'o/ sngags thams cad ste/ phung po la sogs pa byin gyis rlob pa'i lha thams cad nyid dang mtshan du bsgom pa'i sbyor bas 'dzin par byed pas na sngags thams cad 'dzin pa ste sgrub pa'o/ /lus la sogs pa'i gsang ba ni 'chad par 'gyur ba'o/ /sems kyi dngos po ni sems nyid do/ /de'i las ni nyin dang mtshan du bdag nyid lha'i gzugs su bsgom pa ste/ de yongs sbangs nas sa las byas ba la sogs pa'i mchod rten gyi las mi bya zhing/ de bzhin du glegs bam klag pa la sogs pa yang mi bya'o/ /bsgom pa la mngon par mi dga' bar gyur ba gang yin pa de la ni bkag pa med do/ /gal te de lta yin na ni de'i tshe rgyal po mnyes par bya ba dang nor bsag pa la sogs pas brel ba rnams la yang mchod rten gyi las la sogs pa bkag par 'gyur na/ bcom ldan 'das ni bsod nams phra mo'i bar chad du 'gyur ba yang ston par mi mdzad do/ /'od zer dkar po 'bar bas khyab ces bya ba la sogs pa la/ yi ge bruM gyi gtsug tor 'khor los sgyur bsku mdog dkar po'i rnal 'byor 'am/ oM las byung ba'i rnam par snang mdzad kyi rnal 'byor byas la/ lag pa g.yas

  729. 365a

    par yi ge bruM nyid las 'khor lo dkar po rtsibs brgyad pa dang/ de'i lte bar 'od zer dkar po can rnam par bsam nas/ drug gis non pa'i lus la 'od zer gzhug cing da byung ba dang byab? ba'i sgo nas dug gzhom par bya'o/ /rnal 'byor la sogs pa thams cad ser por dmigs la/ 'od zer ser po rnams kyis bkad na rengs par 'gyur ro/ /de kho na bzhin du 'od zer du ba'i rnam pa can rnams kyi khams gsum na gnas pa'i dug bkug la gang la 'dod pa de la dbab par yang bya'o/ /gzhan ni shes par zad do/ /gro ba sogs la 'khor lo ni/ zhes bya ba ni kha dog dkar po rtsibs brgyad pa'o/ /las kyi rdo rje la gnas pa/ zhes bya ba ni sna tshogs rdo rje rtse mo bcu gnyis pa'i steng na gnas pa'o/ /'di skad du bstan pa yin te/ ji lta ba bzhin du rnam par snang mdzad kyi rnal 'byor dang ldan pas/ gro ba dang ras la sogs pa rnams la skyes pa bsrung ba'i don du gur gum dang/ bud med kyi don du 'gi wang gi ji skad bshad pa'i sna tshogs rdo rje'i lte bar 'khor lo rtsibs brgyad pa bris la/ de'i lte bar gru gsum dang de'i nang du yi ge ha mgo bo dang zla tshes dang thig le dang rtse mo dang ldan pa dang/ dzi na che ge mo la rakshaM ku ru dzi ka ces bya ba'i snying po rnam par spel ba'i ming bris te/ shar la sogs pa'i rtsibs kyi dbus su mi bskyod pa la sogs pa'i lha rnams kyi de bzhin gshegs pa bzhi 'byin pa'i snying po rnams dang/ de rnams nyid kyi mdza' ma la/ 'phags pa gshin rje gshed la sogs pa'i snying po rnams dang/ me la sogs pa'i mtshams kyi rtsibs rnams la spyan la sogs pa'i lha mo bzhi'i snying po rnams dang/ mtshams rnams su/ yi ge gsum rnam par bkod la/ 'khor lo'i mu khyud la oM hu lu hu lu tiSh+Tha che ge mo'i u ba dra ba di ki/ band+ha band+ha/ ha na ha na/ da ha da ha/ a mri te hUM phaT/ ces bya ba'i 'khor lor bri bar bya'o/ de nas rang

