Text
ff. 1a–374a · 747 folio sides
- 1a
sgra thams cad kyi snang ba ston pa/ dbang rdzogs pa rang byung chen po'i rgyud bzhugs so//
- 1b
rgya gar skad du/ kA yA lo kod+deSh+Ta b+hi Shiny+tsA ma hA swa yaM b+hA tan+t+ra nA ma/ bod skad du/ sku thams cad kyi snang ba ston pa/ dbang rdzogs pa rang byung chen po'i rgyud ces bya ba/ bcom ldan 'das dbang thams cad kyi bdag nyid pad+ma he ru ka la phyag 'tshal lo// 'di skad bdag gis bstan pa'i dus gcig na/ rig pa'i snang ba yongs su gsal ba'i gzhal yas na/ rig pa'i rtsal gyi dbang gi mnga' bdag des/ 'di skad ces bstan to// snang ba'i rig pa khyad par can// kun tu snang ba rnams nyon cig/ rig pa'i gnas lugs 'gags pa med pa'i dbang // bya ba rgyun du spyod pa'i dbang // 'das pa rjes su bzung ba'i dbang // ma 'ongs gnad la 'gel ba'i dbang // da lta smin par byed pa'i dbang // ma rdzogs rdzogs
- 2a
par byed pa'i dbang // thams cad bzlog par byed pa'i dbang // gso byed yo byad nyid kyi dbang // 'du byed ro langs gser bsgyur dbang // thal byed ro bsreg 'khor lo'i dbang // sgrub byed ral gri mtshon cha'i dbang // smin byed sdom pa rnam bzhi'i dbang // thams cad dbang gi 'khor lor bstan pa'o// 'di skad bdag gis thos pa'i dus gcig na/ rang rig b+han d+hA 'bar ba'i gzhal yas nas// bcom ldan 'das dbang thams cad kyi bdag nyid/ pad+ma he ru ka zhes bya ba bzhugs te/ de yang bcom ldan 'das de nyid dbu gsum pa phyag drug pa/ zhabs bzhi bgrad pa/ sku la dur khrod kyi rgyan sna tshogs kyi brgyan pa/ glang chen gyi pags pa dang / klu rigs bzhis dbu dang yan lag brgyan pa/
- 2b
zhing chen dang rin po che'i rgyan sna tshogs kyis brgyan pa/ bskal pa'i me ri sna tshogs sku las 'phro ba/ phyag na mtshon cha gar yang ma nges pa bsnams pa/ zhabs re re la lcags kyi rta rmig gsum gsum byung ba/ dbu re re la rta mgo ljang zhur re re rta skad phyogs bcur sgrogs pa/ zhal nas pad+ma ta kr-i ta yi sgra sgrogs pa// dbang thams cad kyi de bzhin nyid 'gro ba yongs la bskur ba/ sku mdog le brgan dbang gi dkyil 'khor rdzogs pa/ zhabs kyi 'og tu ta kr-i ta khro bo chen po brgyad po brdzis pa/ lte ba na rta mgrin dmar po zhal gcig phyag gnyis pa/ thugs ka na gsang ba'i bdag po phyag na rdo rje sku mdog sngon po/ zhal gcig phyag gnyis pa/ g.yas rdo rje tshangs pa'i 'jig rten du gsor zhing / g.yon sdig 'dzub dang zhags pa bsdams pa/ dpung par hUM ka ra dkar po zhal gcig phyag gnyis pa/ g.yas na gsod pa'i sta re phyar ba// g.yon na phur ba 'dril ba'o// rta mgo'i steng na rdo rje sems dpa' dkar po/ g.yas rdo rje rtse dgu thugs kar 'dzin pa/ g.yon dril bu dku la brten pa'o// de lta bu'i bcom ldan 'das de la/ 'khor dpag tu med pa'i tshogs 'di lta ste/ pad+ma he ru ka la sogs rigs kyi khro bo lnga dang / yum krod+hi shwa ri ma dang / rdo rje sems dpa' dang / rnam par snang mdzad dang / rin chen 'byung ldan dang / snang ba mtha' yas
- 3a
dang / don yod grub pa dang / sangs rgyas spyan ma dang / mA ma ki dang / gos dkar mo dang / dam tshig sgrol ma dang / nam mkha'i dbyings phyug ma dang / rdo rje'i rdo rje dang / rdo rje las dang / rdo rje chos dang / rdo rje rnon po dang / rdo rje ral gri dang / rdo rje be con dang / rdo rje tho ba dang // rdo rje me tri'o// 'joms ma reg dang / 'joms ma yid dang / 'joms ma dri dang / 'joms ma ro dang / 'joms ma dus dang / 'joms ma chen mo 'byung ba lnga dang / 'joms ma chen mo snang ba ma'o// lha dbang dang / mi dbang dang / lha ma yin gyi dbang po dang / byol song gi dbang po dang / yi dwags kyi dbang po dang / dmyal ba'i dbang po chen po dang / 'bras bu snang ba'i ston pa chen po'o// de bzhin gshegs pa'i rigs kyi mkha' 'gro ma dang / rdo rje'i rigs dang / rin po che'i rigs dang / pad+ma'i rigs dang / las kyi rigs dang / dbyings kyi rigs dang / ye shes kyi rigs dang / las kyi rigs dang / sha za'i rigs dang / khrag 'thung gi rigs dang / rus pa mur ba'i rigs dang / mkha' 'gro dang / shugs 'gro dang / stobs 'gro dang / rdzu 'phrul gyis 'gro ba dang / thabs kyis 'gro ba dang / snang ba zhon nas 'gro ba dang / 'byung ba la zhon nas 'gro ba dang / sgyid kyis 'gro ba dang / dus bzhi la 'gro ba'o// sa brgyad pa la gnas pa dang / dgu pa
- 3b
la gnas pa dang / bcu pa la gnas pa'i 'khor ro// klu'i rgyal po dga' bo dang / 'jog po dang / mthas yas dang / dung skyong la sogs pa'o// phyag na rdo rje dang / rta mgrin dang / gshin rje gshed dang / 'jam dpal dang / phyag rdor zhi ba dang / spyan ras gzigs dang / rigs kyi khro bo bsam gyi mi khyab pa'o// grul bum gyis rgyal po dang / mi'am ci'i rgyal po dang / lto 'phye'i rgyal po dang / lha ma yin gyi rgyal po dang / dri za'i rgyal po dang / 'byung po thams cad kyi rgyal po dang / sha za'i rgyal po dang / yi dwags kyi rgyal po dang / sa la gnas pa dang / chu la gnas pa dang / rlung la gnas pa dang / me la gnas pa dang / nam mkha' la gnas pa'i 'khor bsam gyis mi khyab pas bskor ba'o// de nas bcom ldan 'das dpal chen po de nyid dregs pa can thams cad dbang du sdud pa zhes bya ba'i ting nge 'dzin la snyoms par zhugs so// de nas 'khor dpag tu med pa'i rigs rnams dang / thabs cig tu bzhugs so// zhes rdzogs pa rang byung chen po'i rgyud las/ gleng gzhi'i le'u ste dang po'o// // @#// rgya gar skad du/ sarba sin d+hu hu ka ra ya sing nA ma/ bod skad du/ khrus thams cad kyi lung zhes bya ba/ bcom ldan 'das dpal rdo rje sems dpa' la phyag 'tshal lo// de nas 'khor de rnams kyi nang nas/ gsang ba'i bdag
- 4a
nyid rdo rje rnam 'joms kyis 'di skad ces gsol to// kye kye bcom ldan dbang gi bdag/ khams gsum 'khor ba'i sems can la// rnam rtog dri ma bsam yas pas// sgrib pa rnam pa gnyis sbyangs pa'i// thabs chen mtshon pa'i yan lag dang / sems can dri ma can dag gi/ rtogs pa sbyangs pa'i khrus chen dang // khrus kyi sgrub pa gsung du gsol// de nas pad+ma he ru kas// rnam 'joms nyid la bka' stsal pa// kye ma rdo rje rnam 'joms nyon// ngas bstan legs par yid la zung // khrus kyis rnam rtog sbyong byed na// shin tu dben pa'i gnas dag tu// phyi mtshams tshul bzhin bya ba dang // spyi bshags la sogs rab tu bya// de nas dkyil 'khor 'dom gang la// ba yi rnam lngas sbyang bar bya// tsan+dan la sogs dri zhim pos// chag chag rab tu btab nas ni// thig ni gzhung dang mthun pa ste// shin tu rgyas par gdab bya ste// de nas tshon sna lnga yang dgye// dbus ni zlum po'i pho brang du// pad+ma mdzes pa 'dab brgyad bri// pad+ma lte ba sngon pos bkang // 'dab ma rnams ni mdzes tshon no// de yi phyi rol gru bzhi ste// sgo dang bcas pa dag tu bri// gru chad ljang gu mdzes pa ste// sgo rnams rigs dang 'dra ba'o// sgo yi mtha' ma zlum po ste// rdo rje ra bar bcas pa bri// zlum po'i kha dog dmar po bya// bar khyams nag po dag tu bya// de nas dkyil
- 4b
'khor de nyid la// rdzas ni 'di ltar dgod par bya// pad+ma'i lte ba'i dkyil dag tu// bum pa mdzes pa gcig bzhag ste// tshon skud lnga yi gzung thag gdags// pad+ma'i 'dab ma re re la// lha bshos re re gzhag par bya// dkyil 'khor phyogs mtshams brgyad nyid du// phur pa bcu la khro bo sngags// phyogs bcu nyid du rab tu bkod// phyogs skyong bcu la gtor ma bcu// yi dwags 'byung po'i gtor ma dang // rigs drug rnams la gtor ma gcig/ chos skyong 'khor dang bcas pa dang / ma mo rnams la gtor ma gcig/ dbus su dpal gyi gtor ma bca'// sgo bzhir ral gri bzhi yang gzug/ gru bzhir mda' bzhir me long bzhi// dar sna dag kyang gdags par bya// khrus chu'i bum pa gcig ni gru chad de// bum pa de dag rnams la yang // sman kyi yo byad sna tshogs dang // ka ra bu ram la sogs dang // gser dang man shel nor bu dang // rin chen sna lnga ci snyed dang // rgya mtsho'i tshwa dang lan tshwa dang / tshwa sna ci snyed yod pa dang // spos dang tsan+dan gla rtsi dang // dri zhim pa yi spos rnams dang // mar dang sha dang ro zhim dang / 'bras dang nas dang 'bru rnams dang // shing thog la sogs 'bras bu rnams// bum pa dag gi snying por gsungs// ras dkar dri med gtsang ma yis// mgul chings dag ni bya bar gsungs// de nas dkyil 'khor de nyid la// ras
- 5a
dkar mdzes pas gdugs su bya// yungs kar sA lu ldang pa yis// bum pa'i kha rgyan bya bar gsungs// de nas bcom ldan dbang chen la// rnam 'joms nyid kyis yang zhus pa// kye kye bcom ldan dbang chen sku// dkyil 'khor rdzas nyid de ltar na// sgom thabs mchod pa'i rim pa gsungs// bcom ldan pad+ma he ru kas// rdo rje khro bo de nyid la// stobs ldan nyid kyi bka' stsal pa// kye ma nyon cig rnam par 'joms// sgrub pa chen po de nyid la// 'jug dus tshes chen bco lnga la// bsgrub pa'i zhag grangs rab ni bdun// 'bring po zhag lnga tha ma gsum// de ltar bsgrub pa byed pa'i tshe// dang po dbang gi bro brdung zhing // de tshe rnal 'byor chen po rnams// bsgoms pa'i rim pa 'di lta ste// pad+ma dbang gi dkyil 'khor rnams// skad cig tsam la rab tu bskyed// dbus su pad+ma he ru ka/ dbu gsum phyag drug zhabs bzhi ste// g.yas kyi zhal ni ljang gu ste// g.yon ni sngo la dbus ni dmar// phyag drug g.yas kyi dang po na// dgra sta bsnams shing skye rtsa gcod// 'og ma gnyis kyi phyag mtshan ni// mdung thung ral gri bsnams pa'o// g.yon pa gsum gyi phyag mtshan ni// bam dbyug thod pa sdigs mdzub ste// dbu yi steng na rta mgo gsum// rta skad sgrogs shing dbang skad 'tsher// me ri sna tshogs 'phro ba'i me// de lta bu yi dbang chen
- 5b
nyid// bdag nyid thugs ka'i dkyil 'khor du// yi ge hrIHnyid dmar po bsam// de nyid 'od du zhu ba dang // bdag nyid pad+ma dbang du bskyed// de nas hrIHhrIHzhes brjod pas// bdag nyid steng du chad par bsam// de nas rta mgo gsum du bsam// de nas badz+ra hrIHzhes brjod// de nyid 'od du zhu ba dang // bdag nyid dpal chen mdun dag tu// rdo rje rnam 'joms bsgom pa'o// de nyid sku mdog phyag mtshan ni// zhal gcig phyag gnyis sku mdog sngo// g.yas pas bum pa dkar po bsnams// rdo rje rgya gram bum pa'i kha nyid bcad pa'o// g.yon pas sdigs mdzub phur pa 'dril// klu dbang rigs bzhis sku la brgyan pa'o// de ltar gsal bar bsgom pa dang // bsnyen pa gtso bor sngags 'di brjod// oM pad+mAn+ta kr-ita badz+ra kro d+ha ha ya grI ba hUM hrIHsngags de brgya rtsa brgyad brjod pas// rnam 'joms sku ni grangs med bsam// rdo rje rnam 'joms de dag gi/ thugs ka'i yi ge sa bon las// khrus kyi lha mo grangs med bsam// stong gsum thams cad khengs par bsam// khrus kyi lha mo de dag ni// sku mdog dkar mo 'od zer can// g.yas pa rnams ni bum pa ste// g.yon pa rnams ni sdigs 'dzub bo// de nas bcom ldan bde chen des// rnam 'joms nyid la lung bstan pa// kye ma rdo rje rnam 'joms nyon// gsang sngags khrus kyi sgrib sbyang
- 6a
sngags// khyod kyis 'dus pa'i tshogs la spros// de nas rnam 'joms de nyid kyis// gsang sngags khrus kyi tshig 'di smras// na maHtsaN+Da badz+ra kro d+ha ya hu lu hu lu hUM phaT/ de skad sngags de lan nyer gcig/ brjod cing bcom ldan dbang nyid bsam// de las 'od zer rab 'phros pas// khams gsum rgyud drug sems can gyi// rnam rtog sgrib pa sbyangs par bsam// de nas khrus kyi lha mo rnams// gsal ba 'od dang ldan gyur nas// bdud rtsi'i bum pa de dag gis// nang nas bdud rtsi'i chu rgyun babs// de nyid stong gsum khyab pa las// bdag dang mtha' yas sems can gyi// sdug bsngal thams cad med pa dang // sgrib pa thams cad bkrus par bsam// phyi dang nang gi nad rnams kyang // lha mo de dag thams cad kyis// bdud rtsi'i chu yis bkrus par bsam// rgyun du de ltar bsam bzhin du// spyi cho ga gzhung dang mthun par bya// rgun du bgrangs pa'i sngags 'di'o// oM badz+ra tsaN+Da sarba a shud+d+ha re ya// sarba pA pa bi sho d+ha ho re raM khaM raM raM/ badz+ra tsaN+Da ra raM/ de ni rgun 'bul dag tu bzlas// de nas bsgrub pa'i tha ma la// rigs kyi slob ma de dag la// dbus kyi bum pas dbang bskur bya/ khrus kyi bum pas khrus nyid bya// gtso bo'i bum pa de nyid du// dpal chen de nyid sku bstan pa// slob bu'i spyi gtsug dag tu bzhag/ 'og ma'i sngags
- 6b
'di nyid lan bdun brjod// de nas rdo rje slob dpon des// che ba'i glu 'di rab tu blangs// hUM bdud rtsi dag pa'i ye shes sku// chos nyid mkha' mnyam ye shes bum// rnam rtog kun sbyong ye shes chu// rig pa 'od gsal snying por bcas// mkha' gsang mnyam sbyor lan tshwa'i ro// rnam dag dri med bcud len sman// 'dod yon las grub rin po che// rin chen 'od 'bar dri zhim spos// gso byed rdo rje lo ma'i chu// 'dod pa tshim byed 'bras bu dang // bsnyen 'dril thugs rje'i dar dpyang dang // 'bras bu bcud kyis gtams pa yi// chos nyid mnyam pa'i bum pa yis// skal ldan 'di la dbang bskur bas// chos nyid rang stobs rnyed nas kyang // dbang chen sku dang ldan par shog/ oM ma hA ka la sha sid+d+hi badz+ra hUMHde nas khrus kyi bum pa yis// slob ma de la khrus byas te// spyi gtsug dag tu bzhag la yang // sngags ni 'og ma lan bdun brjod// de nas khrus kyi bum pa de// rnam 'joms nyid du gsal bar bsgom// de nas rdo rje slob dpon des// che ba'i glu 'di brjod par bya// rnam dag dri med ye shes chus// bkrus pas rnam rtog sdug bsngal bral// rnam rtog dri ma las sbyongs shing // sangs rgyas zhing khams rab 'byams kyi// ye shes chu rgyun babs nas na// khyod kyi rnam rtog byang gyur nas// phyi dang nang gi sdug bsngal rnams// thams cad zhi
- 7a
bar gyur nas kyang // ye shes snang ba gsal bar ston// dag pa'i ye shes bdud rtsi 'dis// dri ma'i skyon rnams byang ba dang // mi gtsang la sogs nyams pa kun// shel sgong lta bur gyur nas ni// rnam 'joms nyid kyi sku gsung thugs// rigs kyi bu la rdzogs par shog/ oM tsaN+Da badz+ra kro d+ha kA ya hUM hUM hriHde nas gtor mas dbang bskur bya// gtor ma gtong zhing dkyil 'khor bsdu// zhes rdzogs pa rang byung chen po'i rgyud las/ khrus kyi le'u ste gnyis pa'o// // @#// rgya gar skad du/ ma hA su ka sa pi ya dur na ma/ bod skad du/ gshin gyi gnas lung chen mo zhes bya ba/ bcom ldan 'das dpal mnyam pa'i rgyal po la phyag 'tshal lo// de nas bcom ldan 'das dpal pad+ma'i rgyal po de nyid kyis/ sems can tshe 'das pa'i sems/ rig pa ngo sprad pa'i cho ga dang / rigs drug nas drangs shing lam ston pa 'di gsungs so// phyogs bcu na gnas pa'i lha dang / klu dang / lha ma yin dang / mi dang / byang chub sems dpa'i 'khor rnams la rab tu bos te 'di gsungs so// kye 'dus pa'i tshogs phal cher nga la nyon cig/ sems can thams cad sdug bsngal la chags shing / sdug bsngal la spyod pa'o// tshe 'das pa'i sdug bsngal dang / rnam rtog sbyong ba'i phyir/ ngas tshe 'das pa bar do las 'das pa'i lam du lung bstan
- 7b
pa 'di bstan gyis/ legs par nyon cig ces gsungs pas/ de nas 'khor rnams rab tu dga' ste 'di skad brjod do// e ma ho// legs so bdag cag rnams kyi legs par bzung / dpa' bo chen pos bka' stsol cig/ de nas dbang chen de nyid kyis// nye ba'i 'khor la bka' stsal pa/ kye kye 'dus pa'i 'khor tshogs nyon// gnas kyi cho ga chen mo ni// nga yis lags par bshad par bya// sems can las kyis mnar ba yi// dbang po rab 'bring tha ma gsum// shin tu rgyas pa 'di lta ste// dbang po nyi shu rtsa gcig go/ yang gsol pa/ sems can las kyi mnar de yi// bar do'i gnas lugs ci ltar lags// rdo rje 'chang gis bka' stsal pa// sems can kun gyi lam chen ni// bar do'i snang ba chen po yin// rnam pa bzhi ru nga yis gsungs// rang bzhin gnas pa'i bar do dang // chos nyid rang snang bar do dang // rmi lam 'dzin pa'i bar do dang // srid pa 'khyams byed par do'o// rang bzhin gnas pa'i bar do la// chos nyid gsang ba'i don rtogs nas// gang la ma chags shes rab pha rol phyin// de nas lus 'di bor ba dang // chos nyid rang snang bar do la// gnyis su med par gnas nas ni// zhag ni rnam bdun sdod par nges// de tshe sems can chen po de// chos nyid ma la rab gnas te// sems dang rig pa'i ye shes
- 8a
gnyis// zhag bdun bar du rab tu bral// chos nyid rang yul mthong ba'i phyir// de nas zhag bdun lon pa dang // sems kyi sa bon langs pa dang // lhun grub chen po rab 'das nas// rmi lam bar do chen por 'gro// de tshe sngon gyi bag chags dran// de tshe gnas kyi cho ga gsungs// gnas kyi cho ga chen po rnams// phyag rgya 'khor los mtshams bcad bya// de nas bud+d+ha he ru kas// dbang chen nyid la don zhus pa// kye ma dpa' bo dbang gi bdag/ gnas lung chen po bsgrub pa yi// dkyil 'khor cho ga gsung du gsol// de nas dbang chen de nyid kyis// zhus pa'i tshig 'di bka' stsal pa// gnas lung bsgrub pa 'di lta ste// tshe 'das lus brjes gnas de ru// dkyil 'khor 'dom gang gru bzhi ste// dri sna gsum gyis chag chag gdab// de nas tshon thig byin gyis brlab// bcu drug thig dang ldan byas la// de nas tshon nyid rab tu dgye bar bya// pho brang gru bzhir ldan pa la// tshon rtsi mthing ga dag gis dgar// phyi rim zlum po dag tu gsungs// rdo rje'i ra bar bcas pa bri bya zhing // pho brang bsnol ma'i bar dag ni// dmar po dag gis rab tu bkang / de yi phyi rim gru bzhi ste// sgo dang bcas par rab tu bshad/ sgo ni rigs dang mthun pa la// bar khyams sngon po dag tu bya// gru chad ljang gu mdzes pa'o// de yi phyi rim zlum por
- 8b
gsungs// zla gam bzhi ni dmar po'o// kye ma bcom ldan dbang gi bdag/ gsang ba'i dkyil 'khor de nyid la// mngon pa'i rdzas ni ji ltar lags// dpal chen khyed kyis bka' stsol cig/ gsang ba'i dkyil 'khor de nyid la// dbus kyi pho brang steng dag tu// bum pa mdzes pa gcig bzhag ste// ras dkar gtsang mas mgul tshangs bya// nang du chu gtsang dag gis dgang // kha rgyan ci 'byor dag gis bya// shar phyogs dag tu gtor ma gcig/ rak+ta bdud rtsis bran la bzhag/ lho phyogs gtor ma phud kyis bran// nub kyi rak+ta dag gis bran/ byang du bdud rtsi'i dri chus bran// byang shar mtshams su lan chags gtor// sha sna tshogs tshad dag dang ni// dkar gsum mngar gsum la sogs dang / nya sha dag dang sgo nga dang // khur pa la sogs zas sna rnams// ci 'byor pa yis gtor ma brgyan// 'bras chang gro chang yos chang dang // bu ram chu dang kar chu dang // dar ba zho dang mar khu yis// gtor ma de nyid bran te bzhag/ gsang ba'i dkyil 'khor de nyid la// sgo bzhi ral gri bzhi yang gzug/ gru bzhir mda' bzhi me long bzhi// dar sna bzhi yang gdags par bya// de nas dkyil 'khor de nyid la// zhi khro'i sku yi dkyil 'khor ram// gang yod steng du dgram par bya// de yi steng du ras dkar gtsang ma yis// gdugs ni rab tu 'bubs par bya// ras
- 9a
dkar gtsang ma de nyid la// yi ge a nyid dkyil du bri// gsang ba'i dkyil 'khor de nyid la// mthing nag dar gyi yol ba bre// dkyil 'khor de yi shar sgo ru// dri ma dag ni dgod la bzhag/ la gzhu dang dong ral dang / pho yi chas su ci yod bzhag/ mo la 'phang dang skur ma dang // mo yi cha rkyen ci yod bzhag/ de nas dri ma de dag la// gshin gyi ming byang bstan pa ni// shog gu dar la rab bris nas// mda' 'phang dag la btags la gzug/ de nas gtor ma cha gsum gtang // phyi cho ga la sogs mchod pa lnga/ gzhung dang mthun par rab byas nas// zhi ba'i phrin las rdzogs par bya// de nas khro bo'i gzhung bsrang la// gshed byed bskrad pa'i cho ga bya// de nas dri ma de nyid la// slob dpon ting 'dzin ldan pa des// pho mo gang yin rnam shes dgug/ raM yaM khaM gis bsreg sbyang bkrus// de nas sngags 'chang de nyid kyis// e ma ri zhes rab brjod pas// snod bcud 'jig rten thams cad ni// mthing nag gru gsum e ru bsam// gshed byed thams cad brlag par bsam/ de nas dri ma de nyid la// de ba bi shud+d+ha ri ni rab brjod pas// zhi khro'i lha tshogs de dag kun// dri ma tshe 'das lus la gzug/ de nas dri ma de nyid ni// lha tshogs rnams su gsal ba dang // tshe 'das de yi lus po la// mdzes pa'i rgyan cha dag gis
- 9b
brgyan// dar dpyangs dag dang gdugs kyis dgab// de nas rdo rje slob dpon des// dbang chen stabs su bzhugs nas ni// tshigs bcad 'di skad brjod par bya// e ma ho// de bzhin gshegs pa thams cad kyi// sku dang gsung dang thugs dang ni// yon tan phrin las zag pa zad// zad mi shes pa yi bden pa dang // gzhan yang bdag cag rdo rje slob dpon dang // gsang ba'i dkyil 'khor bsam gyi mi khyab pa'i bden pas/ gshin po tshe las 'das pa 'di/ rigs drug gang na gnas kyang rung ste/ ngan song gsum gyi sgo chod cig mtho ris su sgo 'byed pa'i gsang ba'i dkyil 'khor 'dir/ skad cig la mchis par gyur cig gzhan yang 'di la gnod par byed pa'i bdud dam/ bgegs gang yang rung bas/ 'di la gnod par ma byed cig/ gal te gnod par byas na/ bcom ldan 'das pad+ma dbang chen gyi byin rlabs kyis/ thal ba rdul phran bzhin du gyur cig de skad ces brjod cing sngags 'di gsum brjod do// oM bi sha kro d+ha ha na ha na ha la ha la hUM phaT/ ces brjod cing / nyung kar la bsngags la phyogs bcur gtor ro// de nas 'dzab tu bgrang ba'i sngags 'di bro brdung zhing bzlas so// oM pad+mAn+ta kr-ita badz+ra kro d+ha ha ya grI ba hUM hrIHsngags de las ni 'od 'phros pas// rta mgrin dmar po grangs med 'phros// 'gro drug gnas nas drangs par
- 10a
bsam// de nas dri ma'i snying ga nas// rta mgrin de dag thams cad kyis// bzung nas gnyis med lha ru gsal// de nas b+had+d+ha he ru kas// dbang bdag nyid la don zhus pa// kye ma bcom ldan dbang chen sku// tshe 'das sems can de dag ni// ngan song gsum nas drangs pa'i phyir// cho ga'i sbyor ba gsung du gsol// de nas pad+ma he ru kas// de dag rnams la bka' stsal pa/ de nas zhi ba'i 'dzab dbyangs bgrangs// oM AHhUM badz+ra d+haM kra mr-i d+hA tI shwa ri/ lAM dwe Sha ra ti/ bai ra ga ra ti s+t+waM/ maM mo ha ra ti/ aM a ro li ka/ de skad brjod cing gzugs la bstim// yi ge de dag re re yi// 'od zer rab tu 'phos pa sa// shes bya'i rnam rtog sgrib pa dang // blta ba gol ba'i sgrib byang bsam// de nas sngags kyi 'od zer des// tshe 'das lus la phog pa dang // lus ngag yid gsum sgrib byang nas// lus kyi dngos po med par bsam// de nas tshe 'das dngos po de// yi ge nr-i du gyur nas ni// de nas hUM du gyur par bsam// de las 'od zer 'phro 'du las// badz+ra AHhUM rab brjod pas// rdo rje gyur nas skye 'jig bral// de ltar skye ba med bsams nas// dkyil 'khor bzhengs su gsol ba yi// cho ga mnga' gsol byin brlab bskyed// raM yaM khaM gyis bsregs sbyangs las// bskyed pa'i sngags 'di lan gsum brjod// b+h+rUM bi shud+d+he b+han+d+ha dz+nyA
- 10b
na tsakra b+h+rUM// de nyid 'od du zhu ba las// gzhal yas khang ni rab tu bsam// 'khor lo rin chen gzhal yas khang // b+han d+ha ye shes rnam par bsam// rgya khyon dpag tu med par bsam// de yi nang du bsam bya ba// sngags 'dis rab tu bskyed par bya/ a tsan+da maN+Da la hUM/ ma sA ra ya maN+Da la hAM/ paM pad+ma maN+Da la hUM/ hAM traM ti ra baM la sogs pa'i// zla ba'i dal dang nyi ma'i dal// pad+ma stong dang ldan pa yi// bdag nyid rab tu bsam par bya// ti ra baM la sogs pa yi// phyogs skyong gdan yang rab tu bsam// de yi steng du dbang chen bsam// phyogs mtshams kun tu khro bo bsam// de ltar dkyil 'khor bzhengs nas ni// dkyil 'khor bzhengs su gsol ba yi// cho ga 'di skad brjod par bya// dbang zhu rab tu gon nas ni// mgo la dar dpyangs rab bcings nas// rdo rje'i glu chen 'di skad blang // hUM rnam dag ye shes gzhal yas khang // stong pa ye shes b+han d+ha'i chang // gsal ba ye shes thig ldan pa// mkha' mnyam rgya khyon dpag tu med// 'od zer lnga ldan mu khyud bcas// rang rig ye shes 'khor lo'i dbyibs// rnam dag ye shes klong yangs dkyil// dur khrod me ri sna tshogs 'phro// yaMHye shes rlung gis rnam rtog thams cad gtor// skye med ye shes shes rab dbyings su sgrol// raMHye shes me yis rtog pa sbar sbur bsreg/ shes rab ye shes bskal
- 11a
pa'i me ltar 'bar// khaMHye shes chu yis nyon mongs rnam lnga bkrus// ye shes chu yi rgya mtsho rba rlabs 'khrugs// laMHchos nyid sa yis snang srid 'khor 'das 'degs// chos nyid mi 'gyur theg pa'i sa rnams bgrod// koHye shes ko gyis gti mug 'bras bu gting // chos nyid ma skyes stong pa'i 'bras bur ldan/ b+h+rUMH/ ye shes rnam dag pho brang dkyil 'khor 'dir// rgyal ba rnams la bzhengs bzhugs mi mnga' yang // stong nyid theg ldan rgyal ba'i gshegs khang 'dir// thams cad gshegs nas brtan par bzhugs su gsol// hUM/ rig pa'i rang bzhin yi ge hUM gi dang // gru bzhi ye shes bzhi dang ldan gyur nas// chos nyid gtor ma zhal zas bdud rtsi hUM// rig pa'i ye shes yi ge oM du gsal// rnam rtog rgyun gcod thig bcu drug kyang 'dug chen 'bras bus mdzes// bdud rtsi gtor ma bsreg sbyang bkrus// oMH/ ye shes lnga ldan rig pa'i ye shes oM// ye shes rang snang sna tshogs lnga ldan pa// ye shes bcud ldan thams cad gtor mas tshim// pho brang rab mdzes rdo rje'i dkyil 'khor 'dir// sgrub rdzas byin gyis brlab cing brtan par bzhugs// sgo bzhi rab mdzes ye shes phyogs bzhir gsal// ye shes rang snang 'khor lo lta bu'i dbyibs// 'bar ba'i dkyil 'khor ye shes pho brang 'dir// khro rgyal thams cad
- 11b
brtan par bzhugs su gsol// oM badz+ra maN+Dal sur ste stam/ de ltar dkyil 'khor cho ga bstan// dkyil 'khor cho ga rab rdzogs nas// brda' sgo dbye ba'i rim pa bya// tshe 'das las kyi sems can de// dkyil 'khor de yi shar sgo nas// pho brang nang du chud par bsam// de nas glu chen 'di skad brjod// hUM/ shar lho nub byang sgo bzhi nas// rig pa'i ye shes sgo 'byed kyis// shes rab chen po'i sgo phye zhig/ rig pa'i ye shes sgo phye bas// sems kyi rnam rtog dri ma bral// tsit+ta'i dkyil 'khor sgo phye bas// ye shes snang ba phyogs bcur gsal// sgron ma mig gi sgo phye bas// rig pa'i ye shes rtog med gsal// sems kyi yi ge nr-i gnas pa// gsal ba'i ye shes mig phye bas// rig pa'i ye shes hUM du gyur// ye shes gsal ba'i sgo phye bas// dkyil 'khor pho brang mngon par snang // 'dir ni dkyil 'khor gsal gyur bas// ye shes thams cad dbab tu gsol// sa man+ta badz+ra sa twa hUM// kye ma bcom ldan dpal chen sku// tshe 'das rigs kyi bu de nyid// dkyil 'khor lha tshogs de dag gi/ zhal ni gang gis blta bar 'gyur// dbang chen nyid kyis lung bstan pa// kye ma nyon cig he ru ka/ rdo rje slob dpon gsang ba des// tshig bshad 'di dag brjod byas na// dkyil 'khor lha yi zhal mthong 'gyur// de nas dkyil
- 12a
'khor shar g+hA nas// dri ma 'dzin pa'i me dag gis// dri ma ngag dang bcas pa yis// dkon mchog gsum la phyag gsum 'tshal// de nas rdo rje slob dpon des// tshig ni 'di skad brjod par bya// ho mi gnas pa yi ye shes chen po'i bdag nyid zhi khro gsang ba'i dkyil 'khor bcas pa dang / bcom ldan pad+ma dbang gi dkyil 'khor gyis/ tshe 'das 'di la zhal bstan du gsol/ byin gyis brlab tu gsol/ dbang bskur du gsol/ mthu bstan du gsol/ sgrib pa sbyang du gsol// gnas sbar bar mdzad du gsol/ oM badz+ra sarba ka badz+ra hUM/ de nas ting 'dzin rab brtan pas// sngags kyi 'od zer ldan 'bros pas// tshe 'das nyid la dbang bskur bas// de nas byin dbab bshags pa bya// pad+mAn+ta kr-ita bro brdung zhing // ru lu gar gyis mchod pa 'bul// de nas dbus bum byin gyis brlabs// bum pa'i nang du lwa rnams bskyed// bum pa mdzes pa de nyid la// dkyil 'khor lha tshogs gsal ba dang // dang po'i gnas su bzhag par bya// mchod dang bshags pa byed tsam na// tshe 'das nyid kyis byed par bsam// de nas byin dbab byas pa dang // lha dang dkyil 'khor je gsal bsgom// phrad dang gtor ma byin gyis brlabs// de nas rdo rje slob dpon des// ting 'dzin gsum la 'bad par bya// de ltar ting 'dzin rab
- 12b
gsal bas// dkyil 'khor sgo bzhir dbang bro brdung // de nas dbang gi zhwa gon la// mchod pa chen po 'di skad brjod// hUM mchod pa'i phyag rgya chen po ni// sems kyi yid bzhin sprin tshogs kyis// mnyen 'jam reg na bde ba dang // sangs rgyas zhing khams rab 'byams su// sangs rgyas rol mo sna tshogs dang // dbyibs legs rdzing bu ro mchog bsil// ye shes rol mo'i rgyan ldan pa// chos kyi glu dang ye shes gar// snang ba'i bro dang sangs rgyas gsung // tshangs pa'i gsung dang ru lu'i sgra// dbang gi stabs dang pad+ma'i gsung // dbang mchog byin rlabs chen po yis// hUM bla bre rgyal mtshan lhab lhub dang // bdug spos mar me tsan+dan dri// 'dod yon la sogs rin chen gyis// rgyal ba rgya mtsho rnams la mchod// sil snyan zhal zas gzhal yas khang // mdzes par bris shing spras pa dang // sems dang chos dang glu chen po// dbang chen dkyil 'khor nyid la 'bul// rin chen rgyan dang yo byad chu// zhi ba'i tshogs la mchod par 'bul// a la la ste mchod par bzhes// nang gi mchod pa'i phyag rgya ni// dri chen rdo rje che mchog dang // byang chub sems dang rak+ta'i dbang // dri chu rdo rje sgrib sbyangs chu// bdud rtsi yon tan las grub gter// thogs pa med par mnyam sbyor nas// dbang chen sku la mchod par 'bul// tshe dang gal phye
- 13a
dza gad dang // drag po tshims byed kun tu rgyug/ gtsang ma'i phud dang gtor ma yis// 'bar ba'i dkyil 'khor kun la mchod// tshil chen snang gsal chen po dang // drag po'i rgyan cha sna tshogs dang // dbang chen bro dang ru lu'i sgra// khro rgyal rnams la mchod par 'bul// rnga chen dang ni dril bu'i sgra// cang til g+haN+De pi wang sgra// mchog chen dung dang gling bu dang // ting ting shag dang kar ko tra// cha lang la sogs sgra rnams dang // lha dang klu yi sgra skad rnams// mthun sbyar gnyis med mchod pa 'bul// gzugs dang sgra dang dri dang ro// reg bya la sogs 'dod yon lnga// bcom ldan dpal chen nyid la mchod// dkyil 'khor tshogs dang mchod rdzas kyis// gnyis med bsdus te mnyam sbyor nas// 'bar ba'i dkyil 'khor kun la mchod// rgyal srid rdzas dang yo byad dang // sna tshogs mchod pa chen por 'bul// a la la ste bzhes su gsol// 'byung po kun la mchod pa ni// lan chags mchod pa'i phyag rgya ni// gtor ma ye shes rnam dag dang // zas kyi ro mchog sna tshogs pas// sbyangs pa'i lan chags bral gyur cig/ nya sha dang ni phag pa'i sha/ shra ba'i sha dang dgo ba'i sha/ bya rgod sha dang 'dab chags sha/ stag sha dom sha spre'u'i sha/ khyi sha sre mong byi la'i sha/ ba sha bong sha rta sha dang // rkyang sha la sogs sha sna
- 13b
rnams// 'bul lo lan chags rnams la 'bul// 'dod chags lan chags bral gyur cig/ ri dwags sha sna phul ba yis// yid kyi lan chags bral gyur cig/ 'dab chags sha sna phul ba yis// sems kyi lan chags bral gyur cig/ sder chags sha sna phul ba yis// lus kyang lan chags bral gyur cig/ sems can rkang med sha phul bas// lus ngag yid gsum dri ma lan chags bral gyur cig/ sha yi rigs rnams phul ba yis// lan chags thams cad bral gyur cig/ 'bras chang gro chang yos kyi chang // rgun chang shing thog chang dang ni// bu ram chang dang lan tshwa'i chu// mos chu bsil chu gur gum chu// rgya mtsho lteng ka lu ma'i chu// ka ra dang ni sbrang rtsi'i chu// khrag dang zho dang dar ba yi// btung ba'i mchod pa 'di phul bas// lan chags thams cad bral gyur cig/ mngar gsum dag gi chu phul bas// 'dod pa'i lan chags bral gyur cig/ chang gi rig mchog 'di phul bas// zhe sdang lan chags bral gyur cig/ dkar gsum dag gi chu phul bas// klu rigs lan chags bral gyur cig/ lan tshwa'i chu rnam phul ba yis// gnyen gyi lan chags bral gyur cig/ chu sna ji snyed phul ba yis// sa bdag lan chags bral gyur cig/ hUM sha dang mar dang khur ba dang // dza gad gtor ma phul pa yis// lha klu gnod sprin dri za dang // lto 'phye sa bdag rigs
- 14a
rnams dang // grul bum gnyen gyi rigs rnams dang // byol song klu yi rigs rnams dang // yi dwags sha za'i rig can dang // stobs chen bdud kyi rigs rnams dang // btsan dang rgyal 'gong 'khor bcas dang // ma mo dang ni gshin rje dang // khyed rnams kun gyi lan chags ni// skad cig nyid la bral gyur cig/ tshe las 'das pa'i sems can 'di// sems kyi mdud pa myur du khrol// lan chags rkyen gyis zas nor longs// tshe 'das rigs kyi bu 'di dang // lus dang grib mar ma 'grogs par// ngan song gsum gyi lam ma bstan// sngags 'chang bdag gi ngag 'di nyon// dbang chen nyid kyi bka' ma bcag/ hUM nyon cig ltos shig 'byung po rnams// nga ni pad+ma dbang chen te// thams cad nga yi dbang du sdud// dregs pa can rnams spa bkong byed// gnod byed snying la bro brdung ste// gshed byed thal bar brlag pa'i bro// sri chen dbang du sdud pa'i bro// bregs pa gnad la bor ba'i bro// nga yi bka' 'di ma bcags par// lan chags gtor ma 'di longs la// rang rang gnas su byer bar gyis// rang rang gnas su byer nas kyang // tshe 'das gshed du ma byed par// ngan song lam gyi sgo chod cig/ yon bdag rigs rgyud 'di rnams la// phyin chad sdang bar ma byed cig/ oM pad+man+ta kr-ita badz+ra kro d+ha hu lu hu lu hUM phaT/ sngags de
- 14b
bzlas shig yungs kar gtor// mchod pa'i gzhung rnams rdzogs pa dang // tshogs kyi mchod pa rab tu bya// tshogs chen mchod pa de dag kun// tshe 'das de yis drangs par bsam// de bzhin gzhung bzhin rdzogs par bya// de nas bdun tshigs dang po la// dang po'i cho ga 'di dag brjod// sngags 'di brjod cing spro bar bya// de nas glu chen 'di skad brjod// tshe 'das mdun du bsam pa'o// hUM nyon cig tshe 'das rigs kyi bu// khyod kyi rnam rtog ngas sbyang gis// nga la gus par phyag 'tshol cig/ sems kyi the tshom nyid sol la// bde ba'i stan la rab 'dug la// sngags 'chang nga yi ngag 'di nyon// tshe 'das bya ba'i rigs kyi bu// 'di nas 'jig rten 'og 'di na// dmyal ba bya ba 'jigs rung ba// sdug bsngal rnam pa sna tshogs pa/ mi bzad khyod kyis myong bar 'gyur// zhe sdang rgud las log pas na// sdug bsngal de las bsgral bya'i phyir// bzod pa'i chu bo 'di longs shig/ oM du si na ra ka sa mA dza hUM/ de nas dri ma de nyid la// dbang gi dkyil 'khor lnga bsams la// spyi gtsug zla ba'i dkyil 'khor te// lce la pad+ma 'dab brgyad bsam// snying gar nyi ma'i dkyil 'khor bsam// lte bar rin chen zur brgyad bsam// rkang mthil e nyid zur gsum bsam// de lta'i dkyil 'khor de dkyil du// dang po la ni a dkar po// gnyis par
- 15a
su nyid ser por bsam// gsum par ni nyid nag por bsam// bzhi par bre nyid ser po ste// lnga bar du nyid dung kha'o// drug pa tri nyid nag po ste// de ltar gnas pa'i rang bzhin de// dbang nyid bskur ba'i rang bzhin gyis// dang po yi ge oM gyur bsam// gnyis pa AHlA gsum pa hUM// bzhi pa sta ser kun tu snang // lnga pa ha ru gyur par bsam// drug pa hrIHnyid bsam par bya// de ltar bsam par bum pa yi// chu yis dri ma bkru bar bya// bum pa dri ma'i steng du bzhag/ dbang nyid bskur bar rab bya// dmyal ba'i gnas nas thon par bsam// de nas 'di skad dbyangs blang ngo // hUM nyon cig dgongs shig rigs kyi bu// tshe 'das bya ba rigs kyi bu// 'di nas 'jig rten 'og na ni// yi dwags 'jig rten bsam mi khyab// bkres dang skom kyi sdug bsngal ni// mi bzad khyod kyis myong bar 'gyur// de las bsgral bar bya ba'i phyir// nga ni bcom ldan dpal chen te// yi dwags sdug bsngal ngas bsgral gyis// sbyin pa'i chu bo 'di longs shig/ a su nr-i pre du tri hUM/ a aH/ bskyed rim bskur thabs gong dang mthun// yi dwags sdug bsngal bral bar bsam// de nas byol song sdug bsngal yang // de yi sbyong tshig 'di skad do// hUM tshe 'das rigs kyi bu khyod nyon// nga yis bstan pa 'di la nyon// bstan pa 'di la ma zhugs na// 'di
- 15b
nas mngon snang yul 'di na// byol song bya ba'i sdug bsngal ni// mi bzad khyod kyis myong bar 'gyur// de las bsgral bar bya ba'i phyir// nga ni pad+ma he ru kas// snang ba'i dkyil 'khor bsam mi khyab// rang rig gsal ba'i sgo dbye bas// snang gsal ye shes me long ltos// sdug bsngal mtha' las ngas bsgral gyis// byol song rnams kyi sdug bsngal ni// nga yis phral bar bya ba'i phyir// shes rab chu bo 'di longs shig/ oM ka ya badz+ra tsakra a su nr-i pre du tri hUM a aH/ de ltar 'jig rten rab gsal bas// byol song sdug bsngal bral bar bsam// de nas rim kyis drang ba ni// lha yi yul nas drang ba dang // lha ma yin dang rgyud lnga nas// mi yi gnas su drang bar bshad// de nas mi yul rin chen nas// gnas sbar ba yi cho ga dang // dbang bskur cho ga rgyas par bya// de nas slob dpon gsang ba des// ngan song gsum nas rab drangs nas// tshe 'das gnas lnga dag tu yang // 'bru lnga'i dbang bskur 'di skad brjod// hUM ngan song gsum gyi phung po lngar// dpa' bo 'bru lnga'i phra bkod de// rgyu lnga 'khor ba'i lam rgyun gcad// thams cad rgyal ba'i sras por bya'o// dbang chen gsang ba'i ngang nyid nas// sangs rgyas sems can gnyis med pas// srid gsum zos kyang nga ma 'grangs// khams gsum 'thung kyang nga ma ngoms// stong gsum thams cad
- 16a
bsgral ba'i zhing // ma skyes pas na 'gags pa 'jig/ rang bzhin med pas bsgral ba'i rgyu// sems nyid yongs pa'i mkha' klong du// stong gsum ma lus ston pas na// 'bum gyi char yang mi phod de// nam mkha'i gar khyab rig pas khyab// rig pa'i ngang bzhin chos kyi sku// phyi nang gnyis ka sems su bsgral// rig pa'i rang bzhin mya ngan 'das// skye shi gnyis ka rgyud nas dag/ yod med gnyis kyi mtha' las 'das// cir yang snang la gzung du med// med pa ma yin snying po'i ngang // ma zhes bya ba bcom ldan 'das// gcig pu nyid la ye shes gsal// blo ldan gang zhig skal che bas// 'di ni bsgral ba'i lung zhes grags// tshe 'das bya ba rigs kyi bu// 'di na ma chags gnas su gshegs/ ha na ha na hUM phaT/ badz+ra s+pha ra na hUM phaDa/ sa ma ya s+t+waM/ de nas rA tra nag po'i ting nge 'dzin gsal la// nyon mongs lnga las bskyed pa yi// rU tra sdig chen 'di byung bas// 'di nyid rab tu gnan par bya// de nas ltung ba bshags gyur nas// chags pa bral bas 'di skad brjod// hUM lha zhes gzhan du bstan pa yang // tshig gi tha snyad tsam du zad// rig pa'i ngang la gnyis med pa'i// rtogs pa'i don la gcig tu bstan// tsit+ta'i dkyil du gnas bcas pas// stong gsum thams cad gzhal yas khang // yid kyis dkyil 'khor lha bkod
- 16b
de// skye 'gro ma lus rgyal ba'i sras// byang chub sems su dbyer med pas// ci ltar snang ba kun tu bzang // kun gzhi ye nas rtog med mnyam// phyi nang snod bcud chos kyi sku// 'di las gzhan pa'i sangs rgyas ni// bu gcig gzhan du ma tshol cig/ rdo rje dbang nyid 'di longs la// skye med byang chub dran par gyis// oM AHhUM/ badz+ra zhi ka badz+ra hUM a/ shin tu nye ba'i mi dag gis// pho la gzhu mo rgyud bzang gi/ mchog ma dag la dar sna btags// de nas gzhu de rab tu bdung // de nas mda' yang rab btang la// rdo rje slob dpon gsang ba des// gsang ba'i thabs kyi glu 'di blang / mo nyid yin na 'phang nyid gsor// de nas 'di skad brjod par bya// hUM stong pa nyid kyi klong dkyil du// pha rol phyin bcu'i shes rab dbyings// cang shes 'phrul gyi ting 'dzin gzhu// brgyan pa'i rin chen mchog ma gter// gsung ni ka la ping ka'i rgyud sbrengs bzhin// mtha' gnyis bral ba'i ye shes skrag ma las// yi dam nang du sgrol yid bzhin nang du sgron ma'i ye shes zhags/ zer ba yang byung / ma'i mkha' 'gro zhabs// tshul bzhin thugs las byung ba'i ar gsum ma// nga dang bdag tu ltos pa'i ngan song bcom// rgyud drug nyon mongs 'khor ba'i gnas bsgral te// byang chub snying bsgril yig drug byin rlabs te// sku la thim nas rgyal ba'i sras su gyur// ye shes
- 17a
mchog gi sa la gnas thob nas// rigs lnga gsal ba'i gral du gzud par bya// e ma rigs kyi bu khyod nyon// khyod kyi rnam shes nir bcas pa// bdag nyid bcom ldan dpal chen gyis// rnam shes hUM du bsdus nas ni// phaTaHkyis gsang ba'i dbyings su 'phangs// oM AHhUM swA hA hrIHsarba ta na sho d+ha hUM hUM phaT phaTaHtiSh+Tha lhan/ de nas phung po bstan pa yis// cho ga'i sbyor ba rab tu gsungs// slob dpon ting 'dzin ldan pa des// rig pa'i ye shes hUM ldan pas// chos nyid ma yi rtsa rgud nas// spyi gtsug bde chen 'od du zhu// de las 'od 'phros sangs rgyas zhing // sras dang bcas pas phyogs bcur gang // zhing khams lus la brgyan par bsam// de nas rigs lngar skyed byed pa'i// sbyor ba'i glu chen 'di skad do// oM bcom ldan rgyal ba rigs lnga la// 'di yi phung po lnga bstabs pas// gnyis med sbyor ba'i mkha' dbyings su// sa bon hUM las bskyed gyur cig/ rigs kyi yab lngar bskyed gyur nas// thugs rje phyogs bcur 'gyed par shog/ hUM yum chen dbyings phyug lnga rnams la// 'di yi 'byung ba lnga bstabs pas// gnyis med sbyor ba'i mkha' dbyings su// sa bon hUM las bskyed gyur cig/ dbyings phyug lnga ru bskyed nas kyang // thugs rje phyogs bcur 'gyed par shog/ sems dpa' chen po brgyad rnams la// 'di
- 17b
yi rnam shes brgyad bstabs pas// gnyis med sbyor ba'i mkha' dbyings su// sa bon hUM las bskyed gyur cig/ sems ma chen mo brgyad rnams la// 'di yi yul brgyad bstab pa yis// gnyis med sbyor ba'i mkha' dbyings su// sa bon hUM las bskyed gyur cig/ khro bo chen po bzhi rnams la// lus kyi skye mched bzhi bstabs pas// gnyis med sbyor ba'i mkha' dbyings su// sa bon hUM las bskyed gyur cig/ khro bo bzhi ru skyes nas kyang // rang gsal 'od dang ldan gyur cig/ khro mo chen mo bzhi rnams la// phyin ci log rtog bzhi bstabs pas// gnyis med sbyor ba'i mkha' dbyings su// sa bon hUM las bskyed gyur cig/ khro mo bzhi ru skyes nas kyang // rang gsal 'od dang ldan gyur cig/ hUM bcom ldan kun bzang yab yum la// 'di yi yid chos gnyis bstabs pas// gnyis med sbyor ba'i mkha' dbyings su// sa bon hUM las bskyed gyur cig/ kun bzang yab yum bskyed nas kyang // rang gsal 'od dang ldan gyur cig/ bcom ldan thub pa drug rnams la// gnyis med rig pa'i thugs dkyil du// sa bon hUM las bskyed gyur cig/ oM s+pha ra Na phaDaHhUM s+tha ra Na b+h+rUM/ a s+tha ra Na hUM/ da ni sa lam gnas mchog bstan// de nas bcom ldan mngon rdzogs des// sems can lha ru bskul ba 'di// rab tu brjod cing bka' stsal to// lha rnams skul byed cho ga
- 18a
ni// thams cad gnyis su med par bskul// mnyam med mchod pa 'di skad do// oM sngon gyi thugs dam chen po ni// sems can 'byams klas ma lus kun// sangs rgyas zhing du dag sbyangs pas// phyag rgya chen por bdag sbyor cig/ gser zhun lta bur gnas pa la// sngags dang phyag rgyas byin gyis brlabs// gsum gyis byin brlabs 'od kyi 'bru// yab yum gnas su btegs nas kyang / sbyor ba'i lhums su phaT kyis 'phangs// thugs kar thim nas sku yi dbyibs// rdo rje lam byung yum gyi mkha'// gnyis med dbyings su gnas sbar nas// lha rnams snying po so so'i sgras// 'di la byin gyis brlab tu gsol// oM sarba badz+ra ta kr-ita g+h+ri rna a yaM s+pha ra Na phaTaHsu tri dzaHde nas chos kyi dbyings chen du// rigs lnga sbyor ba'i brdas bskul bsam// tshe 'das las kyi sems can de// tshon gang 'od 'bar sku ru bsam// de nas gnyis med rab gsal ba'i// glu chen 'di skad rab tu brjod// hUM mu tig dkar po dri med dang // tsan+dan dmar po dri med gnyis// byang chub sems kyi thig le gsum// rtogs pa'i klong du 'dres pa la// mi zhes bya ba sangs rgyas yin// sangs rgyas gzhan du ma tshol cig/ btsal kyang rang gi don mi rnyed// rtog med mnyam med rig pa'i ngang // dngos med stong gsal 'ja' tshon sku// gsang ba'i
- 18b
dkyil 'khor 'od lngar gsal// rdzogs pa chen po'i gnas lugs kyi// byang chub sems la ma yengs na// dkyil 'khor thams cad 'di la rdzogs// dper na mun la snang byung bzhin// chos nyid rang snang 'di bltas pas// rgyud drug sems can thams cad kun// sangs ma rgyas pa gcig kyang med// tshe 'das sgrib pa byang gyur nas// sangs rgyas sras su dbang bskur ro// oM badz+ra tiSh+Tha sa ma ya mu dra hUM/ bo d+hi tsit+ta sid+d+ha ku ru a b+hi Shiny+tsa hUM/ sngags kyi 'phro 'du'i ting 'dzin brtan// de ltar ting 'dzin gsal gyur nas// rtogs pa'i glu chen 'di skad do// e ma byang chub sems kyi klong brdal bas// kun bzang rig pa'i rang bzhin las// sangs rgyas med cing sems can med// lha dang lha min 'dre yang med// 'khor ba med cing myang 'das med// rig pa ye shes gcig pu nyid// 'khor 'das gnyis su btags pa med// nga dang bdag med mngon sangs rgyas// de phyir sangs rgyas sras nyid do// tsit+ta badz+ra sa ma ya hUM/ de nas chos nyid bum pa des// dri ma dag la dbang bskur ro// sangs rgyas zhing las mi g.yo ba'i// dbang bskur cho ga 'di skad do// oM gnyis med gsal ba'i oM nyid de// gnyis med dbyings nas b+ha gar thim// yum gyi mkha' la gnas pa der// bo d+hi tsit+tas dbang bskur nas// yi ge 'bru gsum byin gyis brlab// rigs nges rgyas
- 19a
pa'i sras su bya// phyin chad 'gro ba'i don bya'i phyir// bskul ba'i sa la gnas par bya'o// yongs la dbang bskur dbang gi mchog/ gang la ma chags 'dod dgur bsgyur// gnyis su med pa'i pho brang du// spang len med par dbang bskur ro// bum pa zlum po'i pho brang du// snod bcud ma lus dbang du bsdus// thig le chen po'i rgyas btab// sems can thams cad sangs rgyas yin// tshe 'das 'di ni rgyal ba'i sras// ngan song 'khor ba'i blta ba bsal// rnam par rtog pa'i 'dod pa bcom// rang gi ye shes lung gis gsal// sngar 'das sangs rgyas bzhugs pa bzhin// rnal 'byor rdo rje che ge khyod// rgyal ba kun gyis bsngags par mdzad// sngon gyi de bzhin dbang gnas shog/ rgyal ba'i sa las mi g.yo zhing // rang gi sa la gtan du 'dug/ rat+na ma gu sa man traM traM/ oM lAM hUM mAM sA maM aM pAM hA taM/ ma hA shUn+ya tA dz+nyA na/ badz+ra swa b+hA wa At+ma ko&haM/ de ltar dbang bskur ting 'dzin gsal// de ltar rgyal ba mnyes byed pa'i// sngags 'dis thams cad mchod par bya// de yang tshe 'das sangs rgyas des// bdag nyid slob dpon gsang ba la// mchod chen sngags 'dis mchod par bsam// oM su ra to badz+ra na maHba b+hu ba b+hu hrIHoM su ra to badz+ra na ra hrIHoM su ra to na mo bud+d+ha hrIHoM su ra to badz+ra na ha hrIHoM su ra to badz+ra g+han+d+he hUM/ oM su ra to
- 19b
dug ma ru ka ra guM guM/ oM badz+ra su ra to badz+ra mo ke taM taM/ oM su ra to badz+ra pi shing du tir a AHoM su ra to badz+ra shri hri hrIHoM e ma hA su ra to badz+ra ba ni se na tra pi ni se ni tA thA/ oM he ma hA su ra to badz+ra gI tI ti/ he ma hA su ra to badz+ra nai t+ye se le/ oM su ra to badz+ra rU pa dza dzaHoM su ra to badz+ra shab+da su ke hUM hUM/ oM su ra to badz+ra g+han+d+he su ki baM baM/ oM su ra to ma hA ra sa ho hoHde nas mchod chen rdzogs par bya/ 'di ni gnas dang bdun tshigs dang // gshed byed dpral ba'i cho ga'o// de nas dkyil 'khor sgo bzhi nas// rdo rje dbang bskur bya ba ni// rdo rje mched kyis 'bod par bya// gnas cho ga gzhung bzhin byed pa na// bsgrub pa rab 'bring gsum du bya// ro de yod na mchog tu gsungs// de la khrus bya dbang rdzogs bya// gnas kyi rim pa byed pa na// rab gnas brtan par bzhugs pa dang // gnas sbar ba yi mchod pa bya// bdun tshigs dag tu byed pa na// zhag gcig dag gis thon par bya// mchod pa'i las rnams ci 'byor bya'o// tshogs dang zhal zas sna tshogs dbul// sangs rgyas rnams dang byang sems mchod// zhag bdun lon pa'i tshe na yang // bdun tshigs dang po 'di ltar bya'o// de nas dkyil 'khor bsdu bar bya'o// phyi cho ga nang cho ga gzhung bzhin bya'o// gnas dang bdun tshigs gnyis su med pa'o// zhes rdzogs par rang byung gi
- 20a
rgyud las/ gnas dang bdun tshigs bstan pa'i le'u ste gsum pa'o// // @#// rgya gar skad du/ pa ru pa ru pi pu ri na maHbod skad du/ rnal 'byor pa tshe 'das pa'i bdun tshigs par ma'i cho ga zhes bya ba/ bcom ldan 'das pad+ma dbang gi lha la phyag 'tshal lo// de nas bcom ldan 'das de nyid la/ rigs lnga'i lha tshogs rnams kyis 'di skad ces gsol to// kye kye bcom ldan dbang chen sku/ bar do yi ni snang ba la// zhag ni ci tsam thogs par 'gyur// mos pa'i 'khor la gsung du gsol// stobs chen nyid kyis bka' stsal pa// kye ma nyon cig 'dus pa'i 'khor// sems can rnams kyi lam chen ni// chos nyid rang snang bar do la// zhag bdun bar du gnas par 'gyur// de ni rang rang snang ba'i yul// sems dang rig pa zhag bdun bral// de tshe rnam rtog 'gyu med gsal// de nas zhag bdun lon pa dang // sngon gyi bag chag sad nas ni// sems la snang ba phra rags 'byung // de tshe bdun tshigs dang po yis// bag chags khad kyis 'bri bar gsungs// de ni rmi lam 'dzin pa'i bar do'o// de nyid zhag bdun gnas pa'o// de tshe sems kyi rnam rtog ldang // snang ba'i cho 'phrul de dag kun/ ban bun yang yud lang long 'ong // de tshe shes pa gya gyur gnas// dper na mi dga' ba yi mi dag la// tshig ni
- 20b
'jam por smra ba yis// mi dga' spangs nas bde spyod ltar// de tshe bdun tshigs gnyis pa 'dis// tshe 'das rigs kyi bu de yi// shes pa bzung nas bde la gnas// de nas srid pa bar do der// zhag bdun gnas shing sdug bsngal dran// tshe 'das shes pa rang dbang med// pha rol dag gis 'phrog pa dang // rang dbang med pa'i spyod pa 'byung // de nas zhag bdun lon pa dang // bdun tshigs tha ma'i dbang bskur bas// mtho ris go 'phang gsum thob 'gyur// de ltar bdun tshigs byas pa na// rang rang sdug bsngal gnas su 'grol// de ltar bdun tshigs byas pas na// dmyal bar 'gro ba'i mi dag kun// byol song gnas su 'dren pa'o// yi dwags gnas su skye ba rnams// lha ma yin gyi gnas su 'dren// byol song gnas su skye ba rnams// lha yi gnas su 'dren par byed// cha mnyam dag tu skye ba rnams// mi yi gnas su 'dren par byed// lha dang mi ru skye ba rnams// sa la gnas pa'i rigs su skye// byang sems rigs su skye ba dag/ bla med go 'phang 'thob par gsungs// de phyir bdun tshigs cho ga bshad// bdun tshigs par ma'i sbyor ba yi// cho ga mdor bsdus yan lag dang // dkyil 'khor rdzas dang yo byad rnams// nye ba'i 'khor la bshad du gsol// de nas rnam grol de nyid kyis// nye ba'i 'khor la bka' stsal pa// 'dus pa'i
- 21a
'khor tshogs legs par nyon// bdun tshigs mchod pa 'di nyid la// sgrib sbyong las kyi dkyil 'khor bzhengs// dkyil 'khor bzhengs su gsol nas ni// dbus su dpal gyi gtor ma bca'// lan chags gtor ma gong dang mthun// dkyil 'khor de yi shar sgo ru// dri ma de nyid rtsa ru yang // lha bshos mdzes pa bcu gsum bzhag/ shin tu gtsang ma'i gtor ma bzhag/ mchod pa rnams lnga nyid kyang dbul// phyi cho ga nang chog gzhung bzhin bya// dge ba'i las rnams ci nus bya// tshe 'das nyid kyang byed par bsam// rig drug gnas nas drang ba dang // skye ba med par lam bstan bya// sangs rgyas sras por dbang bskur zhing // zhing khams de las mi g.yo ba'i// rab tu gnas pa'i cho ga bya// de nas mchod chen 'di skad brjod// hUM gsang ba ye shes mchod chen 'di// gar dang ye shes phyag rgyar gsal// mchod pa'i dkyil 'khor sprin tshogs ni// gnyis med 'khril dang yid bzhin gter// yid du 'od dang mdzes pa yi// 'od zer sna tshogs 'phro ba dang // ye shes sgo dang rab ldan pa'i// ma nyams bkod legs dbyibs nyid dang // gsal 'tsher lhun sdug pho brang 'dir// 'khor bcas rab 'bar gshegs su gsol// oM e h+ye hi sa ma ya mu dra s+t+waM/ oM gdan bting lags so bcom ldan 'das// nyi zla rin
- 21b
chen sna lnga dang // pad+ma rab mdzes stobs ldan pa'i// glang chen rta dang rma bya'i khri// nam mkha' lding dang seng ge dang // nyi zla gsal ba'i gdan bting ngo // sna tshogs yid 'ong gdan bting ngo // sa ma ya pra b+han tsakra tiSh+Tha lhan// hUM shin tu mdzes pa'i gdan dang ni// rang snang 'od gsal gzhal yas 'dir// bla ma sangs rgyas sras bcas dang // rigs lnga khro rgyal yab yum rnams/ pad+ma'i gdan la bzhugs su gsol// pad+ma ka ma la ya s+t+waM/ oM dmigs med mkha' mnyam rdo rje snying po'i sku// AHbcom ldan mgon po rdo rje ye shes sku// hUM brjod med bsam bral rdo rje chos kyi sku// bya ba rdzogs pa'i 'gyur med sa la gnas// ye shes bcom ldan rtog med chos kyi sku// 'dzin med chos kyi sku la phyag 'tshal bstod// oM 'gag med rdo rje'i don nyid 'dzin pa ste// AHthugs rje'i spyan ldan longs spyod rdzogs pa'i sku// hUM mu khyud po brang lnga ldan dkyil 'khor na// sku lnga rtog med so so'i mtshan 'dzin pa// 'gyur med don ldan rigs lnga'i ye shes sku// tshom bu lnga ldan gtso bo'i dkyil 'khor ston// yab lnga yum lnga sku lnga mdun rgyab med// ye shes thugs rje'i spyan ldan longs spyod sku// stong gsal longs spyod sku la phyag 'tshal bstod// oM thugs rje'i stobs kyi 'gro ba pha rol sgrol// AHsku mdog khro bo'i cha lugs gad rgyang can// hUM dbu gsum thor
- 22a
tshugs gcig tu bcings pas 'khor rnams skrag/ phyag drug phyag mtshan tha dad bsnams pas dgra bgegs 'dul// sku la chas brgyad gsol zhing ma mo dbang du sdud// thugs rjes 'gro ba 'dam nas 'dren mdzad bcom ldan sman gyi bla// pha rol stobs kyis 'dul ba'i khro rgyal hU~M sgra can// ma rig 'joms pa'i thugs rje'i 'od po che// sna tshogs sprul pa'i sku la phyag 'tshal bstod// oM sku gsum don ldan sangs rgyas kun gyi mes// AHthugs rje'i stobs bdag gzhon nu nyid kyi sku// hUM sku gsum ye shes rdzogs la phyag 'tshal bstod// oM AHhUM/ bdag cag sdug bsngal chen pos zin pa la// thugs rje'i lcags klus 'dzin pa sku drin che// bdag cag 'dod pa'i tshad pas gdung ba la// thugs rje'i chu rgyun 'bebs pa sku drin che// bdag cag 'khor ba'i gcong rong dog mor lhung ba la// thugs rje'i zhags pas 'gro ba 'dren mdzad pa// thabs ldan ye shes sku la phyag 'tshal bstod// bdag cag ma rig mun pa'i dbang du 'khyams pa la// rnam dag sgron me 'degs la phyag 'tshal bstod// bskal pa dpag tu med par lam stor bar// sa mkhan rdo rje'i sku la phyag 'tshal bstod// dang po'i nor bu ma rnyed rtag tu stor// gzhal yas ston mdzad khyod la phyag 'tshal bstod// las dang nyon mongs rgyud drug 'khor ba yi// chu bo sgrol
- 22b
dzad gru la phyag 'tshal bstod// rdo rje sems dpar sprul nas 'gro don mdzad// ye shes mnyam nyid sku la phyag 'tshal bstod// 'khor ba'i rgya mtsho dpag tu med pa nas// thugs rjes 'dren mdzad khyod la phyag 'tshal bstod// sku mchog 'bar ba'i ye shes rnam par dag/ sangs rgyas thugs rje can la phyag 'tshal bstod// a ti sha badz+ra sa ma ya s+t+waM/ ho mi gnas pa'i ye shes kyi mnga' bdag rnams dgongs su gsol/ tshe las 'das pa che ge mo 'di byang chub kyi snying po la ma gnas pa'i bar du/ de bzhin gshegs pa thams cad kyi sku bstan pa/ gsung bstan pa/ thugs bstan pa/ yon tan bstan pa/ phrin las bstan pa mi zad pa'i 'khor dang bcas pa dang / de bzhin gshegs pa thams cad kyi sku mngon par snang ba dang / mi snang ba dang / gsung grags pa dang bcas pa dang / grags pa med pa dang / mdo sde dang / 'dul ba dang / mngon pa dang / thugs rtog pa dang bcas pa dang / rtag pa med pa dang / rab tu byung ba dang / khyim pa'i byang chub sems dpa' dang / sems rab tu byung ba dang / tshul khrims rnam par dag pa dang ldan pa dang / chos kyi sku thams cad dang / sprul pa'i sku thams cad dang / longs sku thams cad dang / ngo bo nyid kyi sku thams cad dang / dkyil 'khor gyi lha tshogs thams cad la/ bdag rdo rje slob dpon dang / tshe las 'das
- 23a
shing 'phos pa'i che ge mo zhes bya bas/ gus pa'i tshul gsum gyis phyag 'tshal lo// skyabs su mchi'o// skye ba med pa rdo rje'i sku thob par mdzad du gsol/ thabs kyis 'khor ba'i chu bo las bsgral du gsol/ ye shes thogs pa med pa'i spyan lnga bstan du gsol/ lha'i sku thams cad mngon par snang bar mdzad du gsol/ de nas slob dpon gsang ba'i dbang thob pa des/ ting 'dzin la gnas par byas nas/ mchod pa rnam pa lnga la sogs ci 'byor ba'i mchod pa 'bul lo// tshigs bcad gong ma de bar bar la gtang bar bya'o// de nas slob dpon de nang gi phrin las gang yang rung ba gzhung bsrang ngo // dkyil 'khor thams cad gsal bar bsgom/ de nas gong gi mchod pa rnams dang rigs drug gnas nas drang ba'i cho ga yang bya'o// len chags gtor ma'i cho ga yang bya'o// tshe las 'das pa'i rigs kyi bu la dbang bskur ba dang // gnas sbar ba'i cho ga yang bya'o// chos kyi sku'i gnas su brtan par bzhugs par bsam zhing // rigs drug gi gnas nas yang nas yang du drang ngo // mchod pa thams cad kyi sngags ni/ oM pra b+hany+tsa kra tha yA sta/ badz+ra pU dza ho/ ma hA ka ru Ni ka yA sa ma yA mu dra/ badz+ra d+hU pe d+hu/ badz+ra puSh+pe pu/ badz+ra gan+d+he gan/ badz+ra nirti hUM/ badz+ra gI tI tIHbadz+ra ti ra sa dza ho/ badz+ra A lo ke hrIH/ badz+ra ha ha he he hri hri/ badz+ra ma hA sarba
- 23b
kun la rag sha he/ sarba ta thA ga ta sa ma yA/ ma hA mu dra A/ de ltar sngags chen de brjod nas/ mchod pa chen po 'di skad brjod/ oM bde bar gshegs so bcom ldan 'das// bde bar gshegs so khro rgyal tshogs// hUM bde bar gshegs so a ra li// rgyal ba rgya mtsho'i ye shes kyis// srid pa rgyal mtsho mtha' yas kun// kun bzang mchod sprin mchog tu rol// oM a la la ho// rigs lnga khrag 'thung bcas pa la// snang zhing srid pa'i chos rnams kun// kun tu bzang po'i mchod par 'bul// 'gro ba'i don du bzhes su gsol// tshe las 'das pa che ge mo 'di dang / bdag cag rdo rje slob dpon dang / mched dang lcam dral 'khor dang bcas pa rnams kyi sgrib pa gnyis sbyangs/ tshogs rnam pa gnyis rdzogs nas/ thugs dam rgya mtsho yongs su bskang bar gyur cig/ nyams chag thams cad sor chud par gyur cig/ rkyen dbang thams cad bzlog par gyur cig/ bdud kyi dpung rnams choms shig/ tshe las 'das pa gshed dang bral bar gyur cig/ tshig de rnams ni mchod pa kun gyi bar bar du shes par bya'o// da ni rgyal srid sna bdun gyis mchod pa ni// hUM mchod pa'i phyag rgya chen po ni// sems kyi yid bzhin sprin tshogs gtib// phyogs bcu'i sangs rgyas thams cad zhing // mnyen 'jam reg na bde ba yis// traM/ sna tshogs rin po che
- 24a
yi gzhi// mdzes par bris shing spras pa dang // kun 'byung rin chen phung po 'bar// dbyibs legs rdzang bu ro mchog bsil// b+h+rUM/ rin chen rnam pa sna tshogs dang // rgyan dang dpag bsam ljon pa'i tshal// hrIHglu dbyangs tshigs su bcad pa'i sgra// tra/ bla bre rgyal mtshan na bza' gdugs// do shal dpung brgyan se mo do// bza' dang btung ba'i tshogs rnams kyis// rang la mdzes par brgyan pa dang // lha dang lha mo rdul snyed pas// bro gar la sogs bsam yas kyis// phyogs bcu nam mkha'i khams bkang nas// bla ma dkyil 'khor tshogs la 'bul// 'gro ba'i tshe 'das don du bzhes su gsol/ zhes kun la 'dres don du bzhes su gsol// traM/ zhing 'dir rin chen sna bdun gyis// phyogs bcu nam mkha'i khams bkang nas// dngos grub 'bras bu 'dod pa'i phyir// nyin re shes rab can gyis mchod// phyi yi sbas pa gsang la sogs// nang gi mchod pa mchog 'di rnams// phyag rgya sbyor ba'i tshul bzhes la// tshul bzhin rgyas par dbul bar bya'o// tshe 'das don du bzhes su gsol// traM rat+na bA dza badz+ra swa b+hA wa at+ma ko&haM/ da ni dug lnga ye shes lnga'i mchod pa 'bul te/ hUM stong gsum stong gi 'jig rten na// srid gsum sems can thams cad kun// zhe sdang spyod pa'i las gang rnams// rdo rje rigs kyi las spyod
- 24b
de// dmigs pa sgrol ba'i mchod par bzhes// stong gsum stong gi 'jig rten na// srid gsum sems can thams cad kun// 'dod chags spyod pa'i las gang rnams// pad+ma rigs kyi las spyod de// thams cad yab yum gnyis med sbyor// tshe 'das don du bzhes su gsol// stong gsum stong gi 'jig rten na// srid gsum sems can thams cad kun// gti mug spyod pa'i las gang rnams// bde gshegs rigs kyi mdzad spyod de// tshe 'das don du bzhes su gsol// stong gsum stong gi 'jig rten na// srid gsum sems can thams cad kun// nga rgyal spyod pa'i las rnams kun// rin chen rigs kyi las spyod de// dmigs pa'i dam tshig mchod par bzhes// tshe 'das don du bzhes su gsol// stong gsum stong gi 'jig rten na// srid gsum sems can thams cad kun// phrag dog spyod pa las rnams gang // las kyi rigs kyi las spyod de// dmigs pa'i dam tshig mchod par bzhes// tshe 'das don du bzhes su gsol// 'dod chags zhe sdang gti mug che// nga rgyal phrag dog spyod pa rnams// rdo rje theg par rab rtogs te// mchog gi mchod par bzhes su gsol// tshe 'das don phyir bzhes su gsol// a la la hoHdug lnga ye shes lnga yi mchod pa 'di phul bas// tshe las 'das pa che ge mo dang / bdag cag rdo rje slob dpon
- 25a
dang / mched dang lcam dral 'khor dang bcas pa rnams kyi sgrib pa rnam pa gnyis byang / tshogs rnam pa gnyis rdzogs nas/ thugs dam yongs su bskang par gyur cig nyams chags sor chud par gyur cig/ rkyen rnams bzlog par gyur cig/ bdud dpung choms shig/ tshe 'das gshed dang bral bar gyur cig/ da ni phyag rgya bzhi'i mchod pa dbul te// hUM nam mkha'i mtha' klas 'jig rten nas// srid gsum sems can ma lus kun// gzugs su snang ba ji snyed pa// sna tshogs phyag rgya'i dkyil 'khor te// sku mchog phyag rgya'i mchod par bzhes// sgra ru grags pa ci snyed pa// thams cad ma lus sngags kyi tshig/ gsung mchog phyag rgya'i mchod par bzhes// sems kyi rtogs pa ci snyed pa// ting 'dzin 'bum phrag bsam yas pa// thugs mchog phyag rgya'i mchod par bzhes// dge dang mi dge'i las gang rnams// thams cad sangs rgyas mdzad spyod de// las kyi phyag rgya'i mchod par bzhes// kun nas kun tu thams cad kun// dngos po la sogs brtan g.yo kun// thams cad rgyal ba'i dkyil 'khor te// bde gshegs phyag rgya'i mchod pa bzhes// da ni bdud rtsi'i mchod pa dbul te/ hUM bde gshegs rigs kyi thugs dam bskang ba ni// dri chen ngad ldan spos kyi bsung mchog 'di// gti mug shes rab 'bar bar byin
- 25b
brlab mdzad slad du// bud+d+ha rigs kyi thugs dam bskang gyur cig/ hUM rdo rje rigs kyi thugs dam bskang ba ni// mu tig dkar po dri med byang chub sems// thams cad bskyed pa'i rgyu ste 'khor ba 'dzin// zhe sdang bdud kyi rigs rnams zhi bar mdzad slad du// rdo rje rigs kyi thugs dam bskang gyur cig/ hUM pad+ma rigs kyi thugs dam bskang ba ni// rak+ta zla gam dri med byang chub sems// thams cad bskyed pa'i rgyu ste 'khor ba 'dzin// 'dod chags len pa med pa'i rigs pa ste// sbyor ba rnam par dag pa mdzad slad du// pad+ma rigs kyi thugs dam bskang gyur cig/ hUM rin chen rigs kyi thugs dam bskang ba ni// sha chen shes rab 'bar ba'i byin rlabs kyis// khams gsum ma lus dbang du bsdus nas kyang // nga rgyal bdud kyi rigs rnams zhi bar mdzad slad du// rin chen rigs kyi thugs dam bskang gyur cig/ hUM las kyi rigs kyi thugs dam bskang ba ni// rdo rje las kyi chu ste pany+tsa a mr-i ta// phrag dog chen po'i las kyis rgyu sbyang ste// las kyi rigs kyi thugs dam bskang gyur cig/ de nas byang chub sems kyi mchod pa 'bul te// oM dri med rnam dag nam mkha'i rang bzhin la// AHlog rtog mtshan ma mang po'i sprin phung rnams// hUM ye shes nyi zer 'od kyi rab bsal te// dag pa'i don du rtogs te mchod par 'bul// oM dam rdzas bdud rtsi lnga
- 26a
dang ye shes lnga// a A lnga chos lnga'i rang bzhin dbyer med cing // hU~M de bzhin dag pa nyid kyi dag pa nyid mchod nas// chos nyid la yang chos nyid thim par 'bul// shes rab sems ma yum gyi gzhal yas su// rgyal ba'i dkyil 'khor ma lus mchod bkod de// thabs dang shes rab gnyis med sbyor mchod kyis// rgyal ba'i dkyil 'khor tshogs la mchod par 'bul// oM ldan dkar la 'tsher ba'i yon tan las// A ldan dmar la dngas pa'i byin rlabs kyis// hUM ldan bde chen gar mdzad gar gyi dbang phyug che// bde chen sku la dbang gi mchod pa 'bul// oM dag cing gsal ba shel gyi dkyil 'khor du// AHphra zhing mnyen pa gser gyis lug rgyud bzhin// hUM dbyer med dbyings su gcig pas na// byang chub sems su rtogs nas rig pa nyid la mchod par 'bul// IM bkra shis mtshan ldan rdo rje ka pA la// AH'phrul zhal yid 'ong ri mos brgyan pa 'di// hUM 'od dang du ba sgra dang dri la sogs// dbyings nas bton nas dbyings su mchod par 'bul// tshe 'das don du mchod pa bzhes su gsol// thabs dang shes rab gsang ba byang chub sems kyi mchod par phul ba la sogs pa'o// da ni rmad du byung ba gtor ma'i mchod pa 'bul te 'di skad do// hUM rnam dag sgrib spangs srid gsum skyon bral ba'i// ston ka'i zla
- 26b
gsal dri med zhal mnga' zhing // bcom ldan bde gshegs dkyil 'khor can// zhi khro 'khor bcas ma lus thams cad dang // dus gsum rgyal ba thams cad bskyed pa'i yum// shes rab lha mo rigs kyi yum la sogs// rnal 'byor sgrub dang rig 'dzin thams cad la// tshe 'das don phyir mchod cing phyag 'tshal lo// mi mnyam mnyam pas nam mkha' khyab pa dang // bsod nams ye shes tshogs kyis rab brgyan pas// yid bzhin sku mchog yon tan mtha' yas gter// shes rab dkyil 'khor ma lus thams cad dang // phyag brnyan 'du 'phro rngam pa'i tshogs la sogs// rnal 'byor chen pos mchod pa mang po 'tshal// dgyes pa rol mo'i mchod pa 'di bzhes la// oM gzhong pa rnam dag chos kyi dbyings// gtor ma ye shes phyag rgya'i tshogs// tshe dang gal gnyis mthun bsdebs nas// rak+ta dmar gyis thig bkye zhing // mi bzung gtor ba'i gtor ma 'di// 'bul ni bla ma lha la 'bul// mchod ni gsang ba'i dkyil 'khor mchod// sbyor ldan tshogs su bkram ste 'bul lags sam// tshe 'das don du bzhes su gsol// oM AHhUM ma hA ar+g+haM pra tIts+tsha ho/ b+ha ling+ga kha kha khA hi/ a la la ho/ rmad du byung ba'i mchod pa'o// da ni gar gyi mchod pa dbul bar bya ste// oM pad+man+ta kr-ita ha ya grI ba hUM/ ru lu ru lu hUM phaT/ de ni ting
- 27a
'dzin gsal ba dang / 'di skad de/ hUM bcom ldan pad+ma he ru dang / pad+ma kro d+hi shwa ri la// 'bar ba'i gar gyis bskor ba ni// srid gsum 'jom mdzad dbyings phyug go ri ma// dam tshig dbyings mchog skul byed tso rI ma// stong gsum rgyal mdzad rgyas byed pra mo ha// ma lus za byed rder phyar be tA lI// bde chen zhing du 'dren mdzad puk+ka sI// bsgral nas zhal du stobs mdzad g+hasma rI// thugs rje'i 'jig rten sgrol mdzad sma sha ni// 'bar ma stong gsum stongs mdzad tsaN+Da lI// gar dang dbyangs kyi mchod pa 'dis// tshe 'das sgrib pa byang gyur nas// dpal gyi thugs dam bskang gyur cig/ bdag cag g.yar dam bskang gyur cig/ hUM bcom ldan pad+ma he ru dang // pad+ma kro d+hi shwa rI la// phra men gar gyis bskor ba ni// 'gro ba'i sdug bsngal gcod byed sing ha mA// 'chi bdag bdud kyi sde bcom b+ha g+h+ri ma// dur khrod bgegs kyi tshogs bcom sr-i ga lA// rdo rje bdud 'dul za byed shra na ma// mgyogs ma khrag 'thung stog byed gr-i D+ha ma// 'khor ba'i sdug bsngal tshe 'phrogs kaM ka ma// yon tan yid bzhin bdag nyid ka ka ma// 'gro ba'i don mdzad khrag 'thung u lA ma// gar dang dbyangs kyi mchod pa 'dis// tshe 'das sgrib pa byang gyur nas// dpal gyi thugs dam bskangs gyur nas// bdag cag dbyar dam bskang gyur cig/ phra men thugs dam
- 27b
bskang gyur cig/ hUM bcom ldan pad+ma he ru dang // yum chen kro d+hi shwa rI ma// sgo ma gar gyis bskor ba ni// rta gdong dkar mo lcags kyu 'dren// phag gdong nag mo mche zhags 'phen// nyi zla dmar mo lcags sgrog sdom// thal byed ldang nag dril 'khrol dgyes// gar dang dbyangs kyi mchod pa 'dis// tshe 'das sgrib pa byang gyur nas// dpal gyi thugs dam bskang gyur cig/ sgo ma'i thugs dam bskang gyur cig/ bdag cag dbyar dam bskang gyur cig/ a la la ho// gar dang ye shes mchod pa 'di phul bas// tshe las 'das pa'i che ge mo 'di dang // bdag cag rdo rje slob dpon dang / mched dang lcam dral 'khor dang bcas pa rnams kyi/ sgrib pa rnams pa gnyis byang / tshogs rnam pa gnyis rdzogs nas/ thugs dam rgya mtsho yongs su bskang bar gyur cig chag nyams thams cad sor chud par gyur cig rkyen dbang thams cad bzlog par gyur cig/ bdud dpung choms shig/ tshe 'das gshed ma dang bral bar gyur cig/ de nas bstod pa'i rgyal po glu ye shes kyi mchod pa byung ste/ 'di skad do// hUM gtum chen dus mtha'i me ltar 'bar// 'od zer nyi ma 'bum gyis brjid// khro gnyer glog stong 'gyu ba bzhin// mche ba zang yag za byed che ho// hUM phaT rngams pa'i nga ro 'brug stong sgrogs// thug choms ri rab 'bum snyil skad// a la la yi gad rgyangs
- 28a
can// bzhug pa'i mthor rlung g.yeng ba che ho// hUM khro bo shes rab 'od po che// ye shes dkyil 'khor kun tu gsal// 'bar ba'i ye shes kun tu 'joms// sna tshogs ye shes thig le che ho// hUM khro bopo'i rgyal po sprin chen po// khro bo'i dkyil 'khor char chen 'bebs// dkyil 'khor yid bzhin 'byung ba'i gter// sna tshogs 'od kyi thig le che ho// hUM bdud kun gyi ni bdud chen po// bdud kyi bdud ste bdud rnams 'joms// 'jigs pa'i tshogs kyang 'jigs byed pa// 'jigs byed chen po thig le che ho// hUM rdo rje brag ste sra chen po// rdo rje chu bo sdud chen po// rdo rje me ste kun 'bar che// rdo rje'i rlung ste 'thor rlung che// ho// de yan chad mchod pa chen po'i rim pa'o// 'di man chad tshogs dang bstab pa bya'o// ho he ru ka yi gnas chen po// dur khrod chen po'i gnas brgyad nas// dpal chen khrag 'thung 'khor dang bcas// dur khrod mchog gi gnas 'di ru// zhing chen gsar rnying ti rar bcas// dmar gyi ar+g+ha rgya mtshor bsgril// mkha' 'gro 'bar ba'i tshogs bcas kun// ma lus gshegs nas bsnam du gsol/ A~M dza hUM baM ho/ shrI he ru ka i dam/ puSh+pa/ d+hA pa/ A lo ka g+han+na kha kha khA hi khA hi/ dza hUM baM ho/ shrI he ru ka ma hA badz+ra pra be sha ya/ A bi sha ya pra tits+tsha ho// shrI ba na kha kha khA hi khA hi/ shrI ban tsa khA hi khA hi/ da ni tshogs
- 28b
bsgral bar bya ste// mche ba'i phyag rgya bcas la 'di skad do// hUM nga ni za byed chen po ste// khams gsum ma lus bsgral ba dang // gdug pa ma lus 'dul ba dang // sha rus la sogs bza' bar bya// nga ni khrag 'thung chen po ste// 'khor ba'i dra bar chags pa yi// dmar chen bskyil ba'i rgya mtsho la// 'khor gyi phra men tshogs dang rol// ma rungs 'dod la ma chags shing // dam tshig nyams dang dgra chen po// thugs rje byams dang ldan pa pos// ngo mthon stobs kyis bsgral bar bya/ dza hUM baM ho/ shri he ru ka ma ha sarba duSh+TAn/ sa ma ya/ mu dra mA ra kha kha khA hi khA hi/ hr-i da ya/ pi pA hUM phaT/ dzaHhUM baM hoH/ shrI he ru ka/ ma hA badz+ra sa ma ya mu dra/ ma hA mAM sa/ ma hA rak+ta/ ma hA ba su ta/ ma hA pany+tsa a mr-i ta/ kha le kha le/ kha hi/ hUM b+h+yo hUM b+h+yo hUM b+h+yo hUM b+h+yo hUM b+h+yo/ de ltar mchod pa'i gzhung rdzogs nas// sdig pa bshags dang gsol ba gdab// rigs drug gnas nas drang bar bya// dkyil 'khor bsdu zhing mchod rdzogs bya// gsang sngags tshig dang dgongs pas bsdu// phyag rgya dang ni sngags tshig go/ zhes rdzogs pa rang byung chen po dbang bskur gsang ba'i rgyud las/ rnal 'byor pa tshe 'das pa'i bdun tshig gnyis pa'i le'u ste bzhi pa'o//
- 29a
rgya gar skad du/ badz+ra du rli ma hA su ka na mA/ bod skad du// tshe las 'das pa rnams kyi bdun tshigs tha ma la rang rang gi zas gtad shid kyi lung chen po zhes bya ba/ bcom ldan 'das sangs rgyas 'od srung la phyag 'tshal lo// de nas bcom ldan 'das dpal pad+ma dbang chen nyid dang / 'dus pa'i tshogs kyi bcom ldan 'das de rnams kyi/ rnal 'byor pa tshe 'das pa rnams kyi bdun tshigs tha ma la/ rang rang gi zas gtad ma'i cho ga 'di gsungs so// kye ma 'dus pa'i tshogs rnams nyon// ngas ni snang ba'i dkyil 'khor chen po 'di bstan gyis// legs par nyon cig/ de nas nye ba'i 'khor rnams stan las langs nas 'di skad brjod do// e ma ho// legs so legs so legs par gsungs// bdag cag rnams kyis nges bzung nas// phyi rabs rnams la nges par bstan// de nas rnal rol de nyid kyis// nye ba'i 'khor la bka' stsal pa// kye kye 'dus pa chen po'i tshogs// bdun tshigs tha ma'i cho ga ni// mchod pa gong nas byung ba bzhin// 'gyur med gnas pa'i dkyil 'khor bzhengs// dkyil 'khor de yi shar phyogs su/ 'gro drug drang ba'i dkyil 'khor bya// maN+Dal nar mo lho byang du// thig ni ling rtse drug tu bya// dang po mu khyud 'bur lnga bri// dbus ni nag po dag tu bya// tha ma gru bzhi lam pa ste// de yi steng na rin po
- 29b
che// dmigs ni dmar po dag tu bya// tha ma gru bzhi lam pa'o// de yi steng du zlum po yi/ kha dog dud kha dag tu bya// phyi rim gru bzhi dag tu bya// de yi steng du thod ris te/ kha dog ljang gu dag tu bya// tha ma gru bzhi lam pa ste// de yi steng du 'dab ma brgyad// kha dog ser po dag tu bya// phyi rim gru bzhi lam pa'o// de yi steng du 'khor lo'i dbyibs// rtsibs bzhi dag ni mdzes pa'i tshon// phyi rim gru bzhi dag tu bya// dang po'i dkyil du yi ge tri nyid nag po'o// gnyis pa la ni yi ge pre nyid dmar// gsum par duHnyid dud kha bri// bzhi par yi ge su nyid ljang gu'o// lnga par a nyid dkar po bri// drug par yi ge nr-i ser bri// maN+Dal de dag re re la// gtor ma sna tshogs re re bzhag/ dang por me chu bsil g.yab bzhag/ gnyis par rin chen sgrom bu'i gzugs// gsum par shes rab po ti'i gzugs// bzhi par mdung zung go cha'o// lnga par pi wang dung nyid gzugs// drug par gseg shad par bu'o// maN+Dal re re dag la yang // rang rang 'dren sgo'i lam yang dgod// drug pa dag la pho brang lam// thub pa chen po'i gzugs kyang bkod// mchod pa gong bzhin rdzogs par bya// rigs drug drangs shing dbang rdzogs bya// de nas dpa' bo de nyid la// nye ba'i 'khor gyis don zhus pa// kye kye gcom ldan dbang chen sku// maN+Dal rim pa de ltar
- 30a
na// lan chags zan gtor cho ga gsungs// de nas dpa' bos bka' stsal pa// kye ma nye ba'i 'khor rnams nyon// de ltar bya rim rdzogs nas ni// sngags pa ting 'dzin ldan pa des// gtsang ma'i gnas su bder 'dug nas// dang po'i gnas nas rab bkug la// 'gugs pa'i sngags dang phyag rgya ni// rab tu bstan pa 'di lta ste// sngags 'dis thams cad bkug par bsam/ oM badz+ra ang+ku sha dza dza/ oM badz+ra kro ta hUM phaT/ dza hUM s+pha ra Na hUM/ phyag rgya lcag kyu lta bus ni// ting 'dzin rab tu gsal ba yis// tshe 'das rab tu khugs nas ni// dri ma dag la thim par bsam// de nas sngags 'di rab brjod la// phyag rgya rnam pa bzhi nyid kyis// 'gugs dang 'ching dang 'dzin pa dang // rab tu sdom pa'i sngags 'di'o// dzaHhUM baM hoH/ sa ma ya/ ang ku sha dza dza/ sa ma ya ho// sa ma ya s+t+waM/ sa ma ya lhan/ sngags de lan bdun bzlas pa dang // ting 'dzin rab tu gsal ba dang // phyag rgya rab tu bsgyur ba yis// bsdams nas 'chugs dbang med par bsam// de nas tshe 'das de nyid la// bu dang bu mo yod pa na// sha sna la sogs sgo nga dang // khur ba mar dang zas sna rnams// ci 'byor ba yis snod bkang la// gdung ba'i mchi ma rab 'byin cing // gdung ba'i smre sngags 'o dod 'bod// lag tu zas dang skom thogs la// sbyor ba ngu 'bod las
- 30b
byed cing // zas gtad cho ga 'di skad do// hUM zas longs tshe 'das rigs kyi bu// nga ni dbang chen dpal gyi sku// sangs rgyas sku dang mnyam sbyor ba'i// ye shes 'od zer rab 'phro bas// thams cad 'dod pa tshims byed pa// bcud chen ro mchog stong ldan par// stong pa rang snang 'od kyis brgyan// stong gsum bcud du mnyam sbyar nas// sku gsum ye nas bdud rtsi ste// dag pa dri med mchog chen 'di// rang byung nyid kyi dbyings nyid nas// stong pa nyid la mchod pa 'bul// rig pa skye med dkyil yangs nas// ye shes lnga las 'od 'phros shing // chos sku nam mkha' lta bu la// longs sku sprin phung lta bu ste// sbrul sku nyi ma'i 'od bzhin snang // sku gsum rgyal ba'i zhing khams nas// mchod chen rnam par dag pa yis// rig pa nyid la rig pa'i cho 'phrul mchod// dkon mchog gsum dang sku gsung thugs// mchod pa'i rten du gyur pa la// mchod pa'i phyag rgya chen pos mchod// rgyal ba rnams dang bdag sbyor phyir// dam tshig lha tshogs thams cad dang // phyogs skyong rigs kyi lha rnams dang // dam tshig skyong ba'i srung ma dang // dam can srung ma 'khor bcas la// bza' bca' longs spyod rdzas kyis mchod// lha dang klu dang gnod sbyin dang // 'byung po 'khor dang bcas pa la// rdo rje'i longs spyod rnam lnga 'bul// sa dang bar snang khams la gnas//
- 31a
gzugs med rigs rnams ci snyed par// sna tshogs phyag rgya'i mchod pa 'bul// mngon par snang dang mngon par grags// mngon par rgyu ba'i gzugs can la// mchod pa'i lan chags zas 'di longs// snang srid 'gro ba rigs drug dang // tshe 'das rigs kyi bu khyod kyis// rang gi tshe rabs yun gyi brgyags// longs spyod tshe yi brgyags 'di longs// 'di ni sngon gyi dam tshig ste// de phyir khyod kyis zas 'di longs// hUM ye shes dag pa'i ngang gis sbyangs// stong pa nyid kyi gzhong pa ru// tshe 'dzin zas dang ro mchog sha/ mar dang khur ba zas sna dang // 'bru bcud chang dang btung ba'i tshogs// sna tshogs yid 'od thams cad ni// tshe 'das khyod la gter du 'bul// lan chags phyir na zas 'di longs// mnyam pa'i dkyil 'khor 'di nyid la// chags pa'i sa med gnas su bzhud// dri med rnam dag rdzas 'di longs// chos nyid thabs la mkhas pa yis// stong pa nyid du mnyam sbyor la// tshe 'das khyed la zas gtad kyis// khong khro'i sems su ma byed par// zas 'di longs la rang sems ltos// stong pa nyid kyi klong dkyil nas// ye shes dag pa'i 'od 'phros pas// chos nyid lam du gnyis med bsgral// rgyu rkyen gnyis po stong pa'i phyir// tshe 'das rigs kyi bu khyod kyang // phyi nas rgyu 'di ma len par// skye med byang chub dran
- 31b
par gyis// chos nyid rang snang dbang thob shog/ yang dag nges pa'i lung 'di nyon// rin chen rten dang phung po'i dkyil// rang rig gsal ba'i sgo phye bas// 'di ni sangs rgyas zhing khams ste// 'di las bu gcig ma g.yo zhig/ rdo rje tshig 'di rab tu longs// stong nyid gsal ba'i sgo phye bas// rang rig ye shes rtogs pa mnyam// zas 'di longs la rang snang ltos// 'di ni khyod kyi gtan srid yin// bu dang bu mo gnyis kyis kyang // gdung ba'i shugs phyung zan 'di longs// gdod nas mchi ma bton nas ni// bu yis zas gtad zas 'di longs// brtse ba'i smre sngags 'di bton pas// ngag 'di nyon la gnas su dengs// 'khor ba 'di ni sdug bsngal che// byas pas mi zin las yod pas// 'khor ba 'di ru ma gnas par// rang gi chos nyid 'od re gsal// bde ba can gyi zhing khams na// stong pa chen po yul re yangs// 'khor ba 'di na gcong re che// yangs pa can gyi zhing khams na// chos nyid 'od gsal lhun re 'thug/ zas 'di longs la dbyings su dengs// oM laM s+pha ra Na/ hUM laM s+pha ra Na/ sA laM s+pha ra Na/ hA laM s+tha ra Na/ hrI laM s+pha ra Na/ tAM laM s+pha ra Na/ b+h+r-i laM s+tha ra Na/ duSh+Tan badz+ra a hUM sbar na phaT sA hA/ A A A/ de nas slob dpon gsang ba des// gdung ba'i tshig bshad 'di skad brjod// ho spros pa med pa'i dbyings rang
- 32a
bzhin gyis rnam par dag pa na/ sku snang la rang bzhin med pa/ rgyal bzhi khro'i lha tshogs thams cad/ bdag rdo rje slob dpon 'khor dang bcas pa rnams la dgongs su gsol lo// 'phags pa dkon mchog gsum po dang / nyan thos dang / 'phags pa rang rgyal dang // dgra bcom pa dang / rgyun du zhugs pa dang / sa la gnas pa rnams dang / byang chub sems dpa' rdzu 'phrul dang ldan pa rnams dang / rgyal ba sras dang bcas pa rnams dgongs su gsol lo// ho 'byung po'i tshogs stong phrag brgyad cu dang / mkha' la rgyu ba'i yi dwags rnams dgongs su gsol/ gzhan yang tshe las 'das pa'i rnal 'byor che ge mo khyod dang / rdo rje mched dang lcam dral rnams dgongs su gsol lo// gzhan yang gsang sngags la gnas pa'i rnal 'byor gyi dbang phyug chen po rnams dgongs su gsol// do nub tshe las 'das pa'i che ge mo 'di la yun gyi zas gtad cing / skye ba med pa'i lam ston pas// bcom ldan 'das rig pa'i rgyal po dbang gi lha tshogs kyi dbang dam pa bskur du gsol/ bsgrub pa'i rdzas 'di dag la byin gyis rlobs shig/ e ma ho// tshe las 'das shing lus brdzes pa'i che ge mo khyod nyon cig/ sngon byung ba'i dus na ston pa mar me mdzad chen po bya ba zhal bzhugs pa'i dus na/ yab rgyal po snang 'od tshe las 'das pas/ sras rgyal bu
- 32b
'khor lo stong ldan gyis gdung ba'i mchi ma phyung / brtse ba'i ngag bton/ gus pa'i shugs phyung / 'dzangs pa'i 'o dod bos nas/ bu'i zas gtad pas yun gyi srid dang dge ba'i phul du gyur ba de bzhin du/ do nub tshe 'das pa rdo rje che ge mo khyod la/ bu che go mo 'dis/ bu'i zas 'di gtad pas yun gyi sris su gyur nas/ dge ba'i phul du gyur cig/ sngon byung ba'i dus na/ yul ma ga d+ha'i grong khyer du/ rgyal po gzugs can snying po zhes bya ba tshe las 'das pa'i tshe/ bu mo snang ba'i sgron mas/ gdung ba'i mchi ma phyung zhing brtse ba'i ngag bton nas/ bu mo'i zas gtad pas yun gyi sris su gyur nas/ dge ba'i phul du gyur pa de bzhin du/ do nub bu mo che ge mo zhes bya ba 'dis/ tshe 'das pa che ge mo khyod la/ bu mos gdung ba'i mchi ma phyung / brtse ba'i smre sngags bton nas zas 'di gtad pas/ yun gyi sris su gyur nas/ dge ba'i phul du gyur cig sngon byung gi dus na/ bya rgod phung po'i ri'i lho phyogs su// yab rgyal po ma skyes dgra tshe las 'das pa'i tshe/ dge slong shA ri'i bus zhang zas 'di gtad pas/ chags pa'i mdud pa grol ba de bzhin du// do nub tshe las 'das pa'i che ge mo khyod la/ zhang po che ge mos zan 'di gtad pas/ 'jig rten 'di la chags pa'i 'tshe ba dang bral nas/ khyod bde ba la gnas par gyur cig sngon byung gis dus na/ ston pa rdo/
- 33a
rje sems dpa' bya rgod phung po'i ri'i lho phyogs na bzhugs pa'i tshe/ yab rgyal po karma 'od bzang tshe las 'das pa'i tshe na/ dge slong ma pad+ma spyan gyis gdung ba'i mchi ma phyung nas/ bden pa'i chos bshad/ ro mchog brgya dang ldan pa'i zas phul nas/ 'jam pa'i gtam gyis bkrol nas/ sru mo'i sru zas gtad pas// 'khor ba'i sgo chod pa de bzhin du/ do nub tshe las 'das pa khyod la/ sru mo che ge mos sru zas 'di gtad cing gdung ba'i mchi ma phyung nas/ byams pa'i gtam gyis bkrol nas/ brtse ba'i smre sngags bton nas zas 'di gtad pas 'khor ba'i sgo 'gags nas/ bde ba'i lam dang 'phrad par gyur cig/ sngon byung gi dus na/ ston pa 'od srungs chen po bzhugs pa'i dus/ rgyal po snang mdzad 'od ces bya ba/ tshe 'das pa'i dus na/ 'khor chen po brgyad kyis gdung ba'i mchi ma phyung nas/ brtse ba'i ngag bton cing / bden pa'i chos bshad cing / dkon pa'i zas bstabs nas/ zas gtad pa de bzhin du/ do nub tshe 'das pa khyod la 'khor che ge mo rnams kyis gdung ba'i mchi ma phung nas/ brtse ba'i ngag bton/ gus pa'i shugs phyung dkon pa'i zas btsal nas/ sdug bsngal cher spyad nas/ tshe 'das che ge mo khyod la yun gyi zas gtad pas/ 'di longs la snang ba 'di 'das pa'i pha rol na/ bde ba can gyi zhing khams yod
- 33b
kyis der song zhig sngon byung gi dus na/ ston pa shAkya thub pa rdo rje'i gdan na bzhugs tsam na/ bram ze'i rigs kyi sras 'od ldan chen po zhes bya ba de tshe las 'das pa'i tshe/ yum blo gros rgyan bzang ma'i/ sras tshe las 'das nas zhag nyi shu rtsa gcig na/ ston pa nyid kyis bden pa'i chos bshad/ ma yis gdung ba'i mchi ma phyung nas/ brtse ba'i ngag bton/ gus pa'i shugs phyung / dkon pa'i zas btsal nas/ tshe las 'das pa la ma yi zas gtad pas/ yun gyi sris su gyur nas/ dge ba'i phul du gyur pa de bzhin du/ do nub sras tshe 'das che ge mo la/ yum che ge mo zhes bya bas gdung ba'i mchi ma phyung nas/ brtse ba'i ngag bton zhing / gus pa'i shugs phyung nas/ dkon pa'i zas ro mchog brgya dang ldan pa sna tshogs gtad pas/ tshe 'das pa'i yun gyi sris dang / dge ba'i phul du gyur cig do nub tshe las 'das pa che ge mo khyod zas 'di longs la/ mi snang ba'i chos kyi dbyings kyi pho brang du song zhig/ gnas 'di dang khyod gnyis 'brel pa med pas 'di ru ma 'dug par gzhan du dengs shig do nub tshe 'das khyod kyi don du/ dkon pa'i ro mchog dang zas sna tshogs tshad dang / sha dang / mar dang / khur ba dang / sha ba'i sha la sogs te ro mchog gi sha sna dgu dang / sgo nga dang / gang bu dang / shing tog la sogs te/ kha ma bye ba bcu gsum dang / kar
- 34a
dang / bu ram dang / sbrang rtsi la sogs te/ 'dod pa tshims byed kyi ro mchog drug dang / zho dang / 'o ma dang / dar ba dang / mar la sogs rtsi thogs sna dgu dang / gro zug dang / 'o thug dang / 'bras thug la sogs te/ bro ba'i ro mchog bzhi dang / de la sogs te ro mchog gi rnams pa kha ba dang / mngar ba dang / bskab dang / sreg pa dang / sgyur ba la sogs ro mchog sna tshogs pa dang / zas sna tshogs 'byor tshad kyi zas 'di gtad kyis longs shig 'dod pa'i yon tan lnga la sogs te/ dag cing 'byor pa'i dge ba'i rtsa bar bsngo yis longs shig/ oM AHhUM swA hA/ lam pa sta b+ha du la yA/ a li u li tA li ta pa li ar+g+haM pra tIts+tsha ho/ zhes brjod cing drangs/ de nas rigs drug gnas nas drangs shing dbang bskur/ zas sna dang skom nyid 'byor tshad dbul/ bden pa bdar/ chos bshad/ dge ba'i las ci nus bya/ spang skong bklag nye'u 'don bya'o// mchod sbyin gyi gtor ma gtang / mchod pa ci nus bya/ bshags pa bya/ gsol ba gdab/ sku gdung ring bsrel mchod pa bya/ sangs rgyas dang byang chub sems dpa' thams cad dang / bcom ldan 'das/ pad+ma dbang gi lha tshogs la phyag 'tshal zhing / gsol ba gdab/ de nas dkyil 'khor gyi phyogs kun nas/ dam sri mnan/ tshe 'das pa la lam bstan/ gtor ma gtong / dkyil 'khor bsdu/
- 34b
phyis ldang mi nus pa'i dbang gis gzir mnan bya/ dkyil 'khor gi zhal bsro/ de nas dkyil 'khor gyis rlog la/ gseg ma'i sa bon btab la/ 'di ma skyes kyi bar du ma ldangs shig ces gzir mnan bya'o// zhes rdzogs pa rang byung chen po'i rgyud las/ rnal 'byor pa'i bdun tshig tha ma pa bstan pa'i le'u ste lnga pa'o// rdzogs so// // @#// rgya gar skad du/ ma lA sa hu su ka nA ma/ bod skad du/ lam ston bsgom pa'i lung zhes bya ba/ bcom ldan 'das dpal gnyis med kyi rgyal po rdo rje sems dpa' la phyag 'tshal lo// de nas bcom ldan 'das pad+ma dbang gis bdag nyid la/ nye ba'i 'khor rnams kyis 'di skad ces gsol to// kye kye bcom ldan pad+ma dbang gi bdag nyid chen po/ sems can 'khor ba las bsgral nas bde ba can gyi zhing khams su lam ston pa'i cho ga bshad du gsol/ de nas dpal chen nyid kyis bka' stsal pa// kye ma nyon cig rdo rje 'dzin// slon dpon gsang ba'i dbang thob des// maN+Dal drug pa'i gzhung rdzogs nas// lam bstan lung ni bstan par bya// mchod pa'i tshogs ni rab rdzogs nas// gsang ba'i slob dpon de nyid kyis// rigs drug gnas nas drangs pa yi// cho ga 'di ni brtsam par bya// maN+Dal zlum po'i steng dag nas// thub pa'i phyag mtshan blangs nas ni// tshig 'dis
- 35a
sdug bsngal gnas nas drangs// hUM ma rig 'khor ba'i rtsa ba ste// tshe 'das bya ba rigs kyi bu// 'di la chags par ma byed par// bde ba can gyi zhing du bzhud// zhe sdang 'di yis khyod re bslus// zhe sdang khyod kyi bdud yin pas// dang po srid par 'khyams pa yang // zhe sdang rang dgar spyod pas 'khor// da ltar sdug bsngal spyod pa yang / zhe sdang bdag tu bzung bas nongs// nyon cig tshe 'das rigs kyi bu// zhe sdang bdag tu ma 'dzin zhig/ zhe sdang bdag tu 'dzin pa na// zhe sdang chen po'i rgyu bsags nas// ngu 'bod chen po'i gnas su 'gro/ sdug bsngal sna tshogs khyod kyis myong / btso bsreg gnas nas thar thabs med// mtshon cha'i char dang me chen 'obs// 'ching dang 'tshod pa'i las rnams dang // 'gugs 'ching bsdams pa'i las rnams kyis/ yun ring thar ba'i gnas med pas// nyam zag sdug bsngal myong bar 'gyur// de las grol bar bya ba'i phyir// bzod pa'i chu bo 'di longs shig/ oM na ra ka tri a su du pre nr-i s+pha ra Na phaT// e ma ho/ rigs kyi bu/ tshe las 'das pa'i che ge mo khyod nyon cig/ 'di nas 'jig rten 'di'i 'og na/ dpag tshad lnga brgya'i 'og rol na/ na rag dmyal ba'i 'jig rten bya ba shin tu sdug bsngal dang ldan pa tsha ba dang / grang ba'i sdug bsngal 'ba' zhig cher spyod pa/ sems can nyon
- 35b
mongs pa zhe sdang cher spyad pa ltung ba'i gnas yod de/ de ru ci srid lhung srid na/ bskal pa lnga brgya'i bar du thar pa'i thabs med pas// der tshe las 'das pa khyod kyis nyon mongs pa zhe sdang la spyad pa'i dbang gis/ dmyal ba'i gnas der lhung srid na/ zhing khams de 'dul ba'i thub pa gshin rje chos kyi rgyal po zhes bya ba yod kyis/ de'i tshe khyod kyis sangs rgyas yid la dran pa dang / chos yid la dran pa dang / dge 'dun yid la dran pa dang / yi dam yid la dran pa dang / ting 'dzin yid la dran pa dang / rdo rje slob dpon yid la dran par gyis la/ sangs rgyas la phyag 'tshal lo// chos la phyag 'tshal lo// dge 'dun la phyag 'tshal lo// dmyal ba 'dul ba'i thub pa chen po la phyag 'tshal lo// skyabs su mchi'o// zhes brjod cing skyabs su song zhig de nas yi dwags kyi thub pa blangs nas 'di skad do// hUM 'khor ba'i rgyu ni ma rig pa// ma rig sems kyi rtsad bcad na// 'khor bar 'dzin pa yod ma yin/ kwa/ nyon cig tshe 'das rigs kyi bu// 'jig rten 'di 'dra sdug bsngal che// bde ba can gyi zhing du bzhud// 'dod chags 'di yis khyod re bslus// 'dod cing chags pa'i las rnams ni// byang chub snying po sgrib pa'i rgyu// dang po 'khor bar ltung ba yang // yid dang chos med snang ba la// med pa yod par spyad pas bslus/ 'dod chags rang
- 36a
dgar spyad pas nongs// da ltar chags pa chen po yang // 'dod chags yul du bzung bas nongs/ nyon cig tshe 'das rigs kyi bu// 'dod cing chags par ma byed cig/ 'dod cing chags par byas pa na// 'dod chags yul snang dgrar langs nas// bkres skom sdug bsngal gnas su skye// sgrib pa gsum la rtag tu gnas// ser sna'i 'ching ba ma khrol bas// zas kyis gdungs shing skom mi myong // yid ni gzhan 'gyur 'dug dbang med// yun ring thar bar dka' ba'i gnas// de ru khyod kyi shes pa ldang // sdug bsngal nyam thag myong bar 'gyur// de las grol bar bya ba'i phyir// sbyin pa'i zas nor 'di longs shig/ oM sarba du a su pre nr-i s+pha ra Na phaT/ e ma ho// tshe las 'das shing lus brdzes pa'i che ge mo khyod nyon cig/ 'di nas 'jig rten 'di'i 'og dpag tshad sum brgya'i 'og na/ bkres ldan chen po zhes bya ba'i// yi dwags kyi 'jig rten yod pas/ de ni 'dod chags shas cher spyad pa las chags pa yin pas rigs kyi bu khyod ji srid der lhung srid pas/ nyon mongs pa 'khor ba la mngon par chags pas ma zhen cig der ci srid lhung srid na/ bskal pa sum brgya'i bar du thar pa'i gnas med do// tshe las 'das pa khyod kyis nyon mongs pa 'dod chags la spyod pa'i dbang gis/ 'jig rten khams der lhung srid na//
- 36b
zhing khams de 'dul ba'i thub pa kha 'bar ma zhes bya ba/ kha nas me 'bar ba/ phyag na rin po che'i sgrom bu bsnams pa// shin tu bkres pa'i ngang tshul can cig yod kyis/ de la skyabs su 'dong ba'i phyir/ de'i tshe/ sangs rgyas yid la dran par gyis shig chos yid la dran par gyis shig 'phags pa'i dge 'dun yid la dran par gyis shig yid dam gyi lha yid la dran par gyis shig ting 'dzin yid la dran par gyis shig/ slob dpon yid la dran par gyis la/ sangs rgyas la phyag 'tshal lo// dam pa'i chos la phyag 'tshal lo// 'phags pa'i dge 'dun la phyag 'tshal lo// yi dwags 'dul ba'i thub pa la phyag 'tshal lo// skyabs su mchi'o zhes brjod la skyabs su song zhig de nas byol song gi thub pa blangs la 'di skad do// e ma gson cig dgongs shig rigs kyi bu// tshe 'das bya ba'i rigs kyi bu// ma rig 'khor ba'i rtsa ba ste// 'khor ba 'di ni gti mug che// 'di na 'dug par ma byed cig/ bde ba can gyi zhing der bzhud// gti mug 'di yis khyod re bslus// gti mug rmugs pa'i rgyu 'di ni// shes rab sgrib pa'i rgyu yin pas// gti mug 'di la ma spyod cig/ dang po 'khor bar ltung ba yang // gti mug myos pa'i dbang gis nongs// da lta rang snang dngos med la// gti mug rang dgar spyod pas nongs// nyon cig tshe 'das rigs kyi bu// gti mug
- 37a
rmugs par ma byed cig/ rmugs shing zos pa med pa na// zos bsam shes rab ma shes pas// byol song rmugs pa'i gnas su 'gro// rmugs shing dran pa med par 'gyur// gcig la gcig za'i sdug bsngal ni// gcig la gcig za khyod kyis myong // shin tu rmugs par byed pa yis// lus 'di yang yang 'pho bar 'gyur// de ru khyod nyid skyes gyur na// sdug bsngal nyams thag myong bar 'gyur// de las grol bar bya ba'i phyir// shes rab sgrom bu 'di longs shig/ oM sarba pre a su nr-i s+pha ra Na phaT/ e ma ho/ tshe las 'das pa che ge mo khyod nyon cig 'di nas ri bo chen po'i mtshams bzhin gling chen po bzhi par bar na mun pa'i 'jig rten dpag tu med pa yod pas/ de tshor byol song gi rigs stong phrag du ma yod pa// de rnams gcig gi sha gcig gis za ba'i skal pa las bde ba skad cig kyang med par gnas pas/ de ni sems can nyon mongs pa gti mug shas cher sprad pa 'ba' zhig skyes pa'o// de na ltung ba'i gnas yod pas/ zhing khams der ma chags par/ de na byol song 'dul ba'i thub pa/ ru ru rmugs pa zhes bya ba seng ge'i ngang tshul can/ phyag na shes rab kyi po ti bsnams pa gcig yod kyis/ de la skyabs su 'dong ba'i phyir/ sangs rgyas yid la dran par gyis shig dam pa'i chos yid la dran par gyis shig 'phags pa'i
- 37b
dge 'dun yid la dran par gyis shig yi dam gyi lha yid la dran pa gyis shig ting 'dzin yid la dran par gyis shig rdo rje slob dpon yid la dran par gyis shig snying po yid la dran par gyis la/ sangs rgyas la phyag 'tshal lo// dam pa'i chos la phyag 'tshal lo/ 'phags pa'i dge 'dun la phyag 'tshal lo// byol song 'dul ba'i dbang po la phyag 'tshal zhing skyabs su mchi'o// zhes brjod cing skyabs su song zhig de nas lha ma yin gyi thub pa blangs la 'di skad do// hUM tshe 'das bya ba rigs kyi bu// byol song yul na gti mug che// 'di nas steng na dpag tshad nyis brgyan// lha ma yin zhes bya ba yi// 'jig rten nyams dga' dang re spro// byol song yul du ma 'dug par// lha ma yin gyi gnas su byon// ma rig 'khor ba'i rtsa ba ste// rang rig ye shes rtog med pas// lha ma yin gyi yul de na// gnas pa'i sa med sdug bsngal ldan// de ru chags pa ma skye bar// bde ba can gyi zhing du bzhud// phrag dog 'di yis khyod re bslus// dang po 'khor bar ltung ba yang / phrag dog rlung ltar 'tshubs nas nongs// da lta mnyam la phrag dog pas// rtag tu rtsod pa rgyun mi chad/ kA/ nyon cig tshe 'das rigs kyi bu// phrag dog 'tshub par ma byed cig/ 'tshub ma thag tu 'dzin pa na// rtsod ldan 'di la rab chags nas// yun ring sdug bsngal khyod kyis myong / sdug bsngal
- 38a
nyam zag myong bar 'gyur// de las grol bar bya ba'i phyir// bsam gtan go mtshon 'di longs shig/ oM sarba su a nr-i s+pha ra Na phaTaHhUM a/ kye tshe las 'das pa'i che ge mo khyod nyon cig gnas la chags pa chen pos/ sdug bsngal khyod kyis myong bar gyur te/ lha ma yin gyi gnas na/ rtsod pa'i sdug bsngal bsam gyis mi khyab ste/ de ni sems can nyon mongs pa phrag dog shas cher spyod pa 'ba' zhig las byung ste/ rigs kyi bu khyod der chags par ma byed cig de na chags pa cher skyes pa na/ de na lha ma yin 'dul ba'i dbang po thags bzang ris byang sku la bsam gtan gyi go gyon pa/ phyag na bsam gtan gyi mdung thogs pa/ lha ma yin gyi ngang tshul can yod kyis// de la skyabs su 'dong pa'i phyir/ sangs rgyas yid la dran par gyis shig dam pa'i chos yid la dran par gyis shig 'phags pa'i dge 'dun yid la dran par gyis shig yi dam gyi lha yid la dran par gyis shig rdo rje slob dpon yid la dran par gyis shig/ sangs rgyas la phyag 'tshal lo// dam pa'i chos la phyag 'tshal lo// 'phags pa'i dge 'dun la phyag 'tshal lo// lha ma yin 'dul ba'i thub pa thags bzang ris la phyag 'tshal zhing skyabs su mchi'o// zhes brjod cing skyabs su song zhig de nas lha'i thub pa blangs la 'di skad do// hUM gson zhig dgongs shig rigs
- 38b
kyi bu// tshe 'das bya ba'i rigs kyi bu// lha min yul na phrag dog che// de na sdug bsngal bsam mi khyab// de yi steng na lha yi yul// nyams dga' dang sgro yid 'ong dang // longs spyod sna tshogs 'di na yod// rgyan dang rol mo bsam mi khyab// lha min yul du ma 'dug par// lha yi yul du bde bar byon// hUM ma rig 'khor ba'i rtsa ba ste// rang rig ye shes rtog med pas// lha yi gnas na 'dug sa med// longs spyod nyid la chags chags nas// ngan song gsum gyi gnas su ltung // de ru chags par ma byed par// bde ba can gyi zhing du bzhud// nga rgyal 'di yis khyod re bslus// lha yi yul na nga rgyal che// dang po 'khor bar ltung ba yang // nga rgyal ri bo brtsegs pas 'khor// da lta nga rgyal spyad pas na// dga' ldan lha yi yul du skyes// longs spyod 'khor la chags chags nas// ngan song 'khor ba'i gnas su ltung / ka/ nyon cig tshe 'das rigs kyi bu// nga rgyal rtog par ma 'dzin cig/ nga rgyal rtog par bzung ba na// longs spyod 'di la rab tu chags// longs spyod 'di la chags pa'i mthus// 'khor ba nyid kyi gnas su ltung // yun ring thar pa'i gnas mi thob// sdug bsngal nyams thag myong par 'gyur// de las grol bar bya ba'i phyir// brtson 'grus pi wang 'di longs shig oM sarba a su nr-i s+pha ra Na phaT hUM A/ e ma ho// tshe las 'das shing lus brdzes
- 39a
pa'i che ge mo khyod nyon cig lha yi gnas 'di na longs spyod 'khor ba'i rgyu la chags pas/ tha ma ngan song gsum du ltung bar 'gyur bas/ rigs kyi bu der chags par ma byed par/ zhing khams de na lha 'dul ba'i thub pa/ lha'i dbang po brgya byin zhes bya ba lha'i cha byad 'dzin pa/ phyag na pi wang dang rol mo bsnams pa gcig yod kyis/ de la skyabs su 'gro ba'i phyir// sangs rgyas yid la dran pa dang / dam pa'i chos dang / 'phags pa'i dge 'dun dang / rdo rje slob dpon yid la dran par gyis la/ sangs rgyas la phyag 'tshal lo// dam pa'i chos la phyag 'tshal lo// 'phags pa'i dge 'dun la phyag 'tshal lo// lha'i dbang po brgya byin la phyag 'tshal zhing skyabs su mchi'o// zhes brjod cing skyabs su song zhig/ de nas mi'i thub pa blangs la 'di skad do// hUM gson cig dgongs shig rigs kyi bu// tshe 'das bya ba'i rigs kyi bu// lha yi yul na nga rgyal che// nga rgyal rang dgar spyod pa'i phyir// 'di na cha mnyam byang chub nye// lha yi yul du ma chags par// cha mnyam mi yi gnas 'dir byon// hUM ma rig 'khor ba'i rgyu yin te// 'di la chags par ma byed par// bde ba can gyi zhing du bzhud// khong khro 'di yis khyod re bslus// khong khro bdag tu ma 'dzin cig/ khong khro bdag tu 'dzin pa na// dang po 'khor bar ltung ba yang / khong
- 39b
khro rang dgar spyad pas nongs// da lta khong khro nyid sbyang na// mi yi sdug bsngal chen po 'gyur// yun ring sdug bsngal myong bar 'gyur// de las grol bar bya ba'i phyir// tshul khrims phung po 'di longs shig/ oM sarba nr-i tri du pre su a s+pha ra Na hUM phaTaHA/ e ma ho// tshe las 'das shing lus brjes pa'i che ge mo nyon cig mi'i gnas 'di ni bde sdug gi ra ba chen po ste/ 'di la ma chags par bde ba can gyi zhing du bzhud cig/ mi yi gnas 'di 'dul ba'i shAkya thub pa zhes bya ba/ bcom ldan 'das dpal rdo rje sems dpa'i zhabs kyi pad+ma las sprul pa'i mi'i cha byad can phyag na gseg shang dang par bu thogs pa de yid la dran par gyis la/ de la skyabs su 'gro ba'i phyir/ sangs rgyas dang / chos dang / 'phags pa'i dge 'dun dang / yi dam gyi lha dang / rdo rje slob dpon yid la dran par gyis la/ sangs rgyas la phyag 'tshal lo// chos la phyag 'tshal lo// dge 'dun la phyag 'tshal lo// mi'i thub pa shAkya thub pa la phyag 'tshal zhing skyabs su mchi'o// zhes brjod cing skyabs su song zhig de nas mi'i gnas nas dri ma dkyil 'khor gyi phyi khyams mu khyud kyi steng du bzhag la/ rigs drug gi dkyil 'khor dbye bar bya'o// de nas slob dpon gyis lam bstan pa 'di skad do// ho rigs kyi rgyal po pad+ma dbang gi sku la phyag 'tshal lo// tshe las 'das pa 'di la
- 40a
gshed du byed pa dang // sgrib pa thams cad byang bar mdzad du gsol/ ho tshe las 'das pa che ge mo khyod nyon cig shar phyogs kyi 'jig rten gyi khams na/ mngon par dga' ba'i zhing khams na/ ston pa rdo rje sems dpa' zhes bya ba/ skus 'dul ba'i chos ston to// rigs kyi bu khyod de ru skus 'dul ba'i chos nyon la/ phyi nang gi sgro 'dogs chod la/ bde ba can gyi zhing khams su bzhud cing / lho phyogs na dpal dang ldan pa zhes bya ba'i zhing khams yod de/ de na sprul pa'i sku de bzhin gshegs pa/ yang dag par rdzogs pa'i sangs rgyas rin chen 'byung ldan zhes bya ba yon tan gyis 'dul ba'i sgo nas chos bstan pa gcig yod kyis der rigs kyi bu khyod ma 'jigs par yon tan gyis 'dul ba'i chos nyon cig phyi nang gi sgro 'dogs chod la/ chos nyid ka dag gi zhing khams su bzhud cig nub phyogs na pad+ma brtsegs pa zhes bya ba'i zhing khams yod de/ de na sprul pa'i sku snang ba mtha' yas zhes bya ba yod kyis/ des gsung gis 'dul ba'i chos ston to// der rigs kyi bu khyod ma 'jigs par gsung gis 'dul ba'i chos nyon la/ phyi nang gi sgro 'dogs chod la der ma gnas par chos nyid ka dag gi zhing du bzhud cig byang phyogs na las rab yongs su rdzogs pa'i zhing khams yod de/ de na de bzhin gshegs pa yang dag par rdzogs pa'i
- 40b
sangs rgyas sprul pa'i sku don yod grub pa zhes bya ba yod kyis/ des phrin las kyis 'dul ba'i chos ston gyis// de la rigs kyi bu khyod ma 'jigs par phrin las kyis 'dul ba'i chos nyon la/ phyi nang gi sgo 'dogs chod la/ chos nyid ka dag gi sar bzhud cig byang shar mtshams na stobs rnam par bkod pa zhes bya ba'i zhing khams shin tu yangs pa zhes bya ba yod kyis/ zhing khams de na bcom ldan 'das phyag na rdo rje bya ba yod kyis/ de la rigs kyi bu mthu stobs kyi dbang zhus la/ bdud dang nyon mongs pa zil gyis non la/ chos nyid ka dag gi sar bzhud cig shar lho mtshams kyi 'jig rten gyi khams na/ zhing khams thugs rjes brgyan pa zhes bya ba de na/ bcom ldan 'das thugs rje thams cad kyi bdag po/ spyan ras gzigs dbang phyug zhes bya ba yod kyis/ de la rigs kyi bu khyod 'jigs par ma byed par/ bcom ldan 'das de la rdzu 'phrul gyi dbang zhus la/ thugs rje phyogs bcur mdzad cing chos nyid ka dag gi sar bzhud cig lho nub kyi 'jig rten kyi khams na/ zhing khams 'jam pa'i mgon ces bya ba yod de/ de na bcom ldan 'das 'jam dpal gzhon nur gyur pa zhes bya ba yod de/ de la rigs kyi bu khyod ma 'jigs par chos thams cad kyi spyan khong du chud pa zhes bya ba'i dbang zhus la/ snang srid kyi chos thams
- 41a
cad bshad cing ka dag gi sar bzhud cig nub byang gi 'jig rten gyi khams na/ zhing khams yid 'khrugs pa thams cad zhi bar byed pa zhes bya ba yod de/ de na bcom ldan 'das mi 'khrugs pa zhes bya ba yod kyis/ de la rigs kyi bu khyod ma 'jigs par chos thams cad kyi de bzhin nyid bstan pa'i dbang nos la/ chos nyid ka dag gi sar bzhud cig steng gi phyogs na nam mkha' rnam par dag pa zhes bya ba'i 'jigs rten yod de/ de na bcom ldan 'das nam mkha'i rgyal po zhes bya ba yod kyis/ de la rigs kyi bu khyod ma 'jigs par de la lta ba'i gnas lugs rdzogs pa chen po gzhi'i dbang zhes bya ba yod kyis/ dbang de nos la/ chos nyid kyi gzhi snang la bzhud cig 'og gi phyogs na zhing khams ma g.yos pa zhes bya ba yod de/ de na bcom ldan 'das 'od srungs chen po zhes bya ba yod kyis/ de la rigs kyi bu khyod ma 'jigs par/ de la rang rig mngon par snang ba zhes bya ba'i dbang yod kyis/ de las dbang de nos la chos nyid rang snang gi nam mkha' la gzhud cig phyogs bcu'i 'jig rten gyi dbus na/ dur khrod chen po me ri 'bar ba zhes bya ba yod de/ de yang shin tu yangs pa 'jigs shing skyi bung ba/ skrag cing rngams pa cig yod de/ de nas bcom ldan 'das pad+ma dbang gi rgyal po zhes bya ba yod kyis/ rigs kyi
- 41b
bu khyod de la ma 'jigs par bcom ldan de la rig pa rang gnas kyi dbang zhes bya ba yod kyis/ dbang de nos la/ chos nyid rang snang gi nam mkha' la ma 'jigs ma sngangs ma skrag par song zhig kye ma tshe las 'das pa'i byang chub sems dpa' khyod nyon cig nub phyogs kyi 'jigs rten gyi khams na bcom ldan 'das snang ba mtha' yas kyi zhing khams bsam gyis mi khyab pa yod kyis/ rigs kyi bu de seng ge'i 'gros kyis song la/ glang po che'i lha stangs kyis ltos shig/ mngon par dga' ba zhes bya ba'i tshal na/ byang chub mtha' yas kyi phugs// seng ge'i sgra bsgrags pa zhes bya ba na/ 'phags pa nam mkha' mdzod ces bya ba/ shin tu skyi bung ba gcig yod kyis/ de la ma 'jigs par song zhig de 'das pa'i phyi rol na sangs rgyas mar me mdzad bzang po zhes bya ba brgyan 'od kyi phung po dang ldan pa yod de/ de khyod la snang bar 'gyur ro// rigs kyi bu de mthong ba'i dus su skus 'dul ba'i chos ston te/ longs spyod rdzogs pa'i sku mtshan dang dpe byad du ma dang ldan pas/ sku dang gnyis su med par yongs su mya ngan las 'da' bar 'gyur ro// kye ma tshe las 'das pa'i/ byang chub sems dpa' khyod nyon cig/ rigs kyi bu chos chen po snang ba'i thugs rje 'das pa'i pha rol na/ rang rig pa'i snang ba bsam gyis mi khyab pa yod kyis/ rigs kyi bu
- 42a
der seng ge'i 'gros stangs kyis song la/ glang po che'i lta stangs kyis ltos shig/ rig pa 'dus ma byas pa'i snang ba zhes bya ba na/ chos nyid stong pa gsal ba chen po'i gnas seng ge'i sgra sgrogs pa zhes bya ba shin tu skyi bung ba gcig yod kyis/ de la ma 'jigs par bya khyud nam mkhar lding ba'i 'gros kyis song zhig de 'das pa'i pha rol na/ thog ma'i sangs rgyas 'od mi 'gyur ba zhes bya ba yod kyis/ de khyod la snang bar 'gyur gyis/ de snang ba'i dus su sku gsum dbyer mi phyed pa'i chos ston par 'gyur ro// chos kyi sku skye 'gag thams cad dang bral bar bstan pas/ sku gsung thugs gnyis su med par yongs su mya ngan las 'da' bar 'gyur ro// de'i tshe rigs kyi bu khyod kyis sku brtan par gyis shig gsung brtan par gyis shig/ thugs brtan par gyis shig/ rig pa brtan par gyis shig/ des ni skye ba med par thal lo// de skad ces lam bstan par bya'o// gzhan dag gi phung po sbyang yang / rigs drug gnas nas drangs pa dang / lam bstan 'di ltar shes par bya'o// zhes rdzogs pa rang byung chen po'i rgyud las/ lam bstan pa'i le'u ste drug pa'o// rdzogs so// //
- 42b
rgya gar skad du/ ma hA sa ma ya tra ru pu ka nA ma/ bod skad du/ tshe 'das kyi gdung bsreg pa'i cho ga ro sreg thal ba'i lung zhes bya ba/ bcom ldan 'das pad+ma dbang gi sku la phyag 'tshal lo// de nas pad+ma dbang gi sku la/ nye ba'i 'khor rnams kyis 'di skad ces gsol to// kye kye bcom ldan dbang gi sku// sems can bag chags sbyang ba'i phyir// rnam rtogs sbyong ba'i thabs chen gsung / zhes zhus so// de nas bka' stsal pa/ kye ma rdo rje 'dzin pa nyon// ngas bstan legs par yid la zung / ro sreg cho ga byed pa na// ro yi khang pa legs byas la// ro ni spos chu 'o mas bkru// de nas ro de khang par gzhug/ khang pa de yi mdun nyid du// dkyil 'khor 'dom gang pa gcig bya// chag chag gdab cing thig skud brlab// chag chag gdab pa'i sngags 'di'o// oM sho d+ha ya badz+ra AHhUM/ thig skud byin brlab sngags 'di'o// oM badz+ra ka sa ra hUM trAM/ sa tshon byin gyis brlab pa'i sngags 'di'o// oM a hUM swA hA/ de nas dkyil 'khor de nyid la// thig gdab byin brlab rdzogs pa dang / tshon ni rab tu dgye bar bya// dbus kyi pho brang zlum po bya/ gru gsum mthing nag e ru bya// zla gam rnam gsum dbang chen dmar// zlum po mu khyud par dag tu// yi ge hUM nyid bri bar bya// zlum po de yi phyi rim du// pad+ma'i glo bur 'dab brgyad bya// kha dog dmar po dag tu
- 43a
gsungs// glo 'bur bar ni ljang gus dgang // de yi phyi rim mu khyud zlum// me ri dag na byi bar gsungs// de yi phyi rim gru bzhi ste// sgo dang bcas pa rab tu bri// gru chad dkar po'i steng dag tutu// byang shar mtshams kyi gru chad la// rdo rje rgya gram bri bar bya// shar lho'i gru chad steng nyid du// rin po che yi snye ma bri// lho nub gru chad steng du yang / pad+ma mdzes pa 'dab brgyad bri// nub byang gru chad steng du yang // ral gri ljang gu bri bar bya// sgo ni rigs dang 'dra ba ste// sgo yi kha khyer zla gam la// bum pa rigs dang 'dra ba bri// de yi phyi rim zlum po ste// zla gam bzhi ni dmar por bya// zlum po de yi phyi rim du/ 'khor lo rtsibs ni bco lnga bri// 'khor lo'i rtsibs mtshan dag tu ni// yi ge phaTaHni re re bri// phyi rim zlum po dag tu bya// rdo rje'i ra ba bcas pa bri// phyi rim me ri dag tu'o// de ltar dkyil 'khor rab bribres nas// dkyil 'khor de yi steng du yang // sgrub pa'i rdzas ni tshogs tshad bzhag/ pho brang gru gsum steng dag tu// dpal gyi gtor ma gzhag par bya// mu khyud phyi ma'i steng du yang // gtor ma cha gsum gzhung mthun bsham// dkyil 'khor de yi shar phyogs su// rigs drug dkyil 'khor steng du yang / sha sna dag gi gtor ma dang // dkar gsum dag gis brgyan pa dang // mngar gsum dag gis brgyan pa dang // chu
- 43b
gtsang dag gis bran pa dang // khrag sna dag gis bran pa dang // bag zan khur pas brgyan pa'o// 'gro drug drang ba gong dang 'dra// phyi cho ga nang cho ga gzhung bzhin bya// de nas slob dpon gsang ba des// me yi lha dang mnyam sbyar nas// bcom ldan snang ba mtha' yas bsgom// me yi lha tshogs spyan drangs pa'i// sngags 'di rab tu brjod pa dang // me yi lha dang gnyis med bsam// de nas me lha bzhugs gsol dang // me yi dkyil 'khor gsal gdab dang // me yi lha nyid bsdu ba dang // me yi lha tshogs bstim pa dang // me lha nyid dang dam tshig bsre// me lha sbar ba'i cho ga dang / de nyid byin rlabs sngags su bshad// de dag thams cad bskyed pa yis// sngags 'di rab tu bya bar gsungs/ oM re ma hA sa ma ya hUM dza/ oM ma hA shu raM trag raM/ e ag+ne dza la raM/ su raM sarba du ti tiSh+Tha sa ma ya lhan/ e raM dza la raM/ phaT raM/ trag raM/ yam raM/ kha ma raM/ ma ma ra ga sha dza la raM/ su ma raM/ ke ma raM/ b+h+r-i raM/ s+pha ra Na raM/ saM ha ra Na raM sUr+ya raM/ tsan+da raM/ baM raM/ e ag+ne maN+Da la stAM hUM swA hA/ oM ma hA sa ma ya mu dra raM/ sarba ya du ling ting / sang ha ra Na hUM/ e ag+ni sde ba su tri raM/ ha ha stam b+ha badz+ra badz+ra hAM hAM hAMHoM Ar+ya d+harmA mu dra sa ya d+hA d+hA raM/ yaM raM hUM phaTaHswA hA/ e raM/ dza la raM/ phaT raM/ trag raM// hrIHraM/ pad+ma kro d+ha raM/ d+haM d+haM/ s+pha ra Na phaT raM/ gr-ih+Na gr-i h+Na raM/ ha na
- 44a
na raM/ da ha da ha raM/ pa tsa pa tsa raM/ hUM ra s+pha ra Na/ a raM s+pha ra Na/ sA ra s+pha ra Na/ ha raM s+pha ra Na/ mau ra s+pha ra Na phaTaHau A tsI ra ra raM/ hr-i da ya ra ra raM/ oM pad+mAn+ta kr-ita ra ra raM/ hu lu hu lu ra ra ra/ ma hA d+harma A/ sho d+ha ya/ a g+ni raM raM/ hUM a a a/ de ltar sngags rnams rdzogs nas kyang // bdag nyid pad+ma dbang du bsgom// bdag gi mdun du snang mtha' yas// sku mdog dmar po 'od chags bsgom// pad+man+ta kr-i ta sgra brjod pas// bdag nyid dbang chen thugs ka gnas// rta mgrin dmar po gcig byung ste// rta skad thengs gsum brjod pa yis// srid gsum me ru 'bar bar bsgom// tshe 'das sgrib gnyis byang bar bsam// de nas dbang chen bdag nyid la// rang bzhin bstod pa 'di skad do// hrIHye shes rig pa nyid las skyes pa'i lha// rang byung thugs rje'i dpal la phyag 'tshal bstod// chos dbyings mkha' la skar tshogs spras pa'i sku// pad+ma he ru ka la phyag 'tshal bstod// zhal gsum phyag drug g.yas na mo// dkar ba'i mdog la bzhad pa che// zhal gsum phyag drug g.yon na mo// dmar ba'i mdog la thig le che// zhal gsum phyag drug dbus na mo// dmar nag mdog la khro gnyer che// dbus na rta mgo ljang zhur la// rta mgrin rgyal po rta skad 'tsher// lhang lhang tser tser phyogs bcur sgrogs// khams
- 44b
gsum ma lus dbang du sdud// spyan nas me yi tsha tsha 'phro// shangs nas 'thor ba'i rlung chen sdang // g.yas kyi rta skad thengs gcig gis// mya ngan 'das pa'i chos kyang ston// g.yon gyi rta skad zengs gcig gis// g.yar dam can la dngos grub ster// dbus kyi rta skad thengs gsum gyis// srid gsum ma lus dbang du sdud// sku mdog dmar nag dur khrod me chen 'bar// pags chen rlon pa'i g.yang gzhi'i sham thabs can// sbrul nag stong gis brgyan pa'i gdengs ka can// tshangs pa chen po la sogs lha chen gyi// mgo bcad sbrel bas dbu yi rgyan du byas// thal chen khrag dang zhag gi tshom bus spris// 'jigs tshogs chen po dur khrod rgyan gyi gnas// dpa' bo chen po sgeg chen 'jigs// kha T+wAM rde'u chung ral gri dgra sta dang // mda' gzhu mdung zung gser gyi zhags brkyang zhing // thod phreng rgyan du byas shing btsun mo'i tshogs la 'khril// dpa' bo chen po 'bar chen po// lha chen brgyad ni zhabs kyis mnan// klu chen brgyad ni gdan du bting // g.yas kyi phyag brgyad byung ba yis// lha chen brgyad kyi mgo bcad nas// b+han+da brgyad ni rak+tas bkang // rA tra brgyad kyis dkrugs shing gsol// g.yon gyi phyag brgyad byung bas ni// lha chen brgyad kyi snying phyung nas// tsit+ta brgyad ni thabs kyis rol// dgra bo'i zhing chen khra la la// thod rus
- 45a
rkang rus nyi li li// rak+ta'i rgya mtsho sngo dmar kyi li li// dbang phyug chen po bskyod tsam na// 'khor gyi ma tshogs las la b+h+yo// kang kang chum chum las la 'dus// oM pad+mAn+ta kr-i ta hUM hu lu hu lu hUM hrIHdza/ de ltar bstod cing las rnams rdzogs// de nas me lha'i cho ga bya// me nyid sbyangs pa'i ting 'dzin ldan// tshe 'das bag chags bsregs par bsam// phyi nang nyon mongs zad par bsam// chos nyid dbang dang ldan bya zhing // dkyil 'khor lha tshogs gsal bar bsgom// me lha bdag dang dbyer med bskyed// rig pa'i stobs dang ting 'dzin bskyed// rang rig mnyam la ma 'dres bsgom// me yi lha ni spyan drangs nas// me yi sgrib sbyong las 'di bya// sngags 'di brjod cing dbang po brdung // oM badz+ra satwa hr-i da ya/ badz+ra pA Ni hUM phaT/ de skad brjod cing lha gsum bskyed// zhi rgyas dbang dang mngon spyod pa'i// me yi mchod pa rdzogs par bya// zhi ba'i mchod pa 'di skad do// hUM snang srid nam mkha' stong pa'i hom khung du// 'byung ba sna tshogs snang ba'i me sbar bas// mtshan ma sna tshogs snang ba'i me byung ste// rnam shes phung po'i tshogs rnams bsregs sbyangs thim// hUM dbus phyogs zlum po'i hom khung du// bcom ldan rnam par snang mdzad las// chos kyi dbyings kyi me byung bas// gti mug rnam rtog bsregs sbyangs thim// shar phyogs
- 45b
zlum po'i hom khung nas// bcom ldan rdo rje sems dpa' las// me long lta ba'i me byung bas// zhe sdang rnam rtog bsregs sbyangs thim// lho phyogs zlum po'i hom khung du// bcom ldan rin chen 'byung ldan las// mnyam pa nyid kyi me byung bas// nga rgyal rnam rtog bsregs sbyangs thim// nub phyogs zlum po'i hom khung nas// bcom ldan snang ba mtha' yas las// so sor rtogs pa'i me byung bas// 'dod chags rnam rtog bsregs sbyangs thim// byang phyogs zlum po'i hom khung nas// bcom ldan don yod grub pa las// bya ba grub pa'i me byung bas// phrag dog rnam rtog bsregs sbyangs thim// hUM zhi ba'i me ni dkar la 'tsher// rnam shes dag pa'i zhing du sgrol// tshe 'das bya ba'i rigs kyi bu// khyod kyi ma rig ngas bsgral bas// chos nyid zhi ba'i don rtogs shog/ oM badz+ra shAn+ti ku ru swA ha/ de nas ting 'dzin rab ldan pas/ mar la sogs pa ro bsregs khang bu'i nang du blugs la/ rgyas pa'i me chog rdzogs par bya// hUM srid gsum yum gyi b+ha ga'i hom khung du// lhag pa byang chub sems kyi me sbar bas// sprul pa ye shes gsal ba'i me byung nas// skye rga na 'chi'i sdug bsngal bsregs sbyangs thim// hUM dbus phyogs gru bzhi'i hom khung du// yum chen nam mkha'i dbyings phyug las// de bzhin rigs kyi me byung bas// ma rig rtog pa bsregs sbyangs
- 46a
thim// shar phyogs gru bzhi'i hom khung du// yum chen sangs rgyas spyan nyid las// rdo rje rigs kyi me byung bas// yid kyi rnam rtog bsregs sbyangs thim// lho phyogs gru bzhi'i hom khung du// yum chen mA ma kI nyid las// rin chen rigs kyi me byung bas/ sems kyi rnam rtogs bsregs sbyangs thim// nub phyogs gru bzhi'i hom khung du// yum chen gos dkar mo nyid las/ pad+ma rigs kyi me byung pabs// 'dzin pa'i rnam rtog bsregs sbyangs thim// byang phyogs gru bzhi'i hom khung du/ yum chen dam tshig sgrol ma las// las kyi rigs kyi me byung bas// zhen pa'i rnam rtog bsregs sbyangs thim// hUM rgyas pa'i me ni ser la 'tsher// tshe 'das las la gnas pa 'di// skye med dbyings su sgrol ba'i phyir// rgyas pa'i me yis rtog sbyangs nas// skye med byang chub gnas su bzhud// tshe 'das rnam shes tshogs brgyad rnams// ye shes chen po'i me brgyad kyis// bsregs nas thal ba rdul du brlag/ sprin sreg dkyil 'khor dam pa 'dis// chos nyid rgyas pa'i don rtogs shog/ oM rat+na e la raM/ de nas ting 'dzin rab ldan pas// zas phud gtor ma'i phud bsags nas// dbang gi me yi mchod rdzogs bya// dbang gi me tshogs 'di skad do// hUM snang srid rdo rje 'bar ba'i hom khung du// rtog med ye shes raM gyis me sbar bas// skye med
- 46b
rtog pa'i klong nas me byung nas// rnam rtog mtshan ma'i bdud rnams bsregs sbyangs thim// steng phyogs zla ga ma hom khung du// bcom ldan gzi brjid 'od 'phro las// ye shes chen po'i me byung nas// ngar rtog mtshan ma bsregs sbyangs thim// shar phyogs zla gam hom khung nas// bcom ldan pad+ma gsang ba las// kho dog lnga yi me byung bas// chags sdang drag po bsregs sbyangs thim// lho phyogs zla ga ma hom khung nas// bcom ldan pad+ma che mchog las// 'bar ma brgyad kyi me byung bas// bdud dang mu stegs bsregs sbyangs thim// nub phyogs zla gam hom khung nas// bcom ldan pad+ma las sku las// stong pa nyid kyi me byung bas// dngos po'i rnam rtog bsregs sbyangs thim// byang phyogs zla gam hom khung nas// rnal 'byor bdag las me byung bas// mtshan ma'i rnam rtog bsregs sbyangs thim// dbang gi me ni dmar la dngas// rnam shes brgyad la dza la raM// phung po lnga la dza la raM// tshe 'das las ngan sdig can khyod// dang po 'khor bar ci phyir 'khor// da lta gnas pa ci la gnas// tha ma chags pa ci la chags// khyod ni de las ma grol na// 'khor ba'i gnas las mi thar te// nga yis rnam shes bsregs nas ni// chos nyid dbang gi pho brang du// phaT kyis 'phangs la bstim par bya// tshe 'das rtog pas bcings pa khyod// chos nyid dbang
- 47a
gi don rtogs shog/ oM phaT ma e da du phaT/ raM/ de nas ting 'dzin rab ldan pas// dmar gtor phud dang bcas pa blug/ drag po'i me chog rdzogs par bya// mchod pa rgyas pa 'di skad do// hUM 'byung ba lnga yi hom khung du// gsang ba sngags kyi me sbar bas// stong pa sna tshogs bsdus pa'i me byung bas// 'di yi phung po rnam lnga dza la raM// hUM ye shes klong yangs 'khyil ba'i hom khung du// dag pa ye shes chen po'i yam shing la// skye med chos sku chen po'i me sbar bas// stong pa chen po'i me byung nas// 'di yi yul lnga dz+wa la raM// dpal chen he ru'i zhal gyi hom khung du// 'dzab dang snying po 'phro 'du'i me sbar bas// dag pa ye shes chen po'i me byung nas// 'di yi yul brgyad dza la ram// snang srid yum gyi b+ha ga'i hom khung du// gsang ba ye shes yam shing la// lhag pa byang chub sems kyi me sbar bas// gsang ba ye shes thig le'i me byung nas// 'di yi 'dod chags dza la ram// chos nyid 'gyur ba med pa'i hom khung du// rig pa rtog pa med pa'i yam shing la// ye shes sgron me gsal ba'i me sbar bas// snang srid chos sku'i me byung nas// 'di yi gti mug bsregs sbyangs thim// hUM rtog med nam mkha' stong pa'i hom khung du// skye 'gro rtsi shing nags tshal yam shing la// sna tshogs ye shes chen po'i me sbar bas// 'di yi zhe sdang dza la
- 47b
ram// chos nyid brdal ba chen po'i hom khung du// sna tshogs mtshan mar 'dzin pa'i yaM shing la// 'dzin med rtog med rang byung me sbar bas// ye shes stong gsal chen po'i me byung nas// 'di yi phrag dog dz+wa la ram// snang stong gsal ba yum gyi b+ha ga'i hom khung du// dag pa kha dog lnga yi yam shing la// ye shes chen po lnga yi me sbar bas// chos nyid yul lnga shes pa'i me byung nas// 'di yi nga rgyal dza la raM// hUM shar phyogs gru gsum hom khung nas// bcom ldan badz+ra he ru las// sed+ha brgyad kyi me byung nas// ma rig log rtog chen po 'di'i// glo snying nang khrol dza la ram// lho phyogs gru gsum hom khung du// khro rgyal rat+na he ru las// phra men brgyad kyi me byung nas// mgo dang yan lag dza la ram// nub phyogs zur gsum hom khung nas// khro rgyal pad+ma he ru las// yum chen lnga yi me byung nas// mig dang dbang po dza la ram// byang phyogs zur gsum hom khung nas// khro rgyal karma he ru las// rin chen 'dus pa'i me byung nas// bar du gcod pa'i 'byung po 'di'i// sha dang khrag la dza la ram// dbus phyogs zur gsum hom khung nas// khro rgyal bud+d+ha he ru las// ma mo 'dus pa'i me byung nas// ming dang rus la dza la ram// hUM khro rgyal rta mchog rgyal po yis// me yi lha dang mnyam sbyar nas// 'di yi mgo lus dza la ram// e la ram/ dz+wa la ram//
- 48a
phaT ram/ 'byung po dza la ram/ bar du gcod pa'i 'byung po dza la ram/ de nas ting 'dzin rab ldan pas// zas dang gtor ma phud blugs la// me yi cho ga rgyas par bya// 'di skad rab tu brjod par bya// hUM nga ni ye shes bskyed pa'i lha// me yi lha tshogs spyan 'dren gyis// gnas 'dir rab tu gshegs su gsol// hUM me yi ma ni gos dkar mo// me yi lha ni snang mtha' yas// me yi gtso bo dbang chen sku// me yi mtshan nyid sreg par byed// me yi yab ni tsha ba che// me yi snang ba dmar la dngas// me yi lha tshogs spyan 'dren gyis// gnas 'dir gshegs la dngos grub stsol// hUM gti mug nam mkha'i me ni smug nag 'bar// zhe sdang me yi me ni dkar nag 'bar// nga rgyal sa yi me ni ser nag 'bar// 'dod chags chu yi me ni dmar nag 'bar// phrag dog rlung gi me ni ljang nag 'bar// me yi phung po nam mkha'i mtha' dang mnyam// 'di yi nyon mongs lnga la dza la ram// zhe sdang rus pa'i me ni phyogs bcur 'phro// 'dod chags sha yi me ni bskal par 'bar// phrag dog nang khrol me ni kun tu 'bar// nga rgyal chu rgyus me ni nam mkhar 'bar// gti mug khrag gi me ni sa gzhi khengs// me yi phung po bskal pa'i mtha' dang mnyam// ye shes me dpung phyogs bcur rab tu 'phro// 'di yi rnam shes tshogs la dz+wa la ram// hUM ye shes chen po'i
- 48b
