Text

ff. 1a–355a · 709 folio sides

  1. 1a

    rnam par gtan la dbab pa bsdu ba bam po bzhi bcu rtsa gsum pa'i smad dang/ bzhi bsdu ba'i mdo snga bam po nyi shu rtsa gnyis pa shlo ka drug stong bdun brgya dgu bcu rtsa gsum pa bzhugs/

  2. 1b

    bam po sum cu gsum pa/ rgyu mtshan las ming gzhan du brjod par bya ba'am/ gzhan ma yin par brjod par bya zhe na/ smras pa/ gnyi gar yang brjod par mi bya'o/ /de ci'i phyir zhe na/ gnyi gar yang skyon du thal bar 'gyur ba'i phyir ro/ /gzhan nyid yin na skyon ci yod ce na/ ming rdzas su yod par 'gyur ba'o/ /gzhan ma yin pa nyid yin na skyon ci yod ce na/ rgyu mtshan gzung pa na ming yang zin par 'gyur ba'o/ /rgyu mtshan las rnam par rtog pa

  3. 2a

    gzhan du brjod par bya ba 'am/ gzhan ma yin par brjod par bya zhe na/ smras pa/ gnyi gar yang brjod par mi bya'o/ /de ci'i phyir zhe na/ gnyi gar yang skyon du thal bar 'gyur ba'i phyir ro/ /gzhan nyid yin na skyon ci yod ce na/ rnam par rtog pa rnams rgyu mtshan gyi bdag nyid ma yin par 'gyur ba'o/ /gzhan ma yin pa nyid yin na skyon ci yod ce na/ rnam par rtog pa dang bral ba'i rgyu mtshan rnams kyang rnam par rtog pa'i bdag nyid kho nar 'gyur ba'o/ /rgyu mtshan las de bzhin nyid gzhan du brjod

  4. 2b

    par bya 'am/ gzhan ma yin par brjod par bya zhe na/ smras pa/ gnyi gar yang brjod par mi bya'o/ /de ci'i phyir zhe na/ gnyi ga yang skyon du 'gyur bar thal bar 'gyur ba'i phyir ro/ /gzhan nyid yin na skyon ci yod ce na/ rgyu mtshan gyi don dam pa nyid de bzhin nyid du mi 'gyur ba dang/ rnal 'byor pa rgyu mtshan la mi bltos par de bzhin nyid yongs su tshol bar 'gyur ba dang/ de bzhin nyid mngon par rdzogs par sangs rgyas na yang rgyu mtshan mngon par rdzogs par sangs rgyas par mi 'gyur pa'o/ /gzhan ma yin pa nyid yin na skyon ci yod ce na/ de bzhin nyid la bye brag med pa bzhin du rgyu mtshan thams cad la yang bye brag med par 'gyur ba dang/ rgyu mtshan dmigs pa na de bzhin nyid kyang dmigs par 'gyur ba dang/ de bzhin nyid dmigs kyang rgyu mtshan bzhin du rnam par dag par mi 'gyur ba ste/ 'di lta ste dper na 'du byed rnams la spyi'i mtshan nyid mi

  5. 3a

    rtag pa dang sdug bsngal ba dang bdag med pa yod kyang de dag las gzhan pa 'am/ gzhan ma yin par brjod par mi bya ba dang/ lus dang sems la gnas ngan len dang shin tu sbyangs pa dag yod kyang/ lus dang sems las de dag gzhan pa 'am/ gzhan ma yin par brjod par mi bya ba dang/ dge ba dang mi dge ba dang lung ma bstan pa'i chos rnams la sa bon yod kyang/ de dag las gzhan pa 'am/ gzhan ma yin par brjod par mi bya ste/ gnyi ga skyon du thal bar 'gyur ba'i phyir dang/ 'di lta ste dper na nam mkha' ni thams cad du song ba yin pas gzugs kyi phyogs na nam mkha' yod kyang/ de las de gzhan pa'am/ gzhan ma yin par brjod par mi bya ste/ de ci'i phyir zhe na/ gnyi gar yang skyon du thal bar 'gyur ba'i phyir ro/ /gzhan nyid yin na skyon ci yod ce na/ nam mkha' thams cad du song ba ma yin pa'i phyir mi rtag par 'gyur ba'o//

  6. 3b

    gzhan ma yin pa nyid yin na skyon ci yod ce na/ gzugs kyi phyogs las nam mkha' gzhan du mi 'gyur ba ste/ de bzhin du 'dir yang tshul ci rigs par lta bar bya'o/ /bcom ldan 'das kyis nyan thos kyi theg pa las brtsams nas kyang/ la lar 'du byed rnams las gzhan pa yang ma yin/ gzhan ma yin pa yang ma yin par lan gdab pa'i tshul 'di yongs su bstan te/ ji skad du dge slong dag phung po rnams nyid kyang nye bar len pa ma yin la/ phung po rnams las logs shig na yang nye bar len pa med mod kyi/ 'on kyang 'di la 'dun pa'i 'dod chags gang yin pa de 'dir nye bar len pa yin no zhes gsungs pa lta bu'o/ /de la gzhan pa nyid ma yin na skyon ci yod ce na/ smras pa/ phung po rnams kyi dge ba dang/ lung du ma bstan pa la skur ba dang/ rnam par mi 'dag pa'i skyon no/ /gzhan nyid yin na skyon ci yod ce na/ smras pa/ nye bar len pa rtag pa nyid du sgro btags pa dang/ rnam par mi 'dag pa nyid kyi skyon no/ /rgyu mtshan dang de bzhin nyid ji lta ba bzhin du ming dang rnam par rtog pa dang yang dag pa'i shes pa yang de bzhin du blta bar bya'o/ /rgyu mtshan las yang dag pa'i shes pa gzhan du brjod par bya 'am/ gzhan ma yin par brjod par

  7. 4a

    bya zhe na/ smras pa/ rnam par rtog pa bzhin du gnyi gar brjod par mi bya'o/ /ming las rnam par rtog pa gzhan du brjod par bya 'am/ gzhan ma yon par brjod par bya zhe na/ smras pa/ gzhan du brjod par bya'o/ /ming las yang dag pa'i shes pa gzhan du brjod par bya 'am/ gzhan ma yin par brjod par bya zhe na/ smras pa/ gzhan du brjod par bya'o/ /rnam par rtog pa las yang dag pa'i shes pa gzhan du brjod par bya'am/ gzhan ma yin par brjod par bya zhe na/ smras pa/ gzhan du brjod par bya'o/ /rgyu mtshan gyi mtshan nyid gang zhe na/ smras pa/ rnam par rtog pa'i spyod yul gyi mtshan nyid do/ /ming gi mtshan nyid gang zhe na/ smras pa/ tha snyad kyi gnas kyi mtshan nyid do/ /rnam par rtog pa'i mtshan nyid gang zhe na/ smras pa/ rgyu mtshan spyod yul pa'i mtshan nyid do/ /de bzhin nyid kyi mtshan nyid gang zhe na/ smras pa/ yang dag pa'i shes pa'i spyod yul gyi mtshan nyid do/ /yang dag pa'i shes pa'i mtshan nyid gang zhe na/ smras pa/ de bzhin nyid spyod yul pa'i mtshan nyid do/ /rgyu mtshan gyi rnam pa gang zhe na/ smras pa/ rnam par rtog pa rnams kyi rnam pa sna tshogs dpag tu med pa'i phyir/ de'i rnam pa yang sna tshogs dpag tu med par rig par ste/ 'di lta ste gzugs rgyu mtshan dang

  8. 4b

    sems rgyu mtshan dang/ sems dang ldan pa ma yin pa rgyu mtshan dang/ 'dus ma byas rgyu mtshan dang/ 'dus byas rgyu mtshan dang/ phung po rgyu mtshan dang/ skye mched rgyu mtshan dang/ khams rgyu mtshan dang/ rten cing 'brel par 'byung pa rgyu mtshan dang/ gnas dang gnas ma yin pa rgyu mtshan dang/ dbang po rgyu mtshan dang/ bden pa rgyu mtshan dang/ dran pa nye bar gzhag pa rgyu mtshan dang/ yang dag par spang pa dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam gyi yan lag rgyu mtshan dang/ lam rgyu mtshan dang/ chos kyi gzhi rgyu mtshan dang/ zhi gnas rgyu mtshan dang/ lhag mthong rgyu mtshan dang/ rab tu 'dzin pa rgyu mchan dang/ btang snyoms rgyu mtshan dang/ rkyen rgyu mtshan dang/ ston pa rgyu mtshan dang/ sa rgyu mtshan dang/ chu rgyu mtshan dang/ ma rgyu mtshan dang/ rlung rgyu mtshan dang/ nam mkha' rgyu mtshan dang/ rnam par shes pa rgyu mtshan dang/ 'jig rten 'di rgyu mtshan dang/ 'jig rten pha rol rgyu mtshan dang/ nyi ma rgyu mtshan dang/ zla ba rgyu mtshan dang/ sems can dmyal ba rgyu mtshan dang/ dud 'gro dang/ yi dags dang/ lha dang/ mi rgyu mtshan dang/ rgyal chen bzhi'i ris kyi lha'i rgyu mtshan dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed kyi lha'i rgyu mtshan dang/ bsaM gtan dang po rgyu mtshan dang/ bsam gtan gnyis pa dang/ gsum pa dang/ bzhi pa rgyu mtshan dang/ nam mkha' mdza' yas skye mched rgyu mtshan dang/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched rgyu mtshan dang/ 'byung ba rgyu mtshan dang/ 'jig pa rgyu mtshan dang/ dngos po rgyu mtshan dang/ dngos po med pa rgyu mtshan dang/ kun nas nyon mongs pa rgyu mtshan dang/ rnam par byang ba rgyu mtshan dang/ mthong ba dang

  9. 5a

    thos pa dang/ bye brag phyed pa dang/ rnam par shes pa dang/ thob pa dang/ yongs su btsal ba rgyu mtshan dang/ yid kyis rjes su brtags pa dang rjes su dpyad pa rgyu mtshan dang/ de ltar de lta bu dang 'thun pa rgyu mtshan gzhan gang yin pa dang/ gzhan yang rgyu mtshan drug ste/ mtshan ma dang bcas pa rgyu mtshan dang/ mtshan ma med pa rgyu mtshan dang/ chung ngu rgyu mtshan dang/ chen por gyur pa rgyu mtshan dang/ tshad med pa rgyu mtshan dang/ ci yang med pa rgyu mtshan no/ /mtshan ma dang bcas pa rgyu mtshan gang zhe na/ dngos po rtogs pa'i ming la rnam par rtog pa'i mtshan ma gang yin pa'o/ /mtshan ma med pa rgyu mtshan gang zhe na/ dngos po ma rtogs pa'i ming la rnam par rtog pa'i mtshan ma gang yin pa'o/ /chung ngu? rgyu mtshan gang zhe na/ 'd+d pa'i khams kyi dngos po la rnam par rtog pa'i mtshan ma gang yin pa'o/ /chen po gyur pa rgyu mtshan gang zhe na/ gzugs kyi khams kyi dngos po la rnam par rtog pa'i mtshan ma gang yin pa'o/ /tshad med pa rgyu mtshan gang zhe na/ gzugs med pa'i khams kyi dngos po nam mkha' mdza' yas skye mched dang/ rnam shes mdza' yas skye mched la rnam par rtog pa'i mtshan ma gang yin pa'o/ /ci yang med pa rgyu mtshan gang zhe na/ gzugs med pa'i khams kyi dngos po ci yang med pa'i skye mched la rnam par rtog pa'i mtshan ma gang yin pa'o/ /gzhan yang rgyu mtshan lnga ste/ rgyu mtshan rgyu mtshan dang/ ming rgyu mtshan dang/ rnam par rtog pa rgyu mtshan dang/ de bzhin nyid rgyu mtshan dang/ yang dag pa'i shes pa rgyu mtshan no/ /yang rgyu mtshan gnyis te/ rang bzhin gyi rgyu mtshan dang/ gzugs brnyan rgyu mtshan no/ /rang bzhin rgyu mtshan gang zhe na/ sngon gyi rnam par rtog pas skyed pa'i mtshan ma dang/ mtshan mas skyed pa grangs pa'i mtshan ma'o/ /gzugs brnyan rgyu mtshan gang zhe na/ kun

  10. 5b

    btags pa gang yin pa de ni mos pas snang ba yin gyi /rang bzhin du gnas pa ni ma yin no/ /ming gi rnam pa gang zhe na/ de yang rgyu mtshan gyi dbang gis rnam pa sna tshogs dpag tu med do/ /de yang mdor bsdu rnam pa bcu gnyis te/ tha snyad las byung ba dang/ yang dag pa'i dngos po dang /rigs dang 'brel pa dang/ so so dang 'brel pa dang/ yon tan las byung ba dang/ nye bar btags pa dang/ grags pa dang/ ma grags pa dang/ gsal ba dang/ mi gsal ba dang/ bsdus pa dang/ tha dad pa'o/ /rnam par rtog pa'i rnam pa gang zhe na/ de yang rgyu mtshan dang ming gi dbang gis rnam pa sna tshogs dpag tu med do/ /de yang mdor bsdu na rnam pa bdun du rig par bya ste/ mtshan ma las byung ba dang/ mtshan ma med pa las byung ba dang/ yul la rang gis ngang gis 'jug pa dang/ tshol ba dang/ so sor rtog pa dang/ nyon mongs pa can dang/ nyon mongs pa can ma yin pa'o/ /de bzhin nyid kyi rnam pa gang zhe na/ smras pa/ brjod du med pa'i rnam pa yin no/ /yang dag pa'i shes pa'i rnam pa gang zhe na/ smras pa/ 'jig rten las 'das pa gang yin pa de ni brjod du med pa'i rnam pa yin no/ /'jig rten pa dang 'jig rten las 'das pa gang yin pa de ni rnam par gzhag pa'i bden pa 'dzin pa'i rnam pa yin no/ /de la mtshan ma dang/ gzugs brnyan dang/ mig yor dang/ srid pa dang/ spros ba dang/ 'jig chogs dang/ 'dus byas dang/ bsams pa dang/ rten cing 'brel par 'byung ba dang/ de lta bu la sogs pa ni rgyu mtshan gyi rnam grangs yin no/ /de la ming dang/ brda' dang/ gdags pa dang/ tha snyad dang/ kun rdzob dang/ nye bar 'dogs pa dang/ brjod pa dang/ de lta bu la sogs pa ni ming gi rnam grangs yin no/ /de la rnam par rtog pa dang/ yongs su rtog pa dang/ log pa'i lam dang/ log pa'i sgrub pa dang/ rgyun gol pa dang/ yang dga' par 'jin pa ma yin pa dang/ de lta bu la

  11. 6a

    sogs pa ni rnam par rtog pa'i rnam grangs yin no/ /de la de bzhin nyid dang/ yang dag pa nyid dang/ ma nor ba nyid dang/ phyin ci ma log pa nyid dang/ /spros pa med pa'i dbyings dang/ mtshan ma med pa'i dbyings dang/ chos kyi dbyings dang/ yang dag pa'i mdza' dang/ de lta bu la sogs pa ni de bzhin nyid kyi rnam grangs yin no/ /de la yang dag pa'i shes pa dang/ yang dag pa'i shes rab dang/ yang dag pa'i rtogs pa dang/ yang dag pa'i lam dang/ yang dag pa'i sgrub pa dang/ yang dag pa'i rgyun dang/ yang dag par 'dzin pa dang/ de lta bu la sogs pa ni yang dag pa'i shes pa'i rnam grangs yin no/ /dngos po lnga po gang dag yin pa de dag las du zhig gzugs yin/ du zhig sems yin/ du zhig sems las byung ba dag yin/ du zhig sems dang mi ldan pa ngag yin/ du zhig 'dus ma byas yin zhe na/ smras pa/ rgyu mtshan ni rnam pa lnga char yin no/ /ming ni sems dang mi ldan pa yin no/ /rnam par rtog pa dang yang dag pa'i shes pa ni sems dang sems las byung ba dag yin no/ /de bzhin nyid ni 'dus ma byas yin no/ /du zhig phung pos bsdus pa dag yin/ du zhig ma bsdus pa dag yin zhe na/ smras pa/ gsum ni phung pos bsdus pa dag yin no/ /rgyu mtshan ni bsdus pa dang ma bsdus pa yin no/ /de bzhin nyid ni ma bsdus pa yin no/ /du zhig khams dang skye mched kyiS bsdus pa dag yin/ du zhig ma bsdus pa dag yin zhe na/ smras pa/ thams cad kyang bsdus pa dag yin no/ /du zhig rten cing 'brel par 'byung bas bsdus pa dag yin/ du zhig ma bsdus pa dag yin zhe na/ smras pa/ gsum ni bsdus pa yin no/ /rgyu mtshan ni bsdus pa dang ma bsdus pa yin no/ /de bzhin nyid ni ma bsdus pa yin no/ /rten cing 'brel par 'byung bas bsdus pa dang ma bsdus pa dag ji lta ba bzhin du gnas dang gnas ma

  12. 6b

    yin pa dang/ dbang pos bsdus pa dang ma bsdus pa dag kyang de bzhin du blta bar bya'o/ /du zhig bden pas bden pas bsdus pa dag yin/ du zhig ma bsdus pa dag yin zhe na/ smras pa/ bden pa ni rnam pa gnyis te/ rnam par bzhag pa dang/ rnam par ma bzhag pa'o/ /de la 'phags pa'i bden pa bzhi ni rnam par bzhag ba'i bden pa yin no/ /de bzhin nyid ni rnam par ma bzhag pa'i bden pa yin no/ /de la gsum ni rnam par bzhag pa'i bden pas bsdus pa yin no/ /rgyu mtshan ni bsdus pa dang ma bsdus pa yin no/ /de bzhin nyid ni rnam par ma bzhag pa'i bden pas bsdus pa kho na yin no// du zhig rgyu'i rkyen gyis bsdus pa dag yin/ du zhig mtshungs pa de ma thag pa dang/ dmigs pa dang/ bdag po'i rkyen gyis bsdus pa dag yin zhe na/ smras pa/ rgyu mtshan ni thams cad kyis bsdus pa dag yin no/ /ming ni mtshungs pa de ma thag pa'i rkyen gyis ma bsdus pa yin no/ /rnam par rtog pa dang yang dag pa'i shes pa ni bzhi char gyis bsdus pa yin no/ /de bzhin nyid ni dmigs pa'i rkyen gyis bsdus pa kho na yin no/ /du zhig chos la rten pas bsdus pa dag yin/ du zhig don dang nges pa'i don gyi mdo sde dang/ ye shes la rton pas bsdus pa dag yin zhe na/ smras pa/ rgyu mtshan ni rton pa gsum gyis bsdus pa yin no/ /ming ni chos la rton pas bsdus pa yin no/ /rgyu mtshan ji lta ba bzhin du rnam par rtog pa yang de bzhin no/ /de bzhin nyid ni ye shes kyi spyod yul yin pas don la rton pas bsdus pa yin no/ /yang dag pa'i shes pa ni ye shes la rton pa kho nas bsdus pa yin no/ /du zhig gzugs can dag yin/ du zhig gzugs can ma yin pa dag yin zhe na/ smras pa/ rgyu mtshan ni rnam pa gnyi ga yin no/ /rnam par rtog pa dang yang dag pa'i shes pa ni gzugs can ma yin pa yin no/ /ming dang de bzhin nyid ni gnyi ga ma yin te/ brtag pa'i yod pa ma yin pa'i phyir dang/ brjod du med pa yin pa'i phyir ro/ /gzugs can ma yin pa dag ji lta ba bzhin du bstan du yod pa dang/ bstan du med pa dang/ thogS pa dang bcas pa dang/ thogS pa med pa dag kyang de bzhin du blta bar bya'o/ /du zhig zag pa dang bcas pa dag yin/ du zhig zag pa med pa

  13. 7a

    ngag yin zhe na smras pa/ rgyu mtshan ni gnyi ga yin no/ /gnyis ni zag pa med pa yin te/ de bzhin nyid ni zag pa med pa'i dmigs pa'i don gyis zag pa med pa yin gyi/ zag pa zad pa'i mtshan nyid kyi don gyis ni ma yin no/ /yang dag pa'i shes pa ni zag pa zad par bya ba'i phyir gnyen po'i don gyis zag pa med pa yin no/ /du zhig 'dus byas dag yin/ du zhig 'dus ma byas dag yin zhe na/ smras pa/ rgyu mtshan ni gnyi ga yin no/ /gsum ni 'dus byas yin no/ /de bzhin nyid ni 'dus ma byas yin te/ 'dus byas nye bar zhi ba'i dmigs pa'i don gyis yin gyi/ 'dus byas nye bar zhi ba'i mtshan nyid kyis don gyis ni ma yin no/ /du zhig nyon mongs pa dang bcas pa dag yin/ du zhig nyon mongs pa med pa dag yin zhe na/ smras pa/ rgyu mtshan ni gnyi ga yin no/ /gnyis ni nyon mongs pa dang bcaS pa yin no/ /gnyis ni nyon mongsS pa med pa yin te/ 'dir yang zag pa dang bcas pa dang/ zag pa med pa'i tshul bzhin du lta bar bya'o/ /nyon mongs pa dang bcas pa dang/ nyon mongs pa med pa dag ji lta ba bzhin du/ zang zing dang bcas pa dang/ zang zing med pa dag dang/ zhen pa la brten pa dang/ mngon par 'byung ba la brten pa dag kyang de bzhin nyid du blta bar bya'o/ /du zhig 'jig rten pa dag yin/ du zhig 'jig rten las 'das pa dag yin zhe na/ smras pa/ gsum pa ni 'jig rten pa yin no/ /de bzhin nyid ni 'jig rten las 'das pa yin no/ /yang dag pa'i shes pa'i phyogs gcig ni 'jig rten las 'das pa yin no/ /phyogs gcig ni 'jig rten pa dang 'jig rten las 'das pa yin no/ /de bzhin nyid kyang tha snyad dang spros pa thams cad nye bar zhi ba'i dmigs pa'i don gyis 'jig rten las 'das pa yin gyi/ tha snyad dang spros pa thams cad las yang dag par 'das pa'i mtshan nyid kyi don gyis ni ma yin no/ /'jig rten pa dang 'jig rten las 'das pa dag ji lta ba bzhin du gtogs pa dang ma gtogs pa dag kyang de bzhin du blta bar bya'o/ /du zhig nang gi dag yin/ du zhig phyi rol gyi dag yin zhe na/ smras pa/ rgyu mtshan ni gnyi ga

  14. 7b

    yin no/ /ming ni phyi rol yin no/ /rnam par rtog pa ni skye bar gtogs pa las ni gnyi ga yin no/ /de bzhin nyid ni gnyi ga ma yin no/ /rnam par rtog pa ji lta ba bzhin du yang dag pa'i shes pa yang de bzhin no/ /du zhig ragS pa dag yin/ du zhig phra ba dag yin zhe na/ smras pa/ gsum ni rnam pa gnyi gar yin no/ /de bzhin nyid ni phra ba yin te/ rnam par shes par dka' ba'i don gyi/ mtshan nyid dbri zhing sgyud ba'i don gyis ni ma yin no/ /yang dag pa'i shes pa yang phra ba nyid yin te/ don cha phra ba rtogs par byed pa'i phyir ro/ /du zhig dman pa dag yin/ du zhig gya nom pa dag yin zhe na/ smras pa/ gsum ni gnyi ga yin no/ /de bzhin nyid ni gya nom pa yin te/ rnam par dag pa'i dmigs pa'i don gyis yin gyi/ nyams pa dang khyad par du 'gro ba'i bdag nyid kyi don gyis ni ma yin no/ /yang dag pa'i shes pa yang gya nom pa yin te/ de bzhin nyid spyod yul pa'i don gyis so/ /du zhig thag ring ba dag yin/ du zhig thag nye ba dag yin zhe na/ smras pa/ gcig ni yul thag ring ba dang/ dus thag ring bas gnyi ga yin no/ /ming dang rnam par rtog pa dang/ yang dag pa'i shes pa ni dus thag ring bas gnyi ga yin no/ /de bzhin nyid ni gnyi gas gnyi ga ma yin te/ 'dus ma byas pa'i phyir ro/ /du zhig zin pa dag yin/ du zhig ma zin pa dag yin zhe na/ smras pa/ rgyu mtshan ni gnyi ga yin no/ /ming dang rnam par rtog pa dang yang dag pa'i shes pa ni ma zin pa yin no/ /de bzhin nyid ni gnyi ga ma yin no/ /du zhig mtshungs pa dag yin/ du zhig de dag dang mtshungs pa ngag yin zhe na/ smras pa/ rgyu mtshan ni gnyi ga yin no/ /lhag ma rnams ni gnyi ga ma yin te/ mtshungs pa dang de dag mtshungs pa ni dbang po gzugs can rnams la rnam par bzhag pa yian pa'i phyir ro/ /du zhig rgyu yin/ du zhig rgyu ma yin zhe na/ smras pa/ bzhi ni rgyu yin no/ /de bzhin nyid ni rgyu ma yin no/ /rgyu dang rgyu ma yin pa ji lta ba bzhin du 'bras bu dang 'bras bu ma yin pa dang/ rgyu dang bcas pa rgyu dang bcas pa ma yin pa dang/ 'bras bu dang bcas pa dang 'bras bu dang bcas

  15. 8a

    pa ma yin pa dag kyang de bzhin du blta bar bya'o/ /du zhig rnam par smin pa yin/ du zhig rnam par smin pa ma yin zhe na/ smras pa/ rgyu mtshan ni gnyi ga yin no/ /ming ni rnam par smin pa ma yin no/ /rnam par rtog pa yang gnyi ga yin no/ /de bzhin nyid ni gnyi ga ma yin no/ /yang dag pa'i shes pa yang rnam par smin pa ma yin no/ /du zhig rnam par smin pa dang bcas pa dag yin/ du zhig rnam par smin pa med pa dag yin zhe na/ smras pa/ rgyu mtshan ni gnyi ga yin no/ /ming ni rnam par smin pa med pa yin no/ rnam par rtog pa yang gnyi ga yin no/ /de bzhin nyid ni gnyi ga ma yin no/ /yang dag pa'i shes pa ni rnam par smin pa med pa kho na yin no/ /du zhig dmigs pa dang bcas pa dag yin/ du zhig dmigs pa med pa dag yin zhe na/ smras pa/ rgyu mtshan ni gnyi ga yin no/ /ming ni dmigs pa med pa yin no/ /rnam par rtog pa dang yang dag pa'i shes pa ni dmigs pa dang bcas pa yin no/ /de bzhin nyid ni gnyi ga ma yin no/ /dmigs pa dang bcas pa dang/ dmigs pa med pa dag ji lta ba bzhin du mtshungs par ldan pa dang mtshungs par ldan pa ma yin pa dag dang/ rnam pa dang bcas pa dang rnam pa med pa dag dang/ gnas dang bcas pa dang gnas med pa dag? kyang de bzhin du blta bar bya'o/ /du zhig bla na yod pa dag yin/ du zhig bla na med pa dag yin zhe na/ smras pa/ bzhi ni bla na yod pa yin no/ /de bzhin nyid ni bla na med pa yin te/ 'dus ma byas dang rnam par dag pa'i dmigs pa'i don gyis so/ /du zhig 'das pa dang ma 'ongs pa dang da ltar byung ba dag yin/ du zhig 'das pa yang ma yin/ ma 'ongs pa yang ma yin/ da ltar byung ba yang ma yin pa dag yin zhe na/ smras pa/ bzhi ni rnam pa gsum tsar yin no/ /de bzhin nyid ni rnam pa gsum car ma yin no/ /du zhig 'dod pa dang ldan pa yin zhe na/ smras pa/ gsum mo/ /du zhig gzugs dang ldan pa dag yin zhe na/ smras pa/ gsum kho na'o//

  16. 8b

    gzugs med pa dang ldan pa dag kyang de kho na bzhin no/ /du zhig ldan pa ma yin pa dag yin zhe na/ smras pa/ gcig ste/ yang dag pa'i shes pa 'jig rte las 'das pa gang yin pa'o/ /yang dag pa'i shes pa 'jig rten pa dang 'jig rten las 'das pa gang yin pa de ni ldan pa dang mi ldan pa yin no/ /de bzhin nyid ni gnyi ga ma yin no/ /du zhig dge ba dag yin/ du zhig mi dge ba dag yin/ du zhig lung du ma bstan pa dag yin zhe na/ smras pa/ rgyu mtshan dang rnam par rtog pa ni gsum car yin no/ /ming ni lung du ma bstan pa yin no/ /de bzhin nyid ni dge ba yin te/ rnam par dag pa dge ba'i dmigs pa'i don gyis yin gyi/ 'dod pa'i 'bras bu yongs su 'dzin pa 'byung ba'i mtshan nyid kyi don gyis ni ma yin no/ /yang dag pa'i shes pa ni dge ba kho na yin no/ /du zhig thos pa las byung ba dang/ du zhig thos pa las byung ba'i spyod yul dag yin/ du zhig bsam pa las byung ba dang/ bsgoms pa las byung ba dang/ bsams pa las byung ba dang/ bsgoms pa las byung ba'i spyod yul dag yin zhe na/ smras pa/ rgyu mtshan dang rnam par rtog pa ni gsum car yin la/ rnam pa gsum car gyi spyod yul yang yin no/ /ming ni thos pa dang bsam pa las byung ba yin la/ rnam pa gsum char gyi spyod yul yang yin no/ /de bzhin nyid ni rnam pa gsum car ma yin la/ bsgoms pa las byung ba'i spyod yul kho na yin no/ /yang dag pa'i shes pa ni bsgom pa las byung ba yin la/ rnam pa gsum char gyi spyod yul yin no/ /du zhig stong pa nyid dang stong pa nyid kyi spyod yul dag yin/ du zhig smon pa med pa dang/ mtshan ma med pa dang/ smon pa med pa dang mtshan ma med pa'i spyod yul dag yin zhe na/ smras pa/ rgyu mtshan ni rnam pa gsum char yin la/ rnam pa gsum char gyi spyod yul yang yin la/ ming ni rnam pa gsum char ma yin la/ rnam pa gnyis kyi spyod yul yin no/ /rnam par rtog pa ni rnam pa gsum char yin la/ rnam pa gnyis kyi spyod yul yin no/ /de bzhin nyid ni rnam pa gsum char

  17. 9a

    yang ma yin la/ stong pa nyid kyi spyod yul dang mtshan ma med pa'i spyod yul yin na/ yang dag ba'i shes pa ni rnam pa gsum char yin la/ stong pa nyid kyi spyod yul yin no/ /gang du stong ba nyid dang/ smon pa med pa dang/ mtshan ma med pa bye brag med par gsungs pa der ni de dag thos pa dang/ bsams pa dang/ bsgoms pa las byung ba nyid yin par blta bar bya'o/ /gang du de dag ting nge 'dzin gyi sgra kho nar gsungs pa der ni de dag bsgoms pa las byung ba 'jig rten pa dang 'jig rten las 'das pa yin par blta bar bya'o/ /gang du de dag rnam par thar ba'i sgo'i sgra kho nar gsungs pa der ni de dag 'jig rten las 'das pa nyid yin par blta bar bya'o/ /du zhig lhag pa'i tshul khrims dang lhag pa'i tshul khrims kyi 'khor dag yin du zhig lhag pa'i sems dang/ lhag pa'i shes rab dang/ lhag pa'i sems dang/ lhag pa'i shes rab kyi spyod yul dag yin zhe na/ smras pa/ rgyu mtshan ni lhag pa'i tshul khrims kyang yin/ lhag pa'i tshul khrims kyi 'khor kyang yin lhag pa'i sems dang/ lhag pa'i shes rab kyang yin/ de dag gi spyod yul yang yin no/ /ming ni lhag pa'i tshul khrims kyi 'khor dang/ lhag pa'i sems dang/ lhag pa'i shes rab kyi spyod yul yin no/ /rnam par rtog pa ni lhag pa'i sems dang lhag pa'i shes rab yin la/ de dag gi spyod yul dang lhag pa'i tshul khrims kyi 'khor kyang yin no/ /de bzhin nyid ni rnam pa gsum char ma yin la/ lhag pa'i sems dang lhag pa'i shes rab kyi spyod yul yin no/ /yang dag pa'i shes pa ni lhag pa'i sems dang lhag pa'i shes rab yin la de gnyis kyi spyod yul dang/ lhag pI tshul khrimS kyi 'khor kyang yin no/ /du zhig slob pa dag yin/ du zhig mi slob pa dag yin/ du zhig slob pa yang ma yin mi slob pa yang ma yin pa dag yin zhe na/ smras pa/ rgyu mchan dang rnam par rtog pa ni rnam pa gsum chad yin no/ /ming ni slob pa yang ma yin mi slob pa yang ma yin no/ /de bzhin nyid kyang slob pa yang ma yin mi slob pa yang ma yin pa yin te/ 'dus ma byas pa'i phyir ro/ /yang dag pa'i

  18. 9b

    shes pa ni slob pa dang mi slob pa yin no/ /du zhig mthong bas spang bar bya ba dag yin /du zhig sgom pas spang bar bya ba dag yin/ du zhig spang bar bya ba ma yin pa dag yin zhe na/ smras pa/ rgyu mtshan ni rnam pa thams cad yin no/ /ming ni bsgoms pas spang bar bya ba yin no/ /rnam par rtog pa ni mthong bas spang bar bya ba dang/ bsgoms pas spang bar bya ba yin no/ /de bzhin nyid ni spang bar bya ba ma yin no/ /yang dag pa'i shes pa ni spang bar bya ba ma yin pa kho na yin no/ /rgyu mtshan la dmigs nas dran pa nye bar gzhag pa du zhig sgom par byed ce na/ smras pa/ bzhi ca'o/ /ming la dmigs nas du zhig ce na smras pa/ gcig ste/ chos dran pa nye bar gzhag pa'o/ /rnam par rtog pa la dmigs nas du zhig ce na/ smras pa/ gsum ste/ tshor pa dang/ sems dang/ chos dran pa nye bar gzhag pa'o/ /de bzhin yid la dmigs nas du zhig ce na/ smras pa/ gcig ste/ chos dran pa nye bar gzhag pa'o/ /lus kyi mtshan ma'i de bzhin nyid yid la byed pa na yang 'dres pa la dmigs pa'i chos dran pa nye bar gzhag pa sgom par byed do/ /tshor ba dang sems dang chos kyi mtshan ma dag la yang de bzhin no/ /yang dag pa'i shes pa la dmigs nas du zhig ce na/ smras pa/ gsum kho na ste rnam par rtog pa bzhin no/ /rgyu mtshan la dmigs nas sdig pa mi dge ba'i chos skyes so cog spong bar brjod par bya ba 'am/ mi spong bar brjod par bya zhe na smras pa/ rnam par gnon pa'i spong bas spong bar brjod par bya'o/ bag la nyal yang dag par 'joms pa'i spong pas ni ma yin no/ /rgyu mtshan la ji lta ba bzhin du ming dang rnam par rtog pa yang de bzhin no/ /de bzhin nyid la dmigs pa dang/ yang dag pa'i shes la dmigs pa dang/ bag la nyal yang dag par 'joms pa'i spong bas kyang spong bar brjod par bya'o/ /dngos po lnga po de dag las dngos po du zhig yid la byed pa na 'jig rten pa'i bsam gtan dang po la snyoms par 'jug ce na/ smras pa/ 'dod pa dang ldan pa dang/ bsam gtan dang po'i sa pa dang ldan pa'i rgyu mtshan dang/ ming dang rnam par rtog pa yid la byed pa na'o/ /de bzhin du sa 'og ma pa dang bsam gtan

  19. 10a

    gnyis pa'i sa ba dang ldan pa'i rgyu mtshan dang ming dang rnam par rtog pa yid la byed pa na 'jig rten pa'i bsam gtan gnyis pa la snyoms par 'jug go/ bsam gtan dang gzugs med pa'i snyoms par 'jug pa lhag ma rnams la yang de bzhin du ci rigs bar rig par bya'o/ /dngos po du zhig yid la byed pa na 'jig rten las 'das pa'i bsam gtan dang po la snyoms par 'jug ce na/ smras pa/ 'dod pa dang ldan pa dang/ bsam gtan dang po'i sa pa dang ldan pa'i rgyu mtshan dang ming dang rnam par rtog pa de dag nyid kyi de bzhin nyid yid la byed pa na'o/ /ci yang med pa'i skye mched kyi bar du yang de bzhin du ci rigS par bya'o/ /'du shes med 'du shes med min skye mched la ni nges par 'jig rten pa kho nas so/ /'du shes med 'du shes med min skye mched dang ldan pa'i rgyu mtshan ci rgyu mtshan du brjod par bya ba 'am zhe na/ smras pa/ mtshan ma med pa rgyu mtshan dang cha phra ba rgyu mtshan du brjod par bya'o/ /dngos po lnga po de dag la dad pa la sogs pa'i chos gang dag yin pa de dag ngo bo nyid gang dag dang/ dmigs pa gang dag dang/ bdag po gang dag gi dbang po'i ming 'thob ce na/ smras pa/ rnam par rtog pa'i ngo bo nyid dang ming dang rgyu mtshan la dmigs pa dang/ de bzhin nyid dang yang dag pa'i shes pa'i bdag pos so/ /dbang po'i ming ji lta ba bzhin du stobs rnams kyi ming yang de bzhin no/ /gnas skabs gang la stebs kyi ming ngo 'thob ce na/ smras pa/ gang gi tshe dad pa la sogs pa'i dbang po de dag nyid ma dad pa la sogs pa dang ma 'dres shing ma 'dres pa'i chos nyid du gyur pa na'o/ /dbang po dang stobs dag ji lta ba bzhin du 'jig rten pa'i byang chub kyi yan lag dran pa la sogs pa gang dag yin pa de dag kyang byang chub kyi phyir yin lag yin pas rnam par rtog pa'i ngo bo nyid yin par blta bar bya'o/ /'jig rten las 'das pa'i byang chub kyi yan lag dran pa la sogs pa gang dag yin pa de dag ni byang chub kyi yan lag yin pas yang dag pa?

