Text

ff. 1a–375a · 751 folio sides

  1. 1a

    dbang mdor bstan pa'i 'grel pa slob dpon dus kyi 'khor lo 'khor lo'i zhabs kyis mdzad pa bzhugs//

  2. 1b

    rgya gar skad du/ she kod+de sha TI kA nA ma/ bod skad du/ dbang mdor bstan pa'i rgya cher 'grel pa zhes bya ba/ bla ma dam pa rnams kyi zhabs la phyag 'tshal lo/ /'jig rten 'khrig pa rnams spangs shing/ /phyag rgya che la mnyam par sbyor/ /zag med bde ba la 'khyud pa/ /bde chen sku la phyag 'tshal lo/ /'jig rten nyid ni rnam spangs shing/ /rtogs med nyid la rtag tu zhugs/ /rnam rtog mi mnga' chos kyi sku/ /rtog bral sku la bdag phyag 'tshal/ /zag bcas rmi lam

  3. 2a

    gnas skabs spangs/ /chos rnams rmi lam lta bur mkhyen/ /bde ba gzhan la smod mi mdzad/ /longs spyod rdzogs sku bdag phyag 'tshal/ /'jig rten sad pa'i bya ba spangs/ /sprul pa mdzad pas 'jig rten la/ /zag med bde ba ston mdzad pa/ / gar mdzad sku la bdag phyag 'tshal/ /'di na byis pa gang dag rnams/ /bla ma legs par ma bsten pa'i/ /rgyud rnams log par ston byed pa/ /shes rab 'chal pa can rnams 'byung/ /de rnams la ni phan bya'i phyir/ /bsdus pa'i dbang gi rgya cher 'brel/ /'gro

  4. 2b

    la rjes su brtse ba yis/ /bdag gis myur du bri bar bya/ /de la bcom ldan 'das sa bcu gnyis kyi dbang phyug gis mchog gi dang po'i sangs rgyas thabs dang shes rab gnyis su med pa'i rgyud rtag pa lnga pa'i bdag nyid gsungs pa yin la/ 'di ni rtag pa rnam pa lnga las kyang/ 'jig rten las 'das pa'i dbang 'ba' zhig slar bzlas te gsungs pa yin no/ /gang dag 'jig rten las 'das pa'i rdo rje'i tshig kyang 'di nyid de/ bzhi pa legs par ston pa'i phyir ro/ /de bas na bdag gis 'di'i don rtsa ba'i rgyud du bstan pa dang/ de'i rgya cher 'grel rgyal po zla ba bzang pos mdzad pa dang/ gzhan yang sngon gyi mkhan po nA gArdzun la sogs pa rnams kyi rjes su 'brangs te gsal bar bya'o/ /de ci'i phyir zhe na/ ji skad du mchog gi dang po'i sangs rgyas las gsungs pa/ /phyi ma'i dus kyi rnal 'byor spyod mang dag /brkam

  5. 3a

    zhing rab tu ma bsdam 'byung bar 'gyur/ /sdig la rab dga' rnal 'byor yo byad chags/ /rgyud chen 'di dang bzhi pa 'di spong 'gyur/ / rgod cing dbang po g.yengs la phrag dog can/ /gnas la chags shing rnyed pa 'dod pa dag /sbyor bar byed pa'i skabs la rtag tu gnas/ /bzhi pa 'di ni rab tu spong bar 'gyur/ /rkang lag rdebs shing kha ni gya tshom smra/ /rtse 'jo rgod la rtag par rab tu zhugs/ /gcig la gcig ni mgul 'khyud lag pa 'brel// grong du 'jug na spyod lam gzhan du 'chos/ /mi rig sbyor ba'i mtshan nyid 'di dag ste/ /gzhan gyi bu mo la yang rtag tu chags/ /gzugs kyi rgyags shing mdud pa bor ba yin/ /grong dang grong khyer yul 'khor kun tu rgyu/ /de dag bza' dang btung la rab tu zhugs/ /glu dang bro gar de bzhin rol mo dang/ /nyo

  6. 3b

    tshong lhag par byed cing rab tu brtson/ /btung ba dag la chags shing ngo tsha bor/ /mi rig brtson pa'i spring yig bskur bar byed/ /dam tshig de bzhin spyod lam bstan nas ni/ /khyim pa dag dang bsten cing dam bral nas/ /de dag dam tshig log par shin tu gnas/ /las gang rdo rje 'chang gis rtag smad pa/ /srang dang tshad la g.yo sgyu byed par zhugs/ /de 'dra'i sdig pa nyon mongs las byas pas/ /las ngan byed pa de dag ngan song 'gro /dung dang gser dang nor bu nor mang dang/ /khyim dang gnyen shes rnams spangs dkyil 'khor zhugs/ /sangs rgyas bstan pa 'di la des byung nas/ /sdig pa'i las rnams shin tu spyod par byed/ /nor dang 'bru la snying por 'du shes shing/ /bzhon dang ba lang shing rta rnams la chags/ /gang la rnal 'byor nan tan med pa rnams/ /de dag gis kyang ci phyir dkyil 'khor zhugs/ /ngas ni sngon tshe rnal 'byor spyad pa na/ /lus dang srog la rab tu ma bltas par/ /nga yi ting 'dzin bzhi pa 'di brtsams na/ /de dag de tshe 'di thos rgad mo 'debs/ /bzod pa spangs na rab tu spro bar byed/ /rnal 'byor spyod pa de yi tshig tu smra/ /dam tshig nyams la byang chub ga la yod/ /dam tshig bral nas byang chub 'di thob pa/ /ngas ni ma thos nam yang yong ma mthong/ /shes rab ma

  7. 4a

    zhig yon tan rnam spangs la/ /rgyud chen mchog gi yon tan rtag tu brjod/ /'tsho ba med pa mang po rnal 'byor byed/ /sangs rgyas byang chub rnam pa kun mi 'dod/ /byis pa de dag rtag tu lta la chags/ /stong pa nyid ni thos nas sdangs skrag 'gyur/ /gang dag dam tshig srung zhing yon tan ldan/ /byams la gnas shing rtag tu bzod rtogs pa/ /gnyen zhing des la shin tu dam pa rnams/ /de dag de tshe yongs su nyams par 'gyur/ /gang yang shin tu dam bral sems ldan dang/ /mi bzad ma rungs ngan pa'i las byed pa/ /dam tshig mang yang spyod cing 'thab la dga' / /de dag de'i lus na mchod par 'gyur/ /bsgom par bya zhing rab tu go bar bya/ /zla bzang nga la dad pa'i phyir 'brangs na/ /bde bar gshegs pa brtan pa 'di dran nas/ /de dag la ni nam yang yid mi rton/ /de dag 'dod chags che zhing zhe sdang che/ /gti mug che zhing nga rgyal dregs pas rgyags/ /lus kyang ma dul ngag kyang ma dul zhing/ /sems kyang ma dul ngan song gzhol ba yin/ /rnal 'byor dam tshig dag la mi spyod de/ /tshig tsam gyis ni dngos grub thob mi 'gyur/ /nan tan lhur byed dngos grub thob mi dka' / /de bas

  8. 4b

    dam tshig dag la nan tan bya zhes so/ /de lta bu'i rnal 'byor pa'i ming tsam dang ldan pa rnams rnal 'byor gyi spyod pa phyin ci log par 'gyur ba bstan pa dang/ rdo rje 'chang gis gsungs pa'i rgyud kyi don log par bkral bas log pa'i lam du 'jug pa dang/ gnyis su med pa'i ye shes ni skad cig 'gyur ba'i bde ba 'jig rten phal pa'i zag pa dang bcas pa nyid de yin zhes brjod pa dag 'byung ngo/ /zhes gsungs pas de bas na bdag gis nges pa'i don gyi mdo dang/ rgyud gcig nas gcig nges pa'i don gyis gsal bar bya'o// de la rgyud kyang kha gcig ni drang ba'i don du bstan la/ kha cig ni nges pa'i don du bstan cing kha cig ni gnyis ka ston/ de yang ji skad du sgron ma gsal bar byed pa zhes bya ba rnal 'byor chen po'i rgyud kyi bshad pa las/ /dgongs par bshang dang dgongs min las/ /ji bzhin sgra dang ji bzhin min/ /drang ba'i don dang nges pa'i don/ /rgyud ni mdza' drug mtshan nyid can zhes gsungs so/ /gzhan yang nges pa'i don gyis mdo sde la ston par bya'i/ drang pa'i mdo sde la ston par mi bya'o zhes gsungs pa dang/ gzhan yang bcom ldan 'das kyis rdo rje gtsug tor gyi rgyud las ji skad du lta ba'i dbang po'i ting nge 'dzin ni rnam pa gnyis te mtshan ma dang bcas pa dang mtshan ma med pa'o/ /mtshan mar bcas pas mtshan bcas kyi/ /dngos grub rgyal ba dam pa bzhed/ /mtshan ma med la gnas pas ni/ /mtshan ma can yang sgrub tu rung zhes gsungs so/ /gzhan yang drang ba dang nges pa'i don ni shes rab kyi pha rol tu phyin pa tshul brgya lnga bcu pa las ji skad du/ /khams gsum du skyes pa'i sems can thams cad srog dang phral yang ngan song du yang mi 'gro la/ /myur du bla na med pa yang dag par rdzogs pa'i byang chub tu mngon par rdzogs par sangs rgyas par 'gyur ro zhes gsungs pa lta bu ste/ drang ba'i don ni de bzhin gshegs pa la ngan sems gyis khrag 'byin pa dang/ /dgra bcom pa gsod par brtson pa la sogs pa ni rnal

  9. 5a

    'byor stobs dang ldan pa rnams kyis zhe sdang gi rigs su skyes la mchog tu snying rje skyed pa de skad cig tsam zhig gzhom gyi/ /rnam pa kun gzhom pa ni ma yin no/ /des ni bdag gzhan gnyis ka'i dngos grub rgyur gyur ba lta bu'o/ /nges pa'i don ni/ /srog ces bya ba rlung du bshad/ /nyin mtshan rnams su rab rgyu ba'i/ /gang zhig rlung ni rab bsad na/ /dngos grub rab mchog thob par 'gyur zhes gsungs pa lta bu'o/ /de bzhin du lus thams cad la gnas pa'i kun rdzob byang chub kyi sems ni srog yin la/ de'i rgyu ba bcad pa ni srog bcad pa'o zhes gsungs so/ /de bas na rgyud thams cad kyang nges pa dang drang ba'i don du gnas par rton par byas la/ /dang po'i las can gyi rnal 'byor pa rnams la yang rdo rje slob dpon ston pa rnams kyis don gnyis po ji lta ba bzhin du rim pas rtogs par bya zhing khong du chud par bya'o/ /de ltar ma 'ongs pa 'byung bar 'gyur ba la sogs pa'i rdo rje 'chang gis gsungs pa rnams bdag gis gsal bar bstan cing/ de lta bas na mdor bstan pa'i dbang gis rgya cher 'grel pa rtsom pa la 'jug par bstan nas/ da ni rgyud kyi don la 'jug par bya'o/ /de la rtsa ba'i rgyud kyi le'u lnga pa las dbang mdor bstan pa 'di phyung ba yin la/ de nyid rgyal po zla ba bzang po zhes bya ba byang chub sems dpa' phyag na rdo rje'i sprul pa zhu ba pos zhus pa ni zla ba bzang pos gsol pa/ ston pa dbang ni rnam bdun dang/ rnam gsum de bzhin bla na med/ /'jig rten 'jig rten las bsgrub phyir/ /bsdus pa yis ni bdag la gsungs zhes bya ba smos te/ ston pa zhes pa ni bcom ldan 'das dus kyi 'khor lo ting nge 'dzin du zhugs pa la gus pa'i tshul gyis bos pa'o/ /dus kyi 'khor lo zhes bya ba 'di nyid gang yin/ /dus ni gang 'khor ni gang snyam pa la/ ji skad du rtsa ba'i rgyud las/ phyi dang nang gi dbye ba

  10. 5b

    yis/ /dus ni rnam pa gnyis su 'dod/ /de bzhin 'khor lo yang rnam gnyis/ /dus kyis 'khor lo rab tu brjod/ /phyi'i dus ni rnam pa lnga/ /nang gi steng 'og rab byed pas/ /rnam pa gnyis su shes bya zhing/ /mkhas pa rnams kyis rtogs par bya/ /drug cu dang ni cu gnyis khyim/ de bzhin nyin dang mtshan mo dang/ /rgod pa gnyis dang dus tshod de/ /rnam pa lngar ni mngon par brjod/ /steng yang g.yas dang g.yon pa la/ /'byung dang 'jug par byed pa dang/ /dkyil 'khor la lnga dbye ba yis/ /rnam pa gsum du rab tu bshad/ /'og gi 'byung 'jug bye brag gis/ /rnam pa gnyis su brtag par bya/ /'di dag spyir ni rtog bya ba/ /bzang ngan bsam mi khyab pa gsum/ /bzang dus gang yin de blang zhing/ /ngan pa'i dus ni spang bar bya/ /bsam mi khyab par kun tu blang/ /rgyud rnams kun gyis don 'di yin/ /'khor bas 'khor lo rab tu brjod/ /ces gsungs pa yin no/ /gzhan yang yi ge re res bshad pa ni bsdus pa'i rgyud kyi 'grel pa las rtog par bya'o/ /dbang ni rnam pa bdun zhes pa ni 'og nas ston bzhin pa'i rnam pa bdun no/ /rnam gsum zhes pa ni bum pa dang gsang ba dang shes rab ye shes so/ /de bzhin bla na med ces pa ni bcu gcig pa shes rab ye shes chen po'i dbang ngo/ /'jig rten 'jig rten 'das bsgrub phyir zhes pa ni re zhig 'jig rten pa nyid kyi 'bras bu ster la/ shes rab chen pos ni 'jig rten las 'das pa dang 'jig rten pa gnyis ka ster ba'o/ /ci'i phyir shes rab chen pos gnyis ka ster snyam pa la/ skye dgu'i bdag po yin pa'i phyir dang/ dper bya kun las 'das pa'i phyir dang/ /phyir mi ldog pa phyir mi 'ongs pa'i phyir dang/ dge slong dgra bcom pa zag pa thams cad zad pa'i phyir dang/ 'jig rten pa'i 'dzag pa'i 'dod chags dang bral nas mi 'dzag pa'i 'dod chags chen po yin pa'i phyir dang/ bslab par bya ba'i gnas thams cad mthar son pas na gang la

  11. 6a

    yang mi slob pa'i phyir dang/ rang sangs rgyas bser ru ltar gcig bu yin pa'i phyir dang/ gang ci yang rung ba 'dus pa'i tshogs kyi dpon du gyur pa yin pa'i phyir dang/ nam mkha' las 'byung ba nyid dang/ rang 'byung ba nyid yin pa'i phyir dang/ rgyu mthun pa las yang dag pa'i bskyed pa yin pa'i phyir ro/ /gzhan yang 'jig rten pa'i ni 'jig rten pa'i nyid yin pa'i phyir to/ /byis pa rnams gzung ba yin pa'i phyir dang/ kun rdzob nyid yin pa'i phyir dang/ 'gyur ba skad cig ma yin pa'i phyir dang/ phung po dang khams zad par bya ba'i phyir dang/ rgyud gzhan la ltos par byed pa yin pa'i phyir dang/ bcom pa yin pa'i phyir dang/ kha mang bltas pa yin pa'i phyir dang/ zhe sdang bskyed pa'i rgyu yin pa'i phyir dang/ 'jig rten phal pa dang thun mongs yin pa'i phyir dang/ 'khor ba'i 'bras ster ba'i phyir ro/ /'di lta ste gza' dang tshes dang skar ma dang/ /sbyor ba dang ni byed pa dang/ /'di rnams gza' yis shis pa la/ /'jig rten 'bras bu bsgrubs na 'grub ces/ gsungs la/ cig bshos ni yang ji skad la/ de nyid med pa'i rnal 'byor pas/ /des par brtul zhugs myur ba dang/ /yi ge don dang bsgom pa ni/ /bskal pa bye ba brgyas mi 'grub ces gsungs so/ /de bas na de nyid ji lta ba bzhin du bdag gis rtog par 'gyur ba'i rnam grangs kyis bshad du gsol zhes pa'i don to/ /de yang tshul ji lta bar snyam pa la/ bsdus pa yis ni zhes bya ba smos pa yin la/ bsdus pa yang tshig ni bsdus pha yin la don ni rgyas pa'i sgo nas shes dgos so/ /bcom ldan 'das kyis bka' stsal pa zhes pa ni lan gsung bar bzhed nas so/ /nyon cig zla bzangs zhes pa ni bod pa'o/ /dbang gi don zhes bya ba la/ dbang ni 'jig rten dang 'jig rten las 'das pa'o/ /don zhes pa ni gong du bstan pa'i de yang yi ge bzhis bstan

  12. 6b

    par byas te/ a b+hi Sha ka zhes bya ba ni/ sprul pa'i 'khor lo rdo rje sems phyag gnyis he ru ka yang de/ /de nyid 'jig rten gsum khyab pas/ /ngo bo nyid duAng de brjod de/ /sangs rgyas kun ni bde chen po/ /ye shes rdo rje yang de nyid/ /lhan cig skyes dga' yang de nyid/ /rgyu mthun dag tu de brjod de/ /de nyid rtse gcig dag tu dran/ /zhi ba'i gnas skabs zad pa de/ /yi ge mchog ste rnam par dag /de rjes snying pad dbus su zhugs/ /de nyid hUM yig sems dpar brjod/ /mi bskyod pa yang de nyid de/ /de nyid thugs kyis rdo rjer brjod/ /khyab 'jug de ni phyag bzhi pa/ /de nyid dzwA la dzwA lar brjod/ /chos kyi sku yang de nyid do/ /chos 'khor la zhugs rdo rje can/ /dga' ba mchog gi gzugs 'dzin pa/ /de nyid rnam par smin par brjod/ /gnyid log pa ni sangs pa'o/ /ye shes chen po'i ros gang ba/ /sems dpa' chen por der brjod de/ /mgrin pa'i longs spyod 'khor lo ste/ /'od dpag med du mngon par brjod/ /gsung gi rdo rje brjod pa de/ /phyag na pad+ma de bzhin gshegs/ /dga' ba mchog tuAng de la brjod/ /skyes bu byed pa 'ang de la gsungs/ /'jug pa dang ni ldog pa dang/ /rmi lam gnas skabs zad pa'ang de/ /de nyid longs spyod rdzogs pa'i sku/ /sangs rgyas chos rnams ston pa'ang yin/ /zhal gsum rnam pa'i phyag drug pa/ /de nyid kho na bde byed brjod/ /ki ti ki ti rdo rje'ang de/ /he ru ka ni gsum par 'gyur/ /rtag tu dam tshig la gnas pa/ /gang zhig gnas pa yongs su bgrod/ /dam tshig kun rdzob dkar po ste/ /dpral bar bde chen dga' na zhugs/ /bdud rtsi la zhugs sems dpa' ni/ /oM gyis yongs su brjod par bya/ /de nyid rnam par snang mdzad brjod/ /sku yi rdo rje de nyid de/ /tshangs pa sku yi rdo rje 'dzin/ /de nyid kho nar yongs su brjod/ /dga' ba tshangs pa'i gzugs yin te/ /gzugs kyi sku ru de la brjod/ /sprul pa'i sku yi mtshan nyid de/ /de nyid phyag na 'khor lor brjod/ /de nyid ldog dang rgyu mthun nyid/ /de nyid kho na sangs pa zad/ /de nyid bi tsu'i rdo rje de/ /zhal brgyad he ru ka ru brjod/ /dpa'

  13. 7a

    po chen po zhal bzhi pa/ /phyag ni bcu drug rnams dang ldan/ /de ltar sku yi rab dbye bas/ /bzhi pa'i don du khrag 'thung brjod/ /ces gsungs de/ de bas na yi ge bzhi ni spyod pa dang grol ba gnyis ster bar byed pas na dbang zhes bya'o/ / gzhan yang dag cing 'khru bar byed pas na dbang zhes bya ste/ sems bde bar byed pa zhes bya'o/ /rnam bdun rnam gsum zhes bya ba ni gong du bstan pa'o/ /rtswa'i kun tu spyod pa zhes ni rigs kyi kun tu spyod pa dang/ steng 'og dang g.yas dang g.yon dang/ /thur sel ba dang/ gyen du rgyu ba la sogs pa ste/ 'og nas rgyas par ston pa bzhin no/ /rtsol ba zhes ni gyen rgyu ba 'ba' zhig gzung gi gzhan ni ma yin no/ /mdor bsdus pa yi khyod la bshad ces pa ni bshad par zhal gyis bzhes pa'o/ /rgyud la mdor bstan rnam gsum dang zhes pa ni mchog gi dang po'i sangs rgyas 'di dang bsdus pa'i rgyu kho na yin gyis rgyud gzhan ni re shig mi bzung ngo/ /de la rgyud ces bya ba ni/ 'jig rten pa'i tha snyad kyis thags dang chu bo'i rgyun la sogs pa la yang 'jug mod kyi/ 'on kyang brjod par bya ba'i don dang/ brjod par byed pa'i tshig gnyis su khong du chud par bya'o/ /de ni thabs dang shes rab dang cha mnyam pa zhes bya ba gsum du gnas so/ /de bas na mdor bsdus pa rnams gsum yod pa de bzhin tu rgyas par bshad pa yang gsum du 'gyur zhes bya ba'o/ /de yang gang yin snyam pa la rab tu mdor bstan che/ /rab tu rgyas par bshad pa gzhan zhes gsungs te/ mdor bstan gsum yin no/ /de nyid kyi mtshan nyid mi shes pa'i phyir/ /mdor bstan rgyas par bshad pa nyid/ / rgyud kyi bsdus pa brjod pa yin zhes gsungs te/ de nyid ni rgyud thams cad kyi brjod par bya ba stong pa dang snying rje stong par dbye ba'i yi ge e baM ma ya yin ni bsam pa'i dbang gi kha cig la sdud pa po'i tshig tu snang ba yin no/ /kha cig la bden pa bzhi'i

  14. 7b

    chos kyi 'khor lor snang ngo/ /kha cig la nyan thos kyi sde pa'i rtsa ba bzhir ston par snang ngo/ /phyi'i dngos po'i sde snod kha cig las ni 'byung ba chen po bzhi ston pa'i tshig tu snang ngo/ /de bas na dgyes pa'i rdo rje'i rgyud las kyang/ /de ltar thams cad bzhi bzhi yin gsung ngo/ / de bas mthun mongs ma yin pa'i theg pa 'di ni sku bzhi dang lha mo spyan ma la sogs pas byin gyis brlabs pa stong pa nyid dang snying rje ston pa'i yi ge bzhi ni rgyud kyis bsdus pa zhes dgongs so/ /rab tu rgyas bshad rgyas bshad ni/ /dka' 'grel tshig ni 'joms pa'o zhes pa ni yi ge bzhis ston par byed pa'i rgyud kyi ming can yin la/ de yang gang yin zhe na/ thos pa dus gcig na zhes pa nas rdzogs so/ /bya ba yan chad kyis rtog par bya'o/ /dka' 'grel tshig ni 'joms pa po zhes pa ni de ltar gong du bstan pa'i rnam pa bzhi po ni dka' ba yin la/ de 'joms pa byed pa ni gzhung gi cho gas 'og rnams yin no/ /mdor bstan chen po'i rgyas bshad ni gang yin snyam pa la/ 'grel bshad thams cad bsdus don de zhes gsungs pa yin la/ de ni gang yang rgyud dang rgyud kyi ming can thams cad 'grel par byed pa ste/ rtsa ba'i rgyud kyi 'grel byang chub sems dpa' zla ba bzang pos mdzad pa la sogs pa la yin no/ /de yang sgra dang rtog ge'i bstan bcos kyis mngon par rgyal ba'i mkhas pa rnams te mngon par shes pa mthong bas mi bya ste/ rgyud kyi don log par ston pa'i phyir ro/ / de bas na de yang mngon shes thob rnams kyis/ /bya ba ma yin mkhas gzhan min zhes gsungs la/ byang chub sems dpa' pad+ma dkar pos kyang/ ji skad du dri ma med pa'i 'od las da 'am da lta bus bya'i/ yul gyi longs spyod la chags pa de bzhin gshegs pa'i gsung las phyi rol tu gyur pa rnams kyis ni ma yin no zhes gsungs so/ /de ltar rgyud kyi rnam par bzhag pa dang/ mdor bstan pa dang/ rgya cher 'grel byed pa'i gang zag la sogs pa bstan nas/ da ni gang bcom ldan 'das dpal dus kyi 'khor lo stong pa nyid dang snying rje'i

  15. 8a

    bdag nyid phyi dang nang dang gzhan la rab tu gnas pa de nyid mdza' drug gi tshul du gnas par bstan pa'i phyir/ de ltar mdza' drug rnams kyis bdag ces pa gsungs te/ de la mdza' drug gis ni gong du bstan pa'i rgyud kyis bsdus pa'i ming dang/ bcas pa rnam pa drug yin pa 'am/ yang na e baM ni 'di ltar du rkyen gyur la 'og nas don ston pa dang sbyar bar bya'o/ /de yang rdo rje rnal 'byor rnam bzhi dang/ /byang chub rnam bzhi'i phung po dang/ /khams dang skye mched rigs drug dang zhes gsungs te/ sku dang gsung dang thugs dang ye shes la sogs pa bzhi ste/ ci'i phyir 'jig rten snyam pa la/ 'jig rten pa'i bya ba bzhi bkag nas rdo rje lta bu'i bya ba la 'jug pa'i phyir ro/ /de yang phyi dang nang dang gzhan gsum du ston par bya'o/ /byang chub rnam pa bzhi yang tshul de ltar khong du chud par bya ba yin la/ gzhan yang kye'i rdo rje'i rgyud las/ dang po ston pa'i byang chub dang/ gnyis pa la ni sa bon dgong/ /gsum pa la ni gzugs rdzogs shing/ /bzhi par yan lag bcas pa bstim zhes gsungs so/ /de yang nang du ni 'chi ba'i skad cig dang/ phyi rol du ni mi 'jig pa dang/ gzhan ni brjod du med pa'i yi ge ste/ stong pa'i rdo rje'o/ /de nang du ni khu ba phyi rol du ni zla ba/ gzhan ni dbyangs yig ste/ de ltar rdo rje gnyis pa'o/ /nang du ni de dag yongs su 'gyur bas gzugs rdzogs pa dang/ phyi rol tu ni 'jig rten chags pa yin la/ gzhan du ni brjod du med pa'i yi ge gnyis la rjod byed gcig go /rdo rje gsum pa'o/ /phyi rol dum bu bcu gnyis la sogs pa legs par gnas pa yin la/ nang du skye mched rnams gsal ba yin no/ /gzhan ni de ltar rjod byed sgrub pa las 'gro ba rnams kyis don byed pa yin no/ /de ltar rdo rje bzhi yin zhing/ rgyas par ni dri ma med pa'i 'od las shes par bya'o/ /byang chub rnam pa bzhi zhes bya ba ni sgyu 'phrul dra ba la sogs pa rnams bzhi'o/ /phung po zhes pa ni drug ste

  16. 8b

    gzugs dang tshor ba dang/ 'du shes dang/ 'du byed dang/ rnam par shes pa dang ye shes so/ /khams shes pa drug ste/ sa dang/ chu dang/ me dang/ rlung dang/ nam mkha' dang/ ye shes so/ /skye mched ces pa ni bcu gnyis te grags par zad do/ /rigs drug ces pa ni gzugs sa'i khams kyi rigs dang/ tshor ba me'i khams kyi rigs dang/ 'du shes chu'i khams kyi rigs dang/ 'du byed rlung gi khams kyi rigs dang/ rnam par shes pa nam mkha' i khams kyi rigs dang/ mchog tu mi 'gyur ba ye shes kyi khams kyi rigs te/ mngal na skye ba rnams la sgrib pa dang bcas pa'i rigs drug yin la/ de bzhin gshegs pa rnams khams drug gi rigs 'gag pa'i phyir sgrib pa med pa yin te/ khro ba'i rgyal po gdong drug 'jigs pa yin no/ /de ltar brjod pa'i rim pas ni bcom ldan 'das dus kyi 'khor lo'i mdza' drug gi tshul gnas pa yin la/ de yang le'u lnga'i bdag nyid nas rgyas par ston pa yin pas/ 'jig rten khams sogs brjod pa'i ste/ le'u lnga yi dag pa ste/ dus kyi 'khor lor dngos brjod de zhes gsungs te/ bden gnyis dang po'i sangs rgyas yin zhes bya ba ni de ni brjod pa'i mchog gi dang po'i sku nyid rig pa rnam gnyis la rten nas bsgrub par bya ba yin pa'am/ yang na gang ci yang rung ba'i theg pa chen po'i chos kyi 'khor lo bskor ba'i bden pa gnyis dang mi 'gal bar gsungs pa'i phyir de skad ces bya'o/ /da ni dbang gis rnam par 'byed pa dang/ rnam par dag pa bstan pa'i phyir/ gang yang dang po'i dbang bdun ni zhes bya ba smos te/ chu la sogs pa bdun po ni dang po rnams par rtog pa shas che ba'i byis pa rnams la bstan par bya ba yin pas/ byis pa rnams ni bzhugs pa ste zhes gsungs so/ /de skad du kye'i rdo rje las kyang/ /bskal med sems can 'dul dka' la/ dang po gso sbyong bstan par bya zhes gsungs so/ /de nas bla mar gyur pa rnam par dbye ba ni/ 'jig rten kun rdzob rnam pa gsum zhes gsungs te/

  17. 9a

    bum pa dang/ gsang ba dang/ shes rab ye shes te/ bdun po las bla mar gyur pa de yang zag pa dang bcas pa la nye bar spyod pa'i phyir kun rdzob pa zhes bstan cing/ /gzhan yang ma 'ongs pa'i dus na gsum pa bcos ma dang/ bzhi pa ma bcos dag pa dang 'khrug long du ston pa'i slob dpon dag 'byung bar gzigs nas byis pa tha dad par mdzad pa yin no/ /bzhi pa dag ni don dam nyid ces bya ba ni/ /da ltar brjod pa'i rim pas kun rdzob kyi dbang bcu la bzhi pa bcu gcig pa tha dad par gsungs pa yin no// bzhi pa zhes bya ba ni grangs bzhi kho na yin gyi/ slob dpon ngan pa'i man ngag gzhan la 'khrul par mi bya'o/ /gsum pa dang/ gnyis pa dang/ dang po la sogs pa ci'i phyir mi bzhag ces 'od gsal ba las/ de yang ji skad du/ sa bon las ni myu gu dang/ de las de bzhin sdong bu dang/ sdong bu las ni 'bras bu ru/ /mkhas pa rnams kyis rtogs par bya zhes gsungs pa la/ /gzhan yang byis pa las dar la bab pa dang/ dar la bab pa las rgan po dang/ rgan po las yongs su 'khogs par 'gyur zhes bshad do/ /bden pa gnyis ltar na yang kun rdzob kyi bden pa la rten nas don dam pa'i bden pa rig par 'gyur ro zhes gsungs so/ /de bas na bzhi pa ni don dam pa ste 'bras bu'o/ /de bas na chos rnams bden pa gnyis kyis ni/ /rdo rje 'dzin pa ngas bstan te/ 'jig rten kun rdzob bden pa dang/ don dam nyid kyis bden pas so zhes gsungs so/ /de'i grangs bstan pa'i phyir/ /chu dang cod pan dar dpyangs dang/ rdo rje dril bu brtul zhugs che/ /ming dang rjes gnang bcas pa ste/ rnam bdun dbang ngo rgyal po kye zhes gsungs te go bla'o/ /de nyid dag pa ston pa rjes su rtog par bya ba'i phyir/ /lus ngag yid ni dag byed pa/ /sbyong bar dbang bskur gnyis gnyis te/ /rjes gnang ye shes dag pa yin/ /zhes bya ba ni chu dang cod pan gyis ni phung po sbyong bar byed pa yin no/ /dar dpyangs dang rdo rje dril bus ni ngag sbyong ba

  18. 9b

    yin no/ /brtul zhugs dang ming gis ni sems sbyong bar byed pa yin no/ /rjes su gnang bas ni ye shes sbyong bar byed pa yin no/ /gzhan yang 'jig rten pa'i rnam par bzhag pa bdun yongs su sbyong bar byed pa ni gzhan ni khams sogs yang dag 'gag ces bya ba ni 'jig rten na gzhon nu btsas ma thag pa 'khru ba'i phyir dang/ sa dang/ chu dang/ me dang/ rlung dang/ mi bskyod pa khams bzhi po spyod pa'i phyir chus dkrus pa yin no/ /cod pan gyis ni phung po'i bdag ces pa ni tha mal pa'i phung po rgyal ba rnam par snang mdzad du bskyed pa dang/ 'dren mkhan gyi gtsug pud gzhag pa yin no/ /dar dpyangs pha rol phyin pa 'dags ces bya ba ni rgyal ba don yod grub par bskyed pa dang/ gzhon nu'i rna ba phug pa yin no/ /gzhan yang rgyal ba rin chen 'byung ldan du bskyed par bya ba dang/ gzhon nu btsas nas smra ba dang/ rgod pa la sogs pa las spyangs pa dang/ stong pa nyid dang/ snying rje'i brda bstan pa dang/ mi 'gyur bde ba'i brda bstan pa dang/ sangs rgyas gsung rgyun mi 'chad pa dang/ zhes bya ba ni 'khor ba ji srid de srid du chos kyi 'khor lo 'jig rten du rgyun mi 'chad par bskor ba'i phyir dang/ nang du ni bde ba chen po'i sangs rgyas kyi gsung rgyun mi 'chad pa'i phyir dang/ gzhan yang nyi zla gcig tu dag pa'i zhes gsungs te/ g.yas dang g.yon pa'i nyi zla'i ming sgra gcan 'dzin gyi ming can du dag par bya ba'i phyir/ rdo rje dril bu mi 'gyur che zhes bya ba'i dbang yin no// gzhan yang gzhon nu skyes pa rnam par rtog pa med par 'dod yon lnga la longs spyod pa dang/ 'pho ba bde ba las mi 'pho bar bya ba dang/ rgyal ba dpag med 'od du bskyed pa dang/ yul dang dbang po tha mi dad par bya ba'i phyir brtul zhugs kyi dbang yin no/ /gzhan yang gang gzhon nu btsas ming gi dus la bab pa na ming btags pa de byams pa la sogs pa tshad med pa bzhi'i rang bzhin can no/ /khro bo bzhi bskyed par bya ba'i phyir ming zhes bya ba'i dbang yin no/ /gzhan yang gang gzhon nu lo bcu drug la bag ma'i bya ba byed pa las

  19. 10a

    sbyangs pa dang/ bu mo la ni lo bcu gnyis te/ dus de nas sa bon gyi bde ba 'byung ste/ sbyangs pa'i phyir phyag rgya lag tu gtad pa tsam dang/ rgyal po rdo rje sems dpa' i bskur bskyed pa'i phyir/ gnang ba sangs rgyas nyid du dag ces bya ba ni dbang yin no/ /de ltar dbang bdun gyis dag pa bstan pa nas/ da ni dbang bdun po de yang longs spyod dang ldan pa rnams rdul tshon gyi dkyil 'khor sngon du song ba las bla ma dam pa las blang bar bya ba yin la/ dbang bdun po ni 'di yin te/ dkyil 'khor bzhengs nas sbyin par bya zhes gsungs so/ /bum pa dang ni gsang ba dang/ shes rab ye shes dngos por brjod ces bya ba ni de ltar gong du dbang bdun po dag dang bcas par bstan nas/ da ni shes rab ye shes la sogs par ston par byed pa'o/ /slar yang shes rab chen po ni zhes bya ba ni 'jig rten las 'das pa'i dbang ngo/ /de yi ye shes mngon par brjod ces bya ba ni 'di zhes pa ni 'jig rten pa'o/ /ye shes mngon par brjod ces pa ni drang ba'i bde ba mngon par brjod pa'o/ /de yang drang ba zhes brjod pas/ byis pa kha cig gi bsam pa las 'gyur ba dang mi 'gyur ba'i bde ba 'dra zhes dogs na/ de ni ma yin te/ de ci'i phyir zhe na/ 'gyur ba'i bde ba ni nu ma dang skrar ldan pa la brten pa'i phyir dang/ mi 'gyur pa ni bde ba'i rnam pa kun gyi mchog dang ldan pa'i phyag rgya chen mo shes rab kyi pha rol tu phyin pa sangs rgyas thams cad bskyed par mdzad ma la brten pa'i phyir ro/ /de bas na drang zhes bya'i tshig gis dpe mtshon pa tsam la brjod par byed pa yin no/ /gzhan yang nu ma dang skrar ldan pa'i mi mo la shes rab ces gsungs te/ dbang po rnon pos ni de mchog tu mi bzung gi /gang de 'dul bar dka' ba'i skyes bu la gsungs pa yin no/ /de yang ji skad du/ re shig mi mo shes rab yin/ /skyes bu thabs su shes par bya zhes gsungs pa'i phyir ro/ /

  20. 10b

    gzhan yang brda yis gsungs pa ni ji skad du/ bud med skyes gnas pad+ma ste/ skyes bu'i dbang po rdo rje brjod ces gsungs pa lta bu'o/ /de bas na brda dang brda ma yin pa la rnal 'byor pas bslab par bya'o zhes bcom ldan 'das kyis gsungs so/ /khyad par gyi ngo bo brjod par bya ba'i phyir ro// 'gyur zhing 'gyur te zhes bya ba smos so/ /de la 'jig rten pa thams cad ni zag pa dang bcas pa yin la/ /zag pa dang bcas pa nyid kyi bye brag ni 'gyur ba dang/ mthun pa la sogs pa ste/ 'jag pa'i bdag nyid can no/ /mngon par dbang bskur rim gsum gyis/ /lus ngag yid ni yang dag dag /bzhi pa ye shes dag pa ni/ /lus ngag yid ni dag par byed ces bya ba la de ltar brjod pas dbang bzhi pa yis ni lus ngag yid ye shes dang bzhi sbyong bar byed pa ste/ /gsum po ni byis pa rnams kyis rtog par byas pa'i phyir ro/ /bzhi pa ye shes la sogs pa bzhi char sbyong ba ni nges pa'i don to/ /de bzhin gshegs pa'i bka' lung ngo/ /de yang ji skad du dang po mchog gi sangs rgyas las/ /'jig rten lta bu'i ye shes kyis/ /lus ngag yid ni nyon mongs pa/ /dka' ba 'jig rten dngos grub 'grub/ /mchog gi dngos grub thob mi 'gyur/ /'jig rten 'das la gzhol bas ni/ /skye dga' med pa'ang 'grub 'gyur na/ /'jig rten lta bu smos ci dgos/ /de bas phyag rgya chel 'bad ces gsungs so/ /de bas na bzhi pos ni thams cad sbyong ba yin no/ /gzhan yang 'jig rten pa'i dpe brjod par bya ba'i phyir/ byis pa zhes bya ba la sogs pa smos te/ byis pa dang 'dra zhing yun thung la mi brtan pa ni bum pa'o/ /dar ma zhes pa ni byis pa'i yon tan ni yar ldan la/ 'on kyang mi brtan pas dar ma ste gsad pa'o/ /rgan zhes pa ni gnyis pa'i yon tan yar ldan la 'on gyis 'gyur zhing mi rtag pa ste shes rab ye shes so/ /bzhi pa dag ni skyes dgu'i bdag ces bya ba smos te/ skye dgu thams cad gnyis su med pa'i ye shes su kun gzhi skye bar mdzad pa ni skye dgu'i bdag po yin zhing/ /yon tan bzhi po thams cad rdzogs pa'i phyir mi ldog pa'i

  21. 11a

    dbang zhes kyang bya'o/ /de yang nang du brjod na gang yin snyam pa la/ shes rab nu ma yan lag ni zhes smos te/ shes rab ni mi mo yin la/ /nu ma'i yan lag ni nu ma'i yan lag gnyis reg las byang chub 'pho bde zhes ni nu ma gang yin pa de la reg pa'i bde ba ni 'gyur ba'i bde ba ste/ de ni gang phyir byis pas bde ba thob pa yin pa de'i phyir byis pa'o/ /dkar 'dzin gyis ni byis pa de dbang bskur ba yin te/ de ni gsang sngags kyi tshul 'di la bsnyen gnas yin no/ /gzhan yang gsang ba ni mi mo ste nu ma dang skrar ldan pa'o/ /gnyes shes pa ni sgra ni bum pa las bye brag tu byas pa yin la/ de ni gnyis 'gyur ro/ /de nas dar la bab par shes par bya'o/ /skyes shes pa ni bde ba'o/ /gang gis snyam pa la byang chub sems shes bya ba gsungs te/ kun rdzob kyi byang chub kyi sems kyis so/ /de yang mi brtan pas na/ 'pho ba zhes gsungs so/ /de bas na 'pho ba'i bde ba'o/ /gang phyir gsang ba las bde thob pa zhes pa ni gsang ba la rten nas skyes bu 'dod chags can rnams kyis bde ba 'byung ba yin no/ /dar la bab pa de dbang bskur zhes pa ni byis pa la ltos pa'o/ /de nyid ni dge bsnyen no/ /yun rings gsang ba bsnyes las shes shes pa ni yun rings pa ni bum pa dang gsang ba ste/ gsum 'gyur ro/ /de nyid dge tshul yin no rdo rje rtse mo ni nor bu rtse mo'o/ /mthun zhes pa ni yun ring du gnas pa la bya'i thams cad du mi 'dzag pa ni ma yin no/ /gang phyir rgan dang mthun gyur pas shes pa ni rgan po dang 'dra zhing yun ring ba'o/ /de nyid ni shes rab ye shes dbang skur zhes bya ba ste/ zag pa dang bcas pa'i bde ba mthar thon pa'o/ /gzhan yang de ni 'dod pa'i khams kyis bde ba mthar gtugs pa yang yin no/ /da ni phyag rgya chen mo zhes bstan pa'i phyir/ /phyag rgya che la zhes smos te/ yangs pa dang rgya che ba dang kun tu bzang mo dang/ nam mkha' ltar thogs pa med pa gang yin pa de ni phyag rgya chen mo zhes bya'o/ /rjes chags pas shes pa ni

  22. 11b

    gang la rjes su chags pa'i dbang ni phyag rgya chen mo'i dbang ngo/ /ji ltar chags par bya zhe na/ gang la'ang mi gnas pa de de ltar chags par bya'o/ /rgyu mthun la skyes bde ba gang zhes bya ba la/ /rgyu mthun ni thog pa med pa'i rgyu las thog pa med pa'i 'bras bu skye bar mthun pa'i phyir ro/ /de skad du yang sa bon gang dang gang las ni/ de dang de'i 'bras bu 'byung zhes gsungs pas/ gang gi phyir rgyu mthun nyid du 'gyur zhes pa ni rgyu bsgom par bya ba med pa las 'bras bu 'dzin pa med pa'i ye shes su 'byung pa'o/ /phyag rgya chen mos de dbang bskur zhes pa ni de ltar brjod pa'i dbang la skyes bu 'ga' zhig zhugs pa de phyag rgya chen mo'i dbang du zhugs pa yin la/ de'i dge slong dgra bcom pa zag pa zad zhes pa yang yin no/ /de nyid ni dus gsum gyi sangs rgyas thams cad bsrungs pas/ /skyob pa thams cad bskyed mdzad ma yin la/ gsum po las gtso bor 'gyur ba dang brtan pa dang 'di dang gzhan gnyis ka'i phun sum tshogs pa skyes pa skye dgu'i bdag po de zhes bya zhes gsungs so/ /de lta bu'i stobs kyis kun rdzob kyi byang chub sems rtse mo gyen du bltas pa'i dus na/ rdo rje nor bu'i rtse mo nas sprul pa'i bar du/ rdo rje sems dpa' lhan cig skyes pa'i sku dang/ de nyid chos kyi 'khor lo sems dpa' chen po zhes bya ba ni chos kyi sku'o/ /de nyid longs spyod kyi 'khor lor mi 'gyur gnyis med byang chub sems dpa' zhes bya ba longs spyod rdzogs pa'i sku'o/ /de nyid bde ba chen po'i 'khor lor dam tshig sems dpa' 'di yin zhing zhes bya bas sprul pa'i sku'o/ gzhan yang lugs bzlogs pa'i dus su ni de nyid zlog par shes par bya'o/ /rdo rje rnal 'byor rnam pa bzhi zhes bya ba ni de ltar 'gyur ba'i 'pho ba med pa'i bde ba chen po ni sku'i rdo rje la sogs pa rnam pa bzhi yin la/ de nyid dus thams cad la dbang du gyur pas/ dus kyi 'khor lo 'di ru brjod ces bya'o/ /rnal 'byor rnams la thar ster ba zhes bya ni shes rab chen po de nyid do/ /'di nyid ces ni shes rab chen po 'di nyid do/ /bsgrub par bya ba ni zhes pa ni nyams su blang ba'i thabs so/ /de nyid gang yin

  23. 12a

    zhe na/ ma bsams pa'i snang ba dang zhes gsungs te/ ma bsams pa ni bsam du med pa yin la/ snang ba ni de'i dbang gis bskyed pa'i bskyed pa'i rtags bcu'o/ /rtags de yang mtshan yang dag par brjod pa las ji skad du/ shes rab ye shes me bo che 'od chen rnam par snang bar byed/ ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba/ /sngags mchog mnga' ba dag rigs sngags rgyal/ /zhes gsungs so/ /shes rab ye shes ni gong du brjod pa'i bsam pa nyid do/ /shes rab stong pa nyid de ni 'phags pa shes rab kyi pha rol tu phyin pa las ji skad du lha'i dbang po brgya byin gyis tshe dang ldan pa rab 'byor la dris pa/ 'phags pa rab 'byor gang shes rab kyi pha rol tu phyin pa la rnal 'byor du byed par 'dod pa des ji skad bslab par bya/ de skad ces smras pa dang tshe dang ldan pa rab 'byor gyis lha'i dbang po brgya byin la 'di skad ces smras so/ /lha'i dbang po gang shes rab kyi pha rol tu phyin pa la rnal 'byor du byed par 'dod na /des nam mkha' ltar thog pa med pa la bslab par bya'o/ / zhes gsungs so/ /shes rab chen po la dmigs par bya ba'i don 'di ni gang gsang ba 'dus pa las kyang ji skad du/ dngos po med las sgom pa med/ /bsgom par bya ba dngos po min/ /de ltar dngos dang dngos med par/ /bsgom pa dmigs su med pa'o zhes gsungs so// de bas na shes rab chen po zhes bya ba ni thog ma med pa'i stong pa nyid yin par khong du chud par bya'o/ /shes rab de lta bu kho na las spyod dang grol bsnyed bar 'gyur te/ de yang ji skad du/ bsam du med pa des bsams na/ de las gzungs ni thob par 'gyur zhes gsungs so// de bas na de lta bu la gnas pa'i rnal 'byor pa la yid ches par byed pa'i rtags ni du ba la sogs pa'i mtshan ma de zhes bya ba 'byung bar gsungs so/ /bsam bya bsam par mi bya dang/ nyin mtshan gcig tu yongs rtags bya/ /gal te nyams myong ma byung ba/ de

  24. 12b

    tshe nga'i rdzun smras yin/ /zhes gsungs la/ nyams su myong ba yang du ba la sogs pa'i rtags yin gyis/ /gzhan ni ma yin no/ /de yang rnal 'byor bas re ba dang dogs pa la sogs pa'i rtogs pa rnams spangs la/ nyin mtshan gcig nyi ma yang dmigs pa rtse gcig tu bzhag na yin gyis gzhan du ni ma yin no/ /de nyid legs par bstan pa ni/ shes rab gzugs ni mkha' mnyam dang zhes gsungs te/ thog pa med pa'i yid yin no/ /de nyid rtag pa dang chad pa las grol bar bstan pa'i phyir ro/ /yod dang med las rnam par 'das zhes gsungs so/ /sems kyi bcos pa bdud du bstan pa'i phyir/ sems kyi skyen gyis don rnams dang/ zhes gsungs so/ /sems kyi bcos pa ni zab mo nyid rnyed par mi 'gyur ro/ /gzhan yang ting nge 'dzin la rdul tshon gyi dkyil 'khor spang bar bya ba'i phyir/ rdul phran las skyes tshogs pa rnams/ /kun tu yongs su spang bas so zhes bya ba gsungs te/ rdul tshon gyi dkyil 'khor la rtags pas yid ches par 'byung bar mi 'gyur ro/ /de ltar kun tu rtog pa thams cad spangs pa la 'di rnams 'byung bar 'gyur te gang zhe na/ du ba zhes bya ba du ba lta bu'i snang ba yin du ba nyid ni ma yin no/ /smig rgyu yang de ltar mthong ba'o/ /me khyer ni mkha' gsal ltar snang ba'o/ /mar me yang mar me ltar snang ba yin gyi/ dngos ni ma yin no/ /'bar zhes pa ni me'i 'od kyi snang ba lta bu'o/ /zla ba ni zla ba lta bu'i snang ba'o/ /nyi ma ni nyi ma lta bur snang ba'o/ /mun can zhes pa ni sgra gcan gyi snang ba'o/ /cha shas shes pa ni glog ltar 'byung ba'i snang ba'o/ /thig le che zhes pa ni du ba mjug rings lta bu'i 'od dkyil 'khor sngon por snang ba'i mthong ba'o/ /de ltar na snang ba bcu yin te/ de dag kyang kha cig ni nub mo snang la nyin mo ma sning ngo/ /kha cig ni nyin mo snang la nub mo mi snang ba yod do/ /de yang 'dus pa'i tshul gyis rtags lnga'am gcig yin par dgongs so/ /rlung rnam pa yin pas na lnga'o/ /gcig nyid shes 'gyur pa'i dbang gi du

  25. 13a

    mar snang pas na gcig yin no/ /de ltar brjod pa de yang phal che ba la dgongs pa yin gyis/ gang zag gi bsam pa'i dbang gis ni rtags mdza' yas par gtogs par bya'o/ /slob dpon la la dag gi zhal snga nas ni du ba la sogs par snang ba bgyis/ /ting nge 'dzin brtan pa dang/ brtan pa ma yin pa skad cig gis chad du brjod par byed do/ /sna tshogs gzugs ni rab tu gsal zhes bya ba ni de lta bu du ba la sogs brtags sna tshogs pa la dmigs pa'o/ /'di'i rgyas pa ni tsakra saM b+hA ra'i 'grel ba byang chub sems dpa' phyag na rdo rjes mdzad pa las khong du chud par bya'o/ /mig gnyis ma phye ma btsum pas/ /zhes bya ba ni rnal 'byor pa rtags la 'dun pa rnams kyis bya ba yin gyi/ thams cad du ma yin no/ /nyin mo dang mtshan mo dang bla gab med pa zhes bya ba gsum yod de/ de yang bla ma'i man ngag las khong du chud par bya'o/ /lha'i spyan thob par bya ba'i phyir/ 'dun pa dang ldan pa rnams kyis bzung bar bya ba ma yin no/ /gang gis stong par ma rtags pa zhes pa ni so sor sdud pa sprin med pa'i nam mkha' lta bu'o/ /de nyid la gzugs bcu'o/ /rmi lam lta bur mthong ba'o/ /de lta bu'i ting nge 'dzin la dmigs par bya ba yin pas na/ gzugs de rtag tu bsgom par bya zhes gsungs so/ /med pa'i gzugs la bsgom pa ni/ rnal 'byor rnams kyis de bsgoms min/ zhes pa ni bsgom par bya ba'i yul med par ston to/ /stong par ma rtags blta ba'i phyir zhes bya ba ni bsgom par bya ba'i shes pa med par ston to/ /de nyid ni/ sems ni dngos po dang dngos po min/ zhes bya ba yin no/ /de nyid dpes bstan par bya ba'i phyir/ ji ltar me long cig la ni/ zhes smos pa yin te/ me long ni mtshon pa tsam yin la/ chu dang ser ma can gyi shing dang/ mthe bong la sogs pas so/ /dngos med las skyes bu mos mthong zhes pa ni rkun po la sogs pa mthong ba'i don skog tu gyur ba mthong bar byed pas de bzhin du mkhas la

  26. 13b

    de bzhin rnal 'byor pas shes pa ni me long dang 'dra ba'i nam mkha' dri ma med pa la'o/ /sus she na/ rnal 'byor pas shes gsungs pa yin la/ rnal 'byor gyis sgra yang snyoms par 'jug pa la yin gyi gang la gnyis su snang ba de ni ma yin no/ /de nyid ni dus gcig pa'i de kho na nyid do/ /de yang gang zhe na/ 'das dang ma 'ongs chos de bzhin zhes gsungs te/ 'das pa dang ma 'ongs pa dang da ltar gyis chos ni snying po med pa dang/ stong pa dang/ gso ba dang/ gsog dang/ brdzun pa/ sgyu ma dang/ mig yor la sogs pa shes pas so/ /de yang dang po de ltar rtogs pa'i rjes la du ba la sogs pas mthong ste/ rtags la mdun pa'i rnal 'byor pa la'o/ /de'i rjes la dus gsum gyi don skog du gyur pa skad cig la shes pa 'byung ngo/ /yang nam mkha' zhes pa ni sems kyi nam mkha' rtag par bya'o/ /sems kyi nam mkhar gnas pa las rnam par rtog pa thams cad rang zhi ba'i bde ba chen po 'byung ba las/ sangs rgyas kyi gzugs zhes kyang bya'o/ /ji skad du yang dang po'i sangs rgyas las/ phyi rol nam mkha' ma yin pa'o/ /sems kyi nam mkha' dbus gnas pa/ /mi rtog pa la rab sbyar na/ /mi bdag rmad 'byung bde chen bskyed/ /ces gsungs so/ /rgyud de'i phyir/ 'di med pas na zhes bya ste/ yid kyi nam mkha' chen po ste/ so sor sdud pa'o/ /dngos med min zhes ni rtag la 'dun pa rnams la ni phyir gnang pa'i rtag kyang don lags pa yod pa ma yin pa'o/ dngos po stong pa'i don du ni du ba la sogs pa'o/ /mthong ba ni rtog pa'o/ /de nyid dngos po med pa'i don yin pa zhes bya ste/ ngo bo med pa las 'byung ba 'am/ yang de rnams nyid rang bzhin gyis stong pa'o/ /de'i dpe ni/ rmi lam sgyu ma mig 'phrul tshul zhes bya ba sgyu ma'i dpe bcu gnyis dang 'dra ba'o/ /'jig rten pa'i dper bya ba la 'das pa ni/ chos can med pa las chos shes gsungs pa yin no/ /skye ba ni 'byung ba'o 'di ni zhes pa ni bde ba chen po'o/ /mthong ba zhes pa ni rtogs pa kho na'o/ /dpe bstan pa'i phyir

  27. 14a

    yid bzhin ltar zhes gsungs te/ dpe yid bzhin gyis nor bu 'am dpag bsam gyi shing ngam bum pa bzang po ste sems can mdza' yas pa'i re ba ste bsam pa thams cad rdzogs pa yin no/ /gong du brjod pa'i dpe nyid bstan pa'i phyir/ gzhon nu ma ste grong pa'i chos kyi ma gos pa'i phyir ro/ /pra ni gong du bstan pa'o/ /ma mthong ba'i rkun po zhes pa ni mtshon pa ste/ don lkog tu gyur pa gzhan yang ngo/ /mthong zhes pa ni rnams la'o/ /pra de la nyi tshe ba'i mig gis blta ba de bzhin du rnal 'byor pas nam mkha' i dri ma med pa la nyi tshe ba'i dmigs pas blta ba de nyid kyis bskyod ces bya ba ni rtags la bdun pa rnams kyis mig btsums pas so/ /sgrub pa'i gzigs shes pa ni rnal 'byor pa yis yod pa dang med pa las grol ba'i bdag nyid du blta ba yin pa'i phyir/ gal te yod pa'i gzugs mthon na bdag gi gdong pa dngos kyang me long la sogs pa'i nang du cis mi mthong zhes bya ba'i don to/ /'on te med pa'i gzugs mthong na/ ri bong gi rwa zhes pa ni mtshon pa tsam ste/ nam mkha' i me tog dang mo gsham gyi bu lta bu la sogs pa ji ltar min te/ ci'i phyir mi mthong zhes bya ba'o/ /mig gzhan gyis ni shes bya rnal 'byor pas mthong gis/ /gzhan gyis mi mthong zhes bya'o/ /bdag gi mi mthong zhes bya'o/ /bdag gis mig gi zhes bya ba sgrib pa dang ma bral ba'i mig gis so/ /mi mthong zhes ni du ba la sogs pa'o/ /'o na ji ltar mthong zhe na/ skye ba med pa mthong ba ni gzod ma nas skye ba med pa'i chos ma mthong ba mthong ba zhes bya ste/ dper na gzhon nu ma zhes bya ba la lo bcu gnyis man chad lon pa mngal gnas su mi rung ba'i bu mos mthong ba lta bu'o/ /de ltar so sor sdud pa bstan nas/ da ni bde ba chen po spel ba bstan pa'i phyir/ gzugs mthong de'i 'og tu ni zhes bya ba gsungs te/ de ltar du ba la sogs pa'i rtags bcu po mthong nas/ gal te zla ba'i rgyun gcad par ma gyur pa de lta ni/ steng

  28. 14b

    dang 'og tu rtsa gsum la zhes bya smos te/ brkyang ma dang/ ro ma dang/ kun spangs ma'i ming can te steng gi rtsa gsum mo/ /'og tu dri chen dri chu sa bon gyis lam mo/ /lus ngag sems kyis dgag pa'i phyir zhes gsungs te/ lus dang ngag gi rang bzhin can gyi rlung gis rgyu ba dgag pa ni steng du yin la/ dri chen dri chu'i sa bon ni 'og gi dgag pa'o/ /rgyun mi 'chad par srog rtsol bya zhes pa ni nyin dang mtshan du'o/ /srog dang rtsol bas ni rlung sbyangs pa la sogs pa'o/ /sngon du 'gro bas 'dzin pa ston to/ /nyi zla sgra gcan gyi steng du'o/ /dri chen dri chu sa bon 'bab pa'i lam zhes pa 'og tu'o/ /chu me stong pa zhes pa ni g.yas kyi steng 'og dang/ dbus ma'i steng gi rigs so/ /sa rlung ye shes shes ni g.yon pa'i steng 'og dang dbus ma'i 'og ma'o/ /ye shes kyi khams kyi rigs so/ /gang rnams nyi zla mun can ni zhes ni steng gi ming gi rnam grangs so/ /de nyid kho na steng du lus ngag sems kyis rtsa de rnams shes bya'o/ /srog dang thur sel rim pa yis zhes pa ni 'og tu thur sel yin la steng du srog yin no/ /dri chen dri chu'i sa bon 'bab pa ni gong du'o/ /da ni steng gi rtsa drug po nyid rigs drug tu bstan par bya ba'i phyir/ thabs kyi sku ni zla ba la zhes ni steng gi g.yon 'du byed rlung zhes bya ba/ sangs rgyas don yod grub pa'i rang bzhin no/ /shes rab gsung ni nyin mo ma shes pa ni steng gi g.yas pa tsher ma me zhes bya ba sangs rgyas dpag med 'od kyi rang bzhin no/ /shes rab sku ni dri chen rtsa zhes bya ba ni 'og gi g.yon pa gzugs sa'i khams zhes bya ba sangs rgyas rnam par snang mdzad kyi rang bzhin no/ /dri chu 'bab ma gtso bo gsungs zhes pa ni 'og gi g.yas pa 'du shes chu'i khams zhes bya ba sangs rgyas rin chen 'byung ldan gyi rang bzhin no/ /steng 'og sems kyi rtsa gnyis ni/ /sa bon 'bab dang mun can ma/ /thabs kyi thugs ni mun pa can zhes pa ni steng gi dbus mar rnam par shes pa nam mkha' i khams zhes bya ba sangs rgyas mi bskyod pa'i rang

  29. 15a

    bzhin no/ /sa bon 'bab ma shes rab kyi zhes pa ni 'og gi dngus ma mchog du mi 'gyur ba ye shes kyi khams zhes bya ba sangs rgyas rdo rje sems dpa' i rang bzhin na/ /sku gsung thugs kyi rnal 'byor gyis steng 'og rigs drug 'di nyid do/ /zhes bya ba ni de ltar brjod pa'i rim pas chu dang rlung dang nam mkha' i sa bon las byung ba ste/ pha dang 'grel pa can gyis rigs so/ /sa dang me dang ye shes kyi rdul las 'byung ba ste/ ma dang 'grel pa can gyi rigs so/ /de yang 'di skad du gsang ba 'dus pa bshad pa'i rgyud lha mo bzhis zhus pa zhes bya ba las/ pha las skyes pa gsum tsam na/ /de bzhin ma las skyes pa gsum/ /de dag drug cho gas gong bu las mi rnams ji ltar skye ba lags zhes gsungs so/ /thabs dang shes rab sku dngos kyis/ /lus can rnams la yang dag gnas/ /zhes bya ba ni de ltar brjod pa'i rigs drug po ni skye 'gro thams cad la thabs dang shes rab kyi tshul du gnas shes dgongs so/ /steng 'og lhag ma'i rlung gi ni/ /lus ngag rtsa la 'chis bltas yin/ /zhes ni 'dir mdor bsdus pa yin gyis rgyas par ni 'og nas ston to/ /da ni dbus ma'i rang bzhin bstan par bya ba'i phyir/ /mun can sa bon 'babs ma las/ /skye dang 'chi ba gnas pa yin/ /zhes gsungs te/ ma'i mngal nas gang skyes pa la thug pa de srid du ni lus can zhes bya ba ni rlung gnas pa yin la/ de'i stobs kyis mngon par zhes pa 'byung bar yang shes so/ / gzhan yang 'chi ba'i dus su rlung thams cad 'dus nas der 'jug byed ces gsungs so/ /de yang dang po'i sangs rgyas las ji skad du/ shi dang brgyal dang ting 'dzin thob/ gnyis gnyis 'khrig pa'i gnas skabs te/ gnas skabs bzhi la

  30. 15b

    'jug 'gyur te/ /gzhan dag tu ni 'jug pa med ces gsungs so/ /yang 'og gi sa bon 'bab ma las ni gang ma'i mngal na gnas pa de na sa bon gyi rnam pa gnas la 'chi ba'i dus ni lam de nas sa bon 'byung bas 'chi ba yin no/ / de yang dbang 'di nyid las ji skad du/ lus can thams cad 'chi ba na/ /zla ba'i bdud rtsi thur du 'gro /zhes gsungs so/ /skye dang 'chi ba'i dus dang ni/ /zhes pa ni gong du bstan pa nyid dang/ 'khrig la sa bon 'bab pa'o/ /zhes pa ni 'og gi dbus ma de nas so/ /gzhan yang rlung gi dbang du byas nas lus can thams cad tha mal gsungs pa ni/ nyi ma 'pho dang mnyam pa la zhes bya ba gsungs te/ nyi ma ni g.yas pa'o/ /'pho ni g.yon du'o/ /mnyam pa ni gnyis ka nas so/ /mun can ma ni steng du 'bab ces pa ni mnyam du 'bab pa'i rlung steng nas 'bab pa'o/ /dus sbyor 'byung ba'i mngon mtshams su/ /dbus ma yis ni mnyam pa 'bab ces pa ni gzhan yang dus sbyor bcu gnyis po re re yang g.yas pa dang/ g.yon pa las drug drug tu 'bab pa ste/ de yang drug pa ni ye shes can zhes bya ba gnyis ka nas mnyam du 'bab pa yin no/ /lhag ma ni g.yas g.yon nas dkyil 'khor lnga lnga 'bab pa yin te/ de yang ye shes can zhes bya ba nyid mngon mtshams zhes bya bar dgongs so/ /de nyid dbus ma yis ni mnyam par 'bab ces bya ba yin no/ /rkang pa dang bcas lnga bcu drug ces ni dkyil 'khor lnga lnga po re re nas bcu gcig dang bzhi cha re re dbus mar 'jug cing rgyu ste/ de ltar dkyil 'khor lnga las lnga bcu rtsa drug dang bzhi cha gcig ni dbus ma'i rgyu ba yin la/ de lta bu nyid bcu gnyis su bsgres pa las nyi khri cig stong drug brgya nyin mtshan la tshang par

  31. 16a

    gnas so/ /'byung 'jug dbus su mi dbang skye zhes pa ni gong du brjod pa de nyid dbus ma'i 'byung 'jug go /mi dbang skye zhes pa ni bod pa'o/ /bdun cu rtsa lnga lhag pa yi/ /drug brgya nyin mo mtshan mo'o/ / zhes pa ni nyin zhag tshang ba la 'pho ba bcu gnyis yin zhing/ 'pho ba re re nas rkang pa dang bcas pa lnga bcu rtsa drug drug dbus mar rgyu ste/ /de nyid bcu gnyis su bsgres pas nyin zhag gcig la drug brgya bdun cu rtsa lnga'o/ /gang yang drug brgyas lhag pa yis/ /stong phrag nyi shu rtsa gcig ste zhes pas nyi khri cig stong drug brgya nyid yin te de yang rtsa ba'i lug ni gcig gis mtshan ma'i 'og tu thig le gsum bkod la/ de la nyi shu rtsa gcig gis sgyur bas nyi khri cig stong nyid du gnas pa las/ de la drug gi mtshan ma'i 'og tu thig le gnyis gnas pas bsnan pas nyi khri chig stong drug brgya'i g.yas pa dang ni g.yon pa'i rtsar/ 'di yis dman pa rnams 'bab phyogs shes pa ni nyi khri cig stong drug brgya'i nang nas drug brgya nyi shu rtsa lngas dman pa'i lhag ma ni nyi khri dgu brgyas nyi shu rtsa lngas gnas pa yin te/ g.yas pa dang g.yon pa'i rgyu ba'o/ /nyi khri dgu brgya nyi shu rtsa lnga las kyang/ la la nA dang ra sa nA zhes bya ba g.yas g.yon so so nas khri bzhi brgya drug cu rtsa gnyis dang rkang pa gnyis su rgyu ba yin te/ phyogs gsum dang bcas lo gsum zhes pa zla ba phyed dang gnyis dang lo gsum mo/ /de cis 'gyur zhe na/ lo brgya yis ni dpus mar 'gyur zhes gsungs te/ gang yang skyes bu tshe lo brgya pa de la'o/ /de la lo brgya la ni zhag sum khri drug stong yin la/ sum khri drug stong gang yin pa de drug brgya bdun cu rtsa lngas

  32. 16b

    bsgres par 'gyur bas bye ba phrag bzhi dang sum 'bum gyi sa lhag pa'i sa ya phrag gnyis su 'gyur bar shes par bya'o/ /steng du g.yas dang g.yon pa ni/ nyi zla lag dang ser skya gzhan/ zhes ni nyi ma dang zla ba'i ming can du mu stegs rnams zhugs pa'i phyir/ lug dang ser skya zhes bya ba gsungs so/ /yang na nyi zla ni steng ngo/ /lug dang ser skya ni 'og go /chu dang mi'i rang bzhin zhes ni g.yas pa'i steng 'og go /padme rin chen 'dzin pa ni zhes pa de bzhin gshegs pa'i rigs su bzhag pa'i tshul lo/ /'og tu dri chen dri chu 'bab ces pa ni 'og gi g.yon pa g.yas pa'o/ /sa dang rlung gi rang bzhin zhes pa ni g.yon gyi steng 'og tu'o/ /g.yas dang ni g.yon pa'i rtsa zhes pa ni go bla'o/ /'khor lo ral gri 'dzin pa zhes pa ni de bzhin gshegs par bzhag pa'i tshul te/ g.yon gyis steng 'og rim pa bzhin du'o/ /steng du dbus ma 'og tu g.yas/ zhes pa ni go bla'o/ /sgra gcan dang ni sa bon 'bab ces pa ni dbus ma'i steng 'og go /stong pa'i ye shes rang bzhin te zhes pa ni steng 'og gi rim pa bzhin du'o/ /rdo rje 'dzin ni steng mi bskyod pa'o/ /rdo rje 'dzin pa ni 'og rdo rje 'dzin sems dpa' o/ /zla ba'i lam gyis dri chen rtsa/ zhes pa ni g.yon pa'i steng 'og go /nyi mas dri chu 'bab pa'o/ /zhes pa ni g.yas pa'i steng 'og go /skye mchi mnyam du 'dod chags la zhes pa ni dbus ma'i ming can no/ /sgra gcan sa bon 'bab pa'o zhes pa ni steng 'og go /steng 'og gi rnam grangs bstan pa'i phyir/ gang zhig ste steng sa kun 'dar ma zhes pa ni de yang lte ba'i stengs yan chad du dbus ma'i rnam grangs yin gyi/ 'og gi gzhan yin no/ /de bas na mun 'phab shin tu

  33. 17a

    yid bzangs te/ zhes gsungs pa de yin no/ /gang 'og nas nam mkha' i gdong ste de ni zhes pa ni 'og gi rnam grangs ston par byed pa ste/ de yang sa bon 'bab pa dung can ma/ zhes gsungs so/ /lte ba'i pad+ma snying mgrin dang/ dpral ba gtsug tor 'dam skyes la/ zhes pa ni 'khor lo'i gnas bstan pa'o/ /sa chu me rlung stong pa ni/ zhes pa ni rlung lnga'o/ /bsdus pa yis ni 'bab pa'o zhes pa ni g.yas pa sa nas rgyu ba'o/ /gshegs pa dang ni byon pa ste zhes pa ni rlung lnga'o/ /bskyed pa yis ni sa la 'jug ces pa ni g.yon pa nam mkha' rgyu ba'o/ /lte ba nas ni lte ba'i dbus/ zhes pa ni pad+ma bzhi'o/ /kun 'dar mas ni byon zhing gshegs/ shes pa ni dbus ma'i rgyu ba'o/ lte gsang nor bu pad+ma zhes pa ni sprul pa dang/ gsang ba dang/ rdo rje nor bu gsum pa'o/ /lus ngag sems ni 'dab ma ste/ sku gsum gyi tshul gyis so/ /gshegs pa dang ni byon pa des/ zhes pa ni a ba d+hU ti'i rgyu ba gnyis so/ / sdud dang bskyed pa'i gzugs can ma/ zhes pa ni rgyu ba gnyis po'i phyir 'byung ba dang nang du 'jug pa'o/ /skyes bu kun la dung can ma zhes pa ni 'og gi dbus ma de nyid skyes bu kun la ming du btags pa ste/ khrag gi rgyu ba med pa'i phyir ro/ /thur sel rlung ni 'bab par byed ces pa ni dbus ma de nyid nas rlung gi dus su thur tu sel ba'i rlung 'bab pa yin no/ /'di ni bud med bde ba yin zhes pa ni 'khrig pa'i dus su'o/ /sa bon zhes pa ni dus der sa bon 'bab pa'o/ / dus su zhes pa ni nag po'i phyogs so/ /khrag 'bab ces pa ni dus der rtsa de rnams khrag rgyu ba'o/ /steng gi g.yas dang g.yon pa ni/ thabs dang shes rab sku'i tshul/ zhes pa ni steng gi g.yas g.yon no/ /'og gi dri chen dri chu 'bab ces

  34. 17b

    pa ni 'og gi g.yas g.yon no/ /rdul dang sa bon 'bab pa ni/ 'og gi dbus ma'o/ /rdul 'bab phyir na tsAnDa li/ dus der reg tu mi rung ba'i phyir ro/ /sa bon 'bab phyir nam mkha' i gdong/ zhes pa ni bde ba chen po nam mkha' nas 'bab pa rtsa der 'ong ba'i phyir ro/ /steng du rigs ngan bde med la/ zhes pa ni steng gi dbus ma'i de nyid bud med rnams khrag 'bab pa'i phyir na rigs ngan no/ /skye bu la ni kun spangs brjod ces pa ni bde ba'i stobs kyis rtogs pa spangs pa'i phyir/ rtag par g.yon pa'i rtsa la ni zhes pa ni sna bug g.yon pa nas so/ /rnam shes la sogs dkyil 'khor lnga/ zhes pa ni rnam par shes pa nam mkha' las rgyu ba'o/ /lnga ni 'byung ba lnga'o/ /g.yas pas sa phyogs de zhes pa ni g.yas pa'i sna bug nas gzugs nas rgyu ba'o/ /dbus su drug pa 'bab pa'o/ /zhes pa ni sna bug gnyis ka nas dus mnyam du 'bab pa ni drug pa ye shes kyi rlung ngo/ /lte ba'i pad+ma'i 'dab ma la/ zhes pa ni sprul pa'i 'dab ma la'o/ /dkyil 'khor drug cu rim pa bzhin zhes pa ni chu tshod drug cu'o/ /dus sbyor g.yas dang g.yon pa la/ zhes pa ni g.yas dang g.yon las dus sbyor bcu gnyis kyi tshul du 'byung ba'o/ /lug sogs khyu mchog la sogs so zhes pa ni dus sbyor gyi ming ngo/ /rtsa ba g.yon dang de nas ga-yas/ steng dang dbus su rim pas rlung zhes pa ni 'byung ba lnga po de yang sna bug g.yas g.yon gyi/ g.yon gyi phyogs bzhir dbus dang lnga nas 'byung ba lnga rim bzhin du 'byung ba'o/ /dkyil 'khor re re dbyu gu las zhes pa ni sa chu me rlung nam mkha' dang/ lnga ni 'byung ba ste/ chu tshod lnga lngar rgyu'o/ /sa sogs sna bug dag la'o zhes pa ni sa la sogs pa nyid do/ /drug cur bcas pa'i sum brgya'i

  35. 18a

    dbugs shes pa ni dkyil 'khor lnga re re yang dbugs sum brgya drug cu 'bab pa'o/ /de gang las she na/ rtsa ni rim pas 'bab pa'i zhes gsungs so/ /stong dang brgyad brgya'i dbugs rnams ni zhes pa ni stong brgyad brgya'o/ /rtsa lnga po yis de rnams 'bab ces dkyil 'khor lnga'i rlung ste/ sum brgya drug cu las lngar bsgres na'o/ /drug cu rtsa ni nyin mtshan du/ lus can rnams la dkyil 'khor ni zhes pa bcu gnyis la lngas bsgres nas drug cu yin no/ /'dab ma'i dbus dang de nas shar zhes pa ni sna bug g.yon nas 'bab pa'i dbus nas 'bab ste/ nam mkha' rgyu ba yin no/ /de nas shar dang lho dang byang nub bo/ /g.yas dang g.yon du rim pa'i rlung zhes pa ni g.yas kyi rgyu ba'i rjes la g.yon yin zhing de nyid ni rim pas rlung zhes dgongs so/ /g.yon la rtag par mkha' sogs te/ g.yas pas sogs gzhan ma'o zhes pa ni gong du rgyas par bstan pa nyid do/ g.yon du srid pa rnams shes sogs/ /g.yas su sa sogs bsdus pa'o/ /zhes pa yang rgyas par bstan zin to/ /nub dang shar du sa dang rlung zhes pa ni 'dab ma bzhir gnas pa'i shar nub bo/ /phan tshun thabs dang shes rab ste/ zhes pa g.yon gyi steng du rlung gi yin la/ 'og sa'i rlung yin pa'i phyir ro/ /mthe bong dang ni ming med kyis/ gang gi kha la dbang bskur phyir zhes pa ni mthe bong sa yin la/ srin lag ni rlung ste/ de bas na thabs dang shes rab des byang chub sems myang ba'i dbang bskur ba gsungs so/ /g.yas dang g.yon du me dang chu zhes pa ni g.yas ni lho'i ming yin la/ g.yon ni byang yin no/ /de nyid me dang chu ste g.yas kyi steng 'og /me dang chu

  36. 18b

    yin pa'i phyir ro/ /phan tshun thabs dang shes rab bo zhes pa ni go bla'o/ /'dzub mo dang ni gung mo yis/ /gang phyir ral grir gyur pas so/ /shes pas 'dzub mo ni chu yin la/ gung mo ni me yin no/ /de nyid gyi nyon mongs pa gcod pas ral gri ste don yod grub pa'o/ /mche ba mthe'u chung gri gug ste zhes pa la/ mthe'u chung de nyid 'og tu mtshon par byed pas ye shes yin la/ /de nyid kyi nyon mongs pa thams cad 'joms pas za byed kyi mche ba dang/ gcod byed kyi gri gug ces su dgongs so/ /stong pa mi 'gyur steng 'og tu/ /phan tshun thabs dang shes rab bo zhes bya ba ni mthe chung gis mtshon pa'i mi 'gyur ba ni shes rab yin la/ /'og nas don ston pa'i stong pa ni thabs so/ /de yang stong pa mtshon par byed pa ni sor mo rnams ni phan tshun du/ dkyil 'khor bcu ni yang bya'o/ /zhes pa ni/ dkyil 'khor bcu ni sa dang chu dang me dang rlung dang nam mkha' i bdag nyid can gyi lag pa g.yas g.yon gyi sor mo lnga lnga ste bcu yin no/ /de nyid spyi bor bzhag pa ni/ /spyi bor thal mo sbyar ba yis/ /shes gsungs pa yin no/ /gri gug dang bcas rtse gcig po zhes pa ni de nyid kyi steng ste/ stong pa mtshon par byed pa'o/ /bskyed pa dang ni bdud byed pa'o zhes pa ni dkyil 'khor bcu la'o/ /mnyam pa de yang dbus ma'i rtsar zhes pa ni de lta bu'i dkyil 'khor bcu mnyam pa dang mi mnyam pa'i tshul gyis 'bab par byed do/ /de yang 'pho ba'i dus su ni dbus ma nas 'bab ste/ gong du rgyas par bstan pa nyid do/ /phung po khams ni rdo rje gsum zhes gsungs te phung po dang khams la sogs pa rgyu bar byed pa'i lam gsum ni rdo rje gsum gyis ming can rtsa gsum yin no/ /dbus mar song nas gcig tu 'gyur zhes pa ni rtsa dbus mar 'dus pa'o/ /dbus mar 'dus pa yang tshul

  37. 19a

    gnyis te/ rgyu ba'i tshul gyis 'dus pa dang/ mi rgyu ba'i tshul gyis 'dus pa'o/ /gcig tu song ba ni der 'dus pa'o/ /zla ba nyi ma'i rtsa 'gags na zhes pa ni steng gi'o/ /dri chen dri chu'i rtsa 'gag go zhes pa ni 'og tu'o/ /sgra gcan rtsa ni 'gag pa yin no/ /zhes pa ni steng gi dbus ma'o/ /'og gi sa bon 'bab ma'o zhes pa ni 'gags shes pa dang sbyar ro/ /grol na 'di rnams grol bar 'gyur zhes pa ni steng grol na 'og zhes pa'i don to/ /skye ba'i dang ni sdud byed ma zhes pa ni gong du bstan pa'o/ /srog dang thur sel lam gyis shes pa la srog ni steng ngo/ /thur sel ni 'og yin no/ /lam gsum ni rtsa gsum mo/ /rtsa rnams kun spyod 'di yin no zhes pa ni gong du bstan pa'i rigs kyis so/ /de bas na rtsa'i dun cu sbyor ba ni de ltar legs par bya ba yin no/ /da ni lus can rnams la dus ma yin par 'chi ba'i bltas brjod par bya ba'i phyir/ g.yas pa'am ni g.yon pa la ni zhes pa sna bug la'o/ /nyin mtshan gcig dang zhes pa ni g.yon pa las so/ /ci'i phyir g.yon pa nyi ma gcig yin la/ g.yas lnga yin zhes dogs pa la/ g.yon ni byang chub kyi sems thur sel gyi rlung gi bdag po lus ngag yid gsum gyi bdag po yin pa'i phyir ro/ /g.yas pa ni yul lnga la 'jug par byed pa dang/ bde bar gshegs pa lnga yis byin gyis brlabs pa gyen du rgyu ba'i rlung yin pa'i phyir ro/ /rlung ni rab tu 'bab pa na zhes pa ni g.yas pa 'am g.yon pa las so/ de nas lo gsum gyi 'chi 'gyur zhes pa ni lnga dang gsum dang thun mong du shes par byas te g.yas nas zhag lnga rgyus pa de ltar na ni lo gsum na 'chi zhes bya ba dang sbyar ro/ /de bzhin du gang g.yon pa las ji skad du zhag gcig tu 'bab pa de ltar na ni lo gsum na 'chi zhes bya ba dang sbyar bar bya'o/ /de ltar mdor bstan nas nga ni

  38. 19b

    g.yas pa rgyas par bya ba'i phyir/ lnga phyogs tshes dang nyi shu dang/ de nyid rim pa re re lhag ces sogs gsungs pa des ni dang po'i 'chi ba 'byung ba'i gnas rgyas pa zhes bya ba nas brtsams pas ji srid du phyi ma'i nges par 'chi bar ston pa'i gnas rgyas pa'i dus zhes bya ba 'chi ba'i rtags de srid du bstan pa yin par shes par bya'o/ /de la yang lnga zhes pa ni g.yas pa 'ba' zhig gnas gang tshe rgyun ma chad par nyin mtshan lnga rgyu ba de lta na ni lo gsum na 'chi bar shes par bya'o/ /de bzhin du phyogs zhes pa ni snga ma lnga'i steng du lnga mnan pa'o/ /de ni lo gnyis na 'chi zhes bya bar ro/ /tshes zhes pa ni bcu'i steng du yang lnga ste/ bco lnga yin la de ni lo gcig na 'chi ba zhes sbyar ro/ /nyi shu zhes pa ni yang bco lnga'i steng du yang lnga de nyi shu yin la/ de ni zla ba drug na'o/ /de nyid ces pa ni nyi shu'i steng du yang lnga ste nyi shu rtsa lnga yin la/ de ni zla ba gsum na'o/ /re res lhag ces pa ni yang 'chi bltas g.yas pa nas nyi ma gcig ste nyi shu rtsa drug gis te zla ba gnyis na'o/ /yang 'chi ltas g.yas nyid nas zhag gcig ste nyi shu rtsa bdun du rgyu bas ni zla ba gcig na'o/ /de ltar brjod pa'i tshul ni 'chi ltas kyi nyi ma zhes rtogs par bya'o/ /de ni 'pho ba bcu gnyis kyi rten gyis rtsa drug stongs par byas nas/ 'dab ma bdun pa las srog gi rlung zhugs pa yin te/ lha dang mi gang gis kyang bzlog par nus pa ma yin no/ /nyi ma sum cu rtsa gsum gnas pas/ sa'i nyi ma'i 'chi ltas so zhes pa las/ nyi ma sum cu rtsa gsum ni 'chi ltas kyi nyi ma'o/ /gnas zhes pa ni rlung ngo/ /de nyid ni g.yas pa'i 'chi ltas so/ /sngon gyi tshe'i lhag ma brjod pa'i phyir/ gsum pa gnyis gcig mnyam zhes bya ba gsungs so/ /de la gsum ni lo ste/ nyi ma lnga yis so/ /gnyis ni yang lo zhes sbyar te nyi ma bcu yis so/ /gcig ces pa yang lo dang sbyar te/ nyi ma

  39. 20a

    bco lngas so/ /de'i lo'i tshe'i lhag ma yin no/ /de yang mnyam zhes bya ba ni 'dab ma bcu gnyis la gsum stong par mnyam pa'o/ /zla ba ni zla ba'i tshe'i lhag ma bstan pa'o/ /de yang gang yin snyam pa la/ drug gsum zung zla zhes bya ba smos so/ /de yang zla ba drug ni nyi ma nyi shu so/ /zla ba gsum ni nyi ma nyi shu rtsa lngas so/ /zung ni zla ba gnyis ni nyi ma nyi shu rtsa drug gis so/ /zla ba ni zla ba gcig ste nyi ma nyi shu rtsa bdun gyis so/ /des ni rtsa 'dab ma bdun stong ngo/ /da ni nges par 'chi ba ston pa rgyas pa zhes bya ba'i dus na zla ba gcig nas 'chi ba'i 'chi ltas kyi nyi ma bstan pa'i phyir/ tshes phyogs lnga dang yon tan gnyis/ gcig gis lus can tshe 'gro 'gyur zhes gsungs pa yin te/ de ltar rgyas pa'i dus na tshes zla ba gcig gnas pa las/ tshes shes bya ba nyin zhag bco lnga nyid nas 'chi ba'o/ /phyogs zhes bya ba bco lnga'i steng du bcu brgyus pas bcu gnyis na'o/ /lnga zhes bya ba bcu las lnga brgyus pas lnga nyid na'o/ /yon tan zhes pa ni lnga las gsum brgyus pas gsum nyid na'o/ /'chi ltas kyi nyi ma sum cu rtsa gsum ni des yongs su rdzogs par 'gyur ro/ /gnyis zhes pa ni tha ma g.yon gyi lam zad par bya ba'i phyir g.yon gyi sna bug tu zhag gnyis rgyu ba ste/ 'dab ma bcu gnyis rgyu ba ste/ 'dab ma bcu gnyis zad par bya ba'i don du'o/ /de'i 'dab ma bcu gnyis pa ma lus stong par 'gyur ro/ /de ltar brjod pa'i rim pas 'chi ltas kyi nyi ma sum cu rtsa gsum ni 'dab ma bdun yang chod la 'chi ltas kyi nyi shu bdun gnas pa ste/ de'i rjes la 'dab ma lngas sum cu gnyis dang dkyil 'khor gyi ge sar gyi sum cu gsum mo/ /yang na 'dab ma drug pa yan chad ni nges par ma yin la/ rgyas pa'i dus zhes bya ba nas 'dab ma bcu gcig pa ste/ 'dab ma bzhi pa la rtsi bar bya ste/ tshes zhes pa bco lnga la phyogs zhes pa bcu bsnan pas nyi shu lnga dang/ de la lnga zhes pa bsnan pas sum cu dang/ de la yon tan zhes pa gsum bsnan pas sum cu gsum zhes kyang 'dod la/ 'dab ma bcu gnyis pa ni g.yon

  40. 20b

    pa'i lam yin pas g.yas par mi bgrang zhes su brjod do/ /de yang ji skad du/ dang po'i sangs rgyas las/ 'chi ltas mtshan ma tshe'i lhag /shes par 'dod pa'i rnal 'byor pas/ rtsig pa 'am sa gzhi snyoms pa la/ rdo rgyus dag gis thig bzhi btab/ de ni le tshe brgyad du 'gyur/ rdo rjes thig gnyis btab gyur pas/ le tshe bcu gnyis dag tu shes/ de nyid 'phar ma gsum du bya zhes gsungs te/ 'phar ma nang ma la ni 'chi ltas kyi nyi ma rnams bri bar bya'o/ /'phar ma bar la ni/ tshe'i lhag ma'i lo dang zla ba bri bar bya'o/ /'phar ma phyi ma la ni lo dang zla ba de nyid kyi zhag gi mtshan ma bri bar bya'o/ /de yang 'chi ltas kyi mtshan ma ni nang gi 'phar ma'i 'dab ma dang po la ni lnga'i mtshan ma bri bar bya'o/ /de bzhin du 'dab ma lnga pa la thug pa de srid du/ rtags lnga lngas bsnan par bya ste/ 'di ltar gnas la bcu ste/ gsum la bco lnga dang/ bzhi pa la nyi shu dang/ lnga pa la nyi shu lnga rnams bri bar bya'o/ /de bzhin du 'dab ma drug pa dang/ bdun pa la ni rim pa bzhin du nyi shu drug ste/ nyi shu bdun gyi mtshan ma bri bar bya'o/ /de bzhin du gang brgyad pa nas bcu gnyis la thug pa'i bar ni bco lnga dang bcu dang/ lnga dang gsum dang/ gnyis kyi mtshan ma bri bar bya'o/ /de bzhin du 'phar ma bar ma la 'dab ma dang po la sogs pa gsum la ni lo'i mtshan ma ste/ gsum dang/ gnyis dang/ gcig gi mtshan ma bri bar bya'o/ /de bzhin du 'dab ma bzhi pa nas bdun pa'i bar du ni zla ba mtshon par byed pa yin/ drug dang/ gsum dang/ gnyis dang/ gcig gi mtshan ma bri bar bya ste/ rgyas pa'i dus su brgyas pa nas bcu gnyis pa la thug pa la ni rim pa bzhin du/ bco lnga dang/ bcu dang/ lnga dang/ gsum dang/ gnyis bri bar bya'o/ /de bzhin du 'phar ma gsum pa'i dang po la sogs pa la ni lo zla la sogs pa'i zhag gis mtshan ma stong brgyad cu la sogs pa'i rims bzhin du bris la tshes dang srog gi rlung rtogs par bya'o/ /da ni gong du brjod pa'i snga nas nyi shu lnga'i bar gyis bzhi bzhi bcu drug dor bde rnams bshad par bya'o/ /de yang ji skad du

  41. 21a

    zhag drug cu na lo gsum nas nyi shu rtsa bzhi 'dor bas 'chi/ nyin bdun rgyu bas lo gsum las/ /bzhi bcu rtsa brgyad 'dor bas so/ /zhag brgyad rgyu na lo gsum las/ zla gnyis zhag bcu gnyis kyis so/ /zhag dgu rgyu na lo gsum las/ /nyin mtshan dgu bcu rtsa drug 'dor/ /gal te zhag ni bcu gcig rgyu/ /lo gnyis nyin zhag nyi shu bzhes/ /ma tshang bas na 'chi bar bshad/ /zhag ni bcu gnyis lo ni bcu gnyis las/ /bzhi bcu rtsa brgyad phri bas so/ /zhag ni bcu gsum lo gnyis las/ /zla gnyis zhag ni bcu gnyis 'bri/ /zhag ni bcu bzhi lo gnyis las/ /zla gsum zhag drug bri bar bya/ /nyin zhag bcu drug rgyu ba ni/ /lo gcig zhag bcu gnyis na 'chi/ /nyin zhag bcu bdun rgyu bas na/ /lo gcig zhag ni nyi shu bzhis/ /ma tshang bas na 'chi bar bshad/ /zhag bco brgyad gyis ni lo gcig las/ /zla gcig zhag drug 'dor bas so/ /dgu bcu rgyu na lo gcig las/ /bzhi bcu rtsa brgyad dor bas so/ /nyi shu gcig ni zla drug las/ /zhag drug ma tshang ba yis so/ /nyi shu rtsa gnyis zla gnyis las/ /zhag bcu gnyis 'dor bas so/ /nyin zhag nyi shu rtsa gsum rgyu/ /bco brgyad rnam par 'dor bas so/ /zhag ni nyi shu rtsa bzhi rgyu/ /nyin zhag nyi shu rtsa bzhis so/ /nyin zhag sum cu gsum de bzhin/ /'chi ba'i mtshan ma 'byung ba yin/ /rlung 'byung stobs las zhes bya ba/ /de yan chad las yod ma yin/ /zhes gsungs pa dang/ gzhan yang rdo rje mkha' 'gro las mdor bsdus te bshad la 'di skad du/ dang po nyi ma phyed byas nyi ma rangs pa 'am yang na nyin mtshan dag gi bar rgyu/ /de las zhag gnyis dang ni zhag gsum 'on te zhag bzhi khyab pa'i bar du ni/ /nyi ma la ste g.yon pa min pa'i rlung dag sbubs la brten te gang zhig rgyur gyur pa/ /de la gnas dang nyi ma phyogs dang bkra shis drug dang bzhi ni 'dir shes bya/ lnga las nyi shu rtsa lngar 'jigs par gyur las ji bzhin 'phel/ /de las re re bskyed pa'i bcu ni sum 'gyur byas pas

  42. 21b

    gsum gyi lhag pa kho na'i bar/ /rgyas pa'i dus su de ni lo gsum mig zla drug gsum zung dang zla ba drug /lhag ma tshes dang phyogs dang mda' dang yon tan zung dang zla bar 'tsho ba yin zhes gsungs so/ /de yang 'chi bar 'byung ba'i zla ba ni dpyid zla 'bring po 'pho ba yin te/ lo gsum gyis 'chi ltas las so/ /gzhan yang zla ba bcu gcig pa gang dang lnga la 'chi ba'i mtshan ma 'byung ba de dang de ni rgyud bzhin du bla ma'i zhal las rtogs par bya'o/ /gcig gi lus can tshe 'gro 'gyur zhes pa ni dbus ma'i de ni g.yas pa'i 'chi ltas bstan pa'o/ /da ni g.yon pa bstan pa'i phyir/ rtsa ba nas ni re re lhag ces bya ba smos te/ de la sngon bzhin du 'chi ltas kyi 'khor lo 'phar ma gnyis pa bri bar bya la/ tshes dang srog gi rlung bri bar bya'o/ /khyad par ni srog gi rlung rten gyi rtsa bcu gnyis las rtsa 'dab ma dang po la ni 'chi ltas gsum gyis zla ba drug bsgribs so/ /gzhan 'dab ma bcu la rim pa bzhin du 'chi ltas gsum gsum dang/ zla ba gsum gsum du rtogs par byas la/ bcu gnyis pa ni g.yas su zhag gcig rgyu zhing ze 'bru dang zhag gnyis te/ de nas srog gi rlung 'dor ro/ /g.yon gyi zla ba 'byung bar 'gyur zhes pa ni g.yon gyi 'chi ltas 'byung ba'i tshul de ltar 'gyur zhes dgongs so/ /lo brgya yongs su rdzogs pa yis/ /dbus ma las ni 'chi bar 'gyur zhes pa ni skyes bu lo brgya yongs su rdzogs nas gal te shi bar gyur pa de lta na ni g.yas pa dang g.yon pa'i 'chi ltas ma yin gyi/ tshe tshad du gtugs pa zhes bya ba yin no/ /rgyu bstan pa'i phyir/ mnyam dang mi mnyam pa yis ni zhes pa ni skye ba'i dus kyi nyi ma g.yas g.yon/ de skyes nas ni zhes pa ni g.yas dang g.yon pa gnyis las so/ /dkyil 'khor 'byung zhes pa ni 'chi ltas kyi'o/ /de yang ci'i phyir snyam pa la/ phyogs gnyis rnam par mnyam pa'i phyir/ zhes gsungs te/ g.yas g.yon gang yang rung ba gcig mnyam na gcig las 'byung ba zhes dgongs so/ /g.yas

  43. 22a

    dang g.yon pa dag las 'byung/ /zhes pa ni 'chi ltas kyi nyi ma'o/ /phyogs gnyis yang dag gnas pa dang/ /g.yas dang g.yon gyi kun spyod dang/ /dkyil 'khor lnga ni 'bab pa yin/ /gzhan du na ni 'chi ba yin/ zhes pa ni rlung 'khrug pa med par rgyu na ji srid lo brgya'i bar de srid du 'chi bar mi 'gyur zhes dgongs so/ /da ni de lta bu'i dus ma yin pa'i 'chi ba bslu ba'i phyir/ 'chi ltas mtshan nyid ces bya ba smos te/ 'chi ltas shes pa'i rjes la'o/ /srog ni thig le zhugs par bya zhes pa la sogs ni rlung yin la/ de nyid thig le gnas dbus mar 'jug pa nyid do/ / kun spangs go 'phangs ni zhes pa ni sgra gcan gyi ming can no/ /go 'phangs ni gnas so/ /rten byas la zhes pa ni rlung der bcug pa'o/ mchog tu mi 'gyur bsgom par bya zhes pa ni rlung de bzhugs pa'i stobs kyis me 'bar ba ste/ de nyid dus kyi me 'bar ba yin no/ /des kun rdzob kyi byang chub kyi sems zag pa'i phyir ma gtang bas 'chi ba bslu ba zhes pa'i don to/ /gang gi 'chi ba slu zhe na/ nyi zlar 'gro ba gzhon pa'i phyir/ zhes gsungs te/ g.yas pa dang g.yon pa nyi zla'i ming can gang yang rung bar song ba'i rlung gzhom pa'i phyir ro/ /de bas na de'i phyir rtag par rdo rje bslad bar bya zhes gsungs so/ /bslad ba ni mi 'dzag pa'i bde bas so/ /gzhan du ni kun spangs char zhes pa ni de lta bu'i thabs ma gtogs pa gzhan gyi srog gi rlung ni 'jug pa med ces te/ sgra gcan gyi ming can no/ /'og tu dud can thur sel na zhes pa ni 'og gi rlung ngo/ /de ma zhugs na 'chi ba yin zhes pa ni dbus ma der khams de rnams ma zhugs na 'chi ba'i ltas mi slus zhes bya'o/ /'o na ji ltar sgrub pa snyam pa la/ 'chi ba slu ba 'di nyid ni slu ba'i thabs 'di nyid zhes pa'i don to/ /rnal 'byor rnams la dga' bar gyur zhes pa ni dga' ba rnam pa bzhis slu bar 'gyur kyang gzhan gyis ni ma yin no zhes bya'o/ /gtsug tor steng gi pad+ma la/ shu kra byung na dga' ba yin zhes pa ni dga' ba rnam pa bzhi po yang 'khor lo bzhi'i rten can yin pas/ gtsug tor steng zhes bya 'khor lo gnyis

  44. 22b

    las te/ dga' ba'i bdag nyid do/ /shu kra ni khu ba'o/ /mgrin pa snying kha mchog dga' bo zhes pa yang 'khor lo gnyis po mchog dga' i rten no/ /de yang dga' bral dga' bar 'gyur/ sna tshogs dga' ba ste ba la zhes pa ni sprul pa nas gsang ba'i 'khor lo la thug pa ni ? ma zhes bya ba'i dga' ba'o/ /gsang gnas rdo rje nor bu'i bar/ /lhan cig skyes dga' mi 'pho ba zhes pa ni gsang ba'i pad+ma nas nor bu'i rtse mo nga ni lhan cig skyes pa'i rten zhes bya ba'i don to/ /rab tu mi gnas mya ngan 'das/ chags chen mi 'gyur mnga' bdag go zhes pa ni mya ngan las 'das par te nor bu'i mgrin pa las so/ /mi 'pho ba'i chags pa chen zhes pa'i don to/ /dga' bral las ni bde 'pho gang/ mya ngan 'das la bde ba'i gnas zhes pa ni rdo rje nor bu'i mgrin pa las 'pho ba'i chags brel chen po ni mya ngan las 'das pa'o/ /sa bon zla ba gtsug tor shar zhes pa ni byang chub sems kyi zla ba gtsug tor gyis 'khor lo nas tshes gcig pa'i tshul du 'byung ba'o/ /gsang ba'i chu skyes dag la rdzogs zhes pa ni de ltar chos gcig la sogs pa'i rim pas gsang ba'i pad+ma nas nor bu'i rtse mor rdzogs pa zhes pa nya ba yin no/ /ci'i phyir mnyam pa la/ cha ni bcu drug ma gang ste/ rdo rje nor bu'i gang rtser song zhes pa cha bcu drug pa'i bdud rtsi nor bu'i rtse mor 'ongs pa de'i phyir ro/ /de 'og 'pho ba'i dus yin te/ nag po'i tshes cig 'byung ba yin/ zhes pa ni de ltar nya'i rjes la nag po'i 'pho ba'i tshes gcig la 'byung ba yin gyi gzhan du ni ma yin zhes pa'i don to/ /stong la dga' ba bral ba yis/ /nyi ma mdzod spu'i 'gro bar 'gyur/ /de yi cha ni bcu drug ma/ /gtsug tor pad+mar song bas na// 'di ni zla ba zang par brjod ces pa ni brdeg pa'i rten zla ba'i ming can lus la med par nam mkha' i khams su 'dzag pa de'i dus na nyi ma'i ming can dang bdud rtsi'i bdag mdzod spu'i gnas su 'gro ste/ gnam stong chen po yin gyi zhing de'i skyon gyis 'jig

  45. 23a

    rten gsum dkrugs pa yang yin no/ /'dod chags bde ba bral phyir ro zhes pa ni bde ba'i rten bral ba'i phyir ro zhes pa'o/ /lus can thams cad 'chi ba na/ /zla ba'i bdud rtsi thur du 'gro/ /steng du nyi rdul sgra gcan dang/ /rnam shes srid pa'i mtshan nyid do zhes pa ni 'gro ba rnams 'chi ba'i skad cig na bde ba'i rten nor bu'i lam nas 'byung zhing nyi rdul sgra gcan gyi ming can srid pa bskyed par byed pa'i steng du kha lta zhes pa'i don to/ /de nyid dus kyi ming bar ba yin pas na lus can rnams sreg cing gdung ba bskyed par byed pa dang/ phung po dang khams ma rungs par byed pa yin no/ /de bas zla ba'i bdud rtsi ste/ /'gro bar skye'o rgyal po kye/ /'og tu nyi rdul sgra gcan dang/ /rnam shes mi 'gyur bde ba'o zhes pa ni nyes dmigs de bas na/ /byang chub sems kha yar ltas par la bya la/ /nyi rdul sgra gcan gyi ming can ni kha mar ltas pa la bya'o/ /rgyal po kye zhes pa'i don to/ /mdzod spu chu skyes sangs rgyas kun/ /zla ba'i bdud rtsi nya yin zhing/ /nyi rdul gnam stong gsang ba la/ /gtsug tor nor bu de nyid 'chang zhes pa ni sangs rgyas rnams la ni zla ba'i ming zhes mdzod spu'i pad+mar nya ba yin la/ nyi ma ming can ni nor bu nya ba'o/ /ston pa rdo rje'i tshig 'di ni/ /lus can rnams la phyin ci log /mi gnas mya ngan 'das pa yin/ /khams rnams phyin ci log tu 'gyur zhes pa ni gong du brjod pa'i rim pas de bzhin gshegs pa rnams las lus can rnams la zla ba'i ming can nor bu la nya ba yin la/ /nyi rdul gyi ming can steng gi pad+mar nya ba ste/ de bas na khams rnams go bzlog pa yin no/ /de yang gang mya ngan las 'das zhes bya ba byang chub kyi sems zag pa de'i skyon las gyur pa zhes dgongs so/ /nor bu thugs dang gsang bar gsung/ /lte ba sku yi bde chen phyir/ /dag pa'i sku las spros pa ni/ /chos dang longs spyod sprul pa yi zhes pa ni byang chub sems kyi myu gu las 'byung ba'i dus na lte bar sku'i rdo rje rnam par snang mdzad chos dang/ /gsang bar gsung gi rdo rje dpag med longs spyod

  46. 23b

    rdzogs pa dang/ nor bu thugs mi bskyod pa sprul pa'i sku ste/ mgo zug pa dang/ longs spyod pa dang/ thim pa'i tshul gyis 'byung zhes pa'i don to/ /'og tu thabs 'gyur rgyal po kye/ steng du shes rab dag tu 'gyur/ zhes pa ni gong du bstan pa'i khams phyin ci log gi dbang gis so/ dpral bar sku yi rdo rje yin/ /mgrin snying lte bar 'dab skyes la/ /sku gsung ye shes rdo rje thugs sprul sogs 'di rnams sprul par mdzad ces pa ni bde ba chen po la sogs pa'i 'khor lo bzhi las byang chub sems kyi myu gu rdo rje bzhi'i tshul gyis 'byung zhes pa'i don to/ /phung po khams rnams spros pas ni/ /sgrib pa med pas bde ba'i zhes pa ni phyag rgya chen mo sngon du song bas sgrib pa med pa yin la/ sgrib pa ni 'dzag pa/ las kyi phyag rgya snyoms 'jug dang/ /ye shes phyag rgya'i dmigs pa dang/ /phyag rgya chen po cig sbyor bas// 'phel bar 'gyur dang mi 'gyur ba'o/ /zhes pa ni las dang ye shes kyi phyag rgya gnyis sam/ phyag rgya chen po la sogs pa dmigs te/ byang chub sems 'phel ba ste lus rgyas pa ni mi 'gyur ba zhes bya ba'i don to/ /'phel ba la ni zhes pa nas tshigs su bcad pa brjod pa dang bzhi/ mi 'gyur ba las mi 'gyur ba med ces pa yan chad ni rtogs par bla'o/ chos rnams rang bzhin med pa ni/ /rgyun ma chad 'byung ba bzhin no zhes pa ni/ chos thams cad gzod ma nas skye ba med pa las ni smig rgyu bzhin te dper na smig rgyu ni gang nas kyang ma 'ongs la gang du yang ma 'gags pa bzhin no/ /'byung ba zad par mi 'gyur te/ rang bzhin gyis ni skye ba med/ dngos dang dngos min mtshan nyid gcig /sna tshogs 'di ni mtshan nyid bral zhes pa ni gzod ma nas skye ba med pa'i chos ni rtag pa dang/ bsgom pa goms pas skye bar byed pa ni ma yin te/ de yang ji skad du/ 'di la snan pa ci yang med/ /'di la dbri ba 'ang yong ma yin/ /yang dag nyid la yang dag blta/ /yang dag mthong na rnam par grol zhes gsungs so/ /rang gi shes rab la 'khyud sems/ /pad+mar rdo rje nor bu song/ /de la zla ba thur 'gyur

  47. 24a

    ba zhes pa ni rang gi shes rab ni las sam ye shes so/ /de la 'khyud cing snyoms par 'jug pa las zla ba byang chub kyi sems mthun pa zhes pa 'dzag pa'i rang bzhin ni mi mthun bsgoms pas rgyu 'thun no zhes pa yan lag drug gis sbyor bas so/ /lus ngag sems kyis rtsa rnams la/ lus ngag sems kyis bsgom par bya/ zhes pa ni rdo rje rnam par snang mdzad kyi la la nA dang/ gsung ni rdo rje dpag med 'od ras nA dang/ thugs ni rdo rje a ba d+hu tI mi skyod par bsgom pa'o/ /rdo rje gsung ni sdud pa po dur can ma la ye shes bsgom zhes pa ni gong gi dung can ma bde ba bskyed pa'i gnas pa yin pa'i phyir ro/ /ji ltar bsgom mnyam pa la/ /mgo bo la ni rol ba yis/ /shes rab chags pa'i thig le zhugs zhes pa la mgo bo las ni rim pa yis zhes ni gong du bstan to/ /shes rab chags pas ni phyag rgya gsum las so/ /rdzogs pa'i god 'phang zhugs rnams la/ rdo rje nor bu la'o/ /de na dam pas ni bcings par bya zhes pa ni rdo rje nor bu la gnas pa de 'gyur ba med pa'i phyag rgya chen pos bcing pa'o/ /rim pa ji ltar zla ba shar/ /cha rnams kyis ni rdzogs par 'gyur nyin mo bzung ba rdzogs pa ste/ zla ba tshes pa rdzogs pa min zhes pa ni ji ltar zla ba ni tshes gcig la sogs pa bco lngas yongs su rdzogs zhes 'jig rten pa brjod kyi/ /ma rdzogs pa la ma yin pa de bzhin du/ de bzhin rim pa ye shes shar/ /sa rnams dag ni rdzogs par 'gyur zhes pa ste/ sa ni dag pa bcu drug gi skye ba'i sa'am stong pa dang/ gsog dang/ bzang po dang/ rgyal ba la sogs pa yin pa 'am/ yang na bzang po dang rgyal ba la sogs pa yin pa 'am/ yang na sa dang po la sogs pa nas sangs rgyas kyi sa'i bar gyis rdzogs pa'o/ / nyon mongs la sogs bcom pas rdzogs/ /ye shes chad pa rdzogs pa min zhes pa ni nyon mongs pa yang bag la nyal ba la sogs pa ma lus pa bcom pa na rdzogs pa yin gyi/ gzhan du ni ma yin no/ /de nyid ye shes 'chang pa yang yin no/ /zla ba yongs su rdzogs pa yin//

  48. 24b

    nya la ri bong can mi gnas zhes pa ni zla ba'i dkyil 'khor yongs su rdzogs pa ni skad cig kyang mi gnas pa de bzhin du/ 'khor ba'i bag chags kyi mtshan mas/ mi 'gyur ba bde ba de bzhin sems skyed pa ni 'jigs pa'i phyogs/ /yar ngo mar ngo bar du gnas zhes pa la ni 'khor pa'i bag chags kyi skyon ma spangs pa'i dbang gi phyogs gnyis su gnas zhes pa'i don to/ /de gnyis dbus su rdzogs pa gang/ /rdzogs pa de ni rab mi gnas/ /de gnyis dbus shes pa ni yar ngo mar mo'i dbus su'o/ /mi gnas pa'i gong du bshad pa nyid do/ /skad cig gcig gis rdzogs sangs rgyas/ /rdzogs pa la ni g.yo mi 'gyur zhes bya ba ni/ gong du brjod pa'i phyogs gnyis po spangs pa'i tshul gyis skad cig thams cad kyi yongs su gang ba ni rdo rje nor bur ro/ /de nyid ni gang zhig rdo rje nor bu sems/ /skad cig thams cad der rdzogs byed/ /dkar po'i phyogs la de mi gnas/ /dkar min la yang de mi 'gro zhes rgyas par gsungs pa yin no/ /de'i phyir/ gnyis med rdzogs pa la song na/ /phyogs gnyis pa'i dbus su gnas/ /zhes bya ba ni stong pa nyid dang snying rje dbyer med pa'i tshul lo/ /de yang stong pa ni nor bu las bral ba yin zhing/ /snying rje ni 'phral lo/ /gtsug tor las ni 'byung ba de/ /rdo rje nor bur rdzogs par 'gyur/ /zhes pa ni lugs su 'byung ba bstan pa'o/ /dga' bral bcas pas ma bcos pa/ /rdo rje nas ni rdzogs par 'joms zhes pa ni 'jig rten phal pa'i lugs bstan pa'o/ /slar yang gtsug tor 'byung ba/ /yang na rdo rje nor bur brjod ces pa ni 'khor ba pa'i ste/ 'khor lo'i tshul du 'jug ces pa'i don to/ /de yang yin zhe na/ dga' bral bcas pas bcom pa zhes gsungs te/ sngon du brjod pa dag ste/ lus can ye shes bcom pa min zhes pa dni bde ba chen po'i rten bcom pa yin gyi/ ye shes sdos ma bcom zhes pa'i don to/ /bde ba chen po'i rang bzhin 'di/ /rdzogs pa'i sgra yis brjod par bya/ zhes pa ni bde ba chen po'o zhes bya'o/ /gnyis su med pa'i ye shes ni 'jig rten pa'i dper bya ba las 'das pa yin la/

  49. 25a

    'on kyang byang chub sems kyis yongs su gang ba zhes sam/ sa thams cad yongs su gang ba zhes bya bas brjod par bya'o/ /gzhan ma'i dngos po'i mdza' kun ni /skye ba dang ni sdud byed rgyu/ /srid nas mya ngan 'das par gshegs/ /des na slar yang srid par byon/ /zhes pa ni bde ba chen po las gzhan pa 'dzag pa'i bde ba'i rang bzhin no/ /de'i dpe ni/ rang phyogs gnyis la zla bzhin dang zhes pa ste nag po dang/ dkar po'i phyogs gnyis su gnas pa'i dpe'o/ /bgrod pa gnyis las nyin bzhin no/ /zhes pa ni nyi ma dang zla ba drug drug dang ldan pa'i bgrod pa gnyis la gnas pa'i dpe'o/ /rdzogs la mi g.yo ba'i dpe ni mi 'gyur skad cig gis zlos pa/ zhes pa ni 'jig rten pa'i 'dzag pa las/ /gzhan pa mi 'dzag pa'i 'di ni/ /zhes su sbyar ro/ /'gyur ba med pa'i skad cig rdo rje nor bu ni der skad cig nyi khri chig stong drug brgya gnas pa'i dbugs kyis zos nas/ sa rnams kyis ni yongs rdzogs nyid ces bya ba ste/ rab tu dga' ba la sogs pa gzhon nus shes pa'i tha tshig go /de nyid gang yin zhe na/ phyogs gnyis yang dag gnas pa ni zhes bya ba dkar po 'am nag po 'am/ yang na rtag dang chad pa'i phyogs sam mdza' mnan nas gdod rdzogs par bya zhes pa'i don to/ /sa rnams kyis ni yongs rdzogs na/ /bden don rnam pa bcu gnyis ldan/ /zhes gsungs te/ dus de na ni rten 'brel bcu gnyis lugs las zlog pa yin te/ he ru ka phyag rgya bcu gnyis kyi brda bstan te/ de nyid bcu gnyis sa'i dbang phyug yin la/ /rnam pa bcu gnyis sa rnams kyis/ /rdzogs pa gnyis su med pa'i mchog /ces dgongs so/ /de nyid byang chub kyi sems zla ba cha bcu drug par 'gyur ba'i rang bzhin bsrungs pa las lus rgyas pas na/ cha rnams kyis ni rdzogs pa'i sems/ /rnam pa bcu drug mi 'gyur ba/ /don gcig gnyis su med pa'i sems/ /don dam pa ni mi mnyam pa zhes gsungs pa yin no/ /rdzogs pa'i gnas skabs sems

  50. 25b

    'gyur na/ /kun nas rab tu rdzogs pa yin zhes pa ni bdag rdo rje nor bu nas mi 'gyur ba'i bde bas dri ma med pa man chad yongs su gang ba na kun nas rdzogs pa'i phyir kun tu bzang po yin no/ /dus de na 'jig rten pa'i chags pa dang bral zhing mi 'gyur ba'i bde ba la chags pa'i phyir/ chags bral la sogs chags pa che zhes pa yin no/ /rdo rje yan lag mi 'gyur che/ /phyogs gnyis pa'i bag chags kyis/ /yongs su dag pa ma 'dres pa zhes pa ni rdo rje yan lag med pa zhes bya ba yin no/ /rdo rje nor bu yongs su gang ba la yar ngo'i bag chags kyis ma 'dres pa zhes pa'i don to/ /ji ltar rgya mtsho chu bo'i chu zhugs na chu de dang mnyam 'gyur zhes chu bran thams cad dug can du zhugs pa der ro mtshungs zhes pa'i don to/ /de bzhin du ni dngos po'i tshogs/ /'gyur ba de ni mi 'gyur mnyam zhes ni de bzhin du 'gyur ba dang/ mi 'gyur ba'i ro gcig go /ji ltar khams kyi tshogs 'di ni/ sa bon gyis zos ro nyid 'gyur/ /sa bon rang bzhin nyid du ni 'bras bu dus gsum nga rgyal spangs zhes pa ni 'bras bu tha dad pa'i sa bon gyi 'bras bu tha dad pa skyes kyang/ rgyu 'bras rtog pa med pa 'am/ yang na lcags dang zangs la sogs pa'i khams kyis tshogs la gser 'gyur gyi rtsi la sogs pas bsgyur kyang phan tshun du rtog pa med pa'o/ /de ltar dngos po'i tshogs kyang ni/ /mchog tu mi 'gyur ba zos nas/ /rnam pa thams cad rang bzhin 'dzin/ /mchog tu mi 'gyur nyid du 'gyur/ /zhes pa la/ de ltar dngos po'i tshogs 'dzag pa la sogs pa la ni mchog tu 'gyur ba med pa'i ting nge 'dzin gyis zos nas rnam pa kun gyis mchog dang ldan pa'i bde ba chen por 'gyur zhes pa'i don to/ /mche ma'i tsher ma'i sdug bsngal ni/ /gzhan du mnan pas rigs min la/ /kun rdzogs gnas skabs 'gyur na ni/ /dbang po'i sgo yi yul ma yin/ / zhes pa ni dper na sbrul dug myur du khyab par byed pa'i mche bas skyes bu gang zhig la bzung na/ /dug de myur du khyab pa'i tshor ba mi bzad pas dbang po thams cad myur du 'gags nas 'chi bar 'gyur ro/ /de bzhin rnal 'byor rdor nor bur/ /gzhan du dam pa'i bde rigs

  51. 26a

    min/ /sems ni rdzogs pa'i char 'gyur na/ /dbang po'i sgo yi yul la min zhes pa ni de bzhin du rnal 'byor pas rdo rje nor bur 'dzag pa med pa'i bde bas gang ba ni lus po rnams bde ba rgyas pa zhes bya ste/ dbang po rnams bde ba 'gags pa'i bde ba 'byung ba zhes pa'i don to/ /ji ltar lcags kyi phyogs gcig na/ /ro bcud chen po yang dag gnas/ /lcags la drag po'i mes gdungs na/ /kun nas kun tu 'bigs par byed/ /dper na zhes pa ni lcags dang zangs la sogs pa'i phyogs gcig tu rtsi bzhag ste mes drag tu gdungs na kun tu khyab par byed do/ /de bzhin du ni phyogs gcig na/ /mi 'gyur bde ba yang dag gnas/ /sems ni 'dod chags med gdungs na/ /kun nas kun tu 'bigs par byed ces pa ni/ bde ba chen po'i 'khor lo la ni byang chub sems kyi ming can gnas pa la phyag rgya chen mo zhes bya ba la snyoms par zhugs pa'i 'dod chags mes gdungs pa bzhin sregs nas lus kun la khyab par byed ces pa'i don te/ de ltar phug pa'i lcags la ni/ /gang du yang ni dri ma med/ /de bzhin phug pa'i sems la ni/ /gang duAng bag chags g.yo ba min/ /zhes pa ni de ltar gser du gyur pa'i lcags la btsa' la sogs pa'i gnas gang yang med pa de bzhin du mi 'gyur ba'i bde bas phug pa'i sems la nam yang bag chags kyi go skabs yod pa yang ma yin no/ /gser nyid du ni lcags 'gyur la/ /me'i dri med 'gyur pa ltar/ /de bzhin sems ni yang nas yang/ /'dod chags me ni dri med 'gyur/ zhes pa ni lcags gser du 'gyur ba'i rkyen mes byed pa de bzhin du/ sems dri ma med pa'i rkyen ni stong pa nyid las 'byung ba'i me byed pa yin no/ /nor bu chen po rdo la reg /rab tu gsal bar 'gyur ba ltar/ /de bzhin mi 'gyur bde reg na/ /sems ni bde ba nyid du 'gyur/ zhes pa ni dper na nor bu dmar po'i rigs la sogs pa rdo la brdar bas gsal zhing 'dod pa 'byung ba de bzhin du 'gyur ba med pa'i bde bas sems la brdar na sems bde zhing gsal bar 'gyur zhes pa'i don to/ /'dir yang smras

  52. 26b

    pas ci zhig bya/ /'jig rten kun rdzob bden pa yis/ /lcags ni kun tu 'bigs pa yin/ /ro yi mthun mthu bsam mi khyab/ /don dam par ni ye shes dngos/ /rtog pa yang na nus sam ci/ /zhes pa ni 'dir brjod pa mang pos ci zhig bya ste/ kun rdzob kyi bden pa la rten 'brel gyi nus pa bsam du med pa dpyad par yang mi nus na gnyis su med pa'i ye shes mi 'gyur ba'i bde bas bskyed pa ci'i phyir rtogs par nus zhes pa'i don to/ /glo bur dri mas g.yogs pa yi/ /sems la kun tu 'bigs pa yi/ /shes pa ni sems kyi dri ma zhes bya ba yod pa ma yin par rang gis yongs su brtags bde la 'bigs zhes pa'i don to/ /sems la glo bur dri ma med/ /sems la yun rings dus na'ang min/ /sems la ma gtogs skye ba 'ang min/ /sems la zad med gnas pa'ang med ces pa ni dri ma shes pa dang sbyar ro/ /de la dri ma zhes bya ba la/ gal te 'di'i glo bur na zhes bya ste gal te 'di glo bur ba yin na zhes pa'i don to/ /skyon cir 'gyur zhe na/ de'i phyir sngon du dri ma med sems zhes bya ba smos te/ gal te glo bur zhes bya ba snga ma med pa las 'ongs pa de ltar na ni spangs shing phyi nas yang skye ba'i don du thal bar 'gyur ro/ zhes bya'o/ /gal te 'di ni yun rings na/ de'i phyir de la srid min gang zhes pa ni gal te sems kyi dri ma 'di sems nyid de'i rang bzhin yin zhes dgongs na ni mya ngan las 'das pa zhes bya ba mi g.yo ba ma yin te/ me'i rang bzhin tsha ba mi 'dor zhes pa'i don to/ /gal te sems las me gtogs 'ongs/ /de ltar nam mkha' i me tog mtshungs shes pa ni 'on te sems las tha dad par gnas pa yin pa de lta na ni yod kyang gnod pa mi bskyed de/ nam mkha' i pad+ma 'am/ mo gsham gyi bu la sogs pas ni phan pa 'am gnod par mi 'gyur zhes pa'i don to/ /gal te sems la rtag gnas na/ /de ltar kun tu thar pa min// zhes pa ni sems kyi dri ma de skyes bu dang grib ma 'dra 'am/ mar me dang 'od ltar rtag par gnas na yang mya ngan las 'das pa'i go 'phang thob pa med ces dgongs so/ /'o na ci'i phyir zhe na/ dri ma zhes sam sgrib pa zhes pa ni brtags pa dang ming tsam dang/ byis pa so so'i skye bo des

  53. 27a

    brtags pa ste/ dper na nam mkha' legs par ma dag pa la skyes bu 'ga' zhig gis skyes bu 'ga' la lag pa'i sor mo lnga brtan nas/ sbrul mgo gdengs par 'khrul nas skrag pa dang 'dra'o/ /de yang ji skad du/ bcom ldan 'das nyid kyis dper na dogs pa'i 'du shes kyis ni dug langs pa/ dug de khong du song ba med kyang rgyal bar 'gyur zhes gsungs so/ /de ci'i phyir zhe na ji ltar zangs ma'i dri ma ni/ bcud kyis sbyor ba nyams par 'gyur/ /dri med kyis ni yang dag gnas/ /de yis de nyid nyams pa med ces gsungs te/ dper na gang zangs ma lcags kyi dri ma la rtsi sman la sogs pa btab nas me la bsreg na dri ma 'tshig cing de dag nyid nyams pa med pa de bzhin du/ de bzhin sems kyi dri ma ni/ stong nyid sbyor bas nyams par 'gyur/ /dri med nyid kyi yang dag gnas/ /de yi ye shes nyams pa med ces gsungs pa ni sems kyi dri ma zhes bya ba stong pa nyid kyi mes bsreg na tshig ces pa'i don to/ /de yang ji skad du/ ye shes gzi brjid rab 'bar bas/ /bdud dpung yul bcas ma lus bsreg ces gsungs la/ /de yang ji ltar 'jig rten phal pa'i chad par blta ba'i stong pa nyid ni ma yin gyi/ byang chub sems dpa' rnams kyi so sor rang gis rig pa'i stong pa nyid kyis mes zhes bya ba yang yin par dgongs so/ /ji ltar bcud kyis lcags 'bigs pa/ /lcags 'bigs pas ni 'gyur ba med/ /de bzhin bde bas phug pa'i sems sdug bsngal nyid du 'gyur ma yin zhes pa ni dper na zangs lcags la sogs pa'i khams gser du bsgyur ba ni slar zangs dang lcags su mi 'gyur ba de bzhin du/ mi 'gyur ba'i bde bas phug pa'i sems slar bzhin sdug bsngal gyi rang bzhin du 'gyur ba'i gnas skabs med ces pa'i don to/ /de bas na chags bral las ni sdig gzhan med/ /de las bsod nams gzhan yang med/ /de bas rtag pa mi 'gyur ba de/ /sems ni dbugs bya ma dbang kye zhes gsungs te/ dus gsum gyis de bzhin gshegs pa dkrongs pa bas ni byang chub kyi

  54. 27b

    sems bsang ba sdig che ba yin pas gzhan du yang dus gsum du zhugs pa'i sangs rgyas rnams la bskal pa gang+gA'i klung du bsnyen bkur bas ni skad cig tsam du mi 'gyur ba'i bde ba la gnas pa'i bsod nams ches khyad par 'phags zhes dgongs so/ /gzhan yang sbyin pa rnams kyis nang na yang 'dod pa'i sbyin pa khyad par du 'phags zhes gsungs so/ /gzhan yang mi 'gyur ba'i bde ba chen po brjod pa'i yul las 'das pa'i dpe ni bde ba las ma gtogs pa gzhan du na/ gzhon nu ma yi dga' ba ni/ /bde ba smra bar mi nus kyi/ /lang tsho yis ni bde thob pa/ /bde ba chen po rang gi rig ces pa ni shin tu 'dod chags kyi dbang du 'gyur ba las /skye ba bde ba yin pa'i phyir gzhan la brjod par mi nus so/ /de bzhin ting 'dzin bral ba yi/ /bde ba smra bar mi nus kyis/ /ting nge 'dzin gyis mi 'gyur thob/ /rnal 'byor pa rnams rang gi rig ces pa ni/ 'jig rten pa'i 'dzag pa'i 'dod chags kyang dpe yis brjod par mi nus na mi 'gyur ba las skyes pa'i bde ba gang gis kyang brjod par nus ting nge 'dzin gyis thob pa'i spyod yul te/ /so so rang gi rig pa'o/ /mi 'gyur las skyes the tshom med// thams cad mkhyen pa ma thob kyang/ /yid la bde min chags bral bas/ /de ltar yang ni bya'o zhes pa ni byis pa gang dag bde ba chen po'i sku 'di ni mi 'gyur ba'i bde ba las 'khrungs sam/ 'on te ma yin zhes dogs na/ de'i brjod pa lta zhog gi /ji ltar 'byung ba'i bde ba yang 'pho ba med pa de srid du lus sim zhing rgyas pa yin la/ phyi rol du 'gyur ba med pas/ de bas chags bral du nyes dmigs bstan pa ni pha rol ni chags bral 'gyur zhes pa ni chags bral sems can gzhan du srid pa med ces pa yan chad kyis bstan pa'o/ /de bas 'bad pa thams cad kyis/ /'pho ba'i bde ba spang bar bya zhes pa ni nyes pa de ltar bstan pa de bas na 'dzag pa'i bde ba spang zhes pa'i don to/ /gang gi srid pa'i 'ching ba las/ /mi 'gyur bde 'gyur rnal 'byor pa zhes pa ni gang gis srid pa 'ching ba'i 'dun pa las

  55. 28a

    'grol bar 'dod pa'i rnal 'byor pas ci'i phyir chags pa dang bral bas byed pa zhes pa'i don to/ /'dod pa'i stan bcos chags can pas/ /chags bral bar ni mi 'dod na zhes pa ni 'jig rten pa'i skad cig pa'i bde ba tsam nyams su len pa'i lha dbang phyug chen po la sogs pa yang chags pa dang bral bar mi 'dod pas/ chags pa'i bstan bcos 'bad tshal yan la sogs pa ston par byed pa'i rgyud ston cing/ gzhan dag kyang nyan pa la 'bad par byed cing bde ba rgyun mi chad pa'i don du 'bad pa phun sum tshogs pa byed na/ bdag gi bstan pa'i rgyud la ni/ /rnal 'byor pas ni sdug bsngal 'dod ces pa ni ci'i phyir zhes sbyar bar bya'o/ /de yang bdag gis 'khor ba'i sdug bsngal 'byung ba'i rgyu chags bral bstan pa/ sdug bsngal de 'gags pa'i rgyun chags bral spangs par bstan pa la 'jug pa'i 'bad pa med pa'i ngo mtshar zhes pa'i don to/ /sa bon mi 'gyur rang bzhin gyis/ /mchog tu mi 'gyur sgrub par bya/ /de ltar brjod pa'i rim pas 'gyur ba'i bde ba spangs la/ mi 'gyur ba'i bde bas lus 'grub ces dgongs so/ /rten ni 'pho ba thob pa la/ rten bying chags bral ba nyid ces pa ni de lta bas na/ bde ba'i rten byang chub sems kyi ming can 'pho na de la rten pa'i bde ba chen po yang 'pho zhes bya'o/ /'on ten dang rten byed kyi 'brel pa gang du 'dor par 'gyur zhing/ brten dang brten pa'i 'brel pa ni/ /ji srid mi 'gyur nyid du 'gyur/ /sems kyi mi 'gyur nyid thob nas/ /rten dang brten pa'i 'brel pa med ces pa la/ byang chub sems kyi myu gu rtse mo gyen du bstan pa ni dri ma med pa zhes bya ba'i gnas su bgrod pa nas 'bad pa mi dgos te/ rnal 'byor pa de grong dang grong khyer dang/ skye bo mang po'i nang du 'dug kyang rung/ /rgyal po'i pho brang 'khor na 'dug kyang rung/ /ra ro 'am brgyal lam/ gnyid log kyang rung ste/ 'bad pa mi dgos zhes bya'o/ /de yang gsal bar bstan pa ni mi 'gyur ba las skyes pa'i sku/ /mdzod spu'i 'khor lor son pa la/ /A li kA li 'byor pa yi/ /hUM yig mi 'dod

  56. 28b

    rgyal po kye zhes gsungs te/ de ltar mdzod spu'i dri ma med pa zhes bya bar byang chub sems kyi myu gus khyab pa la A la sogs pa yongs su gyur pa'i zla ba'i dkyil 'khor dang/ kA la sogs pa yongs su gyur pa'i nyi ma'i dkyil 'khor dang/ de'i bar du hUM sngon po ste de rnams yongs su gyur pa las/ rdo rje sems pa'i sku lus las 'od zer sna lnga 'phros pa dang bsdud pa'i sku las bdud rtsi'i rgyun 'byung ba ye shes sems dpa' i byin gyis brlabs pas de lta bu'i rtag pa'i lha mi dgos bya ba 'am/ yang na de lta bu'i lhag pa'i rang bzhin gyis mdzod spu ru 'gro ba'i rgyu mi byed ces bya ba'o/ /kye zhes pa ni zla ba bzang po la bong pa'i tshig go /de yang stong pa las 'byung gzugs ni rgyu zhes pa 'am/ yang na mi 'gyur ba las skyes pa'i rgyu ni rnam pa kun gyis mchog dang ldan pa de'i stong pa nyid yin la/ 'bras bu ni bde ba chen po yin no/ / 'bras bu yis ni rgyu rgyas gdab/ /rgyu yis 'bras bu rgyas gdab pa/ stong pa nyid gzugs rgyu yin te/ /'bras bu snying rje'i gzugs mi 'dzin zhes pa ni gdul bar dka' ba'i 'gro ba la rtags pa'i chos ni brgyan pa yin la/ /de yang thabs kyi rigs can dang/ shes rab kyi rigs can phan tshun du mtshon pa dang ltos par bya ba'i ched du'o/ /gzhan yang brtags pa'i chos la ni rgyu dang 'bras bu 'grub la/ brtags pa ma yin pa la ni ma yin te/ de yang stong nyid snying rje dbyer med pa/ de yang stong pa byang chub sems su de brjod do zhes pa ni rgyas gdab pa las grol bar ston te/ mya ngan 'das dang bral ba'i sems/ /'khor ba las 'da' mi 'gyur la/ /rtag dang chang las nges par grol/ /de nyid sbyor ba gnyis med gzhan/ /zhes gsungs pa yin te/ gang yang las kyi phyag rgya shes rab kyi ming thabs snying rje'i ming can de dag la ni ltos pa yin la/ shes rab chen po 'di ni ltos pa dang bral ba yon no/ /dngos med la byung mtshan nyid phyir ro/ /gzugs la dngos po med pa min/ /zhes pa ni/ byis pa rnams kyi rtog pa bzlas pa ste/ de yan chad pa lta ba kha cig gi bsam pa la kun rdzob tsam du yang med snyam

  57. 29a

    pa 'am gzugs la dngos po med pa min zhes pa ste/ du ba la sogs pa 'byung bar bstan pa'o/ /de nyid ther zug du lta ba dgag pa'i phyir/ /dngos po las 'byung mtshan nyid phyir/ /mi 'gyur ba la dngos po med/ ces gsungs pa yin no/ /de bas dngos dang dngos med yang dag sbyor/ /rdo rje rnal 'byor gnyis med sbyor/ /gzugs dang gzugs med rnam par grol/ /me long gi ni phra bzhin no/ /zhes pa ni de ltar brjod pa'i rim pas rdo rje rnal 'byor zhes bya ba ni gnyis su med pa'i zung du 'jug pa la bya'o/ /srid gsum gzugs ni mi 'od ste/ 'gyur med mi grol mya ngan 'das/ /zhes pa ni du ba la sogs pa'i mtshan ma dang/ mi 'gyur ba'i bde ba ni srid pa bzhi pa'i mtshan nyid mnyam pa nyid yin gyi/ tha dad pa ma yin par dgongs so/ /de'i phyir phan tshun 'khyud dang bzhi pa ni/ /ma ning gi ni go 'phangs mchog /ces pa nas phan tshun du ni rgyas gdab med ces pa ni mi 'gyur ba'i shes rab ye shes chen po la/ rgyas gdab pa med par ston cing/ gnyis ka la mnyam par gnas pas ma ning gi gnas kyis mchog yin par ston to/ /'o na gang la rgyas gdab ce na/ gang gi rgyu dang 'bras bu kun/ /de yi rten cing 'brel las 'byung/ /zhes gsungs te rtag pa'i chos la rgyas gdab par gsungs te/ gzhan la ma yin zhes dgongs so/ /phan tshun du ni rgyas gdab gzugs/ /skye ba med cing 'das pa'ang med/ /shes rab kun nas mya ngan 'das/ /mchog tu 'gyur ba med pa ste/ rgyu dang 'bras bu rnam par grol/ /phan tshun rgya yis gdab pa med ces pa ni shes rab chen po'i dbang la zhes bya bar sbyar ro/ /ma skyes pa dang ma 'gags pa'i/ /shes bya gang zhig 'di mthong na/ /zhes pa ni skye ba dang 'gag pa dang gdod ma nas bral ba'i dngos po 'di'o/ / phyi ru rnam par dbye ba las/ /rang gi sems las de gzhan min/ /zhes pa ni gang zhig bdag las gzhan pa ltar snang ba 'di ni ma rig pa'o/ /bag chags yongs su smin par snang ba gang de shes rab kyi mtshon gyis bsgral nas bdag las gzhan pa mi rnyed do/ /de

  58. 29b

    yang ji skad du/ skyes bu'i kun rtogs 'dod chags spang bya yis/ /'jig rten sna tshogs gang de de ltar gnas zhes pa dang/ gzhan yang 'phags pa lha'i zhal nas ji skad du/ phyi rol don ni yod ma yin/ /'di dag rang gi sems su gda' zhes pa dang gzhan ci yang rung/ /mdun 'jog na de ni tsam la mi gnas so/ /zhes pa dang/ gang yang sa bcu pa'i mdo las kyang ji skad du/ kye rgyal ba'i sras dag khams gsum pa 'di ni sems tsam mo zhes gsungs pa de bas na rnam par shes pa thugs kyi bdag po srid pa gsum gyi mgon dang skyabs nyid las sna tshogs par snang ba yin no/ /de yang ji skad du/ dpal sa ra ha'i zhal nas/ thugs kyi bdag po khyod ston pa'i mchog khyod gcig pu bdag gis skyabs gyur cing/ shes rab pha rol phyin pa'i rang bzhin rol pa rdo rje btsun mo'i tshogs/ /gang zhig 'khor ba'i zhi ba'i ngo bos char gnas dga' ba nges 'bebs shing/ /ye shes nam mkha' i yid kyi chu bo rgyas mdzad dpal ldan bla ma de nyid yin zhes gsungs pa de bas na thogs pa med par gnas pa'i rnal 'byor pa ni/ /de'i phyir rang gi rang la ni/ /gang yang rgyas gdab nus ma yin/ /zhes gsungs so/ /ral gri'i so yi rang la ni/ ral gri chen po gcod dam ci/ /zhes pa ste/ ral gri rang la rang gi mi gcod pa ltar/ /rang gi rang la rgyas gdab par nus pa ma yin no/ /mo bsham bu mos sbyar ba na/ /rmi lam bde bar 'gyur ba ltar zhes gsungs pa ni/ yod pa ma yin pa'i btsun mo la sbyar bas rmi lam du bde ba 'byung ba bzhin du/ nam mkha' las 'byung gzugs kyis ni/ /bdag la rten pa de bzhin no/ /zhes gsungs pa yin no/ /nam mkha' chen po la gnas shing brten pas rgya che ba'i nam mkha' i nyid lta bu'i yod pa ma yin pa'i rdo rje 'chang gi gnas thob pa'o/ /lhan cig skyes pa'i shes rab bcas/ /'di ni thabs min shes rab min/ /zhes pa ni/ phyag rgya chen mo la brten pas nam mkha' las byung ba'i bde ba 'di ni thabs zhes pa 'am/ shes rab ces su gang gis kyang brjod par mi nus pa'am/ yang 'di ni skyes pa dang/ mi mo'i thabs dang shes rab las

  59. 30a

    'byung ba ma yin pa'o/ /kun nas kun tu yong su rdzogs/ /sgrib pa thams cad spangs pa dang/ /nam mkha' lta bur gos pa med/ /yul dang dbang po spangs pa nyid/ /ces pa ni rgyu de lta bu la snyoms par zhugs pa 'bras bu de lta bu thob ces pa'i don to/ /kun tu 'byung po kun la gnas/ /mi tshed mi phyed spangs pa nyid/ /ces pa ni de lta bu'i bde ba yis ye shes la ni 'gro ba thams cad la gzhig tu med pa'i tshul gyis gnas shes dgongs so/ /ci'i phyir gzhig tu mi nus snyam pa la/ /'di ni rang 'byung rdo rje sems/ /don chen mchog tu mi 'gyur ba/ /zhes pa ste byed pa dang bral ba 'am/ rang 'byung ba'i phyir ro/ /'dod chags chen po sems dpa' che/ /sems can thams cad dga' bar mdzad/ /ces pa ni de lta bu'i 'od gsal ba'i bde ba las/ /'gro ba rnams kyi don thogs pa med par 'gyur zhes pa'i don to/ /byang chub sems dpa' zhe sdang che/ /nyon mongs zang mdzad dgra chen po/ /zhes gsungs te/ de lta bu'i byang chub sems dpa' gang yin pa de ni bdag dang gzhan gyi nyon mongs pa thams cad gsod pa'i phyir/ sgra chen po yin no/ /'gro ba'i don la gshol ba med pa 'am/ bsam du med pa'i yul gnas pa yin pa'i phyir ro/ /dam tshig chen po'i gti mug che/ /gti mug blo ste gti mug sel/ /zhes gsungs pa yin no/ /'jig rten pa'i lha chen po la sogs pa 'dul ba 'am/ nang gi lha ma yin gdul dka' ba 'dul ba'i phyir/ /rdo rje rnal 'byor khro bo che/ /lha mo'i khro bo sgra chen po zhes pa yin no/ /de gang yin snyam pa la/ /dus kyi 'khor lo chags pa che/ /'pho ba'i chags pa sel mdzad pa zhes pa ste/ gang zhi ba dang/ drag po la sogs pa dang 'tsham pa la de dang de'i rnam par ston pa'o/ /don cher bcom ldan 'das kyis 'dir/ /rdo rje mi phyed ces su gsungs zhes bya ba ste/ dbyer med pa'i rdo rje ni mchog tu mi 'gyur ba'i don du bcom ldan 'das kyis gsungs pa yin la sems dpa' ni sems dpa' srid

  60. 30b

    pa gsum gcig pa/ mchog tu mi 'gyur dag tu brjod/ /ces pa ste/ lug dang/ ser skya dang/ yid bzangs ma zhes bya ba gsum po/ /gcig tu 'dus pa'i bde ba yin no/ mchog tu mi 'gyur bde ba gang/ /sa rnams kyis ni yongs rdzogs nyid ces pa ni gong du bstan zin to/ /'gyur ba med pa'i bde ba 'am/ /sems can rnams la chags pa chen po mnga' bas na/ /'dod chags chen po sems dpa' che/ /sems can thams cad dga' bar mdzad/ /ces gsungs pa yin no/ /sems pa byang chub rnam par gnas/ /ci'i phyir mi g.yo byang chub sems/ zhes pa ni/ 'gyur ba med pa'i byang chub sems kyi myu gu 'am/ rtag par sems can rnams la dmigs pas na/ de skad ces bya'o/ /nyon mongs la sogs zhe sdang tshogs/ /zhe sdang chen po dgra chen po zhes pa ni zhe sdang phal pa gang yin pa de ni zhe sdang bskyed pa'i phyir de skad ces bya'o/ /dam tshig zla ba'i bdud rtsi dkar/ /'pho ba med de za po/ /zhes pa ni 'od gsal ba'i ting nge 'dzin gang yin pa de la gnas pa'i rnal 'byor pa'i longs spyad par bya ba ni 'pho med pa'i byang chub sems kyi zla ba yin zhes bya'o/ /de bas na rig pa 'di ni byang chub sems/ shes pa 'di ni 'gyur ba med pa la za'i 'gyur ba dang ces pa la mi za ba'i phyir ro/ /gti mug blo ste gti mug sel zhes pa ni 'khor ba'i gti mug gsal nas/ bsam du med pa'i yul la gnas pa'i phyir ram thob pa med pa'i rnam par 'phrul pas gnas pa'i phyir de skad ces bya'o/ /shes rab sku dang mi 'gyur bcas// rdo rje thams cad gcig po nyid/ /ces pa ni stong pa dang snying rje mi phyed pa'i rnal 'byor pa la ni sku gsung thugs ye shes kyi rdo rje 'am/ yang na dkyil 'khor pa ji snyed pa de snyed pa ni rdo rje yin la/ de dag thams cad rdo rje sems dpa' bde ba chen po las gzhan pa ma yin pas na de skad ces bya'o/ /khro bo'i gzugs can bdud rnams la/ khro bo chen po dgra chen po zhes pa ni/ lha'i bu la sogs pa'i bdud dam/ lha drag po 'am/ yang na mu stegs byed pa rnams skrag par byed pa 'am yang na bdud de/ bsam gtan bzhi'i rten phyir mi

  61. 31a

    'da' ba la rtse gcig pa la de skad ces brjod do/ /mi 'gyur chen po bde thabs kyis sems can don mi 'dor/ /sems can sgrol ba'i chags chen po/ /'gyur ba'i chags pa sel bar mdzad/ /ces pa ni sngon bla ma dang/ /sangs rgyas dang byang chub sems dpa' la sogs pa'i dngos su khas blangs pa 'am/ yang na shugs kyi blangs pa yin pa'i phyir bshol ba med pa'i dam bcas pas sems can rnams la ji ltar na gnyis su med pa'i lam la dgod par bya zhes pa 'am las dam pa la dgod pa yin pa'i phyir ro/ / da ni rdo rje dbyings kyi dkyil 'khor du gyur pa'i phung po dang khams dang skye mched dang/ yul dang dbang po la sogs pa bstan pa'i phyir/ mi 'gyur ye shes tshor ba ni/ /rnam pa drug ste ye shes tshor ba la sogs su brjod de/ rnam shes gzugs dang 'du byed dang/ 'du shes phung po'i rigs de rnams/ shes bya ba gsungs te/ 'gyur ba med pa'i 'grub pa'i rnam pa drug po 'di bde ba zhes bya ba rgyal ba drug gi rigs kyi rang bzhin tu rtogs par bya'o/ /ye shes me dang nam mkha' sa/ rim pa de bzhin rlung dang chu zhes bya ba la/ bde ba zhes pa dang sbyar bar bya ste/ steng nam mkha' dbyings kyi dbang phyug ma dang/ 'og rdo rje dbyings kyi dbang phyug ma zhes pa ste/ spyan ma la sogs pa drug gi rang bzhin du rtog par bya'o/ /yid dang mig dang rna ba dang/ sna dang/ lce dang/ de bzhin lus/ shes pa ni kun tu bzang po dang/ sa'i snying po la sogs pa drug gi rang bzhin du rtogs par bya'o/ /sgra dang ro dang chos kyi dbyings/ /dri dang reg dang kha dog ste/ /zhes pa ni/ yul rnams gzugs kyi rdo rje ma la sogs pa drug gi rang bzhin du rtog par bya'o/ /rigs drug po ni yongs su dag /khro bo'i rgyal po dong drug 'jigs/ zhes pa ni de ltar brjod pa'i rim pas 'jig rten gsum gyi bdag po rdo rje 'chang nyid gdul bar bya bar dgongs nas/ khro bo'i cha lugs su gang bsgyur ba'i nyams dang ldan par zhugs la/ des gdul ba la sogs pa la bstan pa yin no/ /

  62. 31b

    gar thabs dgu ni sgeg pa dang/ dpa' pa dang/ 'jigs su rung ba dang/ gshe ba dang/ bzhad pa dang/ snying rje dang/ rngam pa dang/ ngo mtshar ba dang/ zhi ba zhes bya'o/ /dbang gi sgrub pa 'di nyid ni/ /mchog tu mi 'gyur sgrub pa ste zhes pa ste/ dbang rnam pa gnyis yod pa las/ 'jig rten las 'das pa'i dbang 'gyur ba med pa'i bde ba chen po sgrub pa zhes bya'o/ /rtsa dang rigs su yang dag ldan/ /mdor bsdus bshad pa'o zla ba kye zhes pa ni gzhan yang bde ba chen po'i 'jig rten gyi tshul rtsa ba'i rigs dang ldan pa bstan to/ /de yang gzhung rgyas pa ma yin gyi/ gzhung bsdus pa yin la/ don rgyas pa zhes pa 'am/ yang na rgyas pa ni dbang gi le'u bstan te/ de bas na bsdus pa'i tshul gyis bstan zhes dgongs so/ /'jig rten gyi khams kyi le'u la sogs pa las/ /le'u lnga pa mchog tu mi 'gyur ba'i dbang gi sgrub pa'i mdor bsdus kyi le'u zhes pa ni/ skyob pa 'am/ g.yogs pa'i le'u zhes bya'o/ /lhag ma ni go bla'o/ /mkhas mi g.yo ni dri mas ga-yo/ /gzhung ston log par sten par byed/ bdag gis rtsa rgyud sogs bltas nas/ /brtse bas 'grel pa bris pa yin/ /dang po'i sangs rgyas rgyu chen gyi/ /mdor bsdus dbang gis 'brel byas pas/ /dge ba bdag gis bsags pa 'dis/ /'gro ba 'gyur med dbang thob shog /dang po'i sangs rgyas kyis rgyud las dkol ba/ /dbang mdor bstan pa zhes bya ba'i 'grel pa/ rnal 'byor ba dus kyi 'khor lo zhabs kyis mdzad pa rdzogs so// // kha che'i paN+Di ta zla ba'i mgon po dang/ lo tsA ba 'gro dge slong shes rab grags kyis bsgyur ba'o// //dbang mdor bstan pa'i dka' 'grel rin chen grub kyis bsgyur ba bzhugs// //!/ /rgya gar skad du/ she kod+de sha pany+dzi ka /bod skad du/ dbang mdor bstan pa'i dka' 'grel/ dpal dang po mchog gi sangs rgyas la phyag 'tshal lo/ /dang po'i sangs rgyas srid gsum mgon gcig chos dang bcas/ /rdzogs pa'i byang chub sems dpa' i dge 'dun la btud nas/ /dpal ldan bla ma'i zhabs kyis

  63. 32a

    mdzad pa'i man ngag las/ /dbang la sogs pa mdor bstan tshig ni rgyas pa bya/ /de nas phyag na rdo rje'i sprul pa'i sku rgyal po zla ba bzang pos/ /dang po mchog gi sangs rgyas kyi rgyud kyi rgyal por dbang gi don bcom ldan 'das la zhus pa zla ba bzangs pos gsol pa/ zhes pa'o/ /kye ston pa dbang ni rnam bdun ni chu la sogs pa nas rjes su gnang ba'i mthar thug pa'o/ /gzhan rnams gsum ni bum pa la sogs pa nas shes rab ye shes kyi mthar thug pa'o/ /de bzhin bla na med ces pa ni phyag rgya chen mo'i ye shes kyi mtshan nyid do/ 'jig rten 'jig rten 'das grub phyir ces pa ni 'jig rten pa'i dngos grub 'og min gyi gnas kyi mthar thug pa dang 'jig rten las 'das pa sangs rgyas nyid dang phyag rgya chen po mi 'gyur ba'i ye shes te/ de rnams kyi don mdor bsdus par ni bdag la gsungs shes pa'o/ /nyon cig ces bya ba la sogs pa nas/ /mdor bstan pa ji srid rdzogs pa ni bcom ldan 'das kyis gsungs so/ /mchog dang zhes pa phyag rgya chen po mi 'gyur ba'i ye shes so/ /rtsa ni g.yon pa dang g.yas pa dang dbus ma'i rtsa rnams so/ /kun spyod ni g.yon pa dang g.yas pa dang dbus ma'i sbubs rnams su 'gro ba dang 'ong ba'o/ /de dag rtsa'i kun sbyong ngo/ /rtsol ba zhes pa ni srog rtsol te mdor bsdus pa de rnams khyod la bshad par bya'o/ /da ni mdor bsdus pa la sogs pa'i rab tu dbye ba gsungs pa/ mdor bsdus rnam gsum ni rgyud thams cad la'o/ /de bzhin du rgyas par bshad pa gsum du 'gyur ro/ /de dag mdor bsdus pa dang rgyas par bshad pa dag gi rab tu dbye ba gsungs pa/ rab tu mdor bstan mdor bstan che ge ni mdor bstan pa'i rab tu dbye ba'o/ rab tu rgyas par bshad pa gzhan zhes pa ni rgyas bshad chen po bsdu pa'o/ /'di dag kyang rgyas bshad kyi rab tu dbye ba 'di rnams kyi rnam pa gzhan gsungs pa/ mdor bstan 'di nyid ces bya ba la sogs pa ste/ gang kho na mdor bstan pa de kho na rgyas par bshad pa ste/ de yang rgyud kyi bsdus pa brjod pa

  64. 32b

    yin no/ /'dir ni rgyas par bshad pa'i sgras bsdus pa'i rgyud chen po brjod par bya ste/ mdor bstan pa ni rgyud chen po las gzhan du 'gyu ba dang/ de gal te sdud par byed pa pos so sor byas pa'i de'i tshe rgyud chung bar 'gyur ro/ /ji ltar mtshan nyid mngon par brjod pa'i phyir// nges par rtogs pa rgyud chung bar mngon par brjod do/ /rab tu mdor bstan dang zhes pa'i dang gi yi ge rab tu 'i sgra bsdus pas rab tu rgyas bshad du brjod do/ /gnyis po 'di dag rim pa ji lta bar dka' 'grel chung ba dang dka' 'brel chen po'o/ /de yang tshig tsam 'joms kyi don thams cad gsal ba ma yin no/ /gang zhig 'brel bshad thams cad bsdus don te zhes pa bshad par bya ste/ mdor bstan che dang zhes pa la rang gi sgras chen po'i sgras sdus pa rgyas bshad chen por brjod de/ gnyis po 'di dag grangs ji lta ba bzhin du rgya cher 'grel chung ba dang rgya cher 'grel chen por brjod do/ /de ltar zhes pa bshad pa'i rim pas so/ /mdza' drug rnams kyis ni rnam pa drug gi bsdus pa'i rgyud chung ba dang chen po la sogs pa rnams/ /dag pa ni yongs su dag pa'o/ /dang po'i sangs rgyas dus kyi 'khor lor mngon par brjod byed 'gyur zhes 'chad pa dang sbrel lo/ /de bzhin du rdo rje rnal 'byor rnam bzhi zhes pa rnam par dag pa dang sngags dang dbyibs kyi mtshan nyid do/ /byang chub rnam bzhi zhes pa skad cig gcig gis mngon par rdzogs par byang chub pa dang rnam pa lnga dang rnam pa nyi shu dang sgyu 'phrul dra bas mngon par rdzogs par byang chub pa'i mtshan nyid do/ /phung po'i gzugs dang tshor ba dang/ 'du shes dang 'du byed dang rnam shes dang ye shes kyi mtshan nyid do/ /khams dang zhes pa ni/ sa dang chu dang me dang rlung dang nam mkha' dang chos kyi khams kyi mtshan nyid do/ /skye mched ni yul dang yul can gyi dngos po bcu gnyis te/ gzugs dang sgra dang dri dang ro dang reg bya dang chos kyi khams kyi mtshan nyid do/ /rigs drug rnams ni mig dang rna ba dang sna dang lce dang lus dang yid kyi mtshan nyid do/ /bden gnyis ni 'jig rten pa dang 'jig rten

  65. 33a

    las 'das pa dag go lus ngag yid ni dag byed pa/ /mngon par dbang bskur gnyis gnyis zhes pa te/ /chu dang cod pan dag gos lus ngag par byed do/ /dar dpyangs dang rdo rje dril bu dag gi ngag dag go /brtul zhugs chen po dang/ ming dag gi yid dag go /rjes gnang gi ye shes dag pa yin no/ /gzhan zhes pa dag la gzhan te/ de ni khams la sogs pa dag par byed pa'o/ /des na chu yis shes bya ba la sogs pa nas/ rdo rje dril bu mi 'gyur che zhes pa ste/ rdo rje mi 'gyur ba chen po dag go / dril bus sangs rgyas gsung gi rgyun mi 'chad do/ /de nyid ni nyi zla gcig tu de dag dag pa ste/ dbus mar rab tu zhugs pa'i mtshan nyid do/ /bum pa la sogs pa'i dbang gi dkyil 'khor bzhengs nas mthar yang sbyin par bya'o/ /gang zhig nu ma'i yan lag la reg pa las bde ba thob pa ni rnyed pa'o/ /skyob pa thams cad bskyed mdzad ma zhes pa skyob pa ni de bzhin gshegs pa lnga po rnams te sgrib pa med pa nyid kyis bskyed mdzad ma'o/ /shes rab ni bla'o/ /de'i gzugs ni bzung ba dang 'dzin pa'i rnam pa dang bral ba/ sgyu ma dang rmi lam gyi snang ba'i mtshan nyid do/ /des na de nyid gsungs pa/ yod dang med las rnam par 'das shes so/ /med pa'i zhes bya ba la sogs pa la 'dir ni dmigs pa rnam pa gnyis te/ mngon sum sngon du 'gro bar gyur pa dang/ rjes dpag sngon du 'gro ba can no/ /de la gang mngon sum ston du 'gro ba de ni rtog pa'i dri ma ma lus pa dang rnam par bral ba'i lam bla ma dam pa'i man ngag las byung ba de kho na nyid kyis sbyor ba las/ nam mkha' la skar ma bzhin du/ longs spyod rdzogs pa'i sku du ma sha'i spyan gyis bzung ba'o/ /dbang po ni sha'i spyan gyis rnal 'byor ba las dang po ba sna tshogs pa mngon par shes pa las gzhan gyis mthong ngo/ /de nas lha'i spyan gyis te/ mngon par shes pa'i skabs kyi dbang las so/ /de nas sangs rgyas kyi spyan gyis te/

  66. 33b

    'dod chags dang bral ba'i skabs kyi dbang las so/ /de nas shes rab kyi spyan gyis te/ byang chub sems dpa' i skabs kyi dbang las so/ /de nas ye shes kyi spyan gyis te/ yang dag par rdzogs pa'i sangs rgyas kyi skabs kyi dbang las te/ nye bar 'dzin pa thams cad las rnam par grol ba'o/ /de ltar na de bzhin gshegs pa'i sha la sogs pa'i spyan lnga rnams kyis stong pa nyid so sor mthong bar brjod do/ /rjes dpag la sngon du 'gro ba can gyis dmigs pa ni de kho na nyid la rtog pa ri mo la sogs pa nye bar blta ba ni/ rnal 'byor pa gsang bu rnams kyi stong pa nyid kyi lam la 'jug pa'i don du'o/ /de'i phyir med pa'i gzugs rmi lam la sogs pa dang mtshungs pa bsgom pa'o/ /dmigs pa de rnal 'byor pa rnams kyis bsgom pa ni rtog par mi 'gyur te rtog pa med pa'i rgyu las nye bar byung ba'i phyir ro/ /des na de nyid dngos po ni dngos po'i rang bzhin no/ /dngos med ni nye bar brjod pa thams cad dang bral ba'i mtshan nyid do/ /sems la med pa ni gang gi phyir so sor gsal ba'i yid gzhom du med cing brjod par mi nus pa ste/ rdul phran tshogs pa'i dngos po 'dzin pa med de/ gzugs brnyan bzhin no/ /des na de nyid dpe yis bstan pa/ bral zhes pa la sogs pa ste bra'i sgras sems can gyi don du mngon par brjod de/ me long ni me long ngo/ /dngos med las skyes ni/ rdul phra rabs kyi tshogs pa dang bral ba bu mos mthong ngo/ /pra la 'jug pa'i rgyud las gsungs pa/ me long ral gri mthe bong dang/ /sgron ma zla ba nyi ma dang/ /chu dang thabs dang mig rnams la/ /pra 'bebs pa ni brgyad du brjod/ ces so/ /de bzhin du 'das pa dang ma 'ongs pa'i chos rab tu ma bsam pa mkha' la ste/ stong pa las rnam pa thams cad dang ldan pa'i gzugs de kho na nyid kyi rnal 'byor pa/ rnam par rtog pa dang bral ba'i lam thob pas mthong ngo/ /'di pra phab dang mtshungs par yid gang dang gang gi dngos por min pa pra phab pa'i mtshan nyid do/ /de dngos

  67. 34a

    yod min zhes pa de dag dngos por 'gyur ba ma yin no/ /gal te 'dir gsungs pa/ dngos po stong pa'i don mthong phyir/ zhes pa dngos po ni rdul phra rab tshogs pa'i bdag nyid do/ /stong pa ni rnam par bral bar gyur ba'o/ /de yang de dag gi don yang so sor gsal ba'i mtshan nyid do/ /de'i mthong phyir ni rnam par rtog pa med pas mngon sum du dmigs pa'i phyir ro/ /dngos po ni rdul phran tshogs pa'i bdag nyid do/ /de med pa'i don ni so sor gsal ba'i mtshan nyid du yod par gsungs te/ dper na rmi lam sgyu ma mig 'phrul mtshungs so/ /'di nyid kyi don gsungs pa/ med pa las ni zhes pa la sogs pa'o// //yid bzhin nor ltar zhes pa la sogs pas rtog pa dang 'khrul pa med pa ye shes su gsungs so/ /gal te de la dmigs pa med par brjod na 'gro ba'i don byed dam zhe na/ yul gyis bskyed pa ma yin no/ /zhes gsungs pa/ ma mthong ba'i zhes pa la sogs pa ste sgrub pa po ni pra phab la zhugs pas so/ /yod pa'i gzugs mthong ba zhes pa yang ma yin no/ /zhes gsungs pa/ gal te zhes pa la sogs pa'o/ med pa'i gzugs mthong ba zhes bya ba yang ma yin no/ zhes gsungs pa/ 'on te zhes bya ba la sogs pa'o/ /gzhan gyi mig gis mthong ba yang ma yin no/ /zhes gsungs pa/ mi mthong zhes pa la sogs pa'o/ /de lta mo kyi rang gi mig gis mthong zhes na/ gsungs pa/ bdag gi mig gis shes bya ba la sogs pa'o/ /gzhon nu ma dang mtshungs pa ni yid do/ /skye ba med pa ni ma skyes pa'o/ /de dang de'i bu ni ji ltar skyes pa bzhin no/ /zhes bya ba'i don to// //srog rtsol gsungs pa/ gzugs mthong zhes bya ba la sogs pa ste/ ji ltar rmi lam dang sgyu ma dang mtshungs pa'i gzugs mthong bar gyur bas so/ /de'i 'og tu ni de ma thag bar ro/ /srog rtsol ni dgang ba dang bum pa can dang rdul mdza' can no/ /rgyun mi 'chad par te bar chad med par bya'o/ /zhi zhen gsungs pa steng dang zhes bya ba la sogs

  68. 34b

    pa ste/ steng gi rtsa gsum ni lus dang ngag dang yid kyi chos can no/ /de bzhin du 'og kyang ngo/ /de la g.yon du zla ba'i rtsa ni lus kyi chos can no/ /g.yas su nyi ma'i rtsa ni ngag gi chos can no/ /dbus su sgra gcan gyi rtsa ni yid kyi chos can/ /bshang ba'i rtsa ni lus kyi chos can no/ /gcin gyi rtsa ni ngag gi chos can no// khu pa'i rtsa ni yid kyi chos can no/ /zla ba'i rtsa ni chu'i rang bzhin no/ /nyi ma'i rtsa ni me'i rang bzhin no/ /sgra gcan gyi rtsa ni stong pa'i rang bzhin no/ /bshang ba'i rtsa ni sa'i rang bzhin no/ /gcin gyi rtsa ni rlung gi rang bzhin no/ /khu ba'i rtsa ni ye shes kyi rang bzhin no/ /de nyid gsungs pa zla ba zhes pa la sogs pa'o/ /srog dang thur sel rim pa yis shes bya ba ni/ srog ni zla ba dang nyi ma dang mun can ma'o/ /thung sel yang lhags ma rnams so/ /'di rnams kyi rigs drug brtag pa gsungs pa/ zla ba zhes pa la sogs pa la/ /zla ba chu'i khams ni thabs kyi khu ba'i khams te skur 'gyur ro/ /nyin mor byed pa me'i khams ni/ shes rab ma'i rdul gyi khams te gsung du 'gyur ro/ /de bzhin du 'chang bar 'gyur ba'i shes rab dang thabs dag don 'di kho na'o/ /gtso bo ni khu ba'i khams so/ /thabs dang shes rab sku dngos kyis/ /shes bya ba ni rigs mi mtshungs pa dang 'khyud pa yis/ /shes rab kyi sku'i dngos po ni thabs su 'gyur te bde ba'i dus su sems de'i rnam par 'byung ba'i phyir ro/ /de bzhin du thabs kyi sku'i dngos po shes rab du yang ngo/ /'chi ltas ni dus ma yin par 'chi ba'i mtshan nyid do/ /lhag pa'i rlung gi 'gyur te steng 'og tu yang ngo/ /lus shes bya ba la sogs pa gsungs pa/ lus ngag rtsal ni ji ltar rigs par la la nA dang ra sa nO/ /gang gi tshe 'og tu bshang ba'i rtsa 'gags par gyur pa de'i tshe steng du g.yon pa'i rtsal 'chi ltas su 'gyur ro/ /gang gi tshe gcin gyi rtsa 'gags par gyur pa de'i tshe de'i steng du g.yas kyi rtsa la 'chi ltas su 'gyur ro/ /de dag kyang zhib tu bshad par bya ste/ mun can ma sa bon 'bab ma 'chi ltas med dam zhe na/ mun can sa bon 'bab pa las/ rlung ni skyed pa ni mngal nas skye ba dang/ 'chi ba gnas pa

  69. 35a

    yi ni rang gnas pa'o/ /de nyid gsungs pa/ skye dang zhes bya ba la sogs pa'o/ /dus sbyor 'byung ba'i mngon mtshams su zhes pa g.yon pa'i dus sbyor dang g.yas pa'i dus sbyor dang 'pho ba'i mtshams su dbus ma yis ni mnyam par 'bab po/ dbugs 'byung ba dang rngubs du zhen/ gsungs pa/ lnga bcu rtsa drug ces pa la sogs pa'o/ /nyin dang mtshan mo la zhes pa nyin mo dang tshan mo'i 'pho ba bcu gnyis la bdun cu rtsa lngas lhag pa'i drug brgya'i dbugs dbus mar 'bab po/ /g.yon pa dang g.yas pa'i rtsa rnams la bdun bcu rtsa lngas lhag pa'i drug brgya'i dbugs kyis dman pa'i gang la stong phrag nyi shu rtsa gcig dang drug brgya lhag pa de dag tu 'bab po/ /phyogs gsum dang lo gsum ni lo brgya gang ba la dbus mar 'bab po/ /g.yas pa ste g.yas pa dang g.yon pa ni steng du srog rim pa bzhin du zla ba dang nyi ma'i ming can no/ /la la nA ni lug dang/ ser skya ni gzhan te ra sa nA'o/ /chu dang me'i rang bzhin te/ zhes pa sngar bzhin du rim pa bzhin du pad+ma 'dzin pa dang rin po che 'dzin par bzhed do/ /'od dpag med dang rin po che 'byung ldan lhag pa'i lha'o/ /'og tu zhes pa thur sel du'o/ /dbus ma'i rtsa dang zhes pa la sogs pas dri chen dang dri chu 'bab pa ste/ gong du mun pa'i rtsa gnyis kyi kun tu spyod pa'i rang bzhin gsungs pa'i don 'di lta ste/ gang zhig steng du g.yon pa'i rtsa yin pa de'i 'og tu dbus su dri chen gyi rtsar 'gyur ro/ /steng du g.yas pa gang yin pa de/ 'og tu g.yon pa'i dri chu 'bab pa'o/ /de dag rim pa bzhin/ 'khor lo 'dzin pa dang/ ral gri 'dzin par bzhed do/ /rnam par snang mdzad dang don yod grub pa'i rang bzhin no/ /gang zhig steng du dbus ma yin pa de 'og tu g.yas pa sa bon 'bab pa'o/ /de dag kyang stong pa dang/ ye shes kyi rang bzhin te mi bskyod pa dang rdo rje sems dpa' lhag pa'i lha'o/ /lte ba'i rgya skyes la/ sa'i yon tan lnga ste dri dang gzugs dang ro dang reg bya dang sgra'i mtshan nyid do/ /snying kha'i chu

  70. 35b

    skyes la chu'i yon tan bzhi ste/ gzugs dang ro dang reg bya dang sgra'i mtshan nyid do/ /mgrin pa'i chu skyes la me'i yon tan gsum ste/ ro dang reg bya dang sgra'i mtshan nyid do/ /dpral ba'i chu skyes la rlung gi yon tan gnyis te/ reg bya dang sgra'i mtshan nyid do/ /gtsug tor kyi chu skyes la stong pa'i yon tan gcig te sgra tsam me/ /de rnams gzung nas sdud pa'i rim pas kun 'dar mar gshegs so/ /bskyed pa yis ni stong pa la sogs pas sa ste lte ba'i dkyil 'khor la 'jug go /'og tu lte gsang nor bu'i pad+ma la ste/ dung can ma la lus ngag sems ni 'bab ma ste ni snying stobs dang rdul dang mun pa'i dbye bas yon tan gsum dang gnyis dang gcig gi bdag nyid do/ /sdud pa'i rim pas gshegs pa'o/ /bskyed pa yis byon pa'o/ /'di ni dung can ma'o/ /bud med bde ba yis te 'khrig pa na sa bon 'bab po/ /dus su ste rdul 'byung ba na khrag 'bab po/ /srog dang thur sel gyi rtsa dag thabs dang shes rab kyi sku yi dngos por gsungs pa/ steng du zhes bya ba la sogs pa ste/ steng du srog la g.yas dang g.yon pa ni g.yas pa dang g.yon pa dag ste shes rab dang thabs kyi sku'i dngos po'o/ /'og tu ni thung sel du'o/ /steng dang 'og tu rdul dang sa bon 'bab pa'o/ /gang zhig 'og tu bud med rnams kyi nam mkha' i gdong las sa bon 'bab pa de nyid gang gi tshe rdul 'bab pa de'i tshe gtum mor 'gyur ro/ /de'i dus nyid du yang zla mtshan gyi dus de bud med rnams kyi steng gi rtsa g.yung mor 'gyur ro/ /de'i phyir gnyis po ji ltar yang bud med dag la skyes pa'i rag pa med pa'o/ /skyes pa'i zla mtshan gyi dus dang sa bon 'byung ba'i dus su de nyid g.yung mo kun 'dar mar 'gyur ro/ sna'i sbubs g.yon pa dang g.yas pa'i dkyil 'khor 'char ba gsungs pa/ rnam shes la sogs pa ni nam mkha' la sogs pa skye ba'i rim pas so/ /sa 'og ni sdud pa'i rim pa'o/ /dbus su ni dbu ma'i lam du'o/ /drug pa ni ye shes kyi dkyil 'khor te/ nam mkha' la sogs pa'i dkyil 'khor lnga las/ dkyil 'khor

  71. 36a

    re re'i rkang pa dang bcas pa'i bcu gcig gi dbugs rnams bzung nas rkang pa dang bcas pa'i bcu gcig gi dbugs lnga bcu rtsa drug gi bdag nyid kyi dbugs 'bab pa'o/ 'di rnams kyi g.yon dang g.yas pa dang dbus ma'i rtsa rnams kyi nyin mo dang mtshan mo la rim pa bzhin te lte ba'i pad+ma 'dab ma bcu gnyis kyi bdag nyid la dkyil 'khor drug cu ste/ dus sbyor g.yon pa la mi mnyam pa lug la sogs pa'o/ /dus sbyor g.yas pa la mnyam pa khyu mchog la sogs pa'o/ /de la g.yas su khyu mchog gi dus sbyor la gang gi tshe rlung la 'bab pa de'i tshe/ rtsa ba ste sna'i sbubs kyi 'og gi cha la sa'i dkyil 'khor dbyu gu gcig rgyu'o/ /de bzhin du de nyid kyi g.yon gyi cha la chu'i dkyil 'khor ro/ /g.yas te g.yas kyi cha la me'i dkyil 'khor ro/ /steng gi cha la rlung gi dkyil 'khor ro/ / dbus su stong pa'i dkyil 'khor te/ de ltar sna'i bug pa gnyis pa'i dkyil 'khor re re la dbyu gu 'bab pa ste dbyu gu lnga po rnams kyi dkyil 'khor lnga 'bab po zhes pa'i don to/ /sa sogs shes pa yang nye bar mtshon pa tsam ste nam mkha' la sogs pa yang bzung ngo// rtsa gcig nas dbugs du 'bab ce na/ gsungs pa/ rtsa nas shes bya ba la sogs pa ste/ rim pas shes bya ba ni sa la sogs pa dang/ nam mkha' la sogs pas so/ /lnga yi bsgyur bas stong dang brgyad brgya'i dbugs rnams su 'gyur ro/ /de rnams kyang rtsa lnga po la 'bab pa'o/ /stong dang brgyad brgya'i dbugs rnams kyang 'pho ba bcu gnyis kyis bsgyur bas nyin mo dang mtshan mo la drug pa rgyas lhag pa'i stong phrag nyi shu rtsa gcig gi dbugs su 'gyur ro/ /de nyid gsungs pa/ drug cu zhes pa la sogs pa'o/ /g.yon gyi rtsa la dus sbyor 'char ba gsungs pa/ 'dab ma'i dbus dang zhes pa ste/ gang gi tshe g.yon pa'i rtsal lug la sogs pa sna sbug gi dbus su stong pa'i dkyil 'khor la 'bab pa de'i tshe/ nang du 'dab ma'i dbus su 'bab po zhes mtshon par bya'o/ /de nas shar ces pa

  72. 36b

    steng du rlung gi dkyil 'khor ro/ /g.yas su me'i dkyil 'khor ro/ /g.yon du chu'i dkyil 'khor ro/ /nub tu zhes pa 'og gi cha las sa'i dkyil 'khor ro/ /rim pas shes bya ba ni nam mkha' la sogs pa'i rim pas so/ /mkha' sogs te zhes pa la sogs pas sngar brjod pa nyid gsal bar byed pa'o/ /dkyil 'khor lnga po rnams kyi phan tshun thabs shes rab kyi dbye ba gsungs pa/ nub ces pa 'og gi dkyil 'khor ro/ shar du zhes pa steng gi dkyil 'khor du rim pa bzhin du sa stengs dang/ rlung ste 'di dag phan tshun thabs dang shes rab tu 'gyur ba gsungs pa/ mthe bong zhes pa la sogs pa ste mthe bong sa'i rang bzhin no/ /ming med ni rlung gi rang bzhin te/ 'di dag phan tshun thabs dang shes rab nyid de/ bzung ba dang 'dzin pa'i ngo bos so/ /de ltar na rigs gzhan dag khyud pas 'bras bu 'byung gi rang gi rigs dang 'khyud pas ma yin te/ rang la rang gi bya ba 'gal ba'i phyir ro/ /sa'i khams las byung ba ni lus kyi dbang po yin la/ rlung gi khams las byung ba'i yul reg bya 'dzin no/ /res na gsungs pa mthe bong dang ni ming med dag /ces pa la sogs pa'o/ /de bzhin du g.yas dang g.yon gyi me dang chu thabs shes rab du 'gyur ba gsungs pa/ g.yas dang zhes pa la sogs pa ste/ 'dir yang me'i khams las skyes pa ni yul ro dang chu'i khams/ /las byung ba'i ro 'dzin gyis dbang po 'dzin no/ /de'i phyir 'dzub mo dang gung mo dag ral grir 'gyur bas su mtshe ba'i phyag rgya ni zla ba phyed pa'i tshul lo/ /gri gug ces pa gri gug gi phyag rgya ni mthe'u chung ngo/ /stong pa ste stong pa'i dkyil 'khor dang mi 'gyur ba steng 'og tu phan tshun thabs dang shes rab bo/ / dkyil 'khor bcu po yang dag sbyor/ /zhes pa g.yon pa dang g.yas pa nas 'bab pa'i dkyil 'khor bcu po rnams yang dag par sbyor ba ni gcig nyid du 'gyur te dbu mar 'bab pa'o/ /de'i phyir sor mo rnams ni ste/ sa la sogs pa'i rang bzhin can rnams thal mo sbyar

  73. 37a

    ba spyi bor ni/ mgo bor byas pa rdo rje rtse gcig par 'gyur ro/ /'dis de dag nye bar mtshon par bya'o/ /dbus mar 'bab pa'i sbyor ba 'dzag pa med pa'i bde bas byang chub kyi sems steng nas 'bab pa rdo rje'i rtse mor bya'o/ /de kho na gri gug dang bcas pa ste/ mi shes pa bcod pa'i rang bzhin yin pa'i phyir ro/ /phung po ni rnam par shes pa la sogs pa rnams so/ /khams ni sa la sogs pa rnams so/ /rdo rje gsum ni sku dang gsung dang thugs rnams so/ /'di rnams dbus mar song na gcig nyid du song ba bden pa'o// //'chi ltas kyi mtshan nyid gsungs pa/ g.yon pa zhes pa la sogs pa ste/ g.yon pa 'am g.yas pa la rim pa bzhin du/ rlung lhag pa zhag gcig dang/ de bzhin du zhag lnga gang gi tshe 'bab pa de'i tshe lo gsum gyi 'chi bar lta'o/ /'di dag gi bar du g.yas pa'i rtsa'i 'chi ltas de rnyed pa bstan te/ lnga zhes bya ba la sogs pa ste/ nyi ma lnga rgyu na/ lo gsum gyis 'chi zhing snying stobs zad par byed la lo gcig tu mi rgyu'o/ /slar yang lo phyi ma la rdul zad par bya ba'i don du nyi ma bcu rgyu'o/ /slar yang mi rgyu'o/ /slar yang lo phyi ma la mun pa zad pa'i don du nyi ma bco lnga la rgyu'o/ /nyi ma nyi shu rgyu na tshe zla ba drug go /nyi ma nyi shu rtsa lnga rgyu na tshe zla ba gsum mo/ /'dir ni nyi ma zla ba'i yon tan sgra dang reg bya dang ro dang gzugs dang dri rnams bzung nas 'chi ltas kyi nyi ma rnams bstan te/ khyim lnga pa ji srid par lnga mtshan lnga po des 'phel lo/ /de nas khyim drug pa dang bdun pa la gcig gis lhag pa'i rim pas 'phel lo/ /zhes pa'o/ /khyim bdun pa la rgyas pa'i dus te/ gang du srog 'phel ba med par gang gis kyang bya bar mi nus te/ khu ba'i khams la 'chi ltas kyi rlung zhugs pa'i phyir ro/ /de nas rgyas pa'i dus las khu ba'i khams zad pa'i don du 'dab ma brgyad pa la sogs pa la rim pas nyi ma sum cu rtsa gsum rgyu'o//

  74. 37b

    'dir khyim bcu gnyis kyi 'khor lo la ma rig pa la sogs pa'i yan lag bcu gnyis kyi rang bzhin mu 'byung gnyis sa la sogs pa la bris nas/ /mu khyud dang po la shar la sogs par chu srin la sogs pa dang skye ba'i khyim la sogs par 'chi ltas kyi nyi ma dang/ tshe'i lhag ma lo dang zla ba dang nyi ma'i dbye bas dgod pa gsungs pa/ gsum gnyis shes bya ba la sogs pa'o/ /mnyam pa ni lo'o/ /zla ba ni drug dang gsum dang zung dang zla ba rnams so/ /nyi ma ni tshes dang phyogs dang lnga dang yon tan dang/ gnyis dang gcig gis de bzhin du lus can rnams kyi tshe 'gro bar 'gyur ro/ /mu khyud gnyis pa la yang mdor bstan pa tsam gyis rjes su rtog pa'i phyir du nyi ma mdor ba brjod par byas te/ shar ni skye ba'i khyim gyi 'dab ma'o/ /lo las brgyad cu lhag pa'i stong phrag gi nyi ma'i bdag nyid las sum cu rtsa lnga lhag pa'i sum brgya'i nyi ma'i tshogs 'dor ba'o/ /de nas 'dab ma de stong par byas nas 'dab ma gnyis pa la nyi ma lhag pa'i tshogs bzung nas/ srog nus par rab tu 'jug ste/ de yang rgyu ba'i nyi ma dang bcas pa bzhi bcu rtsa lnga lhag pa'i sum brgya'i nyi ma 'dor ro/ /de nas gnyis pa stongs par byas te nyi ma lhag ma rnams gzung nas gsum la 'jug ste/ der yang/ rgyu ba'i nyi ma dang bcas pa bdun cus lhag pa'i nyi ma brgya 'dor ro/ /gsum pa stong par byas te/ nyi ma lhag ma rnams gzung nas/ bzhi pa la 'jug ste/ der yang 'phel ba'i nyi ma dang bcas pa nyi ma brgyad cu rtsa gnyis 'dor ro/ /de'i 'dab ma stongs par byas te nyi ma lhag ma rnams gzung nas lnga pa la 'jug ste/ der yang 'phel ba'i nyi ma dang bcas pa nyi ma lnga bcu rtsa bdun 'dor ro/ /de nas drug par nyi ma lhag ma rnams bzung nas 'jug ste/ der yang 'phel ba'i nyi ma dang bcas pa nyi ma nyi shu rtsa brgyad 'dor ro/ /de nas drug pa stongs par byas te/ bdun pa la 'jug ste/ deng yang 'phel ba'i nyi ma dang bcas pa nyi ma nyi

  75. 38a

    shu rtsa bdun gyi tshogs 'dor ro/ /bdun pa stongs par byas te/ nyi ma'i tshogs lhag ma sum cu rtsa drug bzung nas brgyad pa la 'jug ste/ der yang nyi ma bco lnga 'dor ro/ /brgyad pa stongs par byas te/ nyi ma lhag ma nyi shu rtsa gcig gzung nas dgu pa la 'jug ste/ der yang nyi ma bcu 'dor ro/ /lhag ma nyi ma bcu gcig gzung bas dgu pa stongs par byas te/ bcu pa la 'jug ste/ bcu pa la nyi ma lnga dor to/ /lhag ma nyi ma drug bzung nas nyi ma gsum 'dor ro/ /de nas bcu gcig pa stong par byas te/ nyi ma lhag ma gsum bzung nas bcu gnyis pa 'jug ste/ der nyi ma gnyis 'dor ro/ /nyi ma lhag ma gcig gzung nas lte ba la 'jug go /der brgyad bcu lhag pa'i stong gi grangs kyi nyi ma'i dbus ma'i lo gsum gyi nyin zhag gi srog gi nus pa khyim bcu gnyis kyi 'khor lo 'dor ba'o/ /de nas rnam par shes pa yang 'dor te/ dbugs kyi 'khor lo las rnam shes dang srog gi rlung gis lhan cig 'gro ba gzhan du 'pho ba'o/ /g.yon pa'i rtsa'i 'chi ltas bstan par byas te/ rtsa ba nas ni zhes pa la sogs pa ste/ rtsa ba nas ni zhes pa srog gi skye ba'i khyim gyi nyi ma las re res lhag pa ni zla ba 'byung ba ste 'pho ba'i dus kyi zla ba'i phyogs kyi dbye ba la sogs pas so/ /'dir yang sngar bzhin du khyim bcu gnyis kyi 'khor lo bris nas/ mu khyud dang pa la 'chi ltas kyi nyi ma dang/ mu khyud gnyis pa la tshe'i zla ba sum cu rtsa drug po bzhag par bya'o/ /de nas zla ba gcig mi rgyu ste/ 'chi ltas kyi nyi ma 'phel lo/ /zla ba gnyis pa'i mthar zla ba gsum pa la 'jug pa la/ de nyid kyi 'dab mar nyi ma gnyis rgyu'o/ /de nas zla ba gsum pa la ni rgyu'o/ /zla ba bzhi pa'i mthar zla ba lnga pa la 'jug pa na nyi ma gsum rgyu'o/ /de nas zla ba drug pa la mi rgyu'o/ /de ltar zla ba drug gis 'chi ltas kyi nyi ma gsum po rnams te bar gyi nyi ma gsum rnams/ /mthar g.yas ba dbus ma'i 'chi ltas kyi chos can rnams so/ /de ltar zla ba sum cu rtsa drug rnams las 'chi ltas kyi nyi ma dang

  76. 38b

    bcas pa'i 'tsho ba'i zla ba drug song ngo/ /de nas 'dab ma der srog gi rlung mi rgyu'o/ /de ltar nyin mo dang mtshan mo la 'pho ba bcu gcig tu 'gyur zhing khri phrag gnyis dang brgyad brgya phrag gnyis kyi dbugs kyis so/ /'dab ma yongs su 'dor ba yin gyi/ dbugs kyi 'khor lo ni dman pa med do/ /de nas 'dab ma gnyis pa la zla ba bdun pa dang brgyad pa dang dgu pa la grangs bzhin du/ nyi ma bzhi dang lnga dang drug rnams rgyu'o/ /de nas zla ba sum cu las khyim phyi ma'i 'tsho ba'i zla ba gsum song ngo/ /de nas zla ba nyi shu rtsa bdun bzung nas 'dab ma gsum pa la kun tu sbyor ro// 'dab ma bcu la 'pho ba bcus nyin mo dang mtshan mor 'gyur ro/ /zla ba so so la rim pa ji lta bar nyi ma bdun dang brgyad dang dgu rnams rgyu'o/ /zla ba nyi shu rtsa bdun rnams las zla ba gsum chad par 'gyur ro/ /de ltar sngar gsungs pa'i rnams la khyim gyi 'dab ma gsum dor te/ 'dab ma dgu po rnams la 'pho bar byed do/ /de ltar nyi ma bcu dang/ /nyi ma bcu gcig dang nyi ma bcu gnyis rgyu'o/ /'dab ma bzhi ba dor te 'tsho ba'i zla ba nyi shu rtsa bzhi las zla ba gsum chad par 'gyur ro/ /de ltar nyi ma bcu gsum dang nyi ma bcu bzhi dang nyi ma bco lnga la'o/ /de nas 'dab ma lnga pa dor te/ 'dab ma bdun rnams la 'pho bar byed do/ /zla ba nyi shu rtsa gcig las zla ba gsum chad par 'gyur ro/ /de bzhin du nyi ma bcu drug dang bcu bdun dang bco brgyad rnams zla ba so so la rim pa ji lta bar rgyu'o/ /'dab ma drug dor te 'dab ma drug rnams su 'pho bar byed do/ /zla ba bco brgyad las 'tsho ba'i zla ba gsum chad do/ /nyin zhag cig gi dman pa nyi shu dang/ nyi shu rtsa gcig rnams zla ba so so la rgyu ste/ khyim bdun pa dor nas khyim lnga rnams su 'pho bar byed do/ /zla ba bco lnga las 'tsho ba'i zla ba gsum chad do/ /de ltar nyin zhag nyi shu rtsa gnyis dang nyi shu rtsa gsum dang nyi shu rtsa bzhi rnam la rim pa bzhin du rgyu ste/ 'dab ma brgyad pa spangs te 'dab ma bzhi po rnams su 'pho bar byed do/ /zla ba bcu gnyis las 'tsho ba'i zla ba gsum chad de/ /de ltar nyin zhag nyi shu rtsa lnga dang/ nyi shu rtsa drug

  77. 39a

    dang/ nyi shu rtsa bdun rnams gang gi tshe rgyu ba de'i tshe 'dab ma dgu pa dor te/ 'dab ma gsum po rnams su 'pho bar byed do/ /zla ba dgu po rnams las 'tsho ba'i zla ba gsum chad do/ /de bzhin nyin zhag nyi shu rtsa brgyad dang/ nyi shu rtsa dgu dang sum cu rnams gang gi tshe rgyu ba de'i tshe 'dab ma bcu pa dor ro/ 'dab ma gnyis su 'pho bar byed do/ /zla ba drug las 'tsho ba'i zla ba gsum mo nyin zhag sum cu rtsa gcig dang sum cu rtsa gnyis dang sum cu rtsa gsum rnams gang gi tshe rgyu ba de'i tshe 'dab ma bcu pa dor te/ 'dab ma bcu gcig par 'pho bar byed do/ /zla ba gsum las 'tsho ba'i nyin zhag dgu bcu rnams kyis chad par 'gyur ro/ /de nas sngar gyi 'dab mar mi rgyu ba nyin zhag gsum las 'dab ma bcu gnyis par nyin zhag gnyis rgyu'o/ /de nas 'dab ma bcu gnyis pa dor te/ de nas lte ba la nyi ma gcig rgyu ste/ ji srid du srog gi dbugs kyi 'khor lo rnam par chad par gyur gyi bar du'o/ /de ltar g.yon pa'i 'chi ltas kyi rnal 'byor pa ma yin pa rnams 'chi bar 'gyur ro/ /dbus mar rgyu ba gsungs pa/ dbus ma zhes pa la sogs pa ste/ dus su 'chi ba ni lo brgya rdzogs pa la dbu mar rgyu ba ste/ mnyam dang mi mnyam nyin zhag gis ni/ khyu mchog la sogs pa dang lug la sogs pa mi la skyes pas dkyil 'khor sa la sogs pa rnams so/ /phyogs gnyis rnam par mnyam pa'i phyir ni/ /gang g.yas dang g.yon pa'i phyogs gnyis so/ /gzhan du zhes pa la sogs pa ni go bla'o/ /'chi ba bslu ba'i don du gsungs pa/ 'chi ltas mtshan nyid ces pa la sogs te/ srog ni ste srog gi rlung dpral bar gzhug par bya'o/ /kun spangs go 'phangs ni dbu mar rgyu ba nyid do/ /gzhan du zhes pa gal te zla ba dang nyi mar 'gro ba 'gog pa dang/ rdo rje bslang ba med na de'i tshe kun spangs ma'i lam du srog gi rlung mi 'jug go /'og tu yang thur sel gyi rlung dung can mar mi 'jug go /de ltas cir 'gyur zhe na gsungs pa/ de ma zhugs na 'chi ba yin te/ srog dang thur sel gyi rlung de dag

  78. 39b

    kun spangs dang/ dung can mar ma zhugs na 'chi ba kho na'o// //dga' ba rnams kyi dbye ba gsungs pa/ khu ba zhes pa la sogs pa ste/ gtsug tor nas zhes pa ni de'i skabs nas so/ /mdzod spu'i pad+ma du ni smin ma'i dbus su khu ba 'ongs pa dga' ba ste dang po'o/ /de nas mgrin pa dang snying khar mchog tu dga' ba ste/ gnyis pa'o/ /de nas rnam par dga' ba ni rtse ba dang dam du 'khyud pa dang shing yig dang/ mgrin pa'i kU dza na la sogs pa'i mtshan nyid lte ba dang gsad bar byang chub kyi sems song ba sna tshogs pa'i dga' ba ste gsum pa'o// gsang ba nas rdo rje nor bu'i mthar thug par byang chub kyi sems 'dzag pa med pa ni lhan cig skyes pa'i dga' ba ste bzhi pa'o/ /de yang rab tu mi gnas mya ngan 'das te/ rab tu mi gnas pa ni chags pa dang chags pa dang bral ba'i dngos po med pa'i phyir ro/ /'khor ba pa'i chags pa zad pa'i phyir chags pa chen po ste/ lus med rdo rje ni mi 'gyur ba'o/ /mda' bdag ni khams gsum gyi khyab bdag ste/ thams cad de'i go 'phangs 'dod pa dang mngon par 'dod pa'i phyir ro/ /slar yang mya ngan las 'das pa dang/ rab tu gnas pa gang zhe na gsungs pa/ chags bral las gang zhes pa la sogs pa ni go bla'o/ /de nyid rgyas par gsungs pa/ sa bon nyid zla ba ste/ bdud rtsi yin pa'i phyir te de gtsug tor du shar ro/ /dpral bar gang ba'o/ /dga' ba dang po la sogs pa'i dbye bas/ /dkar po'i tshes gcig dang gnyis dang gsum dang bzhi dang lnga'i mtshan nyid do/ /mdor bstan pa tsam gyis rjes su brjod pa'i phyir ro/ /mgrin pa dang snying khar drug pa dang bdun pa dang brgyad pa dang dgu pa dang/ bcu pa zhes pa ste gang ba gzhan no/ /lte ba dang gsang bar bcu gcig pa dang bcu gnyis pa dang bcu gsum pa dang bcu bzhi pa dang bco lnga pa zhes pa ste/ gang ba gsum pa'o/ /'dir dga' ba'i sogs pas dbye bas gang ba gsum du 'gyur te/ gsang bar byang chub kyi sems song bas khyad par gyi dga' ba'i dga' ba las gang cha bcu drug pa de ni rdo rje nor

  79. 40a

    bu'i pad+ma'i rtse mor song bar gyur pa'o/ /de nas gyen du nag po'i tshes gcig 'ongs nas chags bral la 'jug pa'i dus te 'pho ba'i dus su 'gyur ro/ /de nas chags pa dang bral bas nyi ma mdzod spu'i gnas su 'gro'o/ /nyi ma de'i cha ni bcu drug pa gtsug tor gyi pad+mar song bas na 'dir ni zla ba zad par brjod do/ /nyi ma rdul gyi rang bzhin gyis sgrib par byed pa'i phyir ro/ /des na 'dod chags bde bas chags pa dang bral bar 'gyur ro/ /de'i phyir de spang bar bya'o/ /'chi ba na ni 'chi ba'i dus su'o/ /lus can thams cad ni lha dang lha ma yin dang mi rnams so/ /zla ba'i bdud rtsi ni byang chub kyi sems so/ /thur du ni khu ba'i lam du 'gro'o/ /nyi ma nyid rdul te rdul ni chos nyid kyi steng du 'gro'o/ /sgra gcan dang rnam shes ni ma rig pa'i srog dang/ kun gzhi rnam shes so/ /srid pa'i mtshan nyid de ni bde ba dang sdug bsngal la sogs pa'i las kyi mtshan nyid du 'gyur ro/ /gang gi phyir de lta yin pa de bas te rgyu'i phyir zla ba'i bdud rtsi ste khu ba'i khams steng du ste gyen du 'gro bar bya ba ni man ngag las so/ /'og tu 'ang nyi ma'i rdul 'gro ba dang/ sgra gcan gyi mtshan nyid kyi rnam par shes pa mi 'gyur ba'i bde bar 'gro bar bya'o zhes pa'o/ /de dag kyang bcom ldan 'das kyis kyang kun tu spyod par 'gyur ro/ /zhes pa blta bar bya ste/ mdzod spu'i zhes pa la sogs pa ste/ zla ba'i bdud rtsi ni khu ba'i khams so// nye ba ni gang ba nyid de sangs rgyas rnams kyi mdzod spu'i chu skyes su 'gyur ro/ /nyi ma'i rdul ni gnam stong la gsang bar 'gyur ro/ /de dag ni zla ba dang nyi ma ste cha ni rim pa bzhin gtsug tor dang rdo rje nor bu ste sangs rgyas rnams kyi sa'o/ /mtshan yang dag par brjod pa las de gsungs pa/ sa yi dkyil 'khor bzhi yi khyon/ /rkang pa ya gcig mthil gyis gnon/ /rkang 'thebs sen mo'i khyon gyis kyang/ /tshangs pa'i sgo nga'i rtse nas gnon zhes so/ /rdo rje'i tshig ni ye shes kyi tshig go /phyin ci log ni gnas pa zhes pa'i don

  80. 40b

    te/ /mi gnas pa ni slar yang ji lta bu yin zhe na gsungs pa mi gnas shes pa la sogs pa ste/ khams rnams ni sa la sogs pa rnams so/ /phyin ci log tu 'gyur ba ni/ sgrib pa med pa nyid du 'gyur ba'o/ /gzhan du khams rnams dbye ba med do/ /mgo bo las 'bab pa rnams kyi sku dang gsung dang thugs dang/ ye shes kyi thig le rnams gyen du rim pas gang bar gyur pa'i sku bzhi'i rnam par dag pa gsungs pa/ nor bur zhes pa la sogs pa ste/ bde chen zhes pa rdo rje nor bu'i rtse mo las so/ /phyin ci log gis gang sku'i thi le de tu rya zad pa nyid dag pa'i sku ste de yang rdo rje'i rtse mor gnas pa'o/ /de'i phyir nor bur thugs te gnyid 'thug po zad pa'o/ /gsang bar gsung ste rmi lam zad pa'o/ /lte bar sku ste sad pa'i gnas skabs zad pa'o/ /de dag kyang chos dang longs spyod rdzogs pa dang sprul pa'i sku ste dag pa'i sku las spro bar byed do/ /'og tu thabs gyur zhes pa 'og tu rdo rje'i rtse mo las gang zhig sku rnams spro bar byed pa de ni thabs su 'gyur ro/ /shes rab ni slar yang steng du 'gyur ro/ /de dag bstan par bya ste/ dpral bar zhes pa la sogs te/ 'di'i shes rab kyi sku rdo rje ni dpral bar ste sngar bzhin du phyin ci log gis so/ /de bzhin du mgrin pa dang/ snying kha dang/ lte ba'i 'dam skyes la rim pa bzhin du gsung thugs dang ye shes rdo rje rnams te/ des sprul pa la sogs pa rnams spro bar byed ces pa'o/ /mi 'gyur ba'i bde ba spel ba'i don du gsungs pa/ las kyi zhes pa la sogs pa'o/ /'di snyam du 'phel ba ni thams cad du 'phel bar 'gyur ram zhe na gsungs pa/ 'phel ba med par 'gyur zhes pa'o/ /'di ltar gang 'phel ba nges/ nges par zad par 'gyur gyis gzhan du na rtag pa nyid du thal bar 'gyur ro/ /rtag pa'i don ma yin na yang gang zhig yod pa gang gis/ de'i rtag pa nyid yongs su brtag par bya ste/ chos thams cad skye ba dang 'gag pa'i chos can nyid kyi phyir ro/ /de lta mod kyi skye ba 'gag pa kho na de'i rang bzhin du 'gyur

  81. 41a

    ba la skyon ci yod ces bsam par gyur na gsungs pa/ chos rnams rang bzhin med par ni zhes pa/ chos rnams kyi gang gi rang bzhin dngos po med pa'i zad pa 'byung ba gang yin pa de sgyu ma bzhin no/ /de kho na 'byung ba rnams zad par mi 'gyur zhing skye ba med ces pa'o/ /ldan pa dang bral ba tsam nyid kyi phyir ro/ /mthun pa la sogs pa bsgom pa gsungs pa/ rang gi shes rab ces pa la sogs te/ rang gi shes rab ma rnam pa gsum gyi mtshan nyid kyis sems la 'khyud pas pad+ma ste gsang bar song ba ni nor bu'i pad+ma der zla ba song ba mthun pa'i gzugs kyi mthun pa bsgom pa'o/ /de kho na la nor bur gang gi tshe mi mthun par gyur pa de'i tshe mi 'gyur ba bsgom pa'o/ /lus dag sems kyi rtsa ba rnams la ni g.yon pa dang g.yas pa dang dbus ma'i rtsa rnams la lus dag sems ni bsgom par bya zhes pa'o/ /gang gi tshe bla ma dam pa'i man ngag gis smig rgyu la sogs pa'i lam du zhugs pa de'i tshe rtsa gsum yongs su dag par 'gyur ro/ /de rnams legs par yongs su dag pa na/ gal te lus kyi rtsa rnams su srog rgyu ba de ltar du yang srog rtsol bya'o/ /de ni sku bsgom pa'o/ /de bzhin du gsung gi rtsar gsung bsgom par bya'o/ /thugs kyi rtsar dbus mar thugs bsgom par bya'o/ /zhes pa'o/ /gang gi tshe du gcan ma la ste/ khu ba'i rtsa la ye shes bsgom pa ni mi 'gyur ba bsgom pa ste/ gyur te de'i tshe bsdus pa ni gcig nyid du gyur pa'o/ /rdo rje gsum ni rtsa gsum rnams so/ /thig le bzhi'i bcing ba gsungs pa/ shes rab ces bya ba la sogs te/ shes rab chags pas zhu zhes pa gtum mo/ /'bar bas zhu ba'o/ /mgo bo des dpral ba las rdzogs pa'i go 'phang ste/ gsang ba gnas su don dam pas ni bcing bar bya zhes pa ni srog 'gyur ba med pa'i bde bas bcings pa'o/ /bag chags ni sgrib pa'o/ /de gsal bas ni spangs pa gang yin pa ste/ de rdzogs pa yin gyis zla ba ni chad pa

  82. 41b

    yang med cing de'i rdzogs pa yang med do/ /de bzhin du rim pas ye shes 'char ba ni rgyu mthun pa la sogs pa'i dbye bas pa rnams kyis 'chang ba la sogs pas steng du gtsug tor du brjod par 'gyur ro/ /nyon mongs pa zhes bya ba ni sgrib pa rnams yin la/ bcom pa ste spangs pa ni rdzogs pa yin la ye shes ni chad pa med cing de la rdzogs pa yang med do zhes pa'o/ /dbus su ri bong gi mtshan ni de'i dbus su ri bong gi mtshan pa'o/ /des na nya la ri bong can mi gnas te tshes gcig la zhugs pa'i dus su zad par 'gyur ba'i phyir ro/ /de bzhin du sems pa mi 'gyur ba'i bde ba mi gnas te 'khor ba'i bag chags 'gyur ba'i bde ba'i mtshan nyid kyis de 'khyud pa'i phyir ro/ /'gro ba rnams kyi chags pa dang chags bral la rdzogs pa gnas pa yin no zhes gsungs pa/ skye dang zhes pa la sogs pa'o/ /skad cig gcig gi rdzogs sangs rgyas nas gang gi tshe rdzogs pa la ni ste/ gsang ba'i pad+ma la mi g.yo ba'i sems su 'gyur ba de'i tshe/ de dag sems kyi rdo rje rdo rje nor bu rgyu 'thun pas skad cig ma thams cad rdzogs pa ni dbugs khri phrag gnyis dang brgyad brgya gnyis kyi mtshan nyid do/ /de bzhin du 'di'i sems dkar po'i phyogs chags pa la mi gnas so/ /dkar po min pa'i phyogs bral duAng mi 'gro'o/ /de nyid kyis ni phyogs gnyis po'i dbus su gnas te rdzogs par gshegs pa gnyis su med pa rab tu mi gnas pa'o/ /mtshan yang dag par brjod par de gsungs pa/ skad cig gcig gis rdzogs sangs rgyas skad cig thams cad mngon par rtogs shes pa dang/ cha med cha las 'das pa ste/ bsam gtan bzhi pa'i rtse mo 'chang zhes so/ /'khor ba pa'i rim pas gsungs pa/ gtsug tor zhes pa la sogs pa ste/ de'i byang chub kyi sems de gtsug tor las 'byung ba rdo rje nor bur rdzogs par 'gyur ro/ /dga' bral chags pas cha bcom pa ni cha bsags pa de/ rdo rje'i rtse mo la lhung bar 'gyur ro/ /de nas bcom pa ste chags bral gyi rdzogs pa nyid slar yang de bzhin du 'byung

  83. 42a

    ste/ slar yang nor bur rdzogs par 'gyur ro/ /chags bral bcas pas cha bcom pa yin gyi/ lus can rnams kyi ye shes bcom pa ni ma yin zhes pa'o/ /ye shes bcom na 'chi ba kho na'o/ /rdzogs pa'i sgra yi don gsungs pa/ 'di zhes bya ba byang chub kyi sems bde ba chen po'i rang bzhin te/ de rdzogs pa'i sgras brjod do/ /bde ba chen po'i rang bzhin rnam par bstan pa las gzhan ma dngos po'i mdza' ni yul dang yul can gyi mtshan nyid bskyed dang sdud pa'i byed pa po ni skye ba dang 'gags pa'i mtshan nyid do/ /de nyid gsal bar bya ste/ srid nas shes bya ba la sogs pa ste/ rang phyogs gnyis la ni dkar po dang/ nag po dag go /bsgrod pa gnyis la byang dang lho dag go /'di ni zhes pa byang chub kyi sems so/ /g.yo ba med par rdzogs pa ni/ /gsang ba'i pad+ma'i steng du sa rnams kyis yongs su rdzogs pa'o/ /nyi khri zhes pa la sogs pa ste don rnam par bshad pa ni/ phyogs gnyis ni g.yon pa dang g.yas pa'i/ /lug dang khyu mchog la sogs pa khyim bcu gnyis kyi mtshan nyid do/ /mnan pa ste 'gags pa ni/ /bden don rnam pa bcu gnyis ldan te/ sa bcu gnyis thob pa'o/ /rnam pa bcu drug mi 'gyur pa ni 'khor ba pa'i cha bcu drug zad ba'o/ /gnyis su med pa'i mchog ni/ /las kyi rlung 'gro ba dang bral zhing rtog pa med pa'o/ /don gcig gnyis su med pa'i chos ni/ de dag don gcig pa ste/ phyogs gnyis med pa'i phyir ro/ /chags bral dang po chags pa che/ /zhes pa ni dbang gi skad cig bzhi pa'o/ /mtshan yang dag par brjod pa las/ de dag gsungs pa/ chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas 'gro ba'i chos 'dzin pa zhes so/ /ma 'dres pa ni rnyog pa med pa ste/ /phyogs gnyis med pa'i phyir ro/ /bzung ba'i sems dang 'dzin pa'i sems gcig tu blta bar bya'o/ /ji ltar zhes pa nye bar bstan pa ste/ chu klung gi chu rnams rgya mtshor rab tu zhugs na der mnyam pa nyid du 'gyur ro/ /

  84. 42b

    de bzhin du dngos po'i tshogs 'di ni/ zhes pa brtan pa dang g.yo ba'i bdag nyid rnams mi 'gyur ba ste rnam pa kun ldan gyi gzugs su mnyam pa ste/ mtshungs pa'i mi 'gyur bar 'gyur ro/ /de nyid slar yang dpe yis mtshungs pa/ khams kyi tshogs 'di ni lcags la sogs pa rnams ro yis dngul chu'i zos pas ji ltar ro nyid du 'gyur te/ de dag mtshungs par 'gyur ro/ /ji ltar yang rung ste go dra ba la sogs pas/ sa la sogs pa'i khams kyis tshogs zos pas sa bon gyi rang bzhin nyid du 'gyur ro/ /de yang 'bras bu'i dus su ste/ 'bru skye ba'i dus su nga rgyal med pa ste kun brjod pa dang bral bar 'gyur ro/ /de ltar dngos po'i tshogs kyang ni ste/ brtan pa dang g.yo ba'i bdag nyid can rnams mchog tu mi 'gyur bas/ zos na ste rnam pa thams cad pa'i gzugs sgrib pa med par byas na/ mchog tu mi 'gyur nyid du 'gyur/ /rnam pa thams cad pa'i rang bzhin 'dzin par 'gyur ro/ /zhes pa'i don to/ /dug gi dpes bde bas khyab pa nyid gsungs pa/ mche ba zhes pa la sogs pa ste/ rdzogs pa'i gnas skabs na khyab pa nyid 'gyur ba'i dug nad pas so'i rtse mo mche ba'i shul du tshor ba sdug bsngal du mi rig ste/ gzhan duAng ste lus kyi gnas 'ga' zhig du rig pa yang ma yin no/ /yul gzugs la sogs pa rnams dbang po'i sgo mig la sogs pa rnams kyi tshor ba'ang ma yin no/ /de bzhin du sems ni rdzogs pa'i cha gyur na ste/ khyab pa nyid du gyur pas rnal 'byor pa'i dam pa'i bde ba rdo rje nor bur myong ba min zhing/ gzhan du min te yul rnam dbang po'i sgo rnams kyis ma yin zhes pa'o/ /'khor lo sdom par gsungs pa/ kun du phyag dang zhabs la sogs/ /kun du dbu dang spyan dang zhal/ /kun du thos ldan 'jig rten na/ /thams cad khyab ste rnam par bzhugs shes so/ / phyogs gcig tu gnas pa'ang ba spu'i khung bu dang tshigs kyi mthar thug par gnon to zhes pa'o/ /bcud dang lcags kyi dpes gsungs pa/ ji ltar zhes pa la sogs pa ste/ phyogs gcig na ni rdo rje nor bu'o/ /'dod chags mes gdungs na ni/ /gtum mo 'bar bas

  85. 43a

    gdungs na'o/ /bag chags ni chags pa la sogs pa'i mtshan nyid do/ /ji ltar rdo la nor bu chen pos reg cing gdungs pas de 'od gsal bar 'gyur ro/ /de bzhin du mi 'gyur ba'i bde bas reg pa las bde ba nyid du 'gyur par rnam par nges so/ /don dam pa ni dam pa'i bden pa'i ye shes kyi dngos po ste/ rang bzhin ni rtog par yang smos ci dgos so/ /rtag par bya ba dang sems la kun tu 'bigs pa ni blo bur ba'i dri mas g.yogs pa la yin gyi/ de kho nar ma yin no zhes pa'i don to/ /blo bur ba'i dri ma 'di ni sems la mdo// de nas sems la skye ba la phyis skye na de dag don med do/ /zhes gsungs pa/ sems kyi gnas skabs las yun ring por te phyi skye bar ma yin no/ /zhes pa'i don to/ /de nas sems ma gtogs pa la skye na/ de'i don gsungs pa/ sems la ma gtogs skye ba 'ang min zhes so/ /ci sems la mi zad pa nyid kyi gnas sam zhe na/ gsungs pa/ sems la zad med gnas pa med/ ces so/ /gal te zhes pa la sogs pas/ de kho na nyid rnam par dpyod pa ste/ tshigs su gcad pa gnyis ni go blo'o/ /'dir zangs ma'i dpes khong du chud bya ste/ 'dir gal te zangs ma la dri ma blo bur byung ba yin na de'i tshe slar zangs ma dri ma dang bral bar 'gyur ro/ /gang yang yun ring po'i dri ma phyis zangs ma las 'byung na/ de'i tshe de'i dri ma gang du ci las 'byung bar 'gyur/ de nas zangs ma gtogs pa la skye na/ de'i tshe nam mkha' i me tog las kyang skye bar 'gyur ro/ /de nas zangs ma la mi zang ba nyid kyi gnas na/ de'i tshe grub pa'i bcud kyis kyang gzhan du bsgyur bar mi nus so/ /de'i phyir 'di dag thams cad rig par mi 'gyur ro/ /de'i phyir 'di ni 'dor don bden pa ste zangs ma dang lhan cig tu skyes pa'i dri ma 'di yang bcud kyi sbyor ba nyams par 'gyur te/ sngar yang med la phyis kyang med cing/ de dag dang bral ba 'ang ma yin zhes pa'o/ /de bzhin du sems kyang blta bar bya ste/ de bzhin zhes pa la sogs pa'o/ /blo bur ba'i sgra ji ltar khong du chud par bya/

  86. 43b

    zhe na brjod par bya ste/ kun nas kun tu 'gro ba'i dang tshul ni blo bur pa'o/ /dag gi dpe las 'das pa nyid mi 'gyur ba gsungs pa/ smra mi nus shes pa la sogs pa ste/ lang 'tsho ma'i bde ba thob pa ni dang kho nas rig go /ting nge 'dzin bral ba yis ni stong pa nyid kyis ting nge 'dzin dang bral bas so/ /bde ba min pa'i rgyu'o/ /'pho ba nyid 'khor ba'i rgyu'o/ /zhes so sor rtog par bya ste/ 'pho ba zhes pa la sogs pa ste/ de ltar bshad pa'i rim pas so/ /sems can rnams ni chags bral byung ba yis so/ /gzhan du zhes pa ni/ gal te de rnams chags pa dang bral bar gyur pa ma yin na/ de'i tshe rnam pa gzhan gyis de rnams kyi srid pa ste 'khor ba med do/ /de bas shes pa rgyud de nyid kyi phyir zhes pa'i don to/ /ngag gang zhig ces pa 'pho ba'i bde ba rnam par spangs pas so/ /'dod can zhes bya ba la sogs pas mi 'gyur ba'i bde ba la 'bar bar gsungs pa/ sdug bsngal ni chags pa dang bral ba'i mtshan nyid do/ /rten ni byang chub kyi sems te 'pho ba thob par gyur pa las rten byed ni bde ba'i rang bzhin no/ /bde ba'i rang bzhin gyis byang chub kyi sems chags bral nyid du 'gyur ro/ /de'i phyir 'pho ba'i bde ba spang bar bya zhes gsungs pa dang sbrel lo/ /dri ma dang bral ba'i gnas skabs gsungs pa/ mi 'gyur zhes pa la sogs pa ste/ mi 'gyur ba las skyes pa'i sku/ /mdzod spu'i 'khor lo ste/ smin ma'i dbus su son pa las/ A li kA li g.yon pa dang g.yas pa ste/ mnyam par sbyor ba ni mtshungs par dbus mar rgyu ba nyid dang hUM gi yi ge la sogs pas dbus mar rab 'bab gdan du mi 'dod do/ /de dag kyang mchog tu mi 'gyur ba'i ye shes grub par slob dpon pad+ma dkar po'i zhabs kyi rab tu spros pa'i phyir na 'dir rgyas par mi bya'o/ /de ni kun rdzob tu rgyu dang 'bras bu'i ngo bo nyid gsungs pa/ gzungs shes bya ba la sogs pa ste stong pa ste nam mkha' las byung ba'i gzugs rnam pa thams cad pa'i mtshan nyid ni rgyu ste byed pa'o/ /mi 'gyur ba'i gzugs las skyes pa gang

  87. 44a

    yin pa'i bde ba de 'bras bu'o/ /'bras bu de 'dzag pa med pa'i bde bas rgyu ste gzugs kyi mtshan nyid la rgyas gdab pa ni yang dag par 'brel pa'o/ /rgyu yis te de lta bu byung bas rgyas gdab pa ni 'dzag pa med pa'i bde ba chen po la'o/ /stong pa nyid dang snying rje de gnyis kyi mtshan nyid gsungs pa/ stong nyid ces pa la sogs pa ste stong pa nyid kyi gzugs 'dzin pa'i sems ni rgyu'o/ /'bras bu ni snying rje mi 'gyur ba 'dzin pa'o/ /stong pa nyid dang snying rje 'di dag dbyer med pa gcig tu gyur pa nyid ni/ byang chub kyi sems de 'pho ba med par brjod do/ /gzhan du na las dang ye shes kyi phyag rgya las skyes pa ni 'gyur zhing zag pa'i mtshan nyid ni ma yin no/ /de dag kyang chad pa dang 'khor ba dang bral lo zhes gsungs pa/ mya ngan 'das dang zhes pa la sogs te/ mya ngan las 'das pa ste gsog gi rang bzhin dang bral ba'i gzugs so/ /'khor ba ste 'gyur ba'i bde ba'i mtshan nyid las 'das pa zag pa med pa'i bde ba chen po mi 'gyur ba'o/ /de nyid ni mi 'gyur ba dang gzugs dag gi sbyor ba gnyis med gzhan ni phul du byung ba'o/ /de nyid gsungs pa/ rtag dang chad las nges par grol/ /zhes so/ de dag nyid rab tu dbye ba gzhan gyis rab tu gsal bar bya ste/ gzugs ni rnam pa thams cad pa'i rang gi sems kyi snang ba la dngos po med pa ste chad pa min no/ /ci'i phyir na dngos med las byung mtshan nyid phyir ro/ /mi 'gyur ba ste 'dzag pa med pa'i bde ba la dngos po med de ci'i phyir/ dngos po las byung ba'i mtshan nyid kyi phyir ro/ /so sor snang ba'i yid kyi rang bzhin gyi gzugs las byung ba nyid kyi phyir ro zhes pa'i don to/ /'di dag dngos po dang dngos po med pa'i mtshan nyid dag yang dag par sbyor ba ste/ mtshungs pa ni rdo rje'i rnal 'byor te de yang gnyis su med pa mi 'gyur ba'o zhes so/ /des na de nyid gzugs dang gzugs min zhes pa la sogs pas bshad par bya ste/ pra phab pa la ni me long la dmigs pa'i yid kyi lus ni gzugs kyi mtshan

  88. 44b

    nyid ma yin te/ rdul phra rabs kyi rdzas tshogs pa med pa'i phyir ro/ /gzugs med pa'i mtshan nyid ma yin te/ nye bar dmigs pa'i yid gzhom du med pa nyid kyi phyir ro/ /de'i phyir gzugs ni srid par te 'khor bar 'gro ba ma yin no/ /'gyur ba med pa ni mya ngan las 'das pa ste/ chad par 'gro ba ma yin no/ /phan tshun 'khyud pa zhi ba ste/ dbang po'i rnam 'gyur med cing rnam 'gyur dang bral ba'i phyir ro/ /'di nyid ma ning gi go 'phang du brjod do/ /mchog ni phul du byung ba ste 'gro ba ma lus pa dang thun mong ma yin pa'i phyir ro/ /dper na zla ba la zla ba'i bsil ba'i 'od zer gyi 'khyud la zla bas kyang bsil ba'i 'od zer la 'khyud do/ /'di dag tha dad pa nyid kyang ma yin pa de bzhin du gzugs dang mi 'gyur ba dag kyang de bzhin du blta bar bya'o/ /don dam par 'bras bu rgyu yis byas pa min par gsungs pa/ shes rab ces bya ba la sogs pa ste/ shes rab ni rnam pa thams cad khong du chud pa'i rang bzhin no/ /rgyu las ni 'dra ba las ma skyes pa ni ma byung ba'o/ /gang yang shes rab rgyu las 'bras bu 'byung ni shes rab las skyes pa zhes mngon par brjod de/ de dag de dag kyang rgyu skyes min zhes bya ba shes rab kyi rgyu las skyes sspar ni mi 'gyur te/ ci'i phyir na shes rab rgyu las ma skyes pa'i phyir ro/ /de bzhin du gal te de srid du rgyu las skyes pa shes rab tu 'gyur na de'i tshe de dag 'byung yang 'bras bu shes rab bskyed pa zhes rjes su 'byung ngo/ /de dag mo sham bu mo'i sbyor ba yis/ /rmi lam bde bar 'gyur ba ltar/ /zhes pa la sogs pas bshad par bya'o/ /de phyir ni rgyu de'i phyir ro/ /gang 'gyur ba med pa'i ye shes de ni shes rab ye shes te rgyu las ma skyes pa'o/ /de'i phyir yang/ 'bras bu dang ni rgyu yis ni/ /phan tshun rgyu yi btab pa zhes gang gsungs pa de dag tu 'gyur ba min no/ /ci'i phyir zhe na gsungs pa/ rgyu dang zhes gsungs te/ gang phyir rgyu dang 'bras bu kun/ /de ni rten cing 'brel bar 'byung/ /ye shes ni rten cing 'brel bar 'byung ba

  89. 45a

    ma yin yang/ /de'i yul can yin pa nyid kyi phyir ro/ /de'i phyir phan tshun rgyas btab pa'i gzugs ni/ ma skyes pa dang ma 'gags pa'o/ /chad pa'i rang bzhin la mya ngan las 'das pa zhes bya ste/ /rdzas dang bral ba rnam pa kun nas so/ /shes rab ni sngar gsungs pa'o/ /skyes pa gang mchog tu 'gyur pa med pa de rgyu dang 'bras bu las rnam par grol ba'o/ /phan tshun rgyu yis btab pa med/ ces pa'o/ /shes pa'i rnam pa las ldog pa'i phyi rol las srid pa ma yin pa'i phyin rang gi sems kho na khams gsum pa'i rnam pa de dag tu dmigs so/ /shes gsungs pa/ ma skyes pa dang zhes pa la sogs pa ste/ phyi yi shes byas 'byed pa'i phyir ni phyi yi shes bya tha dad du byed pa'o/ /gal te thabs dang shes rab tha dad med do zhes brjod pa de yang dam pa'i don du med do zhes gsungs pa/ thabs min shes rab kyang min te/ /tha dad du gyur pa'i phung por yod na/ gang gi de dbyer med pa'i byang chub kyi sems su 'gyur te/ de'i gnas skabs rnam par ma shes pa'i phyir ro/ /lhan skyes shes bya ba yang lhag pa'i shes rab dang lhan cig tu skyes ba nyid du brjod par bya'o/ /kun nas kun tu yongs su rdzogs pa ni dri ma dang bral ba'i phyir ro/ /sgrib pa thams cad ni 'dod chags la sogs pa rnams dang bral ba'o/ /gos pa med ni lag pa la sogs pas reg pa med pa'i phyir ro/ /bzung ba dang 'dzin pa spangs pa'i phyir yul dang dbang po spangs pa'o/ /thams cad la khyab pa'i phyir kun du'o/ /rnam pa thams cad shes pa'i phyir yang dag kun la gnas so/ /'di rnams sgyu ma lta bu yin pa'i phyir mi chod mi shig spangs pa'o/ /skye ba med cing 'gag pa med pa'i phyir rang byung ngo/ /don chen ni 'gro ba'i don byed pa'i phyir ro/ /mchog tu mi 'gyur ba ni dbang po las 'das pa'i phyir ro/ /'dod chags chen po ni lus med rdo rje nyid kyi phyir ro/ /de'i phyir de nyid sems dpa' chen po ste sems can thams cad

  90. 45b

    dga' bar mdzad pa'i phyir ro ste/ shes rab med na 'dod chags chen po med pa'i phyir ro/ /nyon mongs zad mdzad ni g.yon pa dang g.yas pa ste/ dgra? che ba ni de dag dbyer med pa nyid kyi phyir ro/ /des na de nyid zhe sdang chen po'o/ /srid pa gsum ni 'dod pa dang gzugs dang gzugs med pa ste/ gcig pa ni ra mnyam pa nyid do/ /de bzhin du re shig ye shes kyi rang bzhin bshad nas ye shes can gyi rang bzhin rnam par bshad pa'i phyir gsungs pa/ mchog tu zhes pa la sogs pa'o/ /shes rab ni blo'o/ /khams gsum pa la khyab pa'i ye shes nyid ni mi 'gyur ba'o/ /de rnams dang bcas pa ni gzugs la sogs pa'i chos rnams thams cad do/ /phung po dang khams dang skye mched kyi dbye bas rigs drug yongs su dag pa'i don gsungs pa/ rnam pa drug po zhes pa la sogs pa ste/ 'gyur pa med pa nyid ye shes te mi 'gyur ye shes dang/ tshor ba dang rnam shes dang gzugs dang 'du byed dang 'du shes so/ /phung po de rnams kyi rim pa ji lta bar/ khams dang skye mched rnams kyi rigs de rnams so zhes gsungs so/ /ye shes bya ba la sogs pa'o/ /khro bo'i rgyal po ni dus kyi 'khor lo'o/ /rigs drug po ni yongs su dag pas gdong drug go /yid la sogs pa rnams yongs su dag pa'i phyir mig drug go /sgra la sogs pa rnams yongs su dag pa'i phyir lag drug go /zla ba zhes pa ni rgyal po zla ba bzang po la 'brong pa'o/ /'di nyid ni dbang gi sgrub pa ste mchog tu mi 'gyur sgrub pa'i thabs bshad pa'o/ /mdor bsdus ni yang dag par bsdus pa'o/ /mchog tu mi 'gyur sgrub pa ni gzhan sgrub pa ma yin no zhes pa'i don to/ /de yang rtsa dang rigs su yang dag ldan te/ rtog pa med pa'i lha'i rigs dang yang dag par ldan no zhes pa'o/ /yang dag bla ma'i nges pa'i dbang las dbang bskur nye bar bstan pa'i bka' 'grol lam gyis tshul/ /yang dag lam la gnas pa rnams kyis mtshungs med go 'phangs rtogs byed rmongs pa'i phung po 'joms/ /'di ni bdag