  730. 365b

    gi snying po rnams kyis rnam par snang mdzad la sogs pa'i lha'i 'khor lo gnas ji lta ba bzhin du bskyed la/ mu khyud la bkod pa'i yi ge re re las grub pa'i 'phags pa bdud rtsi 'khyil pa'i tshogs kyis yongs su bskor bar bltas te/ rnam par snang mdzad kyi thugs ka na gnas pa'i pad+ma'i steng gi zla ba la gnas pa'i sa bon las byung ba'i bsgrub bya rdo rje'i sku can yi ge haM las byung ba'i rdo rje'i go bgos pa bsams la/ dam tshig gi 'khor lo la ye shes kyi 'khor lo gzhug pa sngon du 'gro ba can gyi bla na med pa la sogs pa'i mchod pa rnams kyis mchod par bya'o/ /de ltar 'khor lo'i sngags kyi yi ge'i tshig rnams kyis yang dag par brgyan par 'gyur ro/ /bzhag par bya zhes bya ba ni/ za ma tog la sogs pa kha sbyar na gnas pa lha'i mchod pa'i gnas su'o/ /rtag tu zhes bya ba ni dus thams cad du mchod pa'o/ /'di ni zhes bya ba la sogs pa la lha thams cad kyi gsang ba gsum gyi bdag nyid kyi gnas ni 'khor lo'o/ /de nyid mdor bsdus nas bstan pa'i phyir btus pa'o/ /yang na sngar bshad pa nyid kyi 'khor lo la dbang po'i phyogs su yi ge oM me'i phyogs su hu lu hu lu/ gshin rje'i phyogs su tiShtha tiShtha/ bden bral gyi phyogs su band+ha band+ha/ chu'i phyogs su ha na ha na/ rlung gi phyogs su da ha da ha/ ku be ra'i phyogs su a mri ta/ dbang ldan gyi phyogs su hUM phaT/ 'khor lo'i lte bar yi ge haM/ de'i nang du bsgrub bya'i ming bri bar bya'o/ /de lta na yang 'khor lo'i sngags kyi yi ge'i tshig rnams kyis brgyan par 'gyur ro zhes kha cig zer ro/ /de lta bu gang yang rung bas kyang 'che? ba thams cad las bsrungs pa yin no/ /lam gyi bzhi mdo zhes bya ba la/ de la dmigs te bzlas pa 'bum byas pas mar do'i bcu bzhi la phyi rol gyi bud med dang lhan cig 'dod pa'i lha sku mdog dmar po'i rnal 'byor gyi ti skad bshad pa'i gnas gang yang rung bar yid kyi rang gi dkyil 'khor yongs su brtags la/ de'i dbus su thod pa gsum kha sbub pa'i steng du bdud rtsi lnga dang

  731. 366a

    bcas pa'i chang gis legs par byungs pa'i thod pa kha sbub du yang dog par bzhag ste/ de'i 'og tu bdud rtsi lnga chung zad dang bcas pa'i til mar chen pos nang yongs su gang ba'i thod pa ru bdud rtsi lnga dang bcas pa'i shing arga'i rtsa ba pad+ma'i? skud pas dkris pa'i sdong bus mar me rab tu sbar la/ mtshan phyed kyi dus su thod pa'i stan la 'dug cing thod pa gnyis la pus mo gnyis bzhag ste/ snyoms par 'jug par gnas pas rang gi sngags zlos shing dud pa chags su gzhung ngo/ /de nas de bsdus te bdud rtsi lnga dang bcas pa'i til ma mtshan po dang sbrus la gos gtsang mar gtums te/ rig ma'i pad+mar bcug la de dang yang dag par sbyor ba dang ldan pas gnas de nyid du dro ba dang du ba dang 'bar pa'i mtshan ma rnams shes par bya zhing/ rang gi sngags brgyad rtsa brgyad bzlas par bya'o/ /drod byung ba de mig la sdud pas phyogs thams cad du skad cig gcig kho nas 'gro ba dang 'od bar byed cing sa la gnas pa'i sems can thams cad dbang du 'gyur ro/ /du ba byung bar gyur pa des ni bar snang la 'gro ba dang/ de na gnas pa'i sems can rnams dbang du 'gyur ro/ /'bar bar gyur pa des ni nam mkha' thams cad la 'gro ba dang/ sems can thams cad dbang du 'gyur te de lta bu'i dngos grub rnams la gsum 'byung ngo/ /kun tu dge legs thob par byed pa'i rdo rje mig sman ston par mdzad pas na kun tu bzang po ste dpal rdo rje sems dpa' o/ /de nas zhes bya ba la sogs pa la/ de bzhin gshegs pa thams cad kyis dpal rdo rje sems dpa' la/ bcom ldan 'das zhes bya ba la sogs pa gsungs te/ de ni shes bar zad do/ /phyag na rdo rjes de bzhin gshegs pa rnams la/ bcom ldan 'das zhes bya ba la sogs pa gsungs te ldan zhes bya ba ni ldan par gyur pa'o/ de bzhin gshegs pa thams cad kyi byang chub ni dpal