  20. 10b

    shes pa'i ngo bo nyid dang de bzhin nyid la dmigs pa dang rnam par bzhag pa'i bden pa rtogs pa'i bdag po yin par blta bar bya'o/ /yang dag pa'i lta ba la sogs pa lam gyi yan lag rnams kyang bar dag 'jig rten pa yin pa de dag ni snga ma bzhin du blta bar bya'o/ /gang dag 'jig rten las 'das pa de dag ni yang dag pa'i shes pa las tshul khrims kyi yan lag ma rtogs pa'i ngo bo nyid dang/ rnam par ma bzhag pa'i bden pa dang rnam par bzhag pa'i de bzhin nyid la dmigs pa dang/ zag pa thams cad zad pa mngon du bya ba dang/ tshe 'di la bde bar gnas pa'i bdag po yin no/ /lam gyi yan lag rnams ji lta ba bzhin du lam dang/ chos kyi gzhi dang zhi gnas dang lhag mthong yang de bzhin du blta bar bya'o/ /de la lam ni dbang po rtul po dang rnon po rnam par bzhag pa dang/ tshe 'di la bde bar gnas pa thob pa dang ma thob pa rnam par bzhag go/ chos kyi gzhi rnams ni brdar btags pa dang don dam pa pa'i dam pa'i chos 'dzin pa las rnam par bzhag ste lhag pa'i tshul khrims kyi brdar btags pa'i dam pa'i chos 'dzin pa las ni dang po gnyis rnam par bzhag go/ lhag pa'i sems dang lhag pa'i shes rab kyi don dam pa pa'i chos 'dzin pa las ni tha ma gnyis rnam par bzhag go zhe gnas dang lhag mthong ni dmigs pa las mi g.yo ba dang de la yongs su rtog pa'i don gyis rnam par bzhag go /mtshan ma dang gnas ngan len gyi 'ching ba gnyis las rnam par grol ba'i dbang gis rnam par thar pa brgyad de/ dngos po lnga po de dag la rnam par thar pa brgyad kyi ngo bo nyid ni gang dag yin/ dmigs pa ni gang dag yin/ bdag po ni gang dag yin zhe na/ smras pa/ 'jig rten pa dang 'jig rten las 'das pa'i yang dag pa'i shes pa'i ngo bo nyid do/ /dang po dang gnyis pa ni gzugs gyi kha dog gi mtshan ma dang de bzhin nyid la dmigs pa yin no/ /gsum pa ni gzugs nyid kyi phan 'dogs pa'i mtshan ma dang de'i de bzhin nyid kyi mtshan ma la dmigs pa yin no/ /bzhi ni rang gi mtshan ma dmigs pa dang/ de dag gi de bzhin nyid kyi mtshan ma la dmigS pa

  21. 11a

    yin no/ /tha ma ni dmigs pa med pa yin no/ /thams cad kyang 'phags pa'i rdzu 'phrul gyi yon tan mngon par sgrub pa la bdag po yin no/ /de dag kyang gzugs kyi mtshan ma dang gzugs med pa'i mtshan ma la dbang ba'i sgrib pas sgribs pa'i rnal 'byor pas sgrib pa de dag spang ba'i phyir rtsom par byed do/ /zil gyis gnon pa'i skye mched brgyad kyi dang po bzhin 'di lta ste dper na rnam par thar pa dang po gnyis dang 'bra'o?/ tha ma bzi ni 'di lta ste dper na rnam par thar pa gsum pa dang 'dra'o/ /gzugs zil gyis mnan par dka' ba'i phyir gzugs de zil gyis non na/ gzugs med pa zil gyis gnon pa'i dbang yang 'thob pa'i phyir ro /zil gyis mnan nas mthong bar byed cos gang gsungs pa de la 'phags pas ni gzugs kyi mtshan ma ded?/ /de bzhin nyid la byed pas zil gyis mnan nas shes zil gyis mnan nas mthong ngo/ /so so'i skye bos ni de lta ma yin no/ /so so skye bos ji ltar zil gyis gnon zhe na/ smras pa/ 'du shes gsum gyis te /gzugs sdug pa dang/ mi sdug ba la gcig la gcig pa ltos pa'i 'du shes dang/ gcig la gcig ltos pa'i phyir gcig la gcig 'brel pa'i 'du shes dang/ gcig la gcig 'brel ba'i phyir gzugs sdug pa dang mi sdug pa la sdug par ro bcig pa'i 'du shes kyis so/ /de ji ltar so so'i skye bo rnams kyi zil gyis gnon pa tha ma de ni 'phags pa rnams dang thun mongs pa yang yin no/ /zad par gyi skye mched bcu ni zil gyis gnon pa'i skye mched kyi stobs kyis blta bar bya'o?/ /de la bye brag ni 'di yod de/ 'byung ba'i mtshan ma la dmigs pa dang/ de dag gi de bzhin nyid kyi mtshan ma la dmigs pa gang dag yin pa dang/ nam mkha' dang rnam shes mdza' yas skye mched kyi mtshan ma la dmigs pa dang/ de dag gi de bzhin nyid kyi mtshan ma la dmigs pa yin no/ /gzhan du na gnas ma khyab par gnas pa khyab par mi 'gyur te/ dmigs pa de ni de bzhin nyid kyi mtshan ma yid la byed pas zad par

  22. 11b

    las khyad par brjod par bya'o/ /zil gyis mnan pa dang zad par khyab par byed pa 'di gnyis kyis ni rnam par thad pa rnam par dag ba dag dang 'phags pa'i rdzu 'phrul gyi yon tan mngon par sgrub bar bya'o/ //bam po sum cu bzhi pa/ /sdom ni /bsdu dang ngo bo nyid dang ni/ /gzung rang 'jig tshogs sring pa dang/ /'jig rten de nyid yangs tshol dang/ /yang dag dgongs dang go rims so/ /rgyu mtshan bden pa du dag gis bsdus she na/ smras ba/ rnam par bzhag pa'i bden pa bzhis so/ /ming ni gcig gis te/ sdug bsngal gyi bden pas so/ /rnam par rtog pa ni 'gog pa'i bden pa ma gtogs pa gsum gyis so/ /de bzhin nyid ni rnam par ma bzhag pa'i bden pas so/ /yang dag pa'i shes pa ni rnam par bzhag pa dang/ rnam par bzhag pa'i bden pa la dmigs pa'i lam gyi bden pas bsdus so/ /rgyu mtshan gang yin pa de ming yang yin la/ ming gang yin pa de yang rgyu mtshan yin nam zhe na/ re zhig ming gang yin pa de ni rgyu mtshan yin no/ /rgyu mtshan yin la ming ma yin pa yang yid/ ming rgyu mtshan ma gtogs pa ? las gzhan pa'i rgyu mtshan bzhi po dag go/ lhag ma rnamS kyang de bzhin du ci rigs par rig par bya'o/ /rgyu mtshan gang yin pa de thams cad rgyu mtshan rgyu mtshan yang yin la/ rgyu mtshan rgyu mtshan gang yin par de thams cad kyang rgyu mtshan yin nam zhe na/ re zhig rgyu mtshan rgyu mtshan gang yin pa de ni rgyu mtshan yin no/ /rgyu mtshan yin la rgyu mtshan rgyu mtshan ma yin pa yang yod de/ ming rgyu mtshan la sogs pa bzhi po dag go /rgyu mtshan rgyu mtshan la rnam par rtog par byed pa gang yin pa de thams cad ming rgya mtshan dang ldan pa'i 'brel pa la rnam par rtog par byed pa yin nam/ ming rgyu mtshan pa rnaM ma par rtog par byed pa gang yin pa de thams cad rgyu mtshan rgyu mchan dang ldan pa'i 'brel pa la rnam par rtog pa yin nam zhe na/ mu bzhi ste/ rgyu mtshan rgyu mtshan la rnam par rtog par byed la/ ming rgyu mtshan dang ldan pa'i 'brel ba la rnaM par rtog par byed pa ma yin pa

  23. 12a

    yang yod de/ ming ma rtogs pa'i rgyu mtshan la rnam par rtog pa'i rgyu mtshan dang/ ming gi bag la nyal gsal ba gang yin pa'o/ /ming rgyu mtshan la rnam par rtog par byed la rgyu mtshan dang ldan pa'i 'brel pa la rnam par rtog par mi byed pa yang yod de dngos po ma gtogs pa'i ming la rnam par rtog pa'i rgyu mtshan gang yin pa'o/ /de las bzlog pa ni gnyi ga yin no/ /rnam pa de dag ma gtogs pa ni gnyi ga ma yin no/ de bzhin nyid yid la byed pa gang yin pa des de bzhin nyid kho na mthong bar 'gyur ram/ de bzhin nyid mthong bar 'gyur ba gang yin pa de de bzhin nyid kho na yid la byed pa yin zhe na mu bzhi ste/ de bzhin nyid yid la byed la de bzhin nyid mthong bar mi 'gyur ba'ang yod de/ rnam par rtog pas bsdus pa'i yid la byed pas de bzhin nyid yid la byed pa na ji srid du ma gtogs kyi bar du de bzhin nyid kyi mtshan ma ni mthong bar 'gyur la/ de bzhin nyid ni mthong bar mi 'gyur zhing rtogs par mi 'gyur ba'i bar dang/ rtogs par gyur na'ang de'i gong du rnam par bzhag pa'i de bzhin nyid yid la byed pa'o/ de bzhin nyid mthong bar 'gyur la de bzhin nyid yid la mi byed pa 'ang yod de/ de bzhin nyid rtogs par byed pa'i tshe na don dam par mtshan ma med pa yid la byed pa'o/ /de bzhin nyid kyang mthong la de bzhin nyid lo ni yid la byed par 'gyur ba yang yod do/ /rtogs pa'i 'og tu rnam par ma bzhag pa'i de bzhin nyid rgyun tu yid la byed pa'o/ /de bzhin nyid kyang mi mthong la de bzhin nyid yid la byed par mi 'gyur ba yang yod de/ rigs pas bskyed pa med pa'i yid la byed pas mtshan ma yid la byed pa'o/ /mtshan ma yid la byed pa gang yin pa nges mtshan ma nyid yang dag par rjes su mthong bar 'gyur ram/ mtshan ma yang dag par rjes su mthong ba des mtshan ma nyid yid la byed ce na mu bzhi ste/ mtshan ma yid la byed la mtshan ma mthong bar mi 'gyur ba yang yod de /'di lta ste dper na mu gnyis pa lta bu'o/ mtshan ma mthong la mtshan ma yid la byed pa

  24. 12b

    mi 'gyur ba yang yod de/ 'di lta ste dper na mu dang po lta bu'o/ /mtshan ma yang yid la byed la mtshan ma nyid mthong bar 'gyur ba yang yod de/ 'di lta ste dper na/ mu bzhi pa lta bu'o/ /mtshan ma yang yid la mi byed mtshan ma mthong bar mi 'gyur ba yang yod de/ 'di lta ste dper na mu gsum pa lta bu'o/ /ci dngos po lnga po 'di dag gis chos thaMs cad bsdus pa yin nam/ 'on te ma yin zhe na/ smras pa yin no/ /chos de dag gi ngo bo nyid gang yin pa brjod par bya zhe na/ smras pa/ brjod du med pa'i ngo bo nyid yin no/ /de dag gi mtshan nyid ji lta bu yin par blta bar bya zhe na/ smras pa/ sgyu ma lta bu'i mtshan nyid yin gyi/ med pa nyid ni ma yin te/ 'di lta ste dper na/ sgyu ma'i las nyid kyis ni yod la/ rta dang glang po che dang shing rta dang dpung bu chung dang nor bu dang mu tig dang gser dang dngul la sogs pa'i ngo bo nyid du ni yod pa ma yin pa de bzhin du/ ngo bo nyid kyang ming dang mtshan ma tsam nyid du ni yod la/ ngo bo nyid dang khyad par gdags par snang ba'i dngos por ni yod pa ma yin no/ /rgyu mtshan rgyu mtshan zhes bya ba'i ming nges rgyu mtshan gyi ngo bo nyid dmigs su med do/ /rgyu mtshan ji lta ba bzhin du ming gis ming gi ngo bo nyid dang/ rnam par rtog pas rnam par rtog pa'i ngo bo nyid dang/ de bzhin nyid kyis de bzhin nyid kyi ngo bo nyid dang/ yang dag pa'i shes pa yang dag pa'i shes pa zhes bya ba'i ming nges yang dag pa'i shes pa'i ngo bo nyid dmigs su med do/ /de ci'i phyir zhe na/ de'i ngo bo nyid rnam pa thaMs cad du mi 'thad pa'i phyir ro/ /gal te ngo bo nyid gang gi rgyu mtshan rnam par bzhag pa de la de dang 'thun pa nyid kyi ming nye bar 'dogs par byed pa'i phyir nye bar 'dogs pa ni rgyu mtshan la rag las pa yin no zhe na nges na nye bar 'dogs pa'i sngon rol na /ji ltar ming rnam par bzhag pa bzhin du rgyu mtshan la de'i blo 'byung bar 'gyur ba dang/ rgyu mtshan gcig la nye bar 'dogs pa mang pa'i phyir dang/ sna tshogs pa'i phyir bdag nyid mang po 'thob par 'gyur bas/ de'i phyir nye bar 'dags pa rgyu mtshan la rag las par mi rung ngo/ /gal te ji ltar rgyu mtshan

  25. 13a

    la rag las par mi rung ngo/ /gal te ji ltar rgyu mtshan la ming rnam par 'jog pa de bzhin du ming gis dbang gis rgyu mtshan gyi ngo bo nyid de 'byung bar 'gyur ro zhe na/ des na nye bar 'dogs pa'i sngon rol na rgyu mtshan gyi ngo bo nyid med par 'gyur te /de med na nye bar 'dogs ba yang med par 'gyur bas de'i phyir de gnyi ga yang med par thal bar 'gyur ba dang nye bar 'dogs pa mang ba'i phyir dang/ sna tshogs pa'i phyir bdag nyid mang po nyid dang/ gzhan gyi dbang du 'gyur pa'i skyon du yang 'gyur ro/ /gzhan gyi dbang du 'gyur ba ni rgyu mtshan la nye bar 'dogs pas thams cad kyis de'i bdag nyid kyi ngo bo nyid yin par mi rung ste/ sgyu ma'i skyes bu'i lus sna tshogs grub pa dang 'dra ste/ 'di lta ste dper na/ sgyu ma mkhan gyi skyes pa dang bud med dang/ glang po che dang dom dang dred kyi lus la sogs pa'i lus sna tshogs kyiS sgyu ma'i skyes bu mngon par 'du byed pa de ni lus gang gi bdag nyid kyang ma yin pa de bzhin du/ rgyu mtshan yang nye bar 'dogs pa thaMs cad kyis de'i bdag nyid ma yin par blta bar bya'o/ /gal te rgyu mtshan dang nye bar 'dogs pa gnyi ga 'dus las de dang bral ba'i ngo bo nyid skyed par byed na ni des na de rgyu mtshan nam ming 'am de gnyi ga'am? par ma ngo zhig yin par dmiD pa'i rigs ni mi dmiD te de'i phyir de'ang mi rung ngo/ /de lta bas na ngo bo n yid ni tha snyad las byung ba yin no/ /gal te nye bar 'dogs pa ni ngo bo n yid rnams kyi mngon par gsal bar byed pa yin par 'dod na de ltar yang mi rung ste/ gzung? nas sam pa gzung bar nye bar 'dogS pa'i skyon du 'gyur ba'i phyir ro/ /gal te rgyu mtshan gzung nas nye bar 'dogs par byed na ni mngon par gsal bar byed pa yin par mi rung ngo/ /ji ste rgyu mtshan ma gzung bar nye bar 'dogs par byed na ni gzhi med par nye bar 'dogs pa mi rung ngo/ /snga ma bzhin du bdag nyid du ma yin pa'i skyon du yang 'gyur te/ nye bar 'dogs pa rnams ni mang po sna tshogs yin pa'i phyir ro/ /gsal bar byed pa'i dpe ni mi mthun pa yin pas mi rung ste/ de la mi mthun pa ni 'di yin te/ snang zhing gsal bar byed pa'i

  26. 13b

    rgyu ni thaMs cad la bye brag med pa dang sna tshoD pa yang yin la/ nye bar 'dzags pa'i 'dzin pa'i rgyu ni de lta ma yin pa'o/ /gang gi phyir brjod du med par brjod ba yang brjod du med pa zhes bya bar brjod par snang ba de'i phyir brjod du med pa zhes bya bar mi rung la/ sgyu ma'i skyes bu lus sna tshogs su grub pa de dag gis de'i bdag nyid ma yin yang sgyu ma'i skyes bu'i lus sna tshogs su grub pa de'i bdag nyid yin pas/ de'i phyir yang dpe mi mthun pa yin no zhe na/ smras pa/ brjod du med pa de brjod du med do ces dam bcas pa'i tshe kho na la dag pas? byas zin pas de la nyes pa med do/ /don de nyid rtogs par bya ba'i phyir sbyor bar byed pa yin no/ /de 'dra pa'i phyir dpe mi mthun pa yang ma yin la/ nye bar 'dogs pa dag gis de'i bdag nyid kyang ma yin zhing/ brjod du med pa'i don med pa yang ma yin no/ /gal te ming gis nye bar 'dogs par byad na ni rgyu mtshan gyi dngos po srid par 'gyur la/ mi byed na ni mi srid par 'gyur na ni de lta na chos mthun pa'i dpe yang rung bar 'gyur la brjod du med par rtog pa yang rig par 'gyur ro/ /gal te de lta ma yin na /de'i phyir brjod du med par rtog pa'i don med pa yin no zhe na/ smras pa/ sa'i dngos gzhir rnam par rtog pa snga ma rnam pa brgyad las da ltar byung ba'i dngos po rnam pa gsum 'byung bar 'gyur ro zhes ji skad bstan pa yin te/ 'byung ba'i dngos po rnam pa gsum po de yang rnaMs par rtog pa rnams kun tu bskyed pa'i phyir 'byung ba yin te/ de ltar 'brel pa'i tshul gyis kun nas nyon mongs pa rgyun mi 'chad par 'gyur bas de'i phyir dpe ni chos mthun pa yin no/ /rnam par rtog pa'i nye bar 'dogs pa spangs na kun nas nyon mongs pa ldog pa yang rung ste/ 'di ni 'phags pa'i ye shes kyis dmigs pa yin pas/ de yang tshad ma yin te/ de'i phyir brjod du med par rtog pa don med ma ma yin no/ /gal te rgyu mtshan gyi dngos po rnam par gzhig pa'i phyir rnam par rtog pa'i nye bar 'dogs pa spong ba yin na/ de lta na 'phags pa'i ye shes gang yang rung ba gcig gis rgyu mtshan dang rnaM par rtogs bsdus

  27. 14a

    pa'i sems can dang sems can du bgrang ba ma yin pa'i dngos po thaMs cad 'gog par thal bar 'gyur te/ 'di lta ste dper na/ sgyu ma mkhan dang sgyu ma'i las bzhin no zhe na/ smas pa dngos po ni rnam par rtog pa thun mong ma yin pa'i rgyu las byung ba dang/ rnam par rtog pa thun mong ba'i rgyu las byung ba yin pas/ rnam par rtog pa thun mongs ma yin pa'i rgyu las byung ba rnam par ma brtags pa gang yin pa de ni 'gog par 'gyur la/ rnam por rtog pa thun mong dpa' i? rgyu las byung ba rnam par ma brtags pa gang yin pa de ni gzhan gyis rnam par rtog pas zin pa yin pas mi 'gog ste/ gzhan du na gzhan gyi rnam par rtog pa don med par 'gyur ro/ /de ma 'gagS na yang rnam par dag pa'i bdag nyid can gyi mthong ba rnam par dag bar 'gyur bar khong du chud par bya ste/ 'di lta ste dper na rnal 'byor ba rang tu mang pos dngos po gcig la mnyam par bzhag pa'i shes pas sna tshogs su mos par byed pa ngag la mthong ba sna tshogs dmigs par 'gyur ba de dang 'dra'o/ /dngos po lnga po de dag las du zhig gzung ba dag yin/ du zhig 'dzin pa dag yin zhe na/ smras pa/ gsum ni gzung ba dag yin no/ /rnam par rtog pa dang yang dag pa'i shes pa ni 'dzin pa yang yin/ gzung ba 'di yin no/ dngos po lnga po dag la mdor bsdu na/ rnam pa du zhig 'dzin pa'i spyod yul gyi don yin par blta bar bya zhe na/ smras pa/ rnam pa gsum ste/ brjod pa dang bcas shing mtshan ma dang bcas pa'i 'dzin pa'i spyod yul dang/ brjod du med la mtshan ma dang bcas pa'i 'dzin pa'i spyod yul dang/ mtshan ma med pa 'dzin pa'i spyod yul lo/ de la dang po ni tha snyad rjes su sang pa'i 'dzin pa'i spyod yul lo/ /gnyis pa ni tha snyad bag la nyal ba'i 'dzin pa'i spyod yul lo/ /gsum pa ni tha snyad bag la nyal ba ma yin pa'i 'dzin pa'i spyod yul lo/ /dang po gnyis ni kun rdzob kyi bden pa 'dzin pa yin no/ /tha ma ni don dam pa'i bden pa 'dzin pa yin no/ /gzhen yang

  28. 14b

    bag la nyal med pa de'i rjes las thob pa'i 'dzin pa yang yod de/ de'i spyod yul ni bden pa gnyis kar gtogs pa'i gzung ba yin te/ 'di lta ste 'jig rten pa dang 'jig rten las 'das pa'i shes pa'o/ /de'i spyod yul ni rnam bar bzhag pa'i bden pa yin pa'i phyir de'i spyod yul bden pa gnyis kar gtogs pa yin par rnam par bzhag go/ 'jig rten pa dang 'jig rten las 'das pa'i 'dzin pa de gnyis kyang rgyu gnyis kyis rnam par shes par bya ste/ 'dris pa dang ma 'dris pa'i phyir dang tha snyad dang tha snyad ma yin pa la brten pa'i phyir ro/ /'jig rten na mtshan ma dang bcas pa la 'dzin par ni grags kyi/ mtshan ma med pa la 'dzin par ni ma grags pas/ rgyu med par dang rkyen med par ni mi rung ste/ de'i rgyu ni gang rkyen ni gang zhe na/ smras pa/ tha snyad kyis yongs su bsgos pa'i 'dzin pa'i 'bras bu ni mtshan ma dang bcas pa la 'dzin par grags pa yin te/ kun nas nyon mongs par 'gyur pa'o/ /don dam pa'i shes pas yongs su bsgos pa'i 'dzin pa'i 'bras bu ni mtshan ma med pa la 'dzin pa yin te /rnam par byang bar 'gyur ba'o/ /de'i phyir de gnyi ga yang rgyu dang bcas pa dang rkyen dang bcas pa yin te/ mig la rab rib kyi skyon yod pa la skra shang 'dzings pa la sogs pa rab rib kyi mtshan ma dmigs pa lta bu dang/ skyon med pa la de mi dmigs shing tha mal dang snang ba lta bu'o/ /gal te mtshan ma med pa'i dbyingS la mtshan mar 'dzin na ni mtshan ma med pa 'dzin par mi 'gyur ro/ /gal te mi 'dzin na ni de lta na yang mtshan ma med pa 'dzin par mi 'gyur ro zhe na/ smras pa/ 'dzin pa ni tha snyad bag la nyal med pa'i phyir mtshan ma med pa'i dbyings la 'dzin pa na yang de la mtshan mar mi 'dzin pas mtshan ma med pa 'dzin par 'thad do/ /mtshan mar mi 'dzin pas de ji ltar 'dzin zhe na/ de'i mtshan ma bshig pa'i phyir dang/ mngon rtags su 'dzin par sgro 'dogs ba med pas so/ /ji ste mtshan mar 'dzin na yang mngon rtags su 'dzin par sgro 'dogs pa med na/ mtshan ma med cing 'dra bar rig par bya zhe na/ smras pa/ don dam pa 'dzin pa'i phyir ngang/

  29. 15a

    mtshan ma med pa 'dzin pa ma yin pa'i phyir dang/ dngos po lnga po la mtshan ma thams cad mi snang ba'i mtshan nyid yin no/ /gal te mi gsal bar 'dzin par rnam par bzhag na/ 'dzin pa de 'gog pa kho na yin par ci'i phyir mi rtag ce na/ smras pa/ 'gog par ni mngon par 'du bya ba ma yin pa'i phyir rnal 'byor pa de 'gog pa'i phyir mngon par 'du mi byed do/ /de'i mtshan nyid ji ltar so sor rig par bya zhe na/ smras pa/ so so rang rig pa'i ye shes kyis so/ /de ji ltar so sor rig par byed pa de ltar ci'i phyir lan 'debs par mi byed ce na/ smras pa/ so sor rig pa de ni brjod pa'i gzhi'i gnas ma yin pa'i phyir ro/ /gal te shes pa dang po mtshan ma med pa ma yin na ni de med pI phyir mtshan ma med pa'i shes pa goms pa yang med par 'gyur la/ de la goms pa med na ni mtshan ma med pa rgyu med pa las skye bar mi rung ngo zhe na/ smras pa/ mtshan ma dang bcas pa yang mtshan ma med pa'i rgyur rung ste de dang mthun pa'i phyir ro/ /'di lta ste dper na 'jig rten pa la rten nas 'jig rten las 'das pa skye ba dang/ zag pa dang bcas pa la rten nas zag pa med pa dang /sems yod pa'i snyoms par 'jug pa la rten nas sems med pa skye ba dang 'dra'o/ /bcom ldan 'das kyis rnam par dag pa'i rgyur sdug bsngal la sogs pa shes pa gsungs pa la/ gal te sdug bsngal sogs pa shes pas sdug bsngal la sogs pa'i bden pa dag sdug bsngal sogs par yongs su rtog par byed na ni nges na mtshan ma dang bcas par 'gyur ro/ /ji ste yongs su rtog par mi byed na ni sdug bsngal la sogs pa shes par mi 'gyur bas/ de med na ji ltar rnam par dag par 'gyur zhe na /sras pa/ bden pa rnams la 'jig rten pa dang 'jig rten las 'das pa'i shes pa rnam par dag pa ni mtshan ma med pa'i shes pa'i dbang gis byung ba yin pa'i phyir/ de nyid kyis nyon

  30. 15b

    mongs pa rnam par spangs pas na mtshan ma med pa'i shes pa sdug bsngal la sogs pa'i shes pa'i rgyur gyur pa nyon mongs pa spong bar byed pa gang yin pa de nyid la rgyu la 'bras bu gdags pa byas nas sdug bsngal la sogs pa shes par nye bar gdags pas nyes pa med do/ / sngar gzung ba ni 'dzin pa'i 'bras bu can yin no zhes bstan na/ 'dzin pa de'i 'bras bu gang yin bar brjod par bya zhe na/ smras pa/ gnyi ga gcig gi 'bras bu gcig yin no/ /gang gi tshe shes bya mi rtag pa 'dris pa brtan pa dang dpag tu med pa phal cher lkog tu gyur pa yin pa'i tshe/ rnal 'byor pa nges ji ltar de la dmigs par byed cing rnam par bzlog par yang byed ce na/ smras pa/ thos pa dang bsam pa'i dbang gis ting nge 'dzin thob par 'gyur la/ nges shes bya rnam pa lnga'i ting nge 'dzin gyi gzugs brnyan mngon du byas nas shes bya de la dmiD par byed do/ /zil gyis mnon pas ni rnam par bzlog par byed do/ /shes bya rnam pa lnga zil gyis mnon pa'i mtshan nyid ji lta bu yin par brjod par bya zhe na/ smras pa/ gnas gyur pa/ 'dus ma byas pa/ mya ngan las 'das pa'i mtshan nyid bla na med pa yin no/ / mya ngan las 'das pa gang zhe na /chos kyi dbyings rnam par dag pa gang yin pa ste/ nyon mongs pa dang sdug bsngal nye bar zhi ba'i don gyis yin gyi/ med pa'i don gyis ni ma yin/ /gang gi tshe nyon mongs pa dang sdug bsngal nye bar zhi ba tsam la mya ngan las 'das pa zhes bya ba'i tshe/ ci'i phyir de med pa'i don gyis ma yin zhe na /smras pa/ 'di lta ste dper na /chu'i khams la rnyog pa dang btsam gsal ba yin yang rog pa dang par gyur pas gsal ba nyid med pa ma yin pa dang/ gser skyon dang bral pa tsam bzang ba nyid yin yang de dang bral pas bzang ba nyid med pa ma yin pa dang/ nam mkha' sprin dang khug rnal sogs pa dang bral ba tsam rnaM par dag pa nyid yin yang de dang bral bas rnaM par dag pa nyid med pa ma yin pa bzhin du/ 'di la yang tshul de

  31. 16a

    bzhin du blta bar bya'o/ /chos kyi dbyings rnam par dag pa gang zhe na/ yang dag pa'i shes pa bsgom pa la brten nas mtshan ma thams cad gsal bas de bzhin nyid gang yin pa ste/ 'di lta ste dper na mi la la zhig gnyid log pa'i tshe bdag nyid chu po'i chus khyer bar rmis naS de chu bo de las rgal bar bya ba'i phyir brtson 'grus chen po rtsom par gyur pa las/ brtson 'grus rtsom pa de nyid kyis sad par gyur cing sad nas kyang chu bo'i chu de nyid mi snang bar gyur pa de bzhin du mtshan ma sel ba 'di la yang tshul de bzhin du blta bar bya'o/ /ci gang gi tshe tha snyad kyi bag la nyal spong bar byed pa de nyid kyi tshe na mtshan ma rnam par 'jig par byed dam/ 'on te spangs pa'i 'og tu dus gzhan gyi tshe na rnam par 'jig par byed ce na/ /smras pa/ de spong bar byed pa dang de rnam par 'jig par byed pa ni srang mda'i mtho dman gyi tshul bzhin du mgo mnyam zhing dus gcig tu ste/ 'di lta ste dper na ri mo'i dbyings la tshon rtsi byed pa na dbyibs kyang byed par 'gyur ba dang/ rab rib kyi skyon gsal ba na skra shad 'dzings pa la sogs pa rab rib gsal bar mgo mnyam pa bzhin du/ 'di la yang tshul de bzhin du blta bar bya'o/ /rnal 'byor pas ji ltar dmigs pa zil gyis gnon ce na/ smras pa/ sems mnyam par bzhag pa la shes bya'i gzungs brnyan byung ba na/ sngar don dam pa les par rtogs pa yid la byed pas mtshan ma dang bcas pa nyid ni rnam par ldog/ /mtshan ma med pa nyid du ni 'gyur ro/ / mtshan ma med pa nyid du 'gyur ba de'ang gnas skabs lnga ste/ nyi tshe ba dang/ thams cad du 'gro ba dang/ g.yo ba dang mngon par 'du byed pa dang bcas pa dang/ grub pa'i/ /grub pa de'ang mtshan nyid ji lta bu yin zhe na/ nyon mongs pa thams cad dang

  32. 16b

    gnod pa thams cad kyis mi rdzi ba'i phyir gtan du gnod par byar med pa yin pas na gnas grub pa zhes bya ste/ de'ang de kho na'i don shin tu rnam par dag pa spyod yul pa dang/ thams cad mngon sum gyi spyod yul ba dang/ thams cad la dbang sgyur ba'i spyod yul pa'o/ /grub pa de yang theg pa dus rnam par 'jog par byed cing/ dus ji tsam gyis 'thob ce na/ smras pa/ dbang po rnam pa gsum yod pa'i phyir theg pa gsum gyis rnam par 'jog ste/ theg pa gnyis kyang bla na med pa yang dag par rdzogs pa'i byang chub kyi theg pa'i rtsa ba can yin pa'i phyir ro/ /gnyis kyis ni dus nges pa med par 'thob ste/ rkyen ji lta ba dang/ ji ltar yongs su smin pas so/ /tha mas ni gnas ngan len gsum gyi dbang du byas nas bskal pa grangs med pa gsuM gyi dus kyis 'thob par 'gyur ro/ /gnas ngan len rnaM pa gsum gang zhe na/ ngan song la mi dga' ba'i phyogs dang mthun pa pags shun la yod pa lta bu gang spangs pas ngan song du 'gro bar mi 'gyur zhing/ sbyor ba byed pa na yang mi dga' ba dang 'gre bar mi 'gyur ba dang/ nyon mongs pa'i sgrib pa'i phyogs dang mthun pa phra mo yod pa lta bu gang yang spangs pa rnam pa thams cad du nyon mongs pa shin tu phra mo yang kun tu mi 'byung ste/ bag la nyal yang dag par 'jom bar ni mi 'gyur ba dang/ shes bya'i sgrib pa'i phyogs dang mthun pa rkang la yod pa lta bu gang yang spangs pas mi shes pa'i bag la nyal yang dag par 'joms shing/ shes bya thams cad la sgrib pa med pa'i ye shes 'jug par 'gyur ro/ /ji ltar nyan thos rnam par bzhag ce na/ smras pa/ rgyu gsum gyis te sprul pa dang/ smon lam dang/ chos nyid kyis so /de la sprul pa ni 'dul ba'i dbang gis de bzhin gshegs pas de dang der nyan thos sprul pa sprul par mdzad pa gang yin pa'o/ /de la smon lam ni

  33. 17a

    gang zag nyan thos kyi theg pa par smon lam btab pa nyan thos zhes bya bar rnam par 'jog par mdzad pa gang yin pa'o/ /de la chos nyid ni gang zag gang rang bzhin gyis snying rje chung ba dang sdug bsngal gyis 'jigs pa rgyu gnyis kyis gzhan gyi don kyang mi 'dod la/ gzhan dag gi don du 'khor ba yang mi 'dod pas de la chos nyid des nyan thos su 'dogs par mdzad pa ste/ de mngon par rdzogs par byang chub pa'i chos can yin yang rnam par bzhag pa'i bden pa dag la skrag pa'i rnam pas shas cher 'jug pas des na de yang dag par 'grub par byed do/ /nyan thos ji lta ba bzhin du rang sangs rgyas kyang de bzhin te/ de ni sangs rgyas rnams 'byung ba med kyang mngon par rdzogs par byang chub par 'gyur bas khyad par du 'phags pa yin no/ /byang chub sems dpa' ni de las bzlog pa'i rgyu gsum kho nas blta bar bya'o/ /ji ltar nyan thos chos 'dul ba las rab tu nyams pa yin par lta bar bya zhe na /gal te nyon mongs pa'i rims nad med pa tsam 'gog pa yin par yongs su rtog pa na /bdag chad par 'gyur ro/ /chud jos? par 'gyur ro/ /mi 'byung bar 'gyur snyam du skrag pa skye bar 'gyur ba ste/ 'di lta ste dper na mi la la zhig rims kyis btab par gyur pa na/ de rims na dbyang na rnam pa thams cad du nad med par 'gyur ba mi shes pas lus thams cad 'gag par 'gyur bar yongs su rtog cing skrag par gyur pa na /rims kyi nad las yongs su thar bar mi 'gyur bas de rab tu nyams par 'gyur ba dang 'dra bar nyan thos kyang de bzhin du blta bar bya'o/ /ji ltar byang chub rim? dpa' theg pa chen po las rab tu nyams pa yin zhe na/ gal te chos rnamS kyi zab pa dang ngo bo nyid med pa thes nas rang bzhin gyis nyon mongs pa'i rims nang med par yongs su rtog cing bdag nyid nad med par rlom par byed pa ste/ 'di lta ste dper na/ mi rims kyis btab par gyur pa de nyid bdag nyid nad med par rlom par byed

  34. 17b

    pa na/ rims kyi nad las yongs su thar bar mi 'gyur zhing/ rab tu nyams par 'gyur ba dang 'dra bar byang chub sems dpa' de yang de bzhin du blta bar bya'o/ /dngos po lnga po de dag las du zhig 'jig tshogs yin/ du zhig 'jig tshogs ma yin zhe na/ smras pa/ rgyu mtshan ni gnyi ga yin no/ /gnyis ni 'jig tshogs yin no/ /gcig ni 'jig tshogs ma yin no/ /de bzhin nyid ni gnyis ka yang ma yin par brjod par bya'o/ /'jig tshogs ji lta ba bzhin du srid pa dang 'jig rten yang de bzhin du blta bar bya'o/ /de kho na bzhi dang dngos po lnga po dag las dngos po lngas de kho na du dag bsdus shes na/ smras pa/ 'jig rten gyi gragS pa'i de kho na dang/ rigs pas grags pa'i de kho na ni dngos po gsum gyis bsdus pa'o/ /nyon mongs pa'i sgrib pa rnam par dag pa'i ye shes kyi spyod yul gyi de kho na dang shes bya'i sgrib pa rnam par dag pa'i ye shes kyi spyod yul gyi de kho na ni dngos po gnyis kyis bsdus so/ /yongs su tshol ba bzhi dang dngos po lnga po dag las dngos po lngas yongs su tshol ba du dag bsdus shes na/ smras pa/ rnam par rtog pas tshul bzhin yid la byed pa dang ldan pas yongs su tshol ba bzhi po thams cad bsdus so/ /yang dag pa ji lta ba bzhin yongs su shes pa bzhi dang dngos po lnga po dag las dngos po du dag gis yang dag pa ji lta ba bzhin yongs su shes pa du dag bsdus she na/ smras pa/ yang dag pa'i shes pas bzhi po thams cad bsdus so/ /bcom ldan 'daS kyis ji las dgongs nas chos thams cad gnyis su med pa zhes gsungs she na/ smras pa/ dngos po lnga po dag nyid la tha snyad las byung ba'i ngo bo nyid kyis ngo bo nyid med pa nyid dang/ rang rang gi mtshan nyid kyi ngo bo nyid dang bcas pa nyid las dgongs te gsungs so/ /bcom ldan 'das kyis ji las dgongs nas chos thams cad ngo po

  35. 18a

    nyid med pa zhes gsungs she na/ smras pa/ 'dul ba'i dbang gis de dang der ngo bo nyid med pa nyid rnam pa gsum las dgongs nas gsungs te/ mtshan nyid ngo bo nyid med pa nyid dang/ skye ba ngo bo nyid med pa nyid dang/ don dam pa ngo bo nyid med pa nyid do/ /mtshan nyid ngo bo nyid med pa gang zhe na/ 'di lta ste/ chos rnams kyi tha snyad las byung ba'i ngo bo nyid do/ /skye ba ngo bo nyid med pa gang zhe na/ 'di lta ste/ 'dus byed rnams ni rten cing 'brel par 'byung ba yin pa'i phyir rkyen gyis stobs kyis skye ba yin gyi/ rang mi skye ba ni skye ba ngo bo nyid med ces bya'o/ /don dam pa ngo bo nyid med pa nyid gang zhe na/ de kho na'i don gyi mtshan nyid dang bral ba'i chos gang yin ba de ni don dam pa ngo bo nyid med pa zhes bya ste/ dper na dge slong rnal 'byor spyod pas rus pa'i keng rus mang po la mos par byas nas/ rnam par 'jig par ma nus pa na /rus pa'i keng rus de la rtag tu rgyun mi 'chad par don dam par ngo bo nyid med pa'i 'du shes 'byung ba dang 'dra bar don dam pa ngo bo nyid med ba nyid kyang de bzhin nyid blta bar bya'o/ /de la dngos po lnga po dag ni mtshan nyid ngo bo nyid med pas ngo bo nyid med pa ma yin pa yang skye ba ngo bo nyid med pa nyid dang don dam pa ngo bo nyid med pa nyid kyis ngo bo nyid med pa yin te/ de yang ci rigs par ro/ /de la rgyu mtshan dang ming dang rnam par rtog pa dang yang dag pa'i shes pa ni gnyis kyis so/ /de bzhin nyid ni ngo bo nyid med pa nyid gang gis kyang ngo bo nyid med pa ma yin te/ bcom ldan 'das kyis de las dgongs nas bden pa gcig ste/ gnyis pa med par smra zhes tshigs su bcad pa las ji skad gsungs pa lta bu'o/ /bcom ldan 'das kyis ji las dgongs nas chos thams cad ma skyes pa dang ma 'gags pa dang gzod ma nas zhi ba dang rang bzhin gyis

  36. 18b

    yongs su mya ngan las 'das pa zhes gsungs she na/ smras pa/ mtshan nyid ngo bo nyid med pa nyid kho na las dgongs te gsungs so/ /bcom ldan 'das kyis ji las dgongs nas chos thams cad nam mkha' lta bu zhes gsungs she na/ smras pa/ mtshan nyid mtshan nyid med pa nyid de kho naS las dgongs te gsungs so/ /bcom ldan 'das kyis ci las dgongs nas chos thams cad sgyu ma lta bu zhes gsungs she na /smras pa/ skye ba ngo bo nyid med pa nyid dang/ don dam pa ngo bo nyid med pa nyid las dgongs te gsungs so/ /bcom ldan 'das kyis ji las dgongs nas /gzugs ni yod do rnam par shes pa'i bar yang yod de mi rtag par yang dag par rjes su mthong ngo zhes gsungs zhe na/ smras pa/ mtshan nyid ngo bo nyid med pa nyid las dgongs te gsungs so de ci'i phyir zhe na/ 'di ltar rtag pa med par yang dag par rjes su mthong ngo zhes gang gsungs pa de ni mi rtag par yod par yang dag par rjes su mthong ngo zhes gsungs pa yin pa'i phyir ro/ /bcom ldan 'das kyis ji las dgongs nas gzugs ni yod do/ /rnam par shes pa'i bar yang yod de/ sdug bsngal bar yang dag par rjes su mthong ngo zhes gsungs she na/ smras pa/ skye ba ngo bo nyid med pa nyid dang/ don dam pa ngo bo nyid med pa nyid la dgongs te gsungs so/ /bcom ldan 'das kyis ji las dgongs nas gzugs ni yod do/ /rnam par shes pa'i bar yang yod de stong par yang dag par rjes su mthong ngo zhes gsungs she na/ smras pa/ chos rnams kyi mtshan nyid ngo bo nyid dang bral ba nyid dang/ de dag nyid kyi skye ba ngo bo nyid med pa dag don dam pa ngo bo nyid med pa nyid las dgongs te gsungs so/ /bral ba nyid ji lta ba bzhin du mtshan nyid mi 'dra ba nyid las dgongs nas bdag med par gsungs par blta bar bya'o/ /bcom ldan 'das kyis ji las dgongs nas gzugs dang

  37. 19a

    rnam par shes pa'i bar la tshul bzhin du lta ba dang nges par rtog pa dang nye bar rtog pa'i bar du byed pa de la ni tshul bzhin du snang zhing/ de la med par yang snang ngo zhes gsungs she na /smras pa/ mtshan nyid ngo bo nyid med pa nyid las dgongs te gsungs so /bcom ldan 'das kyis ji las dgongs nas de la gsog dang gsob dang snying po med par yang snang ngo zhes gsungs she na /smras pa/ skye ba ngo bo nyid med pa nyid dang /don dam pa ngo bo nyid med pa nyid las dgongS te gsungs so/ /bcom ldan 'das kyis ji las dgongs nas/ de lta bas na gang la mig kyang 'gag cing kha dog gi 'du shes dang bral bar 'gyur ba dang/ yid kyi bar yang 'geg cing chos kyi 'du shes dang bral bar 'gyur ba'i gnas de rig par bya'o zhes gsungs she na/ smras pa/ ngo bo nyid med pa gang las kyang ma dgongs par gsungs so/ /bcom ldan 'das ji las dgongs nas gang gi phyir thams cad du sems kyi 'du shes thams cad rnam par bshig par gyur ba de ci la brten cing/ bsam gtan byed pa ni dbang po dang bcas pa'i lha rnams kyis kyang mi shes so zhes gsungs she na/ smra pa/ ngo bo nyid med pa nyid gang las kyang dgongs par gsungs so/ /bcom ldan 'das kyis ji las dgongs nas mig gi rnam par shes par bya ba'i gzugs dang/ yid kyis rnam par shes par bya ba'i bar gyi chos yid bde ba dang btang snyoms kyi gnas lta bu dag la yang dag pa nyid dam/ bden pa nyid dam/ ma nor ba nyid dam/ phyin ci ma log pa nyid med do ces kyang gsungs la/ 'bags pa 'jig rten las 'das pa ni bden pa yin par bka' stsal to zhes gsungs she na/ smras pa/ ngo bo nyid med pa nyid thams cad las dgongs te gsungs pa dang/ ngo bo nyid med pa gang las kyang ma

  38. 19b

    dgongs par gsungs so/ /bcom ldan 'das kyis ji las dgongs nas/ bsam gtan pa rnams kyi bsam gtan gyi yul dang/ sangs rgyas rnams kyi sang rgyas kyi yul bsam gyis mi khyab bo ces gsungs she na smras pa/ ngo bo nyid med pa nyid thams cad las dgongs te gsungs pa 'am /yang na ngo bo nyid med pa nyid gang las kyang ma dgongs par gsungs so/ /dngos po lnga po de dag las ci'i phyir dang po kho nar rgyu mtshan gdags pa la sogs pa go rims da ltar gdags pa mdzad ce na/ smras pa/ gzhi med pa la ming gdags? su mi rung bas de'i phyir dang por rgyu mtshan gdags pa mdzad? do/ /de'i 'og tu gang gis ngo bo nyid du 'dogs pa 'am bye brag tu 'dogs pa las de 'dogs par byed pas de'i phyir ming gdags pa mdzad do/ /de'i 'og tu gang gis rgyu mtshan nam ming dam/ de gnyi ga la rnam par rtog par byed pa'i rnam par rtog pa gdags pa mdzad do/ de ltar chos gsum po de dag gis kun nas nyon mongs pa'i phyogs yongs su rdzogs pa'i go rim yongs su bstan pa yin no/ /de'i 'og tu rnam par byang ba'i phyogs skabs yin te/ kun nas nyon mongs pa'i chos de dag gi de bzhin nyid mthong ba dang yang dag pa'i shes pa mthong na rnam par dag par 'gyur bas/ de'i phyir de gnyis kyis ni rnam par bying? ba'i phyogs yongs su rdzogs pa'i go rims yongs su bstan pa yin te/ de ltar de ni de dag gi go rims yin no/ /de kho na'i don gyi le'u'i dngos po'i rnam par gtan la dbab pa rdzogs so// //de kho na'i don rnam par shes par 'dod pas/ ngo bo nyid gsum la brtson par bya ba'i sdom ni/ bstan dang rnam par dpye ba dang/ /rten dang rab dbye bsten pa dang/ /phra la mngon par zhen pa dang/ /ming brjod ji bzhin mngon par zhe na/ /ngo bo nyid gsum gang zhe na /kun brtags pa'i ngo bo nyid dang/ gzhan gyi dbang gi ngo bo nyid dang/ yongs su grub pa'i ngo bo nyid do/ /kun btags

  39. 20a

    pa'i ngo bo nyid gang zhe na/ ji tsam rjes su tha snyad gdags pa'i phyir ming dang brda' las byung ba'i ngo bo nyid gang yin pa'o/ /gzhan gyi dbang gi ngo bo nyid gang zhe na/ rten cing 'brel bar 'byung ba'i ngo bo nyid gang yin pa'o/ /yongs su grub pa'i ngo bo nyid gang zhe na/ 'di lta ste/ rnam par dag par bya ba'i phyir dang/ mtshan ma dang gnas ngan len gyi 'ching ba thams cad las rnam par thar par bya ba'i phyir dang/ yon tan thams cad mngon par bsgrub par bya ba'i phyir chos rnams kyi de bzhin nyid 'phags ba'i ye shes kyi spyod yul 'phags ba'i ye shes kyi yul/ 'phags pa'i ye shes kyi dmigs pa gang yin pa'o/ /kun btags pa'i ngo bo nyid gang la brten nas rab tu shes zhe na/ smras pa/ rgyu mtshan dang ming 'brel ba la brten nas rab tu shes so/ /gzhan gyi dbang gi ngo bo nyid gang la brten nas rab tu shes she na/ smras pa/ kun btags pa'i ngo bo nyid la mngon par zhen pa la brten nas rab tu shes so/ /yongs su grub pa'i ngo bo nyid gang la brten nas rab tu shes na/ smras pa/ /gzhan gyi dbang gi ngo bo nyid la kun btags pa'i ngo bo nyid de gtan yongs su ma grub pa laS brten nas rab tu shes so/ /de la bcom ldan 'das kyis mdo sde las kun btags pa'i ngo bo nyid la mngon par zhen ba la brten nas shis par 'gyur ro zheS gang gsungs pa der ni de'i rnam par dag pa thob pa las dgongs te gsungs pa yin gyi/ de'i mtshan nyid las ni ma yin no/ /don 'dir ni de'i mtshan nyid yin par blta bar bya'o/ /de la kun btags ba'i ngo bo nyid la rnam pa du yod ce na smras pa/ mdor bsdu na rnam pa lnga ste/ don gyi ngo bo nyid du yongs su rtog pa dang ming gi ngo bo nyid du yongs su rtog pa dang/ kun nas nyon mongs ba'i ngo bo nyid du yongs su rtog pa dang/ rnam par byang ba'i ngo bo nyid du yongs su rtog pa dang/ kun nas nyon mongs pa yin la rnam par byang ba ma yin pa'i ngo bo nyid du yongs su rtog ba'o/ /de la don gyi ngo bo nyid du yongs su rtog pa ni rnam pa bzhi ste/ rang gi mtshan nyid du yongs su rtog pa dang bye brag gi mtshan nyid du yongs su

  40. 20b

    rtog pa dang/ gzung ba'i mtshan nyid du yongs su rtog pa dang/ 'dzin ba'i mtshan nyid du yongs su rtag ba'o/ /de la ngo bo nyid kyi mtshan nyid du yongs su rtog pa ni 'di lta ste /dngos po 'di ni gzugs kyi ngo bo nyid do/ /dngos po 'di ni rnam par shes pa'i bar gyi ngo bo nyid do/ /dngos po 'di ni mig gi ngo bo nyid do/ /dngos po 'di ni chos kyi bar gyi ngo bo nyid do ces bya ba la sogs par yongs su rtog pa'o/ /de la bye brag gi mtshan nyid du yongs su rtog pa ni 'di lta ste/ gzuD 'di ni yid du 'ong ba'o/ /'di ni yid du mi 'ong ba'o/ /'di ni yid du 'ong ba yang ma yin yid du mi 'ong ba yang ma yin pa'o/ /'di ni bstan du yod pa'o/ /'di ni bstan du med pa'o/ /'di ni thogs pa dang bcas ba'o/ /'di ni zag pa dang bcas pa'o/ /'di ni zag pa med pa'o/ /'di ni 'dus byas so/ /'di ni 'dus ma byas so zhes bya ba la sogs pa rab tu dbye ba'i tshul gyis gzugs de gcig bu'i bye brag la yongs su rtog pa gang yin pa ste/ gzuD la ji lta ba bzhin du phung po lhag ma rnams kyang skye mched thams cad la yang de bzhin du blta bar bya'o/ /de la gzung ba'i mtshan nyid du yongs su rtog pa ni 'di lta ste/ gzugs 'di ni mig gis gzung ba'o/ /'di ni rna ba dang/ sna dang/ lce dang/ lus dang/ yid kyi gzung ba'o zhes bya bar yongs su rtog pa gang yin pa dang/ tshor ba dang 'du shes dang/ 'du byed 'di dag dang rnam par shes pa 'di ni 'dod pa na spyod pa'i yid kyi gzung ba'o/ /'di ni gzugs na spyod pa'i yid kyi gzung ba'o/ /'di ni gzugs med pa na spyod pa'i yid kyi gzung ba'o/ /'di ni ldan pa ma yin pa'i yid kyis gzung ba'o zhes bya bar yongs su rtog pa gang yin pa'o/ /de la 'dzin pa'i mtshan nyid du yongs su rtog pa ni 'di lta ste /gzugs 'di ni sgra dang dri dang ro dang reg bya dang chos 'dzin pa'o zhes bya bar yongs su rtog pa gang yin pa dang/ tshor ba dang 'du shes dang 'du byed 'di dag dang rnam par shes pa 'di ni gzugs 'dzin pa'o/ /'di ni sgra dang dri dang ro dang reg bya dang chos 'dzin pa'o zhes bya bar yongs su rtog pa gang yin pa'o/ /de la ming gi ngo bo nyid du yongs su rtog pa ni rnam pa gnyis te/ bye brag