dkyil 'khor nas// ye shes 'od lnga'i me byung nas// 'di yi phung po lnga la dza la ram// stong pa nyid kyi klong dkyil nas// ye shes rnam lnga'i me byung bas// 'di yi dbang po lnga la dza la ram// chos nyid zhi ba'i dkyil 'khor nas// tshom bu rnam lnga byung ba yis// 'di yi yul lnga dza la ram// snang ba chen po'i dkyil 'khor nas// rigs kyi sku lnga byung ba yis// 'di yi chags sdang lnga po dza la ram// dpal chen he ru ka/ yi thugs ka nas// ko'u rI ma brgyad byung ba yis// 'di yi rnam shes brgyad la dza la ram// dpal chen he ru ka yi yan lag la// sgo skyong ma bzhi byung ba yis// 'jigs pa bzhi la dza la ram// dpal chen snang ba chen po las// rigs kyi yum lnga byung ba yis// 'byung ba lnga la dza la ram// dza la raM ste mchod par rol// dpal chen gnas su mchod par rol// oM karma tiSh+ThA ya ni raM phaT/ dza la ram phaTaHram/ e la ram// de nas ting 'dzin nges par bsgom// de nas zan dang phud gtor de// nges pa'i glu chen 'di skad do// hUM chos sku mkha' khyab dag pa'i byin rlabs las// rig pa'i rgyal po khro rgyal dbang gi sku// sku mdog dmar dngas me yi 'od ldan 'phro// de yi sku las 'od zer rab 'phros pas// ma rig 'joms pa'i me ni sna tshogs 'bar// zhe sdang 'joms pa'i me ni dkar nag 'bar// gti mug 'joms pa'i me ni smug nag
- 49a
'bar// 'dod chags 'joms pa'i me ni dmar nag 'bar// phrag dog 'joms pa'i me ni ljang nag 'bar// nga rgyal 'joms pa'i me ni ser nag 'bar// me yi bskal pa mun nag glog ltar 'khyug/ dur khrod me ri sna tshogs kun du 'bar// nyon cig tshe 'das rigs kyi bu// sna tshogs me yis khyod kyi sdug bsngal sbyong // shes rab chen po yum gyi me byung bas// 'khor ba'i sdug bsngal ye shes chen por bslang / sgrib dang nyon mongs nad rnams zhi bar mdzod// e ag+ni s+phar Na hUM hUM phaT phaT/ a a ram ram swA hA/ de ltar mchod pa'i rim rdzogs nas// bskang gso'i cho ga rgyas par bya// bshags pa bya zhing dbang rdzogs bya// gnas bsrung ba dang lam nyid bstan// gtor ma btang bzhin lha tshogs bstim// me lha bstim dang sngags nyid bzlas// rig pa bskul zhing stong nyid bsgom// chos sku ngos bstan gnyis med bsam// sku gsum gzhi rdzogs rang 'od sku// rang bzhin gsal snang rig pa'i ngang // chos nyid yul dang gsang mtshan 'phod// ming nas 'don zhing las grub bya// dkyil 'khor bsdu zhing sa rnams rlog/ phyis ni ldang med 'dre mnan gdab// dkyil 'khor gso zhing gsang sngags bzlas// rgyu rnams sbyangs shing skye rgyun gcod/ gnas nas sbar zhing phaT ces bzlas// shes pa bsdu zhing hUM gis bskyed// gshed byed bskrad
- 49b
cing gnas lugs bstan// sku gsum brjod cing thig ler gzhug/ zhing khams bstan zhing sku bstan bya// lha yi ngo bstan ye shes dbab// rgyu rkyen dbral zhing rig pa gtsun// rang bzhin nyid dang ngo bo bstan// snang ba gsal zhing sgrib pa sbyang // gnyis med lha dang dbyer med bsam// dus dang gnas dang ye shes bstan// sa lam sbar ba rab tu bshad pa'o// zhes rdzogs pa rang byung chen po'i rgyud las// ro bsregs thal ba'i lung bstan pa'i le'u ste bdun pa'o// rdzogs so// // @#// rgya gar skad du/ b+ha ra b+hi b+hi nA ma/ bod skad du/ dur gdab tsha tsha'i lung zhes bya ba// bcom ldan 'das rig pa dbang gi lha la phyag 'tshal lo// de nas gsang ba'i bdag pos 'di skad ces gsol to// kye kye bcom ldan dbang gi sku// de bzhin gshegs pa thams cad kyi// sku gdung rten ni gang la bgyi// nye ba'i 'khor la gsung du gsol// zhes zhus so// de nas dbang chen de nyid kyis// gos sngon can la bka' stsal ba// kye ma gsang ba'i bdag po nyon// rnal 'byor ting 'dzin ldan pa yis// dben pa'i gnas su bder 'dug la// sku gdung rten dang mchod rten gdab// bdag dang gzhan gyi don yang rung // mthar phyin nges pa'i thabs 'di brtsam// dbang chen sku dang gnyis med cing / spyan ras gzigs kyi ting
- 50a
'dzin bsgom// sku mdog dkar po 'od chags pa// g.yas pas ut+pal phyag mtshan te// g.yon pas skyabs sbyin phyag rgya'o// 'od zer rab ldan bsgoms nas ni// sa rnams byin rlabs ldan par brlab// spyan ras gzigs dbang bskyed pa'i snying po ni// 'di yis sku mdog gsal bar 'gyur// oM e pad+ma d+hA hu ni rti shwa rA ya/ a wa lo ki te hUM/ des ni sku rnams gsal bar bsgom// sngags de lan brgyad brjod pa dang // spyan ras gzigs dbang gsal ba'o// de ltar lha dang ldan gyur nas// mchod rten gdab pa'i las 'di brtsam// shin tu gtsang ma'i sa phyogs nas// sa blang mchod rten rgyu nyid btsal// sa nyid rko ba'i sngags 'di'o// oM be ro tsa na hUM/ sngags de brgya rtsa brjod pa dang // oM las 'od zer rab 'phros pas// sa yi skyon rnams ci yod pa// oM las 'od byung zhu bar bsam// de nas 'dag pa brdzi ba'i gas// 'di ni lan grangs brku rtsa brjod// au badz+ra bI ra hUM phaT/ sngags de lan brgya brjod pa dang // hUM las 'od du 'phros par bsam// de nyid 'od du zhu ba las// 'dag pa'i dngos po bsam// bsam gyis mi khyab hUM de yis// 'dag pa'i rtog pa sbyangs nas ni// rtog med 'od du rnam par bsam// de nas 'bi 'bi bya ba'i sngags// 'di yi ting 'dzin ldan par gsungs// oM AHhUM/ yi ge de
- 50b
dag 'od 'bar bsam// de bzhin gshegs pa thams cad kyi// sku yi yi ge oM du 'dod// gsung gi yi ge AHru gsal// thugs kyi yi ge hUM yin pas// sku gsung thugs su gsal bar bsgom// de nas tsha tsha gdab pa'i sngags// 'di nyid rab tu brjod par bya// oM AHhUM/ bai ro swA hA/ yA hUM phaT/ de ltar tsha tsha btab nas ni// rab tu gnas pa'i gsang sngags bzlas// sngags 'dis rab tu gnas pa'o// oM e d+harma shA ta thA ga ta/ yo ni e baM tiSh+Tha lhan/ si ti hUM hUM/ des ni rab tu gnas pa dang // lha tshogs brtan par bzhugs par bsam// dbang bskur phyag rgya 'di lta ste// khyung gshog lta bu'i phyag rgya yis// dbang bskur brtan par bzhugs su gsol/ ye d+ha ra yin nam// de ltar byin brlab rdzogs nas ni// chu bo dag la tsha tsha bskyal// zhes rdzogs pa rang byung chen po'i rgyud las/ dur gdab tsha tsha'i lung bstan pa'i le'u ste brgyad pa'o// rdzogs so// //
- 51a
rgya gar skad du/ e dub ma bu ri kha ma hA ni su kha na ma/ bod skad du/ ro langs gser du sgrub pa'i lung zhes bya ba/ bcom ldan 'das dbang chen rang gnas kyi sku la phyag 'tshal lo// de nas bcom ldan 'das dbang chen gyi sku'i spyan sngar/ bud+d+ha he ru kas/ ro langs gser du bsgrub pa 'di smras so// e ma ho// phyogs bcu'i lha dang klu rnams nyon// rnal 'byor gang zhig stobs ldan pas// dben pa'i gnas su rab song la// ro langs gser gyi sgrub pa brtsam// shin tu dben pa'i gnas der yang // dkyil 'khor 'dom gang gru bzhi bya// de nas chag chag rab btab la// phyi nang gsang ba'i mtshams nyid bcad// phyi mtshams gcad par bya ba ni// gnas kyi phyogs bzhi dag tu yang // rgyal chen dag la mtho bzhi ste// gtor ma cha re mtho rtsar btang // shog bu sor bzhi pa re la// rgyal chen bzhi yi sngags bris la// rang rang phyogs phyogs dag tu dgod// de ni phyi yi mtshams su bstan// nang mtshams bcad pa 'di lta ste// khro bo bcu yi sngags kyis bcad// gsang pa 'khor lo mtshon chas bcad// gtor ma cha gsum rab tu btang / gtor ma cha gsum med pa na// gser skyems dag ni rgyas par btang // chab gtor nus tshad dag tu btang // de ltar mtshams bcad rdzogs pa dang // 'bru lnga'i cho ga rdzogs par
- 51b
bya// mchod rten brgyad ni gdab bya zhing // bshags pa chen po rdzogs par bya// de ltar sngon 'gro rab rdzogs nas// de nas nang du 'ong ba dang // dkyil 'khor chen po de nyid la// thig ni rab tu gdab par bya// rnal 'byor chen po gsum gyis bsgrub// rdo rje slob dpon gsang ba des// rdo rje rgyal pos bu mchog la// thig skud sna ni legs sbyin la// bar snang dag tu 'then nas ni// sring sring lan gsum rdo rjes bya// nub nas shar du kha bltas las// theg gcig dkyil du gdab par bya// de la sogs te thig rnams gdab// de nas tshon nyid rab tu dgye// zhi ba'i dkyil 'khor rab tu bzhengs// de yi steng du rdzas rnams bsag/ sgo la gri dang gra bzhir mda'// dar dkar yol ba dag kyang bya// dpal gyi gtor ma byang phyogs su// lho ru ma mo'i gtor ma gzhag/ shar du 'byung po'i gtor ma gzhag/ nub tu phud dang rak+ta'o// de ni dkyil 'khor bstan pa'o// de yang ro de len pa'i tshe// ro langs la sogs gdul bya'i phyir// 'chi bdag gshin rje gnas pa'i sar// sngags dang ldan pa'i mtshon cha brdeg/ de nas ro khur mi de la// myos pa'i chu yis rab myos bya// de nas ro de bsgrub par bya// dkyil 'khor pho brang dbus dag tu// brkyang shing dag dang ldan pa ste// skra bcings thor tshugs rnam gdag go/ rang rang rgyan cha dag gis
- 52a
brgyan// dang po spos chu 'o mas bkru// de ltar dkyil 'khor steng bzhag la// bsgral ba'i thabs ni rnam gsum ste// tshe 'das don phyir bsgral ba dang // mthu rtsal dbyung phyir bsgral ba dang // nyams chag skong phyir bsgral ba'o// de ltar bsgral bar bya ba'i phyir// bsgrub pa rab 'bring gsum du bya// tshe 'das don phyir bsgral pa na// dbang bskur byin brlab bya ba dang // rigs drug drangs dang lam bstan bya// len chags gtor ma rgyun du btang // tshogs dang mchod pa rgyun mi gcad// dus bzhi'i tshogs ni sna tshogs btang // mthu rtsal dbyung phyir bsgral ba na// bsgrub pa zhag gsum byed pa na// zhag gnyis khro bo phrin las bya// de nas dkyil 'khor steng nyid du// slob dpon gsang ba'i rgya bkrol la// thun dang ral gri mtshon cha bsnams// rdo rje'i lus po nyid la yang // g.yang gzhi dur khrod rgyan gyis brgyan// lag tu mtshon cha'i dbang bskur la// ske la ral gri rab btab la// gang la dmigs pa'i ming bris la// dmigs pa rab tu bsam par bya// ma nyes rabs rnams rab tu brjod// de nas mgo nyid chod pa dang // ha ha zhes bya'i sgra brjod cing // bstan pa 'jig pa bsad pa yi// legs so zhes byar rab tu brjod// de nyid 'breg pa'i sngags 'di'o// oM pad+mAn+ti krit+ta kro ta hu lu hu lu hUM phaT/ hUM ha ha khA hi khA hi/
- 52b
sngags de lan grangs brgya rtsa brjod// sngags rnams brjod cing dbang chen bsgom// dbang chen sku nyid gsal ba dang // rdo rje'i ging pho mtshan ldan des// mtshon cha'i tshogs rnams rdzogs pa dang // khro bo 'gying pa'i stabs kyis ni// dkyil 'khor rab tu bskor bya zhing // bsgral ba'i las rnams rdzogs par bya// legs par brjod pa gong bzhin no// rgyun du bgrang ba'i sngags 'di brjod// oM pad+man+ta kr-i ta badz+ra kro ta ha ya grigri ba hUM hrIHgsang ba'i sngags 'di mang du brjod// dbang chen yum dang bcas pa ste// de nas rdo rje snying po des// slob dpon dag la mgo nyid dbul// slob dpon gsang ba de nyid kyis// bde gshegs mkha' 'gro'i thugs dam bskang // de nas tsit+ta dbyung ba'i sngags// 'di skad drag tu brjod bya zhing // slob dpon tsit+ta phyung zhes bsgom// de nas rdo rje bshan pa des// sngags 'di brjod cing tsit+ta phyung / sa ma ya ta hi/ tsiSh+Na hUM 'dus kha dur mA ra ya hUM/ sngags des tsit+ta drang bar bya// ging ba brtul zhugs ldan pa na// za zhing smon dpon de la dbul// de nas tshe 'das sbar ba dang // dngos grub blang ba'i sngags kyang bzlas// dngos grub len pa'i dus nyid du// ro de langs na dngos grub 'thob// de tshe langs pa de nyid la// bdag nyid dbang chen rab ldan pas// mtshon cha phur pa dag gis kyang // gnas dag tu ni gdab bya/
- 53a
zhing // sngags 'di brgya dang rtsa brgyad brjod// oM hrIHthA sarba sid+d+ha badz+ra hUM/ sngags des dngos grub 'thob pa'o// tshe 'das de nyid sbar bya ba'i// sngags 'dis sbyor ba'i lhums su 'phang // oM d+h+r-i ka dza e s+pha ra Na phaT phaT/ rigs lnga'i sras su dbang bskur ro// sngags 'dis dbang bskur bstan pa'o// oM swa lam du tring hri ta ya s+t+waM/ sku gsum rdo rje'i skur gyur nas// 'od lnga'i mu khyud par du'o// 'od zer sku lnga 'bar bar bsam// de nas slob dpon gsang ba des// dbang bskur byin rlabs rdzogs pa dang // sha rnams legs par bsha' bya zhing // 'khor na gnas pa'i bu rnams dang // bdag nyid longs spyod spel bya'i phyir// mAM sa za zhing sngags 'di'o// oM AHhUM hr-i da ya si ti hUM phaT/ de ni longs spyod sngags su bstan// mthu rtsal dbyung phyir bsgral ba'o// tshe 'das don phyir bsgral ba na// bsgrub pa tha ma'i nub nyid ro yi rgyan dang brgyangs phog la// zhi ba'i dkyil 'khor steng dag tu// kha sgrub dag tu bskal byas la// rgyab tu thig rnams legs btab la// khro bo'i dkyil 'khor rab bris la// mchod pa'i tshogs rnams rab rdzogs bya// slob dpon nyid kyis sna drangs la// dkyil 'khor ro yi tha ma bskor// pad+man+ta kr-i ta dbyangs blangs shing // dbang mchog bro ni rab tu brdung // rgyab kyi tshangs thig steng nas bya// rab tu bsha'
- 53b
zhing dbang rdzogs bya// sngags 'di'i 'od zer rab 'phros bsam// ru lu gar gyi mchod pa'i sngags/ sna tshogs mchod phyir sngags 'di'o// oM ru lu ru lu hUM b+h+yo hUM/ sngags de'i 'od zer rab 'phros pas// sku dang gsung dang thugs nyid las// 'od 'phros sgrib pa sbyang bar bya// de nas bya byed zin pa dang // nang khrol rnam lnga mchod pa'i rgyu// mig dang rnam lnga mchod par 'bul// de ni tshe 'das don phyir ro// nyams chag bskang phyir bsgral ba ni// bsha' lugs gong dang mthun pa la// bsgrub pa nub ni gnyis 'das nas// khro bo'i dkyil 'khor bzhengs nas ni// mchod pa'i yo byad ci 'byor bsag/ dkyil 'khor tha ma rab tu bskor// rang gi yi dam gang yin bsgom// bskang gso'i rdzas rnams gang yod sbyar// bshags pa bskang gso rgyas par bya// longs spyod sngags dang bya thabs rnams// gong du smos pa kho na'o// tshogs dang gtor ma rgyun mi gcad// bar chad bgegs rnams tshar gcod bya// gshed byed dpral zhing lam bstan bya// bskang pa'i rgyu dang sbyar te bskang / tshogs dang mchod pa'i yo byad la// 'bru dang ting 'dzin ldan pas brlab// ma mo'i thugs dam rtag tu bskang // de ni nyams chag bskang lugs so// de ltar ro bsgrub rab tu brtsam// sngags 'di thams cad 'grub pa'o// oM sarba ka ru Na/ pad+ma badz+ra pA Ni/ badz+ra sa twa sa ma ya A
- 54a
yaHa mr-i ta tir hUM phaT swA hA// sngags de bzla zhing dngos grub blang / srin lag mthe bong bar dag tu// dal gnyis mnyam zhing tsit+ta bzung // dus bzhi'i tshogs kyi tshe na yang // dngos grub blangs shing gser du bsam// de ltar ting 'dzin ldan pa yis// lo gnyis bsgrub pa byas pa na// lce nyid gser du 'gyur bar nges// lce nyid gser du gyur pa na// srid la ting 'dzin ldan pas blang // blangs la sbrang rtsi'i chu dang sbyar// zhib par btags shing gsang sngags bzlas// de nas kun gyis bgos la bza'// zos na skye med byang chub thob// thun mong dngos grub thams cad thob// zas ni yin la dran pas tshim// lus la gos med gcer bur tshugs// gnyer ma med cing gzhon nur 'gyur// lo ni lnga brgya gzhon nur gnas// de nas tshe 'phos phyir mi ldog/ yon tan de ltar 'byung ba'o// zhes rdzogs pa rang byung chen po'i rgyud las/ zal byed ro langs gser du bsgrub pa'i le'u ste dgu pa'o// rdzogs so// //
- 54b
rgya gar skad du/ oM sarba pa na re ka d+harma su ka nA ma/ bod skad du/ chos nyid chab gtor gyi lung rnam par bsdud pa zhes bya ba/ bcom ldan 'das dpal rta mchog la phyag 'tshal lo// de nas bcom ldan 'das dbang chen de la/ 'phags pa 'jam dpal gyis bskor ba lan gsum byas te/ rgyu bsod nams kyi tshogs la brten nas/ 'bras bu ye shes kyi tshogs bsags pa 'di skad gsungs so// kye kye 'khor gyi lha klu nyon// gang zhig bsod nams 'phel 'dod pas// nga yi bstan pa'i lung 'di nyon// stong nyid rig pa'i stobs ldan pas// dben pa'i gnas su bder 'dug la// rig pa'i ye shes rang snang kyang // tshogs 'di bsags pas byang chub nye/ nga dang bdag tu ma 'dzin cing // stong nyid gsal bar rab bsgoms te// nges don chos spyod 'di bstan bya// rdzogs chen man ngag lung ldan pas// snod bstan pa dang bcud nyid bstan// mgron dang yon tan rgyas par bstan// sngags dang phyag rgya ting 'dzin bstan// rnam pa bdun ldan rnam 'byor pas// 'jam dpal snying po bsdus pa 'di// nyams dga' ba yi phyogs dag tu// rin po che yi snod dag gam// rab tu gtsang ba'i snod dag tu// chu gtsang 'o ma sbyar la blug/ rin po che dang tsan dan brdar// me tog 'bru dang sman gyis brgyan// gtsang ma'i sman dang phye la
- 55a
sogs// ka ti dang ni pu tsa dang // dbang dang na ga sman gyi tshogs// ci 'byor pa yis snod dgang ngo // de ltar snod nyid rab gtams la// 'phags pa spyan drangs mchod pa 'bul// byang chub sems bskyed byams pa bsgom// 'gro la phan gdags snying rje bsgom// blta ba gsal gdab dga' ba bskyed// phyogs med rang gsal btang snyoms te// 'bras bu rang grol dmigs med do// de ltar sngon 'gro rdzogs nas ni// bdag nyid rnal 'byor thugs ka nas// yi ge a gcig chad pa las// bdag la sogs pa'i snod bcud ni// stong zhing bdag med chen por bsgom// de nas a de sbar gyur pas// rin chen snod du phog par bsam// de rnams 'od du zhu ba las// snod kyi 'jig rten thams cad dang // gtor snod dri ma sbyang bar bya// de nas a de slar 'dus nas// gtor ma'i snod la thim gyur pas// stong sum stong gi 'jig rten khams// bdud rtsi dag gi rang bzhin du// mer gyis zhu nas gang bar bsam// de nas ting 'dzin rab ldan pas// a yi rang bzhin de nyid las// rang rang yi dam lha nyid kyi// sa bon gang yin gyur par bsam// de nas yi dam med pa na// wA gI shwa rar gyur par bsam// de nyid 'od du zhu ba las// 'jam dpal sku mdog gsal bar bsgom// bdag dang gnyis med gnas pa la// sangs
- 55b
rgyas zhing khams rab 'byams su// 'jam dpal sku ni grangs med bsam// yi dam snying po gang yin pa// bdag gi thugs kar thim gyur nas// bdag nyid yi dam lha ru bskyed// bdag nyid ting 'dzin gsal ba dang // yi dam snying po gang yin pa// yi ge dza ru gyur par bsam// de nyid 'od du zhu ba las// dza yis stong gsum gang bar bsgom// de dag rab tu 'phros pa las// 'phags pa spyan drangs 'gro drug bkug/ mgron rnams rab tu bkug pa dang // 'phags pa dkon mchog gsum po dang // de bzhin gshegs dang rgyal ba rnams// nam mkha' dag la lhags par bsam// ma mo mkha' 'gro chos skyong rnams// bar snang khams su khengs par bsam// 'gro ba rigs drug sems can rnams// sa gzhi rab tu khengs par bsam// de ltar mgron rnams spyan drangs la// sngags 'dis mgron rnams tshim par bsam// rigs kyi bu de ni 'di lta ste/ tad+ya tha/ ma hA yA be sha ya a/ sarba ta thA ga ta/ b+ha sa li/ dza la ya/ sarba a pre ta kun+na lai ha na ha na hAM/ sarba pre ta mud ta siM hAM/ sngags de lan bdun brjod par bya// rdzogs chen phyag rgya gcig par 'bul// yongs su dag dang ma dag pa'i// thams cad 'dod pa bskang bar bsam// dang po 'phags pa dkon mchog mchod// gnyis pa dpal dang ma mo dang // chos spyong
- 56a
srung ma la sogs mchod// gsum pa 'jig rten 'gro lha mchod// bzhi pa rgyal chen bzhi rnams dang // tshangs pa brgya byin lha rnams dang // gza' dang rgyu skar thams cad mchod// lnga pa len chags mgron la'o// drug pa yi dwags mgron rnams mchod// bdun pas thams cad tshim par byed pa'o// de ltar bsngo ba rnams rdzogs nas// bsngo dang chos kyi sbyin pa btang // ye shes lnga yi 'od zer ni// dbang po lnga yi 'phro 'du las// 'dod pa'i yon tan lnga ldan pas// lha yi longs spyod lngar ldan zhing // thams cad tshims byed bdud rtsi 'dis// dkon mchog yon tan thams cad dang // rigs lnga sras dang yum du bcas// dbang chen lha tshogs thams cad dang // yi dam lha dang slob dpon dang // dpal dang ma mo mkha' 'gro dang // chos skyong srung ma 'khor bcas dang // dkyil 'khor lha tshogs kun la bsngo// srid pa'i mgron du gyur ba yi// rgyal chen bzhi dang gtsang rigs lha// tshangs pa brgya byin 'khor dang bcas// nye ba'i lha dang gza' rnams dang // sred med bu dang rgyu skar dang // phyogs skyong 'khor dang bcas la 'bul// len chags mgron la bsngo ba ni// mkha' la rgyu dang bar snang rgyu// ri rab gnas dang ngos la gnas// rgya mtshor gnas dang gling la gnas// sa dang chu la gnas pa dang // yid kyis 'gro dang
- 56b
gzugs kyis 'gro// lha klu gnod sbyin dri za dang // 'byung po'i tshogs dang sha za dang // gzugs can dang ni gzugs med dang // lto 'gro dang ni rkang 'gro dang // mi'am ci dang yi dwags dang // byol song rigs dang na rag dang // yi dwags rnams la zas dang skom// thogs pa med par 'byung 'gyur shog/ de dag rnams la ci rigs pa// rang rang 'dod pa tshim gyur cig/ kun kyang gnod pa ma byed par// longs spyod lnga dang ldan gyur cig/ ces rdzogs pa rang byung chen po'i rgyud las/ chab gtor gyi man ngag mchod pa longs spyod kyi le'u ste bcu pa'o// rdzogs so// // rgya gar skad du/ sarba ma na ya su ka nA ma/ bod skad du/ thams cad zlog byed mtshon cha'i lung zhes bya ba/ bcom ldan 'das stobs kyis rnam par 'joms pa'i sku la phyag 'tshal lo// de nas bcom ldan 'das dpal rta mchog gis/ bar chad thams cad zlog pa 'di gsungs so// kye kye gsang sngags 'chang ba'i rigs// legs par nyon cig rdo rje 'dzin// bar chad thams cad bzlog 'dod na// nga yi gsang sngags 'di la zhugs// gsang sngags bzlas pa brtson 'dod na// dben pa'i gnas su rab phyin la// rang nyid yi dam ltar bskyed la// dpal ldan rdo rje sems dpa' bsgom// nyi zla gsal ba'i dal bskyed
- 57a
cing // rdo rje sems dpa'i thugs ka'i dal// oM badz+ra satwa hUM/ sngags de rab tu gsal bar bskyed// thugs ka'i dal gyi steng dag du// yi ge hrIH'bar bzhi bskyed de// de ltar rab tu gsal bar bskyed// de nas bskyed pa'i sngags 'di bzlas/ oM pad+mAn+ta kr-ita badz+ra ma hA kro ta ha ya grI ba hUM/ gsang sngags de nyid bzlas pa yis// sI bzhi 'od du rab zhu nas// yi ge gsum ni zhal gsum ste// bcom ldan dbang chen de nyid ni// g.yas dkar g.yon sngo dbus ldang zhal// hrIHgsum steng du chags pa las// rta mgo ljang gu gsum du bsam// rta skad drag tu 'tsher bar bsam// g.yas g.yon dang po lcags sgrog 'dzin// g.yas kyi bar ma ral gri la// dgra sta dag ni za ma'o// g.yon gyi bar mas gshol lam gtan// tha mas tho ba rab tu bsnams// zhabs bzhis sa bdag klu dbang gnon// sbrul dang thod pa'i rgyan cha ldan// dur khrod rgyan chas rnam pa'o// de ltar gsal bar bsgom pa'o// shin tu gsang ba'i sngags 'di'o// oM pad+mAn+ta kr-i ha ya grI ba hu lu hu lu hUM phaT/ gsang sngags de nyid bzlas pa yis// rta mgrin bsam gyis mi khyab pas// sa gzhi bar snang gang bar bsam// stong gsum 'jig rten khengs pa'o// de ltar rab tu bsam rdzogs nas// dbang chen gsang ba'i thugs ka ru// phyag na rdo rje gsal bar bsgom// sku mdog
- 57b
sngon po zhal gcig pa'o// de ltar lha gsum bsgom byas la// klu la sogs pa'i gdon rnams bskrad// mchod pa'i las rnams ci nus bya// shin tu dben zhing nyams dga' bar// rnal 'byor dge sbyor don la brtson// gang dag mi yi rigs rnams la// sa bdag la sogs gdon zhugs na// de dag bcos shing bskrad pa'i thabs// brtag pa dag dang bcas 'di'o// kha dang sna dang mig dag dang // dbang po lnga nas zhugs pa dang // mgo dang rkang pa lag pa dang // yan lag lnga la 'jug pa'i sa// gsang ba'i gnas dang snying ga dang // pho kha smin phrag pus mo ni// klu rnams 'jug pa'i gnas su bshad// dbang po lnga la zhugs pa dang // 'bras bu sna rtser 'byung bar nges// rang ngam gzhan dag gang zhugs kyang // de nyid rab tu bcos pa'i thabs// sngags kyis bcos dang rdzas kyis bcos// sngags kyis gso ba 'di lta ste// gsang sngags gong ma'i rjes dag tu// drag sngags 'di nyid btags la bzlas// oM badz+ra tsaN+Da ma hA ro Sha Na hUM phaT/ sngags de rab tu bzla bya zhing // dang po zhi bas thar bya zhing // de yis thar bar ma gyur na// bgegs rnams bskrad pa'i sbyor ba bya// bag zan bzang po dag la yang // rmi lam dag tu gang byung ba'i// gzugs brnyan rgyas par bya ba'o// phyi dang nang gi nad rnams kyang // tsha grang gnyis las ma 'das
- 58a
phyir// bdag gam gzhan dag bsrung ba yis// gang yang rung ba'i mi de la// grang ba'i nad dang ldan pa la// gzugs de sngo skya dag gis byug/ bal nag sgra tshugs thur du'o// tsha ba'i nad nyid shes che na// gzugs kyi kha dog dmar ser te// ral pa skra tshugs gyen la bsgreng // bdag nyid bsrung ba byed pa na// bdag gi mal gyi 'og tu yang // gru gsum dag ni gting du brko// khru gang gting la thur du bya// chur la khru gang tshad du bya// khru yi ngos la khru byed tshad/ dur khrod sol bas nag por byug/ dong gi nang du gzugs brnyan gzhag/ dur khrod thal bas byugs la shing gis kha yang bcad// shing la ri rab 'khor yug bri// de yi steng du mal bcas la// rnal 'byor lha dang ldan pa yis// gsang sngags bzlas shing gnan par bya// gzhan gyi lus bsrung byed pa na// dkyil 'khor steng du gzugs de bzhag/ phyag na rdo rje'i gzi brjid kyis// nad pa'i lus kyi gdon bsdus nas// rma bya mdongs dang ldan pa'i sgos// nad pa'i lus la bya ba bya zhing // gzugs brnyan de la bstims par bya// bal nag skud pa sum bsgril gyis// nad pa'i lus la bskor bya zhing // gzugs brnyan dag gi lus la bcings// de nas lha yi dkyil 'khor sogs// zhag dgu bsgrub pa byas nas ni// lho 'am nub tu sbyin bsreg bya/ gsang sngags
- 58b
bzlas pa nus tshad bya'o// phur pa dag dang rdo rje yis// gzugs de dum bur gtub bya zhing // bcom ldan me lha'i tshogs la 'bul// de nyid la ni brgya rtsa bya// des ni gdon las thar bar 'gyur// rdzas ni gu gul mu zi dang // gla rtsi chu dag gnyis su sbyar// rang gi dri chus chu byas la// lus la byugs pas 'byung po 'bros// des ni 'byung po'i gdon las thar// yan lag dag la zhugs pa la// 'bras bu rtsi log sha ro 'byung // gdon de nyid las thar pa'i thabs// gsang sngags gong dang 'dra ba las// mu zi tshil chen sha chen dang // gla rtsi ba bla ti tsha dang // yungs kar dur khrod thal ba sbyar// de la gsang sngags gdab bya zhing // dus bzhir lus la byugs bya zhing // chu gtsang sngags btab ltor btang zhing // mu zi gu gul dud pa yis// sna bug dag nas bdug par bya// sbrul dang sbal ba lcong mo dag/ kha dang sna nas thon par bsam// de ltar sbyor ba rab byas na// zla ba gsum gyis gdon las thar// gnas lnga dag tu zhugs pa na// 'bras bu smin ma byi bar nges// de las thar bar bya ba'i thabs// gsang sngags dag ni sbyor ba brtsam// gdon rnams thams cad 'joms byed pa'i// drag sngags gsang ba 'di nyid bstan// oM badz+ra krota h+ya g+ni ba nI laM/ badz+ra pA Ni mA ra ya myogs myogs/ na ra ya sod sod// mA ra ya gtogs shig/ zung
- 59a
zhag rab tu sod/ mA ra ya sod mA ra ya dza dza/ drag sngags de ni rgyun du bgrang // lha gsum yid la gsal ba yis// sngags de rgyun du bzlas na ni// 'byung po thams cad skrag par nges// bdun 'bum dag gis rab tu 'grub// dgra bgegs gang yang rung ba rnams// zla ba gsum gyis tshar gcod 'gyur// rma ni gang du byung ba der// sngags gdab mchil ma byugs par bya// de ltar rtag tu byas pa na// gnas lnga'i gdon las thar bar 'gyur// de ni gdon gyi gnas srung ste// gdon rnams 'jug pa'i gnas rnams ni// rnam pa bco lnga dag gis bshad// de dag gong du smos pa bzhin// 'jug sgo'i gdon las thar pa'o// yi dwags gdon 'di bsam yas kyang // rigs ni rnam pa gsum du 'dus// klu la sogs pa'i sa gdon dang // sha khrag mchod par 'dod pa'i rigs// 'byung po dur khrod gnas pa'i rigs// rnam pa gsum du nga yis bshad// 'jug pa'i gnas ni rnam pa gsum// rtsa dang khrag la 'jug pa dang // pags pa rus la 'jug pa dang // snying dang mgo la 'jug pa ste// de rnams gdon ni zhugs pa'i rtags// bdag gam gzhan bsrung skyes bu de// snga ma'i bzhin dang mdog dag las// bzhin mdangs med cing bsam pa chung // spyod pa gzhan du 'gyur ba ni// gang dag mdzes par spyod kyang rung // mi
- 59b
mdzes pa yi spyod kyang rung // dge dang mi dge'i spyod yul ni// 'phral gyis rkyen dbang ma yin na// gdon gyis zin pa'i mtshan mar bstan// de ltar gyur ba'i mi de la// zhi ba'i gtor mas mchod par bya// de nas bgegs de ma bskrad na// nad de 'phel nas ma rungs byed// de yang rang rang brtags pa ni// klu yi rigs kyis zin pa na// nad rnams grang bar 'byung bar nges// lus dang yan lag sbrid cing rengs// nad rnams lji zhing lus sems g.yengs// da ltar zhugs pa'i rtags rnams ni// klu yi gdon gyis zin par nges// ma mo'i gdon gyis zin pa na// tsha ba'i nad du 'byung bar nges// sems dang lus ni lji bas zin// dran pa nyams shing shed kyang rmugs// de ltar nad kyis zin pa na// ma mo'i gdon gyis zin par nges// 'byung po ro langs gdon rnams dang // rgyal po la sogs gdon rnams ni// sna tshogs gdon gyis zin gyur na// glo bur nad ni sna tshogs 'byung // de ltar nad kyis zin gyur na// 'byung po'i gdon rnams yin par nges// de ltar rnam gsum gdon dag ni// rang rang gnas su zhi ba'i thabs// klu yi gdon gyis zin pa la// chab gtor gtsang ma'i gtor mas mchod// ma mo'i nad kyis zin pa na// zhi ba'i sbyin sreg sha khrag mchod// khrag dang bcas pas mchod par bya// 'byung po'i nad kyis zin pa la// kha
- 60a
zas sna tshogs gtor mas mchod// de yis thar bar ma byung na// drag po'i sbyor ba brtson par bya// zhi rgyas dbang drag mngon spyod pa'i// las ni ci rigs sbyor ba brtsam// des ni gdon las thar bar 'gyur// klu yi gdon la rigs lnga ste// rgyal rigs dang ni bram ze'i rigs// rje'u rigs dmangs rigs gdol ba'i rigs// klu rigs lnga yi gdon dag ni// 'jug pa'i sgo ni rnam pa lnga// gnas ni rnam pa lnga ru gnas pa'o// gab pa'i yul ni rnam pa lnga// de ltar gnas pa'i rgyu brtags dang // rnam smin rig dang gsor rung brtag/ rgyal rigs klu yi 'jug sa ni// spyi bo'i gtsug nas 'jug par nges// de nyid brtag pa rab tu gces// mi yi rigs dang klu yi rigs// sbyar nas brtags pa 'di ltar bya// zhugs ni zin pa'i brtags pa dang // phyis ni 'jug tu 'gro ba brtag/ spyi gtsug thegs pa'i rtags rnams ni// gsang ba'i gnas su 'byung bar nges// gnas pa'i sa ni mgrin pa'o// gab pa'i sa ni snying ga'o// rgyal rigs klu yis zin pa de// snying ni mi dga' 'gro snying 'dod// ri bos mnan snyam byed pa'o// dmangs rigs dag gi mi dag la// rgyal rigs klu yi rtags rnams byung ba na// mi de mi thar stong nyid bsgom// rgyal rigs rje'u rigs mi dag la// gong gi rtags de byung ba na// sngags dang rdzas kyi
- 60b
bsrung ba 'bad// des ni gdon las thar bar 'gyur// bram ze'i rigs dang gdol ba la// rgyal rigs klu yi thebs gyur na// drag po'i las byas thar bar 'gyur// de dag rgyal rigs gdon gyi brtags pa'o// rje rigs klu yi brtags pa ni// 'jug pa'i sgo ni smin brag go/ smin pa'i 'bras bu mig la'o// glo bar gnas zhing za bar byed// gab pa'i yul ni rus pa khol// rje'u rigs klu yis zin pa'i mi// smin ma za zhing 'phrug par byed// lus la rma dang skrangs pa 'byung // rus pa khol zhing na tsha che// de ltar byung ba'i mi de yang // rje'u rigs klu yis zin par nges// cho ga'i sbyor ba 'bad par bya// rgyal rigs mi la zin gyur na// yun ring bar du mi thar bas// dbang dang bsgrub pa chen po dang // rigs sngags rgyun du bzlas pas thar// dmangs rigs mi la zhugs pa na// zhi ba'i las rnams brtsams pas 'grub// rje'u rigs mi la zhugs pa na// drag po'i sngags dang sbyin sreg gis// myur du bgegs las thar bar 'gyur// bram ze'i rigs la zhugs pa na// gsang sngags bzlas zhing lha bsgom pas// myur du gdon las thal bar 'gyur// gdol ba'i rigs la zhugs pa na// chu yi hom dang gtor mas 'grub// des ni rje'u rigs gdon las thar// bram ze'i rigs kyi klu rnams ni// zhugs pa'i brtag pa 'di ltar ro//
- 61a
'jug pa'i sgo ni gsang ba'i gnas// 'bras bu smin pa'i sa nyid ni// lus la sha bkra shu ba 'byung // mchin par gnas shing khrag la za// gab pa'i sa ni sha mthong bas// bram ze'i rigs kyi rtags rnams ni// kha sna skam zhing chu dad che// sna nas khrag ni rgyun du 'byung // gzhogs ni g.yas pa na ba dang // phyis ni rkang la zha bar nges// mig gi bkrag dang sha bkrag shor// shes pa nyams pa'i rtags rnams ni// bram ze'i rigs kyis zin par nges// rgyal rigs mi la zin gyur na// rab tu thar bar dka' bar nges// dmangs rigs mi la zin gyur na// spos dang tsan dan dri zhim dang // chu gtsang chu yis sbyar byas la// nad pa'i lus rnams bkrus byas pas// zla ba drug nas thar bar nges// rje'u rigs mi la zin gyur na// drag po'i las rnams brtsams pas 'grub// bram ze'i rigs rnams zin gyur na// sngags dang phyag rgya bstan pas 'grub// gdol ba'i rigs rnams zin gyur na// mnan dang sbyin sreg byas pas 'grub// de ltar sbyor ba rab byas na// bram ze'i rigs las thar bar 'gyur// dmangs rigs gdon gyi brtag thabs ni// 'jug sa mig la 'jug par nges// mkhal mar gnas zhing rtsa la za// gab pa'i sa ni tshigs pa'o// mig rtsa dmar zhing gsus pa che// smin pa'i sa ni rkang mthil lo// tshigs pa na zhing dran pa
- 61b
nyams// tshig pa za zhing nyams mi dga'// phyis ni kyog por 'gro bar nges// ngo bkrag 'chor yang so yang dkar// phyis ni mdze ru 'gro bar nges// de rnams rtags dang ldan pa la// dmangs rigs gdon du rig par bya// rgyal rigs mi la zin pa na// sna tshogs sbyor ba byas pa yis// myur du gdon las thar bar 'gyur// rje'u rigs mi la zin pa na// bdag nyid dbang chen 'bar bar bsgom// shin tu khros pa'i nga du gsal// dbu gsum phyag brgyad zhabs bzhi 'jigs// rta mgo gsum ni drag tu 'tsher// sku mdog sngo nag rab tu 'jigs// dur khrod rgyan gyis sku la brgyan pa'o// g.yas kyi dang po kha T+wAM ga/ bar ma rde'u chung rab tu 'dzin// de yi 'og mas ral gri phyar// tha ma gnyis ni mda' gzhu 'geng // g.yon gyi dang po mdung thung ngo // 'og mas gser gyi zhags pa brkyang // de yi 'og ma be con bsnams// g.yas kyi zhabs brgyad lha chen mnan// g.yon gyi zhabs brgyad klu brgyad brdzis// de ltar gsal bar bsgoms nas ni// rigs gsum khro bo mdun du bsam// gsang sngags bzlas pa rdzogs pa yis// dmangs rigs gdon las thar bar 'gyur// gdol ba'i rigs kyi rtags rnams ni// 'jug pa'i sgo ni rkang mthil nas// gnas ni mcher par gnas pa la// rtsa rnams la yang za bar byed// gab pa'i sa ni chu rgyus
- 62a
na// 'bras bu smin ma mtshul khung ste// na tsha rab tu che ba dang // lus la khu 'phrigs mang po 'ong // sog phrag dag ni 'khyug pa dang // skabs su gro 'khyug tshig pa za// shes pa 'thib cing nyal la dga'// kha zas dag ni skyugs par byed// phyis ni tshogs su chad par nges// rtags ni de dang ldan pa na// gdol rigs klu yis zin par nges// nad kyang glo bur zug gis 'ong // de la bcos zhing bskrad pa'i thabs// 'di ltar rab tu brtsams par bya// rgyal rigs la sogs mi rnams la// gnon par byed pa'i bgegs bskrad pa// zhi rgyas dbang drag rdzogs par bya// de ltar sbyor ba rab byas na// gdol rigs klu las thar bar 'gyur// klu rigs lnga yi gdon rnams ni// rgyal rigs dag gis zin gyur na// thar bar dka' zhing nad kyang 'ong // drag po'i sbyor bas bskrad par bya// drag po'i las kyis ma thar na// zhi rgyas spyod pa'i las kyis bskrad// rje'u rigs klu yis zin gyur na// nad kyi dpyad ni gsum 'ong ste// de dag dang po bcos pa'i thabs// dang po bden bdar zas kyis mchod// des kyang phan par ma gyur na// drag po'i las la nan cher bya// bram ze'i rigs kyis zin gyur na// dang po khrus dang gtsang mchod// des kyang phan par ma gyur na// zhi ba'i las la phal cher 'bad// dmangs rigs gdon gyis zin
- 62b
pa na// zas dang gtor mas mchod par bya// des kyang phan par ma gyur na// rgyas pa nyid la 'bad par bya// gdol ba'i rigs kyis zin gyur na// dang po chu yi hom khung bya// de yis phan par ma gyur na// dbang gi sbyin sreg rdzogs par bya// rigs lnga klu yis zin gyur na// dang po zhi ba'i sbyor ba bya// chab gtor dang ni 'o mas mchod// chab gtor rgyas par bya ba ni// mtsho yi chu dang lteng ka'i chu// lu ma'i chu dang rdzing bu'i chu// khron pa'i chu dang 'bab pa'i chu// chu sna tshogs tshad blangs la yang // shin tu gtsang ba'i snod du blug/ ba dmar dag gi 'o ma dang // me tog mdzes pas brgyan par bya// sa bzang dang ni gu gul dkar// klu sman sna tshogs dag dang ni// bag zan dag dang sbyar bya zhing // klu yi gzugs ni sna tshogs bya// chu de'i nang du gzhug par bya// pad+ma 'dab brgyad dkar po ste// ge sar chu yi snod der gzhag/ 'bras chen la sogs zas bzang dang // 'o ma sman du sbyar ba yi// gtor ma gcig ni gzhag par bya// mchod pa'i yo byad tshogs pa dang // bdag nyid khrus ni rab byas la// gos ni gtsang ma gon par bya// spos dang dri sna tshogs kyis byugs// chu de'i nang du blugs pa'i rdzas// me tog spos dang tsan+dan dang // rin po che rnams brdar la blug/ rtsa ba'i gsang sngags rjes nyid du// sngags 'dis klu rnams mchod par bya// sarba pany+tsa
- 63a
na ga shan+ti ku ru swA hA/ gsang sngags de yis mchod pa'o// gtor ma gsang sngags 'di yis 'bul// sarba pany+tsa nA ga i daM ba li gr-ih+Na gr-ih+NA pa ya swA hA/ lan bdun dag gis klu rnams mchod// ut+pal lta ba'i phyag rgya yis// gtsang ma'i klu rnams mchod par bsam// chu dang bcas pa'i gtor ma ni// klu rnams gnas pa'i sa ru bskul// des ni klu yi gdon rnams thub// des kyang gdon dang ma bral na// drag po'i las rnams brtsam par bya// dbang chen ting 'dzin rab ldan pas// bdag gi thugs ka'i hUM nyid las// phyag na rdo rje gtum por bsam// bdag nyid dpung pa g.yas pa na// yi ge hrIHgcig chad pa las// khro bo rta mgrin dmar por bsam// rta mgrin de las 'od 'phros pas// gshin rje'i gshed dang mi g.yo mgon// shin tu gtum pa'i khro bor bsam// de ltar lha rnams bskyed pa dang // thog ma'i gsang sngags rjes dag tu// gsang sngags 'di yis klu rnams bsad// oM badz+ra tsaN+Da ma hA ro Sha na na ga mA ra la myogs myogs/ na ga mA ra ya thums/ nA ga mA ra ya shig/ ro la rmugs/ shag mA ra ya/ snying khrag tshal ba baM ri la gtub gtub/ gsang sngags des ni klu rnams gsod// 'byung po thams cad tshar gcod byed// dregs pa thams cad 'dul ba yis// de ltar gsang sngags dag la bskur// klu yi rigs rnams
- 63b
gsad pa yi// sbyor ba de nyid brtson par bya// rgyal rigs klu yi rtags byung na// ras sam gro ga shing shun la// rgyal rigs klu yi gzugs bris la// ling+ga de yi snying ga ru// nA ga mA ra ya zhes bri// ling+ga de yi g.yas phyogs su// rgyal rigs mA ra ya zhes bri// g.yon du nA ga gtubs dang myogs zhes bri// de ltar ling+ga byas pa yis// mgrin par ling+ga re re bri// de ltar ling+ga byas zin nas// brub khung gru gsum sngon por bya// de yi tha ma zlum por brtsigs// zlum po'i kha dog sngo nag la// me ri yis ni mdzes par bri// zlum por brtsegs pa'i steng dag tu// rdo rje be con gzugs nyid bri// gru gsum brtsegs pa'i steng dag tu// kha T+wAM rdo rje rgya gram bri// de yi nang du ling+ga gzhug/ ske tshe nyung dkar nyung nag dang // btsan dug la sogs dug rnams dang // dur khrod thal ba'i rdzas rnams ni// dur phor dag gi nang du blug/ de la gsang sngags rab btab cing // ling+ga de la brab par bya// bal po se'u'i lcug ma'am// snyag shad dag gi lcug ma yis// nad pa'i snying ga dag nas ded// lus kun khyab par brdol bya zhing // bdag nyid glang la lan gsum bskor// sa la lan ni gsum brdab cing // ling+ga de la bstim par bya// gsang sngags bzlas pa rab tu bya// bdag nyid dbang chen ldan pa yis// gsang sngags bzla zhing lcug mas brdegs// klad skor sa la
- 64a
brdab pa dang / ling+ga dag la yang yang bstim// bcom ldan pad+ma rta mchog dang // phyag rdor la sogs 'khor rnams la// gtor ma rgyan ldan dag gis kyang // dus gsum dag tu mchod par bya// mtshams ni ma thon bar du yang // dpal gyi gtor ma gta' ru bzung // zhag bdun bar du bsgrub pa dang // de nas ling+ga de nyid ni// yugs sa mo yi zhabs mas gtum// bra ma'i shing gi me yis sbar// dug dang gong gi thun gyis brab// drag sngags de nyid rab tu bzlas// bdag nyid khro bo'i ting 'dzin brtan// thun dang lcug mas rab tu brab/ thun dang lcug mas brab tshe na// nad pa'i lus kyi nad rnams kun// phyag na rdo rje'i mthu rtsal dang // gshin rje gshed kyi brtul shug dang // rta mgrin rgyal po'i drag shul dang // mi g.yo ba yi drag sngags dang // rten 'brel rdzas kyi bden pa yis// nad pa'i lus kyi nad rnams kun// thon nas 'byung po'i ling gar bstim// de nas me sbar drag sngags bzlas// de nas byin sreg zin pa dang // bag zan dag gis gzugs byas la// bsreg pa'i thal ba dag dang bcas// kham sa'i blug ma'i nang du gzhug/ thun gyis brabs la lcug mas brab// chu mig shar du bltas pa yi// 'gram du 'dom gsum tshad du sba// de ltar sbyor ba chen po ni// nyi shu rtsa brgyad byas gyur na// rgyal rigs gdon
- 64b
las thar bar 'gyur// gang dag mi yi rigs rnams la// rje rigs klu yis zin gyur na// drag po'i las kyis gso byed pa'i// sbyor ba 'di la brtson par bya// de gnyis sbyor ba chen po ni// bcom ldan phyag na rdo rje yi// bdag nyid ting 'dzin ldan pa yis// 'brub khung gong dang 'dra ba las// drag po'i thun dang sbyor ba ni// ra phag tshil dang bong tshil dang // ba tshil khyi tshil la sogs pa// sbyin sreg rdzas su rgyas par gsungs// ling ga rnam pa gsum bya ste// ming byang gong dang 'dra ba'o// rma bya mdzes pas lus la byab// ling+ga nyid la bstim zhing bzlas// seng lding phur pa sor brgyad la// dbang chen gsang sngags bris pa yang // bdag nyid thong ga g.yas pa la// le brgan dar gyis dril la gdags// lcags kyi phur bu sor bzhi la// rdo rje gtum po'i sngags bris la// bdag gi thong ga g.yon pa la// dar sngon dag gis dril la gdags// de nas ting 'dzin ldan pa des// rma byas byab cing ling gar bstim// ling+ga gcig la thun gyis brab// gcig la nad pa'i nad rnams bstim// gcig la tshil bu'i dud pas bdug/ da ltar gsang ba rab ldan pas// bsgrub pa'i tshad ni gong dang mthun// ling+ga ro ras dag gis gtum// skyer ba'i shing gi me sbar zhing // ling+ga gnyis ni bsregs par bya// des ni sbyor ba zin pa dang // chu mig nub tu blta ba'i
- 65a
sar// ling+ga gcig dang bcas pa ni// gong dang 'dra bar sba bar bya// de ltar sbyor ba nyid byas na// rje'u rigs gdon las thar bar 'gyur// bram ze'i rigs kyi rtags byung na// bdag nyid rnal 'byor chen po nyid// gshin rje gshed kyi ting 'dzin gyis// skyer ba'i phur pa sor bzhi la// gshin rje gshed kyi sngags bris la// bdag nyid thong ga g.yon pa na// dar ser dag gis dril la btag/ dbang chen phur pa gong dang mtshungs// beng dug btsan dug la sogs te// dug gi rnam pa ci snyed dang // khrag sna ci snyed yod pa dang // khyi lud dri chen mngal khrag dang // yugs sa mo yi zhabs ma ni// thun dang brab pa'i rdzas su bstan// phag pa dag gi sna rtse la// gsang sngags bzla' zhing lus la bya ba// ling+ga nyid la bstim par bya// de nas bsgrub pa tha ma la// dug shing sbyar ba'i me sbar zhing // rdzas rnams zab tu bsreg par bya// khrag gis gtor zhing ling ga bsreg/ de la sbyor ba zin pa dang // thal ba ling gar bcas pa ni// chu mig lho ngos blta ba ru// gong dang 'dra bar sba bar bya// bram ze'i rigs las thar bar 'gyur// dmangs rigs rtags ni byung ba na// bcom ldan rta mgrin dmar po bsgom// dbang chen phur pa gong dang 'dra// ra gan phur ba sor bzhi la// rta mgrin dag gi sngags bris la// bdag nyid thong
- 65b
ga g.yon pa la// dar sna tshog kyis dril la gdags// shog bu'i ling+ga brgya rtsa bsreg/ bca' lug gong dang 'dra ba la// dbus kyi chu mig dag tu yang // gong dang 'dra bar sba bar bya// de ni dmangs rigs gdon las thar// gdol pa'i rigs kyi rtags byung na// 'phags pa'i rgyal po mi g.yo bsgom// rdzas dang bya thabs gong dang 'dra// dbang chen phur pa gong dang 'dra// dngul gyi phur pa sor bzhi la// mi g.yo ba yi sngags bris la// bdag nyid thong ga g.yon pa la// dar dkar dag gis dril la gdags// de nas sbyor ba zin pa dang // zla gam mdze mo'i me sbar zhing // ling+ga bsreg cing gsang sngags bzlas// chu mig/ byang du blta bar yang // gong dang 'dra bar sba bar bya// des ni gdol pa'i gdon las thar// rigs lnga klu yi zin gyur na// res 'ga' na zhing res 'ga' grang // shes pa rmugs shing nyal la dga'// skyur dang dmar la mi dga' zhing // dkar dang mngar la dga' ba na// klu rigs lnga yi zin pa nges// rmi lam dag la byol song dang // khyi dang phag dang nya sbrul dang // sems can gzugs ni sna tshogs 'byung // de rnams bcos par bya ba'i thabs// sna tshogs sbyor ba rab tu bya// de ltar gsad par bya ba'i thabs// drag sngags 'di yis bya bar gsungs// oM shrI badz+ra tsaN+Da nA ga'i ro snying sha ku ru mA ra ya dza dza/ nA ga duSh+TAn phaT/ nA
- 66a
ga snying thig mA ra ya phaT/ nA ga'i srog kha long / lngar ya phaT/ gsang sngags de skad bzlas pa yis// klu rnams thams cad dbang med par// srog rtsa drangs nas brgyal ste 'chi// yang na 'dar zhing skrag pa yis// mig rtsa rig rig gzhan du bros// skag cing sngangs pas bka' nyan byed// sbyor ba yang dang yang bya zhing // gsang sngags lan 'bum bzlas pa na// rigs lnga'i klu rnams bskrad bar byed// drags na rang ngam 'khor la ldog/ phyir mi ldog pa'i bya thabs la// bdag nyid dbang du bsgom pa yis// skra ni spyi bo'i gtsug tu bcings// rma bya'i sgro ni spyi bor btsugs// g.yas pas ral gri rab tu thogs// g.yon pa dag ni phur ba'o// phag pa'i sna ni dpung pa g.yas// sing ldeng phur pa thang ga g.yas// lcags phur thong ga g.yon du'o// gla rtsi btsan dug ske la'o// yungs kar rdo rje rtse dgu'o// des ni phyir la ldog mi 'gyur// de nas sbyor ba ci byas kyang // rang la ldog pa'i ming med do// des ni klu rnams gdon las thar// sa bdag rigs kyis zin pa na// rtags dang 'jug pa'i mtshan nyid bstan// 'jug pa'i sa la nges pa med// lus po'i bkrag ni ser por 'gyur// mkhris pa dag la gnas bcas nas// chu ser dag la za bar byed// lus kyi stobs rnams shor ba dang // zas ni mngar sgyur ci zos pa// khong
- 66b
par dros na skyugs par byed// rkang pa kyog dang lag pa kyog/ me mi thub la 'gro mi nus// sa la nyal zhing 'dod chags che// dang po skya rbab dag tu 'gyur// lus po'i sha skam 'gram sha med// dri chu'i mdog ni chu rtsa'i khu// pho stod mi bde skad kyang 'gags// gtam ni sgra snying mi 'dod cing // so yi rtsi 'chor rkang mthil ser// mtheb dang 'dzub mo'i bar sha shor// sen mo nyid kyang ser po la// mchin pa na zhing yan lag na// phyis ni skam por 'gro bar nges// de lta bu yi rtags rnams ni// sa bdag gdon du shes par bya// de dag dang po bcos pa'i thabs// sa sna mi mthun sna tshogs dang // rin chen gtor mas mchod par bya// klu yi skabs nas 'byung ba bzhin// 'dir yang sbyor ba de ltar brtsam// klu yi gzugs brnyan ma gtogs pa// bum pa'i sbyor ba'i dkyil 'khor ni// klu yi skabs dang mthun pa'o// rin chen gtor ma sna tshogs dang // klu yi skabs nas byung ba yi// mchod pa'i sngags dang gtor sngags so// phyag rgya bum pa lta bus mchod// sa bdag gnas pa'i sa ru bskyal// de ni sa bdag gdon las thar// de yis thar bar ma gyur na// drag po'i sbyor ba brtsams par bya// shin tu dben pa'i gnas nyid du// 'bug khung gru gsum rtse skad gsum// sa bzang dag gi 'das pas brtsig/ gcig ni dkar po bsku bar bya// gnyis ni nag
- 67a
dang dmar po bya// de yi phyi rim gru bzhi ste// gru bzhi'i ngos la me ri bri// kha la rdo rjes bskor bar bya// gru gsum kha ni zod pas bskor// bag zan grog mkhar sa dag la// rnga mong gzugs ni nag po bya// de yi steng du bskyon byas la// rtsangs pa'i gzugs dang dmigs pas bskyon// rtsangs pa de yi snying ga ru// yi ge dag ni sngon por bri// gro ga shing shun dag la yang // sa bdag mA ra ya zhes bri// gzugs kyi khong par gzhugs par bya// de ni lho phyogs kha bstan la// brub khung nang du gzhugs par bya// shog shog ling ga re re la// snying gar sa bdag mA ra ya// sngags de bris la brub khung nang // dpal gyi gtor ma dag kyang bya// bdag nyid dbang chen rab gsal bas// brub khung steng du gtor ma bzhag/ gtor ma'i nang du gzugs de gzhug/ bdag nyid dpral ba'i hUM nyid las// 'phags pa mi g.yo zhes bya ba'i// khro rgyal ral gri thog par bsam// bdag gi mdun du yod pa yi// mi der mi g.yo'i dbang bskur bya// bdag nyid dpal chen ldan pa yis// slob ma mtshan ldan de la yang // shin tu rno ba'i ral gri bskur// nad pa de la bskor bya zhing // ral gri glang la bskor bar bya// nad pa'i lus la thug par bya// gzugs de la yang bstim par bya// slob dpon gsang ba'i dbang thob des// gsang sngags 'di
- 67b
ni drag tu bzlas// hriHbadz+ra pA Ni na ga du/ snying khrag tshal pa snying khrag la ha ba hab hub hub// mA ra ya snying la dza du ya dza dza/ de nas slob dpon mtshan ldan des// rtsa ba'i sngags kyi rjes su yang // sngags 'di bzlas shing ral gri phyar/ mA hA na ga pa ti s+pha ra na phaT phaT/ ral gri dag la bzla bya zhing // nad pa de yi gzugs la bstim// de nas gang yang rung ba'i mis// gzugs de lho phyogs dag tu bskyal// de nas log nas 'ong ba dang // slob dpon de yis sbyin sreg bya// tsher ma can gyi shing dag la// raM dang ldan pas me nyid sbar// des ni sa bdag gnod las thar// phyis ni ldang bar mi nus so// gang dag gnyen gyis zin gyur na// rtags ni 'di rnams 'byung bar nges// 'jug pa'i sgo ni gsus pa'o// snying gar gnas shing chu ser 'bud// skad ni 'dzer zhing sha mdog nag/ sha yi rgyu yang chung bar 'gyur// yang na rdzis pa dag tu 'gyur// lag pa'i mkhrig ma phra bar nges// don med rma rnams 'byung ba dang // dbang po'i chags pa mi skye dang // gsus pa na zhing skam par byed// tshigs pa na zhing chu ser 'byung // skabs su khol bur na ba dang // smin ma'i bkrag ni nyams par 'gyur// mdze yi rtags rnams 'byung ba dang // rkang pa'i mthil nas 'phrig pa rnams// gnyen gyi nad du shes par bya// 'gro bar byed pa'i tshe na yang / rkang pa 'khor
- 68a
zhing lus po 'khyom// kha dang sna dang mig rnams nas// chu ni dus min 'byung ba dang // phyis kyang gnyen gyi mdze ru 'gro/ de la sogs pa'i mdze rigs ni// rnam pa brgyad nyid ldan pa na// gnyen gyi gdon gyis zin par nges// de dag bcos pa'i thabs 'di'o// dang po zhi bas mchod par bya// chab gtor mchod rten gdab par bya// des kyang phan par ma gyur na// dbang chen ting 'dzin ldan pa yis// gru gsum thab khung brtsig par bya// brub khung nag por brtsigs pa'i steng // kha T+wAM rdo rje'i gzugs su bri// dur khrod shing dang tsher ma'i shing // dug shing tshogs kyis gru gsum brtsigs// gdon gyi gzugs ni sngo skyusbyar bya// bal nag sgra ni thur la bsnyil// snying gar yi ge pre nyid bri// skud pa nag po sum bsgril gyis// ling+ga de yi ske la gdags// phur pa bzhi la phyogs bzhir brtod// gri dang gdug pa'i mtshon cha bsnams// bdag nyid kha yang lho ru bstan// de nas ting 'dzin ldan pa yis// bgegs rnams bkug cing gzugs la bstim// skud pa nag po gzung bya zhing // gsang sngags 'di yis ling+ga bcing // oM hrIHbadz+ra b+han+na hUM/ duSh+Ta g+h+r-i h+na ban+d+ha hUM/ gsang sngags bzla zhing ling+ga bcing // de ltar yang nas yang byas shing // rmi lam khugs par mthong ba dang // gdab pa'i gnas lngar phur bu gdab// de nas gri yis gtub par
- 68b
bya// rdo rjes brdung zhing sngags 'di bzlas// shrI badz+ra pA Ni/ sa nA ga du ling snying la gtub/ snying khrag tshal pa mA ra ya rbad// de nas brdungs shing hom du bsreg/ de nas brub khung de nyid du// gru gsum bzhin du gting du brko// sol ba la sogs tho ral rnams// gting du grub cing sa yis brdzis// de yi steng du bzhag pa'i rdzas// g.yam pa sngon po leb mo la// rdo rje rgya gram bris pas bcad// dbang chen ting 'dzin ldan pa yis// khro bo brjid pa'i stobs kyis 'gro// dbang gi rta bro brdung bar bya// ha ha zhes bya gad rgyangs sgrogs// pad+man+ta kr-ita glu chen blangs// de nas gri yis btsab par bya// de yi gsang sngags 'di dag go/ tshe da tshe da mA ra ya/ khA be na hUM phaT/ lan ni nyi shu rtsa gcig brjod// phyis ni mi ldang ba yi sngags 'di yin// duSh+Ta kra ha na// staM b+ha na ku ru lam// de nyid bco brgyad dag gis 'grub// de ltar bco brgyad byas gyur na// gnyen gyi gdon las thar bar gyur// sbyor ba 'di nyid byas pa na// sa bdag gdon las thar bar 'gyur// de ltar las rnams rdzogs byas na// klu dang gnyen dang sa bdag dang // sa gdon las ni rab tu thar// mdze yi nad rnams zhi bar 'gyur// des ni las rnams myur pa'o// gang dag mi yi rigs rnams la// mdze la sogs pa'i nad rnams ni// rims dang sgro 'bogs nad la sogs// ma mo'i gdon las
- 69a
gyur pas na// ma mo'i rigs la bsam yas kyang // gdon ni rnam pa lnga ru 'dus// sa la dbang pa'i ma mo dang // 'byung ba chu la dbang ba dang // me la dbang ba'i ma mo dang // de bzhin rlung la dbang ba dang // nam mkha' dag la dbang pa'o// de dag srung ba'i thabs la yang // rnam pa gnyis su nga yis bshad// gzhan dag mngags pa'i pho nya dang // 'phral gyi gdan rnams las kyi 'phro// rnam pa gnyis su nga yis bshad// bsrung ba'i thabs ni re re'o// brtag pa'i thabs ni 'di lta ste// gzhan gyis mngags pa'i gdon rnams ni// gdon gyis zin pa'i mi de yang // gdong ni nag la skam pa'o// lus po ldi zhing tshig pa za// mig rtsa dmar zhing khro la dga'// shes pa bying zhing pho mchin na// rmi lam chu bo chen po rmi// de ltar byung ba'i mi de yang // sngags pa'i mthu yis zin par nges// de dag bcos pa'i thabs nyid ni// dang po mdos dang zhi bas bzlog/ des kyang thar bar ma gyur na// dbang chen ting 'dzin ldan pa yis// bdag nyid mal gyi 'og tu yang // gru gsum dag ni nag por bya// nang du sngags pa'i gzugs brnyan rnams// ma mo'i gzugs brnyan gzhug par bya// steng du dur khrod rdo leb la// gling bzhi ri rab bris pas mnan// dbang chen ting 'dzin ldan pa yis// de yi steng du nyal bya zhing // 'khor lo
- 69b
nyid kyang bskor bar bya// gsang sngags 'di ni mtshan brgya bzlas// hri hri ma tri mA ra ya bzlog/ ma tri ma tri rang la mA ra ya zlog zlog/ rbad rbad// rtsa ba'i gsang sngags lan bdun brjod// de nas sngags de nus tshad bgrang // des ni byad kha thams cad bzlog/ ma mo'i phyir bzlog gsang ba'o// rnam smin yin na thar bar dka'// dge sbyor rdzogs na bzlog pa srid// 'phral gyi gdon du gyur ba na// sa la dbang ba'i rtags rnams ni// 'di lta nyid du 'byung bar nges// lus po lji zhing nyal la dga'// dran pa nyams shing shi 'bras 'don// shes pa bying nas mgo bo 'khor// mig kyang mi mthong khrag lta bu// rna ba 'on nas sgra mi thos// rkang lag 'dar zhing glo snying rmugs// de lta bu yi rtags rnams ni// tha ma mdze ru 'gro bar nges// de ni[:]sa la dbang ba'o// de la bzlog pa bya ba'i thabs// dang po zhi ba'i las kyis mchod// des kyang thar par ma gyur na// rigs gsum rtse mor phyin la yang // brub khung zur gsum gting du brko// ma mo'i gzugs dang ming bris la// rlung dang 'tshub ma'i tshe na bsreg/ thal ba rlung la phyogs bzhir gtor// gsang sngags dus der 'di nyid bzlas// tri tri zhung zhung / ya su trag rag sha trag ni hed hed// snying khrag gzhi ba gzhi ba/ ma ta ra ni'i snying khrag la mA ra ya rbad/ sngags brgya rtsa brgyad brjod pa
- 70a
yis// klu mo sa gdon gsod par byed// sngags de rgyun du bzlas pa na// sa la dbang ba'i gdon las thar// chu la dbang ba ma mo'i gdon// skyes bu gang la zhugs pa yis// rtags ni 'di ltar 'ong bar nges// gdon de zhugs pa'i mi de yang // lus po tsha zhing kha sna gsher/ snying yang 'phar zhing chu mi thub// khong pa tsha zhing lus po 'dar// mig kyang gyen la zlog par byed/ mgo dang yan lag na bar byed// shes pa gsal zhing ldang mi nus// mig rtsa nag cing so nag pa// chu la dbang ba yin par nges// gdon de nyid las thar pa'i thabs// sbyor ba'i thab 'di sngags pas brtsam// sna tshogs chu rnams blangs pa yang // rdzas nag dag gis brub khung bya// de yi nang du chu rnams blug/ ma mo'i gzugs dang ling+ga bya// chu yi nang du nub par gzhug/ dur khrod skud pa sum sgril gyis// ling+ga'i snying gar brtod la drang // dur khrod thal ba la sogs pa'i// sa sna tshogs tshad dag dang ni// mkhar gong btags pa'i phye ma dang // so dog zangs phye lcags phye dang // sna tshogs rdo yi phye ma dang // yungs kar nyung nag ske tshe dang // ra dug bong dug btsan dug dang // dug sna ci snyed yod pa dang // ra khrag khyi khrag mi khrag dang // rta khrag la sogs khrag sna rnams// mu zi khyi lud gu gul dang // shu dag ba bla mi gtsang rdzas// dri ma can gyi rdzas sna
- 70b
tshogs// rang rang dag gi mi mthun pa'i// dang po rdo yi thun gyis brab// de nas 'bru yi rigs kyis brab// de nas dug sna tshogs kyis brdeg/ de nas khrag la bsngags shing blug/ de nas sa yis brab par bya// de nas de yi 'dag pa rnams// bsdus la ma mo'i gzugs brnyan bya// khong du ma mo'i ming byang gzhug/ thun gyis brab cing gsang sngags bzlas// sngags 'dis ma mo'i srog gcod pa'o// hUM hri ma mo'i snying khos// rag mo'i sha rus la rgyug sring / mA ra ya dza dza/ dbang chen ting 'dzin ldan pa yis// gsang sngags de ni brgya rtsa bzlas// thun la bzlas shing brab par bya// de nas gzugs brnyan de nyid ni// dur khrod grog po sum mdor mnan// gru gsum dong du spyi tshug mnan// bsgrub pa zhag lnga dag tu bya// lan ni sum cu byas pa yi// chu yi gdon las thar bar 'gyur// ma mo'i gdon ni chu la dbang // chu la dbang ba'i gdon de yang // sa yi sbyor bas bskrad par byed// sbyor ba de ltar byas pa na// chu la dbang ba'i ma mo yi// gdon las rab tu thar pa'o// gang dag me la dbang ba'i gdon dag ni// skyes bu gang la zhugs pa'i rtags// 'di ltar rab tu shes par bya// me la dbang pa'i ma mo'i gdon// zhugs pa'i rtags ni 'di lta ste// gdon de zhugs pa'i mi de ni// kha sna skam zhing lus po tsha// lus kyi sha yi rtags rnams
- 71a
ni// dmar po'i thig le skabs skabs yod// res 'ga' skrangs shing res 'ga' zhi/ lus po skam la gnag par byed// lag pa sbrid la rkang pa 'khor// dmar la dga' zhing za la rngam// skad kyang phra zhing mgrin pa phra// mgo bo phyed mar na ba dang // 'khor la khro zhing mig rtsa dmar// nyi ma phyed nas mtshan mo 'thib// shes pa mi gsal bying bar byed// mgo dang yan lag na ba na// me la dbang ba'i gdon yin no// de dag bzlog cing bcos pa'i thabs// dang po me yi hom gyis mchod// des kyang phan par ma gyur na// drag po'i sbyor ba brtsam par bya// 'brub khung gong dang 'dra ba las// shing gi rnam pa 'di lta'o// pha dgu ma dgu bu dgu'i shing // de la sogs pa'i shing sna tshogs// sna tshogs shing gi hom byas la// ma mo'i gzugs dang ming byang bri// ling ga brgya ni rtsa brgyad bya// hom gyi rtse mor btags nas kyang // sna tshogs thun gyis brab par bya// rgya mtsho chu dang lteng ka'i chu// lu ma dang ni 'bab chu dang // nags kyi chu dang gangs chu dang // sna tshogs pa yi chu blangs la// khrag sna'i tshogs dang bsre bar byabya// drag sngags 'di yis ma mo bskrad/ dbang chen ting 'dzin ldan byas la// drag sngags 'di yis chu la dbab// hri ma ma nan/ tri'u tri'u/ sha tri'i sha tri'u/ rag mo mA ra ya nan/ dum bu dum bu rbad rbad// drag
- 71b
sngags 'di ni bzla bya zhing // shing la me sbar chu yis brab// de nas chu dang thal ba bcas pa bsdus// ma mo de yi gzugs su bya// skud pa sngo dmar lus la bcings// thun gyis brab cing phur pas brdeg/ de nas gzugs de yang bsdus la// dur khrod ro bsreg 'og tu mnan// des ni ma mo'i srog rtsa 'joms// me la dbang ba'i ma mo'i rigs// sbyor ba de yis brlag par byed// des ni gdon las thar ba'o// gang dag mi yi rigs rnams la// rlung la dbang ba'i ma mo yis// gdon gyis zin pa'i rtags rnams ni// 'di ltar byung na rigs par bya// dbang du gyur pa'i mi de ni// shes pa yang zhing 'gro la dga'// snying rtsa 'dar zhing spyod pa rtsing // dran pa nyams shing 'o dod 'bod// dben pa'i phyogs su song nas ni// glu yang len snying 'dod pa 'byung // dgong mo nyi ma nub kha ru// snying yang mi dga' glu len cing // lab lob mang po'i gtam la dga'// mi dang dus gsum 'grogs par byed// snying dang glo ba nang rol grang // gzhogs ni g.yon pa na ba na// snying yang sing sing byed par nges// lus la nag po'i thig le 'byung // rtags de rnams dang ldan pa na// rlung la dbang ba'i gdon yin no// de dag bcos shing bskrad pa'i thabs// dang po zhi ba'i gtor mas mchod// des kyang phan par ma gyur na// drag po'i sbyor ba 'di dag brtsam// 'brub
- 72a
khung gong dang 'dra ba las// bdag nyid dpal chen thugs ka nas// yi ge yaM zhes chad pa las// brub khung nang du 'od du bsam// de nyid 'od du zhu ba las// rlung gi dkyil 'khor zla gam bsam// rlung gi dkyil 'khor de nyid du// ma mo'i gzugs nyid bsam par bya// brub khung nang du ling+ga gzhug/ thun gyis brab cing gzugs der bsam// tsher ma can gyi me sbar la// drag sngags 'di ni rab tu brjod/ hri ta sa ma ma tri/ ya rbad hUM/ snying rtsa dur ling dza dza/ drag sngags lan ni nyi shu gcig/ bzlas pas ma mo bskrad par nges// me sbar thun dang sngags kyis gzir// sbyor ba lan ni nyi shu gcig/ byas shing gzugs la bstim byas na// rlung la dbang ba'i nad las thar// gang dag mi yi rigs rnams la// nam mkha'i ma mos zin pa yi// rtags ni 'di ltar 'byung bar nges// lus sems lji zhing mig kyang ser// mgo bo zing long byed pa dang // mig kyang zing long sna rtsa dmar// shes pa 'thib cing nyal la dga'// smad tshigs na zhing mjid pa reng // shes pa 'khyam nas na ba ni// nam mkha'i mo gdon yin par nges// de dag bcos shing bskrad pa'i thabs// dang po zhi ba'i gtor mas mchod// des kyang phan par ma gyur na// drag po'i sbyor ba brtsam par bya// bdag nyid dpal chen thugs ka nas// yi ge e
- 72b
nyid chad pa las// brub khung de yi nang du yang // e gnas nam mkha' gru gsum bsam// de yi dkyil du ma mo bsam// gzugs dang ling+ga nyid kyang ngo // thun gyis brab cing drag sngags bzlas// thog ma'i gsang sngags rjes nyid du// drag sngags 'di nyid btags pas 'grub// ma tri nA ga pra shA ma na ya swA hA/ gsang sngags de nyid bzla bya zhing // gang du dgos pa'i sbyor ba rnams// skabs 'dir thams cad rdzogs par byed// lan ni brgya rtsa byas pa na// nam mkha'i ma mo'i gdon las thar// gdon de brtags pas ma shes na// sna tshogs sbyor ba rdzogs par bya// des ni ma mo'i gdon las thar// 'byung po'i gdon gyi nad rnams ni// glo bur dag tu 'byung bar nges// de dag rnams las thar pa'i thabs// bdag nyid dbang chen brjid par bsgom// sku ni ri rab brjid pa tsam// stong gsum 'jig rten khyab par bsgom// phyag na rdo rje thugs kar bsgom// de yis bgegs rnams 'joms par bsam// dpral bar 'phags pa mi g.yo bsam// mgrin par rta mgrin rgyal po bsam// lte bar gshin rje gshed po bsam// de ltar bskyed rim rdzogs nas ni// bgegs rnams gang yin mdun na bsam// bdag nyid lha yi thugs ka na// phyag na rdo rje gtum po bsam// de yis bgegs ni brdungs par bsam// thams cad 'joms par byed pa
- 73a
yi// gsang sngags dam pa 'di rnams so// oM pad+mAn+ta kr-ita ha ya grI ba hu lu hu lu/ badz+ra tsaN+Da ma hA ro Sha Na hUM phaT/ ya mAn+ta ka hring hring / badz+ra tsaN+Da me ro ling hUM phaT/ gsang sngags bzla zhing lha tshogs bsgom// sngags de bzlas shing ling+ga brab// de ltar rgyun du bzla bya zhing // lha tshogs mnyes pa'i gtor ma 'og nas gong gi gsang sngags zhes pa 'di'o// dang // thugs dam bskul zhing bstod pa bya// dngos grub myur du 'byung bar nges// des ni sna tshogs gdon 'joms pa'o// gang dag mi yi rigs rnams la// rgyal po'i gdon gyis 'tshe byed na// de dag bskrad pa'i sbyor ba brtsam// rgyal po zin pa'i mi de la// rtags ni 'di ltar 'byung bar nges// snying mi dga' zhing glu chung len// don med 'gro snying 'dod pa ste// mgo dang mjing pa stod mi bde// glo snying 'dar zhing mig rtsa rig/ snying ga mi bde mchin pa 'phyangs// yang na/ gsus pa skal la 'byar bar byed// rmi lam stag dang seng ge dang // 'bag dang rol mo rgya rta'i tshogs// btsun pa mi chen rmi ba rnams// lha khang gsung rab mchod rten rnams// mchod pa rgyas par rmi ba dang // snying dang srog rtsa 'dar zhing na// so 'thab dbugs kyang rgod par byed// yang na kha yang 'dzum pa ste// mjing pa yo zhing rgod kha sti// de lta bu yi rtags rnams ni// rgyal po'i gdon gyis zin par
- 73b
nges// de dag bcos shing bskrad thabs ni// bdag nyid sngags pa'i mdun nyid du// brub khung gru gsum gru gang ste// nang du rgyal po'i ling gzud de// gzugs kyi rgyu ni 'di lta ste// shel la sogs te rin chen lnga// sa bzang dag dang sbyar ba ni// gru gang dag gi tshad du bya// de nas brub khung nang du gzhug/ khyi lud bong tshil ra tshil dang // khyi tshil mi tshil ba tshil dang // rta bon dang ni mu zi dang // lcags phye zangs phye yungs kar dang // pha wang long bu dug sna tshogs// mi khrag dang ni rta khyi'i khrag/ khrag sna dag ni sna tshogs dang // thun dang zor gyi rdzas rnams bsag/ lcags kyi phur pa sor brgyad pa// sngags 'di bzlas shing gzug pa'o// oM pad+ma hrIHbadz+ra pA Ni sar// rA tsa'i snying khrag la tshal pa mA ra ya dza/ sngags de lan ni brgya rtsa brgyad// phur pa dag la bzla' bya zhing // thun gyis brab cing phur pas brdag/ tsher ma'i shing gis me sbar zhing // dar dang za 'og stag gzugs ras// lpags ras sbyang ras g.yi ras rnams// mer bsreg gzugs la me yang sbar// de ltar lan bdun byas pa na// rgyal po'i gdon rnams skrod par nges// gang zhig dam sri'i gdon rnams ni// mi yi lus la zhugs gyur na// rtags ni 'di ltar 'byung bar nges// kha sha srab cing mig kyang 'tshag/ rgyu zhabs na zhing so yang na// mkhal ma 'phrig cing na bar byed// skad kyang
- 74a
'gags la snying mi dga'// rmi lam na yang bud med 'byung // chas bzang byung na zhen pa'i rtags// gos ngan byung na 'jug pa'i rtags// rtags de rnams dang ldan gyur na// dam sri gdon phran gnod par nges// de dag bsad cing bskrad pa'i thabs// sbyor ba 'di nyid brtsams par bya// rnal 'byor ting 'dzin ldan pa des// gru gsum dong ni gting du brkos// nang du dam sri'i ming byang bcug/ bong bu ga pa'i 'bras bu la// sngags 'di bzlas shing nyal khar brdung // dbang chen ting 'dzin ldan par bsgom/ klu 'dul dbang chen sku la bstod// sngags 'di brgya rtsa brjod cing brdung / shan tri bu sham/ dam sri ma ra ya tri nan/ mA ra ya rbad du ma dza dza dza/ sngags de bzlas shing mtshan mo brdung // phyag na rdo rjes bkug par bsam// rta mgrin dmar pos bzung bar bsam// gshin rje gshed kyis bsdam par bsam// mi g.yo bas ni gtub par bsam// des ni dam sri'i gdon las thar// gang dag mi yi rigs rnams la// gdon rnams gnod pa'i rmi lam ni// bye brag bshad pa 'di lta ste// gdon phran gdon dang srid pa'i 'dre// srid pa'i 'dre rnams rmi ltas ni// rang gi sha yang za ba dang // rgya gram dag tu nyal ba dang // dud 'gro'i tshogs ni mang po dang // lus la srog chags zhugs pa dang // 'dam rdzab nyal dang mtsho
- 74b
la bying // gos rnams med dang btson du bzung // rgya la btsud dang skra bkru lus la rma byung dang // bya rnams sha la za zhing lding // de lta bu yi rtags rnams ni// srid pa'i 'dre ru shes par bya// 'phral gyi gdon du gyur pa'i rtags// rmi lam rtags ni 'di ltar 'byung // slob dpon phyogs kyi 'dre gdon na// slob dpon lta bur sprul nas 'ong // zhang po'i phyogs kyi 'dre gdon na// zhang po lta bur brdzu nas 'ong // sru mo'i phyogs kyi 'dre gdon na// sru mo lta bur sprul nas 'ong // pha tshan phyogs nas 'dre gdon na// pha khu rgan rab dag tu 'ong // pha mes dag tu zhugs pa na// pha mes dag tu bcas nas 'ong // rang gi tshe la zhugs pa na// na mnyam dag tu sprul nas 'ong // ma yi rigs su zhugs pa na// ma yi phyogs kyi cho 'phrul 'ong // zhang po'i drin la 'dre gdon na// bdag nyid ma ltar sprul nas 'ong // de ltar gdon kyi rnam pa ni// lan gsum btud nas byung ba na// nges par de yi phyogs nas gdon// de dag las ni thar ba'i thabs// gong gi gsang sngags bzlas pa'o// des ni gnod pa rnams las thar// rtags de rnams ni byung ba na// gsang sngags bzlas pa brtson par bya'o// de ltar gsang sngags rab bzlas na// 'byung po'i gdon las thar bar nges// gang dag mi yi rigs rnams la// rmi lam sum cu rtsa gnyis rmi ba na// sngags 'di
- 75a
lan bdun brjod pa yis// rmi lam ngan pa bzlog pa'o// oM sarba pra b+hany+tsa kra duSh+Ta ya bzlog/ de ltar sngags de bzlas pa na// rmi lam nges par bzlog pa'o// gang dag mi yi rigs rnams la// 'gong po khyim du zhugs gyur na// bsam pa 'grub par mi byed cing // 'khor dang longs spyod nyams pa ni// 'gong po yi dwags gnod par byed// 'gong po thams cad kha 'ching ba// drag sngags 'di yi kha 'ching ba'o// 'gong po ha ba sha trig nan/ tha tri myags thum ril rbad/ de ltar gnod pa'i mi de yis// bong bu ga pa'i rna mchog tu// 'gong po'i gzugs dang ming bcug la// zangs kyi sho dang rdo sho dang // rus pa'i sho yang nang du brub// yungs kar dag la sngags bzlas shing // ra yi sgang stog dag gis 'bud// de ltar drag sngags bzlas byas na// 'gong po thams cad kha 'ching bya// gang dag mi yi rigs rnams la// lkog 'bras phol dang skrangs pa'i nad rnams dang // sbrul gyis zin dang gag pa'i nad rnams dang // rma rnams 'tsho med skrangs par gyur pa la// gsang sngags bzlas shing sbyor ba 'di lta ste// dur khrod sa dang tsha tshas sna dang // mi yi dri chen spyang ki dang // wa dang khyi dang phag pa dang // lcags dang zangs dang dug sna dang // dri chu dang ni dri chen sbyar// 'dag pa sbyar zhang byug par bya// drag sngags 'di yis
- 75b
gdab par bya// lus la byugs na nad rnams 'joms// gsang sngags gong ma'i rjes dag tu// drag sngags 'di ni rab tu bshad// a hring hring sing sing swA hA/ de nyid gdab cing 'dag pa byugs// de ltar rgyun du byas pa na// gong gi nad rnams zhi bar gsungs// gang dag mi yi rigs rnams la// dug la sogs pa'i nad kyi rigs// sha dug sbyar dug rtsi dug ni// de dag zhi bar bya ba'i thabs// bdag nyid dbang chen mgrin pa ru// rma bya mdangs ldan bsgom par bya// chu gtsang 'khar phor nang du'o// rang la tsha ba 'dus gyur bas// mchil ma chu yi nang du bor// sha dug lo dug zla dug dang // sbyar ba'i dug rnams thub par gsungs// gzhan dag bsrung bar byed pa na// thugs kar sngags bzlas mchil ma'o// de dag rgyun du byas shing gdab// dug gi ro rnams 'drong bar bsam// sngags 'di 'bum gyis 'grub par nges// oM sang ha ka li ha sa hUM/ ka ba da tsa re/ ma ha de ba'i gling srung / oM tsan 'bis/ he b+his/ ma hA b+his/ ko ro tsa b+his dza/ zhes pa'i sngags de bzlas shing sbyar bar bya// des ni dug rnams 'joms pa'o// mdze dug la sogs rtsi dug la// ga pur bzang po zhe gcig dang // chu gtsang dag tu sgur byas nas// sngags 'di brgya rtsa gdab par bya// des ni lus kun khrus byas nas// ba spu'i bu gar skam du gzhug/ des ni rtsi dug
- 76a
thams cad thub// de yi sngags ni 'di skad do// oM khrag nyal ra ma swA hA/ sngags de brgya rtsa brgyad bzlas zhing // ga bur sbyor ba dag byas na// rtsi yi dug las thar bar gsungs// lnga brgya dus kyi tha ma ru// sangs rgyas bstan pa nub kha ru// dug gi sbyor ba rgya cher 'byung // de dag sngags kyis bsrung ba ni// sbyor dug sha dug rtsi dug ni// gong du gsang sngags bstan pa'o// btsan dug dag gi sngags 'di'o// oM krang kring sod/ khrug le hri// sngags 'di brgya rtsa bzlas byas nas// srin lag gnyis kyi bar dag tu// btsan dug blangs te zos gyur kyang // sngags kyi nus pas thub par nges// dus ni snyig ma'i dus de ru// sangs rgyas bstan pa nub pa'i rtags// dug gi sbyor ba 'byung bar nges// mdze nad la sogs nad rnams ni// nad ni bzhi brgya rtsa bzhi 'byung // de dag 'byung ba'i dus nyid du// rdzogs pa rang byung rgyud 'di gsungs// le'u 'di dag 'byung ba yis// sems can kun gyi mgon du gyur// 'di ltar spyod pa rdzogs byas nas// nad rnams zhi bar ngas bshad do// gang dag mi yi rigs rnams la// mtshan mo'i 'dre dang gdon gyis gnod byed na// tshon sna lnga yi skud pa la// rtsa ba'i mdud pa lnga bor te// rtsa ba'i gsang sngags brgya rtsa bzlas// lus sam mgul du btags gyur na// gdon de nyid las thar bar
- 76b
'gyur// lnga brgya dus kyi tha ma la// phyugs nad sna tshogs 'byung bar nges// de dag zhi bar byed pa'i thabs// srung ba mtshams kyi 'khor lo las// sde brgyad drag sngags tha mar bri// dar ram ras ni ser pos gril// skyer ba'i phur pa sor bzhi la// gsang sngags nus tshad bzlas pa ni// mgul du btags pas phyugs nad chad// gang dag mi yi rigs rnams la// rims nad dag gis btab gyur na// de dag rnams la thar pa'i thabs// sbyor ba 'di nyid byas pas thub// khrus ni sna tshogs byas nas ni// nam langs pa yi dri chu yis// dang po tha ma pho nas bar mas khrus byas zhing // lhor yang bag tsam gtong bar bya// sna bug nang du bag tsam blugs// rtsa ba'i sngags ni bzlas bya zhing // de ltar rgyun du byas pa na// 'gos nad rims las thar bar nges// de ltar sbyor ba byas pa yis// nad kyi sdug bsngal zhi bar 'gyur// lnga brgya dus kyi tha ma la// nad kyi sdug bsngal bsam mi khyab// de rnams zhi bar bya ba'i phyir// dbang chen gsang ba'i rgyud 'di gsungs// de nas gsang sngags bstan pa gnas// de nas gdon rnams 'joms byed pa'i// gsang sngags 'di ni rgyas par 'gyur// lo ni lnga brgya bar du gnas// de nas gsang sngags bstan pa ni// yun ring gnas par ngas ma bshad// gsang sngags 'di ni shin tu gsang // de phyir bgegs
- 77a
rnams 'joms pa'o// de nas dbang chen 'khor bcas la// bstod pa'i glu chen 'di skad do// hrIH/ rig pa ye shes nyid las bskyed pa'i lha// dbang chen kun 'dus dbang gi rgyal po khyod// dbang gi mdog dmar bskal pa'i me ltar 'bar// zhal gsum phyag drug khro rgyal rta skad mtsher// shin tu brjid dang dur khrod chas kyis brgyan// zhabs bzhi bgrad cing rgya mtsho'i klu rnams brdzis// zhal nas tshems brdar klu yi gshed mar mdzad// spyan rtsa rig cing ma mo pho nyar 'gyed// dbu dgu phyag ni bco brgyad ste// zhabs brgyad khro rgyal klu brgyad brdzis// dmar nag sku ni sna tshogs ston// dregs pa can rnams zhal du rngub// dbang gi sku mdog dmar 'phro ba// srid pa gsum nyid dbang du sdud// rta skad phyogs bcur sgrogs pa yis// dus gsum khro bo dam la sdud// rta bro zang gsum brjid pa yis// srid gsum 'byung po'i snying la brdung // phyag mtshan mang po bsnams pa yis// klu rnams thams cad thal bar rlogs// kun la byams pa'i khro rgyal klu 'dul khyod// dbang chen sku la gnyis med yid phyag bstod/ hUM// khro bo'i rgyal po rta mgrin dbang gi sku// hrIHdang phaTaHkyis klu rnams za bar byed// mig nas me 'bar rgya mtsho'i klu rnams bsreg/ shangs nas rlung 'tshubs 'jig rten khams kun
- 77b
'khrugs// lcags kyi rmig pas klu yi snying nas 'dren// klu yi snying 'byin klu rnams bsreg par byed// gsod byed khro rgyal chen po yis// dgra bgegs snying khrag rngam pa'i zhal gyis gsol// dbang chen khyed kyi thugs ka nas// gsang ba'i bdag po gos sngon can// zhal gcig phyag gnyis sku mdog sngo// g.yas pa'i phyag na bsnams pa ni// klu 'dul gser gyis rdo rje bsnams// zung zhig gtogs shig rnam par chings// g.yon pa'i phyag na bsnams pa ni// sbrul zhags phur bu phyogs bcur 'debs// drongs shing khug cig snying la ya// bcom ldan phyag na rdo rje ni// sna tshogs mchog gi sku 'bar zhing // sku ni ri rab lta bur brjid// gsung sgras stong gsum zil gyis gnon// thugs ni chos nyid byams par ldan// ral pa kham nag gyen du brdzes// gsus pa che la sbrul yang za// klu rnams za ba'i mche ba gtsigs// ral pa gyen du brdzes pa yis// klu yi 'jig rten dbang du bsdu// ag tshom me ltar 'bar ba yis// mi yi 'jig rten skyob par byed// zhabs gnyis brkyang bskum tshul bstan pas// klu rnams skrod par byed pa'o// bcom ldan phyag na rdo rje ni// lha chen brgyad ni phyag gis sgrol// klu chen brgyad ni zhabs kyis mnan// bdud dang ma mo'i srog rtsa 'phrog/ rgyal 'gong kun gyi don snying 'byin// ma bdud thams cad gsod bar
- 78a
byed// phyag na rdo rje stobs po che// ri rab gling bzhir bcas pa ni// khyod kyi lag pa g.yas pa yis// 'phangs pas 'jig rten 'khrug par byed// rgya mtsho'i gting na gnas pa yi// klu rnams khyod kyi zas su za// ri rab ngos kyi klu rnams ni// dpag tshad brgyad khrir 'phen par byed// klu 'dul khyod la phyag 'tshal bstod// khro bo'i rgyal po rta skad 'tsher// dbang chen khyed kyi thugs ka nas// phyag na rdo rje pho nyar 'gyed// dbang chen khyod gyi dpral ba na/ hUM/ khro rgyal 'phags pa mi g.yo ba// sku mdog nag po 'jigs pa'i sku// zhal gcig phyag gnyis brjid pa che// g.yas pas ral gri bsnams pa yis// khams gsum sems can skyes rtsad gcod// g.yon pas sdigs mdzub zhags pa bsnams// thams cad chings shig rnam par sdoms/ 'phags pa'i rgyal po mi g.yo ba// rdungs shig khro bo'i rgyal po khyod// dgra dang bgegs rnams rdul du rlogs// khro bo'i rgyal po mi g.yo mgon// klu 'dul 'jigs pa'i sku la bstod/ hUM/ bcom ldan dbang chen mgrin pa nas// sprul pa'i rta mgrin dmar po byung // zhal gcig phyag gnyis sku mdog dmar// g.yas pas be con bsnams pa yis// srid pa'i 'byung po rdul du brlag/ g.yon pas sdigs mdzub bsgrengs pa yis// thams cad ma lus sgrol bar byed// rta mgrin rta skad pa yis// klu la
- 78b
sogs pa'i bgegs rnams 'joms// sku ni me yi tsha tsha 'phro// gdon bgegs thams cad thal bar brlag/ sprul cig rol cig rta mgrin rgyal// 'byung po 'joms la phyag 'tshal bstod// bcom ldan dpal chen lte ba nas// khro bo'i rgyal po gshin rje gshed// zhal gcig phyag gnyis sku mdog mthing / kam kam tshig tshig ral ba me ltar 'bar// g.yas na 'khor lo rtsibs stong bskor// srid gsum ma mo gsod par byed// dbang du sdus shig gshin rje gshed// g.yon pas sbrul zhags sdigs mdzub bsgrengs// dam tshig nyams pa'i gshed ma mdzad// ma mo'i sku 'dul khro rgyal gshin rje gshed// mthing nag 'jig byed khro rgyal dgra bo'i gshed// thams cad 'ching byed zhags pa klad la bskor// ma mo'i gshed byed khro rgyal gshin rje'i gshed// sku mdog gsal 'gyur ma mo gcer bur 'gyur// 'jig byed rngam pa'i khro rgyal tshogs dang bcas// glo snying zhal du gsol zhing snying khrag dron mo 'jibs// mi mgo klad khrag nyid kyi zhal du gsol// khro rgyal 'jig byed ha la ha la'i sku// ljags 'dril tsam gyis rdo rje'i thog chen 'bebs// kun gyi gshed byed ma mo 'dul// ma mo dbang du bsdu la phyag 'tshal bstod// pad+ma dbang gi sku ni brjid pa che// bcom ldan phyag na rdo rje klu 'dul brjid// mi g.yo mgon pos bdud dang srin po 'dul// gshin rje
- 79a
gshed kyi dgra bo ma rungs 'joms// rta mgrin nyid kyis thams cad 'gugs par byed// khro rgyal bgegs rnams 'joms la phyag 'tshal bstod// hI ta ya pad+ma kro ta hUM hUM ma ra ya dza dza/ gsang sngags dbang pos bskul byas la// bgegs rnams 'dul ba'i ting 'dzin ldan// de ltar las rnams rdzogs par bya'o// dkyil 'khor sbyor ba rdzogs par bya'o// sngags dang phyag rgya'i dbang rdzogs bya// bcom ldan dbang chen sku nyid la// 'khor gyi lha dang klus bstod nas// rang rang stan la mngon par 'dug/ yi dwags rnams ni bred cing sngangs// 'byung po sha za'i gdon las thar// las rnams thams cad 'grub par 'gyur// chen po las ni shin tu che// dbang chen gsang ba'i rgyud 'di ni// rab tu 'byung bar dka' ba ste// lnga brgya dus kyi tha ma la// rgyud 'di 'byung zhing las rnams 'grub// rdzogs sangs rgyas dang mnyam par sbyor// dkyil 'khor thams cad 'grub par 'gyur// rgyud rgyal gsang ba 'di nyid ni// thams cad 'dul byed gnyen po ste// thams cad rang rang bde la 'god pa'o// e ma ho// dkyil 'khor gsang ba'i bkod pa 'di// 'di ltar rab tu bya bar gsang // dbus su dmar nag gru gsum mdzes// zla gam gsum ni sngo nag bri// de yi phyi rim dag tu yang // gru bzhi sgo dang bcas pa bri// phyi rim zlum po mu khyud
- 79b
bri// de ltar dkyil 'khor bris byas la// dbus su dpal gyi gtor ma dang // dbang chen bsgrub pa'i rdzas ni bzhag/ zla gam gsum gyi steng dag tu// lcags kyi phur pa re re la// dar dmar gdugs ni phub pa'o// sgo bzhir dgram pa'i rdzas rnams ni// shar du shel gyi phur pa la// dar dkar gdugs dang bcas pa'o// lho ru skyer ba'i phur pa la// dar ser gtsang ma'i gdugs kyis phub// nub tu sing ldeng phur pa la// dar dmar dag gi gdugs kyis phub// byang du lcags kyi phur pa la// dar ljang dag gi gdugs kyis phub// byang shar mtshams kyi gru chad steng // lcags kyi phur pa dag btsugs la// dar tshon dag gi cod pan btags// shar lho mtshams gyi gru chad steng // dug rnams byugs pa'i phur pa ste// dar nag dag gi cod pan btags pa'o// lho nub mtshams su bzhag pa ni// seng ldeng phur pa khrag gis byugs// dar nag cod pan btags pa'o// nub byang mtshams su mchog phur ni// mthing nag dar gyi cod pan btags// gru chad phyi ma bzhi po la// gtor ma re re gzhag par bya// de ltar rdzas rnams bshams pa'o// bsgrub pa'i skabs su shes par bya// bsnyen pa'i skabs su dpal gtor dag gis so// las la sbyor ba'i dus tsam nas// khrag dang dug thun thun rdzas bsag/ rang rang thun dang 'dra bar bshad/ des ni las rnams 'grub
- 80a
par gsungs// gang zhig longs spyod nyams pa yis// 'di ltar spyad na dngos grub 'byung // tshe dang bsod nams rgyas par 'phel// skye dang mi sgo'i sdug bsngal bral// 'dis ni bsam pa nye bar 'grub pa'o// zhes rdzogs pa rang byung chen po'i rgyud las/ thams cad zlog byed mtshon cha'i le'u ste bcu gcig pa'o// rdzogs so// // @#// rgya gar skad du/ sarba ma kha su ra a ma tha ga su nA ma/ bod skad du/ bdud rtsi nang du thams cad sbyor ba'i lung zhes bya ba/ bcom ldan che mchog he ru ka la phyag 'tshal lo// de nas bcom ldan 'das de nyid che mchog he ru ka zhes bya bar gyur nas/ bdud rtsi thal ba'i sbyor ba'i le'u 'di gsungs so// kye ma ko'u rI 'khor rnams nyon// khams gsum rnam rgyal yum nyid kyis// b+ha ga'i dbyings nas bka' stsal pa// bdud rtsi sbyor ba 'di nyid las// sbyor ba dam pa 'di lta ste// sku yi sbyor ba bdud rtsi 'di// thang las byung ba'i bdud rtsi dang // nam mkha' dag las byung ba dang // de bzhin rang las byung ba dang // sna tshogs dag ni rdzas bsags la// sman ni rnam pa ci snyed dang / de bzhin dug kyang rab tu gsungs// dug lnga bdud rtsi'i sel ba'i phyir// rtsa ba lnga yi sbyor ba las// yan lag bsam gyis mi khyab bstan// sbyor ba'i rdzas kyi them las ni// oM dang A dang hUM dag
- 80b
gis// sbyor ba byin gyis brlabs nas ni// bdud rtsi chen po bsgrub pa 'di// shin tu dben zhing nyams dga' ba'i// gnas ni rab tu btsal nas kyang // gnas kyi mtshan nyid brtags pa nas// 'jug pa'i dus nyid bstan pa'o// gnas kyi mtshan nyid brtag pa ni// nags tshal rab tu mang ba'o// bya skad sna tshogs sgrogs pa dang // brag ri mtho bar 'dug pa dang // me tog sna tshogs 'khrungs pa dang // gtsang ma'i chu 'bab nyi ma rtag/ bcud dang 'bras bu smin pa ru// gnas ni zla gam dbyibs dag tu// bsgrub pa'i dkyil 'khor zhal phye ste// dkyil 'khor mda' gang tshad du bya// yug gis ma phogs dpangs mtho ba// shin tu byugs pas legs pa la// dri chus chag chag legs btab la// de nas chag de bskam pa dang // phyi rol dag tu song la ni/ cha gsum btang dang phyi bshags rnams// gzhung dang mthun par rab byas la// phyi mtshams la sogs de bzhin bya// de nas nang du 'ongs nas ni// nang mtshams gsang ba'i mtshams yang gcad// de nas nang bshags tshul bzhin bya// de nas dkyil 'khor de nyid la// chang phud gtsang ma ma nyams pas// chag chag legs par gdab par bya// de nas dkyil 'khor de nyid la// tshangs thig la sogs thig rnams ni// gnam thigs thig tshul bzhin bya// de nas tshon rtsi sna tshogs kyis// dkyil 'khor
- 81a
de la dgod par bya// dbus kyi pho brang zlum po la// dkyil du mthing nag gru gsum ste// zla gam dbus kyi kha dog ni// ser dang dmar dang dkar ba'o// de yi za ma dag tu ni// 'khor lo rtsibs brgyad dag tu bya// 'khor lo'i rtsibs kyi rtse mo la// nor bu 'od 'bar re re bya// 'khor lo'i mdog ni ser por btang // de yi phyi rim gru bzhi'i steng // ljang gu'i mdog ni rab tu gsungs// de yi phyi rim dag tu yang // zlum po sgo dang bcas pa bri// dkyil 'khor chen po de nyid kyi// gru chad bzhi yi zur dag tu// bsgrub pa'i yum bzhi gzhag par bya// de nas bsgrub pa'i mtshan nyid bstan// de nas rdo rje khams gsum gnam zhal mas// bdud rtsi chen po'i sbyor ba dang // bdud rtsi'i snod dang dam rdzas gzhag/ gtso bo yab la rab tu zhus// kye ma khro bdag chen po'i sku// dkyil 'khor chen po de nyid la// bsgrub pa'i rdzas ni ji ltar dgod// nye ba'i 'khor la bka' stsol cig/ de nas mngon rdzogs rgyal po yis// yum gyi b+ha ga dam pa las// sbyor ba brda' yis rab bskul nas// nye ba'i 'khor la bka' stsal pa// nyon cig nye ba'i 'khor rnams nyon// bsgrub pa'i dkyil 'khor de nyid kyis// steng du rdzas rnams bsags pa ni// mthing nag dbus kyi steng nyid du// rigs bzang b+han+da mtshan ldan dang // dmangs rigs mo yi b+han d+ha
- 81b
gnyis// kha dog rigs dang ri mo gnyis// pho la 'khor lo dpag bsam shing // yi ge lta bu'i ri mo rnams// pho la byung na bzang bar bshad// pad+ma dag dang me yi ris// mtshan ma lta bur byung ba ni// mo yi rigs la bzang bar bshad// dbyibs dang kha dog rab brtags la// dbus su rab tu gzhag par bya/ 'khor lo'i rtsibs ma re re la// bum pa mdzes pa re re gzhug/ bum pa de dag re re yi// rtsa ru phur pa re re la// khro bo bcu yi sngags rnams kun// re re dag la bris la bkod// phur pa bcu po dag la gdags// dar dmar cod pan re re btags// de yi phyi rim gru chad la// mda' dang me long dar sna dang // ral gri gtor ma re re bzhag/ dkyil 'khor de la sgo bzhi la// bum pa rigs dang mthun pa re// ras dkar mgul chings dag dang bcas// shar du mdzes pa'i spyan phye la// lho yi bum pa de nyid las// mdzes pa'i zhal nyid bri bar bya// nub byang gnyis la ma dang hUM// legs par bris la dgod par bya// de nas nye ba'i 'khor rnams kyis// gtso bo yab la don zhus pa// kye kye bcom ldan he ru ka/ dam rdzas mtshan nyid de ltar na// sman gyi rigs rnams gsung du gsol// de nas rnam grol he ru kas// nye ba'i 'khor la bka' stsal pa// kye ma nyon cig yum gyi tshogs// sman gyi rigs rnams 'di lta ste// rigs ni lnga ru nga yis
- 82a
bshad// rtsa ba 'bras bu lnga ru bshad// bsgrub pa'i dkyil 'khor de nyid kyis// dbus kyi thod pa dag tu yang // dri chen skam po srang gcig bzhag/ shar gyi bum pa'i nang dag tu// byang chub sems ni srang phyed bzhag/ lho ru bsgral ba'i mAM sa nyid// mig dang sna la gzhi blangs la// de bzhin snying dang mkhal ma dang // mchin pa la sogs srang gsum bzhag/ nub tu sna tshogs rak+ta nyid// bsgral ba'i rak+ta sna tshogs ni// srang gsum tshad dang mnyam par bzhag/ byang gi bum pa'i nang dag tu// dri chu sna tshogs bsres pa ni// phul zag gang gi tshad du bya// de nas shar du phor snod dag tu ni// ra sa ya na la sogs te// nyung kar gu gul dag dang ni// rdo rje phur ba dag dang ni// go ro tsa na chen po dang // rak+ta la sogs gzhag par bya// de nas dkyil 'khor lho phyogs su// bsgrub pa'i yum nyid bzhag nas ni// rgyan cha sna tshogs rab tu brgyan// dpral bar thal chen mtshan ma btab// dkyil 'khor dbus kyi phyogs dag tu// sgrub po yab yum 'dug nas ni// dkyil 'khor byang gi phyogs dag tu// dgra bgegs zlog pa'i mtshon cha bzhag/ dbus kyi pho thod dag la yang // gong gi ri mo med pa na// rdo rje nyid dang hri dang tha// dmangs rigs mo yi b+han+da la// gong gi ri mo med pa na// pad+ma dang ni oM zhes bris// de yi nang du blug pa'i
- 82b
sman// sha chen dang ni khrag chen dang // de bzhin rin chen byang chub sems// dri chu la sogs gtso bo lnga// de yi 'bras bu chen po ni// mig dang sna dang rna ba lce// tsit+ta la sogs cha mnyam ste// srang ni phyed dang gsum dag bzhag/ de yi 'phrod du bstan pa ni// gur gum dang ni tsan dan dang // spang spos dang ni rgya spos dang // de bzhin sbrul spra ma'am sgrub ma rnam lnga yang // cha mnyam srang phye tshad du bzhag/ de yi 'bras bu sbyar ba ni// mi dang rta dang khyi dang ni// de bzhin glang dang lug la sogs// mkhris pa lnga dang klad pa lnga// rgyungs pa lnga dang dri chen lnga// cha mnyam srang gi phyed dang gnyis// de yi 'phrod nyid sman bstan pa// ga pur dang ni mu tig dang // lan tshwa dang ni rgya skag dang // shing tsha dag dang cha mnyam la// zho gcig dag gi tshad du bya// de rnams tshad du bstan pa yin// dmangs rigs dri chen dag dang ni// rta dkar dang ni glang po che// khyi dkar dag dang shang shang gi/ dri chen dag ni cha mnyam la/ zho phyed dag gi tshad du bya// de yi 'phrod du bstan pa ni// khyi sha dang ni kham bu dang // snying ni zho sha dag dang a ru ra// sug sme nyid dang cha mnyam la// zho gcig dag gi tshad du bya// 'bras dang til dang gur gum dang // dri chu cha mnyam sbar bar bya// tshad ni gsum mam gcig tu btang // shing thog a 'bras skyu ru ra// ba ru ra dang li ga dur// thal
- 83a
dkar rdo rje dag dang ni// cha mnyam sbyar de zho phyed tsam// nA ga ge sar klu sman dang // gla rtsi dang ni tsan dan dang // kha ru tsha dang rgya spos dang // dza ti pha la shu mo za// cha snyoms sbrang rtsi dag tu sbyar// gser dang dngul dang zangs dang lcags// g.yu dang dung dang ra gan dang // zhib tu brdar la cha snyoms la// drod la phab nas zho gcig btang // des ni 'od rnams 'byung bar 'gyur// dkar po'i rus dang byi la'i snying // dra ba'i khu ba dag dang sbyar// sran ma gsum gyi tshad du btang // zhag bdun bsgrub pa byas pa na// dri ni sna tshogs 'byung bar 'gyur// gla rtsi dang ni tsan dan dang // seng ge'i lci ba go shir // gur gum chu dang sbyar byas nas// nam gnyis dag ni btang gyur nas// zhag lnga lon pa dag dang ni// dri zhim pa dang du ba 'byung // de ltar rang rang snod dag tu// dkyil 'khor mtha' mar bshams nas ni// tshes ni brgyad la zhugs pa dang // zhag gcig dbang gi bro brdung zhing // dkyil 'khor de la byin brlab bya// de nas sman gyi rigs rnams kun// kha dog rigs rnams mig gis dbye// kha dog dkar pab thams cad kun// rdo rje rigs kyi sman du bshad// de bzhin ser dang dmar ba dang // ljang dang mthing ga la sogs rnams// rigs ni so sor phye ba rnams// dkyil 'khor shar gyi phyogs nyid du// lcags kyi
- 83b
gtun bus rab tu btags// yum dang rdo rje rgyal pos btags// shin tu zhib par btag bya zhing // sngags 'dis rab tu btag par bya// oM a mr-i ta badz+ra ha na ha na hUM/ de skad brjod cing sman rnams btags// de nas sman rnams thogs pa dang // gsang ba rdo rje slob dpon gyis// byin brlab bya zhing sman rnams bsre// bsrung ba'i sngags 'di kun gyis bzlas// oM a mr-i ta mu sa le swA hA/ de skad brjod cing zhib tu bsnyams// de dag sman gyi rigs rnams kun// glang po che las byung ba lnga// 'o ma skrag sgong dag gis dgang // dri chu 'o kon tsam du sbyar// dmangs rigs mo yi b+han+da ru// shong tshad blugs la pho yis dgag/ 'phel nas gnyis ka khengs pa dang // dngos grub chen po thob par gsungs// gang yang rung ba'i thod pa lngar// lhag ma blugs la gru bzhir bzhag/ sna tshogs dar gyis kha bcad de// dbus kyi b+han+d+ha kha sbyar la// dar dmar dag gis zum bur g.yogs// mched lcam du yod gzungs thag btag/ de nas ras dkar gtsang ma yis// yol ba dag ni rab tu bya// 'dzab tu bgrang ba'i sngags 'di'o// oM AHhUM/ sarba pany+tsa a mr-i ta hUM hrIHTha/ dbyangs dang bcas pas rab tu bgrang // phrin las gang yang rung ba bsrang // de nas rtags rnams byung ba dang // dngos grub blang ba'i cho ga bya// de nas bdag nyid ting 'dzin
- 84a
gyis// dpal chen che mchog he ru kar// rab tu gsal bar bsgom pa ni// dbu mang phyag kyang mang po ste// smug nag sku ni rab tu 'bar// dbu ni nyi shu rtsa gcig ste// phyag kyang bzhi bcu rtsa gnyis te// dkyil 'khor dus gcig bsgom pa'o// bdag nyid gtso bo bskyed pa'i sngags// oM badz+ra ma hA shrI he ru ka raM dza la hUM/ bdag nyid gtso bor gsal bar bsgom// gsang ba'i yum kyang yab dang 'dra// sngags 'das yum nyid gsal bar bskyed// oM ma hA kro d+hi shwa rI sarba ta thA ga ta mu dra a b+hi Shiny+tsa hUM/ de ltar bskyed rim rdzogs nas ni// sgrub po yab yum nyid du sbyar// yab yum spos chu 'o mas bkru// gur gum sran ma'i ril bu tsam// pad+ma'i nang du dril te gzhug/ de nas sbyor ba rab byas nas// byang chub sems dang rak+ta sbyar// de nyid dbus su gzhag par bya// de nas nub ni gnyis pa nas// gu h+ye'i sngags 'di rab tu bgrang // oM badz+ra tsit+ta sa ma ya hUM/ rab 'bring za ma gsum du bgrang // de nas dkyil 'khor de nyid phyogs// dbus su byang sems rnam snang ste// shar gyi 'khor lo'i rtsibs steng du// rdo rje dri chu sna tshogs te// lho ru byang g.yag sha chen dang // sha ba'i sha rnams dgod pa'o// nub kyi 'khor lo de nyid la// 'byung ba lnga yi rak+ta dang // mAM sa dang ni rak+ta la sogs pa'i// sna tshogs rak+ta gzhag par bya// byang du bsgral ba'i dri chu
- 84b
gzhag/ sman gyi rigs rnams gsal ba dang // sngags 'dis thams cad byin gyis brlob// oM swa hUM hrIHha/ rtsa ba'i snying por shes par bya/ zho sha snying dang mkhal zho sha// ko ro zho sha dag dang ni// shu dang ku re rta dang shu dag sre me dang // nab se shu dag dag dang a ru ra// ra mo sha gdang skyer bI kha N+Da dag dang ni// skyes pa'i chu dang sbyar ba ni// srang phyed dag gi tshad du bya// sman gyi sbyor ba de dag kun// dkyil 'khor byang du kha dog dbye// shar du sman nyid btag par bya// lho ru 'khar gzhong nang du ni// sman sna tshogs tshad bsag par bya// sna tshogs sbyar ba nus pa che/ sman gyi rigs ni sna tshogs kun// bsre pa'i sngags ni 'di dag brjod// a mr-i bi sho d+ha ya/ bsre dang btsag pa'i sngags su brjod// de nas rab 'bring rtags byung nas// dngos grub dbab pa'i sngags 'di'o// oM ma hA sarba pany+tsa a mr-i ta su kha hri pheM pheM// g.yab dor la sogs sna tshogs bya// sman gyi rang bzhin de dag kun// mchog chen lag pa g.yon gyis dkrugs// mchog chen gling bu 'bud pas g.yab// dung dang rnga dang dril bu dang // cang te'u pi wang la sogs sgra// sgra ni sna tshogs dkrol zhing 'bud// de nas dkyil 'khor ngos bzhi nas// mched lcam rnams kyis dbyangs 'di blang // rang byung gdod nas dag pa yi// rtsa brgyad stong la sbyar ba'i sman// ra sA ya na la sogs
- 85a
rdzas// rtsa ba 'bum phrag yongs kyi bcud// gnyis med bde chen las byung ba'i// byang chub sems ni rdo rje ste// sha chen mchod pa rin po che// zas mchog tshe yi rin po che// pad+ma me tog yang dag ldan// rdo rje chu ste dri chu mchog/ ga pur shel gyi spos phor gsum// rin chen me ltar 'bar ba'i mchog/ rin chen 'bum phrag yangs pa'i bcud// rigs lnga dam tshig lnga yi dngos// ye shes lnga rdzogs grub pa'i rdzas// rgyud lnga'i sems can kun sgrol ba// dug lnga sel ba'i thabs mchog ste// thams cad bdud rtsi'i rnal 'byor che// ma lus 'dus pa'i bdud rtsi che// sangs rgyas kun dang mnyam sbyor phyir// gcig tu dpa' bo'i ro rnams dang // gnyis su med par rang sbyar nas// dus gsum bud+d+ha thams cad dang // rgyal ba rgya mtsho rnams la mchod// dbyangs de blangs shing dngos grub blang // de nas yum gyis sman blangs la// gzhung bzhin dag gi cho ga brjod// de nas nub ni lnga pa na// bdud rtsi byin brlabs sngags 'di brjod/ badz+ra a mr-i ta/ oM AHhUM hrIHTha/ de ltar byin brlabs rdzogs nas ni// dngos grub blangs pa'i sngags 'di brjod// a ho su kha d+harma kA ya ni// oM a mr-i ta sid+d+hi hrIH/ sngags kyi yi ge de dag kun// 'od du zhu nas dngos grub blang // yi ge de dag re re las// lha yi sku ni re re ste// yi ge mthu nus dngos grub
- 85b
blang // de nas dngos grub rdzogs nas ni// slob ma de la dngos grub dbang nyid bskur// dbang gi gnas lnga bstan pa ni// spyi gtsug bde ba'i dkyil 'khor der// zla ba'i dkyil 'khor rgya long kha sbub tsam// de yi steng du au nyid bsam// lce nyid pad+mar gyur steng du// yi ge AHnyid 'od 'bar bsam// thugs kar nyi ma'i dkyil 'khor bsam// de yi steng du hUM nyid bsam// lte bar rat+na thur brgyad steng dag tu// rin chen 'od 'bar steng du yang // yi ge sna nyid rab tu bsam// gsang ba'i gnas su ha nyid bsam// yi ge 'bru ni lnga po las// rigs lnga'i sku ni 'od 'bar te// 'od zer lnga lnga rab tu 'bar// phyag rgya 'khor lo rtsibs brgyad 'bar// de nas dngos grub dbang rdzogs nas// 'od zer gtso bo'i dbang nyid bskur// oM dkar spyi bor bsam par bya// lce la AHdmar 'od 'bar bsam// snying gar hUM nyid mthing ga'o// lte bar yi ge swA ser bsam// gsang ba'i yi ge hA nyid ljang gu'o// dkar dmar 'od ni mdangs dang ldan// rang nyid bsam zhing bu la spro// de nas bu la 'dus gyur pas// phyag mtshan yi ge dag tu gyur// oM las 'khor lo rtsibs brgyad 'bar// 'bar nas dri chen bdud rtsir zhu// hUM las rdo rje rtse lnga 'bar// 'bar nas byang chub sems su zhu// swa las rin chen 'od 'bar te// 'bar nas mAM sa bdud
- 86a
rtsir zhu// hrIHlas 'od zer sna tshogs 'phros// 'phros nas rak+ta'i thig le zhu// hA las sku ni 'od 'bar bsam// 'bar nas dri chu bdud rtsir zhu// bu yi dbang nyid rdzogs nas ni// slob dpon gsang ba'i yum ldan des// dbang bskur tshig ni 'di skad brjod// ho gdod nas rnam dag ma skyes chos kyi dbyings// dag dang ma dag rnam rtog mtha' las 'das// dug gsum gcig la sku bstan spyi shol med// dngos grub brlan can sna tshogs 'bar ba can// su 'dod sbyin gyis 'di la da tshur longs// skam par 'brengs pa'i gti mug mthun pa la// sprin mthongs khud par nyi shar dro ba ltar// bdud rtsi'i rgyal po dbang chen 'di sbyin pas// rig 'dzin rgyal po gtso bo'i go 'phang 'thob// tshe dang skad dang yid du 'ong ba dang // bgegs rnams zhi la sogs pa ste// nad dang bral nas ci 'dod pa// yon tan brgya rtsa 'di yis 'thob// de skad rab tu brjod par bya// de nas slob ma'i dbang bskur rnams// thams cad rim pa rdzogs par bya// bdud rtsi gtso bo'i dbang bskur te// gtso bo gsang gnas spyi bor bskur// kha ni mi dbye gtso bor bskur// sngags 'dis thams cad kun la bskur// oM AHhUM/ ra sa ya ta ra sa ya na dz+nyA na gu Na sid+d+hi yin nam dza na g+hu na si ti hUM hrIHdzA/ zhes pas kun la dbang du bskur// bum pa la sogs sman sna
- 86b
rnams// rim re bskur zhing rim re bsgom// spyi gtsug dbang rten ral pa la// dar gyi cod pan re re la// sngags 'di lan brgyad brjod cing gdags/ oM shrI pa Ta a b+hi Shiny+tsa hUM/ de skad brjod cing dbang de bskur// nas ni 'bras bu bdun nyid la// gong ma'i sngags ni bdun brjod la// kun la zhag grangs tsam re gdags// gsang ba'i mtshan yang gdags par bya// dbang gi dngos grub de dag kun// gzhan gyis mi 'phrog zil gnon phyir// sbyin sreg cho ga rgyas par bya// dbang dang sman gyi sbyor ba rnams// shin tu rgyas pa nyid du bya// sangs rgyas rnams kyi rdzu 'phrul dang // sman gyi byin brlabs nus mthus ni// nad dang 'byung po thams cad sel// skye med byang chub 'bras bu thob// rig 'dzin gsum gyi 'bras bu thob// de yang bsgrub pa chen po'i tshe// lha yi sku ni bsgom par bstan// de bzhin snying po dag kyang bstan// gsang sngags gsung gi dngos grub ni// thams cad 'grub par gdod mi za// bdud rtsi chen po thal ba'i lung // lung 'di bdag gis rab bshad pas// bsgrub pa chen po thams cad kyi// mig dang dbang po lta bur 'gyur// kye ma nyon cig ye shes 'khor chen nyid// bdud rtsi chen po'i nges tshig 'di// thams cad nges par lung 'di bstan// rnam grol he ru ka yis kyang // bdud rtsi'i nges tshig 'di dag gsungs// bdud
- 87a
kyis 'khor ba'i gcong rong 'don// rtsi yis ye shes thabs la smon// bdud ni 'khor ba chen po la// rtsi yis chos nyid don la skyel// bdud rtsi'i don dag gad rgyangs che// bdud ni bar chod bgegs chen la// rtsi yis che mchog lta bur 'gyur// bdud ni khu rlangs sprin lta bur/ nyi ma lta bu'i rtsi btab nas// ye shes don la thogs pa med// bdud ni mun khung lta bu la// mar me lta bu'i rtsi btab nas// snang ba thams cad thogs med 'gyur// kye ma che mchog he ru ka/ nam mkha' lta bu'i rtsi chen la// sprin phung lta bu'i bdud kyis bsgribs// shel sgong lta bu'i rtsi 'di la// dri ma lta bu'i bdud kyis bsgribs// bdud rtsi chen po mchog gi lung // 'di ni snang ba go 'byed pa'o// ma rig bdud la rig pa rtsi'i// rgya yis btab cing 'gyur ba med// de bzhin bdud rtsi'i sbyor ba 'di// he ru ka yis rab tu gsungs// zhes rdzogs pa rang byung chen po'i rgyud las/ dbang thams cad kyi de bzhin nyid bstan pa'i rgyud/ bdud rtsi thal sbyor gyi lung bstan pa'i le'u ste bcu gnyis pa'o// rdzogs so// //
- 87b
rgya gar skad du/ du pa sarba g+ha na su ka nA ma/ bod skad du/ thams cad sgrol byed tshogs kyi lung zhes bya ba/ bcom ldan 'das rigs lnga 'khor dang bcas pa la phyag 'tshal lo// de nas bcom ldan 'das pad+ma dbang gi spyan sngar rigs lnga'i de bzhin gshegs pa rnams kyis// btud de thal mo sbyar nas/ rang rang gi 'khor 'khos te/ tshogs chen po'i mchod pa 'di smras so// kye sems dpa' chen po nyon/ gang dag mi yi rigs rnams kun// 'khor dang longs spyod nyams pa dang // longs spyod chung bar gyur pa dang // rgyu yi tshogs la brten 'dod na// bsod nams skye bar 'dod pa yis// tshogs kyi mchod pa bsham par bya// phyi mtshams spyi bshags rdzogs byas la// zhi ba'i dkyil 'khor bzhengs su gsol// rdzas dang yo byad ci 'byor bshams// kha zas 'byor bshams sna tshogs pa'o// dkyil 'khor de yi dbus dag tu// zangs chen nang du tshogs kyis bkang // ka ra bu ram la sogs pa'i// dkar dang gtsang ma'i gtor ma dang // bshos zan brgya dang rtsa brgyad dang // zhi ba'i lha tshogs mnyes pa yi// rdzas ni sna tshogs gzhag par bya'o// de ltar sngon 'gro rdzogs nas ni// zhi ba'i phrin las rdzogs bya zhing // mchod pa sna tshogs dbul bar bya// bsgrub pa'i rdzas de thams cad la// yi ge 'bru gsum byin gyis brlabs// bdag
- 88a
nyid ting 'dzin ldan byas la// zhag gsum tshogs kyi 'khor lo bskor// dus bzhir tshogs kyi rgyun mi gcad// de ltar ting 'dzin byin brlabs nas// tshogs rnams spyan drang 'di skad do// lcags klu'i phyag rgya thugs kar bca'// lcags kyu'i bar nas dzaH'phros pas// zhi ba'i lha tshogs spyan drangs bsam// de nas spyan drangs 'di skad do// hUM/ bde bar gshegs so rigs lnga'i tshogs// rgyal ba rgya mtsho 'khor dang bcas// sems dpa' dang ni sems ma dang // thub drug kun bzang yab yum dang / sgo ba yab yum 'khor bcas dang // zhi ba'i pho brang 'khor bcas rnams// tshogs kyi gnas 'dir gshegs su gsol// tshogs mchog dkyil 'khor spyan 'dren gyis// rin chen gar dang gzi mdangs 'phro ba'i tshul// tshogs kyi mchod pa rab 'byams ma lus kun// longs spyod tshogs kyi gnas 'dir gshegs su gsol// gnyis med 'khril sbyor yum bcas gshegs su gsol// de nas tshogs bsgral ba ni// ral gri'i phyag rgya bca' la// tshogs ni dum bur gtub byed la// bsgral ba'i mchod pa 'di skad do// hUM// tshogs rje tshogs bdag dbang dang ldan// slob dpon 'khor bcas dgongs su gsol// gnyis med dbyings las bskyed pa yi// zhi ba'i lha tshogs dgongs su gsol// bdag nyid dpa' bo'i stobs dag
- 88b
gis// thabs mkhas thugs rje'i byin rlabs las// bza' btung rgyu'ang bsgral bar bya// tshogs kyi rgyu ni byang chub sems// byang chub rgyu ni stong bdag med// rig pa med pas rig las 'das// mtshan ma'i yul med mngon sangs rgyas// bsgral ba'i rgyu med dbyings su bsgral// sarba pra pa na hUM khA hi khA hi/ de nas mchod pa ni 'di skad do// hUM/ rnam par snang mdzad bkra shis 'byung ba'i gter// yid bzhin 'dzum pa'i sems kyi tshogs 'di bsngo// bza' bca' dang ni longs spyod thams cad bsngo// ye shes klong yangs 'khyil pa'i dkyil 'khor nas// rgyal ba'i sku la bzhengs bzhugs mi mnga' yang // 'gro ba'i don la dgongs pas tshogs 'di bzhes// shar phyogs 'khor lo'i rtsibs steng na// bcom ldan mi bskyod rdo rje la// byang chub sems dang gnyis med phyir// dag pa'i 'od zer phyogs bcur 'phro// yab yum gnyis med tshul gyis bzhes su gsol// lho phyogs 'khor lo'i rtsibs steng na// rin chen 'byung ldan sna tshogs cir yang sprul// 'khor dang longs spyod bcas te 'bul lags na// yab yum gnyis med tshul gyis bzhes su gsol// nub phyogs 'khor lo'i rtsibs steng na// snang ba mtha' yas sbrul sku byang chub sems// sems can don la dgongs pa'i thugs rje can// rig pa gnyis med tshul gyis khyab mdzad pa// mAM sa dang ni ro
- 89a
mchog tshogs 'di ni// yab yum gnyis med tshul gyis bzhes su gsol// byang phyogs 'khor lo'i rtsibs steng na// don yod grub pa gnyis med gar bsgyur zhing // 'du 'bral med pa'i tshul du yab yum sbyor// longs spyod ma lus 'dus pa'i rdzas chen 'di// bdag nyid mnyam par bzhag pa'i tshul 'dis 'bul lags na// yab yum gnyis med tshul gyis bzhes su gsol// byang shar 'khor lo'i rtsibs steng na// rdo rje sems dpa' gnyis med gyur pa'i tshul// phyag na rdo rje dpa' bo'i tshul gyis bstan// spyan ras gzigs dbang 'gro ba stobs kyis 'dul// sku mdog 'od zer lnga yi phreng ba can// dgyes te 'dzum pa'i tshul gyis glu blangs pas// sems dpa'i tshogs la gnyis med mchod par 'bul// pi wang sgra dang gling bu'i sgra 'byin pa// sna tshogs sgra yi mchod pa dam pa 'bul// rdzas dang longs spyod thams cad mchod pa'i mthus// sems dpa' sems ma rnams la mchod par 'bral// rin chen sems dpa' pad ma'i sems dpa' dang // chos kyi sems dpa' las kyi sems dpa' la// gnyis med mthun sbyor tshogs mchod dam pa 'bul// phyogs skyong yab yum dang ni thub pa drug/ zhi ba'i lha tshogs kun la mchod par 'bul// gzugs dang sgra dang dri dang ro// 'dod yon lnga ldan mchod par 'bul// a li u li hA li
- 89b
ta pa li/ zhes rdzogs pa rang byung chen po'i rgyud las/ zhi ba'i tshogs bsgral ba'i le'u ste gsum pa'o// rdzogs so// // @#// rgya gar skad du/ bud+d+ha ling kro ha su ka nA ma/ bod skad du/ khro bo'i rang bzhin du tshogs bsgral ba'i lung zhes bya ba// bcom ldan 'das pad ma dbang gi lha la phyag 'tshal lo// de nas yang khro bo'i lha tshogs 'khor dang bcas pa rnams kyis 'di skad ces smras so// kye kye rang rang 'dus pa'i tshogs rnams nyon// gang zhig longs spyod 'phel 'dod pas// sbyor sgrol tshogs kyi mchod pa bsham// khro bo'i dkyil 'khor bzhengs su gsol// khro ba'i rdzas dang longs spyod bsags// khro bopo'i phrin las rdzogs par bya'o// gsang sngags byin brlab ldan par bya// bsgral ba'i mchod pa 'di skad do// hUM/ bdag nyid pad+ma gar ldan pas// thabs mkhas pad+ma dbang chen gyis/ 'gyings pa'i stabs kyis gar byas pas// bsgral ba'i rgyu rnams dbyings su bsgral// bsgral ba'i rgyu la bsam yas kyang // srog can dang ni srog med rgyu// 'di ni srog med rgyu yin pas// ging chen shes rab thabs ldan pas// gzung 'dzin rkang pa bsnol nas ni// gnyis med byang chub sems su bsgral/ pra be sha ya hUM A be sha ya A be sha ya phaT phaT/ de ltar tshogs de bsgral byas la// cha gsum dag tu gcad par bya// rdo rje rgyal pos las
- 90a
kyi dri chab kyis// tshogs de bsangs shing mchod par bya// dang po dpa' bo skegs pas mchod// gnyis pa dri med drin chen 'khor los mchog/ gsum pa gnyis med bshags pas mchod// de ltar khro bo'i mchod rdzogs bya'o// zhes rdzogs pa rang byung chen po'i rgyud las/ khro bo rang bzhin gyi tshogs kyi le'u ste bcu bzhi pa'o// rdzogs so// // @#// rgya gar skad du/ ti sta sarba ka ya nA ma/ bod skad du/ spyi tshogs bsgral ba'i lung zhes bya ba// bcom ldan dbang chen 'dus pa'i sku la phyag 'tshal lo// de nas yang 'khor nye ba'i sras mchog rnams kyis 'di skad ces gsol to// kye kye bcom ldan dbang gi lha// 'das pa'i 'khor rnams khro gnyer la// spyi tshogs bsgral ba bstan du gsol// de skad zhu ba phul gyur nas// rang rang stan la nye bar 'dug/ de nas nyid kyis rab tu bshad// kye ma 'dus pa chen po nyon// tshogs kyi lung 'dir bsgral 'dod pas// bsgral dang spyan 'dren mchod rdzogs bya// dpa' bo sba bshags pa dang // bstab pa gsum gyi mchod pa bya// de nas ging chen rgyan ldan des// sngags dang phyag rgyas byin brlabs pas// ting 'dzin rta mchog skur ldan pas// mchod pa'i phyag rgyas nyer mchod de// lha mo bzhi yis nyer mchod de// 'di skad brjod cing glu chen blang / hUM/ mchod pa'i glu tshig dbyangs ldan
- 90b
pa'i// zhi khro tshogs dang sems dpa' la// gnyis med gar gyis mchod pa 'bul// chos dang sems dang yid kyis mchod// e ma sangs rgyas kun sbyor ba'i// mnyam pa'i mchod pa chen pos mchod// spyan las mchod pa'i lha 'phros pas// gzugs kyi mchod pa sna tshogs 'byung // lag gnyis gar bsgyur bum 'dzin mas// rgyal ba mnyes nas spyan la thim// sgra las mchod pa'i lhar gyur pas// sgra yi mchod pa sna tshogs 'byung // lag gnyis gar bsgyur rol mo mas// rgyal ba mchod byas snyan la thim// shangs las mchod pa'i lhar gyur nas// dri yi mchod pa sna tshogs 'byung // spros pas rgyal ba'i sku mchod nas// lag gnyis gar bsgyur d+ha pe mas// rgyal ba mnyes byas shangs la thim// ljags las mchod pa'i lhar gyur pas// ro yi mchod pa sna tshogs byung // spros pas rgyal ba'i sku mchod nas// lag gnyis gar bsgyur ni wi tes// rgyal ba'i sku mchod ljags la thim// mchod pa'i lha mo de dag kyang // lag pas gar bsgyur rkang pas stabs// gnyis med mchod pa rol mo dang // pi wang 'dzin dang spos phor 'dzin// zhal zas sna tshogs 'dzin byed cing // mchod pa'i glu dang stabs dang ni// gar gyis thams cad tshim par mchod// yang dag sku dang chos kyi sku// sangs rgyas zhing khams rab 'byams su// lha mo bzhi yis khengs gyur te//
- 91a
thams cad mchod pas mnyes byas pa// khro rgyal khrag 'thung thams cad dang // zhi ba rnams la yang mchod par 'bral// a la la ste mchod par bzhes/ oM badz+ra g+har+b+he g+han/ badz+ra d+hU be d+hA/ puSh+pe pra/ badz+ra ni wi te dza/ oM badz+ra Ar+ya te dza ting hUM dza/ hUM/ rgyal bzhi khro kun la mchod pa ni// rang bzhin ma bskyed rdzogs pa yi// ye shes lha tshogs rol cig dgongs su gsol// rnga dang gling buM dang ni dung mchog gis// rgyal bzhi khro'i tshogs la mchod pa 'bul// cha lang dang ni pi wang sgra mchog dang // mchog chen la sogs sgra yi rol mo yis// rgyal bzhi khro'i tshogs la mchod pa 'bul/ hUM/ bu ram dang ni ka ra sbrang rtsi yis// rgyal bzhi khro'i tshogs la mchod pa 'bul// chang dang mAM sa ke'u 'bras la sogs// ro ldan bro mchog ye shes mchod pa yis// rgyal ba zhi khro'i tshogs la mchod pa 'bul// rak+ta dang ni bdud rtsi chen po dang / dri chu dri chen byang sems dkar dmar gyis// rgyal ba zhi khro'i tshogs la mchod pa 'bul// dza gad la sogs ro mchog brgya rnams ni// rgyal ba zhi khro'i tshogs la mchod pa 'bul// hUM spos dang rgya spos dang ni tsan+dan dang // dri mchog la sogs dri sna tshogs rnams kyis// rgyal bzhi khro'i tshogs la mchod pa 'bul// hUM ras mchog dang ni dar mchog dam pa dang // 'jam zhing dro ba'i reg bya sna tshogs kyis// rgyal ba zhi
- 91b
khro'i tshogs la mchod pa 'bul// sems mchod dang ni yid kyi mchod pa yis// rgyal ba zhi khro'i tshogs la mchod pa 'bul// rnam shes la sogs tshogs kyi mchod pa yis// rgyal ba zhi khro'i tshogs la mchod pa 'bul// rta dang glang chen la sogs gser dang dngul// bai DUr+ya dang man shel byi ru yis// rgyal ba zhi khro'i tshogs la mchod pa 'bul// dung dang rdo yi dbyig dang zangs lcags dang // g.yu dang nor dang 'bru dang bang mdzod kyis// rgyal bzhi khro'i tshogs la mchod pa 'bul// gos dang stan dang mal cha la sogs te// sna tshogs gzugs kyi mchod pa dam pa bzhes/ hUM/ bcom ldan rgyal bzhi khro'i lha tshogs la// rnal 'byor tshogs mchod 'bul lo bzhes su gsol// yo byad sna tshogs pa yi mchod pa 'dis// rgyal ba zhi khro'i thugs dam bskang gyur cig/ oM tshogs kyi 'khor lo bskor ba'i yon tan gyis// tshe rabs snga phyi med pa'i sgrib pa rnams// zhi khro'i spyan sngar skad cig tsam gyis byang / tshe rabs phyi ma gnas ni gar skyes kyang // yo byad chung ba dag tu mi 'gro zhing // rtag tu chos kyi 'khor lo bskor bar 'gyur// rin po che dang 'bru la longs spyod cing // rdzas dang longs skrod ldan pa'i skyes bur 'gyur// de bas lhag pa'i yon tan 'di ltar 'thob// ye shes par dor rang snang dag pa mthong // de la goms nas mi 'gyur sa la
- 92a
gnas// sprul pa stong gsum gang bar 'gyed par gyur// de ltar bu yi yon tan thob par 'gyur// yon tan tshogs kyi mchod pa dam pa 'dis// rgyal bzhi khro'i tshogs la mchod par 'bul// a la la ste mchod par bzhes// a la la ho thugs rjes dgongs su gsol// a la la ste thugs rjes dgyes pas bzhes// rnal 'byor bdag la dngos grub stsal du gsol// bdag la dbang bskur tshogs mchod dgyes par rol// a li u li tA li ta pA li/ khA hi khA hi/ mAM sa/ rak+ta/ tsit+ta/ ma hA ba su ta/ go ro tsa na ba lid+ha khA hi/ des ni tshogs kyi las thams cad shes par bya'o// zhes rdzogs pa rang byung chen po'i rgyud las/ spyi tshogs bsgral ba'i lung bstan pa'i le'u ste bco lnga pa'o// rdzogs so// // @#// rgya gar skad du/ sarba shAn ting bo d+hi sa twa a b+hi Shiny+tsa nA ma// bod skad du/ zhi ba byang chub sems dpa' thams cad kyi dbang bskur ba'i le'u zhes bya ba ste/ bcom ldan 'das dpal kun tu bzang po'i sku la phyag 'tshal lo// de nas dbang thams cad kyi bdag nyid dbang gi sku des/ phyi nang snod bcud thams cad dbang gis rang bzhin du byin gyis brlabs nas/ zhi ba byang chub sems kyi ngang du dbang bskur ba zhes bya ba 'di rnam par bshad do// gsal bar bya'o// mngon par bstan no// rgyas par bkral lo// rig
- 92b
par yongs su snang ngo // de nas bcom ldan 'das des/ 'khor gyi sras mchog rnams la bos te/ 'di skad gsungs so// kye ma kye ma 'khor nyon cig/ ma rtogs pa rnams rtogs byed pa'i// dbang gi rgyal po 'di bstan pas// ma smin pa rnams smin par 'gyur// dbang gi ngo bo 'di bstan pas// chos kyi dbyings dang mnyam pa ste// byang chub nyid du nye bar bstan// rig pa'i ye shes mi gsal ba// dbang 'di bskur bas gsal bar 'gyur// de rnams gsal bar 'dod pa na// dbang bskur dam pa 'di nyid bstan// grong rdal chen po'i dbus dag tu// rnal 'byor pa yis don mi 'grub// grong dang grong khyer zad mtha' dang // nags sam ri brag lung stong du// rnal 'byor bdag gi don la 'jug/ bsgrub pa la brtson rigs snang brtag/ rdzogs pa chen po'i don bstan pa'o// theg pa phyi nang thams cad kyi// dbang rnams 'di yis legs par bshad// de la dbang bskur byed tsam na// phyi mtshams la sogs rdzogs par bya// sta gon cho ga'i gzhung rdzogs bya// khrus dang rdo rje'i chu yang blud// dam tshig mna' chu dam mna' bskyal// dkyil 'khor bri ba gru bzhi'am// 'dom gang gru bzhi gnas dang sbyar// thig dang tshon rnams byin gyis brlab// mu khyud zlum po pho brang mdzes// 'khor lo rtsibs bzhi rigs dang sbyar// mu khyud dmar
- 93a
zo rje rje'i ra// phyi rim gru bzhi gru chad ldang // gru bzhi dag gi phyi rim du// mu khyud ljang gu zlum por bshad// zla gam bzhi ni kha dog ser// phyi rim gru bzhi sgo dang bcas// gru chad rigs dang 'dra bar bshad// phyi rim par du za ra tshag/ sgo ni rigs dang 'dra ba la// mu khyud zlum po sgo khyud bcas// de ltar dkyil 'khor gsal bris la// rdzas dang yo byad tshogs par dgram// dbang bskur yo byad sna tshogs gzhag/ rtags kyi phyag rgya sna tshogs snang // mtha' yas sems kyi dbang du'o// bya phyir dkyil 'khor rdzas tshogs bya// rten pa dang ni brten pa can// las rnams rdzogs phyir gzhag par bya// gsang ba'i rtags nyid bstan pa yi// rdzas kyi rnam pa 'di lta ste// dbus su man+dil steng dag tu// zangs kyi nang du gtor ma'o// gtor ma'i kha ni dar dkar mdzes// 'khor lo rtsibs dang lte ba la// rma bya'i mdangs ni re re gzug/ rtsibs mtshan gtor ma'i kha ru yang // me long skyon med re re bzhag/ gru chad ljang gu'i steng dag tu// snying po dang bcas ral gri bzhag/ zla gam ser po'i steng dag tu// nas kyi gdan ni 'dab ma brgyad// steng du dum pa re re bzhag/ dar dkar mdzes pa'i mgul chings dang // nang du chu gtsang 'o ma ste// tsan dan chu dang spos chu dang // byang phyogs dag tu gur gum chu// kha rgyan dag dang bcas pa'o// sgo
- 93b
bzhir mda' ni mdzes pa la// me long dar sna bcas pa'o// kha tshar ma nyams ras dag gis// dkyil 'khor dag gi phyi yol bya// steng na sna tshogs dar gyi gdugs// de ltar dkyil 'khor rgyan bkram zhing // bu rnams spos kyi chu yis bkru// rdo rje'i gral phyag byas nas ni// rdo rje'i gral la 'khod par bya// de nas slob dpon dbang ldan des// sta gon cho ga rdzogs par bya// dkyil 'khor gnas par bya ba dang // bum pa sta gon gnas par bya// slob ma sta gon gnas bya dang // sta gon cho ga'i ting 'dzin bsar// de nas rigs kyi slob ma rnams// gral du snang bas go bar bya// gral du bkod pa'i skal ldan la// dbang rdzogs byas la man ngag byin// phyi nang gsang ba yongs rdzogs kyi// dbang bskur rdzogs par byed pa na// dang po zhi ba'i dbang rdzogs bya// rten 'brel rdzas kyi don mtshon nas// sku gsum 'bras bu thob pa'o// de rnams mtshon byed gsang dbang ni// phrin las rdzogs par 'dod pas na// slob dpon dbang dang ldan pa des// dbang bskur rgyan rnams gon pas ni// phrin las 'di rnams rdzogs par bya// stobs ldan pad+ma dbang gi sku// gsang ba'i dkyil 'khor ye shes lnga ldan 'di// bu yi dbang rnams rdzogs par bgyi 'tshal na// bdag la dbang rtsol bu la gnang bar mdzod/ dkyil 'khor zhal blta man ngag thob bya'i
- 94a
phyir// 'dir mchis zhal ston dpa' bos gnang bar mdzod// 'dod chags spangs nas dag pa'i lam du 'jug/ zhe sdang spangs nas dal gyi sku dang sbyor// gti mug spangs nas shes rab yul la 'jug/ 'khor ba spangs nas ye shes blta ba'i phyir// 'dir rig dkyil 'khor bu la snang ba'i phyir// rdo rje che ge mo 'khor dang bcas pa rig pa'i yul blta bas// slob ma dkyil 'khor 'dir chug las rnams sgrub par gyis// ho rdo rje slob dpon gnyen gyi dbu bzung nas// yi dam lha dang mkha' 'gro dam tshig can// thams cad bdag la dgongs su gsol// dam tshig nod kyis bdag la gnang bar mdzod// dkyil khor 'dir chug bdag la dbang bskur gsol// rdo rje slob dpon gsang ba bdag la bskur// hUM rdo rje dam tshig khro chu khol ma 'di// khyod la gtad kyis thub par gyis// nyams na dmyal ba'i rgyu yin te// thub na yon tan brgya rtsa 'thob// de bas khyed kyis gus pas longs/ sa ma ya s+thAm/ bag sha ni ho// rdo rje'i dam tshig bdag gis blang bar bya// bskal pa zhig kyang mi gtang gzung bar bgyid// dngos grub chu bos pa dag gi dri ma 'khru// myur du dam tshig chu bo bdag la stsol// rdo rje dri chu bdag gis gzung bar bgyi// oM badz+ra tiSh+Tha lhan/ chos nyid rang rtags srog gi 'khor lo yi// rdo rje dril bu khyod kyis yang dag zung // chos
- 94b
nyid gsung sgras thams cad zil gnon phyir// dril bu dkrol zhing rdo rje yang dag gsor// chos nyid stong pa ye shes dag pa yi// rnam dag don lnga ye shes bum pa 'dis// skal ldan 'di la dbang bskur bas// stong rig gsal ba'i don ldan shog/ oM badz+ra tsit+ta ya tiSh+Tha badz+ra yA mi s+t+waM/ hUM stong nyid ye shes las byung ba'i// chos sku dag pa'i rang bzhin las// ye shes dag pa'i pho brang 'dir// bkra shis dag pa'i bum pa 'dis// skal ldan 'di la dbang bskur gsol// oM rat+na e wa ti dza hUM/ hUM rtog pa'i dri ma sel ba'i bum pa 'di// dag pa'i ye shes gnyis dang sbyor// ye shes ston pa'i bum pa rab mdzes pas// skal ldan 'di la dbang bskur gsol// oM pad+ma du ti shri haM ba gtam/ hUM byang chub las byung bdud rtsi'i snod// nyon mongs sel ba'i bum pa 'di// skal ldan skyes bu 'di la dbang bskur gsol// oM karma dz+nyA na ta ma bag sha hUM/ ye shes gsal ba'i sgo bzhir ldan// shes rab bskyed pa'i mda' bzhi yis// skal ldan 'di la dbang bskur bas// snang ba bzhi dang 'phrad par shog/ oM dzaHhUM baM hoHkha gad ta dza ya/ shes rab don ston ral gri bzhis// skal ldan 'di la dbang bskur bas// mnyam pa nyid kyi don rtogs shog/ oM badz+ra prad dz+nyA ma hA tam pa ga sha hUM/ chos nyid rnam dag stong pa'i rgyu// yi ge hUM las 'od zer 'phros// thams cad
- 95a
de yi don la gnas// chos dbyings ye shes mtshon pa'i dpe// me long 'di la brten pa yis// skal ldan 'di la dbang bskur ro// chos dbyings ye shes don rtogs shog/ oM d+harma d+hA tu dz+nyA na badz+ra swa b+hA wa At+ma ko&haM/ nyon mongs dag pa ye shes rgyu// gsal 'grib med pa'i don bstan pa// rdzas kyi me long dam pa 'dis// skal ldan 'di la dbang bskur ro// me long ye shes don rtogs shog/ oM A daR+sha dz+nyA na badz+ra swa b+ha wa At+ma ko&haM/ yab yum gnyis med dkyil 'khor ldan// ye shes stong gsal mnyam pa'i me long 'dis// skal ldan 'di la dbang bskur ro// mnyam nyid ye shes don rtogs shog/ oM rat+na dz+nyA na badz+ra swa b+hA wa At+ma ko&haM/ thams cad 'byung ba ye shes dag pa'i rdzas// skal ldan 'di la dbang bskur ro// sor rtogs ye shes dbang thob shog/ oM pad+ma a ti badz+ra swa b+hA wa At+ma ko&haM/ thams cad gnyis med gcig tu 'dus pa'i ye shes te// chos rnams bya bar rdzogs par mdzad pa yi// skal ldan 'di la dbang bskur ro// bya grub ye shes don rtogs shog/ oM karma dz+nyA na badz+ra swa b+hA wa At+ma ko&haM/ kha dog thams cad ston mdzad pa'i// lhun grub dkyil 'khor thams cad kyis// mu khyud ra ba ston mdzad pa'i// 'od chen rnam lnga'i me tog 'dis// skal ldan 'di la dbang bskur ro// rin chen sbubs su sangs rgyas shog/ oM
- 95b
pra be sha ya du sha hUM/ sna tshogs pa yi rdzas chen 'dis/ 'di dang phyi ma gnyis ka ru// longs spyod chen po 'phel bar 'gyur// byin brlabs drag po'i gtor ma 'dis// skal ldan 'di la dbang bskur ro// bar chad thams cad bsal ba dang // sangs rgyas byin rlabs snang bar shog/ oM ba ling+ga du sha ni hUM/ rnam dag dri med chos kyi spyan// do nub khyod la gsal 'gyur shog/ spyi dang rang gi don shes pa// gang yang ma 'gags shes rab spyan// do nub khyod la gsal bar gyis// phyi dang nang med kun gsal ba// rang bzhin ma g.yos rig pa'i spyan// do nub khyod la gsal gyur nas// rigs pa'i dkyil 'khor gsal bar ltos// dngos dang dngos med snang ba dang // bdag gzhan thams cad don gsal ba'o// thams cad mkhyen nyid gzhi yi spyan// do nub khyod la gsal gyur nas// rang rig rdzogs pa'i dkyil 'khor ltos// thogs pa med pa'i spyan lnga yis// dkyil 'khor phyogs mtshams kun la ltos// shar gyi sgo ni rigs pa gsal// rig pa'i ye shes mtshon pa'i phyir// ye shes dag pa'i snang ba 'char// de phyir shar gyi sgo zhes bya// de yang khyod la bstan par bya// ma bred ma sngangs myur du ltos// chags med spyan gyis bltas byas na// 'gyur med ye shes dag pa mthong // lho sgo ye shes bskyed pa'i sgo// snang ba lhug par 'char ba'i
- 96a