  732. 366b

    gsang ba 'dus pa las gsungs pa'i rdo rje 'chang chen po la sogs pa'i 'bras bu'i rang bzhin no/ /de'i don du spyod pa'i rdo rje ni tshig dang don rtogs pa'i sgo nas rab tu 'jug pa'o/ /de la dad cing bsgom par 'gyur/ zhes bya ba ni rtogs nas dad par 'gyur bas nyin pa mtshan du bsgom par 'gyur zhes bya ba'i don to/ /yang de bzhin gshegs pa rnams kyis dris pa na/ bcom ldan 'das kyis de bzhin gshegs pa thams cad kyi sku rdo rje dang/ zhes bya ba la sogs pa ni gsum yin no/ /gzhan ni go sla'o/ /yang phyag na rdo rjes de bzhin gshegs pa rnams dang byang chub sems dpa' rnams la bos te gsungs pa bcom ldan 'das zhes bya ba la sogs pa ni 'das pa'i rabs bstan pa'i phyir gsungs te/ thams cad shes par zad do/ /de'i phyir zhe na/ zhes bya ba ni/ ci'i phyir ma gsungs pa'o/ /de'i phyir bcom ldan 'das zhes bya ba la sogs pa gsungs te/ tshul khrims la sogs pa gtso bor byed pa nyid kyi rnam pa thams cad du rnam par dag pa'i chos bstan pa 'di las/ 'jig rten dang 'gal ba'i dam tshig la sogs pa thos pa tsam kho nas skrag pa'i 'du shes can du 'gyur bas/ de'i phyir skal pa med pa yin to/ /des na de'i tshe des ma gsungs so/ /gsang ba 'dus pa 'di las zhes bya ba ni/ 'di las bshad pa'i rdzogs pa'i rim pa'i rnal 'byor rnam par gnas pa rnams ni skad cig de nyid la thabs dang shes rab kyi mngon par rdzogs pa byang chub pa mngon du byed par 'gyur ro zhes bya ba'i don to/ /gang+gA'i zhes bya ba la sogs pas ni yan lag gi dam ba mgo dang lag pa dang rkang pa dang mig sbyin pa la sogs pa pha rol tu phyin pa bcu'i spyod pa rnams kyis bskal pa gang+gA'i klung gi bye ma snyed du 'bad pa la sogs pa byas pas byang chub ma thob ba gang yin pa de/ tshe 'di nyid la yang dag par rdzogs pa'i sangs rgyas su 'gyur ro zhes de bzhin/

  733. 367a

    gshegs pa dang byang chub sems dpa' rnams kyis mkhyen par 'gyur ba bstan to de skad thos nas ma 'ongs pa'i sems can rnams la/ dad pa'i dbang las byung ba'i ro'i dga' ba bskyed pa'i phyir byang chub sems dpa' rnams kyis rab tu bsdus so/ /de nas de bzhin gshegs pa rnams kyis de rnams las byang chub sems dpa' zhes bya ba la sogs pas bzlog pa mdzad do/ /sdug bsngal gsum ni lus dang ngag dang yid kyi sdug bsngal lo/ /byang chub sems dpa' rnams kyis de bzhin gshegs pa rnams la/ bcom ldan 'das zhes bya ba la sogs pa stsol to/ /de ci'i phyir zhe na zhes de bzhin gshegs pa rnams kyis dris pa na/ yang byang chub sems dpa' rnams kyis bcom ldan 'das zhes bya ba la sogs pa stsol to/ /sku dang gsung dang thugs gsang ba dag kho na rang bzhin gyi rnam par dag pa'i yi ge rnams yin pas na/ gsang ba gsum gyi yi ge rnams yin zhing de rnams kyi ming tsam thos pa'i skal pa yang ma mchis na zhes sngon gyi dus kyi rigs ma des pa dang/ rigs chad pa rnams dang/ lhan cig rgyud tha mi dad par byas nas de skad du brjod do/ /don dam pa'i chos nyid bstan pa'i phyir de bzhin gshegs pa rnams kyis de skad ma zer cig/ ces bya ba la sogs pa gsungs te/ ma thob ces bya ba ni gzung ba dang 'dzin pa'i sgo nas so/ /de nyid kyi phyir rtogs par bya ba la sogs pa'i rtog pa med pas na mngon par rdzogs par sangs ma rgyas so/ /de ci'i phyir zhe na/ zhes byang chub sems dpa' rnams kyis dris pa na/ de bzhin gshegs pa rnams kyis gsang ba'i gnas gsum gyis yi ge rnam par dag pa nyid yin pa'i phyir ro zhes gsungs te/ sku la sogs pa gsang ba'i gnas rnams kyi rnam par dag pa ni de bzhin nyid de de'i