  41. 21a

    med pa dang/ bye brag can no/ /de la bye brag med pa ni chos thams cad chos thams cad ces bya ba'i ming gang yin pa'o/ /de la bye brag can ni 'di lta ste/ gzugs zhes bya ba dang/ tshor ba zhes bya ba dang/ 'du shes zhes bya ba dang/ 'du byed rnams pa? zhes bya ba dang/ rnam par shes pa zhes bya ba dang/ de lta bu dang mthun pa ming rab tu dbye ba'i chos so so ba de dag la ming tshang med pa grangs med par yongs su rtog pa gang yin pa'o/ /de la kun nas nyon mongs pa'i ngo bo nyid du yongs su rtog pa ni 'di lta ste/ gzugs 'di ni 'dod chags dang bcas pa dang/ zhe sdang dang bcas pa dang/ gti mug dang bcas pa dang/ 'dod chags dang zhe sdang dang gti mug dang ma bral ba dang/ dad pa la sogs pa dge ba'i chos rnams dang bral ba'o zhes bya bar yongs su rtog pa gang yin pa dang/ tshor ba dang/ 'du shes dang 'du byed 'di dag dang/ rnam par shes pa 'di ni 'dod chags dang bcas pa dang zhe sdang dang bcas pa dang/ gti mug dang bcas pa dang/ 'dod chags dang zhe sdang dang gti mug dang ma bral ba dang/ dad pa la sogs pa'i dge ba'i chos rnams dang bral ba'o zhes bya bar yongs su rtog pa gang yin pa'o/ /de la rnam par byang ba'i ngo bo nyid du yongs su rtog pa ni de la bzlog pa las rig par bya'o/ /de la kun nas nyon mongs pa can yang ma yin rnam par byang ba yang ma yin pa'i ngo bo nyid du yongs su rtog pa ni 'di lta ste/ gzugs 'di ni gzung ba'o/ /'di ni 'dzin pa'o/ /tshor ba dang 'du shes dang 'du byed 'di dag dang/ rnam par shes pa 'di ni gzung ba'o/ /'di ni 'dzin pa'o zhes bya bar yongs su rtog pa dang/ gzhan yang lung du ma bstan pa'i chos rnams la lung du ma bstan pa'i chos rnams so zhes bya bar yongs su rtog pa gang yin pa'o/ /yang ngo bo nyid du rnam par rtog pa ni rnam pa lngas rig par bya ste/ ming la rten pa'i don gyi ngo bo nyid la yongs su rtog pa dang/

  42. 21b

    don la brten pa'i ming gi ngo bo nyid la yongs su rtog pa dang/ ming la brten pa'i ming gi ngo bo nyid la yongs su rtog pa dang/ don la brten pa'i don gyi ngo bo nyid la yongs su rtog pa dang/ de gnyi ga la brten pa'i de gnyi ga'i ngo bo nyid la yongs su rtog pa'o/ /de la ming la brten pa'i/ don gyi ngo bo nyid la yongs su rtog pa ni 'di lta ste/ gzugs kyi dngos po 'di ni gzugs kyi bdag nyid kyis yongs su grub pa yin no zhes yongs su rtog pa gang yin pa dang/ tshor ba dang 'du shes dang 'du byed rnams kyi dngos po 'di dang/ rnam par shes pa'i dngos po 'di ni rnam par shes pa'i bdag nyid kyis yongs su grub pa yin no zhes bya bar yongs su rtog pa gang yin pa'o/ /de la don la brten pa'i ming gi ngo bo nyid la yongs su rtog pa ni 'di lta ste/ dngos po 'di'i? ming ni gzugs zhes bya'i/ dngos po 'di ni gzugs ma yin no zhes yongs su rtog pa gang yin pa dang/ dngos po 'di'i ming ni tshor ba dang 'du shes dang 'du byed rnams dang rnaM par shes pa zhes bya ba'i/ dngos po 'di ni rnam par shes pa ma yin no zhes bya bar yongs su rtog pa gang yin pa'o/ /de la ming la brten pa'i ming gi ngo bo nyid la yongs su rtog pa ni 'di lta ste/ dngos po ma rtogS pa'i ming gzugs shes rnam par rtog par byed pa'i yongs su rtog pa gang yin pa dang/ dngos po ma rtogS pa'i ming tshor ba dang 'du shes dang 'du byed rnams dang rnam par shes pa zhes rnam par rtog par byed pa'i yongs su rtog pa gang yin pa'o/ /de la don la brten pa'i don gyi ngo bo nyid la yongs su rtog pa ni 'di lta ste/ ming ma gtogs pa'i gzugs kyi dngos po la ming dmigs kyis ma gsal bar rnam par rtog par byed pa'i yongs su rtog pa gang yin pa dang/ ming ma gtogs pa'i tshor ba dang 'du shes dang 'du byed rnams kyi dngos po dang/ ming ma gtogs pa'i rnam par shes pa'i dngos po la ming dmigs kyiS ma gsal bar rnam par rtog par byed pa'i yongs su rtog pa gang yin

  43. 22a

    ba'o/ /de la de gnyi ga la brten pa'i de gnyi ka'i? ngo bo nyid la yongs su rtog pa ni 'di lta ste/ gzugs kyi bdag nyid kyi dngos po 'di'i ming ni gzugs zhes bya'o zhes yongs su rtog pa gang yin pa dang/ tshor ba dang 'du shes dang 'du byed rnams dang rnam par shes pa'i bdag nyid kyi dngos po 'di'i ming ni rnam par shes pa zhes bya'o zhes yongs su rtog pa gang yin pa'o/ /kun btags pa'i ngo bo nyid du 'dzin pa ni mdor bsdu na/ rnam pa gnyis su rig par bya ste/ mngon par 'du byed pas 'dzin pa dang/ ming gi brdas 'dzin pa'o/ /de la mngon par 'du byed pas 'dzin pa ni rnam pa lngar rig par bya ste/ rjes su chags pa'i mngon par 'du byed pa dang/ khong khro ba'i mngon par 'du byed pa dang/ phrad pa'i mngon par 'du byed pa dang/ 'bral ba'i mngon par 'du byed pa dang/ btang snyomS su 'jog pa'i mngon par 'du byed pa'o/ /de la ming gi brda''dzin pa ni rnam pa gnyis su rig par bya ste/ yi ge med pa las gyur pa dang/ yi ge las gyur pa'o/ /de la yi ge med pa las gyur pa ni 'di lta ste/ 'di ci yin/ 'di ci lta bu yin/ 'di yang ci yin/ 'di yang ji lta bu yin zhes bya ba 'dzin pa gang yin pa'o/ /de la yi ge las gyur pa ni 'di lta ste/ 'di ni 'di dang 'di lta bu yin te/ gzugs zhes bya ba 'am/ rnam par shes pa'i bar zhes bya ba 'am/ 'dus byas zhes bya ba 'am/ 'dus ma byas zhes bya ba 'am/ rtag ces bya ba 'am/ mi rtag ces bya bA ma/ dge zhes bya ba 'am/ mi dge zhes bya ba 'am/ lung du ma bstan pa zhes bya ba 'am/ de lta de lta bu la sogs par 'dzin pa gang yin pa'o/ /phra ba la mngon par zhen pa phra ba ni lnga po 'di dag yin par rig bya ste/ mi rtag pa la rtag par mngon par zhen pa dang/ sdug bsngal ba la bde bar mngon par zhen pa dang/ mi gtsang ba la gtsang bar mngon par zhen pa dang/ bdag med pa la bdag tu mngon par zhen ba dang/ mtshan ma la kun btags pa'i ngo bo nyid du mngon par zhen

  44. 22b

    ba'o// //bam bo sum cu lnga pa/ /de la byis ba rnams ni brjod par bya ba'i dngos po la rgyu lngas ming ji lta ba dang brjod pa ji lta ba bzhin du ngo bo nyid du mngon par zhen par rig par bya ste/ 'di ltar 'di'i dngos po de'i ngo bo nyid gang yin zhes dris na/ ngo bo nyid gzugs yin no zhes lan 'debs par byed kyi/ ming gzugs yin no zhes lan 'debs par mi byed pa dang/ ngo bo nyid tshor ba dang 'du shes dang 'du byed rnams dang/ rnam par shes pa yin no zhes lan 'debs par byed kyi/ ming rnam par shes pa yin no zhes lan 'debs par mi byed ba dang/ gzhan yang gcig pu dben par song ste/ chos rnams kyi rang gi mtshan nyid dang/ spyi'i mtshan nyid yongs su brtag pa la zhugs pa na/ dngos po 'di'i mtshan nyid ni gzugs yin gyi/ ming ni gzugs ma yin no zhes yongs su tshol bar byed pa dang/ dngos po 'di'i mtshan nyid ni tshor ba dang 'du shes dang 'du byed rnams dang rnam par shes pa yin gyi /ming ni rnam par shes ma yin no zhes yongs su tshol bar byed pa dang/ gzhan yang gzugs kyi dngos po de'i mtshan nyid gzugs yin par yongs su tshel? bar byed pa'i tshe/ ma rnyed ba na mi dga' la/ ming gzugs yin par yongs su tshol bar byed pa ni tshe/ ma rnyed pa na mi dga' ba med pa dang/ tshor ba dang 'du shes dang 'du byed rnams dang/ rnam par shes pI dngos po de'i mtshan nyid rnam par shes pa yin par yongs su tshol bar byed pa'i tshe/ ma rnyed pa la mi dga' la/ ming rnam par shes pa yin par yongs su tshol bar byed pa'i tshe/ ma rnyed na ni mi dga' ba med pa dang/ gzhan yang tshig ni ming la 'jug la ming ni don la 'jug ste/ de la ming gang rang gi mtshan nyid kyi don gsal bar byed pa de ni bye brag mtshan nyid kyi don gsal bar byed pa yang ma yin/ gzugs kyi mtshan nyid kyi don gsal bar byed pa yang ma yin/ 'dzin pa'i mtshan nyid kyi don gsal bar byed pa yang ma yin la/ ming gang 'dzin pa'i mtshan nyid kyi don gsal bar byed ba de ni rang gi

  45. 23a

    mtshan nyid kyi don gsal bar byed ba ma yin no/ /gal te ming gang rang gi mtshan nyid kyi don la 'jug par 'gyur ba de 'dzin pa'i mtshan nyid kyi bar gyi don la yang 'jug par 'gyur na ni des na de las gzhan pa'i ming rnams kyi don so so tha dad pa'i rjes su 'jug par 'gyur ba mi dmigs pas mi rung ngo/ /de ltar so so'i don tha dad pa la 'jug pa'i ming de dag las ming gang rang gi mtshan nyid kyi don la 'jug pa dang ming gang 'dzin pa'i mtshan nyid kyi don la yang 'jug par 'gyur ba de de ltar yod pa'i don la 'jug par 'gyur ram/ 'on te med pa'i don la 'jug par 'gyur/ re zhig yod pa'i don la 'jug par ni mi rung ste/ ji ltar mi rung ba de ltar ni sngar dngos po brtags pa'i skabs su bstan zin to/ /gal te de ltar yod pa ma yin pa'i don la 'jug par 'gyur na ni des na mtshan nyid med pa'i don la 'jug par 'gyur ba de lta bur 'gyur te/ gang mtshan nyid med pa'i don la 'jug par 'gyur ba de'i don ni de ltar yod pa ma yin la/ de ltar gsal bar byed pa de yang sgro 'dogs par byed pa yin no/ /gang sgro 'dogs shing 'dzin par byedpa de ni mngon par zen pa yin pas/ de'i phyir ming ji lta ba dang brjod pa ji lta ba bzhin du dngos po la ngo bo nyid du mngon par zhen par rab tu grub pa yin pa dang/ gzhan yang byis pa thams cad ni mtshan ma la brjod pas bcings pa yin pa'i phyir ming ji lta ba dang brjod pa ji lta ba bzhin du dngos po la ngo bo nyid du mngon bar zhen pa yin par blta bar bya ste/ ci'i? phyir mtshan ma la brjod pas bcings pa nyid du rig par bya zhe na/ smras pa/ rig pa dang lung gis rig par bya ste/ rigS pa gang zhe na/ smras pa/ brjod pa med na dngos po la mngon par dga' ba mi dmigs pa dang/ brjod pa dang bcu pa na de la mngon par dga' ba mi dmigs pa'i phyir te/ de ni rgyu

  46. 23b

    gcig yin no/ /gzhan yang gcig gi skye ba'i gnas gcig yin pa'i phyir te/ 'di ltar dngos po la brten nas brjod pa skye ba yang dmigs la/ brjod pa la brten nas kyang dngos po skye ba dmigs pa'i phyir te/ 'di lta ste dper na/ 'jig rten pa dag dngos po yod na/ ming dang brjod pas rab tu rtog par byed kyi/ dngos po med pa la ni yongs su rtogs par mi nus pas/ de ltar na dngos po la brten nas ming dang brjod pa skye bar dmigs pa yin no/ /'di lta ste dper na/ bsam gtan pa so so'i bdag nyid la bsam gtan byed pa na/ ji lta ji ltar yid la brjod pa'i yid la byed pa dag yid la byed pa de lta de ltar sems kyi rgyud du gtogs pa'i shes bya'i dngos po dang cha mthun pa'i gzugs brnyan dag snang bar 'gyur ba'i tshul gyis 'byung bar 'gyur bas/ de ltar na brjod pa la brten nas dngos po skye ba yang dmigs pa yin/ /gzhan yang brjod pa'i gnyen po mtshan ma med pa'i dbyings la nye bar gtong pa'i mtshan ma thamS cad ni mi snang bar 'gyur la/ nye bar mi gtong pa'i sems ni mi 'dod pa bzhin du mtshan ma rnams kyis khrid par 'gyur bas/ rnam grangs so des kyang mtshan ma brjod pas bcingS pa nyid yin par rig par bya'o/ /lung gang zhe na/ bcom ldan 'das kyis/ byis pa rmongs pa'i sems ldan pa/ /mtshan ma dag la brjod pas bcings/ /brjod pa'i 'ching las rnam grol ba/ /mtshan ma'i dbang ldan thub pa yin/ / yang dag mthong ba'i rnal 'byor pa/ /yang dag shes la rab tu gnas/ /ngo bo nyid kyang mi dmigs shing/ /de yi gnas kyang mthong mi 'gyur/ /yang dag shes pa rnam dag ste/ /des na yang dag rig ces bya/ /'dzin pa gnyis dang rnam bral ba/ /des na gnyis su med ces bya/ /ces ji skad gsungs pa lta bu ste/ 'di lta ste dper na so so'i skye bo phung po rnams la bdag med pa la mkhas pa ni phung po tsam la bdag tu nye bar 'dogs pa tsam nyid du lta yang/ de'i bag la nyal ma spangs pa'i phyir/ de la bdag tu

  47. 24a

    mngon par zhen pa mi 'byung ba yang na yin pa bzhin du 'dir yang tshul de bzhin du blta bar bya'o/ /sngom ni/ bsdu dang ngo bo nyid dang ni/ /yongs su shes dang dgongs pa dang/ /spyod yul rtog dang rjes 'jug dang/ /rnam pa rten ni tha ma yin/ /ngo bo nyid gsum dang rgyu mtshan dang ming dang rnam par rtog pa la sogs pa chos lnga po dag las ngo bo nyid dang po chos lnga po de dag las du dag gis bsdus she na/ smras pa/ gang gis kyang ma bsdus so/ /ngo bo nyid gnyis pa du dag gis bsdus she na/ smras pa/ bzhis so/ /ngo bo nyid gsum pa du dag gis bsdus she na/ smras pa/ gcig gis so/ /gal te gzhan gyi dbang gi ngo bo nyid yang dag pa'i shes pas bsdus pa yang yin na/ des na gzhan gyi dbang gis ngo bo nyid ni kun btags pa'i ngo bo nyid la mngon par zhen pa la brten nas shes par 'gyur ro zhes smras pa de ji lta bu zhe na/ smras pa/ der ni kun nas nyon mongs par 'gyur ba'i gzhan gyi dbang gi ngo bo nyid la bsams pa yin gyi/ rnam par byang bar 'gyur ba las ni ma yin te/ rnam par byang bar 'gyur ba ni de la mngon par ma zhen pa la brten nas shes par 'gyur ba yin par rig par bya'o/ /ngo bo nyid gsum dang/ ngo bo nyid med pa nyid gsum po mtshan nyid ngo bo nyid med pa nyid dang/ skye ba ngo bo nyid med pa nyid dang/ don dam pa ngo bo nyid med pa nyid de la/ mtshan nyid ngo bo nyid med pa nyid kyis ni kun btaD pa'i de nyid ngo bo nyid med pa yin no/ /de la skye ba ngo bo nyid med pa nyid dang/ don de ma pa ngo bo nyid med pa nyid kyis ni gzhan gyi dbang gis ngo bo nyid med pa yin te/ rang mi skye ba nyid kyi phyir dang/ rnam par dag pa'i dmigs pa nyid ma yin pa'i phyir ro/ /don dam pa ngo bo nyid med pa nyid kho nas ni yongs su grub pa'i ngo bo nyid ngo bo nyid med pa yin te/ de ci'i phyir zhe na/ chos thams cad kyi don dam pa yin pa dang/ ngo bo nyid med pa nyid kyis rab tu bye ba yin pa'i phyir ro/ /ngo bo nyid gsum po de dag las du zhig yongs su shes par

  48. 24b

    bya ba dag yin zhe na/ smras ba/ thams cad do/ /du zhig spang bar bya ba dag yin zhe na/ smras ba/ gcig go /ngo bo nyid gsum po de dag gis drang ba'i don gyi mdo sde thams cad kyi don kyang drang bar bya'o/ /ngo bo nyid gsum de dag gis de bzhin gshegs pas dgongs te gsungs pa tshad med pa bstan pa dang ldan pa dag dang byang chub sems dpas dgongs te bshad pa dag gi don kyang rjes su rtogs par bya'o/ /mi skye ba'i chos la bzod pa zhes ji skad gsungs pa de'i rnam par bzhag pa ji lta bu yin zhe na smras pa/ ngo bo nyid gsum gyis te/ kun btags pa'i ngo bo nyid la rten nas ni bzod ma nas mi skye ba la bzod pa rnam par bzhag go /gzhan gyi dbang gi ngo bo nyid la brten nas ni/ rang mi skye ba la bzod pa rnam par bzhag go /yongs su grub pa'i ngo bo nyid lab? rten nas ni nyon mongs pa dang sdug bsngal gyi dri ma mi skye ba la bzod pa rnam par bzhag ste/ de ni phyir mi ldog pa yin par rig par bya'o/ /rnam par thar pa'i sgo gsum po dag ni ngo bo nyid gsum la rten nas rnam par bzhag ste/ kun btags pa'i ngo bo nyid la brten nas ni rnam par thar pI sgo stong pa nyid rnam par bzhag go /gzhan gyi dbang gi ngo bo nyid lba? rten? nas ni rnam par thar pa'i sgo smon pa med pa rnam par bzhag go /yongs su grub pa'i ngo bo nyid la brten nas ni rnam par thar pa'i sgo mtshan ma med pa rnam par bzhag go /kun btags pa'i ngo bo nyid byis ba'i shes pa 'am/ 'phags pa'i ye shes sam/ shes pa gang gi spyod yul yin zhe na/ smras pa/ gang gi spyod yul yang ma yin te/ mtshan nyid med pa nyid yin pa'i phyir ro/ /gzhan gyi dbang gi ngo bo nyid shes pa gang gi spyod yul yin zhe na/ smras pa/ de gnyi ga'i yin mod kyi/ 'phags pa'i ye shes 'jig rten las rangs pa'i spyod yul ni ma yin no// yongs su grub pa'i ngo bo nyid shes pa gang gi spyod yul yin zhe na/ smras pa/ 'phags pa'i ye shes kho na'i spyod yul yin no/ /kun btags pa'i ngo bo nyid rtogs pa'i rnal 'byor pa mtshan ma la spyod par brjod par bya ba 'am/ mtshan ma med pa la spyod par brjod par bya zhe na/ smras ba

  49. 25a

    'jig rten pa'i shes pas rtogS pa ni mtshan ma la spyod par brjod par bya'o/ /'jig rten las 'das ba'i shes pas rtogs pa ni mtshan ma med pa la spyod par brjod par bya'o/ /kun btags pa'i ngo bo nyid ji lta ba bzhin du gzhan gyi dbang gi ngo bo nyid dang yongs su grub pa'i ngo bo nyid kyang de bzhin du blta bar bya'o/ /kun btags pa'i ngo bo nyid la yang dag par zhugs pa'i rnal 'byor pa ngo bo nyid gang gi rjes su 'jug ce na/ smras pa/ yongs su grub pa'i ngo bo nyid kyi rjes su 'jug/ /yongs su grub pa'i ngo bo nyid kyi rjes su zhugs pa'i rnal 'byor ba ngo bo nyid gang rnam par 'jig par byed ce na/ smras pa /gzhan gyi dbang gi ngo bo nyid rnam par 'jig par byed do/ /kun btags pa'i ngo bo nyid la rnam pa du yod ce na/ smras pa /ji tsam du gzhan gyi dbang gi ngo bo nyid la ngo bo nyid dang bye brag du 'dogs pa rnam par 'jog pa de tsam du kun btags pa'i ngo bo nyid yin pa'i phyir/ kun btags pa'i ngo bo nyid kyi rab tu dbye ba ni dpag tu med par rig par bya'o/ /gzhan yang gzhan gyi dbang gis ngo bo nyid la kun btags pa'i ngo bo nyid du mngon por zhen pa ni rnam pa gnyis su rig par bya ste/ sad pa dang/ de la goms pa'i bag chags bag la nyal pa'o/ /gzhan gyi dbang gi ngo bo nyid la rnam pa du yod ce na/ smras pa/ 'di'i rnam pa rab tu dbye ba ni rgyu mtshan bzhin du blta bar bya'o/ /gzhan yang gzhan gyi dbang gi ngo bo nyid rnams gnyis te/ kun btags pa'i ngo bo nyid la mngon par zhen pas kun nas blang ba dang /de la mngon par zhen pa med pas kun nas blang ba'o/ /yongs su grub pa'i ngo bo nyid la rnam pa du yod ce na/ smras pa/ yongs su grub pa'i ngo bo nyid ni thams cad du ro gcig pa yin pa'i phyir dang/ de la rnam pa rab tu dbye ba rnam par bzhag pa med do/ /kun btags pa'i ngo bo nyid gang la brten par brjod par bya zhe na/ smras pa/ dngos po gsum las te/ rgyu mtshan dang ming dang rnam par rtog pa la'o/ /gzhan gyi dbang gi ngo bo nyid gang la brten

  50. 25b

    par brjod par bya zhe na/ smras pa/ kun btags ba'i ngo bo nyid la mngon par zhen pa de nyid dang /bdag gi? rgyu mthun pa la'o/ /yongs su grub pa'i ngo bo nyid gang la brten par brjod par bya zhe na/ mi gnas pa dang mi rten par brjod par bya'o/ /sdom ni/ med dang las dang phra sogs dang/ /lus med skye dang mngon zhen dang/ /yongs su shes dang kun nyon mongs/ /sdug bsngal 'dra dang rten pa yin/ /gal te kun btags pa'i ngo bo nyid med na nyes pa cir 'gyur zhe na/ smras pa/ gzhan gyi dbang gi ngo bo nyid la tha snyad med pa dang/ tha snyad la mngon par zhen pa med par 'gyur te/ de med na kun nas nyon mongs pa yang med la rnam par byang ba yang med par 'gyur ro/ /gal te gzhan gyi dbang gi ngo bo nyid med na nyes pa cir 'gyur zhe na/ smras pa/ thams cad kyi thams cad du btsal mi dgos par kun nas nyon mongs pa med pa lo nar 'gyur te/ de med na rnam par byang ba yang med pa kho nar 'gyur ro/ /gal te yongs su grub ba'i ngo bo nyid med na nyes pa cir 'gyur zhe na/ smras pa/ thams cad kyi thams cad du rnam par byang ba med par 'gyur ro/ /kun btags pa'i ngo bo nyid las du dag byed ce na/ smras pa/ lnga ste/ gzhan gyi dbang gi ngo bo nyid skyed par byed pa dang/ de nyid la tha snyad 'jug par byed pa dang/ gang zag la mngon par zhen pa skyed par byed pa dang/ chos la mngon par zhen pa skyed bar byed pa dang/ de gnyi ga la mngon par zhen ba'i bag chags gnas ngan len yongs su 'dzin par? byed pa'o/ /gzhan gyi dbang gi ngo bo nyid las du dag byed ce na/ smras pa/ lnga kho na ste /kun nas nyon mongs pa'i bdag nyid du skye bar byed pa dang/ kun btags pa'i ngo bo nyid dang yongs su grub pa'i ngo bo nyid kyi rten byed pa dang/ gang zag la mngon par zhen pa'i rten byed pa dang/ chos la mngon par zhen ba'i rten byed pa dang/ de gnyi ga la mngon bar zhen ba'i bag chags gnas ngan len gyi rten byed pa'o/ /yongs su grub pa'i ngo bo nyid las du dag byed ce na/ smras pa/ lnga ste/ de gnyi ga'i las rnam pa lnga po dag gi gnyen po skye ba'i

  51. 26a

    dmigs pa'i dngos po yin pa'i phyir ro/ /kun btags pa'i ngo bo nyid phra bar brjod par bya 'am/ rags par brjod par bya zhe na/ smras pa/ phra bar brjod par bya'o/ /phra ba ji lta ba bzhin du mthong bar dka' ba dang nye bar mtshon dka' ba yang de bzhin no/ /gzhan gyi dbang gi ngo bo nyid phra bar brjod par bya 'am/ ragS par brjod par bya zhe na/ smras pa/ rags par brjod par bya ste/ 'on kyang mthong bar dka' ba dang/ nye bar mchon dka' ba yin no/ /yongs su grub pa'i ngo bo nyid phra bar brjod par bya 'am/ rags par brjod par bya zhe na/ smras pa/ mchog tu phra bar brjod par bya'o/ /mchog tu phra ba ji lta ba bzhin du mchog tu mthong bar dka' ba dang mchog tu nye bar mtshon dka' ba yang de bzhin no/ /ngo bo nyid gsum po de dag las du zhig lus med pa yin la/ lus dang bcas pa 'jug par byed pa yin zhe na/ smras pa/ gcig go/ du zhig lus dang bcas pa yin la lus dang bcas pa dang lus med pa 'jug par byed pa dag yin zhe na/ smras pa/ gcig go/ du zhig lus dang bcas pa yin la/ 'jug par byed pa ma yin pa dag yin zhe na/ smras pa/ gcig go /du zhig ma skyes pa yin la/ skyes pa skyes par byed pa dag yin zhe na/ smras pa/ gcig go /du zhig skyes pa yin la/ skyes pa dang ma skyes pa skyed par byed pa dag yin zhe na/ smras pa/ gcig go /du zhig skyes pa ma yin la/ skyes pa dang ma skyes pa dag skyed par mi byed pa dag yin zhe na/ smras pa/ gcig go kun btags pa'i ngo bo nyid la mngon par zhen pa dang/ de la mngon par zhen pa med ba'i mtshan nyid ji lta bur blta bar bya zhe na/ smras pa/ de ni rnam pa gnyis su blta bar bya ste/ de sad pa la mngon par zhen pa 'am/ de la mngon par zhen pa med pa dang/ de bag la nyal ba la mngon par zhen pa 'am de la mngon par zhen pa med pa'o/ /de la tha snyad kyi brdi? las byung ba'i ming la chos kyi ngo bo nyid yongs su rtog par byed pa yi ni de sad pa yin par rig par bya'o/ /de la ming tsam la mkhas pa 'di ni ming tsam yin gyi/ 'di ni chos kyi ngo bo nyid ma yin no snyam pa ni de la mngon par zhen pa med pa yin par rig par bya'o/ /bag chags

  52. 26b

    bag la nyal ba de ma spangs pa'i phyir ji srid du bag chags gnas ngan len de spong bar mi byed pa de srid du ni de bag la nyal ba la mngon par zhen pa yin no/ /spangs pa ni de la mngon par zhen pa med pa yin par rig par bya'o/ /gzhan gyi dbang gi ngo bo nyid la mngon par zhen pa dang/ de la mngon par zhen pa med pa'i mtshan nyid ji lta bur blta bar bya zhe na/ smras pa/ kun btags pa'i ngo bo nyid sad pas de'i rang bzhin dang de'i ngo bo nyid yongs su rtog par byed pa ni dang po'i de la mngon par zhen pa yin no/ /mtshan ma tsam ste/ de'i rang bzhin dang de'i ngo bo nyid ma yin par yongs su rtog par byed pa'i ni de la mngon par zhen pa med pa yin no/ /mtshan ma'i 'ching ba ma spangs pa mtshan ma la dmigs pa ni gnyis pa'i de la mngon par zhen pa yin no/ /mtshan ma'i 'tshing ba spangs pa mtshan ma med pa'i dbyings rab tu shes pa mtshan mir mi dmigs pa dang/ de'i 'og tu ji lta ba bzhin du dmigs pa ni de la mngon par zhen pa med pa yin par rig par bya'o/ /yongs su grub pa'i ngo bo nyid la mngon par zhen pa dang/ de la mngon par zhen pa med pa'i mtshan nyid ji lta bur blta bar bya zhe na/ smras pa/ yongs su grub pa'i ngo bo nyid la mngon par zhen pa med pa kho na yin te/ dbyings de ni mngon par zhen pa'i zhi gnas su gyur pa ma yin pa'i phyir ro/ /de ma thob pa dang ma reg pa dang mngon du ma byas pa la mngon du byas par mngon pa'i nga rgyal dang mngon par zhen pa gang yin de ni kun btags pa'i ngo bo nyid dang/ gzhan gyi dbang gi ngo bo nyid la mngon par zhen pa kho na yin par blta bar bya'o/ /kun btags pa'i ngo bo nyid ji ltar yongs su shes par bya zhe na/ smras pa/ kun btags pa'i ngo bo nyid ni ming tsam du yongs su shes par bya ste/ kun btags pa tsam dang mtshan nyid med pa dang ngo bo nyid med pa dang ma skyes pa dang ma 'gags pa dang/ kun nas nyon mongs pa can ma yin pa dang rnam par byang ba ma yin pa dang gzod ma nas zhi ba dang rang bzhin gyis yongs su mya ngan las 'das pa dang 'das pama yin pa dang ma 'ongs pa ma yin pa dang da ltar byung ba ma yin pa dang/ ldan pa ma

  53. 27a

    yin pa dang/ mi ldan pa ma yin pa dang/ ma bcings pa dang ma grol ba dang/ bde ba ma yin pa dang sdug bsngal ma yin pa dang/ sdug bsngal yang ma yin bde ba yang ma yin pa ma yin pa dang/ thams cad du nam mkha' ltar ro gcig pa dang/ de lta bu la sogs pa'i rnam pa dag gis yongs su shes par bya'o/ /gzhan gyi dbang gi ngo bo nyid ji ltar yongs su shes par bya zhe na/ smras pa/ brjod par bya ba 'dus byas kyi dngos po thams cad bsdus pa las yongs su shes par bya ste/ brjod par bya ba'i dngos po thams cad gang zhe na/ 'di lta ste phung po'i dngos po dang khams kyi dngos po dang skye mched kyi dngos po dang/ rten cing 'brel par 'byung ba'i dngos po dang/ gnas dang gnas ma yin pa'i dngos po dang/ dbang po'i dngos po dang/ las kyi dngos po dang/ nyon mongs pa'i dngos po dang/ gling gi dngos po dang/ rgyal chen bzhi'i ris kyi dngos skye ba'i dngos po dang/ ngan 'gro'i dngos po dang/ bde 'gro'i dngos po dang/ skye gnas kyi dngos po dang/ rigs kyi dngos po dang/ sems can dmyal ba'i dngos po dang/ dud 'gro'i dngos po dang/ yi dags kyi dngos po dang/ gling gi dngos po dang/ rgyal chen bzhi'i ris kyi dngos po dang/ gzhan 'phrul dbang byed kyi bar gyi dngos po dang/ tshangs ris kyi dngos po dang/ 'og min gyi bar gyi dngos po dang/ nam mkha' mdza' yas skye mched kyi dngos po dang/ 'du shes med 'du shes med min skye mched kyi bar gyi dngos po dang/ dad pas rjes su 'brang ba'i dngos po dang/ chos kyi rjes su 'brang ba'i dngos po dang/ nges par 'byed pa'i cha mthun pa'i dge ba'i rtsa ba'i dngos po dang/ mthong ba'i lam gyi dngos po dang/ bsdom pa'i lam gyi dngos po dang/ rgyun tu zhugs pa'i 'bras bu'i dngos po dang/ dgra bcom pa nyid kyi bar gyi dngos po dang/ rang byang chub kyi dngos po dang/ yang dag par rdzogs pa'i byang chub kyi dngos po dang/ 'du shes dang tshor ba 'gog pa'i dngos po dang/ pha rol tu phyin pa'i dngos po dang/ dran pa nye bar bzhag pa'i dngos po dang/ lam gyi yan lag gi bar gyi dngos po dang/ bsam gtan dang tshad med

  54. 27b

    pa dang gzugs med pa'i snyoms par 'jug pa'i dngos po dang/ 'du shes bsgom pa'i dngos po dang/ rjes su dran pa bsgom pa'i dngos po dang/ rnam par thar pa dang/ zil gyis gnon pa'i skye mched dang/ zad par gyi skye mched bsgom pa'i dngos po dang/ stobs dpe? mi 'jig pa dang/ smon gnas shes pa dang bsrung ba med pa dang/ dran pa nye bar gzhag pa dang/ thugs rje chen po dang bag chags yang dag par bcom pa dang/ mtshan dang dpe byad dang rnam pa thams cad dang mchog mkhyen pa dang/ sangs rgyas kyi chos ma 'dres pa thams cad kyi dngos po ste/ de dag kyang sgyu ma dang rmi lam dang mig g.yor dang brag ca dang nu zla dang gzugs brnyan dang sprul pa lta bur shes par bya'o/ /dbu ba rdos pa lta bu dang/ chu'i chu bur lta bu dang/ smig rgyu lta bu dang/ chu shing gi sdong po lta bu dang/ smyon pa lta bu dang/ myon pa lta bu dang gshed ma lta bu dang/ gcig sdud ba'i dgra bo lta bu dang/ gzhan gyi bu lta bu dang/ sprul gyi brog ma lta bu dang/ stong pa dang/ smon pa med pa dang/ dben pa dang/ gzung ba med pa dang/ gsog dang/ gsob dang/ snying po med pa dang/ de lta bu la sogs pa'i rnam grangs dag gis yongs su shes par bya'o/ /yongs su grub pa'i ngo bo nyid ji ltar yongs su shes par bya zhe na/ smras pa/ sngar bstan ba'i rnam grangs 'di lta ste/ de bzhin nyid dang/ yang dag pa'i mdza' dang/ chos kyi dbyings shes par bya ba la sogs pa dang/ gzhan yang 'di lta ste/ gzugs med pa dang/ bstan du med pa dang/ gnas med pa dang/ gzhi med pa dang/ snang ba med pa dang/ rnam par rig pa med pa dang/ rten med pa dang/ brjod du med pa dang/ spros pa med pa dang/ blang ba med pa dang/ dor ba med pa dang/ de lta bu sogs pa'i rnam grangs dag gis yongs su shes par bya'o/ /ngo bo nyid gsum po de dag las du zhig bdag nyid kun nas nyon mongs pa can ma yin la/ gzhan kun nas nyon mongs par byed pa dag yin zhe na/ smras pa/ gcig go/ du zhig bdag nyid kun nas nyon mongs pa can kho na yin zhe na/ smras pa/ gcig go/ du zhig bdag nyid rnam par dag pa yin pa rnam par byang ba'i phyir

  55. 28a

    'jug pa yin zhe na/ smras pa/ gcig go/ kun nas nyon mongs pa can ji lta ba bzhin du sdug bsngal ba yang de bzhin du rig par bya'o/ /kun btags pa'i ngo bo nyid ji 'dra ba yin zhe na/ smras pa/ nam mkha' dang 'dra'o/ /gzhan gyi dbang gi ngo bo nyid ji 'dra ba yin zhe na/ smras pa/ gshed ma dang phyir rgol ba dang 'dra'o/ /yongs su grub pa'i ngo bo nyid ji 'dra ba yin zhe na/ smras pa/ mi zad pa'i gter chen po dang 'dra'o/ /kun btags pa'i ngo bo nyid ji la brten nas yongs su btag par bya bayin zhe na/ gzhan gyi dbang gi ngo bo nyid la brten nas so/ /gzhan gyi dbang gi ngo bo nyid ji la brten nas gzhan gyi dbang yin zhe na/ smras pa/ rgyu dang rkyen la brten nas so/ /yongs su grub pa'i ngo bo nyid ji la brten nas yongs su grub pa yin zhe na/ smras pa/ nyon mongs pa dang sdug bsngal thams cad kyi kun nas nyon mongs pa med pa nyid dang rtag pa nyid la brten nas so/ /de kho na'i don 'dzin pa'i shes rab ni rnam par mi rtog pa yin no zhes gang gsungs pa de ji ltar rnam par mi rtog pa yin par rig par bya/ ci yid la mi byed pa las sam/ yang dag par 'das pa las sam/ dngos po med pa las sa ma/ rang bzhin las sam/ dmigs pa la mngon par 'du byed pa las rnam par mi rtog pa yin/ gal te yid la mi byed pa las yin na ni des na tshul bzhin yid la byed pa dang ldan pa ces byar mi rung ste/ gnyid log pa dang myos pa dang rab tu myos pa la yang de thal bar 'gyur ro/ /gal te yang dag par 'das pa las yin na des na khams gsum pa'i sems dang/ sems las byung ba'i chos rnams rnam par rtog pa yin no zhes gang gsungs pa'i gzhung dang ji ltar 'gal bar mi 'gyur/ gal te dngos po med pa las yin na ni des na shes rab sems las byung ba'i chos su mi 'gyur ro/ /gal te rang bzhin las yin na ni des na shes rab ngo bo med par 'gyur te/ yang dag par rtog pa med pa'i mtshan nyid du ji ltar mi 'gyur/ gal te dmigs pa mngon par 'du byed pa la yin na ni des na rnam par mi rtog pa'i

  56. 28b

    shes rab mngon par 'du byed pa med pa nyid la ji ltar skur ba btab par mi 'gyur/ de ltar rnam pa de dag mi rigs pa yin ni/ ji ltar shes rab de rnam par mi rtog pa yin par blta bar bya zhe na/ smras pa/ de ni dmigs pa la mngon par 'du byed pa med pa'i phyir te/ de'i dmigs pa ni dngos po dang dngos po med pa dang mi mthun pa'i chos de bzhin nyid la/ de yang rnam par mi rtog pa yin no/ /de ni mngon par 'du byed pa med kyang sngon gyi shugs kyis gang gi tshe de bzhin nyid ting nge 'dzin dang ldan pa'i shes rab skye bar 'gyur ba'i tshe/ dmigs pa'i mtshan ma des mngon sum du 'dzin par bye de de ni rnam par mi rtog pa zhes bya'o/ /de kho na'i don gyi le'u'i rnam par gtan la dbab pa rdzogs so// //byang chub sems dpa' rnams kyi mthu bsam gyis mi khyab pa ni rgyu ldas rig par bya ste/ lnga gang zhe na/ rtog ge thams cad las yang dag par 'das pa nyid kyi phyir dang/ 'jig rten na dpe dmigs su med pa nyid kyi phyir dang/ mthu de sems shin tu sbyang ba byas pa kho na dang 'brel pa nyid kyi phyir dang/ mnyam par ma bzhag pa'i sa pa'i sems dang gcig tu cha mi mthun pa nyid yin pa'i phyir dang/ de mnyam par bzhag pa'i sa pa'i sems dang 'brel pa nyid yin pa'i phyir ro/ /theg pa chen po la byang chub sems dpa' rnams kyi chos spyod pa bcu po 'di dag ni sems can yongs su smin par byed par 'gyur ba yin te/ bcu gang zhe na/ 'di lta ste/ theg pa chen po dang ldan pa'i mdo sde la sogs pa'i chos byang chub sems dpa' i sde snod kyis bsdus pa dag yi ger 'drir bcug te 'dzin pa dang/ de bzhin du mchod pa dang/ gzhan dag la sbyin pa dang/ ston pa na gus par byas te nyan pa dang/ bdag nyid klog pa dang/ de bzhin du kun chub par lung nod pa dang/ lung phog pa rnams rgya cher dbyangs kyis kha ton byed pa dang/ gzhan dag la rgya cher yang dag par sten pa dang/ gcig pu dben par song ste sems pa dang/ 'jal ba dang nye bar rtog par byed pa dang/ bsgom pa'i rnam pas rjes su 'jug par byed pa'o/ /chos spyod pa bcu po de

  57. 29a

    dag las du zhig bsod nams rgya chen po skye ba'i lam yin zhe na/ smras pa/ thams cad do/ /du zhig sbyor ba'i lam yin zhen/ smras pa/ gcig ste dgu pa'o/ /du zhig sgrib pa rnam par dag pa'i lam yin zhe na/ smras pa/ gcig ste bcu pa'o// de lta bu dang mthun pa'i rnam par gtan la dbab pa'i gzhung lhag ma ni mi snang ngo/ /thos pa las byung ba'i sar theg pa chen po bsdus pa'i skabs su byang chub ni rnam pa lnga po ngo bo nyid dang/ mthu dang/ thabs dang/ 'jug pa dang/ ldog pa las rig par bya'o zhes ji skad bstan pa de'i rab tu dbye ba gang yin/ byang chub chen po'i ngo bo nyid gang zhe na/ nyan thos dang rang sangs rgyas las khyad par du 'phags pa'i gnas gyur pa gang yin pa'o/ /de yang rnam pa bzhis rig par bya ste/ 'jug pa'i gnas dang/ mi 'jug pa'i gnas dang/ shes bya legs par yongs su brtags pa'i 'bras bu dang/ chos kyi dbyings rnam par dag pa'i mtshan nyid kyis so/ /de la 'jug pa'i gnas ni sangs rgyas kyi rgyud la mnga' ba 'jig rten las 'das pa'i lam gyi 'jug pa'i gnas yin pa'i phyir te/ de de lta ma yin du zin te gnas gyur pa de la ma brten par lam skye bar mi 'gyur zhing 'jug par mi 'gyur ro/ /gal te gnas gyur pa med kyang 'jug par 'gyur na ni dang po nyid nas 'jug par 'gyur ro/ /de la mi 'jug pa'i gnas ni bag chags dang bcas pa'i nyon mongs pa rnams mi 'jug pa'i gnas yin pa'i phyir te/ de de lta ma yin du zin na gnas gyur pa da lam brten par rkyen tshogs kyang bag chags dang bcas pa'i nyon mongs pa rnams mi 'jug pa mi dmigs par mi 'gyur ro/ de la shes bya legs par yongs su brtags pa'i 'bras bu ni shes bya'i de kho na shes bya'i de bzhin nyid legs par rtog pa'i 'bras bu ni gnas gyur pa de yin pa'i phyir te/ de de lta ma yin du zin na sangs rgyas rnams kyi chos kyi ngo bo nyid yang