  91. 46a

    gis byas las thob pa gang de'i legs byas byang chub sa bon ma lus pa/ /de ni 'jig rten bde gshegs go 'phangs rtogs shing nyi zla 'gags pa'i lam du 'jug par shog /gal te bka' 'grel bya ba yang/ /mngon shes med pas ma yin nyid/ de lta'ang bdag gi 'di dran nas/ /bris la bdag la nyes pa med/ /dbang mdor bstan pa'i bka' 'grel rdzogs so// //'di'i gzhung tshad shlo ka sum brgya drug cu'o/ /skad gnyis smra ba thar lo'i bka' drin dang/ rdo rje rgyal mtshan bla mas rab bskul nas/ bu ston kha ches gus pa'i blo yi bsgyur/ /nyes pa'i tshogs rnams mkhas rnams bzod par mdzod/ /rgya dpe gnyis la gtugs nas dag par bdog/ //` //dpal dus kyi 'khor lo'i dbang gi rab tu byed pa'i 'grel pa rdo rje'i tshig 'byed ces bya ba bzhugs so/ / rgya gar skad du/ sh+rI kA la tsakra tan+t+rA rA dzA sya she ka pra kri ya brit+ti/ badzra bA tong+g+ha? ti nA ma/ bod skad du/ rgyud kyi rgyal po dpal dus kyi 'khor lo'i dbang gi rab tu byed pa'i 'grel ba/ rdo rje'i tshig 'byed pa zhes bya ba/ dpal dus kyi 'khor lo phyag 'tshal lo// gang zhig shes rab ma yis 'dzag pa'i rgya mtsho dug chu skems pa yi/ /bde chen nam mkha' i dbyings nas 'brug sgra rab bsgrags char rgyun gzhon nu 'bebs/ /dpag med bskal bar 'gro ba rnams la gar thabs rnam mang ston mdzad pa/ /gar thabs rnams kyi mchog gyur dang po'i sangs rgyas de la bdag phyag 'tshal/ /gang dag rdo rje'i mtshan ldan pa/ /mkha' la gshegs pa rnam gnyis dang/ /bla ma rdo rje 'dzin rnams kyis/ /bgegs med gzhung 'di bsgrub pa'i rigs/ /srid gsum mun nag smag tu gyur la snang ba mdzad pa'i sangs rgyas zhag gcig mya ngan 'das/ /rdo rje gzu bor gyur pa'i 'phags pa klu grub sgrub la sogs da ltar 'di na rab mi bzhugs/ /gang yang gnyis gnyis bde ba lhur len log pa'i lam ston 'gro rnams phung ba bskyed pa 'di/ /rtog gi 'dod rgyal de rnams go

  92. 46b

    bya'i phyir dang bdag nyid dran phyir 'grel 'di bri par bya'o/ gzhan yang 'di skad du/ /mchog gi gsang chen 'dir zhugs nas/ /rnal 'byor sbyong pa yin zer zhing/ /bya ba ma yin kun la 'jug /'jig rten sun byed rkun po 'byung/ /'jig rten dbugs ni 'byung ngo zhes/ /mgo la chu rgyun sdugs par byed/ /cod pan rdo rje dril bu sogs/ /mgo dang lag pas rab tu 'dzin/ /de rjes des ni mtsho ba bsgrub/ /kha cig slob ma'i tshogs sdud cing/ /nga yis tshig ni 'di nyid dag /yin zhes zer zhing byis pa 'drid/ /gsang ba log par rab tu ston/ /kha cig pas mthar rab 'khod cing/ /bdag med shes rab pha rol phyin/ /skad cig tsam yang mi gnas par/ /'jig rten sngags stsogs sgrub par byed/ /kha cig slong mor rgyu byed cing/ /kun du 'gro zhing gya tshom smra/ /mi mo rnams la rab tu chags/ /sangs rgyas dam tshig rab tu 'jig /kha cig grong du 'khong byed cing/ /bza' dang btung la rab tu chags// //khye'u dang bu mo phal mad dang/ /rgod cing rab tu rtse bar byed/ /kha cig rol mo zlos gar dang/ /glu dang rgyan po 'gyed byed dang/ /'dus pa'i tshogs la lta byed cing/ /bzo yi gnas rnams rab tu slong/ /kha cig tshong dang zhing las dang/ /glang po ba lang gsong byed dang/ /shing rta la sogs 'dren pa dang/ /nyes pa mang po rab tu byed/ /gzhan yang rnal 'byor spyod pa yis/ /dge slong ma dang dge sbyong ma/ /dge bsnyen ma dang dge bsnyen dang/ /phan tshun mtshon gyis rab tu 'bebs/ /legs par gsungs pa'i 'dul pa la/ /rab tu mi gnas srung mi byed/ /sangs rgyas rgyal mtshan sun 'byin cing/ /phas pham la sogs rab tu 'byed/ /gang gis btung ba'i mchog mi shes/ /sa li la sogs btsos sbyar ba'i/ /myos pa'i khu ba 'thung byed cing/ /de yis phung khrol rab tu bskyed/ /kye rgyal po zla ba bzang pos gsungs so/ /de bas na gang dag rdo rje'i tshig ma shes pas/ /log pa'i lam du zhugs pa de rnams/ /log pa'i lam las bzlog par bya ba'i phyir/ /rgyud de dang de'i nges pa

  93. 47a

    dang drang ba'i don bdag gi bla ma dam pa'i zhal las thos shing legs par bsams pa dang/ gzhan yang gsang sngags kyi sgo nas spyad pa spyod pa'i byang chub sems dpa' rnams kyis ji ltar spyad cing bslab par bya ba'i lung dang rig pas/ dbang rnams gnyis kyi rab tu 'byed pa bsdus pa'i rgyud brtag pa lnga'i don gsungs pa/ /'di'i drang ba dang nges pa'i don ji lta ba bzhin du dgrol bar bya'o/ /mi dbang pad dkar phyag na padmo 'dzin pa gang/ /de yis bsdus legs rab tu bkral gyur mod/ /'on kyang phywa mkhan mkhas pa'i rjes nas mchan bu rnams/ /bzod dang sta re thogs nas rjes bzhin legs 'brang dang/ /'chan bu bdag kyang mi dbang phya mkhan rjes 'brang nas/ /shes rab bzod dang sta re legs par rab gzung ste/ lung rigs bla ma'i gdams ngag gzu po'i thig btab nas thar pa'i grong khyer brtsigs shing sgra yi 'grel ba byed/ /'grel 'di ma gtogs rin po che'i/ /rnam gnyis dbang gi de nyid ni/ /gsal zhing the tshom med pa dag /mkhas rnams kyis ni rnyed mi 'gyur/ /dbab pa spangs pa'i phyir na zhes bya ba la sogs pa la/ /dbab pa zhes bya ba ni skyes bu gang 'jig rten las 'das pa'i dbang mngon par bskur bar 'dod pa de la/ thun mong gi dngos grub kyi don du byis pa rnams brid par bya ba'i phyir/ dkyil 'khor gcig tu legs par babs par ma gyur na/ dkyil 'khor gzhan spo bar bya ba yin gyis/ /mchog gi dngos grub kyi don du ni ma yin te/ 'gal ba'i phyir ro/ /'di ltar mchog gi dngos grub la/ /dkyil 'khor gcig tu legs par babs par ma gyur pa/ /gzhan du babs pas mchog tu gyur pa de lta na ni/ bde bar gshegs pa rnams la gzung dang 'dzin pa mnga' ba dang/ gzhan yang stobs che chung mnga' bar yang 'gyur bas/ de lta bas na dbab par bya ba ni/ kun rdzob tsam du byis pa so so'i skye bo'i rnams bring pa'i phyir yin gyi/ don dam par ni ma yin par

  94. 47b

    khong du chud par bya'o/ /de la gang kun rdzob tsam thun mong gi dngos grub byis pa rnams kyis rtogs par bya ba de ni 'di lta ste/ ting nge 'dzin dang/ sngags dang sman gsum gyis kyang 'bebs par byed do/ /slob dpon ting nge 'dzin la mchog tu gzhol ba/ ting nge 'dzin mthu thob pa rnams kyis ni/ ting nge 'dzin 'ba' zhig gis 'bebs par byed do/ /bzlas pa cho ga bzhin du gyur pas kyang 'bebs par byed do/ /de gnyis ga dang ldan pas kyang 'bebs par byed la/ sman 'ba' zhig gis 'bebs pa dag kyang yod de/ /de ni mchog ma yin to/ /dkyil 'khor gyi nang du 'jug par byed pa rnams la/ rnam grangs de lta bu babs pa na/ /dge ba dang mi dge ba thams cad dris la/ dge bar gyur pa de lta na ni legs te/ cho ga la 'jug par bya la/ mi dge bar gyur na ni zhi bar bya ba'i phyir/ zhi ba dang rgyas pa'i sbyin sreg la sogs pa mtshan ma ngan pa zhi bar gyur gyi bar du byas la/ phyis nas cho ga la 'jug par bya'o/ /de la dpal dus kyi 'khor lo 'dir 'jug pa'i slob ma la dbab par bya ba ni/ mi 'chi lnga dang mar me lnga'i spos sngon du cho ga bzhin du bsgrubs te/ des slob ma la bdug par bya zhing/ oM A/ ra ra ra ra/ la la la la/ badzra A be sha ya hUM zhes bya ba dang bcas pas khro bo'i rgyal po bskul bar bya'o/ /de yang bsngags kyi rkang pa 'di rnams sngon du bye ba gcig bzlas shing/ sbyin bsreg 'bum phrag bcu yi bsnyen pa byas nas gdong bsams pa tsam gyis 'bab par 'gyur gyi gzhan du ni ma yin no/ /gzhan yang rdzas 'ba' zhig gis 'bebs pa ni 'di lta ste/ yi dags khar ni gu gul gzhug /mar ngo'i yi dags nyin zhag la/ /yi dags mas bsregs bdugs pas ni/ /'gro ba ma lus 'bebs par byed/ /gzhan yang thod pa de dang gser shing gis 'bras bu ma du lung ga dang/ a la tsi kra shu dag dang/ khyim bya'i sgo ngas bdugs nas 'bebs/ zhes gsungs te de ni mchog ma yin no/ /de la gal te khro bo'i rgyal po babs par

  95. 48a

    gyur ba de lta na ni mtshan nyid 'dir 'gyur te/ khro bo'i rgyal po babs na ni/ /mtshon cha dang bcas lag pa yis/ /bdud sde rnams la khro 'dzum byed/ /chos la bar chod brtan g.yo 'joms/ /g.yas brkyang la sogs rkang pa yis/ /sna tshogs rdo rje'i gar yang byed/ /yi ge hUM gi sgra yis ni/ /bdud dpung bsreg byed sgra yang 'byin/ /dang po las kyi rnal 'byor la/ /grangs med rgyud las gsungs pa yis/ /mi rnams la ni glu gar ston/ /khro bo'i yon tan dbang gis ni/ /ngo tsha bral zhing som nyi med/ mtshan ma gang dang gang ston pa/ /de de dngos grub rgyud shes bya/ /lus dang ngag gi dbye ba yis/ /lus babs pas ni mkha' la 'gro /ma mthod dkyil 'khor 'dri ba dang/ /ri bo la sogs 'degs par byed/ /ngag gi babs ba tsam gyis kyang/ /srid gsum la gnas lha klu las/ /ngag brtsod pa las rgyal 'gyur te/ 'jam pa'i dbyangs dang mtshungs par 'gyur/ /sems babs pha rol sems shes shing/ /'das dang ma 'ongs da ltar gyi/ /dus gsum lkog du gyur pa rnams/ /ma lus lus pa med par shes/ /dang po las kyi rnal 'byor la/ /sangs rgyas spyan gyis byin brlabs pa'i/ /sa babs pas ni ri bo ltar/ /grangs med skyes bus mi sgul la/ /mA ma kI yis byin brlab pa'i/ /chu 'bab pas ni bsil 'gyur zhing/ /tsha ba rims sogs zin pa la/ /'khyud pa tsam gyis bsil bar byed/ /na bza' dkar mos byin brlabs pa'i/ /me babs pas ni sreg byed cing/ /gang bsams de ni sreg byed la/ /ri bo thal ba lta bur byed/ /sgrol mas byin gyis brlabs gyur pa'i/ /rlung babs pa yi skyes bu dag/ bsams pa tsam gyis de skrod cing/ /dpag tshad bye bar skrod par byed/ /stong pa babs pas mthong mi 'gyur/ /mig babs pas ni mdzes gzugs dang/ /ma mthong rdzas kyang mthong bar 'gyur/ /lha yi rna ba babs gyur na/ /'gro bas ma thos

  96. 48b

    sgra thos 'gyur/ /lha yi yid ni phebs gyur na/ /gzhan sems shes pa ye shes 'byung/ /lha yi lus dbang babs gyur na/ /reg bya mchog tu gyur pa 'dzin lha'i ljags ni babs pa yis/ /ro mchog bzang po myong bar 'gyur/ /lha yis shangs ni babs pa yis/ /dri bzangs sna yis tshor bar 'gyur/ /zhes bya ba ni nges pa ste/ sangs rgyas kyi bka' lung ngo/ /babs pa'i mtshan nyid rgyas par bstan pa'o// //spangs pa'i zhes bya ba ni/ dbab pa zhes pa dang sbyar ro/ /'di khro bo'i rgyal po dang/ /lha rnams kyis byin gyis brlabs te babs pa la bya ba dang bya ba ma yin pa dris nas spangs par bya'o/ /de yang oM A:hUM zhes bya ba me tog gam yang na bdag nyid gos kyi tha ma la bsngags te/ spyi bor bzhag pa 'am byabs pas rang rang gi gnas su gshegs par 'gyur ro/ /gal te des kyang sangs par ma gyur na/ de yi spyi bor sa'i dkyil 'khor ri rab kyi mnan pas ni spang par 'gyur te/ mngon du ni ma yin no/ /phyi nas mgo dang snying ga spyi gtsug lte mgrin dang/ gsang ba las ni zhes bya ba la sogs pa/ spyi bor yi ge oM mo/ /snying khar yi ge hUM ngo/ /spyi gtsug tu haM te thabs kyi rtsa'o/ /rang rigs sar gnas shes bya ba ni/ /thabs kyi yul la spyi bo spyi gtsug snying ga yin la/ /shes rab kyi yul ni lte mgrin gsang ba'o/ /rdo rje gsum zhes bya ba ni/ sku gsung thugs kyi yi ge lcags gsum gyi ngo bo'o/ /shes rab kyi cha la dgod pa'i yi ge gang yin zhe na/ lte bar ni ho/ mgrin par ni a/ gsang bar ni k+Sha'o/ /bsrung zhes bya ba ni gnas drug po der bsrung ba'o/ /gzhan du de bzhin nyid kyi ye shes kyi rdo rje ma shes pa'i byis pa rnams la bdud kyis 'tshe ba 'byung ba'i phyir ro/ /lus la gos dmar bskon zhing mig kyang dag ba ste/ zhes bya ba ni/ ye shes kyi me mtshon par bya ba'i don du'o/ /slob ma 'dir ni gzhug par bya/ /zhes bya ba ni dus kyi 'khor lo'i dkyil 'khor gyi 'khor lo 'dir ro/ /kun rdzob tu brtul zhugs zhes bya ba ni/ las dang po'i byis pa'i skye bo 'di

  97. 49a

    kho na ma mthong pa rnams kyi bsod nams kyi tshogs kyi don du ye shes thob par 'gyur gyi bar du 'bad pas bsrung bar bya ba yin te/ /brtul zhugs shes bya ba dang sbyar ro/ /mchog gi 'gro ba song ba zhes bya ba ni/ rnam par gzigs nas shAkya thub pa la thug pa yang brtul zhugs 'di la brten nas /mchog gi gnas pa rnyed shes bya'o/ /'gro ba zhes bya ba bsod nams de dang/ ye shes kyi tshogs de dang ye shes kyi tshogs 'di dag gis mchog gi gnas su 'dod pa'o/ /de la sbyin zhes bya ba ni/ slob dpon rnams kyi slob ma las dang po pa rnams la/ 'bar pas sbyin zhes bya ste/ de bzhin gshegs pa'i nges pa'o/ /de la brtul zhugs kyang yin zhe na/ mnar sems mi bden gzhan gyi bud med spangs te gzhan gyi nor dang de bzhin chang zhes bya ba la sogs pa gsungs te/ mnar sems kyi sgras ni mi'i 'gro ba la sogs pa bsod pa lta ci smos kyi/ srog dang ldan pa thams cad la/ skad cig tsam mnar sems dpas kyang byang chub kyi spyod pa la mnyam par rtogs par bya'o/ /mi bden zhes pas ni sems can rnams bsdu ba'i thabs yang dag par gzung ste/ bdag gi 'dod pa la gnas nas brdzun du smra na/ gsang sngags kyi sgo'i spyad pa spyod pa rnams te/ las dang po pa'i ltung bar rtogs par bya'o/ /gzhan gyi bud med spangs te zhes pa ni/ gsang sngags kyi spyad pa spyod pa rnams la/ phyag rgya chen po'i mdza' rtogs par bya ba'i phyir/ rgyud de dang de las gsungs pa'i mtshan phun sum tshogs pa'i mi mo gzhan gyis yongs su ma bzung ba ni gnang pa kho na yin pa de'i phyir mi ldog pa'i dbang thob pa rnams la 'dzag pa'i bde ba'i phyir ni gnang ba med la mi 'gyur pa'i phyir ni bsten pa kho na yin no/ /dang po'i las can rnams ni 'dzag pa yin yang rang gi bkag pa med do/ /de ltar rnal 'byor pa de gnyis ka dag gis kyang/ gzhan gyis yongs su bzung ba'i mi mo ni sten par mi bya ste/ gal te bstan na 'jig rten pa'i kha na ma tho bas

  98. 49b

    sdig tu 'gyur zhing/ de'i stobs kyis dam tshig nyams par 'gyur ro/ /gzhan gyi nor dang zhes bya ba ni/ dur 'gro yan chad kyis yongs su bzung ba bdag gi rku ba'i sems kyi mi bya ste/ bde bar gshegs pas bkag pa'i phyir ro/ /de bzhin ched zhes bya ba ni btung zhes par sbyar te/ gang nyes pa kun gyi rtsa ba yin pa'i phyir/ myos pa'i bar du btung bar mi bya'o/ /myos pa ma yin par ni bkag pa med do/ /de bas na myos par btung mi bya'i don to/ /de'i phyir lnga po de yang spang bar bya zhe na/ bdag gi dge ba 'joms byed 'khor ba rdo rje'i sdig pa'i zhags pa lnga po 'di/ zhes bya ba smos te/ gang gi rang bzhin yongs su ma shes pa de bsten pa ni phung khrol skyed pas spang bar bya ste/ de bas na las dang po pa rnams kyis so/ /gzhan de nyid rig pa rnams la ni nyes par ma gsungs so/ /gang zhig gang gis dus zhes bya ba la sogs pa la/ gang zhig ces bya ba ni bde bde gshegs pa'o/ /gang gis dus shes pa ni de nyid kyi 'dul ba'i bstan pa la'o/ /lha dang mi'i bla mar gsungs pa ni shAkya thub pa la sogs pa'o/ /de'i mtshan gyis sbyin zhes bya ba ni/ shAkya thub pa la sogs pa'i mtshan nas smos te sbyin pa'o/ /mtshan nas smos te ji ltar sbyin snyam pa la/ /sna tshogs gtso bo zhes bya ba 'gro ba thams cad kyi gtso bo ste/ shAkya thub pa la sogs pa'o// bka' 'dis zhes pa ni/ shAkya thub pa'i bka' 'dis zhes su sbyar ro/ /srid pa'i 'jigs las skyob pas zhes bya ba ni/ shAkya thub pa'i bka' 'di ltar 'khor ba'i sdug bsngal las bsrung zhes bya'o/ /de bas na rigs kyi bu pho dang rigs kyi bu mo gsang sngags kyi spyad pa spyod pa khyed kyi bskyang zhing srungs shig /ces bya ba'i don to/ /slob dpon gyis las dang po pa rnams la dam tshig de dag don dang ldan par sbyin pa'o/ /de'i rjes la gal te spro bar gyur na/ cho lo kha na ma tho'i zas dang tshig ngan 'byung po lha

  99. 50a

    min dbang po'i chos zhes bya ba/ mu stegs rig byed las brjod pa'i/ /pha mes la tshun 'thor ba la sogs pas spyod pa dang grol bar lta ba ste/ de bzhin du rgyan po 'gyed pa dang/ /srog bcad pa'i shal za ba dang/ skyes pa dang bud med dang/ rgyal po dang rkun bo dang dmag la sogs pa'i gtam brjod pa dang/ sreg las gyur pa'i mchod sbyin la sogs pa ste/ mi byed pa'i sdom pa yang sbyin no/ /de bzhin du spro bar gyur na/ ba lang byis pa bud med skyes bu rnams te lha mi'i bla ma gsod dang/ zhes bya ba gsod pa lnga mi byed pa'i sdom pa sbyin no/ /de bzhin du spro bar gyur na grogs dang mda' bdag bla ma dge 'dun dang ni dbugs 'byin pa la 'khu dang/ zhes bya ba rnams kyang mi bya zhes pa'i sdom pa sbyin no/ /gzhan yang dbang po'i yul la chags mi bya ste/ srid pa'i bdag po'i brtul zhugs nyi shu lnga zhes bya ba yang sbyin par bya ste/ yul rnams ni phung khrol bskyed pa'i rgyu zhes bya'o/ /gnyis gnyis sprod pa srog gcod dang/ /ma byin len dang rdzun du smra/ /'di dag ma spangs bsten pa yis/ /gnyis med ye shes thob par 'gyur zhes gsungs pa ma yin nam/ ci'i phyir mnar sems mi bden gzhan gyi bud med la sogs pa spang bar bya zhe na/ de ni bden kyang 'dod pa'i yul bsten pas gnyis su med pa'i ye shes thob par gsungs pa de ni/ rnal 'byor ba rang bzhin yongs su shes pa rnams la yin gyis las dang por rtogs pa'i rnal 'byor pa byis pa rnams la gsungs pa ma yin te/ byis pa'i rnal 'byor pa rnams la de nyid kyis yongs su 'chid bar byed de/ dper na yongs su btul ba ma byas pa'i sngags dang gser dang dngul gyi bza' btung ni sdug bsngal gyi phung po chen po bskyed par 'gyur ba bzhin no/ /de bas na byis pa'i rang bzhin can rnams la ni bkag la/ rnal 'byor ba 'gyur ba med pa thob pa/ chos thams cad nam mkha' i dkyil dang mtshungs par mthong ba rnams la gnang ba kho na yin no/ /de ltar las

  100. 50b

    dang po pa rnams brtul zhugs nyi shu rtsa lnga byin pa'i rjes la/ byin pa'i rigs yongs su rtag pa'i don du/ dpal ldan sngags kyi mngon sngags lag pa'i pad+ma'i nang du me tog gcig byin te/ zhes bya ba sku gsung thugs kyis sngags pa'i me tog lag du slob dpon gyis sbyin no/ /de yang dkyil 'khor du bzhugs pa'i don yin gyis gzhan ni ma yin no/ /dang po lan gsum bskor la zhes bya ba ni slob ma las kyi rdo rje dang ldan pas so/ /lag pa pad+ma nas ni me tog dkyil 'khor la ngor bya/ /zhes bya ba ni dkyil 'khor la bskor ba lan gsum byas pa'i rjes la/ rigs kyi me tog tshom bu 'am/ bum pa la sogs pa la ngor bar bya yis/ /rdul tshon la ni ma yin no zhes bya ba'i don to/ /gang gis gnas su me tog lhung gyur de ni de'i rigs nges mi'i bdag po skye zhes bya ba ni/ phyi nas me tog babs pa'i rigs kyi lha dang rjes su mthun pa'i las kyi phyag rgya bzung na las kyi phyag rgya'i dngos grub thob ces bya ba'i don to/ /de nas rigs kyi lha la sogs pa yang bstan par bya'o/ /phyi nas dbang bdun dang ni rnam gsum bla med chen po 'dir ni sbyin par bya/ zhes bya ba ni/ slob dpon las kyi go rims yin te/ de yang slob dpon dkyil 'khor gyi shar gyi sgor dkyil 'khor gyi gtso bo'i nga rgyal dang ldan pas/ lha rnams g.yas brkyang ba dang/ g.yon bzhugs pa dang bzhengs pa'i rjes su mthun par gnas te/ chu la sogs pas slob ma la dbang bskur bar bya'o/ /de yang rnam bdun zhes bya ba ni chu la sogs pa bdun te/ byis pa rnams gzhug pa yin la/ rnam gsum zhes bya ba ni bum pa dang/ gsang ba dang shes rab ye shes te 'jig rten kun rdzob kyi dbang gsum bla med chen po zhes bya ba ni 'jig rten las 'das pa'i dbang yin te/ de ni 'jig rten pa'i rjes thogs su sbyin gyi sngon du ni ma yin no/ /nga ni dbang bdun gyi cho ga brjod par bya ba'i phyir/ sman dang drir ldan zhes bya ba la sogs pa la/ sman ni sngon du rtsa ba'i rgyud la sogs pa gsungs pa'i dri'i mchan khung gi le'u tshe las mig la

  101. 51a

    sogs pa'i chas bzung bar bya ste/ le'u tshe nyi shu rtsa lnga'i dbus nas ji ltar rnyed pa rgyud las gsungs pa'i cho gas sman lnga bzung bar bya'o/ /de yang ji skad du dang po'i sangs rgyas las/ dri mchan le'u tshe rgyal po kye/ /rim pa sman rnams dgong bya ba/ /mig dang zla ba me sogs chas /tshangs pa la sogs lnga lnga yis/ /tshangs pa sred med drag po dang/ /dbang phyug ma dang mchog dbang ma/ /rgyal byin ma dpal phag mo dang/ /gzhon nu tsar tsik de bzhin/ /sa bdag mo dang chu dang 'od/ /rlung ste de bzhin mkha' spyod ma/ /ma dang srin mo bu mo dang/ /tsha mo de bzhin smyug mo dang/ /bram ze rgyal po rje'u rigs dang/ /dmangs rigs rigs ngan de bzhin te/ sman 'di rnams ni brtags par yang/ /grub chen brgya dang rdzu 'phrul ster/ /zhes de bzhin gshegs pas gsungs so/ /de bas na sman dang dri de rnams ni bum pa'i nang du blug par bya ba yin no/ /rgyal dang rnam rgyal zhes bya ba ni/ gtso bo dang las thams cad pa'i bum pa'o/ /sa bum rang bzhin dag gam zhes bya ba ni/ spyir bum pa thams cad ni rin po che dang rdo rje rigs las bya ba yin la re ma 'byor pas ni sa'i rang bzhin las kyang bya zhes bya ste/ 'on kyang nang du rin po che dang/ 'bru dang sman blugs par bya'o/ /zhes bya ba'i don to/ /de yang rin po che las ni bram ze la sogs pa'i rigs can zhig gtso bo yin la/ de bzhin rdo rje rigs ni/ in+d+ra nI la dang/ padmA rA ga dang/ chu shel dang/ kar ke ta dang/ margad de gtso bo yin no/ /de bzhin du lcags gsum ste/ gser dngul zangs rnams dang/ lcags zangs rnon po'i ni gzhan no/ /de bzhin du rin po che 'bring ni/ /mu tig kyang rgyal po'i chos/ /shul nor bu thig le dang/ rnam pa drug tu rab tu brjod/ /rin po che tha ma'i rigs ni shel dang srog ces bya ba'i rigs dang/ 'od ha ri dang/ mching bu dang/ nor bu ljang bku'i rigs rnams te/ de ltar rnyed pa bzung bar bya zhes bya ba'o//

  102. 51b

    de med pas me tog zhim pa kha dog lngas kyang blug par bya'o/ /yang rnam par rgyal ba'i steng gi dung chos su rin po che ljang khu blug par bya'o/ /rin po che sngon po ni shar nub kyi rgyal ba dang rnam par rgyal ba'i bum par blugs so/ /shar dang me'i bum par nag po'o/ /lho dang bden bral gyi bum par dmar po'o/ /byang dang dbang ldan gyi bum par dkar po'o/ /nub dang rlung gi bum par ser po'o/ /de bzhin sman rnams las cha gcig rgyal dang rnam par rgyal ba'i bum par ro/ /shar dang me ru cha gnyis pa'o/ /gshin rje dang lha min du cha gsum pa'o/ /byang dang dbang ldan du cha bzhi pa'o/ /nub dang rlung du cha lnga pa'o/ /de ltar na nyi shu lnga po de yang thur bur bcings pa bum pa la dgod par bya'o/ /bzhi brgyad ces bya ba ni rten gyi bye brag gis bum pa'i grangs bstan pa yin la/ /de yang dge slong rdo rje 'dzin par bya ba la bum pa bcu'o/ /dge tshul la drug go /khyim pa la gcig ste/ de yang bzhi ni dge tshul gyi yin pas/ rgyal ba dang rnam par rgyal ba'i gnyis te drug go /brgyad ni dge slong la ste/ rgyal ba dang rnam par rgyal ba dang bcu'o/ /khyim pa'i dbang la rgyal ba dang rnam par rgyal ba gang yang gcig go /de dag gi dbang bskur ba'i gnas lnga ste/ gtsug tor dang phrag pa g.yas g.yon dang/ gru mo g.yas g.yon dang/ rkub tshos dang/ chu so rnams la'o/ /de nas rigs kyi lha sbyang ba'i phyir oM ta thA ga ta ku la bi shod+ha ni swAhA/ zhes bya bas rdo rje slob dpon gyi me tog la mngon par bsngags te/ slob mas dor du gzhug go /de'i rjes la oM di bya nas mugtA TA ya mi/ zhes bya bas mig phye la/ dkyil 'khor gyi gtso bo sngon du 'gro bas/ dkyil 'khor ma lus pa dang/ rigs kyi lha mo bstan par bya'o/ /de ni sha/ sgo nas so/ /de nas slob dpon gyi lag pa g.yon pas slob ma skul te/ las kyi rdo rje dpal ldan cig dkyil 'khor la bskor ba bya ste/ byang sgor btang la/ lus kyi dri ma kun rdzob tsam du byang ba'i phyir/ sgrol ma la sogs pa'i lha mo rnams kyi bum pa

  103. 52a

    thams cad nas chu blangs te rnam rgyal gyi dung chos blugs la/ yang skye ba'i gnas lngar dbang bskur bar bya ste/ oM a i ri u li pany+tsapd+ha tu bi shod+ha ni swAhA/ zhes bya ba'i sngags so/ /de nas cod pan gyis kyang/ skye ba'i gnas lngar dbang bskur te/ /oM A a a'i ri a'u li pany+tsa ta thA ga ta ba ri shud+d+he swAhA/ zhes bya bas dbang bskur bar bya'o/ /rin po che 'am gser raM gos las byas pa mgo la bcing bar bya'o/ /de ltar dbang gnyis kyi khams dang phung po yongs su sbyangs pas kun rdzob tu dus rnam par dag par 'gyur ro/ /de nas sku'i zhal gyi shar gnas su sbyang bar bya'o/ /de nas yang g.yas bskor gyis dag rnam par dag pa'i phyir lho'i sgor song ste skye ba'i gnas lngar dar dbyangs kyis dbang bskur bya ste/ oM A A aM a:ha hA haM ha:ho phir sha bA ra mi tA pA ri pU? ra Ne swAhA/ zhes bya ba'i sngags 'dis ni rin po che 'am gser ram/ ma 'byor na me tog gi phreng ba la sogs pa'i dar dbyangs bcings par bya'o/ /de nas yang skyes pa'i gnas lngar rdo rje dang dril bu'i sngags 'dis bskur te/ oM hUM ho:sUrya tsan+d+ra bi sho d+ha na swAhA zhes bya bas rdo rje dril bu spyi bor bzhag la/ dung chos kyi chu dbang bskur ro/ /de ltar dbang gnyis kyi gsung rdo rje dag par byas nas rdo rjes sor gdub sbyin te g.yas nas bskor la shar gyi sgo'i zhal du thugs rdo rje dag par bya ba'i phyir skye ba'i gnas lngar brtul zhugs kyi dbang sngags 'dis bskur bar bya'o/ /oM a A e i ar Ar/ o aau/ al Al bi Shai? bi sho d+ha ni swAhA/ zhes bya ba so/ de rnams rna ba la sogs pa'i me tog phreng ba btags te/ yang skye ba'i gnas lngar ming gi dbang bskur ba'i sngags 'dis/ oM ha hA/ ya yA/ ra rA wa wA/ la lA/ tsa turbrahma bi ha ra bi sho d+ha swAhA/ zhes bya ba ste lag gdub dang/ rkang gdub la sogs pa med par gyur na/ rkang lag ga la me tog phreng bas bcing bar bya'o/ /de nas lung bstan pa'i dbang ni/ rdo rje che ge mo khyod ces bya

  104. 52b

    ba ste/ de ltar dbang gnyis kyi thugs rdo rje dag par byas nas/ yang ye shes dag par bya ba'i don du/ slar slob ma g.yas phyogs nas nub sgo'i zhal du rjes su gnang ba'i dbang/ sngags 'dis skye gnas lngar bskur te/ oM haM k+Sha d+harmA tsakra pra barta ka swAhA/ zhes bya bas dbang bskur nas lus ngag yid ye shes kyi rdo rje dag par bya'o/ /de nas rdo rje dril bu rab sbyin snying rje mchog gi dag pa'i chos ni bstan par bya zhes gsungs ste/ slob dpon gyi slob ma la rdo rje che ge mo zhes pas la/ lag du rdo rje dang dril bu sbyin par bya'o/ /de nas dag pa'i chos zhes bya ba 'di lta ste/ rdo rje rigs kyi nges par srog bcad ces bya ba ni/ dkyil 'khor du ni yang dag par sbyin zhes bya ba la thug pa'i tshigs su bcad pa phyed dang gnyis bstan par bya'o/ /de ni dbang bdun gyi cho ga yongs su rdzogs pa yin zhing/ de nas phu nu'i rim pa shes par bya ba'i don du/ rdo rje slob dpon gyis slob ma la/ sangs rgyas rnams kyis byin gyis brlab par bsam zhing/ lo la sogs pa'i tshigs brjod par bya ste/ 'dir lo che ge mo dang/ rigs ldan rgyal po chos ston pa che ge mo dang/ zla ba che ge mo dang/ nya che ge mo dang/ gza' che ge mo dang/ tshes che ge mo dang/ sbyor ba che ge mo dang/ byed pa che ge mo dang/ la sogs kyi dang po'i sangs rgyas sam/ dkyil 'khor gzhan du rdo rje slob dpon che ge mos/ slob ma che ge mo le gtso bo nyid kyi sems can thams cad la bsod nams dang ye shes kyi 'bras bu thob par bya ba'i don dang/ 'jig rten pa'i dngos grub bsgrub pa'i 'og min gyi gnas kyi mthar thug par bdag gis lung bstan pa dang rjes su gnang ba yin no/ /zhes bya ba ni dbang bdun gyi nges pa'o/ /gzhan yang 'di ltar rgyud gzhan du de bzhin gshegs pa lnga'i rnam par dag par dbang sngar gang gsungs pa de byis pa'i skye bo rnams bzhugs pa yin te/ 'di ltar rnam par snang mdzad kyi chu'i dbang dang/ rin chen 'byung ldan gyi dbu rgyan yin pa de lta na ni rgyud thams cad la ni dkyil

  105. 53a

    'khor la me tog babs pa rigs kyi lhar gsungs pa/ de bas na ji ltar 'thad par 'gyur/ de'i phyir me tog gang la babs pa de dang/ rigs kyi phyag rgya des de la 'grub par 'gyur ba ni/ de bzhin gshegs pa'i nges pa'o/ /mtshan yang dag par brjod pa las kyang/ /sangs rgyas lnga bdag cod pan can/ zhes gsungs pa de'i phyir/ gang la me tog lhung ba de cod pan gyi gtso bor 'gyur gyi/ thams cad du rin chen 'byung ldan ma yin no/ /da ni rnam par dag pa gzhan brjod par bya ste/ rdo rje rigs kyi srog bcad bya zhing zhes bya ba la sogs pas 'dir srog bcad pa la sogs pa'i dam tshig ni/ drang ba dang nges pa'i don gyi rnam pa gnyis te phyi dang nang ngo/ /de la phyi ni gang bcom ldan 'das kyis srog bcad bar bya bar gsungs pa de ni/ mtshams med pa lnga byed pa dang/ sangs rgyas kyi bstan pa la gnod par byed pa dang/ dam tshig 'dral ba rnams la nges pa yin pas/ de bas na gang mtshams med pa lnga byed pa de snga phyir shes par bya ste/ 'dir gang gi dngos po mtshams med pa la sogs byed pa la phyis mi byed pa de lta na skad cig tsam gsad par bya ste/ dper na chos rgyal mya ngan med pa lta bu'o/ /de bas de las gzhan pa dge ba dang mi dge ba'i mtshan nyid mi shes pa dang/ mngon par shes pa ma thob pa rnams kyi bsad pa'i las byas na nges par dmyal bar 'gro bar 'gyur ro/ /de bas ji srid du rnal 'byor la mngon par shes pa thob par ma gyur pa de srid du sngags pas/ zhi ba dang rgyas pa dang dbang dgug la sogs pa ma gtogs pa drag po'i las mi bya'o/ /de srid du brdzun du smra ba dang/ ma byin par len pa dang/ gzhan gyi bud med 'phrog pa dang/ dam tshig bsten pa dang/ rigs dang rigs ma yin pa bgrod pa dang/ rang gi lus kyi mthar gtugs pa sbyin pa sbyin par bya ba ni gzhan gyi don du yin gyi bdag gi don du ma yin pa ni nges

  106. 53b

    pa'o/ /gang 'dir ji srid 'tsho'i bar du mtshams med pa lnga'i las byed pa de lta na ni sngon du gsungs pa'i khro bo'i rigs sngags kyi sngags bsgrubs te/ bcom ldan 'das mi bskyod pa'i ting nge 'dzin 'dis bsad par bya zhes pa ni nges pa'o/ /gzhan yang lam ma yin par ltung ba rnams drang ba'i phyir/ rdzun du smra yi/ rang gi don du ma yin pa ni nges pa'o/ /de bzhin du ma byin par blang ba yang yi dags kyi gnas su 'gro ba las ldog pa'i phyir yin gyi rang gi don du ma yin no/ /de bzhin du gzhan gyi bud med la bgrod pa yang/ dud 'gro'i gnas las bzlog pa'i don du yin gyi/ rang gi 'dod chags kyi don du ma yin no/ /bdud rtsi lnga la sogs pa'i dam tshig bsten pa rigs su 'dzin pa 'joms pa'i don yin gyi/ gzhan yang las kyi phyag rgya bsgrub pa'i phyir/ rigs ngan pa la sogs pa'i mi mo rnams la brnyas par mi bya'o/ /gzhan yang bsod nams kyi tshogs kyi don du sbyin pa rgya chen po yang btang par bya'o/ /'di ltar ral gri dang rin po che dang gri gug gi rigs rnams kyis sngags bsgrubs te/ nus pa dang ldan pa'i rnal 'byor pas thams cad bya zhing/ 'jig rten pa'i bzhad bgad du mi 'gro par 'gyur ro zhes pa ni drang ba'i don to/ /da ni nges pa'i don brjod par bya ste/ 'di na lus can rnams kyi rang rang gi lus kyi srog ltung bar byas pa ni srog bcad pa'o/ /rdo rje'i rigs shes pa ni/ gtsug tor du 'gog par bya ba ste/ srog bcad pa nges rnal 'byor byang chub kyi sems steng du btang ba ni nges pa'o/ /ral gri yis ni brdzun gyis dag ces bya ba ni/ 'dir brdzun zhes bya ba ni drang don du mi gnas pa'i ngag yin la/ nges don du sems can gyi sgra skad kyis cig car du sems can thams cad la chos ston par byed pa'o/ /de nyid snying ga'i gzhom du med pa'i sgra ni nges pa'o/ /rin po che'i gzhan gyi nor 'phrog ces bya ba ni/ 'dir gzhan zhes bya ba rdo rje sems dpa' yin la/ de'i nor bu rin po che ni/ yid bzhin gyi nor bu rin po che yin zhing

  107. 54a

    de 'phrog pas ni rin po che'i rigs te mgrin pas brgyad pa'i gnas su nges pa'o/ /rigs mchog pad+ma yis kyang pha rol bud med 'phrog ces bya ba ni 'dir pha rol gyi bud med ni/ phyag rgya chen mo yin la/ des 'phrog pas ni pha rol bud med 'phrog pa yin te/ byang chub kyi sems dpral ba pad+ma'i rigs bcu'i gnas su sleb pa nges pa'o/ /chang dang mar me sangs rgyas yul rnams bzang po ma lus 'khor lor bsten par bya zhes bya ba la 'dir chang ni/ lhan cig skyes pa'i dga' ba yin zhing/ mar me zhes bya ba ni glang dang khyi la sogs pa dang/ mi mthun pa'i dngos po lnga po nang du bsdu ba'o/ /sangs rgyas ni bdud rtsi lnga ste/ 'khor lo ni bde ba'i pad+mar ro/ /bsten par bya ba ni bza' ba yin te/ ting nge 'dzin gyi stobs kyis/ bshang lci dang khu ba mi 'dzag par byed pa ni nges pa'i don to/ /rigs ngan la sogs zhes bya ba ni/ rigs bzhi'i bud med yin la/ gri gug ces bya ba gsang ba'i pad+ma'o/ /nam mkha' i padmo zhes bya ba ni/ chags pa med pa'i ting nge 'dzin gyis so/ /brnyas mi bya zhes bya ba ni skye gnas la bsrub pa'i dus su tshangs par spyod pa'i dbang gis phyi rol du byang chub sems mi gtong ba ni nges pa'i don to/ /rang lus nor bcas sems can don du sbyin gyis 'dir ni khyod kyi bsrung mi bya zhes bya ba ni/ bsod nams kyi tshogs kyi don du slob ma rnams kyis rdo rje slob dpon la rang gi lus po bu smad dang bcas shing/ bdog pa phun sum tshogs pa dbul ba'o/ /de yang 'di ltar bsod nams dang tshul khrims kyi tshogs 'di gnyis kyi ye shes rdzogs pa yin la/ tshogs gsum gyis yang dag par rdzogs pa'i sangs rgyas nyid du 'gyur ro/ /kye rigs kyi bu rnams shes bya ba'o/ /de ltar bstan pa las gzhan du dpag med bskal pa yis kyang sangs rgyas min par rgyal bas gsungs so/ /rigs kyi bu zhes bya ba'i don to/ /

  108. 54b

    rnam par dag pa'i chos bstan pa ste brgyud thams cad kyi nges pa'i don to/ /da ni dbang gi rnam par dag pa brjod pa'i phyir/ chu ni sgrol ma zhes bya ba la sogs pa gang yang 'dir chu'i dbang ste/ rlung la sogs pa'i khams lnga rnam par dag pa ste/ sgrib pa med pa'i sku'o/ de bzhin du cod pan gyi dbang gis ni rnam par shes pa la sogs pa phung po lnga rnam par dag pa'o/ /dpa' bo'i dar dbyangs kyi dbang gis pha rol tu phyin pa bcu rnams yongs su dag par bya ba'i don du sbyin pa la sogs pa nus ma bcu'o/ /rdo rje dang dril bu'i dbang gis la la nA dang ras nA rnam par dag pa ste/ sgrib pa'i nyi ma dang zla ba'o/ /brtul zhugs kyi dbang ni yul gzugs la sogs pa dang/ mig la sogs pa'i dbang po lnga rnam par dag pa ste/ lha'i spyan la sogs pa 'jug pa yin no/ /ming gi dbang ni byams mal sogs pa'i rnal 'byor te/ tshangs pa'i gnas bzhi la gnas nas dus thams cad du chags pa dang zhe sdang la sogs pa sgrib pa med par rnam par dag pa'o/ /gnang ba'i dbang ni yang dag par rdzogs pa'i byang chub dpal te/ chos kyi 'khor lo bskor zhing chos ston pa'o/ /de yang srid pa'i 'jigs 'joms shes bya ste/ gzhan la phan pa'i phyir ro/ /dus kyi 'khor lo'i rigs zhes bya ba ni mi 'pho ba'i bde ba rjes su rigs pa'i stong pa nyid bstan pa de nges pa'o/ /sdig pa'i dri ma 'joms pa'i dbang bdun 'di ni dkyil 'khor du ni yang dag sbyin zhes bya ba ni rdo rje slob dpon rnams kyis slob ma rnams la'o/ /rdo rje slob dpon rnams kyi dbang bdun sbyin pa ni/ de bzhin gshegs pa'i nges pa'o/ /da ni dbang gi 'bras bu brjod par bya ste/ dbang bdun bskur ba'i dge ba'i shugs kyis zhes bya ba la 'dir gal te dkyil 'khor chen po 'dir dbang bskur te/ dam tshig ma nyams nas bdun gyi dbang phyug du 'gyur la/ de yang dkyil 'khor gyi 'khor lo sngon du byas na ni/ lus 'di nyid kyis sa bdun thob cing

  109. 55a

    [i] */ /gzhan du na mi dge ba bcu spangs shing/ dge ba'i shugs kyi sa bdun gyi dbang phyug tu 'gro bar nges pa'o/ /bum pa gsang ba'i dbang bskur yang phyir mi ldog sogs nges par rab tu 'jug /ces bya ba ni/ 'dir bum pa dang/ gsang ba'i dbang bskur ba ni tshul khrims kyi stong pa yin la/ phyir mi ldog pa ni mi g.yo ba ste/ gang mi g.yo ba'i sgra de ni pad+ma bsrub pa las byang chub sems mi g.yo ba yin zhing/ legs pa'i blo gros ni rgyu des bde ba chen po sems te 'pho ba med pa'o/ /shes rab ye shes mngon par dbang bskur bas zhes bya ba ni/ tshul khrims kyi tshogs kyi stobs yin la/ 'jam dbyangs nyid du zhes pa ni srid pa 'jug pa'o/ /'gyur zhes pa ni chos kyi sprin du 'gro ba yin la 'dir chos kyi sprin yang de dag dang gzhan gyi don byed nus pa'i bde ba chen po babs pa ste/ de bzhin gshegs pa'i nges pa'o/ /de bas na 'di ltar bsod nams dang tshul khrims kyi tshogs gnyis sngon du 'gro ba ni ye shes kyi tshogs yin la/ de'i dbang gis sa bcu gnyis su rnal 'byor pa rnams 'gyur ba ni de bzhin gshegs pa'i nges pa'o/ /gzhan yang g.yo ba'i dbang gi rtsa ba'i ltung ba brgya lam byung na zhes pa ni/ dbang la gnas kyi rjes la mi dge ba bcu'i las kyi lam la 'jug pa'i dbang gis so/ /'di ni zhes pa ni dbang 'di nyid de slar phyin ci log ste spyad pa'i dbang gi dmyal ba'i sdug bsngal du 'gyur ba ni nges pa'o/ /dbang bdun la gnas yon tan ldan na rtsa ba'i ltung ba dag par 'gyur zhes bya bas ni/ rtsa ba'i ltung ba 'byung ba'i rgyu ston te/ /'di ltar dbang bdun la gnas pa la gal te rtsa ba'i ltung ba byung ba spyad par 'dod pa de ltar na ni/ dang por dag gi bzlas pa dkyil 'khor gyi lha'i grangs ji snyed pa de snyed la/ stong phrag sum cu rtsa drug tu 'gyur ro/ /yon tan zhes pa ni phyis mi byed pa'i sdom pa la gnas nas

  110. 55b

    [i] brtul zhugs des stobs bum pa gsang ba brgya lam na ste zhes bya ba ni/ gal te bum pa dang gsang ba la gnas par la rtsa'i ltung ba byung ba de lta na ni bsod nams dang tshul khrims kyi bdag gis gzhan du ni ma yin no/ /brtul zhugs des stobs shes pa ni/ slar 'dag par 'dod pa gang yin pa de rnams la/ rdo rje slob dpon gyis chad pa'i las sbyin zhing/ des kyang chad pa dang du blang la spyad par bya'o/ /gong ma la ni dag par med ces pa ni/ shes rab ye shes kyi dbang bskur ba rnams la gal te rtsa ba'i ltung bar gyur pa de lta na ni/ gzhan gyis rkyen byas pa ste/ rdo rje slob dpon la sogs pas chad pa byin pas 'dag pa ma yin gyi/ 'dir ni rang gi sems rnam par dag pa tsam gyis 'dag la/ de yang bsod nams dang tshul khrims kyis stobs kyi dbang gis rang la dbang du byas te/ sdig pa bshags pa la sogs pa bya ba ni/ sangs rgyas dang byang chub sems dpa' rnams kyis byin gyis brlabs pa'i gnas su song ste/ bdag rang gi 'dag par bya ba ni sangs rgyas pa rnams kyis gzhung ngo/ /gzhan yang gang sngon ma rnams ni gzhan gyis rkyen gyis 'dag la/ shes rab ye shes ci'i phyir/ bdag rang gi byang bas 'dag pa yin zhe na de ni 'di ltar 'jig rten na yang byis pa chung dus nyes pa byas pa ni mi shes pas byas pa yin pas/ 'jig rten na kha na ma thob chung ba yin la skyes bu cher skyes pa rnams kyis byas pa ni shes bzhin du byas pa yin pa'i phyir/ kha na ma tho ba chen po yin pa ltar/ dbang bdun dang/ bum pa dang gsang ba dang/ shes rab ye shes ni/ rim bzhin du byas pa dang/ dar la babs pa dang/ rgan pa'i khyad par yod pa'i phyir ro/ /de bas na gong ma gong ma ni/ byis pa dang/ mi shes pa dang/ mi gsal ba dang/ mi mkhas pa yin la/ phyi ma phyi ma ni shes pa dang/ dar la babs pa dang/ gsal ba dang rig pa'i bdag nyid yin no/ /gang zhig rtsa ba'i ltung byung sbyang ba'i don du yang ni dkyil 'khor 'dir gzhug bya zhes bya ba ni/ rtsa ba'i ltung ba sbyang ba'i

  111. 55a

    [ii] */ /thabs stobs ston pa yin te/ de yang sngon du ni sngar bstan pa'i chad pa'i las byas pa yin la/ phyis dkyil 'khor du 'jug par bya ba yin no/ /de las ma gtogs pa gzhan gyis rnam par sbyang bar ma gsungs so/ /de yang phyis mi byed pa'i dam 'cha' ba rnams la yin gyi/ phyis sdom pa'i bsam pa med pa rnams la ni ma yin te/ 'di ltar skyes bu 'ga' zhig dug gi zin na sman pa 'gas de bzlog pa'i phyir/ smin gyi btung ba byung nas yang sngar bzhin dug za ba dang mtshungs so/ /slar yang rjes gnang thob nas tshogs kyi mthu bo'i ming ni gzhom par 'gyur ba yin zhes bya ba ni/ rgan rabs gang zhig rtsa ba'i ltung bar gyur pa slar dkyil 'khor du bcug pa de slar zhing dkyil 'khor du nub bor 'gyur ba zhes bya ba ni/ de bzhin gshegs pa'i nges pa'o/ / da ni rtsa ba'i ltung ba rnams brjod pa'i phyir/ dpal ldan bla ma sems dkrugs shes bya ba la sogs pa smos te/ 'dir rgyud thams cad du rtsa ba'i ltung ba ni bcu bzhir nges pa yin la/ de rnams so so ji lta ba bzhin du brjod par bya'o/ /bu rnams rtsa ba'i ltung ba ri bong 'dzin pa zhes bya ba ni/ spyir btang ba yin te/ bcu bzhi po rgyud las gsungs pa ltar ma bskyangs na/ shing ta la'i mgo bcad nas slar zhing skye ba'i bskal pa med de/ ltung bar 'gyur ba ltar rdo rje 'chang gi gnas las ltung bar 'gyur zhes bya ba'i don to/ /de yang dpal ldan bla ma'i sems dkrugs zhes bya ba ni/ mi dge ba bcu la sogs pa byed cing bla ma gang de mi dgyes pa'i rnam grangs byed pa ni rtsa ba'i ltung bar 'gyur gyis/ rang bzhin don lhur len cing bdag nyid mi dge ba la 'jug pa'i bla ma ni ma yin par nges pa'o/ /de yang bla ma dam pa yin par shes pa dang/ de mi dgyes pa dang/ nyon mongs pas blang ba'i lus ngag gi las dang/ gzhan gyis don ma yin pa dang/ rang gi don lhur blang ba'i bsam pa dang/ slar sbyang ba'i bsam pa med pa ste/

  112. 55b

    [ii] chos drug gi ltung bar 'gyur ro/ /de'i dka' 'gongs zhes pa ni bla ma de'i zhes pa dang sbyar ro/ /bka' 'gongs pa ni bla ma dam pas bsgo ba ma mnyan pa'o/ /de yang chos drug dang ldan pas so/ /gzhan du 'gyur zhes pa ni gnyis par 'gyur pa'o/ /spun la khros pa yang ni gsum par nges zhes bya ba ni/ spun ni bla ma gcig gis yongs su bsdus pa yin la/ gzhan gyi spun la khro ba ni kha na ma tho ba chung bar gsungs so/ /de yis bsgo zhing bstan pa la gus par mi 'dzin cing khro na gsum pa ste/ rtsa ba'i ltung bar 'gyur ro/ / de yang gong gi chos drug las rang rang gi rdo rje dpun gyi khyad par du byas pa dang/ chos bdun dang ldan pa'o/ /byams pa spong ba zhes bya ba ni/ 'dir byams pa spong ba la chos bzhi ste/ tha ma dang 'bring dang rab kyi rab po/ /de la tha ma ni chur dbyug pa'i ri mo bris pa ltar/ skad cig tsam byams pa dang bral yang slar 'jug pa'o/ /'bring ni bye ma la ri mo bris pa rlung gi 'phral la mnyam par byed pa ltar/ dus de ma thag byams par 'jug pa'o/ /rab ni sa'i ser ga can gyi rgyun gyi mnyan par byed pa ltar byams pa cung zad na dran pa'o/ / rab kyi rab ni dper na brag la sogs pa mkhrogs pa'i bdag nyid can rnams lags pa la sogs pa byung na nam du yang mnyam par 'gyur ba'i bskal pa med pa ltar ram/ shing tog smin cings la lhung ba rnams phyir zhing shing rnams la 'byar ba'i bskal pa med cing mi gnas pa ltar/ byams pa spangs pa'i rtsa ba'i ltung bar 'gyur te/ chu tshod drug cu'i bar gyis so/ /rtsa ba'i ltung ba bzhi par 'gyur ba ni nges pa'o/ /byang chub sems spangs pa zhes bya ba ni/ 'dir byang chub kyi sems kyi sa bon yin la gang yang de nyams na bde bar mi 'gyur te/ de bas na de nyid ma thob cing dbang po gnyis kyi bde bas sangs rgyas par 'dod pa rnams rtsa ba'i ltung ba mnga' zhes bya ba lnga par de yang shes rab chen pos mi 'gyur ba'i rang bzhin zhes pa dang/ 'gyur ba'i bde ba

  113. 56a

    tsam du blang ba'i bsam pa dang/ de la legs par 'dzin pa dang/ gsang ba dang/ gzhan gyi bde ba'i don dang/ ri lu la sogs pa'i ched ma yin pa ste/ chos bzhi dang ldan na mda' zhes bya ba lnga par 'gyur ro/ /grub mdza' la smod ces pa ni/ shes rab kyi pha rol tu phyin pa'i theg pa yin la/ de dang gsang sngags gyi tshul tha dad par 'dzin pa ni rtsa ba'i ltung ba yin zhing/ de las gzhan pa'i theg pa smad pas ni rtsa ba'i ltung ba ma yin pa des kyang thun mong gi dngos grub las 'phrog pa yin no des kyang gsang sngags kyi theg pa dang dbyer med pa'i shes rab kyi pha rol tu phyin pa'i theg pa la zhes sdang la gnas pas smra ba dang/ gzhan gyi don ma yin pa dang/ legs par 'dzin pa dang/ 'gyod pa med pa ste/ chos lnga dang ldan pas drug par 'gyur ro/ / ma smin sems can la ni gsang ba ster zhes bya ba la/ ma smin pa ni nyon mongs kyi lam gyi mnan pa'i gang zag yin la/ de gang la gsang sngags kyi gsang ba bsgrags na skrag cing smod pa la brjod pas ltung ba yin te/ gzhan mos par 'gyur ba dang/ dad pa dang grol ba'i skal pa yod pa la nyes pa med par gsungs so/ /de yang gsang ba bsgrags nas mos pa ma yin pa skye bar 'gyur ba'i gang zag dang/ 'dul ba'i don ma yin pa dang/ bde ba chen po'i gsang ba bstan pa ste/ chos gsum dang ldan na ri zhes bdun par 'gyur ro/ /bde ba chen po'i gsang ba las gzhan pa bstan pa'i ltung bas 'jig rten pa'i dngos grub nyams par byed do/ /lus nyon mongs pa klu ste zhes bya ba ni/ lus la phung po lnga la sogs pa ni rgyal ba rigs lnga'i bdag nyid do/ /khams dang skye mched ni lha mo dang byang chub sems dpa' o/ /nyon mongs par byed pa ni rnam pa gnyis ste/ lus la tsha grang dang bza' btung gi nyon mongs par byed pa dang/ gsod pa'i brtson pas nyon mongs pa byed pa'o/ /de ci'i phyir rtsa ba'i ltung ba yin

  114. 56b

    snyam pa la/ phung po gzir bas bde ba mi skye la/ bde ba ma skyes pas gnyis su med pa'i ye shes las nyams par 'gyur ro/ /gsod pa la brtson pa ni sems bskyed pas ltung bar 'gyur bar gsungs la/ de bas de'i phyir rtsa ba'i ltung ba ste/ de yang phung po la sogs pa rgyal ba dang lha mo dang/ byang chub sems dpa' yin par shes pa dang de mnar bas bde ba las nyams par shes pa dang/ gzhan gdul ba'i don ma yin pa ste/ chos gsum dang ldan na ltung ba brgyad par 'gyur ro/ /dag pa'i chos la ma dang pa'ang zhes bya ba ni/ dag pa'i chos ni 'dzin pa thams cad rnam par spangs pa'i stong pa nyid zab mo gang yin pa de/ de la dad cing sun 'byin pa rtsa ba'i ltung ba ste/ de yang gdul ba'i don ma yin pa dang/ stong pa nyid gang yin pa de spangs te spros pa dang bcas pa la dang du blangs pa'i chos gnyis kyi ltung ba dgu par 'gyur ro/ /sgyu ma'i byams pa zhes pa la/ sgyu ma'i byams pa ni tshul 'chos te/ dam tshig la sogs pa la dad pa'i sgo nas srung bar mi byed cing rnyed pa dang tshigs su bcad pa lhur blang pa'i tshul gyi srung ba ste/ lkog tu mi dge ba byed pa'o de ltar na de ni g.yo nyid dbang du byed pa ste/ chos dang po nyid kyis ltung ba bcu par 'gyur ro/ /ming sogs bral ba'i bde ba ster zhes bya ba ni/ de bzhin gshegs pa rnams kyi sku dang gsung dang thugs kyi de kho na nyid kyi rang bzhin gsang sngags kyi tshul la byang chub sems kyi zla ba'i bde ba 'gyur ba med pa/ 'jig rten gyi dper bya ba dang bral ba byin pa la the tshom dang yid gnyis kyi dbang gis/ dang du mi len cing rtogs par byed na ltung ba ste/ de yang 'gyur ba'i bde ba ma yin pa dang/ mi 'gyur ba'i bde ba dper byas pa las 'das pa dang/ gdul ba'i don ma yin pa ste/ chos gsum po des ltung ba drag po ste bcu gcig pa'o/ /dag pa'i sems can zhes pa ni/ rnal 'byor pa rnams kyis dang tshul dang ldan pa'o/ /skyon rjod ces pa ni kun nas phrag dog gis te/ /

  115. 57a

    des yang ltung bar 'gyur la de yang rnal 'byor gyis dang tshul dang ldan pa yin pa dang/ bdag phrag dog gi smras pa dang/ gzhan gdul ba'i don ma yin pa ste/ chos gsum dang ldan pas rjod na ltung ba nyi ma bcu gnyis par 'gyur ro/ /dam tshig thob dbang zhes pa ni/ /dam tshig gi srung ba dang/ bza' ba'i bye brag gis yin la ni de la bsrung ba ni sku gsung thugs ye shes kyi bye brag thig bzhi bsrung ba ste sngon du rjod pa yin la/ 'dir ni bza' ba la sogs pa'i tshogs dang/ dpa' bo'i bza' ba'i dus su thob pa zhes bya ba rnyed cing dus la babs pa'i bza' ba dang/ btung ba dang bud med la me thu na bya ba dang du mi len na ltung ba ste/ de yang dam tshig gi dus la bab pa dang/ gzhan gyi srung ba ma yin pa dang/ gzhan gdul ba ma gtogs pa ste/ chos gsum dang ldan na ltung ba bcu gsum par 'gyur ro/ /bud med rnams la bshung ba ni/ yid dang ngag gis smod pa ni/ rtsa ba'i ltung ba ste/ de yang rdo rje theg pa la gnas pa'i rnal 'byor pa ste/ gang 'du shes de dang ldan pas smad na ste/ gang gis smod pa yang gzhan 'dul ba'i don ma yin pas smad na bcu bzhi par 'gyur ro// //de ltar rtsa ba'i btung ba rnams rdo rje slob dpon gyi slob ma rnams la bstan nas dbang gis bye brag rnams kyi mngon par dbang bskur bar bya'o/ /de yang dge slong rdo rje 'dzin par bya ba'i phyir/ dkyil 'khor gyi phyi rol sar gru bzhi'i rgyar re khA lnga pa byas te/ dbus su shing stan la khru ngo ba'i pad+ma 'dab ma brgyad pa byas la/ de yang kha dog lnga par byas te/ de bzhin gshegs pa rnams kyi mtshan ma'i rgya spangs pa/ der dge slong dgod cing de'i rjes la/ gzhon nu ma rdo rje mtshon gyis ma rmas pa gzugs mdzes pa dkar 'dzin legs par rgyan pa brgyad kyis yongs su

  116. 57b

    bskor la gzhon nu ma gnyis kyi chu dang cod pan dang dar dpyangs la sogs pa bcing ba gtang pa'i tshul du bya'o/ /de'i phan yon ni/ dge slong rdo rje 'dzin byas na/ gang de bdud la sdig byed shog /chos gos mthong ba tsam gyis kyang/ /lha min la sogs sa 'og 'bros/ zhes gsungs so/ /gzhan yang/ dge tshul dbang ni bskur ba ni/ /re khA lnga las gnyis gsum tsam dang shing stan gyi steng du bzhag la/ gzhon nu ma bzhis chu la sogs pa'i tshul du bya bar gsungs te/ de yang gang zhig bslab pa bcu dang ldan pa yi/ /rdo rje 'dzin pa dge tshul ni/ /de ni slob dpon 'bring po ru/ /rdo rje 'chang gis rab tu gsungs/ zhes gsungs so/ /khyim pa rnams la ni re khA gcig khru gang po'i tshad du byas la bzhag ste/ slob dpon gyis dbang sbyin no/ /de yang gos dkar can gyi khyim pa gang/ /rdo rje 'chang du bya ba ste/ dge slong rdo rje 'chang rnams kyi/ /tshul mthun bsnyen bkur bya phyir ro/ /zhes gsungs te/ slob dpon tha ma'o/ /gnang ba sbyin nas rgyud kun bstan pa ni de bzhin gshegs pa'i des pa'o/ /gzhan yang dag pa'i tshul ni dbang bdun pa dang/ bum pa dang/ gsang bas sa bdun pa dang/ brgyad pa dang/ legs pa'i blo gros te/ dge bsnyen dang/ dge tshul dang/ dge bsnyen rnams su sbyar bar bya'o/ /shes rab ye shes kyis ni gnas brtan rgan po ste/ chos kyi sprin du lung bstan pas slob ma rnams la lung bstan pa yin no/ /de bzhin du mtshan yang dag par brjod pa las/ /'jig rten gsum na gzhon lus gcig /ces bya ba nas/ rnam grol zhi ba zhi ba nyid/ /ces bya ba yan chad kyi don de bstan par gsungs so/ /gzhan yang bum pa dang/ gsang ba dang/ shes rab ye shes kyis ni lus ngag yid sbyong ba yin te/ tshangs pa dang/ dbang phyug chen po dang/ khyab

  117. 58a

    'jug ming du yang btags te/ mu stegs pa rnams gzhug pa'i don du'o/ /de ltar yang/ tshangs pa sku yi rdo rje 'dzin/ /gsung gi rdo rje dbang phyug che/ /thugs kyi rdo rje 'dzin rgyal gang/ /de ni khyab 'jug rdzu 'phrul che/ /zhes gsungs te/ /rdo rje slob dpon gyi dbang ngo/ /de bzhin du mtshan yang dag par brjod pa las/ gtsug pud ces bya ba nas/ zur phung lnga pa me tog thogs/ zhes pa yan chad kyis bstan par gsungs so/ /de ni rgyud thams cad kyi des don du/ bcom ldan 'das kyis gsungs so/ de ltar na 'dir dbang de rnams thob pa'i/ dge slong dang/ dge tshul dang/ khyim pa rnams kyis gzhan la brten pa dang/ zhing las dang/ mtshon 'tshong ba dang/ rnag cha 'tshong ba dang/ tshong sgyur gzhan thams cad mi bya ste/ gal te byed pa de lta na ni/ sangs rgyas kyi bka' bslus pas mnar med pa'i dmyal bar 'gro bar 'gyur ro/ /da ni bum pa la sogs pa'i bla ma'i dbang gsum gyi cho ga rgyas par bstan par bya ba'i phyir gcig nas phyogs kyi lo bar zhes bya ba smos te/ las kyi rgyal po gcig dang por byas nas/ bcu lon pa de srid pa la blta ba dang reg par bya ba pa yin gyi/ bya ba gzhan gyi nus pa mi bskyed de/ nu ma med pa'i phyir ro/ /gang yang lo bcu lon pa de ni sbyin pa la sogs pa'i pha rol tu phyin pa bcu dag ba tsam yin te/ de yang 'di ltar ji srid du so lhung bar gyur pa de srid du ye shes kyi khams mi zad pa'o/ /de rjes so ltung ba de nas nam mkha' i khams te/ de bas na khams gnyis pos gzhon nu ma skye gnas nyams par mi 'gyur ro/ /de'i phyir/ de la blta ba dang/ reg par bya ba dang/ mchod par bya ba tsam yin no/ de nas 'khyud par bya ste zhes bya ba ni/ bcu gcig pa dang por byas nas nyi shu la thugs par 'khyud pa'i sbyor ba bya'o/ /rgya mtsho ror bcas zhes bya ba ni drug dang bcas pa'i bzhi ste bcu'o/ /g.yo ba la sogs bsten par bya/ zhes pa ni/ lo bcu

  118. 58b

    gcig pa la rlung ngo/ /bcu gnyis pa la me'o/ /bcu gsum pa la cha'o/ /bcu bzhi pa la sa ste bzhi'o/ /de bzhin du bco lnga pa la sgra'o/ /bcu drug pa la reg go /bcu bdun pa la ro'o/ /bco brgyad pa la gzugs so/ /bcu dgu pa la dri'o/ / nyi shu pa la chos kyi dbyings so/ /nyi shu lo 'das phyag rgya khro bo 'byung po lha min rigs te mchog tu 'jigs zhes bya ba ni/ 'dir lo nyi shu rtsa gcig nas brtsams nas lo so so la grangs ji lta ba bzhin du/ shin tu stobs ldan ma dang/ brtson 'grus mdza' yas ma dang/ yam b+hyi dang/ nga rgyal ma dang/ rengs byed ma dang/ 'od zer can dang/ skul byed ma dang/ khro gnyer ma dang/ lcags sgrog ma dang/ drag can ma ste/ khro bo'i rigs kyi lha mo bcu yin no/ /yang lo sum cu so gcig nas 'byung po'i rigs brgyad de/ rgan byad ma dang/ phag mo dang/ drag mo dang/ dbang mo dang/ tshangs ma dang/ dpal chen mo dang/ gzhon nu ma dang/ khyab 'jug ma'o/ /de bzhin du lo sum cu so dgu nas lha ma yin gyi rigs brgyad ni/ khyi gdong ma dang/ stag gdong ma dang/ spang gdong ma dang/ mkha' lding gdong ma dang/ 'ug gdong ma dang/ bya rgod gdong ma dang/ pho rog gdong ngo/ /de ltar na de rnams kyis ni mchog tu 'jig pa bskyed pa'i lha mo rnams yin pas/ dbang gi skabs su spang bar bya ba yin no/ /dbang gi don du drug dang bzhi ste/ zhes bya ba ni/ me'i khams nas chos kyi dbyings kyi khams kyi bar du ste bcu'o/ /rlung gi khams la ni rdul mi 'byung ba'i phyir gzung bar mi bya ste nges pa'o/ /sgo ma don gzhan zhes pa ni nyi shu rtsa gcig nas bzhi bcu drug gi bar la bde bar bsten pa'i don tsam yin no/ /'dir dbang gong ma gsum la dgos pa rnam pa gnyis te/ lam yongs su shes pa'i don du sems can rnams gzhug cing/ rgyud nyan pa la dbang bskur pa'i

  119. 59a

    don dang/ gzhan 'chad pa po byed cing slob dpon chen po'i gnas sbyin pa'i don to/ /de la re shig dang por dbang rnams la/ rnam par 'khrul pa'i skyon spangs la/ slob ma la dbang sbyin par bya'o/ /de ni gang zhig dpal ldan shes rab nu mar dang po reg pa de 'dir bum pa'i dbang/ zhes bya ba la thog mar gang zhig gis gzhon nu ma lo bcu gnyis lon pa yongs su smin par byas nas/ bla ma la dbul bar bya zhing/ de nas bla ma la gsol ba gdab par byas nas/ de'i rjes la bla ma mnyes pas 'jig rten pa'i kun rdzob kyi rang gi phyag rgya'i bkar 'dzin la reg par bya ste/ de ni bum pa'i dbang ngo/ /ri bong 'dzin pa myang dang lta ba dag ni gsang las gsang pa'i dbang du 'gyur zhes bya ba ni/ de nas gsang ba ma la mchod pa bya ste/ slob ma la bdud rtsi sbyin pa dang/ phyag rgya'i b+ha ga bstan par bya'o/ /de ni gsang ba'i dbang ngo/ shes rab ye shes dbang la rgyal ba rigs rnams kyis ni yan lag gdong rnams sbyang zhes bya ba ni/ las kyi phyag brgya'i gnas su ni oM la sogs pa'i sa bon gyi rigs lnga dang ldan par byas la/ de nas rgyal ba dag la dpang du gsol te/ bla mas slob ma la ni phyag rgya sbyin/ zhes bya ste/ lag bcangs dang gnyis gnyis 'khyud pa la sogs pa'i don du/ bla mas rgyal ba rdo rje sems dpa' la sogs pa dpang du bya ba ni/ ji ltar sems can gdul bar dka' ba 'di la/ sgom pa dang rgyud kun mnyan pa dang/ rang gi slob ma rnams la rgyud kun bstan pa dang/ dkyil 'khor bri ba la sogs pa'i don du yin gyi/ gzhan du 'jig rten pa'i bde ba tsam nyams su blang ba'i phyir ma yin no zhes gsal zhing yid kyi dbang du bya'o/ /dang por slob ma gzhug pa'i dbang gi nges pa'o/ /de bzhin du yon tan gnyis kyi bdag nyid sa bon gyi bde ba ni/ lha rnams kyi dgod pa dag pas slob dpon no/ /gsang ba ni yon tan

  120. 59b

    gsum gyi bdag nyid de/ lta ba dag pa yin pas so/ /lag changs dang gnyis gnyis 'khyud pa ni yon tan lnga'i bdag nyid kyi sa bon gyi bde ba lha rnams kyi rnam par dag pa yis so/ /de bas na 'jig rten kun rdzob tu/ sems can rnams gzhug pa'i don du/ dbang rnam bzhir nges so/ /de nas rgyud rnams kyi drang ba dang nges pa'i don shes par byas nas/ bdag po chen por bya ba'i don du rim pa ji lta ba bzhin du slob mas rig ma bcu bla ma la dbul bar bya zhing/ rig ma de dag kyang rtse ba'i rgyud las bcom ldan 'das kyi ji skad du/ tsha mo dang ni bu mo dang/ /sring mo de bzhin ma dang ni/ /chung ma 'am ni gang yin dang/ /de bzhin zhang po'i chung ma dang/ khu bo'i chung ma dag dang ni/ /de bzhin pha yi sring mo dang/ /rang gi ma yi nu mo dang/ /rang gi chung ma mchog gzugs can/ sgrol ma dang po chos dbyings mdza' / /rang rig las skyes rigs ma bcu/ /thar pa 'dod pa'i khyim pa yis/ /dbang gi dus su bla mar 'bul/ /gal te 'di rnams rigs bsrung phyir/ /rig ma bla mar mi 'bul na/ /de phyir dbang ni sbyin mi bya/ /dge slong dang ni dge tshul la/ /dmangs rigs la sogs gzhan rnams kyis/ dkyil 'khor la ni dbang bskur phyir/ /bla mas sbyin no mi dbang kye/ rlung sogs rim pas dmangs rigs la/ /rgyal rigs de bzhin bram ze mo/ /rje'i rigs rigs ngan nya pa dang/ gar mkhan de bzhin tshos ma dang/ ko spags ma dang gtum mo ste/ chos kyi dbyings kyi mdza' skyes bcu/ /spyod dang grol ba'i 'bras ster ma/ /rigs ma chen mos yang dag brjod/ /'di rnams spyod dang grol 'bras ster/ zhes gsungs so/ /de ltar gsungs pa'i rim pas pha rol tu phyin pa bcu dang/ dbang bcu dang/ sa bcu dang/ stobs bcu rnams te/ de rnams kyi rnam par dag pa'o/ /de bzhin du mchan yang dag par brjod pa las kyang/ sangs rgyas rnam par snang mdzad che/ zhes pa nas/ rnam bcu dbang ldan che ba po/ /zhes pas bstan no/ /de bas na

  121. 60a

    rang nyid dkyil 'khor chen po'i slob dpon du lhag par 'dod pas/ phyag rgya bcu 'bul bar bya ba ni de bzhin gshegs pa'i nges pa'o/ /de ltar bla ma la slob mas phyag rgya phul te/ de gnang ba stsal du gsol zhes gsol ba gdab par bya ste/ kye bcom ldan 'das pha rol tu phyin pa thams cad thob pas bdag gi da ci zhig bgyi zhes pa dang/ slob dpon gyis kyang rang gi chung ma 'di bcug nas gang yang rung ba gcig dang por gsol ba thob cig ces sgo bar bya'o/ /rnam par rtog pa che ba'i dge tshul lam/ dge slong la ni gtum mos bya bar bshad do/ /de nas bla mas de dag bzung nas gser la sogs pa'i maN+Dal byed du bcug te/ de nyid kyis 'di skad ces gsol ba gdab par bya ste/ sgrib pa thams cad rnam spangs pa'i dus kyi 'khor lo khyod phyag 'tshal/ /mchog tu mi 'gyur ba des gang ba'i/ /ye shes sku ste khyod phyag 'tshal stong nyid snying rje dbyer med pa/ /gang yang mi 'gyur byang chub sems/ /mgon po bdag la des bdag ni/ /di ring bka' drin gnang bar rigs/ bu dang chung ma sogs bcas pa/ /khyod la kun tu bdag bran mchi/ /byang chub snying po'i bar du ni/ /bdag la slob pa gzhan ma mchis/ /zhes gsal ba btab pa'i slob ma mthong ba dang/ /sgra rdo rje ma la rgyan kun gyis brgyan te/ gcer bur byas te 'khyud par byas la khyim pa rang gi sgyug mos bya'o/ /de bas rnal 'byor ma dgu po gcer bu skra grol ba lag na gri gug dang thod pa thogs par byas la/ shar du sgrol ma/ lhor gos dkar mo/ /byang du mA ma kI /nub du spyan ma mer reg rdo rje ma/ bden bral du ro rdo rje ma/ rlung du dri rdo ma/ dbang ldan du gzugs rdo rje ma dbus su me thu na bya'o/ /'di ltar dbang sngon ma rnams ni chu la sogs pa bdun yin la/ de las blang bar gyur pa'i dbang ni/ las kyi phyag rgya thun mongs pa gang yang rung ba gcig gi bya'o/ /

  122. 60b

    bla ma'i yang bla ma'i dbang ni sngon du brjod pa'i dbang rigs la sogs pa'i phyag rgya bcus bya'o/ /de yang dge slong dang ni dge tshul dang/ khyim pa yin te/ gsum rnams la/ /rim bzhin phyag rgya bcu dang drug /gcig ste khyim pa rnams la'o/ /zhes gsungs so/ /de nas bum pa'i dbang gi don du phyag rgya dbul bar bya ste/ de yang zhun ma gser gyi mdog 'dra rgyan rnams dang ldan bcu gnyis lo lan bu mo bzang/ zhes bya ba ni las kyi rgyal po bcu gnyis nas bzung nas nyi shu'i mdza' zhes bya bar ston to/ / shes rab thabs kyi bdag nyid ces bya ba ni/ 'chang bzhin lha'i rnal 'byor ro/ /rang gi rdo rje nor bus zhes pa ni gsang ba'i rdo rjes so/ /chags bcas 'dod pa zhes pa ni/ phyag rgya sngon du rdul ldan pa las/ gang gi nub mo rdul langs pa'i nub mo de la btsan zhes bya ba'i don to/ /slob ma dag par shes byas shes pa ni/ bla ma'i yang bla mar gyur pa'i dbang la'o/ /rang gi sa bon rdo rje yis ni kha ru 'phang/ zhes pa ni byang chub sems myang bar bya ba'i don du'o/ /phyi nas yang ni rang gi phyag rgya sbyin te zhes pa ni bla mas gdan du byas pa 'am/ slob ma rang gi gang yin pa de gtang par bya ba'o/ /gzhan yang 'dir bum pa'i dbang gi skabs su slob ma'i shes rab ma gang yin pa de la bla mas nu ma la reg par bya'o/ /gsang ba'i dbang slob ma'i shes rab kyi kha ru slob dpon gyi rdo rje dgod par bya'o/ /de yang slob ma dang gsang ba gnyis ka'i gdong g.yog par byas la/ bla mas shes rab ma'i sna zhib par bya ste/ de'i rjes la shes rab ye shes slob ma rang gi phyag rgya slob dpon chen po'i go 'phang thob par bya ba'i ched du slob ma la bla mas gtang cing/ de yang phyag rgya bcu'i nang nas gang 'dod pa de byin la/ mtshan mo phyed na chu tshod gnyis 'das pa dang/ nyi ma 'char kha'i bar du nyams su myong bar bya'o/ /de nas tshogs kyi 'khor lo'i

  123. 61a

    bya ba brtul la/ slob ma la bla ma sdom pa sbyin par bya ste/ 'dir gang khyad par gyi dga' ba'i mthar lhan cig skyes pa'i skad cig 'byung ngo/ /zhes gang ngas brjod pa de ni kun rdzob pa ste/ don dam par mi 'gyur pa'i don dam pa ni gang mi 'gyur ba'i bde ba de nyid yin par rnal 'byor pa rnams la gsungs so/ /de'i phyir bde ba chen po 'di khyod kyi bsrung bar byas la/ de bzhin du dang po'i sangs rgyas las kyang ji skad du/ /las kyi phyag rgya rab sbyor dang/ /ye shes phyag rgya rjes chags la/ /shin tu brtul zhugs brtan po yis/ /b+ha gar mtshan ma rab bkod de/ /byang chub sems ni mi spro bar/ /'jig rten khams ni ma lus par/ /sangs rgyas gzugs su sgom par bya/ /'di nyid bsrung bar byas pa yis/ / skye ba 'di ru sangs rgyas 'gyur/ /bsod nams ye shes dang ldan zhing/ /tshul khrims tshogs ni yang dag rdzogs/ /pha rol phyin pa bcu thob cing/ /yang dag sangs rgyas dus gsum gshegs/ /'di nyid rdzogs pa'i sangs rgyas te/ chos kyi 'khor lo rab tu bskor/ /'jig rten gsum gyi dbang phyug kyang ye shes 'di las gzhan na med/ /stong nyid snying rje dbyer med pa/ /bdag gzhan don ni rab bsgrub phyir/ /gal te bu kye skyod byed na/ /skyob pa kun gyi sdom pa'i bdag / sangs rgyas kun gyi byin gyis rlob/ /de nas yang dag byang chub thob/ /'on te 'dod chags zag byed cing/ /gtso bo'i mdun du blangs pa yi/ /sdom pa skyong bar mi byed na/ /de phyir khyod ni du 'bod 'gro /dman pa'i yid kyis skye gnas su/ /gal te byang chub sems zag na/ /phyag rgya'i sems shes rang gi lces/ /de'i pad+ma'i phyi rol blang/ /zhes pa de bar gshegs pas gsungs pa 'di slob ma la slob dpon gyis sdom pa byin no/ /slob mas kyang bla ma la yon phul la dkyil 'khor

  124. 61b

    byas nas gsol ba btab ste/ kye bcom ldan 'das dbang gi rab tu dbye ba'i bka' drin bdag la gnad par mdzod/ /ces bya bas gsol gdab po/ /de nas bla mas slob ma pos te/ skyes bu khyod nyon cig /dga' ba bcu drug gi mtshan nyid thams cad kyi bde ba thun mong ba khyod la bsnyan par bya'o/ /de yang phyag rgya yon tan dang ldan pas rtogs par 'gyur gyi/ gzhan las ma yin no/ /mtshan ngan gyi phyag rgya ma spangs par bya ba ni/ /dngang dang 'khrul pa'i sems shes pa ni/ /bla ma dngang zhing 'jig pa'o/ /don log par 'dzin pa ni 'khrul pa'o/ /g.yon gyi gya gyu byed pa'o/ /gzhan gyi dbang bskur zhes pa ni skyes bu gzhan la chags pa'o/ /nang can zhes pa ni gcod can no/ /bu btsas zhes pa ni bu btsas pa skye gnas yangs shing ba de ba mi 'byung la bde pa nyams pa'o/ /khro ba ni spro thud pa'o/ /khengs pas ni rigs la sogs pas nga rgyal ba'o/ /rdzas la zhen pa rngan pa 'dod pa ste/ smad 'tshong ma'o/ /mi bden pa ni brdzun du smra ba'o/ /brtsod ma ni 'thab mo dus rtag tu byed pa'o/ /ma dag pa ni mtshan nyid dang mi ldan pa'o/ /yan lag dman pa ni rkang lag dang mig la sogs pa ma tshang ba'o/ /skyon de rnams dang ldan pa'i phyag rgya ni shes rab ye shes kyi skabs su spang gi /gzhan gyis gnas skabs su mi spang ste/ rtsa ba'i ltung bar gsungs so/ /de bas na 'di ni bla ma dam pas spang bya mi dbang kye zhes bya'o/ /sangs rgyas bla ma la gus dam tshig 'dzin dang sngon du ji skad gsungs bzhin mchod/ /ces pa ni phyag rgya'i mtshan nyid skye ba'i lo nyi shu man chad pa rigs btsun la khyo med la/ mchod pa rnam pa mang bas mchod par bya zhes dgongs so/ /de la dga' ba bcu drug gi mtshan nyid ji lta ba skye ba'o/ /'gro ba bdag gi yid la 'dod chags 'khrug par byed cing rdzogs par son pa rdzogs pa'o/ /zhes bya ba la/ 'dir 'gro ba rnams mig gis bltas pas 'dod chags 'khrul

  125. 62a

    pa ni dga' ba dang po ste rdzogs pa zhes tshes lnga'o/ /de nas rgad pas zhu ba'i gnas skabs ni/ dpral ba na gnas pa'i byang chub sems zhu ba'i gnas skabs te/ shes rab ma la 'khyud pa yan chad bsdu zhing tshes bcu yan chad yin la/ dga' ba ni gnyis pa ste/ rdzogs pa gnyis yin no/ /ri bong 'dzin las zhu ste lus mchog las ni rdzogs 'bar thig le bzang po 'dzag /ces bya ba ni/ ri bong 'dzin pa ni byang chub sems yin la zhu ba ni g.yon pa'o/ /gang nas shes na/ lus mchog ces bya ba smos te/ spyi bo las 'khrig pa'i gnas skabs 'bar ba zhes bya ba'i dus su 'dzag pa ni dga' bral gsum pa yin te/ tshes bco lnga pa'o/ /oM ye shes spyan drangs byas ste/ zag pa'i thig le gsum mthar mchog gi bde ba ster zhes bya ba ni/ de ltar oM zhes bya ba thig le 'dzag pa'i gnas skabs yin la/ de yang lus ngag sems kyi thig le 'dzag pa'i mthar lhan cig skyes pa'i bde ba 'ba' zhig pa ni dga' ba bzhi pa yin te/ cha bcu drug gi bdag nyid can du shes par bya'o/ /de ltar na tshes gcig la sogs pa nas tshes lnga lnga'i bar ni/ nam mkha' dang/ rlung dang/ me dang/ chu dang/ sa'i rang bzhin ni dga' ba dang/ bzang po dang/ rgyal ba dang/ stod pa dang/ rdzogs pa'i ming gi a i ri u li/ a e ar o al/ ha ya ra wa la zhes bya ba'i dbyangs rnams kyi chos can rnams so/ /de ltar lnga pa'i rdzogs pa ni dga' ba'o/ /bcu pa'i rdzogs pa ni mchog dga' o/ /nya'i rdzogs pa ni dga' bral lo/ / cha bcu drug pa ni lhan cig skyes pa'i dga' ba ste/ rdzogs pa thams cad kyi khams yang dag par bsdus pa dang/ yang dag par tshogs pa dang/ mnyam pa dang/ 'dus pa dang/ sdom pa yin te/ 'di ltar byang chub sems chags pa ni dkar

  126. 62b

    po'i phyogs yin la/ chags bral ni nag po'i phyogs so/ /de bzhin du mtshan yang dag par brjod pa las kyang/ chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas brjod pa'i chos 'dzin pa/ zhes gsungs la/ gzhan yang/ rnam pa kun ldan rnam pa med/ bcu drug phyed phyed thig le can/ /yan lag med pa'i rtsis la 'das/ /bsam gtan bzhi pa'i rtse mo 'dzin/ ces gsungs te/ bcom ldan 'das kyis nges pa'o/ /da ni dga' ba bcu drug la sbyor ba bzhi brjod par bya ste/ 'dod dang zhes bya ba la sogs pa la/ 'dir sems can thams cad la/ bsad pa dang/ rmi lam dang/ gnyid 'thug po dang/ bzhi pa'i dbye bas lus ngag sems dang ye shes kyi sbyor ba'o/ /de dag kyang dga' ba la sogs pa'i dbye ba bcu drug ste/ de la 'dod pa zhes pa ni sku'i dga' ba'o/ /dga' zhes pa ni gsung gi dga' ba'o/ /'dar ba zhes pa ni thugs kyi dga' ba'o/ /mi 'gyur ba zhes pa ni ye shes kyi dga' ba ste/ de bas na de ltar sbyor ba bzhi po de ni gcig ces bya ba dga' bar gcig pa ste/ dang po'o/ /de bzhin du rdzogs pa zhes pa ni sku'i mchog dga' o/ /mchog dga' zhes pa ni dag gi mchog dga' o/ /skye ba zhes pa ni sems kyi mchog dga' o/ /dga' 'o nus pa zhes pa ni ye shes kyi mchog dga' o/ /gnyis pa'o/ zhes pa ni mchog dga' gnyis pa yin pa'i phyir ro/ /'bar dang zhes pa ni lus kyi dga' bral lo/ /dga' bral zhes pa ni dag gi dga' bral lo/ /brgyal zhes pa ni sems kyi dga' bral lo/ /thig le zhes pa ni ye shes kyi dga' bral te/ dga' ba gsum pa yin par sbyor ba gsum pa'o/ /oM zhes pa ni lus kyi lhan cig skyes dga' o/ /lhan cig skye dga' zhes pa ni dag gi lhan cig skyes dga' 'o/ /gnyis shes pa ni/

  127. 63a

    sems kyi lhan cig skyes dga' o/ /nA da zhes pa ni ye shes kyi lhan cig skyes dga' o/ /de ltar na sprul pa dang/ longs spyod rdzogs pa dang/ chos dang ngo bo nyid kyi sku'i dbye bas/ lus ngag yid ye shes rnam pa bzhi po re re la'ang bzhi bzhir rtogs par bya ste/ de ltar na dga' ba bcu drug tu 'gyur ro/ /dga' ba bcu drug gi mthar lhan cig skyes pa'i dga' ba skye ba ni nges pa'o/ /nga ni las kyi phyag rgya'i dga' ba brjod par bya ba'i phyir/ ma zhes bya ba la sogs pa smos te/ 'dir rgyud thams cad du ma la sogs pa'i phyag rgya rnams rnal 'byor pa rnams la chags par bya ba'i don du/ thun mong du gsungs la/ de yang byang chub kyi sems brtan par byas pa rnams la yin gyi/ gzhan rnams la ni ma yin no/ /gzhan dag la ni 'jig rten pa'i tha snyad kyis bud med rnams gnas skabs kyi dbye bas ma la sogs par bya'o/ /de yang 'dir gal te rnal 'byor pa dang po'i sems kyis bsams pas mar 'gyur ro/ /reg pa'i dus na sring mor bsams te/ cha ster ba'i phyir ro/ /rdo rje zhugs pa'i dus na bu mor bsams te yon tan 'jo bas so/ /snying rje dang bcas dga' ba ste/ bde ba 'dzag pas tsha mor bsam ste/ snying rje chen po g.yo ba'i phyir ro/ /thig le lhung na chung mar bsam ste/ bde ba rang las 'byung ba'i phyir ro/ /rnal 'byor ma la chags bral gzhan gyi rigs zhes bya ba ni/ gang byang chub sems bo na/ byang chub sems chags pa bral ba yin pas kha gzhan du lta zhing reg par mi byed pa'i phyir ro/ /gzhan rdol pa mo'i rigs su bsam mo/ /sa chu me rlung mkha' ste chad pa'i dngos po zhes bya ba la/ 'dir lus can kun gyi rgyud la byang chub sems g.yo ba na/ dang po sa'i khams 'khrug go /de nas chu 'khrug go /de nas me 'khrug go /de nas rlung 'khrug go /de nas nam mkha' i khams 'khrug go /de nas 'pho bar 'gyur ro/ /'dir zug?

  128. 63b

    rnal 'byor phyag rgya'o zhes pa ni/ de ltar g.yas g.yon gyi dkyil 'khor lnga lnga mdzad pa ste/ 'pho ba'i dus su ni ma la sogs pa rnam par dag par shes par bya zhing/ de nyid 'khor lo dang rna cha dang nor bu dang lag gdub dang ska rags dang thal ba ste/ rigs drug dag pas rnal 'byor pa rnams la mtshan mar brgyan par byas so/ /de bzhin du sbyin pa la sogs pa'i pha rol tu phyin pa drug kyang rnam par dag par nges pa'o/ /da ni sku la sogs pa'i phyag rgya gsum pa brjod par bya ba'i phyir/ padmor zhes bya ba la sogs pa smos te/ 'dir rgyud thams cad du gzhan drang ba'i phyir ro/ /dpral ba sku'i phyag rgya'o/ /mgrin pa gsung gi phyag rgya'o/ /snying ga thugs kyi phyag rgya'o/ /nges don du pad+mar rdo rje zhugs zhes bya ba ni/ rtag par rdo rje las su rung ba ste/ sku'i phyag rgya'o/ / me la rlung zhes pa ni rtsa dbu mar srog rlung zhugs pa gsung gi phyag rgya'o/ /thig le ma lhung ba ni thugs kyi phyag rgya'o/ /sku gsung thugs kyi phyag rgya zhes pa ni bstan pa de rnams so/ /rnal 'byor gsum po 'di zhes pa ni/ de ltar phyag rgya gsum du bstan pa de dag dbu mar ji lta ba bzhin du 'dus pa'o/ /bstan zhes pa ni slob ma rnams la'o/ /de'i rjes la chags dang chags med thog mdza' zhes bya ba ste/ chags pa ni dkar po'i phyogs te de'i mthar gyur pa'o/ /chags bral ni nag po ste/ de'i thog mar ro/ /gang de dag gi mthar cha bcu drug pa'i gnas su shes par byas la/ de yang mi 'dzag pa de srid du brjod do/ /der ni mchog gi dga' ba ster zhes bya ba ste phun sum tshogs pa thams cad ster zhes bya ba'i don to/ /rnal 'byor pas bgrod bzhi pa ni zhes pa ni/ gang yang bzhi pa de ni rnal 'byor pa rnams kyis rdzogs pa'i rnal 'byor pa'i yan lag drug gis bgrod par bya ba yin gyi gzhan du ni ma yin zhes bya ba'i don to/ /phyag rgya zhes pa ni rgyu lnga phyi kun tu 'jig rten las 'das pa'i phyag rgya yan lag drug

  129. 64a

    gis rtogs par bya ba'i don to/ /yum mchog ces pa ni lus can thams cad gnyis su med pa'i ye shes sgrub par mdzad pa'i phyir ro/ /rnam bcur 'gyur zhes pa ni du ba la sogs pa'i dbye bas sbyin pa la sogs pa pha rol tu phyin pa bcu'o/ /dpal ldan bla ma'i zhes pa ni de lta bu'i bzhi pa'i yon tan kun gyi 'byung gnas bla ma rdo rje sems dpa' i zhal nas rtogs par bya'o/ /gzhan yang bzhi pa gang yin pa de ni ngo bo nyid kyi chos can ma la zhes bya ba ste nges pa'i don to// de ltar slob ma la dbang phyug dang phyag rgya'i mtshan nyid legs par bstan nas/ tshogs kyi 'khor lo gyis shig pa'i nges pa byin la/ rigs kyi lha mo sum cu rtsa drug spyan drang zhing/ de nyid kyi nyin par gzhon nu ma rdo rje'i mdas ma rmas pa bcu la/ 'o thug dang zas mngar ba la sogs pas tshim par byas la yon phul la gtang ngo/ /de nas chu tshod bdun la bab pa na/ sangs rgyas gtsor byas pa'i dge slong gi dge 'dun sde gnyis spyan drangs la/ kha na ma tho ba med pa'i mngar ba'i gsol zas kyi mnyes par byas la/ yon phul te slar 'phags pa'i dge 'dun gtsug lag khang du gshegs su gsol lo/ /de nas skye bo med cing bug pa med pa'i khyim du tshogs kyi 'khor lo'i cho ga la/ dpa' bo dang dpa' mo'i dbang phyug ma rnams kyi gnas tsam par bya ste/ 'dir ji ltar nus pa rjes su mthun par shes rab dang thabs kyi bdag nyid kyi bla ma gtso bo bzhugs su gsol lo/ /phyogs kyi mtshams bzhi la rnal 'byor ma bzhi po dbus su gdol pa mo'o/ / shar du dmangs rigs ma'o/ /lhor rgyal rigs ma'o/ /byang du bram ze mo'o/ /nub tu rje'u rigs ma ste/ tshogs kyi gtso bo ni lnga'i bdag nyid do/ /'di rnams kyi gdan ni mi'i pags pa dang/ khyi'i pags pa dang/ rta'i pags pa dang/

  130. 64b

    ba lang gi pags pa dang/ glang po che'i pags pa'o/ /de nas phyogs ma yin pa la gnyis su ni dbang ldan du dri chu'i snod/ rlung du dri chen gyi snod/ bden bral du khrag gi snod/ mer glang pa'i snod do/ /de nas gnyis pa thugs kyi 'khor lo'i gnas ni yongs su bskor ba yin la/ /de'i shar du khar ba mkhan ma/ lhor shing 'dzeg ma/ byang du nor bu mkhan ma/ nub tu drag can ma/ mer phreng ba mkhan ma/ bden bral du chang 'tshong ma/ /dbang ldan du gser mkhan ma/ rlung du phreng brgyud ma ste/ rnal 'byor ma brgyad do/ /'di rnams kyi gdan ni grangs ji lta bas/ 'ug pags dang/ 'brog gi khyi'i pags pa dang/ rnga mo'i pags pa dang/ seng ge'i pags pa dang/ ra'i pags pa dang/ ri dags kyi pags pa dang/ bong bu'i pags pa dang/ phag gi pags pa'o/ /de nas gsum pa gsung gi 'khor lo'i kun nas bskor ba la shar du sha 'tshong ma/ mer rdza mkhan ma/ lhor g.yos mkhan ma/ bden bral du smad 'tshong ma/ nub tu srubs mkhan ma/ rlung du nya pa ma/ byang du dkar rtsis mkhan ma/ dbang ldan du chos mkhan ma ste/ rnal 'byor ma brgyad do/ /'di rnams kyi gdan ni chu srin gyi pags pa dang/ mgron bu'i gzhug ma dang/ sbal pa'i gzhug ma dang/ nya skam dang/ chu srin gyis pa gsod kyi pags pa dang/ sbal pa'i pags pa dang/ rus sbal gyi khog pa dang/ dung ste grangs ji lta bas so/ /de nas bzhi pa sku'i dkyil 'khor gyi shar du lcags mkhan ma/ lhor rgya skyegs byed ma/ nub tu srin bal mkhan ma/ byang du til mkhan ma/ mer smyug ma mkhan ma/ bden bral du shing mkhan ma/ rlung du rko lpags mkhan ma/ dbang ldan du 'breg mkhan ma ste rnal 'byor ma brgyad do/ /'di rnams kyi gdan ni/ bse'i pags pa dang/ stag lpags dang/ dom lpags dang/ ne'u le'i

  131. 65a

    pags pa dang/ g.yag gi pags pa dang/ lce spyang gi pags pa dang/ sram lpags dang/ byi la'i pags pa dang/ de nas lnga pa dur khrod kyi kun zlum po'o/ /shar du kla klo ma/ lhor lhog zan ma/ nub tu gtum mo// byang du stag gzigs ma/ me ru smyon thabs ma/ bden bral du ro bsregs ma/ /rlung du ba lang rdzi ma/ dbang ldan du ri khrod ma ste brgyad do/ /'di rnams kyi gdan ni rta sprul gyi pags pa dang/ byi pa'i pags pa dang/ mgo dkar gyi pags pa dang/ spre'u'i pags pa dang/ ri bong gi pags pa dang/ sha khyi'i lpags pa dang/ e shu ka'i lpags pa dang/ rtsangs pa'i lpags pa'o/ /lpags pa 'di rnams med na/ shar nas mer gyi khyi phag /lho nas bden bral du rta pags/ nub nas rlung du glang po che'i pags pa/ byang dang dbang ldan du ba glang gi pags pa/ dbus su mi'i pags pa'o/ /de ltar gdan rnams phul nas rnal 'byor ma rnams bzhugs su gsol/ bags pa 'di rnams kyang dbul te/ de bzhin du sder rnams ni shar dang mer nya phyis so/ /lho dang bden bral du na li ka ra'o/ /nub dang rlung du kham phor ro/ /byang dang dbang ldan du mi thod do/ /dbus su shing gi snod do/ /de nas chang la sogs pa dang/ bza' bca' dang mar me la sogs pa 'chang bzhin pa rnam pa bcu phul la/ de nas maN+Dal byas la yon chab la sogs pa byin te/ las kyi rdo rje dang bcas pa'i slob mas de ltar mchod rdzas rnams ba sogs te/ tshogs kyi 'khor lo'i gnas nas ye shes kyi nges pa'o/ /de nas me thu na'i sbyor thabs bya ba ni de bzhin gshegs pa'i nges pa'o/ /'jig rten kun rdzob kyi dbang bdun pa dang zhes pa ni/ chu nas rjes su gnang ba'o/ /gsum pa ste zhes pa ni/ bum pa dang gsang ba dang/ shes rab ye shes so/ /de bas na bcu pa'o/ /bzhi pa ni bzhi

  132. 65b

    pa slar yang de bzhin te zhes pa ni bum pa dang gsad pa dang/ shes rab ye shes dang/ de'i rjes su sbyin par bya ba yin pas bzhi pa ste/ de bas na 'jig rten las 'das pa'i dbang bzhi pa zhes bya'o/ /bzhi pa ni shes rab ye shes kyi dbang gsum par mi 'gyur te/ zhes bya ba ni ci'i phyir zhe na/ gsum pa las tha dad par bzhi pa zhes gsungs pa'i phyir ro/ /bzhi pa ni shes rab ye shes yin te zhes bya ba ni/ shes rab ye shes chen po yin te zhes bya ba'i don to/ /slar yang de bzhin te zhes gsungs pa'i phyir ro/ /zhes bya ba ni nu ma dang skrar ldan pa la brten du/ bzhi pa 'di yang slar phyag rgya chen po la brten pa 'am/ yang na gsum pa yongs su rdzogs nas/ bzhi pa yongs su rdzogs par 'dod pa de'i tshe/ sngon gyi/ gsum pa la sogs pa yang slar bzla ste/ de'i rjes la gnang ba sbyin par bya ba yin pas/ de'i phyir gsungs pa'i phyir ro/ /zhes bya ba'i don to/ /de bas na gsum pa nyid ni bzhi pa ma yin no/ /de yang bcom ldan 'das kyis bsdus pa'i rgyud 'di nyid las gsungs pa/ gzhan yang bdud rtsi myang dang rnam par lta ba gang/ shes rab sbyangs las skad cig bzhi par bdud rtsi'i 'pho ste byang chub sems zhu gang/ zhes gsungs te/ 'dir shes rab ces bya ba la sogs pa la/ gang blta ba dang/ dgod pa dang/ lag bcangs dang/ gnyis 'khyud pa zhes bya ba dang/ dbang rnam pa bzhi ste/ slob dpon dang/ gsang ba dang/ shes rab ye shes dang/ bzhi pa slar yang de bzhin no zhes gsungs pa la/ de bzhin du gsang ba 'dus pa la sogs par yang/ bum pa la sogs pa'i dbang slob dpon du gsungs pa de ni kun rdzob pa ste de kho na nyid ma yin no/ /de yang dbang bskur na ni de nyid bshad ces gsungs pa'i phyir yang/ dgod pa dang/ lta ba dang/ lag

  133. 66a

    bcangs dang gnyis gnyis sbyor ba zhes bya ba'i rnam bzhi ni gnyis su med par mi 'gyur te/ 'di de kho na nyid de gnyis su med pa ste/ las kyi phyag rgya'i rgyus 'byung ba ni gnyis su med pa'i ye shes su mi 'gyur ro/ / de bas na shes rab nub ma gang la reg pa bum pa'i dbang ngo/ /gzhan yang bdud rtsi myong dang rnam par lta ba ni gsang ba'i dbang ngo/ /skad cig bzhi par bdud rtsi 'pho ste/ byang chub sems zhu ba ni shes rab ye shes su gang gsungs pa de ni byis pa rnams gzhug pa yin pas de bas na/ de dag thams cad 'jig rten par nges thugs rje mchog gi lam gyi rgyu ru bstan/ zhes gsungs so/ /gzhan yang 'jig rten las 'das pa'i dbang ni/ rgyal ba mchog gi phyag rgya bzang la sbyar ba gang ni/ 'jig rten las 'das dbang/ zhes gsungs te/ rgyal ba mchog ni mi bskyod pa la sogs pa yin la/ de rnams kyi bdag po ni rdo rje sems dpa' o/ /de'i phyag rgya bzang mo ni rnam pa kun gyi mchog dang ldan pa'i shes rab kyi pha rol tu phyin pa dus gsum gyi sangs rgyas thams cad bskyed par mdzad ma yin la/ de nyid la snyoms par 'jug pa ni 'jig rten las 'das pa'i dbang zhes bya ste/ 'jig rten las 'das pa'i dbang yin pa de ni/ sems ni dri ma dang bcas las kyi phyag rgya dang brtags pa yi ye shes kyi phyag rgya spangs zhes pa ni/ nyan thos dang rang rgyal ba las gzhan pa gang yin pa de nyid la/ de yang mi bskyod pa la sogs pa'i ngo bo nyid yin no/ /skyed ma zhes pa ni mi bskyod pa la sogs pa bskyed par mdzad pa gang yin pa'o/ / de nyid phyag rgya bzang mo ste/ rdzogs pa'i byang chub rgyu ru bsgom par zhes bya ba'i don to/ /de nyid kyi nyon mongs pa mdza' dag brtsad nas 'don zhing gos pa med par mdzad pa dang/ 'gyur ba med par mdzad pa dang/ ma rig pa'i mun pa mun gnag

  134. 66b

    smag tu gyur pa thams cad 'joms shing/ gzhan yang de nyid ni nam mkha' lta bu kun tu khyab pa yin te/ /skye bo rnams kyi rang bzhin dbang du gnas pa zhes bya'o/ /yang nam mkha' gos pa mi mnga' ba'i tshul du 'gro ba kun la gnas pas mkha' mnyam zhes bya'o/ /de nyid kho na thar pa 'dod pa rnams kyi don du gnyer bar bya ba yin pas/ rnal 'byor gyis ni bgrod ces bya ba'o/ /gzhan yang lus la gnas zhes bya ba ni thig le bzhi la sogs par lus can thams cad kyi lus la gnas pa'o/ /ye shes gzi brjid ces pa ni de ltar gnas pa'i thig le bzhi la sogs pa yang/ nam mkha' las byung dang byung ba/ zhes bya ba'i mes gzhu zhing bsregs na/ srid pa'i sdig 'phrog ces bya ste/ srid pa'i sdig pa ni thig le bzhi phyir 'pho ba yin la/ nam mkha' las byung rang byung mes/ phyis 'pho ba rgyud bcad pa ni/ sdig 'phrog pa zhes bya'o/ /dus kyi 'khor los rig ces bya ba ni/ dus kyi 'khor lo'i rnal 'byor rjes su rigs pas so/ /sems kyi snang ba tsam ste zhes bya ba ni/ gang gi dus su du ba la sogs pa lta bur mthong ba de dag sems yongs su gyur pa'i rnam par rtog par bya'o/ /de bas na rang gi yid la skyes zhes kyang bya'o/ /gzhan yang dngos po thams cad sgyu ma'i dpe brgyad dam/ bcu gnyis ltar rtogs shing shes par bya ba ste/ spyod lam la sogs pa'i dus su'o/ /gzhan du ni gzhan du rtog par bya zhes pa'i don to/ /rgyal ba'i sras rnams dang ni sangs rgyas kyis/ sten rnal 'byor dbang pos bsten par bya zhes pa ni 'jig rten pa'i dper bya ba las 'das pa'i shes rab kyi pha rol tu phyin pa gang yin pa de ni rgyal ba'i sras te dus gsum gyi byang chub sems dpa' rnams dang/ dus gsum gyi sangs rgyas rnams kyi bsten cing rim gro mdzad pa ste rnal 'byor dbang po khyed kyis kyang 'bad pa kun gyis dus thams cad du sten cig ces gdams pa'o/ /ye shes snang ba rab tu rgyas pas zhes

  135. 67a

    bya ba ni ye shes kyi me rab tu rgyan na'o/ /bdud dpung yul bcas ma lus shes pa ni/ lha'i bu la sogs pa bzhi yin la/ de yang nges pa'i don du thig le bzhi phyir dor ba bdud du rtogs par bya zhing bdud de dag sreg pa ni/ nam mkha' las byung rang byung ba'i tshangs pa'i mes sreg par spyod la/ brtag pa dang bcas pa'i mes bsregs par nus par ma gsungs so/ /'dod chags la sogs mnyam pa de zhes bya ba ni/ mi 'gyur ba'i thig le bde ba/ las kyi phyag rgya dang ye shes kyi phyag rgya dman pa'i bde pa'o/ /rnal 'byor pa la zhes pa ni/ shes rab chen po dang/ snyoms par 'jug pa'i rnal 'byor pa la'o/ /ster ba ni thob par 'gyur ba'o/ /rnal 'byor las so zhes bya ba ni/ lo gsum dang zla ba phyed dang gnyis kyi rlung gi rgyu ba rgyun gcod par byed cing mi 'gyur ba'i ster zhes bya'o/ /shes rab ye shes de nyid gang ci lta bu zhig snyam pa la/ shes rab ye shes de ni rnam bcur 'gyur ba'i sems de ni snang ba'o zhes bya ba smos te/ 'dir shes rab ye shes ni 'dzin pa'i sems yin la/ rnam bcur 'gyur zhes pa ni gzung bya du ba la sogs pa'o/ /snang ba ni 'dzin pa'i sems la du ba la sogs pa snang ba'o/ /dri bul zla 'od lta bu zhes pa ni/ sems nas par rtog pa'i dri ma dang bral bar byas nas/ nam mkha' ltar gnas na zla ba dang 'od ltar/ brtags mkha' snang la sogs pa 'am/ yang na zla ba dang 'od ltar dbyer mi phyed pa'i bde ba yin la/ dbang 'dir gang zhig zhugs pa nyid/ ces pa ni de 'dra bar rtogs shing skye bar 'gyur ba'i dbang 'dir zhugs pa ste/ gzung bya'i yul las ldog par byed pa/ yan lag drug gi sbyor ba so sor sdud dang bsam gtan dang/ srog rtsol de bzhin 'dzin pa dang/ /rjes su dran dang ting 'dzin rnams zhes bya bar zhugs

  136. 67b

    pa'o/ /de'i stobs kyi de nas mi 'dzag pa'i lhan cig skyes pa mi 'gyur zhes bya ba stong pa nyid dang/ snying rje mi phyed pa'i bde ba 'dzag pa mi mnga' ba'i lhan cig skyes pa 'byung la stong nyid snying rje la mi gnas pa gnas pa gang yin pa de kho na bzhi pa zhes kyang bya'o/ /gzhan yang byis pa dang dar ma dang rgan por gyur pa ni/ 'gyur ba dang bar chad can gyi bde ba dper bya ba yin la/ bzhi pa gang yin pa de ni/ 'jig rten gsum gyi dper bya ba las 'das pa yin no/ /de nyid khams gsum gyi spyod pa las grol ba yin no/ /gang las sangs rgyas zhal 'di kha dang snying kha la gnas nas zhes bya ba ni/ sangs rgyas kyis gsungs te/ gsung gi ye shes 'di zhes bya ba'o/ /thugs la gnas zhes bya ba ni bsgoms shing nyams su myong ba'o/ /gsung la gnas zhes bya ba ni/ slob dpon des slob ma rnams la spyod pa'o/ /de yang dus thams cad du nyams su myong zhing ston par 'gyur ba rnams gang yin pa de/ dpal ldan bla ma de zhes bya ste/ rdo rje sems dpa' dang mtshungs zhes pa'i don to/ / nga ni rang gi sems snang ba la 'jug pa brjod par bya ba'i phyir/ nam mkha' zhes bya ba la sogs pa la/ de la 'dir sbyor ba goms pa ni rnam pa gnyis te/ pha rol tu phyin pa'i theg pa dang/ sngags kyi theg pa'o/ /de la pha rol tu phyin pa'i theg pa'i sbyor ba goms pa ni bla gab med pa'o/ /sngags kyi theg pa'i gang rnal 'byor tu byed pa ste/ de nyid nam mkha' kun ces bya ba la sogs pas bstan cing/ nam mkhar du ba la sogs pa'i rtags la blta'o/ /mig mi 'dzum par rdo rje lam la rab tu zhugs zhes bya ba ni/ mig mi 'dzum pa'i lha'i spyan gyi rtags yin la/ rdo rje'i lam ni a ba d+hU tir srog 'jug pa'o/ /de bas nam mkha' kun shes sems kyi rdo rje pham la rab tu zhugs zhes bya'o/ /stong la du ba smig

  137. 68a

    rgyu gsal ba dri ma med pa'i khyer me nyid/ ces bya ba ni rnal 'byor pas mthong bar 'gyur ba'o/ /de nas sprin dang bral ba'i nam mkha' ltar mthong ngo/ /nam mkha' de las nam mkha' las byung rang byung ba/ /shes rab ye shes me bo che/ /zhes bya ba la/ sprin med pa'i nam mkha' de nyid la 'bar ba lta bur mthong ba dang/ de bzhin du/ 'od chen rnam par snang bar byed/ /ye shes snang ba lam me ba/ /zhes bya ba zla ba'i snang ba dang/ / 'gro ba'i mar me zhes bya ba nyi ma'i snang ba dang/ ye shes sgron ma zhes bya ba sgra gcan gyi snang ba dang/ gzi brjid chen po 'od gsal ba zhes bya ba ni glog gi snang ba dang/ sngags mchog sngags bdag rigs sngags rgyal/ zhes bya ba ste/ thig ler snang ba ste mtshan ma bcu'o/ /de rnams ni gsang ba 'dus pa dang/ mtshan yang dag par brjod pa las kyang gsungs so/ /de'i rjes la gsang sngags rgyal po don chen byed ces bya ba/ bum pa dang snam bu la sogs pa thams cad kyi mchog dang 'dra ba yin no/ /de dbus zhes bya ba ni thig le de'i dbus so/ /sangs rgyas gzugs brnyan shin tu yul bral zhes bya ba ni/ rdzas kyi ngo bo rtags pa med pa'i phyir te/ de nyid longs spyod rdzogs pa'i sku 'dod pa'i yon tan lnga la mi smon pa'o/ /de ltar gzugs kyi sbyor ba des gzhom du med pa'i sgra gang yin pa de yang yin te/ de gang gzugs rnams mthong ba'i sprul sku yin te gzugs su snang ba'i phyir ro/ /dgra gzhom du med par snang ba ni/ longs spyod rdzogs pa'i sku zhes bya ba'i don to/ /yang rnal 'byor rtse gcig pa yin na nam mkha' i sprin bral la ni khebs pas lta bar bya zhes bya ba ste/ rtags mthong bar 'dod pa rnams kyis snga dro'am phyi dro rgyab nyi ma la bstan cing/ gang gi mig la gnod pa de ltar mi

  138. 68b

    bya'o/ /nang du phyogs pa rnams kyis ni/ /ji srid nges par ri mo nag po dri med gsal ba dus kyi rtsa ru mthong/ zhes bya ba dus kyi rtsa ni a pa d+hU tI yin la/ de'i dbus su ri mo nag po skra'i nyag ma'i tshad tsam dri ma gzhan gyis ma 'dres pa/ 'od zer lnga dang ldan pa mthong ba ste/ bde bar gshegs pa lnga'i rang bzhin yin pa'i phyir ro/ /de la thams cad mkhyen pa'i gzugs shes bya ba ni/ khams gsum ma lus pa sangs rgyas kyi gzugs te bde ba chen po'i gzugs mthong ba'o/ /chu nang nyi ma rtogs bral zhes pa ni/ bde ba chen po'i sku yin pas nyon mongs pa mdza' dag spangs pa'i phyir ro/ /sna tshogs mdog ces bya ba ni de'i stobs kyis du ba la sogs pa'i mdog sna tshogs pa mthong ba'o/ /rnam pa kun ldan yul bral bdag gi sems te gzhan gyi sems ni min pa nyid ces bya ba ni/ de ltar bum pa dang shing rta la sogs pa'i rnam pa thams cad sangs rgyas kyis sku zhes bya ba de kun dang ldan pa mthong ba de yang gang dang gang rnal 'byor sbyor ba de dang ldan pas mthong gi /rnal 'byor dang bral ba gzhan gyis mi mthong zhes bya ba 'am/ yang na stong pa nyid kyi ting nge 'dzin gang la gnas nas gzugs la sogs pa mthong ba de ni gzhan te/ bdag la sogs pa'i dngos po mthong ba mdza' yin gyi/ bdag nyid snang ba mthong ba zhes bya ba 'am/ yang na gzhan ma mthong ste/ rang gis rang gi sems rtog pa zhes bya ba'i don to/ /de yang 'dir dang por sha'i mig gis rang gis sems kyi snang ba ste/ de bzhin gshegs pa de lta bu mthong ngo// de nas lha la sogs pa'i mig gis bdag gi sems shes pa 'am mthong ba zhes bya'o/ /de bas na chos yang dag par sdud pa las kyang/ /bcom ldan 'das kyis mig sngar bshad do/ /de ltar rim pas sha'i mig dang/ lha'i mig dang sangs rgyas kyi

  139. 69a

    spyan dang/ shes rab kyi spyan dang/ ye shes kyi spyan te/ de rnams ting nge 'dzin gyi stobs kyi 'byung zhing/ de'i rjes la thams cad mkhyen pa'i rang bzhin gyis mi shes pa dang mi mthong ba'i dngos po rdul tsam yang yod pa ma yin no/ /bde ba chen po rgyas par bya ba'i phyir/ srog dang rtsol ba brtan pa mi gzugs mthong nas ni nyin cig bzhin du dus su srog gi rlung ni dgag par bya/ zhes bya bas bstan te/ srog dang rtsol ba yang bla ma'i man ngag las rtogs par bya ste/ das ni rlung dgag par bstan no/ /tshad gsum pa ji srid nges par bdag gi lus la 'od kyi 'khor los yongs bskor yid mthong ba zhes bya ba bdag gis shes pa la mgal me'i 'khor lo bskor ba lta bu mthong ba na spang bar bya zhes bya ba'i don to// gzhan du na dus ma yin par 'chi bar 'gyur ro/ /srog dang rtsol ba'i dus su bde ba spel ba'i phyir/ 'ga' 'dza' na zhes bya bar du/ rgyal mtshan rab tu bkod byas la/ yid 'ong lha mor ba bsam zhing/ /de la kun tu snyoms 'jug bya/ / nges par bde chen rgyas par 'gyur/ /so sor sdud pa goms yin na/ /de ni bya ba ma yin te/ /nyams pa'i gnas su 'gyur zhes gsungs/ zhes gsungs pa yin te/ gang yang gdams ngag de ni bla ma dam pa las/ dpa' bo'i ston mo 'am tshogs kyi mchod pa sngon du 'gro bar bya zhing gsang ba ma lo nyi shu ma sngon du smin par bya ste/ slob dpon la phul te rtog par bya'o/ /de bzhin gshegs pa'i nges pa'o/ /ma rtogs pa gzhan du tshig tsam gyis rtogs par byed pa gang yin pa nyams pa'i gnas su 'gyur zhing dngos grub 'byung bar mi 'gyur te/ bdud la sogs pas kyang bar du gcod par 'gyur ro/ /rtsol ldan rnams la zla ba drug gi reg pa dang bral ba zhes bya ba/ lo phyed rgyun ma chad par gnas na reg pa dang bral zhes bya

  140. 69b

    ba/ dngos po gnyis kyi spyod pa las byung ba dang brel ba ste/ mi dgos zhes bya'o/ /bde mnyam zhes bya ba ni mi 'gyur bar yang gnas shes bya ba yin la/ de yis lam du 'gyur zhes bya ste/ de ltar brjod pa'i ting nge 'dzin gyis gnyis su med pa'i ye shes kyi lam du 'gyur zhes bya ba'i don to/ /rtsol ldan rnams la zhes bya ba ni/ las dang po pa'i tshangs par spyod pa rnams la'o/ /de'i rjes la skad cig gcig la mngon par rdzogs par byang chub pa'i mtshan nyid ni/ chags dang chags bral mdza' sogs zhes bya ba gsungs te/ de la chags pa ni dkar po'i phyogs yin la de'i mdza' ni cha bcu drug pa yin no/ /chags bral ni nag po'i phyogs te/ de'i thog mar gnas pa nag po'i phyogs pa nyid mngon par byang chub pa'i dus la mtshan nyid yin zhing/ de yang skad cig ces pa ni dbugs yin la grangs spel zhes pa ni/ bde ba'i skad cig la sum stong drug brgyar gnas nas su bkag pa'i grangs spel zhes pa'i don to/ /de yang rdo rje nor bu'i rtse mo nas gsang pa'i bar du sum stong drug brgya dang/ de nas sprul pa dang/ chos dang longs spyod rdzogs pa dang bde ba chen po dang/ gtsug tor du ste sa bzhi dang/ drug dang brgyad dang/ sa bcur 'gyur zhing/ gtsug tor du sa bcu gnyis te srog ma lus pa zad pa'i phyir ro/ /de bas na oMDDa 'bar ba'i dbus ni/ gsang bar gnas pa'o/ /dga' bral lhan cig skyes pa zhes pa ni lte bar ro/ /gnyid dang brgyal ba'i dbus zhes pa ni snying gar ro/ /shes dang rnam shes dbus shes pa ni mgrin par ro/ /de bas na lus ngag yid ye shes kyi thig le'i gzugs kyi 'ong ba ni/ gang yang gnyis sprod pa dang dpral ba nas/ byang chub sems kyi thig le'i bde ba nor bur 'ongs pa 'phel bar bya ba ste/ steng du btang bar bya zhes bya ba'o

  141. 70a

    don to/ /bla ma'i nges pa'i dbang gis zhes pa/ sngon gsungs pa'i srog 'gog pas 'phel bar 'gyur ba ste/ bla ma'i dbang gis so/ /'phel ba ni dpral ba'i bar du'o/ /nyon mongs bdud ni bcom nas rgyal ba'i go 'phangs la gnas zhes bya ba ni/ g.yas pa dang g.yon gyi rgyu ba bdud yin la/ rgyu ba de bkag pa la bcom pa zhes bya'o/ /rgyal ba'i go 'phang la gnas zhes bya ba ni/ stong pa nyid la gnas na'o/ /los zhes pa ni lo gsum dang/ zla ba phyed dang gnyis kyi rnal 'byor te/ bye ba phrag bzhi dang sum 'bum gyi lhag pa'i sa ya phrag gnyis skyes bu tshe lo brgya pa'i rtsa dbu ma'i dbugs su shes par bya ste/ de bas na lo zhes bya'o/ /de bas na bum pa tsam gyis sbyor ba bde ba chen po'i skrad cig skyed cing 'phel bar bya ba ni nges pa'o/ /da ni gzugs kyi mtshan nyid brjod par bya ba'i phyir/ sa zhes bya ba la sogs smos te/ 'dir stong pa nyid du snang ba ni/ rdzas su med pa'i phyir ro/ /sa'i rnam par snang yang zhes bya ba na/ gzugs bcu la sogs pa 'am/ yang na gang cung zad snang ba des sa chu me rlung gi dngos po gung na yod pa ma yin zhes su dgongs so/ /de bas na brlan pa'i chu gzugs ni smig rgyu ste chu ma yin no/ /me'i rnam par snang yang zhes pa ni nyi ma'i snang ba la sogs pa ste/ me la sogs pa ma yin no/ /g.yo ba rlung gi sku yang zhes pa ni/ dngos po rnams g.yo bar mthong yang g.yo ba rlung ma yin no/ /de ci'i phyir zhe na/ rdzas su grub pa med pa'i phyir ro/ /'o na snang ba dngos po rnams stong pa yin na ji ltar mthong zhe na/ stong pa yin yang mthong ste zhes bya ba/ snang ba'i dngos po rnams sgyu ma 'am/ rmi lam mam/ dri za'i grong khyer ltar mthong gi /dngos po rnams snying po dang

  142. 70b

    ldan par ni 'ga' yang ma mthong ngo/ /de bas na dkar sngo sna tshogs par yang snang/ rdzas su med pa'i phyir kha dog ma yin no/ /de ltar na dngos po rnams bzod ma nas ngo bo nyid kyi stong pa'i snying po dang bral ba'i snying po can rnam pa kun gyi mchog dang ldan pa yin na yang/ thams cad du byis pa'i skye bo rnams kyis mthong ba med de/ gang gi phyir zhe na rang sems dri ma nyon mongs bdud kyi stobs zhes bya ba g.yas g.yon gyi rtsa srog kun tu spyod pa ma 'gags pa'i bdud de'i stobs kyi ma mthong ba ni nges pa'o/ / da ni srog la sogs pa 'gro ba'i rtsa'i gnas brjod par bya ste/ sgra zhes bya ba la sogs pa smos te/ 'dir sgra zhes pa ni snying ga'i sems kyi thig le nyid 'thug po bskyed pa'i ngo bo'o/ /thig le zhes pa ni dpral bar lus kyi thig le sang pa'i gnas skabs bskyed pa'o/ /cha zhes pa ni mgrin par ngag gi thig le rmi lam bskyed pa'o/ /ye shes zhes pa ni lte bar ye shes kyi thig le bzhi pa bskyed pa'o/ /bdud rtsi go 'phangs la gnas lu gu rgyud bcings rtsa zhes pa ni bdud rtsi go 'phangs ni dpral ba yin la/ gnas zhes bya ba ni la la nA dang/ ras nA dang/ a ba d+hU tI'o/ /lu gu rgyud bcings zhes pa rtsa gsum po de lte ba dang snying ga'i dbus su lan gsum du byas nas te/ slar yang a ba d+hU tI'i snying ga la sogs pa'i ze 'bru'i gnas phug nas 'gro la/ la la nA dang ra sa nA ni g.yas g.yon gyi pad+ma'i kun tu spyod pa'i dbang gi 'gro'o/ /de nas yang snying ga dang/ mgrin pa'i dbus nas lan gsum nas 'gro'o/ /de bzhin du dpral ba dang/ mgrin pa'i dbus nas/ gtsug tor dang/ dpral ba'i dbus su lan gsum ste/ de ltar lan gsum gsum du byas nas/ la la nA ni g.yon pa'i sna bug nas 'gro la/ ra sa nA ni g.yas nas 'gro zhing/ a ba d+hU tI ni gcig car

  143. 71a

    sna bug gnyis ka nas 'byung bar byed do/ /thur sel zhes pa ni lte ba'i 'og tu yang de bzhin du 'gro zhes bya ba'i don to/ /srog dang thur sel lam gsum zhes pa ni/ steng du g.yas g.yon dbus dang gsum yin la/ 'og tu dri chen dri chu sa bon gyi lam gsum mo/ /rdo rje pad+mar bcas zhes pa ni/ bud med rnams kyi skye gnas dang/ rgyu 'thun pa'i rang bzhin yin pa'i phyir ro/ /pad+ma nyid ni rdo rje ldan zhes pa ni rang bzhin gyis phyir ro/ / rlung gnyis 'dom pa dag gi dbus shes pa ni lte ba srog dang thur sel 'dom pa'i dbus su'o/ /yul dang yul can rnams shes pa ni/ mig la sogs pa rtsa rnams kyi 'byung 'jug ste/ de yang sngon du brjod pa nyid do/ /du ba la sogs mtshan ma 'dzin pa yang ni/ zhes pa ni a ba d+hU tI'i sgos so/ /yang gi sgra de nyid lte bar ro/ /thams cad gsang chen no zhes pa ni byis pa'i skye bo rnams la gsang bar nges pa'o/ /da ni rnal 'byor pa'i nye bar bsdu ba brjod pa'i phyir/ dbus su srog zhugs zhes bya ba la sogs pa la/ 'dir dang po rnal 'byor pas dbus te a ba d+hU tir srog bcug par byas nas mtshan ma gang zhig mthong bar 'gyur ro/ /dpal ldan bla ma zhes pa ni/ sangs rgyas kyi rang bzhin gyi sku'i rdo rje gcig pu nyid/ ces bya ba'i don to/ /nyi mar bcas pa la gnas pa ni/ g.yas pa'i bgrod pa dang bcas pa ni ri bong la gnas pa zhes pa ni/ g.yon pa'i rtsar g.yas pa'i rlung ste/ srog de bcing bar bya ba'i nges pa yin la/ de bas na srog zhugs shes pa ni/ gnyis pa gsung gi rdo rjer brjod do/ /sems ni phyag rgyas rab sbyar zhes pa ni/ gzugs la rjes su chags pas gzhu ba'i byang chub kyi sems gsum pa thugs kyi rdo rje'o/ /

  144. 71b

    mchog gi bde gnas rdo rje spyang bar bya ba'i phyir zhes pa ni/ de nas gal te gzugs la chags pa'i dbang gis dga' ba skye bar 'gyur ba de lta na ni/ pad+mar rdo rje'i sgra zhes bya ba skad cig tsam gcig bya ba yin gyis gnyug mar ma yin no/ /gal te shes rab ma rnyed pa de lta na ni/ chu skyes rang lag gi gsor bde don du zhes bya ba lag pa dngos ni ma yin gyi/ sngon du brjod pa'i mdza' 'ga' na yis so/ /de yang mi 'dzag pa'i bde ba'i don du yin gyi/ 'dzag pa'i phyir ni ma gsungs so/ / de bas de'i phyir sa bon mi gtong ba bde des 'chi ba'i 'jigs 'joms dpal ldan bla ma'i zhal zhes pa ni/ de nyid bzhi pa ye shes kyi rdo rje nyid de/ rnal 'byor goms pa rnams kyis nges pa'o/ /da ni dkyil 'khor mnga' mdzad cing thim par mdzad pa'i phyir/ sa zhes bya ba la sogs pa smos te/ rnal 'byor pas khro bo'i lta bas g.yas pa 'am g.yon pa la rgyu ba'i dus su stong pa la sems gzhag par gyur na ste/ de yang sa zhes bya ba g.yas pa rgyu ba'i dus su sems stong ba la gzhag pa rnams la gsungs kyi/ g.yon gyi rtsa rgyu ba'i dus la ni gsungs pa ma yin no/ /de ci'i phyir zhe na/ gang g.yon nas nam mkha' la sogs pa'i dkyil 'khor rgyu ba de'i phyir sa ni chur 'jug ces bya ba ma yin gyi/ gang yang tshig de ni g.yas kyi srog rgyu ba na/ dang po sa nas rgyu ste/ de yang sa ni chur 'jug chu yang me ste/ me ni rlung rnams la yang 'jug par 'gyur zhes bya ba la sogs pa gsungs pa yin no/ /de ltar na gcig la gcig ye shes kyi khams kyi bar du 'jug go /gzhan yang g.yon gyi rtsa la nam mkha' la sogs pa nas ? rgyu ba'i ma yin te/ 'di ltar g.yas pa nas tha ma stong pa la 'jug cing 'gro bar 'gyur ro/ /stong pa mtshan ma rnam pa bcu zhes bya ba ste/ de'i dbang gi du ba lta bu la sogs pa rnam pa thams cad pa'i

  145. 72a

    gzugs 'byung bar 'gyur ro/ /gzugs las mi 'gyur ba'i bde bar 'gyur zhing shes rab kyi pha rol tu phyin pa'i ye shes 'jug go /ye shes la rdzu 'phrul zhes pa ni ye shes de las nam mkhar 'gro ba la sogs pa'i rdzu 'phrul te/ khams gsum gyi dbang phyug kyang skye ba 'di nyid la 'grub par 'gyur ro/ /kye mi'i bdag po zhes bya ba ste/ lam la 'jug par byed pa'i nges pa'o/ /da ni sku bzhi dbye ba bcu drug brjod par bya ba'i phyir 'dod la zhes bya ba la sogs pa smos te/ 'dir kun 'byung gis bden pa'i dbang gis gang yang sku gcig la yang sku gsung thugs ye shes dang bzhi bzhir 'gyur ba de bas na/ 'dod las bya ba de bas na/ sku'i dga' ba 'gags pas sangs rgyas rnams kyis sprul pa'i skur 'gyur ro/ /de nas rdzogs pa dag ces bya ba ni/ sku mchog gi dga' ba 'gags pa las sprul pa'i sku gsung du 'gyur ro/ /'bar ba'i dri med sems te zhes bya ba ni/ sku'i dga' bral 'gags pa las sprul pa'i sku gsungs thugs su 'gyur ro/ / mchog gi bde ba ye shes las kyang oM zhes pa ni/ sku'i lhan cig skyes dga' 'gags nas sprul pa'i sku'i ye shes su 'gyur te/ sku la rnam pa bzhi'o/ /de bzhin du longs spyod rdzogs pa'i bzhi ni/ dga' las longs spyod sku ste gsung gi dga' ba 'gags pas sangs rgyas rnams kyis longs spyod rdzogs pa'i skur 'gyur ro/ /mchog dga' dga' bral bcas pa 'di rim yin zhes pa ni/ gsung gi mchog dga' 'gags pas longs spyod rdzogs pa'i gsung du 'gyur ro/ /dga' bral zhes bya ba dag gi dga' bral 'gags pas longs spyod rdzogs pa'i thugs su 'gyur ro/ /lhan cig skyes pa zhes pa ni gsung gi lhan cig skyes pa 'gags pas longs spyod rdzogs pa'i ye shes su 'gyur ro/ /de nas chos kyi bzhi ni/ mngar dang zhes

  146. 72b

    ba ni/ thugs kyi dga' ba 'gags pas sangs rgyas rnams kyi skur 'gyur ro/ /de las skye bar 'gyur ba gang zhes pa ni thugs kyi mchog tu dga' ba 'gags pa las chos kyi sku'i gsung du 'gyur ro/ /rgyal las nges par chos kyi sems te zhes pa ni thugs kyi dga' bral 'gags pa las chos kyi sku'i thugs su 'gyur ro/ /gnyid la ye shes 'di zhes bya ba ni/ thugs kyi lhan cig skyes pa 'gags pa las chos kyi sku'i ye shes su 'gyur ro/ /nges par kha dog dag pa'i sku zhes bya ba ni/ lhan cig skyes pa'i sku'o/ /mi 'gyur zhes bya ba ni ye shes kyi dga' ba 'gags pas lhan cig skyes pa'i skur 'gyur ro/ /de nyid dbyings dang bral ba ste brjod du med pa dbyings bral zhes kyang bya'o/ /cha dang zhes bya ba ni zla tshes lta bu ste/ ye shes kyi mchog dags 'gags pas lhan cig skyes pa'i gsung du 'gyur ro/ /de nyid ni nus pa zhes kya bya ste gzhan dag gi skor ro/ /thig le zhes pa ni/ ye shes kyi dga' bral 'gags pas lhan cig skyes pa'i gsung du 'gyur ro/ /nA dA zhes bya ba ni/ sgra ste ye shes kyi lhan cig skyes pa 'gags pas lhan cig skyes pa'i ye shes su 'gyur ro/ /de lta bas na srid gsum la gnas dag sems ye shes rdo rje bde 'byung dag pa'i sku la'o zhes bya ba ni rdo rje sems dpa' i dga' ba bcu drug gi dbye ba ste/ de nyid rnam pa bcu drug rig /ces gsungs pa'i phyir ro/ /rnam pa bcu drug gi de kho na nyid 'di ni/ mi 'gyur ba'i bde ba chen po don dam pa nyid yin la/ kun rdzob tu ni lugs las 'byung ba'i bden don rnam pa bcu gnyis kyi dbang gis/ de nyid rnam pa bcu drug 'dzag pa'i rang bzhin can yin no/ /sangs rgyas rnams la 'pho ba bcu gnyis kyis rlung lugs las zlog par srog zad pa'i phyir ro/ /rdo rje nyi ma snang ba che/ /bden don rnam pa bcu gnyis ldan zhes bya ba ni/ 'pho ba bcu gnyis

  147. 73a

    gnyis kyi chos can gyi nyi ma ste/ rdul lam khrag 'gags pa yin la/ byang chub kyi sems cha bcu drug pa zla ba'i chos can yang 'gags/ rdo rje zla ba dri med 'od/ /de nyid rnam pa bcu drug rig ces bya ba ste/ dus kyi 'khor lor grub pa'o/ /da ni sad pa la sogs pa'i gnas skabs bzhi 'gags pa brjod par bya ste/ /sad dang zhes bya ba la 'dir 'khor ba pa rnams kyi sad pa'i gnas skabs skyed pa ni/ lus gnas zhes bya ba spyi bo na gnas pa'i byang chub sems sad pa skyed pa sku'i thig le'o/ /rmi lam zhes pa ni 'khor ba'i rmi lam gyi gnas skabs skyed par byed pa ni/ dbugs thim zhes bya ba mgrin pa na gnas pa'i byang chub kyi sems kyi thig le rmi lam bskyed pa ni gsung gi thig le'o/ /rang bzhin gzhan yang 'di dag nyid dang zhes bya ba ni/ 'khor ba'i gnas nyid skyed par byed pa ni mi g.yo ba'i sems ni thim pa'o zhes bya ba ste gnas skabs gnyis ka'i yul la mi spyod cing/ sems thim pa yin pas/ lus can rnams kyi gnyid 'thug po skyed par byed pa/ snying ga na gnas pa ni thugs kyi thig le zhes bya'o/ /ye shes la gnas shes bya ba ni 'dir 'khor ba pa rnams kyi sprod pa las byung ba'i bde ba skyed par byed pa bud med sbyar las shes bya ba ste/ 'khor ba pa'i sa bon gyis bde ba bskyed pa'i byang chub sems kyi thig le ni sprul pa'i 'khor lor gnas pa ni ye shes kyi thig le zhes bya'o/ /skad cig kyang ni byang chub kyi sems zhur 'gyur zhes bya ba ni/ de ltar bud med rnams dang skad cig tsam sbyor ba las kyang/ thig le bzhi rnams 'bod cing/ 'khor ba'i gnas bzhi skyed pa yin no/ /de rnams 'gags na sprul pa la sogs rnams te/ des par rim byung thugs kyi rdo rje rnam pa bzhi zhes bya ste/ sangs

  148. 73b

    rgyas rnams la'o/ /de ltar srid gsum la gnas shes pa ni/ sad pa la sogs pa'i gnas skabs bzhi skyed pa po'i sems bzhi po ni/ lus can rnams kyi thig le'i dbus na brten to zhes bya ba'i don to/ /bde mnyam 'bras ster khyab byed thar pa'i rgyu ru rnal 'byor dbang po yis ni srung bar bya zhes bya ba ni/ gang byang chub sems kyi thig le rnam bzhi po bsrungs na de nyid kyi thar pa'i 'bras bu ster zhes bya ba'i don to/ /go 'phangs mchog bde zhes bya ba ni/ rdo rje 'chang gi gnas yin la de thob par byed pa bsam gtan bzhi'i rtse mo bzung na'o/ /rnal 'byor skye ba'i sa bon zhes bya ba ni/ lus can rnams gnyis su med pa'i byang chub tu skyed par mdzad pa'i phyir ro/ /thig le bor nas thar pa gang zhes bya ba ni/ byang chub sems kyi thig le'i sa bon zag na gnyis su med pa'i ye shes gang la rnyed par 'gyur zhes bya ba'i don to/ /de ci'i phyir zhe na/ bde ba'i rten yin pa'i phyir de skad ces bya'o/ /de'i phyir 'khor ba'i bde ba skad cig rnal 'byor rnams kyis 'dir ni rnam spang bya zhes bya ste/ 'gyur zhing 'gyur te de nas mthun zhes bya ba'i rang bzhin can rnams spangs par bya ba yin zhing/ rgyu mthun pa zhes bya ba'i rang bzhin gyis byang chub sems steng du btang zhing rnal 'byor pa rnams kyis dri ma med pa'i bar du btang bar bya ba ni/ de bzhin gshegs pa'i nges pa yin no/ /de bas na de bzhin gshegs pa zhes bya ba'i tshig kyang ji ltar byon pa de bzhin gshegs pa'i phyir de bzhin gshegs pa zhes bya'o/ /skabs su bebs pa'i spyod lam gyi rnal 'byor dang/ btung ba dang/ bza' ba la sogs pa'i rnal 'byor bstan par bya ba'i phyir/ oM A hUM ho/ rim bzhin dang po 'dir rtag tu sbyang zhing rtogs par bya zhes bya ba ni/ bza' ba dang bca' ba la sogs pa kun la bya zhes bya ba'i don to/ /de yang chang gi btung ba ste/ tshogs kyi mchod pa chen po 'am/ dpa'

  149. 74a

    bo'i ston mo la sogs pa la rnal 'byor pa gang gis btung ba nyams su len pa de'i tshe/ chang ni 'bar bar byas nas zla ba lta bur rim par bskor bya zhing zhes bya ba rnal 'byor pa rnams chang la longs spyod pa na/ dang por btung ba'i snod thod pa khyad par can gzung zhing de med na ni yi ge rar bzung ngo/ /de yang med na ci yang rung ba'i snod thong par bskyed la de'i nang du chang bzung ste/ rlung mes spar la bdud rtsi'i rang bzhin du byas la/ stong pa nyid dang snying rje'i gnas sa 'am nas bar la bris te ye shes sems dpa' spyan drangs la/ de la tshim par bya ba dang/ shes rab gang yin pa la yang tshim par byas nas btung bar bya ba yin gyi/ gzhan du na btung bar bya bar ma gsungs so/ /de yang rgyas par bstan pa ni/ de'i snod las thig pa yis kyang zla ba'i lag par ming med dag gi sa la ni zhes bya ba ni/ lag pa g.yon pa zla ba ste byang chub sems kyi cha yin pa'i phyir ro/ /phyi rol zur gsum ni stong pa mtshon par byed pa e'o/ /nyin mo byed pa dang 'dra de'i dbus su zlum po bya zhes pa ni/ stong pa de'i dbus su snying rje mtshon par byed pa'i thig le zlum por bya ba ste/ baM gyi de ni rgyud thams cad kyi thog mar 'di skad ces bya ba la sogs pas bstan pa yin no/ /de dbus srid gsum la gnas zhes bya ba ni/ a baM gang yin pa de'i bar na gnas pa'i srid pa gsum yongs su gyur pa'i bdag nyid ye shes kyi dkyil 'khor der spyan drang ba'o/ /mthe bong dang ming med gnyis kyis nyin bzhin dus su tshim par bya/ ye shes 'khor lo de la mthe bong dang ming med thabs dang shes rab kyi bdag nyid kyis tshim par bya'o/ /yul dang grong khyer bdag ces bya ba nas rigs drug gi sngags yan chad go bla bas 'dir ma dkrol lo/ /da ni don dam bden pa la zhes bya ba ni/ de ltar brjod pa'i rim pas zas dang spyod

  150. 74b

    lam gyi rnal 'byor rnams gong du bstan pa de rnams ni/ kun rdzob pa'i spyod pa bstan pa nyid yin la/ de dang 'gal zhing mi mthun par gyur pa don dam pa ste/ bzhi pa yin no/ /de bas na gang bzhi pa de ni rdo rje 'chang gi rgyud ji snyed cig gsungs pa'i snying po 'am/ 'bras bu lta bur gsungs pa yang yin la/ de las gzhan pa'i tshig dang yi ge rnams ni de nyid rtogs pa'i rgyu 'am thabs su gsungs pa yin zhing/ 'jig rten pa'i dngos grub gzhan dang las yongs su bskyang ba ji snyed pa de snyed kyang/ rgyud pa'i sgo nas bzhi pa nyid legs par rtogs par bya ba'i phyir gsungs par zad kyi/ de las gzhan pa'i dgos pa'i phyir cung zad kyang bstan pa med do/ /de bas na bdag gis kyang bzhi pa nyid ci nus kyis bstan par bya'o/ /de la gang rgyud de dang de thams cad du bzhi pa slar yang de bzhin no/ /zhes gang bcom ldan 'das kyis gsungs te zhes bya ba la/ de la rdo rje'i tshig gis kyang rnam pa gnyis te/ 'jig rten pa'i dang/ 'jig rten las 'das pa'o/ /de la bzhi pa slar yang zhes bya ba ni/ 'jig rten las 'das pa'i rdo rje'i tshig tu rtogs par bya'o/ /bzhi pa zhes pa'i tshig gis ni rgyu mthun pa'i bde ba bzhi pa'o zhes bya ba rgyu mthun pa smos pas/ 'gyur dang 'gyur dang bar chad can zhes bya ba las dkar ba yin te/ de la 'gyur ba ni 'dzag pa bum pa'o/ /yang 'gyur ba ni 'dzag pa ste gsang ba'o/ /bar chad can zhes bya ba yang 'dzag pa ste shes rab ye shes so/ /rgyu mthun pa'i sgra ni mi 'dzag ba'o/ /de bas na byis pa rmongs pa'i mkhas pa mi gsal ba gang dag 'dzag pa med pa'i bde ba/ /'jig rten pa'i dper bya ba las 'das pa kha na ma tho ba med pa/ las dang ye shes kyi phyag rgyas dman pa rnam pa'i mchog ma lus pa dang ldan pa'i yum shes rab kyi pha rol tu phyin pa la dmigs

  151. 75a

    pa/ 'jig rten pa dang 'jig rten las 'das pa'i phun sum tshogs pa gang dag yin pa de dag /'jig rten pa'i shes rab ye shes shes bya ba byang chub sems kyi khu ba thur du 'dzag pa phung po dang khams la sogs pa ma rungs par byed pa 'jig rten pa thams cad dang thun mongs pa kha na ma tho ba dang bcas pa/ nyon mongs pa ma lus pas gang ba'i las kyi phyag rgya nu ma dang skar ldan pa la/ 'jig rten pa dang 'jig rten las 'das pa'i phun sum tshogs pa thams cad 'jig pa ste/ de dag gi bye brag dang/ dbye ba dang/ rang bzhin dag ni shin tu tha dad par gsungs kyang byis pa dag ni bdag tu lta ba la chags shing/ ma rig pa'i ling thog gis g.yogs pas rgyud kyi don log par ston cing/ gsum pa skyon dang bcas pa las bzhi pa 'byung bar 'dod do/ /kha cig ni bzhi pa zhes bya ba'i ming tsam yang mi shes shing ma thos la las kyi phyag rgya 'ba' zhig nyams su blangs nas/ tshe'i dus byas nas mnar med par 'gro bar 'gyur pa ngag yod do// kha cig gis ni bzhi pa sun 'don cing bum pa la sogs pa nas slar zhing bslar ba nyid bzhi par 'dod pa dag kyang yod do/ /kha cig shes rab gang yin zhe na/ mi mo yin zhes brjod cing de las byung ba'i bde ba bzhi par 'dod pa dag yod do/ /kha cig bzhi pa zhes bya ba 'bras bu ste/ rdo rje 'chang gi gnas la 'dod pa dag yod de/ de dag thams cad ni byis pa rmongs pa lung dang rigs pa dang bral ba rnams kyis btsan thabs su bzhag par zad do/ /de bas na rtog par dka' zhing rnyad pa rab tu dka' bas rdo rje'i tshig ces bya'o/ /de yang 'gal ba'i tshig gis sbyor bas gsungs pa ni/ slar yang de bzhin no zhes gsungs pa ste/ slar yang zhes gsungs pa ni gsum pa la snyeg pa skad du/

  152. 75b

    gsungs pa yin la/ yang dag par na slar yang de bzhin zhes pa ni/ byang chub kyi sems bde ba 'byung ba tsam dgongs pa yin gyis/ gsum pa ni ma yin no/ /de bas na byis pa rnams slar yang de bzhin no zhes gsungs pa la/ rnam par 'khrul nas don du ma rtogs par byed do/ /shes rab ye shes de nyid de/ zhes pa ni shes rab chen po de zhes bya bar sbyar ro/ /cis mngon zhe na/ 'og nas kyang ni las kyi phyag rgya dang ye shes kyi phyag rgya dang bral ba'o zhes gsungs pa'i phyir ro/ / de bas na gsum pa dang bzhi pa mi 'gyur ba'i bde ba de dag ni/ ka ba dang bum pa tsam gyis 'brel pa yang med par rtogs par bya'o/ /de ci mngon zhe na/ rgyu mthun pa'i bde ba'i rang bzhin gyi phyir dang/ zhes smos pa yin te/ rgyu mthun ba'i rang bzhin gyis bde ba ni 'dzag pa med pa yin la/ las dang ye shes kyi rang bzhin ni 'dzag pa yin pa'i phyir ro/ /shes rab ye shes gang yin pa de ni phyag rgya chen po'i ye shes yang dag par 'byung ba'i phyir ro zhes bya ba ni kun tu rtog pa med pa'i ting nge 'dzin de las gang byung ba'i bde ba de ni 'dzag pa med pa'o/ /de bas na gang 'dzag pa med pa'i bde ba ni las kyi phyag rgya'i ye shes dang/ zhes bya ba mi mo dang phrad pa las byung ba'i bde ba'o/ /ye shes kyi phyag rgya'i ye shes zhes bya ba yang/ rnam par rtog pas bskyed pa'i bde ba 'dzag pa'i bdag nyid can te/ de phyag rgya chen po mi 'dzag pa'i bde ba'i ye shes ma yin zhes bya ba'i don to/ /'dzag pa med pa cis mngon zhe na/ de yang rnam pa kun ldan rnam pa med/ /bcu drug phyed byed thig le 'dzin/ /yan lag med pa'i rtsis las 'das/ /bsam gtan bzhi pa'i rtse mo 'dzin/ ces mtshan yang dag par brjod pa las gsungs shes bya ba ni/ 'jig rten pa'i dper bya ba'i byis pa la sogs pa'i dbang 'das nas shes

  153. 76a

    rab chen po la yan lag drug gis bskyed par bya ba yin pas/ yan lag drug gi dang po so sor sdud pa ni phyi'i don du bum pa la sogs pa'i rnam pa kun yang kun gyi mchog dang ldan pa'i stong pa nyid kyi ror gcig par rtog la/ dus der du ba la sogs pa'i rtags kyi rnam pa rnams kyang 'byung ste/ rtags de dag kyang rdzas lob pa med pa'i phyir rnam pa med pa'o/ /bcu drug phyed phyed thig le ni dga' ba bcu drug sku gsung thugs ye shes kyi dbye bas/ bcu drug tu phye ba yin la/ de nyid stong pa nyid kyi zhags pa dam pos 'dzin pa la de skad ces bya'o/ /yan lag med par rtsis las 'das pa ni/ yar ngo dang mar ngo la mi gnas pa'o/ /bsam gtan bzhi pa'i rtse mo 'dzin pa ni dga' ba bcu drug yongs su bsdus pa'i thig le bzhi pa'i mthar 'dzin pa la rtse mo 'dzin pa zhes gsungs so/ /de bas na phyag rgya chen po gang yin pa de ni/ stong pa nyid las skyes pa'i mi 'gyur ba'i bde ba nyid la mi 'khrul bar gzung bar bya'o/ /de ltar sems can phal pa gzhan ni thig le 'bod pa ste/ zhes pa ste mi 'bod pa ni mchog tu bshad cing bzhi pa yin la/ de bas mi thub cing 'gal bar 'gyur ba'i sems can phal pa ste/ 'jig rten pa'i dbang bskur ba 'dzag pa yin no/ /de bzhin du bcom ldan 'das 'di ni zhes pa ni/ 'jig rten las 'das pa'i mngon par dbang bskur ba thob pa ni/ thig le 'bod pa yin te/ ci'i phyir zhe na/ 'dod chags chen po la thugs bcings pa yin pa'i phyir ro/ /dga' ba dang/ mchog tu dga' ba dang/ khyad par du dga' ba dang/ lhan cig skyes pa ste/ bsam gtan bzhi pa'i rtse mo 'dzin te/ zag pa med pa'i 'dod chags chen po dang bral ba'i phyir ro/ /'jig rten pa'i 'dzag pa las tha dad par gyur pa ni mi 'dzag pa bde ba chen

  154. 76b

    po rdo rje 'chang chen po'i go 'phang ster ba'i lung ni/ de bzhin du yang/ rdo rje skyil krung sems kyis ni/ nor bu'i nang du gnas par blta/ rgyu 'thun la sogs bdes gang ba/ /de ni dri ma med par du/ ji ltar rgyu mthun nyid du brjod/ /rnam par smin pa snying gar dran/ /mgrin par skyes bu byed pa nyid/ /gtso bo dri med spyi bor yin/ zhes bcom ldan 'das kyis gsungs so zhes bya ba la/ rdo rje ni las kyi rdo rje yin la/ skyil krung ni gnas so/ /sems ni byang chub kyi sems so/ / sems de'i las kyi rdo rje'i nang du chud par lta'i/ phyir bral bas ma yin no/ /de kho na rgyu mthun la sogs bdes gang ba zhes bya ba ste/ rdo rje nor bu nas lte ba man chad du rgyu mthun pa zhes bya ba/ mi 'dzag pa gtso bor bya ba'i gzhan la ma yin no/ / de nas brtsams nas/ gtso bo dri med spyi bor yin zhes pa ste/ nor bu na gnas pa yang spyi bor ma yin pa de srid du nyon mongs pa rtsad nas 'don par ma gsungs na/ 'dzag pa dang ldan pa'i skyes bu gang yin pa de la thar pa'i go 'phang med pa lta ci smos zhes bya ba'i don to/ /zhes bcom ldan 'das kyis gsungs so zhes bya ba ni/ de skad ces gsungs pa'i phyir zhes bya ba'i don to/ /de bas na phyi'i dga' bral 'pho ba yis/ /sangs rgyas ster ba ma yin te/ /zhes bya ba ni gong du brjod pa'i tshul de ltar te/ phyi'i dga' bral chen pos 'jig rten gsum po 'khrug par byed pa de bas na'o/ /ci'i phyir 'khrug ces na/ srid pa dang mya ngan las 'das pa la rab tu gnas pa'i phyir ro zhes bya ba smos te/ srid pa dang mya ngan las 'das pa de gnyis kyis 'khrug cing 'khor bar byed la phung khrol chen po bskyed pa'i phyir zhes bya'o/ /bcom ldan 'das 'dir ni srid pa dang mya ngan las 'das pa la rab tu mi gnas pa zhes te/ 'khor bskyed par byed pa'i srid pa dang mya ngan las 'das pa la

  155. 77a

    rab tu mi gnas pa'o/ 'o na ci zhe na/ 'pho ba med pa'i ye shes so zhes bya ba gsungs te/ 'dzag pa las go bzlog pa 'dzag pa med pa'i ye shes la mnga' brnyes pa'o/ zhes bya ba'i tha tshig go /de la srid pa dang mya ngan las 'das pa'i zhes bya ba'i tha snyad kyang gang zhe na/ srid pa'i dpral ba ste skye ba'i gnas so zhes bya ba smos te/ dpral ba bde ba chen po'i gnas nas/ sprul pa'i ming can gyi bar du skyes bu tha mal pa rnams la gnas pa'i zla ba'i rgyun gyis ye shes myong ba med pa gang yin pa de srid pa 'am/ thabs sam snying rje zhes brjod do/ /mya ngan las 'das pa zhes bya ba ni/ mya ngan las 'das pa dang chos mthun pas mya ngan las 'das pa ste/ de yang rdo rje nor bu'i mgrin pa las/ zhes bya ba gsang ba'i rdo rje'i mgrin pa las so/ /thig le bzhi rnams 'pho ba'o zhes bya ba ni/ zla ba'i rgyun 'byung ba'i gnas sa gang yin pa der gnas shing zag par byas shes bya ba'i don to/ /rab tu mi gnas pa zhes pa ni/ 'khor ba dang mya ngan las 'das pa'i bshad ma thag pa'i chos gnyis la mi gnas pa ste/ de yang dpral bar mi gnas pa ste/ de yang dpral bar mi gnas pa ni 'khor ba'i skyon yongs su shes par bya ba'i phyir yin la/ de nas gang rdo rje nor bu'i mdza' la thug pa'i byang chub sems de phyir mi 'bod pa ste/ skyon dang bcas pa'i mya ngan las 'das pa yongs su shes par bya ba'i phyir ro/ /de bas na bcom ldan 'das zhes bya ba ni/ sangs rgyas rin po che'i gab tshe na gnas pa'i byang chub yin la/ gang yang de lta bu'i bcom ldan 'das kyis 'khor ba'i skyon thams cad 'joms shing/ bde ba chen po bskyed pa yin te/ de nyid 'jig rten las 'das pa'i dbang yin no/ /de bzhin du 'byung 'jug dang bral bas 'khor ba'i

  156. 77b

    skyon 'joms shing bde ba chen po'i 'bras bu ster ba rgyud gzhan las kyang gsungs te/ de bzhin du yang zhes bya ba ni rgyud gzhan ston par byed pa'i tshig go /thog ma zhi ba dang zhes pa ni/ thog ma ni dpral ba la sogs pa'o/ /tha ma ni rtse mo la sogs pa'o// dngos dang dngos med zad ces pa ni/ gong du brjod pa nyid dam/ yang na thog ma dang tha mar rtogs pa ste zad pa'o/ /de gang gi zad pa ni gtso bo ste/ khams gsum gyi mnga' bdag go /de nyid ni stong pa nyid dbyer med pa zhes kyang bya ste/ gong du brjod pa'i tshul gnyis ka la'o/ /byang chub sems zhes brjod pa yin zhes bya ba ni/ kun rdzob byang chub kyi sems dang/ don dam pa byang chub kyi sems dag gnyis ka dbyer med pa'i byang chub kyi sems zhes bya bar khong du chud par bya'o zhes bcom ldan 'das kyis gsungs so zhes bya ba ni/ dpal gsang ba 'dus par bcom ldan 'das kyis gsungs pa de bas na zhes bya'o/ /rgyud de nyid kyi don dgrol bar bya ba'i phyir/ thog ma tha ma zhes bya ba ni gong du bshad pa'o/ /skye ba dang 'jig pa dang bral pa'o zhes bya ba la thog ma skye ba yin la tha ma 'jigs pa yin te/ de bcom ldan 'das 'di la bral zhing mi mda' zhes bya ba'i don to/ /zhi ba ni zhes bya ba thog ma tha ma'i ming can gang yin pa de zhi ba'o/ /de gang yin zhe na/ bshad pa dbang po 'gyur ba dang bral ba'o/ /zhes bya ba ste/ thog ma tha ma zhi ba de'i stobs kyi mig la sogs pa'i dbang po rnams yul las mi 'bros pa 'am/ yang na dbang po'i 'gyur pa ni byang chub kyi sems la bya na/ de'i phyir rgyu zhing 'dzag pa med pa la bral ba zhes bya'o/ /dngos dang dngos med zad pa ni zhes pa ni dngos por rtog pa dang dngos po med par rtog pa dang bral ba zad pa zhes brjod do/ /gang rtag chad dang rnam par

  157. 78a

    bral ba'o zhes pa ni/ de nyid de'i dngos po ni/ rtag par lta ba yid zhing/ dngos po med pa ni chad par lta ba ste/ de dang bral ba'o/ /de ltar brjod pa des ni yan lag drug gi dang po so sor sdud pa zhes bya ba bstan pa yin la/ gang so sor sdud pa de yang rtog pa'i dra bas dben pa nyid la 'dod do/ /gang la rtog pa'i dra ba mi mnga' ba de la gtso bo ni khams gsum gyi mnga' bdag go zhes bya ba ni/ khams gsum gyi spyod pa las 'das pa zhes bya ba'i don to/ /stong pa snying rje dbyer med pa ni zhes bya ba ni/ gong gi so sor sdud pa'i 'bras bu bstan pa yin te/ de yang so sor sdud pa chen pos bsdud pa las/ byang chub kyi sems byung ba rdo rje nor bu'i mgrin pa la gnas pa la zag pa la stong pa nyid yin zhes dgongs so/ /dpral ba srid pa'i gnas ni snying rje'o zhes pa ni/ dpral ba na snying rje byang chub kyi sems kyi zla ba cha shas bcu drug pa'i gnas yin zhes bya ba'o/ /'di nyid kyi dbus su zhes pa ni dpral ba dang nor bu'i dbus su'o/ /gang zhig rnam par gnas pa ni zhes pa ni/ stong pa nyid kyis bskyed pa'i byang chub sems dpa' gang zhig rnam par gnas pa'o/ /lhan cig skyes pa'i zhes pa ni/ chos rnams kyi de bzhin nyid gzod ma nas gnas pa/ dus gsum gyi de bzhin gshegs pa rnams byon yang rung/ gshegs kyang rung/ mi 'gyur bar gnas pa gang yin pa de lhan cig skyes pa yin la/ de bas na bde ba mi 'dzag pa'i ye shes chen po 'dis rtogs shing khong du chud pa yin gyi/ gzhan du ma yin zhes bya ba'i don to/ /'bras bu'i ming rgyu la btags pa yin no/ /gong du bstan pa'i lhan cig skyes pa'i bde ba chen po gang yin pa de 'jig rten pa'i kun rdzob kyis sems 'dzag pa med

  158. 78b

    pas sgrub par bya ba yin la/ 'dzag pa med pa gang yin pa de ni bzhi pa ste/ 'jig rten las 'das pa'i dbang zhes kyang brjod par bya ba yin no/ /de nyid bum pa dang gsang ba dang/ shes rab ye shes kyi mthar smin par byas la/ gsum pa shes rab ye shes la sogs pa la bzhi par ma gsungs kyi/ bzhi pa la ni grangs kho na yin pa'i lung bstan par bya ba'i phyed du/ de ni mkha' 'gro ma rdo rje gur ces bya ba smos te/ de ni zhes bya ba ni/ bzhi pa de ni zhes bya ba'o/ / mkha' 'gro ma la zhes bya ba ni/ nam mkha' lta bu'i ting nge 'dzin bstan pa'o/ /rdo rje gur zhes pa ni mi phyed pa'i gnas rdo rje'i gnas rnam par rtog pa'i dra ba thams cad gsal ba la bya'o/ /da ni he badzra'i bshad pa'i rgyud du bstan to/ /dang po la ni bum pa'i dbang/ /gnyis pa gsang dbang zhes su brjod/ /shes rab ye shes gsum pa ste/ zhes bya ba ni 'jig rten pa'i dbang bstan la/ de yang gsum pa man chad 'jig rten par nges shing/ de las tha dad gyur pa'i 'jig rten las 'das pa'i dbang ni/ ji bzhin de bzhin gshegs pa min zhes gsungs so/ /de bzhin gshegs pa zhes bya ba'i nges pa yang ji ltar byon pa de ltar gshegs pa'am/ ji ltar gsungs pa de ltar mdzad pa ste/ bden par smra zhing tshig mi 'gyur ji skad smras pa de bzhin byed/ /ces gsungs pa yin la/ skabs 'dir de bzhin gshegs pa zhes bya ba byang chub sems la brjod de/ de yang ji ltar phyi rol de ltar nang zhes gsungs pa yin la/ de ni gsum pa la yod pa la ma yin pa te/ de bas na de bzhin gshegs pa zhes bya ba gsum pa yin pa ma gsungs so/ /gzhan yang bzhi pa la byang chub sems ji ltar 'ongs pa de ltar 'gro ste/ de la

  159. 79a

    de bzhin gshegs pa zhes gsungs so/ /gang yang de ni ji skad smras pa de bzhin byed ces kyang bya ste/ bla mas lung phog pa'i dus su/ ji skad du khyod kyi 'dod la chags bral bar/ /nam du yang ni mi bya'o// 'dod chags dral ba lta bu yis/ /khams gsum na ni sdig gzhan med/ /ces bsgo ba na/ shugs kyis dang du blangs pa yin pas/ ji skad smras pa'o/ /rjes su bsrung zhing byang chub kyi sems ji ltar 'dzag pa de ltar gyen du gtong bas na de bzhin byed pa yin no/ /ji ltar brjod pa'i rim pas gsum las mi 'dzag pa'i bde ba med par nges so zhes gsungs so/ /zhes bya ba ni de bzhin gshegs pa'i rgyud gzhan las kyang/ de skad gsungs pa'i phyir ro/ /de bzhin du yang zhes pa ni/ gzhan rgyud kyi khungs ston par byed pa'o/ /de gang yin zhe na/ rtsa ba'i rgyud las shes gsungs te rtsa ba'i rgyud ces bya ni mchog gi dang po'i rtsa ba'i rgyud las so/ /ji skad gsungs she na/ las kyi phyag rgya ngag dang ni/ /brtags pa'i phyag rgya ye shes spang/ /mchog tu mi 'gyur sbyor ba yis/ /phyag rgya chen po nges sten bya zhes gsungs so zhes bya ba ni/ las kyi phyag rgya ni 'pho ba khrid par byed pa'i phyir ro/ /ye shes kyi phyag rgya ni kun tu rtog pa'i bdag nyid yin la/ kun tu rtog pa yin pas de bzhin nyid la reg pa med do/ /de bas na de gnyis spang bar gsungs so/ /de bas na las dang ye shes las/ /tha dad par gyur pa'i phyag rgya chen mo ni/ mchog tu mi 'gyur sbyor ba yis/ /shes bya ba gsungs te/ mchog tu mi 'gyur ba ni byang chub kyi sems yin la/ gang yang de mi 'gyur bar byed pa ni/ yul la rab tu rgyug par byed pa'i rnam par shes pa'i rta rlung rab tu

  160. 79b

    bzung bar bstan to/ /rlung gang yin pa de 'dzin pa la/ ji lta ba'i ting nge 'dzin las/ gzhan pa gzung bar ma gsungs so/ /de bas na ji lta ba'i ting nge 'dzin la mchog tu mi 'gyur ba'i sbyor ba zhes bstan te/ mi 'gyur bar byed pa'i phyir ro/ /de la gdong phyag rgya chen mo nges bstan bya/ zhes bya ba rnam pa kun gyi mchog dang ldan pa'i bde ba 'jig rten pa'i dper bya ba las 'das pa/ kha na ma tho ba med pa/ rmad du byung ba'i bde ba/ bdag dang gzhan gyi don rgyur gyur pa de gang yin pa de la/ phyag rgya chen mo des bstan bya zhes de bzhin gshegs pas gsungs so zhes sbyar ro/ /de ltar brjod pa'i rim pas/ sangs rgyas rnams kyi bka' 'di ni/ thog ma bar dang mthar dge ba/ /'das pa'i sangs rgyas rnams kyis gsungs/ ma 'ongs rnams kyang gsung 'gyur la/ /da ltar byung ba'i rdzogs sangs rgyas/ /yang dang yang du gsungs pa gang/ zhes de bzhin gshegs pas gsungs pas de bas na/ phyugs bdag tshangs pa dang zhi ba la sogs pas bstan pa las khyad par du 'phags par bstan pa ni/ 'das pa dang/ ma byon pa dang/ da ltar bzhugs pa'i sangs rgyas rnams kyis gang zhig thog ma dang/ bar dang/ tha mar dge ba gang yin pa de sangs rgyas rnams kyis gsungs pa yin par shes par bya'o zhes gsungs so/ /de skad ces gsungs pa de bas na dbang phyug la sogs pa bsad pas grol bar stobs pa de ni shin tu yang mchog ma yin la/ de las gzhan pa'i rnal 'byor pa sangs rgyas pa'i ming gi sdus pa gang dag bdag nyid rdo rje sems dpa' ma yin la/ de'i nga rgyal byas pas de'i rang bzhin du 'gyur bar ston pa dang/ mi mo la shes rab kyi ming du btags nas de la snyoms par zhugs pa tsam gyis thar pa thob par ston pa de dag ni yang

  161. 80a

    dag pa'i lam ston pa ma yin par shes par bya'o/ /phyag rgya chen po gang yin pa de ni 'jig rten pa'i zag pa dang bcas pa mi thob pa de bas/ rtogs pa thams cad spangs pa yid nang du chud pas bsgom par bya bar nges so/ /'jig rten las 'das pa'i dbang bcu gcig pa'o zhes bya ba ni/ 'jig rten pa dang mi mthun pa'i bde ba dang spyod pa ston pas 'jig rten las 'das pa'o/ /'jig rten pa bcu'i rjes la ston pas bcu gcig pa'o// //de ltar 'jig rten pa dang 'jig rten las 'das pa'i dbang legs par bstan nas/ da ni zas dang btud pa la sogs pa'i spyod lam gyi rnal 'byor gong du bstan pa rnams rgyas par bya ba'i phyir ro/ /yi ge oM gyi sbyang bar bya'o zhes bya ba la sogs smos te/ de la lag pa g.yon pa zla ba'i cha yin pas rnal 'byor pa'i lag pa g.yon pa'i mthil du oM dkar po yongs su gyur pa las zla ba'i dkyil 'khor dang/ de'i dbang du oM de nyid yongs su gyur pa las 'khor lo rtsibs brgyad pa dkar po bsams la/ de las 'od zer byung nas gtsang ma'i gnas zhes bya ba nas/ sku'i rdo rje rnam par snang mdzad kyi cha lugs 'dzin pa dpag tu med pa spyan drangs la/ de rnams kyis bza' ba la sogs pa byin gyis rlob pa byin gyis rlob cing mi gtsang ba'i skyon gyi dri ma gsal te/ byang chub kyi sems bdud rtsi'i rang bzhin du 'dzag par bsam mo/ /yi ge a(rgyud 'grel): sa spel bar bya'o zhes pa ni/ lag pa g.yas pa nyi ma'i cha yin pas/ rnal 'byor pa'i lag pa g.yas pa'i mthil du A(rgyud 'grel): dmar po yongs su gyur pa las nyi ma'i dkyil 'khor dang/ de'i steng du a(rgyud 'grel): de nyid yongs su gyur pa las

  162. 80b

    pad+ma dmar po 'dab ma brgyad pa bsams la/ de las 'od zer byung bas sngon bzhin du gtsang ma'i gnas nas gsung gi rdo rje dpag med 'od kyi cha lugs 'dzin pa dpag tu med pa spyan drangs la/ de rnams kyis gza' ba la sogs pa rnams mang bar byin gyis rlob par mdzad cing/ bdud rtsi chags pa'i ro dang ldan par rtogs shing khong du chud par bsam mo/ /yi ge hUM gis spang bar bya'o zhes pa ni thal mo gnyis kha sbub pa sgra gcan gyi cha yin pas lag pa gnyis kyi mthil du huM nag po yongs su gyur pa las/ sgra gcan gyi dkyil 'khor dang/ de'i steng du huM de nyid yongs su gyur pa las rdo rje nag po rtse lnga pa bsams la/ de las 'od zer byung bas/ yang gtsang ma'i gnas nas thugs kyi rdo rje mi bskyod pa'i cha lugs 'dzin pa dpag tu med pa spyan drangs la/ de rnams kyis kyang bza' ba la sogs pa rnams 'bar zhing gcig tu 'dres par byin gyis rlob par bsam mo/ /yi ge hos bdud rtsir bya'o zhes pa ni nam mkha' lding gi phyag rgya rdo rje sems dpa' i rang bzhin yin pas/ nam mkha' lding gi phyag rgya la ho ljang gu yongs su gyur pa las/ kha dog thams cad pa'i dkyil 'khor zlum por dang/ de'i steng du ho de nyid yongs su gyur pa las/ rdo rje dang dril bu bsams la/ de las 'od byung bas yang gtsang ma'i ye shes kyi dpal rdo rje sems dpa' i cha lugs 'dzin pa dpag tu med pa spyan drangs la/ de rnams kyis yang bza' ba la sogs pa bdud rtsi'i rang bzhin du byin gyis rlob par bsam mo/ /yi ge haM gis spyan drang bar bya'o/ /zhes pa ni/ mthe'u chung gnyis mdud par byas pa 'gugs pa'i cha yin pas 'jig rten gsum las rnam par rgyal ba'i phyag rgya la/ haM bsam zhing de yongs su gyur pa las pad+ma dang nyi

  163. 81a

    ma'i dkyil 'khor gyi steng du/ yi ge haM baM huM yongs su gyur pa las/ rdo rje nag po rtse lnga pa las 'od zer byung bas mgron gang yin pa spyan drang bar bsam mo/ /yi ge k+Shas gshegs su gsol lo zhes bya ba ni/ k+Sha ni zang cing mthar gtugs pa zhes bya ba'i don yin pas/ lag pa g.yon gyi rgyab kyis gshegs su gsol ba'i brda zhes bya ba'i don to/ /de bas na g.yon gyis sbyang bar bya zhes bya ba nas/ lag pa g.yon gyis ni gshegs su gsol lo zhes bya ba yan chad kyi don yin no/ /chang la zla ba zhu ba lta bu'i gzugs su bsgoms la/ zhes pa la chang ni mtshon pa tsam yin gyi/ gang dang gang za zhing 'thung ba de dang de'i byang chub sems kyi bdud rtsir bsam zhes bya ba'i don to/ /de nas lag pa g.yon gyi ming med kyi zhes bya ba g.yon gyi srin lag gis so/ /chang gi thigs pa blangs la zhes bya ba ni mtshon pa tsam mo/ /gang dang gang za zhing 'thung ba de shes rab stong pa nyid mtshon par byed pa'i gru gsum pa yid kyis sam mngon du bya'o zhes bya'o/ /de'i dbus su thig le'i gzugs zlum po bya'o/ zhes pa ni mtshon par byed pa yin te/ de ltar bstan pa'i rim pas dus gsum na bzhugs pa'i rdo rje 'chang rnams stong pa dang snying rje dbyer mi phyed pa la bzhugs pa ston pa yin la/ de yang phyi dang nang dang gzhan kun las 'grub par gnas so zhes bya ba yang yin no/ /me long gi gzugs brnyan dang mtshungs par dkyil 'khor gyi 'khor lo bsams la zhes bya ba ni/ gang yang rung ba'i dkyil 'khor gyi lha rnams gzung 'dzin dang bral zhing rnam par rtog pa'i dra ba mdza' dag spangs pa'i rang bzhin du bsam zhes bya ba'i don to/ /de yang e baM gi dbus na bzhugs par bsam la/

  164. 81b

    ngo bo nyid gyi 'khor ba'i dri ma dang bral zhing dben bas na dang ba zhes smos so/ /tshim par bya ba ni zhes pa ni rnal 'byor ba bdag gi rtogs pas rdo rje 'chang de rnams tshim zhing dgyes pa lta bur bsam par bya'o/ /tshim byed kyis sngags rnams/ bstan pas/ oM A:huM ho/ zhes bya ba yin la/ de nyid sku gsung thugs ye shes kyi rdo rje'i rig sngags yin pas/ sku gsung thugs ye shes kyi lha rnams la mchod pa'i sngags kyi tshig de rnams kyis so/ /de nas de'i rjes la/ a A/ i a'i/ ri rI/ u a'u/ li lI zhes pa'i sngags rnams nam mkha' dang rlung dang me dang chu dang sa'i yongs su bsdus pa'i chos can te/ rnam par shes pa nam mkha' i khams kyi rigs zhes bya ba la sogs pa phung po lnga'i chos can dang nam mkha' i khams la sogs pa'i khams lnga ste/ de rnams la mchod par bya ba'i sngags kyi tshig rnams yin no zhes bya ba'i don to/ /gzhan yang a A/ e a'e/ ar Ar/ o aau/ al Al/ zhes pa'i 'phel ba'i yi ge rnams kyis mig la sogs pa'i dbang po drug dang gzugs la sogs pa'i yul drug ste/ thabs dang shes rab kyi dngos po rnams mchod par byed pa'i sngags kyi tshig rnams yin no zhes bya'o/ /gzhan yang ha hA ya yA/ ra rA/ wa wA/ la lA/ zhes pa rnams yang na nA rkyen sgyur ba'i yi ge rnams thabs dang shes rab kyi rigs can khro bo khro mo bcu'o/ /zhe sdang rdo rje la sogs pa'i rang bzhin las kyi dbang po dang las kyi dbang po'i bya bar gyur pa rnams mchod pa'i sngags so/ /ka kA/ kha khA/ ga gA/ g+ha g+hA/ da dA/ tsa tsA/ tsha tshA/ dza dzA/ dzha dzhA/ nya nyA/ Ta TA/ Tha ThA/ Da DA/ Dha DhA/ Na NA/ pa pA/ pha phA/ ba bA/ b+ha b+hA/ ma mA/ ta tA/ tha thA/ da dA/ d+ha d+hA/ na nA/ sa sA/ nypa nypA Sha ShA/ sha shA/ th+ka Th+kA/ ha hA/ ra rA/

  165. 82a

    wa wA/ la lA/ k+Sha k+ShA/ zhes bya ba rnams ni rdo rje ka zhes bya ba la sogs pa'i rgyud ston par byed pa'i rjod byed kyi sngags kyi tshig sum cu rtsa drug ste/ thabs dang shes rab kyi rigs sum cu rtsa drug ces bya ba/ rnal 'byor dang rnal 'byor ma'i rgyud du rtog pa thams cad kyi lha'i mchod par byed pa'i sngags tshig gi cho ga'o zhes bya ba'i don to/ /de yang gsal byed gcig dang ldan pa ni thabs mtshon par byed pa'o/ /gang du gsal byed gnyis dang ldan par byed pa ni shes rab mtshon par byed pa'o/ /de bzhin du thung ngu thams cad ni thabs yin la/ ring po thams cad ni shes rab yin no/ /de bzhin du A li ni thabs kA li ni shes rab/ thig le ni thabs chog drag po ni shes rab ces rtsa ba'i rgyud chen po las gsungs pa yin pas/ gzhan du yang ci rig par sbyar ro/ /rkang gnyis gtso bos dang po'i sangs rgyas rgyud chen gsungs/ /gnod sbyin sde dpon gyis kyang de'i 'grel pa mdzad par gyur/ /thugs rje mnga' ba'i rkang gnyis gtso bos lung bstan pas/ /rdo rjes 'jam pa'i dbyangs kyis bsdus pa'i rgyud 'di bstan/ /'gro rnams ngo mtshar bskyed phyir spyan ras gzigs dbang gis/ 'jam pa'i dbyangs dang sgrol ma'i sras su 'gyur zhes bsgrags/ /nges kyang sngon gyi dam bcas bshol ba mi mnga' bas/ /sdud rgyud me tog phreng 'grel dri ma med 'di mdzad/ rab 'byed dbang gis 'grel pa rdo rje'i tshig /legs par 'byed byed bdag tsam dge ba gang/ chu bo'i rgyun ltar rab 'bab dge ba des/ /chos 'byung dri med grong khyer mchog thob shog /dbang gi rab tu byed pa'i 'grel pa/ rdo rje'i tshig 'byed pa zhes bya ba/ dge slong mkhas pa chen po dA ri ka pas mdzad pa/ bod kyi lo ts+tsha ba 'bro dge slong shes rab grags pas/

  166. 82b

    bla ma la mnyan nas bsgyur ba rdzogs so// //dpal dus kyi 'khor lo bsgrubs pa yan lag bzhi pa zhes bya ba bzhugs// //*/ /rgya gar skad du/ sh+rI kA la tsakra tsa tu raM ga sA d+ha no pi kA nA ma/ bod skad du/ dpal dus kyi 'khor lo'i sgrub pa'i thabs yan lag bzhi pa zhes bya ba/ 'phags pa 'jam dpal la phyag 'tshal lo/ /'phags pa spyan ras gzigs dbang phyug la phyag 'tshal lo/ /mchog gi snying rje dag gis ni/ /'khor ba mi bzad sdug bsngal las/ /gdon phyir ye shes lam la ni/ /ston pa khyod ni nyid kyi gzhag /khyod ni rgan yang gzhon nu ma/ /rgyal ba mdza' dag gi ni sras/ /dang po sangs rgyas kyi dang po/ /bud med sbyong la tshangs par spyod/ /mchog gi snying rje dag gis ni/ /'jig rten gnyen ni gshin rje'i dgra/ /khyod ni kho na'i rdo rje nyid/ /srid pa yi ni 'jigs sel ba/ /khyod ni rtag tu bdud kyi bdud/ /srid pa las ni rnam grol khyod/ /'gro ba smin pa'i don du ni/ /'jug pa yi ni gshin rje khyod/ /thug pa yi ni rigs 'dud pa/ /bram ze'i rigs kyi nyi ma bdag /zhabs kyi pad+mar rab btud pa/ /sems can rnams ni grol don du/ /dus kyi 'khor lo mdza' dag ni/ /sa'i steng du gsal byed pa/ /snyigs ma can gyi rigs ni khyod/ /sa'i bdag pos phyag byas pa/ /ka lA pa ru dpal grags pa/ /khyod kyi zhabs kyi pad+ma la/ /lag pa'i thal mo sbyar nas su/ /yan lag mchog la gzhag nas su/ /spyi bo yis ni phyag 'tshal nas/ /mdza' dag ma tshang med pa yi/ /bsgrub pa'i thabs ni bshad par bya// //skyed mos tshal dang ri brag dang/ /rgyal ba dam pa yi ni gnas/ /khang stong lha yi gnas dang ni/ /grub pa'i gnas dang dur khrod dang/ /mtsho yi gnas dang gab pa'i sa/ /gang du yid ni dga' bar ni/ /de ru bsgrub pa bya ba

  167. 83a

    ru/ /'gyur ro mi'i bdag po kye/ /zab cing rgya che ba yi sems/ /bla ma'i des pa la dga' zhing/ /gtong ba'i sems dang yon tan shes/ /thar pa 'dod cing rgyud la dang/ /sems ni g.yo ba med pa dang/ /de nyid rnyed pa dang gsang zhing// gdug pa rnams kyi tshogs bral ba/ /dpal ldan dus 'khor dkyil 'khor du/ /dbang bskur rim pa bzhin thob gang/ /'jam pa nyid kyi mal cha 'am/ /stan bde ba la 'jug par bya/ /maN+Dal skyang nul mdzes byas nas/ /rdzas bcur ldan pa'i mchod pa bsham/ /phyag rgya bzang po'i rjes phye ba'i/ /dag pa rnam gsum dran par bya/ /rdo rje gsum gyi sa phyogs su/ /dang po kho nar chos skyong la/ /gtor ma dag ni sbyin par bya/ /phyi nas rdo rje bzhi yis ni/ /phyogs dang mtshams su song ba ni/ / bdud kyi tshogs rnams nges par sreg /dpal gyi rdo rje'i sa phyogs na/ /gnas pa yi ni bdud kyi tshogs/ /ma lus par ni nges par sreg /phyi nas 'khor lo'i rtsibs bcu la/ /phyogs dang mtshams su song ba yi/ /khro bo'i tshogs ni bsgom par bya/ / sa'i mtshams kyi mthar thug par/ /ring po ru ni mthong gi bar/ /rdo rje gsum gyi ra ba gsum/ /sa'i bskor bar song ba ni/ /sa 'og gnas dang nam mkhar ro/ /rdo rje khang pa brtsegs par ni/ /dbus su 'dam skyes nyi ma'i khru/ /lte ba dang ni gdan la ni/ / dus dang lag pa'i khrur gyur pa/ de'i steng du bdag nyid ni/ /dri ma dang ni bral ba nyid/ /'khor lo'i dbus su khrod dbang po/ /phyag ni rgyal ba gnyis lhag pa/ /dus kyi zhal te rdo rje shugs/ /rnal 'byor pa yi bsgom par bya'o// //dang po'i snying ga'i zla dbus su/ /phyogs bcu ru ni sna tshogs la/ /de kho na'i 'od zer bsgom/ /kha la sogs pa dag byas te/ /slar la yang ni nam mkha' ru/ /'od zer spros pas rgyal ba bkug /mchod pa sna tshogs byas nas su/ /srid pa'i sdig pa mang po ni/

  168. 83b

    bsags pa de ni bshags par bya/ /gsum la skyabs su 'gro ba dang/ /lus dang ngag dang sems dag pas/ /sgrub pa po yi bya ba yin/ /rdzogs sangs rgyas dang byang chub sems/ /'phags pa'i dge 'dun gang mdzad pa/ /dge ba rnams la mang po yi/ /ma lus de la rje yi dang/ /nyon mongs pa dang bral ba yi/ /byang chub spyod pa rjes su gnas/ /sangs rgyas chos dang dge 'dun te/ /srid pa yi ni 'jigs sel ba/ /byang chub thar pa skyabs mchi'o/ /rdzogs sangs rgyas su bdag gyur cig /ces pa'i smon lam 'debs pa yi/ /'di ni sems can don gyi phyir/ /'gro ba ma lus 'di dag ni/ /dngos po'i ngo bo rang bzhin no/ /dngos dang bral ba stong pa'o/ /de phyir sangs rgyas byang chub med/ /gzhan la phan pa'i snying rje yis/ /mtshan ma med par dam bcas pa'i/ /de ltar mdza' dag shes byas te/ sku gsung thugs kyi rdo rje ni/ /byang chub sems dpa' bsgom par bya/ /dpag tu med pa'i yon tan ldan/ /dkyil 'khor la ni dkyil 'khor gtso/ /dang por 'di ni sdom brtson gyis/ /chu yis me ni 'jigs pa ni/ /lus kyi dbus su bya ba yin/ /phyis ni sa ni chu ru 'gyur/ /tshwa bzhin chu yi dbus su zhugs/ /rlung gis chu ni skams nas su/ /nam mkha' ru ni mi snang bar/ /myur du 'gro 'o de nas ni/ sems dang me ni mun pa'i mthar/ /yul dang rnam par bral ba ni/ /dbus kyi sa ru bzhag par bya/ /stong pa rlung dang me dang chu// sa dang rgya mtsho ri pad+ma/ zla ba nyi ma dang ni me/ /khang pa rtsegs ma kun nas ni/ /dri med 'od zer 'phro ba yi/ /rdo rje las ni skyes pa'i phyir/ /de na rdo rje'i sa gzhi la/ /sna tshogs nor bu 'od lta bu/ /dkyil 'khor la ni rnam 'phro ba/ /oM gyi ye shes las skyes pa/ /rgyal ba dam pa'i pad+ma la/ /zla ba nyi ma dag gi gdan/ /nang du brgyad gnyis ka ba ni/ /rigs gtso yis ni rang bzhin te/ /rgyal ba'i longs spyod 'khor lo ni/ rgyal po rigs byed bsgoms rnams la/ /nor bu gser gyis rang bzhin gyi/ /rta

  169. 84a

    babs dur khrod rnams kyis brgyan/ /a sogs ka sogs nyi ma zla/ /rigs kyi gtso dang lhan cig pa/ /me long lta bu la sogs pa'ang/ /dri ma med pa'i 'od 'phro ba/ /'od zer lnga ni 'phyed mdzad pa/ /dus kyi 'khor lo bsgom par bya// rdo rje'i brgyan dang ldan pa'i lus/ /rgyal ba yi ni phyag pad+ma/ /nyi ma'i dpung pa dus kyi zhal/ /mgrin gsum nyi ma yis ni spyan/ /zhal gdangs mche ba gtsigs pa yis/ dpal ldan oM las skyes pa'o/ /nor gyi pad+ma'i 'dab ma la/ zla ba nyi ma me'i ste// drag po 'dod lha gnyis kyis ni/ /snying gar shin tu rol pa'i zhabs/ /rgyal ba'i dbang po g.yas brkyang zhabs/ /mchog gi zhabs kyi 'og tu ni/ /bdud kyi dmar po g.yas kyi ste/ /drag po dkar po g.yon gyis so/ /mgrin pa dbus dang g.yon dang ga-yas/ /dpung pa nyi ma zla ba'i mdog /g.yas pa dang ni g.yon pa yi/ /phrag pa sngo dang dmar po dang/ /ri bong 'dzin pa ltar dkar ba/ /g.yas dang g.yon du gnyis kyi zhabs/ /dpung pa rnams su dkar min dang/ nyi ma'i mdog dang zla ba'i mdog/ de bzhin du ni brgyad gsum gyi/ /mtshon cha rnams dang lhan cig tu/ /lag pa rnams ni rim pa bzhin/ /sor mo la ni tshigs gsum gsum/ /ri bong can lag pad+ma la/ kha dog lnga ni 'phro ba'o/ /nag po dkar po dmar po yi/ /rab mchog lag pa'i mthil du ni/ /mtshon cha'i tshogs ni yang dag gnas/ /rdo rje ral gri rtse gsum dang/ /srid pa gsum ni 'jigs pa yi/ /gri gug dang ni me yi mda'/ /de nas rdo rje lcags kyu nyid/ /sgra dang bcas pa'i cang te'u/ /tho ba dang ni 'khor lo nyid/ /mdung dang dbyug pa dgra sta nyid/ /rdo rje can gyi g.yas pa yi/ /nyi ma'i phyag gi pad+ma la'o/ /dril bu phub dang kha TAM ga /kha ni rnam par phye ba dang/ /khrag gi bkad pa'i thod pa dang/ /gzhu dang zhags pa rin chen dang/ /pad+ma dang ni chu la

  170. 84b

    spyod/ /me long dang ni lcags sgrog dang/ /tshangs par rig byed gdong gis ni/ /mgo bo dang ni pad+ma ni/ /rgyal ba'i phyag ni g.yon pas 'dzin/ /sman pa'i gdong du byed pa yi/ /zhabs kyi 'og tu mnan pa ni/ /bdud dang drag po rang lha mo/ /rig byed zhal te gsang lta bu/ /nor gyi phyag ni pad+ma yis/ /'khyung pa sna tshogs yum yin no/ /g.yas ni gri gug lcags kyu dang/ /'khrol ba yi ni cang te'u/ /bgrang phreng rim pa bzhin du'o/ /g.yon na nya phyis zhags pa dang/ 'dab ma rgyas pa'i pad+ma dang/ nor bu bzang po de bzhin te/ /g.yon brkyang ba la nyi ma'i spyan/ /rgyal ba'i bdag po'i cod pan can/ /phyag rgya rnams kyis rgyas gtab po/ /phyogs kyi pad+mar sangs rgyas bzhi/ /nges pa kho nar spyan ni dgu/ /me'i spyan dang dus kyi phyag /mtshams su sgrol ma sogs lha mo/ / gzhan yang slar yang 'di dag gi /mtshams brgyad du ni bum pa brgyad/ /nag po dmar po ser po dang/ /ri bong 'dzin pa dkar po ni/ /lha dang lha mo rnams kyi'o/ /nag po dmar po zla ba ni/ /gzhan yang phyogs bral du song ba/ /dmar po ser po nyi ma'i ste// rtsigs pa'i phyogs mtshams song ba la/ /nam mkha' i snying po la sogs dang/ /reg bya'i rdo rje ma la sogs/ /shar gyi g.yas dang g.yon pa dang/ /phyogs gzhan gyis ni pad+mar ni/ /kun tu bzang po de bzhin du/ /dpal ldan phyag na rdo rje dang/ /sgra yi rdo rje nyid dang ni/ /chos kyi dbyings ni rim pa bzhin/ /lkugs dang rengs dang nga rgyal can/ /rab stobs shes pa 'di dag ni/ /sgo skyong shar la sogs par ro/ /ri bong 'dzin pa'i pad+ma la/ /shes rab dang ni thams byung pa/ /lha rnams dang ni lha mo rnams/ /phan tshun du ni 'khyud pa gnyis/ /rang gi lag pa chu skyes ni/ /rang rang mtshan ma rnams dang ldan/ /gang gi g.yas su mtshan ma gang/ /dang po yi ni lag pa la/ /de 'dir phyag rgya dang kral ba'o/ /shes rab stobs kyi 'khor lo yi/ /mchog tu bde ba yi ni gnas//

  171. 85a

    pad+ma rdo rje'i gdan la sogs/ /nag po rnams kyi ral gri gug /gnas rnams 'jigs par byed pa dang/ /g.yas kyi lag na rtse gsum mo/ /g.yon na phub dang thod pa dang/ /kha TAM ga ni dkar po ni/ /lag pa'i mthil na yod gyur te/ / dmar po rnams kyi de bzhin du/ /mnga' dang rdo rje lcags kyu dang/ /sgra dang bcas pa'i cang te'u/ /g.yas kyi phyag na rim pa bzhin/ /g.yon ni gzhu dang zhags pa dang/ /nor bu dri ma med 'phro ba/ /ser po rnams kyis 'khor lo dbyug /'jigs par byed pa'i rdo rje ni/ /g.yas kyi lag par rim pa bzhin/ /g.yon dang dpal ldan lu gu rgyud/ /dril bu'i sgra dang bcas par 'gyur/ /ri bong 'dzin pa dkar rnams kyi/ /g.yas na dpal gyi tho ba dang/ /mda' dang rtse gsum pa ni nyid/ /g.yon na pad+ma dkar po nyid/ 'dab ma brgyad dang bcas pa dang/ /me long dang ni bgrang 'phreng ngo/ /ljang dgu rnams kyi g.yas pa la/ /rdo rje gri gug dgra sta ni/ /rim pa bzhin du 'gyur ba yin/ /g.yon na dril bu thod pa dang/ /yon tan mdza' dag gis ni gter/ /utpa la ni de bzhin nyid/ so so'i yon tan dbang gis na/ /sngon po rnams kyi rig par bya/ /lha mo rnams ni de bzhin du/ /nag po dmar po dkar po dang/ /gser ni zhun ma 'dra ba dang/ /shar gyi lha sogs lha mo'o// //de ltar rdo rje can gyi yang/ /srid pa gsum ni ma lus pa/ /dkyil 'khor gyis ni rnam par gsungs/ /phyi dang lus dang gzhan la ni/ /spros pa'i rang bzhin med pa ni/ /dngos po'i skye ba yang dag gnas/ /de la rtag par mkha' rdo rje/ /srid pa rnam pa gsum song ba/ /mi rtag par ni 'gro ba'o/ / 'byung po'i tshogs ni rtag pa min/ /mig 'phrul dag ni ji bzhin no/ /rtag dang mi rtag par blta ba/ /de yang bem po'i blo can gyi/ /sems dag pa yi don gyi phyir/ /sgrub thabs nyid ni brjod par bya'o/ /ma las snying du song ba yi/ /sgrub par nus pa

  172. 85b

    nyid ma yin/ /rdo rje can ni sgrub pa'i thabs/ /sgrub po bsgrub par bya ba gang/ /ma lus pa ni 'khrul pa'o/ /de phyir rgyal po rang gi sems/ /nyon mongs pa dang bral ba ni/ /dkyil 'khor nyid du bsgrub par bya/ /ho yig thog ma tha mA'i lus/ /yang dag bde ba'i 'bres ster ba/ /sku gsung thugs kyi rdo rje ni/ /shes rab chags pas de zhu ba/ /ri bong can nyid lta bu ru/ /rdo rje can yang zhu mthong nas/ /lha mo rnams ni glu len byed/ /bcom ldan 'das ni rdo rje can/ /sum cu ba dang mi'i bla ma/ /sems can kun la bde mdzad pa/ /khyod kyis 'dod pa'i don gnyer ba/ /bdag cag rnams ni bsrung bar mdzod/ /glu ni rdo rje can son nas/ /srid pa gsum ni ma lus la/ /mig 'phrul lta bu nyid du ni/ /gzigs nas bskyed pa ru mdzad de/ /'od zer dri ma med pa 'phro/ /mtshan ma bcas pa spro bar bya/ rdo rje can ni rgyan dang ldan/ /rgyal ba'i dbang po'i cod pan can/ /shes rab kyi ni 'khyud pa nyid/ /rgyal po shes rab thabs kyis te/ /slar la yang ni dkyil 'khor ba/ /ma lus pa rnams 'byung bar bya/ / sngon po'i 'od 'phro 'jigs pa'i gzugs/ /rab tu bzhad pa yi ni zhal/ /zla ba phyed pa mche gtsigs ba/ /sgra ni sgrogs pa rtse'i spyan/ /gnyis lhag pa yi rgyal ba'i phyag/ /rig byed zhal la zhabs gnyis pa/ /shes rab thabs kyi yan lag can/ /mtshon cha rnams kyis yang dag mtshan/ /rdo rje shugs kyi gzhug par bya// //rkang pa brgyad pa'i shing rta nas/ /rgyal ba'i dgra ni 'jigs byed de/ /ye shes 'khor lo'i rgyu ru'o/ /mdun du ye shes de mthong nas/ /rnam pa bcu yi mchod pa dang/ / sngags rnams kun dang mchod pa bya/ /lte bar lcags kyu yis btab nas/ /dri med pa yi 'od 'phro ba/ /ye shes 'khor lo dbang phyug nyid/ /rigs gtsog ces pa'i gdong can gyis/ /zhags pa de nyid rab tu bcing/ /mtshon cha rnams kyis 'jigs byas

  173. 86a

    te/ ma lus pa ni bsgrubs byas nas/ /slar la yang ni log nas ni/ /rang gi 'khor lo bskor byas te/ /gzhug dang bcing dang dgyes pa dang/ /ro dag mnyam par byed pa ni/ /'gugs byed la sogs pa yis so/ /sems nyid rnal 'byor bskyed pa ni/ /nang gi pad+ma'i nyi stengs su/ /nam mkha' dang ni bcas pa'o/ /shar du 'du byed dang ni sa/ /lho ru tshor ba dang ni chu/ /byang du 'du shes me ru 'gyur/ /nub du gzugs ni gzhan nyid do/ /me ru rlung dang gzugs su 'gyur/ /bden bral me dang 'du shes gnyis/ /dbang ldan chu dang tshor ba gnyis/ /rlung du sa dang 'du shes ldan/ /sangs rgyas lha mo'i bar stong la/ /mtshan gyi phyogs su bdud rtsi'o/ /ro lir bkang pa'i bum pa brgyad/ /yang ni rim pa gzhan ma yin/ /steng du sna dang dri ri 'gyur te/ /lho ru mig dang gzugs dgod do/ /g.yon du lce dang ror 'gyur zhing/ /nub du lus dang reg bya ni/ /de bzhin du ni 'gyur ba yin/ /lho yi sgo yi g.yon du ste/ /'og tu rna ba dang ni sgrar/ /rigs kyi dbang gis 'gyur ba yin/ /shar gyi sgo yi byang du ste/ /nam mkha' ru ni yid nyid dang/ /chos kyi khams su 'gyur ba yin/ /dang po thabs ni rnam pa drug /dkyil 'khor gyi ni lhag pa'i lha/ /rigs kyi dbang gis 'gyur ba yin/ /phyi nas shes rab la sogs drug /rang rang pad+ma'i gdan la ni/ /gsal ba nyid du 'gyur ba yin/ / shar gyi sgo ru stobs po che/ /rab gtum ral gri 'dzin pa'o/ /de'i shes rab rengs byed ma/ /lho ru lkugs byed nga rgyal char/ /gyur te nor sbyin gyi phyogs su/ /nga rgyal byed ma rmugs ma'o/ /nub tu rengs byed brtson 'grus dpag med pa/ /chu lha ru ni gnas gyur pa/ /sgo yi dbus na pad+mar gnas/ /lha rnams 'di dag g.yon brkyang ste/ /rdo rje can gyi a thung ngu/ /ral gri can gyi i thung du/ /'od dpag med pa u thung du/ /'gyur te slar yang li yig ni/ /'di ni rnam par snang mdzad kyi/ /ring po'i dngos po'i

  174. 86b

    dbye ba yis/ /dbyangs kyi tshig ni ma lus pa/ /rigs drug rnams kyis rim pas so/ /dpal yum gyi ni mi shigs brjod/ /a las skyes pa nam mkha' i khams/ /a'i rI a'u lI rim pa las rlung dang me dang chu dang sa/ /thams cad 'byung bar ru ni 'gyur/ /rgyal ba dam pa'i bdag po dang/ /sna tshogs yum gyi bde don du/ /lus kyi dngos po phan tshun no/ /mi bskyod pa ni stong pa'i khams/ /phyag gi pad+ma ral gri can/ /spyan ma rnams kyi dngos po'o/ /rin chen bdag po mA ma kI/ /gzhan yang pad+ma 'dzin pa dang/ /gos dkar mo ni lus kyi dngos/ /de bzhin 'khor lo can sgrol ma/ /rang bzhin yon tan dbang gis na/ /thung dang ring ba'i dbyangs rnams kyis/ /oM ni kun tu bzang po la/ /gyur te lus kyi dbang gis na/ /phyag na rdo rje 'di ni a/ /gyur te gzhan yang de bzhin du/ /sa yi snying po ar ro ste// oM ni 'jig rten mgon po ste/ /de bzhin ar du gyur pa ste/ /'di ni sgrib pa rnam sel lus/ /a ni chos kyi dbyings nyid du/ /de bzhin du ni nges par 'gyur/ /a las skyes pa sgra rdo rje/ /e las skyes pa reg bya rdo rje/ /ro yi rigs kyi gtso bo nyid/ /a las skyes pas lus dbye bas/ /oM las skyes pa gzugs rdo rje/ /gyur te de bzhin mi'i bdag po/ /a las skyes pa dri rdo rje/ /dpal gyi bzang mo chos kyi dbyings/ /sgra yi rigs kyi gtso mo dang/ /phyag na rdo rje yi ni gzugs/ /nam mkha' i snying po dri rdo rje// ro yi mchog gi rigs gtso dang/ /'jig rten mgon po yang ni zung/ /sa yi snying po gzugs rdo rje/ /reg bya sgrib pa rnam sel dag /zung du yang ni 'gyur ba'o/ /de ltar rigs ni drug po dag /rigs rnams yon tan dbang gis ni/ /yang dag par ni rig par bya/ /ya la zung gi rim pa yis/ /stobs dang gnod mdzes ma ni zung/ /gsal ba nyid du 'gyur pa yin/ /rarku lkugs dang nga rgyal ma/ /rigs kyi dbang gis 'gyur ba yin/ /wa dang ra ni 'di nyid las/ /nga rgyal byed pa lkug byed ma/ /

  175. 87a

    la yA gnas mdzes brtson 'grus ma/ /rigs kyi dbang gi 'gyur ba yin/ /shes rab thabs ni yan lag dngos/ /rigs kyi dbang gi 'gyur ba yin/ /gang zhig gang la khas phyogs pa'i/ /rdo rje 'chang dpal kun du bzang/ / rigs kyi dbang gi 'gyur pa yin/ /mi bskyod phyag na rdo rje dang/ /don yod grub pa mkha' snying po/ /dri med nor bu med pa dang/ /yang dag par na sa snying po/ /'khor lo'i phyag dang sgrib sel ba/ /rigs kyi dbang gi 'gyur ba yin/ /'od dpag med dang 'jig rten mgon/ /rigs kyi dbang gis 'gyur ba yin/ /dpal gyi yum dang chos kyi dbyings/ /rdo rje dbyings dang sgra rdo rje/ /rigs kyi dbang gi 'gyur ba yin/ /dpal gyi sgron ma reg rdo rje/ /gos dkar mo'i rigs dbye bas/ /ro yi rdo rje ma nyid do/ / ma mA kI dang gzugs rdo rje/ /rigs kyi dbang gi 'gyur ba yin/ /spyan ma dri yi rdo rje ma/ /slar la yang ni stobs po che/ /don yod grub pa'i rigs las byung/ /rin chen phyag las lkug pa nyid/ /rigs kyi dbang gi 'gyur ba yin/ /'od dpag med dang rlom byed ma/ /rengs pa nyid dang rnam snang mdzad/ /rlung dang me dang chu sa las/ /brtson 'grus lag med lkug ma dang/ /nga rgyal can ma rim pa bzhin/ /nges pa kho na gsal bar ni/ /gnod ma rung ni rab tu grags/ /dkyil 'khor gyi ni nang dbus su/ /ston pa lha mo sogs bum pa/ /lhan cig rgyal ba yi ni sku/ /sangs rgyas la sogs chos kyi sku/ /sgra rdor la sogs byang chub sems/ /longs spyod rdzogs pa yi ni mu/ /khro bo rnams ni sprul pa'i sku/ /yon tan gyi ni dbang gis 'gyur/ /thugs kyi dkyil 'khor gnas pa yi/ /sems can kun gyi don byed pa/ /sku yi rdo rje zung du 'gyur/ /rgyal ba'i sku dang lhan cig tu/ /sku rdzogs pa yi rgyu ru'o/ /gsung gi rdo rje chos kyi sku/ /zung du yang ni 'gyur ba yin/ /chos rnams

  176. 87b

    ston par byed pa yi/ /sems dang longs spyod rdzogs pa yi/ /zung du yang ni 'gyur ba yin/ /sems can kun gyi don byed pa'o/ /ye shes dang ni sprul pa'i sku/ /srog chags rnams la thar ba ster/ zung du yang ni 'gyur ba yin/ /shes rab thabs kyi yan lag dngos/ /mthun dang mi mthun pa yi rigs/ /nyi zla a ka la sogs pa/ /srid pa rnam pa gsum song ba/ /ye shes rnam shes dbye ba ni/ /rnal 'byor pa yis rig par bya/ /rdo rje gsum ho swA hAr ldan/ /spyi bor mgrin pa snying ga dang/ /lte ba gsang ba spyi bo ru/ /'di rnams kyis ni lus byin brlabs/ /mchog gi rgyal ba'i bdag po ni/ /lha mo rnams kyi 'grub par 'gyur/ /rdo rje phan tshun rdo rje nyid/ /cod pan du ni 'gyur ba yin/ /res dga' sangs rgyas lnga yis ni/ /gzugs kyi steng du mi bskyod pa/ /g.yas pa ru ni pad mtshan gyi/ /rnam par snang mdzad nyid du 'gyur/ /rin chen lce yi pad+ma 'dzin/ /rab mchog nor bu byed pa ni/ /don yod grub pa'i dbu rgyan no/ /drug gi cod pan ral pa mdzod/ /yon tan gyi ni dbang gi 'gyur/ /lhag ma 'khor lo gzhan dag go /stong pa nyid dang chos kyi dbyings/ /rigs gsum gyi ni dam tshig dang/ /ye shes mchod pa rjes chags dang/ /gsum la skyabs su 'gro ba yi/ /de yi rang bzhin bdag nyid ni/ /sgrub pa po yis mchod par bya/ /du ba la sogs bum pa rnams/ /snying kha chos kyi 'khor lo yi/ /rtsa brgyad rnams kyi dag pa yin/ /rig pa rnams dang sangs rgyas rnams/ /spyi bo yi ni lhan cig skyes/ /rtsibs ni bcu drug pa ru grags/ /mgrin pa longs spyod 'khor lo yi/ /mi'i bdag po nyis 'gyur ni/ /byang chub sems sogs dag pa'o/ /lte ba sprul pa'i 'khor lo yi/ /nor lha gdengs can gyis sgres pa'i/ /'jigs pa la sogs dag tu'o/ /lag pa rkang pa dag gi tshogs/ /stong pa drug dang me'i grangs/ /las kyi 'khor lo'i lha rnams dag /blu dang

  177. 88a

    gtum mo'i bcu drug rnams/ /sor mo rnams kyi tshigs kyi mtshams/ /bya ba'i 'khor lo dag par 'gyur/ /rdo rje can dpal dus dag bar/ /me'i bdag por 'gyur pa ni/ /lo dang zla sogs dbye bas so/ /sems kyi snang ba snang ba med/ /nyi ma so so'i dbang gis ni/ /sna tshogs yul ni rnam dag pa/ /du ba la sogs rlung dag pa/ /rang gi snying ga'i pad+ma ni/ /rtsa yi 'khor lor gnas pa'o/ /drag po chung ma bcas mnan pa/ /nyon mongs pa yi bdud bcom mo/ / khyab bdag zhabs kyi mthil gyis ni/ /bdud mnan bdud tshogs bcom pa'o/ /dung dang gaN+DI nor bu dang/ /ljon shing zhes pa de bzhin du/ /sku'i rdo rje la sogs bzhin/ /bum brgyad lus ni bdud rtsi brgyad/ /rgyal ba rnam par rgyal bum pa/ / byang chub sems dang rdul bstan pa'o/ /'du byed don yod grub pa ste/ /tshor ba rin chen 'byung ldan dang/ /'du shes 'od dpag med pa'o/ /gzugs ni rnam par snang mdzad do/ /khu pa rkang dang khrag dang ni/ /dri chu dri chen rnam dag pa'i/ /khams drug rnam dag lha mo drug /yul dang yul can rnam dag pa/ /byang chub sems dpa' phyag rgyar bcas/ /khro bo lnga ni stobs lnga nyid/ /gzhan ni dbang po lnga yin no/ /rgan byad la sogs brgyad dang 'khor/ /pad+ma'i 'dab mar song pa rnams/ /nyi dus chu tshod rnam dag pa'o/ /bden bral la sogs zla bcu gnyis/ /pad+ma'i 'dab mar song ba rnams/ /chu tshod kyi ni dbugs grangs tshad/ /klu dang gtum mo rnams gsang ba/ /mi yi bdag po nyis 'gyur ro// rtsa rnams kyis ni dag pa'o/ /de bzhin spyan ma la sogs pa/ /rang bzhin yon tan dbang gis ni/ /lus kyi bya ba dag pa'o/ /sgra rnams grub pa ma lus pa/ /ba spu rnams ni 'byung ba'i tshogs/ /sa yi steng na gnas rnams so/ /de nyid rnams ni

  178. 88b

    gtso mtshan tsho/ /rang bzhin yon tan dbang gis ni/ /kham rnams dag pa'i phyag rgya'o/ /rdo rje rnams ni nang phyag rgya/ gtso bo yis ni snying du ni/ /zla stengs yang dag gnas pa'o/ /rdo rje can dpal sna tshogs yum/ /srid pa rnam pa gsum song ba/ /dus gsum ye shes sbyar bas so/ / dpa' dag pa las chos gyi sku/ /chos las longs spyod rdzogs skur 'gyur/ /longs spyod rdzogs las sprul pa'i skur/ /gyur te rgyal ba'i bdag por ni/ /sems can gyi ni don gyi phyir/ /bzhi pa gnas ni nyal ba dang/ /slar la yang ni gzhan ma gnyis/ lus kyi dbye bas sad pa'o/ /de ltar lus kyi dbye ba yis/ /srog chags rnams kyis lus la yang/ /rnam pa bzhi ni gnas pa yin/ /sprul pa longs spyod rnams la yid/ /lus dang dbang gi rjes byed ba'o/ /longs spyod rdzogs pa'i sems ste ba/ /rigs kyi dbang gis gyur pa yin/ /chos kyi sku yi gnyid log pa/ /dag pa'i bde bar gyur pa ste/ /'di ni nyin dang mtshan dag gis/ /thig le gsum gyi grol pa'i mthar/ /de yi phyir ni mi 'dzag don/ /nyin dang mtshan gyi dus su ni/ /rnal 'byor pa yi bsgom par bya/ /g.yon du srog ni rgyas 'gyur zhing/ /de bzhin g.yas su rdul ba dang/ /de ni g.yon brkyang gnas pa'o/ /gtum mo lte ba'i 'khor lo'o/ /dgu la lag 'gro yis bsnun pa/ /rgan byang la sogs pa yi lha/ /snying po ha yi ye shes ni/ skad cig ma ru snang ba ste/ /ye shes gzi brjid sad pa'o/ /lte ba la ni rnam snang sogs/ /bsreg cing spyan ma mig la sogs/ /thams cad bsreg nas spyi bor gang/ /zla ba bzang las 'dzag pa ni/ /thig le de ni rdo rje can/ /shes rab chos 'byung la gnas pa/ /slar yang thig le nyid las ni/ /ma lus par ni spras pa dag /sna tshogs pa yi rgyan dang ldan/ /me long nang song lta bu'o/ /ye shes 'khor lo rang 'byung ba/ /'dod pa'i gzugs dang gzugs med pa/ /srid pa rnam pa gsum zhes pa/ /rim pa yis ni sbyangs

  179. 89a

    nas su/ /phyi nang ye shes mchod pa ni/ /srid pa gsum ni ma lus pa/ /skad cig gcig gis dgug par bya/ /zla nyi a dang ka la sogs/ /rnam pa gsum du 'gro 'ong ba/ /sku yi rdo rje sogs bzlas pa/ /so sor sdud pa la sogs drug /gser ni btso ma'i 'dab ma la/ /sku dang gsung thugs sbyor ba yi/ /rdo rje pad+ma dga' la sogs/ /ro ni mnyam par 'gyur ba yi/ /rdo rje gsum ni bsgom par bya/ /shes rab pad+mar sems thig le/ /lhan cig skyes la bde dbang gis/ /mi shigs pa ni bsgom par 'gyur/ /bsnyen pa bsdud rtsi lnga la sogs/ /rigs kyi gtso mo bzhi yis ni/ /sngags kyi bzlas pa la sogs pa/ /so sor sdud pa la sogs 'gyur/ /rdo rje pad+ma las skyes pa'i/ /bdud rtsi nye bar bskul ba'o/ /dga' ba la sogs rdo rje gsum// pad+mar de ni mnyam song ba/ /bsgom pa bsgrub par 'gyur ba'o/ /shes rab sbyor ba mi 'dzag gang/ /sgrub pa chen po nyid 'gyur te/ /phra mo yi ni sbyor bas so/ /dang po stong pa'i byang chub nyid/ /de nas thig le zla 'dus pa/ /de nas sku ni bskyed pa nyid/ / rab mchog ro yi rigs kyis ni/ /yi ge rnams ni dgod pa nyid/ /'di rnams thun mong bsnyen pa ste/ /rdo rje rnam pa bzhi dang ni/ nang bu ma yi ni sgrub pa'o/ /'di ru thabs ni rnam pa bzhir/ /bsgrub pa'i yan lag de bzhin no/ /so sor sdud pa rnam pa bcu/ /rgyal ba yi ni dbang por 'gyur/ /de bzhin bsam gtan mi bskyod pa/ /srog dang rtsol ba ral gri can/ /slar la yang ni rnam pa bcu/ /bzung ba rin chen phyag rgya can/ /g.yung mo rjes su dran pa ni/ /pad+ma 'dzin pa ru ni 'gyur/ /dpal gyi ting 'dzin 'khor lo can/ /re re yang ni lnga ru dbye/ /slar la yang ni gang dbye ba/ /a la sogs dang ka la sogs/ /so sor sdud pa yul can ni/ /yul can rnam pa bcu po rnams/ /yul la 'jug pa med pa'o/ /shes rab rtog pa dpyod pa rnams/ /dga' ba mi g.yo bde ba dang/ /bsam gtan sems ni gcig pa'o/ /

  180. 89b

    gtum mo 'di ni snang ba gang/ /lus la nges par gsal 'gyur ba/ /nam mkha' de ni rjes dran 'gyur/ /srog dang rtsol ba gnyis kyi lam/ /ma 'khrugs pa ru 'gyur ba ni/ /dbu mar srog ni 'jug pa'o/ /thig le ru ni srog 'jug cing/ /gnyis kar 'gro dang 'ong ba dang/ bzung ba nyid ni sems gcig pa/ /shes rab thabs kyi bdag nyid kyi/ /lhan cig skyes pa de dbang gis/ /ye shes sku ni ting 'dzin pas/ /'di ni chu sogs dbye ba yis/ /gsum du yang ni 'gyur ba yin/ /sna tshogs bdag po'i sgrub thabs so/ /phyag rgya gsum dang tshad ni gsum/ /rnam pa gsum ni srid dbang gis/ /las dang kun rtog bzang mo yis/ /so sor sdud pa'i rnal 'byor pa/ /yul dang rnam par bral ba dang/ /sngags rnams kyis ni byin brlabs nas/ /bsam gtan sbyor ba dag pa yis/ / mngon shes lnga ni thob par 'gyur/ /srog dang rtsol ba dag pas na/ /zla ba nyi ma dag dang bral/ /byang chub sems dpas mchod par 'gyur/ /bzung ba yis ni stobs kyis ni/ /nyon mongs la sogs bdud bcom zhing/ /stobs bcu la ni 'jug par 'gyur/ rjes dran gyis ni dag par 'gyur/ /dri med 'od 'phro'i dkyil 'khor te/ /gzhan yang ye shes sku las so/ /de phyir dag pa'i ting 'dzin gyis/ /nyi ma cung zad tsam gyis ni/ /ye shes sku ni 'grub par 'gyur/ /so sor sdud la sogs pa yis/ / gal te gzir bar ma gyur na/ /sngags pa rnams kyi 'dod mi 'grub/ /sgra la sogs pa'i yan lag ma'i/ /pad+ma rdo rje nor bu ru/ /thig le bzung ba bsgrub par bya/ /bsnyen pa dang po'i sbyor ba ni/ /nam mkha' ru ni rnam pa bcu/ /'khor lo can 'gro blta ba'o// bgegs ni mthar byed kyang blta pa/ /bdud rtsi'i lam du song ba yang/ /nye ba'i bsnyen po yan lag drug /shes par la sbyor zla thig le/ /gzhan yang rdo rje nor bu ste/ /yi ge gsum ni 'grub par 'gyur/ /bde ba ma nyams gcig zhi ba/ /lhan cig skyes

  181. 90a

    pa ru ni 'gyur/ /bsgrub chen ye shes sbyor bas so/ /srog dang rtsol ba kun nas ni/ /mgo bo'i bar ni phan pa ste/ /mnyam pa'i bde ba 'bras ster ba/ /de las steng ni mi phan pa/ /'chi ba'i 'jigs pa byed pa'o/ /sems can nyes pas bzlog pa'i rgyu/ /gtsug tor sgo ni phug nas su/ /mchog tu bde ba'i gong 'phang du/ /'di ni sbyar bar bya ba nyid/ /phung po med pa'i rnal 'byor pa/ /mnyam pa'i bde ba la 'jug mod/ /'on kyang 'jig rten grags pa med/ /dbus su srog dang 'jug pa ni// yul dang rnam par bral ba nyid/ /sna tshogs yum gyis 'khyud pa'o/ /pad+mar bcug pa'i rang rdo rje/ /spros pa las ni de bzhin te/ /rdo rje'i dbus su zhugs par bya/ /sa la ma lhung ba bde ba/ /shin tu chags pa'i chags par song/ /rnal 'byor pa yi sbyor ba 'di// phyag rgya dngos grub don gyi phyir/ /mchog tu yang ni khyab pa'i bdag/ //dpal ni gsang las gsang ba yi/ /de ltar yan lag rnam pa bzhis/ /gal te bsgoms pas skyo na ni/ /de nas sngags kyi bzlas pa bya/ /oM kA la tsakra ya huM hAM swAhA/ oM hAM h+riM hAM swA hA/ oM badzra d+hwA twI shwa re huM ho swAhA/ oM a mo g+ha sid+d+ha ye swAhA/ oM ratna saM b+ha bA ya swA hA/ oM a smri ta b+hA ya swAhA/ oM bai ro tsa nA ya swAhA/ oM lo tsa nA ya swA hA/ oM mA ma kI ye swA hA/ oM paN+Da rA ye swA hA/ oM tA rA ye swAhA/ oM badzra pA Ni ye swAhA/ oM kha garb+hA ya swAhA/ oM k+Shi ti garb+hA ya swAhA/ oM le ke shwA rA ya swAhA/ oM sarba ni ba ra bi skaM bi ne swAhA/ oM sa man+ta b+ha drA ya swAhA/ oM g+han+ta badzra ye swAhA/ oM rU pa badzra ye swAhA/ oM rA sa badzra ye swAhA/ oM sngar sha badzrya swAhA/ oM shapda badzra ye swAhA/ oM d+d+harma d+hA tu badzra ye swAhA/ oM big+h+nan+ta kA ya swAhA/ oM pradz+nyan+ta ka ya swAhA/ oM padmA nA kA ya swAhA/ oM ya mAn+ta kA ya swAhA/ de nas bzlas pa skyo ba na/ mchod pa bcu dang sgeg sogs dang/ /chang dang bdud

  182. 90b

    rtsis mched nas ni/ /de nas bdud rnams tshar gcod pa'i/ /phreng ba'i sngags kyi bstod par bya/ /oM na mo badzra satwA ya/ na mo bud+d+ha bi d+hI satwe b+hya(rgyud 'grel): na mo badzrA grad+he n+d+ra rA dze b+hya(rgyud 'grel): na mo bi shwa mA trai/ na mo bud+d+ha bo d+hi satwA de bIb+hya:na mo badzra DA ki nI b+hya(rgyud 'grel): na mo b+ha ga ba te kA la tsakrA ya/ badzra b+hai rA ba d+hI kA rA ya/ ma hen+d+ra nI la barna sha rI rA ya/ ma ra kle sha h+ri dA ya/ krAn+ta shi ta rak+ta tsa ra nA ya/ kriSh+Ne dak+ta si ta kaN+DwA ya/ nI la si ta pI ta rak+ta daSh+TrA ka rA lo gra b+hI khaN mu khA ya/ kriSh+Na rak+ta shi ta sa bye ta ra skand+hA ya/ twA da sha b+hu dzA ya/ sha Twi sha ti kA rA ya/ badzra kharga tI shU la kArta kri bA Na oM ku sha Da mu ru ka mung+ga ra tsa kra kunda daN+Da pa ra shu badzra g+haN+Ta khe Ta kha TwOM ka pA la tsA pa pA sha ratna ka ma la shaM kha khA darsha brahma shi ro ga dza tsarma d+h+rik+ka rA yA bya g+h+ra tsarma ni ba sa nA ya/ kand+he muN+Da mA lA ba lam bi ne/ shi ra si badzra paTTa mu ku Te ka pA la mA lA d+d+ha tsan+d+ra d+ha rA ya/ kuN+Da la ru tsa ka kaNShI kA me kha lA nU pU ra b+hasma ya dz+nyo pa bI ta sho ro ma Ni mahA mu dra nA gen+d+ra bi b+hu Sha NA ya/ badzra Da ki nI san+to Shi tra h+ri sa yA ya/ in+d+ragni ya ma nirra tya ba ru Na bA yu/ ku be re shA na brahma/ piSh+Nu bi nA ya ka kA rti ke ya nandi mahA ka la gra ha na k+Sha tra k+She tra pA la/ su ren+d+rA su ren+d+rA pha Nin+d+ra b+hu ten+d+ra na ren+d+ra saM stu ta tsa ra NA ya/ rigs drug bkod pa'i bstod pa dang/ /mchog sbyin rdo rje'i bstod pas bstod/ /de nas mtshan phyed gtor ma sbyin/ /oM oM badzra tsan+d+ra sarba d+harma su bi shud+d+hA sarba d+harma su bi shud+d+hA ya swAhA/ oM A:badzra sUrya sarba d+harma pra bo d+ha ka sarba d+harmAM pra bo d+ha ya swAhA/ oM huM badzrA na la sarba d+harmAM pra dI pa ka sarba d+harmAM pra dI pA ya swAhA/ oM ho sarba d+harma badzrA mri tA ka ra sarba d+harma badzrA mri taM ku ru ku ru swAhA/ de ltar sngags dang phyag rgya yis gtor ma byin rlabs zin nas ni/ /phyag rgya sngags kyi spyan drang bya/ /oM ha hA hi hI badzre b+hai ra bA karSha ya karSha pra be sha ya pra be sha ya/ band+d+ha ya band+d+ha ya/ to Sha ya to Sha ya/ dza:hUM baM ho:/sarba DA ki nI ni trid yi huM hUM phreM phreM phaT/ de rjes mgron