rtags// ye shes nyi shu rtsa gcig rdzogs// de phyir lho yi sgo zhes bya// snang ba bstan gyis legs par ltos// dus 'dir khyod kyis ma bltas na// phyis nas rnyed par ga la 'gyur// ye shes mig gis ma chags ltos// nub sgo bag chags nub pa'i sgo// dug lnga ye shes lnga ldan 'od// 'od lnga ma 'dres rdzogs pa'i sa// shes rab mig gis bltas byas nas// khyod kyis dkyil 'khor lha tshogs mthong // byang sgo sa lam byang ba'i sgo// sku lnga lhun gyis grub pa'i sgo// las rab rdzogs pa'i sgo chen 'di// mkhyen gsal mig gis myur du ltos// rdo rje rang rtags chen po ni// sems can kun gyi lam rgyud la// dkyil 'khor de bzhin gnas pa yin// rdul tshon dkyil 'khor 'di bzhin du// rang gi lus la yod pa yin// de bzhin pho brang dkyil 'khor ltos// rang lus gzhal yas khang gi tshul// lha rnams ma bskyed lhun gyis rdzogs// de phyir dbang gi dkyil 'khor ltos// myur du bltas na dngos grub 'thob// oM sarba ta thA ga ta maN+Dal satwa hUM/ de ltar rim pa rdzogs par bya// dbang gi mdzad spyod ting 'dzin brtan// las rnams rdzogs par byed pa'o// bu rnams dngos grub 'dod pa la// sta gon lnga brdol ting 'dzin te// mig dang rna ba sna dang lce// yid la sogs pa thams cad la// mnga' gsol byin brlabs mthu brtan
- 96b
pas// dbang po lnga yi dbang thob nas// dngos grub sna tshogs 'thob par nges// de ltar phyi yi dbang rdzogs nas// longs spyod thams cad 'phel bar 'gyur// chos nyid sku yang bag gis mthong // phung po lnga las dbang bskur bas// ye shes lnga nyid rang rdzogs pa'o// zhes rdzogs pa rang byung chen po'i rgyud las/ zhi ba byang chub sems su dbang bskur ba'i le'u ste bcu drug pa'o// rdzogs so// / // rgya gar skad du/ sarba a bo kro ta su na ma/ bod skad du/ khro bo thams cad rang bzhin du dbang bskur ba'i lung zhes bya ba/ bcom ldan 'das pad+ma dbang gi sku la phyag 'tshal lo// de nas bcom ldan 'das pad+ma'i rgyal pas 'di skad ces gsungs so// kye kye 'dus pa'i tshogs bcas nyon// khro bo'i dbang bskur rdzogs byed na// mchod pa'i gzhung rnams rdzogs byas la// dkyil 'khor nyid dang rgyan ldan phyir// shin tu dben pa'i nyams dga' bar// gnas kyi mtshan nyid brtag par bya// grong rdal zad pa'i mtha' dag dang // rtsi shing nags tshal smin pa'i sar// me tog sna tshogs 'khrungs pa dang // nub phyogs mtho la shar nyid gdeng // byang nyid sbyor ba 'dra ba dang // lho phyogs brdal ba 'dra ba'i gnas// bdag nyid mngon pa'i phyogs dag tu// grogs po sal sul med pa dang // nub na gzugs po med pa
- 97a
dang // sems can lta bu'i gzugs med dang // rgyab ni brag la gtad pa dang // logs na shing tog sna tshogs 'bar// mdun na ne'u sing chu bo 'bab// yang na tshe zan lta bu'i gnas// ra rgyud rnams ni ma chad par// bya skad sna tshogs sgrogs pa'o// de lta bu yi gnas dag tu// dkyil 'khor 'dom gang gru bzhi la// dza gad phud kyis chag chag gdab// de lta bu yi dkyil 'khor la// thig ni rab tu gdab par gsungs// nub nas shar du kha blta la// tshangs pa'i thig ni 'gyur med gdab// de nas lho nas byang du'o// shar lho nas ni nub byang du// lho nub nas ni byang shar du// lho yi tshangs thig steng dag nas// nub kyi tshangs thig steng du'o// shar nyid nas ni lho yi steng // byang shar du ni slob mas gdab// nub nas byang du de bzhin no// nub nas phyed mar gnyis po la// shar phyogs dag tu zings kyi gdab// lho nas byang du de bzhin shes// de dag la ni grub la gtug/ de nas phyed phyed nas ni'o// de ltar yeng ni spras la 'dra// de ltar thig nyid rab rdzogs bya'o// de nas sa tshon byin gyi brlab// dkyil 'khor dag la tshon gyis dgye// dbus kyi thig ni cha gsum la// zlum po mu khyud ljang gu'o// nang du gru gsum mthing nag mdzes// zla gam rnam gsum dbang gi tshul// tshangs thig nas btsal bzhi pa la// mu khyud zlum po
- 97b
dag tu bri// de yi nang du 'khor lo brgyad// kha dog ser po dag tu bya// rtsibs mtshan dag ni mdzes mtshon no// tshangs thig dag nas lnga pa la// gru bzhi sgo dang bcas pa bri// gru chad ljang gu mdzes par bya// de nas thig gcig sgo la'o// de ltar grub la sgo yi phyi// sgo ni rigs dang 'dra bar bshad// de nas thig ni bcu pa la// phyi rim zlum po dag tu bri// zlum po bar ni nag pos dgang // rdo rje'i ra bar bcas pa'o// phyogs bzhi zla gam rigs dang 'dra// sgo dang sgo rgyan rab tu mdzes pa'o// de ltar dkyil 'khor rab bris la// mngon pa'i rdzas ni 'di ltar dgram// rdzas rnams byin gyis brlabs nas ni// dkyil 'khor steng du rdzas dgram ste/ dbus kyi gru gsum steng dag du// skyes pa bud med b+han+ta gnyis// yang na rabs chad nag po'am// snrel gri mo yi thod pa ste// nal bu yod na mchog tu gsungs// yang na longs spyod ldan pa yi// pho thod dag la yi ge b+h+rUM// mo thod dag la ma zhes bri// gang yang rung ba'i thod pa gcig/ yi ge yaM dang ldan pa'o// mo zod nang du blug pa'i rdzas/ bud med bu ma skyes pa'i tshil// pho thod nang du blug pa'i rdzas// byang chub sems ni dkar dang dmar// thod pa gcig gi nang du yang // sha khrag sna tshogs gtor ma'o// pho thod dar dkar dag gis gtum// mo thod dar dmar dag gis dag pa// zla
- 98a
gam gsum gyi steng du yang // rin chen bum pa gsum bzhag ste// rin po che yi snying po gsal// sman ni sna tshogs nang du'o// kha dog dmar po dag gis byugs// dar dmar dag gis mgul chings so// 'khor lo'i steng du sku brgyad do// gru chad steng du rdzas brgyad do// gru tshad dag ni re re la// me long re dang rma bya'o// phyi rim zla gam steng dag tu// shar phyogs zla gam steng dag tu// b+han+da bzhi gling mtshan ldan du// gtor mar bdud rtsi bran ba'o// mthing nag dar gyis kha bcad do// lho phyogs tshil gyi mar me ste// dar ser dag gi yol ba ste// nub tu seng lding phur bu la// le brgan dar gyis gdug kyis dgab// byang du mar me lnga nyid bltam// dar ldang dag gis yol ba bya// de ltar rdzas rnams tshogs pa dang // de nas dkyil 'khor de nyid la// dar dkar dag gis zhal nyid dgab// ras ser kha tshar ma nyams pas// dkyil 'khor de nyid phyi yol bya// de nas rdzas rnams bkod pa dang // dbang dang rim pa rdzogs par bya// de nas slob dpon dbang ldan des// dbang bskur man ngag lung bstan pas// tshig 'di rnams kyis dbang rdzogs bya'o// dbang gi chas kyis rab rgyas pa'i// las kyi rdo rje rgyal po la// dpral bar thal chen mtshon pa bri// lce la rak+ta'i thig le'o// snying gar zhag gi tho ris te// mgo la dbang zhu
- 98b
legs par brgyan// lag na rdo rje dril bu'am// kha T+wAM rnge'u chung gis mtshan pa'o// de nas bu la dbang rdzogs bya'o// de nas dbang rnams rdzogs bya yi// mtshan ma rtags kyi thig le bya// de ltar mtshan ma bstan nas ni// 'di ltar tshig dbang bstan pa'o// khro rgyal yab dang yum du bcas// thams cad gnas 'dir gshegs su gsol// bgegs dang log 'dren thams cad kun// khro bo'i mtshan thos tsam gyis kyang // thams cad brgyal zhing 'o dod 'bod// sdug bsngal chen pos zin pas na// gnas 'dir ma 'dug gzhan du dengs// ho dgongs shig rol cig khro rgyal rnams// slob ma chug cig gnas par mdzad du gsol// dug gsum rtsad gcod 'khor ba dbyings nas thon// nga ni khro rgyal pad+ma ste// nga ni dkyil 'khor rdzas ston gyis// 'byung po'i tshogs rnams rab tu dengs// khyed la dbang gi skal ba med// dbang mchog thob par mi 'gyur gyis// phyi ma dus kyi tha ma la// ston pa rdo rje mi bskyod pas// khyed la dbang gis brda ston gyis// 'di la skal med der dengs shig/ ho dbang gi skal ba dang mi ldan pa rnams ni// dbang gi dkyil 'khor 'di yang / sa tshon gyi dkyil 'khor 'jigs pa dang bcas par mthong bar yin no// rdzas rnams kyang dpa' brtul dang mi ldan pa yin no// gsang ba'i dbang gi dkyil 'khor 'di la yid
- 99a
mi ches pa dang / de lta bu yi 'du shes dang ldan pa rnams la/ rin po che 'di yi skal ba med pas/ dbang bskur yang dbang gi nus pa mi 'byung bas/ rigs kyi bu rnams de ltar ma byed cig/ thugs rje'i 'od dang mnyam par gyur ba yis// snang srid thams cad ye shes lnga yi 'od// 'byung ba lnga la ye shes lnga yis khyab// ye shes lnga las byung ba'i 'od lnga 'dis// gnyis med sbyor ba gzhal yas khang // yab lnga'i dngos grub blang ba'i phyir// 'byung ba dag pa'i mar me dam pa 'dis// sems can 'di la dbang bskur bas// rnam par dag pa'i zhing khams su// rgyal ba yab dang mnyam par shog/ oM pu ti sha snyom sha ni// ye shes lnga dang 'od lnga dang // yab lnga dang ni yum lnga yi// dbang bskur dam pa nod pa'i phyir// ye shes rang lus dkyil 'khor ldan// rdo rje'i don dang gnyis med brjid pa'i 'od// dbang gi ye shes 'od mchog dam pa dang // rang gi tsit+ta dkyil na gnas pa'i 'od// ngas bstan khyed kyis nye bar longs// 'di bstan pa yi yon tan gyis// rang snang dag pa mthong bar shog/ oM ma hA su gad sha staM b+ha ga sha hUM/ 'byung chen rnam lnga ye shes lnga las byung // rig pa nyid mtshon ye shes rdzas// kun dang mi mnyam ye shes lnga 'od kyis// 'gyur med pho brang bstan gyis nye bar longs// 'byung ba ye shes dag pa'i rdzas chen 'dis// sems
- 99b
can khyod la dbang bskur bas// ye shes gcig chod 'char bar shog/ oM 'du ka sha ti ta ma bka sha hUM/ 'byung ba thams cad dbang gi dkyil 'khor te// dri med dbang gi ye shes rol pa yi// dbang bskur sangs rgyas kun dang mnyam pa'i 'od// 'od lnga nyid la rig pa'i sku lnga gsal// ye shes dus dang ldan pa'i rdzas chen 'dis// sems can 'di la dbang bskur bas// ngo bo'i snang ba mthong bar shog/ oM dz+nyA na s+t+waM bag sha hUM/ rdo rje'i rigs dang bud+d+ha'i rigs// rin chen rigs dang pad+ma'i rigs// las kyi rigs la sogs pa yi// sangs rgyas kun gyi byin brlabs kyis// bdag cag yang dag mthong grol shog/ oM da du sha s+t+waM bag sha hUM/ b+han d+ha ye shes rnam par dag/ lcang lo dbyings dang 'du 'bral med// rnam dag ye shes gzhal yas khang // sems can 'di la dbang bskur bya// 'di la bskur ba'i yon tan gyis// 'di yi bar chad bsal ba dang // phyi mar gzhal yas khang ldan shog/ oM b+han+da sid+d+hi hUM/ dgra dang bgegs bzlog phur pa 'dis// gang la btab pa rlag par byed// thal ba bzhin du brlags nas kyang // bgegs zhes bya ba'i ming yang med// rig pa 'di dang dbyer med tshul// rang la yod pa'i ye shes de// bar chad bsal nas mthong bar 'gyur// des na phur pa'i dbang bskur longs// oM badz+ra ta kI li kI la ya ka sa ya ni hUM//
- 100a
rgyal ba kun gyi dbang bskur mdzad pa yi// thod pa mar me tshil chen rnam gsum gyis// sku gsung thugs kyi byin rlabs kyis// dbang bskur bdag la rdzogs par mdzod// oM ag+ne b+h+rUM/ rig pa dang ni ye shes kyi// snang ba dam pa 'di yin pas// rigs kyi bu khyod myur du ltos// phyi yi dbyings dang rig pa gnyis// 'du 'bral med pa de bzhin no// rdzas kyi dbyings dang rig pa 'dis// do nub khyod la dbang bskur bas// rnam dag dbyings dang ye shes kyi// dbang bskur dam pa 'thob par shog/ oM/ ye shes rig pa'i klong dkyil nas// thugs rje'i stobs ni khyod la snang // dri med 'du 'bral med pa 'dis// do nub khyod la dbang bskur bya'o// oM/ gsang ba dag pas shes rab thabs ltar snang // dbyings dang rig pa gnyis med shes rab thabs// rdo rje'i don nyid rnam sbyar rig par ldan// rtogs pa'i don ldan shes rab dbyings dang ldan// do nub khyod la dbang bskur bar bya'o// I/ thabs 'di kun la dkon pa'i thabs// shes rab kun la khyab pa'i rtags// nga yis thabs bstan khyed kyis longs// gsang sngags rgyal po'i thabs 'di dag/ do nub khyod la dbang bskur bar bya'o// A/ dbyings dang rig pa gcig gyur nas// rigs lnga rgyal ba yab yum bcur// dbang bskur rdo rje'i dkyil 'khor rdzogs// dbang ni rang rang
- 100b
tsit+ta'i dkyil// rdo rje'i dkyil 'khor bstan gyis gus phyag 'tshol// a/ yang dag bde ba'i sa la mi 'gyur 'khor lo bskor// 'di yang khyod kyi rang rtags te// do nub nga yis bstan par bya// oM tsakra si ti hUM/ theg pa dgu dang ye shes dgu// sa dgu lam dgu ston pa'i rgyu// ma rig pa las thar pa'i ye shes te// 'gro ba 'dul byed sprul pa'i sku thob ste// kun gyi mtshon byed mchod rten dam pa 'dis// do nub khyod la dbang bskur bas// sprul pa sku yi sa thob shog/ oM pra ti sha dza/ sprul pa'i sku las thugs rje 'byung ba'i phyir// sbrul skur gyur nas 'gro ba 'dren pa dang // ye shes thabs kyi pha rol sgrol gyur cig/ oM badz+ra tsaN+Da ni sha ya na hUM/ ye shes bskyed pa'i shes rab me chen 'dis// 'gro ba ma rig sgron mar gsal// skye med dbyings su sgrol byed me chen 'dis// do nub khyod la dbang bskur bas// skye med ye shes don rtogs shog/ oM ag+ne ka la sha a/ rig pa'i ye shes dgos 'dod skong mdzad pa'i// ye shes 'gag med shes rab don ldan zhing // sna tshogs cir yang ston pa rig pa'i dbang // dgos 'dod skongs mdzad rin chen dbang bskur bas// rig pa ngo bo nyid dang ldan gyur cig/ oM rat+na e bam hUM/ dri med skyon bral ye shes dag pa'i rdzas// rig pa chags med sems las grol ba ste// rnam rtog med pa'i rig pa chos kyi sku// dri
- 101a
med skyon bral pad+ma'i sdong po 'dis// skal ldan khyod la dbang bskur ro// oM pad+ma kro ti ni hUM/ shes rab dang ni gnyis med sbyor ba mdzad// dkyil 'khor nyid dang ye shes rgyu la rol// gnyis med mtshon pa'i shes rab ral gri 'dis// skal ldan khyod la dbang bskur bas// shes rab chen pos rang rgyud grol bar gyis// oM pra dz+nyA kA ya sid+d+hi hUM/ dkyil 'khor dang ni dbyings kyi ye shes dang // dbyings dang ye shes don sbyar bas// phyi dbyings dang ni nang ye shes// gsang ba'i ye shes chos nyid dbang du 'dus// dbyer med tshul gyis de bzhin gnas pa rnams// nga yis bstan gyis nga la legs par nyon// ye shes dag pa'i rdzas kyi sprin chen 'dis// do nub khyod la dbang bskur bas// dbyings dang ye shes rtogs nas kyang // thugs rje phyogs bcur mdzad par shog/ oM d+ha tu dz+nyA na hrI tAM/ stong pa nyid dang ye shes sku// sna tshogs 'byung ba rol pa'i sku// chos sku mtshan ma'i sku mchog 'dis// sems can khyod la dbang bskur bas// mthar phyin 'bras bu thob par shog/ oM badz+ra kA ya hUM/ skye dang 'chi med rdo rje'i sku// stong nyid rdo rje'i snying po can// dag pa'i ye shes mtshon pa'i phyir// dri ma dngas pa'i gzugs skur ldan// chos dbyings dag pa'i ye shes mtshon// skye med mtshon pa'i sku mchog 'dis// do nub khyod la dbang bskur ro// oM a ka sha
- 101b
ya ni hUM/ rdo rje 'gyur med rig pa'i dus// rang rtags mtshan pa dbang gi sgra// 'gyur med kun rdzogs sangs rgyas kyi// sa lam mthar phyin grol bar shog/ oM badz+ra kra sa ma hUM/ snying po'i don nyid rnam sbyang phyir// ye shes dag pa'i lam chen dang // snying po rang chas rdo rje'i don// sangs rgyas bzhi yi snying por bcas// de bzhin kun la gnas pa yin// snying po'i don nyid 'di bstan pas// rtogs pa rgyud la skye 'gyur/ shog/ oM badz+ra tsit+ta kA ya hUM/ sangs rgyas kun gyi dbang bskur ni// bum pa 'di la mdzad pa yin// dbang bskur 'di la byin gyis brlab// cho 'phrul rgyas par ston pa yi// bum pa 'di la phrin las rdzogs// ye shes dag pa'i dbang bskur 'dis// ma rig 'khor ba'i rgyun gcad phyir// do nub khyod la dbang bskur ro// oM badz+ra do sha hUM/ thabs dang shes rab gnyis med pas// rgyal ba yab lnga yum lngar gsal// thabs dang shes rab don ldan pas// longs spyod rdzogs sku snang bar gsal// rnam dag sangs rgyas mdzad spyod de// de gnas brtan pa thob bya ste// sangs rgyas kun dang mnyam pa yi// ye shes dag pa'i tshom bu 'dis// do nub khyod la dbang bskur bas// rang snang bar dor brtan par shog/ oM badz+ra si ta ka hUM/ ye shes rang rtags rdo rje'i don nyid ldan// skye 'jig bral ba'i sku yang 'od gsal bzhugs// 'chi dang bral
- 102a
ba'i gsung gi zer la rol// skye dang 'chi med rdo rje dus mtshon sku// skye ba med pa'i yi ge a dkar 'di// sems can rnams la rtag par yod pa ste// de yi don ni mtshon pa'i 'od lnga gsal// yang dag pa dang dbyer med mnyam pa yin// don mtshon ye shes rang rtags mnyam sbyar bas// sangs rgyas kun dang dgongs pa mnyam pa yin// rdo rje skye med rang rtags mnyam pa 'dis/ sems can khyod la dbang skur bas// ske med ye shes rtogs nas sangs rgyas shog/ oM badz+ra tan ma ka ra hUM/ chos nyid stong pa ye shes dag pa'i rgyu// gsang sngags lam la sbyor ba ste// stong nyid bum pa sman gyis gtams// bdud rtsir dbang rdzogs dkyil 'khor rdzogs pa ste// 'jig rten 'di na nad med 'tsho ba dang // phyi ma ye shes rtogs nas grol gyur cig/ bdud rtsi dag pa'i bkra shis bum pa 'dis// skal ldan 'di la dbang bskur bas// rnam dag bdud rtsi ye shes don ldan shog/ oM dz+nyA na At+ma kony+dza haM/ stong pa nyid dang ye shes kyi// dbang bskur bdag gis blang ba'i phyir// rdzas mchog dam pa bdud rtsi'i bum pa 'di// skye med dbyings nas ye shes mtshon pa'i phyir// sangs rgyas lam dang ye shes dag pa'i lam// lam mchog sbyangs nas ye shes lnga dang sbyar// 'du 'bral med pa'i rig pa rtog med par// dbang bskur 'khor ba'i sa las mthar
- 102b
phyin nas// ye shes rtogs pa'i don chen de thob nas// rin chen lhun gyis grub pa'i sa chen der// sprul pa 'gags med phyogs bcur gsal bar mdzod// de la gnas nas sems can don la sbyor// de ltar yon tan kun ldan bum pa 'dis// do nub khyod la dbang bskur bas// stong nyid snying po mthar phyin shog/ oM badz+ra b+hi AHhUM/ ye shes rgyu mtshon dag pa'i rig pa dang // gsang sngags kun gyi ye shes mtshon pa'i phyir// rdzas kyi bum pa stong nyid dag pa 'dis// gzhon nu bum pa'i sku la mthar phyin pa'i// rang bzhin ma 'gags nyi ma'i 'od bzhin gsal// thugs rje kun nas 'gro ba yongs la khyab// stong gsum ldan pas chos nyid dag pa'i don// rang gi de bzhin nyid kyi bum pa 'di// dag pa'i lam mtshon bkra shis bum pa dang // dag pa'i don nyid ye shes rnam lngar sbyar// rgyu mtshan dag pa'i bkra shis bum pa 'dis// kun gyi don nyid ye shes mtshon pa'i phyir// dag pa'i lam dang ye shes gsang lam dang // lam chen 'bras bu'i dus 'dis mtshon pa'i phyir// do nub khyod la dbang bskur ro// oM AHhUM hrIHrnam dag ye shes thod pa'i gzhal yas khang // rigs lnga lhun grub ye shes thod pa 'di// gang zag dag pa'i zhing du yaM gang du yang byung gis spyod// yi ge yaM ldan rdo rje thod pa ste// yaM gyis de bzhin mkha' la rab bskyod
- 103a
nas// 'gro ba dbyings su 'dren mdzad dbyings kyi ye shes zod pa 'di// dag pa'i don ldan gzhal yas khang gi tshul// rnam dag don spyod rin chen thod pa 'di// dgos 'dod re ba thams cad skong mdzad pa'i// rin chen zur brgyad bkra shis thod pa 'dis// sems dang ye shes so sor 'byed// rab tu gsang byed bkra shis thod pa 'dis// skal ldan khyod la dbang bskur bas// gzhal yas khang du yaM gis bskyod gyur shog/ oM badz+ra b+han+da hUM yAMHbskyed pa'i ye shes ma yin te// rdzogs pa kun la khyab pa'i don// sangs rgyas kun dang mnyam sbyar bas// yi ge 'bru bstan dbyings su 'khyil// b+h+rUM gyis ma bskyod chos nyid mkha'// ye shes dag pa'i thod pa 'dis// skal ldan khyod la dbang bskur bas// dbyings las phyir mi ldog par shog/ oM b+han+da dz+nyA na du yaM ni hUM/ shes rab dang ni sku gsung thugs// ngo bo 'gyur med chos kyi don// rang bzhin 'gag med longs sku'i don// thugs rje'i sprul pa phyogs bcur 'phro// sku gsum don ldan yi ge e// sna tshogs e yis gzhal yas khang // e dang ldan pa'i thod pa 'dis// skal ldan 'di la dbang bskur bas// sku gsum 'bras bu mthar phyin shog/ oM AM trAM hUM b+h+rUM phaT/ shes rab don byed ye shes don// rang rig sgron me 'od chen ldan// shes rab bskyed pa'i po ti 'dis// skal ldan khyod la
- 103b
dbang bskur bas// shes rab rtogs pa'i don ldan shog/ oM pra dz+nyA sha ya hUM/ hUM snang zhing srid pa'i chos rnams la// ma rmongs ci bzhin shes gyur pa'i// phyi nang snang ba'i chos rnams la// gang la thogs med shes gyur nas// bsam gtan ldan zhing sku 'bar dang // 'gro ba pha rol sgrol bar shog/ oM badz+ra gad ma hUM/ shar nyid rdo rje dbyings kyi sgo// tshom bu blta na 'di ltos shig/ lho sgo longs spyod rdzogs pa'i sgo// ye shes blta na 'dir ltos shig/ nub sgo sku lnga mthar phyin sgo/ rigs nyid blta na 'dir ltos shig/ byang sgo rdo rje snying po'i sgo// rigs lnga blta na 'dir ltos shig/ pho brang pad+ma rnam dag sku// rang lus blta na 'dir ltos shig/ oM maN+Da la a hUM/ rang rtags rdo rje'i don nyid de// dar dang 'bru yi rang rtags kyis// 'jig rten 'di yi bar chad bsal ba'i phyir// dbang rtags rdo rje nyid dang 'du 'bral med// 'jig rten lha dang mkha' 'gro rnams// 'di la bsrung zhing bskyab pa dang // dbang rtags 'di ni mthong ba tsam gyis kyang // bgegs rnams brgyal zhing gzhan du 'bros// yams dang rims nad kun las thar pa dang // dbang rtags 'di yis rab tu bskyab pa'i phyir// gnod sbyin rnams dang gsang ba'i rigs rnams dang // de bzhin mkha' 'gro'i rigs dang ni// pad+ma dang ni de bzhin las kyi rigs// sa dang bar
- 104a
snang gnas pa dang // ri rab dang ni mtsho la gnas// mkha' 'gro dang ni bcas pa yis// 'di la sku yi bsrung bar gyis// nad dang yams las thar bar mdzod// dbang rtags 'di nyid btags pa yis// lam chen lnga po bstan par gyis// rdo rje don dang 'bral ba med pa dang // yang dag sa la de bzhin gnas pa dang // gsang sngags kun gyi dgongs pa lon par shog/ oM badz+ra duSh+TAn sarba swA hA na hUM// las kyi rigs kyi gsang mtshan gang yin pas// sems dpa' las kyi rigs rnams kyis// skal ldan 'di la dbang bskur ro// rin chen rigs kyi gsang mtshan gang yin pas// skal ldan 'di la dbang bskur ro// pad+ma rigs kyi gsang mtshan gang yin pas// skal ldan 'di la dbang bskur ro// rdo rje rigs kyi gsang mtshan gang yin pas// skal ldan 'di la dbang bskur ro// de bzhin rigs kyi gsang mtshan gang yin pas// skal ldan 'di la dbang bskur ro// de la sogs pa'i bde gshegs thams cad kyi// gsang mtshan dam pa gang yin pas// skal ldan 'di la dbang bskur ro// oM badz+ra rat+na pad+ma karma bud+d+ha s+t+waM/ de ltar dbang rnams rdzogs par bya// de ni phyi dbang rdzas kyis bskur// legs par bshad cing bkrol ba'o// rdzogs pa chen po'i lung bstan pas// ting nge 'dzin las ma yengs par// ting 'dzin brtan na dngos grub
- 104b
'thob// ces rdzogs pa rang byung chen po'i rgyud las/ khro bo'i rigs kyi dbang bskur ba'i le'u ste bcu bdun pa'o// // rdzogs so// // rgya gar skad du/ rat+na A yur+dz+dza na pri ti nA ma/ bod skad du/ tshe dbang rin po che ye shes kyi lung zhes bya ba bcom ldan 'das tshe dpag med kyi lha la phyag 'tshal lo// de nas pad+ma'i sku la tshe dpag med kyis bskor te/ 'di skad ces gsol pa/ kye kye bcom ldan dbang phyug che// klu 'dul dbang gi rgyal po nyid// tshe dang ye shes lhun rdzogs pas// tshe dbang dbang chen bdag gis smra// dpa' bo nyid kyis gnang bar mdzod// de nas dbang gi rgyal po yis// tshe mchog nyid la lung bstan te// kye kye tshe mchog rin chen phreng // khyod kyis legs par tshe mchog smros// de nas nyid kyis rab tu smras// tshe dbang rin chen skur byed na// 'di ltar las rnams rdzogs par bya// shin tu dben pa'i gnas dag tu// dkyil 'khor mda' gang gru bzhi ste// thig rnams gzhung dang mthun pa ste// tshon rnams byin gyis brlab bya ste// tshon rnams rab tu dgye bar bya// dbus su gru bzhi lam pa ste// phyi rim dag ni zlum por bya// de yi spyi rim gru bzhi ste// sgo dang bcas par rab tu bshad// phyi rim zlum po rdo ra bcas// de ltar dkyil 'khor gsal bris
- 105a
la// dgod pa'i rdzas ni 'di lta ste// bum pa mdzes par dkar gsum ste// dar dmar dag gis mgul chings te// sna tshogs 'bru yi gdan la bzhag/ 'bras chang dag ni nang du'o// sha dang mar dang bu ram dang // kha zas ro zhim sna tshogs gzhug/ de yi steng du bzhag pa'i rdzas// tshe yi 'brang rgyas mdzes pa la// kha zas ro zhim rnams kyis brgyan// bya rgod sgro yang gzug pa ste// dar sna me long mda' la btag/ mda' de nyid la btag pa'i rdzas// skud pa dmar po sum bsgril la// sna tshogs dar gyi 'phur lce gdags// srin lag bzung la gsang sngags bzlas// gru bzhi phyogs dang mtshams nyid du// tshe yi 'brang rgyas mdzes pa re// mda' dang bcas pa gdags par bya// sgo bzhir mda' dang me long ste// gru bzhir ral gri re re'o// de ltar dkyil 'khor rdzas bkod la// ras dkar gtsang ma'i yol ba bya// steng na dugs kyang rab tu bshad// mchod pa'i rdzas ni rdzogs par bya// bdag nyid dbang chen ting 'dzin brtan// yi ge nr-i ni 'od 'bar bas// slob ma tshe dpag med par bsam// bdag nyid dbang chen byin brlabs las// sangs rgyas sku ni grangs med bsam// sku de 'od du gsal ba dang // bdag dang slob ma'i bar nyid du// yi ge'i AHdkar dgu yang bsam// rgyun chad med pa'i 'od dkar bsam// de ltar A
- 105b
nyid gnas pa las// AHAHzhes ni dgu brjod pas// 'od zer dmar po 'od 'bar te// slob ma'i lus la thim par bsam// des ni tshe dbang thob par bsam// gsang sngags tshe yi dbang thob phyir// yi ge AH dmar 'od 'phros bsam// yi ge de dag re re las// tshe dpag med pa re re bsam// tshe dpag med pa'i sku mdog ni// dmar skya mdzes pa brgyan ldan te// dper na mtshal nyid bzang po la// kha ba dag ni bab pa ltar// dmar skya 'od zer 'bar bar bsgom// g.yas na tshe yi bum pa ste// g.yon na rin chen 'od 'bar ro// yang na sku mdog 'di lta ste// sku stod ser la 'od zer 'bar// lte ba man chad ljang gu ste// phyag mtshan gong dang mthun pa'o// de ltar gsal bar rnam par bsgom// tshe la sogs pa'i rdzas rnams kyang // 'od dang kha dog dkar la dmar// sngags pa dbang chen dag gis kyang // dkyil 'khor de yi shar nyid du// gos ni dmar po gyon byas te// kha ni nub phyogs dag tu blta// mched rnams kun gyi sngags 'di'o// oM AHhUM/ a pa ri mi ta A yur+N+Na na badz+ra d+h+rika dza hUM swA hA/ sngags de kun gyis brjod par bya// sngags kyi 'od zer dmar por bsam// chos kyi sku dang dbyer med phyir// lha dang dbyer med ting 'dzin te// AHdang dbyer med gnas par bsgom// chos nyid 'od dang sku ltar 'phro// skye ba med la 'chi med ste// 'chi/
- 106a
med rdo rje thob bya'i phyir// tshe dbang rin chen rgyas par bstan// tshe dbang rin chen rab rdzogs te// tshe yi rang bzhin yi ge yu// sku yi rang bzhin yi ge AH// A dang yuHyi mngon gsal bas// tshe dbang chen po rdzogs par bshad// de ltar ting 'dzin ma yengs na// tshe dbang dngos grub thob pa ste// tshe dang ye shes rab gsal bas// tshe dbang dkyil 'khor nyid kyang 'thob// de ltar tshe yi las rdzogs nas// tshe nyid 'gugs pa'i phrin las bya// hUM shar gyi phyogs nas tshe 'gugs ma// rdo rje yid mgyogs chen mo ste// tshe dbang dkyil 'khor ston mdzad ma// shar gyi phyogs nas tshe khug la// rnal 'byor bdag la tshe dbang stsol/ hUM lho yi phyogs na tshe 'gugs ma// rdo rje yid 'phrog chen mo ste// tshe la dbang ba'i rig 'dzin gyi// tshe khug gnas 'dir gshegs su gsol// lho yi phyogs nas tshe khug la// rnal 'byor bdag la tshe dbang stsol// hUM nub kyi phyogs nas tshe 'gugs ma// rdo rje yid 'phrog chen mo ste// tshe dang bkrag la dbang bsgyur ma// nub kyi phyogs nas tshe khug la// rnal 'byor bdag la tshe dbang stsol/ hUM/ byang gi phyogs nas tshe 'gugs ma// rdo rje yid bskyod chen mo ste// tshe dang rdzas la dbang bskur ma// byang gi phyogs nas tshe khug la// rnal 'byor bdag la tshe dbang stsol// hUM dbus kyi phyogs nas tshe 'gugs ma// rdo rje sna
- 106b
tshogs 'byung ma ste// phyogs skyong bcu yi lag pa nas// tshe khug rnal 'byor bdag la stsol// de ltar brjod cing ting 'dzin gsal// tshe rnams 'phel bar byed pa yi// cho ga 'di ni rab tu brjod// hUM shar phyogs tshe yi mnga' bdag mo// sku mdog dkar ser 'od zer 'phro// chibs su 'byung ba sa la bcibs// phyag na rdo rje tshe bum 'dzin// shar phyogs tshe yi dkyil 'khor sgo phyes la// tshe yi dkyil 'khor dar zhing rgyas par mdzod// rdo rje'i dngos grub bdag la stsol// hUM lho phyogs tshe yi mnga' bdag mo// skra mdog dmar ser 'od zer 'bar// chibs su 'byung ba chu la bcibs// phyag na rin chen tshe yi bum pa bsnams// lho phyogs tshe yi dkyil 'khor sgo phyes la// tshe yi dkyil 'khor dar zhing rgyas par mdzod// rin chen tshe yi dngos grub bdag la stsol// nub phyogs tshe yi mnga' bdag mo// sku mdog dmar po dbang gi sku// chibs su 'byung ba me la bcibs// phyag na pad+ma tshe bum bsnams// nub phyogs tshe yi dkyil 'khor sgo phyes la// pad+ma tshe yi dkyil 'khor rgyas par mdzod// pad+ma tshe yi dngos grub bdag la stsol// byang phyogs tshe yi mnga' bdag mo// sku mdog ldang nag 'bar ba'i sku// chibs su 'byung ba rlung la bcibs// phyag na las grub tshe yi bum pa bsnams// byang phyogs tshe yi dkyil 'khor sgo phyes la// las grub tshe yi
- 107a
dngos grub bdag la stsol// dbus kyi phyogs nas bcom ldan tshe yi mnga' bdag mo// sku mdog mthing nag 'gyur ba med// chibs su nam mkha'i 'ja' tshon bcibs// phyag na bdud rtsi tshe yi bum pa bsnams// dbus phyogs tshe yi dkyil 'khor sgo phyes la// bdud rtsi tshe yi dngos grub bdag la stsol// tshe mchog dkyil 'khor dbab tu gsol// tshe yi dbang nyid bskur bar bya// dbang bskur gnas su yang dag ste// ting 'dzin rab tu rdzogs byas te// rab tu gsang ba'i las gang yang // gsum dang rgyu yi yang dag ste// bsdu dang dmigs pa gsal bar bya// sku gsung thugs la gzung bar bya// gnas su bzhag pa 'di skad do// bcom ldan rigs bzhi'i sangs rgyas dang // rigs bzhi'i lha mo 'khor dang bcas// sems dpa' dang ni sems ma dang // bde gshegs yab yum 'khor dang bcas// dbang bskur gnas 'dir gshegs su gsol// dbang bskur gnas 'dir gshegs nas kyang // sems can 'di la dbang zhig bskur// longs spyod rdzogs sku rdo rje'i sku// tshe dbang 'di la bskur du gsol// dkyil 'khor 'khor lo'i lte ba nas// bcom ldan tshe dpag med pa ni// sku la rin chen tshe yi ber chen gsol// phyag nas rin chen tshe yi dngos grub stsol// zhal nas rin chen tshe yi 'od zer 'phro// tshe dang longs spyod rgyas par
- 107b
mdzod// sems can 'di la dbang skur cig/ dbang gi dkyil 'khor brtan par mdzad du gsol// bcom ldan 'khor dang bcas pa yis// sems can las ni sad ma la// rin chen tshe yi dkyil 'khor spel ba'i phyir// lo brgya 'tsho dang ston brgya mthong // tshe la dbang ba'i rig 'dzin gyi// dngos grub chen po thob par shog/ oM bud+d+ha A yur dz+nyA na hUM/ badz+ra A yudz+nyA na b+h+rUM tAM/ rat+na A yur+dz+dza na e/ pad+ma A yud+d+hA na A/ karma A yur+d+ha na hUM hrIHde ltar sngags dang ting 'dzin gsal// tshe dang ye shes gsal snang bas// lhun rdzogs byang chub sems su snang // tshe dang ye shes rgyas pa'i sku// mi 'gyur tshe yi dngos grub ste// rdo rje tshe yi las rnams 'grub// 'gyur med tshe dbang thob pa'o// zhes rdzogs pa rang byung chen po'i rgyud las/ tshe dbang bskur ba'i le'u ste bco brgyad pa'o// rdzogs so// //
- 108a
rgya gar skad du/ ad ma a su ka a b+hi Shiny+tsan ma/ bod skad du/ rang lus zhing khams kyi dbang gsang ba zhes bya ba/ bcom ldan 'das lung las grol ba nyid la phyag 'tshal lo// de nas dus de tshe 'khor bsam gyis mi khyab pa'i dbus nas/ rdo rje sems dpa' nyid seng ge rnam par 'gying ba'i ting nge 'dzin la snyoms par zhugs bzhin du/ phyag na rdo rje la dbang bskur te/ 'di skad ces bsgo'o// e ma gsang bdag rdo rje 'dzin// khams gsum sems can thams cad ni// ma smin ma grol thar bar dka'// gzung 'dzin dri mas bcings pa'i phyir// kun kyang thar bar dka' bas na// rang lus dkyil 'khor rdzogs byed pa'i// dbang gi lung bstan khyod kyis zung // de nas rdo rje 'dzin pa yis// bde ba'i stan las langs nas ni// dga' mgu yi rang thal mo sbyar// gdung ba'i shugs byung rtsol bskyed nas// dga' ba'i mdangs bskyed 'dod sgo gsal// shes rab mchog chen thob nas kyang // rdo rje 'chang la don zhus pa// kye kye bcom ldan rdo rje 'chang // sems can ma smin smin byed pa'i// dbang gi thabs chen gsung du gsol// de nas rdo rje 'chang gis bka' stsal pa// kye ma nyon cig rdo rje 'dzin// gsang sngags thabs la rab brten nas// dbang dang rim pa rdzogs par bya// rang lus dbang du ngo sprad na// shin tu dben pa'i
- 108b
gnas dag tu// dkyil 'khor 'dom gang gru bzhi la// chag chag la sogs gdab bya zhing // tshon rnams rab tu dgye bar bya// dbus su mu khyud zlum po ste// 'khor rA tra'i steng du bya'o// lo'i rtsibs brgyad rab tu mdzes// kha phye ba dang ma phye dang // pad+ma dag dang spel ba'o// sna tshogs pad+ma 'dra bar 'dod// phyi rim zlum 'od lnga'i po de bzhin no// phyi rim gru bzhi sgo dang bcas// phyi rim zlum po bum pa'i dbyibs// kha mig sgra dang bcas pa'o// de ltar dkyil 'khor nyid bris la// rdzas ni rab tu dgod bya ste// tshogs dang gtor ma gong dang mthun// dkyil 'khor lte ba'i dbus dag tu// pho zod mo thod dag dag ni// rma bya me long byang sems dkar// phyi rol pad+ma'i steng dag tu// byang sems dmar dang khro sku'o// de ltar rdzas rnams bsags nas ni// dbang bskur las rnams rdzogs par bya// 'di ltar ye shes 'od sku ste// dag pas dag pa'i rgya mtshon te// gang bas gsal ba'i 'od ldan pa'o// chos sgra lhun rdzogs bde ba che// stong nyid rang gsal dbang bskur ro// ma hA a nu sra tra ya// a b+hi Shi ny+tsa ma mo/ chos nyid gsal 'tshar g.yo ba med// rje skyon bral byang chub sems// bdud rtsi dag pa chos nyid rgyu// 'khor 'das ma rtog dbang byang sems dkar por byin no// bskur ro// bo d+hi tsit+ta badz+ra a b+hi Shiny+tsa A A/ 'khor ba'i skyon spangs ye shes
- 109a
dmar// 'dod chags ma spangs chos nyid stong // chags med ye shes pad+mar gsal// e ldan b+ha ga stong nyid de// bdag nyid byang sems dmar po byin snying po'i dbang bskur ro// sa man tsar+ya su ra ga a b+hi Shiny+tsa hUM hUM/ dpa' brtul rdo rje'i rang bzhin la// tha dad gnyis su mi 'dzin cing // rgyan dang cha lugs 'od zer 'bar// rang gsal chos gsang ba shes rab dbang nyid me long sku// gzung dang me long la khrag 'thung yab yum dang / rigs lnga yab yum bstan rang lus la/ 'dzin pa gnyis las 'das// 'gyur med dbyings su dbang bskur ro/ oM AHhUM/ kro ta sa ya nu ya ta d+harma/ zhes rdzogs pa rang byung chen po'i rgyud las/ rig pa rang gi dbang bstan pa'i le'u ste bcu dgu pa'o// // rdzogs so// // @#// rgya gar skad du/ sa ka ra a b+hi mu tra nA ma/ bod skad du/ bka' rtags phyag rgya'i dbang zhes bya ba/ bcom ldan 'das rang byung gi sgron ma 'bar ba la phyag 'tshal lo// de nas 'dus pa'i tshogs rnams kyi nang nas/ gsang ba'i bdag po nyid langs nas/ 'di skad ces gsol to// kye kye bcom ldan rdo rje 'chang // khams gsum sems can thams cad ni// grol zhing thar pa'i skabs med na// 'di nas tshig chad/ bcom ldan mgon pos bka' stsol cig/ de nas rdo rje 'chang chen
- 109b
des// 'khor de nyid la bka' stsal pa// e ma gsang bdag gos sngon can// sems can rtog pa sbyong slad du// chos sku thob par bya ba'i phyir// bka' rtags phyag rgya'i dbang bskur bya// bka' rtags phyag rgya'i dbang bskur ni// shin tu dben zhing nyams dga' bar// dkyil 'khor 'dom gang gru bzhi ste// chag chag la sogs thig gdab bya// tshon tshogs rgyas par dgye bar bya// pho brang mthing nag gru gsum ste// phyi rim 'khor lo rtsibs bzhir ldan// zlum po rdo rje ra bar bcas// de yi phyi rim dag tu yang // gru bzhi sgo dang bcas pa bri// mtshams kyi gru la bum pa bri// phyi rim zlum po dag tu bshad// de ltar dkyil 'khor bris byas par// rdzas ni rab tu dgram par bya// dbus su dbang gi rdzas bzhi bzhag/ bum pa'i steng du bum pa re// rgun dang bcas te gzhag par bya// tshogs dang gtor ma gong dang 'dra// de ltar dkyil 'khor rab rdzogs nas// bkra shis nyi ma phyed dag la// slob ma shes rab ldan pa des// dbang gi don la 'jug par bya// dri zhim chu yis lus bkrus te// dbang nod tshig kyang brjod par bya// de ltar gus pa'i tshul byas te// dbang nyid 'di ltar bskur bar bya// chags med ye shes dri ma med// rnam dag 'od gsal shes rab thabs// sku gsum shes rab 'byung ba'i gter// byang chub sems las sbrul sku bskyed// chos nyid
- 110a
rtogs med rdzas bzhi ste// gnyis 'das chos sku'i dbang bskur ro// su kha badz+ra pra ti sta ha ha oM A/ byang chub snying po stod pa'i sku// sku gsum ngo bo nyid la ni// ye nas ma skyes rang rdzogs pas// gzhan la btsal bar mi bya zhing // rang nyid lha yi lha ltar mchod// rdzogs chen 'du 'bral med pa yi// stong pa'i ye shes dbang bskur ro// swa b+hA wa a Ta ri sha e baM hUM a/ chos sku rtog las 'das pas na// bsam 'das brjod med ngo bo stong // rang bzhin rdzogs chen lhun grub pas// thig le gcig par dbang bskur ro// a be sta b+ha ya a hUM/ e ma ngo mtshar rmad byung ba'i// stong nyid snying po 'od gsal dang // ma chags gos med byang chub sems// dri med dag pa'i rig snang ste// rdzogs chen mtha' dang dbus med pas// snang ba gcig rdzogs dbang bskur ro// oM swa mam rat+na lam hUM/ chos sku stong pa nyid kyi ngadang // rang byung ye shes rtog med dbyings// stong gsal rig pa snying por ldan// stong zhing bdag med ye shes dang // chos rnams lhun grub rdzogs pa che// yang dag ye shes 'od gsal ba// stong pa nyid du dbang bskur ro// a A i i au hUM/ zhes rdzogs pa rang byung chen po'i rgyud las/ bka' rtags phyag rgya'i dbang gi le'u ste nyi shu pa'o// rdzogs so// //
- 110b
@// rgya gar skad du/ g+hA ya dz+nyA nA a b+hi ka la k+Sha ta na ma/ bod skad du/ gsang ba ye shes thig le'i dbang // mkha' dbyings bum pa ltar bskur ba zhes bya ba/ bcom ldan 'das mngon rdzogs thig le'i sku la phyag 'tshal lo// de nas 'dus pa'i 'khor rnams kyi nang nas// gsang ba'i bdag po nyid langs te// 'di skad ces gsol to// kye kye bcom ldan dbang chen sku// sems kyis bcings pa'i 'khor ba las// gsang ba dbang gi bdag nyid kyis// thabs ni gang gis grol bar 'gyur// 'dir 'dus 'khor la bka' stsol cig/ de nas gsang dbang don gsungs pa// kye ma nyon cig rdo rje 'dzin// gsang sngags gsang ba'i dbang rtags ni// ci ltar rdzogs par byed pa ste// slob ma dam ldan gsang ba thub// dam tshig ldan pa'i slob ma la// gsang ba'i dbang ni rdzogs byed na// gsang ba dbang gi rdzas bsags te// slob ma rigs ldan gsum mam lnga// bdun las 'das na gsang sngags 'tshal// de ltar gsang thub bu rnams la// gsang ba'i dbang nyid byed 'dod na/ gzung mchog yid dang 'thad pa btsal// de yang mtshan nyid brtag pa gces// de yi mtshan nyid brtag pa ni// rigs ni rnam pa bzhir bshad de// 'bras bu sku bzhi nges pa thob// rigs ni re re dag la yang // kha dog mang zhing brtag par dka'// rigs ni 'di ltar
- 111a
shes par bya// pad+ma'i rigs dang dung can te// ri mo can dang ha sti yi// rigs ni de ltar brtag pa gces// kha dog 'gros dang skad kyis brtag/ kha dog brtag pa 'di lta ste// pad+ma'i rigs su gang 'dod pa// kha dog 'gros dang skad kyis brtag/ byad ni zlum zhing kha dog smug/ skad phra yid du 'ong smra zhing // gzugs dang bongs ni thung zhing sbom// yid du 'ong zhing chags pa skye// skra ni mdog ser li la 'jam// sen mo'i mdog kyang dmar la dngas// smin mtshams par yang ma chad dang // lo ni bco lnga nyid lon pa// pad+ma'i mtshan nyid yin par 'dod// dung chen dag gi mtshan nyid ni// byang nyid che chung snyoms pa ste// kha dog dkar zhing so yang dkar// lus po rags shing dpa' brtul che// gzugs bzang yid du 'ong ba ste// mig rtsa yid tsam dmar ba la// skra yang nag cing 'dzum kha sti// sor mo phra zhing mnyen lhug legs// seng ge lta bu'i 'gros dang ldan// skad ni tshangs pa'i dbyangs dang mtshungs// bcu drug lo dang ldan pa na// dung chen yin par rab tu bshad// ri mo can gyi mtshan nyid ni// kha nyid chung zhing sha yang ser// byad kyi dkyus kyang ring ba ste// gzugs nyid phra zhing smra ba nyung // mig gi 'bras bu dkar nag 'byed// skad ni nga ro chung ba ste// sha srab mtshon spu gsal ba ste// yid du 'ong zhing glang chen
- 111b
'gros// dpa' brtul che zhing zhum pa ltar// bcu bzhi lo dang ldan pa ste// ri mo can du yang dag 'dod// hasti ma yi mtshan nyid ni// byad dkyus dag ni ring ba ste// sha yi mdog ni yid tsam sngo// so dkar mig gi 'bras bu nag/ gzugs che sked skabs phyed pa ste// sna rgyud bzang zhing smin ma bzang // skabs skabs skad kyang 'dzer bar byed// spyod pa dal la tshig 'jam smra// ba glang 'gros 'dra brtul shugs ldan// sum cu man chad lo rnams so// de ltar mtshan dang ldan pa / hasti'i rigs su yang dag 'dod// gsang ba'i yum de re re yi// 'bras bu re re thob pa ste// ri mo can dang ha sti mchog/ yang na bu mang longs spyod ldan// lo tshad nges pa med par bstan// yang na yid 'ong gzhon nu ma// skyes pas ma gtses brtul shugs can// bcu bzhi'i lo dang ldan pa'o// de ltar bsten pa'i yum la yang // sbyor bas 'grub dang brten pas 'grub// bsam pas 'grub dang mthong ba'o// ri mo can la sbyor bas te// dung chen bsten pa'i stobs kyis 'grub// pad+ma dag ni bsam par bya// hasti mthong zhing reg pas so// dbang nyid rgyas par byed pa na// rigs ni bzhi ga tshang bar bya// de med na yang so sor bshad// sbyor ba byas na dngos grub rab// bsten pas dngos grub 'bring du'o// bsam pas dngos grub tha ma'o// mthong bas gsum ka'i
- 112a
grogs su bstan// de ltar gzungs dang ldan par bya// de ltar yum dang ldan pas ni// dbang bskur don la 'jug par bya// shin tu dben pa'i gnas dag tu// dkyil 'khor 'dom gang gru bzhi brtsig/ chag chag thig gdab tshon 'gyed de// mchod rdzas gong dang 'dra ba la// dkyil 'khor dag ni bya ba ste// pho brang zlum po 'od zer can// pad+ma 'dab ma brgyad ldan bya// bum pa'i gzugs dang ri mor bcas// mu khyud phyi rim rtsibs 'khor brgyad// phyogs kyi rtsibs mtshan par dag du// sgo ni rigs dang ldan pa bkod// mu khyud phyi rim gru bzhi 'bar// de yi phyi rim zlum por bkod// bar khyams dag ni bum bsnol te// de ltar dkyil 'khor bris byas te// de la rdzas ni dgram par bya// dbus kyi lte ba'i dkyil dag tu// rnam snang mngon byang sku nyid bzhag/ de yi steng du snang mtha' yas// snang ba mtha' yas spyi gtsug tu// bcom ldan dbang chen de nyid do// de yi steng du rma bya'i gdugs// sna tshogs dar gyis brgyan pa bzhag/ rdzas de rnams dang ldan pa ni// dbang ni chu bo bzhin nyid thob// sku yi rnam pa de rnams kyang // shar nas nub tu kha yang bstan/ gsang ba dbang byed slob dpon yang // nub nas shar du kha bltas so// dbus kyi lha tshogs mdun du yang // bkra shis mdzes pa'i bum pa bzhag/ kha rgyan snying por bcas pa'o// dar
- 112b
dmar mgul chings rab tu bshad// lha de nyid kyi mdun du yang // me long gsal mdzes dgram par bya// shar phyogs nyid kyi cha la yang // rabs chad zod pa mtshan ldan du// byang chub sems ni dmar pos gtams// dkyil 'khor byang gi cha la yang // me long yu ba can du yang // byang chub sems ni dkar po ste// dkyil 'khor lho yi cha la yang // bu ma skyes pa'i bud med tshil// sha dang mar me dag dang ni// rdzas ni bzhi yang de ltar dgod// de ltar rdzas ni tshogs nas ni// sgrub pos yum rnam chas su gzhug/ pad+ma'i rigs la dar dmar gos// byi ru'i rgyan dang ldan pa'o// spos chus legs par bkrus nas ni// dbu rgyan dar gyi cod pan gdags// 'gying ba'i bag ldan gar stabs bya// rdo rje dril bu lag bzung ste// dkyil 'khor nub tu g.yon phyogs bzhag/ dung chen ma ni ras dkar gos// gur gum chu yis lus bkrus te// dung dang ba so'i rgyan rnams gdags// dbu rgyan cod pan kun la'o// dkyil 'khor shar du gzhag par bya// ha sti la ni dar sngon brgyan// ut+pal sngon po'i rgyan dang ldan// tsan dan chu yis lus bkrus te// dbu rgyan dar sngon cod pan can// rdo rje dril bu lag bzung ste// 'gying ba'i stobs ldan byang du'o// ri mo can la dar ser gos// 'bras bu gsum gyi chus bkrus te// me tog gser gyi rgyan ldan
- 113a
bya'o// dbu rgyan dar ser cod pan bcing // rdo rje dril bu lag bzung ste// 'gying bag ldan pa lho ru dgod// de nas ting 'dzin rab ldan pas// sbyor dang sgrol ba'i las brtsams te// dbang bskur rgyas par byed 'dod na// dbang gi dus dang bskur thabs dang // 'jug pa'i dus dang bskur dus so// phyi nang dbang nyid rdzogs byas nas// gsang ba'i dbang la 'jug par bya// dbang gi dus ni 'di ltar te// 'bras bu smin pa'i dus yin no// 'jug pa'i dus ni tshes lnga ste// bskur ba'i dus ni nam phyed do// gtor ma nam langs dag la'o// de ltar bya ba sngon song nas// gsang ba'i don la 'jug par bya// de nas slob bu dad ldan des// rang gi yum dang bcas pa yang // spos chu 'o mas bkrus byas la// rgyan dang cha lugs ldan byas te// dkyil 'khor bskor zhing dbang bro brdung // zhu skyems drang zhing dbang bskur gsol// mkha' gsang gnyis sbyor dbang skur gsol// shes rab thabs ldan sbyor sgrol dbang // dpa' bo chen pos bka' stsol cig/ gsang bdag rdo rje 'dzin rgyal sku// ma rig rmongs pa'i yid ldan pas// shes rab mig gi dbang bskur gsol// rmugs shing myos pas sgra mi thos// gnyis med snyan gyi dbang bskur gsol// rnam rtog bdag tu 'dzin pa yis// rnam dag 'od gsal dri ma tshor// ye shes
- 113b
shangs kyi dbang bskur gsol// 'khor 'das gnyis 'dzin spyod pa yis// chos nyid dag pa'i ro ma myong // rang rig bcud ldan dbang bskur gsol// phyi nang yul la chags gyur pas// dbyings dang rig pa'i yul ma mthong // 'od gsal lus kyi dbang bskur gsol// dran pas kun du mtshon phyed pa'i// rang snang snying po'i don ma rtogs// lta ba rig pa'i dbang bskur gsol// de ltar slob bu dad ldan des// de skad brjod cing gsang dbang zhu// de nas rdo rje slob dpon des// gsang ba'i dbang nyid bskur ba yi// bu rnams gral du 'khod nas kyang // sbyor ba brda yis bskul bar bya// bsgrub pa'i yum gcig g.yon bzhag la// bdag nyid chas dang rgyan bgos la// dang po rdzas kyi dbang bskur bya// ye shes rnam dag 'od gsal chos sku'i dbyings// skye med rang gsal thugs rje'i dbyings las byang chub sems// dri med skyon bral rig pa zhi ba'i yab// stong pa nyid mtshon rgyu la byang chub sems// 'khor bar mi gnas ye shes rang snang sku la sna tshogs 'phros// dag pa'i rgyu mtshan bde ba'i thig le ste// chags la chags med dga' ba de'i dbang bskur ro// sarba d+harma rat+na tsan tra A// stong nyid dmar dang shes rab dbang gi sku// chos nyid mkha' mnyam snang srid shes rab yum// gsang sngags las byung thig le 'dren mdzad ma// rak+ta'i rang
- 114a
bzhin thig le 'dren mdzad ma// shes rab dril nas sku yi snang ba 'char// b+ha ga'i dbyings nas sprul pa dus gsum byung // chags med cha mnyam bde ba skyed par byed// yi ge muM ldan gsang ba'i rigs su snang // dbang gi rtags su 'od zer le brgan 'phros// rtog med shes rab dbyings las dbang bskur ro// oM muM su ra g+ha ya hUM/ skye med ro ldan mAM sa tshil chen bcas// rgyal ba kun dang skye med snying por mnyam// rig pa'i sku dang so so tha mi dad// dbyings dang mi 'bral shes rab pad+ma ldan// sgo lnga ma 'gags zhi gnas lhag mthong ste// bskyed pa ma yin rang byung rdzogs pa che// sna tshogs 'od 'phro longs sku nyid kyi lus// ma bsgribs dri med shes rab ye shes spyan// gsang ba'i mdzod 'dzin thugs ni tsit+ta'i ngang // mi dmigs stong gsal dran stong gnyis las 'das// gnyis 'dzin yul dag chos nyid dag pa'i snyan// 'khor ba'i skyon spong ye shes dri med shangs// the tshom gnyis bsal pad+ma dag pa'i ljags// skye ba rgyun bcad ye nas sku gsung thugs// ma skyes thig le'i ngang du dbang bskur ro// a yaM so ti ta a hUM AH stong pa nyid dang nam mkha'i skur mtshon te// stong zhing bdag med mtha' gnyis rnam par gsal// rgya ma chad pa'i ye shes bum pa'i sku// stong nyid dbyibs zlum ye shes thig le'i ngang // rgyud gsang rmad byung sku ni
- 114b
du mar ston// mtha' dang dbus med yangs pa snying po'i don// rang snang chos nyid ye nas gzung 'dzin bral// chos nyid las ni sku nyid so sor gsal// yang gsang don ston kha rgyan snying por bcas// dag pa nyid kyis dag pa'i snying por ston// bum pa'i gzugs la sku bzhi ye shes gsal// sku gsum stong pa'i mtha' gnyis rang snang ste// thabs mkhas ye shes sprul pa phyogs bcur 'gyed// tshig dang brjod bya gnyis las rab tu 'das// sangs rgyas dang ni rig pa stong nyid gsal// ye shes dang ni sku yang ma bsgribs gsal// chos nyid rang byung rtog med pas// mkha' klong dbyings su dbang bskur ro// oM laM du lang tri ta hUM/ de ltar rdzas kyi dbang rdzogs nas// yang dag dbang la 'jug par bya// yang dag dbang la 'jug tshe na// g.yon gyi yum la dmigs byas te// byang chub sems nyid 'dren pa'i phyir// b+ha ga'i nang du ri lu gzhug/ phyed 'dren na ni na gcig ste// lhag ma med par rdzogs byed na// che chung sran ma'i tshad du mnyam// des ni gnyis ka 'dren par byed// thig le zlog par byed pa na// yi ge 'bru bzhi dran par bya// dmar po rang la stim byed na// 'bru gnyis dgu dang bcas pa'o// de ltar dran zhing gsal byas nas// rdo rje chu 'thung zhes byar 'gyur// ril bu bcug la sbyar byas te// dkyil 'khor nub kyi phyogs dag tu// sgrub po
- 115a
yab yum sbyor byed pa'i// sbyor ba'i brda yis 'di skad bskul// ho bdag nyid las ni sna tshogs sdang / rgyal ba thams cad mnyam sbyor bas// mkha' las sems babs 'od du zhu// 'od 'phros sbyor ba'i brdas bskul lo// sa ma ya/ mnyam par sbyor cig rdo rje rgyal/ muM a/ bde gsal longs spyod chos kyi sku// gnyis med dbyings su brda sbyor 'khyud// muM AHbde ldan phun sum tshogs pa'i sa// rdo rje la ni ti pa ste// pad+ma la ni badz+ra hUM// sdoms shig stong nyid mu dra ste// bstims shig byang chub dbyings su bstim/ tra ta ma hUM lam/ de nas slob ma dad ldan gyis// me long ma chags ma gas par// byang chub sems ni lce yis blangs// blangs te slob dpon nyid la 'bul// de nas slob dpon gsang ba nyid// 'gying bag chas su zhugs nas ni// bu la gnang ba'i skabs phye ste// sta gon cho ga rdzogs byas la// dang po spyi gtsug/ dbang bskur te// ting 'dzin rim pa 'di lta ste// bu yi steng du bzhag pa'i tshe// rdzas de yi ge hUM du bsam// hUM nyid dmar rtsa dag tu bsam// de nas 'od zer rab 'phros pas// yi ge de nyid le brgan te// 'od zer phyogs bcur 'phros par bsam// de nas tshangs pa'i bu gar thim// dung khang 'bar bar babs pa bsam// hUM de'i 'od zer 'phros pa las// khro bo'i dkyil 'khor mgo la bsam// de nas chos nyid
- 115b
rtsar thim pas// hUM de 'od kyi thig ler bsam// de nas tsit+tar thim par bsam// hUM de sna tshogs 'od du bsam// de nyid las ni zhi skur bsam// thugs la dkyil 'khor rdzogs par bsgom// de nas yi ge hUM de yang // sgal tshigs nyid kyi rta brgyud nas// pho mo gang yin gsang gnas su// yi ge de nyid babs par bsam// brgyud pa'i dbang nyid ma rdzogs par// ye shes de nyid brtan par bsam// de ltar babs lugs rnam bzhi bsgom// de ltar ting 'dzin gsal byas la// byang chub sems kyi snod de yang // grub mchog dag dang ldan pa yis// gsang ba'i gnas su gzhag bya ste// byang chub sems ni mAM dang A// de nyid 'od du 'phros pa las// byang chub sems ni 'od du bsam// mAM dang a yis phul gyur nas// gsang ba'i mkha' la thim par bsam// hUM dang gnyis med 'khril bar bsam// gnyis med yi ge de dag ni// yaM gyis spangs dag rtsar bskyod nas// lte ba'i rtsa la thim par bsam// de nyid 'od du zhu ba las// gang dag skye med 'dod pa rnams// yi ge de yi byin brlabs las// skye ba'i sgo yang bcang bar bsam// gang dag bu dang tsha 'dod pas// de yi 'od dang zer ldan pas// dbang po'i dngas ma mig tu bsam// de la sha gzugs dod par bsam// de nas yan lag rgyas par bsam// srid pa'i sha gzugs dod pa'o// de nas
- 116a
tsit+tar brgyud par bsam// zhi ba'i sku la thim gyur pas// sku rnams 'od dang ldan gyur pas// yab yum sbyor ba byas par bsam// mkha' la sems dang 'od 'phros pas// lte ba'i sras la dbang bskur bsam// de nas yaM gyis bskyod nas ni// chos nyid stong pa'i rtsa bzhir hUM// thig le'i sku las 'od 'phros pas// dngas ma snyigs su phye gyur nas// dngas ma lnga yi 'od 'phros nas// yaM gyis dung khang nang du bskyod// de las 'od zer lnga byung bas// khro bo'i sku rnams 'od ldan bsam// hUM dang a gnyis rnam dag pas// khro bo yab yum sbyor bar bsam// de nyid thig le'i sems sbyar bas// byang chub sems ni 'od du zhu// de nas hUM gis mar bdas nas// srog pa rtsa yi rta brgyud nas// lte ba'i sras la dbang bskur bsam// thig le de la bstims nas ni// hUM de slar la log par bsam// hUM las sgra dang 'od byung bas// bu yi tshangs pa'i bu ga ru// hUM nyid 'od dang bcas par bsam// a nyid mi gnas byung ste gnas// muM gnyis rna ba g.yas g.yon no// de ltar yig 'bru rab gsal te// spyi gtsug hUM nyid der skur bsam// de las 'od 'phros dbang chen sku// yab yum bcas pa rab gsal bsgom// dbang chen yab yum sbyor bar bsam// byang chub sems nyid bab pa las// bu yi lus nyid thim gyur pas// lus nyid 'od du zhu bar
- 116b
bsam// de las stong nyid der skur bsam// chos sku'i sras su yang dag bsam// mig gi a nyid longs spyod sku// bcom ldan snang ba mtha' yas bsam// yab yum grangs med 'phros bsams te// dzaHhUM baM hoH'i brdas bskul nas// las kyi phyag rgyar bstim byas te// yab yum gnyis med bde ba las// mkha' la byang chub sems babs pas// lus dang dbang po tshims byas te// lus rnams 'od du zhu gyur te// longs spyod sku dang dbyer med bsam// longs sku'i sras su gyur pa'o// de nas mAM la dmigs byas te// mAM nyid 'od du zhu ba las// sbrul sku rdo rje 'dzin du bsam// de nyid 'od du zhu ba las// rnam snang mngon byang yab yum bsam// dzaHhUM baM hoH'i brdas bskul bas// las kyi phyag rgya bsdoms gyur nas// yab yum gnyis med sbyor bar bsam// mkha' las sems phab 'od 'phros pas// bu yi lus la thim gyur nas// lus ni 'od du zhu nas ni// dbang rdzogs mngon shes drug ldan pa'i// sbrul sku nyid kyi sku thob ste// sbrul sku rdo rje'i sras dbang thob// rdzogs sangs rgyas dang chos sku thob// de ltar dbang nyid rab rdzogs nas// rgyu ni rnam pa bzhi yin no// de nas sku gsum rdzogs pa'i dbang // rang byung dbang nyid rab tu rdzogs// sku gsum dbyer med thob pa'o// dbang bskur dkyil 'khor rdzogs byed na// dang po sbyor
- 117a
ba byed tshe nas// bdag dang bsgrub pa'i yum nyid kyi// spyi gtsug bde ba'i gnas su yang // yi ge 'di ltar bsgom par bya// yum la muM nyid mar po ste// yab la a dkar 'od 'phro'o// de gnyis 'od 'bar 'phro 'du las// tshangs pa'i bu gar thim par bsam// de nyid 'od du bsdus pa las// sa ma ya zhes sgra byung nas// dam tshig phyag rgyas 'khyud nas ni// yab yum gnyis med sbyar bar bsam// mkha' las byang chub sems babs pas// rtsa bzhi'i nang du thig le stong // de las gzi ldan 'od 'phros pas// thig le dngas snyigs phyed nas ni// dngas ma 'od zer rnam lnga ste// snyigs ma dkar po'i thig le'o// dngas ma tsit+ta'i nang du babs// de las 'od zer rab 'phros pas// dngas ma sid ti'i sgras byung bas// zhi ba yab yum brdas bskul bas// chos kyi phyag rgyas 'khyud nas ni// yab yum gnyis med sbyor bar bsam// byang chub sems nyid babs pa las// 'od zer sna tshogs 'phros pa yis// cha shas 'od zer thams cad kyang // sgal tshigs thig le dag la thim// las kyi rlung gis ded nas ni// sgal tshigs nyid kyi rta brgyud nas// gsang ba'i mkha' la babs gyur nas// bdag nyid sbyor ba'i brdas bskul te// chos kyi phyag rgyas 'khyud byas te// yum gyi bskyod bzhis bde ba bskyed// yab yum gnyis med lhun sbyar
- 117b
te// bde gsang chos nyid dbang bskur ro// snying po'i sku yang des thob bo// dang po'i skas su shes par bya// de ltar dbang bskur rdzogs nas ni// sbyor ba'i dbang bskur 'di ltar brjod// rigs nges bstan pa'i tshig 'di brjod// 'di ni rigs nges rgyal ba'i sras// e ma ho/ de ring phan chad rgyal ba'i sku// 'di ni sangs rgyas nges pa'i lam// sku gsum 'bras bu rang snang ste// phyin ci ma log dbang thob nas// sangs rgyas kun dang dbyer med mnyam// rdzogs sangs rgyas pa'i sku thob pas// phyir mi ldog pa'i sa yang thob// gdod nas ma chags snying po'i don// snga ma khyod kyis ma thob ste// dus 'di nyid du thob pas na// de ring phan chad rdzogs sangs rgyas// yang dag nges pa'i sa thob pas// sangs rgyas kun dang mnyam par sbyor// thig le nyag gcig dbang thob bo// lnga gsum dgu la rdzogs pa'o// rdo rje 'chang gi gral thob pas// de la lhun gyis gnas par spyod// bdag gis sras su byas nas ni// sangs rgyas nyid dang mnyam pa yi// rab tu dgyes pa'i dbang thob bo// a ma sra mong stan pa shaN+Da hUM/ a ldan byang chub sems kyi rang bzhin dkar la dngas// mAM ldan byang sems dmar dang 'od zer 'phros// gnyis med sku yang rab tu gsang ba'i thig le ste// sku gsum yon tan byang chub sems mnyam pas// byang chub snying po sku
- 118a
ma lhun grub sku// tha dad mi 'byed chos sku stong bdag med// dkar dang dmar dang shes rab thabs mkhas sku// chos nyid stong pa mkha' khyab kun la rol// chags med chags pa'i tshul bstan byang chub nyid kyi sku// mtshan ma spros bral gsang ba'i yum gyi dbang // thabs mkhas thugs rje chen po yin pas na// deng nas bzung ste rgyal ba'i sras su'o// oM bo d+hi tsit+ta i ba ke ya A/ e ma ngo mtshar blta ba'i dkyil 'khor che// dkyil 'khor nyid la dkyil 'khor nyid bstan pas// sngon chad ma btsal deng nas bdag gis shes// rang gi rang bzhin yin par de shes pas// gzhan nas ma btsal phyi nang dbang thob pas// gsang ba'i dbang dang yongs rdzogs dus 'dir thob// dpa' bos gnang bas bka' drin rab tu che'o// ha ha he he rig nges so// a a i i ngo mtshar ro// dbang rdzogs yon yang 'bul bar bya'o// slob dpon nyid kyis da la bsdu'o// zhes rdzogs pa rang byung chen po'i rgyud las/ gsang ba mkha' dbyings bum pa'i dbang bskur ba'i le'u ste nyi shu rtsa gcig pa'o// rdzogs so//
- 118b
rgya gar skad du/ dar sa ya sing a nu bu nA ma/ bod skad du/ rdzogs pa chen po rang snang gi dbang zhes bya ba/ bcom ldan 'das rdo rje snying po'i sku la phyag 'tshal lo// de nas de'i tshe/ dur khrod chen po'i gnas su/ 'khor bsam gyis mi khyab pa'i tshogs 'dus te/ gsang ba'i bdag pos 'di skad ces gsol to// kye kye bcom ldan rdo rje 'chang // blo 'das rdzogs pa chen po dbang // gang gis 'thob par 'gyur ba lags// 'dus pa'i tshogs la bka' stsol cig/ de nas snying po byang chub skus// nye ba'i 'khor la bka' stsal pa// kye ma nyon cig rdo rje 'dzin// yang dag nges pa'i lung 'di yis// rdzogs pa chen po'i gnas lugs ston// kye ma ngo mtshar bstan pa yis// rdzogs chen sku yang 'dir bstan gyis// 'dir ni nges pa'i rgyal po thob// khyad par dbang rdzogs byed pa na// shin tu dben pa'i gnas nyid du// dkyil 'khor 'dom gang tshad du bya// dri sna lnga yi chag chag gdab// thig gdab tshon ni dgye bar bya'o// pho brang zlum po dag tu bya'o// de nas phyi rim 'khor lor bskor bya ste// mthing ga la sogs rim lnga bya// lte ba la yang bum pa ste// bum pa'i phyogs bzhir bum pa bri// zlum po de yang bum pa bri// de yi phyi rim dag tu yang // 'khor lo lnga rim dag tu bya// 'khor lo de yi dbus su yang // phyogs su bum pa re re bri// de ltar
- 119a
dkyil 'khor nyid bris te// steng du rdzas nyid dgram par bya// bum pa'i steng du bum pa re// mgul chings rgyan dang bcas pa'o// de nas dkyil 'khor nyid phrab ste// de yi steng du dar gyi gdugs// sna tshogs mdzes pa dag gis 'bub// nges pa'i rgyal po thob bya'i phyir// mda' dang me long dar sna'o// de ltar rdzas rnams rdzogs byas la// dbang bskur las kyang rdzogs par bya// de nas chos nyid stong pa yi// rdzogs chen bzhi yi dbang rdzogs bya// sku gsung thugs dang mi 'byed par// yang dag gsang ba'i dbang rdzogs nas// rdzogs pa nyid kyang dbang bskur phyir// bu nyid dad dang ldan pa des// dri sna lnga yis lus bkrus te// rgyan dang cha lugs mdzes rgyan te// zhu ba'i tshig rnams rdzogs par bya// de nas slob dpon gsang ba yis// rang gi rgyan cha mdzes gon la// 'gying ba'i stabs kyis gar byas te// dam ga chu bo byin nas ni// ye shes dag pa'i dbang bskur bya// 'di yi thams cad grol bar gsungs// yang dag gsang ba'i rdo rje rigs ldan pas// mtshan ma'i skon bral ye shes chen por sbyor// shar nyid nas kyang shar med yang dag rig pa che// chos kyi sku las chos sku'i snying po yang gsang ste// bsgrub med bsgrub pa'i dkyil 'khor zhal phyes te// blta med lta ba'i 'od snang chos skur bstan// chos med chos kyi sku dang
- 119b
mnyam par sbyor// thabs kyi mdzad pa ci yang mdzad// chos sku skye med rdo rje nyid du dbang bskur ro// oM lang sta na badz+ra shra d+ha ya/ yang dag spros med rin chen phung po ltar// rdzogs sangs rgyas dang gnyis med yul las 'das// 'od gsal spros bral blo yi yul las 'das// chos med bag chags thams cad sreg byed pa'i// byang chub snying por sprul pas dbang bskur ro// swa ta tra thar mang / yang dag nyid du sku las snang mtha' yas// rig pa'i sku la mdun dang rgyab med dang // shes rab rang byung sku ni tha mi dad// sangs rgyas rnams kyi 'od 'dis dbang bskur ro// tra tha rat+na a b+hi laH/ dri med rang gsal don nyid grub pa ste// yang gsang thugs kyi nyi ma'i 'od zer stong // byang chub sems ni bya ba ye nas rdzogs// rnam dag med kyang ngang du dbang bskur ro// a bu so tri ya hUM/ de ltar yang dag dbang rdzogs nas// bsgom pa'i rim pa 'di lta ste// shar phyogs chu yi bum pa blang byas te// spyi bo'i gtsug tu bskur byas la// 'bras bu grol lam dbang thob ste// rdzogs sangs rgyas dang dbyer med mnyam// mnyam pa 'di yi dbang thob ste// 'di ltar bsam rdzogs dbang bskur bya// bum pa nyid la hUM bsam ste// hUM nyid 'od du zhu ba las// bum pa nyid la khro skur bsgom// de yis dbang bskur las rdzogs bsam// lho phyogs bum pa mgrin pa
- 120a
ru// AHnyid 'od 'phros thig le'i sku// de las gong ltar dbang bskur bsam// nub kyi lte ba'i gnas su bskur// yi ge sna nyid 'od zhu bas// skye ba med pa'i dbang bskur bsam// byang phyogs gsang ba'i gnas su'o// hA las 'od 'phros dga' bde'i dbang // dus de nyid du thob par bsam// dbus kyi bum pa thugs ka ru// oM las 'od 'phros zhi skur bsam// zhi ba'i sems la dbang thob bsam// de ltar ting 'dzin rdzogs par bya// e ma ho// stong pa nyid kyi sku gsum ma spangs rdzogs// rang gsal yid 'ong 'od 'phros chos sku'i ngang // mkha' mnyam snying po ye shes chos sku kun 'byung klong // sku gsum ma bskyed chos nyid dbyings su rdzogs// rgyu med rkyen bral rdo rje sems dpa' che// rdo rje sa 'dzin blo gros mtha' yas shing // rdo rje sku 'bar ye shes lhun rdzogs brjid// rdo rje sems dpa' yab yum dkyil 'khor che// rdo rje 'byung po ro langs kun gyi bdag/ rdo rje mda' 'phen shes rab mtshon cha ste// rdo rje yangs pa dbyings la gar bsgyur zhing // rdo rje'i sku nyid yangs pa che/ mtshan ma med pa rdo rje'i sku// bum pa rdo rje thabs stobs che// sku dang thugs ni rdo rje'i bdag/ yang dag rdo rje kun 'byung lam// yang dag nges pa'i rdo rje 'dis// thams cad dbang gi rdo rjer bstan// dbang nyid las ni rdo rje 'phro// rdo
- 120b
rje dbang gi rang bzhin las// rdo rje gsang ba'i rgyal mtshan las// gsang sngags rdo rje'i dbang thob ste// deng nas bzung nas rdo rje'i sku// rdzogs sangs rgyas pa rdo rje'i gsung // deng nas bskal pa stong du yang // mi 'jig brtan pa rdo rje thob// rang rig brtan pa rdo rje'i sku// sku dang ldan par ma gyur par// sku gsum bstan pa'i dbang thob nas// 'gyur ba med pa rdo rje'i thugs// 'khrul pa spang bas yang dag thugs// chos kyi sku dang yang gsang rdor// mkha' gsang gtsug gi nor bu ste// chos dang chos las rab 'das pa'i// chos nyid dbang yang der thob bo// zhes rdzogs pa rang byung chen po'i rgyud las// rdzogs chen rang gi lta ba bstan pa'i le'u ste nyi shu gnyis pa'o// // rdzogs so// / @#// rgya gar skad du/ kA ya tsakra rat+na a sha na ma/ bod skad du/ 'khor lo rin po che sku ltar bskur ba zhes bya ba// bcom ldan 'das rnam par snang mdzad la phyag 'tshal lo// de nas 'dus pa'i 'khor bsam gyis mi khyab pas/ bcom ldan 'das de dag la 'di skad ces zhus so// kye kye bcom ldan rnam grol bdag/ 'khor ba'i sems can 'di dag rnams// 'khor ba nyid las bsgral ba'i phyir// dkyil 'khor lha tshogs thams cad kyi// sku yi dbang bskur ci ltar lags// rdo rje 'dzin pas bka' stsol
- 121a
cig/ de nas mos 'khor de dag la// rdo rje 'dzin pas bka' stsal pa// e ma rdo rje gsang bdag nyon// nga yis legs par bstan par bya// stobs dang ldan pa'i sems kyis nyon// sku yi dbang bskur byed tshe na// shin tu dben pa'i gnas dag tu// dkyil 'khor 'dom gang gru bzhi la// dri sna lnga yi chag chag gdab// thig gdab tshon yang dgye bar bya// de ltar byas pa'i stong nyid du// dbus su rin chen bum pa zlum// kha rgyan mgul chings bcings pa bzhag/ nas kyi steng du de bzhag ste// rigs lnga'i sku yang de bzhin bltas// shar nyid du yang bum pa ste// rigs gsum sku dang gos dkar can// legs par phyogs su dgram par bya// lho nyid du yang bum pa ste// rig gser phreng dang tshe dpag med// pha rol phyin dang sman gyi bla// lho yi phyogs su de bzhin gzhag par bya// nub tu yang ni bum pa ste// rigs lnga khro sku rnam par bzhag/ byang gi phyogs su bum pa ste// sgo ba bzhi ni phyogs phyogs bzhag/ byang shar mtshams su bum pa ste// rigs gsum khro dang rnam 'joms so// shar lho mtshams su bum pa ste// rnam 'dzin zhal dang stobs drug dang // gshin rje zhags pa stong thogs kun bzang ngo // lho nub mtshams su bum pa ste// rigs lnga'i yum ni de bzhin bzhag/ nub byang mtshams su bum pa ste// kro ti shwa ri lnga nyid do// phyogs
- 121b
bzhi mtshams dang brgyad du'o// de yang bkra shis nas ni re re'o// bum pa de dag re re'i rtsar// phud dang bcas pa'i gtor ma re// mkhas pas rab tu gzhag par bya// b+han+da mtshan ldan de bzhin no// de ltar rdzas rnams bshams nas ni// dbang bskur cho ga rdzogs par bya// de nas 'di skad brjod bya zhing // gsal ba gsum dang ldan pa'o// ting 'dzin rgyal po bsgom bya zhing // tshig dang bcas pas sku de dag/ rang rang gnas su bskur bar bya// hUM lnga ldan rdo rje 'bar ba'i dkyil 'khor du// rdo rje 'du 'bral med pa'i skur gsal las// gsang bdag rdo rje rigs kyi dbang bskur zhing // rdo rje 'dus pa'i sras su dbang bskur ro// dkyil 'khor lnga dang sku dang ye shes dang // dus dang gnas dang tshig dang rdo rje yi// gsang ba bde ldan rdo rje gar gyi bdag/ bdag dang gzhan dang sku lnga mthar phyin nas// mi 'gyur gsang mchog dgyes pa'i gad mo che// rig dang stong dang bya dang byed pa'i stobs// chos dang gnas dang sems dang yid la bskul// a la la ho rdo rje mos pa rtsal// rigs dang sa dang rdo rje drag po rtsal// dkyil 'khor mchog ston rdo rje bzhad pa rtsal// stong dang dgyes mchog rdo rje 'od 'bar rtsal// chos nyid rang snang rdo rje gter dbang rtsal// dkyil 'khor yang gsang rdo rje rab bsngags rtsal// dmar ldan yid 'phrog rdo rje
- 122a
gsung thob rtsal// dkyil 'khor rgyas mdzad dkyil 'khor rig 'dzin rtsal// e ma ho// he he ti sta rdo rje gsang mchog khyod// dbang ldan dbang gi rigs ldan rigs mchog ste// 'bar ba 'od 'phro 'khor lo'i gzhal yas su// bde ldan dbyings mchog sku lngas dbang bskur ro// chos nyid dbyings la rig pa'i dbyings shar bas// mthong ba nyid dang ye shes thabs kyi sku// tsit+ta rin chen 'khor lo'i gzhal yas su// bde mchog thugs kyi 'khor lo'i dbang bskur ro// bde ldan dbyings shar shes rab dbyings kyi ngang // gsal 'tsher lhun sdug rdo rje rab gsang 'bar// gsang ba'i mkha' dbyings b+ha ga'i gzhal yas su// chos nyid spros bral bde chen dbang bskur ro// rdo rje gsang ba bde mchog dbyings su sgrol// shes rab thabs ldan ka dag yangs pa'i ngang // sems dpa'i dkyil 'khor sems ma'i rang bzhin mchog/ chos rnams dmigs med rdo rje sems dpa'i sku// nam mkha'i mtha' las chos dbyings ro gcig tu// las rnams mthar phyin stong nyid gdal ba'i sku// sems dang stong nyid chos kyi sku la dbang // mtshan ldan srid skyed lte ba'i gzhal yas su// rdo rje las gsang thugs kyi dbang bskur ro// gsal ba rab brjid ye shes sems dpa'i ngang // shes rab 'od 'phro nyon mongs zil gyis gnon// rdo rje
- 122b
mda' 'phen shes rab dbyings su 'phen// dkyil 'khor mtha' sdud ye shes gsang ba'i bdag/ sangs rgyas lngar ldan thugs kyi cod pan can// rin chen rgyug byed rtsa ba'i gzhal yas su// mnyam nyid 'od 'phro chos sku'i dbang bskur ro// rdo rje bde ldan thugs kyi gsang mchog sku// yang dag gsang ba thugs kyi dkyil 'khor bdag/ gsang ldan dbyings dang ye shes 'od 'phro zhing // phyogs med rang snang chos sku'i dkyil 'khor bdag/ bde ldan chos dbyings gsang bar dbang bskur ro// gsang sngags sku dang yang dag mtha' 'das dang // sa rnams mthar phyin ye shes rnam par dag/ chos nyid snang stong ka dag nyid du snang // b+han+da gsal 'phro 'khor lo'i gzhal yas dbyings// rtog med bsam yas snying po lnga yi sku// rdo rje thugs kyi sras su dbang bskur ro// de ltar tshig don rdzogs byas nas// sngags dang phyag rgya 'di ltar bstan// mkhas pa ting 'dzin ldan pa yis// de ltar ting 'dzin ldan par bskur// rnam snang mngon byang phyag rgya yis// spyi gtsug gnas su rnam par bzhag/ oM AhUM swA hA/ bud+d+ha tsakra pa tsahUM hUM/ 'od zer 'phro 'du ldan pa yi// mngon byang sku dang dbyer med bsam// g.yas ni rdo rje rtse gsum tshul// g.yon na dril bu dkrol ba'i tshul// mgrin pa'i gnas su gzhag par bya// oM AHhUM swA ha/ badz+ra tsakra pa tsa hUM hUM/ lag
- 123a
gnyis mnyam par bzhag pa yis// thugs ka'i gnas su rnam par bzhag/ oM AhUM swA hA// rat+na tsakra pa tsa a b+hi Shiny+tsa dza a a a/ lag gnyis mnyam par bzhag pa yis// lte ba'i gnas su bzhag nas ni// de la yang ni 'di skad do// oM AHhUM swA hA// pad+ma sarba ku la na ha ha hUM a/ lag gnyis mnyam par bzhag pa yis// dpral ba'i gnas su gzhag par bya// oM AHhUM swA hA// karma duSh+TAn g+har any+tsa hUM kra b+ha rtsa ma hri hri d+hI/ g.yas pa ral gri'i tshul byas la// g.yon pa thugs kar rnam par bzhag/ oM AHhUM swA hA/ ma dzu ta snga badz+ra sid ti ha ha ha/ lag gnyis mkhrig ma bsnol nas ni// sna tshogs rdo rje tshul du bya// snying ga nyid du rnam par bzhag/ oM AHhUM swA ha/ oM nA ga lam badz+ra kro d+ha hUM hUM phaT phaT/ g.yas pa brkyangs te thugs ka ru// thal mo skyabs sprin tshul du bzed// g.yon pa brkyangs te de bzhin no// snying ga dag tu gzhag par bya// lag g.yas gur kyi tshul byas la// spyi gtsug nyid du gzhag par bya// oM AHhUM swA hA/ be shed swA hA hUM/ g.yas pas brdeg pa ltar byas la// snying ga'i gnas su gzhag par bya// oM AHhUM swA hA/ oM badz+ra d+h+r-ika/ sA rat+na d+h+r-ika/ pAM rA ga ra ti/ mAM mo ha ra ti/ AM A ro li ka/ badz+ra sa twa hUM hUM swA hA// rdo rje khu tshur bsnol byas la// snying ga'i gnas su gzhag par bya// oM AHhUM swA hA/ pra dz+nyA sarba hUM swA hA/
- 123b
a b+hi Shiny+tsa dza// rin chen sgrom bu ltar byas la// gsang ba'i gnas su gzhag par bya// oM AHhUM swA hA/ badz+ra A yu swA ha/ hUM hUM a/ lag gnyis pad+ma ltar byas la// snying ga'i gnas su gzhag par bya// oM AHhUM swA ha/ a mri ta ru pa ha la hUM/ g.yon pa sdigs mdzub phyag rgya yi// lag pa'i mthil du gzhag par bya// oM AHhUM swA hA/ a kro rat+na a b+hi Shiny+tsa A A/ g.yas pas se gol phyag rgya ni// lta ba'i gnas su gzhag par bya// oM AHhUM swA hA/ ha ya grI ba sarba ku la na si ti hUM/ lag gnyis khyung gshog ltar byas la// smin phrag nyid du gzhag byas la// oM AHhUM swA hA/ b+hu b+hu kro ta sarba kra tsam a b+hi Shiny+tsa hUM/ lag gnyis bum pa ltar byas la// dpral ba'i gnas su gzhag par bya// oM AHhUM swA hA/ kuN+Da li a mr-i ta karma hUM/ lag pa srin lag mtheb sbyar la// lce yi steng du rnam par bzhag/ oM AHhUM swA hA/ badz+ra kril h+ya si s+ya n+ya b+hum phaT// g.yon pas lcag kyu'i phyag rgya yis// snying ga'i gnas su bzung byas la// oM AHhUM swA hA/ dza ba rgya phaT phaT swA hA// lag gnyis zhags pa'i phyag rgya yis// mig gi g.yas su reg byas la// oM AHhUM swA hA/ badz+ra sing ha phA la yA/ b+ho ti ho ho ho// lag gnyis 'khyud brgyud sgrog bsdams la// dpung pa g.yon du gzhag par bya/ oM AHhUM swA hA/ oM mang du sa ya hUM a ho// g.yas gdengs g.yon skum khu tshur gyis// snying ga nyid du bstan
- 124a
byas la/ oM AHhUM swA hA// g+ha na badz+ra ka pa tsa hUM hUM/ lag gnyis dgra sta'i phyag rgya yis// pus mo g.yon du gzhag par bya// oM AHhUM swA hA// ka la hri sti ku la na n+ye phaT phaT swA hA/ lag g.yas mgo'i phyag rgya yis// spyi bo'i gtsug tu gzhag par bya// oM AHhUM swA ha// pad mAn+ta kr-id hUM kha ya swA hA// g.yas pa rtse gsum phyag rgya yis// lag gnyis bum pa ltar byas la// spyi gtsug dag tu gzhag par bya// oM AhUM swA ha tsan badz+ra na ye h+ye h+ye phaT phaT swA hA/ lag gnyis gzhu 'gengs tshul du bya// g.yon gyi mdzub mo sna rtser bzhag/ oM A hUM swA hA/ badz+ra kun re ser ser hUM swA hA/ lag g.yon lcag klu'i phyag rgya yis// snying ga nyid du bzung byas la// oM AHhUM swA hA/ badz+ra du shan kA ya badz+ra hUM hUM/ lag gnyis thod phreng phyag rgya yis// spyi bor gtsug tu gzhag par bya// oM AHhUM swA hA/ badz+ra ma 'dzu ka Ta ra ma su d+ha hUM hUM/ lag gnyis mnyam par bzhag pa yi// mgrin pa'i gnas su gzhag par bya// oM AHhUM swA hA/ si la si hUM A/ lag gnyis se gol bsnol ma yi// rtsib logs g.yas su gzhag par bya/ oM AHhUM swA hA/ ma nu pa ri sha A b+hi Shiny+tsa hUM oM/ g.yas pa'i mthab mas g.yon mdzub mnan// rtsib logs g.yon du gzhag par bya// oM AHhUM swA hA/ a la hri a b+hi Shiny+tsa A// g.yas pa ral gri lta bu yi// lce yi steng du gzhag par bya// oM AHhUM
- 124b
swA hA/ mAM b+h+rUM a b+hi Shiny+tsa oM hUM// lag g.yon dag gis sor mo ni// mthib dang mdzub dang mthe'u chung sprad// lhag ma gnyis ni bsgreng bar bya// g.yas pas thal mo gdengs pa yis// lhag pa'i khung du gzhag par bya// oM AHhUM swA ha/ sti mi sarba a b+hi Shiny+tsa swA ha/ lag pa rtse gsum bsgreng ba yis// rna ltag gnyis su bzhag par bya// oM AHhUM swA ha/ badz+ra pun ha a b+hi Shiny+tsa swA ha// lag pa mthe bong bsgreng ba yis// rna ltag g.yon du gzhag par bya// oM AHhUM swA hA/ mu tha shi a b+hi Shiny+tsa a/ lag g.yon mthe'u chung mdzub brkyangs te// lkog ma'i gnas su gzhag par bya// oM AHhUM swA hA/ muM laM haM ti la ri a b+hi Shiny+tsa A/ lag gnyis pad+ma ltar byas te// nu ma g.yas su gzhag par bya// oM AHhUM swA hA/ sa lam kro ti a b+hi Shiny+tsa a/ lag g.yon rtsibs bzhi ltar byas la// mtshogs ma'i steng du gzhag par bya// oM AHhUM swA hA/ b+hi shir a b+hi shi ti na sha A/ lag gnyis sor mo bsnol byas te// spyi gtsug steng du gzhag par bya// oM AHhUM swA hA/ b+hi sha stan ta sha ra a b+hi Shiny+tsa A/ skyob pa mthar phyin sngags ldan pa'i// bde gshegs dbu yi dbang bskur ni// bkra shis gdugs la brten byas nas// der mchog bu la gnas par gyis// oM AHhUM swA ha/ pi bag g+ha ya si a b+hi Shiny+tsa A/ lta byed ma 'gags don mtshon pa'i// bde gshegs spyan gyis dbang bskur ni// bkra shis
- 125a
nya la brten nas ni// deng mchog bu la gnas par gyis// oM AHhUM swA hA/ pra ni pa ya ba thu ga ba a b+hi Shiny+tsa A/ sgra byed pha rol sgrol la mkhas// sangs rgyas ljags kyi dbang bskur ni// bkra shis pad+ma la brten nas// deng mchog bu la gnas par gyis// oM AHhUM swA hA/ ti ka ta yi si a b+hi Shiny+tsa A/ chos rnams lam byung chos dbyings zlum// sangs rgyas mgur gyi dbang bskur ni// bkra shis bum pa la brten nas// deng mchog bu la gnas par gyis// oM AHhUM swA hA/ tiSh+Tha kA la sha a b+hi Shiny+tsa A/ mi nub rgyal mtshan chos sku'i don// sangs rgyas rnams kyi sku yi dbang // bkra shis rgyal mtshan la brten nas// deng mchog bu la gnas par gyis// oM AHhUM swA ha/ b+hi shad d+he a ya a b+hi Shiny+tsa A/ sgra dbyangs rtog med don mtshon pa'i// sangs rgyas rnams kyi gsung gi dbang // bkra shis dung la brten nas kyang // deng mchog bu la gnas par gyis// oM AHhUM swA hA/ pi kra ya r+g+ha a a b+hi Shiny+tsa A/ gsal 'od ldan pa dpal be'u'i zugs// sangs rgyas rnams kyi thugs kyi dbang / bkra shis dpal be'u la brten nas// deng mchog bu la gnas par gyis// oM AHhUM swA hA/ tsit+ta ya a b+hi Shiny+tsa A/ thogs med myur mgyogs 'khor lo'i zhabs// sangs rgyas rnams kyi zhabs kyi dbang // bkra shis 'khor lo la brten nas// deng mchog bu la gnas
- 125b
par gyis// oM AHhUM swA hA/ tsakra pu la b+hin ku a b+hi Shiny+tsa A// dbang dang ldan pa'i dkyil 'khor ni// dbang mchog rdzas byin byas nas ni// dkyil 'khor thams cad rdzogs byas te// dad ldan 'khor la rdzogs bya ste// bde ldan gsang mchog bde ba'i dbyings// yang gsang thugs kyi rdo rje mchog/ sangs rgyas kun dang mnyam sbyor bas// mkha' la dbyings ldan thams cad du// bdag gis dbang mchog bskur ba bzhin// deng nas bzung ste thob par shog/ thob nas 'gyur med brtan par shog/ yang dag gsang ba'i don ldan des// 'jig rten pa yi sku gsung thugs// deng nas bzung ste ma btang zhig/ e ma sangs rgyas kun gyi dngos// rdo rje 'chang chen ma btang bar// thugs kyi dkyil du legs par zung // a la la ho rdzogs sangs rgyas// bdag gis deng nas bzung nas ni// bskal ba brgya stong bar du yang // bdag gi stong pa nyid kyi sku// nam du yang ni mi btang ngo // de ltar dbang rdzogs byas nas ni// phyag rgya sngags dang bcas pa rnams// sku yi bar du bskur nas ni// gsang sngags ldan pas rdzogs par bya// che gsang chen po 'di bshad pas// thams cad rdzogs sangs rgyas kyi sku nyid thob// de ltar gnyis med lam mchog ni// sangs rgyas rnams kyi ye shes thugs// 'di ni nges pa'i yul yin pas// thabs dang ldan pa'i yul yang
- 126a
yin// yi dam sems kyi dkyil 'khor nas// chos kyi sku dang dbyer med pas// gnyis su med pa thob bya'i phyir// 'di ni nges pa'i rgyud chen gsang // bde mchog nges pa'i rgyal pos bshad// gsang ba'i gsang mchog nges pa'i lung // dbang dang ldan pa'i dbang nyid ni// rdzogs pa'i sangs rgyas rnams kyis gsungs// sangs rgyas rnams kyi sku gsung thugs// rdo rje gsang ba'i las 'di'o// chos nyid gsang ba'i legs pa'i lam rgyan ni// sku dang rdo rje yid bzhin nor bu'i klong // rdo rje sems dpa'i sku gsung thugs// mdor bsdus dbang chen nyid kyis bshad// ces rdzogs pa rang byung chen po'i rgyud las/ 'khor lo rin po che ltar bkod pa'i le'u ste nyi shu rtsa gsum pa'o// rdzogs so// // @#// rgya gar skad du// rat+na a b+ho Shiny+tsa a nu tsakra pra se nA ma/ bod skad du/ dbang rin po che 'khor lo rnam par bshad zhes bya ba/ bcom ldan 'das pad+ma dbang la phyag 'tshal lo// de nas pad+ma dbang chen la// gsang ba'i bdag pos 'di skad gsol// kye kye bcom ldan dbang chen sku// gsang ba'i dbang gi rnam pa'i tshom// dbang chen nyid kyi bka' stsol cig/ de nas phyag na rdo rje la// gsang ba'i gsang bdag chen po yis// gsang ba'i dbang ni 'di skad bshad// kye rdo rje 'dzin pa nyon cig/ ngas
- 126b
bstan legs par yid la zung // dbang gi rnam pa bshad bya yi// dkyil 'khor tshon dang rdzas rnams bshad// sku gsung thugs dang tshon yig bshad// phyi dang nang dang gsang ba bshad// yongs su rdzogs pa chen po bshad// phyi ltar bshad pa 'di lta ste// dkyil dang 'khor dang b+han+da dang // dkyil ni dbang gi gzhi yin la// 'khor ni dbang gi lam yin no// b+han ni 'dzin pa'i don yin la// d+ha ni gsang mchog bde ba'i gnas// sku ni sprul pa'i gsang mchog ste// rdo rje thugs kyi don yin no// dril bu rtogs pa mchog gsang yin// spyan la dbang ni bskur ba ni// thugs gsang rdo rje'i sku thob yin// dri med spyan ni rnam pa lnga/ mi rtog thob pa the tshom med// rdo rje las kyi chu nyid ni// rgyu gcig 'bras bu khyad par che// gnyis su zad cing brtags pa gnyis// 'khor dang mya ngan 'das pa'o// dgongs su gsol ba'i tha tshig ni// thob pa'i rgyud dang blang zabs so// snyan gyi dbang dag bskur ba yang // thogs med snyan ni rnam drug gis// don dang las ni rdzogs pa'o// shangs la dbang ni rdzogs byed pa// dri ldan mtshan ma gsum thob ste// gnas byed ljags la dbang ba na// ro ldan 'bras bu brgyad thob po// de ltar rdzogs byed dbang gi tshig/ mkhas pa yis ni rdzogs par bya// 'dus pa bzhi yang rdzogs pa ste// med pa bzhi yang thob pa ste// snang ba
- 127a
gsum la dbang bskur thob// rdo rje gsang thob drug thob ste// 'dzin pa bcu las rnam par thar// stong pa nyid ni rnam gsum rdzogs// stong pa'i yul ni gzhi dag la// rang dbang nyid du bskur dbang thob// log pa nyid las rnam par grol// sa mchog bcu gcig yongs su rdzogs// mtshan ma bcu drug zil gyis gnon// gcig las 'bras bu rnam gsum thob// gnyis rdzogs sa la rnam par gnas// mchog tu ldan pa gsum yig yin// bya bral theg pa gsum thob ste// skye med 'khor lo drug kyang bskor// ting 'dzin drug la dbang bsgyur zhing // sdug bsngal gsum las rnam par thar// byed pa'i sbyor ba shin tu thob// khams lan gsum las ni rnam par brgal kyang byung / gsum las ni rnam par rgyal// 'dus pa'i rtsa ni stong phrag las// bde ba'i rlung ni brgyad cu thob// 'tsher ba'i thig le rnam dgu las// stong pa'i bde ba bco brgyad thob// gsang ba lus ni gsum dag la// brten pa'i 'bras bu bcu bdun no// gsang mchog bde ba gnyis las ni// 'dod pa'i 'bras bu drug thob bo// rigs ni rnam pa drug dag las// so so'i mtshan nyid bcu gnyis thob// stong nyid shes rab bdun las ni// zad ka'i 'bras bu bdun thob po// gsang ba'i dkyil 'khor bcu dgu las// mun pa bcu gcig rnam par sangs// rig pa rtsal dbang bco
- 127b
brgyad las// snang ba 'char tshul bco lnga thob// sbyor ba'i mtshan yig drug cu las// phyag mtshan drug cu rtsa gnyis gsal// lha yi mtshan ma drug cu gnyis// sku gsung thugs dang bcas pa gsal// gnyis dang gnyis las bzhir 'gyur dang // phyed phyed drug pa sum cu bdun// lhag ma lhag ma dang po'i bdun// drug tsho dag la bdun 'gyur ro// brgyad cha la ni sa bon dngos// drug cu gnyis ni rnam par gsal/ phyag rgya rnam pa bzhi ldan las// bde gsang phyag rgya bzhi gnyis thob// mtshan med sku ni rnam drug las// sems kyi dkyil 'khor rnam lnga rdzogs// ka li yi ge bzhi bcu las// mtshan ma'i dbang ni bzhi gnyis thob// rtags kyi phyag rgya bdun las ni// dbang chen 'khor lo rnam gsum thob// gsung gi 'khor lo sum cu las// thugs kyi ting 'dzin lnga bcu thob// gsang ba'i sbyor thob drug las ni// yab yum bde ba sum cu thob// don gyi snying po so gcig las// rtags kyi phyag rgya nga gcig thob// bsgral ba'i yan lag bcu dgu las// thugs ldan dkyil 'khor brgyad cur snang // nyi zla gnyis ni sum 'gyur las// sku gsum 'bras bu brgya 'gyur thob// cho 'phrul brgyad cu rtsa lnga las// yi dam sum cu rtsa gnyis snyed// stong rig gsal ldan nyi shu la// rtogs pa'i 'bras bu bcu gnyis thob// khyab byed rlung ni lnga dag las// skye
- 128a
med 'bras bu gsum yang thob// rtog pa med pa chos kyi sku// rnam pa drug ni 'dir snang ste// thabs ldan bde ba nyi shu thob// gsang ba'i ngo bo gsum la ni// stong pa nyid kyi chos lnga rdzogs// sa bon 'bras bu drug las ni// zad ka'i 'bras bu rnam drug bzlog/ stong pa'i mtshan ma bsam yas las// mtha' bzhi bral ba'i dri med thob// shes rab rnam pa bzhi dag gis// mun pa'i rgyu ni rnam drug bcad// phyogs mtshams bum pa brgyad kyis ni// rnam thar stong pa bcu drug thob// gsang ba'i skur thabs 'di dag las// yon tan 'bras bu brgya rtsa thob// phyin pa'i blta ba rnam bzhi las// drod rtags bzhi bcu rtsa gnyis rdzogs// sku yi rang bzhin lnga dag las// mthong ba'i skyes tshul gsum yang thob// snang ba rnam pa bzhi dag las// mthong ba'i thabs ni so sor thob// 'dir snang gcig las ma 'das tshe// bden pa'i khyad ni re re las// yul ni so sor gcod par nges// 'bras bu'i snang ba skyes tshul thob// bar gyi snang ba dang po las// mthong ba'i yul ni re re ste// 'jug dang grol ba'i dus gsum thob// smin pa'i 'bras bu yid ches gsum// bar gyi snang ba tha ma la// 'jug pa'i snang ba so so drug/ mthong stong lam yang de bzhin te// mun pa'i 'khor sgo drug las thar// phyed phyed 'das
- 128b
pa'i mtshams 'jug tshe// sprul pa'i rgyu ni rnam gnyis thob// lnga brgya dag na grol bar nges// gsung mchog gsung ni drug phrag bdun// ma bcos rgyu lnga las 'phros nas// bzhi ni rnam par bcad byas nas// 'khrul pa bzhi las rnam par thar// A li sgra bsgyur stong phrag las// 'jug pa'i sa bon bdun nyid dang // mthar phyin nges pa'i sa la thob// gsang ba'i phyag rgya dgu las ni// skye med mtshon pa dgu 'thob bo// e ma ho mgon po rdzogs sangs rgyas// thob byed sdom pa bshad du gsol// rdzogs sangs rgyas kyis bka' stsal te// kye ma nye dbang gsang ba'i bdag/ thob byed rtags kyi 'bras bu las// thabs ni rnam pa sdom ste bshad// smin par byed pa drug tshe na// gzhi dang bzhengs dang bzhag pa dang // yongs su grol pa bzhi yin no// rdzogs pa'i stong pa brgyad tshe na// khregs chod thod rgal gnyis yin no// mtshan ma bzhi bcu'i tshe na ni// rgyas 'debs rang grol gnyis yin no// rtags kyi 'bras bu drug tshe na// dngos dang mtshan med gnyis yin no// rab tu bskur dang rdzas drug che// stong pa rang gsal skyed gsum yin// phyag rgya rnam pa bzhi tshe na// stong dang mtshan ma rgyas 'debs so// gnas pa drug gi tshe na yang // bzhag thabs rnam pa bzhi yin no// mtshan ma gnas bsgyur gsum tshe na// thar chags skad cig gnyis
- 129a
yin no// bum pa brgya rtsa'i tshe na yang // thig le gcig dang stong nyid do// lus kyi gnas lugs bzhi che na// rtsa dang rlung dang thig le'o// 'bab lugs rnam pa bzhi chen// yi ge dgongs pa 'od zer ro// rgyud pa rnam pa bzhi tshe na// dam dang chod dang chen las so// sgrub thabs rnam pa bzhi tshe na// thabs dang rgyu dang yon tan no// rdzas ni rnam pa bzhi tshe na// bde 'khor chos dang longs sprul lo// ting 'dzin rnam pa bzhi tshe na// rdzogs dang yan lag ma yin no// thob lugs rnam pa bzhi tshe na// ngo dang chos dang longs sprul lo// yon tan rnam pa bzhi tshe na// stong dang gsal dang bskur gnas so// bskur ba'i gnas ni bzhi tshe na// bstim dang thim dang thob de mthong // ma bskur skyon ni bzhi tshe na// sdug dang sngangs dang brid rtab bo// gsang ba rnam pa bzhi tshe na// thabs dang rgyu dang yon tan no// 'byung ba rnam pa bzhi 'tshar na// 'byung dang stong dang gsal 'tshar ro// rtogs lugs rnam pa bzhi tshe na// 'gul dang 'phrigs dang ldem me'o// 'bras bu rnam pa bzhi tshe na// stong dang snang dang gsal phyin no// thugs rje rnam pa bzhi tshe na// 'phro dang mched dang sku rdzogs pa'o// med pa'i lam ni bzhi tshe na// 'char dang 'gags dang 'phrog gnas so// thob dang rgyu mthun rnam bzhin// skye dang 'chi dang na bral lo// ma bskur rdzogs pa bzhi tshe
- 129b
na// khregs chod thod rgal rang bzhag go/ rtsal las shar lugs bzhi tshe na// zad kar rang grol zil gnon no// gzhi la rdzogs pa bzhi tshe na// ma bsgyur ma bcos ma bslad do// gzhi la bskyang tshul bzhi tshe na// rang dag rbad chod ka dag go// lam du blang ba bzhi tshe na// rang dag lha dang gzhi bzhag go// 'bras bur dril ba bzhi tshe na// ye dag ye rdzogs ye nyid do// snang ba rnam pa bzhi tshe na// gcod dang bzlog dang bsgyur btang ngo // rig pa rnam pa bzhi tshe na// rtogs dang grol dang mthar phyin no// sbyor ba rnam pa bzhi tshe na// yul dang sems dang rtogs sku'o// sems la dbang ba bzhi tshe na// phyi nang gsang pa yongs rdzogs so// gsal ba rnam pa bzhi tshe na// ma dang bu dang thad ka'o// gsal ba'i yul ni bzhi tshe na// rdzogs dang snang dang bsgyur ba'o// stong pa rnam pa bzhi tshe na// sems dang chos dang mtshan ma'o// gsal ba'i gdams pa bzhi tshe na// dngos dang dngos med rang gsal lo// dngos po rnam pa bzhi tshe na// mtshan ma'i ming dang yi ge'o// mchog ldan dngos grub rnam pa bzhi yi tshe// dngos dang snang dang rang bzhin no// stong bapaba'i thig le drug gi tshe// ngo dang 'od dang nam mkha'o// mtshan ma'i yig 'bru gnyis kyi tshe// dkar dang dmar dang 'phro 'du'o// thabs dang shes rab 'khril sbyor tshe// yul dang rig pa bde ba'o// dkyil 'khor
- 130a
rnam bzhi bstim pa'i tshe// mi dmigs gsum dang 'od drug go/ lha yi mtshan ma 'jug tshe na// stong nyid gsum dang rang gsal lo// chos sku'i bde ba drug phyed tshe// sa dang dkyil 'khor rdzogs sku'o// smin byed thob pa'i yul bzhi'i tshe// sa bon myu gu 'bras bu'o// dga' bde'i yul ni bzhi tshe na// snang ba rgyas 'debs bde chen rol// rtog med lam ni bzhi yi tshe// snang dang mi snang chos mchog go/ 'jug pa rnam pa gsum gyi tshe// mthong dang rtogs dang thob pa'o// las kyi rnam pa bzhi yi tshe// rtags dang mtshan ma dus tshod do// rlung gi 'phro 'du bzhi yi tshe// gnas dang lam dang 'char sgo gtsun// 'gyur ba'i dus tshod bzhi tshe na// gnad dang gtsun dang brtan bzlog go/ thig le bde ba gnyis kyi tshe// dran dang bstim dang bskor log go/ bskor log rnam pa bzhi tshe na// muM dang a dang spo bsdu'o// mtshan ma'i yi ge gnyis kyi tshe// sgra dang mtshan ma kha dog go// gsang ba'i 'pho 'du gnyis kyi tshe// bde dang stong dang khyab bzhi'o// dran pa rnam pa bzhi yi tshe// smin dang grol dang bal ba'o// bkra shis mtshan ma bzhi yi tshe// gzhal yas rnam pa bzhi yin no// mtshan ma b+han d+ha brgyad kyi tshe// sku dang dbyings dang rnam thar ro// gsal 'tsher yu pa can gyi tshe// dbyings dang thabs dang rab snang ngo // chal chen dum bu gcig pa'i
- 130b
tshe// nyag gcig spros bral gzhi rdzogs so// dkar 'tsher dmar la dngas pa'i tshe// rgyas gdab ting 'dzin ro myang gnyis yin no// sbrul sdug yid 'ong lnga yi tshe// 'od dang kha dog mtshan ma'o// mu med gsal 'tsher lnga yi tshe// gzhi dang lam dang 'bras bu'o// rin chen ro mchog bcud kyi tshe// 'dzin dang rdzogs dang rtogs pa'o// pad+ma sre byed lu ma'i tshe// shes rab yum dang sems ma'o// las rnams grub byed las kyi tshe// sku lnga ye shes lnga chos lnga'o// las kyi rdzas ni brgyad kyi tshe// bskur dang thob dang 'bras bu'o// rin chen rdzas ni brgyad kyi tshe// thob dang gnas dang brtan pa'o// dkyil dang 'khor ni gnyis kyi tshe// rig dang ye shes yul yin no// sku gsum yul dang snang ba'i tshe// gsal dang dro dang bsil ba'o// snang dang mun dang snang bsgyur tshe// 'dris dang shes dang thag chod do// so so'i mtshan nyid gsal ba'i tshe// 'od dang kha dog sku lnga'o// rig gsal chos nyid gnyis kyi tshe// gnas pa dang ni mkha' dbyings so// gsal ba'i lam bzhi sgo 'byed tshe// rig pa yon tan dngos grub bo// rdzogs dang gsal dang 'phro ba'i tshe// yul dang snang ba rtogs lugs so// sems kyi yul dang rig yul tshe// gsal dang 'phro dang rdzogs grub bo// bshad byed rnam gnyis bskur ba'i tshe// yi ge phyag mtshan 'khor lo'o// 'das dang 'dzin dang dam tshig
- 131a
tshe// gzung dang gnas dang skyon yon no// gsang ba'i dam tshig drug gi tshe// gsum dang drug dang cha dgu'o// sangs rgyas gsum du 'gyur ba'i tshe// 'khor dang 'khrul dang bzlog lugs so// 'byung ba rnam pa gnyis kyi tshe// byung sa gnas sa grol lugs so// rig pa nyid kyi gnas lugs tshe// grol lugs rtogs lugs thob lugs so// skye med yul la gnas pa'i tshe// lta thabs bzhag thabs bskyal thabs so// rang bzhin rnam pa lnga yi tshe// mig dang nam mkha'i rigs snang ngo // stong pa nyid kyi cho 'phrul tshe// rdzogs dang rang bzhin snang ba'o// gsang sngags 'bras bu brtag pa'i tshe// rang bzhin sems dang spyod yul bral// sems kyi 'khor lo gnas byung tshe// chos dang chos min 'khrul pa'o// yul sems gnyis su snang ba'i tshe// chos nyid gnas dang 'bras bu'o// yang gsang 'bras bu gnyis kyi tshe// stong pa nyid dang chos sku'o// sa lam rnam par rdzogs byed tshe// bcu dang lnga dang bzhi yin no// rtags dang dbyings rig gsal ba'i tshe// snang ba'i yul dang bzung thabs so// ye shes gnyis la lam gyi tshe// snang dang mun dang go dbye'o// go ba'i dus ni rnam bzhi'i tshe// cog bzhag rang grol ma bskyed pa'o// phyi nang gsal byed gdams pa'i tshe// zhing khams lus dang thig le'o// skyon med rang bzhin dag pa'i
- 131b
tshe// ka dag lhun grub ma nges pa'o// longs sku'i mtshan nyid snang ba'i tshe// dkar dang dmar dang ser ldang ngo // de ni yang dag rdzogs pa'i lam// gdams pa'i dus su shes par bya'o// de bzhin gshegs pa bcom ldan 'das// rdzogs pa'i sangs rgyas dbang chen sku// de dag rnam pa bshad pa'i tshom// dpa' bo rdo rje dbang gi skus// legs par dgongs te bka' stsol cig/ rdo rje khro bos rang snang ba// gar ldan nyid kyis bka' stsal pa// dpa' bo rdo rje sems dpa'i sku// legs par bshad par bya ba ni// gang dag de la dpe spyod cing // sgra ni bdun phrag nyi shu las// lhag ma rnam la sum cha phyed// dngos po la ni drug 'gyur ro// yan lag rnam pa gsum gsum phyed// rab kyis gdams pa nyis 'gyur tshe// rab kyis lhag ma phyed phyed do// 'bring la gdams pa nyi shu gcig/ lhag ma la ni bzhi bzhi'o// tha ma la ni nyis 'gyur ro// gsum gsum la ni phrag yas drug/ lhag ma gsum ni re re'o// de nas bzhi ni drug 'gyur ro// dbang po'i yul ni sum cha ste// lam la lnga lnga zung du 'jug/ bzhi la gsum gsum dgu 'gyur ro// 'bras bu la ni drug 'gyur ro// lhag ma rnams la phyed phyed do// gsum la phyed ni drug drug go/ de dag rnams la so so'i lung // mdo ni rnam pa bco brgyad las// lnga lnga zung dang phyed 'gyur ro// bde ba stong pa nyid
- 132a
las ni// dang po bar dang tha mar 'gyur// stong pa'i lam ni 'dus pa'o// de rnams la ni dang po'o// bden pa 'dus pas bzhi snang la// lam ni drug drug phyed snang ngo // de ni gsang ba'i gnas drug yin// cho 'phrul yig 'bru gsum dag yin// dran pa la ni sum 'gyur ro// shes pa'i dus ni gcig shes so// snang ba mthong ba'i yul dus nas// yul las the tshom gnyis yin no// gnyis gnyis gsum 'gyur dgu snang ste// phyag mtshan sum cu rtsa gnyis 'gyur// mtshan ma snang ba'i rgyu drug las// so so'i lam ni brgyad phrag go/ gsang ba'i lam ni bdun cu gnyis// rgyu las gnas pa drug 'gyur ro// rtags la gnyis gnyis lam 'gyur tshe// gsang ba'i sku gsum gnyis te drug/ dang po dkar dmar gnyis dag las// tha ma dkar dmar lnga 'gyur ro// de dag rnams la phyed phyed do// rnam par 'phro ba nyid kyang yin// rtags kyi lhag ma bzhi bzhi'o// bya bral 'bras bu thob pa'i tshe// lhag ma'i nges shes sum cha phyed// stong pa nyid ni bdun 'gyur ro// lhag ma'i 'bras bu gcig tu gsal// chos kyi rgyu ni bdun gnyis las// rtogs pa'i 'bras bu de phrag go/ gcod byed shes rab de bzhin cha// dang po las kyi phyed bkyed pa// rang rang snang ba rdzogs par bshad// de 'og las ni nyis 'gyur las// dbang gi snang ba nyis 'gyur
- 132b
ro// phyed ma las ni phyed 'gyur ba// de yi 'bras bu rdzogs pa'o// de dag drug cha nyis 'gyur las// zad ka'i 'bras bu rdzogs pa'o// de yi snang gsum rdzogs pa las// zhing khams rnam pa drug 'gyur ro// las kyi 'bras bu nyis 'gyur las// dbang rdzogs 'bras bu gnyis yin no// dbang rdzogs 'bras bu nyis 'gyur las// rang bzhin dbang gi 'bras bu drug/ de ni phyed dang nyis 'gyur las// bzhi rdzogs dbang gi 'bras bu'o// de yi rang bzhin drug las ni// lam gyi dbang gi 'bras bu'o// de yi gcod byed nyis 'gyur las// rang bzhin dbang ba'i 'bras bu drug/ de ni phyed dang nyis 'gyur las// bzhi rdzogs dbang gi 'bras bu'o// de yi rang bzhin drug las ni/ khams kyi dbang gi 'bras bu'o// de yi gcod byed rnam drug las// rig pa rtsal dbang 'bras bu'o// de yi 'gyur med 'bras bu las// 'bras bu'i dbang gi 'bras bu'o// de nyid rnam pa gsum las ni// gzhi lam dbang gi 'bras bu'o// de yi lung ni rnam bzhi las// yid ches dbang gi 'bras bu'o// de yi las ni rnam bdun las// mtshon pa dbang gi 'bras bu'o// de ltar rdzogs byed lam lnga las// blo gzhan dbang gi 'bras bu'o// de ltar rtogs pa'i skyes bu des// skye med sa la rnam par phyin// mthar phyin dbang gi 'bras bu'o// rdzogs sangs rgyas dang mnyam sbyor
- 133a
ba// dkyil 'khor thams cad ma bsgrubs 'grub// the tshom rtog pa chod pa'o// zhes rdzogs pa rang byung chen po'i rgyud las/ dbang rin po che 'khor lo rnam par bshad pa'i le'u ste nyi shu rtsa bzhi pa'o// rdzogs so// / gter nas gter du stsal ba lags// sngags kyi srung mas srung shig bcom ldan 'das dpal khrag 'thung gi rgyal po la phyag 'tshal lo// de nas sgra thams cad gtan la phab pa'i man ngag don dang ye shes kyi 'brel pa/ gsang sngags kyi lha phug don thams cad kyi 'dus sa/ ye shes chen po'i mdo 'di bstan te/ de la sgra'i sdom byang 'di lta ste/ thams cad du sgra gar grags par/ rang bzhin rang byung gi thugs rje'i yi ger 'di ltar shes par bya'o// de la 'og nas bshad de/ aHni skye med kyi yi ger kun tu shes par bya'o// ha ni dag pa'i yi ger shes par bya'o// sa ni mi 'gyur ba'i yi ger shes par bya'o// sha ni shes rab kyi yi ger shes par bya'o// la ni gcod byed kyi yi ger shes par bya'o// ra ni rang byung thugs rje'i yi ger shes par bya'o// ya ni rang snang gi yi ger shes par bya'o// 'a ni 'gag med kyi yi ger shes par bya'o// da ni mtshon pa'i yi ger shes par bya'o// ka ni sku gsum gyi yi ger shes par bya'o// kha ni gnyis snang gi yi ger shes par bya'o// ga ni skyob pa'i yi ger shes par
- 133b
bya'o// nga ni 'khor ba'i yi ger shes par bya'o// tsa ni lci ba'i yi ger shes par bya'o// cha ni rgyan gyi yi ger shes par bya'o// dza ni snang ba'i yi ger shes par bya'o// nya ni shes pa'i yi ger shes par bya'o// ta ni rtag pa'i yi ger shes par bya'o// tha ni shin tu 'thug pa'i yi ger shes par bya'o// da ni chad pa'i yi ger shes par bya'o// na ni lus kyi yi ger shes par bya'o// pa ni stong pa'i yi ger shes par bya'o// pha ni thabs kyi yi ger shes par bya'o// ba ni ma rig pa'i yi ger shes par bya'o// ma ni gzhi mnyam pa'i yi ger shes par bya'o// tsa ni lam gyi yi ger shes par bya'o// tsha ni 'byung ba'i yi ger shes par bya'o// dza ni 'dzin pa'i yi ger shes par bya'o// mtshan ma lam gyi yi ge ni// wa zhes bya ba shin tu nyung ngo // zha ni bzhag thabs kyi yi ger shes par bya'o// za ni snang ba rang log pa'i yi ger shes par bya'o// de la 'dogs dang yan lag ni// dang po'i dbang du 'bod par bya'o// sgra mi shes pa'i yi ge ni 'di lta ste// tha la rab btags byung ba ni// thar zhes 'bod par bya'o// a yang de bzhin no// de bzhin du na dang / zhwa dang / za dang / 'a dang / a dang / ra btags mi 'byung ba thams cad la de bzhin du 'bod par bya'o// ta la ya btags byung ba na// tad ces bya bar 'bod par bya'o// tha la byung na// tshe zhes bya ba 'bod
- 134a
par bya'o// da la byung na// srid ces bya ba 'bod par bya'o// na la byung na// snir zhes 'bod par bya'o// 'a la 'byung na 'od ces 'bod par bya'o// tsa la byung na tsan da zhes 'bod par bya'o// nga la byung na/ tri zhes 'bod par bya'o// nya la byung na mnyan zhes 'bod par bya'o// sa la byung na/ sin zhes 'bod par bya'o// a la byung na/ brid ces 'bod par bya'o// tsa la byung na/ 'dud ces 'bod par bya'o// cha la byung na// oM zhes 'bod par bya'o// dza la byung na/ lte ba zhes 'bod par bya'o// ha la byung na// sib zhes 'bod par bya'o// de ma yin pa'i mi rigs pa gang las byung yang // 'od ces bya bar 'bod do// de yang rdo rje sems dpa'i sgra don gyi man ngag tu bshad pa'o// de bzhin sgra las thabs gyi yan lag 'byung bar bstan pa'o// sngags kyi gtan tshigs rgyas par bstan pa'i le'u ste nyer lnga pa'o// // i thi/ g+hu h+ya/ kha za ma rdzogs so// rdzogs pa rang 'byung gi rgyud ma bu bcu gnyis pa rdzogs so// // shag@
- 134b
@// rgya gar skad du/ a nak+Sha ra ma hA tan+ta nA ma rat+na d+h+wa dza ra dza sar+b+ba ti driSh+Ti ga ga na sa ma ma ma hA tan+t+ra/ bod skad du/ yi ge med pa'i rgyud chen po zhes bya ba/ rin po che rgyal mtshan gyi rgyud/ rgyal po'i gdung rgyud/ lta ba nam mkha' dang mnyam pa'i rgyud chen po'o// AHbcom ldan 'das sku'i snang ba rgya cher ston pa nyid la phyag 'tshal lo// 'di skad bdag gis bstan pa'i dus gcig na// rgyud thams cad bshad du med do// mtshan ma med pa'i klong du 'das shing bshad du med do// lung thams cad bstan du med do// ma bcos pa'i klong du 'das shing rtsol bsgrub med pa'o// man ngag thams cad mtshon du med pa'o// ma bslad pa'i klong du 'das shing / bsgrub tu med pa'o// e ma ho// nyon cig snang ba dam pa'i 'khor rnams// snang ba thabs kyi 'khor la gnas lugs kyi rig pa ma 'gags par gsal lo// de skad ces rig pa'i gnas nas sngar ma gsungs so// da lta nyid du mi gsung ngo // phyis gsung bar mi 'gyur ro// oM 'di skad bdag gis zos pa'i dus gcig na// chos nyid rang snang gi nam mkha' la/ stobs kyi rig pa ma 'gags par shar ba'i tshe// ston pa nyid snang ba med pa'i skus brgyan pa'i klong na bzhugs te/ de'i tshe 'khor ni mi snang ba'i snang ba chen po dang thabs cig tu bzhugs so// de nas de yi tshe yid rtog pa dang
- 135a
bcas pas 'di skad ces gsol to// kye ma rig pa'i rgyal po nyid// sangs rgyas rnams kyi lta ba'i don gang lags// dgongs pa'i don ji lta bu lags// lung bstan du gsol// zabs bstan du gsol// zhes zhu ba nyid rab tu zhus so// de nas yang snang ba med pa'i klong nas/ ston pa med pa'i rig pas bka' stsal pa// kye ma kye ma med bzhin du// snang ba'i 'khor rnams rab tu nyon cig/ nga rang byung ye shes kyi lta ba la bcad pa'i yul med do// sngar 'das pa med do// phyir 'byung ba med do/ da ltar snang ba gang yang med do// las med do// bag chags med do// ma rig pa med do// sems med do// yid med do// shes rab med do// 'khor ba med do// mya ngan las 'das pa med do// rig pa nyid kyang yod pa ma yin no// ye shes kyi snang ba gang yang med do// de thams cad 'dzin pa med pa las byung ngo // kye ma nga rang byung gi ye shes la srog med pas// dge sdig gi mtha' las 'das pa'o// a ho// nga rang byung gi ye shes la bya byed med pas/ phyi yul dang nang sems las 'das pa'o// e ma ho// nga rang byung gi ye shes gzhi las ma g.yos pas// snang ba'i rtog pa chod pa'o// a a/ nga rang byung gi ye shes la 'du 'bral med pas// sku mngon par snang ba nyid do// ha ha// nga rang byung gi ye shes la gzigs snang gi mtha' dang
- 135b
bral bas yul kun las 'das pa nyid do// e hA// nga rang byung gi ye shes la rtsis med pas gzung 'dzin las 'das pa nyid do// a I// nga rang byung gi ye shes la phyi nang gnyis dang bral bas skyon dang yon tan las 'das pa'o// e A/ nga rang byung gi ye shes la 'khrul pa ka nas dag pas/ yin min gyi mtha' las 'das pa'o// ha he/ nga rang byung gi ye shes la chos med pas thabs las 'das pa nyid do// e ha/ ngapa rang byung gi ye shes la 'gyu byed med pas shes rab las 'das pa'o// e ma ho// nga la stong pa dang snang ba ma spangs par rdzogs pa'o// nga nyid la gnas lugs dang snang zabs gnyis ma spangs par rdzogs pa'o// nga nyid la yul sems gnyis ma spangs par rdzogs pa'o// nga nyid la srog dang gcod pa gnyis ma spangs par rdzogs pa'o// nga nyid la sdig pa dang rnam smin gnyis ma spangs par rdzogs pa'o// nyid la bdag dang bdag gir 'dzin pa gnyis ma spangs par rdzogs pa'o// nga nyid la rtog pa dang dngos po gnyis ma spangs par rdzogs pa'o// nga nyid la mthong ba dang spyod byed gnyis ma spangs par rdzogs pa'o// nga nyid la shes pa dang 'dzin byed gnyis ma spangs par rdzogs pa'o// nga nyid la byed pa dang 'dzin byed gnyis ma spangs par rdzogs pa'o// kye ma nga la skye dang 'chi ba med pas// 'gags pa'i chos nyid
- 136a
yongs su rdzogs// nga la phyi dang nang med pas// gsal ba'i chos rnams yongs su rdzogs// nga la stong dang dngos med pas// snang ba'i chos ni yongs su rdzogs// nga la dmigs pa'i yul med pas// mthong ba'i chos ni yongs su rdzogs// nga la lus dang sems med pas// rang snang chos ni yongs su rdzogs// nga la bdag dang gzhan med pas// rig pa'i chos lnga yongs su rdzogs// nga la byed pa'i rgyu med pas// bsam gtan chen po yongs su rdzogs// nga la phyin pa'i yul med pas// rang snang yul ni yongs su rdzogs// nga la phyogs dang ris med pas// gsang ba'i ye shes yongs su rdzogs// nga la snang ba 'gag med pas// dbyings kyi chos gsum yongs su rdzogs// nga la gcig dang gnyis med pas// thig le'i chos rnams yongs su rdzogs// nga la mun dang snang med pas// mngon par snang ba'i chos rnams rdzogs// nga la bdag rtog gnyis med pas// stong pa'i chos ni yongs su rdzogs// nga la dri ma gnyis med pas// gsal ba'i cha lnga yongs su rdzogs// nga la sku lnga rang snang bas// zhing khams thams cad yongs su rdzogs// nga la spro zhing bsdu med pas// yi ge'i don rnams yongs su rdzogs// nga ni 'gran pa'i zla med kun las rgyal ba yin// nga ni bcos pa'i tshig med kun las 'phags pa yin// nga la mthong ba'i
- 136b
yul med kun la khyab pa yin// nga la gnas pa'i sa med kun la brten pa yin// nga ni stong pa'i sems med kun las mtshon pa yin// nga ni dran pa'i yid med kun la 'jug pa yin// nga ni re ba nyid med kun la yangs pa yin// nga ni g.yang sa med cing kun la 'phro ba yin// nga ni 'khrul pa'i yul med snang ba chen po yin// nga ni spyod pa'i rgyu med kun la spyod pa yin// nga ni phyin pa'i gnas med kun las pha rol phyin// nga ni bya byed gnyis med snang ba so so pa'o// thams cad 'byung zhing 'khrul snang nga yi sems// thams cad gnas pas 'khrul snang nga yi thugs// thams cad snang bas 'khrul snang nga yi sku// thams cad grags pas 'khrul snang nga yi gsung // mthong ba ma 'gags nga yi gzugs ltar snang // thos pa ma 'gags nga yi sgra ltar grags// snom byed ma 'gags nga yi dri ltar tshor// myong byed ma 'gags nga yi ro ltar bda'// tshor byed ma 'gags pa yi yid ltar mgyogs// gsang ba'i nyon mongs pa yi cho 'phrul te// sangs rgyas sems can nga yi dur sa yin/ kun byed pa ni snang ba rang gsal cha// snang ba med pa thog ma'i dus kyi tshe// gcod byed mgyogs pa'i yid drug ma 'gags pas// dran byed ma 'gags tshogs drug lhug par shar// thogs pa med pa'i rlung lnga bskyod pa yis// pho brang ma bkod snang ba rgya yis btab// ye nas
- 137a
dag pa'i sku lnga 'du 'bral med// thabs la zhen med snang ba lhug par 'char// chags pa med pas sku lnga phyi nang med// yang sa chen dag pa'i sku lnga rang mnga' bas// stong pa nyid kyi snang ba rang shar bas// phyin pa med pa'i gnas su pha rol phyin// stong pa chen po'i spyod yul rang gsal bas// rtog pa med pa'i sangs rgyas nyag gcig mthong // byas pa ma yin 'khor ba'i gdos zag bcad// sangs rgyas pas kyang sku gcig gcig gis brgyan// ye shes las ni khyad par chen pos 'phags// kye ma/ bsad bcad las la dga' na snang ba chen po gsal// sems can thams cad bsgral na rang snang ma dang phrad// rgyu 'bras rtsad nas bcad na rgyu drug rtsal gsum 'byongs// dge ba'i rgyun thag bcad na lu gu rgyud dang nye// phyi nang bya ba btang na snang ba rgya yis theb// sems 'dzin lta sgom med na chos sku dngos po yin// lta ba'i rtsal gsum 'byongs na snang ba sku yi klong // bya byed g.yeng ba med na chos nyid bde ba'i sa// gcig pur dal bar 'dug na rtsal gsum lus la 'byung // thad ka grogs su shes na cog bzhag gcig gi dang // de dang rgyun du gnas na de la ci zhig bya// snang ba chen po kun la yang dag gnas// gsang ba sngags kyi dngos po de nyid do// zhes yi ge med pa'i rgyud gsang ba nyid las/ rjes su gleng gzhi'i le'u ste dang
- 137b
po'o// // thab mas2/ de nas rig pa'i rang bzhin gang yang ma 'gags par gsal ba'i dgongs pa la snyoms par bzhugs so// de nas med bzhin du snang ba'i bdag pos 'di skad ces zhus so// kye ma rig pa'i sku rnam par dag pa chen pos/ yang dag par rdzogs pa'i sangs rgyas kyi rig pa'i dgongs pa'i bzhags chen po gsung du gsol/ zhes zhus so// de nas gnas lugs kyi rig pas/ snang ba thabs kyi 'khor la bka' stsal pa/ kye ma/ snang rgyud med kyang snang ba'i 'khor rnams nyon cig ngas sgrib phyogs kyis ma bsgribs pa'i snang ba nyid bstan gyis/ shin tu snang ba'i don la ma yengs par nyon cig/ ba'i dgongs pa chen po ni/ grangs ni bzhi yis gtan la phebs par 'gyur ro// de yang 'di lta ste/ rig pa ye shes su ma nor bar bstan pa/ mi 'gyur ba rtsa ba'i lung chen po/ yangs pa chos nyid kyi snang ba chen po/ dgongs pa chos nyid kyi stobs chen po/ lta ba rang byung gi 'gros chen po/ mi 'gyur ba'i gzer yig chen po/ brtags par dka' ba'i 'phyongs chen po/ blta bar dka' ba'i me long chen po/ bgrod par dka' ba'i lam chen po/ gnas par dka' ba'i yul chen po/ phyin par dka' ba'i sa chen po/ med bzhin du snang ba'i snang ba chen po/ gting med pa'i dpag par dka' ba chen po/ khyab pa med pa'i ye gdangs
- 138a
chen po/ shes pa chen po la gcod byed chen po/ yul rig gnyis su med pa'i dgongs pa chen po/ bems po med pa'i snang ba chen po/ mi 'gyur ba'i ye shes gsal ba chen po/ phra ba la bzung bar dka' ba chen po/ che ba la mthong ba med pa chen po/ zlum la dbyibs med pa chen po/ 'khyug pa la dbugs med pa chen po/ gsal ba la mdog gnag pa chen po/ med pa la gnyen po chen po/ snang ba la brtags dka' ba chen po/ stong pa la snang ba chen po/ gcig pa la rgya ma chad pa chen po/ gnyis ltar snang ba la yongs su rdzogs pa chen po/ mdzes pa la rgyan med pa chen po/ gang ba la stong pa chen po/ smin pa la ma rdzogs pa chen po/ sku ltar snang ba la 'gro 'od med pa chen po/ e ma ho// shin tu gsang ba'i dgongs pa chen pos/ rang rig 'dug tshul gyi de bzhin nyid la gnas par bya ste/ thig le nyag gcig ye shes kyi gnas lugs chen po ni/ gang gi phyogs su bltas pas grub pa med pa nyid do// de yang rigs kyi bu grong khyer chen po las 'das te/ nags kyi klong chen po'i dgon par gnas par gyis shig/ phyi nang gi bya ba dang bral bar byas te/ lta ba'i 'khyer so chen po bzhi po 'di dang ma bral na// sangs rgyas kyi bden pa dang ma bral bar bar do med par skad cig ma la 'tshang rgya'o// thugs rje'i sgo ma 'gags par sprul pa chen
- 138b
po phyogs bcur mdzad do// de yang 'di ltar shes par bya'o// ri bo cog bzhag gi lta ba dang / rgya mtsho cog bzhag gi dgongs pa dang / rig pa cog bzhag gi man ngag bstan pa dang / snang ba cer bzhag gi thabs bstan pa'o// e ma ho// sangs rgyas chen po'i mdzad spyod ni// cog bzhag bzhi las g.yo ba med// sangs rgyas nyid kyi mdzad pa ni// de las med pa rang gis bstan/ a aHri bo cog bzhag lta ba gsang ba nyid// the tshom yod pa ma yin 'gyur ba dang gis med// de yang nam mkha' nyid kyi ngang la rnam par gsal// don gyi ngo bo de nyid la// byas pa ma yin byed mkhan ga la yod// bcos pa ma yin bcos pa'i bdag po med// lta ba ma yin lta byed chos dang bral// mthong ba ma yin mthong byed rnam par gsal// snang byed ma yin snang ba'i phyogs dang bral// bri ba ma yin thogs med phyogs bcur khyab// rtsol ba ma yin rtsol bsgrub chos dang bral// gcig pu ma yin du ma'i chos dang bral// phyi nang med pas phyi nang med par gsal// blta bya ma yin rtag chad gnyis las 'das/ de la blta ba med pas de la blta ru med// lta ba'i don las mi 'da' lta ba ngang gis med// de yod ma yin de yi ngang du gnas par bya// e IH/ rgya mtsho cog bzhag dag gi dgongs pa ni// snang ba ma yin snang bar byed pa min// stong pa ma yin
- 139a
stong par yod ma yin// gsal ba ma yin gsal ba chen po'i yul// bying ba ma yin rgod pa dang gis med// ma g.yos mi g.yo g.yo bar mi 'gyur te// ma spyod mi spyod spyod pa kun las 'das// byas par ma byung bzhag thabs chen po ltos// spro bsdu ma byed cog bzhag gcig gi dang // gnas pa ma yin de las 'das pa med// gsang ba'i ye shes rgya mtsho lta bu la// ye shes lhun 'byams ma bskyod dbyings su zhog/ gting dpag dka' ba'i rgya mtsho chen po nas// nub pa med pa'i rgyal mtshan rtse la ltos// stong pa'i sems med ma bcos chen po'i sku// byas pa med pas byed pa kun las rgyal// ye nas ma bcos rang byung cog bzhag nyid// snang ba ma bsgyur blo yis ma bcos pa// chos nyid mkha' la gnas na dgongs pa nyid du bstan// chos sku ye shes bsam pa kun spang ste// 'gyu byed med na bsgom pa'i dgongs pa yin// dmigs pa'i phyogs dag mi 'dzin na// rgya mtsho'i gting du gza' skar shar ba bzhin// 'dzin med gsal cha ma 'gags pas// dgongs pa'i 'dug tshul de bzhin no// oM IM IM/ rig pa cog bzhag man ngag nyid// 'di ni gsang ba'i thugs yin// mig ni rab tu mnan bya ste// de dang 'du 'bral med par brtag/ mig zur gnyis la dbyings 'byung bas// 'od ni phra la 'khril ba 'byung // de las ngo/
- 139b
bo lu gu rgyud ltar 'byung // phra dang 'khyug dang 'gyu ba'o// mig ni nam mkha'i khams su blta// sangs rgyas sku yi thig ler 'char// de nyid goms pa'i drod rnyed nas// rig pa'i sku ni lu gu rgyud// sku dang bcas pa snang ba'o// snang ba gcig chod dgongs pa ni// rig pa nyid ni bzhag sa btsal// gsang ba'i gsang ba chen po ste// snang ba stobs kyi pha rol sgrol// chags pas ma bcings rang snang ngo // de la gsang sngags nyid kyi sku// lu gu rgyud du rab tu gsal// lnga lnga zung gis kun la khyab// sna tshogs par yang 'char bar bshad// rig pa'i snang ba thabs mkhas bras// gsang sngags lam ni sna tshogs pas// sangs rgyas sku ni sna tshogs pa'o// 'khrul rtog blo ni bsam mi khyab// dmigs pa'i yul nyid rnam dag pas// mtshan ma'i chos ni brjod las 'das// snang ba'i rkyen lnga 'od du gsal// phra rags rim pa gnyis med de// rig pa'i ye shes sku yi klong du thim// 'gag med 'od lnga yul snang nyid// gzugs sku'i bsam bcas nyid du bstan// nga nyid rig pa rang snang bas// rig pa'i ye shes khyab gdal bas// snang ba chen po gsal ba rab tu che// gsal ba'i rig pa nga yi sku ltar snang // blo yi bye brag brjod 'das shing // chos kyi sku la bsam pa med// ye shes sku gcig kun tu gsal bar ston// gsang ba'i ye shes rang yin pas// chags
- 140a
med gsung gi dkyil 'khor che// cog bzhag nyid du thams cad chub// gsal ba'i ye shes pa yi klong // rig pa'i gsal cha phyogs bcur 'phro// gcig brjod du ma med par rig/ chos nyid ye nas stong par gnas// cog bzhag o yi dgongs pa nyid// lta ba de ltar gnas pa'o// u u// snang ba cer bzhag thabs chen ni// snang ba chen po kun gyi gzhi ma yin// 'byung ba lnga yi sangs rgyas pha ltar snang // chen po lnga nyid ma yin snang bar gsal// ma yengs ngang du 'dzin med chen por zhog/ gsang sngags chen po'i ye shes chen po lnga// chen po lnga yis ma bskyod dbyings su zhog/ rdo rje sems dpa'i rig pa cog bzhag ni// chos kyi sku ni snang ba thams cad bstan// ye shes dag pa'i snang ba cir snang bas// gsang ba'i bzhag thabs cer bzhag thabs kyi ngang // sku yi snang ba 'byung lnga ma spangs pas// spang ba ma yin nga gi don la zhog/ chos nyid klong yangs cer snang chen por brtags// rdzogs pa chen por bsgom rgyu ma dmigs te// lta ba'i 'du sa chen mo dbyings kyi sgron ma yin// bsgom pa'i bskyal sa lu gu rgyud du bstan// spyod pa'i spyod sa chen po de dang ma bral na// rnam gsum ngo bo nyid de yin par gsungs// sangs rgyas dgongs pa byar med chen po'i klong // de las ma 'das chos nyid bsgrub tu med// de dang ma bral
- 140b
gsang sngags lta ba'o// zhes yi ge med pa'i rgyud gsang ba chen po las/ dgongs pa bca' gzhi'i le'u ste gnyis pa'o// / brgyam t+ya// / de nas rig pa mi 'gyur ba'i klong / chos nyid kyis brgyan pa'i pho brang nas/ rig pa 'gyur ba med pa'i ye shes kyi/ 'od kyi sku chen pos 'di skad ces smras so// e ma ho// rang bzhin gyi snang ba rnam par dag pa chen po'i yul 'di ni/ gsal la 'tsher ba sku'i pho brang mi 'gyur bar gnas pa'o// 'khrul pa gdul bya'i snang ba 'di ni/ rig pa mtha' yas pas/ 'dzad pa med pa'i thugs rje sna tshogs par 'byung ba'o// chos nyid yangs pa'i snang ba ni gsal la dngas pa/ ye shes med pa'i gcig las du mar 'char ba'o// gsang ba'i yul snang ba'i snang ba chen po ste/ sku yi snang ba chen po sna tshogs pa nyid de/ gsung 'gag pa med par don byed nus pa'o// sangs rgyas kyi sku'i 'od bsam gyis mi khyab pa ste/ thig le'i 'du 'phro zer ltar rab tu 'bar ro// gsang sngags chen po'i mdzad pa ma lus pa lus pa med cing / so sor 'phro ba ste/ ye nas bzhag thabs bzhi dang 'du 'bral med pa'o// e ma ho/ gsang sngags nyid la gsang sngags nyid gnas pas// ye shes nyid las ye shes chen por 'gyur// chos nyid ma las dkyil dang 'khor du snang // skye ba med pa'i mngon sum sangs rgyas kyis// yul med
- 141a
rnam par dag pa'i snang ba mthong // sku dang ye shes rang chas ngang gis med// stong pa nyid las ye shes thugs 'od 'bar// mun pa ma yin snang ba chen po'o// de nas mi snang ba'i snang ba chen pos// rig pa'i sku lu gu rgyud du snang ba nyid la 'di skad ces gsol to// kye gsang ba'i rig pa 'od dang bcas pa/ bdag cag rnams la gsal ba'i snang ba bstan du gsol/ zhes zhus so// de nas rig pa mkha' khyab kyi yul chen po nas/ 'di skad ces gsungs so// kye ma/ snang ba'i 'khor rnams rab tu nyon cig nga yang dag pa'i rig pa nyid la 'khrul pa med de/ de gang zhe na/ rig pa lu gu rgyud kyi sku nyid/ sngar 'khrul ma myong / da lta 'khrul ba med/ phyis 'khrul ba mi srid do// de'i phyir na ma mkhrul ba'i sangs rgyas so// dbyings rnam par dag pa'i sgron ma nyid kyang sngar ma byas/ da lta mi byed/ phyis byed par mi 'gyur ro// de'i phyir na ma byas pa'i chos zhes bya'o// ma bcos pa'i mchog chen po// ma bslad pa'i gzhi chen po/ ma bsgyur ba'i snang ba chen po// chen po gsum gyi bdag nyid dang ldan pa ni/ ma 'khrul pa'i sangs rgyas ma byas pa'i chos bstan pa zhes bya'o// rig pa rdo rje lu gu rgyud kyi sku de nyid ni/ sngar 'khor ba na gnas ma myong / da lta 'khor ba na gnas mi srid/ phyis 'khor ba na gnas pa ma yin no// dbyings rnam par dag pa'i
- 141b
sgron ma de nyid ni/ sngar sems can nyid dang bral ma myong / da lta sems dang bral mi srid/ phyis 'bral bar mi 'gyur ro// de'i phyir na snang ba med pa las/ snang ba shar ba'o// rig pa rdo rje lu gu rgyud kyi sku de nyid/ sngar sangs rgyas ma myong / da lta sangs rgyas mi srid/ phyis 'tshang rgya bar mi 'gyur ro// dbyings rnam par dag pa'i sgron ma de nyid/ sngar sems can la gnas ma myong / da lta gnas mi srid/ phyis gnas par mi 'gyur ro// de'i phyir na lung bstan du med pa la/ man ngag mtshon du yod pa zhes bya'o// e ma ho// sangs rgyas dang sems can gnyis ni/ sngar rgyab gyis ma myong / da lta gyis mi srid/ phyis gyes par mi 'gyur ro// de'i phyir na lung la 'khrul pa med pa la/ man ngag la 'khrul pa byung ngo zhes bya'o// sems can thams cad 'khor ba na gnas kyang / 'khor ba nyid sngar mthong ma myong / da lta mi mthong ngo // phyis mthong bar mi 'gyur ro// de'i phyir na chos nyid la rtog pa yod kyang / gang zag la rtog pa med pa zhes bya'o// yang dag par rdzogs pa'i sangs rgyas rdo rje'i sku nyid/ sngar ma rtogs/ da mi rtog phyis rtag par mi 'gyur ro// de'i phyir na sangs rgyas la rtog pa med kyang / snang tshul la rtog pa zhes bya'o// sangs rgyas dang sems can la dus chen po med par bstan pa'o// rig pa'i gnas lugs de nyid la/ 'khrul pa med kyang //
- 142a
snang thabs la 'khrul pa ltar snang ba'o// de'i phyir na sangs rgyas dang sems can gnyis gcig las ma g.yos pa zhes bya'o// e ma ho// dgongs gcig mkha' klong gnyis su med// gsang sngags rdo rje sems dpa' rig pa'i sku// rtag pa ma yin chad pa yongs kyis med// stong pa ma yin gsal ba ngang gis med// rgyu mthun ma yin snang ba rang sar dag/ byung tshul ma yin byung tshul yongs su rdzogs// bskyed tshul ma yin snang tshul gnyis su snang // chos nyid ming dang yang dag nyid du bral// dag pa'i nam mkha' ngos bzung kun las 'das// a yi snang ba skye med ngos gzung med// gnyis med dag pa'i ye shes mkha' la gsal// bya byed ma 'gags dmigs pa yongs kyis med// rang bzhin med pas me long gzugs brnyan 'dra// ma 'gags 'gag med kun gyi snying por gnas// gsang ba'i gnas lugs de bzhin no// kye kyi/ sku yi snang ba ma 'gags pas// gsung gi rol pa cir yang ston// thugs kyi mdzad pa ci yang mdzad// rig pa'i bya byed ma 'gags pas// sems kyi rtog pa sna tshogs pa'o// zhes yi ge med pa'i rgyud chen po las/ ma 'khrul pa'i rig pa nyid la/ ma byas pa'i chos bstan pa'i le'u ste gsum pa'o// // ta/ maT kaH// de nas yang rgyud byas pa med pa'i rig pas/ lung byed pa med pa'i kun tu bzang mo la bka'
- 142b
stsal pa/ de'i tshe thabs 'gag pa med pa'i snang ba'i rna bas nyan pa/ kye kye/ snang rgyud dmigs pa dang bral ba'i ye shes chen po dang ldan pa/ rdo rje lu gu rgyud kyi sku ni grangs med pa'i snang ba chen po ste/ sku dang / thig le dang / thig le'i phyed sku dang / ye shes dang / ye shes kyi gzugs sku dang / 'od dang 'od kyi 'phro 'du dang / dbugs med pa'i 'gyu ba dang / sems med pa'i sna tshogs dang / srog med pa'i sku dang bcas pa'o// dbyings kyi sgron ma dag pa 'di lta ste/ khyab pa med pa'i rang gdangs dang bcas pa/ yul med pa'i gsal cha dang bcas pa/ ma byas pa'i ra ba dang bcas pa/ ma bris pa'i mu khyud dang bcas pa/ ma bcad pa'i yul dang bcas pa/ ma bkod pa'i snang ba dang bcas pa'o// de yang dbyings dang rig pa 'du 'bral med par gnas te/ ma dmigs pa'i yul snang ba chen po ste/ dri ma'i phyogs med pa las/ de'i ngo bo rgyu sangs pa/ rkyen dag pa/ yul ma 'gags pa/ rang grol ba/ rang gi ngo bo dang bcas pa/ yul drug las 'das pa/ chen po lnga dbyings su dag pa/ mi 'jig pa/ rkyen med pa las/ rkyen gyis grol ba/ bltar med pa la ngo mtshar che ba/ phyogs med pa la lta byed ma 'gags pa'o// kye ma/ snang ba la sku bsam gyis mi khyab pa 'byung ngo // du ma'i tha snyad spangs pa med pa'i klong du chub pa'o// sangs rgyas kyi sku rab tu
- 143a
mang bar 'phro zhing tshugs pa med pa'o// ngo bo las ma g.yos bzhin du sna tshogs ston pa'o// 'khor ba las ma 'das par mya ngan las 'das pa'o// chos kyi sku'i snang ba las ma g.yos pa'o// kun tu snang zhing zil gyis mi gnon pa nyid do// rig pa'i sku ni gsal cha snyoms pa chen po yin te/ rdo rje sku'i snang ba rgya che ba mthong bar 'gyur te/ nga ni byed pa nyid las rab tu 'das pa'o// zhes yi ge med pa'i rgyud gsang ba chen po las/ don dam pa snang ba'i le'u ste bzhi pa'o// // kham#3\u0f7f// de nas yang yul med pa'i klong dag pa las/ snang ba'i phung po bsam gyis mi khyab pa dang bcas te/ thabs kyi rig pa/ stobs kyi shes rab la bka' stsal pa/ mi mnyam pa'i mkha' klong dag pas rab tu nyan no// kye kye/ snang ba 'di'i mtshon tshul la/ yi ge med cing tshig thams cad las 'das pa'o// brjod pa thams cad nga gis med pa ste/ sna tshogs pa'i mtshon pa ngang gis med pa/ yul med pa/ sems med pa/ yi ge med pa/ yi ge med pa'i phyir/ rgyud med pa/ lung med pa/ man ngag thams cad med pa/ tshig thams cad dang bral ba'o// brjod pa thams cad kyis stong pa'o// e ma ho// chos sku snang ba'i ka med pas// nga la yi ge yod ma yin// nga la skye ba nyid med pas// yi ge a ni ye nas med// nga la 'gag pa'i gnas med