  58. 29b

    yongs su shes par bya ba dang bdag par bya dgos par 'gyur ro/ /de la chos kyi dbyings rnam par dag pa'i mtshan nyid ni mchan ma thams cad zil gyis mnan pa'i phyir gnas gyur pa de ni chos kyi dbyings shin tu rnam par dag pas rab tu phye ba yin no/ /de de lta bu ma yin du zin na mi rtag pa dang bsam du rung bar 'gyur ba zhig na/ de ni rtag pa'i mtshan nyid dang bsam gyiS mi khyab pa'i mtshan nyid kyis gnyis su med par bstan pa yin no/ /bsam gyis mi khyab pa de yang rnam pa ldas rig par bya ste/ ngo bo nyid dang yul dang gnas pa dang gcig pa nyid dang tha dad pa nyid dang/ bya ba bsgrub pa so/ /de la ji ltar ngo bo nyid las bsam gyis mi khyab pa yin zhe na/ gzugs sam/ gzugs las gzhan zhes bya ba de ltar bsam gyis mi khyab pa dang/ tsher ba dang/ 'du shes dang 'du byed rnams dang rnam par shes pa 'am/ rnam par shes pa las gzhan zhes bya ba de ltar bsam gyis mi khyab pa dang/ sa'i khams sam/ sa'i khams las gzhan zhes bya ba de ltar bsam gyis mi khyab pa dang/ chu'i khams dang/ me'i khams dang rlung gi khams sam/ rlung gi khams las gzhan zhes bya ba de ltar bsam gyis mi khyab pa dang/ mig gi skye mched dam/ mig gi skye mched las gzhan zhes bya ba de lta bur bsam gyis mi khyab pa dang/ rna ba dang/ sna dang/ lce dang/ lus dang/ yid kyi skye mched dam/ yid kyi skye mched las gzhan zhes bya ba de ltar bsaM gyis mi khyab pa dang/ dngos po'i/ dngos po med pa zhes bya ba de lta bsaM gyis mi khyab pa yin/ de la ji ltar yul las bsaM gyiS mi khyab pa yin zhe na/ 'dod pa'i khamS saM/ 'dod pa'i khamS las gzhan zhes bya ba de ltar bsam gyis mi khyab pa dang/ gzugs kyi khams sam/ gzugs kyi khams las gzhan zhes bya ba de ltar bsam gyis mi khyab pa dang/ gzugs med pa'i khams sam/ gzugs med pa'i khams las gzhan zhes bya ba de ltar bsam gyis mi khyab pa dang/ mi rnams sam/ mi rnams las gzhan nam/ lha rnams sam/ lha rnams las gzhan zhes bya ba de ltar bsam gyis mi khyab pa dang/ shar phyogs sam/ shar phyogs las gzhan nam/ lho dang nub dang

  59. 30a

    byang dang 'og dang steng dang phyogs mtshams rnams sam/ phyogs mtshams las gzhan zhes bya ba de ltar bsam gyis mi khyab pa yin/ /de la ji ltar gnas pa las bsam gyis mi khyab pa yin zhe na/ bde bar gnas pa 'di dang 'di lta bus gnas so zhes bya ba de ltar bsam gyis mi khyab pa dang/ zhi bar gnas pa 'di dang 'di lta bus gnas so zhes bya ba de ltar bsam gyis mi khyab pa dang/ sems dang bcas pa'i gnas pa 'di dang 'di lta bus gnas so zhes bya ba de ltar bsam gyis mi khyab pa dang/ sems med pa'i gnas pa 'di dang 'di lta bus gnas so zhes bya ba de ltar bsam gyis mi khyab pa dang/ lha dang tshangs pa'i gnas pa 'di dang 'di lta bus gnas zhes bya ba de ltar bsam gyis mi khyab pa dang/ 'phags pa'i gnas pa 'di dang 'di lta bus gnas so zhes bya ba de ltar bsam gyis mi khyab pa yin no/ /de la ji ltar gcig pa nyid dang tha dad pa nyid las bsam gyis mi khyab pa yin zhe na/ 'di lta ste zag pa med pa'i dbyings gcig la gnas pa'i sangs rgyas rnams ci gcig pa nyid yin nam/ tha dad pa nyid yin zhes bya ba de ltar bsam gyis mi khyab pa yin no/ /de la ji ltar bya ba bsgrub pa las bsam gyis mi khyab pa yin zhe na/ de bzhin gshegs pa khams mnyam pa dang/ ye shes dang/ mgyogs pa dang/ stobs dang/ pha rol gnon pa mnyam pa zag pa med pa'i dbyings la gnas pa rnams gnas gyur pa de nyid la brten nas/ 'di ltar sems can kyi don/ dang sems can gyi bya ba mdzad do ces bya ba de ltar bsam gyis mi khyab pa yin no/ /de yang rgyu gnyis bsam gyis mi khyab pa nyid du blta bar bya ba ste/ brjod du med pa'i don gyis tshig gis spyod yul las 'das pas de'i phyir bsam gyis mi khyab pa dang/ 'jig rten las 'das pa nyid kyis 'jig rten ni de'i dpe med pas de'i phyir bsam gyis mi khyab pa yin no/ /mthu gang zhe na/ mdor bsdu na dbang bcu la mthu zhes phya ste/ tshe la dbang ba la sogs pa 'di lta ste/ sa'i dngos gzhir bstan pa yin no/ /thabs gang zhen/ mdor bsdu na

  60. 30b

    sprul pa rnam pa bzhi ni thabs zhes bya ste/ sems can yongs su smin pa rnams yongs su smin par bya ba'i phyir/ byang chub sems dpa' i spyod pa sprul pa dang/ sems can yongs su smin pa rnams rnam par grol bar bya ba'i phyir stong gsum gyi stong chen po'i 'jig rten gyi khams kyi dzam+bu'i gling bye ba phrag brgyar gcig car du de bzhin gshegs pa'i sku sprul pa'i thabs yongs su 'dzin pa dang/ nyan thos kyis 'dul ba rnams la de sprul ba dang/ rang sangs rgyas kyis 'dul ba rnams la de sprul pa ste/ sangs rgyas bcom ldan 'das rnams ni phyogs bcur sprul pa rnam pa bzhi po de dag la thogs pa med pa'i mthu dang ldan pa yin par blta bar bya'o/ /de la 'jug pa gang zhe na/ de yang rnam pa gnyis su blta bar bya ste/ de'i mod la 'jug pa dang/ de gtan du 'jug pa'o/ /de la de'i mang la 'jug pa ni ji srid du sems can rnams yongs su ma smin zhing rnam par ma grol ba de srid du sangs rgyas rnams kyi sprul pa 'jug pa'o/ /de la de gtan du 'jug pa ni ji ltar sangs rgyas rnams kyi ngo bo nyid mi thang cing bsam gyis mi khyab pa 'jig rten ji srid yod kyi bar du sems can rnams kyi bya ba bsgrub pa la rjes su 'jug pa'i phyir 'jug par mdzad pa'o/ /de la ldog pa gang zhe na/ de'ang rnam pa gnyis su blta bar bya ste/ de'i mod la ldog pa dang/ de gtan ldog pa'o/ /de la de'i mod la ldog pa ni sems can rnams yongs su smin cing rnam par grol bar gyur pa ni de'i mod la sangs rgyas rnams yongs su mya ngan las 'da' bas bzlog par mdzad do/ /de la de gtan ldog pa ni bag chags dang bcas pa'i nyon mongs pa rnams dang sdug bsngal gnas dang bcas ba gtan zad ba las rig bar bya'o/ /ji ltar na bstong ba byed pa de bzhin gshegs pa la phan 'dogS pa yin zhe na/ ji ltar bstong na bdag nyid la phan par spyod pa yin gyi/ /bsdod? pa dag gis ni ma yin no/ /gzhan du bde bzhin gshegs pa ni bstod pa dag gis g.ye bar me mdzad de/ 'di ltar de bzhin gshegs pa ni dge ba mi sbyoms pa dang mchog tu 'dod chen chung ba'i phyir ro/ /de bzhin gshegs pa la bstong pa mngon par brjod pa la

  61. 31a

    ngo mtshar rma du byung ba'i chos ni gnyis po 'di dag yin te/ bsted pa byed pa bdag nyid kho na 'ba' zhig la phan par kun tu spyod pa na bsod nams dpag tu med pa skye bar 'gyur ba gang yin pa dang/ de bzhin gshegs pa bzhed pa thams cad dang bral ba la phan gdags bar 'gyur ba gang yin par 'gyur ba ste/ ji lta ji ltar de bzhin gshegs pa la bstod pa byed pa de lta de ltar bdag nyid la phan pa bsgrub par byed pa yin la/ ji lta ji ltar bdag nyid la phan pa bsgrub pa de lta de ltar de bzhin gshegs pa la mchod pas phan 'doD par byed pa yin pas/ de'i phyir dngos po gnyis dang ldan pa'i bsod nams shin tu rgya che zhing mi zad pa skye bar 'gyur te/ de bzhin gshegs pa bzhed pa'i dngos po dang ldan pa dang/ mi bzhed pa'i dngos po dang ldan pa'o/ /de bzhin gshegs pa'i yon tan ni rnam pa drug gis bsdus bar rig par bya ste/ mdza' dag dang/ dri ma med pa dag dang/ mi g.ye ba dang/ mi mnyam pa dang/ sems can gyi don gyi las can dang/ mthus so/ /de la ji ltar mdza' dag gis shen/ 'di la de bzhin gshegs pa ni khams gsum na sbyod pa 'jig rten pa dang 'jig rten 'das pa'i yon tan thams cad dang ldan pa yin te/ 'jig rten las 'das pa'i yon tan de dag kyang dag gi spyod yul las yang dag par 'das pa yin pas/ gang gi phyir de bzhin gshegs pa bstod pa thams cad las yang dag par 'das pa de'i phyir bstod par 'os pa kho na yin no/ /ji ltar dri ma med pa yin zhe na/ yon tan gyi dri ma ni bdun po 'di dag yin te/ 'dod pa dang/ lta ba dang/ yid gnyis dang/ nga rgyal dang/ rgyags pa dang/ bag la nyal dang/ ser sna'o/ /de bzhin gshegs pa la ni de dag rnam pa thams cad kyi thams cad du mi mnga' ste/ 'di ltar de bzhin gshegs pa ni bdag la gzhan dag gis 'di ni yon tan dang ldan pa yin no zhes shes par gyur na ci ma rung snyam du yon tan dag gis gzhan las shes kyi khe tshol bar mi mjad pa dang/ yon tan de dag la blta bas mngon par zhen

  62. 31b

    par mi mdzad pa dang/ yon tan de dag la 'di dag yon tan yin nam skyon yin snyam du yid gnyis mi mnga' ba dang yon tan de dag gis bdag nyid gzhan dag dang bskrun cing yongs su 'jal bar mi mdzad pa dang/ bdag nyid kyi yon tan gzigs pa na rgyags ba dang rgod pa dang /dga' ba skye ba dang yid ? skye bar mi 'gyur ba dang/ yon tan de dag bag chags dang bcas pa'i nyon mongs pa thams cad yang dag par bcom pa'i phyir nyon mongs pa'i bag la nyal dang mi ldan pa dang/ yon tan de dag la gzhan gyis rtogs par gyur na mi rung ngo snyam du sems shin tu 'dzin pa'i sem mi mnga' ba'i phyir ro/ /ji ltar mi g.yo bas she na/ de bzhin gshegs pa'i yon tan mi zad pa rnams ni mu stegs can rnams kyis mi bskyod pa'i phyir dang/ bdud rnamS kyis mi bskyod bI phyir dang/ tshom rkun pa dag giS mi 'phroD pI phyir dang/ nye du rnams kyis mi bskyod ba'i phyir dang/ rgyal po rnams kyis ni/ blo? pa'i phyir dang/ 'byung ba chen po sa dang chu dang me dang rlung gis mi bskyod pa'i phyir dang/ che zad pa las yongs su nyams par mi 'gyur ba'i phyir de bzhin gshegs pa'i yon tan de dag mi zad pa ste/ des na de dag mi g.yo ba'o/ /ji ltar mi mnyam pas she na /mthu rgya chen po phul du phyin pa sna tshogs dag gis sems can dag pa dang ma dag pa rnams dang mi mnyam pa'i phyir te/ des na de dag mi mnyam pa yin no/ /ji ltar sems can gyi don gyi las can gyis she na/ kha na ma tho ba med ba'i ba'i brgya chen po brnyes pa spangs nas/ gzhan gyi don la sbyor? ba yang dag par ston par mdzad pa'i phyir te/ des na de dag sems can gyi don gyi las can yin no/ /ji ltar mthus she na/ sems can gyi don bya ba'i smon lam yang dag par grub pa'i phyir dang/ de'i thabs shes pas yongs su bskor ba'i phyir dang/ de dang 'bral ba la yang dag par gtod pa'i phyir ro/ /de bzhin gshegs pa ni skyabs kyi 'os yin la/ lha? rnams skyabs kyi 'os ma yin pa ni rgyu lngas rig par bya ste/ lnga gang zhe na/ rtags dang/ /ngo bo nyid dang/ las dang/ chos dang/ rgyu dang 'bras bus so/ /de la ji ltar rtags ?

  63. 32a

    she na/ lha rnams ni bltar mi snang ba'i phyir kun tu tha snyad byad med pa dang/ drag po'i cha byad can yin pI phyir 'jigs pa dang bcas pa dang/ bag med pa la brten pa'i phyir sred pa dang bcas pa dang/ gzhan gyi don la mi blta ba'i phyir snying rje med pa dang/ byas ba dang ma byas pa mi shes pa'i phyir de kho na'i don ma gtogs pa'i phyir ro/ /de bzhin gshegs pa ji ltar brtags las skyabs kyi 'os yin par rig par bya zhe na/ ltar snang ba'i phyir kun tu tha snyang byar yod pa dang/ rab tu zhi ba'i cha byad mnga' ba'i phyir 'jigs pa dang bral pa dang/ bag yod ba'i phyir sred pa mi mnga' ba dang/ gzhan gyi don la gzigs pa'i phyir thugs rje dang bcas pa dang/ byas pa dang ma byas pa mkhyen pa'i phyir de kho na'i don rtogs pa'i phyir ro/ /gzhan yang de bzhin gshegs pa ni rtags lngas skyabs kyi 'os kho na yin par rig par bya ste lnga gang zhe na/ sems can gyi don gyi phyir byang chub yang dag par bsgrubs pa dang/ rjes su chags pa dang/ /khong khro ba dang bral zhing bsnyengs pa mi mnga' ba'i phyir chos kyi tshul yang dag par rjes su 'jug par mdzad pa dang/ phan 'dogs pa dang gnod pa byed pa'i sems can rnams la mnyam par phan pa'i thugs mnga' ba dang/ pho brang dang btsun mo dang sras dang yongs su bzung ba la chags pa yongs su btang bas dbang po zhi ba dang/ sems can thams cad kyi the tshom nges par 'grol bar mdzad pas so/ /ji ltar ngo bo nyid las she na/ de bzhin gshegs pa rnamS ni zag pa thams cad dang bral ba'i phyir bdag nyid kyang dul ba yin la/ 'dul bar mdzad pa yin par yang 'os kyi/ lha rnams ni zag pa dang ldan pa yin pas gdul bar bya ba yin te 'dul bar byed pa'i 'os ma yin no/ /ji ltar las las she na/ de bzhin gshegs pa rnams ni bsam gtan yangs shing rgya che ba la gnas par mdzad pa'i phrin las can dang sems can gyi don mdzad pa'i phrin las can yin gyi/ lha rnams ni 'dod pa'i longs spyod la gnas par byed pa'i las can dang/ sems can rnams la rnam par 'tshe ba'i las

  64. 32b

    can yin par snang ngo/ /ji ltar chos las she na/ 'jig rten dang 'jig rten las 'das pa'i phun sum tshogs pa thams cad ni rang gi skyes bu'i byed pa la rag las pa yin pa'i phyir skyes bu'i byed pa med na lha rnams la gus pa dam pos zhen pa rnams kyis kyang 'thob par mi 'gyur la/ skyes bu'i byed pa dang ldan na de la gus pa med pa rnams kyis kyang de 'thob par 'gyur ba'i phyir ro/ /ji ltar rgyu dang 'bras bu las she na/ de la lta nyid ni lta nyid du 'gyur ba'i las kyis sam/ de nyid la mchod pas sam/ rgyu med pas 'thob par 'gyur grang na/ gal te lha nyid du 'gyur ba'i las kyis yin na ni des na rang gi las nyid skyabs kyi 'os yin gyi lha rnams ni ma yin no/ /gal te rgyu med pas yin na ni des na rgyu med pa nyid skyabs kyi 'os yin gyi/ /lha rnams ni ma yin no/ /gal te lha mchod pas yin na ni des na lha nyid kyi rgyu mchod pa nyid dam/ lha nyid de ma de gnyi ga yin par gyur grang na/ gal te mchod pa nyid yin na ni des na mchod pa gang yang rung bas lha nyid du 'gyur bas lha nyid ngon med par 'gyur ro/ /gal te lha nyid kyis yin na des na lha mchog pas yin na ni lha nyid kyis lha nyid du 'gyur bar byed pa'i phyir lha mchod pa don med par 'gyur ro/ /gal te de gnyigs yin na ni des na mchod pas phan btags pa'i lha nyid gang sems par byed ba de ni yang dag par 'grub bar 'gyur ba'i phyir des na des bsam pa rnaM pa bdun yang dag par 'grub par 'khrul pa kho nar 'gyur bas de mi 'thang/ mchod pa'i rkyen gyis phan gtags pa dang mos pa'i rkyen gyis phan gtags pa dang/ de la mos pa rnams mos par byed pa dang/ khyad par du 'phags pa'i lha nyid khas blangs pa dang/ longs spyod shin tu khyad par du 'phags pa yang dag par 'grub pa dang/ lha ma yin pa la sogs pa mi mthun pa'i phyogs 'jig pa dang 'chi 'pho ba la bsams pa yang dag par 'grub par 'khrul par 'gyur ba'o/ /rnam par dag pa ni bzhi ste/ ming rnam par dag pa dang/ ngag rnam par

  65. 33a

    dag pa dang/ ngo bo nyid rnam par dag pa dang/ /rtagS rnam par dag pa'o/ /de la rtagS ni mthu dang the tshom gcod pa dang lung ston pa dang gdul dka' ba 'dul ba dang lha dang mi rnams mngon par 'du bya ba dang nges par 'byin pa'i gdams ngag ston pa dang mu stegs can pham par byed pa'o/ /ji ltar gzugs la sogs pa ming can gyi dngos po la gzugs la sogs pa 'dogs pa btags pa las yod pa yin gyi /rdzas las ma yin par khong du chud par bya zhe na/ mngon par brjod pa la yongs su goms ba'i ming la gnas pa'i rnam par shes pa'i dmigs pa gzugs la sogs pa'i ming can gyi dngos po gzugs la sogs pa'i bdag nyid gang gis yod pa de ni bdag nyid des rdzas dang don dam pa gnyi gar yang med do/ /de lta bas na gzugs la sogs pa'i ming can gyi chos de dag gi ngo bo nyid yod pa ma yin pa las des kun btags pa gang yin pa de ni btags pa las yod pa yin par rig par bya'o/ /mngon par brjod pa la yongs su goms pa rnam par bsal ba'i ming can gyi rnam par shes pa'i dmigs pa gzugs la sogs pa'i ming can gyi dngos po brjod du med pa'i bdag nyid gang gis yong pa de ni rdzas dang don dam pa gnyi gar yang de bzhin du yod par rig par bya'o/ /de la de rab tu grub par bya ba'i rigs par brjod pa ni 'di lta ste/ byang chub sems dpa' i sar bstan pa ni de bzhin du rig par bya'o/ /de la mngon par brjod pa la yongs su goms pa'i ming la brten pa'i rnam par shes pa'i dmigs pa kun btags pa'i ngo bo nyid gang yin pa de ni nang na yang mi dmigs/ phyi rol na yang mi dmigs te/ gnyi ga med par yang mi dmigs te/ ma skyes pa dang mi skye ba dang skye bar mi 'gyur pa dang/ ma 'gags pa/ mi 'gag pa/ 'gag par mi 'gyur ba/ /bzod ma nas zhib rang bzhin gyis yongs su mya ngan las 'das pa zhes bya ste/ 'di ltar 'di ni btags pa'i yod pa

  66. 33b

    yin gyi/ don dam pa yod pa ma yin pa'i phyir ro/ /brjod du med pa'i bdag nyid kyi ngo bo nyid gang yin pa de ni byis pas bskyed pa'i log par yongs su rtog pa la brten nas ni skyes pa dang/ skye ba dang/ skye bar 'gyur ba dang/ 'gags pa dang/ 'gag pa dang/ 'gag par 'gyur pa yin te/ de ma spangs shing yongs su ma shes pas ni kun nas nyon mongs pa rab tu phye ba yin la/ de spangs shing yongs su shes pas ni rnam par byang ba rab tu phye ba yin no// //bam po sum cu drug pa/ /byang chub sems dpa' i mang du thos pa yang dag par 'dzin par 'gyur ba'i chos ni bzhi ste/ 'di lta ste/ mang du thos pa'i gzhi dang/ mang du thos pa yang dag bar 'grub pa dang/ mang du thos pa'i 'bras bu dang/ mang du thos pa rnam par dag pa'o/ /de dag kyang byang chub kyi smon lam dang/ skyes bu dam pa la brten pa dang/ so sor rtog pa'i stobs dang/ rab tu dben par gnas pa dang/ go rims bzhin no/ /byang chub sems dpa' rnams kyi bsam pa'i khams gang zhe na/ smras pa/ sangs rgyas kyi chos rnams la yod pa nyid du yid ches pas rab tu phye ba gang yin pa'o/ /byang chub sems dpa' rnams kyi ltag pa'i bsam pa'i khams gang zhe na/ smras pa/ sangs rgyas kyi chos rnams la yon tan dang ldan pa nyid du yid ches pas rab tu phye ba gang yin pa'o/ /byang chub sems dpa' rnams kyi mos pa'i khams gang zhe na/ smras pa/ sangs rgyas kyi chos rnams la thob par nus par yid ches pas rab tu phye ba gang yin pa'o/ /byang chub sems dpa' rnams kyi snying brtse ba gang zhe na/ smras pa/ sdug bsngal bar gnas pa'i sems can rnams la rjes su snying brtse ba gang yin ba'o/ /byang chub sems dpa' rnams kyi snying rje gang zhe na/ smras pa/ sdug bsngal gyi rgyu la gnas pa'i sems can rnams la rjes su snying brtse ba gang yin pa'o/ /byang chub sems dpa' rnams kyi shes rab gang zhe na/ smras pa/ shes bya la ji lta ba bzhin du yod pa nyid kyis rtegs pa gang yin pa'o/ /sems dpa' i skyon ni gsum ste/ sems pa lhur len pa dang/ gnas ma yin pa la sems pa dang/ log par sems pa'o/ /byang chub sems dpa' ji ltar sbyin pa byin pa de la brten nas sbyin pa yongs su

  67. 34a

    dag pa rnam pa bdun du rig par bya ste/ sbyin par bya ba'i dngos po yongs su dag pa dang/ tshul khrims yongs su dag pa dang /lta ba yongs su dag pa dang/ sems yongs su dag pa dang/ ngag yongs su dag pa dang/ shes pa yongs su dag pa dang/ dri ma yongs su dag pa ste/ yongs su dag pa de dag thams cad kyang rnam pa bcu bcur rig par bya'o/ /de la sbyin par bya ba'i dngos po yongs su dag pa rnam pa bcu ni 'di lta ste/ mang po dang sna tshogs pa nyid kyis 'di ltar rgya chen po sbyin par byed pa dang/ mi mang mi nyung ba nyid kyis mtshungs par sbyin par byed pa dang/ 'dod pa'i dus nyid kyis dus su sbyin par byed pa dang/ kha dog la sogs pa phun sum tshogs pa nyid kyis gya nom pa sbyin par byed pa dang/ mi gtsang ba'i dngos pos ma gos pa nyid kyis gtsang ba sbyin par byed pa dang/ kha na ma tho ba med pa dang ldan pa nyid kyis rung ba sbyin par byed pa dang/ slongs mo pa'i bsam pa nyid kyis ci 'dod pa sbyin par byed pa dang/ 'phrod pa nyid kyis phan pa sbyin par byed pa dang/ slong ba la bltos pa nyid cig car ram rim gyis spyan par byed pa dang/ rgyun mi 'chad pa nyid kyis rtag tu sbyin par byed pa'o/ /de la tshul khrims rnam par dag pa bcu ni 'di lta ste/ sgrub pa'i brtson 'grus kyis thob pa'i longs spyod rnams sbyin par byed pa dang/ rang gi zho shas bsgrub pa dag sbyin par byed pa dang/ rdul zhing dri ma chags chags su bsgrubs pa dag sbyin par byed pa dang/ chos rnams kyis chos bzhin du thob pa dag sbyin par byed pa dang/ sdig pa las log pa dag sbyin par byed pa dang/ dbang po thul bas sbyin par byed pa dang /gus par byas te sbyin par byed pa dang/ rab tu btud de sbyin par byed pa dang/ rang gi lag nas sbyin par byed pa dang/ dang por rang rang gis tshal za'i 'khor rnams la legs par ri mo byas legs par mchod par byas nas de'i 'og tu slongs mo pa gzhan dag la sbyin par byed pa'o/ /de la lta ba rnam par dag pa bcu ni 'di lta ste/ bdag ni sbyin par byed pa'o bdag gi sbyin pa'o snyam du rlom sems med par sbyin par byed pa /bdag nyid gzhan dag dang mi sgrun par sbyin par byed pa dang/ bdag nyid gzhan dag pas che ba 'am/

  68. 34b

    mnyam pa 'am/ chung? ngo snyam du mi sems par sbyin par byed pa dang/ gzhan dag la lan du phan 'dogs pa la mi lta bar sbyin pa sbyin par byed pa dang/ phyi ma la srid pa khyad par can nam/ longs spyod khyad par can la mi blta bar sbyin pa sbyin par byed pa dang/ sbyin pa'i 'bras bu med do snyam du mi lta bar sbyin pa sbyin par byed pa dang/ 'bras bu tshul dang mi mthun pa dang 'bras bu phyin ci log yin no snyam du mi lta bar sbyin pa sbyin par byed pa dang/ 'tshe ba dang bcas pa'i dge ba'o snyam du mi lta bar sbyin pa sbyin par byed pa dang/ ngo mtshar dang bkra shis su mi lta bar sbyin pa sbyin par byed pa dang/ grags pa dang sgra dang tshigs su bcad pa la mi lta bar sbyin pa sbyin par byed pa'o/ /de la sems rnam par dag pa rnam pa bcu ni 'di lta ste/ rang bzhin gyis sems can thams cad la byams pa'i sems kyis sbyin pa sbyin par byed pa dang/ 'di lta ste sbyin pa la rin po che'i sems kyis sbyin pa sbyin par byed pa dang/ 'di lta ste mdza' bshes dang dgra bo dang/ tha mal pa dag la snyoms pa'i sems kyis sbyin pa sbyin par byed pa dang/ 'di lta ste/ ser sna'i dri ma dang/ bsog 'jog gi dri ma gzhan la mi gtong bas ser sna'i dri ma dang/ bdag nyid yongs su longs spyod par mi byed pa las sogs 'jog gi dri mar rig par bya ba'i dri ma bsal ba'i sems kyis sbyin pa sbyin par byed pa dang/ 'di lta ste mngon par dga' ba rnam pa bdun po slongs mo pa ma 'ongs pa nas sems can mngon par dga' ba dang/ slongs mo pa 'ongs pa na mthong ma thag tu sems rab tu dga' ba dang/ sbyin pa sbyin par byed pa na yid bde ba'i sems dang mnyam par bzhag pa'i sems dang ngoms mi shes pa'i sems dang rnam par 'tshe ba'i bsam po med pa'i sems dang byin nas 'gyod pa med pa'i sems kyis sems mngon par dga' bas sbyin pa sbyin par byed pa dang/ slongs mo pa'i dang? cha? dus la bzod pa dang skyo ba med pa'i phyir bzod pa'i sems kyis sbyin pa sbyin par byed pa dang rnam par 'tshe ba rnams la byams pa'i sems kyis sbyin pa sbyin par byed pa dang/ sdug bsngal ba rnams la snying rje ba'i sems kyis sbyin pa sbyid par byed pa dang/ yon tan dang

  69. 35a

    ldan pa rnams la dga' ba'i sems kyis sbyin pa sbyin par byed pa dang/ mdza' bshes rnams la btang snyoms kyi sems kyis sbyin pa sbyin par byed pa'o/ /de la dag rnam par dag pa rnam pa bcu ni 'di lta ste/ sbyin pa'i snga rol nas sbyin pa'i skabs 'byed pa dang/ 'ongs pa na tshur legs par 'ongs so zhes smra ba dang/ khro gnyer med cing gzhin gyi mdog gsal la 'dzum pa sngar gtong zhing tshig gi lam 'jam po dag gis gtam 'dre bar byed/ phebs par smra par byed/ kun dga' bar byed pa dang/ slongs mo pa rnams kyi mjug thogs su sbyin par bya'o snyam du sems shing sbyin par bya ba'i dngos pos kun tu dga' bar byed pa dang nga ni khyod la sbyin par byed pa yin no zhes bya ba'i tshig kun tu brjod par byed pa dang/ dngan dus byed pa na khro bas kun nas slang ba'i tshig rtsub po brjod par mi byed pa dang/ slongS mo pa la mngon sum dang lkog nas mi slong mi sgrogs pa dang/ sbyin par bya ba'i chos mi bdog na yang legs par bshad kyis sbyangs te gtong par byed pa dang/ slong mo pa la mngon sum du smod par mi byed/ khyad du gsod par mi byed/ bsting bar mi byed/ co 'dri bar mi byed pa dang/ sma 'bebs pa nye bar sgrub par mi byed pa'o/ /de la shes pa rnaM par dag pa bcu ni 'di lta ste/ sbyin pa la brten pa'i shes pa rnam par dag pa dang/ slongs mo pa la brten pa'i shes pa rnam par dag pa dang/ sbyin pa'i sbyor ba la brten pa'i shes pa rnam par dag pa dang/ sbyin pas sems can yongs su smin par bya ba la brten pa'i shes pa rnam par dag pa dang/ thabs la mkhas pa la brten pa'i shes pa rnam par dag pa dang/ 'dod pa rnams kyi nyes dmigs la brten pa'i shes pa rnam par dag pa dang/ dri ma bsal ba la brten pa'i shes pa rnam par dag pa dang/ sdig pa'i grogs po yongs su spong ba dang dge ba'i bshes gnyen yongs su bzung ba la brten pa'i shes pa rnam par dag pa dang/ phyogs drug gis bkab pa nyid la brten pa'i shes pa rnam par dag pa'o/ /de la shes pa rnam par dag pa dang pos ni sbyin pa'i rnam grangs kyang yang dag pa ji lta ba bzhin du rab tu shes la/ sbyin pa'i mtshan nyid dang des pa'i

  70. 35b

    tshig dang/ rab tu dbye ba yang dag pa ji lta ba bzhin du rab tu shes so/ /de la gnyis las ni sems can dman pa dang/ gya nom pa dang skyon dang yon tan dang ldan pa dang gnod pa byed pa dang phan 'dogs pa thams cad la sbyin gnas kyi blo nye bar 'jog par byed pa dang/ slongs mo pa'i 'dod pa nyid kyang zur tsam gyis shes pa dang/ sbyin pa'i snga rol nyid nas sbyin par bya'i chos thams cad sems can thams cad la bsam pa thag pa nas legs par gtong bar byed pa dang/ slongs mo pa rang giS thugS thub tu blangs pa thams cad la yang rjes su gnang bar byed/ /de la gsum pas naM bzo? dang las kyi gnas shes pa gang yin pa de thams cad la mkhas pas myur ba myur bar longs spyod rnams yang dag par bsgrub nas sbyin par byed pa dang/ dge ba'i rtsa ba yongs su gzung ba las kyang 'di lta ste/ tshe snga ma 'am/ 'di la myong bar 'gyur ba 'am/ rdzu 'phrul mngon par 'grub par 'gyur ba 'am/ chos yang dag par blang ba las kyang sbyin pa sbyin par byed do/ /gzhan dag gis bsgrubs pa'i longs spyod rnams kyis kyang sbyin pa sbyin par byed pa ste/ 'di lta ste gzhan dag de yang dag par 'dzin du bcug nas de dag la bya ba'i grogs su 'gro'o/ /de la bzhi pas ni ji nas kyang slongs mo pa la yang kun nas nyon mongs par mi 'gyur ba dang/ bdag nyid kyang kun nas nyon mongs pa can ma yin pa'i sems kyis sbyin pa sbyin par byed pa dang/ rab tu phye zhing don gnyer ba rnams dang phangs pa rnams dang/ ston pa med pa rnams dang/ nyes par spyang pa spyod pa rnams dang/ rang gi tshal za ba rnams la 'di lta ste/ dbul po 'am/ longs spyod 'bring dam/ longs spyod che bas sbyin par byed pa dang/ cho ga ci rigs pas sbyin par byed cing/ cho ga ma yin pas ma yin pa de ltar sbyin par bya ba shes par byed do/ /de la lnga pas ni sems can yongs su smin par bya ba'i phyir sbyin pa shes par byas shing sbyin par byed pa dang/ sbyin pa sbyin pa na skye bo phal po che dang lhan cig tu sbyin pa sbyin par byed cing/ ji nas kyang skye bo phal po che dag bsod nams chen po bskyed par 'gyur ba de ltar byed pa dang dbul po sbyin par byed 'dod pa dag la long spyod kyi bgo

  71. 36a

    bsha' byed ba dang/ dbul po ma yin pa ser sna can rnams dang/ ser sna med pa byed 'dod pa rnams la ni rang gi long spyod kyi bgo bsha' mi byed par de la grogs byed du 'gro ba dang/ sangs rgyas dang/ chos dang dge 'dun gyi bya ba byed 'dod pa gzhan dag la sbyin par bya ba'i chos dag byin nas/ ji nas kyang sgo gnyi ga nas bsod namS skye bar 'gyur ba de ltar gzhan dag kyang byed du 'jug par byed do/ /de la drug pas ni bshad pas kyang sbyin pa sbyin par byed la mthus kyang sbyin pa sbyin par byed/ lan mnod pa las kyang sbyin pa sbyin par byed/ skye ba dang mthus kyang sbyin pa sbyin par byed do/ /de la bdun pas ni 'dod pa rnams kyi nyes dmigs yang dag pa ji lta ba bzhin du rab tu shes nas sbyin pa sbyin par byed do/ /de la nyes dmigs rnam pa gnyis kyang shes te/ 'di lta ste tshe 'di pa dang/ tshe phyi ma pa ste/ 'di lta ste/ sdug bsngal gyi phung po'i mdo las byung ba bzhin no/ /rnam pa lnga yang shes te/ 'di lta ste nyes dmigs lnga pa'i mdo las byung ba bzhin no/ /rnam pa drug kyang shes te/ 'di lta ste/ 'jigs pa zhes bya ba de ni 'dod pa rnams kyi tshig bla dags yin no zhes bya ba la sogs pa bstan pa'i mdo las byung ba bzhin no/ /rnam pa bdun yang shes te /'di lta ste/ 'dod pa rnams ni mi rtag pa dang/ gsog dang/ gsob dang/ brdzun pa dang/ bslu ba'i chos can dang/ sgyu ma lta bu dang byis pa 'drid pa'o zhes gsungs pa bzhin no/ /rnam pa brgyad kyang shes te/ 'di lta ste rus pa'i keng rus lta bu'o zhes bya ba nas/ rgyas par shing ljon pa'i 'bras bu lta bu'o zhes bya ba'i bar du mdo las ji skad gsungs pa bzhin no/ /de la brgyad pas ni las kyi mdza' dri ma can rnam pa bcu bzhi dang bral ba yang dag pa ji lta ba bzhin shes na sbyin pa sbyin par byed de/ de dag kyang 'di lta ste/ gtsug phung len gyi mdo las gsungs pa bzhin no/ /de la dgu pas ni sdig pa'i grogs bzhi yongs su spangs shing dge ba'i bshes gnyen bzhi yongs su bzung nas sbyin pa sbyin par byed de /de dag kyang 'di lta ste/ gtsug phud len gyi mdo de nyid

  72. 36b

    las gsungs pa bzhin no/ /de la shes pa rnam par dag pa bcu pas ni phyogs drug gis bkab nas sbyin pa sbyin par byed de/ de dag kyang 'di lta ste/ gtsug phud len gyi mdo de nyid las gsungs pa bzhin no/ /de la dri ma rnam par dag pa rnam pa bcu ni 'di lta ste/ nang yang rung phyi rol yang rung/ rgyad ring yang rung/ thag nye yang rung/ lus ngal kyang rung/ lus ngal ba med kyang rung/ lus nyam chung yang rung/ lus nyam chung ba ma yin yang rung ste/ le lo'i dri ma dang bral ba'i sbyin pa sbyin par byed pa dang/ 'di lta ste longs spyod rnams la chags pa'i dri ma dang bral ba'i sbyin pa sbyin par byed pa dang/ 'di lta ste slongs mo pa rnams la zhe sdang gi dri ma dang bral ba'i sbyin pa sbyin par byed pa dang/ 'di lta ste rgyu dang 'bras bu la gti mug gi dri ma dang bral ba'i sbyin pa sbyin par byed pa dang/ 'di lta ste/ gags bzhi po de dag gis gags kyi dri ma dang bral ba'i sbyin pa sbyin par byed pa ste/ de la gags bzhi'i dri ma ni 'di dag yin te/ 'di lta ste/ ma goms pa dang/ rgud pa dang/ chags pa dang/ 'bras bu ma mthong ba'o/ /'di lta ste/ dbul pos rang gi tshal za ba dang/ longs spyod 'bring pos de dag dang sdug bsngal ba rnams dang/ longs spyod chen pos de dag dang de las gzhan pa'i slongs mo pa rnams la shin tu rnam par phye zhing mi rigs pa'i dri ma dang bral ba'i sbyin ba sbyin par byed pa dang/ 'di lta ste/ dngos po yongs su rdzogs pa dang/ bsam pa yongs su rdzogs shing nyung ba'i dri ma dang bral ba'i sbyin pa sbyin par byed de/ de la dngos po yongs su rdzogs pa ni rnam pa bdun te/ yo byad kyi dngos po yang sbyin par byed pa dang/ yul gyi dngos po dang/ sems can gyi dngos po dang/ rgyan gyi dngos po dang/ gnas kyi dngos po dang/ de la gnas pa'i dngos po dang/ nang gi dngos po yang sbyin pa sbyin par byed pa'o/ /de la bsam pa yongs su rdzogs pa ni nang gi lus dang longs spyod dag la rang bzhin gyis chags pa med pa'i bsam pa nyid thob pa gang yin pa'o/ /'di lta ste yongs su dag pa rnam pa bcu po 'di lta ste/ chags pa med pa dang

  73. 37a

    nag nog med pa la sogs pa sa'i dngos bzhir bstan pa dag gis yongs su dag cing/ rnam par ma dag pa'i dri ma dang bral ba'i sbyin pa sbyin par byed ba dang/ 'di lta ste sbyin par bya ba'i dngos po yongs su brtags pa dang/ bsam pa yongs su brtag pa dang/ zhing yongs su brtag pas yongs su brtags shing 'chal pa'i shes rab kyi dri ma dang bral ba'i sbyin pa sbyin par byed pa ste/ de la sbyin par bya ba'i dngos po yongs su brtag pa ni bsogs 'jog pas yongs su longs spyod po ches khyad par du 'phags pa dang/ yongs su long spyod pa bas sbyin pa ches khyad par du 'phags pa gang yin pa'o/ de ci'i phyir zhe na/ 'di ltar bsogs 'jog 'ba' zhig ni bdag la yang phan par mi 'gyur/ bzhan la yang phan par yang mi 'gyur/ tshe 'di la yang phan par yang mi 'gyur/ tshe phyi ma la phan par yang mi 'gyur ba yin la/ byang chub sems dpa' i yongs su long spyod pa ni bdag la phan pa dang/ tshe 'di la phan par 'gyur ba yin yang gzhan la phan pa yang ma yin/ tshe phyi ma la yang phan pa yang ma yin pa dang/ byang chub sems dpa' i dga' ba dang mchog tu dga' ba rgya chen po skyes shing sbyin par byed pa'i sbyin pa ni bdag la phan pa dang/ gzhan la phan pa dang/ tshe 'di la phan pa dang/ tshe phyi ma la phan par 'gyur ba yin pa'i phyir ro/ /de la bsam pa yongs su brtag pa ni rnam pa bzhir rig par bya ste/ rgyu la phyin ci ma log pa'i bsam pa dang/ 'bras bu la chags pa med pa'i bsam pa dang sems can rnams la snying rje ba'i bsam pa dang/ thams cad mkhyen pa'i ye shes yongs su rdzogs par bya ba'i bsam pas sbyin pa sbyin par byed pa'o/ /de la zhing yongs su brtag pa ni rnam pa lngas rig par bya ste/ gang la don du gnyer ba nyid dmigs pa dang/ gang la don du gnyer ba yang yin la 'ongs pa yang yin pa dang phongs pa yang yin la rton pa med pa gang yin pa dang/ rton pa med pa yang yin la nyes par spyod pa las ldog

  74. 37b

    par nus pa nyid kyang dmigs pa de ni zhing yin no/ /de dag med na yang gang la legs par spyod pa dang/ yon tan khyad par du 'phags pa dmigs pa de ni zhing lnga pa yin par rig par bya'o/ /zhing ma yin pa ni rnam pa bdun gyis rig par bya ste/ slongs mo pa gtum pa dang phyir rgol ba la skyabs su song ba phyir rgol bar gyur nas slong bar byed pa dang/ dge ba'i rtsa ba yang dag par 'dzin du gzhugs pa na dbang du mi 'gyur ba dang nyon mongs pa can sems sam kun nas nyon mongs pa'i bsam pas slong bar byed pa dang/ bdud dam bdud kyis brlams par gyur nas mtho ba tsam pa'i phyir slong bar byed pa dang/ gnas ma yin pa slong bar byed de pha ma'am gzhan gang yang rung ba sbyin par bya ba ma yin pa'i dngos po slong bar byed pa dang/ don du gnyer ba ma yin pa ste/ de ltar rnam pa de dag gis ni zhing ma yin pa yongs su brtagS yin par rig par bya'o/ /thabS ma yin pa'i nyes pa dang bral zhing thabs kyi yon tan dang ldan pa'i sbyin pa sbyin par byed de/ de la thabs ni 'di yin te/ 'di lta ste sbyin pa la goms pa dang/ lus dang srog la mi lta ba dang/ sems can la snying brtse ba dang/ de kho na'i don shes pa dang/ bla na med pa'i byang chub la mos pa dang/ bshad pa dang nan gyis gnon pa dang/ phan btags pa'i lam du phan 'dogs par sbyor ba dang skye ba dang mthu'o/ /'dul ba ni bsdu na rnam pa gsum du rig par bya ste/ re zhig bcom ldan 'das kyis nyan thos rnamS kyis 'dul ba la dang por sdom pa'i tshul khrims kyis 'dul ba ji ltar bsdus pa de ni 'dul ba bsdus pa yin par blta bar bya'o/ /dge ba'i chos sdud pa'i tshul khrims kyi 'dul ba bsdus pa gang zhe na/ dge ba'i tshes sdud pa'i tshul khrims la brtson pa'i byang chub sems dpas mdor bsdu na sems drug la so sor brtag par bya ste/ drug gang zhe na/ khyad du gsod pa'i sems dang/ le lo dang ldan pa'i sems dang/ bsgribs pa'i sems dang/ btsal ba las yongs su skyo ba'i sems dang/ gnod pa dang ldan pa'i sems dang