  183. 91a

    rnams byon pa dang/ /lhar bskyed dbang bskur byin brlabs pa'i/ cho ga'i rim pa rdzogs par bya/ /mchod pa rnams dang gtor ma bsngo/ /oM brahma/ biSh+Nu/ nai ri tya/ bA yu/ yA ma/ agni /sa mu dre shwa ra/ in+d+ra yak+She b+hya:sa pa ri bA re b+hya(rgyud 'grel): i daM ba liM/ gand+haM/ puShpaM/ d+hU paM dI paM ak+Sha taM da da ma he te tsA ka tya sa pa ri bA ra shI g+h+ra mi daM pa li grih+na du kha dan+tu pi ban+tu dza:hUM baM ho(rgyud 'grel): san+ti pta sarba satwa nAM shan+tiM puSh+TiM rak+ShA ba ra na gub+hiM kurban+tu huM hUM phaT/ badzra d+ha rA dz+nyA pa ya ti swA hA/ slar yang mchod cing bstod pa dang/ /yig brgyas phrin la so sor bshags/ /gtsug tor du ni rtse lnga pa'i/ /rdo rje ru ni gyur pa yin/ /phyi nas rtse mo nyis 'gyur du/ /gyur pa chos kyi 'khor lo'o/ /des ni nyis 'gyur du bsgres pa/ /lhan cig skyes par 'gyur ba dang/ de yi yang ni gzhan nyis 'gyur/ /longs spyod rdzogs pa'i 'khor lo dang/ /sprul pa yi ni 'khor lo'o/ /de yi nang du rtse gcig go /mnyam pa'i bde ba'i 'bras ster ba/ /gsang ba'i pad+ma la gnas pa/ /phyag rgya sgom pa'i don du gsungs/ /nyin dang mtshan mo'i dus su ni/ /'dod chags zad don nyid du ni/ /gsung gi rdo rje myang don du/ /sngags pa rnams la gsungs pa nyid/ /nyes par bya ba kho na min/ /nyi ma so so'i dus su ni/ /zas kun bde ba'i don du ste/ /mi 'ju ba yi rgyu ru ni/ dpal gyi spyod pa dngos grub rgyur/ /ro bsreg gnas su mtshan mo ni/ /'gro ba rtse ba'i don du min/ /rnal 'byor pa gang srog gcod pa'i/ /nyin dang mtshan du byed pa na/ /de ni srog 'jig pa ru gsungs/ /sgra gang kha dang bral ba ni/ /snying la od par rab gyur pa/ /de ni brdzun du smra ba nyid/ /kun mkhyen gyi ni ye shes sar/ /'dzin pa yang ni byed pa gang/ /rnal 'byor par yang de gsungs so/ /bde ba'i thig le ma lhung ba/ /gzhan gyi bud med du ni 'gyur/ /bsten pa chags bral

  184. 91b

    min pa'o/ /srog dang rtsol ba'i me yis ni/ /ri bong can yang zhu ba'o/ /btung ba chang gi btung ba'o/ /mthe bong tshig nas gtsug tor du/ /chos kyi dbang gi 'gro ba ni/ /nya mthar thug pa rang gi sems/ /gtsug tor nas ni rang gi sems/ /yang ni 'di ni 'gro 'gyur ba/ nag po'i phyogs kyi mthar thug bar/ /rnal 'byor ba yi spyod pa des/ /nyi ma re re'i dus su ni/ /'dod pa'i dngos grub rab tu ster/ /spyir dang 'dor ba lus tshad pa/ /mchog gi kha yi pad+ma las/ /tshig mi 'byung zhing gnyid log pa'o/ /'gul dang na dang rdul ba dang/ /yid ni 'khrul dang brgyal ba ni/ /du ba la sogs rdo rje can/ /de rnams gsal ba rnams pa bcu/ /sog tsan lus kyi gnas skabs so/ /'jig rten 'dod pa'i gnas skabs ni/ /nges pa kho nar gsal ba las/ /su zhig rgyal bar su 'dod pa/ / thig le dkar po'i rgyun ni gang/ /nyin dang mtshan mor lhung ba ni/ /mA ma kI ni de chang ngo/ /go ku la sogs mig la sogs/ /nyi ma re re bzhin spros pa/ /bdud rtsi lnga rnams bsten pa ni/ /rang gi rigs kyi sar song ba/ /lha rnams dag pa'i lus la'o/ /stong pa'i sems de brtson ba yis/ /lhan cig skyes pa khyab bde ba/ /de ni skye gnas 'khrig pa min/ /nor gyi sbyin pa btang ba dang/ /bud med sbyor ba yid kyis ni/ /mi 'dzag pa ni tshul khrims so/ /bzod pa sgra sogs mi 'jug pa/ /gnyis kar song ba'i le lo ni/ /rnam par 'jig pa brtson 'grus so/ /bsam gtan shes rab sems dang ni/ /bde ba lhan cig par song kun/ /'gro ba thams cad brjed pa'o/ /sems can don du de rdzu 'phrul/ /srid pa'i don ni mi byed pa/ /thob pa gzhan ni bzhi pa'o// // dri med blo gros 'od zer gyis ni mun pa thams cad spong bar byed pa rnams/ /skye bos bla ma'i 'dod pa gang zhig dang po de ni gzung bar byas nas su/ /bcings las grol 'dod de ni bdag gis nges grol byas pa'o/ /de ltar dag pa dri med gang yin de

  185. 92a

    yis rtag tu 'gro ba'i yid/ /dus 'khor zhabs zhes de la gnas pa'i go 'phang rtag tu bsam gyur cig// //dus kyi 'khor lo'i yan lag bzhi pa'i sgrub thabs dus kyi zhabs chen pos mdzad pa rdzogs so// //paN+Di ta bi shwa sh+rI dang/ lo ts+tsha ba gyi jo zla ba'i 'od zer gyis bsgyur ba'o// (//dpal ldan rgyu skar gyi dkyil 'khor gyi sgrub thabs yan lag bcu gcig pa zhes bya ba bzhugs so//) // */ /rgya gar skad du/ sh+rI nak+Sha tA maN+Da la sA d+ha na me ka da sAM ga nA ma/ bod skad du/ dpal ldan rgyu skar gyi dkyil 'khor gyi sgrub thabs yan lag bcu gcig pa zhes bya ba/ dpal dge ba'i bshes gnyen la phyag 'tshal lo/ /thams cad mkhyen pa'i ye shes sku/ /nyin mor byed pa'i 'od lta bu/ /pad+ma rgyas pa 'dra ba'i spyan/ /sangs rgyas seng ge'i gdan bzhugs pa/ /lha yi mchog la phyag 'tshal nas/ /dpal ldan dus kyi 'khor lo yi/ /rgyu skar dkyil 'khor sgrub thabs bri/ /mtshan nyid ldan pa'i gang zag gis/ rgyud nas bshad pa'i gnas dag tu/ /rten dang yo byad bsams nas ni/ /dngos grub yan lag bcu gcig bsgom/ /bsrung dang kha sogs dag pa dang/ /bdag nyid dag bya bdag bsrung dang/ /tshogs gnyis bsags dang dkyil 'khor bskyed// byin gyi brlabs dang dbang bskur dang/ /phra mo'i thig le'i rnal 'byor dang/ /mchod bstod rjes kyi bya ba'o/ /cho ga de dag re re la'ang/ /cho ga dang ni ting 'dzin dang/ /nga rgyal bzung ba gsum gsum mo/ /dang por tho rangs sngar langs nas/ / nam mkha' i dpa' bo rnal 'byor ma'i/ rol mos gnyid sad pa ru bsams/ /thal sbyar sngags 'dis phyag bya'o/ /oM sarbbA bI ra yo gi nI na ma(rgyud 'grel): kA ya bak+tsit+ta praN me banda ni ka ro yA mi/ de nas khams bsangs maN+Dal bya/ /me tog tsham bu

  186. 92b

    lha grangs bzhin/ /sku gsung thugs kyi rten yang dgod/ /mchod pa rnams dang rol mo dang/ /gtor ma dag kyang bsham par bya/ /bdag nyid rdo rje shugs su bsgom/ /spyi bo sogs su yi ge dgod/ /rdo rje bsams la bka' sgo ba/ /hUM lus dag sems la gnas pa yi/ /bgegs kyi tshogs kun nga la nyon/ /nga ni dpal ldan rdo rje'i stobs/ /bsrung ba'i 'khor lo rab sbyor bas/ /rdo rje 'bar ba'i lus 'di yis/ /sku gsum las byung bkos par bya/ /gal te dam tshig las 'das nas/ /zhig 'gyur 'di la the tshom med/ /rdo rje 'bar ba bde chen po/ /ye shes 'byung ba'i la sogs 'dis/ /brjed byed la sogs bgegs kyi tshogs/ /gnas 'dir ma gnas gzhan du dengs/ /rdo rje rnams la me dpung 'bar/ /sngags 'dis bgegs rnams sreg bar byed/ /oM A: huM ho haM k+Sha(rgyud 'grel): h+rA(rgyud 'grel): h+rA(rgyud 'grel): h+rA(rgyud 'grel): h+rA(rgyud 'grel): ra ra ra ra/ badzrA na la sarbbA pa ra Na d+harmA pra la ya swA b+ha ba mA ra kA yi ka big+h+na bi nA yA kA dI nAM/ dA sha dig+ga tA nAM kA ya bAk+tsit+tA naM/ da ha da ha/ pa tsa pa tsa/ b+hasmI ku ru ku ru hUM hUM phaT phaT zhes pas bdud rnams bsreg par bsam/ oM A:huM ra badzra tsan+d+ra sUrya rA hu la kA lA gnA ya/ kA ya bAk+tsit+ta dz+nyA na prA kA raM ku ru ku ru swA hA/ zhes pas sna tshogs rdo rje yis/ /bdag nyid sa dang rtsig pa bzhi/ /steng du mnga' yi dra ba ni/ /tho rangs grib ma'i bar du bsgom/ /yang na gnam sa 'byor bar ro/ /oM huM pa sha kA ya badzra kU TA gA raM ku ru ku ru swAhA/ zhes pas me dpung ra pa bsgom/ /oM hAM yAM rAM bAM laM badzra kA sha bo te dzo ra ka pri thi bi badzra swA b+hA ba pany+tsa d+hA tu b+hu badzra maN+Da la ni ku ru ku ru swAhA/ 'byung ba lnga brtsegs gyur pa las/ /ra ba sum ldan gzhal yas khang/ /dbus su 'khor lo rtsibs brgyad bsam/ /oM pa(rgyud 'grel): bi shwa badzra pad+maM ku rA ku ru swAhA/ oM ra(rgyud 'grel): badzra sUrya badzra sUrya sa naM ku ru ku ru swAhA/ zhes pas gdan rnams bsam par bya/ /oM huM kro d+he n+d+ro hAM kro d+hA nA mAdz+nyA dA ya ka

  187. 93a

    swA hA/ dbus su rdo rje shugs khro bo/ /'chad par 'gyur bar bdag nyid bsam/ /oM hi badzra kro d+ha rA dza ma hA uSh+NI Sho d+ha di shi rak+ShAM ku ru ku ru swAhA/ oM yaM badzra kro d+hA rA dzA tri pa la big+hAn+thA ka purba di shir k+ShaM ku ru ku ru swAhA/ oM raM badzra kro d+ha rA dza dzaM b+ha ka duShA pra dz+nyAn+ta ka rak+Sh+NAM di shi ra k+Shi ku ru ku ru swAhA/ oM waM badzra kro d+ha rA dzi ma na ka bI ra ga padmAn+ta kot+ta rir shi rak+ShAM ku ru ku ru swAhA/ oM laM badzra kro d+he rA dza stam+b+ha ka ya mAn+ta ka pa shtsi ma di shi rak+ShAM ku ru ku ru swAhA/ oM wA(rgyud 'grel): badzra kro d+ha rA dza ma hA ba la bA ya byI di sha ra NAM ku ru ku ru swAhA/ oM wA(rgyud 'grel): badzra kro d+ha rA dzA tsa le shAndi shi rak+ShAM ku ru ku ru swAhA/ oM ra(rgyud 'grel): badzra kro d+ha rA dza Tak+ki nai ri tyAM de shi rak+ShAM ku ru ku ru swAhA/ oM ya(rgyud 'grel): badzra kro d+ha rA dza nI la daN+Da agne yyAM di shi rak+ShAM ku ru ku ru swAhA/ oM hA(rgyud 'grel): badzra kro d+ha rA dza sum b+hA d+ho di shi rak+ShAM ku ru ku ru swAhA/ sngar gyi rdo rje shugs kyis ni/ /dbang po'i bu ga so so las/ /khro bo bcu dag spros nas ni/ /rang rang phyogs su gdan dgod do/ /da dA nyi nyI Nri NrI mu mU nli nlI/ sngar bzhin zad par bcu yang spro/ / thugs kyi ra ba'i phyi rol bsrung/ /g+ha g+hA dzhi dzhI Dh+ri Dh+rI b+hu b+hU d+hli d+hI/ de bzhin phyogs skyong bcu yang spro/ /gsung gi ra ba'i nang du bsrung/ /ga gA dzi dzI Tri TrI pu pU dli dlI/ de bzhin bza' bcu spros nas ni/ /de yi phyi rol bkod la bsrung/ /kha khA/ tshi tshI Thi ThI phu phU thli thlI/ de bzhin klu rgyal bcu yang spro/ /sku yi ra ba'i nang du bsrung/ /ka kA tsi tsI Tri TrI pu pU dli dlI/ 'byung po bcu yang spros nas ni/ /de yi phyi rol bsrung bar bya'o/ /oM sarbba ta thA ga ta rak+Sha tsakra swa b+hA bAt+ma konyahaM/ sngags kyi nga rgyal bzung bar bya'o/ /bsrung ba'i 'khor lor yan lag ste dang po'o// //bdud rtsi lnga dang stobs lnga yi/ /ri lu sran chung tshang tsam bya/ /yaM raM kaM go ku da ha na bi mu ma ra shu/ rlung me thong par bcu

  188. 93b

    po bsam/ /oM badzra tsan+d+ra sarbba d+harmA su bi shud+d+ha(rgyud 'grel): swa b+hA ba sarba d+harma npi sho d+ha ya swAhA/ zla ba oM kyi dag par bya/ /oM A(rgyud 'grel): sUrya sarbba d+harmmA bra bo d+ha ka sarbba d+harmmAnpa bo d+hA ya swAhA/ nyi ma A:yi 'od kyi spel/ oM huM badzrA na la sarbba d+harmmA pra di pa kA sarbba d+harmmA nA pra dI pa ka ya swAhA/ sgra gcan hUM gi 'bar bar bya/ /oM ho sarba d+harmmA badzrA mri ta ka ra sarbba d+harmmA nA badzrA mri ta ku ru ku ru swAhA/ dus me ho yis bdud rtsir bsam/ /rang nyid lce rtse hUM yig las/ /rdo rje gyur te 'od 'phros pas/ /bdud rtsi bkug ste myangs par bsams/ /oM sarbba bI ra yo gi ni pra Na yA mi swAhA/ gtsug tor steng du paM las ni/ /zla ba'i gdan la rdo rje dkar/ /paM gi mtshan bzhi rgyas la/ /las gzhan dag la nye sogs sbyar/ /oM A:huM ho/ haM k+Sha pradz+nyo pA ya/ At+ma ka kA ya bAk+tsit+ta dz+nyA na/ a d+hi pa ti/ ma mA kA ya bAk+tsit+ta badzrAM badzraM mri taM swA b+hA gi ku ru ku ru band+ha d+hA bya? yA nya ? ni? b+hA baM swAhA rdo rje la sogs zhu ba'i chus/ /lus kyi dri ma thams cad dor/ /zhi ba zla ba lta bur dkar la dag par bsgom/ /las gzhan rang rang kha dog go /swa b+hA ba shud+d+ha/ sarbba d+harmma swa b+hA ba shud+d+ho haM/ des dag pa'i nga rgyal bya'o/ /kha la sogs pa dag par bya ba'i yan lag ste gnyis pa'o/ /bdag nyid dus 'khor zhal gcig pa/ phyag gnyis yum dang ldan pa yi/ /dpral bar oM las mdza' yas bsam/ /mgrin par A:las rin 'byung bsam/ /snying gar hUM las don yod grub/ /lte bar ho las rnam snang mdzad/ /gtsug tor haM las mi bskyod pa/ /gsang bar k+Sha las rdo rje sems/ /rigs drug po ni dgod par bya/ /a i ri u li a e ar o al ha ya ra la wa la/ lag g.yon sor me'i tshigs gsum la'o/ /lA wA rA yA hA/ A la aau Ar i A/ lI a'u rI/ a'i A g.yas pA sor tshigs gsum la dgod/ oM h+ra(rgyud 'grel): sarbbAstra ra/ dzA mA ra kle shAnd+ha ka ra/ badzra tik+Sh+Na du:kha tshe da ma ma ka ra bi shud+d+ha ya swAhA/ lag pa'i yi ge rdo rjer 'gyur/ /oM A:huM he ha k+Sha(rgyud 'grel): kA ya bAk+tsit+tA d+hi pa ti/ badzra kA ya ma ma kA ya bAk+tsit+ta dz+nyA na badzra badzra kA ya swa b+ha paM ku ru ku ru swAhA/ mdzes pa'i phyag rgya kun tu reg /rdo rje'i rang bzhin lus su bsam/ /oM sarba ta thA ga ta badzra kA ya swa b+ha bAt+ma ko haM/ rdo rje'i

  189. 94a

    lus kyi nga rgyal bya'o/ /bdag dag par bya ba'i yan lag ste gsum pa'o// //de nas lag pa thal sbyar te/ /oM h+rAM h+ri da ya na ma/ oM h+rlaM shi ra si wa shaT/ oM h+rrAM shi kha ya wa shaT/ oM h+rluM ka ba tsa ya hUM/ oM h+ra Ne tra bo ShaT/ oM h+ra(rgyud 'grel): aSh+Ta ya phaT/ go cha dang ni mtshon cha'o/ /oM sarba ta thA ga ta h+ri da ya shi ra si si kha(rgyud 'grel): ka ba tsa ne twASh+Ta badzra sha DAM ga swa b+ha bAt+ma konyahaM/ zhes pa'i sngags kyi nga rgyal bya'o/ /go cha'i yan lag ste bzhi pa'o/ /rang gi snying gar paM las ni/ /pad+ma a las zla ba'i steng/ hUM las rdo rje rtse lnga pa/ /'od zer lnga ldan phyogs bcur spro/ /bla ma dkyil 'khor rgyal sras rnams/ /spyan drangs mdun gyi mkha' la bzhugs/ /'od zer slar la snying gar bsdu/ /zla dkyil ka sogs sde tshan drug /ring thung brtsegs pa bcu gnyis las/ /mchod rdzas lha mo gyur pa spro/ /oM ts+tsh+dzdzh+nya badzra gand+he gand+ha a tsa nAM ku ru ku ru swAhA/ oM ts+tsh+dzdzh+nyA badzra ma le mA lA rtsa ni ku ru ku ru swAhA/ oM TThDDh+NA badzra d+hu pe d+hU pA rtsa naM ku ru ku ru swAhA/ oM TTDDh+NA badzra pra dI pre pa dI pArtsa ni ku ru ku ru swAhA/ oM p+phbb+hma badzra mri te nai bidya pU dzaM ku ru ku ru swAhA/ oM p+phbb+hmA badzra k+Sha te k+Sha ta pha lArtsa ni ku ru ku ru swAhA/ oM t+th+d+d+h+na badzra la sye sa b+hA b+ha ra Na pu dzAM ku ru ku ru swAhA/ oM t+th+d+d+h+nA badzra ha sye g+ha Na TA darsha pU dzAM ku ru ku ru swAhA/ oM k+kh+g+g+h+nga badzra wA dya wa dya pU dzAM ku ru ku ru swAhA/ oM k+kh+g+g+h+ngA badzra nri/ tye nri tya pU dzAM ku ru ku ru swAhA/ oM skpShshth+ka badzra gI te gI tA pU dzAM ku ru ku ru swAhA/ oM skpShshth+kA badzra ka me sarbba bud+d+ha b+ho d+hi swA twA nAM kro d+hA di nA badzra su ra ta pU dzAM ku ru ku ru swAhA/ /sna tshogs mchod pa byas te sdig pa rnam pa mang po bshags bgyis la/ bsgrub pa pos ni lus dang ngag dang yid dang bas gsum la gus su mchi bar bgyi/ rdzogs sangs rgyas dang byang chub sems dpa' sna tshogs dge ba gang byas pa'i dge 'dun dang de dag kun la rjes su yi rang nas ni sdig bral byang chub spyod la rjes su 'jug /sangs rgyas rnams la chos kyi 'khor lo bskor bar bskul zhing mya ngan mi 'da' bzhugs

  190. 94b

    bar gsol/ sangs rgyas chos dang dge 'dun srid pa'i 'jigs 'joms dag la byang chub bar du skyabs su mchi/ 'dir ni sems can don phyir rdzogs pa'i byang chub bdag 'gyur smon lam gdab par bgyi/ bsod nams rtsa ba gsum sogs dran/ /ye shes tshogs ni stong nyid bsgom/ /phyi dang snod bcud thams cad ni/ /dngos dang bral bas stong pa nyid/ /rgyud la 'das pas mtshan ma med/ /'bras bu med pas smon pa med/ /skye 'gag med pas 'dus ma byas/ /oM shU n+ya tA dz+nyA na badzra swa b+hA bAt+ma ko haM/ oM a ni mi ta dz+nyA na badzra swa b+hA bAt+ma ko haM/ oM a pra Ni hi ta dz+nyA na badzra swa b+hA bAt+ma ko ho/ oM a na b+hI saM skA ra dz+nyA na badzra swa b+hA bAt+ma ko haM/ rang nyid thugs mtshan yi ge sogs/ /thig le'i bdag nyid skar mda' bzhin/ rim pas bsdus te 'dzin med par/ /sa chu me rlung nam mkha' i khams/ /rang bzhin shugs pas yul dang bral/ /kun gzhi rnam shes 'od gsal bsgom/ /oM sarbba ta thA ga ta thU n+ya tya dz+nyA na badzra swa b+hA bAt+ma ko haM/ de yi nga rgyal bzung bar bya'o/ /tshogs gnyis bsags pa'i yan lag ste lnga pa'o// //de nas stong nyid dang las ni/ /nyi steng sna tshogs rdo rje dang/ /rdo rje dra gur rtsibs bcu yi/ /lte bar a las chos 'byung ngo/ /h+k+Sh+mlwryaM hUM yaM hUM/ hUM raM hUM/ hUM baM hUM/ hUM laM hUM/ hUM maM hUM/ hUM k+ShaM hUM/ hUM haM hUM/ rlung gnag zlum po rgyal mtshan can/ /me dmar gru gsum g.yung drung mtshan/ /chu dkar zlum po pad+mas mtshan/ /sa gser gru bzhi 'khor los mtshan/ /de dag steng dang 'og tu yang/ /sna tshogs rdo rje'i rgya gram mo/ /de stengs lhun po kha khyer ldan/ /nyi zla pad+ma sgra gcan bcas/ /de steng oM mam bruM las ni/ /gzhal yas khang brtsegs mchod rten ni/ /rin chen rang bzhin gru bzhi ni/ /rin chen snam bu pha gru dang/ /dra ba dra phyed mnga' yab dang/ /sgo dang rta babs bcu gnyis dang/ /re khA gsum dang lnga po gnyis/ /sku gsung thugs kyi 'khor lo'o/ /snying po ye shes 'dab ma dag /rdo rje

  191. 95a

    phreng bas bskor ba'o/ /phyi ma thugs kyi dkyil 'khor la/ pang sogs ka ba bcu drug dang/ chu skyes rdo rjer bas mdzes/ /lha yi snam bu dag gis bskor/ /de nas gsung gi dkyil 'khor la/ /chu skyes 'dab ma brgyad pa brgyad// pad+ma'i phreng bas yongs su bskor/ /phyi rol sku yi dkyil 'khor la/ /pang 'dab bzhi brgyad bcu drug pa/ /bcu gnyis 'khor lo'i phreng bas bskor/ /phyi rol gling ni bcu gnyis dang/ /nyi ma dang ni zla ba dang/ /chos kyi 'khor lo bum pa che/ /rnga bo che dang byang chub shing/ /rdo rje 'bar ba'i phreng bas bskor/ /dbus kyi pad+ma lte ba'i steng/ /zla ba nyi ma sgra gcan dang/ /bdud dang drag po yab yum dang/ /bdud ni gdong cig kha dog dmar/ /lag bzhi mda' dang lcags kyu ga-yas/ /g.yon pa gzhu dang zhags pa 'dzin/ / yum ni dga' mo dang bcas ga-yas/ /drag po gdong gsum mdog dmar po/ /g.yon pa thod pa kha TwAM 'dzin/ /dbu ma'i yum bcas g.yon du gdeng/ /de steng mngon par byang chub pa/ /a i ri/ u le/ a e al o al/ ha ya ra wa la i A(rgyud 'grel): lA pA rA yA hA/ Al/ aau Ar/ lI a'u rI a'i A/ zla ba yi ge mtshan pa steng/ /me 'ong ye shes dang po'o/ /l+la wwa/ yya/ Dd+ha Dd+hha/ l+la wwA/ rra yya hha/ ssa nypnypha? Sh+Sha shsha th+k+th+ka/ t+ta ththa d+da d+h+d+ha n+na/ p+pa phpha bba b+hb+ha mmA/ TTa ThTha DDa DhDha N+Na/ tstsa tshtsha dzdza dzh+dzha nynya/ k+ka kh+kha g+ga g+h+g+ha nga/ nga g+ha ga kha ka /nya dzha dza tsha tsa/ Na Dha Da Tha Ta/ ma b+ha ba pha pa/ na d+ha da tha ta/ th+ka sha Sha nypa sa/ la pa ra ya ha/ /la pa ya Da Dha nyi ma yi ges mtshan pa 'og /mnyam nyid ye shes gnyis pa'o/ /bar du dri za'i yi ge hUM/ so sor rtog pa gsum pa'o/ /hi yig gcig gyur rdo rjer gyur/ /bya grub ye shes bzhi pa'o/ /phaT kyi sha chas yongs su rdzogs/ /chos dbyings ye shes lnga pa'o/ /gtso bo sku mdog sngon po la/ /kha dog phyogs bzhi dag tu gsungs/ /zhal bzhi phyag ni nyer bzhi pa/ /mgrin gsum

  192. 95b

    zhabs gnyis brkyang bzhugs pa/ /dbus zhal mthing ga mche gtsegs drag /g.yas pa dmar po chags pa che/ /g.yon pa dkar po zhi ba'i zhal/ /rgyab ni ser po ting 'dzin bzhugs/ /ral pa'i thor tshugs bcu gnyis spyan/ /sna tshogs rdo rje zla phyed dang/ rdo rje sems dpa' dbu brgyan pa'o/ /glang chen stag lpags na bza' can/ /mgrin gsum gnag dmar dkar po'o/ /dpung pa drug ni sngo dmar dkar/ /phyag dar bcu gnyis de bzhin no/ /phyag mgo nyi shu rtsa bzhi ni/ /gnag dmar dkar po'i rim pa bzhin/ / mthe bong la sogs sor mo bcu/ /ser dkar dmar gnag snga rims bzhin/ /tshigs kyi phreng ba sngo dmar dkar/ /rdo rje ral gri rtse gsum dang/ /gri gug mnga' dang lcags kyu dang/ /Da ru tho ba 'khor lo mdung/ /dbyug pa dgra sta g.yas pas 'dzin/ /dril bu phub dang kha TwAM ga /thod pa gzhu dang zhags pa dang/ /rin chen pad dkar dung dang ni/ /me long lcags sgrog tshangs mgo ga-yon/ /cod pan snyan cha mgul rgyan dang/ /gdu bu dpung rgyan ska rags dang/ /zhabs gdub rnams ni rdo rjes brgyan/ /mgo bo'i phreng ba do shal dang/ thal ba phreng ba gtsug nor bu/ /klu chen bcu yis de bzhin brgyan/ /g.yon dkar g.yas dmar brkyang pa'i zhabs/ /yum ser zhal bzhi phyag brgyad ma/ /g.yas dkar g.yon dmar rgyab zhal gnag /gri gug lcags kyu DA ma ru/ /phreng ba g.yas pas 'dzin pa mdzad/ /thod pa zhags pa pad+ma dang/ /rin chen nor bu g.yon na 'dzin/ /rgyan rnams gtso bo dag dang mthun/ /g.yon brkyang gtso bo'i sku la 'khyud/ /de nas 'khor lo drug po la/ /oM A:hUM ho haM k+Sha(rgyud 'grel): dgod/ /de nas 'gro drug sems can rnams/ / bkug nas dkyil 'khor de la gzhug /yab yum mkha' gsang byin brlabs te/ /snyoms 'jug sgra yis rnam snang sogs/ /nang du bkug nas bzhugs par bsam/ /yab yum byang chub sems kyis ni/ /b+ha gar de la dbang bskur bya/ /

  193. 96a

    sems can de rnams dkyil 'khor lta/ /zhal gsum phyag drug sogs su gyur/ /thabs dang shes rab gnyis med pa'i/ /mchog dga' i bde bas gang bar bsam/ /k+Sha k+ShaM k+Sh+rI k+Shu k+Shli/ k+ShA k+ShI k+Sh+rI k+Shu k+ShlI/ k+Sha k+She k+Shar k+Shu k+Sh+yal k+Shi: ?k+Sha Nai k+ShAra? k+Sh+rOo klAl k+ShaM k+Shha k+Sh+ya k+Sh+ra k+Shpa k+Shla/ k+ShhA k+Sh+mA k+Sh+rA k+ShlA k+ShlA/ de sogs lus kyi dkyil 'khor lha/ /phyung la dkyil 'khor gzhug par bya/ /spyi mgrin snying gar oM A:hUM/ gtsug tor haM bsams lte ba du/ /ho las gtum mo ye shes 'od/ /rab 'bar gtso bo yab yum gnyis/ bde chen 'od du zhu ba las/ /tshad med bzhi yi lha mi'i glus/ /'gro ba'i don du gzhengs pas bskul/ /spyan ma bdag ni 'gro ba'i ma/ /rnal 'byor pa yi rgyu mthun gnas/ /bdag gi dkyil 'khor rang bzhin gyis/ /dus 'khor gzhengs la bdag chags mdzod/ /bdag ni srin mo mA ma kI/ /rnal 'byor pa yi rnam smin gnas/ /bdag gi dkyil 'khor rang bzhin gyis/ /dus 'khor gzhengs la bdag chags mdzod/ /gos dkar bdag ni bu mo ste/ /rnal 'byor pa yi skyes bu'i gnas/ /bdag gi dkyil 'khor rang bzhin gyis/ /dus 'khor bzhengs la bdag cag mdzod/ /sgrol ma bdag ni cha mo ste/ /rnal 'byor pa yi dri med gnas/ /bdag gi dkyil 'khor rang bzhin gyis/ /dus 'khor bzhengs la bdag chags mdzod/ /lha mos klu mdzad bcom ldan khyod/ /sems can kun la phan mdzad pa/ /rdo rje can gyis bdag bsrungs mdzod/ /lha mo'i bla mas 'dod can 'dod pa mdzad don bzhengs/ /de ltar bskul ba gsan nas ni/ /chos sku stong pa'i rang bzhin las/ /mig 'phru lta bu bzhengs mdzad de/ /hUM pheM spro zhing bskul bas zhu/ /rdo rje dang ni gri gug hUM du gyur/ /de bzhin gtso bo yab yum bzhengs/ /de nas 'khor gyi lha spro'i phyir/ /rdo rje pad+mar byin brlabs la/ /thabs dang shes

  194. 96b

    rabs snyoms 'jug sgras/ /chos kyi dbyings nas sangs rgyas rnams/ /bkug la yab kyi zhal du thim/ /b+ha ga gnas rgyud yum gyi ni/ /pad+mar zhugs te b+ha gar brgyud/ /yum gyi zhal nas yab zhal du/ /zhugs nas yab kyi rdo rje nas/ /sa bon yum gyi pad+ma ru/ / yi ge spros nas phyogs phyogs gnas/ /de nas phyag mtshan de las sku/ /de la phyir spros gdan la dgod/ /a dang rdo rje las gyur pa/ /mi skyod zhal gsum phyag drug sngo/ /spros nas slar yang gtso la thim/ /rdo rje dbyings phyug sku mdog sngo/ /spros nas slar yang gtso bor thim/ /snying po ye shes 'khor lo yi/ /chu skyes 'dab brgyad zla ba'i steng/ /a a/ aM a(rgyud 'grel): ha hA/ hi ha(rgyud 'grel): lha mo zhal bzhi phyag brgyad de/ /shar du nag mo 'bar ma ste/ /sku dang mdun gyi zhal mdun gnag /g.yas dmar g.yon dkar rgyab ser zhal/ /spos dang tsan dan gur gum snod/ /bla ba ga bur ldan snod g.yas/ /dril bu pad+ma lha shing gi /me tog dang ni phreng ba g.yon/ /nub tu ser 'bar mdun zhal ser/ /g.yas dkar g.yon dmar rgyab sngo zhal/ /dung dang nor bu gling bu dang/ /Da ma ru ni phyag g.yas na/ pi wang rgyud mangs dang ni mda'/ /dril bu 'khrol dang ra dang g.yon/ /byang du dkar 'bar dbus zhal dkar/ /g.yas gnag g.yon ser rgyab zhal dmar/ /'o ma'i snod dang chu snod dang/ /lha'i sman dang chad snod g.yas/ /bdud rtsi'i snod dang grub ba'i bcud/ /a ru ra dang 'bras zan g.yon/ /lho ru dmar 'bar dbus zhal dmar/ /g.yas ser g.yon sngo rgyab dkar zhal/ /mar me mu tig do shal dang/ /cod pan gdu bu phyag g.yas na/ /na bza' dang ni sku regs dang/ /rna cha dang ni rkang rgyan g.yon/ /shar lhor du ba nag mo dang/ /nub byang mar me ser mo dang/ /byang shar mkha' gsal dkar mo dang/ /lho nub mig rgyu dmar po bzhi/ /zhal ni phyogs bzhi'i lha mo mtshungs/ /phyag brgyad thams cad rnga yab bsnams/ /mnyam brgyad pa

  195. 97a

    yi stabs kyi bzhugs/ /rdo rje skyil mo krung gi yab/ /yum ni pad+ma'i bzhugs stabs so/ /mtshams kyi gru chad bzhi dag la/ /oM A:huM ho/ chos kyi dung dkar byang shar du/ /gaN+DI dmar po lho nub mtshams/ /shar lhor yid bzhin nor bu gnag /dpag bsam shing ser byang nub po/ /'dod ma log ma bdun cu gnyis/ /phyogs na bco brgyad 'gyid bag can/ /'khyud pa'i stobs kyis phyag sbrel nas/ /kha khyer la gnas mchod par byed/ /de nas thugs kyis pad+ma la/ /phyogs la nyi ma gdan dag la/ /i ri/ u li/ shar du don yod grub pa gnang/ /lho ru rin chen 'byung ldan dmar/ /byang du snang ba mdza' yas dkar/ /nub tu rnam par snang mdzad ser/ /mtshams su zla ba'i gdan dag la/ /a'i rI a'u lI/ shar lhor sgrol ma nag mo ste/ /lho nub gos dkar mo ni dmar/ /byang shar mA ma kI ni dkar/ /byang nub sangs rgyas spyan ni ser/ /rdo rje skyil mo klung gi yab/ /yum ni pad+ma'i bzhugs stabs so/ /hi hI h+ri h+rI hU huM hli hlI haM hA(rgyud 'grel): de rnams bar brgyad bum pa brgyad/ /steng 'og gnyis dang bum dkar bcu'o/ /sgo bzhi nyi ma'i gdan ngag la/ /yaM raM waM laM/ ya(rgyud 'grel): ra(rgyud 'grel): wa(rgyud 'grel): la(rgyud 'grel): shar du bgegs dgra brtson 'grus gnag /lho sgor shes rab dzam+b+ha dmar/ /byang du pad+ma nga rgyal dkar/ /nub tu gshin rje rengs ma ser/ /khro bo g.yas brkyang khro bo bzlog /byams la sems dpa' nyi ma'i gdan/ /a e ar o al aM/ shar smad nam mkha' i snying po gnag/ shar stod kun tu bzang po sngo/ /lho smad sa'i snying po dmar/ /byang smad spyan ras gzigs dbang dkar/ /nub smad sgrib pa rnam sel ser/ /lho stod phyag na rdo rje sngo/ /sems ma rnams la zla pa'i gdan/ A i Ar a'o Al aM(rgyud 'grel): byang stod sgra yi rdo rje ljang/ /shar lhor reg gi rdo rje gnag /lho nub ro yi rdo rje dmar/ /byang shar gzugs kyi rdo rje

  196. 97b

    dkar/ /nub byang dri'i rdo rje ser/ /nub bstod chos dbyings rdo rje sngo/ /de rnams zhal dang phyag mtshan ni/ /dbus sngo g.yas dmar g.yon dkar zhal/ /rdo rje gri gug dgra sta g.yas/ /dril bu thod pa tshangs mgo g.yon/ /dbus gnag g.yas dmar g.yon ser zhal/ /ral gri gri gug rtse gsum g.yas/ /phub dang thod pa kha TwAM g.yon/ /dbus dmar g.yas dkar g.yon gnag zhal/ /mda' dang cang te'u lcags kyu g.yas/ /gzhu dang zhags pa rin chen g.yon/ /dbus dkar g.yas gnag g.yon dmar zhal/ /tho ba mdung dang rtse gsum g.yas/ /pad+ma me long phreng ba g.yon/ /dbus ser g.yas dkar g.yon sngo zhal/ /'khor lo dbyug pa rdo rje g.yas/ /dung dang lcags sgrog dril bu g.yon/ /yab yum yul la bsam pa ni/ /'du byed gzugs ni gnyis med yab yum ste/ /'du shes tshor ba de bzhin no/ /sna dang dri yin mig dang gzugs/ /lce dang ro yin reg dang lus/ /rna ba sgra yin sems dang chos/ /bgegs mthar byed dang rengs byed dang/ /shes rab mthar byed nga rgyal can/ /pad+ma mthar byed rmugs byed ma/ /gshin rje mthar byed brtson 'grus ma/ /yab bzhugs de ru yum 'khyud cing/ /yum bzhugs sa ru yab 'khyud pa'o/ /kha khyer mchod pa'i lha mo dang/ /'dod lha bdun cu rtsa gnyis so/ /de nas gsung gi dkyil 'khor gyi/ shar gyi ro steng pad+ma la/ /ha hi ya yri hi yu yli yang/ /dbus su rgan byang pad 'dab la/ /'jigs ma grags ma dus mche ma/ /'bar zhal rlung shugs rab tu gtum/ /drag can sna chen brgyad kyis bskor/ /zhal cig spyan gsum phyag bzhi pa/ /nag mo gri gug rtse gsum g.yas/ /thod pa kha TwAM g.yon na'o/ /shar lho mkha' lding pad+ma la/ /k+ShA k+ShI yA yI yrI k+ShI yU ylI yA(rgyud 'grel): lte bar khyab 'jug pad+ma la/ /dpal ldan sgyu ma grags ma la/ /dpal mo dpal rgyal rnam

  197. 98a

    rgyal mo/ /rgyal byed dpal ldan 'khor lo can/ /nag mo 'khor lo dbyug tho g.yas/ /pad+ma dung ni g.yon na'o/ /lho ru ma he pad+ma'i steng/ /ha h+ri ra ri rri h+ri ru ri rli raM/ lte bar phag mo 'dab ma la/ /keng rus dus mtshan rab khro'i gdong/ /dus kyi lce ma gtsigs ma dang/ /dus ma mi bzad lus ngan ma/ /dmar mo dbyug pa ral gri g.yas/ /mdung thung lcags kyu g.yon na'o/ /lho nub rma bya par stengs na/ /k+ShA(rgyud 'grel): k+Sh+rI rA rI rrI k+Sh+rI rU rlI rA(rgyud 'grel): lte bar gzhon nu ma 'dab ma/ /pad+ma lus med gzhon nu ma/ /ri dags bdag 'gro rin chen phreng/ /mi gzangs rul ma bzang mos bskor/ /dmar mo mdung thung lcags kyu g.yas/ /rin chen zhags pa g.yon na'o/ /byang du khyu mchog pad steng su/ /hi hu wa/ wi wri hu wu wli wlAM/ lte bar drag mo 'dab ma la/ /dkar mo gaM gA rtag ma dang/ /myur ma dang ni thig le mchog /dpal skyong ser skya nag mos bskor/ /dkar mo rtse gsum cang te g.yas/ /kha TwAM sbrul zhags g.yon na'o/ /byang shar seng ge pad+ma'i steng/ /k+ShaM k+Shu bAM bAM wrI k+Shu wU wlI wA(rgyud 'grel): dbus su dpal chen 'dab ma la/ /dkar dpal zla ba'i ri mo dang/ /zla zhal dang mdag 'dzin ma dang/ /pad+ma'i dbang phyug sgrol ma'i ming/ /dri med ri bong 'dzin mas bskor/ /dkar mo pad+ma bgrang 'phreng g.yas/ /g.yon na me tog rin chen mo/ /nub tu glang chen pad+ma'i steng/ /hA hli lA lI/ rrI hlI lU l+lI laM/ /lte bar dbang po 'dab ma la/ /rdo rje'i 'od dang rdo rje'i lus/ /gser spyan ma dang 'dod dbang mo/ /ri mo 'bri dang rtsom ma dang/ /zug rngu med ma sgrol ma bzang/ /ser mo rdo rje mnga' ni g.yas/ /dril bu gzhu ni g.yon na'o/ /byang nub dang pa pad+ma'i steng/ /k+ShA tAM lA lrI k+ShlI lu l+lI lA(rgyud 'grel): lte bar tshangs ma 'dab ma la/ /gtsang sbra ma dang pad+ma'i mig /chu skyes can dang blo gros ma/ /ngag dbang glu ma kleg dran ma/ /ser mo pad+ma

  198. 98b

    dbyug pa g.yas/ /sprul dang phub ni g.yon na'o/ /thams cad rol pa'i 'dug stangs so/ /sgo bzhir steng 'og shin rta la/ haM hA/ ha hA(rgyud 'grel): shar sgor gtsug tor byang drag spyan/ /zhal gcig phyag bzhi sku mdog sngo/ /dgra sta rtse gsum g.yas gnyis na/ /sprul zhags kha TwAM g.yon na'o/ /lho ru sngon mo nub sum+b+ha/ /ljang gu gri gug rdo rje g.yas/ /thod pa dril bu g.yon na'o/ /'dod log bdun cu rtsa gnyis po/ /kha khyer la gnas mchod pa byed/ de nas sku yi dkyil 'khor gyi/ /shar smad ro steng pad gdan la/ / nya nyI nyri nyu nyli nyaM/ dzha dzhi dzh+raM dzhu dzhli dzaM/ dza dza dzri dzu dzli dzaM/ tsha tshi tsh+ri tshu tshli tshaM/ tsa tsi tsri tsu tsli tsaM/ dbus su bden bral dzI rdo rje/ /'dab mar rim par nya rdo rje/ /nyi rdo rje dang ni nyi rdo rje/ /nyu rdo rje dang ni nyI rdo rje/ nyaM rdo rje dzhi rdo rje/ dzha rdo rje dang/ dzhi rdo rje/ dzhu rdo rje dzhI rdo rje/ dzhi rdo rje la sogs pa sbyar/ /sa bon rdo rjes mtshan pa'i ming/ /sum cu zhal gcig phyag bzhi pa/ /nag po ral gri gri gug g.yas/ /phub dang thod pa g.yon na'o/ /shar lhor sha ba pad+ma'i steng/ /tsA tsI tsrI tsU tslI tsA(rgyud 'grel): tshA tshI tsh+rI tshU tshlI tsha(rgyud 'grel): dzA dzI dzrI dzU dzlI dzAM(rgyud 'grel): dzhA dzhI dzh+rI dzhU dzhlI dzhA(rgyud 'grel): nyA nyI nyrI nyU nylI nyA(rgyud 'grel): dbus su rlung lha dzi rdo rje/ dzhi rdo rje sogs sum cu'o/ /nag po dpag bsam me tog g.yas/ /in+d+ra nI lA utpal g.yon/ /lho smad lug dang pad+ma'i steng/ /Na Ni NraM Nu Nli NaM/ Dha Dhi Dh+ri DhU Dli DhaM/ DaM DaM Dri Du Dli DaM/ Tha Thi Th+ri Thu Thli ThaM/ Ta Ti Tri Tu Tli TaM/ lte par me lha Dhi rdo rje/ /Na rdo rje swo sum cu po/ /dmar po mdung dang dbyug pa g.yas/ /pad+ma ril pa spyi blugs g.yon/ /lho nub rma bya pad+ma'i steng/ /TA TI TrI TU TlI TA(rgyud 'grel): thA thI th+rI thU thlI thA(rgyud 'grel): DA DI DrI DU DlI DA(rgyud 'grel): DhA DhI Dh+rI DhU DhlI DhA(rgyud 'grel): NA NI NrI NU NlI NA(rgyud 'grel): dbus su gdong drug Dh+rI rdo rje tsa rdo rje sogs sum cu'o/ /dmar po pad+ma mdung thung ga-yas/ /rin po che dang me long ga-yon/ /byang smad chu srin pad+ma'i steng/ /ma mi mri mu mlaM maM/ /b+ha b+hi b+h+ri b+hu b+hli baM/ ba bi bri bu blI baM/ pha phi phri phu phli phaM/ pa pi pri pu pli paM/ lte bar rgya mtsho dri rdo rje/ ma rdo rje sogs

  199. 99a

    sum cu po/ /dkar po zhags pa rin chen g.yas/ /gru zhags chu shel g.yon na'o/ /byang shar byi ba pad+ma'i steng/ /pA pE prI pU plI pa(rgyud 'grel): phA phI phrI phu phlI phA(rgyud 'grel): bA bI brI bU blI bA(rgyud 'grel): b+hA b+hI b+h+rI b+hU b+hlI b+hA(rgyud 'grel): mA mI mrI mU mlI mA(rgyud 'grel): lte ba tshogs bdag pri rdo rje/ pA rdo rje sogs sum cu po/ /dkar po dgra sta rdo rje g.yas/ /zhags pa rin chen nor bu g.yon/ /nub smad glang chen pad+ma'i steng/ /na ni nrI nu nli naM/ d+ha d+hI d+h+ri d+hu d+hli d+haM/ da di dri du dli daM/ tha thi th+ri thu thli thaM/ ta ti trI tu tli taM/ lte bar brgya byin dri rdo rje// na rdo rje sogs sum cu po/ /ser po g.yas pa rdo rje mda'/ /dril bu gzhu ni g.yon na'o/ /nub byang dang po pad+ma'i steng/ /tA tI trI tU tlI tA(rgyud 'grel): thA thI th+rI thU thlI thA(rgyud 'grel): dA dI drI dU dlI dA(rgyud 'grel): d+hA d+hI d+h+rI d+hU d+hlI d+hA(rgyud 'grel): nA nI nrI nU nlI nA(rgyud 'grel): lte bar tshangs pa dri rdo rje/ tA rdo rje sogs sum cu po/ / ser po khab dang dgra bsgreng g.yas/ /pad+ma ril pa spyi blugs g.yon/ /shar stod mkha' lding pad+ma'i steng/ /nga ngi ngri ngu ngli ngaM/ g+ha g+hi g+h+ri g+hu g+hli g+haM/ ga gi gri gu gli gaM/ kha khi khri khu khli khaM/ ka ki kri ku kli kaM/ lte bar khyab 'jug dri rdo rje/ nga rdo rje sogs sum cu po/ /sngon po 'khor lo dbyug tho g.yas/ /pad+ma lnga skyes dung ni g.yon/ /lho stod ma he pad+ma'i steng/ /kA kI krI kU klI kA(rgyud 'grel): khA khI khrI khU khlI khA(rgyud 'grel): gA gI grI gU glI gA(rgyud 'grel): g+hA g+hI g+h+rI g+hU g+hlI g+hA/ ngA ngI ngrI ngU nglI ngA(rgyud 'grel): lte bar gshin rje dri rdo rje ka rdo rje sogs sum cu po/ /sngon po dbyug pa ral gri g.yas/ /lcags sgrog zhags pa g.yon na'o/ /byang stod khyu mchog pad+ma'i steng/ /th+ka th+ki th+kri th+ku th+kli th+ka/ sha shi sh+ri shu shli shaM/ Sha Shi Sh+ri Shu Shli ShaM/ nypa nypi nypri nypu nypli nypaM/ sa si sri su sli saM/ lte ba drag po sh+ri rdo rje/ th+ka rdo rje sogs sum cu po/ /ljang gu g.yas pa rtse gsum mda'/ /g.yon pa sbrul bcas kha TwAM gzhu/ /nub stod glang po pad+ma'i steng/ /sA sI srI sU slI sA(rgyud 'grel): nypA nypI nyprI nypU nyplI nypA/ ShA ShI Sh+rI ShU ShlI ShAM(rgyud 'grel): shA shI sh+rI shU shlI

  200. 99b

    shA(rgyud 'grel): th+kA th+kI th+krI th+kU th+klI th+kA(rgyud 'grel): lte bar gnod sbyin Sh+rI rdo rje/ sa sogs rdo rje sum cu po/ /sngon po rin chen be con g.yas/ /ne'u le rkyal pa pad+ma g.yon/ /rdo rje skyil krung phyed par bzhugs/ /shar sgor phag gi shing rta dang/ /lho sgor rta dang byang seng ge /nub sgor glang chen shing rta'o// yaM raM waM laM/ la(rgyud 'grel): wa(rgyud 'grel): ra(rgyud 'grel): ya(rgyud 'grel): lcags sgrog ma dang dbyug sngon shar/ /nag mo ral gri rdo rje g.yas/ /phub dang sbrul zhags g.yon na'o/ /khro gnyer can dang 'dong rgyal lho/ /dmar po mda' dang lcags kyu g.yas/ /gzhu dang zhags pa g.yon na'o/ /skul byed ma dang mi g.yo byang/ /dkar mo tho ba mdung g.yas na/ /pad+ma me long g.yon na'o/ /'od zer can dang stobs chen nub/ /ser mo 'khor lo dbyug pa g.yas/ /dung dang rin chen g.yon na'o/ /khro mo'i stabs ni sngar bshad zin/ /kha khyer la ni 'od mdog go /rta babs ka ba brgyad kyi 'og / phyi rol 'byung bzhi'i dkyil 'khor la/ /hya hyA h+ra h+rA hwa hwA hla hlA/ nag mo stobs rgyu pad+ma shar/ /dmar mo nor rgyas dung skyong lho/ /dkar po mdza' yas rigs ldan byang/ /ser po 'jog po pad chen nub/ /bdud rtsi bum pa rdo rje g.yas/ /pad+ma rin chen g.yon na'o/ /de nas dur khrod ming dang gdan/ /shar du rtse gsum bse yi gdan/ /shar lhor mi zang b+hi ruN+Da/ /lho ru ro bsreg dom gyi gdan/ /byang du rus sbal g.yag gi gdan/ /byang shar byis shir pha wang gdan/ /nub tu rul ba'i drir seng ge /nub byang rus sbal zos mig sngon/ /de rnams steng du 'khor lo yi/ / k+kh+g+g+h+nga ts+tsh+dzdzh+nya wwryk+Sha TThDDh+Na lwryha p+phbb+hma snypShshth+ka t+th+d+d+h+na/ khyi gdong bya rog gdong ma gnag /phag gdong bya rgod gdong ma dmar/ /stag gdong 'ug gdong ma gnyis dkar/ /ce spyang mkha' lding gdong ma ser/ /phyag gnyis gri gug thod pa bsnams/ /rol pa'i stabs kyi gnas pa'o/ / rgan byad brgya byin yab yum yin/ /phag mo rgya mtsho yab yum mo/ /dbang ma bden bral yab yum mo/ /drag mo me lha yab yum mo/ /khyab 'jug ma dang tshangs pa mo/ /gdong drug ma dang tshogs bdag mo/ /khyab 'jug dang ni nor sbyin

  201. 100a

    no/ /gshin rje dang ni chu ma'o/ /nor sbyin ma dang khyab 'jug ma/ /rgya mtsho dang ni gshin rje mo/ /phan tshun 'khyud pa sngar bzhin bshad/ /pad+ma ce sbyang yab yum yin/ /stobs kyi rgyu dang mkha' lding gdong/ /nor rgyas klu dang stag gdong ma/ / dung sbyong ma dang 'ug gdong ma/ /mdza' yas klu dang phag gdong ma/ /rigs ldan klu dang bya rgod gdong/ /'jog po klu dang khyi gdong ma/ /pad+ma che dang bya rog gdong/ /yab yum sngar bshad bzhin du'o/ /gzhan yang dur khrod brgyad po ni/ /ma mo klu dang srin dang bcu/ / phyogs skyong zhing skyo'i zhing chen bza' / /ri mo lha chen mchod rten dang/ /rnal 'byor dpa' bo brgyad brgyad sogs/ /ro dang ce spyang dur khrod sogs/ /lo zla zhag dus rgyu skar sogs/ /dga' byed dril rna nag po che/ 'bring gi ri Ti zhing skyong dang/ /pho nya 'phrog ma grub pa sogs/ /bye ba phrag ni phyed dang bzhi'o/ /sngar gyi kha khyer 'dod log ni/ /tsa(rgyud 'grel): tsha(rgyud 'grel): dza(rgyud 'grel): dzha(rgyud 'grel): nya(rgyud 'grel): Ta(rgyud 'grel): tha(rgyud 'grel): Da(rgyud 'grel): Dha(rgyud 'grel): Na(rgyud 'grel): pa(rgyud 'grel): pha(rgyud 'grel): ba(rgyud 'grel): b+ha(rgyud 'grel): ma(rgyud 'grel): ta(rgyud 'grel): tha(rgyud 'grel): da(rgyud 'grel): d+ha(rgyud 'grel): na(rgyud 'grel): shar bstod/ sa(rgyud 'grel): nypa(rgyud 'grel): Sha(rgyud 'grel): sha(rgyud 'grel): th+ka(rgyud 'grel): la(rgyud 'grel): wa(rgyud 'grel): ra(rgyud 'grel): ya(rgyud 'grel): ka(rgyud 'grel): kha(rgyud 'grel): ga(rgyud 'grel): g+ha(rgyud 'grel): nga(rgyud 'grel): th+ka(rgyud 'grel): haM: k+Sha:nyaM dzhaM dzaM tshaM tsaM/ NaM DhaM DaM ThaM TaM/ maM g+haM baM phaM paM/ naM d+haM daM thaM taM/ th+ka shaM ShaM nypaM saM/ yaM raM waM laM/ daM g+haM gaM khaM ki/ kAM haM h+kaM/ gsod 'dod sdang 'dod khengs 'dod ma/ /rgyal 'dod rengs 'dod bskyed 'dod ma/ /rol mo 'dod dang rgyan 'dod ma/ /bza' ba 'dod dang dri 'dod dang/ /gos 'dod 'khrig pa 'dod pa'o/ /'phrug 'dod kha chu spong 'dod ma/ /yan lag dri 'dod gang 'dod ma/ /gdan 'dod 'o thug 'dod ma dang/ /stan la nyal 'dod rgyal srid 'dod/ /'dod 'dod 'chi 'dod tshig 'jam 'dod/ /skam 'dod skrod 'dod reg 'dod ma/ /'gugs par 'dod dang 'chi bar 'dod/ /phur bus 'debs 'dod 'dod ma'o/ /yan lag thams cad 'phrug bzhed ma/ /dri chen dri chu gtod bzhed ma/ /sems can bslu 'dod gsod 'dod ma/ /lhag ma za 'dod

  202. 100b

    g.yul 'dod ma/ /bcings bzhed byis pa khro bzhed do/ /'dod pa log pa log ma ste/ /gsod log zhe sdang logs sogs sbyar/ /thabs kyang shugs kyis shes par bya/ /gzhan yang zad par bcu dag ni/ /thugs kyi dkyil 'khor phyi ru bsrung/ /bza' bcu gsung gi phyi ru ste/ /bum pa klu dang rab gtum gyi/ /steng 'og lha yang rta babs la'o/ /oM suM bi shud+d+ha d+harmA d+hA tu swa b+hA bAt+ma ko haM zhes bya bas lha'i nga rgyal bya'o/ /dkyil 'khor bskyed pa'i yan lag ste drug pa'o/ /de nas ye shes bzhugs pa ni/ /rdo rje sems dpa' yang dag dgyes pa'i mchog /sras bzangs 'grogs dang 'khor dang rtsa lag bcas/ /lha dang lha mo'i tshogs ni mang pos bskor/ /sangs rgyas yab yum bcas pa dgongs su gsol/ /dza:hUM:baM ho:/ h+ri:rang snying zla ba'i dkyil 'khor ni/ /rdo rje hUM dang ldan pa la/ /dza: las rdo rje shugs khro bo/ /zhal bzhi phyag ni nyi shu drug /mdog rgyan phyag mtshan gtso bo bzhin/ /nag po ser pa'i phyag lhag gnyis/ /glang chen pags pa gon pa bzung/ /rkang brgyang shing rta la bcibs nas/ /chos dbyings bzhugs pa'i ye shes sems/ /lte bar rdo rje lcags kyu yis/ /bzung la nga ros spyan drang ngo/ /hUM las shes rab mthar byed kyis/ /rdo rje thog ste bzhugs par mdzad/ /bi las gshin rje mthar byed kyis/ /zhags pa thogs te gcig tu byas/ /ho las pad+ma mthar byed kyis/ /dril bu thogs te mnyes par byas/ /hi las bgegs ni mthar byed kyis/ /dbyug pas gnyis med ro mnyam byas/ /de nas sngon bzhin lha mo rnams/ /spros la mchod bstod mnyes par byas/ /h+ra h+rI h+rAM h+rUM hlI h+rAM/ mig dang rna ba dang sna dang lce/ /lus yid go cha'i lha yis brgyan/ /de nas gnas gsum byin gyis brlabs/ /dpral bar zla stengs cho ga gsum/ /sku yi rdo rje yab yum bskyed/ /dbus dkar g.yas gnag g.yon dmar zhal/ /'khor lo rdo rje pad+ma gnyis/ /ral gri dril bu rin chen ga-yon/ /spros nas phyogs bcur gang bar bsam//

  203. 101a

    sems can sku 'dul don mdzad nas/ /tshur 'dus mdun bzhugs gsol ba gdab/ /oM a biShtsin+ta mA kA ya badzra d+ha ra/ de nas sku rigs lha mo rnams/ /shel bum bdud rtsis gang ba yis/ /bdag la dbang ni bskur bar bsam/ /thob nas dpral ba'i zla ba la/ /sku yi rdo rje zhugs nas ni/ /byin gyis brlabs cing 'di skad brjod/ /dpal ldan rdo rje sku 'chang ba/ /rdo rje mi phyed gsum gyi bdag/ /ding bdag byin gyis brlabs nas su/ /sku yi rdo rje mdzad du gsol/ / phyogs bcur bzhugs pa'i sangs rgyas rnams/ /rdo rje mi phyed gsum gyi bdag/ /ding bdag byin gyis brlabs nas su/ /sku yi rdo rje mdzad du gsol/ /dpral bar zla stengs oM dkar bsgom/ /mgrin par nyi ma cho ga gsum/ /gsung gi rdo rje yab yum bsgom/ /dbus dmar g.yas dkar g.yon gnag zhal/ /pad+ma rdo rje 'khor lo ga-yas/ /rin chen dril bu 'khor lo ga-yon/ /spro bsdu sngar bzhin gsol ba gdab/ /oM a b+hi Shiny+tsan+tu maM badzra badzri na/ /sngar bzhin dbang bskur mgrin gnas pas/ /dpal ldan rdo rje gsung 'chang ba/ /mi phyed rdo rje gsum gyi dngos/ /deng bdag byin gyis brlabs nas su/ /gsung gi rdo rje mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum gyi bdag /deng bdag byin gyis brlabs nas su/ /gsung gi rdo rje mdzad du gsol/ /mgrin par nyi ma A(rgyud 'grel): dmar bsgom/ /snying khar sgra gcan cho ga gsum/ /thugs kyi rdo rje yab yum bskyed/ /dbus gnag g.yas dmar g.yon dkar zhal/ /rdo rje 'khor lo pad+ma ga-yas/ /dril bu rin chen ral gri ga-yon/ /spro bsdu sngar bzhin gsol ba gdab/ /oM a b+hi Shtsu n+ti maM tsit+ta badzri na/ sngar bzhin dbang bskur thugs kar bzhugs/ /dpal ldan rdo rje thugs 'chang ba/ /mi phyed rdo rje gsum gyis dngos/ /deng bdag byin gyis brlabs

  204. 101b

    nas su/ /thugs kyi rdo rje mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum gyi bdag /deng bdag byin gyis brlabs nas su/ /thugs kyi rdo rje mdzad du gsol/ /thugs kar sgra gcan na hUM nag bsgom/ /de nas gsum la rigs drug ste/ /lte ba gsang ba gtsug tor du/ /ka ho:swa haM ni dgod par bya/ /'khor rnams la yang de bzhin no/ /oM sarbba ta thA ga ta kA ya bA k+tsit+ta badzra swa b+ha bAt+ma ko haM/ zhes pas nga rgyal bzung bar bya'o/ /byin gyis brlabs pa'i yan lag ste bdun pa'o// //thugs ka'i hUM gi 'od zer gyis/ /thugs kyi dkyil 'khor mdun du bzhugs/ /oM hAM hAM hAM h+rI huM hUM hliM hlIM/ oM A a'i rI a'u lI badzra Da ki n+yo badzrA mri ta g+ha Tai rA b+ha Shiny+tsaM tu maM swAhA/ oM aM iM ri uM liM sarba bud+d+ha(rgyud 'grel): badzra mu ku TaM ma ma pany+tsa bud+d+ha t+ma kaM band+hA yan+tu huM hUM phaT/ oM a A aM a(rgyud 'grel): ha hA haM hA(rgyud 'grel): pheM ho sarba pA ra mi ta ma ma badzra pa TwAM band+ha yan+tu huM hUM phaT/ oM hUM ho dz+nyA na badzrnyI na swa b+hA be kA ru Na pradz+nyAt+ma ke badzra badzra g+haN+Da sa bye ta ra ka ra yorma ma badzra satwa/ sa pradz+nyo da dan+tu huM hUM phaT/ oM a A/ e i/ ar Ar/ o aau/ al Al/ aM a(rgyud 'grel): sarba b+ho d+hi satwa(rgyud 'grel): sa b+hAryA/ sarba karmo pa b+ho ga badzra pa taM ma ma da dan+tu swAhA/ oM ha hA ya yA ra rA wa wA la lA sarba kro d+ha rAM dza(rgyud 'grel): sa b+hAryA mai tri kA ru Na mu di to pek+Sha/ sa ma ta swa haM baM/ badzra bUrbaM ga maM nA ma me da dan+tu huM hUM phaT/ oM e waM e wAM pad+ma badzra tsih+no pradz+nyo pa yan+tu mA lA/ d+hi pa ti badzra su kha dz+nyA nAM ga dz+nyA na ma me da dan+tu hUM phaT/ dbang bdun gsol ba gdab pa'o/ /oM A/ ra rI u lI pany+tsa d+hA tu bi sho d+ha ni swAhA/ /cod pan rigs lngas dbu rgyan bkon/ /oM a i ri a li pany+tsa ta thA ga ta pa ri shud+d+he swAhA/ oM a A aM a:ha hA hUM hA/ pheM ho da sha pA ri ma ta ta pa ri pU ra Ne swAhA/ oM A:hUM ho:sUrya tsan+d+ra bi sho d+ha ka swAhA/ oM a A/ e i ar Ar o aau al Al(rgyud 'grel): aM a(rgyud 'grel): bi Sha yan+d+ra ya bi sho d+ha ni swAhA/ oM ha hA ya yA ra rA la lA

  205. 102a

    tsa tur prahma bi ra bi shud+d+ha swAhA/ oM haM k+Sha d+harma tsakra pra bard+ha ka swAhA/ zhes pas dbang bdun bskur bar bsam/ /oM sarba ta thA ga ta sapta b+hU mi prA pa to haM/ thob pa'i nga rgyal bzung ba'o/ /oM oM pradz+nyO pA yau ka la shA b+hi She ka ma mA da dA taM huM hUM phaT/ oM hUM pradz+nyO pa yau badzra satwa bi shwa mA ta ro pradz+nyA dz+nyA nA b+hi She kaM me da dA tAM huM hUM phaT/ zhes pas dbang gsum bskur bar gsol ba btab pas bdag tshul bzhin du bum pa dang/ /gsang dbang shes rab ye shes sku/ /oM oM badzra satwe na badzra ka la shA b+hi She ke nA d+hi Shi k+to badzra satwa pu trwa tsa la b+hU mi labd+ho haM/ oM A(rgyud 'grel): oM badzra satwe na gu hyA b+hI Shek+te badzra satwa yu ba rA dzo na ba b+hU mi labd+ho haM/ oM huM badzra satwe na pradz+nyA dz+nyA ne nA b+hi Shi ke nA b+hi Shi kA haM dwi ti ya badzra d+ha ro haM d+harma me g+ha b+hu mi labd+ho haM/ thob pa'i nga rgyal bzung ngo/ /oM ho pradz+nyo pa yAt+ma ka badzra satwa ma hA mu drA dz+nyA nA b+hi She kaM me pra yats+tsha/ oM A huM ho(rgyud 'grel): phaT zhes pas gsol ba gdab pa dang/ /bla med dbang ni bskur bar bsam/ /oM haM d+harma d+hA twA k+Sha ra tsa tunwA b+hi She ka to badzra satwe nAt+ma na hi dwi tI yo dwA da sha b+hU mi labd+ho haM badzra satwa ma hArtha(rgyud 'grel): pa ra mAk+Sha ra(rgyud 'grel): trai lokya bi dza ya kA la tsakra b+ha g+ha wA me paM kA ra(rgyud 'grel): zhes pas thob pa'i nga rgyal lo/ /de nas phyag rgya drug bcas la/ /oM haM ha(rgyud 'grel): bA ma dak+Shi Na kar+N+Na yo ra badzra kunDa li huM hUM phaT phaT/ oM aM a(rgyud 'grel): ka TyaM kaN+The badzra me kha lA badzra kaN+Thi huM hUM phaT phaT/ oM a A(rgyud 'grel): bA ma dak+Shi Na ka ra yor badzra ru tsa ko huM hUM phaT phaT/ oM ha hA mA ma dak+ShiN pa da yor badzra nU pu re huM hUM phaT phaT/ oM haM bAM pany+tsA ka ra ma hA shU n+ya tA swa b+hA ba badzra shi ro/ ma Ni shi ra si sarbaM ge basma huM hUM phaT/ oM aM Ard+ha ra rI shwa ra badzra rd+ha tsan+d+ra badzra paTTo d+he huM hUM phaT phaT/ oM a A(rgyud 'grel): aM sarba swa rai ka tri swa ra swa b+hA ba/ badzra yadz+nyo pa bi ta skand+he huM hUM phaT phaT/ de nas phyag rgya bzhi bcas la/ /oM k+Sha(rgyud 'grel): du dAn+ta b+hi ma na k+Sha yaM ka ra byA g+hA tsarma/ ka Tau huM hUM phaT/ oM k+Sha tri sha da swa da sapta ta h+ri swa dwirg+ha

  206. 102b

    byany+dza na swa b+ha ba dai tye ku la sha ta si ro b+hirmuN+Da mA la skand+ha ba laM bi ni skand+he huM hUM phaT phaT/ oM ha hi h+ri hu hli pany+tsa skand+ha bi shud+d+ha swa b+hA ba shi ra si ka pA la mA le huM hUM phaT phaT/ oM k+Sha k+ShA k+Shi k+ShI k+Sh+ri k+Sh+ri k+ShU k+ShU k+Shli k+ShlI k+ShaM k+Sha:ha hA hi hI h+ri h+rI hu hU hli hlI ha ha(rgyud 'grel): sarba big+h+na bid ri ta ga dza tsa ra ma pa TArd+ha rak+ta sh+ra ba ta hUM pheM phaT/ de nas g.yas kyi phyag rgya bca' / oM k+Sh+ra(rgyud 'grel): kro d+ha badzra hUM phaT/ oM k+Sh+ra(rgyud 'grel): badzra khaDga hUM phaT/ oM k+Sh+ra(rgyud 'grel): badzra kri shU laM hUM phaT/ oM k+Sh+ra(rgyud 'grel): badzra karti ra hUM phaT/ oM k+Sh+ra(rgyud 'grel): badzra pA na hUM phaT/ oM k+Sh+ra(rgyud 'grel): badzrA gu sha hUM phaT/ oM k+Sh+ra(rgyud 'grel): badzra Da ma ru ka hUM phaT/ oM k+Sh+ra(rgyud 'grel): badzra mud+ga ra hUM phaT/ oM k+Sh+ra(rgyud 'grel): badzra tsakra hUM phaT/ oM k+Sh+ra(rgyud 'grel): badzra kun+ta hUM phaT/ oM k+Sh+ra(rgyud 'grel): badzra danda hUM phaT/ oM k+Sh+ra(rgyud 'grel): badzra pa ra shu hUM phaT/ de nas g.yon gyi phyag rgya bca' / oM hwAM badzra gaN+DI ho phreM phaT/ oM hwAM badzra khe Ta ho phreM phaT/ oM hwAM badzra kha TwAM ga ho phreM phaT/ oM hwAM badzra ka pA la ho phreM phaT/ oM hwAM badzra tsa pa ho phreM phaT/ oM hwAM badzra pA sha ho phreM phaT/ oM hwAM badzra radna ho phreM phaT/ oM hwAM badzra padmo ho phreM phaT/ oM hwAM badzra shaM kha ho phreM phaT/ oM hwAM badzrA darsha ho phreM phaT/ oM hwAM badzra sh+rIM kha le ho phreM phaT/ oM hwAM tsa du rbe ta mu kha swa b+hA ba prahma shi ro ho phreM phaT/ de nas klu'i phyag rgya bca' / oM hUM badzra dza ya nA gand+he badzra dza TA mu ku Ta band+he tiSh+Tha tiSh+Tha hUM hUM phaT phaT/ oM k+ShuM badzra bi dzA ya nA gan+d+re badzra band+he band+ha tiSh+Tha tiSh+Tha huM hUM phaT/ oM hyaM hyA badzra karko Ta ka badzra padmo pA ma dak+Shi na kunDa la yo/ tiSh+Tha tiSh+Tha huM hUM phaT phaT/ oM h+rAM h+rA badzra pA su ki shaM ka pA la pA ma dak+Shi Na ru tsa ka yo tiSh+Tha tiSh+Tha huM hUM phaT phaT/ oM hUM hwA badzrA nan+ta ku la kau me kha la kaN+Thi ka ya(rgyud 'grel): tiSh+Tha tiSh+Tha huM hUM phaT phaT/ oM hlaM hlA badzra tak+Sha ko mahA padmo bA ma dak+Shi Na pA da nU pu ra yo tiSh+Tha tiSh+Tha huM hUM phaT phaT/ zhes pas nga rgyal bzung bar bya'o/ /dbang bskur bar yan lag ste brgyad pa'o/ //sngar bshad lha mo bcu gnyis kyi sngags brjod pa dbul bar bya'o/ /oM A huM h+rI(rgyud 'grel): phaT/ sngon du mchod yon dbul ba ni/ oM pra ba ra satkA raM mahA rasminpa tIts+tsha swAhA/

  207. 103a

    de nas me tog sogs dbul rin chen gser gyi me tog sna tshogs dri mchog spos sogs mar me dang/ dril bu me long bla re dang ni sna tshog 'bras bu ba dan gar dang rol mo dang/ sna tshogs mchod pa byas te gzhan rnams bcu po bdag nus ji ltar gsungs bzhin dbul/ bdud rtsi sngar bzhin byin bshad pa/ /hUM byung rdo rje'i lce yis myang/ /oM bud+d+ha ya ma na(rgyud 'grel): oM d+harma ya na ma(rgyud 'grel): oM sad+gA ya na ma(rgyud 'grel): oM swa b+ha bi ka kA yA ya na ma(rgyud 'grel): oM d+harma kA yA ya na ma(rgyud 'grel): oM saM b+ho ga kA yA ya na ma(rgyud 'grel): oM narmmA NakA yA ya na ma(rgyud 'grel): oM tsit+ta badzrA ya na ma(rgyud 'grel): oM dz+nyA na badzra ya na ma(rgyud 'grel): oM wA kA ya badzrA ya na ma(rgyud 'grel): oM shAkya mu na ye na ma(rgyud 'grel): oM ka la tsakrA ya na ma(rgyud 'grel): oM badzra satwA na ma(rgyud 'grel): de bzhin lha'i sngags rnams la/ /na ma btags la bdud rtsi myang/ /srin lag dag gis mchod par bya/ /de nas snyan pa'i dbyangs kyis bstod/ /gang la thog mdza' dbus med gnas dang 'chi dang srid pa dang ni sgra dang dri ste ro dang ni/ /reg bya gzugs dang sems te rang bzhin dang ni skyes bu med cing rtsa lag thar par byed pa med/ /sa bon gsal ba'i dus su ma lus srid pa ru ni bde dang sdug bsngal rang bzhin mi mnga' ba/ /mtshan med mya ngan 'das par bya ba bral zhing yon tan bral ba de la phyag 'tshal lo/ /dus dang sna tshogs la sogs rdo rje dpe zla med cing skyes bu kun 'gro spros pa med/ /brtsegs pa la gnas rna ba sna dar kha mig mgo bo lag pa rkang pa rnams kun du/ 'byung ba'i mdza' dang 'byung po'i mgon te gnas pa'i srid pa 'dzin cing bya ba rnams kyi rgyu/ /rig pa dang po rnal 'byor gyis bgrong go 'phang mchog gis bde ba dus 'khor la 'dud do/ / skyes bu mdzad cus pa yis gzugs can dri med glog 'dra gzi brjid nyi ma dang gnyis pa/ /ye shes rdo rje 'od zer mchog gi go 'phang la gnas chog drag de la phyag 'tshal lo/ dkar po 'jig rten gsum mgon ri bong 'dzin pa las 'dzags

  208. 103b

    'jig rten spyi bor yang dag bzhugs/ /bdud rtsi 'chi ba sel zhing srid pa'i 'jigs pa 'joms pa thig le'i gzugs la phyag 'tshal lo/ /sems tsam sngags kyi gzugs la sum cus yongs su bskor ba bde dang sdug bsngal ngo bo la/ /mkhas pa rnams la zhi ba'i gzugs kyis nyi mdzad nyams myong gdug pa rnams la mi gdug pa/ /gang zhig gang du rang gi yid la las byas de yi 'bras bu de ru bskyed par byed/ /'jig rten dbang phyug sna tshogs srid gsum bskyed mdzad rdo rje sems dpa' la yang phyag 'tshal lo/ /gcig dang du ma ma yin gcig ste mnyam dang mi mnyam mnyam pa g.yas dang g.yon pa mdun dang rgyab/ /steng 'og kun nas dkar dang ljang khu kha dog chen po sna tshogs gzugs can thung ngu ring po ste/ /ring thungs su dang yon tan med pa yon tan dang bcas skyes bu bud med skyes bu min/ /gang zhig kun nas rten byas gcig tu b+ha ga bzang mo mchog gi b+ha ga khyod la 'dug /gzhan yang bstod pa ci rigs bya/ /oM sarbba ta thA ga ta mahA pU dza badzra swa b+hA bAtpa ko haM/ mchod bstod nga rgyal bzung bar bya'o/ /mchod pa dang bstod pa'i yan lag ste dgu pa'o// //dpal ldan rdo rje can ni lo dang zla ba dbye ba'i dus kyi dag par 'gyur ro mi dbang kye/ /sems kyi rnam pa nyi ma ma yin nyin bzhin dbang gis sna tshogs rnam par dag/ ngu ba la sogs rlung rnams dag par rang snying pad+mar gtso bo'i 'khor lo gnas pa'o/ /drag po nyon mongs slas bcas bdud kyi tshogs bcas bdud kyi gtso bo zhabs kyi 'og /dung dang gaN+DI nor bu ljon pa dag ni de bzhin sku'i rdo rje rdzogs/ /bdud rtsi'i yan lag gis ni bum pa brgyad de rgyal dang rnam rgyal bum pa byang sems sogs/ /'du byed don yod grub pa tshor ba dri med rin chen 'byung gnas 'du shes dpag med 'od/ /gzugs ni 'khor lo can te ri bong stobs dang khrag dang dri chu

  209. 104a

    rin chen dag /lha mo drug gi khams rnams kyi ste yul dang yul can gyi ni byang chub sems dpa' sras dang bcas/ /stobs kyi khro bo lnga ste gzhan rnams las kyi dbang po lnga pos so/ /tsA muN+Da la sogs pa thun tshar brgyad kyi pad+ma'i 'dab gnas nyi ma'i dus sbyor chu tshod rnams/ /lha min la sogs zla ba bcu gnyis pad+ma'i 'dab gnas rtsa dang dbugs kyi grangs rnams so/ /klu dang gtum mo gsang pa la ste rgyal po nyis 'gyur rtsa rnams rnam par dag /de bzhin 'dod pa la sogs des ni rang bzhin yon tan dbang gis lus kyi bya ba dag /skra yi sgrub pa ma lus dur khrod sa gnas ba spu rnams kyi 'byung po'i tshogs rnams so/ /khams gsum dag ni ma lus pa/ /sangs rgyas ngo bor bsgom par bya/ /de nas pad+ma rnam par sbyangs/ /a yis pad+ma 'dab brgyad la/ /hUM gis yi ge rdo rje bcas shes rab la ni mthun phyir ro/ /hUM rigs rang gi yab kyi rdo rje ni/ /rtse mo lnga par rnam par bsgom/ /de dbus a las pad 'dab brgyad/ /de nas rdo rje pad+mar dgod/ /de nas rnal 'byor hUM phaT brjod/ / bsrub cing bde chen bsgom par bya/ /gtum mo lte bar rgyus klu bcom/ /ho yi ye shes dbus nas su/ /dri med glog 'dra gzi brjid 'bar/ /phung khams skye mched la sogs bsregs/ /ri bong spyi bo las 'bab pa/ /thig le'i gzugs te rdo rje can/ /gnas bzhi rim bcas slar steng 'og /rgyan ldan me long gnas lta bur/ /dus gsum ye shes rang 'byung ba/ /gsung dag ye shes 'bar bar gcig /dung can rgyan chen gtum mor brjod/ /lte stengs rigs dan d+hU ta'i sna/ /srog lnga sna rtser yungs kar gzhug/ /srog 'gags stong nyid ma bcos dang/ /de la yid bzhag bsgom par bya/ /oM sarba ta thA ga ta a nu rA gaN badzra swa b+hA ba at+ma ko haM/ rnam dag dran pa'i thig le dang/ /phra mo bsgom pa'i yan lag ste bcu pa'o/ /de nas nga rgyal

  210. 104b

    bzung bar bya'o/ /bsgom pas skyon sngags bzlas te/ /las la shis pa'i phreng ba bzung/ /sngags kyi sgra spangs grogs po ru/ /gang 'gyur ba yi sngags de bzlas/ /oM na mo badzra satwA ya/ na mo bud+d+ha b+ho ti satwe b+hya(rgyud 'grel): na mo badzra kro d+he n+d+ra rA dze b+hya(rgyud 'grel): na mo bi shwa ma trai/ na mo bud+d+ha bo d+hi satwa de be g+hya na mo badzra DA ki ni b+hya/ oM na mo b+ha ga ba te ka la tsakrA ya badzra b+hai ra ba b+hI ka rA ya/ ma hen+d+ri la par+N+Na sha pa rI rI ya/ ma ra kle sha h+ri dA ya/ krAn+ta si na rak+ta tsa ra NA ya/ /kriSh+Na rak+ta si ta kaN+TA ya/ nI la si ti pI ta rak+ta daMSh+TA ka ra lo gra b+hI Sha Na mu khA ya/ kriSh+Na rak+ta si ta sa dye ta ra skand+hA ya/ dwa sha b+hu dzA ya/ ShaTa bid sha ti ka rA ya/ badzra khaDga Ti shU la karti ka /bA NAM ku sha Da ma ru ka /mung+ga ra/ tsakra kun+ta/ daN+Da/ parshu/ badzra g+ha N+Ta khe Ta/ kha TwAM ga /ka pA la/ tsa pA pA sha /ratna ka ma la shi khi/ a darsha/ sh+rI kha lA/ brahma/ shi ro ga dza tsarma d+h+rik+ka rA ya/ byA g+h+ra/ tsarma Ni ba sa nA ya/ skand+he muN+Da mA lA ba laM be ni/ shi ra si/ badzra paDDa ma ku Te badzra/ ka pA la ma lArd+ha tsan+d+ra d+ha rA ya/ kunDa la ru tsa ka/ kaN+Thi kA/ me kha lA/ nU pU ra/ b+hasma yadz+nya pa bI ta shi ro ma Ni/ mahA mu drA nA gen+d+ra bi b+hU Sha NA ya/ badzra DA ki nI san+to Shi tri h+ra da yA ya/ in+d+ra gni ya ma nai rritya ba ru Na ba yu ku pe re shA na brahma bik+Sh+NA bi nA ya ka kAn+ti ke ya nandi mahA kA la gra ha/ nak+Sha trak+She tra pA la su ren+d+rA pha Nin+d+ra b+hu ten+d+ra na ren+d+ra si shu ha tsa ra NA ya/ rtsa ba'i sngags so/ /oM a(rgyud 'grel): hUM ho haM k+Sha(rgyud 'grel): h+k+Sh+mlwryaM ka la tsakra du rdAn+ta da ma ka dzA hi dza dA ma ra NAn+ta ka tre lokya bi dza ya/ ma hA bI re shwa ra/ badzra b+hai ra ba/ badzra kA ya/ badzra gA tra/ badzra ne tra/ badzra shwa tra/ badzra g+ha Na/ badzra dzi h+ra/ badzra dan+ta/ badzra na kha/ badzra ke sha /badzra lo ma/ badzrA b+ha ra Na/ badzra hA sa/ badzra gI ta/ badzra nri tye/ badzra yu d+ha ka ra/ badzra kro d+ha rA dzA d+hi pa ti/ badzra DA ka/ badzra DA ki nI dza la ba ra bri ti/ shI g+h+ra a gats+tsha gats+tsha/ badzra satwa dz+nyA yA sarba mA ra big+h+na bi nA ya ka kin+na ra kiM pu ru Sha ga ru Da gand+ha rba yak+Sha k+Sha sa b+hu ta mahA bro ta/ kum+b+ha Na Da a pasmA ra/ k+She tra pA la/ pe tA Da/ pU ta na/

  211. 105a

    duSh+Ta nA ga gra hA da ya ye sarba dzwa ra/ sarba byA d+hi/ k+Shu dro ba tra pa kA ri Na(rgyud 'grel): sarba satwa nAM sarbba pa kA ra ra tAM shA sarbany+dza(rgyud 'grel): shI g+h+raM badzri ku she nA kri Sh+yA kri Sh+ya/ a'ur d+ha di shi ga tA nA kri Sh+yA kri Sh+ya pUrba di shi ga tA nA kri Sh+yA kri Sh+ya/ dakI Na di shi ga tA nU kri Sh+yA kri Sh+ya/ ut+ta ra di shi ga tA nA gri Sh+yA kri Sh+ya/ ra shtsi ma di shi ka twa dI kri Sh+yA kri Sh+ya/ bA ya bya de shi ga tA nA kriSh+yA kriSh+ya/ a'i sha na di shi ga tA nA kri Sh+yA kri Sh+ya/ nairri dya di shi ga na tA nA kri Sh+yA kri Sh+ya/ agne ya di shi ga tA nA kri Sh+yA kri Sh+ya/ a d+ho de shi ga tA nA kriSh+yA kri Sh+ya/ A kA sha maN+Da la ga tA nA kri Sh+yA kri Sh+ya/ ba yu maN+Da la ga tA nA kri Sh+yA kri Sh+ya/ te dzau maN+Da la ga tA nA kri Sh+yA kri Sh+ya/ to ya maN+Da la ga tA nA kri Sh+yA kri Sh+ya/ pri thpI maN+Da la ga tA nA kri Sh+yA kri Sh+ya/ kA ma d+ha tu maN+Da la ga tA nA kri Sh+yA kri Sh+ya/ rU ba d+ha tu ga tA nA kri Sh+yA kri Sh+ya/ oM rU pa d+hA tu ga tA nA kri Sh+yA kri Sh+ya/ kA ya d+hA tu ga tA nA kri Sh+yA kri Sh+ya/ bA ga b+hA tu ga tA nA kri Sh+yA kri Sh+ya/ tshit+ta d+hA tu ga tA nA kri Sh+yA kri Sh+ya/ pany+tsa skand+ha ga tA nA kri Sh+yA kri Sh+ya/ pany+tsi d+hA tu ga tA nA kri Sh+yA kri Sh+ya/ pany+tse dri ya ga tA nA kri Sh+yA kri Sh+ya/ pany+tsa pi Sh+ya ya ga tA nA kri Sh+yA kri Sh+ya/ pany+tsa karme na drI ya ga tA nA kri Sh+yA kri Sh+ya/ pany+tsa karme n+d+rI ya bi Sha ya ga tA nA kri Sh+yA kri Sh+ya/ sarba to ya tra ku tra tsit+ta ga tA nA kri Sh+yA kri Sh+ya/ mahA sma shA ne badzrA gni dzwa li ta b+hU myAM ni pa ta ya ni pa ta ya/ badzra pA she na sarba b+hU dze Shu band+ha ya band+ha ya/ badzra sh+riM kha la yA sarba pA de Shu ne ro d+ha ya ni ro d+ha ya/ ma ma sarba satpa Shu kA ya bak+tsi t+to ba dra ba ka ra ra tAn+tA na ma hA kro d+ha badzre Na tsUr+Na ya tsur+Na ya/ badzra khaDge na ni krin+ta ya ni krin+ta ya/ badzra tri shU le na b+he da ya b+he da ya/ badzra kart+ti kA ya ha na ha na/ badzra pA Ne na bind+ha bind+ha/ badzra kI laya kI laya kI laya/ badzra mung+ga re NA ko Ta yA/ badzra tsakre Na ts+tshe da ya ts+tshe da ya/ badzra kun+te na b+hinda b+hinda/ badzra daN+De na tA Da ya tA Da ya/ badzra par shu na ts+tshinda ts+tshinda/ sArd+ha tri ko Ti khaN+Di kri twA shma shAn b+hU myAM sarba b+hU te b+hyo ba liM ku ru ku ru/ badzra Da ma ru ke na badzra DA ki nI rA bA ha ya bA ha ya/ badzra DA ki ni b+hyo mA ra kA yi kA naM ru d+hi raM ni

  212. 105b

    be da ya ni be da ya/ pany+tsA mri ta hA ri Ni b+hya(rgyud 'grel): pany+tsA mri taM ni be da ya be da ya/ sarba badzra DA kI nI sa hi ta(rgyud 'grel): sarba satwA nAM shAn+ti ki /poSh+Ti kAM rak+ShA ba ra Na gupti ku ru ku ru huM hUM phaT/ zhes pa ni phreng ba'i sngags so/ /oM A(rgyud 'grel): hUM ho h+k+Sh+mlwryaM swAhA/ snying po'o/ /oM h+rAM h+rIM h+rIM huM h+rlIM h+rAM swA hA/ nye ba'i snying po'o/ /oM kA la tsa krA ya A(rgyud 'grel): hUM ho phaT swAhA/ oM dA na pA ra mi tA yai hUM phaT swAhA/ oM shI laM bA ra mi ta yai huM phaT swAhA/ oM k+Sha n+ti pA ra mi tA yai huM phaT swAhA/ oM bIrya pA ra mi tA yai hUM phaT swAhA/ /oM d+hyA na pA ra mi tA yai hUM phaT swAhA/ oM pradz+nyA pA ra mi tA yai huM phaT swAhA/ oM u pA ya pA ra mi tA ye hUM phaT swAhA/ oM pra Ni d+ha na pA ra mi tA yai huM phaT swAhA/ oM bA la pA ra mi tA yai hUM phaT swAhA/ oM dz+nyA na pA ra mi tA yai hUM phaT swAhA/ oM dzA ya g+ha Te b+hyo huM phaT swAhA/ oM bi dzA ya g+ha Te b+hyo huM phaT swAhA/ oM sarba tsih+no b+hyo huM phaT swAhA/ oM sarba mu drA b+hyo huM phaT swAhA/ oM tsandA ma Na yai huM phaT swAhA/ oM d+harmA gaN+Dya hUM phaT swAhA/ oM d+harmmA shi khA ya huM phaT swAhA/ oM kalpa brik+ShA ya huM phaT swAhA/ oM ak+Sho b+hyA huM phaT swAhA/ oM a ma g+ha sid+d+ha ye huM phaT swAhA/ oM radna saM b+ha ba ya huM phaT swAhA/ oM a mi tA b+ha ya huM phaT swAhA/ oM bai ro tsa nA ya hUM phaT swAhA/ oM lo tsa nA yai huM phaT swAhA/ oM mA ma kyai huM phaT swAhA/ oM bAN+Da rA yai huM phaT swAhA/ oM tA ra yai huM phaT swAhA/ oM badzra d+hA twI shwa ryai huM phaT swAhA/ oM badzra pA Na yai huM phaT swAhA/ oM kha garbbA ya huM phaT swAhA/ oM k+Shi ti garbbA ya huM phaT swAhA/ oM lo ke shwa rA ya huM phaT swAhA/ oM sarba ni pa ra Na bi skaM b+hi ne huM phaT swAhA/ oM sa man+ta b+ha drA ya huM phaT swAhA/ oM gand+ha badzrA yai hUM phaT swAhA/ oM ru pa badzrA yai huM phaT swAhA/ oM ra sa badzra yai huM phaT swAhA/ oM sparsha badzrA yai huM phaT swAhA/ oM shapta badzrA yai huM phaT swAhA/ oM d+harmmA d+hA tu badzra yai huM phaT swAhA/ oM uSh+Ni ShE ya huM phaT swAhA/ oM bigtTAn+ta ka ya huM phaT swAhA/ oM pradz+nyA na kA ta ya hUM phaT/ oM padmAn+ta kA ya huM phaT

  213. 106a

    swAhA/ oM ya mAn+ta kA ya huM phaT swAhA/ oM stam+b+ha na ye huM phaT swAhA/ oM ma Ni ma n+yai huM phaT swAhA/ oM sto b+hi n+yai huM phaT swAhA/ oM a ti bI ryA yai huM phaT swAhA/ oM a ti ni lA yai huM phaT swAhA/ oM sarba d+ha ri NI b+hyo huM phaT swAhA/ oM Sha DaM gA ya hUM phaT swAhA/ oM badzra tsA rtsi kA ye huM phaT swAhA/ oM badzra bA rA hyai huM phaT swAhA/ oM badzra ma he shwa ryai huM phaT swAhA/ oM badzra indDya na huM phaT swAhA/ oM badzra brahma n+ye huM phaT swAhA/ oM badzra mahA la k+Sh+mye huM phaT swAhA/ oM badzra kau mAryai huM phaT swAhA/ oM badzra baiSh+Na byai huM phaT swAhA/ oM aSh+TA Sh+Ta ke na tsa tu(rgyud 'grel): Sh+ThaShi badzra yo gi nI b+hyo huM phaT swAhA/ oM Sha Da triM shA tits+tsha b+hyo huM phaT swAhA/ oM badzra baiSh+Na bai huM phaT swAhA/ oM badzra nirri tya yai hUM phaT swAhA/ oM badzrA gni ye huM phaT swAhA/ oM pradz+nyo d+d+ha ye hUM phaT swAhA/ oM badzre na drA ya hUM phaT swAhA/ oM badzre shwa ra ya huM phaT swAhA/ oM badzra brahma Ni hUM phaT swAhA/ oM badzra bi nA ya kA ya huM phaT swAhA/ oM badzra karti ke yA ya huM phaT swAhA/ oM badzra ba ya bai huM phaT swAhA/ oM badzra ya mA yai huM phaT swAhA/ oM badzra yak+She b+hyo huM phaT swAhA/ oM bA ru N+yai huM phaT swAhA/ oM ba ya byai huM phaT swAhA/ oM yA mi n+yai huM phaT swAhA/ oM yak+Shi n+yai huM phaT swAhA/ oM ma hA ba lA ya huM phaT swAhA/ oM a tsa lA ya huM phaT swAhA/ oM Tak+ki rA dzA ya huM phaT swAhA/ oM nI la danDA ya huM phaT swAhA/ oM sum+b+ha rA dzA ya huM phaT swAhA/ oM ro drA k+Sh+yai huM phaT swAhA/ oM badzra sh+rIM kha la yai huM phaT swAhA/ oM tsundA ye huM phaT swAhA/ oM b+h+ri kuTTyai huM phaT swAhA/ oM maryI tsyai huM phaT swAhA/ oM pra tye ka mA sa b+he d+he ne Sha Sh+Ti ut+ta ra triM sha ta badzra ti thi de bI b+hyo huM phaT swAhA/ oM ShaTa tri sha ta phra tIts+tsha b+hyo huM phaT swAhA/ oM badzra dzA yA ya huM phaT swAhA/ oM badzra kar ko Ta kA ya huM phaT swAhA/ oM badzra bA su ka yai huM phaT swAhA/ oM nan+tA ya huM phaT/ oM badzra raksha ya huM phaT swAhA/ oM badzre mahA padmA ya huM phaT swAhA/ oM badzra ku

  214. 106b

    li kA ya huM phaT swAhA/ oM badzra shaM kha pA lA ya huM phaT swAhA/ oM badzra pad+ma ya hUM phaT swAhA/ oM badzra bi dza yA ya huM phaT swAhA/ oM shwa nA syA ye huM phaT swAhA/ oM sU kA rA syA ye huM phaT swAhA/ oM byA btA syA hUM phaT swAhA/ oM dzUM ka kA syA yai huM phaT swAhA/ oM ga du DA syA huM phaT swAhA/ oM u lU kA syA yai huM phaT swAhA/ oM gri d+h+ra syA huM phaT swAhA/ oM kA kA syA yai huM phaT swAhA/ oM b+hU te b+hyo hUM phaT swAhA/ oM badzra tsan+d+rA ya huM phaT swAhA/ oM badzra sUryA ye huM phaT swAhA/ oM badzra mang+ga lA ya huM phaT swAhA/ oM badzra bud+hA ya huM phaT swAhA/ oM badzra bri haspa ta ye huM phaT swAhA/ oM badzra shukrA ya huM phaT swAhA/ oM badzra sha nai shtsa rA ya huM phaT swAhA/ oM badzra ke tA bai huM phaT swAhA/ oM badzra ra hA be huM phaT swAhA/ oM badzra kA lAgna ye huM phaT swAhA/ oM badzra d+h+ru bai huM phaT swAhA/ oM badzra gastya ye huM phaT swAhA/ oM badzra k+She trA b+hyo huM phaT swAhA/ oM dwA ra sha rA si b+hyo huM phaT swAhA/ oM Sha Ta sha ka lA b+hyo huM phaT swAhA/ oM da sha dik+kA le b+hyo huM phaT swAhA/ oM badzra randi ke shwa rA ya huM phaT swAhA/ oM badzra mahA kA lA ya huM phaT swAhA/ oM badzra g+haN+Da kar+N+NA ya huM phaT swAhA/ oM badzra b+hi gi ne huM phaT swAhA/ oM sarba k+She tra pA le b+hyo huM phaT swAhA/ oM sarba dU ti b+hyo huM phaT swAhA/ oM hA rI tyai huM phaT swAhA/ oM sarba sid+d+hi b+hyo huM phaT swAhA/ oM d+harmmA tsakrA ya huM phaT swAhA/ oM b+ha dra g+ha TA ye huM phaT swAhA/ oM badzra dun+tu b+hyo huM phaT swAhA/ oM b+ho d+hi brik+ShA ya huM phaT swAhA/ oM ru bud+d+ha b+ho d+hi satwe b+hyo na mo huM phaT swAhA/ pho nya badzra nyi badzra nyri badzra nyu badzra nyli badzra nyi badzra huM phaT swAhA/ oM dzha badzra dzhi badzra dzh+ri badzra dzhu badzra dzhli badzra dzhi badzra huM phaT swAhA/ oM dza badzra dzi badzra dzI badzra dzu badzra dzli badzra dzi badzra huM phaT swAhA/ oM tsha badzra tshi badzra tsh+ri badzra tshu badzra tshli badza tshi badzra huM phaT swAhA/ oM tsa badzra tsi badzra tsri badzra tsu badzra tsli badzra tsam badzra huM phaT swAhA/ de bzhin du sngar bstan pa'i sa bon kun la yang sbyar bar bya'o/ /oM ba ru

  215. 107a

    N+ye huM phaT swAhA/ oM ba ya be huM phaT swAhA/ oM ma ya n+ye huM phaT swAhA/ oM yak+Sha n+ye huM phaT swAhA/ oM nI la daN+Dhye huM phaT swAhA/ oM Tak+ki rA dzA ya huM phaT swAhA/ oM a la ya huM phaT swAhA/ oM mahA bA lA ya huM phaT swAhA/ oM sum+b+ha rA dzA ya huM phaT swAhA/ oM badzra ro tak+Sha huM phaT swAhA/ oM badzra sh+ri kha lA ya huM phaT swAhA/ oM badzra nunde huM phaT swAhA/ oM badzra b+h+ri ki ri huM phaT swAhA/ oM badzra ma ri tsya huM phaT swAhA/ oM badzra shat+triM sha ta ts+tshi b+hyo huM phaT swAhA/ oM badzra dza yA ya huM phaT swAhA/ oM badzra karko TA ya huM phaT swAhA/ oM badzra bA su ki huM phaT swAhA/ oM badzrA man+ta huM phaT swAhA/ oM badzra tak+Sha kA ya huM phaT swAhA/ oM badzra mahA pad+ma ma huM phaT swAhA/ oM badzra ku la na ka ya huM phaT swAhA/ oM badzra shaM kha pA lA ya huM phaT swAhA/ oM badzra padmA ya huM phaT swAhA/ oM badzra bi dza yA ya huM phaT swAhA/ oM shwa na syai huM phaT swAhA/ oM byAg+ha sye huM phaT swAhA/ oM dzpu ka syai huM phaT swAhA/ oM ga ru Da syai huM phaT swAhA/ oM u lU ka syai huM phaT swAhA/ oM g+h+ri d+h+ra syai huM phaT swAhA/ oM ka ka syai huM phaT swAhA/ oM sarba shud+d+he b+hyo huM phaT swAhA/ oM badzra tsanda ya huM phaT swAhA/ oM badzra sU ryA huM phaT swAhA/ oM badzra maM ga lye huM phaT swAhA/ oM badzra bud+d+ha ya huM phaT swAhA/ oM bri hpa ta yai huM phaT swAhA/ oM badzra shu krA ya huM phaT swAhA/ oM badzra sha nai shtsarA ya huM phaT swAhA/ oM badzra kArta ri huM phaT swAhA/ oM badzra rA hu la huM phaT swAhA/ oM badzra ka lAgn+ye huM phaT swAhA/ oM badzra d+h+ru be ni huM phaT swAhA/ oM badzra gastya huM phaT swAhA/ oM badzra sarba nak+Sha tre b+hyo huM phaT swAhA/ oM dwA da sha rA shi b+hyo huM phaT swAhA/ oM Sho Da sha kA la b+hyo huM phaT swAhA/ oM badzrA nande bI shwa rA ya huM phaT swAhA/ oM badzra mahA kA lA yang huM phaT swAhA/ oM badzra g+haN+Da kar+NA ya huM phaT swAhA/ oM badzra b+h+ri gi ra Te huM phaT swAhA/ oM sarba k+She Ta pA li b+hyo huM phaT swAhA/ oM sarba dU ti b+hyo huM phaT swAhA/ oM ha ri ti b+hyo huM phaT swAhA/ oM sarba sid+d+hi b+hyo huM phaT swAhA/ oM sarba gu ru bud+d+ha b+ho

  216. 107b

    ti satwe b+hyo huM phaT swAhA/ oM d+harmmA tsakrA ya huM phaT swAhA/ oM b+ha dra gaN+DI ye huM phaT swAhA/ oM badzra dundu b+hyo huM phaT swAhA/ oM bo b+hi brik+Sha ye huM phaT swAhA/ de nas mchod bstod ci nus bya/ /khro rgyal la sogs gtor ma sbyin/ /dge ba 'di yis rnam gsum sred pa la gnas sems can rnams ni bla med byang chub 'gyur bar shog /thub pa 'khor bcas gtso bo'i byin gyis brlabs kyis sna tshogs phyag rgya'i dngos grub thob gyur pa/ srid pa rnam gsum la gnas sems can bcom ldan dus 'khor stobs kyis de bzhin shog /bsod nams de yis sems can mi 'gyur mchog gi bde bar gyur cig de la 'dud/ spyi bor rdo rje rtse lnga ru/ /gtso bo yab yum gshegs su gsol/ /thugs kar rtse dgu du ba sogs/ /dpral bar rtse mo bcu drug bsgom/ /rigs lnga yab yum bum par gshegs/ /mgrin par rtse mo sum cu gsum/ /sems dpa' sems ma sgo ba gshegs/ /lte bar rtse mo drug cu lnga/ /gsung gi dkyil 'khor gshegs su gsol/ /gsang bar phyi yi sgo srung gshegs/ /bya ba'i rdo rje bden bral sogs/ / las la klu dang rab gtum gshegs/ /de nas lha'i rnam par ldang/ /cho gas gnas rnams bsrung bar bya/ /oM sarbba ta thA ga ta ya ti badzra satwa haM do daN+Da da ma ko huM hUM phaT phaT swAhA/ /lha'i nga rgyal gyi spyod lam bya'o/ /rjes kyi bya ba'i yan lag ste bcu gcig pa'o// //sangs rgyas byang sems rgyud 'grel las/ /dbri mnan ma byas cho ga bsdus/ /dge ba bla med byang chub bsngo/ /nongs gyur bzod pa mdzad du gsol/ /dkyil 'khor rgyas pa'i sgrub thabs slob dpon dus 'khor zhabs kyis mdzad pa rdzogs// //kha che'i paN+Di ta so ma nA tha dang/ bod kyi lots+tsha ba dge slong shes rab grags kyis bsgyur ba'o/ (//dpal du dkyil 'khor lo'i sgrub thabs bzhugs so//) //*/ /rgya gar skad du/ sh+rI kA la

  217. 108a

    tsakra sA d+ha na nA ma ni/ bod skad du/ dpal dus kyi 'khor lo'i sgrub pa'i thabs zhes bya ba/ bcom ldan 'das dang po'i sangs rgyas la phyag 'tshal lo/ /dpal ldan srid gsum mgon po mchog tu bde ba'i bdag nyid rnam par rtog pa ma lus rab tu spangs/ /spro dang sdud pa'i rgyur gyur dngos dang dngos med mnyam pa'i ye shes skye dang 'jig pa rnam par bral/ /skye bo rnams kyi bsam pa rnams la dgongs te hUM yig la sogs las byung dkyil 'khor gyis ni bskor/ /bden pa dag la gnas pa'i mchog gi snying rje dang ldan dang po'i sangs rgyas de la phyag 'tshal lo/ /'jam pa'i dpal gyis bsdus rgyud du/ /sgrub thabs gsungs pa de bzhin du/ /'jig rten mgon gyis 'grel mdzad pa/ /de dag blangs te bri bar bya/ /bstan bcos brtsam pa'i dus med cing/ /mdzad las dbyung bar ma nus kyang/ /bsgom phyir sgrub thabs 'di byas pas/ /blo ldan rnams la bzod par gsol/ /dang por sngags pa mchog tu snying rje dang ldan pa gzhan gyis bya ba byed par 'dod pas/ zhi ba la sogs las kyi bye brag gis/ /rgya mtsho'i 'gram la sogs pa'i gnas yid du 'ong ba'i bsam gtan gyi gnas su/ bla ma dang/ rgyal ba dang/ de'i sras rnams la gus pas/ bcom ldan 'das dang po'i sangs rgyas kyi bris sku la sogs pa bzhugs su gsol/ /mchod pa dang maN+Dal la sogs pa gzhung nas bshad pa ltar bshams pa la 'jam pa la sogs pa'i stan la bsdad la/ /shin tu gus pa dang ldan pa'i rang gi yid kyis phyag btsal pa la sogs pa rnams dang/ phyi'i mchod pa rgya chen po rnams dbang po rnams dang mnyam por bzhag pa ste/ ji ltar gsungs pa ltar dag par byas pa'i bdud rtsi lnga'i ri lu sran ma tsa na ka tsam khar bcug nas/ lus dang ngag dang/ yid dang ye shes rnam par dag par bya ba la sogs pa rnams bya

  218. 108b

    ba ni/ de yang mchog gi snying rje dang bdud rtsi'i dbang gis sems la brlan pa'i 'phags pa spyan ras gzigs dbang phyug gis dpal dri ma med par lha nyid yongs su rdzogs par bya ba'i don du lus dang ngag dang/ yid dang ye shes rnam par dag par gsungs pa/ oM A:hUM ho ho k+Sha(rgyud 'grel): pradz+nyo pA yA ta ma ka kA ya bAk+tsi t+ta dz+nyA nA d+hi pa ti ma ma kA ya bAk+tsit+tata dz+nyA na badzri badzra badzrA mri ta swa b+hA baM ku ru ku ru kand+d+ha d+hA twA ya twA nA ni(rgyud 'grel): swa b+ha baM swAhA/ zhes pa'i sngags brjod la/ gtsug tor du baM yig yongs su gyur pa las rdo rje zla ba ni dkyil 'khor cha bcu drug pa yongs su rdzogs pa lta bu sngags pas bsam mo/ /de nas gtsug tor nas bsams te sen mo'i bar gyi lus sbrul pags pa rjes pa ltar bsam mo/ /de ltar zhi ba dang rgyas pa dag la'o/ /dbang la sogs pa gzhung ches kyi dog nas ma bris so/ /de nas yang de nyid du gsungs pa'i/ swa b+hA ba shud+d+ha(rgyud 'grel): sarba d+harma(rgyud 'grel): swa b+hA ba shud+d+ho haM/ zhes pas brjod do/ /de nas dpral bar oM yig yongs su gyur pa las 'od dpag med sku mdog dkar po/ mgrin par a:yig yongs su gyur pa las rin chen 'byung ldan sku mdog dmar po/ thugs kar huM yig yongs su gyur pa las don yod grub pa sku mdog nag po/ /lte bar ho yig yongs su gyur pa las rnam par snang mdzad sku gdog ser po/ gtsug tor du haM yig yongs su gyur pa las mi bskyod pa sku mdog ljang gu gsang gnas su k+Sha yig yongs su gyur pa las rdo rje sems dpa' sku mdog sngon po rnams dgod pa ni/ gsung bar 'gyur ba'i sku mdog dang phyag mtshan rnams dang ldan pa'o/ /'di ni rdo rje'i zhal dag pa dang rigs drug dgod pa'i nges pa'o/ /de nas lag pa dag pa'i sngags brjod do/ /oM h+ra(rgyud 'grel): sarbA sta rA dza mAr kle shan+ta ka ra badzra tiklta du(rgyud 'grel): kha ts+tshe dam ma ka ri bi sho d+ha ya swAhA/ zhes pa'i sngags 'di nyid kyi

  219. 109a

    kyi lag pa mnye ba ni lag pa dag pa'i nges pa'o/ /de nas a la sogs pa'i mthar thug pa'i dbyangs yig bco lnga ni/ a i ri u li/ a e ar aau al/ ha ya ra wa la/ rnams lag pa g.yon pa'i mthe'u chung gi rtsa ba'i tshigs nas brtsams te/ mthe bo'i bar gyi tshigs rnams la nam mkha' la sogs pa dgod pa'o/ /de nas lag pa g.yas pa'i mthe bo'i steng gi tshigs nas brtsams te/ mthe'u chung gi tshogs kyi bar du la yig la sogs pa dgod pa ni/ lA wA rA yA/ Al o Ar i a(rgyud 'grel): lI a'u rI a'i A/ rnams ni sa la sogs pa rim pa bzhin no/ /de nas thal mo sbyar ba'i nang du zla ba dang nyi ma'i dbus su hUM yig kha dog sngon po bsam/ yang de nyid du gsungs pa ltar zla ba dang nyi ma dang sgra gcan gyi sa bon dang ldan pas rtse lnga'i phyag rgya bcings te/ gtsug tor nas brtsams nas/ rkang pa'i sen mo'i bar du bdag nyid la reg par bya zhing sngags brjod pa/ oM A:huM ho haM k+Sha:/ ya bAk+tsit+ta dz+nyA na d+hi ba te badzra k+Sha yA ma ma kA ya bAk+tsit+ta dz+nyA na badzri badzrA kA ya swA b+hA baM ku ru ku ru swAhA/ de'i nga rgyal dang bcas pas/ oM sarba ta thA ga ta badzra kA ya swa b+ha bAt+ma ko haM/ zhes pa ni lus dang ngag dang yid dang ye shes rnam par dag pa'o/ /de ltar rigs drug la dgod par byas nas/ de nas yan lag drug la dgod pa ni/ lag pa gnyis thal mo sbyar ba'i mthe bo gnyis snying gar gtad de/ oM hlI h+ri da yA ya nA ma/ zhes pa'o/ /mgo bor oM hUM si ra se swAhA/ zhes pa'o/ /gtsug tor la oM h+rIM she khA yai bau ShaT zhes pa'o/ /yan lag thams cad la oM h+rrIM ka ba tsa ya hUM zhes brjod cing lag pa gnyis kyis lus thams cad la reg par bya'o/ /oM h+rI nai dra la wa Sha Ta zhes pas so/ /mig la oM h+rA(rgyud 'grel): astA ya phaT zhes pas phyogs thams cad du mthe bong dang mdzub mos se gol gtogs shing dge ba'i bya ba la

  220. 109b

    g.yon gyis/ mi dge ba'i bya ba la g.yas pas dgod do/ /de nas oM sarba ta thA ga ta h+ri da ya si ra(rgyud 'grel): shi kha ka ba tsa ne tra astra badzra Sha Di ga swa b+ha bat+mako haM/ zhes pa ni yan lag drug la dgod pa'i cho ga'o/ de nas srung 'khor gyi don du nam mkha' i dkyil 'khor gyi dbus su dang por 'khor lo bzhi bsgom pa ni/ de nas de nyid du gsungs pa ltar srung ba'i 'khor lo rnam par bsam par bya ba'i phyir/ de yang dang por yaM yig yongs su gyur pa las rlung gi dkyil 'khor 'og dang steng du hUM yig yongs su gyur pa las rdo rje kha sbyor ro/ /de nas raM yig yongs su gyur pa las me'i dkyil 'khor dang/ waM yig yongs su gyur pa las/ chu'i dkyil 'khor dang/ laM yig yongs su gyur pa las sa'i dkyil 'khor rnams rim pa bzhin du/ /kha dog nag po dang/ dmar po dang/ dkar po dang/ ser po rnams kyi 'og dang steng du huM yig yongs su gyur pa las rang rang gi kha dog dang bcas pa'i rdo rje gnyis gnyis dang bcas pa rnams/ gzhu'i dbyibs dang/ gru gsum dang/ zlum po dang/ gru bzhi'i rnam pa la rlung yab dang/ bkra shis pad+ma dang 'khor lo rnams kyi spras pa ge bar bya'o/ /de nas yang de nyid du gsungs pa ltar dkyil 'khor bzhi gcig tu gyur pa snga dro'i grib ma'i mtshams dang/ grong khyer gyi mtshams dang/ phyi rol du nam mkha' dang sa gzhi 'dus par snang ba'i mtshams su ste/ de yang dkyil 'khor gzhi gcig tu gyur pa grub bzhi rgya dang ldan pa'i gzhal yas khang bsgom pa dang/ de ltar rab gsum bsgom pa dang/ de ltar grong khyer srung ba'i don du grong khyer gyi mtshams su ra ba lnga bsgom par bya ba dang/ de ltar 'og thams cad du rdo rje'i mdung dang/ steng du mnga' i dra ba shin tu rno ba dang/ dbus su rdo rje'i sa gzhi rnams grong khyer gyi mtshams su bsgom par bya'o/ /de nas gzhal yas khang gi dbus su pad+ma 'am/

  221. 110a

    'khor lo khru bcu gnyis pa mu khyud dang bcas pa 'dab ma brgyad pa bsgom par bya'o/ /dbus kyi lte ba khru bzhi dang ldan pa nyi ma dang bcas pa'i gdan no/ /'on kyang 'di'i bye brag ni hUM yig yongs su gyur pa las rdo rje'i sa gzhi dang/ oM yig yongs su gyur pa 'am/ b+h+ruM yig yongs su gyur pa las gzhal yas khang dang/ baM yig yongs su gyur pa 'am/ oM yig yongs su gyur pa las pad+ma dang/ raM yig yongs su gyur pa las nyi ma'i dkyil 'khor bsgom zhes bya'o/ /de ltar ra ba la sogs pa bsgoms nas/ yang de nyid du gsungs pa ltar sngags kyi bye brag du gyur pa 'di lta ste/ oM A:hUM ra badzra tsandA sUrya ra huM ka lAgna ya/ ka ya bAk+tsit+ta dz+nyA na badzra pra k+Sha rAM ku ru ku ru swAhA/ zhes pa ni ra ba'i sngags so/ /oM huM bi shwa k+Sha ya badzra kU DA gA raM ku ru ku ru swAhA/ zhes pa ni gzhal yas khang gi sngags so/ /oM pa:bi shwa badzra pad+ma ku ru ku ru swAhA/ zhes pa ni pad+ma'i sngags so/ /om ra:badzra sUrya badzra sUrya sA naM ku ru ku ru swAhA/ zhes pa ni nyi ma'i gdan gyi sngags so/ /de nas de'i steng du aM yig dkar po yongs su gyur pa las/ zla ba'i dkyil 'khor me long lta bu'i ye shes kyi rang bzhin/ ka yig la sogs pa gsal byed 'dus pa'i bdag nyid las/ zla ba'i dkyil 'khor bsgom pa me long lta bu'i ye shes kyi rang bzhin no/ /yang de nyid du gsungs pa zla ba'i dkyil 'khor mtshan sum cu rtsa gnyis kyi bdag nyid g.yon dang g.yas su bskor ba dbyangs yig sum cu a(rgyud 'grel): tsheg drag dang klad kor dang bcas pa bsgo pa ni/ a i ri u li 'di rnams ni dang po lnga bsdus pa'o/ /de yang yon tan gyi dbye bas a e ar o al rnams ni gnyis pa lnga rnams bsdus pa'o/ /de nas rkyen gyis gyur pa ha ya ra wa la rnams ni gsum pa'i bsdus pa lnga'o/ /

  222. 110b

    bsdus pa bco lnga'i mthar thig le ni aM yig ste/ bcu drug pa 'di rnams ni g.yon bskor gyis so/ /de nas g.yas bskor gyis nag po'i phyogs kyis dang po la sogs pa dgod pa/ lA wA rA yA hA/ /Al o Ar e A/ lI u rI a'i A/ de ltar bco lnga dang gnam stong gi mthar tsheg drag ni A:ste 'di ni de ltar dbyangs yig bcu drug ces bya'o/ /de nas de'i steng du a:yig dmar po yongs su gyur pa las nyi ma'i dkyil 'khor mnyam pa nyid kyi ye shes kyi rang bzhin du bu mo'i bdag nyid bsam mo/ / yang de nyid du gsungs pa'i ka yig la sogs pa'i nyi ma'i dkyil 'khor gsal byed bzhi bcu'i bdag nyid de yang/ ha ya ra la wa rnams dang/ /sde tshan drug ste sum cu rtsa lnga dang/ de nyid kyis brjod pas la wa ya Da Dha rnams bzung ste/ l+la wwa Dha DhDha l+la wwa rra yya hha ssa wwa Sh+Sha shsha Sh+Sha/ t+ta ththa d+da d+h+d+ha n+na/ p+pa phpha bba b+hb+ha mma/ TTa ThTha DDa DhDha N+Na/ tstsa tshtsha dzdza dzh+dzha nynya/ k+ka kh+kha g+ga g+h+g+ha ngnga/ rnams ti bzhi bcu tham pa sa la sogs pa'i dbye bas g.yas bskor gyis so/ /de ltar g.yon bskor du/ ra g+ha ga kha ka/ nya dzha dza tsha tsa/ Na Dha Ta Tha Ta/ kam b+ha ba pha ba/ na d+ha da tha ta/ th+ka sha Sha wa/ sa ha ha ha ya ra wa la Dha Da ya ba la ste/ de ltar bzhi bcu ste gsal byed brgyad cu zhes so/ /de nas de dag gis dbus su hUM yig sngon po las byung ba'i sna tshogs rdo rje hUM gis mtshan pa so sor rtogs ye shes kyi bdag nyid bsgom par bya'o/ /de nas gsum po gcig tu 'dres pa la h+ri(rgyud 'grel): yig gis spras pa bya ba grub pa'i ye shes kyis bdag nyid bsgom par bya'o/ /de nas lus kyi yan lag thams cad rdzogs pa haM yig gi bdag nyid chos kyi dbyings shin tu rnam par dag pa'i rang bzhin 'og nas phyag 'tshal ba'i skabs su 'chad pa'i dpal dus kyi 'khor lo ste/ 'on kyang phyag nyi shu rtsa drug pa phyag lhag ma gnyis kyis glang po che'i

  223. 111a

    pags pa 'dzin pa la/ kha dog ser po zhabs rkyang bskum du bzhugs pa/ zhal gcig ma spyan gsum ma/ phyag gnyis kyi gri gug dang thod pa bsnams pa/ phyag rgya lngas spras pa'i sna tshogs yum gyi mgul nas 'khyud pa/ sbrul gyi rgyan gyis brgyan pa/ stag gi sham thabs spyangs pa/ khro bo'i dbang po rdo rje shugs su bdag nyid bsgom mo/ /yang de nyid du gsungs pa ltar phyag rgya la sogs pa dgod pa las/ phyag rgya drug rang gi lus la dgod pa/ oM haM ha/ bA ma dak+Shi na kaN+Na yor badzra kunDa le hUM hUM phaT phaT swAhA/ oM aM a:ka TyeM kaN+The badzra me khA badzra kaN+Thi ka huM hUM phaT phaT/ oM a A bA ma dak+Shi Na ka ra yor badzra ru tsa ko huM hUM phaT phaT/ oM ha hA bA ma dak+Shi Na pA da yor badzra nU bu re huM hUM phaT phaT/ oM haM ha baM pany+tsA kA ra mahA shU n+ye swa b+hA wa badzra shi ro ma Ni shir si sarbAM ge b+hasma huM hUM phaT phaT/ oM aM ard+ha na ri shwa ra badzrA rd+ha tsan+d+ra badzra phaT phaT/ urd+he huM hUM phaT phaT/ oM a a(rgyud 'grel): oM sarbA so rai ka tri swa ra swa b+hA ba badzra ya dz+nyo pa bI ta skand+he huM hUM phaT phaT/ zhes pa ni phyag rgya drug gis cho ga'o/ /de nas 'chad par 'gyur ba'i glang po'i pags pa'i phyag rgya bzhi'i sngags rnams brjod par bya ste/ oM k+Sha:durdAn+tA/ b+hI ma nak+Sha yaM ka ra byA g+h+ra tsarma ka Tau huM hUM phaT phaT/ oM haM k+Sha(rgyud 'grel): triM sha hswa ra sapta ti h+ra(rgyud 'grel): swa dirg+ha bya ny+dza na swa b+hA ba dye tya ku la sha ta si ro b+hirmu N+Da mA la skand+ha ba laM bi ni skand+he huM hUM phaT phaT/ oM ha hi h+rI hu hlI pany+tsa skand+ha bi shud+d+ha swa b+hA ba shi ra si ka pA la mA le huM hUM phaT phaT/ zhes pa ni phyag rgya bzhi'i cho ga'o/ /de ltar phyag rgya bcu rnams pha rol tu phyin pa bcu'i dbye ba dang/ gnas bcu drug gi dbye bas stong pa nyid bcu drug ces pa ni phyag rgya dgod pa'i cho ga'i rim pa'o/ /de nas g.yon dang g.yas kyi phyag mtshan gyi sa bon rnams brjod par bya ste/ oM k+Sh+ra(rgyud 'grel): kro d+ha badzra huM phaT/ oM

  224. 111b

    k+Sh+ra baDhA huM phaT/ oM k+Sh+ra(rgyud 'grel): badzra tri shU la huM phaT/ /oM k+Sh+ra(rgyud 'grel): badzra kad+ha ri huM phaT/ oM k+Sh+ra(rgyud 'grel): badzra bA Na huM phaT(rgyud 'grel): oM k+Sh+ra(rgyud 'grel): badzrAM ku sha huM phaT/ oM k+Sh+ra(rgyud 'grel): badzra Da ma ru ka huM phaT/ oM k+Sh+ra(rgyud 'grel): badzra mung+ga huM phaT/ oM k+Sh+ra badzra tsakra huM phaT/ oM k+Sh+ra: badzra kunda huM phaT/ oM k+Sh+ra(rgyud 'grel): badzra baN+Da huM phaT/ oM k+Sh+ra(rgyud 'grel): badzra parshu huM phaT/ zhes pa rnams ni g.yas kyi phyag mtshan rnams so/ /de nas g.yon gyi phyag mtshan rnams ni/ /dang por haM yig brjod par bya/ oM hwAM badzra gaN+De ho pheM phaT/ oM haM badzra khe tra ho pheM phaT/ oM b+hAM badzra kA pa la ho pheM phaT/ oM haM badzra no pa to pheM phaT/ oM hwAM badzra pA sha ho pheM phaT/ oM hwAM badzra ratna ho pheM phaT/ oM hwAM badzra pad+ma ho pheM phaT/ oM hwAM badzra shi kha ho pheM phaT/ oM hwAM badzrA darsha'o pheM phaT/ oM hwAM badzra sh+riM kha le ho pheM phaT/ oM hwAM tsa tu h+re ta swa b+hA ba brahma shi ra ho pheM phaT/ zhes pa rnams phyag g.yon pa rnams su mtshan ma dgod pa'i rim pa'o/ /de nas glang po'i pags pa'i sngags rnams brjod pa ni/ /oM k+Sha k+ShA k+Shi k+ShI k+Sh+ri k+Sh+rI k+Shu k+Shu k+Shli k+ShlI k+ShaM k+Sha(rgyud 'grel): ha hA hi hI h+ri h+rI hu hU hli hlI haM hA/ sarba big+h+na bi da ri ta ga dza tsarma phaTTA rd+ha rak+ta sh+ra ba ta huM pheM/ phyag g.yas dang g.yon gyi sdigs mdzub dang bcas nas bzung ba ni/ g.yas kyi mgo bo'i phyogs kyi lag pa dang/ g.yon gyi rkang pa nas bzung bar bsam pa ni pags pa bzung ba'i rim pa'i cho ga'o/ /de nas klu'i rgyal po bcu dgod pa'i sngags ni oM huM badzra dza ya nA gen+d+rA badzra dza TA mu ku Ta b+hand+ho tiSh+Tha tiSh+Tha huM hUM phaT phaT/ oM k+ShuM badzra bi dza yA na gen+d+ra badzra paTTa phanb+he tiSh+Tha tiSh+Tha huM hUM phaT phaT/ oM hyaM hyA badzra karko Ta ka badzra padmo bA ma dak+Shi Na kuN+Da la ya(rgyud 'grel): tiSh+Tha tiSh+Tha huM hUM phaT phaT/ oM h+raM h+rA badzra ba su ki shaM kha pA lo bA ma dak+Shi Na ru tsa ka yo/ tiSh+Tha tiShtha huM hUM phaT phaT/ oM hwaM hwa badzrA na n+ta ku li kau me khA la kaN+tha ka yo(rgyud 'grel): tiSh+Tha tiSh+Tha huM hUM phaT phaT/ oM hAM hyA badzra tak+Sha ko mahA padmo bA ma dak+Shi Na pA ra nU pu ra yo(rgyud 'grel): tiSh+Tha tiSh+Tha huM hUM phaT phaT/ de ltar sngags dang phyag rgya dgod par byas la/

  225. 112a

    mkha' 'gro ma rnams dang bcas pa'i rkang pa bcu drug pas bsdams pa rnams bskrad pa dang/ bdud la sogs pa bskrad pa'i sngags dus kyi 'khor lo'i sngags pas yang nas yang du bzlas pa 'di lta ste/ oM na mo badzra satwA ya/ na mo bud+d+ha bo d+hi satwe b+hya/ na mo badzra kro d+hen+d+ra rA dze b+hya/ na mo bi shA mA tre/ na mo bud+d+ha bo d+hi satwa de bi b+hya/ na mo badzra DA ki nI b+hye/ oM na mo b+ha ga ba te kA la tsa krA ya/ badzra bai ra pa b+hI ka rA ya ma hen+d+ra nI la baN+Da sha ba rI rA ya/ mA ra kle sha h+ri da yA krAn+ta sI ta rak+ta tsa ra NA ya/ kriSh+Na rak+ta si ta kaN+ThA ya Ni la si ta pI ta rak+ta daMShDA ka rA lo gra b+hI Sha Na mu khA ya/ kriSh+Na rak+ta si ta sa bye ta ra kand+ha ya/ dwa da sha b+hu dza ya/ Sha Da biM sha ti ka rA ya/ badzra khaDga tri shU la karta ri bA Na aM ku sha ma ru ka mung+ga ra tsakra kun+ta daN+Da parshu badzra g+haN+Da khe Ta kha TwAM ga ka pA la tsA pa pA sha radna ka ma la shaM kha A darsha sh+rI kha la brahma shi ro ga dza tsar ma d+h+rik+kA rA ya/ byag+h+ra tsarma Ni ba sa nA ya/ kand+he muN+Da mA lA ba laM bi na shi ra si badzra pa TTa mu ku Te badzra ka pA lA ma lArd+ha tsan+d+ra d+ha ra ya/ kuN+Da la ru tsa ka kaN+Di ka me kha lA nU pU ra b+hasma yadz+nyo pa bI ha shi ro ma Ni ma hA mu drA nA gen+d+ra bi b+hu Sha NA ya/ badzra Da ki nI saM te She ta h+ri da yA ya/ in+d+ragni ya ma nai ri tya bA ru Na bA yu ku be re shA na brahma biSh+Nu bi nA ya ka karti ke ya nandi mahA kA la gra ha nakA trak+She tra pA la/ su re na su ren+d+ra pa NI da b+hu ten+d+ra na ren+d+ra saM stu ta tsa ra NA ya/ zhes pa ni bcom ldan 'das kyi rkang pa bcu drug pa'i sngags so/ /bdud rigs brgya'i phreng ba'i sngags kyi sa bon rnams ni gong du sngags brjod pa'i skabs su bshad pas 'dir ma bris so/ /rkang pa bdun cu rtsa gnyis pa ni gzhung ches dogs pas ma bris so/ /de nas rdo rje dgod par bya ba de nyid gsungs

  226. 112b

    pa ltar dpal dang ldan pa'i yan lag rnams la dgod pa ni dpral bar zla ba'i dkyil 'khor dkar po la oM yig dgod do/ /mgrin par nyi ma'i dkyil 'khor dmar po la A:yig dgod do/ /snying gar sgra gcan gyi dkyil 'khor nag pa la hUM yig dgod do/ /lte bar dus me'i dkyil 'khor ser po la ho yig dgod do/ /gtsug tor dang gsang bar rim pa ji lta ba bzhin du rnam par shes pa dang ye shes kyi dkyil 'khor ljang gu dang sngon po la haM k+Sha(rgyud 'grel): dgod do/ /de ltar dkyil 'khor drug bsgoms la dkyil 'khor de rnams nyid la rim pa ji lta ba bzhin du sa bon de rnams yongs su gyur pa las rdo rje rnams te/ rtse mo bcu bdun pa dang/ rtse mo sum cu so gsum pa dang/ rtse mo dgu pa dang/ rtse mo drug cu rtsa lnga pa dang/ rtse mo lnga pa dang yang rtse mo sum cu gsum pa zhes pa ste/ rdo rje rnams kyang so so'i dkyil 'khor gyi kha dog dang 'dra bar ji ltar gsungs pa'i tshad ltar bsgom par bya ste/ yang de nyid nas gsungs pa ltar rdo rje nor bu rnam par dag pa sor gcig bsgom par bya'o/ /spyi gtsug gi 'khor lo rnam par dag pa sor gnyis pa'o/ /dpral ba'i 'khor lo rnam par dag pa sor bzhi pa'o/ /mgrin pa'i 'khor lo rnam par dag pa sor lnga pa'o/ /snying ga'i 'khor lo rnam par dag pa sor brgyad pa'o/ /lte ba'i 'khor lo rnam par dag pa sor dgu pa'o/ /gsang gnas kyi 'khor lo rnam par dag pa sor bcu gnyis pa'o/ /de nas g.yon gyi dpung mgo'i tshigs la ra dri du dli daM/ g+ha g+hi g+h+ri g+hu g+hli g+haM /ga gi gri gu gli gaM /kha khi khri khu khli khaM /ka ki kri ku kli kaM /zhes pa nam mkha' la sogs pa ste/ thung ngu drug gi dbye ba dang/ ka'i sde tshan yongs su gyur pa rdo rje rtse mo sum cu rtsa gcig pa bsgom par bya'o/ /de nas dpung mgo g.yas pa'i tshigs la/ k+kA:k+klI k+kU k+krI k+kI k+kAM/ kh+khA(rgyud 'grel): kh+khlI kh+khU kh+khrI kh+khI kh+khAM

  227. 113a

    g+gA:g+glI g+gU g+grI g+gI g+gAM /g+g+hA:g+g+hlI g+g+hU g+g+h+rI g+g+hI g+g+hAM/ ngnga(rgyud 'grel): ngnglI ngngU ngngrI ngngI ngngAM/ zhes pa ni sa la sogs pa ste ring po drug gi dbye ba dang/ k+kA:I sde tshan yongs su gyur pa las rdo rje rtse mo sum cu so gcig pa bsam mo/ /de ltar las kyi 'khor lo bcu gnyis rnams la rdo rje bsgom par bya ste/ de yang de nyid du gsungs pa ltar gru mo g.yon pa la co'i sde tshan thung ngu'i bdag nyid do/ /gru mo g.yas pa la ring po'i bdag nyid do/ /de ltar g.yon pa'i mkhrig ma'i tshigs la Ta'i sde tshan thung ngu rnams so/ /g.yas pa'i mkhrig ma'i tshigs la ring po rnams so/ /g.yon gyi sbyin mgo'i tshigs la pa'i sde tshan thung ngu rnams so/ /g.yas kyi spyi mgo'i tshigs la ring po rnams so/ /pus mo g.yon pa'i tshigs la ta'i sde tshan thung ngu rnams so/ /pus mo g.yas pa'i tshigs la ring po rnams so/ /long bu g.yon pa'i tshigs la sa'i sde tshan thung ngu rnams kyi rang bzhin no/ /long bu g.yas pa'i tshigs la ring po'i bdag nyid do/ / zhes pa ni tshigs rnams la rdo rje dgod pa'i cho ga'o/ /rdo rje de rnams kyang nam mkha' la sogs pa'i dkyil 'khor gyi tshang dang mnyam pa/ de nyid kyis bsgom par bya'o/ /de nas rim pa de bzhin bya ba'i 'khor lo rnams la/ lag pa g.yon pa'i mthe chung nas brtsams te/ rtsa ba'i tshigs rnams la thung ngu drug gi dbye bas ka'i sde tshan de la sogs pa drug drug las byung pa'i rtse mo bdun bdun dang ldan pa'i rdo rje lnga bsgom par bya'o/ /de ltar g.yas kyi mthe bo'i tshigs steng ma nas brtsams te/ tshigs lnga la ring po drug dang ldan pa'i k+kA la sogs pa drug drug yongs su gyur pa las rdo rje rnams so/ /g.yon gyi sor mo'i dbus kyi tshigs rnams la co'i sde tshan thung ngu'i bdag nyid las rdo rje rnams so/ /

  228. 113b

    g.yon gyi sor mo'i dbus kyi tshig rnams la ring po'i bdag nyid rnams las so/ /g.yon gyi sor mo'i steng gi tshigs la Ta'i sde mtshan thung ngu'i bdag nyid rnams so/ /g.yas kyi sor mo'i rtsa ba'i tshigs rnams la ring po'i bdag nyid las so// rkang pa g.yon gyi sor mo'i tshigs rnams la snga ma ltar pa'i sde tshan thung ngu rnams kyis bdag nyid las so/ /rkang pa g.yas pa'i tshigs rnams la snga ma ltar ring po rnams kyi bdag nyid las so/ /de nas g.yon pa'i tshigs rnams snga ma ltar ta'i sde tshan thung ngu rnams kyi bdag nyid las so/ /g.yas pa la ring po'i bdag nyid las so/ /de ltar g.yon pa'i tshig rnams la sa'i sde tshan thung ngu'i bdag nyid rnams las so/ /g.yas pa'i tshigs la ring po'i bdag nyid las rdo rje rnams te rim pa bzhin sde tshan rnams yongs su dag pa la ljang gu dang/ nag po dang/ dmar po dang/ dkar po dang/ ser po'i kha dog rnams/ so so'i tshigs kyi tshad kyis so/ /de nas rna ba la sogs pa'i rdo rje dgod pa ni/ de nyid las gsungs pa ltar/ rna ba dag tu a A dag las rdo rje rtse gsum pa bsgom par bya'o/ /sna bug dag tu e i dag las so/ /mig dag tu ar Ar dag las so/ /lce dang mchu dag la o aau dag las so/ /rdo rje dang gsang ba dag la al Al dag las so/ /yid dang khu ba 'dzag pa'i rtsa dag la aM a:dag las te/ 'di rnams kyang rim pa ji lta ba bzhin kha dog gi g.ye ba dang ldan par sor gcig gi tshad kyis so/ /yang de nyid du gsungs pa ltar rnam la rdo rje sor gcig pa zhes pas so/ /de nas gtsug tor la sogs pa rnams la rdo rje dgod pa ni/ de yang de nyid las gsungs pa ltar gtsug tor dang mgo bo dag la ha hA dag las rdo rje rtse lnga pa'o/ /lce dang rkan dag la ya yA dag las rdo rje rtse lnga pa'o/

  229. 114a

    lag mthil dag la ra rA dag las so/ /rkang mthil dag la wa wA dag las so/ /'phongs kyi g.yas g.yon dag la la lA dag las so/ /de ltar rdo rje'i lus su bdag nyid bsgom par bya ba ni/ de rnams kyi gtsug tor la sogs pa rnam par dag pa gsungs pa'i mtshan nyid do/ /de nas bdud kyi tshogs bsreg pa ni/ de yang de nyid nas gsungs pa ltar/ de rnams las 'od zer 'phros pas rdo rje 'bar bas phyogs bcu na gnas pa'i bdud kyi tshogs sems can rnams la rnam par 'tshe ba rnams bsregs nas/ steng du ljang gu 'bar ba dang/ 'og tu sngon po 'bar ba dang/ shar dang shar lhor nag po 'bar ba dang/ lho dang bden bral du dmar po 'bar ba dang/ byang dang dbang ldan du dkar po 'bar ba dang/ nub dang nub byang du ser po 'bar ba dang zhes sogs bdud kyi tshogs bsregs pa ri sngags brjod par bya ste/ oM A:hUM ho haM k+Sha:h+ra:h+ra:h+ra:h+ra:ra ra ra ra badzra a na las ? bar Na d+harmA pra la ya swa b+hA ba sarba mA ra kA yi ka big+h+na bi nA ya kA dI nAM da sha dig+gA twA naM kA ya bak+tsit+tA ni/ da ha da ha/ pa tsa pa tsa b+hasmi ku ru ku ru hUM hUM phaT phaT zhes pa ni bdud rnams rnam par sreg pa'i cho ga'o/ /de nas lus dang ngag dang yid kyi chos rnam par dag pa gzhal yas khang dang/ ra ba gsum dang/ ra ba lnga rnams kyis nang dang/ phyi rol bsrung ba'i don du/ khro bo la sogs pa rnams rim pa ji lta ba bzhin spro bar bya'o/ /de nas yang de nyid nas gsungs pa ltar dang por rdo rje shugs su bdag nyid bsgoms la/ de nyid kyi thugs kar nyi ma'i dkyil 'khor la ha ya ra wa la rnams brtsegs pa'i gzugs su bsam mo/ /de'i steng du ha las byung ba'i 'chad par 'gyur ba'i phyag dang mtshan ma dang zhal rnams dang ldan pa'i sku mdog ljang gu sna bug g.yon pa nas spros te/ gtso bo'i dbu'i steng du gzhal yas khang gi nang du zla ba 'am nyi ma'i steng du gtsug tor can g.yas brkyang du bzhugs pa'o/ /de ltar hA yig

  230. 114b

    ring po las byung ba'i gnod mdzes rgyal po kha dog sngon po sna bug g.yas nas bton nas rdo rje'i sa gzhi'i steng du nyi ma 'am zla ba la dgod do/ /de ltar yi yig las byung ba'i bgegs mthar byed kha dog nag po/ sna bug g.yon nas byung nas shar phyogs su zla ba 'am nyi ma la dgod par bya'o/ /de ltar yAM yig las yongs su rdzogs pa'i dbyug sngon can kha dog nag po sna bug g.yas nas bton te/ me'i mtshams su nyi ma 'am zla ba la dgod do/ /rI yig las byung ba'i shes rab mthar byed sku mdog dmar po/ mig g.yon nas bton nas lho phyogs su zla ba 'am/ nyi ma la dgod do/ /de ltar rI yig las yongs su rdzogs pa'i 'dod pa'i rgyal po dmar po mig g.yas nas bton te bden bral du nyi ma 'am zla ba la dgod par bya'o/ /de ltar wu yig las yongs su rdzogs pa'i pad+ma mthar byed dkar po lce las bton te/ byang du zla ba 'am nyi ma la dgod do/ /wu yig las yongs su rdzogs pa'i mi g.yo ba dkar po dri chu'i lam nas bton te/ dbang ldan gyi mtshams su zla ba 'am nyi ma la dgod do/ /li yig las yongs su rdzogs pa'i gshin rje mthar byed ser po chu min gyi lam nas bton te/ nub phyogs su zla ba 'am nyi ma la dgod do/ /de ltar li yig las yongs su rdzogs pa'i stobs po che ser po rdo rje gtsug tor nas bton te/ rlung gi mtshams su zla ba 'am nyi ma la dgod par bya'o/ /yang na bsdus pa'i rgyud kyi rjes su 'brang nas thams cad nyi ma'i gdan la bzhugs pa ste/ dus kyi 'khor lo dgos pa'o/ /de nas gzhal yas khang gi phyi rol du zad par nam mkha' la sogs pa spro ba ste/ de yang de nyid las gsungs pa ltar thugs kar nyi ma'i dkyil 'khor la nga nya Na ma na rnams brtsegs pa'i gzugs sku bsgoms la nga ngA las yongs su rdzogs pa'i zad par

  231. 115a

    nam mkha' sngon du bshad pa'i sgo rnams nas bton te/ gzhal yas khang gi steng dang gnang mdzes rgyal po'i 'og tu stong pa'i dkyil 'khor la bsgom par bya'o/ /de ltar nyi nyI dag las yongs su rdzogs pa'i zad par rlung shar dang me mtshams su rlung gi dkyil 'khor la bsgom par bya'o/ /de ltar Nri N+Nri dag las yongs su rdzogs pa'i zad par me lho dang bden bral du me'i dkyil 'khor la bsgom par bya'o/ /de ltar mu mU dag las yongs su rdzogs pa'i zad par chu/ / byang dang dbang ldan gyi mtshams su chu'i dkyil 'khor la bsgom par bya'o/ /de ltar Nli NlI dag las yongs su rdzogs pa'i zad par rlung shar dang me mtshams su sa'i dkyil 'khor la bsgom par bya'o/ /de ltar g+ha dzha Dha b+ha d+ha rnams brtsegs pa'i yi ge bsgoms la de rnams las phyogs skyong bcu spro ba ni/ g+ha g+ha dag las yongs su rdzogs pa'i tshangs pa dang khyab 'jug ljang gu dang sngon po/ ngang pa dang bya khyung la gnas pa/ ra ba la phyogs pa/ steng du bya khyung la gnas pa/ steng du tshangs pa/ 'og tu khyab 'jug go /de nas dzhi dzhI dag las yongs su rdzogs pa'i bden bral dang rlung lha dag /kha dog nag po/ yi dags dang ri dags la gnas pa shar dang me mtshams su'o/ /de ltar lho dang bden bral du/ Dh+ri DhI las yongs su rdzogs pa'i gshin rje dang me lha/ kha dog dmar po ma he dang lug la gnas pa'o/ /de ltar byang dang dbang ldan du b+hu b+hU dag las yongs su rdzogs pa'i brgya mtsho bde byed/ kha dog dkar po chu srin dang khyu mchog la gnas pa'o/ /de ltar nub dang rlung dud+hli d+hlI dag las yongs su rdzogs pa'i dbang po dang gnod sbyin/ kha dog ser po glang po che dang bi ma na la gnas pa'o/ /de ltar phyogs skyong rnams ra ba'i nang du bsgom par bya'o/ /de nas ra ba bsrung ba'i don du bza' rnams bsgom par bya'o/ /

  232. 115b

    sngon du gsungs pa'i nyi ma'i dkyil 'khor la/ ga dza Da pa da rnams brtsegs pa'i tshul du gnas pa las/ ga gA dag las yongs su rdzogs pa'i sgra gcan dang dus me/ stong pa'i dkyil 'khor la gnas pa/ rab gsum la phyogs ba steng dang 'og tu nam mkha' i dkyil 'khor la'o/ /de ltar dzi dzI dag las yongs su rdzogs pa'i zla ba dang nyi ma'i rlung gi dkyil 'khor la gnas pa/ shar dang me mtshams su dgod do/ /Dri DrI dag las yongs su rdzogs pa'i bza' lag dang bkra shis/ me'i dkyil 'khor la gnas pa/ lho dang bden bral du dgod do/ /de ltar bu bU dag las yongs su rdzogs pa'i pa wa sangs dang phur bu chu yi dkyil 'khor la gnas pa/ byang dang dbang ldan dag tu'o/ /de ltar dli dlI dag las yongs su dag pa'i 'jug rings dang spen pa/ sa'i dkyil 'khor la gnas pa nub dang rlung dag tu ste/ 'di rnams ni ra ba'i phyi rol tu bsrung ba'i don du gza'i tshogs rnams bsgom pa'o/ /de nas ra ba lnga bsrung bar bya ba'i don du klu'i rgyal po rnams spro bar bya ste/ sngon du gsungs pa ltar nyi ma'i dkyil 'khor la kha tsha Tha pha tha rnams brtsegs pa'i tshul du bsams nas kha khA dag las yongs su rdzogs pa'i rgyal ba dang rnam par rgyal ba/ ra ba lnga la phyogs pa steng dang 'og nam mkha' i dkyil 'khor la gnas pa'o/ /de ltar tshi tshI dag las yongs su rdzogs pa'i karka Ta dang pad+ma dag /shar dang me mtshams su rlung gi dkyil 'khor la gnas pa'o/ /de ltar Th+ri Th+rI dag las yongs su rdzogs pa'i chu bdag dang dung skyong/ /lho dang bden bral du me'i dkyil 'khor la gnas pa'o/ /de phu phU dag las yongs su rdzogs pa'i dga' bo dang rigs ldan/ byang dang dbang ldan du chu'i dkyil 'khor la gnas pa'o/ /de ltar thli thlI dag las yongs su rdzogs pa'i pad+ma chen po dang 'jog po nub dang rlung dag tu/ sa'i dkyil

  233. 116a

    'khor la gnas pa'o/ /de nas ra ba lnga'i phyi rol du bsrung ba'i don du 'byung po lha ma yin rnams bsgom par bya ste/ sngon du gsungs pa ltar nyi ma'i dkyil 'khor la ka tsa Ta pa ta rnams brtsegs pa'i tshul du bsam pa ste/ de nas kyang ra ba la phyogs ba steng dang 'og tu ka kA dag las yongs su rdzogs pa'i ro langs dang ka sha mandu/ nam mkha' i dkyil 'khor la gnas pa'o/ /de ltar tsi tsI dag las yongs su rdzogs pa'i ri na ra dang/ ki pu ru Sha khyi dang bya rog gi gdong can dang/ shar dang mer rlung gi dkyil 'khor la dgod do/ /de ltar TTi TTI dag las yongs su rdzogs pa dri za dang 'byung po/ /phag pa dang bya rgod kyi gdong pa can/ lho dang bden bral du me'i dkyil 'khor la dgod do/ /de ltar pu pU dag las yongs su rdzogs pa srin po dang yi dags/ stag dang 'ug pa'i gdong can byang dang dbang ldan du chu'i dkyil 'khor la dgod do/ /de ltar tli tlI las yongs su rdzogs pa'i brjed byed ce sbyang gi gdong pa dang/ bya khyung gi gdong can/ nub dang rlung du sa'i dkyil 'khor la dgod do/ /de rnams thams cad shes rab dang ldan pa'o/ /yang de nyid du gsungs pa ltar ye shes dang/ nam mkha' dang rlung dang/ me dang chu dang sa rnams khams drug las byung ba'i khro'i rgyal po rnams dang/ gzugs med dang/ gzugs dang/ phyogs bcu skyong ba dang/ gza' rnams dang/ klu rnams dang 'byung po rnams sdo tshan drug gi bdag nyid srung zhing skyong ba/ phyi dang nang rnams su kha sbyor du gnas pa rnal 'byor pas dgod do/ /de nas bgegs dang log 'dren la sogs pa rnams gsal gdab par bya ba ni/ de yang de nyid du gsungs pa ltar de las gzhan pa bgegs dang log 'dren la sogs pa rnams rdo rje lcags kyus khug cig /rdo rje

  234. 116b

    zhags pas chings shig /khro bo'i rgyal po rdo rje phur bu rtse mo mdung gi rnam pa rnams gnas bcur sdang ba la btab par bsam mo/ /sngags rnams kha dog lnga dang ldan pa ste/ oM A(rgyud 'grel): huM ho hi k+Sha/ hUM hUM hUM phaT phaT phaT badzra kI la kA ya bAk+tsit+ta dz+nyA ? d+hi pa te ShaTmu la ShaDphu dza ShaTsa rba tsa ra Na sarba big+h+na bi nA ya kA di duSh+TA naM kA ya bAk+tsit+ta dz+nyA nA nI kI la ya kI la hUM hUM phaT phaT/ zhes pa ni gdab pa'i sngags so/ /oM l+li badzra mung+gar/ mA rA dI nAM shi ra si kaN+thi h+ri da ye/ nA b+hau gu hya yan+te badzra kI la kA nA ko Ta yA kro Ta ya/ k+Sha k+ShI k+Shi k+ShIM k+Sh+riM k+Sh+rIM k+ShuM k+ShUM/ k+ShliM k+ShlIM k+ShaM k+ShAM hUM hUM hUM phaT phaT phaT/ zhes pa ni brdung ba'i sngags so/ /de nas nga rgyal byas nas phur bu rnams bsrung ba'i don du/ khro bo bcu la bka' sgo ba ni/ de'i don du dpal dus kyi 'khor lo'i rgyud kyi rgyal por gsungs pa/ srid pa gsum gyi gnas su dbyug sngon can gyis bdud rnams ma lus brdung bar byed par 'gyur ro/ /dus mdza' i nyi ma dang mtshungs khro bo mi g.yo ba yis 'ching ste phur 'debs shin tu brtson 'grus so// DA yis de yi brtson 'grus 'jig rten sa stengs gyur par gnod mdzes rgyal pos nges par byed pa'o/ /gtsug tor can gyis de yi rdzu 'phrul 'jig ste nges par khro bo'i lha mo rnams kyi snga ma bzhin du'o zhes pas so/ /oM huM kro d+hen+d+ro haM/ kro d+ha naM mAdz+nyA dA ya ka swAhA/ de nas khro bo rnams la so so'i sngags kyi rkang pas bka' sgo ba/ oM hAM badzra kro d+ha rA dzA ma hoSh+NI Sho rd+ha di shi rak+Sha ku ru ku ru swAhA/ oM yaM badzra kro d+ha rA dzA ti pa la sarba big+ha nAn+ta ka pUr ba di shi rak+ShAM ku ru ku ru swAhA/ oM raM badzra kro d+ha rA dza dzam+b+ha ka duShDa pradz+nyA n+tA tA ka dak+Shi Na di shi rak+ShAM ku ru ku ru swAhA/ oM wi badzra kro d+ha rA dza bi ra ga padmAn+ta kot+ta ra di shi ra k+ShAM ku ru ku ru swAhA/ oM laM badzra kro d+ha rA dza staM b+ha ka ya man+ta ka pa shtsi ma di shi rak+ShAM ku ru ku ru swAhA zhes pa

  235. 117a

    yang de nyi las/ oM lAM(rgyud 'grel): badzra kro d+ha ra dza ma hA ba le dA ya byAM di shi rak+ShAM ku ru ku ru swAhA/ oM wAM(rgyud 'grel): badzra kro d+ha rA dzA tsa le sha na di shi rak+ShAM ku ru ku ru swAhA/ oM rA(rgyud 'grel): badzra kro d+ha rA dzA Tak+ki nai ri tyA di shi rak+ShAM ku ru ku ru swAhA/ oM yA(rgyud 'grel): badzra kro d+ha rA dza nI la daN+DAgne yaM di shi rak+ShAM ku ru ku ru swAhA/ aM hUM(rgyud 'grel): badzra kro d+ha rA dza sum+b+hA d+ho ti rak+ShAM ku ru ku ru swAhA/ zhes pa'i sngags kyi rkang pa 'di rnams ni/ rgyud kyi sgrub thabs las gsungs pa'i cho gas sngags pas dgod par bya'o/ /de nas oM sarba ta thA ga tA rak+Sha tsakra swa b+hA bAt+ma ko haM zhes brjod la nga rgyal bya'o/ /'di ni bsrung pa'i 'khor lo'i cho ga'o/ /de nas stong pa nyid du bsgoms nas bdag nyid gsung bar 'gyur ba'i bcom ldan 'das dus kyi 'khor lo/ zhal dang phyag bzhugs tshul rnams su skad cig gis bsams la/ de yang de nyid las gsungs pa ltar bdag nyid skad cig gis lha'i skur bsgoms nas/ rang gi snying gar paM yig yongs su gyur pa las pad+ma dmar po 'dab ma brgyad pa/ de'i lte ba'i steng du aM yig yongs su gyur pa las zla ba'i dkyil 'khor de'i dbus su de kho na zhes pa ni/ hUM las byung ba'i rdo rje rtse lnga pa de la kha dog lnga dang ldan pa'i 'od zer 'phro ba rnal 'byor pas bsgom par bya'o/ /de'i 'od zer gyis thog ma med pa'i sngon du sangs rgyas pa'i dang po'i sangs rgyas kyi dkyil 'khor gyi 'khor lo spyan drangs te/ nam mkha' dbus na bzhugs pa la/ rnal 'byor pas mchod cing phyag 'tshal ba ni/ sgrub thabs kyi tshig rab tu bsdus par bya ba'i phyir dang/ dkyil 'khor gyi 'khor lo bsgom pa rjes su bsgrub pa'i phyir phyag btsal ba'i tshigs su bcad pa rnams 'di lta ste/ sangs rgyas rnams dang rgyal sras khro bo phyogs skyong klu rnams dang ni de rnams

  236. 117b

    kyi/ /lha mo'i tshogs dang rgyas 'debs bdag dang mchod pa'i lha mo rnams la phyag 'tshal lo/ /gang zhig brjod par gyur pa'i zhal gyis grangs rnams g.yas bskor gyis ni go bya ste/ /g.yas dang g.yon gyis rtsa ba'i phyag na chu skyes pa dang rang mtshan go bar bya/ /sna tshogs pad+ma zla ba nyi ma sgra gcan dus me 'phrog byed zhal gcig kha dog dkar/ /rig byed phyag na rtse gsum DA ma ru dang dpal gyi dung dang khaTwAM ga 'dzin pa'o/ /rtse mo can gyi mig ldan g.yon du gan rkyal bsgyel ba gnas te g.yas su dran pa nyid/ /kha dog dmar po 'dab lnga lcags kyu gzhu dang zhags pa rnams dang bcas pa de dag la/ gau ri dga' byed ma yis bzung ba dkar dang ba'i g.yas brkyang zhabs kyi snying gar mnan/ /sa bon hUM yig dang ni rdo rje dag las byung ba'i ral pa'i thor tshugs sngon po can/ /mi skyod pa ste zhal gyi pad+ma sprin dang 'od ldan ri bong can rnams rgya mtsho mtshungs/ /dbus dang g.yas dang g.yon rnams sngon po dmar po dkar po rnams dang ldan pa'i mgrin gsum pa/ /g.yon gyi dpung pa'i rim bzhin dkar min dmar dang dkar ba rnams te g.yas pa'i dpung pa gsum/ /de bzhin yin te bcom ldan 'das kyis lag pa zung gsum phyag gi mgo bo bzhi pa gsum/ /sor mo rnams ni gser dang nyi ma sprin dang ljang gu 'thebs sogs rim pa bzhin/ /de rnams rtse mo dbus dang rtsa ba rnams kyi tshigs ni sprin dang nyi ma thig le rnams/ /mi mgo skam po lnga rnams kha dog lnga dang ldan pas nyid kyi dbu la brgyan/ /mgrin la mgul brgyan nyid dang sked la ska rags rna rgyan gyis ni rna ba la/ /lag pa dag la yid 'ong lag gdub rkang pa dag la rkang gdub mdzes pas spras/ /dbu la dar dpyangs sku la thugs kar mchod phyir thogs pa rnams kyis brgyan/ /so so'i zhal rnams spyan gsum dang ldan nor bu rdo rje zla/ dbu nyid la ste mi mgo brgya yis phreng ba mgo 'dzin

  237. 118a

    la gnas/ /stag gi sham thabs dang ldan rdo rje ral gri rtse gsum gri gug /mda' dang lcags kyu cang te thod pa 'khor lo dung rnams/ /dbyug pa dgra sta g.yas min rnams te dril bu phub chung khaTwAM ga dang thod pa mnga' gnas zhags pa rin chen/ /chu skyes dang ni dung dang mchog gi me long lcags sgrog rig byed gdong ldan mgo bo rnams kyi phyag nyid rnams la mtshan/ /phreM yig gri gug las byung bud med gzugs can sku mdog ser mo/ /dpal ldan dus kyi 'khor lo las gzhan bzhugs pas rab tu 'khyud pa/ /phyag rgya dang ldan klu yi phyag gis pad+ma sna tshogs yum gyi dbu la dpal ldan rdo rje sems dpa' cod pan la gnas/ /gri gug lcags kyu cang te phreng ba rnams ni rim pa bzhin du/ /thod pa zhags pa chu skyes rin chen rnams ni phyag gis 'dzin ma/ /gser dang zla ba dang ni sprin dang nyi ma rnams dang ldan pa'i/ /gang zhig zhal bzhi rnams na me yi spyan dang rab tu ldan ma/ /aM yig rdo rje dag las byung ba'i rdo rje sems dpa' gang zhig ye shes rnam dag pa/ /sngo dang nyi ma zla ba'i zhal gsum spyan dgu rdo rje 'dug stangs gnas pa'i mnga' bdag nyid/ /rdo rje sngon po gri gug dgra sta dril bu thod pa tshangs mgo rnams ni rim pa bzhin/ /phyag drug las min ral pa dang ldan sku la rdo rje dbyings kyi dbang phyug ma yis 'khyud/ /shes rab pha rol phyin mas 'khyud pa'i rnam par shes pa dag pa'i bdag nyid mi bskyod ljang/ /a dang rdo rje dag las byung ba'i mi bskyod rdo rje sems dpa' i rnam pa dang ni mtshungs/ /mi bskyod nam pa dang mtshungs A dang gri gug las byung rdo rje dbyings kyi dbang phyug ma/ /a:dang gri gug las byung shes rab pha rol phyin ma rdo rje sems ma'i rnam pa bzhin/ /dag pa'i

  238. 118b

    lus la sna tshogs pa'i/ /yum gyis 'khyud pa 'gro ba'i yang/ /dpal ldan dus kyi 'khor lo gang/ /'khor lo'i dbus gnas la phyag 'tshal/ /rin chen gtsug ma dang mtshungs pa'i/ /nag mo 'bar ma la sogs pa/ /brgyad rnams zhal bzhi phyag brgyad ma/ /mnga' bdag pad 'dab rnams la gnas/ /a yig rnams kyi gsang ba'i thod pa las byung dpal nyid nag mo 'bar ma mdun du gnas/ /na bza' nag mo sprin dang nyi ma gser dang ri bong can gyi zhal rnams rim bzhin/ /bdug spos dang ni tsan dan gur gum gla rtsi ga bur dang bcas pad+ma'i snod rnams dang/ /dril bu pad+ma lha shing me tog phreng ba gang las gang ba de nyid rnams la bstod/ /g.yas su a yig dang ni mar me dag las byung ba'i dmar po/ /'bar ma nyi ma ser dang dkar dang nag po'i zhal dang ldan dang/ phyag na mar me mu tig phreng ba cod pan lag gdub rnams dang/ /gos dang ske rags rna rgyan rkang gdub rnams dang ldan la phyag 'tshal/ /g.yon du aM yig dang ni lha bshos las byung ba'i/ /dkar mo 'bar ma dkar nag dmar ser zhal dang ldan// 'o ma chu dang sman dang chad dang ro rnams dang bdud rtsi 'bras bu zan snod phyag ldan nyid la 'dud/ /chu bdag tu ni a yig dag las byung ba'i ser mo 'bar ma/ /gser dang zla ba bung ba dang ni drod byed rnams dang ldan ma/ /dung dang gling bu dang ni nor bu cang te pi wang dang ni/ /rnga dang mchog gi mkhar rnga zangs dung phyag na bsnams la phyag 'tshal/ /ha hA haM ha/ rnams las byung ba'i ser dang dkar dang dmar dang bung ba'i kha dog ldan/ /rlung dang dbang ldan srin po me''dab ma rnams la lha mo rnams te mar me ma me khyer ma dang smig rgyu ma ste dpal gyi du ba ma yis phyag rnams ma lus pas/ /rim bzhin rnga yab 'dzin ma rang rang mdog mtshungs snga ma las byung rnams phyag 'tshal lo/ /rtse mo can dang srin po dbang ldan rlung mtshams rnams la gnas pa

  239. 119a

    hUM yig las byung nor bu dang ni A(rgyud 'grel): yig las byung gaN+DI/ /oM yig las byung chu spyod ho yig las byung dpag bsam shing rnams/ /byung ba'i zla ba nyi ma gser mchog 'od ldan rnams la phyag 'tshal/ /sangs rgyas zhal gsum phyag drug pa/ /spyan dgu pad dkar nyi ma la/ /thams cad rdo rje'i 'dug stangs bzhugs/ /de rnams ral pa'i cod pan can/ /dbang po a yig ral gri dag las byung ba'i don yod grub pa/ /rlung dang 'du byed rang bzhin bung ba nyi ma dkar ba'i zhal ldan/ /ral gri dang ni gri gug rtse gsum phub chud thod pa dang ni kha TwAM ga rnams/ /bsnams pa'i dkar min spyan gsum ldan la phyag 'tshal/ /g.yas su ri yig rin chen las byung dpal ldan rin chen 'byung ldan/ /dmar po me dang tshor ba'i rang bzhin nyi ma zla ba bung ba'i/ /zhal ldan bdag gi mi'i mnga' bdag mda' dang lcags kyu cang te'u/ gzhu dang rin chen zhags pa phyag na bsnams pa rnams la phyag 'tshal/ /g.yon du u yig pad+ma las byung 'od dpag med ni dkar po/ /chu dang 'du shes rang bzhin bdud rtsi 'od 'phro sprin dang nyi zhal/ /dpal ldan gos dkar mo yis spras pa thob mdung thung rtse gsum/ /chu skyes dkar po me long phreng ba rnams 'dzin pa la phyag 'tshal/ /rgyab tu li yig 'khor lo dag las byung ba'i rnam snang ser po/ /sa dang gzugs kyi rang bzhin gser dang zla ba nag po'i zhal ldan/ /sgrol mas spras pa'i 'khor lo dang ni dbyug pa rdo rje bsnams dang/ /dpal gyi dung dang lcags sgrog dril bu phyag na 'dzin la bstod/ /sangs rgyas rnams mtshungs btsun mo rnams/ /pad+ma dmar dang zla ba la/ /thams cad pad+ma'i 'dug stangs bzhugs/ /kun la rin chen cod pan bsam/ /li yig 'khor lo dag las byung ba'i spyan ma sa

  240. 119b

    khams rang bzhin/ /rnam par snang mdzad mtshungs dang don grub dang bcas rlung mtshams gnas dang/ a'u yig pad+ma las byung bdag gi mA ste chu khams rang bzhin/ /'od dpag med mtshungs rin 'byung dang bcas dbang ldan gnas la phyag 'tshal/ / haM yig las byung rgyal ba'i bum pa mtshan nyid dang ldan dpal ldan thugs kyi 'khor lo yi/ /shar gyi sgo ru khro bo'i gdan gyi phyi ru pad+ma nyid la dgod par bya ba ste/ de ltar hi yig las byung gti mug rdo rje'i g.yas su dgod de de bzhin rin chen sogs/ /g.yas dgod h+ri hu hlri/ las byung bum pa de rnams la ni phyag 'tshal lo/ /hlI hUM h+rI h+ri las byung bum pa spyan sogs g.yas su rim bzhin dgod/ /ha yig las byung rnam rgyal bum pa sgo gzhan gnas la phyag 'tshal lo/ / sangs rgyas ji bzhin rgyal sras rnams/ /'on kyang rin chen cod pan ldan/ /lha mo de bzhin lho mo rnams/ /de ltar rim bzhin rab tu gnas/ /a yig rdo rje dag las byung ba'i dpal ldan phyag na rdo rje thugs khar rdo rje nyid/ /sngon po bzung ba rna ba'i dbang po'i bdag nyid mnga' bdag mi bskyod pa dang mtshungs pa ste/ ljang gu lho'i sgo'i g.yon gyi brtsig pa'i drung du de'i gdan dang mtshungs par bzhugs pa la/ /spyi bo sa la reg ste de'i zhabs la shin tu dga' bas rab tu phyag 'tshal lo/ /e yig ral gri dag las byung ba'i nam mkha' i snying po don grub dang mtshungs sna nyid kyi/ /dbang po'i rang bzhin dpal gyi rdo rje ma bcas shar sgo'i g.yas na bzhugs pa la phyag 'tshal/ /ar yig rin chen las byung sa'i snying po rin chen dang mtshungs sku mdog dmar po nyid mig gi dbang po'i rang bzhin dpal ldan gzugs kyi rdo rje mar bcas lho sgo'i gnas dang/ oM yig pad byung 'jig rten dbang phyug 'od dpag med mtshungs ro rdo rjer/ /bcas dang lce dbang rang bzhin byang sgo'i g.yas su gnas la

  241. 120a

    phyag 'tshal lo/ /al yig 'khor lo las byung sgrib pa rnam sel mdzes pa'i gser dang mtshungs pa yi/ /lus kyi dbang po'i rang bzhin dpal ldan rgyal ba rnam par snang mdzad dang mtshungs pa/ /gang gi pad na reg bya rdo rje ma dang bcas pa nub sgo'i g.yas phyogs na/ /rgyun du yang dag gnas pa de la rtag tu gus pas rab tu phyag 'tshal lo/ /aM yig rdo rje dag las byung ba'i kun tu bzang/ /sku la chos kyi dbyings kyis rdo rje ma yis 'khyud/ /yid kyi rang bzhin dpal ldan rdo rje sems dpar mtshungs/ /shar sgo'i g.yon du gnas pa la phyag 'tshal/ /a yig dang ni rdo rje dag las byung ba'i sgra yi rdo rje ma ste sgra yi rang bzhin dang/ /dpal ldan phyag dang mtshungs shes rab pha rol phyin ma dang mtshungs byang sgo'i g.yon du gnas/ /al yig dang ni 'khor lo dag las byung ba'i dri yi rdo rje ma ste dri'i rang bzhin dang/ /dpal ldan spyan ma dang mtshungs nam mkha' i snying po dang mtshungs rlung mtshams bzhugs pa la phyag 'tshal lo/ /aau yig chu skyes dag las byung ba'i gzugs kyi rdo rje ma ste gzugs kyi rang bzhin dang/ /dpal ldan bdag gi ma mtshungs sa yi snying po dang bcas dpal ldan la gnas phyag 'tshal lo/ /ar yig dang ni rin chen las byung ba yi ro yi rdo rje ma ste ro yi rang bzhin dang/ /dpal ldan gos dkar mo mtshungs 'jig rten dbang po dang bcas bden bral la gnas phyag 'tshal lo/ /i yig dang ni ral gri dag las byung ba'i reg bya rdo rje ma ste reg bya'i rang bzhin dang/ /sgrol ma dang mtshungs sgrib pa rnam par sel dang bcas pa me mtshams gnas la phyag 'tshal lo/ /A yig rdo rje las byung chos dbyings rdo rje ma ste rdo rje dbyings ma dang mtshungs ma/ de kun tu bzang po dang ni bcas pa nub sgo'i g.yon la gnas pa la ni phyag 'tshal lo/ /khro rnams ral gcig ma la ser

  242. 120b

    lag rkang bshad rang bzhin te/ /sangs rgyas sras rnams dang mtshungs pa/ /g.yas brkyang zhabs dang sbrul gyis brgyan/ /yaM yig dang ni ral gri dag las byung ba'i bgegs kyi dgra nyid nam mkha' i snying po mtshungs/ /rengs byed ma ni mA rI ci mtshungs spangs nas shar sgo ri dbus su chu skyes dkar po dang/ /nyi ma la gnas pa dang raM yig dbyug pa las byung shes rab mthar byed sa snying dang/ /mtshungs dang nga rgyal ma mtshungs btsun bcas lho phyogs la gnas dag la phyag 'tshal lo/ /byang sgor pad+ma zla ba la gnas waM yig chu skyes dag las byung ba'i pad+ma'i dgra/ /'jig rten dbang phyug dang mtshungs ma ni khro gnyer can ma dang ni mtshungs pa dang/ /lam yig thob las byung gshin rje'i dgra nyid sgrib pa sel mtshungs shin tu brtson 'grus ma/ /rdo rje lcags sgrog dang ni mtshungs pa baM gnas nub phyogs la gnas zhabs la phyag 'tshal lo/ /rdo rje dung dang gzer bu dang/ /dpal 'bras cod pan na bza' dang/ /de ltar phyag mtshan rnams las byung/ /so so'i ming gis mchod byed pa/ /ka tsa Ta pa ta sa sde tshan thung ngu tshogs las byung ba yi/ /lha dang gshin rje la sogs g.yas kyi 'dod yon rnams dang steng dang 'og /'dir ni rim pa bzhin du glu ma dri ma spos ma gsol zas ma/ /lha mo sgeg mo gar ma ma lus phyag gnyis zla ba'i zhal dang ldan/ /pa Ta ha dang snod mar me/ /mu tig phreng dang phreng chu skyes/ /rim bzhin phyag mtshan las byung ba/ /lha mo thams cad sa bon mdog /sA tA pA TA tsA kA'i sde tshan ring po brtsegs par gyur las byung ba yi/ /chu sogs g.yon gyi 'dod yon rnams dang steng dang 'og rnams la/ /de ltar rim pa bzhin du sgra ma bzhad ma bdud rtsi ma rnams dang/ /mar me ma dang phreng ba ma dang 'dod pa ma rnams la phyag 'tshal zhes pa ni thugs kyi 'khor lo la phyag btsal ba'i tshigs su bcad pa'i rim pa'o/ /lha mo tsa rtsi ka sogs sa ga'i rkang thabs dang/

  243. 121a

    zhal gcig spyan gsum rig byed lag dang ldan pa yi/ /lte ba'i pad+ma la gnas gshin rje rtsa rnams kyi/ /rnam par dag pa'i rin chen dang ldan cod pan can/ /shar du ha yig gri gug las byung tsa rtsi ka /gri gug rtse gsum thod pa kha TwAM nyid pa bsnams/ /phyag na 'dzin pa'i dbang po dang bcas gang yin pa/ /ro dang pad+ma dmar gnas la phyag 'tshal/ /tsa rtsi kA sogs pad+ma bsnams/ /rim pas chu tshod rtsa rang bzhin/ /mdun nas g.yas skor rim pa bzhin/ /pad+ma bsnams la rol pas bzhugs/ /'jigs byed drag po mche ba gnyis gtsigs ma dang kha nas me 'bar ma dang rlung shugs rab gtum ma/ /gtum mig ma dang sna chen ma rnams klu yi pad 'dab rnams la tsa rtsi kA la phyogs nas gnas/ /brgyad rnams dpal gyi gtso mo dang mtshungs h+ri ya yi rhi yig rnams dang gri gug las byung bsgom/ /yu yliM yaM rnams dang ni gri gug las byung dpal gyi rnal 'byor rnams la 'dir ni phyag 'tshal lo/ /ha(rgyud 'grel): yig dbyug pa dag las byung ba'i phag mo dmar mo dang ni bde byed dkar po dang bcas nyi ma yi/ /pad+ma ma he'i steng gnas phyag na dbyug pa ral gri lcags sgrog phub chung rnams dang ldan pa/ /gshin rje la ni bzhugs pa'i zhabs gnyis dag la nges par phyag 'tshal lo/ /keng rus dus mtshan ma dang khro gdong dus kyi lce dang brtsigs ma/ /nag mo'i 'jigs ma gzugs ngan klu yi 'dab ma la gnas lha rnams/ /dpal gyi lha mo dang mtshungs hir ri rri rA hI ru rli raM rnams dang/ /dbyug pa las byung dpal ldan rnal 'byor ma la phyag 'tshal/ /ha yig rtse gsum dag las byung ba'i drag mo nyid kyi phyag na rtse gsum cang te kha TwAM ga dang lto 'gro dkar po/ /rim pa ji lta ba rnams gshin rje dang bcas byang du khyu mchog dang ni pad+ma dmar po la gnas pa la phyag 'tshal/ /go ra dang

  244. 121b

    ni gaM ga ma dang rtag ma shin tu mgyogs ma 'degs me mtshan nyid ldan ma dang/ ser skya ma dang nag mo rnams te de ltar brgyad rnams drag mo'i klu yi pad 'dab la gnas rnams/ /dpal gyi drag mo dang ni mtshungs mahu wa wi wri hUM nyid rnams dang wu wli waM rnams// rtse gsum dag las byung ba de rnams kun la rab tu dang ba'i sgo nas nges par phyag 'tshal/ /hA yig rdo rje las byung dbang mo gser gyi kha dog dang mtshungs/ /rdo rje mda' dang dril bu gzhu ni lag pa'i pad+mas 'dzin ma lha min dang bcas chu bdag phyogs su glang po dkar po dang ni/ /pad+ma dmar po'i steng na gnas pa la ni rab tu phyag 'tshal/ /rdo rje 'od ma rdo rje lus ma gser mchog ldan ma rigs 'dzin ma dang sna tshogs ri mo ma/ /chu shing ma dang zug rngu sel ma shin tu sgrol ma rnams ni lag 'dzin pad 'dab la/ / gnas pa brgyad rnams dpal gyi gtso mo dang mtshungs hli la lI lri hli lu l+li laM ma rnams dang ni/ /rdo rje dag las rab tu byung ba'i rnal 'byor ma rnams kun la 'dir ni nges par phyag 'tshal lo/ /k+Sha yig dung dag las byung tshangs ma zhal bzhi nyi ma'i spyan ldan kha dog ser po dung dang dbyug pa spyi blugs thod pa rnams dang ldan pa/ /sprin gyi kha dog dang ni mtshungs pa'i 'phrog byed dang ni bcas pa rlung mtshams dang pa pad dkar steng na gnas pa la ni phyag 'tshal/ /nyi ma'i bu mo pad+ma'i mig mchu skyes ldan ma dag gi dbang phyug ma rnams dang/ glu ma dang ni glog ma dran ma rnams ni rig byed zhal gyi pad 'dab la ni gnas pa rnams rim pa bzhin du k+ShlI lA lI l+lrI k+Sh+rI lU l+li la rnams dang dung dag las byung ba'i/ /tshangs ma dang ni rnal 'byor ma rnams kun la rab tu dang bas yang dag 'tshal lo/ /k+Shu dang pad+ma las byung bkra shis ma ni zla ba dang mtshungs pad phreng ka ma la dang rin chen nor bu phyag ldan ma/ /ro'i gdong can dang bcas dpal ldan phyogs na seng dkar steng na gnas pa'i zhabs kyi pad+ma la

  245. 122a

    ni nges par phyag 'tshal lo/ /dpal ldan dkar mo zla ba'i ri mo can ri bong 'dzin zhal ngang pa'i mdog ma 'dzin byed ma/ /pad ma'i dbang phyug ma dang 'od zer can ma dri med zla 'dzin ma rnams dbang ldan mtshams nyid du/ /bkra shis ma yaM pad 'dab rnams la rim bzhin du k+Shu wA wI wrI k+ShU wU wlI wA(rgyud 'grel): rnams dang ni/ pad ma dag las yang dag byung ba'i rnal 'byor ma rnams kun la thams cad dus su phyag 'tshal lo/ /k+Sh+rI yig shak+ti las byung gzhon nu ma nyid nyi ma dang mtshungs// shak+ti lcags kyu rin chen zhags pa rnams ni phyag gi 'dzin ma/ /bden bral mtshams nas rma bya pad ma dkar po'i steng na gnas pa'i/ /tshogs kyi bdag po dang ni bcas pa gang yin de la phyag 'tshal/ pad+ma ma dang yan lag med ma gzhon nu ma dang seng ge 'gros ma rin chen 'phreng ba ma/ /mig mdzes ma dang kun ma bzang mo rnams ni gtso mo chu skyes gtsug phud can gyi 'gros ma yi/ /pad+ma'i 'dab ma la gnas rim pa bzhin du k+Sh+rI ra ri rrI k+Sh+rI rU rlI ra:rnams dang ni/ /shag ti dag las byung ba'i lha mo de rnams dang ni bcas pa rnams la rgyun du phyag 'tshal lo/ /k+ShI yig 'khor lo dag las byung ba'i dpal ldan khyab 'jug ma nyid/ /zhal bzhi dang bcas pa yi gnag pa'i sku mnga' 'khor lo dbyug pa/ /chu skyes dang ni dag pa'i dud rnams 'dzin pa'i phyag ldan me mtshams/ /pad ma dkar po dang ni bya khyung la gnas de la phyag 'tshal/ /dpal mo sgyu 'phrul ma dang grags ma bkra shis ma dang shin tu rgyal ma dpal rgyal rnams dang/ /rab tu rgyal ma dpal ldan 'khor lo can ma dag ni khyab 'jug ma yi pad 'dab la/ gnas pa rnams ni rim pa bzhin du k+ShI yA yi yrI k+ShI yuA ylI ya(rgyud 'grel): ma lus pa rnams dang/ /'khor lo dag las byung ba'i lha mo de rnams dang bcas rnams la dang po rgyun du phyag 'tshal lo/ /lho sgo'i

  246. 122b

    g.yon gyi 'dod yon rnams la ka kha ga g+ha nga rnams tsheg drag dang bcas pa'i/ /sa bon rnams dang so so'i phyag mtshan rnams las byung ba'i 'dod ma lha rnams phyag gnyis ri bong zhal/ /shar sgo la sogs kyi g.yas kyi 'dod yon rnams la sa bon rang bzhin tsa Ta pa ta yi/ /sde tshan rnams las de ltar rab tu byung pa de rnams lnga lnga so so'i phyogs la gnas pa dang/ /shar sgo'i g.yon gyi 'dod yon la gnas sde las byung ha sde las/ /byung ba byang g.yon de las gzhan/ /k+Shi yig las byung rnams la 'dud// ces pa rnams gsung gi 'khor lo'i tshigs su bcad pa'o/ /tsa rtsi kA sogs dang mtshungs 'jig rten skyong ba rnams kyi rigs rnams/ rigs byed brgyad dang bcu drug pad+ma'i 'dab ma gsum rtsegs la gnas/ /a sog sa bon rnams dang rdo rje las byung rdo rje dang bcas/ /khyab 'jug la sogs rnams dang chos kyi lha mo rnams dang bcas pa/ /nga ngi ngri ngu ngli ngaM/ g+ha g+hi g+h+ri g+hu g+hli g+haM/ ga gi gri gu gli gaM /kha khi khri khu khli khaM/ ka ki kri ku kli kaM rnams dang 'khor lo las byung/ /pad gnas rnams ni mnga' bdag dang mtshungs rol pas gnas/ /dpal gyi dgun zla tha chang chos rnams dang ni nges par dpung mgo'i tshigs kyi rang bzhin can/ /'di rnams dang bcas shar sgo'i g.yon du bya khyung pad+ma dmar po'i steng gnas rkang yig dang/ / 'khor lo las byung ba yi khyab 'jug ljang gu'i lus la dpal mo gnod sbyin dang ni mtshungs pas 'khyud/ /'khor lo dang ni dbyug pa dag dang chu skyes dung dag 'dzin pa rnams la phyag 'tshal/ /nya nyi nyri nyu nyli nyaM/ dzha dzhi dzh+ri dzhu dzhI dzhaM/ dza dzi dzri dzu dzli dzaM/ tsha tshi tsh+ri tshu tshli tshaM/ tsa tsi tsri tsu tsli tsaM/ rnams dang ral gri las byung ba de gnas rnams/ /mnga' bdag dang mtshungs rol pas gnas pa dpal gyi dpyid zla 'bring po'i tshes rnams dang ni gtum mo'i tshigs kyi rang bzhin can nyid de/ /

  247. 123a

    'di rnams dang bcas shar sgo'i g.yas su yi dags dang ni chu skyes dmar po'i steng gnas pa/ /tsi dang ral gri dag las byung ba'i srin po dmar po dbang mo dang bcas ral gri gri gug dang/ /phub dang thod pa phyag gi 'dzin pa gang yin de la bdag nyid gus par phyag 'tshal lo/ /Na Ni Nri Nu Nli NaM/ Dha Dhi Dh+ri Dhu Dhli DhaM/ Da Di Dri Du Dli DaM/ Tha Thi Th+ri Thu Thli ThaM/ Ta Ti Tri Tu Tli TaM/ rnams dang shag ti las byung pad gnas rnams ni mnga' bdag dang mtshungs rol bas gnas/ /dpal gyi dbyar zlar pa'i chos rnams dang ni lag mgo'i tshigs kyi rang bzhin gcig nyid de/ /'di rnams dang bcas gshin rje phyogs kyi sgo yi g.yas su lug dang pad+ma dmar po'i steng/ /gnas pa Twi dang shag ti las byung sreg za kha dog dmar po shag ti dbyug pa dang/ chu skyes spyi blugs dus kyi phyag na bsnams pa drag mos 'khyud pa de la phyag 'tshal lo/ /ma mi mri mu mli maM/ b+ha b+hi b+h+ri b+hu b+hli b+haM/ ba bi bri bu bli baM/ pha phi phri phu phlaM phaM/ pa pi praM pu pli paM rnams/ / dang zhags pa las byung pad gnas rnams ni mnga' bdag dang mtshungs rol pas gnas/ /dpal gyi dbyar zla tha tshungs tshes rnams dang ni dpyi mgo'i tshigs kyi rang bzhin can nyid do/ /sgo'i g.yas su chu srin dang ni pad+ma dmar po'i steng gnas pa/ /yaM yig dang ni zhags pa dag las byung ba'i chu bdag zhags pa rin chen sbrul nyid dang/ /nor bu rnams ni rig byed phyag na 'dzin cing phag mo dang bcas zhabs la phyag 'tshal lo/ /na ni nri nu nli naM/ d+ha d+hi d+h+ri d+hu d+hlAM d+hI/ da di dri du dli daM/ tha thi th+ri thu thli thaM/ ta ti tri tu tli taM/ rnams dang rdo rje las byung pad gnas rnams ni mnga' bdag dang mtshungs rol pas gnas/ /de ltar ston zla 'bring po'i tshes rnams dang ni pus g.yon rnam par dag pa'i rang bzhin can/ /'di rnams dang bcas nub sgo'i g.yas su

  248. 123b

    sgra gcan dang chu skyes dmar po'i steng gnas pa/ /taM yig dang ni rdo rje dag las byung ba'i dbang po ser po phyag na rdo rje dang/ /mda' dang dril bu gzhu rnams 'dzin pa tsa rtsi ka dang bcas pa de la phyag 'tshal lo/ /th+ka th+ki th+kri th+ku th+kli th+kAM/ sha shi sh+raM shu shli shaM /Sha Shi Sh+ri Shu Shli ShaM/ nypa nypaM nypI nypu nypli nypaM/ sa si sri su sli saM/ rnams dang rtse gsum las byung pad gnas ni mnga' bdag dang mtshungs rol pas gnas/ /dgun zla ra ba'i tshes rnams dang ni long bu'i tshigs kyi rang bzhin can de 'di rnams dang bcas pas byang sgo'i g.yon du khyu mchog dang ni chu skyes dmar po'i steng du yang dag gnas/ /saM yig dang ni rtse gsum mda' dang kha TwAM ga /gzhu rnams phyag gis 'dzin dang gshin rje dang mtshungs ri yi bu mo pad gnas la phyag 'tshal/ /sA sI srI sU slI swAM(rgyud 'grel): nypA nypI nyprI nypU nyplI nypAM(rgyud 'grel): ShA ShI Sh+rI ShU ShlI ShA(rgyud 'grel): shA shI sh+rI shU shlI shA(rgyud 'grel): th+kA th+kI th+krI th+kU th+klI th+kA(rgyud 'grel): rnams dang dbyug pa las byung pad gnas rnams ni mnga' bdag dang mtshungs rol pas gnas/ /de ltar dgun zla 'bring po'i tshes rnams dang ni rkang g.yas long me'i tshigs kyi rang bzhin te/ de rnams dang bcas nub sgo'i g.yon du ming dang pad+ma nyi ma'i mdog ldan steng gnas pa/ /th+kA? yig dpal gyi dbyug pa dag las byung ba'i gnod sbyin nor bu dbyug pa sre mong dang/ /pad+ma rnams ni phyag na 'dzin pa'i khyab 'jug dang mtshungs nor dbang pad gnas la phyag 'tshal/ /tA tI trI tU tlI tA(rgyud 'grel): thA thI th+rI thU thlI thA(rgyud 'grel): dA dI drI dU dlI dA(rgyud 'grel): d+hA d+hI d+h+rI d+hU d+hlI d+hA(rgyud 'grel): nA nI nrAM nU nlI nA(rgyud 'grel): rnams dang dung las byung ba pad gnas rnams ni mnga' bdag dang mtshungs rol pas gnas/ /de ltar ston zla tha tshungs tshes rnams dang ni pus mo'i tshigs kyi rang bzhin can nyid de/ /dang ba chu skyes dkar po la gnas na yig dang dung las byung ba'i tshangs pa nyid/ /ser po dung dang phreng ba chu skyes spyi blugs rig byed phyag gis 'dzin la khyab 'jug mas//

  249. 124a

    'khyud pa'i zhal bzhi ser dang dkar dang dmar ba de la phyag 'tshal lo/ /pA pI prI pU plI pA(rgyud 'grel): phA phI phrI phU phlI phA(rgyud 'grel): bA bI brI bU blI bA(rgyud 'grel): b+hA b+hI b+h+rI b+hU b+hlI b+hA(rgyud 'grel): mA mI mrI mU mlI mA(rgyud 'grel): rnams dang sta re las byung pad gnas rnams ni mnga' bdag dang mtshungs rol bas gnas/ /ston zla ra pa'i tshes rnams dang ni g.yas kyi spyi mgo tshigs rnams rnam par dag pa yi/ /rang bzhin de rnams dang bcas dbang ldan mtshams su bya ba chu skyes dkar po'i steng gnas pa/ /mA yig ta re las byung tshogs bdag dkar po sta re rdo rje zhags ba nor bu rnams/ /phyag gi rim bzhin bsnams la gdong drug mas 'khyud de yi zhabs la rgyun du phyag 'tshal lo/ //TA TI TrI TU TlI TA(rgyud 'grel): ThA ThI Th+rI ThU ThlI ThA(rgyud 'grel): DA DI DrI DU DlI DA(rgyud 'grel): DhA DhI Dh+rI DhU DhlI DhA(rgyud 'grel): NA NI NrI NU NlI NA(rgyud 'grel): rnams dang dung las byung ba pad gnas dang ni mda' bdag dang mtshungs rol pas gnas/ /dbyar zla 'bring po'i tshes rnams dang ni lag mgo'i tshigs kyi rang bzhin de rnams dang bcas pa/ /bden bral mtshams su rma bya chu skyes dkar po la gnas Na: yig dang ni dung dag las/ /byung ba'i ro yi gdong can dmar po shag ti dang ni mdung dang nor bu me long rnams/ /gang gi phyag na gnas pa dang ni dpa' mo dang bcas de la gus pas phyag 'tshal lo/ /tsA tsI tsrI tsU tslI tsA/ tshA tshI tsh+rI tshU tshlI tshA/ dzA dzI dzrI dzU dzlI dzA/ dzhA dzhI dzh+rI dzhU dzhlI dzhA/ nyA nyI nyrI nyU nylI nyA(rgyud 'grel): rnams dang ljon shing las byung pad gnas rnams ni mnga' bdag dang mtshungs rol pas gnas/ /dpyid zla tha chud tshes rnams dang ni gru mo'i tshigs kyis rnam par dag pa'i rang bzhin te/ /de rnams dang bcas me yi mtshams su ri dags chu skyes dkar po la gnas nyA(rgyud 'grel): yig dang/ /ljon shing ngag las byung ba'i rlung lha nag po phyag na ljon shing lha shing me tog dang/ /nor bu utpal sngon po bsnams 'dzin rgya mtsho'i zhal ma pad gnas

  250. 124b

    de la phyag 'tshal lo/ /kA kI krI kU klI kA(rgyud 'grel): khA khI khrI khU khlI khA(rgyud 'grel): gA gI grI gU glI gA(rgyud 'grel): g+hA g+hI g+h+rI g+hU g+hlI gA(rgyud 'grel): ngA ngI ngrI ngU nglI ngA(rgyud 'grel): rnams dang dbyug pa las byung pad gnas rnams ni mnga' bdag dang mtshungs rol pas gnas/ /de ltar dpyid zla ba ba'i tshes rnams dang ni dpung pa'i tshigs kyi rang bzhin can nyid de/ /de rnams dang bcas lho sgo'i g.yon gyi phyogs su ma he chus skyes dmar po'i steng gnas pa/ /ngA(rgyud 'grel): yig dbyug pa las byung shin tu sngo ba dbyug ba ral gri lcags sgrog zhags pa bsnams/ /dus kyi phyag gis 'dzin la 'phrogs byed dang mtshungs gshin rje ma nyid pad gnas la phyag 'tshal/ /khro rgyal rnams ni g.yas pa brkyang/ /lha mo rnams ni g.yon brkyang gnas/ /zhal cig rgya mtsho phyag ldan zhing/ /spyan gsum rin chen cod pan can/ /haM yig dang ni rdo rje dag las lha dbang lus ldan phyag na rdo rje dang mtshungs gtsug tor can/ /de nyid pad gnas hA(rgyud 'grel): yig dang ni gri gug dag las byung ba'i shin tu sngon gyi dus kyi phyag rgya/ /gri gug rdo rje thod pa dril bu 'dzin pa dag ni steng du mkha' lding rlung gi shing rta la/ /yang dag gnas pa'i khu ba 'dzag pa'i rang bzhin de dag zhabs la rab tu dang bas phyag 'tshal lo/ /yi yig dbyug pa dag las byung ba'i khro bo dbyug sngon can de gshin rje'i dgra yi yum mtshungs dang/ /la(rgyud 'grel): yig dang ni 'khor lo las byung 'od zer can ma gser mtshungs 'khor lo dbyug ba dung dang ni/ /rin po che rnams phyag gis pad+mas 'dzin pa dang bcas shar sgo'i dbus su phag pa bdun gyis drangs/ /shing rta la gnas dri chu rnam par dag pa de dag zhabs kyi pad+ma la ni phyag 'tshal lo/ / rmongs byed ma mtshungs raM yig mnga' dag las ni Tak+ki rA dza/ /wA(rgyud 'grel): yig tho ba las byung tsunda sku mdog dkar mo len pa'i/ /rang bzhin tho ba mdung dang pad+ma me long rnams 'dzin gshin rjer/ /rtas drangs shing rta la gnas de dag la ni rab tu

  251. 125a

    phyag 'tshal/ /nga rgyal can mtshungs wAM yig gtun shing las byung mi g.yo ba ste/ rA(rgyud 'grel): yig mnga' dag las byung khro gnyer can la 'gro ba'i rang bzhin/ /mda' dang lcags kyu gzhu dang zhags pa rnams ni phyag ldan dmar mo/ /byang du seng ge'i shing rta la gnas de dag la ni phyag 'tshal/ /rengs byed ma mtshungs laM yig dbyug tho dag las byung ba'i stobs chen/ /ya(rgyud 'grel): yig gtun shing las byung rdo rje lcags sgrog ma nyid nag mo/ /ral gri rdo rje dung dang dril bu rnams 'dzin bshad pa'i rang bzhin/ /chu lhar glang chen shing rta la gnas de dag la ni phyag 'tshal/ /kun tu bzang mo dang mtshungs hAM yig dang ni dpal gyi gri gug las byung gnod mdzes dang/ /hAM yig rdo rje las byung drag mig ma nyid ljang gu phyag gis sta ri rtse gsum dang/ /sbrul zhags snying gar 'dzin cing kha TwAM ga bcas kyis 'khyud 'og tu klu yi lag ldan pa'i/ /shing rta la gnas b+ha ga dri chu'i rang bzhin rnam dag la ni phyag 'tshal lo/ /phyogs skyong dang mtshungs klu rnams kyis/ / dbu la gdeng ka lnga ru 'dod/ /'on kyang rgyal ba rnam rgyal gyis dbu la gdengs ka bdun du 'dod/ /hUM yig rdo rje las ni byung ba'i rgyal ba sku mdog ljang gu/ /bdud rtsi'i bum pa rdo rje chu skyes rin chen phyag rnams kun gyis/ /bzung ba rkang g.yon mthe chung rnam par dag pa sngon mo dang bcas steng du nam mkha' i dkyil 'khor la gnas de dag la ni phyag 'tshal/ /sgo 'gram rnams su g.yo ba'i rtse mo can dang mchu dang sa rnams dkyil 'khor so so'i kha dog gis/ /shar la sogs pa'i g.yon du dgod pa hya yig rgyal mtshan las byung karko Ta nyid nag po ni/ /ming med rnam par dag pa ci spyang gdong mas 'khyud dang h+raM yig bkra shis las byung chu bdag nyid/ /nyi ma dang mtshungs gung mo rnam par dag pa stag gdong

  252. 125b

    ma dang bcas la rim bzhin phyag 'tshal lo/ /hA yig chu skyes las byung dga' bo dkar po nyid/ /mdzub mo rnam par dag pa phag gdong ma 'khyud dang/ /hla yig 'khor lo las byung 'jog po ser po nyid/ /mthe bo rnam dag khyi gdong dang bcas la phyag 'tshal/ /nub sogs g.yas su hlA yig 'khor las byung pad+ma chen po las byung pad+ma chen po ser po khwa gdong bcas/ /hA yig dag ni pad+ma dag las byung ba'i rigs ldan dkar po bya gdong bcas dang/ h+rA yig bkra shis las byung ltos 'gro dung skyed dmar po 'ug gdong ma dang bcas pa dang/ /hyA yig rgyal mtshan las byung pad+ma dkar min bya khyung gdong bcas rnams la phyag 'tshal lo/ /k+ShuM yig rdo rje las byung rnam rgyal sngon po nyid/ /rkang pa g.yas pa'i mthe bo la sogs pa nyid kyi/ /rnam par dag pa rdo rje mig ma dang bcas pa/ /'og tu ye shes la gnas pa la phyag 'tshal lo/ /lho sgo'i g.yon gyi 'dod yon la ni des par gsal byed ka kha ga g+ha nga rnams thig le dang pa'i sa bon las byung mi 'dod ma rnams zhal gcig phyag gnyis ma ste mnga' yi grangs rnams so/ /shar la sogs pa'i g.yas kyi 'dod yon rnams la tsa Ta pa ta'i sde tshan rnams las rab tu byung/ /de ltar de rnams so so'i phyogs la lnga yi grangs kyi sa bon dang bcas so so'i phyag mtshan no/ /de ltar sa sde'i shar gyi ga-yon/ /'dod yon la ste ha ste byang/ /de las gzhan pa k+Sha yig las/ /'byung ba rnams la phyag 'tshal lo/ /'khor lo la gnas lha nyid de rnams ma lus pa/ /zhal gcig phyag gnyis ma ste spyan gsum dang ldan ma/ /phyag rgyas spras shing skra grol na bza' rnams dang bral/ /dpal gyi mgo ba'i phreng ba'i gri gug thod pa'i phyag /hA yig gri gug las byung rdo rje can ma nyid/ /ljang gu rgyan dang bcas pa g.yon pa'i mthe chung gi /rnam par dag pa'i sku mnga' steng gi

  253. 126a

    phyogs nyid du/ /rkang brgyad ljang gu la ni gnas la phyag 'tshal lo/ /gang gi me dang rlung dkyil 'khor lo dag gi dbus kyi cha/ /ka sde brtsegs pa dang ni gri gug las byung khyi gdong ma/ /nag mo 'jog po dang ni bcas pa lha'i dbang po'i phyogs su/ /ral gri can dang 'khor lo dmar po la ni gnas la phyag 'tshal/ /de bzhin k+Sha ya rA wa la dang/ gri gug las byung phag gdong dmar mo/ /dga' bo dang bcas lho yi phyogs su/ /dom dang 'khor lo gnas la phyag 'tshal/ /de bzhin ha ya rA wa la dang/ /gri gug las byung stag gdong dkar mo/ /chu bdag dang bcas byang gi phyogs su/ /g.yas dang 'khor lor gnas la phyag 'tshal/ /de bzhin th+ka sha Sha was dang/ /gri gug las byung ce spyang gdong ma/ /ser mo karko Ta bcas nub tu/ /seng ge 'khor lor gnas la phyag 'tshal/ /tu pu Tu tsu rnams dang gri gug las byung byang gi /dbang po 'ug pa bya rgod khwa rnams dang mtshungs pa'i bgegs can ser mo dkar mo dmar mo nag mo rnams ni pad+ma dung skyong dga' bo dang/ /pad+ma chen po dang bcas rlung dang 'phrog byed ster byed me mtshams rnams su shing rta'i tshogs bcom nas/ /longs spyod pa'i gzhon pa mig sngon bya long b+he ru Na Da dang 'khor lo dkar po gnas la phyag 'tshal/ /ha: yig gri gug las byung sngon mo kha dog sngo/ /rgyal ba dang bcas 'og tu rlung dang 'khor lo nyid/ /sngon po la gnas phyag 'tshal sngon ltar dgu po yang/ /lag pa g.yas g.yon sor mo rnam dag lha mo/ /a yig las byung zla ba dbang po'i phyogs gnas/ /a las byung ba'i snang byed bden bral la gnas/ /de dags yi dkyil 'khor gnas la phyag 'tshal/ /hUM yig dang ni aM yig oM yig ho(rgyud 'grel): yig rnams las byung ba'i/ /chos kyi 'khor lo dpal gyi bum pa bzang po mchog gi rnga dang/ /dpag bsam shing

  254. 126b

    rnams dkar min dmar po dkar po ser po rnams ni/ /rim bzhin shar la sogs pa'i rta babs la gnas rnams la phyag 'tshal/ /rgyal ba mi bskyod pa la dpal ldan rgyal ba rdo rje sems dpas rgyas ni gdab par bya/ /de ni rgyal ba mi bskyod ste don grub rgyal ba nor bu'i phyag ldan de nyid kyis/ /chu skyes phyag ldan de nyid 'khor lo can no yang ni de'i rgyal ba rnam par shes/ /spyi bo la gnas sgrib pa bral ba so so'i phyag rgya mdzad la dang bas phyag 'tshal lo/ /nam mkha' dang ni rlung dang sreg byed chu dang sa yi rang bzhin gyis/ /sngon du gsungs pa'i khams rnams las byung bde bar gshegs pa ji lta bu/ /de bzhin 'khor lo 'di las gzhan pa'i lha rnams ma lus pa nyid kyi/ /cod pan mchog las yang dag gnas pa de rnams la ni phyag 'tshal lo/ /de ltar phyag btsal nas mchod pa bya ba ni/ /de yang 'phags pa spyan ras gzigs dbang phyug gi 'dod pa'i dri ma med par gsungs pa ltar/ /de las rgyal bam lus mchod pa'i don du spros pa'i 'od zer de rnams slar bkug ste rang gi snying ga'i zla ba'i rdo rje la zhugs par bsam par bya'o/ /de nas zla ba'i dkyil 'khor la mchod pa'i lha mo bcu gnyis kyi sa bon gyi yi ge rnams la/ /de nas so so'i sa bon las mchod pa'i lha mo rnams spros pa ni/ oM ts+tsh+dzdzhh+nya badzra gand+he gand+hA rtsa naM ku ru ku ru swAhA/ oM ts+tsh+dzdzh+nyA badzra mA me ma lA rtsa naM ku ru ku ru swAhA/ oM TThDDh+Na badzra d+hU be d+hU pA rtsa naM ku ru ku ru swAhA/ oM TThDDh+Na badzra pra di pe pra dI pA rtsa naM ku ru ku ru swAhA/ oM p+phbb+hma badzrA mri te ne baidya pU dzaM ku ru ku ru swAhA/ oM p+phbb+hmA badzrA k+Sha ta yak+Sha ta pha lA rtsa naM ku ru ku ru swAhA/ oM t+th+d+d+h+na badzra la sye bastrA b+ha ra Na pU dzAM ku ru ku ru swAhA/ oM Sh+ny+d+d+h+nA ha sye g+ha Na TA darsha pU dzAM ku ru ku ru swAhA/ oM k+kh+g+g+h+nga badzra wA dya wA te pU dzaM ku ru ku ru swAhA/ oM k+kh+g+g+h+ngA badzra nri tyi? nri tyi pU dzaM ku ru ku ru swAhA/ oM snypShshth+ka gI ti gI ta pU dzaM ku ru ku ru swAhA/ oM snypShshth+kA badzra ma me sarba bud+d+ha bod+hi satwA naM kro d+hA d+hI naM badzrA su ra ta pU dzaM ku ru ku ru swAhA/ de ltar sngags kyi rkang pa rnams kyi sangs rgyas la sogs pa rnams la yid kyi mchod par bya'o/ /de nas sdig pa bshags pa ni sdig pa dpag med

  255. 127a

    byas pa rnams/ /so so nyid du bshags par bgyi/ /bsod nams la rjes su yi rang ba ni/ /rdzogs sangs rgyas dang byang chub sems dpa' 'phags pa'i dge 'dun rnams kyis dge ba dpag med gang byas pa/ /de rnams kun la rjes su yi rang ba dang sdig bral byang chub spyod la rjes su bzhugs par zhu/ /de nas gsum la skyabs su 'gro ba ni/ /sangs rgyas chos dang dge 'dun srid pa'i 'jigs pa 'joms pa rnams la byang chub bar du skyabs su mchi de nas bdag nyid 'bul ba dang bsod nams yongs su bsngo ba ni/ /bdag gi ji srid len gyur lus 'bul sems can ma lus don phyin bdag nyid rdzogs pa'i sangs rgyas shog /de ltar bdun rnam par dag pa'i mchod pa byas nas/ /de nas rtsa ba gsum dran par bya'o/ /pha rol tu phyin pa bcu bsgom par bya'o/ /tshangs pa'i gnas bzhi bsgom par bya'o/ /bsdu ba'i dngos po bzhi bsgom par bya'o/ /mi dge ba bcu yongs su spong ba bsgom par bya'o/ /sgrib pa lnga spong ba bsgom par bya'o/ /nyon mongs pa bzhi spong ba bsgom par bya'o/ /zag pa bzhi spong ba bsgom par bya'o/ /rnam par thar pa bzhi bsgom par bya'o/ de ltar bsgom la khams gsum g.yo ba dang brtan par byas pa rnams rnam par dpyad par bya ste/ /dngos med dngos por med pa ste/ de ltar dngos po'ang dngos por med/ /des na dngos po dngos med 'gyur/ /de phyir dngos po dmigs su med ces pa'o/ /de nas 'khor ba'i phung po yongs su spang bar bya ste/ de yang de nyid las gsungs pa ltar dang por 'dir brtul zhugs dang ldan pa lus? kyi dbus su chu yis me rnams bshig par byed pa'o/ /de nas me'i dngos po med pa las sa'i sra ba spangs nas tshwa bzhin du zhu ste/ chu'i dbus su 'jug par 'gyur ro/ /de nas yang chu rnams rlung gi skams te nam mkha' la thim par 'gyur ba ste/ /de ltar khams kyi tshogs rnams myur bar rnam par 'jig

  256. 127b

    par 'gyur ro/ /de nas sems dang me nyid mun pa'i mdza' zhes pa ni nam mkha' i khams kyi dbus kyi gnas so/ /yul dang bral ba zhes pa ni rnam pa thams cad kyi gzugs brnyan kun gzhi rnam par shes par gzung bar bya'o zhes pa'o/ /de nas sngags 'di brjod par bya'o/ oM tsu? n+ya tA dz+nyA na badzra so b+ha bAt+ma ko haM oM a ni mit+ta dz+nyA na swa b+hA bAt+ma ko haM/ oM a pra Ni hi ta dz+nyA na badzra swa b+hA bAt+ma ko haM/ oM a nA bi saM skA ra dz+nyA na badzra swa b+hA bAt+ma ko haM/ zhes pa brjod la khams gsum po rdul phra rab kyi chos nyid las 'das pa'i stong pa'i rnam par bsam mo/ /de nas bcom ldan 'das sngon gyi smon lam yongs su rdzogs nas chos kyi 'khor lo rab tu bskor ba'i don du mngal du 'jug pa'i tshul gyis bskyed pa ni/ /nam mkha' i khams dpag pa las 'das pa bltas la/ sngon du brjod pa'i rlung la sogs pa'i dkyil 'khor bzhi la sogs pa bsam mo/ /h+k+Sh+mlwryaM de nas rdo rje'i sa gzhi'i dbus su gzhal yas khang bsam pa ni/ b+h+ruM yig gaM oM big yongs su gyur pa las thugs dang gsung dang sku yi 'khor lo gsum gyi bdag nyid gru bzhi pa'i rten bsam par bya'o/ /de yang thugs kyi 'khor lo lar ba nag po dang dmar po dang dkar po gsum gyis bskor ba sgo bzhi pa kha dog sna tshogs dang ldan pa'i rta babs bzhis brgyan pa/ /phyi rol tu 'dod yon dang rin chen pha gu dang/ dra ba dang/ dra ba phyed pa dang/ ba ku li dang kra ma shir Shas spras pa zla ba dang rgyal mtshan dang/ dril bu dang/ me long dang/ rnga yab la sogs pas rnam par brgyan pa/ de'i nang gi phyed ye shes kyi 'khor lo ste/ rdo rje'i phreng ba ka ba bcu drug gis spras pa'o/ /de nyid kyi phyed ni bcom ldan 'das kyis gnas te rdo rje phreng bas bskor ba'o/ /de ltar thugs kyi 'khor lo rnam par bsam par bya'o/ /de'i nyis 'gyur gsung gi 'khor lor ba lnga pa yis bskor ba'o/ /de ltar nyis

  257. 128a

    'gyur gyi sgo bzhi la sogs pa rnga yab kyi bar gyis mdzes par byas pa'o/ /de'i phyi rol du sku'i 'khor lo la de nyid nyis 'gyur gyi tshad kyis te/ ra ba lnga dang sgo bzhi la sogs pas mdzes par byas pa'o/ / thams cad kyi shar dang me mtshams kyi sa bzhi nag po'o/ /lho dang bden bral gyi sa gzhi dmar po'o/ /nub dang rlung mtshams kyis gzhi ser po'o/ /byang dang dbang ldan gyi sa gzhi dkar po'o/ /phyi rol dus dang chu dang me dang rlung gi dkyil 'khor ro/ /rdo rje'i phreng ba dang rdo rje'i me ri dang/ rlung gi dkyil 'khor la gnas pa'i dur khrod chen po'o/ /de ltar dkyil 'khor gyi 'khor lo rnam par bsgoms la/ /phyag btsal pa'i tshigs su bcad par bshad pa'i bzhugs gnas rnams su gdan rnams ji lta ba bzhin du lha rnams rnam par bsam par bya'o/ /de rnams las thugs kyi 'khor lo la baM yig yongs su gyur pa las pad+ma nyi shu rtsa bzhi rnams la gnas pa'i zla ba dang nyi ma dang bcas pa bsgom par bya'o/ /pad+ma re re la rtsa ba dang rab dang 'dab ma dang/ ze 'bru dang lte ba rnams kyi sa bon rnams gzhung ches kyi dogs nas ma bris te de yang gzhan cung zad tsam brjod pa ni/ pad+ma'i rtsa ba dang ra ba dag las ya yig las byung ba'o/ /'dab ma dang ge sar dag u yig las byung ba'o/ /de'i dbus su lte ba la a yig zla ba'i gdan no/ /ra yig la nyi ma'i gdan no/ /de nas gtso bo'i pad+ma nyi shu rtsa lnga pa oM yig yongs su gyur pa las te/ zla ba dang/ nyi ma dang/ sgra gcan dang/ dus me'i dkyil 'khor bzhi dang bcas pa bsgom par byas nas/ rdo rje shugs kyi ting nge 'dzin gyi skabs su bshad pa ltar me long lta bu'i ye shes la sogs pa ye shes lnga rdzogs pa dang/ phyag btsal

  258. 128b

    ba'i tshigs su bcad pa'i mtshan nyid dang ldan pa'i dus kyi 'khor lo/ /de nyid du gsungs pa'i mtshan nyid dang ldan pa'i sna tshogs yum gyis 'khyud par bdag nyid bsams la/ /nag mo 'bar ma la sogs pa'i lha mo brgyad dang/ rin po che la sogs pa'i mchan ma blta bar byas pa 'di ni rdo rje sems dpa' bskyed pa'o/ /de nas sbyor ba'i sgra mi bskyod pa la sogs pa rgyal ba'i tshogs rnams bdag nyid kyi lus la gzhug par byas nas/ nam mkha' la sogs pa'i tshogs skyes bu dang rig ma dang/ mig la sogs pa dang/ yul rnams kyi rang bzhin lha rnams kyi rang bzhin du bskyed do/ /yang de rnams rang gi lus la phyung ste/ sna tshogs yum la ji lta ba bzhin du gzhug par bya'o/ /de nas yang de ltar spros la dkyil 'khor gyi 'khor lo'i rnam par de bzhin gshegs pa rnams rang gi lus la bcug la/ rang gi rdo rje las spros te rang gi rig ma'i pad+ma'i dbus su'o/ /de yongs su gyur pa las lha nyid kyi dkyil 'khor rten dang brten pa ste/ lhag pa'i gtso bor mi bskyod pa bsams nas/ / bcom ldan 'das kyi sku la gzhug bar bya zhes pa'o/ /de nas sngar gsungs pa'i mtshan nyid dang ldan pa'i dkyil 'khor gyi bdag nyid la gnas par byas nas de nas oM su bi shud+d+ha d+harmA d+hA tu dz+nyA na badzra swa b+hA bAt+ma konyahaM/ zhes pa'i nga rgyal bya'o/ /de nas sems can thams cad la snying rjes dbang bskur bar bya'o/ /de yang de nyid las 'di ltar gsungs pa/ bcom ldan 'das dus kyi 'khor lo la ye shes lnga'i bdag nyid rdo rje sems dpa' i cod pan can shin tu rnam par dag pa'i chos kyi dbyings kyi rang bzhin du bsam par bya'o/ de nas 'gro ba rigs dug gi gnas nas sems can thams cad bkug ste/ de rnams kyi dkyil 'khor du zhugs par rnam par bsam par bya'o/ /de nas rnam par snang mdzad la sogs pa'i de bzhin gshegs

  259. 129a

    pa'i khams rnams dang bcas pa rnams rang gi snying gar zhu ste/ byang chub sems su zhu ba'i rang bzhin du gyur ba/ rang gi gsang ba'i rdo rje nas spros pa'i byang chub sems des/ sems can la dbang bskur bar bsam par bya'o/ /de nas byang chub sems kyi 'od zer de rnams reg pas/ zhal gsum pa dang zhal sna tshogs pa dang/ kha dog sna tshogs pa'i lha'i rang bzhin thabs dang shes rab kyi bdag nyid mchog tu dga' ba'i bde bas gang bar bsgom par bya'o// de nas de rnams rang rang gi lus kyi dkyil 'khor 'khor lo'i rang bzhin du skad cig gis blta bar bya'o/ /de nas sngags kyi sa bon rnams gsal byed sna tshogs 'dus pa dang dbyangs dang bcas pa rnams te/ 'dir gsal byed thams cad 'dus pa ra yig go /de nyid kyi gzhan yang shes par byed pas/ gang dang gang gi ming gi yi ge dang po de gsal byed de/ de ltar thams cad go bar bya'o/ /de yang 'di lta ste/ k+Sha/ k+Shi/ k+Sh+ri/ k+Shu/ k+Shli/ zhes pa ni rnam par shes pa la sogs pa de bzhin gshegs pa lnga'o/ /de ltar k+Sha k+She k+Shar k+Sho k+Shal k+SheM zhes pa ni rna ba la sogs pa byang chub sems dpa' drug go /de ltar k+ShA k+Shai k+ShAr k+Shau k+ShA la k+ShA(rgyud 'grel): zhes pa ni yul drug go /de ltar k+Shha k+Sh+ya k+Sh+ra k+Shpa k+Shla zhes pa ni las kyi dbang po lnga ste/ de ltar khro mo rnams so// de ltar k+Sh+nyA k+Sh+yA k+Sh+rA k+ShpA k+ShlA zhes pa ni las kyi dbang po lnga'i yul lo/ /de ltar sems can thams cad mchan bzang po sum cu rtsa gnyis dang ldan pa'i skyes bu chen po dang ldan pa'i skyes bu chen por gyur pa'i dkyil 'khor gyi 'khor lo'i rnam par skad cig gis rdzogs par bya ba ni/ sems can thams cad la snying rjes dbang bskur ba byin la rang rang gi zhing la gshegs par bya zhes so/ /sku rdzogs pa'i ting nge 'dzin gyi dkyil 'khor rgyal mchog dang bsnyen pa'i yan lag go/ //de nas zhu ba gnas pa bsgom

  260. 129b

    par bya ste/ de yang de nyid las gsungs pa 'di lta ste/ lte ba dang gtsug tor la ho yig go /'di gnyis ka dbus su dgod pa dpral bar sku rdo rje oM yig go /mgrin par gsung rdo rje A(rgyud 'grel): yig go /snying gar thugs rdo rje hUM yig go /de ltar yi ge gsum ni/ sku dang gsung dang thugs nyid ces pa'o/ /de ltar gzhan yang gsungs ba lte ba'i ho yig gi ye shes kyi 'od zer gyis bzhu ba ni sku gsung thugs kyi rdo rje rnams kyis bde mnyam pad+mar shes rab kyi chags pa zhu ba'i ri bong can bzhin du khyab bdag ni bcom ldan 'das shes rab dang bcas pa zhu bar gnas pa las/ sgrol ma la sogs pas bskul bas te/ de yang de nyid las gsungs pa/ byams pa dang/ snying rje dang/ dga' ba dang/ btang snyoms rnams kyi rang bzhin/ sgrol ma dang/ mA ma kI dang/ gos dkar mo dang/ spyan ma ste/ lha mo rnams kyis bskul zhes pa'o/ /gzhan yang rtsa ba'i rgyud du yang de ltar gsungs pa/ spyan ma bdag ni 'gro ba'i yum/ /rgyu mthun rnal 'byor la gnas pa/ bdag gi rang bzhin dkyil 'khor las/ /dus 'khor bzhengs la bdag 'dod mdzod/ /mA ma kI bdag sring mo ste/ rnam smin rnal 'byor la gnas pa/ /bdag ni dkyil 'khor rang bzhin las/ /dus 'khor bzhengs la bdag 'dod mdzod/ / gas dkar mo bdag bu mo ste/ /skyes bu'i rnal 'byor la gnas pa/ /bdag ni dkyil 'khor rang bzhin las/ /dus 'khor bzhengs la bdag 'dod mdzod/ /sgrol ma bdag ni tsha mo ste/ bral ba'i rnal 'byor la gnas pa/ /bdag ni dkyil 'khor rang bzhin pas/ /dus 'khor bzhengs la bdag 'dod mdzod/ /stong pa'i dkyil 'khor la gnas pa/ /'gro ba sgrol ba'i thugs dgongs kyis/ /sku gsung thugs kyi dkyil 'khor rnams/ /'gro ba'i mgon pos spro

  261. 130a

    bar mdzod ces pas so/ /de yang de nyid las gsungs pa/ 'dir bcom ldan 'das stong par bzhugs pa glu yis rab tu bsad nas/ 'gro ba ma lus pa rnams sgyu ma bzhin du bltas te/ yang bskyed par mdzad ces pas so/ /de nas de ltar rang gi sa bon dang mtshan ma yongs su gyur ba las/ rdzogs pa'i dus kyi 'khor lo mi bskyod pas rgyas btab pa bsam ste/ glang po'i pags pa dang rgyas gdab dang klu rnams dgod pa'i sngags rnams spangs? nas/ sngar gsungs pa'i sngags kyi rkang pa rnams kyis rgyas 'dab pa dgod pa la sogs pa bya'o/ /de nas nang gi rgyas gdab pa dgod par bya ba ni/ de yang de nyid las gsungs pa/ 'dir gtsug tor gyi 'khor lor thig le las a yig las mi bskyod pa'o/ /de ltar snying gar sgra gcan gyi dkyil 'khor las i yig las don yod grub pa'o/ /dpral par zla ba'i dkyil 'khor u yig las 'od dpag med do zhes pa ste/ mi mnyam pa'i rigs rnams mi mnyam pa'i 'khor lor ro/ /de ltar lte bar me la li yig las rnam par snang mdzad do/ /mgrin par nyi ma'i dkyil 'khor la ri yig las rin chen 'byung ldan no/ /gsang bar ye shes kyi dkyil 'khor la a yig las rdo rje sems dpa' zhes pa'o/ /de ltar lha rnams kyis rgyas gdab pa ni lus kyi rgyas gdab par nges pa'o/ /yang dag gi rgyas gdab pa ni lte bar lI yig go /snying gar u yig go /mgrin par rI yig go /dpral bar a'i yig go /gtsug tor ru A yig ste sa'i dkyil 'khor la sogs pa bsam mo/ / de ltar sems kyis thig les rgyas gdab pa ni/ dpral bar zla ba'i dkyil 'khor la oM yig go /mgrin par nyi ma'i dkyil 'khor la A(rgyud 'grel): yig go /snying gar sgra gcan gyi dkyil 'khor la hUM yig go /lte bar dus me'i dkyil 'khor la ho

  262. 130b

    yig go /de ltar ye shes kyis rgyas gdab pa ni/ chos thams cad byed pa dang bral ba'i sgo can/ /thog ma nas ma skyes pa'i bdag nyid/ /rdo rje nor bur a yig grub pa'o/ /de nas oM su b+hi shud+d+ha d+harmA d+hA tu dz+nyA na badzra swa b+ha bAt+ma ko haM/ zhes pa brjod la dkyil 'khor las dbyung ba'o/ /yang de nyid las gsungs pa/ thabs dang shes rab snyoms par 'jug pa'i ting nge 'dzin gyis nam mkha' la gnas pa'i phung po dang khams dang skye mched la sogs pa'i rang bzhin dam tshig gi dkyil 'khor gyi don du sangs rgyas lnga'i dkyil 'khor gyi rang bzhin rang gi lus la bcug la shes rab kyi pad+mar so so'i sngags kyi rang bzhin du bltas la/ de nas pad+ma nas snga ma ltar zhal dang/ phyag dang mtshan ma dang dbyibs kyi mtshan nyid can/ ye shes dang/ thugs dang/ gsung dang/ sku'i dkyil 'khor la dgod par bya zhes pa ste/ de ltar dkyil 'khor dbyung bar bya'o/ /de nas snying ga'i pad+ma'i lte ba la ri bong can dang nyi ma dag rtse mo can rnams las hUM yig las byung ba'i rdo rje rtse lnga pa/ nag po 'od zer rnam pa snga 'phro bzhin pa bsams la/ rdo rje de nyid kyi lte ba'i dbus su dza(rgyud 'grel): yig yongs su gyur pa las rdo rje lcags kyu bsams par bya'o/ /rdo rje lcags kyu de nyid las sngon du gsungs pa'i mtshan nyid dang ldan pa'i rdo rje shugs yan lag brgyad pa'i shing rta la gnas pa 'od zer rdo rje lcags kyu'i rnam pa can gyi rdo rje shugs yang dag par spro bar byas pas/ sngon du yang dag par grub pa'i khams gsum rnam par dag pa'i ye shes kyi 'khor lo spyan drangs nas/ de nas rdo rje shugs rang gi gnas su gshegs par bya'o// de nas rmugs byed dang/ rengs byed dang/ nga rgyal can dang shin tu stobs can te khro bo bzhi rnams kyis 'gugs pa la sogs pa bya'o/ /yang de nyid las gsungs pa de ltar rnam par shes pa lnga yis te/ dza(rgyud 'grel): yig gis dgug pa dang/ hUM yig gi

  263. 131a

    gzhug pa dang/ baM yig gis bcing ba dang/ ho(rgyud 'grel): yig gis dgyes par bya ba dang/ haM(rgyud 'grel): yig gis ro mnyam par byas nas/ rdo rje lcags kyu dang/ rdo rje dang/ rdo rje zhags pa dang/ rdo rje dril bu dang/ rdo rje dbyug pa rnams gyis shes pa'o/ /de ltar ye shes kyi 'khor lo yang dag par mchod nas/ sngon ltar dam tshig gi phyag rgya dang ro gcig tu gyur par bsgom par bya ba ni nges pa'o/ /phan tshun rgyas gdab pa ni/ phyag btsal ba'i tshigs su bcad par gsungs pa'i rim pa bsgom pa ste/ 'di ni lha nyid kyi sku rdzogs pa'o/ /de nas sku la sogs pa byin gyis brlabs pa bya ste/ de yang de nyid las gsungs pa/ dpral bar a yig yongs su gyur pa las zla ba'i dkyil 'khor ro/ /de'i steng du oM yig yongs su gyur pa las 'khor lo rtsibs brgyad pa'o/ /de yongs su gyur pa las sku rdo rje kha dog dkar po zhal gsum pa/ rtsa ba'i zhal dkar po g.yon dmar po g.yas zhag po phyag drug pa/ g.yas kyi 'khor lo dang pad+ma dang rdo rje rnams 'dzin pa/ g.yon pas ral gri dang dril bu dang nor bu rnams 'dzin pa shes rab dang bcas pa dpral ba nas/ spros te/ de yis nam mkha' i khams ma lus pa yongs su gang bar rnam par bsgoms nas/ sku rdo rje yis 'dul ba'i sems can rnams la chos bstan par mdzad pa dang/ slar log ste bdag nyid kyi sngon du bzhugs pa la rang dbang du blang bar bya ba ni/ sku rdo rje 'dzin pa ngag dbang bskur zhes pas so/ /de nas sku'i rigs kyi lha mo rnams kyis bdud rtsi'i bum pas dbang bskur ba dang/ de nas byin gyis brlabs par bya ba ni/ dpral bar zla ba'i dkyil 'khor la sku rdo rje bcug nas 'di ltar brjod par bya ste/ dpal ldan sku yi rdo rje 'chang/ /bdag ni byin brlabs gnas yin pas/ /mi phyed rdo rje gsum thob par/ /myur bar sku yi rdo rje mdzod/ /phyogs bcud phyogs pa'i sangs rgyas rnams