  734. 367b

    phyir ro/ /de skad thos nas byang chub sems dpa' rnams cang mi smra bar gyur to/ /de bzhin gshegs pa thams cad kyi sku dang gsung dang thugs rdo rje ni dpal rdo rje sems dpa' o/ /de'i btsun mo ni kun tu bzang mo ste/ de'i b+ha ga la bya ba thams cad dang bral zhing mchog tu bde ba la dgyes pa'i rdo rje 'chang chen po rang gi 'khor gyi rig ma dang gnyis su med pa'i sbyor bas de bzhin gshegs pa thams cad dang tha mi dad par gyur pas bzhugs so/ /de nas rnam par thar pa'i sgo stong pa nyid la sogs pa'i rang bzhin can zhi ba la sogs pa'i ngo bo nyid kyis lha mo bzhis sems can ma lus pa sdud pa'i snying rje chen po'i bdag nyid can gyi rdo rje 'chang chen po ye shes kyi gnyid log pa la glu rnams kyis rab tu bskul lo/ /re zhig snying rje chen po'i bdag nyid can gyi dpal rdo rje sems dpa' sems can rnams mgron du gnyer nas/ ji ltar rnam par mi rtog pa nyid du gyur/ gal te gyur du cug na ci'i phyir stong pa nyid la sogs pa'i rang bzhin can gyi lha mo rnams kyis rab tu skul bar byed ce na/ 'dir rigs pa brjod par bya ste/ de bzhin gshegs pa rnams ni gsal zhing dri ma med pa'i sku can yin no/ /de'i phyir nye bar gyur pa'i me long gnyis nyid kyi gzugs brnyan bzhin du lha mo rnams kyi stong pa nyid la sogs pa'i rnam pa rdo rje 'chang chen po las 'byung ste/ de'i phyir rnam par mi rtog par nyid du gyur to/ /bcom ldan 'das kyi thugs rje lha mo rnams la 'byung bas de'i phyir rab tu bskul bar byed do/ /de bzhin gshegs pa thams cad kyi sku dang gsung dang thugs kyi btsun mo'i ste/ 'phags pa mA ma kIs sa 'dzin pa dang/ drug las skyes pa la sogs pa snyan cing 'jam pa'i dbyangs rnams kyis rnam par thar pa'i sgo bzhi'i