  75. 38a

    bar chad dang ldan pa'i sems so/ /de la byang chub sems dpa' i dge ba'i chos rnams la yang bar sems pa nyid dang/ mi mos pa'i sems nyid dang/ brnyas pa'i sems nyid gang yin pa'i de ni khyad du gsod pa'i sems zhes bya'o/ /le lo dang gla gdal? dang bag med pas kun nas dkris pa'i sems ni le lo dang ldan pa zhes bya'o/ /'dod pa la 'dun pa la sogs pa nyon mongs pa dang nye ba'i nyan mongs pa'i sgrib pa gang yang rung bas kun nas dkris ba'i sems ni bsgribs pa'i sems zhes bya'o/ /brtson 'grus brtsams shing gnas pa'i lus kyis ngal ba dang sems kyis 'khrug pas zil gyis gnon pa'i sems ni btsal bas yongs su ngal ba'i sems zhes bya'o/ /gnod pa gang yang rung pas zil gyis zhon pa'i sems sbyor ba mong? pa'i mthu med pa de ni gnod pa dang ldan pa'i sems zheS bya'o/ /smra ba la dga' ba la sogs pa bar chad dang ldan pa'i sems ni bar chad dang ldan pa'i sems zhes bya'o/ /byang chub sems dpa' sems drug po de dag la 'di ltar so sor brtag par bya ste/ ci bdag gi sems la sems drug po de dag las gang yang rung ba rab tu spyad pa yod dam/ 'on te med snyam du so sor rtog par bya'o/ /de la byang chub sems dpa' sems dang po gsum po de dag ni skyes so cog gcig tu dang du mi blang bar bya ste/ gal te dang du len par byed cing spong bar mi byed na/ thams cad du kha na ma tho ba dang bcas bar 'gyur ro/ /btsal bas yongs su skyo ba'i sems ni skyes pa na gal te 'di lta bu'i sems kyis dge ba'i chos rnams la sbyor ba gtong bar byed de/ ji nas kyang lus dang sems ngal zhing 'khrug par byed pa 'di so sor bsal nas/ yang dge ba'i chos rnams la sbyar bar bya'o snyam du semS na ni kha na ma tho ba med phar 'gyur/ /gal te bdag la dge ba la sbyor ba gang gis bdag tshe 'di la sdug bsngal bar 'gyur ba 'di lta bus ji zhig bya snyam du sems shing thams cad kyi thams cad du gtan spong bar byed na ni

  76. 38b

    de la tha? na ma tho ba dang bcas par 'gyur ro/ /gnod pa dang ldan pa'i sems ni nye bar gnas par gyur pa na/ byang chub sems dpa' i dge ba'i sbyor ba la 'dod dgur byar med pa yin pas de dang du blangs nas yang kha na ma tho ba med do/ /bar chad dang ldan pa'i sems ni nye bar gnas par gyur pa na /gal te 'dod dgur byar med dam don ches chen po zhig yang dag par rjes su mthong nas dang du len na ni kha na ma tho ba med do/ gal te de la 'dod dgur byar yod dam/ don med pa 'am don ches chung ba zhig yang dag par rjes su mthong nas dang du len bar byed na ni kha na ma tho ba dang bcas par 'gyur ro/ /sems drug po de dag las sems snga ma gsum po dag gis byung pa dang du blangs so tsag ni gcig tu kha na ma tho ba dang bcas par 'gyur ro/ /gnod pa dang ldan pa'i sems gcig pu ni dang du blangs kyang kha na ma tho ba med do/ / sems lhag ma gnyis kyi byung ba dang du blangs so cog ni rnam pa grangs kyi kha na ma tho ba dang bcas pa dang kha na ma tho ba med par 'gyur ro/ /sems can gyi don bya ba'i tshul khrims la brtson pa'i byang chub sems dpas ni rnam par gtogs pa'i gnas drug la so sor brtag par bya ste/ bdag dang/ gzhan dang/ zang zing gis phongs pa dang/ zang zing gis 'byor pa dang/ chos kyis phongs pa dang/ chos kyis 'byor ba ni gnas drug pa yin no/ /de la zang zing gis pongs pa zhes bya ba ni /chos gos dang bsod snyoms la sogs pa ma rnyed pa rnams mi rnyed pa dang/ rnyed cing 'jug pa rnams rgyun 'chad cing 'gyur ba'o/ /zang zing 'byor pa ni de las bzlog pa las rig par bya'o/ /chos kyis phongs pa zhes bya ba ni bslab pa nyams pa dang de bzhin gshegs pas gsungs pa don dam pa'i chos kyi tshig sngon ma thos mnyan du med pa dang/ sngon ma thos pa ji lta ba bzhin du sngon ma bsams pa bsam du med pa dang/ thos pa'i bar chad dang/ bsam pa'i bar chad dang/ thos pa dang bsam pa brjed pa dang/ bsgom pa las byur ba'i dge ba ma thob pa mi

  77. 39a

    thob pa dang/ thob pa yongs su nyams par 'gyur pa'o/ /chos 'byor pa ni de las bzlog pa las rig par bya'o/ /de la byang chub sems dpas bdag nyid kyi chos kyis phongs pas gzhan dag gi zang zing 'byor par bya ba'i phyir sbyor par mi bya'o/ /zang zing 'byor par bya ba'i phyir ji lta ba bzhin du chos 'byor par bya ba'i phyir yang de bzhin no/ /ngon gyi skabs 'dir chos kyis phongs pa zhes bya ba ni bslab pa nyams pas bsdus pa dang/ bslab pa nyams pa dang rjes su mthun pas bsdus pa dang/ thos pa'i chos yongs su nyams pas bsdus pa yin par rig par bya'o/ /bdag nyid kyi zang zing gis phongs pas gzhan dag gi zang zing 'byor bar bya ba'i phyir ni brtson par bya ste/ zang zing 'byor pa de'ang gal te chos kyis phongs pa bskyed par mi byed na'o/ /gal te chos kyis phongs pa bskyed par byed na ni /rtson par mi bya'o/ /zang zing 'byor par bya ba'i phyir ji lta ba bzhin du chos 'byor par bya ba'i phyir yang de bzhin no/ /bdag nyid kyi zang zing 'byor pas gzhan dag gi zang zing 'byor par bya ba'i phyir yang brtson par bya'o/ /zang zing 'byor par bya ba'i phyir ji lta ba bzhin du/ chos 'byor par bya ba'i phyir yang de bzhin no/ /bdag nyid kyi chos 'byor pas gzhan dag gi zang zing 'byor par bya ba'i phyir yang brtson par bya'o/ /zang zing 'byor par bya ba'i phyir ji lta ba bzhin du chos 'byor par bya ba'i phyir yang de bzhin no// de ltar sbyor par mi byed na ni kha na ma tho ba dang bcas par 'gyur la/ sbyor par byed na ni kha na ma tho ba med par 'gyur ro/ /de ltar na de ni re zhig byang chub sems dpa' sdom pa yang dag par blangs pa'i 'dul ba'i sdus pa yin no/ /de la byang chub sems dpa' dus rtag tu yang la bya zhing bslab par bya'o/ /byang chub sems dpa' i tshul khrims rnam pa gsum po gang yin pa de las gang yang rung bzhig ma tshang na/ byang chub sems dpa' i sdom pas bsdams pa yin par brjod par bya'am/ bsdams pa ma yin par brjod par bya

  78. 39b

    zhe na /bsdams pa ma yin par brjod par bya'o/ /tshul khrims rnam pa gsum po de dag las 'di lta ste/ sdom pa'i tshul khrims 'di ni bsdud par byed pa dang 'byor par byed pa yin te/ de bsdams shing bsrungs na de las gzhan pa dag kyang bsdams shing bsrungs par 'gyur la/ de ma bsdams shing ma bsrungs na de las gzhan pa dag kyang ma bsdams shing ma bsrungs par 'gyur bas/ de'i phyir byang chub sems dpa' sdom pa'i tshul khrims nyams na sdom pa thams cad nyams pa yin par brjod par bya'o/ /gang gzhan ma grags par bya ba'i phyir dang/ gzhan gyis yang dag par len du bcug na/ de len bar byed par zad kyi/ rang gi dad pas bsam pa thag pa nas rjes su brtags shing sems can rnams la snying rje ba'i sems nye bar bzhag ste dge ba 'dod pas len par mi byed pa de yang bsdams pa ma yin par brjod par bya ste/ de ni des dge ba yongs su rdzogs pa dang sbyor bar yang mi 'gyur la/ de'i 'bras bu'i phan yon yang 'thob par mi 'gyur ro/ /de las bzlog pas ni sdom pas bsdams pa dang dge ba yongs su rdzogs pa dang sbyor bar 'gyur ba dang/ de'i 'bras bu phan yon yang 'thob par 'gyur bar rig par bya'o/ /sdom pa de ma btang na ni tshe rabs gzhan du yang rjes su 'jug par rig par bya'o/ /gal te btang na ni ma yin no/ /de gtong ba ni mdor bsdu na rgyu bzhis 'gyur te/ yang dag par len pa'i sems kyis mi 'dra bar nges ba'i sems bskyed par byed pa dang/ mi brda phrad pa'i drung du 'bul ba dang ldan pa'i tshig brjod par byed pa dang/ pham pa'i gnas lta bu'i chos bzhi po thams cad dam re re la kun nas dkris pa chen pos nyes pa 'byin par byed na byang chub sems dpa' sdom pa btang bar brjod par bya'o/ /gal te phyir blang ba'i sems yongs su dag pa thob par gyur na yang phyir blang bar yang bya'o/ /byang chub sems dpa' rab tu byung bas chos gos gsum ma gtogs pa yo byad lhag pa sangs rgyas kyi rjes su gnang ba /lus kyi longs

  79. 40a

    spyod dang bde ba la reg par gnas pa'i rjes su mthun par 'gyur ba dag/ gal te slongs mo pa 'dod pa rnams la so so brtags te sbyin par byed na kha na ma tho ba med do/ /gal te dge ba'i phyogs la ltos pa'i phyir yin gyi/ 'dod pa'i khams su gtogs pa ma yin pas sbyin par mi byed na yang kha na ma tho ba med pa kho na yin no/ /gal te chos kyi glegs bam bris zin pa slongs mo pa byis pa'i shes rab can rnams la sbyin par byed na kha na ma tho ba dang bcas par 'gyur ro/ /de dag la sbyin pa'i phyir gzhan dag la slong bar byed na yang kha na ma tho ba dang bcas par 'gyur ro/ /gal te bdag gis 'di chos zab mo rnams 'dzin du gzhug pa dang mos par bya nus so/ /snyam pa de lta bu kho na sems kyis sbyin par byed na ni kha na ma tho ba med do/ /gal te dam pa'i chos ltar bcos pa'i glegs bam mam mu stegs can gyi bstan bcos kyi glegs bam la dad pa'i sems can rnams la de yi ger 'drir bcug nas sam bris zin pa la gan 'dog pa sbyin par byed dam/ gzhan las blangs te sbyin par byed na kha na ma tho pa dang bcas par 'gyur ro/ /byang chub semS dpas glegS bam dris zin pa lag na bdog pa de'ang phyis te/ sangs rgyas kyi gsung rab yi ger? 'drir gzhug pa 'am/ bdag nyid kyis kyang snying po med pa kho nar yongs su shes par bya zhing/ gzhan dag la yang legs pa kho nar bsgrug par bya'o/ /gal te glegs bam la bris pa slong ba zhig 'ongS ba na de la 'dis khyod la ci zhig bya zhes yongs su dri bar bya ste/ gal te btsongs la yongs su longs spyod par bya'o zhes zer na/ byang chub sems dpas gal te glegs bam de chos kyi don du sta gon byas pa zhig yin na ni de la sbyin par mi bya bar/ rin bdog na rin sbyin par bya'o/ /gal te rin mi bdog na gnyi ga ma byin na yang ma? tho? ba med do/ /gal te chos kyi ngon du sta gom byas pa ma yin na ni ci nas kyang bde bar yongs su long sbyod par bya ba'i phyir glags bam de nyid sbyin par bya'o/ /

  80. 40b

    de bzhin du gal te gzhung shin tu ngan pa 'dri bar 'dod pa'i phyir slong mo pa la ma byin na yang kha na ma tho ba med do/ /gzhung shin tu ngan pa 'dri bar 'dod pa ji lta ba bzhin du gzhung 'bring 'dri bar 'dod pa la yang de bzhin no/ /gzhung khyad par du 'phags pa 'dri bar 'dod pa'i phyir slong ba la ma byin na ni kha na ma tho ba dang bcas par rig pa bya'o/ /'di na byang chub sems dpa' phan 'dogs pa'i sems can rnams la phan 'dogs pa'i mtshan ma'i rjes su 'brang zhing zang zing dang bcas pa'i sems dang phyogs yongs su gzung ba'i tshul gyis mdza' bshes kyi bsam pa bskyed par byed na kha na ma tho ba dang bcas bar 'gyur ro/ /gnod pa byed ba'i sems can rnams la gnod pa byed pa'i mtshan ma'i rjes su 'brang zhing rnyog pa'i sems dang dgra bor yongs su bzung ba'i sems kyis dgra po'i bsam pa skyed par byed na kha na ma tho ba dang bcas par 'gyur ro/ /gnod pa byed pa yang ma yin pa phan pa byed pa yang ma yin pa'i sems can rnams la tha mal pa'i bsam pa dang btang snyoms kyi bsam pa skyed par byed na kha na ma tho ba dang bcas par 'gyur ro/ /gal te rab tu 'byung ba'i phyir gsol ba 'debs pa zhig 'ongs na/ dus kyi skyon dang dus tha ma'i skyon gye rjes su 'brang zhing rab tu 'byin par mi byed na ni kha na ma tho ba med do/ /gal te snying brtse ba'i sems nye bar bzhag ste rab tu 'byin par byed na yang kha na ma tho ba med do/ /rab tu 'byin pa ji lta ba bzhin du bsnyen par rdzogs par byed pa dang/ gnas sbyin par byed pa dang 'khor sdud par byed pa'ang de bzhin du rig par bya ste/ rnam pa de dag gis byang chub sems dpa' i tshul khrims kyi phung po de gsum yongs su rdzogs par rig par bya'o/ /de la sbyin pa la sogs pa rgya chen bstan pa rnams kyi mdor bsdu ba bstan par bya ste/ de? la byang chub sems dpa' rnams kyi sbyin pa ni mdor bsdu na yon tan lnga dang ldan na sbyin pa'i pha rol tu phyin pa zhes bya ba'i grags su 'gro ste/ lnga gang zhe na/ 'di lta ste/ chags pa med pa nyid dang mi lta ba nyid dang/ kha na ma tho ba

  81. 41a

    med pa dang/ rnam par rtog pa med pa nyid dang/ yongs su bsngo ba nyid kyis so/ /sbyin pa la ji lta ba bzhin du tshul khrims la sogs pa la yang de bzhin du rig par bya'o/ /de la chags pa med pa nyid ni sbyin pa la sogs pa'i gags? su gyur pa'i chos rnam pa thams cad la chags pa med pa gang yin pa'o/ /de la mi lta ba nyid ni zang zing dang de'i 'bras bu la sems 'brel pa med pa gang yin pa'o/ /de la kha na ma thob med pa nyid ni sbyin pa la sogs pa'i nye ba'i nyon mongs pa rnam pa thams cad rnam par spangs pa nyid gang yin pO de la rnam par rtog pa med pa nyid ni sbyin pa la sogs pa la kun btags pa'i ngo bo nyid du mi lta ba yin no/ /de la yongs su bsngo ba nyid ni sbyin pa la sogs pa thams cad kyi 'bras bu bla na med pa yang dag par rdzogs pa'i byang chub 'thob par smon lam 'debs pa gang yin pa'o/ /de la de ltar byang chub sems dpa' rnams kyi pha rol tu phyin pa yon tan rnam pa lngas yongs su zin pa de dag ni byang chub sems dpa' i sbyin pa ces kyang bya/ byang chub sems dpa' i shes rab kyi bar zhes kyang bya'o/ /thams cad kyi sbyin pa zhes kyang bya/ shes rab thams cad kyi bar zhes kyang bya'o/ /dka' ba sbyin pa zhes kyang bya/ dka' ba'i shes rab kyi bar zhes kyang bya ste/ rgyas par sa'i dngos gzhir bstan pa'i sdom gyi tshigs su bcad pa thams cad rjes su rtogs par bya'o/ /sbyin pa'i pha rol tu phyin pa'i nye ba'i nyon mongs pa nang dang phyi rol las brten pa rnam pa bcu yod de/ de dag gis gnyen por byang chub sems dpa' i sar sbyin pa'i pha rol tu phyin pa rnam pa bcu bstan pa rnams gcig las 'phros pa'i ge rims bzhin du rig par bya'o/ /de la phyi rol las brten pa'i nye ba'i nyon mongs pa ni rnam pa lnga ste/ yongs su nyon mongs pa dang/ spong ba dang/ byams pas zhen pa med pa dang/ yid la bsam pa yongs su ma rdzogs pa dang/ yongs su ma smin pa'o/ /nang las brten pa'i nye ba'i nyon mongs pa yang rnam pa lnga ste/ nges par 'byin pa ma yin pa nyid dang/ kun nas nyon mongs pa can nyid

  82. 41b

    dang/ stobs dang mi ldan pa nyid dang/ phyogs su ltung ba dang bcas pa nyid dang/ zad? pa'i chos can nyid do/ /tshul khrims kyi le'ur tshul khrims rnam par dag pa rnam pa bcu bstan pa la rnam pa gcig gis ni bsam pa rnam par dag pa bstan to/ /lhag ma rnams kyis ni sbyor ba rnam par dag pa bstan par rig par bya'o/ /de la sbyor ba ni rnam pa lnga ste/ rgyun mi 'chang pa'i sbyor ba dang/ yongs su sbyong ba'i sbyor ba dang/ yongs su bsngo ba'i sbyor ba dang/ grogs kyi sbyor ba dang/ srung ba'i sbyor ba ste/ de yang rnam pa gnyis pa dang gsum pa gnyis kyis ni sbyor ba dang po bstan te/ bzhi pas ni gnyis pa'o/ /lnga pas ni gsum pa'o/ /drug pa dang bdun pa dang brgyad pa dang dgu pa rnams kyis ni bzhi pa'o/ /bcu pas ni sbyor ba lnga pa bstan par rig par bya'o/ /bzod pa rnam par bstan pa bcu la rnam par dag pa gnyis su rig par bya ste/ so sor rtog pa'i stobs kyis rnam pa ni rnam pa dgus bstan to/ /bsgom pa'i stobs kyis rnam par dag pa ni bcu pas bstan to/ /so sor rtog pa'i stobs kyis rnam par dag pa de'ang rnam pa bzhir rig par bya ste/ kha na ma thob skye ba yongs su spong bas rnam par dag pa dang/ de kun mi spyod pas rnam par dag pa dang/ kha na ma tho ba med pa skye bas rnam par dag pa dang/ de'i rgyu yongs su mi spong bas rnam par dag pa ste/ rnam pa gcig dang gnyis dang gsum dang go rim bzhin no/ /mi bzod pa'i rgyu ni rnam pa gsum du rig par bya ste/ ngo tsha med pa dang/ khrel med pa dang/ snying rje med pa'o/ /brtson 'grus kyi pha rol tu phyin pa rnam par dag pa bcus rnam par dag par rig par bya ste/ rnam par sbyor ba/ rnam par dag pa dang/ yongs su 'dris pas rnam par dag pa dang/ rtsom pas rnam par dag pa dang/ thabs kyis rnam par dag pa dang/ dus 'bras bu yod par gnas pas rnam par dag pa dang/ tshigs? med par gnas pas rnam par dag pa dang/ nges par 'byung ba rnam par dag pa dang/ grogs kyis yongs su zin pas rnam par dag pa dang/ mngon par shes pa myur pa nyid kyis rnam par dag pa dang/ mi zad ba nyid kyis rnam par dag pa'o/ /bsam gtan gyi pha

  83. 42a

    rol tu phyin pa yang rnam pa bcus rnam par dag pa yin te/ dag pa nyid kyis rnam par dag pa dang/ zag pa med pa rnam par dag pa dang/ dngos bzhi'i thabs kyis rnam par dag pa dang/ dngos bzhi thob pas rnam par dag pa dang/ dbang gi thabs kyis rnam par dag pa dang gnas pa la dbang bas rnam par dag pa dang/ mngon par shes pa bsgrub pa la dbang bas rnam par dag pa dang/ sems can yongs su smin par bya ba la dbang bas rnam par dag pa dang/ mu stegs can tshar bcad pa la dbang bas rnam par dag pa dang/ 'bral ba bla na med pas rnam par dag pa'o/ /shes rab kyi pha rol tu phyin pa rnam par dag pa ni rnam pa lnga ste/ mtshan nyid rtogs pas rnam par dag pa dang/ rten cing 'brel par 'byung ba rtogs pas rnam par dag pa dang/ lung dpog pa rtogs pas rnam par dag pa dang/ skyes bu'i byed pa rtogs pas rnam par dag pa dang/ 'thob pa rtogs pas rnam par dag pa'o/ /byang chub sems dpa' ji ltar lus la lus kyi rjes su lta zhing gnas shin/ spras pa/ mtshan ma'i lus la de bzhin nyid kyi rjes su lta zhing gnas so/ /lus la ji lta ba de bzhin du tshor ba dang sems dang chos rnamS la yang ci rigs pa rig par bya'o/ /byang chub sems dpa' sdig pA mi dge ba'i chos ma skyes pa rnams mi skyed pa'i phyir mdun pa skyed par byed do zhes rgyas par bya ba de dag gang zhe na/ smras pa/ de de ltar de bzhin nyid kyi dmigs pa la nye bar gnas pa'i sems la mtshan ma dang gnas ngan len mi snang bar gyur pa thams cad dang/ nang du yang dag par ma skyes pa rnams mi skyed pa'i phyir mdun pa skyed ces rgyas par bya'o/ /ma skyes pa rnams mi skyed pa'i phyir ji lta ba bzhin du skyes pa snang bar gyur pa rnams dang/ nang du yang dag par skyes pa rnam spang bar bya ba'i phyir dang/ de'i gnyen po dge ba'i chos ma skyes pa rnams skyed pa'i phyir dang/ skyes pa rnams gnas par bya ba'i phyir 'dun pa skyed par byed do zhes rgyas par bya ba yang de bzhin du rig par bya'o/ /de la dang po dran pa nye bar bzhag pa dag la ni dmigs pa

  84. 42b

    la sems nye bar gtong par rig par bya'o/ /de'i 'og tu dmigs pa de nyid la sems gnas par bya ba'i phyir yang dag pa'i spong pa rnams kyis rtsol par rig par bya'o/ /de'i 'og tu ting nge 'dzin thob pa'i ting nge 'dzin yongs su rdzogs par bya ba'i phyir rdzu 'phrul gyi rkang pa la sbyor par rig par bya'o/ /de'i 'og tu ting nge 'dzin yongs su rdzogs pa'i mtshan ma dang gnas ngan len thams cad dang bral bar bya pa'i phyir dbang po rnams dang stobs rnams kyi lam yang dag par rtsom par rig par bya ste/ de la dbang po rnams kyis ni sbyor pa'i lam chung ngu yang dag par rtsom par rig par bya'o/ /stobs rnams kyis ni chen po'o/ /de'i 'og tu sbyor ba yang dag par brtsams pa'i byang chub kyi yan lag rnams kyis yang dag pa'i mdza' rtogs par byed par rig par bya'o/ /de'i 'og tu yang dag pa'i mdza' rtogs pa 'di lta ste/ sgrib pa thams cad las rnam par thar bar bya ba'i phyir lam gyi yan lag rnams kyis bla na med pa yang dag par rdzogs pa'i byang chub kyi par du rjes su 'thob par rig par bya'o/ /mtshan ma dang gnas ngan len gyi 'ching ba na rnam pa bcu bzhir? rig par bya ste/ dbang po'i 'ching ba dang/ yul gyi 'tshang ba dang/ sems can gcig la gcig chags pa'i 'ching ba dang/ gnas kyi 'ching ba dang/ shes pa mi shes pa'i 'ching ba dang/ shes bya mi shes pa'i 'ching ba dang/ yang 'byung ba la sreng pa'i 'ching ba dang/ 'jig pa la sred pa'i 'ching ba dang/ rgyu mi mthun pa dang rgyu med pa la mngon par zhen pa'i 'ching ba dang/ thob par mngon pa'i nga rgyal gyi 'ching ba dang/ kun btags pa'i ngo bo nyid la mngon par zhen pa'i 'ching ba dang/ gang zag gi ngo bo nyid la mngon par zhen pa'i 'ching ba dang/ gang zag yongs su shes par mngon ba'i nga rgyal gyi 'ching ba dang/ chos yongs su shes par mngon pa'i nga rgyal gyi 'ching ba'o/ /de la gnas ni 'di yin te snod kyi 'jig rten gang yin pa ste/ de la brten nas dbang po rnams 'byung ba'i phyir ro/ /stong pa nyid la brten nas dran pa

  85. 43a

    nye bar bzhag pa bsgom pa la brtson pa'i byang chub sems dpas ni mdor na 'du shes kyi 'ching ba rnam pa drug las sems rnam par grol bar bya ste/ 'du shes kyi 'ching ba rnam pa drug gang zhe na/ lus dang chos rnams kyi bar la nang du 'du shes pa gang yin pa de ni 'du shes kyi 'ching ba dang po'o/ /de dag nyid la phyi rol du 'du shes pa gang yin pa de ni gnyis pa'o/ /de dag nyid la nang dang phyi rol du 'du shes pa gang yin pa de ni gsum pa'o/ /phyogs bcu'i sems can gyi khams grangs med dpag tu med pa de dag rnam par thar bar bya ba'i phyir smon lam btab nas dran pa nye bar bzhag pa dag sgom par byed pa de la 'du shes pa gang yin pa de ni bzhi pa'o/ /gang gi lus la sogs pa la rjes su lta zhing gnas pa de la 'du shes pa gang yin pa de ni lnga pa'o/ /lus la sogs pa de dag nyid la rnam par lta zhing gnas pa de la 'du shes pa gang yin pa de ni 'du shes kyi 'ching ba drug pa yin no/ /de la lta ba'i gong nas gong du 'du shes kyi 'ching ba rnam pa bcu gcig yod par rig par bya ste/ gong nas gong du 'du shes kyi 'ching ba rnam pa bcu gcig gang zhe na/ lus la sogs pa la lus la sogs par rjes su lta zhing gnas pa'i kun nas nyon mongs pa dang/ rnam par byang ba'i bden pa la don gyi mchog tu 'du shes pa gang yin pa de ni dang po'o/ /kun nas nyon mongs pa'i don gyi mchog de nyid la byas par 'du shes pa gang yin pa de ni gnyis pa'o/ /rnam par byang ba pa'i don gyi mchog de nyid la ma byas par 'du shes pa gang yin pa de ni gsum pa'o/ /ma byas pa'i don gyi mchog de nyid la rtag par 'du shes pa gang yin pa de ni bzhi pa'o/ /kun nas nyon mongs pa pa byas pa la rgyud du 'jug par 'du shes pa gang yin pa de ni lnga pa'o/ /rtag pa nyid la 'gyur ba med par 'du shes pa gang yin pa de ni drug pa'o/ /rgyud du 'jug pa de nyid la sdug bsngal dang 'gyur ba dang bcas sdug bsngal gyi rang bzhin can du 'du shes pa

  86. 43b

    gang yin ba de ni bdun pa'o/ /de nyid la skye ba dang 'jig pa dang gnas pa dang gzhan du 'gyur ba nyid kyi rang gi mtshan nyid kyis 'gyur ba dang bcas pa nyid kyis de'i rang gi mtshan nyid du 'du shes pa gang yin pa de ni brgyad pa'o/ /'gyur ba med pa dang 'gyur ba dang bcas pa'i don gyi mchog de nyid la kun nas nyon mongs pa dang rnam par byang ba'i chos thams cad 'dus par 'du shes pa gang yin ba de ni dgu pa'o/ /kun nas nyon mongs pa dang rnam par byang ba'i chos de dag thams cad las kun nas nyon mongs pa dang rnam par byang ba'i bdag nyid med par 'du shes pa gang yin pa de ni bcu pa'o/ /kun nas nyon mongs pa dang rnam par byang ba'i chos de dag nyid la ngo bo nyid med pa'i rang gi mtshan nyid du 'du shes pa gang yin pa de ni bcu gcig pa ste/ de ltar gong nas gong du 'du shes kyi 'ching ba'i rnam pa de dag shes shing mthong bas/ de'i phyir byang chub sems dpas stong pa nyid la brten nas dran pa nye bar bzhag pa dag sgom par byed cing sems kyang rnam par grol bar byed de/ 'du shes kyi 'ching ba de las rnam par grol na/ 'du shes kyi 'ching ba thams cad las kyang rnam par grol bar 'gyur ro// theg pa chen po pa la la rang gi nyes pa gzung nas 'di skad ces kun rdzob tu ni thams cad yod la/ don dam par ni thams cad med do zhes zer ro/ /de la 'di skad ces/ tshe dang ldan pa don dam pa ni gang yin/ kun rdzob ni gang yin zhes brjod par bya'o/ /de skad dris pa na/ gal te de 'di skad ces chos thams cad kyi ngo bo nyid med pa nyid gang yin pa de ni don dam pa yin la/ ngo bo nyid med pa'i chos de dag la ngo bo nyid du dmigs pa gang yin pa de ni kun rdzob yin no/ /de ci'i phyir zhe na/ 'di ltar de ni yod pa ma yin pa dag la kun rdzob tu byed pa dang/ 'dogs pa dang mngon par brjod pa dang tha snyad du byed pa'i phyir ro zhes lan 'debs par gyur na de la 'di skad ces brjod par bya'o/ /ngo bo nyid du dmigs pa de mngon par brjod pa dang kun rdzob kyi rgyu las byung ba yin par 'dod dam/ 'on te mngon par brjod pa dang/

  87. 44a

    kun rdzob tsam zhig yin par 'dod/ gal te mngon par brjod pa dang/ kun rdzob kyi rgyu las byung ba yin na ni de nas mngon par brjod pa dang kun rdzob kyi rgyu las byung ba yin pas yod pa ma yin pa zhes byar mi rung ngo/ /gal te mngon par brjod pa dang kun rdzob tsam zhig yin na ni des na gzhi med par mngon par brjod pa dang/ kun rdzob ces byar mi rung ngo/ /de la 'di skad ces tshe dang ldan pa ci'i phyir na gang dmigs pa de med pa yin zhes kyang brjod par bya'o/ /de skad dris pa na/ gal te 'di skad ces phyin ci log gi dngos pa yin pa'i phyir ro zhes lan 'debs par gyur na/ de la 'di skad ces brjod par bya ste/ ci phyin ci log de yod par 'dod dam 'on te med par 'dod/ gal te yod na ni nges na chos thams cad kyi ngo bo nyid med pa nyid ni don dam pa'o zhes byar mi rung ngo/ /gal te med na ni des na phyin ci log gi dngos po yin pa'i phyir gang dmigs pa de ngo bo nyid med do zhes byar mi rung ngo/ /theg pa chen po'i mdo sde'i don rab tu dbye ba'i rgyu bstan pa ni rnam pa lngas rig par bya ste/ ston pa la gus pa bskyed pa nyid kyi phyir bshad pa ni dang po'o/ 'khor yang dag par bsdu ba nyid kyi phyer bshad pa ni gnyis pa'o/ /chos la rim gro cher bskyed pa nyid kyi phyir bshad pa ni gsum pa'o/ /dngos po nye bar dgod pa nyid kyi phyir bshad pa ni bzhi pa'o/ /de kho na'i don mang du bstan pa nyid kyi phyir bshad pa ni lnga pa'o/ /rang gi mtshan nyid yongs su brtag pa dang/ spyi'i mtshan nyid yongs su brtag pa las brtsams nas skye mched bcu gnyis po dag la sangs rgyas kyi chos ma 'dres pa thob par bya ba'i phyir phyin ci ma log pa'i lam rnam pa bcu yod par rig par bya ste/ de la rnam pa drug gis ni rang gi mtshan nyid yongs su brtag pa yin la/ rnam pa bzhis ni spyi'i mtshan nyid yongs su brtag pa yin par rig par bya ste/ skye mched bcu gnyis po dag la mig la sogs pa'i ming dang brda rnam par bzhag pa'i mtshan nyid la

  88. 44b

    sgra tsam gyi mtshan nyid yongs su shes pa gang yin pa de ni sangs rgyas kyi chos ma 'dres pa thob par bya ba'i phyir phyin ci ma log pa'i lam dang po'o/ /gzhan yang skye mched bcu gnyis po dge? la log par yongs su rtog pas skye ba sna tshogs yongs su 'dzin pa'i mtshan nyid yongs su shes pa gang yin pa de ni gnyis pa'o/ /gzhan yang skye mched bcu gnyis po dag la rgyu las brten te 'jug pa'i mtshan nyid yongs su shes pa gang yin pa de ni gsum pa'o/ /gzhan yang skye mched bcu gnyis po dag la skad cig la 'jig cing 'jug pa'i mtshan nyid yongs su shes pa gang yin pa de ni bzhi pa'o/ /gzhan yang skye mched bcu gnyis po dag la rnam par dag par 'jug pa'i mtshan nyid du yongs su shes pa gang yin pa de ni lnga pa'o/ /de la las rnam pa gnyis la brten nas rnam par dag pa gnyis su rig par bya ste/ mngon par grub pa'i rnam par dag pa dang/ nye bar zhi ba'i rnam par dag pa'o/ /gzhan yang skye mched bcu gnyis po dag la mngon par brjod pa'i gzhi'i gnas kyi mtshan nyid du yongs su shes pa gang yin pa de ni drug pa ste/ rnam pa drug po de dag gis ni rang gi mtshan nyid yongs su shes par rig par bya'o/ /skye mched bcu gnyis po de dag la spyi'i mtshan nyid kyi ngo bo nyid yongs su shes pa gang yin pa de ni bdun pa'o/ /gzhan yang skye mched bcu gnyis pa de dag nyid la spyi'i mtshan nyid rnam par mi rtog pa'i spyod yul gyi mtshan nyid du yongs su shes pa gang yin pa de ni brgyad pa'o/ /gzhan yang skye mched bcu gnyis po de dag nyid la spyi'i mtshan nyid 'jig rten las 'das pa'i chos kyi spyod yul gyi mtshan nyid yongs su shes pa gang yin pa de ni dgu pa'o/ /gzhan yang skye mched bcu gnyis po de dag nyid la spyi'i mtshan nyid rnam par dag pa'i rgyu'i mtshan nyid du yongs su shes pa gang yin pa de ni sangs rgyas kyi chos ma 'dres pa thob par bya ba'i phyir phyin ci ma log pa'i lam bcu pa yin te/ rnam pa bzhi po de dag gis ni spyi'i

  89. 45a

    mtshan nyid yongs su brtag par rig par bya'o/ /gnas pa dang sa rnams kyi gong nas gong ma'i khyad par ni khyad par rnam pa brgyad kyis rig par bya ste/ bsam ba'i khyad par dang/ sems rnam par dag pa'i khyad par dang /snying rje'i khyad par dang/ pha rol tu phyin pa'i khyad par dang/ sems can yongs su smin pa'i khyad par dang/ sangs rgyas snang bar 'gyur ba dang mchod pa dang bsnyen bkur byed pa'i khyad par dang/ skye ba'i khyad par dang/ mthu'i khyad par gyis so// //bam po sum cu bdun pa/ /don dam pa ni mtshan nyid lnga dang ldan pa yin te/ brjod du med pa'i mtshan nyid dang/ gnyis su med pa'i mtshan nyid dang/ rtog ge'i spyod yul las yang dag par 'das pa'i mtshan nyid dang/ tha dad pa dang/ tha dad pa ma yin pa nyid las yang dag par 'das pa'i mtshan nyid dang/ thams cad du ro gcig pa'i mtshan nyid do/ /de la brjod du med pa'i mtshan nyid dang/ gnyis su med pa'i mtshan nyid ni dgongs pa nges par 'grel ba'i mdo las ji skad 'byung ba bzhin blta bar bya ste/ byang chub sems dpa' tshul bzhin kun 'dris byang chub sems dpa' don zab mo dgongs pa nges par 'grel la dri ba dris pa/ kye rgyal ba'i sras chos thams cad gnyis su med pa /chos thams cad gnyis su med pa zhes bya na/ chos thams cad ni gang/ ji ltar na gnyis su med pa yin/ rigs kyi bu chos thams cad chos thams cad ces bya ba ni gnyis ji tsam pa ste/ 'dus byas dang 'dus ma byas so/ /de la 'dus byas ni 'dus byas kyang ma yin/ 'dus ma byas kyang ma yin no/ /'dus ma byas kyang ma yin/ 'dus byas kyang ma yin no/ /smras pa/ kye rgyal pa'i sras ji ltar na 'dus byas ni 'dus byas kyang ma yin/ 'dus ma byas kyang ma yin/ 'dus ma byas kyang 'dus ma byas kyang ma yin/ 'dus byas kyang ma yin/ rigs kyi bu 'dus byas zhes bya ba de ni ston pas btags pa'i tshig yin te/ ston pas btags pa'i tshig gang yin pa

  90. 45b

    de ni kun tu rtog pa las byung ba tha snyad du brjod pa yin la/ kun tu rtog pa las byung ba tha snyad du brjod pa gang yin pa de ni kun tu rtog pa sna tshogs kyi tha snyad du brjod pa gtan yongs su ma grub pa'i phyir 'dus byas ma yin/ /rigs kyi bu 'dus ma byas zhes bya ba de yang tha snyad kyi khongs su gtogs pa yin la/ 'dus byas dang 'dus ma byas su ma gtogs pa gang ci brjod kyang de yang de dang 'dra pa nyid du 'gyur/ brjod pa ni dngos po med pa can yang ma yin te/ dngos po de yang gang zhe na/ 'phags pa rnams kyi 'phags pa'i ye shes dang 'phags pa'i mthong bas brjod du med par mngon par rdzogs par sangs rgyas pa gang yin pa ste/ brjod du med pa'i chos nyid de nyid mngon par rdzogs par byang chub par bya ba'i phyir 'dus byas zhes ming du btags so/ /rigs kyi bu 'dus ma byas zhes bya ba de yang ston pas btags pa'i tshig gang yin pa de ni kun tu rtog pa las byung ba tha snyad du brjod pa yin la/ kun tu rtog pa las byung ba tha snyad du brjod pa gang yin pa de ni kun tu rtogs pa sna tshogs kyi tha snyad du brjod pa gtan yongs su ma grub pa'i phyir 'dus ma byas pa yin no/ /rigs kyi bu 'dus byas zhes bya ba de yang tha snyad kyi khongs su gtogs pa yin la 'dus byas dang 'dus ma byas su ma gtogs pa gang ci brjod kyang de yang de dang 'dra ba nyid du 'gyur/ de yang de dang 'dra ba nyid du 'gyur ro/ /brjod pa ni dngos po med pa can yang ma yin te/ dngos po de yang gang zhe na/ 'phags pa rnams kyis 'phags pa'i ye shes dang 'phags pa'i mthong bas brjod du med par mngon par rdzogs par sangs rgyas pa gang yin pa ste/ brjod du med pa'i chos nyid mngon par rtogs par bya ba'i phyir 'dus ma byas zhes ming du btags so/ /kye rgyal ba'i sras ji ltar na 'phags pa rnams kyi dngos po de 'phags pa'i ye shes dang 'phags pa'i mthong bas brjod du med pa'i mngon par rdzogs par sangs rgyas shing brjod du med par chos nyid de nyid mngon par rdzogs par rtogs par bya ba'i phyir 'dus byas dang 'dus ma byas zhes ming du btags pa yin /rigs

  91. 46a

    kyi bu 'di lta ste dper na/ sgyu ma mkhan nam sgyu ma mkhan gyi slob ma mkhas pa zhig lam po che'i bzhi mdor 'dug ste/ rtswa dag gam/ shing dag gam/ gseg ma dag gam/ gyo dum ngag gcig tu bsdus nas sgyu ma'i las sna tshogs 'di lta ste/ blang po che'i tshogs dang/ rta pa'i tshogs dang/ shing rta'i tshogs dang/ dpung? bu chung gi tshogs dang/ nor bu dang mu tig dang baiDUrya dang dung dang man shel dang byu ru'i tshogs dang nor dang 'bru dang mdzod dang bad? ba'i tshogs dag rnam par bstan na/ de la sems can gang dag byis pa'i rang bzhin can rmongs pa'i rang bzhin can shes rab 'chal pa'i rang bzhin can rtswa dang lo ma dang shing dang gseg ma dang gyo dum de dag mi shes pa de dag ni de mthong dam thos na 'di snyam du sems te/ glang po che'i tshogs snang ba gang yin pa 'di ni yod do/ /rta pa'i tshogs dang/ shing rta pa'i tshogs dang/ dpung bu chung gi tshogs dang/ nor bu dang mu tig dang baiDUrya dang dung dang man shel dang byu ru'i tshogs dang/ nor dang 'bru dang mdzod dang bang ba'i tshogs snang ba gang yin pa 'di ni yod do snyam du sems shing/ de dag ji ltar mthong ba dang ji ltar thos pa bzhin du de dag la nan gyis mchog tu bzung zhing/ mngon par zhe na nas 'di ni bden gyi/ gzhan ni brdzun pa'o zhes rjes su tha snyad 'dogs par yang byed/ de ni de dag gis phyis nye bar btag par bya dgos pa yin no/ /de la sems can gang dag byis pa'i rang bzhin can ma yin pa/ rmong pa'i rang bzhin can ma yin pa/ shes rab dang ldan pa'i rang bzhin can/ rtswa dang lo ma dang shing dang gseg ma dang gyo dum de dag ni de dag mthong ngam thos na 'di snyam du sems te/ glang po che'i tshogs gang yin pa 'di ni med do/ /rta pa'i tshogs dang/ shing rta pa'i tshogs dang/ dpung bu chung gi tshogs dang/ nor bu dang mu tig dang baiDUrya dang dung dang man shel byu ru'i tshogs dang nor dang 'bru dang mdzod dang bang ba'i tshogs snang ba gang

  92. 46b

    yin pa 'di ni med kyi/ gang la glang bo che'i tshogs kyi 'du shes dang/ glang po che'i tshogs kyi rnam grangs kyi 'du shes 'byung ba dang/ nor dang 'bru dang mdzod dang bang ba'i tshogs kyi bar gyi 'du shes dang/ de dag gi rnam grangs kyi 'du shes 'byung ba'i rgyu ma byas pa 'di ni yod/ mig slu bar byed pa 'di ni yod do snyam du sems shing/ de dag ji ltar mthong ba dang ji ltar thos pa bzhin du de dag la nan gyis mchog tu gzung zhing mngon par zhen nas 'di ni bden gyi gzhan ni brdzun no zhes rjes su tha snyad mi 'dogs kyi/ 'di ltar don rnam par rig par bya ba'i phyir rjes su tha snyad 'dogs par byed de /de ni de dag gis phyis nye bar brtags mi dgos pa yin no/ /de bzhin du sems can gang dag byis pa'i rang bzhin can so so'i skye bor gyur pa/ shes rab 'phags pa 'jig rten las 'das pa ma thob pa/ chos thams cad kyi brjod du med pa'i chos nyid mngon par mi shes pa de dag ni 'dus byas dang 'dus ma byas de dag mthong ngam thos na 'di snyam du sems te/ 'dus byas dang 'dus ma byas snang ba gang yin pa 'di ni yod do snyam du sems shing de dag ji ltar mthong ba dang/ ji ltar thos pa de dag la nan gyis mchog tu gzung zhing mngon par zhen nas 'di ni bden gyi /gzhan ni brdzun pa'o zhes rjes su tha snyad 'dogs par yang byed/ /de ni de dag gis phyis nye bar brtag par bya dgos pa yin no/ /de la sems can gang dag byis pa'i rang bzhin ma yin pa/ bden ba mthong ba/ shes rab 'phags pa 'jig rten las 'das pa thob pa/ chos thams cad kyi brjod du med pa'i chos nyid mngon par shes pa de dag ni 'dus byas dang 'dus ma byas de dag mthong ngam thos na 'di snyam du sems te/ 'dus byas dang 'dus ma byas snang ba gang yin pa de ni med kyi/ gdal 'dus byas dad 'dus ma byas gyi 'du shes dang/ 'dus byas dang 'dus ma byas kyi rnam grangs kyi 'du shes 'byung ba rnam par rtog pa las byung ba 'du byed kyi mtshan ma sgyu ma lta bu 'di ni yod/ blo rnam par rmongs par byed pa 'di ni yod do