  264. 131b

    bdag ni byin brlabs gnas yin pas/ /mi phyed rdo rje gsum thob par/ /myur bar sku yi rdo rje mdzod/ /ces pa ni sku byin gyis brlabs pa'o/ /de ltar mgrin par ri yig yongs su gyur pa las nyi ma'i dkyil 'khor ro/ /de'i steng du a yig yongs su gyur pa las pad+ma dmar po 'dab ma brgyad pa'o/ /de yongs su gyur pa las gsung rdo rje dmar po dang bcas pa zhal dmar po dang dkar po dang nag po rnams so/ /g.yas kyi pad+ma dang/ /rdo rje dang 'khor lo rnams 'dzin pa/ g.yon gyi rin po che dang dril bu dang ral gri rnams 'dzin pa/ spros pa nam mkha' i khams ma lus pa gang bar rnam par bsgoms nas/ gsung rdo rje yis 'dul ba'i sems can rnams la chos ston par mdzad pa dang/ slar log sta bdag nyid sngon du bzhugs pa la dbang blang par bya ba ni/ /gsung rdo rje 'dzin bdag dbang bskur zhes pas so/ /de nas gsung gi rigs kyi lha mo rnams kyis bdag nyid la dbang bskur bar bsgom/ /gsung byin gyis brlab par bya ba ni/ mgrin par nyi ma'i dkyil 'khor la gsung rdo rje bcug nas 'di ltar brjod par bya ste/ dpal ldan gsung gi rdo rje 'chang/ /bdag ni byin brlabs gnas yin pas/ /mi phyed rdo rje gsung thob par/ /myur bar gsung gi rdo rje mdzod/ /phyogs bcur bzhugs pa'i sangs rgyas rnams/ /bdag ni byin brlabs gnas yin pas/ /mi phyed rdo rje gsum thob par/ /myur bar gsung gi rdo rje mdzod/ /ces pa ni gsung byin gyis brlab pa'o/ /de ltar snying gar thig le yongs su gyur pa las sgra gcan gyi dkyil 'khor ro/ /de'i steng du hUM yig yongs su gyur pa las rdo rje rtse mo lnga pa'o/ /de nyid yongs su gyur pa las thugs rdo rje sngon po shes rab dang bcas pa ste/ zhal nag po dang dkar po dang dmar po rnams so/ /g.yas kyi rdo rje dang 'khor lo dang pad+ma rnams

  265. 132a

    'dzin pa/ g.yon rnams kyi dril bu dang nor bu dang ral gri rnams 'dzin pa/ de spros te nam mkha' i khams ma lus pa yongs su gang bar bsgoms nas/ /thugs rdo rjes 'dul bas sems can rnams la chos ston par mdzad pa dang/ spar log ste bdag nyid kyi sngon du zhugs pa la dbang blang bar bya ba ni/ /thugs rdo rje 'dzin bdag dbang bskur zhes pa'o/ /de nas thugs kyi rigs kyi lha mo rnams kyi bdag nyid la dbang bskur bar bsams nas/ thugs byin gyis brlabs par bya ba ni/ thugs kar sgra gcan gyi dkyil 'khor la thugs rdo rje bcug nas/ /'di ltar brjod par bya ste/ dpal ldan thugs kyi rdo rje 'chang/ /bdag ni byin brlabs gnas yin pas/ /mi phyed rdo rje gsum thob pas/ /myur bar thugs kyi rdo rje mdzod/ / phyogs bcur bzhugs pa'i sangs rgyas rnams/ /bdag ni byin brlabs gnas yin pas/ /mi phyed rdo rje gsum thob par/ /myur bar thugs kyi rdo rje mdzod/ /ces pas de ltar thugs byin gyis brlab par byas nas 'dir ro gcig tu bya ba ni/ / oM sarba ta thA ga tA kA ya bAk+tsit+ta badzra swa b+hA bAt+ma ko haM/ zhes pa'i nga rgyal dang ldan pas de ltar bya'o/ /de bzhin du shes rab kyi lte bar ho(rgyud 'grel): yig gis so/ /gsang bar ha(rgyud 'grel): yig gis so/ /spyi gtsug du haM yig te/ thabs kyi glu? ba'i chos dang rigs drug go zhes so/ /de nas 'dir gtum mo'i rnal 'byor bsgom par bya ba ste/ de yang dri ma med pa las gsungs pa/ 'dir bskyed pa'i rim pa thams cad du lus rdzogs pa ni dkyil 'khor rgyal mchog go /ngag rdzogs pa ni las rgyal mchog ste/ las kyi dbang po'i bya ba la rab tu 'jug pa'i phyir ro/ /byang chub sems kyi thig le rdzogs pa ni thig le'i rnal 'byor ste/ byang chub kyi sems 'dzag pa'i phyir ro/ /bde ba la dmigs pa ni phra mo'i rnal 'byor ste/ /de yang mi rnams kyi

  266. 132b

    lo bcu drug gi mdza' ru'o/ /de'i phyir de'i longs spyod pa'i don du bag ma len pa'i dus su log pa gtod par byed pa dang/ slob pa la slob dpon gyis shes rab gtong par byed pa'o/ /de'i phyir las kyi phyag rgya de'i sgrub byed du/ /byis pa'i skye bo rnams la gsungs so/ /ye shes kyi phyag rgya ni bar ma rnams la'o/ /phyag rgya chen mo ni mchog gi rnal 'byor ba rnams la'o zhes pa'o/ /de nyid rtsa ba'i rgyud du bcom ldan 'das kyis gsungs pa bcu drug lo ste rigs can ma/ /gzugs dang lang tshos brgyan pa ma/ /dang por shin tu bslab byas nas/ /dbang bskur bsgrub pa nas brtsams nas/ /sku gsung thugs su chags pa dang/ /dpral ba la sogs rnams su dgod/ /ha ha gsang ba gtsug tor du/ /de nas pad+ma rnams sbyangs bya/ /a las pad+ma 'dab brgyad pa/ /hUM las rdo rje dang ldan pas/ /de ltar rdo rje dang bcas pa/ /shes rab thabs kyi rgyud nyid do/ /hUM las bdag gi rdo rje nyid/ /rtse mo lnga par bsam par bya/ /de dbus pad+ma 'dab brgyad pa/ /a yig las ni rab tu brtags/ /de ltar pad bcas rdo rje nyid/ /pad+ma la ni gzhag par bya/ /hUM phaT brjod cing rnal 'byor pas/ /mngal tu rdo rje 'dzin pa rgyu/ /b+ha gar ling ga rab gnas pas/ /byang chub sems ni spro mi bya/ /khams gsum pa ni ma lus pa/ /sangs rgyas gzugs su bsgom par bya/ /lte bar gtum mo sbar ba yi/ /de bzhin gshegs pa lnga bsregs te/ /mig dang spyan ma la sogs pa/ /bsregs te ri bong can haM 'dzag /zhu ba'i chos can bdud rtsi nyid/ /thig le gzugs kyis 'dzag pas na/ /thig le'i rnal 'byor zhes su bshad/ /bcu drug phyed phyed thig le 'dzin/ /cha med cha las 'das pa ni/ /bsam gtan bzhi pa'i rtse mo 'dzin/ /pha mo'i rnal 'byor zhes su bshad/ /rgyu mthun la sogs steng du 'gro/ /dung can ma ni phyag rgya che/ /de ni gtum mor rab tu bstan/ /lte ba'i steng du g.yung mo ste/ /a ba d+hU tI mi sna ldan/ /'od zer

  267. 133a

    lnga yi rang bzhin srog /dkyil 'khor lnga ni rgyu phyed pa/ /sna rtser yungs dkar tsam du bstan/ /de yang srog sdud pa ru brjod/ /khams gsum pa ni ma lus pa'i/ /srid pa gsum po yongs su shes/ /srog nyid 'gag pa de nyid kyang/ /g.yo dang mi g.yo yungs dkar tsam/ /so sor sdud pas phyag rgya che/ /nam mkha' stong pa'i mtshan nyid do/ /sna ldan de ni rab brtan pa/ /gang gi yid gnyis brtags pa yis/ /de yang de nyid las gsungs pa/ /mtshan mo'i mdza' du ri mo gang/ /de'i gzugs ni g.yo mi ga-yo/ /rnal 'byor bsam gtan la sogs pa/ /de rnams ma lus bsgom par bya/ /zhes pas so/ /de yang 'dir drang ba'i don du g.yo ba dang mi g.yo ba dkyil 'khor gyi 'khor lo'i rnam pa spro zhing bsgom par shes par bya'o/ /de yang de nyid las gsungs pa/ /khams gsum po lan gcig gis 'gugs par byed ces pa ni/ /skad gcig gis dus gsum mkhyen pa/ /lha'i rnal 'byor te/ dkyil 'khor gyi 'khor lo'i lha'i rnam par spro ba'o/ /'khor ba pa rnams kyis kyang byang chub kyi sems las bu dang bu mo spro ba ste/ de ltar lo bcu drug gi mthar mngal nas skyes pa rnams kyi lus dang/ ngag dang yid dang sems rnams rdzogs pa'o/ /lha rnams ni rnam par thar pa bzhi'i stobs kyis te/ 'dir kun rdzob dang don dam pa'i bden pa zhes bya'o/ /de dag las yang drang pa'i don du shes rab kyi chos kyi 'byung gnas kyi sna'i rtse mo las yungs kar la sogs pa'i nges pa dang/ 'dir rdo rje 'dzin pa mngal du rgyu ba ste/ de'i dbus su oM dz+nyA na bU dzA nu rA ga Na badzra swa b+ha bAt+ma ko haM/ zhes pa'i nga rgyal bya'o/ /de yang de nyid las gsungs pa/ /lo bcu drug gi mtshams nas ye shes kyi mchod pa la rjes su chags pa de bzhin du/ 'dir bskyed pa'i rim pa'i dus

  268. 133b

    su yang de'i rang bzhin bdag nyid du bcom ldan 'das kyis gsungs par zhes pa'o/ /nges pa'i don du sngags bzlas pa ni srog mnyam par bzhag pa ste/ dgang ba dang dbyung ba dang/ bum pa can gyi sbyor ba la dus thams cad bsnyen par byas pas/ de nyid kyi lha'i mchog ster bar 'gyur ba'i phyir/ srog ma bsdams pa dang/ ngag gi brjod pa dang bcas pas nges pa'i don la ma yin te/ des na sgrub pa'i thabs kyis bye brag sbyor ba'i yan lag drug mdor bstan pa tsam las ma bris pa ni gzhung ches kyis dogs pa'o// drang don ltar na thun mong sgrub pa'i don du phreng ba dang bcas pas sngags bzlas pa ste/ de yang zhi ba dang rgyas pa la phyogs pas mu tig gam shel gyi phreng ba dang bcas pas bsngags bzlas pa ni/ /'dir bcom ldan 'das kyi yan lag drug gi sngags 'di lta ste/ oM h+rAM h+rIM h+rIM h+rUM h+rlIM h+rAM swAhA/ zhes pa'i sngags 'di'i mthar na mo bcug pas zhi bar 'gyur ro/ /de ltar lha rnams gshegs par bya ba ni/ de yang de nyid las gsungs pa/ 'dir dkyil 'khor rgyal mchog dang/ thig le'i rnal 'byor dang/ phra mo'i rnal 'byor rnams bsgoms nas mchod pa bya ste/ bstod pa bya ba ni/ mchog sbyin rdo rje mchog khyod 'dug/ /ces pa la sogs pas bstod nas/ /de nas dkyil 'khor gyi lha rnams gshegs su gsol ba ni/ /gtsug tor du rdo rje rtse lnga pa bsgoms pa dang/ de'i lte ba la bde ba chen po'i 'khor lo gshegs su gsol bar bya'o/ /de ltar snying ga chos kyi 'khor lo la rdo rje rtse dgu pa bsgoms pa dang/ de'i lte ba la du nga la sogs pa rnams gshegs su gsol bar bya'o/ /de ltar dpral bar lhan cig skyes pa'i 'khor lo la rdo rje rtse mo bcu bdun pa bsgoms pa dang/ de'i lte ba la phung po dang khams kyi lha rnams gshegs par bya'o/ /de ltar mgrin pa longs spyod 'khor lo la rdo rje rtse mo sum cu so gsum pa bsgoms pa dang/ de'i lte ba la skye

  269. 134a

    mched bcu gnyis kyi khro bo rnams gshegs su gsol bar bya'o/ /de ltar lte ba sprul pa'i 'khor lo la rdo rje rtse mo drug cu rtsa lnga pa bsgoms pa dang/ de'i lte ba la tsa muN+Da la sogs pa dang/ 'jigs byed ma la sogs pa'i lha rnams gshegs su gsol bar bya'o/ /de ltar gsang bar rdo rje rtse mo sum cu so gsum pa bsgoms pa dang/ de'i lte ba la 'od zer can ma la sogs pa'i lha mo rnams gshegs su gsol bar bya'o/ /de ltar las kyi 'khor lo la rdo rje rtse mo sum cu so gcig pa rnams bsgoms pa dang/ /phyag btsal ba'i tshigs su bcad par gsungs pa ltar khyab 'jug la sogs pa'i lha bcu gnyis 'khor dang bcas pa rnams/ /de rnams kyi lte ba rnams la gshegs su gsol bar bya'o/ /de ltar las kyi 'khor lo rnams la rdo rje rtse mo bdun pa rnams bsgoms pa dang/ klu rnams dang khyi gdong ma la sogs pa'i lha rnams lte ba rnams la gshegs su gsol bar bya'o/ /de nas thugs dang gsung dang sku'i 'khor lo rnams kyi bdag nyid kyi dkyil 'khor gyi 'khor lo bsgom par mi nus pa'i gang zag dbang po mdza' ma 'ga' zhig gis/ sngon du gsungs pa'i thugs kyi dkyil 'khor bsgom pa ste/ de yang de nyid las gsungs pa/ rgyal ba'i bdag po'i pad+ma'i gdan la gnas pa'i du ba la sogs pa'i lha mo brgyad dang/ bum pa brgyad dang/ chos kyi dung la sogs pa bzhi rnams spangs pa ni/ dpal ldan snying po'i 'khor lo ni thugs kyi dkyil 'khor gyi dbus su nyi shu rtsa lnga'i bdag nyid 'gyur ro mi'i bdag po kye zhes pa ni/ bcom ldan 'das kyi 'khor lo'i bzhugs pa ste/ de'i tshe dpal 'dus pa bzhin 'gyur ro zhe na/ 'dir nges pa med de rjes su 'gro ba med pa'i phyir/ de ltar bcom ldan 'das rang sems nus ma dang ldan 'dir yang shes par byas la rnal 'byor rnams kyis ni sgrub pa po

  270. 134b

    rnams kyis bsgom par bya'o/ /dbang gi don du rigs kyi dbang las phyi'i dkyil 'khor bral ba'i dkyil 'khor nyid du 'gyur ba'o/ /yang 'dir sngon du gsungs pa ltar lus dang ngag dang yid rnam par dag pa la sogs pa rnams gshegs pa'i bar bsgom par bya ste/ der gshegs su gsol bar byas nas/ de nas oM hUM phaT zhes pa'i nga rgyal byas pa dang/ gtor ma sbyin no/ /de yang de nyid las gsungs pa/ sngon du gsungs pa'i cho gas mtshams gsum du gtor ma sbyin par bya'o/ /sngon du gsungs pa'i cho gas dam tshig gis rdzas rnam par dag par byas la/ lha'i chogs rnams mnyes par bya ba'i don du gtor ma 'bul ba ni/ oM A(rgyud 'grel): hUM ho/ rim par gnas pas dang po 'dir ni rtag tu ngag bya sel bar bya ba dang/ rab tu spang bya nyid dang ri bong can zhu ma lus rim pas chang la bsgom par byas la/ /snod de las ni nges par ri bong can gyi lag pa'i ming med rtse mo la thig le nyid/ nyi phyed dang ni mtshungs pa'i dbus su zlum po yin te de'i phyi ru gru gsum byas pa la/ de'i dbus su ye shes 'khor lo srid gsum pa la gnas pa yang sngags pa rnams kyis 'dir bsgoms nas/ mthe bong dang ni srin lag gi /nyi ma so so'i dus su tshim pa la sogs bya ba ni/ 'dir ni sngon du yul dang grong gi bdag po rnams la ra ba po dbus mdza' i ming gi gtor ma dbul/ 'phrog ma la yang tshangs pa gnyis/ gzhan yang khro bo'i rgyal po'i ched du sngags pas gtor ma'o/ /pho nya rnams la zad kyi rtse mo sa stengs rnams su bzhag ste/ khyab bdag rdo rje rnams kyis sbyin/ /zos pa'i lhag ma 'byung po rnams la sbyin te gzhan yang dge ba'i don du sbyin pa'i tshig gcad brjod/ /nyal ba'i dus su 'khrigs pa'i mchod pa byas nas yan lag kha dang gnyis kyi rigs rnams nyid dang ni/ /rang gi mgo dang mgrin pa snying ga lte gsang

  271. 135a

    spyi bo'i 'khor lo rnams la rdo rje'i yan lag dgod ces pa ste/ de nas a yig las byung ba'i bum pa gsum mo/ /de rnams kyi steng du oM yig las byung ba'i thod pa'o/ /nang na gnas pa ni phung po dang khams kyi sa bon rnams las byung ba'i bdud rtsi lnga dang sgron ma lnga rnams so/ /de rnams kyi 'og tu gnas pa'i rlung gi dkyil 'khor gyi rab tu sbar ba'i me bzhu bar bya'o/ /de nyid hUM yig las byung ba'i rdo rje dkrug par bya'o/ /de dang bcas pa'i ro gcig tu gyur pas zla ba zhu pa'i gzugs su blta'o/ /de nas rnam par dag par bya ba la sogs pa'i sngags/ /oM oM badzra tsan+d+ra sarba d+harmmA su bi shud+d+ha:swa b+ha ba sarba d+ha rmAM bi sho d+ha ya swAhA/ oM a:badzra sUrya sarba d+harmmA pra b+ho d+ha ka sarba d+harmAM pra b+ho d+ha ya swAhA/ oM hUM badzrA na la sarba d+harmma pra dI pa ka sarba d+harmmA pra di pa ya swAhA/ oM ho sarba d+harma badzrA mri ta ka ra sarba d+harmAM badzra mri taM ku ru ku ru swAhA/ zhes pa rnams kyi lag pa g.yon pas rnam par dgab par bya ba dang/ lag pa g.yas pas spel bar bya ba dang/ thal mos kha bcad de reg pas rab tu spar bar bya ba dang/ rdo rje bya khyung gi rgyas rdo rje bdud rtsir bya'o/ /gzhan yang khams gsum rnam par rgyal ba'i phyag rgyas yul gyis bdag po spyan drang bar bya ba dang/ khyi'i phyag rgyas grong gi bdag po rnams la'o/ /rtse lnga pa'i phyag rgyas khro bo'i rgyal po rnams la'o/ /gri gug gi phyag rgyas zad par rnams la'o/ /ral gri'i phyag rgyas lha mo rnams la'o/ /rin po che'i phyag rgyas gza' rnams la'o/ /pad+ma'i phyag rgyas klu rnams la'o/ /'khor lo'i phyag rgyas 'byung po rnams la'o/ /de yang oM A:hUM a mu kA gats+tshA gats+tsha shI g+h+raM i daM ba liM grih+na grih+na b+hug twA pI twA tri pa tidkri twa sarba satwA nI shAn+tI tsit+taM kritwA pa ras+thA naM gats+tsha gats+tsha swAhA/ zhes pa gtor ma'i sngags 'dis yul gyi bdag po dang/ grong gi bdag po 'am de ltar

  272. 135b

    yul lam/ grong gi ming gi yi ge gang yang rung ba gsum dang lnga dang bdun yin na/ de yang ming gi yi ge dang po dang/ dbus dang mdza' ma rnams bcug ste/ gtor ma sbyin no/ /gal te de gnyis dang bzhi dang/ drug la sogs pa mnyam pa'i ming gi yi ge yin na/ dang po mdza' ma bcug la sbyin par bya'o/ /de nas sngon du spros pa'i khro bo la sogs pa rnams la bltas la/ ji lta ba bzhin sngags kyi rkang pa rnams brjod la/ oM A:hUM ho uSh+NI Sha sum+b+ha ni sum+b+ha big+h+nAn+ta ka nI la daN+Da pradz+nyAn+ta ka/ Tak+ki rA dzA pad+man+ta ka/ a tsa la/ ya man+ta ka /ma hA ba le b+hya(rgyud 'grel): sa pa ri wA re b+hya(rgyud 'grel): i daM ba ling+ga nd+haM puShpaM d+hU paM dI paM ak+Sha taM/ da dA ma he/ te tsA gatya sa pa ri wA re(rgyud 'grel): shI g+h+raM i daM ba liM grih+nan tu/ khA dan tu/ pi wan+tu dza:huM baM ho(rgyud 'grel): saM tri pa tA(rgyud 'grel): sarba satwA naM shAn+ti duSh+Ti rak+ShA ba ra Na gupti kurban+tu huM hUM phaT badzra d+hA rA dz+nyA pa ya ti swAhA/ zhes pa ni khro bo'i rgyal po rnams kyi gtor ma'i sngags so/ /de ltar oM A(rgyud 'grel): hUM ho A kA sha ba yu te dzo dpri thi bI sA d+hi de b+hya(rgyud 'grel): sa pa ri wA re b+hya(rgyud 'grel): i daM ba liM gand+haM puShpaM/ d+hU paM/ dI pa mak+Sha taM da dA ma he/ te tsA gatya sa pa ri wA rA sh+rI g+h+raM i daM ba liM grih+nan+tu/ kha dan+tu bi wan+tu dza(rgyud 'grel): huM baM ho/ saM tri pa tA/ sarba satwA naM shAn+tiM puSh+TiM rak+ShA wa ra Na guptiM kurban+tu huM hUM phaT badzra d+hA rA dz+nyA pa ya ti swAhA/ zhes pa la sogs pa zad par rnams kyi gtor ma'i sngags so/ /de ltar oM A hUM ho brahma bi k+Shu nai ri tya bA yu ya mAgni sa mu dre shwa ren+d+ra yak+She b+hya/ sa pa ri wA ra b+hya(rgyud 'grel): i daM ba liM gand+haM puShpaM/ d+hU paM/ dI paM/ ak+Sha taM da dE ma he/ te tsA gatya sa pa ri wA ra/ sh+rI g+h+raM i daM ba liM grih+nan tu khA dan+tu pi wAn+tu dza(rgyud 'grel): hUM baM ho(rgyud 'grel): saM tri pa tA(rgyud 'grel): sarba satwA naM shAn+ti puSh+TiM rak+ShA ba ra Na gupta kurban+tu huM hUM phaT badzra d+hA rA dz+nyA pa ya ti swAhA/ zhes pa ni phyogs skyong rnams kyi gtor ma'i sngags so/ /de ltar oM a(rgyud 'grel): hUM ho rA hu kA lAgni tsan+d+ra sUrya bu d+ha mi ga la shukra bri ha spa ti ke tu sha ne

  273. 136a

    b+hya:sa pA ri wA re b+hya(rgyud 'grel): i daM ba liM gand+haM/ puShbaM/ d+hU paM dI paM/ ak+Sha taM/ dA da mahe/ te tsA gatya sa pa ri wA rA:shI g+h+raM/ i daM ba liM grih+nan+tu khA daN tu/ pi wAn+tu/ dza:hUM baM ho:saM tri ba tA:sarbA satwA nAM shAn+tiM puSh+TiM rak+ShA ba rA Na guMptiM kurban+tu hUM hUM phaT/ badzra d+hA rA dz+nyA pa ya ti swAhA(rgyud 'grel): zhes pa ni gza' rnams kyi gtor ma'i sngags so/ /de ltar oM A:hUM ho dza ya bi dza ya pad+ma garko Ta ka bA su ka shaM kha pA la ku li kA nan+ta tak+Sha ka mahA padme b+hya(rgyud 'grel): sa pa ri wA re b+hya/ i daM ba liM gand+haM puShpaM/ d+hU paM/ dI paM/ ak+Sha taM da dA mahe/ te tsa a gatya sa pa ri wA rA:shI g+h+raM i daM/ ba liM grih+nan tu khA dan+tu pi wAn+tu dza(rgyud 'grel): hUM baM ho(rgyud 'grel): saM tri pa tA(rgyud 'grel): sarba satwA nAM/ shAn+tiM puSh+TiM/ rak+ShA ra Na gub ti kur ban tu huM hUM phaT badzra d+hA ra Adz+nya pa ya ti swAhA/ zhes pa ni klu rnams kyi gtor ma'i sngags so/ /de ltar oM a:hUM ho be tA Da bi kri ta mu kha shwa kA kA sU ka ra gri d+h+ra bya g+h+ro lU ka dza bu ka ga ru Da mu khe b+hya(rgyud 'grel): sa pa ri wA re b+hya(rgyud 'grel): i daM ba li gan d+haM/ puShpaM/ d+hu paM/ dI paM/ bAk+Sha taM/ dA da ma he/ de tsA gatya sa pa ri wA re(rgyud 'grel): shI g+h+raM/ i daM/ ba li grih+nan+tu kha dan+tu pi wan+tu dza:hUM baM ho/ saM tri pa tA/ sarba satwA naM shan+tiM puSh+TiM rak+ShA ba ra Na gupti kurpan+tu huM hUM phaT badzra d+ha ra dz+nyA pa yi ta swAhA/ zhes pa ni 'byung po rnams kyi gtor ma'i sngags so/ /de nas gshegs su gsol ba ni/ de yang de nyid las gsungs pa/ gshegs su gsol ba'i dus su/ gsang ba'i 'khor lor haM yig las khro bo'i 'khor lor gzhug par bya'o/ /gtsug tor du aM yig las zad par stong pa la sogs pa'o/ /dpral bar i yig las phyogs skyong gi 'khor lo'o/ /mgrin par ri yig las gza'i 'khor lo'o/ /snying gar u yig las klu'i 'khor lo'o/ /lte bar li yig las 'byung po'i 'khor lo rab tu gzhug pa zhes bya ba ni/ gshegs su gsol ba'i cho ga'o// //mgon po byis pa blo dman rnams

  274. 136b

    kyis dran phyir/ /dpal ldan 'jig rten mgon po nyid kyi bsgrub thabs/ /las ni phyung bas de'i phyir na yab dang/ mtshungs pa gang zhig mi gtsigs pa la bzod pa ltar du/ /bdag la rab tu brtse bas thugs rjes brlan pa bzod par mdzod cig /de ltar dpal dang ldan pa'i 'jig rten dbang phyug gis/ /sprul pa pad+ma dkar pos yang dag par mdzad pa'i dri ma med pa'i 'od las phyung ba/ /bcom ldan 'das dpal dus kyi 'khor lo'i sgrub thabs kyi cho ga'i rim par phye ba rdzogs so// dus kyi 'khor lo ba chen po paN+Di ta sA d+hu pu tra yis paN+Di ta chen po d+harmA ka shAn+ti'i don du mdzad pa/ rgya gar gyi paN+Di ta chen po wA gi shwar gupta pa dang/ sgra bsgyur gyi lots+tsha ba dge slong chos rab bdag gis bsgyur cing zhus te gtan la bab pa'o// (dpal dus kyi 'khor lo'i dkyil 'khor gyi cho ga zhes bya ba bzhugs so//) // */ /rgya gar skad du/ sh+rI kA la tsakra maN+Da lo pa yi kA bi d+hi/ bod skad du/ dpal dus kyi 'khor lo'i dkyil 'khor gyi cho ga zhes bya ba/ dpal dus kyi 'khor lo la phyag 'tshal lo// dngos dang dngos med rnam par mkhyen pas 'khor ba'i 'jigs pa rab tu 'joms par mdzad pa yi/ /thabs dang shes rab rang bzhin khyab bdag dpal ldan dus 'khor nges par gzhan gyi don mdzad la/ /phyag byas sems can don phyir rgyud gsungs cho ga bzhin du de yi dkyil 'khor cho ga nyid/ /rang gi don dang 'on kyang gzhan don du yang 'gyur bas yid la 'dod pa sgrub byed bshad/ /'dir thog ma med pa'i ma rig pa'i mun pa'i tshogs kyis blo'i mig bsgribs pas mi bden pa'i lam nas 'gro ba'i sems can gyi tshogs sdug bsngal spyod pa bsal bar nus par yang dag par mthong bas/ /snying rje mchog dang ldan pa'i mngon par shes pa thob pa'i dge slong ngam/ dge tshul lam khyim na gnas pa rnams sam/ snying rje dang ldan

  275. 137a

    pa la sogs pa mngon por shes pa med pa'i rdo rje slob dpon dang por bsnyen gnas kyi bslab pa la gnas pa la sogs pas dkyil 'khor du dbang bskur ba la sogs pa'i mya ngan las 'das pa'i grong khyer du 'jug pa'i lam gyis de rnams kyi spobs pa'i rim pa ji lta ba bzhin du rjes su bzung ba ni/ /de yang slob ma dam pa rnams kyis gsol ba gdab pa dang/ dge ba'i nyi ma la sogs pa la gtor ma dang mchod pa la sogs pa sngon du song bas/ dkyil 'khor gyi sa gzhi yongs su brtag par bya ste/ de yang grong khyer la sogs pa'i dbang ldan dang/ byang phyogs su zhi ba dang rgyas pa'o/ /shar dang me'i mtshams su dbye ba dang bskrad pa'o/ /bden bral dang lho phyogs su dbang dang dgug pa'o/ /nub dang rlung du rengs pa dang rmongs pa'o/ /grong khyer la sogs pa'i dbus su las thams cad pa'i dkyil 'khor bri ba ste/ de yang dbus cung zad mtho ba la shar dang byang cung zad gzhol ba'i sa gzhi ru bzung bar bya ba ni de yang dbye ba la bzhi ste/ bram ze dang rgyal rigs dang rje'u rigs dang/ dmangs rigs rnams kyis dbye bas kha dog dang dri dang ro rnams kyis shes par bya'o/ /zhi ba dang rgyas pa la dkar po'o/ /dbang dang dgug pa la dmar po'o/ /rengs pa dang rmongs pa la ser po'o/ /bsad pa dang bskrad pa la nag po'o/ /ro thams cad dang/ dri thams cad dang nam mkha' i khams rnam par dag pa las thams cad pa la ljang gu'o/ /der ni dong brus de nyid kyis/ myur bar dong nyid rab tu dgang/ /gal te dgang bar gyur pa na/ / sa gzhi de nyid dge bar shes/ /slar yang dong de mtho gang tsam/ /bru bar byas te chus bkang la/ /gom pa brgya ru 'gro bar bya/ /'ongs nas blta bar byas pa dang/ /gang bar gyur nas sa gzhi dge /dma' na dge bar mi 'dod spang/ /tshu

  276. 137b

    nyid sgra dang bcas tsam gyis/ /klu yi 'jigs sogs go bar bya/ /zhes pa ni sa gzhi brtag pa'o/ /de ltar slob dpon gyis sa'i mtshan nyid shes par bya la/ /dpyid zla 'dra'i bo dang dpyid zla ba chung ngam/ /zla ba gzhan rnams kyi tshes lnga 'am bcu la gdug pa'i gza' la 'jug pod la sogs pa dang bral ba'i dus kyi snga dro la/ /khru bzhi tsam ba lang gi lci bas byugs te/ /dkyil 'khor du brtags pa'i sa gzhi'i cha'i dbus su shar du kha phyogs te bsdad la lha'i rnal 'byor la gnas te/ de na gnas pa'i zhing skyong rnams la me tog la sogs pas mchod nas/ /'di na gnas pa'i lha klu dang/ gnod sbyin srin po 'am ni gzhan de nyid rnams la sa gzhi slong/ /dkyil 'khor don du de gsol cig /ces lan gsum du brjod nas gsung bar 'gyur ba'i cho gas dag pa la sogs pa byas la/ /grong gi ming ngam rang rang gi ming dang sngags 'dis gtor ma sbyin no/ /oM A(rgyud 'grel): hUM a mu ka sya sa pa ri wA rA ya/ i daM ba liM gand+haM puShbaM d+hU paM dI baM ak+Sha taM bA ma he sa pa ri wA ra(rgyud 'grel): shI g+h+raM a gats+tsha tu dza:hUM baM ho:ai daM ba liM grih+Na tu khA daM tu pi waM tu sa pa ri wA rA ka sarba satwA naM shAn+tiM puShtiM rak+ShA wA ra Na gu pa ti ka ro twi daM swA ni tyak+tA bA hya maN+Da la b+hu myi tiSh+Tha tu huM hUM phaT badzra d+ha rA dzrA pa ya ti swAhA/ zhes pa ni zhing skyong gshegs pa'i cho ga'o/ /de nas sgrub thabs su gsungs pa'i cho gas srung ba'i 'khor lo bsgoms te bgegs bsreg pa dang bskrad pa dang gdab pa rnams byas pa dang/ khro bo'i cho gas spros la phyogs bcu bsrungs nas sa'i lha mo spyan drang bar bya ste/ de'i rim pa ni rang gi snying gar zla ba dang sa gzhi la yang pad+ma'i steng du zla ba la lAM yig yongs su gyur pa las 'khor lo ser po'o/ /de yongs su gyur pa las sa'i lha mo zhal gsum phyag drug ma g.yas na 'khor lo dang

  277. 138a

    dbyug pa dang/ rdo rje rnams 'dzin pa/ g.yon na mdung dang lcags sgrog dang rdo rje dril bu rnams 'dzin pa na bza' ser mo dang rin po ches brgyan par bsams la/ /thugs ka'i sa bon gyi 'od zer gyis sngon du gsungs pa'i gzugs ltar/ dza:hUM baM ho zhes pa'i sngags kyis spyan drangs te/ dam tshig sems dpa' dang ye shes sems dpa' gcig tu byas nas yon chab snod chu dang dri la sogs pa dang bcas pa'i yon chab dbul ba'i tshigs su bcad pa 'di lta ste/ lha'i bdag po dang bcas bdud sde rgyal bas bcom dus lha mo khyod ni dbang du gyur pa'i tshe/ khyed la lha yi mchog gi mchod dang phyag rgyas bzhes pa'i phyir ni deng yi yon chab 'di yang bzhes/ /zhes pas bstod la/ /byang chub rgyu la stobs mchog ldan pa'i bdud kyi sde rnams rgyal bas bcom pa ji lta ba bzhin du/ /de bzhin bdag kyang slob ma rnams kyi dbang gi don du bdud kyi stobs rnams 'jig par byed pa'o/ /zhes pas gsol ba btab la sngags 'dis mchod do/ /oM laM A:hUM ba surd+ha ra sarba bud+d+ha dza na ni sarba sa two pa kA ri Ni badzra satwA dz+nyA pa ya ti shI g+haM mA gats+tshA gats+tshe daM go d+haM puShpaM d+hU paM dI paM nai pe tyaM pha lA k+Sha te da dA mi tA wa twa me wa grih+Na grih+Na maN+DaM lArthaM ma mas+thA naM da dA sarba satwa naM shan+tiM puSh+TiM kri to su b+ha tsit+te ne daM s+thA nAM tyak+tA pa ra spA naM gats+tsha gats+tsha swAhA/ zhes pa ni sa'i lha mo gshegs su gsol ba'i cho ga'o/ /de nas sangs rgyas dang byang chub sems dpa' rnams kyi phyogs bcu na nam mkha' i khams khyab par bltas la yon chab la sogs pa byin nas me tog la sogs pas mchod la/ de rnams la rab tu gsol ba gdab pa 'di lta ste/ sangs rgyas rnams dang sdig pa bral ba'i byang chub sems dpa' phyogs rnams la bzhugs gang dag btsun mor bcas/ /snying rje mchog ldan

  278. 138b

    de nyid rnams kyis bdag la dkyil 'khor du ni dbang bskur don du skyabs su gsol zhes bas so/ /de nas bgegs dang log par 'dren pa la sogs pa gzhan rnams rdo rje lcags kyus dgug par bya'o/ /rdo rje zhags pas bcing bar bya'o/ /rdo rje phur bus khro bo'i rgyal po'i lte ba man chad mdung gi rnam pa can sdang ba rnams kyis steng nas 'debs par bsams pa'i sngags kyi rkang pa 'di lta ste/ oM A(rgyud 'grel): hUM ho he k+Sha(rgyud 'grel): hUM hUM phaT phaT/ badzra kI la kA ya bAk+tsit+ta dz+nyA nA d+hi pa te Sha Ta mu kha Sha Ta pu dza Sha Ta sarbA tsa ra Na sarba big+haM bi nA yA kA di duSh+Ta naM/ kA ya bAk+tsi t+ta dz+nyA na kI la ya ki la ya hUM hUM phaT de nas rdo rje tho pa'i sngags ni/ oM l+li badzra mung+ga ra mA rA dI nAM shi ra si kanThe h+ri da ye na b+hyo gu hyAn te badzra kI la kan ko Ta yA ko Ta ya k+ShaM k+ShaM k+ShaM k+ShIM k+Sh+riM k+Sh+rIM k+ShuM k+Sh+ShaM k+ShliM k+ShlIM/ hUM hUM hUM phaT phaT phaT/ zhes brjod cing tsandan dmar pos byug pa kha dog lnga yi skud pas dkri/ steng gi phyogs su me tog dang grub pa'i yungs kar gyis bcings la/ seng ldeng las byung ba'i mkhrang ba'i phur pa mchur sor bcu gnyis pa sgoms su sor bzhi pas sa gzhi'i phyogs bcu ru gdab par bya'o/ /de rnams la khro bo rang rang gi mtshon cha dang bcas pa bcu spros la 'god do/ /'di ni sa gzhi phur bus bsrung ba'i don du bgegs rnams la phur bus gdab pa'i cho ga'o/ /de nas de ltar bgegs med par bsams la lto 'phye brtags par bya ste/ dkyil 'khor gang du byed pa'i sa gzhi der sa stegs zu bzhi pa byas la/ sa gzhi de nyid kyi dbus su lto 'phye nyal ba la sogs pa'i mtshan nyid shes par byas la sa gzhi dag par bya'o/ /de yang nyi ma bgrod pa'i dbye bas ston zla ra ba la sogs pa zla ba gsum gsum rim pa ji lta ba bzhin du shar dang lho dang nub dang byang gi phyogs rnams su mgo bstan nas lha la sogs pa kha ltas pa ste sa gzhi de'i dbus su

  279. 139a

    lto 'phye nyal zhes bshad pas so/ /de ltar shes par byas la/ /byang phyogs kyi sgrub pa po dang stabs gcig tu rdo rje khu tshur gyis skur pa bzung ste me dang rlung du gnas nas shar dang lho dang byang dang nub gi phyogs ngag tu g.yas skor gyi 'gro zhing thig brkyang ngo/ /yang de ltar bskor zhing sa brko bar bya'o/ /lto 'phye'i lte ba'i phyogs nas te lto pa las khru gang spangs pa 'am ste ba'i thang so spangs pa'o/ /de bzhin de nyid la rngo pa gnas na rlung gis 'jigs par 'gyur ro// rus pas ni gzer bar 'gyur ro/ /gyo mog gis ni lkugs par 'gyur ro/ /spun pa dang sol bdag gis ni rims sam 'chi bar 'gyur/ /skra dang rtswa dang thal ba dang shing bu la sogs pa rnams kyis ni bar gcod phra mor 'gyur ro/ /rgyu mtshan des na de rnams dor bar bya'o/ /gal te de nas rin po che 'am dung ngam mching bu rnams byung na shin tu dge bar 'gyur ro/ /sngon du gsungs pa'i mtshan nyid dang ldan pa'i sa gzhi ma rnyed na chu 'am rdo mthong ba'i bar du brkos las de rnams dor te/ sa gzhan gyis gang pa ni dri dang ro yi don du las kyi bye brag gis sa'i bye brag ste/ sa dkar po la tsandan gyi chu dang bska ba dang kha ba dag gis bsres pas dgang ngo/ /dmar po la pad+ma'i chu dang tsha ba gsum gyis so/ /ser po la bung bu dang rta dang mi rnams kyis gcin dang bu ram gyis so/ /nag po la sha rul dang lan tshwa dang sgyur ba rnams kyis so/ /de nas dkar por zhi ba la sa'i snying por shel gzhug par bya'o/ /rgyas pa la dung ngo/ /rims gzhom pa la mu tig go /dmar po la dbang du bya ba la go ngo tsa na'o/ /dgug pa la 'tshal lo/ /dug rengs pa la ldong ros so/ /ser po phur bus gdab pa la lug gi rwa'o/ /rengs pa la ba bla'o/ /rmongs pa la sbrul lo/ /nag por gsad pa la mi'i rus pa'o/ /bskrad pa la bya rog gi sgro'o/ /ljang

  280. 139b

    gur ni rin po che lnga rnams gzhug pa'o/ /de nas dpangs la khru phye dang do pa kun du mnyam pa cung zad du rus sbal gyi rgyab 'dra ba shar dang byang gzhol ba'i dkyil 'khor gyi sa gzhi bca' o/ /gzhan yang brjod pa/ ro'i skyon rnams ma lus pa/ /dbyung bar nus par ma gyur na/ /lag pa gzhag la sngags nyid bzlas/ /de nyid dag pa chen por bshad/ /khang bzang rdo ste 'brog dang lam/ /khang bzangs la sogs chu 'gram dang/ /sngon du dag par byas pa rnams/ /ma sbyangs pa nas dag pa yin/ zhes gsungs pas 'on kyang rdo rje shugs kyi rnal 'byor gyis 'dir bgegs bskrad pa ni/ /yi ge bdun pa bzlas pa'i yungs kar dang chu dang thal ba rnams kyis bsnun pa dang/ shar nas brtsams nas rnam lngas sa gzhi la byug gcal la yang sbyang pa 'di lta ste/ oM b+hu(rgyud 'grel): khaM zhes brjod la nam mkhar bya'o/ /de nas hUM laM hUM zhes pas rdo rje'i sa gzhir bsams nas/ oM me de ni badzrI b+ha ba badzra band+ha hUM/ oM ha na ha na badzra kro d+ha hUM phaT/ oM A(rgyud 'grel): hUM sho d+ha ya sho d+ha ya rak+Sha rak+Sha hUM hUM phaT zhes pa'i sngags brjod cing/ /thal mo sa la bzhag la byin gyis brlab po/ /de nas sngon du gnas gzhan du gshegs pa'i sa'i lha mo yid kyi spyan drangs la gtor ma dang zhabs bsil la sogs pas mchod nas/ /oM A:hUM ho haM k+Sha(rgyud 'grel): zhes pa brjod la pad+ma'i lag bskor byas pa dang/ de nyid du thim par bsam mo/ /de nas rkang pa bcu drug pa'i sngags brjod pa dang khams gsum po stong par ro/ /gcig par bstan par nges pas gzhi rnam par dag pa'i rang bzhin de bzhin nyid du lhag par mos par bya ba 'di ni gong na med pa'i rnam par dag pa'o/ /de nas me tog gi phreng ba sna tshogs pa dril bu dang bcas pa dang/ na bza' sna tshogs dang bla re rnams kyis dkyil 'khor gyi sa gzhi thams cad legs par brgyan par

  281. 140a

    bya'o/ /'di ni sa sbyang ba'i bye brag gsum gyi cho ga'o/ /de nas me tog gis spras pa'i dkyil 'khor gyi sa gzhi'i dbus su bsdad la rdo rje dang/ rdo rje dril bu bzung nas bri bya'i dkyil 'khor gyi rnal 'byor dang ldan pas srung ba'i 'khor lo la sogs pas bgegs rnams brlag par bya ba ni spos snod bzung ste/ lce hUM las rdo rjer bskyed nas brjod pa/ phyogs rnams kun na bzhugs pa yi/ /sangs rgyas bdag la dgongs su gsol/ /'dir ni cho ge rdo rje bdag dkyil 'khor 'bri bar 'dod pa yi/ /sangs rgyas la sogs byon par zhu/ /'dir ni dngos grub rab tu gsol/ zhes rdzogs pa'i sangs rgyas la sogs pa la gsol ba btab pa dang/ shar la sogs pa'i phyogs bzhin gnas pa'i slob ma bzhi 'am gsum la sogs pa 'am/ slob dpon nyid kyi rdo rje dril bu bzung la/ /don yod grub pa la sogs pa'i rnal 'byor rim pa bzhin du de dang de ru 'gro zhing/ /sems dpa' kun las sems chen po/ /rang bzhin dag pas dri ma med do/ / kun tu bzang po thugs kyi mchog /dkyil 'khor dam pa bshad du gsol/ /de bzhin gshegs kun rang bzhin bral/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /chos rnams zhi ba las byung mchog /rnam par dag pa'i ye shes spyod/ /kun tu bzang po gsung gi mchog /dkyil 'khor dam pa bshad du gsol/ /mtshan nyid thams cad yongs su rdzogs/ /mtshan nyid bral ba rnam par spangs/ /kun tu bzang po sku yi mchog /dkyil 'khor dam pa bshad du gsol /zhes pa'i tshigs su bcad pa bzhi'i rim pa bzhin bdag nyid kyis gsol ba 'debs su gzhug pa la sogs bya'o/ /de nas dkyil 'khor gyi 'khor lo spro ba la sogs pa sngon du song

  282. 140b

    bas bsgoms pa'i dkyil 'khor rdo rje khu tshur gnyis bcings te mdzub mo bsgreng ba rtse mo sprad pa 'og tu phyogs pas spyi bor gzhag la/ /hUM badzro tiTha zhes pa brjod de nam mkha' la gdeg go /skyil mo krung bkrol te langs nas shar du phyogs pa dang mnyam par bsdad la/ /thal mo spyi bor sbyar la de bzhin gshegs pa rnams la phyag byas pa dang/ /sems can rnams ma rig pa'i mun par lhung ba bdud kyi byin gyis brlabs pa mthong nas bdud de rnams brlabs par bya ba'i don du skad cig gis rdo rje shugs kyi sku khro gnyer dang mche ba gtsigs pa dang ldan par byas nas mig g.yas par ma las nyi ma dang g.yon par Ta las zla ba dang mig 'bras la hUM las dus mdza' i me dang mtshungs par ldan pa'i rdo rje'i lta stangs 'di sa phyogs thams cad kyis 'gro bar bltas la/ nga rgyal bskyed pa ni/ bdag ni dpal ldan rdo rje 'chang/ /bdag nyid rdo rje shugs nyid do/ /bdag ni sangs rgyas rgyal po che/ /bdag ni stobs chen rdo rje'o/ /bdag ni rnal 'byor dbang po'i rgyal/ /bdag ni phyag rgya rdo rje bstan/ zhes pas so/ /de nas rkang mthil du 'bar bzhin pa'i rdo rje bsgoms la gsung bar 'gyur ba'i rim pas 'gying ba dang bcas pa'i pad+ma'i lag bskor bya/ /rdo rje gsor dril bu dkrol dbang ldan nas brtsams te g.yas bskor gyis rdo rje'i 'gros kyis bcag par bya ba ni/ slob ma dang bcas pas saM gcig pus dkyil 'khor gyi sa gzhi la gar bya ba ste/ mig dag lag dag dpyi dag dang/ /rkang rtsibs logs kyis g.yas bskor bya/ /mdangs dang brjid kyis sbyor ba yis/ /g.yas min pa yang de bzhin no// de ltar rgyun gyis gar byas nas/ /bsdus te bskor byas de nas yang/ /myur ba'i brjid kyis de bzhin gar/ /bya zhing gtso bo'i gzugs kyis bskor/ /lus ngag yid rnams brtan gnas pas/ /gson cig bgegs kyi tshogs rnams

  283. 141a

    kun/ /dpal ldan rdo rje 'dzin bdag gis/ /bka' stsal bzhin du mi byed na/ /rdo rje 'bar ba 'di yis ni/ rigs gsum las byung 'joms par byed/ /gal te bdag gis bka' bzlas na/ /rnam par rlag 'gyur gzhan du min/ /zhes pa lan gsum brjod cing khro bo dpag tu med pa spros la bgegs rnams bcom ste/ dkyil 'khor gyi sa gzhi'i 'og gi bar du hUM las byung ba'i rdo rje'i rang bzhin du byin gyis brlab po/ /'dir 'chag pa'i dus su so so bdag nyid kyi g.yon na gnas pa'i dril bu'i nang du bdag nyid kyi rdo rje gzhug par bya'o/ /de'i rdo rje'i bdag nyid kyi g.yon gyi dril bu ru'o/ /de bzhin du mdun dang g.yas dang rgyab rnams la yang ngo/ /de nas huM hUM las byung ba'i rdo rje rtse lnga pa rkang pa'i 'og tu rnam par bsams la rdo rje rtse lnga pa'i phyag rgyas rkang pa'i mthil du reg ste/ /rkang pa'i mthil gyis rdo rje des sa gzhi'i dpus su bcag pa ni g.yas brkyang dang g.yon brkyang dang mnyam pa'i rkang stabs kyis yongs su bskor ro/ /rkang mthil du yaM yA(rgyud 'grel): bkod la ral gri'i phyag rgyas reg ste/ shar du zlum po'i 'dug stangs kyis so/ /raM ra(rgyud 'grel): bkod la rin po che'i phyag rgyas reg ste lho ru ral pas so/ /laM lA(rgyud 'grel): bkod la 'khor lo'i phyag rgyas reg ste nub tu sa ga'o/ /waM wa(rgyud 'grel): bkod la pad+ma'i 'dug stangs kyi ma byin gyis brlabs nas bcag pa'o/ /de yang lag pa gnyis thal mo sbyar bar byas te mthe bong dag sbyar te de ltar mthe'u chung dag kyang ngo/ /gung mo dag steng du sbyar nas de dag gi rgyab tu mdzub mo gnyis zla ba phyed pa'i rnam par dgug go /srin lag gnyis rang rang gi lag mthil du son pa 'di ni rdo rje rtse lnga pa'i phyag rgya'o/ /rdo rje khu tshur bcings te gung mo dang mdzub mo sbyar te bsgreng bar ral gri'i phyag rgya'o/ /sor mo lnga sbyar te gung mo dbus nas steng du cung zad phyung ba rin po che'i phyag rgya'o

  284. 141b

    sor mo rnams 'khor lo'i rtsibs kyi rnam par brkyang kyi 'khor lo'i phyag rgya'o/ /mthe bong dang mthe'u chung sbyar te lhag ma rnams brkyang pa pad+ma'i phyag rgya'o/ /de nas rkang pa g.yon bskum ste rkang pa g.yas pa mtho lnga ru brkyang nas rol pas drang por gnas pa 'di ni g.yas brkyang ngo/ /de las bzlog pa ni g.yon brkyang ngo/ /rkang pa gnyis kyi sor mo rnams mnyam par gnas pa mnyam pa'i 'dug stangs so/ /rkang pa gnyis kyi bar la sor mo nyi shu rtsa drug dang ldan pas pus mo ya gcig gyen du cung zad bkan pas rol pa'o/ /rkang pa gnyis kyi bar la sor mo nyi shu rtsa bzhi rang ldan pas/ /pus mo gnyis rgyab tu cung zad bkan pas ga'o/ /sa ga las dang pa'i gshog pa ltar byas te bar la khru de byas pa zlum po'o/ /de nas dkyil 'khor gyi sa gzhi la dri yis byugs la/ /badzra gand+ha zhes pa la sogs pa'i sngags kyi rkang pas yang dag par mchod do/ /yang sngon gyi cho gar gsungs pa ltar rdo rje sa'i lha mo spyan drang pa'i sngags ni/ /oM lAM tUM badzra b+hU mi tiShtha ma tsa la huM hUM phaT badzra d+ha rA dz+nyA pa ya swAhA/ zhes pa yis te de las slar yang yon chab la sogs pa sbyin par bya'o/ /'di ni sa lhag par gnas pa'i cho ga'o/ /gal te gang zhig sa lhag par gnas pa'i sngon du sa yongs su bzung ba dang bgegs la phur bus gdab par 'dod pa yod de/ /de ni yang dag pa ma yin no/ /gang gi phyir na lhag gnas la yongs su bzung ba don yod pa'i phyir dang/ /bgegs la phur bu gdab pa'i cho ga yang sa sbyang ba'i dus su rigs te/ srung ba'i 'khor lo bsgoms pas bgegs sreg cing rnam par bcom nas phur bus btab ste sa sbyang bar rigs pa'i phyir ro/ /de yang rgyud las/ de rnams kun la gsol ba btab ste/ seng ldeng las byung mkhrad pa'i phur pa rnams kyis ?

  285. 142a

    gdab zhes gsungs pas so/ /gal te dus gsum du mnyam par bzhag pa'i dus su yang bgegs la phur bus gdab par 'dod pa la nyin mtshan gyi bar du chod la ci'i phyir mi 'dod ce na/ bsgom pa'i dus su 'dod de/ 'on kyang seng ldeng la sogs pa'i phur bu mi 'dod do/ /khyod kyi 'dod pa ltar na tshon bri ba'i skabs su yang bgegs la phur bu 'debs pa'i cho ga dgos par thal lo/ /sa lhag par gnas pa'i sngon du byas pa'i phyir 'dir thal te ci'i phyir zhe na/ 'on te sa sbyang ba'i skabs su de ltar byas pa'i phyir sa lhag par gnas pa'i sngon du bgegs la phur bu gdab pa'i cho ga dgos par mi 'gyur ro/ zhes pa'o/ /de nas slob ma rnams khrus byas pa dang dri zhim pas lus la byugs te/ 'chad par 'gyur ba'i cho gas shing gis brtag par byas pa dang/ de'i 'khor lo drug rnams su zla ba la sogs pa'i gdan drug la ring po drug gis thabs kyis rigs rnams la sku gsung thugs kyi bye brag gis bsrung bar bya'o/ /thung ngu drug gis shes rab kyi la'o/ /de ltar rab tu gnas par bya ba yang ste lugs ma la sogs pa la'o/ /po ti rnams la thung ngu rnams kyis so/ /de nas gsol ba gdab par bya ba ni/ sems can rnams ni thar ba'i rgyu ru dpal ldan dus kyi 'khor lo'i dkyil 'khor bdag gi bri bar bya/ zhes pa de'i phyir sangs rgyas dang byang chub sems dpa' rnams kyis slob ma la sogs pa rnams la byin gyis rlob par byed do/ /'di ni slob ma gzung ba'i cho ga'i rim pa'o/ /de nas dkyil 'khor gyi sa gzhi la yi ge drug pa bzlas shing dri zhim po dang bdud rtsi lngas nye bar byugs te/ me tog gi tshogs chal mar bkram la lus la khrus byas dri zhim pos byugs na bza' dmar po dang/ me tog gi phreng bas brgyan rna rgyan dang mgul

  286. 142b

    rgyan dang/ lag gdub dang rkang gdub dang ske rags dang/ gtsug gi nor bu dang thal ba dang zla ba phyed pa dang/ mchod phyir thogs dang stag gi pags pa rnams kyi rgyan sgrub thabs su gsungs pa ltar sngags kyis byin gyis brlabs la brgyan par bya'o/ /de nas dkyil 'khor gyi shar du gnas nas nub tu kha phyogs te dkyil 'khor gyi gtso bo'i rnal 'byor dang ldan pas lha rnams kyi bzhugs gnas go bar byas la tsandan dang gur gum la sogs pas maN+Dal byas te/ de dang de rnams su dam tshig gi 'khor lo rnam par bsgoms la de rnams la nam mkha' gnas pa'i ye shes sems dpa' spyan drangs te gzhug pa dang/ mchod pa dang bstod pa dang bdud rtsi myang ba'i cho ga rnams byas la bsgom bya'i dkyil 'khor gyi shar la sogs pa'i phyogs rnams la bum pa drug gam bcu lhag par gnas par bya ba ni/ /de yang zhi ba dang rgyas ba la bum pa'i nang gi rgya la sor bcu drug ba srid du 'og nas mchu'i bar la sor nyi shu pa mchu 'og tu 'phyang ba la sor gnyis pa/ mgrin pa la sor drug pa kha'i mchu nas mchu la sor brgyad pa brgyad kyi cha gnyis dbus kyi bu ga pa la yod pa mchu gnyis la cha gcig pa/ gsad pa la dur khrod kyi sol ba dang/ mi'i zhag gis byugs pa'i mi'i thod pa'o/ /dbye ba dang bskrad pa la bum pa'i nang gi rgya la sor bcu gnyis pa srid du sor bcu bzhi pa/ mgrin pa la sor brgyad de cung zad 'khyogs pa kha la sor drug ba mchu la sor gcig ba'o/ /dbang dang dgug pa la gzo bos ji ltar byas pa'i bum pa'o/ /rengs pa la thung zhing rgya dang srid du sor bcu drug pa/ mgrin pa la sor bzhi pa kha la sor drug pa mchu la sor gnyis pa'o/ /las thams cad pa la zhi ba la sogs pa'i las la bshad pa'i

  287. 143a

    bum pa gzung bar bya'o/ /gser ram dngul lam shel lam zangs rnams las byas pa'i bum pa ji ltar rnyed pa 'am/ gser la sogs pa med na bshad pa'i mtshan nyid dang ldan pa rnams stong par byas te/ baM las rin po che'i gzugs su bsams la zhi ba dang rgyas pa'i don du 'bras sam rde rgyus sam tsandan dkar pos byugs/ lha rnams kyi mtshan ma bri/ /bdud rtsi lnga dang bcas pa'i dri zhim po'i chu dang rin po che lnga dang/ sman lnga dang 'bru lnga rnams nang du'o/ /mdzes pa'i shing dang ldan pa/ mgrin par ras zung gis dkris pa bla re'i 'og chu 'chad par 'gyur ba'i rdul tshon gyis dkyil 'khor la mtshan ma dgod pa'i rim pa ltar dkyil 'khor gyi rnam par dri zhim po'i maN+Dal ji ltar rigs pa'i gdan so sor byas pa'i steng du mdun du bzhag go /de yang ras kyi skud pa dkar/ /mkhas pas cho ga bzhin du dkri/ /zhes pa 'di'i 'dod pa ltar na hUM lan bdun brjod pa'i skud pas oM badzra she kha re du Dma Ta dI shAM b+hand+ha band+ha hUM/ zhes pa'i sngags kyi dkri bar bya'o/ /da ni nang gi 'bru bcud rnams bstan pa/ in+d+ra nI la dang/ pad+ma rA ga dang/ zla ba chu shel dang/ karke Ta dang ke ke ru rnams dang/ gser dang dngul dang zangs dang rnon po dang khab len te lcags rnams dang de bzhin mu tig dang byu ru dang/ mu men dang shU la ma ni dang/ thig le drug pa rnams ni 'bring po'o/ /shel dang mchod dang gzi dang mching bu dang/ nor bu sngo ba sangs rnams ni tha ma'o/ /de rnams med na dri zhim po'i me tog kha dog lnga yis so/ /yang brahma daN+Di cha gnyis dang biSh+Nu krAn+ta cha gcig dang/ ru tra dza TA cha gsum dang/ a'i shA ri cha bzhi dang/ de wA DA li cha lnga la sogs pa rnams so/ /yang til dang nas dang sran ma ma Sha dang so ba dang/ go la sogs

  288. 143b

    pa rnams so/ /yang sgyur shing dang na ga ge sar dang/ mya ngan med dang byang chub shing dang/ u dumpA ra la sogs pa'i shing rnams so/ /yang ras ni sngon po dang/ nag po dang dmar po dang/ dkar po dang ser po dang rnams so/ /rnam rgyal gyi bum pa la sna tshogs pad+ma'i lte ba la dkar po dang dmar po dang nag po dang ser po ste/ zla ba dang nyi ma dang sgra gcan dang dus kyi me'i dkyil 'khor rnams kyi steng du rdo rje rtse gsum pa sngon po bcom ldan 'das kyi'o/ /shar gyi bum pa la ral gri nag po/ /lho'i la rin po che dmar po/ nub kyi 'khor lo ser po/ byang gi la pad+ma dmar po/ me mtshams kyi la ral gri /bden bral gyi la pad+ma dmar po/ /bde byed kyi la utpal dkar po/ /rlung gi 'khor lo ser po rnams bri shing/ nub kyi rgyal ba'i bum pa la gri gug bri bar bya'o/ /rnam par rgyal ba'i bum pa'i steng du rnam par rgyal ba chen po'i dung bzhag go /de rnams las rnam par rgyal ba chen por rin po che ljang gu'o/ /rgyal ba dang rnam par rgyal bar sngon po'o/ /shar dang mer nag po'o/ /lho dang bden bral du dmar po'o/ /byang dang dbang ldan du dkar po'o/ /nub dang rlung du ser po'o/ /de ltar khab len dang rnon po dang/ zangs ma dang dngul dang gser rnams kyang ngo/ /de ltar sman rnams cha gcig par rnam par rgyal ba la'o/ /de ltar cha gnyis pa dang gsum pa dang bzhi pa dang lnga pa rnams rim pa bzhin shar dang me dang lho dang bden bral dang byang dang dbang ldan dang nub dang rlung rnams kyi bum pa rnams su'o/ /thams cad gtums pa rnam par rgyal ba chen por bcug ste/ de gtso bo bya ba kun byed pa'i rnam rgyal steng du bzhag la der sngar bstan pa'i bdud rtsi lnga dang bcas pa'i dri zhim po'i chu blug me tog gi phreng bas brgyan oM badzrA mri to ta ka tha hUM/ zhes pa dang/ yi ge drug pa lan bdun bzlas te/ de ltar bdud rtsir byas la de'i nang oM tApte tApte mahA

  289. 144a

    tApte swAhA/ zhes pas lha'i chu'i rang bzhin spyan drangs pa dang/ lha'i 'khor lo la gdan dang bcas pa rnam par bsams la rang gi snying ga'i sa bon gyi 'od zer gyis ye shes pa spyan drangs te/ zhabs bsil dang thor thung dang yon chab la sogs pa sngon du song ba dang/ de nyid dam tshig gi 'khor lo la gzhug go /de'i nang du chags pa chen pos zhu ba dang/ byang chub sems kyi gzugs su ro gcig tu gyur pa rnam par bsam mo/ /yang mtshan ma las dam tshig gi lha dang ye shes kyi lha yang ro gcig tu gyur bar blta'o/ /de yang me tog gi phreng ba dang ldan pa'i rdo rje gzung bas rnam rgyal gyi bum pa la sogs pa la reg la 'khor lo'i gtso bo'i snying po'i sngags brgya rtsa brgyad dang/ oM haM hAM haM hIM h+riM h+rIM huM hUM hliM hlIM badzra padmA mri ta g+ha Ta su be shud+d+ha d+harmA d+hA tu swa b+ha ba sarba d+harmAM su bi shud+d+ha d+harma d+hA tu swa b+hA wa ku ru ku ru swAhA/ zhes pa'i sngags bzlas shing dkyil 'khor gyi dbus su rnam par rgyal ba'i bum pa bzhag go / bum pa gzhan rnams ni lha rang rang gi sngags nyi shu rtsa gcig dang sngags 'di lan nyi shu rtsa gcig bzlas te rang rang gi gnas su bzhag go /de nas rnam rgyal la sogs pa'i bum pa rnams me tog la sogs pas yang dag par mchod nas/ ji srid dkyil 'khor gyi bya ba rdzogs kyi bar de srid du bgegs rnams srung bar gyis shig ces brjod la gtor ma byin pa dang de rnams la reg ste/ mchog sbyin rdo rje mchog khyod 'dud ces pa la sogs pas bstod pa sngon du song ba dang dril bu dkrol bas bya ba'i sngags ni/ oM h+raM h+rIM h+riM h+rUM hlIM hAM(rgyud 'grel): oM badzra satwA ya swAhA/ oM a mo g+ha sid+d+hA ye swAhA/ oM ratna saM b+ha wA ya swAhA/ oM a mri tA b+hA ya swAhA/ oM bai ro tsa nA ya swAhA/ oM tA re tut+tA re tu re

  290. 144b

    swAhA/ oM pAN+Da ra wA saM ni wA ra de swAhA/ oM mA ma kI ki ri ki ri swAhA/ /oM lo tsa na ba su de swAhA/ zhes pa'i sngags kyis so/ /de nas gzhon nu mas bkal ba'i skud pa dpa' bos bcad pa ltar nyos pa dang kha dog bzang po lngas bsgyur la/ oM AM aM rIM a'uM liM badzra sU tra sarba d+harme ka swa b+ha wA sarba d+harmo ne kA kA ra swa b+hA wAM ku ru ku ru swAhA/ zhes pas byin gyis brlabs la dri la sogs pas mchod de shar phyogs kyi sa gzhi la bzhugs su gsol lo/ /de nas mu tig la sogs pa 'am 'bras yA li la sogs pa las byung ba'i legs par chos su bcos pa'i tshon rnams la/ oM aM iM riM uM liM su bi shud+d+ha pany+tsa skand+ha swa b+hA wa pany+tsa skandu na su bi shud+ha d+harmAM ku ru ku ru swAhA/ zhes pas byin gyis brlabs te/ dri la sogs pa byin te tshod gyi snod rnams nub phyogs su bzhag go /de nas rdo rje mtshan nyid dang ldan pas oM huM kro d+ha badzra sarba satwa kA ru NAt+ma kA sarba d+harmai ka su kha swa wa sarba d+harma nA badzra su kha swa b+hA waM ku ru ku ru swAhA/ zhes pa dang bcas pas lho phyogs su bzhag go /de nas rdo rje dril bu la oM ho(rgyud 'grel): badzra g+haN+Te sarba d+harmai ka pradz+nyA d+hA ni swa b+hA we sarbA kA re sarbA d+harmA pra b+ho d+ha ni sarba d+harmA na ni swa b+hA we na pra b+ho d+ha ya pra b+ho b+ha ya swAhA zhes pa dang dri la sogs pa byin la byed phyogs su bzhag par bya'o/ /'di ni bum pa la sogs pa lhag par gnas pa'i cho ga'o/ /de nas dkyil 'khor gyi sa gzhi la dri zhim po'i me tog rab tu dgram par byas nas lha rnams kyis so sor bdud rtsi lnga dang bcas pa'i dri zhim pos maN+Da la byas te/ de nyid la rang gi snying gar gnas pa'i sa bon gyi 'od kyis 'khor lo'i gtso bo dang bcas pa'i lha tshogs spyan drangs la gdan rnams la rim pa bzhin bzhugs par byas pa dang/ zhabs bsil la sogs pas yang dag par mchod de/ bstod pa dang bdud rtsi myang bar byas nas pus mo g.yas

  291. 145a

    pa sa la btsugs te lce hUM las rdo rje rtse gcig pa hUM gis mtshan pa bskyed la lag pa g.yas pas spos snod bzung ste g.yon pas dril bu dkrol zhing brjod pa/ bcom ldan dus kyi 'khor lo nyid/ /rigs sngags rgyal la phyag 'tshal lo/ /dkyil 'khor snying rje'i bdag nyid can/ /bri bar 'dod do mgon po kye/ /slob ma rjes su gzung phyir dang/ khyod nyid mchod par bya ba'i phyir/ /de phyir bcom ldan nyid la bdag /gus pa bka' drin gnang bar zhu/ / bdag la dgongs shig sangs rgyas rnams/ /'gro la 'khor lo'i bya ba ster/ /lam la gnas pa'i byang sems dang/ /gang dag sngags kyi lha rnams dang/ /phyogs skyong rnams dang lha gzhan dang/ /byang chub mthar skyong 'byung po dang/ / bstan pa skyong ba'i sems can dang/ /gang dag rdo rje'i spyan ldan dang/ /bdag ni rdo rje che ge nyid/ /dus kyi 'khor lo'i dkyil 'khor ni/ /'gro rnams dag phyir dri bar bya/ /ji ltar nus pa de bzhin du/ /rjes su brtse ba dang ldan pas/ /bdag dang slob mar bcas pa la/ /dkyil 'khor dang bcas ma lus la/ /nye bar bya bar mdzad du gsol/ /zhes pa'i don go bar byas la lan gsum du gsol ba gdab bo/ /yang me tog la sogs pas mchod pa bya'o// 'di ni lha lhag par gnas pa'i cho ga'o/ /de nas srung ba'i 'khor lo sgom pa sngon du song bas bcom ldan 'das kyi rnal 'byor la dmigs par bya'o/ /yang gshegs su gsol ba dang/ /rkang pa bcu drug pa'i sngags lan bdun bzlas te 'chang par 'gyur ba'i cho gas nyal bar bya'o/ /de yang ji srid dge ba'i mtshan ma mthong ba'i bar du ste/ /mi dge ba mthong na gsung bar 'gyur ba'i cho gas gtor ma sbyin par bya'o zhes so/ /de nas dam tshig 'da' bar the tshom na/ /slob ma min pa mi

  292. 145b

    gzhug go /zhes gsungs pa'i phyir/ /sgo rnams su mngon du rang gi dbang bskur ba'i slob ma mtshan nyid dang ldan pa gsung bar 'gyur ba'i brtul zhugs kyis nges pa dang ldan pa rtsa ba'i ltung ba bcu bzhi dang bral ba gsung bar 'gyur ba'i sdom pa sngon du song bas sam/ slob dpon gyi sdom pa sngon du song bas shar gyi sgo ru bsdad pa la lhag par gnas pa'i cho gas gdul byar gyur pa lhag par bya'o/ /de yang bzhi'i bya ba 'am gcig gis sam/ gzhan yang lnga pa las kyi rdo rjes sam/ de rnams med na rang nyid kyis bya ba'o/ /de ltar slob ma lhag par gnas pa tsam bya ba'o/ /lhag par gnas pa'i don du dkyil 'khor gyi lha rnams gzhug pa la yang dag par mchod pa dang/ ye shes kyi thig la sogs pa'i don du dkyil 'khor gyi sa gzhi'i steng gi nam mkha' la blos dmigs nas mtshan ma mthong ba dang/ kha shar du phyogs te dkyil 'khor gyi gtso bo'i rnal 'byor dang ldan pas sngar brjod pa'i thig skud lag pa g.yon pa'i mthil du sor mo'i rtse mo dang rtsa ba'i bar du bzung la/ /oM A(rgyud 'grel): hUM ho haM rnams las byung ba'i de bzhin gshegs pa lnga'i thugs ka rnams su oM yig la sogs pa las yongs su rdzogs pa'i ye shes kyi thig 'od zer gyis rang bzhin ltas la/ oM A(rgyud 'grel): shA shwa ta badzra(rgyud 'grel): sU trAM me pra yats+tsha ma hA maN+Da la sU tra Na ya hUM/ zhes pa'i sngags kyis rnam par snang mdzad la gsol ba gdab po/ /de nas ming rjes na radna saM lha ba la sogs pa yang ngo/ /ja yig las byung ba'i zla ba dang nyi ma ser po mig gnyis la bkod de/ oM dIpta dri Sh+TAM ku shi dza(rgyud 'grel): zhes brjod la mig rab tu bskyod cing rdza mas 'gugs pa ni 'bar bzhin pa'i lta stangs kyi lcags kyu lta bus rnam par snang mdzad la sogs pa spros la de rnams bkug cing bkug la lag na gnas pa'i thig so so'i

  293. 146a

    kha dog la gzhug go /de lta bu des 'di rnams me long lta bu'i ye shes la sogs pa ye shes lnga'i bdag nyid do/ /de nas slob ma rnams rnam par snang mdzad dam rdo rje shugs kyi gzugs byas la de dang stabs gcig tu dang po thig skud lnga lnga re re ru bkal ba de nas de ltar bkal ba lnga skud pa gcig tu bya ba ni/ oM A(rgyud 'grel): a n+yo n+yA nu ga ta(rgyud 'grel): sarba d+harmA spa ra spa ra nu pra waSh+Ti(rgyud 'grel): sarba d+harmA dyan+ta nu waSh+Ti sarba d+harmA oM A(rgyud 'grel): hUM zhes brjod cing srid du dkyil 'khor kyi nyis 'gyur la sbom su slob dpon gyi nas kyi tshad du bskal par bya'o/ /de nas dkyil 'khor gyi nub kyi phyogs kyi sa gzhi la kha shar du phyogs te rdo rje'i thig me tog la sogs pas yang dag par mchod la/ de nas sh+rI khaN+Da 'bras sa li'i phye ma la sogs pa la spags te slob dpon gyi lag pa g.yon pas skud pa bsdus la nub tu gnas te kha shar du phyogs pas dkyil 'khor gyi sa gzhi la brkyang ste sngags 'di brjod par bya'o/ /oM a(rgyud 'grel): hUM kA ya bAk+tsi t+te ka b+hu tA(rgyud 'grel): sarba d+harmA/ e kA kA re Na badzra satwa(rgyud 'grel): badzra b+hu mi su tra yA mi hUM A(rgyud 'grel): phaT zhes pa dang/ de nas yang oM badzra sU trai kA kA ra swa ru pe Na dza(rgyud 'grel): sarba d+harmA na sU tra oM A(rgyud 'grel): hUM ho haM k+Sha phaT/ zhes pas rkang pa g.yon pas phyed krung bcas nas g.yas pa sa la bzhag ste slob ma de las bzlog pas so/ /slob dpon lho'i sa gzhi la gnas nas/ slob ma byang gi sa gzhi la gnas te shar dang shar man dang lho dang byang gi tshangs thig gnyis yongs 'joms spangs nas lte ba'i thad sor nam mkha' i thig 'debs pa pos rdo rje dang bcas pa'i lag pa g.yas pa'i mthe bong gis gung mos skud pa dang bcas pa'i se gol gdab po/ /thig rnams 'debs pa'i dus su oM badzra sa ma ya hUM sU traM ma tri tra ma hUM hUM oM swa

  294. 146b

    a(rgyud 'grel): zhes brjod pa'i sgras nam mkha' i khams thams cad khyab pa'i de bzhin gshegs pa blta'o/ /de rnams 'ongs te skud pa la thim par bsam mo/ /de nas nam mkha' i thig gnyis ji lta bar sa gzhi la tshangs pa'i thig gnyis ka'i lag pa skud pa dang bcas pa mnyam par phab ste gdab par bya'o/ /de ltar slob dpon me mtshams gnas te rlung mtshams kyi thig go /bden bral gnas te dbang ldan mtshams kyi thig go /slob ma de las bzlog par gnas nas so/ /thig skud chad na bla ma 'jig ste gzhan yang yongs su 'joms byed 'goms na bu rnams de bzhin 'gyur zhes pa'i don gyis legs par gdab par bya'o/ /de nas tshangs thig las g.yas dang gzhan pa'i phyogs su gtso bo'i lte ba dang sgo'i pad+ma'i don du thig gnyis pa gdab pa'o// de las cha gcig spangs par sgo khyud kyi nang gi brtsig pa'i don du'o/ /de las cha gcig spangs pa ka ba'i don du'o/ /de las cha phyed spangs pa phyi'i rtsig pa'i don du'o/ /de las gtso'i pad+ma'i 'dab ma'i don du phyed dang bcas pa'i cha gnyis pa'o/ / de nas cha gcig spangs pa rdo rje phreng ba'i don du'o/ /de las cha phyed spangs par logs kyi nang gi rtsig pa'i don du'o/ /de las cha phyed dang bcas pa'i cha cig gis log gi phyi'i rtsig pa'i thig go /de las phyed dang bcas pa'i cha gcig la rta babs kyis ka pa'i bar gyi thig go /de las cha phyed spangs par lha rnams kyi pad+ma'i thig go /de las cha gcig spangs pa rdo rje phreng ba'i thig go /rdo rje phreng ba'i thig gnyis kyi bar du lha rnams kyi pad+ma'i cha bzhi pa'o/ /de dag gi logs dag la ka ba dag gi rgya cha gcig pa dpangs su cha bzhi pa'o/ /de dag gi logs dag la bum pa'i gnas rgya la cha gsum pa dbangs snga ma dang mtshungs pa'o/ /de dag gi logs dag la ka ba dag go /phyi rol gyi rdo rje phreng ba'i thig gi phyi rol las cha bdun spangs pa la thig

  295. 147a

    gdab po/ /de las cha bzhi spangs pa la lha rnams kyi snam bu'i thig go /de las cha gcig dpangs pa la rtsa ba'i thig ste zur thig gi bar du'o/ /rtsa ba'i thig gi bar ni thugs kyi dkyil 'khor ro/ /de ltar gsung dang sku'i dkyil 'khor gang la yang ngo/ /tshangs pa'i thig las g.yas dang g.yon gyi thig gnyis dbyi bar byas pas cha drug pa 'khor lo'i brgyad cha ni sgo ru 'gyur ro/ /sgo khyud dang logs dang ngos rnams ni sgo dang mnyam mo/ /rtsa ba'i thig las phyed dang bcas pa'i cha gcig spangs pa rtsig pa'i thig go /de las cha gsum spangs pa 'dod yon gyi thig go /de las phyed dang bcas pa'i cha gcig spangs pa rin po che pha gu'i thig go /de las cha gsum spangs pa dra ba phyed pa'i thig go /de nas phyed dang bcas pa'i cha gcig spangs pa ba gu li'i rnam pa'o/ /de nyid dang mtshungs pa kra ma shir Sha'o/ /'di rnams ma lus ba zur thig nas zur thig gis tshang kyis so/ /de nas ka ba'i steng du rta babs sgo'i sum 'gyur ro/ /de nyid sum brtsegs byas te dang po la cha drug pa'o/ /gnyis pa la phyed dang bcas pa'i cha bzhi pa'o/ /gsum pa la phyed dang bcas pa'i cha gsum mo/ /har mi la gnyis so/ /bum pa la yang cha gnyis so/ /de yang rtsegs dang po'i ka ba'i steng la snam bu'i zheng la cha nyi shu rtsa bzhi pa dpangs la cha gcig pa'o/ /de'i steng du ma nga a ba ra Na cha gcig pa zheng la cha bcu drug pa'o/ /de'i steng du cha bzhi pa gru bzhi pa'i dbus su mchod pa'i lha mo'i gnas so/ /de'i logs dag la ka ba cha gcig pa dag go /de dag gi logs dag la yang mchod pa'i lha mo'i gnas dag go /de dag gi logs ngag la yang ka ba dag go /de dag gi logs ngag la rta babs kyi ka ba ngag gi steng du mche ba can gyi glang po'i mgo seng ges mnan pa/

  296. 147b

    dag gi steng du snam bu'i zheng la cha bco brgyad pa dpang su cha gcig pa de'i steng du ma nga a ba ra Na dpang sa la cha gcig zheng la cha bcu gnyis pa'o/ /de'i steng gi snam bu'i dpang sa la cha gnyis pa zheng la cha bcu gnyis pa'o/ /de nyid la bzhi chas ma gang ba'i cha gcig pa'i ka ba rnams so/ /ka ba'i bar rnams su lha gsum gyi gnas cha gsum gsum pa'o/ /phyi yi ka ba dag gi logs ngag las sA la b+hany+dzi ka dag go /de dag gi mgo bo'i steng du cha byed pa'i snam bu zheng la cha bco lnga pa'o/ /de'i steng du ma nga a pa ra Na cha gcig pa zheng la cha brgyad pa'o/ /de'i steng du snam bu'i dpangs la cha gnyis pa zheng la cha brgyad pa'o/ /de nyid la ka ba so so la cha phyed dang bzhi'o/ /ka ba'i bar rnams su lha'i gnas rnams so so la gnyis gnyis pa cha gsum mo/ /phyi'i ka pa dag gi logs dag tu sA la ban dzi kA gnyis so/ /de'i steng du dpangs la cha phyed pa'i snam bu'i zheng cha bcu gnyis pa'o/ /de'i steng du har mi'i zheng la cha brgyad pa'o/ /de'i steng du bum pa'o/ /de dag gis g.yas dang g.yon du rgyal mtshan gyi dbyug pa'i gnas so/ /de ltar snam bu thams cad kyi rtse mo la dril bu dang rnga ma dang me long dang rgyal mtshan dang dar dpyangs rnams so/ /de nas thugs kyi dkyil 'khor 'di'i rtsa ba'i thig gi phyi rol du gsung gi dkyil 'khor gyi phyogs kun du cha bcu gnyis bcu gnyis kyi gnas la thug gi dkyil 'khor gyi rtsig pa la sogs pa nas kra ma shir Sha'i bar gyi mnan te gnas so/ /de'i phyi rol du cha drug spangs te thig go /de las cha drug spangs par lha'i snam bu'i thig go /snam bu de las pad+ma cha bzhi pa ste 'on kyang phyogs la gnas pa rnams thugs kyi dkyil 'khor gyi rta babs kyi rtsegs gnyis pa'i ma nga a ba ra Na dang ka ba gnyis kyi cha phyed byed pa bsal la cha bzhi'i gnas

  297. 148a

    la dgod par bya'o/ /lha mo rnams med na snga ma ltar ro/ /de nas lha rnams kyi snam bu las cha gcig spangs la rtsa ba'i thig go /de yang thig gsum zur thig gi bar du'o/ /rtsa ba'i thig las tshangs thig dag gi g.yas g.yon gyi cha drug drug bsubs pas sgo rnams so/ /de nas sgo khyud la sogs pa rta babs kyi par rnams thugs kyi dkyil 'khor gyi sgo khyud la sogs pa'i nyis 'gyur gyi tshad kyis so/ /gsung gi dkyil 'khor gyi rtsa ba'i thig gi phyi rol du sku'i dkyil 'khor te/ de'i phyogs kun tu cha nyi shu rtsa bzhi'i gnas la gsung gi dkyil 'khor rtsig pa la sogs pa kra ma shir Sha'i bar phyi mnan te gnas so/ /de'i phyi rol du cha bcu spangs te thig go/ de nas lha rnams kyi snam bu'i thig cha bcu gnyis la'o/ /lha'i snam bu la pad+ma bcu gnyis te so so la cha bcu gnyis pa'o/ /de ltar de rnams cha bdun dang ldan par byas la dbus kyi cha la lte ba'o/ /dang po rnams 'dab ma bzhi pa'o// gnyis pa rnams 'dab ma brgyad pa'o/ /gsum pa rnams 'dab ma bcu drug pa'o/ /de ltar gsum pa la 'dab ma nyi shu rtsa brgyad do/ /lha rnams kyis snam bu'i thig las cha gnyis pa spangs pa rtsa ba'i thig ste thig gsum zur gyi bar ro/ /rtsa ba'i thig las tshangs pa'i thig gi g.yas dang g.yon rnams su cha bcu gnyis bcu gnyis snga na ltar bsubs pa'i sgo'i tshad do/ /de nas sgo khyud la sogs pa rta babs kyi mthar thug pa gsung gi dkyil 'khor gyi sgo khyud la sogs pa'i nyis 'gyur gyi tshad do/ /gsung gi dkyil 'khor gyi rta babs kyi phyi rol du sku'i dkyil 'khor gyi nang rnams su cha bcu gnyis la shing rta gnas so/ /de nas pad+ma'i dkyil 'khor la cha nyi shu rtsa bzhi pa'o/ /de

  298. 148b

    nas sa'i dkyil 'khor la cha bcu gnyis pa'o/ /de nas chu dang me dang rlung gi dkyil 'khor rnams la cha nyi shu rtsa bzhi pa'o/ /nam mkha' i dkyil 'khor la cha bcu gnyis pa'o/ /de nas me ri'i dkyil 'khor la cha nyi shu rtsa bzhi pa'o/ /de ltar pad+ma'i dkyil 'khor la sogs pa dkyil 'khor bdun rnams rim pa bzhin bskor ba ni me ri'i phyi'i bar du lte ba'i phur bu la btags te de ltar brgyad do/ /gal te de ltar dkyil 'khor rdzogs par bri ba ma grub na dbang gi don du thugs kyi dkyil 'khor tsam bka' stsal pa'i phyir ro/ /de yang dbang gi don nam dkyil 'khor gyi don du rigs kyi dbang las phyi'i 'khor lo rab tu bral bar 'gyur zhes so/ /yang de bzhin du sgo la hi(rgyud 'grel): yig las byung khro bo'i lta ba yis shes pa'i bka' stsal gyi bcom ldan 'das kyi cha byad gzung ste/ thar pa'i sgo sgrib pa'i rnam par bcings pa bsal ba'i bsam pa dang ldan pas g.yon dang g.yas kyi mig dag tu hi(rgyud 'grel): yig las zla ba dang nyi ma bskyed la khro bo'i lta bas thams cad du blta zhing hi(rgyud 'grel): hi: zhes brjod cing rtsa ba'i thig la sogs pa rang rang gi shes rab kyis brtags la dbyi bar bya'o/ /de nas gtor ma dang mchod pa sngon du song ba dang/ oM A(rgyud 'grel): hUM badzra mu(rgyud 'grel): zhes pas ye shes kyi thig gshegs su gsol ba ni nam mkha' la gnas pa'i de bzhin gshegs pa'i thugs kar ro/ /kha dog lnga'i skud pa gnas gang yang rung par gzhag par bya'o/ /'di ni thig gdab pa'i cho ga'i rim pa'o// //de nas gtor ma dang mchod pa la sogs pa bya ste/ a i ri u li'i sa bon rnams las rdzogs pa'i tshon gyi bye breg kha dog lnga rnams rim pa bzhin du/ oM A(rgyud 'grel): hUM ho haM k+Sha(rgyud 'grel): rnams las rdzogs pa'i rnam par snang mdzad la sogs pa'i rang bzhin du bsgoms la nam mkha' la

  299. 149a

    gnas pa'i de bzhin gshegs pa thams cad kyi thugs ka nas oM yig la sogs pa las yongs su rdzogs pa'i ye shes kyi tshogs rnams skud pa sbyangs pa'i dus ltar bkug ste gzhug go /de nas bcas pa ro gcig tu gyur pa ye shes kyi tshon de rnams la oM yig la sogs pa'i sngags brjod nas yang oM badzra tsitra sa ma ya hUM zhes pa'i sngags brgya rtsa brgyad bzlas so/ /de ltar 'bar ba'i lta stangs kyi so so la hi(rgyud 'grel): yig bkod de yang dag par sbyar ro// yang oM raM dzo bahu la ye nas twe nas twe bud+d+ha shtsa b+ha ga wAn+ta(rgyud 'grel): satwa rA gA nu rak+ta ste na sa tye na sa ra dzo dzwa la tu/ zhes pa'i bden pa'i byin gyis brlabs kyis spang bar bya'o/ /de nyid lha'i rnal 'byor gyi dka' thub kyi 'bar bar 'gyur ro/ /de nas dkyil 'khor gyi lte ba'i phur bu hUM zhes pa'i sngags brjod cing gdon par bya zhing rang gi lag pa'i rdo rje la blos thim par bsam mo/ /khung bu tshon sna lnga yis dgang bar byas pa dang/ dril bu dkrol zhing rdo rje'i glu glangs te mtshan ma ngan pa bcos nas/ 'di ni chos dbyings dag pa ste/ sems can khams rnams rab tu sgrol/ /rdo rje 'dzin pa'i rgyal po khyod/ /de bzhin gshegs pa kun gyi gnas/ /nyes pa thams cad rnam par grol/ /'khor lo'i dbus su yang dag gnas/ /de ltar chos kyi dbyings shin tu rnam par dag par bsgoms nas/ dang por dkyil 'khor gyi dbus su bsdad la lag pa g.yon pa rdo rje 'chang bas byas la/ /oM badzra raM ga sa ma ya hUM zhes pa 'am/ yi ge drug pa brjod cing byang shar mtshams nas brtsams te shar du kha phyogs bas rab gsum bri bar bya'o/ /de yang/ sbom bos nang byed pa dang re kha ngan dang phra bas rdzas rnams bri bar rab tu gsal bar 'gyur/ /chad pas 'chi ba dang ni 'khyog pos

  300. 149b

    maM yi bdag po skye bor bcas pa bskrod de de bzhin du/ /mtshan ma dang ni nyi ma zla ba chad na 'jig 'joms sngags pa rnams la dngos grub yod pa min/ /rdul mtshon rnam par 'dres pas rigs dag 'chad de rgyal ba'i rigs kyi dkyil 'khor du ni rig par bya/ /zhes pa'i don ni bdag nyid kyis te gzhan gyis kyang de ltar bri bar bya'o/ /'dir gtso bo'i zhal gyi dbye bas phyogs kyi rnam par dbye ba la tshon gyi kha dog bye brag ste/ de ltar thugs kyi 'khor lo'i nang gi rdo rje phreng ba gnyis pa'i bar nag po'o/ /thugs dang gsung dang sku rnams kyi sa gzhi nag po'o/ /lho rnams dmar po'o/ /byang rnams dkar po'o/ /nub rnams ser po'o/ /'dod g.yon rnams dkar po'o/ /rin chen pha gu rnams dmar po'o/ /dra ba dang dra ba phyed pa dang bku li dang kra ma shir Sha rnams dkar po ste bzhi nag po'o/ /rta babs kyi ka ba rnams ser po'o/ /las thams cad pa la gtso bo'i pad+ma ljang gu'o/ /zhi ba la sogs pa la dkar po la sogs pa'i kha dog tu 'gyur ro/ /rdo rje'i phreng ba nag po'o/ /ka ba rnams ni shar du ral bri nag po rnams so/ /lhor rin po che dmar po rnams so/ /byang du pad+ma dkar po rnams so/ /nub tu 'khor lo ser po rnams so/ /pad+ma la gnas pa'i bum pa brgyad po dkar po pad+ma'i 'dab ma la kha phyogs pa'o/ /pad+ma thams cad kyi lte ba sum cha pa'o/ /rdo rje phreng ba gnyis pa ljang gu'o/ /lha'i snam bu rnams dkar po'o/ /rab gsum ni dkar po dang dmar po dang nag po rnams so/ /ra ba de rnams kyi sa'i cha dgu las cha re re dor te cha gnyis gnyis la ra ba'o/ /sgo khyud rnams su rin po che rdo rjes spras pa'o/ /rta babs rnams kha dog sna tshogs pa'o/ /gsung gi dkyil 'khor gyi lha rnams kyi snam bu dkar po'o/ /de nyid la pad+ma brgyad pa ni nyi ma dang zla ba dang bral ba'i phyogs rnams dmar po'o/ /mtshams rnams dkar po'o/ /

  301. 150a

    ra ba lnga ni nang nas rim gyis ljang gu dang/ nag po dang dmar po dang dkar po dang ser po rnams so/ /sku'i dkyil 'khor ni gsung dang mtshungs pa las rta babs kyi ka ba'i 'og rtsig pa'i rtsar gdengs ka rnams kyi gdan te so so la cha bcu gnyis pa'o/ /de yang shar phyogs su rlung gi dkyil 'khor nag po zlum po ste rgyal mtshan gyis mtshan pa dag go /lho phyogs su gru gsum g.yu drung ris kyis mtshan pa dag go /nub phyogs su gru bzhi rdo rjes mtshan pa dag go /byang phyogs su zla phyed rnam pa pad+mas mtshan pa dag go /shar phyogs kyi g.yas kyi zlum po'i g.yas su bdud rtsi'i bum pa glu'i rgyal po rgyal ba'o/ /nub phyogs kyi g.yon gyis gru bzhi'i g.yon du bdud rtsi bum pa rnam par rgyal ba'o/ /shar phyogs kyi rta babs kyi rtsegs dang po'i gnas dbu ma la chos kyi 'khor lo dag dang g.yas dang g.yon du ri dags pho dang mo rnams nag po'o/ /lho phyogs su bum pa bzang po dang g.yas dang g.yon du dung dang pad+ma rnams dmar po'o/ /nub tu byang chub kyi shing dang g.yas dang g.yon du mi 'am ci dang mi 'am ci mo rnams ser po'o/ /byang du du du bi dang g.yas dang g.yon du dbyug pa dang tho ba dkar po'o/ /pad+ma'i 'dab ma kha dog lnga ste de nyid la mchod pa'i rdzas rnams dgod do/ /sa'i dkyil 'khor ser po'o/ /de'i dbang ldan mtshams su zla ba'i dkyil 'khor gang ba cha bcu gnyis pa'o/ /bden bral mtshams su nyi ma'i dkyil 'khor nub bzhin pa'o/ /chu'i dkyil 'khor dkar po'o/ /me'i dkyil 'khor dmar po'o/ /rlung gi dkyil 'khor nag po'o/ /de dag gi dbus su cha nyi shu rtsa bzhi la 'khor lo rtsibs brgyad pa'i dur khrod bri bar bya'o/ /de rnams kyi phyogs rnams dmar po mtshams

  302. 150b

    rnams dkar po'o/ /shar dang nub kyi 'khor lo'i phyi rol du stong pa'i dkyil 'khor dag go /de yang de dag ni sgrub thabs kyi le'ur gsungs pa ltar ro/ /'khor lo bcu la mtshan ma gri gug bri bar bya'o/ /rlung gi dkyil 'khor la mtshan ma sna tshogs dgod par bya'o/ /nam mkha' i dkyil 'khor gyi kha dog sngon po'o/ /de nyid kyis phyogs gnyis su cha gsum gsum tsam bskor bar bya'o/ /dbus kyi cha drug la rdo rje'i ra ba'o/ /me ri'i phreng ba kha dog lnga'o/ /thugs kyi dkyil 'khor gyi shar gyi rdul mtshon nag po'i dpangs la nas kyi rkang pa gcig go /lho phyogs kyi dmar po la rkang pa gnyis so/ /nub phyogs kyi ser po la bzhi'o/ /byang phyogs kyi dkar po la gsum mo/ /rtsig pa'i tshon rnams ni ser po'i sum 'gyur du bya ba ste rdo rje'i ra ba la yang ngo/ /re kha gzhan rnams ni mtshon ser po nyis 'gyur ro/ /pad+ma rnams ni snam bu rnams kyi nyis 'gyur/ /zla ba dang nyi ma rnams ni pad+ma rnams kyi nyis 'gyur ro/ /de ltar gsungs pa rnams kyi nyis 'gyur gsung gi dkyil 'khor la'o/ /de nyid kyis nyis 'gyur sku'i dkyil 'khor la ste/ kra ma shir Sha'i phyi rol mchod pa'i sa gzhi la gnas gcig go /sa'i dkyil 'khor la sogs pa rnams rdo rje'i ra ba dang me ri rnams kyi dbangs sku'i rtsig pa'i tshad kyis so/ /sa gzhi gzhan rnams la tshon sum 'gyur ro/ /de ltar gtso bo'i pad+ma'i lte bar lte ba dang mnyam pa'i steng du dkar po dang dmar po dang nag po dang/ dmar po'i zla ba dang nyi ma dang sgra gcan dang dus me rnams la rdo rje sngon po rtse mo gsum pa bcom ldan 'das dus kyi 'khor lo'o/ /shar gyi 'dab ma la spos snod nag po'o/ /lho phyogs su mar me dmar po'o/ /nub phyogs su dung ser po'o/ /byang phyogs su lta bshos dkar po'o/ /

  303. 151a

    me mtshams la sogs par rnga yab nag po dang dmar po dang ser po dang dkar po rnams so/ /de'i phyi rol gyi dbang ldan du chos kyi dung dkar po'o/ /me ru yid bzhin gyi nor bu nag po'o/ /bden bral du chos kyi gaN+DI dmar po'o/ /rlung du dpag bsam gyi shing ser po'o/ /'phar ma gnyis pa'i shar phyogs kyi pad+ma dkar po dang nyi ma dmar po'i steng du ral gri nag po'o/ /me'i mtshams su pad+ma dmar po dang zla ba'i steng du utpa la sngon po'o/ /lho phyogs su rin po che ha dgu pa dmar po'o/ /bden bral du pad+ma dmar po'o/ /nub phyogs su 'khor lo ser po'o/ /rlung du 'khor lo ser po'o/ /byang du pad+ma dkar po'o/ /dbang ldan du utpa la dkar po'o/ /'phar ma gsum pa'i sgo so so'i logs rnams la pad+ma brgyad de/ /de rnams la drug la nyi ma'o/ /nub dang byang gi g.yon phyogs la zla ba'o/ /zur rnams kyis pad+ma la zla ba bzhi'o/ /de rnams kyi dbang ldan nas brtsams te me long dang rdo rje dang/ ral gri dang gos dang rdo rje dang rin po che dang/ bdud rtsi'i snod dang ches 'byung dang/ /'khor lo dang dril bu dang pi wang dang pad+ma rnams dkar po dang nag po dang ljang gu dang dmar po dang dmar po dang ljang gu dang/ ser po dang ser po dang sngon po dang dkar po rnams so/ /shar gyi sgo la pad+ma dang nyi ma'i steng du ral gri nag po'o/ /lho phyogs su dbyug pa dmar po'o/ /nub phyogs su pad+ma ser po'o/ /byang phyogs su tho ba dkar po'o/ /'di rnams las nyi ma'i dkyil 'khor rnams kyi pad+ma dkar po rnams dang/ /zla ba'i dkyil 'khor rnams kyi pad+ma dmar po rnams so/ /shar phyogs kyi 'dod yon gyi rta babs ka ba'i 'og gi g.yon du dud nag po'o/ /g.yas su me tog gi phreng ba sngon po'o/ /lho phyogs su spos snod dang mar me dmar po'o/ /nub

  304. 151b

    phyogs su cod pan dang mu tig gi phreng ba ser po'o/ /byang phyogs su 'bras bu dang bdud rtsis gang pa'i snod dkar po'o/ /de ltar 'dod yon snam bu kun la glu ma la sogs pa'i mchod pa'i lha mo rnams so/ /shar gyi rta babs kyi mchod pa'i gnas kyi dbus su gos so/ /lho phyogs su pad+ma'o/ /nub phyogs su pa Ta ha'o/ /byang phyogs su rdo rje'o/ /gsung gi dkyil 'khor gyi shar gyi pad+ma'i lte ba dang 'dab ma rnams la gri gug nag po rnams so/ /me mtshams su 'khor lo nag po rnams so/ /lho phyogs su dbyug pa dmar po rnams so/ /bden bral du mdung thung dmar po rnams so/ /nub phyogs su rdo rje ser po'o/ /rlung du tshangs pa'i dbyug pa ser po rnams so/ /byang phyogs su rtse gsum pa dkar po rnams so/ /dbang ldan du pad+ma dkar po rnams so/ /sku'i dkyil 'khor gyi pad+ma'i lte ba dang/ 'dab ma rnams kyi mtshan ma rnams la/ shar sgo'i g.yas su ral gri rnams so/ /me mtshams su dpag bsam gyi shing rnams so/ /lho'i sgo'i g.yon du rdo rjes mtshan pa'i dbyug pa rnams so/ /g.yas su mdung thung rnams so/ /bden bral du mdung rnams so/ /nub sgo'i g.yon du rin po che 'am dbyug pa rnams so/ /g.yas su rdo rje rnams so/ /rlung du khab rnams so/ /byang gi sgo'i g.yon du rtse gsum rnams so/ /g.yas su zhags pa rnams so/ /dbang ldan du dgra sta rnams so/ /shar sgo'i g.yon du 'khor lo rnams so/ /shar kyi sgo ru dbyug pa'o/ /de'i phyi rol tu rdo rje ljang gu'o/ /lho'i sgo ru mda' dmar po'o/ /nub kyi sgo ru dbyug to'o/ / de'i phyi rol du rtse gsum sngon po'o/ /byang gi sgo ru gtun shing dkar po'o/ /de ltar dbyug pa la sogs pa rnams pad+ma dang nyi ma la gnas pa'o/ /gsung dang sku'i dkyil 'khor gyi phyogs kyi pad+ma rnams dmar po'o/ /mtshams kyi

  305. 152a

    pad+ma rnams dkar po'o/ /'dir gsung gi dkyil 'khor gyi shar sgo'i 'dod yon gyi snam bu'i g.yas su utpa la dang gos dang gri gug dang/ 'khor lo dang kha TwAM ga rnams dag po'o/ /g.yon du gri gug dang ral gri dang gri gug dang yang gri gug rnams nag po'o/ /lho'i sgo'i g.yas su pad+ma dang bdud rtsi'i snod dang/ dbyug pa dang mdung thung dang pad+ma rnams dmar po'o/ /g.yon du mda' dang dgra sta dang/ gri gug dang yang gri gug rnams dmar po'o/ /nub sgo'i g.yas su 'khor lo dri'i dung dang rdo rje dang khab dang 'khor lo rnams ser po'o/ /g.yon du phub dang chos 'byung dang 'khor lo dang gri gug rnams ser po'o/ /byang sgo'i g.yas su utpa la me long dang rtse gsum dang pad+ma dang utpa la rnams dkar po'o/ /g.yon du bi ni sngon po dang tho ba dang gri gug dang yang gri gug rnams dkar po'o/ /de ltar mtshan ma sum cu rtsa drug sku'i dkyil 'khor gyi 'dod yon la yang go bar bya'o/ /de nas hUM yig dang yi ge drug pa bzlas shing bdud rtsi lnga dang bcas pa dri'i chus dkyil 'khor gyi phyi rol byugs nas de nyid bzlas shing chus dkyil 'khor la bsang gtor bya'o/ /de nas tshon rnams kyi lhag ma'i ye shes pa oM A:hUM badzra mu(rgyud 'grel): zhes brjod de gshegs su gsol ba dang/ 'du 'dzi med pa'i sa ru gzhag par bya'o/ /'di ni tshon dgye ba'i cho ga'i rim pa'o// //de nas sngon du lhag par gnas par byas pa'i bum pa rnams dkyil 'khor gyi shar la sogs pa'i phyogs rnams su bzhi bzhag go / yang nub tu rnam par rgyal ba'i bum pa lnga'o/ /shar du rgyal ba'i bum pa drug pa'o/ /de'i steng du rnam par rgyal ba chen po'i bum pa'i dung de zhes pa ni bum pa drug gi phyogs so/ /bum pa bcu'i phyogs ltar na phyogs mtshams brgyad du

  306. 152b

    brgyad dang nub kyi bum pa'i phyi rol du sor gnyis kyi ma reg par rnam par rgyal ba'i bum pa'o/ /shar gyi bum pa'i phyi rol du sor gnyis kyi ma reg par rgyal ba'i bum pa'o/ /de'i steng du rnam par rgyal ba chen po'i dung bcu gcig pa'o/ /de yang zhi ba dang rgyas pa dang las thams cad pa la du ba'o/ /gdug pa'i las thams cad la thod pa'o/ /dbang dang dgug pa la zangs dang gser ro/ /rengs pa dang rmongs pa la/ baM phor ro/ /de nas las dang mtshungs pa'i gos dang skud pas mgrin par bkri bar bya ste/ gzhag pa 'di ni bum pa dgram pa'i cho ga'o/ /de nas mtshams bzhi ru pha rol tu phyin pa la sogs pa bzhi ba klag par bya'o/ /ga bur dang tu ru ka dang a ka ru la sogs pa'i spos sna tshogs phyogs mtshams brgyad du bzhag go / sna tshogs pa'i gos dang rgyal mtshan dang ba dan la sogs pa la gtso bo'i sngags dang/ oM badzra spha ra Na khaM zhes pa'i sngags brjod de/ rim pa bzhin gnas su dgram mo/ /dkyil 'khor gyi khang pa'i sgo rnams su rta babs la sna tshogs pa'i gos dang dril bu dang rnga yab rnams kyis brgyan pa'o/ /lo ma dang bcas pa'i chu shing gi ka ba dang gang ba'i bum pa kha brgyan dang bcas pa yang bzhag go /de nas slob dpon shar phyogs su bsdad la sgrub thabs su gsungs pa'i sdig pa bshad pa la sogs pa dang srung ba'i 'khor lo dang/ dkyil 'khor rgyal mchog dang/ las rgyal mchog dang/ thig le'i rnal 'byor dang/ phra ma'i rnal 'byor rnams kyi cho ga byas la/ bcu drug lo nyid lon pa yi/ /btsun mo shin tu rab tu mdzes/ /dri dang me tog dang ldan ma/ /de nyid legs par bslabs pa dang/ /de'i dbus su 'dod pa bya/ /yon tan rgya mtsho sna tshogs yum/ /sangs rgyas tshogs rnams spros pa dang/ /nam mkha' i khams su legs par brgyan/ /zhes pa

  307. 153a

    rab tu gsungs pas phyi'i phyag rgya la snyoms par 'jug pa'am/ de ltar ma yin na ye shes kyi phyag rgya la snyoms par zhugs pa dang/ sbyor ba'i sgras spyan drangs pa'i ye shes kyi 'khor lo dza:hUM baM ho(rgyud 'grel): zhes pa'i sngags kyis dgug pa dang gzhug pa dang/ bcing ba dang/ dbang du bya ba rnams byas la zhabs bsil dang yon chab la sogs pa sngon du song bas bdag nyid la gzhug par byas pa dang/ chags pa chen pos zhu nas rdo rje'i lam nas byung ste lha mo'i pad+mar ye shes kyi 'khor lo spro bar bya'o/ /rdul tshon gyi dkyil 'khor la dam tshig gi dkyil 'khor bsgoms te gnas rnams kyi rim pas de rnams spro bar bya'o/ /de nas snying ga'i sa bon las mchod pa'i lha mo rnams spros la phyi dang gsang pa'i mchod pas mchod par bya'o/ /mchod pa de'i rim pa ni/ /oM A:hUM ho/ tre d+hU tu ke shwa ra kA la tsakra arg+haM pra tits+tsha sa pa ri wA rA twI b+ha ga wAM me wa ra do b+ha wa shi Sh+ya ny+tsa zhes gsol ba btab pa la yon chab kyi maN+Dal rdul tshon gyi phyi rol dang/ maN+Dal gzhan rnam rgyal gyi bum pa'i sngon du byas la sngags rnams kyi dang por oM dang tha mar na ma(rgyud 'grel): dang ldan pa'i sngags brjod cing me tog la sogs pas mchod pa ni/ bud+d+ha ya/ d+harmA ya/ saM g+ha ya/ badzra satwA ya/ pradz+nyA pA ra mi ta yai/ swa b+hA bi ka kA yA ya d+harmmA ka yA ya/ saM b+ho ga kA yA ya/ nirmA Na kA yA ya/ dz+nyA na badzrA ya/ tsit+ta badzrA ya/ pA ga badzrA ya/ kA la badzrA ya/ tsa tu rbi mo k+She b+hyo/ tsa turprahma bI hya re b+hyo/ sapta triM shadyo d+hi pak+Shi ka d+harmmA b+hyo(rgyud 'grel): tsaturmI ti sA ha sra d+harmmA skand+he b+hyo/ sarba d+harmmA de sha ka b+hyo/ /rradna tra yA ya/ shAkya mu nA ye/ kA la tsakra ya/ dA na pA ra mi tA yai/ shI la pA ra mi tA yai/ k+ShATti bA ra mi tA yai/ bE rye pA ra mi tA yai/ d+hyaM pA ra mi tA yai/ pradz+nyA pA ra mi tA

  308. 153b

    yai/ a'u pa yA pA ra mi tA yai/ pra Ni d+ha na pA ra mi tA yai/ ba la pA ra mi tA yai/ dz+nyAna bA ra mi tA yai/ dza ya g+ha Ta b+hyo/ bi dza ya g+ha Te b+hyo/ sarba tsih+no b+hyo/ sarba mu drA b+hyo/ tsin+ta ma NA ye/ d+harmmA g+haN+ai/ d+harmmA shi kha ya/ kalpa brik+ShA ya/ ak+Sho b+hya ya/ a mo g+ha sid+d+hA ye/ ratna sa b+ha pA ya/ a mi tA b+hA ya/ bai ro tsa nA ye/ lo tsa n+yai/ mA ma kyai/ paN+Da rA yai/ tA rA yai/ badzra d+ha twI shwa ryai/ badzra pA Na yai/ kha garb+hA ya/ k+Shi ti garb+ha ya/ lo ke shwa ra ya/ sarba ni pa ra Na b+hi skam+b+hi ni/ sa man+ta b+ha drA ya/ gand+ha badzrA yai/ rU pa badzrA yai/ ra sa badzrA yai/ spar sha badzra yai/ shapta badzra yai/ d+harmmA d+hA tu badzra yai/ uSh+NI ShA ya/ big+hAn+tA kA ya/ pradz+nyA na ta kA ya/ padmAn+ta kA ya/ ya mAn+ta ka ya/ staM bi N+yai/ ma nI n+yai/ sto b+hi n+yai/ a b+hi bIryA yai/ a ti nI lA ye sarba b+ha ri NI b+hyo/ kha TwAM gA ya/ zhes bya ba ni thugs kyi dkyil 'khor la mchod pa'i cho ga'o/ /badzra tsa rtsi kA yai/ badzra ma he shwaryai/ badzrai ndyai/ badzra prahma N+yai/ badzra mahA la kyai/ badzra ko mAryo/ badzra beSh+Na byai/ aSh+TASh+Ta ke na tsa tu:ShaSh+Thi badzra yo gi ni b+hyo:ShaDa ti sha dits+tsha b+hyo/ zhes bya ba 'di ni gsung gi dkyil 'khor la mchod pa'i cho ga'o/ /badzra biSh+Na be/ badzra nai ri tyA ya/ badzrA gnA yai/ badzrod+d+ha ye/ badzren+d+ra ya/ badzre shwa rA ya/ badzra prahma Ne/ badzra bi nA ye kA ya/ badzra kArti ke yA ya/ badzrA pA ya ya/ badzra yA mA ya/ badzra yak+She b+hyo/ ba ru N+yai/ bA ya byai/ yA mi n+yai/ yak+ShI n+yai/ mahA pA lA ya/ a tsa lA ya/ Tak+ki rA dzA ya/ nI la daN+DA ya/ sum+b+ha rA dzA yai/ rodDak+Shi yai/ badzra shwI kha lA yai/ tsundA ye/ b+h+ri ku Tyai/ ma ri tsye/ pra tye ka mA sa b+he de na ShaSh+Ta d+ha ra tri sha ta badzra ti thaM de bI b+hyo/ Sha TTiM shatpra tIts+tsha b+hyo/ badzra dza yA ya/ badzra karko Ta kA ya/ badzra bA su ka ye/ badzrA nan+tA ya/ badzra tak+Sha kA ya/ badzra mahA padmA ya/ badzra ku li kA ya/ badzra sha kha pA lA ya/ badzra pad+ma ya/ badzra bi dza yA ya/ zhes bya ba ni sku'i dkyil 'khor la mchod pa'o/ /shwA nA syA yai/ su kA ra syA yai/ pyA g+h+rA syA yai/ dzaM bu ka syA ye/ ga ru DA syA yai/

  309. 154a

    u luA ka syA yai/ gri d+ha syA yai/ kA kA syA yai/ sarba g+hA te b+hyo/ zhes bya ba 'di ni/ dur khrod brgyad rnams la mchod pa'o/ /badzra tsan+d+ra ya/ badzra sUryA ya/ badzra ma ga lA ya/ badzra bud+ha ya/ badzra brihaspa ta ye/ badzra shukrA ya/ badzra sa ne shU pA ya/ badzra ke ta be/ badzra rA ha be/ badzra kA lAgna ye badzra d+h+ru pe/ badzrA gastya ya/ sarba nakA twe b+hyo/ dwA da sha rA si b+hyo/ 'o Ta sha kA lA b+ho/ da shi dakpa le b+hyo/ nandi ke shwa rA ya/ badzra mahA kA lA ya/ badzra gaN+Da kar+NA ya/ badzra b+h+reM gi ni/ sarba k+She Ta pa le b+hyo/ sarba bU ti b+hyo/ hA rI tyai sarba sid+d+hi b+hyo/ d+harmmA tsakra ya/ b+ha drak+tra ya/ badzra dundu b+hi/ po d+hi bikrA ya/ gu ru bud+d+ha bo d+hi sa twe b+hyo na mo na ma(rgyud 'grel): zhes bya'o/ /de ltar mchod pa'i dril bu dkrol zhing bstod par bya'o/ shes rab kyi me tog dang bcas pa'i rang gi byang chub kyi sems pad+ma'i snod du blug la bdud rtsi ru byas pa myang bar bya ste/ 'khor lo bde ba chen po'i rang bzhin du byas la gtso bo'i sngags brgya rtsa brgyad bzlas so/ /'khor rnams kyi sngags nyi shu rtsa gcig rtsa gcig dang yi ge brgya pa bzlas so/ /gsung bar 'gyur pa'i cho gas 'byung po thams cad la gtor ma sbyin pa ni/ phyogs rnams na gnas pa'i sgrub pa pos grogs mchog dkyil 'khor srung du bcug la phyi rol du song la khro bo la sogs pa la gtor ma sbyin no/ /de nas cho ga lhag chad la sogs pa'i skyon zhi bar bya ba'i phyir gsung bar 'gyur ba'i cho gas zhi ba dang rgyas pa'i sbyin bsreg slob mas byas te/ med par gyur na rang nyid kyis so/ /rdo rje shugs kyi ting nge 'dzin dang ldan pas me tog gi phreng ba'i sngags dang rkang pa bcu drug pa bzlas shing rdo rje gsor dril bu dkrol zhing shar sgo'i slob dpon dang stabs gcig tu lan gsum du bskor ba bya'o/ /dkyil 'khor la bltas te gtso bo la me tog gi phreng ba phul la oM badzra u dg+ha Ta ya sa ma ya pra be sha ya hUM zhes pa'i sngags kyi sgo

  310. 154b

    bzhi phye bar bsams la/ oM sa ma ya bra be sha ya mi zhes pa brjod de slar yang me tog gi phreng ba gar bya zhing blangs nas rang gi mgo la gzhag go /'khor lo la phyag byas te sems can la dngos grub thams cad kyi bka' drin byin cig pas gsol ba gdab pa ste/ 'di ni dkyil 'khor rab tu gnas pa'i cho ga'i rim pa'o/ /de nas dkyil 'khor la mchod pa byas la de'i phyi rol tu legs par brtag pa'i nga rgyal la sogs pa'i skyon dang bral ba'i dge bsnyen la sogs pa bslab pa la gnas pa/ thos pa la sogs pa'i pha rol tu song ba theg pa chen po'i sdom pa la mos pa rigs dang yon tan med pa dang gzugs ngan pa'i slob ma rnams kyang gzung bar bya'o/ /gal te 'di nyid mchog tu dad pa dang ldan pa rdo rje sems dpa' i sbrom pa la lhag par mos pa rdo rje theg pa la slob dpon gzhan la mi phyogs pa ste/ de yang phyed dang bcas pa'i sum brgya las gsungs pa/ so so'i bslab pa la gnas pa'i/ /theg pa che la lhag par mos/ /'khor rnams bzhi po ma lus pa/ /gzugs ngan yon tan med pa dang/ /dman par gyur kyang dkyil 'khor gyi/ /cho gas rjes bzung lhag gnas bya/ /zhes pas so/ /de ltar slob ma cig gam gnyis sam mang por gyur pa rnams maN+Dal byas pa dang pus mo gnyis sa la gtsugs la me tog snyim par bzung ste/ 'jig rten 'di la bde don dang/ /'jig rten pha rol bde don te/ /'on kyang sangs rgyas thob don du/ /blo dang ldan pa 'jug par bya/ zhes pa'i don go bar byas la rang gi kha nas gzhug cing rdo rje'i lam nas shes rab kyi pad+mar gnas pa la rang gi snying ga'i sa bon las spros pas shes rab dang bcas pa'i de bzhin gshegs pa rnams zhal nas zhugs te/ byang chub sems su zhu nas dbang bskur bar bsams

  311. 155a

    la/ de dkyil 'khor gyi shar sgor gnas pas 'jug pa'i gsol ba gdab po ni/ skye dang rga dang 'chi ba dang/ /chu srin la sogs 'jigs pa yi/ /'khor ba'i rgya mtsho las 'don khyod/ /da la ston pa mgon po che/ /bde ba chen pos bdag 'tshal bas/ /byang chub chen po'i lam bstan pa/ /dam tshig de ni bdag la gsol/ /byang chub sems kyang bdag la byin/ /sangs rgyas chos dang dge 'dun te/ /skyabs gsum rnams kyang bdag la gsol/ /thar pa chen po'i grong mchog tu/ /mgon po bdag ni bzhugs su gsol zhes brjod la/ de nas slob ma cig gtso bor byas te/ bu tshur theg pa chen po yi/ /lam chen la ni chas pa po/ /sngags kyi spyod pa cho ga'i lam/ /khyod la yang dag bshad par bya/ /dus gsum la gnas sangs rgyas rnams/ /sku gsung thugs kyi rdo rje can/ /sngags kyi nus pa 'di nyid kyis/ /mnyam pa med pa'i ye shes thob/ /sngags kyi sbyor ba mnyam med pas/ /shAkya seng ge la sogs kyis/ /bdud sde shin tu mi bzad pa/ /stobs chen dag kyang de yis bcom/ /'jig rten pa rnams bsgral ba'i phyir/ /'khor lo bskor nas mya ngan 'das/ /thams cad mkhyen pa thob bya'i phyir/ /blo gros ldan pas de ltar mdzod/ /zhes pa'i don go bar bya'o/ / dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub sems bskyed do/ /zhes lan gsum brjod/ /sangs rgyas dang byang chub sems dpa' thams cad dgongs su gsol/ /bdag ming 'di zhes bgyi ba dus 'di nas bzung nas ji srid snying po byang chub ma thob kyi bar du/ /ji ltar dus gsum mgon po rnams/ /byang chub la ni nges mdzad ltar/ /byang chub sems ni bla med pa/ /dam pa

  312. 155b

    mchog ni bskyed par bgyid/ /tshul khrims kyi ni bslab pa dang/ dge ba'i chos ni sdud pa dang/ sems can don byed tshul khrims gsum/ /bdag gis bstan par bzung par bgyi/ /sangs rgyas chos dang dge 'dun rnams/ /bla na med pa'i dkon mchog gsum/ /sangs rgyas sdom pa las byung ba/ /dus 'di na ni gzung bar bgyi/ zhes pa dang/ rdo rje dril bu phyag rgya bla ma rnams te 'dod pa'i rdo rje rnams ni spyi bor gzung bar bgyi/ /rin chen rigs su 'dir ni sbyin pa sbyin bya 'khor lor rgyal ba mchog gi dam tshig bskyang bar bya/ /ral gri'i rigs su mchod pa bya ste gsal bar chu skyes rigs su sdom pa yang dag bskyang bar bya/ /sems can rnams kyis thar pa'i rgyu ru rgyal ba skyed byed rigs su byang chub sems ni bskyed par bgyi zhes pa dang/ ma bsgral pa rnams bsgral ba dang/ ma grol ba rnams dgrol bar bgyi/ dbugs ma phyin pa dbyugs dbyung zhing/ sems can mya ngan 'das la dgod/ ces pa yang brjod par bya'o/ /de nas yi ge drug gis bsrungs la/ de'i snying ga dang mgrin pa dang dpral ba rnams la sgra gcan dang/ nyi ma dang zla ba rnams la gnas pa nag po dang/ dmar po dang dkar po'i huM dang a(rgyud 'grel): dang oM rnams rnam par bsams par bya'o/ /de rnams brjod cing snying ga dang mgrin pa dang dpral ba rnams la dri chu dang/ me tog dang bcas pa'i rdo rjes reg la me tog dang bdug spos dang dri dang mar me dang lha bshos rnams dbul lo/ /de nas u dumpa ra la sogs pa'i so shing sor bcu gnyis pa/ srog chags med pa 'khyog pa ma yin pa/ pags pa ma shus pa rma med pa/ dri zhim po'i chus bkrus pa dang steng gi cha la me tog bcings te/ slob ma kha shar du phyogs pa la sngags 'dis sbyin par bya'o/ /oM A(rgyud 'grel): hUM ho hoM k+Sha badzra dan+ta kaSh+Tha

  313. 156a

    tsa tu rbi mok+Sha mu kha bi shud+d+hi swa b+ha wa kA ya bAk+tsit+ta dz+nyA na mu kha dan+tA di ma li bi sho d+ha ya bi sho d+ha ya sAhA/ zhes pas te de yang gru bzhi pa khru bzhi dang ldan pas/ ba lang gi lci ba la sogs ba byugs pa'i maN+Dal la oM A hUM zhes pa lan bdun brjod nas so la blud de bskyur ro/ /so shing maN+Dal la lhung ba de gang du phyogs kyi dbye bas 'byung bar 'gyur ba'i dngos grub rtag par bya'o/ /maN+Dal gyi phyogs su song na dngos grub med do/ /de nas dri zhim po'i chu bdud rtsi lnga dang bcas pas khyor ba gsum blud pa ni/ oM h+rI(rgyud 'grel): bi shud+d+ha d+hArmA sarba pA pA ni tsa sya sho b+ha ya sarba bi kalpa na pa na ya hUM zhes brjod pas so/ /de nas mnyam par bzhag pa la nye bar gnas te/ hUM las byung ba'i ku sha steng gi cham nyams pa la de nyid dang yi ge drug pa bzlas pa ni stan gyi don du'o/ /de ltar yang sngas kyi don du d+hI(rgyud 'grel): las byung ba de nyid dang yi ge drug pa bzlas so/ /de yang oM badzra tik+Sha zhes pa brjod la sbyin par bya'o/ /de nas skud pa dmar po bum bsgril hUM pas byung ba la de nyid dang yi ge drug pa bzlas te mdud pa gsum byas pa rgyud dang rgyud las gsungs pa'i rgyu mtshan gyis bcing ba ni/ oM bud+d+ha mai tri rak+Sha rak+Sha sarbbi swAhA/ zhes brjod pas so/ /de nas dpral ba dang mgrin pa dang snying ga dang/ lte ba dang gsang ba dang gtsug tor rnams su oM A hUM ho/ haM k+Sha(rgyud 'grel): zhes pa'i rigs drug rim pa bzhin bkod la sngags 'dis rdo rje sems dpa' bskul ba ste/ oM A A aM a(rgyud 'grel): badzra satwA mahA su kha badzra kA la tsa krA shiSh+ya sa ya b+hi mu kho b+ha ba san+tuSh+Tha b+ha ba/ wa ra do b+ha ba kA ya bA k+tsot+tA d+hiSh+Tha nAM ku ru ku ru swAhA/ zhes pas so/ /de nas 'khor ba la gnas pas sangs rgyas kyi chos rnyed par dkon te/ de thob pas sdug bsngal ma lus pa

  314. 156b

    dang bral bar 'gyur zhes pas 'jigs pa las gzengs bstod pa ni/ mngal du mngal gnas nyid dang skye ba'i dus dang byis pa'i rang bzhin rnams kyis mi bzad sdug bsngal lo/ /gzhon nu lang tsho dag la bud med nor dang bkra shis 'dod pas nyon mongs sdug bsngal chen pos gang/ /rga dang 'chi ba'i sdug bsngal chen po dag ste slar yang ngu 'bod la sogs 'gro drug 'jigs ster ba/ /'gro ba 'di rnams ma lus sgyu ma la rmongs gyur pas sdug bsngal ba las sdug bsngal 'gyur ba'o/ /'khor ba'i nang nas gal te mi nyid dag tu gyur kyang chos kyi blo ni brgya lam zhig la'o/ /de las dge ba'i dbang gi sangs rgyas nyid la rjes chags gyur kyang dang po'i theg par rab tu 'jug /de las dpal ldan rdo rje'i theg pa dang ni ma lus snying po sgom pa'i blo 'jug brgya lam na'o/ /de las sangs rgyas nyid de 'dod chags bde ba'i go 'phang la 'jug e ma'o shin tu dka' o/ /zhes pa dang/ bskal ba bye ba grangs med par/ /gang gi sngon du sdig byas pa/ /dkyil 'khor 'di 'dra mthong ba yis/ /de rnams ma lus zad par 'gyur/ /gang dag spyod pa mchog 'di la/ /blo gros shin tu dri med pas/ /sdug bsngal rnams la gnas pa yi/ /ngan song skye ba 'joms par byed/ /bdag nyid chen po khyed rnams kyis/ /rnyed pa mnyam med de ring rnyed/ /gang zhig rgyal ba sras bcas pa/ bstan pa 'di la khyed rnams kyis/ /thams cad yongs su bzung bar bgyis/ /bdag nyid chen por bskyed pa des/ /khyed rnams theg pa chen po la/ /legs par bgrod pas 'gyur ba yis/ /de phyir 'di ni lam gyis mchog /theg chen 'byung ba'i gzhi yin pas/ /gang zhig 'gro bar 'gyur pa rnams/ /de bzhin gshegs pa rnams su 'gyur/ zhes pas so/ /de nas de nyid yi ge drug gis bsrungs la

  315. 157a

    bzlas pa'i don du de nyid byin te nang par snga bar rmi lam smos shig ces sgo nas/ yol ba'i phyi rol lam/ /gnas gzhan du seng ge ltar nyal bar bya'o/ /'di ni slob ma lhag par gnas pa'i cho ga'i rim pa'o/ de nas bdag nyid dkyil 'khor gyi lho phyogs su/ /oM ho badzra ka ma la da la garb+he sha y+yai badzra su kha mahA ni traM ka ro mi ya thA tA thA ga te na kri ta ha(rgyud 'grel): swAhA/ zhes pas nyal sa la lhag par gnas par bya ste/ slob dpon nyal ba ni nub tu mgo bo dang shar du rkang pa'o/ /gal te bsgoms pa'i stobs kyis rmi lam brtags pas/ sangs rgyas dang byang chub sems dpa' dang/ lha mo'i tshogs kyi lag na pi waM la sogs pa gzung ba mthong pas dge bar 'gyur ro/ /yang na rdo rje rnal 'byor ma rnams thod pa dang gri gug phyag na bzung ba dang/ khro bo'i rgyal po rnams kyis bdud dang bgegs dang log par 'dren pa la sogs pa rnams rnam par 'joms par byed pa dang/ srung ba'i 'khor lo byed pa mthong na dge ba'o/ /'on te gang yang ma mthong na 'bring po'o/ /'on te bdud kyi tshogs rnams bkres pa dang/ skom pa dang lus ring pa skams pa rnams kyis lag na thod pa dang gri gug bzung ba rnams ni skye bo dam pa rnams la bya ba ma yin pa byed par 'dod pas/ /slob dpon nam slob mas mthong na ngan pa'i mtshan ma'o/ /de lta bu mthong na slob dpon nyal sa spos te/ dkyil 'khor gyi shar phyogs kyis bzhi la bsdad la srung ba'i 'khor lo bsgom pa dang/ yang de rnams la gsung bar 'gyur ba'i cho gas gtor ma chen po sbyin par bya ba ni/ de yang oM pheM badzra DA ki ni badzra d+hA tI shwar gi ga na swa b+hA wa sarba dra byA bi sho d+ha ni sarba dra byA ni bi sho d+ha ya hUM pheM phaT/ zhes pa ni bgegs nye bar zhi bar bya ba'i gtor ma sbyang pa'i sngags so//

  316. 157b

    de nas sangs rgyas rnams spyan drang par bya ba ni sangs rgyas yab dang yum du bcas par gyur pa dang/ sras bcas 'khor rnams lhan cig grogs dang 'brel pa rnams/ /lha dang lha mo'i tshogs rnams 'dus pas bskor ba yis/ dgyes gyur rdo rje sems dpa' mchog nyid gshegs su gsol/ zhes pa 'dis de bzhin gshegs la sogs pa rnams rang rang gi khams la gzhug par bya'o/ /de nas rdo rje mkha' 'gro ma rnams spyan drang ba'i sngags 'di lta ste oM ha hA hi hI badzra b+hai ra wA karSha yA karSha ya/ pra wai sha ya pra wai sha ya/ d+hand+ha ya band+ha ya/ toSha ya toSha ya/ dza(rgyud 'grel): hUM baM ho(rgyud 'grel): badzra DA ki nI nI h+ri da yaM hUM hUM pheM pheM zhes pas so/ /de nas rdo rje'i phyag rgyas rdo rje mkha' 'gro ma rnams la gtor ma dri dang/ me tog dang bdug spos dang/ mar me dang mchod yon dang 'bras bu ma nyams pa rnams dang bcas pa gsung par 'gyur ba'i cho gas sbyin par byas pas phyi rol gyi dur khrod kyis bzhi la bza' ba dang btung ba byed par bsam mo/ /de nas bdud dang bgegs la sogs pa zhi bar bya ba'i don du rkang pa bcu drug pa phrang ba'i sngags bzlas pa ste/ cho ga 'di thig 'debs pa'i skabs su yang go bar bya'o/ /'di ni bsegs nye bar zhi bar bya ba'i cho ga'i rim pa'o/ /de nas nad par snga bar rdo rje slob dpon gyis gtor ma btang ba dang/ /dkyil 'khor gyi khang pa nas 'thon la slob ma rnams la rmi lam dri bar bya ste/ mi dge na phreng ba'i sngags kyis yang dag par bsrung ngo/ /de nas dkyil 'khor gyi khang par 'jug pa'i dus su bdud la sogs pa nye bar zhi bar bya ba'i don du sgrub thabs su gsungs pa'i cho gas srung pa'i 'khor lo sngon du song bas/ bcom ldan 'das kyis rnal 'byor la

  317. 158a

    dmigs pa dang yan lag drug dgod pa dang/ phyag rgya drug dang phyag rgya bzhi dgod par byas la/ /de nas slob ma rnams kyis/ oM dra wi sha b+ha ga wan mahA su kha mo k+Sha su raM sarba sid+d+hi su kha pra daM ba ra ma su khat+ta ma sid+d+hyI dza(rgyud 'grel): hUM baM ho(rgyud 'grel): pra sid+d+hya swa zhes pas gsol ba btab la/ 'jug pa ni bskor ba byas te nub sgo ru bsdad nas dkyil 'khor gyi shar sgo dbye ba la sogs pa'i sngags 'di lta ste/ oM badzrO dg+ha Ta ya sa ma ya pra be sha ya hUM zhes pas so/ /de nas dkyil 'khor la me tog gi phreng ba 'bul ba'i sngags ni/ oM pa ra ma mahA su kha sha ya su la lI ta pi la sa mi ta na mi ter+Na mA mi b+ha ga bAn+taM dza(rgyud 'grel): hUM baM ho(rgyud 'grel): hi hi hi hi hI(rgyud 'grel): pra tIts+tsha ku su mAny+dza liM nA tha ho(rgyud 'grel): zhes pas so/ /slar blangs te rang gi spyi bor bcing ngo/ /de nas 'khor lo dang bcas pa'i gtso bo bla mar dmigs la dbang bskur ba don du gnyer bas gsol ba gdab pa'i sngags kyi tshig ni/ oM haM haM hiM hiM h+riM h+riM huM huM hliM hliM/ A a'i rI a'u lI badzra DA ki n+ya badzrA mri ta ga Ta ya b+hi Shiny+tsa tu mai swAhA/ oM aM iM riM uM liM sarba bud+d+ha badzra mu ku TaM ma ma pany+tsa bud+hAt+ma kaM b+hand+ha yan+tu hUM hUM phaT/ oM a A oM a(rgyud 'grel): ha hAM haM ha(rgyud 'grel): pheM ho(rgyud 'grel): sarba pA ra mi tA ma ma badzra pa TaM b+hand+ha yan+tu huM hUM phaT/ oM hUM ho(rgyud 'grel): bi dz+nyA na dz+nyA na swa b+hA bai kA ru NA pradz+nyAt+ma ke badzra badzra g+haN+De sabyohta ra ka ra yor ma ma badzra satwa(rgyud 'grel): pradz+nyo da dA tu huM hUM phaT/ oM A A e i Ar Ar o aau al Al aM A(rgyud 'grel): sarba b+ho d+hi satwa(rgyud 'grel): sa b+hA ryA(rgyud 'grel): sarba dA sarba ka mo pa d+ha gaM badzra bra taM ma ma dA dAn+tu swAhA/ oM ha hA ya yA ra rA wa wA la lA sarba kro d+ha rA dzA(rgyud 'grel): sa d+hA ryA(rgyud 'grel): mai trI kU ru tA mu di ta u bek+ShA sarba sa ma twa swA dz+nyA waM badzra pUrbaM ga ma nA ma me da dan+tu huM hUM phaT/ oM e/ pad+ma badzra tsitrI?

  318. 158b

    pradz+nyau pA yau maN+Da la/ a d+hi pa tI badzra su kha dz+nyA nAM ga ma ma da da taM haM ha(rgyud 'grel): hUM hUM phaT/ zhes pas so/ /de nas dbang bdun rnams kyis dbang bskur bar bdag nyid bsam par bya'o/ /de nas dbang bdun thob par nga rgyal bskyed pa ni/ oM sarba ta thA ga ta sa ptA b+hi She ka sapta b+hU mi prA pto haM zhes pa ste/ dbang bdun rjes su gnang ba'i cho ga'o/ /de nas yang sngags pas bum pa la sogs pa'i dbang gong ma don du gnyer bar bya ba'i tshig 'di lta ste/ oM oM pradz+nyo pa yau ka la shA b+hi She kaM me da dA taM huM hUM phaT/ oM A(rgyud 'grel): pradz+nya pa yo guhyA b+hi She kaM me da dA tAM huM hUM phaT oM hUM pradz+nyo pA yau badzra satwa bi shwa mA ta ro pradz+nyA dz+nyA nA b+hi She kaM me da dA tAM huM hUM phaT/ zhes pas gsol ba gdab bo/ /de nas 'chad par 'gyur ba'i cho gas bdag nyid la dbang bskur bar bsam mo/ /de nas de ltar bsams nas/ oM oM badzra satwe na badzra ka la shA b+hi She ke nA b+hi Shik+to badzra satwa pu tre tsa lA b+hu mi labd+ho haM/ oM A(rgyud 'grel): badzra satwe na gu hyA b+hi She ke nA g+hi Shik+to badzra satwa yu wA ra dzo na wa b+hu mi la bd+ho haM/ oM hUM badzra satwe na pradz+nyA dz+nyA ne nA b+hi She ke nA b+hi Shi k+to dwo tI ya badzra d+ha ro haM d+harmmA me g+hA d+hU mi labd+ho haM/ zhes pas dbang gong ma'i nga rgyal ba ba'i cho ga'o/ /de nas dbang gong ma bas kyang gong ma'i dbang bzhi pa'i man ngag don du gnyer ba'i sngags kyis tshig 'di lta ste/ oM ho pradz+nyo pa yAt+ma kaM badzra satwa mahA mu drA dz+nyU nA b+hi She kaM me pra yats+tsha oM A(rgyud 'grel): huM ho phaT/ zhes pas gsol ba btab nas bdag nyid dri ma dang bral ba'i dbang bskur bar bsams la/ de nas rdo rje sems dpa' i nga rgyal bya ba ni/ oM ho d+hArmmA d+hA tAk+Sha tsandA b+hi She ke nA b+hi Shek+to badzra satwe nA t+mA nA hAM gnyis pa sa bcu gnyis pa thob pa rdo rje sems dpa' don chen po mchog tu mi 'gyur ba 'jig rten gsum las rnam par rgyal ba bcom ldan 'das dus kyi 'khor lo e paM yi ge zhes bya ste/ dbang gong ma las kyang gong ma'i cho ga'o/ /de nas slob

  319. 159a

    dpon gyis bya ba thams cad la rjes su gnang ba thob nas slob ma la dbab par bya ba ni/ bde ba chen po'i bdag nyid shes rab dang thabs kyi rang bzhin de kho na nyid kyi bstod pa sngon du song pas/ dkyil 'khor gyi dngos grub 'dod pa bos bden pa'i byin brlabs bya ba'i tshigs su bcad pa brjod pa 'di lta ste/ nam mkha' las ni byung dang mtshungs/ /thog ma tha ma med pa'i mchog /rdo rje sems dpa' rang bzhin gyis/ /dngos grub kun gyi dam pa gsol/ /mi bskyod rdo rje'i dngos grub ni/ /dbang po chen po lhag pa'i lha/ /rgyal ba rdo rje thams cad 'dzin/ /bdag la dngos grub mchog 'gyur gsol/ /skyon rnams spangs pa'i rtag pa nyid/ chags pa che las rjes su chags/ /chags pa chen po dag pa che/ /de nyid dngos grub bdag la gsol/ /shin tu dag pa'i chos kyi mchog /sngon du gol ba'i de bzhin gshegs/ kun tu bzang po kun gyi bdag /byang chub sems kyi dngos grub gsol/ /dbang po chen po phyag rgya che/ /rdo rje'i dngos grub mchog chen po/ /dngos grub kun gyis dam pa nyid/ /sna tshogs yum gyi yab kyis gsol/ /sems can kun gyi yid la khyab/ /sems can kun gyi snying la gnas/ /sems can kun gyi yab gyur pa/ /'dod pa'i rtse mo dam tshig rtse/ /bden pa'i ye shes mchog gyur pa/ /shes rab thabs bdag dkyil 'khor gyi/ /bden pas bdag la mgon po kye/ /'dod pa yongs su gang bar mdzod/ zhes pas so/ /'di ni slob dpon bdag 'jug gi cho ga'i rim pa'o/ de nas slob ma lhag par gnas pa byas pa rnams khrus byas te/ dri zhim po la sogs pas dag par byas nas btul zhugs blang bar bya ba ni/ /gsod dang mi bden pa dang gzhan gyi bud med rnams spang de

  320. 159b

    bzhin gzhan nor chang 'thung dag kyang ste/ /'khor bar rdo rje zhags pa rang gi dge ba 'joms par byed pa sdig pa lnga po 'di nyid rnams/ /gang zhig gang gi dus su byung ba'i lha dang mi yi bla ma de yi ming gis rab tu sbyin byas pa'i/ /sna tshogs gtso bo'i bka' stsal 'di yis srid pa'i 'jigs pa 'joms pas khyed rnams kyis kyang bskyang bar bgyi/ /rgyan 'gyed kha na ma tho bcas pa'i zas dang tshig ngan klog dang 'byung po lha min chos rnams dang/ /ba lang byis pa bud med skyes pa rnams dang lha dang mi rnams bla ma lnga ni gsang mi bya/ grogs dang rje'o dang ni lha dang mi yi bla ma dge 'dun dbugs 'byin rnams la mkhu ba dang/ /dbang po rnams kyis yongs su tshogs rnams min te srid pa'i bdag po'i brtul zhugs nyi shu rtsa lnga'o/ /zhes so/ /de nas yol ba'i phyi rol du slob ma rnams dkyil 'khor gyi gtso bor dmigs pa la oM sarba ta thA ga tA nuhta ra po d+hya laM ka ra bastra pU dzA me g+ha sa mu drA sa spa ra Na sa ma ye hUM zhes pas smad g.yog bcing ngo/ /oM badzra rak+Sha haM zhes pas stod g.yogs la'o/ /oM badzra Sh+Ni Sha huM phaT zhes pas thod pa la'o/ /oM dwA da shAM ga ni ro d+ha ka ri ne huM phaT zhes pas mig ras bcing ngo/ /A khaM bI ra hUM zhes pas me tog gi phreng ba 'dzin du gzhug go /de nas slob mas dkyil 'khor du 'jug yon phul ba dang/ rnam par rgyal ba'i dung gis chus gtor te/ snying ga dang mgrin pa dang dbral ba rnams su gdan gsum gyi steng du yi ge gsum gyi 'od zer gyi chus dri ma med par byas te/ huM zhes brjod nas dkyil 'khor gyi shar gyi sgo ru gnas pa las kyi rdo rjes gzung ba dang/ dkyil 'khor du 'jug pa dri bar bya ba ni/ kye ho bu sdug khyod su yin zhes pa'i lan/ /bde chen

  321. 160a

    skal ldan bdag lags so zhes pa brjod pa de nyid brjod du gzhug /oM sarba yo gatsit+ta mud+pA dA yA mi zhes pas/ byang chub kyi sems bskyed la me tog dang bcas pa'i rdo rje snying gar bzhag la oM su ra te sa ma ya stwaM ho sid+d+hi badzra ya tha su khaM zhes pa brjod cing rdo rje la 'dzin du gzhug go /de nas brjod pa/ deng khyod de bzhin gshegs pa thams cad kyis byin gyis rlob pas khyod kyis de bzhin gshegs pa thams cad kyi mchog tu gsang ba'i dkyil 'khor chen po 'di dkyil 'khor ma mthong ba rnams la smra bar ma byed cig ces brjod la/ oM big+h+nAnha kri da hUM zhes pas dgug par bya'o/ /de nas yang A khaM bi ra hUM zhes pas yol ba'i nang du bcug ste/ oM mahA ra ta su dri DhA su to Sh+ya su su kha badzra satwA rya sid+d+hya maM zhes brjod cing bskar ba bya'o/ /de nas thal mo sbyar la shar sgo nas brjod pa/ oM sarba ta thA ga ta pU dzo pas+thA na yAhma naM nIryA ta yA mi sarba ta thA ga ta badzra sa trA d+hi tiSh+Ta maM/ oM sarba ta thA ga ta pU dzA karma Na yA ta ma naM nirya ta ya mi sarba ta thA ga ta badzra karma ku ru mi zhes pas so/ /de nas lho phyogs nas oM sarba ta thA ga ta pU dzA b+hi She ka yAt+ma naM nirya tA ya maM/ sarba ta thA ga ta badzra radnA b+hi Shiny+tsa maM zhes pas so/ /de nas nub phyogs nas oM sarba bud+d+ha pu dzo pas+thA nA ya/ At+ma ni nIryA ta yA mi sarba ta thA ga ta badzra bai ro tsa nA b+hi tiSh+Tha me zhes pas so/ /de nas byang phyogs nas oM sarba ta thA ga ta pU dzA bra warta ? yA tnaM niryA ta ya mi sarba ta thA ga ta badzra d+harmrA pra warta ya mi zhes pas so/ /de nas yang shar phyogs su 'ongs nas/ oM gu ru tsar Na pas+thA nA yAt+ma naM nIryA ta ya mi oM sarba satwa pa ri tu nA ya/ at+ma nI niryA ta yA mI zhes pa'i don go bar byas la bklag tu bzhug go /de nas yang deng khyod

  322. 160b

    de bzhin gshegs pa thams cad kyi rigs su zhugs bas de'i phyir rdo rje ye shes bskyed do/ /ye shes des de bzhin gshegs pa thams cad kyi dngos grub rnams kyang thob na dngos grub gzhan lta ci smos gal te khyod kyi dam tshig 'das na sdug bsngal chen po ster bar 'gyur bas de'i phyir khyod kyi 'di dkyil 'khor ma mthong ba rnams kyi sngon du smra bar mi bya'o zhes brjod de/ mgol rdo rje bzhag la dril bu dkrol zhing rjod pa/ 'di ni dam tshig rdo rje ste/ gal te smras na mgo bo 'gas/ shes pa go bar byas la/ snying gar rdo rje gzung ste/ oM dus kyi 'khor lo khyod nyid kyi/ /snying la yang dag gnas pa ste/ /gal te gzhan la smras pa na/ /de ma thag tu dral te gshegs/ /shes pa'i bka' stsal byin la rnam rgyal gyi dud mthe bong dang srin lag gis blangs te/ de'i khar sbyin par bya zhing/ /'di ni khyod kyis dmyal ba'i chu/ /dam tshig bzlas na sreg pa byed/ /dam tshig bsrungs na dngos grub thob/ /'thung zhig rdo rje bdud rtsi'i chu/ /zhes brjod cing mna' chu blud do/ /deng nas brtsams te khyod kyi dus kyi 'khor la nga yin pas nga yis gang bsgo ba khyod kyis bya dgos so/ /de phyir bag dang ldan par gyis shig /mi mthun pas rkyen byas nas dmyal bar ma byed cig ces brjod do/ 'di ni dam tshig gi chu'i cho ga'o/ /de nas dngos grub nges pa'i don du byas la mtshan nyid dang ldan pa'i slob ma la lha dbab par bya'o/ /de yang 'du 'dzi med pa'i gnas su dus kyi 'khor lo'i rnal 'byor la gnas la bzlas pa dang/ sbyin sreg gis mnyes bar bya ste/ dbab pa'i nus pa dang ldan pas/ /slob ma mdun du bzhag la skad cig gis stong par btang ba'i rjes la a yig las 'od dpag tu med par bskyed de/ oM sarba ta thA ga ta shtsA b+hi tiSh+Tha na ?btoM b+ha wa

  323. 161a

    tsakro ma ya we sha tu zhes brjod pa dang/ de'i lte bar lam las byung ba'i sa'i dkyil 'khor gru bzhi pa ser po 'khor los mtshan pa dus me'i steng du ho ser po'o/ /snying gar yaM las byung ba'i rlung gi dkyil 'khor g.yo ba'i ba dan gnyis kyis mtshan pa nag po gzhu'i rnam pa sgra gcan gyi steng du hUM nag po'o/ /mgrin par raM yig las byung ba'i me'i dkyil 'khor gru gsum dmar po rin po ches mtshan pa nyi ma'i steng du a:dmar po'o/ /dpral bar waM yig las byung ba'i chu'i dkyil 'khor zlum la dkar ba bum pas mtshan pa/ zla ba'i steng du oM dkar po rnams rnam par bsgoms te/ bdag nyid kyi snying ga'i sa bon gyi 'od zer gyis ye shes dang thugs dang/ gsung dang sku'i rdo rje rnams spyan drangs la rim pa bzhin du ho hUM A oM rnams la thim par bsgom par bya'o/ /de nas rkang pa dag gis 'og tu yaM las rlung gi dkyil 'khor gyi sbar ba'i ? las 'byung ba'i me'i dkyil 'khor raM gyis mtshan pa dmar po gru gsum pa steng du dzhai(rgyud 'grel): yig ste de dag gi 'od zer gyis bskyod pas ho la sogs pa'i 'od zer yang bskyod nas lus kun yongs su gang bar bsgom zhing/ /bdud rtsi lnga dang bcas pa'i bdug spos kyis bdug cing dril bu dkrol te oM ar ra ra ra la la la la badzrA we sha ye hUM zhes pas dbab bar bya'o/ /'di'i 'bras bu rgyud du shes par bya'o/ /de nas oM A(rgyud 'grel): hUM ho zhes pa'i sngags kyis me tog mgo la bzhag na babs pa de gshegs par 'gyur ro/ /yang mgo bo dang snying ga dang gtsug tor rnams su oM hUM haM rnams thabs kyi'o/ /lte ba dang mgrin pa gsang ba rnams su ho:a(rgyud 'grel): k+Sha(rgyud 'grel): rnams shes rab rnams kyi'o/ /'di'i ni dbab pa'i cho ga'i rim pa'o/ /de nas slob ma dkyil 'khor la lta ru bcug la mig sngar cir snang dris nas/ kha dog gi dbye bas

  324. 161b

    'phrin las kyi dbye ba go bar bya'o/ /de nas mthe bong gnyis lag pa g.yas bas rdo rje dang bcas pa bzung la rdo rje'i gar bya zhing rtsa ba'i sngags sam yi ge drug pa bzlas shing bskor ba gsum byas te/ /bden pa'i byin gyis brlabs bya ba ni/ /'di ltar dkyil 'khor dam pa 'dir/ /bdag gi slob ma bcug pa yi/ bsod nams gang gis 'di la mdzod/ /lha rnams rigs kyi rim pa yis/ /dngos grub ji bzhin 'di la 'byung/ /gang du lhung ba de yi rigs/ /gang gis bsod nams nus pa yis/ / de bzhin dkyil 'khor 'di la 'byung/ /'di ni mig ras dang bcas pa'i dkyil 'khor du 'jug pa'i cho ga'i rim pa'o/ /de nas sngon gyi me tog gi phreng ba las me tog gcig phyung ste snyim pa rnams par dag pa'i don du me tog de'i snyim par byin la slob ma de nyid kyi yi ge sbar bar byas pa'i sdig pa rnam par dag par bsam mo/ /slob dpon gyis kyang de ltar byin gyis brlab pa'o/ /de nas dad pa dang mos pa sngon du song bas/ /mdun na gnas pa'i dkyil 'khor la dmigs te dkyil 'khor de ru 'jug par bsams la/ oM sarba ta thA ga ta ku la bi shod+ha ni swAhA/ zhes brjod la/ de bzhin gshegs pa lnga'i mtshan ma rgyal ba'i bum pa'i steng du bzhag pa la 'am/ thad ka la dor ba ste/ de dang dus mtshungs su mig ras bshu bar bya'o// gal te sngon du me tog dor nas de nas bshu na sngags 'di brjod pa ste/ oM di byen+d+ra yA n+yurga Ta ya swAhA/ zhes pas mig dbye bar bya'o/ /me tog gang du lhung ba de nyid rigs kyi lha'o/ /rigs kyi lha de nyid kyi las kyi phyag rgya'i dngos grub 'grub par 'gyur ro/ /me tog de nyid blangs la phreng ba la btags te/ oM pra ti grih+ra twa/ mo mi satwa pa la zhes pas slob ma'i mgo la gdags/ /de nas kye rdo rjes ltos shig ces brjod la/ /lha rnams kyi ming sngon du song bas dkyil

  325. 162a

    'khor gyi gtso bo la sogs pa bstan pa dang brjod pa/ dkyil 'khor dam pa 'di la ltos/ /da ni dad pa rab tu bskyed/ /khyod ni sangs rgyas rigs su 'gro/ /sngags dang phyag rgyas byin gyis brlabs// dngos grub phun sum tshogs pa dang/ dam tshig mchog ni thob par 'gyur/ /rdo rje pad+ma mchog la rol/ sngags rnams la ni brtson par gyis/ /zhes pas go bar byas la oM badzra maN+Dal mahA maN+Da la pra wi Sh+TO haM/ yoga maN+Da la mahA maN+Da lA dabshi to haM/ gu hya maN+Da la mahA maN+Da la dAkI to haM zhes brjod la dam tshig brjod pa/ / /ho(rgyud 'grel): ho(rgyud 'grel): ho(rgyud 'grel): zhes pa 'di ni me tog dor ba dang/ slob ma la dkyil 'khor bstan cing gzhug pa'i cho ga'i rim pa'o/ /de nas chu la sogs pa'i dbang bskur ba'i don du bla ma'i sdun du slob ma pus mos la btsugs te thal mo sbyar te/ /byang chub rdo rjes sangs rgyas la/ /dbang mchog dam pa byin pa ltar/ /bdag kyang bskyab pa'i don gyi phyir/ /nam mkhar rdor sogs ding bdag gsol/ zhes brjod la gsol ba gdab pa'o/ /de nas slob dpon gyis gsung bar 'gyur ba'i rim pas shar gyi sgo ru rnam par bskrad par bya'o/ /de nas slob dpon gyis slob ma'i lag pa g.yon pa nas bskyod cing las kyi rdo rje dang bcas pas bskor ba bya zhing byang sgor khrid la/ /der gdan la bsdad de de'i snying ga'i sa bon gyi 'od zer gyis phyogs kun na gnas pa'i de bzhin gshegs pa dang/ rigs pa'i lha mo rnams spyan drangs te/ mchod nas slob ma la dbang bskur ba'i don du/ /sangs rgyas rnams la rdor 'chang gis/ /dbang bskur bzhin du 'gro ba rnams/ /bsgral phyir yon tan 'byung ba'i gnas/ /de ltar 'di la gnang bar zhu/ /zhes gsol ba btab nas/ de nas de bzhin gshegs

  326. 162b

    pa shes rab dang bcas pa chags pa chen pos zhu ste/ /rnam par snang mdzad kyi lam nas zhugs pa dang/ /rdo rje'i lam nas byung ste zhu ba de yang slob ma'i zhal nas zhugs pas lha mo'i pad+ma na gnas pa skad cig gis sku rdo rje shes rab dang bcas pa'i gzugs ye shes sems dpa' dang/ tha mi dad pa la dbang bskur ro/ /yang zhal dang phyag la sogs pa dang ldan pa'i cha byad can pad+ma nas 'thon pa la spyan ma la sogs pa dang bcas pa nam mkha' i khams gang bar gnas pas gdugs dang/ rgyal mtshan dang ba dan dang/ na bza' dang sgra dang gar dang glu dang gur gum dang/ ga bur dang/ me tog la sogs pa'i char dang/ byang chub sems kyis gang ba'i bum pa dkar po phyag gis bzung bas/ slob ma de yang pad+ma nas phyung ba la dbang bskur ro/ /gzugs rdo rje ma la sogs pa lha mo rnams kyi brjod pa/ bkra shis gang gis sems can kun gyi snying la gnas/ /sems can ma lus rang bzhin kun mkhyen mchog gyur pa/ /skyed byed kyis byed bde chen ji lta ba bzhin du/ /de ltar dbang gis mchog gis 'dir ni bkra shis gsol/ /dpal dang ldan pa'i ri bo dang ni mtshungs pa yi/ /'jig rten gsum gyi mgon po dri ma gsum dang bral/ /mtsho las byung ba'i pad+ma dang mtshungs sangs rgyas spyan/ /de yi bkra shis zhi bar byed pa de gsol cig /de yis gsungs pa'i rab mchog g.yo ba med pa yi/ /mi dang lha yi mchod gnas 'jig rten gsum du grags/ /chos kyi mchog tu gyur pas 'gro rnams zhi bar mdzod// de yi bkra shis zhi bar byed pa de gsol cig /dam pa'i chos dang ldan zhing thos pa'i bkra shis ldan/ /dge 'dun mi dang lha dang lha min yon 'bras ster/ /gang zhig dpal ldan gnas pa'i tshogs kyis mchog gyur pa/ /de yi

  327. 163a

    bkra shis zhi bar byed pa de gsol cig /ces pa'i bkra shis kyi glu 'di yis nye bar byed pa ste/ bdag nyid la sogs pas kyang ngo/ /de nas lus dag pa'i don du sgrol ma la sogs pa'i sngags kyis bum pa thams cad nas chu blangs te/ rnam rgyal gyi dung phor du blugs nas gtsug tor dang/ dpung pa'i tshigs g.yas pa dang/ g.yon pa dang de ltar dpyi mgo'i tshigs dag las/ dbang bskur ba ni rdo rje che/ /khams gsum kun gyis phyag byas pa/ /gsang ba bzhi ni 'byung ba'i gnas/ /byin cig sangs rgyas thams cad kyis/ zhes pa dang/ oM A a'i rI a'u lI pany+tsa d+hA tu bi sho d+ha ni swAhA/ zhes brjod cing rnam rgyal gyi dung phor gyi chus dbang bskur ba ni khams lnga lha mo lngar bskyed pas so/ /de nas cod pan gyi dbang bskur ba la yang gnas lngar sngags 'dis dbang bskur ba ni phung po lnga de bzhin gshegs pa lngar bskyed pas oM a i ri u li pany+tsa ta thA ga ta pa ri shud+ha swAhA/ zhes pas so/ /de nas rin po che'am/ gser ram ras las byung ba'i cod pan la sngags 'di brjod de mgo la bcing bar bya'o/ /de ltar dbang gnyis kyi khams dang phung po rnam par dag pa ni lus yongs su dag pa ste/ 'di ni chu dang cod pan gyi dbang bskur ba'i cho ga'o/ /de nas g.yas su bskor te lho sgor khrid la gong ltar gsol ba 'debs pa'i slob ma la dag rnam par dag pa'i don du gsung rdo rje'i gzugs ye shes sems dpa' dang tha mi dad pa la dbang bskur ba ni rdo rje che/ zhes pa la sogs pa brjod la/ oM a A aM a:ha hA haM ha(rgyud 'grel): pheM ho(rgyud 'grel): da sha pa ra mi tA pa ri pU ra Ni swAhA/ zhes pa'i sngags kyi gnas lngar dbang bskur ba ni rlung bcu lha mo bcu ru bskyed pas so/ /de nas

  328. 163b

    rin po che'am gser gyi dar dpyangs sam me tog gi phreng ba dpral ba la bcing par bya'o/ /de nas de ltar gsol ba btab la rtsa gnyis yab yum gnyis su bskyed pas/ oM hUM ho(rgyud 'grel): sUrya tsan+d+ra bi sho d+ha ni swAhA/ zhes pa'i sngags kyis rdo rje dang dril bu mgo la bzhag la gnas lngar dbang bskur ba 'di dag gis rlung dang rtsa dag pa ngag rnam par dag pa ste/ dar dpyangs dang rdo rje dril bu'i dbang bskur ba'i cho ga'i rim pa'o/ /de nas g.yas bskor gyis shar gyi sgor rdo rje sor gdub byin la shar gyi zhal du yid dag par bya ba'i phyir snga ma ltar gsol ba btab la thugs rdo rje'i gzugs ye shes sems dpa' dang tha mi dad pa la/ /thog mdza' med pa'i sems dpa' ni/ /rdo rje sems dpa' bde ba che/ /kun tu bzang po kun rang bzhin/ /sna tshogs yum gyi bdag po mchog /ces pas bcom ldan 'das dang po'i skyes bu go bar byas te/ oM a A e i ar Ar o aau al A la oM a(rgyud 'grel): bi Sha yanh+ri ya bi sho d+ha ni swAhA/ zhes pa'i sngags kyis de kho na'i rang bzhin rdo rje byin la de nas gnas sngar dbang bskur ba ni dbang po dang yul rnams sems dpa' dang sems mar bskyed pas so/ /de nas rna ba la sogs pa la me tog byin nas de nas ming gi dbang bskur ba ni gsol ba gdab pa dang/ las kyi dbang po dang de'i yul rnams khro bo dang khro mor bskyed pas/ oM ha hA ya yA wa wA la lA tsa tu rbrahma bi hA ra bi shud+d+ha swAhA/ zhes bya ba'i sngags kyis gnas lngar dbang bskur la/ /de nas lag pa dang rkang pa rnams la lag gdub bam/ me tog gi phreng ba bcings la/ /srid pa'i ngan 'gro las bton nas/ /srid pa mchog tu zhi bya'i phyir rdo rje sems

  329. 164a

    dpa' de bzhin gshegs/ /bdag gis khyod ni lung bstan gyi/ /ta thA ga ta sid+d+hya sa ma ya stwaM b+hU b+hu ba(rgyud 'grel): sraM(rgyud 'grel): zhes brjod pa ni me tog lhung ba'i sgo nas rang gi rigs kyi ming gis lung bstan pa ni/ pa rArya dang/ a nu pa ma dang/ su ra ta dang/ sa ma ra sa dang/ bi dza ya dang/ a la la dang/ satwa dang/ mahA su kha dang/ a naM ga dang/ dz+nyA na dang/ swA hA dza badzra zhes pa rdo rje sems dpa' i ming bye brag ste mthar rdo rje kun la go bar bya'o/ /mi bskyod pa'i rA sa dang/ bi la sa dang/ ra te dang/ li lA dang/ la li ta dang/ swa yoM bu dang/ dre Sha dang/ he dang/ ka ru Na dang/ tsit+ta dang/ hUM ka da dang/ a klo b+hya badzra/ zhes pa rnams so/ /don yod grub pa'i/ a mo g+ha dang/ pa ra mA shwa dang sa ma ya dang/ pA ra mi ta dang/ karma dang/ a ni la dang/ spar sha dang/ irSha zhes pa rnams so/ /rin chen 'byung ldan gyi/ ratna dang/ tsin+ta ma ni dang/ kha dang/ ga gan dang/ te dzo dang/ mArtaN+Da dang/ b+has ka ra dang/ mA na zhes pa rnams so/ /rnam par snang mdzad kyi/ bai ro tsa na dang/ oM kAr dang/ sha shA ta dang/ ta thA ga ta dang/ mA yA dang/ bud+d+ha dang/ rU pa dang/ ka ya badzra zhes pa rnams so/ /'od dpag med kyi/ rA ga dang a ba lo ki dang/ /d+hammO dang/ pad+ma dang/ badzre ku ra dang/ padmAM ku ra dang/ su ra ta aM ku ra dang/ ka ra Na ku ra dang/ padmA nan+ta dang/ su ra tA nan+ta dang/ a mi ta dang pA ga badzra zhes pa rnams so/ /shes rab kyi pha rol tu phyin pa'i/ /be gi dang/ be la si ni dang/ pa dA dang/ ko ka nA dang/ a na na dang/ pA dA kA dang/ mA lA dang badzro ta ya zhes pa rnams so/ /rdo rje dbyings kyi dbang phyug ma'i/ badzra ha ra dang/ sA sA dang/ dzrA li dang/ mA lA dang/ A gA sA dang/ badzra kA sa ra ti

  330. 164b

    zhes pa rnams so/ /mA ma kI'i/ Ahma dang/ hasta dang/ a wa lI dang/ ka rA dang/ badzra mA ma kI dang/ dwe Shar tI zhes pa rnams so/ /sgrol ma'i/ garba dang/ mA yA dang/ ba Da wa dang/ tA rA dang/ badzra nartye shwa rI dang/ sa ma ya badzra dang/ badzrar ti zhes pa rnams so/ /spyan ma'i/ Ta ka ni dang/ gau ri dang/ lA sya dang/ lo tsa na dang/ badzra mo ha ra ti zhes pa rnams so/ /gos dkar mo'i rA ga dang/ gi ta dang/ a ho su kha dang/ bai hA li dang/ ma ti dang/ ha syA dang/ pAN+Da ri dang/ badzra ra ga ti zhes pa rnams kyi dang po rdo rje dang ldan par byas te/ 'di rnams kyis yid rnam par dag pa rdo rje'i brtul zhugs dang ming gis dbang gi cho ga'i rim pa'o/ /de nas de ltar g.yas skor du khrid la nub kyi zhal du ye shes dag pa'i don du slob mas gsol ba gdab pa dang/ ye shes rdo rje'i sku ye shes sems dpa' dang tha mi dad pa ye shes dang rnam par shes pa yab yum gnyis su bskyed la/ oM haM k+Sha(rgyud 'grel): dz+nyA na bi sho d+ha ni d+harmmA tsakra pra barta kA swAhA/ zhes pa ste d+hArmmA ri gnas su badzra dang khaDga dang/ radna dang tsakra dang pad+ma rnams bcug la lan lnga ru brjod cing/ /gnas lnga ru dbang bskur ba ye shes rnam par dag pa ste/ de nas slob ma stan la bsdad pa la b+h+ruM las byung ba'i chos kyi 'khor lo badzra he hu mi zhes brjod de rkang pa dag la byin nas/ dbyangs yig tha ma las byung ba'i dud/ /oM badzra b+hA Sha ri zhes pa brjod de lag pa g.yas su gtad do/ /dbyangs yig dang po las byung ba'i pu ti a zhes brjod cing g.yon par ro/ / yang a las byung ba'i dril bu de nyid brjod cing lag pa g.yon du gtad de/ thams cad nam mkha' i mtshan nyid de/ /nam mkha' i nyid la mtshan nyid med/ /nam mkha' dang ni mtshungs pa ste/ /kun gyi mchog de mnyam nyid gsal/ /ding

  331. 165a

    nas bsams pa tsam gyis ni/ /chos kyi dung ni bla med pa/ /kun tu gang ba byed bzhin pas/ /chos kyi 'khor lo rab tu bskor/ zhes brjod pa dang/ sems can kun la phan bya'i phyir/ /'jig rten ma lus thams cad la/ /ji ltar 'dul ba chos rnams kyis/ 'khor lo rab tu bskor bgyis/ /shes rab thabs kyi rang bzhin dang/ /yid bzhin nor bu dang mtshungs par/ /ngal med dmigs pa rnams dang bral/ /sems can don rnams di ring gyis/ /zhes brjod do/ /des kyang phyag byas te brjod pa/ mnga' bdag gsung ba de ltar bgyi/ /zhes pa 'di ni rjes su gnang ba'i cho ga'i rim pa'o/ /de nas oM h+rI h+rIM h+rIM hUM h+rlI h+ra(rgyud 'grel): swAhA/ zhes pa dang/ oM A(rgyud 'grel): huM ho haM k+Sha(rgyud 'grel): zhes pa dang/ de ltar phreng ba'i sngags la sogs pa rnams lan gsum brjod de sbyin pa ni/ bcom ldan bdag gis sbyin byas pa/ /'di la nye bar gnas par bgyis/ /zhes pa'i tshig go /slob mas brjod pa/ bdag gi bcom ldan 'das blangs pas/ 'di la nye bar gnas par gyis zhes pas blangs te 'di ni sngags rjes su gnang ba'o/ /de nas gser ram dngul las byas pa'i snod du mar dang sbrang rtsi'i mig sman gser las byas pa'i thur mas blangs te/ slob ma'i mig tu pra yig bsams la/ oM badzra netrA pa ha ra pa tra laM h+ri(rgyud 'grel): zhes pa brjod cing bsku bar bya zhing/ ji ltar mig mkhan rgyal po yis/ /'jig rten rab rib bsal ba ltar/ /bu khyod kyi ni mi shes pa'i/ /rab rib rgyal ba rnams kyi bsal/ /zhes pa 'di ni mig sman gyi cho ga'i rim pa'o/ /de nas me long mngon par blangs te a(rgyud 'grel): mngon par bzlas shing slob ma la bstan cing brjod la/ /chos rnams gzugs brnyan dang mtshungs par/ /dag cing gsal la dri ma med/ /gzung bya med cing brjod bya med/ /rgyu dang las las yang dag byung/ /dus 'khor me long gnas mtshungs par/ /dag cing gsal la dri ma med/ /sangs rgyas

  332. 165b

    kun gyi gtso bo ste/ /bu khyod snying la yang dag gnas/ /khyod la 'dren pa'i spyan ldan pas/ /pho bo med cing gnas med pa/ /'di ltar chos rnams shes gyis la/ /sems can don ni mnyam med gyis/ /shes pa ni me long gi cho ga'i rim pa'o/ / de nas ho yig las byung ba'i gzhu ho zhes pa byin la yang/ oM sarba ta thA ga tA nA na nu rA gA ya swAhA/ zhes brjod par bgyi'o/ /slob mas kyang mnga' bkang bzhin pas/ oM sarba ta thA ga tA na na nu rA ga ya mi zhes brjod cing/ blos bgegs la 'bugs par bsams zhing phyogs mtshams steng 'og rnams su'o/ /'di ni mda' gzhu'i cho ga'i rim pa'o/ /de nas slob ma la kye rdo rje che ge mo zhes brjod de rdo rje dang dril bu byin la mchog gi snying rjes dag pa'i chos rnams bstan par bya'o/ /rdo rje'i rigs su nges par srog gtsang pa dang ral gri mi bden pa'i ngag brjod bya ba dang/ rin chen du ni gzhan nor 'phrog dang mchog gi pad+ma'i rigs nyid du yang gzhan gyis bud med 'phrog /'khor lor chang dang mar me sangs rgyas rnams dang yul rnams mdza' dag shin tu bsten par bya'o/ /gri gug tu ni gdol pa mo la sogs pa bud med mdza' dag mkha' yi pad+ma smad mi bya/ /sems can rnams kyi don du nor dang lus bcas sbyin bya 'di ni khyod kyis bsrung bar bya ba min/ /rigs kyi bu rnams gzhan du bskal pa grangs med pas kyang sangs rgyas min par rgyal bas gsungs par nges/ /chu yi sgrol ma la sogs lha mo rnams dang dbu rgyan rgyal ba rnams te dar dpyangs nus ma rnams/ /rdo rje dril bu nyi zla ngag dang brtul zhugs yul sogs rnams dang/ ming gi byams pa sogs su sbyong/

  333. 166a

    rjes gnang rdzogs pa'i byang chub dpal ldan srid pa'i 'jigs pa 'joms pa dus kyi 'khor lo rjes khyab pa/ /de ltar dbang bdun rnams kyi sdig pa'i dri ma 'joms pas dkyil 'khor nyid du yang dag rab tu smin/ /de nas ras kyi yol ba la sogs pas dben par byas pa'i gnas su gzugs dang lang tsho dang ldan pa dam tshig dang ldan pa lo bcu gcig pa nas nyi shu'i bar ram/ de med na gzhan phyag rgya ma bum pa'i dbang la sogs pa'i don du phul la thal mo sbyar te bla ma dus kyi 'khor lor dmigs la/ sgrib pa thams cad spangs pa yi/ /dus 'khor khyod la phyag 'tshal lo/ /mchog tu mi 'gyur ba des gang ba/ /ye shes sku la phyag 'tshal bstod/ /stong dang snying rje dbyer med pa'i/ /byang chub sems gang mi 'gyur ba/ /mgon po bdag la dbang de yis/ /da lta nyid du bka' drin mdzod/ /bu dang chung ma sogs bcas pas/ /thams cad du ni khyod kyi 'bangs/ /ji srid byang chub snying po'i bar/ /bdag la skyabs ni gzhan ma mchis/ zhes pa dang bcas pas gsol ba btab pa dang/ de nas bla mas dkyil 'khor gyi gtso bo'i nga rgyal dang ldan pas/ slob ma sku rdo rje'i gzugs dang/ rig ma tha mal gyi rang bzhin dag pa'i yongs su rdzogs pa'i lha mo'i gzugs kyi sgeg pa dang chags pa'i lta bas nu ma la reg tu gzhug pa'o/ /'di ni lus rnam par dag pa bum pa'i dbang gi cho ga'i rim pa'o/ /de nas de ltar nga rgyal dang ldan pas/ /de la gsol ba btab pa dang/ slob mas phul ba stong pa'i ngang las lha mo'i gzugs su bskyed la rdo rje dang pad+ma byin gyis brlabs pa sngon du song bas snyoms par 'jug par bya zhing/ oM sarba ta thA ga tA nu rA ga Na badzra swa b+hA bAhma ko haM zhes brjod la sa bon gyi 'od

  334. 166b

    zer gyis sgrol ma la sogs pa dang/ /mnyam par sbyar ba'i rnam par snang mdzad la sogs pa de bzhin gshegs pa rnams bdag nyid la zhugs pas chags pa chen pos zhu nas a ba d+hU tE nas song ste/ rdo rje nor bur lhan cig skyes pa brtan par byas pa pad+ma nas byung ste/ mthe bong dang mthe chung dag gis gzung ste/ de bzhin gshegs pa'i khu ba dang/ bdag nyid kyi byang chub kyi sems tha mi dad par go bar byas la/ slob ma gsung rdo rje'i khar dbab pa ni/ de yang sngon gyi sangs rgyas sras rnams la/ /rdo rje 'dzin pas dbang bskur ltar/ /byang chub sems ni yid 'ong bas/ /de ltar bu rnams khrus gsol cig /ces pa dang/ nga rgyal gyis sngags brjod pas so/ /slob ma des rnam par snang mdzad la sogs pa de bzhin gshegs pa thams cad tshogs kyi blos kye ma bde ba che'o zhes brjod cing btung ngo/ /shes rab kyis kyang na bza' dang bral bar langs te rang gi pad+ma'i de bzhin gshegs pa'i thig le dang me tog de nyid kyi khar dbab pa'o/ /des kyang de ltar btung bar bya ste shes rab dang thabs kyi kun rdzob byang chub kyi sems gsang ba na gsang ba'i dbang bskur ba'o// //'di ni ngag rnam par dag pa gsang ba'i dbang gi cho ga'i rim pa'o/ /de nas slob mas kye bcom ldan 'das pha rol tu phyin pa thams cad thob pa da ni bdag gis ji ltar bgyi zhes bzod pas/ slob dpon gyi bka' bsgo ba ltar gsol ba btab pa'i slob ma la gzugs la sogs pa yang dag par ldan pa'i shes rab de'i sna rtse 'jibs te/ snyoms par zhugs la chags pa dang ldan pas byas te de bstan cing/ 'di nge 'dzin par byed cing mdzes/ /sangs rgyas rnams kyis bsten byar

  335. 167a

    gsungs/ /sbyor bas 'khor lo la dbab cing/ /dam pa'i bde bas ro mnyam myong/ /rdo rje la gnas byang chub sems/ /nor bu'i mthar ni blta bar bya/ /zhes pa dang/ las kyi phyag rgya rab 'dus dang/ ye shes phyag rgya rjes chags pas/ /byang chub sems brtan brtul zhugs kyis/ /bde ba chen por bsrung ba ni/ /b+ha gar mchan ma rab gnas te/ /byang chub sems ni mi 'dzag pas/ /srid pa gsum po ma lus pa/ /sangs rgyas skur ni bsgom par bya/ /zhes brjod cing gtang pa'o/ /shes rab mas kyang gur gum la sogs pa'i dri zhim pas lus byug ste/ slob ma la chu skyes bstan cing/ kye ma bdag gi pad+ma 'di/ /bde ba dang bcas ma lus pa/ /gang gis cho ga bzhin bsten na/ /de yi mdun du bdag gnas pas/ /ji ltar 'dod bzhin pad+ma spyod/ /sangs rgyas mnyes pa la sogs phyir/ /bdag ni bde chen rgyal po ste/ 'di ni rgyun du gnas pa'i phyir ro/ /mthar pa'i bsnyen pas mnyes par gyis/ /slob ma de nyid kyang lha'i nga rgyal dang ldan pas/ oM A:huM swAhA/ zhes pa rnams dpral ba dang mgrin pa dang snying ga dang gsang ba dang gtsug tor rnams su bkod la/ rigs lnga'i tshogs kyi bdag nyid kyi gzugs su gnas la A(rgyud 'grel): hUM dag las byung ba'i pad+ma rdo rjes mchan pa/ hUM A(rgyud 'grel): rdo rje pad+ma 'dab ma brgyad kyis mtshan par dmigs la/ /g.yon pa'i g.yon gyi rtsa 'dzub ma'i rtse mo la h+ri dmar po bsams la bskyod pa ni/ lce'i shI zhes brjod pas so/ /de nas oM shI shI shI ha ha ha swA hA zhes pa dang/ oM sarba ta thA ga tA nu rA ga Na badzra swa b+hA wAt+ma ko haM zhes pa hUM phaT dang ldan pa brjod cing bla ma'i gdams ngag las dga' ba'i dbye bas ga par

  336. 167b

    byas la/ sa bon gyi 'od zer gyis spyan drangs pa'i de bzhin gshegs pas lus byin gyis brlabs te/ bla mas kyang rnam par snang mdzad la sogs pa grangs med pa spyan drangs te/ /ro gcig tu gyur pas mnyes par bya'o/ /de yang sku gsung thugs dang chags pa rnams/ /dpral ba la sogs rnams su dgong/ /swAhA gsang ba gtsug tor du/ /de nas pad+ma rnams sbyangs bya/ /a las pad+ma 'dab brgyad pa/ /hUM las rdo rje dang ldan pa/ /de ltar rdo rje dang bcas pa/ /shes rab thabs kyi rgyu nyid do/ /hUM las bdag gis rdo rje nyid/ /rtse lnga pa ru bsams par bya/ /de dbus pad+ma 'dab brgyad pa/ /a yig la ni rab tu brtag /de ltar pad bcas rdo rje nyid/ /pad+ma la ni bzhag par bya/ /rnal 'byor pa de hUM phaT brjod/ /mngal du rdo rje 'dzin pa rgyu/ /b+ha gar ling ga rab gnas pas/ /byang chub sems ni spro mi bya/ /khams gsum po ni ma lus pa/ /sangs rgyas gzugs su bsgom par bya/ /zhes pa'i don go bar bya zhing ji ltar rigs par bzung ste/ dal gyis btang bas pad+ma nas lce yi blangs la de kho na'i blos dam tshig gi rang bzhin byang chub kyi sems btung bar bya'o/ /'di ni yid rnam par dag pa shes rab ye shes kyi dbang gi cho ga'i rim pa'o/ /de nas tshig dbang rin po che sbyin pa zhes bya ba'i don gyi khyad par gyi dga' ba'i mdza' ste/ byang chub kyi sems bsgoms pas thig le gsum gyis mthar rab tu skyes pa nyon mongs pa dang bral ba'i rang bzhin de kho na chos thams cad bsam bu med pa rdo rje 'dzin pa chen po'i rang bzhin la dbang bzhi par brjod do zhes pas so/ /de nas tshogs kyi 'khor lo bya ste gshegs su gsol la slob ma la sdom pa byin pa ni/ nga yis bstan pa'i kun rdzob bye brag tu dga' ba'i mdza' lhan cig skyes pa'i skad cig gang thig le gsum gyi

  337. 168a

    mdza' de don dam pa ma yin te/ don dam pa ni rnal 'byor pa rnams kyi bde ba mi 'dzag pa ste de bas na khyod kyis srungs shig /de bzhin du dang po'i sangs rgyas su bcom ldan 'das kyis gsungs pa/ las kyi phyag rgya rab 'dus dang/ /ye shes phyag rgya rjes chags pas/ /byang chub sems brtan brtul zhugs kyis/ /bde ba chen por bsrung ba ni/ /b+ha gar mtshan ma rab gnas te/ /byang chub sems ni mi 'dzag pas/ /chos kyi 'khor lo rab tu bskor/ /'di las dam pa'i ye shes med/ /khams gsum dbang phyug dam pa ste/ /stong dang snying rje dbyer med pa/ /rang bzhin don ni rab sgrub byed/ /skyob pa kun gyi sdom pa ni/ /gang tshe nga yis bu skyong na/ /sangs rgyas kun gyis byin brlabs nas/ /de yis byang chub thob par 'gyur/ /gal te chags pa'i dbang gyur par/ /khyab bdag sngon du gzung ba yi/ /sdom pa skyong bar mi byed na/ /de ni ngu 'bod du ni 'gro/ /gang tshe sems dman skye gnas su byang chub sems 'dzag gyur pa na/ /phyag rgya'i pad+ma'i phyi rol nas /rang lces blang bar shes par bya/ /zhes pa'o/ /'di ni ye shes dag pa dbang bzhi pa'i cho ga'i rim pa'o/ /de nas slob ma'i lag par shes rab kyi lag pa gtad la/ de nas bdag nyid kyis lag pa g.yon pas bzung la g.yas pas rdo rje dang bcas pa slob ma'i mgo la bzhag ste gtad la/ 'di'i dbang po ni de bzhin gshegs pa nyid yin pas shes de ltar byas la/ thabs gzhan gyis ni sangs rgyas min/ /khams gsum 'di yis dag 'gyur bas/ /de phyir 'di dang sbyor ba las/ /nam yang 'bral bar ma byed cig /'di ni sangs rgyas thams cad kyi/ /rigs pa'i brtul zhugs bla na med/ /rmongs pa 'ga'

  338. 168b

    zhig 'das pa na/ /dngos grub dam pa med par 'gyur/ /zhes brjod la rig pa'i brtul zhugs sbyin par bya'o/ /'di ni rig pa'i rtul zhugs kyi cho ga'o/ /de nas dbang thams cad thob pa dang thos pa dang/ bsams pa dang bsgoms pa las byung ba'i rgyud kyi don thams cad bde bar gshegs pa thams cad kyi lam dpal gyi bla ma khyod kyi bka' drin gyis ding ngas shes pas ding nas brtsams nas sangs rgyas dang byang chub sems dpa' dang khyod spangs bla ma gzhan la gus par mi bya'o/ /de ltar dam bca' gnas/ de nas bla ma la gsol ba gdab pa ni/ /sngon gyi tshigs su bcad pas so/ /de nas lhag pa'i bdag po'i don du cho ga 'di lta ste/ dkyil 'khor gyi khang ba'i phyi rol du sa gzhi mnyam pa'i cha la khru bzhi'i bar la ba lang gi lci ba la sogs pa byugs la tshon sna lnga yis ra ba byas te/ de'i dbus su khru do pa'i gdan gyi steng du pad+ma 'dab ma brgyad pa bris la de'i steng du slob dpon dge slong bzhag la gzugs bzang ba rgyan dang ldan pa bu ma skyes pa'i bu mo brgyad/ gzhon nu ma gnyis rnam par rgyal pa'i bum pa dang bcas pas cod pan dang dar dpyangs dang phyag rgya dang bcas pas bcings la khrus bya'o/ /dge slong rdo rje 'dzin pa'i sdig mdzub dang chos gos mthong bas gdug pa de rnams 'og tu 'gro ba'o zhes so/ /de ltar re kha lnga dang ldan pa'i dbus su pad+ma dang bral ba'i gdan la slob dpon dge tshul bzhag pa la phyag rgya dang bcas pa'i dar dpyangs byin la/ bu mo bzhi dang gzhon nu ma gnyis kyi khrus bya'o/ /de ltar re kha gsum dang ldan pa'i dbus su tha mal pa'i gdan la slob dpon khyim pa bzhag pa la phyag rgya byin te/ rnam par rgyal ba'i bum pa gcig pus gzhon nu ma gcig gis

  339. 169a

    khrus bya'o/ /'di ni mchog dang bar ma dang tha ma'i slob dpon gyi dbang gi cho ga'o/ /de nas dbang gong ma'i gong ma'i don du slob mas slob dpon la phyag rgya bcu gtad de/ de yang rtsa ba'i rgyud las gsungs pa/ tsha mo dang bu mo dang/ /sring mo skyed byed ma de bzhin/ /chung ma'i ma de sgyug mo nyid/ /de bzhin du ni zhang ne mo/ /pha yi de bzhin spun chung ma/ /bskyed byed kyi ni sring mo dang/ /rang gi ma yi spun nyid dang/ /rang gi chung ma mchog gzugs can/ sgron ma la sogs chos khams mthar/ /rig ma bcu rnams rang rig skyes/ /bar ba 'dod pa'i khyim pa yis/ /dbang gi dus su rab sbyin bya/ /gang zhig rigs ni 'di bsrungs pas/ /bla la rigs ma mi 'bul na/ /de la dbang ni sbyin mi bya/ /gzhan du na ni khyim nas min/ /dkyil 'khor rnams su dbang bsgyur ba'i/ /gzhan yang dmangs rigs skyes mchog rnams/ /dge slong dge tshul rnams la yang/ /bla mas sbyin no mi bdag kye/ /rlung sogs rim ngas dmangs rigs dang/ /rgyal rigs bram ze de bzhin du/ /rje'u rigs g.yung mo nya ma dang/ /gar ma tshos ma de bzhin du/ /ko lpags mkhan dang gtum mo dang/ /chos khams mthar de bcu po rnams/ /rig mtshan mor yang dag bshad/ /zos dang grol 'bras rab tu ster/ /zhes pas 'di thams cad sngon du song ba ltar dmangs rigs la sogs pa phyag rgya bcus dge slong la'o/ /de rnams kyis nang nas drug gis dge tshul bgyi'o/ /rang gi chung ma gcig du ma khyim pa la'o/ /'di ni shes rab ye shes kyi dbang bskur pa'o/ /lhag ma rnams ni snga ma ltar ro/ /chu la sogs pa'i dbang bdun gyis sa bdun du lung bstan pa dge bsnyen no/ /bum pas brgyad pa mi g.yo bar lung bstan

  340. 169b

    pa dge tshul gzhon nu'i zhes pas so/ /gsang bas legs pa'i blo gros su lung bstan pa dge slong sangs rgyas kyi sras rgyal tshab po/ /shes rab ye shes kyis chos kyi sprin du lung bstan pa gnas brtan te sangs rgyas gnyis pa'o/ /de nas sku dang gsung dang thugs rnams rdo rjer bya ba'i don du gser las byas pa'i mchod phyir thogs dang/ phyag rgya dang/ dar dpyangs dang/ cod pan rnams ni bum pa dang/ gsang ba shes rab ye shes te gong ma'i gong ma'i dbang gi cho ga'i rim pa'o/ /de nas shar gyi sgo ru slob ma'i steng du gdugs bzung la g.yas su bskor ba byed bzhin pas/ thal mo sbyar byas dkyil 'khor sgor/ /gdugs dang bcas pas mchod pa la/ /slob ma 'di ni khyod la gtang// rgyud kyi 'dzin pa po ru mdzod/ /ces dkyil 'khor gyi gtso bo la de ltar gsol ba btab pa dang/ /gdugs gzhan du bzhag la slob ma'i yid la 'dod pa sbyin par bya ste/ da ni dkyil 'khor slob dpon 'gyur/ /sngags dang rgyud kyi 'dzin pa khyod/ /sangs rgyas rnams dang byang chub sems/ /lha rnams kun kyang mnyes par 'gyur/ /sems can kun la brtse ba yis/ /chog bzhin dkyil 'khor khyod nyid kyis/ /shin tu rtsol bas bri bar bya/ /sgrub pa po yi rgyud la zhugs/ /gsang chen mchog gi dkyil 'khor du/ /mchog tu blta zhing zhugs pa yis/ /di ring khyod kyi sdig pa rnams/ /ma lus grol nas yang dag gnas/ /gzhan yang khyod la 'pho ba med/ /bde chen theg pa 'di nyid kyis/ /'khor ba shin tu dag byas nas/ /'khor ba'i sdug bsngal rnams las log /tshe ldan di ring dbang nyid kyis/ /sangs rgyas kun dang rdo rjer bcas/ /khams gsum kun gyi rgyal srid kyi/ /rje bor khyod nyid nges pa'o/ /

  341. 170a

    'dod chags bral ba'i sdig lta bu/ khams gsum na ni yod pa min/ /de phyir 'dod chags dang bral ba/ /khyod kyis nam yang bya ba min/ /chags pa kun la nye bar spyod/ /bde ba nam yang 'jig ma byed/ /sha lnga bdud rtsi dang bcas spyod/ /dam tshig nam yang de bzhin bsrung/ /srog gcod pa ni nam yang min/ /dpal gyi rin chen spyad mi bya/ /sdom par spang bar mi bya zhing/ /khyod kyi slob dpon mi spang ngo/ /de bzhin gshegs pas gsungs pa ltar/ mi bya ba ni ci yang med/ /shes rab thabs kyi sems ldan pas/ /khyed la sdig med 'jigs mi dgos/ /zhes pa'i chos nyid 'dis cho ga ji lta ba bzhin dbang bskur nas/ bu gcig pa la brtse ba ltar sangs rgyas dang byang chub sems dpa' brtse ba'i sems kyis dge bar dgongs pa 'di ni dbugs dbyung ba'i cho ga'i rim pa'o/ /de ltar slob ma dbang thob cing dbugs phyung bas 'di ltar bya ste/ de ring bdag skyes 'bras bur bcas/ /bdag ni 'bras bu dang bcas srog /di ring sangs rgyas rigs su skyes/ /di ring sangs rgyas sras su gyur/ /ces brjod do/ /de nas dbul ba ni/ glang po dang rta dang rin po che dang gser dang gos dang rgyan dang ba lang dang/ ma he dang/ bran pho dang bran mo dang yid du 'ong ba'i chung ma dang bu dang bu mo la sogs pa ji ltar 'byor pa bla ma la gus pas dbul bar bya'o/ /de nas nyin mo'i dus su gzhon nu dang gzhon nu ma bcu la 'o ma la sogs pa mngar pa'i ston mo bya'o/ /chu tshod bdun song ba dang/ dge slong dang dge slong ma'i dge 'dun la nya sha la sogs ma spangs pa'i mngar bas mnyes par byas te yon phul la lha khang du gshegs su gsol lo/ /bug pa med pa bar du gcod pa med pa 'du 'ji med pa'i gnas su

  342. 170b

    mtshan mo nyi ma rgas pa'i dus su rigs sum cu so drug gi dpa' bo dang dpa' mo'i dbang phyug ma rnams gzhan gyis mchod par zhugs la dkyil 'khor gyi 'khor lo'i rim pas gnas pa ni/ dbus su ba lang stag gi pags pa'i gdan la shes pa dang bcas pa'i gtso bo ste/ slob dpon bsdad cing mi'i pags pa'i snod/ /de'i g.yas phyogs su mi'i pags pa'i steng du g.yung mo'o/ phyogs rnams la khyi dang rta dang ba lang dang glang po che'i pags pa'i stan rnams la dmangs rigs ma dang/ rgyal rigs mo dang bram ze mo dang rje rigs ma rnams so/ mtshams rnams kyi byang shar nas dri chu dang dri chan dang/ brag dang rkang rnams kyi snod rnams so/ /de nas thugs kyi dkyil 'khor yongs su bskor ba'i phyogs rnams su lug dang nags kyi khyi dang rnga mo dang 'dam seng ge'i pags pa rnams la khar mgar ma dang/ um pa'i steng du gar byed ma dang nor bu byed ma dang khron pa byed ma rnams so/ /mtshams rnams la ra dang ri dags dang bong bu dang phag pa'i pags pa'i stan rnams la tha ga ma dang/ chang 'tshong ma dang gser mgar ma dang phreng ba ma rnams so/ /de nas gsum pa gsung gi 'khor lo'i gnas la phyogs dang mtshams rnams la chu srin kum b+hI ra dang/ 'gron bu'i phung po dang/ ka ka ri'i phung po dang/ nya skam dang/ chu srin dang/ sbal pa dang rus sbal khag pa dang/ dung gi gdan rnams lar bshan pa ma dang bum pa byed ma dang/ khur pa byed ma dang/ smad 'tshongs dang/ 'phyogs mkhan ma dang/ nya ba ma dang/ gar ma dang/ khrus mkhan ma rnams so/ /de nas bzhi pa'i yongs su bskor ba'i phyogs su bse dang/ stag dang/ dred dang dom rnams kyi pags pa la lcags mgar ma dang/ rgya skyegs mkhan ma dang/ srin bal mkhan ma dang/ mar khu mkhan ma rnams so/ /mtshams rnams su me'i

  343. 171a

    mtshams nas 'bri dang/ ce spyang ma dang sram dang byi la'i pags pa rnams/ snyug mkhan ma dang shing mkhan ma dang/ ko lpags mkhan ma dang/ 'dreg mkhan ma rnams so/ /yongs su bskor ba lnga po la go d+hA ba dang byi ba dang/ sA li dzA ta ka dang spre'u rnams la /kla klo ma dang mi gtsang 'phyag ma dang dur khrod gnas ma dang/ tshon rtsi ma rnams so/ /mtshams kyi me mtshams nas ri bong dang/ gzungs so dang/ i shu ka pa shu dang/ sbal ba rnams la ko skya ma dang/ mthu ma dang/ mi rgod ma dang/ ri khrod ma rnams so/ /pags pa 'di rnams med na shar dang mer khyi'i pags pa'o/ /lho dang bden bral du rta'i pags pa'o/ /nub dang rlung du glang po che'i pags pa'o/ /byang dang dbang ldan du ba lang gi pags pa'o/ /dbus su mi'i pags pa'o/ /rnal 'byor ma 'di rnams ma lus pa gos dang bral ba skra grol ba phyag rgya lnga dang ldan pa de rnams kyi g.yas rnams su dpa' bo yang de rnams dang mnyam pa/ phyag rgya lnga dang ldan pa de rnams la pags pa'i gdan sbyin par bya'o/ /de rnams btung ba'i snod ni shar dang mer nya phyis so/ /lho dang lho nub tu na ri ke la'i snod do/ /nub dang rlung du kham phor ro/ /byang dang dbang ldan du mi'i thod pa'o/ /dbus su shing gi phor pa rnams so/ /de nas dam tshig gi rdzas rnams lha mo rnams kyi rang bzhin te/ gdan gyi srog chags sum cu so drug gi stobs rnams dang chu la spyod pa'i dam tshig go /yang tsA ta ka dang/ ne tso dang khu byug dang/ sa'i ka dang/ bya war dang/ phu ron dang/ so bya dang/ mchil pa dang dur pa dang/ ngang pa dang bya long dang/ khu byug mig dang dza ga dang/ b+ha ga wa ti dang po ta ki dang/ sreg pa dang bzhad dang/ chu skyar dang

  344. 171b

    chu bya dang khwa ta dang bya rgod dang 'ug pa dang/ /hor pa dang/ rma bya dang khyim bya dang khwa dang 'ol pa dang byan lag dang shing gi dgra dang mig sngon dang tsa ko ra dang/ go bo dang pags pa'i bya chen po dang/ b+hA hU ha dang pa hor ta swa yi dang/ nya za dang khrung khrung dang am pa ri ka rnams kyis stobs te/ 'di rnams ni mkha' la spyod pa'i dam tshig gi rdzas sum cu so drug go /de nas yang so dang skra dang pags pa dang sha dang chu ba dang rus pa dang grod pa dang/ b+ha ga dang shig dang ba spu dang/ srin bu dang/ glo ba dang/ rgyu ma dang mtshan ma dang bad kan dang mkhris pa dang chu ser dang khrag dang rdul dang tshil bu dang mchi ma dang/ mchil ma dang sna bas dang dri chu dang zhag dang/ rnag rnams kha dog sna tshogs dang dri sna tshogs dang/ phyis sa dang lce dang mig dang rna ba dang sna dang/ khu ba dang rdul rnams te 'di rnams ni sems can rnams kyis lus kyi dam tshig go /khu ba dang/ dri chu dang bshang ba dang rkang mar dang/ sha dang mcher ba dang mkhris pa dang khrag dang chu pa dang pags pa rnams dang/ chu dang yon chab dang bdug spos dang/ mar me dang me tog dang 'bras bu ma nyams pa dang lha bshos rnams snod du bzhag ste/ phyogs mtshams brgyad du bzhag go /de nas slob dpon gyis bsrung ba'i 'khor lo bsgom pa sngon du song bas stong pa nyid kyi rjes la bdag nyid kyi sa bon gyi 'od zer gyis spyan drangs pa'i ye shes kyi 'khor lo la yon chab sngon du song bas/ thugs la sogs pa'i dkyil 'khor la gzhug par bya'o/ /de rnams kyang lha'i gzugs su bsgoms la de nas slob dpon gyis sngon du song ba'i dam tshig gi rdzas dang stobs dang myos byed dang zan la sogs pa sngon du bzhag la gtor ma sbyang ngo/ /yang na sbyang lugs gzhan ni oM badzra kro d+he shwa ri sarba dra byA ni bi shwa d+ha ya hUM

  345. 172a

    phaT zhes pas bdud rtsi lnga myos byed kyi bzhu bar bya ste bsang gtor bya'o/ /de nas srin lag gis blangs nas gru gsum byas pa'i dbus su maN+Dal zlum po byas la de la ye shes kyi 'khor lo spyan drang ngo/ /de nas srin lag gis blangs la sngon du song ba'i sngags kyis yang dag par mnyes par bya'o/ /de nas sdig pa bshags pa bya ste/ 'dod pa'i don la gsol ba gdab par byas nas gshegs su gsol ba bya'o/ de nas zhing skyong rnams la sngon du song ba'i sngags kyis gtor ma byin la de nas oM hA ri ti piN+Di kaM pra tIts+tsha swAhA/ oM drU te ka ya gra grA sa ma pra tIts+tsha swAhA/ zhes pas 'phrog ma dang pho nya dag la chang zan dang phung yi ge gsum mngon par sngags te sa la bzhag la zas ma zos pa dang sbyin no/ /de nas yon bdag gis maN+Dal byas la ci bde bar gsol bar zhu zhes pa'o/ /de nas las kyi rdo rjes bla ma la gus par bag yod pas dam tshig gi rdzas de dang de rnams gus pa dang bcas pas dbul bar bya'o/ /myos byed kyi snod pad+ma'i phyag gis drang bar bya zhing len pas kyang pad+ma'i lag bskor gyis so/ /slob dpon la thams cad nyis 'gyur du drang bar bya'o/ /de rnams kyis myos byed phung dang po slob dpon la phul te phyag byas la btung bar bya'o/ /gnang ba ma byin gyi bar du myos byed sa la bzhag na gcig la cig pad+ma'i phyag gis drang zhing blang bar bya'o/ /de ltar stobs dang myos byed la sogs pa ldag pa dang gtung ba dang bza' ba dang bca' ba rnams 'dren pa'i dus su de dag gis brjod pa/ chos rnams rang bzhin rnam par dag /'di la the tshom ma byed par/ /bram ze khyi dang gdol pa rnams/ /rang bzhin gcig tu za bar gyis/ /bde gshegs

  346. 172b

    chos rnams zag pa med/ /nam mkha' dang mtshungs dri ma med/ /gzung dang 'dzin pa rnams dang bral/ /'di la 'khrul pa med par skyabs/ /gzhan yang 'khor lo gtso bos ma gnang bas/ /tshogs kyi 'khor lo bya ba min/ /lha yi rnal 'byor bya ba yis/ /bya ba thams cad dal gyis bya/ /gzhan du rnam par g.yeng bar 'gyur ro/ /'gro bar 'dod na 'khor lo'i gtso bo la sogs la phyag byas te/ gnang ba zhus la'o/ /'jug pa'i dus su phyag byas la'o/ /de ltar mnyam par bzhag pas longs spyod do/ /stobs dang myos byed la sogs pas shes pas bteg na bla ma las rjes gnang thob ba dang yid du 'ong ba'i rdo rje'i glu cung zad smad la blang ba ni lha de dang de'i phyag rgya dang gar dang bcas so/ /de nas stobs dang myos byed la sogs pa bza' ba dang btung ba la sogs pa byas pa dang so so'i gnas na gnas pa'i rnal 'byor ma rnams dang/ zur gyis mig gis sdug pa'i lta bas blta bar bya zhing mtho la mkhregs pa'i nu ma dang pad+mas reg cing mchu gzhi bcing 'khyud pa la sogs pa'i ka ra na'i bye brag bya'o/ /'dir rnal 'byor ma rnams kyis tha dad kyi ngo tsha dang/ rigs dang/ rigs min la sogs pa'i rnam par rtog pa spangs te/ so so'i gnas na gnas pa'i sring mo la sogs pa sna dang/ rna ba dang mchu la sogs pa chad pa dang/ gzugs ngan pa la sogs pa 'dus pa'i rnal 'byor pa rnams kyis spang par mi bya'o/ /rnal 'byor ma rnams kyis kyang ngo/ /de yang lang tsho ma gang zhig utpa la'i spyan dang ldan pas slob dpon dang dpa' bo rnams dang bcas pa'i rdo rje la mchod par byed na/ de'i bsod nams ni sa gzhi dang glang po che dang/ rta dang/ bu mo la sogs pa dpag tu med pa phul ba bas

  347. 173a

    kyang bsod nams che'o/ /'dir rnal 'byor ma rnams kyi phyag dang mtshan ma dang/ rigs kyi dbye ba la sogs pa gzhung ches kyi dogs pas ma bris so/ /de nas stobs dang myos byed la sogs pa la longs spyad la de ltar thams cad bya ste rdzogs pa dang/ zlos pa dang 'thungs pa'i lhag ma slob dpon gyis sdud du bcug la/ mdun du bzhag pa la slar yang myos byed la sogs pa blugs te/ sngags gsum gyis mngon par byin gyis brlabs pa'i chang gi kha phru btab la/ oM kha kha khA haM khA hyu ts+tsha Sh+Ta b+ha lI muts+tsha Sh+Ta b+hak+Sha ka swAhA/ zhes pa'i sngags kyis lhag ma'i gtor ma la ste/ mar me dang bcas pa phyi logs su gtong du gzhug go /de nas gos zung dang lag gdub dang/ /rna rgyan la sogs pa dri zhim po dang bcas pa'i so rtsi la sogs pa gtso bo dang dpa' bo dang/ dpa' mo la sogs pa rnams la 'bul lo/ /de nas maN+Dal byas te brjod pa/ bsod nams 'di yis sems can grangs med khams gsum la gnas rnams kyis bla na med pa thob par shog ces pas yon gyi bdag pos smon lam gdab par bya'o/ /de nas lhag ma lus pa dong du spa bar bya'o/ /de ltar tshogs kyi 'khor lo sa bdag rgyal po 'am gzhan gyis bya ba'o/ /de las gzhan pa ni chog pa'i bye brag ji ltar snyed pa'i tha mal pa'i bud med ngam skyes pa rnams las lnga 'am bcu gsum mam/ nyi shu rtsa gcig gam/ rtsa dgu 'am/ yongs su rdzogs pa la snyan gsan phab ste/ ji ltar snyed pa'i gdan la sogs pa la de ltar thams cad bya'o/ /de nas dpa' bo'i ston mo ni rdul tshon gyi dkyil 'khor med na dbus su ba lang gi lci bas gru bzhi pa byas te/ de nas ye shes kyi 'khor lo spyan drang pa la

  348. 173b

    sogs pa/ slob dpon gyis snga ma ltar byas la de yang tshogs kyi gtso bo kha shar du phyogs pa'o/ /de'i g.yon du phyag rgya gcig yon bdag gis dbul bar bya'o/ /gzhan du na phyag rgya dang bral ba'i chag gi btud pa bkag pa'i phyir ro/ /de'i g.yas phyogs su slob dpon dge slong rnams ni gral shar du phyogs pas so/ /bden bral nas slob dpon dge tshul rnams byang du kha phyogs pas so/ /dbang ldan nas slob dpon khyim pa rnams kha lho du phyogs pas so// de ltar dge slong ma dang dge tshul ma dang/ dge bsnyen ma rnams kyang ngo/ /tshogs kyi gtso mo'i g.yon du thabs cig yon bdag gi dbul bar bya'o/ /gzhan du na thabs dang bral ba'i stobs kyi bza' ba bkag pa'i phyir ro/ /lhag ma snga ma dang mtshungs so/ /'di ni dpa' po'i ston mo dang bcas pa'i tshogs kyi 'khor lo'i cho ga'i rim pa'o/ /de nas gsung pa'i dkyil 'khor ram bris sku la sogs pa'i dkyil 'khor la mchod pa la sogs pa sngon du song bas lugs ma la sogs pa rab tu gnas pa bya ba ni/ stong pa'i ngang las sa bon la sogs pa las yongs su rdzogs pa 'am/ skad cig gi dam tshig sems dpa' i gzugs thugs kar sa bon dang bcas pa bsams la/ na bza' gsar pa dmar po la sogs pa dkon pa dang/ de nas yon bdag me tog dang bcas pa de nyid gzugs brnyan me tog dang bcas par dmigs te/ yon bdag lugs ma la sogs pa dang bcas pas slob ma ji lta ba bzhin du rdul tshon gyi dkyil 'khor du 'jug pa ste/ slob dpon gyis kyang lugs ma la sogs pa'i lhag pa'i lha'i mtshan ma 'am de'i rigs kyi mtshan ma la de'i me tog gi phreng ba 'bul du gzhug go /yang na me tog ngor ba spangs te/ lugs ma la

  349. 174a

    sogs pa dkyil 'khor mthong ba tsam gyis 'jug par bya'o/ /de yang dkyil 'khor gyi khang pa'i phyi rol gyi shar gyi phyogs sam byang shar mtshams su khrus kyi gdan gyis snam bu mchu dang zheng du ji ltar mtshams par bya ba 'am/ ji lta ba bzhin du sa gzhi la byug pa la sogs pa byas pa la bdud rtsi lnga dang bcas pa'i rnam lngas byugs te/ phyogs mtshams la bum pa brgyad bkod pa dang/ me tog la sogs pa dang/ gdugs dang/ rgyal mtshan dang/ ba dan dang/ dril bu dang/ gar dang/ glu dang/ dgra la sogs pa ji ltar nus pa yid du 'ong bar byas la/ dge ba'i tshes la sogs pa la slob dpon rgyan thams cad btab ste/ rdo rje sems dpa' rig ma dang bcas pa'i nga rgyal gyis/ stegs bu'i dbus su thugs kyi dkyil 'khor gyi tshad kyi gru bzhi pa/ rta babs dang bral ba'i nub kyi sgo dang ldan pa sna tshogs pad+ma 'dab ma brgyad pa phyogs dang mtshams rnams la don yod grub pa la sogs pa'i mtshan ma rnams rdul tshon gyi bya'o/ /de'i steng du snam bu la pad+ma 'dab ma brgyad pa bris la lugs ma la sogs pa bskyod par nus pa rnams shar du phyogs pas bzhugs su gsol lo/ /lha khang dang mchod rten du dri gtsang khang dang/ lugs ma chen po rnams snga ma ltar dam tshig pa bskyed la dkyil 'khor du bzhug par bsam pa ste/ de rnams la khrus kyi snam bu dgos pa med pas na de ltar bye brag gnyis so/ /de yang nub mo'i dus su lugs ma la sogs pa sngon du bzhugs pa dang/ de la bdag nyid mngon par phyogs te zhabs bsil la sogs pa sngon du song bas nir man tshan bya ba ni/ oM A:hUM ho taM k+Sha(rgyud 'grel): zhes pa'i sngags kyi grub pa'i yungs kar 'chad pa g.yas g.yon du gzung la/ so sor lan gnyis su g.yon du bskor

  350. 174b

    zhing/ oM sarba pA paM da ha na badzra satwa sya sarba pA paM da ta swAhA/ zhes pa bzlas te yungs kar me la gdeg par bya'o/ /de ltar g.yas su skor bas kyang ngo/ /de ltar chus gang ba'i kham phor dang/ dur ba dang bcas pa'i ba lang gi lci bas chad bar bcangs la chang zan dang/ bsil yab ras rnams te/ 'on kyang kha phor la sogs ba me ru skyur bar mi bya'o/ /de nas lugs ma la sogs pa la lag pa reg la/ gtso bo'i sngags dang bcas pas lugs ma la sogs pa la ji ltar rigs pa ltar dngos su 'am me long gi gzugs brnyan la dri ni thugs kar byug go /me tog ni dbu la'o/ /yon chab mdun du'o/ /mar me bskor bzhin pas so/ /mar dang sphos dkar yi ge drug pa lan bdun bzlas te bdug par bya'o// 'di ni mar lan tsha na'i cho ga'i rim pa'o/ /de nas yi ge drug pa bzlas shing dur pa'i pir gyis zangs kyi snod na gnas pa'i zho dang/ 'o ma dang/ mar dang/ sbrang rtsi dang/ ka ra rnams te bdud rtsi lnga'i bdag nyid dang/ gzhan yang zho dang/ 'o ma dang/ mar dang/ ba lang gi lci ba dang/ chu rnams kyis lugs ma la sogs pa sku khrus gsol du btung pa rnams la/ oM hUM twAM h+rI a zhes pa'i sngags kyis byug par bya'o/ /bris sku dang po ti la sogs pa rnams me long gi gzugs brnyan la'o/ /de nas yi ge drug pa bzla zhing chu gtsang ma dang dri zhim pos khrus bya'o/ /de nas khar ba'i snod du 'dag chal lnga blugs pas dag par bya ba ni/ oM sarba ta thA ga tA kA ya bi sho d+ha ni swAhA/ zhes pas so/ /me dang nyi mas smin pa'i dri'i mar gyis byugs la yang 'dag chal gyis so/ /skyur pos byugs la de ltar khrus byas te khar ba'i snod kyi yung bas byugs nas yang khrus bya'o/ /de nas tsan dan dang/ gur gum dang/ ga bur

  351. 175a

    dang/ bla rtse la sogs pas mnyam par byugs te/ snying ga'i sa bon gyi 'od zer gyis spyan drangs pa'i bum pas khrus byed par bsam zhing bkra shis kyi glu dang bcas pas bum pa rnams kyis chu yi khrus bya ba ni/ sngon du brjod pa'i tshigs su bcad pa dang bcas pas so/ /de nyid la chags pa'i chu ras 'jam pas dbyid bar byas la de la ji ltar nus pa'i na bza' dbul bar bya'o/ /de nas sa bon gyi ye shes sems dpa' dang/ sangs rgyas dang/ byang chub sems dpa' dang/ lha rnams mdun du spyan drangs la zhabs bsil dang zhal bsil dang yon chab rnams sngon du song bas pus mo g.yas pas la gtsugs te/ lag pa g.yon pas dril bu dkrol zhing g.yas pas spos snod kyi bdug cing hUM las byung ba'i rdo rje'i lce dang ldan pas/ bcom ldan 'dus kyi 'khor lo nyid ces pa/ bdag ni rdo rje che ge nyid ces pas bsgyur bas bstod de/ phyag byas nas oM badzra pu na ra ga ma na ya mu(rgyud 'grel): zhes pas gshegs su gsol lo/ /khrus byas pa'i lugs ma la sogs pa rnams kyis gnas lnga rnams la dris byugs la mchod de/ yi ge drug pa dang bcas pa'i g.yas kyi rdo rjes lan gsum du reg nas lha de dang de'i sngags bzlas te/ de nas phyogs skyong rnams la gtor ma dbul lo zhes pas so/ /gang zhig sems brtan na lhag par gnas par bya ba ni/ gsung bar 'gyur ba'i cho ga rnams nyi ma gcig la bya'o/ /yon bdag la 'byor pa yod na bsod nams kyi tshogs kyi don du lhag par gnas par bya'o/ /'dir ni lha lhag par gnas pa'i cho ga'i rim pa'o/ /de nas dkyil 'khor gyi shar phyogs kyis bzhi la sgo bzhi pa re khA lnga dang

  352. 175b

    bcas pa byas la/ dbus su pad+ma 'dab ma brgyad pa'o/ /phyogs dang mtshams rnams su rim pa ji lta ba bzhin mtshan ma rnams dgod de/ /de nas lugs ma la sogs pa dkyil 'khor la sngon du phyogs pas de ru bzhugs pa dang/ rgyud dang sgrub thabs la sogs par lha bskyed pa'i bye brag slob dpon gyis go par bya ste/ /mchod rten la sogs pa stong pa'i ngang las rim pas sam/ skad cig gi dam tshig sems pa'i gzugs su bsgom mo/ /po ti rnams ni stong pa'i ngang las A(rgyud 'grel): de las 'od dpag tu med pa rig ma dang bcas pas pad+ma dang nyi ma'i steng du'o/ /de yang yongs su gyur pa las yi ge'i tshogs gzugs brnyan gyi bdag nyid 'od dpag med kyi gzugs kyi dam tshig sems dpa' ru bsgom mo/ /lha khang dang/ mchod rten dang/ dri gtsang khang la sogs pa rnams pad+ma dang zla ba la gnas pa oM las byung ba'i rnam par snang mdzad spyan ma la 'khyud pa yongs su gyur pa las lha khang la sogs pa'i gzugs brnyan gyi bdag nyid rnam par snang mdzad kyi gzugs kyi dam tshig sems dpa' ru bsgom mo/ /gzhan yang stong pa'i rang bzhin du ni byas nas rgyal ba mchog dang bcas pa'i sku gsung thugs kyi rdo rje rnams shes pas sgrub thabs su gsungs pa'i cho gas bdag nyid dus kyi 'khor lor bsgom zhing/ lha la sogs pa rnams kyang so so'i sa bon las byung ba'i so so'i gzugs kyi rnam par bsgoms la/ zla ba dkar po la sogs pa nas nam mkha' i dkyil 'khor ljang gu'i bar dpral ba la sogs pa'i 'khor lo nas gsang ba'i bar du bkod la oM nas kA:I bar bsgom

  353. 176a

    par bya'o/ /lha rnams kyang 'di lta ste/ rang gi sa bon gyi 'od zer gyis ye shes 'khor lo spyan drangs te/ /zhabs bsil la sogs pas mchod la/ dza:hUM baM ho(rgyud 'grel): zhes pa brjod de lcags kyu'i phyag rgya la sogs pas khro bo bzhi yis dgug pa dang/ gzhug pa dang/ bcing ba dang/ dpang du bya ba rnams rim pa bzhin du bya'o/ /de nas lugs ma la sogs pa rnams snying ga'i pad+mar nyi ma dang zla ba kha sbyar gyi nang du sa bon gyi yi ge dgod par bya'o/ /de nas chu la sogs pa'i dbang rnams sngon du gsungs pa'i slob ma la dbang bskur ba ji lta ba bzhin no/ /yang na bsgoms pa yis thams cad yongs su rdzogs par bya'o/ /gzhan yang dbang bskur ba spangs la thugs kar sa bon bkod pa dang/ lha'i gzugs brnyan gyi gzugs su nges par bltas la rang rang gi sngags sam sngags 'dis mchod pa ni/ oM A:badzra wa stra ye hUM swAhA/ zhes pa dang de ltar oM A:badzra dang por brjod cing hUM swAhA/ mdza' mar sbyar ba'i sngags rnams kyis me tog dang/ bdug spos dang/ mar me dang/ dri dang lha bshos dang/ rgyan la sogs pa dbul lo/ /oM A:sarba sho d+ha na hUM phaT zhes pa ni 'bras bu la sogs pa dag par bya ba'i sngags/ oM dzraM swAhA/ zhes pa ni 'dren pa'i sngags so/ /de nas dam tshig gi rdzas byin la/ oM badzra A(rgyud 'grel): zhes pa'i sngags kyis me long bstan to/ /de nas sbyin sreg gi mnyes par bya ba ni/ yon bdag gi 'byor pa'i bye brag gi lugs ma la sogs pa'i gzugs kyi bye brag la ste/ zhi ba la sogs pa sangs rgyas kyi bar 'dod pa'i don ni dgos pa'o/ /gser gyis thur mas dngul la sogs pa'i snod du sprad

  354. 176b

    ? gzhag pa la blangs te/ oM tsak+Shu tsak+Shu sa man+ta tsak+Shu bi sho d+ha ni swAhA/ zhes brjod cing lugs ma'i spyan la byug cing dbye bar bya'o/ /po ti la sogs pa rnams la ni me long gi gzugs brnyan la de ltar bya'o/ /de nas thab khung gi me 'am/ me gzhan la 'o ma dang/ 'bras ma nyams pa dang/ mar dang sbrang dang/ kar rnams hom gzar ram/ pi pi ling gi lo mas sgyed bu'i steng gi snod du blug go /gtso bo'i sngags brjod cing chos par btso bar bya'o/ /thug pa nyid oM di byAn+naM sa ma d+hi d+hyan pri NaN swAhA/ zhes brjod cing lugs ma la sogs pa lha'i gzugs brnyan du bsams la drang bar bya'o/ zhal bsil la dri zhim po'i sbrang rtsi dang bcas pa dbul lo/ /de nas oM hUM TrAM h+rI a zhes pa'i dam tshig 'di nyan du gzhug go /po ti rnams la 'od dpag med shes rab dang bcas pa bstim pas/ byang bu rnams mtshan sum cu rtsa gnyis dang/ dpe byad brgyad cu'i rang bzhin dbyangs dang gsal byed du bsgom mo/ /lha khang la sogs pa rnams la rnam par snang mdzad shes rab dang bcas pa thim pas/ rang bzhin yang dag par rdzogs pa'i sangs rgyas thams cad dang/ de'i chos dang/ byang chub sems dpa' dang/ nyan thos la sogs pa'i ting nge 'dzin sna tshogs kyi brang khang du bsam par bya'o/ /mchod rten la de ltar rnam par snang mdzad shes rab dang bcas pas thim pas de'i dbus su padmA lte ba'i steng du zla ba la 'khor lo rtsibs brgyad pa dkar po'o/ /shar la sogs pa'i 'dab ma rnams la ral gri dang/ rdo rje dang/ rin po che dang/ pad+ma rnams bsam par bya'o/ /de nas me tog la sogs pa rnams kyis mchod nas thal mo byar te/ /ji ltar sangs rgyas thams cad kyis/ /dga' ldan gnas su bzhugs pa nas/ /sgyu ma lha mdzes

  355. 177a

    lhums bltams ltar/ /de ltar gzugs brnyan 'di nyid la/ /mgon po brtan par rtag bzhugs nas/ /byang chub sems ni 'phel don du/ /mchod pa la sogs 'di dag rnams/ /che ge'i don du bzhes par mdzod/ /ces pa 'di ji srid bar du bzhugs par gsol ba gdab pa'i don tu'o/ /yi ge drug pa zlos shing lugs ma la sogs pa'i stod dang/ dbus dang/ smad kyi cha rnams la lag pa g.yas pa'i rdo rjes lan gsum du bskor bas brtan par bya ste/ mchog sbyin rdo rje mchog khyod 'dud/ /ces pa la sogs pas bstod la/ /lhag pa dang chad pa'i skyon spang ba'i don du/ /oM badzra satwa sa ma ya ma nu pA la ya/ badzra satwa twe no pa tiSh+Tha/ bri Dho me b+ha ba/ su toSh+yo me b+ha ba/ su po Sh+yo me b+ha ba/ a nu rak+to me b+ha ba/ sarba sid+d+hi me pra yats+tsha/ sarba karma su tsa me tsit+taM sh+ri ya:ku ru hUM ha ha ha ha ho(rgyud 'grel): b+ha ga bAn sarba ta thA ga ta/ badzra mA me muny+tsa badzrA b+ha ba/ mahA sa ma ya satwa A(rgyud 'grel): de ltar yi ge brgya pa brjod la/ med dang mi shes ma gus pas/ /gang zhig chad dang lhag par byas/ /de rnams ma lus thugs rje can/ /khyed la bdag ni bzod par gsol/ /zhes pas bzod par gsol lo/ /sangs rgyas rnams dang lha mor bcas/ /de sras tshangs pa klu la sogs/ /de rnams bzod par gsol bar rigs/ /me dang sa dang chu dang rlung/ /rnams las lugs ma rnams la skyobs/ /yon gyi bdag la zhi ba dang/ /rgyas dang bkri shis rgyun du sbyong/ /de yi bu sogs slob ma dang// bdag kyang de mtshungs brnyed mdzod la/ /sangs rgyas yul du gshegs nas kyang/ /slar yang 'dir ni byon par zhu/ /zhes lan gsum brjod de/ /phyogs skyong dang/ 'byung po thams cad la gtor ma sbyin no/ /yon gyi bdag pos

  356. 177b

    kyang lugs ma la sogs pa la bskor ba dang/ mchod pa dang/ phyag rnams byas la/ slob dpon la yon phul te/ yang dag par mnyes par bya'o/ /zhes so/ /'od dpag med kyi dkyil 'khor du po ti rnams so/ /rnam par snang mdzad du lha khang la sogs pa'o/ /rdo rje sems dpas gtso bo byas par sku 'am gzugs brnyan ngo ma shes pa rnams so/ /gal te lugs ma 'am gzugs brnyan de dang/ de'i rigs su shes nas rigs kyi bdag po de dang/ de'i dkyil 'khor du'o/ /gang dag tu yang gzugs brnyan rab tu gnas pa ni/ /rgyud nyid gang du bzhugs pa ltar/ /de nyid kyis ni dkyil 'khor bya/ /'on te slob dpon rang nyid kyis/ /lha'i bdag nyid gyur pa ltar/ /de yi dbye ba shes par bya/ /zhes pa de'i phyir rgyud dang/ rgyud du gsungs pa'i lha yis kyang mchog gi bla na med pa'i nga'i dgongs pas rab tu gnas pa'i rigs su shes bya'o/ /tshegs chung ba'i rab tu gnas pa ni lugs ma la sogs pa stong pa'i ngang las skad cig gis de nyid kyi sa bon la sogs pa'i dam tshig sems dpa' la rang gi snying ga'i sa bon gyi 'od zer gyis ye shes sems dpa' gzhug par bya'o/ /rang gi sa bon gyi 'od zer gyis spyan drangs pa'i de bzhin gshegs pa la sogs pa dang/ rang nyid kyis kyang bum pa'i chus dbang bskur la yang dag par mchod nas/ de nyid kyis sngags brgya rtsa brgyad bzlas par bya'o/ /'di ni lugs ma la sogs pa rab tu gnas pa'i cho ga'i rim pa'o/ /srung pa'i 'khor lo rab tu gnas pa ni/ /rdo rje 'dzin pa'i nga rgyal dang ldan pa'i slob dpon gyi srung pa gang dag gi dam tshig sems dpa' las de dang mthun pa'i ye shes sems dpa' cho ga ji lta ba bzhin gzhug

  357. 178a

    cing bsgom par bya ba ni/ de ltar sgrub bya'i bye brag gis de dang de la ste/ /de yang srung 'khor gyi gtso bo'i sngags dang/ sgrub pa po'i ming la zhugs par bsgoms pa dang/ srung 'khor tshangs pa'i bu ga 'am kha nas zhugs te/ rdo rje'i lam nas lha mo'i pad+mar babs pa la/ snying ga'i sa bon gyi 'od zer gyis de bzhin gshegs pa de ltar zhugs nas dbang bskur ba dang yang bdag nyid kyis kyang bum pa'i chus so/ /de yang bsrung ba'i gtso bo'i snying po'i sngags brgya rtsa brgyad bzlas so/ /de nas rdo rje 'dzin pa'i nga rgyal dang ldan pa'i slob dpon gyi lag pa g.yas pa'i mthil du skad cig gi rdo rje rtse lnga pa bsgoms la de ru A(rgyud 'grel): yig las nyi ma A(rgyud 'grel): yig gis byin gyis brlabs pa'o/ /g.yon pas skad cig gis pad+ma'i 'dab ma'i rnam pa la A(rgyud 'grel): yig gis byin gyis brlabs pa'o/ /de dag gi dbus su bzhag pa'i phreng ba'i dbus kyi skud pa rdo rje sems dpa' i rang bzhin no/ /phyogs dang mtshams kyi skud pa rnams la pad+ma'i phyag dang/ byams pa dang/ nam mkha' mdzod dang kun tu bzang po dang/ phyag na rdo rje dang/ 'jam dpal dang/ sgrib pa thams cad rnam par sel ba dang/ sa'i snying po rnams kyi bdag nyid do/ /rdog po rnam par snang mdzad la sogs pa'i rang bzhin no/ /mdo 'dzin stobs la sogs pa'i chos kyi rang bzhin du skad cig gis rnam par bsam mo/ /snying ga'i sa bon gyi 'od zer gyis spyan drangs pa'i rdo rje sems dpa' la sogs pa rnams ji lta ba bzhin du gzhug par bya'o/ /oM pa de pa de mahA dz+nyA nAM sarba bud+d+ha mahA b+ha we da hUM hUM hUM ho:ho:ho:a:khaM swAhA/ zhes pa'i sngags kyis byin gyis brlabs te/ bum pa'i chus dbang

  358. 178b

    bskur la mchod do/ /tshegs chung par bya ba ni phreng pa'i skud pa rdo rje sems dang ro gcig par bsams la/ de nyid yongs su gyur pa las phreng pa'i rnam par bsam par bya'o/ /dbang bskur la gsung rdo rje'i snying po brgya rtsa brgyad bzlas so/ /yang na de nyid stong pa'i ngang las rdo rje 'dzin pa'i nga rgyal byas pa'i snying ga'i sa bon gyi 'od zer gyis yi ge hUM rnams spyan drangs la mdo 'dzin dang/ rdog po gzhan rnams la mtshan dang dpe byad kyi bdag nyid gzhug go / de ltar dril bu la a la sogs pa'i dbyangs yig sum cu rtsa gnyis kyis so/ /rdo rje la ka pa la sogs pa'i gsal byed brgyad cu yis so/ /mchod phyir thogs dang tshangs skud kyang ngo/ /'di ni srung 'khor la sogs pa'i rab tu gnas pa'i cho ga'i rim pa'o/ /yon bdag nus pa dang ldan pa'i don du rnam par snang mdzad kyi gtso byas pa'i dkyil 'khor rdzing bu'i 'gram du gzhengs la 'khor lo'i gtso bo'i rnal 'byor dang ldan pas rdzing bu'i phyogs dang mtshams su gtor ma btang ba dang/ chu stong pa'i ngang las b+huM las byung ba'i 'khor lo b+h+ruM dang bcas pa las rnam par snang mdzad spyan ma dang bcas pa'o/ /de nas rdo rje chu bdag dkar po mi'i gdong pa can/ gdengs ka bdun dang ldan pa/ phyag g.yon pas sprul gyi zhags pa dang bcas pas yum la 'khyud de rol pas gnas pa/ g.yas kyi utpa la sngon po bsnams pa lte ba man chad sbrul gyi rnam pa 'di dam tshig gi sems dpa' i rnam par bsgoms la/ /bdag nyid kyi snying ga'i sa bon las 'od spros te rnam par snang mdzad spyan drangs nas/ zhabs bsil la sogs pa sngon du song bas sa ma ya stwaM zhes brjod de gzhug par bya'o/ /dbang bskur me tog la sogs pas mchod nas de yongs su