- 143b
pas// yi ge oM ni ngang gis med// nga la 'du 'bral gnyis med pas// yi ge hUM ni shin tu zad// sku yi snang ba sna tshogs pas// yi ge'i ming ni ngang gis stong // gsang sngags mtshan nyid rang gsal bas// yi ge'i dngos po ga la yod// sangs rgyas nyag gcig rang snang bas// mtshan ma'i yi ge gang yang med// rig pa nyid la rgyu med pas// bskyed pa'i yi ge ga la yod// ye shes sku lnga rang rdzogs pas// rdzogs pa'i a yang yod ma yin// thig le nyag gcig kun chub pas// spros pa'i yi ge'i ming yang med// snang ba ma 'dres yongs rdzogs pas// bsdu ba'i yi ge med par gsung // rig pa'i sku la dngos med pas// yi ge 'bru gsum yod ma yin// 'od lngas brgyan pa'i rig pa la// kha dog nyid du med pas na// yi ge'i kha dog yod pa min// zlum 'khyil lu gu rgyud nyid la// dbyibs su snang ba med pa'i phyir// yi ge'i dbyibs su 'dod pa min// rig pa dngos dang dngos med pas// yi ge bdag 'dod yod pa min// rig pa'i sku la gnyis med phyir// yi ge'i gzung 'dzin ga la yod// rig pa gcig dang gnyis med pas// yi ge'i sa lam nga mi 'dod// rig pa'i snang ba rang rdzogs pas// yi ge'i tshogs gnyis ngas mi 'dod// rang rig dpe mtshon dngos med pas// yi ge'i dpe yis nga mi mthong // rig pa'i sku la dri med pas// yi ge'i dri mas nga
- 144a
mi bsgrib// rang rig dge dang sdig med pas// yi ge'i dge sdig gnyis las 'das pa'o// e ma ho// yi ge med pa'i chos nyid dag pa la// yi ge'i sgyu rtsal gnyis su btags pa yod ma yin// yi ge'i rgyu ni sna tshogs rab ston pas// yi ge nyid la don med yi ge'i don gang med// nga yi rig pa chos la ma brten pas// yi ge'i don gyis nga yi sku mi mthong // thog ma'i rang byung ye shes nyid// rgyu rkyen gnyis la ma ltos par// yi ge rgyu rkyen nga mi bsgrub// ye nas sku gsum rang rdzogs pas// yi ge'i tshogs la nga mi ltos// rgyud dang lung dang man ngag kyang // yi ge'i tshogs la brten pas na// rgyud dang lung gis nga la bsgrib// thog ma'i mgon po dri med nyid// 'gran zla med par sangs rgyas pas// yi ge'i don la nga mi gnas// rang byung rig pa'i rgyal po nyid// sgro 'dogs tshig la ma brten pas// tshig dang yi ge nga yi dug/ dang po byung sa chen po la// tshig gis byang chub mi rnyed pas// yi ge'i mtshan nyid nga la med// bar du grol sa chen po la// re dang dogs pa gnyis med pas// yi ge'i spang len gang yang med// rig pa'i rnam pa grangs mang bas// bzhi bcu rtsa gnyis yi ge yang // don dam nyid la yod ma yin// sku lnga 'od kyi dkyil 'khor nang // btags pa'i yi ge gcig kyang med// nga yi snang ba dag pa las// gsal 'gyur yi
- 144b
ge ngang gis med// gsang ba'i rig pa lhun rdzogs la// yi ge'i ming ni gcig kyang med// gsang sngags a ti'i snang ba la// mtshan ma'i yi ge yod ma yin// a ti rang rdzogs chen po la// 'khrul pa'i yi ge med pa'o// zhes yi ge med pa'i rgyud gsang ba chen po las/ rdzogs chen tshig gis gol bar bstan pa'i le'u ste lnga pa'o// / ThawaHmraH// de nas yang snang ba chen po rang bzhin gsal ba'i snang ba las// chos nyid 'du 'bral med pa'i rig par bzhengs te/ snang ba'i rgyan kun tu bzang mo la bka' stsal pa/ kye/ brda' dang yi ge dang tha snyad thams cad rab tu spangs te/ rang gi sku'i snang ba la rab tu ltos shig phyi'i longs spyod thams cad la ma chags par/ grogs med pa'i nags khrod dag tu/ de nyid la gnas par gyis shig stong pa phyogs med pa'i snang ba de nyid la ltos shig shin tu gzung bar dka' ba dag gi gzhi gzung bar 'dod na/ rig pa rdo rje lu gu rgyud kyi sku zung zhig skye shi med pa'i dbyings gcig tu 'dril bar 'dod na/ dbyings rnam par dag pa'i sgron ma de nyid la ltos shig/ grogs med par gcig pur 'dug par 'dod na/ snang ba cer bzhag gi dgongs pa dang ma bral bar gyis shig/ bltar med pa'i sku la lta bar 'dod na/ gcig pu thig le'i gnas su ri bo cog bzhag gi man ngag la mtha' bsdus shig/ rkang
- 145a
pa med par mkha' la 'gro bar 'dod na/ rig pa cog bzhag gi man ngag la rtsal sbyong zhig phyi nang med par zang thal bar 'dod na/ rgya mtsho cog bzhag gi dgongs pa la rtag tu gnas par gyis shig zang thal gcig rdzogs kyi dgongs pa thob par 'dod na/ cog bzhag bzhi'i don nyid las ma 'da' zhig 'khrul snang zhing khams su 'char bar 'dod na/ sgron ma'i dbyings rig gnyis dang ma bral bar gyis shig de ni skye ba med pa'i thabs mchog tu gsungs so// e ma ho/ dngos po med pa'i snang ba ngo mtshar che ba ste/ rags pa'i 'byung ba lngas bsgribs te/ lung med pa la snang ma nus so// rig pa rang snang gi snang ba de ni/ lhun brjid de/ phra ba'i nyon mongs pas bsgribs te rtag ma thub pa'o// chos nyid ma bkod pa'i snang ba gsal dngas te/ sna tshogs du ma'i spyod pas bsgribs nas mngon sum du med pa'o// de yang rig pa'i ngo bo bzung bar dka' yang / ye shes kyi rtsal dal bas 'grub/ rig pa'i dbyings mi 'gyur yang / rig pa'i rkyen stobs zad pas 'grub/ rig pa'i rang bzhin kun la khyab kyang / chos kyi sku'i gdams ngag la thug go/ zhes yi ge med pa'i rgyud gsang ba chen po las/ rdzogs chen zhal chems su bstan pa'i le'u ste drug pa'o// // gnas lugs kyi rig pas snang thabs kyi 'khor la smras pa/ gsang ba yi
- 145b
ge med pa'i rgyud chen po/ rin po che rgyal mtshan gyi rgyud/ rgyal po'i gdung rgyud/ blta ba nam mkha' dang mnyam pa'i rgyud chen po rdzogs so// // sa ma ya/ rgya rgya rgya/ 'grel pa pad+ma kha 'byed bya ba dang // bshad pa'i mig 'byed bya ba yod// yi ge med pa nyid la ma bu lnga// / @#// rgya gar skad du/ sarba ta thA ga ta sa mA d+hi pa ru b+ha ShA/ dz+nyA na sa mu dA ya su tra/ ma hA yA na guh+ma nut+ta ra tan+t+ra/ sarba d+harmA ka ra/ sarba bud+d+ha nya sha yaM/ men+ta ka dz+nyA na/ ma hA san+nar+tha pra ka Ta tan+t+ra/ bid+yA sro da ya ma ha tan+ta nA ma/ bod skad du/ de bzhin gshegs pa thams kyi ting nge 'dzin yongs su bshad pa/ ye shes 'dus pa'i mdo/ theg pa chen po/ gsang ba bla na med pa'i rgyud/ chos thams cad kyi 'byung gnas/ sangs rgyas thams cad kyi dgongs pa/ gsang sngags gcig pa'i ye shes/ rdzogs pa chen po'i don gsal bar byed pa'i rgyud/ rig pa rang shar chen po'i rgyud ces bya ba/ bcom ldan 'das gzhon nu khro gnyer can dang / phyogs bcu'i sprul pa'i zhing khams dang bcas pa la phyag 'tshal lo// 'di skad bdag ston pa nyid kyis gis bstan pa'i dus gcig na/ rdo rje sems dpa' de bzhin nyid/ sems can kun gyi rang rgyud sangs rgyas kyi sa bon la gnas pa'i don nye bar ston to// byin gyi sangs rgyas thams cad rlabs kyis bshad pa'i rgyud nye bar
- 146a
ston to// rigs kyi bu rnams ma yengs pa'i tshul gyis gus par nyon cig rang rang gi rig pa chos kyi sku'i don chen po ngas bshad kyis sems kyi rtog pa sol la/ sems rtse gcig pa'i ting nge 'dzin gyis nyon cig de skad ces ye shes legs thal du kyi klong / 'od kyi yul rig pa tshas thaMd kyi yul bstan rig pa'i dba' gnas bcan gnas/ sgra'i nga ba'i spang ba brtan mkha'/ gsung ma dzad pa'i thugs rje bzhin gi zer/ thugs kyi ra don bstan dbyings/ shes rab kyi pho brang rig pa'i gzhal las khang bstan 'di skad gsungs so// de skad bdag gis gsang ba'i bdag po la sogs pas thos thos pa'i dus gcig na/ 'di nas shar phyogs kyi 'jig rten gyi khams na/ zhing khams mngon par dga' ba zhes bya ba yod de/ sprul pa sku'i zhing khams de na/ sprul pa'i sku rdo rje sems dpa' zhes bya ba de bzhin gshegs pa thams cad kyi dbang bskur dam pa thob pa'i gnas de na/ gzhal yas khang gi yon tan dpag tu med pa yod de/ de yang 'di lta ste/ rin po che shel las grub pa'i gzhal yas khang sgo bzhi dang ldan pa/ rin po che lnga'i rta babs dang ldan pa/ sa thams cad kyang rin po che shel las grub pa/ shin tu yid du 'ong pa/ lta na sdug pa/ them skas dang / skar khung dang ldan pa/ phyogs bzhi nas/ gseng dkar chen po bzhi yod pa/ gseng dkar nas nyi ma shar bas/ rin po che shel las
- 146b
grub pa'i khang pa la phog pas/ nang du nyi ma 'od lnga'i snang ba lhug par 'char ro// gzhal yas khang de'i phyi rim na/ yan lag brgyad dang ldan pa'i chu bo'i 'obs yod pa/ chu de la nad kyis btab pa rnams kyis 'thungs na nad 'tsho bar 'gyur ba de'i phyi rim na mtshe'u brgyad yod la/ de rnams kyi nang na yang bya skad snyan pa sna tshogs te/ de yang 'di lta ste/ bya'i rgyal po ngang pa gser ldan dang / mthing ril dang / b+ha ga bya ka yang zer bi da dang / rma bya dang / ne tso mi skad shes pa dang / khu byug dang / shang shang te'u dang / ri skegs dang / de la sogs pa'i skad snyan pa'i bya rigs stong phrag brgyad cu dang / yid du 'ong ba'i bya'i rigs 'di lta ste/ kang ka ri ka dang / zer mong dang / wab dang / lha'i bya dril bu'i skad can dang / bya kri ti ba gser gyi rdo rje'i gzugs dang / de la sogs te/ g.yu'i mdog ltar sngo ba dang / dung gi mdog ltar dkar bab dang / bye ru'i mdog ltar dmar ba dang / in+da ni la ltar mthing ba la sogs te/ yid du 'ong ba dang / skad snyan pa bsam gyis mi khyab pa yod do// de'i phyi rim na rin po che sna bdun gyi lcags ri yod do// de rnams kyi dbus na rin po che sna bdun gyi khri chos 'chad pa'i gdan dang bcas pa yod do// der sprul pa'i sku rdo rje sems dpa' zhes bya ba des srod la 'khor rnams la rgyu'i chos 'chad do// nam phyed sngags phyi'i
- 147a
chos 'chad do// zo rangs nang gi chos 'chad do// nyi ma phyed nas rdzogs pa chen po 'bras bu bla na med pa'i chos 'chad do// de ltar zhag re re la chos thun bzhi bzhi 'byung ngo // de na gnas pa'i byang chub sems dpa' de dag thams cad kyang skye ba gcig gis thogs pa sha stag go/ lo yang lnga brgya lnga bcu thub bo// zhing khams de na zas dang skom yang yid la dran pas tshim pa yod do// de na nad med pa dang / byung srid na'ang chu yan lag brgyad dang ldan pa de 'thung bas nad sel lo// me tog sna tshogs kyis sprul pa'i sku de la mchod pa cher byed pa sha stag go/ gzhal yas khang de'i zur bzhin mu tig las grub pa'i mchod rten bzhi yod de/ de bzhi'i bar na dril bu g.yer kha'i dra bas thag pa bres nas yod do/ thag pa de rlung gis bskyod pa dang / dril bu'i sgra yid du 'ong ba sna tshogs 'byung ngo // phyogs bzhin dar sna tshogs kyi ba dan bzhi yod de rlung gis bskyod pa las/ dri zhim pa sna tshogs 'byung ngo // gzhal yas khang de na yon tan dpag tu med pa de lta bu yod do// gzhal yas khang de ni 'di nas shar phyogs na dpag tshad lnga brgya 'das pa'i steng na yod do// der skyes pa'i byang chub sems dpa' de dag kyang / sum cu rtsa gsum gyi lha'i longs spyod dang mnyam mo// shar gyi sprul pa sku'i zhing khams de na de bzhin du yod do// 'di nas
- 147b
lho'i phyogs na sprul pa sku'i zhing khams dpal dang ldan pa de na yang / rin po che gser las grub pa'i khang pa gru bzhi pa ba gam dang bcas pa/ sgo bzhi rta babs dang bcas pa/ zur bzhi la mchod rten dang bcas pa/ logs bzhi pa dan dang bcas pa dang / phyogs bzhin gseng dkar dang bcas pa// mtshe'u bdun bya dang bcas pa/ yan lag brgyad dang ldan pa'i chu lcags ri dang bcas pa/ khri dang chos kyang gong ltar bshad do// byang chub sems dpa' de dag kyang skye ba gcig gis thogs pa sha stag go/ sprul pa'i sku rin chen 'byung ldan gyi zhing khams de ni yon tan de lta bu yod do// 'di nas kyang nub phyogs pad+ma brtsegs pa'i zhing khams de na yang / sbrul sku snang ba mtha' yas zhes bya ba yod de/ de na yang gong ma'i yon tan dang mnyam pa yod do// 'di nas byang gi phyogs kyi 'jig rten gyi khams na/ rin po che rnam par bkod pa zhes bya ba yod de/ de na yang sprul pa'i sku don yod grub pa zhes bya ba'i zhing khams de na yang gzhal yas khang gi yon tan 'di lta bu yod de/ rin po che in+d+ra nI la las grub pa'i gzhal yas khang gru bzhi dang ldan pa yod do// de na yang phyogs bzhi na gsang dkar chen po bzhi yod do/ de na nyi ma shar bas 'od ljang gus nang khengs nas yod do// sa thams cad in+d+ra nI la las grub pa yod do// de'i phyi na chu yan lag brgyad
- 148a
dang ldan pa'i chu reg na bde ba dang / 'thungs na nad thams cad sel ba yod do// de'i phyi rim na mtshe'u bdun yod de/ de'i nang du bya skad snyan pa sgrogs pa gnas te/ de yang 'di lta ste/ bya'i rgyal po ngang pa gser ldan dang / mthing ril dang / bya ka ta ri dang / rma bya dang / ne tso mi skad shes pa dang / khu byug dang / shang shang te'u dang / ri skegs dang / de la sogs te skad snyan pa'i bya rigs stong phrag brgyad cu dang / yid du 'ong ba'i bya rigs 'di lta ste/ kang ka ri dang / zer mong dang / wab dang / lha'i bya dril bu'i skad can dang / bya kri ti pa gser gyi rdo rje'i gzugs can dang / de la sogs te yid du 'ong ba dang / g.yu'i mdog ltar sngo ba dang / dung gi mdog ltar dkar ba dang / byi ru'i mdog ltar dmar ba dang / in+d+ra nI la'i mdog ltar mthing ba dang / de dag la sogs te yid du 'ong ba dang / skad snyan pa bsam gyis mi khyab yod do// de'i phyi na rin po che sna bdun gyi lcags ri yod de/ de rnams kyi dbus na rin po che marga ta las grub pa'i khri chos bshad pa'i gdan dang bcas pa yod de/ der sprul pa'i sku don yod grub pa zhes bya ba yod de/ srod la gdams ngag gi chos ston to// nam phyed na dbang gi chos ston to// tho rangs spyod pa'i chos ston to// nyi ma phyed na lta bsgom gyi chos ston to// de ltar zhag re re la chos thun bzhi bzhis
- 148b
'khor rnams kyi rgyud bkrol lo// de na gnas pa'i byang chub sems dpa' de dag thams cad kyang skye ba gcig gis thogs pa sha stag ste/ lo yang stong thub bo// zhing khams de na zas dang skom yang yid la dran pa tsam gyis tshims pa yod do// de na bad kan las gyur pa dang / rlung las gyur pa dang / mkhris pa las gyur pa dang / 'dus pa las gyur pa'i nad med do// me tog sna tshogs kyis sprul pa'i sku de la mchod pa rgya cher byed pa sha stag go/ byang chub sems dpa' de dag kyang kha dog ljang gu sha stag ste/ rta dang zhon pa yang kha dog ljang gu sha stag go/ khye'u dang bu mo'i gzugs su snang ba yang kha dog ljang gu sha stag go/ kun kyang 'dod pa dang bral zhing chog shes pa sha stag go/ kun kyang sems kyi rnam rtog med pa sha stag go/ zhing khams de na sems rnam pa 'dzin pa dang bcas pa'i sems dang / dri ma dang bcas pa'i sems dang / mtha' bzhi'i dri ma dang bcas pa'i sems so// gsum med do// yid drug kun tu 'chol ba'i yid dang / gtan la 'bebs pa'i yid dang / nges par 'jog pa'i yid dang / yid kyi rnam par shes pa'i yid dang / rnam par 'gru ba dang / dran pasam gyi yid dang / med do/ nyon mongs pa ng+kag 'dod chags dang / zhe sdang dang / gti mug dang / nga rgyal dang / phrag dog dang / khong khro'o// med do/ ma rig pa'i rkyen bzhi bdag nyid gcig pa lhan gcig skyes pa dang kun tu brtags pa rgyu'i rkyen dang / dmigs pa'i rkyen dang / de ma zag pa'i rkyen/ bdag po'i rkyen
- 149a
dang bcas pa med do// ma rig pa dang bcas pa mtshungs par ldan pa'i yid da yum la dpyad nas nga yin bum pa gas pa ma dpa/ med do// kun kyang rnam par rtog pa dang bral ba sha stag go/ gzhal yas khang dang 'khor gyi yon tan no// gzhal yas khang de'i gru bzhi na rin po che shel gyi mchod rten khri 'phang dgu pa bzhi yod do// de'i bar du gser gyi dril bu g.yer kha'i dra ba yod do// de rlung gis bskyod pa las dril bu'i sgra snyan pa sna tshogs 'byung ngo // mchod rten bzhi la nyi ma phog pas 'od lnga'i zhags pas sbrel nas yod do// phyogs bzhi na rma bya'i ba dan bzhi yod do// de rlung gis bskyod pas yid du 'ong ba dang / mdzes pa sna tshogs 'byung ngo // yon tan dpag tu med pa de lta bu yod do// gzhal yas khang de ni 'di nas byang phyogs na dpag tshad lnga brgya'i steng na yod do// der skyes pa'i byang chub sems dpa' de dag kyang gzugs khams kyi lha dang longs spyod mnyam mo// byang phyogs kyi sprul pa sku'i zhing khams de na de bzhin du yod do// zhing khams de tsho'i mdun gyi bar snang la sprul pa'i sku khro bo'i zhing khams yod do// dur khrod chen po me ri 'bar ba zhes bya ba yod do// thod pa'i khang pa gru bzhi dang ldan pa yod de/ de yang 'di lta ste/ thod pa skam pos 'gram gzhi byas pa/ sha ri raM yod pas brtsigs pa byas pa/ b+ha na d+ha lcang lo can gyis
- 149b
kha bad byas pa/ rgya dang 'phang dpag tu med pa/ gnam lcags kyi gzer gyis bsdams pa/ rak+ta'i zham chu 'bab pa/ nyi zlas ka gdan byas pa/ chu srin kha'i ka zhu byas pa/ lha chen brgyad kyi gdung ma bres pa/ mchog chen po brgyad kyi dra ba byas pa yod do// nyin bzhin rlung 'tshubs pa/ mtshan bzhin me 'bar ba/ gzhal yas khang de'i gru bzhin zhing chen gyi gdugs phub pa/ lha mo lngas gar byed pa/ sa gzhi thams cad kyang rak+ta'i rba klong 'khrugs pa'o// gzhal yas khang de'i nang na bcom ldan 'das gzhon nu dpa' bo stobs ldan zhes bya ba thugs zhi ba las ma g.yos kyang / sku khro bo'i cha byad du bstan pa/ mkha' 'gro ma dang khro bo dang khro mo'i tshogs dpag tu med pas bskor ba yod de// de yang 'di lta ste/ mkha' 'gro ma pur+Na nye bar zhi ba dang / tshangs pa dung gi mgrin pa can dang / drang srong zla 'od gzhon nu dang / yang 'khor gyi mkha' 'gro ma e ka dza Ti spun drug dang / de'i bran mo bcu bzhi dang / g.yog mo lnga bcu rtsa brgyad dang / yang g.yog 'bum khri 'bum stong la sogs te/ mkha' 'gro ma'i 'khor dpag tu med pas bskor ba/ bcom ldan 'das de'i thugs las sprul pa'i 'khor phyag na rdo rje la sogs te/ khro bo'i 'khor bsam gyis mi khyab pas bskor ba/ dga' 'khor phun sum tshogs pa rab rdo rje la sogs te/ mi'i 'khor bsam gyis mi
- 150a
khyab pas bskor ba/ 'khor rnams la 'bras bu gsang sngags bla na med pa'i chos 'dis zhi bas sprul pa'i byang chub sems dpa' rnams grol bar byed do// thams cad kyang khro bo'i gnyer ma dang ldan pa sha stag go/ gzhal gnas phun sum tshogs pa yas khang de ni shin tu ya nga ba dang ldan pa'o// dbang po tha bden pa'i stobs ma mthong ba de ma'i gang zag dag ni/ der shes pa'i khyad kyis bred cing sngangs dang po'i dran pa sad nas nas sprul pa sku'i zhi ba'i zhing du skye ba sha stag go/ de dag la sogs te thun mong dang khyad par gyi 'khor dpag tu med pas bskor ba/ chos kyi glu dang / chos kyi gar sna tshogs dang / chos kyi sgra sna tshogs sgrogs bstan pa phun sum tshogs pa pa sha stag go/ de nas bcom ldan 'das ston pa phun sum tshogs pa/ sarba d+harma snyoms byed kyi ting nge 'dzin la snyoms par zhugs so// de rnams kyi 'og na las ma dag pa'i zhing khams zhes bya ba yod de/ de na yang mi gtsang ba'i khang pa rgya khyon dpag tu med pa yod do// sems can gyi gzugs tha dad pa sna tshogs dmyal ba dang / yid dgas dang / rgyal mong dang / lha ma yin la dang rdzal/ yod do// nad drug bsngal gas kyis btab pa sna tshogs pa yod do/ sems 'di nas gzhan du can lus 'pho ba dpag tu med pa yod/ lus gzhan nas 'di ru len pa yang yod do// zas dang skom gyi gdung 'dod pa dang bcas pa ba yang yod do// de las byung
- 150b
ba'i ma dag pa'i khams lnga yang yod do// de na nyon rtsa ba ma rig pa las kun brtags su snang ba'o mongs pa stong phrag brgyad cu rang kha mar spyod do// de ni sems can las ma dag pa lhung ba'i gnas yin no// de lta bu'i sdug bsngal dang ldan pa dag kyang yod do// de'i phyir na sems can gyi las bsam gyis mi khyab pa'i bye brag de lta bu yin no// de'i phyir na 'dul thabs kyi theg pa bsam gyis mi khyab pa gsungs kyang / gsang ba bla na med pa 'di ni 'jig rten du 'byung bar dka'o// 'di ni dus la bab pa'i gang zag las sad pa 'ga' la snang ngo // nyon mongs pa stong phrag brgyad cu'i gnyen por chos kyi sgo mo stong phrag brgyad cu gsungs 'das pa so/ gsung da ka'i ngo / gsung bar 'gyur ma 'ongs pa'i ro/ zhes rig pa rang shar chen po'i rgyud las/ gleng gzhi'i le'u ste dang po'o// // gnyis pa gleng slong bstan/ de nas dur khrod chen po me ri 'bar ba de na/ gzhon nu dpa' po stobs ldan khro bo'i stangs stabs dang ldan pas/ zhes bya ba gsal la mi rtog pa btang bzhag dang bral ba mtha' gnyis su med pa'i/ ting nge 'dzin las bzhengs nas/ sarba a ka ma ni/ thams cad nam mkha' rnam par dag pa/ sarba a ka ma ni/ thams cad nam mkha' rnam par dag pa/ zhes bya ba'i sgra brjod pas/ 'khor rnams rtog pa skyes te/ de rnams kyi nang nas gsang ngo bo ba'i bdag po phyag na rdo rjes bskor ba lan gsum byas nas 'di skad
- 151a
ces gsol to// kye kye bcom ldan gsang sngags bdag/ 'khor rnams rtog pa bsal du gsol/ gsang ba'i rig pa nyin bstan du gsol/ zhes zhu ba zhus so// de nas bcom ldan 'das kyis bka' stsal pa// e ma ho/ ngo mtshar dang bcas pa/ rdo rje'i bdag po legs par nyon// e ma ngo mtshar che ba'i rgyud// thabs chen gtan tshigs 'byung ba yin// 'di byung bas ni rtog pa sel// ma grol pa yang grol bar 'gyur// grol ba rnams ni mthar phyin 'gyur// ma rig sel ba'i nyi ma 'byung // rnam rtog grol ba'i rgyud chen 'byung // de bzhin gong du/ rgyud brjod de bzhin no// zhes bka' stsal to// de nas yang gsang ba'i bdag pos 'di skad ces zhu ba zhus so// kye kye bcom ldan stobs kyi bdag/ rtog pa bsal ba ngo mtshar che// rgyud kyi rgyal po gsung du gsol// sems can rtog pa bsal ba'i phyir// rang rig rang gi don gyi dgongs pa/ thabs chen bshad du gsol/ nyon mongs stong phrag brgyad cu la/ mtha' yas pa rnams/ gcig ma rig pa/ gis bsdu ba rig pa/ gsung du gsol/ gsang sngags rdo rje theg pa la/ don chen rdzogs chen du dgrol ba gsung du gsol/ zhes zhu ba zhus so// de nas yang bka' stsal pa/ rgyud kyi rgyal po'i bshad lugs ni// tshig don 'brel pa chen po las// phun sum tshogs pa lnga dang ldan// gong du bshad pa'i rgyud chen po// rang
- 151b
rig thabs chen de'i ngo bo/ sbyor ba ni/ gcig ma rig pa/ las du mar snang ba'o// du ma rtogs na gcig de'i ngo bo rig pa/ gi dang / rig pa'i chos nyid dbye ba ni// chos sgra thig le nyag gcig tu// gcig la thams cad rdzogs pa'o// nyon mongs stong phrag brgyad cu yang // gcig rig pa thig le nyag gcig tu/ ma shes pas byung ba ste// gcig don gcig tu 'dus pa de'i ngo bo// shes pas ni grol bar 'gyur// gcig dang du mar rig pa dang ma rig pa/ snang ba yang // rig pa'i ngo bo las byung bas/ cho 'phrul chen po ste// thams cad de'i ngo bo las ma 'das pa'o// cho 'phrul rang kha ma'o// gcig sgron ma/ ni ngo bo stong pa la// rang bzhin 'od lnga go ma 'gags pa'o// gsal cha ma 'gags pa'o// gcig ma rig pa la/ ni du mar 'od lngar/ sdud pa las// sna tshogs stong phrag brgyad cu/ rol bar 'char ba'o// don gcig tu 'dus par/ gsang sngags rdo rje theg pa yi// don ni gsung du 'du ba'o// blta bsgom spyod pa gsum du 'dus// lta ba rnam pa gsum du 'dod// chos can gyi yul la/ blta ba'i lta ba dang / chos nyid nang sems la/ blta ba'i lta ba dang / rang rig gsang ba rigs la/ blta ba'i lta ba'o// sgom pa la'ang gsum gyis so so'i sems 'dzin pa la sogs te gtan la 'bebs te bstan/ bstan/ lha dang mi yi ye shes ma mthong gis dogs nas bsgom pa bstan pa/ sems 'dzin dang // byang chub sems dpa'i bsam gtan dang // de bzhin
- 152a
gshegs pa'i dgongs par 'dod// spyod pa la yang rnam gsum ste// ma chags 'dzin pa'i spyod pa dang / mtshan nyid zag pa'i spyod pa ste sangs rgyas kyi mdzad spyad la yang dag pa ma yin pa dang / dgag bsgrub med pa'i skrod pa dang gsang sngags spyi'i spyod pa dang / chags pa zhen med spyod pa'o// rdzogs chen la zhen med spyod pa/ de ni sdom pa'i go ba'i dus bstan/ tshig tu bstan/ byang chub sa la de bzhin spyod pa gnas// zhes rig pa rang shar chen po'i rgyud las/ 'khor gyis gleng slong ba'i le'u ste gnyis pa'o// // de nas yang gsum pa spyod pa bstan/ gsang ba'i bdag pos 'di skad ces zhu ba zhus so// kye kye bcom ldan thugs rje can/ ngo bo dang kos 'gags pa// gong 'og bsnol ba'i tshig zhu yis/ gnang ba'i skabs dbye bstan du gsol// spyod pa/ spyod pa rang gi ngo bo bstan du gsol/ mdor bsdus gsung du gsol/ zhes zhu ba zhus so// thugs rje'i stobs kyis rig 'i thabs thun mong ma yin pa mnga' ba des/ bka' stsal pa/ kye ho gsang ba'i bdag po rdo rje 'dzin pa/ nyon/ chos nyid rang gi chos nyid don gyi rig pa/ rnyed par 'dod pa yi// dang po spyod pa 'khor 'das khregs tshad kyis gsod pa/ mdor bsdus bya/ de yang mdor bstan yid la zung / ma chags 'dzin don la sbrel mi nus/ pa'i spyod pa ni/ mtshan nyid theg nyan thos rang rgyal byang sems pa'i spyod pa ste/ don gyi yul rlung gi stong pa nyid la/ chags pa chen pos
- 152b
bcings/ zabs rtogs pa ma rnyed par/ med grol bar ga la 'gyur/ don med rang gi spyod la chags pa'o// gnyis snang du/ 'dzin pa'i rtog pas rang rgyud bcings/ ma rig pa las/ grol bar mi 'gyur yun ring gnas/ 'khor bar// tshul 'chos dag gi spyod pa'o// de nas gsang ba'i bdag po rdo rje 'dzin pa chen po des 'di skad ces gsol to// kye kye bcom ldan ma chags spyod/ dgag bsgrub med pa'i spyod pa yi/ don dang rnam bshad gsung du gsol// zhes zhus so// spyod pa'i bdag pos bka' stsal pa// e ma gsang bdag nges pa 'byung // dgag bsgrub med pa'i spyod pa ni// gsang sngags phyi kr-i sa u pa log/ nang spyod pa ste// nyon mongs ngo bor 'byer ba/ dgag par mi 'dod cing / sems las ma gtogs pa/ ye shes bsgrub par mi 'dod la// tshig chog 'bru la rten 'cha' ba/ don 'brel pa'i spyod pa'o// don gyi chags bdag dam tshig sems dpa' lha ye shes sems dpa' la chags/ med ma yin te// thabs zabs che bas/ mchog spyod pa khyad par 'phags// thabs chen 'dzin spyod de bzhin no// de bzhin spyod pa'i rnal 'byor kyang // yang dag nyid kyi spyod pa rdzogs chen gyi spyod pa min// thabs 'og ma pas kyi khyad kyis byang chub 'byung // khyad par lta spyod gcig gi ngo gang la// ye shes rtogs pa'i dam tshig sems dpa' ye shes sems dpa' gnyis/ 'du 'bral med// ces gsungs so// yang gsang ba'i bdag pos
- 153a
gsol pa// kye kye bcom ldan spyod pa'i bdag/ chags la zhen med rdzogs pa chen po'i// spyod pa yi// rang rang gi don sbyar mthun tshig gsung du gsol// stobs po che yis bka' stsal pa// kye ma gsang ba'i bdag po nyon// ngas bstan legs par yid kyis zung // chags snang ba 'di blo'i spyod yul las/ la zhen med spyod pa ni// rdzogs chen a ti'i spyod pa ste// byar med ngo bo la/ byas med rtsal/ byung ba med yon tan// 'gro med ngo ba/ 'od med rang bzhin/ gnas pa med thugs rje/ chags pa med la zhen pa med// bag chags sbubs la gzhi shes pa'i chos su/ ye shes chags// sbubs bag chags kyi por ye shes zhen pa med// snang nam mkha' ba'i yul la sgron ma gnyis chags// snang 'gags lus bor nas/ sgron ma yul la/ zhen pa med// chags la 'di zhes/ zhen med spyod pa ni// rnal 'byor blo rtsal dang ldan pas/ chen po'i spyod pa'o// yang dag don rtogs zhen med sa la gnas// chags snang ba de la kyang zhen pa med na don gyi nga ba nyid rtogs na/ spyod pa chen po yin// 'dzin yul bdag tu pa'i yul med blo la zhen pa'i yod med kyi/ mtha' las grol// dmigs 'di zhes pa'i yul med gza' gtad rtog pa zad/ chos las grol/ 'khrul pa chod pa// ma rig par kham lam du khyer/ gnas med rnam rtog sems las grol// zhes gsungs so// zhes rigs pa rang shar chen po'i rgyud las/ spyod pa'i
- 153b
don bsdus te bstan pa'i le'u ste gsum pa'o// // de nas gsang ba'i bdag pos 'di skad ces gsol to// kye kye bcom ldan dgongs pa'i bdag/ lha dang mi yi sems 'dzin don bshad pa'i// don chen 'khor la bstan du gsol// zhes zhus pas/ khro bo'i rgyal pos bka' stsal pa// kye ma gsang bdag legs par nyon// bsgom pa'i rim pa 'di lta ste// lha dang mi yi sems 'dzin ni// kha sna'i dbugs ni bsdams byas na// rtog med yid la 'grus pa na// shes pa gcig pa'i ngo bo ste// 'phral gyi rnam rtog med par gsungs// yang dag don chen mtshon mi nus// zhes gsungs so// de nas yang gsang ba'i bdag pos 'di skad ces gsol to// kye kye bcom ldan stobs kyi bdag/ byang chub sems dpa'i bsam gtan la// 'jug sgo bye brag gsung du gsol// zhes zhus so// de nas yang bka' stsal pa// kye ho rdo rje 'dzin pa nyon// bsam gtan bye brag bsam mi khyab// mdor bsdus bshad kyis legs par nyon// byang chub sems dpa'i bsam gtan ni// sems ni 'dzin pa ma yin te// ngang ngam shugs kyis skye ba'o// goms pa klong du gyur pa dang // zas kyi 'du shes spang ba'o// sa la gnas pa rnams kyi spyod// rnam rtog ngang gis med pa'o// des kyang don chen mtshon mi nus// zhes gsungs so// de nas yang phyag na rdo rjes 'di skad
- 154a
ces gsol to// kye kye sbrul sku bcom ldan 'das// de bzhin gshegs pa'i dgongs pa'i don// mos pa'i 'khor la bstan du gsol// zhes zhus so// rdo rje 'chang gis bka' stsal pa// a ha rdo rje 'dzin pa nyon// ngas bstan legs par yid la zung // de bzhin gshegs pa'i dgongs pa ni// nam mkha'i mthongs su shes par bya// de la goms par gyur na yang // ye shes snang ba lhug par 'char// yang dag lam yang de bzhin no// 'dzin med yul la de bzhin gnas// rtogs pa'i dus na de bzhin no// ma rtogs sems can thams cad la// mtshon du yod par gnas pa'o// de bzhin gshegs pa'i dgongs pa la// skye dang 'grib pa med pa'o// de yang grol lugs gang zhe na// gdams ngag don gyis grol ba'o// zhes gsungs so// zhes rig pa rang shar chen po'i rgyud las/ sgom pa'i don bsdus te le'u ste bzhi pa'o// // de nas yang gsang ba'i bdag po rdo rje 'dzin pa chen po des 'di skad ces gsol to// kye kye bcom ldan rnam grol bdag/ sgom pa'i dmigs bsal de ltar na// lta ba'i don bshad gsung du gsol// chos can lta ba gsung du gsol// zhes zhus so// khro bdag chen pos bka' stsal pa// a ho rdo rje 'dzin pa nyon// lta ba'i bye brag bsam mi khyab// de rnams don bsdus nga yis bstan// ma yengs tshul
- 154b
gyis gus par nyon// chos can mtshan mar snang ba la// mig gi dbang po ma 'gags pa// sems kyi blta ba legs pa yin// rang gi rig pa gsal ba yin// cho 'phrul phyi yi snang ba ste// rtog med gsal ba'i ngo bopo la// rang byung chen por shes gyur na// chos can blta ba'i lta ba'o// zhes gsungs so// de nas yang gsang ba'i bdag pos 'di skad ces zhus so// kye ho bcom ldan rnam dag sku// chos can lta ba de ltar na// chos nyid blta ba'i don bshad pa// tshig gi sgo nas gsung du gsol// zhes zhus so// gsang sngags bdag pos bka' stsal pa// kye ma gsang bdag nges par zung // chos nyid rig pa skye med la// rnam rtog mtshan ma ngang gis med// rig pa dgag bsgrub med pa la// zhen pa'i spyod pa ga la yod// chos nyid rtogs par byed pa ni// byar med dang du shes par bya// bya byed bral ba'i rig pa ni// gang gi phyogs su ma lhultung ba// bsgom pa chen po zhes bya ba'o// de yang rtogs byed 'di lta ste// 'du shes gcig pa'i shes rab kyis// blo gting yid ches gyur pa dang // chos nyid skye med rtogs gyur na// ye shes chen po skye bar 'gyur// chos nyid skye med snang ba la// skye bya skye byed gnyis ltar snang // de yang chos nyid chos can ni// gcig ma shes pas byung ba ste// gcig shes nas ni grol bar 'gyur// de ltar skye med don
- 155a
rtogs nas// chos nyid blta ba'i lta bar 'dod// ces gsungs so// de nas yang rdo rje 'dzin pa chen pos 'di skad ces gsol to// kye kye bcom ldan rang rig bdag/ chos nyid lta ba de ltar na// rang rig lta ba gsung du gsol// zhes dri ba dris so// de nas rdo rje 'chang chen des// tshig gi sgo nas bka' stsal pa// kye ma rdo rje 'dzin pa nyon// ngas bstan legs par yid la zung // gzung 'dzin rnam rtog 'khor ba la// rang rig lta ba 'di ltar gnas// shes pa ngang gis ma g.yos pa'i// rtags ni thugs rje'i 'brel thag go/ don ni sku lnga'i dkyil 'khor ro// dpe ni nam mkha'i 'ja' tshon no// gnas ni tsit+ta'i dkyil na gnas// lam ni b+h+r-i gu ta nas 'byung // yul ni nam mkha' stong pa'o// dus ni bar do'i snang ba'o// ngo bo 'gyur med chen po yin// rang bzhin 'gag med kun la khyab// thugs rje'i snang ba ma 'gags pa'o// rgyu ni kun la de bzhin gnas// rkyen ni gdams ngag nyi shu'o// rgyu rkyen 'dzom na rang rig rtogs// rtog med gsal ba'i ngo bo la// 'dzin pa'i rnam rtog ngang gis med// 'dzin med rang gsal de bzhin gnas// 'dzin med 'gro 'ong med pa'i chos// sangs rgyas kun gyi dgongs pa yin// rtog med rang gsal chen po ni// ma bskyod mkha' la gsal ba'o// de ltar rtogs pa'i rnal 'byor de// rang rig
- 155b
lta ba chen por 'dod// ces rig pa rang shar chen po'i rgyud las/ lta ba mdor bsdus te bstan pa'i le'u lnga pa'o// / de nas yang gsang ba'i bdag pos phyag na rdo rje zhes bya ba/ de bzhin gshegs pa thams cad kyi phyag mtshan du rdo rje gtad de dbang bskur bas/ dbang thob pas gsang sngags bla na med pa'i zhu ba por dbang thob pa des 'di skad ces gsol to// kye kye bcom ldan dbang gi bdag/ dbang gi bskur thabs gsung du gsol// zhes zhu ba zhus so// de nas bcom ldan 'das thugs rje dang ldan pa des/ pad+ma he ru ka zhes bya bar sprul nas/ dbang rdzogs pa'i sa ma ti las bzhengs te// 'di skad ces bka' stsal pa/ e ma ho// dbang nod 'khor rnams legs par nyon// dbang la rnam pa gnyis kyis bstan// de yang bstan pa 'di lta ste// rtogs pa ye shes dbang bskur dang // ma rtogs rdul tshon dbang bskur ro// ma rtogs rdul tshon dbang bskur ni// mtshan ma'i rdzas la brten pa dang // rdul tshon dkyil 'khor brten pa dang // yum gyi b+ha ga'i dbang bskur ro// mtshan ma rdzas la rnam gsum ste// bkra shis rdzas brgyad bskur thabs dang // rin chen bum pa'i bskur thabs dang // sha khrag gtor ma'i bskur thabs so// dkyil 'khor bskur thabs rnam gsum ste// 'khor gyi dkyil 'khor bskur thabs
- 156a
dang // tsa ka li yi bskur thabs dang // dbus kyi pho brang bskur thabs so// yum la rnam pa gsum du 'dus// phyag rgya'i sgo nas bskur thabs dang // b+ha ga dang ni rdo rje yi// dbang bskur dam pa mchog yin no// byang sems dkar dmar bskur thabs so// ma rtogs rdul tshon dbang bskur ro// de la sogs te dbang bskur rnams// rim pa bzhin du shes par bya// rtogs pa ye shes dbang bskur ni// rnam pa gsum du shes par bya// sems can snang ba phyi ltar bskur// bsgom pa sems 'dzin nang ltar bskur// ngo sprod nyi shu rtsa gcig gis// gsang ba'i dbang du bskur bar bya// ngo sprod la yang rnam gsum ste// dpe don rtags gsum tshogs pa yi// mtshon pa'i dbang chen bskur bar bya// rig pa'i ye shes ngo sprod kyis// gsang ba'i ye shes dbang bskur bya// rig pa rkyang pa'i ngo sprod kyis// gzugs sku'i zhing khams dbang skur bya// rtogs pa'i ye shes dbang mchog gis// cir snang rig par shes pa'o// rig pa dgag bsgrub med pa yis// dbang rnams dus gcig rdzogs pa'o// dbang rnams grol byed gdams go/ dmigs med dkyil 'khor chen po yi// dbang ni rang la yod pa'o// de yang don la bkrol te gsungs// gcig bkrol gnyis bkrol thams cad bkrol// grol ba rang byung gzhan las med// rang byung
- 156b
dbang chen de bzhin no// don gyi dbang mchog dkyil 'khor la// gcig rdzogs gnyis rdzogs thams cad rdzogs// don dbang ye shes mtshon pa las// gcig med gnyis med thams cad med// rdo rje'i don rtogs dbang chen las// gcig byung gnyis byung thams cad byung // stong pa ye shes dbang chen las// gcig skye gnyis skye thams cad skye// rtogs na dbang mchog de ltar bskur// ma rtogs pa yi tshig sgo nas// rdzas re don res bstan par bya// bskyed pa zhi ba'i dbang dang ni// rdzogs pa khro bo'i dbang bskur ro// gsang mtshan rdo rje'i dbang yang bskur// bka' rtags po ti'i dbang bskur zhing // de la sogs pa'i rdzas rnams kun// rim pa bzhin du bskur bar bya// zhes bka' stsal to// zhes rig pa rang shar chen po'i rgyud las/ dbang gi bskur thabs bstan pa'i le'u ste drug pa'o// // de nas yang gsang ba'i bdag pos 'di skad ces gsol to// kye kye bcom ldan thugs rje can// dbang bskur yon tan bstan du gsol// zhes zhus so// stobs kyi bdag pos bka' stsal pa// a ho gsang ba'i bdag po nyon// ngas bstan legs par yid la zung // yon tan bye brag 'di lta ste// ye shes snang ba chen po la// thogs rdugs med par 'gyur ba dang // rang snang grogs su bstan pa dang // bya ba thams cad byed par
- 157a
'gyur// zhes bka' stsal to// de nas yang gsang ba'i bdag pos 'di skad ces zhu ba zhus so// e ma ngo mtshar che ba dbang gi yon tan rgyas par gsung du gsol// zhes zhus so// de nas yang bcom ldan 'das kyis bka' stsal pa// e ma ho// gsang ba'i bdag po nyon/ ngas legs par bstan gyis yid la zung // dbang bskur ba'i yon tan 'di lta ste/ bar ma do la rang gi snang ba ngo shes par 'gyur ro// ngo shes nas kyang de nyid la brtan pa thob ste/ sprul pa'i sku zhag nyi shu rtsa gcig nas 'gyed nus so// dbang po rab kyis mthar phyin pa gcig kyang sdug bsngal gyi dngos po la sogs pa mi 'ong ngo // nyams su len pa'i dus nas/ ye shes kyi snang ba ma 'gags par gsal ba'o// de ni khyad par gyi yon tan zhes bya'o// thun mong gi yon tan 'di lta bu 'thob bo// mkha' 'gro ma'i skad shes pa dang / mkha' 'gro mas byin brlabs byed pa dang / byin rlabs byas pas mi rnams kyis bkur ba'i gnas su mthong ba dang / 'gro ba thams cad byams pa dang / gzugs mdzes shing blta na sdug pa dang / bsod nams rgya chen po 'phel ba dang / 'chi 'phos nas kyang 'khor los sgyur ba'i rgyal po'i rigs su skye ba dang / nor bu rin po che yon tan chen po 'byung ba dang / pad+ma lta bur dag pa'i chos la spyod pa dang / mchod rten lta bur thams cad
- 157b
kyis bskor ba'i 'os su mthong ba dang / gdugs lta bu 'gro ba phal pa zil gyis gnon pa dang / me dpung lta bur shes rab kyi 'gro ba phal pa sgrol nus pa dang / ral gri lta bu don byed nus pa dang / rdo rje'i lcags kyu lta bu 'gro ba thugs rjes 'dzin nus pa dang / chos kyi sprin lta bus dbyings ye shes 'du 'bral med pa'i don rtogs so// phyi nang gi bya ba thams cad byed pa'o// des ni bya ba gang dang ci byed pa thams cad 'thob par 'gyur ro// de la ni bgegs dang log 'dren gyis tshugs par mi 'gyur ro// bu mang zhing longs spyod che ba ni dbang thob pa'i rtags so// tshe snga phyi dran par 'gyur ro// sems can skye ba len pa dag kyang mthong bar 'gyur ro// pha rol gyi sems shes par 'gyur ro// mi ma yin dang gtam zer bar 'gyur ro// de dag la sogs te yon tan brgya dang rtsa brgyad thob par 'gyur ro// zhes rig pa rang shar chen po'i rgyud las/ dbang bskur ba'i yon tan bstan pa'i le'u ste bdun pa'o// // de nas yang gsang ba'i bdag pos 'di skad ces gsol to// kye thugs rje chen po dang ldan pa/ dbang ma bskur ba'i skyon bstan du gsol// zhes zhus so// de nas yang gzhon nu dpa' bo stobs ldan gyis bka' stsal pa/ kye grogs po dag nyon cig/ ngas bstan gyis yid rtog pa sol la ma yengs par nyon cig/ dbang ma thob
- 158a
pa'i skyon ni 'di lta bu'o// bar ma do la bred pa dang sngangs pa dang / rdugs pa dang / thogs pa dang / 'du shes shor ba yang 'byung ngo // bag chags kyi lus ma bor bar du yang 'gro ba rnams kyi bkur ba'i 'os su mi mthong ba dang / bsod nams chung ba dang / tshe thung ba dang / 'tsho ba'i longs spyod nyung ba dang / khas nyen pa dang / bar chad mang po 'byung ngo // bya ba thams cad mi 'grub po// de ni gsang sngags spyod pa'i dbang ma thob pa'i skyon no// gsang sngags sbyong ba'i rnal 'byor pas dang po dbang thob par bya'o// dbang ma thob na sangs rgyas kyang // de bzhin gshegs pa'i sa la 'khor lo bskor mi nus so// 'khor lo ma bskor na thugs rjes sprul pa'i skus 'gro ba'i don byed mi nus so// de'i phyir na gsang sngags spyod pas dbang thob par bya'o// zhes rig pa rang shar chen po'i rgyud las/ dbang ma thob pa'i skyon bstan pa'i le'u ste brgyad pa'o// // de nas yang gsang ba'i bdag pos 'di skad ces gsol to// kye kye bcom ldan thabs la mkhas// dbang gi rnam pa de ltar na// dam tshig dbye ba gsung du gsol// zhes zhus so// dam tshig bdag pos bka' stsal ba// kye ma phyag na rdo rje nyon// dam tshig 'bum sder gsungs pa las// bsam gyis mi khyab dam tshig rnams// rnam pa gnyis su 'dus par
- 158b
gsungs// slob dpon dang ni slob ma gnyis// bsrung ba'i rgyu zhes kun tu grags// bsrung ba'i rgyu ni slob dpon te// srung bar byed pa slob ma'o// de la spyod pa rdzas 'jug go/ dang po slob dpon 'brel ba brtag par bya// slob dpon mkhas pa'i gdung 'dzin pa'i// mi shes nga rgyal chen po dang // blun rmongs tshig phyir 'brang ba dang // gsang sngags don la mi dgongs dang // gzhan gyi zhe gcod khengs tshig dang // log pa'i lam du zhugs pa dang // dbang gi dkyil 'khor zhal ma mthong // dam tshig phyal bar gyur pa dang // dris pa dag la lan mi thebs// thos chung nga rgyal che ba dag/ slob dpon ma brtags slob ma'i bdud// gsang sngags ston pa'i slob dpon min// rdzogs chen a ti ston mi nus// de dang 'grogs par mi bya'o// bkur sti phu dud mi byed cing // gsang sngags 'chol par spyod pa dang // rigs rgyud med cing ngang rgyud med// shes rab chung bar gyur pa dang // bka' drin khyad du gsod pa dang // rang gi rigs rgyud brjod pa dang // lus la rgyan bzang 'dogs pa dang // don med phyal bar gyur pa ste// slob ma ma brtags slob dpon dgra// nyams su mi len gang zag la// rdzogs pa chen po'i don mi bshad// rdo rje'i don ldan man ngag slob dpon ni// ngang rgyud bzang zhing slob pa dag la mkhas// dbang thob gsang sngags
- 159a
don la sbyar// phyi nang bya ba thams cad shes// yi dam lha dang 'du 'bral med// ting nge 'dzin la yengs pa med// rdzogs chen man ngag don ldan pa'i// gsang sngags gsang ba'i rgyud la mkhas// phyi nang sgrub thabs thams cad byed// lta ba'i don las mi 'da' zhing // phyi nang gsang ba'i bya ba btang // yon tan nor bu rin chen ltar// zad med gter la spyod pa'o// thugs rje'i 'brel thag ma chad cing // brtse gdung rgyun thag ma chad pa// slob dpon slob ma'i 'brel ba'o// de ltar man ngag slob dpon la// rang lus dang ni rin chen rdzas// shin tu dkon pa dag gis bsnyen// dad pa'i stobs dang brtson 'grus che// shes rab che zhing 'dzin chags med// phu dud che zhing gsang sngags spyod// rtog med sems la yengs pa med// dam tshig ldan zhing bsgrub la brtson// breng nge dung nge bsgrub la brtson// lhang nge lhan ne bsgom la spyod// slob dpon gsungs pa ci bzhin byed// dam tshig phyal bar mi btang zhing // spyod lam gzhan dang mthun par spyod// gus pa'i tshul gyis sems dad cing // tshig gcig bstan pa rjes su 'dzin// rang gi don la de bzhin spyod// gsang bar gnyer gtad thub par byed// rdo rje'i don las mi 'da' zhing // thos pa che ba'i gang zag bstan// rang gi don la 'da' ba med// dregs pa'i tshig med 'jam
- 159b
por smra// pha rol sems dang mthun 'jug byed// slob dpon dang ni de bzhin gshegs// khyad med gcig gi tshul du byed// de ni slob ma'i mtshan nyid ste// de ltar ldan pa'i slob ma de// rdzogs pa chen po'i snod du gsungs// man ngag rdzogs pa chen po'i don// snod ngan phal du blug mi bya// dad dang ldan pa 'ga' yi bcud// snod ngan dag tu blugs gyur na// bcud med gnyis ka phung bar byed// de phyir snod med rnams la gsang // zhes rig pa rang shar chen po rgyud las/ slob dpon dang slob ma'i 'brel pa brtags pa'i le'u ste dgu pa'o// // de nas yang gsang ba'i bdag pos 'di skad ces gsol to// kye kye bcom ldan dam tshig 'chang // dam tshig dbye ba gsung du gsol// zhes zhus so// dam tshig bdag pos bka' stsal pa/ a ho/ gsang ba'i bdag po la sogs pa nyon// dam tshig sdom pa gzung bar gyis// 'bum sder gsungs pa'i dam tshig rnams// mdor bstan legs par yid la zung // de yang mdor bstan 'di lta ste// rtogs byed blta ba'i dam tshig ngab ngas chog dbya ba ma// nga btog med shes rab yin// rjes tshig ni// rig pa la phyi nas pa bas na blta ba/ dbye na chos can mtshan nyid gnyis su med do/ dang // spyod pa rgyun gyi dam tshig dang // bsgrub pa spyi yi dam tshig bshad// thun mong spyi yi dam tshig med pa dang / gcig pu dang / phyal ba dang / lhun gyis grub pa'o// stong pa'i phyir med
- 160a
pa'o// sems dang bral ba'i phyir gcig pa/ 'das pa'i phyir bral ba/ gzhi la yod pa'i phyir lhun grub bo/ dang / sku gsungs thugs kyi dam tshig sgra'i srog gcod pa spang bar bya/ gsung gi rdzun dang phra ma zhe gcod pa'i tshig spang / thugs kyi sgo nas bsam gtan mi dkrug slob dpon gyi thugs mi dkrug go// yan lag grangs kyi dam tshig spyad par bya ba'i dam tshig nyi shu'o/ dang // gal mdo nges pa'i dam tshig ma khrel ba'i tshul bzhi la sgom bslab de yi dam lngas ma khrel/ g.yo spu dang thog med par rang gis mi khrel/ bkur sti che ste slob dpon gyis ma khrel/ brtse gdung che ste mched lcam gyis ma khrel/ ma nyams pa bzhi ni/ zla yis ma nyams pa/ zhor gyis ma nyams pa/ rtsa ba spu gsung thugs kyis ma nyams pa/ yan lag grangs kyis ma nyams pa'o// mthar phyin pa'i 'bras bu bzhi ni// rig pa non pa/ dam can 'go zhing mthu rtsal 'byung ba dang / mang pos bkur zhing grags pa 'byung ba dang / yid du 'ong zhing dgongs pa 'byung ba dang bzhin/ go/ de la sogs pa'i dam tshig rnams// mdo dang rgyas pa chen po'o// dam tshig la ni ji bzhin gnas// bskal pa zhig kyang mi gtong na// dam tshig chen po'i bsrung thabs so// dam tshig sdom par ji ltar gnas// dam tshig la ni gang gnas pa// bsam pa thams cad mthar phyin 'gyur// de yang bsrung thabs 'di lta ste/ slob dpon dang slob ma'i bsrung thabs bstan te/ de yang shes pa la khyad yod pa'i phyir// khyad par bcu yis slob dpon 'phags/ mi shes pa slob pa dang / dris pa la lan rgyas par 'debs pa dang / dbang bskur man ngag rgyas par ston pa dang /
- 160b
mkhas pa dang / yangs pa dang / che ba dang / gting zab pa dang / mi 'gal ba dang / rgyud kyi don ston pa dang / re re'i mtshan re ston la bcu tham pa'o// shes pa gcig gi khyad par gyis// khyad par bcu yi bsrung thabs 'phags// gcig la de las nyung ba'o// dam tshig rgyal po de bzhin spyod// nyams na dmyal bar nges par 'gro/ gsang sngags don spyod slob dpon la// ci 'byor pa yi mchod pa 'bul// gang mnyes pa yis bsten par bya// rdzas dang yo byad thams cad kyang // slob dpon dam tshig ma nyams la// tshogs kyi 'khor lo rgya cher bya// rdo rje mched la de bzhin no// rdo rje'i spyan la don bzhis bstan// spyi'i mched dang nye ba'i mched dang 'dres pa'i mched dang // dkyil 'khor bum pa 'dres pa'o// slob dpon la yang de bzhin te// chos byed kun spyi'i slob dpon dang 'dres pa'i slob dpon dang dam tshig 'bogs pa dbang bskur ba'i/ man ngag rdzogs chen gyi don ston pa'i lung gi slob dpon no// de yang nges tshig 'di lta ste// gzhan gyis mi shes shes par dgrol phyir slob// rdzogs chen don rang gi rig pa la sbyor bas dpon// slob ma'i nges tshig 'di lta ste// ma yengs sems tshul gyis dad pa dang ldan pas nyan pas slob// man ngag gsang ba'i gter gtad thub pa'i snod du gyur pas na// de ltar don ldan dpon slob ni// yang dag pa la mnyam por gnas// dam tshig ldan pa de bzhin no// nyams na gnyis ka 'tshig par
- 161a
'gyur// sku yi dam tshig nyams 'gyur na// rdo rje dmyal ba chen por 'tshed 'tshong // 'o dod 'bod pa'i gnas su skye// dpon gyis nyams na sbyang thabs med// gnyis ka ngu 'bod chen por skye// slob mas nyams na sbyang thabs yod// gsung rab rgya chen bklag pa dang // tshogs kyi 'khor lo rgya chen bskor// 'khor gsum yongs dag bya bar gsungs// gsung gi dam tshig nyams gyur na// snang ba 'gags par 'gyur ba dang // mun rum chen po'i gnas su skye// de nas thon par gyur nas kyang // lkug pa dag tu skye bar 'gyur// de yang sbyang thabs 'di lta ste// mar me brgya rtsa'i cho ga dang // spang skong brgya rtsa 'don pa dang // bshags pa rnam pa sna tshogs bya// des ni sbyangs pa'i yon tan mthong // thugs kyi dam tshig nyams gyur na// yid 'khrugs chen po'i gnas su skye// rtag tu rtsod pa rgyun mi 'chad// 'thab dang sdug bsngal chen po dang // yang na dran pa med par 'gyur// yang na dran pa rengs par 'gyur// sgro 'bog nad kyis thebs par 'gyur// tha ma du 'bod gnas su skye// de yang sbyang thabs 'di lta ste// slob dpon mnyes pa'i rdzas kyis mchod// 'byor tshogs ci yod 'phags pa mchod// de ltar bshags pa byas gyur na// bsam pa thams cad 'grub par 'gyur// 'dod pa thams cad bskor bar 'gyur// bya ba thams cad
- 161b
rdzogs par 'gyur// dam tshig nyams pa'i snga ltas su// mi bde rnam pa sna tshogs 'byung // yams dang 'tshe ba'i nad rnams dang // rims nad sna tshogs 'byung bar 'gyur// gdon dang log 'dren rnams kyis kyang // bsad nas sems cad dmyal bar 'gro// mig gis gzugs mi mthong bar 'gyur// rna ba 'on zhing las mi 'grub// mdze dang shu ba'i nad rnams 'byung // chom rkun rgyal po'i chad pa 'byung // gzhan la med pa'i rims nad 'byung // bu dang chung ma 'chi bar ston// yul rnams thams cad dgrar ldang zhing // byas pa don med chen por 'gyur// snga ltas de ltar byung ba dang // gong du bstan pa'i bshags pa bya// byas na bzlog pa'i dngos grub 'byung // zhes rig pa rang shar chen po'i rgyud las// dam tshig gi le'u ste bcu pa'o// // de nas yang gsang ba'i bdag pos zhus pa/ kye kye bcom ldan ye shes sku// dam tshig bye brag de ltar na// chos sku'i mtshan nyid gsung du gsol// zhes zhus so// rdo rje'i stobs kyis bka' stsal pa// kye ma rdo rje 'dzin rgyal nyon// ngas bstan legs par yid la zung // chos sku ye shes chen po'i lung // mtshan nyid rnam pa gsum dang ldan// ngo bo mi 'gyur ba'i snying po dang shar ba'i ye shes lhang nge ba'o/ rang bzhin ma 'gags pa rang gsal yul las thal byung rgya chad med par snang ba'o// thugs rje kun tu khyab pa'i thugs rje yul
- 162a
bdag gi bzung ba tsam du bzung yang lam la tse ring med do// gsum/ chos kyi sku yi mtshan nyid ye shes kyi lam snang ba'i yul du shar nas rab tu gyes pa de las 'dzin pa ltar mdzad do// yin// mi 'jig stong dang gsal ba dang // bya pathams cad rdzogs pa ni// chos kyi sku yi nges tshig gi/ 'gyur med sgra nyid 'gyur ba med pas ye nas phyogs dang ris su med pa dag gi chos sgra chen por bzhugs so// 'gags med ye shes kyi sgra de la dri ma med cing 'gag pa med pas snang ba la thogs thugs med do// khyab pa de yang kun la khyab pas te rang gi sring gi dkyil na ye shes sa bon 'od dang 'od kyi tshul du gnas pa de nyid kun la khyab pa'i phyir ro// gsum// chos kyi sku yi ngo bo'o// gsal ka dag gi rnga bo la ye shes kyi snang ba phyogs bcur shar nas nub pa med pa'o// nga dngas 'byung ba 'od du 'byung zhing gsal ba zer du gsal bas chos kyi sku la mtshan ma med pa'o// dang ma 'dres de yang kha dog dang yul chos kyi dbyings su snang ba la rang gi de nyid la gzhan 'gru zhing 'od du 'phro ba'o// gsum// chos kyi sku yi yul yin no// dpag med de yang tshad kyis gzung du med pa rgya che chung med pa dbyings 'di zhes bya bar med pa'i snang ba dang bcas pa'o// dmigs med mtha' dang dbus med pas phyogs la gnas pa med pa'o// 'dzin pa med/ de la yid med pas chags pa dang yid du 'ong ba med do// chos kyi sku yi ye shes kyi lam du ma shar bas snang ba rang gsal ba'o// gnas yin no// snang ba 'gag med yul la zhen med sems la chags pa med// chos kyi sku yi spyod pa'o// mi rtog pa lhan ne ma yengs pa lhang nge mnyams
- 162b
yengs pa med// chos kyi sku yi bsgom pa yin// bltar med rang la rdzogs bltas zin gzhi la rdzogs lta ba rdzogs/ bya ba med pa'o// chos kyi sku yi lta ba yin// rang gi rig pa byas med gzhan nas byung med da ltar 'byung ba med// chos kyi sku yi 'bras bu yin// bsgrub med mtha' grol bsgrubs zin rang dang 'grogs par sgrub pa rdzogs/ rang gis ma g.yos pa// chos kyi sku yi phrin las yin// rig pa gcig byung gnyis sgron ma gnyis byung thams cad snang ba'i ye shes byung // chos kyi sku yi yon tan yin// 'gag med yul la zang thal gsal dang sa steng 'og ngos bzung med ngo bos stong mi 'gyur ba// chos kyi sku yi snang ba yin// phyi dbyings med nang rig pa med dbus su med// dngos po dang bral// chos kyi sku yi rang lus yin// dbugs med pa'i phyir/ 'gro med yid med pa'i phyir 'ong med sems med pa'i phyir gnas pa med// chos kyi sku yi rang rtags yin// gsal ba nyi ma gting zab pa rgya mtsho ma chags skyon gyis ma gos pa pad+ma dang // mi 'gyur ba ri bo yangs shing go skabs 'byed pa nam mkha' zil gyis gnon pa seng ge gsum// chos blta ba'i rang rig gnas lugs yin/ kyi sku yi mtshon dpe yin// yid med bsam dang bral ba'i rig pa ngo bo ka dag sa kyi sku// yul la snang bya snang byed bdag la med par lhun grub 'gro ba yongs la khyab// rang la chos kyi skra yi pho brang 'gyur med 'di// 'od zer gyi tshul du rang rang tsit+ta'i dkyil na pho brang 'gyur med btab// dngos po stong
- 163a
pa ngo bo ye shes snying po'o// rig pa/ gsal ba dbyings 'od kyi snying po rig pa'o// rtsol ba las 'das pa rang byung rig pa'i snying po rig pa'i ngo bo'o// snying po ye shes sku gsum dang ldan pa chos kyi sku 'od kyi snying po// ye shes don rtogs sa lam bgrod pa med// brjod pa'i mtha' dang bral ba'i chos sku chen po 'di// kun la gnas te kun gyis rtogs pa med// yid med sems med ma rig 'khrul pa med// ces bka' stsal to// zhes rig pa rang shar chen po'i rgyud las/ chos sku'i mtshan nyid bstan pa'i le'u ste bcu gcig pa'o// // de nas yang gsang ba'i bdag pos 'di skad ces gsol to// kye kye bcon ldan sprul pa'i sku// chos kyi sku yi mtshan nyid de ltar na// longs sku'i mtshan nyid gsung du gsol// zhes zhus so// rdo rje 'chang gis bka' stsal pa// e ma ho gsang bdag nges par zung // longs spyod rdzogs pa'i sku la yang // dbye na bsam gyis mi khyab ste// mdor bstan legs par yid la zung // kha dog ma 'dres so so'i mtshan 'dzin pa// mtshan dang dpe byad bzang po'i 'od zer 'bar// yab dang yum dang sku yi cha lugs 'dzin// longs spyod rdzogs pa'i sku yi mtshan nyid do// skye ba yod de 'chi med rdo rje ldan// rang gi 'od lnga sku rigs lnga kha dog ma 'dres so sor gsal// yab rnam snang / rdo rje sems dpa' rin 'byung snang mtha'/ don grub bo/ lnga yum
- 163b
lnga nam mkha'i dbyings drug ma/ sangs rgyas spyan ma/ sa ma kaM/ gos dkar mo/ dam tshig sgrol ma'o tshom bu lnga dang ldan// sangs rgyas lnga'i lam du rig pa ye nas gnas pa'i yul du shes pa'o// ye lnga shes rtog tshad lta ru shes/ ye shes su shes/ 'od du shes/ gnyis med du shes/ lnga rang snang du shes rtogs rtogs pa'i tshul lnga la/ yul dbyings su rtogs skye med du 'gro/ skur rtogs/ snang ba 'od skur rtogs/ shes pa rig par rtogs/ mtshan ma rig pa ma bur rtogs so// pa lnga dang ldan// gzhi lnga gnas pa'i gzhi/ dngos po'i gzhi/ gsang ba'i gzhi/ gnas skabs kyi gzhi/ lam gyi gzhi'o// lam lnga mthong lam/ sbyor lam/ bsgom lam/ tshogs lam/ mthar phyin pa'o// 'bras bu lnga ye shes kyi 'bras bu/ rang snang gi 'bras bu/ rtogs pa mngon gyur gyi 'bras bu/ snang ba 'od kyi 'bras bu/ tshad ma ye shes kyi 'bras bu'o// dang ldan// gnas lnga sa bon gyi gnas tsit+ta/ ye shes kyi gnas klad pa/ sgron ma'i gnas mig/ thig le'i gnas nam mkha'/ sgra'i gnas thig lo'o// yul lnga rig pa'i yul dbyings/ sgron ma'i yul nam mkha'/ ye shes kyi yul bar do// 'od kyi yul ma 'gags pa/ longs klu'i yul tshom tha'o / ngo bo lnga dang ldan// longs spyod rdzogs pa'i sku yi ngo bo'o// chos nyid stong pa'i ngang du gnas pas longs// gsal la ma 'dres kun la khyab pas longs// ye shes lnga la longs spyod 'du 'bral med par gnas pas longs// kun dang mi mnyam so so'i mtshan dang ldan pas longs// thabs dang shes rab 'du 'bral med par gnas pas longs// snang ba lnga nyid mtshan ma med par gnas
- 164a
pas spyod// 'dzin pa med par rang gsal kun la rol pas spyod// sang nge sal le kun la snyoms par gnas pas spyod// lhang nge lhan ni yul la gnas shing sprul pa 'gyed pas spyod// sku gnyis don la mtha' phyin rol pas spyod// 'dzin med rang gi sa la gnas shing sprul pa phyogs bcur mdzad pas spyod// thams cad 'byung zhing thams cad bskyed pas spyod pa'i mthar phyin yin pas spyod// phyi nang gsang ba kun la 'das pas rdzogs// dmigs med don rtogs pa la cig char snang bas rdzogs// rtag chad kyi phyogs su ma lhung 'gro 'od med pas rig pa'i rtsal rdzogs// blo las 'das pas byas pa ma yin dpyad pa'i phyogs dang bral rang la byung bas rdzogs// rang gi don rtogs gzhan gyi don chen 'grel pas rdzogs// bya ba thams cad bya byed kun las 'das pas rdzogs// dngos po las 'das pas stong pa'i ye shes rang la chas pas pa// stong nyid ma 'gags so sor gsal bas pa// ye shes ma 'gags thabs la rol bas pa// gsal la mi rtog 'dzin pa med pas pa// rgyan dang cha lugs rang gi mtshan nyid 'dzin pas pa// 'dzin med rang gsal ngo bor gnas pas sku// kha dog snang ba so so'i mtshan nyid 'dzin pas sku// rdo rje'i don nyid don dang ldan pas sku// don rtogs rang rang mtshan dang ldan pa'i phyir na sku// phyi dang nang med kun tu gsal bas sku// ngo bo
- 164b
'gyur ba med par kha dog so sor gsal bas sku// rang bzhin gsal la ma yengs thugs rje phyogs bcur 'char bas sku// zhes bka' stsal to// zhes rig pa rang shar chen po'i rgyud las/ longs spyod rdzogs pa'i sku'i le'u ste bcu gnyis pa'o// // de nas yang gsang ba'i bdag pos 'di skad zhus so// kye kye bcom ldan rdo rje 'chang // longs sku'i gnas lugs de ltar na// sbrul sku'i snang lugs ji ltar lags// dpa' bo chen pos bka' stsal zhu// zhes zhus so// bcom ldan rdo rje 'chang gis bka' stsal pa// kye ma gsang ba'i bdag po nyon// ngas bstan blo yi rtog pa sol// sprul pa sku yi mtshan nyid ni// bya ba rdzogs dang bya ba byed// rnam pa gnyis su 'dod pa'o// de yang bstan pa 'di lta ste// bya ba rdzogs pa'i sbrul sku ni// rang gi rgyud grol mngon sangs rgyas// de nas sprul pa 'gyed pa'o// phyi nang bya ba rdzogs pa ste// bya ba rdzogs pa'i sbrul skur 'dod// bya ba byed pa'i sbrul sku ni// gang 'dul de la der ston rigs drug gi ston pa gang yin pa de'i cha byad du sprul lo/ cing // gzhan dang lha'i skad la sogs pa yang ston// mthun par snang ba la// don ni gong ma lta bu'o// gzhan gyi don la ma rmongs shing // cir yang bsgyur du btub ba'o// gzhan dang mthun par snang ba la// 'gro ba zil gyis gnon pa'o// nyon mongs ngang gis med pa la// bag
- 165a
chags lus ltar snang ba'o// dus la bab pa'i sems can la// yang dag don chen ston par byed// 'gro ba gang dag 'dul ba la// de dang mthun lha'i yul du brgya byin lta bu'am/ lha ma yin la thags bzang ris mi la sha ka thub/ byol song la ru ru lta ba/ yi dwags la kha 'bar ma lta bu/ dmyal ba la chos kyi rgyal po lta bur sprul nas chos ston po'o par snang ba'o// thams cad skad ni shes pa lha'i skad la sogs pas rang rang dang mthun par chos ston/ ste// gang gi skad la de ston pa'i// lha la sogs pa'i cha lugs su sprul nas mthun pas mthun par 'dul ba la// la lar nyan thos la nyon mongs pa 'dod chags kyi phyogs spang bar bsam/ tshig gi sgo nas ston// la lar rten 'brel sgo nas ston rang sangs rgyas la nga rgyal spang bar bstan// la lar smon 'jug sgo nas ston/ byang chub sems dpa'i theg pas zhe sdang spang bar bstan// la lar skyed pa'i sgo nas ston/ kri ya'i sgo nas gti mug spang bar bstan/ la lar gnyis ka'i sgo nas ston u pa'i theg pas phrag dog spang bar bstan// la lar byang chub lnga yis ston/ yo gas khong khro spang bar bstan/ la lar ting 'dzin gsum gyis ston/ ma ha yogs nyon mongs gnas bsgyur/ la lar dbyings dang ye shes ston a nus nyon mongs pa spyad par 'dod// rdzogs chen don ni a tis nyon mongs pa gnas dag tu bstan/ 'ga' las 'byung mi 'gyur// gang zag las can rigs can 'ga' las gzhan du ma gsungs pa'o// 'ga' la snang // de yang ston lugs 'di lta gsang sngags kyi snod du rung ba la
- 165b
rdzogs chen gzhan gyi bzhed gzhung du bstan te ste// la lar bsgom pa can 'ba' zhig tu ston// la lar rig med stong stong pa phyang chad du par ston// la lar rig med bem por bem po las gzhan med par ston// la lar rig pa brkyang par rig pa min pa ci yang med zer bar ston// la lar sems la rig pa sems la sangs rgyas yod par 'dod/ rkyang par ston// la lar kun gzhi chos skur kun gzhi chos sku chen por/ ston// la lar dge med sdig med ston// la lar bsgom pa can du ston// la lar bsgom pa med par ston// de ltar ston byed sprul ba'i skus// gsang sngags bla na med pa yi// don 'di 'ga' 'das pa las ma gsungs so// da ltar mi gsung ma 'ongs par gsung pabar mi 'gyur ro// skabs 'das pa dang / ma 'ongs pa dang da ltar rnams kyis su gsung bar 'gyur na yang // dgra bcom rang rgyal mdo sde dang // theg dman ming yang med blo zhan pa/ theg pa chung ba/ mi mos pa/ sgra skur 'debs pa/ can thos la sogs pa'i dri ma med pa'i nang du// bla med theg rdzogs pa chen po'i don 'di ni/ pa sgrog par 'gyur// des so so skye bo dang nyan thos na blo dman gzhan la gsang // de rnams ldan pa'i su la 'dug kyang skye bu de// bya ba byed pa'i sbrul skur 'dod// ces gsungs so// de nas yang gsang ba'i bdag pos 'di skad ces gsol to// kye kye thugs rje chen po dang ldan pa sprul pa'i sku'i dbye ba de ltar lags na/ sprul pa sku'i nges tshig ci ltar
- 166a
lags/ zhes zhus so// de nas bcom ldan 'das thugs rje chen po dang ldan pa des 'di skad ces bka' stsal to// kye gsang ba'i bdag po khyod nyon cig sbrul sku'i nges tshig 'di rnams yin par shes par gyis shig 'jig rten khams kyi sems can rnams la mthun par snang ba'i phyir na sprul pa'i sku'o// don byed nus pa'i phyir na yang sprul pa'i sku/ bya ba thams cad byed pa'i phyir na yang sprul pa'i sku/ sems can las sad pa rnams skye med dbyings su sgrol nus pa'i phyir na yang sprul pa'i sku/ zhing khams gcig tu yun thung ba'i phyir yang sprul pa'i sku/ thugs rje phyogs med du 'char ba'i phyir yang sprul pa'i sku// khro zhing gtum pa'i phyir yang sprul pa'i sku/ zhi zhing nges pa'i phyir yang sprul pa'i sku/ 'gro ba rnams kyis mdzes par mthong ba'i phyir na yang sprul pa'i sku'o// de nas yang gsang ba'i bdag pos 'di skad ces gsol to// kye bcom ldan 'das sku dang ye shes kyi bdag nyid dang ldan pas/ sprul pa'i sku'i brtag thabs gsung du gsol/ zhes zhus pas/ bcom ldan 'das kyis bka' stsal pa/ kye ho gsang ba'i bdag po nyon/ sbrul sku'i brtag thabs 'di ltar shes par bya ste/ bzhud pa'i dus na yang spyan gzhan du mi yengs pa dang / lhag pa'i bdud khong na sgra g.yas su 'khyil ba tshom gcig yong ba dang / thugs ka na rdo rje'i
- 166b
gzugs yod pa dang / skye gnas ni rgyal rigs sam rigs mtho ba rnams su skye'o// spyod pa gang ltar yang mthun pa ltar spyod pa'o// ci skad smras kyang de la rjes su mi 'dzin pa'o// rang gi zhe la 'dod pa mi bsgrub pa'o// bya rtsol dang 'dzin pa dang gis med pa'o// sems can gang gis kyang 'dod pa'i go sel ba'o// de rnams dang ldan pa ni sprul pa'i sku yin par shes par bya'o// zhes rig pa rang shar chen po'i rgyud las/ sprul pa'i sku'i le'u ste bcu gsum pa'o// // de nas yang gsang ba'i bdag pos 'di skad ces zhus so// kye kye bcom ldan sku gsum bdag/ sbrul sku'i chos nyid de ltar na// sku gsum dgongs pa gsung du gsol// zhes zhus so// yang bka' stsal pa/ kye kye gsang bdag rdo rje can// ngas bstan legs par yid la zung // sku gsum ye shes snang ba ni// gang la thogs pa med pa dang // dmigs pa'i yul ni gcig pa yi// ngo bo so sor snang ba'o// chos kyi sku yi snang lugs so// rang bzhin gcig la ngo bo gnyis// longs spyod rdzogs pa'i snang ba yin// ngo bo tha dad rang bzhin tha dad cing // gang la mi 'gag bya byed med// sprul pa sku yi snang ba yin// de yang chos sku'i don brjod pa// sku gsum gcig la rdzogs pa'o// sku gsum gcig ni rang bzhin pa// du mar snang ba 'khrul pa yin// chos kyi sku ni bsam pa'i yul
- 167a
dang bral// longs spyod rdzogs pa'i sku ni rnam rtog bdud dang bral// de ltar sku gsum snang ba las// yang dag bskyed dang dmigs pa med// 'jug dang grol ba'i sems kyang med// 'dzin dang spyod pa ga la yod// chags dang zhen pa'i tshig las 'das// spang bya spong byed gnyis las 'das// yul dang sems dang yid las 'das// yul dang dmigs pa med pa la// rang snang cig chod snang ba'o// 'dzin med rang sar grol ba ste// sprul pa phyogs bcur mdzad gyur na// dmigs pa dag pa'i yul snang la// ye shes cig chod skye bar 'gyur// dmigs pa med pa'i yul snang la// mtshan ma rang sar grol bar 'gyur// de las sprul pa rgya cher 'byung // de yang lus la snang lugs ni// rig pa chos sku'i ngo bo yin// de las snang ba ma 'gags pas// longs sku'i ngo bor yang dag 'dod// de phyir sku gsum lus la rdzogs// sku gsum dag pa'i snang ba la// gcig rdzogs gnyis rdzogs thams cad rdzogs// ye shes snang ba ma 'gags gsal// bya ba btang ba'i rig pa la// snang dag ye shes 'od zer 'phro// rtog med dag pa'i rig pa la// 'od zer sna lnga ma 'gags gsal// 'dzin med rang grol chen po la// phyi nang gsang ba'i chos rnams rdzogs// bya ba btang ba'i rig pa la// bya byed chos rnams dus gcig
- 167b
rdzogs// sems dang bral ba'i rig pa la// sna tshogs snang ba dus gcig rdzogs// rang snang gsal dag chen po la// 'khrul pa'i snang ba dus gcig rdzogs// rang grol rang snang chen po la// gzhan 'byung chos rnams dus gcig rdzogs// sku gsum rdzogs lugs de bzhin no// bya ba med pas 'khrul pa sangs// rtog pa med pas nyon mongs sangs// 'dzin pa med pas rang byung sangs// zhen pa med pas rnam rtog sangs// chags pa med pas ma rig sangs// sku gsum sangs lugs de bzhin no// rtog pa med pa'i rig pa la// 'od lnga gsal ba'i ye shes rgyas// rig pa bya byed bral ba la// dmigs pa'i yul med sku gsum rgyas// rig pa yul med snang ba la// 'dzin pa'i yul med 'od lnga rgyas// rig pa ye shes chen po la// don dam rang snang 'bras bu rgyas// sku gsum rgyas lugs de bzhin no// rig pa rtog med chos sku'i ngo bo yin// rig pa ma 'gags gsal ba longs sku yin// rig pa cir yang snang ba sbrul sku yin// de phyir sku gsum snang ba ni// snang ba 'di la rdzogs pa'o// sku gsum klong na 'gag med ye shes gsal// sku gsum klong nas thugs rje'i nyi ma lnga shar zhing // ye shes nyi ma'i 'od la thams cad snyoms par 'gyur// ye shes sgron ma'i 'od kyis thams cad gting mtha' yas// sangs rgyas sgron ma rang snang 'od po
- 168a
che// rig pa'i sgron ma gting dpag dka' ba'i don// lam gyi sgron ma ye shes 'od du gsal// mig gi sgron mas mthong ba ma 'gag gsal// de rnams sku gsum rgyan du 'dod// ces rig pa rang shar chen po'i rgyud las/ sku gsum gcig tu dril pa'i le'u ste bcu bzhi pa'o// // de nas yang gsang ba'i bdag pos 'di skad ces gsol to// kye kye bcom ldan rdo rje 'chang // sku gsum gnas lugs de ltar na// sku lnga'i gnas lugs gsung du gsol// zhes zhus so// rdo rje 'chang gis bka' stsal pa// kye kye gsang bdag sems dpa' nyon// sku lnga ye shes snang ba ni// yab yum gnyis kyi tshul du snang // yab kyi cha 'dzin thabs kyi sku// yum gyi cha 'dzin shes rab sku// thabs dang shes rab gnyis ltar snang // de yang thabs ni 'gag pa med// shes rab 'byung ba med pa'o// 'gag med klong dang 'gyur med kloslong // gnyis med gcig gi ngang snang la// 'du 'bral med pa'i ngang du shes// de ltar rtogs na sangs rgyas dngos// de yang sku lnga'i snang ba ni// ngo bo mtshan dang dpe byad ldan// rang bzhin so so'i mtshan nyid 'dzin pa'o// de yang stong pa'i mu dang tshig gi mu// mu gnyis bsal nas sa ler gnas pa'o// de yang rigs ni lngar snang zhing // de bzhin gshegs pa'i rigs dang ni// rdo rje'i rigs dang rin chen
- 168b
rigs// pad+ma'i rigs dang las kyi rigs// de bzhin rigs lngar 'dod pa'o// de yang don sbyor gang zhe na/ rig pa'i don la de bzhin gshegs pas de bzhin rigs su bshad// rig pa'i don la skye dang 'chi ba med pas rdo rje'i rigs su bshad// rig pa'i don las sna tshogs 'byung bas rin po che yi rigs su bshad// rig pa'i don la skyon med dag pas pad+ma'i rigs su bshad// rig pa'i ngang las bya ba thams cad byung bas las kyi rigs su bshad// de bzhin snang ba ye shes chen po la// rigs kyi nges pa de bzhin no// de ni rigs kyi tshig don no// sku yi tshig don rnam pa lnga// de yang bshad lugs 'di lta ste// rnam snang dang ni rdo rje sems// de bzhin rin chen 'byung ldan la// snang ba mtha' yas don yod grub// de yang don la sbyor lugs ni/ rig pa'i snang ba 'gag pa med pas rnam par snang mdzad yin// rig pas bdag don gzhan don gnyis ka rtogs pas rdo rje sems dpa' yin// cig char rig par shes pas rin chen 'byung ldan yin// rig pa snang bar mthong bas snang ba mtha' yas yin// rig pa skye med rtogs pas don yod grub pa'o// de ltar sku lnga'i don la ma yengs 'gyur med spyod pa na// sku lnga mthar phyin sku gcig don la spyod// skye med chos sku gdod nas dag pa la// bya dang byed pa'i chos kun ka nas med// bya byed bral bas
- 169a
rig pa rang sar grol// dper na sbrul gyi mdud pa bzhin// rang sar rang grol chen por 'gyur// gang dag tshig la mi gnas ming la mi gnas na// de ni shes rab pha rol phyin// sangs rgyas nyid kyi dgongs pa'o// shes rab kyis ni de nyid thob// nyon mongs kun las grol bar 'gyur// sangs rgyas dgongs pa rang byung nyid// sus kyang rtogs par mi 'gyur ro// rdo rje sems dpa' bdag nyid kyang // rdo/ rje spo la nga sangs rgyas// de phyir sprul pa phyogs bcur mdzad// gnyis med ye shes rdo rje sems dpa'i ngang // rdo rje sems dpa' gnyis med rang la rdzogs// rang byung ye shes gnyis med rtogs pa'i don dang ldan// ye shes snang ba 'gag med chen po ste// rang las byung zhing rang la thim// tha dad rang bzhin 'gyur ba med// de phyir sku lnga'i ye shes so// sku dang ye shes 'du 'bral med// don la de bzhin gnas pa'o// zhes rig pa rang shar chen po'i rgyud las// sku lnga'i le'u ste bco lnga pa'o// // de nas yang gsang ba'i bdag pos 'di skad ces gsol to// kye kye bcom ldan gsang sngags bdag/ sku lnga'i snang ba de ltar na// ye shes snang ba gsung du gsol// zhes zhus so// de nas yang thugs rje dang ldan pa des 'di skad ces bka' stsal to// kye ma gsang bdag nges par zung // chos med shes rab rang byung
- 169b
ba// chos kun khong nas skye bar 'gyur// de las ye shes 'byung bar 'gyur// ye shes dbye ba 'di lta ste// nyi shu rtsa lnga'i ngo bo las// bsdus na rnam pa lngar 'dus so// de yang grangs bstan 'di lta ste// chos dbyings ye shes rtog med dang // me long ye shes 'gag med gsal// mnyam nyid ye shes ma 'dres rdzogs// sor rtogs ye shes go zhing rtogs// bya grub ye shes chos rnams rdzogs// de ltar rnam pa lngar 'dod do// zhes bka' stsal to// de nas yang gsang ba'i bdag pos 'di skad ces gsol to// kye kye bcom ldan rdo rje 'dzin// ye shes dbye ba de ltar na// ye shes bshad lugs gsung du gsol// zhes zhus so// de nas yang bka' stsal pa// e ma ho gsang ba'i bdag po nyon// ye shes chen po'i bshad lugs ni// rtogs pa mngon gyur sangs rgyas dang // rang bzhin lhun grub sangs rgyas so// ye nas rang bzhin lhun gyis grub// shes na rtogs pa mngon du gyur// ye shes nges tshig de bzhin no// tshig don sbyor ba 'di lta ste// chos kyi dbyings kyi ye shes ni// stong pa chen po'i yul nyid dang // gsal ba 'od kyi snang ba dang // ye shes rig pa'i spyod yul gsum// de gsum 'dzom pas dbyings zhes bya'o// de la yang ni rnam pa gnyis// dag pa ye shes dbyings nyid dang // ma dag sems can dbyings su bstan// dag pa ye shes dbyings
- 170a
nyid ni// stong gsal dbyer med rig pa'i klong // 'gyur med chos sku'i pho brang ngo // ma dag sems can phyi dbyings ni// stong pa ris med 'dus ma byas// de las sa rdo'i snang bar gyur// sems can rnams kyi yul yin no// de ni chos dbyings ye shes so// me long lta bu'i ye shes ni// dper na me long dkyil 'khor dngas pa la// gang bstan rkyen de 'ong ba bzhin// de bzhin rig pa dri med la// nyon mongs rkyen gyi dbang du 'gyur// de las grol ba'i rig pa ni// ngo spyod nang du shes par bya// de la mtshan ma'i grol lugs ni// sna tshogs snang ba shes rig yul// blo la snang ba'i the tshom rnams// rig pa'i ngang du rdzogs pa'o// blo dang dngos po'i chos rnams kyang // rig pa ye shes ngang du rdzogs// de yang nges tshig 'di lta ste// sna tshogs shes rab don la spyod pas me// de la rtogs shing goms pas long // me long ye shes de bzhin no// mnyam nyid ye shes don sbyor ni// chos rnams mnyam pa'i ngo bo la// gang gi'ang phyogs su ma lhung ba'o// mnyam nyid sangs rgyas kun gyi rje// chos rnams dus gcig rdzogs pa'o// mnyam nyid nges tshig 'di lta ste// chos nyid rgya chad med pas mnyam// rig pa don dang ldan pas nyid// mnyam pa nyid kyi ye shes so// so sor rtogs pa'i ye shes ni// bya byed bral ba'i rig par rtogs// de yang rtogs
- 170b
lugs rnam pa mang // 'og na nyams pa'i tshig tu bstan// de yang nges tshig 'di lta ste// dbang po nyi shu rtsa gcig yod pa'i phyir// so sor rtog zhes de la bya// so sor rtog pa'i ye shes de bzhin no// bya ba grub pa'i ye shes ni// cir snang rig pa'i ngang du rdzogs// bya byed rtogs pa'i ngang du rdzogs// bya med rtog med ngang du rdzogs// bya ba btang ba'i rnal 'byor de// yang dag sa la dal bas 'grub// de ltar ye shes chen po'i don// rtogs na yang dag nges par grol// ma rtogs pa yi sems can la// tshig re don nges go bar 'gyur// de phyir tshig dang don 'brel zhing // tshig gis don chen mtshon par byed// des na tshig don 'brel bas brtags// mtshon pa'i tshig dang yi ge ni// yang dag nyid la med mod kyang // blo yi the tshom bsal ba'i phyir// tshig la rtag tu 'dres par bya// zhes rig pa rang shar chen po'i rgyud las/ ye shes lnga'i don bsdus te bstan pa'i le'u ste bcu drug pa'o// // de nas yang gsang ba'i bdag pos 'di skad ces gsol to// kye ho bcom ldan thugs rje chen po dang ldan pa ye shes lnga'i don de ltar lags na// ye shes nyi shu rtsa lnga'i don gsung du gsol// zhes zhus so// de nas yang bka' stsal pa/ kye ho gsang ba'i bdag po nyon cig/ ma yengs par sems kyi rtog pa sol cig/ ye shes nyi shu rtsa lnga ni 'di lta
- 171a
ste// de yang dbyings kyi ye shes dang // chos kyi dbyings kyi ye shes gnyis// dbyings rnam par dag pa'i ye shes dang / dbyings chen po'i ye shes gnyis/ dbyings thams cad gnyis su med pa'i ye shes dang lnga'o// mA rig pa'i ye shes 'khor ba la log pa dang ma log pa'o// me long lta bu'i ye shes dang // me long chen po'i ye shes gnyis// rtog med gsal ba'i ye shes dang // rtog med dngas pa'i ye shes gnyis// gsal ba 'dzin med chen po'i ye shes dang lnga'o// ha Ta dag pa'i ye shes ngo bo dag pa la snang ba yul gyi dbang du ma gyur pa'o// mnyam pa nyid kyi ye shes dang / mnyam pa nyid ma 'gags pa'i ye shes gnyis// mi g.yo bab mnyam pa nyid kyi ye shes dang // mi 'gag pa mnyam pa nyid kyi ye shes gnyis// ci la yang mi gnas pa mnyam pa nyid kyi ye shes dang lnga'o// rmA de la mnyam nyid kyi ye shem ma mar rtogs pa'i ye shes sul bzla ba'o// so sor rtogs pa'i ye shes dang / don thams cad rab tu 'byed pa'i ye shes gnyis/ rtog pa skad cig ma la skyes pa'i ye shes dang / sgra thams cad rnam par sel ba'i ye shes gnyis/ sgra dang tshig la mi gnas par go ba'i ye shes dang lnga'o// k+Sha sku shes rab dag pa'i dbyings su shar ba'i thugs rje rang la snang ba'o// bya ba grub pa'i ye shes dang // bya ba thams cad byed pa'i ye shes gnyis/ bya ba la mi gnas pa'i ye shes dang / bya ba btang
- 171b
pa'i ye shes gnyis// sgro 'dogs thams cad chod pa'i ye shes dang lnga'o// d+hi mu aH rtogs med kyi shes rab rang la shar bas skye med rang snang du shes pa'o// de nas yang gsang ba'i bdag pos 'di skad ces gsol to// kye ho bcom ldan ye shes pa dang // ye shes dbye ba de ltar na// ye shes mtshon tshig gsung du gsol// zhes zhus so// rdo rje 'chang gis bka' stsal pa// kye ma gsang ba'i bdag po khyod// yengs med rtse gcig sems kyis nyon// rnam dag chos nyid bdal ba'i klong // rnam par dag pa'i dbyings su bshad// rtog med bsam pa kun spangs shing // dbyings chen gsal ba'i ye shes yin// phyi nang stong pa ris med ni// dbyings kyi ye shes chen por 'dod// phyi nang gsang ba'i tshig rnams rdzogs// chos kyi dbyings kyi ye shes yin// gnyis med don ldan rdo rje'i don ston pa// gnyis med dbyings kyi ngo bor 'dod// 'gag med gsal gdangs chen po'i don// me long lta bu'i ye shes so// dag pa gsal dngas ngo bo la// dag pa'i snang ba dus gcig rdzogs// me long ye shes chen po yin// rnam rtog yid yul du snang ba'i sems ma zhugs pa/ med sems med la// yul bdag rtog gi blo las 'das pa chags pa'i 'dzin pa ma zhugs la// rtog med gsal ba'i ye shes yin// 'od snang ma 'gags gsal ba la// yid kyi rtogs pa ma 'grus pas// rtog med dngas pa'i ye
- 172a
shes yin// gsal bya gsal byed chos dang bral// de la rnam rtog ma 'grus na/ gsal yul rtog gi blo las 'das pa pa 'dzin med ye shes yin// chos nyid mnyam pa ma 'dres pa// mnyam pa nyid kyi ye shes dbyings dang rig pa gnyis su med par rtogs pa/ yin// ma 'gags so so'i mtshan 'dzin pa'i// mnyam nyid dbyings dang rig pa gnyis su med pa/ ma 'gags ye shes yin// mi g.yo ba ni sku yi rgya// rgya chad phyogs lhung med pa ni// mi g.yo mnyam nyid ye shes yin// mi 'gag gsal dngas chen po la// yid kyi rtog pa gsal ba ni// mnyam nyid ma 'gag ye shes yin// ci la mi gnas ye shes kun gyi rtse// mtshan ma rang sar grol ba ni// ci la mi gnas mnyam nyid ye shes yin// blo la snang ba'i the tshom thams cad ngo bor phyi 'byung ba'i dbang du ma gyur pas/ grol// so sor rtog pa'i ye shes yin// sna tshogs gcig tu sdud pa ste// de la dbye na don rnams 'byed// don rnams 'byed pa'i ye shes yin// rtogs pa'i don las mi 'da' zhing // skad cig gsum la grol byed pas// skad cig skye ba'i ye shes yin// sgra tshig rig pa'i ngo bor 'das// tha snyad gcig la rdzogs pa'i phyir// sgra rnams sel ba'i ye shes yin// sgra tshog thams cad rang la rdzogs// rig pa'i klong du tshig rnams 'das// tshig la mi gnas ye shes yin// rang rig 'dzin pa'i chos las
- 172b
grol// tha snyad btags pa'i ming spangs shing // bya ba grub pa'i ye shes yin// thugs rje'i 'od zer phyogs bcur 'phro// sprul pas 'gro ba'i don byed phyir// bya ba byed pa'i ye shes yin// ye shes 'gyur med ngadang la bya ba btang // dngos po mtshan ma'i chos las 'das pa ni// bya ba mi gnas ye shes yin// rig pa rtog med gsal ba la// shes pa ngang gis dal ba ni// bya ba btang ba'i ye shes yin// phyi nang gsang ba'i chos rnams kun// rig pa'i klong du kun 'das pas// sgro 'dogs chod pa'i ye shes yin// de ltar ye shes don sbyar ni// gang zhig mya ngan 'da' 'dod pas// 'di la gnas na gnyis med thob// sku gsum mas la phyir mi ldog/ ye shes mtshon dpe de bzhin no// zhes rig pa rang shar chen po'i rgyud las/ ye shes nyi shu rtsa lngar dbye ba'i le'u ste bcu bdun pa'o// // de nas yang gsang ba'i bdag pos 'di skad ces gsol to// kye kye bcom ldan 'od lnga'i bdag/ ye shes don sbyor de ltar na// 'od lnga'i snang ba gsung du gsol// zhes zhus so// de nas yang bka' stsal pa// kye ma gsang bdag rdo rje 'dzin// 'od la dbye ba bsam gyis mi khyab ste// de yang mdor bstan yid la zung // dag pa ye shes 'od dang ni// ma dag 'khrul pa'i 'od du 'dod// de yang bshad lugs 'di lta ste// ma dag 'khrul ba'i 'od
- 173a
la drug/ dbang po tha ma'i tha ma la// dkar por 'char dang ser por 'char// dmar por 'char dang ljang gu'o// de bzhin mthing gar 'char ba'o// ban bun dag tu 'char bar 'dod// de ni ma dag 'khrul pa'i 'od// ma dag sems can 'khrul pa la// dag pa'i 'od lnga 'di ltar yod// de yang rigs drug sems can la// kha dog lnga yi gnas lugs drug/ rdo rje sems dpa' nga yis bshad// de yang rtogs dang ma rtogs gnyis// rtogs dang ldan pa'i gang zag la// 'od lnga sku lngar 'char ba'o// ma rtogs sems can thams cad la// mi la mtshon du yod pa'o// lha rnams la ni bltar yod pa'o// lha ma yin la phra bar yod// byol song rang gnas tsam du yod// yi dgas rnams la 'phrigs par snang // dmyal ba'i yul la til 'bru tsam// de bzhin 'od drug gnas pa'o// de ni ma dag 'khrul pa'i 'od// dag pa ye shes 'od snang ni// rtogs dang ldan pa'i gang zag la// snang ba 'di la snang lugs dang // bar ma do la snang lugs dang // 'khrul snang 'od la snang lugs so// snang ba 'di la snang lugs ni// ye shes chen po'i snang lugs de// gnas ni tsit+ta'i dkyil na gnas// lam ni rgya mtsho'i nang nas 'byung // yul ni nam mkha' stong pa'o// lus ni sku dang ye shes so// spyan ni shes rab sgron ma'o// snying po kun gsal me long
- 173b
ngongo// dpe mtshon man shel dri med bzhin// dus ni chos nyid bar do'o// rin chen sbubs las mthar phyin no// snang ba 'di la snang lugs so// bar ma do la snang lugs ni// nyi shu rtsa gcig snang lugs dang // dag pa gcig chod snang lugs so// nyi shu rtsa gcig snang lugs ni// 'og nas 'byung ba'i tshig tu bstan// dag pa gcig chod snang lugs ni// ye shes dag pa'i nam mkha' la// 'od lnga 'gyur med gsal ba ni// de yang tshom bu lnga lnga dang // yab yum tshul du 'char ba'o// de yang kha dog 'di lta ste// mthing ga rnam par snang mdzad sku// ye shes chos dbyings ye shes te// yum ni nam mkha'i dbyings phyug ma// 'byung ba stong pa nam mkha' yin// phung po gzugs kyi phung po yin// sa ni bya ba rdzogs pa'i sa// de bzhin gshegs pa'i rigs su bshad// dkar po rdo rje sems dpa'i sku// ye shes me long ye shes te// yum ni sangs rgyas spyan du 'dod// 'byung ba bskyed pa'i sa chen po// phung po rnam shes phung po ste// sa ni sna tshogs 'byung ba'i sa// rigs ni rdo rje'i rigs su bshad// ser po rin chen 'byung ldan sku// ye shes mnyam nyid ye shes so// yum ni mA ma ki ru 'dod// 'byung ba chu bo chen po ste// phung po tshor ba'i phung po'o// sa ni bya ba btang pa'i sa// rigs ni rin chen rigs su bshad// dmar po snang ba
- 174a
mtha' yas sku// ye shes sor rtogs ye shes yin// yum ni gos dkar yum chen mo// 'byung ba sreg byed me yin no// phung po 'du shes phung po'o// sa ni rnam par ston pa'i sa// rigs ni pad+ma'i rigs su bshad// ljang gu don yod grub pa'i sku// ye shes bya grub ye shes yin// yum ni dam tshig sgrol mar 'dod// 'byung ba 'degs byed rlung yin no// phung po 'du byed phung po'o// sa ni bya ba zin pa'i sa// rigs ni las kyi rigs su bshad// de bzhin dag pa'i snang ba'o// sems can kun la de bzhin no// rang rang lus la gnas pa'o// bar do la yang de bzhin 'char// thams cad de yi klong du yang // yis bshad cing bstan pa'o// 'od 'das pa'i 'od yul du snang / ma 'ongs pa'i 'od sbyar snang ba/ dang / de yang sku gsum du snang / dang / ye shes sngar snang ba dang / yum lngar bstan dang 'byung ba lnga dang phung po lnga dang // sa dang rigs lnga'is bcu drug tu 'gurasasu bshad pa'o// bar ma do la de ltar snang // rtogs pa'i blo la de ltar ro// zhes bka' stsal to// zhes rig pa rang shar chen po'i rgyud las/ 'od lnga sku dang sbyar ba'i le'u ste bco brgyad pa'o// // de nas yang gsang ba'i bdag pos 'di skad ces gsol to// kye kye bcom ldan 'byung ba'i bdag/ 'od kyi don sbyor de ltar na// 'byung ba'i dkyil 'khor gsung du gsol// zhes zhu ba zhus
- 174b
so// de nas yang bka' stsal pa// kye ho gsang ba'i bdag po nyon// 'byung ba lnga yi mtshan nyid ni// ngas bstan khyod kyis go bar gyis// 'byung ba chen po bcom ldan 'das// 'gro ba kun la rang bzhin gnas// khams gsum sems can thams cad ni// 'byung ba lnga yi dbyings la spyod// 'byung ba med pa'i sngon rol tu// sangs rgyas sems can ming yang med// 'byung ba lnga nyid ma yi dbyings// 'byung ba lnga las ma grub pa'i// skye 'gro sems can gcig kyang med// de las gnas pa'i sems can gyi// 'byung ba rnam pa gnyis su bstan// phyi 'byung dang ni nang 'byung ngo // phyi yi 'byung ba 'di lta ste// sa za ba dang chu sdud pa dang me sreg pa dang ni// de bzhin rlung bskyod pa phyir rlung dang nang dang gsang ba la sogs dang nam mkha' yangs pa'o// 'byung ba lnga yi mtshan nyid ni// 'byung ba'i rgyu ni sa yin no/ 'byung ba'i shes rab me yin no// 'byung ba'i sprul pa rlung yin no// 'byung ba'i bdag po chu yin no// 'byung ba'i chos nyid nam mkha' 'o// de ltar 'byung ba chen po lnga// phyi yi 'byung ba chen por 'dod// de nas yang zhus pa/ kye kye bcom ldan 'byung chen bdag/ 'byung ba'i nges tshig gsung du gsol// zhes zhus so// 'byung bdag chen pos bka' stsal pa// a ho gsang ba'i bdag po nyon// 'byung ba'i nges tshig 'di lta ste// byas pas ma byung 'byung
- 175a
ba lhun gyis grub// thams cad skyed par byed pas 'byung ba chen po yin// 'gro ba yongs la khyab pas 'byung ba chen po yin// cig car skyes pas 'byung ba chen po yin// rang la yod pas 'byung ba chen po yin// 'gyur ba med pas 'byung ba chen po yin// mthun par snang bas 'byung ba chen po yin// don byed nus pas 'byung ba chen po yin// 'byung ba'i nges tshig de bzhin no// yang zhus pa/ kye kye bcom ldan bdag nyid ldan// 'byung ba chen po'i nges tshig de ltar na// 'byung ba'i don sbyor gsung du gsol// zhes zhus so// rdo rje 'chang gis bka' stsal pa// kye kye 'dus pa'i 'khor tshogs nyon// 'byung ba'i don sbyor 'di lta ste// chos sku gdod nas dag pa'i rang bzhin la// ngo bo 'gyur ba med pas 'byung ba sa yang yin// rig pa'i ye shes don la spyod pas 'byung ba me yang yin// rig pa'i ye shes ma bskyod dbyings su sa pas 'byung ba rlung yang yin// rig pa'i ye shes sku spungs kyang 'dug gsum gcig tu dril bas 'byung ba chu yang yin// stong gsal gnyis med ngang du thim pas 'byung ba nam mkha' yin// 'byung ba'i don skrod de bzhin no// 'byung ba chos nyid chen po ni// kun la de ltar snang ba'o// snang ba 'gag med 'byung ba'i cho 'phrul yin// rig pa 'gyur med 'byung ba'i ngo bo yin// de ltar 'byung ba chen po nyid// sangs rgyas
- 175b
pas kyang nga sngar byung // 'byung ba chen po lnga nyid ni// rang las byung zhing rang la rdzogs pa'o// 'byung ba'i gtan tshigs de bzhin no// sangs rgyas rnams kyi thugs rje ni// 'byung ba lnga ru snang ba'o// 'byung ba chen po'i klong dkyil du// rang byung ye shes gter du sbas// stong pa nyid kyi pho brang du// dag pa'i snang ba gter du sbas// ye shes dbyings kyi klong dkyil du// sku lnga 'gyur med gter du sbas/ chos nyid bar do'i snang ba la// rig pa'i ye shes gter du sbas// nyon mongs lnga yi gting rum du// rig pa 'gag med gter du sbas// bag chags 'khrul pa'i klong dkyil du// shes rab gsal ba gter du sbas// de ltar sangs rgyas dur sa na// rang gi snying gi dkyil du sbas// gter chen de rnams rtogs par bya// zhes rig pa rang shar chen po'i rgyud las/ phyi'i 'byung ba lnga bstan pa'i le'u ste bcu dgu pa'o// rga mA kA/ cha// / de nas 'dus pa'i 'khor rnams kyis 'di skad ces gsol to// kye kye bcom ldan thugs rje chen po dang ldan pa/ phyi'i 'byung ba de ltar lags na/ nang gi 'byung ba gsung du gsol// zhes zhus so// yang bka' stsal pa/ e ma ho/ ngo mtshar che ba'i chos ngas bstan gyis legs par nyon// 'byung ba chen po lnga ni rang gi lus la tshang ngo // de yang rlung rnam pa lngas ye shes kyi gdangs byed do// me rnam pa lngas ye
- 176a
shes kyi rtsal byed do// sa lnga yis ye shes kyi ngo bo byed do// chu lngas ye shes kyi yul byed do// nam mkha' rnam pa lngas ye shes kyi gnas byed do// rlung rnam pa lnga grangs ngas la bstan/ gang zhe na/ srog 'dzin pa'i rlung srog pa rtsa na gnas/ dang // bkrag dang gzi mdangs skyed pa'i smin brag na gnas rlung dang / me dang mnyam du gnas pa'i rlung pho ba na gnas dang // kun la khyab byed kyi rlung lus kun khyab par gnas dang // snying rje med pa bskal pa las kyi rlung dang lnga'o// rlung de rnams sems can kun gyi lus kyi mgo mjug na gnas so// me la grangs nges pa bstan/ lnga ste/ phyi nang kun la gsal gyi me mig dang yan lag la gnas dang / phyi nang kun tu khyab byed kyi me glo ba na gnas dang / phyi nang kun mnyam pa'i me sha lpags par na gnas dang / phyi nang gi bya ba rtogs pa'i me rkang mthil na gnas dang / phyi nang gi bya ba grub pa'i me lag mthil na gnas dang lnga'o// sa la yang grangs nges pa bstan lnga ste// kun tu snang ba'i sa rig pa dang lhan cig tu gnas dang / mi 'gyur ba rdo rje'i sa sgron ma dang lhan cig gnas dang / thams cad 'byung ba rin po che'i sa thig le dang lhan cig tu gnas dang / snang ba ston pa kun tu mtha' yas pa'i sa ye shes dang lhan cig tu gnas dang / bsgrub pa mthar phyin pa'i sa shes rab dang lhan cig tu gnas dang lnga'o// chu rnam pa grangs bstan pa lnga ni// 'gyur ba med pa'i chu rtsa thams cad na gnas dang / zhi ba
- 176b
gsal dag gi chu rus pa thams cad la gnas/ dang / yon tan 'byung ba rgyas pa'i chu khrag thams cad la khyab par gnas/ dang / chags pa med pa'i chu chu ser thams cad la khyab par gnas/ dang / 'dzin med rdzogs pa'i chu mig gi nang du gnas dang lnga'o// nam mkha' lnga ni/ spyi kun la khyab pa'i nam mkha' rig pa dngos dang // yul med gsal gdangs kyi nam mkha' 'od lnga dang / ma 'dres pa dag pa'i nam mkha' dbyings rnam par dag pa dang // don mtshon byed rtags kyi don ye shes kyi nam mkha' dang / dag pa'i zhing du bgrod byed kyi nam mkha' de yang ngo stod nyi shu rtsa gcig go'o// de ltar 'byung ba rnam pa lnga nyid rang la rang bzhin gyis gnas pa'o// de yang bshad lugs 'di ltar yin no// srog 'dzin pa'i rlung la'ang lnga ste// rtsa ba 'dzin pa'i srog rig pa'i mdangs bskyed dang / skyob byed kyi srog d+hA tu'i mdangs bskyed dang / rnam par phra ba'i srog 'od kyi dang / mi gtsang ba'i srog ma rig pa'i sems dang dang / rnam par 'dar byed kyi srog yid kyi grogs byed dang lnga'o// de dang lhan gcig gnas pa'i rlung la yang lnga ste/ dngas snyigs 'byed pa'i rlung sogs dang gnyis su med dang / drod bskyed pa'i rlung rig pa dang gnyis su med/ dang / gsal 'gyur gyi rlung sgron ma dang gnyis su med dang / rnam par sdud pa'i rlung d+hA tu dang gnyis su med/ dang / rnam par gzengs bstod pa'i rlung pra dz+nyA dang gnyis su med/ dang lnga'o// bkrag dang gzi mdangs skyed pa'i rlung la yang lnga
- 177a
ste/ rnam par shes pa skyed pa'i rlung shes rab kyi phul byed/ dang / rnam par yid 'byung ba'i rlung snang ba'i yul/ dang / rnam par mdangs dang ldan pa'i rlung sgron ma dang / rnam par sleb pa'i rlung ma rig pa'i sul/ dang / rnam par rgod pa'i rlung yid kyi yul/ dang lnga'o// rnam par khyab byed kyi rlung la yang lnga ste/ gzhi la khyab byed kyi rlung ye shes la snang dang / 'phral du khyab byed kyi rlung sgron ma la snang dang // sngangs shing skrag pa khyab byed rlung shes pa la skang dang / dran pa khyab byed kyi rlung bsam pa la/ dang / 'dzin pas lus kun khyab pa'i rlung sems la snang ngo // dang lnga'o// snying rje med pa bskal pa las kyi rlung la yang lnga ste/ rnam par skyod byed kyi rlung phung po la khyab/ dang / rnam par sgrol byed kyi rlung skad cig ma la khyab/ dang / rnam par zlog byed kyi rlung bar do la khyab/ dang / rnam par 'gyur byed kyi rlung rtags pa la khrag dang / skad cig ma'i rlung skad cig ma gsum la khrag dang lnga'o// de ltar rlung lnga'i rang bzhin du/ sems can kun la gnas pa'o// yang dag pa'i sa la spyod par byed pa'i phyir na/ skrod byed kyi rlung zhes bya'o// dag pa ye shes kyi srog 'dzin pa'i phyir na/ srog 'dzin pa'i rlung zhes bya'o// ye shes kyi 'od lnga rang chas su yod pa'i phyir na/ bkrag dang gzi mdangs skyes pa'i rlung zhes bya'o// shes rab kyis yang dag pa'i dbyings su sgrol nus pa'i phyir na/ snying rje med pa bskal ba
- 177b
las kyi rlung zhes bya'o// ye shes kyi snang ba dang 'du 'bral med pa'i phyir na/ me dang mnyam du gnas pa'i rlung zhes bya'o// rlung thams cad la don de bzhin du gnas so// zhes rig pa rang shar chen po'i rgyud las/ nang gi 'byung ba lnga'i dbye ba bstan pa'i le'u ste nyi shu pa'o// // de nas yang gsang ba'i bdag pos 'di skad ces gsol to// kye kye bcom ldan 'das pa'i sku// dus gsum sangs rgyas thams cad kyi/ dgongs pa'i gnas lugs gsung du gsol// zhes zhus so// de nas yang bka' stsal pa/ kye ho 'dus pa'i 'khor tshogs mkha' 'gro ma dang bcas pa nyon cig/ dus gsum sangs rgyas thams cad kyi dkyil 'khor yongs su rdzogs pa ni/ rang gi rig pa 'gyur med byang chub sems las thams cad byung // rtag par rdo rje'i don ldan thams cad gnyis med gcig gi ngang // gcig shes gyur na chos nyid bde chen mthong zhing de la spyod// tsit+ta'i dkyil 'khor 'od du gsal bas 'das pa'i sangs rgyas dngos// bar do'i snang ba ma 'gags lam du 'char bas ma 'ongs sangs rgyas dngos// byang chub lam gyi sgron ma yul la snang bas da lta'i sangs rgyas dngos// dus gsum sangs rgyas dgongs pa tshad mar bzhag pa yin/ dus gsum sangs rgyas gzhan la med par rang byung rang la thim// sangs rgyas rnams kyi dgongs pa lag
- 178a
bcangs yin par rdo rje sems dpas bstan// de yang dus gsum sangs rgyas mtshan brjod 'di lta ste// thog med dus na 'das pas mar me mdzad du bshad// phyis 'byung yul du med pas byams pa chen por bshad// cha lugs mngon par snang zhing gzhan don byed pas shAka thub chen por bshad// de bzhin dus gsum sangs rgyas ni// rang gi snang ba chen por bshad// de yang lus ngag yid gsum mo// ngag ni 'das pa'i sangs rgyas yin// yid ni ma 'ongs sangs rgyas yin// lus ni da lha'i sangs rgyas so// sangs rgyas rnam gsum de ltar gnas// 'gyur med byang chub sems la 'khrul pa ga la yod// 'khrul med byang chub sems ni 'gro ba yongs la khyab// byang chub snying po sangs rgyas kun dang mnyam// rang rig sgron ma rang snang 'od kyi yul// kun la gnas te rang gsang thabs kyis chod// dus gsum sangs rgyas dgongs pa'i mchog don yin// sangs rgyas kun dang mi g.yo mnyam par gnas// dus gsum sangs rgyas thams cad ni// sku gsung thugs la thams cad 'dus// gsung ni 'das pa'i sangs rgyas so// thugs ni ma 'ongs sangs rgyas so// sku ni da ltar bzhugs pa'o// dus gsum sangs rgyas thams cad ni// sku gsum dang du 'dus pa'o// chos kyi sku ni 'das pa'i sangs rgyas yin// longs sku
- 178b
slad kyis 'byon pa'o// sbrul sku da ltar bzhugs pa'o// de yang chos sku'i ngang la rdzogs// chos sku 'od lnga'i snang bas khyab pas longs spyod rdzogs pa'i sku// chos sku cir yang snang bas sprul pa'i sku// chos sku bsam pa kun dang bral bas chas kyi sku la chos sku yin// chos sku brjod pa'i mtha' dang bral bas 'das pa yin// chos sku yul du med pas slad kyis 'byon pa yin// chos sku da ltar bstan du yod pas da ltar bzhugs pa yin/ de yang rig pa'i ngang la rdzogs/ rig pa 'dzin pa med pas chos kyi sku yi rang bzhin yin// rig pa'i snang ba 'gag pa med pas longs sku'i rang bzhin yin// rig pa sna tshogs cir yang 'char bas sprul pa sku yi rang bzhin yin// de ltar rig pa'i ngang la chos rnams thams cad rdzogs// rig pa skye med shes na chos rnams kun gyi mchog gam rtse mo yin// rig pa 'gag med shes na chos rnams kun gyi me long yin// rig pa 'gyur med shes na chos rnams kun gyi 'bras bu yin// rig pa phyogs med shes na chos rnams kun gyi lta ba yin// rig pa rtog med shes na chos rnams kun gyi 'khyer so yin// rig pa rang sar shes na chos rnams kun gyi 'byung gnas yin// rig pa'i 'gro sa shes na chos rnams kun gyi bzhag sa yin// rig pa gnyis snang shes na chos rnams kun gyi rang yul yin// rig pa sems med shes na/
- 179a
chos rnams kun gyi dri med yin// rig pa yid med shes na chos rnams kun gyi gzhi med yin// rig pa thig ler shes na chos rnams kun gyi 'gro sa yin// rig pa 'od lngar shes na chos rnams kun gyi rang lus yin// rig pa dmigs med shes na chos rnams kun gyi gnas sa yin// rig pa byar med shes na chos rnams kun gyi spyod pa yin// rig pa mtshon dpe shes na chos rnams kun gyi dper mtshon yin// rig pa'i rang rtags shes na chos rnams kun gyi zer zag yin// rig pa'i dngos po shes na chos rnams kun gyi sa bon yin// rig pa'i cho 'phrul shes na chos rnams kun gyi grogs su bstan// rig pa'i rtsa ba shes na chos rnams kun gyi sdong po yin// rig pa'i 'grogs zla shes na chos rnams kun gyi spang bya yin// rig pa'i dkyil 'khor shes na chos rnams kun gyi thug sa yin/ de ltar blo yi the tshom bsal nas rig pa'i rtogs lugs yin/ zhes rig pa rang shar chen po'i rgyud las/ dus gsum gyi sangs rgyas kyi dgongs pa bstan pa'i le'u ste nyi shu rtsa gcig pa'o// // mAg+ha thA// de nas yang gsang ba'i bdag pos 'di skad ces gsol to// kye kye bcom ldan thugs rje ldan// dus gsum dgongs pa de ltar na// sems can grol lugs bshad du gsol// zhes zhus so// de nas yang bka' stsal pa// kye ma gsang ba'i
- 179b
bdag po nyon// sems can la yang gnyis kyis bshad// rtogs pa dang ni ma rtogs pa'o// grol lugs la yang rnam gnyis so// ma dag 'khor bar grol lugs dang // dag pa ye shes grol lugs so// ma dag 'khor ba'i grol lugs ni// rnam rtog 'khor ba kho na ste// ngu 'bod chen po'i gnas dmyal ba'i gnas na sdug bsngal chen po dang ldan pa nyon mongs zhe sdang shas che ba las byung / dang ni// shin tu bkres pa'i gnas yi dwags kyi gnas 'dod chags che ba las byung shin tu zas kyis gdungs te bkres pa'o// dag dang // rmugs shing myos pa'i gnas byol song gi gnas gti mug shas che ba las byung / chen dang // rab tu rags pa'i gnas lha min gyi gnas phrag dog shas che ba las byung / dang ni// de bzhin cha mnyam mi la cha lnga mnyam la/ gnas chen dang // shin tu dga' ldan gnas lha'i gnas nga rgyal las byung ba'o// su bshad// ma rtogs pa yi sems can la// de las 'gro sa med pa'o// bden pa mthong ba'i sems can ni// rtogs pa rgyud la ma skyes kyang // phyogs bcu sprul pa'i zhing khams su// gnas nas mthar phyin 'bring gi mchog gi grol lugs grol bar gyur// de ni ma rtogs grol lugs so// rtogs pa rnams kyi grol lugs ni// la la 'od lnga'i dbyings su ye shes kyi snang ba rang gi yul du mthong nas gang zag dbang po 'bring gi phul grol ba'o// grol// la la sku lnga'i dbyings su 'bring gi rtse mo/ grol// la la tshom bu lnga yis 'bring gi mchog gi srol lugs//
- 180a
grol// la la me long dbyings su 'bring gi rab kyi/ grol// la la mu khyud dbyings su 'bring gi 'bring gi grol// la la steng 'og tshom bur 'bring gi tha ma/ grol// la la mu khyud stong par 'bring gi mthar phyin pa'i grol lugs so/ grol// de ni 'bring gi grol lugs so// la la kha dog dkar por za ma'i mthar phyin pa'i grol lugs so// grol// la la za ma'i rtse mo/ kha dog ser por grol// la la za ma'i phul gyi kha dog dmar por grol// la la ma'i mchog kha dog ljang gur grol// la la za ma'i rab kyi kha dog mthing gas grol// la la za ma'i 'bring / kha dog lngags grol// la la za ma'i tha mas/ thig le zer gyis grol// de ni tha ma'i grol lugs so// la la skad cig gsum gyis rab kyi mthar phyin pa'i grol// la la rab kyi rtse mo// me long gnyis dang tshom bu lnga yis grol// la la rab kyi phul/ yab yul gyi/ dang yum gyis grol// la la snang ba mer mer shig shig gis/ rab kyi mchog gi/ rang gi bden pa rab kyi rab/ skyes te grol// la la thugs rje'i 'od zer gyis rab kyi 'bring gi/ la la tshom bu gnyis kyis grol/ rab kyi tha ma'i// la la cir snang sku'i rang bzhin de yang ye shes kyi snang ba re re snang lugs kyi snang ba re re skad cig mar re la mthong ba'i dbang po ma 'gags pa'o// dag gis grol// de ni rab kyi grol lugs so// rtogs pa rnams kyi grol lugs de bzhin no// yang zhus pa/ kye kye bcom ldan rtogs pa'i bdag/ rtogs pa'i sems can
- 180b
rnams dang ni// ma rtogs 'khor ba'i sems can gnyis// khyad par gang lags gsung du gsol// zhes zhus so// yang bka' stsal pa/ e ma ho gsang ba'i bdag po nyon// ngas bstan legs par yid la zung // rtogs dang ma rtogs khyad par ni// ngo sprod nyi shu rtsa gcig go/ ngo sprod bstan pa rtogs pa'i mchog/ ma bstan grol bar ga la 'gyur// sangs rgyas thams cad dgongs pa ni// ngo sprod nang du shes par byabya// de ltar ngo sprod bstan gyur na// sangs rgyas bden pa mthong ba yin// sangs rgyas rnams kyi bden pa ni// 'od snang dag pa'i gzigs snang mkhyen// dag pa'i zhing la mthar phyin 'gyur// rnam dag lam la rab gnas shing // dag pa'i dbyings su gnyis med thim// thim nas 'od zer phyogs bcur 'phro// nyon mongs rtog pa sel bar 'gyur// ye shes dag pa'i spyod yul ni// snang ba 'gag med so sor gsal// thugs rje 'gag med phyogs bcur 'phro// ye shes 'gag med yul la snang // sgron ma 'gag med kun la khyab// shes rab 'gag med don la spyod// 'gag med rnam dag chos dbyings 'di// kun dang mi mnyam rang gi thugs la 'chang // rdo rje don nyid pho brang 'gyur med do// zhes rig pa rang shar chen po'i rgyud las/ sems can gyi grol lugs bstan pa'i le'u ste nyi shu rtsa gnyis pa'o// // de nas yang
- 181a
gsang ba'i bdag po dang / mkha' 'gro rnams kyis 'di skad ces gsol to// kye kye bcom ldan yi ge'i bdag/ yi ge'i 'bru bshad gsung du gsol// zhes zhus so// rdzu 'phrul can gyis bka' stsal pa// a ho nye ba'i 'khor rnams nyon// ngas bstan legs par yid la zung // sangs rgyas thams cad dgongs pa ni// tshig dang yi ge med pa la// tshig dang yi ge ltar snang ste// 'on kyang tshig gis don chen grol// de yang yi ge'i 'bru la 'dus// de rnams don bshad 'di lta ste// yi ge thams cad bskyed pa'i rgyu// ka la yang dag rdzogs par grags// chos rnams kun gyi mtha' sdud ni// yi ge a la rdzogs pa'o// chos rnams kun gyi nam mkha' ni// yi ge kha la rdzogs pa'o// chos rnams kun gyi dri med ni// yi ge ga la rdzogs pa'o// chos rnams kun gyi rig pa ni// yi ge nga la rdzogs pa'o// chos rnam kun gyi rol pa ni// yi ge tsa la rdzogs pa'o// chos rnams kun gyi dri med ni// yi ge tshal rdzogs pa'o// chos rnams kun gyi snang ba ni// yi ge dza la rdzogs pa'o// chos rnams kun gyi nyams myong ni// yi ge wa la rdzogs pa'o// chos rnams kun gyi rtag pa ni// yi ge Ta la rdzogs pa'o// chos rnams kun gyi dkyil 'khor ni// yi ge Sha la rdzogs pa'o// chos rnams kun gyi chad pa ni// yi ge Da la rdzogs pa'o// chos rnams kun gyi
- 181b
rang lus ni// yi ge Na la rdzogs pa'o// chos rnams kun gyi bstan pa ni// yi ge ta la rdzogs pa'o// chos rnams kun gyi stong pa ni// yi ge tha la rdzogs pa'o// chos rnams kun gyi rig pa ni// yi ge da la rdzogs pa'o// chos rnams kun gyi ma rig ni// yi ge na la rdzogs pa'o// chos rnams kun gyi gzhi ma ni// yi ge pa la rdzogs pa'o// chos rnams kun gyi chos sku ni// yi ge pha la rdzogs pa'o// chos rnams kun gyi longs sku ni// yi ge ba la rdzogs pa'o// chos rnams kun gyi sbrul sku ni// yi ge ma la rdzogs pa'o// chos rnams kun gyi stong lam ni// yi ge ya la rdzogs pa'o// chos rnams kun gyi bzhag thabs ni// yi ge ra la rdzogs pa'o// chos kyi skad cig ma gsum ni// yi ge la la rdzogs pa'o// chos rnams kun gyi 'gag med ni// yi ge sha la rdzogs pa'o// chos rnams kun gyi ye shes ni// yi ge Sha la rdzogs pa'o// chos rnams kun gyi 'char lugs ni// yi ge sa la rdzogs pa'o// chos rnams kun gyi la gcod ni// yi ge ha la rdzogs pa'o// chos rnams kun gyi shes rab ni// yi ge k+Sha la rdzogs pa'o// chos rnams kun gyi thugs ni// yi ge klag la rdzogs pa'o// chos rnams kun gyi rang bzhin ni// yi ge g+ha dz+ha D+ha d+ha b+ha la rdzogs pa'o// de bzhin yi ge'i don sbyar rnams// kun la de bzhin shes par bya// yi ge'i mtshan dang 'bod pa rnams// 'di ltar kun
- 182a
la shes par bya/ yi ge'i gnas dang longs spyod dang // 'di ltar kun la shes par bya// de la 'dogs dang yan lag ni// gu gu 'od kyi yi ger bshad// 'greng bu lam gyi yi ger bshad// na ro dbyings kyi yi ger bshad// klad skor chos nyid yi ger bshad// de ni gong gi yi ge bzhi// sgron ma'i yi ger 'dod pa'o// zhabs kyu thugs rje'i yi ger bshad// ya btags khyab pa'i yi ger bshad// btags 'char ba'i yi ger bshad// de la 'dogs ni gang byung ba// 'dogs dang sbyar te bshad pa'o// yang zhus pa/ kye kye bcom ldan rdo rje 'chang // yi ge'i 'bru bshad de ltar na// yi ge'i 'dogs bshad gsung du gsol// zhes zhus so// de nas yang bka' stsal pa/ a ho gsang ba'i bdag po nyon// yi ge'i 'dogs bshad 'di lta ste// yi ge thams cad 'dogs kyis bshad// yan lag 'dogs kyi dbang du bshad// de la yi ge thams cad kyi// bshad lugs gnyis su 'dus pa ste// mya ngan 'das pa'i bshad lugs dang // 'khor ba'i yi ge'i bshad lugs so// mya ngan 'das pa'i yi ge ni// 'dogs dang yan lag bshad pa'o// ma dag 'khor ba'i yi ge ni// dang po ma la bshad pa'o// de ltar bshad lugs rnam gnyis kyis// yi ge kun gyi don 'grol lo// de yang 'di ltar bshad par bya// ko ko/ ke ke/ ki kI/ ku kA/ kya
- 182b
kra ga/ kaM ka/ kho ko/ khai khai/ khwa khA/ khya wa// Tha wa/ khe kha/ go go/ ge ge/ gaM gAM/ gug+h+ra/ gya g+ha/ gra grA/ gaM ga/ b+ho g+ho/ g+he g+he/ b+hi krI/ g+ha g+h+na/ b+hA b+hU/ b+hag+h+na/ b+hek+ka/ do / de de/ ngi di/ dra d+ha/ da ya dA ya/ nga dar/ da da/ rtsaH/ rtseH/ waM/ tsur+tha/ tsa ya tsA ya/ tsa ra kAr/ 6mra/ tshe tshe/ che che/ che na/ churbA/ tsha ya nA ya/ tshar char/ tsha na/ dzo dzaM/ dze dze/ dze dze/ dzu drA/ dza ya dzA ya/ dza ra dzA ra/ dzaM da/ dz+ha dz+hi/ d+ho d+he/ dz+ha d+haM/ d+hA dz+nyA/ d+hA ya d+hA ya/ dz+ha ra d+hA ra/ d+haM d+hA/ nyo ho/ nye nye/ nyi hI/ nyuny+dza/ nya ya ny+dza ya/ nya ra wA ra/ nyaM nya/ To To/ Te Te/ Ti Ti/ Tu TA/ Ta ya TA ya/ Ta ra Ta ra/ TaM Ta/ Sho Sho/ She b+he/ Thi ShI/ b+haSh+Ta/ Sha ya thA ya/ Tha ra ShA ra/ b+h+r-i/ Da DI/ De De/ Di DI/ Du DA/ Da ya DA ya/ Da ra DA ra/ DaM DA/ D+ho D+ho/ D+he D+he/ D+hi D+hi/ D+hAD+hA/ D+ha ya D+ha ya/ D+ha ra D+ha ra/ D+haM D+hA/ No No/ Ne Ne/ Ni NI/ Nu NA/ Na ya NA ya/ Na ra NA ra/ NaM NA/ to to/ te twe/ ti ti/ tu tA/ ta ya tA ya/ tratra/ taH/ tho To/ be be/ thi bI/ pra b+hU/ ba ya thA ya/ ba ra bA ra/ za pra/ dau daM/ de de/ di di/ du dA/ da ya dA ya/ da ra da ra/ daM da/ d+ho dz+nye/ d+h+we d+h+we/ d+hi d+hI/ d+had+hA/ d+ha ya d+hA ya/ d+ha d+hA/ d+ha d+hA/ no no/ ne ne/ ni ni/ nu nA/ na ya nA ya/ n+wa nA/ naM na/ po po/ pe pA/ pu prA/ bya b+ha/ pra prA/ paM pA/ pho pro/ phe phe/ pi pI/ phu phA/ phya pyA/ pra prA/ paM phA/ bo b+ho/ be be/ bi bI/ bu bA/ bya byA/ pra brA/ baM bA/ b+ho b+h+yo/ b+he b+he/ b+hi b+hI/ b+hu
- 183a
b+hUb+d+haH/ b+h+yaH/ !!/ \u0f7f/ \u0f7f/ 6!/ 6!/ 6!/ 6// // thaH/ pa/ par ga // 2// rba ba dag da lo lo/ le le/ li laM/ lu wA/ la ya la ya/ la ra la ra/ la la/ sho sho/ she she/ shaM shrI/ shu shwa/ sha ya sha ya/ shra thA/ shaM sha/ No to/ She N+De/ Shi k+Shi/ ShatA/ Sha ya ShA ya/ Sha raShA ra/ Nata/ sa so/ saM se/ saM saM/ swa swa/ ya sA ya/ sra swa/ saM swA/ hU~M ho/ he hwe/ hi hi/ hu hA/ ha ya hA ya/ hra hwA/ haM ha/ k+Sho k+to/ k+She k+te/ k+Shi k+ti/ k+Shu k+tA/ k+Sha ya k+Sha ya/ k+Sha ra k+ta ra/ k+ShaM k+ta/ ar+tha/ ma gyi gsum la yig gzugs pa 'dra ba blang bas ma mtshad par gsum gsas mang batha gas/ DAr+b+haH/ malas pa dang ba'i ya sata b+hab+ha/ gshang ba/ rtsab+ha/ 'alung ba 'a bags swA~M/ gas rab tha' tha ma par bas/ bcuH/ bzlaH/ bsha/ \u0f7f
- 183b
sa nan byung na/ na/ / lam bkad pa gsal dngas 'gyur ba med pa'i lam gyi mthar thugs pa med par bstan pa dang ma dngas bde pa'i ska las dan 'byung brtan pa dang / sangs sa bkad pa rdo rje ma la 'gyur ba med par bstan pa'o/ k+ShaHk+Sha/ bye ba med par legs yul la snang ba bdag ba nang rab kyi ye shes med/ de ltar yi ge don sbyar na/ chos nyid gzhi dbyings rnam par dag pa'i yul la ye shes bstan pa dang / bdal ba'i ye shes sbal dngas po med par bstan pa dang / gzhi sdang 'od kyi yul la sems med par bstan pa dang / ma 'gags tshas nyid ma mthang zab zad par bstan pal/ la de bzhin sbyor// de ni 'dog gi dbang du bshad pa'o// yan lag dbang du bshad pa 'di lta ste// rgyas par gong du bshad pa'o// mdo tsam bstan pa 'di lta ste/ sa []
- 184a
'od lnga'i snang ba ma 'gags pa'i lam lnga shar ba dbyings nyid dang 'du 'bral med par thugs khyab gos pa med par shar pa'o// longs sgra las 'od dang lam du byed pas da dung thugs rje ldan pas 'char lugs dang thugs rje khyab pa gsum du ldan pa'o// rnal rnalas 'am sa gyu 'ad kyi thal du 'dus pa'i 'char grags thags rje zab pa gnam dang ldan par/ rkang bcwa dang bcas pag/ thas 'bar pa ma ngan las 'das tha' la gas sa gar batham la zhugs thug par gar ba 'das pa dang thang ba shes las 'das pa'o// b+hUsnang ba zhud dum bcang ba'i ye shes dri ma med par shar ba'o// yul chos dbyings kyi pho brang la snang ba'i ye shes mtha' las 'das pas ye shes 'gag pa med par rol pa'o// snang ba yul la spyod pa'i ye shes shar ba'o// dus gsum bde bar gshegs pa'i budz+ra'i thugs rje la thugs pa med pa'o// stong pa'i mtha' spangs pa'i dbyings che ba shes rab la mthar thug pa med pa'o// ma rig pa 'khor ba'i rtsa ba can kun gzhi ye shes kyi rtsa ba can ye shes yul gyi rtsa ba can/ lus la snang ba'i dus bstan pa dang lam 'char ba'i dus bstan pa dang kun la khyab par bstan pa'o// snang ba lam gyi ye shes ngos bzung med pa'o// shes rab stong pa'i lam la mthar thug pa med pa'o// rdo rje khong gasbyong gi lam la mthar thag med pa na/ rtog pa stong ba'i rgyas btab pan/ thams cad dbyings su bstan pa/ chad pa'i snang ba/ chos nyid chad pa las 'das pa/ sems can gyi lus tha dad pa la chos tha dad pa bstan pa/ TA/ k+Sha 'phrul
- 184b
sgra las brgyad bsdus te sten pa'i legs pa/ 'phags pa'i lam lnga la yin pa bral du snang ba'o// rig pa'i ye shes kyi snang ba lam rig pa'i gags phal 'am/ rgyas kyi dbyangs su lung du bstan pas/ 'jug pa phral gyi snang ba lam rig pa med/ be shes las kyi snang ba la sems med bzud pa rlung gi shes rab la med med de/ chad bstan pa dang la shes kyi gnas bstan pag/ tshad ma lam gyi shes rab la rgyu med/ ngartsams lam gyi spyad pa la phyogs med/ baphral gyi lam la snang ba med/ yod pa la skang du rung ba yin min gyi snang ba la med pas gzang bya med stong pa gsal ba shes rab kyi stong pa dag pa mtha' las 'das pa'o/ shes rab phul la snang ba lam chud la sman nyal shes mkha' la 'brel/ nang gi drod rnyed 'bras bu mthar byin pa'o// 'byung ba rang gdangs dang 'brad snang ba lam du grong rig pas rang yul rnyed shes rab dbyings su sdud snang ba lam du grol/ dag pas dag pa'i sa non ye shes kyi ye shes mthar byin lam gyis lam rnyed dbyings la dbyings zis 'bras tha ma par byin pam/ rtse med lam du gyur nas snang ba ma brgyal/ legs bral du gapa/ dbyings snang ba la bad pas sgron ma yul yang dag pa mthang bal/ yan lag bshad lugs de bzhin no// de yang bshad lugs 'di lta ste/ 'dogs dang yan lag 'brel pa la/ bshad lugs 'dogs kyi bshad pa'o// yi ge'i 'bru ni don la sbyar/ yi ge bshad lugs sgra ltar bshad// yi ger dad la ni
- 185a
tsa med pa'o// yi ge'i dpe mtshon don sbyor ni// de bzhin kun la gnas pa'o// zhes bka' stsal to// zhes rig pa rang shar chen po'i rgyud las// yi ge'i 'bru bshad bstan pa'i le'u ste nyi shu gsum pa'o// // de nas yang gsang ba'i bdag pos zhus pa/ kye kye bcom ldan rnam dag sku// yi ge'i bshad lugs de ltar na// rig pa'i bzhag thabs gsung du gsol// zhes zhus so// rdo rje'i sku yis bka' stsal pa/ kye ho gsang ba'i bdag po nyon// khyod kyi don brjod ci ltar yin// ces bka' stsal pa/ gsang ba'i bdag pos 'di skad ces gsol to smras// kye kye bcom ldan thugs rje can// bdag gi don brjod 'di ltar lags// phyag gi don ni 'dzin pa ste// rdo yi don ni rigs pa lags// rje yi don ni ye shes la// sna tshogs rol par 'char ba lags// gsang ba rig pa'i sgron ma nyid// kun la yod de gsang ba lags// bdag gi don brjod de bzhin no// de nas yang zhus pa// kye kye bcom ldan thugs rje can// bdag gi don brjod de bzhin te// rigs pa'i bzhag thabs gsung du gsol// zhes zhus so// de nas yang bka' stsal pa/ a ho gsang ba'i bdag po nyon// rig pa'i bzhag thabs 'di lta ste// khyod kyis blo la go bar gyis// rtog med rnam dag ngo bo la// 'bras bu gsal la 'dzin pa med// 'dzin rtog dmigs
- 185b
pa'i yul med pas// byar med ngang du rig pa zhog/ rkyen med pa yi ye shes la// dngos med rang gsal ting 'dzin zhog/ shes pa gcig pa'i ye shes la// sna tshogs gsal ba'i ting 'dzin zhog/ ye shes dag pa'i snang ba la// chu bo'i rgyun gyi ting 'dzin zhog/ byas dang byed pa med pa la// 'dzin med rang grol ting 'dzin zhog/ rtag chad rnam gnyis blta ba la// stong gsal gnyis med ting 'dzin zhog/ stong pa ye shes snying po la// sku lnga ma 'dres ting 'dzin zhog/ sku dang ye shes snang ba la// rig pa rtog med ting 'dzin zhog/ gsang ba tsit+ta'i klong dkyil du// 'gyur med rig pa'i ting 'dzin zhog/ nam mkha' stong pa'i klong dkyil na// sgron ma rnam gnyis ma 'gags pa// so so'i don la rig pa 'gyur med zhog/ thig le stong pa'i sgron ma'i don nyid rdo rje'i sku// rig pa dbyings kyi sgron ma nam mkha' stong pa'i yul// dper na yi ge na ro bzhin// 'gro ba yongs la khyab pa yin// zhes gsungs so// de nas yang gsang ba'i bdag pos 'di skad ces gsol to// kye kye bcom ldan thabs kyi sku// thig le stong pa'i sgron ma dang // rig pa dbyings kyi sgron ma gnyis// khyad par gang gis phye ba lags// thugs kyi dkyil nas bcud phyung ba// mos dang gus pa'i 'khor la bka' stsal 'tshal// zhes zhus so// de nas yang bka' stsal
- 186a
pa// kye kye rdo rje 'dzin pa nyon// ngas bstan legs par yid la zung // gsang sngags thams cad sgron ma gnyis la rdzogs// de yang khyad par 'di lta ste// thig le stong pa'i sgron ma rtsol ba'i sems dang bcas// rtsol byed yod pas sgron ma'i don ma rtogs// rig pa dbyings kyi sgron ma ni/ rtsol ba'i sems dang bral zhing ye shes dbyings la spyod// de yang nam mkha' gsal la dngas pa la// rig pa mig la bcug nas ni// bltas na snang ba mthong bar 'gyur// de la yang ni 'di lta ste// dbyings la sku yis brgyan pa ni// 'di ltar kun la shes par bya// rig pa dbyings kyi sgron ma'i dkyil// stong pa'i ye shes 'od gsal sku// 'gul ba dang ni 'phrigs bzhin pa// de bzhin sna tshogs 'phro ba'o// de la brtan pa thob gyur na// 'gro med 'ong med ngang du thim// 'gul dang 'phrigs pa ga la yod// de ni brtan pa thob pa'o// de ltar rtogs pa skyes gyur nas// dbyings la sgra yis brgyan pa ni// 'di ltar kun la shes par bya// rig pa 'gyur ba med pa la// dbyings ni 'od kyi snang bar shar// nam mkha' gang bar mthong ba ni// sku la dbyings kyis brgyan pa'o// de ltar sgron ma rnam pa gnyis// 'du 'bral med par rtogs pa ni// skye med don la 'du 'bral med// ka dag sa la mthar phyin grol bar 'gyur// zhes rig pa rang shar
- 186b
chen po'i rgyud las/ rig pa'i bzhag thabs bstan pa'i le'u ste nyi shu rtsa bzhi pa'o// // da na t+ya// d+ya/ de nas yang gsang ba'i bdag pos 'di skad ces gsol to// kye kye bcom ldan zag chen bdag/ rig pa'i bzhag thabs de ltar na// theg pa'i dbye ba gsung du gsol// zhes zhus so// de nas thugs rje chen po dang ldan pa des// 'di skad ces bka' stsal to// kye ma gsang bdag legs par nyon// ngas bstan yid kyi rtog pa sol// theg pa'i dbye ba 'di lta ste// mdo dang rgyas pa chen po dang // shin tu rgyas pa chen po'o// shin tu rgyas pa chen po ni// brgyad khri bzhi stong bsam mi khyab// rgya che grangs med chen po ste// bsam gyis mi khyab gzhal du med// brjod med bsam 'das chen po'o// rgyas pa chen po 'di lta ste// dbye ba rnam pa dgur 'dod de// nyan thos dang ni rang rgyal dang // de bzhin byang chub sems dpa'o// kri ya dang ni u pa ya// de bzhin yo ga'i theg par bshad// ma hA a nu yo ga dang // de bzhin rdzogs pa a ti'o// de ltar rnam pa dgur bshad de// chos kyi bstan pa chen po yin// de nas yang gsang ba'i bdag pos 'di skad ces gsol to/ e ma bcom ldan rdo rje 'chang // theg pa'i bshad lugs gsung du gsol// zhes zhus so// yang bka' stsal pa/ kye ho gsang ba rdo rje 'dzin/ nga yi theg pa
- 187a
bsam yas kyang // bshad lugs rnam pa gnyis su 'dus// 'khor ba dang ni myang 'das so// de yang 'khor ba 'di lta ste// log lha dang ni rtag lta'o// log pa'i theg pa 'di lta ste// 'jig tshogs sum brgya drug cur 'dod// sum brgya dbyings la bshad pa'o// drug cu'i lta ba 'di lta ste// grangs can log par smra ba dang / bye brag rang gi rgyur smra dang // ku mA ra la chen po dang // gol ba dag tu smra ba dang // rnam phug pa'i gzhung 'dzin dang // gsang ba me lnga bsten pa dang // me ras til mar lus bsreg dang // mdung rtsi'i dka' thub log spyod do// mchod dang 'tshogs pa'i dka' thub dang // sha bkol lus la byas 'thogs dang // khyi yi cha byad spyod pa dang // de bzhin mngon shes phra mo yis// sangs rgyas byin rlabs cir snang ba'i// log pa'i dka' thub spyod pa'o// rnam pa'i lta ba 'di lta ste// byed pa rgyur smra dag dang ni// byed pa lam du khyer ba dang // rtag pa don brtson chen po dang / zer zug 'gyur med smra ba dang // gnas skabs rtag par smra ba dang // rgyu la rtag par smra ba dang // 'bras bu rtag par smra ba dang // rtag pa nyid la lam ltos dang // spyod pa rtag par 'dod pa dang // don la rtag med chad lta dang // de bzhin rtag pa'i rnam pa'o// tshad med ngan sngags gtsor byed dang // mo dang pra la gtsor byed dang // rdzu 'phrul phra mo
- 187b
gtsor byed dang // rtsod pa lhu ru len pa dang // dka' thub spyod pa dag dang ni// 'jig rten 'di la zhen pa dang // rang gi bya ba 'dzin pa dang / lwa ba can du gyur pa dang // mi pham ras gos dag dang ni// phyag mtshan gtso bor byed pa'o// bya ba ltos par smra ba dang // rig pas pha rol sun 'byin dang // rgyu med chad par smra ba dang // byang chad stong par smra ba dang // rgyu chad 'bras bu chad lta dang // lam chad ye shes chad lta dang // chad pa ther zug chen po dang // lam chad 'bras bu gtan chad dang // log pa'i sems kyi chad lta dang // chad pa stong pa chen po'o// rig byed gsang bar smra ba dang // cha mthun gol ba'i mu stegs dang // mngon snang sems kyi mu stegs dang // 'khrul snang 'dzin pa'i mu stegs dang // zhe sdang bskyed pa'i mu stegs dang // byad byed sems kyi mu stegs dang // 'dzin pa don med mu stegs dang // kha tshig gol ba'i mu stegs dang // rtag pa don med mu stegs dang // ka ni dang ni ser sna dang // b+ha si ra dang ka shi bi yang 'dug sha/ saM d+hi ra dang d+ha sing dang / ka ti dang ni sang g+ha dang / shang+ga ru dang mdo d+ha sha ka'o// drug cu'i dbye ba de ltar te// de yang mdor bsdus 'di lta ste// rtag pa dang ni chad pa'o// chad par blta ba'i don ni 'di lta ste// byang chad mu med stong pa che// rgyun chad nam mkha' stong pa bzhin// chad pa rang bzhin med
- 188a
par blta// 'bras bu chad pa'i don ni stong pa'o// stong pa med pa'i rtag pa ni// rtag pa'i theg pa'i grub mtha' ni// rtag pa ther zug grub mtha' ste// rgyu rtag dngos po 'di lta ste// rang gi tsany+dza2 dkyil 'khor na// pha yi rgyu las ma byung zhing // ma yi rkyen la ma brten pa'i// che ste chen sran ma tsam// chung ste chung na nyung 'bru tsam// yang chung sgra yi rtse mo tsam// snum la 'dril ba dkar la dngas// de ni rgyu yi rang bzhin te// ye nas mi 'gyur rtag par yod// de dang bag chags phung po ni// mi 'bral gcig tu gnas pas na// rgyu rtag pa yi grub mtha' 'dod// 'bras bu rtag pa 'di lta ste// phya dang dbang phyug chen po ni// bsten cing mchod pa'i yon tan gyis// dang po lus 'di bor gyur kyang // rang rang sa la skye bar byed// phya'am dbang phyug chen po yis// byas te 'bras bu rtag par 'dod// rtag dang chad pa rnam pa gnyis// rang rang don la mi mthun pa'o// de la sogs pa'i log lha rnams// rnam pa bzhir ni 'dus par 'dod// mu stegs dang ni mur zug dang // rgyang 'phen dang ni phyal ba'o// de yang bshad lugs 'di lta ste// mu stegs rtag pa zer zug go// mur thug phyed rtag phyed chad do// phyal ba chad pa phyang chad do// rgyang 'phen 'bras bu chad pa'o// de ltar sum brgya drug cu yang // rnam pa bzhi ru 'dus pa'o// de yang rtag chad
- 188b
gnyis su 'dus// de yang don med phyal bar 'dus// 'jig rten pa yi rkang grangs so// zhes rig pa rang shar chen po'i rgyud las// 'jig rten pa'i theg pa'i grangs bsdus te bstan pa'i le'u ste nyi shu rtsa lnga pa'o// // de nas gsang ba'i bdag pos 'di skad ces gsol to// kye kye bcom ldan rdo rje 'chang // 'jig tshogs rkang grangs de ltar na// de rnams bshad lugs gsung du gsol// zhes zhu ba zhus so// de nas yang bcom ldan 'das kyis bka' stsal pa/ e ma ho gsang ba'i bdag po nyon cig/ ngas bstan gyis legs par nyon cig/ grangs can gyi ni 'dod pa 'di lta ste// rdul dang mun pa snying stobs gsum// rtag pa log par 'dzin pa'o// de nas kyang gti mug gis gzhi byed par 'dod// 'dod chags kyis bde ba bskyed par 'dod// zhe sdang gis dpung bzlog par 'dod pa'o// de ni grangs can gyi 'dod gzhung ngo // bye brag pa'i lta ba 'di lta ste// phyi'i phung po khams dang skye mched rdul phra rab tu blta/ de yang dang po 'dzin pas bzung nas rdul phra rab tu bgrang ste/ 'di ni 'jig pa'i rgyu can no// 'di ni stong pa'i rgyu can no// 'di ni stong pa ci yang med pa'i rgyu can no// lus 'di bor ba dang / sems nam mkha'i bag la zha// lus ni 'byung ba'i bag la zha// cang med stong pa'i mu la gnas pa'o// ku mA ra'i grub mtha' 'di
- 189a