  93. 47a

    snyam du sems shing/ de dag ji ltar mthong ba dang ji ltar thos pa bzhin du /de la nan gyis mchog tu gzung zhing mngon par zhen pa 'di ni bden gyi gzhan ni brdzun pa'o zhes rjes su tha snyad mi 'dogs kyi/ /'di ltar? don rnam par rig par bya ba'i phyir rjes su tha snyad 'dogs par byed de/ de ni de dag gis phyis nye bar brtag par bya mi dgos pa yin no/ /rigs kyi bu de ltar na 'phags pa rnams kyi dngos po de la 'phags pa'i ye shes dng 'phags pa'i mthong bas rjes su brjod du med par mngon par rdzogs par sangs rgyas shing/ brjod du med pa'i chos nyid de nyid mngon par rdzogs par rtogs par bya ba'i phyir 'dus byas dang 'dus ma byas zhes ming du btags pa yin no/ /de nas byang chub sems dpa' don zab dgongs pa nges par 'grel gyis de'i tshe tshigs su bcad pa 'di smras so/ / zab mo byis pa'i spyod yul ma yin pa/ /brjod med gnyis min rgyal bas bstan mdzad kyang/ /byis pa gti mug rmongs pa 'di dag ni/ /smra ba'i spros la dga' zhing gnyis la gnas/ /ma rtogs pa 'am log par rtog? bdag /lug dang ba lang dag tu yang skye zhing/ /de dag shes pa'i smra ba de bor nas/ /shin tu yun ring 'khor ba 'dir 'khor 'gyur zhes gsungs so/ /da la rtog ge'i spyod yul las yang dag par 'das pa'i mtshan nyid ni dgongs pa nges par 'grel pa'i mdo las ji skad gsungs pa bzhin blta bar bya ste/ bcom ldan 'das la byang chub sems dpa' chos 'phags kyis 'di skad ces gsol to/ /bcom ldan 'das sngon gyi gdugs rnams kyi shin tu snga ba zhig na/ 'di nas 'jig rten gyi khams gang+gA'i klung bdun bcu rtsa bdun gyi bye ma snyed 'das pa na/ de bzhin gshegs pa grags pa rgya chen gyi sangs rgyas kyi zhing 'jig rten gyi khams grags pa can zhes bgyi ba der bdag mchis pa'i tshe /de na bdag gis mu stegs can rang rang gi ston pa la sogs pa 'bum prag bdun bcu rtsa bdun 'di lta ste /chos rnams

  94. 47b

    kyi don dam pa'i mtshan nyid bsam pa las brtsams nas/ sa phyogs zhig na mchis shing 'dus nas de dag chos rnams kyi don dam pa'i mtshan nyid sems par bgyi /'jal bar bgyid/ nye bar rtog par bgyid/ yongs su tshol bar bgyid kyang ma rtogs nas /blo gros tha dad pa/ yid gnyis can/ blo gros ngan pa/ rtsod pa dang/ 'gyed par gyur pa dag gcig pa gcig kha stobs kyis gnod pa bgyis/ gzher 'debs par bgyis/ gab gab kyis gnon pa bgyis/ /tshar bcad pa bgyis rte/ so sor mchis pa dag cig mthong nas bcom ldan 'das bdag 'di snyam bgyid de /kye ma de bzhin gshegs pa rnams 'jig rten du 'byung zhing?/ de dag byung bas don dam pa rtog ge? thams cad las yang dag par 'das pa'i mtshan nyid 'di lta bu rtogs pa dang mngon sum du bgyi ba mchis pa ni ngo mtshar rmad du byung ba lags snyam bgyid lags so/ /de skad ces gsol pa dang/ bcom ldan 'das kyis byang chub sems dpa' chos 'phags la 'di skad ces bka' stsal to/ /chos 'phags de de bzhin no/ /de de bzhin te/ ngas ni don dam pa rtog thams cad las yang dag par 'das pa'i mtshan nyid mngon par rdzogs par sangs rgyas te/ mngon par rdzogs par sangs rgyas nas kyang bslad cing bsal bar byas/ rnam par phye/ gdags pa byas/ rab tu bstan to/ /de ci'i phyir zhe na/ don dam pa ni 'phags pa rnamS kyis so so rang gis rig pa yin par ngas bshad la/ so so'i skye bo rnams kyi phan tshun rig par bya ba ni rtog ge'i spyod yul yin pa'i phyir te/ chos 'phags de'i phyir rnam grangs des na khyod kyi 'di ltar rtog ge thams cad las yang dag par 'das pa'i mtshan nyid gang yin pa de ni don dam pa yin par rig par bya'o/ /chos 'phags gzhan yang don dam pa ni mtshan ma med pa'i spyod yul yin par ngas bshad la rtog ge ni mtshan ma'i spyod yul yin te/ chos 'phags de'i phyir rnam grangs des kyang khyad kyis 'di ltar rtog

  95. 48a

    ge thams cad yang dag par 'das pa'i mtshan nyid gang yin pa de ni don dam pa yin par rig par bya'o/ /chos 'phags gzhan yang don dam pa ni brjod du med pa yin par ngas bshad la /rtog ge ni brjod pa'i spyod yul yin te/ chos 'phags de'i phyir rnam grangs des kyang khyod kyis 'di ltar rtog ge thams cad las yang dag par 'das pa'i mtshan nyid gang yin pa de ni don dam pa yin par rig par bya'o/ /chos 'phags gzhan yang don dam pa ni tha snyad thams cad yang dag par chad pa yin par ngas bshad la/ rtog gi ni tha snyad kyi spyod yul yin te/ chos 'phags de'i phyir rnam grangs des kyang khyod kyis 'di ltar rtog ge thams cad las yang dag par 'das pa'i mtshan nyid gang yin pa de ni don dam pa yin par rig par bya'o/ /chos 'phags gzhan yang don dam pa ni rtsod pa thams cad yang dag par chad ba yin par ngas bshad la/ rtog ge ni rtsod pa'i spyod yul yin te/ chos 'phags de'i phyir rnam grangs des kyang khyod kyis 'di ltar rtog ge thams cad las yang dag par 'das pa'i mtshan nyid gang yin pa de ni don dam pa yin par rig par bya'o/ /chos 'phags 'di lta ste dper na/ skyes bu gang zag ji srid 'tsho'i bar du cha ba dang kha ba'i ro sten bsten pas sbrang rtsi'i ro 'am/ sha kha ra'i ro brtag pa 'am/ rjes su dpag pa 'am /mos par mi nus so/ /yun ring po nas 'dod pa'i 'dod chaD la mos pa'i 'dod pa yongs su gdung pa dag gis yongs su gdungs pas ni nang gi rab tu dben pa'i bde ba gzugs dang sgra dang dri dang ro dang reg bya'i mtshan ma thams cad dang bral ba la brtag pa 'am/ rjes su dpag pa 'am/ mos par mi nus so/ /yun ring po nas kun tu smra ba la mos pa kun tu smra ba la mngon par dga' bas ni nang gi mi smra ba 'phags pa'i bden pa la brtag pa 'am /rjes su dpag pa 'am/ mos par mi nus so/ /yun ring po nas mthong ba dang thos pa dang bye brag phyed pa dang/ rnam par shes pa'i

  96. 48b

    tha snyad la mos pa/ tha snyad la mngon par dga' bas ni tha snyad thams cad yang dag par chad pa 'jig tshogs 'gog pa'i mya ngan las 'das pa la brtag pa 'am/ rjes su dpag pa 'am /mos par mi nus so/ /chos 'phags 'di lta ste dper na yun ring po nas bdag gir yongs su 'dzin pa nyid kyis rtsod pa la brtson pa/ rtsod pa la mngon par dga' bas ni byang gi sgra mi snyan dag gis bdag gis nga yongs su 'dzin pa med pa nyid dang/ rtsod pa med pa nyid la brtag pa 'am/ rjes su dpag pa 'am/ mos par mi nus so/ /chos 'phags de bzhin du rtog ge pa thams cad kyis khyad don dam pa rtog ge thams cad las yang dag par 'das pa'i mtshan nyid la brtag pa 'am/ rje su dpag pa 'am/ mos par mi nus so/ /de nas bcom ldan 'das kyis de'i tshe tshigs su bcad pa 'di bka' stsal to/ /so so rang rig mtshan med spyod yul te/ /brjod du med cing tha snyad yongs chad pa/ /rtsod dang bral ba don dam chos yin te/ /de ni rtog ge kun las 'das mtshan nyid ces gsungs pa'o/ /de la tha dad pa dang tha dad ma yin pa nyid las yang dag par 'das pa'i mtshan nyid ni dgongs pa nges par 'grel ba'i mdo las ji skad 'byung ba bzhin blta bar bya ste/ bcom ldan 'das la byang chub sems dpa' blo gros shin tu rnam dag gis 'di skad ces gsol to/ /bcom ldan 'das bcom ldan 'das kyis gang gi slad du 'di skad ces don dam pa ni phra ba? zab pa tha dad ba dang tha dad pa ma yin pa nyid las yang dag par 'das pa'i mtshan nyid rtogS par dka' ba yin no zhes bka' stsal te/ ji tsam du bcom ldan 'das kyis legs par gsungs pa de ni ngo mtshar lags so/ /bcom ldan 'das 'di na bdag gis sa phyogs shig na byang chub sems dpa' mos pas spyod pa'i sa la bzhugs pa rab tu mang po dag cig 'di lta ste/ 'du byed rnams dang don dam pa tha dad pa dang tha dad pa ma lags pa nyid bsam pa las brtsams te/ phan tshun nas mchis shing mchis nas

  97. 49a

    'dus te mchis nas/ de na byang chub sems dpa' kha cig 'di skad ces 'du byed kyi mtshan nyid dang don dam pa'i mtshan nyid tha dad pa ma lags so zhes mchi/ kha cig ni 'di skad ces 'du byed kyi mtshan nyid dang don dam pa'i mtshan nyid tha dad pa ma lagS pa ma lags kyi/ 'du byed kyi mtshan nyid dang don dam pa'i mtshan nyid tha dad pa lags so zhes mchi?/ the tshom du gyur pa'i blo gros can yid gnyis su gyur pa kha cig ni 'di skad du /gang dag de skad ces 'du byed kyi mtshan nyid dang don dam pa'i mtshan nyid tha dad pa lags so zhes mchi ba dang/ gang dag de skad ces 'du byed kyi mtshan nyid dang don dam pa'i mtshan nyid tha dad pa ma lags so zhes mchi ba'i byang chub sems dpa' de dag las gang ni med par mchi ba lags/ gang ni sho ba mchi ba laD/ gang ni tshul bzhin du zhugs pa lags/ gang ni tshul bzhin ma lagS pa zhugs pa lags zhes mchi ba dag cig mthong lags so/ /bcom ldan 'das mthong nas kyang bdag 'di snyam bgyid de/ rigs kyi bu 'di dag thams cad ni 'di ltar don dam pa 'du byed rnams dang tha dad pa dang tha dad pa ma lags pa nyid las yang dag par 'das pa'i mtshan nyid phra ba ma 'tshal ba/ byis pa rmongs pa mi gsal ba mi mkhas pa tshul bzhin ma lags par zhugs pa sha stag lags so snyam bgyid lags so/ /de skad ces gsol pa dang/ bcom ldan 'das kyis byang chub sems dpa' blo gros shin tu rnam dag la 'di skad ces bka' stsal to/ /blo gros shin tu rnam dag de de bzhin no/ /de de bzhin te/ rigs kyi bu de dag thams cad ni 'di ltar don dam pa 'du byed rnams dang tha dad pa dang tha dad pa ma yin pa nyid las yang dag par 'das pa'i mtshan nyid bra ba mi shes la/ byis pa/ rmongs pa/ mi gsal ba/ mi mkhas pa/ tshul bzhin ma yin par zhugs pa sha stag yin no/ /de ci'i phyir zhe na/ blo gros shin tu

  98. 49b

    rnam dag 'du shes rnams la da ltar so sor rtog ba dag ni don dam pa rtogs pa'am don dam pa mngon sum du byed pa ma yin pa'i phyir ro/ /de ci'i phyir zhe na/ blo gros shin tu rnam dag gal te 'du byed kyi mtshan nyid dang don dam pa'i mtshan nyid tha dad pa ma yin par gyur na ni des na byis pa so so'i skye bo thams cad bden pa mthong ba yin par yang 'gyur/ so so'i skye bo kho nar 'gyur ba bzhin du grub pa dang bde ba bla na med pa'i mya ngan las 'das pa 'thob par yang 'gyur /bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro/ /gal te 'du byed kyi mtshan nyid las don dam pa'i mtshan nyid tha dad pa yin par gyur na ni des na bden pa mthong ba rnams kyang 'du byed kyi mtshan ma dang bral bar 'gyur/ 'du byed kyi mtshan ma dang ma bral ba'i phyir bden pa mthong ba yang mchan ma'i 'ching ba las rnam par grol bar yang mi 'gyur/ mtshan ma'i 'ching ba las rnam par ma grol na gnas ngan len gyi 'chid ba las kyang rnam par ma grol bar 'gyur/ 'ching ba de gnyis las ma grol na bden pa mthong bas grub pa dang bde ba bla na med pa'i mya ngan las 'das pa 'thob par yang mi 'gyur/ bla na med pa yang dag par rdzogs pa'i byang chub mngon par rdzogs par 'tshang rgya bar yang mi 'gyur ro/ /blo gros shin tu rnam dag gang gi phyir so so'i skye bo'i bden pa mthong ba ma yin/ so so'i skye bo kho nar 'gyur ba bzhin du grub pa dang bde ba bla na med pa'i mya ngan las 'das pa 'thob par yang mi 'gyur /bla na med pa yang dag par rdzogs pa'i byang chub mngon par rdzogs par 'tshang rgya bar yang ni 'gyur ba de'i phyir/ 'du byed kyi mtshan nyid dang don dam pa'i mtshan nyid tha dad pa ma yin zhes byar mi rung ste/ de la gang dag de skad ces 'du byed kyi mtshan nyid dang don dam pI mtshan nyid tha dad pa ma yin zhe zer ba de dag ni rnam grangS des na khyod kyis 'di ltar tshul bzhin ma yin par zhugs pa

  99. 50a

    yin gyi/ tshul bzhin du zhugs pa ma yin par rig par bya'o/ /blo gros shin tu rnam dag gang gi phyir bden pa mthong ba rnams 'du byed kyi mtshan ma dang bral ba ma yin gyi/ bral ba kho na yin pa dang bden pa mthong ba mtshan ma'i 'ching ba las rnam par ma grol ba ma yin gyi/ rnam par grol ba yin pa dang/ bden pa mthong ba gnas ngan len gyi 'ching ba las rnam bar ma grol ba ma yin gyi/ rnam par ma grol ba ma yin gyi rnam par grol ba yin pa dang 'ching ba de gnyi ga la rnam par grol na grub pa dang bde ba bla na med pa'i mya ngan las 'das pa 'thob par 'gyur ba dang/ bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ba de'i phyir 'du byed kyi mtshan nyid dang don dam pa'i mtshan nyid tha dad pa zhes byar mi rung ste/ de la gang dag de skad ces 'du byed kyi mtshan nyid dang don dam pa'i mtshan nyid tha dad pa zhes zer ba de dag ni rnam grangs des na /khyod kyis 'di ltar tshul bzhin ma yin par zhugs pa yin gyi/ tshul bzhin du zhugs pa ma yin par rig par bya'o/ blo gros shin tu rnam dag gzhan yang gal te 'du byed kyi mtshan nyid dang don dam pa'i mtshan nyid tha dad pa ma yin par gyur na ni des na ji ltar 'du byed kyi mtshan nyid kun nas nyon mongs pa'i mtshan nyid du gtogs pa de bzhin du don dam pa'i mtshan nyid kyang kun nas nyon mongs pa'i mtshan nyid du gtogs par 'gyur ro/ /blo gros shin tu rnam dag gal te 'du byed kyi mtshan nyid dang don dam pa'i mtshan nyid tha dad pa yin par gyur na'ang des na 'du byed kyi mtshan nyid thams cad la don dam pa'i mtshan nyid spyi'i mtshan nyid du gyur pa ma yin par 'gyur ro/ /blo gros shin tu rnam dag gang gi phyir don dam pa'i mtshan nyid kun nas nyon mongs pa'i mtshan nyid du gtogs pa ma yin pa dang/ 'du byed kyi mtshan nyid thams cad la don dam pa'i mtshan

  100. 50b

    nyid spyi'i mtshan nyid du gyur pa de'i phyir/ 'du byed kyi mtshan nyid dang don dam pa'i mtshan nyid tha dad pa ma yin zhes byar yang mi rung la/ don dam pa'i mtshan nyid tha dad pa zhes byar yang mi rung ste /de la gang dag de skad ces 'du byed kyi mtshan nyid dang don dam pa'i mtshan nyid tha dad pa ma yin zhes zer ba dang /don dam pa'i mtshan nyid tha dad pa zhes zer ba de dag ni rnam grangs nges na khyod kyis 'di ltar tshul bzhin ma yin par zhugs pa yin gyi /tshul bzhin du zhugs pa ni ma yin par rig par bya'o/ /blo gros shin tu rnam dag gzhan yang gal te 'du byed kyi mtshan nyid dang don dam pa'i mtshan nyid tha dad pa ma yin par gyur na ni/ des na ji ltar don dam pa'i mtshan nyid 'du byed kyi mtshan nyid thaMs cad la bye brag med pa de bzhin du 'du byed kyi mtshan nyid thams cad kyang bye brag med par 'gyur ba dang/ rnal 'byor pa dag 'du byed rnams la ji ltar mthong ba dang thos pa dang/ ji ltar bye brag byed pa dang/ ji ltar rnam par shes pa las gong du don dam pa yongs su tshol bar yang mi 'gyur ro/ /gal te 'du byed kyi mtshan nyid dang don dam pa'i mtshan nyid tha dad pa yin par gyur na ni des na 'du byed rnams kyi bdag med pa tsam dang /ngo bo nyid med pa tsam nyid don dam pa'i mtshan nyid yin par yang mi 'gyur/ kun nas nyon mongS pa'i mtshan nyid dang rnam par byang ba'i mtshan nyid kyang dus gcig tu mtshan nyid tha dad du grub par 'gyur ro/ /blo gros shin tu rnam dag gang gi phyir 'du byed kyi mtshan nyid rnams mi bye brag yod payin te/ bye brag med pa ma yin pa dang/ rnal 'byor ba dag 'du byed rnams la ji ltar mthong ba dang thos pa dang bye brag byed pa dang/ rnam par shes pa las gong du don dam pa yongs su tshol bar byed pa dang/ don dam pa ni 'du byed rnams kyi bdag med pas rab tu phye ba yin pa dang/ kun nas nyon mongs pa dang rnam par byang ba'i

  101. 51a

    mtshan nyid kyang dus gcig tu mtshan nyid tha dad du grub pa med pa de'i phyir 'du byed kyi mtshan nyid dang don dam pa'i mtshan nyid tha dad pa'ang tha dad pa ma yin pa zhes byar mi rung ngo/ /de la gang dag gis 'di skad ces 'du byed kyi mtshan nyid dang don dam pa'i mtshan nyid tha dad pa ma yin pa'am /tha dad pa zhes zer ba de dag ni rnam grangs nges ni khyod kyis 'di ltar tshul bzhin ma yin par bzhugs pa yin gyi/ tshul bzhin du zhugs pa ma yin par rig par bya'o/ /blo gros shin tu rnam dag 'di lta ste dper na/ dud gi dkar po nyid ni dung dang mtshan nyid tha dad pa ma yin pa 'am/ mtshan nyid tha dad du gdags par slab ma yin no/ /dung gi dkar po nyid ji lta ba bzhin du gser gyi ser? po nyid kyang de bzhin no/ /pi wang gi sgra'i snyan pa nyid kyang pi wang gi sgra dang mtshan nyid tha dad pa ma yin pa 'am/ mtshan nyid tha dad par gdags par sla ba ma yin no/ /a ka ru nag po'i dri zhim po nyid kyang a ka ru nag po dang mtshan nyid tha dad du gdags par sla ba ma yin no/ /na le sham gyi tsha ba nyid kyang na le sham dang mtshan nyid tha dad pa ma yin pa 'am mtshan nyid tha dad du gdags par sla ba ma yin no/ /na le sham gyi tsha ba nyid ji lta ba bzhin du a ru ra'i bska ba nyid kyang de bzhin no/ /'di lta ste dper na shing bal gyi 'da' ba' i 'jam pa nyid kyang shing bal gyi 'da' ba dang mtshan nyid tha dad pa ma yin pa 'am mtshan nyid tha dad du gdags par sla ba ma yin no/ /'di lta ste dper na mar la mar gyi snying khu yang mar dang mtshan nyid tha dad pa ma yin pa 'am mtshan nyid tha dad par gdags par sla ba ma yin no/ /'di lta ste dper na 'du byed thams cad la mi rtag pa nyid dang/ zag pa dang bcas pa thams cad la sdug bsngal ba nyid dang/ chos thams cad la gang zag gi bdag med pa nyid kyang de dag dang mtshan nyid tha dad pa ma yin pa 'am mtshan nyid tha dad du gdags par sla ba ma yin no/ /blo gros shin tu

  102. 51b

    rnam dag 'di lta ste dper na/ 'dod chags kyi ma zhi ba'i mtshan nyid dang kun nas nyon mongs pa'i mtshan nyid kyang 'dod chags dang mtshan nyid tha dad pa ma yin pa 'am/ mtshan nyid tha dad du gdags par sla ba ma yin pa dang/ 'dod chags kyi ji lta ba bzhin du zhe sdang dang gti mug gi yang de bzhin du rig par bya'o/ blo gros shin tu rnam dag de bzhin du 'du byed kyi mtshan nyid dang don dam pa'i mtshan nyid kyang mtshan nyid tha dad pa ma yin pa 'am mtshan nyid tha dad du gdags par mi bzod do/ /blo gros shin tu rnam dag ngas ni de ltar don dam pa/ phra ba/ mchog tu phra ba zab pa/ mchog tu zab pa/ rtogs par dka' ba/ mchog tu rtogs par dka' ba/ tha dad pa dang tha dad pa ma yin pa nyid las yang dag par 'das pa'i mtshan nyid mngon par rdzogs par sangs rgyas te/ mngon par rdzogs par sangs rgyas nas bsnyad cing bsal bar byas/ rnam par bye /gdags par byas/ rab tu bstan to/ /de nas bcom ldan 'das kyis de'i tshe tshigs su bcad pa 'di dag bka' stsal to/ /'du byed khams dad don dam mtshan nyid ni/ /gcig dang tha dad bral ba'i mtshan nyid de/ /gcig dang tha dad nyid du gang rtog pa/ /de dag tshul bzhin ma yin zhugs pa yin/ /skye ba po yis lhag mthong dang/ /zhi gnas goms par byas nas ni/ /gnas ngan len gyi 'ching ba dang/ /mtshan ma'i 'ching las rnam grol 'gyur/ /zhes gsungs so/ /de la thams cad du ro gcig pa'i mtshan nyid ni dgongs pa nges par 'grel ba'i mdo las ji skad 'byung ba bzhin blta bar bya ste/ bcom ldan 'das kyis tshe dang ldan pa rab 'byor la bka' stsal pa/ rab 'byor khyod kyis sems can gyi khams na gang dag mngon pa'i nga rgyal gyis mngon du zin cing shes pa brda sprod? pa'i sems can ni ji tsam zhig yong par shes/ khyod kyis sems can gyi khams na gang dag mngon pa'i nga rgyal med par shes pa

  103. 52a

    brde sprod par byed pa'i sems cn ji tsam zhig yod par shes/ rab 'byor gyis gsol ba/ bcom ldan 'das bdag gis sems can gyi khams na gang dag mngon pa'i nga rgyal ma mchis bar shes pa brda sprod par bgyid pa'i sems can ni nyung shas cig mchis par 'tshal ba lags kyi/ bcom ldan 'das bdag gis sems can gyi khams na gang dag mngon pa'i nga rgyal can/ mngon pa'i nga rgyal gyis zin cing shes pa brda sprod pa'i sems can ni tshad ma mchis/ grangs ma mchis brjod du ma mchis pa snyed cig mchis par 'tshal lags te/ bcom ldan 'das bdag dus gcig gcig na dgon pa nags khrod chen po zhig na mchis pa'i tshe/ de na bdag gi nye 'khor na dge slong rab tu mang po dag cig kyang dgon pa nags khrod chen po na brten cing gnas lags te/ bdag gis slad dro'i dus kyi tshe/ dge slong de dag phan tshun nas mchis shing mjal nas chos rnam pa sna tshogs dmigs pa'i mngon par rtogs pa ston pas shes pa brda sprod par bgyid de/ de na kha cig ni phung po dmigs pa dang/ phung po'i mtshan ma dmigs pa dang/ phung po'i skye ba dmigs pa dang/ phung po'i 'jigs pa dmigs pa dang/ phung po 'gog pa dmigs pa dang/ phung po 'gog pa mngon du bgyi ba dmigs pas shes pa brda sprod par bgyid/ kha cig phung po'i dmigs pa ji lta ba bzhin du/ kha cig ni skye mched dmigs pas/ kha cig ni rten cing 'brel bar 'byung ba dmigs pas shes pa brda sprod par bgyid/ kha cig ni zas dmigs pa dang/ zas kyi mtshan ma dmigs pa dang/ zas kyi mtshan ma dmigs pa dang/ zas kyi skye ba dmigs pa dang/ zas kyi 'jig pa dmigs pa dang/ zas 'gog pa dmigs pa sprod par bgyid/ kha cig ni bden pa dmigs pa dang/ bden pa'i sprod par bgyid/ kha cig ni bden pa dmigs pa dang/ bden pa'i mtshan ma dmigs pa dang/ bden pa yongs su

  104. 52b

    shes pa dmigs pa dang/ bden pa spang ba dmigs pa dang/ bden pa mngon du bgyi ba dmigs pa dang/ bden pa sgom pa dmigs pas shes pa brda sprod par bgyid/ kha cig ni khams dmigs pa dang/ khams kyi mtshan ma dmis pa dang/ khams sna tshogs pa nyid dmigs pa dang/ khams du ma dmigs pa dang/ khams 'gog pa dmigs pa dang/ khams 'gog pa mngon du bgyid pa dmigs pa shes pa brda' sprod par bgyid/ kha cig ni dran pa nye bar gzhag pa dmigs pa dang/ dran pa nye bar gzhag pa'i mtshan ma dmigs pa dang/ dran pa nye bar gzhag pa'i mi mthun pa'i phyogs dang gnyen po dmigs pa dang/ dran pa nye bar gzhag pa'i sgom pa dmigs pa dang/ dran pa nye bar gzhag pa ma skyes pa skye ba dmigs pa dang/ dran pa nye bar gzhag pa skyes pa gnas pa dang/ ma bskyud ba dang/ slar zhing 'byung ba dang/ 'phel zhing rgyas pa dmigs pas shes pa brda sprod par bgyid/ kha cig dran pa nye bar gzhag pa rnams ji lta ba bzhin du/ kha cig ni yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ kha cig ni 'phags pa'i lam yan lag brgyad pa dmigs pa dang/ 'phags pa'i lam yan lag brgyad pa'i mtshan ma dmigs pa dang/ 'phags pa'i lam yan lag brgyad pa'i mi mthun pa'i phyogs dang gnyen po'i phyogs dmigs pa dang/ 'phags pa'i lam yan lag brgyad pa sgom pa dmigs pa dang/ 'phags pa'i lam yan lag brgyad pa ma skyes pa skye ba dmigs pa dang/ 'phags pa'i lam yan lag brgyad pa skyes pa gnas pa dang/ ma bskyud pa dang/ slang zhing 'byung ba dang/ 'phel zhing rgyas pa dmigs pas shes pa brda sprod par bgyid pa dag mthong lags so/ /mthong nas kyang bdag 'di snyam bgyid de /tshe dang ldan pa 'di dag ni chos rnam pa sna tshogs dmigs pa'i mngon par rtogs pa

  105. 53a

    ston pas shes pa brda sprod par bgyid cing/ 'di ltar don dam pa thams cad du ro gcig pa'i mtshan nyid ma 'tshal bas tshe dang ldan pa 'di dag thams cad ni mngon pa'i nga rgyal can/ mngon pa'i nga rgyal gyis mngon du zin cing shes pa brda sprod par bgyid pa sha stag lags so snyam bgyid lag so/ /bcom ldan 'das bcom ldan 'das kyis gang gi slad du 'di skad ces/ don dam pa ni phra ba/ zab pa/ rtogs par dka' ba/ mchog tu rtogs par dka' ba/ thams cad du ro gcig pa'i mtshan nyid yin no zhes bka' stsal pa/ ji tsam du bcom ldan 'das kyis legs par gsungs pa de ni ngo mtshar lags te/ bcom ldan 'das don dam pa thams cad du ro gcig pa'i mtshan nyid ni bcom ldan 'das kyi bstan pa 'di nyid la zhugs pa dang/ dge slong du gyur pa'i sems can rnams kyis kyang de ltar rtogs par dka' ba lags na/ 'di las slad rol pa'i mu stegs can rnams kyis lta smos kyang ci 'tshal/ bcom ldan 'das kyis bka' stsal pa/ rab 'byor de de bzhin no/ /de de bzhin te/ ngas ni don dam pa thams cad du ro gcig pa'i mtshan nyid phra ba zab pa mchog tu zab pa/ rtogs par dka' ba/ mchog tu rtogs par dka' ba mngon par rdzogs par sangs rgyas te/ mngon par rdzogs par sangs rgyas nas kyang bsnyad cing gsal bar byas rnams par phye/ gdags pa byas/ rab tu bstan to/ /de ci'i phyir zhe na/ rab 'byor phung po rnams la rnam par dag pa'i dmigs pa gang yin pa de ni don dam pa yin par yongs su bstan cing/ rab 'byor skye mched rnams dang/ rten cing 'brel par 'byung ba dang/ zas rnams dang/ bden pa rnams dang/ khams rnams dang/ dran pa nye bar gzhag pa rnams dang/ yang dag pa'i spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang byang chub kyi yan lag

  106. 53b

    rnams dang/ rab 'byor 'phags pa'i lam yan lag brgyad pa la rnam par dag pa'i dmigs pa gang yin pa de ni ngas don dam pa yin par yongs su bstan pa'i phyir ro/ /phung po rnams la rnam par dag pa'i dmigs pa de yang thams cad du ro gcig pa ste/ mtshan nyid tha dad pa ma yin no/ /phung po rnams la ji lta ba bzhin du/ skye mched rnams dang 'phags pa'i lam yan lag brgyad pa'i bar la rnam par dag pa'i dmigs pa de yang thams cad du ro gcig pa ste/ mtshan nyid tha dad pa ma yin no/ /rab 'byor rnams grangs des na khyod kyis 'di ltar thams cad du ro gcig pa'i mtshan nyid gang yin pa de ni don dam pa yin par rig par bya'o/ /rab 'byor gzhan yang dge slong rnal 'byor spyod pa ni phung po gcig gi de bzhin nyid don dam pa chos bdag med pa rab tu rtogs nas yang de las gzhan pa'i phung po rnams dang khams rnams dang/ skye mched rnams dang rten cing 'brel bar 'byung ba rnams dang zas rnams dang bden pa rnams dang dran pa nye bar gzhag pa rnams dang yang dag pa'i spong ba rnams dang/ rdzu 'phrul gyi rkang pa rnams dang dbang po rnams dang stobs rnams dang byang chub kyi yan lag rnams so so dang 'phags pa'i lam yan lag brgyad pa so so la de bzhin nyid don dam pa chos bdag med pa yongs su tshol bar mi byed kyi/ de bzhin nyid kyi rjes su 'brang ba gnyis su med pa'i shes pa la brten pa de nyid kyis/ don dam pa thams cad du ro gcig pa'i mtshan nyid nges par 'dzin pa dang mngon par rtogs pa kho nar byed de/ rab 'byor rnam grangs des kyang khyod kyis 'di ltar thams cad du ro gcig pa'i mtshan nyid gang yin pa de ni don dam pa yin par rig par bya'o/ /rab 'byor gzhan yang ji ltar phung po dang khams dang rten cing 'brel par 'byung ba dang zas dang bden pa dang khams dang dran pa nye bar gzhag pa dang yang dag pa'i spong ba dang rdzu 'phrul

  107. 54a

    gyi rkang pa dang/ dbang po dang/ stobs dang/ byang chub kyi yan lag 'di dag phan tshun mtshan nyid tha dad pa dang ji ltar 'phags pa'i lam yan lag brgyad pa phan tshun mtshan nyid tha dad pa yin pa de bzhin du gal te chos de dag gi de bzhin nyid don dam pa chos bdag med pa yang mtshan nyid tha dad pa yin par gyur na na ni nges na de bzhin nyid don dam pa chos bdag med pa yang rgyu dang bcas pa yin zhing rgyu las byung ba yin par 'gyur ro/ /rgyu las byung ba nyid yin na ni 'dus byas yin par 'gyur ro// 'dus byas nyid yin na ni don dam pa nyid yin par mi 'gyur/ /don dam pa ma yin na ni don dam gzhan zhig yongs su btsal dgos par 'gyur ro/ /rab 'byor gang gi phyir de bzhin nyid don dam pa chos bdag med pa rgyu las byung ba ma yin pa dang 'dus byas ma yin pa dang/ don dam pa ma yin pa ma yin pa dang/ don dam pa de'i don dam pa gzhan yongs su btsal bar bya mi dgos kyi/ de bzhin gshegs pa rnams byung yang rung ma byung yang rung ste/ rtag pa rtag pa'i dus dang/ ther thug ther bu? gi dus su chos gnas par bya ba'i phyir chos rnams kyi chos nyid dbyings de ni rnam par gnas pa kho na yin pa de'i phyir/ rab 'byor rnam grangs des kyang khyod kyis 'di ltar thams cad du ro gcig pa'i mtshan nyid gang yin pa de ni don dam pa yin par rig par bya'o/ /rab 'byor 'di lta ste dper na /nam mkha' ni gzugs kyi rnam pa sna tshogs du ma mtshan nyid tha dad pa la mtshan ma med pa rnam par rtog pa med pa 'gyur ba med pa ste/ thams cad du ro gcig pa'i mtshan nyid yin no/ /rab 'byor de bzhin du don dam pa yang mtshan nyid tha dad pa'i chos rnams la thams cad du ro gcig pa'i mtshan nyid yin par blta bar bya'o/ /de nas bcom ldan 'das kyis de'i tshe tshigs su bcad pa 'di bka' stsal to/ /don dam de ni tha dad ma yin te/ /kun tu ro

  108. 54b

    gcig mtshan nyid sangs rgyas gsung/ /de la gang dag tha dad kun rtog pa/ /de dag nga rgyal gnas pa rmongs pa yin zhes gsungs pa'o// //bam po sum cu brgyad pa/ /de la sems kyi mtshan nyid ni dgongs pa nges par 'grel pI mdo las ji skad byad ba bzhin blta par bya ste /bcom ldan 'das la byang chub sems dpa' blo gros yangs pas zhu ba zhus pa/ bcom ldan 'das byang chub sems dpa' i sems dang yid dang rnam par shes pa'i gsang ba la mkhas pa/ byang chub sems dpa' sems dang yid dang rnam par shes pa'i gsang ba la mkhas pa zhes bgyi na/ bcom ldan 'das ji tsam gyis na byang chub sems dpa' sems dang yid dang rnam par shes pa'i gsang ba la mkhas pa lags/ de bzhin gshegs pa byang chub sems dpa' sems dang yid dang rnam par shes pa'i gsang ba la mkhas par yang dag par 'dogs na'ang? ji tsam gyis 'dogs lags/ de skad ces gsol pa dang/ bcom ldan 'das kyis blo gros yangs pa la 'di skad ces bka' stsal to/ /blo gros yangs pa khyod de ltar skye po mang po la phan pa dang/ skye bo mang po la bde ba dang/ 'jig rten la snying brtse ba dang lha dang mir bcas pa'i skye dgu'i don dang phan pa dang bde ba'i phyir zhugs te/ de bzhin gshegs pa la khyod don 'di nyid 'dri bar sems pa ni legs so legs so// blo gros yangs pa de'i phyir nyon cig dang sems dang yid dang rnam par shes pa'i gsang ba la mkhas pa khyod la bshad par bya'o/ /blo gros yangs pa 'gro ba drug gi 'khor ba 'di na sems can gang dang gang dag sems can gyi rigs gang dang gang du yang na sgo nga las skye pa'i skye gnas sam/ yang na mngal nas skye ba 'am/ yang na drod gsher las skye ba'am/ yang na rdzus te skye ba'i skye gnas su lus mngon par 'grub cing 'byung bar 'gyur ba der dang por 'di ltar len pa rnam pa gnyis po gnas dang

  109. 55a

    bcas pa'i dbang po gzugs can len pa dang mtshan ma dang ming dang rnam par rtogs pa tha snyad 'dogs pa'i spros pa'i bag chags len pa la brten nas sa bon thams cad pa'i sems rnam par smin cing 'jug la rgyas 'di? 'phel ba dang yangs par 'gyur/ /de la gzugs can gyi khams na na ni len pa gnyis yod la/ gzugs can ma yin pa'i khams na ni len pa gnyis su med do/ /blo gros yangs pa rnam par shes pa de ni len pa'i rnam par shes pa zhes kyang bya ste/ 'di ltar des lus 'di bzung zhing blangs pa'i phyir ro/ /kun gzhi rnam par shes pa zhes kyang bya ste 'di ltar de lus 'dir la grub pa dang bde ba gcig pa'i don gyis kun tu sbyor ba dang rab tu sbyor bar byed pa'i phyir ro/ /sems zhes kyang bya ste/ 'di ltar de ni gzugs dang sgra dang dri dang ro dang reg bya dang chos rnams kyis kyang kun tu bsags pa dang nye bar bsags pa yin pa'i phyir ro/ /blo gros yangs pa len pa'i rnam par shes pa de la brten cing gnas nas/ rnam par shes pa'i chogs drug po 'di lta ste/ mig gi rnam par shes pa dang/ rna ba dang sna dang lce dang lus dang yid kyi rnam par shes pa dag 'byung ngo/ /de la rnam par shes pa dang bcas pa'i mig dang gzugs rnams la brten nas mig gi rnam par shes pa 'byung ste/ mig gi rnam par shes pa de dang lhan cig rjes su 'jug pa/ dus mtshungs pa/ spyod yul mtshungs pa/ rnam par rtog pa'i yid kyi rnam par shes pa yang 'byung ngo/ /blo gros yangs pa de la rnam par shes pa dang bcas pa'i rna ba dang sna dang lce dang/ rnam par shes pa dang bcas pa'i lus dang reg bya rnams las brten nas lus kyi rnam par shes pa 'byung ste/ lus kyi rnam par shes pa de dang lhan cig rjes su 'jug pa/ dus mtshungs pa/ spyod yul mtshungs pa rnam par rtog

  110. 55b

    pa'i yid kyi rnam par shes pa'ang 'byung ngo/ /gal te mig gi rnam par shes pa cig lan cig 'byung na ni mig gi rnam par shes pa dang spyod yul mtshungs pa/ rnam par rtog pa'i yid kyi rnam par shes pa yang gcig kho na lan la byung ngo/ /gal te rnam par shes pa'i tshogs gnyis sam gsum mam bzhi lan cig gam/ lnga car lan cig 'byung na'ang der rnam par shes pa lnga po ngag dang spyod yul mtshungs pa/ rnam par rtog pa'i yid kyi rnam par shes pa yang gcig kho na lan cig 'byung ngo/ /blo gros yangs pa 'di lte ste dper na/ chu'i chu klung chen po 'bab pa la/ gal te rlabs cig 'byung ba'i rkyen nye bar gnas par gyur na rlabs kyang gci kho na 'byung ngo/ /gal te rlabs gnyis sam/ gal te rab tu mang po dag 'byung ba'i rkyen nye bar gnas par 'gyur na/ rlabs kyang gnyis sam mang po dag 'byung zhing/ chu'i klung de rang gi rgyun 'chad par yang mi 'gyur la/ yongs su gsungs par yang mi 'gyur ro/ /me long gi dkyil 'khor shin tu yongs su dag pa la yang gal te gzugs brnyan cig 'byung ba'i rkyen nye bar gnas par gyur na gzugs brnyan yang gcig kho na 'byung ngo/ /gal te gzugs brnyan gnyis sam/ gal te gzuD brnyan rab tu mang po dag 'byung ba'i rkyen nye bar gnas par gyur na gzugs brnyen yang gnyis sam? rab tu mang po dag 'byung zhing/ me long gi dkyil 'khor de gzugs brnyan gyi dngos por yongs su 'gyur ba yang ma yin na/ yongs su sbyor bar yang mi mngon no/ /blo gros yangs pa de bzhin du chu klung lta bu dang me long lta bu'i len pa'i rnam par shes pa de la rten cing gnas nas/ gal te mig gi rnam par shes pa gcig lan cig 'byung ba'i rkyen nye bar gnas par gyur na yang mig gi rnam par shes pa gcig kho na lan cig

  111. 56a

    'byung ngo/ /gal te rnam par shes pa'i tshogs lnga car gyi bar dag lan cig 'byung ba'i rkyen nye bar gnas par gyur na yang rnam par shes pa'i tshogs lnga car? lan cig 'byung ngo/ /blo gros yangs pa de ltar byang chub semS dpa' chos kyi lugs shes pa la brten cing/ chos kyi lugs shes pa la gnas nas sems dang yid dang rnam par shes pa'i gsang ba la mkhas pa yin yang/ /de bzhin gshegs pa ni byang chub sems dpa' sems dang yid dang rnam par shes pa'i gsang ba la mkhas par 'dogs na de cam gyis thams cad kyi thams cad du mi 'dogs so/ /blo gros yangs pa gang gi phyir byang chub sems dpa' nang gi so so rang gi len pa mi mthong/ len pa'i rnam par shes pa yang mi mthong la/ de yang dag pa ji lta ba bzhin du yin pa dang/ kun gzhi yang mi mthong/ kun bzhi'i rnam par shes pa yang mi mthong/ bsags pa yang mi mthong/ sems kyang mi mthong/ mig kyang mi mthong/ gzugs kyang mi mthong/ mig gi rnam par shes pa yang mi mthong/ rna ba yang mi mthong/ sgra yang mi mthong/ rna ba'i rnam par shes pa yang mi mthong/ sna yang mi mthong/ dri yang mi mthong/ sna'i rnam par shes pa yang mi mthong/ lce yang mi mthong/ ro yang mi mthong/ lce'i rnam par shes pa yang mi mthong/ lus kyang mi mthong/ reg bya yang mi mthong/ lus kyi rnam par shes pa yang mi mthong zhing/ blo gros yangs pa gang gi phyir byang chub sems dpa' nang gi so so rang gi yid kyang mi mthong/ chos rnams kyang mi mthong/ yid kyi rnam par shes pa yang mi mthong la/ de yang yang dag pa ji lta ba bzhin du yin na de ni byang chub sems dpa' don dam pa la mkhas pa zhes bya ste/ de bzhin gshegs pa yang byang chub sems dpa' don dam pa la mkhas pa ni sems dang

  112. 56b

    yid dang rnam par shes pa'i gsang ba la mkhas pa yin par 'dogs so/ /blo gros yangs pa de tsam gyis na byang chub sems dpa' sems dang yid dang rnam par shes pa'i gsang ba la mkhas pa yin la/ de bzhin gshegs pa byang chub sems dpa' sems dang yid dang rnam par shes pa'i sang ba la mkhas par 'dogs na yang de tsam gyis 'dogs so/ /de nas bcom ldan 'das kyis de'i che tshigs su bcad pa 'di bka' stsal to/ /len pa'i rnam par shes pa zab cing phra/ /sa bon thams cad chu bo'i klung ltar 'bab/ /bdag tu rtag par gyur na mi rung zhes/ /byis pa rnams la ngas ni de ma bstan/ /ces gsungs so/ /de la chos rnams kyi mtshan nyid ni dgong pa nges par 'grel pa'i mdo las ji skad 'byung ba bzhin blta bar bya ste/ bcom ldan 'das la byang chub sems dpa' yon tan 'byung gnas kyis zhu ba zhus pa/ bcom ldan 'das byang chub sems dpa' chos rnams kyi mtshan nyid la mkhas pa/ byang chub sems dpa' chos rnams kyi mtshan nyid la mkhas pa zhes bzhi na/ bcom ldan 'das ji tsam gyis na byang chub sems dpa' chos rnams kyi mtshan nyid la mkhas pa lags/ de bzhin gshegs pa byang chub sems dpa' chos rnams kyi mtshan nyid la mkhas par 'dogs na'ang ji tsam gyis 'dogs lags/ de skad ces gsol pa dang/ bcom ldan 'das kyis byang chub sems dpa' yon tan 'byung gnas la 'di skad ces bka' stsal to/ /yon tan 'byung gnas khyod de ltar skye bo mang po la phan pa dang skye bo mang po la bde ba dang/ 'jig rten la snying brtse ba dang lha dang mir bcas pa'i skye dgu'i don dang phan pa dang bde ba'i phyir zhugs te/ de bzhin gshegS pa la khyod don 'di nyid 'dri bar sems pa ni legs legs so/ /yon tan 'byung gnas de'i phyir nyon cig dang