  359. 179a

    gyur pa las gzugs brnyan dang bcas pa 'am/ ye shes kyi bdud rtsi'i rang bzhin dri zhim pa/ ro dang ldan pa yang pa dang 'jam pa dang/ grang ba mgrin pa dang gsus pa la nad mi byed pa'i yan lag brgyad dang ldan pa'i chus 'og gi bar du ste/ klu brgyad dang ldan pa phyogs bzhi ru rlabs kyi 'gro ba de nyid kyis shar la sogs pa'i phyogs rnams la dga' bo dang/ pad+ma dang/ 'jog po dang/ chu bdag rnams so/ /mtshan rnams su dung skyong dang/ karko Ta dang rigs ldan dang/ pad+ma chen po rnams rim pa bzhin gser dang/ ra gan dang/ zangs dang dngul dang/ zha nye bar mkhar ba dang/ lcags dang/ gsha' tse rnams las byas pa 'am bsgom pa ste/ skad cig gi ngal tshig sems dpa' i gzugs su bsams la/ snying ga'i sa bon gyi 'od zer gyis spyan drangs la ye shes sems dpa' dang tha mi dad par gnas par bya'o/ /de'i dus su mchod sdong de'i dpangs kyi nyis 'gyur dang ldan pa gzugs so/ /de'i dbus su chu bdag go /de la sbrang rtsi chu dang bcas pa dang/ bdud rtsi lnga blugs par bya'o/ /me tog la sogs pas de nyid yang dag par mchod par byas nas sbyin bsreg bya'o/ /de'i 'gram du ba lang gi lci bas byugs la grang pa'i dri yis maN+Dal byas te rang gi snying ga'i sa bon gyi 'od zer gyis spyan drangs la maN+Dal gyi pad+ma'i lte ba la rdo rje chu bdag po/ /shar la sogs pa'i phyogs dang mtshams rnams la dga' bo la sogs pa'o/ /phyi rol gyi phyogs thams cad du klu rnams rnam par bsam par bya'o/ /oM A badzra ba ru NA ya hU swAhA/ zhes pa de ltar rang gi ming dang ldan pa'i sngags kyis me tog dkar pos rnam par mchod la/ /klu'i phyag rgya dang ldan bsag

  360. 179b

    oM a nan+ta bA su ki tak+Sha ka karko Ta ka pad+ma mahA pad+ma shaM kha pA la ku li ka shaM kha pA la de ba ti mahA de ba ti so ma shi khi mahA shi khi mahA shi khi daN+Da d+ha rA pa lA hu lu hu lu nando pa nanda sa ga ra mahA sa ga ra tA ba ta mahA tapta sh+rI kan+ti mahA kandi radna pan+ti su rdu ba mahA su rU pa b+ha dra hI kaM ho da ra si li/ mahA si li/ oM b+hak+Sha b+hak+ShA gats+tsha gats+tsha mahA nA gA d+hi ba ti sarba b+hurb+hu ba phruM phruM swAhA/ zhes pa'i sngags kyis 'o ma'i gtor ma sbyin no/ /de nas ji srid du bzhugs pa'i don du yi ge brgya pa bzlas nas byin gyis brlabs pa'i phyogs brgyad du btang zhing de'i phyi log tu yang ngo/ /gzhon nu mnyes par bya ba ste/ 'di ni rdzing bu dang khrus gnas dang/ khron pa rnams rab tu gnas pa'i cho ga'o/ /de nas ljon shing dang bskyed mos tshal la sogs pa rab tu gnas pa ni/ phyogs rnams su gtor ma byin la rnam par snang mdzad kyi bdag nyid kyi slob dpon gyis shing rnams kyi gtso bo stong pa'i ngang las rnam par snang mdzad du rnam par bsams la/ de la ye shes sems dpa' i yon chab sngon du song bas gzhug par bya ste/ bum pa'i chu yis dbang bskur ba dang de bzhin nyid yongs su gyur pa las ljon shing ngo/ /de'i dbus su ljon shing yang de ltar lhag par mos par bya'o/ /ljon shing gtso bo de nyid la gnas pa'i lha la yang me tog la sogs pas mchod de gzhan gyi bya ba byed cing ji srid du gzhug par gsol ba btab cing phyogs rnams su gtor ma btang ba 'di ni skyed mos tshal la sogs pa rab tu gnas pa'i cho ga'i rim pa'o// //da ni dbang dang rab gnas la sogs pa thams cad la sbyin sreg sngon du 'gro bar gsungs pas kun rdzob kyi sbyin sreg 'dir brjod par bya'o/ /nyin mo'i thun dang po la sogs pa'i las bya ste/

  361. 180a

    de ltar mtshan mo yang ngo/ /de ltar thun phyed rnams sam thun rnams la ste las thams cad pa dang/ zhi ba dang rgyas pa dang gsad pa dang dbye ba dang/ /dbang dang dgug pa dang/ rmongs pa dang rengs pa rnams/ grong khyer gyi dbus dang/ gshin rje dang bden bral dang/ chu bdag dang/ rlung dang gnod sbyin dang/ dbang ldan dang/ shar dang me mtshams su ste/ dbang bskur ba'i dus su rdul tshon gyi me ri'i phyi rol du khrud spangs pa'i gnod sbyin nam/ drag po ru zlum po dang/ gru bzhi dang/ gzhu'i rnam pa dang/ zur lnga dang/ bdun dang/ gsum dang/ drug dang/ brgyad rnams dang ldan pa'o/ /khru gang ba dang/ khru dri? pa dang/ khru gang gi phyed/ zlum po dang mtshungs pa dang/ sor bzhi bcu pa dang/ nyi shu dang/ sum cu rnams so/ /thab khung rnams kyi rgya'i phyed gting du'o/ /thab kyi kha khyer la thang kar spangs kyi drug cha'o/ /de dag gi nyis 'gyur stegs bu'o/ /de'i nyis 'gyur kha khyer chen po pa'o/ /yang mchu dang mnyam pa phyi ru kha khyer bya'o/ /steng du zla ba dang/ nyi ma dang/ zla ba dang/ maN+Dal sngon po dang/ dmar po dang/ du ba'i maN+Dal dang/ maN+Dal ser po dang/ ri rab gnyis kyi mtshan mas mtshan pa'i thab bya'o// stegs bu cha lnga ru byas pa'i logs gnyis kyi cha gnyis spangs te/ cha gsum la 'og nas 'byung ba'i mtshan ma rnams kyi rim pa bzhin 'og nas bskor ba ste/ gal te sa yis byed na chu'i phyed kyis so/ /rdul tshon gyis byed na des pa med do/ /de'i phyi rol du gnyis la pad+ma'i 'dab ma dang/ gnyis la sor mo dang bcas pa'i lag mthil dang/ /khwa'i mjug sgro dang gnyis la shing arga'i 'dab ma dmar po dang gnyis la shing arga'i 'dab ma ser po

  362. 180b

    rnams kyis phreng bas bskor ro/ /de'i phyi rol du ku sha dang shi ba'i skra dang/ yi dags shing gi lo ma dang/ gnyis la me tog dmar po dang/ gnyis la me tog ser po rnams kyis bskor ro/ /thab kyi tshad ni pad+ma'i 'dab ma'o/ /bcu gnyis kyi cha yis gtso bo'i lte ba'o/ /de la rdo rje nag po dang/ pad+ma dkar po dang/ 'khor lo dkar po dang/ gri gug nag po dang/ ral gri nag po dang/ mda' dmar po dang/ /rdo rje lcags kyu dmar po dang/ sprul zhags ser po dang/ rdo rje lcags sgrog ser po rnams dgod par bya'o/ /las thams cad pa'i thab khung la shar la sogs pa'i pad+ma'i 'dab ma rnams la/ ral gri dang rin po che dang/ 'khor lo dang pad+ma rnams so/ /mtshams rnams la gri gug nag po dang/ lcags kyu dmar po dang/ rdo rje zhags pa ser po dang/ rtse gsum pa dkar po rnams so/ /de ltar zhi ba la yang ngo/ /rgyas ba la phyogs rnams rdo rje la sogs pa'i mtshan ma rnams dang/ mtshams rnams la gri gug nag po la sogs pa'o/ /de ltar gsad pa la shar du phyogs pa'i dkyil 'khor te/ gsad pa dang dbye ba la ral gri la sogs pa'i mtshan ma'o/ /dbang dang dgug pa la lhor kha phyogs pas phyogs rnams la rin po che la sogs pa'o/ /mtshams rnams la lcags kyu dmar po la sogs pa'o/ /rmongs pa dang rengs pa la nub tu kha phyogs pas phyogs dang phyogs bral rnams la 'khor lo dang/ zhags pa ser po la sogs pa'o/ /thab khung la khru do spangs par rdul tshon dkar po dang/ dmar po dang/ nag po rnams kyi ra ba gsum bya ba ste/ byang la sogs par phyogs pa'i ra ba'i nang gi rgya'i brgyad cha'i sgo'o/ /dkyil 'khor gyi sgo dang mtshungs pa'i rta babs dang bcas pa thab khung kun la bya'o/ /thab

  363. 181a

    khung gi mdun du khru do spangs pa'i gnas su zhi ba la sogs pa'i dbye ba'i dbyibs dang ldan pa snga ma ltar pad+ma dang/ mtshan ma'i bye brag bkod pa'i khru gang ba rang rang gi phyogs su bzhag go /las thams cad pa la sna tshogs rdo rje chos 'byung du chud pas mtshan pa'o/ /de ltar sbyin bsreg gi dgang gzar la sogs pa'i gdan dang/ yon chab kyi gdan g.yas g.yon du'o/ /gdan de la rim pa ji lta ba bzhin gnas par bya ba ste/ rkang pa g.yas pa g.yon pa'i pus mo'i gong du bzhag pa pad+ma'i 'dug stangs so/ /rkang pa g.yas pa g.yon pa'i brla'i steng du bzhag cing g.yon pa g.yas pa'i brla stengs su bzhag pa rdo rje'i 'dug stangs so/ /lha ma yin gyi 'dug stangs ni lus bskums te rus sbal ltar gnas pa'o/ /rkang pa'i lor mo gnyis bshibs te/ tsos po che 'phongs dang sbyar nas pus mo gnyis bslang ba ni tsog pu'i 'dug stangs so/ / rkang pa g.yon skyil krung du gnas nas g.yas pa tsog pu ste/ cung zad rkyang ba skyil krung phyed pa'o/ /de las bzlog pa ni bye brag gnyis pa'o/ /rkang pa g.yon pa'i gting pa bshang lam na gnas te/ g.yas pa tsog pur gnas pa rkang pa bshad lam gnas pa'o/ /de las bzlog pa rnams so/ /de nas rim pa bzhin du/ shel dang mu tig dang/ mi'i so dang/ bo de tsa dang/ pad+ma'i sa bon dang/ tsandan dmar po dang/ lung btang dang/ ru rag sha'i phreng ba rnams so/ /de nas bde snod 'dab ma dang/ lte ba rnams la sor bcu gnyis pa/ shel dang/ dngul dang/ thod pa dang lcags dang/ gser dang/ zangs dang/ shing dang/ sa las byas pa'i yon

  364. 181b

    chab kyi snod rnams so/ /de nas dgang gzar ni rdo rjes mtshan pa'i khru gang ba'i yu ba la steng gi tsha thal mo sbyar ba'i rnam pa'o/ /de'i nang gi dbus gru bzhi pa pad+mas tshan pa sor bzhi dang ldan pa'o/ /de'i rtse mo rdo rje rtse lnga pa'o/ /ra dbus ma nas bcud 'gro ba'i gnas dang ldan pa'o/ /de las cung zad phra la chung ba srid du mtshungs pa steng gi cha pad+ma dang mtshungs par blugs gzar ro/ /de ltar zhi ba la sogs pa'i gnyis gnyis te/ u dum ba ra dang/ byang chub shing dang/ n+ya gro d+hA dang/ ka ba Di dang/ rgun 'brum shing rnams kyi yams shing lnga brgya'o/ /mi'i rus pa mthe chung gi rnam pa lnga brgya'o/ /de ltar khro'i mjug sgro yang ngo/ /de ltar seng ldeng dam/ pa la sha las byung ba dang/ de ltar bi l+lo las byung ba lnga brgya sor bcu gnyis pa'o/ /de ltar rdzas rnams ni zhi ba la ba'i 'o ma dang dUr ba'o/ /rgyas pa la mar dang/ dUr pa'o/ /bsad pa la sha dang byug go /bskrad pa dang dbye ba la mi'i zhag dang bcas pa'i ri dza ka dang tshwa'o/ /dbang la rdul dang/ ka ra bi ra la sogs pa'i me tog dmar po'o/ /dgug pa la dri chu dang/ shing be le'i 'dab ma dang/ 'bras bu'o/ /rengs pa las tshil ma dang/ me tog rnying pa'o/ /rmongs pa la tshwa dang/ thang khrom gyi 'dab ma'o/ /de ltar gnyis gnyis la ste me tog dri zhim la dkar ba dang/ tshil 'tshar ma dang ldan pa'i nag po dang/ dmar po dang/ ser po rnams so/ /de ltar grang ba'i bdug spos ni a ka ru dang/ sihla dang/ ga bur dang/ sbrang rtsi ka ra rnams kyis so/ /de ltar shin tu bdug pa'i spos ni bshad pa dang/ sha dang khrag rnams kyis so/ /de ltar dri che bar gyur pa'i spas gu gul dang/ rgya skyegs dang/ spos dkar dang/ kun du ru dang/ sh+rI

  365. 182a

    ba sa dang/ bu ram rnams kyis so/ /de ltar bska ba'i spos a ka ru'i phye ma dang/ bu ram dag gis so/ /yang rim pa ji lta ba bzhin 'o ma'i zan dang/ zho dang bcas pa'i zan dang/ grod pa dang/ mar dang bcas pa'i zan dang/ til dang bcas pa'i zan dang/ sran ma mung ka dang bcas pa'i zan dang/ sran ma tsa na ka dang nya dang bcas pa'i zan rnams so/ /de ltar gnyis gnyis la tsandan dkar po dang/ khrag dang/ sol ba dang/ gur gum dang/ gi wang dang/ tsandan dmar po dang/ yung ba dang/ ba bla rnams rnam par byug go /de ltar mar dang/ mi'i zhag dang/ til mar dang/ dzo tis mI mar dang/ b+ha la ta ka'i mar rnams kyis mar me'o/ /de ltar 'bras sA li dang/ rA dzi ka dang/ yungs kar dang/ sran chung rnams kyis ma nyams pa'o/ /de ltar na bza' dkar po la sogs pa rnams ni zhi ba la sogs pa rnams la go bar bya'o/ /de ltar slob dpon ji ltar gsungs pa'i gdan la ji ltar gsungs pa'i 'dug stangs kyis gnas nas/ las thams cad pa la ljang gu'o/ /zhi ba la sogs pa la gnyis gnyis te/ zhi zhing dkar ba dang/ khro la gnag pa dang/ chags pa dang bcas pa'i dmar po dang/ rengs shing ser ba ste/ sngon du gsungs pa'i dus kyi 'khor lo'i cha byad rnam par bsgoms te/ srung ba'i 'khor lo byas nas sngon du gsungs pa'i cho ga'i rim pa bzhin du u dum ba ra dang ba Ta dang/ mya ngan med dang/ rus pa dang/ lcags dang/ seng ldeng dang/ sa kho Ta dang/ bi lo rnams las byung ba'i phur bus phyogs bcu btab la/ oM A:hUM:h+ra:phaT/ zhes pa'i sngags kyis

  366. 182b

    ku shas yon chab nas blangs te bsang gtor bya'o/ /de nas las thams cad pa dang/ zhi ba la sogs pa la tsandan la sogs pa'i dri zhim po dang/ 'o ma can gyi shing dang/ tsandan dmar po la sogs pa dang/ bska pa'i shing rnams brtsigs te/ lha khang dang bram ze dang/ dmangs rigs dang/ gtum mo dang/ rgyal rigs dang/ rje rigs rnams kyis khyim nas me blangs te/ der bcug la rlung yab kyi sbar bar bya'o/ /de nas sngags 'dis me lha spyan drang ba ni/ oM e hye he mahA b+hu ta de ba ri Shi dri dza sa ta ma gre hi twa yu d+hi mahA rasmIn smIn san+ni hi to b+ha ba badzra d+hA ra dz+nyA ba ya ti swAhA/ zhes brjod de rang gi snying ga dang phyi'i thab khung du las kyi bye brag gis zla ba 'am/ nyi ma la raM las byung ba'i me lha'i rnam par bsgoms te/ dza:hUM baM ho(rgyud 'grel): brjod cing lcags kyu'i phyag rgyas dgug go/ rdo rje'i phyag rgyas gzhug go /zhags pa'i phyag rgyas bcing ngo/ /dril bu'i phyag rgyas dbang du bya'o/ /de nas yang las thams cad pa la sku mdog ljang gu g.yas pa'i phyag dag gis rdo rje dang phreng ba'o/ /g.yon pa'i phyag dag gis dril bu dang pad+ma'o/ /na bza' dang/ spyan dang/ dbu skra rnams dmar la ser ba'i mi bskyod pas rgyas gdab pa'o/ /zhi ba la dmar po g.yas pa dag gis pad+ma dang/ shel gyi phreng ba'o/ / g.yon pa dag gis spyi lugs dang dung ngo/ /rgyas pa la g.yas pa dag gis 'khor lo dang mu tig gi phreng ba'o/ /g.yon pa dag gis pad+ma dang spyi blugs so/ /'od dpag med gyis rgyas btab pa'o/ /bsad pa la nag po g.yas pa dag gis gri gug dang rtse gsum pa'o/ /g.yon pa dag gis thod pa dang kha TwAM ga'o/ /don yod grub pas rgyas btab pa'o/ /bskrag pa dang dbye ba la g.yas pa dag gis ral gri dang rtse gsum pa'o/ /g.yon pa dag gi thod pa dang kha TwAM

  367. 183a

    ga'o/ /dbang du bya ba la gur gum gyi kha dog go /g.yas pa dag gis mda' dang rin po che'o/ /g.yon pa dag gis gzhu dang me long ngo/ /rin chen 'byung ldan gyis rgyas btab pa'o/ /dgug pa la g.yas pa dag gis rdo rje lcags kyu dang rin po che'o/ /g.yon pa dag gis rdo rje zhags pa dang me long ngo/ /rmongs pa dag la g.yas pa dag gis sbrul dang dbyug pa'o/ /g.yon pa dag gis 'khor lo dang tho ba'o/ /rengs pa dang/ phur bus gdab pa dag la ser po g.yas pa dag gis lcags sgrog dang tho pa'o/ /g.yon pa dag gis 'khor lo dang tho ba'o/ /rnam par snang mdzad kyis rgyas gdab pa'o/ /zhi ba la sogs pa rang rang gi kha dog dang mtshungs pa'i na bza' o/ /de nas oM pra wa ra sa ta ka ra mahA ra smin pra tIts+tsha swA hA/ zhes pas yon cha ma sbyin no/ /de nas oM badzra dang por/ puShpaM la sogs pas bar du'o/ /swAhA zhes pa tha mar sbyar ba'i puShpaM dang/ d+hu paM dang/ g+hand+haM dang/ dI paM dang/ ak+Sha taM dang/ / n+yai bi dyaM dang/ lA syaM dang/ pA dyaM dang/ nri tyaM dang/ gI taM dang/ kA ma rnams kyis mchod par bya'o/ /de nas me lha'i zhal gdangs par/ oM sarba pA paM da ha na badzrA gni badzra satwa sya sarba pA paM da ha da ha swAhA zhes pas las thams cad pa la sogs par dang por bsreg lugs len par spyan drang ba'o/ /bsad pa la sogs par/ oM badzrA na la sarba b+hu taM dzwA la ya sarbAM b+hasmi ku ru sarba duSh+TaM swAhA/ zhes pas so/ /de nas oM A:hUM ho haM k+Sha:swAhA/ zhes pas yaM shing brgya rtsa brgyad kyis bsnun par bya'o/ /oM hliM h+rIM hDAM h+rI h+raM h+ra:swAhA/ zhes pas brgya rtsa brgyad do/ /de nas oM a A i a'i ri rI u a'u li lI aM a:swAhA/ zhes pa yang de ltar ro/ /de nas oM a A e i ar Ar o aau al

  368. 183b

    Al aM a:swAhA/ zhes pa yang de ltar ro/ /de nas oM ha hA ya yA ra rA wa wA la lA haM ha swAhA/ zhes pa yang de ltar ro/ /de ltar bzhi bcus lhag pa'i lnga brgya la lnga brgya zhes brjod do/ /zhi ba la sogs pa chu shel dang/ pu Shu ra ga dang/ band+hu ka dang/ gser zhun ma'i kha dog rnams so/ /mA la hi dang/ ga bur dang/ a ka ru dang/ tsam pa ka'i dri rnams so/ /pi wang rgyud mangs dang/ gling pu dang/ mri daM ga dang/ shin tu drag po'i sgra rnams so/ /dpal be'u dang/ gdugs dang/ ral gri dang/ pad+ma dang/ bum pa la sogs pa'i gzugs rnams so/ /gcig dang/ gnyis dang/ gsum dang/ bzhi la sogs pa bzang ngo/ /shin tu g.yo ba dang/ thig le nag po can dang/ me stag 'phro ba dang/ / rang gi phyogs su phyogs pa dang/ g.yo zhing 'bar ba dang/ kha dog sna tshogs pa dang/ shin tu gnag pa dang/ chog sgra dang/ thog sgra rnams ni bsad pa la bzang ngo/ /de nas 'bru la sogs pa rnams sngon du song ba'i sngags kyi cho gas te dgang gzar yang ngo/ /de nyid na/ lag pa g.yon pa gan rgyal du byas te/ lag pa g.yas pa mchod sbyin byas pa'i mthe bos bskyod cing/ sngon gyi rdzas rnams bsnun par bya'o/ /zhi ba la na ma:I mdza' can no/ /rgyas pa la bo Sha Ta'o/ /bsad pa dang/ bskrad pa dang/ dbye ba rnams la hUM ngo/ /dbang la waSha Ta zhes pa'o/ /phur bus gdab pa dang/ rengs pa dang rmongs pa rnams la phaT kyi mdza' rten dang bcas pa brjod cing bsnun par bya'o/ /de nas h+k+Sh+mlwryaM zhes pa'i sngags kyis mar gyis dgang gzar bkang la mnyam par bzhag pa'i slob dpon dang las kyi rdo rjes me lha la dgang blugs dbul bar bya'o/ /de nas me tog la sogs pa'i sngags kyis phyogs bcur sbyin pa ni/

  369. 184a

    oM b+hu b+hu ba(rgyud 'grel): swAhA/ na mo de be b+hya(rgyud 'grel): swa ti pra dza(rgyud 'grel): b+hya swA hA sha rA dzA b+hya(rgyud 'grel): sA d+hA pri te b+hya/ a laM b+hu te b+hya/ wa Sha Da ne dru ya zhes pas so/ de ltar me tog phul la/ oM A hUM kA ya wA k+tsit+ta swa b+hA wa shud+d+ha swAhA/ zhes pas zhal bsil dbul lo/ /de nas oM dza(rgyud 'grel): gats+tsha mahA rasmI(rgyud 'grel): swAhA/ swa s+thA nan+ti pta ho(rgyud 'grel): pu na dA ga myi Sha Tas ya ri wA ha na yA mi swAhA/ zhes pas snying ga'i pad+ma la ye shes kyi me lha gshegs su gsol zhing thabs kyi me lha yang gshegs su gsol lo/ /'di ni sbyin bsreg gi cho ga'i rim pa'o/ /de nas slob dpon gyi snga ma ltar mchod pa byas la rdo rje dang dril bu bzung ste/ rdo rje'i 'dug stangs la gnas nas/ rang gi snying ga'i pad+ma la/ ye shes sems dpa' gshegs su gsol ba ni/ rim pa bzhin du/ gtsug tor dang/ dpral ba dang/ mgrin pa dang/ snying ga dang/ lte ba dang/ gsang ba'i 'khor lo rnams spu/ a i ri u li haM yi ge rnams stong pa la sogs pa'i zad par rnams dang/ phyogs skyong rnams dang/ gza' rnams dang/ glu rnams dang/ 'byung po rnams dang/ khro bo'i tshogs rnams gshegs su gsol/ /de nas bum pa'i gos zung rnams srung ba'i gzhon nu ma rnams la sbyin du gzhug go byang chub kyi shing gi lo ma 'am rang gi lag pa 'am rdo rje tshangs pa'i thig gi lam nas bde ba chen po'i 'khor lo'i bar gshegs par bya'o/ /de nas rang gi spyi gtsug tu rdul tshon cung zad bzhag ste/ pad+ma la sogs pa bsdu bar bya'o/ /de nas rdul tshon phyags te bum par blugs nas ji ltar 'byor pa ltar glang po la sogs pa'i steng du bzhag ste/ gdugs dang/ rgyal mtshan la sogs pa dang/ bcos par khyer la rgya mtsho la 'gro ba'i chu bo la

  370. 184b

    ngor bar bya'o/ /bum pa de nyid du bkang la/ dkyil 'khor gyi khong par 'ongs te/ gtor nas ba lang gi ci ba la sogs pas kyang byugs te/ der gnas nas 'o ma la sogs pa'i dkar ba dang/ mngar ba dang/ ras zung rnams kyis gzhon nu ma mnyes par byas nas gshegs su gsol ba dang/ mtshan mo'i dus su sngon gyi cho gas dpa' bo'i ston mo sbyin par bya'o/ /'dis ni gshegs su gsol ba'i cho ga'i rim pa'o// //sems can don phyir rab tu spro bar mdzad pa'i mnga' bdag dpal ldan dus kyi 'khor lo yi/ /dkyil 'khor cho ga'i sgrub thabs byas pa'i dge bar gyur pa dkar ba'i 'od zer dang ldan pa/ /de yis 'gro ba ma lus pa yi nyon mongs tshogs rnams rab tu bcom pa'i gnas gyur pa/ /spros pa thams cad dang ni bral ba'i bde ba chen po mnyam pa med pa thob par shog /dpal ldan pad+ma'i phyag dang ldan pas shin tu dri ma bral bar rab rib ma lus bcom yang 'on te ma dag mig ldan rnams kyis/ / gal te dngos po'i tshogs rnams mthong gyur nas snga phyi 'gal ba/ /mchis nam mkhas pa rnams la bdag ni bzod par gsol lo/ /dpal dus kyi 'khor lo'i dkyil 'khor gyi cho ga rdzogs so// //slob dpon chen po sA d+hu pu tra sa d+harmA ka ra shan+ti'i don du mdzad pa'o// //rgya gar gyi paN+Di ta mkhas pa chen po wA gI shwa ra gupta dang/ sgra bsgyur gyi lots+tsha ba dge slong chos rab kyis bsgyur cing zhus te gtan la phab pa'o// (//dpal dus kyi 'khor lo'i dkyil 'khor cho ga bzhugs so//) //*// /rgya gar skad du/ sh+rI kA la tsakra maN+Dal bi d+hi/ bod skad du/ dpal dus kyi 'khor lo'i dkyil 'khor cho ga /dpal dus kyi 'khor lo la phyag 'tshal lo/ /gang gi

  371. 185a

    gsung gi 'od zer gyis/ /snying ga'i pad+ma kha 'byed pa'i/ /spyan ras gzigs la phyag 'tshal nas/ /dkyil 'khor cho ga dbye bar bya// //yan lag bzhi pa'i sgrub thabs kyis/ /sngon du bsnyen pa byas nas su/ /sdom ni/ dkyil 'khor yang ni rnam pa gnyis/ /lhag gnas dang ni mchod pa'o/ /lhag gnas pa yang rnam gnyis te/ /rang don dang ni gzhan don no/ /mchod pa la yang rnam gnyis te/ /bdag sgrub dang ni gzhan sgrub po/ sngon 'gro dngos dang rjes dang ni/ /yan lag la sogs thun mong ngo/ /dang por slob dpon brtag pa ni/ /slob dpon yang ni dam tshig can/ /rdo rje'i theg pa dang por zhon/ /de nyid khyab can chags pa med/ /dri ma dang ni rnam par bral// bzod dang tshul khrims don 'jug pa/ /slob ma rnams la bde ster zhing/ /dmyal ba yi ni 'jigs sel ba/ /de kho na yi tshangs spyod can/ /bdud rnams kyi ni rdo rje dbyug /de yang sa'i steng du ni/ /rdo rje sems dpa' rab tu grags// khro dang nga rgyal dang ldan zhing/ /dam tshig dang ni rnam bral ba/ /rdzas la brkam zhing ma thos pa/ /slob ma rnams ni bslu don du/ /mchog tu bde ba'i go 'phang du/ /sems ni nyams dang dbang ma bskur/ /longs spyod chags shing myos pa dang/ /zher 'debs pa yi tshig smra zhing/ /rang dbang don du 'dod spyod pa/ /slob ma rdzogs byang chub don du/ /dmyal ba lta bur rtogs pa yis/ /de ni spang bar bya ba yin/ /zab cing rgya che ba yi sems/ /bla ma mnyes pa la dga' zhing/ /gtong ba'i sems dang yon tan che/ /thar pa 'dod cing rgyud la dad/ /sems ni g.yo ba med pa dang/ /de nyid rnyed pa dang gsang zhing/ /gdug pa rnams kyi tshogs bral ba/ /shin tu mkhas

  372. 185b

    pa'i bla ma yis/ /slob ma de ni gzung bar bya/ /de nas gsol ba gdab pa ni/ /skye ba mang po'i sdig pa ni/ /bsags pa rnam par 'jig byed pa/ /sdom pa so sor gzung bar bgyi/ /dpa' bo dus kyi 'khor lo mdzod/ /de nas sa bslang brtag pa dang/ spyang dang gzung dang spel ba dang/ /dpyid 'bring dkar tshes nya mthar thug /gzhan la phan pa'i bla ma yis/ /sa brtag la sogs rim par bya/ /nags sam grong brdal khang stong sogs/ /byang dang dbang ldan phyogs su ni// dkar po zhi ba rgyas pa dang/ /sa la dri zhim dang ldan pa/ /sa dang chus ni brtags nas ni/ /bslang ba snang dang mi snang dang/ /sbyang ba pus mo lte ba dang/ /rked pa 'phang du brko bar bya/ /yang na rdo 'am chur thug par/ /zug rngu sol ba bcas par ro/ /sa yi kheng na yod pa ni/ /gci ba yi ni 'jigs pa med/ /gnas de ru ni sbyang ba ni/ /yon tan gyi ni dbang gis 'gyur/ /de yi phyir na spyang bar bya/ /nor bu ching bu dung yod ni/ /rnam par rgyal zhing bde ba byed/ /dkyil 'khor sa gzhi'i don dang ni/ /khang bzang don dang khyim don du/ /nges pa kho nar gsal ba ru/ /mchod sbyin la sogs rgyur spyang bya/ /rdzogs pa la ni spyad bya zhing/ /de bzhin yang ni gzung bar bya/ /bu rnams gzung ba la yang ngo/ /de yang shar dang byang du gzhol/ /dbus ni me long bzhin du mtho/ /brdung zhing legs par brdungs nas su/ /mnyam zhing zung ngu med par bya/ /der ni chu dang lci ba yis/ /dkyil 'khor yang ni legs par byug /de nas phyogs bcu'i sangs rgyas kyis/ /gzung zhing bla re la sogs bri/ /spos chus brlan pa'i lag pa yis/ /nye snying bzlas pas sa la reg /rdo rje yi ni rang bzhin bsam/ /lhag gnas yan lag cho ga'o// //de nas dgongs

  373. 186a

    ba'i dus su ni/ /chu dang mchod yon dri chab spos/ /me tog dang ni 'bras bu dang/ /bsang gtor dang ni mar me dang/ /lha bshos gos dang bcur 'gyur te/ /dur khrod brgyad dang bcas pa yi/ /'jig rten pa la gtor ma dang/ /sa yi lha mo'i mchod gtor dang/ /tshogs 'khor ji ltar 'byor pa dang/ /na bza' nyi shu rtsa lnga dang/ /bla re ba da na maN+Dal dang/ /slob dpon rdzas brgyad ldan pa yis/ /yan lag bzhi pa'i sgrub thabs bzhin/ /rim pa bzhin du bsgoms nas ni/ /maN+Dal steng gi dri thig le/ /me tog bkram la khro bo ni/ /'dod pa'i rgyal mo sa lha mo/ /ser mo phyag gnyis bum pa thogs/ /ro stong sa nas 'thon nas ni/ /kun nas mchod yon zhabs bsil dbul/ /dam tshig phyag rgya bstan nas su/ /bstod dang gsol ba gdab par bya/ /lha yi dbang po lhan cig pa'i/ /bdud sde rgyal bas bcom pa yi/ /dpang por lha mo khyod ni gyur/ /de phyir khyod ni mchod par bya/ /lha yi mchog gis phyag byas pa/ / bdag gi mchod pa 'di bzhes shig /ji ltar rgyal bas byang chub phyir/ /bdud kyi sde ni mi bzad pa/ /stobs dang ldan pas bcom pa ltar/ /slob ma rnams ni dbang bskur phyir/ /de bzhin du ni bdag gis kyang/ /bdud kyi sde ni gzhom par bgyi/ /yang dag phyogs bcu'i sangs rgyas dang/ /dri ma dag dang bral ba yi/ /byang chub sems dpa' ma lus pa/ /de rnams nyid kyis bskyang bar mdzod/ /dkyil 'khor dbang bskur ba yi phyir/ /mchog gi snying rjes bskyang bar mdzod/ /de rnams kun la gsol btab nas/ /de nas rnam bcu'i mchod pa dang/ /gtor ma phul la gshegs su gsol/ /de nas sgrub pa'i grogs kyis su/ /rigs drug gi ni bstod pas bstod/ /seng ldeng 'khrad ba'i rang

  374. 186b

    bzhin gyis/ /phur bu bdud rtsi 'khyil bar bskyed/ /skad gdungs phur pa'i gsang sngags bzlas/ /de nas sngags dang phyag rgya yis/ /dkyil 'khor snying gar bsdu bar bya/ /rkang gnyis hUM las rdo rje dang/ /mig tu nyi ma zla ba bsam/ /langs nas dkyil 'khor dbus 'dug ste/ /khro bo'i dbyangs kyis bstod pa bya/ /de nas bgegs bka' bsgo bya/ /gsang ba'i rgyud las 'byung ba yi/ /stang stabs ji tsam nus pa bya/ /de nas bsrung ba'i 'khor lo bya/ /dpal gyi rdo rje phyogs kun na/ /gnas pa yi ni bdud kyi tshogs/ /ma lus pa ni nges par sreg /rdo rje gsum gyis ra ba gsum/ /sa yis 'khor bar song pa yi/ /sa 'og gnas dang nam mkhar ro/ /rdo rje khang pa rtsegs ma yi/ /dbus su 'dab ma nyi ma'i khru/ /lte ba dang ldan gdan la ni/ /dus dang chags pa'i khru ru 'gyur/ /de'i steng du bdag nyid ni/ /dri ma dang ni bral ba nyid/ /'khor lo'i dus su khro dbang po/ /phyag ni rgyal dbang gnyis ldan pa/ /dus kyi zhal te rdo rje'i shugs/ rnal 'byor pa yis bsgom par bya/ /phyi nas 'khor lo rtsibs bcu pa/ /phyogs dang mtshams su song ba yi/ /khro mo'i tshogs ni bsgom par bya/ /de nas kI la'i phur bu yis/ /sngags kyis phyogs mtshams steng 'og gdab/ de la dri dang bdug pa bya/ /lhag gnas sngon du 'gro ba'o/ //de nas dri yi chu dang ni/ /ba yi rnam lnga'i skyang nul bya/ /thig le nyi shu rtsa lnga dang/ /me tog tshom yang de mnyam bya/ /de nas rang gnas lha gnas pa'i/ /rnal 'byor pas ni snying kha nas/ /dkyil 'khor la ni sprul par bya/ /de nas de la go cha dang/ /ye shes spyan drang mchod bstod bya/ /dbang bskur nas ni dgug gzhug bya/ /de nas chang dang

  375. 187a

    bdud rtsi dang/ /mchod pa rnam pa bcu po dang/ /bstod pa rnam pa du ma dang/ /na bza' ci 'byor dbul bar bya/ /go cha'i sngags kyis bsrungs nas ni/ /gnyis med ye shes las byung ba/ /khyab bdag brtan g.yo'i bdag po ni/ /sna tshogs yum gyis mgul nas 'khyud/ /nyi shu rtsa lnga pa yi 'khor/ /ma lus bdag la dgongs su gsol/ /slob ma rnams la phan pa dang/ /khyed rnams la yang mchod pa'i phyir/ /rdo rje can bdag 'di zhes pa'i/ / nang par dkyil 'khor bri bar bgyi/ /rjes su rtse bar nyer dgongs te/ /kun gyis byin gyis brlab tu gsol/ /de ltar lha ni lhag byas nas/ /bum pa lhag par gnas par bya/ /de yang rnam rgyal bum pa ni/ /rgya ru brgyad gnyis sor gsum pa/ /dpangs su sor tshad bcu phrag gnyis/ /mchu ni sor gnyis ske mor drug /shel lam dngul gyi bum pa ni/ /ri bong 'dzin pa ltar dkar ba/ /yang na tha mal bum pa ni/ /'bras la sogs pas kha dog bsgyur/ /bum pa rnam pa bcu la ni/ /rigs kyi mtshan ma rnams bkod la/ /sman dang 'bru rnams gzhug pa ni/ /dri yi sman gyi re mig tu/ /rim pa bzhin du sman gyi grangs/ /mig dang zla ba la sogs pa/ /tshangs ma la sogs lnga lnga pa/ /tshangs pa khyab 'jug ma drag mo/ /dbang phyug ma dang dbang chen mo/ /dbang mo dpal mo phag mo dang/ /gzhon nu ma dang rgan byed ma/ /sa mo chu mo me mo dang/ /rlung mo mkha' spyod ma de bzhin/ /ma dang sring mo bu mo bzhin/ /tsha mo rang rmos ma de bzhin/ /bram ze mo dang rgyal rigs mo/ /rje rigs mo dang dmang rigs mo/ /g.yung mo de bzhin shes par bya/ /smad 'di yis ni dngos grub che/ /spyod dang grol ba rab tu ster/ /'bras dang mon sran gre'u dang/ /mon sran dkar dang

  376. 187b

    tsa na dkar/ /til nag lnga pa dang po yin/ /ko tra 'bras sngon sran ma dang/ /til dkar gro ni gnyis pa yin/ /mu tra yu tri pu yungs smug /nas sran ma sha gsum pa yin/ /sran chung yungs kar dkar po dang/ /ka kun tri bi ka ra dang/ /ba ra tsi ? bzhi pa yin/ /a dang shi tang ba ra ti/ /ba la rgya sran tsa na gnag /de ni lnga par bkod pa yin/ /de nas rin po che yi rigs/ /bram ze rgyal dang rje dmangs dang/ /mthar skyes rigs kyi rdo rje'o/ /de nas in traM pha ra ka /chu shel ke ke ru margad/ /dang po'i lnga tshan bstan pa yin/ /lcags dang gser dngul zangs khro chu/ /khab len lnga mtshan gnyis pa yin/ /mu tig byu ru thing shing dang/ /shu ka ma ni shad a ru/ /lnga tshan gsum par bkod pa yin/ /yu dza ra dzi pa dza ti/ / ngo ba rig 'ba' ha ri ta/ /lnga tshan bzhi par bkod pa yin/ /lnga la 'khor los sgyur ba yin/ /kla klo'i nor bu kha dog lnga'o/ /'byor pa med na kha dog lnga/ /me tog lnga ni gzhug par bya/ /ljang gu rnam rgyal bum par bzhag /sngon po rgyal dang rnam rgyal la/ /nag po shar me'i bum par ro/ /dmar po lho dang bden bral lo/ /dkar po byang dang dbang ldan du'o/ /ser po nub dang rlung du'o/ /thams cad cha dbyes bcug nas ni/ /rigs mthun gos kyis mgrin pa bcing/ /g.yas su pad+ma'i steng bzhag nas/ /shU n+ya tA yis stong par bsam/ /de nas haM las gzhal yas khang pa bsam/ /baM las 'o ma'i rgya mtsho bskyed/ /h+ri las pad+ma 'dab brgyad la/ /hUM las lha rnams bskyed par bya/ /cho ga gong ma 'dra ba las/ /nag por shar gyi lha tshogs bskyed/ /gzhan yang de bzhin shes par bya/ /de nas bgegs bskrad ye shes dgug /dbang bskur yig gsum byin brlabs la/ /mchod bstod gong ma bzhin du bya/ /tshon skud bum pa'i stong bzhag nas//

  377. 188a

    thun gcig par du bzlas par bya/ /de nas bum pa bsdus nas su/ /gos kyis bkab nas zhal bzhis bsrung/ /de ltar bum pa lhag gnas nas/ /sbyin sreg lhag par gnas par bya/ /grong khyer gyi ni dbus nyid dam/ / byang dang dbang ldan mtshams su'o/ /thab khung khru gang zlum po la/ /zabs su khru phyed brko bar bya/ /mchu ni thab khung bcu gnyis cha/ /de yi nyis 'gyur kha khyer ro/ /kha khyer spangs la mchu yi phyed/ /nang du pad+ma 'dab ma brgyad/ /tshon rtsi dkar pos bri bar bya/ /phyi rol pad+ma'i 'dab ma la/ /ku sha yis ni dgram par bya/ /de yi mdza' yi nub tu ni/ /nges pa kho nar bya ba ni/ /ra ba gsum la sgo gcig pa/ /slob dpon gyi ni bdag nyid ni/ /mnyam pa kho nar byas pa yin/ /sngar gsungs mchod pa bcu pa ni/ /rim pa bzhin du bsham par bya/ /n+ya gro d+ha dang 'o ma dang/ /bsreg pa'i shing ni mda' yi brgya/ /til dang yungs kar la sogs dang/ /dur ba 'o ma la sogs dang/ /nas gro ma sha zhi ba'i rdzas/ /bil ba star ka dzA ti dang/ /'bras bu u dum ba ra'i shing/ /nags kyi lcug ma la sogs dang/ /shel phreng gser dang gos dang ni/ /sha lnga bdud rtsi lnga dang chang/ /tshogs kyi 'khor lo'i rdzas rnams bsags/ /de nas de rjes nyid la ni/ /dag pa rnam gsum bya ba yin/ /yan lag bzhi pa gzhung bzhin bsgom/ /snying gar sngags rnams kun bkod nas/ /bzlas brjod mes ni sdig pa sbyang/ /rang nyid dkyil 'khor bar snang du/ /gzhag nas khams gsum stong par bsam/ /b+he ram la sogs ri rab la/ /thug ri char pa bzhin du bskyed/ /de dbus bruM las me thab kyi/ /'khor lo rim pa bzhin bsams nas/ /de dbus raM las me dkyil 'khor/ /gru gsum pa ni bsam par bya/ /de dbus paM las chu dkyil 'khor

  378. 188b

    zlum po dbus su me dkyil 'khor/ /dbus su rang gi mtshan ma bsam/ /zur gsum la ni yig gsum bsam/ /phogs su h+ri yi yi ge bsam/ /de rnams gyur las me lha ni/ /zhal gcig phyag gnyis mdog dkar ba/ /g.yon pa thab khung pad+ma'o/ /g.yas na bgrang phreng dbyug pa'o/ /bzang po ser skya ral pa can/ /spyan ni ser skya na bzar bcas/ /zla ba'i steng du bsgom par bya/ /de ltar dam tshig bskyed nas ni/ /khro bo lha mos bsrungs nas ni/ /dri yis chus kyang bsam par bya/ /de rjes me lha spyan drangs te/ /me yi spyan dang phyag rgya dang/ /oM e hye hi ma hA b+hU taM de ba ri Shi dza ma nu ri Shi hi twot+ta mahA ra smi hi to b+ha be badzra d+hA rA dz+nyA pa ya ti swAhA/ /chu dang bcas pa'i me tog gi /mchod yon nyid ni me lha la/ /de yi sbyor dang ldan pas sbyin/ /bstod pa yang ni byas nas su/ /dza(rgyud 'grel): lcags kyu'i phyag rgyas dang/ /hUM dang rdo rje yis ni gzhug /baM dang zhags pa'i phyag rgyas bcing/ /ho(rgyud 'grel): dang dril bus dgyes par bya/ /de nas bum pa dbang bskur la/ /snang ba mdza' yas dbus la bsam/ /de nas mchod yon dbul ba ni/ /oM pra ba ra satkA raM mahA rasmi pra tIts+tsha swAhA/ a tsa ma na pra tIts+tsha swAhA/ badzra d+hU pa pra tIts+tsha swAhA/ badzra puShpa pra tIts+tsha swAhA/ badzra dI pa pra tIts+tsha swAhA/ badzra nai be tye pra tIts+tsha swAhA/ badzra lA sye pra tIts+tsha swAhA/ badzra hA sye pra tIts+tsha swAhA/ badzra bA de pra tIts+tsha swAhA/ badzra gI ta pra tIts+tsha swAhA/ badzra kA me pra tIts+tsha swAhA/ /de yang gsungs pa/ /me ni rnam pa gsum yin te/ /kun sreg khyim bdag yon gyi me/ /khyim bdag zla ba'i lce la ni/ /oM a na la sarba b+hU ta dzA la ya sarba b+hasmiM ku ru sarba dza na duSh+Tan hUM phaT/ me ni gso phyir dgang lugs bzhin/ /de nas bgegs ni brtag par bya/ /tseg tseg sgra dang ro yi dri/ /ba

  379. 189a

    lang mgo sogs mi dge ba'i/ /mtshan ma yin par shes par bya/ /gdugs dang dpal be'u chu gsher dang/ /rim bzhin mtshan ma sogs shis bya/ /mi shes pa na phyir bzlog bya/ /mchod sbyin gyi ni lag pa yis/ /mthe bong gis ni me yi khar/ /rdo rje yan lag phung sogs kyang/ /bsreg pa yi ni rab tu bya/ /oM A:huM ho haM k+Sha swAhA/ huM hAM h+ri h+ri h+rI swAhA/ a A i a'i ri rI u a'u li lI aM a(rgyud 'grel): swAhA/ /a A e e ar Ar o aau al Al aM a(rgyud 'grel): swAhA/ ha hA ya yA ra rA wa wA la lU haM ha(rgyud 'grel): swAhA/ /de rnams 'od la dbul bar bya/ oM agna ye swAhA/ mar ni zhal du dbul bar bya/ /oM sarba saM ba te swAhA/ 'bras chan zhal du dbul bar bya/ /oM adzra ti ha ta dza ya swAhA/ oM badzra yu She swAhA/ ku sha dur ba spyi gtsug tu'o/ /oM mahA be ge swAhA/ oM badzra g+husma re swAhA/ oM badzra bi dza ye swAhA/ oM mahA be ga ye swAhA/ oM badzra mu te ye swAhA/ nas dang gro dang so ba dang/ /ma sha 'bras ni zhal du'o/ /oM mahA she pa ye swAhA/ bil pa dang ni star ka'o/ /dri ni thugs ka me tog dbu/ /spos ni 'od la mar me mdun/ /mchod yon 'thor 'thung phyag tu'o/ /bdud rtsi zhal dang rin chen dbu/ /phreng ba phyag dang sku la gos/ /de ltar me lha mchod nas ni/ /me ni bsangs la 'od du zhu/ /de yi dbus su ye shes kyi// 'khor lo cho ga bzhin du bskyed/ /ye shes sems dpa' spyan drangs la/ /mchod bstod dgug gzhug go bskon nas/ /dbang bskur nas ni sngon bzhin du/ sbyin sreg brgyas par dbul bar bya/ /tshogs kyi 'khor lo rgyas pa yang/ /ye shes me la dbul bar bya/ /de nas khyad par sbyin sreg ni/ /oM b+hur b+hu ba swAhA/ na mo de bi b+hya(rgyud 'grel): swasti rA dza b+hya(rgyud 'grel): swAhA/ rA dza b+hya(rgyud 'grel): swa laM pra ti b+hya(rgyud 'grel): a laM b+hU te b+hya(rgyud 'grel): paSh+Ten+d+ra ya/ 'bras khrol bu dang bcas pa yi/ /ji tsam nus pa'i sbyin

  380. 189b

    sreg bya/ /slar la 'bras bsreg phyir dor la/ /me lha'i snying gar ye shes me/ /gnyi ga gsal bar dmigs nas ni/ /gong bzhin sbyin sreg rgyas par bya/ /dri dang gos kyang gong bzhin sbyin/ /de nas rang gi snying ga ru/ /dkyil 'khor ba ni gshegs su gsol/ /rdzas kyi lhag ma bsdus nas ni/ /me lha la ni sbyin sreg bya/ /de nas yon bdag g.yon du bzhag /me lha'i zhabs drung thal ba yis/ /dbral bar thig le byas nas bstod/ /'jig rten dbang phyug tshangs pa mchog gi sras/ /me lha'i rgyal por yongs su dbang bskur ba/ /shes rab mchog gis nyon mongs thams cad sreg /'dzin byed me lha nyid la rnam par 'dud/ /rang gi pad+ma'i snying ga ru/ /ye shes me ni gshegs su gsol/ /oM dza: gats+tsha gatsshi? swAhA/ /rasmi sarba sa ma h+ri ba ho ho bu na ra ga mi sha si di pa sya ya d+ha trA na ya mi swAhA/ dam tshig gdan rnams rim bzhin thim/ /de ltar lhag gnas byas nas ni/ /tshogs gtor ma lhag gnas bya/ /de ltar gtor ma lhag byas nas/ / gzhan don slob ma lhag gnas bya/ /snod ldan slob ma khrus byas te/ /gtsang ma'i gos bgo maN+Dal bya/ /me tog thogs la gsol ba gdab/ /phyag 'tshal la sogs bdun po dang/ /sdom pa gsang ba bla med sbyin/ /de nas smon lam bdag par bya/ /rdo rje dril bu phyag rgya dang/ /bla ma yang ni spyi bo ru/ /gzung bar bgyi'o rdo rje yi/ /rin chen gyis ni sbyin pa sbyin/ /rgyal ba mchog gi dam tshig ni/ /bskyed par bgyi'o 'khor lo yi/ /ral gri yis ni mchod pa bya/ / tshu las skyes pa'i rigs kyis ni/ /sdom pa yang ni bskyang bar bya/ /sems can rnams ni grol ba'i rgyur/ /rgyal ba bskyed pa'i rigs kyis ni/ /byang chub sems ni bskyed par bgyi/ /kun rdzob don du brtags shugs rnams/ /rab

  381. 190a

    mchog gi ni lam song pa/ /de bzhin de rnams bskyed par bya/ /'tshe dang rdzun smra gzhan bud med/ /gzhan nor de bzhin chang 'thung yang/ /sdig pa lnga po 'di dag ni/ /'khor bar rdo rje zhags pa ste/ /rang gi rigs ni 'joms par byed/ /gang zhig gang gis dus su ni/ /sum cu pa dang mi bla ma/ /de yi ming gis sbyin par bya/ /sna tshogs bdag po'i bka' 'di ni/ /srid pa yi ni 'jigs 'joms pa/ /khyod kyis kyang ni bskyang bar bya/ / tsi li gsad zas kha na ma thor bcas/ /tshig ni ngan par smra ba dang/ /'byung po lha dang lha min chos/ /ba lang bud med skyes pa rnams/ /bum pa dang ni mi bla ma/ /lnga ni bsod nams mi bya'o/ /sum cu pa dang mi bla ma/ /dge 'dun dang ni sangs rgyas dang/ /yid ches pa dang byang chub dang/ /grogs dang dpon la 'khu mi bya/ /dbang po rnams ni chags med bya/ /'di ni srid pa'i bdag po yi/ /brtul zhugs nyi shu rtsa lnga'o/ /brgya la g.yo sgyu'i dbang gis ni/ /rtsa ba'i ltung ba byung gyur na/ /dmyal ba yi ni sdug bsngal myong/ /bu yi rtsa ba'i ltung ba ni/ /dpal ldan bla ma'i thugs sun phyung/ /ri bong 'dzin pa nyid du 'gyur/ /de yi bka' las 'das pa gzhan/ /gnyis pa nyid ni de bzhin du/ /spun la khro ba gsum pa'o/ /byams pa dor ba lnga ru 'gyur/ /grub pa'i mdza' smod drug pa'o/ /yongs su ma smin sems can la/ /gsang ba ston pa gzhan pas re/ /phung po nyon mongs brgyad par 'gyur/ /dam pa'i chos la mi dang pa/ /slar la yang ni dgu pa'o/ /rgyu yi byams pa phyogs par 'gyur/ /ming sogs bral ba bde ster ba/ /rtog pa drag po ru mi 'gyur/ /dag pa'i sems can la skyon brjod/ /nyi ma ru ni 'gyur ba yin/ /dam tshig rnyed 'dor 'dod pa'o/ /bud med kun la smod

  382. 190b

    pa ni/ /yid nyid kyi ni dgra ru 'gyur/ /rdo rje'i theg la gnas kyi'o/ /slob ma skad cig lhar bskyed nas/ /slob ma la ni bsrung bya ste/ /spyi bo snying ga de bzhin du/ /spyi gtsug lte ba mgrin pa dang/ /dpral ba gsang bar rgyal la sogs/ /gnyi ga'i rigs su song ba'o/ /sku gsung thugs kyi rdo rje'o/ /nges par byin gyis brlab par bya/ /de la rnam bcu'i mchod pa bzhin/ /so shing dor dang bsrung skud bcing/ /byams pa'i go bskon gtsug tor bskyed/ /rmi lam brtag pa'i ku sha sbyin/ /de nas slob ma gshegs su gsol/ /thig skud rdo rje rdul tshon nyid/ /shar dang gshin rje chu lha ru/ /byang du rdo rje dril bu'o/ /de nas dkyil 'khor snying gar bsdu/ /bdag nyid mal sar rmi lam brtag /ngan pa phyir bzlog cho ga bya/ /bcu gnyis pa la thig gdab cing/ /'dod pa yid kyi nyi ma la/ /dpal gyi rdul tshon nyid ni bri/ /nya la dbang rnams rdzogs par ni/ /mchog gi bla mas sbyin par bya/ /bdud bcom pa yi nyi ma la/ /de yi mtshan mo rgyal ba'o/ /rigs ni rab tu gnas par bya/ /mtshan mo gzhan la rab gnas min/ /srad bu khru ni brgyad 'gyur la/ /lag pa'i nang gnas tshad tsam du/ /gcig tu bsgril ba'i sum sgril la/ /slob dpon mthe bong nas kyi tshang/ /lam ni rnam pa gsum song ba/ /sang bu gcig go gzhan ni med/ /a sogs ka sogs gcig pa nyid/ /gang gi snying ga'i pad+ma la/ /zla ba nyi ma me stengs su/ /ri mo can dang dreg pa ni/ /g.yas brkyang ba yi zhabs kyis mnan/ /shes rab rje btsun snying pad+mar/ /nyi ma zla ba brtsegs pa yi/ /rang rang rdo rje lcags kyu yis/ /sangs rgyas lha mo rnams bkug ste/ /thig skud chad pas slob dpon 'chi/ /phyogs 'khrul slob ma rnams ni 'chi/ /mthun dang mi mthun rkang pa yis/ /thig gdab par ni bya ba yin/ /shes rab thabs kyi yan lag

  383. 191a

    dbus/ /me dang rlung du song ba yin/ /dpung gi dbang phyug sbrul 'dra ba'i/ /dkyil 'khor mtshams rgal de spang bya/ /tshangs pa'i thig nas thig gdab nyid/ /nor dang dus kyi tshad kyis ni/ /phyogs kyi cha la rab tu sbyin/ /thugs kyi dkyil 'khor bdag nyid ni/ /sor mo phyed kyi cha ru gsungs/ /'khor lo pad+ma'i bdag po ste/ /lha mo la sogs gdan rnams kyi/ /sum 'gyur du yang gsungs pa yin/ /tshangs pa'i gnas su re'u mig /slar la yang ni rdo rje yis/ /ka ba rdo rje ra bar gsungs/ /sangs rgyas la sogs chu skyes bzhis/ /phyi ru ri bong can gyis ni/ /rdo rje'i phreng bar rab tu 'gyur/ /sangs rgyas lha mo'i bar bar du/ /sor phyed gsum gyi re mig la/ /bum pa'i thod pa'i gdan du 'gyur/ /de yi gnas su rdul tshon las/ /nyin mo phyed pa la 'gyur te/ /re khA gsum gyi mthar thug pa/ /phyogs dang mtshams kyi re mig bzhi/ /pad+ma rnams la zla ba nyi ma/ /de bzhin dra ba sogs rnams kyi/ /sor phyed bzhi chas re khA gsum/ /dus dang de bzhin ro yis ni/ /sgo dang sgo khyud de bzhin du/ /sor phyed drug las 'gram dang logs/ /kha khyer chen po ka ba'i phyir/ /de yi phyed kyis nor bu yi/ /rang bzhin pha khu 'ba' zhig 'gyur/ /nyis 'gyur dra ba dra phyed pa/ /sgo yi rtsa ba'i phyi rol du/ /sor phyed drug gi sum 'gyur gyis/ /ka bar bcas pa'i rta babs 'gyur/ /thig les mdza' ru spang bar bya/ /de yi phyi rol 'byung ba bzhi/ /yang ni spros don ma yin pa/ /gcig bzhi gnyis bzhi gcig nyi ma/ /dus dang ro dang ri bong can/ /me dang dus dang dus kyi phyed/ /dus drug dang ni ri rnams kyi/ /nges par cha yi rim pa yis/ /lte ba 'am ni snying po nas/ /chu skyes pad+ma ya de ni/ /ka ba rdo rje phreng ba dang/ /pad+ma rdo rje phreng bar 'gyur/ /sgo dang sgo khyud la sogs pa'i/ /cha

  384. 191b

    ru de 'og 'gyur ba dang/ /rta babs kyi ni cha rab gsungs/ /de ltar thig gi las zin nas// //tshon gyi las ni rab tu bya/ /rdo rje la sogs rdul tshon lnga/ /gser dang ma ra ga ta dang/ /byu ru mu tig la sogs pa/ /'bru yi khyad par dag dang ni/ /nor bu'i khyad par mang po yi/ /phye ma rdul tshon de bzhin du/ /thig bzhin byin brlabs cho ga bya/ /phyogs kyi cha yi tshon gyi sar/ /mi yi bdag po rdul mtshon gyi/ /sangs rgyas dbye bas bri bar bya/ /ser po dkar po dmar sogs kyis/ /sa dang chu dang me rlung ni/ /rim pa bzhin du bri bar bya/ /shar gyi sar ni dpal nag po/ /nyi ma lta bu lhor ru'o/ /nub tu gser du snang ba ste/ /byang du ri bong 'dzin dkar po/ /rdo rje 'dzin zhal dbye bas so/ /dkar po dmar po nag po'o/ / rim pas yongs su bris nas so/ /kha khyer pha gu dra ba'i sa/ /pad+ma zla ba nyi ma'i mdog /dri med ri bong can 'dra dang/ /dmar po nag po re khA gsum/ /dbus su pad+ma 'dab ma brgyad/ /ljang khu a li lta bu'o/ /ka ba rdo rje phreng bar 'gyur// dbang ldan bden bral me rlung du/ /zla ba nyi ma dag gi mdog /nag po ser po dmar po yis/ /dung dang gaN+DI nor bu dang/ /ljon shing dang ni de bzhin du/ /bum pa dkar po pad+ma yi/ /steng du zla ba dmar po ni/ /'gyur ro nyin mor byed pa ni/ /pad+ma dkar po'i steng du'o/ /pad+ma dkar po'i lte ba la/ /lha mo rnams ni gnas par 'gyur/ /pad+ma dkar po'i lte ba la/ /nyin mo byed pa bkod pa yi/ /lha rnams phyogs su gnas pa na/ /phyi ru rdo rje phreng bar 'gyur/ /gtso bo'i pad+ma'i dbang gis ni/ /kha khyer dag ni mdog dkar po/ /ba ku li dang ka ba ni/ /gser dang 'dra ba ser por 'gyur/ /rta babs kha dog sna tshogs so/ /sbom pos nad ni skyed par byed/ /phra mos nyes pa kho nar ni/ /nor rnams mtshan ma ri mo spang/ /chad pas

  385. 192a

    'chi zhing yon po yis/ /mi rnams skye bo'i bdag pos skrod/ /de bzhin mtshan ma nyi ma'i bdag /srid pa yi ni 'jigs 'joms la/ /sngags pa rnams ni dngos grub med/ /rdul tshon 'dres na rigs ni 'chad/ /rgyal rigs dkyil 'khor la rig bya/ /rgyal ba nges pa kho nar ster/ /rgyud kyi nang du gang ma gsungs/ /mtshan ma mdzes pa'i ched du ni/ /dkyil 'khor du ni de mi dgod/ /rgyal bas rigs ni shes med pas/ /de nyid bdud kyi mtshan ma'o/ /de phyir rgyud gsungs mtshan ma ni/ /rigs kyi dbang gis bya bar 'gyur/ /dkyil 'khor sgo yi bar du ni/ /dra ba dra phyed bar du bya/ /sa dang rlung gi dkyil 'khor la/ /pad+ma bum pa sogs kyis brgyan/ /nag po la sogs rdul tshon rnams/ /bzhi cha 'phel bar 'gyur ba ste/ /nas gcig bar du mtho ba'o/ /ra ba rnams ni mtho 'gyur te/ /nyin mo byed dang ri bong can/ /re khA gzhan ni nyis 'gyur te/ /dkyil 'khor 'di ni mtho ba ru/ /mi yi bdag po 'gyur ba yin/ /dra ba dra phyed mthar thug dang/ /sa dang chu dang byin za dang/ /phyi rol rdo rje phreng gnas gcig /oM gyi ye shes las skyes par/ /rgyal ba dam pa'i pad+ma yi/ /nyi ma zla ba'i gdan stengs su/ /a sogs ka sogs stong par bcas/ /srid pa gsum ni skyed pa yi/ /yum ni gzhag par bya ba yin/ /stong pa a dang chog drag dang/ /gzhan ni dbyangs dang bral ba'o/ /sku gsung thugs kyi rdo rje ni/ /yang dag 'byung phyir sngags skye gnas/ /mchog tu bde ba byed pa yi/ /ye shes rdo rje bzhi pa'o/ /hUM ni kha dog sna tshogs pa/ /rgyal ba'i bdag po'i pad+ma yi/ /zla ba nyi ma me steng du/ /dbang ldan bden bral gyi ni mtshams/ /rtse mo can dang rlung du ni/ /sku dang gsung dang thugs chags pa/ /haM sogs bum pa brgyad kyi'o/ /shar gyi pad+mar a yi ge /me yi pad+ma ru song ba//

  386. 192b

    yi ge i ni ring po nyid/ /gshin rje bden bral ri yig gnyis/ /shar dang nor sbyin phyogs su song/ /thung dang ring pa'i u yig go /chu dang rlung gi mtshams su ni/ /gzhan yang pad+ma ru song ba/ /thung dang ring ba'i li yig go / /nag po dmar po dkar po dang/ /gser ni bco ma lta bu ni/ /zhal gyi dbye ba yod pa yis/ /shar gyi sgo yi g.yas dang ni/ /rtse mo can ni pad song ba/ /ring dang thung ba de bzhin nyid/ /gshin rje dang ni bden bral du/ /de bzhin du ni ar ni zung/ /nub dang rlung du al ni chung/ /gnod sbyin 'phrog mar o aau'o/ /lha dang chu lha gshin rje yi/ /sgo yi g.yon dang gnod sbyin bcas/ /aM dang a yi rim pa yis/ /gzhan yang ya ra wa la dang/ /sgo yi pad+mar rlung la sogs/ /shar gyi sgo dang g.yas min par// khro bo dag gi gdan du ni/ /ri bong 'dzin par 'gyur ba ste/ /g.yas dang nub tu nyi ma yang/ /pad+ma dag gi steng du ni/ /gdan gnyis gang du rab tu 'gyur/ /shes rab thabs kyi rab dbye bas/ /pad+ma'i steng du zla ba dang/ /nyi ma yang ni gdan du 'gyur/ /g.yas dang rgyab tu nyi mar 'gyur/ /lha yi bdag por gnod sbyin du/ /zla ba yi ni gdan du 'gyur/ /thung dang ring po'i sde tshan drug /rang bzhin yon tan dbang gis na/ /kha khyer ka ba'i logs su'o/ /dri sogs rnams ni rim pa bzhin/ / rang gi rigs kyi sar song ba/ /shar gyi cha nas rang phyogs su'o/ /de ltar bris pa zin pa dang/ /de nas rdzas rnams bsag par bya/ /rdo rje dril bu la sogs pa/ /slob dpon gyi ni rdzas rnams dang/ /gdugs dang rgyal mtshan la sogs pa/ /dkyil 'khor gyi ni rdzas rnams dang/ /de rjes mchod pa'i yan lag rdzas/ /re re nyi shu rtsa lnga dang/ /khyad par tshogs kyi mchod pa'i rdzas/ /chang dang bdud rtsi la sogs pa/ /ci 'byor pa ni bsag par bya/ /bsrung ba

  387. 193a

    mda' dang phur bu dang/ /yungs kar phur bu tshon skud do/ /sgrub pa bum pa rnams dang yang/ /sbyin sreg rdzas dang gtor ma'o/ /bsod nams sogs pa'i rdzas dag ni/ /rin chen bdun dang rdzas brgyad dang/ /bum pa 'dod 'jo nor bu dang/ /'dod pa'i yon tan rnam pa lnga'o/ /rdzas ni ji tsam 'byor pa'o/ /de nas rgongs kyi dus su ni/ /dkyil 'khor sngags kyis bslang byas la/ /rang gi 'khor la sbrul dang bsre/ /lha rnams ma lus tshang par bsgom/ / de nas shar du las kyi ni/ /he ru ka yi gzugs kyi dbye/ /cham dam sngags kyis bstod pa dang/ /sa man ta zhes sngags kyis ni/ /bgegs bskrad lU dang ma tshang bskang/ /lha la me tog phreng ba dor/ /sngags kyi mtshan ma khang pa'i nang/ /shel gyi bum pa dkar po la/ /skud pa sna lngas dkris pa ni/ /zur du yang dag gzhag par bya/ /slob dpon 'khor lo'i shar du ni/ /gnas nas sdig pa bshags sogs dang/ /dkyil 'khor rgyal po mchog dang ni/ /las kyi rgyal po'i cho ga la/ /rigs btso pad+ma las skyes pa'i/ /'byung ba khro ba'i rgyal po yis/ /ye shes 'khor lo bklug nas ni/ /mchod yon dang ni mchod pa bcu/ /lha rnams kun la rgyas byas la/ /dza:hUM baM ho:lcags kyu sogs/ /rim bzhin yongs su bskyed pa yi/ /dgug gzhug bcing dang dgyes byas nas/ /rdul tshon dang ni ro mnyam pa/ /dbang gi ched du bya ba yin/ /de nas bum pa thams cad la/ /bzlas pa lha re brgya byas la/ /mchod dang lha rnams bzhu bar bya/ /zhu ba'i chu yis dkyil 'khor la/ /dbang bskur rim pa bzhin byas la/ /de nas bdud rtsi lnga rnams ni/ /lha rnams sngags kyis dbul bar bya/ /hUM yig ye shes sa bon ni/ /snying po yang ni chen po ste/ /brtsegs pa'i yi ge

  388. 193b

    zhal du bya/ haM la sogs pa go cha drug /he ba yi ni snying po 'di/ /sku yi rdo rje dang por ldan/ /phreng ba'i sngags ni de bzhin gzhan/ /las kyi dbye ba du ma yis/ /rnam pa mang po ru ni 'gyur/ /de bzhin 'khor gyi sngags kyis kyang/ /bdud rtsi lnga ni dbul ba yin/ /de nas gong gsungs bsreg lugs ni/ /lha rnams kun la sbyin sreg sbyin/ /de nas mchod pa thams cad ni/ /dbyangs dang bstod sgra ldan pas ni/ /rin chen gser dang chu me tog /rnam pa sna tshogs pa dang ras/ /dri dang sbom dang mar me dang/ /dril bu me long bla re dang/ /'bras bu sna tshogs pa la sogs/ /gar dang rol mo sna tshogs pa'i/ /mchod pa sna tshogs byas nas ni/ /gong gi gtor ma rgya chen sbyin/ /de ltar mchod pa'i las zin nas// // de nas slob ma gzhug pa ni/ /khrus dang dri yis rjes byugs shing/ /lus la gos ni ser byin te/ /mig ni dar gyis bkab nas su/ /yol ba'i rgyab tu gzhag nas ni/ /bsang chu dang ni dris lan bya/ /rgyal rnams la ni ding bdag nyid/ / 'khor ba mi bzad 'jigs pas na/ /sku dang gsung dang thugs dag pa/ /srid pa yi ni 'jigs sel ba/ /khyed kyi zhabs kyi pad+ma ru/ /skyabs su lhag par 'gro bar bgyi/ /gser dang bcas pa'i me tog gis/ /maN+Dal dag ni byas pa yin/ /de ltar gsol ba btab nas ni/ /yol ba'i nang du bsdu bar bya/ /byin gyis brlabs pa'i phyag bzhi dang/ /bdun po rnam dag rdzogs par bya/ /de nas smon lam gdab pa ni/ /rdo rje dril bu phyag rgya dang/ /bla ma yang ni spyi bo ru/ /gzung bar bgyi'o rdo rje yi/ /rin chen gyi ni sbyin pa sbyin/ /rgyal ba mchog gi dam tshig ni/ /sbyang bar bgyi'o 'khor lo yi/ /ral gri yi ni mchod par bya/ /chu las skyes kyi rigs kyi ni/ /sdom pa yang ni bskyang bar bgyi/ /sems can rnams

  389. 194a

    ni grol ba'i rgyur/ /rgyal ba skyed byed rigs kyi ni/ /byang chub dag ni bskyed par bgyi/ /de nas dam tshig sdom pa sbyin/ /snying ga yi ni zla ba la/ /hUM las rdo rje bkod nas ni/ /byang chub sems ni bskyed par bgyi/ / de nas lha dang slob dpon ni/ /dam tshig rab tu bsgrag par bya/ /lce la rgyal ba mchog gi ni/ /dam tshig gi ni bdud rtsi bzhin/ /spos ni dbab pa'i don du'o/ /hUM gi sngags ni gcig pu dang/ /ar ra la dang lhan cig tu/ /khro bo yi ni rgyal po bskul/ /de yi mtshan nyid rgyud na gsal/ /dbab pa pad+ma'i rting la ni/ /spyi bo snying ga spyi gtsug dang/ /lte ba mgrin pa gsang ba ru/ /rgyal ba rigs kyi sar son pa/ /rdo rje gsum gyis bsrung bar bya/ /de nas rigs kyi dag bya'i phyir/ /oM sarba zhes bya ba yin/ /dpal gyi sngags kyis mngon bsngags te/ /lag pa'i pad+ma sbyar byas la/ /me tog gcig ni rab tu sbyin/ /dang po bskor ba gsum byas te/ /lag pa'i pad+ma sbyor byas pa'i/ /me tog dkyil 'khor du ni ngor/ /gnas gang du ni lhung ba ni/ /de yi rigs so mi bdag kye/ /dbye ba'i sngags kyis mig ni dbye/ /de nas rigs kyi lha dang ni/ /gtso bo la sogs pa ni bstan/ /'jug pa bdun no mi'i bdag po/ /de nas dbang bskur bya ba ni/ /slob ma shar gyi sa ru ni/ /cho ga bzhin du lhar bskyed nas/ /rigs ni dag par byas nas ni/ /de nas byang gi sgo ru ni/ /rgyal po klu dang bzhi yis ni/ /rgyal dang rnam rgyal bum pa dang/ /lha mo rnams kyis bkrus pa ni/ /sgrol ma la sogs pa ru 'gyur/ /cod pan sangs rgyas rab dbye bas/ /bla ma mchog gis sbyin par bya/ /de ltar sku ni dag byas la/ /lho ru gsung ni dag par byas la/ /dar dpyangs nas ba rnams yin no/ /rdo rje dril bu nyi zla dang/ /de

  390. 194b

    nas shar du brtul zhugs ni/ /dbang po rnams la sbyar ba'o/ /ming ni khro bo byams sogs dag /der ni nub kyi sgo chu ni/ /rgyal ba'i bdag pos ngas par ni/ /sngags dang bcas pa'i gnang ba bzhin/ /rdo rje dril bu rab sbyin te/ /rab mchog gi ni snying rje yis/ /dag pa'i chos ni bstan par bya// //rigs gtso rigs kyi nges par ni/ /srog gcad pa ni bya ba yin/ /ral gri mi bden par smra ba'i/ /rin po che yis gzhan nor dbrog /pad+mas gzhan gyi bud med dbrog / chang dang mar me sangs rgyas dang/ /yul gyi du ma ma lus dang/ /'khor lo yis ni bsten par bya/ /gri gug g.yung sogs bud med kyi/ /mkha' yis pad+ma smod mi bya/ /sems can rnams kyi don gyi phyir/ /nor bcas lus ni sbyin par bya'o// khyod kyis zhen par mi bya'o/ /bskal pa dpag med rgyal bas gsungs/ /sangs rgyas nyid de gzhan du min/ /min par 'gyur ro rigs kyi bu/ /chu ni sgrol ma sogs lha mo/ /cod pan 'dir ni rgyal ba rnams/ /dar dpyangs nus ma rnams yin no/ /rdo rje nor bu nyi ma zla/ /brtul zhugs yul ni dag par 'dod/ /ming ni byams pa sogs la sbyor/ /gnang ba yis ni byang chub thob/ /srid pa yin ni 'jigs pa sel/ /dus kyi 'khor lo rjes shes pa'o/ /'di dag dbang ni bdun yin no// nyon mongs dri ma sel bar byed/ /dkyil 'khor du ni rab sbyin bya/ /dbang bdun bskur bas sa bdun gyi/ /dbang phyug tu ni grol bar 'gyur/ /bum pa gsang ba'i dbang bskur bas/ /yang ni phyir mi ldog pa sogs/ /nges pa kho nar 'jug par bya/ /shes rab ye shes kyis srid pa'i/ /'jigs sel 'jam dpal dbyangs su 'gyur/ /rtsa ba'i ltung bas dmyal bar sreg /ltung ba dag pas dbang bdun las/ /gnas pa yon tan gyis sbyang bya/ /bum gsang gnas pa

  391. 195a

    brgya la ni/ /brtul zhugs pa yi dbang gis te/ /rtsa ltung byas nas slar yang ni/ /dag phyir dkyil 'khor 'jug par bya/ /gnad thob tshogs nang 'jug pa na/ /slar yang rgan nas gzhon spang ngo/ /de nas sngags kyi dbang bskur sbyin/ /dbang bdun gyi ni cho ga'o/ /bum pa yi ni dbang bskur ba/ /bdag ni bde gshegs kun gyi lam/ /dpal ldan bla ma khyed kyis ni/ /bka' drin gyis ni bdag 'tshal lo/ bla ma khyed dang sangs rgyas dang/ /byang chub sems dpa' ma gtogs par/ slob dpon gzhan ni mnyes mi bgyi/ /de ltar gsol ba btab nas ni/ /dkyil 'khor phyi ru maN+Dal bya/ /re khA lnga yis spras pa yi/ /dbus su pad+ma 'dab brgyad bya/ /de ru slob ma bzhag nas ni/ /brgyad dang de bzhin bzhi yis ni/ /bum pa nor bu gser gyi 'am/ /sa las byung ba rin chen bcas/ /sman dang dri dang ldan pa yi/ /rgyal dang rnam rgyal bum pa yis shing stegs dbus su bkru bar bya/ /klu yis dpal gyi cod pan bcings nor gyi dpal gyi 'dab ma la/ /bzhi yis bkru dang dar gyis bcing/ /phyag rgya dpal bum gcig gis gter/ /'dir ni bar ma dang bral zhing/ /ri mo 'ang ni rnam par spang/ /dang po chu la sogs pa yis dge bsnyen du ni 'gyur ba yin/ /bum pa yis ni dge tshul 'gyur/ /gsang dbang dge slong du 'gyur te/ /gnas brtan 'gyur ba gong ma'i rgyu/ /de nas gtor gsum phyag rgya sbyin/ /khyab 'jug thugs su bya ba'i phyir/ phyag rgya drug lnga cod pan sbyin/ /tshangs pa'i sku phyir mchod phyir thogs/ /dbang phyug gsung du bya ba'i phyir/ /rang gi rgyal po'i rigs dbang gis/ /der ni phyag rgya sbyin par bya/ /de ltar sku gsung thugs dbang du/ /lung bstan pa ni

  392. 195b

    dbugs dbyung dang/ /mig thur nyon mongs spangs pa dang/ /me long ye shes dbang dang ni/ /chos dang phrin las gnang ba dang/ /slob dpon gyi ni las rnams dang/ /dam tshig rnams ni bsgrag par bya/ /de ltar dbang bskur zin nas ni// // rab tu gnas pa brtsam par bya/ /steng du bla re bres nas ni/ /sa yi steng gi gnas su ni/ /kun nas ni yig gsum bri'o/ /de nas tsam du gzhag par bya'o/ /nor bu gser gyi bum pa rnams/ /gser gyi snod dang dngul la sogs/ /yang na dngul las byung ba la/ /dri yi chu ni gzhag par bya/ /nang du gser las byung ba'i stegs/ /nges pa kho nar gzhag par bya/ /me tog la sogs dri bdugs la/ /nyi ma me la bsros pa yis/ /lha rnams la ni byug par bya/ phye ma rnams kyis mnyes nas ni/ /sbrang rtsi khro dung mar rnams dang/ /'o ma'i chu yis bkru bar bya/ /grub pa'i don du mar me dang/ /'bras bu sna tshogs mchog gis bya/ /'di ru byas pa zin nas ni/ /gnas de nas ni bskyod par bya/ /de ni gnas nas bskyong byas nas/ /sku la na bza' dmar pos ni/ /yang dag par ni bgab par bya/ /dpal gyi dkyil 'khor mdza' ru ni/ /sa mnyam gnas su rgyal ba yi/ ri mo lnga ni bris nas su/ /dbus su pad+ma 'dab ma brgyad/ /rang gi rigs kyi phyogs song ba/ /mtshan ma lnga yis brgyan pa yi/ /de yi dbus su gzhag par bya/ /lha dang lha mo sku thugs ni/ zhal gyi pad+ma logs su bya/ /mchod rten la sogs glegs bam dang/ /de bzhin du ni bri sku la/ /de la sngags pa kha phyogs bya/ /rgyal ba mchog dang lhan cig tu/ sku gsung thugs kyi rdo rje ni/ /stong pa'i rang bzhin du shes bya/ /phyi nas sngon gsungs rnal 'byor pa/ zla ba nyi ma me skyes la/ /dus kyi 'khor lo bsgom par bya/ /rig ma lha mo sogs sangs rgyas

  393. 196a

    A li kA li rigs skyes shing/ /rang rang sa bon las skyes rnams/ /snying ga mgrin pa lte ba dang/ /spyi bo spyi gtsug 'khor lo ru/ /rigs kyi dbang gi bsgom par bya/ /de bzhin du ni bsgom bya ba/ /slar la yang ni lha rnams ni/ /ma lus pa yi rang lus la/ /ye shes sems dpa' bkug nas ni/ /gnyi ga mnyam par bya ba'o/ /khro bo'i rgyal po rang lus la/ /gzhug dang bcing dang mnyes pa dang/ /ro mnyam bya phyir lha rnams dang/ de nas slob dpon nyid kyis ni/ /lha rnams zhal bsal phyag ni bya/ /lha dang lha mo rnams kyis ni/ /sa bon a sogs ka sogs dang/ /rang rig yon tan gyi sa song ba/ /snying ga'i dbus su sa bon te/ /zla ba nyi ma sbyang ba yi sku dang gsung dang thugs su kun/ /sum cu rtsa gnyis mtshan ldan nyid/ /lus ni ma lus par son pa'i/ /mkha' brgyad de nyid dbyings kyis phye ba ni/ /glegs bam rnams kyi yi ge dang/ /'dab ma rnams ni rnam par dgod/ mchir ?len nang du dpal 'khor lo/ /me dang nor bu dpal ma mo/ /dbus su ral gri hUM las gyur pa'i grang phreng ni/ /ri lu yongs su bgrang ba ni/ /gsal byed rnams kyi mtshan nyid do/ /dril bu'i lus la dbyangs rnams te// bcu yi sum 'gyur byas pa yis/ /ka sogs sde mtshan rdo rje ma/ /mchod phyir thogs la sogs pa dang/ /nor lha bcu yis bgrangs pa yis/ /gsal byed rnams ni sgrol byed la/ /ka sogs sde tshan gug skyed bcas/ /nam mkhar ro dang yon tan rnams/ /rnal 'byor rang la bsgom par bya/ /ha hA dpal gyi rna cha la/ /rba ba zung gcig mgul to dang/ /ske rags dag la dgod ba'o/ /de bzhin yi ge ya ni zung/ /gdu bu dag

  394. 196b

    la dgod par bya/ /er ka rnams la ha hA gnyis/ /rnam pa lnga yi stong pa ni/ /lus ni ma lus par khyab pa'i/ /thal ba yang ni bsgom par bya/ /rang lus ye shes rnam pa'o/ /rigs gsum gtso bo lhan cig pa'o/ /phung po khams sogs ? pa ni/ /rang gi snying ga'i pad+ma ni/ /sa bon so so'i rim pa yis/ /lha rnams dgang par bya ba ni/ /mchod rten lder so la sogs la/ /sa bon bkod pas rab gnas 'gyur/ /rang gi lus la sa bon dbab/ /lag pa la ni rigs kyi gtso/ /sdud pa yi ni dus su min/ /ri mo bris pa'i bris sku rnams/ /'di ru me long la ni khrus/ /byas nas dri dang spos dang ni/ /dri zhim me tog gis mchod bya/ /glu dang gar dad rol mo dang/ /gos ni mchog gi sna tshogs pa/ /rnga yab gdugs rnams kyis ni mchod/ /de ltar rab gnas byas nas ni/ /dri yi mchog ni sna tshogs pas/ /dge 'dun la ni ston mo bya/ /khron pa rdzing dang mtshe'u dang/ /phyogs bzhi mtshams ni bzhi po ru/ /klu yi rgyal po rnams ni dgod/ /mtshon bdun rang gi sa bon ni/ /sbrang rtsi chu dang ldan pa yi/ /ba yi lnga ni gzhug par bya/ /sbyin sreg mthar ni rdzing sogs su/ /chu lha dgar po phyag na ni/ /zhags pa bsnam pa la bsgom par bya/ /skyed mos tshal dang dpag bsam shing/ /yang na kun du bskyed pa'i shing/ /shing gcig pa la gtor bar bya/ /de nas rab gnas zin pa dang/ /dam pa yi ni man ngag gis/ /rdzogs pa'i dbang rnams rim bzhin sbyin/ /ci 'byor pa yi tshogs 'khor dang/ /dpa' bo yi ni ston mo bya/ /srid pa rnam pa gsum song ba'i/ /'jig rten gsum gyi sems can yang/ /ye shes lcags kyus bkug nas ni/ /snying rjes dkyil 'khor du dbang skur/ /sangs rgyas bdud rtsi'i rdo rje yis/ /lus

  395. 197a

    ni zla ba lta bur 'gyur/ /rdo rje can gyi lam rnyed nas/ /rang gi gnas su btang bar bya/ /nyon mongs pa dang bral ba las/ /byang chub spyod pa rjes su gzhol/ /de nas dkyil 'khor mdun du ni/ /slob mas yon gyi mchog rnams dbul/ /lus kyi nang gi drug cha ni/ /lag pa rkang pa dag dang lus/ /yan lag mchog ni sbyin pa dag /slob dpon la ni rab phul na/ /bde ba'i go 'phang thob par 'gyur/ /sangs rgyas zab mo rab tu dbye// las kyi dbang po rnams las tshig /yon dang bcas pa dbul bar bya/ /khams kyi nang nas cha drug pa/ /rkang pa gnyis dang phyugs kyi tshogs/ /de kho na yi cha mnan ni/ /cod pan dar dang do shal dang/ /gdu bu yang ni de bzhin te/ / rna cha ska bo che la sogs/ /slob dpon la ni rab phul zhing/ /rang gi nus pas yon rnams ni/ dbul po mi yi bdag po kye/ //ma lus tshogs kyi rigs la yang/ /bsod nams rgyu ru dbul ba ni/ /gzhan gyi don du smon lam gdab/ /bsod nams 'di yis sems can rnams/ /bcom ldan rnam pa gsum gyi ni/ /bla med byang chub thob par shog// /de nas bzod par gsol ba ni/ /rang gi snying ga'i pad+ma ru/ /ye shes sems dpa' gshegs su gsol/ /pad+ma'i bar gyi rdul mtshon rnams/ /chu bo gtsang mar bskyur bar bya/ /dam pa dang po'i rgyud rgyal mthong nas bdag gis ni/ /rim bzhin rjes su sbyar gyi rang bzor byas pa min/ /slob ma dam pas gsol btab ngor byas kyi/ /nga rgyal la sogs grags pa'i dbang gis min/ /bdag gis cho ga 'di byas pas/ /blo dang ldan pas rtogs pa dang/ /byed pa dge ba spel ba dang/ /bstan bcos rnyed dang ldan par shog/ //

  396. 197b

    dpal yid du 'ong ba'i phreng ba zhes bya ba/ dpal dus kyi 'khor lo'i dkyil 'khor gyi cho ga /dus kyi zhabs chen po dam pa'i snang ba dang ldan pas mdzad pa/ rdzogs so// //paN+Di ta chen po b+ha ni sh+rI dang/ lotsA ba la mchi mas yon tan 'bar gyis bsgyur ba'o// (//dpal dus kyi 'khor lo lhan cig skyes pa'i sgrub thabs bzhugs so//) ///*/ /rgya gar skad du/ sh+rI kA la tsakra sa ha dza sA d+ha naM/ bod skad du/ dpal dus kyi 'khor lo lhan cig skyes pa bsgrub pa'i thabs/ dpal dus kyi 'khor lo la phyag 'tshal lo/ /rab 'jigs 'jig rten 'jigs skyob pa/ /bud med sbyor la tshangs par spyod/ /thugs rje shes rab dbyer med la/ /phyag 'tshal de bsgrub mdo tsam bri/ /rab tu bsngags pa'i sa yi char/ /sngags pa rab tu yid dge bas/ /maN+Dal la sogs pa byas la/ /gtor ma sbyin pa sngon 'gro bas/ /bgegs bskrad par bya'o/ /de nas b+h+ruM las rdo rje'i khang pa brtsegs pa bsams la/ dbus su skyes dang/ nyi ma la/ hUM rab tu dkar ba las 'od 'phros te/ sangs rgyas la sogs pa bkug nas/ mchod pa thams cad kyis mchod par bya'o/ /stong pa rlung dang me dang chu/ /sa dang rgya mtsho ro pad+ma/ zla ba nyi ma me dkyil du/ /rin chen khang brtsegs 'od 'phro bsgom/ /zla ba nyi ma me steng du/ /drag po 'dod lha'i gdan bzhugs pa/ /rdo rje dang ni dril 'dzin 'khyud/ /gangs ri ltar dkar btsun mor bcas/ /pha rol phyin drug dag pa'i rgyan/ /yon tan thams cad tshad med pas/ /tshad med dag pa'i chos ldan pa/ /sangs rgyas sku lnga'i bdag nyid do/ /lte bar sangs rgyas yum bcas bsregs/ /spyi bor zla ba bzang rgyun 'dzag /chos 'byung gnyis 'dus rdo rje can/ /srid gsum

  397. 198a

    yongs dag bsgom par bya/ /rdo rje pad+ma mnyam sbyor las/ /shes rab pad+mar sems thig le/ /lhan cig skyes pa bde dbang gis/ /mi shigs 'od gsal bsgom par 'gyur/ /bsnyen pa bdud rtsi lnga la sogs/ rigs kyi gtso bo bzhi dag ni/ /sngags kyi bzlas pa la sogs pa/ /so sor sdud pa la sogs 'gyur/ /rdo rje pad+ma las skyes pa'i/ /bdud rtsi nye bar sgrub pa'o/ /dga' ba la sogs rdo rje gsung/ /pad+mar mnyam sod bsgrub par 'gyur/ shes rab sbyor la mi 'dzag gang/ /bsgrub pa chen po nyid 'gyur te/ /phra mo yi ni sbyor bas so/ /de bzhin gzhan ni gzhan du 'gyur/ /mchog tu gsang ba khyab bdag las/ /rtse gcig mnyam par gzhag pas ni/ thun mong thun mong ma yin rtags/ /smig rgyu nam mkha' la sogs mthong/ /oM kA la tsakra A:hUM ho swAhA/ oM h+raM h+roM h+rraM h+rriM h+riM h+rli ha:swAhA/ oM badzra d+hA twI shwo re A:huM ho swAhA/ /ting nge 'dzin las skyo na/ mdo li la sogs pa'i rnam pas bzlas pa bya'o/ / nyi ma dang/ zla ba dang/ dus dang/ ro dang/ rgya mtsho dang/ me dang/ nam mkha' i de kho na nyid bsgom par bya'o/ /gtor ma ni mtshan phyed na sbyin par bya ste/ dus dang/ ro yi yi ges byin gyis brlabs la/ rgya mtsho dang/ mig gi phyag rgya dang ting nge 'dzin gyis sbyin par bya'o/ /oM brahma biShU ni ri ta/ bA yu ya ma/ agne sa ma tre mI shwaren+d+ra yak+She b+hya(rgyud 'grel): /sa pa ri wA re b+hya:ai daM ba liM/ gand+haM/ pu paM d+hU paM/ dI paM/ ak+Sha taM da dA ma hi/ te tsA ka tya/ sa pa ri wA re/ shI g+h+raM i daM ba liM gri h+nan+tu saM tripta/ huM hUM phaT badzra d+ha rAdz+nya pa ya ti swAhA/ zhes bya ba'i sngags kyis so/ /nor mchog gtong pa sbyin pa ste/ /yum sbyor mi 'dzag tshul khrims so/ /sgra sogs mi 'jug bzod pa ste/

  398. 198b

    gnyis spong le lo med brtson 'grus/ /kun nas mi g.yeng bsam gtan mchog /bde sbyor 'od gsal shes rab yin/ /de 'bras bsam mi khyab rmad byung/ /he ru ka dpal brjod pa'o/ /de ltar cung zad dus 'byung rgyud/ /snying po sbas pa 'di phyung bas/ /sgrub po yang dag sbyor rnams la/ /ye shes me chen 'bar bar 'gyur/ /dpal dus kyi 'khor lo lhan cig skyes pa'i sgrub thabs/ slob dpon dus kyi zhabs kyis mdzad pa rdzogs so// // paN+Di ta chen po bud+d+hA sh+rI dz+nyA na dang/ lo tsA ba byams pa'i dpal gyis bsgyur ba'o// /*/ /rgya gar skad du/ sh+rI ka la tsakra ri Ti ti sa ha dza sA d+ha naM nA ma ni/ bod skad du/ dpal dus kyi 'khor lo skad cig gis bskyed pa'i lhan cig skyes pa'i sgrub thabs zhes bya ba/ bde ba chen po'i sku la phyag 'tshal lo/ /rnam pa dang bcas rnam pa med pa'i bcom ldan 'das ma shes rab ma nges rab tu 'khyud/ skye 'jig rnam par spangs pa'i mi 'gyur bde la bgod pa la sogs rnams dang bral ba yi/ /sangs rgyas rnams ni skyed par mdzad pa'i sku gsum dang bcas dus gsum yang dag mkhyen pa po/ /thams cad mkhyen pa dang po mchog gi sangs rgyas gnyis med de la phyag 'tshal lo/ /dang po skad cig gcig gis stong pa la gnas phyi nas de bzhin skad cig gis skyed pa/ /sna tshogs chu skyes zla ba nyi ma sgra gcan rnams kyi dkyil 'khor la gnas dbang phyug dang/ /'dod lha ngag gi snying gar g.yas brgyang shin tu sngo ba rdo rje dril bu dang ldan phyag gnyis kyi/ /sna tshogs yum gyi sku la yang dag 'khyud pa'i dpal ldan mnga' bdag dus 'khor lo/ /sprin nag lta bu'i ral pa'i tshogs la ha ma la mtshungs

  399. 199a

    mi skyod pa la sogs pas spras/ /phyag rgya drug gis kyang ni rab spras thod ba dkar ba'i phreng bas bcings pa gang/ /mi mgo'i do shal spyan gsum gser mtshungs sku mnga' gri gug par snod dang ldan phyag gnyis ma/ /dpal ldan sna tshogs yum dang gnyis med bde ba chen po'i rang bzhin la sogs bsgom par bya/ /de nas khams gsum rang dang mtshungs par ldan pa de rnams ma lus lha mo'i sku la gzhug /de yang rang la rang lus gdan dang bcas pa nyi ma la ste nyi ma hUM la'o/ /u ni haM la de yang mgo bo la ste de nyid zla ba phyed pa nyid la'o/ /zla phyed thig le de nyid nA da de bzhin nam mkha' kha rlangs me long la phog mtshungs/ /de ltar 'od gsal zhugs nas slar yang snga ma dang mtshungs gzugs su dran par byas pa dang/ /sprul pa sna tshogs khams gsum rnams su nam mkha' khyab par skad cig gis ni spro bar bya/ /de ltar yang ni de bzhin bsdu zhing yang ni de ltar bskyed cing spro ba de bzhin du// mnyam par bzhag pa'i zung 'jug lam 'di yis ni sangs rgyas zhabs la yang dag 'gro bar 'gyur/ /dpal ldan dus 'khor sgrub pa'i thabs/ /gang byas pa yis bsod nams 'dis/ /'jig rten pa rnams lhan skyes kyi/ /gnyis med rang bzhin zhabs thob shog/ //dpal dus kyi 'khor lo'i sgrub thabs lhan cig skyes pa zhes bya ba/ /slob dpon rol pa'i rdo rjes mdzad pa/ rdzogs so// //paN+Ti ta bA gI shwa ra dang/ lo tsA ba chos rab kyis bsgyur ba'o// (//sbyor ba yan lag drug pa zhes bya bas bcu'i dbang phyug phyag na rdo rjes mdzad pa bzhugs so//) //*/ /rgya gar skad du/ Sha DAM g.yo ga nA ma/ bod skad du/

  400. 199b

    sbyor ba yan lag drug pa zhes bya ba/ gsang ba pa'i bdag po phyag na rdo rje la phyag 'tshal lo/ /de la 'dir thabs ni yan lag drug gi rnal 'byor te/ /'dir bar ma rim pa las bzlog pas bstan cing nang gi yan lag re re dor ba snga ma ma bstan pa'i yan lag nyid yan lag phyi ma bstan pa'i shugs nyid kyis rtogs par bya ste/ dper na 'di ni nyin spyod ces brjod pas gzhan mtshan spyod bya ba ma brjod kyang shugs nyid kyis nye bar dmigs par 'gyur ro/ / de bzhin du yang gang zhig phan mtshun ltos pa'i chos ni ma bstan pa yang bstan pa'i chos kyis nye bar rtogs so/ /de'i phyir rgyud 'dir yan lag re re'i khongs su gtogs pa'i yan lag gsum bstan to/ /bar du bshad pa'i yan lag dang por bya ba ni 'dir bla ma'i man ngag ste/ /gzhan du na gang gi tshe rgyud las gsungs pa'i rim pas gzung na ni de'i tshe bla ma'i man ngag ci zhig dgos/ /de'i phyir dgongs pas bshad pa la sogs pa thams cad bla ma'i man ngag las rtogs par bya ba 'am/ yang na byang chub sems dpa' rnams kyis mdzad pa'i 'grel pa las shes par bya ba yin gyi mkhas pa'i nga rgyal dang ldan pa rnams kyis byas pa las ni ma yin no/ des na bsam gtan zhes bya ba la sogs pas yan lag gzhan gsum shes par bya'o/ /rgyud gzhan du yan lag drug gsungs pa 'dir mdor byas pa'i don gyis yan lag gsum du rtogs par bya ba ste/ 'dir gsang ba 'dus pa'i rgyud phyi ma las/ /so sor sdud dang bsam gtan dang/ /srog dang rtsol dang 'dzin pa dang/ /rjes su dran dang ting 'dzin te/ /rnal 'byor yan lag drug tu 'dod ces gsungs te/ /des na bsam gtan gyi sngon du 'gro ba ni so sor sdud pa'o/ /sngags bzlas pa'i sngon

  401. 200a

    du 'gro ba ni srog dang rtsol ba ste/ 'dir sngags bzlas pa'i sgras ni ma ning gi bzlas pa 'am rdo rje'i bzlas pa ste/ srog gi rlung 'dzin par brjod do/ /bde ba'i sngon du 'gro ba ni rjes su dran pa ste/ de la bde pa'i sgras ting nge 'dzin bstan to/ /de ltar na yan lag drug gi rnal 'byor pa nyid ni sangs rgyas nyid du 'grub par 'gyur ro/ /tha mal pa'i phyi'i 'jig rten pa'i rnal 'byor grub pa ni las dang po'i byis pa'i rnal 'byor pa rnams kyis sngags bzlas pa dang bsam gtan gyis te/ dkyil 'khor gyi 'khor lo brtags pa'i bsgom pa'i sems dang bde ba ni las kyi phyag rgya dang ye shes kyi phyag rgya las byung ba'i 'jig rten pa'i bde ba dang/ 'bab pa'i rang bzhin gyi bde ba 'jig rten pa'i bde bas ni 'og min gyi gnas kyi bar gyi 'jig rten pa'i 'bras bu'o/ /de ltar rim pa gnyis kyis 'jig rten pa dang 'jig rten las 'das pa'i rnal 'byor pa nyid 'grub par 'gyur ro/ /'dir 'jig rten las 'das pa'i rnal 'byor pa nyid mchog gi yan lag drug gi sbyor bas 'grub pa ji lta ba de bzhin du bstan par bya ste/ 'dir so sor sdud pa ni phyi'i gzugs la sogs pa'i yul rnams la mig la sogs pa'i rnam par shes pa mi 'jug cing/ nang gi yul rnams la lha'i mig la sogs pa'i dbang po rnams kyi rnam par shes pa 'jug pa ste/ nang gi ni chos thams cad stong pa nyid kyi dmigs pa rnam par ma brtags par mthong ba ni dngos po thams cad mthong ba stong pa nyid kyis te/ ji ltar bu mos gzugs brnyan mthong ba ltar khams gsum pa'i sangs rgyas kyi gzugs brnyan mthong ba ni so sor sdud pa zhes bya ba yan lag dang po'o/ /de nas bsam gtan ni dngos po

  402. 200b

    yod pa thams cad kyi stong pa shes rab tu 'dus pa la sems kyi 'jug pa'o/ /rtog pa zhes bya ba ni sems kyi dngos po'i don 'dzin pa'o/ /dpyod pa zhes bya ba ni dngos po'i khyad par 'dzin pa'o/ /dga' ba zhes bya ba ni dngos po thams cad la sems gnas pa'o/ /bde ba ni dngos po thams cad kyi mi g.yo ba'i phun sum tshogs pa'o/ /de ltar bsam gtan gyi yan lag lnga bstan to/ /de nas srog dang rtsol ba zhes bya ba ni la lan dang/ ra sa nA ste g.yas pa dang g.yon pa 'gags shing a ba d+hU tI ra thim ste dbus kyi lam du srog gi rlung rtag tu 'jug pa ste/ rngub pa dang/ gnas pa dang/ 'byung ba'i sbyor bas a ba d+hU tir oM gyis 'jug pa dang/ hUM gis 'gog pa dang/ A:sa 'byung ba dang/ zla ba dang/ sgra gcan dang/ nyi ma'i rang bzhin gyis goms par byed pa ni srog dang rtsol ba'i rang bzhin du bstan to/ /de nas 'dzin pa zhes bya ba ni srog gi rlung lte ba dang/ snying ga dang/ lkog ma dang/ dpral ba'i dbang chen dang/ chu dang/ me dang/ rlung gi dkyil 'khor rnams su 'jug pas thig le la srog gnas shing phyir mi 'byung ba ni 'dzin pa'i yan lag tu bstan to/ /de nas rjes su dran pa zhes bya ba ni rang dad pa'i lha'i gzugs brnyan mthong ba rnam par rtog pa spangs pa'o/ /de las 'od zer du ma 'phro ba'i gzugs can rab tu snang ba'i dkyil 'khor sna tshogs kyi tshul can khams gsum du spro ba de rjes su dran pa'i yan lag go /ting nge 'dzin zhes bya ba ni rang dad pa'i lha la rjes su chags shing mi 'jig pa'i bde ba/ gzung ba dang 'dzin pa med par sems rtse gcig pa yin na/ /zhes ting nge 'dzin gyi yan lag de bzhin gshegs pas gsungs so/ /'dir yan lag drug ni rnal 'byor mdor gsungs ba ste rgyas par ni 'bum sde 'am/ dpal mchog dang po 'am/ bla ma'i man ngag las phyag rgya chen po'i

  403. 201a

    dngos grub 'dod pa'i rnal 'byor pas khong du chud par bya'o/ /'dir yan lag drug gi rnal 'byor dang po'i lam du bsgom pa'i man ngag bstan pa rgyud gzhan rnams su gsungs pa ni gsang ba 'dus pa'i rgyud phyi ma las bsnyen pa dang/ nye bar sgrub ba dang/ sgrub pa dang/ sgrub pa chen po rnams te/ ji skad du/ bsnyen dus gtsug tor chen po yi/ /gzugs su 'bad pas bsgom par bya/ /nye sgrub dus su de bzhin du/ /bdud rtsi 'khyil ba'i gzugs bsgom bya/ /sgrub pa la ni lha yi gzugs/ /rnal 'byor brtson pas bsgom par bya/ /sangs rgyas mda' bdag gzugs nyid ni/ /sgrub pa che la rnam par brtag ces gsungs te/ 'dir dgongs pa'i tshig gzhan gyis gtsug tor chen po'i gzugs ni khams gsum ma lus pa'i sangs rgyas kyi sku nam mkha' i chos 'byung bar thugs rje rab tu gzhag cing bsnyen pa'i dus dang por so sor sdud pas sgom zhing bsam gtan gyi yan lag gis kyang brtan par bya'o/ /de la bcom ldan 'das kyis dam bca' ba ni rtog pa thams cad rnam spangs te/ /nyin zhag gcig la rnam par brtag /gal te rtags ni ma byung na/ /de tshe nga yi tshig brdzun yin/ /de la rtags ni du ba la sogs pa'i mtshan ma'o/ /gzhan du sngags la sogs ma yin no/ /zhag gcig la sgrub pa gang gis sngags pa la rtags 'byung ste/ de'i phyir sngags pas yod pa dang med pa'i blo spangs nas ltos pa med par byas la/ zab cing mi dmigs pa'i stong pa nyid las du ba la sogs pa'i rtags rnams 'byung ba de dag bsgom zhes bya ba ni de bzhin gshegs pa'i nges pa'o/ /byed dang bcings pa'i sbyor ba yis/ /sa gsum po ni bsgrub par bya/ zhes bya ba las gsum pa'i sangs rgyas kyi sku

  404. 201b

    mig la sogs pa'i byed pa rnams kyis bsgrub par bya'o/ /de nyid kyi man ngag ni zhal las khong du chud par bya'o/ /de la bla ma'i man ngag gis rnal 'byor pas dang por nam mkha' la du ba lta bu mthong ste smig rgyu ni ma yin zhes rang gis nyams su myong bar shes par bya'o/ /de nas smig rgyu lta bu ste/ /du ba la sogs pa de nyid rtog pa med par gzugs brnyan bzhin du'o/ /dang po du ba lta bu dang/ /gnyis pa smig rgyu lta bu dang// // gsum pa mkha' snang lta bu dang/ /bzhi pa mar me lta bu dang/ /lnga pa sprin med pa'i nam mkha' lta bu'i rtags gsang ba 'dus pa dang/ mkha' 'gro ma'i dra ba las gsungs so/ /gzhan yang mkha' 'gro ma'i rdo rje dra ba las/ bcom ldan 'das kyis sgyu ma lta bu'i rnam pa dang/ skad cig rmi lam lta bu'i rjes/ /de ni kun mkhyen rgyu yin te/ /dngos grub nye bar ster byed pa'o/ /zhes gsungs te/ des na bcom ldan 'das kyis bka' las dang po du ba la sogs pa'i mtshan ma ni bsgoms pa'i rtags su 'gyur ro/ kha cig ni grub pa'i dus su zhes smra ste/ de rnams ni de bzhin gshegs pa'i dam bca' ma nyams par byed pa ste/ rtog pa thams cad yongs spangs te/ nyin zhag gcig la brtag par bya/ /zhes bya ba'i bcom ldan 'das kyi bka' sun 'byin par 'gyur ro/ /grub pa'i dus su 'jig rten pa'i du ba la sogs pa dang/ sgyu ma la sogs pa gang yin pa de rtags su mi 'gyur te/ dngos su du ba dang/ 'bar ba dang/ sreg pa'i bya ba nus ba'i phyir ro/ /dper na/ gur gum dang/ me tog dang/ rin po che dang/ gser la sogs pa'i char gyis kyang ngo/ /de'i phyir yan lag drug gi

  405. 202a

    rnal 'byor gyi rtags du ba la sogs par 'gyur ba ni bcom ldan 'das kyi nges pa'o/ /de ltar mkha' 'gro ma'i rdo rje dra ba'i rgyud las kyang/ yan lag drug bsgom de nas ni/ /slar yang bdag byin brlabs par bya/ /de nas go rims ji lta ba'i/ /cho gas mtshan ma rtogs par bya/ zhes gsungs te/ de la bdag la byin gyis brlab pa ni kun rdzob kyi stong pa nyid mthong ba'o/ /so sor sdud pa'i mtshan ma ni sprin dang du ba la sogs pa lta bur snang ba ste/ de yang mar me'i mdza' / /de nas sprin med pa'i nam mkha' dri ma med pa'i bar du'o/ /rgyud gzhan rnams su dang po 'bar ba nas thig le'i mdza' i bar du ste/ sgyu 'phrul dra ba'i ting nge 'dzin gyi le'u las kyang/ bcom ldan 'das kyis gsungs pa 'di lta ste/ nam mkha' las byung rang byung ba/ /shes rab ye shes me bo che/ /'od chen rnam par snang bar mdzad/ /ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba// sngags drag mnga' bdag rig sngags rgyal/ /gsang sngags rgyal po don chen byed/ ces bya ba'i tshigs su bcad pa gnyis kyis sgyu 'phrul dra bar rtags gzhan yang bcom ldan 'das kyis dgongs pa'i tshig gis gsungs so// sprin med pa'i nam mkha' las byung ba gang yin pa de ni nam mkha' las byung rang byung ba ste/ rnam par rtog pa thams cad spangs pa'i phyir ro/ /shes rab ye shes me bo che zhes bya ba ni 'bar ba ltar snang ba'o/ /'od chen rnam par snang bar mdzad ces bya ba ni zla ba ltar snang ba ste de nyid kho nar ye shes snang ba lam me ba'o/ /'gro ma'i mar me zhes bya ba ni nyi ma'i snang ba'o/ /ye shes sgron zhes bya ba ni sgra gcan ltar snang ba'o/ /gzi brjid chen po 'od gsal ba ni/

  406. 202b

    glog ltar snang ba'o/ /sngags drag mnga' bdag rig sngags rgyal zhes bya ba ni thig le ltar snang ba ste zla ba'i dkyil 'khor kha dog sngon po'i rnam pa'o/ /gsang sngags rgyal po don chen mdzad ces bya ba ni rnam pa thams cad kyi khams gsum kyi dngos po'i snang ba sgyu ma dang rmi lam dang mtshungs pa so sor sdud pa'i sbyor bas mthong ba'o/ /mig gi dbang po'i byed pa dang de nas srog dang rtsol ba'i bcing pa ste/ byed pa 'di rnams dang bcings pa'i sbyor ba yis sa gsum po ni bsgrub par bya ste 'dod pa dang/ gzugs dang/ gzugs med pa'i mtshan nyid brtan pa dang g.yo ba'i bdag nyid can no/ /zhes bya ba'i don to/ /de bzhin du rdo rje mkha' 'gro ma'i dra ba las kyang/ 'gro dang mi 'gro khams gsum ni/ /ji srid 'jig rten khams rnams dang/ /rdo rje'i lus ldan ji srid pa/ /ma lus lus pa med pa 'grub/ /ces yan lag drug gis so zhes bya ba bcom ldan 'das kyis nges pa'o/ /de bzhin du gsang ba 'dus pa las kyang/ /dngos po med cing sgom pa med/ /bsgom par bya ba sgom pa min/ /de ltar dngos po dngos med pas/ /sgom pa dmigs su med pa'o/ /zhes gsungs te/ 'dir dngos po med pa ni sprin med pa'i nam mkha' o/ /sgom pa ni so sor sdud pa'o/ /de nyid ni dngos po med pa bsgom pa min zhes bya ba'o/ /'dir so sor sdud pa'i sgom pa'i yul ni sprin med pa'i nam mkha' yin pas sgom pa yang yod pa ma yin te/ rnam par rtog pa'i sgom pa dang bral ba'i phyir ro/ /de ltar dngos po ni so sor sdud pas mthong ba de yang dngos po ma yin te ma brtags par 'das pa dang ma 'ongs pa dang da ltar byung ba'i dngos po rnams dngos po med par mthong ba'o/ /de nas so sor sdud pa sgom pa'i phyir rnam par rtog pa sgom pa mi

  407. 203a

    dmigs so/ /zhes bcom ldan 'das kyis gsungs so/ /bsgom pa 'di ni bcom ldan 'das kyis shes rab kyi pha rol tu phyin pa las kyang 'di lta ste/ de nas lha'i dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor shes rab kyi pha rol tu phyin pa la sbyor ba ji ltar rnyed par 'gyur/ rab 'byor gyis smras pa/ kau shi ka nam mkha' la sbyor bar 'dod pas shes rab kyi pha rol tu phyin pa la bslab par bya'o/ /zhes gsungs so/ /de bzhin du phyag rgya chen po sgom pa ni gzugs bsnyan dang sgyu ma dang mtshungs pa dang/ sprin med pa'i nam mkha' ltar bcom ldan 'das kyis bstan to/ /de ltar so sor sdud pa dang/ bsam gtan gyis brnyen pa'i yan lag bstan to/ /de nas bdud rtsi 'khyil pa'i gzugs dgongs pas rlung du bshad do/ /de 'ang rnam pa gnyis te gsang ba 'dus pa'i rgyud phyi ma las bcom ldan 'das kyis/ rin chen lnga'i rang bzhin dbugs/ /sangs rgyas lnga yi byin gyis brlabs/ /gong bu'i gzugs kyis phyung nas ni/ /sna yi rtse mor rnam par bsgom/ zhes gsungs pa la/ 'dir rin chen lnga'i sgras ni ra sa nA la dkyil 'khor lnga'i chos can sa la sogs pa'i khams lnga'o/ /de'i bdag nyid kyi dbugs ni rin chen lnga'i rang bzhin sna bug g.yas pa la'o/ /de bzhin du sangs rgyas lnga ni la la nA la dkyil 'khor lnga'i chos can rnam par shes pa la sogs pa'i phung po lnga ste de rnams kyis byin gyis brlabs pa sna khung g.yon pa la'o/ /gong bu'i gzugs kyis phyung ba ni 'dir gong bu'i g.yas pa dang g.yon pa'i dkyil 'khor rnams kyi srog gi rlung dbus ma a ba d+hU tIr gcig tu 'gyur ba'o/ /srog gi rlung de yang gong bu'i

  408. 203b

    gzugs kyis phyung nas sna'i rtse mor bsgom pa ste/ de la sna'i rtse mo'i sgras lte ba dang/ snying ga dang/ lkog ma dang/ dpral ba dang/ gtsug tor gyi pad+ma'i lte ba bstan te de'i rtse mor bsgom par bya'o/ /sna'i rtse mor bsgom pa ni g.yas pa dang g.yon pa'i dbus kyi pad+ma'i lte bar ro/ /de ltar thig le'i gnas su gong bu'i tshul can srog 'dzin pas na de nyid 'dzin par bstan to/ /de bzhin du yan lag gnyis kyis nye bar sgrub pa ni bdud rtsi 'khyil pa'i gzugs te/ nye bar sgrub pa de nyid rdo rje bzlas par bstan te yan lag ma nyams pa'i bzlas pa ni g.yas pa dang g.yon pa'i rtsal mi rgyu ba'o/ /gtsug tor gyi gzugs mthong nas phyi nas sngags pas srog dang rtsol ba la bya ba ste/ bla ma'i man ngag dang dgongs pa'i tshig las rtogs par bya'o/ /zhes bya ba ni srog dang rtsol ba dang 'dzin pa de'ang nye bar sgrub pa'o/ /de nas bsgrub pa la ni lha yi gzugs/ /zhes gsungs pa la/ 'dir 'dzin pa'i stobs kyis lte bar gnas pa'i tsaN+Da lI 'bar bar rnal 'byor bas mthong ba ste/ sgrib pa thams cad dang bral ba yis gzugs brnyan lta bu'i phyag rgya chen po 'bar zhing sangs rgyas kyi sprin mdza' yas pa'i 'od zer gyi sprin 'phro ba'i 'od kyis dkyil 'khor gyis rnam par mdzes pa can te rjes su dran pas ni sgrub pa bstan to/ /'dzin pa'i mthar tsaN+Da lI'i sbyor ba sgom pa 'di ni nges pa'o/ /de nas de'i ye shes kyis 'od kyis phung po dang/ khams dang skye mched rnams bsregs nas ro gcig par bya zhing g.yas pa dang g.yon pa'i rtsa la gnas pa'i rnam par shes pa la sogs pa dang/ sa la sogs pa'i dkyil 'khor rnams kyi rang bzhin dpral bar zla ba'i dkyil 'khor du zhugs pa dang/ de nas tsaN+Da lI'i ye shes kyi me'i 'od kyis zla ba zhu ba'i byang chub kyi sems thig le'i rnam

  409. 204a

    pas 'og tu bab pa ste/ lkog ma dang snying ga dang lte ba dang gsang ba'i pad+mar dga' ba dang mchog tu dga' ba dang sna tshogs pa'i dga' ba'i rang bzhin gyis/ de nas rdo rje nor bu'i mthar lhan cig skyes pa'i dga' pa'i ngo bo nyid dam/ yang na rnam pa sna tshogs pa dang/ rnam par smin pa dang/ rnam par 'joms pa dang/ mtshan nyid dang bral ba'i rang bzhin gyis te/ de ltar bcu drug gi cha yongs su rdzogs shing bsgoms pa'i stobs kyis nor bu'i nang du chud pa'i bde ba gang gi tshe 'byung ba de'i tshe tshig gi bde ba lta bu dpe tsam ste/ ngo bo nyid ni dbang po gnyis las byung ba 'jig pa'i bde ba des ni mchog tu mi 'jig pa'i bde ba'i bye ba phrag stong gi char yang mi phod do/ /'dir mi 'jig pa'i bde ba lhan cig skyes pa'i dga' ba'i rang bzhin gyi gnas skabs ni tshig gi yul ma yin ba byis pa'i rnal 'byor pa rnams kyis rnam par mi shes pa byang chub sems dpa' rnams kyi stong pa nyid kyi ting nge 'dzin zhes bstan te/ 'jig rten la grags pa'i med pa nyid kyi don du ltung bar byed pa ni ma yin no/ zhes dgongs pa'o/ /de ltar na yan lag drug gi rnal 'byor/ sngags bzlas pa dang/ bsam gtan dang/ bde bas rnal 'byor pa nyid sangs rgyas nyid do/ dag byed sdig pa 'jig par byed pa'i mchog rnal 'byor pas tshe 'di la 'grub ces bsgrub par bya ba dang/ sgrub pa'i des pa bcom ldan 'das kyis bstan to/ /sbyor ba yan lag drug ces bya ba gsang ba pa'i bdag po sa bcu'i dbang phyug byang chub sems dpa' phyag na rdo rjes mdzad pa rdzogs so// //rgya gar gyi mkhan po chen po dpal rab 'byor zhi ba'i zhal snga nas lo tsA ba tsog ro dge slong ting nge 'dzin bzang

  410. 204b

    pos bsgyur cing zhus te gtan la phab pa'o// (//dpal dus kyi 'khor lo snying po rgyan zhes bya ba'i sgrub thabs bzhugs so//) /*/ /rgya gar skad du/ sh+rI kA la tsakra garb+hA lang kA ra sA d+ha naM nA ma/ bod skad du/ dpal dus kyi 'khor lo snying po'i rgyan zhes bya ba'i sgrub thabs/ bcom ldan 'das dpal dus gsum gyi bde bar gshegs pa thams cad kyi mnga' bdag dpal rdo rje 'chang chen po la phyag 'tshal lo/ /dus 'khor bden pa gnyis kyi bdag / chos kyi zab mo longs spyod rdzogs/ /'gro ba dang mos sprul sku dang/ /mnyam pa nyid la phyag 'tshal lo/ /kA ni mi 'gyur zhi ba ste/ /la ni 'di la stobs dang ldan/ /tsa ni sems kyi g.yo ba nyid/ /kra ni sems kyi 'ching ba ste/ /ye shes gsum la phyag 'tshal lo/ /thams cad rmi lam thugs chud cing/ /mi mkhyen mi mnga' sa le mkhyen/ /thugs kyi chos dbyings nyid las 'byung/ /ye shes thugs la phyag 'tshal lo/ /chos kyi sku yi gsung dang thugs/ /longs spyod rdzogs pa'i sku gsung thugs/ /sprul pa'i sku yi sku gsung thugs/ /ye shes gcig tu sbyor la 'dud/ /dpal ldan dus 'khor sbyor ba 'di/ /rtsod pa'i dus kyi sems can gyis/ /ye shes 'dod lugs mi shes pas/ /nga mkhas zer zhing byis pa 'drid/ /nga rgyal can ni glegs bam mthong bas khengs/ /rdo rje 'dzin 'dra'i bla ma la brnyas shing/ /shi ma thag tu rdo rje dmyal bar 'gro /de phyir dus 'khor rgyan 'di bdag gis bri/ /de la dang po kho nar bdag nyid la gnas pa ste rnal 'byor pa'i lus la khams drug ste/ 'khor lo drug la la la nA dang/ ra sa nA dang/ dbus ma a ba d+hU tI rtsa gsum dang bcas pa gnas te/ gtsug tor gyi 'khor lo la rtsa 'dab ma lnga'i dbus ni a ku ha'i sde tshan dang

  411. 205a

    rnam par shes pa'i phung po dang nam mkha' i khams dang rna ba'i dbang po dang chos dang b+ha ga dang khu ba dang 'di rnams kyi mtshan nyid dam rang bzhin bskyed pa'o/ /dpral bar bde ba chen po'i 'khor lo'i rtsa 'dab bcu drug la de'i dbus na u pu wa nypa'i sde tshan dang 'du shes kyi phung po dang chu'i khams dang lce'i dbang po dang yul gzugs dang rkang pa'i dbang po dang len pa dang 'di rnams skyed par byed pa'o/ /mgrin pa longs spyod kyi 'khor lo'i rtsa 'dab sum cu rtsa gnyis na ri Tu ra Sha'i sde tshan dang/ tshor ba'i phung po dang me'i khams dang mig gi dbang po dang ro dang lag pa dang 'gro ba dang 'di rnams bskyed pa'o/ /snying gar chos kyi 'khor lo rtsa 'dab ma brgyad na i tsu ya sha'i sde mtshan dang 'du byed kyi phung po dang rlung gi khams dang sna'i dbang po dang yul reg bya dang ngag gi dbang po dang dri chen 'dzag pa dang 'di rnams bskyed par byed pa'o/ /lte ba sprul pa'i 'khor lo rtsa 'dab ma drug cu rtsa bzhi na li du la sa'i sde tshan dang gzugs kyi phung po dang sa'i khams dang lus kyi dbang po dang dri dang bshang ba'i dbang po dang brjod pa dang 'di rnams skyed par byed pa ste stong pa chen po yi ge lnga zhes bya'o/ /drug pa ni gsang ba'i 'khor lo rtsa 'dab ma sum cu rtsa gnyis ni ye shes kyi phung po dang/ ye shes kyi khams dang yid kyi dbang po dang sgra dang dbang po dam pa dang dri chu 'dzag pa 'di rnams bskyed pa ste/ ro mnyam zhing bskyed pa gcig tu 'dres pa ni thig le stong pa yi ge drug pa'i ngo bo shes rab kyi rnam pa e'i cha byad can lnga po ni thabs kyi rnam pa baM gi rang bzhin te/ 'dir rtsa ba'i rgyud las bcom

  412. 205b

    ldan 'das kyis gsungs pa/ e dang pad+ma nam mkha' i dbyings/ /b+ha ga chos 'byung chu skyes kyi/ /ser gdan rdo rje can bzhugs pa/ /bdag gi rgyud kyi nang du gsungs/ /rdo rje can baM rdo rje sems/ /rdo rje 'jigs byed dbang phyug dang/ /grA he ru ka dus 'khor lo/ /dang po'i sangs rgyas sogs ming dang/ /sna tshogs yum gyi ming rnams kyis/ /gnas dang rten gyi mtshan nyid dang/ /brten pa dag gis gsungs pa ni/ /sems can bsam pa'i dbang gis te/ /ston pa kun mkhyen rdo rje 'chang/ /sangs rgyas seng ge'i gdan bzhugs pa/ /dus kyi 'khor lo ston pa bo/ /zla ba bzang po khyod kyis zhus zhes gsungs so/ /gcig pa yi ni rnam par shes pa'i sems gcig rang bzhin no/ /de la la la ni rnam par shes pa brgyad du 'dod do// la la ni drug tu 'dod do/ /la la ni rtsa ba'i rnam par shes pa dang dgu ru 'dod do/ /nges pa'i don du rnam par shes pa gcig nyid yin gyi du ma ni ma yin no/ /de yang lung dang rigs pas mngon te/ lung mdo sde lang kar gshegs pa las/ kun gzhi rnam par shes pa rgya mtsho chen po las 'jug pa'i rnam par shes pa yul gyi rlabs dang 'dra ba 'byung zhes pa dang/ sde snod gsum las kyang/ /ring du rgyu zhing gcig par gnas/ /lus med dbang po'i phug song ba/ /gdul bar dka' ba'i sems 'dul byed/ /'di ni bram zer ngas bshad de/ /bdud kyis bcings pa las grol 'gyur/ zhes pa dang/ rgyud kyi rgyal po nyid las kyang/ / bya ba po dang byed pa po ni kun gzhi rnam par shes pa nyid yin gyi ji ltar sbubs kyi srin bu bzhin no zhes so/ /dpal sangs rgyas thong pa las kyang/ /sems gcig dri med me long bzhin/ /gang bsams de ni gzugs brnyan te/ /

  413. 206a

    rmi lam ltar bur shes mod kyi/ /'on kyang rnam par rtog pas bzung/ /rdo rje bdud rtsi 'byung ba'i rgyud las kyang/ /rnam par shes pa gcig nyid de zhes bya ba la sogs pa gsungs so/ /rigs pas kyang rnam par shes pa brgyad ni mi 'thad de kun gzhi rnam par shes pa la sogs pa me long lta bu'i ye shes la sogs pa ye shes bzhi la la ni chos can la dmigs la la ni chos dang chos can gnyis ka la dmigs zer te/ gang chos can la dmigs pa'i ye shes de nyid sangs rgyas kyi ye shes ma yin te/ chos can la dmigs pa'i phyir dper na sems can bzhin no/ /kha cig na re kun gzhi rnam par shes pa rgyun brtan pa yin la 'jug pa'i rnam par shes pa mi brtan pa yin zer ro/ /de la skad cig ma skye 'gag byed mi byed brtags te/ de la du ma ni kun gzhi skad cig mkhas len te/ skad cig ma mi rtag pa de dang rgyun gyi rtag pa de gnyis skad cig ma mi rtag par khyad par med de mi rtag pa'i phyir na'o/ /dper na yid kyi rnam par shes pa bzhin no/ /de'i phyir rnam par shes pa du ma ma yin te gcig kho na the tshom yin no/ /'di la kha cig 'di skad du sems par 'gyur te/ 'du shes kyi phung po dang tshor ba'i phung po dang 'du byed kyi phung po la sogs pa rang rig pa'i dbye ba la sogs pa nyams su myong bas na rnam par shes pa yin no/ /gzugs kyi phung po ji ltar rnam pa yin zhe na/ smras pa/ mngon pa'i mdo las kyang/ rdul phra rab kyis ni sa ma byas/ sa rnams lta bur kun gzhi snang/ /ji ltar 'o ma gyur pa las/ /yon tan zho dang 'dra ba 'byung/ /de bzhin rnam shes gyur pas ni/ /rnam par gyur nas

  414. 206b

    gzugs su snang/ zhes gsungs pa dang/ yang theg pa chen po'i mdo sde lang kar gshegs pa las kyang/ /ji ltar byis pas brtags pa yi/ /phyi rol dngos po yod min par/ /bag chags kyis ni sbags pa'i sems/ /don gyi dngos por rab tu skyes zhes so/ /mdo sde sa bcu pa las kyang/ /kye rgyal ba'i sras dag khams gsum pa 'di dag sems tsam zhes gsungs so/ /de'i phyir na khams gsum pa 'di dag thams cad ni rnam par shes pa las gud na skra'i rtse mo brgyar gshegs pa tsam yang grub pa med do/ /des na khams gsum pa'i rang gi sems nyid sa dang chu dang me dang rlung dang nam mkha' dang ye shes la sogs par rnam pa sna tshogs su snang ngo/ /de yang shes pa'i rang gi mtshan nyid du gcig go / de yang rgyud kyi rgyal po thams cad las gsal bar gsungs te/ de yang rgyud kyi rgyal po las kyang/ rnam pa kun ni rang gi sems nyid de/ yul dang bral ba rang gi sems nyid min zhes pa dang/ dpal gsang ba 'dus pa las kyang / lus sems lta bu bskyed cig ces bya ba la sogs pa gsungs so/ /de nas thog ma med pa nas spros pa'i bag chags yongs su smin pa'i dbang gis gzung ba dang 'dzin pa'i rnam par rtog pa'i bye brag gis yul sems tha dad par snang gi ngo bo tha dad pa ni ma yin no/ /de yang rgyud kyi rgyal po sam bu Ta las/ chu bo'i rgyun dang rgya mtsho bzhin zhes bya ba la sogs pa gsungs so/ /chu bo stong phrag bdun cu rtsa gnyis thams cad kyang rgya mtsho las byung nas rgya mtshor 'jug pa de bzhin du gzugs dang tshor ba la sogs pa thams cad kyang rnam par shes pa las byung nas slar rnam par shes pa la 'jug go /smras pa rnam par shes pa nyid thog ma med pa nas spros pa'i bag chags la zhen pa'i dbang gis

  415. 207a

    gzung 'dzin du snang ba dang bems po ru snang ba de'i phyir te/ rnam par shes pa nyid tha dad du snang bas so/ /dper na ras dkar po tshon gyis bsgyur ba lta bu'o/ /shel dag pa tshon gyis bsgyur ba lta bu'o/ /de yang yul gyi bye brag gis shes pa de nyid 'dod chags dang zhe sdang la sogs pa dang/ dge ba dang mi dge ba la sogs pa tha dad par snang gi ngo bo la ni ma yin no/ /shes pa dag ni gar mkhan dang sgyu ma mkhan dang 'dra'o/ /de nyid rang byung gi ye shes dang gzung ba dang 'dzin pa nyid kyis stong pa spros pa'i mdza' dang bral ba'i rdo rje 'chang chen po ste/ de nyid lhun gyis grub pa'i ye shes chen po ste gang nas kyang ma byung ba'i phyir ro/ /gnyis su med pa'i ye shes zhes bya ste/ gzung ba dang 'dzin pa'i rnam par shes pa gnyis kyis stong pa'i phyir dang stong pa dang snying rje dbyer med pa'i phyir dang bden pa gnyis dbyer med pa'i phyir ro/ /dpal gsang ba 'dus pa las kyang/ dngos po kun dang rnam bral zhing/ /phung po khams dang skye mched dang/ /gzung dang 'dzin pa rnam spangs pa/ /chos bdag med pa mnyam pa nyid/ /rang sems gdod nas ma skyes pa/ /stong pa nyid kyi ngo bo nyid/ /ces gsungs so/ /mtshan yang dag par brjod pa las kyang/ sangs rgyas thog ma tha ma med/ /dang po'i sangs rgyas rgyu med pa/ /ye shes mig gcig dri ma med/ /ye shes lus can de bzhin gshegs/ zhes gsungs so/ /de bas na rnam par shes pa 'am ye shes ni gcig kho na'o/ /thun mong rig pa'i bca' gzhi ste dang po'o// //da ni lha'i ngo bo gsal bar bya ste/ /de yang gsang ba 'dus pa las kyang/ /mdor na phung po lnga rnams ni/ /sangs rgyas lngar ni rab tu grags/ /rdo rje skye mched

  416. 207b

    nyid dag kyang/ /byang chub sems dpa' i dkyil 'khor mchog /sa chu spyan dang mA ma kI/ /me rlung gos dkar sgrol mar grags/ zhes gsungs ste/ /des na phung po dang khams dang skye mched lha dang lha mor gsal lo/ /rigs drug pa ni dpal dus kyi 'khor lo'i rgya cher 'grel ba las kyang/ phung po drug dang khams drug dang dbang po drug dang yul drug dang las kyi dbang po drug ces gsungs so/ /de gsal bar bstan pa'i phyir gzugs kyi phung po ni rnam par snang mdzad do/ /tshor ba'i phung po ni rin chen 'byung ldan no/ /'du shes kyi phung po ni snang ba mdza' yas so/ /'du byed kyi phung po ni don yod grub pa'o/ /rnam par shes pa'i phung po ni mi bskyod pa'o/ /ye shes kyi phung po ni rdo rje sems dpa' o/ /sa ni sangs rgyas spyan no/ /chu ni mA ma kI'o/ /me ni gos dkar mo'o/ /rlung ni sgrol ma'o/ /nam mkha' ni rdo rje dbyings kyi dbang phyug ma'o/ /ye shes kyi khams ni sna tshogs kyi yum mo/ /mig gnyis ni gti mug rdo rje'o/ /rna ba zhe sdang rdo rje'o/ /sna la ser sna rdo rje'o// lce la 'dod chags rdo rje'o/ /lus la phrag dog rdo rje'o/ /yid la dbang phyug rdo rje'o/ /gzugs la gzugs kyi rdo rje'o/ /sgra la sgra'i rdo rje'o/ /dri la dri'i rdo rje'o/ /ro la ro'i rdo rje'o/ /reg la reg gi rdo rje'o/ /chos la chos kyi rdo rje'o/ dag gi brjod pa dang dbang po la gshin rje mthar byed yab yum mo/ /lag pa dang len pa la shes rab mthar byed yab yum mo/ /rkang pa dang 'gro ba la bgegs mthar byed yab yum mo/ /bshang lam dang dri chen la pad+ma mthar byed yab yum mo/ /b+ha ga dang dri la gtsug tor 'khor lo sgyur ba yab yum mo/ /dam pa'i dbang po khu ba la gnod mdzes yab yum mo/ /des ni lus rnam par dben pa gsal par bstan to/ /lha sum cu rtsa drug po de ni 'khor lo drug la

  417. 208a

    gnas te/ gtsug tor gyi 'khor lo na rtsa 'dab ma bzhi'i dbus na mi bskyod pa'i rigs rnams gnas so/ /dpral ba bde ba chen po'i 'khor lo na rtsa 'dab ma bcu drug pa'i dbus na 'od dpag med pa'i sde gnas so/ / mgrin pa longs spyod kyi 'khor lo na rtsa 'dab ma sum cu rtsa gnyis kyi dbus na rin chen 'byung ldan gyi rigs rnams so/ /snying ga'i chos kyi 'khor lo rtsa 'dab ma brgyad pa'i dbus na don yod grub pa'i sde gnas so/ /lte ba sprul pa'i 'khor lo rtsa 'dab ma drug cu rtsa bzhi'i dbus na rnam par snang mdzad kyi rigs rnams gnas so gsang ba'i 'khor lo rtse 'dab ma sum cu rtsa gnyis kyi dbus na rdo rje sems dpa' i rags rnams gnas so/ /de ltar phung po dang khams dang skye mched rnams lha dang lha mo'i dkyil 'khor du gsal bar bstan pas tha mal pa'i rnam par rtog pa bsal nas de nyid du gsal lo/ /de yang 'khor lo re re la drug drug tu bstan to/ /lte ba sprul pa'i 'khor lo na shar na don yod grub pa gnas/ lho na rin chen 'byung ldan gnas/ /nub na rnam par snang mdzad gnas/ byang na snang ba mdza' yas gnas/ dbus steng na mi bskyod pa/ 'og na rdo rje sems dpa' o/ /de yang mtshan yang dag par brjod pa las/ stong pa chen po'i yi ge lnga/ / thig le stong pa yi ge drug /ces gsungs so/ /lus rnam par dben pa'i rim pa ste gnyis pa'o// //da ni gsung rnam par dag pa'i srog rtsol brjod de/ de yang 'khor lo drug tu gtsug tor du a/ dpral bar u/ mgrin par ri/ snying gar i/ lte bar li/ gsang bar aM gnas so/ /de ni gtsug tor na a stong pa'o/ /dpral ba na o dang u dang hA'o/ /mgrin par aro/ /snying gar ya i dang ya'o/ /lte ba na ta dang al lo/ /gsang ba na

  418. 208b

    i'o/ /de ltar sna rtse drug la rlung dang byang sems dbyer med par gnas/ de ltar sna rtse re re na yang drug drug gnas te/ 'khor lo drug gi shar nas rlung rgyu/ lho nas me rgyu/ nub nas sa rgyu/ byang nas chu rgyu/ dbus steng nam mkha' / dbus 'og nas ye shes rgyu ste/ de bzhin du 'khor lo lnga las kyang de bzhin du rgyu'o/ /de rnams kyang la la nA dang/ ra sa nA dang/ a ba d+hU tI nas rim pa bzhin rgyu ste/ 'byung ba lnga'i dbugs phung po lnga bskyed pa'i bdag nyid yan lag lnga'i rlung lnga rgyu ste/ rdo rje sgong rgyud las/ srog dang thur du sel ba dang/ me dang mnyam du gnas pa dang/ gyen du rgyu dang khyab byed dang/ rgyu dang rnam par rgyu ba dang/ /yang rgyu rnam par rgyu ba dang/ /rab tu rgyu dang nges par rgyu zhes gsungs so/ /dpal dus kyi 'khor lo las kyang/ srog ces bya ba'i rlung gcig pu/ /rnam pa bcu ru 'gyur ba ste/ steng dang 'og dang shar du'o/ /zhes gsungs so/ /de nyid rnam par dgrol te steng du ni nam mkha' i rang bzhin gyen du rgyu ba ljang gu'o/ /'og tu ye shes kyi rang bzhin thur du sal ba sngon po'i rlung ngo/ /shar du 'od zer nag po mnyam pa'i rlung ngo/ /nub tu srog gi rlung ser po'o/ /lhor khyab byed kyi rlung dmar po'o/ /byang du lhas byin gyi rlung dkar po'o/ /de bzhin du rus sbal dang/ klu dang/ rtsangs pa dang/ nor rgyas te rlung bcu'o/ /de yang rlung nyi khri chig stong drug brgya'i rlung 'khor lo drug nas khyab par rgyu ste/ de yang la la nA nas khri bzhi brgya drug cu rtsa phyed dang gsum rgyu/ ra sa nA nas khri bzhi brgya drug cu rtsa phye dang gsum rgyu/ a ba d+hU tI nas drug brgya bdun cu rtsa lnga'i dbugs rab tu rgyu'o/ /de ltar lte ba'i 'khor lo la rA shi bcu gnyis kyi 'dab ma la rim pa bzhin du rgyu ste/ lug la sogs pa mi mthun pa'i 'dab ma la brgya phrag bco brgyad kyi dbugs

  419. 209a

    las a ba d+hU tIr bzhi cha dang bcas pa'i lnga bcu rtsa drug rgyu'o/ /de dbugs drug las chu srang du 'gyur ro/ /chu srang drug cu la chu tshod du 'gyur ro/ /chu tshod lngas dus sbyor du 'gyur ro/ /dus sbyor phyed dang gnyis kyis thun re thun brgyad do/ /dus sbyor gnyis gnyis kyis dus drug go /dus sbyor gsum gsum gyis dus bzhi'o/ /dus sbyor bzhi bzhis dus gsum du 'gyur ro/ /dus sbyor drug drug gis bgrod pa gnyis de thams cad kyang rnam par shes pa gcig pu'i bzhon pa'o/ /'khor lo drug dang rtsa gsum nas byung nas dbang po'i yul nas yul rnams la nges par rgyu'o/ /de yang gsang ba 'dus pa'i rgyud las gsal bar gsungs te/ rin chen kha dog sna lnga pa/ /yungs kar gyi ni 'bru tshod tsam/ /sna yi rtse mor nan tan du/ /rnal 'byor rig pas rtag tu bsgom zhes gsungs so/ /sna'i rtse mo na 'khor lo lnga pa'o/ /'khor lo re re la yang lnga ste/ drug pa ni 'khor lo'i gsang ba'o/ /'khor lo re re ni 'og nas so/ /'byung ba drug ni lhag pa'i a i ri u li i/ de ltar na rlung gi rang bzhin dang phung po dang khams dang skye mched thams cad rang nyid las gzhan ma yin no/ /rlung gi rang bzhin bstan nas sngags ston to/ de bzhin gshegs pa thams cad kyi sku dang gsung dang thugs dang ye shes kyi rang bzhin 'byung ba dang 'jug pa dang gnas pa dang bde ba la oM A:hUM ho:O/ /de bzhin du zhi ba la sogs pa'i las bzhi 'grub pa'o/ /de yang sbyor ba yan lag drug la bslab par bya ste/ srog rtsol ni rdo rje'i bzlas pa'o/ /srog rtsol gyi dbang gis rdo rje sems mi yengs pa ni bsam gtan no/ /bsam gtan gyis yul lnga dbang po

  420. 209b

    lnga 'gags pa ni so sor sdud pa'o/ /de yis rang gnas su bzung nas ni de bzhin du bzung ba'o/ /de nas bde bar gnas la gnas pa ni rjes su dran pa'o/ /de nas ma yengs pa ni ting nge 'dzin no/ /gsung gi de kho na nyid kyi rim pa gsungs pa'o/ /da ni thugs rnam par dag pa brjod pa'i phyir nam mkha' la sogs pa dang/ gla gab med pa la goms pa dang sbyor ba'i yan lag la bslab pa'i goms pa skye ste/ 'di ni bcom ldan 'das kyis gsungs pa'o/ /bsgom pa 'di ni shes rab kyi pha rol tu phyin pa las 'di lta ste/ de nas lha'i dbang po brgya byin gyis tshe dang ldan pa rab 'byor la 'di skad ces gsungs so/ /gang 'phags pa rab 'byor shes rab kyi pha rol tu phyin pa 'di la ji ltar nan tan du bya gang rnal 'byor du bya/ rab 'byor gyis smras pa/ kau shi ka shes rab kyi pha rol tu phyin pa la bslob par 'dod pa des nam mkha' la rnal 'byor du bya'o/ /kau shi ka shes rab kyi pha rol tu phyin pa la bslob par 'dod pa des bla gab med pa la rnal 'byor du bya'o/ /zhes bcom ldan 'das kyis gsungs so/ /sa'i rlung chu la thim pas gtsug tor gyi 'khor lo dpral ba'i yi ge aM las mgrin pa'i 'khor lor thim pas dga' ba dang po skye ste/ phyi gzung ba'i yul dang nang 'dzin pa'i sems gnyis kyi rags pa 'gags nas rang bzhin sum cu rtsa gsum gyi rnam par rtog pa 'gags nas dga' ba'i ye shes skye ste/ de'i rang bzhin du ba lta bu dang sems so sor rtogs pa dang po'o/ /zla ba'i 'khor lo dang 'bar ba dang lus kyi rnam par rtog pa 'gags nas snang ba sku'i rang bzhin no/ /de yang shes rab ye shes me chen 'di 'bar bar snang ba'o/ /rnam par snang mdzad 'od po che ni zla bar snang ba ni ston ka'i sprin med pa'i nam mkha' zla

  421. 210a

    ba'i dkyil 'khor 'od zer snang bar byed pas khyab par byed pa bzhin du rang bzhin gyis gsal ba'i rnam par dngos po ma lus pa thams cad dmigs pas na snang ba ste zhes gsungs pa dang/ de'i sku'i dga' ba dang gsungs gi dga' ba dang thugs kyi dga' ba dang ye shes kyi dga' ba tshes gcig dang gnyis dang gsum dang bzhi la a i ri u ste/ yar ngo tshes bzhi'i bdag nyid can gyi sad pa'i rnam par rtog pa 'gags pa'i rgyu mthun par skyed pa'i byang chub kyi sems so sor rtog pa'i ye shes rgyu mthun pa'i sems can la dmigs pa'i snying rje'i drod kyi rang bzhin dus kyi 'khor lo snang ba'i rang bzhin no/ /de bas mchog dga' i rang bzhin ni chu me la thim pas mgrin pa'i 'khor lo a'i byang chub kyi sems las snying ga'i 'khor lo phab ste/ ji tsam 'dzin nus tsam na phyi gzung ba dang nang 'dzin pa'i 'bring po 'gags pas so sor rtog pa gnyis smig rgyu'i rnam pa dang nyi ma lta bu snang ba mched pa skyes pas rang bzhin bzhi bcu'i rnam par rtog pa 'gags nas mi rtog par 'gyur ro/ /'gro ba'i mar me ni nyi mar snang ba'o/ /ji ltar ston ka'i dus su nyi ma'i 'od zer shar ba bzhin du shin tu gsal zhing dri ma med pa'i ngo bo ma lus par dmigs pa byang chub kyi sems kun tu bzang po ste/ rim pa gnyis pa bzhin du stong pa bde bas na sku'i dam pa'i dga' ba dang gsung gi dam pa'i dga' ba dang thugs kyi dam pa'i dga' ba dang ye shes kyi dam pa'i dga' ba dang/ tshes lnga dang drug dang bdun dang brgyad la li a e ar gyi bdag nyid rmi lam kyi gnas skabs 'gags pa longs spyod rdzogs pa'i sku'o rgyu mthun pa bskyed pa'i byang chub kyi sems mnyam pa nyid kyi ye shes rgyu mthun pa'i chos la dmigs pa'i snying rje/

  422. 210b

    rtse mo'i rang bzhin dus kyi 'khor lo snang ba mched pa'i ngo bo nyid do/ /de bas na dga' bral gyi rang bzhin me rlung la thim nas snying ga'i 'khor lo nas hUM byang chub sems kyi rang bzhin lte bar babs pas ji tsam 'dzin nus pa dang/ phyi gzung ba dpe nang 'dzin pa yang 'gags te/ dga' bral gyi ngo bo sems so sor rtog pa srin bu me khyer dang sgra gcan gyi dkyil 'khor lta bu snang ba thob pa'i sems tsam gyi ngo bo rang bzhin bdun dang bral ba mi rtog pa sems tsam gyi ngo bo ye shes sgron ma sgra tsam du snang ba'o/ /gzi brjid chen po 'od gsal ba ni glog tu snang ba'o/ /de bzhin du nam mkha' i mtshan nyid dngos po med pa'i ngo bo nyid lus dang ngag med pa ste/ ji ltar mtshams kyi mun pa ngo bos khyab pa phra zhing bdag med pa srog dang rtsol ba mi rgyu ba dang rgyu med pa sems med pa mi g.yo ba gang gi sa bon la brten pa'i sgo zhes gsungs so/ /de bas na sku'i dga' bral dang gsung gi dga' bral dang thugs kyi dga' bral dang ye shes kyi dga' bral dang/ tshes dgu dang bcu dang bcu gcig dang bcu gnyis la o a la ha ya'i bdag nyid dam pa'i gnas skabs kyi bdag nyid 'gags pa'i chos kyi sku'i rgyu mthun pa byang chub kyi sems bskyed pa bya ba nan tan gyi ye shes kyi rgyu mthun pas dmigs pa med pa'i snying rje dus kyi 'khor lo bzod pa thob pa'i rang bzhin snang ba thob pa'o/ /de'i mtshan nyid gsol bar bstan par bya ba'i phyir/ 'di dag kyang sems tsam gyi sku yin par gsal ba yin te/ 'phags pa klu sgrub kyi zhal snga nas kyang/ ye shes gsum gyi ngo bo yis/ /sems tsam la mi nges par sbyar/ zhes gsungs so/ /mdo sde sa bcu pa las kyang/ /kye rgyal ba'i sras po khams gsum pa 'di dag ni sems tsam mo zhes 'byung

  423. 211a

    bas kyang don 'di nyid gsal bar gsungs so/ /ye shes gsum yang sems tsam gyi rang bzhin no/ /de yang pha rol tu phyin pa'i nang du drod dang rtse mo dang bzod pa dang gsum du bstan te/ kam pa la'i zhal bya nas kyang/ snang ba ni drod do/ /snang ba mched pa ni rtse mo'o/ /snang ba thob pa ni bzod pa'o zhes gsungs so/ /de nas dngos po ma lus par rnam par rig pa tsam gyi ngo bo nyid du lte ba sprul pa'i 'khor lo rtsa 'dab ma drug cu rtsa bzhi'i gnas su phebs tsam 'dzin nus pa gsal bar rdzogs pa'o/ /don sa yid kyi rang bzhin gyi gsal bar bstan te/ de yang mdo sde dang rgyud dang grub pa brnyes pa yis kyang gsungs te/ shes rab kyi pha rol tu phyin pa las kyang/ gzugs rmi lam lta bu zhes pa nas/ mya ngan las 'ongs pa'i chos gcig yod na yang rmi lam lta bu zhes gsungs pas so/ /mngon par byang chub pa'i rgyud las kyang/ /'ja' tshon lta bu'i lus dag ni/ /de nyid bsgoms pas mthong bar 'gyur/ zhes pa dang/ gsang ba 'dus pa'i rgyud las kyang/ /kye bcom ldan 'das de bzhin gshegs pa thams cad 'di lta ste/ dper na byang chub kyi sems ni de bzhin gshegs pa thams cad kyi ye shes 'byung bar byed pas rdo rje'i gnas lta bu ste/ byang chub kyi sems de yang lus la mi gnas ngag la mi gnas sems la mi gnas khams gsum la mi gnas pa de ni skye ba med de de ni ye shes 'byung ba rdo rje'i gnas 'di yin no/ /kye bcom ldan 'das de bzhin gshegs pa thams cad rmi lam 'di ni bdag gis khams gsum du rmi lam mthong bar bya'o zhes snyam sems par bya'o/ /rmi lam yang bdag gis rmi lam du mthong bar bya'o zhes pa la sogs pa gsungs so/

  424. 211b

    de'i don ni klu sgrub kyi zhal snga nas kyang/ khong stong khyod kyi sku la med/ /nam mkha' la ni 'ja' tshon ltar/ khyod kyi sku ni ston par mdzad/ /ces pa dang/ dus kyi 'khor lo las/ bu mo gzhon nu ma me long gzugs brnyan snang ba bzhin du zhes bya ba la sogs pa gsungs so/ /de'i don ni 'di yin te/ sems tsam la snang ba lugs las bzlog pas rig pa'i rgyal ba gsang sngags mchog ni thig ler snang bas dngos po thams cad thig le'i sngon po gcig tu gyur par bsam/ mar me'i rnam pa lta bu de'i dbus su ri mo nag po skra'i tshad tsam ste/ de'i nang du rtsa dbus ma'i nang du dbugs chud pa'i rtags su de'i dbus su sangs rgyas kyi sku longs spyod rdzogs pa chu'i nyi ma dang 'dra ba brjod du med pa/ sna tshogs pa'i mdog can rnam pa kun rang gi sems yul rnam par bral ba gzhan gyi sems mi shes pa de rang gi rgyud kyi bsdus pa'i chos can mthong ngo/ /de yang chos yang dag par sdud pa las/ bcom ldan 'das kyis spyan lnga gsungs te/ de bzhin du rim pa bzhin du sha'i spyan dang lha'i spyan dang sangs rgyas kyi spyan dang chos kyi spyan dang ye shes kyi spyan rnams bsgoms pa'i stobs kyis 'byung ngo zhes khams gsum ma lus pa mthong ngo/ /longs spyod rdzogs pa'i sku sgra'i sgo nas chos ston/ twa ta saM gra ha las kyang yid lha'i ngo bo'i ting nge 'dzin las mngon par byang chub pa lnga bstan pa bo d+hi tsit+to tpa ta yA mi la sogs pas bstan to/ /rgya cher rol pa las kyang/ shAkya thub pa de bzhin gshegs/ /mngon par byang chub 'di bzhed nas/ nai rany+dza na'i chu 'gram gnas/ /mi g.yo ting 'dzin la bzhugs nas/ /de tshe rgyal ba mkha' rdo rje/ til gyi gang bu gtams pa las/ /de la dbyangs gcig gis bskul te/ /bsam pa 'di ni rnam pa min/ /'dis ni

  425. 212a

    thar pa mi thob ste/ zhes bya ba la sogs pa bskul lo/ /de bzhin du yang rnal 'byor pa yang ngo/ /de ltar yid kyis lus de snang ba thob pa las snang ba mched pa de las snang ba de las rlung drug de las thig le'i dbus rgyal ba rigs drug tu bzhengs nas bskul lo/ /mnyam pa la bzhag pa'i sems tsam la gnas nas/ /rlung drug 'gags nas dga' bral la gnas so/ /kun rdzob bden pa'i rim pa ste bzhi pa'o// // de nas sku gsung thugs rnam par dag pa'i lhan cig skyes pa'i 'od gsal gyi ngo bo nyid bzhi pa'i gnas skabs zad pa 'di /'byung ba med pa'i mdo las kyang/ /chos 'di sgra skad kyis ni lung bstan pa/ /chos dang sgra dag 'dir ni rnyed ma gyur/ chos nyid tshul gyis dngos la 'jug byed pa/ /bzod mchog bla na med pa thob par 'gyur/ zhes gsungs te/ dus kyi 'khor lo las kyang/ kun rdzob kyi rnal 'byor ni mdog dang phyag dang dbyibs dang bcas pa'o// don dam pa'i rnal 'byor ni mdog dang phyag dang dbyibs dang bral ba'o zhes gsungs so/ /de yang skye ba med pa'i bka' li tsa bI dri ma med pa'i grags pa'i mdo las kyang/ 'jam dpal gyis na yang dag zhus/ /rgyal ba'i sras po mi gsung bzhugs/ /mi gsung bas ni rgya cher bshad/ /ces gsungs so/ /de'i don ni 'di yin te/ rlung gi rlung ni nam mkha' dang ye shes la thim pas lte ba'i 'khor lo nas gsang ba'i 'khor lo rdo rje nor bu'i dbus su byang chub kyi sems ril por 'dzin pa 'am/ rjes su zhugs pa'i man ngag gis don dam pa'i bden pa ru btsugs pas dngos po thams cad rnam par dag ste/ sku'i lhan cig skyes pa'i dga' ba dang/ gsung gi lhan cig skyes

  426. 212b

    ba'i dga' ba dang/ thugs kyi lhan cig skyes pa'i dga' ba dang ye shes kyi lhan cig skyes pa'i dga' ba dang/ rab la a tshes bcu gsum dang bcu bzhi dang bco lnga dang bcu drug pa'i yar ngo'i phyogs kyi rtog pa las 'das pa bcu drug phyed phyir 'dzin pa'i bdag nyid can rdo rje nor bur chud nas mi 'jig pa'i bde ba lhan cig skyes pa'i sku ma ning gi gnas skabs bcu drug pa'i cha yongs su rdzogs pa'i nam mkha' i dkyil ltar skad cig ma gcig la thugs su chung pa sbyin med pa'i nam mkha' dang 'dra bar snang ngo/ /don dam pa'i bden pa dbugs stong brgyad brgya ba mnyam pa la gzhag kyang rung mnyam pa las langs kyang rung/ gsang bar nyi ma dang zla ba'i cha zad pa bcu drug pa las yongs su rdzogs pa dang sa dang po'i bden pa la gnas zhes bya ba thob ste sbyin pa'i pha rol tu phyin pa yongs su rdzogs pa'o/ /de yang kha dog med pa lus med pa dbyibs med pa bya ba dang rtsol ba thams cad dang bral ba rdo rje so so rang gis rig pa rdo rje slob dpon gyi kha las shes par bya'o/ / rdo rje bcu drug pa'i ngo bo nyid rang bzhin thams cad dang bral ba don dam pa'i bden pa yod pa dang med pa'i phyir skad cig ma gcig shes te/ gcig tu mi 'gal ba'i phyir ro/ /yang bcom ldan 'das de nyid 'bras bu sngags kyi theg par lhan cig skyes pa'i dga' ba ni lhan cig skyes pa'i sku gzung ba dang 'dzin pa spangs pa/ rnam par shes pa'i chos nyid las 'das pa srid pa dang zhi ba'i mya ngan las 'das pa la mi gnas pa sangs rgyas rnams kyi lhan cig skyes pa lha mo rnams kyi sdom pa'o zhes gsungs so/ /de yang mtshan yang dag par brjod pa las/ bcu drug phyed phyed thig le can/ /cha med cha las 'das pa'o/ /bsam gtan bzhi pa'i rtse mo can/ /bsam gtan yan lag kun shes shing//

  427. 213a

    ting 'dzin rig pa rgyud rig pa/ zhes gsungs so/ /don dam pa'i bden pa bstan pa'i rim pa ste/ lnga pa'o// //de nas zung du 'jug pa la bslab par bya ste/ bzhi pa'i de nyid thob pa'o/ /de nas rdo rje nor bu nas yar bzlog ste gsang pa'i gnas su dbugs sum stong brgyad brgya pa gcig 'gags pas sa gnyis pa thob ste/ tshul khrims kyi pha rol tu phyin pa yongs su rdzogs pa'o/ /de nas lte ba dang snying ga dang mgrin pa dang dpral ba rnams su sum stong drug brgya sum stong drug brgyar mnyam pa la bzhag kyang rung 'gags pas bzhi dang drug dang brgyad dang bcu bzhi'i sa rnams thob ste/ pha rol tu phyin pa bcu yongs su rdzogs nas sa bcu thob ste/ sa bcu'i dbang phyug phyag na rdo rje'i rjes su mthun pa'i mngon par shes pa lnga dang/ nyon mongs pa'i sgrib pa dang shes bya'i sgrib pa dag par 'gyur ba'o/ /de nas bla ma dam pa'i man ngag gis dpa' bar 'gro ba'i ting nge 'dzin la bslab par bya'o// 'di dag ni don dam pa ye shes kyi sku ro mnyam pa rdo rje lta bu'i ting nge 'dzin no/ /de la bslabs pas gsang ba nas lte ba'i bar du khu ba gyen du 'dren pas mar ngo'i sku'i dga' ba dang gsung gi dga' ba dang thugs kyi dga' ba dang ye shes kyi dga' ba bzhi'i bdag nyid can no/ /stong pa nyid dang de yang yi ge ya la wa ra'o/ /de nas lte ba nas snying ga'i bar du byang chub kyi sems 'dren nus tsam na/ sku'i dam pa'i dga' ba dang gsung gi dam pa'i dga' ba dang thugs kyi dam pa'i dga' ba dang ye shes kyi dam pa'i dga' ba ste/ sa drug gi bdag nyid stong pa chen po stong nyid can ta la oM ar ro/ /snying ga nas mgrin par 'dren nus tsam na sku'i dga' bral dang gsung gi dga' bral dang thugs kyi dga' bral dang ye shes kyi dga' bral te/ sa

  428. 213b

    brgyad pa'i bdag nyid can/ don dam pa stong pa nyid e A lI i/ de nas mgrin pa nas dpral ba dang gtsug tor gyi gnas su byang chub kyi sems 'dren nus tsam na/ sku'i lhan cig skyes pa'i dga' ba dang gsung gi lhan cig skyes pa'i dga' ba dang thugs kyi lhan cig skyes pa'i dga' ba dang ye shes kyi lhan cig skyes pa'i dga' bas sa bcu pa non nas/ stong pa nyid bcu drug pa'i bdag nyid ri a'i a i'i yi ge'i bdag nyid can nam mkha' i stong pa'i mthar thug pa'o/ bcom ldan 'das kyis dpa' bar 'gro ba'i ting nge 'dzin gyi mdo las gang dpa' bar 'gro ba'i ting nge 'dzin thob pa'o/ /skyes bu dam pa 'di dag ni sangs rgyas thams cad kyi yul du mchis pa lags so/ /rang dbang gi ye shes la dbang bgyid pa lags so/ /dpa' bar 'gro ba'i ting nge 'dzin ma thob pa'i phyir byang chub sems dpa' zhes pa mi smra'o/ /dpa' bar 'gro ba'i ting nge 'dzin ma thob pa'i phyir byang chub sems dpa' de la ni mngon par shes pa thob pa zhes nga mi smra'o/ /dpa' bar 'gro pa'i ting nge 'dzin ma thob pa'i phyir byang chub sems dpa' de la ni sbyang ba byas pa zhes nga mi smra'o/ /dpa' bar 'gro ba'i ting nge 'dzin ma thob pa'i phyir/ byang chub sems dpa' de la ni sbyin pa dang tshul khrims dang bzod pa dang brtson 'grus dang bsam gtan dang shes rab dang thabs dang stobs dang smon lam dang ye shes dang ldan pa zhes nga mi smra'o/ /dpa' bar 'gro ba'i ting nge 'dzin ma thob pa'i phyir byang chub sems dpa' de la ni mang du thos pa zhes nga mi smra'o/ /dpa' bar 'gro ba'i ting nge 'dzin ma thob pa'i phyir byang chub sems dpa' de la ni mos pa dang ldan pa'o zhes nga mi smra'o/ /rigs kyi bu dag de bas nges par 'byung ba'o/ /lam thams cad du nges par 'byung pa ni

  429. 214a

    'dod pa'i byang chub sems dpa' rlom sems thams cad med pa'i phyir dpa' bar 'gro ba'i ting nge 'dzin la bslab par bya'o zhes gsungs so/ /de pas na dpa' bar 'gro ba'i ting nge 'dzin dang/ nam mkha' mdzod kyi ting nge 'dzin dang/ rdo rje lta bu'i ting nge 'dzin dang/ zung du 'jug pa'i ting nge 'dzin la bslab par bya'o/ /de nas byang chub sems dpa' des dbugs nyi khri chig stong drug brgya gtsug tor gyi gnas su 'gags nas byang chub kyi sems gtsug tor gyi gnas su 'dren nus tsam dang/ skad cig ma gcig la mngon par rdzogs par byang chub pa 'gro ba dang mi 'gro ba thams cad snang bar byed pa/ nyon mongs pa thams cad las rnam par grol ba bsgoms pa de nyid kyi mthu yis thabs kyi bdag nyid can zhi ba/ mtshan dang dpe byad 'byung ba'i gzhi can rnam pa kun gyi mchog dang ldan pa stong pa nyid kyi ye shes las byung ba/ gnyis su med pa mchog tu zhi ba gzung ba dang 'dzin la bsgoms pa de nyid kyi mthu yis spangs pa/ lhan cig tu skyes pa'i sku mchog tu mi 'gyur ba ye shes de kho na nyid rdo rje 'chang chen po 'dod pa dang gzugs dang gzugs med pa la mi gnas pa/ 'od gsal pa'i rang bzhin dri ma med pa ye shes sgyu ma dang 'dra zhing sgra dang dri dang ro dang reg bya dang chos las 'das pa'i ting nge 'dzin gyi mig can mchog gcig ni mthong bar bya'o/ /sangs rgyas thams cad mkhyen pa nyid dang rnam pa thams cad mkhyen pa nyid dang lam mkhyen pa nyid dang lam gyi rnam pa mkhyen pa nyid dang stobs bcu dang mi 'jigs pa la sogs pa'i yon tan gyi 'byor pa ster bas na de sangs rgyas kyi 'bras bu rab tu ster ba'o/ /'dir rtsa ba'i rgyud du bcom ldan 'das kyis gsungs pa'o/ /yod dang med

  430. 214b

    pa las 'das pa/ gnyis med dngos dang dngos med zad/ /stong pa snying rje gnyis med pa/ /rdo rje sbyor ba bde chen pa/ /stong pa'i chos ni rnam par spangs/ /rdo rje sbyor ba gnyis med pa'o/ /zhes gsungs so/ /de yang mtshan yang dag par brjod pa las/ / sangs rgyas thog ma tha ma med/ /dang po sangs rgyas rgyu med pa/ /ye shes mig gcig dri ma med/ /ye shes lus can de bzhin gshegs/ zhes gsungs so/ dpal dam pa dang po las kyang/ /nam mkha' las kyang nam mkha' 'byung/ /thams cad stod pa nam mkha' che/ zhes gsungs so/ /de'i phyir na skad cig ma gcig la mngon par rdzogs par byang chub pa'o/ /rnam pa lngas mngon par byang chub pa ni de kho na nyid skyes pa'i dus su ye shes rnam pa drug shar te/ gzugs kyi phung po dang li'i yi ge rnam par dag pas me long lta bu'i ye shes snang zhing srid pa'i chos thams cad ye shes sgyu ma tsam du shes so/ /de nyid thugs rje chen po tshor ba'i phung po dang ri'i yi ge rnam par dag pas thams cad la nyi ma ltar khyab pas mnyam pa nyid kyi ye shes so/ /mnyam pa nyid kyi ye shes de nyid 'du shes kyi phung po dang u'i yi ge rnam par dag pa so sor byed pas na so sor rtog pa'i ye shes so/ /de nyid kyis 'gro ba sems can thams cad la dgos 'dod re ba thams cad skong pas 'du byed kyi phung po dang i'i yi ge rnam par dag pas na bya ba nan tan grub pa'i ye shes so/ /de nyid nam mkha' las tha mi dad pas na stong pa nyid kyi ye shes te rnam par shes pa'i phung po dang a rnam par dag pa'o/ /de thams cad rang rig pa bde ba chen po'i rang bzhin yin pas na bde ba chen po'i phung po dang zhes? rnam par dag pas so/ /drug pa ni khyab byed do/ /lnga ni khyab bya'o/ /de yang dus kyi

  431. 215a

    'khor lo las/ thams cad mkhyen pa'i ye shes sku/ /nyin mor byed pa'i 'od lta bu/ /pad+ma'i 'dab ma 'dra ba'i spyan/ /sangs rgyas seng ge gdan bzhugs pa/ zhes gsungs so/ /yang de nyid las/ stong pa'i yi ge dang thig le/ mchog gi rdo rje 'dzin pa dang/ zhes gsungs so/ /dpal dgyes pa'i rdo rje las kyang/ e'i cha byad bzang po gang/ /dbus su baM gyi rnam par rgyan/ /sangs rgyas rin chen za ma tog /bde ba chen po kun gyi gzhi/ zhes gsungs so/ /dpal 'khor lo sdom pa las kyang/ gsang ba mchog gi dgyes pa na/ thams cad bdag nyid rtag tu bzhugs/ zhes gsungs so/ /de bas na ye shes lnga'o/ /bde ba chen po chos kyi dbyings las tha mi dad pa la de skad ces bya'o/ /rnam pa nyi shu mngon par byang chub pa ni/ ye shes lnga po re re la yang sku gsung thugs ye shes rnam pa bzhi dang ldan/ /longs spyod rdzogs pa'i sku mtshan gyi me tog la dpe byad kyi 'bru chags la byang chub sems dpa' sa bcu pa'i dbang phyug nyid la bde ba chen po nyid de ltar snang ngo/ /de ni rnam pa nyi shus mngon par rdzogs par byang chub pa'o/ /rgyu 'phrul dra bas mngon par rdzogs par byang chub pa ni/ sems can gdul bya ji ltar gdul ba de bzhin du sbrul pa'i sku'i zhing khams bsam gyis mi khyab pa ru ji ltar 'dul ba'i sku snang bar mdzad pa'o/ /de yang gcig las 'phros pa'i rgyud las/ 'jig rten khams la rdul snyed du/ sku don rdul phran grangs med nyid/ /sprul pa rdul snyed bsam yas gyis/ /skad cig yul la lhun gyis grub/ ces gsungs so/ /gsung gi sgo nas chos dpag tu med pa ston to/ /de yang mtshan yang dag par brjod pa las/ /

  432. 215b

    dpag bsam shing chen rgyas pa yi/ bum pa bzang po che ba'i mchog /byed pa sems can kun don byed/ /phan don sems can mnyes gshin pa/ zhes gsungs so/ /bde ba chen po nyid ji ltar yang snang ba la ji ltar yang ma yin te/ bden pa gnyis su med pa thabs dang shes rab gnyis su med pa rdo rje 'chang chen po zhes bya'o/ /zung du 'jug pa gnyis su med pa'i rtog pa ste/ drug pa'o// //de nas rdo rje 'dzin pa'i dam tshig yang dag par bstan par bya ste/ dam tshig la rnam pa gsum yod de/ slob dpon phyi dang nang gi'o/ /kun gyi mchog gyur slob dpon te/ rtsa ba'i rgyud dang bsdus rgyud dang/ /grub pa thob pa'i slob dpon ni/ /dpal ldan yan lag med rdo rje/ /oryan pad+ma sraM b+ha ba/ /inda bo d+hi la b+hir dang/ /nA gArdzu na rje du 'bangs bcas/ /sha pa ri dang 'od 'bar dang/ /sa ra Arya lU yi pa/ /pA ri ka sogs grub thob pa'o/ /slob dpon mkhas pa grangs med kyis/ /kun gyi gtso bo slob dpon bas/ /'di la dam tshig ma nyams ni/ / 'dul 'khrims nyis brgya lnga bcu dang/ /byang sems sdom pa nyi shu sogs/ /nyams kyang rdo rje 'dzin pa thob/ /dbang bskur slob dpon mig dang 'dra/ /rgyud ston pa ni lus dang 'dra/ /man ngag ston pa snying dang 'dra/ /de bas slob dpon mchog yin pas/ /dag 'khyal tshig gcig brjod mi bya/ /zhe sa'i tshig dag ma brjod na/ /ngu 'bod gnas su skye bar ni/ /nges par rdo rje 'dzin pa dang/ /grub thob slob dpon grangs med gsung/ /yid la ngan sems skyes gyur na/ thugs kyi dam tshig nyams pa ste/ /nges par rdo rje dmyal bar 'gro /phyag mi 'tshal zhing gong mi 'jog /lus kyi brnyas pa byas gyur na/ rdo rje grag chen gtams par ni/ /dpag tshad brgyad khrir gnas par 'gyur/ /sngags

  433. 216a

    rgod drag po rnon po yang/ /bsgrubs kyang grub par mi 'gyur ro/ /dpal ldan rdo rje 'dzin pa yang/ /snying la zhugs pa dral te gshegs/ /rig 'dzin sar bzhugs mkha' 'gros kyang/ /de la gzigs par mi 'gyur ro/ /dpal ldan rdo rje 'dzin pa dang/ /byang chub sems dpa' grangs med dang/ /grub thob slob dpon rnams kyis gsungs/ /rgyud chen bde mchog 'khor lo las/ /ji ltar pad+ma 'byung gnas nyams dga' las/ /dad pa mang po'i tshogs rnams 'dus pa ltar/ /de bzhin rnal 'byor dam tshig ma nyams na/ /ma mo mkha' 'gro dam tshig can rnams 'du/ /dpal chen gsang ba 'dus pa las/ /snying nas slob dpon smod pa ni/ /nam yang 'grub par mi 'gyur ro/ /dpal bde mchog 'khor lo'i rgyud las/ /slob dpon phyi dang nang gi dam tshig /gsungs so/ /shin tu mnyam bzhag sgrub pa pos/ /rtag tu dam tshig bskyang ba dang/ /dam tshig nyams pa dkyil 'khor du/ /dbang bskur dngos grub thob mi 'gyur zhes gsungs pa dang/ phyi dang nang gi dam tshig brgyad/ /phyag na rdo rjes gsal bar gsungs/ /rtag tu dngos grub rnams kyi rgyud/ /dam tshig rnams ni bskyang bar bya/ /rigs gzhan las 'byung pho nya mo/ /'dod la chags pas 'dod mi bya/ /gnyis su med dang thogs med dang/ /dam tshig rnams la spyod pa dang/ /bud med spyod pa bsgrub pa dang/ /tshangs par spyod pa de bzhin zhal/ zhes pa nas dam tshig bskyang ba'i cho ga'o zhes pa'i bar ni bde mchog gi bstod 'grel las shes par bya'o/ /de ltar phyi'i dam tshig nyams pas ni 'jig rten pas dpyod par 'gyur ro/ /chos la smad pas sdig pa chen por 'gyur ro/ /sdig pa skyes pas bsod nams nyams par 'gyur ro/ /bsod

  434. 216b

    nams nyams pas dngos grub med do/ /nang gis dam tshig nyams pas dga' ba bzhi shor nas chags pa dang bral ba'i sdig pa las sdug bsngal skye'o/ /de ltar dam tshig nyams pas phyag rgya chen po'i dngos grub mi thob po/ /rdo rje slob dpon la brnyas pa byas shing bkur ba ma byas pas mi pha rol pos brnyas par 'gyur ro/ /rdo rje slob dpon gyi sku gsung thugs sun phyung bas rdo rje 'dzin sun phyung ba dang 'dra bas rdo rje dmyal bar 'gro'o/ /dus 'khor bde chen rgya mtsho lta bu la shes rab zab mo gru gzings lta bus 'chad/ /bla ma zla rgyas lta bu'i thugs mnga' ba/ /bkas gnang nyes par gyur na bzod par bzhes/ /dus kyi 'khor lo snying po'i rgyan zhes bya ba'i sgrub thabs lho phyogs rgya mtsho'i yul du sku 'khrungs pa mkhas pa chen po bram ze bsod snyoms pas mdzad pa rdzogs so// //rgya gar gyi paN+Di ta b+ha dra bo d+hi'i zhal snga nas dang/ bod kyi lo tsA ba gyi tso zla ba'i 'od zer gyis bsgyur cing zhus te gtan la phab pa'o// //dus kyi 'khor lo'i man ngag bzhugs so// //*/ /rgya gar skad du/ kA la tsa kro pa de sha /bod skad du/ dus kyi 'khor lo'i man ngag /bcom ldan 'das dpal rdo rje sems dpa' la phyag 'tshal lo/ /mkha' la kun zhen sems kyi mig mi 'dzums shing rdo rje'i lam zhugs pas/ /stong las du ba smig rgyu mkha' snang dri med gsal dang mar me dang/ /'bar ba zla ba nyi ma rdo rje che mchog thig le mthong ba'o/ /de dbus sangs rgyas sku ni yul bral du ma longs spyod rdzogs sku'o/ /chu 'dzin dang bral mkha' la brtan lta rnal 'byor pas ni snang bar bya/ ji srid dus kyi rtsa la ri mo nag 'od dri med 'phro mthong ba/ /de la kun mkhyen sku ni rnyog med sna tshogs kha

  435. 217a

    dog chu nyi mtshungs/ /rnam kun rang gi sems de yul dang rnam bral gzhan gyi sems nyid min/ /sku mthong ba na nyi ma re re dus su srog gi rlung 'gog byed/ /ji ltar rang lus 'od zer 'khor lo 'khor bzhin pa yis skor mthong bas/ /sdom brtson rnams kyis zla drug reg spangs lam sems zhi ba'i bde bar 'gro /chags dang chags bral mdza' thog skad cig la ni khyab bdag dbugs grangs 'phel/ /mgo dra nang gi dga' bral lhan skyes ye shes rnam shes dag dbus su/ /gnyid log dus su rdo rje pad+ma dag gis gnyis gnyis sbyor ba de gang/ /de yi 'phel byed bla ma'i bka' yi dbang gis 'phel la 'di mtshar med/ /rnal 'byor pa bzang lo sbyor rgyal bdag la 'jug bdud dang nyon mongs 'joms/ /da ni sems 'od bsal ba la 'jug pa'i phyir/ /mkha' zhes bya ba la sogs pa gsungs te/ 'dir sngags kyi tshul dang/ pha rol tu phyin pa'i theg pa'i tshul rnal 'byor rnam pa gnyis la bslab par bya ste/ nam mkha' dang bla gab med pa la rnal 'byor goms par bya'o/ /gang nam mkha' i rnal 'byor la slob pa de mtshan mo mun pa la nam mkha' la kun tu zhen pa'i sems kyi du ba sogs pa'i mtshan ma mthong ngo/ /mig mi 'dzums shing rdo rje lam zhugs pas zhes bya ba ni dbu mar srog gi rlung zhugs pa'o/ /stong las zhes bya ba ni nam mkha' la kun tu zhen pa'i sems dang mig mi 'dzums pa dang rdo rje'i lam du zhugs pas stong pa las du ba dang smig rgyu dang mkha' snang dri ma med pa gsal ba dang de bzhin du mar me ni mtshan mo'i sbyor bas mthong ngo/ /de nas sprin med pa'i nam mkha' mthong ngo/ /de nas yang nam mkha' la nyin mo'i sbyor ba ni/ nam mkha' las byung rang byung ba/ /shes rab ye shes me bo che/ /zhes

  436. 217b

    gsungs te/ sprin med pa'i nam mkha' la 'bar ba mthong ba'o/ /rnam par snang mdzad 'od chen po/ /ye shes 'od zer lhang de ba/ zhes pa ni zla bar snang ba'o/ /'gro pa'i mar me zhes pa ni nyi mar snang ba'o/ /ye shes sgron ma zhes bya ba ni sgra gcan du snang ba'o/ /gzi brjid chen po 'od gsal ba zhes bya ba ni glog ste cha dam pa'o/ /rig pa'i rgyal po sngags mchog mtsho zhes bya ba ni thig ler mthong ba'o/ /de ltar mtshan ma bcu 'dus pa la sogs par mtshan mo'i sbyor ba gsungs shing/ mtshan yang dag par brjod par nyin mo'i sbyor ba bcom ldan 'das kyis gsungs so/ /gsang sngags rgyal po don chen byed pa ni bum pa dang ras la sogs pa rnam pa thams cad skur mthong ba'o/ /de dbus zhes bya ba ni thig le'i dbus su sangs rgyas kyi sku yul dang bral ba rdzas med cing rtogs pa'i longs spyod rdzogs pa'i sku du ma mthong ba'o/ /de nas sku'i sbyor bas mi shigs pa'i sgra nyid thos so/ /de ltar sprul pa'i sku ni gzugs su snang ba'o/ /longs spyod rdzogs sku ni sgrar snang ba'i don to/ /'dir nyi ma'i sbyor ba ni chu 'dzin dang bral ba'i nam mkha' brtan par lta ba'i rnal 'byor pas snang bar bya ste/ snga dro dang phyi dro'i nyi ma la rgyab bstan par bya'o/ /gzhan du ni nyi ma'i 'od zer rnams kyis rab rib tu 'gyur te/ des gnod pa'i phyir ro/ /de ltar nyi ma re re la bslab par bya zhing snang bar bya'o/ /ji srid dus kyi rtsa a pa d+hU ti'i nang du chud pa'i thig le'i dbus su ri mo nag po sgra'i tshad tsam gyi 'od zer dri ma med pa 'phro ba mthong ba'i bar du'o/ /de la kun mkhyen sku zhes pa ni khams gsum ma lus pa rnyog pa med pa'i chu'i nang gi nyi ma lta bu mdog sna tshogs pa kun rang gi sems yul dang rnam par bral ba de nyid gzhan gyi sems mi shes pa'i phyir gzhan gyi sems

  437. 218a

    ma yin pa'o/ /'dir dang po rang gi sems snang ba de bzhin gshegs pa'i sha'i spyan gyis yang dag par mthong ba'o/ /lha'i mig la sogs pas gzhan gyi sems shes pa mthong ba'o/ /bcom ldan 'das kyis spyan lnga po de dag ni chos yang dag par sdud pa las gsungs so/ /de ltar rim pa bzhin sha'i spyan dang/ lha'i spyan dang/ sangs rgyas kyi spyan dang/ shes rab kyi spyan dang ye shes kyi spyan rnams bsgoms pa'i stobs kyis 'byung bar 'gyur ro/ /de nas ma gzigs pas ci yang mi mnga' ba'i thams cad mkhyen par 'gyur ro/ /de'i phyir sku mthong bas nyi ma re re'i dus su srog gi rlung 'gag pa bum pa can gyi sbyor ba bya'o/ /ji srid rang lus 'od zer 'khor lo 'khor bzhin pa yis skor ba mthong ba zhes bya ba ni sngon du gsungs pa'i sku'i nang du mthong ba'o/ /sdom brtson rnams zhes bya ba ni las dang po pa tshangs par spyod pa rnams so/ /zla ba drug tu reg spangs zhes bya ba ni dbang po gnyis kyi sbyor ba spangs pa'o// las kyi sems zhes bya ba ni stong pa nyid kyi sku'i sems so/ /zhi ba'i bde bar 'gro zhes bya ba ni mi zad pa'i bde ba thob pa'o/ /chags dang zhes bya ba ni dkar po'i phyogs/ /de'i mthar song ba zhes bya ba ni bcu drug pa'i cha'i mtshan nyid do// de nas chags bral zhes bya ba ni nag po'i phyogs so/ /de'i thog ma zhes bya ba ni nag po'i phyogs la ma zhugs pa'o/ /skad cig ces bya ba ni skad cig ma gcig la mngon par byang chub pa'i mtshan nyid de'i skad cig go /dbugs grangs 'phel zhes bya ba ni nyi khri chig stong drug brgya'i dbugs gsang ba'i rdo rje'i nor bu'i rtse mo nas 'phel lo/ /brgya phrag sum cu rtsa drug gi srog gi dbugs dgu brgya dgu brgya'i grangs bkag cing spangs pa des ni sa gnyis gnyis

  438. 218b

    thob par 'gyur ro/ /de ltar lte ba dang snying ga dang mgrin pa dang dpral bar bzhi dang drug dang brgyad dang bcus sa rnams thob par 'gyur ro/ /gtsug tor du srog thams cad zad pas sa bcu gnyis 'thob par 'gyur ro/ /de nas mgo la dra ba'i nang nas gsang bar 'ongs pa ni dga' ba dang lhan cig skyes pa dag gi dbu ma'i/ /de ltar ni gnyid log pa'i dus su'o/ /snying gar ni ye shes dbu ma'o/ /mgrin par ni sku dang gsung dang thugs dang ye shes kyi thig le'i rang bzhin gyis so/ / gang dpral ba nas 'ongs pa ni gnyis kyi sbyor ba'i bde ba'o/ /de'i bde ba ni bla ma'i bka' i dbang gis khu pa'i bde ba gyen du 'gro bar byed do/ /sngon du gsungs pa'i srog 'gog pa dpral ba'i bar du 'phel ba'i bar du 'phel ba la ngo mtshar med do/ /de ltar nyon mongs pa dang/ bdud bcom nas rgyal ba'i bdag po la ste rnal 'byor bzang po a ba d+hU tI gnas pas lo gcig gi sbyor bas g.yon dang g.yas su chud pa'i srog rnams bsad nas rgyal ba'i bdag po stong pa nyid kyi sku la 'jug go /de'i phyir bum pa can gyi sbyor bas bde ba chen po'i skad cig bskyed bde ba 'phel bar nges pa'o/ /dus kyi 'khor lo'i man ngag slob dpon dus 'khor zhabs chen pos mdzad pa rdzogs so// //rgya gar gyi mkhan po bud+d+ha ka ra b+ha dra dang/ lo tsA ba gyi co zla ba'i 'od zer gyis bsgyur ba'o// //sbyor ba yan lag drug pa zhes bya ba bzhugs so// //*/ /rgya gar skad du/ Sha Dang+ga yo ga nA ma/ bod skad du/ sbyor ba yan lag drug pa zhes bya ba/ dpal ldan sha ba ri pa la phyag 'tshal lo/ /sgrib pa'i sprin tshogs dang bral ba/ /grangs mthar rlung rtog kun 'gags pa'i/ /bar snang du ni spyan ras gzigs/ /gang ba'i zla ba 'char te mdzes/ /

  439. 219a

    srid zhi'i dmigs dang bral yang gang/ /khyab byed de gnyis tha dang min/ /stong yang rnam pa kun dang ldan/ /sa rnams dbang phyug rab mi gnas/ /g.yo med rtog kun dang bral yang/ /mkhas la ma nyams bde pa ston/ /sems min las ni 'char ba'i mgon/ /'gro sems byin gyis rlob gyur cig /yong rtog rtag pa'i mthar gyur te/ /ma dpyad med rtag mnar med rgyu/ /grol lam de ltar gsu bas gyur la/ /gang zhig sems las 'das pa yi/ /stong nyid thugs rje tha mi dad/ /nam mkha' i gzugs brnyan ston pa po/ /bla ma de la rab dga' bas/ /rtag tu gus par phyag 'tshal lo/ /de lta'i bla ma dngos chen gyis/ /bstod pa rang rtogs bstod pa nyid/ /'bar ba'i me ni med pa na/ /du ba'i rgyun ni gang la 'byung/ /rtogs brjod nga yis skyon yin mod/ /'jug par byed pas gzhan don rgyu/ /ston pas ma nges dngos po la/ /dgos don grub 'dod ga la 'jug /drang don rtogs pas khengs pa can/ /lam las 'khrul pa'i sngags pa rnams/ /dgag pa 'jug pa'i tshig sgo nas/ /ma rtogs rtogs phyir sangs rgyas kyi/ /bka' yis 'jig ten kun don phyir/ /go bla tshig gis 'jam dbyangs kyis/ /bka' bsdu'i tshul gyis shaM b+ha lar/ / dus 'khor bsdus rgyud legs par gsungs/ /thugs rje chen po'i sprul sku des/ /TI ka dri med 'od ces mdzad/ /de gsal nges don thob nas su/ /mkhas kun srid du sel zhing rol/ /gang du ji srid shes bya la/ /kun mkhyen zhes mtshan don dang ldan/ /dbang phyug che sogs kyis bshad don/ /'khrul zhing snying po med par gyur/ /shes rab pha rol phyin pa zhes/ /mkha' byung sangs rgyas yum gcig gis/ /skye 'dod ma lus rnam rtog tshogs/ /slar mi 'byung tshul

  440. 219b

    'joms par mdzad/ /gang du dri med nam mkha' la/ /mig phyed brtan par btad pa na/ /bde chen stong rtogs rtog med las/ /du ba la sogs rtog med 'byung/ /de bas na rdzogs pa'i rim pa gsal bar byed pa/ phyag rgya chen po'i lam bsgom pa'i rjes su mthun pa/ dpal ldan dang po'i sangs rgyas la sogs pa'i rgyud nas gsungs pa/ yang dag par rdzogs pa'i sangs rgyas nyid kyi 'bras bu ster bar byed pa'i gsung rab rin chen 'dus par bya ste/ sangs rgyas rin chen gyi za ma tog dang po'i sangs rgyas kyi rgyud kyi rgyal po las de gsungs pa/ nyams med bde ldan ye shes dbang can rnam pa kun ldan pa/ /'gro kun rgyu ma can gyi thig le rgyal ba'i dbang phyug gi /A li kA li nyi zla'i gdan ni rdo rje 'dzin pa'i min/ /hUM yig gyur pa'i sku gzugs dang ni phyag mtshan mi 'dod do/ zhes bya ba'o/ /de bas na las dang po pa'i rnal 'byor pa ma nyams pa'i mchog bsgrub par mngon par 'dod pa/ bla ma dam pa'i man ngag thob pa/ ma rungs pa'i grogs spangs pa/ du ba la sogs pa'i mtshan ma la goms pa rtsa dbu ma sbyangs pa/ sems can thams cad la bu gcig pa'i bsam pa can/ 'jig rten dang 'jig rten las 'das pa'i bden pa la brten pa/ rang lus dang bu dang chung ma la sogs pa la ltos pa med pa/ dgon pa dang gtsug lag khang dang bla ma'i nor gyi longs spyod las log pa/ sangs rgyas dang byang chub sems dpa' i lam bsten pa/ byams pa snying rje dga' ba btang snyoms tshangs pa'i gnas bzhi la gnas pa/ zhi ba la sogs pa 'jig rten gyi grub pa sgrub pa'i 'dod pa dang bral ba/ thams cad mkhyen pa'i go 'phang thob par 'dod pa/ chos kyi dbyings rnam pa thams

  441. 220a

    cad dang ldan pa'i stong pa nyid kyi me long la bra phab pa bzhin du ma skyes pa'i chos mthong ba mig yor dang rmi lam lta bu rang bzhin can/ rdul phra rab kyi phung po'i chos kyi brtag dpyad dang bral ba/ chad pa'i stong nyid kyi? du byas pa/ nang gi bde ba rang rig pa'i chos la rjes su chags pa/ phyi'i dbang po'i bde ba yongs su spangs pa/ shes rab dang thabs kyi bdag nyid byang chub kyi sems brtan par byed pa kho na la brtson pa can/ bde ba chen po'i mchog shes rab ye shes kyi lam gyi man ngag thob pas rten dang brten can dang/ phyag mtshan dang/ mdog dang/ dbyibs dang/ dkyil 'khor gyi rtog pa mi 'dod ces bya'o/ /de bzhin du/ rgyal bas gsungs pa'i de nyid ni bcu drug bzhi du rab phye ba/ /sna tshogs rnam rtog lam gyis ni/ /rgyal lam med pas mi 'thob po/ /hUM phaT la sogs rtag pa can/ bskyed pa'i rim pa las 'das pa/ rdzogs rims sbyor ba de nyid ni/ /de nyid rgyu yin gzhan min no/ /me ni shing la gnas pa yang/ dum bur gtubs kyang mthong ba med/ /gtsub shing btsub stan gtsubs pa las/ /de nyid du ni mthong ba ltar/ /rnam rtog goms pa'i thabs kun gyis/ /sems kyi snang tshul mi mthong mod/ /ro ma brkyang ma gcig sbyor bas/ /de nyid du ni de snang 'gyur/ /du ba la sogs mtshan ma yin/ /dbu mar rgyu ba srog rtsol gyis/ /rig ma brtul zhugs rtag ma nyams/ /byang sems gyen du rgyu ba yis/ /sangs rgyas kun lam 'di yis ni/ /rnal 'byor bde ba thob 'gyur te/ /po nya kun gyi lhan skyes yang/ /ma nyams bde mchog thob 'gyur ro/ /gzugs la sogs pa'i rtog pa can/ /dkyil 'khor la sogs bsgom pa pos/ /'jig rten bsgrub pa 'grub mod kyi/ /'dod pa'i grub chen

  442. 220b

    ga ?la 'byung/ /sems can snying rje gzhan don dang/ /rtag tu dge la brtson pa'o/ /rnam par dag pa'i slob ma yis/ /bla ma'i drin gyis lam mchog thob/ /lam mchog rin chen legs pa 'di/ /bag med mi la byin kyang ni/ /rang khyim nags su zhugs pa yis/ /spyod yul thag pas 'phrog par 'gyur/ /bag med le lo the tshom dang/ /gnyid dang 'gyod pa chom rkun gyis/ /nye du'i nags nang zhugs pa yis/ /grol lam mchog ni 'phrog 'gyur ro/ /srog gcod ma byin len dang rdzun/ / phra ma tshig rtsub gzhan bud med/ /ngag 'khyal brnab sems gnod sems dang/ log lta'i chom rkun gyis kyang 'phrog /bza' btung shin tu tshad med dang/ /longs spyod du ma'i chom rkun gyis/ /bag med brgyal 'gyur mongs pa'i ltar/ /brtson 'grus ldan pa'i yang 'phrog 'gyur/ /rin chen yin min mi shes pa/ /gzhan mi mkhas la ston par byed/ /rin thang med pa'i rin chen de/ /mi mkhas tshig gis skal med 'gyur/ /rin chen yon tan mkhas pa la/ /mi shes de ni bstan par bya/ de yi rnam dag tshig gis ni/ /rang gi rin chen shes par bya/ /pha ma bu mo srid mo nu/ /spun dang yid 'ong chung ma dang/ /sangs rgyas byang sems kun gyi yang/ /gzugs kyis bdud ni gegs byed do/ /chom rkun nye du spangs nas su/ /'bad de slob mas rin chen lam/ /bla ma dam pa'i drin las byung/ /thos nas shin tu gsang bar bya/ /bdag byin brlab pa'i rim pa dang/ /dpa' bo rim pa thar lam min/ /shin tu rnam dag rim pa nyid/ /sangs rgyas kyis gsungs grol phyir ro/ /gang gis dbang bskur don nyid kyis/ /shes rab thabs dang ldan rgyud du/ /mtshams med lnga dang ldan rnams kyang/ /bde ba sangs rgyas kyis bsdu byas/ /dpa' bo'i rim pa phyi min te/ /lus la srog rlung zad byed yin/ /nam mkhar khams gsum

  443. 221a

    snang ba gang/ /bdag byin brlab par ngo bshad do/ /'khor ba snying po med pa la/ /de zad pas ni de nyid las/ /chu shing zad pas de 'bras ltar/ /de zad pas ni de nyid las/ /sangs rgyas 'bras bu 'byung 'gyur ro/ /rta bla mo dang sdig srin ni/ /ma las skyes te ma gsong ngo/ /sgyu ma las byung rnal 'byor sems/ /de ltar sgyu ma gsod par byed/ /gnyis med mi g.yo sgyu med dang/ /yi dam ma nyams chags chen dang/ /dngos po dngos min ma yin pa/ /ye shes sems dpa' kun tu bzang/ /sgra med sgra chen lhan skyes dang/ /byang sems thig le 'dzin pa'i dpal/ /dus kyi 'khor lo'i rdo rje dang/ /rnal 'byor shes rab thabs dang ldan/ /de ltar rdo rje'i rnal 'byor gang/ /bde gshegs du mas bsten dang bshad/ /rdo rje 'dzin pa gsang sngags rig /byang sems kun gyis bka' bsdu mdzad/ /rdo rje'i theg gnas dam tshig ldan/ /rnyog pa dang bral 'dod pa med/ /bzod ldan lam gnas de nyid bsgom/ /dmyal ba'i 'jigs skyob slob ma la/ /lam ston don gyi tshangs par spyod/ /bdud 'joms rdo rje sems grags pa'i/ /bla ma thog mar bsten par bya/ /lha yi dmigs pa rnam pa gnyis/ /mngon sum ngang ni rjes su dpag /de nyid sbyor bas nam mkha' la/ /skar ma ltar ni mngon sum du/ /longs spyod rdzogs sku du ma snang/ /yongs su ma smin rnal 'byor la/ /goms phyir ri mo la sogs pa/ /don dam min pa'i rtog pa ni/ /shi ba'i ro ltar rjes dpag go /'dir sems can gyi bsam pa'i dbang gis rnal 'byor pa rnams la lha'i dmigs pa rnam pa gnyis te/ mngon sum dang ni rjes dpag go /de nyid las mngon sum ni de kho na nyid kyi sbyor bas nam mkha' la skar ma bzhin du longs spyod rdzogs pa'i sku du ma sgyu ma dang rmi lam lta bu dus

  444. 221b

    gsum gyi srid pa gsum sha'i mig la sogs pa gzung ba'o/ /'dir dang po mngon shes med pas las dang po pa'i rnal 'byor pas sha'i mig gis sna tshogs gzugs brnyan mthong ngo/ /mngon shes byung nas lha'i mig gis mthong ngo/ /'dod chags dang bral bas na sangs rgyas kyi spyan gyis gzigs so/ /byang chub sems dpar gyur nas shes rab kyi mig gis so/ /yang dag par rdzogs par byang chub pa na/ /ye shes kyi mig gis te/ phung po lhag ma dang bral bas so/ /de ltar stong pa nyid mthong ba'i slad du de bzhin gshegs pas mig lnga ste sha'i mig la sogs pa'o/ /sems can gzhan stong pa nyid ma mthong ba la dmus long nyid yin no/ /zhes de kho na nyid bsgoms pa'i nges pa'o/ /de nyid ma yin pa'i sgrub pa ni mngon sum med par rjes dpag de shi ba'i lus dang 'dra ba don dam ma yin pa'i rtog par ri mo la sogs pas bstan par bya'o/ /de ltar lugs ma dang byas pa'i gzugs brnyan sangs rgyas byang chub sems dpa' rnams kyi dkyil 'khor ram bris nas blos smon pa'i rnal 'byor la bsgom pa'i phyir nges pa'i rnam pa can brtan par bya ste rnam rtog tu bsgom pa'i nges pa'o/ /bsnyen pa bdud rtsi lnga sogs dang/ rdo rje bzhin sngags bzlas sogs kyis/ /nye sgrub so sor rtog sogs dang/ /pad rdor las byung bdud rtsis so/ /sgrub pa dga' ba la sogs dang/ /pad+mar ro gcig rdor gsum gyis/ /sgrub chen phra ba'i rnal 'byor dang/ /ma nyams rig ma'i sbyor bas so/ /'dir las dang po pas thogs mar sgrub thabs kyi tshogs bsnyen par bya ste/ /phyi'i bdud rtsi lnga ni bshad pa la sogs pa'o/ /sogs kyi sgras ni sgron ma lnga'o/ /nang gi bdud rtsi lnga ni phung po lnga'o/ /sogs pa'i sgras sgron ma lnga ni dbang po lnga'o/ /de dag la

  445. 222a

    ltos pa med pa ni bsnyen pa ste lus dang nor gyi sred pa yongs su spong pa'o/ /bsnyen pa des lhas mchog sbyin te bshang ba la sogs pa zos pas ma yin no/ /rdo rje bzhi ni lus ngag yid gsum gyi longs spyod pa la ltos pa med pa dang/ nyams pa'i bde ba la ltos pa med pa ste lus ngag yid gsum dang tshangs par spyod pa'i brtul zhugs kyi don to/ /'dis lhas mchog sbyin gyi sred pa'i longs spyod la ltos pas ma yin no/ /sngags bzlas pa la sogs pa la bzlas pa ni srog rtsol te/ sogs pa'i sgras 'phang ba dang dgang ba dang gzhil ba'i sbyor ba ni/ bsnyen pa ste des lhas mchog sbyin gyi srog mnon pas ma yin no/ /zhes nges don to/ /sgrub pa thun mong gis phreng bas bzlas pa la sogs pa ni drang don to/ /nye ba'i sgrub pa ni so sor rtog pa la sogs pa ste/ 'khor ba pa'i zas ni mig la sogs pas gzugs la sogs pa gzung ba'o/ /de nas log pa ni so sor rtog pa ste stong nyid kyi gzugs brnyan la gzhan mig la sogs pas yul gzung ba'o/ /de bzhin du bsam gtan dang srog rtsol dang 'dzin pa'o/ /nges don du rdo rje dang pad+ma las byung ba'i bdud rtsis nye ba'i sgrub pa'o/ /drang don du 'khor gyi lha kun bskyed pa'o sgrub pa bshad de/ dga' ba la sogs pa'o/ /'dir dga' ba la sogs pa rdo rje gsum ni sku gsung thugs kyi thig le ste/ snying dang lte ba gsang ba'i pad+mar ro gcig tu gyur pa'i thig le bsgom pa ni bsgrub pa'o/ /sgrub pa chen po ni nges pa'i don du phra ba'i rnal 'byor ni rtsa dbu ma la gyen du rgyu pa'i sa bon gyis te/ shes rab ma'i sbyor bas ma nyams pa'i bde bas so/ /drang don du shes rab ma'i chos 'byung gi sna'i rtse mor thig le'i sbyor ba la sogs pa'o/ /stong nyid byang chub thog

  446. 222b

    ma ru/ /de nas zla ba thig le 'dzin/ /de las sku ni skyed pa yin/ /dbang po'i byin brlabs rigs drug gis/ /'di ni bsnyen pa thun mong yin/ /nye ba'i bsgrub pa rdo rje bzhis/ /'dir thabs chung sogs rnam pa bzhi/ /bsgrub pa bsgrub chen dag la yang/ /'dir bskyed pa'i rim pas thog mar stong pa nyid las byang chub pa ni sems can rnams la tha mar phung po der ba las phung po gzhan ma blangs pa'i bar du stong pa'i mtshan nyid can srid gsum stong par mthong ba gang yin pa de ni stong pa nyid ces brjod do/ /de'i rjes su zla ba thig le 'dzin pa ni ma'i mngal du kun gzhi rnam shes kyi sa bon gyis thig le bzung ba'o/ /de las sku skyed pa ni zla ba bdun gyis gzugs rdzogs pa'o/ /rigs drug gis mig la sogs pa byin brlabs ni gzugs la sogs pa'i yul la 'jug pa'o/ /'di dang 'dra bar las dang po pas lha'i bsgrub pa la yang rtog pa'i bdag nyid bsgom par bya'o/ /'di ni thun mong gi bsnyen pa'o/ /nye ba'i sgrub pa ni srog rlung yongs su rdzogs pa ste/ rdo rje bzhi ni lus ngag yid ye shes rdo rje rdzogs pas so/ /'dir thabs rnam bzhi ni bsnyen pa dang/ nye ba'i bsgrub pa dag bsgrub pa dang/ sgrub pa chen po ste/ lo bcu drug gi bar du'o/ /'dir chung ngu ni skyes ma thag gi byis pa'o/ /so skyes nas byis pa bar ma'o/ /so 'gog pa na gzhon nu'o/ /so skyes pa nas bcu drug bar dar la pab pa ste bu skyed pa'i phyir ro/ /de ltar lha rnams la yang yan lag bzhi bsgom par bya'o/ /zhes 'jig rten gyi bden pa'i nges pa'o/ /da ni don dam pa'i bden pas sangs rgyas kyi sku bskyed pa brjod do/ /thog mar stong pa nyid byang chub pa ni man ngag la ci yang mi sems pa'o/ /de nas zla ba thig le 'dzin pa ni thig le chen po'i bar du du ba la sogs pa'i mtshan ma 'byung ba'o/ /

  447. 223a

    sku bskyed pa ni thig le de las kun mthong ba'o/ /rigs drug gis ni sgrib pa dang bral ba'i phung po drug gis te/ byin brlabs ni so so'i skye bo'i phung po dang khams dang skye mchod 'gog pa'o/ /de nas chung ngu la sogs pa'i dbye bas thob par 'gyur te sa bcu gnyis kyi dbang phyug gi bar ro/ /de nas bden don rnam pa bcu gnyis don/ /de nyid rnam pa bcu drug rig /rnam pa nyi shus byang chub pa/ /rnam pa sangs rgyas kun rig mchog /ces nges pa'o/ /nam mkha' du ba la sogs lam/ /bsgoms te sna tshogs gzugs kyi bar/ /de nas srog rlung thur ser gnyis/ /rtsa yi 'khor lor brtan par bya/ /rnal 'byor byang sems zla ba ni/ /rA hu la ltar 'gog par bya/ /gang 'dod skye ba 'di nyid du/ /zhag 'ga' zhig gis thob par 'gyur/ /lam gyi rgyal po 'di rim pas bsgom pa'i gdams pa dang po'i sangs rgyas kyi mchog la bcom ldan 'das kyis gsungs pa 'di lta ste/ du ba la sogs bsgoms nas su/ sems ni logs su brtan par bya/ /rtsa dbu ma ni sbyangs nas su/ /ma nyams mchog ni bsgrub par bya/ /pad+mar rdo rje bzhag nas su/ /srog rlung thig ler gnas par bya/ /thig le rnams la 'khor los sgyur/ /rdo rje thig le 'gog par bya/ /rnal 'byor rtag tu rtags 'greng ba/ /rtag tu byang sems gyen du rgyu/ /phyag rgya chen po'i sbyor ba yis/ /rdo rje dbab pas byin brlab pa/ /rgyal chen drug brgya dang bcas pa'i/ /stong phrag nyi shu gcig dang ldan/ /ma nyams bde ba'i skad cig ni/ /tshang bas rdo rje sems dbang 'gyur/ ji srid bcu ni ma skyes par/ /shes rab ma gzhan mi bya'o/ /phyi rol g.yeng ba mi 'byung phyir/ /mtshan ma rnams kyang bsgom pa'o/ /rdo rje sems nyid so sor rtog /bcu ste bsam gtan mi bskyod do/ /srog

  448. 223b

    rtsol don 'grub rnam pa bcu/ /'dzin pa rin chen 'byung ldan yin/ /DoM b+hi la ni rjes su dran/ /'od dpag med de de bzhin no/ /rnam par snang mdzad ting nge 'dzin/ /yul dang yul can bcu po ni/ /'jug pa med pa so sor rtog /lus la shes rab bsam gtan ni/ /rtog pa rnam dpyod dga' ba dang bde ba'i sems ni rtse gcig go /srog rtsol lam gnyis spangs nas su/ /srog rlung dbu mar rgyu ba'o/ /'dzin pa rgyu ba gnyis med par/ /srog rlung thig ler 'jug pa'o/ /rjes dran lus dang nam mkha' du/ /gtum mo'i bar du snang ba 'byung/ /shes rab thabs dang sbyor ba yis/ /ma nyams bde bas ting nge 'dzin/ /so sor rtog gis yul brol zhing/ /byin brlabs pa 'byung sngags kun gyi/ /bsam gtan sbyor bas dag pa ni/ /mngon shes lnga ni thob par 'gyur ro/ /nyi zla dang bral srog rtsol dag /byang chub sems dpa' kun gyis bsngags/ /bdud dang nyon mongs srog bral ba'i/ /stobs bcur 'dzin pa'i stobs kyis 'jug /rjes su dran pas dag pas na/ /ye shes sku las 'od kor 'byung ting 'dzin dag zhag 'ga' zhig gis/ /ye shes sku ni 'grub par 'gyur/ /so sor rtog la sogs pa yis/ /sngags pas don grub ma gyur na/ /nA da goms pa btsan thabs kyis/ /pad+mar rdo rje'i nor bu la/ /thig le 'gog pas bsgrub par bya/ /bsnyen par thig le'i sbyor ba ni/ /'khor lo can gyi kho stangs kyis/ /nam mkha' rnam pa bcu yin no/ /nye ba'i bsgrub pa sbyor drug ni/ /bdud rtsi'i lam du gnas pa yi/ /bgegs mthar byed kyi blta bas so/ /shes rab sbyor byung thig le ni// rdo rje'i nor bur phyin nas su/ /ma nyams gsum 'gyur bsgrub par ro/ /ma nyams bde gcig zhi ba ni/ /lhan skyes ye shes sgrub chen bla/ da ni sbyor ba drug bshad de/ /so sor rtog ni las dang por rdo rje sems dpa' ste ye shes kyi phung po'o//

  449. 224a

    de yang mtshan ma'i dbye bas rnam pa bcu ste/ ngu ba/ smig rgyu/ srin bu me khyer/ mar me/ 'bar ba/ zla ba/ nyi ma/ rA hu la/ glog /thig le/ snang ba'i dbye bas ma brtags pa'i ye shes kyi phung po'o/ /bsam gtan mi bskyong ni rnam pa bcu ste/ rnam shes kyi phung po'o/ /yul dang yul can bcu ni sna tshogs gzugs la gcig tu gyur pa ni bsam gtan no/ /srog rtsol yang bcu ste don yod grub pa 'du byed kyi phung po g.yon dang g.yas kyi dkyil 'khor bcu ni gcig tu gyur pa'i phyir ro/ /'dzin pa rin chen 'byung ldan ni tshor ba'i phung po ste/ srog rlung 'dzin pa ni lte ba/ snying ba/ /mgul pa/ dpral ba/ spyi gtsug gi pad+ma la 'gro ba dang 'ong ba'i dbye bas rnam pa bcu'o/ /DoM b+hi la ni rjes su dran 'od dpag med 'du shes kyi phung po rnam pa bcu'o/ /rjes su dran pa ni DoM b+hi la ste/ rtsa dbu ma la 'dod pa'i gnas skabs bcu'i dbye ba yis so/ /rnam par snang mdzad ting nge 'dzin ni rnam pa bcu ste rlung bcu 'gog pas so/ /de ltar bcom ldan 'das rlung rnams mi rgyu bas rab tu mi gnas pa'i mya ngan las 'das pa'o/ /de ni so sor rtog pa la sogs pa'i mtshan nyid brjod de/ so sor rtog pa ni yul dang yul can bcu'i 'brel pas rnam par shes pa mi 'jug pa ste/ lus la shes rab ni nam mkha' i gzugs brnyan stong pa'i yul rnams su mig la sogs pa lnga gzhan gyis rab tu 'jug pa'o/ /de bzhin du yul de nyid la shes rab ni lta ba'o/ /rtog pa ni dngos por bzung ba'o/ /dpyod pa ni nges pa'o/ /dga' ba ni sna tshogs gzugs la zhen pa'o/ /bde ba mi g.yo ba ni sna tshogs gzugs dang sems gcig tu byed pa'o/ /de ltar gzung ba dang 'dzin pa'i dbye bas bsam gtan ni rnam pa

  450. 224b

    bcu'o/ /srog rtsol lam gnyis spangs nas ni g.yon dang g.yas pa'i lam spangs pa ni 'gags nas lam dbu ma la 'jug pa'o/ /de yang bcu ste dkyil 'khor bcu 'gog pas so/ /thig ler ni dpral bar srog rlung 'jug pa'o/ /rgyu ba gnyis bral ni 'gro 'ong dang bral ba'o/ /'dzin pa ni dpral bar srog rlung 'dzin pa ste/ sems rtse gcig go /gtum mo'i bar du snang ba ni nam mkhar srid pa gsum gyi snang ba rjes su dran pa ste/ rnam pa bcu ni sngar bshad pa nyid do/ /shes rab thabs dang sbyor pa yis ni shes par bya ba dang rnam shes gcig tu gyur pas ye shes kyi gzugs la ma nyams pa'i bde ba'i dbang gis ting nge 'dzin rnam pa bcu ste/ srog rlung la sogs pa rgyu ba med pas so/ /de ltar sbyor ba yan lag drug bsgrub pa'o/ /da ni so sor rtog la sogs pa'i phan yon brjod de/ so sor rtog pas dag par 'gyur ba ni sna tshogs gzugs brtan par gyur na ste/ de'i tshe sngags kun byin gyis brlabs par 'gyur ro/ /smras pa tsam gyis mchog sbyin la sogs pa ster ro/ /mngon shes lnga ni gang gi tshe mig btsum pa med par gyur pa de'i tshe lha'i mig 'byung ngo/ /de ltar bsam gtan gyis dag pas na lha'i rna ba 'ong ngo/ /srog rtsol gyis dag pas ni gang gi tshe nyi ma dang zla ba'i lam dang bral zhing rtag tu dbu mar rgyu ba de'i tshe srog rtsol gyis dag pas byang chub sems dpa' rnams kyis bsngags pa brjod par 'gyur ro/ /'jug pa bdud dang nyon mongs sogs bral ba'i stobs bcur ni stong pa'i gzugs brnyan ni gzung ba yin te/ de la 'dzin pa'i sems 'jug pa ni 'dzin pa'i stobs kyis so/ /srog rlung gi 'gro 'ong zad pas ro gcig tu 'gyur ro/ /rjes su dran pas dag pa ni sems kyis gzugs brnyan 'khyud pa ste/ rnam rtog thams cad dang bral ba nyid do/ /de'i tshe dri ma

  451. 225a

    med pa'i 'ong kor 'byung ngo/ /ba spu rnams las 'od zer lnga yang spro ba'o/ /ye shes sku las ni stod pa nyid kyi sku las so/ /ting nge 'dzin dag pa ni gzung ba dang 'dzin pa'i sems gnyis gcig tu gyur pas ma nyams pa'i bde ba de ni ting nge 'dzin te/ des dag pa ni bral bar gyur pa'o/ /zhag 'ga' zhig gis ni lo gsum dang phyogs gsum gyis 'grub pa'o/ /ye shes sku ni dbang bcu la sogs pa thob pa'i byang chub sems dpar 'gyur ro zhes so sor rtog pa la sogs pa'i nges pa'o/ /da ni btsan thabs kyi sbyor bas bshad de/ so sor rtog pa la sogs pas stong pa'i gzugs brnyan mthong na yang ma nyams pa'i skad cig mi skye na srog rlung mi nan pa'i phyir de'i tshe na nga goms pa btsan thabs kyis srog rlung dbu mar rgyu bar byas la/ /pad+mar rdo rje'i nor bu la byang sems thig le 'gog pas 'jog pa med par ma nyams pa'i skad cig bsgrub par bya'o zhes btsan thabs so/ /nA da la goms pa ni 'dir sgrub thabs kyi le'ur bcom ldan 'das kyis gsungs pa 'di lta ste/ nus pa gang 'gro lte ba las/ /mchog gnas bcu gnyis bcu drug mthar/ lte bar de thim dbyu gu'i tshul/ /glog me lta bu gyen du rgyu/ /dbu mar bskyod pa 'jam zhing rgyu/ /'khor lor gtsug tor bu ga gnas/ /khab bzhin phyi rol pags la reg /de dus thur sel gyen du bskyod/ /rlung gnyis bkag nas gtsug gtor ral/ /gzhan gyi lus la zhugs par 'gyur/ /de ltar rdo rje langs byas nas/ /sems ni gzung 'dzin bral ba'i tshe/ /mkha' la spyod par 'gro ba dang/ /mngon shes lnga ldan sna tshogs yum/ /nga ni stong nyid gzugs brnyan bsgrub bar bya ba'i phyir lta stangs bshad de/ 'dir bsnyen pa ni du ba la sogs pa'i mtshan ma bsgom pa ste/ der dang

  452. 225b

    po'i sbyong ba ni du ba la sogs pa'i mtshan ma sems kyis gzung ba'o/ /de yang rnam pa bcu ste du ba la sogs pa dmigs pa'i ye shes bcu'o/ /de yang gtsug tor 'khor los sgyur ba khro bo'i lta stangs ni mig 'dzums pa med par gyen du blta bos mtshan ma 'byung ste/ mtshan mo'i sbyor ba rnam pa bzhi dang/ nyin mo'i sbyor ba rnam pa drug go /de bas gzugs brnyan gyi bar so sor rtog dang bsam gtan gyis bsnyen pa'i yan lag yin no/ /bdud rtsi'i lam la sogs pa la bgegs mthar byed ni bdud rtsi 'khyil pa ste/ de'i blta ba ni bdud rtsi'i gnas dpral ba ste/ der gtad pas der nye ba'i bsgrub pa la yan lag drug go /gzugs brnyan mthong ba na srog rtsol dang srog rlung 'dzin par bya'o zhes nye bar bsgrub pa'o/ /shes rab sbyor byung thig le ni shes rab ma'i chags pa las byung ba'i thig le rdo rje nor bur gnas pa'o/ /ma nyams pa gsum ni gsang ba dang/ lte ba dang/ snying gar ro/ /de ltar bsgrub pa'i yan lag bya'o/ /ma nyams bde gcig zhi ba ni byang chub sems kyi ma nyams pa'i skad cig ni zhi bar brjod do/ /lhan skyes ye shes sgrub chen ni ma nyams bde ba dang sems lhan cig tu gyur pa nyid bsgrub pa chen po'i yan lag bzhi pa'o/ /sgyu ma lta bu phyag rgya che/ /nam mkhar sems su med sems la/ /me long gzugs brnyan lta bur snang/ /khams gsum kun ni snang bar byed/ /glog ltar 'od zer du ma spro/ /sgyu ma'i sku las tha mi dad/ /yul dang dbang po'i dbye ba med/ /snang ba tsam ste nam mkhar gnas/ /sems su med sems gcig pu yang/ /'gro ba sna tshogs sems la 'khyud/ /rang sems las byung sems snang tsam/ /me long nang gi gzugs brnyan bzhin/ /rnal 'byor kun gyis bsten bya ba/ /sangs rgyas sras bcas kyis bsten byas/ /ye shes me de 'bar

  453. 226a

    ba na/ /phung po la sogs dang bcas pa'i/ /rtog pa'i dra ba sreg par byed/ /rnal 'byor kun la lo gcig gis/ /lhan cig skyes bde thob par byed/ /shes rab 'dzin pa'i sems nyid yin/ /ye shes de yi gzung bya ste/ /snang tsam du ba la sogs bcu/ /phyi yul dang bral 'dzin pa de/ /gzung yul la thim dbang bskur yin/ /de las ma nyams lhan skyes dang/ /mya ngan las 'das bde ba ni/ /bzhi ba dpe med 'jig rten 'das/ /sangs rgyas gsung 'di gang snying la// zhal na yod de bla ma'i mchog /'dir shes rab ni 'dzin pa'i sems yin te/ /de'i snang ba du ba la sogs pa rnam pa bcu gzung bar bya ba pra phab pa dang/ me long gi gzugs brnyan lta bu'i gzung bya ni ye shes so/ /me long la rang gi mig gi gzung brnyan rang gi mig gi gzung bya yin no/ /gzung yul la thim dbang skur yin pa ni gzung cha'i ye shes la 'dzin pa'i shes rab rab tu 'jug pas phyi'i yul la mi 'jug pa ni so sor rtog pa dang/ bsam gtan dang/ srog rtsol dang 'dzin pa kun ni thim par brjod de yan lag drug la'o/ /de las ni thim pa las te ma nyams lhan skyes dang mya ngan las 'das pa'i bde ba ni bzhi ba'i bde ba ste/ byis pa dang dar la bab pa dang/ 'dzag pa'i bde ba mchog 'jig rten gyi dpe las 'das pa khams gsum gyi spyod pa las grol ba'i don to/ /rgod pa dang blta ba dang reg pa dang 'khyud pa dang lag pas bzung ba dang 'khrig pa dang bral ba/ las kyi phyag rgya dang yid kyi phyag rgya'i rgyu las ma byung ba/ stong pa nyid rnam pa thams cad so sor snang ba'i mtshan nyid can no/ /sangs rgyas kyi gsung 'di ye shes kyi thabs yin te slob dpon gang gi snying la gnas pa rang gis myong ba'i phyir zhal la yod pa slob ma rnams la ston pa'i phyir dus rtag tu yod pa de ni bla ma'i

  454. 226b

    mchog ste rdo rje 'dzin pa'i don to/ /dbang po gnyis kyi bde ba rtogs pa gzhan ni ma yin no/ /nam mkhar sems chags mig mi 'dzum/ /rdo rje lam nang zhugs nas ni/ /rnal 'byor kun gyi nam mkha' las/ /du ba la sogs mtshan ma mthong/ /du ba smig rgyu srin me khyer/ /mar me 'bar ba zla nyi ma/ /rA hu la glog thig le snang/ /de nang gzugs brnyan yul med pa/ /longs spyod rdzogs sku du ma snang/ /de ni rang sems kyi snang ba la rab tu 'jug par brjod de/ sngags kyi theg pa dang pha rol tu phyin pa 'dir rnal 'byor bsgom pa gnyis te/ nam mkha' la rnal 'byor bsgom pa dang/ bla gab med par ro/ /nam mkha' la rnal 'byor byed pa ni mtshan mo bu ga med pa'i khang ba ru mun pa nag po la nam mkha' la sems chags pas du ba la sogs pa'i mtshan ma mthong ba'o/ /rdo rje'i lam zhugs ni rtsa dbu mar srog rlung 'jug pa'o/ /mig mi 'dzum pa'i nam mkha' las/ du ba smig rgyu/ srin bu me khyer/ mar me zhes bya ba bzhi mtshan mo'i sbyor bas mthong ngo/ /de nas sbyin med pa'i nam mkha' mthong ste nam mkha' de las nyin mo'i sbyor bas/ /nam mkha' las byung rang 'byung ba/ /shes rab ye shes me po che/ /zhes bya ba sprin med pa'i nam mkha' 'bar bar mthong ngo/ /de ltar 'od chen rnam par snang bar byed/ /ye shes snang ba lam me ba ni zla ba'i snang ba'o/ /'gro ba'i mar me ni nyi ma'o/ /ye shes sgron ni rA hu la'o/ /gzi brjid chen po 'od gsal ba ni glog go /sngags drag mnga' bdag rig sngags rgyal ni thig le'o zhes pa ni mtshan ma bcu'o/ /gsang ba 'dus pa la sogs par mtshan mo'i sbyor bas dang/ mtshan brjod las nyin mo'i sbyor bas bcom ldan 'das kyis gsungs so/ /de nas gsang sngags rgyal po don chen byed ces bya ba bum pa dang ras la sogs pa'i rnam pa thams cad

  455. 227a

    dang ldan pa'i gzugs brnyan mthong ba'o/ /de nang gi ni thig le'i dbus su/ /gzugs brnyan yul med pa de'i dngos po med pas so/ /longs spyod rdzogs sku du ma ni gzugs brnyan gyi sbyor bas rang sgra gang yin pa de pos bar 'gyur ro/ /de ltar rtog pa med cing gzugs kyi snang ba ni sprul pa'i sku'o/ /sgra'i snang ba ni longs spyod rdzogs pa'i sku'o/ /sprin med nam mkha' rnal 'byor gyis/ /mig gnyis brtan pas blta bar bya/ /thig ler dri med 'od 'phro can/ /ri mo phra nag mthong ba'i bar/ /ri mo nag der kun mkhyen sku/ /rnyog med chu la nyi ma ltar/ /rang sems rnam pa kun dang ldan/ /yul med sna tshogs snang bar 'gyur/ /nyin mo'i sbyor ba 'dir sprin med pa'i nam mkha' la rnal 'byor pas mig brtan par blta bar bya ste/ /snga dro dang phyi dror nyi ma la rgyab bstan nas no/ /gzhan du na rab rib 'byung ste des de la gnod pas so/ /zhag re re zhing blta bar bya ste/ thig le'i nang du ri mo nag po skra'i tshad dri med 'od 'phro ba mthong ba'i bar du'o/ /a ba d+hu tIr ri mo nag po de'i nang du kun mkhyen gyi sku ma yin pa'i khams gsum chu la nyi ma ltar mdog sna tshogs rnyog pa med pa/ rang gi sems rnam pa kun dang ldan pa/ yul dang bral ba/ sems gzhan ma yin te/ gzhan gyi sems shes pa med pas so/ /'dir dang por rang sems kyi snang ba 'di rnal 'byor ba'i sha'i mig gis mthong ste/ lha'i mig la sogs pas gzhan gyi sems shes pa mthong/ chos bsdus pa las bcom ldan 'das kyis mig ltar bshad de/ sha'i mig /lha'i mig /sangs rgyas kyi spyan/ shes rab kyi spyan/ ye shes kyi spyan ni goms pa'i stobs kyis 'byung bar 'gyur ro/ /de bas thams cad mkhyen pas ma gzigs pa mi srid do/ /sna

  456. 227b

    tshogs gzugs kyi mtshan ma ni/ /sa yi rnam pa sra ba min/ /chu snang de ni chu min phyir/ /me ltar de min drod med pas/ /rlung nang de min mi g.yo'i phyir/ /mkha' ltar de min mthong phyir ro/ /mdog sna tshogs snang mdog ma yin/ /rnam pa kun ldan yang mi mthong/ /byis pas ma rig mun phyir ro/ /rlung mi 'gog na mtshan ma 'byung bar bshad de/ rang rlung chu yi rlung la thim/ /chu ni me la me rlung la/ /rlung mkhar nam mkhas mtshan ma bcu/ /de yang sna tshogs gzugs brnyan 'gyur/ /de yang ma nyams bde ba'i mchog /rang sgra ye shes sku ru 'gyur/ /ye shes las byung rdzu 'phrul kun/ /sgrub pa skye ba 'di nyid du/ /dbu mar srog rlung 'jug pa dang/ /g.yas g.yon nyi zla'i rgyu ba sdom/ /sems ni sna tshogs sku la chags/ /bde ba mchog gi rdo rje bslang/ /yang na pad+mar rdo rje'i sgra/ /rdo rje gsor ba rang lag gis/ /bde phyir sa bon 'dor mi bya/ /'chi 'jigs 'phrog gi bla ma'i zhal/ /'di ni phyag rgya chen po'i gdams ngag /dang po'i sangs rgyas las kyang gsungs/ /'di kho nas bsgrub par bya/ /bsam du med pa'i snang ba dang/ /du ba la sogs mtshan ma dang/ /shes rab gzugs brnyan mkha' dang mnyam/ /yod dang med pa las 'das pa'i/ /rang sems kyis ni myong ba'i don/ /rdul phra rab kyi tshogs pas ni/ /kun nas yongs su spangs pa yi/ /du ba smig rgyu srin me khyer/ /mar me 'bar ba zla nyi ma/ /rA hu la glog thig le che/ /sna tshogs gzugs brnyan 'od gsal ba/ /btsums dang ma btsums mig dag gis/ /stong par gang ni ma brtags pa/ /gzugs brnyan gang mthong rmi lam ltar/ /da ni rtag tu bsgom par bya/ /bsgom pa'i gzugs brnyan dngos med la/ /rnal 'byor pa yi bsgom ma yin/ /sems ngo dngos po med pa min/ /sku la rtog med mthong phyir ro/ /pra phab ltar ni me long la/ /dngos med las byung gzhon nus mthong/ /'das dang ma 'ongs pa yi