ltar 'dod// sems med pa'i lus su 'dod/ lus la sems med do// sems med pas lus bor tsam na// stong pa ci yang med par 'dod pa'o// rnam phug pa'i grub mtha' 'di lta ste/ snang ba 'di la gnas skabs kyis rtag par mthong la/ don dam pa la snang ba 'di ni mi rtag par 'dod pa'o// phyi ma'i snang ba la phya'am/ dbang phyug gi 'khor du rtag par 'dod do// rnam phug pa'i bzhed gzhung yang de lta bu'o// gsang ba'i me lnga bstan pa 'di lta ste/ sangs rgyas kyi sprul pa'i zhing khams na gnas pa'i gang zag gis mar me btang bas/ ye shes lnga'i snang ba las sangs rgyas pa mngon par shes pa phra mos mthong ste/ me lnga la spyod pa yod de/ de yang tsan+dan gyi sdong po la til mar gyis btsos te/ me'i phung po lnga btang ste/ rang gis lus bsreg pa dag kyang yod do// me ras pa zhes bya ba rang gi lus la ras til mar du btsos nas rang gis lus la dkris te// de la me btang ste/ rang gi lus bsreg pa dag kyang yod do// mdung rtse gsum pa'i dka' thub spyod pa yod de/ de yang mdung rtse gsum pa sa la btsugs te de'i khar mchongs te/ dka' thub spyod pa yod do// brag gam g.yang la mchongs te lus brlag par byed pa yang yod do// log pa cha 'dzin gyi spyod pa dag zhes bya ba ste// rang gi lus las sha me long tsam pa/ dpung pa
- 189b
g.yas g.yon dang spyi bo'i gtsug nas khol du bton nas rang gis lus po dong du bcug nas/ dur bya'i rigs kyis rang gi lus za bar 'jug pa dag kyang yod do// yang log pa dud 'gro'i spyod pa can zhes bya ste/ khyi'i cha byad du zhugs te/ log pa'i dka' thub spyod pa yang yod do// byed pa po rgyur smra ba ni/ dper na shing mkhan mkhas pas skyes pa dang bud med kyi gzugs tha dad par byas te/ bya ba byed pa ltar/ chos log pa yang rang gi mngon shes kyis bya ba byas nas// de nas phya'am dbang phyug gi 'khor du skye bar 'dod pa dag kyang yod do// byed pa lam du 'khyer ba'i grub mtha' ni/ 'jig rten 'di na khyim la sogs pa'i bya ba byas pas/ phyi ma rang gi lus bor ba dang // phya'am dbang phyug gis rang gi sngun bsus nas/ ri rab kyi bang rim la gnas par byed pa'o// rtag pa don mtshon pa'i blta ba ni don rang gi rtag kyang 'dug brtags pa la/ gzhan la chad pas byang chad du gtong ston pa'o// de yang rtag pa zer zug tu smra ba ni// 'di ltar 'dod de/ don rtag pa 'gyur med chen po la// rang bzhin nges par 'dod pa'o// yang gnas skabs su 'gyur bar smra ba ni 'di lta ste// don chad pa la gnas skabs kyi rtag par lta ba'o// yang rgyu rtag par lta ba yod de/ rang gi snying gi dkyil na rgyu'i dngos po de/ dbyibs zlum pa/ kha dog dkar ba/ che
- 190a
chung gi tshad ni sran ma tsam/ pha'i rgyu las ma byung zhing / ma'i rkyen gyis ma bskyed pa rtag par blta ba yod do// 'bras bu rtag par blta ba ni/ rgyu mi rtag ste sems dngos po med/ 'bras bu rtag rtse phya'am dbang phyug chen po yod nges zer ba'o// rtag pa la lam ltos pa ni/ rgyu mi rtag ste sems dngos po med/ 'bras bu mi rtag ste phya'am dbang phyug gis sar grogs med par mi phyin yang phyin te/ lam rtag ste phya'am dbang phyug ni ri rab kyi steng na gnas te/ der lam la gnas par 'dod pa'o// yang spyod pa la rtag par 'dod pa ni/ rgyu dang 'bras bu mi rtag ste/ spyod pa rtag pas grol bar 'dod de/ yul dang khang pa thams cad kyang rtag pa'i dngos po yin/ snang ba 'di gang yang rtag par blta'o// don rtag pa med par chad par blta ba ni/ don chad par blta ba ste/ 'di nyid la rtag pa'i grub mthar spyod do// ngan sngags gtso bor byed pa ni/ ngan sngags gtso bor byas nas phung ba'i las drag po byed pa ni nag po tshig tshugs su smra ba ste/ de la mngon par zhen cing 'bras bu 'dod pa'o// mo dang pra la gtsor byed pa ni/ 'jig rten 'di'i bde ba 'ba' zhig la ltos te/ phyi ma cang med zer ba'o// rdzu 'phrul phra mo gtsor byed pa ni/ 'jig rten 'di na rdzu 'phrul gyis dmag gi dpung bzlog pa yod de// phyi ma la yang rdzu 'phrul gyis zil gyis
- 190b
mnan te/ phya'am dbang phyug 'khor du skye bar 'dod do// rtsod pa lhur len pa'i blta ba ni 'di lta ste/ rang gi bden pa khong du bcug ste/ pha rol po sun 'byin pa la don re ba dag kyang yod do/ log pa'i dka' thub la gtsor byed pa dag kyang yod do/ 'jig rten 'di la zhen pa ni 'jig rten rgyang 'phen pa zhes bya ste// 'jig rten 'di'i bya ba la spyod pa'o// yang rang gi bden pa khong du bcug nas// gzhan khyad du gsod pa dag kyang yod do// la la cha lugs kyis don 'tshol ba dag kyang yod do// de yang skra'i la ba byas te don 'tshol ba dag kyang yod do// ras rkyang pa res lus dkris te nga la nang gi drod skyes zer ba dag kyang yod do// phyag mtshan du kha T+wAM ka dang cang te'u thogs nas nga ni sprul pa'i sku yin zer ba dag kyang yod do// khyod kyis dge ba ci byas kyang nga la phan no zer zhing don de la ltos pa dag kyang yod do// rang gi rig pas pha rol gyi rig pa sun phyung nas nga yis byas pa yin no zhes zer zhing don de la ltos pa dag kyang yod/ rgyu chad de nam mkha' lta bu byang chad zer ba yang yod do// byang chad de rang gi lus kyang stong zer ba dag kyang yod do// rgyu yang chad 'bras bu yang chad pa ni/ rgyu chad de sems dngos por bzung ba med/ 'bras bu chad de phya'am dbang phyug med zer ba dag kyang yod do// yang lam chad de sun ma med/ ye
- 191a
shes chad de sangs rgyas med zer ba'o// rgyu yang med pas 'bras bu yang med pas stong pa byang chad de zer ba dag kyang yod do// lam la gnas skabs kyis chad pa dag 'bras bu gtan chad zer ba dag kyang yod do// log pa'i sems kyis srog gcod do// srog bcad pa las don 'byung ngo zer ba dag kyang yod do// chad pa stong pa yin ci ste khyod kyang chad/ nga yang chad pa'i phyir stong pa cang med zer ba dag yang yod do// rig byed gsang bar smra ba dag ni/ don nam mkha' stong pa ci lta ba bzhin du// stong pa byang chad yod pa dngos por med/ cha bag gcig yod de dbang po la snang du rung ba yang yod zer ba dag kyang yod do// cha mthun pa la gol ba'i mu stegs zhes bya ba ste// nang pa sangs rgyas pa dang cha mthun pa las gol te/ sangs rgyas pa'i grub mtha' log pas gol ba sha stag go/ mngon par snang ba sems kyi cho 'phrul zhes bya bar rtog ste// thams cad cho 'phrul zhes bya bar ston pa dag kyang yod do// yang 'khrul pa'i snang ba 'di dag bden pa yin la don dam pa med pa'i phyir ro zer ba dag kyang yod do// zhe sdang skyes pas 'byung po tshar chod de rigs kyi bu zhe sdang la gnas par bya'o zer ba dag kyang yod do// cha byad du sems 'di rang sangs rgyas pa yin pas 'di la bcos su med zer ba dag kyang yod do// lha'i sku bsgoms pa
- 191b
gcig pu la brten pas cho ga zer ba dag kyang yod de// kha cig gis nga ni mu stegs byed yin pas mu stegs rtsod pa ltar smra ba las gol ba dag kyang yod do// rtag pa 'di kho na yin pas 'di la cir yang byar med zer ba dag kyang yod do// ka ni pa zhes bya ste don phyal bar 'dod pa'o// ser sna ba zhes bya ste snang ba zad cing stongs kyis dogs pa'i sdug bsngal dang ldan pa'o// b+ha si ra zhes bya ste khyad par gyi don gang yang med/ thun mong gi don ci yang yod par 'dod pa'o// ka b+hi sha zhes bya ste/ thun mong gi don med la khyad par gyi don ci yang yod par 'dod pa'o// sin d+ha ra zhes bya ste don ci yang med par 'dod pa'o// @ si pa zhes bya ste/ don ci yang yod par 'dod pa'o// ka ti pa zhes bya ste/ don ci yang yod pa la dbugs chad pa'i bar du chad par 'dod pa'o// sang g+ha zhes bya ste nga dge 'dun gyi cha byad zhugs pas chog ces zer ba dag kyang yod do// shang ka ri zhes bya ba ste rnam par mi rtag pa bden pa'o// lus rnam par mi rtag bden pa ni phya'am dbang phyug bden pa'o// d+he sha ka zhes bya ste/ thams cad kyi mdo bya dang dbang phyug la 'dus pa'o// phya dang dbang phyug ri rab kyi kha na yod nges zer ba dag kyang yod do// de bzhin du 'jig tshogs kyi blta ba grangs med pa'i mdo gnyis su 'dus so// de yang rtag par blta ba dang / chad par blta/
- 192a
pa gnyis su 'dus so// de las 'jig tshogs kyi blta ba grangs med par 'phros so// de bzhin du rigs kyi bu khyod log pa'i lam la zhugs kyis dogs pa'i phyir// ngas 'jig tshogs kyi blta ba mdor bsdus te bstan pa'o// zhes rig pa rang shar chen po'i rgyud las/ 'jig tshogs kyi lta ba rgyas par bstan pa'i le'u ste nyi shu rtsa drug pa'o// // tu/ tsu/ d+ba b+hUd+ya// / de nas yang gsang ba'i bdag pos rdo rje sems dpa' la 'di skad ces gsol to// kye kye bcom ldan theg ldan don// theg pa'i bshad lugs gsung du gsol// zhes zhus so// de nas yang bka' stsal pa// kye ho gsang ba'i bdag po nyon// gsang ba'i bdag po khyod kyis ni// theg pa'i sgo rnams yid la zung // nga yis don bsdus khyod la bstan par bya// de yang nyan thos theg pa 'di lta ste// 'jug pa'i sgo ni bden pa rnam pa bzhi// nyan thos spyi yi 'jug sgo'o// dbye ba rnam pa gnyis su 'dod// bye brag pa dang mdo sde'o// bye brag pa yi lta ba ni// phung po khams dang skye mched la// g.yag rnga ne'u sing tshul du 'dod// rang gi blo yis bltas gyur na// rdul dang rdul phran tshul du 'dod// de bzhin rnam pa gzhig nas ni// stong pa nyid du bsgom pa'o// mdo sde pa yi lta ba ni// kha ton byas pa'i rang bzhin dang // thos pa bsam pa bsgom pa
- 192b
gsum// shes rab rnam gsum bsgom pa yis// sa bcu'i 'bras bu'i thob par 'dod// nyan thos spyi yi bsgom pa ni// bden pa rnam pa bzhi bsgom zhing // 'bras bu rnam pa bzhir 'dod do// de yang bsgom lugs 'di lta ste// 'gog pa bsgom par 'dod pa la// kun 'byung spang bar 'dod pa'o// 'gog pa bsgom lugs 'di lta ste// phyi yi 'byung ba de dag la// mi chags gnas su zhugs nas ni// dang po zas la goms par byed// zas la goms par gyur pa dang // bsam gtan ting nge 'dzin ni bsgom par byed// bsam gtan mi rtog tshig tshugs bsgom// rgyal ba byams pa'i bstan pa la// 'bras bu thob par 'dod pa'o// kun 'byung spang ba 'di lta ste// zas kyi 'du shes bral ba dang // kun 'byung rgyun zag chod par 'dod// de yang zhe sdang gnyen por bsgom// nyon mongs thams cad sel ba'o// sa lam bsgom pa 'di lta ste// 'dod chags gnyen por bsgom pa dang // gti mug gnyen por bsgom pa dang // de bzhin lam gyi bsgom pa ni// sdug bsngal spang bar 'dod pa'o// lam gyi bsgom lugs 'di lta ste// 'dod chags gnyen por bsgom pa ni// rang gi dpral ba'i dkyil 'khor du// keng rus dkar po mthe bong tsam// dkar po 'od chags bsgom pa la// de las bskyed pas mgo bo tsam// de nas lus po tsam bsgoms te// de nas
- 193a
rang gi mthong yul tsam// de nas cir snang thams cad bsgom// de ltar stong gsum dkar po ste// de ltar dkar por goms gyur na// 'dod chags sdug bsngal spang ba'o// gti mug sdug bsngal spong ba ni// rang gis spyi bo'i gtsug tu yang // mar me gsal la dngas pa gcig/ bsgoms pas shes pa gsal ba dang // sems ni stong par 'dod pa'o// des ni gti mug sdug bsngal spongs// de ltar rnam bzhi bsgom pa yis// 'bras bu rnam pa bzhi thob bo// 'bras bu rnam bzhi gang zhe na/ 'gog pa bsgom pa'i 'bras bu ni// rgyun du zhugs pa 'thob pa ste// sa dang po rab tu dga' ba 'thob pa ste// de yang sa bdun man chad do// kun 'byung bsgom pa'i rang bzhin gyis// lan cig phyir mi 'ong ba 'thob// sa brgyad man chad 'thob pa'o// lam bsgom pa yi yon tan gyis// dgra bcom 'bras bu 'thob pa ni// sa bcu mthar phyin thob pa'o// sa dang lam la gnas pa'i tshe// nyan cing thos par byed pa'o// sa bdun man chad sems dpa' ni// rang rang dpon la nyan pa'o// sa brgyad man chad sems dpa' ni// sprul pa'i sku las nyan pa'o// de yang dngos por mthong med do// byin gyi rlabs kyis mthong ba'o// nyan thos theg pa de ltar 'dod// de nas yang gsang ba'i bdag pos 'di skad ces zhus so// kye kye bcom ldan theg chen
- 193b
bdag/ nyan thos theg pa de ltar na// rang rgyal theg pa'i blta ba gsungs// zhes zhu ba zhus so// yang bka' stsal pa// kye ho gsang ba'i bdag po nyon// rang rgyal mdo sde'i grub mtha' ni// 'jug pa'i sgo ni rten 'brel bcu gnyis so// rtogs pa'i lta ba gang zag bdag med la// chos kyi bdag phyed yod par blta// bsrung ba'i tshul khrims nyis brgya lnga bcu bsrung // bsgom pa'i rim pa mi rtog chos nyid bsgom// phyi dang nang gi rten 'brel rnams// goms nas stobs su gyur pa dang // 'bras bu mthar phyin tshad du 'dod// de yang dper mtshon 'di lta ste// dper na dur khrod ro bzhin te// dur khrod chen por song nas ni// dang po ro 'di gang nas byung // da lta 'di yi dngos po ci// snyam du dpe yis mtshon par byed// de yang ma rig pa las byung // ma rig pa las 'du byed do// 'du byed rnam par shes pa'o// rnam par shes las mi 'byung zhing // ming las gzugs kyi rang bzhin byung // gzugs las skye mched rnam drug byung // skye mched drug las reg pa byung // reg las tshor ba byung bar gyur// tshor las sred pa byung bar gyur// srid pa las ni len pa byung // len pa las ni srid pa byung // srid pa las ni skye ba byung // skye ba las ni rgas pa byung // rgas pa las ni na ba byung // na ba las ni shi ba byung // de bzhin rten 'brel bcu gnyis bsgom// de ltar
- 194a
bsgom pa'i yon tan gyis// sa bcu yi ni 'bras bu 'thob// mi sdug rnam pa brgyad bsgoms te// dur khrod phyogs su phyin nas ni// rang gis lus la 'di ltar rtog/ dang po rnam par sngo bar 'dod// de nas rnam par dmar bar 'dod// rnam par gnag pa dag dang ni// de bzhin rnam par bam pa dang // de bzhin rnam par 'bu zhugs dang // rnam par 'thor ba dag tu 'dod// de bzhin rnam par dkar ba'o// de bzhin 'dod chags gnyen po ru// mi sdug rnam brgyad bsgom pa'o// nyan dang thos pa med pa ste// de phyir rang rgyal theg par 'dod// de nas yang gsang ba'i bdag pos 'di skad ces gsol to// kye kye bcom ldan rdo rje 'chang // rang rgyal theg pa de ltar na// byang chub sems dpa'i theg pa gsung du gsol// zhes zhu ba zhus so// de nas yang bka' stsal pa// kye ho gsang ba'i bdag po nyon// ngas bstan legs par yid la zung // byang chub sems dpa'i theg pa ni// 'jug pa'i sgo ni rnam pa gnyis// don dam dang ni kun rdzob bo// bsrung ba'i tshul khrims yan lag ni// sdom pa brgyad cu rtsa lnga'o// rtogs pa'i blta ba stong nyid ye shes so// don dam kun rdzob 'di lta ste// kun rdzob rnam pa gnyis su 'dod// log pa dang ni yang dag go/ log pa'i kun rdzob 'di lta ste// btags par snang ba thams cad
- 194b
kun// mthun par snang la don byed nus// brtags na ngo bo nyid kyi dben// don ni med pa ltar snang ngo // de ni log pa'i kun rdzob bo// yang dag kun rdzob 'di lta ste// dge ba bcu yi las rnams dang // dkar por 'gyur ba'i bsam pa dang // mos pa'i bsam pa ci snyed pa// yang dag kun rdzob chen por 'dod// sbyin pa la sogs tshul khrims dang // de bzhin ting 'dzin la sogs rnams// yang dag kun rdzob chen po'o// don dam la yang rnam pa gnyis// mtshan ma tshig gi don dam dang // yang dag sems kyi don dam mo// mtshan ma tshig gi don dam ni// thams cad sun 'byin rtsod pa'o// de yang tshad ma'i rig pa yis// gang de nyid la de ltar snang // tshig gi stong pa chen po las// don dam stong nyid ma rtogs pa'o// mtshan ma tshig gi don dam mo// yang dag sems kyi don dam ni// stong pa cang med bsgom par 'dod// dper na nam mkha' stong pa bzhin// stong pa'i don nyid de ltar ro// stong nyid byang chad mu med do// zhes ni spyod cing chags pa'o// lam ni 'di ltar 'dod pa'o// sa la sbyang bar 'dod pa ste// de yang drod bskyed bzod pa dang // rtse mo 'jig rten chos mchog go/ drod la rnam pa gsum gyis bstan// phyi dang nang dang gnyis ka'o// phyi yi drod skyes 'di lta ste// gnyis pa dri ma med pa la// dngos po snang ba stong par
- 195a
skye// de ni ting 'dzin nyams len te// sa gnyis dag la skye bar 'gyur/ nang gi drod ni drug pa la// stong pa rig byed dag tu rtogs// gnyis ka'i drod ni 'di lta ste// bdun pa dag la skye bar 'gyur// brgyad pa bzod pa thob pa ste// dgu pa rtse mo mthar phyin no// bcu pa 'jig rten chos kyi mchog/ de bzhin sa bcu thob par 'dod// de ni byang sems theg pa ste// stong pa tshig med yi ge med// cang med stong par 'dod pa'o// de nas yang gsang ba'i bdag pos 'di skad ces gsol to// kye kye bcom ldan theg pa'i bdag/ mtshan nyid theg pa de ltar na// rdo rje theg pa gsung du gsol// zhes zhus so// yang bka' stsal pa/ a ho gsang ba'i bdag po nyon// ngas bstan legs par yid la zung // rdo rje'i theg pa rnam pa gnyis// phyi ba thub pa'i rgyud dang ni// nang pa thabs kyi rgyud du gsungs// de nas yang gsang ba'i bdag pos 'di skad ces gsol to// kye ma bcom ldan sprul pa'i sku// phyi ba rgyud kyi theg pa gnyis// 'khor la mdor bsdus gsung du gsol// zhes zhu ba zhus so// de nas yang bka' stsal pa// kye ho gsang ba'i bdag po nyon// phyi pa'i rgyud la rnam gsum ste// kri ya yo ga u pa gsum// bshad lugs bsam gyis mi khyab bo// yang zhus pa/ kye kye bcom ldan gsang sngags bdag/ kri ya'i theg pa gsung du
- 195b
gsol// de nas yang bka' stsal pa/ kye ho gsang ba'i bdag po nyon// kri ya'i theg pa'i grub mtha' ni// 'jug pa'i sgo ni dag pa gsum// khrus dang gtsang sgras 'jug pa'o// bsrung ba'i dam tshig 'di lta ste// lung gcig chu la mi btung zhing // ma yengs dad la spyod pa'o// bya ba dag pa rnam gsum byed// dag pa rnam gsum gang zhe na// lha dang dkyil 'khor dag pa dang // rdzas dang yo byad dag pa dang // sngags dang ting 'dzin dag pa'o// rtogs pa'i blta ba 'di lta ste// lha dang rnal 'byor dag pa gnyis// rje dang 'bangs kyi tshul du blta// spang ba'i rim pa 'di lta ste// sha dang nya dang sgog pa dang // de bzhin chang la sogs pa spangs// ting nge 'dzin la zhen pa'o// theg pa kri ya de bzhin no// de nas yang zhu ba 'di skad zhus so// kye kye bcom ldan khro bdag sku// kri ya'i theg pa de ltar na// u pa'i theg pa gsung du gsol// zhes zhus so// yang bka' stsal pa/ e ma gsang bdag nges par zung // u pa ya ni 'di lta ste// lta ba yo gar blta ba la// spyod pa kri yar spyod pa'o// de phyir gnyis ka'i rgyud ces grags// de nas yang zhus so// kye kye bcom ldan ye shes sku// u pa'i grub mtha' de ltar na// yo ga'i theg pa gsung du gsol// zhes zhus so// de nas yang bka' stsal pa/ kye ho gsang ba'i bdag po nyon// yo ga'i grub mtha' 'di
- 196a
lta ste// 'jug pa'i sgo ni mngon par byang chub lnga// rtogs pa'i blta ba lha dang grogs po'i tshul// bsrung ba'i dam tshig ma khrel rnam gsum bsrung // spyod pa dgag sgrub med pa'o// byang chub lnga po 'di lta ste// gdan gyi sgo nas byang chub dang // phyag mtshan sgo nas byang chub dang // sku yi sgo nas byang chub dang // bskyed pa'i sgo nas byang chub dang // yig 'bru'i sgo nas byang chub po// de ltar byang chub lnga po spyod// ma khrel gsum po gang zhe na// yi dam lha yis ma khrel dang // slob dpon mched kyis ma khrel dang // rang gi sems kyis mi khrel ba'o// lha dang rnal 'byor bdag nyid kyang // spun dang grogs po'i tshul du 'dod// lha yi dkyil 'khor bdag dang gnyis med bsgom// lha yang bdag las byung zhing bdag la thim par 'dod// de ltar bdag dang lha yi 'phro 'dur 'dod pa'o// de nas yang zhus pa// kye kye bcom ldan rdo rje 'dzin// yo ga'i grub mtha' de ltar na// nang pa'i theg pa gsung du gsol// zhes zhus so// de nas yang bka' stsal pa// kye ma gsang bdag rdo rje 'dzin// ma yengs tshul du gus par nyon// nang pa rnam pa gsum du 'dod// ma hA a nu a ti'o// 'du 'bral med pa'i tshul du 'dod// yang zhus pa/ kye kye bcom ldan ye shes bdag/ ma hA'i grub mtha' gsung du gsol// zhes zhus so// de nas yang bka' stsal
- 196b
pa// kye ma gsang ba'i bdag po nges par zung // ma hA'i grub mtha' 'di lta ste// 'jug pa'i sgo ni ting 'dzin rnam pa gsum// rtogs pa'i lta ba cir snang lha dang lha mor blta// bsrung ba'i dam tshig rtsa ba sku gsung thugs// 'bras bu thabs dang shes rab 'du 'bral med pa'o// ting 'dzin rnam gsum 'di lta ste// de bzhin nyid kyi ting 'dzin ni// rtog med sa le sang nge'o// kun tu snang ba'i ting 'dzin ni// gsal la ma yengs tshul du bsgom// de bzhin rgyu yi ting 'dzin ni// hUM las sems dpa' sum brtsegs bsgom// bdag nyid dam tshig sems dpa' la// phun sum tshogs pa bzhi dang ldan// ting 'dzin yig 'bru sems dpa' la// gsal ba rnam pa gsum dang ldan// ye shes sems dpa' rnam gnyis te// zhi ba dang ni khro bo'o// rgyu yi ting 'dzin 'di lta ste// yaM rlung gi dkyil 'khor/ dang raM mo'i dkyil 'khor/ dang khaM chu'i dkyil 'khor/ dang @ni// ra rak+ta'i rgya mtsho/ dang suM gser gyi sa gzhi/ dang ko keng rus kyi ri rab/ dang ni/ paM pad+ma'i gdan 'dab ma stong dang ldan/ dang a de'i steng du a las zla ba'i dal/ dang ma do'i steng du nyi ma'i dal/ dang ni// hUM sa ha ra na hU~M gis mur bsnga'o/ dang phaT s+pha ra Na phaT kyis spros so// la sogs pa'o// yig 'bru'i 'od zer bsam mi khyab// rab tu sprul nas nga gdan gyi steng du yi dam lha/ rgyal ldan// rnam pa lha dang stong pa'o// de ni ting 'dzin gsum du 'dod// dam tshig rnam
- 197a
gsum 'di lta ste// sku yi sgo nas srog gcod spang bar bya// ma phyin len dang mi tshangs spyod pa spang // gsung gi sgo nas rdzun dang phra ma spang // tshig rtsub dang ni de bzhin ngag 'khyal spang // thugs kyi sgo nas brnab sems gnod sems dang // log par lta ba spang bar bya// thabs dang shes rab 'du 'bral med par rtogs// ma hA'i grub mtha' de bzhin 'dod// de nas yang gsang ba'i bdag po rdo rje 'dzin pa chen po des/ 'di skad ces gsol to// kye kye bcom ldan 'das pa'i sku// ma hA'i grub mtha' de ltar na// a nu'i grub mtha' gsung du gsol// zhes zhu ba zhus so// de nas yang bka' stsal pa/ kye ma rdo rje 'dzin pa nyon// lung chen a nu'i theg pa ni/ dbyings dang ye shes rnam pa gnyis// 'du 'bral med pa'i rdo rjer 'dod// 'jug pa'i sgo ni cig car rim gyis so// rtogs pa'i lta ba 'du 'bral med pa'o// cig char 'jug pa gang zhe na// lha rnams ma bskyed snying po dran pas rdzogs// rim gyis 'jug pa gang zhe na// dbyings dang ye shes rim zhugs nas// rdo rje 'dzin pa'i sa la 'bras bu thob// bsrung ba'i dam tshig 'di lta ste// gsang sngags don ston rtag tu bkur bar bya// gsang sngags ston pa'i slob dpon la// ci 'byor pa yi mchod pa phul// slob dpon dang ni de bzhin gshegs// khyad med gcig gi ngo bor
- 197b
gnas// mdor bsdus dbyings dang ye shes so// lung chen a nu'i grub mtha' 'o// de nas yang zhus pas/ kye kye bcom ldan ye shes sku// a nu'i theg pa de ltar na// rdzogs chen a ti yo ga yi// lta ba phyin ci ma log pa// theg pa mdor bsdus gsung du gsol// zhes zhus so// yang bka' stsal pa// kye ma gsang ba'i bdag po nyon// ngas bstan legs par yid la zung // rdzogs chen a ti yo ga lta ba byin ci ma log gal// gcig ma rig pa med/ rdzogs gnyis rig pa'i sgra/ rdzogs thams cad chos kyi dbyings rdzogs// gcig sngon ma byung gnyis shes rab/ byung thams cad ye shes byung / gcig stong cid skyes gnyis dbyings dang ye shes skyes thams cad 'od kyi sgra rnam par dag pa/ skyes// gcig ma rig pa med gnyis sems dang yid/ med thams cad nyon mongs pa med// de bzhin rdzogs chen a ti la// byas pa'i chos ni ka nas med// bya dang byed pa med pa'o// rdzogs pa chen po'i don nyid la// dam tshig bsrung rgyu med pas ye nas bsrungs dang bral// med pa phyal pa lhun grub gcig pu nyid// gsang sngags kun gyi dgongs pa chen po yin// rdzogs chen a ti yo ga 'di// dper na gcan gzan seng ge bzhin// gsang ba a ti yo ga ni// rang rig gtan la 'beb cing theg dman zil gyis gnon// rang byung rang la thim zhing sku gsum don// skye med dbyings las bsgom med chen po
- 198a
ma// bskum du skam byed gnyis dang bral// 'dzin pa med pa'i rang bral ni// dper na sbrul gyi mdud pa bzhin// rang grol rang sangs zin pa'o// de bzhin mtshan ma'i bsam pa rnams/ grol rang sangs chen pa'o// rdzogs chen ya ti'i theg pa la// re dang dogs pa ga la yod// re dogs yod na ltung ba'i klu// de bzhin nyid de rang grol lo// de na mtshan mar snang ba yang // rang las blang zhing rang la thim// de bzhin rdzogs chen a ti la// bsgrub med sgrub dang bral ba'o// byas med blang ba med pa'o// 'gag med khyab gdal 'ab chub po// 'gyur med klong yangs chen po'o// chos med sangs rgyas med pa'o// gnas med ye shes med pa'o// sems med med med sangs rgyas med pa'o// zhes rig pa rang shar chen po'i rgud las/ theg pa rim dgu'i dbye ba bstan pa'i le'u ste ci shu rtsa bdun pa'o// // de nas yang gsang ba'i bdag pos 'di skad ces gsol to// kye kye bcom ldan thams cad mkhyen// rim dgu'i grub mtha' de ltar na// khams gsum 'khor ba'i sems can gyi// dang po'i 'khrul tshul ci ltar lags// zhes zhus so// de nas yang bka' stsal pa// kye grogs po dag/ yang dag pa'i sangs rgyas la 'khrul pa mi mnga' yang / rdo rje sems dpa' dang pa gzhigs bya ba nges bzad @
- 198b
yang snang ba/ gang yang thogs pa med pa/ rang bzhin ma nges pa/ ngo bo mi 'gyur ba/ ngang gis ma g.yos pa/ ye shes kyi 'od gsal ba/ 'od de yang kun la snang zhing don byed nus pa/ bdag dang bdag gis stong pa/ stong pa nyid mi 'gyur ba'i chos can gsal la ma nges pa/ de yang skad cig ma dzes pa las 'gyur ba med pa don gyi snying po tshig las 'das pa'o// gzhi thog nas 'khrul lugs ni/ yul yangs pa can zhes bya ba nas 'khrul lo// gnas daci'i phyir zhe na/ sems can la dbang po ca shu rtsa gcig med pa'i phyir ro/ yang ngo bo la 'gyur ba med do// rang bzhin ma nges so// nga bo ni ka dag gi ye shes so// thugs rje'i snang ba sna tshogs 'char ba'o// mdzes ldan zhes bya ba nas 'khrul lo// dus nam sros pa na 'khrul lo// de yang la la nyams las 'phrul/ la la skam zer las 'khrul/ la la de ma zag pa las 'khrul// la la snang ba las 'khrul/ de bzhin du nyi shu rtsa gcig tu shes par bya'o// lo phag gi lo la 'khrul lo/ de yang gti mug las ma rig pa'i rgyu langs te pha gi dang nga'i shes pa byung ba yul du bzung nas bdag gi yin snyam pa tsam las kyu rtsa ba'i ma rig pa langs pa zhes bya ba ste de yang zhal phral can gyi dbang du byas na yul gzung ba dang blo'i shes pa mnyam du langs pa la thar bzung nas rtse ba la dang za'i rtog pa byung ngo // nyi ma sbrul gyi nyi ma la 'khrul lo// de yang zhe sdang las ma rig pa gnas tsam du byung nas sems can thams cad kyang nga'i snyam pa'i rang gi shes pa bzung nas skad cig gis nyon mongs pa yul la snang bas yul dang dbang po snod du rung ba'i shes par 'khrul pas ma rig pa'o/ skar ma bya la 'khrul lo// de yang nyon mongs pa 'dod chags
- 199a
shas cher bung bas 'phrul gzhi snga bar byung ngo // de las nyon mongs pa'i tshogs bsam gyis mi khyab pa byung ste yul med pa la yul du bzang nas 'phrul lo// mi'i ming ni rgan mo'i ling tog can zhes bya ba 'khrul lo// de yang ma rig pa dngos su snang ba las 'khrul pa drug byung ste de las ye shes kyi cha shas phra ba gcig byung ste yul la snang ba las lam la zag ring ba ltar snang ba yin no// dus ma nges pa las 'khrul lo// de yang rang bzhin ma nges pa ngo bo mi 'gyur ba yul kun la 'jug pa ye shes rang la shar pa ma shes nas kun du 'phrul lo// grogs ni mi bzhis byas so// de la rkyen bzhi byung bas 'khrul pa yul gyi pha ma zhes bya ste ma rig pa dngos ni bdag po'i rkyen/ de'i chu rang la yod pas chu'i gyen/ yul gzhan la rtog pas dmigs pa'i rkyen/ de ma zag pa'i rkyen te 'khrul pa brgyad du byung ngo // de nas mi rgod lnga byung ngo // de las nyon mongs lnga byung ste 'dod chags zhe sdang gti mug nga rgyal phrag dog byung ste 'khrul pa dgu byung ngo // rgyab brten pa mi gcig byung ngo // de yang 'khor ba zhes bya ba yul la mngon par snang ba dga' ba dang mi dga' ba'i sems bsam pa sna tshogs pa byung ngo // bde ba dang sdug bsngal ba yang byung ngo // de nas rkun ma mi gcig byung ngo // de ni khong khro zhes bya ste yul dang shes pa lhan cig tu gnas pa byung nas lam du ye shes ma gsal lo// de thams cad bsags pas mi gcig byung ngo // de thams cad 'dus pa zhes bya ste/ ma rig pa dang mtshungs par ldan pa'i yid ces bya ba gcig byung nas ye shes lam du sgrib ste de yul la 'char du ma ster nas nga dang bdag tu bzung ngo // de la sogs pa dmag gi tshogs dpag tu
- 199b
med pa byung ngo // de la sogs pa dpag tu med par 'khrul lo// de ni 'khrul gzhi med pa las byung ba'i phyir na srid pa zhes bya ba chags so// sems can gyi gzugs bsam gyis mi khyab pa chags so// 'khrul pa'i lam dang bsam pa yang / ci ltar bsam pa'i rtog pa ltar rtog pa byung ngo // zhes rig pa rang shar chen po'i rgyud las/ dang po'i 'khrul gzhi bstan pa'i le'u ste nyi shu rtsa brgyad pa'o// // de nas yang gsang ba'i bdag pos 'di skad ces gsol to// kye kye bcom ldan da lta'i sku// dang po'i 'khrul lugs de ltar na// sems can blo la ci ltar gnas// zhes zhus so// de nas yang bka' stsal pa// kye ma gsang ba'i bdag po nyon// yang dag sangs rgyas dgongs pa ni// sems can kun gyi rang rgyud la// sku dang ye shes tshul du gnas// de yang tsit+ta'i dkyil na ni// nyung 'bru'am ni til 'bru tsam// ma bskyed rdzogs pa'i tshul du gnas// tsit+ta'i sgo bzhi ma 'gags gsal// rnam par 'char ba byed pa dang // rnam par nub par byed pa dang // skad cig 'char bar byed pa dang // skad cig nub par byed pa'o// de yang mtshan brjod 'di lta ste// ka ti gser gyi rtsa chen dang // shel gyi sbu gu khong pa stong // dar dkar snal ma phra la 'khril// stong pa rang grol rtsa chen po// de yang sgo bzhi rang snang rtsa// de nas lam byung a ba d+ha ti'i
- 200a
nang du thim// d+hU ti'i nang nas 'od 'phros te// sgal tshigs g.yas nas lam phyung ste// rtse chung g.yas nas dung khang nang du thim// de las 'od 'phros sgron ma bzhi// ma 'gags nam mkha' stong pa la// sang nge sa le 'od kyi sku// lu gu rgyud kyi tshul du gnas// sgron ma rnam bzhi 'di lta ste// thig le stong pa'i sgron ma dang // rig pa dbyings kyi sgron ma dang // shes rab rang byung sgron ma dang // rgyang zhags chu yi sgron ma ni// sems can kun la gnas pa'o// snying po 'gyur med chen po ni// khyab gad la 'ub chub bde chen kun la khyab// brjod med don rtogs lam la bcos pa med// rnam dag don spyod ye shes g.yo ba med// rgyu med sems med rtog pa med// ma rtogs 'khor ba thams cad la// snying po dag pa 'gyur med gzhi// rang byung rang la gnas pa'o// de ni dag pa'i gnas lugs so// de nas yang zhus pa/ kye kye bcom ldan rdo rje sems// dag pa'i gnas lugs de ltar na// khams gsum 'khor ba'i sems can la// ma dag snang ba ci ltar lags// zhes zhus so// de nas yang bka' stsal pa/ kye ho gsang bdag rdo 'dzin// ngas bstan legs par yid kyis zung // ma dag pa yi gnas lugs ni// sems can kun gyi rang rgyud la/ ma dag sum brtsegs gnas pa'o// de yang gnas lugs 'di lta ste// snying dang glo ba'i bar
- 200b
na yang // brtsegs ma gsum du gnas pa'o// de ni rtsa nas 'gyu ba'o// srog pa rtsa nas lam phyung ngo // sgo ni kha dang sna nas byung // de las stong phrag brgyad cu'o// de la sogs pa'i nyon mongs rnams// sna tshogs du mar 'byung ba'o// de nas yang zhus pa/ kye kye bcom ldan ma 'ongs sku// dag pa dang ni ma dag pa'i// gnas lugs mdor bsdus de ltar na// gnyis kyi la bzla gsung du gsol// zhes zhus so// de nas yang bcom ldan 'das kyis bka' stsal pa/ e ma gsang ba'i bdag po nyon// yang dag chos nyid lta ba ni// phyogs dang ris med gcig pu nyid// yang dag bde chen lta ba la// dag dang ma dag gnyis su med// bzang dang ngan pa'i yul las 'das// yin dang min pa'i rtog pa med// blang dang dor ba'i sems med cing // gcig dang du mar med pa'o// thig le nyag gcig ngo bo'o// ma rig rig pa'o ngo bor rtogs// rnam rtog chos nyid ngang du rtogs// chags sdang lnga po ye shes lnga// yul lnga 'od lnga dag tu rtogs// de bzhin rnam pa thams cad kun// dag dang ma dag med pa'o// zhes rig pa rang shar chen po'i rgyud las/ sems can rang rgud bstan pa'i le'u ste nyi shu rtsa dgu pa'o// / @thaHthade nas yang gsang ba'i bdag pos 'di skad ces gsol to// e maho bcom ldan thugs rje chen po dang
- 201a
ldan pa/ sems can kun gyi rgyu de ltar lags na/ dang po gzhi'i gnas lugs ji ltar lags/ don dam pa bdag cag rnams la bstan du gsol/ zhes zhus so// de nas yang bka' stsal pa// e ma ho/ phyag na rdo rje khyod nyon cig/ dang po nga las byung ba'o// nga med pa yi sngon rol nas// gzhi ni 'di ltar gnas pa ste// gzhi ka dag chen po zhes bya ste// ngo bo rang bzhin thugs rje rnam pa gsum du gnas so// ngo bo mi 'gyur ba'i ye shes/ ma 'gags par gsal ba gzhon nu bum sku'i gnas lugs zhes bya'o// rang bzhin 'od lnga'i snang ba ma 'gags pa'o// thugs rje'i snang ba ni/ dper na sprin med pa lta bu'o// de ni ka dag gi gnas lugs zhes bya ste/ rgya gar yang ma chad/ phyogs gar yang ma lhung ba'o// de'i log na lhun grub rin po che'i sbubs zhes bya ba yod de/ de la 'char lugs rnam pa gsum yod do// sgo rnam pa gnyis yod do// de ni gzhi lhun grub zhes kyang bya'o// gzhi ma nges pa zhes kyang bya/ gzhi sna tshogs su 'char ba zhes kyang bya'o// de man chad na ldog pa'i sa yod do// de'i 'og na gzhi snang chen po zhes bya ba yod do// de'i 'og na longs sku'i snang ba yod do// rigs kyi bu sgron ma rnam pa gnyis ngo shes par gyis shig rnam par shes pa rtse gcig pa'i ting nge 'dzin gyis nyams su longs shig sgron ma rnam pa gnyis pa 'dris
- 201b
par gyis shig/ de ltar nyams su longs nas ye shes kyi snang ba thogs pa med par 'char ro// de'i phyir na ye shes kyi snang ba la rtag tu goms par bya'o// rang rang gi bden pa mthong bar bya'o// rang rang gis rig pa'i drod skyes pa'i tshad zin par bya'o// mtshon pa'i ye shes shes par gyis shig ces rig pa rang shar chen po'i rgyud las/ gzhi'i gnas lugs bstan pa'i le'u ste sum cu pa'o// // de nas yang gsang ba'i bdag po dang mi dang mi ma yin gyi 'khor rnams kyis 'di skad ces gsol to// kye ma ho/ ston pa chen po bdag cag mos pa'i 'khor rnams la/ gzhi'i gnas lugs de ltar lags na/ rang gis rtogs tshul ci ltar lags// zhes zhus so// de nas yang bka' stsal pa/ kye mos pa'i 'khor rnams nyon cig don chen po ngas bstan gyis/ gus pa dang bcas pa'i sems kyis nyon cig de yang rtogs pa la so so tha dad pa ltar snang ngo // rtogs pa dang ma rtogs pa gnyis kyis khong na thams cad yod do// ston pa chos kyi rjes tshigs su bcad de bka' stsal pa/ e ma ho/ nor bu rin chen bdud rtsi 'di// btsal bas rnyed pa'i thabs med de// kun gyi tsit+ta'i dkyil 'khor na// 'gag med tshul gyis 'od lngar gsal// 'gyur med don gyi sku lnga gnas// khyab brda la d+hA tu las ye shes byung bar bstan pa dang rig pa dang d+hA tu 'du 'bral
- 202a
med par dbyings 'byung bar bstan pa'o// sa dang po las kun gyi me shes 'char ba'o/ 'ub chub bde ba'i sku// kun la 'od sems can thams cad la snang ba'i 'od lnga rang chas su gnas so// de yang snang ba'i 'od la ni 'dod med par snang bas kyi snying por nga'i ska la 'phel 'grib med stong pa rdo rje'i ska la mthar thugs med/ chos nyid kyi yul la snang ba med/ gnas// rtog med rnam dag chos kyi dbyings/ de yang chos kyi dbyings rnam par dag pa dngos po'i chos dang bral ba yin pa la snang ba tsam med pa la bzung du med pa yul la sems med pa snang ba la ye shes med sgron ma la yid med sems la chos med pa'o// 'gran zla med par nyag gcig pa'o// rdzogs pa'i ye shes phyogs kun dang bral bas stong pa'i ye shes dngos por snang ba ma yin pas shes pa rig pa'i ngo bo yin/ rig pa nyid las gzhan na med de rig pa nyid kyang 'od/ 'od nyid kyang stong pa nyid de rig pa la snang / de yang sems can kun gyis tsid+ha'i dkyil du gnas so// dkyil rtogs pa'i dus su ni cir snang thams cad 'od kyi sgrar snang yul dang dbang po gzung du med pa'i ye shes chen po'o// dang 'khor ni sgo lnga'i rnam par shes pa gsal ba'o// dang pho brang ni ka dag chen po'i snang ba'o// dang / rig pa mi 'gyur ba'i kun tu bzang po/ dang stong de yang dbyings la 'dus shing rdzogs/ dang gsal de yang 'od du gsal ba las dngos po'i phyogs su ma ltung zhe 'dod kyi yul las 'das pas mngon sum du shes pa'o/ ba'o// de bzhin sems can thams cad la/ lam la thug pa med pa'i ye shes yul med pa'i rig pa mkha' la khyab pa'o// 'gyur ngo bo med rang bzhin 'gag med thugs rje kun
- 202b
la khyab pa'o// de ltar gnas pa'i don chen po// rtogs par bya dang byed pa ni// sems can kun gyis rtogs bya'i phyir// rgyud chen rgyal po 'di bshad do// blo la snang ba'i the tshom rnams// bsal gyis gus pas mnyan par gyis// gsang sngags kun gyis rtogs pa'i tshul// nga yis bstan pa bzhin du gyis// 'gro drug sems can thams cad la// blo ni nyi shu rtsa gcig la// rtogs lugs nyi shu rtsa gcig byung // de yang bsdu na 'di lta ste// rnam pa gnyis su yang dag 'dus// 'od lnga rang las byung bar rtogs pa dang // sku lnga lhun gyis grub par rtogs pa'o// de yang sgron ma rnam pa bzhi// 'gag pa med pa'i tshul gyis gnas// nam mkha' stong pa'i dkyil 'khor du// bcos med sgron ma rnam pa bzhi/ ma 'gags pa yi tshul gyis gsal// rig pa dbyings kyi sgron ma ni// nam mkha' stong pa'i klong dkyil du// dbyings kyi rang bzhin 'od kyi sgra// ma 'gags 'gag med rnam par gsal// ye shes lnga ldan thugs kyi sgra// lu gu rgyud kyi tshul du 'char// de yang 'gro dang 'ong ba dang // 'gul ba dang ni 'phrigs pa'o// rig pa dbyings kyi sgron ma ru// bcug ste rig pa ma 'gul na// 'gyur med rtogs par rab tu bshad// shes rab rang byung sgron ma ni// sgro 'dogs thams cad chod pa dang // thig le stong pa'i sgron ma ni// rtsol ba med par shar gyur
- 203a
kyang // rgyang zhags chu yi sgron ma yis// de la lta ba ma yengs na// mthar phyin sgom pa'i tshad du gsungs// de la 'gag med snang ba shar gyur na// yang dag rtogs pa'i mchog tu gsungs// de ltar chos nyid don la yang // rtogs dang ma rtogs gnyis su med// rtogs pa ye shes ltar snang ste// ma rtogs 'khor ba ltar snang ngo // rtogs dang ma rtogs gnyis med kyang // 'khrul pa'i bag chags snang ba la// rtog pa'i skyes bu go rtsal can// mi 'gyur mnyam pa'i ngang du thim// rtog med shes rab rang shar ro// bde chen brtsegs pa'i sa chen te// ma bkod nor bu'i phung po ltar// sna tshogs rang byung dang du thim// sangs rgyas kun gyi mes po ni// 'od mi 'gyur bar kun tu grags// sangs rgyas kun gyi sa bon ni// sems med rig ces kun tu grags// sangs rgyas kun gyi rnam dag spyan// sgron ma rnam pa bzhi ru grags// sangs rgyas kun gyi pho brang ni// tsit+ta'i dkyil zhes kun tu grags// sangs rgyas kun gyi bshul lam ni// bar do rnam pa gsum du grags// sangs rgyas kun gyi bskyal sa ni// ka dag chen po'i dkyil 'khor ro// de bzhin sangs rgyas thams cad kyang // rang rang rgyud la de bzhin no// zhes rig pa rang shar chen po'i rgyud las// rtogs tshul bstan pa'i le'u ste sum cu rtsa gcig
- 203b
pa'o// / de nas yang gsang ba'i bdag pos/ 'di skad ces gsol to// kye kye bcom ldan rnam dag sku// rig pa rtogs tshul de ltar na// rig pa'i mtshon dpe gsung du gsol// zhes zhus so// de nas yang bka' stsal pa// kye ma gsang ba'i bdag po nyon// ye shes rnam dag mkha' klong du// rtog med gsal ba'i rig pa thim// nam mkha' stong ba'i klong dkyil du// nyi ma'i dkyil 'khor thim pa bzhin// rnam dag stong pa'i nam mkha' la// sgron ma rnam gnyis ma 'gags thim// dper na chu bo chen po la// chu phran thams cad 'dus pa ltar// rig pa skye med klong dkyil du// phyi nang gsang ba'i chos rnams 'dus// dper na me long dkyil 'khor la// gang bstan de nyid 'ong ba ltar// stong nyid nam mkha'i rig pa la// sgron ma'i snang ba ma 'gags pas// sa le sang nge gnas pa'o// de nas yang zhus pa// bcom ldan 'das thugs rje chen po dang ldan pa/ don gyi mtshan dpe gsung du gsol/ zhes zhu ba zhus so// de nas yang thugs rje'i bdag pos bka' stsal pa/ kye grogs po dag nyon cig/ chos thams cad kyi de bzhin nyid/ dpe yi mtshon par bya'o// de la yang dag par rdzogs pa'i sangs rgyas kyi dgongs pa ni/ brten ni gzugs kyi phung po la brten no// dper na khra tshang du nyal ba lta bu'o// gnas ni snying na gnas
- 204a
te// dper na bum pa'i sku lta bu'o// lam ni rtsa bzhi nas byung ste// dper na mu tig gi phreng ba lta bu'o// 'khyil ni dung khang dkar po'i nang du 'khyil te/ dper na bum nang gi mar me lta bu'o// sgo ni mig nas 'byung ste/ thig le stong pa'i sgron ma ni/ dper na rma bya'i mdongs lta bu'o// dbyings rig pa'i sgron ma ni/ dper na yi ge na ro lta bu'o// yul ni nam mkha' stong pa'o// dus ni bar do'i snang ba'o// dper na me long gi dkyil 'khor lta bu'o// 'gros ni rin po che'i lus te// dper na kha brag gi lam lta bu'o// grol sa ni ka dag gi snang ba ste/ dper na bum pa'i sku lta bu'o// de nas yang zhus pa/ kye kye thugs rje chen po dang ldan pa/ ye shes kyi thim tshul mtshon dpe gsung du gsol/ zhes zhus so// de nas yang bka' stsal pa/ kye grogs po dag/ lhun grub kyi snang ba la/ rang gi de nyid stobs su gyur nas bden pa mthong ba'i tshe// thim lugs brgyad ngo shes par bya'o// de yang thugs rje la thugs rje thim pa dper na nyi ma nub pa'i zer lta bu'o// ye shes la ye shes thim pa ni// dper na ma pang du bu 'jug pa lta bu'o// 'od la 'od thim pa ni/ dper na 'ja' tshon nam mkha' la yal ba lta bu'o// sku la sku thim pa ni// dper na bum pa'i sku lta bu'o// gnyis med la gnyis med thim pa ni/ dper na chu bo la chu bo thim pa
- 204b
lta bu'o// mtha' grol la mtha' grol thim pa ni/ dper na nam mkha' la nam mkha' thim pa lta bu'o// dag pa ye shes kyi sgo ngo bo ka dag la thim pa ni/ dper na seng ges gangs zin pa lta bu'o// ma dag pa 'khor ba'i sgo dag pa ye shes kyi sgo la thim pa ni/ dper na sgra'i tshon thag bsdus pa lta bu'o// de mar dpes don chen mtshon pa'o// zhes rig pa rang shar chen po'i rgyud las/ mtshon pa dpe'i le'u ste sum cu so gnyis pa'o// // de nas yang gsang ba'i bdag pos 'di skad ces gsol to// kye kye bcom ldan 'das thugs rje chen po dang ldan pa// rigs pa'i mtshon dpe de ltar lags na/ dus med shar ba'i ye shes la/ 'dzin pa yod med gsung du gsol// zhes zhus so// de nas yang bka' stsal pa/ a ho gsang bdag chen po nyon// ngas bstan legs par yid la zung // 'dzin med skye med rang sar grol// rtog med mnyam nyid chos kyi sku// bzung bas mi zin chu zla 'dra// dper na sbrul gyi mdud pa bzhin// rang byung rang grol chen po'o// 'dzin med rdo rje snying po'i sku// rkyen gyis mi 'jig sra mkhregs ldan// 'dzin pa rang sar grol ba ni// yid ma 'gyus pa'i nam mkha' la// gsal dang sa 'od kyi thig le lnga// dus dang rnam pa thams cad gsal// ma 'dres rdzogs pa'i tshom bu lnga// ma bskyed rdzogs pa'i tshul
- 205a
du gsal// rtog med rang sang ngo bo la// 'dzin pa'i rtog pa ga la yod// 'dzin rtog med pa'i chos nyid ni// 'dzin dang chags pa med pas stong // rang byung rig pa'i sgron ma la// sems dang yid la sogs pa yi// rnam rtog mtshan ma ngang gis med// mtshan ma med pa'i chos nyid ni// bya ba'i phyogs su ma lhung ba'o// 'dzin pa med pa'i chos nyid ni// blo yi phyogs su ma lhung ba'o// rnam dag brjod med ye shes ni// dri ma phyogs su ma lhung ba'o// stong pa kun khyab rdo rje ni// dngos po'i phyogs su ma lhung ba'o// rang gsal bde chen chos nyid ni// gzhan 'byang phyogs su ma lhung ba'o// 'dzin pa med pa'i chos nyid byang chub sems// rtog pa med pas rang gsal bde ba'i shugs// rtog pa med pas mnyam nyid sku yi rgya// ye shes rnam dag don la tshig gis bcos su med// 'dzin med rang snang chos la 'dzin pa'i dngos po med// rig pa skye med dang la bskyed bya skyed byed med// chos nyid skye ba med pa rang byung rig pa nyid// chos kyi snying por gyur ba sgron ma rnam pa gnyis// 'dzin dang zhen pa'i chos las 'das// 'dzin med rang sangs ngo bo la// 'dzin pa'i bsam pa ngang gis med// ye shes bskyed pa'i sangs rgyas la// chos kyi bsam pa med pa'o// sangs rgyas dang ni sems can gnyis// dbyer med gcig gi rang bzhin no// rig pa'i
- 205b
dngos po 'dzin pa'i mtha' dang bral// rtog med rang sang chos sku chen po yin// dngos po'i chos rnams kun dang bral// rang byung rang thim chen po ni// 'dzin med chos nyid chen po'o// sangs rgyas kun gyi ye shes ni// gcig dang du mar med pa'o// sangs rgyas kun gyi rig pa ni// rtog med rang gsal chen po'o// sangs rgyas kun gyi 'od lnga ni// 'dzin med rang gsal chen po'o// de bzhin sangs rgyas dgongs pa ni// thogs med bskyod pa'i rlung chen gyis// 'dzin pa med pa rang gi sems// bskyod nas ye shes dbyings su thim// rtog pa med pa'i gting du gsal// ma 'gags yul gyi mkha' gsal ltos// rang gi rig pa'i dkyil 'khor la// yid la dkyil 'khor btsal mi dgos// lha yi lha ni bla ma mchog/ sangs rgyas kun gyi dkyil 'khor ni// rang gi snying gi dkyil du rdzogs// dkyil 'khor kun gyi snying por rig/ sangs rgyas kun gyis rab bsngags pa// sgron ma rnam pa gnyis su 'dus// zhes rig pa rang shar chen po'i rgyud las/ rig pa 'dzin med du bstan pa'i le'u ste so gsum pa'o// / shA kA nA shA s+tha b+ha de nas yang zhus pa/ kye ma klong thugs rje chen po dang ldan pa/ sems can rnams par do la ci ltar 'khrul lugs gsung du gsol/ de nas yang bka' stsal pa/ kye nye ba'i 'khor rnams nyon cig ngas don chen po
- 206a
bstan gyis legs par nyon cig/ sems can rnams ni bar do la 'di ltar 'khrul lo// la la rnam pa las 'khrul dbang po tha ma'i 'khrul lugs lo// la la nyams las 'khrul za ma'i 'bring lo// la la de ma thag pa las 'khrul za ma'i rag lo// la la dmigs pa las 'khrul tha ma'i phul lo// la la ni tsi mi snyam pa las 'khrul za ma'i rtse mo/ lo// la la snyam byed las 'khrul tha ma'i mchog lo// la la yul las 'khrul tha ma'i nges par 'jog pa/ lo// la la yul med pa las 'khrul 'bring gi za ma/ lo// la la snying po las 'khrul 'bring gi 'bring / lo// la la ma rig pa las 'khrul 'bring gi rab lo// la la rkyen las 'khrul 'bring gi phul lo// la la brtags pa las 'khrul 'bring gi rtse mo/ lo// la la dang las 'khrul 'bring gi mchog lo// la la ngo ma shes pa las 'khrul 'bring gi nges par 'jog pa lo// la la 'dzin pa las 'khrul rab kyi tha ma/ lo// la la 'dzin med pa las 'khrul rab kyi 'breng lo// la la 'du shes las 'khrul rab kyi rag lo/ la la rmA las 'khrul rab kyi thal du byin g.yo// la la skad cig gis 'khrul rab kyi rtsa ga'o// la la btag pa las 'khrul rab kyi mtshal lo// la la gzugs las 'khrul rab kyis nges par 'jog pa'o lo// bar ma do la sems can blo nyi shu rtsa gcig yod pa'i phyir na/ 'khrul lugs gcig la snang ba rdzogs par 'ong ste/ de yang 'khrul lugs re re la snang ba re re 'char ro// de ni
- 206b
bar do la 'khrul lugs rgyas par bstan pa'o// de yang ye shes kyi khyad par gyis snang ba re re 'char ro// de yang bar do gsum pa'o// gzhi lhun grub la nges pa rnyed pa'o// ka dag gi sar pha rol tu phyin pa 'thob pa'o// de'i phyir na 'byung ba ma la thim pa zhes bya'o// zhes rig pa rang shar chen po'i rgyud las/ bar do la 'khrul lugs bstan pa'i le'u ste so bzhi pa'o// // de nas yang gsang ba'i bdag pos 'di skad ces gsol to// kye kye bcom ldan ye shes sku// bar do'i 'khrul lugs de ltar na// rdzogs chen a ti yo ga yi// lta ba'i mdor bsdus ci ltar lags// dpa' bo chen pos bka' stsol cig/ ces zhus so// de nas yang bka' stsal pa/ a ho gsang ba'i bdag po nyon// ngas bstan ma yengs tshul gyis nyon// rdo rje rang nyid mi 'gyur gnas// rtog pa med pa chos kyi sku// mtshan ma med pa rang sar grol// 'gyur med a ti'i ngo bo la// bya dang byed pa chos med do// a ti rdzogs pa chen po la// gcig rdzogs gnyis rdzogs thams cad rdzogs// rdzogs chen a ti'i ngo bo la// phyi nang gsang ba'i chos rnams rdzogs// dge ba byar med sdig pa spang du med// dge sdig gnyis dang bral ba'i rig pa chos kyi sku// dge ba mi bya byas nas sangs rgyas med// sdig pa mi spang spangs na sangs rgyas 'grub mi 'gyur// khams
- 207a
gsum sems can thams cad srog gcod byas na mngon sangs rgya bar 'gyur// pha dang ma gnyis bsad de btang gyur na// ye shes dag ni mthong bar 'gyur// srog bcad sdig tu mi 'gyur 'gyur na sangs rgyas med// srog bcad spangs nas sangs rgyas rgyab kyis phyogs// dus gsum sangs rgyas srog bcad grol bar gyur// srog ma bcad na sangs rgyas 'byung mi 'gyur// bdag nyid lha yi dkyil 'khor rang la rang gnas pas// lha la mchod pa mi 'bul mchod pa phul na 'ching bar 'gyur// mchod pa phyag rgya la sogs sku la sgrib pa yin// phyag rgya mi bsgyur phyag rgya bsgyur na rin chen brlag par 'gyur// dkyil 'khor mi bri dkyil 'khor bris na rang gi de nyid yal// sangs rgyas dgongs pa bya byed bral ba'o// bsam gtan ting 'dzin la sogs sangs rgyas sku la bsgrib pa yin// bsgom pa mi bya byas na 'khrul pa'i bsam pa yin// sangs rgyas mi bsgrub bsgrubs na rtsol bar 'gyur// 'khor ba mi spang 'khor ba spangs na sangs mi rgya// sangs rgyas gud na med pas rig pa nyid las gang yang med// 'khor ba gud na med de rang gi sems su thams cad 'dus// 'dus byas dge rtsa mi bya byas na 'ching bar 'gyur// mchod rten lha khang la sogs 'dus byas dge rtsa spang // byas pa'i chos ni byas pas mi zin bzhag pas zin par
- 207b
'gyur// bya ba btang ba'i rnal 'byor mi spangs de bzhin gshegs// yang dag sangs rgyas lam ni de bzhin kun la shes par bya// kye ma 'dus pa'i 'khor tshogs nyon// nga med pa yi sngon rol na// sangs rgyas sems can gnyis med do// lam dang grub pa ga la yod// nga las ma byung gang yang med// nga ni stong pa chen po'o// nga las 'byung ba rnam lnga bskyed// nga ni 'byung ba rag chen po'o// nga ni sangs rgyas kun gyi mes// nga med pa yi sngon rol na// sangs rgyas bya ba'i ming yang med// nga ni thabs kyi pha rol phyin// nga la mtshan ma'i chos med pas// nga yi sems la g.yo ba med// nga ni sangs rgyas kun gyi dur// 'gyur med dur sa nga la yod// nga ni sems can kun gyi gnas// bag chags lus ltar snang ba'o// nga ni 'byed med shes rab bo// nga la phyi nang gsang ba rdzogs// nga ni rdo rje snying po'i sku// nga las sangs rgyas bskyed pa'o// nga ni skye med rig pa'i don// nga ni dngos po'i chos dang bral// nga la mtshan ma med pa'i phyir// nga ni sems can dur nas 'don// nga la thugs rje 'char ba'i phyir// nga ni stong pa'i tshig las 'das// las gsal cha byung ba'i phyir// nga ni mun par snang bar 'gyur// sgron ma rnam gnyis yod pa'i phyir// nga ni phyogs su ma lhung de// nga la 'dzin pa med pa'i phyir// e ma gsang bdag rdo rje 'dzin// legs par
- 208a
nyon la gus par ltos// sangs rgyas med pas sangs rgyas ming yang med// ston pa sangs rgyas ming du 'dogs pa'i sangs rgyas 'khrul// yang dag don gyi ngo bo la// sangs rgyas dang ni sems can med// rig pa 'dzin pa med pas ston// stong pa nyid la mi gnas na// rang gi bde chen sa la gnas// sangs rgyas kun gyi rje btsan pa// rang gi rig pa shes par bya// rang snang rig pa'i rgyal po nyid// kun la yod de kun gyis rtogs pa med// rang snang rig pa'i sgron ma de// kun gyis go bar dka' ba'o// mtshungs med rtog pa med pa yi// rang gsal chos nyid dag pa 'di// dge med sdig med don chen 'byung ba ni// sangs rgyas kun gyis gsungs pa'i don bcud yin// dus gsum sangs rgyas thams cad la// dgongs pa gcig las med pa'o// sangs rgyas kun gyi rig pa ni// sems can kun gyi rang lus na// 'od lnga'i mu khyud zlum por gnas// sems can kun gyi ngo bo ni// 'gyur med sku yi ngo bo'o// sangs rgyas sems can thams cad la// rang rang thugs kyi dkyil 'khor tshang // nga nyid gcig pu dkyil 'khor lha// nyid rdo rje rkyen dang bral// nga nyid dpa' bo gcig pu nyid// ngas ni bya ba thams cad byed// gsang sngags rgyal po tshig las 'das// tshig dang yi ge ston pa'i gang zag 'khrul// gsang sngags kun gyi gsang ba
- 208b
yang bcud 'di// snod dang ldan pa'i skyes bu rnams la gnang // rdzogs chen a ti yo ga ni// dper na gcan gzan seng ge bzhin// gangs kyi stod na gnas shing sder chags zil gyis gnon// de bzhin rdzogs chen a ti ni// sna tshogs don chen ston te theg dman zil gyis gnon// seng ges ngar skad bton pas gcan gzan thams cad brgyal zhing skrag rdzogs chen rang skad 'don pas theg dman thams cad brgya la// kun dang mi mnyam rdzogs chen a ti'i don// sangs rgyas kun gyi gsang ba yang bcud yin// sangs rgyas kun gyi thugs mchog chos kyi gnas// dus la 'gyur ba med pa'i sangs rgyas ni// rang rang tsit+ta'i dkyil 'khor chen po na// sku dang ye shes 'od dang zer du gnas// 'gyur med sku la ye shes zil gyis brgyan// 'gags med 'od la sku yi longs spyod rgyan// sems dang bral ba'i rig pa sangs rgyas dngos// yid dang bral ba'i rdo rje sems dpa' ngas// gsal byed dngos por snang la rtog pa med par shes// rtog med shes rab mnyam nyid ni// rang gis rang grol chen po'o// zhes rig pa rang shar chen po'i rgyud las/ rdzogs chen gyi blta ba la bzla ba'i le'u ste so lnga pa'o// / oM hUMH@thaH/ dzaH/ de nas yang gsang ba'i bdag pos 'di skad ces gsol to// kye kye bcom ldan rdo rje
- 209a
'chang // rdzogs chen lta ba de ltar na// dkyil 'khor mtshan nyid gsung du gsol// zhes zhus so// de nas yang bka' stsal pa/ a ho gsang ba'i bdag po nyon// ngas bstan legs par yid la zung // dkyil 'khor rnam pa gsum du 'dod// rang bzhin dkyil 'khor chen po dang / rtsa ba'i dkyil 'khor chen po dang // gzugs brnyan dkyil 'khor gsum du 'dod// rang bzhin dkyil 'khor chen po ni// 'og min chos dbyings pho brang na// dbus kyi 'khor lo'i lte ba la// rnam par snang mdzad dkyil yin te// rigs bzhi lha dang lha mo'i 'khor// rang bzhin dkyil 'khor chen po gcig/ shar phyogs 'khor lo'i rtsibs steng na// rdo rje sems dpa' dkyil yin te// rigs bzhi sems dpa'i 'khor gyis bskor// rang bzhin dkyil 'khor chen po gnyis// lho phyogs 'khor lo'i rtsibs steng na// rin chen 'byung ldan dkyil yin te// rin chen rigs kyi 'khor gyis bskor// rang bzhin dkyil 'khor chen po gsum// nub phyogs 'khor lo'i rtsibs steng na// snang ba mtha' yas dkyil yin te// pad+ma rigs kyi 'khor gyis bskor// rang bzhin dkyil 'khor chen po bzhi// byang phyogs 'khor lo'i rtsibs steng na// don yod grub pa dkyil yin te// las kyi rigs kyi 'khor gyis bskor// rang bzhin dkyil 'khor chen po lnga// ma
- 209b
bskyed rdzogs pa'i tshul du gnas// de yang bzhugs rdul 'di lta ste// zhi ba'i cha lugs kun dang mthun// bzhengs pa dang ni bzhugs pa dang // yab dang yum du snang ba dang // phyag rgya dang ni ting 'dzin no// ba sgo ma 'khor dang bcas// thub pa drug la sogs pa'o// 'khor ni dpag tu med pa'o// de yang phyag mtshan tha dad dang // phyag rgya gar la sogs pa bsgyur// sgra dang rol mo sna tshogs kyis// gtso bo yab yum mchod par byed// rang bzhin dkyil 'khor chen po ni// lha dang lha mo thams cad kyang // 'gying ba'i stangs dang bcas pa'o// kun kyang 'od zer lnga lngar ldan// rang las byung zhing rang la grol// de yang dbu rgyan lnga lnga dang // dpung rgyan dang ni mgur chu dang // phyag gdub dang ni zhabs gdub dang // do shal dang ni se mo do// de bzhin rgyan gyi rnam pa dang // mtshan dang dpe byad ldan pa'i sku// kha dog ma 'dres so so'i mtshan 'dzin pa// dbus mthing shar phyogs dkar po ste// lho phyogs ser po nub phyogs dmar// byang phyogs ljang gu rdzogs pa'o// rigs kyi kha dog de bzhin no// de ni rang bzhin dkyil 'khor ro// de nas yang zhus pa/ kye kye bcom ldan rnam dag sku// zhi ba'i dkyil 'khor de ltar na// khro bo'i dkyil 'khor gsung du gsol// zhes zhus so// de nas yang bka' stsal pa/ kye ma gsang ba'i bdag po nyon// ngas bstan
- 210a
legs par yid la zung // zhi ba re re'i dbu rgyan la// khro bo'i tshom bu lnga lnga tshang // de yang tshang lugs 'di lta ste// rnam par snang mdzad dbu rgyan du// bud+d+ha he ru gtso bor 'dod// shar du badz+ra he ru ka/ lho ru rat+na he ru ka/ nub tu pad+ma he ru ka/ byang du karma he ru ka/ de bzhin zhi ba'i dbu rgyan du// khro bo'i dbu rgyan lnga lnga'o// rang bzhin dkyil 'khor chen por 'dod// khro bo rnams kyi bzhugs tshul ni// stangs stabs dang ni brdeg pa'i tshul// brjid pa'i tshul dang gtum pa dang // khro gnyer glog stong 'gyu bzhin dang // 'brug sgra dang ni ru lu'i sgra// stag lpags dang ni glang chen lpags// sbrul dang thod pa se ral kha// phyag mtshan mtshon cha sna tshogs bsnams// de yang dbu gsum phyag ni drug pa'o// de yang kha dog 'di lta ste// mthing nag dang ni dkar nag dang // ser nag dang ni dmar nag dang // ljang nag phrin las rdzogs pa'o// de ni rang bzhin dkyil 'khor ro// de nas yang gsang ba'i bdag pos 'di skad ces gsol to// kye kye bcom ldan rdo rje 'chang // rang bzhin dkyil 'khor de ltar na// gzugs brnyan dkyil 'khor gsung du gsol// zhes zhus so// de nas yang bka' stsal pa/ kye kye gsang ba'i bdag po nyon// nga yis bstan gyis gus pas nyon// gzugs brnyan dkyil 'khor chen po ni// dbang bskur dam
- 210b
pa byed pa'i tshe// dkyil 'khor rnam pa gnyis su 'dod// zhi ba dang ni khro bo gnyis su gsungs// dbang rdzogs byed na de ltar bya// zhi ba'i dkyil 'khor chen po ni// dbus su 'khor lo rtsibs bzhi'o// tha ma rdo rje'i ra bar bcas// rin chen pha gu dag dang ni// za ra tshag gi phreng bar ldan// de bzhin sgo dang sgo khyud ldan// de ni zhi ba'i dkyil 'khor yin// khro bo dkyil 'khor 'di lta ste// dbus su 'khor lo rtsibs brgyad ldan// pho brang gru gsum mthing nag ldan// de la sogs pa'i bya ba rnams// rim pa bzhin du shes par bya// de ni rdul tshon dal du 'dod// de nas yang gsang ba'i bdag pos 'di skad ces gsol to// kye kye bcom ldan ye shes sku// rdul tshon dkyil 'khor de ltar na// rtsa ba'i dkyil 'khor ci ltar lags// mos pa'i 'khor la gsung du gsol// zhes zhus so// de nas yang bka' stsal pa// kye ma gsang ba'i bdag po nyon// ngas bstan legs par yid la zung // rtsa ba'i dkyil 'khor chen po ni// rang rang tsit+ta'i dkyil na gnas// de yang dkyil 'khor 'di lta ste// rang byung rig pa dkyil yin te// 'od lnga'i snang ba 'khor du 'dod// rtsa ba'i dkyil 'khor chen po gcig/ rang rang dung khang dkar po na// rnam dag thig le dkyil yin te// thig phran zer ldan 'khor du 'dod// rtsa ba'i dkyil 'khor chen po gnyis//
- 211a
rnam dag chos nyid stong pa'i klong dkyil du// lu gu rgyud ni dkyil yin te// dbyings kyi sgron ma 'khor du 'dod// rtsa ba'i dkyil 'khor chen po gsum// de la sogs pa'i dkyil 'khor rnams// sku dkyil 'khor 'gyur med klong // gsung gi dkyil 'khor 'gag med yangs// thugs rje'i dkyil 'khor rtog med dang // sku gsung thugs kyi dkyil 'khor ni// rang rang dkyil dang 'khor du bcas// 'gro med 'od med 'gyur ba med// rang rang tsad+ha'i dbyings na gnas// de skar dkyil 'khor chen po'i don// rang rang lus la rdzogs pa'o// zhes rig pa rang shar chen po'i rgud las/ dkyil 'khor bstan pa'i le'u so drug pa'o// / prab+hathab+hA/ de nas yang mkha' 'gro ma'i tshogs rnams kyis 'di skad ces gsol to// kye kye bcom ldan ye shes bdag/ mkha' 'gro ma yi rigs rnams la// rang rang don chen bstan du gsol// zhes zhus so// yang bka' stsal pa/ kye ma gsang ba'i 'khor tshogs nyon// ngas bstan legs par yid la zung // rang rang don sbyar 'di lta ste// sems can kun gyi rang rig ni// snying gi dkyil du gnas pa'o// de yang gnas lugs 'di lta ste// shes shing rig pa'i ngo bor yod// de yang rig pa'i sgra dang ldan// sku la ye shes 'gag med gsal// ye shes las byung 'od du yod// de yang rig
- 211b
pa'i ngo bo las// shes rab rnam pa bzhi dang ldan// shes rab rnam bzhi 'di ltar ldan/ shes rab rnam bzhi 'di lta ste// rnam par grol byed shes rab ni// thams cad sgrol bar byed pa'o// nyon mongs dag pa'i zhing du sgrol// rtog med skye med ngang du sgrol// ma rig rig pa'i glong du sgrol// shes rab rtog med ngang du sgrol// der phyir sgrol byed shes rab bo// rnam par skyod byed shes rab ni// sku lnga ka dag dbyings su skyod par byed// 'od lnga 'dzin med dbyings su skyod par byed// rig pa ye shes dbyings su skyod par byed// sgron ma nam mkha'i dbyings su skyod par byed// de phyir skyod byed shes rab bo// rnam par sdud byed shes rab ni// 'byung ba 'od lnga'i nang du sdud// nam mkha' sgron ma'i ngang du sdud// sku lnga rig pa'i ngang du sdud// rig pa rtog med ngang du sdud// de phyir sdud byed shes rab bo// rnam par 'byed byed shes rab ni// ma rig rig pa gnyis su 'byed// nyon mongs ye shes gnyis su 'byed// dag dang ma dag gnyis su 'byed// 'khor ba myang 'das gnyis su 'byed// rtogs dang ma rtogs gnyis su 'byed// bzang dang ngan par 'byed pa'o// de phyir 'byed byed shes rab bo// de ltar sems can rang rgyud la// ma bskyed rdzogs pa'i tshul du gnas// sangs rgyas kun gyi rang lus ni// sems can kun gyi snying
- 212a
la gnas// sangs rgyas kun gyi thugs rje ni// sems can kun gyi mgo la gnas// sangs rgyas kun gyi sgron ma ni// sems can kun gyi mig la gnas// sangs rgyas kun gyi shes rab ni// sems can kun gyi yul la gnas// sangs rgyas kun gyi rtogs pa ni// sems can kun gyi blo la gnas// de bzhin sems can thams cad la// rang rang don chen de bzhin no// tsit+ta'i dkyil na gnas pa'o// sems can kun gyi ye shes ni// sangs rgyas rnams la med pa'o// rang las byung ba'i shes rab sku// 'gyur med rtog med mnyam nyid do// 'gag med kun khyab gsal ba dang // rang gsal rang grol chen po'o// de ltar sems can kun la gnas// rang gi lus la de bzhin no// zhes rig pa rang shar chen po'i rgyud las// rang rang gi don bstan pa'i le'u ste so bdun pa'o// // tha thAg h+ya t+yaHde nas yang gsang ba'i bdag pos 'di skad ces gsol to// kye kye bcom ldan rdo rje 'chang // rang rang don sbyar de ltar na// btags pa'i don ni ji ltar lags// zhes zhus so// de nas yang bka' stsal pa/ a ho phyag na rdo rje nyon// sangs rgyas sems can thams cad la/ 'di nas tshig chad song // ji ltar sems can thams cad kyi// rang rang lus la gnas pa'o// 'dzin pa med pa rang grol ni// sangs rgyas mar me mdzad kyis
- 212b
bstan// rang sang chos nyid bde chen ni// snang ba mtha' yas zhing du rtogs// rtog med mnyam nyid ye shes ni// mi gnas thig le'i klong du rtogs// rang byung rig pa'i ngo bo ni// tsit+ta'i dkyil 'khor klong du rtogs// rang byung mig gi sgron ma ni// nam mkha' stong pa'i dkyil du rtogs// sku lnga yab yum bcu po yang // tshom bur snang ba'i dus na rtogs// ye shes 'gag med shar ba yang // bzhi sbyor ye shes snang bar rtogs// rig pa sna tshogs 'byung ba yang // lhun grub bde chen sa la rtogs// skye shi med pa'i rdo rje ni// ka dag chen po'i sa la rtogs// ma 'gags rtog med ngo bos stong // rig pa 'gag med klong du rtogs// de yang bshad lugs 'di lta ste// rtogs par byed pa shes rab ste// rtogs pa'i rgyu ni rig pa'o// med pa shes pas rtogs shes bya// rtogs pa'i ngo bo mthong ba'o// mthong ba'i rang bzhin 'di lta ste// nam mkha' stong pa'i klong dkyil du// sgron ma rnam gnyis ma 'gags pas// yul la rtog med gsal ba ni// rang byung rang shar snang ba'o// de ltar mthong na rtogs pa'i mchog/ mthong dang rtogs pa shes rab gsum// sangs rgyas kun gyi dgongs pa yin// rtog med rgyal po shes rab rang byung 'di// rtogs pa med cing mthong ba'i yul las 'das// mthong dang rtogs dang thob pa gsum// man ngag kun gyi yang
- 213a
bcud yin// rang nyid gcig pur dal bar 'dug gyur na// ye shes snang ba 'gag med 'char// de la gnas na ting 'dzin 'thob// de la sgron ma rnam pa gnyis// dbyings dang rig par bstan pa'o// chos nyid stong nyid pho brang du// dag pa'i lam lnga ma bskyed rdzogs// 'gyur med ye shes brdal ba'i sku// 'gyur med rnam dag ye shes klong // rtog med 'dzin pa'i ye shes lnga// bsam pa'i rnam rtog bral ba'o// sangs rgyas kun gyi ye shes sku// nga med pa yi sngon rol na// sangs rgyas med de sems can med// sku dang ye shes med pa'o// rig pa yang dag ye shes klong // rtog med 'dzin pa'i ye shes lnga// bsam pa'i rnam rtog bral ba'o// sangs rgyas kun gyi ye shes sku// rig dang sa dang lam yang med// nga dang rang bzhin bdag nyid med// 'khor dang mya ngan 'das pa med// de ltar med pa rtogs pa dang // yod pa rnam pa gnyis su 'dus// nga yod pa yi blta da lta na yang 'dug pa na// sku lnga ye shes rnam lnga yod// 'gyur med rig pa 'gag med yod// 'od lnga rtogs dang drug kyang yod// sgron ma bzhi dang yul lnga yod// kha dog skra dang rigs kyang yod// yul dang dngos por 'dzin pa yod// de ltar yod par rtogs pa'o// zhes rig pa rang shar chen po'i rgyud las/ rtogs lugs bstan pa'i le'u ste so brgyad
- 213b
pa'o// // mar+tha traskad+da tharngaHde nas yang mkha' 'gro ma'i rigs rnams kyis 'di skad ces gsol to// kye kye bcom ldan thugs rje chen po dang ldan pas bdag cag rnams la brda' yis mtshon la/ sgrub rgyud kyis mtshon pa gsung du gsol// zhes zhus so// de nas yang bka' stsal pa/ kye klong du dag pa rnams nyon cig/ sangs rgyas kyi dgongs pa'i tshad ni 'di rnams kyis gzung bar bya'o// ag+ha/ chos nyid glos dang bral ba/ ha/ mi 'gyur ba/ swa/ stong pa/ ra/ ye shes la 'char ba/ d+ha/ s+kha las 'das pa/ swa/ klong du ye shes kyi ngo bor thim/ a/ skye med stong pa'i rgyas btab pa'o// dpe gcig la/ a/ mi 'gyur ba/ ga ta chos nyid spros pa dang bral ba/ pA/ stong pa/ ra/ ye shes pa 'chang ba/ d+ha/ kun las 'das pa/ sang / klong du ye shes ngo bo thim/ angaHskye med stong pa'i rgyas btab pa'o// sngon yul yangs pa can zhes bya dang po'i 'khrul gzhi bstan te gzhon nu bum pa sku'i gnas lugs so/ ba na/ ston pa 'od 'gyed pa zhes bya ba yod de/ rig pa rang byung gi ye shes phyogs med du shar ba'o// de la bu spun gnyis yod pa/ de yang rig pa dang ma rig pa gnyis su byung nas 'khrul pa ma rig pa'o// grog po stong par lhun grub kyi snang ba las 'khrul nas ye shes ma bu 'jol/ btson du ma rig pas rig pa 'khor bar bcings pa'o// bzung zer te ya cha/ ngo mtshar che ba'i tshig de nas dmag mi lnga byung nas/ de la la 'dod chags byung bas nyon mongs pa'i gnas su song / de las zhe sdang byung bas de bas kyang rags su log de las nga rgyal byung bas nga dang
- 214a
bdag tu bzung / de las phrag dog byung nas nyon mongs pa'i gnas su zhugs pa'o// de rnams kyi rtsa ba gti mug ces bya ba byung nas nyon mongs pa'i rtsa ba bzang / rdo'i mkhar rtse rig pa'i ye shes phul gyi dbang du song nas nyon mongs pa'i cha nye bar bzang de las chags sdang lnga byung nas shin tu rags so// nas bcom zer te ya cha/ de ngo mtshar che ba'i tshig bstan nas sems can ma rig pas bcings pa 'grol ba'i thabs rmad du byung ba ye shes kyi don khyad par can skye'o// bu gnyis dong du de yang rig pa'i ye shes 'khor ba'i dong du bsgyur nas ye shes gsal du ma ster/ rig pa yul la ma shar// shes rab mkha' la 'khyil ba'o// bcu gnas ma rig pa las yul bdag tu bzung nas ye shes lam du ma slong ste bdag dang bdag gir bzung ba'i 'dzin pa chags pas so// de yang ma rig pas ye shes 'char ba bcad nas snang ba 'char du ma ster ro// de yang mtshan ma'i rtog pa bzung nas yul skye ba med pa las yul can du bzung nas 'khrul pa byung ngo // de nas ma rig pa'i chas yul la rtog pa dang lhan cig gnas pas pa dang bdag gir 'dzin pa 'byung ngo // ye shes 'am khyad par can du rtogs pa snang ba lnga'i bzung bas ye shes skye ma nus te sems dang yid la sogs pas bslad pa'o// rgan mo ling tog can gyis de yang nyon mongs pa'i lo ma shin tu rgyas te/ ye shes kyi 'bras bu smin du ma ster te/ de yang ma rig pas ye shes kyi mig bsgribs nas snang ba med pas ye shes la tshad zin med pa 'o na yang ma rig pas ma bsgribs na ye shes skye ba la the tshom med do// sgo bcad zer te ya cha/ yul med pa la yul du bzung nas 'khrul pa byung ngo // de nas mi bzhis da ni 'khrul pa bzlog lugs bstan te
- 214b
de yang shes rab bzhi ste sgrol byed kyi shes rab kyis nyon mongs pa bsgral sdud byed kyi shes rab kyis ye shes sdus/ 'byed byed kyi shes rab kyis nyon mongs dang ye shes/ sbyong byed kyi shes rab kyis yul dbyings su bskyod pa'o// de da pas zin shes rab kyis nyon mongs pa kun bcom/ ye shes kyi snang ba 'gag pa med par mthong / ye shes kyi dbyings su log te/ mi lnga rta dang phral zer te ya cha/ de nas yang bar do dang po la tshom bu'i snang ba la ye shes rang log ste nyon mongs pa lnga dbugs dang phral nas 'gyur med chod pa'o// de yang rags pa'i nyon mongs pa thams cad ye shes kyi snang ba 'ba' zhig go bu gnyis rang gis rang shor nas de yang ye shes kyi snang ba yul chos kyi dbyings kyi pho brang du shar nas ye shes kyi yul kun tu yangs pa dang ldan pa'o// de yang snang ba mi 'gag snang byed mi dmigs ye shes kyi gnas pa mtho dman med ye shes kyis ye shes kyi snang ba mthong sbra sgra la thim 'byung ba 'byung ba la 'khyil rig pa rang lus rnyed pa'o// de yang byed pa dang bcas pa ma yin na bya byed med pa'i rig pa dngos po dang bral ba'i ngang du bzhag nas ye shes rang sa zin te/ de la bsgoms shing bslabs pas ye shes kyi ngo bo mi rnyed lam la thug pa med ye shes la zin pa med do// de yang ma yin te bya byed med pa'i rig pa nam mkha' la yal bar bya'o// de yang sgron ma'i dbyings su gzhug pa/ btson bsrung bsad zer te de yang ya cha/ rig pa'i ye shes phyogs med du shar bas gzung 'dzin gyi bya ba bsad de/ de yang yul blta ba blta mi nus dang btang nas ye shes rab log go// yul med par ye shes rang lugs su shar nas so// snang ba yul med pa'i snang ba rang shar zhing yid kyi spyod pa med pa'i ye shes so// bu
- 215a
gnyis cig char phar nyi ma can du bros nas/ 'di ni thams su blang ba bstan tan tu rig pa'i sgron ma'i nang du thig la stong pa'i smon ma 'dus te// mi gnas lam byung nas rang sgang gi nam mtha' rang bzhin 'ad gdangs bags pa// de yang dper na se mas thas shes kyi snron ma gnyis kyi 'ad la ston ma gnyis bzhugs pa// de yang nam mkha' gang bar snang zhing ma shas kya ngas 'dzin na do'i yul du nyams su len pa'i skyes tha rnams de la 'dris par bya zhing / da'i 'od las pad gzhan du ma mangs par thal 'bangs la dbye bsdus nas/ sgron ma des kyang yul can gyi snang ba nyon mongs pa thams cad ye shes kyi snang bar shar nas de la rab tu spyod pa'i rig pa rgyal po'i tshul/ sgo lnga 'bangs kyi tshul rigs pa'i ngo bos sgo lnga'i 'od kyi snang ba zil gyis mnan nas ye shes rang yul du shar nas snang ba gzhan dbang du ma song bar 'od du skang ba'o// ye shes kyi snang ba lam lnga la 'od shar nas sgo lnga cham la phab pa'o// btsun mo nyi shu rtsa gcig gis gros byas nas de ltar dza sprod nyi shu rtsa gcig gis nyams su blangs dgos te de yang don la sme ba med kyang mtshan ma sbed byed yod pas dpe rnams kyi mtshon dgos te de la sku dang 'od du bstan pa'i ye shes kyi snang ba dang sbyar nas snang ba de las ye shes kyis yid 'phro 'du zad de snang ba rang snang ba yin no// 'od rang 'od/ sku ni rang gi rig pa'o// de yang rang gi shes rab kyis chod par byas nas rkyen gyis dbang du rig pa ma song ba'o// bsam rdugs kyi lha khang du bros te/ de la yang ngo sprod nyi shu rtsa gcig gis rang gi snang ba rang gis ngo shes nas chos kyi sku bsam pa dang bral ba'i snang ba de ka dag chen po'i yul la snang zhing sgra gzhon nu bum pa sgra'i snang ba phrags su spyad pa med pa'i rang snang chen po
- 215b
yul la snang zhing yul la longs spyod pa de yang ma dag pa'i yul lta bu ma yin te ye shes dag pa'i snang ba 'ba' zhig tu snang ngo // mi lngas phub gon nas de la sku lnga ye shes lnga snang ba ye shes la 'od lnga snang ba 'od la dbyings su snang ba dbyings mtha' la mi gnas rgya ma chad cing kun tu mtha' yas pa dbus dang mtha' med pa ma 'gags pa rang gis rig pa'i spyod yul du gyur pa ste zer phyogs bcur 'phro ba snang ba phyogs med du 'char ba rang bzhin dang ngo bo mi 'gyur ba'o// sgo bsrungs nas sus kyang 'ong ma nus zer te ya cha/ de yang 'od lnga dang 'od kyi tshal du gnas pas sme shi'i gnas med par snang ba ma 'gags par snang ba'o// de yang bar do'i dus bstan nye bar do la ye shes ma pang du bu 'jug pa lta bu ste ye shes kyi 'od phyogs med du shar bas yul la bltar med ye shes la gzhal du med snang ba la dbri bkol med dbyings la che chung med do/ de nas mi bzhis me long bzhir byad bltas pas/ de yang ye shes kyi snang ba zhes bya ste de la ye shes rang gi snang ba ngo shes nas ye shes kyi dngas ma lnga yul chos kyi dbyings la shar nus te rang snang ba'i yul la ye shes kyi gnas su ma gyur pa gang yang med do// ye shes de yang bya ba drug pa'i cha mtshungs te ka dag la yod pa'i phyir ro// rang ngo rang gi shes zer te ya cha/ de yang rang gi snang ba yul la shar nas ye shes rang gi snang ba mthong 'byung ba ma'i dbyings su phyin shes rab kyi bya ba zin snang ba grogs su shar ye shes yul la shar stongs pa nyid dbyings su thim yang dag pa'i yul la nges pa skye ba'o// de yang rig pa'i ye shes yul dang phrad pas snang ba la nges pa skye ste rang snang yin te mas tsam mo/ de nas khang pa gcig la sgo brgyad de yang lhun grub kyi
- 216a
snang ba la nges pa rnyed pa'o// de yang ye shes ltar shar ba'i sgo la rang gi shes pa sad/ s+tha ltar shar ba'i sgo la bden pa mthong // 'od ltar shar ba'i sgo la stobs rnyed/ thugs rje ltar shar ba'i sgo la nges shes skye gnyis med kyi sgo la bdag cag gi blo dang bral/ mtha' grol ltar shar ba'i sgo la ye shes ma bu 'phrad/ dag pa ye shes kyi sgo la mthar phyin pa/ ma dag pa'i sgo la thugs rje ma 'gags pa'o// yod pa mthong pas/ rang la rang gad mo shor zer te yang ya cha/ de yang ye shes kyi gnas dang rang gi rig pa'i yul dang shes rab kyi rtsal gsum mnyam pas ye shes chen po'i sa zin pas so// de yang rang snang du yod pa la gzhan 'byung gis chos dang bral/ mtshan ma'i dngos po gang yang gzung du med/ yul can du rtog pa gang yang med pa dag tu rtog pa'i sa bon byung / ye shes la gsal 'grib med 'i rang snang rang la shar/ de yang 'byung nga ye shes kyi lam du bslang / don chos nyid du thams cad 'dus/ ye shes stong pa'i yul du snang stong pa nyid kyi dbyings su thim// de bzhin brda' yi rnam pa kun// mtshon nas ye shes don la sbyor// zhes bka' stsal bas/ mkha' 'gro ma rnams ngo mtshar mchog tu skyes so// zhes rig pa rang shar chen po'i rgyud las/ 'khrul tshul dang 'khrul pa bzlog pa'i le'u ste so dgu pa'o// / #a/ nas yang mkha' 'gro ma dkar mo'i tshogs dpag tu med pa rnams kyis 'di skad gsol to// e ma ho/ brda'i chos kyis sems can gyi rtog pa sol zhig/ bdag cag mkha' 'gro ma rnams kyi ma rig pa'i mig
- 216b
phyes shig/ sems can kun gyis go bar gyis shig/ ces zhus so// de nas yang ston pas legs par gsungs so// ngas ni brda' yis sems can rnams kyi rtog pa bsal lo// mkha' 'gro ma'i 'khor rnams rab tu nyon/ yang yul 'khor 'khor ba'i gnas na rigs drug gi sems can dpag tu med pa rang gi snying po rang chas kyi sa bon dang bcas so// yug chen mo zhes bya ba na/ 'dam rdzab chen po nyon mongs pa stong phrag brgyad cu nyon mongs pa bsam gyis mi khyab pa'i dkyil na/ gcig gi nang na mar me gcig rig pa'i ye shes yul gyi dbang du ma song bar snang ba'o/ ma shi bar 'dug pas/ yul mdangs dang ldan rig pa'i ye shes la ma rig pa'i cha zhugs nas 'khrul go bzung / de yang bag chags kyi phung po ye shes kyi snang ba lnga rig pa dang bcas pa yod pa de yang yul gyi dbang du 'gro 'dod de/ de la shes rab rang byung gi sgron mas lung bstan pa nyams su blang ba'i don du gsungs pa'o// pa zhes bya ba na/ ston pa me long can sgron ma la ye shes lnga'i yul ma 'gags par yod pas snang ba gzhan la rag ma lus te rang snang rang shar bas ye shes kyi gnas pa la rang chas su 'od lnga yul sgo lnga la snang / lam lnga mig la snang / ngo bo lnga snying la snang rtags sgron ma la snang ye shes lnga mtha' mi byed yul la snang bar shar/ zhes bya bas mthong ste/ de la 'di skad ces byas so// kye ma sems can mdangs ye shes kyi gnas lugs ni ye gdod ma nas rang snang du yod pa gzhan byung gi chos med/ stong pa'i yul med/ ye shes kyi gnas med/ dag pa'i yul med/ stong pa'i lam lnga snang ba ma
- 217a
'gags so/ dang ldan pa khyod nyon cig/ ngas khyod la lung bstan no// khyod ma yengs par nyon cig/ ri bo chen po ma la ya zhes bya ba'i rtse mo na/ rang gi lus la bya ste de yang rang gi snying gi nang na reg pa gnas cal la thig le klad pa na ye shes/ mig la sgron ma gnas par// mgo bo'i nang nas mig tu lam byung ste de yang sgron ma rnam pa gnyis nam mkha' ye shes kyi 'od du gsal lo de yang rig pa'i zer du snang ba rang bzhin ye shes kyi dbang du 'char ro// rgya mtsho mu khyud can zhes bya ba na/ de'i nang na yab 'od srung zhes bya ba dang / rig pa'i sku 'od du gnas te 'od de la yang thag pa med cing bri ba med pa ye shes kyi rang 'od dang bcas te lam la ngos bzung gi mtha' dang bral ba'o// yum de yang yum chos nyid kun tu bzang mo rang la shar zhing 'phros pa'o// thabs kyi cha 'dzin pas 'od du snang / shes rab kyi cha 'dzin pas ye shes su snang / de yang chos kyi sgra bde ba chen po'i yul shar ba'o// rdo rje phag mo gnyis bshos pa las/ ming sring gnyis byung ste/ d+hA tu'i sgron ma dang thig le stong pa'i sgron ma'o// de nas pha ma zabs shes su snang ba ni ma 'gags pa tsam mo/ gnyis kyis ming sring sgron ma gnyis yin par bstan/ gnyis la 'di skad ces zer ro// bu dbyings rnam par dag pa'i sgron ma yul du snang ba tsam ste/ de yang yul du snang ba'i ye shes gsal du ma ster te yul dang yul can du bzung ngo // zhe sdang gi me la bya ste de yang yul dang 'phrad nas mes byed pa dang 'dra ste kun tu 'bar zhing mched pa'o// khyod song la bdud nag ma rig pa/ po'i yul nas me long la shog cig/ bu mo thig le stong pa'i sgron ma la bya ste/
- 217b
rig pa la zang zhig/ khyod song la sum cu rtsa gsum lha'i yul rnam par rgyal rig pa dang ye shes 'bras bu smin ma smin no// de nyams su blangs na ye shes kyi sku dang 'od mthong / ba'i khang bzang nas me tog rang rig dngos la bya'o// thus la shog cig byas pas/ bu na re nga mi 'gro sgron ma yul gyi dbang du mi 'gro ba'o// zer ro// de ma rig pa yul la 'jug pas nas pha ma gnyis na re/ bu khyod mi 'gro ba ci ste byas pas/ bu na re bdud nyon mongs pa shin tu rags pas/ kyi yul na bdud ma rig pa rtsa ba'i bdud/ ha li ka nag po zhes bya ba gcig yod pas/ bdag btson du ma rig pa'i dbang du rig pa/ bzung nas 'gro zer bas/ yang pha ma gnyis lhan cig skyes pa'i nyon mongs pa/ na re 'di skad zer ro// bu de skad ma zer bar bdud kyi yul na/ a phyi ling nyon mongs pa'i rtsa ba ma rig gtog can zhes bya ba yod kyis/ de khyod kyi rig pa dang lhan cig skyes pa'i ma rig pa/ a phyi yin gyi de la me slong la shog byas pas/ bu na re 'di skad zer ro// kye yab yum bdag rig pa'i snang ba 'gags gis yul de ma lags te/ yul der bdag mchi ma rig pa dang rig par 'dres yis/ bdag la g.yog po mi ye shes lnga/ lnga thong zhig/ til mar gyis ngar sgrol byed shes rab kyi skyong byed dpyod par byed pa'i shes rab/ blud pa'i ra la gri gcig skur/ me long 'od lnga'i snang ba/ lnga skur cig byas pas/ pha ma gnyis dga' lhan cig skyes pa dang gnyis dus mtshungs pas/ nas de ka ltar bya'o zer nas/ mi lnga g.yog
- 218a
ye shes wa tu brdzangs/ 'od lnga me long lnga bskur ro// yang bu na dbyings rig pa'i sgron ma/ re 'di skad zer ro// kye ma yab yum dag/ bdag ni bdud kyi yul 'khor ba nas nas ma thon na/ ci ltar bgyi zhes dris pas/ pha ma gnyis na re/ yul rin po che'i tsiH/ phung po zhes bya ba na/ gdol ba can gyi mi bzhi shes rab bzhi/ yod kyis/ de tshe dmag tu sgron la/ mi gcig sdud byed kyi shes rag gis dmag sdus shig/ mig gcig 'byed byed kyi shes rab/ gis lcags khrol cig/ mi gnyis sgrol byed kyi shes rab dang gcod byed kyi shes rab/ kyis sgo chog cig/ de skad ces pha ma gnyis lhan skyes kyis lung bstan nas/ bu na re de ltar bgyi'o zer nas rig pa'akhor bar song ma rig pa'i skabs blangs/ song ba las/ de nas bdud rtsa ba'i nyon mongs/ ha li ka nag pos mthong ste/ 'o mi 'khor ba la chags pa sha bo byung bas/ 'khor stong phrag bzud sa rnams kyis 'di ma btang par zung zhig byas pas/ bdud kyi mi lngas chags sdang wa/ bzung ngo // a phyi ling tog can ma rig pa gyis/ sgo lcags bcug nas/ 'khor rnams la sngon 'dis nga'i bu bsad sha lpag gi lus blang ngo // pa yin pas 'di 'khor ba las ma btang zhig byas pas/ 'khor rnams na re/ de ka ltar bgyi'o zer nas/ 'gro ba'i dbang ma byung ngo // de nas yang bu des 'di skad ces byas so// kye a ma rig pa phyi bdag gi rig pa/ pha ma thabs shes gnyis kyi zhal nas/
- 218b
khyod kyi a ma rig pa/ phyi ling tog ngo bo sgrib pa can/ can bya ba de bdud kyi yul na 'khor ba'i yul na yod/ yod kyis/ de nas me long la shog zer ba lags kyis/ bdag ma bzung bar thong byas pas/ rgan mos na re khyod mi btang ba yin/ nga'i bu 'khor ba las ye shes du log pa'i phyir/ khyod kyi phas bsad pa yin pas mi btang ngo zer ro// de nas bu des 'di skad ces byas so// bdag mi btang na shes rab kyis dmag 'dren byas pas/ mo na re// khyod rang dmag drongs zer nas ma lus yod pas/ thar ro// de nas khos mgron mdo sde 'dul ba mngon pa gsum po mi gsum la than btang ba/ kye grogs po dag yul rin chen spungs pa zhes bya ba na/ shes rab bzhi las gdol pa'i rigs kyi mi bzhi sgron ma bzhi/ yod kyis/ der khyod kyi khye'u rig rig pa la bya/ byed btson du bzung bas/ dmag shes rab chen po/ dpung mang po chos skad cig la rtogs pa la shog cig byas pas kho na re thon rgud lung la brten dgos/ bgyi'o zer nas song ngo // de nas zhag gsum rtogs pa skad cig ma gsum la/ gyi nang par nyi ma shar tsam na/ dmag mang shes rab rgyud la skyes po byung nas sgo bcag lus bor nas ye shes la 'jug nas/ btson gyi lcags lus las/ bcag/ rgan mo yul ma rig pa'i rtsa ba bcad/ nas bton/ mi lnga chags sdang lnga sbubs dang bral/ rta dang phral/ a phyi'i bu btson ma rig pa rag par grol/ du bzung / 'khor rnams stong phrag brgyad rga/ ral gris mgor bcad
- 219a
de bsad do// de nas rang gi mig las lam byas/ yul du gros/ de nas rang gi yul du phyin pas/ sring mos sum cu rtsa gsum lha'i yul sgron ma nyams su blang nas/ rnam par rgyal ba'i khang bzang nas me 'ongs pa'i tshad/ tog mang po khyer nas byung ba dang phrad do// de nas pha ma gnyis kyis ngo shes ye shes rang rig par gyur nas rab tu dga' nas/ ming sring sgron ma gnyis gnyis la ming btags pa/ ming po rdo rje lu dbyings rig pa'i sgron ma/ gu rgyud 'dren pa zhes bya ba btags so// sring mo'i ming ni mu khyud thig le stong pa'i sgron ma/ 'dzin zhes bya bar btags so// de nas ming 'khrul snang 'gags nas/ sring gnyis gros byas pa/ ston pa me long bar do dang gocan bya ba de mthong nas/ de gnyis la lung shes rab dang ye shes bstan pa/ kye rigs kyi bu nyon cig/ yul ma bkod par snang bar do ba na/ rin chen shel dri ma med pa/ gyi mchod rten// khri 'phang lnga 'od lnga pa gcig la/ logs re la mi lnga chom pa lnga mdun ma byed pas shel gyi mchod rten 'od kyi las/ de'i 'khor lo la/ dngul dkar ye shes bzhi sbyor gyi snang bgyi me long bzhi btags nas yod pa/ de la ri bo ma la ya'i rtse mo mig nas nas bya ra gyis la/ mu khyud dbyings su kyi ra bar chug cig/ de la rin po che'i rtogs tshad/ skas tshugs la/ lag tu nyams su longs/ rin po che'i snod bcud kyis bkang ba thogs la 'dzegs shig/ de nas mchod rten gyi rtse nas 'od
- 219b
kyi lam/ ston pa 'od mi rang gi snang ba/ 'gyur ba zhes bya ba cig yod kyis/ de la 'od zer kyi nyag zag cig zhabs thugs ka nas/ g.yas pa nas 'ong gis de la khyod ma 'jigs par de rang rig yin pas la 'jus la song zhig/ de ni khyod rang gi snang ba'i yab rang gi rig pa yin gyis der rgyug cig de 'das pa'i gong na rin po che shel gyi lhun grub khang pa gcig la sgo brgyad yod kyis/ de na khyod kyi ma sna tshogs su snang ba bya ba yod kyis/ de nas khyod kyis ma ngo shes par 'gyur ro// de'i gong na ka dag rang snang gi snang ba rin po che sna tshogs las byas pa'i khang pa yod kyis/ de khyod kyi gnas yin pas des phyir mi ldog zung zhig/ de skad ces ston pas lung bstan pas/ khye'u lu gu rgyud 'dren pas dbyings rig pa'i sgron ma/ 'di skad ces bya'o// kye ston pa chen po de ltar bdag gis bgyi'o// zer nas sring mo sgron mas yul rnyed pa/ la 'di skad ces zer ro// ston pas lung bstan phyir mi ldog pa/ pa bzhin du bya'o// zer nas/ nyi ma'i zer la rta ru thugs ka'i zer zag la/ zhon nas/ 'ja' tshon 'od kyis gyi sga bstad nas/ mu tig gi phreng bas glo rtog pa lam du khyer/ bsdams nas lag tu shel gyi shes rab kyi/ mdung thung thogs nas/ nam mkha'i dkyil 'khor du rnam snang gi nam mkha' la/ lam phyung nas/ rin po ka dag gi snang bas zin/ che ba'i khang pa'i nang na thog rdug med par song zer te ya cha/ de nas dkar mo'i
- 220a
tshogs rnams kyis ngo mtshar skyes nas 'di skad ces brjod do// a hUM thugs rjes nyi shar stong khams khyab mdzad pa// 'od zer stong ldan ma rig mun khang 'joms// chos nyid mi 'gyur sku mdog mthing gar ldan// thugs rje drug ldan phyag drug mtshon cha bsgyur// dri med ye shes mche ba dkar po gtsigs// ru lu'i sgra ldan gdug pa thabs kyis 'dul// thugs rje'i zhags pas 'gro ba 'dren mdzad pa'i// ye shes spyan ldan khyod la phyag 'tshal bstod// thugs rje'i stobs ldan rdo rje ye shes sku// 'gro ba 'dam nas 'dren mdzad thugs rje'i zhags pa can// ngo bo mi 'gyur rdo rje don dang ldan// ye shes rnam dag sku la phyag 'tshal bstod// rnam rtog sgrib med ye shes 'bar ba'i sku// ye shes tshogs rdzogs rnam dag sa la gnas// rdo rje'i lus nyid rnam dag spyan ldan pa'i// nyi ma stong gi 'od zer thugs rje can// rang rig rdo rje sku la phyag 'tshal bstod// 'od zer phreng bas 'gro ba'i snang ba ston// shel sgong lta bu skyon med rnam par dag/ skyon med ye shes chos sku'i mtshan nyid 'dzin// ngo bo mi 'gyur thugs rje'i skur shar bas// thugs rjes pha rol sgrol la phyag 'tshal bstod// ma 'gags so so'i mtshan 'dzin ye shes don// mtshan dang dpe byad ldan zhing rnam dag sku// 'gag med longs spyod rdzogs la phyag 'tshal bstod// ye
- 220b
shes sku mchog 'bar ba'i chos sku'i don// bsam pa kun spangs chos nyid ming dang bral// rnam dag ye shes sku la phyag 'tshal bstod// zhi ba'i sku la khro bo'i cha byad can// 'gro ba zil gyi gnon mdzad stobs po che// khro rgyal hUM sgra can la phyag 'tshal bstod// ces mkha' 'gro ma rnams kyis bstod nas/ rang la rang ngo mtshar skyes nas 'di skad ces brjod do// e ma ho don chen po rnyed do// e ma ho klong gcig tu 'dus so// e ma ho mtha' klong du 'dus so// e ma rtogs pa skad cig ma la grub po/ a la la ho// sangs rgyas kyi dgongs pa rnyed do// rang las byung ba'i nor bu rin po che'i don thugs su chud do// ces brjod cing glu dang rol mo sna tshogs pa dang / sgra sna tshogs kyis mchod pa cher byas so// zhes rig pa rang shar chen po'i rgyud las/ yongs su bstod pa'i le'u ste bzhi bcu pa'o// // byamaHsa1de nas yang mkha' 'gro ma ser mo'i tshogs kyis 'di skad ces gsol to// kye bcom ldan thugs rje chen po dang ldan pa/ bdag cag rnams la thabs dam pa bstan du gsol/ zhes zhus so// de nas yang bcom ldan 'das kyis bka' stsal pa/ kye 'byung ba'i bdag mo rnams nyon cig/ ngas don ma nor bar khyed la bstan gyis legs par nyon// ngas ni sangs rgyas ma mthong ngo // de'i phyir sangs rgyas kyi byin gyis
- 221a
brlabs pa med pa'i phyir/ thabs zhes bya ba med do// de nas yang mkha' 'gro ma rdo rje'i gtsug phud ces bya bas 'di skad ces gsol to// kye thugs rje chen po dang ldan pa sgrub rgyud kyi brda' chen gsung du gsol/ zhes zhus so// de nas bcom ldan 'das dgongs pa rang gnas kyi ting nge 'dzin la snyoms par zhugs so// de nas yang mkha' 'gro ma rnams kyis 'di skad ces gsol to// kye bcom ldan 'das ting nge 'dzin las bzhengs shig/ 'jig rten kyi khams 'od kyis khong zhig ma rig pa'i mun pa choms shig ye shes kyi snang ba ston cig ces zhus so// de nas yang bcom ldan 'das kyis ting nge 'dzin las bzhengs nas/ 'od zer gyi phung pos 'jig rten gyi khams stong gsum gyi stong chen po thams cad khengs so// de nas ston pa thugs rje chen po des/ mkha' 'gro ma'i tshogs rnams la 'di skad ces gsol to// e ma mkha' 'gro ma'i 'khor rnams nyon cig/ sngon yul rnam par dag pa rig pa'i zhing khams zhes bya ba na/ mkhar sgo brgyad lhun grub dang ldan pa'i mkhar zhig yod do// mkhar de'i rtser khye'u rig pa/ snang ba'i rig byed bya ba yod/ de la ma rgan de rig pa dang dus mnyam/ mo ling tog can zhes bya ba yod/ yul de'i mda' na 'khor ba/ sdig spyod nyon mongs pa pa'i rgyal po grags pa dbang phyug bya ba de la bu rgyal bu lnga chags sdang lnga//
- 221b
yod pas/ sras po lngas yul sgo la yan/ sku rtsed la song bas// rgan mo ling ma rig pa dang dus mnyam/ tog can mdo na mar skyo bsangs sgo lnga la la byung bas/ sras rgyal bu lngas btson du bzung yul dang phrad/ zer ba de yang ya cha ang byas pas mkha' 'gro rnams ngo mtshar mchog tu skyes nas 'di skad ces gsol to// kye thugs rje chen po dang ldan pa'i ston pa des ni bdag cag rnams kyi rtog pa sel bar gyur to// e ma ngo mtshar shin tu che'o// ston pas lung bstan du gsol/ e ma ho// de nas yang ston pas bka' stsal pa/ de nas bum rig pa/ bsnyegs ma la song ba yang bzung nas lcags su bcugs 'khor bar bzang / zer ba de ya cha/ de nas mkha' 'gro ma ser mo ye shes kyi mdangs dang ldan pa zhes bya ba des 'di skad ces gsol to// e ma ho ston pa chen po/ sems can gyi rtog pa gang gis sel bar 'gyur/ zhes zhus so// de nas yang bka' stsal pa/ sngon yul rin chen po che spungs pa zhes bya ba na/ rgan ma rig ga mo gcig la rig pa'i ye shes nor bu rin po che gcig yod pa/ rkun mo mi lngas chags sdang wa/ khyer nas/ rgan mo sdug bsngal gyis zin zer ba de 'khor ba'i 'dam du chags ya cha/ de nas mkha' 'gro ma rdo rje hUM sgra can zhes bya bas 'di skad ces gsol to// kye ston pa chen pos thabs bstan du gsol/ zhes zhus so// de nas yang ston pas bka' stsal pa/ rgan mo
- 222a
de'i rjes shes rab kyi/ bcad pas/ yul tsher ma 'khor ba'i sdug bsngal can du song nas/ rkun ma mi chags sdang lnga/ lnga bkug pas/ rgan mo brgyal 'khor bar song zer ba de ya cha/ de nas yang 'joms byed dmag gi rgyal mos 'di skad ces gsol to// bdag cag rnams la 'khrul 'khor ba'i du kha ba'i bzlog tshul bstan du gsol/ zhes zhus so// de nas yang bka' stsal pa/ de nas rkun mo yul tsher ma can// ma dag pa'i yul nas rjes chod pas/ rgan mo brgyal ba rig pa dang / sangs zer ba de ya cha/ de nas yang rdo rje mkha' 'gro ma rnams kyis 'di skad ces gsol to// kye ston pa chen po grol lugs gsung du gsol/ zhes zhus so// de nas yang bka' stsal pa/ de nas yang rgan mo de'i bu me lha dkar rig pa'i ye shes nyid po zhes bya ba des 'di skad ces zer ro// nga'i rig pa'i nga ga/ nor bu ma brlag gam byas pas/ mi lnga nyon mongs lnga/ po na re/ nor bu ma brlag gis/ khyod rang gis a ma rgan ma rig pa/ mo sod cig/ ma rgan mo bsad par ma rig pas sgrib par byed/ nor bu mi ster 'khor ba las mi bar mo zer bas/ khos shes pas kho rang gi ma ma rig bsad nas 'bral byung gi nyon mongs pa lnga'i sha zos khrag 'thung rus pa mur/ dngos po med par byas nas/ nor bu rkun mos byin rig pa gang gi dbang du yang ma song ba pa de ya cha/ de nas yang mkha' 'gro ma ser mo tshogs kyis ston pa la bstod pa/ aHhUM
- 222b
bcom ldan mgon po rdo rje ye shes sku// brjod med bsam bral rdo rje chos kyi sku// bya ba rdzogs pas 'gyur med sa la gnas// ye shes mchog ldan rtog med chos kyi sku// 'dzin med chos kyi sku la phyag 'tshal bstod// ma 'gags rdo rje'i don nyid 'dzin pa ste// mu khyud 'od kyi dkyil 'khor pho brang nas// sku lnga rtog med so so'i mtshan 'dzin pa// mi 'gyur don ldan rigs lnga ye shes sku// tshom bu lnga ldan gtso bo'i dkyil 'khor ston// yab lnga yum lnga mdun rgyab med pa yi// ye shes thugs rje'i spyan ldan longs spyod rdzogs pa'i sku// stong gsal longs spyod sku la phyag 'tshal bstod// thugs rje'i stobs kyis 'gro ba pha rol sgrol// sku mchog khro bo'i cha lugs gad rgyangs sgrogs// dbu gsum thor tshugs gcig tu bcings pas 'khor rnams skrag/ phyag drug phyag mtshan tha dad bsnams pas bgegs rnams 'dul// sku la chas brgyad gsol zhing ma mo dbang du sdud// thugs rjes 'gro ba 'dam nas 'dren mdzad bcom ldan sman gyi bla// pha rol stobs kyis sgrol ba'i khro rgyal hUM sgra can/ ma rig 'joms pa'i thugs rje 'od po che/ sna tshogs sprul pa'i sku la phyag 'tshal bstod// sku gsum don ldan sangs rgyas kun gyi mes// thugs rje'i stobs bdag gzhon nu nyid kyi sku// sku gsum ye shes rdzogs la phyag 'tshal bstod// ces bstod nas/ rang rang gi don
- 223a
rnyed nas ngo mtshar skyes so// a la la ho// don chen po rnyed do// gsang sngags thams cad rang gi thugs su chud do// sangs rgyas kyi sku sems can la byung ngo // e ma ho// tha dad gcig tu 'dus so// klong gcig tu 'dril lo// a ho klong thams cad sgron ma la 'dus so// sgron ma thams cad 'od la 'dus so// kye ma ho 'od thams cad sku la 'dus so// sku thams cad rig pa la 'dus so// aHhUM rig pa thams cad mi gnas pa'i klong du thim mo// de bzhin du rang gi don thams cad/ rang rang gis rtogs nas// the tshom gyi rtog pa bsal lo// zhes rig pa rang shar chen po'i rgyud las// 'khrul pa'i rang bzhin gyi brda'i le'u ste zhe gcig pa'o// // m+bi prA na nA shwaR+YAHde nas yang mkha' 'gro ma dmar mo'i tshogs rnams kyis 'di skad ces gsol to// kye ston pa chen po bdag cag rnams la thabs dam pa bstan du gsol/ gsung du gsol/ lung bstan du gsol/ zhes zhus so// de nas ston pa chen pos bka' stsal pa/ kye nyon cig khyod rnams la ngas bstan gyis gus par nyon cig/ sngon bag chags kyi phung po la ga/ yul ma ga d+ha'i grong khyer chen po zhes bya ba na/ rgyal rig pa po mdzes ldan snying po zhes bya ba la/ lha khang 'od lnga/ yid du 'ong ba zhig yod pa las 'bangs nyon mongs pa/ rnams kyis kheng log byas te/ lha khang la me phyogs bcu nas
- 223b
shin tu rags pa/ btang bas lha khang ma tshig zer ba de rig pa la 'phel 'grib med/ ya cha/ de nas dmar mo khrag 'jib mas 'di skad ces gsol to// kye ston pa chen po khams gsum 'khor ba'i sems can rnams thabs gang gis 'tshang rgya bar 'gyur/ zhes zhus so// de nas yang bka' stsal pa/ yul nyon mongs rags pa'i sems can/ 'dus pa rnam par bkod pa zhes bya ba na/ rgya nag gi rgyal po li slob dpon mkhas pa la pra/ ka ra ta zhes bya pabs/ gab ud lung man ngag 'jom pa la phra/ tshe chen po gcig bting nas/ gshin rtsis 'khor ba las thar ba'i thabs bstan/ byas pas gto chog tu btsun mo nyi shu rtsa gcig ngo skrod nyi shu rtsa gcig la tha/ mdzes pa'i chas su bcug nas/ lam par do la po che'i bzhi mdor bskul bas shi kha bcad char zer pa de ya cha/ de nas yang dmar mo dbang gi skus 'di skad ces gsol to// kye ston pa chen po thabs bstan du gsol// zhes zhus so// de nas yang ston pas bka' stsal pa/ de nas rgya nag gi rgyal po li man ngag gi slob dpon/ gar te 'phrul gyi rgyal po des/ btsun mo nyi shu jo sprod nyi shu rtsa gcig rtsa gcig la mdzes rang 'od/ pa'i rgyan gyis brgyan/ mgyogs pa'i shes rag rta bskyon/ gsal ba'i mig sgron ma/ phyes/ brdeg pa'i mtshon rgyud lung / bskur nas/ gcod man ngag pa'i so btags/ gon pa'i 'od kyi/ gos bskon/ 'dug ka dag pa'i yul btsal/ gnas 'od kyi snang ga pa'i khyim btsal nas/
- 224a
'gro ba'i bar ro// lam btsal nas/ btang bas shi skab chod 'khor ba las sgrol zer ba de ya cha/ de nas yang 'jig rten phung byed mas 'di skad ces gsol to// kye ston pa chen po sangs rgyas kyi bstan pa 'jig pa'i dus ci tsam na lags/ zhes zhus so// de nas yang bka' stsal pa/ kye ma mkha' 'gro ma rnams nyon cig/ sangs rgyas kyi bstan pa 'di 'jig pa'i rtags su/ 'jig rten gyi khams su mu ge dang nad sna tshogs pa 'byung ngo // 'jig rten gyi khams na gnod sbyin skar mda' gdong zhes bya ba dang / bdud he le khyab pa zhes bya ba gnyis 'thab pas 'khrugs pa 'byung ba yin no// ma mo srid pa kun gyi mnga' bdag mo zhes bya ba dang / 'jig rten phung byed ma gnyis la 'bru sna tshogs kyi bang ba gcig yod de// de gnyis 'thab pa'i rtags su mu ge 'byung ba yin// nag mo sder 'dzing ma bya ba dang / srid pa bde 'gro ma bya ba gnyis 'thab pa'i rtags su nad mang po 'byung ba yin/ dus lnga brgya snyigs ma'i dus na// skyes pa thams cad grir shi ba'i dus 'byung ngo // btsun pa rnams kyis khrims mi thub pa'i dus 'byung ngo // bud med rnams kyis smad mi thub pa'i dus 'byung ngo // pha dang bu brda' mi 'phrod pa'i dus 'byung ngo // gzhon pa rnams rtsod pa la dga' ba'i dus 'byung ngo // mkha' 'gro ma mi yul du 'byung ba'i dus 'byung ngo // kha tshig phra
- 224b
mo la brten nas/ spyod pa bab tshol du byed pa'i dus 'byung ngo // gsang sngags bon du gyer ba'i dus 'byung ngo // gsang sngags ston pa'i slob dpon mi bkur bar gnyen dang nye ba'i kha ngo blta ba'i dus 'byung ngo ngo// sngags pas gsang mi thub pa'i dus 'byung ngo // skyes pas chos mi thub pa'i dus 'byung ngo // mi rnams kyis gos nag po gon pa'i dus 'ong ngo // sgrub pa po rnams grong yul du 'bab pa'i dus 'byung ngongo// gsang sngags kyi zab chos la mi spyod par log pa'i chos la spyod pa'i dus 'byung ngo // sangs rgyas kyi dgongs pa nyams su mi len par/ glu gar dang rol mo dang rtsed mo la dga' ba'i dus 'byung ngo // sgrub pa po rang gcig pur mi 'dug par/ mi mang po tshogs nas kha tshig la spyod pa'i dus 'byung ngo // srin po gsod byed nag po bya ba dang / srin mo nag po rag sha ma bya ba gnyis sngags pa kun gyi sing du zhugs nas// dgon pa mi 'dzin par grong yul du 'bab cing gtso bo byed cing phung ba'i las drag po byed pa 'byung ngo // tshangs pa dung gi thor tshugs can dang / yum phung byed ma nag mo gnyis kyis bu dge bsnyen dkar po bya ba gcig btsun pa kun gyi snying du zhugs nas/ rang gi 'du khang mi skyong bar sde pa 'dzin pa'i dus 'byung ngo // de la sogs pa'i rtags mi sdug pa dang / mi legs pa 'byung ste/ de'i dus tsam na bstan pa
- 225a
nub pa'i rtags yin no// gsang sngags gsang ba 'di sa la gnas pa'i byang chub sems dpa' gcig gis spyad nas dar zhing rgyas par 'gyur ro// de nas lo lnga brgya na mun pa'i bskal pa lo drug cu 'byung ngo // de nas sangs rgyas rnam par bkod pa rin po che'i rgyan zhes bya ba 'jig rten na 'byung ngo // des mtshan nyid kyi chos lo brgya tham pa gnas par byed do// de nas yang mun pa'i bskal pa lo drug cu 'byung ngo // de nas yang de bzhin gshegs pa 'od srungs chen po zhes bya ba 'jig rten du 'byung ngo // mi dang 'khor rnams kyang 'od 'dom re dang bcas nas 'ong ngo // rdzogs pa chen po lo drug cu gnas par byed do// zhing khams de na sangs rgyas kyi 'bras bu thob pa'i gang zag sum cu 'byung ngo // de nas mun pa'i bskal pa lo lnga bcu 'byung ngo // de nas yang de bzhin gshegs pa gtsug phud rin po che bya ba 'jig rten du 'byung ngo // de nas yang dam pa'i chos 'dul ba lo bcu tham pa gnas par byed do// de nas yang rang sangs rgyas lnga bcu 'byung ngo // de nas bskal pa chen po bzhi 'byung ngo // de yang dang po mu ge'i bskal pa 'byung ngo // de nas mtshon gyi bskal pa 'byung ngo // de nas nad kyi bskal pa 'byung ngo // de nas me bdun gyi bskal pa 'byung ngo // de nas 'byung ba chu'i bskal pa 'byung ngo // de nas tha ma rlung gis 'jig par
- 225b
gyur ro// de nas lo lnga brgya'i bar du stongs par gnas so// de nas yang stongs pa dang / chags pa dang / 'jig pa gsum dus mnyam ste/ yang dpag bsam gyi shing rgyas pa chen po zhes bya ba chags so// 'dab ma'i steng du mu tig gi phreng ba yid du 'ong ba gcig yod de/ de la thams cad mkhyen pa'i spyan chags pas/ 'jig rten gyi khams mi mjed ces bya ba chags so// de nas ston pa byams pa chen po zhes bya ba 'jig rten gyi khams der 'byung ngo // der yang dam pa'i chos dar zhing rgyas par byed do// skye dgu'i tshe lo yang drug khri thub bo// de bzhin du rim par chags shing rim pas stongs pa'o// zhes bka' stsal to// de nas yang mkha' 'gro ma rnams skad cig tu yid 'khrugs nas brgyal bar gyur to// de nas yang mkha' 'gro ma rnams brgya la sangs nas 'di skad ces gsol to// kye ma kye hud shes pa brlags par gyur to// kye ma kye hud bskal pa las thar pa'i thabs med do// kye hud de las thar pa'i thabs bstan du gsol/ zhes brjod cing gdong nas mchi ma 'don zhing 'o dod chen po 'bod cing bcom ldan 'das la bskor ba byed cing de skad brjod pas/ ston pas bka' stsal pa/ kye nyon cig de rnams kyi dbang du mi 'gro ba'i rig pa ni/ rgyud chen po 'di yis grol bar 'gyur ro// zhes bka' stsal pas// mkha' 'gro ma rnams kyis 'di skad
- 226a
ces gsol to// aHhUM bdag cag sdug bsngal chen pos gzir ba la// thugs rje'i lcags kyus 'dzin pa ngo mtshar che// bdag cag 'dod pa'i tshad pas gdung ba la// thugs rje'i rlan gyi chu rgun 'bebs pa sku drin che// bdag cag 'khor ba'i gcong rong dog mor lhung ba las// thugs rje'i zhags pas 'gro ba 'dren mdzad pa// thabs ldan ye shes sku la phyag 'tshal bstod// bdag cag ma rig mun pa'i 'dam du 'khyams pa la// rnam dag sgron ma 'degs la phyag 'tshal bstod// bskal pa dpag tu med par lam stor ba'i// sa mkhan rdo rje'i sku la phyag 'tshal bstod// dang po'i nor bu ma rnyed rtag tu stor// gzhal yas ston mdzad khyed la phyag 'tshal bstod// 'khor ba'i chu bo bsgral bar ma gyur pa'i// pha rol sgrol mdzad gru la phyag 'tshal bstod// rdo rje sems dpar sprul zhing 'gro don byed// ye shes mnyam nyid sku la phyag 'tshal bstod// 'khor ba'i rgya mtsho dpag tu med pa nas// thugs rje'i 'dren mdzad de la phyag 'tshal bstod// sku mchog 'bar ba'i ye shes rnam par dag/ sangs rgyas thugs rje can la phyag 'tshal bstod// ces mkha' 'gro ma rnams kyis bstod nas/ dga' ba'i sems skyes so// de nas yang 'di skad ces brjod do// a ho klong gcig tu 'khyil lo// snang ba rnam par dag go/ e ma ho/ rang
- 226b
gis rig pa mthong ngo // de nyid stobs su gyur to// ces brjod nas mi snang ba'i ngang du gshegs so// zhes rig pa rang shar chen po'i rgyud las/ dus bstan pa'i le'u ste zhe gnyis pa'o// / rdzam gyi tham #/ de nas yang mkha' 'gro ma ldang mo'i tshogs rnams kyis 'di skad ces gsol to// ston pa chen po khyed kyis sangs rgyas kyi dgongs pa tshad bzung bar nus sam/ zhes zhus pas/ ston pas bka' stsal pa/ kye 'byung ba'i bdag mo rnams nyon cig sangs rgyas kyi dgongs pa la tshad med do// thun med do// mtshams med do// zhes bka' stsal pas/ mkha' 'gro ma rnams ngo mtshar skyes nas 'di/ skad ces gsol to// kye ston pa chen po sangs rgyas kyi dgongs pa tshad med pa'i lung bstan du gsol// zhes zhus so// de nas yang ston pas bka' stsal pa/ kye 'byung ba'i bdag mo rnams nyon cig/ ngas chos thams cad sgra dang brda' la bsdus te bstan gyis legs par nyon cig/ a/ skye ba med pa/ g+ha ta/ 'gags pa med pa/ saM/ dag pa/ b+hud ta ya/ mi 'gyur ba sangs rgyas kyi sgra/ a d+hu/ lam skye ba med pa 'char ba'i thugs rje/ dpag bsam gyi shing la skyes pa brgyad khris sta re rnon po thogs nas bcad pas/ sus kyang mi chod pa bstan pa'i man ngag/ sangs rgyas kun gyi ye shes ni// gcig dang du ma'i phyogs dag
- 227a
dang // tha snyad brtsams pa'i chos dang bral// rtog med 'dzin pa med pa'i chos// gzung ba'i yul med 'dzin pa'i sems las grol// sangs rgyas dgongs pa rgyas pa chen po'o// shes pa gcig tu bsdus pa ga la yod// spros med bsdus med ngang la rig par byar med gsal// rang byung rang grol dang du dbyer med mnyam// skye 'gags med pa'i me long 'od po che// kun gyi snying po yin par sangs rgyas kun gyis gsungs// d+ha tu/ go bar dka' ba d+hA tu/ kA ya/ sgra dang ye shes kyi snang ba/ pra sa ra/ mi 'gyur ba/ du pa yA/ rang bzhin gyi snang ba/ a/ spros pa'i sems ye shes su 'dus pas ye shes rang la snang ba/ brag phug stong pa gcig gi nang na mar me gcig la mi gnyis rtsod pa'i man ngag bstan pa/ 'dzin pa med pa'i rang gsal ni// bcos pa med pa'i ngang du zhog/ sangs rgyas kun gyi ye shes ni// rang nyid tsit+ta'i dkyil du zhog/ rtog pa med pa'i rang snang ni// nam mkha' stong pa'i dkyil du zhog/ rang rig bcos pa med pa ni// sgron ma rnam gnyis yul la zhog/ sangs rgyas rnams kyi mes po ni// rang byung shes rig yul la zhog/ gsang sngags kun gyi lha phugs ni// sgron ma'i yul la ma yengs ltos/ hUM/ ye shes dbyings sdud pa/ a/ skye ba med pa'i ye shes/ pra na/ chos can gyi snang ba/ ti/ mi 'gyur ba rdo rje'i swa/ sarba/ chos thams cad las 'das pa'i ye shes/ a/ stong pa skye ba med par rtogs pa/ b+ha/
- 227b
ye shes yul la snang ba bstan pa/ d+hA/ dus med par snang ba/ kherga/ dag pa'i don du/ a shi skye med du 'das/ ha/ dag pa'i ye shes dri ma med pa/ rin po che'i mig gnyis nam mkha' stong pa'i dkyil du/ g.yu'i khu byug la zhon nas yul drug 'joms pa'i man ngag bstan pa// e ma ho sangs rgyas dgongs pa ni// btsal ba med par rang las rnyed// pho brang rnam dag dkyil 'khor ni// 'gyur ba med par rang la btab// rtog pa med pa'i chos nyid ni// 'gyur ba med par rang sar grol// rnam dag 'od gsal chen po'i dbyings// phyin pa med par yul dang 'phrad// byas pa med par dkyil 'khor ni// 'dzin pa med par rang lus rnyed// yang dag yul med spyod pa ni// bcos pa med pa'i klong du grol/ rgyun chad med pa'i dgongs pa ni// rang byung sgron ma'i ngang du shes/ sangs rgyas ye shes dngos med la// 'dzin pa'i bsam pa spang ba'o// ma dag ye shes 'bar pa las// nyes pa'i skyon gyis ma gos pa'o// sha/ shes rab 'gags med/ sba/ chos las 'das pa'i sgra/ ri/ rtag pa las 'das pa'i 'od/ a du/ sku stong pa dus gsum du 'gyur ba med pa/ ma/ mnyam pa'i don/ b+ha/ ye shes yul du shar// g+ha/ 'byung ba lnga/ lA/ blta ba'i don/ e d+hu/ bsgom du med pa'i ye shes/ a/ ye nas gnas pa'i don no// chu bo chen po hub kyis 'debs pa'i man ngag/ rgyun chad med pa'i dgongs pa ni// nam mkha'i ngang du shes par bya// stong pa chen po'i
- 228a
ye shes ni// rtog med dang du shes par bya// bsam dang bral ba'i rig pa ni// tsit+ta'i dkyil du shes par bya// rang byung rig pa'i dngos po ni// lu gu rgud du shes par bya// rang grol chen po'i lha stangs ni// seng ge lta bur shes par bya// rang grol rang sangs chen po ni/ bsam pa'i dngos po med pa ste// brjod pa'i tshig dang bral ba'i chos// a ti'i nang du shes par bya// rig pa'i klong du kun shes pa'o// dz+nyA na/ ye shes dag pa'i sgron ma phul gyi dbyings su 'dus/ pra/ sa yang 'jug go chos dang snang ba gnyis med/ k+Sha/ ka yang blang ke m+ba dang ye shes phul du med par cho 'phrul ston/ ya/ 'byung ba rang log tu ye shes dus dang mtha' med par snang ba'o// d+ha/ dngos po'i don dbyings la thim/ ma/ gzhi la 'gyur ba med/ sang / lam la mthar thug med/ ka sU ye nas gnas pa'i don/ ri/ snang ba sgra'i cho 'phrul/ ya/ yang dag pa'i lam/ ha/ dag pa'i ye shes/ a/ ske med du snang ba/ b+hung / dus gsum du snang ba/ d+ha a/ ye thog ma nas skye ba med/ rin po che shel gyi mchod rten la gser gyi skas btsugs nas 'dzegs pa'i man ngag sangs rgyas kun gyi lam chen ni// bar do rnam pa gsum du gsungs// de yang rig pa'i ye shes sku// ma bskyed pa yi tshom bu lnga// rang las byung zhing rang las 'phro// rig pa rnam dag ye shes ni// ma 'gags pa yi me long bzhin// skye dang 'bri ba med par snang // sangs rgyas kun gyi spyan du gsungs// rig
- 228b
pa sna tshogs ye shes ni// rang byung sgo brgyad dkyil 'khor ldan// rig pa 'gyur med gnas pa ni// rang grol ye shes gcig pa'i sa/ sangs rgyas sems can gcig pa'i sa// sangs rgyas sems can snang ba kun// gcig shes nang du shes par bya// thams cad ngo bo shes gyur na// ye shes dag pa'i snang ba'o// bag chags med pa'i rig pa ni// rang nyid yul la brtag par bya/ de phyir rang lus rnyed pa'o// ma/ chos chen po gsang ba bla na med pa/ ha/ spong byed dang blang byar med/ lang / 'dzin pa las 'das ye shes med/ kaM/ thams cad stong pa'i ye shes su/ sarba/ bdag rtog gi blo med/ ya/ yang dag yul gyis stong pa/ d+hu/ ming gis stong pa/ ha ta/ rtag pa stong pa'i lta ba/ ya/ yang dag pa'i lta ba/ rgya mtsho chen po gcig gi nang du chu bo 'du ba'i man ngag ka dag rig pa'i klong dkyil du// phyi nang gsang ba'i chos rnams 'dus// skye med ye shes dkyil 'khor du// gsang sngags rgyal po rdo rje'i bdag/ rdo rje gsang ba'i ye shes ni// gsang sngags kun gyi rig pa dngos// yang dag sa la mi g.yo zhing // 'od gsal dang du gnyis med zim// gsang sngags rgyal po mi mnyam rdo rje'i sku// ye shes kun gyi gter du gsungs// yang dag lam dang brjod med ngang du 'jug/ skye med rdo rje sku ni 'jigs pa kun dang bral// rnam dag ye shes chen po'i sku// brjod med tshig dang bral bas rig pa ye shes sku// rnam dag
- 229a
lam las rdo rje'i sgra 'byung zhing // ye shes rnam dag brdal ba'i dkyil 'khor 'di// ma bskyed rdzogs pa'i tshul du 'gro ba yongs la khyab// rdo rje'i sku nyid ngang las yang dag 'byung / rig pa'i sku nyid nga yi ngang du yang dag thim// yang dag sku nyid rdo rje'i don du gsung // nga med nga las thams cad byung // nga med nga la thams cad rdzogs// nga yi ngang du thams cad 'du// sangs rgyas kun gyi mes po ni// yi rig par shes par bya// gsang sngags thams cad rig pa'i klong // skye med ngang du shes par bya// a/ skye ba med pa'i ye shes/ A/ skye med kyi rig pa/ a/ ske med kyi snang ba/ sarba/ thams cad nas thams cad du 'das pa re ba med pa/ ka yA/ chos kyi sgra yul dang 'od las 'das/ ma hA/ longs sgra 'dzin pa las 'das/ san+ti/ mi 'gyur ba'i chos nyid kyi gzhi/ da ra ya dar pa yang / stong pa'i chos nyid yul bzang / ga ta/ b+ha ta yang / bka' rtags kyi phyag rgya dus las mi 'da'/ zhu ba ya/ 'dzin pa med pa'i snang ba yul med pa'i rig pa ye nas gnas pa'o// b+hU tu/ b+ha d+hA yang / 'das pa dang ma 'ongs pa med pa'i ye shes/ a/ skye ba med pa'i ye shes/ nam mkha' gcig gi ngang du[:]'ja' tshon lnga thim pa'i man ngag/ rang gi ye shes snang ba ni// nam mkha' stong pa'i ngang du thim// rig pa rtog med chen po ni// yang dag brjod med ngang du thim/ 'dzin med rang dag ngo bo ni// rtog med chen po'i ngang du thim// 'gyur med rang sangs chen po
- 229b
ni// mkha' khyab stong ba'i ngang du thim// 'byung ba med pa'i chos nyid ni// 'ong ba med pa'i ngang du thim// rgyu med sangs rgyas rang byung ni// rkyen med rnam dag ngang du thim// phyogs dang ris su 'dzin pa yang // phyogs lhung med pa'i ngang du thim// rang gsal rnam dag chen po ni// ye shes 'gyur med ngang du thim// dus gsum sangs rgyas dgongs pa ni/ sgron ma nyid kyi ngang du thim// zag med ngang la rab gnas pa// skad cig ye shes klong du 'dus// rdo rje'i lam la rab gnas pa// brjod med lam la de bzhin gshegs// sku lnga'i lam la rab gnas pa// mi bskyod mkha' la de bzhin gshegs// dus med ye shes rang snang ngo // zhes bka' stsal to// de nas mkha' 'gro ma rnams kyis 'di skad ces gsol to// kye bcom ldan thugs rje chen po dang ldan pa// don de lta bu gsungs pa ngo mtshar che lags so// zhes brjod nas yang bstod pa// aHhUM bcom ldan mgon po rdo rje ye shes sku// rnam dag rdo rje sku la phyag 'tshal bstod// ye shes lnga ldan rdo rje snying po'i sku// rdo rje 'od dpag med la phyag 'tshal bstod// gsang sngags bdag po rdo rje ye shes sku// rtog med chos kyi sku la phyag 'tshal bstod// ma rig dbyings su sgrol mdzad thams cad mkhyen// thugs rjes dbyings su sgrol la phyag 'tshal bstod// sangs rgyas sa dang lam la bgrod med
- 230a
ston// yang dag skye med don la phyag 'tshal bstod// rdo rje'i don ldan 'du 'bral med par ston// mdzes pa'i 'od ldan khyed la phyag 'tshal bstod// ye shes dag pa'i sku la dri med rnam par dag/ stobs kyis pha rol sgrol la phyag 'tshal bstod// ye shes dri med 'od lnga'i dkyil 'khor na// sku lnga ma 'dres rdzogs la phyag 'tshal bstod// ces bstod do// de nas mkha' 'gro ma'i rigs rnams kyi 'di skad ces brjod do// e ma ho// klong rnam par dag go/ skye gnas thams cad rnam par dag go AHhUM don gcig tu bsdus so// ye shes ye shes kyi klong du thim mo// a la la ho// rig pa rig pa'i mkha' la skyod do// don rang gis de nyid du 'dus so// a ho// rtags mngon du snang ngo // rtogs so// shes so// go'o// zhes brjod de mi snang ba'i ngang du gshegs so// zhes rig pa rang shar chen po'i rgyud las/ brda' lnga bstan pa'i le'u ste zhe gsum pa rdzogs so// dpal sngags kyi srung mas dam tshig nyams pa'i snying thon cig/ rgya rgya rgya// / t+ya ru rba ka maHde nas yang gsang ba'i bdag pos 'di skad ces gsol to// kye kye bcom ldan rdo rje 'chang // brda' yi rnam pa de ltar na// don gyi ye shes gsung du gsol// zhes zhus so// bcom ldan 'das kyis bka' stsal pa/ kye ma gsang bdag rdo rje 'dzin// ma
- 230b
yengs tshul gyis gus par nyon// rang snang chos nyid nam mkha' la// ma bskyod pa ni rtogs pa'i mchog/ dus gsum 'gyur ba med pa'i klong yangs nas// bsgom du med pa'i don byung ba// yang dag nges pa'i lung 'byung chen po 'di// gang las ma byung rig pa nyid las shar// bsgom du med pa'i don ni gang yang ma spangs te// 'dzin chags med na bla med rnyed pa yin// mchod pa med na lha rnams 'grub pa yin// bzlas su med na snying po rdzogs pa yin// bsgrub tu med na dngos grub rnyed pa yin// bsam pa med na chos sku chen po yin// 'byung ba lnga dang sangs rgyas lnga// dbyer med gcig gi ngo bor rtogs// rig pa gsal 'grib med pa dang // ma rig sna tshogs snang ba gnyis// dbyer med gcig gi ngo bor rtogs// skye dang 'chi ba med pa rig pa chos kyi sku// rtog med ngang du gnyis med tshul gyis rtogs// yongs su kun la khyab pas snang mtha' yas// snang srid kun la khyab pas kun gzhi klong yangs na// rig pa rang la khyab pas ye shes rol par snang // mtha' la thug pa med par ye shes rang la yod pa'o// de nas yang zhus pa/ kye kye thugs rje chen po dang ldan pas// bdag cag rnams la thabs dam pa bstan du gsol// zhes zhus so// de nas yang bka' stsal pa/ kye nyon cig/ ngas bstan gyis legs par zung zhig/ de bzhin
- 231a
gshegs pa thams cad kyi dgongs pa ye nas skye ba med pa'i ngangal gsal ba yin no// rgyu rang byung ye shes la ye nas rang byung gi ye shes bgrod cing sbyang mi dgos pa'i sangs rgyas yin pas na// 'bras bu sku lnga ye nas rgyu'i sgo khegs par rang byang chub pa yin no// dus dang gnas dang ye shes bkod pa'i gnas so// sangs rgyas kyi yul ni mdangs dag pa'o// de bzhin kun la shes par gyis shig/ ces rig pa rang shar chen po'i rgyud las/ don bstan pa'i le'u ste zhe bzhi pa'o// // thaM tha tha b+ha brabaHde nas yang gsang ba'i bdag pos 'di skad ces gsol to// kye thugs rje chen po dang ldan pa/ gsang sngags kyi sgra don gsung du gsol/ zhes zhus so// de nas yang bka' stsal pa/ kye rdo rje 'dzin pa nyon cig/ ngas chos thams cad kyi de bzhin nyid bstan gyis legs par nyon cig/ de yang chos kyi sku'i sgra ni// d+harmA ka yA/ chos sgra'i spang ba ma 'gags pal/ g+ha tsa ka ya/ longs su'i la shes/ g+ha ba dza ka ya/ dz+wal gA'i grags rje/ byi ta ha/ stong bzed kyi bca ba// dz+nyA na/ me shes dang ye shes dngo sa/ badz+ra/ rdo rje'i \u0f7f/ ma nu/ thams can gyi rtags pa/ te tsit+ta/ sems stong pa/ ar+ya tha/ rig pa stong pa/ b+hud+d+ha/ sangs rgyas kyi ye shes/ bo d+hi satwa/ byang chub sems dpa'/ ta tha ga ta/ de bzhin gshegs pa'i sngags/ d+hA tu/ dbyings kyi/ ad ma/ gzhi mi 'gyur ba/ saM g+ha ra/ lam du snang ba/ e b+ha sa/
- 231b
ma rig pa zad pa/ su pa ri// 'od snang ba dag pa/ ma hA lA/ de bzhin gyi dkyil 'khor/ d+he ba/ wa'i wa/ mu dra/ drug cu'i rgyas btab/ ma hA/ stong pa chen po/ pa tra/ chos chen po/ b+ha hu tra/ gzhan la rag ma lus pa/ khe na tri/ chos rung ba/ e ka rdzogs pa gcig pa/ a ka ma ni/ nam mkha' rnam par dag pa/ shri tri/ br-i yang shes rab stong pa/ bi pri tri/ pai tri yang thabs kyi/ pradz+nyA/ shes rab nyid stong / sarba/ thams cad/ ni sing ka ra/ yang dag pa'i blta ba/ no pi ka stong pa nyid kyi sgrub thabs/ ma lA/ chos mnyam pa/ e b+ha sA/ ma 'ongs pa'i blta ba/ sa b+he sa/ da lta'i blta ba/ d+hi pa a/ rtags mngon par snang ba/ a te/ go ba'i yul/ ku ta/ mgo ba'i shes pa/ sin d+hu/ gsal ba'i snang ba/ pra sa ra/ rgyas pa'i sgra/ ru pa yA/ du pa yA yang / 'dus pa'i snying po/ san d+hi d+hi ra pa/ san ti d+ha ra ba yang / rdzogs pa chen po'i blta ba/ g+ha ta pad+ma g+ha ta a yang / snang ba'i yul/ aM ka ra/ bskyed pa la rdzogs/ b+ha ga bA na/ stong pa nyid kyi bcom ldan 'das/ pradz+nyA shrI/ shes rab dag pa'i dpal/ 'bu sug gu/ 'bru su ku yang / yum ma shes pa/ g+hA ya/ gsang ba'i rigs/ man ta/ gsang sngags kyi 'bras bu/ sa ma ya/ dam tshig gsang ba/ sa ma d+hi/ ting nge 'dzin rnam par dag pa/ sa man ta/ dgongs pa rtse gcig pa/ Ar+ya/ 'khor ba las 'phags/ e ka sa dang po rab tu dga' ba/ d+hu ye/ gnyis pa dri ma med pa/ pa tri/ gsum pa 'od 'phro ba/ dza ri/ bzhi pa 'od byed pa/ pan+d+ha/ lnga pa sbyang dka' ba/ tsha d+hu/ drug pa mngon du gyur pa/ tse na/ bdun pa ring du song ba/ tsha d+ha/ brgyad pa mi g.yo ba/ g+ha ta/ dgu pa legs pa'i blo gros/ tshe
- 232a
ha/ bcu pa chos kyi sbyin/ de bzhin sgra yi rnam pa kun// ci ltar mthun pa'i don mtshon pa'o// de ni grangs kyi go dka' ba dag bstan pa'o// zhes rig pa rang shar chen po'i rgyud las/ grangs yig bstan pa'i le'u ste zhe lnga pa'o// / de nas yang mkha' 'gro ma'i rigs rnams kyis 'di skad ces smras so// yang dag par rdzogs pa'i sangs rgyas la bsgom du med do// sgom byed ni ma 'gags pa'o// bsgom rgyu ni mi dmigs pa'o// dgongs pa'i tshad ni nam mkha' la gzung ngo // zhes brjod do// de nas 'dod chags kyi gtso mo e ka tsa ti mas 'di skad ces brjod do// skad cig dang las chos rnams thams cad byung // e ma ho rin chen byang chub sems// kun la yod de kun gyis mthong ba med// rang byung bdud rtsi'i thigs pa 'di// btsal bya btsal byed med par rang las shar// sangs rgyas dgongs pa rang byung skye ba med// gnas dang 'gro 'ong med pa'i rang byung chen po yin// 'dzin chags med pa'i rang grol chen po 'di// sems med skye med dang du shes par bya// dus med snang ba'i rang byung chen po ni// nam mkha'i ngang las nyi zla'i cho 'phrul 'byung ba bzhin// skye med ngang las 'gag med cho 'phrul byung // de bzhin cho 'phrul chen po dka' ba med// gsang ba'i snying po'i don nyid ni// rang byung gsang ba'i
- 232b
dkyil 'khor du// yang dag don chen 'byung bar 'gyur// skye med don rtogs ngang du grol// de phyir rdo rje'i blta bar 'dod/ ces brjod nas mi snang ba'i ngang du gshegs so// de nas yang mkha' 'gro ma 'dod chags kyi gtso mo khro gdong mas 'di skad ces brjod do// e ma ho/ rang byung bde ba'i klong nas dkyil 'khor rnam lngar shar// shes rab bde chen klong nas sku lnga ma 'gags gsal// skye med rnam dag klong nas ye shes 'od lnga gsal// ma bskyed rdzogs pa'i klong nas rig pa'i sku la mdun rgyab med// ye shes rdzogs pa'i klong nas shes rab gtsug phud lngar snang zhing // skye dang 'gag med ngang du rtogs shing rab tu grol bar 'gyur// stong pa tshig med ngang las rnam dag brjod med ngang du rtogs shing thim// skye dang 'gag med gsang sngags kun gyi bcud ni rang gi thugs la 'chang // stong nyid ye shes klong nas lha yi cho 'phrul ma bskyed rdzogs// gnyis med klong nas kun gyi ngo bo 'gyur med chen por rtogs// gsang sngags bcud dang sangs rgyas dgongs pa'i tshad// rnam dag sgron ma skye med klong du yang dag sangs rgyas so// 'gyur med 'gag med cho 'phrul cir yang snang zhing spyod// 'dzin chags med pa'i chos nyid byang chub sems la nyon mongs ga la yod// rdo rje snying po sku la skye 'jig med cing yul la rnam par snang // skye 'gags med
- 233a
cing thig le nyag gcig rang byung dbyings la spyod// sa dang lam la bgrod cing sbrang du med pa'i sku la 'dzin pa'i bsam pa med// 'dzin pa med cing chags zhen med na sangs rgyas chos su 'dod// ces brjod nas mi snang ba'i ngang du gshegs so// de nas yang 'dod chags kyi gtso mo me long gdong gis 'di skad smras so// e ma ho sku gcig kun la khyab pa'i sku// mthong zhing rtogs par dka' zhing brjod pa'i tshig dang bral// khyab brdal 'ub chub kun gyi snying po yin// rang byung 'gag med dkyil 'khor chen po ni// rang rang tsit+ta'i dkyil na kha dog 'bar// dkar 'jam stong pa'i rtsa dag dang // thig le 'phro ba'i rtsa rnams dang // rnam par grol byed rtsa rnams dang // shal dkar rgyu ba'i rtsa dag nas// rnam shes rlung la zhon nas ni// b+hi gu ta ya sgo chen nas// lam byung stong pa'i ngang du thim// thim byed med par sa ler gsal// tshom bu lngar ldan ye shes gsal// dus med rang sar grol ba'o// skye med dbyings las ye shes byung // 'gag med ngang du gnyis med thim// rdzogs dang ma rdzogs tha snyad bral// 'gro dang 'ong med gnas su dag/ skye dang 'chi med dbyings su rdzogs// gnas pa med par rang grol rtogs// ye shes 'dzin med chos dang bral// yang dag sa la de bzhin gshegs// zhes brjod nas mi snang ba'i ngang du
- 233b
gshegs so// de nas yang 'jig rten phung byed 'dod chags kyi gtso mos 'di skad ces gsol to// e ma ho lta ba dang ni sgom pa dang // de bzhin spyod pa'i rnal 'byor dang // de rnams gsang sngags don du 'dod// de yang bstan pa 'di lta ste// rang byung bcos pa med na spyod pa chen po yin// gsal la 'dzin pa med na sgom pa chen po yin// rgya chad phyogs lhung med na lta ba chen po yin// de bzhin lta ba sgom pa yang // rang byung 'dzin med rnam dag ni// gcig dang du ma med par rtogs// rdo rje sems dpa'i rang snang ni// rang grol 'dzin med ngang du rtogs// rang byung rtags kyi sangs rgyas ni// rang nyid sangs rgyas dngos yin pas// ye shes dag pa'i chos sku la// rang nyid lha yi dkyil 'khor nyid// ye shes lam la dgag sgrub med// 'dzin pa'i yul la bdag 'dzin med// sangs rgyas chos la bdag rtogs med// yang dag lam la zhe 'dod med// yang dag sku la lha dang bral// nyid las mi gzhan 'khor nyid kyang // rang las byung zhing rang la thim// sangs rgyas kun gyi mdzad pa ni// ye shes dpal rol par mdzad pa'i sku// rnam dag stong pa'i ye shes mkha' la gsal// rang byung 'dzin pa med pa'i chos// ye shes 'dzin pa dngos dang bral// lam shes nyid la ltos pa min// de bzhin gshegs pa nyid du shes pa'o// zhes brjod