  113. 57a

    chos rnams kyi mtshan nyid la mkhas pa bshad par bya'o/ /yon tan 'byung gnas chos rnams kyi mtshan nyid ni gsum po 'di dag yin te/ gsum gang zhe na/ kun btags pa'i mtshan nyid dang/ gzhan gyi dbang gi mtshan nyid dang/ yongs su grub pa'i mtshan nyid do/ /yon tan 'byung gnas de la chos rnams kyi kun btags pa'i mtshan nyid gang zhe na/ ji tsam du rjes su tha snyad gdags pa'i phyir ming dang brdas chos rnams kyi ngo bo nyid dam bye brag tu ming? dang brdar rnam par bzhag pa gang yin pa'o/ /yon tan 'byung gnas chos rnams kyi gzhan gyi dbang gi mtshan nyid gang zhe na/ chos rnams kyi rten cing 'brel par 'byung ba nyid de/ 'di lta ste/ 'di yod pas 'di 'byung la/ 'di skyes pa'i phyir 'di skye ba 'di lta ste/ ma rig pa'i rkyen gyis 'du byed rnams zhes bya ba nas de ltar na sdug bsngal gyi phung po chen po 'ba' shig pa 'di 'byung bar 'gyur ro zhes bya ba'i bar gang yin pa'o/ /yon tan 'byung gnas chos rnams kyi yongs su grub pa'i mtshan nyid gang zhe na/ chos rnams kyi de bzhin nyid gang yin pa ste/ byang chub sems dpa' rnams kyis brtun pa'i rgyu dang/ legs par tshul bzhin yid la byas pa'i rgyus de rtogs shing/ de rtogs pa goms par byas pa yang dag par grub pas kyang bla na med pa yang dag par rdzogs pa'i byang chub kyi bar du yang dag bar 'grub pa gang yin pa'o/ /yon tan 'byung gnas 'di lta ste dper na/ skyes bu gang zag rab rib kyi skyon chags pa de lta bur ni kun btags pa'i mtshan nyid blta bar bya'o/ /yon tan 'byung gnas 'di lta ste dper na/ de nyid la rab rib kyi mtshan ma skya shad 'dzings pa 'am/ spang ma 'am/ til gyi 'bru 'am/ sngon po'i mtshan ma 'am/ ser po'i mtshan ma 'am/ dmar po'i

  114. 57b

    mtshan ma 'am/ dkar po'i mtshan ma snang bar gyur pa de lta bur ni gzhen? gyi dbang gi mtshan nyid blta bar bya'o/ /yon tan 'byung gnas 'di lta ste dper na/ skyes bu gang zag de nyid kyi mig yongs su dag cing mig la rab rib kyi skyon chags pa dang bral bar gyur pa na/ mig de nyid kyi rang bzhin gyi spyod yul ma nor pa'i spyod yul de lta bur ni yongs su grub pa'i mtshan nyid blta bar bya'o/ /yon tan 'byung gnas 'di lta ste dper na/ shel shin tu gsal ba ni gang gi tshe tshon sngon po dang phrad par gyur pa padme'i? tshe/ nor bu rin po che aN+DA rnyil dang/ mthon ka chen po lta bur snang bar 'gyur zhing nor bu rin po che aN+Da rnyil dang mthon ka chen por log par 'dzin pas kyang sems can rnams rnam par rmongs par byed/ /gang gi tshon? dmar po dang phrad par gyur pa de'i tshe ni nor bu rin po che pad+ma rA ga lta bur snang bar 'gyur zhing/ nor bu rin po che pad+ma dA gang log par 'dzin pas kyang sems can rnams rnam par rmongs par byed do/ /gang gi tshe tshon ljang khu dang phrad par gyur pa de'i tshe ni nor bu rin po che marka ta lta bur snang bar 'gyur zhing/ nor bu rin po che marka ta ru log par 'dzin pas kyang sems can rnams rnam par rmongs par byed do/ /gang gi tshe tshon ser po dang phrad par gyur pa de'i tshe ni gser lta bur snang bar 'gyur zhing/ gser du log par 'dzin pas kyang sems can rnams rnam par rmongs par byed de/ /yon tan 'byung gnas 'di lta ste dper na shel shin tu gsal ba tshon dang phrad pa de lta bur ni gzhan gyi dbang gi mtshan nyid la kun btags pa'i mtshan nyid kyi tha snyad kyi bag chags blta bar bya'o/ /'di lta ste dper na shel shin tu gsal ba la nor bu rin po che aN+Da rnyil dang mthon ka chen po dang/ pad+ma rA ga dang/ marka? ta dang/ gser du log par 'dzin pa de lta bur ni gzhan gyi dbang gi mtshan nyid la kun btags pa'i

  115. 58a

    mtshan nyid du 'dzin par blta bar bya'o/ /yon tan 'byung gnas 'di lta ste dper na shel shin tu gsal ba de nyid lta bur ni gzhan gyi dbang gi mtshan nyid blta bar bya'o/ /'di lta ste dper na shel shin tu gsal ba de nyid nor bu rin po che aN+Da rnyil dang mthon ka chen po dang pad+ma rA ga dang/ marka ta dang gser gyi mtshan nyid der rtag pa rtag pa'i dus dang ther zug ther thug? gi dus su ma grub cing ngo bo nyid med pa de lta bur ni gzhan gyi dbang gi mtshan nyid de kun btags pa'i mtshan nyid der rtag pa rtag pa'i dus dang ther zug ther zug gi dus su yongs su ma grub cing ngo bo nyid med pa nyid kyis yongs su grub pa'i mtshan nyid blta bar bya'o/ /yon tan 'byung gnas de la ming dang 'brel ba'i mtshan ma la rten nas ni kun btags pa'i mtshan nyid rab tu shes so/ /gzhan gyi dbang gi mtshan nyid la kun btags pa'i mtshan nyid du mngon par zhen pa la brten nas ni gzhan gyi dbang gi mtshan nyid rab tu shes so/ /gzhan gyi dbang gi mtshan nyid la kun btags pa'i mtshan nyid du mngon par zhen pa med pa la rten nas ni yongs su grub pa'i mtshan nyid rab tu shes so/ /yon tan 'byung gnas de la byang chub sems dpa' chos rnams kyi gzhan gyi dbang gi mtshan nyid la kun btags pa'i mtshan nyid yang dag pa ji lta ba bzhin du rab tu shes na/ mtshan nyid med pa'i chos yang dag pa ji lta ba bzhin du rab tu shes so/ /yon tan 'byung gnas de la byang chub sems dpas gzhan gyi dbang gi mtshan nyid yang dag pa ji lta ba bzhin du rab tu shes na kun nas nyon mongs pa'i mtshan nyid kyi chos yang dag pa ji lta ba bzhin du rab tu shes so/ /yon tan 'byung gnas de la byang chub sems dpas yongs su grub pa'i mtshan nyid yang dag pa ji lta ba bzhin du rab tu shes

  116. 58b

    na/ rnam par byang ba'i mtshan nyid kyi chos yang dag pa ji lta ba bzhin du rab tu shes so/ /yon tan 'byung gnas de la byang chub sems dpas gzhan gyi dbang gi mtshan nyid la mtshan nyid med pa'i chos yang dag pa ji lta ba bzhin du rab tu shes na/ kun nas nyon mongs pa'i mtshan nyid kyi chos rab tu spong ngo/ /kun nas nyon mongs pa'i mtshan nyid kyi chos rab tu spangs na rnam par byang ba'i mtshan nyid kyi chos 'thob par 'gyur te/ yon tan 'byung gnas gang gi phyir byang chub sems dpas de ltar chos rnams kyi kun btags pa'i mtshan nyid yang dag pa ji lta ba bzhin du rab tu shes shing/ chos rnams kyi gzhan gyi dbang gi mtshan nyid dang/ yongs su grub pa'i mtshan nyid dang/ mtshan nyid med pa dang kun nas nyon mongs pa'i mtshan nyid dang rnam par byang ba'i mtshan nyid yang dag pa ji lta ba bzhin du rab tu shes la/ mtshan nyid med pa'i chos yang dag pa ji lta ba bzhin du rab tu shes nas kun nas nyon mongs pa'i mtshan nyid kyi chos rab tu spong zhing/ kun nas nyon mongs pa'i chos rab tu spangs nas/ rnam par byang ba'i mtshan nyid kyi chos 'thob par 'gyur ba de cam gyis na/ byang chub sems dpa' chos rnams kyi mtshan nyid la mkhas pa yin la/ de bzhin gshegs pa byang chub sems dpa' chos rnams kyi mtshan nyid la mkhas par 'dogs pa mdzad na yang de tsam gyis mdogs par mdzad do/ /de nas bcom ldan 'das kyis de'i tshe tshigs su bcad pa 'di dag bka' stsal to/ /mtshan nyid med pa'i chos ni rab shes na/ /kun nas nyon mongs mtshan nyid chos spong 'gyur/ /kun nas nyon mongs pa ni rab spangs na/ /shin tu rnam dag mtshan nyid chos 'thob 'gyur/ /skye bo bag med nyes bcol le lo can/ /'du byed skyon la rtog par mi byed pa/ /brtan med g.yo ba med pa'i chos rnams la/ /rab tu nyams pas snying brtser byas pa yin zhes gsungs

  117. 59a

    pa'o/ /de la chos rnams kya? ngo bo nyid med pa'i mtshan nyid ni dgongs ba nges par bkris pa'i mdo las ji skad 'byung ba bzhin blta par bya ste/ bcom ldan 'das la byang chub sems dpa' don dam yang dag 'phags kyis 'di skad ces gsol to/ /bcom ldan 'das 'di na bdag cag gcig tu dben ba zhig na mchis pa'i tshe/ sems kyi yongs su rtog pa 'di lta bu skyes lags te /bcom ldan 'das kyis rnam grangs du mar phung po rnams kyi rang gi mtshan nyid kyang dka' stsal /skye ba'i mtshan nyid dang/ 'jig pa'i mtshan nyid dang/ spang ba dang yongs su shes pa la? yang bka' stsal pa/ phung po rnams kyi ji lta ba de bzhin du skye mched rnams dang/ rten cing 'brel par 'byung ba dang/ /zas rnams kyi yang bka' stsal /bcom ldan 'das kyis rnam grangs du mar bden pa rnams kyi rang gi mtshan nyid kyang bka' stsal/ yongs su shes pa dang spang ba dang mngon du bgyi ba dang bsgom pa yang bka' stsal/ bcom ldan 'das kyis rnam grangs du mar khams rnams kyi rang gi mtshan nyid kyang bka' stsal/ khams sna tshogs pa nyid dang khams du ma pa nyid dang/ spang pa dang yongs su shes pa yang bka' stsal/ bcom ldan 'das kyis rnam grangs du mar dran pa nye bar gzhag pa rnams kyi rang gi mtshan nyod kyang bka' stsal/ mi mthun pa'i phyogs dang gnyen po dang/ ma skyes pa rnams skye ba dang/ skyes pa rnams gnas par bya ba mi bskyud pa dang/ slar zhing 'byung ba dang/ 'phel zhing spangs pa nyid kyang bka' stsal/ dran pa nye bar gzhag pa rnams kyi ji lta ba yang dag pa'i spong pa dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams kyi yang bka' stsal/ bcom ldan 'das kyis rnam grangs du mar 'phags pa'i lam

  118. 59b

    yan lag brgyad ba'i rang gi mtshan nyid kyang bka' stsal/ mi mthun pa'i phyogs dang gnyen po dang bsgoM pa dang/ ma skyes pa rnams skye ba dang/ skyes ma rnams gnas pa dang/ mi bskyed pa dang/ slar zhing 'byung ba dang 'phel zhing yangs pa nyid kyang bka' stsal/ bcom ldan 'das kyis chos thams cad ngo bo nyid ma mchis? pa/ chos thams cad ma skyes pa/ ma 'gags pa/ bzod ma nas zhi ba/ rang bzhin gyis yongs su mya ngan las 'das pa zhes kyang bka' stsal lags na/ bcom ldan 'das kyis ci las dgongs nas chos thams cad ngo bo nyid ma mchis pa/ chos thams cad ma skyes pa/ mi 'gags pa/ gzong ma nas zhi ba/ rang bzhin gyis yongs su mya ngan las 'das pa zhes bka' stsal snyam bgyid lags te/ bcom ldan 'das kyis ci las dgongs nas chos thams cad ngo bo nyid ma mchis pa/ chos thams cad ma skyes pa/ ma 'gags pa/ bzod ma nas zhi ba/ rang bzhin gyis yongs su mya ngan las 'das pa zhes bka' stsal pa'i don de nyid bcom ldan 'das la bdag yongs su zhu lags so/ /de skad ces gsol pa dang /bcom ldan 'das kyis byang chub sems dpa' don dam yang dag 'phags la 'di skad ces bka' stsal to/ /don dam yang dag 'phags khyod kyi sems kyi yongs su rtog pa dge ba tshul bzhin skyes pa legs so legs so/ /don dam yang dag 'phags khyod de ltar skye bo mang po la phan pa dang/ skye ba mang po la bde ba dang/ 'jig rten la snying brtse ba dang lha dang mir bcas pa'i skye dgu'i don dang phan pa dang bde ba'i phyir zhugs te/ de bzhin gshegs pa la khyod don 'di nyid 'dri bar sems pa ni yang khyed legs so/ /don dam yang dag 'phags de'i phyir khyod nyon cig dang/ ngas ci las dgongs nas chos thams cad ngo bo nyid med pa /chos thams

  119. 60a

    cad ma skyes pa ma 'gags pa/ gzod ma nas zhi ba rang bzhin gyis yongs su mya ngan las 'das pa zhes gsungs pa khyod la bshad par bya'o/ /don dam yang dag 'phags ngas chos rnams kyi ngo bo nyid med pa nyid rnam pa gsum po 'di lta ste mtshan nyid ngo bo nyid med pa nyid dang don dam pa'i ngo bo nyid med pa nyid las dgongs nas chos thams cad ngo bo nyid med pa' zhes bstan to/ /don dam yang dag 'phags de la chos rnams kyi mtshan nyid ngo bo nyid med pa nyid gang zhe na /kun btags pa'i mtshan nyid gang yin pa'o/ /de ci'i phyir zhe na/ 'di ltar de ni ming dang brdas rnam par bzhag pa'i mtshan nyid yin gyi rang gi mtshan nyid kyis rnam par gnas pa ni ma yin pas/ de'i phyir de'i mtshan nyid ngo bo nyid med pa nyid ces bya'o/ /don dam yang dag 'phags chos rnams kyi skye ba ngo bo nyid med pa gang zhe na/ chos rnams kyi gzhan gyi dbang gi mtshan nyid gang yin pa'o?/ /de ci'i phyir zhe na/ 'di ltar de ni rkyen gzhan gyi stobs kyis byung ba yin gyis/ bdag nyid kyis ma yin pas de'i phyir de ni skye ba ngo bo nyid med pa nyid ces bya'o/ /don dam yang dag 'phags chos rnams kyi don dam pa ngo bo nyid med pa nyid gang zhe na/ rten cing 'brel par 'byung ba'i chos gang dag skye ba ngo bo nyid med pa nyid kyis ngo bo nyid med pa de dag ni don dam pa ngo bo nyid med pa nyid kyis ngo bo nyid med pa yang yin no/ /de ci'i phyir zhe na/ don dam yang dag 'phags chos rnams la rnam par dag pa'i dmigs pa gang yin pa de ni ngas don dam pa yin par bstan la/ gzhan gyi dbang gi mtshan nyid de ni rnam par dag pa'i dmigs pa ma yin pas de'i phyir don dam pa ngo bo nyid med pa nyid ces bya'o/ /don dam yang dag 'phags gzhan yang chos rnams kyi yongs su grub pa'i mtshan nyid gang yin pa de yang don dam pa ngo bo nyid

  120. 60b

    med pa nyid ces bya'o/ /de ci'i phyir zhe na/ don dam yang dag 'phags chos rnams kyi chos bdag med pa gang yin pa de ni de dag gi ngo bo nyid med pa nyid ces bya ste/ de ni don dam pa yin la/ don dam pa ni chos thams cad kyi ngo bo nyid med pa nyid kyis rab tu phye ba yin pas de'i phyir don dam pa ngo bo nyid med pa nyid ces bya'o/ /don dam yang dag 'phags de la 'di lta ste dper na nam mkha' i me tog ji lta ba de lta bur ni mtshan nyid ngo bo nyid med pa nyid blta bar bya'o/ /don dam yang dag 'phags de la 'di lta ste dper na sgyu ma byas pa ji lta ba de lta bur ni skye ba ngo bo nyid med pa nyid kyang blta bar bya'o don dam pa ngo bo nyid med pa nyid de las kyang gcig blta bar bya'o/ /don dam yang dag 'phags de la 'di lta ste dper na nam mkha' gzugs kyi ngo bo nyid med pa nyid tsam gyis rab tu phye ba dang thams cad du song ba ji lta ba de lta bur ni don dam pa ngo bo nyid med pa de las chos bdag med pas rab tu phye ba dang thams cad du song ba gcig blta bar bya ste/ don dam yang dag 'phags ngas ngo bo nyid med pa nyid rnam pa gsum po de dag las dgongs nas chos thams cad ngo bo nyid med pa'o zhes bstan to/ /don dam yang dag 'phags de la mtshan nyid ngo bo nyid med pa nyid la dgongs nas ngas chos thams cad ma skyes pa/ ma 'gags pa /bzod ma nas zhi ba/ rang bzhin gyis yongs su mya ngan las 'das pa'o zhes bstan to/ /de ci'i phyir zhe na/ don dam yang dag 'phags 'di ltar rang gi mtshan nyid kyis med pa gang yin pa de ni ma skyes pa yin/ ma skyes pa gang yin pa de ni ma 'gags pa yen/ /ma skyes pa dang ma 'gags pa gang yin pa de ni gzod ma nas zhi ba yin/ gzod ma nas zhib gang yin pa de ni rang bzhin gyis yongs su mya ngan las 'das pa yin/ rang bzhin gyis yongs su mya ngan las 'das pa gang yin pa

  121. 61a

    de la ni yongs su mya ngan las 'da' bar bya ba cung zad kyang med de de'i phyir mtshan nyid ngo bo nyid med pa nyid las dgongs nas ngas chos thams cad ma skyes pa/ ma 'gags pa/ bzod ma nas zhi ba/ rang bzhin gyis yongs su mya ngan las 'das pa'o zhes bstan to/ /don dam yang dag 'phags yang don dam pa ngo bo nyid med pa nyid chos bdag med pas rab tu phye ba las dgongs nas ngas chos thams cad skyes pa/ ma 'gags pa/ bzang ma nas zhi ba/ rang bzhin gyis yongs su mya ngan las 'das pa'o zhes bstan to/ /de ci'i phyir zhe na/ 'di ltar don dam pa ngo bo nyid med pa nyid chos bdag med pas rab tu phye ba ni rtag pa rtag pa'i dus dang/ ther thug ther zug gi dus rnam par gnas pa kho na yin la/ de ni chos rnams kyi chos nyid 'dus ma byas pa nyon mongs pa thams cad dang bral ba yin te/ rtag pa rtag pa'i dus dang/ ther zug ther thug gi dus su chos nyid de nyid kyis rnam par gnas pa/ 'dus ma byas pa gang yin pa de ni 'dus ma byas pa'i phyir ma skyes pa dang ma 'gags pa yin la/ de ni nyon mongs pa thams cad dang bral ba'i phyir gzod ma nas rang bzhin gyis yongs su mya ngan las 'das pa yin te/ de'i phyir don dam pa ngo bo nyid med pa nyid chos bdag med pas rab tu phye ba las dgongs nas ngas chos thams cad ma skyes pa /ma 'gags pa/ gzod ma nas zhi ba/ rang bzhin gyis yongs su mya ngan las 'das pa zhes bstan to/ /don dam yang dag 'phags pa ni sems can gyi khams na sems can rnams kyi kun btags pa'i ngo bo nyid kyis tha dad par mthong zhing/ gzhan gyi dbang gi ngo bo nyid dang/ /yongs su grub pa'i ngo bo nyid kyang ngo bo nyid kyis tha dad par mthong ba de'i phyir ngo bo nyid med pa nyid rnam pa gsum mi 'dogs kyi/ sems can

  122. 61b

    rnams? gzhan gyi dbang dang yongs su grub pa'i ngo bo nyid la kun btags pa'i ngo bo nyid du sgro btags nas/ gzhan gyi dbang dang yongs su brub pa'i ngo bo nyid la kun btags pa'i ngo bo nyid kyi mtshan nyid rjes su tha snyad 'dogs te ji lta ji ltar rjes su tha snyad 'dogs pa de lta de ltar tha snyad btags pas yongs su bsgos pa'i sems tha snyad btags pa dang rjes su 'brel pa 'am/ tha snyad btags pa bag la nyal gyis gzhan gyi dbang dang yongs su grub pa'i ngo bo nyid la kun btags pa'i ngo bo nyid kyi mtshan nyid du mngon par zhen to/ /ji lta ji ltar mngon par zhen pa de lta de ltar gzhan gyi dbang gi ngo bo nyid la kun btags pa'i ngo bo nyid du mngon par zhen pa'i rgyu de dang rkyen des phyi ma la gzhan gyi dbang gi ngo bo nyid kun tu skyed de/ gzhi nges na nyon mongs pa'i kun nas nyon mongs pas kyang kun nas nyon mongs par 'gyur/ las kyi kun nas nyon mongs pa dang skye ba'i kun nas nyon mongs pas kyang kun nas nyon mongs par 'gyur zhing/ yun ring por yang na sems can dmyal ba rnams sam/ yang na dud 'gro rnams sam/ yang na yi dags rnams sam/ yang na lha rnams sam/ yang na lha ma yin rnams sam/ yang na mi rnams kyi nang du kun tu rgyug cing 'khor bar 'gyur te/ 'khor ba las me 'da' ba' i phyir ro/ /don dam yang dag 'phags de la sems can gang dag dang po nyid nas dge ba'i rtsa ba ma bskyed pa/ sgrib pa yongs su ma dag pa/ /rgyud yongs su ma smin pa/ mos pa mi mang? ba/ bsod nams dang ye shes kyi tshogs yang dag par ma grub pa de dag la ni nga? skye ba ngo bo nyid med pa nyid las brtsams nas chos ston te/ de dag gis chos de thos nas rten cing 'brel par 'byung ba'i 'du byed rnams la mi rtag pa nyid du shes shing mi brtan pa

  123. 62a

    nyid dang yid brtan du mi rung ba nyid dang 'gyur ba'i chos can nyid du shes nas/ 'du byed thams cad la yid de dang bar byed do/ /skyo bar byed do/ /yid ? bar? byas skyo bar byas nas sdig pa las phyir bzlog ste/ de dag sdig pa gang yin pa de mi byed cing dge ba la brten par byed do/ /dge ba la brten pa'i rgyus dge ba'i rtsa ba ma skyed ba rnams ni skyed do/ /sgrib pa yongs su ma byang ba rnams kyang yongs su sbyong ngo/ /rgyud yongs su ma smin pa yang yongs su smin par byed do /gzhi nges mos pa mang zhing bsod nams dang ye shes kyi tshogs yang dag par 'grub par 'gyur ro/ /de dag de ltar dge ba'i rtsa ba skyed pa nas bsod nams dang ye shes kyi tshogs kyi bar du yang dag par 'grub mod kyi/ 'on kyang skye ba ngo bo nyid med pa de la mtshan nyid ngo bo nyid med pa nyid dang don dam pa ngo bo nyid med pa nyid rnam pa gnyis yang dag pa ji lta ba bzhin du mi shes pas/ 'du byed thams cad la yang dag par mi skyo bar 'gyur/ yang dag par 'dod chags dang bral bar mi 'gyur/ yang dag par rnam par grol bar mi 'gyur zhing/ nyon mongs pa'i kun nas nyon mongs pa las kyang yongs su grol bar mi 'gyur/ las kyi kun nas nyon mongs pa las kyang yongs su grol bar mi 'gyur/ mi skye ba'i kun nas nyon mongs pa las kyang yongs su grol bar mi 'gyur bas/ de bzhin gshegs pa yang de dag la 'di lta ste/ mtshan nyid ngo bo nyid med pa nyid dang don dam pa ngo bo nyid med pa nyid las brtsams nas/ 'di ltar 'du byed thams cad las yang dag par skyo bar bya ba dang/ 'dod chags dang bral bar bya ba dang/ rnam par grol bar bya ba dang/ nyon mongs pa'i kun nas nyon mongs pa las yang dag par bzla ba dang/ las kyi kun

  124. 62b

    nas nyon mongs pa las yang dag par bzla ba dang/ skye ba'i kun nas nyon mongs pa las yang dag par bzla ba'i phyir chos ston to/ /de dag gis chos de thos nas gzhan gyi dbang gi ngo bo nyid la kun btags pa'i ngo bo nyid kyi mtshan nyid du mngon par zhen pa med pas/ skye ba ngo bo nyid med pa nyid de la mtshan nyid ngo bo nyid med pa nyid dang/ don dam pa ngo bo nyid med pa nyid du mos par byed rab tu rnam par 'byed par byed/ ji ltar ba bzhin du rtogs par byed cing/ 'di lta ste tha snyad btags pas yongs su ma bsgos pa'i shes pa tha snyad btags pa dang rjes su 'brel pa med cing /tha snyad btags pa bag la nyal ba med pa'i shes pas gzhan gyi dbang gi mtshan nyid de tshe 'di la shes pa'i stobs bskyed pa dang/ phyi ma la rgyu yang dag par 'chad pas 'gog par byed de/ gzhi nges 'du byed thams cad la yang dag par skyo ba dang/ yang dag par 'dod chags thams cad dang bral ba dang/ yang dag par rnam par grol par 'gyur zhing nyon mongs pa'i kun nas nyon mongs pa dang/ las kyi kun nas nyon mongs pa dang/ skye ba'i kun nas nyon mongs pa las kyang yongs su grol bar 'gyur ro/ /don dam yang dag 'phags de la sems can nyan thos kyi theg pa'i rigs can rnams kyis kyang lam 'di nyid dang/ bsgrub pa 'di nyid kyis grub pa dang bde ba bla na med pa'i mya ngan las 'das pa 'thob par 'gyur la/ sems can rang sangs rgyas kyi theg pa'i rigs can rnams dang/ de bzhin gshegs pa'i rigs can rnams kyis kyang lam 'di nyid dang bsgrub pa 'di nyid kyis grub pa dang bde ba bla na med pa'i mya ngan las 'das pa thob par 'gyur bas/ 'di ni nyan thos dang/ rang sangs rgyas dang byang chub sems dpa' rnams kyi rnam par dag pa'i lam gcig pa yin la/ rnam

  125. 63a

    par dag pa yang gcig ste/ gnyis pa yang med pas ngas de las dgongs nas theg pa gcig tu bstan te/ sems can gyi khams na sems can rang bzhin gyis dbang po rtul ba rnams dang dbang po 'bring rnamS dang dbang po rnon po rnams kyi rigs sna tshogs dag kyang med pa ni ma yin no/ /don dam yang dag 'phags nyan thos kyi rigs kyi gang zag zhi ba'i bgrod pa gcig pu pa ni sangs rgyas thams cad brtson pa dang ldan par gyur kyang byang chub kyi snying po la bzhag ste bla na med pa yang dag par rdzogs pa'i byang chub thob par byar mi nus so/ /de ci'i phyir zhe na/ 'di ltar de ni snying rje shin tu chung ba dang sdug bsngal gyis shin tu 'jigs pa'i phyir rang bzhin gyis rigs dman pa kho na yin pa'i phyir ro/ /de ji lta ji ltar snying rje shin tu chung ba de bzhin du sems can gyi don bya ba la shin tu mi phyogs par 'gyur ro/ /ji ltar sdug bsngal gyis shin tu 'jigs pa de bzhin du 'du byed mngon par 'du byed pa thams cad la shin tu mi phyogs par 'gyur ro/ /sems can gyi don bya ba la shin tu mi phyogs pa dang/ 'du byed mngon par 'du bya ba thams cad la shin tu mi phyogs pa ni bla na med pa yang dag par rdzogs pa'i byang chub tu das ma bstan te/ de'i phyir zhi ba'i bgrod pa gcig pu pa zhes bya'o/ /nyan thos byang chub tu yongs su 'gyur ba de gang yin pa de ni ngas rnam grangs kyis byang chub sems dpa' yin par bstan te/ 'di ltar de ni nyon mongs pa'i sgrib pa las rnam par grol nas/ de bzhin gshegs pa rnams kyi bskul na shes bya'i sgrib pa las sems rnam par grol bar byed pa'i phyir ro/ /de ni dang por bdag gi don la sbyor ba'i rnam pas nyon mongs pa'i sgrib pa las rnam par grol te/ de'i phyir de

  126. 63b

    bzhin gshegs pa nyan thos kyi rigs su 'dogs so/ /don dam yang dag 'phags 'di ltar pa'i chos 'dul ba legs par gsungs pa/ shin tu gya nom pa/ bsam pa shin tu rnam par dag ston pa/ chos legs par bston pa la ni sems can rnams kyi mos pa'i rim pa'ang snang ste/ don dam yang dag 'phags 'di la de bzhin gshegs pa ni ngo bo nyid med pa nyid rnam pa gsum po de dag nyid las dgongs nas drang ba'i don gyi mdo brjod pa'i rnam pa 'di lta ste/ /chos thams cad ngo bo nyid med pa/ chos thams cad ma skyes pa/ ma 'gags pa/ bzod ma nas zhi ba/ rang bzhin gyis yongs su mya ngan las 'das pa'o zhes chos ston to/ /de la sems can gang dag dge ba'i rtsa ba chen po bskyed pa/ sgrib pa yongs su dag pa /rgyud yongs su smin pa/ mos pa mang ba/ bsod nams dang ye shes kyi tshogs chen po yang dag par grub pa de dag gis ni chos de thos na/ dgongs te bshad pa yang dag pa ji lta ba bzhin du shes shing/ chos de la mos par 'gyur la/ don de yang shes rab kyis yang dag pa ji lta ba bzhin du rtogs par 'gyur zhing de rtogs pa goms pas kyang myur ba myur ba kho nar shin tu mthar thug pa nyid du rjes su 'thob par 'gyur te/ nga la yang a la la bcom ldan 'das de ni yang dag par rdzogs pa'i sangs rgyas yin te /des ni chos thams cad legs par mngon par rdzogs par sangs rgyas so zhes dang pa 'thob par 'gyur ro/ /de la sems can gang dag dge ba'i rtsa ba bskyed pa dang/ sgrib pa yongs su dag pa dang/ rgyud yongs su smin pa dang/ mos pa chen po ma yin pa /bsod nams dang ye shes kyi tshogs chen po yang dag par ma grub pa/ drang po dang po'i rang bzhin can rtog pa sel mi nus pa /rang gi lta ba mchog

  127. 64a

    tu 'dzin par mi gnas pa de dag gis ni chos de thos na nga'i dgongs te bshad pa yang dag pa ji lta ba bzhin du rab tu mi shes mod kyi/ 'on kyang chos de la mos par byed cing dad pa yang 'thob ste/ mdo sde 'di dag ni de bzhin gshegs pas gsungs pa/ zab pa/ zab par snang ba stong pa nyid dang ldan pa/ mthong bar dka' ba/ rtogs par dka' ba/ brtag mi nus pa/ rtog ge'i spyod pa ma yin pa/ zhib mo brtags pa mkhas pa/ mdzangs pas rig pa yin no zhes mos par byed do/ /mdo sde de dag gi don bstan pa la bdag mi shes so snyam nas 'dug ste/ 'di skad ces sangs rgyas kyi byang chub ni zab/ chos rnams kyi chos nyid kyang zab ste/ de bzhin gshegs pa nyid kyis mkhyen gyi / bdag cag gis ni ji mi shes so/ /de bzhin gshegs pa rnams kyis chos bstan pa na sems can rnams la mos pa sna tshogs kyis 'jug pa yin te/ de bzhin gshegs pa rnams ni mkhyen pa dang gzigs pa mdza' yas pa yin/ bdag cag gi shes pa dang mthong ba ni ba lang gi rjes tsam mo snyam nas /de dag mdo sde rnams la gus par byas te yi ger 'dri bar yang byed/ yi ger bris nas 'chang bar yang byed/ klog bar yang byed/ yang dag par 'gyed par yang byed/ mchod par yang byed/ lung nod par yang byed/ kha ton du yang byed mod kyi/ 'di ltar nga'i dgongs te bshad pa zab mo 'di ma rtogs pa'i phyir sgom pa'i rnam par sbyor par mi nus so/ /de dag gzhi nges na bsod nams kyi tshogs kyis kyang 'phel bar 'gyur/ /ye shes kyi tshogs kyis kyang 'phel bar 'gyur la/ gong du yang rgyud yongs su ma smin pa dag kyang smin bar byed do/ /ji ste sems can de dag las sems can gang dag bsod nams dang ye shes kyi tshogs chen po'i

  128. 64b

    par du yang dag par grub pa ma yin la/ drang bo drang po'i rang bzhin can ni ma yin mod kyi/ 'on kyang rtog pa sel nus la/ rang gi lta ba mchog tu 'dzin par gnas pa de dag gis ni chos de thos nas/ dgongs te bshad pa yang dag ba ji lta ba bzhin du rab tu mi shes te/ chos de la mos kyang chos 'di dag thams cad ni ngo bo nyid med pa kho na yin no/ /chos 'di dag thams cad ni ma skyes pa kho na'o/ /ma 'gags pa kho na'o zhes rang bzhin gyis yongs su mya ngan las 'das pa kho na'o zhes chos kyi don la sgra ji bzhin kho nar mngon par zhen par byed de/ de dag gzhi des na chos thams cad la med par lta ba dang mtshan nyid med par lta ba 'thob par 'gyur te/ med par lta ba dang mtshan nyid med par lta ba thob nas kyang thams cad la mtshan nyid thams cad kyis skur ba 'debs te/ chos rnams kyi kun btags pa'i mtshan nyid la yang skur ba 'debs/ chos rnams kyi gzhan gyi dbang gi mtshan nyid dang yongs su grub pa'i mtshan nyid la yang skur ba 'debs so/ /de ci'i phyir zhe na/ don dam yang dag 'phags 'di ltar gzhan gyi dbang gi mtshan nyid dang/ yongs su grub pa'i mtshan nyid yod na ni kun btags pa'i mtshan nyid kyang rab tu shes par 'gyur na/ de la gang dag gzhan gyi dbang gi mtshan nyid dang/ yongs su grub pa'i mtshan nyid la mtshan nyid med par mthong ba de dag gis ni kun btags pa'i mtshan nyid la yang skur ba btab pa yin pa'i phyir te/ de lta bas na de dag ni rnam pa gsum char la yang skur ba 'debs pa zhes bya'o/ /de dag de'i chos la chos su 'du shes pa dang/ don ma yin pa la don du 'du shes pa yin te/ nga'i chos la chos su 'du shes pa dang/ don ma yin pa la don du 'du shes pa de dag chos la yang chos su 'dzin/ don ma yin pa la don du 'dzin to/ /de dag chos la mes pas dge pI chos rnams kyis 'phel mod kyi/ 'on

  129. 65a

    kyang don dam pa yin pa la mngon par zhen pas shes rab las yongs su nyams pa yin te/ shes rab las yongs su nyams na dge ba'i chos shin tu rgya che ba dang shin tu dpag tu med pa rnams las kyang yongs su nyams par 'gyur ro/ /gzhan dag de dag las chos la chos su dang/ don ma yid pa la don du thos nas/ gang dag lta ba la dga' bar byed pa de dag ni chos la chos su 'du shes pa dang/ don ma yin pa la don du 'du shes pas/ chos la chos su shes pa dang/ don ma yin pa la don du mngon par zhen par 'gyur te/ de dag kyang zhi nges na de bzhin du dge ba'i chos las yongs su nyams par rig par bya'o/ /gang dag lta ba'i rjes su dga' bar mi byed pa de dag ni de dag las chos rnams kyi ngo bo nyid med pa nyid thos shing/ chos rnams kyi skye ba med pa dang 'gag pa med pa dang/ gzod ma nas zhi ba dang/ rang bzhin gyis yongs su mya ngan las 'das pa thos nas skrag cing dngar la/ kun tu dbang bar 'gyur zhing/ 'di skad ces 'di ni sangs rgyas bcom ldan 'das kyi bka' ma yin gyi/ 'di ni bdud kyis smras pa yin no zhes kyang zer zhing/ de ltar rig nas mdo sde de dag la skur pa 'debs par byed/ spong bar byed/ mi bsngags pa brjod par byed/ ngan du brjod par byed do/ gzhi nges na phongs pa chen po thob par 'gyur zhing/ las kyi sgrib pa chen pos kyang reg par 'gyur ro/ /gzhi des kyang gang dag skye bo phal ngo che las kyi sgrib pa chen po 'thob bas slu bar byed pa/ mtshan nyid thams cad med par lta 'di don ma yin pa don du ston par byed pa de dag ni las kyi sgrib pa rgya chen po dang ldan bar nga smra'o/ /don dam yang dag 'phags de la sems can gang dag dge ba'i rtsa ba ma skyed/ sgrib? pa yongs su ma dag /rgyud yengs su ma smin/

  130. 65b

    mos pa mi mang/ bsod nams dang ye shes kyi tshogs yang dag par ma grub/ drang po ma yin la drang po'i rang bzhin can ma yin yang rteg pa sel nus la/ rang gi lta ba mchog tu 'dzin par gnas pa de dag gis ni chos de thos na/ nga'i dgongs te bshad ba yang yang dag pa ji lta ba bzhin du rab tu mi shes shing chos la mos par yang mi 'gyur la/ de dag chos la chos ma yin par 'du shes shing/ don la don ma yin par 'du shes la/ chos la yang chos ma yin pa dang/ don la'ang don ma yin par mngon par zhen nas/ 'di skad ces 'di ni sangs rgyas kyi bka' ma yin gyi/ 'di ni bdud kyis smras ba yin no zhes kyang zer zhing/ de ltar rig nas mdo sde de dag la skur pa 'degs par byed/ spong bar byed mi bsngags pa brjod par byed/ ngan du rjod bar byed cing lhad kyang 'jug par byed de/ rnam grangs du mar mdo sde re dag spang pa dang/ chud gsan pa dang/ rnam par gzhig pa'i phyi zhugs shing/ de la mos pa'i gang zag rnams yang dgrar 'du shes par 'gyur ro/ /de dag ni dang po nyid nas kyang las kyi sgrib pas bsgrib pa yin la/ gzhi des kyang las kyi sgrib pa de lta bus sgrib par byed de/ las kyi sgrib pa de'i dang po ni gdags par sla'i bskal pa bye ba khrig khrig 'bum phrag 'di snyed kyi bar gyis 'byung bar 'gyur ro zhes gdags par dka' o/ /don dam yang dag 'phags de ltar na nga'i chos 'dul ba legs par gsungs pa/ shin tu gya nom pa/ bsam pa shin tu rnam par dag pa ston pa/ chos legs par bstan pa la sems can rnams kyi mos pa'i rim pa de lta bu dag kyang snang ngo/ /de nas bcom ldan 'das kyis de'i tshe tshigs su bcad pa 'di dag bka' stsal te/ /chos rnams ngo bo nyid med chos rnams ma

  131. 66a

    skyes dang/ chos rnams ma 'gags chos rnams gzod nas zhi ba dang/ /ches rnams thams cad rang bzhin mya ngan 'das par ni/ dgongs pa med par mkhas pa su zhig smra bar byed/ /mtshan nyid ngo bo nyid med skye ba ngo bo med/ /don dam ngo bo nyid med do zhes ngas bshad de/ /'di la mkhas pa gang zhig dgongs pa shes pa ni/ /rab tu nyams par 'gyur ba'i lam du de mi 'gro/ /kun gyi rnam dag lam ni gcig pu 'di yin te/ /rnam par dag pa'ang gcig ste gnyis pa gang yang med/ /de phyir theg pa gcig pa 'di ni 'dogs byed kyang/ /sems can rigs ni rnam pa sna tshogs med ma yin/ /sems can khams 'di na ni gang dag bdag gcig pu/ /mya ngan 'da' bar byed pa'i sems can dpag tu med/ /gang dag mya ngan 'das kyang sems can mi gtong ba'i/ /brtan pa snying rje ldan pa de dag shin tu dkon/ /gang grol de dag rnams kyi zag pa med pa'i dbyings /phra zhing bsam gyis mi khyab mnyam zhing bye brag med/ /thams cad don grub sdug bsngal nyon mongs spangs pa ste/ /gnyis su brjod pa ma yin bde zhing brtan pa yin/ /de nas de'i che bcom ldan 'das la byang chub sems dpa' don dam yang dag 'phags kyis 'di skad ces gsol to/ /bcom ldan 'das ci tsam du sangs rgyas bcom ldan 'das rnams kyis dgongs te gsungs pa/ mchog tu phra ba/ zab pa mchog tu zab ba/ rtogs par dka' ba/ mchog tu rtogs par dka' ba ni ngo mtshar rmad du byung ba lags so/ /bcom ldan 'das bcom ldan 'das kyis bka' stsal pa'i don bdag gis 'di ltar 'tshal te rnam par rtog pa'i spyod yul kun btags pa'i mtshan nyid kyi gnas/ /'du byed kyi mtshan ma la gzugs kyi phung po zhes ngo bo nyid dam/ bye brag gi

  132. 66b

    mtshan nyid du brdar ming rnam par gzhag pa dang gzugs kyi phung po skye'o zhe'am/ 'gag go zhe 'am/ gzugs kyi phung po spang pa dang yongs su shes pa zhes ngo bo nyid kyi mtshan nyid dam/ bye brag gi mtshan nyid kyi gnas 'du byed kyi mtshan ma gang lags pa de ni kun btags pa'i mtshan nyid lags te/ de la brten nas bcom ldan 'das chos rnams kyi mtshan nyid ngo bo nyid ma mchis pa nyid 'dogs par mdzad lags so/ /rnam par rtog pa'i spyod yul kun btags pa'i mtshan nyid kyi gnas 'du byed kyi mtshan ma gang lags pa de ni gzhan gyi dbang gi mtshan nyid lags so/ /de la brten nas bcom ldan 'das chos rnams kyi skye ba ngo bo nyid ma mchis pa nyid dang/ de las cig shos don dam par ngo bo nyid ma mchis pa nyid kyang 'dogs par mdzad lags so/ /bcom ldan 'das kyis bka' stsal pa'i don bdag gis 'di ltar 'tshal te /rnam par rtog pa'i spyod yul kun btags pa'i mtshan nyid kyi gnas/ 'du byed kyi mtshan ma de nyid kun btags pa'i mtshan nyid der yongs su ma grub cing ngo bo nyid de kho nas ngo bo nyid ma mchis pa nyid chos la bdag ma mchis pa/ de bzhin rnam par dag pa'i dmigs pa gang lags pa de ni yongs su grub pa'i mtshan nyid lags te/ de la brten nas bcom ldan 'das kyis de las cig shos don dam par ngo bo nyid ma mchis pa nyid las gcig 'dogs par mdzad lags so/ /gzugs kyi phung po la ji lta ba bzhin du phung po'i lhag ma rnams la yang de bzhin du sbyar bar bgyi lags so/ /phung po rnams la ji lta ba bzhin du skye mched bcu gnyis po dag gi skye mched re re la yang de bzhin lags so/ /srid pa'i yan lag bcu gnyis po dag gi srid pa'i yan lag re re la yang de bzhin lags so/ /zas bzhi po dag gi zas re re la'ang de bzhin lags so/ /khams drug