  457. 228a

    chos/ /de nyid rnal 'byor nam mkha' mthong/ /de med pas ni dngos po min/ /dngos po stong pa'i don mthong phyir/ /dngos po med las don yod ni/ /sgyu ma'i dra ba rmi lam bzhin/ /chos can med pa'i chos kyi 'dir/ /skye bar 'dir ni rab tu bstan/ /mdza' yas sems tshim pa'i yid bzhin nor bu ji bzhin no/ /sngar ma mthong ba'i gzhon nu mas/ /pra phab pas ni rkun po mthong/ /phyogs gcig gi ni mig dag gis/ /sgrub pa bos ni phyin na mthong/ /gal te yod pa'i gzugs mthong na/ /rang gi gdong pa cis mi mthong/ /gal te med pa'i gzugs mthong na/ /ci ste ri bong rwa mi mthong/ /gzhan gyi mig gis mi mthong la/ /rang gi mig gis kyang mi mthong/ /ji ltar gzhon nu ma yi bu/ /ma skyes pa yang mthong 'gyur ro/ /gsang 'dus kyi rgyud phyi ma las kyang/ /so sor sdud dang bsam gtan dang/ /srog rtsol de bzhin 'dzin pa dang/ /rjes su dran dang ting nge 'dzin/ /sbyor ba yan lag drug tu 'dod/ /'dir so sor sdud ni phyi'i gzugs la sogs pa la mig la sogs pa'i mig gi rnam par shes pa la sogs pa mi 'jug par nang gi yul rnams la lha'i mig la sogs pa'i lha'i mig gi rnam par shes pa la sogs pa rab tu 'jug pa ste/ nang gi stong pa nyid la dmigs pas pra phab pa'i gzhon nu mas mthong ba ltar stong pa la ma brtags pa'i dngos po thams cad mthong ba ni so sor rtog par brjod de/ khams gsum gyi sku mthong ba'i phyir ro/ /bsam gtan ni chos thams cad stong par mthong ba ste/ shes rab ni de dag la sems rab tu 'jug pa'o/ /rtog pa ni sems kyi dngos po gzung ba'o/ /dpyod pa ni dngos po so sor rtog pa'o/ /dga' ba ni dngos po thams cad la sems gnas pa'o/ /mi g.yo ba'i bde ba ni dngos po thams cad las bde ba phun sum tshogs pa'o/ /de ltar bsam

  458. 228b

    gtan yan lag lnga ldan no/ /de nas srog rtsol ni brkyang ma dang ro ma g.yon pa dang g.yas pa'i lam 'gags te/ A ba d+hU tI dbu ma'i lam la srog rlung rtag tu 'jug pa ste/ dgang ba dang/ bum pa can dang/ 'phang pa'i sbyor bas dbu ma la oM yig gis 'gog pa dang/ A:yig gis phyir mi 'byung ba ste/ zla ba dang/ rA hu la dang/ nyi ma'i tshul gyis rnal 'byor gyis byed do/ /de nas 'dzin pa ni srog gi sa dang chu dang me dang rlung gi dkyil 'khor lte ba dang snying ga dang mgul pa dang dpral bar 'jug cing phyi rol du mi 'byung zhing/ thig ler srog rlung 'jug pa ni 'dzin pa'i yan lag tu brjod do/ /rjes su dran pa ni rang gi yi dam gyi lha'i gzugs brnyan rtog pa med par mthong ba dang/ de las 'od zer rnam pa sna tshogs pa'i 'od kor dang/ khams gsum gyi spro ba rnam pa du ma ni rjes su dran par brjod do/ /de nas ting nge 'dzin ni yi dam gyi lha la rjes su chags pas ma nyams pa'i bde ba gang yin pa de dang sems gcig tu gyur cing gzung 'dzin dang bral ba ting nge 'dzin du brjod do/ /bsnyen pa'i dus su nam mkha' chos 'byung la sems kyi rdo rje rab tu bzhag la so sor rtog gis bsgoms te/ bsam gtan gyis brtan par bya'o/ /de la bcom ldan 'das kyis dam bcas pa/ bsam pa thams cad yongs spangs nas/ gang zhig yongs su brtag par bya/ gal te yid ches ma byung na/ /de tshe de tshig bdag gi brdzun zhes bya'o/ /'dir yid ches pa ni du ba la sogs pa'i mtshan ma yin te/ sngags la sogs pa gzhan ni nyin gcig gis mi 'grub pas ci ste yid ches par 'gyur/ de bas the tshom ma byas par blo rten med par byas la stong pa nyid zab mo la dmigs pa med pa'i ye shes 'byung ngo/ /khyi sogs ba la sha yi mig /lha yi mig ni lha sogs la/ /rang sangs rgyas dang nyan thos la/ /sangs rgyas spyan ni gsum pa 'byung/ /byang sems la ni

  459. 229a

    shes rab spyan/ /sgrib pa med cing kun tu gzigs/ /ye shes spyan ni sangs rgyas la/ /dang po'i mtshan ma ni du ba la sogs pa sna tshogs kyi gzugs rdzogs pas ma nyams pa'i skad cig thob pa'o/ /mtshan ma bar ma ni ma nyams pa'i skad cig brgya phrag bco brgyad kyis sa dang po thob pa dang/ mngon shes lnga dang ma mthong ba'i don mthong ba dang/ 'jig rten gyi grub pa thob pa'o/ /tha ma'i mtshan ma ni ma nyams pa'i skad cig stong phrag nyi shu gcig dang/ drug brgyas sa bcu gnyis thob pas sangs rgyas nyid rdo rje 'dzin pa phyag rgya chen po 'grub po zhes bya ba thog ma'i dang po'i sangs rgyas kyi rgyud la sogs par gsungs pa sbyor ba yan lag drug pa rdzogs so// //grub pa thob pa'i paN+Di ta chen po sh+rI a nu pA ma rak+Shi ta pA da naM gis mdzad pa rdzogs so// //la stod ding ri'i glang skor mkhan pa khrod du/ rgya gar shar phyogs dza ga b+ha la'i paN+Di ta chen po bi b+hU ti tsan+d+ra dang/ gnyal gyi lo tsa ba mi mnyam bzang pos bsgyur ba'o// (//sbyor ba yan lag drug gi 'grel pa paN+Di ta chen po nyi ma dpal ye shes kyis mdzad pa bzhugs so//) //*/ /rgya gar skad du/ Sha Dang+ga yo gi TI kA/ bod skad du/ sbyor ba yan lag drug pa'i 'grel pa/ dpal dus kyi 'khor lo la phyag 'tshal lo/ /dus kyi 'khor lo'i dbang phyug dang/ yon tan che ba'i bla ma la/ /btud de sbyor ba drug pa yi/ /yon tan rdzogs byed 'grel pa brtsam/ /'dir phyi nang gi rim pa la sbyangs pa'i thugs dang ldan pa'i slob dpon dpe med 'tsho dmigs med pa'i de kho na nyid bsgom zhing/ /dpal kha sarba na'i drung du lo bcu gnyis bzhugs kyang rtogs pa'i khyad par ma thob pas yi chad nas gnyid du song ba la rdo rje rnal

  460. 229b

    'byor mas gsung byung te/ bi kra ma bu rar song zhig der khyod la rtogs pa'i khyad par 'byung bar 'gyur zhes so/ /nges de'i bka' spyi bor bzhag nas/ slob ma tshong dpon gyi bu paN+Di ta chen po dpal 'dzin dang bi krim pu rar gshegs/ der dus bzang por dge sbyor la gzhugs pa la nam phyed la a ba d+hU ti'i tshul gyis rdo rje 'chang gis dngos su gdams/ de'i gdams pa thob pa tsam gyis ting nge 'dzin la snyoms par zhugs so/ /de nas bcom ldan 'das de nyid du mi snang bar 'gyur/ nang langs pa dang de'ang ting nge 'dzin las langs nas bdag nyid chen po bla ma de'i grogs mdzad pa'i dpal 'dzin la gdams pa gnang ngo/ /des kyang thugs rje dang skal par ldan par dgongs pa la paN+Di ta chen po 'ong byed lha la gnang/ /des kyang paN+Di ta chen po rgyal po'i bla ma snyigs ma'i dus kyi thams cad mkhyen pa chos kyi 'byung gnas zhi ba la bshad/ /nges kyang brjod du med pa'i yon tan gyi 'byung gnas gyi bla ma mnyes par byed pa la btson pa nyi ma dpal bdag gi de kho na nyid thob pa'o/ /'di ni bla ma'i brgyud pa'o/ /de ltar slob mas gsol ba btab pa'i dbang gis slob dpon dpe med 'tsho des rdo rje 'dzin pa'i sa'i go 'phang thob pa'i rgyu sbyor ba yan lag drug par byed par 'dod pas rang gi yi dam la bstod par byed pa'i bsgo nas yan lag drug pa brjod de/ sgrib pa la sogs pa'o/ /de kho na nyid la bsgribs pas sgrib pa nyid kho na sprin gyi tshogs te de dang bral bas grangs ma lus pa rtogs pa dang/ dbugs rlung 'gags pas mthar gyur pa'i bar snang la 'char ba spyan ras gzigs ni sangs rgyas te de kho na gang ba'i zla ba yin pas skye bo rnams dga' bar byed pas mdzes pa'o/ /nges don ni gzung 'dzin gyi sgro btags pa dang bral ba ste/ 'dis so sor rtog pa dang bsam gtan gyi yan lag bshad do/ /grangs ma lus pa'i rtog pa ni bag chags dang

  461. 230a

    bcas pa'i sems kyi skad cig stong phrag brgyad cu rtsa bzhi'i mtshan nyid can dang/ 'byung ba dang/ rngub pa'i rlung 'gags pa'i bar snang du rnam pa thams cad du mthong ba'i sna tshogs gzugs 'dis srog rtsol dang 'dzin pa dang rjes su dran pa bshad de/ 'char ba'i gtum mo la reg pas bde ba chen po'i 'khor lo las so/ /sangs rgyas thams cad kyis spyi gtsug dang rdo rje'i rtse mos 'dzin pas 'jig rten dbang phyug dga' ba bcu drug gis gang ba'i zla ba de lta bur mdzes pa'o/ /'dis ting nge 'dzin gyi yan lag bshad do/ /da ni yan lag drug pa'i bya ba 'gal tshabs can du bshad de/ srid zhi la sogs pa'o/ /srid pa ni skye ba dang 'chi ba'i rgyun kun rdzob dang/ zhi ba'i don dam pa'i bden pa ste/ de gnyis kyis dmigs pa dang bral yang de gnyis las tha mi dad pas zung du 'jug pa'o/ /khams gsum la khyab pas khyab byed/ stong pa shin tu stong pa/ stong nyid chen po/ thams cad stong pas stong pa'o/ /me long gi gzugs brnyan lta bu'i rnam pa thams cad ldan pa'o/ /rtog pa med pa'i ye shes mthar thug gi gnas skabs pa ste de'i dbang phyug bcu gnyis pa'o rab tu mi gnas ni dmigs pa la mi chags pas so/ /g.yo med ni ma nyams pas so/ /gnyis dang bral bas rtog med/ mkhas pa ni rtog med kyi ye shes rtogs pa la 'dod pa'i yon tan lnga'i bde ba ma nyams pa ston pa'o/ /sems min ni rtog pa 'gags pa'i sems so/ /de las 'char ba/ 'gro bas bsten par bya bas mgon te/ des 'gro ba dag gi sems byin gyis rlob par smon pa'o/ /yod pa'i yon tan brjod pa sngon du 'gro bas bla ma la phyag 'tshal pa bshad do/ /yod rtog la sogs pa'o/ /cung zad kyang yod par rtog na rtag pa'i mthar 'gyur te/ de yang ma brtags par dor na chang ba'i

  462. 230b

    mdza' ste bskal pa du mar mnar med du sdug bsngal myong ba'i rgyu'o/ /de ltar dam pa'i lam gsubs bar gyur ba la dpal ldan bla ma gang gis sems las 'das pa sems ma yin pa'i sems kyi rang bzhin stong yang sdug bsngal la sogs pa'i rnam pa thams cad dang ldan pa/ /nam mkha' i gzugs brnyan ni sna tshogs pa'i gzugs slob ma dam pa la ston par byed pa'i bla ma de la rab tu dga' bar byed pas lus ngag yid kyi sgo nas phyag 'tshal lo/ /'o na bla ma'i drin kho nas lam dam pa thob na de rang la bsngags pas chog gi yan lag drug pa brjod pas ci bya zhe na/ smras pa/ de lta la sogs pa'o/ /ji lta ba'i lam ston pa po'i bla ma'i yon tan brjod pa ni rang gis rtogs pa brjod pa kho na ste/ gang gis phyir 'bar ba'i me med na du ba 'byung pa gsal bar mthong ba mi srid pa bzhin no/ /'o na nga rgyal zhi ba'i rgyu de kho na nyid kyis lam rtogs pa nyid la bdag de kho na nyid rig pa'o zhes nga rgyal mi rigs she na/ smras pa/ rtogs brjod la sogs pa'o/ /bdag gi rtogs pa'i nga rgyal 'di skyon du mi 'gyur te gang gi phyir thar pa 'dod pa rnams 'jug par byed pas gzhan don gyi rgyu/ /rnyed pa la sogs pa'i phyir ni ma yin no/ /gang gi phyir ston pa ma nges pa'i dngos po la 'dod pa'i don bsgrub pa'i phyir skye bo rnams mi 'jug pa'o/ /da ni rgyud kyi byung tshul bshad do/ /so so'i skye bos byas pa'i 'grel bas rgyud kun gyi drang don rtogs pas khengs pa'i sngags pa rnams kun rdzob dang don dam pa'i dbye ba mi shes bas lam la 'khrul ba/ /gzugs kyi phung po ni rnam par snang mdzad yin zhes pa la sogs pas 'jug pa rnam par mdzad kyi tshig gis gzugs kyi phung po stong par bstan pas gzugs bkag par mi rtogs pa de rtogs par bya ba'i phyir dpal rdo rje 'chang gis bkas byang chub sems dpa' chen po

  463. 231a

    'jam dpal gyi sprul pa shaM b+ha pa la'i rgyal po'i bka' bsdud pa'i sgo nas dus kyi 'khor lo'i rgyud phyi ma gsungs/ 'dis ston pa po dang/ bka' bsdud pa po dang/ don gyi zhu ba po phyag na rdo rje'i sprul pa rgyal po zla bzangs yin pas rgyud kyi che ba brjod do/ /rgyud gang la 'jig rten dbang phyug gi sprul pa pad+ma dkar pos don thams cad gsal bar byed pa'i dri ma med pa'i 'od ces bya ba'i 'grel pa mdzad/ de gsal bar byas pa sangs rgyas rin po che'i thugs dam pa'i lam gyi gdams pa bsod nams bsags pa rnams kyis bla ma la thob nas nges don bsdud rtsi ston pas dga' ba bzhi'i bdud rtsis srid pa'i dug sel cing/ ma nyams pa'i bde bas rol pa 'dis bshad pa po'i che ba brjod do/ /slar yang rgyud kyi rgyal po'i sngags pa brjod de/ gang du la sogs pa'o/ /shes bya'i tshogs thams cad phyi nang gi rig pa gnas kyi brten la/ /dang po sangs rgyas las ma gsungs pa gang yin de ni med do zhes gsungs pa'i phyir ro/ /rgyud kyi rgyal po gang la sangs rgyas bcom ldan 'das la thams cad mkhyen pa zhes mtshan don dang ldan par bstan/ yang de kho na nyid rin po che'i 'byung gnas gang la dbang phyug la sogs pa'i tshig snying po med pas rtsa dang 'dra'o/ /shes rab kyi pha rol tu phyin pa chos stong pa rtogs pas nam mkha' las byung ba ni sna tshogs gzugs las byung ba'i sangs rgyas kyi yum gyis skye bar 'gyur ba ni rtogs pa'i tshogs ma lus pa slar mi 'byung ba'i tshul du 'joms par mdzad do/ / da ni du ba la sogs pa'i mtshan ma skye ba'i rgyu yan lag drug pa'i rten bla ma'i gdams pa bshad de/ gang du la sogs pa'o/ /rgyud gang la dri ma ste sprin la sogs pa med pa'i nam mkha' i bar snang la dmigs pas mig phyed brtan bar

  464. 231b

    gtad pa na snying rjes brnyan pa rtog pa dang bral ba'i sems las mu bzhi dang bral ba la sogs pa'i rtags 'byung ngo/ /mun pa gnag pa la ci yang bsam par mi bya'o/ /zhes pa ni gdams pa'o/ /gzhan du yang/ yid kyi rtsa ba phyung byas te/ /stong pa nyid la goms byas na/ /ma rig rab rib kyis ldongs pa'i/ /mig sman 'di las gzhan ci yod ces so/ /sa ra ha pas kyang/ /chos kun mkha' dang mnyam byas shing/ /nam mkha' mnyam par sems bzung nas/ /sems de sems ma yin byas na/ /des ni bla med byang chub 'thob/ /ces gsungs so/ /da ni rdzogs pa'i rim pa gsal bar byed pa ni kun rdzob dang don dam ro gcig par ston pa'o/ /dus kyi 'khor lo'i ye shes kyi le'u tshigs su bcad pa brgya dang nyi shu rtsa drug gi rjes la nyams med la sogs pa'o/ /nyams pa med pa'i lhan cig skyes pa'i sku'i A li dang kA li pad+ma dang zla ba nyi ma'i gdan hUM yig yongs su gyur pa las phyag mtshan las byung ba'i gzugs dang phyag mtshan dang dbyibs su rtog pa'i chos 'gogs pas bcom ldan 'das ma nyams pa'i ye shes kyi sgrub pa brjod de/ a li ni a la sogs te dbyangs kyi tshogs zla ba'o/ /kA li ni ka la sogs pa gsal byed kyi tshogs nyi ma'o/ /de gnyis gcig tu gyur pa'i gdan dang/ paM las pad+ma dang/ aM las zla ba/ raM las nyi ma/ ma nyams pa'i ye shes dang ldan pa'i rdo rje 'chang gi gdan ma yin no/ /hUM las byung ba'i rdo rje yongs su gyur pa las lha'i sku rten pa mi 'dod do/ /mngon par zhen pa'i mtshan nyid can yin pas nyams pa'i phyir ro// ma nyams pa'i bde ba skyed cing nyams pa 'joms pas tha mal pas brtags pa'i a la sogs pa'i yi ge dang bral ba lha'i dbang po dang ldan pa'i 'o/ /de bas na la sogs go sla'o/ /chos kyi dbyings ni mkha' la sna tshogs gzugs

  465. 232a

    rnam pa thams cad dang ldan pa'i stong pa'i me long la pra phab ba ni sgrub pa pos bsams pa bzhin no/ /der med pa'i chom kun la sogs pa gzhon nu mas mthong bzhin du rtog pa med par ma skyes pa'i chos mthong ba'o/ / byis pas brtags pas phyi rol gyi dngos po med pas mig yod na rmi lam lta bur snang bas so/ /bem po med pas rdul phra rab med pa'o/ /rgyan pan pa'i lugs la ma zhugs pas chad pa'i stong nyid ring du byas pa'o/ /nang gi bde ba rang nyid kyi rig pa la chags pas so/ /las kyi phyag rgya mi bsten pas phyi'i la sogs pas so/ /man ngag ni 'chang par 'gyur bas so/ /rgyal ba la sogs pa ni lam ma thob pas bsdu na gzhi/ phye na bcu drug 'chang bar 'gyur ba ni rtog pa'i lam gyis mi 'thob bo/ /hUM phaT la sogs pa ni sogs pa'i sgras phyag rgya la sogs pa dang bskyed pa'i rim la ma du zhugs pa ste/ de de las 'das pa rdzogs pa'i rim pa ni nam mkha' la bsgoms pas rtogs par bya ba de'i rim pa ni du ba la sogs pa'i sbyor ba de kho na nyid kyi rgyu yin gyi pad+ma la sogs pa'i rtog pa gzhan ma yin no/ /byang chub gyi sems mthong ba'i thabs bshad de/ me ni la sogs pa'o/ /rten med pa lta zhog gi shing la yang sta re la sogs pas gcod pa dang sog las gshags kyang mi mthong la gtsub shing la sogs pa'i sbyor bas mthong ba ltar de bzhin du rnam rtog yang dang yang du goms pas sems kyi snang tshul mi mthong gi 'on kyang ro ma dang rkyang ma dbu ma gnyis su med pa'i sbyor bas rang sems de nyid du snang bar 'gyur/ /don dam bsnyen pa las de bshad pa/ shing las me byung chu shel pas/ zhos las mar dang rdo las gser sogs ltar/ /bud med bsten pas ma nyams bde ba ni/ /de thabs sbyor bas skal ldan

  466. 232b

    gyis gzungs bya/ /khyod kyi sems la cung zad bsags pa min/ /bzhag bya med la 'phel zhing 'grib pa med/ /rang gi sems la sems nyid snang ba tsam/ /dper na khams gsum chu la nyi ma bzhin/ /zhes so/ /sems gcig pu nyid shes rab kyi gzugs brnyan la du mar 'gyur zhes dgongs pa'o/ /de nyid bshad de/ du ba la sogs pa'o/ /du ba nyid thog mar gang gi yin pa de ni smig rgyu la sogs pa'o/ /rtags ni yid ches pa'o/ /srog rtsol ni bum pa can de gong dang 'og tu rtsa gsum 'gog pa'i bdag nyid can no/ /dbu mar rgyu ba ni sems kyi rtsa la srog rlung zhugs nas rgyu ba'o/ /rig ma'i brtul zhugs ni rig ma gtso bor byas pa tshangs par spyod pa'o/ /ma nyams pa ni 'greng pa'o/ /gyen du rgyu ba ni nor bu dang pad+ma la sogs te lam 'dis ni du ba la sogs pa la yan lag drug pa'i mtshan nyid can gyis so/ /sangs rgyas thams cad kyi dbang po dang bral ba'i bde ba ni ma nyams pa'i mchog yin no/ /pho nya kun ni rtsa stong phrag bdun cu rtsa gnyis 'gog pa'i rang bzhin nam mkha' 'gro ma rnams kyi lhan skyes so/ /gzugs la sogs pa ni gzugs la sogs pa la gzugs bsgoms pa ni las kyi phyag rgya'o/ /sogs pa'i sgras yid kyi phyag rgya'o/ /dkyil 'khor ni rten yin la/ /'khor lo ni brten pa lha'i tshogs so/ /sogs pa'i sgras sngags dang phyag rgya'o/ /de dag bsgoms pas 'jig rten ni khams gsum ste de'i grub pa ni 'og min gyi bar gyi dbang phyug grub kyi phyag rgya chen po grub pa 'jig rten las 'das pa gang la grub/ 'o na lam gyi gdams pa 'di thams cad la 'byung ngam ma yin te 'on kyang sems can la sogs pa'o/ /lam 'di bla ma dam pa'i drin gyis dbang la sogs pas tha mal pa'i nga rgyal gyi dri ma dag pas rnam par dag pa'i slob ma la skye ba'o/ /phyag rgya

  467. 233a

    chen po'i thig le las de gsungs pa/ ji ltar dug ni sngags sogs kyis/ /sbyangs pa yis ni bcud len 'gyur/ /de ltar dbang la sogs pa yis/ /ma dag slob ma dag par 'gyur/ /zhes so/ /gang gi sems can snying rje gzhan don dang rtag tu dge ba la brtson pa'o/ /da ni lam thob na'ang bag med pas de dang 'bral ba'i rgyu bshad de/ /lam mchog la sogs pa'o/ /sangs rgyas nyid dka' tshogs med par gang gis thob pa de ni lam ste/ de nyid dga' ba 'phel bar byed pas rin po che/ rnyed par dga' ba dang 'dod pa'i don phun sum tshogs pa ster bas yid bzhin nor bu lta bu'o/ /bag med ni phan pa dang bde ba la ltos pa med pa/ 'khor bar ris drug tu 'khyam pa/ /snying rje la sogs pa'i yon tan dang bral ba/ /gzhan la phan pa dang bde ba la ma brtson pa la 'byin na rang gi khyim ni chung ma ste de nyid nag yin te/ ma rungs pa'i sems can gyi rten yin pas so/ /der 'di la dbang po rnams chags pas yul te/ gzugs la sogs pa phyi'i yul longs spyod de ni dman pa ste lam gyi mi mthun phyogs yin pa dang/ rmongs pas bsten pa'o/ /de nyid chom kun te dag gis phrogs par 'gyur/ /'di dag 'ba' zhig gis ma yin gyi 'on kyang bla ma dang lus dang rang nyid yid ches pa'i lam rin po che la the tshom dang le lo ni dge ba la mi spro ba'o/ /gnyis ni lus dang yid las su mi rung ba'o/ /'phyong ba ni las dman bdag gis byas pas lam mngon sum bdag gis bya bar mi nus so zhes bya ba'i rnam pa can no/ /choms kun 'di dag gis nye du ni bu dang chung ma la sogs pa de nyid nags de der zhugs pa'i grol lam mchog ni 'phrog par 'gyur ro/ /ting nge 'dzin gyi sgrib pa 'di dag 'ba' zhig pa ma

  468. 233b

    yin gyi/ 'on kyang srog gcod pa dang ma byin par len pa dang/ rdzun du smra ba dang/ phra ma dang/ tshig rtsub po dang/ 'dod pa log par g.yem pa dang/ ngag 'khyal pa dang/ brnab sems dang/ gnod sems dang/ log lta ste 'di dag gis kyang lam rin po che 'phrog par 'gyur ro/ /de dag 'ba' zhig gis ma yin gyi 'on kyang bza' btung shin du tshad med pas kyang 'phrog ste de la bza' ba ni sha la sogs pa'o/ /btung ba ni chang la sogs pa'o/ /shin tu ni rgyal ba'i chos kyis so/ /longs spyod ni phreng ba tsan dan bud med la sogs pa sna tshogs pa'o/ /des brtson 'grus dang ldan pa'i yid 'phrog na brtson 'grus med pa'i lta ci zhig dgos/ /bag med ni grogs ngan pa dang 'grogs pa la sogs te/ des brgyal ba bzhin no/ /lam rin chen brtag pa bshad de/ rin chen la sogs pa'o/ /rang gis rin chen yin min mi shes pas gzhan sdig can mi mkhas pa la rin chen yin nam ma yin zhes ston na/ des ma yin zhes smras/ de'i tshig gi skal ba med pas de 'dor bar byed do/ /des sdig pa'i grogs dang 'grogs pa'i skyon bshad do/ /'o na rang gis brtag pa mi shes pa lam rin chen ji ltar shes she na smras pa/ rin chen la sogs pa'o/ /rin chen brtag dpyad mkhas pa kho na la bstan par bya ste de'i mi slu ba'i tshig gis rin thang med par shes par bya'o/ /des dge ba'i bshes gnyen bsten pa bshad do/ /lam la zhugs pa la bdud byung na spang bar bshad do/ /pha la sogs pa'o/ /bdud sdig can sangs rgyas la sogs pa'i gzugs kyis bar chad byed de 'dis 'tshang rgya ba'i lam yin zhes bya ba la sogs pa bdud kyi las kyi le'u las bshad pa bzhin no/ /nye bar bsdus shing bshad de/ chom kun la sogs pa'o/ /gang gi phyir lam 'phrog pa yod pa de

  469. 234a

    nye du dang the tshom la sogs pa spangs nas 'bad de bla mas gnang ba'i lam rin po che shin tu gsang bar bya/ /thar pa thob pa'i lam gzhan yang yod ce na/ smras pa/ bdag la sogs pa'o/ /bdag byin gyis brlab pa'i rim ni zhi ba'i lha la dmigs pa'o/ /dpa' bo'i rim pa ni drag po'i lha la dmigs pa'o/ /de ni thar slad du sangs rgyas kyis bstan pa ma yin gyis 'on kyang shin tu rnam par dag pa'i rim pa nyid rdzogs pa'i rim pa 'ba' zhig pa'o/ /de cis shes she na/ smras pa/ gang gis la sogs pa'o/ /rgyu mtshan gang gis pha dang/ ma dang/ dgra bcom bsad pa dang/ dge 'dun gyi dbyen dang/ de bzhin gshegs pa ngan sems kyi khrag 'byin pa ste mtshams ? lnga byas pa rnams kyang bde bas 'bad rtsol med par rnam dag gi rim pa dbang gi don gyis bsdus par byas pa las gzhan du na mtshams med pa byas pa rnams dpa' bo'i rim pas drag po'i las las ldog par mi 'gyur ro/ / bdag byin gyis brlabs bas kyang 'khor ba'i bde ba las thar pa mi thob bo/ /'o na rim pa gnyis po 'di lam ma yin na bcom ldan 'das kyis ci ste gsungs she na/ smras pa/ dpa' bo zhes bya ba la sogs pa'o/ /dpa' bo'i rim pa ni phyi rol du ma yin gyi gang gi phyir lus la srog rlung zad par byed pa 'di yin no/ /bdag byin gyis brlab pa ni rang sems kyi snang ba ste/ de yang nam mkha' la khams gsum gyi snang ba'o/ /bdag byin gyis brlab pa ni rang gi sems kyi snang ba ste/ khams gsum gyi snang ba yin pa byung nas de mi ldog pas 'khor ba mi ldog par mi 'gyur ro/ /ji ltar sangs rgyas she na/ smras pa/ 'khor ba la sogs pa'o/ /khams gsum snying po med pa rdzun pa zad pa'i rjes su sangs rgyas

  470. 234b

    thams cad mkhyen pa la sogs pa'i yon tan can 'bras bu 'byung ngo/ /dper na chu shing snying po med pa la 'bras bu smin pa ni de zas nas 'byung ba bzhin no/ /'o na sgyu ma ltar snang ba 'di ma rig pa yin pas de las byung ba'i byang chub kyis gnas ji ltar 'tshang rgya ba'i rgyu yin zhe na/ smras pa/ rta bla mo la sogs pa'o/ /rta bla mo dang sdig srin la sogs rnams ni ma gang las skyes pa de gsod par byed/ de ltar thabs dang shes rab rnal 'byor gyi sems de'ang bzhi pa kun rdzob kyi gang las byung ba des rgyu ma de gsod par byed/ rnal 'byor gyi sems 'di'i ma nyams tshul gyis dbye ba bzhi dang bcu drug bshad de/ gnyis med la sogs pa'o/ /gnyis ni 'khor ba dang mya ngan las 'das pa de gang la med pa'o/ /nor bu dang pad+ma las mi g.yo bas mi g.yo ba'o/ /thabs sam shes rab gyi rgyu med pas rgyu med do/ /bla na med pa'i bde ba ster bas yi dam ste rnal 'byor bzhi pa'o/ /dbugs nyi khri chig stong drug brgya 'gog bas ma nyams so/ /chags pa dang bral ba'i bar du gnas pas chags pa chen po'o/ /rnam pa dang bcas pa dang rnam pa med pa las grol bas dngos po dang dngos min ma yin pa'o/ /shes bya ma lus pa mthong bas ye shes de rnal 'byor gsum pa'o/ /'gro ba dga' bar byed pa sngon du 'gro ba sems can gyi don la zhen pas sems dpa' o/ /thog mdza' bar du dge bas kun du bzang po'o/ /bdud dang nyon mongs pa la rtog pa spangs pas phyi nang du brjod pa'i sgra med pas sgra med do/ /rang sgra'i rang bzhin med pas sgra chen de rnal 'byor gnyis pa'o/ /mnga' las skye ba spangs pas lhan skyes so/ /sku bzhi'i sgrib pa zad pas byang chub sems kyi thig le 'dzin no/ /stong nyid dang snying rje tha mi dad pas dpal dus kyi 'khor lo'i rdo rje/

  471. 235a

    tshul khrims kyi tshogs rdzogs pas thabs dang shes rab dang ldan pa'i rnal 'byor te rnal 'byor dang po'o/ /bsten pa'i phyir bla ma'i mtshan nyid bshad de/ de ltar la sogs pa'o/ /rdo rje'i theg pa la 'jug pa ma nyams pa'i ye shes bsgoms pas de kho na nyid bsgom pa/ byang sems bsrung bas dam tshig dang ldan pa/ 'dod chags la sogs med pas rnyog ma med pa bu dang chung ma dang rang lus la sogs pa ltos pa med pas 'dod pa med pa/ bzod pa dang ldan pa'i sangs rgyas pa'i lam la gnas pa'i bla ma mnyes par byas pa/ dmyal ba'i 'jigs pa las skyob pa'i lam ston pa/ ma nyams pa'i bde ba thob pas de nyid du tshangs par spyod pa/ bdud bzhi 'joms par byed pa'i bla ma de ni rdo rje 'dzin pas byin gyis brlabs pas de'i sprul pa yin pas rdo rje sems dpa' yin no/ /da ni 'jig rten dang 'jig rten las 'das pa bsgrub pa'i phyir lha'i dmigs pa bshad de/ lha'i la sogs pa'o/ /de nyid kyi sbyor ba ni sna tshogs gzugs sgom pa'i sbyor bas so/ /skar ma'i 'khor lo/ /bzhin ni nor bu sngon po zla ba'i dkyil 'khor gyi rnam pa can thig le'i nang du mdza' yas pa'i sangs rgyas kyi longs spyod rdzogs pa'i sku mthong ba sngon du 'gro ba dpag tshad brgyar ring ba'i dngos po mthang ba'i sha'i mig gi khams gsum gyi bum pa la sogs pa mthong ba dang/ sangs rgyas kyi spyan dang/ gzhan sems rig pa dang/ chos thams cad mi rtog pa'i mtshan nyid can shes rab kyi spyan dang ye shes kyi spyan kyis dngos po thams cad rnam pa thams cad du mthong ba'o/ /tha mal pa gzhan gyis sa la sogs pa la byas pa dang/ ra gan la sogs pa la blugs pa/ spro pa la sogs pa med pas

  472. 235b

    shi ba'i ro ltar mthong ngo/ /bdud rtsi lnga ni bshang ba dang/ gci ba dang/ rkang mar dang/ khrag dang/ sa bon no/ /sogs pa'i sgras sgron ma lnga ste ba lang dang/ khyi dang/ glang po che dang/ rta dang/ mi'i sha'o/ /nang gi bdud rtsi lnga ni phung po lnga ste sgron ma lnga ni dbang po lnga'o/ /de la ltos pa med pa'o/ /zas ni mngon par phyogs pa ste/ tha mal pa'i gzugs la sogs pa mngon du phyogs pa las log pa ni so sor rtogs pa'o/ /gzugs la sogs pa gzhan ni rdul phran ma yin pas 'jig rten las 'das pa'i gzugs la sogs pa'o/ /rdo rje'i pad+ma ni spyi gtsug gi pad+ma ste der 'char ba ste/ bdud rtsis ni ma nyams pa'i byang chub kyi sems so/ /zla ba bdun gyis ni nye bar mtshon pas zla ba dgu'o/ /phung po drug gis ni gzugs dang/ tshor ba dang/ 'du shes dang/ 'du byed dang/ rnam shes dang/ ye shes kyi phung pos so/ /chung ngu la sogs pa'i dbye bas sa thob pa ni chung ngu la sogs pa bzhi pa gsum gsum la sbyar bas so/ /rab tu dga' ba nas ye shes can gyi bar sa bcu gnyis so/ /bden pa rnam pa bcu gnyis don ni lug dang glang la sogs pa'i khyim bcu gnyis kyi dag pa sna bug tu 'pho ba bcu gnyis 'gog pa'o/ /de nyid rnam pa bcu drug rig ni 'khor ba'i cha drug zla ba'i cha zad pas ma nyams pa'o/ /rnam pa nyi shus byang chub pa ni sbyor drug bsgoms pas dag pa'i dbu mas sbyangs pa phung po lnga dang/ khams lnga dang/ dbang po lnga dang/ skye mched lnga dag pa'i rnam par rtogs pas so/ /rnam par sangs rgyas ni ma rig pa 'gog bas so/ kun rig ni dngos po thams cad sangs rgyas kyi rang bzhin du rtogs pas so/ /de nyid kyi phyir mchog yin no/ /zhag 'ga' zhig gis ni lo gsum dang zla ba phyed dang gnyis dus kyi 'khor lo'i zhag gis phyag rgya chen po'i grub pa

  473. 236a

    thob par 'gyur ro/ /da ni tshig bcad rdo rje sems la sogs pas sbyor ba drug bshad de/ /so so rtogs ni du ba la sogs pa'i mtshan ma'i dbye bas rnam pa bcu'o/ /bsam gtan ni sna tshogs gzugs la yul dang yul can bcu gcig tu 'gyur bas so/ /srog rtsol la ni g.yon dang g.yas kyi dkyil 'khor bcu gcig tu gyur pas so/ /'dzin pa ni lte ba snying ga mgul pa dpral ba spyi gtsug tu srog rlung 'gro ba dang 'ong ba med pas rnam pa bcu'o/ /rjes su dran pa la 'dod pa'i gnas skabs bcu yis dbye bas ni/ sems dpa' 'dod dang lus tshad 'byung/ /kha skam pa dang za mi 'dod/ /'dar dang myos pa lus 'khor dang/ /sems 'khrul ba dang shin tu brgyal/ /sems can lus la gnas skabs 'di rdo rje 'chang gi gnas skabs yin/ /ting 'dzin rlung bcu 'gog pa ni/ /srog dang thur sel mnyam pa nyid/ /gyen du rgyu dang khyab byed dang/ klu dang ru sbal kri ka ra/ lha sbyin nor las rgyal ba'o/ /chags pa dang chags pa dang bral bas rab tu mi gnas pa'i mya ngan las 'das so/ /mig la sogs pa lnga gzhan gyis ni sha'i mig la sogs pa sna tshogs gzugs mthong ba'o/ /nges pa ni stong pa nyid du nges pa'o/ /sna tshogs gzugs la zhen pa ni yul la sogs pa'i yid rtsam gyis bla na med pa shes rab dang thabs ro gcig tu gyur pa'i de kho na nyid la 'jug pas yid bde ba gang yin pa de ni dga' ba'o/ /bde ba mi g.yo ba ni lus sbyangs pa la sogs pa'i bde bas so/ /lam gnyis dbu mar 'jug pa ni sna bug g.yon par nam mkha' la sogs pa lnga dang/ g.yas su sa la sogs pa lnga mi rgyu bas ro ma dang rkyang ma 'gags nas dbu ma'i lam

  474. 236b

    kho na la 'jug pa dang gnas pa dang 'byung ba'i mtshan nyid can phra ba ni srog rtsol yin no/ /rgyu ba gnyis bral ni lte ba snying dang mgul ba spyi gtsug la 'gro ba dang 'ong ba med pas so/ rnam pa bcur sngar bshad pa sems 'dzin pa la gnas pa na rang gi dang gis du ba la sogs pa'i mtshan ma rnam pa bcu'i snang ba sngon du 'gro bas rdzogs pa'i dkyil 'khor gyi lha'i snang ba gzugs brnyan lta bu rnyog pha med la de nas 'od du ma 'phro ba/ de nas khams gsum du lha'i dkyil 'khor spro ba la sogs pa sngon du 'gro ba sems la sogs pa 'dod pa'i gnas skabs bcu'i mtshan nyid can rjes su dran pa'o/ /srog rlung la sogs pa rgyu ba med pas ni gtum mo 'bar bas rdo rje'i nor bu'i rtse mor gnas pa ma nyams pa'i byang sems yin pas rim gyis 'khor lo drug pa nyi khri chig stong drug rgya dbugs rlung 'gog pas rtog med ma nyams pa'i bde ba'i rang bzhin zung du 'jug pa ye shes kyi rdo rje 'chang gi rang bzhin ting nge 'dzin yin no byang chub sems dpar 'gyur ro zhes pa ni skye ba dang byang chub pa dang chos kyi 'khor lo skor ba la sogs pa mi mdzad pa ste/ de mdzad pa na sangs rgyas kyi zhing khams su rdzogs pa'i sangs rgyas kho nar grags par 'gyur ro zhes dgongs pa'o/ /dbang bcu ni tshe dang/ las dang/ mos pa dang/ yo byad dang/ smon lam dang/ rdzu 'phrul dang/ chos dang/ sems dang/ skye ba dang/ ye shes la dbang pa la sogs ba'o/ /nA da la goms pas ni lhan cig skyes pa'i ye shes kyi dga' ba la goms pas so/ /ji ltar bshad pa'i gzhon nu ma'i pad+mar rdo rje bcug cing g.yo ba med par ngal so la de'i pad+mar rdo rje'i nor bu mnan la dga' ba dang mchog tu dga' bas yud tsam mi g.yo zhing gnyis ka la nyams pa'i dga' ba 'char pa na hUM zhes brjod pa sngon du

  475. 237a

    'gro bas bla ma dam pa'i drin la mngon du phyogs shing/ /lhan cig skyes pa'i dga' ba bzhi pa myong bas byang chub kyi sems bkag ste ma nyams pa'i bde ba thob pa'o/ /dmigs pa med pa'i gnas su 'gro /bcu gnyis kyi mthar ni sna bug g.yon pa na nam mkha' nas sa'i dkyil 'khor gyi bar du sor bcu drug nas bcu gnyis kyi mthar ro/ /bcu drug mthar ni sna bug g.yas pa nas sa'i dkyil 'khor nas nam mkha' i bar du sor bcu gnyis nas bcu drug gi mthar ro/ /hUM gi sgras brjod pas srog dang thur sel gnyis sbyar bas lto bar thim par byas nas dbu mar bcug ste glog gi me dang mtshungs pa gyen du bskul bas khab lta bu'o/ /grong 'jug ni nus na 'pho ba byas te rdo rje langs pa ni bde ba'i ye shes kyi mchog bskyed nas so/ /mkha' la spyod pa ni 'og min gyis bar du dbang byed pa'o/ /mngon shes lnga ni rdzu 'phrul dang/ /lha'i mig dang/ lha'i rna ba dang/ gzhan gyi sems shes pa dang/ sngon gyi gnas rjes su dran pa ste mngon shes lnga'i rang bzhin du sna tshogs yum gyur te phyag rgya chen po la chags pas rtog med gtum mo 'bar bas so/ /ma nyams gsum ni sems kyi thig le ni gsang gnas su 'gog pa dang/ ngag gi thig le lte bar 'gog pa dang/ lus kyi thig le snying gar 'gog pa'o/ /ma nyams pa'i bde bas ni rdo rje'i rtse mor thig le'i tshogs ma nyams pas ye shes kyi thig le 'gog pa'o/ /rlung gnyis 'gog pa zhes bya ba'i bar gyis mkha' spyod kyi sgrub pa bstan/ sna tshogs yum zhes bya ba'i bar gyis phyag rgya chen po'i sgrub pa bstan to/ /phyag rgya chen po sgyu ma lta bu ni me long dangs pa'i gzugs brnyan lta bu/ nam mkhar sems su med pa ni sems ma yin pa'i sems la'o/ /shes rab dang

  476. 237b

    ye shes kyi go rims bzhin du ni chos thams cad stong par rtogs pa ni shes rab bo/ /ye shes ni 'dzin pa'i sems so/ /dbu ba la sogs pa'i snang ba ni de'i gzung bya yin no/ /ji ltar me long gi gzugs brnyan mig rang gi mig gis mthong ba de bzhin du stong pa nyid kyi rang bzhin rang sems kyis stong pa nyid kyi rang bzhin rnam pa thams cad dang ldan pa'i rang sems mthong ngo/ /gzung pa'i sems du ba dang ldan pa'i mtshan nyid 'di la rnal 'byor pas dbu ma la srog rlung gzhug dgos/ /des mtshan ma mthong ba'o/ /'di ni bla ma'i zhal dang po sku'i rdo rje'o/ /de bas nyi ma dang zla bar 'gro ba'i srog rlung bsdams pas gnyis la srog rtsol gsung gi rdo rje'o/ /byang sems ni byang sems sna tshogs gzugs brnyan la chags pa gsum pa thugs kyi rdo rje'o/ /bde ba'i mchog gis rdo rje bslang/ /sna tshogs gzugs kyi sgo nas dga' ba ma skyes na de'i tshe bul bar rdo rje'i sgra bya'o/ /gal te shes rab ma ma rnyed na de'i tshe rang gi lag gi rdo rje gsor ba bde ba la 'phel ba'i phyir de ltung ba'i phyir ma yin no/ /de ltar byang sems mi 'dor zhing bde ba dang ldan pa 'chi ba'i 'jigs pa las skyob pa bzhi pa ye shes rdo rje 'di'o/ /'di ni rnal 'byor pas bsgom pa'i nges pa'o/ /dang po sangs rgyas ni dbang mdor bsdus pa'i skabs su ste 'di kho na la sogs pa'o/ /nyon mongs pa dang shes bya'i sgrib pa'i dung shing can/ thams cad mkhyen pa'i ye shes kyi me du la sogs pas 'di kho na rnal 'byor pas bsgrub par bya ste/ ji lta bus she na/ rtsa ba'i rgyud dang/ rgyud phyi ma dang/ shes rab kyi pha rol tu phyin pa la sogs pa nges don gyi mdo las grags pa/ stong pa nyid la snang ba rtog pa thams cad dang bral bas bsam du med pa de kho na nyid kyi 'bras bu

  477. 238a

    mngon du 'byung bas mtshan ma sogs gzung 'dzin dang bral bas rang bzhin gyis stong pa'i shes rab kyi gzugs brnyan/ phyi nang gyi sgrib pas ma g.yos pas nam mkha' dang mnyam pa/ yod med la sogs pa'i rtogs pa med pas yod med las 'das pa/ rang rig yin pas rang sems kyis myong ba'i don/ ma byas pas ngo mtshar ba/ rang bzhin med pas rdul phra rab kyi tshogs pas stong pa/ mo gsham gyi bu mo dang phrad pas bde ba rmi lam du 'byung ba ltar nam mkha' las byung gzugs brnyan la/ /brten pas rang la de bzhin no/ /sa yi rnam pa la sogs pa ni gzugs brnyan gyi mtshan nyid do/ /'dir stong pa nyid kyi snang ba dngos po ma yin pa sa la sogs par snang ba sra ba min/ khu ba'i rnam pa can smig rgyu'i chu bzhin du chu ma yin/ de dngos po ma yin pas so/ /me'i rnam pa can me min mi sreg pas so/ /g.yo ba rlung ltar snang rlung min dngos po min pas so/ /nam mkha' lta bu de min mthong ba'i phyir ro/ /sgyu ma'i grong khyer ltar dkar po la sogs pa'i kha dog dang ldan kyang dngos po ma yin pas mdog ma yin no/ /rnam pa thams cad dang ldan yang byis pa rnams kyis mthong bya ma yin te/ nyon mongs pa dang bdud kyi mthu ste/ g.yon dang g.yas srog rlung rgyu bas so/ /da ni dkyil 'khor lnga thim tshul bshad de/ sa rlung la sogs pa'o/ /gang gi tshe rnal 'byor pa mig brtan cing khro bo'i stangs kyis stong pa la sems gtad pa de'i tshe sna bug g.yon nam g.yas la nam mkha' la sogs pa 'am sa la sogs pa rgyu bas sa'i rlung chu rlung la thim/ de ltar g.yon nas nam mkha' la sogs pa rnam shes kyi dkyil 'khor gyi bar ro/ /de ltar stong pa nyid du ba la sogs pa rtags bcur 'gyur/ rtags kyang rnam pa thams

  478. 238b

    cad ldan pa'i gzugs brnyan du 'gro/ /gzugs brnyan de ma nyams pa'i bde ba 'gro/ /de nyid shes rab kyi pha rol tu phyin pa'i ye shes yin/ ye shes las nam mkha' la 'gro ba la sogs pa'i rdzu 'phrul dang khams gsum gyi dbang phyug gi bsgrub pa skye ba 'di nyid du grub par 'gyur/ rnal 'byor nye bar bsdus shing bshad de dbu ma la sogs pa'o/ /'dir dang po 'dzin pa'i sems stong par thim pa ni ro gcig tu gyur pa'o/ /byis pa dang dar la bab pa dang 'dzag pa ni thabs kyi nyams pa'i bde ba gnyis 'gyur ba dang bul ba'o/ /shes rab ma'i 'dzag pa ste myur du ma nyams pas so/ de dag gi mchog 'jig rten las 'das pa gang gi mi mdzag pa de bzhi pa phyag rgya chen po las byung ba'o/ /da ni rang gi sems kyi snang ba me long gi gzugs brnyan la bu la 'jug par bshad de/ nam mkha' la sogs pa'o/ /mtshan mo ni mun pa nye bar mchod pa'o/ /chags pa ni nam mkha' la sems thim pa'o/ /gzugs kyi snang ba ni me long gi gzugs brnyan lta bu de rnyog pa dang bral ba thogs ma med par snang bas so/ /sgra'i snang ba ni mgul pa dang rkan la sogs pa'i rtsol ba las byung ba ma yin bde ba chen po'i stobs kyis rang sgra tsam myong bas so/ /tshigs bcad 'di yis sku gnyis bshad do/ /gzhan sems shes pa med pa ni rang gi sems las tha dad pa gzhan gyi sems shes par byar med pas so/ /gsungs pa/ ma skyes pa dang ma 'gags pa/ 'dir ni shes bya gang mthong ba/ /de ni rang sems gzhan ma yin/ /phyi yi shes bya las gzhan phyir/ /de bas rang gis rang nyid la/ rgyas 'debs pa ni gar yang med/ /ral gri chen pos rang nyid kyi/ /rang sos gcod par mi nus bzhin/ tshigs bcad 'dis chos kyi sku sgrub par bshad do/ /phyi nang khyab pa'i du ba'i rnam pa sprin gyi snang ba'i rjes su 'byung ngo/ /

  479. 239a

    de gsungs pa/ dang po nyid du sprin bzhin snang/ /du bar snang ba gnyis pa'o/ /zhes so/ /smig rgyu ni g.yo ba'i chu bzhin no/ /srin bu me khyer dang mar me'i rnam pa grags pa bzhin no/ /mtshan ma bzhi po 'di dag ni bug med pa'i khyim du mun pa la 'byung bas mtshan mo'i sbyor ba dang nam mkha' i sbyor ba'o/ /gsang ba 'dus pa las dang po dang gnyis pa bzlog par gsungs pa/ sems 'gog rdo rjer gyur pa na/ /mtshan ma dag ni 'byung bar 'gyur/ /mtshan ma de yang rnam pa lnga/ /byang chub rdo rjes gsungs pa yin/ thog mar smig rgyu'i rnam pa can/ /du ba lta bu gnyis pa'o/ /srin bu me khyer gsum pa ste/ /mar me lta bu bzhi pa yin/ /sprin med nam mkha' lta bu ni/ /rtag tu snang ba lnga pa'o/ /zhes so/ /sprin med nam mkha' snang ba sngon du 'gro ba me'i rnam pa can 'bar ba dang zla ba dang nyi ma'i snang ba grags pa bzhin/ /sgra gcan ni rin chen nag po ltar snang/ /glog dang thig le chen po ni brtan pa dang g.yo ba gsal bar byed pa mdog sngon po zla ba'i dkyil 'khor gyi rnam pa ltar snang/ mtshan ma drug pa 'di dag ni sprin med pa'i nam mkha' i snang ba las byung bas nyin mo'i rnal 'byor dang bla gab med pa'i rnal 'byor ro/ /de nas de'i dbus su longs spyod rdzogs pa'i sku'i bdag nyid sangs rgyas kyi gzugs brnyan mthong ba bsngon du 'gro ba skad cig gcig la lag mthil na yod pa'i chu bzhin du dang ba rnam pa thams cad dang ldan pa'i bum pa dang ras la sogs pa'i sna tshogs gzugs 'od gsal ba mthong ba'o/ /btsum pa la sogs pa ni bar snang la phyed phyed pa'i mig nyid kyis stong pa ni gzung 'dzin dang bral ba las te/ ma brtags pa'i rnal 'byor gyi mngon sum gzugs brnyan du ba la sogs pa rtag tu bsgom par bya'o/ /

  480. 239b

    rnal 'byor gnyi ga nam mkha' la chags pa la sogs pas dus kyi 'khor lo gsungs so/ /shes rab kyi pha rol tu phyin pa las kyang gsungs pa rin po che snang ba zhes bya ba'i ting nge 'dzin dang/ rin po che sgron ma zhes bya ba dang/ zla ba'i snang ba zhes bya ba dang/ nyi ma'i sgron ma zhes bya ba dang/ rnam pa thams cad mthong ba zhes bya ba la sogs pa'o/ /de bas the tshom med par du ba la sogs pa'i lam 'tshang rgya bar 'dod pas bsgom par bya'o/ /'o na rtog pa thams cad dang bral ba phyag rgya chen po yin la/ bsgom pa ni sgro btags pa ste ji ltar bsgom par bya zhes bshad ce na/ smras pa/ bsgom pa la sogs pa'o/ /gdams pa ji lta ba bzhin du phyi nang med pa la sgom pa'i gzugs brnyan de nyid la/ rnal 'byor pa'i bsgom pa gang yin pa dngos po ma yin pa'i phyir bsgom pa ma yin no/ /'o na dngos po'i yin rung dngos po ma yin pa'i yin rung rtog pa la khyad med pas ji ltar dngos min sgom zhe na/ smras pa sems ngo la sogs pa'o/ /gang gi phyir stong nyid kyi gzugs brnyan la rnal 'byor pa'i dngos dang dngos min gyi rtog pa med de/ stong nyid kyi gzugs brnyan ma rtags pa'i du ba la sogs pa la mngon sum du mthong ba'i phyir ro/ /dgongs pa 'di lta ste gal te brtags pa yin na dngos por 'gyur te lugs ma la sogs pa'o bzhin no/ /mthong ba med na dngos po ma yin par 'gyur te mo gsham gyi bu la sogs pa bzhin no/ /'dir ni ma brtags par mngon sum du mthong bas thams cad legs par gnas so/ /ma brtags par mthong ba'i dpe bshad de pra phab pa la sogs pa'o/ /pra phab pa ni sgrub pa po'i byed pa ste/ me long dang ral gri dang mthe bong dang mar me dang zla ba dang nyi ma dang chu la mig gi sbyong yul dngos po las ma byung ba/ chom kun la sogs pa bems pa'i chos las ma byung ba ma

  481. 240a

    brtags par mthong ba 'di la dngos po dang dngos min med do/ /dngos po med par don byed nus pa tsam dmigs pas so/ /'jig rten kho na la dngos po med par dngos por mthong ste/ dper na rgya ma dang rmi lam la sogs pa'o/ /chos can la sogs pa ni rtogs pa med pa'o ye shes 'byung ba de ni rnam pa thams cad du 'gro ba'i don grub par byed pas yid bzhin nor bu lta bu'o/ /dpe bshad de snga la sogs pa'o/ /sngar ma mthong ba'i chom rkun la sogs pa sngags kyis byin gyis brlabs pa'i mig gis gzhon nu mas pra phab na mthong/ sgrub pa pos ni gzhon nu mas bshad pa der song la nyi tshe ba'i mig gis mthong ngo/ /bsam pa 'di ste sgrub pa'i man ngag sngags kyis byin gyis brlabs pa'i blo'i spyan gyis rnal 'byor gyi gzhon nu mas bzhin byang sems ma nyams pas ma bstan pa/ tha mal pa'i bgrod bya ma yin pa nam mkha' la 'jig rten las 'das pa'i de kho na nyid mthong ngo/ /de'ang spros pa mdza' dag dang bral bar bshad de/ gzhan gyis la sogs pa'o/ /gzhan gyi mig gis mi mthong ste dus gzhan du mi mthong ba'i phyir ro/ /rang gi mig gis mi mthong ste mig ras kyis bkab pa'i phyir ro/ /pra phab pa'i dpe 'dis rnal 'byor gyi mngon sum rang bzhin kun med pas ma skyes te/ rmi lam du gzhon nu mas bu dmigs pa bzhin thams cad mkhyen pa'i ye shes grub po/ /sbyor ba yan lag drug gi ni/ /bdag gis bshad pa'i dge ba gang/ /de ni 'jig rten ma lus pa/ /ma nyams bde ba thob par shog /sbyor ba yan lag drug pa'i 'grel pa paN+Di ta chen po nyi ma dpal ye shes kyis mdzad pa rdzogs so// //rgya gar shar phyogs kyi paN+Di ta chen po sh+rI bi b+hU ti tsan+d+ras

  482. 240b

    ? lag gi snying po 'bring mtshams kyi sa'i cha/ dpal rgya rtags kyi gtsug lag khang du bsgyur ba'o// ` (//dpal dus kyi 'khor lo'i gdams ngag nyi ma zla ba sgrub pa zhes bya ba bzhugs so//) //*/ /rgya gar skad du/ sh+rI kA la tsakra pa de sha sUrya tsin+d+ra sA d+ha nA ma/ bod skad du/ dpal dus kyi 'khor lo'i gdams ngag nyi ma zla ba sgrub pa zhes bya ba/ dpal rdo rje sems dpa' la phyag 'tshal lo/ /b+he ku ni zhes bya ba'i paN+Di ta/ dbus 'gyur tshal du sku 'khrungs pa// rig pa'i gnas lnga kun la mkhas pa/ dgung lo bzhi brgya bzhes/ sa dang po'i bden pa mthong/ 'jam dpal gyi lung bstan thob nas mu khyud 'dzin ri'i 'gram du rkang mgyogs kyis byon/ /rigs gsum mgon po'i brgyud ba bram ze nyi ma'i shing rta la dus kyi 'khor lo dam pa dang po gsan/ /dbang sgrub thabs dang bcas pa thob/ /de'i dus su srong la rgyal po zla ba bzang po byon/ /khyod yul dbus su 'gro ba la phyi dus kyi 'khor lo shes kyang nang dus kyi 'khor lo mi shes so zer ro/ /de khyod la zhu byas pas nang g.yo ba rlung la gdams pa/ bde ba ye shes rdo rje yis/ /phrin las drug gi 'khor lo bskor/ /ma rig 'khrul 'khor bcom nas ni/ /ye shes lnga ni bskyed mdzad pa/ /gtso bo rdo rje 'chang la 'dud/ /bag chags rlung gis bskyod nas ni// 'gro ba rmongs shing sdug bsngal bas/ /gsal byed 'khor lo bshad par bya/ /skyed dang gnas dang dbye ba dang/ /rtsis dang lam du bya ba dang/ /nas 'joms pa dang 'bras bu gnyis/ /rnam shes bskyod pa'i rlung 'byung ste/ rlung las me ni skyes pa'o/ / de las chu dang sa 'byung ste/ nam mkha' kun tu khyab pa'o/ /rlung las skyes pa'i dug lnga yis/ /las bsags 'bras bu 'khor ba smin/ /pho rlung mo rlung ma ning rlung/ /thod rgal ba dang bzhi ru gnas/ /yang na 'byung ba lnga yi rlung/ /rnam shes

  483. 241a

    nam mkha' i tshul du gnas/ /ming dang gnas dang kha dog dang/ /rgyu dang byed pa'i las dang ni/ /zin dang log rengs bcos thabs dang/ /ngag dang yon tan bskyed pa'o/ /ye shes khams las thur sel dag /stong pa dag las srog gi rlung/ /'di gnyis rnam pa gsum du 'gyur/ /rlung gi rlung las mnyam gnas dang/ /me la gyen du rgyu ba ste/ chu la khyab par byed pa nyid/ /mkha' las rlung 'byung de las ni/ /klu dang rus sbal rtsangs pa dang/ /lha byin dang ni nor las rgyal/ /lnga po sa rlung me dang ni/ /chu dang sa las rim 'byung ste/ /drug gi bdag nyid bcu ming can/ /sa lte chu snying me mgrin dang/ /rlung dpral mkha' gtsug ye shes gsang/ /snying 'khor rlung dang dpral 'khor chu/ /'khor gzhan gnas khams mthun pa'o/ /sa ser chu dkar me ni dmar/ /rlung gnag mkha' sngo ye shes ljang/ /sa chu me rlung nam mkha' ni/ /bcu gnyis bcu gsum bcu bzhi dang/ /bco lnga bcu drug phyi ru rgyu/ /phyir 'phel nang du thung ngu rgyu/ /ye shes sa mkha' mnyam du ste/ /sna bug gnyis nas rgyu ba'o/ /'og nas sa dang g.yon du chu/ /g.yas su me dang steng du rlung/ /bzhi dbus nam mkha' rgyu ba ste/ /sna bug gnyis mnyam ye shes so/ /khyim ni bcu gnyis dbye ba yis/ /dus sbyong 'pho tshan bcu gnyis la/ /'byung lnga rlung gi dbye ba yis/ /dus sbyor 'pho chung drug cu'o/ /'byung lnga'i 'pho chung re re la/ sum brgya drug cu rgyu ba yis/ /dus sbyor bcu gnyis 'pho chen re'ang/ /stod dang brgyad brgya rgyu ba ste/ /zhag gcig rtog rlung nyi khri dang/ /dgu brgya nyer lnga rgyu ba'o/ /'byung lnga'i 'pho chung mtshams re nas/ /bcu gcig bzhi cha chad pa yis/ /dus sbyor bcu gnyis mtshams re nas/ /lnga bcu rtsa drug bzhi cha rgyu/ /zhag gcig

  484. 241b

    ye rung drug brgya dang/ /bdun cu rtsa lnga rgyu ba'o/ /skyes bu khams sdoms zhag gcig la/ /nyi khri chig stong drug brgya rgyu/ /skye 'jig gnas 'pho 'khrig dus dang/ /brgyal gzas zin ting 'dzin thob/ /de min 'jig rten rlung du zad/ /de ni rlung gi rgyu ba'o/ / gti mug sa la nga rgyal chu/ /'dod chags me la phrag dog rlung/ /zhe sdang mkha' ste ser sna'i sems/ /ye shes khams kyi byed par bshad/ /sems can kun gyi srog gyur pa'i rlung gis las kun byed pa'o/ /mthun dang mi mthun zin pa yi/ /gnyis stobs gsum stobs shes par bya/ /srog 'dzin log rengs 'chi smyo dang/ /thur sel log rengs rtsa chu sri/ /gyen rgyu log rengs dbugs mi bde/ /me mnyam log rengs rmu chu skran/ /khyab byed rlung log rengs pa na/ /mdze dkar la sogs nad mang byed/ /phyug rlung 'khrul 'khor sbyor ba dang/ /dmigs dang byin brlab bde ba bsgom/ /zas dang spyod lam sman spyod dang/ /rten 'brel gyis ni bcos par bya/ /rlung sems 'dres shing dag pa yi/ /mngon shes lnga ni thob par 'gyur/ /sngags rnams kun gyis byin rlob pas// phrin las bzhi ni rtsol med 'grub/ /sa rlung yon tan 'chi ba med/ /me yis skrag la drod dang ldan/ /chu yis bde dang snum la 'gril/ /rlung gis gsal dang yang bar byes/ /nam mkha' nam mkha' lta bur 'grub/ /ye shes yon tan bsam mi khyab/ /gzhan gyi rlung brtsis phyi nas brtsi/ /phyogs dang dus dang byed pa'i las/ /gzugs dang dbyibs dang kha dog dang/ /sgra gdang sgra yi byed pa dang/ /rgyu tshul spyod lam la sogs pa/ /'byung ba lnga dang 'byung chung dang/ /dgra bshed grogs su 'gyur ba dang/ /btang snyoms byed pa'i rlung rtsis brtsi/ /'di ni phyi yi rlung rtsis so/ /nang gi rlung rtsis nang nas brtsi/ /A li kA li rab dbye bas/ /khams drug rlung ni rtsis kyis 'jug /g.yas g.yon dbus nas rgyu ba yi/ /rlung drug byed las brtags pa yis//

  485. 242a

    bzang ngan bye pa las shes par bya/ /'di ni nang gi rlung rtsis so/ /rnal 'byor rig pa'i rtsis shes nas/ /'char tshul gzugs dang kha dog dang/ /spyod lam tshes dang dbang thang dang/ /phan gnod las kyi ltas kyang shes/ /lha 'dre sgra yi ngos 'dzin dang/ /nas dang rten 'brel phan yang shes/ /phyi nang byed pa 'char bar 'gyur/ /khyad par phrin las bzhi la 'jug /mo rtsa mo rtsa ma ning rtsa/ /pho rlung mo rlung ma ning rlung/ /thod rgal bzhi yi sbyor ba yis/ /'dis kyang phyi nang rtsi bar nus/ /sngon 'gro sbyor ba ldan pa yis/ /lam ni bya ba'i rim pa ni/ /'byung dang 'jug dang gnas dang gsum/ /yi ge gsum gyis rtsa lam spyad/ /rdo rje skyil dkrung sogs gnas pas/ /rdo rje bzlas pa'i rim pa yis/ /rlung ni lam du byed par 'gyur/ /'khrul 'khor sbyor ba mkhas pa yis/ /rlung lnga a ba d+hu tIr gzang/ /rgyu ba dag pa rang gnas bsgom/ /zhag lnga a ba d+hU tI ru/ /tshung ba'i rtags ni 'byung bar 'gyur/ /bum pa can dang btsan thabs kyis/ /bcings dang zhi bar byas pa yis/ /nor bu'i me la srog zhugs pa'i/ /bde ba skye bar nges pa ste/ /'od kyi 'khor lo mthong ba dang/ /mgo bo na na gzhag par bya/ /thur sel rgyu ba 'jam rlung gzung/ /rlung gi nang rnams spongs bar 'gyur/ /srog dang rtsol bas bad kan sel/ /btang bas mkhris pa sel bar byed/ /'dus pa'i nad la steng 'og dgag /dangs ma'i sbyor bas sel bar byed/ /lte ba'i 'og tu srog rlung dgag /ma lus pa ni sel bar byed/ /khyad par rtsol ba'i rlung gis sel/ /a ba d+hu tIr dangs bar byed/ /kha sbyor rlung gis rkyen snang bsrung/ /reg dang ral gri bcud dbang po/ /bdud rtsi 'bras bu ri lu dang/ /gi wang dang ni mig sman dang/ rkang la byugs dang mthil lam brgyad/ /'jig

  486. 242b

    rten dngos grub brgyad dngos 'grub/ /mchog gi 'bras bu ster bar byed ces gsungs so/ /yang nam gung la rgyal po grags pa byon nas/ /khyod 'dzam bu'i gling gi yul dbus su 'gro ba la nad pa lto gos la sred pa mang pas/ /nang gnas pa rtsa gtum mo la gdams pa 'di dgos gsungs nas gdams pa/ ji ltar sgom pa rtsa yi gnad/ /rab tu phye ste bshad par bya/ /brgyad khri dang ni bzhi stong dang/ /nges par phye na 'bum sde'o/ /ba spu bye ba ji tsam par/ /rtsa yi grangs kyang de bzhin te/ / byed pa las kyi rtsa rnams ni/ /stong phrag bdun cu rtsa gnyis dang/ /sum cu rtsa gnyis dag tu brjod/ /la la nyi ma'i rtsa yis ni/ gling bzhi gling phran rnams la bskor/ /ra sa zla ba'i rtsa ba yis kyang/ /gong bzhin bskor nas gnas pa'o/ /'khor lo rnams kyi rtsa yi gtso/ /gtsug tor bzhi la snying gar brgyad/ /spyi bo ru ni mi yi bdag /mgrin pa ru ni so yi grangs/ /lte bar brgyad kyis brgyad sgres pa/ /gsang bar rgyal po nyis 'gyur nyid/ /rtsa ba lte ba'i dkyil nas gyes/ /rtse mo don snying lnga la zug /don snying las ni rtsa lnga gyes/ /rtse mo skye mched lnga la zug /yul lnga dag ni myong bar byed/ /lte ba'i dkyil nas rtsa bzhi gyes/ /brgyud kyis lus ni skyes par byed/ /rtsa yi gtso bo gsum du bshad/ /a ba d+hU tI zhes bya ba/ /lhan cig skyes ba skyed par byed/ /'di ni rtsa yi rgyal por bshad/ /sngon 'gro bya ba rdzogs nas kyang/ /sbyang zhing gnad la bor bar bya/ /gling bzhi ri rab dag la bsdu/ /ri rab srog shing bsang bar bya/ /rgyu ba'i nyi zla gzung bar bya/ /nyi zla'i 'od kyi rab bsros te/ /raM las glog gi rgyun byung nas/ /mtshan nyid bzhi dang ldan pa yis/ /oM huM A:yi bar du bsreg /haM las babs pa bdud rtsi'i rgyun/ /yig 'bru gsos kyi bar du bsgom/ /rgya mtsho'i dkyil du nyi ma dgong/ /ri las byung ba btum mo'i mes/ khams gsum po ni me ru

  487. 243a

    'bar/ /ji ltar sbyin sreg me yis ni/ til mar dgang blugs de bzhin no/ /ri rab bskyod dang rlung lta ste/ /bud shing bzang po bsten par bya/ /glog gi me yi rtse mo yis/ /spyi bo'i zla ba bzhu bar bya/ /gang dang gang gis thig le bzhu/ /'di las mgrin pa snying ga dang/ lte ba gsang ba ru ni 'gog /rdzogs sangs rgyas kyis bka' stsal to/ /'byung po'i dug rnams ma lus sel/ nad las rnam par rgyal ba thob /gtum mo yon tan brgyad dang ldan/ /bde ba dam pa ston pa dang/ /chos kyi dbyings ni ston par byed/ /mthun bzhi rim pas nyams su blang/ /zhag bdun nyi shu rtsa gcig la/ /skye dang bstan par byed pa yin zhes gsungs so/ /yang nam tho rangs rgyal po pad+ma dkar po byon nas/ khyed 'dzam bu'i gling gi yul dbus 'gyur tshal de na/ chags pa la mchog tu sred/ tshe thung nad mang dbang thang chung bas nang 'gyu ba byang chub kyi sems la gdams pa 'di dgos so gsungs nas gdams pa/ gtso bo rdo rje 'chang chen la/ /gsang ba'i snying po 'di skad thos/ /khyod la rab tu bshad par bya/ /brtag dang nyams pa'i nyes dmigs dang/ /nyams pa'i tshul dang mi nyams bsrung/ /dangs 'phel thabs dang rgyas pa dang/ /dangs pa'i yon tan bstan pa'o/ /lus dang rtsa yi sgo rnams dang/ /skra dang ba spu bye ba dang/ /mdog dang bzhin gyi dkyil 'khor dang/ /sems nyams skad kyi gdang dang ni/ /grib ma gnas khang lus las shes/ /mtshan ltas rtog la drang srong mkhas/ /bde gsal med pa'i sgyid pa skyur/ /stobs chung shes dma' snying mi dga' / /skrag mdangs lus stobs med pa dang/ /grang la ba spu log pa dang/ mi 'am ci la yi dags lus/ /ngag nyams thos la snying rlung 'jug /nad mang bgegs 'jug tshe yang thung/ /'dod yon chu yis skams

  488. 243b

    pa yis/ /dbang thang chung zhing longs spyod ngan/ /byang sems dpag bsam bskams pa yi/ /'dod pa'i 'bras bu ga la 'byung/ /pho mo dbang du mi 'gyur zhing/ /mthun pa dag kyang dpral bar 'gyur/ /mi ma yin rnams mi 'du zhing/ /zhi drag la sogs 'grub ba min/ /mkha' 'gro dbang du mi 'du zhing/ /dngos grub dag kyang nyams bar byed/ /gnas khang lung pa byin med cing/ /sa yi snun yang med par 'gyur/ /mi yi nor bu med pa la/ /de yi bde legs ga la 'byung/ /rgyun 'dzag gang bas 'dzag pa dang/ / gdon dang bag chags chags skyes 'dzag /kha zas kyis kyang 'dzag par byed/ /mig dang rna ba sna dang ni/ /kha dang dbang po dag nas 'dzag /khyab byed thig le zhes bya ba/ /rdul dang gdongs nas 'dzags par byed/ /chu dang rtsa 'khru'i dus su ni/ /nad bzhi dag gis 'dor bar 'gyur/ /me dang nyi ma ngal dub pas/ /nad drag po yi rgyun las ni/ /'di rnams kyis ni skams par byed/ /sna rtsa rlung ni kha rdal lam/ de bzhin kha dang 'og rtsa d+hal/ /nyi ma 'dor bar byed pa yin/ /mo yi nyams pa'i rkyen dag ni/ /dkar po pho dang cung zad mtshungs/ khyad par chags skyes chags spyod 'dzag /tshes brgyad dang ni bcu bzhi dang/ /nya dang gnam stong gang yin la/ /phyi ru sgra gcan rgyas pa yis/ /nang du nyi ma 'dor bar 'gyur/ /kha sna nu ma nas kyang 'dor/ /rgyu dang rkyen dang byed pa'i las/ /gnod pa'i 'bras bu shes par bya/ /'dzag gnyis thur sel dbang du bya/ /'khrul 'khor gyis ni legs par dgram/ /sngags dang rdzas dang rten 'brel bsrung/ /rgyud ngag gsang rlung dbang du bya/ /glang mo myos skad shes par bya/ /zas ngan spangs la zas mchog bsten/ /steng rlung 'gog pa'i sbyor ba yis/ /'khrul 'khor bya zhing gsang rlung gzung/ /khong gser mkha' 'gro d+hU tIr gzhug /drod kyi sbyor ba la sogs kyis/ /gtum mo

  489. 244a

    bsgom zhing dgram par bya/ /drag spyod spangs la bag yod bsten/ /drang srong rig pa sman du btang/ /gnas kyis drug rnams dag par bya/ /nyi ma ri rab dbus su snga/ /dgram pa'i sbyor ba shes par bya/ /rgya mtsho dkyil kyi sgra gcan gyis/ /nyi zla gnyis po zos nas ni/ /nyi zla ri rab rtse ru drang/ /'khrul 'khor gyis ni dgram par bya/ /de 'dra sbyor ba snang gis ni/ /kun mkhyen rig pa de la dris/ /rnal 'byor dbang rab rnams kyis ni/ /don dam phyag rgya che bsten nas/ /mi g.yo bsam gtan sbyor ba yis/ /rgyu mthun bde stong ting 'dzin bsgom/ /lo gsum zla phyed gsum gyis ni/ /mchog gi dngos grub thob par gsungs/ /rnal 'byor dbang 'bring rnams kyis ni/ /sems brtag ye shes phyag rgya bsten/ /rang lus thabs ldan sbyor ba yis/ /cha mthun bde stong ting 'dzin bsgom/ /gzugs khams lha dang thun mong gi /dngos grub thob par rgyal bas gsungs/ /rnal 'byor dbang tha rnams kyis ni/ /mtshan chos ldan pa'i las rgya bsten/ /snyoms par 'jug pa'i sbyor ba yis/ /'dzag kha sa bde stong ting 'dzin bsgom/ /'dod khams lha dang mthun mong gi /dngos grub thob par rgyud las gsungs/ / chags can bde stong spel 'dod kyis/ /kha sbyor rlung bcings 'dzin bsgrubs te/ /mtshan nyid ldan pa'i bu mo la/ /skyabs 'gro dbang bskur snod du bya/ /lus la rigs drug sa bon dgos/ /skyes dang sdud pa'i rim pa yis/ /rdo rje pad+ma phyin gyis brlab/ /gzugs sgra chags pa rgyas par bya/ /spyod des dangs ma g.yo bar bya/ /sngon 'gro gsum ldan sbyang byas nas/ /'du shes gsum ldan bsgom pa yis/ /dngos gzhi snyoms 'jug sbyor ba yis//

  490. 244b

    dbang 'gyur 'di stong ro myang bya/ /rjes su ldog cing gnas su bsdus/ /dgram pa gnyis med bsrel la bsgom/ /rus sbal 'gros su dal bus dbab/ /dgos pa gnyis la mkhas par bya/ /thur sel rlung ni gsum du 'gyur/ /bde 'phel rgyun 'grogs rab 'jug dang/ /khyab byed rgyas ba'i rlung gis gzung/ /rgyun 'grogs bskyong pa'i sbyor ba yis/ /zla ba 'dzin la mkhas pa yin/ /thur sel dbang ni thob pa na/ /bde 'phel chos 'byung gnyis med bsres/ /rgyun 'grogs kyis ni nye 'od 'dren/ /rab 'jug rlung gis gnas su gzung/ /zla ba rgyun 'grogs kyis 'dren ni/ /yi ge gsum gyis gyen la bzlog /tshang par lhan skyes myong bsdus pas/ /mgo bo na na dgram par bya/ /sems dang rlung ni rim gyis dgram/ / nyi shu rtsa gcig rim pas so/ /rlung sems gnyis su med bsres la/ /zhen pa ye shes gnyid med bya/ /bde stong zung 'jug ting 'dzin bsgom/ /dangs ma'i dangs ma 'dren pa dang/ /dangs ma'i bde ba skyes pa dang/ /bde ba rtsal sbyangs thabs la mkhas/ /de ni rnal 'byor chen por 'gyur/ /yul la chags ba skyes pa na/ /dangs ma'i dangs ma yul la 'dzag /nang du dngos 'dzin skyes pa na/ /dangs ma'i dngos po nyams par 'gyur/ /zhen pa dang bcas spyod pa na/ /dangs ma'i dngos po rnying par byed/ /gnyis med gnas na dangs ma 'phel/ /gang yang der shes dangs ma rgyas/ /yon tan tshogs ni dangs ma'i stobs/ /gsal ba'i dangs ma stong pa nyid/ /rtog pa'i skyon bral zla ba yis/ /nyon mongs gdungs sel bar byed/ /stong pa'i dangs ma gsal 'od can/ /thugs rje ye shes nyi ma yis/ /ma rig sdug bsngal sel bar byed/ /bag chags sprin gyis ma gos par nyi zla mchog tu rgyas par bya/ /gtso bo rdo rje 'chang chen gyis/ /de skad gsungs pa bdag gis thos/ /dus

  491. 245a

    kyi 'khor lo gsang ba'i skad/ /gzhan du bshad pa ma yin no/ /nyi zla sku la rgyas pa yis/ /skrag mdangs gzi brjid chen por ldan/ /snum zhing 'gril la pags pa dangs/ /nad med bde ba rdo rje ldan/ /byin chen dangs dang ldan pa dang/ /bde skyed tshangs pa'i dbyangs su 'gyur/ /gsal bas phyi nang chos rnams shes/ /rtogs med bdag 'dzin rang sar grol/ bde stong rdo rje sdug bsngal 'joms/ /lus dang rus pa sems la smin/ / yon tan yon tan bsam mi khyab/ /lus kyi thig le rgyas ba yis/ /tshe dang longs spyod dbang thang dang/ /'dod yon rgyas shing ye shes 'phel/ /kun rdzob bde bas sdug bsngal zhing/ /don dam thig las 'khrul ba ni/ /gnyis med thig las sgrib pa zhi/ /'di ni zhi pa'i phrin las so/ /bud med mkha' 'gro dbang du 'du/ /mo chags kun gyi yid du 'ongs/ /lha klu gnod byin ma mo yang/ /dbang 'gyur mi yi smos ci dgos/ /tshangs pa la sogs dbang du 'du/ /skyes pa rnams ni smos ci dgos/ /rdzas dang 'dod yon de bzhin no/ /phyogs skyong rnams ni dbang du 'du/ /drag po'i las la mtshon char 'gyur/ /bsad dang bskrad dang rmongs dang rengs/ /kun la dbang sgyur rdo rje yin/ /rlung sems 'dres la rgyas pa yi/ /ting 'dzin stobs kyis gang yang nus/ /phal cher dangs pa'i thig le yis/ /sa 'og gter rnams mthong ba dang/ /lus kyi rtsa mthong mun pa sel/ /dangs mas sems ni bde bar 'char/ /sangs rgyas lta bu 'byung bar 'gyur// dangs ma'i dangs ma gyur pa yis/ /lus la bde ba rgyas pa dang/ /khro gtum stag sogs ldan par byed/ /rab tu dangs pas mchog mthong 'gyur/ /mchog tu dangs pas mngon shes drug /de bzhin rjes dran drug kyang

  492. 245b

    'char/ /dangs ma stobs 'gyur zhes bya ba/ /sred med bu yi stobs sogs thob/ /dangs ma bcud ces bya ba yis/ /snang ba bde bar 'char ba dang/ /khams gsum rol spyod par nus/ /mi g.yo dangs ma zhes bya bas/ /'khor ba bde bar shar nas ni// phyir mi ldog pa'i sa thob po/ /dbang sgyur dangs mas sprul pa 'gyed/ /mya ngan 'das pa'i bde ba 'char/ /mchog dang mchog min sprul par nus/ /rdo rje dangs ma zhes bya bas/ /ji lta ba dang ji snyed shes/ /sa rnams dbang phyug thub pa'i sku/ /zag med rnam dag zhing du ni/ /zag med rdo rje'i skur bstan nas/ /nyid dang mnyam pa'i 'khor rnams la/ /bde ba chen po'i chos bstan nas/ /'khor dang bcas pa mngon sangs rgyas/ /sangs rgyas gtso bor dbang bskur ro/ /zhes gsungs so/ /de nas bla ma b+hi du ma yis dus kyi 'khor lo tshig dang don du bcas pa spyan drangs 'ongs pas/ /mkha' 'gro ma bzhi'i mu khyud 'dzin ri thal thal bskyal nas/ /paN+Di ta khyod kyi nged kyi mdzod stong par bzhag zer ro/ /de lta na rdzu 'phrul gyis 'jam bu'i gling du byon la chos 'di rnams kyi bka' srungs kyis byas pas bka' srungs byed par dam bcas te/ rdo rje'i 'gyur re blangs pa ni rin chen mkha' 'gro na re/ /a ba d+hu tI rtsa yi mchog /dang po'i mdud pa khrol nas ni/ /rlung sems dbyer med 'dzud shes na/ /lhan cig pa mngon du byed rtsa lam sbyongs shig rnal 'byor pa zhes dang/ rdo rje mkha' 'gro na re/ /rlung gi rgyal po srog gi rlung/ /'dzin cing dag par byed shes na/ /phung po rdo rje dbang byas te/ /mkha' spyod gnas su 'gro bar nus/ /srog rtsol sbyongs shig rnal 'byor pa zhes dang/ pad+ma mkha' 'gro na re/ e la baM gis rnam par brgyan/ /dga' ba gsum la rim gyis bslab/ /lhan cig skyes pa ngo sprad pas/ /mtshams med lnga po byas pas kyang/ /rang

  493. 246a

    byung ye shes rtogs par byed/ /bde ba sbyongs shig rnal 'byor pa zhes dang/ /sangs rgyas mkha' 'gro na re/ /ma btsal lhun gyis grub pa'i don/ /dri ma med pa do shes pas/ /'khor ba mya ngan 'das par grol/ / rang rig sangs rgyas bla na med/ /gnas lugs rtogs shig rnal 'byor pa zhes gsungs nas gsang tshig snying gtam du gdams te rang gnas su gshegs so/ /de nas bla mas yul dbus 'gyur tshal du byon sangs rgyas kyi bstan pa dar bar mdzad do/ /gnas pa rtsa yi dus 'khor gyis/ /phyi nang chos kun shes par byed/ /g.yo ba rlung gi dus 'khor gyis/ /srid dang zhi ba kha lo sgyur/ /'gyur ba byang sems dus 'khor gyis/ /phun sum tshogs pa skyed par byed 'khor lo gsum gyi don thos nas/ /'khor lo gsum gyi don bkod pas/ /khams gsum gnas pa'i sems can rnams/ /sku gsum mngon du rtogs par shog /dpal dus kyi 'khor lo'i man ngag /'khor lo gsum gyi rim pa nyi ma zla ba sgrub pa zhes bya ba rdzogs so// //rgya gar shar phyogs dza ga d+ha la'i paN+Di ta ma hA pI buA ti tsan+d+ras/ dpal ding ri glang 'khor du sgra rang 'gyur du bsgyur nas gsungs pa'o// //*/ /rgya gar skad du/ dz+nyA na tsak+Shu sA d+ha nA ma/ /bod skad du/ ye shes spyan sgrub pa zhes bya ba/ dpal rdo rje sems dpa' la phyag 'tshal lo/ /sku gsungs yon tan phrin las rab rdzogs pa'i/ /spyan lnga sgrib med 'gro ba'i don mdzad pa/ /dpal ldan lha'i sku la phyag 'tshal lo/ /dpal ldan dus 'khor dam pa dang po las/ /mkha' 'gro rab gsang spyan lnga rab sgrub pa/ /sgrib pa dang bral gsel bar bdag gis bri/ /dur khrod shin tu bla gab can yid 'ong/ /phyi nang gsang

  494. 246b

    ba'i mchod pas rab mchod nas/ /khrus byas gdan gnas mtshangs pa'i gnas bzhi ldan/ /skyil krung bcas nas dbang po rnam par phye/ /thub pa'i lta bas rnam par bltas pa ni/ smig rgyu du ba me khyer mar me mkha' / /zla nyi rA tu la dang glog ltar snang/ /thog med snang ba la sogs gang yang 'byung/ /brjod gyis mi lang sha yi spyan gyis mthong/ /srog rtsol sbyor bas 'dzin pa sbyang/ /rdo rje gtsug tor lta stangs lus gnas ldan/ /nam mkha' sems can mig gi 'dzum pa yi// rdo rje'i las su zhugs pas nam mkha' las/ /du ba smig rgyu srin bu me khyer dang/ /mar me 'bar dang zla ba nyi ma dang/ /rA tu la dang glog dang thig ler snang/ /snyigs ma snang ba rab tu 'byung ba yin/ /gnas shing mkha' i sbyor ba yis /dkar dang ser dang dmar dang ldan/ /mthing kha sangs rgyas 'od rnams 'char/ /'od chen rnam par snang bar byed/ /'od skor 'og min zhing yang mthong/ /gzugs brnyan gnyis kyi sbyor ba yis/ /de nang gzugs brnyan yul med pa/ /longs spyod rdzogs sku du ma mthong/ /rdzogs pa'i sangs rgyas lam me ba/ /lha yi spyan gyis rnam par mthong/ /ye shes mig gcig dri ma med/ /bcom ldan 'das kyis 'dus pa las/ /srog rtsol sbyor bas 'dzin pa sbyangs/ /brten 'gyur rdo rje'i lam nas ni/ /nam mkha' i khams su spro bar bya/ /mngon shes lnga ni thob par 'gyur/ /'od kyi dkyil 'khor 'char bar 'gyur/ /d+hU tI'i nang du 'od gsal gzung/ /rtog med sems kyi de nyid shes/ /rdo rje lus kyi de nyid mthong/ /gsang sngags chos la mkhas par 'gyur/ /srog rtsol sgo ru 'od gsal gzung/ /rgyu ba rlung gi de nyid shes/ /rlung lnga'i kha dog mthong bar 'gyur/ /zhi rgyas las rnams dbang du 'du/ /snang ba'i steng du 'od gsal gzung/ /phra ba 'od

  495. 247a

    la brten nas ni/ /rags pa'i 'od chen ngo sprad pas/ /rtog med 'di la srid 'das snang/ /kun rdzob rgyu dang 'bras bu'i chos/ /chos kyi spyan gyis mthong bar 'gyur/ /'gro ba'i mar me ye shes sgron/ /sgrib pa med pa chos kyi spyan/ /spyi dang rang gi mtshan nyid shes/ /shes rab spyan gyis rnam par thob/ /da ni sangs rgyas spyan bsgrub te/ /srog dang rtsol ba la brten nas/ /rtog med chos sku mthong par 'gyur/ /rdo rje'i sbyor bas longs sku mthong/ /gnyis med snang dag sprul sku mthong/ /rtog med gsal bas me long ye shes dang/ /rtog med dang las 'od rnams so sor rtog /snang tshogs stong snang mnyam nyid ye shes so/ /rnam par dag pas bya sgrub ye shes te/ /ma skyes chos shes chos dbyings ye shes so/ /ye shes lnga mthong sangs rgyas kun dang mnyam/ /rang bzhin lhun grub sangs rgyas ni/ /mdor na phung po drug rnams ni/ /sangs rgyas drug tu rab tu grags/ /rdo rje'i skye mched nyid dag kyang/ /dkar dang sgrol ma zhes sogs pa/ /me dang rlung sogs rab tu grags/ /phyi nang gsang ba'i dkyil 'khor gyi/ /sangs rgyas bde chen zhing khams gnas/ /de la bcom ldan dam bcas pa/ /bsam pa thams cad yongs spangs nas/ /zhag gcig yongs su brtag par bya/ /gal te yid ched ma byung na/ /de tshe de tshig bdag gis brdzun/ /snyan rgyud lag len ldan pa gces/ /skye ba bskyed pa'i rim pa las/ /'chi ba rdzogs pa'i rim pa 'jug /'byung ba rim par thim pa las// phyi ru stobs thim nang du nus thim na/ /'od lnga spyan la sogs pa'i bsu ba 'byung/ /rigs lnga snyoms 'jug ye shes ngo yi gzung/ /'od gsal chos sku'i ngo bo sangs rgyas 'byung/ /'chi ba zhes bya rnam rtog ste/ /mkha'

  496. 247b

    spyod gnas su khrid pa'o/ /'chi ba 'od gsal chos sku las/ /par dor longs spyod rdzogs sku 'char/ /snang ba mched dang thob pa las/ /snga gzugs shin pa'i sha gzugs can/ /dbang po tshang kun thogs med 'gro /las kyi rdzu 'phrul bsam mi khyab/ /'jigs pa'i sgra bzhi yang dag g.yang sa gsum/ /thig le mi brtan bzhin du snang ba 'gyur/ /snyigs ma nyams pas 'khrul snang sgra ru ldang/ /'od lnga nyams pas rig drug gnas su skye/ /snang pa la sogs chos kyi sku ru shes/ /'khrul pa'i snang ba rang gi mdangs su shes/ /'jigs skrag med shes skyes bu las zin 'dra/ /spros bral mkha' mtshungs chos sku phal skyes/ /dangs ma'i 'od las longs sku zhal yang mthong/ /nyon mongs lnga dag ye shes lnga rung shang/ /zag med bde ba nam mkhar mi mthong ngo/ /skye ba sprul pa'i sku ru mngon sangs rgyas/ /thabs dang shes rab gnyis dang sku gsung thugs/ /sa bcu bskrod nas gsangs ba'i sgo las ni/ /byon nas 'gro ba'i don ni byed par 'gyur/ / dus 'khor shes kyang gdams pa 'di mi ldan/ /dal ba don med sangs rgyas 'bras mi 'byung/ /phyi rtsis gsal yang snying po'i don mi gsal/ /de bas skal ldan 'gro kun phan phyir bris/ /dus kyi 'khor lo'i gdams pa dam pa dang po las spyan lnga bsgrub pa'i thabs slob dpon dus zhabs kyis mdzad pa rdzogs so// //dus zhabs kyis thugs rje chen po la sogs pa rig gsum mgon po la gsan no/ /des ye shes kyi mkha' 'gro surya d+harmmA la/ des radna sh+rI b+ha dra la/ des shAkya sh+rI b+ha dra la/ des rgya gar shar phyogs dzA ga d+ha la'i paN+Di ta mahA bI b+hu ti tsan+d+ras sgra rang 'gyur du mdzad nas bsgyur ba'o// //*/ /rgya gar skad du/ tri dzo gi h+ri da phyi ka ra

  497. 248a

    nA ma/ bod skad du/ rnal 'byor gsum gyi snying po gsal ba zhes bya ba/ /'jam pa'i dbyangs la phyag 'tshal lo/ /oM rdo rje sems kyis snang ba lam du nges/ /hUM rdo rje sems dpa' phyag 'tshal nas// sbyang ba rab tu gyur pa'i lam/ /phyag rgya chen po bsgom par bshad/ /dbang gis smin byas dam tshig ldan/ /de la rnal 'byor gsum bstan te/ /gzhan la nam yang ma yin no/ /byin gyis brlab dang rtog pa bsgom/ /rang bzhin rnal 'byor gsum du nges/ /'chi ba'i rtags nyid shes byas nas/ /srog gi thig le nges pa gzhug /so sor sdud dang bsam gtan dang/ /srog rtsol de bzhin 'dzin pa dang/ /rjes su dran dang ting nge 'dzin/ /rnal 'byor lan lag drug ces bya/ /mtshan mo gser med khyim du ni/ shin tu mnyam gzhag bsgrub pa pos/ /byed pa lnga la bcing pa gnyis/ /bla ma'i zhal las shes par bya/ /yod dang med pa las 'das pa'i/ /du ba smig rgyu srin me khyer/ /mar me sems kyi nam mkha' mthong/ /gzhon nu ma yi pra las ni/ /lkog tu gyur pa'i rkun ma mthong/ /nyi tshe ba'i mig gis ni/ /sgrub pa po yi son nas mthong/ /chu 'dzin dang ni bral ba yi/ /nam mkha' dangs par gyur pa la/ /snga dro nyi ma rgyab phyogs te/ /phyi dro yang ni de bzhin no/ /nyi phyed mig la gnod phyir spang/ /nam mkha' las byung rang byung ba/ /shes rab ye shes me bo che/ /'od chen rnam par snang bar byed/ /ye shes skar ma lam me pa/ /'gro ba'i mar me ye shes sgron/ /gzi brjid chen po 'od gsal ba/ /sngags mchog sngags bdag rig sngags rgyal/ /gsang sngags rgyal po don chen byed/ /ji srid thig le'i nang du ni/ /ri mo nag po skra yi tshad/ /de mthong 'od gsal go

  498. 248b

    'phang ni/ /rnal 'byor pa yis mthong ba yin/ /so sor bsdud pa snyoms 'jug pas/ /sngags rnams thams cad byin gyis brlab/ /shes rab rtogs dang dpyod pa dang/ /dga' dang bde ba mi g.yo ba/ /bsam gtan yan lag lnga brtan pas/ /mngon shes lnga thob mi bdag kye/ /bar ma dbugs 'byung mchog yin te/ /bshang gci dang ni zla nyi yi/ /rtsa bzhi dang ni yang dag ldan/ /ye shes lnga yi rang bzhin dbugs/ /'byung ba lnga yi ngo bo nyid/ /sangs rgyas lnga yis byin gyis brlabs/ /srog rtsol ba zhes byar bshad/ /rtag tu 'dzin pa'i stobs kyis ni/ /rdo rje sems dpa' yang dag 'jug /lte bar gtum mo spar ba yis/ /de bzhin gshegs pa lnga bsregs te/ /spyan la sogs pa yang bsregs nas/ haM bsregs pa las zla rgyun 'bab/ /dam tshig sems dpa' spyong yul can/ /sku mthong nas ni nyin re yis/ /dus su srog gi rlung dag ni/ /rnal 'byor thar pa 'dod pa yis/ /bum pa sbyor bas dgag par bya/ /ji srid du ni 'khor bzhin ma/ /rang gi lus la yongs su bskor ba/ /'od zer 'khor lo mthong 'gyur te/ /sngon gsungs sku la rang gi yin/ /des ni zla drug reg spangs bde/ /chu nyi lta bur rab snang bar/ /dri ma med par sna tshogs mdog /rnam pa kun du rang gi sems/ /rang gi sems nyid bde ba nyid/ ting 'dzin bde chen rnal 'byor la/ /spyan lnga mngon shes drug 'byung ste/ /chu srin la sogs khyim rnams su/ /ma rig la sogs lugs bzlog pas/ /sa ni bcu gnyis thob 'gyur te/ /rtog pa med pa'i chos can la/ /skad cig gcig la mngon sangs rgyas/ /rdo rje nyi ma snang ba che/ /rdo rje zla ba dri med 'od/ /sa rnams yongs su rdzogs pa yi/ /dngos po gnyis su rab bstan te/ /ye shes yong pa des na de/ /skyob pa ye shes can du brjod/ /dmigs

  499. 249a

    pa med pa'i snying rje yis/ /sgyu 'phrul dra bas byang chub pas/ /yid bzhin nor bu lta bu ni/ /mdza' yas sems can re ba skong/ /sems can sgrol ba'i bde ba che/ /'dzag pa'i 'dod chags sel bar byed/ /'gro drug sdug bsngal sel byed pa'i/ /lam mchog tshol dang phrang par shog /rnal 'byor gsum gyi snying po gsal ba zhe bya ba/ /byang chub sems dpa' 'jam dpal rgyal po grags par gdul bya la dgongs nas skye ba bzhes nas mdzad pa rdzogs so// // paN+Di ta so ma nA tha dang/ lo tsA ba 'gro shes rab grags kyis bsgyur ba'o// //dpal ldan bla ma dam pa rnams dang dpal dus kyi 'khor lo la phyag 'tshal lo/ /dus kyi 'khor lo phyag 'tshal nas/ /rnal 'byor yan lag drug bshad bya/ /so sor sdud dang bsam gtan dang/ /srog rtsol de bzhin 'dzin pa dang/ /rjes su dran dang ting nge 'dzin/ rnal 'byor yan lag drug tu ni/ /rgyud du sangs rgyas mchog gi gsungs/ /kun la rab tu shes bya ste/ /rab kyi dang po rtogs pa'o/ /'brid gis srog brtsol la sogs yin/ /tha mas drug po rim pas bsgom/ /byis pa gzhug dang bum pa dang/ /gsang ba ye shes sngon song bas/ /bzhi pa yi ni dbang byas te/ /dam tshig rtsa ba yan lag can/ /de yi dben par gnas byas la/ /so sor sdud pa 'di ltar bsgom/ /bsgom pa stong nyid bsgom pa yis/ /'gag pa rlung ni 'gag par byed/ skye ba shugs la bde ba skye/ /'byung ba lam rtags dngos su 'byung/ /ngo bo stong ba nyid yin te/ /so so'i rtog pa thams cad sdud/ /dbye ba bcu ru gsungs pa yin/ /dbang po'i mngon sum dag tu gzheng/ /ye shes phung po shes rab bo/ /'bol ba'i bstan la bde bar ni/ /lus bsrang rdo rje skyil krung bca' / /lce bzlog gsus sbyar mig gyen bzlog /gtsug

  500. 249b

    tor sbyar ba'i lta stangs so/ /lag gnyis rdo rje bsdam par bya/ /des ni rlung rnams 'ching byed pa'o/ /dpral ba'i thig ler srog bcug la/ /g.yas pa sa'i rlung dus su bsgom/ /mtshan mo bla gab bcas pa ru/ /nam mkha' la dmigs stong nyid bsgom/ /stong dang tho rangs gung la min/ /nyin mo bla gab med pa ste/ /nam mkha' la bltas snga dro phyi/ /nyi zer nyi ma'i gung la min/ /de ltar bsgoms pas yul sogs dgag /nang du lta ba'i mig sogs te/ /stong nyid gzugs te dmigs bcas mthong/ /chos la pha rol bcu gnas pa/ /lha la lha mo bcu zhes bya/ /rtags su lam la bcu mthong 'gyur/ /du ba smig rgyu mkha' snang dang/ mar me 'byung ste 'byung rlung thim/ /tha ma sprin med nam mkha' ni/ /rtags can shes rab pha rol phyin/ /'bar ba zla nyi glog sgra gcan/ /thig le drug ste tha ma yin/ /thams cad rgyur mthong rtags can te/ /'byung lnga ye shes phung po lnga/ /gsang 'dus mtshan brjod nas phyed phyed/ /sprul sku longs sku rtog med do/ /rdo rje bslang pa'i bde ba 'byung/ /bsgoms pas dus car ri mo nag /mthong ba nang du stong gzugs so/ /des ni stong gzugs rtogs par byed/ /so sor sdud la snyoms zhugs nas/ /sngags kun byin gyis rlob byed pa/ /dag ni bden par 'grub pa'o/ / gzung ba'i yul dang bral bar 'gyur/ /gnyis pa bsam gtan yan lag ni/ /stong gzugs brtan phyir byed pa'o/ /ngo bo yul ni stong gzugs te/ /dus ni nam mkha' rgyu dus su/ /dbye ba rnam pa lnga zhes bya/ /lta stangs de nyid phyag rgya ni/ / mnyam gzhag yid kyi mngon sum ste/ /sgom pa sngar kyi stong gzugs la/ /sems gzhag nam mkha' lta ba yin/ /'byung ba'i rim pas gong thim pas/ /sa sogs gong mthong sgyu ma ltar/ /mnyam gzhag rjes thob med par mthong/ /bsam

  501. 250a

    gtan chags pa'i bde ba 'byung/ /lha mos bskul la lung bstan thob/ /stong nyid sems 'jug shes rab ste// //dngos rnams sems 'dzin rtogs pa'o/ / de 'dzin 'jug pa spyod pa'o/ /sems kun gzhag pa dga' ba'o/ /bde ba phun sum mi g.yo bde/ /mkha' yi bdag nyid rnam shes so/ /bsam gtan la ni snyoms zhugs na/ /mngon par shes pa thob par 'gyur/ /de gnyis thog mar dge ba ste/ /stong gzugs rtogs pas bsnyen par gsungs/ /de nas stong gzugs mthong nas ni/ /mi 'gyur bde ba skye ba'i phyir/ /srog rtsol yan lag bsgom par bya/ /rkang pa gcig gis gcig mnan cing/ /mthe bong nang bcug khu tshur bsdam/ /yul ni rtse gsum rlung yin no/ /'du byed phung po rlung rgyu'i dus/ /lta stangs bdud rtsi 'khyil pa'o/ /phyi ru dang po rlung gtor nas/ /nang du myur dang snam sdud dang/ /rengs dang sngags sbyor gda' yi ni/ /bum pa can dang rdul mdza' yis/ /rlung gnyis dbus su rab bcug nas/ /rlung bcu rab tu zhi bar bya/ /rdo rje'i me la srog zhugs pa'i/ /bde ba nges par skye bar 'gyur/ /zla ba drug tu brtson byas pas zhag re rlung bcu 'gag 'gyur te/ /nyi khri chig stong drug brgya 'gag /de yis lte bar rlung gnyis 'dom/ /ye shes gtum mo 'bar ba yis/ /sangs rgyas lha mo bcu bsang nas/ /khu ba bcas pa'i bde ba 'byung// steng dang 'og tu gnas gnyis dod/ /ma zos bkros med thos kyang 'jug /thur sel mi 'dzag bde ba 'dzag /sgyu 'phrul rdo rje gsus po che/ /lus yang la sogs mi rtog bde/ /yid kyi mngon sum zhes bya'o/ /srog dang

  502. 250b

    rtsol bas nges par ni/ /sangs rgyas byang chub sems rnams gzigs/ /rlung sems rab tu brtan bya'i phyir/ /'dzin pa'i yan lag bsgom par bya/ /yul ni bde ba'i rlung nyid do/ /brtan par 'dzin pas 'dzin pa'o/ /tshor ba'i phung po dbus mar gnas/ /lta stangs la sogs de 'dra la/ /lag pa gnyis bsdam nam mkha' i dus/ /d+hU tIr rlung ni tshud tsam gyis/ /lam du mi gsal thig ler gzhug /lus sogs thig le bzhi po la/ /rim dang cig char rlung sems ni/ /nges par btsud nas mi g.yo bya/ /de la mi g.yo brtan gyur pas/ /thig ler chags pa'i bde ba skye/ /bud med kun la snyoms 'jug kyang/ /thig le ltung bar mi 'gyur ro/ /lung ston bde skye lus brtan 'gyur/ /de yang yid kyi mngon sum mo/ / rtag tu 'dzin pa'i stobs kyis ni/ /rdo rje sems dpa' yang dag 'jug /'chi bdag la sogs kyis mi tshugs/ /'gro dang 'ong ba zang byed cing/ /nyon mongs la sogs zad par byed/ /stobs bcu la ni 'jug par 'gyur/ /tshe ring nad med khams cha snyoms/ /de gnyis bar du dge ba ste/ /nye bar bsgrub pa zhes bshad la/ /drag shul spyod par gsungs pa'o/ /de nas bde ba spel sbyang phyir/ /rjes su dran pa'i yan lag bya/ /yul ni bde ba nyid yin te/ /bde ba rgyud la dran pa'o/ /ye shes rlung rgyu'i dus su'o/ /lta stangs lha'i lta ba ste/ /'du shes phung por mthe'u chung gzhug /dbye ba gsum ste bsgom stobs dang/ /lag pa bud med sbyor ba yis/ /'khor gnas dpral gnas byang sems dbab/ /rdo rje nor bur rab gzung ba/ /dngul chu'i dpe yis shes byas la/ /steng nas 'og tu rdo rje gcig /de 'dra rlung sems gtang pas ni/ /dga' ba bzhi la bcu drug skye/ /yar ngo chags chen mtshan nyid do/ /ras bal rtag la pe

  503. 251a

    shing dpe/ /spros bcas spros med shin tu med/ /'pho ba'i bag chags spangs byas pas/ /sgrib pa gsum po dag par 'gyur/ /chags pa shin tu sbyang bar bya/ /de don bsgoms pas bde chen ni/ /lhan cig skyed ba skye bar 'gyur/ /mngon shes drug kyang cher 'gyur zhing/ /gzugs sku rnam gnyis mngon sum mthong/ /nges par lung bstan thob par 'gyur/ /rang rig mngon sum du ni 'dod/ /rjes dran la ni snyoms 'jug pa/ /'od kyi dkyil 'khor 'gyur bar 'gyur/ /gzhan yang ye shes sku las so/ /bsgrub pa zhes ni gsungs pa'o/ /de nas mi 'gyur bde bsgrub phyir/ /ting nge 'dzin ni nges par bsgom/ /ngo bo bde stong gnyis med de/ /de la rtse gcig gnas pa'o/ /gzugs kyi dbyings kyi phung po sogs/ /ye shes rlung rgyu'i dus su'o/ /sangs rgyas zhi ba'i lta stangs ste/ /lag pa ting 'dzin phyag rgya'o/ /bsgom pa dmigs bcas stong gzugs dang/ /dmigs med bde ba ro mnyam la/ /sems ni mi g.yo brtan par gnas/ /dngos po thams cad bde 'char ro/ /dpal ldan mi 'gyur bde ba skye/ /sangs rgyas dngos su yang dag mthong/ /de la brtan par gyur pa des/ /thig le byin log spyi bor 'gro/ /rdo rje nor bu ngo bo nyid/ /thob nas chos sku longs sku dang/ /sprul sku gnas bzhir thob par 'gyur/ /rdo rje bzhi dang rnam thar dang/ /byang chub bzhi yang rtogs par 'gyur/ /gsang gnas bzhi yang rtog par 'gyur/ /gsang gnas spyi bor rlung dag ni/ /stong dang brgyad brgya 'gag pa yis/ /sa ni bcu gnyis rim pas thob/ /sku ni bcu drug dag par 'gyur/ /thig le spyi bo rdul nor bu/ /mi gnas mya ngan/

  504. 251b

    'das par brjod/ /yon tan thams cad rdzogs par 'gyur/ /ting 'dzin dbang sgyur tsam gyis ni/ /sgrib pa thams cad bral bar 'gyur/ /dri ma med par dag par 'gyur/ /gzugs kyi phung por gsungs pa'o/ /sgrub pa chen po zhes bshad de/ /rnal 'byor mngon sum yin par 'dod/ /de gnyis tha mar dge bar 'dod/ /de ltar yan lag drug po la/ /lo gsum zla phyed gsum gyis ni/ /sangs rgyas 'dra bar 'gyur ba ste/ /sa dang thob pa zhes kyang 'dod/ /khams drug sbyangs pas ye shes drug /rigs drug pha rol phyin drug 'dod/ /mngon shes drug dang rjes dran drug /rlung drug ye shes bla ma gsungs/ /lus gzir 'phags la phyag rgya gsal/ /de nas spyod pa gsum byas pas/ /dag pa'i sku bzhi ye shes 'grub/ /stobs sogs yon tan kun rdzogs pa/ /tshe 'dir nges par 'gyur ba'o/ /bar dor sangs rgya'i man ngag 'di/ /'og rlung steng gi bu gar gdon/ /sbyor drug man ngag 'di pa dag /ma sgoms na yang skye bdun 'grub/ /so sor sdud pa'i rtags byung zhing/ /gal te shi rab gyur pa na/ /de ni lam dam pa dang 'phrad/ /de nas dngos grub thob par 'gyur/ /chags can sbyor drug man ngag ni/ /dbab dang gzung dang/ bzlog pa dang/ /gnas su bskyal la rtsa dmigs gdab/ /rlung bsre sbyor ba drug pos bya/ /so sor sdud pa'i spog pa ni/ /drag tu byed cing 'tsham par bya/ /bsam gtan stong gzugs drag tu bsgom/ /btsan thabs sbyor ba rlung bzung ba/ /mgo bo mi na'i bar du bya/ /rlung sems drag tu thig ler gzung/ /chags la las rgya mang la sbyar/ /bde chen ro mnyam dag tu bya/ /'di min mchog ni mi 'grub ces/ /gsungs pas nges par 'di bsgrub bya/ /rtog bsgom 'jig

  505. 252a

    rten 'khor gsungs pa/ /bskyed rim la sogs ci zhig bya/ /dus 'khor zhabs kyi gsungs pa yin/ /sbyor ba yan lag drug gi man ngag rje dus 'khor zhabs kyi mdzad pa'i snyan rgyud zhal gyi gdams pa rdzogs so// //paN+Di ta so ma nA tha dang/ lo tsa ba 'bro shes rab grags kyis bsgyur ba'o// (//dpal dus kyi 'khor lo'i man ngag sbyor ba yan lag drug gi dka' 'grel bzhugs so//) //*/ /rgya gar skad du/ sh+rI kA la tsakro ba de sha yo ga Sha Dang+ga tan+t+ra pany+dzi ka nA ma/ bod skad du/ dpal dus kyi 'khor lo'i man ngag sbyor ba yan lag drug gi rgyud kyi dka' 'grel zhes bya ba/ dpal dus kyi 'khor lo la phyag 'tshal lo/ /yod min med min yod med min/ /gnyis ka'i bdag nyid med pa'ang min/ /mu bzhi las ni rnam grol ba/ /bde chen sku la phyag 'tshal lo/ /dang po sangs rgyas rgyu med las/ /'jam pa'i rdo rjes phyung ba yis/ /sku rnams bzhi yi don bsdus pa/ /mtshan nyid de ni dgrol bar bya/ /shes rab thabs min zhes bya ba la sogs pa gsungs pa la/ /'dir shes rab ces bya ba ni cha bco lnga'i bdag nyid dkar po'i phyogs so/ /nag po'i phyogs ni zla ba'i cha zad pa'i phyir na thabs so/ /de ltar dkar po ni mtshan mo ste/ /nag po ni nyin mo'o/ /de'i phyir lhan cig skyes pa'i sku ni shes rab las kyang ma yin no/ /thabs las skyes pa yang ma yin no/ /lhan cig skyes pa'i sku 'di lta bu zhes bya ba ni sangs rgyas rnams kyi yul lo/ /de ltar yod pa min te/ dkar po'i phyogs kyi bde ba zad pa'i phyir ro/ /med pa yang ni ma yin te/ /skad cig ma dang po'i dga' ba'i cha'i dngos po ni nag po'i phyogs med pa yin no//

  506. 252b

    yod med min te/ 'di dag gnyis ni phan tshun 'gal ba'i phyir/ /gcig tu 'dus shin lhan cig byed pa med do/ /gnyis ka'i bdag nyid med pa yang ma yin zhes bya ba ni dkar po'i phyogs mar ngo dang/ /nag po'i phyogs mar ngo 'di gnyis ka la yang cha rtogs pa lhan cig skyes pa'i bde ba med do/ /de ltar mdza' bzhi yongs su rdzogs shing dag pa'i cha bcu drug ma ni stong pa nyid rnam par mi rtogs pa spros pa dang bral ba gzung 'dzin med pa'i chos can de ni mu bzhi las grol ba ste/ /lhan cig skyes pa'i skur brjod do/ /bde chen sku zhes bya ba ni mchog tu mi 'gyur ba'i ting nge 'dzin su la yod pa de ni he ru ka yin te dus kyi 'khor lo zhes bya'o/ /phyag 'tshal lo zhes bya ba ni de lta bu su la yod pa de la ni lus kyis phyag 'tshal ba dang/ ngag dang yid kyis phyag 'tshal ba zhes bya ba'i don to/ /des na shes rab ni rgyu mthun pa'i mtshan nyid rnal 'byor pa rnams la bzhi pa zad pa'i phyir ro/ /de ltar na shes rab ma grub pa'o/ / 'di ltar lhan cig skyes pa'i sku ni bdag gi don phun sum tshogs pa'o/ /gzhan gyi don phun sum tshogs pa chos kyi skur ni 'gyur pa ste/ /shin tu gnyid 'thug po log pa zad pa'i phyir ro/ /de yang shes rab dang ni thabs kyi rang bzhin nges par mun pa dang bral zhing/ /ye shes dang rnam shes dbye ba nyid ces bya ba la 'dir ye shes bya ba ni rnal 'byor pa'i 'dzin pa'i sems so/ /rnam par shes pa ni gzhan gyi sems gzung bya ste/ /de'i phyir shes bya ba'i mtshan nyid do/ /de ltar 'dzin pa'i sems ni shes rab ma ste/ rtog pa thams cad rnam par spangs pa'i phyir ro/ /rnal 'byor pa rnams kyi thabs kyi sems ni kun tu rtags pa'i snying rje'i mtshan can no/ /de'i phyir 'dzin pa dang gzung ba'i

  507. 253a

    dbye ba de yis shes rab dang thabs kyi rang bzhin ni gzhan gyi don mdzad pa'i chos kyi sku ste/ de yang lhan cig skyes pa las byung ba'o/ /de ltar rgyu mthun pa'i bde ba ni lte bar lhan cig skyes pa'o/ /snying ga chos kyi 'khor lo ni rnam par smin pa yin te/ der ni chos kyi sku'o/ /longs spyod rdzogs pa'i sku de ni zhes bya ba ni gzhan gyi don phun sum tshogs pa'o/ /sgra brnyan dag ni lta bur ni sems can du ma'i don mdzad pa zhes bya ba ni 'dir lha'i mig gis gang dag 'das pa dang/ ma 'ongs pa'i gzugs brnyan gyi rnam pa lta du 'am/ chu'i zla ba lta bu dang gsal ba gang mthong ba de las sgra 'byung ba'i sgra brnyan de ni longs spyod rdzogs pa'i sku shes rab kyi ngo bo lha'i snyan gyi rnam par shes pa ni 'dzin pa ste/ sgra brnyan ni gzung bya'i phyir ro/ /de'i phyir 'das pa dang ma 'ongs pa'i grangs shes pa ni che ge mo'i rtogs pa dang/ che ge'i mo'i dus dang/ che ge mo'i zla ba dang/ che ge mo'i phyogs dang/ che ge mo'i nyi ma la sogs pa la che ge mo 'dir 'gyur zer ba ni/ /de'i sems can so so'i skye bo rnams gdul bar bya ba yin te/ /de ni rmi lam gyi gnas skabs zad cing med pa'i phyir ro/ /mgrin pa la skyes bu byed pa ni longs spyod rdzogs pa'i sku ste/ / steng na gnas pa'i sa bon can rnams la yin gyi/ sa bon med pa rnams la ni ma yin no/ /sems can rnams ni smin par bya ba'i don du slar yang 'di ru 'gyur ba ni zhes bya ba la sogs pa gsungs pa la/ /longs spyod rdzogs pa'i sku dang/ sangs rgyas sprul pa'i sku ru 'gyur/ zhes pa ni thabs dang shes rab gnyis su med pa'i bdag nyid de/ gcig dang du ma sems can rnams kyi sprul pa du ma mthong ba'i phyir du ma'o/ /de ltar gcig dang du ma'i

  508. 253b

    rnal 'byor ni don dam par ni thabs dang shes rab gnyis su med pa'o/ /kun rdzob tu ni gcig dang du ma 'gal ba yin te/ de yang sad pa'i gnas skabs zad pa'i phyir dpral ba dri ma med pa'i sprul pa ste/ de yang gzugs rnams thams cad la sna tshogs kun tu bde ba ston pa'i phyir ro/ /de ni nor bu rin chen tog ces bya'o/ /de ltar lhan cig skye pa gcig pu la ngo bo nyid kyi sku dang/ chos kyi sku dang/ longs spyod rdzogs pa'i sku dang/ sprul pa'i sku ste sku re re la yang bzhi bzhi'i bdag nyid can no/ /de nyid thams cad kyang sngon du brjod pa de nyid dpal rdo rje sems dpa' 'di gcig pu dus mdza' i sprin dang 'dra ba'i nyon mongs pa rnams dral zhing med par byas nas he ru ka ru gyur pa ste zhes bya ba ni mi 'pho ba'i chos kyis nyams su blangs pa'i rnam par shes pa la de bzhin no/ /he ru ka zhes pa ni drag po rnams ni smin par mdzad pa'i don du rdo rje sems dpa' phyir spro ba'o/ /rdo rje sems dpa' de yang rmongs pa rnams smin par bya ba 'am/ dgrol bar bya ba'i phyir ram/ de'i don go bar bya ba'i phyir ni/ de yang dam tshig rgyal po sogs zhes bya ba ni rnam par snang mdzad ni gzugs kyi phung po gnas gyur pa ste de bzhin no/ /rin chen 'dzin pa de nyid sdug bsngal bar gyur pa rnams la sbyin pa'i don du rin chen 'byung ldan gnas gyur pa ste/ mi 'pho ba'i chos kyi thabs dang shes rab snyoms par 'jug pa yis sdug bsngal thams cad rab tu 'phrog par byed pa zad par byed pa'i tshor ba'i bde ba de gzhan ma'o/ /de yang pad+ma 'dzin pa chags bcas rnams kyi chags pa'i rgyur zhes bya ba ni snang ba mdza' yas su 'gyur ro/ /de yang snang ba ni sems bde ba snang ba'o/ /mi 'pho ba'i chos kyis gang 'pho ba'i bde ba

  509. 254a

    ster pa'i 'du shes te don gzhan ma'o/ /de yang bgegs rnams gzhom pa'i don du ni phyag rgya pad+ma ral gri 'dzin don yod grub pa ru ni 'gyur zhes bya ba ni mi 'pho ba'i chos kyi 'du byed rnams te/ gzhan lus dang ngag dang yid dang ye shes rnams gang sgrib pa med pa sems su byed pa'i phyir ro/ /bdud la sogs pa'i sgrib pa rnams gzhom par mdzad pa zhes bya ba ni rang gi rnam par shes pa la sogs pa phung po lnga dag pa'i sangs rgyas lnga'o/ /de ni bcom ldan 'das kyis rtsa ba'i rgyud stong phrag bcu gnyis par gsungs so/ /de yang bcom ldan 'das kyi rnal 'byor pa rnams kyi dngos grub rnam pa gnyis su gsungs te/ dang po 'jig rten pa'i rnal 'byor gyis dngos grub bsgrub pa ni 'dod khams gyi lha drug tu skye ba dang/ ral gri dang/ mig sman dang/ rkang mgyogs dang/ ri lu la sogs pa rnal 'byor pa rnams kyis bsgrub na 'grub po// yang rnal 'byor pa rnams kyi rlung dang rtsa dang thig le dang nA da la sogs pa rtogs pa can gyi rnal 'byor bsgom pa yis ni gzugs kyi lha bcu bdun du skye bar 'gyur zhing longs spyod khyad par du 'phags pas thob cing thun mong gi dngos grub bsgrub pas 'grub pa de ni 'jig rten pa'i yin gyi/ de rnams ni 'jig rten las 'das pa'i ni ma yin no/ /zhes phyag na rdo rje'i bstod 'grel dang/ dpal dus kyi 'khor lo'i sgrub thabs kyi le'ur bcom ldan 'das kyis nges pa'i don du gsungs so/ /drang ba'i don du bcom ldan 'das kyis rgyud kha cig tu bskyed pa'i rim pas sangs rgyas par 'gyur zhes gsungs te/ de ni bcom ldan 'das kyis byis pa rmongs pa mi shes

  510. 254b

    pa rnams la drang pa'i don tu gsungs pa yin te/ de yang bcom ldan 'das kyis dbang rab byed du dbang bdun po 'dis sa bdun po thob ces gsungs pa ni byis pa rnams 'jug pa'i phyir yin te/ nges pa'i don du bcom ldan 'das kyis ni ma gsungs te/ de yang dpal mchog dang po'i rgyud kyi ye shes kyi le'ur zad par sa la sogs pa bzhi bsgoms na brtan pa thob na bsam gtan bzhi pa'i lhar skye bar 'gyur zhes gsungs so/ /de rnams ni 'jig rten pa'i dngos grub sgrub pa'i thabs su bstan to// //da ni bcom ldan 'das kyis 'jig rten las 'das pa'i dngos grub sgrub pa'i rnal 'byor pa rnams kyis sbyor ba yan lag drug bsgom par rgyud mdza' dag tu yang gsungs la/ /byang chub sems dpa' phyag na rdo rjes mdzad pa'i bstod 'grel du yang bshad do/ /byang chub sems dpa' pad+ma dkar pos 'grel pa dri ma med par grags par yang rgyas par bshad do/ /slob dpon zla grags kyis sgron ma gsal bar yang bshad de don go bar yang ma gsungs so/ /de yang 'grel pa dri ma med pa la brten nas sbyor ba yan lag drug rgyas par bshad par bya ste/ de la dang po so sor spong ba zhes bya ba ni bcom ldan 'das kyis gsungs pa las so sor spong ba ni mig gi dbang po yul rnams las log pa'o/ /rna ba'i dbang po sgra rnams las log pa'o/ /sna'i dbang po dri rnams las log pa'o/ /lce'i dbang po ro rnams las log pa'o/ /lus kyi dbang po reg bya 'jam rtsub rnams las log pa ni so sor spong ba'i mtshan nyid do/ /'dir so sor spong ba'i sgra ni dang po'i las can gyis rnal 'byor pa 'am/ rnal 'byor ma rnams kyi spyod yul yin zhes bya ba'i don to/ /de yang rgyal ba'i dbang po zhes bya

  511. 255a

    ba ni shes bya thams cad 'dzin par byed pa/ ye shes kyi phung po yin zhes brjod do/ /de yang ye shes kyi phung po'i yul du gyur pa'i mtshan ma'i dbye ba rnam pa bcu gcig gzung bar bya ste/ de yang dang por so sor spong ba'i dus su du ba lta bu dang/ gnyis pa smig rgyu lta bu dang/ gsum pa nam mkha' gsal ba lta bu dang/ bzhi pa mar me lta bu dang/ lnga pa sprin med pa'i nam mkha' lta bu rnams ni gsang ba 'dus pa'i rgyud phyi mar gsungs te/ de lnga ni so sor spong ba'i mtshan mo'i rnal 'byor gyi sbyor bas de rnams mthong bar 'gyur ro/ /de ni so sor spong ba dang po'i bshad pa'o/ /yang so sor spong pa gnyis pa ni nyin mo'i rnal 'byor gyi sbyor bas mtshan ma rnam pa drug 'byung pa nyid de/ /dang po 'bar ba lta bu dang/ de nas zla ba shar ba lta bu dang/ de nas nyi ma'i dkyil 'khor shar ba lta bu dang/ de nas 'ja' lta bu dang/ de nas glog lta bu ste/ de la sgra gcan 'dzin lta bu dang zhes bya ba ni phyi rol sngo bsangs nam mkha' i mdog dang 'dra ba zlum pa'o/ /de'i nang du dur ser du gnas pa'i 'od zer 'phro ba lta bu snang ba cha phra ba/ 'chor ba/ 'dar ba/ gzhig par dka' ba'o/ /de'i nang na thig le lta bu zhes bya ba ni 'od zer 'phro ba lta bu snang ba ni 'od zer lnga'i tshogs gnas pa'i che chung skra'i rtse mo'i tshad tsam du rnal 'byor pas mthong ba ni thig le lta bu ste/ de ni so sor spong ba gnyis pa'i bshad pa'o/ /da ni bsam gtan bshad par bya ste/ de la bsam gtan zhes bya ba ni dmigs pa'i yul de nyid la sems mi g.yo zhing mi ldeg par gnas pa ni bsam gtan dang po'o/ /yang bsam gtan gnyis pa ni de ltar bsgoms pa'i dbang gis de ltar yang mthong ba'i dbye bas brtags pa ma yin pa'i

  512. 255b

    mthong ba ni ye shes kyi phung po zhes pa ni rnal 'byor pa'i lus 'di nyid kho nas mthong ba'o/ /de bzhin du bsam gtan mi bskyod pa zhes bya ba ni rnam par shes pa'i phung po rnam pa bcu yul dang yul can bcu po rnams gcig cing sems phyir mi 'phrog par nang du dbus mar zhugs pa nyid de/ sna tshogs pa'i sku ste bsam gtan gnyis pa zhes brjod do// //da ni srog rtsol ba brjod par bya ste/ de la srog ces bya ba ni dbugs phyir 'byung pas kun rdzob byang chub kyi sems zad par byed cing rtsa rnams stongs par byed pa'o/ /rtsol ba zhes bya ba ni nang du 'byung ba ste mi shor bar byed pa'o/ /yang gi sgras ni rnal 'byor pa rnams kyi srog dang rtsol ba 'gog na tshe ring zhes bya'o/ /ral gri can zhes bya ba ni 'du byed kyi phung po ste/ /de yang srog dang rtsol bas sna bug g.yon pa dang/ sna bug g.yas pa nas rlung dkyil 'khor lnga lnga gcig tu mnyam par so sor ma 'dres par gyur cing sna bug g.yon pa nas oM dkar por gyur nas nang du 'jug cing lte ba'i hUM la thim pa ni rtsol ba zhes brjod do/ /hUM las phyir A(rgyud 'grel): dmar por gyur nas sna bug g.yas pa nas sor bcu bdun tshun chad du 'phros pa ni srog ces bya'o/ / yang srog ces bya ba ni byang chub kyi sems bde ba'i 'pho bar gyur pa ni srog ces bya'o/ /rtsol ba zhes bya ba ni nang du 'jug pa la yang rnam pa bcu hUM la thim par gnas pa ni rtsol ba zhes brjod do/ /de yang srog rtsol ba yang rnam pa bcur rnal 'byor pa rnams kyis shes par bya'o/ /de ni srog dang rtsol ba'i bshad pa'o// //da ni 'dzin pa bshad par bya ste/ de la 'dzin pa'i ngo bo brjod par bya ste/ rin po che'i phyag rgya zhes bya ba ni

  513. 256a

    tshor ba'i phung po nyams su myong ba'o/ /tshor ba ni bde ba de 'dzin pa 'am/ mi 'gyur ba 'am/ bstan pas na 'dzin pa ste/ sku'i thig le 'dzin pa dang/ gsung gi thig le 'dzin pa dang/ thugs kyis thig le 'dzin pa dang/ ye shes kyi thig le 'dzin pa rnams bde ba chen po'i 'khor lo rnams dang/ sprul pa'i 'khor lo dang/ chos kyi 'khor lo dang/ longs spyod kyi 'khor lo dang/ dpral bar dbang byed kyi 'khor lo dang/ gtsug tor gyi 'khor lo rnams su kun rdzob byang sems dbu ma nas 'gro ba dang 'ong ba'i rang bzhin mi 'pho bar gnas pa ni 'dzin pa'i dbye bas rlung rnam pa bcu 'gro ba dang 'ong pa ste/ de ni 'dzin pa'i yan lag tu brjod do/ /des ni 'dzin pa bshad pa'o/ /nga ni rjes su dran pa bshad par bya ste/ de la dran pa zhes bya ba ni lte ba chos kyi 'byung gnas dkyil na don dam pa byang chub kyi sems gzhom du med pa zhes bya ba gtum mo'i rnam pa sor gcig pa/ phra ba la kha dog dmar po 'chor ba 'dod chags kyi mes thams cad gdungs shing sreg pa/ lus kun la khyab par byed pa'i nus pa yod pa de la sems kyis rjes su dran pa ni dran pa zhes bya'o/ /yang shes rab kyi pad+mar byang chub kyi sems 'dzin pa'i dus su dmigs pa'i yul mi brjed pas na dran pa zhes bya ba ni 'du byed kyi phung po ste/ rlung rnam pa bcu gsang ba'i rdo rje dang pad+ma gnyis gnyis su med cing gcig par gyur pa'i shes rab kyi chags pas bzhu ba'i bde ba de la nyon mongs par mi rtog cing mi chags pa mi dran pa yin te/ de yang g.yung mo dran pa'o/ /yang dran pa zhes pa ni rtsa dbu ma a ba d+hU tIr 'dod pa'i bde ba'i gnas skabs su rlung rnam pa bcu'i dbye bas 'gog nus shing bde

  514. 256b

    ba la mi chags na yang rtsa rjes su dran pa'i dran pa zhes brjod do/ /rjes su dran pa bshad zin to/ /da ni ting nge 'dzin bshad par bya ste/ de la ting nge 'dzin ces bya ba brjod pa la/ dpal gyi ting nge 'dzin 'khor lo can zhes bya ba ni bcom ldan 'das rnam par snang mdzad kyi ting nge 'dzin te/ rlung rnam pa bcu gtsug tor gyi 'khor lor 'gog pas na ting nge 'dzin ces bya bar brjod do/ /de lta na ni bcom ldan 'das ni mi gnas pa'i mya ngan las 'das pa zhes brjod do/ /de ci'i phyir na mya ngan las 'das pa zhes brjod ce na/ sangs rgyas rnams ni gtsug tor gyi 'khor lo nas gsang ba bde ba chen po'i 'khor lo'i bar du kun rdzob byang chub kyi sems dang/ don dam pa byang chub kyi sems gnyis gnyis su med par gyur cing/ stong pa nyid dang snying rje tha mi dad pa las rlung rnam pa bcu rnams rdo rje'i nor bu'i rtse mor 'gog pa dang/ gtsug tor du rgyas par mdzad pa ni de rnams mi rung ba de la dgongs nas mi gnas par mya ngan las 'das pa zhes kyang brjod do/ /ting nge 'dzin bshad zin to/ /yang so sor spong ba'i las bshad par bya ste/ de la so sor spong ba'i las brjod par bya ba ni so sor zhes bya ba ni rnal 'byor pa'i lus la phyi'i yul dang/ nang gi yul yul can rnam pa bcu rnams kyis 'brel pas rnam par shes pa la mi 'jug cing de nyid la brtan par gyur pa ni so sor spong ba'i las so/ /spong ba zhes bya ba ni don go bar ma gyur pas yul mi 'jug pa'o/ /so sor spong ba'i mtshan nyid ni stong pa nyid kyi sku'i yul rnams la mig lnga la sogs pa gzhan mngon par shes pa rnam pa lnga la 'jug pa'o/ /de ni so sor spong pa'i mtshan nyid do/ /da ni bsam gtan gyi las dang mtshan nyid brjod par bya ste/ de bzhin

  515. 257a

    du yang so sor rtog pa'i shes rab kyis nang du bdag nyid la blta bar bya'o/ /yang rtog pa zhes bya ba ni phyi dang nang du dngos po thams cad la 'dzin par byed pa'o/ /de la dpyod pa zhes bya ba ni de'i don nges par byas shing de'i rang bzhin khong du chud par byed cing go bar gyur pa'o/ /dga' ba zhes bya ba ni stong pa nyid kyi sku mthong ba de nyid la zhen pa dang bcas pas sems mi 'gyur bar gnas pa ni dga' ba'o/ /de la mi g.yo ba'i bde ba zhes bya ba ni sku dang lhan cig tu sems 'dres par gyur nas/ mnyam pa la gsal ba'i bdag nyid can gyis mi g.yo bar gyur pa'o/ /de ltar na gzung ba dang 'dzin pa'i dbye bas rlung rnams dang 'dres pa'i bsam gtan rnam pa bcu rnal 'byor pas shes par bya'o/ /de ni bsam gtan gyi mtshan nyid do/ /de ltar so sor spong ba'i mtshan nyid dang/ bsam gtan gyi mtshan nyid bshad zin to// //da ni srog dang rtsol ba'i las dang mtshan nyid bshad par bya ste/ de la srog ces bya ba ni sna bug g.yon pa dang g.yas pa gnyis nas gcig char du rgyun mi 'chad par rgyu ba ni srog gi las so/ /srog gi mtshan nyid ces bya ba ni rang bzhin gyi dbu mar dbugs bcu gcig dang bzhi cha rgyus nas bde ba skyed pa ni srog gi mtshan nyid do/ /rtsol ba zhes bya ba ni g.yon pa dang g.yas pa'i sna bug nas nang du 'jug pa'i gnas pa'i rtsol ba'i las so/ /rtsol ba'i mtshan nyid ni g.yon pa dang g.yas pa'i sna bug nas rgyu ba'i srog 'gog cing dbus ma'i lam du 'jug pa'i rtsol ba'i mtshan nyid do/ /de ltar rlung rnam pa bcu ste/ nam mkha' dang sa la sogs pa'i dkyil 'khor rnam pa bcu dbus mar

  516. 257b

    'gog par byed do/ /des ni srog dang rtsol ba'i las dang mtshan nyid bshad zin to// //da ni thig le'i mtshan nyid brjod par bya ste/ 'dir thig ces bya ba ni shes bya ba'i dngos po gtan la 'bebs pa ste/ dngos po mi 'gyur bar byed pa'o/ /li zhes bya ba ni dpral ba'i dbus su phugs rdugs kyi rtsa srog gi rlung bcug cing/ bla ma'i man ngag ltar rnal 'byor pas bsgoms pas/ sngar rtsa ma nyams pa rnams rnal 'byor gyi stobs kyis rtsa stong phrag bdun cu rtsa gnyis su thig le rgyas shing thams cad khyab par byed pa ni thig le zhes brjod do/ /des ni thig le'i mtshan nyid du brjod de bshad zin to/ /de ni dang gi sgras thig le bshad do// //da ni yang 'dzin par bshad par bya ste/ gnyis ka'i 'gro ba rab tu 'jigs zhes bya ba ni sna bug g.yon pa dang g.yas pa'i rlung rgyu ba ni byis pa so so'i skye bo rnams la ni 'jigs te/ de ci'i phyir zhe na/ 'pho ba'i bde ba la chags shing zhen pa dang bcas pa ni 'khor bar yang skye ba'i las rab tu bsags shing de'i dbang gis ngan song gsum du ltung zhing dmyal bar skye ba ni 'jigs pa'o/ /rnal 'byor pa rnams kyis ni dpral ba srid pa'i gnas su 'gro ba dang 'ong ba'i srog gi rlung bkag pas ni gtsug tor gyi 'khor lo na rtsa chen po bzhi gnas pa ni 'byung ba bzhi las grub pa dra ba'i dpe dang 'dra bar byas nas lus grub ces bya ste/ rtsa lus thams cad la dra ba ltar khyab nas gnas pa'o// de ci'i phyir zhe na/ dra ba nas mar zhugs nas lus thams cad la bde bas khyab par byed cing bde bas mnyam pa'o/ /yang srog gi rlung gis kyang thams cad la khyab par gnas pa'o/ /de ci'i phyir zhe na/ thams cad la tshor ba

  517. 258a

    mnyam du skye zhing rul pa dang skams pa med pa ni srog gi rlung thams cad la khyab par gnas so/ /de'i phyir rnal 'byor pa ni rtsa'i dra ba nas mar thig le bzhi lus thams cad la khyab par gnas shing lus bde ba dang bcas shing gsal ba mi rtog pa bsgoms pas ni srid pa'i rtse mo las gyen du bskyod par byed cing thabs dang man ngag khyad par can rnams 'dzin to/ /yang 'dzin pa'i mtshan nyid ni dpral bar srog 'gog pa dang/ rdo rje nor bu rtse mor srog gi rlung 'gog pa dang/ rdo rje'i rtsa bar sems rtse gcig par gyur pas byang chub kyi sems mi 'phro ba'i bde ba 'dzin par byed pas na 'dzin pa'i mtshan nyid ces brjod do/ /des ni 'dzin pa'i las dang mtshan nyid bshad zin to// // nga ni yang rjes su dran pa'i las dang mtshan nyid brjod pa ste/ de la gtum mo zhes bya ba ni mi srun pa'o/ /yang shin tu kun la khro ba'i rang bzhin can ni gtum mo'o/ /dpe de lta bu'i rang bzhin ni shes rab kyi bya gdong ma la yon tan yod pas gtum mo zhes ming du btags so/ /yang nyon mongs pa rnams mi skye ba'i nus pa yod pas na gtum mo'o/ /yang shin tu myur pa'i yon tan nam/ drag par gcod pa'i yon tan nam/ shangs par byed pa'i rang bzhin nam dngos po thams cad brjed pa 'am/ dmigs pa med par byed pas na gtum mo ste dran pa'i las so/ /dran pa'i mtshan nyid de ni 'jig rten gsum po thams cad du snang bar byed pa'o/ /srid pa gsum gyi nam mkha' la 'phags par byed cing mi g.yo bar gyur pas na gtum mo dug gsum sreg par byed pa'o/ /de rnams dran pas na dran pas shes brjod do/ /des ni rjes su dran pa bcur bstan pa'o/ /da ni ting nge 'dzin gyi las dang mtshan nyid

  518. 258b

    brjod par bya ste/ de la thabs dang shes rab kyi bdag nyid kyi zhes bya ba ni shes bya dang ye shes ro gcig tu 'dres par gyur pa'i yul thams cad 'gag par 'gyur ba/ spros pa'i mdza' dang bral ba sems mchog tu mi 'gyur ba'i dbang gis chos kyi sku nam mkha' la sprin dengs ba lta bu'i sems gsal ba rtogs par 'gyur ro/ /de ni ting nge 'dzin gyi las so/ /ting nge 'dzin gyi mtshan nyid ni ye shes kyi sku de ni ting nge 'dzin gyi stobs kyis rnyed par 'gyur ro/ /de yang srog gi rlung rnam pa bcu la sogs pa rnal 'byor pas 'gags pa 'am/ med par gyur cing sems mi g.yo bar gyur pas mthong zhes pa ni rtsa ba'i rgyud stong phrag bcu gnyis pas bcom ldan 'das kyis nges pa'i don du gsungs/ /des ni ting nge 'dzin gyi las dang mtshan nyid bshad zin to/ /de yan chad sbyor ba yan lag drug gi dbye ba dang mtshan nyid dang las rnams bstan nas/ da ni yon tan brjod par bya ste/ de ltar yan lag drug gsungs pa'i sgrub thabs te/ 'di ni chung sogs dbye ba yis/ /gsum du yang ni 'gyur ba yin/ /sna tshogs bdag po'i sgrub thabs ni/ /dus kyi 'khor los de rig go /phyag rgya gsum dang tshad gsum gyi/ /rnam pa gsum gyi 'gro dbang gis/ /rnal 'byor rnams la thar ster ro/ /de la chung sogs dbye ba yis zhes bya ba ni las kyi phyag rgya chos dang ldan pa lo bcu gnyis ma 'am/ bcu drug ma 'am/ nyi shu lon pa'o/ /ye shes phyag rgya lha mo 'am/ klu mo'i mi mo rang mos pa'am/ ye shes kyi lha mo'am/ nam mkha' 'gro ma'o/ /phyag rgya chen mo'o/ /gsum du yang ni 'gyur ba yin zhes bya ba ni/ las kyi phyag rgya lo bcu gnyis ma la sogs pa la brten nas bde ba la sems gtad cing dmigs pa yis ni byang chub kyi sems 'dzag pas ni 'gro ba'i rnal 'byor pa'i bde ba tshad chung ngur

  519. 259a

    'gyur te/ de'i dngos grub kyi 'bras bu ni las kyi phyag rgya la brten nas rnal 'byor pas bsgrubs pas 'dzag pa'i bde ba chung ngu me'i yon tan zhes pa ni 'jig rten pa rnams dang dga' ba gsum 'gyur du 'byung ba des ni 'dod khams kyi lha'i longs spyod dang rgyan dang/ 'khor khyad par can thob par gyur pa ni phan yon dang po'o/ /yang ye shes kyi phyag rgya ni lha mo la sogs pa dmigs pa'i yul du byas nas sems bde ba la gtad nas bde ba skyed pa ni chu'i yon tan zhes pa ni bde ba 'jig rten pa dang bde ba bzhi 'gyur du 'byung ba ni rnal 'byor pa'i 'bab pa'i 'gro ba ni bde ba'i ched 'bring por 'gyur te/ des dngos grub kyi 'bras bu ni ye shes kyi phyag rgya la brten nas rnal 'byor pas bsgoms pas ni gzugs khams kyi lha bcu bdun gyi bde ba 'am/ longs spyod dang rgyan dang 'khor khyad par can rnams skye ba gcig gis thob par 'gyur zhes dus kyi 'khor lo'i sgrub thabs kyi le'ur gsungs te/ de ni bsod nams kyi tshogs khyad par can yin gyi/ ye shes kyi tshogs khyad par can ni ma yin/ zhes de las 'byung ngo/ /'di ni phan yon gnyis pa'o/ /phyag rgya chen po stong pa nyid dang snying rje dbyer mi phyed pa'i phyag rgya chen mo la dmigs pa'i bde ba bskyed pa ni mi 'bab pa'i bde ba chen po de ni rnal 'byor mchog gi yang mchog ces bya ste/ rlung gi yon tan zhes ni lnga 'gyur du 'byung ba'i bde ba des ni skad cig tsam yid la byas kyang srid pa las gyen du gshegs so zhes bcom ldan 'das kyis gsungs te/ de'i 'ang dper na nags chen po dpag tu med pa yod kyang rtsub shing las byung ba'i me shin tu chung yang nags de rnams

  520. 259b

    me des thams cad sreg pa dang mtshungs te/ lus dang ngag dang yid dang ye shes kyi sgrib pa 'am/ bag chags dpag tu med pa yod kyang/ stong pa nyid rnam par mi rtogs pa'i ting nge 'dzin la rtog pa thams cad spangs nas thun gcig bsgoms na dag par 'gyur ro/ /zhes bcom ldan 'das kyis rtsa ba'i rgyud du gsungs te nges pa'i don to/ /de yang phyag rgya chen po ni bsod nams dang ye shes kyi tshogs gnyis ka'i 'bras bu dang bde ba bskyed par 'gyur ro// de ltar gsum phyag gsum la rnal 'byor pas bsgoms pas dngos grub kyang gsum du de ltar 'byung bar 'gyur ro/ /sna tshogs brtan po'i sgrub thabs ni dus kyi 'khor los de rig go zhes bya ba ni bcom ldan 'das kyis sbyor ba yan lag drug bsgom par bya zhes gsungs te/ rnal 'byor pas sangs rgyas nyid thob par bya ba'i don du sbyor ba yan lag drug bsgom par bya ba ni de bzhin gshegs pa'i nges pa'o/ /phyag rgya gsum dang zhes bya ba ni las kyi phyag rgya dang/ ye shes kyi phyag rgya dang/ phyag rgya chen po dang gsum la brten nas bsgom pa'o/ /tshad gsum dang zhes bya ba ni skyes bu blo dman pa dang/ skyes bu blo 'bring dang/ skyes bu blo rtsal rab tu phyin pa rnams la phyag rgya gsum ci rig par sbyin par bya'o/ /rang gi sgras ni phyag rgya gsum las mi 'pho bar nyams su long zhig par bstan pa'o/ /rnam pa gsum gyi 'gro dbang gis zhes bya ba ni phyag rgya gsum gyi snga ma'i sangs rgyas rnams dang/ ma byon pa'i sangs rgyas rnams dang/ da ltar gyi shAkya thub pa yang de la brten nas sangs rgyas so zhes bya ba'i don to/ /rnal 'byor rnams la thar ster ro zhes bya ba ni de ltar phyag rgya gsum la brten nas bsgrubs na zhi ba dang grol ba'i rgyur 'gyur zhing chos kyi skur 'gyur zhes bya ba'i don to/ /so sor spong ba la sogs pa'i phan yon bshad zin to// //

  521. 260a

    da ni so sor bsdus pa'i 'bras bu bshad par bya ste/ de la 'dir so sor bsdus pa zhes bya ba la sogs pa gsungs te/ 'dir rnal 'byor pas mtshan mo bsgoms pa'i dus su so sor sdud pa yang dag par 'gyur te/ stong pa nyid kyi sku la brtan par gyur pa de'i tshe rnal 'byor pa la sngags thams cad kyis byin gyis brlabs pas tshig gi mchog ster ba zhes bya ba ni dags gi smra ba thams cad btsun pa dang/ ci smras pa kun yang sems can rnams la snyan par 'gyur ro/ /longs spyod dang yo byad thams cad 'phel bar 'gyur ro/ /des ni so sor sdud pa'i 'bras bu brjod de bshad zin to/ /da ni bsam gtan gyi 'bras bu bshad par bya ste/ de la/ bsam gtan sbyor ba dag pa yis/ /mngon par shes pa lnga po ni/ /thob par 'gyur ro mi yi bdag /ces bya ba gsungs pa la/ de la/ bsam gtan sbyor ba dag pa yis/ zhes bya ba ni 'dir gang gi tshe mig mi 'dzums par bgrad pa dang/ lus mi 'gul bar bsrang bas a ba d+hU tIr yid btsud de/ sems ma g.yengs par gnas pa de'i tshe bsam gtan dag pa'o/ /mngon par shes pa lnga po ni/ /thob par 'gyur ro zhes bya ba ni 'bras bu rnam par dag pa lha'i spyan la sogs pa lnga thob par 'gyur te/ sha'i spyan dang/ lha'i spyan dang/ shes rab kyi spyan dang/ chos kyi spyan dang/ ye shes kyi spyan la sogs pa thob par 'gyur ro/ /me'i bdag ces pa ni 'phags pa 'jam dpal la bod pa'i tshig yin te/ de'i sgras rnal 'byor pa rnams kyis thob par 'gyur zhes bya ba'i don to/ /sogs kyi sgras ni de bzhin du lha'i snyan la sogs pa yang thob par 'gyur ro zhes bya ba'i don to/ /des ni bsam gtan gyi 'bras bu bshad zin to// //

  522. 260b

    da ni srog dang rtsol ba'i 'bras bu brjod par bya ste/ de la srog dang rtsol ba zhes bya ba ni rnal 'byor pas g.yon nas 'jug pa'i rlung rgyu ba chad pa dang/ g.yas nas phyir 'byung ba'i rlung rgyu ba 'chang pas na/ nyi ma dang zla ba'i lam dang bral bar gyur pa de'i tshe srog dag pas rtag tu rtsa dbu ma nas rgyu ba de'i tshe/ srog dang rtsol ba dag pa las byang chub sems dpal mchod pa ste/ sku'i dam tshig bsrungs ba dang/ /bsung gi dam tshig bsrungs pa dang/ thugs kyi dam tshig bsrungs pa dang/ ye shes kyi dam tshig bsrungs pa zhes bya ba ni lus kyi thig le mi 'pho ba dang/ dag gi thig le mi 'pho ba dang/ sems kyi thig le mi 'pho ba dang/ ye shes kyi thig le mi 'pho ba ste/ rnal 'byor chen po'i rang bzhin sngags par 'gyur zhes bya ba'i don to/ /des ni srog dang rtsol ba'i 'bras bu bshad zin to/ /da ni 'dzin pa'i 'bras bu brjod pa ste/ nyon mongs la sogs bdud 'joms shing/ /stobs bcu la ni 'jug par 'gyur/ /de la nyon mongs la sogs bdud 'joms shing/ /zhes bya ba ni stong pa nyid kyi sku gzung ba la 'dzin pa'i sems 'jug cing mi g.yo bar 'gyur ba ni 'dod chags dang/ zhe sdang dang/ gti mug dang cha mnyam pa ste/ lha'i bu'i bdud dang/ 'chi bdag gi bdud dang/ phung po'i bdud dang/ nyon mongs pa'i bdud ces pa ni lus kyi sgrib pa dang/ dag gi sgrib pa dang/ yid kyi sgrib pas ye shes kyi sgrib pa rnams mi 'byung bar 'gyur ro/ /stobs bcu la ni 'jug par 'gyur/ /zhes pa ni 'dzin pa'i stobs kyis srog gi rlung 'gro ba dang/ 'ong ba'i bye brag med par 'gyur/ /zad par 'gyur/ 'gags par gyur pas ni lte ba'i gzhom

  523. 261a

    du med pa la dbugs thim par gyur pas/ kun rdzob byang chub kyi sems dang gcig tu 'dres pas dpral bar srog 'gog pa ni sa bcu thob pas stobs bcu 'byung ba ni 'dzin pa las thob par 'gyur ro/ /'dzin pa'i 'bras bu bshad zin to// //da ni rjes su dran pa'i 'bras bu brjod par bya ste/ de la rjes su dran pa zhes bya ba ni 'dir shes rab stong pa nyid kyi sku la thabs snying rje'i bdag nyid 'khyud pas rjes su dran pa ni sems kyi rnam par rtog pa thams cad dang bral ba'i de nyid dang gzhan nyid du brjod du med par sems bde ba la gnas pa ni dran pa'o/ /yang na dran pas nges gzung ba de'i phyir gang dag de'i tshe dri ma med pa'i 'od 'phro ba'i dkyil 'khor du bsams pa ni bdag gi bde ba 'dis sems can thams cad kyang bde ba 'di lta bu dang ldan par gyur la/ bdag kyang dus 'di nas brtsams nas snying po byang chub la gtugs kyi bar du/ bde ba 'di dang mi 'bral bar gyur cig pa ni dran pa'o/ /yang bde ba de nyid ji ltar stong pa bzhin du khams gsum po 'di dag thams cad kyang skad cig ma'i so la mi gnas pa'o zhes bsam pa yang dran pa'o/ /yang thig le gsum po rdzogs pa'i skad cig ma de nyid ni shes rab ye shes so zhes dran pas na dran pa'o/ /yang ye shes kyi thig le rdzogs pa'i bde ba de nyid ni dpe'i bzhi pa yin zhes bya bar dran pas na dran pa'o/ /yang thig le bzhi gsad ba'i pad+mar spros pas ni sku bzhi sprul pa bye ba phrag phyed dang bzhi bkye bas shes rab kyi skye gnas dang/ rtsa dang so dang sen mo la sogs pa thams cad gdul bya'i 'gro ba rnams 'dul bar bsams pa ni dran pa'o/ /yang rnal 'byor pa dang rnal 'byor ma gnyis

  524. 261b

    kyi lus kyi ba spu'i bu ga bye ba phrag phyed dang bzhi nas bde ba'i 'od zer sprul pa dpag tu med par spros pas 'jig rten gyi khams gzhan na gnas pa'i 'gro ba rigs drug thams cad la phog pas de dag gis kyang lhan cig skyes pa'i bde ba rtogs par gyur te/ 'od zer dang sprul pa de dag slar log nas bdag nyid kyi spyi bo nas lus thams cad la khyab pas bzhi pa stong gis char yang mi phod pa'i bde ba skyes par bsams pa ni dran pa'i 'bras bu'o/ /des na dran pa'i 'bras bu bshad zin to// //da ni ting nge 'dzin gyi 'bras bu brjod par bya ste/ ye shes sku la thig le bzhi 'byung ba/ /de ni stong pa nyid kyi sku las spros pa'o/ /zhes bya ba gsungs pa la ye shes sku la thig le bzhi 'byung ba zhes bya ba ni thabs kyi gsang ba'i rdo rje nas sku'i thig le 'byung ba dang/ /gsung gi thig le 'byung ba dang/ thugs kyi thig le 'byung ba dang/ ye shes kyi thig le 'byung ba'i don to/ de ni stong pa nyid kyi sku la spros pa'o/ /zhes bya ba te/ shes rab kyi gsang ba'i pad+mar sku'i sprul pa spros pa dang/ gsung gi sprul pa spros pa dang/ thugs kyi sprul pa spros pa dang/ ye shes kyi sprul pa rnams spros pas 'gro ba'i don mdzad ces bya ba'i don to/ /de'i phyir dag pa'i ting 'dzin gyi zhes bya ba ni 'dir stong pa nyid sku la gzung pa'i sems spangs pa dang/ 'dzin pa'i sems spangs pas dag cing ro gcig pa'i de bzhin nyid kyis sems gang gi tshe mi 'gyur ba'i skad cig ma skyes pa'i don togs pa ni ting nge 'dzin du brjod do/ /de'i phyir ting nge 'dzin des dag pas na/ lus dri ma med par byas so/ /dag dri ma med par byas so/ /yid dri ma med par byas so/ /ye shes dri ma med par

  525. 262a

    byas pa yin te/ rnal 'byor pa des nyin zhag gcig gam/ zla ba gcig gam/ zla ba gsum mam/ zla ba drug gam/ lo gcig gam/ tha na lo gsum dang/ zla ba phyed dang gnyis kyi nyin mtshan gyis ye shes kyi lus grub ste/ mchog gi dngos grub ster bar 'gyur te/ 'bras bu sa bcu'i dbang phyug byang chub sems dpa' 'jam dpal dang mtshungs par 'gyur te/ sa bcu la sogs pas bsgrubs pa dang/ de nas rnal 'byor pa des bzhi pa'i don khyad par can nyams su myong bas sa bcu gcig thun mong gi sa thob par gyur cing brnyes pas ye shes kyi sgrib pa spangs pas sa bcu gnyis pa brnyes pas ni rdo rje 'chang gis zhes bya ba ste/ des na ting nge 'dzin gyi 'bras bu bshad zin to/ /so sor sdud pa la sogs pa sbyor ba yan lag drug gi nges pa dang/ dbye ba dang/ re re'i nges pa'i don bstan cing bsgrub pa'i yan lag bstan to// //da ni sbyor ba yan lag drug gi sgrub pa'i thabs bstan par bya ste/ de la rnal 'byor pa rnams kyis btsan thabs sbyor ba shes par bya ste/ 'dir gang gi tshe so sor sdud pa la sogs pa rnams kyis stong pa nyid kyis sku la sna tshogs kyi gzugs mthong ba na/ srog la rnal 'byor pas ma bsdams pas mi 'dzag pa'i bde ba'i skad cig ma mi skye na/ de'i tshe rnal 'byor pas 'chang par 'gyur ba'i nA da la btsan thabs kyis goms par byas la nyams su blang bar bya ste/ de la rnal 'byor pas lus bsrang ste/ skyil mo krung bcas la/ dbugs sor bzhag cing sems mi yengs par gnas shing/ lag pa g.yas pas rtse chung ngam/ gnyid log rtsa bgas kyis mnan cing mi g.yo

  526. 262b

    par gnas par bya'o/ /de ltar yang nas yang du mi lci tsam grangs mar byas la ro stod dang spyi bo min pa de tsam du byas na/ rtsa dbus mar srog gi rlung rgyu ba nyid kyis shes rab kyi pad+mar gnas pa'i rdo rje nor bu'i nang du chud pa'i byang chub kyi sems kyi thig le bzhi mi 'pho ba'i 'gog pa'i bde ba yis brgya'i char yang mi 'phod pa'i rgyu mthun pa'i mi 'dzag pa'i skad cig ma'i bde ba lhan cig skyes pa'i sku'i don bsgrubs pas/ mthong bar tshe 'di la 'gyur ro/ /de ni btsan thabs kyi sbyor ba dang po'o/ /btsan thabs kyi sbyor ba gnyis pa brjod par bya ste/ stong pa nyid kyi rang bzhin shes rab ma dang snyoms par zhugs shing/ mnyam par 'jog pa'i dus su snying rje'i bdag nyid thabs kyi gsang ba'i gnas thur sel gyi sgo g.ya' pa 'am/ lus bor ba langs pa'i dus nyid du rdo rje nor bu'i rtsa bar lag pa g.yas pas mnan cing lus mi g.yo bar sems bde ba la gtang cing yang drang ba dang/ rgyu zhabs kyi sha tshigs pa la sbyar ba dang/ mig bgrod pa dang/ rkang pa'i 'the bong nang du bskum pa dang/ rting pa phyir brkyang pas shes rab ma dang thabs gnyis char yang mi 'gul mi g.yo bar bde ba la sems gtang cing gnas pa ni/ btsan thabs kyi sbyor ba gnyis pa'o/ /da ni stong pa nyid kyi sku bsgrub pa'i phyir lta ba brjod par bya ste/ de la bsnyen pa zhes bya ba la sogs pa gsungs te/ 'dir bsnyen pa zhes bya ba ni dang po'i rtags du ba nyin mtshan gcig la rnal 'byor pas bsgoms pas mthong bar 'gyur ro// phyi nang gi smig rgyu la sogs pa 'byung bar 'gyur ro/ /bsnyen pa de'i dang por sbyor ba yan lag drug bsgoms pas rtags du ba la sogs pa'i mtshan mar 'dzin pa'i sems spangs pa'i bdag nyid can gyi rnal 'byor pa'i

  527. 263a

    sems kyis gsal la mi rtog pa bsgoms pa'i stobs kyis 'byung bar 'gyur ro/ /gzung 'dzin dang bcas pa'i sems kyis bsgoms pas ni 'byung bar 'gyur ba ma yin no/ /de yang rtags bcu gcig yin te/ du ba ni dang po 'di rnams yid ches pa'i rgyur bstan pa yin la/ lhag ma bcus ni phyi nas brtan par byed pa'i sbyor ba yang dag par byed pa yin te/ de rnams kyang dngos por bzung ba las byung ba ni ma yin no/ /dngos po med las rtags de rnams 'byung bar 'gyur ro/ /de la so sor sdud pa dang po'i lta ba brjod par bya ste/ de la 'khor lo can zhes bya ba gsungs pa la/ 'khor lo can ni gtsug tor gyi 'khor lo'i 'dab ma bzhi la lta ba'o/ /can zhes pa ni thig le bzhi gnas pas na can no/ /lta ba zhes pa ni khro bo gtsug tor rgyal po'i lta ba ni steng du gtsug tor gyi 'khor lo'i 'dab ma bzhi la thig le bzhi 'byung ba bzhis bskyed cing bde ba de la dus thams cad du lta bar byed do/ /skad cig ma gcig tsam yang mi yengs par de nyid la yang dang yang du lta bar byed do/ /de'i spyod lam ni mig dag mi 'dzums pa dang/ kha gdangs shing dbugs sor bzhag pa dang/ dngos por mi 'dzin pas gzung ba dang 'dzin pa'i yul dang bral ba dang/ dbugs smin mtshams su phug rdugs kyi rtsa la rang bzhin du zhugs shing gnas pa ni khro bo de'i spyod lam yin no/ /de bzhin du rnal 'byor pa sgrub pa nyams su len pa rnams kyis kyang de bzhin spyod lam bya ste/ rnal 'byor pas mtshan mo'i sbyor ba la rtags lnga 'byung bar 'gyur ro/ /nyin mo'i sbyor ba la rtags rnams pa drug 'byung bar 'gyur ro/ /nyin mo'i sbyor ba zhes bya ba ni snga dro nyi ma shar ma

  528. 263b

    thag nas sprin med pa'i nam mkha' dangs pa la nyi ma la rgyab kyis phyogs pa la mu? tu kha bltas la gzung ba dang 'dzin pa'i sems gnyis spangs nas/ sprin med pa'i nam mkha' ji ltar dangs shing gsal ba de bzhin du dngos po thams cad kyang nam mkha' bzhin du dangs shing gsal ba'i rang bzhin no zhes rnal 'byor pa'i bsam pa'i yul sngon du de ltar yin la/ phyi nas blos de ltar mi dpyad par sor bzhag par bya'o/ /nyi ma gung la bab pa'i dus su ni khams bsang zhing dmigs par mi bya'o/ /de ci'i phyir zhe na/ mig nyi mas phog pas ni mig rab rib can du 'gyur zhing skyon can du gyur nas/ dmigs pa mi gsal bar 'gyur zhing/ dge ba'i bar chod du 'gyur ro/ /phyi dro nyi ma yol bar gyur pa dang yang nyi mal rgyab kyi phyogs nas kha shar phyogs su bltas la snga ma ltar nam mkha' de nyid la dmigs par bya'o/ /srod dang tho rangs rnams su ni ci bde bar gnas shing kha ton dang bzlas pa dang dmigs pa la sogs pa bya ba thams cad spangs nas rnal 'byor chen po'i nga rgyal gyis gnas par bya'o/ /de ltar bsgoms na de nas chos kyi sku stong pa nyid rnam par mi rtog pa rtogs shing 'grub par 'gyur ro/ /sku'i mthar ni bsnyen pa'i yan lag tu 'gyur te/ de ni so sor sdud pa bsam gtan gyis de rnams 'grub par 'gyur ro/ /da ni nye bar bsgrub pa bshad par bya ste/ de la bgegs mthar byed kyi lta ba ni zhes bya ba la/ bgegs mthar byed ni khro bo bdud rtsi 'khyil pa'o/ /de'i lta ba ni bdud rtsi'i gnas su song ba ste/ bdud rtsi'i gnas zhes bya ba ni dpral ba ni kun rdzob byang chub kyi sems gnas pa'o/ /srid pa'i gnas zhes bya ba ni de nas lus thams cad la khyab par byed pa'i kun rdzob

  529. 264a

    byang chub kyi sems 'dzag pa'i gzhi de ni gnas pa'o/ /bgegs mthar byed de'i lta ba ni bdud rtsi'i lam zhes bya ba ni lu gu rgyud du bcings pa'i lam ni dbu ma a ba d+hu tIr byang chub kyi sems dang kun gzhi rnam par shes pa gcig tu 'dres nas rdo rje rtse gcig pa lta bur gyur pa ni yan lag drug nye bar sgrub pa'o/ /nye ba'i sgrub pa bshad nas/ yang srog gi sgras ni srog dang rtsol ba dang/ 'dzin pa zhar la brjod par bya ste/ stong pa nyid bsgoms pa las sku mthong nas rnal 'byor pa bdag nyid kyi lte bar hUM mthing nag sor gcig pa bsams nas sna bug g.yon pa nas dang po sor bcu bdun nas bzlog ste/ oM dkar po gcig dbugs dang 'grogs nas nang du zhugs pas lte ba'i hUM la thim par bsams nas ji tsam bde ba tsam du bzhag go /de mi bde ba 'am/ gang ba snyam byed na/ de nas hUM las dbugs byung ba yang sna bug g.yas pa nas byung ba a dmar po dang 'grogs nas phyir sor bcu bdun tshun chad 'phros pas yang dang yang du rnal 'byor pas bsgom pa ni srog dang/ rtsol ba'i rnal 'byor ro/ /de la brtan pa thob na ni bde ba khyad par can skye zhing sems shin tu yang brtan par gyur nas dngos po thams cad 'gags pa dang/ dbugs yang ring bar 'gyur te/ hUM las dbugs je ring re ring du byas la/ oM nang du je thung je thung bya zhing/ a yang phyir 'byung ba oM dang mnyam par je thung je thung du bsam mo/ /phyi nas sna bug gnyis 'dom pa'i mtshams su sor bzhi'i nang nas thig le gsum gnas par bsams la/ des dbugs la phog pas dbugs slar log nas hUM la thim par gyur pas bde ba dang bcas par de yar 'od ba dang/ mar 'gro bas sna bug gi sum mdor thig le gsum ni

  530. 264b

    kha dang sna bug gnyis su re re gnas pas srog gi rlung la phog pas srog gi rlung phyir log pas kun gzhi rnam par shes pa dang 'dres nas don dam pa byang chub kyi sems sor gcig pa la hUM dang dbugs su bcas pa thim par gyur pa ni srog nye bar sgrub pa'o/ /nye bar sgrub pa bshad zin to// //da ni sgrub pa brjod par bya ste/ shes rab las spros zla ba'i thig le zhes bya ba ni 'dir shes rab kyi chags pas bzhu ba'i rnal 'byor pa'i spros pa'i thig le de ni spros pa'i zla ba'i thig le'i zhes bya'o/ /de yang shes rab las spros pa'i byang chub kyi sems kyi thig le de yang rnal 'byor pa'i rdo rje nor bu'i nang du son pa'i bde ba gang yin pa de ni yi ge bzhi'i bdag nyid de/ gsang ba bde ba chen po'i 'khor lor ye shes kyi rang bzhin gyi yi ge ho dmar po dang lte ba sprul pa'i 'khor lor A(rgyud 'grel): dmar skya dang/ snying ga chos kyi 'khor lor hUM dkar po dang/ long spyod kyi 'khor lor oM rnams kha sbyor du thabs dang shes rab gnyis su med par sgrub pa ni de sgrub par 'gyur te/ 'di ni sgrub pa'i yan lag gsum par 'gyur ro/ /des ni sgrub pa bshad zin to// //da ni sgrub pa chen po brjod par bya ste/ bde ba ma nyams gcig zhi ba zhes bya ba ni las kyi phyag rgya nu ma dang skra dang ldan pa lo bcu gnyis ma la sogs pa yang rung/ /ye shes kyi phyag rgya gang la dmigs pa de brtan por gyur pa yang rung/ phyag rgya chen po stong pa nyid la dmigs pa brtan por gyur kyang rung ste/ byang chub kyi sems kyi bde bas gang zhing bde pa mi nyams pa'i skad cig ma gcig gi mtshan nyid de ni lus zhi ba dang/ ngag zhi ba dang/ yid zhi ba dang/ ye shes zhi ba zhes brjod do/ /de ni lhan cig skyes pa yin zhes bcom

  531. 265a

    ldan 'das kyis rtsa ba'i rgyud dpal mchog gi dang po zhes bya ba stong phrag bcu gnyis pa'i ye shes kyi le'ur gsungs so/ /sgrub chen ye shes sbyor ba'o/ /zhes bya ba'i don dam pa byang chub kyi sems de la rnal 'byor pas dus thams cad du byang chub kyi sems mi 'dzag pa'i rgyun gnas shing/ rtog pa can gyi bde ba'i rgyud med do snyam pa'i shes pa dang lhan cig tu rnal 'byor pas gcig par bsgom pa ni sgrub pa chen po'i yan lag ste bzhi'o// de ltar ye shes kyi yan lag bzhi pa sgrub pa chen po bshad zin to// //nga ni rdzogs pa'i rang bzhin dbu ma chen po brjod par bya ste/ lha la sogs pa sgrub pa sngar bshad pa'i bskyed pa'i rim pa ni 'jig rten pa'i dngos grub thob pa'o/ /rdzogs pa'i rim pa de kho na nyid sgrub pa ni 'jig rten las 'das pa'i dngos grub thob pa'o/ /bcom ldan 'das kyis de skad ces bka' stsal to/ /sangs rgyas rnams kyis chos bstan pa/ bden pa gnyis la yang dag brten/ /'jig rten kun rdzob bden pa dang/ /don dam pa yi bden pas 'grub/ /ces bcom ldan 'das kyis bka' nges pa'i don to/ /yang bcom ldan 'das kyi bka' las/ rim pa gnyis la yang dag brten/ /rdo rje can gyis bdag la bstan/ /bskyed pa'i rim pa gcig yin te/ /gzhan ni rdzogs pa'i rim pa'o/ /zhes bka' nas 'byung ngo/ /de'i phyir na de ltar lha sgrub pa la ni rnam par rtog pa can gyi bskyed pa'i rim pa'i rnal 'byor bsgom pa rnams kyis thams cad bsgrubs pas 'grub par mi 'gyur ro/ /de kho na nyid kyi rang bzhin chos kyi sku bsgrub pa la ni rnam par rtog pa dkar po dang/ dmar po dang/ ser po dang/ sngon po dang/

  532. 265b

    nag po dang/ ring ba dang/ thung ba dang/ sbom pa dang/ phra ba dang/ chags pa dang/ zla gam dang/ zlum po dang/ sog ka dang/ gru bzhi dang/ yan lag dang/ nying lag dang/ ri dang/ nags tshal dang/ khri shing dang/ gel pa dang kha dog dang/ dbyibs kyi tha snyad thams cad dang bral ba'i yan lag bzhi rdzogs pa rang gis 'grub pa'o zhes bya ba ni rang gis rigs pas 'grub pa'o/ /dbu ma chen po'i don bshad zin to// //da ni srog dang rtsol ba'i yon tan dang skyon gnyis kyi mtshan nyid brjod par bya ste/ srog ces bya ba la sogs pa gsungs te/ 'di ltar rnal 'byor pas rnam par mi rtog pa bsgoms pa las sku mthong nas rnal 'byor pas rdo rje dril bu'i rtse mo nas brtsams nas gtsug tor gyi 'khor lo'i bar du sems gtad cing dbugs sum stong drug brgya'i bar du 'gog cing bde ba nyams su myong bar bya ba ni yon tan du 'gyur ro/ /skyon du 'gyur ba ni rnal 'byor pas dbugs shin tu gsad ba sna rtser ram/ lte ba sprul pa'i 'khor lor cig car bsdams shing mi rgyu bar byas na ni srog gi rlung yan man du 'gro sa med de lte bar rgyal bas srog gzhan du mi 'gyur bar a ba d+hU tir zhugs nas tshangs ba'i bu ga nas byung nas/ rnal 'byor pa'i lus dor nas mgo bkas te 'chi ba'i dus byed bar 'gyur ro/ /de na skyon bstan pa'o/ /rnal 'byor pas mgon par mi byed pa de srid du rnal 'byor du bya'o/ /de ltar byas na rnal 'byor pa rnams la mnyam pa'i bde ba phung po nyon mi mongs pa'i 'bras bu ster bar 'gyur ro/ /de la steng du zhes pa ni mgo na ba de srid na mi 'dod pa yin te/ rnal 'byor pas dmigs par mi bya'o/ /byas na

  533. 266a

    ni 'chi ba'i 'jigs pa ster bar 'gyur te/ phung po'i 'jig par 'gyur ro/ /'on te rnal 'byor gyi stobs kyis gtsug tor gyi 'khor lo'i sgo phug nas srog gi rlung 'gro ba'i rnal 'byor pa ni mchog tu mi 'gyur ba'i bde ba go 'phang steng pa nyid kyi sku la gcig tu sbyor ba'i ting 'dzin de la sems rtse gcig pa'i yon tan gyis ni de ltar rnal 'byor pa de'i phung po med par gyur kyang/ med pa ni ma yin te/ yod ces bya ba'i don to/ /de ji ltar yod ces na/ rnal 'byor pa ni mnyam pa'i bde ba mchog tu mi 'gyur ba'i ting nge 'dzin du 'gro bar 'gyur zhes bya ba ni sangs rgyas bcom ldan 'das gang du yang ma grub pa'i chos kyi skur 'gyur zhes bya ba'i don to/ /'on te rnal 'byor pa chos kyi skur 'gyur ram/ gzhan zhig tu 'gyur snyam pa la/ de ltar mi 'gyur ro rnal 'byor pa ni ma yin no/ /rnal 'byor pa zhes bya ba ni rnal 'byor pa'i sems nyid chos kyi skur 'gyur ba la/ rnal 'byor pa 'gro zhes brjod par zad kyi/ rnal 'byor pa'i lus po 'gro ba na ma yin no/ /'on kyang 'jig rten pa rnams la grags pa med ces bya ba ni rnal 'byor pa 'di ni shi bar gyur to/ /zhes grags par 'gyur te/ shi ba ma yin no zhes bya ba ni grub mdza' 'dzin pa rnams la rigs pa grub pa'o/ /srog dang rtsol ba'i skyon dang yon tan bstan pa sgrub thabs kyi le'ur bcom ldan 'das kyis gsungs pa nges pa'i don to/ /skyon dang yon tan gnyis bshad zin to/ /dbus su srog ces pa la sogs pa ni go bla'o/ /da ni rtsa'i kun tu spyod pa'i gnas thabs brjod par bya ste/ thig le zhes pa ni dpral bar sku'i thig le gnyid sad pa'i gnas skabs skyed

  534. 266b

    par byed pa'o/ /cha zhes pa ni mgrin par gsung gi thig le rmi lam rmis pa lta bu'i gnas skabs skyes par byed pa'o/ /sgra zhes bya ba ni snying khar sems kyi thig le shin tu gnyid log pa lta bu skyed par byed pa'o/ /ye shes zhes pa ni lte bar ye shes kyi thig le bzhi pa'i gnas skabs skyed par byed pa'o/ /bdud rtsi'i gnas su song ba ni lu gu rgyud du bcings pa'i rtsa/ de la yang bdud rtsi'i gnas su zhes bya ba ni dpral ba'i dkyil 'khor ni thig le bzhi 'dzag pa'o/ /song ba ni zhes pa ni de ru'o/ /dus kyi me zhes pa ye shes kyi rtsar song ba ni bdud rtsi'i gnas su song ba'o/ /lu gu rgyud ces bya ba ni g.yon gyi rtsa la la nA dang/ g.yas pa'i rtsa ra sa nA do// bcings pa'i rtsa zhes bya ba ni dbus kyi rtsa a ba d+hU ti dang/ de'i nang gi ye shes kyi rtsar me kha dog dmar por gnas pa ni bcings pa'o/ /de ji ltar bcings shes na/ de ni 'di ltar bcings so/ /lus kyi sgrib pa dang ngag gi sgrib pa dang/ yid kyi sgrib pa dang/ ye shes kyi sgrib pa rnams kyis lus gsal ba dang/ ngag gsal ba dang/ yid gsal ba dang/ ye shes gsal bar gyur pa shel sgong phyis pa ltar gsal bdag nyid de/ dar gyi srin bu bdag nyid kun nas dkris shing mi thar pa de bzhin du/ 'gro ba rnams kyang sgrib pa bzhis mi gsal bar byas so/ /rnal 'byor pa rnams kyis de rtogs par byas shing/ lu gu rgyud du bcings pa'i rtsa ni lus dang/ ngag dang/ yid gsum yin te/ de yang 'dod chags dang/ zhe sdang dang/ gti mug rnams yin pas/ ye shes dkris shing mi gsal bar byas so/ /des dkris pa ni lte ba dang/ snying ga'i bar du lan

  535. 267a

    gsum du dkris so/ /de nas yang a ba d+hU tI ni snying gi ze'u 'bru'i dbus nas byung nas 'gro zhing srog gi rlung rgyu bar byed do/ /la la nA ni g.yon nas 'gro'o/ /ras nA ni g.yas nas snying gi pad+ma'i 'dab ma'i g.yas nas 'gro bar 'gyur ro/ /de nas snying ga dang/ mgrin pa'i pad+ma'i 'dab ma'i bar du lan gsum bskyil nas yang 'gro bar 'gyur ro/ /de bzhin du yang mgrin pa dang/ dpral ba'i dbus su lan gsum du 'khyil nas gnas pa'o/ /dpral ba nas gtsug tor gyi 'khor lo'i dbus su lan gsum gyi bar du 'khyil nas gnas te/ lus dang/ ngag dang/ yid gsum dkris te/ de la rdul dang/ mun pa dang/ snying stobs gsum gyi rang bzhin gyis de ltar lan gsum pa bzhir byas nas lus kyi rtsa'i ra sa nA g.yas kyi rtsa sna bug nas phyir 'byung ba ni bcu gnyis mdza' nas cha'i mthar zhes pa ni sa'i khams kyi rlung sor bcu gsum du rgyu'o/ /chu'i khams kyi rlung sa sor bcu bzhir rgyu'o/ /me'i khams kyi rlung sor bco lngar rgyu'o/ /rlung gi khams kyi rlung sor bcu drug tu rgyu'o/ /nam mkha' i khams kyi rlung sor bcu bdun du rgyu'o zhes ni nang gi le'ur gsungs so/ /sku'i g.yon gyi rtsa la la nA ni sor bcu bdun nas rgyu'o/ /ngag gi rtsar sa nA ni g.yas sor bcu gsum tshun chad du 'gro'o/ /yid kyi rtsa a ba d+hU tI cig car dbus ma nas sna bug gnyis 'dom pa nas/ sor bco lnga tshun chad 'gro'o/ /de bzhin du 'og tu lte ba dang/ gsang ba'i gnas kyi bar du yang lan gsum du 'khyil bar byas nas/ bshang ba'i rtsa ni g.yas nas 'gro'o/ /gci ba'i rtsa ni g.yon nas 'gro'o/ /dung can ma ni dbus ma nas gsang ba'i rdo rje'i nang nas shes rab kyi pad+ma'i bya gdong mar

  536. 267b

    'gro'o/ /gsang ba'i pad+ma'i 'og tu bshang ba'i rtsa dbus su 'gro'o/ /gsang ba'i rdo rje dang shes kyi pad+ma'i g.yon nas gci ba'i rtsa 'gro'o/ /g.yas kyi rtsar sa nA nas kun rdzob byang chub kyi sems kyi khu ba 'gro'o/ /zhes pa ni rtsa'i kun tu spyod pa yin te/ bcom ldan 'das kyis zhib mor ni nang gi le'ur gsungs te 'dir ma bshad do/ /'di ni de bzhin gshegs pa'i bka' nges pa'o/ /rtsa'i kun tu spyod pa bshad zin to/ /da ni rlung gnyis rgyu ba brjod par bya ste/ srog dang thur sel lam gsum rgyu zhes bya ba ni steng du lus dang/ ngag dang/ yid gsum gyi rang bzhin g.yon pa dang/ g.yas pa dang/ dbus ma nas gyen du rgyu ba srog gi rlung ngo/ /'og tu rgyu ba'i rlung ni rdul dang/ mun pa dang/ snying stobs kyi rang bzhin/ bshang ba dang/ gci ba dang/ khu ba'i rtsa'i lam nas rgyu bar byed pa'i rlung ni thur du sel ba'o/ /rdo rjer bcas pa'i pad+ma ni shes rab rnams kyi skye gnas te/ 'bab pa'i bde ba ster ba'i phyir ro/ /pad+ma dang bcas pa'i rdo rje ni 'dzin pa'i bde ba ster ba'i phyir ro/ /bud med kyi pad+ma dang ldan pa nyid de/ pad+ma'i ze 'bru 'byed pa nyid yin no/ /dbus su rlung dang phrad pa ni zhes pa ni lte ba'i dbus su gyen du rgyu ba'i srog gi rlung dang/ thur du sel ba'i rlung dag phrad pa'o/ /bya gdong ma dang dung can ma gnyis phan tshun du mi g.yo bar phrad de/ byang chub kyi sems kyi rtsa gnyis rdo rje'i spu gu'i nang du pad+ma'i ge sar zhugs pa'i mi 'pho ba'o/ /yul zhes pa ni shes rab ma'i pad+ma'o/ /yul can zhes pa ni thabs kyi rdo rje'i nor bu'o/ /rnam par dbye ba med ces pa ni thabs dang shes rab dbyer med cing mi byed pa'o/ /yul rnams la yul can rnams te mig la sogs pa'i dbang

  537. 268a

    po'i sgo mi 'jug pa ste/ dbu mar rlung rgyu ba'o/ /'jug pa zhes pa ni lte ba'i pad+mar sreg gi rlung 'jug pa'o/ /sems mi g.yo ba de ni sngar bshad zin to/ /du ba la sogs pa'i mtshan ma rnams ni a ba d+hU tIr srog gi rlung chud pa'i sgo nas 'dzin pa'o/ /yang gi sgras ni srog de nyid lta bar gzhom du med pa la shes par gyur pa'o/ /'di dag thams cad byis pa'i rang bzhin can rnal 'byor pa 'am/ rnal 'byor ma rnams la gsang zhes pa ni byis pa so so'i skye bo rnam par mi shes pa rmongs pa rnams dang/ dad pas shas chung zhing nyon mongs pa shas che ba rnams la gsang ba zhes bya ni spa bar bya'o/ /de rnams la spas pa yin na rang yang dmyal bar ltung la/ gzhan yang de la brten nas dmyal bar 'gro zhes ni bcom ldan 'das kyi bka' nges pa'o/ /rlung gnyis rgyu ba bshad zin to/ /da ni dkyil 'khor lnga'i zad pa brjod par bya ste/ sa zhes bya ba la sogs pa la/ 'dir gal te khro bo'i lta bas stod pa la sems gzhag pa'i rnal 'byor pa mig ma btsum par gyur pa de lta na ni g.yon pa'i g.yas par te sa zhes pa ni nye bar mtshan pa'o/ /gal te g.yas par sa'i dkyil 'khor 'bab pa'i dbus su rnal 'byor pa bsgom par byed pa de lta na ni cho ga 'di yin gyi g.yon gyi rtsang 'bab pa'i dbus su ni ma yin te nam mkha' i dkyil 'khor la sogs pa la rgyu ba'i phyir ro/ /de'i phyir g.yon pa'i g.yas par gang srog gi dkyil 'khor 'bab pa de'i chos can gyi phyir de nyid dkyil 'khor du brjod do/ /de'i phyir g.yas kyi rtsa'i sa'i dkyil 'khor las srog gi chu'i dkyil 'khor du 'gro ste/ de ltar ye shes kyi dkyil 'khor gyi bar du'o/ /g.yon gyi rtsa las ni nam mkha' la sogs pas 'gro ste de ltar stong par 'gro'o/ /mtshan ma rnam pa bcu ru 'gyur zhes pa ni thub la sogs

  538. 268b

    pa'i mtshan ma rnam pa kun ldan gyi stong gzugs su 'gyur ro/ /gzugs las mi 'gyur ba'i bde bar 'gyur ro/ /shes rab kyi pha rol tu phyin pa'i ye shes de nyid do/ /ye shes las rdzu 'phrul zhes pa ni nam mkha' 'gro ba la sogs pa'o/ /dngos grub ces pa ni khams gsum gyi dbang phyug du 'gyur te/ mi rnams skye ba 'di nyid la/ /thob par 'gyur ro mi bdag kye/ /zhes bya ba ste lam du 'jug pa'i nges pa'o// //da ni rang gi sems 'di snang ba la 'jug pa brjod par bya ste/ nam mkha' zhes bya ba la sogs pa bcom ldan 'das kyis gsungs te/ 'di bka' gsang sngags rdo rje'i theg pa dang/ shes rab kyi pha rol tu phyin pa'i theg par ni bcom ldan 'das kyis ni rnal 'byor pa rnam pa gnyis la goms par bya zhes gsungs te/ rnal 'byor pa 'di ni yum shes rab kyi pha rol tu phyin pa brgyad stong par yang brgya byin gyi le'ur gsungs te/ lha'i dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor gyi shes rab kyi pha rol tu phyin pa 'di la rnal 'byor du byed par 'dod pas gang la rnal 'byor du byed/ rnal 'byor bas rnal 'byor ji ltar rnyed par 'gyur/ de skad ces smras pa dang/ tshe dang ldan pa rab 'byor gyis 'di skad ces smras so/ /lha'i dbang po brgya byin la kau shi ka gang/ shes rab kyi pha rol tu phyin pa la rnal 'byor du byed par 'dod pas/ nam mkha' la rnal 'byor du bya'o/ /kau shi ka gang shes rab kyi pha rol tu phyin pa la rnal 'byor du byed par 'dod pas/ bla gab med pa la rnal 'byor du bslab par bya'o zhes bcom ldan 'das kyis gsungs so/ /

  539. 269a

    de la nam mkha' bla gab yod pa la rnal 'byor pas rnam par mi rtog pa goms par bya ba dang/ yang nam mkha' bla gab med pa la rnal 'byor pas rnam par mi rtog pa goms par bya'o/ /de la gang zhig nam mkha' la rnal 'byor du byed par 'dod pa'i rnal 'byor pa'i spyod lam ni sngar gong du bstan zin to/ /bla gab yod pa'i rnal 'byor brjod par bya ste/ de la rnal 'byor pa dang po khyim chen po spangs mtho ba phyogs thams cad zhal zhal byas pa/ bu ga rta rnga tshad tsam yang mi shong bar tshags bsdams la khyim chen po'i nang du mun pa'i nam mkha' la dngos po thams cad la zhen pa'i sems cha phra mo yang med par yongs su spangs pas/ mun pa la kun nas dang bas yongs su brtags pas ni rnal 'byor pa de la dang po du ba la sogs pa'i rtags lnga mtshan mo'i sbyor bas mthong bar 'gyur ro/ /rtog pa thams cad yongs spangs shing/ nyin zhag gcig la rnam par brtag /de la rtags ni ma byung na/ de tshe nga yi brdzun tshig yin/ zhes bcom ldan 'das kyis bka' dam pa'o/ /mig dag mi 'dzums pa ni zhes pa ni mig gtsug tor la brtags te/ smin ma bteg la kha gdang 'am/ yang na btsum kyang rung ste/ lus mi 'gul/ mi brkyang bar byas la rnal 'byor du bya'o/ /rdo rje'i lam du zhugs pa yis zhes pa ni 'dir srog gi rlung rtsa dbus ma a ba d+hU tIr dbang med du bla ma'i man ngag gis zhugs pa ni stong pa nyid rnam par mi rtog pa las dbus mar zhugs pa'o/ /nam mkha' la zhen pa'i sems kyis zhes bya ba ni bla gab yod pa la rnal 'byor pa smig mi 'dzums

  540. 269b

    pa dang/ rdo rje'i lam du zhugs pa yis stong pa las rtags du ba lta bu dang/ smig rgyu dang/ rab gsal dang/ mar me dang/ dri ma med pa'i nam mkhar snang ba rnams ni mtshan mo'i sbyor bas mthong bar 'gyur ro/ /de ni khro bo gtsug tor rgyal po'i lta bas bsgom par bya'o/ /nyin mo'i rnal 'byor zhes pa ni bla gab med pa'i nam mkha' sprin med pa'i dangs pa la rnal 'byor byed pa ni rgyal po'i lta stangs shes ni dper na rgyal po 'khor mi rnams kyi nang na 'dug kyang/ 'khor mi rnams kyi rgyal po la rgol ba la sogs pa mi nus te/ rgyal po de yang 'khor rnams la 'jigs pa 'am/ bag khum pa 'am/ spu zing zhes byed par mi 'gyur te/ rgyal po de'ang 'khor mi rnams kyi yid du 'ong ba dang/ mthong na dga' bar 'gyur ro/ /rgyal po des kyang 'khor mi thams cad kyi rten dang stegs byed cing/ rgyal po'i bya ba byed la rgyal srid sus kyang mi 'phrog pa de bzhin du nyin mo'i rnal 'byor byed pa'i rnal 'byor pa yang rgyal po dang 'dra ste/ nyon mongs pa 'dod chags dang/ zhe sdang dang/ gti mug dang/ nga rgyal dang/ phrag dog dang/ ser sna dang/ g.yo sgyu dang/ bdud la sogs pa rnams kyis glags mi rnyed de gtan mi 'byung ngo/ /des na rgyal po'i 'dug stangs zhes bya'o// khengs pa'i 'dug stangs zhes bya'o/ /sangs rgyas mnga' bdag gzugs nyid ni/ sgrub pa'i che la rnam par brtag /ces phyag na rdo rje'i bstod 'grel las 'byung ngo/ /des ni nyin mo dang mtshan mo'i rnal 'byor bshad zin to// //da ni bdud rtsi 'khyil ba'i lta stangs brjod par bya ste/ /bdud rtsi 'khyil ba'i lta stangs zhes pa ni mig drang bar bltar ste drang por bltas pas ni snying ga na gnyid log pa lta bu'i bdud rtsi gnas pa'o/ /rnal 'byor pa'i sbyong lam ni mdun drang por mig mi 'dzum par rnal 'byor pa cir yang

  541. 270a

    mi dmigs shing/ cir yang mi rtog par dngos po thams cad spangs nas de nyid dang gzhan nyid du khas gang du yang mi len par brjod pa thams cad kyi yul las 'das pas gnas pa'o/ /des ni bdud rtsi 'khyil ba'i lta stangs bshad zin to// //da ni zhi ba lha'i 'dug stangs bshad par bya ste/ lha'i gzugs su bsgom par bya zhes pa ni rnal 'byor pa bdag nyid kyi lte bar a dmar po gcig gsal bar bsgoms shin bsams ba de la/ gsang ba'i ye shes kyi me 'bar bar gyur bas lte ba'i a la phog pas a dro bar gyur pa dang/ dro ba las kyang me 'bar bar gyur te/ stong pa nyid kyi rtsa a ba d+hU tI nas yang zhugs nas rang gi phung po dang/ khams dang/ skye mched dang/ dbang po lnga rnams bsregs bas thig le bzhir gyur te/ thig le bzhi ni gzugs zhu bar gyur pa dang/ khams zhu bar gyur pa dang/ skye mched zhu bar gyur pa dang/ dbang po zhu bar gyur pa'i thig le rnams so/ /lte ba las 'bar tsaN+Da yi/ /bde gshegs lnga ni bsregs nas su/ /spyan ma la sogs lnga bsregs te/ haM bsregs ri bong can las kyang/ /gzhu nas lte bar thim par 'gyur/ /lte ba zhes bya ba ni bde ba chen po'i 'khor lo yin te gzhom du med pa'o/ /las zhes bya ba ni mchog tu mi 'gyur ba'i bde ba bskyed pa'o/ /'bar zhes pa ni 'dod chags kyi me/ shes rab kyi chags pas rab tu 'bar bas dug gsum bsreg pa'o/ tsaN+Da li zhes bya ba ni bde ba myur du 'gugs par byed pas gtum mo'o/ /bde gshegs lnga zhes pa ni gzugs kyi phung po dang/

  542. 270b

    tshor ba'i phung po dag 'du shes kyi phung po dang/ 'du byed kyi phung po dang/ rnam par shes pa'i phung po'o/ /de lnga ni de bzhin gshegs pa lnga'i rang bzhin yin te/ bag chags kyi lus yin pas na bsregs pa kho na'o/ /spyan ma la sogs zhes pa ni sa'i khams ni DA ki ni'o/ /chu'i khams ni lA ma'o/ /me'i khams ni khaN+Da ro hi'o/ /rlung gi khams ni rU pi Ni'o/ /nam mkha' i khams ni chos kyi dbyings kyi dbang phyug ma'o/ /de rnams ni khams lnga yin te/ lus skyes bas so/ / bsregs pa ni spyan ma la sogs pa lha mo rnams so/ /lnga zhes pa ni skye mched lnga yin te/ mig gi skye mched dang/ rna ba'i skye mched dang/ sna'i skye mched dang/ lce'i skye mched dang/ lus kyi skye mched dang lnga bsregs pa'o/ bsregs pa'i sgras ni mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi dbang po dang/ yid kyi dbang po ste/ de rnams bsregs shing med par byas te/ rnal 'byor pa'i nyon mongs pa dang/ bag chags ngan pa zhen pa dang bcas pa'i dngos po rnams la chags par byed pa 'di bsregs pa zhes pa ni rnal 'byor pa'i sems kyi snang ba'o/ /yang dag par ni bsregs pa dang mi sreg pa gang yang yod pa ni ma yin no zhes bka' nas 'byung ngo/ /ste zhes pa ni bla ma dam pa'i gdams ngag gis zin pa'i rnal 'byor pa rnams kyis gyis shig pa'o/ /haM zhes pa ni sprul pa'i 'khor lo nas brtsams te gtsug tor gyi 'khor lo'i bar du thug pa'i yi ge A li dang kA li rnams bsregs shing/ rtsa stong phrag bdun cu rtsa gnyis dang/ pad+ma'i 'dab ma brgya lnga bcu rtsa drug po thams cad bsregs shing med par byas pa'o/ /ri bong zhes pa ni gtsug tor

  543. 271a

    gyi 'khor lo la gnas pa'i thig le bzhi haM dang bcas pa'i tshes gcig gi zla ba lta bu'i rang bzhin du bzhu nas/ lte ba'i gzhom du med par thim par gyur cing 'dres pa'i bde ba dang bcas par gnas pa'o// can zhes pa ni gtsug tor gyi 'khor lo na dus thams cad du gnas zhes pa'i don to/ /kyang zhes pa ni thams cad bzhu nas gzhom du med pa la thim pa'o/ /gzhom du med pa de nyid kyang zhu bar gyur pas shin tu cha phra bar gyur cing/ skra'i rtse mo brgya stong du bshags pa'i tshang du dmigs shing ma zhen pa ni zhi ba lha'i gzugs su bsgom par bya zhes bya ba'i don to/ /des ni lha'i gzugs kyi bsgom pa bshad zin to/ yang lha'i gzugs kyi bsgom pa brjod par bya ste/ /rnal 'byor pas shes rab kyi pad+ma'i dbus su chos kyi 'byung gnas gru gsum pa bsams nas/ /dngos po thams cad rjed par byed pa'i nus pa 'di la yod pas/ bdag gis kyang nus pa de btsal bar byed pa'i don 'di la nus yod do bsams nas/ chos kyi 'byung gnas kyi dbus na gnas pa'i ge sar yi ge ra'i rnam pa lta bu 'am/ yi ge a'i rnam pa lta bu de thabs kyi gsang ba'i rdo rje'i nang du btsud pas chos kyi 'byung gnas kyi a rdo rjes phyed mar bcad pas/ g.yon pa dam du gyur pas me'i rang bzhin du gyur nas drod skyes par bsam mo/ /g.yas pa yam du gyur nas rlung gi rang bzhin du gyur te/ phan tshun du 'grogs nas/ rlung gis ram la phog pas dro bar gyur nas dro ba las kyang me'i rang bzhin dro bar 'gyur te/ chos kyi 'byung gnas kyi rang bzhin a dros nas me 'bar bas/ gsang ba'i rdo rje nor bu'i spu gu'i nang na yar tsaN+Da li zhugs nas 'khor la

  544. 271b

    drug dang bcas pa'i rtsa stong phrag bdun cu rtsa gnyis dang/ phung po dang/ khams dang/ skye mched dang/ las kyi dbang po dang/ las kyi dbang po'i bya ba la sogs pa thams cad bsregs shing/ med par byas nas bde ba dang bcas pa rang bzhin med par bsgom par bya'o/ /yang shes rab mas bsam pa ni thabs kyi gsang ba'i rdo rje dung can ma nas pad+ma'i bya gdong ma'i dbus su zhugs nas yar zla ba'i rang bzhin bsil ba'i rlung a ba d+hU tI nas 'thon nas 'khor lo drug la sogs pa bsregs shing med par byas pa ni snga ma dang mthun no/ /de ltar thabs dang shes rab gnyis/ /gnyis su med pa'i bde ba de nyid la dmigs shing sems gzung 'dzin gnyis dang phral nas/ bde ba de gnyis la brten cing stong pa nyid dang snying rje dbyer mi phyed par gnyis su med par rnal 'byor pas bsgom pa ni chags pa'i lam pa'i zhi ba/ lha'i gzugs su bsgom pa'o/ /chags pa'i lam pa'i rnal 'byor bshad zin to/ /da ni rtags rnams brjod par bya ste/ nyin mo'i rnal 'byor gyi rtags rnam pa drug gsang ba'i gsang ba yin te/ bcom ldan 'das kyis sgyu 'phrul dra ba 'jam dpal glu'i le'ur gsungs so/ /de yang/ nam mkha' las byung rang byung ba/ shes rab ye shes me bo che/ /'od chen rnam par snang mdzad pa/ ye shes 'od zer lham me ba/ 'gro ba'i mar me ye shes sgron/ /gzi brjid chen po 'od gsal ba/ /rig pa'i rgyal po gsang sngags mchog /gsang sngags rgyal po don chen byed ces gsungs so/ /nam mkha' las byung rang byung ba/ /shes rab ye shes me po che/ /zhes pa ni sprin med pa'i nam mkha' la rtsal 'byor pas bsgoms pas 'bar ba lta bur rnal 'byor pas mthong ba'o/ /

  545. 272a

    'od chen rnam par snang mdzad pa/ /ye shes 'od zer lham me ba zhes pa ni zla ba'i dkyil 'khor shar ba lta bur rnal 'byor pa rnams kyis mthong ba'o/ /'gro ba'i mar me zhes pa ni nyi ma'i dkyil 'khor ni 'gro ba rnams la mar me dang 'dra bas 'gro ba'i mar me'o/ /nyi ma'i dkyil 'khor shar ba lta bur rnal 'byor pas mthong ba'o/ /ye shes sgron zhes pa ni rdo rje'i sgra gcan sems rang gis rtogs pa ni rang gi ye shes snang bas na rang la sgron ma dang 'dra ste ye shes sgron ma dang/ rnal 'byor pa rnams kyis 'ja' tshon lta bur mthong ba'o/ /gzi brjid chen po 'od gsal ba zhes bya ba ni mchog gi cha ste glog lta bu yin te/ kha dog dmar po 'khyug pa myur bar snang zhing mi rtag par mthong ba'o/ /rig pa'i rgyal po gsang sngags mchog /ces pa ni thig le kha dog rnam lngar snang zhing shin tu phra bar rnal 'byor pas mthong ba'o/ /de ltar rtags dang mtshan ma bcu gcig rnal 'byor pas mthong ba ni dbang bcu gcig slob dpon las thob cing/ bzhi pa rnal 'byor pas nyams su myong zhing/ nyams su blangs pas tshe 'di la 'bras bu sa bcu gcig thob par 'gyur zhes pa ni bcom ldan 'das kyis rgyud thams cad las kyang gsungs la/ dpal mchog gi dang po'i rgyud stong phrag bcu gnyis par bcom ldan 'das kyis 'di skad ces gsungs te/ bum pa'i dbang bskur sa brgyad yin/ /gsang ba'i dbang bskur sa dgu pa/ /shes rab ye shes bcu yin te/ /bzhi pa bcu gcig sa par bshad/ /ces 'byung ngo/ /de bzhin du yang dpal gsang ba 'dus pa'i rgyud phyi ma'i yang phyi mar ni/ bcom ldan 'das kyis

  546. 272b

    mtshan mo'i rnal 'byor gyi rtags lnga gsungs so/ /sgyu 'phrul dra ba'i 'jam dpal rdo rje glu'i le'ur ni/ bcom ldan 'das kyis nyin mo'i rnal 'byor rtags rnam pa drug gsungs so/ /gsang sngags rgyal po don chen byed/ /ces pa ni bum pa dang/ snam bu dang/ re lde la sogs pa thams cad kyi gzugs rnal 'byor pa'i yid kyi shes pa la mthong ba'o/ /de'i dbus su zhes pa ni thig le'i dbus su sangs rgyas kyi sku mtshan sum cu rtsa gnyis dang/ /dpe byad bzang po brgyad cus brgyan pa'i sku mthong ba de ni rnal 'byor pa des yid kyis yin gyi mig gis ni ma yin no/ /phyin nas mig gis kyang mthong la/ yid kyis kyang mthong bar 'gyur ro/ /yul dang rnam par bral zhes pa ni rdzas su med pas gzung zhing dpyad du med pa/ brtags ma yin pa'i longs spyod rdzogs pa'i sku du ma rnal 'byor pa bdag nyid kyis zhal mthong bar 'gyur ro/ /des na rnal 'byor pa des sku'i sbyor bas mi shigs pa'i sgra dang nam mkha' la bdag nyid kyi rna bas chos kyi sgra thos par 'gyur ro/ /yang nam mkha' i dkyil na de bzhin gshegs pa rnams chos 'chad cing bzhugs pa'i sgra thos shing/ /mig gis kyang mthong par 'gyur ro/ /de bzhin gshegs pa rnams nam mkha' i dkyil na nyan thos kyi 'khor bye ba brgya stong dang lhan cig tu 'gro ba'i don mdzad pa'i yul rnams mthong bar 'gyur ro/ /de ltar rnal 'byor pas gzugs su snang ba mthong ba ni rnal 'byor pa la sprul pa'i skur snang ba'o/ /sgrar rnal 'byor pa la snang ba ni longs spyod rdzogs pa'i skur 'gyur zhes bya ba'i don to/ /mig gis mthong ba ni chos kyi sku yin zhes bya ba'i don to/ /des ni phyi'i rtags bshad pa'o/ /da ni nang gi rtogs brjod par bya ste/ 'dir nyin mo'i sbyor ba yis ni/ chu 'dzin dang ni bral ba yi/ nam mkhar brtan

  547. 273a

    por blta ba yis/ /rnal 'byor pa yis 'grub par 'gyur/ /snga dro dang ni phyi dro yang/ /thun gnyis su ni bsgom par bya/ /snga dro nyi ma rgyab phyogs te/ phyi dro yang ni de bzhin no/ /dmigs pa brtan par rab bya zhing/ /gzhan du na ni nyi ma yis/ /rab rib can du 'gyur bar bshad/ /de yi gnod pa bsal byas te nyin zhag so sor lta ba'o/ /ji srid thig le'i nang du ni/ /ri mo nag po skra yi tshang/ /dri ma med pa'i 'od 'phro ba/ bum ni rdzas ni mthong ba yin/ /de mthong 'od gsal go 'phang ni/ /rnal 'byor pa yis mthong bar 'gyur/ /de la tshig bcu gnyis ni sngar bstan pas go bla'o/ /ji srid thig le'i nang du ni/ /zhes bya ba ni lte bar bzhu ba'i thig le'o/ /ri mo nag po zhes pa ni lte ba'i 'og spu nag gu'i mtshams na/ don dam par byang chub kyi sems kha dog gnag pa gnas pa mthong ba'o/ /skra'i tshad ces pa ni shin tu phra ba/ chos kyi dbyings kyi bdag nyid yin pas shin tu gnag pa'o/ /skra'i tshad tsam la sor gcig par gnas pa mthong bar 'gyur ro/ /ba thag brkyang ba lta bu 'am/ dar dkar gyi skud pa brkyang ba lta bu mthong ba'o/ /dri ma med pa zhes pa ni lus dri ma med pa dang/ ngag dri ma med pa dang/ yid dri ma med pa dang/ ye shes dri ma med par gyur pas na dri ma med pa'o/ /'od 'phro ba zhes pa ni shes pa shel sgong phyis pa lta bu snang zhing gsal ba'i 'od 'phro ba'o/ /dus kyi zhes pa ni don dam pa byang chub kyi sems dang kun gzhi 'grogs nas chos kyi skur gyur pa'o/ rdzas ni zhes pa ni kun rdzob byang chub kyi sems don dam pa la thim pa'o/ /mthong ba ni zhes pa ni don dam pa'i byang chub kyi sems

  548. 273b

    'byung ba bzhis ma bskyed pa'i gzhom du med pa lte ba'i 'og tu mthong ba'o/ /'og tu mthong ba'i sgras ni kun rdzob byang chub kyi sems smin mtshams su kha dog dkar po'i rnam par mthong ba'o/ /de mthong bas 'od gsal go 'phang ni rnal 'byor pa yis mthong gyur pa'o/ /zhes bya ste/ de yang dbu ma'i rtsa a ba d+hU tIr yid chud pa'i rnal 'byor pas mthong ba yin te/ yid ma chung pa rnams kyis ni ma yin no/ /de ltar mthong ba'i rnal 'byor pa de ni rnam pa thams cad mkhyen pa'i sku nges ni khams gsum ma lus pa skyu ru ra lag mthil du bzhag pa bzhin du thams cad sa le mkhyen pa'o/ /chu nang nyi ltar rab snang ba/ /dri ma med pa'i sna tshogs mdog /rnam pa kun tu rang gi sems/ /gzhan gyi sems min rang gi sems/ /rang gi sems yin bde ba nyid/ /gzhan gyi sems min bde ba yin/ /yul dang rnam par bral ba yin/ /rang bde yid kyi nyams myong ba/ /gzhan gyi sems bde med pa'i phyir/ /bde ba bstan du mi btub po/ /zhes 'byung ngo/ /'dir dang pe rang gi sems kyi snang ba'i de bzhin gshegs pa'i sha'i mig gis dpag tshad stong mthong bar 'gyur ro/ /lha'i mig gis dpag tshad nyis stong mthong bar 'gyur ro/ /de bzhin du sangs rgyas kyi spyan rnam par dag pas dpag tshad sum stong mthong bar 'gyur ro/ /de bzhin du chos yang dag par sdud par spyan lnga bcom ldan 'das kyis gsungs so/ /de rnams kyang 'di lta ste/ rim pa bzhin du sha'i spyan dang/ lha'i spyan dang/ sangs rgyas kyi spyan dang/ shes rab kyi spyan dang/ ye shes kyi spyan rnams rnal 'byor pas sems a ba d+hU tIr btsud cing bsgoms pa'i stobs kyis 'byung bar 'gyur ro/ /de nas thams cad mkhyen pa yis ma gzigs pa dang/ ma mkhyen pa cung zad kyang med do/ /

  549. 274a

    de ltar rnal 'byor pas srog gi rlung zhes pa ni dbugs nyi khri chig stong drug brgya bdun cu rtsa lnga dbu mar tshud nas/ sna bug g.yon pa dang g.yas pa la rnal 'byor pa rnams la mi rgyu na/ phyag rgya chen po'i rnal 'byor bsgoms pa'i stobs kyis dbugs brgyad brgya rnal 'byor pas 'gog par 'gyur ro/ /de ltar rnal 'byor pas 'gog na ni/ sa dang po thob par 'gyur ro/ /de la ye shes dang 'bras bu ni sha'i spyan rnam par dag pa thob ste/ mthong ba ni phyogs bcu'i 'jig rten gyi khams gcig mthong bar 'gyur ro/ /'pho ba gnyis pa 'gog pas sa gnyis pa thob ste/ phyogs bcu'i 'jig rten gyi khams gnyis tshun chad mthong bar 'gyur ro/ /'pho ba gsum pa 'gog pas sa gsum pa lha'i spyan rnam par dag pa mi'i las 'das pa thob par 'gyur te/ phyogs bcu'i 'jig rten gyi khams gsum mthong bar 'gyur ro/ /'pho ba bzhi pa 'gog pas sa bzhi pa thob par 'gyur te/ phyogs bcu'i 'jig rten gyi khams brgyad tshun chad mthong bar 'gyur ro/ /'pho ba lnga pa 'gog pas sa lnga pa sangs rgyas kyi spyan rnam par dag pa mi las 'das pa thob par 'gyur te/ phyogs bcu'i 'jig rten gyi khams bcu drug mthong bar 'gyur ro/ /'pho ba drug pa'i srog gi rlung khri brgyad brgya sum cu rtsa phyed dang brgyad 'gog par gyur na ni/ sa drug pa thob pas phyogs bcu'i 'jig rten gyi khams sum cu rtsa gnyis mthong bar 'gyur ro/ /'pho ba bdun pa'i srog gi rlung 'gog pas ni sa bdun pa thob par 'gyur ro/ /phyogs bcu'i 'jig rten gyi khams drug cu rtsa bzhi'i

  550. 274b

    mdza' tshun chad mthong bar 'gyur te/ sa de rnams thob ces pa ni byis pa rnams gzhug pa'i phyir ro/ /dbang thob pa yang 'dra ba'i byis pa so so'i skye bo rnams gzhug pa'i phyir yin no/ /yang dag pa'i don ni ma yin no/ /de yang bshad na du dang cod pan gnyis kyis sku'i zhal nas dbang bskur bas lus kyi sgrib pa dag bar byas nas sa gnyis par lung bstan to/ /dar dpyangs dang rdo rje dril bu gnyis kyis gsung gi zhal nas dbang bskur bas ngag gi sgrib pa dag par byas nas sa bzhi pa thob par 'gyur ro/ /brtul zhugs dang ming gi dbang thugs kyi zhal nas bskur bas ni yid kyi sgrib pa dag par byas nas sa drug pa thob par 'gyur ro/ /slob dpon du gnang ba ni ye shes kyi zhal nas dbang bskur bas ni/ ye shes kyi sgrib pa dag par byas nas sa bdun par lung bstan cing thob par 'gyur zhes bya ba ni 'jig rten kun rdzob tu byis pa rnams gzhug pa'i phyir yin no/ /'pho ba brgyad pa'i srog gi rlung khri brgyad brgya sum cu rtsa phyed dang brgyad 'gog pas kyang sa brgyad pa thob la/ bum pa'i dbang bskur ba thob pas kyang sa brgyad par thob par 'gyur ro/ /sa brgyad pa thob pa'i mngon par shes pa ni shes rab kyi spyan rnam par dag pa mi'i las 'das pa phyir mi ldog pa'i sa thob pas ni phyogs bcu'i 'jig rten gyi khams brgya nyi shu rtsa brgyad kyi mdza' tshun chad mthong bar 'gyur ro/ /'pho ba dgu pa'i srog gi rlung rgyu ba 'gog pas sa dgu thob la/ gsang ba'i dbang bskur ba thob pas kyang sa dgu pa thob par 'gyur ro/ /mngon par shes pa las ni shes rab kyi spyan rnam par dag pa thob pas/ phyogs bcu'i 'jig rten gyi khams nyis brgya lnga bcu rtsa drug gi mdza' tshun chad mthong

  551. 275a

    par 'gyur ro/ /'pho ba bcu pa'i srog gi rlung rgyu pa 'gog pas sa bcu pa thob cing/ shes rab ye shes kyi dbang bskur ba thob pas kyang sa bcu pa mi 'jam pa'i rdo rje dang mtshungs te/ mngon par shes pa ni ye shes kyi spyan rnam par dag pa mi'i las 'das pa thob ste/ phyogs bcu'i 'jig rten gyi khams lnga brgya dang bcu gnyis kyi mdza' tshun chad mthong bar 'gyur ro/ /'pho ba bcu gcig pa'i srog gi rlung rgyu ba 'gog pas sa bcu gcig pa thob pa la/ dbang bzhi pa 'jig rten las 'das pa'i dbang thob pas kyang/ sa bcu gcig sangs rgyas kyis ste sgrib pa gsum spangs pa'o/ /mngon par shes pa las ye shes kyi spyan la sogs te lnga thob la/ phyogs bcu'i 'jig rten gyi khams stong phrag gcig dang/ nyi shu rtsa bzhi'i mdza' tshun chad mthong bar 'gyur ro/ /'pho ba bcu gnyis pa srog gi rlung rgyu ba nyi khri chig stong drug brgya bdun cu rtsa lnga'i srog gi rlung gtsug tor gyi 'khor lor 'gog na ni/ sa bcu gnyis pa tshe 'di nyid kho nar dngos su brnyes te rdo rje 'chang gis thob pa ni de bzhin du stong spyi phud kyi 'jig rten gyi khams dang/ stong gnyis pa bar ma'i 'jig rten gyi khams dang/ stong gsum gyi stong chen po'i 'jig rten gyi khams dang gzhan yang 'jig rten gyi khams gang gA'i klung gi bye ma snyed kyi grangs dpag tu med pa dang/ brjod kyi mi lang ba rnams mthong ba ni ye shes kyi spyan mnga' bas mthong bar 'gyur ro/ /stong chung ngu zhes pa ni 'jig rten gyi khams chen po'i khong su chud pas ni/ 'dir bshad kyang grub pa la sgrub pa'i skyon du 'gyur bas 'dir me smos so/ /des ni nang gi rtags rnams bshad zin to// //

  552. 275b

    da ni sna tshogs gzugs kyi mtshan nyid brjod par bya ste/ sa zhes bya ba la sogs pa la 'dir stong pa nyid kyi snang ba ni sa'i rnam par mthong yang sra ba ni ma yin te/ rjes su med pa'i phyir/ zhu ba chu'i lus su snang ba yin yang chu min te/ 'ju ba med pa'i phyir/ smig rgyu'i chu bzhin no/ /de ltar me'i rnam par snang yang me ma yin te/ sreg pa med pa'i phyir ro/ /g.yo ba rlung gi lus 'dra yang rlung ni min no/ /gang g.yo ba'i rdzas su med pa'i phyir ro/ / rdzas su med pa'i phyir stong pa'i rnam pa yin yang mthong ste zhes pa ni sgyu ma'i grong khyer bzhin du'o/ /dkar po la sogs pa'i kha dog dang ldan yang kha dog kyang ma yin te/ rdzas su med pa'i phyir ro/ /rnam pa kun tu ldan yang thams cad du byis pa rnams kyis ma mthong ngo/ /de gang gi phyir zhe na/ nyon mongs bdud kyi stobs kyi mthus zhes pa ni g.yon pa dang g.yas pa'i rtsar srog kun tu spyod pa'i phyir nges pa'o/ /da ni mthar thug pa'i don brjod par bya ste/ sku mthong nas ni nyin mtshan re/ /dus su srog gis rlung dag ni/ /rnal 'byor thar pa 'dod pa yis/ /'gag pa ru ni rab tu bya/ /zhes pa ni bum pa can no/ /sku mthong nas ni zhes pa ni stong pa nyid rnam par mi rtog pa dngos po thams cad spangs pa bsgoms pa yis longs spyod rdzogs pa'i sku mthong ngo/ /nyin mtshan re zhes pa ni rnal 'byor pas bya ba thams cad spangs nas rnal 'byor bsgom pa'o/ /dus su zhes pa ni thur brgyad du byas pa'i dus ma yol ba'o/ /srog gi rlung zhes bya ba ni g.yon pa'i dang g.yas pa'i la mi rgyu bar srog dbus ma la rgyu ba'o/ /dag ni zhes pa ni a ba d+hU tI ni dag pa'i rang bzhin can no/ /'gag pa ru ni zhes pa ni lte ba'i 'og tu rtsa gsum 'dom pa'i gnas gsang ba bde ba skyed pa'i nus

  553. 276a

    pa yod pa can du/ yi ge k+Sha 'am e shad lta bus kun rdzob byang chub kyi sems dang shes pa thur du 'gror mi ster bar 'gag go /gtsug tor gyi 'khor lo'i dbus su ni nam mkha' i gdong can ma'i khang ni yi ge haM mgo thur du bstan pas 'gag cing dbus ma'i rtsa a ba d+hU tI nag por gnas pa'i nang du ye shes kyi dar dmar po'i rgyun dang 'dra ba'i bdag nyid de dang/ kun gzhi rnam par shes pa 'dres nas yar 'gro ba ni ye ge haM gis 'gog par byed cing phyir mi 'byin to/ /haM zhu bas 'gag pa yin te ma zhu bas ma yin la/ haM bri ba yang med/ 'phel ba yang med do/ /de bzhin du 'og tu 'gro ba ni yi ge k+Shas 'gog pa'i phyir mi thar bar mar breng mar breng gnas pa ni khams bde ba'i rtsa lta bu 'am/ pi wang gi rgyud sbreng ba lta bur gnas par bsam pa ni dbu mar yid gzung ba'i bla ma'i gdams ngag go /rab tu bya zhes pa ni gsang ba'i pad+ma'i sna rtse dang/ bya gdod dang/ lte ba'i A dang/ snying ga'i hUM dang/ lkog ma'i oM dang/ dpral ba'i ho dang/ gtsug tor gyi 'khor lo'i haM rnams ni bum pa'o/ /can zhes pa ni kun rdzob byang chub kyi sems thig le'i rang bzhin gyi dga' ba dang/ mchog gi dga' ba dang/ sna tshogs kyi dga' ba dang/ lhan cig skyes pa'i dga' bas 'khor lo drug tu khyab cing bde bas lus thams cad sim par byed pa ni can no/ /ji srid du ni 'khor bzhin ma/ / rang gi lus la yongs bskor ba/ /'od zer 'khor los mthong 'gyur ba/ /sngon gsungs sku la rang gi yin/ /des ni zla drug reg spangs bde/ /thabs dang shes rab snyoms 'jug bral ba'o zhes 'byung ngo/ /ji srid ces pa ni

  554. 276b

    sgom pa'i dus su rnal 'byor pa la 'byung ba'o/ /'khor bzhin ma zhes pa ni 'khor lo ltar 'khor bar snang ba'o/ /rang gi lus la zhes pa ni rnal 'byor ba bdag nyid mnyam par bzhag pa'i dus su yang khyad par can du 'byung bar 'gyur ro/ /yongs 'khor ba'i zhes pa ni lus thams cad la gnas phyogs nas bskor bar mthong ba'o/ /'od zer 'khor lo mthong 'gyur ba zhes pa ni 'od dkar po skya rengs shar ba lta bus bdag nyid la bskor ba mthong ba'o/ /sngon gsungs pa'i sku la zhes pa ni sna tshogs kyis dus su mthong ba'i sku'o/ /des ni zla ba drug reg ces pa ni srog gi rlung zla ba drug gi bar du gnyid log rtsa lag pas mi drag pa tsam du mnan cing bkag na/ mi 'pho ba'i bde ba dbang po gnyis kyi sprod pa las byung ba'i bde bas bcu drug char yang mi phod pa'i bde ba skye bar 'gyur ro zhes bya ba'i don to/ /spangs shing bde zhes pa ni las kyi phyag rgya dang/ ye shes kyi phyag rgya spangs pa'i phyag rgya chen po bsgom pa'i bde ba yin zhes pa'i don to/ /spangs shes pa ni sdug bsngal dang bcas pa'i bsrub pa dang/ g.yo ba la sogs pa'i bde ba spangs pa'o/ /bde bar 'gyur zhes pa ni phan tshun du thabs dang shes rab gnyis mi 'pho ba'i bde ba ni mi 'dzag pa'i bde ba 'khor bar skye ba'i rgyu med pas ni mi 'dzag pa'i bde ba'o zhes pa ni de bzhin gshegs pas gsungs so/ /da ni rnal 'byor nye bar sdud pa brjod par bya ste/ /dbus su srog ces pa la sogs pa la/ /'dir dang por rnal 'byor pa yis dbus su zhes pa ni a ba d+hU tI la srog ni bcug par byas na mtshan ma gang zhig mthong bar 'gyur ro/ /dpal ldan bla ma zhes pa ni sangs rgyas kyi rang gi sku'i rdo rje gcig pur brjod do/ /de nas nyi mar

  555. 277a

    bcas song ba zhes pa ni g.yas par bgrod pa dang bcas pa'o/ /zla bar bcas song ba zhes pa ni g.yon pa'i rtsar 'gro ba'o/ /g.yas dang g.yon ni bcing bar bya zhes pa ni g.yas pa dang g.yon par srog 'gro ba dbus mar bcing bar bya ba'i nges pa yin zhing srog sdud pa na gnyis pa gsung gi rdo rje'o/ /phyag rgya la ni sbyor ba'i sems zhes pa ni gzugs la rjes su chags pa'i byang chub kyi sems zhu ba ste/ gsum pa thugs kyi rdo rje'o/ / mchog gi bde ba gnas pa dang/ rdo rje kun tu blang ba'o zhes bya ba'o/ /de nas gzugs kyi sgo yis dga' bar ma gyur pa de lta na ni pad+mar rdo rje'i sgra yang bya zhes pa ni skad cig gis bya'o/ /de yang shes rab ma ma rnyed pa de lta na ni rang gi lag pa chu skyes te/ bde ba'i rgyu ru gsor bya zhes pa ni bde ba 'phel ba'i don du bya yis ltung ba'i phyir ni ma yin no/ /de ltar sa bon mi gtong ba bde ba/ /'chi ba yi ni 'jigs 'joms pa/ /'di ni dpal ldan bla ma'i zhal/ /zhes pa ni bzhi pa ye shes kyi rdo rje de nyid do zhes bya ba ste rnal 'byor goms pa'i nges pa'o/ /da ni sdom brtsom 'bras bus brjod par bya ste/ lam gyi sems shes pa ni thabs dang shes rab gnyis su med pa'i lam ni sems shes pa'o/ /stong pa nyid kyi gzugs kyi zhes pa ni thabs dang shes rab gnyis gcig gis gcig phan tshun stong pa nyid du bsgom pa ni stong pa nyid kyi gzugs bsgom pa'o/ /sdom brtson zhes pa las dang po ba'i dge slong rdo rje 'dzin pa dang/ dge tshul rdo rje 'dzin pa dang/ dge slong ma rdo rje 'dzin pa dang/ dge tshul ma rdo rje 'dzin pa rnams ni sdom brtson no/ /de'i phyir tshangs par spyod pa la gnas pa rnams kyis bya ba thams cad gsang nas bya

  556. 277b

    zhes bya ba'i don to/ /rnams kyi shes pa ni tshangs par spyod pa'i dge bsnyen dang/ dge bsnyen ma dang/ bsnyen gnas yan lag brgyad la gnas pa'i dge bsnyen pho mo rnams la ni dam tshig 'di rnams sbyin par bya'o/ /so so'i skye bo khyim pa rnams la ni sbyin par bya ba ma yin te/ de ci'i phyir zhe na/ khyim pa rnams ni bya ba mang bas sgrub par byed pa'i gus pa dang mi ldan te/ des na dam pa'i chos la mi gus pa'i rgyur gyur zhing dam pa'i chos spong ba'i rgyu bsags pas sems can dmyal bar ltung bar 'gyur ba'i las gsog go /des na khyim pa rnams la ni mi bstan zhes 'byung ngo/ /de la dge slong la sogs pa tshangs par spyod pa la gnas pa rnams ni 'jig rten pa'i bya ba kha na ma tho ba'i las kyi bya ba zhing las dang tshong la sogs pa spangs shing/ dam tshig lhur len par byed pa dang/ de bzhin gshegs pa'i dka' la yid ches pas bka' sun mi 'byin pa dang/ dge slong la sogs pa tshangs par spyod pa la gnas pa rnams la bstan par bya'o/ /mtshan yang dag par brjod pa'i chos kyi dbyings kyi bstod par bcom ldan 'das kyis gsungs pa/ gnas brtan rgan po skye dgu'i bdag /sum cu rtsa gnyis mtshan 'chang ba/ /sdug gu 'jig rten gsum na mdzes/ /zhes gsungs so/ /yang de nyid las/ phyir mi ldog pa phyir mi 'ong/ /'dren pa rang rgyal bse ru'i tshul/ /nges 'byung sna tshogs las byung ba/ /'byung ba chen po rgyu gcig po/ /dge slong dgra bcom zag pa zad/ /'dod chags bral bas dbang po thul/ /bde ba rnyed pas 'jigs med thob/ /bsil bar gyur pas rnyog pa med/ /ces 'byung ngo/ /me long lta bu'i bstod pa las/ /mgo zlum brtul zhugs chen po pa/ /tshangs par spyod pa brtul