- 234a
nas mi snang ba'i ngang du gshegs so// de nas yang 'dod chags kyi gtso mo rma bya'i mgrin gyis 'di skad ces gsol to// sangs rgyas kun gyi dgongs pa ni/ rang gi ngang du yang dag gnas// de yi gong na gzhan med ye shes dngos// rang byung sangs rgyas chen po yin// skye med rdo rje'i bdag nyid ni// lha yi dkyil 'khor chen por rtogs// rnam par dag pa'i sku mchog ni// pho brang 'gyur med ngang du rtogs// skye 'jig med pa'i bde chen ni// sangs rgyas kun gyi bde chen yin// 'du 'bral med pa'i ka dag ni// rang rang thugs kyi dkyil na rdzogs// rtogs dang ma rtogs gnyis su med// 'dzin dang gol ba'i chos rnams med// dge dang sdig pa ga la yod// gsang ba yongs rdzogs dkyil du 'dus// dper na bang mdzod rgyas pa bzhin// dgos 'dod re ba spyod pa ltar// rig pa gsang ba'i bang mdzod ni// ci ltar snang ba klong du thim// thim pa dmigs pa med pa'i chos// 'gag med klong du de bzhin gshegs// yang dag rdo rje'i sku la rdzogs// gsal 'grib med pa'i rang snang ni// skyon med yul la mngon par snang // mdzad pa med pa'i phrin las cir yang mdzad// rtogs pa'i lta ba rnam par dag pa'o// zhes brjod nas/ mi snang ba'i ngang du gshegs so// de nas yang 'dod chags kyi gtso mo thod pa'i phreng ba can gyis
- 234b
'di skad ces gsol to// phyi dang nang med gsal ba'i bde chen che// kun gyi gzhi mar gyur pa theg pa che// brjod pas thog tu mi pheb stobs po che// 'gyur med rnam par dag pa'i ting nge 'dzin// sna tshogs cir snang snang bas cho 'phrul che// yang dag sa la bgrod pas mchongs pa che// srid pa rgya thegs byas pas stobs po che// ma bskyod mkha' la gshegs pa'i gom po che// rnam dag gcig tu sdud pas yangs pa che// phyi rgya rlabs kyi ched pas shes rab che// ma 'gags gcig tu bsdus pas ye shes che// gsal ba rang snang yin pas rig pa che// kun gyi gong mar gyur bas gtso bo che// stong pa'i tshig dang bral bas gsal ba che// byar med rnam par dag pas rdzogs pa che// 'dzin med rang sar grol bas stong pa che// thams cad zil gyis gnon pas brjid pa che// yul med rnam par dag pas bkod pa che// yang dag dbyings la bskyod pas 'dzin pa che// dge dang sdig pa med pa'i kham po che// rtag chad mu la mi gnas rtogs pa che// 'dzin rtog lam la mi gnas bsam gtan che// stong pa gsal bas brgyan pa'i kha dog che// yang dag che ba rnams dang ldan pa 'di// che ba'i gong na gzhan med rang nyid che ba'i lha// gsang sngags rnams kyi dgongs pa de bzhin no// zhes brjod nas mi snang ba'i ngang du gshegs so// de nas yang 'dod chags kyi gtso
- 235a
mo khams gsum drod nyul mas 'di skad ces brjod do// e ma ho// gsang ba'i rin chen bang mdzod nas// rnam dag nor bu rin chen 'bar// 'dzin rtog g.yeng bas ma brlags sam// rang byung rtog med sangs rgyas la// chags pa'i rang bdud ma zhugs sam// btang snyoms chen po'i ting 'dzin la// mtshan ma'i chos kyis ma gos sam// rtog med ye shes rang grol la// 'khor ba'i nyes pas ma gos sam// rang snang dag pa'i rig pa la// gzhan byung chos kyi ma bsgribs sam// rang byung gsal ba'i mar me la// rnam rtog rlung gis ma bskyod dam// rig pa sems dang bral ba la// rnam rtog sems kyis ma bslad dam// de ni gsang sngags tshad ma ste// rtog med dang du shes par bya/ gsal yangs 'dzin pa med pa la// rang sar grol ba'i chos nyid rtogs// sangs rgyas kun gyi ye shes ni// nga nyid yin pas shes par bya// bdag dang gzhan du med pa la// bdag gzhan blo ni 'khrul pa'i sems// mnyam pa nyid kyi ye shes ni// gang la chags pa'i sems med pas// 'das dang ma byon da ltar gyi// dgongs pa dam pa'i tshad ma yin// gcig med gnyis snang sems las grol// zhes brjod nas/ mi snang ba'i ngang du gshegs so// de nas yang 'dod chags kyi gtso mo nam mkha'i skus 'di skad ces gsol to// e ma ho// kun
- 235b
gyis rtogs par dka' ba'i rig pa 'di// phra zhing shes par dka' bas kun gyis mthong ba med// 'dzin med kun la snyoms pas rang byung bde ba'i klong // 'gag med rnam dag klong du de bzhin rnam par rol// klong las yang dag lha mo'i skur snang ba// rnam rtog bag chags lus la lha mo'i cho 'phrul 'byung // zhen med stong pa'i ngang la rig pa'i nyi shar bas// nub pa med pa'i gter chen dkyil 'khor nas// 'gyur ba med pa'i sku lnga shar gyis byung // rtog pa med pa'i ngang du gnyis med thim// yang dag sa la ma bkod phung po lnga// snang ba'i cho 'phrul cir snang ston par mdzad// rig dang ma rig gnyis kyang 'dzin pa'i rtog pa yin// gsang sngags 'chang ba'i dkyil 'khor rol pa'i ye shes sku// sa lam med pas sa chen 'das pa stong // yul med rnam par dag pa'i rig pa mkha' la gsal// ngas ni byas pa ma yin byung ba'i chos nyid do// chos la ngos bzung yod na 'dzin pa'i zhe 'dod yin// gsang ba dang ni gab pa dngos ma yin// yang dag dkyil 'khor rang byung rdzogs pa'i sku// sa dang lam gyi tha snyad bral ba'i chos nyid do// rang rig rang dag rang sang grol bar 'dod// dmigs pa med pa'i ting 'dzin btang bzhag bral// grub pa med pa'i yang dag pho brang nyid// rang gi thugs la gsang sngags rgyal po spyod// ces brjod nas
- 236a
mi snang ba'i ngang du gshegs so// zhes rig pa rang shar chen po'i rgyud las/ mkha' 'gro mas rang skad smras pa'i le'u ste zhe drug pa'o// / tramrang+ganyaldag/ de nas yang mkha' 'gro ma'i tshogs rnams kyis 'di skad ces gsol to// kye ma bcom ldan ye shes sku// thog ma med pa'i dus kyi tshe// ston pa byon pa gang du byon// sku yi 'khrungs rten gang la bgyis// 'dul pa'i bstan pa gang gang btsugs// nye ba'i 'khor ni gang gang lags// rgyud kyi rgyal po gang gang gsung // sprul pa ci ltar mdzad de byon// mos pa'i 'khor la bstan du gsol// zhes zhus so// de nas yang bka' stsal pa/ kye kye ye shes rje mo nyon// ngas bstan legs par yid la zung // nga ni rdo rje sra mkhregs ldan// thog ma med pa'i dus kyi tshe// nga yi nor bu rin chen stor// nor bu stor ba'i rang bzhin gyis// mun snang gnyis kyi mtshams nas 'ong // rkyen bzhi'i dmigs pa ma dag pas// dga' ldan brtsegs pa'i yul du 'ongs// de yi rten ni pad+ma dag pa yin// gsang sngags rgyud chen bstan pa btsugs// nye ba'i 'khor ni mi 'khrugs pa'o// rgyud kyi rgyal po thal 'gyur bshad// lo brgyad mdzes pa'i tshul du sprul// ngas ni 'dul ba'i bstan pa btsugs// de nas yang mkha' 'gro ma rnams kyis 'di skad ces gsol to// ston pa'i byon
- 236b
lugs de ltar na// ston pa'i pha ma gang gis bgyis/ rus ni ci skad bya bar grags// ston pa'i mtshan ni ci skad btags// ston pa'i yul ni gang ltar lags// zhes zhus so// yang ston pas bka' stsal pa/ pha ni rang byung chen po yin// ma ni mkha' mnyam rig pa'i klong // yul ni ma bkod mdangs ldan yin// rus ni rdo rje 'gyur med rus// snang stong yang dag nga yi mtshan// yul ni 'od gsal lnga po yin// man ngag rang byung ye shes yin// 'das pa nga yi ye shes yin// ma 'ongs nga yi yul lung bstan// da lta nga yi rig pa yin// de nas mkha' 'gro ma rnams kyis 'di skad ces gsol to// kye kye ston pa ye shes sku// de sa gnas ni gang du byon// yul ni ci skad bya ba yin// gsang sngags gang dang gang dag gsungs// 'khor ni gang dang gang gi 'khor// sku yi gsol zas ci yis bgyis// de nas yang bka' stsal pa/ de nas gnas ni lha yul dga' ldan te// sum cu rtsa gsum khang bzang der// sbyin pa dang ni tshul khrims dang // bzod pa dang ni brtson 'grus dang // de bzhin bsam gtan shes rab dang // 'khor lo rnam pa drug ldan no/ 'khor ni rnam pa bdun gyis bskor// 'bras bu rnam gsum 'tsho ba'i zas// sangs rgyas rdo rje'i sku nyid do// de nas yang ston pas 'khor rnams la 'di skad ces bka' stsal pa/ kye 'dus pa chen po'i tshogs
- 237a
nyon cig/ dus med par ye shes kyi snang ba rang shar ro// gnas med par gsang sngags kyi rig pa rang grol lo// stobs med pas snang srid kyi chos thams cad la bzla'o// de nas yang mkha' 'gro ma rnams kyis 'di skad ces gsol to// kye kye bcom ldan rdo rje 'chang // nor bu rin chen bdud rtsi la// rnam rtog 'dzin pas ma brlags sam// zhes zhus so// yang bka' stsal pa/ e ma ho// nor bu rin chen bdud rtsi 'di// thog ma med pa'i dus kyi tshe// nga yi nor bu rin chen stor// de yis sdug bsngal log par 'khyams// nor bu rin chen bdud rtsi de// btsal bas rnyed pa'i gnas med do// rang las rang byung rig par rtogs// nor bu rin chen bdud rtsi de// stor ba ma tshor rnyed pa tshor// stor bas dngos po mtshan ma med// rnyed pas dga' ba'i mdangs dang ldan// rnyed pa'i dus dang stor ba'i dus// khyab med gcig/ gi ngang du rtogs// nor bu rin chen bdud rtsi la// byas shing bsgoms pas rnyed mi 'gyur// sgron ma dbyings kyi snang ba la// ma yengs gsal la 'dzin pa med par brtags// de ltar don las ma yengs nas// rin chen bdud rtsi'i sgron ma rnyed pa yin// nor bu rin chen bdud rtsi 'di// gtang bzhag med na rnyed pa'i mchog/ 'dzin pa med na rang sar grol// nor bu rnam par bkod pa'i don// rang las byung zhing
- 237b
rang la thim// de la rtsol ba ma zhugs na// rdo rje rin chen zhes byar grags// spang bya spong byed rnam gnyis med// spang 'dzin byed na bdud rtsi med// gsal 'dzin med na bdud rtsi rnyed// rang byung bdud rtsi'i sman chen 'di// 'dzin med rnam dag ngang du yang dag grol// nor bu rin chen gsang ba 'di// gang gi phyogs su ma lhung ba// sangs rgyas bdud rtsi dam pa yin// dmigs pa med par rang nyid mthong // mthong ba nyid na dgag bsgrub med// mthong dang shes dang rtogs pa gsum// khyad med gcig gi rang bzhin yin// rtogs dang klong du gyur pa dang // goms pa mthar phyin grol ba gsum// sangs rgyas 'bras bu chen por bshad// e ma ho// rdo rje sems dpa' bdag nyid kyang // mi 'gyur klong du sangs rgyas rnyed// yang dag sa la mngon sangs rgyas// mnyam nyid dbyings su rig pa 'khyil// rtog med ngang nas sgron me gsal// zag med lam la rab gnas pas// 'gyur med klong du gnyis med thim// byas med ngang nas byung ba rnyed pa yin// byas pa rang sangs dang du shes pa rnyed pa yin// gsal ba 'dzin pa med par nor bu rnyed pa yin// ngan song spang du med par nor bu rnyed pa yin// bde chen sangs rgyas 'gag med gsal// yang dag lam rnyed rdo rje'i sku// skye med rdo rje'i snying po'i sku// dus dang thabs med rang sar
- 238a
grol// gsang ba'i bdag tu skye med thim// yang dag nyid kyi sku nyid kyang // rdo rje sku yi ngang du de bzhin gshegs// mkha' mnyam dkyil 'khor chen po ni// yang dag lam la rab gnas pa// gsang ba'i rdo rje ye shes sku// dkyil 'khor thams cad rang nyid do// rdo rje theg pa'i lam chen 'di// rang gi bde chen nyid du grol// gsang sngags kun gyi blta ba ni// rdo rje sems dpa'i thugs la rdzogs// 'jig rten 'das pa'i rin po che/ zhes rig pa rang shar chen po'i rgyud las/ ston pa byon tshul gyi le'u ste zhe bdun pa'o// // b+hUHSh+parbaH/ waH// de nas yang gsang ba'i bdag pos 'di skad ces gsol to// kye kye ston pa kun tu bzang po lags// ston pa byon pa de ltar na// skye med ngang du ci ltar grol// rnam dag mkha' la gang ltar gshegs// thig le'i bye brag ci ltar lags// zhes zhus so// de nas yang bka' stsal pa// kye kye gsang ba'i bdag po nyon// ngas bstan legs par yid la zung // skye med rig pa sangs rgyas ni// mtshan ma'i tshig med ngang du grol// sangs rgyas mdzad pa'i phrin las ni// bya dang byed pa med par grol// sangs rgyas sku nyid rnam dag ste// 'gyur med ye shes snying po nyid// nga nyid klong yangs ngang du zhog/ sangs rgyas rtog med thugs ldan pas// bsam dang bral ba'i ye shes thugs// yang dag
- 238b
sems med rang du grol// sangs rgyas rdo rje 'gag med gsungs// mtshan ma'i rol pa sna tshogs ston// ngo bo nyid ni don las grol// sangs rgyas yon tan bsam mi khyab// 'jig rten khams ni rab 'byams su// sku yi sprul pa bsam mi khyab// rdo rje ye shes chen po ston// ka dag ye shes ngang du grol// 'gyur med sangs rgyas dgongs pa yang // skye med gsal 'grib 'dzin rtog med// ye shes mkha' khyab rnam par stong // rdo rje sems dpa'i sku nyid rdzogs// sangs rgyas dpe dang ye shes kyang // sgron ma rnam dag ngang du grol// e ma ho// rnam dag mkha' la ye shes gshegs// bzung bas mi zin rlung dang mtshungs// nam mkha' rnam par dag pa la// rnam dag dbyings kyi sgron ma gshegs// gzhan dbang ma yin byung ba min// ye shes mkha' mnyam klong dkyil du// rdo rje'i sku nyid ma bskyod gshegs// zil gnon seng ge'i stobs dang mtshungs// ye shes stong pa'i rang gdangs la// thig le'i cho 'phrul ma bskyod gshegs// kun 'phro nyi ma'i 'od zer bzhin// lta ba rang bzhin nam mkha' la// rig pa'i sku nyid ma bskyod gshegs// khyung chen nam mkha' ldings dang mtshungs// nam mkha' stong pa'i dkyil dag tu// spyan nyid mi 'gyur mkha' la gshegs// glang chen mi 'gyur lta stangs mtshungs// chags med sa la gnas pa na// rdo rje rgyal pos
- 239a
grol bar gsungs// mdo dang rgyas pa nyid du gsungs// e ma sangs rgyas thig le ni// sems can kun gyi tsit+ta na// rnam dag sku yi thig le gnas// sems can kun gyi b+hU ti na/ stong nyid rtags kyi thig le gnas// sems can kun gyi shel dkar na// stong gsal 'bar ba'i thig le gnas// sems can kun gyi dar dkar na// lam gyi thig le bzang po gnas// sems can kun gyi stong lam na// 'od gsal gnyis med thig le gnas// sems can kun gyi sgal tshigs na// 'du 'bral med pa'i thig le gnas// sems can kun gyi dung khang na// ye shes gdangs kyi thig le gnas// sems can kun gyi mig na yang // rnam dag 'od kyi thig le gnas// sems can kun gyi yul nyid na// sna tshogs 'char ba'i thig le gnas// de bzhin sems can thams cad la// dbyer med tshul gyis gnas pa yin// rdo rje sems dpa'i sku nyid kyang // ye shes dag pa'i mkha' la gshegs// sangs rgyas rnams kyi ye shes ni// sems can rnams la phyed yod do// stong pa'i ngang las ye shes cho 'phrul byung // rdo rje'i ngang las rdo rje'i cho 'phrul 'byung // rdo rje'i lam la sangs rgyas nyid gshegs pa// yang dag mkha' la rig pa nyid gshegs pa// gnyis med ngang du khyab med mnyam// skye dang 'chi med rdo rje'i bdag/ yang dag sku la skye dang 'chi ba
- 239b
med// sems dang bag chags sangs rgyas dngos ma yin// rig pa'i ye shes sems dang bag chags bral// sangs rgyas mdzad pa rnam 'phrul cir yang ston// rtogs dang ma rtogs tshig gi dpyod pa yin// 'dzin pa med na sangs rgyas gsang ba yin// chags pa med na rdo rje'i don nyid thob// zhen pa med na rig pa'i rang lus rnyed// tshig dang bral na ye shes dbyings su skyol// bsam pa brlags na sgron ma nyams su lon// de ltar rtog dang blta ba dang // mi rtog bsgoms na sangs rgyas rnyed mi 'gyur// yengs pa med pa'i bsgom pa chen po 'di// gsal dang 'dzin pa'i ngang du ma lhung ba'o// yang dag tshig dang bral ba'i bsgom pa chen po 'di// gang la bltas kyang chu bo'i gzhung dang mtshungs// sangs rgyas dgongs pa kun gyis go ba med// rdo rje'i sku nyid kun gyis mthong ba med// rig pa sku nyid 'du 'bral med par spyod// sems dpa'i don nyid sku phyed yod par grags// mi zad gter la rin chen longs spyod pa'o// rdo rje'i lam la nor bu'i phung po bkod// sangs rgyas kun gyi de bzhin nyid du gsungs/ zhes rig pa rang shar chen po'i rgyud las/ thig le phyes te bstan pa'i le'u ste zhe brgyad pa'o// // de nas yang gsang ba'i bdag pos 'di skad ces gsol to// kye kye bcom ldan rdo rje 'chang // thig le'i
- 240a
rnam grangs de ltar na// rgyud kyi sgra chen gsung du gsol// zhes zhus nas 'di skad ces brjod do// badz+ra/ e nas gnas pa'i don/ ma na// tshag med kyis/ e/ ma dang yon 'das pa'i ngan mtshan pa/ b+ha sa/ dngas pazla rig pa stong pa'i yul la mi gnas pa'o// d+ha/ dag pa/ du/ 'dus pa/ yang / stong pa'i sgron ma/ ka chos kyi s+tha/ ya/ longs su/ sad/ sbrul s+tha/ te/ 'du 'bral med/ ces brjod pas ston pas 'di skad bsgrags so// dpe gsum la 'dra min 'dug pa 'di bzhin bris/ b+ha na yang / d+ha/ ye shes sems kyi dbang du mi 'gyur ste don gong ma bzhin/ ti/ te yang / shes rab stong pa'i sgron ma ye shes bcos su med/ sha/ rnam pa stong pa'o// ma lA/ mang yang / 'das pa'i stong pa'i ngo bo ka dag gi gzhi/ ha/ d+ha yang / dag pa lam gyi gnas stong pa shes rab kyi yul la gnas pa/ yang / mi yang / ma bslad pa'i chos nyid ma bcos pa/ ka li/ mtshan ma'i ye shes ngos bzang gis mtha' dang bral/ sarba/ gzhi 'byung ba lnga'i ye shes kun gyi snying po dus gsum du rtag pa'o// ya du/ thugs rje'i ngang gis 'od gsal ba'i 'od kyi lus stong pa'i shes rab bo// ta/ stong pa snying po'i lus/ a ha/ e ha yang / mtha' las 'das pa dngos po med pa stong pa'i ngo bo/ saM/ mtha' la mi gnas pa'i rdo rje'i sgra yod pa'i lam la ye nas gnas pa'o// mu tri hriHswa hi hrIHsangs rgyas kun gyi snying po sa nas gnas pa yang dag lam gyi yi ge stong pa'o// saM// gsang ba rig pa'i gnas 'byung ba lnga las 'das pa'i rig pa/ ka ra/ sems med pa'i sgra yul med pa'i snang ba'o// snying po'ang / u/ sbrul sgra mngon sum pa nyid do// AHlongs sgra gzung du med pa'i chos nyid do// a/
- 240b
chos smra bdag med pa'i yul rang grol ba nyid do// SheH'khor ba las log pa'i shes rab/ 'byung ba las log pa'i rang gdangs so// tso/ yul log pa'i chos nyid shes pa las log pa'i snang ba/ Sh+Ti/ yul las log pa'i sku gsum/ Ti/ ts+yai yang / stong pa las log pa'i gsal ba sems las log pa'i sangs rgyas/ Da/ Ta yang / sgra las log pa'i ye shes tshig la sogs pa'i snang ba'o// Sha/ chos la log pa'i yul/ sgra las log pa'i yul du snang ba'o// tsa/ chos nyid las log pa'i gzhi ma rig pa ye shes kyi snang bar rang log pa'o// Sha/ yid log pa'i shes rab sems med pa'i sangs rgyas so// ma/ 'dus pa'i rin pa tshe'i snang ba phral bad kar gcod pa'o// kla ma yang / kla ma/ sgra la shes las log pa dang ma log pa mi mnga' ba de yang rtags sa pa/ u/ stong pa'i sku gnyis med phyogs su ma lhung ba nyid// ta/ gsal ba'i ye shes 'od mtha' grol// pe/ shes pa rig pa gsal bar med rang grol ba nyid do// skam// rgam ya/ chos nyid snang ba yang dag pa nyid 'dzin med rang grol nyid do// a/ chos kyi dbyings dngos// ya du/ yang / k+saM/ sku gsum gyi snang ba rang la rdzogs pa yul ye shes su shar bas rig pa yul dang sbyar stong pa mkha' la thim/ su yang / stu/ mi 'gyur ba'i ye shes rtag pa chen po'i sgra sems can gyi lus kun la khyab ste de yang thugs rdo'o/ swA mi 'gyur ba'i shes rab ma slebs pa'i yul ma bzung ba'i chos nyid kyi ngang du stong pa'o// / yang / U/ skye ba med pa'i ye shes shes rab dang dbang po stong pa ye nas stong pa ye nas gnas pa'i don tshig las 'das pa bsgrub tu med pa'i rig pa'o//
- 241a
kyai ma yang / g+h+r-i/ martogs pa'i chas cid yul dang bcas pa'i snang ba las dang spang ba gnyis la ma skyes par chas nyid min pa la lam lnga dang ldan pa med pas gzung du med pa dag pa'i mtha' rnam par gsal bam/ g+hu/ spang ba'i mtha' bang du yang ma spang ba de las ma shes dus med du 'char bas yum dang yab kyi cha 'dzin pa ltar snang ba'o// gau rko/ thu/ yang / stong pa'i rig pa mkha' thab tu gnas pa le nas rig pa dan chos nyid las ma g.yos pas rig pa gang gi grogs su ma ldang ba 'dzin med tsha ba stong pas nas gnas pa'o// b+h+yA sgyu yang / snang ba'i yul du med pas lam dang ye shes la nye ring med pa stong pa la lam med par 'jug pa la gnas med pa/ g+haM/ g+ho/ yang / b+hU/ ma'i chos nyid dngos po'i mtha' dang bral/ b+h+ya/ sh+yA/ dngos po stong pa nyid mnyam pa nyid kyi snying po can khyab byed 'char byed pa 'gags pa'i sgra gsum mo// g+ha/ b+hU/ shes rab kyi snang ba gsum du shar nas ye nas don byung nus pa'o// b+ha/ gya dngos pa stong pa'i bzhag thabs dngos po bzang du med pa'i shes rab gsum shar ba'o// b+hu/ b+hU/ mi 'gyur ba'i khyab pa gsum gyi ye shes gong du snang ngo // g+ha/ g+hu/ ming lnga dang shes pa lnga lam lnga dang ye shes lnga'i snang ba'o// b+h+rUM/ b+h+ru~M/ dag pa chu mtshan gyi yig dus dang dus mtha' rnam par 'byed pa'i shes rab rnam par dag pa yul dang dbang po'i stobs dbyings gsum ye shes su snang ngo de yang rtag pa skye med kyi 'od dang ldan pa'o// b+h+rUM/ d+hI ma bcos pa'i chos nyid de dngos gzhi rnam par stong pa ye shes kyi snying po'o// de yang lus sgro med lus rnam par gzhag pa'i sku gsum rtag pa 'khrul pa las log pa'i ye shes stong pa tha dad kyi 'od dang 'od
- 241b
kyi phul dang 'dzin pa'i cho 'phrul gyi 'od dang yang dag pa chos nyid kyi 'od do// d+hI lus la ye shes kyi snang ba ye nas gnas pa'i don gsal bar byed de gzhan 'byung gi ye shes chos la gnas pa med bdag tu rtog pa'i ye shes mtha' la gnas pa med pas sgra gsum snang ba'i rtags thugs rje 'dzin med kyi ye shes kyis lam la gnas pa'o// hU~M mi 'gyur ba'i chos nyid kyi yul rnam par dag pa las byung ba'i snang ba rang log gi ye shes phyogs dang ris med par rang snang ba'i chos nyid stong pa sku gsum la bzla ba'i dbyings mnyam pa cad kyis shas dus gsum gcig tu 'char bas// b+h+ra b+hUM b+hU sgra gsum tshas nyid kyi snang ba phul chos kyi dbyings su po thang la snang ba da yang rang giyul las shas kyi snang ba lnga lhag par 'char ba dan chos nyid kyi dbyangs las ma gsos pa snang ba las log pa'i chos rtag pa ye shes kyi 'char lugs grags rje gsum dang ldan pa mtshan ma thal gyis gnon pa'i 'od dang ldan pa'o// b+hUb+hU rtag pa'i chos cid chad pa'i grogs su ma shor gnas pa'i chos nyid stong pa'i phyogs su mgor bas sgra gsum rtag pa las log pa'i shes rab gnyis med kyis chos gsum dang ldan pa'o// s+t+wa~M/ b+h+rU~M/ skye med ye shes kyi snying po ma bcos pa las ma log pa'i rgyas btab brtag pa dbyings kyi ye shes yin pa las 'das pa'i sgra dang ye shes stong pa'i dbyings dang gsal ba'i dbyings dang mthar thug pa med pa'i dbyings dang rgya che ba'i dbyings so// b+h+r-i/ 'byung ba las log pa'i chos nyid gzhi ma bcos pa'i sems kyi dngos po'i mtha' dang bral sangs rgyas yul du med pa'o// b+h+yAMb+h+r-i sh+na stong pa las log pa'i shes rab chad pa la log pa'i stong pa chad pa dag rtag pa med pa'i ye shes
- 242a
so// b+h+yoHr+g+hoHmtshan ma ming gi ba skad dang bral ba de yang sgra gsum rang log pa rtag pa stong pa'i 'char byed dbyings rnam par dag pa dang bcas pa'o// de la sogs pa'i sgra rnams ni// rab tu 'bod dang dmigs pa yang // don nyid mthun pa'i chog gis brjod// gsang sngags sgra 'gyur tshad ma nyid// rang gi don la shes pa'o// rang rang 'bru dang sbyar la bshad// 'dogs dang yan lag bstan pa yang // ci ltar 'tshams pa bzhin du brjod// sgra la che dang chung ba yang // don nyid che dang chung bar 'dod// sgra tshig yi ge'i log 'dren pa// rang nyid rig pa chos kyi sku// gzung dang 'dzin pa'i chos med pas// rtogs dang ma rtogs tshig las 'das// rdo rje sems dpa' bdag nyid kyang // yang dag mkha' la so sor ma 'gags shar// stong gsal dbyings su mngon sangs rgyas// rnam dag mkha' la yang dag phyin// rdo rje lta bu'i skye med rtogs// rang nyid rdo rje'i spo la rdzogs// de phyir sgra yis sna tshogs don chen ston// sgra dang brda yis gsang sngags ston par byed// gsang sngags don chen sgra la 'dus// rtog med sgra yis ye shes dbyings su sgrol// zhes rig pa rang shar chen po'i rgyud las/ gtan tshigs sgra'i le'u ste zhe dgu pa'o// // rmAthASh+Tar+thaH/ hraH// de nas yang gsang ba'i bdag pos 'di skad ces gsol to// kye kye bcom ldan rdo rje
- 242b
'chang // sgra dang don nyid de ltar na// gzhi lam rdzogs chen gsung du gsol// zhes zhus so// yang bka' stsal pa/ kye ma gsang ba'i bdag po nyon// ngas bstan legs par yid la zung // rdzogs chen a ti yo ga la// gzhi dang lam dang 'bras bu med// 'on kyang gzhi lam 'bras bu gsungs// gzhi la rnam pa gnyis su gsungs// ka dag chen po'i gzhi dang ni// lhun grub sna tshogs gzhi ru 'dod// ka dag chen po'i gzhi la yang // ye shes ma 'gags gsal ba'o// de yang ngo bo mi 'gyur dang // rang bzhin gsal bas kun la khyab// ye shes rnam dag ngo bo la// ngo bo rang bzhin thugs rje gsum dang ldan// sangs rgyas dgongs pa rang snang rnam dag nyid kyi sku// 'dzin dang gol med gnas pa med par dbyings la spyod cing sprul pa mdzad// rang nyid rdo rje sa la yang dag gshegs shing thig le'i sku// thig le rnam dag ye shes bkod pa'i dkyil 'khor 'gro ba'i gzhi// lam bkod rin po che yi sa la sbyang ba'i yul med pha rol phyin// gsang sngags kun gyi ye shes tshig gis dpag tu med par dbyings la bkod cing sprul pa mdzad// 'dzin med rang snang ye shes kun gyi snying po yin par kun nas ston// bstan kyang grol bar mi 'gyur grol ba ga la yod// yang dag pa dang bde gshegs snying po gnyis med mnyam pa'i don// sangs
- 243a
rgyas mdzad pa'i ye shes med par gza' gtad lam dang bral yang byung / gsang sngags dgongs pa yin par gsungs// gsang sngags kun gyi lam ni sgron ma rnam dag ngo bor 'dus par gsungs// e ma ho// gsung dang ma gsungs thams cad rang gi de nyid rtogs dang ma rtogs khyad// rig pa'i ngang las 'das pa med cing ma 'ongs med par kun byed rgyal pos gsungs// rgyal ba rnams kyi dgongs pa yang dag rdo rje mo yis klong du thams cad 'dus// rang grol skye dang bral ba'i rig pa rdo rje'i sku la skye 'jig med par yang dag rgyal pos gsungs// tshig med yi ge med pa'i don la skye dang 'chi ba med na 'gags med klong du myang ngan 'das// sangs rgyas ye shes lus nyid rdo rje spo la sangs rgyas brnyes// rdo rje sems dpa'i ngang nyid rdo rje'i rgya dang ldan par shes// rang snang chos nyid kun gyi gong ma yin/ par sangs rgyas rnams kyis gsungs// yang dag nyid la dag dang ma dag med par mkhyen cing rig/ sangs rgyas kun gyis bsngags pa'i snying po ye shes sku nyid gnas dang bral ba'i tshe// rang gi de nyid mthong nas de nyid la yang dran pa skyes nas bde chen sa la thim// yengs dang ma yengs med par don nyid rang la shar zhing rang la snang ba yin// zag pa med la chos rnams kun gyi bden pa mthong ba'i dus su bstan pa
- 243b
yin// yang dag sangs rgyas gzhi la bzang ngan med par gnyis med mnyam pa yin// rang rgyal rnams dang theg pa dman pa'i rigs rnams la// sangs rgyas gsang ba'i don mi bshad/ gzhan yang gsang sngags don chen ni// blo dman shes pa chung ba dang // kha gsags g.yo sgyu'i sems dag dang // lam dang sa la zhen pa yi// rigs dang rgyud med dag la ni// gsang sngags gsang ba bsgrag mi bya// chos nyid rtogs pa'i rnal 'byor pas// cir snang 'od kyi snang bar mthong // rdo rje lta bu'i sangs rgyas ni// gcig dang du ma'i gzugs su med// dper na rtsal kyi rgyal po bzhin// thams cad zil gyis gnon pas skrag par byed// de bzhin ka dag rdzogs chen ni// sangs rgyas man chod theg dman zil gyis gnon// sangs rgyas mdzad pas thams cad skrag par byed// yang dag sangs rgyas bde chen thugs las byung // gzhi dang lam la mi ltos sangs rgyas mnyam med yin// yang dag sprul pas yang dag nyid du sgrol// gzhi la ngo bo rang bzhin thugs rje rdzogs// lam la sku lnga ye shes lam lnga rdzogs// 'bras bu sku gsum ye shes 'od snang rdzogs// de phyir gzhi lam 'bras bu gsum// 'du 'bral med pa'i tshul du'o// 'bras bu ma g.yos chos kyi sku// lam ni rnam dag sku lnga yin// gzhi nyid mi 'gyur rang bzhin che// rtog med gzhi yi ngo bo
- 244a
la// sangs rgyas sems can gnyis su med// skye ba med cing 'chi ba med// gnas pa med cing rang sar grol// 'dzin pa med pas bden pa mthong // 'gyur med lam gyi ngo bo ni// 'dzin pa med pas rang dag go/ sna tshogs lam gyi ngo bo la// chags dang 'dzin pa ma zhugs na// lam gyi de nyid mthong ba yin// gzhi lam bdag nyid blo dang mnyam// rang byung thabs kyi rgyal po la// stobs kyis rig pa rang byung shar// gzhi lam 'bras bu mthar phyin yin// rang byung rtog med ngo bo la// shes rab don gyi sku nyid shar// gzhi lam 'bras bu mthar phyin yin// gsal dag chen po'i blta bar gsungs// zhes rig pa rang shar chen po'i rgyud las/ gzhi lam 'bras bu rgyas par bstan pa'i le'u ste lnga bcu pa'o// gru hrI// b+h+rUM// de nas yang gsang ba'i bdag pos 'di skad ces gsol to// kye kye bcom ldan rdo rje 'chang // gsang sngags gtan tshigs gsung du gsol// zhes zhus so// yang bka' stsal pa/ kye gsang ba'i bdag po legs par nyon cig/ ngas bstan ma yengs yid kyis nyon// sngags kyi gtan tshigs ngas bstan gyis// dang ba'i sems kyis gus par nyon// rtog med sems kyis ma yengs nyon// sngags kyi gtan tshigs chen po ni// gang gi phyir na chos nyid 'dod par gsungs// de yang bstan pa 'di lta ste// rtog
- 244b
med chos nyid yin par gsungs// dbyings la sku yis brgyan pa'i phyir// thig le rkyang pa rtogs na de nyid mthong ba min// thig le sku yis brgyan pa'i phyir// sku ni gcig pur rtogs na de nyid mthong ba min// sku la thig les khyab pa'i phyir// gnyis med rtogs na de nyid mthong ba yin// gnyis med gsal bas brgyan pa'i phyir// gtan tshigs gang dag ci phyir bshad// gang dag 'dzin pa yod gyur na// ye shes mthong ba med par 'gyur// ye shes 'dzin pa med pa'i phyir// gang dag chags pa'i sems yod na// yang dag ye shes mthong mi 'gyur// 'od gsal chags pa med pa'i phyir// gang dag zhen pa'i sems yod na// rtog med chos sku mthong mi 'gyur// sku la zhen pa med pa'i phyir/ gang dag rtog pa'i sems yod na// rang gi de nyid mthong mi 'gyur// sgron ma rtog pa med pa'i phyir// gang dag sa lam rtsol 'dod na// bar do'i snang ba rtogs mi 'gyur// sa lam sbyang du med pa'i phyir// dgos pa'i ming gis mtshams sbyor bas// de nyid med pa nyid du 'gyur// gang dag mtshan ma'i sems med na// stong pa tshig med dag tu 'gyur// gang dag sems las don tshol na// rig pa'i rgyal po spang bar 'gyur// rgyal ba rnams kyi phyag rgya ni// bsgyur dang mi bsgyur gnyis las 'das// gsang sngags don gyi lha la sogs// bskyed dang ma bskyed gnyis su
- 245a
med// sems can sha khrag srog lus la// bsad dang ma bsad gnyis su med// yang dag nyid kyi sangs rgyas la// bsgrub dang ma bsgrubs gnyis su med// 'khor ba'i sdug bsngal chen po la// spang dang ma spangs gnyis su med// yang dag rig pa'i rgyal po la// bsgom dang ma bsgoms gnyis su med// bde chen gsal ba'i lam lnga la// sbyang dang ma sbyangs gnyis su med// rtog pa med pa'i chos nyid la// spyad dang ma spyad gnyis su med// gnyis med lta ba chen po 'di// khyung chen nam mkhar ldings dang mtshungs// yang dag spyi rgya rlabs kyis gcod// zag med lam gyi rgyal por gsungs// sangs rgyas kun gyi yang dag lam// rnam gsum par do'i dkyil 'khor te// brjod dang ma brjod gnyis dang bral// rig pa nyid kyi snang ba ni// rtag chad gnyis kyi mtha' las 'das// brjod med rnam par dag pa'i chos// yin dang min pa'i mtha' las 'das// dgag bsgrub med pa'i spyod pa ni// 'dzin dang chags pa'i mtha' las 'das// gsal ba snyam byed bsgom pa ni// bying dang rgod pa'i mtha' las 'das// phyogs dang ris med lta ba yang // bzang dang ngan pa'i mtha' las 'das// yang dag chos nyid chen po yang // snang dang mi snang mtha' las 'das// rang gi ye shes rnam dag nyid// gol dang sgrib pa'i chos las
- 245b
grol// sangs rgyas dgongs pa'i bdag nyid la// bsgom dang mi bsgom mtha' las 'das// sangs rgyas kun gyi mes po la// rtogs dang ma rtogs mtha' las 'das// de bzhin nyid kyi gtan tshigs la// gsal 'grib 'dzin rtog ga la yod// dri med dag pa'i chos sku la// byas pa'i bsam pa ga la yod// chos dang chos min snang ba yang // mtshan ma'i zhe 'dod ga la yod// ye shes sems dang bral ba la// bag chags dri ma ga la yod// rig pa grogs dang bral ba la// ma rig 'khrul pa ga la yod// sangs rgyas kun gyi mes po ni// rgyal ba 'od mi 'gyur ba yin// yang dag sa la gang gnas pa// rdo rje rgyal po'i lung nyid thob// sangs rgyas med pa'i sangs rgyas kyis// rdo rje sems dpa' dpa' bo la// dbang bskur dkyil 'khor bstan nas ni// sems can kun gyi ma rig pa// 'grol ba'i rgyud chen rgyal po bshad// nga yi cho 'phrul de bzhin du// gang la thogs pa med par 'byung // sangs rgyas kun gyi lam chen rgyud// nga yis bshad cing nga yis bkrol// rtog med rdo rje'i lus nyid kyang // rang gi lus las yang dag 'byung // sems can rnams kyi lus nyid la// sangs rgyas rnams kyi dur sa btab// rnam shes dag pa'i nam mkha' la// de nyid shes pa'i rnal 'byor pas// de nyid goms par nyams su longs// gsang sngags
- 246a
'bras bu gang 'dod pas// de nyid la yang goms par bya// chos nyid 'od gsal mdangs dang ldan// sangs rgyas bsngags pa de nyid thob// nga yi rig pa chos nyid la// sems dang dri ma'i chos dang bral// phra dang rags pa'i dri ma rnams// thams cad ngo bo sgrib pa'o// zhes rig pa rang shar chen po'i rgyud las/ sngags kyi gtan tshigs bstan pa'i le'u ste nga gcig pa'o// b+ha Tha Than \u0f89\u0fa4// de nas yang gsang ba'i bdag pos 'di skad ces gsol to// kye bcom ldan thugs rje chen po dang ldan pa// bdag cag mos pa'i 'khor rnams la// thabs kyi yan lag/ kyang byung / man ngag bstan du gsol// zhes zhus so// de nas yang bcom ldan 'das kyis bka' stsal pa/ kye ho gsang ba'i bdag po nyon cig/ ngas legs par phye la gang zag gi rigs bstan gyis nyon cig ces bka' stsal pa dang / gsang ba'i bdag pos 'di skad ces gsol to// kye ston pa chen po/ tshogs dang thabs kyi lam la gnas pa yi// rnal 'byor chos rnams gsung du gsol// zhes zhus pas/ ston pas bka' stsal pa/ kye nye ba'i 'khor rnams nyon cig/ mtshan ma tshig gi rnal 'byor dang // rtags tsam 'dzin pa'i rnal 'byor dang // mthar phyin 'bras bu'i rnal 'byor dang // rjes su rnal 'byor nyid dang ni// ngang nyid nges pa'i rnal 'byor dang // snang ba
- 246b
sems kyi rnal 'byor dang // 'jug pa las kyi rnal 'byor dang // bya ba rgyu yi rnal 'byor dang // byed pa rkyen gyi rnal 'byor dang // mthar phyin 'bras bu'i rnal 'byor dang // yang dag don gyi rnal 'byor dang // mthar phyin grol ba'i rnal 'byor dang // bya ba rdzogs pa'i rnal 'byor ro// rnal 'byor chen po'i don nyid ni// che ba dang ni chung ba rnams// rang nyid yin par shes par bya// sa dang lam la grol ba'i rnal 'byor bzhi// de ni tshigs su bcad pas gsungs// de yang rnal 'byor rnam pa lnga// bsam gyis mi khyab rnal 'byor kyang // rnam pa lnga yi khog tu 'dus// de yang bstan pa 'di lta ste// rtsal chen rdzogs dang lung chen thob// dbugs chen 'byin dang lus sems phyed// bka' sdod las kyi rnal 'byor ro// rnal 'byor chen po de rnams kyis// ngang du thams cad 'dus par gsungs// de nas yang gsang ba'i bdag pos 'di skad ces gsol to// kye kye bcom ldan rdo rje sems// rnal 'byor chen po de rnams kyi// bshad lugs 'khor la gsung du gsol// zhes zhu ba zhus so// de nas yang bka' stsal pa/ kye ma gsang ba'i bdag po nyon// nga yi bstan gyis yid kyis zung // mtshan ma tshig gis rnam 'byor ni// tshig la zhen cing tshig la spyod// mi shes tshig la ltos gyur na// de nyid grol par ngas ma bshad// rtags la ltos pa'i rnal 'byor
- 247a
ni// rang nyid rtags la ltos gyur nas// spyod pas gzhan la ngom sems byed// rang gi rtogs pa nyid kyis bcings// de yang grol bar ngas ma bshad// rjes su 'jug pa'i rnal 'byor ni// gang dag mos pa'i sa la gnas// mos pa'i spyod pa byed pa ste// dang po sa la reg pas zhog/ de nyid grol bar ngas ma bshad// ngang nyid nges pa'i rnal 'byor ni// rnam par mi rtog tshig tshugs bsgom// mi rtog pa yi bdag nyid can// de nyid grol bar ngas ma bshad// snang ba sems kyi rnal 'byor ni// thams cad nga yi sems las byung // sems nyid rtogs na ci byar yod// de skad kun tu rjod byed pa// nga yis grol bar ma bshad do// 'jug pa las kyi rnal 'byor ni// don nyid bya bas 'grub par 'dod// bya ba chen pos bcings pa rnams// dang po sems bskyed bya ba byed// de nas bzung nas bya ba rnams// thams cad byed cing 'grub pa'o// de yang grol bar ngas ma bshad// bya ba rgyu yi rnal 'byor ni// rgyu nyid lam du slong ba ste// rgyu la re zhing rgyu la ltos// rgyu nyid mngon par ston pa ste// de yang grol bar ngas ma bshad// byed pa rkyen gyi rnal 'byor ni// spyod pas yang dag don 'tshol ba// rigs mi mthun pa'i phyogs 'dzin pa// de yang grol bar ngas ma bshad// mthar phyir 'bras bu'i rnal 'byor ni// rtog pa lam du 'khyer ba ste// sa dang
- 247b
lam la mi gnas par// rang gi de nyid mthong nas ni// yang dag grol ba chen por 'dod// yang dag don gyi rnal 'byor ni/ rang gi rtogs pa rnyed nas kyang // bar do'i snang ba dag pa la// rang gi yang dag nyid mthong nas// de nas mthar phyin grol bar 'dod// mthar phyin grol ba'i rnal 'byor ni// nges pa rnyed pa'i sa nyid las// rang gi de nyid rnyed mthong nas// yang dag sa la 'da' bar 'dod// bya ba rdzogs pa'i rnal 'byor ni// ka dag sangs rgyas chen po yin// de las gshegs su med par gsungs// rnal 'byor chen po de bzhi la// sa la sbrang du med par gsungs// lam la bgrod du med par gsungs// de yang rnal 'byor lnga la rdzogs// khams gsum sems can thams cad ni// bka' sdod las kyi rnal 'byor yin// bden pa mthong ba'i gang zag de// 'khrul pa'i snang ba 'gags pa ni// lus sems phyed pa'i rnal 'byor yin// lhun grub sna tshogs snang ba la// nges par rnyed par gyur pa ni// lung chen thob pa'i rnal 'byor yin// dbang po tha ma'i tha ma ni// phyogs bcu sprul pa'i zhing khams su// gnas nas de bzhin gshegs pa des// dbugs chen 'byin pa'i rnal 'byor yin// ka dag 'gyur med chen po la// bya rtsol thams cad bral pa ste// rtsal chen rdzogs pa'i rnal 'byor yin// de bzhin rnal 'byor chen po rnams// rang rang 'dod
- 248a
pa bsam las 'das// snying po don gyi man ngag ste// ma mthong grol bar ga la 'gyur// sangs rgyas rnams kyi dgongs pa yang // 'di nyid mthong nas grol bar 'gyur// rig pa ye shes chen po ni// rang la byung zhing rang la ltos/ zhes rig pa rang shar chen po'i rgyud las/ yongs su rnal 'byor gyi le'u ste nga gnyis pa'o// b+haHhraHde nas yang bcom ldan 'das phrin las rnam par 'byed pa'i ting nge 'dzin la snyoms par zhugs so// de nas yang phyag na rdo rje la sogs pa'i 'khor rnams kyis 'di skad ces gsol to// kye kye bcom ldan 'das ting nge 'dzin las bzhengs shig/ mos pa'i 'khor rnams la phrin las kyi rnam pa ci ltar lags gsung du gsol// zhes zhus pas/ bcom ldan 'das ting nge 'dzin las bzhengs nas/ 'khor rnams la 'di skad ces bka' stsal to/ kye mos pa'i 'khor rnams nyon cig/ ngas khyed rnams la zabs bstan gyis// legs par nyon cig/ phrin las rnam pa bzhi yod do// de yang tshigs su bcad de bka' stsal pa// kye ho rdo rje 'dzin pa nyon// zhi ba dang ni rgyas pa dang // de bzhin dbang dang drag por 'dod// de nas yang gsang ba'i bdag pos 'di skad ces gsol to// kye kye bcom ldan ye shes sku// phrin las rnam pa bzhi po de// rang la ci ltar tshang ba lags// zhus lan rgyas par
- 248b
gsung du gsol// zhes zhu ba zhus so// yang bka' stsal pa/ kye ho rdo rje 'dzin pa nyon// phrin las rnam pa bzhi yi don// ngas bstan legs par yid la zung // zhi ba chen po'i phrin las ni// rang gi tsit+ta'i dkyil na gnas// de yang 'jam dang 'dril ba dang // dkar dngas 'od zer 'phro ba bzhi// sku dang gsung dang thugs nyid ltar// kun khyab ye shes dbu rgyan ldan// zhi ba'i dkyil 'khor de bzhin gnas// de nas yang zhus pa/ kye kye ston pa chen po lags// bdag nyid lus kyi dkyil 'khor la// phrin las rgyas pa ci ltar tshang // mos pa'i 'khor la gsung du gsol// zhes zhus so// de nas yang bka' stsal pa/ kye rdo rje 'dzin pa legs par nyon// phrin las rgyas pa chen po ni// rang gi 'gyur med rtsa chen na// phrin las rgyas pa chen po'i sku// 'od lnga sku lnga nyid du rgyas// rig pa sku yi klong du rgyas// sku rnams ye shes klong du rgyas// ye shes 'od kyi klong du yang dag rgyas// 'od rnams zer gyi klong du yang dag rgyas// de bzhin sku dang ye shes rnams// mi gnas pa yi dkyil 'khor du// sangs rgyas lam la 'jug par gsungs// de nas yang gsang ba'i bdag pos 'di skad ces gsol to// kye kye ston pa rdo rje sems dpa' nyid// rang rang lus kyi dkyil 'khor la// dbang gi phrin las ci ltar gnas// bdag cag mos pa'i 'khor rnams la// dbang du
- 249a
'dus lugs gsung du gsol// zhes zhus so// de nas ston pas bka' stsal pa// kye ma gsang bdag rdo rje 'dzin// nga yis bstan gyis nga la nyon// phrin las dbang gi dkyil 'khor ni// rang gi dung khang dkyil 'khor na// sgron ma rnam pa gnyis su gsal// de yang bstan pa 'di lta ste// rig pa dbyings kyi sgron ma yis// sku dang ye shes dbang du sdud// thig le stong pa'i sgron ma yis// phyi yi 'byung ba dbang du sdud// shes rab rang byung sgron ma yis// rang gi de nyid dbang du sdud// rgyang zhags chu yi sgron ma yis// 'khrul pa'i de nyid dbang du sdud// rig pa rtog med chen po yis// rnam rtog nyon mongs dbang du sdud// 'gyur med sangs rgyas lam chen ni// bar do'i snang ba dbang du sdud// de ltar dbang gi dkyil 'khor nyid// rang gi lus la rdzogs pa'o// de nas yang gsang ba'i bdag pos 'di skad ces zhus so// kye kye ston pa chen po lags// sems can kun gyi rang lus la// phrin las mngon spyod ci ltar gnas// mos pa'i 'khor la gsung du gsol// zhes zhus so// de nas yang bka' stsal pa// kye ma gsang ba'i bdag po nyon// ngas bstan yid la legs par zung // sangs rgyas phrin las drag po ni// rang gi dbang po'i sgo dag la// phrin las drag po'i dkyil 'khor gnas// mig gi dbang po ma 'gags pas// yul la
- 249b
'dzin cing rtog pa ni// phrin las drag po nyid du bshad// sgo lnga'i rnam shes yul la shar ba ni// drag po'i dkyil 'khor gcig tu 'dod// nyon mongs stong phrag brgyad cu nyid// yul la shar cing spyod pa ni// phrin las drag po nyid du bstan// de bzhin phrin las rnam pa bzhi// rang rang lus la rdzogs par gsungs/ de nas yang gsang ba'i bdag po 'di skad ces gsol to// kye kye bcom ldan rdo rje 'chang // rang gi tshang lugs de ltar na// phrin las rnam bzhi'i don rnams ni// gzhi la ci ltar tshang ba lags// mos pa'i 'khor la gsung du gsol// zhes zhus so// de nas yang bcom ldan 'das kyis bka' stsal pa// kye ma gsang ba'i bdag po nyon// phrin las rnam pa bzhi yi don// bzhi la legs par tshang ba'o// de yang bstan pa 'di lta ste// kha dog dkar dmar sna tshogs 'od// gzhi la bab kyis grub pa'o// kha dog dkar po zhi ba'i dkyil 'khor ldan// kha dog ser po rgyas pa'i dkyil 'khor ldan// kha dog dmar po dbang gi 'od du 'bar// kha dog ljang gu drag po'i 'od du gsungs// kha dog mthing ga phrin las rdzogs pa'i 'od// de yang bshad lugs 'di lta ste// dkar po chos nyid zhi ba la// nyon mongs dri ma ga la yod// gos pa med pa'i dkyil 'khor ni// dper na shel gong dag pa la// dri ma'i skyon gyis ma gos bzhin// de bzhin zhi ba'i
- 250a
chos nyid la// nyon mongs gos pa med pa'o// ser po rgyas pa'i chos nyid la// yon tan thams cad 'byung ba ni// dper na nor bu rin po che// dgos 'dod thams cad 'byung ba ltar// chos nyid rgyas pa chen po der// yon tan sna tshogs shar ba yis// sems can thams cad grol bar byed// yon tan rgyas pa chen por 'dod// dmar po dbang gi chos nyid de// ma btsal gzhi la grub pa yin// dbang nyid chos sku'i ngo bo ste// thams cad ma btsal grub pa ste// dper na rin chen gser la ni// ser po btsal mi dgos pa bzhin// gzhi snang chen po'i dkyil 'khor la// dbang gi dkyil 'khor btsal mi dgos// chos nyid gzhi la dbang nyid rdzogs pa'o// ljang gu chos nyid drag po ste// thams cad drag po'i ngo bor rdzogs// gzhi nyid dag pa'i chos nyid de// gang la thogs med 'char ba ni// dper na rlung gis sbusbyar ma ni// gang la thogs med bskyod par byed// de bzhin gzhi snang ngo bo las// ye shes thogs pa med par 'char// gang la thogs med ye shes ni// phrin las drag po'i ngo bo yin// de bzhin gzhi yi ngo bo la// phrin las bskyed rim rdzogs pa'o// de yang phrin las bzhi yi don// mthing ga nyid la rdzogs pa'i don// phrin las rnam bzhi gzhi la bab kyis grub// de phyir kha dog mthing gar bshad// phrin las kun gyi
- 250b
ye shes ni// bya ba thams cad byed pa yin// phrin las kun gyi dkyil 'khor ni// ma btsal rang la yod pa'o// phrin las kun gyi phyag rgya ni// ma bskur gzhi la rdzogs pa'o// phrin las kun gyi lha tshogs ni// rang gi lus la rdzogs pa'o// phrin las kun gyi snying po ni// sgron ma'i ye shes chen por gsungs// phrin ni sangs rgyas nyid la brjod// las ni ye shes nyams su len// phrin las rang nyid yin par gsungs// rdo rje sems dpa' chos sku nyid// ngang las byung zhing ngang la rdzogs// rdzogs pas gzhi la de bzhin no// de nas yang gsang ba'i bdag pos 'di skad ces gsol to// kye kye bcom ldan ye shes sku// phrin las rnam pa bzhi po de// lam du 'khyer na ci ltar 'khyer// mos pa'i 'khor la gsung du gsol// zhes zhus so// de nas yang bka' stsal pa// kye ma gsang ba'i bdag po nyon// ngas bstan legs par yid la zung // phrin las rnam pa bzhi yi don// lam la rdzogs lugs 'di lta ste// bar do dang po tshom bu la// sku yi snang ba mthong ba ste// zhi ba'i lam du yang dag 'dod// bar do gnyis pa'i ye shes la// ye shes ngo bo mthong ba ste// rgyas pa'i lam nyid yin par 'dod// bar do gsum pa lhun grub snang ba la// rang gi de nyid mthong ba ni// goms pa tshad du phyin pa yin// dbang gi chos nyid yin par gsungs// ka/
- 251a
dag chos nyid rdzogs pa la// thogs pa med par phyin pa ste// drag po'i chos nyid yin par gsungs// phrin las chos nyid thams cad kyang // rang las byung zhing rang la ltos// de la sogs pa'i chos nyid rnams// rang gi blta bar mthong bar bya// sangs rgyas kun gyi ye shes 'gag pa med// rang gi yul ni dag pa chen po la// mtshan ma ltos pa'i chos kyi dbang du mi 'gyur ba'i// rig pa nam mkha'i ngang du shes par bya'o// mtshan ma'i dbang du gyur na ye shes mthong du med// sngags kyi phrin las chos kyi sku// sangs rgyas dgongs pa rang gi de nyid do// rdzogs dang ma rdzogs nga yi cho 'phrul yin// nga nyid rig pa'i kloslong du sangs rgyas yin// klong du 'das dang ma 'das thams cad tshig gi lam// rang la ye shes 'char ba ni// dper na nam mkhar nyi shar bzhin// thams cad lam nyid rang la shar ba'o// zhes rig pa rang shar chen po'i rgyud las/ phrin las gsang ba'i le'u steng gsum pa'o// ThathAH #// de nas bcom ldan 'das chos nyid zab mo'i klong du ting nge 'dzin la snyoms par zhugs so// de nas yang gsang ba'i bdag pos 'di skad ces gsol to// kye kye ston pa chen po chos kyi sku// phrin las don nyid de ltar na// ting nge 'dzin las rab tu bzhengs// zhes zhus so// de nas ston pa chen po ting nge 'dzin las bzhengs
- 251b
nas/ 'di skad ces bka' stsal to// d+harma/ ka yA/ rat+na/ a ma la/ de skad ces brjod nas ting nge 'dzin las bzhengs pas// stong gsum gyi stong chen po'i 'jig rten gyi khams thams cad 'od kyi snang bas khengs so// de nas yang gsang ba'i bdag pos 'di skad ces zhus so// kye kye bcom ldan chos sku'i bdag/ bdag cag mos pa'i 'khor rnams la// rdzogs chen rtse mo gsung du gsol// zhes zhus so// de nas yang bka' stsal pa/ kye ma gsang ba'i bdag po nyon cig/ ngas bstan legs par yid la zung // rdo rje rdzogs pa'i rtse mo ni// rig pa skye med ngang la 'bras bu byar med rdzogs// rig pa 'gyur med ngang la 'bras bu rtog med rdzogs// rig pa dri med ngang la 'bras bu rnam dag rdzogs// rig pa sna tshogs ngang la 'bras bu nyag gcig rdzogs// rig pa 'gag med ngang la 'bras bu 'gyur med rdzogs// rig pa skye med ngang la 'bras bu 'chi med rdzogs// rig pa stong pa'i ngangal 'bras bu gsal ba rdzogs// rig pa rtog med dang la 'bras bu 'dzin med rdzogs// rig pa rang grol dang la 'bras bu rang sangs rdzogs// rig pa zhen med ngang la 'bras bu chags med rdzogs// rig pa bde ba'i ngang la 'bras bu dga' ba rdzogs// rig pa sku yi ngang la 'bras bu 'od nyid rdzogs// rig pa dngos med ngang la 'bras bu sku lnga rdzogs// rig pa kun
- 252a
khyab dang la 'bras bu mnyam nyid rdzogs// rig pa rnam dag dang la 'bras bu ye dag rdzogs// rig pa blo med dang la 'bras bu ngo bor rdzogs// rig pa sems med dpal 'bras bu mnyam nyid rdzogs// rig pa yengs med ngang la 'bras bu bsam bral rdzogs// rig pa ye shes rang sangs de bzhin no// 'gag med nam mkha' 'byung ba kun gyi rtse// 'gyur med rang sangs chos nyid kun gyi rtse// rang grol rnam dag dgongs pa kun gyi rtse// rang byung ye shes chos rnams kun gyi rtse// rnam dag sgron ma lta ba kun gyi rtse// rig pa'i rgyal po rtogs pa kun gyi rtse// ye shes par do lam rgyal kun gyi rtse// rdzogs chen a ti theg pa kun gyi rtse// rang rig tsit+ta dkyil 'khor kun gyi rtse// nam mkha' stong pa yul rnams kun gyi rtse// ka dag chen po chos rnams kun gyi rtse// sgrol byed rgyal po chos rnams kun gyi rtse// sa gsum gnas pa sangs rgyas kun gyi rtse// thig le stong pa ye shes kun gyi rtse// stong pa ye shes yangs pa kun gyi rtse// dag pa'i ye shes 'gag med kun gyi rtse// thig le nyag cig rdzogs pa kun gyi rtse// ma bcos chags med spyod pa kun gyi rtse/ 'dzin med rang grol sgom pa kun gyi rtse// zang ma thal byung lta ba kun gyi rtse// skad cig grol ba 'bras bu kun gyi rtse// bya rtsol bral ba phrin las kun gyi rtse// bsgrub med rtsal sdug bsgrub pa kun gyi
- 252b
// byin rlabs rang shar yon tan kun gyi rtse// bskur med rang rdzogs phyag rgya kun gyi rtse// ma btab lhun grub smon lam kun gyi rtse// dus med 'char ba snang ba kun gyi rtse// ma bskyed rdzogs pa lha rnams kun gyi rtse// de bzhin rdzogs pa rtse mo spyi bcings lta ba yin par gsungs/ rdo rje sems dpa'i spyi bcings lta ba 'di// rgyal ba kun gyi dgongs pa'i gsang ba yin// ri bo kun gyi spyi ni ri rgyal lhun pos bcings// theg pa kun gyi spyi ni a ti yo gas bcings// rgyud rnams kun gyi spyi ni rgyud rgyal 'di yis bcings// ye shes kun gyi spyi ni sgron ma gnyis kyis bcings// rig pa kun gyi spyi ni lu gu rgyud kyis bcings// chos sku kun gyi spyi ni ka dag chen pos bcings// longs sku kun gyi spyi ni tshom bu lnga yis bcings// sbrul sku kun gyi spyi ni rdo rje sems dpas bcings// sangs rgyas kun gyi spyi ni 'od dpag med pas bcings// spyi bcings rgyal po sangs rgyas ye shes lung // rang gi snying la rdzogs lugs de bzhin no// spyi bcings rgyal po ye shes tshig las 'das// sangs rgyas kun gyi spyi bcings kun la mnyam par gnas// spyi bcings shes na sangs rgyas kun gyi rang lus rnyed// sangs rgyas dgongs pa de ltar snang ba'o// zhes rig pa rang shar chen po'i rgyud las/ ri bo spyi bcings kyi lta ba bstan pa'i le'u ste nga bzhi pa'o// /
- 253a
\u0f7fthA/ Tha thAH// de nas yang gsang ba'i bdag pos 'di skad ces gsol to// kye kye bcom ldan ye shes sgra// bdag cag mos pa'i 'khor rnams la// thabs kyi grol lugs gsung du gsol/ zhes zhus so// de nas yang bka' stsal pa// kye ma gsang ba'i bdag po nyon// ngas bstan yid la bzung bar gyis// sangs rgyas dgongs pa rang byung 'di// lta ba rig pa'i rta pho lta ba la// mig gi dbang pos ma yengs par// 'dzin pa'i rtog pa ma zhugs pas// rang gi lta ba mthong ba yin// lha dang mi blta chos yin te// chos la gnas par mi bya de la ltos// dus gsum sangs rgyas dgongs pa 'di// nam mkha' stong ba'i ngang du 'dus// sems can kun gyi 'bras bu ni// batr-i gu ta yi nang du 'dus// bde ba zag med thig le ni// rang gi snying gi dkyil na gnas// 'dus pa chen po'i snang ba ni// dag pa yul gyi mkha' la rdzogs// sangs rgyas 'dus pa'i lam nyid ni// chos sku rang gi yul gyi nang du 'dus// rgya mtsho chen po'i spyi bo nyid// sna tshogs chen po'i mtsho yis bcings// 'dzin med rang sangs lta ba nyid// rnam dag nam mkha'i rgyal pos bcings// gsang sngags gtan tshigs chen po ni// rgyud chen rgyal po 'di yis bcings// 'od rnams kun gyi spyi bo ni// mthing ga sna tshogs bskyed pas bcings// rig pa kun gyi spyi bo
- 253b
ni// mkha' mnyam stong pa'i ngang du bcings// ye shes kun gyi spyi bo ni// stong gsal chen po'i thig les bcings// ci la mi gnas chos kyi sku yis spyi// bsam dang bral ba'i ngang du bcings// spyi bcings tshig gis don btsal bas// don rnyed tshig dang don du 'brel// don ni skye med rang gsal rnyed// de la gnyen pos gzhig tu med// de la phyogs dang ris su med// nga dang bdag tu 'dzin du med// bzang dang ngan pa'i rnam rtog med// yin dang min pa'i mtha' las 'das// rtogs dang ma rtogs chos las 'das// rtag dang chad pa gnyis las 'das// gol dang sgrib pa'i phyogs dang bral// rtogs dang ma rtogs gnyis su med// dag dang ma dag mtha' las 'das// sems dang yid dang chos las 'das// shes dang ma shes gnyis su med// ma rig 'khrul pa'i sems las 'das// sgra dang tha snyad tshig dang bral// gzung 'dzin sems kyi dri ma med// rtog pa'i lam gyi dri ma bsal// bsam pa sna tshogs byas pa med// dngos por 'dzin pa'i chos dang bral// sa dang lam la sbyang du med// lha la mchod pa phul mi dgos// dge ba bcu yis bskyab tu min// sdig pas de la gos mi 'gyur// 'khor ba ngan song ga la yod// mya ngan 'das pa'i chos med cing // bdag dang gzhan du blta ba med// log dang ma log ga la yod// yod dang med pa'i mtha'
- 254a
las 'das// kha dog med cing dbyibs med pa'o// dpe mtshon bstan du med pa la// gzung ba'i chos dang bral ba'o// sangs rgyas med la sems can med// srog med gcod pa ga la yod// 'dzin med chags pa med pa'o// dper na rgya mtsho chen po la// chu phran thams cad 'du ba ltar// dag pa chen po'i klong dkyil du// sna tshogs sku yi dkyil 'khor du// thams cad 'du zhing 'phro ba'o// chos sku bsam pa kun las 'das// longs sku brjod pa kun las 'das// sbrul sku sems dang yid las 'das// sangs rgyas kun gyi ye shes sku// brjod pa'i tshig las 'das pa'o// zhes rig pa rang shar chen po'i rgyud las/ rgya mtsho klong rdol bar bstan pa'i le'u ste nga lnga pa'o// swaHdraHta/ tsagaH/ de nas yang gsang ba'i bdag pos 'di skad ces gsol to// kye kye ston pa bcom ldan 'das// sangs rgyas dgongs pa'i tshad gsungs shig ces zhus so// de nas yang bka' stsal pa// e ma gsang bdag rdo rje 'dzin// chos kyi rang bzhin med rtogs la// rtog pa'i bsam pa ngo mtshar che// 'dzin pa med pa'i bde chen la// 'dzin chags byung ba 'khrul pa'i sems// skye med dag pa'i ngo bo la// 'chi ba byung ba 'khrul pa'i sems// gzung 'dzin bral ba'i chos sku la// bsam bya byung ba 'khrul pa'i sems// 'dzin med rang dag spyod pa
- 254b
la// 'dzin chags byung ba 'khrul pa'i sems// de la sogs pa'i nyon mongs rnams// gcig gis gcig bcing grol ba med/ e ma ho// snang ba chen po gsal ba che// dag pa'i nam mkha' mtha' dang bral// spros bral chos nyid 'gyur ba med// mtha' dang dbus med phyogs cha kun dang bral// rang snang chos dbyings rnam dag cing // dang po'i sangs rgyas rgyu med par// tha ma rkyen gyis bskyed du med// stong pa ye shes snying po can// mtha' la mi gnas rdo rje'i sku// spros dang bral ba'i chos nyid la// ngo bo rang bzhin thugs rje'i bdag/ ye shes sku gsum 'od du gsal// mkha' la nyi shar mun pa sel// ye shes lnga yi mtshan nyid gsal// sangs rgyas sprul pa rab 'byams 'byung // sangs rgyas kun gyi sku mchog ni// mchog dang thun mong dngos grub rnams// rang las byung zhing rang gis sprul// dper na nyi zla'i dkyil 'khor ltar// gsal dang dro dang bsil ba dang // yang zhing g.yo ba'i bdag nyid 'dzin// chos nyid dkyil 'khor chen po la// gcig dang gnyis kyi rtog pa med// dper na nyi ma'i dkyil 'khor ltar// stong gsum khyab cing 'od kyis 'jig rten khengs// de bzhin shes rab dkyil 'khor nyid// 'gro ba kun la khyab cing ye shes snying po grogs// dper na zla ba'i dkyil 'khor ni// gsal dang bsil ba'i bdag nyid 'dzin
- 255a
cing grol// de bzhin thabs kyi dkyil 'khor ni// thams cad sgrol bar byed pa'i ye shes sku// 'gro ba sgrol bar byed pa'i cho 'phrul ston// de yang thabs kyi dkyil 'khor de// kun la yod pa ma yin no// gsang sngags thabs dang ldan pa 'ga'// de yi don la yang dag nyid du spyod// gsang sngags kun gyi dgongs pa yin par 'dod// rdo rje'i lus la skye 'jig kun dang bral// yang dag sa la ma yengs spyod// bde chen sa la mi g.yo mnyam par bzhag/ thabs dang ldan pa skyes bu 'ga' yi don// rang gi sa la yang dag nyid du spyod// chos sku ma 'gags rang gi sa nyid 'dzin// longs sku ma bskyed rang rang mtshan nyid 'dzin// sbrul sku 'chi med pha rol sgrol bar byed// ye shes lam nyid mi 'gyur rdo rje'i bdag/ chos kyi rang bzhin skye med rtogs gyur na// de nyid sangs rgyas yin te logs na med// chos rnams thams cad sems kyi 'khrul pa ste// sems ni bag chags thams cad sdud pa yin// chos ni bag chags zhen pa kun dang bral// sems la sangs rgyas med par yid ches nas// rang gi lta ba mthong ba'i skyes bu de// mi g.yo bzhin du mthar phyin grol bar gsungs// de don nyid la rtse gcig mnyam gzhag na// mtshan ma'i rtog pa rang sar grol bar gsungs// skye med rdo rje sku la snang srid
- 255b
gsal// chos nyid zhi ba'i sku la dgongs pa gsal// rtog med mnyam nyid sku la rtog med gsal// yang dag bde ba'i sku la 'od lnga gsal// bde chen kun khyab sku la thig le gsal/ srid pa spyi bcings sku la blta ba gsal/ mnyam nyid ye shes sku la mthong ba gsal// shes rig stong pa'i sku la 'od lnga gsal// ye shes brdal ba'i sku la ye shes gsal// 'gyur med yangs pa'i sku la sgron ma gsal// de bzhin sku yi rnam pa rnams// de bzhin nyid du shes par bya'o// zhes rig pa rang shar chen po'i rgyud las/ nyi zla drod mnyam pa'i le'u ste nga drug pa'o// gathar k+ShaH// de nas yang gsang ba'i bdag pos 'di skad gsol to// kye ston pa chen po bdag cag mos pa'i 'khor rnams la thabs dam pa bstan du gsol// zhes zhus pas/ skad cig gcig la ston pas sprul pa'i tshogs mang po mngon par sprul lo// de nas 'khor rnams ngo mtshar mchog tu skyes nas/ e ma ho thabs kyi man ngag gsung du gsol// zhes zhus so// de nas yang bka' stsal pa/ don chen po ngas bshad kyis legs par nyon cig/ kye grogs po dag 'di lta ste/ rang byung gi ye shes la tshig med do// yi ge med do// sa dang lam med do// yid med do// sems med do// ma rig pa med do// rkyen bzhi med do// 'phral byung med do// kun nas ldang ba med do// bag la nyal ba med do// rnam pa med do// nyams med do// de'i phyir na rgya chad
- 256a
phyogs lhung med pa'i lta ba zhes bya'o// de yang 'di lta ste// rgya ma chad pa'i ye shes so// phyogs lhung med pa'i lta ba/ kun tu khyab pa'i chos nyid/ thogs pa med pa'i shes rab/ 'dzin pa med pa'i rang grol// rtog pa med pa'i rang mdangs// 'gag pa med pa'i ye shes/ chags pa med pa'i 'od lnga// rang sar grol ba'i chos nyid/ lhun gyis grub pa'i sangs rgyas/ sems dang bral ba'i rig pa/ dbugs dang bral ba'i sangs rgyas/ gsal la rtog med kyi bsgom pa/ 'dzin chags med pa'i spyod pa/ zhe 'dod med pa'i blta ba/ de nyid mthong ba'i 'bras bu/ bsgrub tu med pa'i phrin las/ rang dag chen po'i ye shes so// sangs rgyas kyi dgongs pas rang gi ye shes kyi don 'grol lo// zhes rig pa rang shar chen po'i rgyud las/ nam mkha' khang mnyam pa'i le'u ste nga bdun pa'o// // de nas yang gsang ba'i dag pos 'di skad ces gsol to// dgongs pa rang byung gi ye shes chen po la/ dpe gang gis gtan la 'bebs par 'gyur/ ston pas bstan du gsol// zhes zhus so// de nas yang bka' stsal pa/ kye kye 'khor rnams nyon cig rigs kyi bu/ dpe yi ngo spyod 'di lta ste/ sangs rgyas dang sems can gyi dpe ni/ mgo dang rwa'i tshul lo// gcig las du mar byung / rig pa dang ma rig pa'i dpe ni/ chu dang ri mo'i tshul
- 256b
te// rkyen la rag lus/ sems dang rig pa'i dpe ni/ chu dang lbu ba'i tshul// sems kyi dbang du ma gyur/ shes rab dang yid kyi dpe ni/ gser dang ra gan gyi tshul te kha dog mi phyed/ kun gzhi dang chos sku'i dpe ni rgya mtsho dang gru'i tshul te lam 'byung / 'byung ba dngas snyigs kyi dpe ni/ gnyid log pa dang / gnyid sad pa'i dpe ste// dbang po'i khyad yod pa'i phyir/ 'khrul pa'i snang ba dang bar do'i dpe ni/ mun pa dang snang ba'i tshul te/ dag dang ma dag yod pa'i phyir/ rtogs dang ma rtogs pa'i dpe ni ba mo dang reg pa'i tshul te/ snang ba zil gyis gnon pa dang mi gnon pa'i khyad yod pa'i phyir/ shes rab dang bag chags kyi dpe ni/ me dang sngar ma'i tshul te/ nyon mongs bsreg pa'i phyir/ de rnams ni mtshungs pa'i dpe zhes bya'o// des ni dpe ting nge 'dzin rab tu skye'o// de nas 'khor rnams kyis 'di skad ces gsol to// kye ston pa chen po/ dag pa'i mtshon dpe rnams gsung du gsol// zhes zhus so// de nas yang bka' stsal pa/ kye 'dus pa'i 'khor rnams nyon cig rig pa ye shes kyi snang ba la 'jug pa'i dpe ni/ ma'i pang du bu 'jug pa lta bu'o// yid ches par bya ba'i phyir// ye shes dang 'od kyi dpe ni/ gser dang ser po lta bu'o// ming dang kha dog mi phyed pa'i phyir/ gdams ngag thebs pa'i dpe ni/ char dang ro ba lta bu'o// shes pa la
- 257a
'jug pa'i phyir// ye shes 'od la thim pa'i dpe ni/ nam mkha' dang 'ja' tshon lta bu'o// dngos po med pa'i phyir/ ye shes dbyings su thim pa'i dpe ni/ rgya mtsho la chu phran 'dus pa lha bu'o// gnyis med gcig tu 'dres pa'i phyir// rig pa phyir mi ldog pa'i dpe ni/ dpag chen gyi mda' lta bu'o// thogs pa med pa'i phyir/ de nas gsang ba'i bdag po nyid kyis rtogs pa rnyed do// 'khor rnams kyis kyang bden pa mthong ngo // de nas yang bden pa mthong ba de la yang 'di skad ces gsol to// e ma ho/ bden pa mthong ba'i rig chen la// de la 'od kyi tshogs 'dus pas// phyogs med mtshams med steng 'og med// snang ba thams cad 'od du shar// 'od la sku yi ngo bos brgyan// sku ni stong pa'i tshig las 'das// 'gag med skye ba med pa'i sku// kun gyis mthong bar dka' ba'i don// rab tu gsang ba'i nor bu 'di// thugs kyi don las mi 'da'o// de ni bden pa mthong ba'i lugs// gsang sngags kun gyi dgongs pa ni// sangs rgyas kun gi mes po nyid/ rig pa chos sku chen por 'dod// rig dang sa dang lta/ dang bral// ye shes kyis ni sa lam bgrod// yang dag mthar phyir grol ba'o// zhes pa rig pa rang shar chen po'i rgyud las/ dpe'i ngo sprod bstan pa'i le'u ste nga brgyad pa'o// // de nas yang
- 257b
bcom ldan 'das dgongs pa rang grol ba'i ting nge 'dzin la snyoms par zhugs so// de nas yang gsang ba'i bdag po phyag na rdo rjes bskor ba lan gsum byas nas/ 'di skad ces gsol to// kye kye thugs rje chen po dang ldan pa/ ting nge mdzin las bzhengs shig/ sems can gyi rtog pa sol cig ma rig pa'i mig sel bar mdzod cig mthong ba'i yul ma 'gags par snang ba ston cig sgra dang rtog pa thams cad sol cig ces zhus pas/ ston pa ting nge 'dzin las bzhengs nas/ stong gsum gyi stong chen po'i 'jig rten gyi khams thams cad 'od kyis khengs par mdzad do// de yang 'di lta ste/ bye ba khrag khrig bsam gyis mi khyab pa dang / sgra chen pos 'jig rten gyi khams bred pa dang / sngangs pa dang / skrag pa dang 'jigs shing brgyal pa'o// de nas bcom ldan 'das ting nge 'dzin las bzhengs nas/ sprul pa mang po 'gyed do// bcom ldan 'das de'i thugs dpal gyi be'u nas/ bcom ldan 'das mi pham mgon po zhes bya bar sprul lo// de bzhin gshegs pa des kyang 'gro ba'i ma rig pa sel lo// des ni shar phyogs kyi 'jig rten gyi khams kyi byang chub sems dpa'i rtog pa bsal lo// shangs nas de bzhin gshegs pa rnam par gzigs zhes bya bar sprul nas lho phyogs kyi 'jig rten khams kyi byang chub sems dpa'i rtog pa bsal
- 258a
lo// dbu'i gtsug tor nas bcom ldan 'das gtsug tor rnam par 'byed pa zhes bya ba sprul nas/ nub phyogs kyi byang chub sems dpa' rnams kyi rtog pa bsal lo// gsang ba'i gnas nas bcom ldan 'das shAkya thub pa zhes bya ba sprul nas/ byang phyogs kyi byang chub sems dpa' rnams la chos kyi 'khor lo bskor ro// phyag gi 'khor lo las bcom ldan 'das nam mkha' mtha' yas zhes bya ba sprul nas/ steng gi phyogs kyi byang chub sems dpa' rnams kyi rtog pa bsal lo// zhabs kyi 'khor lo nas bcom ldan 'das stong spyi phud kyi rgyal po zhes bya ba sprul nas/ 'og gi phyogs su 'jig rten gyi khams sna tshogs bkod pa zhes bya bar byang chub sems dpa' rnams kyi rtog pa bsal lo// ba spu nyag ma re re las kyang de bzhin gshegs pa'i sku grangs med par sprul lo// bcom ldan 'das re re las kyang de bzhin gshegs pa'i sku bye ba phrag drug 'bum byung ngo // thugs tsit+ta'i dkyil nas phyag na rdo rje sprul nas zhu ba po rang byung du shar ro// dbu skra rtse mo las/ lha'i bu rtog pa rab tu sel bar sprul lo// 'od kyi dkyil 'khor dpag tu med par sprul lo// chos kyi 'khor lo yang dpag tu med pa bsam gyis mi khyab par bskor ro// sangs rgyas kyi mdzad pa yang phrin las bsam gyis mi khyab pa mdzad do// 'jig rten gyi
- 258b
khams thams cad 'khrugs so// rab tu g.yos so// 'ur 'ur rab tu 'ur 'ur kun tu 'ur 'ur ro// chem chem rab tu chem chem/ kun tu rab tu 'khrugs so// phyogs thams cad 'khrugs so// de yang shar phyogs mtho na nub phyogs dma'o// nub phyogs mtho na shar phyogs dma' bar gyur to// lho phyogs mtho na byang phyogs dma'o// byang phyogs mtho na lho phyogs dma'o// dbus mtho na mtha' dma'o// mtha' mtho na dbus dma'o// de lta bu'i cho 'phrul chen po bstan to// 'jig rten gyi khams kyi mkha' 'gro ma thams cad brgya la sangs nas ngo mtshar chen po skyes nas/ e ma ho// don dang mthun no// dag pas dag pa nyid bkru'o// yang dag pa nyid thob po// skye gnas thams cad rgyun bcad do// 'gro ba de rnams thams cad kyang mi skye ba'i chos la bzod pa thob bo// cho 'phrul gyi sprul pa grangs med pa 'gyed pa'o// zhes rig pa rang shar chen po'i rgyud las/ sprul pa mdzad pa'i le'u steng dgu'o// / de nas yang gsang ba'i bdag pos 'di skad ces gsol to// kye kye bcom ldan rdo rje 'chang // sprul pa de ltar mdzad pa na// don dam dkyil 'khor gsung du gsol// zhes zhus so// de nas yang bka' stsal pa/ kye 'dus pa chen po nyon/ ngas legs par bstan gyis ma yengs par zung zhig rtogs dang ma rtogs khyad par
- 259a
ni// mthong dang ma mthong khyad par ro// lta ba mthong ba'i khyad par ni// mthong dang goms pa'i ye shes ni// gang la 'dzin pa'i sems med pa// mthong ba'i tshad ni 'di yis bzung // nam mkha' rnam par dag pa la// mig gi dbang po ma 'gags pas// nam mkha'i dkyil du de bzhin nyid// dbyings kyi sgron ma dag pa ste// shes rig rgyal po mthong ba de// de la goms par 'gyur ba ni// rang gi lta ba mthong ba yin// de la rab tu goms pa gces// de nas snang ba shar ba dang // rang gi shes rig chen po yis// brtags na ye shes snang ba las// sku dang ye shes phyogs med shar// de yang 'char lugs 'di lta ste// dang po me long dkyil 'khor tsam// de la snang ba dum bur 'char// de las yul gru tsam du 'char// de las nam mkha' gang bar 'char// ci snang 'od kyi dkyil 'khor du// shar nas gzugs sku mthong ba'i tshe// sku yi dkyil 'khor thams cad ni// rang las byung zhing rang las sprul// nam mkha' gang ba'i snang ba rnams// mthong ba'i chos nyid ma 'gags pa'o// ye shes mkha' la gshegs pa'i rtags// rang bzhin nyid kyi dkyil 'khor la// ngo bo nyid kyi sku shar bas// shar ba de nyid rang nyid yin// sangs rgyas dgongs pa tshad ma'i chos// yang dag don la de bzhin gshegs// de ni goms pa'i tshad du bstan// ces rig
- 259b
pa rang shar chen po'i rgyud las/ rtags tshad bstan pa'i le'u ste drug cu'o// // de nas yang gsang ba'i bdag pos 'di skad ces gsol to// ston pa chen po sems zhes bgyi ba ci la bgyi/ ston pas lung bstan du gsol/ zhes zhus so// de nas yang bka' stsal pa/ de yang dbye na 'di lta ste/ sna tshogs sdud pa lta bu'i sems dang / gtsang sme med pa phag lta bu'i sems dang / dpa' brtul stag lta bu'i sems dang / yang ba sgo lta bu'i sems dang // bskyod pa rlung lta bu'i sems dang / rab tu myos pa 'dam rdzab lta bu'i sems dang / mched pa me stag lta bu'i sems dang / 'dod pa bya lta bu'i sems dang // rgyas pa yal ga lta bu'i sems dang / gogs par dka' ba gar sprin lta bu'i sems dang // gza' gtad med pa smyon pa lta bu'i sems dang bcu gcig go/ de nas yang rab tu bshad pa 'di lta ste/ sems ni bag chags thams cad sdud pa'o// sems ni bag chags thams cad slong ba'o// sems ni nyon mongs pa thams cad gsogs pa'o// sems ni bag chags thams cad kyi gzhi yin te/ bag chags de yang 'gog par dka' bas rang gi snang ba 'grib par byed/ ma rig pa dang mnyam du gnas pas/ ma rig pa yang 'di lta ste/ rtsa ba sems kyi ma rig pa dang / 'khrul pa yul gyi ma rig pa dang / 'khrul gzhi gzhi'i
- 260a
ma rig pa dang / 'dzin pa rtog pa'i ma rig pa dang / bcos pa lam gyi ma rig pa dang / ma shes rmongs pa'i ma rig pa dang // de ltar ma rig pa rnam pa drug byung ste/ rang gi snang ba mi mthong ngo // de yang 'di lta ste/ rtsa ba sems kyi ma rig pa ni/ lhan cig skyes pa dngos yin te// rig pa'i ye shes ngo ma shes nas 'khrul te/ nga las ye shes kyi snang ba 'di byung ngam/ nga'i snang ba 'di min nam snyam pa'i shes pa byung ste/ snyam byed byung ba de lhan cig skyes pa'i rtsa ba ma rig pa yin te/ bdag tu rtog pa'i blo byung bas 'khrul lo// des ni rig pa ye shes kyi snang ba bsgribs so// de ni rtsa ba sems kyi ma rig pa zhes bya'o// de ni 'khrul pa yul gyi ma rig pa ston te/ 'khrul pa ni gong gis 'khrul lo// yul ni sngon 'jig rten ma chags tsam na/ dpag bsam gyi shing rgyas pa zhes bya ba/ sangs rgyas gzhon nu bum pa sku'i byin rlabs las byung ba'i shing dang / sgo nga las byung ba'i drod dang / rlan las btsas pa gcig yod pa de la yid rang byung gi ye shes bya ba gcig bskyod pa las/ mi mjed 'jig rten gyi khams chags so// de ni 'khrul pa yul gyi ma rig pa zhes bya'o// 'khrul gzhi gzhi'i ma rig pa ni rang gis rang ma dag pa las byung ste/ dang po rgyu'i rkyen zhes bya ba/ ma rig pa dngos byung ste gzhi ma shes pas ma rig pa'o// de las dmigs pa'i rkyen zhes
- 260b
bya ba 'khrul pa yul gyi ma rig pa zhes bya'o// de las bdag po'i rkyen zhes bya ba/ shing la ngar 'dzin byung / de las mtshungs pa de ma thag pa'i rkyen zhes bya ba shes pa rags su song nas 'dzin pa bzung ngo // de las nyon mongs pa rags su song / de ni 'khrul pa gzhi ma rig pa zhes bya'o// 'dzin pa rtog pa'i ma rig pa ni/ de las nyon mongs pa'i tshogs dpag tu med pa byung ngo // de yang 'di lta ste/ 'dzin pa'i yid drug byung ngo // ma rig pa dang mtshungs pa'i yid dang / yid kyi rnam par shes pa'i yid dang / kun tu tshol ba'i yid dang / gtan la 'bebs pa'i yid dang / rnam par rags pa'i yid dang / nges par 'jog pa'i yid do// de la yang 'di lta ste/ ma rig pa dang mtshungs par ldan pa'i yid ni/ 'di lta ste/ rtsa ba ma rig pa dngos yin la// yid kyi 'gyu ba dang bcas pa'o// de ni ma rig pa dang mtshungs par ldan pa'i yid do// yid kyi rnam par shes pa ni/ yul la nga'i yin snyam pa'i shes pas nga dang bdag tu bzung bas/ nyon mongs pa'i dbang du song ba'i phyir na/ yid kyi rnam par shes pa zhes bya'o// gtan la 'bebs pa'i yid ni/ yul nga'i yin no snyam pa'i shes pas bzung bas/ de la chags pa skyes nas gtan la 'bebs pa zhes bya'o// kun tu tshol ba'i yid ni/ yul gyi dbang du song nas/ nyon mongs pa phra ba thams cad zla la
- 261a
sdud do// de'i phyir kun tu 'tshol ba'i yid ces bya'o// rnam par rags pa'i yid ni/ nyon mongs pa rags pas srog gcod pa dang / dam tshig nyams pa'i las mang po byed pa'o// nges par 'jog pa'i yid ni/ de rnams kyi snang ba la nga yin snyam pa dang / gzhan gyi yin snyam pa de ni nges par 'jog pa'i yid do// de ni 'dzin pa rtog pa'i ma rig pa zhes bya'o// bcos pa lam gyi ma rig pa ni/ yid drug 'dus nas ye shes kyi lam bsgribs pa ste/ de yang yid kyis ye shes mi mthong gsal du mi ster/ ye shes la rtog pa med/ yid 'gyu byed yod pa'i phyir/ sangs rgyas kyi lam bsgribs pa yin no// de ni bcos ma lam gyi ma rig pa zhes bya'o// mi shes rmongs pa'i ma rig pa ni/ rang gi snang ba 'od du yod pa ma shes pas yang nas yang du 'khor bar 'khor ro// de ni mi shes rmongs pa'i ma rig pa zhes bya'o// de bzhin du ma rig pa drug tu byung na ye shes kyi snang ba ma shes pa'o// de yang 'di lta ste/ yang dag pa ka dag gi snang ba la ma rig pa med/ sems med/ yid kyang med/ lhun grub kyi rtsal la ma rig pa byung / ma rig pa'i rol pa las sems byung / sems kyi rgyan las yid byung / yid kyi yul las dug lnga byung / dug lnga las nyon mongs pa bcu drug byung / bcu drug las nyi shu rtsa lnga byung / de las lnga bcu rtsa gcig byung // de las stong phrag
- 261b
brgyad cu byung ngo // bcu drug po gang zhe na/ ma rig pa dang / sems dang / yid dang / 'dzin pa dang / rtogs pa dang / ma shes pa dang / ma mthong ba dang / ma rtogs pa dang / ma go ba dang / rang gi de ma zag pa dang / nga yir bzung ba dang / gzhan la ser sna byed pa dang / 'dod pa dang / chags pa dang / khengs pa dang / khro ba dang bcu drug go/ de rnams kun gyi steng du/ gti mug dang / 'dod chags dang / zhe sdang dang / nga rgyal dang / phrag dog dang / de yang 'di lta ste/ gti mug la lnga ste/ rab tu rmugs pa'i gti mug dang / ma shes pa'i gti mug dang / ma mthong ba'i gti mug dang / shin tu 'thibs pa'i gti mug dang / rab tu myos pa'i gti mug dang lnga'o// 'dod chags la yang lnga ste/ zhe la 'dod pa'i 'dod chags dang / shin tu gdung ba'i 'dod chags dang / srog la mi blta ba'i 'dod pa dang / zhe sdang dang bcas pa'i 'dod chags dang / mkha' la spyod pa'i 'dod chags dang lnga'o// zhe sdang la yang lnga ste/ 'dod pa shas che ba'i zhe sdang dang / khong khro dang bcas pa'i zhe sdang dang / shin tu rags pa'i zhe sdang dang / gti mug dang bcas pa'i zhe sdang dang / dus kyi 'brug char lta bu'i zhe sdang dang lnga'o// nga rgyal la yang lnga te/ zil gyis gnon pa seng ge lta bu'i nga rgyal dang / gong na med pa nam mkha' lta bu'i nga rgyal dang / dpa' brtul che ba stag lta bu'i nga
- 262a
rgyal dang / nga'o snyam pa dur bya lta bu'i nga rgyal dang / mi mnyam pa dang mnyam par rloms pa glang chen lta bu'i nga rgya dang lnga'o// phrag dog la yang lnga ste/ phra ba'i phrag dog dang / nga rgyal las byung ba'i phrag dog dang / shin tu rtsub pa'i phrag dog dang / rags pa'i phrag dog dang / blta ba'i phrag dog dang lnga'o// de ni nyon mongs pa nyi shu rtsa lnga'o// de las khong khro byung / khong khro las 'du byed nyi shu rtsa lnga byung / de las bsam gyis mi khyab brjod kyis mi langs/ grangs med pa/ grang las 'das pa bgrang du med pa byung ngo // zhes rig pa rang shar chen po'i rgyud las/ ma rig pa sems kyi le'u ste re gcig pa'o// // de nas yang gsang ba'i bdag pos 'di skad ces gsol to// kye kye ston pa chen po// ma rig pa de ltar lags na// rig pa'i dbye ba gsung du gsol/ zhes zhus so// de nas yang bka' stsal pa/ kye gsang ba'i bdag po nyon cig/ ngas legs par bstan gyis khyod kyis zung zhig de yang 'di lta ste/ zil gyis gnon pa seng ge lta bu'i rig pa dang / khyad par glang po che lta bu'i rig pa dang / mkha' lding khyung lta bu'i rig pa dang / ma 'dres yongs su rdzogs pa 'ja' tshon lta bu'i rig pa dang / thams cad bsreg pa me lta bu'i rig pa dang / yangs shing go skabs 'byed pa nam mkha' lta bu'i rig pa dang /
- 262b
bskyod pa rlung lta bu'i rig pa dang / the tshom med pa thi bya tshang du 'jug pa lta bu'i rig pa dang / zab pa rgya mtsho lta bu'i rig pa dang / gzung du med pa chu zla lta bu'i rig pa dang / kun tu mtha' yangs pa bar snang lta bu'i rig pa dang / dri ma med pa man shel lta bu'i rig pa dang / gos pa med pa pad+ma lta bu'i rig pa dang // rgyun chad med pa chu gzhung lta bu'i rig pa dang / 'gag pa med pa lbu ba lta bu'i rig pa ste/ de ni rig pa'i grangs bstan pa'o// de yang yang dag par rig pa rdo rje lu gu rgyud du yod do// dngos po la de ltar med kyang / rtsal du snang ba de ltar byung ngo // de'i yon tan la sku byung ngo // sku'i rol pa las ye shes byung ngo// ye shes kyi rgyan las 'od byung ngo // 'od kyi rtse mo las zer byung ngo // de yang sku gang zhe na/ rtsa ba rig pa'i sku dang // yangs pa chos kyi sku dang // brdal ba dbyings kyi sku dang // mi 'gyur ba rdo rje'i sku dang // 'gyur ba med pa ngo bo nyid kyi sku dang / yang dag pa bde ba'i sku dang / log pa sems kyi sku dang / mthong ba rang grol gyi sku dang / rig pa thig le'i sku dang / rgya ma chad pa nam mkha'i sku dang / phyogs su ma lhultung pa nyi zla'i sku dang // tha mi dad pa gcig shes kyi sku dang / zhen pa med pa rang grol gyi sku'o// de yang 'di lta ste/ rtsa ba rig pa'i sku ni// rdo rje lu gu rgyud kyi sku yin te/ rang gi mig gis dbang
- 263a
po la ma 'gags par gsal lo// de ni rtsa ba rig pa'i sku zhes bya'o// yangs pa chos kyi sku ni/ dang po gzhi ka dag chen po de la/ bsam pa med/ ma rig pa med/ sems med/ yid med/ 'dzin pa med de/ de yang 'di lta ste/ rgya ma chad pa'i ye shes// lhun gyis grub pa'i sangs rgyas// spros pa med pa'i chos nyid/ mtha' dang bral ba'i rig pa/ dag pa chen po'i snang ba/ phyogs lhung med pa'i blta bar bzhugs so/ de yang / yangs pa/ gsal ba/ mi 'gyur ba/ ye shes mi 'gag pa/ thig le sna tshogs su 'phro ba/ ma grub pa'i chos nyid// phyi rgya ma ral pa/ nang ye shes kyi 'od lnga ma 'gags par gsal ba/ sku dang ye shes kyi ngo bor bzhugs so// de ni yangs pa chos kyi sku zhes bya'o// brdal ba dbyings kyi sku ni/ dbyings rnam par dag pa'i sgron ma yin te// dbyings de yang rgya ma chad pa phyogs su ma lhung ba/ 'grib pa med pa/ 'phel ba med pa/ stong pa med pa/ gang ba med pa// gsal cha dang bcas pa/ sku mang po 'char ba'i gnas// yangs pa kun gyi bdag nyid/ shin tu che ba/ gong na med pa/ blta ba mthong ba'i sangs rgyas/ nges pa rnyed pa'i sa zhes bya'o// de ni brdal ba dbyings kyi sku zhes bya'o// mi 'gyur ba rdo rje'i sku ni/ sangs rgyas med pa'i 'bras bu/ sems can med pa'i 'khor ba/ srog bcad pa'i sangs rgyas// byas pa
- 263b
med pa'i byung ba/ mthong ba med pa'i yul/ shes ma myos pa'i gtam/ srog gcod pa'i dge ba/ len ma myong ba'i lus/ bsgrubs pa med pa'i lha/ ma bgrangs pa'i snying po/ ma bsgoms pa'i bsgom pa/ ma bris pa'i dkyil 'khor/ ma bsags pa'i tshogs/ de ni mi 'gyur ba rdo rje'i sku'o// 'gyur ba med pa'i ngo bo nyid kyi sku ni/ grub mtha' 'gyur med/ gtan tshigs nges med/ mtshan nyid gnyis med/ blta ba phyogs mthong / bsgom pa mthong ba/ spyod pa byar med/ 'bras bu thob med/ dam tshig bsrung med/ rol pa 'gag med/ ngo bo zang thal/ rang bzhin kun khyab/ thugs rje mkha' khyab bo// de ni 'gyur ba med pa ngo bo nyid kyi sku'o// dag pa bde ba'i sku ni/ gsal ba mkha' khyab/ stong pa kun khyab/ ye shes mig khyab/ rig pa lus khyab/ sgron ma yul khyab/ chos sku gzhi khyab/ longs sku rang khyab/ sbrul sku kun khyab/ 'od lnga gnas khyab bo// de dag ni dag pa bde ba'i sku'o// log pa sems kyi sku ni/ sna tshogs 'byung ba/ sna tshogs sdud pa/ thams cad kyi lam/ thams cad kyi gnas/ thams cad kyi gzhi/ 'khor ba rang kha ma'o// de ni log pa sems kyi sku'o// mthong ba rang grol gyi sku ni/ mi 'gyu ste 'gyu ba/ 'gyu ste mi 'gyu ba/ srog med pa'i sku// sems med pa'i sems can/ dbugs med pa'i 'gyu ba/ 'gro 'od med pa'i sangs
- 264a
rgyas/ dus thams cad pa'i ye shes/ rtag par bzhugs pa'i chos nyid/ 'dzin pa med pa'i rang grol/ rtog pa med pa'i sku lnga/ mtha' ma 'gags pa'i shes rab/ rang sar grol ba'i chos nyid do// de ni mthong ba rang grol gyi sku'o// gcig pa thig le'i sku ni/ 'byung ba kun khyab kyi ye shes/ 'byung ba kun snang gi ye shes/ 'byung ba kun 'byung gi ye shes/ 'byung ba kun gsal gyi ye shes/ 'byung ba gting gsal gyi ye shes/ 'byung ba mkha' gsal gyi ye shes/ 'byung ba phyi gsal gyi ye shes/ 'byung ba nang gsal gyi ye shes/ 'byung ba stong par rang byung gi ye shes so// de ni gcig pa thig le'i sku'o// rgya ma chad pa nam mkha'i sku ni/ snang ba dang ye shes rgya ma chad/ nam mkha' dang dbyings rgya ma chad/ sems can dang sangs rgyas rgya ma chad/ sems dang sems can rgya ma chad/ 'byung ba dang 'od snang rgya ma chad/ mthong ba dang rang lus rgya ma chad/ stong pa dang chos nyid rgya ma chad/ lhun grub dang ka dag rgya ma chad/ zhing khams dang lhun grub rgya ma chad/ tshom bu dang 'khrul snang rgya ma chad/ sems dang ye shes rgya ma chad/ yid dang shes rab rgya ma chad/ rig pa dang ma rig pa rgya ma chad/ stong pa dang gsal ba rgya ma chad do// de ni rgya ma chad pa nam mkha'i sku zhes bya'o// phyogs su lhung ba med pa nyi zla'i sku ni/ 'dzin pa med pas rang grol//
- 264b
rtog pa med pas rang sangs/ 'gyu ba med pas rang dag/ gsal ba med pa'i 'tsher ba/ bsgom du med pa'i chos nyid/ gzung du med pa'i yangs pa/ sangs rgyas med pa'i sems can no// de ni phyogs su ma lhung bapab nyi zla'i sku zhes bya'o// tha mi dad pa gcig shes kyi sku ni/ sgron ma mkha' khyab/ ye shes dbyings khyab/ shes rab yul khyab/ thabs kyis lam khyab/ dbang pos sems khyab bo/ de ni tha mi dad pa sgron ma'i sku'o// zhen med rang grol gyi sku ni/ snang ba la mi zhe na/ med pa mi bsgrub/ yod pa mi spang / med pa la zhe 'dod mi byed/ yod pa la mngon par mi zhe na/ byas pa mi bsgrub/ byung ba mi 'geg byung ba la skyon du mi blta// nyon mongs pa mi spang / sangs rgyas mi bsgrub/ bsgom pa mi bsgom/ lta ba mi blta/ 'khrul snang mi 'geg dag snang mi 'tshol/ sems la sangs rgyas mi re/ rig pa la sems can mi dogs/ kun gzhi la chos sku mi re/ sgron ma bzhi las gzugs skur mi ldog lam la sbyang du med/ 'bras bu thob tu med/ gzhi la bzang ngan med/ rtogs pa dang ma rtogs pa gnyis su med/ de ni zhen med rang grol gyi sku'o// sangs rgyas thams cad kyi dgongs pa tshad mar bzhag pa'o// sku mi 'gyur ba las ye shes 'gag pa med pa 'byung ngo // de yang 'di lta ste/ sku la dbyings yod pa'i phyir// chos kyi dbyings kyi ye shes dang // dbyings la
- 265a
gsal ba yod pa'i phyir// me long lta bu'i ye shes byung // gsal ba la gnyis med yod pa'i phyir// mnyam pa nyid kyi ye shes byung // gnyis med la mthong ba yod pa'i phyir/ so sor rtog pa'i ye shes byung // mthong ba la tshad yod pa'i phyir// bya ba grub pa'i ye shes byung ngo // ye shes las 'od byung ste// ye shes mi 'gyur ba'i phyir mthing gar byung // ye shes dag pa'i phyir dkar por byung ngo // ye shes la yon tan 'byung ba'i phyir ser por byung ngo // ye shes la dbang rdzogs pa'i phyir dmar por byung ngo // ye shes la phrin las rdzogs pa'i phyir ljang gur byung ngo // de bzhin du sems can kun la yang de bzhin gnas so// gsang sngags thams cad kyi mdo yang de bzhin no// sangs rgyas thams cad kyi dgongs pa'i tshad kyang de bzhin no// de bzhin gshegs pa'i dgongs pa rang grol ba chen po'o// man ngag thams cad kyi mdo yin no// de bzhin du rtogs par gyis shig/ rigs kyi bu de bzhin du shes pa'i rigs kyi bu de ni/ yongs su mya ngan las 'da' bar 'gyur ro// zhes rig pa rang shar chen po'i rgyud las/ rig pa dang ye shes kyi le'u ste re gnyis pa'o// // de nas yang gsang ba'i bdag pos 'di skad ces gsol to// kye kye bcom ldan ma 'ongs sku/ thog med/ kyang byung / rtog med sangs rgyas rang grol la// 'dzin pa'i
- 265b
sems nyid ci ltar byung // mos pas spyod pa'i 'khor rnams la// ma nor legs par bstan du gsol// zhes zhus so// de nas yang bka' stsal pa/ kye ma gsang ba'i bdag po nyon// ngas bstan legs par yid la zung // mthong bar gyis la go bar gyis// shes par gyis la rtogs par gyis// sangs rgyas 'dzin med rang grol la// rnam rtog mtshan ma ngang gis med// bsam med chos sku'i ngo bo stong // rtog med gsal ba'i chos nyid do// rdo rje sems dpa'i rig pa nyid// rkang med mkha' la kun tu rgyug/ rig pa'i ye shes chen po ni// grogs med gcig pur yang dag bde// rig pa'i ye shes rtog med ni// bltar med sku la yang dag blta// brjod med rang gi rig pa ni// dper na gar sbyin snod dang 'dra// ma rig sbur ma lta bu ste// de yi rtsi la chags pa bzhin// rig pa ye shes skye med pa// ma rig 'phral du chags pa'o// de nas yang gsang ba'i bdag pos 'di skad ces gsol to// kye kye bcom ldan rdo rje 'chang // bdag cag mos pa'i 'khor rnams la// gang gi thabs kyi grol ba rnams// mos pa'i 'khor la gsung du gsol// zhes zhus so// de nas yang bka' stsal pa// sangs rgyas kun gyi ye shes ni// gang gi phyogs su ma lhung ba'o// dper na sbur dang sbyin snod la// chu yis gnyis ka sel ba ltar// rig dang ma rig rtog pa yang // chos
- 266a
nyid rang snang nam mkha' la// rig pa'i ye shes ma yengs par// 'dzin med ngang du bzhag gyur na// ye shes rang snang mthong ba'i lam la shes shing rig/ ma 'gag 'khrul pa'i chos las log pa'o// bsal med chos sku spros bral ni// sangs rgyas ye shes lus nyid las// rtog med sangs rgyas ngo bo gsal// 'dzin med rang dag chen po la// rdo rje sems dpa'i rig pa gsal// gsal dang stong pa'i ye shes la// mtshan ma med pa'i chos nyid gsal// zhe 'dod med pa'i bsgom pa la// btang gzhag med pa'i ting 'dzin gsal// spang thob med pa'i blta ba la// rtog pa med pa'i mthong ba gsal// bcos pa med pa'i spyod pa la// byas pa med pa'i byung ba gsal// bsam dang bral ba'i chos sku la// 'gag pa'i med pa'i longs sku gsal// mtshan ma med pa'i chos nyid la// thams cad 'dren pa'i sbrul sku gsal// phyir mi ldog pa'i sku gsum la// gzung 'dzin med pa'i rig pa gsal// yang dag sangs rgyas lam rgyal la// sbyang du med pa'i dkyil 'khor gsal// skye ba med pa'i yig 'bru la// 'dul bral med pa'i lha tshogs gsal// nub pa med pa'i rgyal mtshan la// 'gyur ba med pa'i sgron ma gsal// rtog pa med pa'i ye shes la// gsal 'grib med pa'i 'od lnga gsal// bstan du med pa'i lung chen la// shes su
- 266b
med pa'i chos sku gsal// brjod du med pa'i man ngag la// gzung du med pa'i rig pa zin// bshad du med pa'i chos nyid las// thob tu med pa'i 'bras bu thob// yi ge med pa'i rgyud chen las// bshad du med pa'i sangs rgyas gsal// bsgrub tu med pa'i phrin las la// bya ru med pa'i mchod pa gsal// chos nyid 'gyur med snang ba la// lha dang bral ba'i rig pa gsal// stong pa nyid kyi chos nyid la// bde ba zag/ med thig le gsal// yang dag don gyi chos sku la// rtog med gsal ba'i ye shes gsal// 'gyur med rang gsal ngo bo la// rtog med mnyam pa'i thig le gsal// rnam dag dbyings kyi thig le la// brjod med lam gyi thig le gsal// sa la mi gnas sku mchog la// btang snyoms ye shes dkyil 'khor gsal// bya rtsol bral ba'i chos nyid la// dkyil 'khor lnga yi 'du 'phro gsal// rtog pa lam gyi sangs rgyas la// 'bras bu rgyu yi sangs rgyas gsal// grol ba 'bras bu'i sangs rgyas la// smin pa rtags kyi sangs rgyas gsal// bya byed bral ba'i rig pa la// 'dzin med rdo rje'i sku nyid gsal// kun tu khyab pa'i ye shes la// rang gsal chos nyid rtog med gsal// e ma ho// 'dzin pa med pa'i chos nyid rang gdangs gsal ba'i shugs// rtog pa med pa'i chos nyid mkha' khyab kun la rol// 'dzin pa med pa'i chos nyid
- 267a
rang sar dag/ rtog pa med pa'i rang grol bde ba'i shugs// yengs pa med pa'i rang snang kun la khyab// yang dag chos nyid bde chen sa la gshegs/ zhes rig pa rang shar chen po'i rgyud las// rang bzhin gsal ba'i le'u ste drug cu re gsum pa'o// // de nas yang gsang ba'i bdag pos 'di skad ces gsol to// kye kye ston pa chen po// 'khor rnams la dbang po'i bye brag gsung du gsol/ zhes zhus so// de nas yang bka' stsal pa/ kye mos pa'i 'khor rnams nyon cig/ ngas sems can gyi ma rig pa bsal ba'i phyir/ snang ba'i 'char lugs nyi shu rtsa gcig yod pa'i phyir/ 'di rnams yid la zung zhig/ dbang po la rnam pa gsum gyis bstan te/ rab dang / 'bring dang / tha ma'o// rab la bdun te// rab kyi tha ma dang / rab kyi 'bring / rab kyi rab dang / rab kyi phul dang / rab kyi mchog dang / rab kyi rtse mo dang / rab kyi mthar phyin pa'o// de ni rab kyi dbye ba yin no/ de yang mthong tshul re/ ye shes kyi snang ba skye tshul re/ rtog pa'i tshad re/ snang ba'i skyes tshul re/ go ba'i skyes tshul re/ shes pas brtags lugs re shar nas rang rang gis snang ba la brtan pa thob pa'o// 'bring la yang bdun te/ 'bring gi tha ma dang / 'bring gi 'bring dang / 'bring gi rab dang // 'bring gi phul dang / 'bring gi mchog dang /
- 267b
'bring gi rtse mo dang / 'bring gi mthar phyin pa'o// de la yang ye shes skye ba'i tshad re 'byung ngo // de ni dbang po 'bring gi yin no// tha ma la yang bdun te/ tha ma'i tha ma dang / tha ma'i 'bring dang / tha ma'i rab dang / tha ma'i mchog dang / tha ma'i phul dang / tha ma'i rtse mo dang / tha ma'i mthar phyin pa'o// de yang dbang po rab la skad cig ma gsum la 'tshang rgya nas sprul pa rang bzhin du 'byung ngo // de yang skad cig ma gcig la tshom bu'i snang ba 'gags/ skad cig ma gcig la lhun grub kyi snang ba skye/ skad cig ma gcig la ka dag gi bden pa mthong / de yang sprul pa ni/ ka dag gi sa nas mi 'gyed de/ lam du dbang thams cad kyi de bzhin nyid thob nas/ dper na skar mda' nam mkha' la rgyug pa'i tshul te/ skar mda' de las 'od 'phros pa dang 'dra bar sprul pa bkyes nas 'gro ba'i don byed do// don byed ni zhag gsum nas nus so// dbang po rab kyi rtse mo ni/ zhag gcig par dor sdod de/ de yang ye shes bzhi sbyor gyi snang ba la rang gi snang ba thob ste/ de yang bdag gi mig nas ye shes kyi mi gnyis snang ba byung nas/ mtshon char babs pa de kun tshig nas/ snang ba 'gag pa med par shar nas/ de la rang gi shes pa sad nas/ rang gi yul mthong ste/ lhun grub kyi sa la nges pa rnyed nas/ yang skar mda' lta bur shes par bya'o// dbang po
- 268a
rab kyi mchog ni zhag gnyis nas 'tshang rgya ste/ de yang tshom bu'i snang ba la zhag gcig sdod de/ de yang rang gi thugs ka nas ye shes kyi nyi ma gcig 'char te/ de las 'od zer phyogs bcur 'phros/ de las 'od zer gyi rtse mo re re la de bzhin gshegs pa'i sku re re 'char ro// de nas snang ba'i spyod yul thams cad sku'i rang bzhin du mthong ngo // de nas yang lhun grub kyi snang ba yang nges pa rnyed nas/ sprul pa zhag bdun nas don byed dus so// yang skar mda' bzhin no// rab kyi phul ni zhag gsum gyis bar do la sdod do// de yang tshom bu la zhag gcig sdod do// de la yang nges pa ma rnyed par ye shes kyi snang ba la rang gi snang ba cha gcig 'char ro// der yang zhag gnyis sdod do// zhag dang por 'od mthong ngo // zhag gnyis pa la sku mthong ngo // sku de yang che ba rags pa mthong ngo // de la yid ches nas lhun grub kyi sa la nges pa rnyed do// de yang skar mda' ltar shes par bya'o// sprul pa yang zhag bcu gcig nas don byed nus so/ rab kyi rab ni/ zhag bzhi bar do la sdod de/ de yang rang gi mdun na tshom bu lnga bkra sa le 'dug pa mthong nas/ de la rang gi bag chags sad nas/ shar phyogs kyi tshom bu la zhag gcig sdod do// de bzhin du phyogs bzhi'i tshom bu la zhag re re sdod do// de nas yang lhun grub la nges pa rnyed nas 'tshang
- 268b
rgya'o// sprul pa yang zhag bcu bzhi nas don byed nus so// dbang po rab kyi 'bring ni/ zhag lnga nas mthong ngo // de yang 'di lta ste/ zhag bzhi tshom bu la sdod do// zhag gcig ye shes kyi snang ba la sdod do// de yang rang gi thugs ka nas 'od zer rta rnga tsam gcig byung ste// de yang nam mkha'i khams su 'greng bur 'ong ngo // de la rang gi mig ma yengs par bzung nas bltas pas/ nam mkha'i dkyil nas tshom bu chen po gcig bkra sa le ba de mthong nas/ de la yid ches rab tu skyes nas/ rang gi yin snyam pa'i shes pa gcig byung bas/ yid ches pas ma pang du bu 'jug pa'i gdams ngag ces bya'o// de nas de la rang gi rig pa rim gyis thim pa ni/ mi 'gyur ba gser gyi thur ma lta bu'i gdams ngag go/ de la yang mi gnas pa ka dag gi sa la thim pa ni/ phyir mi ldog pa dpag chen gyi mda' lta bu'i man ngag ces bya'o// sprul pa yang zhag nyi shu rtsa gcig nas don byed nus so// dbang po rab kyi tha ma ni zhag drug thogs te/ de yang tshom bu la zhag bzhi thogs so// ye shes kyi snang ba dang po chos kyi dbyings la zhag gcig thogs so// de bzhin du me long lta bu la zhag gcig thogs te/ de nas yang rang gi mig gnyis nas/ ye shes kyi me long gsal ba gnyis lhag gis 'char te/ de la snang ba dpag tu med pa spros nas/ gcig rang gi steng du tshom bu
- 269a
gcig tu mthong ste/ gcig rang gi mdun du yang chom bu gcig tu mthong ngo // de nas nges pa thob nas 'chang rgya'o// sprul pa yang zhag nyi shu rtsa lnga nas don byed nus so// b+haHma nas gnas paman pa'i ye shes/ huHd+hA yang 'dug/ d+hA las 'das pa'i snang ba yul shes pa dus gcig tu mi gnas pa'o/ aH'di la/ a shoHpa da niHdang a sho pad niHdang a sho pa da niHdang aHsho ya ta niHdang aHsho yaHta niHsna tshogs 'byung / rtag pa'i phyogs yangs shing byar med pa'i snang ba'o// sho pa da niHka ya d+haHpi ya duHpa ya aHde nas yang gsang ba'i bdag pos 'di skad ces gsol to/ kye kye ston pa chen po/ dbang po 'bring gi grol lugs gsung du gsol/ ston pas lung bstan du gsol/ zhes zhus so// yang ston pas bka' stsal pa/ gsang ba'i bdag po nyon cig ngas legs par bstan gyis/ ma yengs par nyon cig de yang 'di lta ste/ 'bring gi nges pa 'jog pa ni/ zhag bdun nas nges pa rnyed do// de yang zhag lnga tshom bu'i snang ba la sdod do// zhag gcig chos kyi dbyings la sdod do// zhag gcig me long gi ye shes la sdod do// de yang rang gi thugs ka nas skra gcig shar byung ba de la ska grangs med pa 'phros pas de las rang gi shes pa sad de/ stobs su gyur nas yang skar mda' lta bu'o// sprul pa yang zhag nyi shu rtsa drug nas don byed nus so// dbang po 'bring gi rtse mo ni/ zhag brgyad thogs te/
- 269b
yang tshom bu la zhag lnga thogs so// ye shes bzhi'i snang ba la zhag gsum bsdad nas/ yang rang gi steng nas ye shes kyi sku sna tshogs su 'phro ba gcig mthong bas de la nges pa rnyed nas/ de yang skar mda' lta bu'o// sprul pa yang zhag nyi shu rtsa bdun nas don byed nus so// 'bring gi mchog ni zhag dgu thogs te/ de yang tshom bu la zhag lnga thogs so// ye shes la zhag bzhi thogs so// de nas yang nges pa rnyed do// cir snang thams cad me long lta bur rtogs shing mthong nas bden pa 'thob bo// sprul pa yang zhag sum cu nas don byed nus so// 'bring gi phul ni zhag bcu thogs te// de yang tshom bu lnga la zhag lnga/ ye shes kyi snang ba la zhag bzhi thogs so// lhun grub kyi snang ba la zhag gcig thogs nas/ de yang sku de dag thams cad gnyis med du rtogs nas sangs rgyas so// sprul pa yang zhag gsum cu rtsa gcig nas don byed nus so// 'bring gi rab ni zhag bcu gcig thogs te/ yang tshom bu la zhag lnga/ ye shes la yang zhag lnga/ lhun grub la zhag gcig ste de nas yang nges pa rnyed nas/ snang ba thams cad 'od dang 'od kyi khyim du mthong nas/ nges pa rnyed do// sprul pa yang zhag sum cu rtsa bzhi nas don byed nus so// 'bring gi 'bring ni/ zhag bcu gnyis thogs te/ yang tshom bu la zhag lnga/ longs sku khro bo'i zhing khams su zhag gcig ye shes kyi
- 270a
snang ba la zhag lnga/ lhun grub kyi snang ba la zhag gcig gnas nas nges pa rnyed nas brtan pa thob bo// sprul pa yang zhag sum cu rtsa bdun nas don byed nus so// 'bring gi tha ma ni zhag bcu gsum thogs te/ de yang tshom bu gong 'og la zhag drug/ ye shes la lnga/ lhun grub la zhag gnyis gnas pas/ yang cir snang mar me'i dkyil 'khor ltar mthong nas nges pa rnyed do// sprul pa yang zhag sum cu rtsa dgu nas don byed nus so// b+ha don gcig gi rig pa/ d+hA/ shes rab kyi rig pa/ sing / gzhi las/ khu ba saH'di yang lu pa ya dang / d+ha pa yaHdag byung / gser du snang ba/ aHskye ba med/ de nas yang gsang ba'i bdag pos 'di skad ces gsol to// kye bcom ldan 'das thugs rje chen po dang ldan pa dbang po tha ma'i grol lugs gsung du gsol/ zhes zhus so// de nas yang bka' stsal pa/ kye gsang ba'i bdag po nyon cig dbang po tha ma'i grol lugs ni 'di lta ste/ de yang tha ma'i sa zin pa ni/ zhag bcu bzhi thogs/ de yang tshom bu gong 'og la drug ye shes la lnga/ lhun grub la gsum thogs pa'i tha ma la rang gi snang bar mthong nas yang 'tshang rgya'o// sprul pa yang zhag bzhi bcu nas don byed nus so// tha ma'i rtse mo ni zhag bco lnga thogs te/ yang tshom bu dang ye shes gong bzhin no// lhun grub la zhag bzhi gnas pa'i tha ma yang rang gi snang bar mthong
- 270b
nas yang brtan pa thob bo// sprul pa yang bzhi bcu zhe gsum nas don byed nus so// tha ma'i mchog ni zhag bcu drug thogs te/ tshom bu dang ye shes la gong bzhin no// lhun grub la zhag lnga gnas pa'i tha ma yang rang gi snang ba mthong nas brtan pa thob po// sprul pa yang zhag zhe drug nas don byed nus so// tha ma'i phul ni/ zhag bcu bdun thogs te/ tshom bu dang ye shes kyang gong bzhin no// lhun grub la zhag drug gnas pa'i tha ma yang rang gi snang ba mthong nas brtan pa thob bo// sprul pa yang zhag bzhi bcu zhe bdun nas don byed nus so// tha ma'i rab zhag bco brgyad thogs te/ yang tshom bu la zhag drug thogs so// ye shes la zhag brgyad/ lhun grub la zhag bzhi gnas pa'i tha ma rang gi snang bar mthong nas brtan pa thob bo// sprul pa yang zhag lnga bcu nas don byed nus so// tha ma'i 'bring ni/ zhag bcu dgu thogs te/ yang tshom bu la yang zhag bcu gnyis thogs so// ye shes la bzhi gnas so// lhun grub la zhag gsum gnas pa'i tha ma rang gi snang ba la bden pa mthong nas brtan pa thob bo// sems can gyi dbang po de rnams kun sangs rgyas kyi sa non pa'o// bar do de rnams kyang dper na rmi lam lta bu'o// dbang po tha ma'i tha ma ni/ zhag nyi shu la gnas nas/ de yang lhun grub kyi snang bar lam byung nas/ ma dag pa 'khor ba'i sgor lam byung nas/
- 271a
phyogs bcur sprul pa'i zhing khams su gnas nas/ bar do med par yang dag par 'tshang rgya'o// de nas yang sems can gyi blo bsam gyis mi khyab kyang / bsdu na nyi shu rtsa gcig tu 'dus so// de bzhin du sems can kun gyis rang rgyud grol bar gyis shig ces rig pa rang shar chen po'i rgyud las/ dbang po'i bye brag bstan pa'i le'u ste drug cu re bzhi pa'o// // de nas yang gsang ba'i bdag po la phyogs bcu'i de bzhin gshegs pa rnams kyis lung bstan pa 'di yang dag par bka' 'gro ba mdzad do// de nas de bzhin gshegs pa thams cad mdun gyi nam mkha' la lhags nas 'di skad ces bka' stsal to// kye rgyal ba'i sras su gyur ba'i rigs phyag na rdo rje khyod nyon cig ngas khyod la lung bstan gyis legs par ma yengs par nyon cig/ legs pa thams cad kyi gzhi ma mchog tu gyur pa zhes bya ba zhing khams su/ sangs rgyas stong gi gtsug phud kyi rgyal po zhes bya ba'i nye gnas su khyod gyur nas/ gsang sngags kyi chos chen po 'di rgyas par byed do/ de nas de bzhin gshegs pa 'od zer kun tu mtha' yas pa zhes bya bas lung bstan pa/ rigs kyi bu khyod nyon cig/ khyod la ye shes kyi snang ba lnga lhag par 'char ro// de'i dus su rang gi de nyid ngo shes par gyis shig/ rigs kyi bu rtogs pa lam du khyer ba'i dus
- 271b
su/ 'khrul pa'i snang ba zil gyis non par gyis shig yang dag pa'i shes pa sad pa'i dus su/ stobs dang mi 'jigs pa la gdeng chud par gyis shig/ sangs rgyas kyi lam lnga nyams su longs par gyis shig ces lung bstan pas/ gsang ba'i bdag po phyi'i chos la bzod pa thob po// de nas yang de bzhin gshegs pa me 'od chu'i rgyal po zhes bya bas lung bstan pa/ kye rigs kyi bu/ sangs rgyas kyi bden pa mthong ba'i dus su/ spyan lnga la mkhas par gyis shig phyi nang gi drod skye ba'i dus su zhing khams rnam par dag pa rnams mthong bar gyis shig/ rig pas sems bcom pa'i dus su/ nam mkha' rnam par dag pa ngo shes par gyis shig yang dag pa'i stobs skyes pa'i dus su rtags ngo shes par gyis shig/ rang gi rig pa phyogs med du shar ba'i dus su/ don ngo shes par gyis shig/ rol pa sna tshogs su snang ba'i dus su/ dpe ngo shes par gyis shig ces lung bstan pas/ gsang ba'i bdag pos nang gi chos la bzod pa thob bo// de nas yang de bzhin gshegs pa rdo rje gtsug phud kyis 'di skad ces lung bstan to// kye rigs kyi bu yang dag pa'i shes pa skyes pa'i dus su gzhon nu bum pa'i sku ngo shes par gyis shig/ rig pa rang sar dag pa'i dus su/ mkhar gzhong nang gi bcud ngo shes par gyis shig rtog pa 'dzin pa'i sems dang bral ba'i dus su/ me
- 272a
long gnyis ngo shes pa gyis shig lta ba la bzla ba'i dus su/ rgud kyi rgyal po 'di ngo shes par gyis shig/ bsgom pa klong rdol ba'i dus su/ sgron ma'i tshad ngo shes par gyis shig spyod pa gting rdol ba'i dus su/ man shel gyi dkyil 'khor ngo shes par gyis shig ces lung bstan pas/ gsang ba'i bdag pos chos thams cad kyi mig rnyed do// de nas yang de bzhin gshegs pa rgyan dam pa zhes bya ba des lung bstan pa/ kye rigs kyi bu legs par yid la zung zhig sangs rgyas kyi dgongs pa klong du gyur pa'i dus na/ gzugs sku ngo shes par gyis shig rang gi snang ba yul la lhug par shar tsam na/ rtsa bzhi bzlog pa ngo shes par gyis shig bar do gnyis pa la 'od mtshon cha lta bur shar tsam na nyi ma'i zer ngo shes par gyis shig rnam rtog med pa'i rig pa mkha' la gsal ba'i dus na/ tshom bu'i de bzhin nyid ngo shes par gyis shig de bzhin du rang gi dkyil 'khor lnga ngo shes par gyis shig ces lung bstan pas/ gsang ba'i bdag pos tshom bu'i snang ba mthong ngo // de nas yang de bzhin gshegs pa 'od kyi dgongs pa las mi 'da' ba'i gzi brjid kyi rgyal pos 'di skad ces lung bstan to// kye rigs kyi bu sems med pa'i rig pa ngo shes par gyis shig yid dang bral ba'i shes rab ngo shes par gyis shig dbugs dang bral ba'i sku ngo shes
- 272b
par gyis shig 'dzin pa dang bral ba'i rang grol ngo shes par gyis shig rtog pa dang bral ba'i 'od snang ngo shes par gyis shig 'byung ba dang bral ba'i ye gdangs ngo shes par gyis shig bag chags las 'das pa'i rig pa ngo shes par gyis shig rgyu med pa'i 'bras bu ngo shes par gyis shig dus dang bral ba'i rang gdangs ngo shes par gyis shig/ sangs rgyas med pa'i sems can ngo shes par gyis shig dbang rang byung gi dkyil 'khor ngo shes par gyis shig ces lung bstan pas/ gsang ba'i bdag pos gzhi'i dbang gi bden pa mthong ngo // de nas yang de bzhin gshegs pa mar me mdzad chen pos 'di skad ces lung bstan to// kye rigs kyi bu ngas don ma nor bar bstan gyis/ legs par nyon cig skye ba med pa'i tshad 'chi ba med pa la zung zhig 'gag pa med pa'i tshad sna tshogs 'char ba'i phyir zung zhig 'gyur ba med pa'i tshad gting zab pas zung zhig yangs pa'i tshad mtha' dbus med pas zung zhig dgongs pa'i tshad ma yengs pas zung zhig ting nge 'dzin gyi tshad btang bzhag med pas zung zhig ma bcos pa'i tshad skyon med pas zung zhig rtogs pa lam du khyer ba'i tshad 'char nub med pas zung zhig gdams ngag thob pa'i tshad snang ba zad pas zung zhig ces lung bstan pas/ gsang ba'i bdag pos shes rab chen po'i don thams cad thugs su
- 273a
chud do// de nas yang de bzhin gshegs pa thams cad kyis dgongs pa'i tshad gsungs pa/ e ma ho/ gsang ba'i bdag po nyon// sangs rgyas kun gyis dgongs pa ni/ sems can kun gyi lam la gnas// rnam dag don spyod dgongs pa ni// thun dang mtshams med gcig pu nyid// gzhan la brten pa ma yin no// gzhan la brten na rtsol bar 'gyur// nyon cig sangs rgyas dgongs pa ni/ bya dang byed pa'i chos dang bral// bya byed spangs na bde ba rnyed// bde ba rnyed pa'i gang zag de// yang dag sa la lhun grub rnyed// de ni dgongs pa'i tshad ma yin// chos rnams kun gyi dgongs pa ni// rang dag rang grol chen po'o// dgongs dang mi dgongs tshig gi lam// tshig ldan la yang bde ba med// yang dag chos sku 'gag pa med// tshig las 'das pa'i chos sku'o// zhes gsungs nas/ mi snang ba'i ngang du se gol gtogs pa tsam la gshegs so// zhes rig pa rang shar chen po'i rgyud las/ rjes su lung bstan pa'i le'u ste drug cu re lnga pa'o// // de nas yang gsang ba'i bdag po'i ngo mtshar mchog tu skyes 'di skad ces gsol to// kye ston pa thugs rje chen po dang ldan pa/ bdag cag mos pa'i 'khor rnams la// sems can snang ba ji ltar dgag gsung du gsol/ lung bstan du gsol/ zhes zhu ba zhus so// de nas yang ston
- 273b
pas bka' stsal pa// kye mos pa bskyed pa'i rigs kyi bu rnams nyon cig ngas ma nor bar bstan gyis/ legs par yid la zung zhig thabs kyi don legs par yid la zung zhig kye grogs po dag sems can rnams dbugs 'pho ba'i tshe/ phyi yi 'byung ba lnga nang gi 'byung ba lnga la thim/ nang gi 'byung ba lnga gsang ba'i 'byung ba lnga la thim/ gsang ba'i 'byung ba lnga yongs su rdzogs pa'i 'byung ba lnga la thim nas/ lam chen po la 'jug pa'i tshe/ 'di ltar shes par bya'o// de nas nang gi 'byung ba lnga phyi la thim pa'i rtags su 'di ltar shes par bya'o// sa sa stong pa'i rtsal 'byongs nas ye shes bag la zha'o// ye shes kyi dngas ma rig pa'i stobs la zhabs ye shes lam du snang ma nus so// la thim// chu ye shes kyi brlan rig pa'i ngang du zhabs kha s+tha nas chu 'dra ba de yang rig pa'i ye shes la gsal 'grib med kyang rtsal du snang ma nus pas rig pa bag la zha'o chu thim// me me ye nas rang gi rig pa shes rab kyi ngo bor gnas kyang dus der rlung nang du zhugs pas rtsal phyir snang ma nus pa'o// la thim// rlung rig pa'i rtsal rdzogs pas phul la mi gnas pas lus kyi stobs shor ye shes kyi yon tan bag la zha ba'i phyir ro/ rlung la thim// nam mkha' rig pa bar do la thim pas ye shes rang sa zin pa'i dus te/ rang snang rig pa la snang ba la rdos bcas 'ching byed dang bral du nye ba'i phyir ro/ nam mkha' la thim nas/ de yang sa sa la thim pa la gnyis te/ phyi'i sa nang gi sa la thim/ nang gi sa phyi'i sa la thim/ phyi'i sa nang gi sa
- 274a
la thim pa'i dus ni/ dang po'i dus so// nang gi sa phyi'i sa la thim pa'i rtags su/ lus kyi stobs 'chor ro// de yang 'di lta ste/ kun tu snang ba'i sa thim pa'i rtags su/ phyi'i shes pa rmugs/ mi 'gyur ba rdo rje sa thim pa'i rtags su/ lus kyi stobs 'chor ro// thams cad 'byung ba rin po che'i sa thim pa'i rtags su stobs nyams nas ldang mi nus/ snang ba ston pa kun tu mtha' yas pa'i sa thim pa'i rtags su/ longs spyod rdzogs pa'i stobs 'chor nas dgongs pa mi gsal lo// bsgrub pa mthar phyin pa'i sa thim pa'i rtags su/ sgron ma'i snang ba 'gags so// nang gi chu phyi'i chu la thim pa'i rtags su/ chu mi thub ste// 'gyur ba med pa'i chu thim pa'i rtags su/ kha sna nas chu 'dzag/ zhi ba gsal dag gi chu thim pa'i rtags su/ gsang ba'i gnas nas chu mi thub/ yon tan rgyas pa'i chu thim pa'i rtags su/ mig gyen la ldog nas 'ong / chags pa med pa'i chu thim pa'i rtags su/ kha sna skam pa yin/ 'dzin med rdzogs pa'i chu thim pa'i rtags su rna bas sgra mi thos pa yin no// nang gi me phyi'i me la thim pa'i rtags su lus kyi drod 'chor ba yin/ de yang 'di ltar shes par bya'o// phyi nang kun khyab kyi me thim pa'i rtags su/ nang gi drod shor zhing shes pa mi gsal/ phyi nang kun tu mnyam pa'i me thim pa'i rtags su// gsang ba'i drod 'chor//
- 274b
phyi nang gi bya ba rdzogs pa'i me thim pa'i rtags su/ yongs su rdzogs pa'i drod 'chor/ phyi nang gi bya ba grub pa'i me thim pa'i rtags su/ stong pa'i sgron ma mi mthong ngo // phyi nang rdzogs pa'i me thim pa'i rtags su/ shes pa res gsal res mi gsal lo// nang rlung phyi rlung la thim pa'i rtags su/ lus kyi rtsal shor/ de yang 'di ltar shes par bya'o// bkrag dang gzi mdangs sed pa'i rlung thim pa'i rtags su/ lus kyi bkrag 'chor/ me dang mnyam du gnas pa'i rlung thim pa'i rtags su/ lus nas chu 'brub/ srog 'dzin pa'i rlung thim pa'i rtags su dbugs mi thub/ kun tu khyab byed kyi rlung thim pa'i rtags su/ lus kyi bkrag dang dran pa 'chor/ snying rje med pa bskal pa las kyi rlung thim pa'i rtags su/ phyi dbugs chad pa yin no// de ni phyi'i 'byung ba zhes bya'o// nam mkha' nam mkha' la thim pa ni/ phyi kun la khyab pa'i nam mkha' sgron ma rnam par dag pa la thim mo// yul med gsal dag gi nam mkha' rig pa la thim mo// ma 'dres pa dag pa'i nam mkha' dbyings la thim mo// don mtshon byed kyi nam mkha' shes rab la thim mo// dag pa'i zhing du sgrol byed kyi nam mkha' nyi shu rtsa gcig don la thim mo// de ni nang gi 'byung ba zhes bya'o// rtsa ba 'dzin pa'i srog thig le la thim mo// skyob byed kyi srog nam mkha' la 'khyil lo// rnam par 'phro ba'i srog lus
- 275a
la 'khyil lo// mi gtsang ba'i srog nam mkha' la yal lo// rnam par 'dar byed kyi srog dbyings su thim mo// de ni gsang ba'i 'byung ba zhes bya'o// dngas snyigs 'byed pa'i rlung tshom bu la thim mo// drod skyed pa'i rlung 'od la thim mo// gsal 'gyur gyi rlung sku la thim mo// rnam par sdud pa'i rlung ye shes la thim mo// rnam par gzengs bstod pa'i rlung thugs rje la thim mo// rnam par shes pa bskyed pa'i rlung stong pa la thim mo// rnam par yid 'byung ba'i rlung gnyis me la thim mo// rnam par mdangs dang ldan pa'i rlung mthar grol la thim mo// rnam par sreg pa'i rlung bde ba chen po la thim mo// rnam par dgod pa'i rlung gsal ba la thim mo// gzhi la khyab byed kyi rlung mkha' gsal la thim mo// 'phral khyab byed kyi rlung gting gsal la thim mo// sngangs zhing skrag pa khyab byed kyi rlung yul la thim mo// dran pa khyab byed kyi rlung bar do la zim mo// 'dzin pas lus kun khyab pa'i rlung rang snang la thim mo// rnam par spyod byed kyi rlung gis rig pa mkha' la bskyod do// rnam par sgrol byed kyi rlung gis phyi nang gi chos dang phral lo// rnam par ldog byed kyi rlung gis rang gi rig pa gzhi la ldog go/ rnam par myur byed gyi rlung gis rig pa'i yul mthong / skad cig ma'i rlung gis skad cig ma gsum la ka dag gi sa la phyin par byed do// de ni yongs su
- 275b
rdzogs pa'i 'byung ba'o// gang zag rkyen gyi dbang du ma song ba rnams de bzhin du tshe'i dus byed do// de ltar min pa tshe'i 'du byed byas pa ni/ byang chub sems dpa'i dbugs 'pho lugs zhes bya ste/ skye gnas kyang bde ba dang ldan par skye'o// de min las zad pa rnams la de bzhin du shes par gyis shig/ bden pa mthong ba'i sems can rnams la 'di ltar shes par bya'o// rigs kyi bu de mya ngan las 'das pa'i tshe lus kyi zung sher nas ye shes kyi snang ba gzhi las 'phags nas ye shes mkha' la bskyod pa'i tshe/ rig pa mig nas lam phyung nas mkha' la bskyod do// de yang 'di ltar shes par bya'o// tsit+ta'i dkyil nas rig pa thig le la thim mo// thig le sgron ma la thim mo// sgron ma 'od la thim mo// 'od sku la thim mo// sku tshom bu la thim mo// tshom bu ye shes la thim mo// ye shes lhun grub la thim mo// lhun grub ka dag chen po la thim nas sa zin pa'o// gang zag bden pa mthong ba rnams kyi thim lugs dang grol lugs de ltar snang ngo // zhes rig pa rang shar chen po'i rgyud las/ sems can gyi 'pho tshul bstan pa'i le'u ste drug cu re drug pa'o// // de nas yang gsang ba'i bdag pos 'di skad gsol to// kye kye ston pa rdo rje sems/ bdag cag ma rig sems can la// thar pa'i thabs chen gsung du gsol// zhes zhus
- 276a
so// de nas yang ston pas bka' stsal pa// kye ma gsang ba'i bdag po nyon// ngas bstan legs par yid la zung // sems kyi rnam rtog spongs la nyon// yang dag thabs chen don bshad kyis// ma yengs tshul gyis gus par nyon// sangs rgyas dgongs pa'i tshad gsungs pa// gsang ba snying gi pho brang na// nyung 'bru'am ni til 'bru tsam// ma bskyed rdzogs pa'i tshul du gnas// de la rtogs dang ma rtogs med// yin dang min pa'i mtha' las grol// shes dang ma shes gnyis su med// yangs shing cha phra kun gyis mthong ba med// rgya che gting zab kun gyis shes pa med// 'gyur med klong yangs mtha' la thug pa med/ 'gags med spyi mdung dbyings la bri ba med// rtog med rang grol lam la sbyang du med// rang byung rang shar ngang gis go ba med// 'byams yas phug rdib snying po gzhi la rdzogs// rdzog pa rang bdag 'byung ba kun gyi bdag/ mtha' 'dus don spyod sems la g.yeng ba med// nga med bdag med 'dzin pa'i blo dang bral// de skad ces bka' stsal pas/ de nas yang gsang ba'i bdag pos 'di skad ces zhus so// kye kye ston pa chen po lags// rdzogs chen a ti yo ga yi// lta bsgom 'bras bu gsung du gsol// zhes zhus so// yang bka' stsal pa/ kye ma gsang ba'i bdag po nyon// rdzogs chen a ti yo ga
- 276b
la// lha dang sgom dang spyod pa med// 'on kyang legs par yid la zung // bsgrub med rtsal spug smon pa med pa yi// byar med lhun rdzogs snga ma de nyid don// bya dang byed pa ga la yod// spyod pa med pa'i chos nyid rang byung 'di// gang yin phyogs su ma lhung dper na nam mkha' bzhin// yod pa ma yin stong pa gcig pu nyid// med pa ma yin yang dag bde ba'i sku// byas pa ma yin rang byung rtog med nyid// rdzogs chen a ti yo ga la// bsgom pa'i chos nyid ga la yod// btang dang gzhag pa med pa'i chos// sgom dang ma bsgoms mtha' las grol// 'dzin med sems kyi dri mas bcings// yang dag rig pa dri ma med// dri med dag pa'i chos sku la// sgom dang bsgom par bya ba med// bsgoms pas yang dag nyid mi rnyed// rnyed na rang rig med par 'gyur// ci phyir rang rig ye shes la// yengs dang ma yengs med pa'i phyir// gang la 'dzin pa yod pa la// rang byung ye shes yod ma yin// gal te rang byung ye shes nyid// bsgom pa'i dbang du gyur pa na// ye nas dam bca' 'gal bar 'gyur// de phyir rdzogs chen a ti la/ bsgoms pas don mi mthong bar bshad// rdzogs chen a ti yo ga la// lta ba nyid la blta ru med// lta ba sems kyi dri ma yin// dri ma dag pa'i chos nyid las// blta bya lta byed gnyis dang bral// lta ba nyid la blta ru med// ci
- 277a
phyir lta ba yod gyur na// rig pa'i sgron ma med par 'gyur// rnam dag ye shes sgron ma las// lta byed yod de blta ba med// nyid las mi gzhan 'khor nyid kyang // sgron ma nyid kyi dpal rdzogs// de phyir rdzogs chen a ti la// lta bar 'dzin pa'i chos nyid med// ci phyir sgron ma yod pa'i phyir// de phyir lta ba med par bshad// rdzogs chen a ti yo ga la// 'bras bu bsgrub tu med par gsungs// 'bras bu byar med rang byung nyid// rtog med pa la de bzhin nyid// ye shes dag snang chen po la// 'dzin med rang mdangs gsal ba'i phyir// gal te 'bras bu yod pa na// sangs rgyas med pa nyid du 'gyur// rang byung rtsol ba med pa yi// 'bras bu byas pa'i chos nyid do// byas pa gang dang gang yod pa/ 'jig pa'i chos nyid yin pa'i phyir// de phyir 'bras bu bsgrub tu med// bsgrubs zin bsgrub tu med pa'i phyir// de phyir 'bras bu med par bshad// rdzogs chen a ti yo ga la// bya dang byed pa'i chos med pas// gcig dang bye brag med pa yin// rdzogs chen chos nyid chen po ni// 'das pa'i tshig gis mtshon du med// ma la ya yi rtse mo nas// yang dag snang srid chos kyi sku// mthong ba'i dpe med dpe dang bral// dpe zla med pa'i nyag gcig po// da ltar bzhugs pa bstan du yod// rgya mtsho chen po'i gting rum na// klu
- 277b
rgyal dga' bo'i nor bu ltar// zad med gter la spyod pa'o// ma 'ongs tshig las 'das pa'i phyir// dngos po'i gzugs su med pa'o// mtshan ma'i chos nyid sangs pa'i phyir// 'dzin med cig car 'jug pa'o// dper na tsan+dan sdong po la// sbrul gyis bsrungs te lon pa med// lon na tshad pa'i nad rnams sel// de bzhin ye shes snang ba nyid// bag chags 'khrul pa 'di yis bsrungs// 'khrul snang 'gag na dag snang skye// dag pa'i snang ba chen po la// 'dzin pa'i chos nyid med pa'o// sems can kun gyis snang ba ni// bar dor yul la rnam par snang // bar do'i chos nyid dus las 'gyur ba med// 'gyur med chos la 'khrul pa med// 'khrul pa yod na chos nyid min// rang gsal chos la 'gag pa med// 'gag med chos la rtogs pa med// de bzhin chos nyid rtogs pa rnams// yang dag chos nyid kun gyi lam// lam la gnas na yang dag chos// rdo rje sems dpa'i dkyil 'khor nyid// gsang sngags gsang ba'i ye shes nyid// gang la thogs pa med par 'char// shar ba med cing nub pa med// stong pa'i chos nyid ye shes yin// gsal ba rtog med mnyam pa med// gong na med pa'i chos nyid ni// chu zla rkyen dang 'phrad pa bzhin// dngos snang gzung du med pa'o// dpe yi dkyil 'khor chen po nyid// gang ltar brtags pa ltar snang
- 278a
ngo // snang byed rdo rje'i dkyil 'khor nyid// yang dag chos nyid skye med dam// yang na 'dzin med rang grol lo// ci phyir rang grol nyid kyi rgya// ma 'gags chags pa med pa'o// chags 'dzin sems las grol ba nyid// yang dang yang du shes par bya'o// yang dang yang du 'dris gyur na// bden pa mthong ba'i gang zag go/ ye shes skye dang bden pa mthong // rig pa shes dang chos nyid go/ yang dag bsgrub dang skye med rtogs// de yang bstan pa 'di lta ste// dang po bden pa mthong ba gces// ye shes skye ba'i gang zag ni/ phyogs gcig nges shes skyes pa'o// rig pa shes pa'i gang zag ni// bden pa mthong ba'i skyes bu'o// chos nyid goms pa'i gang zag ni// dge sdig shes pa'i rnal 'byor ro// yang dag bsgrub pa'i gang zag ni// dngos grub phra mo brnyes pa'o// skye med rtogs pa'i rnal 'byor ni// ye shes mthong ba ma yin no// bden pa mthong ba'i gang zag ni/ yang dag dkyil 'khor mthong ba'o// yang dag dkyil 'khor chen po'i don// sus kyang mthong ba med par gsungs// rdo rje sems dpa'i chos nyid 'di// mthong ba mchog tu gyur ba las// gzhan gyis mthong ba yod re kan// zhes ston pas bro bton no// zhes rig pa rang shar chen po'i rgyud las/ rdzogs chen gtan tshigs dang bcas te bstan pa'i le'u ste drug cu re bdun
- 278b
pa'o// // de nas yang gsang ba'i bdag pos 'di skad ces gsol to// kye kye ston pa stobs chen bdag/ rgyud kyi rgyal po chen po yi// nges tshig kha byang gsung du gsol// mos pa skye ba'i 'khor rnams la// rgyud rgyal nges tshig rgyal po gsungs// zhes zhus so// de nas yang bka' stsal pa/ kye ma gsang ba'i bdag po nyon// nga yis khyod la bstan par bya// legs pa'i yid dang bcas pas nyon// bdag nyid lta/ bu'i rig pa la// gzung dang 'dzin pa med pa'i phyir// rang zhes bya bar shes pas bshad// rgyud kyi rgyal po'i nges tshig ni// kye ma sna tshogs rig pa'i klong du 'dus// rig pa'i ye shes dngos po ston pa'i phyir// rig pa'i rgyud ces kun tu grags pa yin// de yang 'gag med rig pa la// cha shas chos dang bral ba'i phyir// rig pa'i rgyud ces kun tu grags pa yin// rig pa'i rgyud la 'gyur ba med// sna tshogs don las 'das pa'i phyir// rig pa'i rgyud ces kun tu grags// ye shes rnam pa lnga yi don// rang las 'char zhing ston pa'i phyir// rang gi rgyud ces kun tu grags// rig pa'i chos sku dag pa de// rang las rang byung rdzogs pa'i phyir// rang gi rgyud ces yongs su grags// rig pa skye 'gag med pa'i don// nga yis khyod la bstan pa ste// rang shar zhes kyang de la bya// 'dzin med yangs pa'i klong dkyil nas// rtog med rang byung
- 279a
sku nyid shar// rang shar zhes kyang de la bya// rang byung pho brang dkyil 'khor nas// sku lnga lhag gis byung ba ste// 'gag med rang shar chen por bshad// rdo rje sems dpa'i ye shes ni// rang las shar zhing spyod pa ni// rang shar chen po'i rgyud ces kun tu grags// rang byung gsang chen dkyil 'khor kun la rol// thabs kyi 'khor lo bskor zhing spyod pa'i phyir// rang shar chen po'i rgyud ces 'gro ba yongs la grags// sangs rgyas rnams kyi dgongs pa 'dus pa'i phyir// rang shar rgyud ces yang dag grags// yang dag sangs rgyas kun gyi lam yin pas// 'gyur med rang shar zhes su bshad pa yin// thams cad 'gags med klong du 'dus pa'i phyir// rig pa rang shar zhes su grags// de yis don chen dgrol ba'i phyir// rang grol chen po'i rgyud du grags// thams cad gtan la 'bebs pa'i phyir// thal 'gyur chen po'i rgyud du grags// sdom byang rgyas par bstan pa'i phyir// snying gi me long zhes su grags// gdams ngag don la bstan pa'i phyir// nor bu phra bkod ces su grags// gol sgrib gdar sha bcad pa'i phyir// thugs kyi me long zhes su grags// thams cad dbyings su bskyal ba'i phyir// klong chen drug pa zhes su grags// 'khrul gzhi gtan la dbab pa'i phyir// bkra shis mdzes ldan rgyud du grags// 'khrul pa
- 279b
gzhi las bzlog pa'i phyir// mu tig phreng ba'i rgyud ces grags// ye shes snang ba bstan pa'i phyir// sgron ma 'bar ba'i rgyud du grags// rig pa'i rkyen rnams spangs pa'i phyir// sku gdung 'bar ba'i rgyud du grags// blta ba gtan la dbab pa'i phyir// seng ge rtsal rdzogs rgyud du grags// 'khrul snang lam du khyer ba'i phyir// yi ge med pa'i rgyud ces grags// bar do'i ye shes ngos gzung phyir// nyi zla kha sbyor rgyud du grags// sgron ma nyams su blang ba'i phyir// ngo spyod spras pa'i rgyud du grags// rang gi rig pa bstan pa'i phyir// rin chen spungs pa'i rgyud du grags// dbang bskur gdams ngag bstan pa'i phyir// rdzogs pa rang byung rgyud du grags// dam nyams rtsad nas gcad pa'i phyir// nag mo khros ma'i rgyud du grags// dbang gi sdom byang bstan pa'i phyir// gtsug na me 'bar rgyud du grags// zhus len rgyas par bstan pa'i phyir// me lce phreng ba'i rgyud du grags// 'od zer byung tshul bstan pa'i phyir// 'od zer can gyi rgyud du grags// thams cad bcud du bstan pa'i phyir// che mchog dgongs pa'i rgyud du grags// de la sogs pa'i rgyud sde rnams// dur khrod chen po'i gnas mchog 'dir// ngas bshad legs par yid la zung // zhes gsungs pas/ gsang ba'i bdag po ngo mtshar mchog tu skyes nas/ yang 'di skad ces gsol to// kye ston
- 280a