  735. 368a

    bdag nyid can gyi rdo rje 'chang chen po la 'gro ba ma lus pa 'don pa'i bdag nyid can gyi snying rje chen po'i dga' bas skul bar byed do/ /khyod ni rdo rje'i thugs zhes bya bas ni/ thugs rdo rje'i sgo nas bod pa'o/ /'di la mi phyed pa'i thugs ma rang bas? na rdo rje'i thugs te/ don dam pa byang chub kyi sems kyi rang bzhin no/ /de nyid longs spyod rdzogs pa'i sku yis chos 'byung gi nang na gnas pa'i gzhal yas khang du bdag po'i gzugs su bzhugs pa nyid yin pa'i phyir/ sems can khams na gnas kyi dbang phyug go/ bdag la skyab tu gsol zhes bya ba ni/ 'dod chags kyi spyod pa can gyi sems can kyi khams kyi rang bzhin bdag la bskyab tu gsol ba'o/ /gang dag zhe na/ dga' ba yid 'ong don chen 'dod pas zhes bya bas gsungs te/ de la dga' ba ni byang chub kyi sems phyung ba'i bde ba chen po'i rnam pa'o/ /de nyid yid dga' bar byed pa nyid yin pa'i phyir yid du 'ong ba'o/ /des bskyed pa'i don chen 'dod pa ni thams cad las phul du 'byung ba'i dkyil 'khor ba rnams kyis zhe sdang la sogs pa'i spyod pa can gyi sems can gyi khams rnam par sbyong ba'i rang bzhin te/ des bdag gi mngon par 'dod pa sgrubs shig pa'o/ /ci'i phyir zhe na/ 'di ltar sems can thams cad skyed par mdzad pa dang/ de dag mngon par gdon par bya ba la gnyen mchog tu gyur pa ste/ de'i 'dod chags kyi spyod pa can gyi sems can gyi khams kyi rang bzhin bdag de rnam par spyod pa'i thabs kyi 'tsho bar byed pas gson par mdzad du gsol zhes bya ba'i don to/ /da ni spyan gyis skul bar byed de/ rdo rje sku khyod ces bya ba ni/ sku rdo rje'i sgo nas bod pa'o/ /gang gi phyir khyod sems can mang po la phan pa mdzad cing dkon mchog gsum la sogs pa la

  736. 368b

    gnod pa byed pa rnams la bka' i 'khor lo sbyor bar mdzad pa yang yin pa de'i phyir sangs rgyas don ni chos thams cad rtogs pa'o/ /byang chub ni shes rab kyi pha rol tu phyin ma'o/ /don dam pa ni yang dag par sbyor ba'i bde ba chen po ste/ de dag sems can rnams la phan gdags pa'i bsam pas ston cing 'chad par mdzad pa'o/ /chags pas zhes bya ba ni rab tu dga' ba'i spyod pa la bzhugs pa'i sems can gyi khams rnam par sbyor ba'i rang bzhin gyis so/ /'dod chags dam tshig ni 'dod chags kyi spyod pa can gyi sems can rnams kyi rgyud rnam par spyod pa'i rang bzhin can te/ bdag la dgyes par mdzad cing bsten par mdzad du gsol zhes bya ba'i don to// lhag ma ni snga ma bzhin no/ /'jig rten dbang phyug ni 'od dpag tu med pa yin zhing de'i sku dang gsung dang thugs kyi spyan to/ gos dkar mos rdo rje 'chang chen po la rab tu bskul ba'o/ /khyod ni rdo rje'i gsung des bya ba ni gsung gi sgo nas bcom ldan 'das la bod pa'o/ /kun la zhes bya ba ni sems can gyi khams lus pa bzang ba med pa la'o/ /phan zhing thugs rtse ba zhes bya ba ni/ ma 'ongs pa na phan pa mdzad pa'i bdag nyid can no/ /de nyid kyi phyir 'jig rten rnams kyi don bya ba'i phyir dus rtag tu yang dag par brtson pa'o/ /sbyod ba dri med ni rab tu dga' ba skyed par byed pa'i 'jug pa'o/ /des sems can gyi khams ma lus pa bzang po ste/ dge legs thob par mdzad pas na kun tu bzang po'o/ /bdag la dgyes par mjod? zhes bya ba ni bdag la longs spyad par mdzod cig pa'o/ /gzhan ni bshad zin to/ /de bzhin gshegs pa thams cad kyi sku dang gsung dang thugs kyi dam tshig rdo rje ni don yod par grub pa yin zhing/ de'i btsun mo ste