  557. 278a

    zhugs mchog /dka' thub mthar phyin dka' thub che/ /gtsang gnas dam pa gau ta ma/ /bram ze tshangs pa tshangs pa shes/ /mya ngan 'das par tshangs pa thob/ /grol ba thar pa rnam grol lus/ /rnam grol zhi ba zhi ba nyid/ /ces bya ba ste slob dpon gyi dbang gi dus su bya'o/ /yang de nyid las/ /chags bral lus las 'das pa po/ /thub pa med pa dpe med pa/ mi mngon mi snang gsal byed min/ mi 'gyur kun 'gro khyab pa po/ sa bon phra zhing zag pa med/ /rdul med rdul bral dri ma med/ /nyes pa spangs pa skyon med pa/ shin tu sad pas sad pa'i bdag/ kun shes kun rig dam pa po/ /rnam par shes pa chos nyid 'das/ /ye shes gnyis med tshul 'chang ba/ /rnam par rtog med lhun gyis grub/ /ces 'byung ngo/ /des na dge slong la sogs pa sdom brtson rnams kho na la shes rab ye shes kyi dbang bskur ba yin la/ /khyim pa rnams la ni ma yin no/ /de 'ang bshad par bya ste/ yon tan yar ldan gyi dbang du byas nas ni sdom brtson ces pa ni so sor thar pa'i sdom pa dang ldan pa ni sdom brtson zhes bya'o/ /so sor thar pa'i sdom pa ni byang chub tu sems bskyed pa'i dus su byang chub sems dpa' i sdom par 'gyur ro/ /byang chub sems dpa' i sdom pa ni gsang sngags kyi dam tshig tu 'gyur ro/ /gsang sngags kyi dam tshig ni de bzhin gshegs pa'i dam tshig tu 'gyur ro/ /de bzhin gshegs pa'i dam tshig ni zag pa med pa ste/ 'pho ba med pa'o/ /des na 'pho ba med pa'i ting nge 'dzin de bzhin gshegs pa dang khyad par med do/ /de ci'i phyir zhe na/ dngos po la reg pa med pas nyes par mi 'gyur ro/ /ci zhig

  558. 278b

    ce na/ mi 'pho ba'i phyir ro/ /de yang skad cig ma gcig mngon par rdzogs par byang chub pa'i rnal 'byor gyi mtshan nyid kyis rang gis rtogs pa'i skad cig ma la/ chags bral dang po chags pa che/ zhes 'byung ste/ chags dang chags bral thog ma mdza' / /zhes 'byung ba ni skad cig ma bco lnga dang/ bcu drug ma byung ba'i bar ni skad cig ma'o/ /chags pa zhes pa ni dkar po'i phyogs chos gcig nas brtsams pa'i nya'o/ /der mthar song ba ni bcu drug pa'i dbang po dang po skad cig ma'i cha'i mtshan nyid zhugs pa'o/ /chags bral zhes pa ni nag po'i phyogs kyi skad cig ma gnyis pa la zhugs pa'o/ /de'i chags bral dang por song ba ni nag po'i phyogs la ma zhugs pa de ni mngon par rdzogs par byang chub pa'i mtshan nyid de/ sangs rgyas kun dang mnyam par sbyor ba'i gsal pa rang la skyes pa shes pa ma bcos pa'i dang la gnas pa'i dpe'i bzhi las mtshon pa'i dus kyi mtshan nyid kyi skad cig ma ni de nyid las dbugs kyi grangs 'phel bar 'gyur ba ni nyi khri chig stong drug brgya bdun cu rtsa lnga'i grangs so/ /de yang gsang ba'i rdo rje'i nor bu'i rtse mo nas gsang ba'i gnas su dbugs sum stong drug brgya'i skad cig ma'i bde ba la sems btad cing yar 'thon nas bde ba 'phel bar byed pa ni de'i grangs kyis sreg gi rlung bkag pas gsang ba'i gnas byang chub kyi sems kyis gang ba ni sa dang po'o/ /gsang ba'i pad+mar thig le bzhi phyin nas rnal 'byor des ni sa gnyis pa thob par 'gyur ro/ /de bzhin du yang shes rab kyi chags pas bzhu ba'i bde ba de la brten nas/ lte bar srog gi rlung sum stong drug brgya'i skad cig ma la sems gtad cing yar 'then nas bde ba 'phel bar byed pas

  559. 279a

    ni sa bzhi pa thob par 'gyur ro/ /yang snying gar shes rab kyi chags pas gzhu ba'i bde ba de la sems gtad cing brten nas/ srog gi grangs sum stong drug brgya'i skad cig ma la dmigs shing yar 'then nas bde ba 'phel bar byas te/ shes rab kyi pad+mar 'phro bas ni sa drug pa thob par 'gyur ro/ /de bzhin du yang mgrin par srog gi rlung sum stong drug brgya'i skad cig ma'i bde ba 'phel bar byed cing/ yar 'then nas shes rab kyi pad+mar 'phro bar byed pas ni sa brgyad pa thob par 'gyur ro/ /yang de bzhin du dpral bar srog gi rlung sum stong drug brgya'i skad cig ma la sems gtad cing/ bde ba 'phel bar byed pas sa bcu po thob par 'gyur ro/ /de bzhin du gtsug tor gyi 'khor lo'i 'dab ma bzhi'i thig le rnams la sems gtad cing srog gi rlung nyi khri chig stong drug brgya'i dbugs rnams thams cad der 'gog cing bde ba thams cad de ru bskyed cing rtsa stong phrag bdun cu rtsa gnyis bde ba'i ros rgyas shing bde ba 'phel par byed pas ni sa bcu gnyis pa thob par 'gyur ro/ /de ni 'doms kyi spa ba srubs su nub pa zhes bya ba yin te/ gtsug tor bltar mi snang ba zhes pa ni/ bde ba thams cad der bskyed cing der rgyas pas na gtsug tor bltar mi snang ba zhes bya'o/ /steng nas 'bar ba'i bar du ni shes pa la de yang bcom ldan 'das kyis bka' stsal pa/ oDDA nas ni 'bar ba'i bar/ /thig le bzhi ni bzhu ba yis/ /gsang bar rab tu 'ongs pa ste/ /bzhi pa de bzhin skyed pa yin zhes rgyud las 'byung ngo/ /oDDA zhes pa ni gtsug tor gyi 'khor lo'i 'dab ma bzhi pa'o/ /nas ni zhes pa ni dpral ba nas snying gar brgyud cing bde ba bskyed par byed pa'o/ /'bar ba'i bar zhes pa ni lte ba'i a dmar

  560. 279b

    po la bde ba skyed pa'o/ /thig le bzhi zhes pa ni lus kyi thig le dang ngag gi thig le dang/ yid kyi thig le dang/ ye shes kyi thig le gnas pa'o/ /bzhu ba zhes pa ni shes rab kyi chags pas bzhu ba yis pad+ma nas 'bar bas lus bzhu ba dang/ ngag bzhu ba dang/ yid bzhu ba dang/ ye shes bzhu ba'o/ /yis zhes pa ni thabs dang shes rab gnyis snyoms par 'jug pa'i dus su dmigs pa'i yul khyad par can gyi rnal 'byor pa dang/ rnal 'byor ma rnams kyis bsgoms pa'i stobs kyis so/ /gsang ba'i zhes pa ni rtsa gsum 'dom pa'i sum mdor a ba d+hU tI'i rtse mor ro/ /'ongs shes pa ni sku'i thig le 'ongs pas bde ba skyed pa dang/ gsung gi thig le 'ongs pas bde ba khyad par can skyed pa dang/ /yid kyi thig le 'ongs pas rtsa thams cad rgyas nas bde ba skyed pa dang/ ye shes kyi thig le 'ongs nas lus thams cad bde bar byed cing ba spu'i gseb thams cad sim par byed cing bde ba skyed pa'o/ /bzhi pa zhes pa ni sems gang du yang mi g.yo ba'i ting nge 'dzin bya btsal thams cad dang bral ba'i sems gnyug mar gnas pa shes pa gang gis kyang ma bcos pa/ rkyen dang ma phrad pa/ gsal bar gnas pa de ni dpe'i bzhi pas mtshon pa'i yang dag pa'i bzhi pa ste/ sangs rgyas nyag cig gi spyod yul du gyur pa'o/ /rnal 'byor pa rnams ni dpes mtshon nas bzhi pa rnyed pa'o/ /de bzhin zhes pa ni rnal 'byor pa bla ma'i man ngag rnyed pa rnams ni grong ba'i rgyur 'gyur zhing ting nge 'dzin brtan par 'gyur ro/ /bla ma'i man ngag gis ma zin pa rnams ni ting nge 'dzin gyi rgyur mi 'gyur la/ dug gsum slar bskyed de ngan song du ltung zhing 'khor ba'i rgyu

  561. 280a

    bsags nas 'bras bu sems can dmyal bar 'gro bar 'gyur ro/ /gal te 'dod chags la sogs pa la longs spyod pas grol ba'i rgyur 'gyur zhing bla na med pa'i byang chub thob na ni/ dud 'gro'i rigs khyi dang/ phag dang/ bong bu la sogs pa dang/ 'phyon ma rnams kyis kyang 'dod chags la longs spyod pas grol nas byang chub thob cing sangs rgyas par rigs te/ de rnams kyi ni grol ba'i rgyur mi 'gyur te 'ching ba'i rgyur 'gyur zhing/ 'bras bu sems can dmyal bar ltung zhing sreg pa dang/ 'tshed pa'i sdug bsngal myong bar 'gyur ro/ /des na bla ma'i gdam ngag gal shin tu yang che ste btsal bar bya'o/ /yang 'di skad ces 'byung ste/ slob dpon gyis ni sdug bsngal gyi/ /rgya mtsho che las pha rol sgrol/ /yang na shin tu khyad par can/ /de dang de ni bla mar dbul/ /des na bla ma mnyes bya ste/ zhes 'byung ngo/ /bskyed pa zhes pa ni bla ma'i man ngag ji lta ba bzhin du gtum mo'i me'i rnam pa gsang ba'i dkyil 'khor nas bskyes nas phung po dang/ khams dang/ skye mched dang/ dbang po dang/ las kyi dbang po dang/ las kyi dbang po'i bya ba ste/ /drug drug sum cu rtsa drug la sogs pa lus dang/ ngag dang/ yid dang/ ye shes kyi rang bzhin du ming du btags pa thams cad shes rab kyi chags pas spros pa'i mes sregs pas na bskyed pa'o/ /yis zhes pa ni rnal 'byor pa dang/ rnal 'byor ma rnams kyis gyis shig dang/ ting nge 'dzin rtogs par 'gyur zhes bya ba'i don to/ /'byung zhes pa ni dga' ba'i dga' ba dang/ dga' ba'i mchog gi dga' ba dang/ dga' ba'i sna tshogs dga' ba dang/ dga' ba'i lhan cig skyes ba'i dga' ba ni longs spyod

  562. 280b

    kyi 'khor lor yongs su rdzogs pa'o/ /de'i gnyen po 'byung ba ni sku'i sku dang/ sku'i gsung dang/ sku'i thugs dang/ sku'i ye shes rnams so/ /mchog gi dga' ba zhes pa ni longs spyod kyi 'khor lo nas snying ga chos kyi 'khor lo'i bar du mchog gi dga' ba'i dga' ba dang/ mchog gi dga' ba'i mchog dga' dang/ mchog gi sna tshogs dga' ba dang/ mchog gi lhan cig skyes pa'i dga' ba rnams ni der bde ba bskyed pa'o/ /de'i gnyen po ni gsung gi sku dang/ gsung gi gsung dang/ gsung gi thugs dang/ gsung gi ye shes rnams so/ /chos kyi 'khor lo nas sprul pa'i 'khor lo'i lte bar ni sna tshogs dga' ba'i dga' ba dang/ sna tshogs dga' ba'i mchog dga' dang/ sna tshogs dga' ba'i dga' bral dang/ sna tshogs dga' ba'i lhan cig skyes pa'i dga' bas bde ba bskyed pa'o/ /de'i gnyen po ni thugs kyi sku dang/ thugs kyi gsung dang/ thugs kyi thugs dang/ thugs kyi ye shes rnams so/ /lte ba nas rdo rje nor bu'i rtse mor ni lhan cig skyes pa'i dga' ba'i dga' ba dang/ lhan cig skyes pa'i mchog dga' dang/ lhan cig skyes pa'i sna tshogs dga' ba dang/ lhan cig skyes pa'i dga' bas bde ba skyes pa'o/ /de'i gnyen po ni ye shes kyi sku dang/ ye shes kyi gsung dang/ ye shes kyi thugs dang/ ye shes kyi ye shes rnams so/ /dang ni zhes pa ni gtsug tor gyi 'khor lo nas lus dang ngag dang yid dang ye shes kyi rang bzhin/ sa dang/ chu dang/ me dang/ rlung bzhis bskyed pa'i thig le bzhi dra ba'i nang nas 'og tu rtsa bzhin mar la 'bab par 'gyur ba'o/ /yang gi sgras ni dga' ba re re la yang/ dga' ba bcu drug bcu drug 'byung ba ni 'khor lo drug gi rtsa rnams gtso bor byas nas rtsa

  563. 281a

    stong phrag bdun cu rtsa gnyis dang/ ba spu'i bu ga dang/ so dang/ son mo dang/ skra'i gnas thams cad la yang dga' ba re re skyes pas kyang de dag thams cad du longs spyod cing bde ba bskyed ces bya ba'i don to/ /mi 'pho zhes pa ni rdo rje nor bu'i rtse mo nas phyir log pa'i bde ba mi 'bab pa ni lhan cig skyes pa'i mi 'pho ba zhes brjod do/ /de ltar 'khor lo drug tu longs spyod cing bde ba de la mi chags shing mi zhen pa'i/ sdom brtson rnams ni dge slong rdo rje 'dzin pa la sogs pas brtul zhugs 'di 'dzin bsgrub par bya'o/ /sdom brtson bshad zin to/ /thabs dang shes rab gnyis dag ni/ gnyis su med pas snyoms 'jug pas/ /bde ba 'phel bar zhes pa ni lus kyi bde ba dang/ ngag gi bde ba dang/ sems kyi bde ba dang/ ye shes kyi bde ba'i thig le'i gzugs kyis dpral ba nas 'ongs pa bde ba de nyams su myong ba dang/ kun rdzob byang chub kyi sems so/ /rab tu bya zhes pa ni steng du bzlog pas 'gro ba'o/ /bla ma'i nges pa'i gdams ngag gi dbang gis zhes pa ni sngar brjod pa'i srog gi rlung bkag pa las mchog tu dga' ba dang/ lhan cig skyes dbus zhes pa ni lus thams cad la ber ba langs pa 'am/ bshang ba'i lam g.ya' ba 'am/ shes rab thams cad rmongs pa 'am/ myos pa'i dus der ni lte bar bde ba skyes pa'o/ /rmi lam dang ni brgyal ba'i mtshams shes pa ni gnyid log pa dang/ brgyal ba lta bu'i bde ba skyes pa ni snying khar bde ba bskyes pa'o/ /ye shes dang ni rnam shes dbus su yang zhes pa ni mgrin par bde ba skyes pa'o/ /rnal 'byor pa rnams dpral ba'i bar du bde ba skyes par byed pa ni 'dir ni ngo mtshar gzhan med/ /de bzhin du yang brjod pa/ nyon mongs bdud rnams bcom nas

  564. 281b

    ni/ /rgyal ba'i bdag po rnams 'jug ni/ g.yon dang g.yas su song ba yi/ /srog rnams dbang du bkag nas ni/ /stong nyid sku la ye shes rab 'jug pa/ /a ba d+hU tIr btsud nas de bde ba/ /rnal 'byor rnams kyi mchog gi 'khor lo'i sbyor bas so/ /de nas rnal 'byor pas bum pa can gyis bde ba chen po'i skad cig ma'i bde ba skyed cing dmigs pa dang/ de nas bde ba 'phel bar yang nas yang du rnal 'byor pa 'am/ rnal 'byor ma rnams kyis bya zhes pa ni rgyud thams cad kyi bka' i don yang de yin a/ dpal mchog gi dang po'i 'grel pa dri ma med pa'i 'od du yang byang chub sems dpa' pad+ma dkar pos kyang de skad bshad do/ /bcom ldan 'das kyi bka' ni thog mar yang dge ba'o/ /bar du yang dge ba'o/ /tha mar yang dge ba'o/ /thog mar yang dge ba zhes pa gzhom du med pa dang/ kun gzhi rnam par shes pa gnyis lhan cig tu mnyam du bud med rnams kyi skye gnas su zhugs pas na lhan cig skyes pa'o/ /de ni thog mar yang dge ba'o/ /bar du yang dge zhes pa ni ji srid gnas pa de srid du kun gzhi rnam par shes pa dang/ bde ba gnyis mnyam du gnas shing mi phyed pas na lhan cig skyes par brjod de/ de ni bar du yang dge ba'o/ /tha mar yang dge ba zhes pa ni rnal 'byor pa rnams 'chi ba'i dus kyi tshe na yang kun gzhi rnam par shes pa dang/ don dam byang chub kyi sems gzhom du med pa gnyis lhan cig 'grogs nas rtsa dbus ma nas yar zhugs nas tshangs pa'i bu ga nas phyir rdo rje sems dpar bsam zhing des dbang bskur na chos kyi skur gyur pa yang lhan cig skyes pa'o/ /de ni tha mar yang dge ba'o/ /des na

  565. 282a

    bcom ldan 'das kyi bka' la spyad par gyis shig pa'o zhes bya ba'i don to/ /rnal 'byor a ba b+hU tI bdag gis ni/ /rgyal 'grel dri ma med pa la brten nas/ /sbas pa'i mig 'byed 'grel pa 'di byas pas/ /'gro ba dmus long mig dang ldan par shog /mig ldan sa thob bcu drug bde ldan shog /sa thob chos dang longs spyod sku thob shog /bsod nams dri med bdag gis gang thob des/ /bdag nyid mi 'gyur ting 'dzin thob par shog /sbyor ba yan lag drug gi 'grel pa/ sbas pa'i mig 'byed ces bya ba/ slob dpon a ba d+hU tI pas mdzad pa rdzogs so// //rgya gar gyi mkhan po dge slong zla ba grags pas bskyur cing zhus te gtan la phab pa'o/ (/sbyor ba yan lag drug gi man ngag bzhugs//) //*/ /rgya gar skad du/ ShaTang+ga yo go pa de shA/ bod skad du/ yan lag drug gi sbyor ba'i man ngag/ dpal bde ba chen po la phyag 'tshal lo/ / bde chen sku la phyag 'tshal te/ /sbyor drug man ngag bshad par bya/ /sgrub po dbang bzhi thob pa yis/ /rdo rje 'chang chen bsgrub don du/ /dben pa'i gnas su 'phol stan la/ /yi dam lhar gnas sbyor drug bsgom/ /dang po so sor sdud pa ni/ /mtshan mo sngon la nyi mo phyi/ /bu ga med la thog mtho'i nang/ /ri rab bsrang la gling bzhi bsdu/ /gyen la nyi zla dar lce bskyod/ /rdo rje bsdams pas rgya mtsho gzhom/ /steng gi rlung chen thung la brdig /lus kyi byed pa zhes bya ste/ des ni rlung rnams nang du mching/ /gtsug tor chen po'i lta stangs bya/ /lha yi nga rgyal gnas pa yis/ /nam mkhar zhen bas nam mkhar blta/ /du ba la sogs rtags lnga 'byung/ /stong nyid rtogs par 'gyur ba'o//

  566. 282b

    nyin mo nang nub nub shar blta/ gung la sgom par mi bya'o/ /snga ma ltar ni byed cings pas/ /phyi yi mkha' la rtog med blta/ /'bar ba 'dra sogs rtags drug 'byung/ /rig pa mkha' lding la sogs rtags/ /so sor sdud la snyoms zhugs na/ /sngags rnams kun gyis byin gyis rlob/ /stong nyid de brtan bya ba'i phyir/ /bsam gtan snga ma ltar ni bsgom/ /nam mkhar mig lta stong nyid bsgom/ /de la goms pas shes rab dang/ /rtog dang dpyod dang dga' bde 'byung// de rtags mngon shes lnga 'byung 'gyur/ /bsam gtan la ni snyoms zhugs na/ /mngon shes lnga ni thob par 'gyur/ /rig pa rtse gcig sogs rgyur 'gyur/ /de gnyis thog mar dge ba ste/ /stong nyid mthong bstan byed pa'o/ /stong la bde ba rgyas gdab phyir/ /srog dang rtsol bas rlung dbang bsdu/ /bdud rtsi 'khyil ba'i lta stangs bya/ /kun 'dar nang du dbugs bcug la/ /rdo rje'i bzlas pa brtsam par bya/ /des ni bde skye ma skyes na/ /gtum mo 'bar ba'i sbyor ba bya/ shin tu ma skyes phyag rgyar sbyar/ /lus sems bde ba chen por nges/ /sangs rgyas sras dang mkha' 'gro mthong/ /skul dang lung ston 'byung bar 'gyur/ /bum 'jug la sogs dgu ru 'gyur/ /srog dang rtsol bas nges par ni/ /byang chub sems sogs rnams ni gzigs/ /de brtan bya phyir 'dzin pa bsgom/ /'khor lo bzhi yi lte ba la/ /rlung sogs tha mi dar btsud bsgom/ /lus yang la sogs rtags 'byung ngo/ /bum gnas la sogs dgu ru 'gyur/ /rtag tu 'dzin pa'i stobs kyis ni/ /rdo rje sems dpa' yang dag 'jug /de gnyis bar du dge pa'o/ /bde stong dbyer med brtan bya'i phyir/ /rjes su dran pa bsgom pa ni/ /gnas bzhir brtan pa'i bde stong bsgom/ /shin tu goms

  567. 283a

    byas sangs rgyas kyi/ /lta ba mi 'phro brtan par gnas/ /lus la 'od 'phro longs sbrul mthong/ /rjes dran la ni snyoms zhugs na/ /'od kyi dkyil 'khor 'byung bar 'gyur/ rjes med la sogs sku shes bya// de brtan bya phyir ting 'dzin bsgom/ /bde stong dbyer med de nyid la/ /shin tu goms par bya ba'o/ /thams cad bde snang la sogs 'byung/ /lhun grub la sogs dgu ru 'gyur/ /ting 'dzin dbang sgyur tsam gyis ni/ /sgrib pa thams cad/ 'gyur bar 'gyur/ /de gnyis tha mar dge ba'o/ /de la spyod pa goms pa yis/ /tshe 'di nyid du sangs rgyas thob/ /ma thob bar do'i sbyor drug bsgom/ /de ni chags bral man ngag ste/ chags can sbyor drug gzhan du shes/ /de byas dge bas bdag dang gzhan/ /rdo rje 'chang chen gnas thob shog /sbyor ba yan lag drug gi man ngag /co lu pas mdzad pa rdzogs so// //paN+Di ta sa man+ta sh+rI dang/ lo tsA ba ra chos rab kyis bsgyur ba'o// // rgya gar skad du/ yo ga Sha Dang+ga nA ma/ bod skad du/ rnal 'byor yan lag drug pa zhes bya ba/ dpal rdo rje 'dzin pa la phyag 'tshal lo/ /so sor gcod dang bsam gtan dang/ /srog rtsol de bzhin 'dzin pa dang/ /rjes su dran dang ting nge 'dzin/ /rnal 'byor yan lag drug tu gsungs/ /mi g.yo ba ni gsum ldan gyis/ /d+hU tIr rlung bcu chung gyur pa/ /phyi nang rtog 'gags rtags 'byung ba/ /so sor gcod pa'i yan lag yin/ /rtags rnams brtan par mthong 'gyur la/ /shes rab rtog dpyod dga' bde dang/ /rtse gcig mi g.yo rtog med ni/ /bsam gtan gyi ni yan lag yin/ /rlung bcu dbu mar chud gyur pas/ /'khor lo bzhi yi thig le'i nang/ /rlung nyid 'gro 'ong

  568. 283b

    byed pa ni/ /srog rtsol gyi ni yan lag yin/ /srog rlung thig le'i nang chud pas/ /rlung sems bde chen 'khor lo yi/ /haM gi thig ler zin pa ni/ /'dzin pa yi ni yan lag go /rlung sems thig ler zin stobs kyis/ /gtum mo'i me 'od snang ba dang/ /bde drod khyad par can 'byung ba/ /rjes su dran pa'i yan lag yin/ /rtags bcu rdzogs par gyur pa na/ /thig le chen po'i snang ba 'byung/ /sna tshogs thig le chen po la/ /re khA nag po'i ri mo 'byung/ /de nang 'gro drug la sogs dang/ shin tu phra ba'i sprul sku dang/ /longs sku du ma mthong gyur pa/ /sna tshogs gzugs brnyan 'od gsal yin/ /de la sems ni thim pa na/ /ting 'dzin yan lag mthar phyin pa'o/ /rnal 'byor yan lag drug pa zhes bya ba/ /dpal sha ba ri pa dbang phyug gis paN+Di ta ma hA bi b+hU ti tsanDa la gsungs pa'o// //des sgra rang 'gyur du bsgyur nas gsungs pa'o// //*/ /rgya gar skad du/ b+hu Ta mA pa la/ bod skad du/ sbyor ba'i phreng ba/ dpal rdo rje sems dpa' la phyag 'tshal lo/ /bdag gi lha la phyag 'tshal lo/ /lhan skyes dri med de de bzhin/ /ye shes 'char pa'i man ngag ni/ /cung zad bdag gis bri bar bya/ /'gro ba nyon mongs kyis bcings pa/ /thar pa nyon mongs 'jig byed pa'i/ /yang dag ye shes sbyor goms pas/ /de ni 'jig par 'gyur pa yin/ /'dir ni rnal 'byor rab kyi ni/ /zla ba drug tu goms pa 'am/ /lo dang rgyun mi 'chad pas kyang/ /yang dag dngos grub gcig tu 'gyur/ / spros pa thams cad btang nas ni/ /rnal 'byor 'dod la rab 'bad pas/ /'chad par 'gyur ba'i sbyor rnams las/ /gcig tu gzung ste rnam bsgom bya/ /pho mo ma ning kha dog dang/ /'gro 'od gnas pa rnam bltas te//

  569. 284a

    de mthong ba yis 'bras bu ni/ /myur du sgrub pa po yis thob/ /gzhan yang yon tan skyon rnams kyi/ /rgyu ni skyes ba bud med de/ /de gsang ba yi rnam pa yis/ /ma ning 'dir ni rgyas par bya/ ma ning rin chen rgyas gyur na/ /gser gyi ri po rtse la khyer/ /yon tan phun tshogs ma lus pa/ /de las 'byung bar the tshom med/ /gzhan yang pho mo ma ning ni/ /'bad pa yis ni gnas nas dbyung/ /gdon te de yi gnas rnams las/ / yon tan rin chen phun tshogs thob/ /yang na pho mo ma ning ni/ /gnas 'di nyid du gzhug par bya/ /de gzhug de la myos byed blud/ /blud nas skyes pa bud med ni/ /'bad pas ma ning bar gzhug bya/ /bcud la brtan pa'i yul rnams la/ /myos par byed pa blud par bya/ /blud nas rab tu 'bad pa yis/ /ma ning khar ni gzhug par bya/ /de bzhin byas gyur dpag bsam shing/ /'dra ba 'di la the tshom med/ /de ltar sbyor ba 'di rnams kyis/ /rten ni 'di ru bshad par bya/ /gsum po 'dus dang phye ba yis/ /drug dang lnga ni go rim bzhin/ /steng 'og rab tu phye ba yis/ /de yi so sor rnam gnyis 'dod/ /shes bya'i dngos po 'di rnams ni/ /de phyir rnal 'byor pas shes bya/ /yang na sde chung rnal 'byor pas/ /rdo rje lce ni bskyod par bya/ /de bskyod pa las bdud rtsi'i rgyun/ /'bab par 'di la the tshom med/ /gang yang sa bon tshogs kyis sprul/ /yang na gzugs sku mdzes pa 'am/ /lhan cig skyes pa dri ma med/ /lha yi gzugs ni bsgoms pa yis/ /mngon par 'dod pas bsgrub par bya/ /sbyor ba rin chen 'di rnams la/ /sbyin dang tshul khrims snying rje che/ /thog mar rab tu 'bad ba yis/ /de la goms pa yang yang bya/ /'di ni

  570. 284b

    rlung rnams thams cad dang/ /mdo sde dag ni thams cad las/ /sangs rgyas rnams kyi snying por gsungs/ /don dam pa'i sgrub thabs so/ /sbyor ba'i spros ba 'di rnams ni/ /yang dag par ni sbyar bar bya/ /slob ma bzang po de la ni/ /bla ma rang gis nyams myong bstan/ /sbyor ba'i phreng ba 'di rnams la/ /de nyid rin chen rab sbyar bya/ /de nyid rin chen ma thob na/ /dngos grub nyid ni ji ltar thob/ /de bas slob ma bzang po yis/ /'dod pas bla ma rtag tu mchod/ /gang phyir bla ma mnyes ba yis/ /de nyid rin chen rab tu bstan/ /rin chen gang zag shes byas la/ /'bad pas de nyid brjod par bya/ /pad+ma dkar sogs slob ma la/ /tshig tsam yang ni brjod mi bya/ /brjod na rab tu 'bad pa yis/ /man ngag 'khrul par gyur phyir ro/ /bla na sna tshogs man ngag ni/ /mkhas pa sangs rgyas grags pas bsdebs/ /sbyor ba'i phreng ba paN+Di ta sangs rgyas grags pas mdzad pa rdzogs so// //lo tsA ba dge tshul shes rab dpal gyis bsgyur ba'o// //*/ /rgya gar skad du/ an+ta rmany+dza ri nAm/ bod skad du/ nang gi snye ma zhes bya ba/ dpal dus kyi 'khor lo la phyag 'tshal lo/ /nang mi shes pas 'gro ba ma lus 'ching dbang gyur// de'i phyir thams cad mkhyen pas nang gi thugs rjes gsungs/ /de yang rtogs dka' gzhung mang skye bos shes mi nus /de bas btus te rtogs bla cung zad bdag gis bri/ /brtan dang g.yo ba'i 'jig rten ltar/ /nang dang dkyil 'khor de bzhin no/ /de shes pas ni lus gnas dang/ /grol phyir nang gi snye ma'o/ /de ltar bcom ldan 'das kyis skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang

  571. 285a

    'khrug pa'i dbang du gyur pa/ bdag dang byed pa po med kyang bdag dang bdag gi ba'i rtog pa'i mal stan la nyal zhing rang bzhin gyis dag pa'i sangs rgyas kyi bdag nyid rang lus ma rtogs pas dug dang 'dra ba'i spyod yul gyi ro la mngon par zhen pa'i skye bo rnams la snying rjes gsungs pa/ 'jig rten ni rnam pa gnyis te brtan pa dang g.yo ba'o/ /de la brtan pa ni sa gzhi'i dbus su ri rab ste de bskor ba'i gling bdun nas/ mtsho bdun dang/ ri bdun dang/ steng du mtho ris dang/ 'og tu sa 'og go /de la ri rab ni lus kyi rgal tshigs te rked pa nas tshigs pa dang po'i bar/ spyi gtsug ni tshangs pa'i gnas so/ /mtho ris ni 'khur ba'i bar ro/ /mi yul ni lag pa gnyis kyi bar ro/ /sa 'og ni rkang pa gnyis kyi bar ro/ /ba tshwa'i rgya mtsho ni dri chu'o/ /chang gi mtsho ni rdul lo/ /chu'i mtsho ni mchil ma'o/ /'o ma'i mtsho ni bud med kyi nu zho dang skyes pa'i snabs so/ /zho'i mtsho ni glang pa'o/ /mar gyi mtsho ni tshil lo/ /sbrang rtsi'i mtsho ni sa bon te mtshe bdun no/ /mkhrig ma gnyis dang/ gru mo gnyis dang/ dpung mgo gnyis dang/ brla gnyis dang/ pus mo gnyis dang/ long bu gnyis te dum bu bcu gnyis ni dzam+bu'i gling chen po'o/ /drag po'i gling ni sha'o/ /khrung khrung gi gling ni skran no/ /mi 'am ci'i gling ni glo ba'o/ /ku sha'i gling ni lto ba'i tshil lo/ /dkar 'od kyi gling ni rgyu ma'o/ /zla ba'i gling ni rtsa rnams te gling bdun no/ /rdo rje'i ri rnams ni rkang pa dang lag pa'i sen mo rnams so/ /gang ri ni lag pa'i rus pa'o/ /dri med ni lag ngar ro/ /nor bu'i 'od ni dpung pa'i rus pa'o/ /drug bral ni rkang pa'i

  572. 285b

    rus pa'o/ /man d+ha ra ba ni rje dar gyi rus pa'o/ /'od sngo ni brla'i rus pa ste/ ri bdun no/ /sa dang chu'i 'khor yug gnyis bshad zin to/ /me'i 'khor yug ni khrag go /rlung gi khor yug ni pags pa rnams so/ /bcud kyi 'jig rten la skra rnams ni grub pa thob pa ste mkha' la spyod pa rnams so/ /mchan khung gi spu ni sa la spyod pa rnams so/ /b+ha ga dang ling ga'i spu ni sa 'og na spyod pa'o/ /lha dang 'byung po rnams ni ba spu bye ba phrag phyed dang bzhi'o/ /gzhu'i dbyibs snying khar glog ste lho'i me'o/ /mgul ba'i zlum po la nyi ma'i me ste/ khyim gyi bdag po'o/ /lte ba gru bzhi pa sha za'i me sbyin sreg gi mchod bya'o/ /dpral bar ye shes kyi me ste/ gang na gza' rnams dang skar ma rnams glog la sogs pa me 'char ba'o/ /gtso ba'i lam ni nyi ma'o/ /bshang ba'i lam ni zla ba'o/ /sa bon gyi lam ni dus kyi me'o/ /kha ni sgra gcan no/ /mig g.yas pa ni mig dmar ro/ /g.yon pa ni lag pa'o/ /sna bug g.yas pa ni phur bu'o/ / g.yon pa ni pa bsangs so/ /rna ba g.yas pa ni spen pa'o/ /g.yon pa ni mjug ring ste 'dir gza' bcu'o/ /so sum cu so gnyis las bzhi ni mtshams kyi skar ma'o/ /steng du bcu bzhi dang 'og tu bcu bzhi ni/ rA shi 'khor lo mthon dman du 'khor ba'i phyir ro/ /nam gru dang bcas pa phyogs kun tu bdun bdun yin la/ shar phyogs kyi dkyil du khrums smad de/ de nas g.yon skor du dbyug pa la sogs pa'o/ /lo gcig gi nyin zhag ni sum brgya drug cu'o/ /nang du dbugs drug gi chu srang gcig /chu srang drug cu dbyu gu gcig ste dbugs sum brgya drug bcu'o/ /dbyu gu drug cus nyin zhag gcig ste dbugs ni nyi khri chig stong drug

  573. 286a

    brgya'o/ /'jig rten gyi khams la chu bo ni stong phrag bdun cu rtsa gnyis te/ lus la rtsa stong phrag bdun cu rtsa gnyis te do rgyu pa'o/ /rgyu ma ni sprin te ro'i 'char 'bab pa sgra sgrogs pa'i phyir ro/ /phra ba dang pags pa'i spu ni tshes gcig dang gnyis so/ /de ltar pags pa ni tshes gsum dang bzhi'o/ khrag ni tshes lnga dang drug go /sha ni tshes bdun dang brgyad do/ /rtsa ni tshes dgu dang bcu'o/ /rus la ni tshes bcu gcig dang bcu gnyis so/ /rkang mar? ni tshes bcu gsum dang bcu bzhi'o/ /cha bcu drug pa ni nya'o/ /sa las byung ba rnams ni brtan pa ste/ nang du spu rnams so/ /rlung las byung ba ni sgo nga las skyes pa ste nang du shig rnams so/ /chu las byung ba ni drod gsher las skyes pa ste nang du srin du rnams so/ /me las byung ba ni sa bon las skyes pa ste nang du sa bon nyid do/ /nam mkha' las byung ba ni brdzus te skyes pa ste nang du sems phra mo'o/ /phyi rol tu tshes gcig la sogs pa lnga lnga ni dga' ba dang/ ? po dang/ rgyal ba dang/ stod pa dang/ gang ba'i ming can te nang du dkar po dang nag po'i phyogs kyi tshul du dpyid zla 'bring po la sogs pa la lag pa g.yon pa'i mthe chung gi rtse mo'i tshigs la sogs pa gsum gsum bco lnga ni dkar po'i phyogs te nam mkha' la sogs pa'i rim pa'o/ /lag pa g.yas pa'i mthe bong gi rtsa ba'i tshigs la sogs pa'i rim pas sa la sogs pa ni nag po'i phyogs so/ /de ltar zla ba gnyis pa'i tshes rnams ni rkang pa'i sor mo'i tshigs rnams so/ /de bzhin du sogs kha la sogs par yang ste lo gcig la lan drug tu 'khor ro/ /snying khar shar gyi 'dab ma la nyi ma'o/ /mer zla ba'o/ /lhor mig dmar ro/ /bden bral du lag pa'o//

  574. 286b

    nub tu phur bu'o/ /rlung du pa bsangs so/ /byang du spen pa'o/ /dbang ldan du mkha' 'gro ma'i longs spyod kyi phyed la yang spen pa'o/ /phyed gzhan la sgra gcan no/ /gza' ni bdun la brgyad pa ni mkha' 'gro ma'i longs spyod de/ spen pa'i tshes la thun dang po'i phyed la sogs pa'o/ /lte ba'i gzhi ni stong pa ste drug cu la ni dkyil 'khor drug cu rgyu'o/ /dpral bar cu drug la/ gnyis na stong pa yin la/ /bcu bzhi ni zla ba'i rkang pa ste 'byung ba la sogs pa'i/ /chu srang drug cu dbyu gu gcig /dbyu gu drug cu nyin zhag gcig /drug cu drug cus bsgyur ba'i chu srang stong phrag sum brgya drug cu lus la yod do/ /phyi rol du nyi ma ni lo gcig gis khyim bcu gnyis 'khor ro/ /lus la lte ba'i rtsa bcu gnyis la nyin zhag gcig gis so/ /zla ba gcig la dbyug gu brgya phrag bco brgyad kyis 'pho ba gcig go /lus kyi sna bug gcig la dbugs brgya phrag bco brgyad kyis 'pho ba gcig go /zhag mang nyung ltar dbugs mang nyung gis so/ /phyi rol du nyi mas dkyil 'khor gcig la longs spyod pa ni zhag drug gi dbyug gu sum brgya drug cu'o/ /sna bug la dkyil 'khor gcig gi longs spyod ni dbugs sum brgya drug cu'o/ /sna bug re rer dkyil 'khor lnga rgyu ste dbyu gu lngas so/ /sna bug gnyi gar 'og tu sa'i dkyil 'khor dang/ g.yon du chu'i dang/ g.yas su me'i dang/ steng du rlung gi dang/ dbus su nam mkha' i dkyil 'khor ro/ /mnyam par rgyu ba ni gnyi ga las so/ /dkyil 'khor re re la dbugs sum brgya drug cu ste/ de la tha mar bcu gcig bzhi cha dbu mar mnyam par rgyu'o/ /sna bug g.yon nas nam mkha' la sogs pa dang/ g.yas nas sa la sogs pa ni rim pas rgyu ba'o/ /g.yon nas nam mkha' i lha ni sgra gcan no/ /

  575. 287a

    g.yas su dus me'o/ /de bzhin du rlung la zla ba dang nyi ma'o/ /me la lag pa dang mig dmar ro/ /chu la pa bsangs dang phur bu'o/ /sa la mjug rings dang spen pa'o/ /rkyang ma ni sa bon rgyu ba'o/ /re ma ni khrag rgyu ba'o// lte bar de'i phyir brgyad dang de'i phyir bcu gnyis dang de'i phyir drug cu rtsa bzhi'o/ lto ba'i steng du sor phyed dang bcu gsum na snying kar rtsa 'dab brgyad dang/ 'dis 'pho ba ni thun re rer dbyu gu phyed dang brgyad kyis dbugs brgya phrag nyer bdun gyis so/ /srog rlung ni sna bug g.yas nas gyen du rgyu'o/ /thur sel ni g.yon nas 'og tu rgyu'o/ /shar du snar ma'i rtsa la mnyam gnas so/ /mer glang chen gyi rtsa la gyen du rgyu'o/ /lhor dmar ser gyi rtsa la khyab byed do/ /bden bral du rgyal gyi rtsa la klu'o/ /nub tu rgyal ba'i rtsa la ru sgal lo/ /rlung du sku'i rtsa la rtsangs pa'o/ /byang du lug gi rtsa la lha sbyin no/ /dbang ldan du ku ha'i rtsa la nor rgyal lo/ /dbus ma la srog ste skye bo kun la sbyar ro/ /thur sel ni dung can la'o/ /g.yas g.yon gyi srog rlung gis stobs skyed do/ /thur sel ni bza' btung 'og tu 'khyer ro/ /mnyam gnas ni ro mnyam par byed do/ /gyen rgyu pus g.yo bar byed pa dang/ khas glu dang nod pa la sogs pa dang/ lag pa dang rkang pas gar dang 'gro ba la sogs pa byed do/ /khyab byed ni chu la sogs pa'i dbang gis lus la nang byed do/ /klu yis sgregs pa byed do/ /ru sbal gyis rkang lag skum par byed do/ /rtsangs pas 'khrug pa dang khro par byed do/ /lha sbyin gyis g.yal bar byed do/ /nor rgyal ni shi ba'i lus kyang mi 'dor ba'o/ /rtsa brgyad po 'di dag ni brgya byin la sogs pa phyogs bdag gi rang bzhin te thun rgyu ba'o/ /snying gi steng sor phyed dang bcu gsum gyi mthar mgul pa la 'dab ma sum cu rtsa gnyis te/ bzhi mi

  576. 287b

    rgyu ba'o/ /gza' dang bcas pa'i skar ma'i 'khor lo ste/ dbyu gu drug cu las dbyug pa la sogs pa nyi shu rtsa brgyad kyis bgos pas thob pa de dbyu gu gnyis dang chu srang brgyad de 'dab ma re re la'o/ /mgul pa nas sor phyed dang bcu gsum nas dpral ba ste/ dbus su a dkar po a la sogs pa bcu drug gis bskor pa'o/ /'dab ma bcu drug las/ 'dab ma gnyis dor nas zla ba'i rkang pa bcu bzhis dbyu gu drug cu la sogs pas thob pa dbyu gu bzhi dang chu srang bcu bdun 'dab ma re re nas rgyu'o/ /de ni tshes gcig la sogs pa'o/ /de nas sor bzhi pa'i steng du spyi gtsug pad+ma bzhi thun mtshams bzhi ste/ stong pa dang shin tu stong pa la sogs pa'i rang bzhin no/ /gsang gnas su 'dab ma sum cu rtsa gnyis kyi phyi rol gyi bcu drug la dbyangs yig gnas so/ /de'i nang bcu ni phung po dang khams kyi rang bzhin no/ /de'i nang du drug ste stong pa'o/ /'khor lo drug gi brgya lnga bcu drug go / 'dir dbu ma ma bgrangs so/ /dbugs ni lte ba dang/ snying kha dang/ mgul pa dang/ dpral ba dang/ spyi gtsug dang/ sna bug dang/ dbyu gu dang/ khyim dang/ thun dang/ skar ma dang/ chos dang/ thun mtshams dang/ dkyil 'khor lngas 'bigs mas dmigs pa med pa bcu gnyis kyi mdza' dang bcu drug gi mthar rgyu'o/ /de nas ldog go /gang gi tshe phyi rol du thung ba ser bcu gnyis rgyu ba de'i tshe lte ba'i 'og tu sor bzhi rgyu'o/ /rkang pa g.yon pa'i tshigs gsum 'khor lo gsum ste/ zla ba'i tshes kyi grangs kyis lha sum cu ste sa'i khams snying stobs la sogs pa'i dbye bas so/ /rkang pa g.yas pa chu'i khams dang/ lag pa g.yon pa me'i khams dang/ lag pa g.yas pa rlung gi khams

  577. 288a

    te lo gcig la bcu gnyis so/ /g.yon dang g.yas pa'i lag pa dang rkang pa'i sor mo rnams ni sa la sogs pa'o/ /sor mo'i tshigs gsum ni snying stobs la sogs pa'o/ /mthe bong sa'o/ /sdigs mdzub chu'o/ /gung mo me'o/ /ming med rlung ngo/ /mthe'u chung ni nam mkha' o/ /skra dang ba spu bye ba phyed dang bzhi ni nam mkha' o/ /ma'i khrag gis gsum ste/ pags pa dang/ sha dang/ khrag go /sku la sogs pa'i rigs ni gsum ste lte bar 'khor lo'i rigs dang/ mgul par rin chen dang/ gsang bar gri gug go /pha'i sa bon gyis gsum ste rus pa dang/ rkang mar dang/ rgyus pa'o/ /rigs kyang gsum ste/ dpral bar pad+ma dang/ snying khar ral gri dang/ spyi gtsug tu rdo rje'o/ /mngal du zla ba gcig gi bar du 'byung ba lngar gyur pa'i sa bon 'phel lo/ /zla ba gcig gi rjes su de'i myu gu snying khar srog la sogs pa'i gnas phra mo bcu'o/ /lte bar drug cu bzhi dang de'i nang du 'pho ba'i rtsa ni bcu gnyis so/ /drug cu rtsa bzhi 'di dag lag pa dang rkang pa dang kha'i gnas dang byed pa'i steng du song ste/ zla ba gnyis tshang nas lag pa la sogs pa cung zad 'byung ngo/ /ru sbal gyi gnas skabs su 'bur lnga ste lag pa gnyis dang rkang pa gnyis dang mgul par mgo bo rkang lag gi tshigs drug la rtsa phra mo rnams so/ /zla ba bzhi tshang nas mgrin par longs spyod kyi rtsa rnams so/ /zla ba lnga la phag gi skabs su sha la brten nas rus pa sum brgya drug cu dang/ de'i tshigs kyang sum brgya drug cu'o/ /khrag dang bde ba la sogs pa'i tshor ba dang/ zla ba drug la mngon shes kyis ma chags par byed/ srid pa'i sdug bsngal la smod/ sangs

  578. 288b

    rgyas kyi lam la bstod/ zla ba bdun gyis smin ma dang skra dang ba spu dang mig la sogs pa'i/ skye mched tshang ba'o/ /mngal gyi zla ba'i gting la nyin re bzhin du rtsa brgyad phrag gnyis gnyis dang/ gnang sum brgya drug cu dang/ rkang mar dang lce sra ba'o/ /brgyad pa la bshad pa dang gci ba'o/ /dgu dang bcu gnyis kyi bar skye ba'i dus su mi'i seng ge ste/ skye gnas kyis bsdams pas sdug bsngal mi zad par 'gyur ro/ /bcu drug gi bar shing rta bcu pa'i du'o// skra dkar gyi bar khyab 'jug go /rgas pa ni sangs rgyas so/ /'chi ba'i tshe tshangs pa can te phung po dang khams la sogs pa stong pa nyid du ro gcig tu byed pa'i phyir ro/ /de ni zhar las byung ba'o/ /lus la shes rab dang thabs ni rus pa dang sha'o/ /chu dang khrag go /me dang gci bas so/ /rlung dang bshang ba'o/ /zla mtshan dang sa bon no/ /sgra dang rna ba'o/ /dri dang sna'o/ /gzugs dang mig go /ro dang lce'o/ /reg bya dang lus so/ /chos kyi khams dang yid do/ bshang ba 'bab pa dang bshang lam mo/ /'gro ba dang rkang pa'o/ /'dzin pa dang lag pa'o/ /smra ba dang ngag 'o/ /byang sems mnyam pa dang lha'i dbang po'o/ /b+ha ga dang ling ga'o/ /sa bon mnyam pa dang dung can mo'o/ /sa la sogs pa dang gzugs kyi phung po la sogs pa'o/ /'dir rtsa'i gtso bo gsum ste g.yon du brkyang ma zla ba rgyu ba'o/ /g.yas su ro ma nyi ma rgyu ba'o/ /dbus su dbu ma sgra gcan rgyu ba'o/ /sna bug gnyis la dkyil 'khor lnga lnga ste/ de la g.yon gyi dkyil 'khor du nam mkha' i dkyil 'khor dang po la dbugs sum brgya zhe brgyad dang zhe gsum sor bcu drug phyi rol du rgyu ba'o/ /'di sgra gcan dang mi bskyod pa'o/ /steng du rlung gi dkyil 'khor gnyis pa la

  579. 289a

    dbugs sum brgya zhe brgyad zhe gsum ser bco lnga rgyu'o/ /'di don yod grub pa dang zla ba'o/ /lhor me'i dkyil 'khor gsum pa la dbugs sum brgya zhe brgyad dang zhe gsum sor bcu bzhi rgyu'o/ /'di rin 'byung dang lag pa'o/ /byang du chu'i dkyil 'khor bzhi pa la dbugs sum brgya zhe brgyad dang zhe gsum sor bcu gsum rgyu'o/ /'di 'od dpag med dang pa bsangs so/ /'og tu sa'i dkyil 'khor lnga pa la dbugs sum brgya zhe brgya dang zhe gsum sor bcu gnyis rgyu'o/ /'di rnam snang dang mjug rings so/ /dbugs 'di nas 'pho nas g.yas pa'i 'og tu sa'i dkyil 'khor dang por dbugs sum brgya zhe brgyad dang zhe gsum sor bcu gnyis rgyu'o 'di sgyan? ma dang spen pa'o/ /byang du chu'i dkyil 'khor gnyis pa la dbugs sum brgya zhe brgyad dang zhe gsum sor bcu gsum rgyu'o/ /mA ma kI dang phur bu'o/ /g.yas su me'i dkyil 'khor gsum pa la dbugs sum brgya zhe brgyad dang zhe gsum sor bcu bzhi rgyu'o/ /gos dkar mo dang mig dmar ro/ /steng du rlung gi dkyil 'khor bzhi pa la dbugs sum brgya zhe brgyad dang zhe gsum sor bco lnga rgyu'o/ /sgrol ma dang nyi ma'o/ /dbus su nam mkha' i dkyil 'khor lnga pa la dbugs sum brgya zhe brgyad dang zhe gsum bcu drug rgyu'o/ /rdo rje dbyings kyi dbang phyug ma dang dus kyi me'o/ /dbugs kyi grangs dang zhe gsum po thams cad dang po ltar ro/ /dkyil 'khor re re'i 'pho ba la dbu mar mnyam par rgyu ba'i dbugs bcu gcig dang bzhi cha'o/ /g.yon na dkyil 'khor lngas nga drug dang bzhi cha gcig go /g.yas pa la yang nga drug dang bzhi cha gcig go /'pho ba

  580. 289b

    bcu gnyis kyi dbugs drug brgya bdun cu rtsa lnga'o/ /nyin zhag gcig la dbu mar rgyu ba dang bcas pa nyi khri chig stong drug brgyar rgyu ba'o/ /de ltar rang bzhin du rgyu ba la nyi mar mi shis pa 'byung ste/ sna bug g.yas pa na nyi ma lnga pa la bar med par rgyu ba na tshe lo gsum lhag mar yod do/ /tshes bco lnga la rgyun du rgyu na lo gcig go /tshes nyi shu la rgyu na zla ba drug go /tshes nyi shu lnga la zla ba gsum mo/ /tshes nyi shu drug la rgyu na zla ba gnyis so/ /tshes nyi shu bdun pa la rgyu na zla ba gcig go /nyer brgyad la rgyu na zhag bco lnga'o/ /nyer dgu la rgyu na zhag bcu pa'o/ /sum cu pa la rgyu na zhag lnga'o/ /so gcig pa la rgyu na zhag gsum mo/ /so gnyis pa la rgyu na zhag gnyis so/ /so gsum pa la rgyu na zhag gcig go /zla ba'i mi shes pa brjod de tshe lo gsum yod pa'i sna bug g.yon pa na mi shis pa zhag gcig des ma tshang ba'i zla ba gnyis rang bzhin du rgyu'o/ /mi shis pa zhag gsum des ma tshang ba rang bzhin zla ba gnyis ni khyim dang por ro/ /gnyis pa la lhag ma zla ba sum cu ste/ mi shis pa zhag bzhi des ma tshang ba zla ba gcig mi shis pa zhag lnga rang bzhin nyer lnga'o/ /mi shis pa zhag drug rang bzhin nyer bzhi'o/ /gsum pa la mi shis pa zhag bdun rang bzhin zhag nyer gsum mo/ /mi shis pa zhag brgyad rang bzhin nyer gnyis so/ /mi shis pa zhag dgu rang bzhin nyer gcig go /bzhi pa la mi shis pa zhag bcu/ rang bzhin nyi shu pa'o/ /mi shis pa bcu gcig rang bzhin bcu dgu'o/ /mi shis pa bcu gnyis rang bzhin bco brgyad do/ /lnga pa la mi shis pa bcu gsum rang bzhin bcu bdun no/ /mi shis pa bcu bzhi pas rang bzhin bcu dgu'o/ /mi shis pa bcu gnyis pas rang bzhin bco brgyad do/ /lnga pa la mi shis pa bcu gsum rang bzhin

  581. 290a

    bcu bdun no/ /mi shis pa bcu bzhi rang bzhin bcu drug go /mi shis pa bco lnga rang bzhin bco lnga'o/ /drug pa la mi shis pa bcu drug rang bzhin bcu bzhi'o/ /mi shis pa bcu drug rang bzhin bcu bzhi'o// mi shis pa bcu bdun rang bzhin bcu gsum mo/ /mi shis pa bco brgyad rang bzhin bcu gnyis so/ /bdun pa la mi shis pa bcu dgu rang bzhin bcu gcig go /mi shis pa nyi shu rang bzhin bcu'o/ / / /mi 'dod pa nyer gcig rang bzhin dgu'o/ /brgyad pa la mi 'dod pa nyer bzhi rang bzhin drug dang zla ba gnyis so/ /dgu pa la mi 'dod pa nyer bdun rang bzhin zhag gsum dang zla ba gnyis so/ /bcu pa la mi 'dod pa sum cu rang bzhin zla ba gnyis so/ /bcu gcig pa la mi 'dod pa so gsum rang bzhin nyer bdun zla ba gcig 'dab ma bcu gnyis pa la thog ma'i lha ga ma zla ba gsum gyi tha ma'i zhag gsum las zhag gnyis sna bug g.yas pa nas rgyu ste gcig ni dbu mar rgyu'o/ /'dab ma dang po la zla ba drug zad de lhag ma'i 'dab ma rnams su gsum gsum mo/ /nad med pa rnams kyi khams snyoms pa yin la/ mi snyoms pa'i tshe srog mi snyoms pas nyi ma dang zla ba'i skyon gyis dus ma yin par 'chi'o/ /de bas sa bon dang/ zla mtshan gyi chos can zla ba dang/ nyi mas srog rtsol gang bar byas la 'chi ba bslu bar bya'o/ /nyi ma'i 'chi ltas/ /la tshes lnga la sogs pa bshad pas/ da ni 'dir ma bshad pa brjod par bya'o/ /nyin phyed dang nyin gcig dang nyin zhag gnyis dang gsum dang bzhi thug pa sna bug g.yas pa la rgyu na de la tshe lo ni bcu bzhi dang gnyis dang bcu dang brgyad dang drug dang

  582. 290b

    bzhi lhag ma'o/ /zhag lnga nas nyer lnga'i par du ma bshad pa bcu drug bshad de/ drug bdun brgyad dgu rim par rgyun tshe lo gsum las nyin zhag nyer bzhi dang zhe brgyad dang don gnyis dang go drug re 'bri'o/ /nyin zhag bcu gcig dang bcu gnyis dang bcu gsum dang rgyu na tshe lo gnyis las zhag nyer bzhi dang zhe brgyad dang don gnyis dang go drug dgu bri'o/ /zhag bcu drug bcu bdun bco brgyad cu dgu rim par rgyu na tshe lo gcig las zhag bcu gnyis dang nyer bzhi dang sor drug dang zhe brgyad dang go drug 'bri'o/ /zhag nyer gcig dang nyer gnyis dang nyer gsum dang nyer bzhi rim pas rgyu na tshe zla ba drug las zhag drug dang bcu gnyis dang bco brgyad dang nyer bzhi dang zhe brgyad 'bri'o/ /rtsa dbu mar nyin zhag gcig srog gi rlung rgyu bar ma nus na g.yon pa'i 'chi ltas la dbugs g.yas su 'pho bar bya'o/ /nyi ma'i 'chi ltas la g.yon du 'pho bar bya'o/ /zla ba phyed kyi bar du mtshan khung dang nu ma g.yas pa mnan na g.yon du rgyu'o/ /mtshan khung dang nu ma g.yon pa mnan na g.yas su rgyu'o/ /'khor lo drug la gnas pa'i rtsa drug go /gsang ba'i 'khor lo las gsum gyen du zla ba dang nyi ma dang sgra gcan rgyu'o/ /gsum 'og tu bshad pa dang gci ba dang sa bon dang zla ba dang nyi ma dang sgra gcan gyi mjug ma rgyu'o/ /sbyor ba yan lag drug gis 'khor lo drug gi lte bar gnas pa la srog rlung 'jug par byas nas mdza' gcig tu 'chi ba bslu'o/ /dbu ma la srog rlung 'jug par ma nus na 'chi ba bslu bar mi nus so/ /da ni dus su 'chi ba bshad de tshe lo brgya'i nyin zhag ni stong phrag sum cu rtsa drug ste 'dir rtsa stong phrag bdun cu rtsa gnyis 'chi ba'i rlung 'jug pa na 'khor lo lnga'i rlung drug cha gcig bzhag ste 'pho ba'o/ /lo brgya'i drug cha ni bcu drug dang zla ba brgyad do//

  583. 291a

    'chi ba'i rlung 'jug pa'i rim pa ni 'di lta ste/ lus la dbugs kyi 'khor lo ni dbugs drug go /chu srang gi 'khor lo ni chu srang drug cu'o/ /dbyu gu'i 'khor lo ni dbyug gu drug cu'o/ /'chi ltas kyi 'khor lo ni dus kyi lo gsum gyi zhag stong phrag gcig dang brgyad cu'o/ /dus su 'chi ba'i 'khor lo ni zhag brgya phrag bcu gcig dang lnga bcu rtsa drug ste de yang lo gsum zhag ni stong phrag gcig brgyad cu dang zla ba phyed dang gnyis kyis zhe lnga dang mngal gyi zla ba gcig gi sum cu dang lte ba'i zhag gcig ste de rnams bsdus pa'o/ /'khor lo 'di dag la 'chi ba'i dbugs kyi tshul dang chu srang gi tshul dang dbyu gu'i tshul dang nyin zhag gi tshul gyis rim gyis 'jug go /gang la lo brgya thub pa 'chi ltas med pa de la skye nas lo phyed pa gnyis kyi sna bug gnyi ka 'ang dbugs dkyil 'khor lnga rang bzhin du rgyu'o/ /de nas lo phyed kyi mthar g.yon gyi nam mkhar dbugs gcig mi 'dod pa rgyu'o/ /de nas lo phyed bzhi par mi rgyu'o/ /de nas lo phyed lnga pa la g.yas pa'i sa'i dkyil 'khor la dbugs gnyis mi 'dod par rgyu'o/ /drug pa la mi rgyu'o/ /bdun pa la g.yon pa'i nam mkhar dbugs gsum mo/ /brgyad pa la mi rgyu'o/ /de ltar dgu pa la g.yas pa'i sa la dbugs bzhi'o/ /bcu gcig pa la mi rgyu'o/ /bcu gcig pa la g.yon gyi nam mkhar dbugs lnga'o/ /bcu gnyis pa la mi rgyu'o/ /bcu gsum pa'i g.yas pa'i sa la dbugs drug rgyu'o/ /bcu bzhi pa la mi rgyu'o/ /de nas dbugs kyi dkyil 'khor gcig ste/ chu srang gcig gi longs ma sbyang pa'i zla ba phyed dang gnyis kyi ma chang ba lo bdun song ngo/ /de'i rjes la lo drug bcu'i bar lo phyed pa re re bar du bor zhing g.yon pa'i nam mkha' lnga bcu rtsa

  584. 291b

    dgu dang sna bug g.yas pa'i sa'i dkyil 'khor la chu srang drug cu ste/ rA shi'i 'dab ma drug drug mi mnyam pa dang mnyam pa rnams la'o/ /chu srang drug cu nyid dbyu gu yin no/ /lo drug cu bdun gyi rjes la lo sum cu pa'i bar du zla ba gsum gsum bar du 'od zhing dbyu gu'i ngo bos rtsa la rgyu'o/ /lo phyed pa'i phyed gong ma la g.yon pa'i nam mkha' la dbyu gu gcig rgyu'o/ /phyed 'og ma la mi rgyu'o/ /lo phyed pa gnyis pa'i phyed gong ma la sna bug g.yas pa'i sa la dbyu gu gnyis rgyu'o/ /de ltar zla ba gsum gsum na g.yon pa'i nam mkha' dang g.yas pa'i sa la rA shi 'dab ma drug drug li dbyu gu nga dgu dang drug cu 'chi rtags rgyu'o/ /dbyu gu drug cus nyin zhag gcig go /zla ba phyed dang gnyis kyis ma tshang pa'i lo go bdun gyi rjes su nyin zhag gi ngo bos nyin zhag 'khor lo re re sngar bzhin rgyu'o/ /zhag lnga pa la rgyu na nyi ma'i tshe la lo gsum lhag ma lus so/ /zhag bcu pa la rgyu na lo gnyis so/ /zhag bco lnga pa la rgyu na lo gcig go /zhag nyi shu pa la rgyu na zla ba drug go /zhag nyer lnga rgyu na zla ba gsum mo/ /zhag nyer drug rgyu na zla ba gnyis so/ /zhag nyer bdun rgyu na zla ba gcig go /nyer brgyad rgyu na zla ba phyed do/ /nyer dgu rgyu na zhag gcig go /sum cu rgyu na zhag lnga'o/ /so gcig rgyu na zhag gsum mo/ /so gnyis rgyu na zhag gnyis so/ /so gsum rgyu na zhag gcig lus so/ /so bzhi rgyu na 'chi'o/ /zhag gi tshogs ni brgya phrag bcu gcig dang nyer lnga sum cu so phyed dang gsum gyis bgos pas thob pa zhag sum cu rtsa phyed dang bzhi dang/ /dbyu gu so drug dang chu srang nyer lnga dang dbugs gnyis so/ /zhag re re dbyu gu re re lhag pa ru rgyu'o/ /tha ma rtsa g.yas pa la rgyu ste dus su

  585. 292a

    'chi ba'i nges pa'o/ /g.yon dang g.yas su dbu ma ni/ /stobs dang rdul dang mun pa ste/ 'chi ba ni mun pa'i rgyu ba gzung ste g.yon dang g.yas su rgyu'o/ /nga ni dbu ma'i 'chi ltas brjod de tshe lhag ma lo gsum dang zla ba phyed dang gnyis yod pa'i skye bo'i sna bug g.yon par 'chi rtags kyi nyin zhag gcig rgyu la rang bzhin yang zhag gcig rgyu'o/ /de nas mi 'dod pa zhag gsum dang rang bzhin yang zhag gsum/ yang mi 'dod pa zhag lnga na rang bzhin zhag bdun no/ /mi 'dod pa dgu rang bzhin dgu'o/ /yang mi 'dod pa bcu gcig rang bzhin bcu gcig ste rlung gi dkyil 'khor zad do/ /de nas mi 'dod pa bcu gsum rang bzhin bcu gsum mo/ /de nas mi 'dod pa bco lnga rang bzhin bco lnga'o/ /de nas mi 'dod pa bcu bdun rang bzhin bcu bdun te me'i dkyil 'khor zad do/ /de nas mi 'dod pa bcu dgu rang bzhin bcu dgu'o/ /de nas mi 'dod pa nyer gcig rang bzhin nyer gcig go /de nas mi 'dod pa nyer gsum rang bzhin nyer gsum ste chu'i dkyil 'khor zad do/ /de nas mi 'dod pa nyer lnga rang bzhin nyer lnga'o/ /de nas mi 'dod pa nyer bdun rang bzhin nyer bdun no/ /de nas mi 'dod pa nyer dgu rang bzhin nyer dgu ste/ sa'i dkyil 'khor zad do/ /gsum gsum de ni snying stobs dang rdul dang mun pa'i dbye bas so/ /de nas sna bug g.yas pa la mi 'dod pa gnyis dang rang bzhin zhag gnyis so/ / mi 'dod pa zhag bzhi dang dang bzhin zhag bzhi'o/ /mi 'dod pa zhag drug dang rang bzhin zhag drug ste/ sa'i dkyil 'khor zad do/ /mi 'dod pa zhag brgyad dang rang bzhin zhag brgyad/ mi 'dod pa zhag bcu rang bzhin zhag bcu/ mi 'dod

  586. 292b

    pa zhag bcu gnyis rang bzhin zhag bcu gnyis te chu'i dkyil 'khor zad do/ /mi 'dod pa zhag bcu bzhi rang bzhin bcu bzhi/ mi 'dod pa bcu drug rang bzhin bcu drug /mi 'dod pa bco brgyad rang bzhin bco brgyad de me'i dkyil 'khor zad do/ /mi 'dod pa nyi shu rang bzhin nyi shu/ mi 'dod pa nyer gnyis rang bzhin nyer gnyis so/ /mi 'dod pa nyer bzhi rang bzhin nyer bzhi ste rlung gi dkyil 'khor zad do/ /mi 'dod pa nyer drug rang bzhin nyer drug /mi 'dod pa nyer brgyad rang bzhin nyer brgyad/ mi 'dod pa sum cu rang bzhin sum cu ste nam mkha' i dkyil 'khor zad do/ /de nas g.yon du ye shes kyi dkyil 'khor la mi 'dod pa'i zhag sum cu rang bzhin sum cu ste/ de nas snying stobs kyi khams zad do/ /de nas g.yas pa'i rnam shes kyi dkyil 'khor la mi 'dod pa sor gnyis rang bzhin so gnyis te rdul gyi khams zad do/ /de nas g.yon du ye shes kyi dkyil 'khor la mi 'dod pa so gsum rang bzhin so gsum ste mun pa'i khams zad do/ /bad kan gyi khams zad pa ni snying stobs kyi khams so/ /mkhris pa'i rtsa zad pa ni rdul gyi khams so/ /rlung gi rtsa zad pa ni mun pa'i khams so/ /de ltar zhag brgya phrag bcu gcig dang nyer gnyis so/ /mngal gyi tha ma'i zla ba gcig zad par bya ba'i phyir sna bug g.yas pa la zhag gnyis rgyu'o/ /dbugs kyi 'khor lo zad par bya ba'i phyir zhag gcig dbu ma nas rgyu'o/ /de dag ni zhag brgya phrag bcu gcig dang nyer lnga'o/ /rtsa g.yon pa 'am g.yas pa chang pas mi rgyu na tshe zla ba drug ste gci ba skyur mor 'gyur ro/ /tshe zhag drug pas sgra mi thos so/ /tshe zhag lnga pas ro mi tshor ro/ /tshe zhag bzhi pas gzugs mi mthong ngo/ /tshe zhag gsum pas dri mi tshor ro/ /tshe zhag gnyis pas reg bya mi 'dzin no/ /'chi ba'i dus su sa bon dang dbugs stongs so/ /zhag drug pa'i sna'i

  587. 293a

    rtsa glang po'i sna ltar 'og tu zhum mo/ /lag pa mgor gzhag na lag pa mi phra'o/ /lag mthil gyis tshos mnyes kyang dmar por mi 'gyur ro/ /nyi ma nag por mthong ngo/ zla ba gang ba ser por mthong ngo lce'i 'og tu ri mo nag po 'byung ngo/ /mig la nag po dmar po'o/ /dkyil 'khor ri mo phra mo subs par 'gyur ro/ /dbugs sna bug gnyis kar rgyu'o/ /'gram pa gnyis 'phrig go /dbu ma'i rtsa gnyis mtshan khung gi nang 'jug go / sngar ma rnams me stag 'phro bar mthong ngo/ /lus dang mgul pa rengs par 'gyur ro/ /lus 'khor ba zhes 'chi ltas shes nas sbyin pa la sogs pa bya'o/ /'jig rten du byed pa gang yin pa de nyid zad par byed pa yin te de ltar kun gzhi dang nyon mongs pa can gyi yid mngal du khrag dang sa bon la 'jug pa dang skyes pa dang byis pa dang gzhon nu la sogs pa skye bar byed do/ /'chi ba'i dus su de nyid 'od gsal du thams cad 'jug par byed do/ /gang gi phyir sa bon la sogs pa'i rten la gnas pa'i rnam shes kyi thams cad sdud par byed do/ /gang sdud ce na/ zla ba sa bon dbang phyug dang/ khrag nyi ma ste rtag tu dge ba dang/ rkang mar drag po dang/ gci ba khyab 'jug dang/ bshad pa tshangs pa dang sa la sogs pa'i 'byung ba rnams te mngal na gnas pa'i rnam shes kyis 'di dag sdud par byed do/ /lte ba'i rtsa'i sgo nas lus ngag yid skyes pa'i phyir de dag thams cad lus la 'dus te yan lag kun skyed do/ /dbugs kyi lte ba nas 'thon par byed do/ /slar yang spyi gtsug la sogs drug la sdud par byed do/ /rnal 'byor gyi sems ni bshad pa dang gci ba la sogs pa'i khams lus la gnas nas 'dzub dang gsod

  588. 293b

    pa la sogs pa sdud par byed do/ /slar yang rgyu lugs sna tshogs kyi gzugs nyid skyed do/ /yang na 'chi ba'i dus su bsdus nas nyon mongs pa dang las rnam pa sna tshogs pa'i dbang gis skye ba phyi ma sna tshogs skyed do/ /lus rdzogs pa na yul drug ni gzung bya dang dbang po drug dang lo dang zla ba dang phyogs nyin mo la sogs pa'i byed pa'o/ /'o na 'di ni kun rdzob pa yin pa'i phyir byed pa po la sogs pa 'di dag gzhan sdud pa yod de de yang lhan cig skyes pa'i sku don dam pa'o zhes ni gzhan zer ro/ /de ni ma yin te/ gang gi tshe sdug bsngal gyi phung po nga rgyal tsam bdag ma yin te/ des ni mi rtag pa sdug bsngal ba/ stong pa/ bdag med pa'i phung po la sogs pa la yid du 'ong ba la sogs par sgro btags nas 'dod chags la sogs pa'i 'ching bas dar gyi srin bu ltar 'ching bar byed do/ /rnam par mi rtog pa'i ye shes bskyed nas rtog pa'i dra ba 'dzams te grol bar byed do/ /de bas nas byed pa po la sogs pa gang yang med do/ /'khor ba'i sems kyi rang bzhin brgyad de/ sa la sogs pa lnga dang yid blo dang nga rgyal lo/ /de yang gsum ste/ snying stobs la sogs pa'i yon tan gyi dbye bas so/ /de la rags pa dang phra ba dang gzhan dang bzhi pa ste/ de la rags pa ni bems po'i bag chags can rags par zhen pa rnams la zad pa'i dngos pos gzung ba'i phyir gnas skabs so/ /phra ba ni rmi lam gyi gnas skabs te yid kyi dbang pos sgyu ma'i dngos po gzung ba'o/ /gzhan ni shin tu gnyid log pa'i gnas skabs te dbang po thams cad 'gags pa'i phyir ro/ /bzhi pa ni ye shes kyi sku ste skye ba 'gog pa'i rgyu chos kyi dbyings kyi rang bzhin/ 'dir lta ba log pa ni 'khor ba dang/ rgyu bdag yin pa dang/ rgyu mi

  589. 294a

    mthun pa dbang phyug gis 'khor ba byas zhes pa'o/ /sa bon las myu gu ltar rgyu tshogs pa las 'bras bu 'byung ba dang/ pha ma la sogs pa phan 'dogs pa'i zhing dang/ rdzogs pa'i sangs rgyas la sogs pa yon tan gyi zhing dang/ rgyu 'bras mi slu ba la yid ches pa ni 'jig rten pa'i yang dag pa'i lta ba dang/ gang zag chos kyi bdag med byang chub kyi rgyur yid ches pa ni 'jig rten las 'das pa'i lta ba bskyed par bya'o/ /dran pa nye bar bzhag pa las/ rang gi dge dang mi dge'i las/ lus ngag yid kyi byed pa gang/ /'jig rten bde 'bras la longs spyod/ /byed pa po gzhan gang yang med/ ces gsungs pa'i phyir grol ba dang 'ching ba yang rtog pa tsam ste/ de yang rtog med kyi mnyam gzhag la mi 'byung ngo/ /ji ltar chu len pa'i phyir bum pa khyer ba ni nang yod pa'i nam mkha' mi 'gro ste/ de ci yang min pa'i phyir ro/ /de ltar sems kyi chos mi skye mi 'gag mi 'gyur mi rgas so/ / 'chi ba'i dus su snying stobs zhi ba'i sems kyis 'chi ba na lhar skye bo/ /mun pa 'am dran pa'i sems kyis dmyal bar skye'o/ /mi dge ba 'bring po rdul gyi sems kyis dud 'gror skye'o/ /dge mi dge 'dres mas mir skye'o/ / yon tan gsum 'dres pa las snying stobs lhag na yi dags bzang por skye bo/ /rdul lhag na bar ma'o/ mun pa lhag na dman par ro/ /lha ma yin ni ltar 'dus so/ /mi ni stobs lhag na bde ba dang ldan no/ /rdul lhag na bde sdug can no/ /mun pa lhag na rtag tu sdug bsngal lo/ /de ltar mtho ris su skye ba ni rnam pa brgyad de/ sa dang chu dang me dang rlung dang nam mkha' dang nyi zla dang sgra gcan gyi zad par bsgom pa dang/ sbyin pa dang tshul khrims

  590. 294b

    la sogs pa'i stobs kyis so/ /phung po bdag tu bzung ba longs spyod bdag tu bzung bas rigs drug 'khor ro/ /bslab pa'i mdo sde dang/ rtogs pa'i shes bya dang/ sgra byA ka ra Na dang/ ts+tshan da dang/ nges tshig dang/ rtsis te yan lag drug dang ldan pa'i rig byed ni ma rig pa'o/ /dran pa rnams ni shed bu la sogs pa'o/ /rtog ge ni 'jig rten gyi rtog pa'o/ /dkyil 'khor 'khor lo la sogs pa bsgom pa ni rtog bcas so/ /rgyas pa'i snyan dngags ni b+ha ra tha'o/ /sna tshogs zos pa'i snyan dngags ni bsgom pa'i chos so/ /grog ma'i snyan dngags ni rA ma na'o/ /bdud mda'i snyan dngags ni lo rgyud kyi chos te 'di dag rigs pa ma yin no/ /nang gi rig pa ni rnam pa thams cad dang ldan pa ni stong pa nyid zag pa med pa'i bde ba'i bdag nyid dmigs pa med pa'i snying rje rgyu dang 'bras bu gcig tu gyur pa gang las khams gsum skye ba dang thim pa'o/ /de la goms pa'i rnal 'byor pa 'bras bu ma thob par 'chi na byang chub sems dpa' i rigs su skye zhing dang por goms pas dka' ba med par de'i ye shes thob 'o/ /de nas ma nyams pa'i go 'phang thob po/ /'chi ba'i dus su yang sngar byas pa'i dge ba'i mthus zhen pa mdza' dag dang bral ba'i sems kyis 'chi na lhar skye'o/ /gang gi phyir gang la zhen pa de nyid du skye'o/ /ye shes skye ba dang longs spyad pa'i dus ni nyi ma phyed nas nam phyed kyi bar ro/ /gang goms pas nyi ma ltar gyen du rgyu'o/ /mtho ris su 'gro ba'i lam ni snang ba dang bcas pa'o/ /gang zhig chos gang la 'jug pa'i brtul zhugs dang snyung gnas la dga' ba de'i chos la mngon par zhan pa de ni 'chi ba'o/ /'dod pa dang gzugs dang gzugs med pa'i bag chags dang bde ba la sogs pa'i tshor

  591. 295a

    ba ji srid yod pa de srid du kun gzhi rnam shes ni 'khor bar 'khor ro/ /zla ba nyi ma'i 'chi ltas kyi rtsa chad pa ni sna bug g.yon dang g.yas su zhag sum cu sa gnyis kyi bar ro/ /dus su 'chi ba la yang zhag so gsum gyis lus ngag yid gsum dang phung po khams dang dbang po la sogs pa stong par ro/ /de nas brkyang ma dang ro ma spangs nas srog rlung zhag gcig dbu mar zhugs te dbu ma'i nang du dus kyi rlung gis mnan pas lte bar sgra la sogs pa'i yon tan lnga dang ldan pa stong ste sa 'chad par 'gyur ro/ /snying khar yon tan bzhi dang ldan pa'i chu dang yang ngo/ /de chad par byas nas mgrin par yon tan gsum dang ldan pa'i me bcad do/ /dpral bar yon tan gnyis dang ldan pa'i rlung btang nas/ spyi gtsug tu yon tan gcig dang ldan pa'i nam mkha' gtong ngo/ /de ltar srog rlung gis gyen du khams gtong lugs so/ /lus kyi thig le chos can thur sel 'og tu gtong ste/ sad pa'i gnas skabs zad do/ /gsang gnas su ngag gi thig le'i chos can gtong ste rmi lam gyi gnas skabs zad do/ /nor bus sems kyi thig le'i chos can gtong ste shin tu gnyid log pa'i gnas skabs zad do/ /de ltar gyen du yang snying mgul dpral bar rdul gyi thig le rnams srog gis gtang ste lus la sogs pa 'chad do/ /tha mar drug pa'i ye shes kyi khams gtong ngo/ /yan lag kun las sa bon 'og tu gtang ba dang/ rdul gyen du ste bzhi pa'i gnas skabs zad do/ /de ltar mngal las skyes pa rnams 'chi'o/ /des ni 'jig rten dang 'jig rten las 'das pa bsgrub pa'i phyir srung ba bshad de/ lte ba snying kha mgul pa dang/ dpral ba spyi gtsug pad+ma

  592. 295b

    la/ /sa chu me rlung nam mkha' rnams/ /sdud par rab tu rgyu ba yin/ phyi ru 'byung dang nang du bsdu/ /de ni skyed pas sa la 'jug /srog gi nus pa ni sdud pas phyir 'byung la skyed pas nang du 'jug go /thur sel gyi nus pa yang/ /lte ba g.yas nas nor bu'i dang/ /lus ngag yid ni rim gyis rgyu/ phyi ru 'byung dang nang rgyu la/ /sdud dang skyed pa'i rang bzhin no/ /zhes dbang mdor bsdus las so/ /de bas sangs rgyas kyi rang bzhin lus bsrung bar bya'o/ /lus med na sgrub pa yang med la zag pa med pa'i bde ba yang med de byang sems bsrung ba'i phyir rtsa'i rnal 'byor ni rkyang ma dang rom nas dbus mar srog rlung bsgom pa dang/ thur sel dud can la bsgom par bya'o/ /'jig rten las 'das pa bsgrub pa'i phyir stong pa la du ba la sogs pa'i lam bla ma la bslabs te sna tshogs gzugs brnyan gyi bar du bsgom par bya'o/ /de nas rtsa'i 'khor lo re rer srog dang thur sel la brtan par bya'o/ /de nas sgra gcan ltar byang sems 'gag par bya'o/ /srog dang thur sel sbyor nus pa'i rnal 'byor gyi sa lo gsum dang zla ba phyed pa gsum la phyag rgya chen po bsgrub po dus ma yin pa'i 'chi ba'i mtshan nyid shes nas/ skyed sdud pa la gnas pa'i srog dang thur sel bkag la dbu dmar sgra gcan dang dus kyi me'i nang du srog dang thur sel 'jug par bya'o/ /nyin zhag gcig dbu ma'i nang du rgyu bar nus na dus ma yin par 'chi ba slu bar byed do/ /de ltar ma nus na btsan thabs kyis kyang bya'o/ /lte bar re bzhi dang gnas gnas kyi phyi rol gyi bcu drug gis rlung bskyed de/ 'di dag khams snyoms par bya ba'i phyir dang rlung dang gzer zhi bar bya ba'i phyir thur sel bsdam par bya'o/ /dpral bar bcu drug dang spyi gtsug tu bzhi ste nyi shu ni bad kan skyed do/ /de dag khams snyoms par bya ba'i phyir

  593. 296a

    srog rlung gi rtsol bas bsdam par bya'o/ /thog mar srog dang rlung dang thur sel lan gsum bus la lce chung la gzhag ste/ phyi rol gyi rlung yid kyis drangs shing bdud rtsi 'thungs pas mkhris pa zhi par byed do/ /snying khar brgyad mgul par so gnyis ni mkhris pa skyed do/ /gsang gnas kyi bcu ni 'dus pa skyed do/ /de dag snyoms par bya ba'i phyir srog dang thur sel bsdam par bya'o/ /tshang pa la yang ngo/ /srog gi phyir srog ni lte ba nas gyen du rgyu ba dang/ thur sel 'og tu rgyu ba 'gog pa des rlung la sogs pa'i skyon thams cad sel lo/ /bshad po nga dra gci ba sa bon gyi lam 'og tu thur sel bsdams nas zla ba dang nyi ma dang me'i khams gyen du srog bsdams te/ de gnyis kha sbyar ba'i pho ba'i mes lus khyab cing dmu chu dang mchin nad dang gzhang 'brum dang dbugs mi bde ba dang glo nad brtan pa dang g.yo ba dang bcos ma'i dug dang mig nad dang glad gzer 'joms par byed do/ /brla g.yas par rkang pa g.yon pa dang/ brla g.yon par rkang pa g.yas pa ste/ rdo rje'i skyil bkrung bcas pa la lag pa g.yon pa rgyab tu song bas rkang pa g.yon pa'i mthe bong dang g.yas pa'i mthe bong gzung bas dbugs gzung bas rgyab kyi gzer 'joms par byed do/ /rkang pa gnyis gyen du mgo 'og tu byas la srog 'gog pas bad kan 'joms so/ /gci ba dor ba na srog rlung bsdams shing cung zad re stong pa goms pas chu 'gag pa bzhi po/ snga dro gdong ma bkrus par ming med kyis so/ /phreng mnyes pas mig gnyis la bskus pa dang chu lcags brgyab pas mig nad sel lo/ /gan rgyal du nyal te lag pa g.yon pas lte ba mnan nas srog rlung bzung bas ma zhu ba'i gzer ba 'joms so/ /

  594. 296b

    'bras la sogs pa byung ba'i dus su mar dang tshwa ru gdus pas bdugs na 'phel ba 'joms so/ /arga'i 'o ma byugs pas kyang bya'o/ /kaN+Da ka ra'i me la gzhag pa'i dud pas gang ba'i sbubs so la yun ring po bdugs pas so'i srin bu dang bcas pa'i gzer 'joms so/ /du ba la sogs pa'i mtshan ma dang srog rtsol gyis ma nyams pa'i bsgrub pa la phyag rgya'i sbyor bas dbab pa'i byang sems bde ba dam pa yang dang yang du bkag ste zla ba drug gis dkar mdze 'joms par byed do/ /stobs med na sha dang chang longs spyod cing lo gcig tu ma bsten pas rlung bum pa can gyis nges par 'joms so/ /lo bdun bcu'i rgas pa gnyer ma dang skra dkar po dang bcas pa lo gnyis kyis so/ /de rjes lo gsum dang zla ba phyed dang gsum gyis phyag rgya chen po 'grub po/ /bum pa can ni de srid du byed de ji srid du snying tsha ba dang mgo na ba mi 'byung ngo/ /de'i phyis kyang byed na srog ni rgyal ba dang ma non pas spyi gtsug ste 'gro'o/ /phyag rgya yang bde ba chen po bsgom pa'i don du yin gyi 'dod chags zad phyir ma yin no/ /myos byed na rgyal thams cad kyi bdag nyid phung po la sogs pa 'ching bar byed pa'i phyir de mos par byed pa'i phyir ma yin no/ /sha la sogs pa'i bza' ba ni bde ba 'phel bar byed pa'i phyir te ma zhu ba'i phyir ma yin no/ /mtshan mo dur khrod du 'khor ba ni spyod pa sgrub pa'i phyir te rtsed mo'i phyir ma yin no/ /mi bskyod pa cung zad chen po pi pi ling gi phye ma dang bsres te khar bcug ste gzung pa na kha'i nang dang so'i nang nang gzer dang srin bu sel lo/ /snga dro mi bskyod pa che ba gsum dang bsres pa 'am sna bug tu blugs pas ma go na ba sel lo/ /lci ba dron mo sna bug tu blugs te gzhag na rna ba'i nad sel lo/

  595. 297a

    de grang mos mig nad sel lo/ /mi bskyod pa tsha ba gsum dang bsres pa sna bug tu blugs pas 'byung po la sogs pa'i gnod pa sel lo/ /dug sbrul gyis zin pa la yang ngo/ /nang du bshad pa ni phyi rol du ? gri ste de gnyis mnyam mo/ /nang du dri chu ni phyi rol tu b+h+rIM gi rA dzA'i khu ba'o/ /nang du bud med kyi zla mtshan ni phyir lhang 'tsher ro/ /khu ba ni phyir dngul chu'o/ /nang du sha dang rkang mar ni phyi rol du 'bras bu gsum mo/ /bshad pa cha gcig sha ni bzhi cha gcig med pa'i cha gcig /khrag ni cha phyed sa bon bzhi cha gcig ste thams cad phye mar btags te lci bas sbrus te lan bdun du nyi ma la skem par bya'o/ /de nas zhag re re srang phyed byed mar dang sbrang rtsi bsres te zla ba drug gi bar du zos na tshe ring bar 'gyur ro/ /lo ma dang/ skyur ba dang/ tsha ba dang mar nag spang bar bya ste/ bdud rtsi lnga bsten pa'i cho ga'o/ /dbu mar srog rlung bkug la ge sa ra dza dang b+h+rIM gi rA dzA'i khu ba dang mnyam po'i zla mtshan sna bug zla ba drug blugs pas skra dkar ba dang bcas pa'i rgas pa 'joms so/ /ba lang/ khyi/ glang po che/ rta/ ma'i sha rnams sbrang chad dang sbrang gis bsres te zla ba drug tu zos na nad thams cad sel lo/ /ke shar dza dang/ b+h+rIM gi rA dzA'i khu ba dang dngul chu dang byang sems dkar dmar gnyis dang thams cad mnyam par srang phyed phyed lo gcig gi bar zos na rgas pa 'joms pa ste lo ma dang skyur po la sogs pa spangs nas so/ /tshwa dang bcas pa'i skyur po 'thungs pas na rlung sel lo/ /kar la sogs pa mngar bas ni mkhris pa sel lo/ /bska bas ni bad kan sel lo/ /tsha ba gsum dang bcas pa'i rA'i 'o ma 'thungs pa dang sna bug tu blugs pas bad kan sel lo/ /ka ra dang

  596. 297b

    bcas pa'i ma ha'i 'o mas mkhris pa sel lo/ /rnga mo'i 'o ma rgyam tsha dang bcas na rlung sel lo/ /ba'i 'o ma tsha ba gsum dang bcas na bad kan sel lo/ /ka ra dang bcas pas mkhris pa sel lo/ rgyam tsha dang bcas pas rlung sel lo/ tshang pa med pa la mar yang ngo/ /dzA ti'i lo ma de'i brgyad 'gyur chu la bkol te bzhi cha gcig cung zad dro ba khar gzhag na so'i nad dang kha nad sel lo/ /til mar gyi khu ba dang ra'i chu mnyam por bkol te til mar tsam lhag mar gzhag ste tsha dang tsha ba gsum de'i bzhi cha gcig der bsres la drang mo rna ba'i nang du gzhag pa na rna ba'i nang sel lo/ /ba'i mar de brgyad 'gyur 'o ma dang bkol nas na ga ge sar dang gur gum gyi phye ma dang bsres la sna bug tu blugs pas sna'i nang sel lo// ?kartsa ki ko li dang iN+Da ba ru ni dang tig ta rnams bong bu'i chus btags te 'bras mang po 'joms so/ /'brum bu'i nad la dang po tshad pa dang rkang lag gi tshigs dang mgo bo na ba'o/ /de shes nas bu ga med pa'i khang par rkang pa gnyis mnyam par langs te lag pa gnyis brla thug par thur du skyangs te ma 'gyel gyi bar du bum pa can bsgoms te tshang pa las grol ba'i bar ro/ /snying kha'i zla ba las phreM yig dkar po las byung ba sna tshogs yum mam gzugs zhal gcig phyag gnyis la rdo rje dang pad+ma dang zla ba la rdo rje skyil krung du bzhug sam/ g.yon gyi thus kar pad+ma dkar po'i yu ba bsnams pa/ g.yas pa mchog sbyin can srog rtsol gyis bsgom par bya'o/ /sran chung btags te chu grang mo bsres te btung ngo/ zhag gsum pa la sbrum ma skye ba na/ 'brum pas shi ba'i thod pa 'am gzhan bdar la mi bskyod pa bsres te btung ngo/ /oM phreM bi shwa mA ta badzra kaN+Da kaM nA sha ya che ge mo shAn+tida ku ru swAhA/ sngags 'dis yams drug dang gnod

  597. 298a

    pa rnams la bdag dang gzhan bsrung ba'i phyir bzlas pa bya'o/ /sman la yang lan bdun du mngag par bya'o/ /'dis dpral ba snying kha mgul pa lte ba gsang gnas spyi gtsug tu thun gsum bsrung bar bya'o/ /'byung pos gzung ba la tsha ba gsum dang bsres la mi bskyod pa 'thung na zhi ba'o/ /da ni bcud len brjod de gser srang gnyis sbyangs pa dang/ zangs ma lcags kan+ti/ lhang 'tsher lcags ti kA ti de dag cha mnyam par srang gnyis mu zi kha na bkab pa la sman de dag gi bar bdun du su bar+Na ma k+Shi ka'i phye ma srang gnyis blugs te me drag po la bskol te gser gnas pa'i bar du'o/ /dngul chu srang bzhi la yung ba ma btsos pa dang so phag gi phye ma dang/ lhang 'tsher ras la lan bdun btsags la gser de dang bsres pa'i bdag po srang drug byas te ba'i dar ba mar med pa'i me drag po la bkol te btsags nas rtsigs 'dor te chu khu de khab len gyi snod la gser gyi 'dag pa dang bskol te srang gsum lus pa'i bar ro/ /de ni zla ba drug gi zhag grangs dang gnyam par bskol te/ ka ra phye ma 'dag pa srang brgyad dang/ pho ba'i me drod dang cha mthun par bdun nam dgu la sogs pa dang de'i drug ca cha gcig gis 'pho ba ris kyi phye ma dang bsres he bza' bar bya'o/ /zas gzhan spang par bya'o/ /zla ba drug gis lha'i lus dang 'dra ba'i rgas pa dang gnyer ma dang 'chi med 'grub bo/ /sman rdzogs pa dang ji srid 'tsho'i bar du ka ra phye ma cig bsres pa'i chur khu ni bza' bar bya'o/ /da ni gser gyi phyed bsgyur brjod de/ bshad ma thag pa'i sa bon dngul chu de dang mnyam por bsres te tshwa dang skyur po dang tshwa'i rigs gzhan yang mnur ji srid 'dres kyi bar ro/ /de nas mu zi dang/ lhang 'tsher dang/ ldong

  598. 298b

    ros dang/ ba bla dang/ zha nye dang/ ka k+Shi dang/ ka shi sha dang/ dbyig dang/ gser gyi btsag ste 'di dag cha mnyam par cha gnyis gong gi sman cha gcig dang gsum dngul chu dang cha mnyam pa'i nya'i mkhris pa pi dza pU ra la sogs pa'i skyur por ?bdud la te nas dngul gyi lab leb la bskus te zhag gsum gyi bar du thab kyi 'og tu gzhag la thab kyi mes btsos pas gser du 'gyur ro/ /de'i phyed gser dang 'dres pas gser gyi phyed bsgyur yin no/ /da ni 'dra min brjod par bya te tIk+Sha na dang lhar tsher ni shing b+ha d+ha'i 'o mas spangs pas zhu ba dang ba bla dang rgya tshwa dang ya bak+Sha ra dang spos dkar te/ tIk+Sha na la sogs pa rims kyis gcig gnyis gsum bzhi lnga drug gi bar du tsha je ma byas te thams cad bsres pa re zangs nyis 'gyur dang lugs gong gi nang du kha bkab la bkol nas/ yang kha phye nas bskol te zangs lus pa'i bar ro/ /de tsha las dag par byas te cung zad snyi bar 'gyur ro/ /arga'i rtsa ba dang/ da du ra ser po'i rtsa ba dang e ra nA'i rtsa ba dang/ k+Shi ra ga tsug gi rtsa ba ste cha mnyas par btags pa'i dar ba la zhag bdun gyi bar du gzhag go /de nas bcu gnyis pa de gong ma'i nang du blugs te shin tu snyi bar gyur gyi bar du gzhag par bya'o/ /de cha gcig dngul cha gnyis dang bsres la 'dra min byas te dag par 'gyur ro/ /zhes 'dra min gyi nges pa'o/ /de ni chos pa rnams kyi 'tsho ba'i phyir ro/ /chos pa'i kun rdzob ni sgyu ma lta bu'i dbu ma yin la/ don dam pa ni rab tu mi gnas pa'o/ /rdul phra rab ni rigs pas ma grub pas sems pa'i dngos por smra ba'i 'dod pa mi 'grub ste/ 'di ltar bum pa la sogs pa'i dngos po gcig tu ma grub ste steng 'og phyogs bcu'i dbye ba du mar 'gyur ba'i

  599. 299a

    phyir ro/ /cha shas yod par 'dod na/ /drug gis cig car sbyar ba na/ /phra rab rdul cha drug tu 'gyur/ /cha shas med par 'dod na/ drug po dag ni go cig na/ grong buAng thul phran tsam du 'gyur/ /cha shas med na thogs pa'i phyir phan tshun du thim mo/ /khams gsum rnam shes tsam smra ba la brjod de rnam shes tsam yod do/ /don med na cir snang rnam shes tsam las phyi rol gyi don med na ci ste snang zhing 'dug /smras pa/ bag chags kyi dbang gis so/ /ji ltar rmi lam du med kyang snang ba bzhin no/ /brjod pa/ nyin mor mthong ba rmi lam snang/ /dngos po yod pa'i phyir ro/ /gang la don ni gtan nas med rnal 'byor spyod pa la'o/ /de la bag chags gang la 'byung/ /dngos po gtan med pa'i phyir/ dngos po'i bag chags gang las byung/ /smras pa ma rig pa las so/ /brjod pa 'khor ba ma lus de yin no/ /dngos po bag chags 'ba' zhig tu ma zad 'on kyang gnyis ga 'dod pa'i 'gro ba ma lus pa ma rig par grub ste/ phyi rol ting du snang ba'i phyir ro/ /rnam shes de ni don dam 'dod/ /ma rig dang bral ga la srid/ /'gro ba ma lus rnam shes tsam du khyod 'dod la/ /rnam shes te don dam min pas ma rig pa dang bral ba'i dus khyed la btan mi srid do/ / nga ni rnam shes tshe rabs su mi 'dod pa'i rgyang pan pa smra ste/ 'byung ba lnga ni yongs smin pas/ /smyon pas nus bzhin sems byung ngo/ /byung ba rnams kho na sems su 'gyur te/ chang las sngar med kyang yongs su smin pa'i 'tshe smyo bar byed pa'i nus pa skye ba bzhin no/ /de ltar mngal bus la sogs pa yongs su smin pa las sems byung ste/ skye ba phyi ma dang thar pa med do/ /brjod pa/ kye sdig can gal te 'byung ba rnams las sems 'byung na de'i

  600. 299b

    tshe shing dang lcug ma la sogs pa yang sa la sogs pa 'byung ba rnams yongs su smin pa yod pas/ de dang sbyor bas dam bcas yin/ /shing la sogs par cis mi 'byung/ sems can la dbang po dang bcas pa'i sems pa de bzhin du shing la sogs pa yang 'byung bar 'gyur te/ de bas/ long bas nyin zla la sogs kyi/ /gzi brjid phung po ma mthong bas/ /de med ces ni smra na yang/ /de la su zhig yid ches 'gyur/ /de bas/ stong pa nyid ltar na thams cad las/ /phyir 'byung lam ni rgyal bas gsungs/ /gang gi lta ba stong nyid de/ /de ni grol bya min par bshad/ /nang gi rgyu don zab mo las/ /nang gi snye ma phyung bris pas/ /byung ba'i dge bas 'gro ba kun/ /nang la mkhas shing rgyal bar gyur/ /nang gi snye ma zhes bya ba rgya gar shar phyogs kyi dza gang d+ha la'i paN+Di ta chen po bi b+hU ti tsan+d+ras phyogs gcig mdzad pa rdzogs so// //paN+Di ta de nyid kyis rang 'gyur du mdzad pa// (//rdo rje theg pa dus kyi 'khor lo'i rtsa ltung bzhugs//) // rgya gar skad du/ kA la tsakrA badzra yA na mU la pa ti/ bod skad du/ rdo rje theg pa dus kyi 'khor lo'i rtsa ba'i ltung ba/ dpal dus kyi 'khor lo la phyag 'tshal lo/ /'phags pa 'jam dpal la phyag 'tshal lo/ /shes rab thabs bdag sbyor ba yis/ /sku yis dbyibs kyi rdzu 'phrul 'gro /rdo rje sems dpa' sems dpa' che/ /byang chub sems la phyag 'tshal te/ /rtsa ba'i ltung ba bcu bzhi ni/ /dus 'khor las gsungs bshad par bya/ /bu yi rtsa ba'i ltung ba ni/ / dpal ldan bla ma'i thugs sun phyung/ /ri bong 'dzin pa ru ni 'gyur/ /de yi bka' las 'das pa gzhan/ /de bzhin mig tu 'gyur ba yin/ /spun la khros pa yon tan no/ /byams pa 'dor ba rig byed de/ /byang chub sems 'dor mnga' yin

  601. 300a

    no/ grub pa'i mdza' smod dbang po yin/ /yongs su ma min skye bo la/ /gsang ba ston pa gzhan yang ri/ /drag pa'i chos la mi dad pa/ /gza' zhes rab tu grags pa'o/ /sgyu yi byams pa phyogs su 'gyur/ /ming sogs bral bas bde ster pa/ /rtog pa drag po du ni 'gyur/ /dag pa'i sems can la skyon brjod/ /nyi ma ru ni 'gyur ba yin/ /dam tshig rnyed nas spong ba ni/ /yan lag ces su gsungs ba'o/ /pung med kun la smod pa ni/ /ltung ba sa ru 'gyur ba yin// rdo rje theg la gnas rnams kyi'o/ /bum pa'i gsang ba gnas brgya la/ /brtul zhugs nges pa'i dbang gis te/ /gong ma la ni dag pa med/ /dam tshig gang dgos mi ldan pa'i/ /rig ma bsten pa zla ba'o/ /tshogs 'khor ba yi ston mi la// rtsod pa ltung ba mig ces bya/ /bsten par mi 'os rig ma las/ /bdud rtsi thob byed yon tan 'gyur/ /gsang chos shes kyang 'dod pa 'am/ /ser snas snod ldan spong rig byed/ /dad pas sems can chos kyi gtam/ /dri med dus 'das gyur pa mnga' / /nyan thos skrag dang ldan pa yi/ /nang du zhag bdun 'das par ro/ /shes rab skyob pa mi shes sbyin/ /rlom sems sngags par ston pa ri/ /snod dang mi ldan sems can la/ /gsang sngags ston pa bkra shis brjod// 'di brgyad yan lag nyes pa'o/ /srog gcod gzhan gyi nor 'phrog dang/ /gzhan gyi bud med spyod dang rdzun/ /myos byed khu ba 'thung ba yi/ /sdig pa gzhan pa'i chos lnga yang/ /cho lo kha na ma tho'i zas/ /tshig ngan 'byung bo kla klo'i chos/ thub pa'i bka' dang mi mthun pa/ /lnga po spang bar bya ba yin/ /ba lang dang ni byis pa dang/ /bud med skyes bu thub pa lnga// //gsod pa gdug pa'i bram ze yi/ /'tshe bar byed pa chos lnga yang/ /grogs dang

  602. 300b

    ? dpon sangs rgyas dang/ /rang la dge 'dun dbugs 'byin la/ /'khu ba lnga zhes bya ba ste/ /byas pa mi skyo rnam lnga spang/ /dbang po lnga rnams yul gnas kyi/ /'dod yon lnga la chags pa spang/ /mu stegs brtul zhugs nyi shu lnga/ / sangs rgyas pa yis spang bar bya/ /rdo rje theg pa dus kyi 'khor lo'i rtsa ba'i ltung ba yan lag dang bcas pa/ /byang chub sems dpas mdzad pa rdzogs so// //dam pa rnams la phyag 'tshal lo/ /bden pa dbyer med dus 'khor lo/ zhes bya'i cha nas gnyis zhes bya/ /brjod bya bden pa gnyis yin te/ /kun rdzob phyi nang gzhan dang gsum/ /phyi ni 'chags gnas 'jig pa ste/ /chags pa rten dang brten pa'o/ rten ni rgyu dang go rims dbyibs/ /rang bzhin kha dog ming dang ni/ /yi ge grangs dang tshad dag go /rgyu ni las kyis 'dus byas nas/ /rdul phran dag las skyes par 'dod/ /stong dang rlung sogs rim pa'o/ /dbyibs ni gzhu sogs rang bzhin ni/ /g.yo sogs kha dog sngo la sogs/ ming ni rlung la sogs ri la sogs/ /yi ge ya ra la sogs pa'o/ /grangs ni rlung dang mtsho yi bar/ /tshang ni rgya rngams mdza' skor ro/ /brten pa sems can zhes bya ste/ /rgyu dang ming gi rab dbye dang/ /so so'i gnas dang tshe tshang dang/ /sa bon yi ger rab shes bya/ /rgyu ni las dang nyon mongs dang/ /ming ni mnar med nas bzung nas/ /srid pa sum cu rtsa gcig bar/ /gnas ni rlung dang srid rtsi'i bar/ /tshe tshad lo dang bskal ba'i grangs/ /sa bon yi ge ka la sogs/ /chags pa sdud par shes par bya/ /gnas pa rnam pa gnyis yin te/ /bstan pa dus dang byed pa rtsis/ /dang po dus bzhi la sogs pas/ /sa yi dum bu rnams la ni/ /'khor los sgyu la rgyal lus kyis su//

  603. 301a

    log 'dren mthar byed legs rnams 'dzin/ /byed pa yan lag lnga bsdus te/ /gza' ni chos dang rgyu skar dang/ /khyim la gnas pa dag yin no/ /tshes ni dbyangs dang rten 'brel dang/ /drag mo la sogs shes par bya/ /'jig pa sa sogs rim zhugs pas/ /tha ma stong par gyur pa'o/ /nad ni skye gnas 'chi ba ste/ /skye ba nang dang phyi dag go /nang gi dus dang rgyu dag dang/ /ngo bo rkyen rnams rdzogs dus so/ /dus ni ye shes g.yo ba dang/ /rgyu ni khu sogs skye gnas khrag /ngo bo phung po khams rang bzhin/ /rkyen ni ma yis ro zos mthus/ /rnam pa khu khrag rtsa rlung gis/ /gtso bos brgyad ni skyed pa'o/ /rdzogs dus bcu gnyis bcu gsum mo/ /phyi ni dbyibs dang tshad dag dang/ /rnam grangs dag tu bstan pa yin/ /dbyibs ni lus dang yan lag sogs/ /tshad ni sor dang khru yi par/ /dbye ba phung po khams dag dang/ /dbang po las kyi dbang po dang/ /'khor lo bya ba'i 'khor lo dang// las kyi 'khor lo dag tu'o/ /de yang rtsa rlung sems dag gis/ /lus kyi ngo bo bsdus pa'o/ /gnas pa las dang bsrung ba'o/ /las ni phyi nyid nang sbyar bas/ /dus kyi 'khor lor gyur pa'o/ /bsrung ba sems kyi sdig gzhom dang/ /nad zhi lus kyi bcud len no/ /'chi ba dus dang dus min pa'o/ /gzhan ni sgrub pa'i thabs dang ni/ /'jig rten dbang ni ngo bo dang/ /nges tshig dbye ba cho ga'o/ /ngo bo gzhan las thob bya ste/ /nges tshig dri 'khrud nges par 'jog /dbye ba thun mong khyad par gyis/ /bdun dang gsum du shes par bya'o/ /cho ga sbyor ba dngos gzhi'o/ /sgrub pa lam dang 'bras bu ste/ /lam ni las dang ye shes so/ /las rgya'i ngo bo dbye ba dang/ /nyams su

  604. 301b

    byang ba'i cho ga'o/ /ngo bo nus pa skra ldan pa/ /dbye ba gzhan gyi rigs la sogs/ /nyams blang bsnyen sgrub sgrub pa'o/ /ye shes phyag rgya'i ngo bo ni/ /rang gi sems kyis brtags pa ste/ /dbye ba dkyil 'khor rnam gsum mo/ ? sngon 'gro dngos dang 'jug /dngos ni bskyed dang bsgom pa'o/ /bsgom pa dngos zhen rnam gnyis dang/ /zhen bral dag pa sgom pa'o/ /rjes ni mnyam langs chos yin te/ /nang gi rnam pa phyis sbyar nas/ /lus ngag yid kyis byas pa'o/ /'bras bu 'dod dang gzugs khams kyi/ /mthar thug thob par 'gyur ba'o/ /don dam bden pa la brten pa/ /lta ba lam dang 'bras bu'o/ /chos nyid mi mthun phyi nang gi /log par rtog pa bstan pa'o/ /mthun pa gnyis su med sgrub pa/ /ngo bo dbye ba mtshon byed dang/ /dpe yis rnam par shes par bya/ /ngo bo mi rtog ye shes te/ /de yang bem po log pa'o/ /dbye ba chos can dag gi ni/ /stong pa lnga dang thig le drug /spang bya sogs pas shes par bya/ /mtshon byed sgra dang mtshan ma ste/ /e paM a la sogs pa dang/ /de ru mtshon pa'i dbyibs dag go /dpe ni pra ti se na sogs/ /'jig rten dpe las 'das pa'o/ /chos can rtsa rlung sems dag gi /gnas lugs shes par byed pa'o/ /lam ni dbang dang sgrub pa'i thabs/ /dbang ni 'jig rten las 'das te/ /ngo bo rang gi byang chub sems/ /bla ma'i rkyen gyis do shes pa/ /nges pa'i tshig ni gong dang mtshungs/ /dbye ba dngos dang brtag pa ste// dang po sangs rgyas dus su ste/ /brtag pa da lta rgyu dus so/ /cho ga byed dang bral na yang/ /re shig dpe dang brda tshig gis/ /phyi yi rnam par rtog pa'o/ /sgrub pa phyag rgya chen po ste/ /ngo bo mi rtog ye shes so/ /dbye ba rnams

  605. 302a

    gsum bdag nyid/ /nyams blang rgyu dang ngo bo dang/ /dbye ba'i tshul du bstan pa'o/ /rgyu ni rkyen gsum ngo bo dang/ /mi rtog pa la dmigs pa'o/ /dbye ba yan lag drug yin te/ /spang bya spong byed thob bya yis/ /lam ni yan lag der bsdus na/ /gdams ngag mtshan nyid rtags 'bras bu/ /so so'i dbye ba la sogs kun/ /sgrub bzhi'i tshul du sgom pa'o/ /'bras bu spangs thob phun tshogs pa'o/ /sangs rgyas sku bzhi la sogs pa'i/ /gdul bya'i sgo nas dag bya yis/ /rnam thar la sogs lam gyis so/ /de ni brjod bya mdor bsdus pa'o/ /rjod par byed pa'i tshig dag ni/ /gzhung tshad grangs dang bshad tshul bsdu/ /gzhung tshad rgyud dang 'grel pa'o/ /grangs ni rgyud kyi le'u grangs te/ /mdor bsdus dang ni bsdus don no/ /rgyas par bshad pa 'brel pas so/ /rgyud kyi le'u rnam lnga ni/ /grangs nges go rims nges pa yang/ /rgyud gsum dag gi grangs dag dang/ / gzhan gzhug dngos po'i rim pa dang/ /rnal 'byor snyoms zhugs rags phra dang/ /dman pa mchog gi go rims so/ /'grel pa rnam gsum bshad pa yang/ /grangs nges lus la rtsa dag dang/ /de yi chas phye dgus ma'i dbugs/ /mtshan dang dpe byad ting 'dzin dang/ /go rims so so'i rnam 'grel lo/ /bshad thabs mdza' drug mtshan nyid de/ /de yang drang don nges don no/ /don bsdus rgyud gsum dag tu ni/ /spyi ru bsdus dang so so dang/ / dngos dang phal pa'i tshul du ste/ /yan lag de dang der shes bya/ /dam pa'i drin gyis nges gsal ba'i/ /dam pa'i lam 'dis sems can la/ mi yi skye ba 'di nyid kyis/ /byang chub myur thob nges par shog /dpal dus kyi 'khor

  606. 302b

    lo'i sdom tshig paN+Di ta chen po a g+hyA ka ras mdzad pa rdzogs so// /paN+Di jo bo ri bo dang/ /sgra sgyur gyi lo tsA ba kher khang 'khor lo grags kyis bsgyur ba'o// //*/ /rgya gar skad du/ sh+rI kA la ? ? stu ti nA ma/ bod skad du/ dpal dus kyi 'khor lo'i bstod pa rgyun chags pa zhes bya ba/ /bcom ldan 'das dpal dus kyi 'khor lo la phyag 'tshal lo/ /gang zhig mdza' yas sangs rgyas chos mnga' zhing/ / sangs rgyas rnams kyi sku yi sprul pa yis/ /'phrul byed sku rnams rang bzhin mtshan nyid sku/ /gcig pu bde ba chen po rgyal gyur cig /gang zhig rab zab thams cad mkhyen pa'i yang/ /rtsis las 'das shing yan lag dang bral ba/ de nyid lus can gyur na blun pos kyang/ /dpyad par bya ba'i spyod yul dag tu gyur/ /aN+Da rnyil dang utpal sngon po dri med mkha' 'dra char sprin phreng ba zar ma'i me tog mdog mtshungs 'od zer bya ba rab 'bar nam mkha' 'gengs mdzad mthon thing rin chen ri 'dra'i mthar 'khrungs byu ru'i ri mchog rin chen rtse 'dra gzhan ni gzhan mdog zhal ni zhabs dang sor mos rnam par bkra zhing yan lag mdzes gyur dgra dang bdud sde'i gdong la dris bgos rab 'jigs 'byed byang phyag rgya 'dzin mdzad 'jigs rung dus mthar chem chem sgra sgrogs chu gter chad 'dra nyi ma stong ltag 'od zer dang ldan sna tshogs yum gyi glog 'gyur dang 'brel bsam gtan sgeg ldan zhi ba rab khros gsum gsum spyan 'dra rig byed zhal gyi chu skyes zhal gar rab shar 'char ka zla ba'i dum 'dra ches gsal mche ba'i myu gu dang ldan rtsa ba'i zhal sngo g.yas gdong dmar zhing bzhin rgyab ser la zla 'dra dkar pos g.yon zhal rab brgyan dri med mthing

  607. 303a

    kha dkar dmar mgrin pa sum ldan rtsi ba logs gnyis la de bzhin phrag 'brel thal gong so sor legs 'brel dpung pa gnyis kyis rab brgyan de nyid re rer lag gnyis nyer skyes lag pa rnams kyis rdo rje dril bu ral gri phub zlum gsal shing kha TwAM gri gug thod pa mda' dang gzhu 'dzin lcags kyu zhags pa rin chen rab 'bar pad+ma dgra sta me long lag pa 'jigs rung tshangs mgo 'khor lo ches gsal dung dang mdung lag dbyug thogs tho ba lu gu rgyud 'chad cang te'u dkrol sgras bgegs kyi tshogs skrod du ba'i mdog 'dra ral pa rab brtsegs zla dum gyis brgyan cod pan rtser bzhugs 'dren pa dag dang 'od zer lnga 'bar mgo lnga'i phreng ba sna tshogs rdo rje nor bu dang ni rdo rje'i cod pan rab 'chang thub pa ma lus rtog bral dpag bsam ljon pa nyi shu bzhi phyag yal ga rab ldan sna tshogs pad+ma zla nyi mun pa dus me'i steng na drag po dkar la lus med dmar ba'i lus la ri sras dga' ma dag gis dus shing 'jus pa'i dkar dmar mdog can g.yas brkyang stabs la stag gi pags pa'i na bza' rab spyangs thal ba dang ni dag byed la sogs phyag rgya phyag rgya 'dzin mdzad khrag gi rgyun 'dzag mgo phreng do shal phyag dang zhabs sor lnga lnga'i mdog can de nang tshigs gsum dmar nag zla 'od 'og phrag mgul rgyan snyan chas brgyan cing rkang pas 'dzin khur gyis rab mnan 'byung po'i dbang phyug dregs can dregs pa'i ri bo rab 'joms sil sil sgra sgrogs rkang gdub dang ldan sna tshogs yum gyi nu gnyis bum pa rab gang dga' bde bdud rtsis dbang bskur bsil bar gyur pas lus kyi sa skyes ba spu rab rgyas dregs bcas rdo rje yan lag 'khyud cing skye ba kun 'joms 'dod chags me 'bar nyes pa'i bud shing ma lus bsregs pa'i thal bas

  608. 303b

    ? mchod 'dod chags me las cung zad 'thigs pa'i phreng gyur zla ba rdo rje rdul thigs zil bstan dgyes pa'i rol pas rab gnas dga' ma'i yan lag gnyis kyis bsdams shing mgrin nas legs brjid brtul zhugs 'dzin mdzad dga' mas mgul 'khyud lag gnyis zhags pas 'ching bzhin ma lus rnam par 'gyur bas rgya chen sku la lhan cig rab btud dga' ba la brtson rdo rje yan lag bzang ldan ma yin zhal gyi zla ba bdud rtsis tshim spyan tsa ko ra dang 'dra dus kyi 'khor lo dang po'i sangs rgyas rdo rje sems chen 'jam pa'i rdo rje blo gros mchog ster grub chen gsol mdzad 'jig rten mgon po de la lus dang ngag dang yid kyis rtag tu bdag ni phyag 'tshal lo// //rtsol bral gnas med me chu snying ldan lhun po sna tshogs chu skyes zla ba nyi ma lha dgra dus me las gyur sa steng sa 'og bde 'gro'i rang bzhin rdo rje gsum brtsegs rin chen gzhal med 'od 'phro nyams dgar lha mo glu len dkrol mchod sogs phul sil snyan bsung ldan dri dang phreng ba mar me dang ni bdud rtsi zhes bgyis rang rang ming mthun mchod pa'i khyad par du mas rab mchod sgo rnams so sor rta babs ches mtho mdzes pas brgyan rgyur rta babs las spyang dril sgra dag dang rma bya dang sogs ca cor bzhad cing gos dang rgyal mtshan g.yer ka rab sbyangs sgeg mo bzhad ldan thugs kyi 'khor lo'i dbus na rab gnas ye shes 'khor lor sna tshogs yum dang lhan cig pad+ma'i lo ma la gnas shes rab brgyad bskor de yi zur bzhir gaN+DI dung dang yid bzhin nor bu skyes gtso dang bde chen 'khor lor de bzhin don yod rin chen dbang phyug chu skyes rtags can rnam snang mdzad rnams chu skyes dkar po nyi mar rdo rje skyil krung gis gnas ji bzhin

  609. 304a

    phyogs kyi sangs rgyas rnams kyis rang gi yum dang snyoms 'jug rang bzhin de ltar spyan dang bdag ma gos dkar sgrol ma rnams kyi chu skyes dmar dang zla ba'i gdan la phyogs bral gnas dang lha dang lha mo'i dbus na rab gnas ka ba'i bar du bdud rtsis rab gang bum pa rnams dang thugs kyi 'khor gnas byang chub sems chen kun tu bzang po sgrib pa rnam sel 'jig rten dbang phyug nam mkha' i snying po dang ni sa dbang rdo rje dbang phyug rnams dang de bzhin g.yas brkyang zhabs kyis rab gnas pad+ma mthar byed dang bgegs mthar byed dang/ rlugs byed dang ni rengs byed rang gi khro bo rdo rje yan lag snyoms 'jug sgo skyong rnams dang gsung gi 'khor lor rab song 'jigs ma la sogs drug cu rtsa bzhi rnal 'byor ma dbus rab gnas tsA rtsi kA dang 'jug ma phag mo gdong drug rdo rje lag ma ri dags dbang po'i gdan dang dang mo la gnas drag po rnams dang sku yi 'khor lor rab zhugs rang rang pad+ma la gnas rnal 'byor ma tshogs dbus na rab 'khod tshangs pa dbang phyug sred med bu dang me lha gshin rje gzhon nu brgya byin lhan cig gnod sbyin srin po chu dang rlung lha bgegs kyi bdag po rnams dang shing rta'i steng du mi g.yo gtsug tor dbyug sngon can dang gnod mdzes la sogs lu gu rgyud sogs lha mo'i tshogs 'khyung rta babs gnas dang sa yi dkyil steng byang chub shing sogs zla ba nyi ma de bzhin 'dod dang so sor 'dod sogs lha mo rnams kyis thams cad kun mkhyen thub pa'i dbang phyug ston pa bla ma shAkya seng ge skyabs kyi mchog gyur ye shes che mnga' dus kyi 'khor lo lha yi lha la phyag 'tshal mchod bstod dga' bas bsten cing la la

  610. 304b

    dag tu rdo rje shugs can khrag gi rgyun 'dzag glang chen pags pa'i na bzas lhag ma'i lag pa gnyis brel khro bo'i rgyal po drag shul klu bcus lus po rab brgyan 'jigs pa'i sgra sgrogs khro tshogs rnams kyis bgegs kyi tshogs la 'bar ba'i phur bus rtag tu rab bsnun gtum mo 'bar ba bltas mthong gyur pa rnams kyis rgyu skar tshogs 'dus glog rab 'khyug cing skar mnga' ltung bar 'khrul pas rnam 'dzin zab mo'i 'brug sgra hUM zhes sgrogs byed grub pa'i bla ma ko'u ta ma la yan lag bdun bshams mchod pa rnams kyis rtag tu bdag ni mchod par bgyi'o// //mi sdug pa yi ro yi lus kyis sha dang khrag chags rab myos khyi dang lce spyang g.yul 'gyed so yi phreng ba gtum pa'i khar byung drag shul sgras 'bros bya rog du ma'i phreng bas rab bkang phyogs char mun gtibs kun tu 'khrugs gyur rigs ldan chung ma lag gnyis zhags pas mgrin pa ring bkug kha yis chang 'thungs myos gyur mig can thod thogs du mas dpa' dang sgeg bcas sna tshogs dang ldan a mra la sogs shing gi tshogs spyangs chom rkun lus la khrag la brkam pa'i rgod sogs rnams kyi sder mo rab bsnun zags pa'i khrag gi rgyun gyis mun gtibs mun pa'i khrod na khrag rgyun 'thungs pa'i yi dags kha rlangs me tshogs rab 'khrug tsUM ta ki li byang chub shing sogs dur khrod sdong po'i ser kar lus ring rtse mo phyed 'thon longs spyod longs spyod dbang po rlung 'thung dum dum khrigs gyur sor mo sor phreng long bu pus mo brla dang rje ngar sgal tshigs keng rus rus pa skam pos sa gzhi dag ni mche ba can gyur yal ga rtser spyangs 'jigs rung mgo phreng rlung gis rab bskyod skye ngan lag pas shing drung

  611. 305a

    dag na bsdigs pa'i mdzub stong chem chem sgra sgrogs 'khor byed dang ni gtum po la sogs sprin las byung ba'i thog sgra drag pos rab skrag 'phur ba'i 'ug pa khwa dang bya rgod la sogs gshog pa'i tshogs kyis mkha' la rab bsnun phyogs kyi dkyil 'khor ma lus nyon mongs dbugs sgra 'byin byed brkam zhing ma ngoms bya rgod g.yul tshogs phan tshun rab khros kha kha sgra 'byin sgrub pa'i tshogs brtan la lar gcad pa'i mgo dang 'jing la gsum btags rkub chos sgyu ma phreng ba rna ba sna mchu sor mor phreng ldan rul ba'i dri bsung la la dag tu rigs ldan 'jig rten 'chi ba dag rnams kyis rtag tu 'khor lo'i longs spyod don du mi rnams rtag tu sgrol kha cig dag tu mtshan mo'i cha la dur mes phyed sregs lhag ma'i mgal dum lus las byung ba'i zhag dang glang pa rkang dang tshil dang ro dang rgyu ma'i mar khu'i rlan gyis rab 'bar blta dka' i me yis la la tshig pa'i lus po dag la yan lag chur bcug ce spyang rnams kyis tshil tshil me gsang nye bar longs spyod lha mo'i khyim du rnal 'byor dang ni rnal 'byor ma dbang 'khor lo'i gar phyir kang kA tsa tsad bu Ta la sogs bya ba rab ldan sna tshogs cang te'u la sogs rab brdungs sgra dang rdo rje'i glu la tshogs kyi lhag ma'i bza' ba don gnyer rab 'phel khyis gtor 'dzam bu'i phreng ba thams thams so rdebs ma rung sgra yis dngangs par byed rgyu sha che ni khrag 'thung ro langs srin po sha za dang ni smyo byed la sogs phem sgra drag po rjes sgrog rdo rje lha mo'i sdum par sgrub pa du ma'i hUM dang phaT sgras rab tu rgyug byed yi dags kha nas bkren sgra sgrogs pas 'jigs rung rab 'bar me yis cher gas mgo bo glang

  612. 305b

    mig gsum btags rje dar lag pa'i tshigs rnams tsaM tsaM ba Tad rab 'dres dbyangs sgrogs rnam shes brgyad dag dur khrod brgyad ni rtsabs brgyad 'khor lo'i dkyil 'khor gdan la g.yas bskum gyis gnas khyi yi bzhin ldan bya rog mchu can ce spyang gdong dang mkha' lding dang ni 'ug pa phag dang bya rgod la sogs gdong can brgyad mchod 'jigs byed 'jigs byed blo 'chad bgegs kyi bgegs dang nyon mongs nad sel sman pa'i rgyal po skye ba kun dga' tshogs gsol yid bzhin phun sum tshogs ster dus kyi 'khor lo bde chen mchog la bdag ni grol bar skyabs su mchi'o// //rgyun chad med par 'od zer las 'khrungs sangs rgyas tshogs kyis nam mkha' i khams bkang gang+gA'i klung mang bya ma'i grangs mnyam sems can phan 'dogs lan cig nyid la 'jig rten khams su lhun gyis grub pa'i thugs rje dag gis slob ma dang ni bse ru la sogs tshes la mos gnas pa rnam pa sna tshogs bsam pa la ltos skye ba la sogs mya ngan 'das par rdzogs sangs rgyas mdzad mdza' yas rab brtan gsum kun mkhyen nyid byang chub phyogs dang tshad med dang ni nyon mongs med dang ma 'dres bco brgyad bsnyel med chos nyid la sogs du ma'i chos sku'i bdud rtsis nyon mongs nyes pa ma lus legs bkrus sum cu gnyis lhag mtshan gyis rab gsal 'jig rten bla ma ye shes lus can gnyis med thugs rje rtag tu rab dgyes dpe byad brgyad bcu'i rgyan gyis mdzes gyur 'jig rten gsum gyi skye bo mchog lus phun sum tshogs pa zil gyis gnon cing thog ma dang ni mdza' dbus spangs pa'i dam pa'i chos sgra rgya chen dag la nye bar longs spyod byang chub sems dpa' gcig pus rtog bya longs spyod rdzogs sku dpyad par

  613. 306a

    dka' zhing zhi la mtshan med rnal 'byor ches rig spros dang bral zhing nyon mongs rnam rtog rba rlabs rab spangs mchog dga' i rgya mtsho chos kyi dbyings mchog tshangs pa'i dbyangs can nyi zla 'gags gyur dus kyi bdag nyid zhe sdang rnams dang gti mug kun rmongs nga rgyal rab rnyil 'dod chags sbyong mdzad de nyid legs rtogs lus su lta 'dzams 'khor ba'i rgyun gcod bde 'gro'i gnas ston ngan 'gro rab 'joms sdig pa kun skems bsod nams tshogs spel ye shes tshogs grub nyon mongs 'joms mdzad byang chub rigs 'dzin dpal mdzad blo mdzad sna tshogs sgyu ma bsod nams ye shes 'jig rten srung mdzad dgos pa kun sel dga' gsol mgu gsol dga' mgu rab gsol sgeg dang dpa' bo mi sdug dgra shul snying rje la sogs sna tshogs ro yis 'jig rten rtag srung sprul sku gar mdzad he ru ka gtso rkang 'og mi yul bde 'gro gzugs gcig gzugs bzang gzungs ngan ma lus gzugs spangs de nyid sum ldan rdo rje gsum bdag sems gsum dbyer med rnal 'byor bzhi dag byang chub bzhi rtogs sku bzhi rab grub tshangs pa'i gnas bzhi mig lnga dang ldan ye shes lnga bdag dag pa'i dbang po rdo rje ba spu steng gi tshangs bug gtsug tor 'khor lo'i nang khyab bcu drug dga' bas rab gang ye shes chen po'i khams kyis cher rdzogs bcu drug cha yi shes rab snang ba gtsug tor chen po'i 'khor lo dag tu 'gyur ba med gnas de nyid sa dang rig byed las skyes rlung dang nam mkha' i khams kyi rang bzhin mgo bo mgrin pa snying ga dang ni gsang ba la gnas zla ba nyi ma dus kyi me dang mun pa la bzhugs dri med skyes mchog legs smin dngul

  614. 306b

    chu zhes bya'i mtshan mthar ye shes dam pa bla med tshul khrims dam pa'i chos grub khyab bdag 'jig rten ma lus mthar byed log par lta 'joms 'jig rten mun sel dus kyi 'khor lo tshangs chen khyab 'jug rdo rje can dang bde 'byung rnams kyis mchod bstod bstod cing spyi bos rab gtugs 'byung po dri za gnod sbyin lto 'phye zhing skyod la sogs dang 'jig rten skyong bas rab bsnyen mgon po de la rtag tu bdag gis bla med byang chub chen por sems ni bskyed bgyi'o// //de ltar bdag gis rgyun chags bstod pa bgyis pa las/ /bsod nams gang des dus mthar 'gro ba skye ba yi/ /'khri shing 'di ni rgyal ba'i sras kyi me tog dang/ /byang chub ces bya'i 'bras bur 'bras dang bcas gyur cig/ /dpal dus kyi 'khor lo'i bstod pa rgyun chags pa zhes bya ba/ ka ling ka'i rgyal po'i bla ma sde snod gsum bshad pa'i mkhas pa chen po legs pa'i grags pas mdzad pa/ rdzogs so// //rgya gar gyi paN+Di ta pi nA ya sh+rI mi tra dang/ 'dan ma tshul khrims seng ges chu mig ring mor bsgyur ba'o// (//dpal dus kyi 'khor lo'i brgyad brgyad drug cu rtsa bzhi'i gtor chog bzhugs so//) // */ /rgya gar skad du/ aSh+TASh+Ta ke na tsa tu(rgyud 'grel): /baSh+Thi yo gi nI ba liM bi d+hi na nA ma/ bod skad du/ brgyad brgyad drug cu rtsa bzhi'i rnal 'byor ma rnams kyi gtor ma'i cho ga zhes bya ba/ dpal rdo rje sems dpa' la phyag 'tshal lo/ /sngags pas las tshogs sgrub pa dang/ /bar du gcod pa bsal bar 'dod pas pho nya mo drug cu rtsa bzhi la dbyug gu drug cu rtsa bzhi'i gtor ma dbul

  615. 307a

    bar bya'o/ /de la dang por skyabs su 'gro ba dang sems bskyed pa la sogs pa sngon du 'gro ba'i chos mthun pa rnams byas te/ las dang rjes su mthun pa'i dkar gsum la sogs pa'i gtor ma 'am/ bdud rtsi lnga dang bcas pa yongs su grags pa'i gnas brgyad dam/ grong khyer la sogs pa'i phyogs brgyang ngam/ /yid dang mthun pa'i gnas rnams su mchod pa dang bcas pa'i gtor ma dbul bar bya ste/ de yang shar la sogs pa'i phyogs brgyad du tsartsi kA la sogs pa'i rnal 'byor ma brgyad drug cu rtsa bzhi po rnams dza(rgyud 'grel): hUM baM ho(rgyud 'grel): la sogs pas spyan drang ba la sogs pa bya ste/ de rnams kyang rang rang gi bzhon pa la gnas pa phyag bzhi pa spyan gsum pa zhal sna tshogs pa'o/ /de la shar gyi phyogs su pad+ma 'dab ma brgyad pa'i ze 'bru la tsa rtsi kA zhal gcig pa nag mo'o/ /me'i mtshams su khyab 'jug gnag mo'o/ /gshin rje dang bden bral du phag mo dang drug ma dag dmar mo'o/ /chu lhar dbang mo ser mo'o/ /rlung du rgya mtsho'i gdong ste tshangs ma ser mo'o/ /byang du drag mo dkar mo'o/ /dbang ldan du dpal mo dkar mo ste de gnyis zhal gcig ma'o/ /de ltar pad+ma'i lte ba la gtso mo bzhugs pa'i brgyad brgya drug cu rtsa bzhi'i pang 'dab la rnal 'byor ma rnams bzhugs pa ni rang rang gi gtso mo'i dbyibs dang kha dog la sogs pa bzhin no/ /da ni tsar tsi kA la sogs pa rnams kyi rim pa bzhin du phyag g.yas kyi mtshan mdzod par bya ste/ tsartsi kA'i phyag g.yas kyi dang po na gri gug /gnyis pa na rtse gsum/ khyab 'jug ma'i 'khor lo dang dbyug tho/ phag mo'i dbyug pa dang ral gri /gzhon nu ma'i mdung thung dang lcags kyu/ dbang mo'i rdo rje dang

  616. 307b

    mnga' / tshangs ma'i pad+ma dang tshangs pa'i dbyug pa/ drag mo'i rtse gsum dang DA ma ru/ de ltar 'dab ma'i lha mo rnams kyi g.yas kyi phyag gnyis pa rnams na yang ngo/ /de bzhin du tsartsi kA'i phyag g.yon gyi dang po na thod pa/ gnyis pa na kha TwAM ga'o/ khyab 'jug ma'i pad+ma dang mdung/ /phag mo'i lcags sgrog dang phub/ gzhon nu ma'i rin po che dang zhags pa/ dbang po'i dril bu dang gzhu/ tshangs ma'i spyi blugs dang par bu/ drag ma'i kha TwAM ga dang sprul/ bkra shis chen mo'i pad+ma dang rin po che rnams so/ /gtso mo ji lta ba bzhin du 'khor gyi lha mo rnams kyi yang ngo/ /de la shar phyogs la sogs pa rnams su tsa rtsi kA la sogs pa rnams kyi pad+ma 'dab ma rnams kyi lha mo rnams mdun nas g.yas skor gyis rig par bya'o/ /de la tsartsi kA la mngon par phyogs pa'i nor gyi pad+ma'i 'dab ma rnams la 'dab ma dang por 'jigs byed ma'o/ /de bzhin du gnyis pa la sogs par drag mo dang/ mche ba gnyis gtsigs ma dang kha nas me 'bar ma dang/ rlung shugs ma dang/ rab gtum ma dang/ drag mig ma dang/ sna chen ma rnams so/ /mer khyab 'jug ma la mngon par phyogs pa'i nor gyi pad+ma'i 'dab ma rnams la/ khyab 'jug ma'i dang po la sogs par dpal mo dang/ sgyu 'phrul ma dang/ grags ma dang/ bkra shis ma dang/ shin tu nga rgyal ma dang/ dpal las rgyal ma dang/ dpal can ma dang/ 'khor lo can ma ste brgyad po rnams so/ /lho ru phag mo'i pad+ma'i 'dab ma la keng rus ma dang/ dus mtshan ma dang/ khro gdong ma dang/ dus lce dang/ gtsigs ma dang/ nag mo dang/ 'jigs byed ma dang/ gzugs ngan ma ste brgyad rnams so/ /bden bral du gzhon nu ma'i pad+ma'i 'dab

  617. 308a

    ma la/ mdun gyi pad+ma'i 'dab ma la/ pad+ma dang/ yan lag med ma dang/ gzhon nu ma dang/ ri dags bdag mo dang/ rin chen phreng ma dang/ mig bzangs ma dang/ rul ba ma dang/ bzang mo ste brgyad po rnams so/ /nub tu dbang mo'i mdun gyi 'dab ma nas rdo rje 'od ma dang/ rdo rje lus ma dang/ gser gyi chog ldan ma dang/ rigs 'dzin ma dang/ sna tshogs ri mo 'dri ma dang/ chu shing ma dang/ zug rngu sel ma dang/ shin tu sgrol ma ste brgyad po rnams so/ /rlung du tshangs ma'i mdun gyi pad+ma'i 'dab ma nas mchod sbyin 'don ma dang/ pad+ma'i mig ma dang/ chu skyes ldan ma dang/ blo ma dang/ ngag gi dbang phyug ma dang/ glu len ma dang/ glog ma dang/ dran pa ma ste brgyad po rnams so/ /byang du drag mo'i mdun gyi pad+ma'i 'dab ma nas gau rI dang/ gaM gA dang/ rtag ma dang/ shin tu mgyogs ma dang/ 'degs ma dang/ dpal mo dang/ ser skya dang/ nag mo ste brgyad po rnams so/ / dbang ldan du bkra shis chen mo'i mdun gyi pad+ma'i 'dab ma la dpal ldan dkar mo dang/ zla ba'i ri mo can dang/ ri bong 'dzin zhal ma dang/ ngang pa'i mdog can dang/ 'dzin byed ma dang/ pad+ma'i dbang phyug ma dang/ 'od zer mig ma dang/ dri med ri bong 'dzin ma rnams ste brgyad brgya drug cu rtsa bzhi po rnams so/ /pad+ma'i lte ba la tsA muN+Da'i gdan ni yi dags dmar po'o/ /'dab ma la lha mo brgyad do/ /khyab 'jug ma'i bya khyung ngo/ /phag mo'i ma he'o/ / gzhon nu ma rma bya'o/ /dbang mo'i glang po che'o/ /tshangs ma'i dang po'o/ /drag mo'i glang ngo/ /bkris chen mo'i seng ge'o/ /tsartsi kA la sogs pa'i sa bon gyi yi ge ni ha yig ni rtsA muN+Da'i 'o/ /haM yig ni dbang phyung chen mo'i'o/ /ha ni phag

  618. 308b

    ma'i'o/ /hA ni dbang mo'i 'o/ /k+Sha ni khyab 'jug chen mo'i 'o/ /k+Sha na tshangs ma'i 'o/ /k+ShaM ni bkra shis chen mo'i 'o/ /k+Sha(rgyud 'grel): ni gzhon nu ma'i ste gtso mo rnams kyi'o/ /de bzhin du 'dab ma'i lha mo rnams kyi rim pa ji lta ba bzhin du shar la sogs pa'i phyogs brgyad kyi rgyab kyi pad+ma'i 'dab ma rnams la h+rI h+rI hUM hlI k+ShI k+Sh+rI k+ShU k+ShlI/ zhes bya ba'i dbyangs ring po rnams so/ /mdun gyi phyogs kyi 'dab ma brgyad rnams la hi h+ri hu hli k+Shi k+Sh+ri k+Shu k+Shli zhes bya ba'i dbyangs yig thung ngu rnams so/ /shar gyi pad+ma'i 'dab ma dag dang/ lho'i dag dang/ byang gi dag dang/ nub kyi dag dang/ me'i dag dang/ bden bral gyi dag dang/ dbang ldan gyi dag dang/ rlung gi dag tu'o/ /lhag ma'i 'dab ma drug la ya sogs dbyangs drug dbye ba pad 'dab drug nyid rim pad yongs su byas par thung dang ring ba dang/ zhes bya ba la/ phyogs mtshams kyi pad+ma'i 'dab ma rnams su ste/ de la tsA muN+Da'i pad+ma'i 'dab mar sngar bkod pa'i hi yig go /de nas g.yon skor gyis 'dab ma gnyis par ya'o/ /gsum bar yi'o/ bzhi par yri'o/ lnga par sngar bkod pa'i hI'o/ /drug par yu'o/ /bdun par yI'o/ /brgyad par yaM ngo/ /de bzhin du khyab 'jug ma'i k+Shi yA yI yri k+ShI yU ylI ya:O/ /de bzhin du phag mo'i mdun gyi 'dab ma h+ri'o/ /de bzhin du ra rri hli ru rli(rgyud 'grel): rnams so/ /de bzhin du gzhon nu ma'i k+ShI rA rI rI/ /k+ShI rU rlI ra(rgyud 'grel): rnams so/ /de bzhin du drag mo'i hu wa wi wI hU wu wli waM rnams so/ /de bzhin du bkra shis chen po'i k+Shu wA wI wrI k+ShU wu wlI wa(rgyud 'grel): rnams so/ /de bzhin du dbang mo'i hli la li lri l+lI lu l+li li rnams so/ /de bzhin du tshangs ma'i k+ShlI lA lI lrI k+ShlI lU l+lI la(rgyud 'grel): zhes pa rnams so/ /de rnams las lha rnams rdzogs par bskyed nas/ de las bza' ba dang bca'

  619. 309a

    ba la sogs pa'i gtor ma rgyas par bshams te/ yaM raM waM laM/ a a a/ bi ra shu ma mu/ a i ri u li/ na gu ha go ha/ A a'i ri a'u lI zhes pa'i sa bon gyi yi ge rnams las 'byung ba rim brtsegs dang bdud rtsi lnga la sogs par bskyed nas rnam par sbyang ba'i sngags ni 'di lta ste/ oM oM badzra tsanDa sarba d+harmmA su bi shud+ha swa b+hA ba sarba d+harmmA na bi sho d+ha ya swAhA/ oM A(rgyud 'grel): badzra suryA sarba d+harmmA pra bo d+ha ka sarba d+harmmAM pra bo d+ha ya swAhA/ oM hUM badzrA na la sarba d+harmmA pra dI pak sarba d+harmmA na pra dI pa ya swAhA/ oM ho(rgyud 'grel): sarba d+harmmA badzrA mri ta kA ra sarba d+harmmAM badzrA mri taM ku ru ku ru swAhA/ sngags kyi tshig 'di rnams kyis go rims ji lta ba bzhin du lag pa g.yon pas sbyang par bya ba dang/ g.yas pas rtogs par bya ba dag reg pas so/ /'og tu snyim pa kha spub pas bkab ste rab tu sbar bar bya'o/ /rdo rje bya khyung gi phyag rgyas rdo rje bdud rtsir byas te/ de nas rdo rje mkha' 'gro ma rnams spyan drang bar bya ste/ /oM ha hA hi hI badzra b+he ra bA ka Sha yA ka Sha ya/ pra be sha ya pra be sha ya/ band+ha ya band+ha ya/ to Sha ya to Sha ya/ dza(rgyud 'grel): hUM baM ho(rgyud 'grel): badzra Da ki nI nAM h+ri da yaM huM hUM phreM phreM phaT/ ces pa'i sngags kyis spyan drang ngo/ de nas rdo rje rtse lnga pa'i phyag rgyas mkha' 'gro ma rnams la gtor ma dri dang/ me tog dang/ spos dang/ mar me dang/ mchod yon dang/ rdzas ma nyams pa dang bcas pa rnams dbul bar bya ste/ oM A:hUM ho badzra tsa rtsi kA b+hI mo grA/ kA la daMSh+TrA/ dzwa la da na la mu khA/ bA yu ba gA /pra tsaN+DA rau drAk+Shi/ s+thU la nA sA b+hya(rgyud 'grel): sa pa ri wA re b+hya(rgyud 'grel): i daM ba liM gand+hAM puShpaM d+hU paM dI pa ak+Sha taM da dA ma he te tsA ga tya sa pa ri wA re:- shI g+ha

  620. 309b

    mi daM ba liM grih+Na n+tu khA dan+tu pi ban+tu dza(rgyud 'grel): hUM baM ho(rgyud 'grel): saM triptA(rgyud 'grel): sarba satwA ni shAn+tiM puSh+Ti rak+ShA ba ra Na gub tiM kurban tu hUM hUM phaT badzra d+ha rAdz+nyA pa ya ti swAhA/ zhes bya bas tsartsi kA 'khor dang bcas pa la gtor ma dbul lo/ /sa pa ri wA ra zhes bya ba nas swAhA'i bar gyis gzhan rnams la yang rang ming dang bcas pas dbul bar bya'o/ /oM A:hUM ho badzra baiSh+Na bI/ sh+rI(rgyud 'grel): mA yA kirt+ti k+Sh+mya su pa ma bi dza yA sh+rI dza yan+tI sh+rI tsakri b+hya(rgyud 'grel): zhes bya bas khyab 'jug ma 'khor dang bcas pa la dbul lo/ /oM A(rgyud 'grel): huM ho badzra bA rA hI/ kaM kA li/ kA la rA Ti/ pra ku pi ti ba da nA/ kA la dzi hwA/ kA rA lAM/ kA li/ g+ho rA/ bi rU pA b+hya(rgyud 'grel): zhes bya bas rdo rje phag mo 'khor dang bcas pa la dbul lo/ /oM A(rgyud 'grel): huM ho badzra ku mA rI/ pad+ma/ a naM kA/ ku mA ri/ mri ga pa ti ga ma nA/ ratna/ mA lA/ su ne trA/ klIn+nA b+hadrA b+hya(rgyud 'grel): zhes bya bas gzhon nu ma 'khor dang bcas pa la dbul lo/ /oM A(rgyud 'grel): huM ho badzre n+d+rA/ badzrA b+hA/ badzra gA trA/ wa ra ka na ka ba tI/ tsorba sI/ tsi tra le kha/ raM b+hA/ ha lyA/ su tA rA b+hya(rgyud 'grel): zhes bya bas dbang mo 'khor dang bcas pa la 'bul lo/ /oM A(rgyud 'grel): huM ho ma hA brahmA Ni/ sA bi tra/ pad+ma ne tra/ /ba lu dza la dza bi tI/ bud+d+hi wA gI shwa ri/ d+hwe gA ya twI/ bi dyUd/ smri ti b+hyo(rgyud 'grel): zhes bya bas tshangs ma 'khor dang bcas pa la dbul lo/ /oM A(rgyud 'grel): huM ho badzra ma he shwa rI/ gau rI/ gaM gA na ni tyA/ su pa ra ma tu ri tA/ to ta lA/ lak+Sh+ma Na/ piM ga lA/ kiSh+NA b+hya(rgyud 'grel): zhes bya bas drag mo 'khor dang bcas pa la dbul lo/ /oM A: huM ho ma hA lak+Sh+mA sh+rI shwe tA/ tsan+d+rA le khA/ sha shA d+ha ra ba da nA/ haM sa bar+NA/ d+h+ri ti/ padme shA/ tA rA Ne trA/ bi ma la sha shA d+ha rA b+hya(rgyud 'grel): zhes bya bas bkra shis chen mo 'khor dang bcas pa rnams la gtor ma dbul bar bya'o/ /sa pa ri

  621. 310a

    wA re zhes bya ba la sogs pa nas swA hA'i bar du sde tshan re re zhing yang shes par bya'o/ /dbyu gu drug cu rtsa bzhi yi/ /gtor ma drug cu rtsa bzhi yis/ /sa stengs gnas na pho nya rnams/ /mchod byas dgos 'dod sgrub par byed/ /phyi dang nang gi cho ga shes pa'i sngags pas rnal 'byor ma'i tshogs rnams mchod cing mnyes par byas mchog dang thun mong gi dngos grub tu 'gyur ro/ /dpal dus kyi 'khor lo las rnal 'byor ma drug cu rtsa bzhi'i gtor ma'i cho ga bsdus pa/ rnal 'byor ma drug cu rtsa bzhi'i dbyu gu drug cu rtsa bzhi'i gtor ma'i cho ga rdzogs so// //paN+Di ta chen po kI rti tsan+d+ra'i zhal snga nas/ lo tsA ba grags pa rgyal mtshan gyis bsgyur ro// (//dus kyi 'khor lo la 'jug pa zhes bya ba bzhugs so//) //*/ /rgya gar skad du/ kA la tsakrA ba tA ra nA ma/ bod skad du/ dus kyi 'khor lo la 'jug pa zhes bya ba/ 'phags pa 'jam dpal gzhon nur gyur pa la phyag 'tshal lo/ /shes rab snying rje gnyis med bde ba mdza' med pa/ /sna tshogs rnam pa 'dzin la rtag pa med pa'i gzugs/ /gzugs med gzugs la sogs pa'i rang bzhin can gyi sku/ /rgyal ba skye bo kun gyi gnyug ma la phyag 'tshal/ /gang zhig nam mkha' i dpal rnams ma lus ster byed cing/ /'byor pa dang ni rgud pa yang ni ston mdzad pa/ /de bzhin gshegs pa rnams kyi nang ltar gsal byed pa'i/ /gza' skar de dag thog mar mun las rgyal gyur cig /'dir gang gi phyir ser snas nye bar nyams pa'i mu stegs pa rnams kyi rtsis kyi grub pa'i mdza' sbas te byed pa nyung ngu'i spros pa mang po byas kyang

  622. 310b

    mi shes pa'i phyir da ni bstan par bya ste/ dang po gsum dang drug cu lhag pa'i bzhi brgya bri bar bya'o/ /dkar po'i tshes gcig la sogs pa'i nag pa'i zla ba la sogs pa lor gang gi tshe gyur pa de'i tshe de rnams de la bsre bar bya'o/ /de la gnyis dang brgyad cu dang brgya phri ba ni dag pa'i lo'i brtan par 'gyur ro/ /de la nyi mas bsgyur bas zla ba'i tshogs so/ /dkar po'i tshes gcig la sogs pa nas gnam stong gi mthar thug pa nag pa la sogs pa'i zla bar gyur pa de la bsres te/ gnas gnyis su bzhag la 'og na gnas pa bzhir bsgyur nas nam mkha' me dang zla bas bgo zhing bgos pa'i lhag ma phyi'o/ /thob pa rnams steng du bcug par gyur pas steng ma dag pa'i zla ba'i phung por 'gyur ro/ /gang gis dbyar zla 'bring po gnyis byung ba de'i tshe zla ba bcu gsum gyis lor bya'o/ /zla ba gnyis po gcig tu bgrang zhing nag pa'i zla bar yang gzhug par mi bya'o/ /de nas dag pa'i zla ba'i phung po de gnas gsum du byas te/ dbus ma'i phung po lag dang rtse mo can gyis bsgyur ba la 'og na gnas pa drug gis thob pas sbyang bar bya'o/ /gal te bgos pa'i lhag ma yong na de'i tshe yang drug gis thob pa'i chas sbyang bar bya'o/ /'dir 'og na gnas pa la sum cus bsre zhing drug cus bgos pas thob pa steng mar gnyis bsres par gzhug go /bgos pa'i lhag ma dbyu gu'i phung por 'gyur ro/ /steng mar bdun gyis bgos pa'i lhag ma gza'i phung por 'gyur ro/ /thob pa ni ci yang ma yin no/ /slar yang zla ba dag pa'i phung por gnyis dang bcu lhag pa'i brgya bsres la gnas su byas te/ 'og na gnas pa la dus dang nyi mas bgos pa'i lhag ma ril po'i cha shas su 'gyur ro/ /bgos pas thob pa la lnga

  623. 311a

    bsres la steng ma gnyis kyis bsgyur bar sbyin no/ /de nas steng ma nyi shu rtsa brgyad kyis bgos la bgos pa'i lhag ma rkang pa'i ril por 'gyur ro/ /'dir gza'i phung po dang/ dbyu gu dang/ rkang pa'i ril po dang/ ril po'i cha shas rnams rim par 'og ma 'og mar dbri bar bya'o/ /yang dag pa'i zla ba gnas gsum gyi dbu mar gnas pa dbang phyug gis bsgyur zhing 'og ma la sum cu rtsa dgus dgos pas thob par gnyis bsres pas phri ba la/ dbyu gu drug cus bgos pa'i lhag ma rgyu skar gyi dbyu gur shes par bya'o/ /thob pa ni steng ma gnyis kyis bsgyur ba la sbyin par bya'o/ /de nas steng ma nyi shu rtsa bdun gyis bgos pa'i lhag ma skar ma'i phung por shes par bya'o/ /'dir rgyu skar gyi phung po'i 'og tu rgyu skar gyi dbyu gu'i phung po dbri bar bya'o/ /gang gi tshe lo'i phung por lo dang/ dag pa'i zla ba'i phung por yang zla ba ma bcug na/ de'i tshe zla ba so so la gza' dang/ dbyu gu dang/ rkang pa'i ril po dang/ ril po'i cha shas rnams su go rims bzhin du gcig dang sum cu rtsa gnyis dang gnyis dang gcig rnams sbyin no/ /rgyu skar dang de'i dbyu gur gnyis dang drag po dag sbyin no/ /lo la sogs pa bcug na ni gza'i phung po la sogs pa gzhan kho na bya'o/ /nyi ma so so'i gza'i phyir dang/ tshes kyi longs spyod kyi don du/ da ltar pa'i zla ba'i dkar po'i tshes gcig la sogs pa 'das pa dang/ da ltar ba'i chos rnams grangs ji lta bar bsnan pa dang dbri ba dang slar yang bsnan pa ni gza' dang dbyu gu dang rkang pa rnams su'o/ /ril po la bcu bzhis bgos pas thob pa gnyis sam bzhi 'am ma thob kyang mnyam pa'i phung por shes

  624. 311b

    par bya'o/ /gcig gam gsum thob pa ni mi mnyam pa'o/ /'di lhag pa mi thob ste/ gang gi tshe nyi shu rtsa bdun pas lhag pa'i ril po mi 'gyur zhing/ de yang tshes sum cu dang bcas na lnga bcu rtsa bdun las lhag par mi 'gyur ro/ /mnyam na zla ba'i rkang pa rnams sbyin par bya zhing mi mnyam na dbri bar bya'o/ /bgos pa'i lhag ma ni/ stong par stong pa rnam dag bcu gsum ri bong can la rkang pa lnga ste mig dang nyi mar phyogs/ /bcu gcig me la tshes zhes bya ba bcu dang chu gter rkang pa nyi shur gcig gi ma tshang ba/ /lnga dang bu gar nyi shu gnyis te dus dang nor dang rgyal ba bdun par nyi shu rtsa lnga'o/ /der ni nyi ma'i rab tu dbye bas nyin byed bsnan dang dbri ba byas pas rab tu gsal bar 'gyur/ /rnam dag ces pa ni cung zad sbyin pa'am dbri ba med pa'o/ /der ni zhes pa dbyu gu'i phung por nyi ma'i rab tu dbye bas ni nyi ma'i rkang par gyur pa rnams te/ nyi ma'i bu lon ni de'i yang bu lon no/ /nyi ma'i nor ni de'i yang nor ro zhes bya ba ni nyi ma'i rab tu dbye ba'o/ /'di skad gsungs pa yin te/ 'chad par 'gyur ba'i tshul gyis byung ba la sogs pas bgos pas thob pa bsres pa 'am/ dor ba'i nyi ma rgyu ba'i rkang pa rnams bsdams pa ji snyed ni yod par gyur pa de snyed ni ra bi ka zhes bya'o/ gal te nyi ma'i longs spyod du snon pa na de'i tshe gza'i chu tshod la yang bsnan no/ /yang na nyi ma'i longs spyod la 'bring na 'dir yang dbri bar bya'o zhes bya'o/ /zla ba'i rkang pa rnams kyang 'byung dang 'byung ba mda' dang rig byed me lag ri bong can rnams mdun gyi cha dang rgyab tu yang/ /mdun gyi char ni steng nas go rims kyi ste/ dbus su thad kar re khA gzhag pa'i rgyab tu 'og nas ri bong can la sogs pa go rims bzlog nas bcu bzhi po rnams bri bar bya'o zhes pa ste/

  625. 312a

    'di ltar gza' thams cad kyi rkang pa dgod pa'o/ /gza' thams cad kyi rkang pa yang ni dbyu gu'i bdag nyid kho na'o/ /'dir bcu bzhis bgos pa'i lhag mas mtshon pa ni rgyu ba'i rkang pa'o/ /de'i steng mar rgyu zhing yod pa ste der gza' zhugs pa'o/ /des ril po'i cha shas bsgyur la brgya nyi shu rtsa drug gis bgos pas thob pa dang/ lhag ma drug cu la sogs pas bsgyur nas bgos pas thob pa'i chu srang la sogs pa bdun gyi phyed la ni longs spyad pa'i rkang pa dang/ rgyab ma'i phyed du de dor nas longs spyod pa'i rkang pa nyid gza' dbyu gu'i gnas su sbyin pa 'am dbri bar bya'o/ /de nas gza'i gnas su gcig la sogs pas nyi ma la sogs pa'i gza' rtogs par byed do/ /chos su ni dbyu gu la sogs pa rnams nyi ma shar ba nas brtsams nas longs spyad par bya ba yin no/ /nyin zhag so so la nyi mas skar ma la longs spyod pa'i don du dkar po la sogs par smos pa'i tshes gnas gnyis su byas te/ gcig la dbyu gu bzhis bsgyur cing/ gzhan la yang byed pa'i rim pas nyi shu 'am nyi shu rtsa gnyis kyi chu srang gis sam/ grub pa'i mdza' i rim pas ni chu srang nyi shu rtsa drug gis bsgyur la drug cus bgos te thab pa ni steng du gzhug go /steng gi dbyu gu yang drug cus bgos pas thob pa ni rgyu skar du dang/ bgos pa'i lhag ma skar ma'i dbyu gur gzhug par bya'o/ /chu srang yang rgyu skar gyi dbyu gu'i 'og tu bri bar bya'o/ /rgyu skar dang de'i dbyu dgu'i phung po dang chu srang rnams gnas gnyis su byas te/ gcig la ra bi ka'i don du rkang gsum dang bcas pa'i rgyu skar drug sbyang bar bya'o/ /lug dang dbyug pa la sogs pa sbyang ba las gzhan de ma thag pa skyes pa'i

  626. 312b

    khyim du 'gyur ro/ /lug zung karka Ta ni zla ba pa pa sangs dang nyi ma seng ge bu mo srang rnams ni/ /mig dmar phur bu sgra gcan sdig pa gzhu yi thog ma tha mar gza' lhag spen pa mjug rings rnams zhes kyang gsungs so/ /thog ma tha mar zhes pa la ? thog ma'i cha ni spen pa'i 'o/ /tha ma ni mjug rings kyi'o zhes bya'o/ /'dir gal te bu lon gyi phung po lhag la/ /longs spyod kyi phung po nyung ba na/ /de la rgyu skar gyi 'khor lo nyi shu rtsa bdun rgyu skar gyi gnas su bcug ste sbyang bar bya'o/ /gal te sbyangs pa'i lhag ma 'khor lo phyed phyung na/ de'i tshe 'khor lo phyed pa de dor bar bya ste de nyid rim pa min par shes par bya'o/ /'khor lo phyed ma dor na ni rim pa kho na'o/ /rgyu skar la drug cus bsgyur nas/ /'og gi dbyu gu dang ldan pa la 'byung ba me dang zla bas bgos pas thob pa ni khyim rgyu ba shes par byed pa po ste/ khyim rgyu ba shes nas dbye bar bya'o/ /ro dang zung dang zla ba rnams ngal ba'i las la khyim drug gi rkang pa ste/ karka Ta la sogs pa skye ba la sogs pa'i khyim drug tu 'gyur ro/ /rkang pa 'di lta bu ni gza' thams cad kyi bul ba'i las la'o/ /'byung ba la sogs pas ma thob na yang rgyu ba'i rkang pa dang po la gza' gnas so zhes kun la shes par de'i tshe de'i bgos pa'i lhag ma'i dbyu gu rnams bsgyur la zhes pa la sogs pa 'chad par 'gyur ba'o/ /de la gza' thams cad kyi bul ba'i las la rim pas ni bu lon la rim pa min pas ni nor du shes par bya'o/ /de nas longs spyod pa'i rkang pa las gnyis pa longs spyod par bya bas longs spyod do/ /des bags pa'i lhag ma'i dbyu gu rnams bsgyur la 'byung ba la sogs pas bgos pas thob pa longs spyod kyi cha dang lhan cig tu sngon ma phyed la/ khyim gyi dbang las

  627. 313a

    gza'i longs spyod pa'i rkang pa rnams bsdoms pa dang/ phyi ma phyed la bgos pas thob pa longs spyod kyi cha dor nas longs spyod kyi cha gzhan dang lhan cig longs ma spyod pa'i rgyu ba'i rkang pa bsdoms pa rnams/ nor dang bu lon gyi dbang las gza'i longs spyod kyi dbyu gu la bsnan pa 'am dbri'o/ /'di nyid ni nyi ma'i dag pa'i ra bi ka'o/ /nyi ma'i skar ma'i gnas su skar ma la sogs pa rnams kyi longs spyod pa'o/ /lhag ma ni longs spyad bya'o/ /'chad bar 'gyur ba'i zla ba la yang de ltar la sbyor ba yang ngo// //da ni nyi ma'i dag pa'i ra bi ka brjod par byas te/ nyi mar dus dang ro dang klu dang bcu dang 'phrog byed 'phrog byed drag po phyogs dang klu dang drug /me dang nam mkha' byang dang lho ru bgrod pa'i mthar gyur pa na nor dang bu lon dag bya'o/ /zla ba drug la phyogs kyi dbye bas nyin mor byed pa rgyu ba zla ba 'pho ba'i dbye bas so zhes pas/ 'dir karka Ta la sogs pa nas dbri ste phyogs dang po la dus so/ /karka Ta'i phyogs gnyis pa la ro'o/ /de bzhin du gzhu la me dang nam mkha' bgrod pa'i mthar ro/ /de ltar chu srin la sogs pa la sbyin no zhes bya'o// //zla bas rgyu skar la longs spyod pa'i don du nyi ma'i longs spyod kyi rgyu skar gyi gnas su dkar po la sogs par spros pa'i chos rnams sbyin no/ /de'i rjes la tshes de dag gzhan du ro yis bsgyur la/ gza'i longs spyod kyi dbyu gu la sogs pas bsres te/ nyi ma'i longs spyod kyi dbyu gu'i gnas su bu lon zhes bya ste phri ba 'di las zla ba'i longs spyod du 'gyur ro/ /nyi ma'i

  628. 313b

    longs spyod dang zla ba'i longs spyod bsres pas sbyor bar 'gyur ro/ /dkar po la sogs par smos pa'i tshes rnams gnyis kyi bsgyur la gcig dor te sring na bdun gyis bgos pa'i lhag ma byed par 'gyur ro/ /byed pa'i longs spyod chos kyi longs spyod nyid do/ /'dir thun mong gi tshul ni/ dbugs kyi gnas su drug las lhag pa'i dbugs mi gnas so/ /dus kyis bgos pas thob pa ni chu srang du gzhug go /de yang drug cu las lhag pa mi gnas so/ /drug cus bgos pas thob pa ni dbyu gur gzhug go /dbyu gu yang de bzhin du gza''am skar mar gzhug go /gza' yang bdun du gyur pa na rnam par 'jig go /skar ma yang nyi shu rtsa bdun du gyur pa ni mi gnas so/ /sbyor ba yang de bzhin no/ /de ltar rgyu skar dang/ gza' dang sbyor ba dang/ nyin zhag gcig la dbyu gu drug cu'o/ /de la gza' ni nyi ma la sogs pa bdun no/ /tshes ni gcig la sogs pa bco lnga'o/ /skar ma ni tha skar dang/ bra nye dang/ smin drug dang/ snar ma dang/ mgo dang/ lag dang/ nabs so dang/ rgyal dang/ skag dang/ mchu dang/ gre dang/ dbo dang/ me bzhi dang/ nag pa dang/ sa ri dang/ sa ga dang/ lha mtshams dang/ snon dang/ snubs dang/ chu stod dang/ chu smad dang/ gro bzhin dang/ mon gre dang/ mon gru dang/ khrums stod dang/ khrums smad dang/ nam gru zhes bya ba ste nyi shu rtsa bdun no/ /de bzhin du sbyor ba ni rnam par sel ba dang/ mdza' ba dang/ tshe dang ldan pa dang/ skal pa bzang po dang/ mdzes pa dang/ shin tu skrangs dang/ skrangs pa dang/ las bzang dang/ 'dzin pa dang/ zug rngu dang/ 'bras dang/ 'phel ba dang/ brten pa dang/ rnam par 'joms pa dang/ yid dga' ba dang/ rdo rje dang/ dngos grub dang/ rgud pa dang/ chu

  629. 314a

    sbyin dang/ yongs su snun pa dang/ zhi ba dang/ grub pa dang/ bsgrub bya dang/ dge ba dang/ dkar po dang/ tshangs pa dang/ dbang po dang/ rnam pa 'dzin pa zhes bya ba ste nyi shu rtsa bdun no/ /byed pa rnams ni ba baM dang/ bA la baM dang/ kau la baM dang/ tai ti laM dang/ ga ra dzaM dang/ ba Ni dzaM dang/ biSh+Ti zhes bya ba ste bdun no/ /de bzhin du sha ku ni dang/ tsa tuShpa do dang/ nA ga dang/ king sdu g+ha Na zhes bya ba dang bcu gcig go /de la dkar po'i tshes gcig gi phyi ma phyed nas brtsams nas/ re re zhing thun bzhi la longs spyod cing grangs kyi go rims ji lta ba bzhin du yang dang yang du 'khor bas nag pa'i bcu bzhi'i sngon ma phyed kyi bar du bdun po rnams longs spyod do/ de'i phyi ma phyed nas brtsams nas dkar po'i tshes gcig gi sngon ma phyed kyi bar ni gzhan bzhi po rnams kyi'o/ /chos kyi longs spyod la mnyam par cha gnyis su byas te/ snga ma phyed dang/ phyi ma phyed du rnam par bzhag pa shes par bya'o/ /gza' dang/ tshes dang/ skar ma dang/ sbyor ba dang/ byed pa ste yan lag lnga'i rim pa'o/ /dbyu gu dang/ bra nye dang/ smin drug gi rkang pa gcig gis lug gi /de bzhin du so sor rkang pa dgu yis bcu gnyis po rnams te/ lug dang/ khyu mchog dang/ 'khrig pa dang/ kar ka Ta dang/ seng ge dang/ bu mo dang/ srang dang/ sdig pa dang/ gzhu dang/ chu srin dang/ bum pa dang/ nya'i khyim rnams sa ga la sogs par shes par bya'o/ /mig dmar pa pa sangs gza' lhag pa zla ba nyi ma dang/ /gza' lhag pa pa sangs dang mig dmar phur bu dang/ spen pa phur bu rnams ni rim pa yis/ /khyim 'di rnams su zhing can ni yang dag 'dod/ /kla klo'i

  630. 314b

    dbang po lo dag pa'i lo la brgyad bsres pa bzhi brgyas bsgyur ba la sngar dag pa'i lo la brgyad bsres pas phri ba la/ /bcu bdun lhag pa'i sum brgyas bgos phas thob par gnyis bsres pa ni gzar 'gyur ro/ /bgos pa'i lhag ma drug cus bsgyur te/ dbyu gur bcas pa bcu bdun la sogs pas bgos pas thob pa bzung la/ bgos pas thob pa'i lhag ma dbyi bar bya'o/ /thob pa'i dbyu gu la sum cu bsres la drug cus bgos pas thob pa gnyis bsres pa'i gzar gzhug go /bgos pa'i lhag ma gza'i dbyu gu'i brtan pa ste 'og tu'o/ /gza' la yang bdun gyis bgos pa'i lhag ma lo 'phos kyi bar steng du gza'i d+h+ru ba kar 'gyur ro/ /'dir gang gi tshe nyi ma nya spangs nas lug tu 'gro ba de'i tshe gzhug pa'i gzhug bya bcu gnyis lug la sogs par rim pa bzhin zla ba ri dang 'byung ba rig byed yon tan mda' dang ri bong can ri zla ba gsum pa la'o/ /rig byed me dang 'byung ba zla ba mig dang lag pa zung dang rig byed mig ni drug pa la'o/ /drug dang zla ba mda' dang zla ba'i zung me drug zla ba rig byed ri dang 'jig rten no/ /drug dang rig byed stong dang stong pa mig dang mda'i rkang pa rnams ni nya'i khyim du nyi ma'o zhes pa 'di rnams kyi dgod pa ni/ re'u mig bcu gnyis po 'di rnams te/ so sor thog ma gza'i nges par sbyin no/ /gnyis pa lnga bcu rtsa bdun la sogs pa dbyu gu'i brtan par ro zhes pa byed pa'i 'pho ba ste/ gza' dang de'i longs spyod du shes par bya'o/ /da ni mig dmar la sogs pa rgyu skar la longs spyod pa'i don du nyin zhag gi grangs brjod do/ /dag pa'i zla ba rnams nyin zhag gi phung po'i don du sum bcus bsgyur la/ dkar po la sogs par smos pa'i tshes dang bcas la

  631. 315a

    gnas gsum du byas la/ 'og gi phung po ri dang nam mkha' ri yis bgos pas thob pa dbus mar sbyin no/ /de nas dbus ma drug cu rtsa bzhis bgos pas thob pas phri ba'i steng ma'i phung po mi gsal ba'i nyin zhag gi tshogs yin no/ /de gnas gnyis bzhag la/ gcig la gza' bdun gyis bgos bas/ gal te de nyin zhag gi gzar ma gyur na/ de nas gcig la sogs pa ji ltar gzar 'gyur ba thog ma'i phung por sbyin pa 'am dbri bas de nas gsal ba'i nyi ma'i tshogs su 'gyur ro/ /mig dmar dag par bya ba'i don du/ gsal ba'i nyin zhag gi tshogs la bdun dang drug cu lhag pa'i brgya bsres nas/ mig dmar gyi nyin zhag gi 'khor lo ri dang klu dang dus kyis bgos pas thob pa ni khyim bskor ba ste phyi mar bya'o/ /'di ltar gzhan rnams la yang ngo/ /lhag ma rgyu skar gyis brgyur la/ rang gi nyin zhag gis 'khor los bgos pas thob pa ni skar mar 'gyur te steng du 'o/ /de'i lhag ma drug cus bsgyur la rang gi nyin zhag gi 'khor los bgos pas thob pa ni dbyu gu ste 'og tu'o/ /sngar bzhin du chu srang la sogs pa'o/ /skar ma la sogs pa 'di dag gnas gnyis su gzhag la/ gcig la skar ma phyed dang bcas pas pa'i dgu sbyar bar bya'o/ /de nas nyin pas lug dang dbyug pa zhes bya ba la sogs pa gsungs pa rnams shes par bya'o/ /bye brag tu 'dir de kho na nyid dang/ bco brgyad dang ri rnams bul ba'i las kyi rkang par shes par bya'o/ / skar ma la sogs pa gzhan la sbyin pa 'am/ dbri ba'o/ zhes pa/ mig dmar gyis bul ba'i las dag la'o/ /myur ba'i las la yang mig dmar dang/ phur bu dang/ spen pa rnams bul ba'i

  632. 315b

    las yongs su dag pa'i longs spyod gnas gnyis su byas te/ gcig gis nyin byed ma byas pa'i nyi ma'i longs spyod tshes bsres pa dag par ma byas pa rkang pa gsum dang bcas pa'i skar ma drug dor ba la sogs pa'i cho ga ma byas pa la sbyar bar bya'o/ /de nas nye bar brjod pa'i gal te bu lon zhes pa la sogs pa nas rim pa kho na'o zhes pa'i bar du shes par bya'o/ /'dir myur ba'i bya ba la rim pas ni nor te bsnan cing/ rim pa min pas ni bu lon te dbri bar bya'o/ /sbyangs shing ji tsam yod pa dor ba'i lhag mas gza'i rkang pa rtogs par byed pa ste rkang pa rnyed pa shes nas phyi bar bya'o/ /rkang pa de nyid kyis dbyu gu lhag ma la bsgyur la/ drug cus bgos pas thob pa dang/ rkang pa de'i cha dang lhan cig sngon ma phyed du khyim rgyu ba'i dbang gis/ gza' yis longs spyad pa'i dbang gis rkang pa rnams bsdams pa dang/ phyi ma phyed du ni bgos pas thob pa dang/ rkang pa de'i cha dor te rkang pa gzhan ma de'i cha dang lhan cig longs ma spyad pa rnams/ gzhan bul ba'i las kyis dag pa'i gza'i longs spyod la bsnan pa 'am dbri bar bya'o/ /'dir rkang pa ni bcu bzhi ste/ rgyal ba me mig rnam gsum zla ba lag pa gnyis/ /bco brgyad chos dang drag po me dang rtsa ba nas bcu gcig brgyad dang me'o nam mkha' klu dang ni/ /de rjes lnga bcu gsum po 'di rnams mig dmar gyi'o/ /rtsa ba zhes pa ni/ dbus nas thad kar re ka'o/ /phyogs phyogs bug pa nor drug drug /gnyis gcig rtsa ba yon tan ro/ / bug pa drag po rgyal po ri/ /phur bu'i myur las rkang pa yin/ /dus mda' mda' dang rig byed rig byed mig dang mig dang nam mkha' dang/ /rtsa ba nas gnyis zung mda' ro brgyad gsum ni spen pa'i rkang pa'o/ /tshigs su bcad pa phyed

  633. 316a

    pa'o/ /de bzhin du bul pa'i nyi ma gnas gnyis su bzhag pa gcig gi gza' lhag gi rgyu pa'am/ pa ba sangs kyi rgyu ba la sbyar bar bya'o/ /de nas sbyangs te zhes pa la sogs pa nas/ longs ma spyad pa rnams shes pa'i mthar thug pa/ de ma thag tu mig dmar du gsungs pa rnams byas la/ gzhan bul ba'i nyi mar bsnan pa 'am dbri bar bya'o/ /de ltar de nyid gza' lhag gi longs spyod dang/ pa ba sangs kyi longs spyod du 'gyur ro/ /rgyal po rgyal po de nas tshes/ /mi dang yan lag zhi pa ri/ /lnga mkha' rtsa ba nas ni mtsho/ /dbang phyug nyi shu nyi shu brgyad/ /sum cu rtsa bzhi gza' lhag gi /gsum du de nyid gnyis rgyal ba/ /gnyis su gnyis mig skyon? tshes brgyad/ /rtsa ba nas drug mkha' me dang/ /bug pa bug pa yon tan ri/ /pa ba sangs myur rgyu'i rkang pa'o/ /zhes pa ni sa'i bu la sogs pa'i myur ba'i las dag pa'o/ /bul pa'i las la gza' lhag dag pa'i don du gsal ba'i nyi ma'i tshogs rnams brgya yis bsgyur nas/ /me dang nyi ma ri yis phri ba las gza' lhag gi nyi ma'i 'khor lo ri dang bug pa ri dang klu yis bgos pas thob pa zhes bya ba la sogs pa nas/ /chu srang la sogs pa'o/ /zhes pa'i bar du mig dmar bzhin du bya'o/ /rgyu skar la sogs pa 'di dag ni myur ba'i las kyi don du rgyu ba zhes brjod do/ /de'i phyir don du gnas gzhan du bzhag go /nyi byed ma byas pa'i nyi ma'i longs spyod gnas su byas te nyi ma'i longs spyod cig la rgyu skar phyed dang bcas pa'i bcu drug sbyang bar bya'o/ /de nas nyi mar brjod pa'i lug ces pa la sogs pa nas nor bu dang bu lon gyi dbang las shes pa'i mthar thug pa byas te/ nyi ma'i longs spyod

  634. 316b

    gzhan la bsnan pa 'am dbri bar bya'o zhes pa ni gza' lhag gi bul pa'i las dag pa'o/ /'di ni gzhan du nyi ma'i longs spyod bul ba'i las dag pa gza' lhag gi bdag nyid du gyur pa ste/ myur ba'i las kyi don du ni bul ba'i nyi ma zhes brjod do/ /bcu dang ri dang rtse mo can ni bul ba'i las kyi rkang pa'o/ /phur bu dag pa'i don du gsal ba'i nyi ma'i tshogs la/ mkha' dang nam mkha' dang ro dang mig gis phri ba la phur bu'i nyi ma'i 'khor lo so dang me dang rgya mtshos bgos pas thob pa zhes pa la sogs pa sa'i bu bzhin bya'o/ /'dir khyad par ni 'di yin te/ rgyu skar bcu gnyis sbyang ba dang/ 'phrog byed dang/ dgu dang rtse mo can ni rkang pa'o/ /pa ba sangs dag pa'i don du gsal ba'i nyi ma'i tshogs la bcu yis bsgyur nas brgyad cu rtsa bzhis phri ba la/ pa ba sangs kyi nyin zhag gi 'khor lo ri dang rgyal ba mig gis bgos pas thob pa zhes pa la sogs pa thams cad gza' lhag bzhin du bya'o/ /khyad par ni 'di yin te/ rgyu skar sbyang ba dang/ rkang pa ni mda' dang/ zung dang ri bong can no/ /spen pa dag pa'i don du gsal ba'i nyi ma'i tshogs la mkha' dang mig dang brgyad dang rig byed kyi phri ba la/ nyi ma'i bu'i nyi ma'i 'khor lo drug dang ro dang ri dang nam mkha' dang gcig gis bgos pas thob pa zhes bya ba la sogs pa mig dmar bzhin du bya'o/ /khyad par ni rgyu skar bco brgyad spyad pa dang/ nyi shu rtsa gnyis dang tshes dang dus kyi rkang pa rnams zhes bya ba ni gza' lhag la sogs pa'i bul ba'i las yongs su dag pa'o/ /'on kyang bul ba'i las dag pa'i gza'i longs spyod myur ba'i las kyis yongs su dag pas na/ las gnyis kyis gza' gcig nyid kyis longs

  635. 317a

    spyod dag par 'gyur gyi/ bum pa'i las dag pa gza'i longs spyod tha dad pa dang myur ba'i las yongs su dag pa tha dad pa yang ma yin no/ /zhes skar ma'i bstan bcos rig pa rnams kyi'o/ / pas gnyis kyis longs spyod yongs su dag pa ni/ mig dmar dang/ gza' lhag dang/ bla ma dang/ pa ba sangs dang/ spen pa rnams kho na'o/ /nyi ma ni bul ba'i las kho nas so/ /zla ba ni myur pa'i las kho nas so zhes so/ /sgra gcan gyis rgyu skar la longs spyod pa'i don du/ / /dag pa'i zla bar mig dang nyi ma bsres la zla ba phyed pa'i phung po'i don du gnyis kyis bsgyur bar/ nya la zla ba 'dzin pa'i don du zla ba phyed pa gcig bsre zhing/ /gnam stong la nyi ma 'dzin pa'i don du zla ba phyed pa gnyis bsres pa la/ sgra gcan gyi zla ba phyed pa'i 'khor lo nam mkha' dus dang rgya mtsho yis bgos pas thob pa phyi bar bya'o/ /bgos pa'i lhag ma zla ba phyed pa rnams rgyu skar gyi don du nyi shu rtsa bdun gyis bsgyur ba la nam mkha' la sogs pas thob pa rgyu skar du 'gyur ro/ /lhag ma drug cus sgyur ba la nam mkha' la sogs pas bgos pas thob pa ni dbyu gu'o/ /de'i lhag ma la yang de bzhin du chu bsrangs ngo/ /de'i lhag ma drug gis bsgyur cing nam mkha' la sogs pas thob pa dbyu gu'o/ /rgyu skar la sogs pa 'di rnams kyis rgyu skar nyi shu rtsa bdun 'khri ba ni sgra gcan gyi kha'i longs spyod du 'gyur ro/ /kha'i longs spyod de nyid du rgyu skar phyed dang bcas pa'i bcu gsum bsres pa ni mjug ma'i longs spyod do/ /de nas zla ba so sor nyi ma'i longs spyod la rgyu skar gnyis dang/ dbyu gu bcu gcig ste/

  636. 317b

    zla ba drug la rgyu skar bcu gnyis dang/ dbyu gu drug cu rtsa drug tu 'gyur zhing/ de las bcu gsum phri bas lnga bcu rtsa gsum du 'gyur ro/ 'di nyi ma'i longs spyod la nyi ma 'dzin pa na gnam stong gi longs spyod la ra bi ka bsnan pa 'am bri ba la'o/ /de nas sgra gcan gyi longs spyod la dbyu gu bzhi bcu zhe lnga phri la lhag ma skar ma'i longs spyod kyis spyad par bya'o/ /de la gal te kha 'am mjug ma dang skar ma mnyam par gyur na/ de'i tshe kho na gzas 'dzin gyis gzhan du ni ma yin no/ /yang na sngar smras pa'i tshul gyis bsgrub pa'i gnam stong gi nyi ma'i longs spyod kyis/ sgra gcan gyi kha'i longs spyod dam mjug ma'i longs spyod la sbyang bar bya'o/ /zla ba 'dzin pa ni zla ba nya'i longs spyod kyis sgra gcan gyi kha'i longs spyod la spyad bar bya'o/ /kha 'am mjug ma dang lhan cig rgyu skar mnyam pa nyid la 'dzin gyi gzhan du ni ma yin no/ /'dir yang gnam stong gi mdza' 'am nya'i mthar dus tshigs kyi mtshams su sgra gcan gyi dkyil 'khor la nyi zla'i dkyil 'khor 'jug go /dkyil 'khor gyi sgra ni 'dir dbyu gu drug cu ste/ rgyu skar gcig gi longs spyod do/ /de yang khyim bcu gnyis dang cha bcu drug gi bdag nyid du rig par bya'o/ /de la gal te sgra gcan gyi longs spyod la 'di gnyis kyi longs spyod dag na/ /de'i tshe dbyu gu drug cu'i mthar thug pa thams cad 'dzin to/ /longs spyod phyed dag par gyur na phyed 'dzin to/ /cha ni dbyu gu bzhi'i bdag nyid de sgra gcan gyi longs spyod la zhugs na bzhi cha'i bar du gza' dang lhan cig 'gro bar shes par bya'o/ /gang gi tshe yang sgra gcan gyi kha'i longs spyod du 'dzin pa de'i tshe shar gyi cha nas so/ /mjug ma'i longs spyod du ni nub kyi cha nas so/ /de bzhin du

  637. 318a

    phyogs dang phyogs mtshams kyi cha'i khor yug gzhan ni gzhan du shes par bya'o zhes TI ka las so/ /'dzin pa 'di dag kyang zla ba drug nyid na yin no/ /don dam par ni zla ba nyid mun pa'i rang bzhin gyi sgra gcan gyis 'dzin te/ bsil ba'i 'od zer gyi phyir ro/ /nyi ma ni min no/ /gnam stong gi mdza' i dus su ni zla ba yang nyi ma la zhugs pa'i phyir na nyi ma gzung ngo zhes bya ba ni tha snyad do/ /zhes pa sgra gcan dag pa'o/ /mjug rings ni nyi ma'i dkyil 'khor la zhugs nas nyi ma so so la dbyu gu bzhi dang/ chu srang nyi shu rtsa drug ni nyi ma'i longs spyod de/ de las lhag ba chu srang phyed dang gsum ni myur bar rgyu ba na/ rim pas mdun nas dang/ yon por rgyu ba na rim pa min pas rgyab nas rnam par rgyu'o/ /de ltar lo gsum gnas nas phyir 'thon no/ /'thon nas kyang nyi ma so so la dbyu gu gnyis 'char te/ dbyu gu yang rkang pa dang bcas pa'i chu srang lnga bcu rtsa drug gi bdag nyid de/ a ba d+hU tI las 'thon pa'i phyir mjug rings kyi'o/ /zla ba gcig gi bar du/ du ba med par skar ma bzhin du snang la/ de nas zla ba phyed du/ du ba'i 'jug ma ring por gsal lo/ /de bzhin du zla ba phyed dang gnyis kyi mthar slar yang nyi ma'i dkyil 'khor la de bzhin du lo gsum gyi bar du mi snang bar 'gyur ro/ /'di thog mar 'char ba ji ltar grags pa brtags pas shes par bya'o/ /de ltar 'char ba gcig gi shes na dus dpag tu med pa'i shes par 'gyur ro/ /mjug rings dag pa'o/ /'dir thun mong gi rim pa 'di dag ste/ myur ba'i las la nyi ma'i dkyil 'khor las 'char ba'i gza' rim par bgrod pa na/ dbyu gu'i rkang pa bcu bzhi'i phyed las/ sngon ma phyed la longs spyod pa na myur bar rgyu ba

  638. 318b

    zhes brjod do/ /phyi ma phyed la longs pa na bul bar rgyu ba'o/ /de las 'khor lo phyed dor nas gza'i rim pa ? ste/ sngon ma phyed la ni yon por rgyu ba'o/ /phyi ma phyed la 'thon por rgyu bar zhes brjod de/ khyim kyi rgyu skar gyi 'khor lo 'dor ba'i phyir ro/ /'dir rim pa la sngon ma phyed du ni nor 'phel la/ gza' rnams kyang shar du mngon par phyogs pa'o/ /phyi ma phyed du ni nor 'dzad pa dang lhor mngon par phyogs pa'o/ /rim pa min pa la sngon ma phyed du bu lon 'phel la kha nub tu mngon par phyogs pa'o/ /phyi ma phyed du bu lon nyams pa dang byang du mngon par phyogs pa'o/ /'di dag 'chi ltas la sogs pa'i dbang gis phyogs gzhan du lta ba nyid do/ /rang bzhin gyis ni sgra gcan kha nub tu phyogs nas ri rab la g.yas skor byed la gza' gzhan ni shar du kha blta'o/ /de la nyi ma'i 'od zer gyis bsgrings pa'i phyir nyi ma la nub pa ste/ gza' thams cad du med pa ni yin no/ /slar yang de bzhin kho nad 'char ro zhes bya'o/ /'dir 'phags pa'i yul du nyi ma dang zla ba'i longs spyod 'phel 'grib kyi dbang gis dbyu gu drug cu'i rang bzhin gyi nyin mtshan las/ /bcu yis bgos pas thob pa'i dbyu gu rnams kyis nyin mo 'phel bar 'gyur ba ni mtshan mo 'grib ste/ lho me'i khor yug gi mtshams nas gangs can chen po'i khor yug gi mtshams kyi bar du dpag tshad stong phrag bdun cu rtsa lnga byang du bgrod pa la zla ba drug gis so/ /de bzhin du gangs can chen po'i khor yug gi mtshams nas/ lho me'i khor yug gi mtshams kyi bar du lhor bgrod pa na mtshan mo 'phel zhing nyin mo 'grib ba'o/ /de ltar gyur pa na nyin mtshan so so la chu srang gnyis 'phel ba 'am 'grib par shes par bya'o/ /de bzhin du bod yul dang/ li yul dang/ rgya nag la sogs pa yul rnams dang/ sham+b+ha

  639. 319a

    la'i yul gyi mdza' i bar du dgu dang/ brgyad dang/ bdun gyis bgos pas thob pa'i dbyu gu rnams kyis dang/ ke la sha'i dum bur drug gis bskal pas nyin mtshan la ji ltar rigs par ro/ /ke la sha'i dum bu las byang phyogs su gangs can gyi ri'i bar la nyin mtshan so so la dbugs bzhis lhag pa'i chu srang gsum 'phel ba'am 'grib pa'o/ /gangs ri'i phyi rol phyogs mtshams brgyad du khor yug gi rnam pas rgyu skar gyi khyim zlum po gcig tu'o/ /'di'i dbus na mnyam pa'i re kha'o/ /de nyid kyi phyir logs gnyis su gzhu'i rnam pa'o/ /'dir yang 'bru bsnyil ba'i dbus kyi ka ba bzhin dang/ glang bzhin 'khor la/ rgyu skar dbyug pa la sogs pa nas nag pa'i phyed gyi bar du byang phyogs kyi re khA la/ lho phyogs su yang nag pa'i phyed la sogs pa nas nam gru'i mthar ro/ /de rnams kho na la rkang pa dang bcas pa'i rgyu skar gnyis la khyim gcig nyid do/ /de ltar khyim bcu gnyis po rnam par bzhag go /de la brten pa'i gza' ni longs spyod pa po'o/ /byang phyogs su bgrod pa na zlum po 'di'i byang gi me'i 'khor yug gi dang por 'gro'o/ /lho phyogs kyi mdza' yang gangs can gyi ri'i lha'i mthar reg pa'o/ /lhor bgrod pa na yang lho phyogs kyi mdza' ni lho'i me'i khor yug gi dang por 'gro'o/ /byang phyogs kyi mdza' yang bsil ba'i ri'i byang gi mthar reg par 'gyur ro/ /rgyu skar la sogs pa 'di dag kyang ri rab la skor ba byed pas 'gro ba'i 'khor ba'i dbang gis zlum po'i rnam par 'gyur ro/ /zlum po'i tshad ni lho me'i khor yug nas gangs can chen po'i bar ro/ /dpag tshad stong phrag bdun cu rtsa lngas so/ /de dag la 'khor lo'i nyin zhag brgya brgyad cu rtsa phyed dang gsum

  640. 319b

    gyis bgos pas thob pa ni phyogs kyi cha nyi mas 'dor ba'o/ /de ltar dum bu bcu gnyis su nyi ma thad kar 'pho bar rig par bya'o/ /byed pa'i lam mo/ /'on kyang de ltar byed pa'i lam gyis nyi ma dus rtag tu dag pa ma yin la/ nyi ma'i longs spyod na dag 'dis/ mig dmar la sogs dag byas pa/ /'dir ni nges par dag mi 'gyur/ /rtsa ba nyams pa'i ljon shing bzhin/ /de bas na grub pa'i mdza' i lam brjod par bya ste/ de'i rim pa 'di dag go /sa gzhi mnyam po la khru gang gi tshad kyi maN+Dal gyi dbus su btsugs pa'i mtho gang gi tshad kyi shing gi grib ma/ snga dro re khA'i phyi rol nas rim gyis bskum pa na/ gang gi tshe maN+Dal gyi mdza' i re khA'i dbus su zhugs pa de'i tshe/ gnas der bya rog gi rjes kyi mtshan ma byas te/ de nyid nub kyi phyogs so/ /phyi dro ni maN+Dal gyi dbus nas rim gyis brkyang ba na/ gang gi tshe zhes pa la sogs pa sngar bzhin du mtshan ma byas te/ de nyid shar gyi phyogs so/ /'dir mtshan ma gcig gi steng du skud pa bzung ste/ mtshan ma gzhan gyi mdun du maN+Dal thod lo kor gyis bya zhing/ mtshan ma gzhan gyi steng du yang/ skud pa gzung nas de bzhin du byas pas ji ltar nya'i rnam par 'gyur ro/ /maN+Dal gnyis po 'di dag gi dbus kyi nya'i rnam pa'i kha'i dbus ni lho phyogs so/ /mjug ma'i dbus ni byang phyogs so/ /de ltar phyogs gtan la phab nas maN+Dal gnyis po dbyi bar bya'o/ /byang du bgrod pa'i nyin mo las gong du/ nyi ma bcu pa nas brtsams nas/ nyi ma'i gung la brtag par bya'o/ /de la thog ma maN+Dal gyi byang phyogs kyi mdza' i re khA dbus nas maN+Dal gyi nang du nyin mo gang la grib ma 'jug pa de nyi ma byang du bgrod pa'i 'pho ba'i nyin mo'o/ /de'i gza' dang/ de'i tshes dang/ de'i sbyor ba dang/ de'i byed

  641. 320a

    pas so/ /de'i nyin mo nyi ma'i longs spyod la sa ga la sogs pa'i zla ba dgu'i lug la sogs pa'i khyim dgu la rgyu skar gyi gnas su nyi shu dang/ dbyu dgu'i gnas su bco lnga'o zhes bya ba ni rtsa ba'i rgyu ba ka'o/ /d+h+ru ba ka de la nyin re zhing dbyu gu bzhi dang/ chu srang nyi shu rtsa drug bcug la/ nyi ma'i rkang pa rnams dag par bya ste/ sngar brjod pa'i rkang pa gsum dang bcas pa'i rgyu skar drug sbyang bar bya'o/ /zhes pa la sogs pa'i cho gas so/ /de skad du yang rtsa ba'i rgyud du/ bgrod thog nas brtsams nyin re zhing/ /slar yang bgrod 'gyur bar du sbyin/ /gsungs pa'i las kyi cho ga yis/ /nyi ma'i rkang pa dag par bya zhes gsungs/ gza' dang/ tshes dang/ rgyu skar dang/ sbyor ba dang/ byed pa dang/ khyim dang/ zhing can dang/ 'pho ba dang/ gza''di rnams kyi 'bras bu ni gzhan du go bla bas 'dir ma bkrol lo/ /gza' skar rgya chen 'di dag bshad cing/ de rnams 'bras bu ni/ dus kyi 'khor lo'i rgyud la 'jug pa 'dir ma bshad de/ tshig gi 'brel pa gegs med blo bzang rnams kyis bde blag tu/ /rtogs phyir 'di la dam pa rnams kyis bzod mdzad rigs/ /'jigs med kyis brtsams 'di yis snying gi ni/ /rab tu rnam par 'byed pa'i gnas rgyas shing/ /legs byas shar ba 'di las 'gro gsum la/ /rgyal ba'i phun sum tshogs pa'i 'bras bur shog /dpal dus kyi 'khor lo la 'jug pa zhes bya ba/ slob dpon mkhas pa chen po 'jigs med 'byung gnas sbas pas mdzad pa rdzogs so// //paN+Di ta chen po de nyid dang/ bod kyi lo tsA ba sh+rI d+harmma kI rtis bsgyur ba'o/ /slad kyis yul ma ga d+ha'i paN+Di ta chen po mkhas btsun grub pa

  642. 320b

    brnyes pa rA hu la sh+ri b+ha dra'i zhal snga nas/ chag lo tsA ba shAkya'i dge slong dpal gyi mdza' can gyis dag par bcos shing gtan la phab pa'o// //*/ /rgya gar skad du/ sh+rI kA la tsakra ga No pa de sha nA ma/ bod skad du/ dpal dus kyi 'khor lo'i rtsis kyi man ngag ces bya ba/ dpal dus kyi 'khor lo la phyag 'tshal lo/ /stong pa rab skyes nas bzung ste/ /'das lo byin pas lo dag pa'o/ /nyi mas bsgyur bas zla bar 'gyur/ /dgun zla 'bring sogs 'das zla sbyin/ /gnas gnyis 'og ma mig gis bsgyur/ /mda' ros thob la gcig bsras te/ steng la byin pas zla dag 'gyur/ /zla dag gnas gsum bar ma la/ /so yis bsgyur te mig gis bsre/ /'og la ros thob par ma sbyang/ /lhag la mkha' sbyin par nas gcig /'og tu phab la drug cus bsgyur/ /mkha' byin des phri lhag chu srang/ /bar ma drug cus bgos thob rnams/ /steng byin lhag ma chu tshod gnas/ /de la ris bgos lhag gza' gnas/ /gnas gnyis 'og mar glu mig sbyin/ /dus gnyis bgos lhag cha shas gnas/ /nor la ri dang zla bsres te/ /steng ma lag pas bsgyur la gzhug /glu lag bgos lhag ril po'i gnas/ /zla ba dag par gdengs ka sbyin/ /gnas gsum bar ma drag pos bsgyur/ /'og ma bu ga yon tan gyis/ /thob pas bar sbyang lhag ma la/ /mkha' dus bsgyur te thob pa dang/ /lhag ma drug gis bsgyur te thob/ /bar nas 'og phab rim sbyangs pa'i/ / lhag ma chu srang dbugs su gnas/ /dbus ma drug bcus bgos pa'i lhag /chu tshod yin te thob pa la/ /gcig bsres steng ma lag bsgyur gzhug /de skar bgos lhag skar ma'i gnas/ /gza' la tshes sbyin dbyug par dbri/

  643. 321a

    ril par sbyin te chu zla yis/ /bgos pa'i lhag mas rkang pa gzung/ /bgor med na ni de nyid gzung/ /thob pa mnyam sbyin mi mnyam dor/ /rkang bzung sngon mas cha shas bsgyur/ /'byung dang 'byung dang mda' rig byed/ /me dang mig dang zla ba ste/ /phyi ma la ni de nyid bzlog /zla ba'i rkang par shes par bya/ /rkang pa ma zin dang pos bsgyur/ /de la dus dang nyi ma yis/ /bgos pas thong pa chu tshod yin/ /lhag ma drug cus bsgyur ba la/ /gong gi 'god byed kyis thob pa/ /chu srang yin te lhag ma la/ /drug gis bsgyur las thob pa dbugs/ /de ltar thob pa de rnams kyis/ /rkang pa sngon ma zos dang sdom/ /phyi ma ma zos la phri la/ /gza'i longs spyod gnas su ni/ /sbyin dor sngar gyi mtshan mas shes/ /tshes grangs gnas gnyis steng chus bsgyur/ /'og gi sum cha steng la sbyin/ /de la mkha' dus bgos thob rnams/ /skar ma'i gnas su sbyin par bya/ /lhag ma chu tshod gnas su bsre/ /'og gi lhag ma nyi shu bsgyur/ /chu srang gnas su gzhug par bya/ /de nyid gnas gnyis gcig la ni/ /skar ma'i gnas nas drug dang ni/ /chu tshod gnas nas zhe lnga dor/ /dor bas 'khor phyed lhag na'ang dor/ / med na 'khor phyed bsres la dor/ /dor ba'i lhag ma drug cus bsgyur/ /'og gi chu tshod yar la blang/ /mda' yon zlas thob nyi rkang gzung/ /ro zung zla ba de bzlog phyi/ /nyi ma'i rkang par shes par bya/ /rkang pa gzung ba'i sngon ma yis/ /skar ma'i gnas la sogs pa bsgyur/ /de la mda' yon zla ba yis/ /bgos pa thob pa chu tshod yin/ /lhag ma drug cus bsgyur ba la/ /'og gi chu srang yar la blang/ /de las thob pa chu srang yin/ /

  644. 321b

    lhag ma drug gis bsgyur ba la/ /'og gi dbugs ni yar la blang/ /de las thob pa dbugs yin no/ /de ltar thob pa de rnams kyis/ /nyi rkang sngon ma zos dang bsdom/ /phyi ma ma zos la phri la/ /gza' dang nyi ma'i longs spyod du/ /sbyin dang dor bar bya ba ni/ /nyi ma byang bgrong dus su sbyin/ /lho ru bgrong tshe dor bar bya/ /de nyid gza' dang nyi skar yin/ /nyi ma'i skar mar tshes grangs sbyin/ /'og tu tshes la ro yis bsgyur/ /de la gza'i longs spyod bsre/ /de la drug cus bgos thob pas/ /skar ma'i gnas la sbyang bar bya/ /lhag mas chu tshod la sogs sbyang/ /sbyangs pa'i lhag ma zla skar yin/ /nyi zla gnyis bsres sbyor bar 'gyur/ /tshes la mig gis bsgyur ba la/ /gcig phri ris bgos lhag ma ni/ /byed pa yin te bgor med na/ /de nyid yin par shes par bya/ /gza' gnas ri bgos lhag ma gza'/ /bgor med na ni de nyid gza'/ /de yi chu tshod chu srang dbugs/ /tshes de'i ma 'ongs par shes bya/ /gza' gcig lan gnyis byung gyur na/ / zhag gcig tshes grangs gnyis dor 'gro /gal te gza' de 'phyongs gyur na/ /tshes grangs de nyid lan gnyis 'ong/ /tshes grangs chad lhag des shes bya/ /skar ma'i gnas la thub lag gis/ /bgos pa'i lhag ma skar ma yin/ / 'gos med na ni de nyid yin/ /sbyor ba yang ni de dang mtshungs/ /grangs ni 'og ma yin par 'dod/ /skar dang sbyor ba'i chu tshod sogs/ /'das par khong du chud par bya/ /de ltar gza' dang tshes grangs dang/ /skar ma sbyor ba byed pa ste// yan lag lnga'i rtsis yin no/ /dpal dus kyi 'khor lo'i rtsis kyi man ngag paN+Di ta chen po shAkya sh+rI b+hA dras mdzad pa rdzogs so// //dpal dus kyi 'khor lo la phyag 'tshal lo/ /nyi zla 'dzin pa'i nges pa ni//

  645. 322a

    zla ba dag par klu zla sbyin/ /de la mig gis bsgyur bar bya/ /zla ba'i don du gcig sbyin te/ /nyi ma la ni gnyis sbyin no/ /de la mkha' dus chus thob dor/ /dor rgyu med na de nyid dam/ /lhag ma skar mas bsgyur ba la/ /mkha' dus chu bos bgos thob pa/ /skar ma'i gnas su gzhag par byas/ /lhag ma drug cus bsgyur ba la/ /gong gi bgor byed kyis thob pa/ /chu tshod dag tu shes par bya/ /chu srang dbugs dag rim pas shes/ / de ltar thob pa de rnams kyis/ /rgyu skar rnams la sgyangs pa'i lhag /sgra gcan gdong gi skar ma yin/ /de dang nyi zla'i skar ma gnyis/ /mnyam na sgra gcan gdong gis 'dzin/ /mi mnyam na ni rgyu skar phyed/ /bsres pas sgra gcan mjug skar yin/ /de dang nyi zla'i skar ma gnyis/ /mnyam na sgra gcan mjug mas 'dzin/ /de yang zla ba 'dzin pa ni/ /sgra gcan phyed ni dag pa dang/ /nyi ma dag pa gnyis bsres pas/ /rgyu skar rdzogs sam phyed lhag dor thig le shar na zla ba ni/ /'dzin par the tshom med pa yin/ /mnyam po gsum dang thig le shar/ /nyi ma nges par 'dzin pa yin/ /dus tshod ji tsam dag na 'dzin/ /nyin mtshan ring thung shes bya ste/ /gza' yi chu tshod dag dang sbyar/ /phyogs ni skar ma'i phyogs dang sbyor/ /che chung ji tsam 'dzin pa ni/ /gza' yi chu tshod man chad dang/ /sgar ma'i chu tshod man chad rnams/ /bsres te skar mar bcas pa dang/ /sgra gcan skar mar bcas pa rnams// mnyam na zla ba ril po 'dzin/ /bco lngas gang rung mangs gyur na/ /bzhi gsum dag ni 'dzin par 'gyur/ /sum cus gang mang phyed 'dzin no/ /de bzhin sum cha la sogs pa/ /zhib tu brtsis la legs par smra/ /bzhi lngas

  646. 322b

    gang rung mangs gyur na/ /mnyam por 'grogs te 'dzin mi 'gyur/ /chu tshod ji tsam 'dzin pa ni/ /zla ba'i ril po 'dzin 'gyur ram/ /sum gnyis phyang sogs 'dzin pa ni/ /chu tshod bcu'i bar du 'dzin/ /bzhi cha la sogs chung 'dzin na/ /chu tshod lnga dang drug la sogs/ /mkhas pas brtsis la legs par smra/ /spyir ni zla ba drug drug na/ /zla ba phal cher 'dzin par 'gyur/ /des ni lnga na'ang 'dzin pa srid/ /gal te bcu gnyis bar dag tu/ /mi 'dzin pa'ang srid pa yin/ /zla ba nya la bzung ba yi/ / stong pa nyi ma 'dzin yin pas/ /thams cad du ni brtsi bar bya/ /nyi ma che chung 'dzin pa rnams/ /thig le shar ba'i skabs su shes/ /de la zla ba nya dang ni/ /bcu drug mtshams su 'dzin pa dang/ /nyi ma stod dang tshes gcig gi /mtshams su 'dzin par thub pas gsungs/ /dpal dus kyi 'khor lo'i rtsis kyi man ngag ces bya ba/ /rgya gar kha che'i paN+Di ta chen po shAkya sh+rI b+ha dras mdzad pa rdzogs so// //*/ /rgya gar skad du/ pany+tsa gra hA pra ti ga No pa de sha na ma/ bod skad du/ gza' lnga so so'i rtsis kyi man ngag ces bya ba/ dpal dus kyi 'khor lo la phyag 'tshal lo/ /dag zlar klu sbyin mkha' pas sgyur/ /tshes bsres gnas gsum 'og ma la/ /thub mkha' ris bgos dbus mar gzhug /ste 'og mig dang sum cu bsre/ /'og ma chu dus kyis thob pas/ /steng la phri ba'i lhag ma la/ /ri yis bgos pa'i lhag ma dang/ /tshes de'i gza' ni mthun nam blta/ /mi mthun gyur na gcig la sogs/ /bsnon 'bring byas la mthun par bya/ /de ni dag pa'i nyin zhag ste/ /gza' lnga kun gyi thun mong ngo/ /mig dmar dag pa'i zhag mchog la/ /dus chu dor ba'i lhag ma la/ /ri klu dus kyis bgos thob dor/ /dor pa'i lhag ma skar mas bsgyur/ /de

  647. 323a

    la ri klu dus thob rnams/ /skar ma yin te lhag ma la/ /mkha' dus bsgyur la thob chu tshod/ /chu srang dbugs dag rim pas shes/ /de ltar thob pa de rnams ni/ /gnas gnyis bzhag pa'i gcig la ni/ skar ma'i gnas nas dgu dang ni/ /chu tshod gnas nas sum cu dor/ /dor rgyu med na rgyu skar phyed/ /bsres la gong gi de dag dor/ /gal te gong gi de dag ni/ /dor ba'i rjes la rgyu skar phyed/ /lhag na'ang dor ba kho nar yin dor ba'i lhag ma drug cus bsgyur/ /'og gi chu tshod yar la blang/ /de la mda' yon zla ba yis/ /bgos pa'i thob pas rkang pa gzung/ /nyi shu rtsa lnga bco brgyad bdun/ /phyi ma la ni de las bzlog /mig dmar dal ba'i rkang pa min/ /rkang pa zos pa'i sdun ma yis/ /bgos pa'i lhag ma bsgyur bar bya/ /de mda' yon zlas thob chu tshod/ /chu srang dbugs dag rim pas shes/ /de ltar thob pa de rnams kyi/ /rkang pa sngon ma zos dang sdom/ /phyi ma ma zos la phri la/ /sngar gyi skar ma'i gnas la gcig /sbyin dang dor bar bya ba yin/ /dal ba'i dus su rgyu skar gyi/ /sbyin dor byas nas sbyin pa ste/ /sbyin dor ma byas 'dor ba yin/ /myur la de las bzlog pa'o/ /'di ni gza' lnga spyi yis so/ myur la de nyid gnas gnyis gzhag /gcig gis nyi ma dag pa sbyang/ /med na rgyu skar phyed sre zhing/ /lhag na'ang dor bar shes par bya/ /de ltar sbyangs pa'i lhag ma yin/ /myur ba'i rkang pa gzung bar bya/ /dang por nyi shu rtsa bzhi dang/ / gnyis gsum bzhi par nyi shu gsum/ /lnga dang drug bar nyi shu gcig /bdun par bco brgyad brgyad par tshes/ /dgu par bcu gcig bcu par gsum/ /de ni snga ma'i cha yin no/ /bcu gcig dang ni sum cu brgyad/ /brgyad cu dang ni lnga

  648. 323b

    bcu gsum/ /mig dmar myur ba'i rkang pa yin/ /rkang pa zos pa'i sdun ma yis/ /nyi ma chu tshod dag bsgyur bya/ /de la mkha' dus bgos thob rnams/ /chu tshod gnas su gzhag par bya/ /chu srang dbugs dag rim pas shes/ /de ltar thob pa de rnams kyis/ /rkang pa sngon ma zos dang sdam/ /phyi ma ma zos la phri la/ /bsnon 'bring sngar gyi bshad pas shes/ /nyi dag mig dmar gyis sbyang zhing/ /phur bu dang ni spen pa yi/ /myu ba'i rtsis kyang de bzhin no/ /gza' lhag dang ni pa ba sangs// dal ba'i las la nyi ma nyid/ /sbyangs pas dal ba'i rkang pa bya/ /gza' lhag gsal ba'i zhag mchog la/ /mkha' dang stong pa zla bas bsgyur/ /mkha' dang sde pa zla ris dbang/ /thub pa bug ri klus thob dor/ /dor lhag skar mas bsgyur ba la// thub bug ri klus bgos pa'i nor/ /skar ma yin te lhag ma la/ /mkha' dus bsgyur bas thob chu tshod/ /chu srang dbugs dag rim pas shes/ /de ltar thob pa'i nor rnams ni/ /myur rtsis dor phyir logs shig bzhag /gza' lhag dal rtsis bya ba'i phyir/ /nyi ma phyed dag gnas gnyis bzhag /gcig la skar ma bcu drug dang/ /chu tshod sum cu dor bar bya/ /med na rgyu skar thams cad dam/ /phyed bsres gong gi de dag dor/ /dor rjes 'khor phyed lhag na'ang dor/ /dor ba'i lhag ma mkha' dus bsgyur/ /'og gi chu tshod yar la blang/ /mda' yon zlas thob rkang pa gzung/ /phyogs ri me'o phyi ma bzlog /gza' lhag dal ba'i rkang pa yin/ /rkang gzung sdun mas lhag pa bsgyur/ /mda' yon zlas thob chu tshod yin/ /chu srang dbugs dag rim pas shes/ /de ltar thob pa'i nor rnams kyis/ /rkang pa sngon ma zos dang sdom/ /phyi ma ma zos la phri la/ /nyi ma phyed dag gnas gcig la/ /sbyin dor mig dmar dal ba bzhin/ /gza' lhag myur rtsis bya ba'i phyir/ /dal ba de nyid gnas//

  649. 324a

    gnyis bzhag/ gcig gis dang por rnyed de sbyang/ /med na skar ma bsre ba dang/ /lhag na'ang dor bar ge bar bya/ sbyangs pa'i lhag mas myur rkang gzung/ /bcu drug lan gnyis bco lnga dang/ /bcu bzhi bcu gsum bcu gcig bdun/ /lha dang nam mkha' zhes bya ba/ /snga ma yin te phyi rkang ni/ /bzhi dang bcu gcig nyi shu dang/ /nyi shu rtsa brgyad sum cu bzhi/ /gza' lhag myur ba'i rkang pa yin/ /rkang pa gzung ba'i sdun ma yis/ /'og gi chu tshod bsgyur bar bya/ / de la mkha' dus thob chu chod/ /chu srang dbugs dag rim pas shes/ /de ltar thob pa de rnams kyis/ /rkang pa sngon ma zos dang sdom/ /phyi ma ma zos la phri la/ sngar gyi dal ba'i gnas gcig la/ /sbyin dor mig dmar myur ji bzhin/ /phur bu gsal ba'i nyin zhag la/ /mig dang dus dang 'byung ba sbyin/ /so me chu yis bgos thob dor/ /lhag ma skar mas bsgyur ba la/ /so me chus thob skar ma yin/ /mkha' dus bsgyur las thor chu tshod/ /chu srang dbugs dag rim pas shes/ /de ltar thob rnams gnas gnyis bzhag /gcig la skar ma bcu gnyis dor/ /med na rgyu skar phyed bsre zhing/ /lhag na'ang dor bar shes par bya/ /dor ba'i lhag ma mkha' dus bsgyur/ /'og gi chu tshod yar la blang/ /de la mda' yon zla ba yis/ /bgos pa'i thob pas rkang pa gzung/ /drag po bug med de bzlog phyi/ /phur bu dal ba'i rkang pa yin/ /rkang gzung sngon mas skar lhag bsgyur/ /mda' yon zla bas thob chu tshod/ /chu srang dbugs dag rim pas shes/ /de ltar thob pa de rnams kyis/ /rkang pa sngon ma zos dang sdom/ /phyi ma ma zos la phri la/ /gnas gcig la ni sbyin dang dor/ /mig dmar dal ba ji bzhin no/ /phur bu'i myur rtsis bya ba'i phyir/ /dal ba de nyid gnas gnyis bzhag /gcig gis nyi ma dag pa sbyang/ /med na rgyu skar

  650. 324b

    bsre ba dang/ /lhag na'ang dor bar shes par bya/ /dor ba'i lhag mas myur rkang gzung/ /bcu pa lan gnyis dgu dang bzhi/ /drug pa lan gnyis gnyis dang gcig /phyi ma la ni gsum dang drug /dgu dang bcu gcig bcu drug bdun/ /phur bu myur ba'i rkang pa yin/ /rkang zos sdun mas chu tshod bsgyur/ /de la mkha' dus thob chu tshod/ /chu srang dbugs dag rim par shes/ /de ltar thob pa de rnams kyis/ /rkang pa sngon ma zos dang sdom/ /phyi ma ma zos la phri la/ /sngar gyi dal ba'i gnas gcig la/ /sbyin ngor mig dmar myur ba bzhin/ /pa sangs gsal zhag phyogs kyis bsgyur/ /dus ri drag po dbri bar bya/ /ri chu lag mig bgos thob dor/ /lhag ma skar mas bsgyur ba la/ /gong gi 'gong byed kyis thob pa/ /skar ma yin te lhag mo la/ /mkha' dus bsgyur las thob chu tshod/ /chu srang dbugs dag rim pas shes/ /de dag myur rtsis don tu bzhag /dal ba'i rtsis ni bya ba'i phyir/ /nyi ma dag pa gnas gnyis bzhag /gcig la skar ma drug dbri zhing/ /med na 'khor phyed sbyin pa dang/ /lhag na'ang dor bar shes par bya/ /dor ba'i lhag ma mkha' dus bsgyur/ /'og gi chu tshod yar la blang/ /mda' yon zlas thob rkang pa gzung/ /mnga' chu zla ba de bzlog phyi/ /pa sangs dal ba'i rkang pa yin/ /rkang zos sngon mas nyi dag bsgyur/ /de la mda' yon zlas thob pa/ /chu tshod sogs su shes par bya/ /de ltar thob pa de rnams kyis/ /rkang pa sdun ma zos dang sdom/ /phyi ma ma zos la phri la/ /nyi ma phyed dag gcig la ni/ /sbyin dor mig dmar dal ji bzhin/ /pa sangs myur rtsis bya ba'i phyir/ /dal ba de nyid gnas gnyis bzhag /gcig gis sngar gyi rnyed pa sbyang/ /me sbyin lhag dor shes par bya/ /dor ba'i lhag mas rkang pa gzung/ /nyi shu rtsa lnga lan gsum dang/ /nyi shu rtsa bzhi

  651. 325a

    lan gnyis te/ /nyi shu rtsa gnyis lan gnyis dang/ /bco brgyad tshes dang klu lnga rkang/ /drug dang sum cu dgu bcu dgu /bdun cu don gsum phyi rkang ste/ pa ba sangs kyi myur rkang yin/ /rkang gzung sngon mas chu tshod bsgyur/ /de la mkha' dus thob chu tshod/ /chu srang dbugs dag rim pas shes/ /de ltar thob pa de rnams kyis/ /rkang pa sngon ma zos pa dang/ /phyi ma ma zos la phri la/ /dal ba yi ni gnas gcig la/ /sbyin dor mig dmar myur ji bzhin/ /spen pa gsal ba'i nyin zhag la/ /mkha' chu me dang zla ba sbyin/ /dus ro ri stong zla bgos dor/ /lhag ma skar sgyur las thob pa/ /skar ma'i yin te lhag ma la/ /mkha' dus bsgyur la thob chu tshod/ /chu srang dbugs dag rim pas shes/ /rnyed pa de dag gnas gnyis bzhag /gcig la skar ma bco brgyad dbri/ /me sbyin lhag dor shes par bya/ /dor ba'i lhag ma mkha' dus bsgyur/ /'og gi chu tshod yar la blang/ /mda' yon zla thob rkang pa gzung/ /nyi shu gnyis dang bco lnga drug /phyi ma la ni de las zlog /spen pa dal ba'i rkang pa yin/ /rkang zos sdun mas lhag ma bsgyur/ /mda' yon zlas thob chu tshod de/ /chu srang dbugs dag rim pas shes/ /de ltar thob pa'i nor rnams kyis/ /rkang zos sngon sdom phyi phri la/ /sngar gyi rnyed pa'i gnas gcig la/ /sbyin dor mig dmar dal ci bzhin/ /myur la de nyid gnas gnyis bzhag /gcig gis nyi ma dag pa sbyang/ /me sbyin lhag dor shes par bya/ /dor ba'i lhag mas rkang pa gzung/ /drug dang lnga dang lnga dang bzhi/ /bzhi dang gnyis dang gnyis dang mkha' / /phyi ma la ni gnyis dang bzhi/ /lnga dang drug dang brgyad dang gsum/ /spen pa myur ba'i rkang pa yin/ /rkang gzung sdun mas chu tshod sgyur/ /de la

  652. 325b

    mkha' bdus bgos thob pa/ /chu tshod gnas su bzhag par bya/ /chu srang dbugs dag rim pas shes/ /de ltar thob pa de rnams kyis/ /rkang gzung sngon sdom phyi phri la/ /dal pa gcig la sbyin dor ni/ /mig dmar myur ba ji bzhin no/ /yid bzhin nor bu brtsis 'dis ni/ /zab cing rgya che dus 'khor rgyud/ /rin chen gling mchog nang nas ni/ /bla ma'i man ngag la brten nas/ /shes rab mig gis legs dpyad byas/ /dran shes brtson ldan gus pas blangs/ /don ldan tshig gis srad bur brgyus/ /blo ldan rnams kyi mgul brgyan mdzod/ /de las byung ba'i bsod nams ni/ /dri med nyi zla lta bu des/ /'gro ba sems can ma lus rnams/ /kun mkhyen rgyal po thob par shog/ //gza' lnga so so'i rkyang rtsis kyi man ngag/ /paN+Di ta chen po shAkya sh+rI b+ha dras mdzad pa/ rdzogs so// //*/ /rgya gar skad du/ Sha DaM ga yo ga /bod skad du/ sbyor ba yan lag drug pa/ dpal dus kyi 'khor lo la phyag 'tshal lo/ /kun la sgrib pa sprin gyi dra ba bsal ba la/ /rnam rtog rlung gi grangs rnams ma lus nub gyur pa'i/ /rang gi nam mkha' i khams su shar ba'i 'od bzang can/ /'jig rten dbang phyug zla ba gang bas gsal gyur cig /gang zhig 'khor bzhi'i dmigs pa pral yang de dag las ni tha dad med cing khyab pa'i bdag /stong pa yin yang 'di ni brtse ba'i rang bzhin gnas pa las ni 'das kyang sa dbang phyug /rtogs ldan rnams ni ma lus bde ba rgyas par byed kyang rtog pa spangs shing 'gro med mgon// sems dang bral ba 'char ba 'ga' yis 'gro ba'i sems la rgyan du byed gyur cig /cung zad rtog pa'i yongs 'dzin gdon bzhin nyams pa'i ched du 'dzin pas bcings pa ste/ /de gtong bab col du ni spangs shing shin du yun ring thar pa med par

  653. 326a

    lhung ba kye/ /de ltar dam pa'i lam la bslab la gang gis nam mkha' i gzugs brnyan sems las rnam 'das shing/ /mkha' dang brtse ba'i bdag nyid ston pa'i bla ma mchog la dga' bas rtag tu phyag 'tshal lo/ de phyir rang gi rtogs pa sgrogs pa kho na de lta bur/ /gyur pa'i bla ma'i bdag nyid chen po sgrogs pa ste/ /gang phyir 'bar ba'i gzugs can me ni med pa na/ /du ba'i rtse mo yang dag 'phyur ba rtogs pa med/ /bdag gi rtogs pa'i nga rgyal skyon gyi rgyun min te/ /rab tu 'jug byed nyid kyis gzhan don sgrub par byed/ /smra ba po las rjod pa nges pa med pa na/ /skye bo 'dod pa 'grub pa'i ched du ji ltar 'jug /drang don rtogs pas khengs pa'i mkhas pa lam rnams spangs pa'i sngags pa ngan pa rnams/ /shes rab dman pa nyid kyis sgrub pa'i sgo nas 'gag pa rnams kyang rig mi byed/ /rdo rje 'dzin dpal bka' yis 'gro ba gsum rnams dang ched khyab bdag 'jam dpal gyis/ /bcom ldan dus kyi 'khor lo'i nyung ngu'i rgyud ni rab tu gsal ba'i tshig gis gsungs/ /gang la dpal ldan thugs rje chen po bcom ldan 'jig rten dbang phyug sprul pa des/ /thams cad don can shin tu gsal ba'i tshig gis rgyas 'grel dri ma bral 'od mdzad// des gsal byas pa'i sangs rgyas rin chen snying po bsod nams bdag nyid las thob nas/ /nges pa'i don gyi bdud rtsi brten pas srid pa'i dug rnams 'joms byed dga' bar byed/ /shes bya'i tshogs rnams kun gyi gzhi rten bcom ldan kun mkhyen mtshan gyi rjes mthun dang/ /dam pa de nyid rin chen chu gter gang du dbang phyug la sogs rtsa ru bshad/ /gang du shes rab pha rol phyin pa'ang mdza' dag 'du pa'i rnam rtog ljon shing rnams/ /rab tu 'jig byed nam mkha' las

  654. 326b

    byung sangs rgyas dag pa'i bdag nyid skye byed ma'o/ /dri ma med pa'i nam mkha' gang la sprul pa mig 'byed la/ /thugs rje chen po rgyas pas brlan pa bsam pa'i brten za las/ /yod dang med dang gnyis ka dngos po dngos med byed pa bral// stong pa nyid kyi rjes 'gro du sogs ma lus blo bur 'char/ /de ltar rdzogs pa'i rim pa gsal bar byed pa phyag rgya chen po'i lam sgom pa'i rjes su mthun pa dpal dang ldan pa'i rgyud dang po'i sangs rgyas la sogs par gsung rab rin po che yang dag par rdzogs pa'i sangs rgyas nyid kyi 'bras bu ster bar byed pa rnams yang dag par bsdu bar bya'o/ /gang sangs rgyas rin chen za ma tog rgyud kyi rgyal po dang po'i sangs rgyas su gsungs pa/ /gang phyir a sogs ka sogs ri bong can dang nyan byed gcig nyid rdo rje can gyi gdan min zhing/ /hUM yig nyid kyis mtshan ma dang ni yongs su gyur pa gzhan pa kha dog gzugs ni mi 'dod de/ /'gyur ba med pas bskyed cing 'gyur ba nyams par gyur pa mchog gi dbang po rnams dang ldan pa ni/ /rnam pa kun ldan thig le mdza' dag rgyal ba'i bdag po sna tshogs sgyu ma 'dzin pa 'di la'o/ /gang gi phyir de ltar yin pa de'i phyir mchog tu mi 'gyur ba'i bde ba sgrub par byed pa la mngon par dga' ba'i rnal 'byor pa bla ma dam pa'i man ngag thob pa/ gdug pa'i grogs yongs su spangs pa du ba la sogs pa'i mtshan ma yongs su bsgoms pa las dang po pa dbu ma rnam par sbyangs pa/ sems can thams cad la bu gcig pa lta bu de mchog tu brtse ba'i sems rjes su bcings pa/ 'jig rten 'jig rten las 'das pa'i bden pa la brten pa/ bu dang chung ma la sogs pa dang rang gi lus la ltos pa med pa/ tshogs khang dang gtsug lag khang dang bla ma'i rdzas nye bar longs spyod pa las