pa chen po gsang ba'i rgyud chen po gsung du gsol// zhes zhu ba zhus so// de nas ston pas rgyud chen po 'di gsungs so// dang po'i rgyud chen po zhes bya ba'o// de nas man ngag gi sdom byang snying gi me long gi rgyud che chung gsungs so// des na yang rgyud thams cad dus gcig la gsungs so// ston pa chen po des bsam gyis mi khyab pa'i rgyud gsungs so// rdzogs pa chen po'i don gtan la 'bebs pa'i rgyud kyi rgyal po 'di yis shes par bya'o// gsang sngags kyi kha byang du mdzad pa'o// yang dag pa'i lam dang 'dres pa'i rgyud chen po 'di// las dang ldan pa sbyangs pa'i stobs ma nyams pa 'ga'i bcud yin no// skyes bu blo rtsal rab kyis blta ba'i rgyud yin no// zhes ston pas gsungs so// zhes rig pa rang shar chen po'i rgyud las/ rgyud kyi sdom byang bstan pa'i le'u ste drug cu re brgyad pa'o// // de nas yang gsang ba'i bdag pos 'di skad ces gsol to// kye kye bcom ldan rdo rje'i sku// bdag cag mos pa'i 'khor rnams la// ston pa mya ngan 'das 'og tu// log lha'i rigs rnams thams cad kun// rtsod cing sun 'byin mi 'gyur ram// rgol tshig lan dang bcas pa gsungs/ zhes zhus so// de nas bcom ldan 'das blta ba ngan pa sel ba'i dgongs pa la bzhugs so// de nas mkha' 'gro ma rnams kyis lha'i rol mo sna tshogs
- 280b
byas nas/ ston pa la 'di skad ces zhus so// kye kye ston pa chen po ting nge 'dzin la bzhengs nas/ bdag cag mos pa'i 'khor rnams la/ thabs dam pa bstan du gsol/ ma rig pa'i ling tog bsal du gsol// zhes zhus so// de nas bcom ldan 'das lta ba ngan pa sel ba'i ting nge 'dzin las bzhengs te/ 'khor rnams la tshigs su bcad de bka' stsal pa/ e ma e ma 'dus pa'i tshogs rnams nyon// nga la skye dang 'chi med kyang // gal te mya ngan 'das srid na// mu stegs log par spyod pa rnams// sun phyung tshar gcod bya ba'i phyir// gtan tshig phyir rgol le'u bstan// gal te gzhi la rtsod gyur na/ gzhan dag rtsod pa'i grogs po rnams// lhun grub dag tu 'dod pa na// dri ba 'di ltar 'dri bar bya// sna tshogs 'byung bar 'dod dam ci// dris lan 'di ltar zer ba la// ldog pa'i rig pas sun 'byin bya// sna tshogs 'byung bar 'dod pa la// rol pa phyogs med 'char 'dod na// gal te ldog pa 'di ltar bya'o// lhun grub dag tu 'dod pa'i phyir// sems can 'bad pas grol mi 'gyur// grol na lhun grub min par 'gyur// gzhi de 'gyur ba can du 'gyur// ci phyir lhun grub yin pa'i phyir// lhun grub gzhi la mngon sum med// ci phyir gtan tshigs med pa'i phyir// gang phyir rig pas phug pa'i phyir// chos sku mtshan ma can du gang 'dod
- 281a
pa// de la phyir zlog 'di lta ste// chos sku rnam dag ye shes la// dngos po gzung du med pa'i phyir// mtshan ma can du btags pa med// gal te mtshan ma yod na yang // chos sku gzung du yod par 'gyur// ci phyir mngon sum yul du 'dod pa'i phyir// mtshan ma can du ldog pa na// chos sku gzugs skur yod par 'gyur// ci phyir dmigs su yod dgos phyir// chos sku de ltar mi 'dod de// ngo bo stong pa rang bzhin gsal// mthun pa'i 'od dang bcas par 'dod// de la rgol ba 'di ltar 'ong // ngo bo stong pa yod pa'i phyir// rig pa med pa nyid du 'gyur// dper na nam mkha' stong pa bzhin// rig med stong pa nyid du 'gyur// gal te stong nyid yod na ni// chos sku'i 'od snang med par 'gyur// ci phyir stong pa yin pa'i phyir// 'on kyang de ltar mi 'dod de// stong pa'i rang bzhin gsal ba'i phyir// gsal ba 'dod na 'di lta/ ste// de la zhen chags yod pa'i phyir// chos sgra 'dod pa can du 'gyur// ci phyir dga' ba yod pa'i phyir// 'on kyang de ltar mi 'dod do// snang ba'i rang 'od yod pa'i phyir// chos sku'i rgol tshig de bzhin no// la la dag gi 'dod pa ni// sems las 'bras bu tshol bar 'dod// de la zlog pa 'di lta ste// sems kyi dngos po ci ltar lags// dris lan rgyas par gdab pa ni// sems la dngos po med pa'i phyir// 'o na
- 281b
sems kyi mtshan nyid ci// dris lan rgyas par gdab pa ni// chos nyid gzung 'dzin ga la yod// dper na nam mkha'i mtshan nyid bzhin// gzung dang 'dzin pa med pa'i phyir// de la bzlog pa'i tshig smra ba// sems la gzung 'dzin yod dam med// dris lan rgyas par bstan pa ni// sems la gzung dang 'dzin yod kyang // chos nyid gzung 'dzin med pa'i phyir// de la bzlog pa yang smras pa// gong gi dam bca' nyams par gyur// ci phyir sems dang chos nyid gcig pa'i phyir// sems la gzung 'dzin byung gyur na// sangs rgyas 'bad pas rnyed mi 'gyur// ci phyir sems la gzung 'dzin yod pa'i phyir// dris lan bzlog ste bstan pa ni// gal te sems med sangs rgyas nyid// khyod kyis rnyed dam gang gi phyir// de la dris lan rgyas gdab pa// sems las 'bras bu mi 'tshal te// ci phyir sems las sna tshogs 'byung ba'i phyir// sems ni bag chags sdud pa yin// ci phyir 'dzin pa yul la 'grus pa'i phyir// sems ni 'khor ba'i rtsa ba yin// sems ni spang ba'i rim pa yin// ci phyir rang rig dngos po yod pa'i phyir// sems ni 'khrul pa'i rtsa ba ste// thams cad de las gyes pa yin// ci phyir 'dra gzhi dag las gol ba'i phyir// sems ni dri ma can du bstan// ci phyir rnam rtog yod pa'i phyir// sems ni bya sgro lta bu yin// ci phyir spangs
- 282a
ba med pa'i phyir// de nas tshur la bzlog pa'i tshig smras pa// 'o na ci ltar sems nyid 'dod// de nas dris lan rgyas btab pa// sems la 'bras bu mi 'dod de// rig pa'i ye shes yod pa'i phyir// 'o na rig pa 'di nyid la// mtshan nyid rnam pa du dang ldan// de nas dris lan 'di ltar bya// rig pa'i ye shes mtshan nyid ni// stong dang gsal dang khyab pa yin// ci phyir stong pa nyid ces bya'o// de nas dris lan 'di ltar bya// rig pa dngos po med pa'i phyir// stong pa zhes ni de la bya// dper na nam mkha' stong pa bzhin// snang yang dngos por bzung du med// de nas dri ba dris pa dang // 'di skad tshig rnams brjod par bya// ci phyir stong pa nyid ces bya// de nas dris lan 'di ltar bya'o// shes shing rig pa yod pa'i phyir// shes rig gsal ba nyid du yod// ci phyir gsal ba yod gyur na// mtshan ma can du mi 'gyur ram// ci phyir gsal ba mdzes pa'i phyir// de nas dris lan 'di ltar bya// mtshan ma can du mi 'gyur te// de la chags pa med pa'i phyir// de yang 'di ltar shes par bya'o// dper na nyi ma'i dkyil 'khor bzhin// gsal yang phyogs su ma lhung ba'o// ci phyir zhe 'dod med pa'i phyir// de la bzlog pa'i tshig smras pa// gsal ba zhe 'dod yod pa'i phyir// ci phyir zhe 'dod med par 'gyur// de la chags pas
- 282b
bzung ba'i phyir// de la dris lan rgyas btab pa// de ltar mi 'dod 'di bzhin no// de la khyab pa yod pa'i phyir// 'o na rtogs dang ma rtogs med par 'gyur// ci phyir kun la yod pa'i phyir// de nas dris lan rgyas gdab pa// de la bstan du yod pa'i phyir// ci phyir dper na 'bras bu len pa bzhin// 'o na kun khyab dam bcas nyams// ci phyir bstan du yod pa'i phyir// bstan du yod pa'i don mthong phyir// ci phyir don la mthong ba yod// mthong rgyu med la mthong byed yod// ci phyir mthong byed yod par 'gyur// gzhi dang sems can gcig pa'i phyir// de phyir don la mthong ba yod// gang phyir rig pa'i chos nyid yin// 'dzin med rang sar dag pa'i phyir// 'dzin pa med na tshig kyang med// ci phyir tshig la 'dzin yod phyir// 'o na dam bca' 'dzin pa yod dam ci// yang dag sems la 'dzin med kyang // sna tshogs sems la 'dzin pa yod// ci phyir sna tshogs sems su 'dod// thams cad 'byung bas sna tshogs sems// sangs rgyas 'bras bu 'byung 'gyur ram// de nas dris pa'i lan smras pa// thams cad 'byung phyir sangs rgyas 'byung // 'o na sangs rgyas 'dzin pa yod// ci phyir sna tshogs sems las byung ba'i phyir// 'o na tshig la 'dzin pa med dam ci// tshig la 'dzin pa med pa'i phyir// dper na brag cha lta bu ste// grags kyang 'dzin pa
- 283a
med pa bzhin// de bzhin tshig gi don btsal bas// don rnyed tshig la zhen pa med// de phyir 'dzin med chen por bshad// la las gnyis med dag tu 'dod// de la 'di dag bzlog par bya// gnyis med dag tu 'dod pa rnams// gnyis med bya ba gang la slar yang byung ba'i dpyad// gleng // de la dris lan rgyas par smra// chos rnams thams cad gnyis med yin// de phyir gnyis med yin par 'gyur// sems can med pas sangs rgyas med// de phyir gnyis snang mtha' dang bral// yang dag don la gsungs pa'am// 'on te 'khrul snang yul la gsungs// de la lan dang gtan tshigs bstan// yang dag don la de bzhin te// 'khrul snang yul la gnyis su snang // de la zlog pa'i tshig smras pa// yang dag don la gnyis med phyir// 'khrul snang don la gnyis mi rigs// ci phyir don la gnyis med phyir// gal te sems can thams cad kyang // 'bad mi dgos par grol bar rigs// ci phyir gzhi la gnyis med phyir// 'o na gnyis su 'dod dam ci// de nas dris lan gdab par bya// sangs rgyas sems can med pa'i tshe// gzhi la gnyis dang gsum du med// de las rol pa'i rtsal shar bas// sangs rgyas sems can gnyis su byung // da lta'i gzhi la gnyis su 'dod// ci phyir gnyis su yod par gsungs// gzhi la bzang ngan
- 283b
med pa'i phyir// 'o na 'gyur ldog med par 'gyur// ci phyir sems can sangs mi rgya bar rigs// dper na sol ba nag po la// phyi bdar byas kyang dkar po med// de bzhin sems can 'khrul pa yang // bsgom bsgrub byas kyang sangs mi rgyas// de nas dris lan 'di ltar gdab// de la bstan du yod pa'i phyir// bstan nas 'bras bu thob par 'gyur// ma bstan grol bar ga la 'gyur// gzhi yi chos la mtshan ma med// lam gyi chos la 'dzin yod min// 'bras bu'i chos nyid thob pa min// sems can gzhi dang sangs rgyas gzhi// khyad par gcig gis phye bar nges// khyad par gcig po gang gi phyir// ci phyir khyad par gcig ces bya// sangs rgyas gzhi la ye shes yod// sems can gzhi la ye shes med// ye dang shes pa gnyis 'joms na// sangs rgyas dgongs pa dam pa yin// de phyir gzhan la khyad ci yod// la las kun gzhi'i chos skur 'dod// de la lan btab bstan pa'i phyir// kun gzhi'i mtshan nyid ji ltar yin// de nas de yi lan smras pa// thams cad rdzogs phyir kun gzhi yin// de nas dris pa'i tshig gis bzlog/ sangs rgyas 'gyur ba yod par rigs// ci phyir kun gzhi sna tshogs 'char ba'i phyir// de la thams cad rdzogs pa'i phyir// sangs rgyas nyid du sems can rigs// ci phyir thams cad rdzogs pa'i
- 284a
phyir// yang na sangs rgyas res 'jog can du 'gyur// ci phyir sna tshogs 'char ba'i phyir// res 'ga' sangs rgyas yin par 'gyur// res 'ga' sems can yin par 'gyur// ci phyir res 'jog yod pa'i phyir// de nas dri ba bzlog ste smras// 'o na kun gzhi med dam ci// de nas dris pa'i lan btab pa// kun gzhi rnam rtog 'dzin pa la// sna tshogs pa yi shes pas bslad// kun gzhi ma rig dngos po yin// kun gzhi zhes kyang de la bya'o// zhes rig pa rang shar chen po'i rgyud las// phyir rgol ba thams cad sun 'byin pa'i le'u ste drug cu re dgu pa'o// // de nas yang gsang ba'i bdag pos 'di skad ces gsol to// kye kye bcom ldan thams cad mkhyen// bdag cag mos pa'i 'khor rnams la// gsang sngags tshig don gsung du gsol// zhes zhus so// de nas yang bka' stsal pa// kye ma gsang ba'i bdag po nyon cig/ sems can sdug bsngal chen po las// thar pa'i thabs bstan legs par nyon// yang dag dkyil 'khor bsam mi khyab// de rnams don chen 'dir bstan gyis// shes rab rang byung don gyis nyon// yang nas yang du don bstan pas// yang dag blo yi gting du go/ shes rab chen pos rtogs pa'i rtags// mkha' ltar mnyam pa nyid la gnas// shes rab chen pos khyab pa'i rtags// mi g.yo mnyam
- 284b
bzhag 'dus ma byas// shes rab chen pos grub pa'i rtags// ma chags thabs kyis kun spyod na// shes rab chen pos 'grub pa yin// sangs rgyas kun gyi dgongs pa ni// shes rab chen pos shes par bya'o// shes rab chen pos skad cig la// chos kun khong du chud par byed// shes rab don nyid kun la yod/ de phyir shes rab chen po gsungs// de yang chos rnams 'di lta ste// skye ba med pas 'gag pa med// 'dzin pa med pas rang sar grol// dmigs pa med pas spros pa med// byas pas ma byung kun la yod// 'dus ma byas pa rnam dag dbyings// 'dzin pa'i tha dad chos dang bral// rang bzhin med pas brjod dang bral// yang dag chos nyid rig pa'i klong // kun la khyab pas yab kyi ngang // thams cad bskyed pas yum gyis dbyings// bstan du med pas 'od kyi yul// brjod du med pa'i shes rab la// bstan du med pa'i lung chen snang // gtang bzhag bral pa'i chos sku la// dmigs pa med pa'i ting 'dzin gsal// sangs rgyas kun gyi lam du bshad// kun gzhi yum gyi shes rab las// rang byung thabs kyi ye shes ra// shar ba nyid na nub pa med// sgro bsnga med pa'i 'od snang ngo // 'dus ma byas pa'i klong dkyil nas// rig pa'i rgyal po ye shes 'gro/ ske 'gag med pa'i klong dkyil nas// shes rab mig gis gsal ba
- 285a
ni// kun la khyab pa'i nyag gcig yin// yongs la gnas shing 'od zer 'phro// thams cad rol pa'i dkyil 'khor la// 'gag med shes rab rnam dag gsal// rang byung shes rab bdud rtsi yis// ma rig 'khor ba'i nad rnams sel// nad do cog dang bral ba'i phyir// bdud rtsi rang byung dkyil 'khor gsal// de la ma bcos lhug pa ni// gtang dang bzhag pa ma byas na// 'du 'bral med pa'i shes rab bo// dngos po yul gyi shes rab la// thabs kyis zhags pas 'gro ba 'dren// de phyir shes rab pha rol phyin// ma 'gags rol pa'i chos nyid la// kun bzang yangs pa'i dbyings nyid shar// dgongs pa shes rab chen po'i dbyings// 'dzin pa chos nyid chags pa med// rtog pa med pas smra bsam 'das// dper na nam mkha'i cho 'phrul bzhin// brjod pa'i chos dang bral bar gsungs// 'od lnga kun khyab chos kyi dbyings// phyogs su ma lhung rgya ma chad// phyi dang nang med yangs pa che// dag pa dri med shel gong bzhin// snang la rang bzhin med par gsungs// chu zla rgyu ma smig rgyu bzhin// med pa zong ma ma yin la// yod pa yang ni ma yin no// yod med gnyis las 'das pa'i phyir// rtogs ldan yid la dran pa med// rig pa'i ngo bo skye ba med// snang ba'i rang bzhin 'gag pa med// rig pa'i mtshan nyid dngos po med// rig pa'i
- 285b
'bras bu ma bcos pa// rig pa'i sku ni gsum du gsungs// rig pa'i gsung ni brtag pa yin// rig pa'i thugs ni go ba ste// rig pa'i yon tan zad pa med// rig pa'i las ni sna tshogs grub// de yang mtshan nyid 'gyur med yin// tha dad ma yin gcig pu nyid// sangs rgyas pas kyang nga sngar byung // gzung 'dzin bslad pa'i chos med pa'o// 'gag med nyams la shar gyur na// rtogs pa rgyud la skyes pa yin// stong gsum ye 'byams ye shes ni// brdal ba chen po phyogs med na// ye shes mthong ba'i dam pa ste// bzang ngan med pa'i don shes na// chos nyid ye nas ma bcos pa'o// 'od lnga 'gag med shar ba de// rang byung ye shes de la shar// lhun grub ye shes phyogs ris med// mi gnas ye shes phyi nang med// stong pa'i ye shes dngos po med// me long ye shes rtog pa med// mnyam nyid ye shes che chung med// sor rtogs ye shes ma 'dres gsal// bya grub ye shes mthar phyin no// rang byung ye shes btsal ba med// ci ste btsal bas 'grub gyur na// rang byung ye shes yongs mi bden// rig pa'i ye shes bsgom pa med// ci ste bsgom pa yod gyur na// rig pa'i ye shes yongs mi bden// rig pa'i ye shes rang shar nas// btsal ba med par lhan gyis grub// rang byung ye shes don mthong na// bsgrub pa med par yongs su grub// rig pa 'od kyi
- 286a
skur mthong na// chos rnams thams cad bdag la gsal// yangs so che'o ye shes mchog/ gsal la dag pa 'od lnga shar// 'od lnga gnyis su med par mthong // sangs rgyas sems can so so'i mtshan// ye shes chen pos kun la khyab// phyogs bcu'i sangs rgyas thams cad pas// rig pa'i don nyid gnyan pa yin// theg pa'i bye brag bsam yas kyang // ye shes rtogs na gcig las med// 'od lnga mthong na sangs rgyas rnyed// rnyed pa nyid na rnyed rgyu med// dag pa ye shes phyogs dang bral// stong pa'i rig pa yul dang bral// sangs rgyas thams cad dgongs pa yang // nga yi rig pa nyid las byung // nga yi sku nyid mi 'gyur ba'o// nga yi gsung ni ma bcos pa'o// nga yi thugs ni ma g.yos pa'o// nga yi mdzad pa khyad par can// nga yi rol pa mtha' las 'das// nga yi byin rlabs 'dus ma byas// nga yi mthu stobs 'jig rten bcom// nga la nga zhes bya ba med// nga la bdag med phyogs med pas// 'dzin pa'i rtog pa ga la yod// zhen pa'i rtog pas rang rgyud bcings// de las grol bar bya ba'i phyir// stong pa nyid las 'od lngar gsal// chags med 'od la 'dzin pa med// de nyid rtogs pa'i rig pa yang // phyogs la shor na lhung bar 'gyur// 'du 'bral med pa'i dbyings nyid la// bzang ngan spang len rtog pa med// dbyer med 'od
- 286b
lngas khyab pa'i phyir// skye dang 'chi ba'i mtshan ma med// med pa ma yin khyab pa'i sku// 'du 'bral med pa rang la 'char// mi phyed mnyam pa'i spyod pa la// rang snang thabs kyi spyod par rol// 'dus ma byas pa'i kloslong dkyil nas// bcos pa med pa'i ye shes shar// 'dzin rtog med pa'i chos nyid la// btsal ba med pa'i rig pa gnas// rdzogs pa chen po'i grub mtha' la// gcig rdzogs gnyis rdzogs thams cad rdzogs// yod mtha' rdzogs la med mtha' rdzogs// rtag mtha' rdzogs la chad mtha' rdzogs// yin pa rdzogs la min pa rdzogs// de phyir rdzogs pa zhes bya'o// rdzogs chen chos nyid yangs pa la// gong na gzhan med gcig pu nyid// de la tshig gis mtshon du med// rang byung dkyil 'khor chen po nyid// 'gyur med dkyil 'khor dam par gsungs// 'gag med rol pa chen po yin// de yi gong na gzhan med pas// yang dag gsang ba'i dkyil 'khor yin// 'dzin pas bzung nas ye shes bcings// 'dzin pa btang na rang byung rnyed// de phyir dag snang ye shes yin// mtshan ma med pa'i chos nyid la// chags pa'i spyod pa ga la yod// shes rab don la yi ge med// shes rab nyid kyis de nyid thob// zhi ba'i chos nyid snang mtha' yas// yang dag shes rab don la spyod// sna tshogs shes rab cir yang 'char// rtog med shes rab
- 287a
rang sar grol// 'dzin med shes rab mkha' la gsal// rig pa'i shes rab dbyings su sdud// mkha' mnyam shes rab gcig tu 'khyil// sku yi shes rab 'gyur ba med// gsung gi shes rab 'gag pa med// thugs kyi shes rab rtog pa med// yon tan shes rab cir yang rtogs// phrin las shes rab rtsol ba med/ myur byed shes rab thogs rdugs med// smin byed shes rab nyams pa med// yangs pa'i shes rab mtha' dbus med// zab pa'i shes rab gting dpag med// phra ba'i shes rab mthong ba med// khyab pa'i shes rab phyogs ris med// stong pa'i shes rab mtshon du med// gsal ba'i shes rab dri ma med// 'das pa'i shes rab tshig dang bral// da lta'i shes rab mtshon du med// ma 'ongs shes rab yul du med// rig pa'i shes rab gnyis su med// ye shes shes rab gsal ba che// 'od kyi shes rab rgya tshad med// dbyings kyi shes rab phyogs cha med// 'byung ba'i shes rab mtshan nyid 'dzin// sa yi shes rab lhun grub dpe// chu yi shes rab sems kyi dpe// me yi shes rab shes rab dpe// rlung gi shes rab ye shes dpe// nam mkha'i shes rab dbyings kyi dpe// sdud byed shes rab dbyings su sdud// skyod byed shes rab mkha' la gshegs// dpyod byed shes rab don la dpyod// bsam bral shes rab rtog pa
- 287b
med// sems med shes rab yul la snang // maud bral shes rab yul dang bral// sgron ma'i shes rab khyab gdal che// 'dus pa'i shes rab bde ba che// rgya med shes rab 'bras bu ma/ dngos po'i shes rab rtog pa med// dang po'i zhes rab rtog pa med / kyang byung bas brtag/ mtshan ma'i shes rab chos dang bral// don dam shes rab gzung du med// kun rdzob shes rab thams cad sdud// 'dzin pa med pa'i shes rab bo// de bzhin rtogs med shes rab rnams// 'gag med don la spyod pa'o// shes rab chen po de rnams kyis// 'dzin med phyogs dang bral ba'o// yangs pa mtha' dbus med pa'o// rtog med ngos bzung med pa'o// rtag chad mtha' las 'das pa'o// 'das dang ma 'das med pa'i don// phyogs dang ris su gnas pa med// ston pa dgyes te de skad gsungs// 'khor gyis yang dag thugs su chud// mkha' mnyam rig pa'i klong du rtogs// rnam rtog med pa'i mkha' la bskyod// chags sdang med pa'i yul du shes// zhes rig pa rang shar chen po'i rgyud las/ shes rab kyi dbye ba bstan pa'i le'u ste bdun cu tham pa'o// // de nas yang gsang ba'i bdag pos 'di skad ces gsol to// kye kye ston pa rdo rje 'chang // bdag cag mos pa'i 'khor rnams la// ye shes snang ba chen po la// shes rab rnams kyis mthong
- 288a
ba'i tshad// mos pa'i 'khor la gsung du gsol// zhes zhu ba zhus so// de nas yang bka' stsal pa// kye ma gsang ba'i bdag po nyon// ngas bstan legs par yid la zung // mtshan ma'i yid kyi rtog pa sol// rtog pas g.yengs pa'i bdud rnams choms// bya bas g.yengs pa'i bar chod sol// rig pa 'gyur med rta la zhon// yang dag 'od la rtag tu ltos// ston pas tshig gis don chen mtshon// don chen rgyal po mthong ba'i tshad// 'di yis yang dag gzung bar bya// gcig pur bsdad na bde ba 'thob// rang snang grogs su 'char ba'i phyir// pha rol sems dang mthun pa yin// rang gi de dang mi 'bral phyir// chags dang zhen pa med par 'gyur// rang gi sa la 'gro ba'i phyir// gang la zhe 'dod byed mi 'gyur// rang gi don nyid rnyed pa'i phyir// shing bal 'dab ma bzhin du yang // 'bu dang srin bu dengs pa'i phyir// zhes bka' stsal pas// gsang ba'i bdag po rtogs pa rab tu skyes nas/ 'di skad ces gsol to// kye kye ston pa chen po/ bdag cag rnams la rtogs pa'i snga rtags rgyas par gsung du gsol// zhes zhus so// de nas yang ston pas bka' stsal pa/ kye grogs po dag nyon cig/ ngas don ma nor bar bstan gyis/ legs par nyon cig/ sangs rgyas kyi dgongs pa rnyed pa'i tshad 'di rnams kyis zung zhig/ de yang
- 288b
bde ba dang ldan pa dang // 'jig rten 'di la mngon par zhen pa med pa dang // snang ba thams cad 'od du 'char ba dang // 'od la sku'i tshom bu ma 'gags par 'char ba dang // 'dzin pa med pa'i lus bde ba dang // shes pa rtse gcig tu gyur pa dang / shes pa dang gis dal ba dang / shes pa mi g.yengs pa dang / shes pa gzhan la mi 'jug pa dang / shes pa ci yang ma yin par rtogs pa dang / shes pa mi 'gyur ba dang // shes pa ma 'gags par gsal ba dang // shes pa mi rtog par 'char ba dang / shes pa 'dzin pa med par rang grol ba dang // phyi nang gi chos la 'dzin pa chung ba dang // lus la chags pa dang zhen pa med pa yin no// snga rtags de rnams dang ldan na/ ye shes kyi snang ba la thogs rdugs med par grol lo// rigs kyi bu de mya ngan las 'das pa'i rting la yang / 'od dang sgra dang gdung dang ring bsrel dang / sa g.yo ba la sogs 'byung ngo // sangs rgyas dang byang chub sems dpa' rnams kyang de la phyag byed pa la sogs pa rnams 'byung ngo // mi ma yin pa rnams kyis grogs byed cing // rtag tu de dang mi 'bral lo// 'od kyis 'jig rten gang na 'dug pa de mthong nas// de la 'dzin pa ma skyes pas/ rang gis rang yin par ngo shes pa'o// mi dang 'grogs snying mi 'dod pa ni/ rang gi snang ba shar ba'i rtags yin no// ri phug dag tu
- 289a
'gro bar byed pa ni/ sangs rgyas dgongs pa rnyed pa'i rtags yin// 'dzin rten gyi bya ba bral ba ni snang ba phyogs med du mthong ba yin/ de rnams min par 'di ltar byung na/ kha tshig la spyod cing gting ma rtogs par smyon pa lta bur gyur na// bar chad kyi bdud byung ba yin pas/ tshogs rgya chen po btang la nyams su blang / yang na dran pa nyams pa lta bu byung na snang ba ma mthong ba'i rtags yin pas/ rtsa gsum bzlog pa bya// mkha' 'gro mas lung bstan du byung na/ nyams blta ba yin pas dgongs pa la gtad/ rtags de bzhin du byung na dgongs pa tshad du phyin pa'i rtags yin// zhes rig pa rang shar chen po'i las/ rtags bstan pa'i le'u ste don gcig pa'o// / de nas yang gsang ba'i bdag pos skad ces gsol to// kye kye bcom ldan rdo rje 'chang // bdag cag mos pa'i 'khor rnams la// thabs kyi dkyil 'khor gsung du gsol// zhes zhus so// de nas yang ston pas bka' stsal pa/ kye he gsang ba'i bdag po nyon// ngas bstan legs par yid la zung // thabs kyi dkyil 'khor gsungs pa ni// yang dag thugs ni rnam par rol// gsang sngags thabs kyi rang bzhin pas// thabs la gnas shing sprad par bya// thabs ni gsang sngags kun gyi lam// yang dag chos nyid thabs la gnas// rig pa'i dkyil
- 289b
'khor gsal ba la// yid kyi rtog pa ma 'gyus pa// thabs kyi dkyil 'khor mchog tu gsungs// 'byung ba lnga nyid thabs kyi sku// chen po lnga nyid thabs kyi yul// sna tshogs 'byung ba thabs kyi gsung // rtog pa med pa thabs kyi thugs// de nyid mthong ba thabs kyi lam// thabs nyid ma 'gags chos nyid don// yang dag sa la mi g.yo zhing // bden pa mthong ba'i sa nyid la// mthar phyin ting 'dzin thob pa nyid// thabs kyi dkyil 'khor chen por bshad// ye shes rgyal po rnyed pa nyid// thabs kyi dkyil 'khor mnyam pa nyid// mtshan ma'i chos dang bral gyur na// thabs nyid rdzogs pa chen po'o// thabs kyi dbye ba 'di lta ste// thams cad skyob pa'i thabs dang ni// brten pa lam gyi thabs nyid dang // 'jug pa las kyi thabs nyid dang // 'gro ba bsgral ba'i thabs dang ni// lam nyid rtogs pa'i thabs dang ni// 'bras bu shes pa'i thabs nyid do// shes rab yum gyi thabs dang ni// gsang ba'i ye shes thabs nyid do// mtshon pa dpe yi thabs dang ni// yang dag don gyi thabs nyid do// sgron ma yum gyi thabs dang ni// mkha' mnyam sku yi thabs nyid do// yod pa rtags gyi thabs dang ni// rang gsal 'bras bu thabs nyid do// stong pa med pa'i thabs dang ni// rang bzhin gsang ba'i thabs su bshad// e ma ho// yang dag thugs kyi dkyil
- 290a
'khor ni// thugs rje rtags kyi zla ba shar// nor bu rin chen phung po la// thabs kyi zla ba skur shar ba// rang byung don nyid mkha' la spyod// ye shes don la cir snang rdzogs// yang dag don la sna tshogs 'phro/ thig le'i sku la snang srid gsal// dag pa'i lam la 'od du gsal// rig pa'i ngang du thabs cad 'dus// gsang sngags po la thams cad rdzogs// dgongs pa yang // stong pa'i lam la 'od zer 'phro// sna tshogs gzugs las ye shes skyes// skye med dang las cho 'phrul byung // de bzhin don nyid ye shes la// dri ma'i chos nyid ga la yod// rtags dang rdo rje'i don nyid la// 'dzin pa'i sems nyid ga la yod// mnyam nyid gting mtha' yas pa la// stong pa'i ye shes yul las 'das// sems dang ye shes 'dres shing mtshungs// de las grol bar bya ba'i thabs// sems ni dri ma'i rang bzhin pas// dri ma nyid las thar dus med// sems las sna tshogs 'byung ba yin// sna tshogs gcig gi rang bzhin las// rig pa'i klong du mya ngan 'das// e ma ho// ye shes dag pa'i rang bzhin la// dri ma'i chos nyid ka nas dag/ dag pa'i chos la gsal 'grib med// stong pa'i chos la skye 'gag med// gsal ba'i thabs la spang len med// ye shes don la 'das pa med// rdo rje'i don la 'gyur ba med// dag pa'i sa la sbyang du
- 290b
med// stong pa'i yul la gnas su med// yang dag sangs rgyas de bzhin no// dkyil 'khor stong nyid 'od gsal ba// dag pa'i lam la chags med shar// 'dzin med rang sar grol ba ni// dper na sbrul gyi mdud pa bzhin// rang grol chen po'i ngang du skyol// 'od gsal thabs kyi skur mnga' ba// ye shes thabs la shes rab rol// dag pa'i ye shes zla 'od bzang // thabs kyi klong nas 'od gsal ba// shes rab klong du gnyis med thim// sgron ma'i nang nas sku shar ba// nam mkha'i klong na yang dag thim// tsit+ta'i dkyil nas 'od 'phros pa// rdo rje'i lam na lhan ner gsal/ bag chags dkyil nas me 'bar bas// sna tshogs 'byung ba'i sems nyid bsreg/ stong pa'i nang nas rtags byung nas// 'khrul pa'i yul la mngon par snang // e ma ho// bag chags sbubs kyis ye shes bsgribs// sbubs la mi gnas ye shes rang sar phyin// dper na sbrul gyis sgog pa bor ba bzhin// sbubs la mi gnas ye shes mkha' la spyod// rig pa'i ngo bo sbubs kyis bsgrib tu med// gsang ba'i rtags la nyin mo mtshan mo med// ye shes thabs la cis kyang dpyod du med// sa lam mthar phyir ye shes thabs kyi sku// gang la ma chags rang gi bde chen la// thogs pa med pa'i rlung gis bskyod de gshegs// thogs med rlung las me byung thams
- 291a
cad bsreg/ me nyid rang las byung zhing rang gi yul las 'das// de las chu byung gcig gi ngang du thams cad sdud// de nas mi g.yo mnyam par gnas shing sprul par sprul// gsang ba'i mdzod nas ye shes sa bon lngar snang zhing // sgo lnga'i yul las thal ba'i snang ba lnga// ma bkod mdzes pa'i tshul du yongs la gsal// bde ba'i chos nyid kun gyi snying po yin pa rang yis bshad// kun bzang rol pa thabs dang dbyer med spyod// chags med sa la thabs kyi pha rol phyin// thabs nyid skye 'gag med par pha rol phyin// tshig med yi ge med pas thabs kyi sku la sbyor// skye med rnam dag thabs kyi gsung la rol// 'dzin med rang grol thabs kyi thugs la 'dzin// yang dag thabs la cis kyang sgro du ba med// ces rig pa rang shar chen po'i rgyud las// thabs kyi sgo bsdus te bstan pa'i le'u ste don gnyis pa'o// // de nas yang gsang ba'i bdag pos 'di skad ces gsol to// kye bcom ldan rdo rje 'chang // bdag cag mos pa'i 'khor rnams la// yang dag don nyid gsung du gsol// zhes zhus so// de nas yang bka' stsal pa// kye ma rdo rje 'dzin pa nyon// ngas bstan legs par yid la zung // yang dag chos ni bdag dang bral// sems la sogs pa'i nyon mongs rnams// dri ma'i mtha' dang bral ba'o// tha dad gsum dang bral ba'i
- 291b
sku// 'gro dang 'ong ba med par rtogs// dri ma gsum dang bral ba'i chos// sangs rgyas sems can ga la yod// phra rags lnga dang bral ba'i chos// tha dad du ma ga la yod// dri ma bzhi yis bcings pa rnams// mthar phyin grol bar ma gyur kyang // rtog pa rags pa'i sems can rnams// yang dag don nyid blta 'dod na// nga yis bstan pa'i lung la nyon// nga yi chos nyid yul la ltos// nga yi bden pa'i lam la zhugs// phra rags lnga yi dri ma rnams// rnam dag ye shes lnga la ltos// phra rags gcig gis bcings pa rnams// nga yi rig pa'i rgyal po ltos// dri ma yul gyis bcings pa rnams// de bzhin nam mkha'i yul la ltos// 'dzin pa sems kyis bcings pa rnams// yang dag don gyi sgron mar ltos// mtha' bzhi'i rgya yis 'thums pa rnams// dri ma rnam dag sku la ltos// legs pa'i lam du zhugs pa rnams// rgyud kyi rgyal po 'di la ltos// de ni legs par bshad pa'o// e ma ho// mtha' bzhi bral ba'i chos sku chen po de// dri ma dag pa'i man shel sku la ltos// mtha' dag chos sku mun pa sangs pa'i sku/ dri med mun bsal mar me'i dkyil 'khor ltar// rig pa'i me bzhis mtha' bzhi'i mun pa bsal// rgya mtsho'i gting gi nor bus mun sel ltar// bag chags gting nas phra rags rnam lnga sel// 'dzin pa drug dang bral ba'i ye shes
- 292a
nyid// ngos bzung med pa yang dag thugs su chud// gsal bya gsal byed med par de nyid shar// ltos pa'i chos nyid gang la ma chags shing // chags pa med par ye shes dbyings su sdud// stong pa rdo rje'i sku la skye 'jig med pa ltar// rig pa'i sku la gsal 'grib med par gsungs// chos dang chos min gnyis ni 'dres shing mtshungs// de la chos can chos nyid gnyis su 'dod// chos nyid med pas chos can ga la yod// chos nyid skye med snying por gsungs// chos can yul la bag chags sdud par gsungs// bag chags brtan nas chos nyid med par gsungs// yang dag chos la bag chags ka nas med// bag chags yod na sgron ma med par 'gyur// sgron ma'i yul la phra rags med pa'i phyir// ye shes snang ba ka nas dag pa nyid// phra rags nyid kyis ma bsgribs par// sgron ma'i yul la mngon par snang // snang ba sems las ma byung zhing // rang las byung ba'i chos nyid la// 'khrul pa bsam gyis mi khyab 'phro// dri ma gnyis kyi chos rnams kun// snang ba'i phyogs dang bral ba'o// kye ma mdzad spyod gsang ba'i spyod pa ni// gsang sngags yul gyi snying po nyid// dri med zla ba dkar po nyid// mun pa sel ba'i dpe dang mtshungs// gsang sngags thabs kyi spyod mdzad pa// thabs nyid sku las yang dag sprul// de yang dri ma gsum
- 292b
dang bral// dri mas byas pa'i las nyid kyang // gsang sngags mdzad pa lnga yi klong du 'dus// sangs rgyas mdzad pa'i yon tan rnams// chags med rang grol nyid du shes// 'dzin pa med pa'i chos las grol// zhen pa'i dngos po chos las grol// yang dag lam gyi yul las grol// dri ma phra ba'i chos nyid kyang // sna tshogs blo yi dri ma med// dri ma med pa chos kyi sku// 'dzin pa'i phyogs su lhung ba med// phyogs dang ris su snang ba yang // bde ba chen po'i klong du 'dus// srid pa'i ye shes rang lugs nyid// stong pa yum gyi mkha' la rdzogs// rdzogs pa gsang ba'i dkyil 'khor nyid// tsit+ta'i dkyil na lhun gyis grub// thugs las 'phros pa'i 'od nyid kyang // thugs las 'das pa'i dbyings su rtogs// sku dang gsung dang thugs nyid kyang // rgyal ba nyid las med par gsungs// sku gsung yon tan rgyal ba min// sku gsung thugs la mtshan ma yod// mtshan ma yod pas grol mi 'gyur// de phyir rgyal ba sku las 'das// yang dag rdo rje'i sku nyid kyang // nges pa rnyed pa'i sa la gnas// ye shes gcig chod sa la yang dag 'das// 'das pa nyid la dpe mtshon phyogs dang bral// dpe zla'i phyogs la gnas pa med// dpe nyid phyogs dang mtshon med na/ mtshan dang dpe byad yul la sku nyid med// sangs rgyas sku la tshig gis mtshon du
- 293a
med// mun pas bsgribs pa'i snang ba rnams// mun pa bsal na snang ba gsal/ nyin mo'i phyogs la ye shes med// mtshan mo'i phyogs la snang ba gsal// dngos po nyid la dngos po med// stong pa'i phyogs la stong pa med// stong pa yod na phyal pa yin// gsal ba nyid las ma g.yos na// stong dang dngos po'i chos dang bral// stong dang dngos po yod gyur na// ye shes yul la med par 'gyur// brtags pa'i ye shes mtshon pa'i dpe// dri ma bzhi dang bral bar gsungs// 'dod pa'i sems la chags pa med// chags pa yod na 'dod pa nyid// mtshan ma gzhan la ltos par 'gyur// stong pa mtshan mas stong pa'i phyir// dri med dag pa'i yul nyid kyang // yul la grol nas sa la gnas// sa lam dngos po'i chos med kyang // 'dzin pa'i yul la sa lam snang // bgrod pa'i tha snyad chos dang bral// chos ni 'khor ba'i sdug bsngal te// chos rnams spangs na bde ba thob// gang la dpe dang don yod phyir// dpe nyid sangs rgyas nyid du 'dod// dpe la brten cing don la yang dag spyod// spyad kyang de nyid 'gyur ba med// yod dang med pa'i chos rnams kun// yod pas ye shes don la snang // med pas 'khor ba'i yul las thar// thar pa nyid nas ye shes mthong ba'i don// de las 'das na rig pa med par 'gyur/ 'dod// dper na sgra
- 293b
ma'i skyes bu yis// bya ba thams cad byed pa ltar// yang dag rig pa'i dkyil 'khor nas// sna tshogs sdud pa'i sems byung bas// nyon mongs yul du lhug par shar// de yi dbang du ma gyur par// rig pa nam mkha'i mthongs su gzung bar bya// yang dag ye shes rgyal po nyid// yang nas yang du goms shing mthar phyin byed// rtogs dang ma rtogs mtshan ma tshig gi lam// lam la gnas na ye shes mthong ba med// ye shes nyid la tshig dang 'dzin pa med// 'dzin pa spangs pa'i chos nyid kun la rol// rol pa rgya che yang dag thugs las byung // 'byung ba'i rgyal po tshig dang 'dres shing mtshungs// dpe zla med pa'i nyag gcig thugs la rol// ye shes rol pas so so tha dad mthong // mthong ba nyid la dpe yis mtshon du med// dpe dang ye shes phyogs la gnas pa med// phyogs su 'dzin pas ye shes mthong du med// phra rags dri mas yang dag bde ba med// yang dag chos spyod rtog pas rnyed mi 'gyur// bde ba 'dod pas bde bar rgyab kyis phyogs// de bzhin lha dang sgom pa 'dod pas lta sgom ga la rnyed// ye shes dri ma spangs na yang dag bde ba rnyed// de phyir phra rags gnyis kyi dri ma spang bar bya'o// zhes rig pa rang shar chen po'i rgyud las/ phra rags ye shes kyi dri ma spang ba'i le'u ste don gsum pa'o// // de nas yang gsang ba'i
- 294a
bdag pos 'di skad ces gsol to// kye kye bcom ldan thugs rje chen po dang ldan pa/ bdag cag mos pa'i 'khor mkha' 'gro ma dang bcas pa rnams la/ chos sku dang / longs sku dang / sbrul sku gsum gyi dbye ba gsung du gsol// zhes zhus so// de nas yang bcom ldan stobs chen bdag po des/ 'di skad ces bka' stsal to// kye 'dus pa'i tshogs rnams nyon cig/ ngas thabs kyi yan lag rgyas par bstan gyis/ legs par nyon cig/ sku la bsam gyis mi khyab kyang bsdu na gsum du 'dus so// de yang gang zhe na/ chos kyi sku mtshan ma'i yul las 'das pa dang // longs spyod rdzogs pa'i sku gzung ba'i yul las 'das pa dang / sprul pa'i sku chags pa'i yul las 'das pa'o// de yang chos kyi sku la yang gsum ste// chos kyi sku'i chos sku dang // chos kyi sku'i longs sku dang / chos kyi sku'i sbrul sku'o// de la yang chos kyi sku'i chos sku ni rig pa chos ni yul du snang ba/ sku ni rig pa'i ngo bo ma 'gags pa'o// chos sku'i longs sku ni 'od lnga'o// chos sku'i sbrul sku ni mig ni dbang po mthong ba ma 'gags pa'o// chos kyi sku'i yul ni nam mkha' rnam par dag pa// chos kyi sku'i gnas ni tsit+ta// chos kyi sku'i lam ni rin po che shel gyi sbu gu can ni// longs spyod rdzogs pa'i sku la gsum ste/ longs spyod rdzogs pa'i sku'i chos sku dang / longs sku'i
- 294b
longs sku dang / longs sku'i sbrul sku'o// de yang longs spyod rdzogs pa'i sku'i chos sku ni/ ye shes lnga'i snang ba ma 'gags par sang nge gnas pa yin no// longs spyod rdzogs pa'i sku'i longs sku ni// thig le rnam pa lnga'i lam dang bcas pa'o// longs spyod rdzogs pa'i sku'i sbrul sku ni// sgo lnga'i rnam shes yul la shar ba'o// longs spyod rdzogs pa'i sku'i gnas ni/ a bad+hA ti/ longs spyod rdzogs pa'i sku'i lam rtse'u chung g.yas pa// longs spyod rdzogs pa'i sku'i snang ba lngar shar ro// sprul pa'i sku la yang gsum ste/ sprul pa'i sku'i chos sku dang / sprul pa'i sku'i longs sku dang / sbrul sku'i sbrul sku'o// de yang 'di lta ste// sbrul sku'i chos sku ni sgron ma gnyis// sprul pa sku'i longs sku ni sku lnga mthong la/ sprul pa sku'i sbrul sku ni nyon mongs pa lngar shar ba'o// sprul pa sku'i gnas ni klad pa/ sprul pa sku'i lam ni mig/ sprul pa sku'i yul ni 'khrul snang ngo // de bzhin du sku thams cad dbyings kyi rang bzhin can yin par shes par bya'o// dbyings thams cad la sku yis brgyan cing rab tu 'phro bar shes par bya'o// sku de rnams re re la cha shas kyi sku zhes bya ba grangs med pa yod do// mdor bstan pa ni 'di lta ste/ sems nyid dri ma'i sku zhes bya ste/ yul sdud cing yul mngon sum du 'dzin pa'o// spyod pa yul gyi sku zhes bya ste gang rang gi don mi mthong bar byed pa'o// de
- 295a
ni sprul pa'i sku'i cha shas kyi sku'o// longs spyod rdzogs pa'i sku'i cha shas kyi sku ni/ gzugs kyi sku dang / sgra'i sku dang / dri'i sku dang / ro'i sku dang / reg gi sku'o// de ni longs spyod rdzogs sku'i sprul sku'o// chos kyi sku'i sprul pa'i sku ni/ mig gi sku dang / rna ba'i sku dang / sna'i sku dang / lce'i sku dang / lus kyi sku dang / yid kyi sku'o// de ni chos kyi sku'i sprul pa'i sku'o// de bzhin du sku'i 'od la zhugs nas// gsung gi zer la rol lo// gsung gis rnam par dag pa'i zer phyogs bcur 'phro ba'o// gsung gi zer re re/ la yang sprul pa grangs med pa 'byung ngo // zhes rig pa rang shar chen po'i rgyud las/ sku gsum gyi dbye ba bstan pa'i le'u ste don bzhi pa'o// // de nas yang gsang ba'i bdag pos 'di skad gsol to// kye kye bcom ldan thugs rje can// sku gsum dbye ba de ltar na// bdag cag rjes su zhugs pa la// dbang gi sdom byang dbye lugs gsungs// zhes zhu ba zhus so// de nas yang bka' stsal pa// kye ma rdo rje 'dzin pa nyon// chos nyid shes par 'dod pa rnams// dbang gi sdom byang legs par nyon// dbang gi dbye ba 'di lta ste// chos nyid mtshon pa'i dbang dang ni// bya ba rdzogs pa'i dbang du gsungs// sdom byang tshig lan 'di ltar bya// tshig gi dbang ni don mtshon dang // dbang gi tshig la lan smras
- 295b
pa// dbang gi gnas dang longs spyod dang // dbang gi yul dang bskur thabs rnams// blo dman don du gsungs pa ste// yang dag shes pa'i rnal 'byor la// mtshon pa'i dbang gis ci zhig bya// rtogs mthong dbang mchog yod pa'i phyir// ma go ba yi sems can la// rdzas re don res dbang bskur bya/ de yang rim pa 'di lta ste// phyi yi 'byung ba tshar gcod phyir// sna tshogs dar gyi cod pan re// rigs kyi bu la gdags par bya// lha dang snying po nyid kyang gsungs// lha la rnam pa gsum gyis bstan// rtsa ba rdo rje'i lha dang ni// bya ba byed dang las kyi lha// rnam pa gsum du nga yis bshad// lha gsum gtad pas sku gsum thob// snying po gtad pa 'di ltar bya'o// oM badz+ra sa twa// rdo rje sems dpa'i rtsa ba'i lha'i/ snying po'o// hr-i da ya pad+ma he ru ka/ las kyi lha yi snying po'o// oM badz+ra pA Ni hUM phaT/ phyag na rdo rje// bya ba byed pa'i lha'i snying po'o// de skad brjod pas ting 'dzin gsal// yang dag sa lam mthar phyin 'gyur// ting 'dzin gcig gis sa rnams non// mi bskyod rdo rje'i dbyings su phyin// de ni dbang gi sdom byang ngo // dbye ba rgyas par bstan pa ni// mkha' dbyings bum pa'i dbang dang ni// rgyal thabs spyi blug rdo rje'i dbang // rgyal srid rin chen sna bdun dbang // rin chen rdzas brgyad 'khor lo'i dbang // gsang ba'i rdo rje pad+ma'i
- 296a
dbang // de yang gzhi la lhun gyis grub// mkha' dbyings bum pa'i dbang bskur ni// rig pa dbyings kyi rgyas btab nas// gzhi la lhun gyis grub pa'i phyir// mkha' dbyings bum pa'i dbang zhes grags// rgyal thabs spyi blug dbang bskur yang // gzhi la lhun gyis grub nas yod// dper na rgyal rigs spyi bo nas// dbang bskur brtan pa thob pa'i phyir// rigs kyi bu la dbang bskur bas// gzhi snang rgya yis btab pa'i phyir// de phyir rgyal thabs zhes byar grags// rgyal srid rin chen sna bdun yang // gzhi la bab kyis grub nas yod// rgyal ba ka dag dkyil 'khor la// rdzas bdun lhun gyis grub pa'i phyir// rgyal srid rin chen sna bdun zhes// rgyal ba kun gyi bsngags par gsungs// dper na rgyas pa'i 'bras bu bzhin// thams cad bcud kyis rang bzhin pas/ sems can thams cad tshim byed ltar// rgyal srid dag pa'i dbang bskur gyis// thams cad 'bras bu thob par byed// de phyir rgyal srid rin chen dbang bskur bshad// rin chen rdzas brgyad dbang nyid kyang // gzhi la bab kyis grub pa'i phyir// rin chen rdzas brgyad dbang bskur bya/ gang dag rang bzhin snang ba la// 'khor lo rab tu bskor ba'i phyir// bkra shis rdzas brgyad dbang bskur bstan// dper na nyi ma'i snying po la// 'od zer kun nas 'byung ba
- 296b
ltar// bkra shis yon tan rdzas brgyad kyis// dbang bskur dag snang mthong bar 'gyur// rdo rje pad+ma'i dbang mchog rnams// rab tu gsang zhing spyad par bya// de la sogs pa'i dbang bskur rnams// yang dag dbang nyid thob par bya'o// yang dag dbang la don gsum ste// phyi dang nang dang gsang ba'o// phyi yi rol pa chen por bskur// nang ni rig pa'i yul la bskur// gsang ba ngo sprod nyid du bstan// phyi yi dbang la don bzhis bstan// de yang phyi dang nang dang ni// gsang ba yongs su rdzogs par gsungs// phyi yi phyi ni 'di lta ste// rin chen rdzas la brten pa'o// phyi yi nang ni 'di lta ste// cir snang rol par bskur bar bya// phyi yi gsang ba 'di lta ste/ don dang tshig la dbang bskur bya// phyi yi yongs rdzogs 'di lta ste// thams cad rig par dbang bskur bya'o// nang gi dbang la don bzhi bstan// phyi dang nang dang gsang ba dang // de bzhin yongs su rdzogs par gsungs// de yang bstan pa 'di lta ste// nang gi phyi ni 'di ltar 'dod// mtshan ma zil gyis gnon pa'i phyir// bka' rtags phyag rgya'i dbang bskur bya// nang gi nang ni 'di ltar bya// bsgrub pa tshad du bya ba'i phyir// snying po lha yi dbang bskur bya// nang gi gsang ba 'di ltar 'dod// yab dang yum du mthun sbyar phyir// byang chub sems kyi dbang bskur bya// nang gi yongs rdzogs 'di
- 297a
lta ste// ma rig chom la dbab pa'i phyir// rig pa sgron ma'i dbang bskur bya// gsang ba'i dbang la don bzhi bstan// phyi dang nang dang gsang ba dang // yongs su rdzogs pa bzhi yi bstan// gsang ba'i phyi ni 'di lta ste// dpe dang don dang rtags dang gsum// 'od lnga gsal ba yod pa'i phyir// shel dang sku yi dbang bskur bya// gsang ba'i nang ni 'di lta ste// nyi shu rtsa gcig mthar dbyung ste// gdams ngag nyi shu'i dbang bskur bya// gsang ba'i gsang ba 'di lta ste// dag pa nyams su blang ba'i phyir// bzhag thabs bdun pa'i dbang bskur bya// gsang ba'i yongs rdzogs 'di lta ste// gsang ba'i ye shes yod pa'i phyir// rig pa sgron ma'i dbang bskur bya// de bzhin dbang gi rnam pa rnams// rim pa bzhin du bskur bar bya// zhes rig pa rang shar chen po'i rgyud las/ dbang gi sdom byang bstan pa'i le'u ste don lnga pa'o// // de nas yang gsang ba'i bdag pos 'di skad ces gsol to// kye ma bcom ldan rdo rje 'chang // dbang gi sdom byang de ltar na// bdag cag mos pa'i 'khor rnams la// mtshan ma rang grol gsung du gsol// zhes zhus so// de nas yang bka' stsal pa// e ma gsang ba'i bdag po nyon// ngas bstan legs par yid la zung // mtshan ma rang grol dgongs pa nyid// khyod kyis go bar shin tu
- 297b
dka'// ngas bstan yang dag nyid la nyon// phyogs bcu rab 'byams rdul snyed du// sangs rgyas sa bon gang spros kyang // sa bon nyid la 'phel 'grib med// de bzhin rang grol dgongs pa la// 'phel 'grib chos dang bral ba yin// mtshan ma rang grol dgongs pa nyid// dper na rgya mtshor dar chags bzhin/ rgya ma chad la lhun gyis grub// mtshan ma rang grol dgongs pa nyid// dper na rgya mtsho'i gnas na gnas pa bzhin// gzhi lam ma sbyangs gnas su phyin// stong pa'i klong du rig pa stor// stor pa nyid na rnyed pa'i mchog/ rtogs pa sems kyi pho brang du// snang ba stong pa'i chos nyid stor// stor bas ye shes mkha' la 'khyil// rnyed pas rdo rje'i sku dang mtshungs// stong pa chen po'i spyod yul na// dag pa'i ye shes 'od du shar// 'od snang ma 'gags don la spyod// dper na ral gri kha mang bzhin// stong pa rang sangs chos nyid la// 'dzin pa med pa rang sar thal// rang shar chos nyid me long la// 'dzin pa med par rtog med rnyed// kun snang yang dag dkyil 'khor du// stong gsal rdo rje'i dkyil 'khor nas// rtog med rang shar zad thal nyid// 'dzin pa bcos pa'i mtha' dang bral// mtha' bral chos la zhe 'dod med// zhe 'dod rang shar med par shes// mtshan ma rang grol dgongs pa nyid// gsal ba rtogs pa'i phyogs dang
- 298a
bral// 'dzin pa med par rang sar grol// rtog pa med pas bden pa mthong // de phyir mtshan ma rang grol la// byas pa'i chos ni ka nas med// 'byung dang byung ba'i chos la spyod// sangs rgyas dgongs pa rang grol nyid// mun pa sangs pa'i phyogs dag nas// rab tu dngas pas blta bar bya// yang dag don la bltar med kyang // bltas na rang grol dgongs pa rnyed// lta ba kun gyi yang rtse 'di// a ti rdzogs pa chen por bshad// yangs pa go skabs phye ba'i don// nam mkha' lta bur shes par bya// rgya che gting zab dpag dka'i don// rgya mtsho chen po'i gting dang mtshungs// gsal ba'i 'od zer 'dus pa'i don// nyi ma'i dkyil 'khor nyid du shes// rtog pa'i mtha' las grol ba'i phyir// gsang sngags thabs kyi rgyal por gsungs// mtshan ma rang grol dgongs pa'i don rnyed pas// ye shes 'od gsal gsang bar gsal// theg chen 'di ni mkha' la nyi shar 'dra// mtha' yi mun pa ye nas med ces gsungs// mtshan ma rang grol chos nyid dgongs pa las// bsgom pa'i yul med 'dzin pa'i chos las grol// bsgom chags med pa'i bdag 'dzin sdug bsngal yin// bsgom pa'i gnas med rtag tu mthong gyur na// bsgom pa med pa'i mtshan ma rang grol gang la mi rtog mthong // dbyer med lhun rdzogs theg le dbyings nyid che// bskyed
- 298b
pa mi mnga' ye shes rin po che// rdzogs pa mi mnga' byang chub snying po che// bya ba med pas lhun rdzogs thig le che// 'khor ba med pas myang 'das bde ba che/ kun dang mi mnyam rdo rje'i dkyil 'khor che// de ltar che ba'i ye shes de bzhin kun la gnas// bsgrub tu med par rang chas ye nas gnas// btsal du med de mngon sum dag pa'i dbyings// smon du med de bde chen thugs la rdzogs// 'dus byas chos rnams spang du med de spang byed yod// chos rnams thams cad rang la rdzogs shing 'phro// spang rgyu med cing spangs pa'i chos dang bral// spang ba po yang mi dmigs spang bya ga la yod// chos dang rig pa rdzogs pa'i sku// len/ med 'dzin dang yongs su bral bas na// dus gsum mnyam nyid rdo rje sems dpa' che// rdo rje sems dpa' ye shes kun la rol// rol pa bsam gyis mi khyab mtha' la thug pa med// dbyings la bri ba med cing chos nyid ngang du rtogs// rtogs dang ma rtogs med pa tshig gi mtha' bsal cing // mtshan ma rang grol don la ma yengs na// brten pa'i sa med gzung ba'i yul dang bral// yul dang 'dzin pa med na byang chub bde ba'i shugs// shugs dang ting 'dzin rtsal la gang 'jug pa// gol sgrib ltung bar 'gyur zhing byang chub de la med// yang dag bden pa'i mtshan ma rang grol ni// gang la ma chags phyogs la gnas pa
- 299a
med// gnas dang ting 'dzin byang chub sgrib pa'i rgyu// rgyu dang 'bras bur bzung bas mtshan ma'i yul du gyur// de phyir lam la thug pa med pas rang gi thugs la dris// stong pa'i lam la yang dag thug pa med// 'od kyi lam la ye shes skyes pa yis// mthong ba'i lam la ye shes 'od gsal kyi// rtog med lam la 'dzin med rang sar grol// mtshan ma rang grol dgongs pa de rnyed pas// gsang ba'i lam la thig le 'du 'bral med// sgron ma'i lam la ye shes bri ba med// yang dag lam la sangs rgyas sems can med// sku yi lam la mun pa ga la yod// ye shes lam la bzang ngan ga la yod// 'byung ba'i lam la 'khrul snang ga la yod// sna tshogs lam la spro bsdu ga la yod// rig pa'i lam la nyon mongs ga la yod// 'bras bu'i lam la rgyu nyid ga la yod// rtag pa'i lam la chad pa la ga la yod// chad pa la yang rtag pa ga la yod// de bzhin mtshan ma rang grol chos nyid la// rtog ge'i chos nyid med par gsungs// byang chub don gyi snying po 'di nyid kyang // gsang sngags rgyal po 'di yis mthong ba la// theg dman gzhan gyi don mi mthong // mthong bas chos sku'i ngo bor bshad// rtogs pa lhun grub ngo bor bshad// shes pa sbrul sku'i ngo bor bshad// go bas longs sku nyid du bstan// go dang mthong ba'i chos nyid
- 299b
kyang // gang la thogs pa med par gsungs pa'o// e ma ho nor bu rin chen ltar// zad med gter la bde ba'i bang mdzod rnyed// stong pa'i yul la bde ba'i rgya yis thebs// bde ba'i ngang la gsal ba'i rgya yis thebs// gsal ba'i dbyings la sgra yi rgya yis thebs// sku nyid rdo rje'i dbyings su yang dag 'dus// bde ba stong pa'i dbyings la rol// stong pa bde ba'i mkha' la bskyod// gsal ba'i thugs rje'i ngang du thim// thim pa yang dag dbyings su grol// grol ba mthar phyin sa la gshegs// rtog pas rdo rje'i lam du zhugs// de nyid rig pa'i sku la 'dus// mtha' nyid rang grol nyid du 'dus// rang grol chos nyid yul la snang // snang ba nam mkha'i mtha' la spyod// mtha' nyid rdo rje'i lam du zhugs// rdo rje lam la 'du 'bral med// mkha' mnyam rdo rje'i sku la 'dus// rdo rje'i sku nyid dbyings su thim// thim pa nyid nas phyir mi ldog/ de la gnyen pos bcos su med// ces rig pa rang shar chen po'i rgyud las/ mtshan ma rang grol gyi dgongs pa bstan pa'i le'u ste don drug pa'o// // de nas yang gsang ba'i bdag pos 'di skad ces gsol to// kye kye bcom ldan thugs rje chen po dang ldan pa/ mtshan ma rang grol gyi dgongs pa de ltar lags na/ sa'i dbye ba dang dus tshad gsung du gsol/ zhes zhus so// de nas yang thugs rje
- 300a
chen po dang ldan pa des/ 'di skad ces bka' stsal to// kye ma gsang ba'i bdag po nyid legs par nyon cig/ ngas khyod la legs par bstan par bya'o// yid gzhan du ma yengs par legs par nyon cig/ sems kyi dri ma gsum po sol la// rig pa ma 'gags par nyon cig/ sa zhes bya ba gud na yod pa ma yin no// bden pa mthong ba gang zag gcig la sa lam rdzogs nas yod do// de la ngo spyod bstan pa'i gang zag de// dang po bden pa mthong ba'i dus su de la dga' ba skyes pa ni/ sa dang po rab tu dga' ba'o// de nas rang gis snang bar ngo shes pa ni sa gnyis pa dri ma med pa thob pa'o// de nas de la goms pa ni sa gsum pa 'od byed pa'i sa non pa'o// de nas de la goms nas 'od kyis snang ba mthong ba ni bzhi pa 'od 'phro ba'i sa thob pa'o// de nas ye shes kyi snang ba mthong ba de la goms nas nyon mongs pa mtha' dag rang bzhin gyis sbyangs nas ye shes mthong ba de ni lnga pa sbyang dka' ba'i sa non pa'o// de nas 'od las thal ba'i sku gcig mthong nas sku mngon sum du gyur pa de ni/ drug pa mngon du gyur pa'i sa non pa'o// de nas goms pa mthar phyin nas nyon mongs pa ring du song ba ni// bdun pa ring du song ba'i sa non pa'o// de nas yon tan de las ma g.yos par gnas pa ni// brgyad pa mi g.yo ba'i sa non
- 300b
pa'o// de nas de'i ngang las yon tan rdzogs pa ni// dgu pa legs pa'i blo gros kyi sa non pa'o// de nas ye shes kyi snang ba la rang gi shes pa zin nas snang ba lhag par shar ba ni// chos thams cad kyi don sprin lta bur mthong nas goms pa ni bcu pa chos kyi sprin lta bu'i sa non pa'o// de yis gang zag bden pa mthong bas sbubs 'di nyid ma bor ba la sa non pa'o// gang zag sbubs bor ba rnams kyis ni sa 'di ltar non pa yin te/ 'khrul snang 'gags nas tshom bu'i snang ba shar ba ni/ bcu gcig kun tu 'od kyi sa non pa yin no// de nas snang ba de la ma chags par phyi nang gi chos thams cad kyis ma gos pa ni// bcu gnyis ma chags pad+ma can gyi sa non pa yin no// de nas rang gi thugs ka nas ye shes kyi zer zag shar nas nam mkha'i mthongs na 'od kyi tshom bu lnga 'khor lo'i tshul du gnas pa ni/ bcu gsum yi ge 'khor lo tshogs chen gyi sa non pa'o// de nas ye shes kyi snang ba la gnas pa ni// sa bcu bzhi pa la gnas pa yin no// de nas lhun grub kyi sa la nges pa rnyed pa ni/ bco lnga pa rdo rje 'dzin pa'i sa thob pa'o// de nas ka dag gi sa la ye shes lhug par shar nas// de'i gong na gzhan med pa ni/ bcu drug ye shes bla ma'i sa thob pa'o// de bzhin sems can 'di rnams kun gyis sa lam la de bzhin du gnas so// de bas na sems can bsam
- 301a
gyis mi khyab pa yod kyang // ye shes kyi ngo bo gcig las med do// sa dang lam zhes pa gud na yod pa ma yin no// sa dang lam la sbyangs shing bgrod mi dgos pa yin par shes par bya'o// de'i phyir na sa lam la bgrod du med pa'i man ngag/ dkyil 'khor gyi tshom bu dang bcas pa rang la gsal ba'i phyir ro// ye shes kyi snang ba lnga rang la rdzogs pa yin par shes par bya'o// de la dkyil 'khor ma 'gags pa yin par shes par bya'o// de nyid la rtag tu 'dris par bya'o// ngo shes shing yid ches par bya'o// bden pa'i de bzhin nyid rab tu mthong bar bya'o// de la rab tu gnas par bya'o// rtag tu de nyid lam du 'khyer bar bya'o// de la rang gi yul dag pa la 'dzin med du shar ba ngo shes par bya'o// rigs kyi bu 'dzin pa med pa'i shes pa rang lugs su 'char ba ngo shes par bya'o// chos thams cad kyi de bzhin rang las byung zhing rang gis mthong ba de shes par bya'o// mtha'i mun pa bsal bar bya'o// dkyil 'khor lnga'i de bzhin nyid la mkhas par bya'o// de bzhin du ye shes thams cad kyi don thugs su chud par bya'o// gsang ba'i ye shes kyi dkyil 'khor lnga rang bzhin gyis 'od gsal bar gnas pa yin pa'i phyir/ sangs rgyas kyi bden pa mthong bar bya'o// lam du zhugs pa'i tshe mkha' rnam par dag pa mthong bar
- 301b
bya'o// rgyud la shes rig shar ba'i dus su sku ngo shes par gyis shig/ rtogs pa rgyud la skye ba'i dus su rig pa'i yul ngo shes par gyis shig/ ting nge 'dzin stobs su gyur pa'i dus su sgron ma rnam par dag pa ngo/ shes par gyis shig/ stobs khyad par can skyes pa'i dus su ting nge 'dzin lam du 'khyer ba shes par gyis shig/ rig pa'i sku mthong ba'i dus su zhe 'dod med par shes par gyis shig/ shes rab khyad par can rgyud la skyes pa'i dus su bdud kyi bslu bar ngo shes par gyis shig/ nyam nga ba med par spyod pa klong du rdol ba'i dus su shes rab kyi 'jug phyogs ngo shes par gyis shig/ stong pa yul la khyab pa'i dus su 'od ngo shes par gyis shig/ sgron ma yul la snang ba'i dus su dbyings dang yul ngo shes par gyis shig/ kye rigs kyi bu nyon cig/ sangs rgyas kyi dgongs pa'i tshad ni// nga nyid bdag tu rtog pa'i blo dang bral nas rang rig pa'i ye shes mi g.yo ba'i shes rab/ ma bsgribs pa'i bsam gtan/ gnas pa med pa'i ting nge 'dzin/ rtog pa med pa'i lta ba'o// de rnams kyi don la yang mi gnas par gyur nas/ sangs rgyas kyi dgongs pa rnyed pa'o// de nyid rang gi ye shes rang snang ba'i dus na/ thams cad mi gnas pa'i ye shes/ sku'i rol ba sna tshogs/ gsung gi shes rab rtog med/ thugs kyi dgongs pa 'gag med/ rigs kyi bu de
- 302a
lta bu'i don la yang mi gnas pa'i dus na/ sangs rgyas kyi dgongs pa'i tshad rnyed pa yin no// nga nyid sgron ma'i ye shes snang ba'i dus na/ dag pa'i zhing khams rnams ma bkod par snang ba ma bsgribs yongs su gsal ba'i lam/ mtha' dang dbus su med pa/ phyogs dang ris su med pa du ma dang brten pa med par gsal ba'o// tshig gis brjod du med pa/ dpe yis mtshon du med pa/ rang rig pa'i ye shes su gsal ba/ 'gyur med kyi ye shes yul la snang ba/ 'gag med kyi gzugs brnyan rnam par dag pa// bdag tu rtog pa'i mtha' rnam par bsal ba/ mtha' dbus med pa'i ye shes su gsal ba/ steng 'og med par kun tu zad thal ba/ mkhyen pa'i ngo bo stong pa'i shes rab/ 'dzin rtog btson du bzung ba/ bde ba la res 'jog med pa/ thim pa la ma rmugs pa/ khyab gad la ye shes kyi snying po can// 'ub chub stong pa'i rang bzhin can/ yang dag shes pa'i khyad par dang ldan pa'o// zhes rig pa rang shar chen po'i rgyud las/ sa lam bsgrub tu med pa'i le'u ste don bdun pa'o// // de nas yang gsang ba'i bdag pos 'di skad ces gsol to// kye kye bcom ldan rdo rje sems// sa yi don sbyor de ltar na// rdzogs chen rang skad gsung du gsol// zhes zhu ba zhus so// de nas yang bka' stsal pa// e ma rdo rje 'dzin
- 302b
rgyal legs par nyon// lam med lam du zhugs na ltung ba chen por 'gyur// de bas lam la mi gnas don la blta// rdzogs chen rang skad thugs kyi lta ba ni// don dpe 'di las med par gsungs// bya rgyal med pa'i sngon rol na// sgo nga'i nang nas gshog drug rgyas// khyung chen mkha' la lding ba bzhin// nam mkha' med pa'i sngon rol na// nam mkha'i mtshan nyid ye nas med// chos nyid med pa'i sngon rol na// chos can mtshan ma'i ming yang med// sangs rgyas med pa'i sngon rol na// sems can mtshan ma ye nas med// mya ngan 'das pa'i sngon rol na// 'khor ba bya ba ming yang med// de phyir sangs rgyas thams cad kyi// rje btsun dam pa nga yin no// 'byung ba lnga bas nga nyid che// 'byung ba bas kyang nga sngar byung // sangs rgyas pas kyang nga sngar rgyas// nga ni yang dag bde ba'i sku// nga yi sku la thams cad rdzogs// nga yi gsung la thams cad rol// nga yi thugs la thams cad rtogs// nga yi yon tan cir yang snang // nga yi phrin las ma btsal rnyed// nga yi lta ba thig le'i sku// nga yi sgom pa blo las grol// nga yi spyod pa yul las 'das// nga yi 'bras bu gcig pa'i sa// nga yi dam tshig bsrung dang bral// nga yi dbang la 'gyur ba med// nga ni dur khrod chen po ste// sangs rgyas sems can kun gyi dur// nga yi byin rlabs chen po las// dus gsum
- 303a
sangs rgyas thams cad byung // nga yi mtshan ma'i sku lnga las// longs spyod rdzogs pa'i zhing khams chags// nga yi thugs rje 'od zer las// sprul pa phyed snang zhing khams chags// nga yi mig gi 'od zer las// las dag sprul pa'i zhing khams chags// nga yi sku gsum 'gag med kun la rol// nga yi zhing khams rdo rje'i sku la rdzogs// nga yi snying po tsit+ta'i dkyil na rdzogs// nga yi ngo bo ka dag sa la gnas// nga yi 'bras bu sgron ma'i yul la snang // nga yi mdzad spyod nam mkha'i dkyil na gnas// nga yi thugs rje 'khrul snang yul la gnas// nga yi dkyil 'khor dung khang nang du rdzogs// nga yi ye shes par do'i yul la rdzogs// nga yi shes rab phyi nang chos la rdzogs// nga yi ting 'dzin stong pa'i ngang la gnas// de bzhin nga las ma byung gang yang med// thams cad ma lus nga yi cho 'phrul te// brjod med rang byung rgyal ba kun gyi gsung // rnam dag don spyod rgyal ba kun gyi yab// sna tshogs shes rab rgyal ba kun gyi yum// tha dad ye shes rgyal ba kun gyi ngang // gcig dang du ma rgyal ba kun gyi yul// ye shes chos kyi dbyings dang khyad med pas// skye med ye shes me long lta bus mkhyen// ye shes rig pa'i rang du dbyer med mkhyen// chos kyi dbyings la chos nyid ye shes brjod// rnal 'byor rig pa mthong gyur na// rgyal ba ma bsgoms
- 303b
gcig kyang med// rig pa'i ngo bo 'gyur ba med// rang bzhin nam mkhar gnas pa ni// nam mkhar gnas pa'i 'ja' tshon bzhin// sang nge sa le ma 'dres yongs su rdzogs// dper na rgyal pos blon po la bsgos ltar// rig pa dbyings la shar bas phyi yi tshul// 'bangs kyis rgyal srid phul nas dbang bskur ltar// rang byung rang rdzogs bla na med pa'i tshul// rig pa'i ye shes zang thal yul las 'das// rang rig byang chub sems la ma rig mun pas bsgribs// 'gro ba kun gyi snying la dug chen 'di g.yos pas// thar lam mi 'thob skye zhing 'chi la rtog/ ma rig ma spangs bzhag na rig pa skye bar 'gyur// lta ba ma nor bden gnyis don ldan zhing // bdag dang sangs rgyas dbyer med mnyam pa'i blos// rig pa'i yul la bltas na ting 'dzin thob// dmigs pa'i yul dang bral na sgron ma yul la snang // snang 'byed btsal sems med par ye shes dbyings su 'dus// thob dang ma thob med par ye shes skye// grol dang ma grol gnyis med shes rab che// rdzogs pa'i rig pa yul la lhug par shar// lhug pa nyid la ye shes snang ba 'gag med skye// bskyed bya skyed byed med par yul la mngon par snang // ma bkod nor bu'i sku la ye shes rdzogs pa'o// kye ma rdzogs pa chen po a ti ni// gang gi phyogs su ma lhung ye shes don la spyod// dper na gcan
- 304a
gzan seng ge yis// sder chags zil gyis mnan nas gangs la gnas pa bzhin// rdzogs chen rang skad smra zhing theg dman zil gyis gnon// rdzogs chen rang skad smra zhing rang gi don la 'jog/ rdzogs chen yul la sangs rgyas sems can med// rdzogs chen gzhi la bzang dang ngan pa med// rdzogs chen lam la nye dang ring ba med// rdzogs chen 'bras bu thob dang ma thob med// rdzogs chen sku la yin dang min pa med// rdzogs chen gsungs la bsgyur dang ma bsgyur med// rdzogs chen dbyings la zad dang stongs pa med// rdzogs chen gnas la mtho dang dma' ba med// rdzogs chen chos la spyod dang mi spyod med// rdzogs chen rtsal la rdzogs dang ma rdzogs med// rdzogs chen rol pa shar dang ma shar med// rdzogs chen don la bsgom dang ma bsgoms med// rdzogs chen rig pa mthong dang ma mthong med// rdzogs chen shes gsang chen kun la rol// rdzogs chen mtha' la 'di zhes bstan du med// rdzogs chen don la tshig dang yi ge med// rdzogs chen rgyal po'i lta ba de bzhin gnas// tshig dang yi ge med par rdzogs chen don la spyod// gsal 'grib 'dzin rtog med par rang snang bde ba'i shugs// rdzogs chen don la de bzhin gnas med pa'o// kye ma yang dag bde ba'i sku// tshig la mi gnas sgron ma mkha' la 'khyil// don la
- 304b
gnas ye shes gtang gzhag med// rdzogs pa med par mtshan ma rang sar grol// ye shes rdo rje sgron ma 'bar ba'i sku// yang dag bde ba'i 'od gsal mnyam pa'i sku// 'gag med rang grol rdzogs chen a ti'i don// ma bskyed rdzogs pa'i thig le rnam lnga gsal// 'gyur med ye shes dag pa'i phyogs dang bral// stong pa rang sangs nam mkha'i khu rlangs bzhin// 'gyur med rang dag chu yi lbu ba bzhin// rnam dag mkha' mnyam rdo rje stong pa nyid// dus med lhug pa chu yi dkyil 'khor bzhin// stong pa'i don la cis kyang bskyod du med// gsang ba'i dkyil 'khor ye shes lnga dang ldan// dag pa'i ye shes tshom bu lnga dang ldan// rdzogs chen gsang ba'i dkyil 'khor dam pa na// rdzogs chen don la thogs pa med par 'byung // tshig don ye shes gtan tshigs chen por bshad// yang dag ye shes zla 'od bzang // 'od chen ston ka'i zla ba'i 'od// spro zhing bsdu ba med pa ltar// rdzogs chen 'od la skye dang 'bri ba med// rdzogs chen ye shes rang snang yin// mtshan ma tshig gi mtha' dang bral// mtha' bral ye shes chen po'i sku// 'dzin pa med par gzugs su snang // 'gro 'ong med par dbyings su thim// gnas pa med par rang sar grol// stong pa'i tshig gi mtha' dang bral// dag pa 'od kyi yul dang bcas// khyab pa'i thig le sku dang bcas// yang
- 305a
dag ye shes 'od dang bcas// mkha' mnyam rig pa'i sku dang bcas// stong pa rdo rje lam dang bcas// gsal ba 'od kyi dbyings su 'dus// de bzhin dgongs pa dag pa'o// e ma rdzogs chen byang chub sems// mkha' mnyam rdo rje'i sku la spyod// stong pa yang dag lus la rdzogs// sems sogs 'dzin pa'i chos las grol// skye med yang dag ngo bo rnyed par gsungs// mi bskyod mkha' la rig pa gsal// skye med klong du yang dag 'dus// 'gag med klong du de bzhin gshegs// rnam dag spyan lnga mngon sangs rgyas// 'bar ba 'bar ba'i ye shes mchog/ stong pa stong pa'i yul las 'das// dag pa dag pa'i dkyil 'khor rnyed pa'o// zhes rig pa rang shar chen po'i rgyud las/ rdzogs chen rang skad smra ba'i le'u ste don brgyad pa'o// // de nas yang gsang ba'i bdag pos 'di skad ces gsol to// kye kye bcom ldan rnam dag sku// rdzogs chen rang skad de ltar na// bdag cag mos pa'i 'khor rnams la// mi g.yo mnyam gzhag gsung du gsol// zhes zhu ba zhus so// de nas yang bka' stsal pa// kye ma gsang bdag rdo rje 'dzin// ngas bstan khyod kyis legs par nyon// mi g.yo mnyam gzhag dgongs pa ni// 'di ltar kun la shes par bya// mi g.yo ba ni sku yi rgyan// mi bskyod pa ni ye shes te// mi 'gag pa ni shes
- 305b
rab bo// yang dag mi phyed mnyam gzhag go/ srog med 'dzin pa med pa nyid// bya dang byed pa'i tha tshig las// yod dang med pa'i mtha' las grol// nyon mongs spangs par mi 'dod cing // ye shes len par 'dod ma yin// mi len pas na bdag med cing // ci yang mnyam nyid ye shes 'dod// rtog pa ma zhugs phyogs dang bral// yod med gnyis kyi mtha' las 'das// bsam gtan nyid la bsam du med// yang dag don la bsgrub tu med// sgron ma'i yul la btsal du med// snang ba nyid la gzung du med// yang dag sku la blta dang bral// rang rig don la bsgrub tu med// snang ba'i yul la 'dzin du med// yon tan rtsal la 'gag pa med// mtshan ma'i chos la zhe 'dod med// dag pa'i 'od zer tha snyad stong // yon tan sprul pa cir yang sprul// da lta'i rig pa chos kyi sku// ma 'ongs tshig las 'das pa'o// mngon sum mi gnas yul las 'das// che ba'i chen po rang bzhin gnas// bsgrub pa ma yin 'khrul pa sangs// rtogs pa ma yin don dang mjal// stong pa gsal ba 'od kyi sku// ye shes mdzes pa lhan ne'o// sna tshogs 'phro bas don gnyis mthong // thams cad gang bas yul med cing // gza' gtad med par sa nyid thob// gom pa gcig gis pha rol phyin// stong pa mu med gsal la mdzes// gsal ba yul med gzung du med// snang
- 306a
bar mi 'dod chos dang bral// go ba'i yul na shes rig che// mthong ba'i yul na snang ba gsal// shes pa'i dus na yangs pa che// mthun pas gang gis chos dang bral// the tshom sgro 'dogs chos dang bral// mi g.yo mnyam gzhag dkyil 'khor nyid// rang las sprul zhing rang la thim// bying dang rgod pa'i mtha' las 'das// rtag nyid rdo rje'i sku dang ldan// mun pa 'khor ba'i yul las 'das// rtog pa de nyid rang sar grol// rtogs pa chos nyid rgyal por gsungs// chos nyid ka dag ma rig med// bstan pa kun gyi snying po nyid// nga las thams cad byung ba'o// bya byed 'dzin pa'i yul las 'das// yang dag don la mnyam par bzhag/ ye shes don la ngos bzung med// mtshon pa'i dpe dang bcas pa'o// e ma bkod pa rin chen phreng // ma bkod phyogs su grub pa med// rang shar me long 'od po che// dang po rkyen gyis 'khrul pa'i phyir// mtha' ma rkyen gyis bzlog par byed// de nas rkyen dang rgyu nyid kyang // rdo rje sems dpa'i thugs las byung // rdo rje sems dpa' bdag nyid kyang // yang dag nor bu rin chen stor// de nas mun pa'i smag tu 'khyams// de nas nor bu rin chen rnyed// snang ba nyi ma'i 'od zer bzhin// kun la snyoms pa'i 'od ltar snang // nga yi nor bu rin chen gyi// 'od la rgyal ba thams cad bzhugs// nub pa med
- 306b
pa'i 'od chen la// stong pa med pa'i nyi zla shar// shar ba nyid nas nub pa med// ma 'gags thabs kyi sku lnga gsal// 'du 'bral med pa'i thig le rtogs// yang dag rig pa'i ye shes mthong // stong pa yul gyi rgya yis btab// rnam dag bum pa'i 'od zer 'phro// gsal ba thugs kyi pho brang nas// ye shes rig pa'i cho 'phrul snang // bya ba rtogs pa'i ye shes gsal// 'gyur ba med pa rin po che// dgos 'dod re ba yid bzhin skong // stong pa yul gyi pho brang du// rdo rje sems dpa'i thig ler shar// dran pa med pa'i klong du 'dus// brjod pa med pa'i klong du bskyal// bsam pa med pa'i chos sku mthong // yangs pa chen po'i dbyings nyid mthong // brjod pa med pa'i ngang du thim// yang dag rig pa mkha' la gshegs// dkyil 'khor la yang dkyil 'khor thim// chos nyid la yang chos nyid rol// ye shes ye shes khyad par gyis// chos nyid don la bltas pa med// dkyil 'khor gsung gi khyad par gyis// gsang sngags thabs kyi dkyil 'khor nyid// yum gyi mkha' la de bzhin rol// gsang ba'i sku la brjod du med// 'od la 'od kyis brgyan pa nyid// sku la sku yis yang dag brgyan// ye shes la yang ye shes te// de bzhin thams cad so so nas// ma 'gags so so'i mtshan nyid 'dzin// rig pa'i ye shes sku la khyab// sku la ye shes
- 307a
dkyil 'khor byung // ma bkod phung po mdzes pa yi// lam las yang dag dkyil 'khor byung // don las ye shes dkyil 'khor byung // sems las sna tshogs dkyil 'khor byung // chos las rdo rje'i dkyil 'khor byung // yang dag don rtogs de bzhin no// zhes rig pa rang shar chen po'i rgyud las// mi g.yo mnyam gzhag gi dgongs pa bstan pa'i le'u ste don dgu pa'o// // de nas rnam par grol ba'i skyes bu smra ba'i seng ge 'jam dpa' gzhon nur gyur pa zhes bya ba des// 'di skad ces 'khor gyi byang chub sems dpa' rnams la bka' stsal to// kye ma 'dus pa'i 'khor tshogs nyon// ngas bstan legs par yid kyis nyon// e ma ho// 'jam dpal rang byung ye shes ni// tshig la mi gnas kun gyis go ba med// go ba med de mthong byed yod// mthong byed rig pa 'di lta ste// shes rab rig pa blo yi ngang las spyod// sku yi rnam pa thugs kyi klong nas gsal// dper na me long chu zla bzhin// ma chags zhen med rang grol nyid// stong pa rang snang yul la med// yul la 'char ba'i sgo ni rnam pa gnyis// 'dod pa'i sgo nas shes rab rtsal du shar// ye shes sgo nas sku dang ye shes shar// 'byed med shes rab gzhi la gnas pa 'byung // ngo spyod rtogs pa thob gyur bas// mi bslu nges pa'i snang ba lnga// shes rab mkha' la bskyod de
- 307b
gshegs// spros dang bral ba'i chos kyi dbyings// ngo sprod nang du shes par bya// de yang bstan pa 'di ltar yin// sprad pa'i rgyu nyid rang la yod// sprad pa'i yul nyid snang ba lnga// sprad pa'i rkyen nyid 'od snang lnga// sprad pa'i 'bras bu bden pa mthong // sprad pa'i yon tan bsam mi khyab// snang ba yul dang gnyis med shar// bden pa dang po rab tu dga'// bden gnyis tshul gyi ye shes rgyas// bden pa gsum nyid dbyings su 'dus// bden pa bzhi yi tshul nyid rnam pas stong // bden pa lnga nyid mkha' la gsal// bden pa drug gis dbyings su 'khyil// bden pa bdun pas gos pa med// bden pa brgyad pas chags pa med// de nyid bden pa dgu dang ldan// bden pa bcu la mtha' bzhi gsal// bcu gcig bden pa chos la grol// bden pa bcu gnyis dri ma spangs// bcu gsum ye shes bden pa mthong // bcu bzhi bden pa de nyid thob// bden pa bco lnga yang dag shes// bcu drug bden pas rtogs pa nyid// bcu bdun bden pas sku nyid thob// bco brgyad bden pas dkyil 'khor thob// bden pa bcu dgus lha tshogs mthong // nyi shu'i bden pa tshad dang ldan// rtsa gcig bden pa mkha' la spyod// de nas spyan ras gzigs dbang phyug gis 'di skad ces gsol to// kye kye smra ba'i seng ge rigs pa dang ldan pa khyod// 'jam
- 308a
dpal yang dag dgongs pa nyid// mtshan ma'i chos dang bral lam ci// yang na mtshan ma med pa la// yang na dkyil 'khor gcig la brten// de bzhin gang gis mtshon par byed// lung la brten te grub bam ci// yang na rigs pa dag la brten// de bzhin man ngag brten 'gyur ram// yang na rang nyid la brten nam// de bzhin gang la brten pa yin// yang dag don chen bgros te gsungs// zhes dri ba dris so// de nas 'jam dpal smra ba'i seng ge skyes bu dam pa des// 'di skad ces smras so// kye ho legs par dris lan zung // dri ba'i phyir na lan nyid zhu// de nas dbang phyug des smras pa// kye ho 'jam dpal gzhon nu nyid// dris pa'i lan nyid med dam ci// de nas skyes bu dam pas gsungs// nga yis lan gdab legs par nyon// 'jam dpal yang dag dgongs pa nyid// mtshan ma'i chos dang bral ba'o// rnam rtog mtshan ma ka nas dag/ dgos ched 'bras bu rang grol lo// yon tan sna tshogs sku lngar shar// bsam pa'i don 'byung de dag las// blo dman gang zag shas chung la// mtshan ma bsgom pa'i rim par snang // spyi dang rang gi mtshan nyid brtags// dgongs pa nyid la rdzogs pa'o// de mthun shes rab nges par rnyed// bsgom pa'i bye brag gong bzhin du// de la mtshan ma med pa'i rtags// shes rab
- 308b
chen pos don rig nas// chos sku skye med 'gyur med la// longs sku shes rab rig pa'i sku// mkhyen pa'i ye shes mkha' la dbang bsgyur zhing // sbrul skus gdul bya'i yul la don byed nus// de gsum phyogs lhung med pa'i shes rab la// 'jam dpal yang dag dgongs pa gsal// de la nyi shar 'di ltar kun la shar// dang po chos sku'i rig pa shar// rig pa ye shes 'od du gsal// de las gting dpag med pa'i 'od// phyogs bcu nam mkha'i khams gang zhing // de yi gzi brjid 'jig rten khyab// de las mthong ba'i khyad par gyis// goms pa'i don la ma yengs na// ye shes rig pa sangs gyur nas// shin tu sad pa sad pa'i bdag/ kun shes chos dang bral ba'o// de ni dgongs pa'i tshad du bstan// de min blo zhan sems can rnams// chos sku zang thal yangs par ma shes par// rdzogs rim skye ba med pa khas blangs kyang // wa sbrel seng ge dag tu brdzus pa bzhin// dngos med zang zal chos sgyu ma rtogs par// blo yi zhen 'dod mtshan bcas lha la blta// de ni 'jam dpal dgongs pa min pa rdo rje sems dpas gsungs// mtshan ma med pa'i dgongs pa nyid// dkyil 'khor nyid la brten tu med// lha la bsgom du med pa'i phyir// 'jam dpal yang dag dgongs pa la// mtshon pa'i dpe nyid man shel yin// yang dag
- 309a
don la lung med kyang // mtshon phyir lung la brten te bsgrub// rigs pas mi 'grub shes rab dgos// rig pas bsgrub na 'og mar 'gyur// de la man ngag nges par dgos// rang nyid las kyang rgyu nyid yod// thams cad rang las byung ba'i phyir// dus gsum bde gshegs thugs kyi dgongs pa ma nor bar// dris lan rgyas par khyod la bstan pa'o// de nas yang gsang ba'i bdag po phyag na rdo rjes 'di skad ces gsol to// kye kye smra ba'i seng ge nyid// 'jam dpal gyi ye shes la tshad gzung du yod dam med// dus gsum sangs rgyas thams cad kyis// glur blangs gang lags bshad du gsol// zhes dri ba dris so// de nas 'jam dpal smra ba'i seng ge gzhon nur gyur pa des// 'di skad ces dris lan rgyas par gdams so// kye ma rdo rje 'dzin rgyal nyon// nga yi dgongs pa tshad mar bstan// dris pa'i lan la legs par nyon// 'jam dpal ye shes nyid la tshad med kyang // ma rtogs blo la tshad kyis bstan du yod// dri ma gsum gyis rgyal ba'i sku la bsgribs// rags pas sangs rgyas zhing khams bsgribs// dri ma bsal bas ye shes zang mar shar// dri ma gsum ni dug gsum ngo bor bstan// de yang bstan pa 'di lta ste// dri ma dag na rags par bshad// dri mas rang gi ye shes bsgribs// rags pas sangs rgyas zhing khams
- 309b
bsgribs// phra bas ye shes snang ba bsgribs// phra ba'i phra bas ye shes sgron mar bstan// rags pa'i rags pas gzugs sku'i zhing khams bstan// dri ma'i dri mas ma rig rtsa bar bstan// snang ba'i rgyal po chen po de bzhin gnas// sems can blo la gnas pa'i don nyid ma shes na// ye shes rang snang dgongs pa de mthong ngam// de yang rtogs pas mi gnas mun khang mar me bzhin// snang ba ma 'gags 'jam dpal ye shes don// 'jam dpal ye shes dri ma'i skyon rnams thams cad bsal// dpal gyis sems la sogs pa'i 'ching ba grol// 'jam dpal ye shes don la gang gnas pa// de ni mya ngan 'da' bar rdo rje sems dpas bshad// 'jam dpal ye shes dgongs pa'i don nyid tshig las 'das// tshig dang yi ge mtshan ma'i chos las yang dag grol// chos la dbang bsgyur ye shes mchog la gnas// ye shes don la 'jam dpal ye shes sku// tshig med stong pa'i ngang du 'jam dpal ye shes stor// stor ba nyid nas bsgrubs shing btsal du med// de yang snang ba rgya chad 'byung bzhi'i mkha' la spyod// 'jam dpal don gyi snying po las// sems la sogs pa'i dri ma med// snang ba byar med chos dang bral// 'jam dpal ye shes chen po nyid// gang dang mi mnyam kun la rol// 'jam dpal ye shes dgongs pa nyid// gang gi don la gus
- 310a
pas ltos// 'jam dpal ye shes don nyid do// de nas thugs rje zabs kyi bdag pos/ 'jam dpal smra ba'i seng ge la 'di skad ces gsol to// kye kye smra ba'i seng ge lags// 'jam dpal nges tshig gang gis bzung // khyed kyi lung bstan legs par zhu// zhes dri ba dris so// de nas yang rnam par grol ba'i skyes bu 'jam dpal smra ba'i seng ge des 'di skad ces dris lan rgyas par gnang ngo // kye ho spyan ras gzigs dbang nyon// bdag gis rab tu smra bar bya// 'jam dpal dpal dang ldan pa'i mchog/ 'jam dpal dgongs pa gang yin pa// nga yi thugs kyi dkyil na rdzogs// 'jam dpal yang dag bde ba'i sku// yang dag ye shes 'od lngar ldan// chos sku kha dog ma 'dres 'jam// dkyil 'khor 'du 'bral med phyir dpal// snang ba rang gdangs yod phyir 'jam// ma rig mun pa sangs te dpal// sgron ma'i 'od kyis khyab phyir 'jam// de la dus med 'char phyir dpal// rang snang yul la snang phyir dpal// phyogs la gnas pa med phyir dpal/ tshig gcig chad pa yin// dbyings la 'phro 'du med phyir dpal// 'jam dpal ye shes sems dpa' yi// ming la gang zhig sus 'jug pa// ye shes snang ba de yis mthong bar 'gyur// 'jam dpal sku dang ye shes gsung // ma 'gags so sor mtshan nyid 'dzin// zab cing rgya che/
- 310b
'jam dpal nyid kyi ming // gting dpag dka' 'o 'jam dpal chos kyi mchog/ 'jam dpal ngang las yang dag bde ba skyes// 'jam dpal nyid la zad cing stong pa med// stong pa'i ngang las 'jam dpal ye shes sku// so so'i don la mi gnas 'jam dpal dang las thams cad 'dus// chos nyid dpal las yang dag rtogs pa bskyed// rdo rje sku la 'jam dpal ye shes gsal// snang ba med pa'i 'jam dpal ye shes nyid// kun la khyab pas don mdzad sku nyid yangs// 'jam dpal shes rab me long 'od po che// de las 'od byung thams cad ngang du rtogs// de ni 'jam dpal dkyil 'khor chen por bshad// 'jam dpal sku la thug pa med// 'jam dpal ye shes mkha' la gshegs// yang dag sku yi klong du thim pa yin// 'byung ba lnga yi rab rib kyis// ye shes lnga yi rang mdangs bsgribs// sna tshogs tshig gi lo ma yis// 'jam dpal sku yi dkyil 'khor bsgribs// sangs rgyas dang ni sems can yang // 'jam dpal nga yi gsung las 'phros// sna tshogs yul du snang ba yang // 'jam dpal nga yi gsung las sprul// yul drug spyod pa'i yid drug kyang // 'jam dpal nga yi thugs las 'phros// de bzhin rol pa sna tshogs kun// nga las sprul cing nga las byung // nga ni 'jam dpal kun gyi dbyings// 'jam dpal ye shes thugs la
- 311a
rol// 'jam dpal gsung ni rnam dag nyid// 'byung ba'i yul la de bzhin spyod// bya dang byed pa'i chos las grol// 'jam dpal ye shes sprul pa nyid// gang ltar bltas pa de ltar snang // 'jam dpal dngos po'i chos las 'das// gang dag 'jam dpa' ye shes nyid// ye shes mig gcig dri ma med// ye shes lus can de bzhin gshegs// ye shes lus la bag chags med// bzang ngan med pa'i 'jam dpal nyid// kun la 'char byed ma 'gags so// yang dag sangs rgyas lam rig pa'o// lam ni rnam pa lnga ru grags// lam la chags pa med pa'i don// don la 'gag med yul la shar// de las grol phyir rgyud rgyal gsungs// mtshan ma'i ming gi chos rnams kun// 'jam dpal nga yi ngang du grol// snang ba ye shes chos rnams kun// 'jam dpal nga yi ngang du thim// mkha' klong dag pa'i sgron ma gnyis// 'jam dpa' nga yi mig la thim// ye shes 'bar ba'i sku lnga yang // 'jam dpal nga yi mgo la rdzogs// rig pa lhun grub sku nyid kyang // 'jam dpal nga yi snying la rdzogs// thig le mtha' yas sku nyid kyang // 'jam dpal nga yi rtsal la rdzogs// de la sogs pa'i ye shes sku// thams cad nga la rdzogs par gsungs// ye shes 'jam dpal chos nyid sku// ye shes rol pa'i phyir na 'jam dpal don du bstan pa'o// gsang
- 311b
sngags kun gyi ye shes nyid// ma nor dgongs pa tshad ma rnams// 'jam dpal ngo bo'i ngang du thams cad 'dus// de phyir ye shes sems dpar gsungs// gang dang gang du 'jam dpal rigs// yod par gyur pa thams cad rnams// nga las yang dag spros pa'o// nga ni bcom ldan rgyal ba nyid// sku las 'od zer stong stong 'phros// gsung las rol ba sna tshogs byung // thugs las dgongs pa'i dkyil 'khor snang // de bzhin 'jam dpal nyid kyi sku// sna tshogs cir yang 'phro ba'o// de skad ces bka' stsal pa dang // 'khor rnams rab tu yi rang ngo // de nas ston pa bcom ldan rdo rje sems dpa' nyid/ ting nge 'dzin las bzhengs nas/ legs so zhes bya ba gnang bas/ stong gsum gyi stong chen po'i 'jig rten gyi khams thams cad 'od zer gyi phung pos kun nas gang bar gyur to// de nas rdo rje 'chang chen po des 'di skad ces// rnam par grol ba'i skyes bu 'jam dpal smra ba'i seng ge la bka' stsal pa/ kye smra ba'i seng ge bstan pa de legs so// de ni sangs rgyas kyi dgongs pa dngos su bstan pa yin no// rigs kyi bu khyod de'i don la ma yengs par gyis shig/ ces brjod nas yang ting nge 'dzin la snyoms par bzhugs so// de nas smra ba'i seng ge skyes bu dam pa des/ bcom ldan rdo rje 'chang chen po de la bskor ba lan gsum byas
- 312a
nas// mi snang ba'i mkha' rnam par dag pa la gshegs so// 'khor rnams kyang 'dun pa'i ting nge 'dzin la snyoms par zhugs so// zhes rig pa rang shar chen po'i rgyud las/ 'jam dpal smra ba'i seng ge'i le'u ste brgyad cu pa'o// // de nas yang de bzhin gshegs pa dgra bcom pa yang dag par rdzogs pa'i sangs rgyas stong spyi phud kyi rgyal po zhes bya ba des 'di skad ces/ 'khor gyi lha dang / lha ma yin dang / mkha' 'gro ma dang / gnod sbyin gyi rigs dang / byang chub sems dpa' dpag tu med pa dang // de dag la sogs pa'i 'khor grangs med pa rnams la bka' stsal pa// kye 'dus pa'i 'khor rnams nyon cig/ nga yis don chen bstan par bya// 'dus pa'i 'khor tshogs rnams kyis gus par nyon// dang po sangs rgyas dgongs pa de// khyung chen mkha' la lding ba bzhin// spro bsdu med par nam spyod par byed// tha snyad ming la mi gnas te// bgrod med rang gi sa la phyin// dgongs pa nyid la bsgom du ga la yod// nam mkha' gud bcad ma thub zang thal ltar// de bzhin bag chags phung pos sku la sgrib// nam mkha' gang ba'i 'od la thug pa med// yang dag lam la shes rab sku lnga shar/ ye shes sku lnga kun gyi snying po yin par gsungs// don dam chos sku bzung ba'i yul las 'das// 'das dang ma byon de bzhin
- 312b
gshegs pa rnams// rang gi snying por rdzogs shing yang dag nyid du 'phro// sems dang chos la sangs rgyas ga la yod// dper na nor bu rin chen ltar// zad pa med pa'i gter chen yul la snang // sangs rgyas lam la bgrod du med cing sbyang du med par gsungs// nga med nga la nga yi cho 'phrul byung // nga med nga yi 'od la thams cad bzhugs pa yin// nga yi rig pa med la sna tshogs cir yang snang // nga yi thugs kyi nyi ma lngar snang zhing // rgyal ba'i zhing khams rab 'byams ma lus kun// nga yi nyi ma re re'i 'od la thams cad bzhugs// rgyal ba thams cad nga yi 'od la bde ba yin// nga med pa yi rol pa cir yang sprul// sprul pa ye shes bye ba thugs la rol// 'byung ba rgyu yi rol pa sna tshogs ston// mkha' mnyam bum pa'i sku ltar phyi yi chos dang bral// mtshan ma'i ye shes 'dzin pa rang ga ma// dag pa'i ye shes dngos po'i mtha' dang bral// yul dang shes pa'i stong pa'i yul las 'das// dper na seng ge rtsal rdzogs gar yang thogs med ltar// rig pa'i rtsal rdzogs gar yang thogs pa med// thogs pa yod na rig pa'i rtsal ma 'byongs// rdo rje snying po'i sku la 'od zer stong dang ldan// 'od zer stong las gzugs sku re re snang // des na yang dag ston pa'i bstan pa 'dzin par 'gyur// sra zhing brtan pa'i ye shes zung 'jug kun la cho
- 313a
'phrul ston// rgya chen ye shes don la thug pa med// mthong ba'i lam la ye shes mngon sangs rgyas// rtag dang chad pa'i gol sgrib rnam par sel// che chung med par yang dag mkha' la bskyod// bzang ngan med pa'i ye shes yul la 'jug/ mi gnas ye shes rang bzhin ni// phyogs dang ris med zhen pa rang sar grol// zhen med rang byung ye shes las// zhen pa med pas bya ba btang // ye nas rang bzhin dag pa yi// gzhi ma 'khrul bas bya ba btang // ye nas bzung ba'i yul dag ni// dmigs pa'i rkyen gyi bya ba btang // rig pa'i rgyal po ye shes 'od zer gyis// yang dag mkha' la nyi ma shar ba bzhin// dag pa'i sku la sgrib pa med// 'dzin med phyogs dang ris las grol// de phyir rang grol dgongs par bshad// dper na gser 'gyur rtsi bzhin du// ye shes gcig gis nyon mongs du ma sel// shes gcig gis phyi nang sgo 'dogs chod// dag pa gcig gi 'od kyis phyogs bcur 'phro// snang ba gcig gis gti mug mun pa sel// sgron ma gcig gis 'khor ba'i lam sna 'dren// ston pa gcig gis 'khor ba thams cad sgrol// nyi ma gcig gis gling bzhi khyab pa bzhin// rig pa gcig gis 'gro ba yongs la khyab// bstan pa gcig la thams cad gnas par 'gyur// shes rab gcig gis ka dag sa la
- 313b
bskul// 'od zer gcig gis ngan song yul las thar// thugs rje gcig gis ngan 'gro phyag mas 'debs// zhags pa gcig gis rigs drug gnas nas 'dren// de bzhin chos rnams thig le nyag gcig go/ e ma ho// shes rab me yis rnam rtog thams cad bsreg/ rig pa'i rlung gis 'dzin pa thams cad gtor// ye shes chu yis snang ba thams cad sdud// sku yi sa las sna tshogs rol pa 'byung // dag pa'i mtshon gyis ma rig gting nas phug/ stong pa'i yul gyis sgron ma thams cad sdud// gsal ba'i 'od la dgongs pa thams cad zhugs// rnam rtog 'dam la ye shes me tog skyes// rnam dag mkha' la gsal ba'i nyi ma shar// chos nyid don la 'khrul pa ka nas med// ye shes dbyings la rgya chad phyogs lhung med// mdzes pa'i sku la rgyan dang cha lugs ldan// 'od kyi zer la rig pa'i rgyal po zhon// de las lam byung de yi ngang du thim// de ni ye shes kun gsal sa chen yin// 'od kyi snang ba ma 'dres kun la mnyam par gnas// theg chen rdzogs pa'i ngang du thams cad 'dus// gsang ba'i mkha' la sangs rgyas mdzad spyod 'dus// snang ba 'di la ma zhen spyod pa'i mchog tu bshad// theg chen nam mkha'i klong nas nyi ma dag pa shar// nyi ma'i 'od zer kun la byams thugs ldan// gsang ba'i yum dang yab las thig le
- 314a
'phros// chags dang ma chags med pa'i dbyings la spyod/ yin dang min pa'i tha snyad chos dang bral// 'dzin med yul la dag pa'i snang ba 'char// yang dag thugs kyi dkyil 'khor rnam lnga gsal// spyod pa'i sems kyis ma bsgribs sing nge sa le'o// 'dzin pa'i yul la mi gnas kun gyis bcos su med// chags 'dzin zhe 'dod yul las yang dag 'das// byas pas chos nyid med par 'byung ba gzhi bzhi yang byung mtshan/ la grub// bsgrub bya rtsol sems med par 'khor ba'i nad las thar// rang byung don spyod seng ge'i nga ro bzhin// mtshan ma'i yul med stong pa'i tshig las 'das// yul med yul las yul gyi snang ba byung // sku med sku las sku yi cho 'phrul byung // gsung med gsung las gsung gi rol pa byung // thugs med thugs las thugs kyi rtog pa byung // 'gag med rtsal sems yon tan sna tshogs byung // zhi rgyas dbang drag phrin las mdzad spyod byung // 'dzin med rang grol thams cad rol par shar// 'gag med rnam dag don gyi snying po nyid// bltas pas ma mthong rang la lhag gis byung // thams cad 'byung zhing gsung gi rol pa nyid// gsang sngags don la ye shes sku nyid shar// nub pa med pa rgya mtsho'i klong yangs su// zad pa med pa'i rin chen gter gnas pas// yangs pa'i sku la snang srid thams
- 314b
cad gsal// lhun grub yul la mi gnas mtshan ma'i chos las grol// thabs chen kun gyi spyod yul snying por shes// snang srid ma bcos chos sku'i ngang la rdzogs pa bzhin// nam mkha'i ngang nas sna tshogs 'byung ba ltar// yang dag sems dang gnyis med 'dres shing mtshungs// bdag nyid rig pa rang shar las// sangs rgyas rnams kyis bcos su med// bcos na gol sgrib lhung bar 'gyur// de yang gsang ba'i yul med bzhin// sangs rgyas nyid la dngos snang med// sems can yul las gzung 'dzin byung // sangs rgyas lus la 'od lnga gnas// sems can mig nas 'od lnga 'byung // sems can dang ni sangs rgyas gnyis// sus kyang shes shing rtog pa med// bka' rtags sbas pa'i rgya dang ldan// gsang ba'i chos la don bzhi bstan// rang bzhin dang ni sbas pa dang // gab pa dang ni kho na nyid// rnam pa bzhi ru rgyal bas gsungs// yang dag mtshan ma'i yul dang bral// 'bad rtsol sems kyi dri ma med// yin dang min pa'i mtha' gnyis bsal// lam dang sa la mi re zhing // stong pa'i lam la yid kyis rgyug/ brjod pa'i tha snyad ming dang bral// gsang sngags bya ba'i yul las 'das// gzung 'dzin bral te mkha' la gsal// ltos pa ma grub dbyings la rdzogs// mtshan ma'i chos bzhi ngang gis sangs// bde ba thugs kyi sprul pa
- 315a
las// ye shes dkyil 'khor thams cad rdzogs// bya ba nyid la ltos pa med// ltos na yang dag bde ba min// thams cad rang byung rig pa'o// de nas de bzhin gshegs pa 'od zer kun nas mtha' yas pas/ 'di skad ces smras so// kye ho ye shes gsang ba che// yang dag dgongs pa 'di rig gam// 'on te gzhan la ltos 'gyur ram// phyi ma yin nam bde ba nyid du 'gyur// lam ltos 'gyur ram 'on te rdzogs// yang dag ye shes yod 'gyur ram// rtog pas 'grub bam mthong bas grub// dris lan rgyas par lan gdab zhu// zhes zhus so// de nas de bzhin gshegs pa stong spyi phud kyi rgyal pos 'di skad ces smras so// kye ma lan gdab legs par nyon// lan dang dri ba de dag ni// rang bzhin nyid kyis rdzogs par bya// yang dag nyid la lan med kyang // de la lan gsung 'di bzhin no// yang dag dgongs pa 'di yis btsal// 'di yang chos kyi gtam du zung // 'di yang ma shes rang las byung // byung yang ye shes spyan dang ldan// tshig la ldan dang yang dag ldan// don la ldan pa ga la yod// shes rab rno dang brtul ba med// phyi ma ma yin yang dag nyid// byas pa ma yin rang byung rdo rje'i sku nyid rdzogs// stong pas rab brgyan 'dus byas chos las grol// mdzes pa'i 'od lnga gsal ba chos skur gdod nas dag/ btsal bsam
- 315b
yin rang la lhun gyis grub// 'das pa brjod du med la ma 'ongs tshig las 'das// da ltar yod la brtags par shin tu dka'// yod dang med pa'i lam la zang thal zhing // ye shes spyod phyir rang snang nyid// rtogs pas mi 'grub mthong ba dgos// mthong bas ye shes don dang phrad// lam dang yul dang tshig las 'das// stong dang yul dang mngon par snang // gzhan dang 'byed pa'i chos las grol// sems sogs dngos po'i chos las grol// 'byung ba'i yul nyid kun snang zhing // bstan pa'i don nyid rang gsal ba// ye shes sku la 'phel 'grib med// yang dag bden bde ba yang byung ba'i don mthong bas// byas pa'i rgyu ni rang sar grol// sangs rgyas pas kyang rang nyid che// sangs rgyas kun gyi rje btsan pa// rang gi rig par shes par bya// de la sogs pa'i dgongs pa rnams// ma bskyed rdzogs par shes par bya// de nas rdo rje sems dpa' nyid ting nge 'dzin las bzhengs nas rigs kyi sangs rgyas dam pa de la legs so zhes bya ba byin nas// 'khor rnams kyis de bzhin du khong du chud do// 'jig rten gyi khams thams cad kyang rnam pa drug tu g.yos so// de nas bcom ldan 'das gzhon nu dpa' bo stobs ldan gyis// 'od zer kun 'byung ba zhes bya ba'i ting nge 'dzin la snyoms par zhugs so// de nas de bzhin gshegs pa stong spyi
- 316a
phud kyi rgyal po zhes bya ba des bcom ldan 'das nyid la bskor ba lan gsum byas nas// de bzhin gshegs pa de yang mi snang ba'i chos nyid kyi pho brang rnam par dag par gshegs so// de nas 'khor thams cad ye shes chen po'i snang ba la gral gcig tu 'khod do// zhes rig pa rang shar chen po'i rgyud las/ de bzhin gshegs pa rang byung gi le'u ste gya gcig pa'o// // de nas yang de bzhin gshegs pa dgra bcom pa chos thams cad kyi bzod pa thob la ye shes mngon du gyur pa'i sangs rgyas bcom ldan 'das gzi brjid rnam par bkod pa zhes bya ba des// 'khor gyi mkha' 'gro ma sde chen po bco brgyad la 'di skad ces bka' stsal to// kye kye ye shes tshogs dag nyon// nga yi rang rang don nyid bstan// legs par yid la len par gyis// yang dag rnal 'byor chen po'i don// mkha' 'gro shugs 'gro stobs kyis 'gro// ri rab gnas dang rgya mtsho'i gnas// de bzhin nam mkha' bar snang gnas// sa chu me la gnas pa dang // de bzhin rlung dang shing la gnas pa dang // ye shes gnas dang dbyings la gnas// ye shes dang ni chos las grub// las dang sha za'i 'khor dang bde chen gnas// sde tshan bco brgyad 'khor bcas mkha' 'gro ma// rnal 'byor chen po'i don nyid ngas bshad kyis// gzhan du ma gyur rtog
- 316b
bsal yid kyis nyon// bde chen rigs la gnas pa rnams// yang dag rnal 'byor don tshol na// nga yi bstan pa 'di la zhugs// lha rnams dkyil 'khor thams cad kyang // nga yi rgyud rgyal 'di yis 'grub// rigs gsal dkyil 'khor don nyid rnams// rang las byung ba'i dkyil 'khor nyid// yang dag rdzogs phyir nga yis bshad// gsang sngags lam gyi 'jug sgo rnams// don rnams mtshon phyir nga yis bshad// rig pa'i ye shes thug med rnams// nga yi dkyil 'khor nyid yin pas// khyod kyis go ba shin tu dka'// de phyir nga yi ye shes lta bar gyis// phyag rgya'i lam nyid sbyang ba'i phyir// rdo rje'i dkyil 'khor nyid du bshad// mkha' 'gro'i sde tshogs 'khor bcas rnams// nga yi dkyil 'khor blta 'dod na// man shel dkyil 'khor nyid la ltos// nga yi ngo bo lta 'dod na// dbyings kyi sgron ma dag la ltos// nga yi cho 'phrul blta 'dod na// bar snang khams kyi 'ja' tshon ltos// nga yi rig pa nyid la lta 'dod na// lu gu rgyud kyi sku la ltos// nga yi ye shes lha 'dod na// me long dkyil 'khor dag la ltos// nga yi thugs rje blta 'dod na// nyi ma'i zer dang skar mda' ltos// nga yi rol pa blta 'dod na// sna tshogs rtsi shing nags tshal ltos// nga yi dgongs pa blta 'dod na// rgya mtsho chen po'i gting la ltos// nga yi sprul pa lta 'dod
- 317a
na// rlung gi dkyil 'khor nyid la ltos// nga yi yon tan lha 'dod na// klu rgyal dga' bo'i gtsug la ltos// nga yi zhing khams lha 'dod na/ gzugs sku rnam gnyis dgongs pa ltos// nga yi bzhugs tshul lha 'dod na// gzhon nu bum pa nyid la ltos// nga yi rtsal nyid lha 'dod na// gzhon nu dpa' bo'i stobs ldan ltos// nga yi dbu rgyan lha 'dod na// mar me'i dkyil 'khor drangs pa ltos// nga yi sku la blta 'ang da na// ma bskyod nam mkha'i mthongs su ltos// nga yi ye shes rol pa las// thams cad 'byung zhing thams cad 'phro// nga yi dbyings la lta 'dod na// nam mkha' stong pa'i yul la ltos// nga yi thugs snang blta 'dod na// kha dog lnga yi 'od la ltos// nga yi phrin las blta 'dod na// brjod du med pa'i ngang la ltos// nga yi thig le lta 'dod na// mkhar gzhong nang gi chu la ltos// nga yi zang thal lta 'dod na// rdul tshon me long nyid la ltos// de bzhin nga yi cho 'phrul rnams// zad med 'phel ba med pa'o// e ma ho// rnam dag chen po'i dkyil 'khor la// rgyu rkyen gnyis kyi chos dang bral// gsal la rang byung ye shes don la spyod// yid drug yul dang rkyen rnams kun// gang dag 'dzin pa ltos par 'gyur// phyogs 'dzin med na bde ba ste// ngar 'dzin yul las rnam par thar// bdag 'dzin chos kyis rnam par stong // rtag par
- 317b
'dzin pa'i yul las grol// mtshan ma ye shes rgyan nyid mthong // ltos pa lam gyi chos las grol// de yang rig pa'i don nyid rtogs// rtogs pa'i ye shes don dang mjal// mthong ba nyid las dpe gzhan med// dpe med ye shes rang nyid snang // gang gis ma gos phyogs dang bral// 'das dang ma 'das tshig gi lam// lam la chags shing bcos su med// chags pa med pa'i ye shes nyid// chags dang ma chags mtha' las 'das// chags dang ma chags yul la snang // 'das dang ma 'das dus gsum bzhugs// bzhugs dang ma bzhugs mtha' las rgyal// 'das dang ma 'das chags par snang // ma 'ongs tshig gi yul las 'das// yin dang min pa'i mtha' gnyis spang // gsang sngags kun gyis tshad mar gsungs// gang la bde ba shugs kyi 'grub// de bzhin bsgom pa'i don rtogs nyid// ye shes mkha' la rnam par rol// 'byung ba'i chos nyid rnam par dag/ yul nyid stong pa'i mtha' las grol// rtogs dang ma rtogs tshig gi lam// yang dag bde ba'i nyams spangs nas// ye shes don la lhang nge'o// sangs rgyas kun gyi mdzad pa ni// yul dang sems la mi gnas pa'o// yang dag stong nyid mkha' la rol// spyod pa mthar phyin don la spyod// rnam dag sku la ngos gzung med// ye shes sgra lus mtshungs pa med// ye shes lam la rgya
- 318a
tshad med// ye shes yul ni yangs pa che// ye shes sprul pa mtha' yas shing // sems can mtha' la thug pa med// ye shes sku la 'phel 'grib med// de bzhin mtshan ma'i spyod pa med// gsang ba'i don la mthar thug med// gzung 'dzin yul las yang dag thar// thar pa nyid la bcos su med// rtog pa'i rnam pa yul las 'das// gzung 'dzin zhen pa'i mtha' las 'das// rnam rtog 'dzin pa'i yul las thar// zhe 'dod phra mo'i blo dang bral// mtshan ma'i ming gi mtha' las 'das// ye shes mkha' la kun rol kyang // rnam dag lam la thug pa med// rig pa'i rgyal po kun spyod kyang // mnyam nyid ye shes mthong ba med// mthong ba'i lam la rtog pa med// goms pa'i lam la mthar phyin nas// rgyu yi lam la thig le gnas// zhen pa'i mtha' las rnam par grol// gza' gtad chos nyid rnam par sangs// tshig dang ye shes yul la shar// 'char bya 'char byed blo las grol// rnam rtog 'khor ba'i gzung 'dzin stongs// dag pa'i ye shes rang snang la// bskyed pa'i rgyu dang mtshon pa'i tshig/ ming gi tha snyad chos dang bral// yul dang mngon rtogs chos las 'das// gsang sngags yang bcud don rnyed cing // mtshan mar 'dzin pa'i 'khor ba sangs// ye shes sku nyid don la rgyas// sangs rgyas zhes kyang de la bya// byang chub
- 318b
sems dpa'i nges tshig rnams// byang ni chos kyi sku la byang // chub ni longs sku lnga ru chub// sems dpa' sbrul skus 'gro don byed// mdzad pa ye shes nyid du snang ba'o// de nas mkha' 'gro ma'i tshogs rnams mchog tu dga' ba'i sems dang ldan nas// de bzhin gshegs pa gzi brjid rnam par bkod pa de la 'di skad ces zhu ba zhus so// kye bcom ldan 'das ye shes thabs kyi bdag nyid dang ldan pa/ bdag cag mkha' 'gro ma'i rigs rnams ni/ ye shes la spyod pa dang ldan pa yang sha stag yod/ sems can rnams la rnam par 'tshe ba'ang sha stag yod/ rgyal ba'i zhal ma mthong ba yang sha stag bdog pas/ thugs rje dang ldan pa/ bdag cag rnams bstan pa gang la gnas par bya// ston pa chen pos lung bstan du gsol/ zhes zhu ba phul lo// de nas yang de bzhin gshegs pa des 'di skad ces bka' stsal to// kye ma mkha' 'gro ma'i rigs dang sde rnams nyon cig/ khyed rnams kyi rigs rnams nga'i bstan gyis// legs par yid la zung la nyon cig/ de yang gtan la 'di ltar dbab par bya ste/ ye shes dang ye shes las grub pa nyid dang // las dang las las grub pa nyid dang // mkha' 'gro ma'i rigs rnams bsam gyis mi khyab pa rnams de'i nang du 'dus so// de nas yang mkha' 'gro ma'i rigs rnams kyis 'di skad ces gsol to// kye
- 319a
kye ston pa chen po ye shes skye ba'i rgyu// bdag cag mkha' 'gro ma'i rigs rnams la/ don gyi snying po bstan pa'i phyir// rang rang snying po yang dag bzung // de yi ye shes lha dang 'phrad// 'phrad nas dngos grub rnyed par 'gyur// de nas de bzhin gshegs pa des// shin tu gsang ba'i snying po rnams// 'di ru ma bstan gzhan du sbas// de nas yang dag ma mo'i tshogs// dpag tu med par tshogs pa rnams// dga' mgu yi rang thal mo sbyar// mtshon pa'i tshig gis 'di skad brjod// kye ma rdo rje rgyal po nyid// snying po bzhes pa rjes yi rang // bdag cag mkha' 'gro'i 'khor rnams kun// bstan pa 'di la ma gnas na// sha 'gul snying 'dar mgo lus 'bral// mgo bo dum bu stong du 'gyur// lus dang yan lag de bzhin no// de phyir bstan pa 'di la gnas// rgyud chen 'di yi mel tshe byed// ces ni khas blangs dam bcas pas// bcom ldan nyid kyi zhal na re// mkha' 'gro chen mo de bzhin no// khas blangs de las ma 'da' bar// rang rang don la brtson par gyis// ye shes sprul pa phyogs bcur khye// zhes ston pa de nyid kyi spyan sngar dam bcas so// de nas yang gsang ba'i bdag pos 'di skad ces gsol to// kye bcom ldan thugs rje chen po dang ldan pa/ mkha' 'gro ma de rnams kyis lung bstan pa byung na ci ltar bgyi// ston
- 319b
pas lung bstan du gsol// zhes zhus so// de nas thugs rje'i bdag po de nyid kyis bka' stsal pa/ kye gsang ba'i bdag po don la dgongs pa'i 'khor rnams nyon cig/ ngas don ma nor bar bstan gyis 'dod pa sol la/ sems yengs pa med par nyon cig/ lung ston pa la gnyis te/ mkha' 'gro ma bdag gi dbang du gyur pa dang // bdag mkha' 'gro ma'i dbang du gyur pa gnyis yin te/ bdag gi dbang du mkha' 'gro ma gyur pa ni// las thams cad 'grub cing bya ba rdzogs pa'o// bdag gi dbang du mkha' 'gro ma 'gyur ba'i thabs ni/ rigs kyi bu de nyams su len pa'i dus su lung ston pa dag byung nas/ de la chags pa dang dga' ba'i sems ma bskyed cig/ de la rtag par mi 'dzin na// bdag gi dbang du mkha' 'gro ma gyur pa zhes bya'o// des don gang yang ston mi nus so// ye shes rnam par dag pa'i mkha' 'gro ma 'jig rten du mi 'byung ngo // sha za las kyi mkha' 'gro ma 'jig rten du 'ongs te// sgrub pa po'i drod nyul du 'ong ba dag yod de/ de ni gzugs mngon par snang ba med pa'i phyir// grol bar mi nus so// yang dag pa'i lam las pha rol du 'gro bar bya ba'i phyir// mkha' 'gro ma rnams kyis nga la srog gi snying po dus gcig tu phul ba yin no// bdag mkha' 'gro ma'i dbang du gyur pa ni// bdag nyid kyis lung ston pa de la
- 320a
bden par bzung nas// lung ston pa de la rtag par bzung ste// lus la mi chags pa'i spyod pa byed cing // 'bras bu yin min gnyis kyis mtha' las 'das so// zhes bya ba brjod cing / lung ston pa de la rjes su 'dzin pa de ni bar du gcod pa'i bdud nye bar gyur pa yin pas/ de'i dus su bdud kyi bslu bar ngo shes par bya'o// de ni mu stegs log pa'i cha 'dzin pa'i spyod pa zhes bya'o// 'bras bu med pa'i rgya 'phen pa zhes bya'o// 'bras bu gang la yang mi re zhing las kyi nye bar 'grub bo zhes bya ba la sogs ston pa yin no// de'i phyir na lung ston pa la rtag par ma 'dzin cig/ zhes pa yang dag pa'i ye shes la brjod gzhi thams cad dang bral ba'i rig pa rtog med 'char ba yin no// lung thams cad rang gi rtsa ba'i lung chen po'o// de'i phyir na lung bstan pas mi grol bar bshad pa'o// de nas yang bcom ldan gzhon nu dpa' bo stobs dang ldan pa de nyid kyis ting nge 'dzin las bzhengs nas/ de bzhin gshegs pa gzi brjid rnam par bkod pa de la legs so zhes bya ba byin pas/ stong gsum gyi stong chen po'i 'jig rten gyi khams thams cad/ de bzhin gshegs pa'i sku mang pos rol par shar ro// sku de rnams kyang mi che mi chung che chung snyoms pa yungs 'bru tsam bsam gyis mi khyab pa byung ngo // de nas de bzhin gshegs pa de nyid
- 320b
kyis// sarba si ti saM ha ra Na hUMH/ zhes brjod pas sku de dag thams cad thugs kar thim nas/ de nas yang ting nge 'dzin la snyoms par zhugs so// de bzhin gshegs pa gzi brjid rnam par bkod pa des// bcom ldan 'das khro rgyal de nyid la bskor ba lan gsum byas nas mi snang ba'i chos nyid kyi pho brang chen po rnam par dag par gshegs so// zhes rig pa rang shar chen po'i rgyud las/ mkha' 'gro mas snying po phul ba'i le'u ste gya gnyis pa'o// // de nas yang gsang ba'i bdag pos 'di skad ces gsol to// bcom ldan rdo rje 'od dpag med// ting nge 'dzin las bzhengs su gsol// kye ho bcom ldan thugs rje can// yang dag nges pa'i sar sgrol phyir// ting nge 'dzin la ma bzhugs shig/ 'khor gyi rtogs pa'i rgyud nyid sol// ma rig mun pa legs bsal cing // ye shes snang ba bstan pa'i phyir// bdag cag rnams la bka' stsal zhu// zhes zhus so// de nas bcom ldan 'das khro bo'i cha lugs can ting nge 'dzin las bzhengs nas/ stong gsum gyi stong chen po'i 'jig rten gyi khams thams cad 'od kyi snang ba'i khengs so// phyogs thams cad kyang rnam pa drug tu g.yos so// 'jig rten gyi khams thams cad kyang 'ur 'ur rab tu 'ur 'ur ro// chem chem kun tu rab tu chem chem mo// kun tu 'gul rab tu 'gul lo// rab
- 321a
tu 'phrigs pa dag dang ldan par gyur to// de nas bcom ldan 'das kyis 'di skad ces bka' stsal to// kye ma gsang ba'i bdag po nyon// ngas bstan rje rje sems kyis can// sangs rgyas pa shes thogs med ni// bya ba gtang gzhag med par bshad// yang dag thugs kyi me long las// 'jig rten khams kun 'od zer 'phros// 'phros pa rang la 'dus pa'i ye shes lnga'o// sangs rgyas sems can chos las grol// 'dod dang chags pa'i ye shes me dang 'dra// byas pa'i las su shes pa gang dag brten// rten med ye shes lus las 'das pa'i sku// e ma rdo rje'i sku la snang srid gsal// brten pa'i ye shes yangs pa'i dkyil 'khor ldan// sangs rgyas mdzad pa'i yon tan ni// phyogs dang gnas dang 'dzin pa med// rtogs pa'i don la ngos bzung med// yang dag chos la 'byung ba rdzogs// rtag par mi 'gyur rdo rje'i skusgra nyid las// lhung ba'i phyogs nyid ga la yod// 'dzin rtogs mtha' dang bral ba'i chos// mngon sum yul la mi gnas pa'o// rdo rje gsang ba'i dkyil 'khor nyid// yang dag lam la de bzhin gshegs// dngos po'i phyogs nas stong pa'i yul// zhe 'dod mtshan ma'i chos dang bral// dag pa'i ye shes chen po'i lam// rang gi de nyid yul la snang zhing 'phro// 'dzin pa med na bde ba rnyed pa yin// rtog pa
- 321b
med na rang sangs chos kyi sku// yul med sems la 'dzin pa ma rig dngos// phyogs med yul la bde ba'i ska nyid shar// yang dag lam la thogs med ye shes sku// yod med ngang las lha yi dkyil 'khor nyid// zang ma thal byung mtshan ma'i chos las grol// rtog med chos sku'i dngos po de bzhin no// rang bzhin gcig pas ngo bo tha dad cing // sku las ye shes 'phro zhing yul la khyab// 'bar ba'i 'od zer phyogs bcu'i zhing du 'phro// thams cad 'dus pa'i thig le che// ma lus 'dus pa'i thig le che// yang dag sna tshogs thig le che// yongs rdzogs lam gyi thig le che// rnam dag dbyings kyi thig le che// mkha' mnyam bum pa'i thig le che// 'khrul med stong pa'i thig le che// don dam chos nyid thig le che// sgron ma yul gyi thig le che// brjod med lhun gnas thig le che// mtshan ma ming gi thig le che// gsang ba yum gyi thig le che// lus la sems kyi thig le che// rnal 'byor rdzogs pa'i thig le che// yangs pa dbyings kyi thig le che// chos nyid rtsa ba'i thig le che// 'du 'bral med pa'i thig le che// sems med rig pa'i thig le che// sangs rgyas gsang ba'i thig le che// theg rdzogs chen yang chen don gyi thig le che// ye shes nam mkha'i thig le che// mngon sum byung ba'i thig le che// sangs rgyas rnal 'byor thig le che// thig le'i don rnams
- 322a
'dus pa'o// e ma ho// yang dag gsang ba thugs dkyil na// ma bkod nor bu'i phung po bzhin// 'od zer nam mkha'i mtha' dang mnyam// yul med yul la gcig par 'khyil// lam med lam las mthar phyin zhing // rtog med yul las mngon sangs rgyas// gdod nas dag pa'i snang srid sku// bltas pa med par thams cad gsal// phyin pa med pas gnas su bgrod// don med yul gyi blta ba mthong // dmigs pa dag pa'i mkha' la gsal// zag med lam la mthar phyin 'gyur// rang snang yul la de bzhin gshegs// bgrod med lam la 'gyur ba med// rdo rje'i lam la thig le 'phro// 'das pa'i lam la snang srid gsal// sangs rgyas ye shes mnyam pa'i don// nga med nga yi ngang du rdzogs shing 'phro// bdag med rdzogs pa'i chos nyid do// yul med rang byung don la 'jug/ rtog med gsang sngags don la sbyar// 'dzin med rang snang nam mkha' lding // bde gshegs sa bon myu gur bcas// mthar spyod chos kyi 'dzin pa med// rnam rtog g.yeng ba'i bdud dang bral// yod dang med pa'i chos las grol// gzung 'dzin sems kyi dri ma med// rnam rtog yul gyi bdud dang bral// sangs rgyas lam dang 'du 'bral med// gsang ba'i ye shes mkha' la bskyod// 'dzin pa med par rang sar thal// rdo rje rdo rje gsang ba'i
- 322b
rigs// ye shes sku la yon tan rdzogs// chos kyi sku la mtshan ma grol// yul gyi sku la 'dzin pa spangs// nga nyid ma bskyod dbyings su gshegs// nga nyid rig pa'i sku dang 'phrad// rtogs mthong ldan pa'i gang zag la// rtog pa yul gyi mtha' las grol// rnam rtog sems kyi dri ma med// ngar rtog zhe sdang mdud pa grol// shes rab yum gyi mkha' la rol// stong pa rang sangs ngo bo nyid// yul ni stong pa'i mkha' la rol// sems dang rnam rtog 'dzin pa med// yul dang dbang po tha dad med// shes bya yul gyi bdud dang bral// stong pa rang byung rang shar sku// rgyu rkyen gnyis dang bcas pa'o// e ma ho// yang dag don gyi ye shes ni// ming dang sgra dang tha snyad chos dang bral// yang dag rdzogs pa'i sangs rgyas rnams// bla med 'bras bu rnyed pa'i phyir// gsang sngags rdzogs pa'i theg chen 'di// sus kyang rnyed par mi 'gyur te// rnal 'byor gsang sngags bdag po yis// theg rgyal 'di ni thugs su chud// lam gyi mchog dang nye ring med// gsang sngags don dang 'du 'bral med// ye shes lam la mthar thug med// 'byung ba'i dkyil 'khor 'od du gsal// zag med lam la de bzhin gshegs// bgrod med lam la rnam par 'khod// chags med lam la de bzhin gshegs// mthar thug lam la gnyis med gsal// rnam dag lam la pha
- 323a
rol phyin// rtog med lam la dkyil 'khor rdzogs// sems sogs 'phro ba'i 'ching ba grol// bsam sogs stong pa'i chos dang bral// yin min bzang ngan yul las 'das// mtha' ru lhung ba'i chos las grol// 'od gyi snang ba 'gag med cing // zer gyi sprul pa phyogs bcur 'phro// ma rig 'ching ba'i mdud pa grol// ye shes snang ba chen po rnyed// lam dang bya byed chos las 'das// bzang ngan yul dang 'dzin rtog bral// shes dang mi shes tshig gi lam// gsang sngags kun gyi bcud phyung ba// shes rig yul gyi rta pho la// shes rab 'gag med mis zhon nas// bar snang khams su lam phyung nas// stong pa chen po'i chos rnams sdud// lam gyi gtan tshigs brgyad dang bral// 'dzin rtog yul gyi dri ma sangs// bde ba'i ye shes 'gag pa med pa'o// e ma ho// yangs so che'o ches che'o// chung ngu rnams kyi gnyen po mdzad// bde ba'i lam la zad med phyir// yang dag gsang ba don gyi bcud// thabs dang shes rab don la 'phags// e ma ho// stong pa yul gyi nam mkha' la// yang dag bde ba'i sku gcig shar// byas pas mtshan ma'i chos las grol// skye 'gag med pa so sor gsal// 'byung 'jug med par mkha' la 'khyil// yod med bzang ngan rtog pa sangs// cig car rim gyis bskyed du med// yin min mtshan ma'i chos
- 323b
las grol// snang dang stong pa'i tha snyad med// ye shes ye shes khyad par las// gsang sngags don las 'das pa med// yengs dang ma yengs gnyis su med// yang nas yang du ye shes mthong // mthong ba de las dpe gzhan med// gsal la 'dzin pa'i bdud med na// byas pas yang dag med pa nyid// rang gi snang ba chen po nyid// yod pa ma yin mkha' la thim// med pa ma yin rang 'od 'bar// nam mkha'i ngang la ye shes bzhi// stong pa'i ngang las 'od du gsal// tshad med ngang las ye shes gsal// yod med ngang las sangs rgyas rnyed// bde chen dang du mngon rdzogs rnyed// rdo rje ye shes sems dpa'i tshul// gsang sngags ye shes don la snang // 'dzin med ye shes yul la snang // rang snang rnam dag dgongs pa ni// bsam las 'das pa'i chos sku'i don// yod med yul dang zhen pa sangs// rnam pa stong dang gting na gsal// byas pa'i chos las de bzhin 'das// dgongs pa'i ye shes rang byung ba// yul dang snyigs ma'i snang ba med// sa la gnas dang 'gro ba med// rtog pa yul gyi rtsa ba med// kye ma gsang sngags rdo rje'i bdag/ yod med gnyis kyi mtha' las 'das// gsang sngags tshig las don byung bas// blo yi gting du yang dag go/ kye ma ye shes bden pa nyid// yul du med la lam dang bcas// snang ba yul gyi 'dzin pa med// byas
- 324a
pa'i lam dang byung ba'i lam// 'du 'bral med par lhun gyis grub// thig le'i lam dang stong pa'i yul// bstan pa'i ye shes yul gyi gnas// phyogs char 'dzin pa'i sems med na// bsam pa rtsis kyi yul med cing // lam snang 'bras bu tshad ma min// cir snang yul gyi dngos pos stong // bya byed gnyis kyi mtha' dang bral// stong dang 'dzin pa'i tha snyad med// gcig dang du ma'i mtha' las 'das// yod med bzang ngan yul las 'das// stong pa rang byung tshig las 'das// bya ba rdzogs pa'i rgyud nyid sangs// yin min tshig gi sgro 'dogs chod// gsang sngags thabs kyi skur shar ba// 'dzin med shes rab 'od lnga'i yul// rtog med gsal ba'i lam lngar snang // 'gyur med yangs pa'i dbyings su thim// tshad med dpe yi gol sa bcad// mtha' dag ye shes rang snang nyid// chos spyod rtogs pa'i lam las grol// rnam rtog 'ching ba'i bdud dang bral// gsang sngags lam gyi mtshan ma nyid// gang ltar med la de ltar snang // yongs su rnal 'byor chen po'i rtogs pa'o// zhes rig pa rang shar chen po'i rgyud las// mtshan ma zil gyis mnan pa'i le'u ste gya gsum pa'o// // de nas dus de nyid du de bzhin gshegs pa gser gyi 'od zer snang ba zhes bya ba de nyid du gyur nas 'khor dpag tu med pa la 'di
- 324b
skad ces bka' bsgo ba mdzad do// kye skyes bu dam pa rnams legs par nyon cig/ dga' ba'i dad pas gus par nyon cig/ dang ba'i blo yis rtse gcig tu nyon cig/ yid gzhan du ma yengs par nyon cig/ ni sngon yul rnam par bkod pa mdzes ldan chen po zhes pa na yod pa'i tshe// yang dag par rdzogs pa'i sangs rgyas rin po ches rnam par brgyan pa zhes bya ba'i mdun du lhags nas 'di skad ces bka' stsal to// kye skyes bu dam pa smra ba'i seng ge khyod nyon cig/ rin po che rnam par bkod pa'i phung po ni dpangs mtho// rin po che'i gzhal yas khang ni bkod legs/ rin po che rnam par bres pa'i btsun mo ni rgyan bzang // rin po che rnam par bkod pa'i dra ba ni cha snyoms/ rin po che mdzes pa'i rta ni bang mgyogs/ rin po che sna tshogs kyi bang ba la zad pa med/ rin po che sna lnga'i thang ni kun snyoms/ rin po che gsang ba'i nyi ma la 'char nub med/ rin po che chu'i pad+ma la gos pa med/ rin po che me'i dkyil 'khor ni brtsegs legs// rin po che rlung gi shes rab la thogs pa med/ rin po che sa'i dkyil 'khor ni theg pa che/ rin po che nam mkha' la mtha' dang dbus med// rin po che 'bar ba'i 'od la 'char nub med// rin po che'i zer gyi phreng ba ni bstar legs// rin po che stong pa'i dkyil 'khor ni bris legs// rin po che mtha'i rgya
- 325a
mdud gsum ni dril legs// rin po che'i gting gi mun gsal// che chung ni yangs la lhun 'thug/ rin po che rgyal mtshan gyi rtse la nub pa med/ rin po che sgron ma 'bar ba ni 'od gsal// rin po che gsang ba'i ye shes la 'phel 'grib med/ rin po che rnam par grol ba'i lam la bgrod du med// rin po che sku gdung 'bar ba mchod rten ni brtsegs legs// rin po che rdo rje'i gdan la 'gyur ba med// rin po che stong pa'i lam la thug pa med/ dgongs pa rang gnas kyi man ngag tu bstan pa'o// de nas de bzhin gshegs pa des 'khor gyi byang chub sems dpa' rnams la bka' stsal pa/ kye nye ba'i 'khor rnams legs par nyon cig/ ngas ye shes dang thabs la 'jug pa'i sgo ma shes nas/ zhing khams rgyan bzang po zhes bya bar de bzhin gshegs pa glog gi 'od zer snying po zhes bya bas nga la lung bstan pa/ kye rgyal ba'i sras po nyon cig/ yang dag par rdzogs pa'i sangs rgyas kyi dgongs pa la mthar thug pa med do// sangs rgyas kyi dgongs pa la tshad med do// shes rab la rtsis med do// gnas la bzang ngan med do// blta ba la yin min med do// gzhi la rgya chad med do// lam la 'pho 'gyur med do// 'bras bu la 'gyur ldog med do// ye shes la gsal 'grib med do// shes rab la sems med do// gsang
- 325b
sngags thams cad kyi dgongs pa'i tshad 'di las ma gtogs pa gzhan med do// 'du 'bral med pa'i ye shes lam la mngon par snang ba nyid do// dbyings la thug pa med pa'i ye shes chen po la mtha' dang dbus med do// de skad ces lung bstan nas// de bzhin gshegs pa de yang mi snang ba'i dkyil 'khor la gshegs so// ngas kyang lung bstan pa de la nges pa rnyed do// de nas de bzhin gshegs pa de'i 'khor du gtogs pa 'od zer ston pa'i khye'u zhes bya bas/ de bzhin gshegs pa de la 'di skad ces gsol to// kye kye ston pa de bzhin gshegs// bdag cag mos pa'i 'khor rnams la// thabs chen gtan tshigs gsung du gsol// zhes zhus so// de nas de bzhin gshegs pa des 'di skad ces bka' stsal to// kye ho khye'u rin chen nyon// ngas bstan legs par yid la zung // gsang sngags dgongs pa'i yang bcud ni// lam dang shes pa'i snang ba 'das// 'byung ba gdod bral chos nyid stong / lam med 'dzin pa med pa'i snang ba'o// yul dang chos dang sems las grol// yang dag chos nyid sku nyid rtogs// mthong ba'i chos nyid yul la 'jug/ dag pa'i chos nyid yul dang bral// gsang ba'i ye shes mthong ba che// mtha' dag ye shes yangs pa che// gsang sngags ye shes tshig las 'das// mtshon pa'i sku dang tha snyad stong // yod
- 326a
med 'dzin pa'i rtsol ba spangs// yang dag thugs la nyi shar bzhin// stong pa'i ye shes tshig mtha' yas// dag pa'i mkha' la nor bu gsal// yang dag don la brjod gzhi med// 'das dang ma das tshig gi lam// gsang sngags gcig pa'i ye shes ltos// yod med 'dzin pa'i bya ba dang // gsang sngags tshig gi mtha' las grol// shes pa yul gyi lam dang bral// mtshan ma'i tshig gis spyod pa med// gsal 'grib 'dzin rtog ngang gis bcom// rnam rtog 'khor ba'i bdud gzhi bcom// 'khor ba 'dzin pa'i mdud pa bkrol// yid bzhin chos nyid re dogs bsal// 'dzin pa yul gyi gol sgrib spangs// ye shes don la mthar phyin pa'o// zhes rig pa rang shar chen po'i rgyud las/ dgongs pa lung bstan pa'i le'u ste gya bzhi pa'o// // de nas yang mkha' 'gro ma'i 'khor dang / gsang ba'i bdag po dang / mi ma yin gyi rigs bsam gyis mi khyab pa dang // byang chub sems dpa' sems dpa' chen po rab bdun gyis// bcom ldan 'das gzhon nu dpa' bo stobs ldan nyid la 'di skad ces gsol to// kye kye ston pa ye shes sku// ston pa mya ngan 'das 'og tu// sku yi rten ni gang la bgyi// gsung ni gang gis sgrog par 'gyur// thugs kyi rten ni gang gis bzung // nyid kyi snang ba gang la bgyi// bdag cag
- 326b
mos pa'i 'khor rnams la// lung bstan rgyas pa gnang bar mdzod// ces zhus so// de nas gzhon nu dpa' bo stobs ldan gyis bka' stsal pa/ kye ho mos pa'i 'khor rnams nyon// ngas bstan gsang sngags thabs kyis nyon// nga la 'khor 'das gnyis med kyang // ston pa mya ngan 'da' tshul ston// gsang sngags thabs la mkhas pa yis// nga ni mya ngan 'das 'og tu// ston pa nga yi gdung 'dzin pa'i// ston pa nga yi sku rten ni// 'di ltar kun la shes par bya// sku dang gdung dang ring bsrel dang // rnam gsum nga yi sku rten bzhag/ gdung la rnam pa lnga bstan te// de yang bstan pa 'di ltar yin// sra mkhregs rdo rje 'jig pa kun dang bral// gsang sngags 'bras bu gcig tu dril ba'i rtags// dbyibs zlum kha dog sna tshogs 'od zer 'phro// che na sran ma'i 'bras bu tsam du bshad// chung ba'i tshad ni yungs 'bru tsam// til 'bru tsam du rgyal bas bshad// de yang rigs bstan 'di lta ste// rdo rje'i gdung dang pad+ma'i gdung // rin chen gdung dang las kyi gdung // de bzhin gshegs pa'i gdung du bshad// nga ni mya ngan 'das 'og tu// sku yi rten du gdung bzhag cing / 'gro ba'i mos pa bskyed pa'i phyir// nga yi phung po'i rten rnams su// gdung gi rigs chen 'di bzhag go/ sha yi rten du sha rI ram// yang dag nyid du bzhag pa'o// khrag gi rten du chu rI
- 327a
ram// sra mkhregs rdo rje'i rten du bzhag/ rus pa'i rten du ba rI ram// rgyal ba nyid kyis tshad du bzhag yan lag rten tu nya rI ram// shin tu spras te bzhag pa'o// ring bsrel nga yi rgyan gyi rten// sku ni nga yi tshab tu bzhag/ gsang sngags 'bras bu'i bcud phyung ba// rgyal ba kun gyi tshab mar bzhag pa'o// nga ni mya ngan 'das 'og tu// thabs ldan mya ngan 'da' 'dod na// gsang sngags thabs la ma yengs spyod// thabs ldan mya ngan 'das pa de// sku dang gdung dang ring bsrel dang // dpag tu med pa'i rtags 'byung ngo // de ni sku yi rten du gsungs pa'o// nga yi thugs kyi rten du yang // 'di bzhin sems can kun la bzhag/ sems can kun gyi tsit+ta na// mthing ga dkar po ser le brgan// ljang bu sna tshogs 'bar ba'i 'od// sku dang bcas te rab tu bzhag/ thugs kyi dkyil 'khor chen po ni// 'das dang ma byon da ltar gyi// rgyal ba kun gyi dgongs pa ni// thugs las bton te bzhag pa'o// nga yi thugs kyi rten du yang dag bzhag/ sems can rnams kyi sa bon byed par 'gyur// thugs kyi rten du de bzhin no// nga yi gsung gi rten nyid du// brgyad khri bzhi stong theg pa'i sgo// bsam gyis mi khyab brjod mi langs// bgrang du med de grangs las 'das// dpag tu med pa gsungs pa'o// de yang bsdu na 'di lta ste// mdo sde 'dul ba
- 327b
mngon pa dang // rnam pa gsum du gsungs pa'o// de yang rang nyid dag la rdzogs// nga yi gsung gi dkyil 'khor du// dam pa 'di nyid yin par gsungs// rgyud chen rgyal po 'di nyid kyis// sems can rtog pa sel bar 'gyur// nga yi gsung du 'di bzhag pas// sems can ma rig lcags las 'grol// gsung gi dkyil 'khor de bzhin no// nga yi snang ba 'di lta ste// sems can kun gyi mig la gnas// de ni sgron ma 'bar ba yi// 'od ni thogs pa med pa'o// de la yangs med yid kyis bltas gyur na// snang ba chen po shar ba de// nga yi snang ba chen po yin// de bzhin sku dang gdung dang 'od rnams kyang // mya ngan 'da' bar gang 'dod pa// de la rtags rnams 'byung bar bshad// sha rI ram ni mgo las byung // chu rI ram ni khrag las byung // ba rI ram ni tshigs las byung // nya rI ram ni rkang las byung // de yang rigs bstan 'di lta ste// sha rI ram ni dkar la dngas// chu rI ram ni sngo la nag/ ba rI ram ni dkar ser ldan// nya rI ram ni smug nag ste// de bzhin kha dog dbye ba'o// sha rI ram gyis skye med thob// chu rI ram gyis chos sku thob// ba rI ram gyis longs sku thob// nya rI ram gyis sbrul sku thob// de ni 'bras bu'i tshad du bstan// sku la rnam pa gnyis yod de// zhi ba dang ni khro bor gsungs/ khro bo de bzhin gshegs pa'o// zhi bas