  737. 369a

    'phags ma sgrol mas rdo rje 'chang chen po la rab tu bskul ba'o/ /khyod ni rdo rje 'dod pa zhes bya ba ni sprul pa mdza' yas pa rnams kyis sems can rnams kyis mngon par 'dod pa'i don sgrub par byed pa'o/ /dam mod? par grub pa'i sgo nas las kyi rigs kyi bdag nyid can yin pa'i phyir dam tshig go/ sems can ma lus pa rnams kyis mchog du phan pa'i don mdzad pa'i phan don che'o/ /zhe sdang gi rab tu phrag dog rnam par sbyod pa'i bdag nyid yin pa? phyir rdzogs pa'i sangs rgyas kyi gdung mchog go /gsod pa la sogs pa la zhugs pa'i sems can rnams kyang gdon par dgongs pa'i bdag nyid can yin pa'i phyir mtshungs par brtser ldan pa'o/ /gzhan ni bshad zin to/ /yon tan rin chen mang po'i zhes bya ba la sogs pas ni/ bdag ni 'dod pa'i yon tan lnga rnam pa mang pos dga' zhing mchog tu zad pa med pa'i bde ba rgyas par byed pa yin no zhes bdag nyid phul du byung ba nyid yin par ston to/ /'dod pa thams cad ces bya ba la sogs pa la bcom ldan 'das kyis rnam pa thams cad du 'dod par bya ba yin pas na 'dod pa thams cad te lha mo rnams so/ /de dag la nye bar longs spyod pa'i ni snyoms bar 'jug pa'i bya bas bde ba chen po'i ro myong ba'i mtshan nyid de/ ting nge 'dzin gang la de'i dpal te sems can gyi khams sbyar bas ni 'di las bshad pa'i cho ga bzhin du dbang bskur ba med na/ rgyud 'di mnyan pa la sogs pa'i/ /skal pa med pa zhes bstan / to/ /de nas rdo rje chos kyis kyang bdag nyid snod du rung ba nyid du shes nas de bzhin du bgyi'o/ /zhes thams cad bzung bar gyur to/ /de nas zhes bya ba la sogs pas no/ nye bar bsdu ba'i cho ga de nyid gsal bar byed de/ de ?

  738. 369b

    bzhin gshegs pa thams cad ni rnam par snang mdzad la sogs pa rnams so/ /sku dang gsung dang thugs kyi bdag nyid can gyi rdo rje 'chang chen po ni dpal rdo rje sems dpa' ste/ de'i mgo dang lkog ma dang/ snying ga'i phyogs na gnas pa'i ye shes gsum sku dang gsung dang / thugs rdo rje rnams btsud par gyur to/ /zhes bya ba'i don to/ /khams gsum thams cad kyi lus rdo rje la zhes bya ba ni brtan pa dang g.yo ba'i khams gsum ma lus pa'i dngos po'i snang ba la'o/ /gnas shing zhes bya ba ni de'i bdag nyid kyi rang bzhin kho nar gnas pa yin gyis/ rten dang brten pa'i sgo nas ni ma yin pa'o/ /sku mnyam pa nyid ni khams gsum pa'i dngos po'i rang bzhin med pa nyid de chos kun sangs rgyas nyid yin te/ chos rnams 'ga' yang yod ma yin/ zhes 'byung ba'i phyir ro/ /de la dmigs nas zhes bya ba gzugs nyid stong pa'o/ /stong pa nyid gzugs so snyam du bsams nas cang mi gsung bar gyur to/ /de bzhin du gsung rdo rje khams gsum pa'i sgra sems dang/ sems can ma yin pa dang/ gnyis kar gtogs pa'i rang bzhin gyi rdo rje la gnas shing gsung rdo rje mnyam pa nyid la ste/ sgra brnyan bzhin du sgra mi dmigs pa nyid la'o/ /de bzhin du rnam par shes pa brgyad kyi mtshan nyid rnam par dag pa'i rang bzhin can gyi khams gsum gyi sems rdo rje la gnas shing thugs mnyam pa nyid la ste/ sems nang dang phyi rol dang gnyis ka'i bar na mi dmigs pa'i rang bzhin nyid la dmigs nas cang mi gsung bar gyur to/ /

  739. 370a

    gzhan ni go sla'o// //le'u bcu bdun pa'i rnam par bshad pa'o// // dpal ldan 'dus pa'i rgyud kyi ni/ /bshad pa dri med byas pa las/ /bsod nams bsags pa gang yin des/ /'gro ba rdo rje 'dzin gyur cig /rgyud kyi rgyal po dpal gsang ba 'dus ba'i bshad pa/ zla ba'i 'od zer zhes bya ba/ slob dpon rab tu dga' ba'i 'byung gnas go cha'i zhal sngags kyis mdzod pa rdzogs so// //sarba mang+gA laM/