  655. 327a

    phyi rol du gyur pa/ sangs rgyas dang byang chub sems dpa' i lam la brten pa/ byams pa dang snying rje dang dga' ba dang btang snyoms te tshangs pa'i gnas bzhes rnam par gnas pa/ zhi ba la sogs pa'i 'jig rten pa'i dngos grub sgrub pa la mngon par dga' ba spangs pa/ thams cad mkhyen pa'i go 'phangs la gnas par 'dod pa/ dkyil 'khor gyi 'khor lo la sogs pa rnam par rtog pa'i sgom pa yongs su spangs pa/ nam mkha' i khams la rnam pa thams cad pa stong pa nyid me long la phra phab pa bzhin du ma skyes pa'i chos nges pa mthong ba/ rang gi sems kyis spros pa'i snang brnyan nam mig yor rmi lam dang mtshungs pa nyid du sems pa/ rdul phra rab tshogs pa'i bdag nyid kyi chos rnam par dpyad pas stong pa chad pa'i stong pa nyid ring du byas pa/ nang gi bde ba rang rig par bya ba'i chos la rjes su chags pa/ phyi rol gyi dbang po'i rang rig par bya ba'i bde ba'i chos yongs su spangs pa/ shes rab dang thabs kyi bdag nyid can gyi byang chub kyi sems brtan par byed pa la gcig tu mkhas pa/ mchog tu mi 'gyur ba'i bde ba chen po'i shes rab ye shes kyi lam gyi man ngag thob pas rten dang brten pa mtshan ma dang kha dog dang phyag dang dbyibs dang dkyil 'khor gyi lha yongs su brtags pa'i chos mi 'dod do zhes pa'o/ /de bzhin du sna tshogs rnam rtog la sogs lam gyis ni/ /de nyid de bzhin gshegs pas gang gsungs pa/ /bzhi la rab tu dbye ba'i bcu drug can/ / lam dang bral bas thob pa ma yin no/ /bskyed pa'i rim pas gsungs pa'i hUM dang ni/ /phaT yig la sogs rtog pa dang bral ba/ /rdzogs pa'i rim pa'i rnal 'byor de nyid ni/ /de kho na yi sgrub thabs gzhan yod min/ /ji ltar me ni

  656. 327b

    shing la rtags gnas kyang/ /bcad dang dbye ba'i thabs kyis mi mthong ste/ /gcug shing gtsub stan lag pas bsrung ba las/ /de la gnas pa yang ni mthong 'gyur ba/ /de bzhin sems kyi snang bar rtog pa yi/ /bsgom pa'i thabs rnams kyis nam mi mthong ste/ /de nyid du 'di la la nA dang ni/ /ro ma gcig tu sbyor bas mthong bar 'gyur/ /du ba la sogs mtshan ma rnams kyang ni/ /srog rtsol gyis ni dbu mar 'bab pa dang/ /rig ma'i brtul zhugs kyis ni rdo rje ni/ /ltung min de bzhin steng du lu ba ste/ lam 'di rnams kyis sangs rgyas rnams kyi ni/ /bde ba mchog tu 'gyur pa med ces pa/ /mngon par sgrub pa 'am pho nya mo kun gyi/ /lhan cig skyes pa rnal 'byor pas 'thob 'gyur/ /gzugs la sogs par rtog pa dkyil 'khor gyi/ /'khor lo sgom pa goms par gyur pas ni/ /'jig rten pa yi dngos grub 'grub 'gyur gyi/ /'dod pa'i dngos grub chen po ga la zhig /gang rnams sems can rnams la brtse ba yis/ /gzhan gyi bya ba dge ba rtag brtson pa'i/ /slob ma dag pa rnams la lam rnams ni/ /bla ma dam pa'i drin las 'byung ba yin/ /lam bzang rin chen 'di ni bag med kyi/ /sems can gzhan pa rnams la byin pa na/ /rang khyim dgon pa rnams su rab zhugs la/ /yul ngan chom rkun rnams kyis 'phrog par byed/ /the tshom 'gyod pa dag dang gnyid dang ni/ /le lo rgod pa'i chom rkun rnams kyis kyang/ /gnyen 'dun 'thibs po'i nang du zhugs pa yi/ /lam bzangs rin po che ni 'phrog par byed/ /srog gcod ma byin gzhan gyi bud med dang/ /brdzun dang tshig rtsub dang ni phra ma dang/ /'khyal par gyur pa'i tshig dang brnab sems dang/ /gnod sems lta ba ngan pa'i chom rkun dang/ /yod pa'i sdig dang nye ba'i sdig pa dang bsod 'khu dbang po kun nas chags pa ste/ /

  657. 328a

    chom rkun lnga pa lnga po 'di rnams kyis/ /rin po che ni rtag tu 'phrog par byed/ /shin tu bza' dang btung dang sna tshogs pa'i/ /longs spyod du ma'i chom rkun de rnams kyis/ /brtson 'grus ldan du zin kyang bag med cing/ /brgyal bar gyur pa nyid la 'phrog par byed/ /gang phyir rang nyid rtog pa po min pa/ /rin thang chen por 'gyur ram shes ched du/ /g.yon can gzhan la ston pa min zhes pa'i/ /de'i tshig gis rin chen 'dor bar byed/ /gang rnams rin chen bzang po rig pa rnams/ /rin chen chen po yongs su rtog tu gzhug /de rnams kyi ni rnam dag ngag rnams kyis/ /rang gi rin chen rnam par shes par bya/ /rdzogs sangs rgyas dang byang chub sems dpa' dang/ /pha dang ma dang bu mo sring mo dang/ /bu dang dpun zla 'dod pa'i chung ma yi/ /gzugs rnams kyis ni bdud rnams gegs byed do/ /de phyir bla ma dam pas gnang ba yi/ /lam bzang rin chen slob ma rnams kyis ni/ /chom rkun rtsa lag yongs su btang byas te/ /'bad pas shin tu legs par sba bar bya/ /dpa' bo'i rim pa bdag byin brlab pa yi/ /rim pa'ang thar pa'i ched du lam ma yin/ /shin tu rnam dag rim pa gcig pu ni/ /thar pa'i ched du sangs rgyas rnams kyis bstan/ /mtshams med lnga po byed pa rnams kyang ni/ /dbang bskur don ni bde ba gang zhig gis/ /thabs dang shes rab bdag nyid rgyud du na/ /rgyal ba'i dbang pos yang dag bzung bar 'gyur/ /dpa' bo'i rim ni phyi rol la min te/ /lus la srog zad nyid la 'di gsungs so/ /bdag byin brlab pa'i rim pa stong pa la/ /khams gsum po ni mthong bar gyur pa'i ming/ /'khor ba snying po med de zad gyur pa/ /de las bskyes bu'i sangs rgyas nyid 'bras bu/ /chu shing gi ni 'bras bu smin pa dag /chu

  658. 328b

    shing nyams las yang dag 'byung ba bzhin/ /sdig srin dang ni shing srin sems can rnams/ /gang las byung ba de rnams des nyams byed/ /de bzhin rnal 'byor rnams kyi sems des ni/ /sgyu ma rnam par nyams par byed par 'gyur/ / gnyis med g.yo ba med dang gnyis rtogs med/ /'dod dang mchog tu mi 'gyur 'dod chags che/ /dngos dang dngos po med pa dang/ /ye shes dang ni sems pa kun tu bzang/ /sgra 'thab med dang sgra che ba dang ni/ /lhan skyes dpal ldan byang sems thig le 'dzin/ /dpal ldan dus kyi 'khor lo rdo rje dang/ /shes rab thabs kyi bdag nyid rnal 'byor ro/ /de ltar rdo rje'i rnal 'byor gang zhig dpag med bde gshegs rnams kyis bsten cing brtan pa dang/ /byang chub sems dpa' rdo rje mchog 'dzin gsang sngags rig pa kun gyis yang dag bsdus gyur ba'o/ /dang por yang dag brten par bya ba bla ma'ang dam tshig ldan zhing rdo rje'i theg la lhag par gnas/ /de kho na nyid sgom zhing ma chags dri ma rnams bral bzang pa'i dang tshul lam la 'jug /slob ma rnams la lam ni sbyin byed dmyal ba'i 'jigs 'phrog de nyid las ni tshangs spyod ldan/ /bdud rnams la ni rdo rje'i dbugs de yang 'dzin ma'i gzhi la rdo rje sems dpar rab grags pa'o/ /lha'i dmigs pa gang yin mngon sum dang ni rjes su dpag pa rnam gnyis 'dir 'gyur te/ /mngon sum de kho na nyid sbyor las mkha' la skar ma bzhin du du ma longs spyod rdzogs pa'i sku/ /mngon sum min na rjes su dpag pa shi pa'i lus bzhin de kho na nyid min pas rtags pa gang/ /de ni ri mo sogs la blta bya yongs su ma smin blo can rnal 'byor rnams kyi sgom pa'i don/ /'dir sems can rnams kyi bsams pa'i dbang gis rnal 'byor pa rnams kyi lha'i

  659. 329a

    dmigs pa gang yin mngon sum dang ni rjes su dpag pa rnams kyis gnyis su 'gyur ba ste/ /mngon sum dang rjes su dpag pa de dag las mngon sum gang yin pa ni de kho na nyid kyi rnal 'byor gyis mkha' la skar ma bzhin du 'gyur te/ skar ma'i tshogs bzhin du du ma longs spyod rdzogs pa'i sku zhes pa ni sha la sogs pa'i mig gis gzung bar bya ba srid pa gsum dang dus gsum rmi lam dang sgyu ma dang mtshungs pa'o/ /'dir dang por las dang po pa'i rnal 'byor pas mngon par shes pa med par sha'i mig gis gzugs brnyan mthong ngo/ /de nas mngon par shes pa'i mtshams kyi dbang gis lha'i mig gis mthong ngo/ /de nas 'dod chags dang bral ba'i mtshams kyi dbang gis sangs rgyas kyi spyan gyis gzigs so/ /de nas byang chub sems dpa' i mtshams kyi dbang gis shes rab kyi spyan gyis gzigs so/ /de nas yang dag par rdzogs pa'i sangs rgyas kyi mtshams kyi dbang gis ye shes kyi spyan gyis gzigs te/ lhag ma kun las rnam grol zhing zhes so/ /de ltar de bzhin gshegs pa'i sha la sogs pa'i spyan lnga po rnams ni stong pa nyid gzigs pa'i ched du gsungs te/ sems can gzhan rnams ni stong pa nyid lta ba'i yul dmus long ngo zhes pa de kho na nyid sgom pa'i nges pa'o/ /de kho na nyid ma yin pa'i sgrub par byed pa la mngon sum min na rjes su dpag pa shi ba'i lus bzhin de kho na nyid min pas brtags pa gang/ /de ni ri mo sogs la blta bya/ zhes pa ni sangs rgyas dang byang chub sems dpa' rnams kyi ri mo dang sku gzugs byas pa dang lugs ma 'am dkyil 'khor gyi 'khor lo bris nas nges pa'i rnam par blta bar bya ste/ byis pa'i rnal 'byor pa dman pa rnams kyi sgom pa'i don du'o zhes pa rnam par

  660. 329b

    rtog pa sgom pa'i shes pa'o/ /bdud rtsi lnga la sogs dang chu gter rdo rje rnams dang sngags kyi bzlas pa sogs kyis bsnyen pa ste/ /so sor sdud pa sogs dang rdo rje pad+ma las skyes bdud rtsi yis ni nyes pa'i sgrub par 'gyur/ /dga' ba la sogs rnams kyis rdo rje gsum dang chu skyes ro mnyam gyur pa sgom pa sgrub par 'gyur/ /shes rab sbyar la 'pho ba med pa'i phra mo'i rnal 'byor dag las nges par sgrub pa chen por 'gyur/ /'dir las dang po pas dang por sgrub thabs kyi cho gas bsnyen pa byas te phyi rol du bdud rtsi lnga ni bshang ba la sogs pa'o/ /sogs pa'i sgras go ku la sogs pa ste/ lha mnyes pa'i don du de rnams zos pas bsnyen pa'o/ /nang du bdud rtsi lnga ni phung po lnga rnams so/ /sogs pa'i sgras ni dbang po lnga rnams sgron ma lnga'o/ /de rnams la ltos pa med pa ni bsnyen pa ste/ lus dang rdzas la sred pa yongs su spangs pa'o/ /bsnyen pa des lha rnams mchog ster bar 'gyur gyi bshang ba la sogs pa zos pas ni ma yin no/ /chu gter rdo rje rnams kyis zhes pa lus kyi longs spyod la ltos pa med pa dang/ ngag gi longs spyod la ltos pa med pa dang/ sems kyi longs spyod la ltos pa med pa dang/ 'pho ba'i longs spyod kyi bde ba la ltos pa med pa ste lus dang ngag dang sems dang tshangs par spyod pa'i sdom pa'o zhes pa'i don to/ /'dis lha mchog sbyin par 'gyur gyi srid pa'i longs spyod la chags pas ni ma yin no zhes so/ /sngags kyi bzlas pa sogs kyis zhes pa la/ 'dir sngags kyi bzlas pa zhes bya ba ni srog sdom pa ste/ sogs pa'i sgras ni dbyung ba dang dgang ba dang bum pa can gyi rnal 'byor ni rtag tu bsnyen pa'o/ /des lha mchog ster bar 'gyur gyi srog ma bsdams pas ni ma yin no zhes pa'i nges pa'i don to/ /drang ba'i don

  661. 330a

    gyis bgrang phreng la sogs pas bzlas pa la sogs pa bya ste/ thun mong gi dngos grub kyi don du'o/ /da ni nye ba'i bsgrub pa brjod par bya ste/ so sor zhes pa la sogs pa'o/ /so sor sdud pa zhes bya ba 'dir 'khor ba pa rnams kyi sdud pa mig la sogs pa'i dbang po rnams kyis gzugs la sogs pa'i yul 'dzin pa'o/ /de yongs su spong ba ni so sor sdud par brjod par bya ste/ stong pa nyid kyi gzugs la mig la sogs pa'i gzhan rnams kyis yul 'dzin pa ni nye ba'i bsgrub pa'o/ /de bzhin du bsam gtan dang srog rtsol dang 'dzin pa ste/ rdo rje pad+ma las skyes bdud rtsi yis ni nye bar sgrub pa ste nges pa'i don gyis so/ /drang ba'i don gyis ni phyi rol tu lha spros pas so zhes pa nye ba'i sgrub pa'o/ /da ni sgrub pa gsungs pa/ dga' ba zhes pa la sogs pa ste/ 'dir dga' ba la sogs pa rnams kyis rdo rje gsum po sku dang gsung dang thugs kyi thig le rnams te/ de rnams chu skyes su ro mnyam par gyur pa sgom pa bsgrub par 'gyur te snying ka dang lte ba dang gsang bar thig le rnams gnas pa'o zhes bya ba'i don to/ /de ltar bsgrub pa po'o/ /de nas bsgrub pa chen po ni shes rab sbyar la gang gi tshe 'pho ba med pa'o bde bar 'gyur ba de'i tshe sgrub pa chen po ste/ phra mo'i rnal 'byor las ni zhes pa nges pa'i don gyis su shu ma na'i rtsa'i steng du khu ba yang dag par sbyor ba las nges pa'i don gyi bsgrub pa chen por brjod par bya'o/ /drang ba'i don gyis ni shes rab kyi chos 'byung gi sna'i rtse mor yungs kar la sogs pa'o zhes pa nges pa'o/ /de ltar sgrub pa chen por 'gyur ro/ /dang por stong nyid byang chub nges par slar yang de nas zla ba thig le yang dag 'dzin/ /de nas gzugs

  662. 330b

    rnams skyed cing rab mchog ro'i rigs rnams kyi ni yi ge 'god pa nyid/ /'di ni spyi yi bsnyen pa chu yi gter gyi rdo rje rnams kyis sgrub pa 'bring po yang/ /'dir thabs rnam bzhir 'gyur te/ dman dang brtan pa bsgrub pa'i yan lag la ni de bzhin nyid/ 'dir bskyed pa'i rim pas dang por stong nyid byang chub ces bya ba ni srog chags rnams shi ba'i mthar phung po yongs su dor zhing skye ba'i cha shas can gyi phung po 'dzin pa las bar gang yin pa stong pa nyid kyi skad cig gcig po srid pa gsum mthong ba ni stong zhes brjod par bya'o/ /nges par ni gdon mi za bar ro/ /skad cig de'i phyi nas zla ba thig le yang dag 'dzin zhes pa 'dir kun gzhi rnam par shes pas ma'i mngal du khu ba'i thig le rnams 'dzin pa ni yang dag 'dzin no/ /de 'og tu khu ba la sogs pa bzung ba de nas gzugs rnams bskyed pa zhes bya ba ni zla ba bdun pa rnams kyis mngal rdzogs pa ste/ lus rdzogs pa'o zhes pa'i don to/ /de nas rab mchog ro'i rigs rnams kyis zhes pa phung po drug po rnams kyi mig la sogs pa rnams kyi yi ge dgod pa ste/ gzugs la sogs pa'i yul la rab tu 'jug pa'o/ zhes pa'o/ /de bzhin du lha'i rnal 'byor la yang brtags pa'i bdag nyid bsgom par bya ste las dang po pas so/ /'di ni spyi'i bsnyen pa'o/ /chu'i gter gyi rdo rje rnams kyis zhes pa lus dang ngag dang sems dang ye shes kyi rdo rje rdzogs pa rnams kyis bsgrub pa 'bring po yang ste srog rdzogs pa'o/ /'dir thabs rnam bzhir 'gyur te zhes pa bsnyen pa'i yan lag dang nye ba'i sgrub pa'i yan lag la dman pa dang brtan pa'o/ /sgrub pa'i yan lag la de bzhin kho nar lo bcu drug gi mtshams su'o zhes pa nges pa'o/ /'dir dman pa ni skyes pa'i

  663. 331a

    byis pa'o/ /so skye bas 'bring po'i byis pa'o/ /so lhung nas gzhon nu'o/ /slar yang so skyes nas/ lo bcu drug gi rjes la dar ma ste bu skyed par byed pa nyid kyi phyir ro zhes pa'o/ /de bzhin du lha thams cad yan lag rnam pa bzhir rnal 'byor pas bsgom par bya'o/ /zhes pa ni 'jig rten pa'i bden pa'i nges pa'o/ /da ni don dam pa'i bden pas sangs rgyas kyi gzugs rdzogs par brjod par bya ste/ 'dir dang po stong nyid byang chub ces pa ni mun pa la cung zad kyang bsam par mi bya'o/ /de nas zla ba thig le yang dag 'dzin zhes pa ni du ba la sogs pa'i mtshan ma thig le'i mthar thug pa 'dzin pa'o/ /de nas gzugs rnams bskyed cing zhes pa dang thig le de nas sna tshogs gzugs mthong ba ni gzugs skye ba'o/ /rab mchog ro'i rigs rnams kyis zhes pa sgrib pa med pa'i phung po drug rnams kyis so/ /yi ge dgong pa zhes pa ni nyi tshe ba'i phung po dang khams dang skye mched la sogs pa rnams 'gog pa'o/ /de'i phyir sa thob pa ni dman pa la sogs pa'i dbye bas 'gyur te/ ji srid sa bcu gnyis kyi dbang phyug tu ma gyur gyi bar du'o/ /de'i phyir/ bden don rnam pa bcu gnyis ldan/ /de nyid rnam pa bcu drug rig /rnam pa nyi shus byang chub pa/ /rnam par sangs rgyas kun rig mchog ces so/ /de bzhin du/ stong bar du ba la sogs lam bla ma'i nges pa'i dbang gis gzugs brnyan mtshams su bsgom par bya/ /de nas rtsa ba'i 'khor lo rnams su srog dang thur sel rlung ni brtan pa'ang byed pa ste/ /phyi nas zla ba'i 'gog pa bza' bzhin byed de byang chub sems ni rnal 'byor pa yis so/ /de nas gang zhig cung zad 'dod pa nyin zhag 'ga' yis skye ba 'di la thob par 'gyur zhes so/ /lam gyi rgyal po 'di sgom

  664. 331b

    pa'i rim pa'i man ngag mchog gi dang po'i sangs rgyas su gsungs pa/ 'di lta ste du ba la sogs sgoms nas ni/ /sems ni g.yo ba med byas te/ /dbu ma sbyangs pa byas nas ni/ /mchog tu mi 'gyur bsgrub bar bya/ /pad+mar rdo rje rab bkod nas/ /srog gi thig ler gzhug par bya/ /'khor lor thig le'o thig le yi/ /g.yo ba rdo rjer dgag par bya/ /rtag tu rtag rengs rnal 'byor pa/ /rtag tu steng du khu bar 'gyur/ /phyag rgya che dang 'grogs pa yi/ /rdo rje 'bebs pas byin gyis brlab/ /mchog tu mi 'gyur skad cig ni/ /stong phrag nyi shu rtsa gcig dang/ /drug brgya rdzogs pas rgyal po che/ /rdo rje sems dpar rang nyid 'gyur/ /rnam pa gzhan du na/ /shes rab ma dang 'grogs mi bya/ /ji srid bcu ni ma shar bar/ /rnal 'byor pa ni phyi'i g.yeng ba/ /yongs su chad na mtshan ma rnams/ /so sor sdud pa rgyal ba'i dbang por 'gyur te rnam pa bcu'o/ /bsam gtan mi skyod pa nyid do/ /srog rtsol yang ni ral gri can no/ /slar yang rnam pa bcu'o/ /'dzin pa phyag na rin chen nyid/ /g.yung mo la ni rjes su dran pa pad+ma 'dzin 'gyur dpal ldan ting 'dzin 'khor lo can/ /re re dbye ba lnga rnams kyis te/ slar yang gang las a sogs ka sogs kyis phye ba'o/ /so sor sdud pa lus la yul dang yul can bcu rnams rab tu 'jug pa med pa'o/ /bsam gtan yang ni shes rab rtog dpyod dga' dang g.yo med bde ba sems rtse gcig pa'o/ /srog gi rtsol ba yang ni lam ni gnyis po nyams shing dbu mar srog ni zhugs par 'gyur/ /thig ler srog rab zhugs shing gnyis ka'i bgrod pa bcom pa sems rtse gcig pa 'dzin pa'o/ /gtum mo'i snang ba gang zhig nges par lus dang nam mkha' la yang 'gyur ba rjes su dran par 'gyur/ /shes

  665. 332a

    rab thabs kyi bdag nyid kyis ni 'gyur med bde ba'i dbang gis ye shes gzugs la ting nge 'dzin/ /'di rnams dman pa la sogs dbye ba rnams kyis sna tshogs gtso bo'i sgrub thabs rnam gsum 'gyur/ / phyag rgya gsum dang gnas skabs gsum ni rnam gsum bgrod pa'i dbang gis las dang kun rtog mchog /so sor sdud pas rnal 'byor pa ni yul dang rnam bral sngags rnams kun gyis byin gyis brlab/ /mngon shes lnga ni thob par/ 'gyur te mi yi bdag po bdag po sbyor bas dag pa'o/ /srog gis rtsol bas dag pa ri bong can dang/ nyi ma dang bral byang chub sems dpa' rnams kyis mchad/ /bdud dang nyon mongs la sogs nyams shing stobs bcu la ni 'jug 'gyur 'dzin pa'i stobs kyis so/ /rjes su dran pa yang dag dri med 'od kyi dkyil 'khor ye shes gzugs las so/ /de nas ting nge 'dzin gyi dag pa nyin zhag 'ga' zhig rnams kyis ye shes lus 'grub bo/ /so sor sdud pa sogs kyis gal te sngags pa sogs kyi 'dod pa grub par ma gyur na/ /nA da goms pas chu skyes su gnas rdo rje nor bu stobs kyis thig le bkag nas bsgrub/ /bsnyen pa la ni dang bo'i rnal 'byor rnam bcu mkha' la 'khor lo can gyi khro bo'i lta bas so/ / 'gegs mthar byed pa'i blta bas bdud rtsi'i lam du son pa yis kyang nye ba'i bsgrub la yan lag drug /shes pa la spros zla ba thig le rdo rje nor bur gnas pa'i 'gyur med gsum ni sgrub pa la/ /bde ba ma nyams gcig pu zhi ba lhan skyes ye shes rnal 'byor 'dir ni sgrub pa chen po la'o/ /da ni rnal 'byor yan lag drug brjod par bya ste so sor sdud pa zhes so/ /las dang po la rgyal ba'i dbang po zhes pa ye shes kyi phung po'o/ /de yang mchan ma'i dbye ba rnam pa

  666. 332b

    bcu ste/ du ba dang smig rgyu dang mkha' snang dang/ mar me dang 'bar ba dang zla ba dang nyi ma dang sgra gcan dang/ cha dang thig le mthong ba'i dbye bas ma brtags pa'i ye shes kyi phung po'o/ /bsam gtan mi bskyod pa nyid de rnam par shes pa'i phung po'o/ /rnam par du ni yul dang yul can bcu po rnams gcig nyid du sna tshogs gzugs la bsam gtan no/ /srog rtsol yang ni ral gri can zhes pa 'du byed kyi phung po ste rnam pa bcu ni g.yon dang g.yas kyi dkyil 'khor bcu rnams gcig tu 'dres bar gyur pa nyid kyi phyir ro/ /slar yang rnam pa bcu ste 'dzin pa phyag na rin chen no zhes pa tshor ba'i phung po ste srog gi 'dzin pa lte ba dang snying kha dang/ mgrin pa dang/ dpral ba dang/ gtsug tor gyi pad+ma la 'gro ba dang 'ong ba'i dbye bas rnam pa bcu'o/ / g.yung mo la ni rjes su dran pa pad+ma 'dzin par 'gyur te zhes pa 'du shes kyi phung po'o/ /g.yung mo dbu ma'i rtsa la rjes su dran par yang bcu ste 'dod pa'i gnas skabs bcu'i dbye ba las so/ /dpal ldan ting 'dzin 'khor lo can te rnam par snang mdzad do/ /ting nge 'dzin rnam pa bcu ni rlung bcu po rnams 'gog pa'i phyir ro/ /de ltar bcom ldan 'das ni mi gnas pa'i mya ngan las 'das pa ste/ gang dag gi phyir rlung rnams mi 'bab pas so zhes pa'i don to/ /da ni so sor sdud pa la sogs pa rnams kyi mtshan nyid bshad par bya ste/ /so sor zhes pa la sogs pa'o/ /'dir so sor sdud pa zhes bya ba ni lus la yul rang yul can bcu po rnams kyi 'brel pas rnam par shes pa mi 'jug pa ste/ stong pa nyid kyi yul rnams la mig la sogs pa gzhan lnga po rnams kyis rab tu 'jug pa'o/ /gzugs de nyid la shes rab ces pa lta ba dang/ rtog pa zhes pa dngos po 'dzin pa dang/ dpyod pa ces pa de'i don nges par byed pa dang/ dga' ba zhes pa gzugs la

  667. 333a

    chags pa dang/ g.yo med bde ba zhes pa gzugs dang lhan cig sems gcig tu byed pa'o/ /de ltar gzung ba dang 'dzin pa'i dbye bas bsam gtan rnam pa bcu'o/ /'dir srog gi rtsol ba zhes bya ba yang lam ni gnyis po zhes pa g.yon pa dang g.yas pa'i lam nyams pa ste 'gog cing dbu ma'i lam du 'jug pa'o/ /de yang dkyil 'khor 'gog pa las rnam pa bcu'o/ /'dir thig ler zhes pa dpral bar srog rab tu 'jug pa gnyis ka'i bgrod ba bcom pa zhes 'gro ba dang 'ong ba 'dzin pa srog dbral bar 'dzin pas sems rtse gcig pa zhes bya ba'o/ /gtum mo'i snang ba gang zhig srid pa gsum gyi nam mkha' las gyur pa de ni rjes su dran pa ste/ rnam pa bcu ni sngar gsungs zin to/ /shes rab thabs kyi bdag nyid kyis ni zhes pa shes bya dang shes pa gcig tu 'dres pa nyid kyis te/ 'gyur med bde ba'i dbang gis ye shes gzugs la ting nge 'dzin to/ /de yang srog la sogs pa rnams med pa las rnam pa bcu'o// de ltar rnal 'byor yan lag drug gi sgrub byed do/ /'di rnams dman pa la sogs dbye ba rnams kyis sna tshogs gtso bo dus kyi 'khor lo'i sgrub thabs rnam pa gsum du 'gyur/ /phyag rgya gsum dang gnas skabs gsum zhes pa ni rnam gsum bgrod pa'i dbang gis te/ 'dir byang chub kyi sems 'gyur pa'i bgrod pa ni dman pa'i gnas skabs so/ /g.yo ba'i bgrod pa ni 'bring po'o gnas skabs so/ /mi g.yo ba'i bgrod pa ni mchog gi gnas skabs so/ /'di ltar las kyi phyag rgya ni 'gyur ba'i bde ba sbyin pa mo'o/ /ye shes kyi phyag rgya ni g.yo ba'i bde ba sbyin pa mo'o/ /phyag rgya chen po ni mi g.yo ba'i bde ba sbyin pa mo'o/ /de ltar sbyor ba yan lag drug la phyag rgya gsum

  668. 333b

    bsgom par bcom ldan 'das kyis gsungs pa'i phyir rnal 'byor pas sangs rgyas nyid kyi ched du sbyor ba yan lag drug bsgom par bya'o zhes pa'o/ /da ni so sor sdud pa la sogs pa'i 'bras bu rjod par bya ste/ so sor zhes pa la sogs pa'o/ /'dir gang gi tshe rnal 'byor pa so sor sdud pa gzugs brtan par gyur pas rnam par dag par 'gyur ba de'i tshe sngags rnams kun gyis byin gyis brlab par 'gyur te/ tshig gi mchog sbyin pa la sogs pa ster bar byed do/ /mngon par shes pa lnga ni thob par 'gyur te mi'i bdag po bsam gtan sbyor bas dag pa'o zhes pa ni 'dir gang gi tshe mig mi 'dzums par gyur pa de'i tshe lha'i mig tu 'gyur ro/ /de bzhin du lha'i rna ba la sogs pa ste bsam gtan rnam par dag pa la 'gyur ro/ /srog gi rtsol bas dag pa zhes pa ni 'dir gang gi tshe rnal 'byor ba nyi ma ri bong can gyi lam dang bral te rtag tu dbu mar 'bab par gyur pa de'i tshe srog gi rtsol bas dag par gyur ba ni byang chub sems dpa' rnams kyis mchod de bsngags par byed do/ zhes pa'i don to/ /bdud dang nyon mongs la sogs nyams shing stobs bcu la ni 'jug par 'gyur te zhes pa ni stong pa nyid kyi gzugs gzung ba la 'dzin pa'i sems 'jug par 'gyur te 'dzin pa'i stobs kyis so zhes pa ni srog gi 'gro ba dang 'ong pa zad pas gcig tu 'dres par 'gyur bas so/ /rjes su dran pa legs par dag pa zhes ni gzugs la 'khyud pa'i sems kyis rnam par rtog pa thams cad dang bral ba nyid de de las gang gi tshe dag par gyur pa de'i tshe dri med 'od kyi dkyil 'khor du 'gyur ro/ /kyang gi sgra las 'od zer lnga 'phro zhing ye shes gzugs las zhes pa stong pa'i gzugs las so/ /de nas ting nge 'dzin dag pa na zhes pa

  669. 334a

    'dir gzung ba dang 'dzin pa'i sems dag gcig nyid kyis gang 'gyur ba med pa'i bde bar gyur pa'i bde ba de ni ting nge 'dzin du brjod par byas ste/ ting nge 'dzin de las dag pa dri ma med pa nyid du gyur pa ni nyin zhag nyung zad rnams kyis zhes pa phyogs gsum dang lo gsum rnams kyis ye shes lus ni grub par 'gyur zhes dbang bcu la sogs pa thob pa'i byang chub sems dpar 'gyur ro/ /de ltar so sor sdud pa la sogs pa'i nges pa'o/ /da ni stobs kyi rnal 'byor gsungs te/ 'dir gang gi tshe so sor sdud pa la sogs pa rnams kyi gzugs mthong bar gyur pa na srog ma bsdams pa nyid kyis 'gyur ba med pa'i skad cig mi skye ba de'i tshe na dgoms par 'chang par 'gyur ba'i stobs kyis srog dbu mar 'bab bar byas nas shes rab kyi chu skyes su rdo rje nor bur byang chub kyi sems kyi thig le 'gog pa las mi g.yo bas mi 'gyur pa'i skad cig bsgrub par bya'o zhes pa stobs kyis rnal 'byor ro/ /nA da goms pa ni 'di nyid du bsgrub thabs kyi le'ur bcom ldan 'das kyis gsungs te/ nus ma gang zhig lte ba'i dbus nas gzhan gyi gnas su bcu gnyis mdza' dang cha yi mthar 'gro ba/ /de ni lte bar yang dag bkag nas glog gi me dang mtshungs pa'i dbyug pa'i gzugs can langs pa las/ /'khor lo las ni 'khor lo gzhan du nges par dal zhing rol pa'i bgrod pas dbu ma'i rtsa la bskyod/ /ji srid gtsug tor bug par stobs nyid kyis ni phyi rol pags pa la ni khyab bzhin reg par byed/ /de yi dus su thur du sel ba mchog gi btsan thabs nyid kyis steng gi lam du bskul bar bya/ /zung ni rlung dag 'gags pa na ni gtsug tor phug nas pha rol grong du 'gro bar 'gyur/ /'di ltar yin la

  670. 334b

    rdo rje rab tu sad pas yul dang bcas pa mkha' la spyod pa nyid du 'gyur/ /mngon shes lnga yi rang bzhin du 'gyur slar yang 'di ni rnal 'byor pa rnams dag gi sna tshogs yum/ /da ni stong pa nyid kyi gzugs sgrub pa'i ched du lta stangs brjod par bya ste/ bsnyen pa zhes pa la sogs pa'o/ /'dir bsnyen pa zhes pa ni du ba la sogs pa'i mtshan ma sgom pa na ste/ bsnyen pa de la dang po'i rnal 'byor ni sems kyi du ba la sogs pa'i mtshan ma 'dzin pa'o/ /de yang du ba la sogs pa dang/ /lhan cig yid ches par byed pa rnam pa bcur 'gyur te des na rnam pa bcu'o/ /de ni 'khor lo can gyi zhes pa gtsug tor gyi khro bo'i lta bas zhes pa mig mi 'dzums par steng du lta bas mtshan mar 'gyur te/ mtshan mo'i rnal 'byor gyis rnam pa bzhi dang/ nyin mo'i rnal 'byor gyis rnam pa drug ste/ de la gzugs kyi mthar thug pa so sor spud pa dang bsam gtan gyis bsnyen pa yi yan lag tu 'gyur ro/ /bgegs mthar byed pa'i lta bas /zhes pa la bgegs mthar byed ni bdud rtsi 'khyil pa'o/ /de'i lta bas ni bdud rtsi'i gnas su son pa ste dpral ba'i gnas su son pa'o/ /lta stangs nges te bgegs mthar byed kyi bdud rtsi'i lam du son pas nye ba'i sgrub pa la yan lag drug go /kyang yig las srog rtsol dang 'dzin pa bya ste srog gi gzugs mthong bar gyur pa na nye ba'i sgrub pa'o/ /shes rab la spro zla ba thig le zhes pa la 'dir shes rab kyi chags pas spros pa yang 'di yin la/ zla ba thig le yang yin pa ste shes rab la spros pa'i byang chub kyi sems kyi thig le rdo rje nor bu son pa de'i yang gsang ba dang lte ba dang snying khar 'gyur med gsum du gyur pa gang yin pa de ni sgrub pa'i yan

  671. 335a

    lag la zhes pa sum sgrub pa'i yan lag la 'gyur ro/ /de ltar sgrub pa'i yan lag bya'o/ /bde ba ma nyams gcig pu zhi ba zhes bya ba la/ /'dir bde ba ma nyams pas byang chub kyi sems kyi skad cig gcig pu gang yin pa de ni zhi ba zhes brjod par bya ste/ lhan skyes ye shes rnal 'byor 'dir ni sgrub pa chen po la zhes pa sems kyi 'gyur ba med pa'i bde ba dang lhan cig gcig pa nyid do/ /zhes pa bsgrub pa chen po'i yan lag ste bzhi pa'o/ /phyag rgya sgyu ma'i rjes su mthun pa yid dang nam mkha' la ni me long la ni gzugs bzhin te/ 'jig rten gsum po snang bar byed cing dri med glog dang mtshungs pa'i 'od zer du ma 'phro bar byed/ /phyi dang lus la dbyer med yul dang rnam par bral ba snod pa tsam ste mkha' la gnas pa ni/ /sems kyi rang bzhin 'gro ba du ma'i ngo bo'i sems la 'khyud par byed do/ /de ni gcig pu'o/ /sems kyi snang ba tsam ste rang gi yid las skyes pa me long gi ni gzugs brnyan lta bu nyid/ /gang zhig mdza' dag rgyal ba'i sras dang sangs rgyas rnams kyis bsten pa rnal 'byor dbang pos bsten bya ste/ /ye shes me lce rab tu rgyas pa de ni bdud tshogs yul dang bcas pa mdza' dag sreg byed cing/ /lus la 'dod chags la sogs kyang ste rnal 'byor pa la lo yi'i sbyor bas bde mnyam ster bar byed/ /shes rab ye shes kyang ste sems dang de yi snang ba zhing ni rnam pa bcu por 'gyur/ /dbang bskur dri med ri bong can mtshungs gzugs brnyan lta bur 'di la zhugs pa gang yin pa/ /de las mya ngan 'das pa'i bde ba 'pho med lhan cig skyes pa 'gyur med nyid ni bzhi pa ste/ /sangs rgyas zhal 'di gang gi snying dang kha la gnas pa de ni dpal ldan bla ma'o/ /'dir shes rab ye

  672. 335b

    shes ni grangs bzhin du 'dzin par byed pa'i sems dang sems kyi gzung bar bya ba gang yin pa du ba la sogs pa rnam pa bcu po ste me long gi snang ba pra phab pa lta bu de nyid ni ye shes te gzung bar bya ba'i sems so zhes pa'i don te/ /de ltar me long la rang gi mig dang gzugs brnyan ni mig dang gzung bar bya ba yin pa de bzhin du shes rab dang ye shes kyang ste dbang bskur 'di la zhugs pa gang yin pa zhes pa ni 'dir 'dzin par byed pa'i sems kyi gzung bar bya ba'i sems de la rab tu zhugs pa ni phyi rol gyi yul rnams la rab tu mi 'jug pa'o/ /yan lag drug la so sor sdud dang bsam gtan dang srog rtsol dang 'dzin pa ni zhugs pa zhes brjod par bya'o/ /gang zhugs pa de las mya ngan las 'das pa'i bde ba 'pho med lhan cig skyes pa mi 'gyur nyid ni bzhi pa ste/ bde ba byis pa dang dar la bab pa dang g.yo ba rnams kyi mchog 'jig rten pa'i dpe las 'das pa 'jig rten gsum gyi spyod pa las grol pa zhes pa'i don to/ /rgod pa bdag lta ba dang 'khyud pa dang lag bcangs dang/ gnyis gnyis dang bral ba las kyi phyag rgya dang ye shes kyi phyag rgya'i rgyud dang bral ba stong pa nyid rnam pa thams cad pa so sor snang ba'o zhes pa'o/ /sangs rgyas zhal 'di ste ye shes kyi zhal slob dpon gang gi snying la gnas pa zhes pa myangs shing rang gis nyams su myong ba dang/ slob ma rnams la rtogs su gzhug pa'i ched du dus thams cad du kha la gnas par gyur pa de ni dpal ldan bla ma ste rdo rje 'dzin pa'o zhes pa'i don to/ / gzhan dbang po gnyis kyi bde ba rtogs par byed pa po rnams ni ma yin no zhes pa'o/ /nam mkhar kun nas chags pa'i sems kyis mig ni mi 'dzums rdo rje'i lam du zhugs pa yis/ /stong pa las ni du ba smig rgyu dri ma med pa'i/

  673. 336a

    mkha' snang rab gsal nyid dang mar me dang/ /'bar ba dang ni zla ba nyi ma rdo rje nyi ma rdo rje rnams dang mchog gi cha dang thig le mthong bar 'gyur/ /de yi dbus su ye shes gzugs ni yul dang rnam par bral ba longs spyod rdzogs sku du ma'o/ /da ni rang gi sems 'di'i rang gi snang ba la rab tu gzhug pa gsungs te/ nam mkha' zhes pa la sogs pa'o/ /'dir sngags kyi theg pa dang pha rol tu phyin pa'i theg pa la rnal 'byor goms pa rnams gnyis te/ /nam mkha' la dang/ bla gang med pa la'o/ /gang zhig nam mkha' la rnal 'byor goms par byed pa des mtshan mo bug pa med pa'i khang par mun pa la/ /nam mkhar kun nas chags pa'i sems dang mig mi 'dzums shing rdo rje'i lam du zhugs pa zhes pa 'dir dbu mar srog rab tu zhugs pas stong pa kha na las du ba la sogs pa'i mtshan ma mthong ste/ kun nas zhen pa'i sems dang mig mi 'dzums shing rdo rje'i lam du zhugs pa yis/ /stong pa la ni du ba smig rgyu rab gsal dri ma med pa'i mkha' snang nyid dang mar me dang/ zhes pa ni mtshan mo'i rnal 'byor gyis mthong ngo/ /de nas nam mkha' sprin med pa la lta ste/ nam mkha' de la nyin mo'i rnal 'byor gyis/ /nam mkha' las byung rang gyur ba/ /shes rab ye shes me po che/ /zhes pa 'bar ba mthong ste/ sprin med pa'i nam mkha' la'o/ /de bzhin du 'od chen rnam par snang bar byed/ /ye shes snang ba lam me ba/ /zhes pa zla ba'i snang ba'o/ /'gro ba'i mar me ni nyi ma'o/ /ye shes sgron ni rdo rje ste/ sgra gcan gzi brjid chen po'o/ /'od gsal ni glog ste/ mchog gi cha zhes pa'o/ /sngags mchog dbang po rigs sngags rgyal ni thig le'o/ /de ltar mtshan ma rnam pa bcu ste/ 'dus pa la sogs par mtshan mo'i

  674. 336b

    rnal 'byor gyis dang/ mtshan yang dag par brjod par nyin mo'i rnal 'byor gyis bcom ldan 'das kyis gsungs so/ /de nas gsang sngags rgyal po don chen byed/ ces pa rnam pa thams cad pa bum pa dang snam bu la sogs pa'i gzugs brnyan mthong ngo zhes pa'o/ /de'i dbus su ste thig le'i dbus su sangs rgyas gzugs ni yul dang rnam par bral ba ste de'i rdzas med pa'i phyir dang/ stog pa med pa'i phyir te longs spyod rdzogs pa'i sku du ma'o/ /de nas gzugs brnyan gyi rnal 'byor gyis gzhom tu med pa'i sgra gang yin pa de kha na thos te de ltar gzugs snang ba las sbrul pa'i sku dang sgra snang ba las longs spyod rdzogs pa'i sku'o zhes bya ba'i don to/ /nam mkha' chu 'dzin bral bar gyur pa rnal 'byor pa yis rengs pa'i mig gis blta bya ste/ /re khA nag po dri med 'od zer 'pho ba dus kyi rtsa la mthong gyur bar du'o/ /de la kun mkhyen gzugs ni chu la nyi ma lta bur rnyog pa med pa sna tshogs mdog /rnam pa kun ldan rang sems yul dang rnam par bral ba'o sems ni gzhan pa min pa nyid/ /'dir nyin mo'i rnal 'byor ni nam mkha' chu 'dzin bral ba rnal 'byor pa'i rengs pa'i mig gis blta bar bya ba ste/ snga dro dang phyi dro nyi ma la rgyab bstan nas so/ /rnam pa gzhan du na nyi ma'i 'od zer rnams kyis mig rab rib tu 'gyur te de yis te gnod pa las so/ /nyin mo so sor lta bar bya ste ji srid thig le'i dbus ri mo nag po skra'i tshad tsam pa dri med 'od zer 'phro ba dus kyi rtsa la ste a ba d+hU tI la mthong bar gyur gyi bar du'o/ /nang du 'dus pa kun mkhyen gzugs ni khams gsum po ma lus pa chu la nyi ma bzhin du rnyog pa med pa kha dog sna tshogs te rnam pa kun ldan rang sems yul dang bral ba rnams so/ /sems ni gzhan pa min pa nyid/ /gzhan

  675. 337a

    gyi sems ni ma yin te gzhan gyi sems shes pa med pa'i phyir ro/ /'dir dang por rang gi sems kyi snang ba de bzhin gshegs pa'i sha'i spyan gyis mthong zhing sha'i spyan dang lha'i spyan dang sangs rgyas kyi spyan dang shes rab kyi dang ye shes kyi spyan ni sgom pa'i stobs kyis 'byung bar 'gyur ro/ /de'i phyir thams cad mkhyen pas ma gzigs pa cung zad kyang med do/ /sa yi rnam par sra ba min zhing zhu ba chu lus khu ba min te gsher ba nyid min phyir me yi rnam pa me min g.yo ba rlung gi lus ni gang zhig g.yo ba min pas rlung ma yin/ /stong pa'i rnam pa yin yang lta bya dkar dang ljang dang kha dog sna tshogs chen po kha dog min/ /rnam pa thams cad yin yang blta bya min te rang snying dri ma nyon mongs bdud kyi mthu las so/ /sa ni chu la rab tu 'jug cing chu yang 'bar byed la ste/ gtsang mar byed pa rlung la'o/ /rlung ni stong pa la ste stong pa des par mtshan ma rnam pa bcu ru 'gyur zhing mtshan ma ni/ /rnams pa thams cad pa ru 'gyur te mi 'gyur mchog gi bde ba gzhom du med pa'i ye shes sku/ /ye shes lus ni rdzu 'phrul dngos grub tu 'gyur mi bdag skyes bu rnams kyi skye ba 'di nyid la'o/ /dbu mar srog ni rab gzhug nyi ma dang bcas ri bong can gyi bgrod pa g.yas dang g.yon la gcig /phyag rgya rab tu 'grogs la sems dang mchog gi bde ba la gnas rdo rje yang dag bslang ba yang/ /pad+mar rdo rje'i sgra 'am rang gi lag pa chu las skyes pas gsor pa bde ba'i rgyu ru ste/ /sa bon gtong ba min pa'i bde ba de ni 'chi ba'i 'jigs 'phrog 'di ni dpal ldan bla ma'i zhal/ /phyag rgya chen po'i man ngag 'di ni mchog gi dang po'i sangs rgyas kyis kyang rab tu gsungs pa 'di lta ste/ /

  676. 337b

    'di nyid kyi ni sgrub byed bya/ /snang bsnyan bsams pa ma yin pa/ /du sogs mtshan ma de rnams kyis/ /shes rab gzugs brnyan nam mkha' mnyam/ /yod dang med las rnam par 'das/ /rang gi sems kyi yid ches don/ /rdul phran las skyes tshogs pa rnams/ /kun nas yongs su dor ba yis/ /du ba smig rgyu mkha' snang dang/ /sgron ma 'bar ba zla nyi dang/ /mun can cha dang thig le che/ /sna tshogs gzugs brnyan 'od gsal ba/ /btsums shing ma btsums mig dag gis/ /stong par gang zhig rjes brtags min/ /rmi lam bzhin du gzugs mthong 'gyur/ /gzugs de rtag tu bsgom par bya/ /dngos med gzugs la sgom pa de/ /rnal 'byor pa yis sgom ma yin/ /dngos po dngos med sems kyis min/ /gzugs la ma brtags mthong phyir ro/ /ji ltar pra phab gzhon nu mas/ /me long la mthong dngos skyes min/ /de bzhin 'das dang ma 'ongs chos/ /mkha' la de nyid rnal 'byor pas/ /de'i dngos po dngos med 'gyur/ /dngos po stong pa'i don mthong phyir/ /dngos las dngos med don yod pa/ /sgyu ma rmi lam mig 'phrul bzhin/ /med pa'i chos can la ni chos/ /skye ba 'di ni rab tu mthong/ /yid bzhin nor lhar mdza' yas pa'i/ / sems can re ba yongs skor byed/ /pra phab pa'i gzhon nu mas/ /ma mthong ba yi rkun mo mthong/ /nyi tshe ba yi mig dag gis/ /song nas sgrub pa po yis mthong/ /gal te yod pa'i gzugs mthong na/ /rang gi gdong pa cis mi mthong/ /gal te med pa'i gzugs mthong na/ /ri bong rwa ni cis mi mthong/ /gzhan gyi mig gi mi mthong zhing/ /rang gi mig gi sa mthong min pa/ /skye ba med pa mthong ba ni/ /gzhon nu ma'i bu ji bzhin/ /

  677. 338a

    slar yang gang gis sangs rgyas nyid/ /'grub pa'i thabs de brjod par bya ste/ /rnal 'byor pa nyid ces pa la sogs pa'o/ /'dir rnal 'byor pa rnam pa gnyis te/ 'jig rten pa dang/ 'jig rten las 'das pa'o/ /de las 'jig rten las 'das pa'i rnal 'byor pa ni sangs rgyas nyid do/ /de'i khyad par ni bsod nams mchog ste/ bsod nams kyi tshogs yongs su rdzogs pa nyid kyi phyir ro/ /thabs 'dis rnal 'byor pa rnams kyi sangs rgyas nyid 'grub par 'gyur ro zhes pa lung gi brjod pa'o/ /thabs 'di ni rnal 'byor yan lag drug ste gcig gi bar bcad pa'i yan lag re dor nas dbus ma rim pa ma yin pas gsungs so/ /ma brjod pa yan lag snga ma de nyid ni snga ma dang phyi ma brjod pa'i yan lag gi shugs nyid las rtogs par bya ste/ dper na 'di nyin mor byed pa'o zhes brjod pa na gzhan mtshan mor byed pa zhes ma brjod kyang shugs nyid las nye bar thob pa bzhin no/ /de ltar phan tshun ltos pa'i chos ni ma brjod pa'i chos las 'thob bo/ /de'i phyir rgyud 'dir re res bar bcad pa'i yan lag phyi ma gsum bstan te/ dbus su gsungs pa'i yan lag snga mar bya ba ni 'dir bla ma'i gdams ngag las so zhes rig par bya ste/ thams cad du de yis rtogs par bya'o/ /yang na byang chub sems dpas mdzad pa'i rgya cher 'grel gyis te/ rnam pa gzhan du mkhas pa nyid kyi mngon pa'i nga rgyal du gyur pa rnams kyis byas pa'i 'grel pas ni ma yin no zhes pa'o/ /de'i phyir 'dir yan lag gsum bsam gtan dang zhes pa la sogs pa des rtogs par bya'o/ /rgyud gzhan du gsungs pa'i yan lag drug po rnams kyis 'dir yang mdor byas pa'i don yan lag gsum gyis rtogs par bya'o/ /'dir

  678. 338b

    'dus pa phyi mar bcom ldan 'das kyis gsungs pa/ so sor sdud dang bsam gtan dang/ /de bzhin srog rtsol 'dzin pa dang/ rjes su dran dang ting 'dzin te/ /rnal 'byor yan lag drug tu 'dod/ /ces so/ /de'i phyir bsam gtan gyi sngon du so sor sdud pa rig par bya'o/ /sngags bzlas pa'i sngon du srog rtsol rig par bya'o/ /'dir sngags bzlas pa'i sgras ma ning gi bzlas pa 'am/ rdo rje'i bzlas pa ste srog 'dzin pa brjod bya'o/ /bde ba'i sngon du rjes su dran pa rig par bya ste 'dir bde ba'i sgras ting nge 'dzin brjod par bya'o/ /de ltar yan lag drug po 'di rnams kyis rnal 'byor pa sangs rgyas nyid du 'grub par 'gyur ro/ /thun mong gis phyi rol gyi rnal 'byor pa nyid 'jig rten pa 'grub bo/ /las dang po pa byis pa'i rnal 'byor pa rnams kyis ni sngags bzlas pas te so sor sdud pa'i ming can gyis dang bsam gtan gyis te dkyil 'khor gyi 'khor lo la sogs pa sgom pa'i sems dang bde ba yis te/ las kyi phyag rgya dang ye shes kyi phyag rgya 'gyur ba dang g.yo ba'i bde bas 'jig rten pa'i bde bas 'og min gyi srid pa'i mthar thug pa zhes pa'o/ /de ltar rim pa gnyis kyis 'jig rten pa dang 'jig rten las 'das pa'i rnal 'byor pa nyid 'grub bo/ /'dir 'jig rten las 'das pa'i rnal 'byor pa nyid yan lag drug gi rnal 'byor gyis 'grub par 'gyur ji ltar de ltar brjod par bya'o/ /'dir so sor sdud pa zhes bya ba ni phyi rol gyi gzugs la sogs pa'i yul rnams la mig la sogs pa'i dbang po rnams kyis mig gi rnam par shes pa la sogs pa rnams mi 'jug par nang gi yul rnams la lha'i mig la sogs pa'i dbang po rnams kyis lha'i mig gi rnam par shes pa la sogs pa rnams 'jug pa ste/ nang du stong pa nyid la dmigs pas ni dngos po thams cad stong pa la mthong ba ma brtags pa pra phab pas

  679. 339a

    me long la gzhon nu mas mthong ba lta bur 'gyur ro zhes pa so sor sdud pa'i yan lag tu brjod de/ khams gsum pa'i sangs rgyas kyi gzugs brnyan mthong ba'i phyir ro/ /de nas bsam gtan zhes bya ba ni stong pa'i chos thams cad mthong bar 'gyur ba la shes rab ces bya ba 'di rnams la sems 'jug pa dang/ rtog pa zhes bya ba sems kyi dngos po 'dzin pa dang dpyod pa zhes bya ba dngos po rtogs pa dang/ dga' ba zhes bya ba dngos po thams cad la sems gnas pa dang/ g.yo med bde ba zhes bya ba dngos po thams cad la sems gnas pa dang/ g.yo med bde ba zhes bya ba dngos po thams cad las bde ba kun phun sum tshogs pa ste/ de ltar lnga ni bsam gtan gyi yan lag tu brjod do/ de nas srog rtsol

  680. 339b

    zhes bya ba la la nA dang ra sa nA g.yon dang g.yas pa'i lam 'gags pas dbu ma a ba d+hU tI'i lam du srog gi rlung rtag tu 'dug pa ste/ dgang ba dang bum pa can dang dbyung ba'i sbyor bas a ba d+hU tI ru oM yig gis 'jug pa dang/ hUM yig gis 'gog pa dang/ a yig gis dbyung ba za ba dang/ sgra gcan dang/ nyi ma'i rang bzhin gyis rnal 'byor pas byed do zhes pa'o/ /de nas 'dzin pa zhes bya ba srog dbang chen dang chu dang me dang rlung gi dkyil 'khor la lte ba dang/ snying kha dang/ mgrin pa dang/ dbral bar zhugs pa phyi rol tu 'gro ba med par thig le la srog 'jug pa zhes bya ba 'dzin pa'i yan lag tu brjod par bya'o/ /de nas rjes su dran pa zhes bya ba ni rang gi 'dod pa'i lta mthong ba gzugs brnyan gyi rnam pa can rnam par rtog pa dang bral ba'o/ /de la 'od zer du ma 'phro ba'i ngo bo dang dkyil 'khor te/ de las rnam pa du ma'i 'od zer 'phro ba'i nga bo can khams gsum pa spro ba'o/ /zhes pa rjes su

  681. 340a

    dran pa'i yan lag du brjod par bya'o/ /de nas ting nge 'dzin zhes bya ba ni 'dod pa'i lha la rjes su chags pa las gang 'gyur ba med pa'i bde ba thob pa ste/ de la sems rtse gcig tu byed pa gzung ba dang 'dzin pa dang bral ba'i sems ni ting nge 'dzin gyi yan lag du de bzhin gshegs pa rnams kyis gsungs so/ /'dir yan lag drug gi rnal 'byor mdor sdus pas gsungs pa ste/ rgyas par mngon par brjod pa 'bum pa 'am mchog gi dang po'i sangs rgyas su bla ma dam pa'i man ngag gis rnal 'byor pas phyag rgya chen po'i dngos grub kyi ched du rtogs par bya'o/ /'dir yan lag drug gi dang po'i lam sgom pa'i man ngag rgyud gzhan rnams su yang gsungs te/ 'dir dpal 'dus pa phyi mar bsnyen pa dang/ sgrub pa dang nye ba'i sgrub pa dang/ sgrub pa chen po zhes pa ste/ bsnyen pa'i dus su gtsug tor che'i/ /gzugs brnyan 'bad pas rnam bsgom bya/ /nye bar bsgrub pa'i dus su ni/ /bdud rtsi 'khyil pa'i gzugs brnyan no/ /rnal 'byor brtson pas sgrub pa la/ /lha'i gzugs brnyan bsgom bya ste/ /sgrub pa chen po'i dus su ni/ /sangs rgyas khyab bdag gzugs brnyan no zhes so/ /de la dgongs pa'i skad cig gzhan gyis gtsug tor chen po'i gzugs brnyan ni khams gsum pa ma lus pa nam mkha' chos 'byung la thugs rdo rje rab tu gzhag nas bsnyen pa'i dus su ste/ thog ma'i dus su so sor bsdud pa bsgom par bya zhing bsam gtan gyi yan lag gis brtan par bya'o/ /'dir bcom ldan 'das kyis dam bca' ba ni/ /bsam pa thams cad yongs spangs te/ /nyi ma gcig ni yongs brtag bya/ /gal te yid ches med pa na/ /de tshe nga yi brdzun tshig yin/ zhes so/ /

  682. 340b

    'dir yid ches byed ni du ba la sogs pa'i mtshan ma ste/ gzhan sngags la sogs pa'i nyi ma gcig gis sgrub par bya ba ni ma yin te/ gang gis sngags pa rnams kyis yid ches pa 'byung bar 'gyur ba'o/ /des na yod pa dang med pa'i blo yongs su spangs te rten med par byas nas zab mo stong pa la dmigs pa med par sgom par bya ste/ yid ches byed du 'gyur ro/ /yid ches byed du de yang du ba la sogs pa rnal 'byor pas bsgom par bya'o zhes pa de bzhin gshegs pa'i nges pa'o/ /de bzhin du byed pa bcing ba'i sbyor ba yis/ /sa gsum po ni bsgrub par bya zhes byed pa mig la sogs pa rnams kyis sa gsum sangs rgyas kyi gzugs brnyan du bsgrub par bya ste/ de'i man ngag ni bla ma'i zhal las rtogs par bya'o/ /de la bla ma'i man ngag ces bya ba ni nam mkha' la rnal 'byor bas dang por du ba mthong ste smig rgyu ni ma yin zhes pa rang gis nyams su myong ba shes par bya bar 'gyur ro/ /phyi nas smig rgyu ste du ba la sogs pa ni rtog pa dang bral ba pra phab pa lta bu zhes pa'o/ /de ltar thog mar du ba'i mtshan ma'o/ /smig rgyu ni mtshan ma gnyis pa'o/ /mtshan ma gsum pa ni mkha' snang ngo/ /mar me ni mtshan ma bzhi pa'o/ /sprin med pa'i nam mkha' ni mtshan ma lnga pa'o/ /zhes 'dus pa phyi ma dang mkha' 'gro ma rdo rje gur tu yang bcom ldan 'das kyis gsungs so/ /de las steng du bcom ldan 'das kyis gsungs pa/ de ni thams cad mkhyen pa'i rgyu/ /dngos grub nye bar 'jug byed pa/ /phyi nas sgyu ma'i rnam pa ste/ / rmi lam rnam pa skad cig las/ /zhes pa la sogs pa'o/ /de'i phyir bcom ldan 'das kyi gsungs las du ba la sogs pa'i mtshan ma ni dang por bsgom pa'i yid ches byed du 'gyur ro/ /kha cig grub pa'i dus so zhes smra bar

  683. 341a

    'gyur pa de rnams thams cad de bzhin gshegs pa'i dam bca' ba 'jig par byed pa ste/ bsam pa thams cad yongs spangs nas/ /nyin zhag gcig ni yongs su brtag /yid ches byed ces pa'i bcom ldan 'das kyi gsung la tho 'tsham pa'o/ /de grub pa'i dus su 'jig rten pa'i du ba la sogs pa gang sgyu ma dang rmi lam lta bu de ni mtshan mar mi 'gyur te/ dngos su du ba dang 'bar ba la sogs pas sreg pa'i bya ba nus pa'i phyir ro/ /de bzhin du gur gum dang me tog dang rin po che dang gser la sogs pa'i tshar ba yang ngo/ /de'i phyir yan lag drug gi rnal 'byor las du ba la sogs par 'gyur ro/ /zhes mkha' 'gro ma rdo rje gur du bcom ldan 'das kyis gsungs pa/ yan lag drug sgom de las ni/ /slar yang rang byin brlab ba ste/ /byin brlabs rnam pa'i rim pa yis/ /phyi nas mtshan ma mtshan par bya zhes pa'o/ /'dir rang byin gyis brlab pa'i rim pa zhes bya ba ni so sor sdud pas kun rdzob kyi bden pa mthong ba'o/ /mtshan ma zhes bya ba ni sprin dang du ba la sogs pa dang 'dra bar snang ba ste/ /de yang sgron ma'i mthar thug pa thog mar mthong ngo/ /der sprin med pa'i nam mkha' dri ma med pa'o/ /rgyud rnams su gzhan 'bar ba la sogs pa'i thig le'i mi thar thug pa ste/ sgyu 'phrul dra ba'i ting nge 'dzin gyi le'u bcom ldan 'das kyis gsungs pa 'di lta ste/ nam mkha' las byung rang byung ba/ /shes rab ye shes me po che/ /'od chen rnam par snang bar byed/ /ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba/ /rig pa'i rgyal mchog sngags dbang po/ /gsang sngags rgyal po don chen byed/ /ces tshigs su bcad pa gnyis kyis mtshan ma yang bcom ldan 'das

  684. 341b

    kyis dgongs pa'i skad gzhan gyis gsungs so/ /sngar brjod pa'i sprin med pa'i nam mkha' la snang brnyan gang yin pa de ni nam mkha' las byung rang byung ba'o/ /shes rab ye shes me po che ste/ /rnam par rtog pa thams cad dang bral ba'i sems nyid kyi phyir ro zhes pa'o/ /des na shes rab ye shes me zhes pa ni 'bar ba ltar snang ba'o/ /'od chen rnam par snang bar byed ces/ /zla ba ltar snang ba'o/ /de kho na ye shes snang ba lam me ba/ zhes pa'o/ /'gro ba'i mar me zhes pa nyi ma ltar snang ba'o/ /ye shes sgron zhes pa sgra gcan ltar snang ba'o/ /gzi brjid chen po 'od gsal ba zhes glog ltar snang ba'o/ /rig pa'i rgyal mchog sngags dbang po zhes pa thig le snang ba ste/ kha dog sngon po zla ba'i dkyil 'khor gyi rnam pa can no/ /gsang sngags rgyal po don chen byed ces khams gsum pa'i dngos po rnam pa thams cad pa ltar snang ba sgyu ma dang/ rmi lam dang/ mig yor dang mtshungs pa rnam pas so sor sdud pas mthong ngo/ /mig gi dbang po'i byed pas dang/ /de nas srog rtsol bcing ba ste byed pa 'di rnams kyis dang bcing ba'i sbyor bas sa gsum po 'dod pa dang/ gzugs dang/ gzugs med pa'i mtshan nyid can brten pa dang/ g.yo ba'i rang bzhin gyis bdag nyid bsgrub par bya zhes pa'o/ /de bzhin du mkha' 'gro ma rdo rje gur bu bcom ldan 'das kyis gsungs pa/ 'jig rten khams ni thams cad du/ /ji srid rdo rje'i lus dang ldan/ /khams gsum rgyu dang mi rgyu ba/ /ma lus lus pa med par 'grub/ /ces te yan lag drug gi rnal 'byor bsgom bas so zhes pa bcom ldan 'das kyis nges pa'o/ /de bzhin du dpal 'dus par bcom ldan 'das kyis gsungs pa/ dngos po med la sgom pa med/ /sgom pa sgom pa nyid ma yin/ /de ltar dngos po dngos med

  685. 342a

    'gyur/ /sgom pa dmigs su med pa'o zhes so 'dir dngos po med pa sprin med pa'i nam mkha' la sgom pa ni so sor sdud pa ste de kho na dngos po med pa la bsgom pa med ces so/ /sgom pa sgom pa nyid ma yin zhes pa 'dir so sor sdud pa sgom pa'i dngos po med pa sprin pad+ma'i nam mkha' la gang bsgom pa de ni bsgom pa sgom pa nyid ma yin par 'gyur te/ rnam par rtog pa bsgom pa dang bral ba nyid kyi phyir ro/ /de ltar dngos po gang zhig so sor sdud pas mthong ba de ni dngos po dngos min 'gyur te/ rnam par mi brtag pa 'das pa dang ma 'ongs pa dang da ltar byung ba'i dngos po mthong ba'i phyir ro/ /zhes pa'o/ /de'i phyir so sor sdud pa sgom pa la rnam par rtog pa'i sgom pa dmigs par mi 'gyur ro zhes pa bcom ldan 'das kyis gsungs so/ /bsgom pa 'di ni bcom ldan 'das kyis shes rab kyi pha rol tu phyin par yang gsungs pa 'di lta ste/ de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor gang zhig shes rab kyi pha rol tu phyin pa la rnal 'byor du byed pa de ci ltar rnal 'byor du byed pa yin/ rab 'byor gyis smras pa/ kau shi ka gang shes rab kyi pha rol tu phyin pa la rnal 'byor du byed pa de ni nam mkha' la rnal 'byor du byed pa'o/ /kau shi ka bla gab med pa la rnal 'byor du byed par sems pa de ni gang shes rab kyi pha rol tu phyin pa la bslab par bya bar sems pa'o zhes sprin med pa'i nam mkha' la phyag rgya chen po bsgom pa pra phab pa dang mtshungs pa bcom ldan 'das kyis gsungs so/ /de ltar so sor sdud pa dang bsam gtan gyis bsnyen pa'i yan lag brjod do/ /de nas bdud rtsi 'khyil ba'i gzugs brnyan gyi ming gis dgongs pa'i skad gzhan gyis rlung gsungs so/ /

  686. 342b

    de yang rnam pa lnga ste/ de skad du 'dus pa phyi mar bcom ldan 'das kyis gsungs pa/ rin chen lnga'i rang bzhin dbugs/ /sangs rgyas lnga yis byin brlabs pa/ /gong bu'i gzugs kyis phyung nas ni/ /sna yi rtse mor rnam bsgom bya/ /zhes so/ / 'dir rin chen lnga'i sgra yis ras nA'i dkyil 'khor lnga yis chos can sa la sogs pa'i khams rnams so/ /de'i rang bzhin gyi dbugs ni rin chen lnga zhes pa ste sna'i bu ga g.yas su'o/ /de bzhin du sangs rgyas lnga ni la la nA'i dkyil 'khor lnga'i chos can rnam par shes pa la sogs pa'i phung po lnga rnams te/ de rnams kyis byin gyis rlabs pa'i dbugs ni sna bug g.yon par ro/ /zhes pa'o/ /gong bu'i gzugs kyis phyung nas ni zhes pa la 'dir gong bu ni 'dir g.yas pa dang/ gcig shos kyi dkyil 'khor rnams kyi srog gi rlung dbu ma a ba d+hu tIr gcig pa nyid de zhes pa'o/ /srog gi rlung de yang/ /gong bu'i gzugs kyis byung nas ni/ /sna'i rtse mor rnam bsgom bya/ /'dir sna'i sgras ni lte ba dang/ /snying kha dang/ mgrin pa dang/ dpral ba dang/ gtsug tor gyi pad+ma'i the 'bru brjod de de'i rtse mor mo/ /rnam bsgom bya ni lte ba dang lte ba'i dbus su ste pad+ma'i 'dab ma lu ni ma yin no/ /de ltar thig le'i gnas su gong bu'i gzugs kyis srog 'gog pa de nyid kyis de'i 'dzin par brjod do/ /de ltar yan lag gnyis kyis nye ba'i sgrub pa ste/ bdud rtsi 'khyil pa'i gzugs brnyan gyis zhes pa'o/ /nye ba'i bsgrub pa de nyid rdo rje'i bzlas pa zhes pa rjod par bya ste dbum dbyer med pa'i yan lag gis bzlas par bya'o zhes pa srog g.yon pa dang g.yas pa'i rtsa la rgyu ba med pas so/ /gtsug tor gzugs brnyan mthong bas na/ /phyi nas sngags pas srog rtsol bya/ /bla ma'i man ngag dang dgongs pa'i skad kyis rtogs par bya'o/ zhes pa

  687. 343a

    srog rtsol ba dang 'dzin pa ste nye ba'i bsgrub pa brjod do/ /de nas bsgrub pa la ni lha'i gzugs zhes pa 'dir 'dzin pa'i stobs kyis lte bar gnas pa'i gtum mo 'bar ba rnal 'byor pas mthong ste/ sgrib pa thams cad dang bral ba pra phab pa lta bu phyag rgya chen mo 'od zer gyi sprin mdza' yas pa spro bar byed pa 'od zer gyi dkyil 'khor du rnam par gsal ba ni rjes su dran pa ste sgrub par brjod do/ /'dzin pa'i mthar gtum mo'i rnal 'byor bsgom par bya'o/ zhes pa nges pa'o/ /der de'i ltar ye shes kyi me lces phung po dang khams la sogs pa rnams bsregs pa gcig tu 'dres par gyur te/ g.yon pa dang g.yas pa'i rtsar son pa rnam par shes pa la sogs pa rang sa la sogs pa'i dkyil 'khor gyi rang bzhin rnams dpral bar zla ba'i dkyil 'khor la rab tu zhugs pa rnams so/ /de nas gtum mo'i ye shes kyi me lces zla ba zhu bar gyur pa na de byang chub kyi sems thig le'i gzugs kyis 'og tu song ba ni mgrin pa dang/ snying kha dang/ lte ba dang/ gsang ba'i pad+mar dga' ba dang/ mchog dga' dang khyad dga' i dga' ba'i rang bzhin dang/ de nas rdo rje nor bu ji srid pa'i bar du lhan cig skyes pa'i dga' ba'i rang bzhin gyis so zhes pa'o// yang rnam pa sna tshogs pa dang/ rnam par smin pa dang/ rnam par nyid pa dang/ mtshan nyid dang bral ba'i rang bzhin gyis zhes so/ /de ltar cha bcu drug gang ba nor bu'i nang ji srid par son pa gang gi tshe bsgoms pa'i stobs kyis bde ba 'bral te/ 'jig pa'i bde ba dang 'dra ba'o zhes pa ni dpe tsam ste rang gi ngo bos ni dbang po gnyis las skyes pa'i bde bas mchog tu mi 'gyur ba'i gnas skabs kyi lhan cig skyes pa'i dga' ba'i ngo bo can gyi bye ba stong gi char yang mi

  688. 343b

    'phod do/ /gnas skabs de ni byis pa'i rnal 'byor pas ci yang rnam par shes par bya ba ma yin pa'o/ /byang chub sems dpa' rnams kyi stong nyid byang chub ces brjod de/ 'jig rten la grags pa'i med pa nyid kyi rjes su 'gro ba ni ma yin no/ /de ltar yan lag drug gi rnal 'byor gyi sngags bzlas pa dang bsam gtan dang bde ba yis rnal 'byor pa rnams sangs rgyas nyid du 'grub par 'gyur te/ bsod nams mchog dag byed sdig pa 'jig byed pa/ /skye ba 'di nyid la zhes pa sgrub pa po'i nges pa bcom ldan 'das kyis gsungs so/ /slar yang de nyid du 'dir rnam pa thams cad rnam pa med ni rgyu ste/ so sor sdud pas gang zhig mthong ba'i dngos po bum pa dang snam bu la sogs pa dang pra phab pa dang mtshungs pa so sor snang ba las rnam pa thams cad pa rtog pa dang dral zhing ma 'khrul pa'i mngon sum gyis mthong ba'i phyir zhes pa'o/ /rnam pa med ni rdul phra rab kyi chos nyid las ma 'das pa ste rtog pa dang bral ba nyid kyi phyir ro/ /btsums shing ma btsums pa'i mig gis rtogs par bya ba gang yin pa de'i phyir gzugs ma yin/ gzugs las gzhan pa yang ma yin/ mig gis dang mig med par rtogs par bya ba yang ma yin no/ /de ltar rnam pa thams cad rnam pa med pa ni rgyu ste/ shes rab kyi pha rol tu phyin pa chen po stong pa nyid rnam pa thams cad mchog dang ldan pa'o zhes pa la sogs pa'o/ /don 'di nyid dpal kye'i rdo rje'i bshad par byang chub sems dpa' chen po dpal rdo rje snying po zhabs kyis gsungs pa/ 'di lta ste/ sngar bshad pa'i shes rab dang thabs dag gi don dam pa'i bsgom pa brjod par bya ste/ dngos po sgom bya zhes pa la sogs pa'o/ /'dir nam mkha' la dngos po bsgom bya ni rmi lam lta bu ste/

  689. 344a

    rdul phra rab kyi chos nyid las 'das pa'o/ /de yongs shes pa dngos po med pa bsgom par bya ste/ rnam par rtog pa dang bral ba'i sems kyis snang brnyan mthong ba'o/ /rtog pa dang bral zhing ma 'khrul pa'i mngon sum zhes brjod par bya'o/ /zhes pa la sogs pa'o/ /de bzhin du rgyud phyi mar sa bcu'i dbang phyug 'jam dpal zhabs kyis gsungs pa/ stobs bcu'i stobs dang ldan pas so sor sdud sogs drug po rnams kyis stong pa nyid ni sgom pa gsungs mtshan mo'i du ba la sogs rnal 'byor slar yang nyin mo mkha' la 'bar ba la sogs rnams kyang ngo/ /so sor sdud pas rnal 'byor pa ni nam mkha' i mthil du son pa dus gsum gzugs rnams mthong bar byed/ de la bsam gtan gyi sems brtan par yang ni byed de/ phyi rol dngos po rnams ni rnam par spong/ /srog gi rtsol bas ri bong can dang nyi ma dang bral mun pa can du srog rlung 'bab par 'gyur/ /slar yang 'byung ba dang ni 'jug pas dman par byed de 'dzin pa'i yan lag gis ni thig ler ro/ /rjes su dran pas mkha' la ri bong can gzhin rang gi gzugs las 'od zer chen por rgyu/ /ting nge 'dzin gyis khu ba rdo rje las ni mgo bor bgrod byed dri med bde bas rab gang ba'o/ /nam mkha' i lta bas gti mug mdza' nyid du ni byed par 'gyur te stong pa nyid ni mthong bas so/ /nang gi lta bas 'dod chags mdza' nyid du ni byed par 'gyur te srog gi rlung ni 'gags pa na'o/ /lus med lta bas zhe sdang mdza' nyid du ni byed par 'gyur te khu ba dri med bde ba las/ /srog gi lta bas nga rgyal mdza' nyid du ni byed par 'gyur te gzhom med tshangs pa'i dbyangs las so/ /srog dang rtsol ba 'gags na sangs rgyas gzugs las dri ma dang bral dkyil 'khor dam par

  690. 344b

    'gyur/ /gsang ba lte ba snying kha'i chu skyes mgrin pa mgo bo gtsug tu sa zung rim pas so/ /khu ba steng du son dang 'og tuAng rdul gyis gzhom du med pa'i dbyangs las ni/ /sku gsung thugs kyi rdo rje dri ma dang rnam bral gang gis sangs rgyas ston pa po/ /khyi la sogs pa'i sha yi mig ste rang bzhin yon tan dbang las lha la sogs pa'i lha yi mig rang sangs rgyas dang nyan thos rnams kyi mi yi snying la son pa sangs rgyas spyan ni gsum pa'o/ /byang chub sems dpa' rnams kyi dri ma dang bral dag pa'i shes rab spyan ni bzhi par rab tu 'gyur/ /sangs rgyas rnams kyis thams cad gzigs shing dri ma gsum dang rnam bral ye shes spyan ni lnga pa'o/ /'dzag med dga' ba khu ba rdo rje yang ste de 'dzin pa las nges par rdo rje 'dzin pa'o/ /sa bon lus kyi thig le yab/ ? lta ba'i 'khor lo'i bde ba gang zhig dzin dzig ces so/ /de nas mtshon bya mtshon par byed pa snying khar mchog gi bde ba mgon po A ro li ka nyid do/ /de ni rig bya rig byed gang gis mgrin par g.yo med bde ba 'dzin pa de yang rang na d+h+rik /gang gis spyi bo'i rgyud du khu ba dri med pa'i bde ba 'dzin pa 'di ni pra dz+nyA d+h+rik /gtsug tor tshangs pa'i bu gar 'gyur ba med pa mchog gi bde ba dga' ba bcu drug gang ba ni/ /gang zhig shes rab rang bzhin med pa mchog gi ri bong can cha bcu drug pa ste nya yi mthar/ /gang gi rig ma dga' ba de ni rdo rje dang bcas mgo bor drug pa rdo rje sems dpa' o/ zla ba nyi ma'i rgyu ba nyams shing lam ni gnyi ka yi yang srog gi rlung ni rtag 'gags la/ /chu skyes rdo rjer rab tu sad cing ri bong can zhu nyi ma'i gzugs chen la ni rab tu zhugs/ /dngos dang dngos med gcig gyur rnam gsum 'jigs pa spong zhing gzhom med legs par rab tu rtogs pa na/ /de yi dus na rnal 'byor pa de gang la gnyis ni cung zad yod pa mchog gi

  691. 345a

    go 'phang 'gro/ /srog dang thur sel 'gags par gyur na ri bong 'dzin pa skyod pa nyi ma'i gzugs la rab tu 'gro/ /rdo rje pad+mar rab tu sad na slar yang 'di ni nyi ma'i gzugs kyi me lces zhu bar byed/ rlung dang zla ba nyi ma 'gags par gyur na rnam par shes pa dang ni ye shes gcig tu 'gyur/ /de ltar e waM dang ni de bzhin de ltar rnam gsum du 'gyur gzhan ni cung zad yod ma yin/ /'khor lo srid gsum kun nas dang ba zhes pa'o 'di bde ba rin chen chags pa nyid/ /padmo'i nyon mongs zad pa ral gri rdo rje ye shes sku ni chen po mi phyed pa'o/ /mi shes gcod pa gri gug mchog gi rigs drug rnams te 'di rnams kyis ni bskyod pa gang/ /phung po khams dang dbang po sogs rnams mkha' bzhin ro mnyam de yang de bzhin rig par bya/ /gang du nges par rigs kyi gzugs ni mnyam pa nyid gyur de ni chen po'i gzugs su gsungs/ /gang du 'khor ba'i sdug bsngal nyams pa nyid du gyur pa de ni tshor pa chen por gsungs/ /gang du 'khor ba'i 'du shes mthar byed nyid gyur de ni rdo rje'i 'du shes chen po'o/ /gang du 'khor ba 'phel ba nyams pa nyid gyur de ni rdo rje 'du byed kho na'o/ /gang du gnyid la sogs pa'i gnas skabs nyams pa nyid gyur de yang rnam par shes par gsungs// gang du mi shes dngos po nyams pa nyid du gyur pa de ni thub pa'i ye shes nyid/ /'di rnams rnam par snang mdzad la sogs dam pa'i rgyal ba mchog rnam drug ste rigs drug rnams/ /gzhan ni khams drug dbye ba rnams te sa dang me dang chu rlung nam mkha' zhi ba rnams/ /gang du gti mug mdza' dag mthar byas nyid gyur spyan ma yin te de ni 'dzin ma'o/ /gang du nga rgyal mdza' dag nyams pa nyid gyur mA ma kI ste de ni chu nyid do/ /gang du 'dod chags mdza'

  692. 345b

    dag nyams pa nyid gyur gos dkar mo ste de ni me ru 'gyur/ /gang du phrag dog mdza' dag nyams pa nyid gyur de ni sgron ma'o de ni rlung yang ngo/ /gang du zhe sdang mdza' dag nyams pa nyid gyur rdo rje dbyings kyi dbang phyug ma ste mkha' / /gang du ser sna thams cad nyams pa nyid gyur de ni sna tshogs yum ste de ni 'gyur med do/ /mthong ngam ma mthong gzugs ni yid kyi nam mkha' la yang lta bar byed pa gang de mig /ring nas sgra ni rab tu gsal ba bzhin du thos 'di rgyal ba'i rna ba chen po'o/ /mchog gi bde ba byed pa'i dri kun 'dzin pa de ni khyab bdag gi yang sna bzang po/ /rang gi zla ba bdud rtsi bde ba ster ba'ang rtag tu myang bar byed pa gang de lce/ /rdo rje'i reg bya kun nas 'dzin pa gang de rtag tu rdo rje lus kyi dbang po ste/ /shes rab thabs dang rab tu 'grogs las yid ni mnyam la 'jug gang de ni 'di yi chos/ /dbye ba drug gis phye ba'i yul dang yul can 'di rnams byang chub sems dpa' btsun mor bcas/ /gzugs brnyan la ni gzugs sogs 'di rnams rgyal ba mchog gi yul rnams rnam drug kun nas ni/ /dang zhing ma skyes ma 'gags mchog gi bde byed rnyog med ye shes kyis ni rtogs bya ste/ gzhan gyis gzung bya khams gsum du ni mdza' dag 'gro ba'i dbang po'i sgo yis rtogs bya min/ /sangs rgyas rnams kyi 'ang rtogs bya min pa dpag med yon tan dang ldan sangs rgyas sprul pa sgyu ma ni/ /srid gsum gnas su bdag nyid ston par byed de brgya byin dra ba nyid bzhin nyid du'o/ / sna tshogs dngos rnams kyis phye rgyal ba dang bcas lha mi rnams kyi rang rang sems la rab zhugs pa/ /'di ni ma skyes chos te chu la nam mkha' bzhin du 'di la skye bar 'khrul pa ster ba'o/ /khro bo sangs rgyas lha mo dang bcas des

  693. 346a

    par ro yi rdo rje rnams dang sa gzhi'i snying po sogs/ /rab tu dga' ba'i thugs can rnams ni rnal 'byor pa la 'grub pa'i dus su mkha' la mngon sum 'gyur/ /de yi 'dod pa'i dngos grub ri bong can gyi zhag gi tho rangs ni mtshan mo'i phyed la 'gyur/ /rin po che 'am me tog char ba mchog gyur dus kyi sbyor bas sa'i steng du 'gyur/ /dang po'i sangs rgyas 'dir rdo rje'i tshig 'di rab tu gsal bar mdor bstan pa dang rgyas par bshad pa rnams bcom ldan 'das kyis gsal bar mdzad do/ /'di nyid kyi sgrub thabs phyag rgya chen po'i sgom pa du ba la sogs pa'i mtshan ma can gyi lam gsal bar mdzad de/ stong par rtse gcig yid byas nas/ /nyi ma gcig ni brtag par bya zhes so// bcom ldan 'das kyi gsung 'di yi phyir mchog gi dang po'i sangs rgyas su rdo rje'i tshig phyag rgya chen po sgom pa'i lam du ba la sogs pa rab tu gsal ba ste/ bla ma brgyud pa'i rim pas 'ongs pa ste/ bla ma'i bka' yis byin gyis brlabs pa ma yin no/ /zhes pa'o/ /lam 'di'i rab tu gsal ba la nyin dang mtshan mor yid ches pa yod de nyin zhag gcig ni brtag par bya/ zhes bcom ldan 'das kyi gsung gi phyir ro/ /'dir du ba la sogs pa'i mtshan ma bor nas gzhan sngags la sogs pa'i sgrub thabs kyis rnal 'byor pas brtag par bya ba ma yin no/ /mtshan ma yang rnam pa gsum ste/ dang po'i mtshan ma dang/ bar ma'i mtshan ma dang/ mdza' i mtshan ma'o/ /dang po'i mtshan ma ni du ba la sogs pa'i lam rnal 'byor yan lag drug gis gzugs brnyan grub par mi 'gyur ba'i skad cig thob pa'o/ /mtshan ma bar ma ni mchog tu mi 'gyur ba'i skad cig brgya phrag bco brgyad rnams kyis sa dang po thob pa

  694. 346b

    dang/ mngon par shes pa lnga dang/ ma mthong ba'i don yang dag par mthong ba dang/ 'jig rten pa'i dngos grub 'thob pa'o/ /mdza' i mtshan ma ni sangs rgyas nyid dang rdo rje 'chang nyid ste mchog tu mi 'gyur ba'i skad cig drug brgya lhag pa'i stong phrag nyi shu rtsa gcig rnams kyis sa bcu gnyis thob pa phyag rgya chen po dngos grub thob po zhes pa'o/ /rdo rje'i tshig la sogs pa mtshan ma sngon ma can 'di rab tu gsal bar rgyud kyi rgyal po mchog gi dang po'i sangs rgyas su bcom ldan 'das kyis bstan to zhes pa'o/ /dpal ldan mchog gi dang po'i sangs rgyas la sogs par rgyud sna tshogs pa rnams kyi rnal 'byor yan lag drug rdzogs so// //'di ni mkhas pa dpe med pas gsungs pa'i zhabs kyis mdzad pa'o/ /la stod ding ri'i bla 'khor mkhan pa khrod du rgya gar shar phyogs dza gang da la'i paN+Di ta chen po bi b+hU ti tsan+d+ra dang/ gnyal gyi lo tsa ba mi mnyam bzang pos bsgyur ba'o// // slar yang lo tsa ba'i ming tsam 'dzin pa snyom las pa bsod bsnyoms pa dpal ldan blo gros brtan pas/ dpal dus kyi 'khor lo'i tshul la lhag par mos shing blo gros kyi snang ba cher rgyas pa'i slob dpon chen po chos grags dpal bzang po'i bkas bskul te/ sgra don ji lta ba bzhin du bsgyur zhing zhu chen grub pa'o/ /'dis 'gro ba shin tu mang po la phan par gyur cig// (//rnal 'byor yan lag drug gi brjed byang zhes bya ba bzhugs so//) rgya gar skad du/ gu NA b+ha ri Ni nA ma Sha DaM ga yo ga Di na/ bod skad du/ rnal 'byor yan lag drug gi brjed byang yon tan gyis 'gengs pa zhes bya ba/ dpal dus kyi 'khor lo la phyag 'tshal lo/ /dpal

  695. 347a

    dus 'khor lo dbang phyug dang ni yon tan gyis/ /che ba'i bla ma rnams la bdag gi phyag 'tshal nas/ /dpal dang ldan pa rnal 'byor yan lag drug la ni/ /yon tan rnams kyis 'gengs par byed pa'i brjed byang bya/ /'dir nges par phyi dang nang gi rig pa la bsgom pa goms par gyur pa'i thugs rgyud can slob dpon dpe med 'tsho dmigs pa dang rtog pa med pa'i de kho na nyid kyi man ngag bsgom pas/ dpal kha sarba Di'i drung du lo bcu gnyis bzhugs par gyur to/ /der yang rtog pa'i khyad par ma byung ba las yid zhum nas yid kyi dbang du gyur pa de la rdo rje rnal 'byor mas bstan par gyur te/ bu bikra ma'i grong du song shig /der khyod la rtogs pa'i khyad par 'byung bar 'gyur ro zhes/ de yang bka' de spyi bor bzhag nas de'i dus kyi paN+Di ta chen po legs pa'i bu dpal 'dzin rjes su 'brang bzhin pas bkra ma'i grong du gshegs so/ /der yang tshigs mtshams kyi nyin zhag 'ga' zhig la mtshan phyed kyi dus su kun spangs pa'i cha lugs can/ bcom ldan 'das kyis dngos su nye bar bstan te/ kye bu 'di ni de kho na nyid do zhes so/ /de yang man ngag ste thos pa tsam gyis ting nge 'dzin la snyoms par zhugs par 'gyur ro/ /bcom ldan 'das de yang de'i tshe mi snang bar gyur to/ /de'i tshe de ma thag tu mtshan mo 'das shing de yang ting nge 'dzin las langs so/ /dpal ldan bla ma bdag nyid chen po des kyang rnam pa thams cad kyang der dka' ba mdzad cing/ skal ba dang ldan pa'i dpal ldan dpal 'dzin la rang gi rtogs pa nye bar bstan no/ /dpal ldan bla ma mchog tu thugs rje can des kyang rnam pa thams cad du snod dang ldan par rtogs nas paN+Dita chen po 'ong byed lha la

  696. 347b

    bka' drin du mdzad do/ /des kyang paN+Di ta chen po rgyal ba'i bla ma snyigs ma'i dus kyi thams cad mkhyen pa chos kyi 'byung gnas zhi ba la bshad do/ /kha na ma tho ba med pa thugs rje la sogs pa'i yon tan brjod du med pa'i rin po che'i 'byung gnas dpal ldan bla ma de las kyang/ dpal ldan bla ma'i zhabs bsten pa la mkhas pa nyi ma dpal bdag gis de kho na nyid yang dag par thob po zhes pa bla ma'i rgyud pa'o/ /de ltar slob ma dam pas gsol ba btab pa'i dbang las slob dpon dpe med 'tsho zhes bya bas rdo rje 'dzin pa'i ngo bo go 'phang 'thob pa'i rgyu rnal 'byor yan lag drug mdzad par bzhed pas/ rang gi 'dod pa'i lha la bstod pa'i sgo nas rnal 'byor yan lag drug gsal bar mdzad de/ kun la zhes pa la sogs pa'o/ /thams cad la sgrib par byed do zhes pa kun la sgrib pa'i sprin gyi dra ba ste/ sprin gyi tshogs rnams gang du gal zhing spangs pa de ni de skad de der ro/ /gang du 'khrul pa'i ngang tshul can nyid kyi phyir rnam rtog dang/ phyogs can dang mtshungs pa'i rlung ste/ dbugs rnams grangs ma lus pa mdza' bdag nyid nub ste zhig pa'o/ /de'i phyir yang rang gi nam mkha' i khams su ste/ ston ka'i nam mkha' dri ma med pa'i dkyil du shar zhing gsal bar gyur pa'o 'od bzang po can te/ dge zhing bde ba'i 'ong can 'jig rten dbang phyug sangs rgyas sam pad+ma'i phyag can no/ /de nyid ni skye bo rnams dga' bar byed pa nyid kyi phyir zla ba gang ba'o/ /zla ba la yang thams cad sbyar bar bya'o/ nang gi don dang bcas pa ni kun la sgrib pa'i sprin gyi dra ba bsal ba ni gzung ba dang 'dzin pa la sogs par sgro btags pa dang bral ba la ste/ 'dis ni so sor sdud pa dang bsam gtan gyi yan lag gsungs so/ /'chad par 'gyur ba'ang/ so sor spung pa yul la yul dang yul can bcu rnams rab tu 'jug pa med pa'o//

  697. 348a

    bsam gtan yang ni shes rab rtog dang dpyod pa dga' dang g.yo med bde bar sems rtse gcig pa'o zhes pa'o/ /rlung dang rnam par rtog phyir 'gro ba med pa'i phyir bag chags dang bcas pa'i sems kyis skad cig stong phrag brgyad cu rtsa bzhi'i mtshan nyid can dang/ srog dang thur sel gyi rlung rnams kyang grangs ma lus pa gang gis sam/ gang du nub cing 'gags par gyur pa ste/ 'dis kyang srog rtsol dang/ 'dzin pa'i yan lag dag gsungs so/ /de skad du yang/ srog gi rtsol ba yang ni lam ni gnyis po sgyel zhing dbu mar srog ni zhugs par 'gyur/ /thig ler srog rab zhugs shing gnyis ka'i bgrod pa bcom pa sems rtse gcig pa 'dzin pa'o/ /zhes pa'o/ /rang gi bdag nyid kyi sems so/ /de nyid nam mkha' i khams yin zhing rnam pa thams cad mthong ba sna tshogs pa'i gzugs ni zla ba ste/ 'dis kyang rjes su dran pa'i yan lag gsungs so/ /de skad du yang/ gtum mo'i snang ba gang zhig lus dang nam mkha' la yang nges par 'gyur ba rjes dran 'gyur/ zhes so/ /shar ba ni gtum mos reg pa las gtsug tor gyi 'khor lo las 'ongs pa ste/ snang ba med pa rab tu gsal ba nyid kyi phyir 'od bzang can no/ /de 'jig rten thams cad kyi rten nyid kyi phyir na/ sangs rgyas thams cad kyi spyi bor dang/ rdo rje'i rtse mor gzung ba nyid kyi phyir 'jig rten dbang phyug go /dga' ba bcu drug gi khu ba nyid kyi phyir gang ba'i zla ba ste phyin tshig sdud do/ /'dis kyang ting nge 'dzin gyi yan lag gsungs te/ shes rab thabs kyi bdag nyid ni 'gyur med bde ba'i dbang gis ye shes gzugs la ting nge 'dzin zhes 'chad par 'gyur ro/ /gsal bar gyur cig rgyal bar gyur cig pa'o/ /'dis ni phyag 'tshal ba yang 'phangs te nges na de la rab tu 'dud do

  698. 348b

    zhes mtshon par bya'o/ /da ni rnal 'byor yan lag drug po 'di gang brjod par bya ba de 'gal bar snang ba'i sgo nas rtogs par byed pa gsungs te/ gang zhes pa la sogs pa'o/ /mgon po gang zhig 'khor bar skye ba dang 'chi ba'i kun rdzob kyi bde ba dang/ zhi ba de chad pa don dam pa'i bden pa ste/ de dag so sor dmigs pa ni kun nas dmigs par byed pa ste/ de dang bral ba nyid kyi phyir de skad du'o/ /de nyid kyi phyir kun rdzob dang don dam pa'i bden pa de dag las tha dad med par gnyis su med pa'i ngo bo zung 'jug go /'jig rten gsum dang gcig pa'i ngo bo nyid kyi phyir khyab bdag go /stong pa dang shin tu stong pa dang/ stong pa chen po dang/ thams cad stong pa nyid kyis 'od gsal ba nyid kyi phyir stong pa ste/ rdul phra rab kyi chos nyid las 'das pa zhes pa'i don to/ /me long gi gzugs brnyan lta bu'i rnam pa thams cad mchog dang ldan pa nyid kyi phyir brtse ba'i rang bzhin te/ rnam pa kun ldan rnam pa med ces pa'i don to/ /gnas pa las 'das pa ni dmigs pa la chags pa'i sems te/ gnas pa med pa'i tshul gyis legs par gnas pa zhes bya ba'i don to/ /rnam par rtog pa med pa'i ye shes rab tu gyur pa'i gnas skabs kyi khyad par ni sa rnams te/ de rnams kyi dbang phyug ni sa bcu gnyis kyi dbang phyug go /rtogs ldan rnams kyi ni rtog med kyi ye shes man ngag la mkhas pa rnams kyi'o/ /mnyam med bde ba ni mchog tu mi 'gyur bar 'dod pa lnga la longs spyod pa'i bde ba'o// rgyas par byed pa'i 'phro bar byed pa ste/ rtog pa spangs pa ni gnyis dang bral ba'o/ /'gro med mi 'gyur ba med pa nyid kyis na g.yo ba med pa'i ngo bo'o/ /'gro ba nye bar bsten par bya ba nyid kyi phyir mgon po'o/ /dag gi spyod yul

  699. 349a

    ma yin pa nyid kyis na 'ga' o/ /rgyan par byed gyur cig ni byin gyis rlobs shig pa'o/ /'gro ba'i sems ni 'gro yin no/ /sems dang bral ba ni sems med pa'i sems te/ de yis 'char ro zhes pa sems dang bral ba 'char ba'o/ /'gal ba'i don ni go bla'o/ /bla ma sangs rgyas bla ma chos/ /de bzhin bla ma dge 'dun te/ dpal ldan bla ma rdo rje 'dzin/ /bla ma nyid kyis 'dir byed rgyu'o/ /zhes pas phyin ci ma log pa'i kho na nyid ston par byed pa'i dpal ldan bla ma dam par gyur pa'i yon tan gsal bar byed pa sngon du 'gro bar phyag 'tshal bar gsungs pa/ /cung zad ces pa'o/ /cung zad rtog pa'i yongs 'dzin ni cung zad kyang yod do zhes khas len pa ste/ yod do zhes dang/ rtag pa'o zhes lta ba'o zhes pa'i don to/ /nyams pa'i ched du ste 'gro ba sdug bsngal gyis 'khor ba'i sdug bsngal nyams su myong ba'i ched du'o/ /nges par sdug bsngal gyi rgyu nyid kyi phyir 'dzin pas/ bcings pa'o/ /rnam par rtog pa'i cha de yang gtong pa ni de gtod ste chad par lta ba zhes pa'i don te/ bab col du spangs par mi rnam par ma bcad pa chad par lta ba'o zhes pa'i bar ro/ /bskal pa mdza' yas par sdug bsngal gyi rgyu nyid kyi phyir shin tu ring bar thar ba med de/ de yang 'di yin la ltung ba yang ste mnar med pa la sogs par dmyal bar ltung ba'o/ /de skye ba'i phyir ram de gnyis rab tu skye zhing 'phen par byed pa ni de skad do/ /gsungs pa yang gang rnams stong pa nyid lta ba/ /de rnams bsgrub du med par gsungs zhes so/ /de ltar rnam pa 'di yis dam pa'i lam slad par gyur cing grol ba'i lam mi mngon par gyur pa la dpal ldan bla ma gang gis nam mkha' i gzugs brnyan du ba la sogs pa rnam pa thams cad pa sna tshogs pa'i gzugs sems

  700. 349b

    las las rnams 'das te/ /sems med pa'i sems kyi ngo bo can mkha' dang brtse ba'i bdag nyid dang thugs rje tha mi dad pa ston par mdzad cing/ stsol bar mdzad de slob ma dam pa rnams la zhes pa lhag ma'o/ /bla ma mchog dpal ldan bla ma de la phyag 'tshal zhing lus dang ngag dang yid rnams kyis rab tu 'dud do/ /dga' bas ni rangs pas so/ /rtag tu ni dus gsum du'o/ /'o na gal te dpal ldan bla ma'i drin kho na las dam pa'i lam nye bar thob pa yin na de'i tshe bla ma dam pa'i yon tan sgrogs pa khom bya ba ma yin nam/ ji ltar rnal 'byor yan lag drug pa'i rab tu byed pa rtsom pa zhugs she na/ gsungs pa/ de phyir zhes pa la sogs pa ste/ gang gi phyir de ltar yin pa de phyir te de'i phyir rang gi rtogs pa sgrog pa kho na ni/ de lta bur gyur pa'i bla ma yang dag pa ji lta ba'i lam ston pa po'i bdag nyid chen po mchog tu thugs brtse ba'i bdag nyid sgrogs shing yon tan gsal bar byed pa ste/ bla ma'i drin gyis thob pa'i bdag nyid kyi shes pa rab tu gsal bar byed pa kho nas so/ /don 'di nyid don gzhan bkod pas gsungs pa/ gang gi phyir 'bar ba'i gzugs can me ni med pa ste me 'bar ba med na du ba'i rtse mo yang dag par 'khyur zhing gsal bar 'dril ba rtogs pa med pas so/ /'dis ni dpal ldan ni bla ma'i drin kho na las gzhung 'di byed pa la bdag mkhas pa nyid do/ /zhes bshad par 'gyur ro/ /'o na nga rgyal thams cad dang bral bas de kho na nyid kyi lam sgrub par byed pa khyod kyi ci ltar bde kho na nyid shes pa thob pa'o zhes sems mtho bar 'gyur zhe na lan gsungs pa/ bdag gi rtogs pa'i nga rgyal skyon gyi rgyur 'gyur min te 'gyur pa zhes pa lhag ma'o/ /gang gi phyir grol ba don du gnyer ba rnams rab tu

  701. 350a

    'jug byed nyid kyis gzhan don sgrub par byed pas so/ /don 'di yin te rnyed pa la sogs pa re ba'i bsam pas bdag gi shes pa gsal bar byed pa ma yin gyi/ 'o na ci zhe na/ srid pas 'jigs pa rnams la thabs kyi dngos po yang dag par bstan pas rab tu 'jug par byed pa'i phyed du'o/ /don gzhan bkod pa gsungs pa/ rab tu 'jug pa'i rgyu'i don 'ga' zhig brjod pa la ste/ bshad pa la rang nyid kyis ma nges pa'i smra ba po 'chad pa po'i skabs las nges pa med cing the tshom za ba na don du gnyer ba'i skye bo 'dod pa 'grub pa'i ched du ji ltar 'jug ste/ ma yin pa kho na'o/ /zhes pa'i don to/ /gang yang smra ba po ste mngon par brjod pa po dang 'brel ba'i brjod pa'i tshig la ni so so skye bos byas pa'i rgya cher 'grel la sogs pa rnams kyis rgyud du ma rnams su drang ba'i don rtogs pas khengs pa'i blo can gyi sngags pa dam pa rnams dmyal bar 'gro ba kho na ste/ 'phags pa spyan ras gzigs dbang phyug gis mdzad pa'i rgya cher 'grel gyis dpal dus kyi 'khor lo nyung ngu'i rgyud kyi rgyal por drang ba dang nges pa'i don rnam par dbye ba rab tu rtogs so zhes rgyud kyi rgyal po'i bdag nyid chen po gsal bar byed pa gsungs pa/ drangs pa zhes pa'o/ /drang ba'i don ni/ de kho na nyid kyi don sbas te/ gsungs pa'o/ /lam spangs pa rnams ni kun rdzob dang don dam pa'i rnam par dbye ba la mi mkhas pa rnams so/ /de nyid kyi phyir/ shes rab dman pa nyid kyis sgrub pa'i sgo nas te/ bsgrub pa'i phyogs las dgag pa rnams mi rtogs so zhes bya ba nas/ rdo rje 'dzin dpal bka' yis ni/ bcom ldan 'das dpal dus kyi 'khor lo'i bka' yis so/ /'jam dpal byang chub sems dpa' chen pos dpal dus kyi 'khor lo nyung ngu'i rgyur gsungs te/ sham+b+ha la'i yul du yang dag par bsdu

  702. 350b

    ba mdzad nas bstan to/ /'dis ni stong pa po dang bsdu ba mdzad pa po dag gis dang bon gyis na gsol ba 'debs pa po dpal phyag na rdo rje'i bdag nyid chen po nyid gsal bar byas par 'gyur ro/ /rgyud chen po gang la 'jig rten dbang phyug gi sprul pa'i sku dpal pad+ma dkar po zhes bya bas don thams cad gsal bar byed pa'i phyir thams cad don ni ma dang bral ba'i 'od ces bya ba'i rgya cher 'grel mdzad de byas par gyur to/ /gsungs pa yang rgyas 'grel don kun gsal byad pa zhes so/ /rgya cher 'grel des gsal byas pa'i/ /sangs rgyas rin chen snying po ste/ yang dag pa'i gdams ngag gis lam snying po bsod nams nyid las te/ bla ma dam pa'i skabs las thob nas nges pa'i don gyi bdud rtsi bsten pas te/ don dam pa dga' bzhi pa'i bdud rtsi thob pas srid pa'i dug ste/ skye zhing skye ba'i dug chen po gcod par byed cing/ /mchog tu mi 'gyur ba 'dren par byed do/ /de nyid kyi phyir/ dga' bar byed de rtag tu lhun gyis grub pa'i bde ba rgyun mi 'chad pa'i phyir ro/ /'dis ni rgya cher 'grel mdzad pa po'i yang ches che ba nyid gsal bar byed do/ /slar yang rgyud kyi lhag pa'i rgyal po'i bdag nyid che ba nyid ston par byed de/ shes bya zhes so/ /shes bya ba'i tshogs rnams kyi ste/ /phyi dang nang gi rig pa'i gnas kyi tshogs mdza' dag gi gzhi rten te 'byung gnas su'o/ /gsungs pa yang/ dang po'i sangs rgyas su ma gsungs pa gang de med do zhes so/ /rgyud kyi rgyal po gang du bcom ldan 'das kyi ste/ sangs rgyas kyi kun mkhyen gyi mtshan thams cad mkhyen pa zhes pa'i mngon brjod rjes mthun pa ste/ don gyi rjes su mthun par gyur pa dang/ de kho na nyid rin po che'i 'byung gnas der dbang phyug la sogs pas bshad pa ni rtsa ba dang 'dra ba ste/ g.yo bzhin pa nyid kyis na snying po med pa nyid kyi phyir rtswar gyur pa'o/ rgyud

  703. 351a

    gong du shes rab pha rol phyin pa'ang ste chos thams cad stong pa nyid rtogs par byed pa yang ni gang du thal mdza' dag kyang de yin la/ 'du shes mang por gyur pa gang yin pa'i rnam par rtog pa'i ljon pa rnams te/ de rnams rab tu 'jig byed mchog tu mi 'gyur ba ro mnyam par gyur pa yin pa de ni de skad do/ /nam mkha' las byung ni sna tshogs gzugs las byung ba'i'o/ /dag pa'i bdag nyid ni rnam par rtog pa mdza' dag gis mtshan med pa'i sku can gyi phyir ro// da ni du ba la sogs pa'i mtshan ma 'byung ba'i rgyu rnal 'byor yan lag drug gi rten dpal ldan bla mas yang dag par rab tu byin pa'i man ngag gsungs pa/ dri med ces so/ /dri ma med pa'i nam mkha' gang la ste/ sprin la sogs pa'i sgrib pa dang bral ba'o/ /sprul pa la ste nang lang la dmigs pa'i bya ba can la'o/ /mig phyed la ste bkab cing bkab pa'i mig la'o/ /snying rje chen po rgyas pas brlan cing snum par byed pa'i bsam pa las te/ sems las rten rnam par rtog pa'i sems za zhing rang bzhin med par byed do zhes pa de las so/ /'dis yang dag par rab tu sbyin pa gsungs so/ /gsungs pa yang mun pa la cung zad kyang sems pa med par bya'o zhes nye bar bstan pa'o/ /zhes so/ /gzhan du yang/ yid kyi rtsa ba phyung byas te/ /stong pa nyid la goms byed pa/ /ma rig rab rib kyis ljongs la/ /mig sman 'di las gzhan ci yod/ ces so/ /sa ra ha'i zhabs kyis kyang/ dngos kun mkha' dang mnyam byas shing/ /nam mkha' mnyam par sems gzung na/ /des ni bla med byang chub 'thob/ /ces gsungs so/ /'dis ni rnam pa kun ldan rnam pa med pa rgyu'o zhes gsungs par 'gyur ro/ /yod dang med dang gnyis ka dngos po dngos med nges par 'jig pa ste/ yod pa dang med pa la sogs pa

  704. 351b

    mdza' bzhi las rnam par grol ba glo bur ba ste/ rnam par rtog pa'i sgyu mal ltos te'o/ /rang gis nyams su myong bar 'gyur ro zhes pa lhag ma'o/ /'chang zhing rab tu skye ste du ba la sogs mtshan ma bcu po ma lus pa gang stong pa nyid kyi rjes 'gro ste 'brel ba can no/ /rdzogs pa'i rim pa gsal bar byed pa rnams ni kun rdzob dang don dam pa gcig nyid du rab tu gsal bar byed pa rnams so/ /dus kyi 'khor lo'i ye shes kyi le'u tshigs su bcad pa nyi shu rtsa drug lhag pa'i brgya pa'i de ma thag pa'i tshigs su bcad pas gsungs pa/ gang phyir zhes pa la sogs pa'o/ /gang gi phyir 'gyur med las byung ba'i lhan cig skyes pa'i sku la a phreng dang ka phreng dang/ pad+ma dang/ zla ba dang/ nyi ma'i gdan dang/ hUM yig yongs su gyur pa'i mtshan ma las skyes pa'i gzugs dang/ kha dog dang/ phyag dang dbyibs yongs su brtags pa'i chos bkag pa de'i phyir/ bcom ldan 'das kyis mchog tu mi 'gyur ba'i ye shes grub pa gsungs so/ /a sogs ni a yig la sogs pa dbyangs kyi tshogs zla ba ste/ ka sogs ni ka yig la sogs pa gsal byed kyi tshogs nyi ma'o/ /de dag gcig nyid ni gcig tu byed pa'o/ /gdan ni rten te ba yig gsal byed kyi bdag nyid can pad+ma dang/ a yig gi bdag nyid can zla ba'i dkyil 'khor dang/ re ba'i bdag nyid can nyi ma'i dkyil 'khor ro/ /rdo rje can gyi ni mchog tu mi 'gyur ba'i ye shes can gyi'o/ /ming zhes pa gsal ba'o/ /de bzhin du hUM yig yongs su gyur pa'i rdo rje'i mtshan ma dang/ de yongs su gyur pa'i lha'i sku kha dog dang/ phyag dang zhal dang/ dbyibs yongs su brtags pa'i chos brten par bya ba'i mtshan nyid can mi 'dod de/ mngon par zhen pa'i mtshan nyid kyis na 'gyur ba'i rang bzhin nyid kyi phyir ro/ /'gyur ba med pas te mchog tu mi 'gyur ba'i

  705. 352a

    bde bas bskyed cing de'i phyir yang 'gyur ba mthar byed gyur pa tha mal pa'i skye bos yongs su brtags pa'i a yig la sogs pa'i mi 'gyur ba dang bral ba'i 'am/ skye ba dang 'gag pa dang bral ba mchog gi dbang po can phyag rgya chen po'i bdag nyid du gyur pa rnams kun pa'i ste 'jig rten gsum gyi rnam pa'i bde ba'i ngo bo can gyi'o/ /thig le'i ste lhan cig skyes pa'i dga' ba bzhi pa'i thig le'i'o/ /rgyal ba'i bdag po mchog gi ste rdo rje sems dpa' o/ /sna tshogs sgyu ma'i sna tshogs yum phyag rgya chen po ste de 'dzin pa'i 'o/ /bla ma dam pa'i man ngag thob pas ni dpal ldan bla ma'i yang dag par rab tu sbyin pa thob pas so/ /gdug pa'i grogs yongs su spang ba ni sdig pa'i grogs po yongs su dor bas so/ /du ba la sogs pa'i mtshan ma bsgom pa ni du ba la sogs pa'i mtshan ma yongs su sgom pa nyid kyi phyir te/ sems brtan par byed pas so/ /thog mar zhugs pa nyid kyi phyir las dang po pa'o/ /sbyangs pa'i dbu ma 'thab pa'i phyir dbu ma rnam par sbyangs pa'o/ /gsungs pa yang/ du ba la sogs bsgom bya ste/ /sems ni g.yo ba med byas nas/ /dbu ma sbyang ba byas nas ni/ /mchog tu mi 'gyur bsgom par bya/ zhes so/ /tshogs khang ni gra ba la sogs pa'i gnas so/ /gtsug lag khang ni dge slong gi dge 'dun gyi gnas so/ /nam mkha' i khams ni sna tshogs gzugs brnyan la rnam pa thams cad pa'i stong pa nyid me long la pra phab pa bzhin du skyes pa med pa'i chos mthong ba ste/ rnam par ma brtags pa'i chos mthong bas so/ /byis pa skye bos brtags pa'i phyi rol gyi don med pa'i phyir rang gi sems kyi spros pa'i snang brnyan rmi lam dang mtshungs pa'i don du sems pa'o/ /bye brag tu smra ba

  706. 352b

    dang/ mdo sde pa dang/ rnal 'byor pa'i lugs kyi nang du ma lhung ba'i phyir rdul phra rab tshogs pa'i bdag nyid kyi chos rnam par dpyad pas stong pa'o/ /tshu rol mdzes pa pa'i lugs la mi 'jug pa'i phyir chad par smra ba ring du byas pa nyid kyi phyir na ched pa'i stong pa nyid ring du byas pas so/ /nang gi bdag nyid kyi bde ba kho na mchog gi phyag rgya'i bde ste/ de nyid rang rig par bya ba'i chos yin zhing de la rjes su chags pa'o/ /las kyi bud med dang ye shes kyi bud med las byung ba'i bde ba rnams la chags pa med pa'i phyi rol gyi dbang po'i rang rig par bya ba'i bde ba'i chos yongs su spangs pa'o/ /shes rab dang thabs kyi bdag nyid can gyis te/ du ba la sogs pa'i mtshan ma 'byung ba'i de ma thag tu ting nge 'dzin gyi yan lag gsal bar 'byung bar bya ba'i ched du/ legs par bslabs pa'i las kyi phyag rgya la rjes su chags pa'i ro can gyis so/ /gsungs pa yang/ rdo rje pad+mar bzhag byas nas/ /srog ni thig ler gzhug par bya/ 'khor lor thig le thig le rnams/ /g.yo ba rdo rje dgag par bya/ zhes so/ /rgyun mi 'chad par phyag rgya chen po la brten pa'i sems kyis yang na'o/ /da ni lam shes pa'i de kho na nyid mi 'thob pa gsungs pa/ lam zhes pa la sogs pa'o/ /de bzhin gshegs pas gang gsungs pa'i bzhi yi rab tu dbye ba bcu drug can gyi de kho na nyid bzhi pa dpal ldan bla ma rdo rje de ni rnal 'byor pa yin pas 'thob pa ma yin no/ /sna tshogs rnam rtog ni pad+ma dang nyi ma dang zla ba dang sgra gcan dang dus me dang sa bon dang/ mtshan ma yongs su gyur pa'i zhal dang phyag dang/ kha dog dang dbyibs dang dpa' bo'i rim pa rang byin gyis brlab pa'i rim pa la sogs pa'o/ /sogs pa'i sgras ni chos thams cad chad pa'i stong pa nyid smra ba la sogs

  707. 353a

    pa'o/ /de kho na nyid 'di rab tu gsal bar dbang bskur gyi le'ur gsungs te/ /'dod dang dga' ba dag dang 'dar dang 'gyur med kyang ste bzhi pos sbyor ba de gcig ste/ /gang ba dang ni nus dang skye ba mchog tu dga' ba nyid ni gnyis par nges par 'gyur/ /'bar dang thig le dang ni gnyid yul slar yang khyad dga' i dga' ba 'di ltar gsum pa'o/ /oMTTa dang ni nA da gnyis dang lhan cig skyes pa'i dga' ba 'di ltar bzhi par 'gyur zhes so/ /de'i phyir rnam par rtog pa'i lam gyis de kho na nyid ma yin zhing/ de kho na nyid ma yin zhes bya ba yang de kho na nyid kyi sgrub byed du 'gyur ba yang ma yin no/ /gal te 'di de kho na nyid kyi sgrub byed du mi 'gyur ro zhes pa de ci zhe na/ gsungs pa/ bskyed pa'i rim pa zhes pa la sogs pa ste/ de kho na nyid kyi ste bde ba chen po'i sgrub byed de 'di yis bsgrub par bya'o/ /zhes pa sgrub byed de kho na nyid de kho na yin/ gzhan pad+ma la sogs pa'i kun tu rtog pa ni ma yin no/ /de kho na nyid de ci zhe na/ bskyed pa'i rim pa las grol ba ste/ mngal du 'jug pa'i rim pa dang bral ba'o/ /hUM dang phaT yig ces sngags so/ /sogs pa'i sgras ni phyag rgya la sogs pa'i rtog pa ste/ de dang bral ba ni de kho na nyid do/ /de ci zhe na gsungs pa/ rdzogs pa'i rim pa'i rnal 'byor zhes pa la sogs pa ni grub par gyur pa ste/ nam mkha' i sgom pas rtogs par bya ba'o/ /de'i rim pa ni du ba la sogs pa'i lam ste/ de'i rnal 'byor ni shes rab kyi gzugs dang lhan cig mi 'gyur ba'i ye shes chen po skye ba la chags pa'o/ /da ni 'phags pa'i tshigs su bcad pa gnyis kyis dpe dang bcas par byang chub kyi sems mthong ba'i thabs ni thabs ma yin pa spangs pas gsungs pa/ shing la gnas pa la sogs pa'o/ /ji ltar te gang

  708. 353b

    dang 'dra bar me rtan med par re shig mi mthong ba ni shing la gnas kyang zhes pa'i kyang gi sgra'i don to/ /bcad dang dbye ba'i thabs kyis zhes pa byed pa la gsum pa'o/ /gcod pa sta re la sogs pa rnams kyis so/ /dbye ba ni shing 'byed byed pa sogs pa rnams kyis so/ /thabs ni sgo'o/ /gtsub shing ni bsrub shing ste de dag gis bsrubs pa las so/ /me de la gnas pa yang zhes pa de la ste bsrub par bya ba'i shing dal gnas so zhes pa de la gnas pa'o/ /de bzhin du ste de dang 'dra bar sems kyi snang ba ni sems snang ste/ khams gsum pa mthong ba yin la/ rnam rtog bsgom pa'i thabs rnams kyis te rnam par rtogs pa yang yang du mngon du phyogs par byed pa'i sgo rnams kyis mi mthong ngo/ /'di ni ste sems kyi snang ba ni brkyang ma dang ro ma gcig tu sbyor bas mthong ste zhes pa byed pa la gsum pa'o/ /gcig tu sbyor ba ni gnyis su med par sbyor ba'o/ /de nyid du ste rang gi sems kho na'o/ /don dam bsnyen par yang gsungs pa/ shing las me dang zla ba chu shel las ni chu yang ste/ zho las mar dang rdo ba rnams las lcags rigs rnams/ /bud med skye gnas 'grogs las ma nyams bde ba ni/ de thabs sbyor bas skal ldan rnams kyis gzung bar mdzod/ /khyod kyis sems la gsal bar bya ba gzhag bya ba cung zad med cing 'grib dang 'phel ba dag kyang med/ /sems la rang gi sems ni khams gsum pa nyid du/ /so sor snang ba tsam ste chur son nyi ma bzhin/ /zhes so/ /sems gcig tu kho na shes rab kyi gzugs brnyan du gyur pa du ma'o zhes dgongs pa'o/ /'di nyid ston pas gsungs pa/ du ba zhes pa la sogs pa'o/ /du ba kho na mtshan ma gang gi dang po yin pa de yis te/ mtshan ma ni yid ches par byed pa ste/ gang gis

  709. 354a

    mngon par 'dod pa gsal bar bya ba de zhes pa'o/ /srog rtsol ni bum pa can te steng dang 'og gi rtsa gsum 'gog pa'i bdag nyid do/ /dbu mar 'bab pa ste/ sems kyi rtsar srog gi rlung 'bab cing rjes su 'jug pa'o/ /rig ma gtso bo'i brtul zhugs ni tshangs par spyod pa ste/ rig ma ni rang gi rgyal ba'i dbang bskur zhing yon tan lhag pa gzung bar bya'o/ /mngon par brjod pa bla mar yang/ /puk+ka si ni mchog mdzes ma/ /gzugs dang lang tshos brgyan byas ma// gcig tu rnal 'byor goms byas ma/ /dam tshig shes shing brtul zhugs brtan/ /brtan ma chags med ngo tsha med/ /sred bral nga rgyal med thob nas/ /de dang lhan cig sngags rig pa/ /rang gis rig ma'i brtul zhugs spyad/ /ces so/ / de las rdo rje ma lhung ba ste/ rdo rje ma lhung ba ni reng ba nyid de des so/ /steng du khu bas zhes pa nor bu dang pad+ma las gyen du 'gro bas dpral bar son pas so/ /lam 'di yis ni steng du ba la sogs pa yan lag drug gi mtshan nyid can gyis so/ / rnal 'byor ni rdzogs pa'i rim pa'i rnal 'byor te/ 'di la yod pas so/ /sangs rgyas kun gyi bde ba ni dbang po'i ma yin pa ste/ mchog tu 'gyur ba med pa ni/ mngon par bsgrub pa 'am ste mchog tu mi 'gyur ba zhes pa mngon par sgrub par byed pa ste/ gang gis kun nas rdzogs par byed do zhes pa'o/ /pho nya kun gyi lhan cig skyes pa 'thob ste rtsa stong phrag bdun cu rtsa gnyis 'gags pa'i rang bzhin gyi mkha' 'gro ma rnams kyi stong pa ni lhan cig skyes pa zhes brjod cing srid pa gsum spangs pa'i gzhom du med pa yin gyi/ 'jig rten la grags pa'i bzhi pa'i bdag nyid kyi lhan cig skyes pa ni ma yin no/ /stong pa ni gcig nyid du brjod par bya ste/ sgrib pa kun dang bral ba'i phyir ro zhes pa

  710. 354b

    'am gyi sgra'i don to/ /'o na de ltar rdzogs pa'i rim pa'i rnal 'byor de ni kho na nyid dang kho na nyid kyi sgrub par byed pa yin zhing gzhan ma yin na zhes bshad la/ de'i phyir de nyid 'gyur mod/ nye bar mi kho ba gzhan gyis ci bya zhe na/ gsungs pa gzugs zhes pa la sogs pa'o/ /'jig rten ni khams gsum pa ste/ de la yod pa ni 'jig rten pa nyid do/ /de yang 'di yin la dngos grub kyang ngo zhes pa'o/ /dngos grub ni 'og min gyi srid pa'i mthar thug pa'i dbang phyug nyid de 'grub po/ /gzugs la sogs pa'i rtogs pa zhes pa gzugs su yod cing gnod par bya'o/ /zhes pa gzugs te kho na gang gi dang po yin pa'o/ /de'i rtog pa ni yid kyi las so zhes pa ste/ /de gzugs sgom pa ni las kyi phyag rgya'o/ /sogs pa'i sgras ni ye shes te/ de sgom pa ni ye shes kyi phyag rgya'o/ /dkyil 'khor 'khor lo la sogs pa/ /sgom pa goms pa yis zhes pa la dkyil ni rten gyi mtshan nyid can no/ /'khor lo ni lha'i tshogs pa brten pa'i mtshan nyid can no/ /sogs pa'i sgras ni sngags dang phyag rgya dang gdan la sogs pa'o/ /de rnams ni sgom pa ni mngon du phyogs par byed pa ste/ de sgom pa ni yang yang du mngon par zhen pa yin zhing de rnams kyis so// gal te de lta na lam 'di kho nas thams cad dngos grub 'grub par 'gyur mod/ /du ba la sogs pa'i lam gyi man ngag gi dgos pa med do zhe na/ gsungs pa/ ga la zhes so chen po yang 'di yin la dngos grub kyang do zhes pa dngos grub chen po ste phyag rgya chen po'i dngos grub po/ /'dod pa ni 'jig rten las 'das pa'o/ /gang la 'grub ste du ba la sogs pa'i lam gyi man ngag ces par cis 'grub ste/ ma yin pa kho na'o zhes pa'i don to/ /'o na lam

  711. 355a

    gyi nye bar bstan pa 'dis ci yang dag par rdzogs pa'i byang chub 'thob par brtson pa'i blo can thams cad kyi thams cad las 'gyur ram/ 'on te dag par 'gro ba'i don byed pa la mkhas pa la spro ba 'ga' zhig kho na rnams kyi 'ga' zhig kho na las yin zhe na/ gsungs pa/ lam zhes pa la sogs pa'o/ /bla ma dam pa ni dpal ldan bla ma ste/ de'i mtshan nyid ni don dam bsnyen par rgyas par gsungs pa ji skad du/ bsam ldan srid pa'i bsam gtan nyams la chags pa/ /'dod ldan 'dod pa chen po la ni thugs brel ba/ /brtul zhugs che ldan dbang po gnyis kyi sde sbyor la/ /phyag rgya rab tu grogs la'ang 'dod chags ma nyams pa/ zla ba nyi ma'i lam ni rab nyam rnal 'byor can/ /shes rab me la rnal 'byor stobs las rab tu zhugs/ /mdza' yas bde ba nyid kyis bdud rtsi thob 'gyur pa/ /dpal ldan bla ma rdo rje 'dzin pa sdig 'joms de'o zhes rgyas par ro/ /de'i bka' drin ni de kho na nyid kyi man ngag gis rjes su 'dzin pa'o/ /de las 'byung ste skye'o/ /su rnams kyis she na/ slob ma dag pa rnams kyis te/ dag pa ni dbang bskur ba la sogs pa rnams kyis tha mal pa'i nga rgyal gyi dri ma spangs pa rnams so/ /slob ma de rnams ni gzhan gyi don byed pa la sogs pa rnams kyi rjes su bstan par bya ba yang ngo zhes pa'o/ /phyag rgya chen po'i thig ler gsungs pa/ ji ltar dug ni sngags sogs kyis/ /sbyangs bzhin pa ni bcud len te/ de bzhin dbang bskur la sogs kyis/ /slob ma ma dag dge ldan 'gyur/ zhes so/ /gang rnams gzhan gyi bya ba dge la brtson pa ste/ dge ba de la spro ba'o zhes pa'o/ /da ni lam thob pa rnams kyi bag med pa rnams kyi lam 'phrog pa'i rgyu mtshan gsungs pa/ gzhan

  712. 355b

    zhes pa la sogs pa'o/ /sangs rgyas nyid gang gis bde ba tshol zhing don du gnyer bar byed pa ste/ de ma thag tu brjod par 'di ni dga' ba rgyas par byed do zhes pas rin chen te yid bzhin gyi rin po che dang 'dra bas rin po che ste/ rnyed dka' ba nyid kyi phyir dang bsams pa'i don gyi 'bras bu ster ba nyid kyi phyir na lam bzang rin chen no/ /phyi nas khyad par gyi bsdu ba'o/ /bag med ni bag med pa'i spyod pa can te/ phan pa bde ba la ltos pa med pa'o/ /'gro ba drug po rnams su nyams par 'gyur bas na sems can no/ /gzhan pa ni gang snying rje la sogs pa'i yon tan dang bral ba pha rol la phan pa dang bde ba la mi brtson pa'o/ /rang gi khyim ni chung ma'o/ /de kho dgon pa ste/ bdug pa'i sems can gyi gnas te zhugs pa de'i/ 'di rnams su dbang po rnams 'ching ngo zhes pa yul rnams te/ gzugs la sogs pas phyi rol gyi longs spyod rnams so/ /de rnams kyang ngan pa ste ro bro ba chung ba nyid kyi phyir dang/ rnam par smin pa rtsub pa nyid kyi phyir dang/ brgyal ba'i sems kyis bsten pa nyid kyi phyir ro/ /de rnams kho na chom rkun pa rnams te/ byin pa'i lam bzang po'i rin po che yang de rnams kyis 'phrog par byed/ rku bar byed do zhes pa'o/ /'di rnams 'ba' zhig gis lam bzang po rin po che'i nor khyim gyi dgon par zhugs pa 'phrog pa 'ba' zhig tu ma zad kyi/ gnyen mdun 'thib po'i nang du zhugs pa'i the tshom la sogs pa'i rkun po rnams kyis kyang ngo/ /gnyen mdun ni chung ma dang bu dang bu'i bu la sogs pa grags pa'o/ /thibs po ni nags so/ /yid ches pa rnam pa gsum gyis nges pa'i lam bzang po'i rin po che la yang som nyi za ba ni the tshom ste/ ci ste 'di lam bzang po yin nam 'on te ma yin pa'o/ /'gyod pa ni las ngan pa bdag gis byas te/ de'i phyir bdag gis lam mngon

  713. 356a

    du mi bya'o zhes pa 'di lta bu'i rnam pa can no/ /gnyid ni gnyis pa ste/ lus dang yid dag las su mi rung ba nyid du skyed par byed pa rmugs pa zhes pa'i bar ro/ /le lo ni spro gzhan pa'o/ /rgod pa ni sems rnam par g.yangs pa nyid de/ grong khyer la sogs su 'khyam pa zhes pa'i bar ro/ /de ltar 'di rnams ni lam sgom pa rnams kyi ting nge 'dzin gyi dri ma rnams su 'phags pa'i tshigs su bcad pa 'di yis bshad do zhes pa'o/ /ting nge 'dzin gyi dri ma 'di rnams kyis 'phrog pa 'ba' zhig tu ma zad kyi/ srog gcod pa la sogs pa rnams kyis kyang ste/ rin po che zhes pa ni lam bzang po'i rin po che'o/ /rtag tu ni dus gsum du'o/ /srog gcod pa sems can gsod pa'o/ /brdzun zhes pa mi bden pa smra ba'o/ /ma byin pa zhes pa gzhan gyi rdzas rku ba'o/ /gzhan gyi bud med ces pa ni 'dod pa log par spyod pa'o/ /tshig rtsub pha rol po'i zhe 'gems par byed pa'o/ /phra ma smra ba ni nyon mongs pa can gyi sems kyis pha rol 'byed pa'i tshig go /tshig 'khyal ba ni 'dod pa la sogs pas nye bar brtson pa'i ha ha hi hi zhes pa la sogs 'dod chags bskyed pa'i tshig go /brnab sems ni gzhan gyi rdzas la log par chags pa'o/ /gnod sems ni gnod par byed pa'i sems nyid do/ /lta ba ngan pa ni med pa'i lta ba'o/ /de bzhin du yod pa'i sdig pa lnga ni 'tshe ba la la sogs pa'o/ /nye ba'i sdig pa lnga ni cho lo la sogs pa'o/ /gsod ces pa ba lang la sogs pa gsod pa lnga'o/ /'khu zhes pa grogs po la sogs pa la 'khu ba lnga'o/ /mig la sogs pa'i dbang po kun nas chags pa lnga'o zhes pa 'di'i tshad lnga yin pas lnga pa rnams lnga ste chom rkun pa de rnams kho na'o zhes pa'o/ /de skad du/ 'tshe dang mi bden gzhan gyi bud med spongs shig gzhan gyi nor dang chang gi btung ba de bzhin nyid

  714. 356b

    'khor bar rdo rje zhags pa yin te rang gi dge ba mthar byed sdig pa lnga po 'di rnams so/ /tshe lo kha na mtho bcas pa'i zas dang tshig ngan klog dang 'byung po lnga min dbang po'i chos/ /ba lang byis pa bud med skyes pa rnams dang lha mi'i bla ma gsod pa lnga ni mi bya'o/ /grogs po rje bo rnams dang lha dang mi'i bla ma dge 'dun yid brtan rnams la 'khu ba yang/ /dbang po rnams ni kun nas chags pa'o zhes pa mi'i bdag po'i brtul zhugs rnams ni nyi shu lnga/ /zhes so/ /sdig pa can gyi las zhes bya ba bar du gcod par byed pas te/ mtshams med pa lnga po byed pa rnams kyang bsdus pa'o zhes pa'o/ /'di rnams kyis lam bzang po'i rin po che 'phrog pa 'ba' zhig tu ma zad kyi/ shin tu bza' dang btung ba rnams kyis dang sna tshogs pa'i long spyod rnams kyis kyang zhes pa'o/ /bza' ba ni shin tu sha la sogs pa za ba'o/ /btung ba ni chang 'thung ba la sogs par grags pa'o/ /shin tu rgyal ba la sogs pa'i chos kyis so/ /longs spyad par bya bas na longs spyod de me tog phreng ba dang tsan dan dang bud med dang mal stan pa sogs pa ste sna tshogs pa rnam par bkra ba'o/ /brtson 'grus ldan pa la yang ste lam bsgom pa la spro ba'i 'o/ /brjod ma thag pa'i brtson 'grus brtan pa can 'ba' zhig gir ma zad kyi/ brtson 'grus brtan pa dang mi ldan pa'i yang ngo zhes pa yang gi sgra'i don to/ /bag med pa ni shin tu bza' ba dang btung ba la sogs pa dang mi dge'i grogs po dang 'grogs pa'o/ /de las brgyal ba ste sems dang bral ba nyid du gyur ba la 'phrog par byed pa kho na'o zhes pa'o/ /rnam pa sna tshogs pa'i srid pa'i longs spyod la mngon par dga' ba ni dge ba byed pa rnams kyi yang bar du gcod pa'o zhes pa po/ /'o na de ltar lam rin po che yongs su rtog pa po la mngon par dgongs nas bar du gcod par byed pa'i skyon rnams brjod

  715. 357a

    par byed pa ma yin nam/ /rang nyid lam gyi yongs su rtog pa pho ma yin pa la brjod pa ci zhig ce na/ gang phyir te gang gi phyir rang nyid rtog pa po min pa de'i phyir gzhan gcig shos g.yon can khram pa chen po la ston te/ 'di rin po che rin thang chen po yin nam zhes shes pa'i ched du'o/ /des smras pa ma yin no/ /de nas de'i dag las te/ g.yon can gyi tshig las 'dor bar byed pa kho na'o zhes pa'o/ /de bzhin kho nar shes rab 'chal pa'i rigs can ni sdig pa'i grogs po'i tshig las lam bzang rin thang med par rin po che thob na yang gtong par byed do/ /de ltar lam rin po che yongs su rtog pa don du gnyer ba rnams kyi yang sdig pa'i grogs po dang nye bar 'grogs pa'i skyon gsungs so zhes pa'o/ /'o na de ltar las rin po che rnam par shes par byas nas rang nyid yongs su rtog pa po ma yin pas ji ltar bya zhe na/ bden mod/ de ni gal te gang rnams kyi skabs las rin chen chen po yongs su rtog par byed du gzhug pa de rnams kyi rnam dag dag gis te/ mi slu ba'i tshig rnams kyis ni gsal bar rnam par shes par bya ste/ rin thang med pa'i nor bu rin po che 'di'o nges par bya'o/ /de lta kho na rigs kyi bus lam rin po che thob pa dge ba'i bshes gnyen gyi tshig las 'di ni rin thang med pa'o zhes legs par yongs su brtags te shin tu brtan par byas nas lhag par rjes su 'brel par bya zhing dor bar mi bya'o zhes pas dge ba'i bshes gnyen la brten pa ni rtag tu dge legs kyi ched du lam rin po che bsgom pa la brtson pa rnams kyi yang shin tu legs pa yin no zhes bshad do zhes pa'o/ /de ltar lam sgom pa la rab tu zhugs pa'i yang bdud kyi las rnam par spangs pa med par sems brtan par 'gyur ba ma yin no zhes pa de'i phyir de kho na ston pa gsungs pa/ /bdud ces pa la

  716. 357b

    sogs pa'o/ /bdud sdig can ni yang dag par rdzogs pa'i sangs rgyas la sogs pa rnams kyi gzugs rnams su sprul nas lam sgom pa la rab tu zhugs pa'i byang chub sems dpa' i bgegs te bar du gcod par byed do/ /ji skad du/ 'di ni bla na med pa yang dag par rdzogs pa'i byang chub kyi ched du ba'i lam ma yin la/ gang gi khyod gnas pa'i lam 'dis 'ga' zhig kyang nges par 'byung ba dang/ nges par 'byung bar 'gyur ba dang/ nges par 'byung bar 'gyur ba 'ang ma yin zhes pa la sogs pa rig par bya ste zhes rgyas par shes rab kyi pha rol tu phyin par bdud kyi las kyi le'ur gsungs pa shes par bya'o/ /de ltar bdud kyi las kyi skyon nye bar spangs nas thams cad nye bar bsdu ba gsungs pa/ de'i phyir zhes pa la sogs pa'o/ /ni ste gang gi phyir lam 'phrog par byed pa 'di yod pa'i rgyu de'i phyir ro/ /chom rkun rtsa lag ces pa nye bar mtshon pa ste/ the tshom la sogs pa yang yongs su btang ste 'bangs pas te gus pa chen pos bla na dam pas byin pa'i lam rin chen khyad par du 'phags pas legs par sba ba rab tu gsal ba ma yin par slob ma rnams kyis bya'o zhes pa thar ba 'dod pa rnams kyi lam yongs su srung ba gsungs so/ zhes pa'o/ /'o na thar pa'i tshang du lam gzhan yang yod pa ma yin nam des na 'di la gus pas ci zhe na gsungs pa/ dpa' bo zhes pa la sogs pa'o/ /dpa' bo'i rim pa ni phyi rol gyi drag po'i lha mchod pa dmigs pa la sogs pa'i mtshan nyid can no/ /rang byin gyis brlab pa'i rim pa ni sems kyis lha zhi ba'i rnal 'byor gyi sgo la dmigs pa'i mtshan nyid can no/ /thar pa'i ched du sangs rgyas rnams kyis yang dag par bstan pa min zhes pa'o/ /bstan pa 'di ci zhig yin zhe na gsungs pa/ shin tu rnam dag rim pa gcig pu zhes pa ste/ rdzogs pa'i rim pa'i rnal 'byor gnyis med

  717. 358a

    pa'o/ /gal te 'di lta bu ji ltar shes par bya zhe na/ gsungs pa/ gang gis zhes pa'o/ /rgyu gang zhig rgyal ba'i dbang po rnams kyis mtshams med pa lnga po byed pa rnams yang dag par gzung ba ste dbugs phyung bar gyur pa'o/ /mtshams med pa lnga po rnams ni ma gsod pa dang pha gsod pa dang dgra bcom pa gsod pa dang dge 'dun gyi dbyen dang de bzhin gshegs pa la ngan sems kyi khrag 'byin pa zhes pa ste/ lnga po rnams las gang yang rung ba'i skyon gyi bar mtshams med pa kho nar mnar med par bskal bar gnas par 'gyur te/ des na mtshams med par brjod par bya'o/ /bde ba nyid kyis te thabs bde bas so/ /dbang bskur don gyis ni bzhi pa'i don gyis so/ /gzhan phun mtshams med pa lnga po byed pa rnams dpa' bo yi rim pa drag po'i las la chags pa dang ma bral ba dang/ rang byin gyis brlab pa'i rim pa 'khor ba'i bde ba shin tu 'phel ba'i bag chags kyi rgyun can rnams kyis thar pa thob pa ma yin te/ rgyu des zhes pa'o/ /'o na gal te rim pa gnyis po 'di khyod rim pa ma yin par sems na de'i tshe bcom ldan 'das kyis ci yi don du gsungs shen gsungs pa dpa' bo'i zhes pa la sogs pa'o/ /ni ste gang gi phyir lus la srog zad pa la 'di gsungs pa de'i phyir dpa' bo'i rim pa phyi rol la ni min no/ /'o na de ltar lus la rang byin gyis brlab pa gsal la zhes ma yin te/ gang gi phyir rang gi sems byin gyis brlabs pa so sor snang ba ste/ de yang stong pa la/ khams gsum pa nyid mthong ba'o/ /ming zhes pa rab tu grags pa'o zhes pa'o/ /'gro ba'i don byed pa rnams kyi shin tu rnam par dag pa'i rim pa rnam par bzhag pa yang gsungs pa'o zhes pa'o/ /'o na rang byin gyis brlabs pa ni khams gsum pa mthong ba nyid du gsungs la/ de mthong ba las de mi ldog pa'i phyir des na 'khor ba gnas par gyur pa'i

  718. 358b

    mtshan nyid can sangs rgyas nyid ji ltar srid ce na/ gsungs pa/ 'khor ba zhes pa la sogs pa'o/ /'khor bar te khams gsum pa snying po med pa brdzun pa bslu ba'i chos can la sangs rgyas nyid de thams cad mkhyen pa nyid dang/ rnam pa thams cad mkhyen pa nyid dang/ lam gyi mkhyen pa nyid dang/ lam gyi rnam pa mkhyen pa nyid dang/ stobs bcu dang/ mi 'jigs pa la sogs pa'i yon tan rnam par 'byor pa'i mtshan nyid can ni 'bras bu ste snying por 'gyur ro/ /de zad las te 'khor ba zad pa de ma thag tu'o/ /ci dang 'dra bar 'byung zhe na gsungs pa/ chu shing gi 'bras bu bzhin zhes pa ste/ ji ltar snying po med pa'i chu shing la snying po 'bras bu smin pa chu shing nyams pas yang dag par 'byung ba de bzhin du sangs rgyas nyid kyang ngo zhes pa'o/ /'o na sangs rgyas nyid mi sgrub par byed pa byang chub sems dpa' i byang chub kyi sems su 'dod na kho na nyid kyi sgrub par byed pa ni de kho na nyid do zhes pa'i gsung gi phyir de yang sgyu ma las skyes pa nyid kyi phyir sgyu ma ni rang rig pa yin la/ /de 'jug bzhin pa'i de kho na nyid ma yin pa ji ltar sangs rgyas nyid kyi sgrub par byed par 'gyur bar 'os zhe na/ gsungs pa/ sdig pa zhes pa la sogs pa'o/ /sdig pa ni shu ka'i srin bu'o/ /ku lI ra ni karka Ta'o/ /gang gi skabs las byung ba rang gi ma de de rnams kyis nyams par byed pa ji lta ba bzhin zhes pa de ltar rnal 'byor gyis sems te/ rnal 'byor ni shes rab dang thabs snyoms par 'jug pa'o/ /de la yod pa'i sems gang yin pa dbang bskur ba bzhi pa/ sgyu ma gang rig pa 'pho ba'i chos can gyi skabs las kun rdzob tu skyes pa yin zhing/ de rnam bar nyams par byed par 'gyur ro zhes pa'o/ /sgyu ma dang bral ba na 'khor ba slar ldog pa med par brjod de de kho na nyid kyi rnal 'byor pa rnams kyi dbugs dbyung ba'i don du'o/ /'o na byang chub kyi sems ni bems po'i khams su 'dir brjod la/ de yang

  719. 359a

    bems po ma yin pa mchog tu mi 'gyur ba'i ye shes sangs rgyas nyid kyis sgrub par byed par ci ltar brjod ce na/ brjod pa bden te/ khu ba mi 'gyur ba'i rang bzhin gyis mchog te mi 'gyur ba sgom par bya'o zhes pa'i gsung las so/ de nyid kyi phyir rnal 'byor gyi sems 'di'i mchog tu mi 'gyur ba'i ngo bos bzhi'i rab tu dbye ba bcu drug gsungs pa/ gnyis med ces pa la sogs pa'o/ /gnyis zhes bya ba ni 'khor ba dang mya ngan las 'das pa'i sems te/ gang la yod pa ma yin pa de gnyis med do/ /nor bu dang pad+ma las g.yo ba med do zhes pa g.yo ba med do/ /gnyis rtogs rten shes rab dang thab kyi cha 'di la yod pa ma yin no zhes pa gnyis rtog med do/ /bla na med pa'i bde ba ster ba nyid kyi phyir 'dod pa'i zhes pa rnal 'byor bzhi pa'o/ /dbugs brgya phrag lhag pa'i stong phrag nyi shu rtsa gcig 'gog pa'i phyir mchog tu mi 'gyur ba'o/ /chags pa dang bral ba'i phyogs dkar po dang nag po zhes bya ba dag gi gnas pa dang 'gro ba med pa'i phyir 'dod chags chen po'o/ /rnam pa dang bcas pa dang rnam pa med pa las nges par grol ba nyid kyi phyir dngos dang dngos po med pa'o/ /shes bya ma lus pa mthong ba'i phyir ye shes so zhes pa rnal 'byor gsum pa'o/ /'gro ba dga' bar byed pa sngon ma can sems can gyi don la kun nas chags pa nyid kyi phyir sems dpa' o/ /dang po dang/ dbus dang/ tha mar dgeg byed pa nyid kyi phyir kun tu bzang po zhes pa'o/ /bdud dang/ nyon mongs pa dang/ rnam par rtog pa dang bral ba'i phyir smra ste/ grags pa phyi dang nang gi brjod pa 'am/ yang na rab tu sgrogs shing rnam par lhod pa'i seng ge'i sgra can gyi g.yul 'di yod pa ma yin pas sgra 'thab med pa'o/ /gzhom du med pa'i sgra'i ngo bo nyid kyi phyir 'di'i sgra ste grags pa chen po'o/ /zhes pa rnal 'byor gnyis pa'o/ /'jig rten gyi spyod pa rnam par spangs pa

  720. 359b

    nyid kyi phyir lhan skyes so/ /sku bzhi'i sgrib pa zad pa'i phyir dpal ldan byang chub sems kyi thig le 'dzin pa'o/ /stong pa nyid dang snying rje dag dbyer med pa nyid kyi phyir dpal ldan dus kyi 'khor lo rdo rje'o/ /tshul khrims kyi tshogs yang dag par rdzogs pa nyid kyi phyir shes rab thabs kyi bdag nyid rnal 'byor ro zhes pa rnal 'byor dang po'o/ /de ni bla ma bsten pa'i ched du rdo rje slob dpon yongs su brtags pa gsungs pa/ dang por zhes pa la sogs pa'o/ /'dir sngags kyi tshul la 'jig rten pa dang 'jig rten las 'das pa'i dngos grub 'dod pa'i slob ma rnams kyis bla ma la brten par bya ste/ de yang yang dag par yongs su brtag par bya'o zhes gsungs pa/ byang chub kyi sems bsrung ba'i phyir dam tshig can no/ /bsten par bya ste bu dang chung ma la sogs pa rnams kyis mnyes par bya'o/ /rdo rje theg par lhag par gnas pa ni sngags kyi theg pa chen po lhag par gnas pa'o/ /mchog tu mi 'gyur ba'i ye shes sgom pa po nyid kyi phyir de kho na nyid bsgom pa'o/ /bu dang chung ma la sogs pa thams cad dang/ rang gi lus la yang ltos pa med pa'i phyir ma chags pa'o/ /'dod chags la sogs pa'i skyon dang bral ba'i phyir dri ma med pa'o/ /bzod pa yang tshul te 'bras bu bltos pa med par 'jug pa gang gi rang bzhin yin pa de ni bzod pa'i dang tshul can no/ /lam ni yang dag par rdzogs pa'i sangs rgyas kyi lam ste/ de la 'jug pa'i ngang tshul can ni lam la 'jug pa'o/ /bla ma 'di mnyes par byas par gyur na slob ma rnams la lam gyi sbyin byed dmyal ba'i 'jigs pa 'phrog par 'gyur ro/ /de yang de kho na nyid las tshangs spyod ldan te mchog tu mi 'gyur ba'i bde ba thob pa'o/ /bdud rnams kyi ni ste bdud bzhi po rnams kyi rdo rje dbyug pa dang 'dra bs rdo rje dbyug pa ste/'joms par byed pa nyid kyi phyir ro/ /brjod pa'i mtshan nyid can gyi dpal ldan bla ma ste/ yang rdo rje 'dzin ma'i

  721. 360a

    gzhi la rdo rje sems dpas byin gyis brlabs pa'i sku can nyid yi phyir rdo rje sems dpar rab tu grags te sprul pa'i sku yis so/ /nga ni 'jig rten pa dang 'jig rten las 'das pa'i dngos grub kyi ched du lha'i dmigs pa gsungs pa/ mngon sum zhes pa'o/ /de kho na nyid sbyar las te/ sna tshogs gzugs brnyan bsgom pa'i rnal 'byor pas so/ /skar ma'i tshogs bzhin zhes pa nor bu sngon po dang/ zla ba'i dkyil 'khor gyi rnam pa can gyi thig le'i dbus sangs rgyas longs spyod rdzogs pa'i sku mdza' yas pa mthong ba sngon ma can khams gsum pa bum pa dang snam bu la sogs pa mthong ba'o/ /sha'i mig gis ni dpag tshad brgya yi bar du tshed pa'i dngos po mthong bas te/ mngon par shes pa rdzu 'phrul la sogs pa rnams kyis so/ /lha mig ste 'jig rten gyi khams mdza' yas pas bar du chod pa'i phra mo dang cig shes kyi gzugs mthong bas so/ sangs rgyas kyi spyan gyis te gzhan gyi sems rig pas so/ /shes rab kyi spyan gyis te chos thams cad la rnam par mi rtog pa'i mtshan nyid can gyis so/ /ye shes spyan gyis te dngos po thams cad kyi rnam pa thams cad mthong bas so/ /sems can gzhan rnams ni tshu rol mthong ba rnams so/ /shi ba'i lus bzhin zhes pa ni g.yo ba dang 'gul ba med pa'i phyir ro/ /byas pa ni sa logs pas so/ zlum pa ni ? na la sogs pas so/ /bshad pa la sogs pa ni bi ra shu mA mu ste lnga'o/ go ku la sogs pa ni go ku da ha na ste lnga'o/ /nang du bdud rtsi lnga ni phung po lnga rnams so/ /dbang po lnga rnams ni sgron ma lnga po zhes pa po/ /gsungs pa yang nyin dang mtshan mor thig le las ni dkar po'i rgyun 'bab gang de mA ma kI chang ma yin/ go ku sogs na nyin zhag so sor mig la sogs pa spro ba'o sha gzhan res yang ni min/ rang rigs sa gnas pa'i lha rnams kyis ni dag pa'i lus la bdud rtsi lnga rnams bsnyan pa ste/ stod par sems rab 'jug

  722. 360b

    las lhan skyes sems kyi bde ba 'khrig pa'o de ni skye gnas pa ma yin zhes so/ /dbyung ba dang dgang ba dang bum pa can gyi rnal 'byor te/ oM yig phyir 'gro ba dang/ A(rgyud 'grel): yig 'jug pa dang/ hUM yig gnas par so sor rtog pa'i mtshan nyid can no/ /ma bsdams pa ni brtan par ma byas pas so/ /thun mong gi dngos grub kyi don du ni/ /'jig rten pa'i zhing la sogs pa'i dngos grub kyi don du'o/ /sdud pa ni mngon du phyogs par byed pa ste/ 'jig rten pa'i gzugs la sogs pa la mngon du phyogs par byed pa so sor spangs pa nyid kyi phyir/ so sor sdud pa'o zhes pa'i don to/ /gzhan rnams kyis gzugs la sogs pa ni rdul phra rab kyi chos nyid las 'das pa 'jig rten las 'das pa'i gzugs la sogs pa rnams kyis so/ /bsam gtan ni shes rab dang rtog pa dang dpyod pa dang dga' ba dang g.yo med bde ba'i mtshan nyid can no/ /srog rtsol ni zla ba dang nyi ma'i bgrod pa 'jig pa'i mtshan nyid can no/ /'dzin pa ni gsang ba dang lte ba dang snying ga dang mgrin pa dang/ dpral bar 'gro ba dang 'od ba'i sgo yis thig le la 'gog pa'i mtshan nyid can no/ /rdo rje pad+ma ni gtsug tor gyi pad+ma ste/ der byung ba nyid las rdo rje'i pad+mar skyes pa'i bdud rtsi des de byang chub kyi sems mi 'pho bas zhes pa'i don te/ chu skyes ro mnyam gyur ba ni snying ka dang lte ba dang gsang ba'i pad+ma'i za 'brur ro mnyam par gyur pa'o/ /su shu ma nA'i rtsa ni dud can ma ste// de'i steng du khu ba yang dag par sbyor ba las te/ byang chub kyi sems 'gro ba las so/ /'dis ni phra mo'i rnal 'byor gsungs so/ /da ni dman pa dang mchog gi dbye bas bsnyen pa la sogs pa brjod par byas te/ dang por zhes pa la sogs pa'o/ /phung po yongs su dor ba las zhes pa da ltar ba'i lus yongs su btang ba las so/ /skye ba'i char gtogs pa'i phung po'i 'dzin pa las zhes pa 'byung ba'i srid pa kun 'dzin pa las so/ /'di'i dbus te gang bar du srid pa bar ma'i mtshan nyid can no/ /srid pa gsum mthong ba ni srid pa

  723. 361a

    gsum dngos su mthong ba'o/ /kun gzhi rnam par shes pa bag chags ma lus pa'i rten gyi rdul dang khu ba'i thig le'i dbus su sems 'jug pa ste/ ma'i mngal du khu ba'i thig le rnams 'dzin pa zhes bya ba ni yang dag par 'dzin no/ /zla ba bdun rnams kyis zhes pa spyi'i ngo bo las zla ba dgu rnams kyis zhes brjod do/ /lha'i sgrub pa la mngal gyi dpe yis te/ des na de nas zhes pa la sogs pas nye ba'i sgrub pa la sogs pa'i yan lag gsum gsal bar mdzad de/ /phung po drug po rnams kyis ta/ gzugs dang/ tshor ba dang/ 'du shes dang/ 'du byed dang/ rnam par shes pa dang/ ye shes kyi mtshan nyid can rnams so/ /'di ni spyi'i bsnyen pa ste 'jig rten pa'i dngos grub kyi bsnyen pa'o/ /de bzhin du nye ba'i sgrub pa dang/ sgrub pa dang/ sgrub pa chen po'o zhes pa ste de nyid kyi phyir chu gter la sogs pa'o/ /'dis ni sku dang gsung dang thugs dang ye shes rdzogs pa'o zhes bshad par 'gyur ro/ /bsgrub pa 'bring po zhes pa ni nye ba'i sgrub pa ste/ 'bring po zhes pa 'dis sgrub pa khyad par du byas pa nyid kyi phyir ro/ /de nyid kyi phyir srog rdzogs pa'o zhes bshad pa'o/ /'di la zhes pa de ma thag tu brjod pa'i bsnyen pa dang/ nye ba'i bsgrub pa dag la'o/ /thabs ni rnam pa bzhi zhes pa chung ngu la sogs pa rnams pa'i 'o zhes pa'i don to/ /de bzhin rnams la dbus su rnam pa gnyis te/ de'i phyir bsnyen pa dang nye ba'i bsnyen pa dag pa'o/ /rnam pa bzhi zhes pa chung ngu ba la sogs pa rnam pa gnyis ni phyi nas sbyang bar bya ste/ sgrub pa dang sgrub pa chen po dag la'o/ /de'i phyir gsungs pa/ bsnyen pa'i yan lag la dang nye ba'i sgrub pa'i yan lag la zhes so// dman pa dang brtan pa zhes pa yang bsnyen pa dang/ nye bar sgrub pa dang 'chad par 'gyur ba'i sgrub pa dang/ sgrub pa chen po dang 'brel pa'o/ /de yang sdebs sbyor gyi dor dang po dang mdza' smos pa'i so sor sdu bas te/ de'i phyir 'dir 'bring po'i byis pa

  724. 361b

    dang/ gzhon nu dag kyang 'dzin par rig par bya'o/ /brtan pa ni dar ma'o/ /rtsa bar de bzhin nyid ces pa sgrub pa chen po'i yan lag la'o zhes pa'i don to/ /gzhon nu ni dman pa ma yin pa yan lag gsum pa'i ngo bo'o/ /'dis ni bsnyen pa la sogs pa bzhi dman pa la sogs pa bzhi dang sbyar bar gyur to/ /skyes pa kho na dang bcu drug ces pa la sogs pa'i lus nges par brtan pas btsas pa ni don dper brjod nas ston par byed de 'dir zhes pa la sogs pa'o/ /dman pa ni skyes pa'i byis pa'o zhes zla ba thig le sdud pa ni sa bcas pa'i mtshams ni dman pa zhes bya'o/ /dman pa la sogs pa'i dbye bas thob pa zhes pa dman pa la sogs pa bzhi so sor sa gsum la sbyar ba'o zhes pa'i don te/ rab tu dga' ba la sogs pa ye shes dang ldan pa'i mthar thug pa'i sa bcu gnyis kyi thob pa las sa bcu gnyis kyi dbang phyug go /de'i phyir bden don rnam pa bcu gnyis zhes pa la sogs pa'i tshigs su bcad pa'i don ni kho bos mtshan yang dag par brjod pa'i rjod byang bdud rtsi'i thigs par bkral zin to zhes pas 'dir rgyas par mi bya'o/ /nga ni 'jig rten las 'das pa'i dngos grub sgrub par byed pa'i lam brjod par bya ste stong pa zhes so/ /stong par du ba la sogs lam ni bla ma'i nges pa'i dbang las te 'chad par 'gyur ba'i rim pa las sgom par bya'o/ /gzugs brnyan mtshams su ste gzugs brnyan ni rnam pa thams cad pa sna tshogs pa ste de'i mthar thug par sems kyis so zhes pa'o/ /mtshams de nas rtsa'i 'khor lo rnams su srog gi rlung ni brtan pa'ang byed de thur sel gyi rlung yang rnal 'byor pa yis so/ /phyi nas zla ba 'gog pa zhes bza' bzhin te sgra gcan bzhin du'o/ /zla ba ste byang chub sems so/ /rnal 'byor pa zhes pa srog dang thur sel dag phan tshun du yang dag par sbyor ba ni rnal 'byor te/ de gang la yod pa zhes pa rnal 'byor pa'o/ /byang chub kyi sems 'dzag pa'i skad cig

  725. 362a

    'gog cing nye bar zhi ba ste rgyu mthun la sogs pas 'gyur ba med par byed cing de'i phyir rgyu mthun pa dang rnam par sprin pa dang skyes bu byed pa dang dri ma med pa nyid do/ /gang cung zad ni brjod par bya ba ma yin pa ste de byed do/ /nyin zhag nyung zad kyis ni lo gsum dang phyogs gsum dus kyi 'khor lo'i nyin zhag rnams kyis te phyag rgya chen po'i dngos grub 'thob bo zhes pa'i don to/ /da ni tshigs su bcad pa drug gis rnal 'byor yan lag drug gsungs pa/ so sor sdud pa zhes pa la sogs pa'o/ /las dang po ba du ba la sogs pa'i mtshan ma sgom pa na rgyal ba'i dbang po zhes pa rdo rje sems dpa' o/ /ral gri can ni don yod grub pa'o/ /'dod pa'i gnas skabs bcu'i dbye ba las zhes pa/ bsam dang 'dod dang lus la rims dang kha mchog pad+ma skam dang zas la rab tu mi 'jug dang/ /'dar dang smyo ba rab tu rmongs par gyur dang yid kyi rnam par 'khrul dang drag tu brgyal ba ni/ /rdo rje can gyi du ba la sogs rab gsal rnam pa bcu ste srog chags lus la 'jig rten du/ rab gsal nges pa de rnams yid sgrub gnas skabs rnams so su zhig rgyal ba 'dod pa de ni su zhes pa'o/ /rlung bcu rnams te srog dang thur sel dag mnyam gnas dang gyen rgyu dang khyab byed dang klu dang ru dang rus sbal dang rtsangs pa dang lhas byin dang nor las rgyal ba rnams 'gog ring nye bar zhi ba mi 'gyur bar gyur pa'o/ /chags pa dang chags pa dang bral ba'i phyogs med pa'i phyir mi gnas pa'i mya ngan las 'das pa'o/ /re re dbye ba rnams kyis te slar yang gang las a sogs ka sogs rnams kyis phye ba'o zhes gsal byed sum cu'i bdag nyid ka tsa Ta pa ta si rnams nam mkha' dang rlung dang me dang chu dang sa dang ye shes kyi khams kyi rang bzhin rnams kyis dang/ a i ri u li yig dbyangs thung ngu lnga yis phye ba rnams kyis dang/ de bzhin dus la sogs pa'i rang bzhin lI yig la sogs

  726. 362b

    pa dbyangs rings po lnga yis phye ba rnams kyis te spro ba dang sdud pa'i rim pas so/ /lug dang glang la sogs 'pho ba bcu gnyis kyi dbye bas te drug cu lhag pa'i brgya phrag gsum gyi dbugs rnams so/ /lhor bgrod pa la gsal byed gcig pa dang dbyangs thung ngus/ /byang du bgrod pa la gsal byed brtsegs pa dang dbyangs ring po ste nyi ma'o/ /'pho ba na gsal byed gsum brtsegs pa dang shin tu ring po ste sgra gcan no/ /snying stobs dang rdul dang mun pa'i phyi mo'i dbye bas spyod cing dbye bar bya ba'o zhes pa'i don to/ /mig la sogs pa gzhan rnams kyis zhes pa shI la sogs pa rnams kyis so/ /lta ba ni sna tshogs gzugs can lta ba'o/ /dngos po 'dzin pa ni dngos po la nges par rtogs pa'o/ /de yi ste dngos po'i don nges par byed pa ni stong pa nyid kyi ngo bo nyid du nges par 'dzin pa'o/ /gzugs la chags pa ni yul bzlog pas yid tsam du nang du phyogs pas lha'i bdag nyid la dmigs bzhin pas bla na med pa'i shes rab dang thabs ro gcig par rnam par dpyod pa las de kho na nyid la 'jug cing mngon du phyogs pas gang yid bde ba nyid de de ni dga' ba ste rangs pa'o zhes pa'i don to/ /lus shin tu sbyangs pa la sogs pa'i bde ba ni g.yo med bde ba'o/ /dbu ma'i lam du rab tu 'jug pa zhes pa ni nam mkha' la sogs pa dkyil 'khor bcu 'jig pas brkyang ma dang ro ma dag 'gags pa'i dbu ma'i lam kho nar rab tu 'jug pa dang gnas pa dang 'byung ba'i mtshan nyid can srog gi rlung phra mo 'jug pa ni srog rtsol lo zhes pa'i bar ro/ /gnyis ka'i bgrod pa bcom pa zhes pa ni lte ba dang snying ga dang/ mgrin pa dang/ dpral ba dang/ gtsug tor rnams su 'gro ba dang 'ong ba dang bral bas 'gro bar byed pa dang bral ba'i zhes byas nas/ rim pas rlung rnams med pa la thig le rnams la ste byang chub kyi sems kyi thig le la

  727. 363a

    sems kyi bzhon pa srog gi rlung stong pa nyid dang ro gcig pa nyid ni 'dzin pa'o zhes gsungs par 'gyur ro/ /rnam pa bcu ni sngar gsungs zin to/ /zhes pa ni 'dzin pa la rab tu zhugs pa'i sems la rang gi rang gis du ba la sogs pa'i mtshan ma rnam pa bcu so sor snang ba sngon ma tsan rdzogs pa'i dkyil 'khor gyi lha mthong ba gzugs brnyan gyi rnam pa can rtog pa med pa dang/ de las 'od zer du ma spro ba dang/ de nas khams gsum du lha'i 'khor lo so pa sngon ma can bsom pa la sogs pa 'dod pa'i gnas skabs bcu ni rjes su dran pa'o zhes smras pa'o/ /srog la sogs pa rnams med pa las zhes pa gtum mo 'bar bas yang dag par gsal bar byas pa nyid kyis rdo rje nor bu'i mgo bo'i rtse mo rab tu gnas pa'i byang chub sems mnyams te/ de nas rim kyis 'khor lo drug rnams su dbugs brgya phrag drug lhag pa'i stong phrag nyi shu rtsa gcig 'gags pa nyid kyis rnam par rtog pa med pa'i rnal 'byor mi 'gyur ba'i bde ba chen po'i rang bzhin zung 'jug gi bdag nyid kyi ye shes kyi rang bzhin gyi sku rdo rje 'chang chen po'i ngo bo ni ting nge 'dzin zhes pa'o/ /so sor sdud pa la sogs pa'i 'bras bu ni yan lag drug gi rjes su bsngags pa'i mtshan nyid do/ /byang chub sems dpa' 'gyur ro zhes pa ni skye ba dang byang chub pa dang chos kyi 'khor lo la sogs pa rab tu mi 'jug pa'i phyir te/ de rab tu 'jug pas ni sangs rgyas kyi zhing yongs su rdzogs pa'i sangs rgyas su tha snyad bya ba bsten par 'gyur ba kho na'o zhes dgongs pa'o/ /dbang bcu la sogs pa zhes pa tshe dang/ las dang/ mos pa dang/ sems dang yo byad dang/ smon lam dang/ rdzu 'phrul dang/ skye ba dang/ ye shes dang/ chos la dbang ba la sogs pa'o/ /gzung ba dang 'dzin pa'i sems ni byed pa po'o/ /gzhan du yang rjes su sngags pa

  728. 363b

    gsungs pa/ so sor sdud pas snyoms 'jug pa/ /sngags rnams kun gyis byin gyis brlob/ /bsam gtan ye shes snyoms 'jug pas/ /mngon shes lnga ni thob par 'gyur/ /srog gi rtsol bas nges par ni/ /byang chub sems dpa' rnams kyis gzigs// rtag tu 'dzin pa'i stobs kyis ni/ /rdo rje sems dpa' mnyam par 'jug /rjes dran mnyam par sbyor ba las/ /'od kyi dkyil 'khor skye bar 'gyur/ /ting 'dzin dbang gyur tsam gyis ni/ /sgrib pa med par ldan par 'gyur/ zhes pa'o/ /dman pa nyid kyis g.yon pa dang g.yas par 'bab par chad pa'i phyir srog ma bsdams pa nyid kyis so/ /nA da goms pa las ye shes lhan cig skyes pa'i dga' ba goms pa las so/ /stobs kyis te hUM yig gi nA das shes rab kyi chu skyes dang rdo rje nor bur byang chub kyi sems kyi thig le 'gog pa las te/ ji skad bshad pa'i 'dod dam mchog rjes su chags pa can gyi kak+ko la ru cho ga bzhin du bo la bcug nas g.yo ba med pa nyid kyis ngal gso ste/ de'i ze 'bru'i sgo ru rdo rje nor bu btsir nas shin tu dga' ba'i ro yis skad cig g.yo ba med par bya'o/ /de nas de dag gis 'gyur ba'i skabs byung na hUM yig brjod pa mngon du 'gro bar bla ma'i zhabs kyi bka' drin gyis byas pa la mngon du phyogs shing bzhi pa lhan cig skyes pa'i dga' ba nyams su myong bar byang chub kyi sems kyi thig le 'gog pa ste/ de nas 'gyur ba med pa'i skad cig 'thor ba'o zhes pa'i don to/ /dpal dus kyi 'khor lo 'di nyid du 'grel pa can du gang zhes pa la sogs pa ste/ nus ma ni srog gi nus pa'o/ /gzhan gyis gnas su 'gro ste dmigs pa med pa'i gnas su'o/ /bcu gnyis mdza' zhes pa sna bug g.yon pa nam mkha' la sogs pa sa'i dkyil 'khor gyi mthar thug par sor bcu drug la sogs par sor bcu gnyis kyi mthar thug par ro/ /cha'i mdza' zhes pa sna bug g.yas par sa'i dkyil 'khor lo sogs pa nam mkha' i dkyil 'khor gyi mthar thug pa la sor bcu

  729. 364a

    gnyis la sogs pa sor bcu drug gi bar du'o/ /hUM yig brjod pas srog dang thur sel gyi rlur dag sbyor ba las de lte bar bkag nas srog gi nus pa de nyid glog gi me dang mtshungs shing glog gi me dang 'dra ba'o/ /bskyed pa ni bskul ba'o/ /kha ba bzhin ni khab dang 'dra ba'o/ /thur du sel ba zhes pa 'gro'o ste rab tu 'jug go /pha rol gyi grong du lte lus gzhan du'o/ /ci ste 'di tsam gyis kyang gzhan gyi grong du 'jug pa ma yin cir 'gyur zhe na/ de'i tshe 'di ltar bya'o zhes gsungs pa/ 'di ltar te rim pa 'di yis rdo rje rab tu sad pa las te mchog tu bde ba'i ye shes rab tu sad pa las so/ /yid la zhes pa gzung ba dang 'dzin pa'i sems gcig tu 'dres par gyur pa'i sems la'o/ yul dang bcas pa ni dbang po dang yul gcig tu 'dres par gyur pa nus pa de'o/ /mkha' la spyod ni 'og min gyi sa'i mthar thug pa la dbang byed pa'i bdag po nyid du 'gro'o/ /'ba' zhig tu ma zad do zhes gsungs pa/ mngon shes zhes pa la sogs pa ste rdzu 'phrul dang lha'i mig dang lha'i rna ba dang gzhan gyi sems shes pa dang sngon gyi gnas rjes su dran pa'i rang bzhin ni mngon shes lnga'i rang bzhin no/ /sna tshogs yum du yang 'gyur te phyag rgya chen mor shes rab kyi chags pas rnam par rtog pa med pa'i gtum mo 'bar bas 'gyur med gsum gyi rnal 'byor zhes pa gsang bar son pa sems kyi thig le 'gags pa dang/ lte bar son pa dag gi thig le 'gags pa zhes pa'o/ /bde ba ma nyams pas rdo rje'i sgor thig le'i tshogs ma 'phos pas ye shes kyi thig le 'gags pa ye shes kyi rnal 'byor ro/ /zung gi rlung gi dgag pa 'di ni zhes pa'i mthar thug pas sa la spyod pa'i dngos grub gsal bar mdzad cing mkha' la spyod pa nyid du 'gyur zhes pa'i mthar thug pas mdza' la spyod pa'i dngos grub rtogs par mdzad la/ sna

  730. 364b

    tshogs yum zhes pa'i bar gyis phyag rgya chen po'i dngos grub gsal bar mdzad do zhes pa'o/ /phyag brgya zhes pa ni phyag rgya chen mo'o/ /sgyu ma'i rjes su mthun pa ni shin tu dang ba'i me long gi gzugs brnyan lta bu'o/ /yid dang nam mkha' la yang ni sems med pa'i sems pa'o/ /de nyid kyi phyir gsungs pa/ me long la ni gzugs bzhin zhes pa ste/ gzugs bzhin ni gzugs dang 'dra bar 'phro ba'o/ /phyi dang lus la dbyer med pa yul dang dbang po dgag gcig tu 'dres par gyur pa'o/ /chos can dang tha dad par chos snang ba'o ngo bo nyid kyi phyir yul dang rnam par bral ba'o/ /du ma'i ngo bo 'gro ba'i sems la 'khyud par byed de de gcig pu spang ngo/ /de nyid kyi phyir sems kyi rang bzhin te sems med pa'i sems kyi rang bzhin no/ /sems kyi ste gzung ba dang 'dzin pa dag gcig tu 'dren par gyur pa'i snang ba tsam rang gi lus la snang bar ni gyi ngo bo mchog gi phyag rgya'o/ /rang gi yid la ste rnam pa thams cad dang rnam pa med pa'i ngo bo la skyes pa ste byung ba'o/ /de ni ye shes me lte 'bar ba ste ye shes kyi gtum mo 'bar ba 'phel ba'o/ /yul dang bcas pa ste phung po dang khams dang skye mched kyi 'khor lo dang bcas pa'i bdud tshogs te rnam par rtogs pa'i sems kyi dra ba'o/ /gsungs pa yang bdud ni rang gi sems te bdud gzhan yod pa ma yin zhes so/ /ster zhing rtsol te zhi ba'i bde ba ni lhan cig skyes pa'i dga' ba'i bde ba'o/ /lo'i sbyor ba las te lo gsum dang phyogs gsum gyi dus kyi 'khor lo'i so zhes pa'i don to/ /shes rab dang ni ye shes zhes pa grangs ji lta ba bzhin te/ shes rab ni chos thams cad stong pa nyid du rtogs pa ste de ni sems so/ /de'i du ba la sogs pa'i kun nas mthong ba'i snang ba ni bzung bya'i sems te de kho na'i ye shes so/ /'dis ni ji ltar me long la gzugs brnyan rang gi mig gis te bdag nyid kyi mig gis gzung bar bya ba de ltar stong pa nyid kyi rang bzhin gyi sems kyis stong pa nyid kyis rang bzhin

  731. 365a

    rnam pa thams cad pa'i sems rtag tu mthong ba bo zhes pa'i don to/ /gzung ba'i sems du ba la sogs pa'i mtshan nyid can 'di la 'dzin pa'i sems stong pa nyid zhugs shing gcig tu 'dres par gyur pa'o/ /rjes su dran pa gsungs pa/ dri med ces pa'o/ /byis pa dang dar la bab pa dang g.yo ba rnams kyi zhes pa thabs kyi 'gyur ba'i bde ba rnam pa gnyis te byis pa dar la bab pa'o/ /shes rab kyi g.yo ba ni bde rgan po'o/ /de rnams kyi mchog ni 'jig rten las 'das pa'o/ /shes rab dang thabs de dag gang gi tshe g.yo ba med par 'gyur bde zhi ba ste mchog gi phyag rgya las byung ba zhes pa'o/ /rdo rje 'dzin pa ni rdo rje 'dzin pa'i sprul pa'i sku'o zhes pa'i don to/ /de ni rang gi sems 'di'i snang ba la ste/ me long gi gzugs brnyen dang mtshungs pa'i sems kyi snang ba la gzhug pa brjod par bya ste/ nam mkha' zhes pa la sogs pa'o/ /mtshan ma zhes pa mun pa nye bar mtshon pa'o/ /nam mkhar kun nas zhen pa'i sems ni gang rnams kyi sems nam mkha' la kun nas chags pa ste/ de dang ro mnyam par gyur pa yin pa de rnams kyis so/ /rdo rje'i lam du zhugs pas ni srog a ba d+hu tIr son pa nyid kyi phyir ro/ /nam mkhar sprin med pa ni mtshan ma ni gzhi can gyi ngo bo'i phyir ro/ /de ltar gzugs snang ba las zhes pa me long gi gzugs brnyan lta bu rnyog pa med cing thogs pa med pa'i gzugs so sor snang ba las so/ /sgra snang ba las zhes pas mgrin pa dang rkan la sogs pa'i rtsol ba las mi skyes pa'i bde ba chen po rol pa gzhom du med pa'i sgra tsam nyams su myong ba las so/ /'di tsam gyis ni tshigs su bcad pa 'dis bcom ldan 'das dpal rdo rje 'dzin pa'i sku gnyis gsal bar byas par 'gyur ro/ /nam mkha' zhes pa'i la rengs pa'i mig gis ni mig g.yo ba med pas so/ /gzhan gyi sems shes pa med pa'i phyir te rang gi sems las tha dad pa'i gzhan gyi sems shes par bya ba med pa'i phyir ro//

  732. 365b

    gsungs pa/ yang ma skyes pa dang ma 'gags pa'i/ shes bya gang zhig 'dir mthong ba/ de ni rang sems gzhan gyi min/ /phyi'i shes bya rnam 'byed phyir/ /de phyir bdag gis bdag nyid la/ /'gar yang rgyas gdab nus ma yin// // /ral gri chen po bdag nyid la/ /bdag nyid so yis gcod dam ci/ /mo gsham bu mo dang 'grogs pas/ /rmi lam bu ni bde 'gyur ltar/ /nam mkha' las byung gzugs brnyan ni/ /bsten pas bdag la de bzhin no zhes so/ tshigs su bcad pa 'dis chos kyi sku'i sgrub par byed pa gsungs par 'gyur ro/ /sa'i rnam pa zhes pa la sogs pa gzugs kyi mtshan nyid de/ 'dir stong pa nyid kyi so sor snang ba rdzas ma yin pa sa la sogs pa la mthong ste sra ba me yin no/ /zhu ba'i rnam pa can smig rgyu'i chu lta bu ni chu ma yin te gsher ba min nyid phyir ro/ /me'i rnam pa ni de bzhin du me min te gang gi phyir bsreg par byed pa med pas so/ /g.yo ba rlung gis lus ni rdzas med pa nyid kyi phyir gang g.yo ba med pa de ni rlung ma yin no/ /rdzas med pa nyid kyi phyir stong pa'i rnam pa ste/ de yin yang blta bar bya'o/ /sgyu ma'i grong khyer bzhin du dkar po la sogs pa'i kha dog dang ldan yang rdzas med pa'i phyir kha dog ma yin no/ /rnam pa thams cad pa yin yang dus thams cad du byis pa rnams kyi lta bya min no/ /de ci'i phyir zhe na/ nyon mongs bdud kyi mthu las te g.yon pa dang g.yas pa'i rtsa la srog rab tu rgyu ba las so zhes pa nges pa'o/ /da ni dkyil 'khor lnga zad pa gsungs pa/ sa zhes pa la sogs pas so/ /'dir gang gi tshe rnal 'byor pa mig mi 'dzum par gyur cing/ /khro bo'i lta bas stong pa la sems bkod pa de'i tshe g.yon nam g.yas su sa zhes pa nye bar mtshon pa ste gang tshe g.yas su sa rab tu 'bab pa'i dus su rnal 'byor pa sgom par byed na de'i tshe rnam pa ste da ste/ g.yon pa'i rtsa la rab tu 'bab pa'i dus ni ma yin te/ 'on kyang nam mkha' i

  733. 366a

    dkyil 'khor la sogs pa'i rim pa las so/ /des na g.yon nam g.yas su srog gi dkyil 'khor gang 'bab pa de'i chos can nyid kyi phyir dkyil 'khor de nyid gsungs so/ /des na g.yas pa'i rtsa la sa'i dkyil 'khor las srog chu'i dkyil 'khor la 'gro ste de bzhin du ye shes kyi dkyil 'khor gyi bar du'o/ /rtsa g.yon pa la nam mkha' la sogs pas 'gro'o/ /de bzhin du stong pa nges par du ba la sogs pa'i mtshan ma rnam pa bcu ru 'gyur zhing mtshan ma ni rnam pa thams cad pa'i gzugs 'gyur ro/ / gzugs las mi 'gyur ba der 'gyur zhing de nyid ye shes te shes rab kyi pha rol tu phyin pa'i rang bzhin no/ /ye shes las rdzu 'phrul te nam mkha' la 'gro ba la sogs pa dang dngos grub khams gsum pa'i dbang phyug nyid du 'gyur mi bdag skyes bu rnams kyi skye ba 'di nyid la'o zhes pa lam la rab tu 'jug pa'i nges pa'o/ da ni rnal 'byor nye bar bsdu ba brjod par bya ste/ dbu mar srog ni zhes pa la sogs pas so/ /'dir dang po'i rnal 'byor pas dbu mar srog rab tu 'jug par bya ste gang gis mtshan ma mthong bar byed pa a ba d+hU tI ro/ /de ltar dpal ldan bla ma'i ste sangs rgyas kyi sku rdo rje ste zhal gcig tu brjod par bya'o/ /de nas nyi ma dang bcas te g.yas pa'i bgrod pa dang lhan cig tu ri bong can gyi bgrod pa g.yon pa'i rtsi'i bgrod par srog bcing ba'o zhes pa nges pa ste/ srog rtsol ni gnyis pa gsung rdo rje'o/ /phyag rgya rab tu 'grogs la sems te gzugs la rjes su chags pa'i byang chub kyi sems dang mchog gi bde ba la gnas rdo rje yang dag bslang ba yang gsum pa thugs kyi rdo rje'o/ /ci ste gzugs kyi sgo nas kun dga' i bde bar ma gyur na de'i tshe pad+mar rdo rje'i sgra 'am zhes pa dal bu rnams kyis bya'o/ /ci ste bud med ma rnyed na de'i tshe rang gi lag pa'i pad+mas gsor bar bya ste/ bde ba 'phel ba'i rgyu ru yin gyi lhung ba'i rgyur na ma yin no/ /de ltar sa bon gtong ba min pa'i bde ba de ni 'chi

  734. 366b

    ba'i 'jigs 'phrog tu 'gyur te/ dpal ldan bla ma'i zhal bzhi pa ye shes rdo rje 'di'o zhes pa rnal 'byor goms par byed pa'i nges pa'o/ /mchog gi dang po'i sangs rgyas stong phrag bcu gnyis par te gang las dbang mdor bstan pa phyung ba'o/ /'di nyid kyi ni zhes pa nyon mongs pa dang shes bya'i sgrib pa'i bud shing ma lus pa'i me thams cad mkhyen pa'i ye shes kyi sgrub byed de gsal bar 'gyur ba du ba la sogs pa rnams kyis rnal 'byor pas bya'o/ /cir 'gyur ba rnams kyis she na/ de rnams kyi ste rtsa ba'i rgyud dang nyung ngu'i rgyud dang 'phags pa shes rab kyi pha rol tu phyin pa la sogs pa nges pa'i don gyi mdo ru rab tu grags pa rnams kyis so/ rnam par rtog pa thams cad zhi ba'i phyir bsam pa ma yin pa rnams kyis so/ /de kho na nyid kyis 'bras bu'i snga ltas nyid kyi phyir mtshan ma rnams kyis so/ gzung ba dang 'dzin pa dang bral ba rang bzhin stong pa nyid kyi blo ni shes rab ste de'i gzugs brnyan rnal 'byor pa la mngon sum du snang ba rnams kyis so/ /phyi dang nang gi dri mas ma gos pa nyid kyi phyir mkha' mnyam rnams kyis so/ /yod ces pa la sogs pa rnams yod pa dang med pa la sogs pa'i skyon gyi rnam par rtog pa'i rtog pas mtshan med pa nyid kyi phyir rnam par 'das pa'o/ rnal 'byor pas rang rig par bya ba nyid kyi phyir rang gi sems kyi yid ches par byed pa'i don rnams kyis so/ /rnam pa thams cad du ma byas pa/ rmad du byung ba rang bzhin med pa'i ngo bo nyid kyi phyir rdul phran las skye tshogs pa rnams kun nas yongs su dor ba yis so/ /du ba zhes pa la sogs pa la phyi dang nang thams cad du khyab pa du ba'i rnam pa can stong pa'i rnam pa ste/ 'di yang sprin lta bur snang ba'i bar mchod du 'byung ngo/ /ji skad du gsungs pa/ dang po sprin dang 'dra bar snang/ gnyis pa du ba lta bu'o/ /zhes so/ /chu g.yo ba'i rnam pa ni smig rgyu'o/ /mkha' snang dang sgron ma'i rnam pa dag ni rab tu grags so/ /mtshan ma bzhi po 'di dag ni bug pa med

  735. 367a

    pa'i khang par mun pa las 'byung ba nyid kyi phyir mtshan mo'i rnal 'byor dang nam mkha' i rnal 'byor ro/ /ji skad du dpal gsang ba 'dus pa la sogs par dang po dang gnyis pa bzlog nas gsungs pa/ 'gog pa rdo rje bgrod sems las mtshan ma rab 'dzin skye 'gyur te/ /mtshan ma de ni rnam pa lngar/ /byang chub rdo rjes gsungs pa yin/ /dang po smig rgyu'i rnam pa ste/ /gnyis pa du ba lta bu yin/ /gsum pa mkha' snang rnam pa ste/ /bzhi pa sgron ma 'bar ba'o/ /lnga pa rtag tu snang ba ni/ /sprin med nam mkha' lta bu'o zhes so/ /de nas sprin med pa'i nam mkha' snang ba sngon ma can ma'i rnam pa stong pa'i snang ba ni 'bar ba'o/ /zla ba dang nyi ma'i snang ba dag ni rab tu grags so/ /mun can ni sgra gcan gyi snang ba ste ri mo nag po ltar snang ba'o/ /thig le che zhes pa rgyu ba dang bcas pa'i mi rgyu ba gsal bar byed pa sngon po zla ba'i dkyil 'khor gyi dbus su snang ba'o/ /mtshan ma drug po 'di rnams ni sprin med pa'i nam mkha' la lta ba la 'byung ba'i phyir nyin mo'i rnal 'byor dang zla gang med pa'i rnal 'byor ro/ /de nas de'i dbus su son pa mtshan ma med pa'i longs spyod rdzogs pa'i sku'i bdag nyid sangs rgyas kyi gzugs mthong ba sngon ma can skad cig gcig la lag mthil du gnas pa'i chu ltar shin tu dang ba/ rnam pa thams cad pa bum pa dang snam bu la sogs pa mthong ba ni sna tshogs gzugs brnyan 'od gsal ba'o/ /btsums pa zhes pa la sogs pa ste/ btsums pa la sogs pa ste/ btsums shing ma btsums mig gis ni bar snang ba la dmigs pa nyid kyis mig phyed btsums pa dag gis stong pa la gzung ba 'dzin pa dang bral ba 'di ni rjes brtags min par rnal 'byor pa'i mngon sum du'o/ /gzugs de du ba la sogs bsgom par bya ste rang gi nyams su myong bar bya'o/ /rnal 'byor gnyis ka dag kyang dpal dang po'i sangs rgyas kyi rgyud du gsungs te/ nam mkha' kun nas zhen pa'i zhes pa la sogs pa'o/ /shes rab kyi pha rol tu phyin par

  736. 367b

    yang gsungs pa rin chen snang ba zhes bya ba'i ting nge 'dzin dang/ rin chen sgron ma zhes bya ba'i ting nge 'dzin dang/ zla ba snang ba zhes bya ba'i ting nge 'dzin dang/ nyi ma sgron ma zhes bya ba'i nas ji srid du rnam pa thams cad mthong ba zhes bya ba'i ting nge 'dzin no zhes pa la sogs pa'o/ /de'i phyir the tshom med par sangs rgyas nyid don du gnyer bas du ba la sogs pa'i lam sgom par bya'o/ /'o na phyag rgya chen po ni rnam par rtog pa'i rnyog pa mdza' dag gis mtshon pa med pa yin zhing/ sgom pa yang sgro brtags pa yin na/ sgom par bya ba zhes brjod pa ji ltar yin zhe na/ gsungs pa/ dngos med ces pa la sogs pa'o/ /man ngag ji lta ba bzhin du phyi dang nang gi dngos med kho na sgom pa/ gang gzugs brnyan la rnal 'byor pa rnams kyi sgom pa de ni dngos po med pa nyid kyi phyir sgom pa ma yin no/ /'o na dngos po dang dngos po med par sgom pa dag rnam par rtog par khyad par med pa nyid kyi phyir ci ltar dngos po med pa sgom pa yin zhe na/ gsungs pa/ dngos po zhes pa'o/ /gang gi phyir rnal 'byor pa'i stong pa nyid kyi gzugs la dngos po dang dngos po med pa'i rnam par rtog pa dag med de/ ci'i phyir zhen stong pa nyid kyi gzugs lam brtags pa'i du ba la sogs pa mngon sum mthong ba'i phyir ro/ /dgongs pa ni 'di yin te/ gal te brtags par gyur na de'i tshe dngos por 'gyur te bum pa dang snam bu la sogs pa bzhin no/ /gal te mthong ba ma yin par gyur na de'i tshe dngos po med par 'gyur te/ mo gsham gyi bu la sogs pa bzhin no/ /'dir ni rnam par ma brtags par mngon sum du mthong ba'i phyir thams cad legs par gnas so/ /rnam par ma brtags pa mthong ba grub pa'i don du rjes su 'thun pa'i dpe gsungs te/ pra phab ces pa la sogs pa'o/ /pra phab pa ni sgrub pa pos bsams pa me long dang ral gri dang mthe bo dang/ mar me dang/ zla ba dang/ nyi ma dang/ chu dang/ thab dang/ mig gi yul can dngos por skyes pa min chom rkun la sogs pa bem po'i chos su skyes pa ma yin pa'o/ /rnam par ma brtags pa mthong ba 'di la

  737. 368a

    dngos po dang dngos po dag med de/ dngos po med pa'i don bya ba dang 'bras bu nyid tsam nye bar dmigs pa'i phyir ro/ /'jig rten pa kho na la yang dngos po med pa'i don yang sgyu ma dang/ rmi lam dang mig 'phrul la sogs pa la mthong ngo/ de nyid kyi phyir gsungs pa med pa'i zhes bya ba la sogs pa'o/ rnam par rtog pa med pa'i ye shes skye ba de yang rnam pa thams cad pa'i 'gro ba'i don phun sum tshogs pa byed pa nyid kyi phyir yid bzhin gyi nor bu lta bu'o/ /dpe 'grub pa gsungs pa/ ma mthong ba'i zhes pa'o/ /sngon ma mthong ba kho na'i chom rkun la sogs par gnas 'dir sngags kyi byin gyis brlabs pa'i mig gis gzhon nu mas mthong ste pra phab par gyur pa ma'o/ sgrub pa po pra dbab pa la 'jug pa po rnams kyis ni de dang der gnas pa gzhon nu mas smras pa nyi tshe ba'i mig gis te sgribs dang bcas pa'i mig gis mthong ngo/ /bsam pa ni 'di yin te rnal 'byor pa grub pa'i man ngag gi sngags kyis byin gyis brlabs pa'i blo mig can byang chub kyi sems zla ba ma nyams pas gzhon nu ma bzhin du nye bar ma bstan pa so so skye bo'i rtogs bya ma yin pa/ 'jig rten las 'das pa'i de kho na nyid kyi nam mkha' la mthong ngo/ /de yang spros pa thams cad spangs pa'o zhes gsungs pa/ gzhan gyi mig gis gzhan gyis dus su ma mthong ba'i phyir dang/ rang gi mig dag gis mun pa dang ras kyis bkab pa nyid kyi phyir ro/ /pra phab pa'i dpe 'dis rnal 'byor pa'i mngon sum rnam pa thams cad du rang bzhin med pa'i phyir skyes pa med pa'i rmi lam du gzhon nu ma'i bu dmigs pa bzhin du thams cad mkhyen pa'i ye shes grub bo/ /gsungs pa yang/ ji ltar rmi lam nam 'dir gzhon nu de yis bu dang skye dang 'chi ba mthong/ /skye zhes rga dang shin yid mi bde/ /de bzhin chos rnams thams cad dpes shes bya'o/ /zhes so/ /da ni bde mchog gi rgyud la sogs pa'i rim pas yan lag drug gis rnal 'byor gyi rim pa gsungs pa/ rnal 'byor pa nyid ces pa la sogs

  738. 368b

    pa'o/ /nyung ngu'i rgyud du gsungs pa yang/ rnal 'byor pa nyid bsod nams mchog /dag byed sdig pa 'jig byed pa/ /sngags bzlas pa dang bsam gtan dang/ bde ba yis kyang 'grub par 'gyur zhes so/ /sngags bzlas pa la sogs pa 'dis dbus ma rim pa ma yin pa zhes pas sngags bzlas pa las sngon du bsam gtan gyi tshig bklag par bya'o/ zhes pa'i don to/ /ma brjod pa'i yan lag so sor sdud pa dang/ srog rtsol dang/ /rjes su dran pa gsum mo/ 'di zhes pa nyi ma'o/ gzhan zhes bzla ba'o/ 'dir zhes pa nyung ngu'i rgyud du'o/ rgyud gzhan du gsungs pas te dpal 'dus pa'i rgyud du gsungs pa rnams kyis rtogs par bya'o/ /zhes pa 'phags pa phyag na rdo rje'i zhabs kyis gsungs so/ /dpal 'dus pa phyi mar ni le'u bco brgyad bar ro/ /ma ning gis zlas pa ni a ba d+hU ti'i de kho na nyid du srog so sor rtog pa'o/ /rdo rje'i bzlas pa ni don dam pa'i bzlas pa'o/ /gyen du sna'i rtse mor srog gi rtsol ba'i rtag pa ste sgom pa rab kyi mthar phyin pa na srog gi rtsol ba 'gog pa'o/ /lte ba las gyen du 'gro zhes ji ltar 'dod par gsal bar bya ste/ phyir 'byung ba mi dmigs pa'i mthar thug par ro/ sna las phyir 'byung ba'i dbugs med par bsam par bya'o/ /de bzhin kho nar gzhan la mi dmigs pa srid pa ste ji ltar 'dod par gyi sgra yis rtogs pa'o/ /gzhan ni sbas pa'i man ngag go de bzhin zhes pa'o/ /sngags bzlas pas zhes pa la so sor sdud pa ni/ oM yig la sogs pa brjod pa de'i ming can gyis so/ /lha'i mig gi rnam par shes pa la sogs pa rnams kyi sogs pa'i sgras lha'i rna ba'i rnam par shes pa la sogs pa bsdu'o/ /dbugs 'jug pa ni rab tu 'jug pa ni mtshan nyid can no/ /'gog pa ni brtan par 'gyur ba'o// dbyugs 'byung ba ni phyir 'byung ba'i ngo bo ste don 'di ni rang gi nyams su myong bas grub pa'o/ /nges pa'i don ni phyag na rdo rje'i zhabs la sogs pa byang chub sems dpa' chen pos yang dag par bzhed pa ste log par rtog pa'i yul ma yin no/ /gzhan du rnam pa gzhan pa ni

  739. 369a

    dgos pa gzhan gyis dbang gis so/ /rang gi 'dod pa'i lha mthong ba ni rnam par rtog pa med pa'i gtum mo mngon sum du byed pa'o/ /dgongs pa'i skad gzhan gyi zhes pa/ /khyad 'phags 'dod pa'i sems can la/ /'gal ba brjod pa'i tshul gyis ni/ chos kyi de nyid rab gsal byed/ /gang de dgongs pa'i ched du gsungs pa'o/ /zhes bshad pa'i mtshan nyid can gyis so/ /gang gi phyir rgyud ni mdza' drug pa'i mtshan nyid can du gsungs te/ de skad du yang dpal 'dus par/ /dgongs pa'i skad dang skad min dang/ /drang ba'i don dang nges don dang/ /ji bzhin sgra dang sgra bzhin min/ mdza' drug ces par bsgrags pa yin/ /khyad 'phags 'dod pa'i sems can la/ /'gal ba brjod pa'i sbyor ba yis/ /chos kyi de nyid gsal byed pa/ /gang de dgongs pas gsungs pa'o/ /dbang po brtul po'i sems can rnams/ /rtogs pa'i don du cher gsal ba/ /dgongs pa min pa yang dag bshad/ /dkyil 'khor la sogs rtogs pa dang/ /spyod pa la ji lha ji lta bar/ /rgyas par don ni brjod byed pa/ /de ni ji bzhin sgra ru bshad/ /ko DA k+Sha la sogs pa'i sgra/ /'jig rten bstan chos phyi rol byas/ /de bzhin gshegs pas brdar byas pa/ /de ni ji bzhin sgra min bsgrags/ /sbas te de nyid gsungs pa ni/ /rgyal bas drang ba'i don du gsungs/ /yang dag don ni gsal byed du/ /nges pa'i don yang bshad pa yin/ /zhes so/ /gtsug tor gyi gzugs ni sangs rgyas kyi gzugs so/ /khams gsum pa zhes pa ni thig le chen po'i dbus su ri mo nag po la so sor snang ba rnam pa sna tshogs kyi longs spyod rdzogs pa'i sku'i bdag nyid 'jig rten gsum mthong ba'o/ /bsam pa thams cad ces pa gang cung zad rtog pas sems par byed pa'o/ /rten med pa ni dmigs pa med pa'o/ /smig rgyu ni mtshan ma gnyis pa'o/ /zhes pa rgyud gzhan du/ dang por smig rgyu lta bu ste/ zhes pa lugs las bzlog pa rtogs par bya'o/ /zhes pa'i bar ro/ /'di yang bla ma dam pa'i

  740. 369b

    nye bar bstan pa las dang/ byang chub sems dpas mdzad pa'i rgya cher 'grel las dang/ rang gi nyams su myong ba las kyang rnam par shes par bya ste/ shes rab dang thabs kyis dbye bas so/ /gtso bor khams lnga rnam par dag pa'i ngo bo mtshan ma lnga rnams dpal gsang ba 'dus pa la sogs par rab tu rtogs par mdzad de/ nam mkha' i khams kyang der gsungs pa nyid kyi phyir ro/ /le'u bco brgyad par gsungs pa yang/ /chu dang me dang rlung dang sa/ /nam mkha' de rnams thams cad ni/ byang chub sems dpa' dang 'dra bar/ /rnam par dmigs bzhin pa yin no zhes so/ brdul? thim pa las smin rgyu'i rnam pa'o/ chu me la thim pa las du ba'i rnam pa'o/ me rlung la thim pa las mkha' snang gi rnam pa'o/ /phra mo'i khams kyi snang ba gsum nam mkha' la sgron ma dang 'dra bar snang ba'i phung po'i chos nyid kyi phyir sgron ma dang 'dra bar snang ba'i phung po'i chos nyid kyi phyir sgron ma'i rnam pa'o/ /rang bzhin gyi snang ba nub pa las sprin med pa'i nam mkha' dang 'dra ba'i rtag tu snang ba'i ngo bo nyid ni sprin med pa'i nam mkha' dang mtshungs pa'o zhes pa'i mtshan ma lnga rnams so/ /gsungs pa yang/ dang po sa ni chu la 'gro /chu ni gtsang byed la 'gro ste/ /gtsang byed rlung la rjes su 'gro /rnam par shes pa rlung 'jug byed/ /rnam shes 'dzin pa'i yan lag nyid/ /de nas 'od gsal ba la 'jug ces so/ /sgyu 'phrul dra bar nyin mo'i rnal 'byor gyi phung po drug rnam par dag pa'i ngo bo mtshan ma drug rnams nam mkha' las phyung zhes la sogs pas gsungs so dpal ldan dang po'i sangs rgyas rgyud kyi lhag pa'i rgyal po ru ni yul dang dbang po shes rab dang thabs rnam par dag pa'i ngo bo'i mtshan ma bcu rnams gtso bor rtogs par mdzad do/ byed pa 'di rnams kyis zhes lha'i mig la sogs pa rnams kyis so sor sdud pa'i yan lag thob pa rnams kyis so/ /bcing pa'i sbyor bas ni srog 'ching ba'i rgyud nyid kyi phyir srog rtsol gyi ngo bo rnams kyis so/ /de nyid ni so sor sdud pa'o zhes dgongs pa ste rtog pa dang bral zhing ma 'khrul pa'i mngon sum nyid kyi

  741. 370a

    phyir ro/ /gsungs pa yang/ dbang po bcu po rnams kyis ni/ /rang gi 'jug gnas thams cad nas/ /'dod pa phyi phyir bsdus pa ni/ /so sor sdud pa zhes brjod do/ /zhes so/ 'di'i so sor rgyas par bshad pa ni dbang po rnams dang dbang po'i don rnams kyang ste/ de rnams kyi rang gi 'jug pa ni rang nyid ji lta bar gzung ba dang/ 'dzin pa'i ngo bos 'jug pa ste/ der gnas pa ni rang 'jug gnas so/ /thams cad nas ni dman pa dang bar ma dang mchog gi dbye bas so/ /'dod pa phyi phyir sdud pa ni 'dod par bya zhing mngon par 'dod par bya'o zhes pa 'dod pa rnams te gzugs la sogs pa rnams so/ /de rnams dbang po rnams kyis gang du sdud pa ni 'dzin pa'o/ /phyi phyir ni yang dang yang du'o/ /de so sor sdud pa'o zhes pa yan lag dang po'i so sor rgyas par bshad pa'o/ /so sor sdud pa brjod pa'i mtshan nyid can gyi gang mthong ba gsal bar byas pa de ni dngos po ma yin zhing dngos po med pa ma yin la/ brtags pa'i ngo bo ma yin te ci'i phyir zhe na/ rnam par rtog pa'i sems rtse gcig pa nyid la ma brtags par 'das pa dang ma 'ongs pa dang da ltar byung ba'i dngos po mthong ba'i phyir ro zhes pa/ bsam gtan gyi yan lag go gsungs pa yang/ 'o na 'dod pa lha rnams bsdud pa yis/ /sangs rgyas lnga dang rab sbyor las// rtog byed bsam gtan zhes brjod de/ /bsam gtan de ni rnam lnga 'gyur/ /rtog pa dang ni dpyod pa dang/ /dga' ba nyid dang de bzhin bde/ /sems rtse gcig pa nyid dang lnga'o/ /de rnams bsam gtan bsdud pa'o/ /gsang ba gsum ni rtog pa ste/ de la long spyod dpyod pa'o/ /dga' ba 'dra ba gsum pa ste/ bde ba bsdus pa bzhi pa'o/ /shes pa shes bya la 'byung zad/ /rang sems lnga par shes par bya/ /sangs rgyas kun gyi rang

  742. 370b

    bzhin zhi/ /rnam pa thams cad so sor gnas zhes so/ /so sor sdud pa rnam par sbyang ba'i cher du yan lag gnyis pa so sor rgyas par bshad do/ /'dod pa lnga ni gzugs la sogs pa dbang po rnams kyi yul du gyur pa rnams so/ /bsdus pa yis ni dbang po rnams dang gcig tu gyur pas so/ /bsam gtan lnga ni mig la sogs pa rnams te/ de rnams kyi sbyor ba ni skul ba ste sangs rgyas lnga'i rab sbyor las so/ /de'i phyir gzugs la sogs pa rnams kyang sangs rgyas lnga rnams so zhes pa'i rnam pa 'di ltar gang yongs su rtog pa ngos bsam gtan no/ /de yang rtog pa la sogs pa'i dbye bas rnam pa lngar 'gyur te/ rtog pa la sogs pas rab tu dbye ba bshad do/ /gsang ba gsum zhes pa la sogs pa la dbang po dang yul dang rnam par shes pa rnams ni gsang ba gsum mo/ /dbang po lnga rnams dang dbang po rnam par shes pa rnams dang de'i yul rnams kyang de bzhin gshegs pa lnga'i bdag nyid rnams so /zhes gang yongs su shes pa de ni rtog pa'o/ /de nyid la gang rnam par dpyod par byed cing de kho na nyid la 'jug pa la mngon du phyogs pas gang yid bde ba nyid kyi mtshan nyid can de'i dga' ba dang 'dra ba'o/ /de kho na nyid la mngon par zhugs pas lus shin tu sbyangs pa la sogs pa'i mtshan nyid thob pa'i bde ba gang yin pa de ni bde ba sdud pa'o/ /de ltar goms pa las rab kyi mthar thug par 'gro ba'i phyir shes pa yi ste/ /mig la sogs pa'i 'jug pa'i rnam par shes pa drug gi shes bya la ste/ gzugs la sogs pa chos kyi khams kyi mthar thug pa la 'byung ba ni shes pa shes bya la 'byung ste/ de zad pa ni sems kyi gzung ba dang 'dzin pa ste/ stong pa nyid yongs su shes pa'i mtshan nyid can sems rtse gcig pa nyid ni rang gi sems zhes brjod do/ /rnam pa de lta bu'i sems de ni sangs rgyas kun gyi rang bzhin bzhi pa ste/ snang ba tsam thams cad stong pa nyid du gcig pa'i mthar thug pa skye'o zhes

  743. 371a

    pa yan lag gnyis pa'i rab tu dbye ba rnam pa lnga'o/ /nam mkha' la zhes pa mtshan mo'i rnal 'byor gyis te bla gab med pa la zhes pa nyin mo'i rnal 'byor gyis so/ /bdud rtsi 'khyil ba'i gzugs brnyan gyi ming can zhes pa la sogs pas yan lag gsum pa srog rtsol brjod par bya'o/ /gsungs pa yang/ rin chen chen po kha dog lnga/ /srog gi rtsa ba zhes par bshad/ /rang sngags snying gar bsams nas ni/ /srog ni thig ler son par dgong/ /ces so/ /'di'i rgyas par bstan pa brjod par bya ste/ kha dog lnga ni de bzhin gshegs pa lnga'i bdag nyid do/ /de nyid kyi phyir rin chen chen po'o/ /srog ni 'tsho ba ste/ rtsol bar byed cing gang gis ring por rgyas par byed pa de ni srog rtsol lo zhes par bshar de 'dod do/ /de kho na 'jug pa la sogs pa'i rang bzhin gyis nyin mtshan du goms par bya ba nyid kyi phyir rang sngags snying gar ste/ rang gi snying ga'i pad+ma dkar po la bsgoms nas srog gi thig ler son par dgod ces pa yan lag gsum pa'o/ /de ltar thig le'i gnas su gong bu'i gzugs kyis srog 'gags pa ste/ des na de ni 'dzin par brjod par bya'o zhes pa 'dzin pa'i yan lag go /gsungs pa yang/ rang dbang rin chen 'gags pa la/ /gzung bar bya'o 'dzin par brjod/ /ces so/ /'di'i so sor rgyas par bshad pa ni rang gi gzugs la sogs pa'i yul rnams so/ /dbang po ni mig la sogs pa rnams ste/ rang dang dbang po 'gags shing thim par de la de gnas yul dang dbang po'i rten du gyur pa'i rin chen te sems kyi rin chen la srog rtsol dang lhan cig 'gags shing nub par gyur pa la gang gzung bar bya ba de 'dzin pa'o/ /de ci zhe na/ yang dag pa'i mdza' kho na 'dzin pa zhes bya'o zhes pa yan lag bzhi pa'o/ /dbu mar dbyer med pa'i yan lag gi bzlas par bya'o zhes pa 'di'i bshad pa ni srog g.yon dang g.yas kyi

  744. 371b

    ? la mi rgyu bas zhes pa'o/ /gsungs pa yang/ /slong mo za zhing bzlas bya min/ /slong byung dga' bar 'gyur ba'ang yin/ /sngags kyi yan lag dbyer med bzlas/ /'dod pa kun la longs spyod pas zhes so/ /tha dad pa'i rnam pa can gyi yi ge ni slong mo za ba brjod pa ste so sor sdud pa la nye bar dmigs pa zhes bya'o/ /slong byung ni brda las gyur pa ste sngags kyi de kho na nyid ces bya ba'o/ /sngags 'jug pa dang gnas pa dang ldan pa la so sor rtog pa'i bdag nyid can te yan lag dbyer med ni de bzhin nyid don dam pa dbu ma dbyer med pa'i yan lag nyid do/ /rjes su dran pa sgrub par brjod par bya'o zhes pa'o/ /gsungs pa yang/ brtan pa rdo rje'i lam gyis ni/ /nam mkha' i khams su spro byed pa/ /rjes su dran pas bsgoms nas kyang/ /de yi rnam par spro bar bya/ zhes so/ /rdo rje'i lam gyis te 'gom par bya ba min pa mtshan ma lnga'i rim pas 'od gsal ba la rab tu zhugs pas brtan pa rnam par dag pa'i sems ni nam mkha' i khams su ste 'jig rten gyi khams rnams su spro bar bya ste chos kyi sku'i ngo bos so/ /de ltar bdag nyid 'od gsal bar gyur par sgoms shing mngon du byas nas gang sngar rjes su dran pas smig rgyu la sogs pa'i rnam pas yang dag pa'i mdza' thob par gyur pa de'i rnam pa ste rim pa de kho nas yang dag par spro bar bya'o/ /de ma thag tu brjod pa 'di ni yan lag lnga pa rjes su dran pa'o zhes pa'o/ lhan cig skyes pa'i dga' ba'i ngo bo can gyi gnas skabs da ni byang chub sems dpa' rnams kyi stong nyid byang chub tu brjod par bya'o zhes pa'i mthar thug pas ting nge 'dzin gsungs so/ /gsungs pa yang/ /shes rab thabs ni snyoms 'jug pas// dngos po thams cad sdus pa las/ /bsdus te gong bu'i sbyor ba yis/ /gzugs brnyan dbus su sgom par bya/ /yud kyis ye shes rdzogs pa ni/ /ting 'dzin zhes pa'i ming can no/ /zhes so/ /dngos po thams cad ni brtan pa dang g.yo ba'o//

  745. 372a

    shes rab dang thabs snyoms par 'jug pas ni kun rdzob dang don dam pa'i sbyor bas gnas pa'o/ /gong bu'i gzugs kyis ni phyag rgya chen po'i gzugs kyis gcig tu byas nas so/ /brtan pa dang g.yo ba de'i dbus su zung 'jug gi bdag nyid rdo rje 'chang chen po nyid bsgom par bya zhing shes par bya ste rim pa 'dis yud kyis te de'i skad cig gi ye shes rdzogs pa ni ting nge 'dzin te yan lag drug pa'o zhes pa 'dus pa'i rim pas yan lag drug gi rnal 'byor gyi rim pa'o/ /dngos po bsgom bya zhes pa la sogs pas zhes pa ni dngos po sgom 'gyur shes rab can/ /dngos po med pa'ang yongs shes pas/ /de ltar he ru ka bsgom bya/ /dngos po yongs su shes pas min/ zhes dpal kye'i rdo rje'i rgyud du gsungs so stobs bcu'i stobs dang ldan pas ni rdo rje 'dzin pa chen pos so/ /stong nyid sgom pa ni rnam pa thams cad pa'i stong pa nyid rtogs pa'o/ /mtshan mo ni mun pa la ste nyin par nam snang ba la'o/ /dus gsum gzugs ni 'dod pa dang gzugs dang gzugs med pa'i ngo bo'o/ /mun pa can du ni a ba d+hU tI ru'o/ /phyi rol du 'byung ba med pa'i phyir dbugs 'byung dbugs rdub dman pa'o/ /gang gi gzugs las ni sna tshogs pa'i gzugs brnyan pas so/ /nam mkhar lta bas ni bar snang la gtang ba'i mig gis so/ /gti mug mthar byed pa ni rang bzhin med pa nyid do/ /de yang spyan ma'o/ nang gi lta bas te phung po dang/ skye mched la sogs pa nyid du lta bas 'dod chags mthar byed pa nyid do/ /de yang gos dkar mo'o/ /lus med lta bas ni rnam pa thams cad mchog dang ldan pa'i stong pa nyid kyi gzugs kyis lhan cig skyes pa la rjes su chags pa'i lta bas so/ /zhe sdang ste 'jig rten pa'i zhe sdang mthar byed nyid de rang bzhin med pa nyid dang sgrib pa med pa nyid de zhe sdang chen po nyid do/ /de yang rdo rje dbyings kyi dbang phyug

  746. 372b

    ma'o/ /khu ba gang dri ma med pa nyid kyis gang bde ba ste de las so/ /srog gi lta bas te sna'i sa nye bar mtshon pa'i bar snang gi phyogs su lta bas nga rgyal te tha mal pa'i nga rgyal mthar byed nyid de sgrib pa med pa nyid do/ /de yang mA ma kI'o/ /gzhom du med pa'i tshangs pa'i dbyangs las te gzhom du med pa'i bde ba chen po'i sgra'i yang dag par rol pa las so/ /srog dang rtsol ba 'gags par gyur na ste/ phyi rol tu 'gro ba med pas 'dzin pa'i yan lag gsal bar gyur pas na rnam par rtog pa med pa lhan cig skyes pa'i gtum mo gsal bar gyur pa'i phyir na sangs rgyas gzugs las te sna tshogs pa'i gzugs las dri ma dang bral dkyil 'khor te dri ma med pa'i 'od kyi dkyil 'khor du 'gyur te skye'o/ /'jig rten gsum gyi phrag dog zad pa'i phyir de ni sgrol ma'o/ /'khor lo drug rnams su khu ba ster du son pas rdul 'og tu 'gro bas so/ /gzhom du med pa'i tshangs pa'i dbyangs las te mchog tu mi 'gyur ba'i bde ba chen po cher rol pa'i phyir ser sna mthar byed nyid de/ de yang sna tshogs yum mo/ /de ltar 'khor lo so sor sa gnyis thob pa'i rim pas sa bcu gnyis kyi dbang phyug tu 'gyur ro/ /de ltar ni gsang ba'i 'khor lor dbugs dbyung ba dang 'jug pa brgya phrag drug lhag pa'i stong phrag gsum 'gags pas rab tu dga' ba dang dri ma med pa'i sa gnyis so/ /lte ba'i 'khor lor de bzhin kho nar 'gags pas 'od byed pa dang 'od 'phro ba'i sa gnyis so/ /de bzhin kho nar snying ga'i chu skyes su shin tu thub par dka' ba dang/ mngon du gyur pa'i sa gnyis so/ /mgrin pa'i pad+mar yang ring du song ba dang/ /mi g.yo ba'i sa gnyis so/ /smin mtshams kyi chu skyes su legs pa'i blo gros dang/ chos kyi sprin gyis gnyis so/ /'di rnams byang chub sems dpa' i sa rnams te lnga kho na'o/ /de bzhin du gtsug tor gyi 'khor lor sangs rgyas kyis kun tu 'od dang/ rdo rje 'dzin pa'i sa ye shes dang ldan pa ste gnyis so/ /de ltar dbugs brgya phrag drug lhag

  747. 373a

    pa'i stong phrag nyi shu rtsa gcig 'gogs pas dri ma gsum dang rnam par bral ba'i sku gsung thugs kyi rdo rje sa bcu gnyis kyi dbang phyug rnam par rtog pa med par chos ston pa po sangs rgyas bcom ldan 'das so zhes pa'o/ /rim pa 'dis rnal 'byor yan lag drug mngon du byed pas sa la sogs pa drug dag pa bstan to/ /mig lnga rnams so sor srid pa brjod par bya ste/ khyi la sogs pa rnams kyi zhes pa la sogs pas so/ /rang bzhin yon tan kyi dbang las te/ rigs kyi yon tan gyi dbang las so/ /da ni rnal 'byor yan lag drug sgrib pa med par byas pa'i 'khor lo drug gi pad+ma'i ze 'brur gnas pa ni de bzhin gshegs pa drug gi bdag nyid nyid du gsungs pa 'dzag med ces pa la sogs pa'o/ /badzra d+h+ri ka ni mi bskyod pa'o/ /dzi na dzik ni rnam par snang mdzad do/ /A ro lik+ka ni 'od dpag med do/ /ratna d+h+ri ka ni ri ne 'byung ldan no/ /pradz+nyA d+h+ri ka ni don yod grub pa'o/ /'dis ni phung po drug rnam par dag pa gsungs so/ /zla ba dang nyi ma'i gzugs te brkyang ma dang ro ma'i rang gi ngo bo nyams te zhig cing lam gnyis ka ste sna bug gnyis por srog gi rlung 'gags te srog dang thur sel gyi rlung phyi rol tu 'gro ba med pa'i phyir 'khor lo lnga'i rnam par gnas pa na'o/ /chu skyes su ste stong pa nyid kyi gzugs gsal bar gyur pa la bla phyi rol gyi bud med kyi pad+ma ro// rdo rjer te sems kyi rdo rje 'am bo la ru'o/ /rab tu sad pa na ste sngar bshad pa'i rim pas bslang ba na ste rdo rje langs pa na zhes pa'i don to/ /de'i tshe ri bong can zhu ba gang yin pa ni khu ba'o/ /der nyi ma'i gzugs chen ni lhan cig skyes pa'i gtum mo'i gzugs kyi rten la rab tu thugs par gyur cing zla ba zhu bar gyur pa na'o/ /dngos po dngos med gcig gyur na ste stong pa nyid dang snying rje dbyer med na'o/ /srid pa gsum gyi 'jigs pa song ba na ste lus dang/ ngag dang sems kyi dri ma bral na'o/ /gzhom du med pa na ste/

  748. 373b

    mchog tu mi 'gyur ba'i bde ba chen pos cher rol cing yang dag rab tu rtogs par gyur pa na'o/ /de'i dus su ste bde ba chen po 'char ba'i skad cig la'o/ /rnal 'byor pa de ni rnal 'byor yan lag drug mngon du byed pa po mchog gi go 'phang ste lhan cig skyes pa'i dga' ba'i bde ba la rab tu gnas par 'gro'o/ /gang la ste rnal 'byor pa la gnyis he rang dang gzhan du zhen pa'i mtshan nyid can cung zad yon min pa'o/ /srog dang thur sel gyi rlung 'gags par gyur pa na/ gtum mo 'bar bas bskyod cing zhu ba'i ri bong 'dzin pa gang yin pa nyi ma'i gzugs la rab tu 'gro ste 'khyud par byed do/ /rdo rje ni byang chub kyi sems te/ pad+ma rnams ni 'khor lo rnams so/ /de rnams su rab tu sad pa na ste sngar brjod pa'i rim pas langs pa na ste/ de ltar gyur pa na'o zhes pa'i don to/ /zhu ba na ste zhu bar gyur pas yod pa na ste 'di ste ri bong 'dzin pa nyi ma'i gzugs kyi me lce dang lhan cig tu'o/ /rnam par shes pa dang ye shes gcig tu 'gyur te rlung dang lhan cig zla ba dang nyi ma 'gags shing sgrib pa med par gyur pa na'o/ /gang mchog tu mi 'gyur ba'i bde ba byung ba de ni smra bar mi nus pa nyid kyi phyir de ltar nyams su myong bas rtogs par bya ba e yig dang wi yig gi bdag nyid de rjod pa can gsum nyid kyis rnam pa thams cad du bden pa nyid gsungs so/ /mtshan ma'i rnam par dag pa brjod par bya ste/ 'khor lo zhes pa la sogs pas so/ /srid gsum zhes pa kun nas rmongs pa rnams smin pa'i ched du rnam par snang mdzad kyi 'khor lo shin tu dang ba'o/ /srid pa gsum po 'di nyid kyi bde ba'i don du rin chen 'byung ldan gyi rin chen no/ /sgrib pa med pa'i 'du shes kyi chos kyis chags pa can rnams kyi chags pa chen po'i rgyud 'od dpag tu med pa'i pad+ma'o/ /nyon mongs zad pa zhes pa don yod grub pa'i ral gri'o/ /mi phyed pa'i ye shes sku zhes pa mi bskyod pa'i rdo rje'o/ /mi shes gcod pa zhes pa rigs drug pa'i gri gug go /rigs drug po 'di rnams kyis mkha' bzhin ro mnyam rnam par 'gyur ba med pa'i gzugs

  749. 374a

    la sogs pa'i rang bzhin rnams so/ /gsungs pa yang/ rdo rje sems dpa' gcig pu 'di ni 'jigs pa'i sprin dang mtshungs pa'i he ru ka 'di byung bar gyur/ /gdug pa rnams ni smin pa'i don du'o/ /de yang dam tshig rgyal ba rmongs pa rnams ni bde don du/ /rin chen dbang po sdug bsngal ldan pa rnams kyi'o/ /de yang pang 'dzin chags can rnams kyi chags pa'i rgyur/ /bgegs rnams zhig pa'i don du phyag gi pad+ma ral gri can gyi don yod grub par byung bar gyur/ /zhe sdang las ni sna tshogs yum gang 'jig dus rtse mo can mtshungs mkha' 'gro ma de byung bar gyur/ /gti mug las ni spyan ma zhes bya'o mchog gi thugs rjes mA ma kI ni nga rgyal rgyu las so/ /chags las gos dkar can zhes bya ste mdza' dag yon tan gter gyi sgron ma de yang phrag dog las/ /sna tshogs gzugs can gnyis 'di dag gang yul dang yul can gzhan rnams thams cad rnams kyang byung bar gyur/ ces so/ /rigs kyi gzugs ni tha mal ba'i gzugs so/ /'khor ba'i sdug bsngal la sogs pa'i tshor ba'o/ /de bzhin du phyi ma la yang ngo/ /mthong dang mi mthong ba ni bar chod pa dang ma chod pa'o/ /yid kyi nam mkha' la ni sems med pa'i sems la'o/ /bde mnyam la ni mi 'gyur ba'i bde ba la'o/ /chos ni chos kyi dbyings la'o/ /'dis ni 'di skad gsungs te/ kun la phyag dang zhabs la sogs/ /kun nas spyan dang dbu dang zhal/ kun nas thos ldan 'jig rten du/ /thams cad khyab gnas gnas pa'o/ zhes so/ /gzugs la ni gzugs brnyan la ste mi 'gyur ba'i bde ba la gzugs la sogs pa rnams ma skyes shing ma 'gags pa rnams so zhes pa'o/ /rnyog med ni lus dang sems rtsub pa rnams kyis ma dkrugs pa'o/ /ye shes kyis rtogs bya ni mchog tu mi 'gyur ba'i rig pa'o/ /dbang po'i sgo yis rtogs par bya ba'i gzung bar bya ba gzhan yod pa min no zhes pa lhag ma'o/ /sangs rgyas rnams kyi rtogs bya min pa ni 'di nyid kyis

  750. 374b

    zhes so sor rtogs par mi nus pa nyid kyi phyir ro/ /sangs rgyas kyi ste rdo rje 'dzin pa'i sprul pa sgyu ma lta bu sna tshogs yum ni sangs rgyas sprul pa sgyu ma'o/ /brgya byin dra ba ni mig 'phrul lo/ chu la nam mkha' mthong ba'i 'khrul pa de dang 'dra bar skye ba kho nar 'dir 'khrul ba steng pa'o/ /de'i rdo rje rnams ni de bzhin gshegs pa drug rnams so/ /sa gzhi'i snying po la sogs pa rnams ni sa'i snying po la sogs pa rnams so/ grub pa'i dus su ni phyag rgya chen po grub dus su'o/ /tho rangs la ni skya rengs 'char ba'i dus la'o/ /mtshan mo phyed la yang ste de yang 'grub pa'i dus yin pa nyid kyi phyir ro/ /ri bong can gyi zhag ni zla ba nya ba la'o/ /'dod pa'i dngos grub ni phyag rgya chen po'i dngos grub bo/ /dus kyi sbyor ba las ni phyogs gsum dang lo gsum gyi sbyor ba las so/ /rdo rje'i gnas ni de kho na nyid kyi gnas te lhag par gnas pa kun nas 'byung ba'i mtshan nyid can no/ /dpal dang po'i sangs rgyas la sogs pa rgyud sna tshogs pa rnams kyi zhes pa la sogs pa'i sgras ni dpal 'dus pa dang bde mchog dang kye'i rdo rje'i dang mkha' 'gro ma rdo rje'i gur rnams bsdu'o/ /gang gi bla ma la gus phongs la brtse dang 'phags pa 'jam pa'i dpal gyi ni/ /dar ba bsten zhing rang bzhin ngag dag tshos ni nyan par byed la shin tu chags/ /dpal ldan skyong mchog 'dren pa zhes par grags pa de yis chos la gnas pa la/ /phyi phyir gsol ba btab pas yan lag drug po 'gegs byed brjed byad bdag gis spros/ /rnal 'byor yan lag drug gi brjed byad ni/ /bdag gis byas nas gang zhig thob pa yis/ /dge ba 'di yis 'jig rten ma lus pa/ /mchog tu 'gyur ba med par thob par shog /mkhas pa chen po gnas brtan nyi ma dpal ye shes kyis mdzad pa rnal 'byor yan lag drug gi brjed byad yon tan gyis 'gengs pa zhes bya ba rdzogs so// //rgya gar shar phyogs kyi paN+Di ta chen po sh+rI bi b+hu ti tsan+d+ras ru lag gi snying po 'bring mtshams kyi sa'i cha dpal rgya btags

  751. 375a

    kyi gtsug lag khang du bsgyur ba'o/ /'di'i gzhung gi tshad ni phyed dang bcas pa'i brgya phrag drug go /slar yang lo tsA ba'i ming tsam 'dzin pa snyoms las pa dbang dge slong dpal ldan blo gros brtan pas/ dpal dus kyi 'khor lo'i tshul la mos shing blo'i snang ba cher rgyas pa'i slob dpon chen po chos dpal bzang po'i bkas bskul te bsgyur cing zhus chen grub pa'o/ /pan chen rnal 'byor zla ba'i rang 'gyur la/ /phyed tsam ma bsgyur 'ol phyir mdzad pa las/ /blo gros brtan pas sgra don ji bzhin bsgyur/ /dge nges 'gro kun kun mkhyen myur thob shog /'dis 'gro ba shin tu mang po la phan par gyur cig /'di'i don gyi cha la the tshom za ba 'ga' zhig dang tshig phrad kyi brda ma dag pa mang du snang na'ang yid ches pa'i gnas kyi phyi mo na'ang de kho na ltar 'dug pas de bzhin du byas so/ /de ltar zhus dag gnyis pa'i tshogs grub pa'o// // bkra shis// //