- 328a
sbrul sku 'byin mi nus// mtshan ma rtags dang mi ldan na// stong pa chen po'i mkha' la 'khyil// de yang skye med thob par gsungs// phyi nang gsang ba'i drod rnams kun// thob nas de bzhin gshegs par gsungs// the tshom med par de bzhin gshegs// sa la thogs pa med pa thob// lam la 'gyur ba med pa rnyed// dkyil 'khor don la de bzhin gshegs// sa rnams la yang de bzhin no// skye med 'bras bu med par bshad// byed pa'i chos dang byas pa'i chos// gang gis phyogs su ma lhung ba'o// 'dzin med rang sangs ngo bo nyid// 'das pa brjod du med pa'o// zhes rig pa rang shar chen po'i rgyud las// rgyal ba'i rten bzhag pa'i le'u ste brgyad cu gya lnga pa'o// Tarka tumA bA za// / de nas 'khor de dag thams cad kyis ston pa chen po de la mgrin gcig tu thal mo sbyar nas 'di skad ces gsol to// kye kyekyi bcom ldan 'das thugs rje dang thabs su ldan pa/ bdag cag rnams kyis rgyud kyi rgyal po 'di ji ltar gzung bar bgyi/ rjes su 'jug pa rnams la ji ltar bstan par bgyi// ston pas lung bstan du gsol/ zhes zhus so// de nas yang bka' stsal pa/ kye ma nyon cig rigs kyi bu/ rgyud rgyal ye shes nges pa 'di// kun gyis gzung bar dka' ba yin// rig dang ldan pa rnams kyi bcud// gsang ba'i bdag po khyod kyis
- 328b
zung // rjes su 'jug pa'i 'khor rnams la// bsnan phri med par khyod kyis byin// nga yi rgyud chen rgyal po 'di// 'jig rten khams su 'byung bar dka'// 'jig rten khams kyi bcud yin pas// thabs dang ldan pas blang bar bya// gsang sngags don gyi dgongs pa'i phugs// 'di ru dgongs nas rgyud du bstan// e ma ho ngo mtshar shin tu che// 'dis ni ma rig mun pa sel// khams gsum 'khor ba'i gdung ba sel// nyon mongs 'dam las pad+ma skyes// ye shes mkha' la rnam par rol// de phyir rgyud kyi rgyal po 'di// gsang ba'i bdag po khyod kyis zung // nga ni mya ngan 'da' 'og tu// mos pa sbyangs pa'i 'khor rnams la// khyod kyis legs par bstan par gyis// yang dag ye shes chen po'i don// 'dir ma 'dus pa gcig kyang med// nga yi bstan pa bzhin du byos// zhes brjod nas mi snang ba'i ngang du gshegs so// de nas 'khor de dag thams cad skad gcig tu yid 'khrugs so// de nas yang nam mkha' nas sgra 'di skad ces sgrogs so// badz+ra a badz+ra a shwo ta na ke shA ya a hUMHyang byung / shra tA nA ke sha yA ya a hAMHd+ha singaHzhes byung bas 'khor rnams yid 'khrugs pa las thar ro// de nas de rnams kyi nang nas gsang ba'i bdag po phyag na rdo rje zhes bya ba des 'khor rnams la 'di skad ces brjod cing rtog pa bsal pa'o// kye grogs po dag
- 329a
rtogs pa'i dus su// ye shes la thogs rdugs med do// snang ba la che chung med do// rig pa la bzang ngan med do// sgron ma la skye 'gag med do// snying po la 'gyur ba med do// mtha' la thug pa med do// dbyings la bri ba med do// dgongs pa la snga phyi med do// zhes brjod nas yang mi snang ba'i ngang du gshegs so// de nas yang de rnams kyi nang nas byang chub sems dpa' sems dpa' chen po dga' rab rdo rje zhes bya bas/ 'di skad ces gsol to// kye gsang ba'i bdag po rgyud 'di gang gis gzung du rung bar 'gyur/ lung bstan du gsol// zhes zhus so// de nas yang nam mkha' nas sgra 'di skad ces brjod do// kye ma ye shes grogs po dag/ gsang sngags rgyud chen rgyal po 'di// kun gyis gzung bar dka' ba yin// dga' rab rdo rje khyod kyis zung // zhes brjod nas cang med do// de nas 'khor rnams kyis byang chub sems dpa' sems dpa' chen po dga' rab rdo rje la 'di skad ces zhus so// kye lha'i bu dam pa bdag cag rnams la thabs dam pa bstan du gsol/ zhes zhus so// de nas dga' rab rdo rjes 'di skad ces gsungs so// kye grogs po dag nyon cig/ gsang sngags kun gyi ye shes la mkhas par bya'o// ye shes kyi lam ngo shes par bya'o// blta ba'i yul ngo shes par bya'o// bsgom pa'i tshad ngo shes par
- 329b
bya'o// rtogs pa'i 'bras bu ngo shes par bya'o// rgyud 'di rigs kyi bu rnams kyis gzung bar bya'o// zhes rig pa rang shar chen po'i rgyud las/ yongs su gtad pa'i le'u ste brgyad cu gya drug pa'o// / Thah+yarbi ta kuH// ston pa gzhon nu dpa' bo stobs ldan gyis dur khrod chen po me ri 'bar bar 'khor rnams kyi rtog pa bsal ba/ ye shes lag sprad du bstan pa'i rgyud// rig pa rang shar chen po'i rgyud ces bya/ ba// man ngag gi bshad rgyud chen po rdzogs so// badz+ra N+yaHmA shwa mAH/ dpal ldan sngags kyi srung ma lcam dral gnyis kyis bka' yi bya ra gyis shig/ dam tshig nyams pa thams cad kyi snying khrag 'jibs la srog rtsa chod cig/ dpal sngags kyi srung ma smug nag khros ma'i rgyal mo e ka tsa tis bka'i bya ra gyis shig/ sa ma yA/ rgya rgya rgya/ dpal ldan zha'i mgon po dam tshig gi bdag pos dam tshig la mi gnas pa rnams zhags pas chings la sgrog cig/ dam tshig nyams pa rnams la byin na mkha' 'gro ma sde chen bco brgyad kyis chad pa chod cig/ bi ma la mi tra chen po dang / ska cog gsum gyis/ dpal bsam yas su gtan la phab nas bsgyur ba'o// s+thi/ las can rnams dang 'phrad par shog s+thi/ rig pa rang shar rgyud la ma bu bdun// yang dpe gzhan zhig la gong gi chad gcod cig gi 'phror 'di yin 'dug/ man ngag rgyud
- 330a
gsang ba 'di ni/ slob dpon bi ma las sgra mi mthun pa gsum las bsgyur ba'o// de nas rje blon gnyis la gnang ste/ rgyud chen po 'di ni rje las nyung ban la yang med par/ rin po che shel gyi glegs shing du bsdams nas/ rin po che dngul gyi ga bu'i nang du bstsal nas gzer chen po bzhis bsdams nas nyung ban la rje'i zhal nas/ 'di ni bod phung par byed pa'i ngan sngags yin gyis 'dis bod phung bar 'gro bas/ 'di yang khyod kyi de tsho'i zla la spos shig ces gdams nas re nag gis dril te nyang ban la cha med par rjes gnang ba lags so// de nas nyang ban chen po des zha'i lha khang du mgon po dris zag can la gnyer du gtad nas sbas pa lags so// rje'i gsang ba thugs kyi bcud nyid ma nor ba lags so// de nas gnas brtan ldang mas lce btsun seng ge dbang phyug la gnang ba lags so// lha rjes nyams su blangs pa'i man ngag shin tu zab par bstan pa'o// gang dang yang mi 'dra bar nyams su blangs par bstan pa gsang skor gyi man ngag dam pa 'di gud du sbas pa lags so// rgyud kyi rgyal po 'di ni 'dzam bu gling gzhan na med par yid ches so// nyan mi dgos so// dpe thob pas chog go/ man ngag rnams kyi rgyal po 'di snod med pa la byin na gnyis ka 'tshig/ las kyi 'phro can sbyangs pa'i snod ldan gyis rnyed par
- 330b
shog/ des ni gsang sngags bstan pa yun ring gnas par shog/ 'gro ba rnams kyi ma rig pa'i mun pa sel bar gyur cig/ bdag 'dra smyon pa lce btsun gyis// yang dag don gyi man ngag zab mo 'di// rgya gar mkhas pa'i bka' rgyud bdag la bab// kun la dkon pa'i man ngag zab mo 'di// kun la ma spel sa yi gter du bzhag/ las kyi 'phro can gcig gis rnyed par shog/ ces lha rje nyid kyi smon lam btab nas sa'i gter du sbas so// sngags kyi srung ma rnams kyis srungs shig/ yang dag pa lags so// rdzogs so// @#// rgya gar skad du// sgra bsngar bakhungs btsun pa'i dgos pa/ ma chen po hA rig pa/ bid+yA rang grol/ sba mus+thi sarba thams cad g+haT+Ti ta tan tra rgyud nA ma ces bya ba/ bod skad du/ rig pa rang grol chen po thams cad 'grol ba'i rgyud ces bya ba// bcom ldan 'das stobs kyis rnam par bsgyings pa la phyag 'tshal lo// 'di skad bdag ston pas gis bstan pa'i dus gcig na// rigs kyi bu rnams 'khor legs par dge ba'i sems kyis nyon cig/ rig bstan ga pa'i sgron ma 'bar ba ngas bstan nas/ 'khor rnams kyi rgyud 'grol bar bya'o// sems kyi rnam rtog gis gzhan du ma yengs shig/ ma rig pa'i mtha' rnam pa bzhi phrol cig/ de skad ces mtha' rnam pa bzhi dang bral ba'i rig pas yul chos kyi pho brang la gzigs nas/ rig pa rnam
- 331a
par dag pa'i klong 'od kyi yul sku'i mkha'/ gsung gi zer/ thugs kyi dkyil/ chos nyid kyi gnas/ shes rab kyi rgyan/ 'og min gyi gnas/ pho brang rnam par dag pa nas de skad ces gsungs so// gsung ngo // gsung bar 'gyur ro// 'di skad bdag 'khor rnams kyis gis thos 'khor la bstan pa pa'i dus gcig na// sprul pa sku'i zhing khams rnam par bkod pa/ dur khrod me ri 'bar ba zhes bya bar/ bcom ldan 'das gzhon nu dpa' bo stobs ldan chen po zhes bya bas/ 'khor ni lha dang / mi dang / lha ma yin dang / byang chub sems dpa' dpag tu med pa 'dus nas/ bstan pa bka'i bgro ba mdzad pas// de nas jam dpal gzhon nur gyur pas 'di skad ces gsol to// kye kye bcom ldan 'das thugs rje chen po dang ldan pa/ rgyud chen po yang dag pa'i 'gro la lugs gsung du gsol// zhes zhus so// de nas bcom ldan 'das kyis bka' stsal ba/ kye 'dus pa chen po'i tshogs nyon cig/ gsang sngags rang byung gi thabs chen po ngas bstan gyis legs par nyon cig/ gtan tshigs rang byung gi rgyud chen po 'di yis// chos thams cad kyi don gsal bar byed do// de nas tshigs su bcad de bka' stsal pas/ kye ma ye shes klong yangs nyid// rgya che rgyad chen po bas kun gyi snying por 'dod// rab tu zab pa'i thugs kyi dgongs pa
- 331b
nyid// ma lus bcud phyung kun gyi don// 'di bstan rtog pa sel bar 'gyur// dbang po tha ma'i gang zag rnams// 'di nas shi 'phos par do nas// phyed snang sbrul sgra yi/ sprul pa'i zhing khams su// skyes nas 'khor ba kun gyi lam las thar// dang po'i mtshan dang grol lugs kyang // gleng gzhi dang ni gleng slong ngo // dang po gleng gzhi'i rgyud bstan to// ston pa phun sum tshogs pa/ gnas dang 'khor dang dus// bstan pa dang ni bshad lugs so// rgyud chen rgyal po 'di nyid la// bshad pa'i gnas dang longs spyod rnams// phyi dang nang dang gsang 'og dpung ste bshad pa'o/ ba dang / de bzhin yongs su rdzogs pa'o// de ltar kun la shes par bya'o// gleng gzhi bstan pa 'di lta ste// ston gleng bslang bstan pa'o pa'i yul dang 'khor rnams dang // yab kyi gleng bslang kun tu shes// de yang mtshan bshad 'di lta ste// mtshan dang phyag dang klad kyi don dam bca'o// de nyid klad kyi tshig tu bstan// gzhung la bstan pa 'di lta ste// mdo dang rgyas pa chen po dang // shin tu'ang rgyas pa chen por bshad// de ni gzhung gi tshigs su bstan// mjug gi don ni 'di lta ste// bkrol te bshad man ngag don gyi bshad 'grel gyis// rgyud chen de la de bstan no// gsang sngags kun gyi bshad lugs ni// de bzhin kun la shes par bya'o// le'u'i mtshan dang dbye ba rnams// rang rang mtshan la sbyar te
- 332a
bshad// sgra dang sngags dang sbyar lugs rnams// de yang bstan pa 'di lta ste// sgra la rnam pa bzhi yis bstan// ring dang zung dang che ba dang // de bzhin sgra yi sgra zhes bya'o// gang nas gang du sgra byung yang // 'di ltar kun la shes par bya// yi ge'i sngags la 'di lta ste// log dang 'dogs dang yan lag rnams// gang yin pa yang 'dir brjod cing // gang la gang gis 'tshams par 'bod// log par btags pa mngon gyur te// ma nyid so la bzhag pa ste// yan lag mya ngan 'das yig yin// 'dogs ni 'khor ba kho na'o// de bzhin sngags dang yi ge rnams// gang la gang 'tshams de 'bod de// rgyud la sogs pa'i bshad lugs rnams// gong du bshad pa kho nar zer// thams cad de yis 'grol bar 'gyur// rang grol thabs chen rgyud chen 'dis// thams cad grol ba'i shes rab mchog/ 'di yis bshad cing 'di yis bkrol// rgyud rnams kun gyi mdud pa rnams// 'di yis bcings pa 'grol ba'o// dang po la yang 'dis bstan to// phyi yi don nyid 'di lta ste// gnas dang dus la sogs pa rnams// gang du bstan cing bshad pa'o// nang gi don ni 'di lta ste// dang po lo rgyus don bshad dang // rtsa ba dang ni dgos ched dang // yi ge dang ni tshig don dang // de bzhin nang du bshad par bya// lo rgyus rnam pa gsum gyis bstan// dgongs
- 332b
pas brgyud dang brda' yis brgyud// snyan khung brgyud pa gsum du grags// rtsa ba'i don la 'di lta ste// gdams ngag nyi shu rtsa gcig gis// rig pa'i 'khor la bstan par bya// dgos ched don la 'di lta ste// rig pa'i ye shes gtan la 'bebs// de yi dgos ched bstan pa dang // rgyud lung man ngag thams cad kun// 'di yis yang dag 'grol ba'i phyir// dgos ched gnyis su bstan pa'o// yi ge'i don la 'di lta ste// thams cad sdud phyir bstan pa dang // thams cad 'byung phyir bstan pa'o// bshad thabs tshig don 'di lta ste// tshig gi sgo nas yang dag bshad// tshig la bshad lugs grangs mang yang // 'og nas rgyas par 'byung ba'o// klad tshig rgyas par bstan bya'i phyir// dris pa dag dang dris lan rnams// 'khor dang ston pa nyid du bstan// de yang mdo dang rgyas pa'o// bshad thabs lugs dang mdo rgyas rnams// yang dag tshig dang 'brel bar bshad// de yang dang po sprul pa'i gnas// lo rgyus don dang bcas te bshad// sprul pa rang bzhin gnas dang ni// shin tu 'das pa'i gnas su bshad// sprul pa'i rgyu dang nges tshig dang // bshad thabs rim pa 'di lta ste// dang po sprul pa'i rgyu bstan pa// yang dag sbyangs dang don chen mthong // gang zag chen po de rnams kun// brten cing dbugs chen 'byin gyur pas// sprul pa'i rgyu zhes
- 333a
kun tu grags// sprul pa'i nges tshig 'di lta ste// phyed snang zhes kyang 'di la bya// 'khor ba log cing dag pa'i zhing la snang // phyed snang dkyil 'khor chen por bshad// gang la gang 'dul der ston cing // mdzad pa'i phrin las mthar phyin gyur pa na// sbrul sku phyed snang zhes kyang kun tu grags// rim pa bzhin du kun tu bshad// de bzhin klad kyi tshig rnams kun// rgyas par yang dag bshad pa'o// yang dag tshad ma'i don de nyid// sus kyang shes par med 'gyur zhing // yang na gtan tshigs bshad mi dgos// theg dman gzhan dag zil mnan phyir// tshig chen don chen bstan par bya// tshig la yang dag don chen mi rtog gis// de ni mdor bstan gong tshig go/ rgyud chen rgyal po bshad lugs rnams// 'di bzhin tshig don legs par bstan// rgyud chen rgyal po 'di nyid la// sh+lo ka ni bdun brgya lnga bcu'o// tshig ni bye ba dang ni bdun brgya ste// shad ni 'bum dang nyis brgyar bshad// le'u brgyad cu rtsa drug las// 'dun pa'i tshig dang bshad pa'i tshig/ gab pa'i tshig dang sbas pa'i tshig/ shin tu gsang ba'i tshig rnams kun// rang rang don dang 'bru la sbyar// yod med stong pa'i tshig rnams kun// don dang bstun te bshad par bya// dbu zhabs don ni bdun gyis bstan// don du shes dang lan tshig dang // 'di ltar rgyud las shes par bya// phyag
- 333b
'tshal ba dang mtshan smos dang // bshad par dam bca' klad kyi tshig/ mdo dang rgyas pa chen po dang // shin tu rgyas pa chen po rnams// gzhung gi tshig tu bstan pa'o// man ngag rtogs pa'i don rnams dang // rnam pa bdun du grags pa yin// de ni dbu zhabs don du yang dag bstan// le'u'i don rnams so so yi// mtshan du yang dag bshad par bya// rgyud dang ye shes bstan pa'i phyir// rgyud rgyal 'di nyid nyon cing ltos// gzhan dag ma khrol ba rnams kyang // 'di la bstan gyi 'gro bar gyis// mthar phyin 'grol ba'i rgyud chen 'di// bshad cing dgrol bas yid ches 'gyur// the tshom med cing rang don rnyed// mtha' yas gcig tu sdud pa'i sems// nga yis don chen 'byung bar bshad// mjug gi don dang yan lag don// rab tu bshad pas yid ches 'gyur// bstan pa'i rgyal po'i bshad lugs kyang // gnas skabs 'di ltar bstan pa'o// lung ltar bshad dang rgyud ltar bshad// man ngag lta bur bshad pa gsum// 'jug pa'i sgo la shes par bya// lung la rnam pa gsum gyis bstan// bstan pa 'jug pa'i lung dang ni// shin tu gnas pa dag gi lung // gtan la phab pa'i lung du bstan// rgyud la rnam pa lnga ru bstan// phyi rgyud bshad pa'i rgyud dag dang // nang rgyud gtan la 'beb rgyud dang // gsang rgyud man ngag rgyud chen dang // yongs
- 334a
su rdzogs pa nyams blangs rgyud// snyan khung brgyud pa'i rgyud du bstan// man ngag la yang rnam gsum ste// nyams su blang bar bstan pa dang // gzhan don bsgrub phyir bstan pa dang // bya ba btang phyir man ngag go/ de bzhin bshad lugs rdzogs par bshad// klad tshig bsdus te bstan pa'o// zhes rig pa rang grol chen po'i rgyud las// klad tshig gleng gzhi'i le'u ste dang po'o// // de nas 'jam dpa' gzhon nur gyur pas 'di skad ces gsol to// kye kye bcom ldan thams cad mkhyen// bdag cag mos pa'i 'khor rnams la// klad tshig rgyas bstan de ltar na// gzhung gi tshig rnams gsung du gsol// zhes zhus so// de nas yang bka' stsal pa// kye ma gzhon nur gyur pa nyon// ngas bstan dgyes pa'i tshul gyis nyon// spyir ni rgyud kyi bshad lugs rnams// gzhung la rnam pa gsum gyis bstan// mdor bstan rgyas par bshad pa dang // shin tu rgyas par bstan pa'o// mdo la rang rang tshig gis bstan// rgyas pa gzhung dang mthun pa'o// shin tu rgyas pa don gsum mo// bshad bya rim pa rnam gsum 'dod// bshad par bya ba 'di lta ste// rang gi grub mtha' bskyang ba dang // gzhan gyi grub mtha' sun 'byin phyir// bshad bya zhes ni de la bya// bshad pa dngos gzhi 'di lta ste// de yang tshig gi don gyis
- 334b
bstan// rnam pa bcu dang nyi shus bstan pa'o// stag mo'i mchongs stabs shes rab kyis// don gyi sa chen bcad de bshad// khyung chen mkha' lding lta bu'i blos// don gyi khog ni phub ste bshad// seng ge gdangs skad lta bu'i blos// theg dman zil gyis mnan te bshad// rus sbal gog 'gros lta bu'i blos// yi ge'i 'bru rnams choms par bshad// pho rog so rtog lta bu'i blos// gol sgrib gdar sha bcad de bshad// gyad gyi dor thabs lta bu'i blos// rgyas pa don la bsdus te bshad// glang chen nyal ba lta bu'i blos// lta ba dmigs la btsugs te bshad// mkha' lding rgu mthun lta bu blos// don gyi dmigs ni btsal te bshad// glag mo gzan 'dzum lta bu'i blos// don la the tshom med par bshad// gna' phrug phrag 'dzegs lta bu'i blos// mi 'tshams pa dang 'tshams par bshad// mu tig rtsar brgyus lta bu'i blos// man ngag don du bsdebs te bshad// dus kyi 'brug char lta bu'i blos// pha rol sun rnams phyung ste bshad// mtshan mo'i bung ba lta bu'i blos// sgo mo kun nas bsdus te bshad// dpag bsam ljon shing lta bu'i blos// shin tu rgyas pa chen por bshad// mkha' gsal nyi ma lta bu'i blos// thams cad yongs la khyab par bshad// gting gsal zla ba lta bu'i blos// 'khor ba mya ngan 'das par bshad// seng ge bzhugs
- 335a
tshul lta bu'i blos// bsgom pa'i don dang bstun te bshad// dang mo mthun 'gros lta bu'i blos// don gyi khog phub bsdebs te bshad// bar snang 'ja' tshon lta bu'i blos// chos dbyings rgyan dang bcas par bshad// spu gri so 'debs lta bu'i blos// blta ba la shan phye ste bshad// me long dkyil 'khor lta bu'i blos// rgyu rkyen gnyis dang bcas te bshad// bar snang glog 'gyu lta bu'i blos// tshig re don re myur bar bshad// nam mkha' stong pa lta bu'i blos// rgya che mthar thug med par bshad// zug pa rtsa ba lta bu'i blos// rig pa'i dngos po bstan te bshad// 'dril pa sdong po lta bu'i blos// chos rnams don la dril te bshad// gyes pa yal ga lta bu'i blos// man ngag don gyis brtags te bshad// rgyas pa lo 'dab lta bu'i blos// nyi shu rtsa gcig don rnams bshad// gsal ba me tog lta bu'i blos// sgron ma rnam pa gnyis ltar bshad// smin pa 'bras bu lta bu'i blos// 'bras bu rgyur mi ldog par bshad// de la sogs pa'i bshad zabs rnams// rim pa bzhin du shes par bya// bshad pa'i thabs dang 'jug sgo rnams// de bzhin nyid du shes par bya'o// de nas yang mjam dpal gyis 'di skad ces gsol to// kye kye ston pa ye shes sku// bshad pa dngos ni ji lta bu// bshad bya'i rim pa gsung du gsol// zhes zhus so// de nas
- 335b
yang bka' stsal pa/ kye ma gzhon nu 'di dpyad/ stobs ldan nyid// ngas bstan legs par don gyis nyon// yid la sogs pa'i bya ba mthong // bshad bya'i rim pa 'di lta ste// yang dag don gyi bshad bya ni// gsang ba'i tshig dang gab pa'i tshig/ sbas pa'i tshig rnams bstan bya'i phyir// bshad bya'i rim pa'i ngo bo ni// rgyu mtshungs ldan pa'i nges tshig las// gab dang sbas pa'i bya ba rnams// ma lus bshad pas bshad ces bya'o// rim pa'i mdo nyid gsal bar ston// de yang tshig nyid don gyis bstan// 'dzin med bshad pa kun gyi dngos// phyi nang kun gyi ye shes la// byas pas bshad pa'i tshig rnams rnyed// byung bas ye shes don la sbyor// rim pa dngos min bshad par bstan// bshad bya'i rim pa'i mtshan nyid ni// gang la 'dzin pa'i blta ba med// dngos po med dang snang phyir dang // bshad pa'i sgra ni grags pas stong // bshad pa'i tshig ni don la sbyor// bshad pa'i don ni dbyings su sdud// bshad pa'i blta ba thug pa med// bshad pa'i bsgom pa mi gnas shing // bshad pa'i rtags la dus mtshams med// bshad pa'i yu la la dmigs pa med// de bzhin bshad pa'i rim pa rnams// kun la de bzhin shes par bya'o// e ma don nyid mtshon pa'i phyir// bshad pa'i rim pa brjod pa'o// bshad pa'i gzhung la 'di lta ste// blta/
- 336a
sgom spyod pa 'bras bu rnams// gnas dang dus dang yang dag nyid// don dam mtshon pa'i ngang du gsungs// dbye ba'i bye brag rgyas pa rnams// sdom byang nas kyang de bzhin no// e ma gzhung lugs rgyas par bshad pa rnams// de la de yi don 'byung bstan// yang dag dgongs pa dgrol ba'i phyir// rang grol rang gis dgrol bya'i phyir// rgyud kyi rgyal po 'di bshad do// gzhan gyi bya ba rdzogs bya'i phyir// rgyud chen le'u 'di gsungs so// grol lugs bshad lugs rnam pa gnyis// kun la khyab pa shes par bya// de yang bstan lugs 'di lta ste// sgra yi don rnams bkrol ba'i phyir// tshig gi don rnams bshad par bya// sgra la ring dang zung ba rnams// bstan pa 'di ltar yin par gsungs// a la a brtsegs ring ba dang // ka la ka btags ring bar bshad// ba la ba btags che bar 'bod// dza la dza btags 'thug por 'bod// nya la nya btags ring por 'bod// sa la sa btags zung ngur 'bod// a la a btags chen por bshad// ma la ma btags 'thug por bshad// ga la ga btags ring bar bshad// tshal tsha btags thung ngur bshad// ha la ha btags chen por 'bod// tsa la tsa btags mthug por 'bod// kha la kha btags ring por bstan// nga la nga btags zung ngu yin// sa pa la ga la sa btags chen por
- 336b
'bod// tha la tha btags mthug po yin// de la sogs pa'i yi ge rnams// 'bru sbyar don la shes par bya// de yang dkrugs pa 'di lta ste// ka la tsa btags mthug po yin// tha la na btags mthug por 'bod// dza la kha pa yang / btags mthug po bstan// ma la sha btags mthug por bshad// sa pa yang la a btags mthug po'i don// da la na la ta yang / na btags mthug por bshad// de rnams mthug po dag tu 'bod// ring ba'i yi ge 'di lta ste// ya la nga btags ring bar bshad// ga la ha btags ring ba nyid du 'bod// tha la da btags ring ba nyid du bshad// 'a la kha btags ring ba nyid du 'bod// ta la na btags ring bar bshad// sha la zha btags ring ba'o// de rnams ring ba nyid du bshad// 'di rnams che bar 'bod pa'o// sa sa yang la la btags che ba nyid// ma ya yang la du btags che ba'o// ka la ske btags che bar 'bod// ha la ta btags che ba nyid du 'bod// nya la ra btags che ba'o// nga la te yang / de btags che ba'o// ya la la btags che ba nyid// sma la khru btags che ba nyid// de rnams che ba'i yi ger bshad// thung ba'i gdon ni 'di lta ste// da la nga yang / ya btags thung ngur 'bod// ga la nga btags thung ngur bshad// da la nga btags thung ngur 'bod// ka la zha btags thung ngur bshad// dza dza yang la da
- 337a
btags zang bal// ma yang la ni btags blang bar bshad// Sha la mra btags zang baH/ sa la tang nga btags thang ba cad/ da lan btags thang ba dag du bshad// de la phan lag gang byung ba// de dang mthun par 'bod pa'o// de bzhin le'u mtshan bsdus bstan// gzhung gi tshig rnams kun// mdo dang rgyas pa chen por gsungs// yang dag gtan la 'bebs pa'i rgyud// kun gyi bshad lugs ma nor bar// mthong tshad rtogs tshad rnams su bshad// goms pa'i rgyud la shes rig gsal// de yang rgyud kyi gtan tshigs so// rgyud chen nges tshig gtan tshigs dang // dang po nges tshig rgyu bstan te// bya ba rgyu yi nges tshig dang // byed pa rkyen gyi nges tshig go/ bya ba rgyu yi nges tshig ni// yan lag brgyad dang ldan phyir rgyud// byed pa rkyen gyi nges tshig ni// rgyal ba dgongs pas brgyud phyir rgyud// yang na snyan khung brgyud pa'am// de yi phyir na rgyud du gsungs// de ni gzhung lugs rgyas pa'o// zhes rig pa rang grol chen po'i rgyud las// gzhung don bsdus pa'i le'u ste gnyis pa'o// // de nas yang gsum pa gzhung don mdor bsdus la bstan/ gsang ba'i bdag pos 'di skad gsol to// kye kye bcom ldan rtogs ldan don// gzhung gi tshig don de ltar na// mjug gi tshig don gsung du gsol// zhes zhus so// de nas yang bka' stsal
- 337b
pa/ kye gsang ba'i bdag po rdo rje 'dzin// legs par brtan pa'i yid bcas nas// bsam pa brtan pos bzung bar gyis// chos la sogs pa'i rtogs pa rnams// mi 'jigs dad pas 'jug pa'i phyir// yang dag don gyi lung 'di bshad// 'jigs bcas yid rnams spangs la nyon// kye ma gsang bdag rdo rje 'dzin// mtshan ma spang ba'i gzhung lugs ni// gong du bshad cing bkrol ba'o// mjug gi don bstan 'di lta ste// man ngag don dang gtan tshigs don// mtha' sdud rnam pa gsum dang ni// rdzogs pa'i chos rnams kun tu grags// mtha' sdud rnam gsum 'di lta ste// gti mug rmongs pa'i mdud pa dang // zhe sdang mngon snang mdud pa dang // 'dod chags lam gyi mdud pa dang // rnam pa gsum du kun tu grags// de rnams gsal phyir gdams ngag bstan// de yang nyi shu rtsa gcig gis// blo yis the tshoms bsal bya'i phyir// ma nor legs par bstan par bya// bstan pa'i yul ni sems can no// bstan pa'i rgyu nyid kun la khyab// de yang bstan lugs 'di lta ste// chos nyid yul ngo phar sprad pas// don gyi snying po tshur la 'phrod// rang gi gdangs la phar sprad pas/ ye shes snang ba tshur la mthong // 'byung ba'i gdangs la phar sprad pas// dag pa'i zhing khams tshur la mthong // nam mkha'i ngang la phar sprad pas// sgron ma'i snying po tshur la
- 338a
mthong // dbang po'i yul la phar sprad pas// blo yi chos rnam rang sar grol// mthong ba'i yul la phar sprad pas// goms pa'i 'bras bu tshur la mthong // 'dzin pa'i yul la phar sprad pas// 'dzin med rang snang ngo bo mthong // dag pa'i yul la phar sprad pas// rnam dag zhing khams lhug par mthong // rang snang yul la phar sprad pas// skye med rang snang ngo bo mthong // gsang sngags rgyud la phar spraspyad pas// 'gag med snang ba mthong ba'o// yul snying po'i phul gyi dri ma gsal ba'o gyi snying po ltos pa'i chos// bya rtsol bral zhing ka nas dag/ snying po bgrod med ngo bo nyid// lam la 'dzin pa'i go la sa med// yod med stong pa'i chos rnams la// bya rgyu'i dri ma med pa'o// kun sdud yul rnams spang ba la// mtshan mar 'dzin pa'i gol sa med// de ltar gdams ngag thebs pa dang // goms pa'i stobs gyis nyams len bya// gdams pa'i yul dang bstan thabs kyang // 'di ltar kun la shes par bya// dang po dpe yi dkyil 'khor gyis// don gyi snying po bstan par bya// de nas rtags kyi ngo spyod kyis// yid ches bskyed cing gtan yang dbab// de nas don gyi ngo sprod kyis// nyams su blang ba'i rim pa bya// nyi ma'i dkyil 'khor ngo sprod kyis// sku gsum gtan la dbab par bya// chu yi zla ba'i ngo sprod kyis// bar do dang po ngos gzung
- 338b
bya// nam mkha' sprin med ngo sprod kyis// chos kyi dbyings la ngos gzung bya// bar snang 'ja' tshon rdo sprod kyis// mu khyud ra ba'i ngos gzung bya// rgya mtsho dngas pa'i ngo sprod kyis// ma shes snang ba la bzhi'i ngos gzung bya// me long dkyil 'khor ngo sprod kyis// ye shes bzhi rnams ngos gzung bya// mar me'i dkyil 'khor dngas pa yis// rtog med gsal ba ngos gzung bya// man shel dkyil 'khor lta bu yis// dri med ka dag ngos gzung bya// gzhon nu bum pa'i ngo sprod kyis// ka dag chos sku ngos gzung bya// gzugs sku nyams kyi ngo sprod kyis// tshom bu'i snang ba ngos gzung bya// dkyil 'khor me long ngo sprod kyis// zhing khams gnyis pa ngos gzung bya// snang ba bu ga'i ngo sprod kyis// thugs ka'i zer thag ngos gzung bya// nam mkha' sprin bcas ngo sprod kyis// ma rig rig pa ngos gzung bya// sku phyed bstan pa'i ngo sprod kyis// sems dpa'i chos rnams ngos gzung bya// 'khar gzhong bcud kyi ngo sprod kyis// ye shes ngo bo ngos gzung bya// dpa' bo stobs ldan ngo spyod kyis// khro bo'i zhing khams ngos gzung bya// 'dra 'bag phyed sku'i ngo spyod kyis// rang gi gnas lugs ngos gzung bya// sgron ma'i bzhag thabs chen po yis// snang ba'i 'char lugs ngos gzung bya'o// de bzhin nyi shu rtsa gcig gis// rang rang ye shes gtan la dbab// des ni gzhung don rgyas par
- 339a
bstan// e ma rdzogs lugs 'di lta ste// gzhung la rdzogs dang rdzogs pa mthar thug bsdub bstan/ klad la rdzogs// stong pa rdzogs dang ye shes rdzogs// 'od lnga rdzogs dang sku lnga rdzogs// mthar phyin pa la de bzhin gshegs// dbang bskur dkyil 'khor rdzogs nas ni// gdams ngag rgyas pa gdab par bya// dam tshig la ni ci bzhin gnas// gsang sngags thabs ldan dag la yang // ma nor lung chen bstan par bya// gsang sngags gnad kyi bcud phyung ba'i// rab tu gsang ba'i ye shes mchog/ dgos pa tshad med yul gzhal ba'i// ye shes gsang ba'i bdud rtsi 'di// kun gyis go bar dga' ba'i don// dgongs pa yang dag chen por 'dod// dkyil 'khor gsang ba thams cad kyi// lha nyid 'di la rdzogs pa'o// klad kyi tshig la gzhung don rdzogs// mjug gi tshig la klad don rdzogs// rgyud chen rgyal po 'di nyid la// sbas pa gsum dang gsang ba gsum// man ngag drug ldan dkyil 'khor ni// gzhung gi khongs nas shes par bya'o// de bzhin rgyud kyi rgyal po las// 'phan dang 'khrugs rnams med par gsungs// klad dang gzhung la sogs pa rnams// rab tu gsal ba nyid yin pas// gzhan du ma bstan 'di nyid do// rgyud kyi rgyal po bshad thabs ni// don gsum gyis ni rgyas par bstan// gzhung don man ngag rgyas bstan dang // de bzhin
- 339b
so so'i rim pa rnams// rab tu bshad cing bkrol ba'o// rgyud 'di bshad pa'i thabs las rgyud kyi ldang tshad dang mtshon dpe bstan pa'o// kyang // rgyud kyi che ba bstan pa dang // rgyud kyi ldang tshad mtshon dpe dang // rgyud kyi gtan tshigs bstan pa'o// rab tu dbye ba rgyas pa dang // gdams ngag gsang ba rgyas pa dang // rtogs ldan theg pas rgyas pa'o// bsdu ba rnam pa gsum gyis bstan// theg pa'i don bkrol bsdu ba dang // bzhag thabs chen por bsdu ba dang // rig pa'i ngang du bsdu ba'o// de yang rgyas bstan 'di lta ste// dper na nam mkha' stong pa yi// ngang du nyi zla sdud pa bzhin// chos kyi pho brang yangs pa ru// sna tshogs ye shes chen por sdud// yang dag don gyi klong yangs su// rig pa stong pa'i ye shes sdud// mtshan ma bral ba'i nam mkha' las// sgron ma ye shes ngo bo sdud// rnam dag dbyings kyi sgron ma ru// phyi nang gsang ba'i chos rnams sdud// rgyas par bstan pa de bzhin no// zhus pa'i tshig dang dris pa'i yang bstan pa'o// bka' stsal pa/ zhus pa'i tshig la don gsum ste// bdag don bsdus te zhus pa dang // gzhan don rgyas par zhus pa dang // gnyis ka'i don du zhus pa'o// bka' stsal pa la don bdun bstan// gnyen po'i don la dgongs pa dang // bsdu ba'i don la dgongs pa'o// drang ba'i don la bka' stsal dang // ldem por dgongs pa
- 340a
bstan pa dang // rim pa'i khyad par bka' stsal dang // lam gyi khyad du bstan cing dgongs// blo dang bstan te bka' stsal dang // zhus pa nyid dang zhus lan dang // mdo dang rgyas par bstan pa ste// de rnams don bkrol 'di lta ste// gnyen po'i don du dgongs pa ni/ nyon mongs stong phrag brgyad cu la// chos kyi sgo yang de tsam mo// bsam gyis mi khyab brjod mi langs// gzhal du med par gsungs pa'o// bsdu ba'i don nyid 'di lta ste// nyon mong stong phrag brgyad cu yang // rtsa ba rnam pa gsum du 'dus// brgyad khri bzhi stong sgo mo yang // bsdu na rnam pa gsum du bshad// de yang bsdu na 'di lta ste// nyon mongs stong phrag brgyad cu yang // rtsa ba ma rig nyid la 'dus// de bzhin chos kyi sgo mo yang // rang rig gcig pu nyid la 'dus// de ni bsdu ba'i don du gsungs// drang ba'i don ni 'di lta ste// 'khor ba'i skyon rnams brjod pa dang // mya ngan 'das pa'i yon tan brjod pa'o// drang nas khad kyis zhugs par bya ba'i phyir// blo dman rnams kyi don du gsungs// de ni drang ba'i don du bstan// ldem po'i dgongs pa 'di lta ste// blo dman rnams la gsang ba'i phyir// gcus dang gab ste bstan pa dang // gzhan dag zil gyis mnan pa'i phyir// dgongs pa ldem por bstan pa'o// tshig la ldem dang don la drang // ldem dgongs man
- 340b
ngag tshig tu bstan// rim pa'i khyad kyi dgongs pa ni// rdzogs chen dgongs pa'i rang skad do// lam gyi dus na dgongs pa ni// gsum mam man ngag nyi shu gcig/ blo dang bstun te dgongs pa ni// theg pa nyi shu rtsa gcig go/ nges pa'i tshig chod bka' stsal ni// gsang ba'i theg pa nyid kyi don// bsam gyis mi khyab don rnams kyang // gsang ba'i theg pa 'di nyid do// dgongs pa'i theg pa grangs mang yang // 'di nyid don ni rtogs pa med// de phyir theg chen gsal bar grags// 'di theg rgyal ni rab tu gsang zhing spyad par bya// gsang sngags gnad kyi longs spyod rnams// yang dag bde chen mkha' la rol// de phyir theg pa'i bcud phyung ba'i// rgyud chen 'di la goms par bya// gsang sngags theg pa'i rgyud chen 'di// bde ba nyid la rgya cher rol// gsang sngags rgyud rgyal theg par bshad// klad dang gzhung dang mjug dag las// mdo don bsdus te bstan pa yin// de bzhin rgyud chen gang bshad pa// de ltar kun la shes par bya// tshig don rgyas pa chen po dang // shin tu'ang rgyas pa chen por bshad// nges pa'i don chen 'di bstan pas// theg pa dman pa'i rigs rnams kun// shin tu blo dman skrag par 'gyur// yang dag nges pa'i lung chen 'di// kun dang mi mnyam gong ma'o// gtan tshigs brgyad dang 'brel bar bshad// gtan tshigs
- 341a
brgyad po 'di lta ste// yang dag nges pa'i gtan tshigs dang // gzhan don 'brel ba'i gtan tshigs dang // rang don bsgrub pa'i gtan tshigs dang // mtshan ma ming gi gtan tshigs dang // 'jug pa lam gyi gtan tshigs dang // bden pa rgyud kyi gtan tshigs dang // nges pa lung gi gtan tshigs dang // sun 'byin rig pa'i gtan tshigs so// gtan tshigs chen po rnam pa brgyad// de bzhin kun la shes par bya// rnal 'byor lam gyi gtan tshigs rnams// rim nas rim du skye dang 'gag/ sa dang lam la shes par bya// chos la 'dzin med mtshan ma'i blo dang bral// stong pa yang dag rnyed pa'i don dang nye// gsang sngags sbas pa'i man ngag rnams// gzhung gi tshig las shes par bya// de bzhin don gyis rgyas par bstan// bgrod med lam la de bzhin gshegs// de la sogs te mjug gi don// shin tu rgyas par bstan pa'o// zhes rig pa rang grol chen po'i rgyud las// mjug don rgyas par bstan pa'i le'u ste gsum pa'o// // oMHhUM// / de nas yang 'jam dpal gzhon nur gyur pas 'di skad ces gsol to// kye bcom ldan 'das thugs rje chen po dang ldan pa/ rgyud kyi grol lugs de ltar lags na/ man ngag gi don bshad lugs gsung du gsol// zhes zhus so// de nas rdo rje 'chang chen po des// bzhi pa man ngag gis bshad
- 341b
lugs bstan/ bka' stsal pa// kye grogs po dag nyon cig/ ngas don ma nor bar bstan gyis legs par nyon cig/ yang dag par rdzogs pa'i sangs rgyas kyi 'bras bu la thob pa mi mnga' ba'i phyir ye shes la gsal 'grib med// lta ba la rtsis gdab med// dgongs pa la bar mtshams med// 'od la gzung 'dzin med/ sku la gzugs med/ dbyings la rgya chad med// yul la bdag 'dzin med/ zhing khams la bltar med/ de ni yang dag par rdzogs pa'i sangs rgyas kyi mdzad pa'o// da ni rig pa'i longs spyod ston te/ man ngag gsal ba'i don rab tu 'byed de/ ngo bo ka dag rang bzhin lhun grub/ thugs rje phyed snang / zhing khams tshom bu la rgya chad med/ snang ba lnga/ 'byung ba gnyis/ ye shes kyi ngo bo drug/ ye shes kyi gnas gsum/ ye shes 'byung ba'i tshad gcig ye shes kyi lam bzhi/ ye shes kyi 'gros gcig/ 'das pa'i tshig gsum gyis/ 'khor 'das kyi rgya mi bcad// gcod pa'i tshig drug gis shes rab yul la bskyal/ bstan pa'i tshig gsum gyis ye shes ma bu sprad/ dang po'i byung sa gcig gis ye shes kyi gnas btsal/ rig pa'i bzhag sa gcig gis nyams su blangs pa'i thabs bstan// sku yi gnas lugs gsum gyis don gcig tu sdud// rig pa'i yul gnyis kyis 'od kyi mdangs gsal/ dpe rig pa'i longs spyod rgyas par
- 342a
bstan te// lam gyi ye shes ngos bzung bar bstan pa'o// de nas yang 'jam dpal gyis 'di skad ces gsol to// kye thugs rje'i bdag po/ gzhi lam gyi mtshan nye bar gsung du gsol// zhes zhus so// de nas yang bka' stsal pa/ kye ma ho// skyes bu dam pa khyon nyon cig/ ngas legs par bstan gyis/ khyod kyi yid la ma yengs par zung zhig/ de rnams thams cad kyi don gsal ba 'di yin no// gzhi bsam pa las 'das pa/ rtog pa las 'das pa/ ngo bo tha dad las 'das pa// rang bzhin dngos po las 'das pa// thugs rje mdzad pa las 'das pa// 'bras bu rtsol bsgrub las 'das pa// ye shes yin min las 'das pa'o// spyod pa chos dang 'brel ba// dam tshig lta ba dang 'brel ba// bsgrub pa lha dang 'brel ba/ dbang gdams ngag dang 'brel pa/ dgongs pa gnyis med dang 'brel ba// sgom pa 'dzin med dang 'brel ba/ lta ba ming dang 'brel pa/ ming don snying dang 'brel ba/ dpe 'ja' tshon dang 'brel ba/ rtags sgron ma dang 'brel ba// dbyings nam mkha' dang 'brel ba/ sangs rgyas dang sems can du 'brel paba'o// ngo bo la chos med/ sangs rgyas la sems med/ sems la 'bras bu smin// chos la bsgrub tu med// 'bras bu la thob tu med/ dgongs pa la bar mtshams med/ thugs rje la dbri bkol med// lta ba la
- 342b
yin min med pa'o// gzhi las 'das pa'i byung sa/ ci ste dang po rkyen gyis 'khrul pa'i phyir ro// lam la 'das pa'i snang ba/ ci ste nyams su blang dgos pa'i phyir ro// 'bras bu las 'das pa'i snang ba/ ci ste 'bras bu rgyur mi ldog pa'i phyir ro// e mthong ba ye shes kyi tshad bstan pam ho// sangs rgyas kyi lam lnga ngo shes na// snang ba la dgag bsgrub med par 'char ro// sangs rgyas kyi bden pa mthong ba'i dus na/ rang gi shes pa stobs su gyur nas// ye shes mkha' la brdal ba'o// sangs rgyas kyi dgongs pa rnyed pa ni/ yul la shes pa 'jug pa med pa'o// sangs rgyas kyi dgongs pa nyams su len pa'i dus su/ ye shes mkha' la gsal ba 'di lta ste// snang ba yul la shar na sku dang bcas pa'o// ye shes kyi snang ba rang la skye ba'i dus ni/ nam mkha' la 'od kyi thig le shar ba'o// rig pa la nyon mongs pas ma gos pa'i dus ni rkyen dbang du mi 'gro ba'o// bdud bzhi choms pa'i dus ni/ snang ba nyon mongs pa'i dbang du ma song ba'o// rdzogs chen mtha' la sgrol ba'i dus ni/ shes pa bying rgod du ma song ba'o// ye shes khongs nas gsal ba'i dus ni/ gnyid log pa'i dus lta bu la shes par bya'o// rig pa mkha' la gsal ba'i dus ni// nam langs pa lta bu shes par bya'o// ye shes dngos dang bral ba'i dus ni/ chang gis ra ro ba lta bur shes par
- 343a
bya'o// kye ma/ rigs kyi bu ye shes kyi snang ba gsal ba'i dus na/ bar du gcod pa'i bdud kyi rgyu bstan pa bdud kyi snang ba 'di lta bu dag kyang 'byung ngo // kye ma/ rigs kyi bu khyod la snang ba des ci zhig bya// snang ba de ni yang dag pa ma yin no// de ni 'khor ba'i rgya kho na'o// zer zhing rang gi snang ba dang 'thad pa'i tshig brjod pa de ni bdud kyi bslu ba dang po'o// de nas mkha' 'gro ma'i cha byad du zhugs nas/ rigs kyi bu ngas khyod la lung bstan gyis/ de ni yang dag pa ma yin no// de ni log pa kho na'o// 'di ltar byas na rigs kyi bu khyod grol bar 'gyur/ zhes lung ston pa 'di ni bdud yin par shes par bya'o// de yi dus su rang gi de nyid las ma yengs par bya'o// glang po che'i lta stangs kyis blta bar bya'o// de nas bcom ldan 'das gzhon nu dpa' bo stobs ldan nyid kyis tshigs su bcad de bka' stsal pa/ a a kye ma ho// rtogs pa mtshan mas bcings pa'i bdud// bsam gyis mi khyab grangs mang zhing // brjod du med pas bsam mi khyab// rnam rtog mtshan ma ci 'gyus pa// thams cad bdud kyi rang bzhin te// de yang mdor bstan 'di lta ste// gzung 'dzin yul la chags na phyi yi bdud// rnam rtog 'khrul par skyong na nang gi bdud// rtogs pa kha 'byams bdud kyi slu ba yin// lus la rgyan bzang bdud kyi slu ba
- 343b
yin// gnyen gyi bya ba bdud kyi slu ba yin// dgra la chags pa bdud kyi slu ba yin// bdag tu rtog na bdud kyi slu ba yin// lus la chags pa skyes na de yang bdud// 'dzin pa yul la chags na phyi yi bdud// ting 'dzin ro la chags na nang gi bdud// snang ba yul la chags na yul gyi bdud// yin min the tshom zhugs na rtogs pa'i bdud// bya byed g.yengs pas khyer na 'khor ba'i bdud// rtog pa khong du zhugs na sems kyi bdud// gzung 'dzin chos la chags na yid kyi bdud// longs spyod 'khor la chags na g.yengs pa'i bdud// 'khor ba'i chos la chags na phung po'i bdud// rtsod pa'i 'dam la chags na nyon mongs bdud// dga' sdug grogs la chags na lha yi bdud// khro gtum dpa' rngam chen 'chi bdag bdud// bsgom pa'i lha la chags na 'ching ba'i bdud// chags sdang lnga la chags na ngan song bdud// chos spyod bcu la chags na skye gnas bdud// 'khor ba'i lam la chags na ma rig rmongs pa'i bdud// yul la rngam sems byed na chags pa'i bdud// chos la smod pa'i 'dor na phrag dog bdud// gzhan la skyon 'dzin byas na nga rgyal bdud// pha rol spong bar byed na skyon gyi bdud// de bzhin bdud kyi bslu ba bsam mi khyab// brjod kyis mi langs grangs mang yang // rtsa ba bdud bzhi chom gyur
- 344a
na// bdud rnams gzhan gyis glags mi rnyed// bdud kyi bye brag de ltar 'dod// de rnams dbang du ma gyur pa'i// rig pa ye shes chen po ni// nam mkha'i ngang la shes par bya// rig pa ye shes chen po nyid// gang gi phyogs su shor ba med// rang nyid chos skur rtogs gyur na// bdud ces bya ba logs na med// chos sku gzung 'dzin de rnams dbang du ma gyur pa'i rig pa bstan pa/ bral ba la// mtshan ma'i bdud kyi phyogs dang bral// spyad pas nges pa'i lung nyid las// bdud las thar ba'i man ngag bstan// ye shes snang ba 'dzin med du// phyogs la gnas pa med par shar// lam la zhugs pa med par grol// 'bras bu de bzhin mkha' la rol// de bzhin nyid kyi dkyil 'khor du// gsang ba ye shes pho brang bstan// ye shes 'phro zhing zer la rol// rnam dag dbyings kyi pho brang du// stong pa'i ye shes mkha' la rol// rtog pa nyid la ye shes skye// dran pa nyid la dran med rnyed// ma rig dkyil nas rig pa rnyed// rnam rtog nyid las ye shes skye// stong pa'i ngang las gsal ba rnyed// blo yi dkyil na ngo bo rnyed// de bzhin blo dngos chos rnams kun// ngo bo nyid du grol ba'o// gsang sngags lam la shes rab gsal// thabs kyi lam la goms pa gsal// de bzhin mtshan ma'i chos rnams kun// mtshan ma med pa'i ngang du grol// byas pa dngos
- 344b
po'i chos rnams kun// byar med stong pa'i ngang du grol// 'dzin med rang snang chos rnams kun// rnam dag stong pa'i mkha' la grol// dgongs pa dpe med don rnams kun/ yang dag gsang ba'i dbyings su grol// sna tshogs bskyed pa'i ngo bo nyid// 'du shes med pa'i ngang du grol// gsang sngags gsang ba'i rol pa nyid// ye shes bzhi sbyor dbyings su grol// gnyis snang sems kyi cho 'phrul rnams// thig le nyag gcig ngang du grol// ye shes kun snang grong khyer nyid// tshom bu lnga yi klong du grol// yang dag ye shes sa bon nyid// ka dag chen po'i dbyings su grol// de phyir rnam rtog 'khor ba'i bdud// med cing stong la gzung du med// bdud kyang rang gi ngang du rtogs// ye shes chen po'i snang ba la// bdud med bdud du bya ba med// rang byung gcig pa gcig pu nyid// de las ma gtogs bdud med do// bdud nyid rang gi rig par ltos// de ma gtogs pa'i bdud rnams kun// ngang gis med cing ngang gis bcom// nga med pa yi sngon rol du// bdud ces bya ba'i ming yang med// bdud nyid nga las byung ba'i phyir// bdud ces bya ba logs na med// rnam rtog bdag tu 'dzin pa yi// bdud kyi rtsa ba chen po gcig/ nga nyid rtogs na bdud rnams sangs// rnam rtog 'dzin pa'i bdud rnams kun// thabs kyis nga yi ngang du zhi// de phyir rnam rtog
- 345a
'dzin pa'i bdud rnams kun// ka nas med cing ka nas dag/ bdud rnams ye shes rol pa ste// nga las byung zhing nga las 'khrul// de phyir nga yi cho 'phrul yin// nga yi rol pa bsam mi khyab// yi cho 'phrul dka' ba med// thams cad nga yi rol pa'o// zhes rig pa rang grol chen po'i rgyud las/ man ngag gi don bshad pa'i le'u ste bzhi pa'o// // de nas yang lnga pa mtshan ma dngos bral gyis le'u bstan pa'o/ 'jam dpal gzhon nur gyur pa skyes bu dam pa des/ 'di skad ces gsol to// kye kye bcom ldan khro bo'i sku// man ngag bshad lugs de ltar na// bdag cag mos pa'i 'khor rnams la// dngos po'i chos la grol lugs gsung // zhes zhus so// de nas yang bka' stsal pa// kye ma ho// 'jam dpal gzhon nur gyur pa nyon// rdo rje'i don nyid ngas bstan gyis// khyed kyis legs pa'i sems kyis nyon// mtshan ma dngos po'i chos nyid ni// bya byed 'dzin pa'i chos dang bral// 'bras bu rgyur mi ldog pa'i chos// ma nor lam gyi bden pa nyid// mngon snang sems las grol ba'i phyir// lam gyi bya ba nyid las thar// ye shes snang ba dngos por med// dag pa'i ye shes yod pa'i phyir// dag pa'i dngos po yul las 'das// mtha' dang dri ma'i chos las 'das// mtha' bzhi'i dri ma rang sangs nyid// 'dzin pa'i phyogs cha nyid dang
- 345b
bral// gsang sngags dgongs pa dngos med ni// 'dzin pa'i yul dang bral ba'i phyir// dngos po'i dri ma'i chos dang bral// 'dod pa'i sems kyis dri ma nyid// rang byung thabs kyi ye shes las// thams cad 'byung zhing thon par gsungs// lam dang dri ma'i chos nyid rnams// ka nas dag cing byang ba nyid// rgyal ba kun gyis rab bsngags pas// ye shes gsang ba'i mkha' la rol// mnyam nyid ye shes chen po nyid// snang ba'i ye shes mngon par snang // rgyal ba rtags kyi phyag rgya nyid// yang dag nyid du gnas pa'i phyir// gsang ba'i yum dang gnyis med sbyor// kun tu bzang po'i rol pa nyid// cir yang mdzad cing cir yang sprul// ye shes rtogs pa'i klong dkyil du// thugs rje'i nyi ma ma 'gags shar// snang ba rnam pa lnga nyid las// ye shes sprul pa phyogs bcur shar// kun tu bzang mo'i b+ha ga las// thams cad ye shes bskyed pa'i rgyu// kun nas 'byung zhing kun tu shar// kun bzang nyid kyi shes rab las// thams cad rdzogs par nga yis bshad// kun tu bzang po'i ye shes ni// nam mkha'i mtha' bzhin thug pa med// dbyings kyi dkyil 'khor zad pa med// ye shes dkyil 'khor 'gag med nyid// kun la rol cing spyod pa'o// e ma dngos po mi gnas pa'i gtan tshig la// dngos po'i chos rnams kun// rang dag rkyen gyis ka nas med// dri//
- 346a
ma'i chos la gnas pa med// snang ba'i chos la the tshom med// yang dag lam la mthar thug med// dngos po'i yul la bsgrub mi dgos// dran pa med pa'i bsam gtan la// brjod med ting 'dzin ngo bor zhog/ lam dang 'dzin pa'i yul med pas// dri ma bzhi yis bcings pa khrol// sangs rgyas ye shes bstan bya'i phyir// rgyu rkyen ltos pa'i tshig rnams spang // sangs rgyas ye shes rang la grub// ye shes chen po'i snang ba rnams// 'gag med kun la rol cing spyod// mtshan ma'i ming dang 'dzin pa stongs// stong pa lam gyi sgron ma stongs// yang dag shes pa'i ngo bo la// bya ba byed pa'i rig pa med// 'dzin pa gol ba'i rgyu nyid las// byang chub lam gyi sgron ma nyid// lam la dgag dang bsgrub pa med// stong pa'i rig pa gang yang med// rgya chad phyogs char 'dzin pa spang // snang ba dngos po'i chos kyis stong // stong pa mtshan ma'i chos las 'das// 'das pa nyid la brjod du med// lta ba zhe 'dod 'dzin pa yang // mtshan ma'i chos med rang sar grol// rang byung sgra yi tha snyad nyid// yod pa'i phyogs dang med pa'i phyogs// tha snyad gnyis kyi chos rnams kun// yang dag nyid la lha dang bral// 'dzin pa'i gol sa chos nyid med// tha dad dngos po'i yul las 'das// mtshan ma'i tshig dang dngos po'i tshig/ yul la ltos pa nyid du bshad// bya ba rdzogs
- 346b
pa'i ye shes nyid// dngos por brjod pa'i tshig dang bral// gsang sngags rdo rje sra mkhregs nyid// ye shes rdo rje thabs la rol// 'byung ba'i rdo rje ye shes kun// stong pa'i rdo rje thabs la rol// dkyil 'khor rdo rje mtha' yas shing // bskyed pa'i rdo rje kun snang zhing // 'khor ba'i don la rdo rje'i sgra// mtshan ma'i rdo rje ming dang bral// mtha' yas rdo rje yul la 'jug/ gnyis med rdo rje stong pa'i ngang // gsang sngags rdo rje yu la las 'das// rang byung rdo rje brjod du med// yod med rdo rje kun las 'das// gsang sngags rdo rje mnyam pa che// mkha' dbyings rdo rje stong pa che// yon tan rdo rje ngo mtshar che// phrin las rdo rje grub pa che// gsal ba'i rdo rje yangs pa che// sna tshogs rdo rje sdud pa che// yang dag rdo rje mnyam pa che// rig pa'i rdo rje gsal ba che// sems kyi rdo rje 'phro ba che// ma rig rdo rje rmugs pa che// yid kyi rdo rje 'khrugs pa chetshe// gti mug rdo rje 'grib pa che// zhe sdang rdo rje 'bar ba che// 'dod chags rdo rje 'dzin pa che// nga rgyal rdo rje nga ro che// phrag dog rdo rje 'dud pa che// khong khro rdo rje gdug pa che// rkyen gyi rdo rje gcod pa che// 'khor ba'i rdo rje zhen pa che// chags pa'i rdo rje mtshan ma che// zhen pa'i rdo rje 'dod pa che// 'dus pa'i rdo rje sdud pa che// nyon mongs rdo rje gcod pa che// nga yi rdo rje chags 'dzin che// gzhan gyi rdo rje de
- 347a
dngos yang / dad pa che// 'khrul pa'i rdo rje chags pa che'o// de nas ye shes don kun mtha' yas par bstan pa'o// yang dag rigs chen rnams// bshad cing bkrol nas don la spyod// byang chub 'khrul ba'i rnam pa kun// yul du mi gnas spang bya ste// mya ngan 'da' bar 'dod pa yis// ye shes don la thug pa med// 'on kyang don 'di blang bar gyis// don las gol na byang chub ring // don la gnas na byang chub nye// 'khrul pa zad par bya phyir ye shes nyid// rab tu 'bar ba'i 'od zer kun nas 'byung // sdom pa'i mdo las ye shes nyid// rab tu bstan phyir bshad par bya// rab tu bshad pa'i gzhi lam ni// gong du bstan cing bshad zin to// de ltar gnas pa'i skyes bu dam pa de// dngos po'i chos nyid zad nas rang byung thob// rang byung dngos bral ye shes nyid// gang la 'dzin pa ma skyes pa'o// zhes rig pa rang grol chen po'i rgyud las/ mtshan ma dngos bral gyi le'u ste lnga pa'o// / de nas yang 'jam dpal drug pa le'u'i rlom kyang bstan pa/ gzhon nur gyur pa'i skyes bu dam pa des 'di skad ces gsol to// kye ma bcom ldan le lag bdag/ dngos po stong po de ltar na// bdag cag mos pa'i 'khor rnams la// rgyud kyi rgyal po'i le lag rnams// ma nor legs par gsung du gsol// zhes zhus so// de nas yang dag
- 347b
bka' stsal pa// kye ma gzhon nur gyur pa nyon// rgyud chen rgyal po bshad lugs la// grangs med bsam gyis mi khyab ste// mdor bstan legs par yid la zung // le lag mtshan dang dper brjod dang // rab tu bshad par bya ba dang // tshig dang sbyar te ston byed dang // rab tu bsngags pa'i rim pa dang // bstan par bya phyir mngon snang phyir// le'u re la so sor dbye// bsam gyis mi khyab bstan pa yang // brjod cing grangs las 'das bya'i phyir// rgyud chen mtshan ldan 'di gsungs pas// thams cad mig dang 'dra bar 'gyur// lam la yun ring gnas pa rnams// 'di thos pa yis nye bar 'gyur// gzhung bshad le'u'i mtshan bshad bya// de nas dang po le'u brjod bya ste// rgyud chen gleng gzhi'i le'u bstan// don ni gong du bstan pa'o// yang dag chen po'i gleng ba dang // 'das pa'i tshig don gleng ba dang // grangs kyi sgo nas gleng ba bstan// le'u gnyis pa'i don bstan ni// gleng slong yan lag rgyas bstan pa// don ni gong du yang dag bstan// mtshan ma'i tshig la don gsum ston// sngon byung rgyas pa'i gleng slong dang // rjes 'jug yul la gleng slong dang // tshig don gtan tshigs gleng slong bstan// le'u gsum pas spyod pa bstan// rgyas par bstan pa nyid las gsungs// mdor bstan don la don gsum ste// rang byung thabs kyi spyod pa
- 348a
dang // gtan tshig tshig gis spyod yul dang // mtshan ma ming gi spyod yul bstan// le'u bzhi pas bsgom pa bstan// de la bshad lugs 'di lta ste// don gsum ze tshom med par bstan// dmigs pa gcod pa'i sgom pa dang // stong pa rang byung sgom pa dang // mtshan ma zil gnon sgom pa bstan// le'u lnga pas lta ba bstan// lta ba'i don la don gsum ste// rang byung khog 'gro la lta ba dang // btang snyoms tshig gi lta ba dang // yod med dus mtshon lta bar bstan// le'u drug pas dbang don bstan// dbang nyid la yang don gsum mo// gsang sngags 'bras bu'i dbang dang ni// lta ba rig pa'i dbang bskur dang // mtshan ma rdzas kyis dbang bskur bstan// bdun pa dbang gi yon tan bstan// yon tan la yang don gsum ste// phyi yi 'byung po tshar gcod dang // nang gi ye shes drod bskyed dang // gsang ba rtogs tshad yon tan no// brgyad pa dbang ma thob pa'i skyon// de yang don gsum bstan pa'o// ye shes snang ba nyid la zug/ gdams ngag dran bzhin nyams pa dang // phung po'i bdud la sogs pa mang // dgu pa dpon slob 'brel ba bstan// de nyid la yang don gsum mo// bcud ldan ye shes don sbyor dang // snod ldan gsang ba thub pa dang // gnyis ka gdung sems gces par bstan// bzhi yang / bcu pa dam
- 348b
tshig sdom pa bstan// de la yang ni don gsum mo// bsrungs pa'i yon tan bstan pa dang // ma bsrungs skyon nyid bstan pa dang // bsrung du med par bstan pa'o// bcu gcig chos sku'i mtshan nyid bstan// de nyid la yang don gsum mo// rang bzhin chos kyi sku dang ni// ngo bo chos sku chen po dang // sa bon chos sku gsum du gsungs// bcu gnyis longs sku'i mtshan nyid bstan// de nyid la yang don gsum mo// gnas pa longs spyod rdzogs sku dang // zhing khams longs spyod rdzogs pa'i sku// snang tshul longs spyod rdzogs pa'i sku// bcu gsum sbrul sku'i mtshan nyid bstan// de la yang ni don gsum ste// don dang mthun snang sprul sku dang // phyed snang zhing khams sbrul sku dang // thugs rje rang byung sbrul sku'o// bcu bzhi sku gsum dgongs pa bstan// de yang rnam pa gsum gyis bstan// sku gsum dril ba'i dgongs pa dang // sku gsum rdzogs pa'i dgongs pa dang // 'bras bu sku gsum dgongs par bshad// bco lnga pa nyid sku lnga ste// de yang rnam don gsum gyis bstan// mtshan ma rang grol sku lnga dang // gzhi la gnas pa'i sku lnga dang // mtha' la skyol ba'i sku lnga'o// bcu drug ye shes rnam lnga bstan// de yang don gsum dag gis bstan// 'dzin med yul gyi ye shes dang // bar do snang ba'i ye shes dang // don mtshon nang gi ye shes so// bcu bdun ye
- 349a
shes nyi shu bstan// de nyid la yang don gsum ste// phye ste rab tu rgyas pa dang // shin tu rnam rig tsam bstan dang // rab tu sgra dang phye bar bstan// bco brgyad pa nyid 'od lnga sku dang sbyar bar bstan// de yang rnam pa gsum gyis bstan// sku las 'od zer 'byung bar bstan// 'od las sku nyid grub pa dang // gnyis ka thabs kyi rol par bstan// bcu dgu phyi 'byung mtshan nyid bstan// de nyid la yang don gsum ste// so so'i mtshan nyid bstan pa dang // rang gi don nyid rgyas bstan dang // mtshan ma'i mtshan nyid bstan pa'o// nyi shu nang gi 'byung ba bstan// de yang rnam gsum dag gis bstan// ye shes don la sbyar ba dang // 'byung ba rtsa la sbyar ba dang // nang gi drod la sbyar ba'o// rtsa gcig dus gsum sangs rgyas kyi// dgongs pa'i don nyid ma nor bstan// de nyid la yang don gsum ste// rgyal ba rang byung dgongs pa dang // tshig la bstan pa'i dgongs pa dang // mtshan ma rang grol dgongs pa dang // rtsa gnyis sems can grol lugs bstan// de yang rnam gsum don gyi bstan// snang ba yul gyi grol lugs dang // rdo rje sku yis grol ba dang // sgron ma nyid kyis grol bar bstan// rtsa gsum yi ge 'bru bshad bstan// de yang rnam don gsum gyis bstan// dang po la yang bshad lugs dang // 'dogs dang yan lag
- 349b
bshad lugs dang // 'dogs yig bsdebs te bshad lugs bstan// rtsa bzhis rim pa'i gzhag thabs bstan// de nyid la yang don gsum ste// snang ba[:]yul la gzhag thabs dang // nam mkha'i dkyil du gzhag thabs dang // rang gi mig la gzhag thabs so// rtsa lnga 'jig tshogs rkang grangs bstan// de nyid la yang don gsum ste// sems las log pa bdag dang ni// spyod pa dag las log pa dang // de bzhin tshig las log pa'o// rtsa drug 'jig tshogs 'grel pa bstan// de nyid la yang don gsum bstan// bshad lugs don gyi 'grel bshad dang // rgyud la ltos pa'i 'grel bshad dang // spyod pa log pa'i 'grel bshad do// des ni sdom tshig rgyas par bstan// lam bstan tshig la grub pa med// lam spyir gsang ba de nyid las// sdom byang lha dang bcas pa bstan// le'u'i mtshan nyid bstan pa'o// de ni mtshan gyis legs par bshad cing bkrol ba'o// zhes rig pa rang grol chen po'i rgyud las// le'u'i mtshan gyi sdom byang bstan pa'i le'u ste drug pa'o// // bdun pa le'u rtsa ba'i don bstan/ de nas 'jam dpal gzhon nur gyur pa de nyid kyis 'di skad ces gsol to// kye kye bcom ldan rdo rje 'chang // le'u'i sdom byang de ltar na// bdag cag mos pa'i 'khor rnams la// rtsa tshig le'u gsung du
- 350a
gsol// zhes zhus so// kye ma gzhon nur gyur pa nyon// ma nor pa yi don nyid ni// ngas bstan khyod kyis legs par nyon// le'u'i mtshan dang sdom byang rnams// rab tu bshad cing bstan pa bya'o// de la rtsa ba'i tshig nyid dang // rab tu bstun te bshad par bya// de yang le'u'i mtshan nyid rig pa'i mtshan nyid bstan pa/ las// rab tu gsang ba'i tshig rnams kyang // 'di ru gsang ba med par bstan// legs par dga' mgu'i sems kyis nyon// don la ye shes thug pa med// 'das pa kun gyi snang ba yang // gang dag 'dzin pa'i sems dang bral// de phyir le'u'i rtsa tshig bstan par bya// e ma ho// rtsa bdun rig pa'i gtan tshigs bstan pa/ yang dag theg pa bstan// de don rnam pa gnyis kyis bstan// mtshan nyid pa dang gsang sngags so// rtsa brgyad 'khrul pa'i rtsa ba bstan// de la rnam pa bdun gyis bstan// rang nyid rang gis 'khrul pa dang // rgyu nyid rkyen gyis 'khrul pa dang // 'dra gzhi gnyis las 'khrul pa dang // yul dang shes pas 'khrul pa dang // mtshan ma brda yis 'khrul pa dang // stong pa'i 'od las 'khrul pa dang // sgrib pa mtha' bzhis 'khrul pa'o// de ni 'khrul lugs rgyas par bstan gnas lugs kyi don bstan papa'o// rtsa dgu sems can rang rgyud bstan// de nyid la ni don bzhi ste// mngon pa sku yi rgyud dang ni// khyab pa 'od kyi rgyud
- 350b
nyid dang // shes rab rig pa'i rang rgyud dang // rnam dag rig pa'i rang rgyud bstan// sum cu gzhi yi gnas lugs bstan// de nyid la yang don brgyad de// ngo bo mi 'gyur gnas lugs dang // rang bzhin kun khyab gnas lugs dang // thugs rje yul khyab gnas lugs dang // ston byed 'od kyi gnas lugs dang // stong pa mkha' khyab gnas lugs dang // gnyis med rang snang gnas lugs dang // rig pa lus la gnas lugs dang // shes rab mkha' la gnas lugs so// so gcig rig pa rang gis rtogs tshul ston// de nyid la yang don gsum ste// nyi shu rtsa gcig rtogs lugs dang // shes pa gcig chod rtogs lugs dang // snang ba mthong ba'i rtogs pa'o// so gnyis rig pa'i mtshon dper bstan// de nyid la yang don gsum ste// gzhi nyid mtshon pa'i mtshon dpe dang // lam lnga mtshon pa'i mtshon dpe dang // ngo bo mtshon dpe bshad pa'o// so gsum rig pa 'dzin med bstan// de nyid rnam don gnyis su bstan// ye shes nyid kyi 'dzin med dang // khyad par lam gyis 'dzin med do// so bzhi bar do'i 'khrul lugs bstan// de la yang ni don bzhi ste// snang ba sems kyi 'khrul lugs dang // dpyod pa yid kyi 'khrul lugs dang // snang ba 'od las 'khrul lugs dang // nyi shu rtsa gcig 'khrul lugs so// de ni 'khrul pa'i tshig tu bstan// so lnga
- 351a
rdzogs chen la bzla bstan// de la don ni drug gis bstan// mtshan ma'i tshig gi la bzla dang // rang byung gtan tshigs la bzla dang // gol sgrib sgro 'dogs la bzla dang // mngon snang yul la la bzla dang // ldem por dgongs te la bzla dang // dmigs pa lam gyi la bzla'o// so drug dkyil 'khor mtshan nyid ston// dkyil 'khor don la rnam gsum ste// rtsa ba'i dkyil 'khor chen po dang // rang bzhin gsang ba'i dkyil 'khor dang // gzugs brnyan yongs bkod dkyil 'khor ro// so bdun rang rang don chen bstan// de la rnam don gcig gis bstan// rang gi tsit+ta'i dkyil 'khor du// rang rang ye shes don 'dus pa'o// so brgyad goms pa'i rtogs tshul bstan// de nyid la ni rnam gnyis so// nyams su blang ba'i rim pa dang // goms pa'i tshad kyis gdams ngag bstan pa'o// so dgu rtogs tshul brda' lnga bstan// de nyid la yang don lnga ste// rang bzhin snang ba'i brda rnams dang // 'dzin med sems kyi brda' dang ni// rang don rig pa'i brda chen dang // rang bzhin lung gi brda dang ni// go 'byed sgrub rgyud brda rnams bshad// bzhi bcu yongs su bstod brda bstan// de ni yang dag don bzhi bstan// mtshan gyis sgo nas bstod pa dang // phyag mtshan sgo nas bstod pa dang // sku gsum nyid la bstod pa dang // khro bo nyid la
- 351b
bstod pa'o// zhe gcig 'khrul pa'i brda nyid bstan// de nyid la yang don gnyis ste// 'dzin pa rang grol rgyud kyi brda dang ni// snang ba yul gyi brda lnga bstan// zhe gnyis bstan pa'i 'jig dus bstan// de nyid la yang don gnyis te// rtags rnams 'byung bar bstan pa dang // bskal pa'i 'byung dus bstan pa'o// zhe gsum brda' lnga'i sgrub bsgyur bstan// de nyid la yang don gnyis te// thams cad brda' ru bstan pa dang // thams cad brda' la bsdus pa'o// de bzhin sgra don man ngag rnams// rab tu bsdu ba 'dir gsungs so// mtshan ma las grol ye shes las// bskyed dang rdzogs pa med par gsungs// yang dag le'u'i rtsa ba rnams// gang zhig gnas par 'dod pa rnams// le'u 'di las btsal bar bya'o// zhes rig pa rang grol chen po'i rgyud las// le'u'i rtsa ba'i don gsal bar bshad pa'i le'u ste bdun pa'o// // de nas brgyad pa le lag gi don bsdus te bstan pa/ 'jam dpal gzhon nur gyur pa skyes bu dam pa des 'di skad ces gsol to// kye kye bcom ldan rdo rje 'chang // le'u'i rtsa bshad de ltar na// bdag cag rjes su zhugs rnams la// le'u'i don rnams bshad du gsol// zhes zhus so// de nas bdag nyid chen po des bka' stsal pa/ kye kye 'jam dpal gzhon nur gyur pa nyon// nga yis legs par bshad kyis brtan par
- 352a
zung // don dang mthun tshig bsam yas kyang // le'u nyid kyi don nyid las/ rab tu bshad cing shin tu gsal// mtshan mas bcings pa'i sems can kun// grol ba'i thabs chen ngas bstan gyis// rab tu gus pa'i sems kyis nyon// le'u'i don sbyar 'di lha ste/ zhe bzhi don gyi ye shes bstan/ de nyid la yang don lnga ste/ khyad par ye shes lam don dang / thun mong kun khyab rang don dang // brdal ba chos nyid sems don dang // rang 'byung sgra yi sems don dang // rol pa sna tshogs sems don no// zhe lnga sgra yi grangs yig bstan// de nyid la yang don gsum ste// pho yig thabs kyi yi ge dang // mo yig shes rab yi ge dang // ma ning thugs rje'i yi ge bshad// zhe drug mkha' 'gro'i rang sgra bstan// de nyid la yang don gsum bstan// so so'i mtshan mas smra ba dang / gcig pa'i don du smra ba dang // ston pa nyid kyis rjes su bstan// zhe bdun ston pa'i byon lugs bstan// de nyid la yang don bzhi bstan// pad+mar brdzus te byon pa dang // yum gyi lhums su byon pa dang // 'od dang sgra dang bcas pa dang // shin tu dman pa'i gzugs su bstan// zhe brgyad thig le rgyas par bstan// de nyid la ni don gsum mo/ gzhi yi thig le bzang po'i rab// lam gyi thig le sna tshogs dang // 'bras bu yongs rdzogs thig ler bstan// zhe dgu sgra
- 352b
yi gtan tshigs bstan// gong du rgyas par bshad pa'o// 'di nyid la yang don gsum mo// mtshan ma sgra yi yi ge dang // mtshon pa sgra yi yi ge dang // sdud pa sgra yi yi ger bstan// lnga bcu gzhi lam 'bras bur bstan// de nyid la yang don drug go/ ngo bo rtogs pa'i gzhi dang ni// rang bzhin thabs kyi gzhi ru bstan// mngon snang yul gyi lam dang ni// goms pa'i tshad kyi lam du bstan// yang dag gcig tshong 'bras bu dang // rtogs pa rgyur mi ldog par bstan// nga gcig sngags kyi gtan tshigs bstan// de nyid la yang don lnga ste// 'bras bu lam gyi gtan tshigs dang // mngon snang yul gyi gtan tshigs dang // rang bzhin rig pa'i gtan tshigs dang // sngags kyi gtan tshigs bstan pa'o// nga gnyis yongs su rnal 'byor bstan// de nyid la yang don gnyis te// 'bras bu tshad phyin bzhi las ma byung / rnal 'byor dang // lam la gnas pa nyid du bstan// nga gsum phrin las gsang ba bstan// de nyid la yang don bzhi'o// zhi ba yongs su rdzogs pa dang // rgyas pa yang dag don bstan dang // dbang gis 'gro ba drangs pa dang // drag pos gdug pa tshar gcod do// nga bzhi ri bo spyi bcings bstan// de nyid la yang don gsum ste// mtshan ma yul gyi spyi bcings dang // sgron ma nyid kyi spyi bcings dang // rtogs pa don gyi spyi bcings so// nga lnga rgya mtsho klong rdol
- 353a
bstan// de nyid la yang don gsum ste// yul gyi ye shes klong rdol dang // sku yi yon tan klong rdol dang // sgron ma dbyings kyi klong rdol ba'o// nga drug nyi zla drad kyang / grangs mnyam bstan// de nyid rnam don gnyis kyis bstan// thabs kyis 'gro ba sgrol bya dang // shes rab yul rnams bcad par bstan// nga bdun nam mkha' khad mnyam bstan// de nyid la yang don bzhis bstan// gnyis med mtha' las 'das pa dang // mthar phyin yul la mi gnas dang // 'grol ba'i dbyings nyid mnyam pa dang // yang dag don la mnyam par bstan// nga brgyad dpe yi ngo sprod bstan// de nyid la yang don gsum ste// mtshan ma yul gyi dpe dang ni// dag pa phyogs mtshon dper bstan dang // snang ba brda yi dpe ru bstan pa'o// nga dgu sprul pa mdzad lugs des rang gi sprul pa bstan pa'o// bstan// de la rnam don gnyis kyis bstan// chos nyid nga las sprul pa dang // gang 'dul chas su zhugs pa bstan/ drug cu rtogs pa'i tshad rnams bstan// de nyid la yang don gsum mo// snang ba nyid kyi rtogs tshad dang // 'bras bu'i lam gyi rtogs tshad dang // mngon snang yul gyi rtogs tshad do// re gcig ma rig sems nyid bstan// de la yang ni don bzhis bstan// 'dzin pa ma rig rtsa bar bstan// sdud pas sems nyid skyabs su bstan// 'khrul byed yid
- 353b
rnams bstan pa dang // rnam snang lnga yang / lnga grogs su bstan pa'o// re gnyis rig pa'i ye shes bstan// de nyid la yang don bzhis gsum las byung / bstan// rang byung rtogs pa'i rig pa dang // shes rab mtshon pa'i rig pa dang // mngon snang yul kyi ye shes so// re gsum rang bzhin gsal bar bstan// de nyid la ni don gsum ste// dngos po'i rang bzhin gsal ba dang // skye med rang bzhin gsal ba dang // kun khyab rang bzhin gsal bar bstan// re bzhi dbang po'i bye brag bstan// de nyid la yang don lnga ste// rab tu dbye ste bstan pa dang // tshig tsam dag tu bstan pa dang // dbang po shin tu rno bar bstan// rtul ba dag tu bstan pa dang // rab tu rgyas par bstan pa'o// de bzhin tshig don gsang ba rnams// rab tu bshad cing mtshams sbyar dang // ming dang mtshan ma'i dngos po rnams// rab tu bshad cing sbyar bar bya// mtshan ma nyid la ltos gyur na// ye shes snang ba 'char mi 'gyur// ye shes snang ba chen po nyid// rab tu bshad cing brjod par bya// de yang rab bstan 'di lta ste// ming dang dngos po 'dzin pa yis// lam la ltos na ye shes med// snang ba med pa'i chos nyid ni// rab tu bshad nas mtshan brjod bya// le'u gsang ba 'di nyid las// gab dang sbas pa'i tshig nyid bstan// yang dag lam kyi tshig nyid
- 354a
bstan// mtshan ma rdo rje'i rgyas gdab phyir// rab tu bshad pa'i rgyud chen 'di// bshad nas rdo rje don du gsungs// de nyid yul dang sprad pa'i phyir// dpe dang don la sogs pa yis// gleng bslang don nyid bstan par bshad// de phyir mtshan don rgyas par bstan// yang dag don gyi dkyil 'khor nyid// rgyas par bstan cing bkral ba'i phyir// le'u 'di nyid gsungs pa'o// zhes rig pa rang grol chen po'i rgyud las// le'u'i don bsdus bstan pa'i le'u ste brgyad pa'o// // de dgu pa le'u'i don sbyor bstan gnas 'jam dpal gzhon nur gyur pa skyes bu dam pa des/ 'di skad ces gsol to// kye kye ston pa ye shes sku// le'u'i don bsdus de ltar na// bdag cag mos pa'i 'khor rnams la// le'u'i don sbyar bstan du gsol// zhes zhus so// de nas yang bka' stsal pa// kye ma gzhon nur gyur pa khyod nyon cig/ ngas bstan legs par yid la zung // dgongs pa rang gnas ye shes don// le'u nyid las btsal bar bya// nga yis rnam bshad legs par bstan// khyod kyis ma yengs gus par nyon// le'u'i mtshan rnams 'di lta/ ste// re lnga rjes su lung bstan pa// de nyid la yang don gsum ste// dkyil 'khor lha yi lung bstan dang // snang ba yul gyi lung bstan dang // rig pa stong pa'i lung bstan pa'o// re drug sbubs kyi 'pho tshul
- 354b
bstan// de nyid rnam don lnga yis bstan// snang ba yul gyi 'pho lugs dang // rtogs pa lam gyi 'pho lugs dang // ye shes mig gi 'pho lugs dang // bag chags snang ba'i 'pho lugs dang // sems dang ye shes 'pho lugs so// re bdun rdzogs chen gtan tshigs bstan// de nyid la yang don drug ste// gnyis med rig pa'i gtan tshigs dang // snang ba sems kyi gtan tshigs dang // rang snang lam gyis gtan tshigs dang // phyir rgol sun 'byin gtan tshigs dang // stong pa ye shes gtan tshigs dang // rnal 'byor spyod pa'i gtan tshigs so// re brgyad rgyud kyi sdom byang bstan// de nyid rnam don bdun gyis bstan// rig pa ye shes sdom byang dang // rnal 'byor stong pa'i sdom byang dang // rgyud kyi lo rgyus sdom byang dang // kun gzhi sems kyi sdom byang dang // gtan tshigs lung gi sdom byang dang // bde chen thugs rje'i sdom byang dang // stong pa tshig gi sdom byang ngo // re dgu phyir rgol tshig gis sun 'byin bstan// de nyid rnam don bcu yis bstan// log lta tshar gcod sun 'byin dang // rang gi grub mtha' bskyang phyir dang // rang gi che ba khyad 'phags dang // snang ba'i sems rdzogs sun 'byin dang // snang ba'i drag pa grags pas byung / sun 'byin dang // ye shes lam nyid skyabs pa dang // rig pa'i lam la sun 'byin dang // snang
- 355a
pa rtog pa sun 'byin dang // stong pa stong pa'i sun 'byin dang // lam gyis ye shes sun 'byin pa'o// bdun cu shes rab ye shes dbye ba bstan// de don rnam don nyi shu cer gcig byung / ste// drag grags pa'i yang phung po'i shes rab khyad par dang // lam ston stong pa'i shes rab dang // 'jug pa lam gyi shes rab dang // de yi mtshan ma'i shes rab dang // rtogs byed thabs kyi shes rab dang // sbyor ba yum gyi shes rab dang // gsang ba yul gyi shes rab dang // khyad par rtags kyi shes rab dang // goms pa tshad kyi shes rab dang // snang ba sku yi shes rab dang // rig pa lam gyi shes rab dang // shin tu ma yengs shes rab dang // 'khor ba 'khrul pa'i shes rab dang // tshig med stong pa'i shes rab dang // rgyal ba rtags kyi shes rab dang // mngon snang yul gyi shes rab dang // bsgom pa 'dzin pa'i shes rab dang // mtha' dbus med pa'i shes rab dang // lam bstan 'bras bu'i shes rab dang // gtan tshigs stong pa'i shes rab dang // gtan tshigs gcig gi shes rab bo// don gcig rgyal ba'i rang rtags bstan// de nyid rnam don bcu dgu bstan// rgyal ba mya ngan 'das rtags dang // ye shes rtogs pa'i drod rtags dang // snang ba mthong ba'i rang rtags dang // yul la snang ba'i mngon rtags dang // lam sna zin pa'i mtshan rtags
- 355b
dang // bden pa mthong ba'i dpe rtags dang // yang dag rnyed pa'i yul rtags dang // ting 'dzin goms pa'i stobs rtags dang // 'jug pa yul gyi dus rtags dang // rnal 'byor lam gyi bsgom rtags dang // mtshan ma med pa'i sangs rtags dang // rtags la dpe yi rang rtags dang // mthar phyin grol ba'i dus rtags dang // yul dang dbang po'i bying rtags dang // 'das pa'i dus kyi mngon rtags dang // rjes 'jug drang phyir mngon rtags dang // don dam yul gyi 'bral rtags dang // sems nyid don gyi rang rtags dang // snang ba rgyas 'debs rtags su bstan// don gnyis thabs kyi 'jug sgo bstan// de nyid rnam don bcu yis bstan// gsang sngags lam gyi thabs bstan dang // stong pa snying po'i thabs bstan dang // rtogs pa tshad kyi thabs bstan dang // gsang sngags 'bras bu'i thabs bstan dang // shes rab yul gyi thabs bstan dang // yan lag bzhi yi thabs bstan dang // dkyil 'khor dbang gi thabs bstan dang // mnyam nyid lam gyi thabs bstan dang // rtogs med yul gyi thabs bstan dang // dag pa don gyi thabs bstan pa'o// don gsum phra rags bsal ba bstan// de nyid la yang don gsum ste// mtshan ma dag pa'i dri ma dang // 'dzin pa yul gyi dri ma dang / shes bya nang gi dri ma'o// don bzhi sku gsum dbye ba
- 356a
bstan// de nyid la yang don gnyis te// mtshan ma ming gi sku gsum dang // yang dag don gyi sku gsum mo// don lnga dbang gi sdom byang bstan// de la rnam don gsum gyis bstan// gdams ngag don gyi bstan pa dang // yang dag thob phyir bstan pa dang // rdzas lnga dag gis bstan pa'o// don drug rang grol dgongs pa bstan// de la rnam don bcu yis bstan// snang ba yul la grol ba dang // rang snang mkha' la grol ba dang // ting 'dzin sems la grol ba dang // 'byung ba rkyen gyis grol ba dang // rang don lam gyis grol ba dang // snang ba drug gis grol ba dang // lta ba nyid las grol ba dang // rgyu rkyen chos las grol ba dang // rtog 'dzin mtha' las grol ba dang // mtha' bzhi dang las grol bar bstan// don bdun sa lam bsgrub med bstan// de nyid la ni don bzhis bstan// sbyang ba'i yul du med pa dang // du mar bgrang du med pa dang // gnas dang 'gro 'ong med pa dang // sa lam rim pa med pa'o// don brgyad rdzogs chen rang skad bstan// de la yang ni don gsum ste// lta ba don gyis smras pa dang // spyod pa don gyis smras pa dang // sgom pa don gyis smras pa'o// don dgu mi g.yo mnyam gzhag bstan// de nyid la yang don gsum ste// rang snang nyid las mi g.yo dang // rnam gsum don las mi g.yo dang // sgron ma nyid las
- 356b
mi g.yo'o// brgyad cu 'jam dpal smra bzhi bstan// de nyid la yang don gsum ste// thabs kyi sgo nas smra ba dang // shes rab nyid kyis smra ba dang // pha rol sgrol phyir smra ba'o// gya gcig gshegs pa rang byung bstan// de nyid la yang don gnyis te// rang rang tshig gis smra ba dang // mthu stobs sgo nas smra ba'o// gya gnyis snying po'i phul ba bstan// de nyid la yang don gsum ste// rang gis zhus te phul ba dang // ston pas bskul te phul ba dang // gsang sngags bris te phul ba dang // gya gsum mtshan ma zil gnon bstan// de nyid rnam don bcu gcig go/ mtshan ma'i yul la gnon pa dang // gzhan don sems kyis gnon pa dang // yul dang shes pa gnon pa dang // sgron ma nyid kyis gnon pa dang // rnal 'byor lus kyis gnon pa dang // sbyong pa rgyun gyis gnon pa dang // rang don rig pas gnon pa dang // ye shes ngo bos gnon pa dang // lam nyid 'bras bus gnon pa dang // gsang sngags don gyis gnon pa dang // rig pa stobs kyis gnon pa'o// gya bzhi dgongs pa lung bstan no// de la rnam don gnyis kyis bstan/ tshig la brten te lung bstan dang // rgyu mtshan brtags te lung bstan pa'o// gya lnga rgyal ba'i rten bzhug bstan// de nyid rnam don drug gis bstan// sku yi tshad du bstan pa dang // gsung gi tshad du bstan pa dang // thugs kyi tshad
- 357a
du bstan pa dang // thams cad 'dus par bstan pa dang // mos pa bskyed phyir bstan pa dang // yang dag nyid du bstan pa'o// gya drug yongs su gtad pa bstan// de nyid la yang don bzhis bstan// ston pas gtad pa nyid dang ni// de nas zhu ba po yis gtad pa dang // sdud pa po yis gtad pa dang // de nas yongs la gtad pa'o// de bzhin le'u'i mtshan sbyor rnams// rab tu med cing spang yangs pa'o// pa'o// le'u gnyis kyis mtshan bstan pa// legs par bkrol zhing bshad par zad// rab tu rgyas par bstan pa'o// zhes rig pa rang grol chen po'i rgyud las// le lag don bsdus kyi le'u ste dgu pa'o// // de nas yang 'jam dpal gzhon nur gyur pas 'di skad ces gsol to// kye kye bcom ldan 'das thugs rje chen po dang ldan pa// le'u'i don dang mtshan bshad de ltar lags na// yongs su bzung ba'i thabs gsung du gsol// zhes zhus so// de nas yang bka' stsal pa// kye rigs kyi bu rnams nyon cig/ ngas thabs dam pa bstan gyis legs par nyon cig/ yang dag pa'i ye shes la 'phel 'grib med do// ye shes kyi lus la yang zhing g.yo ba med do// ye shes kyi snang ba la gsal ba dang mi gsal ba med do// gsang sngags kyi lam la nye ba dang ring ba med do// rang gi snang ba la che chung med do// sems
- 357b
can gyi dbang po la rno brtul med do// de ci'i phyir zhe na// snang ba la bstan du yod pa'i phyir thabs la che chung med do// de ci'i phyir zhe na// gdams ngag bstan pas thams cad grol ba'i phyir ro// sems can gyi dbang po la rno brtul med do// de ci'i phyir zhe na// ngo sprad pas chog pa'i phyir ro// de'i phyir na// sangs rgyas kyi lam la mkhas par gyis shig/ sangs rgyas kyi bden pa nyi shu rtsa gcig ngo shes par gyis shig/ 'bras bu smin pa'i tshad shes par gyis shig/ kye ma rigs kyi bu sangs rgyas kyi dgongs pa la bar mtshams med// rang gi de bzhin nyid la zad cing stong pa med do// blta ba rang byung gi ye shes nyid// gzung 'dzin gnyis kyi mtha' dang bral ba nyid do// dag pa ye shes kyi yul la yangs dog gi mtha' dang bral ba'o// de rgyud dag par bstan pa'o// nas bcom ldan 'das kyis tshigs su bcad de bka' stsal pa/ e ma ho rang byung bde ba nyid// phyogs su bltas pas grub pa med// bde ba'i yul la bdag tu rtog pa med// gsang ba'i ye shes mdzod rnams rab tu bstan// ye shes kyi ni phyogs 'dzin spang // lam rab bsam pa med pa yi// 'das pa'i lam la thug pa med// rgyud kyi rgyal po 'di nyid la// bshad lugs bsam gyis mi khyab kyang / mdor bsdus bshad kyis 'di bstan no// rgyu dang ye shes
- 358a
mtshan bshad bya// gsang sngags lam dang ye shes nyid// bshad par bya ba'i rim par gsungs// tha dad nyid las grol ba nyid// lam nyid gsal bar bya ba'i phyir// gtan tshigs lam la rab tu bshad// yongs su gtad pa'i le'u 'di// bshad pa thams cad mig tu 'gyur// spang bya'i yul las thar bya'i phyir// the tshom som nyi spang phyir 'di bshad do// the tshom dag gis sems can la// 'di bshad pa yis rtog pa sel// gsang ba sngags kyi bcud dag la// 'das pa'i rjes su gnang ba'o// yongs su gtad phyir gsang ba bshad// gtad pa la ni rnam gnyis te// yongs su gtad dang rjes su gtad// rnam pa gnyis su 'dod pa de// de nyid yongs su gtad pa'i le'u las// bshad pa'i rim pa mdor bstan bya// rgyal ba rtags dang 'dod pa rnams// rab tu bshad cing gtad pa'i phyir// de phyir yongs su bshad pa bstan// bshad lugs bsam gyis mi khyab pa'o// 'di ni gsang ba nyid du bstan// gsang sngags dgongs pa'i mthar thug ni// tshad ma 'di las shes par bya// gzhung don gtan tshigs rgyas pa'i phyir// de phyir 'di nyid rgyas par bstan// rgyud 'di nyid ni bshad byas pas// thams cad zil gyis gnon par 'gyur// bya ba byed pa thams cad kun// mtshan ma bzhi las grol bar 'gyur// zhes rig pa rang grol chen po'i
- 358b
rgyud las/ yongs su bzung bar gtad pa'i le'u ste bcu pa'o// // rgyud chen po'i lde mig tu bstan pa// ston pa stobs ldan chen pos/ dur khrod me ri 'bar bar/ 'khor rnams kyi rtog pa bsal ba/ rgyud kyi lde mig du gsungs pa'i rgyud/ rig pa rang grol chen po rgyud ces bya ba/ rdzogs pa chen po'i don bstan pa rdzogs so// // spyi/ rgya rgya rgya/ sngags kyi srung mas srungs shig/ sa ma yA/ rig pa rang grol rgyud la ma bu bzhi// / @#// rgya gar skad du/ rat+na ku Ta ma ha gu Nod+hiSh+Tha tan+ta rA dza nA ma/ bod skad du/ rin chen spungs pa yon tan chen po ston pa rgyud kyi rgyal po zhes bya ba/ bcom ldan 'das dpal kun tu bzang po mnyam pa nyid du shes pa kun gyi rje la phyag 'tshal lo// 'di skad bdag gis bstan pa'i dus gcig na/ snang ba rnam par dag pa sna tshogs le'u lnga ston thun mong ma yin pa'i gleng gzhi tshig dang yi ge pa dang yon tan thams cad kyi 'byung khungs/ gnyis su med pa rin po che'i gzhi gsal ba tshad med cing / gzhal du med/ dpag tu med/ dmigs su med/ bltar med pa'i dkyil 'khor chen po rang shar// mi 'gyur ba'i ye shes lnga'i rol bar rang shar nas// theg pa spyi dang rang gi lta ba gcig ma yin/ tha dad ma yin// gnas phun sum tshogs pa/ mnyam pa ma yin/ mi mnyam pa ma yin/ so so ma yin gcig tu mi gnas
- 359a
pa'i gzhi tshad med pa 'di ni/ chos thams cad kyi byung khungs su ye nas gnas pa'o// de skad du rang gi rang ngams pa'i tshig tu rang shar ro// 'di skad bdag gis zos pa'i dus dus gcig na// bcom ston pa ldan 'das kun tu bzang po rin po che 'bar ba rgyan spungs pa zhes bya ba nyid/ bkod pa rnam par brgyan pa rin po che 'od 'bar ba zhes bya ba'i nam gnas mkha' la/ sangs rgyas thams cad kyi sku rdo rje dang / gsung rdo rje dang / thugs rdo rje dang // gnas pa chos kyi sku dang / snang ba longs spyod rdzogs pa'i sku dang / shar ba sprul pa'i sku dang de dag gi khyad par gyis snang ba rnams dang / 'jig rten pa dang / 'jig rten las 'das pa'i gzugs 'dzin pa bsam gyis mi khyab pa thams cad dang / chos kun ro gcig pa ye shes chen po'i rol pa la thabs cig tu bzhugs so// de nas sangs rgyas thams cad kyi che ba rang byung gi tshig bstan pa/ 'di dag rnams sus kyang bshad pa med par rang byung ngo // e ma ho// ngo mtshar 'di kun se nas chos nyid kyi sgra rang byung ba'o// chen po rmad kyi chos// byas pa med pa'i ngang bzang nas// skye ma myong ba'i chos sku nyid// gzugs kyi sku// thob pa med pa'i skur snang ba/ rang lus kyi// ma bsgrubs chos sba/ chen po sku thob nas// thos ma myong ba'i chos kyi gtam// ma bsgrags grags pa'i tshul gyis ni// ye nas gzhi las grub gleng ba'i
- 359b
don rnams kun// 'di yul/ yi tshul du rang shar te// spros med spros pa'i rgyu stong pa dang 'khor snang ba chen po'i gzhi las/ med pas// chos kun gang du yang ma grub par/ mnyam pa chen po ni// nga yis bshad kyis nga la zhi ba'i sku rig gnyon// 'dus gtso 'khor du/ pa med pa'i ngang nyid nas// 'bral ba med pa'i gnyis med// sems sangs pas// ma phyin snying gnas/ rang sar 'dug pa'i gnas// mi snang ye shes ye shes gsum du bstan med ston pa// mi 'byed shes rab chen po'i 'khor// gcig pas za thams cad mi dad pa la// gleng ngo bo la/ bral brjod pa med pa yi// tshig gi rgyal po 'di dag bstan pa/ kun// mig gi mthong byed med pa dbang po rang gam/ yis// ma bltas lhun grub kyi ma med pa'i yul gzigs nas/ lus ka dag gi/ med bsam bral thugs las ni// ma grub rang byung du/ pa yi mgur nas drangs// sgra med mi snang ltos pa med// ljags la yang // spros med thugs kyis mi 'dzad tshul du bkram// ye med chos sgra bshad lugs bla ma gsungs so/ rang stong zhal nas ni// 'gro dang 'od med dbugs las kyi nang byung // ma bsgribs dngos med stong pa bco brgyad/ tshems la yang / brjo cing tshig tu/ bshad pa'i rten med par// ma gsungs thos pa'i tshul rang bzhin/ du shar// dus gsum dus med khyad par rtogs pa'am/ las// bar dang mtshams med rtag rgyun gzhi/ gyis// thog ma bar dang mtha'
- 360a
med 'khor ba la/ par// dus tshod grangs rnams ye ye med kyi gzhi zad par// mnyam pa b+har+d+ha'i mnyam nyid/ chen po'i sgra las ni// yengs pa med pa'i lhun grub/ snang ba yang // rnam rtogs rang la cha med dus de'i par// rang don/ bzhin rdzogs pa chen po yi// don kun blo yi dkyil du phun sum tshogs pas dus zag chod pa'i dus/ tshud// mi snang yul kun rtog pa rtogs pa shar ba'i stong par/ yang // ma bcad ye nas/ rang sa nyid du chod// 'khrul ma myong bas ma rig rtsad// ma brtags ye nas chod nas dang po nas / 'dug/ gong du 'di kun sus ma tshor// rags pa'i 'byung ba bzhi kun yang // thog ma nyid nas 'od du/ rang dengs par// 'gro ba'i gnas med rang sangs dang mal du/ pas// rang lus ye nas stong pa yis/ med par ni// snga phyi med par 'dir yang rig/ 'di kun dus dngos med la nges par rtogs pa'i rig dbyings dang / nang stong pa bco brgyad/ med ye dus pas// gcig dang gnyis dang drug gsum gyis// snang med snang dang snang phyed snang // mi snang mdzad pa'i sgra rang sangs// sa 'dzin sa la gnas par ni// ye nas 'dug pa sus ma tshor// bgrod du ye nas med pa yi// lam 'di ye nas rang nye bar// 'di ni rang la ye 'dug pas// sngar ma mthong ste rang rig rtul// mi gnas bsam 'das dgongs pa ni// bsgom pa med par ye 'dug pas// 'di yang gang gis sngar
- 360b
ma rig/ chags dang 'dzin pa'i zhen yul ni// dang po nyid nas chos nyid las// 'di kun rang gi rang snang bar// ye nas snang ba sngar ma rig/ bdag rtog bcings pa nyon mongs lnga// ye nas rig pa rang shar bas// lhan cig gnas pa zhal ma 'tsho// sa chu me rlung 'byung ba bzhi// ye nas rang gi lus yin par// sus ma mthong ba'i mig de brtul// yang gsang bsdus pa'i man ngag bcud// bar mtshams med par rang grags pa// gang gis 'di nyid ma thos par// rna ba'i dbang po med dam ci// rang gnas dbyings dang rig pa'i dri// bral ba'i skabs med rang 'khor ba// tshor ma myong ba sna 'gags sam// bcud gsum man ngag gcig dril lo// ye nas lus sems bcud yin pas// 'di nyid ma myong lce chad dam// snang ba rang 'od kha dog rgyan// rang gi lus dang 'bral med par// lus dang grib ma bzhin du ni// nyin dang mtshan mo 'dug pa// sus kyang ma reg lus bem mam// sdug bsngal phyag 'ded bde ba'i chos// brjod pa med par rang gnas pa// sus ma shes pa blo re brtul// 'khor ba'i bag chags yang brtsigs pa// ye nas chos kyi skur 'dug pas// gang gis ma mthong snying rje'i gnas// dbang po bdag rtog yul shar nas// dran bsam 'gyu ba sna tshogs rnams// ye nas longs sku rang shar bas// 'di kun ma dran brjod re ngas//
- 361a
bya byed tha dad rtsol bsgrub dang // skye bo 'dus pa'i ca co kun// ye nas sprul pa'i sku yin pas// sus ma shes pa ngo re brtul// ci ltar bsam dang dran 'grus pa// chu yi rgyun bzhin par med par// rtag tu rang gi yid 'phrog par// rtsol med rang bzhag bsgom par ni// nyams su ma tshud sems re yengs// snod bcud yod thos snang ba 'di// brtags pas rang bzhin med pa yang // grong khyer rgyun gcod lta ba ni// ye nas 'dug pa ma mthong bar// dbang po rnams kyi sgo 'gags sam// 'di kun ma phyed 'byed med par// mi snang med pa'i yul nyid du// ma lus yod pa'i 'khor rnams la// ma bshad gsungs pa med pa yi// tshig gi rgyal po rnams su ni// mi snang gcig pa'i 'khor rnams kyi// su la zhus pa med par ni// rna ba'i dbang pos ma nyan par// ma gleng bsgrags pa'i tshul du snang // ma gtad rang sor bzhag pa yi// sems kyis 'di yi tshig kun kyang // sus kyang bslab pa med par ni// so so'i blo la go bar snang // 'di nyid rang gi blor go bas/ mi snang rtog pa med pa yis// snang ba thams cad rang dag nas// thams cad zang ma thal byung du// stong gsal chen po'i rigs su 'gyur// sa chu me rlung 'byung ba bzhi// so so'i nus pa mi snang bar// na bun bzhin du mkha' la dengs// 'khrul pa'i zhen pa sna tshogs
- 361b
ni// ci ltar bsam yang skye med par// gzung 'dzin cha rnams rang 'gags nas// gang mi snang ste rang zad nas// gsal byed rang gi nyams myongs pas/ lus can kun kyang de bzhin song // lus med rnams ni smos ci dgos// sus kyang gleng ba med pa yi// ngo mtshar tshig ni 'di kun gyis// ston pa 'khor dang sdud pa kun// rang bzhin gyis ni dal ba thob// de skad sus kyang ma gsungs pa'i rang shar ba'i tshig tu rang byung bas/ ston pa kun tu bzang po dang sangs rgyas thams cad kyi sku gsung thugs kyi 'khor lo la sogs te// 'jig rten pa dang 'jig rten las 'das pa'i 'khor dang bcas pa rang byung gi ye shes dang ldan par gyur nas/ rang rtog gi zhen pa rnams las grol lo// zhes rin chen spungs pa chen po'i rgyud kyi rgyal po las/ rang byung gi ye shes rang gis rang rnyed pa zhes bya ba ste// gleng gzhi rang grags kyi le'u ste dang po'o// / ma harba thaHdra zad+ha rta// / de nas ston pa kun tu bzang po rin po che spungs pa'i rgyan zhes bya ba des/ 'khor de dag la bos nas 'di skad du tshig gi don rnams rnam par bskul lo// kye ma phyogs bcu'i 'jig rten steng dang 'og gi yang // khams gsum nas ni sus kyang ma gsungs pa'i// gsang ba ngo mtshar chen po rmad kyi chos// 'di ltar bdag sogs rnams kyi blo gting yid ches bya// 'di don sangs rgyas
- 362a
stong gis byin brlabs pas// 'khor ba'i bag chags rnams ni gtan nas sbyangs// gsang chen nges pa'i tshig 'di sras thob pa// bla med mchog rnams 'di yis dang du longs// de phyir nges pa'i snying po 'dir 'jug bya// zhes gsungs pas/ 'khor de dag gi nang nas/ sangs rgyas thams cad kyi gsung rdo rje zhes bya bas 'di skad ces sus kyang ma gsungs pa'i tshig de dag gang nas byung snyam pa'i the tshom skyes te dris pa/ gsol to// kye kye rin chen spungs pa yi// ston pa kun tu bzang po nyid// sngar yang ston pas ma gsungs pa'i// tshig gi rgyal po de dag kun// ston pa gang gis gsungs pa lags// de yi 'khor ni su zhig yin// gnas ni gang na tshig de gsung // 'di kun bdag gis ma rig na// ston pa nyid kyi thugs rje yis// thugs kyi dkyil nas bcud phyung la// bdag la 'di kun gsungs par zhu// de nas ston pa'i gsung gis yang // rdo rje 'chang chen khyod nyon cig/ ngas bstan pa la nor ba med// ma 'khrul nor med sems kyis kyang // khyod kyis 'di kun blo la zhog/ gsang mchog nges pa'i tshig 'di kun// ston pa sus kyang gsungs pa med// rang byung chen po'i nam mkha' lenas la// rang rtsal rig pa khyer g.yo ba las ma 'gags pas// spros med le nas chos nyid rang sgra ni// ma bstan thog ma nas rang byung chen po yang // thog ma
- 362b
'di kun chos nyid kyi rang sgra yin te/ sems can thams cad dag pa'i nang nas 'char/ rgyun du tshig 'di kun grags pa yin// de las ci snyam skye ba'i dus su/ 'di kun yi ge'i khongs nas 'byung ba yin no// nyid las rang grags par// rgyun ma chad pa'i chos kun gyis// ngang gi sgrar ni ye nas grags// de phyir rang byung chen po zhes// tshig gis mtshon pa rgyud kun/ kun tu 'byung // de phyir rang byung ye shes zhes bya ba// rang gi rang byung rang shar ba// chos nyid stong ye nas pa'i rang sgrar ni// ye nas chos kyi rtag tu/ 'khor lo bskor// rang byung chen po'i tshig tu'o// de la 'khor du snang ba med// snang byed 'dzin pa'i cha dag las// phyi yi yul rnams 'khor ltar snang // las dang sems gnyis 'a dus pa yi// 'byung ba 'dus pa'i gzugs med pas// 'khor du snang ba tsam du med// rig dang ye shes khyad par las// dag pa rang ngo mtshon pa yis// snang ba rags pa'i phung po ni// snang byed 'dzin pa'i 'khor gyi tshul// 'di ni rnal 'byor gsang ba'i mchog/ 'di yi gnas ni 'di zhes bya// ming du grags pa'i mtshan bcas yul// rnam pa gang du mi snang bas// med pa'i stong pa chos 'byung las// gsang ba chen po'i ngang dbyings su// ye nyid nas ni gnas pas na// ma bzung gnas kyi tshul can du// rol pa chen por thog mar byung // 'di la sus kyang gnas pa med// gang gis gnas su byas pa med// 'di la phun sum
- 363a
tshogs pa med// 'dug cing 'ong ba nyid dang bral// de bzhin ye stong chen por gnas// med pa las ni dbyings kyi tshul// 'di la phyi dang nang yang med// steng dang 'og tu blta ba med// phyogs dang mtshams su sus kyang yang // 'di la bzung ba cung zad med// len med don 'di sus rig pa// kun bzang nga bas sngar sangs rgyas// ye thog dang po'i sangs rgyas kyi// mi gnas ye shes chen po'i gnas// sngon thog nyid kyi gzhi ru yang // ma bzhag ye nas gnas pa'i tshul// 'di la gnas su 'dzin pa'i mi// sangs rgyas kun gyi gsang ba'i gnas// 'di yis snying po byang chub par// 'dzin pa nyid du 'gyur ba yin// zhes gsungs pas/ ngo mtshar chen po'i sprul pa rnams rang sprul te thams cad du snang bar byas so// de nas gsung gi rdo rjes/ bcom ldan rin chen spungs pa'i rgyan kun tu bzang po la 'di skad ces zhus so// kye ston pa chen po lags/ ngo mtshar ba zhes bya ba'i tshig de ci lta bu lags/ 'di bdag la bstan du gsol// zhes zhus so// de nas ston pa kun tu bzang po rin chen spungs pa'i rgyan gyis chos thams cad yon tan gyi 'char tshul cir yang ma 'gags par gzigs pas/ rang la rang ngo mtshar te/ rang gis gad mo chen po'i rnam pa nyid kyis nyid la rang dgod pa'i 'od dag ljags kyis dbang po las rang shar
- 363b
ro// kye sangs rgyas ngo mtshar gyi gad mo bcu gnyis/ thams cad kyi gsung gi rdo rje snying po// lta ba rang byung gi ye shes la ltos dang / dge sdig dang lha sgom las 'das pa ngo mtshar/ gzhi ma bskyod pas lus ngag gi bya ba ci byas kyang phan gnod dang bral ba ha ha/ kye gsung gi rdo rje dngos po gshis kyi gnas tshul la ltos dang / snang ba 'di spu ma brjes mdog ma bskur ba ngo mtshar/ bde sdug ci ltar bsams kyang don la 'gyur ba med pa ha ha/ kye gsung gi rdo rje stong pa chen po kun 'byung gi ye shes nyid la phar ltos dang / dran bsam gyi spyod pa sna tshogs ci byas kyang rol par rang shar te ngo mtshar/ ci ltar byas kyang skye med kyi klong du 'gag med grol ba ha ha/ kye gsung gi rdo rje nyid kyang nyon dang / chos nyid stong pa kun khyab kyi ye shes la ltos dang / skye ba med pa dang ye nas lhan cig tu gnas pa ngo mtshar/ skye bus mtshon rnon po thogs nas 'gro ba rnams dus gcig la bsgral kyang / gang zag de'i rgyud la phan gnod dang bral ba ha ha/ kye gsung gi rdo rje rang gi shes pa stong pa kun snang gi ye shes la phar ltos dang / gang ltar snang ba thams cad rang gi grogs su shar ba ngo mtshar/ ci ltar snang yang rang bzhin las ma g.yos pa ha ha/ kye gsung gi rdo rje rig pa stong pa kun grol gyi snang ba la ltos dang // rang gi gnyen por rang che ba ngo mtshar/ nyon mongs pa rnams
- 364a
rang gis rang grol ba ha ha/ kye gsung gi rdo rje rig pa stong pa kun dag gi ngo bo la ltos dang / 'bad rtsol med par 'bras bu rang la rnyed pa ngo mtshar/ gcig zin pas 'khor 'das thams cad gnyis med du dag pa ha ha/ kye gsung gi rdo rje ngo bo stong pa chen po kun bzhag gi tshad la ltos dang / 'gro drug sku gsum du snang ba ngo mtshar/ 'gro ba rnams kyis bsgom pa rdul tsam gyi cha yang ma byas par dus gcig la sangs rgyas pa ha ha/ kye gsung gi rdo rje sku gsum stong pa chen po ye rdzogs kyi 'bras bu la ltos dang / dus gsum 'du 'bral med pa'i chos nyid ngo mtshar/ pha rol tu phyin pa drug ma spyad par tshogs rnams dus gcig la rdzogs pa ha ha/ kye gsung gi rdo rje rig pa cer bzhag stong pa chen po kun mnyam gyi ye shes la ltos dang / bya byed thams cad rgyan du shar ba ngo mtshar/ spang len thams cad lta lta bas grol bayang byung bar grol ba ha ha// kye gsung gi rdo rje stong pa'i stong pa ye stong chen po la ltos dang // sangs rgyas thams cad g.yang sar 'dug pa ngo mtshar// bya byed bsgoms pas ltung bar 'gyur ba ha ha/ kye gsung gi rdo rje mi stong pa'i stong pa dngos can la ltos dang // med pa la bdag tu 'dzin pa'i thog pa ngo mtshar/ skyes pas skye med thob pa ha ha/ zhes gsungs pas/ gsung gi rdo rje la sogs pa'i 'khor de dag rnams ngo
- 364b
mtshar chen po'i tshig gis rab tu tshims nas/ snang ba thams cad ngo mtshar chen por shar nas// rang snang rang grol rang thob nas/ sku rdo rje dang gnyis su med par gyur to// ston pa nyid kyis ma gsungs pa'i gad mo chen po rang la brgad pas/ rang la rang ngo mtshar skyes so// zhes rin po che spangs pa'i rgyan zhes bya ba rgyud kyi rgyal po las ngo mtshar mchog gi le'u ste gnyis pa'o// // de nas sangs rgyas thams cad kyi gsung gi rdo rjes 'di skad ces gsol to// kye ma ston pa kun tu bzang / gzhi zhes 'char tshul ji lta bu// yon tan 'char tshul ji lta bu// yon tan 'char sgo gang tsam lags// stong pa nyid la ji lta bu'i// yon tan rdzogs tshul bdag la gsungs// de nas nyid kyis bka' stsal pa// skye ba med pa'i cho 'phrul las// sangs rgyas rnams kyi mdzad pa ru// ye nas 'byed pa med par ni// ma 'gags 'gag pa med par yang // snang ba nyid ni ye dag par// rang gi ngo la gnas pa ste// mi mjed thugs rje chen po las// lhun grub dag gdags pa kyang / la ma nges par// 'char byed brgyad kyi tshul du byung // de ni snang tshul ma 'gags pas// thugs rje lta bu'i 'char tshul las// sems can kun gyi skyob pa'i gnas// snang ba rang gsal 'gag med pas// 'od lnga'i gsal byed tshul du snang // mkhyen pa'i snang cha ma 'gags
- 365a
pas// ye shes dag pa'i sgo nyid du// snang ba 'gag med lam ltar shar// rang snang lus kun mtha' rdzogs phyir// chos rnams kun gyi sku ltar snang // shes pa'i ngo bo gcig yin pas// gnyis su med pa ltar yang shar// de nyid rang sar gnas pa med// mtha' grol chen po'i snang ba ni// nges med lhun grub gzhi la snang / rig pa zang thal gcig rdzogs phyir// dag pa ye shes nyid kyi sgor// ngo bo nyid dang 'brel ba'o// 'byung tshul 'gag pa med pa'i phyir// sems can rnams kyi 'byung khungs su// ma dag 'khor ba'i sgo ltar yang // khyab byed snang ba'i cha la shar// 'di kun 'char byed brgyad du snang // 'byung ba'i tshul du rang shar bas// lhun gyis grub pa'i snang ba zhes// rin po che yi tshul du snang // de ltar stong gsal chen po las// ci med cir yang snang ba'i tshul// byung tshul yon tan ma 'gags te// lhun grub 'char byed ma 'gags pas// sna tshogs snang ba'i rang bzhin du// yon tan chen po rnams su snang // 'char byed sgo rnams brgyad la yang // yon tan brgyad kyi tshul du shar// rigs drug 'bros khung rang bcad nas// 'khor ba'i dpyang thag chad pa rnams// snying rje zhags pas bzung ba'i phyir// skye shi'i gzugs kyi sems can la// thugs rje chen po nyid du snang // 'khor 'das rang 'brel yon tan du// gnyis cha 'dres
- 365b
pa'i tshul du snang // 'di med 'khor 'das lte chad pa'i// rtog pa med pa'i skyon 'gyur bas// yon tan byung tshul 'di tsam mo// sangs rgyas kun gyi rang yul la// lus dang grib ma ci bzhin du// snang ba'i 'od lngas khyab pa'i phyir// nang gi snang cha rang gsal bas// 'od lnga'i tshul gyi 'char sgo las// yon tan gsal byed phyir ma shor// 'di med sems can rang 'od la// rgya rgya bcad gud du bcad pa dang yang byung / chad kun tu chad par 'gyur// zung 'jug 'char byed 'brel ba'i phyir// rang snang yon tan chen po 'byung // lus kun gcig tu 'dril ba'i phyir// sku gsum gcig tu gnas pas na// ngo bo sku yi rang bzhin du// rang snang nang du mi 'byed pas// ngo bo gsal byed sku lngar shar// 'di med ngo bo mi rnyed par// lus kun rdzogs pa'i sku ltar snang // de kun tha dad ma yin par// gnyis med mnyam par gnas pas na// 'byed med gnyis su med pa yi// snang bas phyi dang nang kun du// khyab byed chen po'i tshul du shar// 'di med rang ngo tha dad pas// 'khor 'das 'dres pa'i mtshams mi sbyor// rang sa nyid las mi grol bas// bsgyur sbyar ldog kyang byung / bzlog med pa'i skyon 'gyur bas// snang byed yon tan tshul du shar// shes bya kun la rab khyab pas// bzhi sbyor chen po'i snang ba ni// 'khor 'das 'brel ba'i lam du snang // 'di med gzhi lam mi
- 366a
'byor pas// ye shes bzhi yi lam nyid du// sems can rnams kyi gsang lam du// snang ba bzhi yi tshul du yang // cig car ba dang rim gyis su// dbang po'i sgo rnams yid bzhin snang // mtha' bzhi'i dri ma las 'das pa'i// 'char byed yon tan ma 'gags pas// mtha' grol chen po'i snang tshul du// lhun grub rang rdzogs chen po las// nges pa'i ka dag la sbyor phyir// mtha' dang bral ba'i ye shes su// 'di nyid rang byung rang shar bas// mtha' las grol ba'i snang bar ni// ngo bo nyid dang 'brel bar snang // 'di med nges pa mi thob pas// rgyu 'bras ldog pa'i skyon 'gyur bas// mtha' grol nyid du yang dag snang // yon tan 'char tshul ma 'gags pas// 'khor bskyed pa'i byung khungs ni// ma dag pa yi 'char sgo ltar// byung tshul 'gag pa med par shar// 'di med 'khrul pa'i ming med pas// de phyir ma dag 'khor ba'i sgo// srid pa rnams kyi rgyu srang du// snang ba 'gag med tshul du shar// ma dag 'khor ba'i sgo zhes bstan// zod rgal ye shes yod pas na// dag pa nyid kyis dag pa mtshon// 'char byed snang ba so so las// dag pa'i ye shes chen po'i sgo// zang thal rnam pa gsum du 'char// 'di med rang rtsal mi rdzogs pas// dag pa'i ye shes chen po'i sgor// ngo bo ka dag rtogs phyir shar// kye ma gsung gi rdo rje nyon// de
- 366b
kun skyon yon 'char tshul te// rig pa nyid kyi yon tan nam// rol pa'i rtsal du thim lugs brgyad// lhun grub nges pa med pa'i gzhi// yon tan tshul du 'di lta bu// thugs rje nyid du thugs rje las// rang gis ngo bor rang thim pas// ma bzhag thob pa'i tshul gyis ni// mdzad pa 'dzad kyang / med pa'i klong du 'das// mi mdzad 'dzad kyang / cir yang ma yin par// byed spyod thams cad mya ngan 'das// ma byas byed par snang med pas// 'dus byas rnams ni dag pa'i klong // de nyid rang la rang thim pas// gzhan du song ba ma yin no// dper na nyi ma'i snying po la// rang gi zer rnams rang thim ltar// rang gi gdangs dang bcas pa yis// gzigs snang thams cad mya ngan 'das// 'di kun yon tan rin po che// skyon la mi gnas rang sa'o// rang 'od rang la thim pa ni// 'di yang yon tan chen por bshad// rang gi ngo bo rnam dag par// mtshan mar 'dzin pa'i zhen yul 'gags// 'byung ba bzhi yi rags pa yang // 'dir mi snang ste zhen pa log/ rang dag stong pa chen po las// kha dog bdag 'dzin mya ngan 'das// 'di yang gzhan du song ba med// rang gi ngo bor rang thim pas// snang ba thams cad mya ngan 'das// 'od kyi dkyil 'khor rang thim pas// dper na nam mkha'i 'ja' tshon nyid// nam mkha' nyid las rang
- 367a
yal ltar// mi 'byed chen po'i klong yangs su// 'dzin chags thams cad mya ngan 'das// 'di yang yon tan rin po che'i// yon tan 'char tshul 'di lta bu// ye shes nyid la ye shes nyid// rang gi ngo bor rang thim pas// shes pa 'dzin rtog dran bsam ni// rang gnas mnyam pa nyid klong du// thams cad gnyis med mya ngan 'das// so so'i ye shes snang cha yang // byas pa med pa'i klong dkyil du// nub pa med par mya ngan 'das// de nyid rang la rang thim pas// ye shes rol pa sna tshogs kun// rang ngo rang la thim pa ni// dper na ma pang bu 'jug bzhin// rang gi ye shes rang yid ches// rang gi rang bzhin mya ngan 'das// 'di yang yon tan rin po che// yang ni yon tan thim pa'i tshul// sku nyid sku la rang thim pas// gzugs sku mi rtog chen por na// snang ba med par mya ngan 'das// rags pas bsdus pa'i 'byung ba dang // phra bas gzung ba'i ma rig sogs// 'byed pa med par mya ngan 'das// sku rnams rang ngor thim pas ni// shes pa'i gzung cha phyir ma shor// dper na bum pa'i sku gzugs bzhin// nang gsal phyi yi 'gyu ba rnams// rang bzhin med par gnas su dag/ 'di yang yon tan rin po che// yang ni yon tan 'di lta bu// gnyis med gnyis med rang thim pas// grangs su 'dzin pa'i zhen pa rnams// nyag gcig spros dang
- 367b
bral ba ni// mi gnyis gcig pa'i tshul du yang // rang thim nyid du mya ngan 'das// gnyis su snang ba rang thim pas// dper na chu bo chu bo la// thim pa bzhin du dbyer mi phyed// dbyer med chen por mya ngan 'das// 'di yang yon tan rin po che// ma 'gags yon tan 'di lta bu// mtha' grol nyid ni mtha' grol la// rang gi ngo bor rang thim pas// sku gsum 'dzin pa'i rang rgyud kun// yul rnams zad par mya ngan 'das// mtha' gnyis rang dag rang thim pas// dper na nam mkha' nam mkha' la// thim pa bzhin du ngos bzung med// mu bzhi'i rtog zhen rang 'gags nas// mi gnas chen por mya ngan 'das// 'di yang yon tan rin po che/ snang ba'i yon tan 'di lta bu// ma dag 'khor ba rang 'jug sgo// ngo bo nyid kyis ngag sgo la// song ba med pa'i tshul du thim// dper na sgra yi tshon thag rnams// bsdus pas dbus su rang 'dus ltar// dbang po'i spyod yul mya ngan 'das// 'di yang yon tan rin po che// 'di ltar yon tan cha rdzogs par// dag pa'i ye shes nyid kyi sgo// ngo bo nyid la rang thim pas// sku dang ye shes mya ngan 'das// dper na seng ges gangs zin bzhin// mi ldog 'jigs med gdeng rnams rnyed// 'di yang yon tan rin po che// 'di ltar yon tan 'byung tshul gyis// gcig par gnas pa'i ye shes sku// ma
- 368a
btsal rang gis rang rnyed pas// sngon nas nga yi rang bzhin no// zhes rin po che spungs pa'i rgyan zhes bya ba'i rgyud kyi rgyal po las/ lhun gyis grub pa nges pa med pa'i gzhi'i byung tshul bstan pa'i le'u ste gsum pa'o// // de nas ston pa kun tu bzang po rin po che spungs pa'i rgyan zhes bya ba de nyid chos nyid rnam par dag pa mnyam pa nyid gnyis su med pa'i rdo rje zhes bya ba'i ting nge 'dzin la bzhugs bzhin du/ sangs rgyas thams cad kyi gsung gi rdo rje snying po la 'di skad ces bka' stsal to// kye ma gsung gi rdo rje nyon// ngas bstan tshig la 'khrul pa med// ma 'khrul ye shes chen po'i lung // nga yis bstan gyis khyod kyis zung // gnas pa med pa'i sems nyid 'di// 'gro sa med pa ya re cha// kun du 'jug pa'i yid drug la// brtan pa'i sa med ya re cha// thams cad bsdus pa'i kun gzhi la// bzhag pa'i sa med ya re cha// 'khor zhing 'khrul pa'i ma rig la// 'gyur ba'i dbang med ya re cha// thams cad yul zhen nyon mongs la// gzhi rtsa med pa ya re cha// phra dang rags pa'i dri ma la// chags pa med pa ya re cha// 'byung ba rags pa'i gzugs rnams la// gtad pa'i sa med ya re cha// skyes bu brten pa'i tshe srog la// dus btab med pa ya re cha// tshogs drug yul gyi snang ba la// rtag pa med pa ya re cha// skye bu'i dran
- 368b
bsam byung tshor la// zad pa med par ya re cha// lus las 'byung ba'i sdug bsngal la// dang ba med pa ya re cha// kye ma gsung gi bdag nyid nyon// gzhi rtsa med pa'i sems nyid 'di// ma btsal bzhag pa ngo mtshar che// 'gro dang 'ong ba'i rig pa la// thug pa med pa ngo mtshar che// ye gnas chen po'i ye shes la// gnyen po med pa ngo mtshar che// rang snang dag pa'i 'od lnga la// shar nub med pa ngo mtshar che// shar ba med pa'i sgron ma la// nub pa med pa ngo mtshar che// ma bkod gsal ba'i dag dbyings la// phyi dang nang med ngo mtshar che// cha phra spros med thig le la// lnga lngas brgyan pa ngo mtshar che// mi 'gyur rig pa'i rang sku la// 'gro 'ong med pa ngo mtshar che// snang ba rang dag chen po la// mtha' med rgya che ngo mtshar che// dbyings dang rig pa rang 'brel la// 'gro ba med pa ngo mtshar che// stong pa chen po'i 'byung gnas la// mtha' dbus med pa ngo mtshar che// thog ma'i mgon po dri med la// 'gran pa'i zla med ngo mtshar che// nyag gcig rang gnas dgongs pa la// bar mtshams med pa ngo mtshar che// e ma gsung gi rdo rje nyon// yang ni ya mtshan 'di lta bu// 'di kun su yis 'dzin pa'i mi// sangs rgyas stong gi yon tan 'chang // de phyir 'di kun bslab bya'i yul// rtsol bsgrub rang dag spyod pa la// dgag bsgrub med pa ya mtshan che// rang bzhin
- 369a
bsam gtan bar med la// bying rgod med pa ya mtshan che// gtad pa mngon gsum blta ba la// rang snang rdzogs pa ya mtshan che// ye yod 'bras bu rang thob la// dmigs gtad med pa ya mtshan che// ma bcos chos nyid cog bzhag la// thams cad gsal ba ya mtshan che// rang 'dzin log pa'i sku gsum la// cig car rdzogs pa ya mtshan che// brdal ba chen po'i nang dbyings la// mtha' la thug med ya mtshan che// stong pa chen po'i shes rab la// rdugs pa med pa ya mtshan che// 'bras bu chos sku stong nyid la// dngos po zad pa ya mtshan che// dngos med ye shes zang thal la// gzung ba med pa ya mtshan che// rang bzhin babs kyis snang ba la// mthong ba med pa ya mtshan che// kye ma gsung gi rdo rje nyon// 'dzin pa rang dag chos sku yis// spros med rang dag gzhal yas su// nyid dang dbyer med snang 'khor la// mtshan ma med pa'i gsung gis ni// spros pa med pa'i chos rnams ni// mi gnas rang zad thugs las phyung // ma gsungs gsungs pa med par ni// mnyam pa chen po'i ngang du bstan// rang gsal dag pa'i longs sku yis// 'od lnga rnam dag gzhal yas nas// spros med bde chen gsung gis ni// sku lnga'i rigs kyi 'khor rnams la// dngos med dag pa'i chos rnams ni// ye shes lnga 'dus thugs las phyung // rnam dag 'od
- 369b
zer ljags la bkram// rang byung yi ge drug tu yang // ma gsungs rang byung chen por bstan// sbrul sku dngos zhen med pa yis// chos 'byung gdul bya'i rang gnas nas// rigs drug las sad skal ldan la// spros bcas tshig gi gsung gis ni// dbang por gang mos chos rnams kyang // dran pa rang gsal thugs las ni// dbang po don med ljags la bkram// theg pa grangs kyi chos su bstan// e ma ho gsung gi rdo rje snying // de ltar sku gsum rang shar bas// sems can byang chub sems dpa' dang // sangs rgyas kun gyi thugs kyang tshims// de bzhin 'gro rnams re ba bskangs// de nas gsung gi rdo rje yis// ston pa kun tu bzang po la// tshig 'dis zhu ba nyid ni zhus// kye kye ston pa kun tu bzang // de ltar sku gsum bdag med tshig/ chos kun ro gcig nyid gsungs pa// de ltar gsungs pa'i don de kun// ma 'ongs sems can nyid kyis kyang // nyams su ji ltar blang bar bgyi// 'di kun rim pas ma 'tshal na// 'di rnams ston pas gsung bar zhu// de nas ston pas 'di skad gsungs// kye ma sangs rgyas kun gyi yang // gsung gi rdo rje khyod nyon cig/ ngas bstan spros pa'i tshig rnams la// don ni che la grangs mang ste// 'di kun bsdus nas khyod la bstan// 'gyur ba med pa'i sems kyis zung // 'di la rab tu 'jug pa yis// dang po
- 370a
dbang mchog nyid thob nas// bskur rgyu 'bad bcas nyid dang ni// rdzas med brda' yi dbang gis ni// mi 'gyur gzhi nyid gzung bar bya// de nyid brtan pa'i yan lag tu// dam tshig rnam gnyis bsrung bar bya// 'di kun sngon du byas pa yis// theg mchog rgyal po'i nang du gzhug/ de kun dngos gzhi 'di lta bu// 'di dag blo rim rnam gnyis kyis// don gyi ngo bo nyams su blang // dmigs pa yul can blo/ rnams la/ sgom dang bsgom bya'i thabs kun bstan// rig pa rang snang blo can la// lta ba'i thabs rnams gcig tu bstan// de kun sdom tshig rnam gnyis kyis// rim pa bye brag rnam phyes nas// skyes bu rnams kyi blo la 'jug/ 'di kun snang ba rang dengs so// de rim bye brag 'di lta bu// khrigs chags nyid du nyams su blang // bdag po blta ba la rgyun byed pa'i rnal 'byor dang / bsgom pa dang / spyod pa dang / 'bras bu rgyun du byed pa'i rnal 'byor mo bzhi yi tshul gyis ni// don gyi ngo bo bzhi yang zung // de yi spyod pa snang ba la dbang bskur/ bsgom pa nyin mtshan kha sbyar/ 'bras pa phyir mi ldog ste// bas shing gi 'bras bu ma thul yul rig rnam bzhi yis// 'di ltar snang ba'i skye rgyun gcod// bzhag thabs snang ba cer bzhag gi thabs/ ri bo cog bzhag gi thabs/ rgya mtsho dad pa'i thabs/ blta ba cog bzhag gi thabs dgongs pa'o// man ngag rnam bzhi yis// rig pa gtan med gnas su bzhag/ de don dgongs pa snang srid
- 370b
bzhir bzhengs kyi dgongs pa/ khams gsum yongs grol gyi dgongs pa/ srid gsum ka dag gi dgongs pa/ snang ba rig pa cog bzhag gi man ngag go// rnam bzhi yis// snang srid chos rnams bdar sha bcad// dus tshod mchod pa'i dus/ chos la gnas pa'i dus/ chos bor ba'i dus/ chos las 'das shing grol ba'i dus so// gdams ngag rnam bzhi yi// chos rnams kun la rang byan byas// dag nyon mongs gnas bsgyur/ gnas dag rgyas/ nyon mongs las grol lo// lugs grol ba'i gnad bzhi yi// nyon mongs rnams la dbang bsgyur ro// de yi rang gi tshad 'bebs pas// dpe bzhis yid ches rang ngo bstan// mi 'gyur lta ba'i gdeng chen bzhi'i// mi ldog ye shes tshad kyang bzung // 'di la goms par sus byas pa// rang bzhin rdzogs pa chen po la// 'di yis reg go sa ma ya// 'di ltar gang la snang gyur ba// ye shes kun kyang phugs su zin// gsang chen phyag rgya chen po 'thob// sangs rgyas kun gyis nges par bzung // 'khor ba'i dong rnams dus gcig sprug/ 'khrul pa'i snang ba bdar sha chod// des na 'di la brtson par bya'o// gsung gi rdo rjes yang gsol pa// kye ma ston pa kun tu bzang // ston pa nyid kyis sngar gsungs pa'i// dbang dang dam tshig gnyis gsungs pa// 'di la bdag ni the tshom skyes// bdag gi the tshom bsal ba'i phyir// ston pa thugs rje chen po yis// rim pas phye la bdag la gsungs// de nas
- 371a
nyid kyis yang gsungs pa// kye ma gsung gi rdo rje nyon// ngas bstan pa la the tshom med// khyod kyis yid gnyis spongs la zung // gang gis dbang bskur 'dzin pa yis// sangs rgyas kun la 'di yis reg/ 'di la skyes bus dbang thob na// rig pa'i sku la rang dbang thob// de bzhin phyag rgya chen po thob// 'di la sngags dang phyag rgya med// dkyil 'khor lha bcas mchod pa dang // 'di la dgos don gang yang med// rdzas dang cho ga bsham mi dgos// 'jug dang ye shes dbab tu med// 'on kyang bla ma'i gsung dag gis// gdams pa 'di la goms bya'i phyir// 'di don 'jug pa'i brda don gyis// rang gi ngo bo'i tshig 'di nyon// a ho gsung gi rdo rje nyon// shar phyogs nam 'di kun bla ma'i tshig tu/ mkha'i khams su yang // khyod kyis gom pa kam kam bor// lho yi phyogs su kha ltos la// song la gom pa kam kam bor// bor la de nyid nyams myong spyod// de bzhin nub dang byang du yang // kha ltos gom pa kam kam bor// de ni rang sems gnyug ma yis// dkyil 'khor dal gyi sgo bzhir 'jug pa'i brdal nang du zhugs pa yin// yang ni gsung gi rdo rje nyon// nam mkha'i dbyings su yang ltos dang // steng gi nyi ma rnam pa lnga// khyod kyi mig gis 'di la ltos// lteng lteng 'od zer nyams su myong ngam zhes dri/ rnam lnga ltos// des ni rang gi rig lha'i ngo // thog ma nas
- 371b
ni rang gnas bstan// yang ni gsung gi rdo rje nyon// yang ni bar snang stong pa la// je mtho shes pa bstod du gzhug je mtho yar song dang // song zhig song zhig slar ma log/ des ni rdo rje lu gu rgyud// rang gi dbang du rang dbang gyur// nyon cig zhes slob ma la/ gsung gi rdo rje nyon// de dag kun gyi dus nyid du// phyin pas 'gro ba'i sa 'dug gam// 'on te 'ong ba'i sa 'dug gam// med par shes pa de bzhin du// ma btsal don kyang de bzhin no// de dus bsrung ba'i 'tshams 'das pas// med dang gcig pu phyal ba'i sa// sems nyid ma rtogs zhen med pas// rang sems rtog pas bsrung bya bral// de yi grogs su de 'gyur ro// zhes rin po che spungs pa'i rgyud kyi rgyal po las ngo mtshar chen po mchog gi brda'/ rdzogs pa chen po'i rnal 'byor pa rnams la// brda' dbang du bskur bar bstan pa'i le'u ste bzhi pa'o// // de nas yang ston pa kun bzang gis// rang gi dam tshig 'di skad gsungs// kye ma gsung gi rdo rje yang // nyon cig nga yis 'di skad du// dag pa chen po'i tshig nyid du// 'di skad bshad kyis khyod kyis zung // nga ni sgra tshad rang rig la// yon tan rin chen gter chen 'chang // 'di ni bcangs pa tsam gyis kyang // zad pa med pa'i longs spyod thob// zad med 'di la gang gnas pa// nub pa med pa'i gter chen rnyed// gter
- 372a
'di gang gis rnyed pa'i mi// nga yi yon tan 'di la rdzogs// chos can mtshan ma snang dus su// nga yi yon tan rang snang bas// 'di la blang dang dor mi bya// 'gro ba'i sdug bsngal myong ba'i tshe// nga yi bde ba rang shar yin// de dus bde sdug dbyer med na// nga yi yon tan 'di la rdzogs// dmyal ba byol song yi dwags kyi// gzugs su yul du snang ba'i tshe// nga yi sku la rol pa yin// 'di la yang med pa'i mi// nga yi sku la 'di yis reg/ gti mug zhe sdang 'dod chags ni// zhe sdang drag po nam skyes na// nga yi rig pa rtog med yin// 'di nyid rang gis rang grol bas// nga yi dmigs pa 'di yis mthong // yid kyi dran pa phyir snang tshe// nga yi shes rab rang dag yin// 'di la rjes su bcos med na// nga yi sgra rnams 'di yis thos// bsam pa'i rtogs tshogs 'dus pa'i tshe// nga yi ting 'dzin mi rtog bzang // 'di la zhen pa'i blo med na// nga yi dri rnams 'di yis tshor// rags gzugs kyang pa'i tshig la blo zhugs tshe// nga yi nyams myong shar ba yin// 'di la gcig dang gnyis zad na// 'dis ni nga yi ro la myong // 'di ltar snang tshad thos tshad kun// kun bzang nga yi rol par shar// rol pa'i 'char byed ma 'gags pas// nga yi yon tan nyid du 'byung // yon tan snang byed ngas 'di tsam yang byung / brtsams pas// zad par mi 'gyur zad pa
- 372b
med// de phyir sku gsum phyag rgya'i zhing // de nas ston pa nyid rang la rang ngo mtshar ba'i tshig gi rgyal po 'di rang byung du gsungs so// e ma ho gsung gi rdo rje snying po khyod nyon cig/ rang gi rig pa nyid skye shi dang bral ba'i gnad kyis/ sems can bye ba'i srog bcad pa dang / pha rol du phyin pa bcu rtag tu spyod pa'i gang zag la khyad par rdul tsam yang med par kun tu bzang po ngas bstan pa'o// kye sangs rgyas kun gyi gsung gi rdo rje/ chos nyid la spros pa med pa'i gnad kyis// rtag tu stong pa nyid la goms par bsgoms pa'i skyes bu dang / stong pa nyid skad cig tsam yang yid la ma byas pa'i gang zag gnyis// 'tshang rgya ba la khyad par rdul tsam yang med par// kun tu bzang po nga nyid kyis bstan pa'o// kye gsung gi rdo rje rig pa nyid 'dus ma byas pa'i gnad kyis// 'dus byas kyi dge rtsa dpag tu med pa byas pa'i dad pa can dang / srog gcod pa la rtag tu brtson pa'i mi gnyis la/ tshogs rdzogs pa'i sgo la khyad par rdul tsam yang med par/ kun tu bzang po ngas bstan pa'o// kye gsung gi rdo rje rig pa'i ye shes la 'gro 'ong med pa'i gnad kyis// chos nyid rtags sna tshogs lus ngag la byung ba'i skyes bu dang / thos bsam la blo skad cig kyang ma sbyangs pa'i gang zag gnyis ngo bo mthong pa la khyad par rdul tsam yang med par kun tu bzang po ngas
- 373a
bstan pa'o// kye gsung gi rdo rje chos nyid la skye 'gag med pa'i gnad kyis/ dmyal ba tsha grang nyams su myong ba'i skyes bu dang // sangs rgyas rnams kyi bde ba nyams su myong ba'i skyes bu gnyis la// rtogs pa'i skye sgo thob pa la khyad par rdul tsam yang med par kun tu bzang po ngas bstan pa'o// kye gsung gi rdo rje rig pa la 'gyur ba med pa'i gnad kyis/ yid ches kyis spros pa chod pa'i skyes bu dang / bdag rtag par lta ba gnyis la khyad par rdul tsam yang med par kun tu bzang po ngas bstan pa'o// kye gsung gi rdo rje chos sku rang la yod pa'i gnad kyis/ phyi rol du mchod pa dang / bstod pa dang / gsol ba sna tshogs btab pa'i skyes bu dang // las bya byed dang bral bar 'dug pa'i skyes bu gnyis la 'bras bu thob pa la khyad par rdul tsam yang med par kun tu bzang po ngas bstan pa'o// kye gsung gi rdo rje/ de'i phyir na rang byung chen po'i tshig 'di dag la spyod pa'i skyes bu ni 'bad pa med par nyams su longs pa'i gdeng rnyed nas/ snang ba dang sku gsum dbyer med du sangs rgyas pa yin no// tshig 'di dag nyan thos dang / rang sangs rgyas la sogs pa'i nang du rdul tsam yang brjod par ma byed cig/ de ci'i phyir zhe na/ de dag rnams kyis tshig 'di kun thos pas skrag pa dang / sngangs pa dang brgyal bar 'gyur te// gsang sngags rnams
- 373b
la mi mos te/ yid byung nas de'i rnam par smin pas ni sems can dmyal ba chen po nyams su myong bar 'gyur bas na// bstan cing thos pa dag lta ci smos te/ rlung phyogs tsam du yang brjod par mi bya'o// gsung gi rdo rjes gsol pa/ kye bcom ldan 'das nyan thos la sogs de dag kun/ de ltar 'byung ba ci'i rgyu lags// zhes zhus so/ bka' stsal pa/ nyan thos dang rang rgyal rnams ni/ skal ba med pas/ gsang sngags rnams kyi snod du ma gyur bas na/ blo chung ba'i phyir te// dper na khab kyi mig tu ras yug brdzangs pas 'gro sa med cing // shong ba'i skabs med pa dang 'dra'o// de nas ston pa nyid kyis kyang // rang gi che ba'i tshig rnams 'di skad ces ni rnam par bsgrags// chos sku ro gcig ma shes pas// tha snyad tshig la bden 'dzin par// lus kyi mi theg khur khur 'dra// dbyings rig gnyis med ma shes par// mi rtog lteng po sus bsgom pa// ri bo sked pa sbed par bzlog pa 'dra yang byung / bsnyeg dang 'dra// shugs 'byung rang shar mi shes pas// bya byed rtsol ba sus 'dzin pa// ri mo mkhan gyi tshogs 'dzin 'dra// rang byung 'gag med ma shes par// snang ba bden gcig nges 'jog pa// ljon shing srog dang bral bar 'dra// sku gsum ye rdzogs ma shes par// nges lung gzhan nas 'tshol ba ni// glang po'i rjes bcad ma shes kyang byung // ma rnyed 'dra// snying
- 374a
po bcud thigs ma shes par// rig pa'i rang gdangs ston pa ni// 'kha' 'gro sti la zin pa 'dra// cog bzhag rang grol ma shes par// lta ba rtogs par khas 'che ba// dbul po rgyal por brdzus par 'dra/ lus ngag drod rtags ma rgyas par// skye med rtogs par khas 'che ba// lung pa stong pa'i rlung dang 'dra// lu gu rgyud la ma goms par// 'khrul snang 'gags par khas len pa// mun khang nang gi 'dzub btsug 'dra// bla med rgyud 'di ma shes par// nyams su len par 'dod pa ni/ kha brag lam du zhugs pa 'dra// gsung gi rdo rje snying po khyod// de yi phyir na gsang ba'i rgyud// 'di nyid 'dzin pa'i skyes bu ni// rang rig rnams kyi dbang thob ste// rgyud 'di bcang pa tsam gyis ni// rdo rje 'chang gi sprul par 'gyur// rgyud 'di su yis bklag pa'i mi// lta ba'i don kun sems la 'char// 'di nyid su yis bris pa de// sangs rgyas kun gyi gsung la rol// de yi phyir na dam par bya'o// zhes rin chen spungs pa'i rgyud kyi rgyal po chen po las// khyad med mnyam pa chen po'i le'u te lnga pa'o// // de skad ces gsungs pas// sku gsung thugs rdo rje la sogs pa'i 'khor rnams rjes su yi rangs nas/ bcom ldan 'das kyis gsung pa la mngon par bstod do// rin po che spungs pa'i rgyud kyi rgyal po zhes bya ba// 'bum phrag drug cu rtsa bzhi'i bcud phyung ba rdzogs so// // rgya gar gyi mkhan po bi ma la mi tra dang // bod kyi lo tsA ba ska ba dpal brtsegs kyis bskur cing gtan la phab pa'o// dpal sngags kyi srung mas bka' 'di srungs shig/ dam tshig nyams pa'i snying khrag 'jibs shig/ sa ma ya/ rgya rgya rgya/ u ya ag zam/ rin chen spungs pa'i rgyud la ma bu drug \u0f7fA \u0f89\u0fa4/ r+thagaH/