  133. 67a

    dang bco brgyad po ngag gi khams re re la yang de bzhin lags so/ /bcom ldan 'das bcom ldan 'das kyis bka' stsal pa'i don bdag gis 'di ltar 'tshal te/ rnam par rtog pa'i spyod yul kun btags pa'i mchan nyid kyi gnas 'du byed kyi mtshan ma la sdug bsngal gyi bden pa dang/ sdug bsngal gyi bden pa yongs su shes pa zhes ngo bo nyid dam/ bye brag gi mtshan nyid du brdas ming rnam par bzhag pa gang lags pa de ni kun? btags pa'i mtshan nyid lags te/ de la brten nas bcom ldan 'das chos rnams kyi mtshan nyid ngo bo nyid ma mchis pa nyid 'dogs par mdzad lags so/ /rnam par rtog pa'i spyod yul kun btags pa'i mtshan nyid kyi gnas 'du byed kyi mtshan ma gang lags pa de ni gzhan gyi dbang gi mtshan nyid lags te/ de la brten nas bcom ldan 'das chos rnams kyi skye ba ngo bo nyid ma mchis pa nyid dang/ de la gcig shos don dam par ngo bo nyid ma mchis pa nyid kyang 'dogs par mdzad lags so/ /bcom ldan 'das bcom ldan 'das kyis bka' stsal pa'i don 'di ltar bdag gis 'tshal te/ rnam par rtog pa'i spyod yul kun btags pa'i mtshan nyid kyi gnas/ 'du byed kyi mtshan ma de nyid kun btags pa'i mtshan nyid der yongs su ma grub cing ngo bo nyid de kho nas ngo bo nyid ma mchis pa nyid chos la bdag ma mchis pa de bzhin nyid rnam par dag pa'i dmigs pa gang lags pa de ni yongs su grub pa'i mtshan nyid lags te/ de la brten nas bcom ldan 'das de las cig shes chos rnams kyi don dam pa ngo bo nyid ma mchis pa nyid 'dogs par mdzad lags so/ /sdug bsngal 'phags pa'i bden pa la ji lta ba bzhin du bden pa lhag ma rnams la yang de bzhin du sbyar bar bgyi lags so/ /bden pa rnams la ji lta ba bzhin du dran pa nye bar gzhag pa rnams dang/ yang dag par spong ba rnams dang/

  134. 67b

    rdzu 'phrul gya rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ lam gyi yan lag rnams kyi yan lag re re la'ang de bzhin du sbyar bar bgyi lags so/ kha gang? coM ldan 'das kyis bka' stsal pa'i don bdag gis 'di ltar 'tshal lags te/ rnam par rtog pa'i spyod yul kun btags pa'i mtshan nyid kyi gnas 'du byed kyi mtshan ma la yang dag pa'i ting nge 'dzin ce 'am/ ting nge? 'dzin gyi mi mthun pa'i phyogs dang gnyen po zhe 'am/ ting nge 'dzin bsgom pa zhe 'am/ ma skyes pa skye ba zhe 'am/ skyes pa gnas pa dang/ mi bskyud pa dang/ slar zhing 'byung ba dang/ 'phel zhing rgyas pa nyid ces ngo bo nyid kyi mtshan nyid dam/ bye brag gi mtshan nyid du brdas ming rnam par bzhag pa gang lags ba de ni kun btags pa'i mtshan nyid lags te/ de la brten nas bcom ldan 'das chos rnams kyi mtshan nyid ngo bo nyid ma mchis pa nyid 'dogs par mdzad lags so/ /rnam par rtog pa'i spyod yul kun btags pa'i mtshan nyid kyi gnas 'du byed kyi mtshan ma gang lags pa de ni gzhan gyi dbang gi mtshan nyid lags te/ de la brten nas bcom ldan 'das chos rnams kyi skye ba ngo bo nyid ma mchis pa nyid dang/ de las cig shos don dam par ngo bo nyid ma mchis pa nyid kyang 'doD par mdzad lag so /bcom ldan 'das bcom ldan 'das kyis bka' stsal pa'i don bdag gis 'di ltar 'tshal te/ rnam par rtog pa'i spyod yul kun btags pa'i mtshan nyid kyi gnas/ 'du byed kyi mtshan ma de nyid kun btags pa'i mtshan nyid der yongs su ma grub cing/ ngo bo nyid de kha nas ngo bo nyid ma mchis pa nyid chos la bdag ma mchis pa/ de bzhin nyid rnam par dag pa'i dmigs pa gang lags pa de ni yongs su grub pa'i mtshan nyid lags te/ de

  135. 68a

    la brten nas bcom ldan 'das de las cig shos rnams kyi don dam pa ngo bo nyid ma mchis pa nyid 'dogs par mdzad lags so/ /bcom ldan 'das 'di lta ste dper bgyi na/ bca' lga ni phye'i sman sbyar ba dang bcud kyis len sbyar ba thams cad du stsal bar bgyi lags so/ /de bzhin du bcom ldan 'das kyi chos rnams kyi ngo bo nyid ma mchis pa nyid las brtsams te skye ba ma mchis pa dang/ 'gag pa ma mchis pa dang/ bzod ma nas zhi ba dang rang bzhin gyis yongs su mya ngan las 'das pa nyid las brtsams nas/ nges pa'i don bstan pa 'di yang drang ba'i don gyis mdo sde thams cad du stsal bar bgyi lags so/ /bcom ldan 'das 'di lta ste dper bgyi na ri mo gri ba'i gzhi ni sngon po 'am/ seng po 'am dkar po 'am dmar po 'am ri mor bgyi ba thams cad la ro gcig pa lags shing/ ri mor bris pa de 'ang shin tu gsal bar bgyid pa lags so/ /de bzhin du chos rnams kyi ngo bo nyid ma mchis pa nyid dang/ rang bzhin gyis yongs su mya ngan las 'das pa nyid kyi bar las brtsams nas bcom ldan 'das kyis nges pa'i don bstan pa 'di ni drang ba'i don gyi mdo sde thams cad la re gcig pa dang/ drang ba'i don de dag shin tu gsal bar bgyid pa lags so/ /bcom ldan 'das 'di lta ste dper bgyi na chab mar ni snod du bsgral ba dang/ sha g.yos dang bag chos kyi rnam pa sna tshogs la chab mar stsal na shin tu bda' bar 'gyur lags so/ /de bzhin du chos rnams kyi ngo bo nyid ma mchis pa dang rang bzhin gyis yongs su mya ngan las 'das pa nyid kyi bar las brtsams nas/ bcom ldan 'daS kyiS nges pa'i don bstan pa 'di ni drang ba'i don gyi mdo sde thams cad du stsal na dga' ba dang mchog tu dga' ba chen por 'gyur lags so/ /bcom ldan 'das 'di lta ste dper bgyi na nam mkha'

  136. 68b

    ni thams cad la ro gcig pa dang/ brtsal ba thams cad la sgrib par mi 'gyur lags so/ /de bzhin du chos rnams kyi ngo bo nyid ma mchis pa nyid dang/ rang bzhin gyis yongs su mya ngan las 'das pa nyid kyis bar las brtsams nas bcom ldan 'das kyis nges pa'i don bstan pa 'di ni drang ba'i don gyi mdo sde thams cad la ro gcig pa dang/ nyan thos kyi theg pa dang rang sangs rgyas kyi theg pa dang theg pa chen po las brtsal ba thams cad la sgrib par mi 'gyur lags so/ /de skad ces gsol pa dang/ bcom ldan 'das kyis byang chub sems dpa' don dam yang dag 'phags la legs so zhes bya ba byin te/ don dam yang dag 'phags legs so legs so/ /don dam yang dag ? khyod kyis de bzhin gshegs pas dgongs te bshad pa shes te/ don de la 'di lta ste/ bca' lga dang/ ri mo bri ba'i gzhi dang/ mar gyis gdab pa dang/ nam mkha' i dpe legs par byas pa de ni don dam yang dag 'phags de de bzhin te gzhan du ma yin gyis de ni de bzhin du zung shig /de nas bcom ldan 'das la byang chub sems dpa' don dam yang dag 'phags kyis 'di skad ces gsol to/ /bcoM ldan 'das kyis dang por yul wA ra Na si drang srong smra ba ri dags kyi nags? su nyan thos kyi theg pa la yang dag par zhugs pa rnams la 'phags pa'i bden pa bzhi'i rnam pa bstan pas chos kyi 'khor lo ngo mtshar rmad du byung pa sngon lhar gyur pa 'am mir gyur pa sus kyang chos dang mthun par 'jig rten du ma bskor ba cig rab tu bskor te/ bcom ldan 'das kyis chos kyis 'khor lo bskor ba de yang bla na ma mchis pa/ skabs ma mchis pa/ drang ba'i don rtsod pa'i gzhi'i gnas su gyur pa lags la/ bcom ldan 'das kyis chos rnams kyi ngo bo nyid ma mchis pa nyid las brtsams te skye ba ma mchis pa dang 'gags pa ma mchis pa dang gzod ma nas zhi ba dang rang bzhin

  137. 69a

    gyis yongs su mya ngan las 'das pa nyid las brtsams nas/ theg pa chen po la yang dag par zhugs pa rnams la stong pa nyid smos pa'i rnam pas ches ngo mtshar rmad du byung ba'i chos kyi 'khor lo gnyis pa bskor te/ bcom ldan 'das kyis chos kyi 'khor lo bskor bar yang bla na ma mchis pa/ skyabs ma mchis pa/ drang ba'i don rtsod pa'i gzhi'i gnas su gyur pa lags kyi/ bcom ldan 'das kyis chos rnams kyi ngo bo nyid ma mchis pa nyid las brtsams te/ skye ba ma mchis pa dang 'gag pa ma mchis pa dang gzod ma nas zhi ba dang/ rang bzhin gyis? yongs su mya ngan 'das pa nyid las brtsams nas theg pa thams cad la yang dag par zhugs pa rnams la legs par rnam par phye ba dang ldan pa ngo mtshar rmad du byung ba'i chos kyi 'khor lo gsum pa bskor te/ bcom ldan 'das kyis chos kyi 'khor lo bskor ba 'di ni bla na ma mchis pa/ skabs ma mchis pa/ nges pa'i don lags te/ rtsed pa'i gzhi'i gnas su gyur ba ma lags so/ /bcom ldan 'das chos rnams kyi ngo bo nyid ma mchis pa las brtsams nas/ rang bzhin gyis yongs su mya ngan las 'das pa nyid kyi dbang? las brtsams nas bcom ldan 'das kyis nges pa'i don bstan pa 'di rigs kyi bu 'am rigs kyi bu mo gang gis thos nas mos par bgyid pa dang/ yi ger 'drir stsol ba dang/ yi ger bris nas kyang 'chang ba dang/ klog pa dang mchod pa dang yang dag par 'god pa dang lung nod pa dang kha ton bgyid pa dang sems pa dang sgom pa'i rnam par sbyor bar bgyid pa de bsod nams ji tsam zhig skyed par 'gyur lags/ de skad ces gsol pa dang/ bcom ldan 'das kyis byang chub sems dpa' don dam yang dag 'phags la 'di skad ces bka' stsal to/ /don dam yang dag 'phags rigs kyi bu 'am rigs kyi bu mo de ni bsod nams dpag tu med/ /grangs med pa bskyed de/ de'i dpe bya?

  138. 69b

    bar sla ba ma yin mod kyi/ 'on kyang mdor bsdus te khyod la bshad par bya'o/ /don dam yang dag 'phags 'di lta ste dper na sen mo'i rtse mo la gnas pa'i sa rdul gang dag yin pa de dag ni sa la gnas pa'i rdul rnams dang bsgrun? na /rgya'i char yang nye bar mi 'gro zhing stong gi cha dang 'bum gyi cha dang grangs dang cha dang bgrang ba dang rgyur yang nye bar mi 'gro'o/ /ba lang gi rjes kyi chu ni rgya mtsho chen po bzhi'i chu dang bsgrun na rgya'i char yang nye bar mi 'gro ba nas rgyu'i bar du yang nye bar mi 'gro'o/ /de bzhin du don dam yang dag 'phags ngas drang ba'i don gyi mdo sde la mos pa nas bsgom pa'i rnam pas sbyor bar byed pa'i bar gyi bsod nams gang bshad pa de ni nges pa'i don bstan pa la mos pa las yang dag par grub pa nas/ bsgom pa'i rnam par sbyor ba las yang dag par 'grub pa'i bar gyi bsod namS? 'di dang bsgrun na rgya'i char yang nye bar mi 'gro ba nas /rgyu'i bar du yang nye bar mi 'gro'o/ /de skad ces bka' stsal pa dang/ bcom ldan 'das la byang chub sems dpa' don dam yang dag 'phags kyis 'di skad ces gsol to/ /bcom ldan 'das dgongs pa nges par 'grel ba'i chos kyi rnam grangs 'dir bstan pa 'di'i ming ci lags/ 'di tri? ltar gzung bar bgyi/ bcom ldan 'das kyis bka' stsal pa /don dam yang dag 'phags 'di ni don dam pa nges pa'i don bstan pa yin te/ don dam nges pa'i don bstan pa zhes bya bar zung shig /don dam pa nges pa'i don bstan pa 'di bshad pa na/ srog chags drug 'bum ni bla na med pa yang dag par rdzogs pa'i byang chub tu sems skyes so/ /nyan thos sum 'bum ni chos rnams la chos kyi mig rdul med cing dri ma dang bral ba rnam par dag go /nyan thos 'bum phrag lnga khri ni len pa med par zag pa rnams las sems rnam par grol lo/ /byang chub sems dpa' bdun khri lnga stong gis ni mi skye ba'i chos la bzod pa thob par gyur to

  139. 70a

    zhes gsungs so/ //bam? po sum cu dgu ba/ /chos gdags pa rnam par dgong pa las brtsams nas/ rnal 'byor gyis yongs su bsdus pa'i zhi gnas dang lhag mthong gi lam gyi rab tu dbye ba ni dgongs pa nges par 'grel pa'i mdo las ji skad byung ba bzhin rig par bya ste/ bcom ldan 'das la byang chub sems dpa' byams pas zhu ba zhus pa/ bcom ldan 'das byang chub sems dpa' ci la gnas/ ci la brten te theg pa chen po la zhi gnas dang lhag mthong bsgom par bgyid lags/ bcom ldan 'das kyis bka' stsal ba/ byams pa chos gdags pa rnam par bzhag pa dang bla na med pa yang dag par rdzogs pa'i byang chub tu smon lam mi gtong ba la gnas shing brten nas so/ /bcom ldan 'das kyis zhi gnas dang lhag mthong gi dmigs pa bzhi po 'di lta ste/ rnam par rtog pa dang bcas pa'i gzugs brnyan dang/ rnam bar mi rtog pa'i gzugs brnyan dang/ dngos po'i mdza' dang/ dgongs pa yongs su grub pa zhes gang dag bstan pa de la/ bcom ldan 'das du zhig zhi gnas kyi dmigs ba lags/ bka' stsal pa /gcig ste rnam par mi rtog pa'i gzugs brnyan no/ /du zhig lhag mthong gi dmigs pa lags/ bka' stsal pa/ gcig kho na ste rnam par rtogs pa dang bcas pa'i gzugs brnyan no/ /du zhig de gnyi ga'i dmigs pa lags/ bka' stsal pa/ gzhis te 'di lta ste/ dngos po'i mdza' dang dgongs pa yongs su grub pa'o/ /bcom ldan 'das zhi gnas dang lhag mthong gi dmigs pa'i dngos po bzhi po de dag la brten cing gnas nas/ ji ltar zhi gnas yongs su tshol bar bgyid pa dang/ lhag mthong la mkhas pa lags /bka' stsal pa/ byams pa ngas chos gdags pa rnam par bzhag pa 'di lta ste/ mdo'i sde dang/ dbyangs kyi bsnyad pa'i sde dang/ lung bstan ba'i sde dang/ tshigs su bcad pa'i sde dang/ ched du brjod pa'i sde

  140. 70b

    dang/ gleng bzhi'i sde dang/ rtogs pa brjod pa'i sde dang/ de lta bu byung ba'i sde dang/ skyes pa rabs kyi sde dang/ shin tu rgyas pa'i sde dang/ rmad du byung ba'i chos kyi sde dang/ gtan la phab par bstan pa'i sde gang dag byang chub sems dpa' rnams la bshad pa de dag byang chub sems dpas legs par thos/ legs par gzung/ kha ten byed bar byas/ yid kyis legs par brtags/ mthong bas shin tu rtogs par byas nas de gcig pu dben par 'dug ste nang du yang dag bzhag nas ji ltar legs par bsams pa'i chos de dag nyid yid la byed cing/ sems gang gis yid la byed pa'i sems nang du rgyun chags su yid la byed pas yid la byed do/ /de ltar zhugs shing de la lan mang du gnas pa de la lus shin tu sbyangs pa dang/ sems shin tu sbyangs pa 'byung ba de ni zhi gnas zhes bya ste/ de ltar na byang chub semS dpa' zhi gnas yongs su tshol bar byed pa yin no/ /de la lus shin tu sbyangs pa dang sems shin tu sbyangs pa de thob nas de nyid la gnas te bsam pa'i rnam pa spangs nas/ ji ltar bsam pa'i chos de dag nyid nang du ting nge 'dzin gyi spyod yul gzugs brnyan du so sor rtog par byed mos par byed do/ /de ltar ting nge 'dzin gyi spyod yul gzugs brnyan de dag la shes bya'i don de rnam par 'byed pa dang rab tu rnam par 'byed pa dang/ yongs su rtog pa dang yongs su dpyod pa dang bzod pa dang 'dod pa dang bye brag 'byed pa dang lta ba dang rtogs pa gang yin pa de ni lhag mthong zhes bya ste/ de ltar na byang chub sems dpa' lhag mthong la mkhas pa yin no/ /bcom ldan 'das byang chub sems dpa' de ji srid du sems la dmigs pa'i sems nang du yid la bgyid pa na lus shin tu sbyangs pa dang sems shin tu spangs pa ma thob pa de'i bar du yid la bgyid pa de la ci zhes bgyi/ byams pa zhi gnas ni ma yin te/ zhi gnas kyi rjes su mthun pa'i mos pa dang mtshungs par ldan pa yin par brjod par bya'o/ /bcom ldan 'das byang chub sems dpa' ji srid du lus dang

  141. 71a

    sems shin tu sbyangs pa ma thob kyi bar du ji ltar legs par bsams pa'i chos de dag la ting nge 'dzin gyi spyod yul gzugs brnyan du yid la byed pa'i yid la bgyid pa de la ci zhes bgyi/ byams pa lhag mthong ni ma yin te/ lhag mthong dang rjes su mthun pa'i mos pa dang mtshungs par ldan pa'i yin par brjod par bya'o/ /bcom ldan 'das zhi gnas kyi lam dang/ lhag mthong gi lam tha dad ces bgyi 'am/ tha dad pa ma lags zhes bgyi/ bka' stsal pa/ byams pa tha dad pa yang ma yin/ tha dad pa ma yin pa yang ma yin zhes bya'o/ /ci'i phyir tha dad pa ma yin zhe na/ lhag mthong gi dmigs pa'i sems la dmigs pa'i phyir ro/ /ci'i phyir tha dad pa ma yin pa yang ma yin zhe na/ rnam par rtog pa dang bcas pa'i gzugs brnyan la rtog pa'i phyir ro/ /bcom ldan 'das rnam par lta bar bgyid pa'i ting nge 'dzin gyi spyod yul gzugs brnyan gang lags pa de ci lags/ de sems de dang tha dad pa zhes bgyi 'am/ tha dad pa ma lags zhes bgyi/ byams pa tha dad pa ma yin zhes bya'o/ /ci'i phyir tha dad pa ma yin zhe na/ gzugs brnyan de rnam par rig pa tsam du zad pa'i phyir te/ byams pa rnam par sheS pa ni dmigs pa rnam par rig pa tsam gyis rab tu phye ba yin no zhes ngas bshad do/ /bcom ldan 'das ting nge 'dzin gyi spyod yul gzugs brnyan de/ gal te sems de las tha dad pa ma lags na/ sems de nyid kyis sems de nyid la ji ltar rtog par bgyid lags/ bka' stsal pa/ byams pa de la chos gang yang chos gang la yang rtog par mi byed mod kyi /'o na kyang de ltar skyes pa'i sems gang yin pa de de ltar snang ngo/ /byams pa 'di lta ste dper na gzugs la brten nas me long gi dkyil 'khor shin tu yongs su dag pa la gzugs nyid mthong yang gzugs brnyan mthong ngo snyam du sems te/ de la gzugs

  142. 71b

    de la gzugs brnyan snang ba de don tha dad par snang ngo/ /de bzhin du de ltar skyes pa'i sems dang ting nge 'dzin gyi spyod yul gzugs brnyan zhes bya ba gang yin pa de'ang de las don gzhan yin pa lta bur snang ngo/ /bcom ldan 'das sems can rnams kyi gzugs la sogs par snang ba'i sems kyis/ gzugs brnyan rang bzhin du gnas pa gang lags pa de yang sems de dang tha dad pa ma lags pa zhes bgyi'am/ bka' stsal pa/ byams pa tha dad pa ma yin zhes bya ste/ byis pa phyin ci log gi blo can rnams la ni gzugs brnyan de dag la rnam par rig pa tsam de nyid yang dag pa ji lta ba bzhin mi shes pas phyin ci log tu sems so/ /bcom ldan 'das byang chub sems dpa' ji tsam gyis na gcig tu lhag mthong sgom pa lags/ bka' stsal pa/ gang gi tshe rgyun chags su yid la byed pas sems kyi mtshan ma yid la byed pa'o/ /ci tsam gyis ma gcig tu zhi gnas sgom pa lags/ bka' stsal pa/ gang gi tshe rgyun chags su yid la byed pas bar chad med pa'i sems nyid yid la byed pa'o/ /ji tsam gyis na zhi gnas dang lhag mthong gnyis 'dres par gyur te mnyam par zung du 'jug pa lags/ bka' stsal la/ gang gi tshe sems rtse gcig pa yid la byed pa'o/ /bcom ldan 'das sems kyi mtshan ma gang lags/ byams pa lha mthong gi dmigs pa ting nge 'dzin gyi spyod yul rnam par rtog pa dang bcas pa'i gzugs brnyan gang yin pa'o/ /bar chad ma mchis pa'i sems gang lags/ byams pa zhi gnas kyi dmigs pa gzugs brnyan la dmigs pa'i sems gang yin pa'o/ /sems rtse gcig pa nyid gang lags ting nge 'dzin gyi spyod yul gzuD brnyan de la 'di ni rnam par rig pa tsam yin no zhes bya bar rtogs te/ de rtogs nas kyang de bzhin nyid du yid la byed pa gang yin pa'o/ /bcom ldan 'das lhag mthong la rnam pa du mchis/ byams pa rnam pa gsum ste/ mtshan ma las byung ba dang/ yongs su

  143. 72a

    tshol ba las byung ba dang/ so sor rtog pa las byung ba'o/ /mtshan ma las gyur ba gang zhe na/ ting 'dzin gyi spyod yul rnam par rtog pa dang bcas pa'i gzugs brnyan 'ba' shig yid la byed pa'i lhag mthong gang yin pa'o// yongs su tshol ba las byung ba gang zhe na/ de dang der shes rab kyis shin tu legs par ma rtogs pa'i chos de dag nyid shin tu legs par rtogs par bya ba'i phyir yid la byed pa'i lhag mthong gang yin pa'o/ /so sor rtog pa las byung ba gang zhe na/ de dang der shes rab kyis shin tu legs par rtogs pa'i chos rnams la rnam par grol bas shin tu legs par bde ba la reg par bya ba'i phyir yid la byed pa'i lhag mthong gang yin pa'o/ /zhi gnas la rnam pa du mchis/ bka' stsal pa/ bar chad med pa'i sems de'i rjes su 'brang bas de yang rnam pa gsum du brjod par bya'o/ /byams pa yang zhi gnas ni rnam pa brgyad de/ bsam gtan dang po dang/ gnyis pa dang/ gsum pa dang/ bsam gtan bzhi pa dang/ nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched pa'o/ /yang rnam pa bzhi ste byams pa tshad med pa dang/ snying rje dang/ dga' ba dang/ btang snyoms tshad med pa'o/ / bcom ldan 'das zhi gnas dang lhag mthong ni chos la gnas pa zhes kyang bgyi/ chos la mi gnas pa zhes kyang bgyi na/ chos la gnas pa ni gang lags/ chos la mi gnas pa ni gang lags/ byams pa ji ltar gzung ba ngad? bsams pa'i chos kyi mtshan ma'i rjes su 'brang bas don la zhi gnas dang lhag mthong gang yin pa de ni chos la gnas pa yin no/ /gzung ba dang bsams pa'i chos la mi bltos par gzhan gyis gdams ngag dang rjes su bstan pa la brten nas don la zhi gnas dang lhag

  144. 72b

    mthong gang yin pa ste/ rnam par bsdos pa 'am/ rnam par brnags pa 'am/ de lta bu dang mthun pa rnams sam /'du byed thams cad mi rtag pa zhes bya ba'am/ sdug bsngal zhes bya ba 'am/ mya ngan las 'das pa zhi ba zhes bya ba 'am/ de lta bu dang mthun pa'i zhi gnas dang lhag mthong de ni chos la mi gnas pa yin par rig par bya'o/ /byams pa de la nga ni chos la gnas pa'i zhi gnas dang lhag mthong la brten nas/ byang chub sems dpa' chos kyi rjes su 'brang ba dbang po rnon por 'dogs so/ /chos la mi gnas pa la brten nas/ dad pas rjes su 'brang ba dbang po rtul por 'dogs so/ /bcom ldan 'das zhi gnas dang lhag mthong ni ma 'dres pa'i chos la dmigs pa zhes kyang bgyi/ 'dres pa'i chos la dmigs pa zhes kyang bgyi na/ ma 'dres pa'i chos la dmigs pa ni gang lags/ 'dres pa'i chos la dmigs pa ni gang lags/ byams pa gal te byang chub sems dpa' ji ltar gzung ba dang bsams pa'i chos rnams las mdo'i sde la sogs pa'i chos so so la dmigs pa'i zhi gnas dang lhag mthong sgom par byed pa de ni ma 'dres pa'i chos la dmigs pa'i zhi gnas dang lhag mthong yin no/ /gal te mdo'i sde la sogs pa'i chos de dag nyid gcig tu bzlum pa dang/ gcig tu bsdu ba dang/ gcig tu btul ba dang/ phung po gcig tu byas te chos 'di dag thams cad ni de bzhin nyid la gzhol ba/ de bzhin nyid la 'bab pa/ de bzhin nyid la bab pa/ byang chub la gzhol ba/ byang chub la 'bab pa/ byang chub la bab pa/ mya ngan las 'das pa la gzhol ba/ mya ngan las 'das pa la 'bab ba/ mya ngan las 'das pa la bab pa/ gnas gyur pa la gzhol ba/ gnas gyur pa la 'bab pa/ gnas gyur pa la bab pa dag ste/ chos 'di dag thams cad ni dge ba'i chos dpag tu med pa/ grangs med pa dag mngon par brjod pa yin

  145. 73a

    no snyam du yid la byed pa de ni 'dres pa'i chos la dmigs pa'i zhi gnas dang lhag mthong yin no/ /bcom ldan 'das zhi gnas dang lhag mthong ni 'dres pa chung du'i chos la dmigs pa zhes kyang bgyi/ 'dres pa chen mong gyur pa'i chos la dmigs pa zhes kyang bgyi/ 'dres pa tshad ma mchis pa'i chos la dmigs pa zhes kyang bgyi na/ 'dres pa chung du'i chos la dmigs pa ni gang lags/ 'dres pa chen por gyur pa'i chos la dmigs pa ni gang lags/ 'dres ba tshad ma mchis pa'i chos la dmigs pa ni gang lags/ byams pa mdo'i sde nas shin tu rgyas pa'i sde dang/ rmad du byung ba'i chos kyi sde dang/ gtan la bab par bstan pa'i sde'i bar dag so sor gcig tu bzlums te/ yid la byed pa'i zhi gnas dang lhag mthong ni 'dres pa chung du'i chos la dmigs pa yin par rig par bya'o/ /mdo'i sde la sogs pa de dag nyid ji snyed gzung ba dang bsams pa so sor gcig tu bzlums te/ yid la byed pa ni 'dres pa rgya chen bor gyur pa'i chos la dmigs pa yin par rig par bya'o/ /de bzhin gshegs pa rnams kyis chos bstan pa tshad med pa rnams dang/ chos kyi tshig dang yi ge tshad med pa rnams dang/ gong nas gong du shes rab dang spobs pa tshang med pa rnams gcig tu bzlums te yid la byed pa ni 'dres pa dang tshad med pa'i chos la dmigs pa yin par rig par bya'o/ /bcom ldan 'das byang chub sems dpa' ji tsam gyis na 'dres pa'i chos la dmigs pa'i zhi gnas dang lhag mthong thob par 'gyur lags byamS pa de ni rgyu lngas thob par 'gyur bar rig par bya ste/ 'di lta ste yid la byed pa'i cha skad cig skad cig la gnas ngan len gyi rten thams cad 'jig par byed pa dang 'du shes sna tshogs rnam par spangs te chos kyi kun dga' la dga' ba 'thob pa dang/

  146. 73b

    chos snang ba phyogs bcur tshad med cing rnam pa yongs su ma chad pa yang dag par shes pa dang/ dgos pa yongs su grub pa dang ldan pa rnam par dag pa'i cha dang 'thun pa'i mtshan ma rnam par ma brtags pa rnams de la kun tu 'byung ba dang chos kyi sku thob ba dang yongs su rdzogs pa dang yongs su 'grub par bya ba'i phyir rgyu gong ma bas ches gong ma bzang po bas ches bzang po yang dag par yongs su 'dzin par byed pa'o/ /bcom ldan 'das 'dres pa'i chos la dmigs pa'i zhi gnas lhag mthong de gang la rtogs shing 'thob par 'chal bar bgyi lags/ bka' stsal pa/ byams pa sa dang po rab tu dga' ? ni rtogs pa yin la/ sa gsum pa 'ang byed pa la ni thob par rig par bya ste/ byams pa de lta mod kyi byang chub sems dpa' las dang po pas kyang de la rjes su bslab cing yid la bya ba mi/ btang bar bya'o/ /bcom ldan 'das ji ltar na zhi gnas dang lhag mthong rtog pa dang bcas shing dpyod pa dang bcas pa'i ting nge 'dzin du 'gyur ba lags/ ji ltar na rtog pa ma mchis shing dbyed pa tsam du 'gyur pa lags/ ji ltar rtog pa ma mchis pa dang/ dpyod pa ma mchis par 'gyur ba lags/ byams pa ji ltar bzung zhing brtags pa dang dpyad pa'i chos rnams la de dag gi mtshan ma gsal zhing ragS pa myong ba'i rjes su dpyod pa'i zhi gnas dang lhag mthong gang yin pa de ni rtog pa dang bcas shing dpyod pa dang bcas ba'i ting nge 'dzin yin no/ /de dag nyid kyi mtshan ma gsal zhing rags pa myong ba'i rjes su sbyor? pas ni mor kyi/ 'on kyang de snang ba'o la spyi'i dran pa tsam phra mo myong ba'i rjes su dpyod pa'i zhi gnas dang lhag mthong gang yin pa de ni rtog pa med cing dpyod pa tsam kyi ting nge 'dzin yin no/ /de dag gi mtshan ma la thams cad kyi thams cad du lhun gyis grub par chos myong ba yid la byed pas rnam par spyod pa'i zhi gnas dang lhag mthong gang yin pa de ni rtog pa med pa dang dpyod pa med pa'i ting nge 'dzin to/ /byams pa yang chos yongs su tshol

  147. 74a

    ba las byung ba'i zhi gnas dang lhag mthong gang yin pa de ni rtag pa dang bcas shing dpyod pa dang bcas pa'i ting nge 'dzin yin no/ /so sor rtog pa las byung ba'i gang yin pa de ni rtog pa med cing dpyod pa tsam gyi ting nge 'dzin yin no/ /'dus pa'i chos la dmigs pa gang yin pa de ni rtog pa med? pa dang dpyod pa med pa'i ting nge 'dzin yin no/ /bcom ldan 'das zhi gnas kyi rgyu mtshan ni gang lags/ rab tu 'dzin pa'i rgyu mtshan ni gang lags/ btang snyoms kyi rgyu mtshan ni gang lags/ byams pa sems rgod pa 'am rgod du dogs pa na kun tu skyo bar 'gyur ba dang mthun pa'i chos rnams dang/ bar chad pa'i sems de yid la byed pa gang yin pa de ni zhi gnas kyi rgyu mtshan zhes bya'o/ /byams pa sems bying dam bying du dogs pa na mngon par dga' bar 'gyur ba dang 'thun pa'i chos rnams dang/ sems kyi mtshan ma de yid la byed pa gang yin pa de ni rab tu 'dzin pa'i rgyu mtshan zhes bya'o/ /byams pa zhi gnas la gcig tu nges pa 'am/ lhag mthong la gcig tu nges pa 'am/ zung du 'brel pa'i lam yang rung ste/ de gnyi ga'i nye ba'i nyon mongs pas nye bar nyon mongs par byed pa la sems rang gi dang gis 'jug pa na/ yid la byed pa lhun gyis grub pa gang yin pa de ni btang snyoms kyi rgyu mtshan zhes bya'o/ /bcom ldan 'das byang chub sems dpa' zhi gnas dang lhag mthong sgom pa chos so so yang dag par rig pa dang /don so so yang dag par rig pa lags na/ ji ltar chos so so yang dag par rig pa lags/ byams pa rnam pa lngas chos so so yang dag par rig pa yin te/ ming dang/ tshig dang/ yi ge dang/ so so ba dang/ bsdus pas so/ /ming gang zhe na/ kun nas nyon mongs pa pa dang rnam par byang pa'i chos rnams la ngo bo nyid dang bye brag gi ming du bya bar btags pa gang yin pa'o/ /tshig gang zhe na/ kun nas nyon mongs pa dang rnam par byang ba pa'i

  148. 74b

    don rjes su tha snyad gdags pa'i phyir gnas dang rten ming de dag nyid kyi chags? la brten pa gang yin pa'o/ /yi ge gang zhe na/ de gnyi ga'i gnas kyi yi ge 'bru gang yin pa'o/ /de dag so so las so so yang dag par rig pa gang zhe na/ ma 'dres pa la dmigs pa'i yid la byed pas so so yang dag par rig pa gang yin pa'o/ /bsdus pa las so so yang dag par rig pa gang zhe na/ 'dres pa la dmigs pa'i yid la byed pas so so yang dag par rig pa gang yin pa'o/ /de dag thams cad gcig tu bsdus nas so so yang dag par rig pa zhes bya ste/ de ltar na chos so so yang dag par rig pa yin no/ /byang chub sems dpas rnam pa bcus don so so yang dag par rig pa yin te/ ji snyed yod pa nyid dang/ ji lta ba bzhin du yod pa nyid dang/ 'dzin pa'i don dang/ gzung ba'i don dang/ gnas kyi don dang/ longs spyod kyi don dang/ phyin ci ma log pa'i don dang/ kun nas nyon mongs pa'i don dang/ rnam par byang ba'i don gyis so/ /byams pa de la kun nas nyon mongs pa dang rnam pa byang ba pa'i chos rnams la rnam par rab tu dbye ba thams cad kyi mthar thug pa gang yin pa de ni ji snyed yod pa nyid yin te/ 'di lta ste/ phung po rnams kyi grangs ni lngas so/ /nang gi skye mched rnams kyi grangs ni drug gis so/ /phyi rol gi skye mched rnams kyi yang grangs drug kho nas so zhes bya ba la sogs pa'o/ /byams pa de la kun nas nyon mongs pa dang rnam par byang ba pa'i chos de dag nyid kyi de bzhin nyid gang yin pa de ni ji lta ba bzhin du yod pa nyid yin te/ de yang rnam pa bdun te?/ 'byung ba'i de bzhin nyid ni 'du byed rnams kyi thog ma dang tha ma med pa nyid gang yin pa'o/ /mtshan nyid kyi de bzhin nyid ni chos thams cad kyi gang zag bdag med pa dang chos bdag med pa'o/ /rnam par rig pa'i de bzhin nyid ni 'du byed rnams rnam par rig pa tsam nyid gang yin pa'o/ /

  149. 75a

    gnas pa'i de bzhin nyid ni ngas sdug bsngal gyi bden pa bstan pa gang yin pa'o/ /log par bsgrub pa'i de bzhin nyid ni ngas kun 'byung pa'i bden pa bstan pa gang yin pa'o/ /rnam par dag pa'i de bzhin nyid ni ngas 'gog pa'i bden pa bstan pa gang yin pa'o/ /yang dag par sgrub pa'i de bzhin nyid ni ngas lam gyi bden pa bstan pa gang yin pa'o/ /byams pa de la 'byung ba'i de bzhin nyid gang yin pa dang/ gnas pa'i de bzhin nyid gang yin pa dang/ log par sgrub pa'i de bzhin nyid gang yin pa des ni sems can thams cad mtshungs shing mnyam mo/ /byams pa de la mtshan nyid gang yin pa de dang/ rnam par rig pa'i de bzhin nyid gang yin pa nges ni chos thams cad mtshungs shing mnyam mo/ /byams pa de la rnam par dag pa'i de bzhin nyid gang yin pa de ni nyan thos kyi byang chub gang yin pa dang rang sangs rgyas kyi byang chub gang yin pa dang/ bla na med pa yang dag par rdzogs pa'i byang chub gang yin pa'i byang chub thams cad mtshungs shing mnyam mo/ /byams pa de la yang dag par sgrub pa'i de bzhin nyid gang yin pa ngos ni thos pa thams cad 'dres pa'i chos la dmigs pa'i zhi gnas dang lhag mthong gis bsdus pa'i shes rab mtshungs shing mnyam mo/ /byams pa de la 'dzin pa'i don ni skye mched gzugs can lnga dang/ sems dang yid dang rnam par shes pa dang/ sems las byung ba'i chos rnams so/ /byams pa de gzung ba'i don ni phyir rol gyi skye mched drug po dag yin no/ /byams pa yang 'dzin pa'i don gang yin pa de ni gzung ba'i don kyang yin no/ /byams pa de la gnas kyi don ni 'jig rten gyi khams gang yin pa ste /gang la gnas na sems can gyi khams snang ba'o/ /'di lta ste/ grong tshigs dang/ grong tshigs brgya dang/ de stong dang/ de 'bum dang/ rgya mtsho la thug pa'i sa dang/ de brgya dang/ de stong dang/

  150. 75b

    de 'bum dang/ dzam+bu gling dang/ de brgya dang/ de stong dang/ de 'bum dang/ gling bzhi dang/ de brgya dang/ de stong dang/ de 'bum dang/ stong gi 'jig rten gyi khams dang/ de brgya dang/ de stong dang/ de 'bum dang/ stong gnyis pa bar ma'i 'jig rten gyi khams dang/ de brgya dang/ de stong dang/ de 'bum dang/ stong gsum gyi stong chen po'i 'jig rten gyi khams dang/ nga brgya dang/ de stong dang/ de 'bum dang/ bye ba dang/ bye ba de phrag brgya dang/ bye ba de phrag stong dang/ bye ba de phrag 'bum dang/ de grangs med pa dang grangs med pa de brgya dang/ grangs med pa de stong dang /grangs med pa de 'bum dang/ phyogs bcu dag gi 'jig rten gyi khams dpag tu med pa dang grangs med pa dang stong gsum gyi stong chen po'i 'jig rten gyi khams grangs med pa phrag 'bum gyi rdul phra rab kyi rdul snyed ngag go /byams pa de la longs spyod kyi don ni yongs su spyang pa'i phyir ngas sems can rnams kyi yongs su gzung ba dang yo byad bstan pa gang dag yin pa rnams so/ /byams pa de la phyin ci log gi don ni 'dzin pa la sogs pa'i bdag nyid la mi rtag pa la rtag par 'du shes phyin ci log dang/ sems phyin ci log dang/ lta ba phyin ci log dang/ sdug bsngal la bde ba dang/ mi gtsang ba la gtsang ba dang/ bdag med pa la bdag tu 'du shes phyin ci log dang/ sems phyin ci log dang/ lta ba phyin ci log gang yin pa'o/ /byams pa de la phyin ci ma log pa'i don ni de las bzlog pa ste/ de'i gnyen po yin par rig par bya'o/ /byams pa de la kun nas nyon mongs pa'i don ni rnam pa gsum ste/ khams gsum pa'i nyon mongs pa'i nyon mongs pa dang/ las kyi dun nas nyon mongs pa dang/ skye ba'i kun nas nyon mongs pa'o/ /byams pa de la rnam par byang ba'i don ni kun nas nyon mongs pa rnam pa gsum po de dag nyid dang bral bar bya ba'i byang

  151. 76a

    chub kyi phyogs dang mthun ba'i chos gang dag yin pa rnams so/ /byams pa rnam pa bcu po dag gis don thams cad bsdus par rig pa bya'o/ /byams pa yang byang chub sems dpas rnam pa lngas don so so yang dag par rig pa yin te don dam pa rnam pa lnga gang zhe na/ yongs su shes par bya ba'i dngos po dang/ yongs su shes par bya ba'i don dang/ yongs su shes pa dang/ yongs su shes pa'i 'bras bu thob pa dang/ de rab tu rig par bya'o/ /byams pa de la yongs su shes par bya ba'i dngos po ni shes bya thams cad yin par blta bar bya ste/ 'di lta ste phung po rnams zhes bya ba 'am nang gi skye mched rnams zhes ba'am/ phyi rol gi skye mched rnams zhes bya ba 'am/ /de lta bu la sogs pa dag go /byams pa de la yongs su shes par bya ba'i don ni rnam pa ji snyed kyis shes bya de ji lta ba bzhin du shes par bya ba ste/ 'di lta ste kun rdzob dang don dam pa dang skyon dang yon tan dang rkyen dang dus dang skye ba dang gnas pa dang 'jig pa'i mtshan nyid dang/ nang la sogs pa dang sdug bsngal dang kun 'byung ba la sogs pa dang de bzhin nyid dang yang dag pa'i mdza' dang chos kyi dbyings dang bsdu ba dang dbye ba dang mgo gcig tu lan gdab pa dang rnam par dbye ba dang dris te lan gdab pa dang bzhag pa dang gsang ba dang bsgrags pa dang de lta bu dang mthun pa ni yongs su shes par bya ba'i don yin par rig? par bya'o/ /byams pa re la yongs su shes pa de ni de gnyi ga 'dzin par byed pa bang chub kyi phyogs dang mthun pa'i chos gang yin pa dag ste/ 'di lta ste/ dran pa nye bar gzhag pa rnams dang/ yang dag pa'i spong ba rnams dang/ de la sogs pa'o/ /byams pa de la yongs su shes pa'i 'bras bu 'thob pa ni 'di lta ste/ 'dod chags dang/ zhe sdang dang/ gti mug 'dul ba dang/ 'dod chags dang zhe sdang gti mug ma lus par spong ba dang/ dge spyod nyid kyi 'bras bu rnams dang/ des nyan

  152. 76b

    thos dang de bzhin gshegs pa'i yon tan 'jig rten pa dang/ 'jig rten las 'das pa thun mong ba dang thun mongs ma yin pa gang dag bstan pa de dag mngon du bya ba gang yin pa'o/ /byams pa de la rab tu rig pa byed pa ni mngon sum du bya ba'i chos de dag nyid la rnams par grol par shes pa dang/ gzhan dag la yang rgya cher ston pa dang/ yang dag par ston pa gang yin pa ste/ byams pa don lnga po de dag gis kyang don thams cad bsdus par rig par bya'o/ /byamS pa yang byang chub sems rabs rnam pa bzhis don so so yang dag par rig pa yin te/ don rnam pa bzhi gang zhe na /sems kyi len pa'i don dang/ myong ba'i don dang/ rnam par rig pa'i don dang/ kun nas nyon mongs pa dang rnam par byang ba'i don gyis te/ byams pa don rnam pa bzhi po de dag gis kyang don thams cad bsdus par rig par bya'o/ /byams pa yang byang chub sems dpas rnam pa gsum gyis don so so yang dag par rig pa yin te/ don rnam pa gsum gang zhe na/ tshig 'bru'i don dang/ don gyi don dang/ khams gyi don gyis so/ /byams pa de la tshig 'bru'i don ni ming gi tshogs la sogs pa yin par blta bar ba'o/ /byams pa de la don gyi don ni rnam pa bcur rig par bya ste/ de kho na'i mtshan nyid rang yongs su shes pa'i mtshan nyid dang/ spang ba'i mtshan nyid dang/ mngon du bya ba'i mtshan nyid dang/ bsgom pa'i mtshan nyid dang/ de kho na'i mtshan nyid la sogs pa de dag? nyid kyis rnam pa rab tu dbye ba'i mtshan nyid dang/ gnas dang gnas par 'brel ba'i mtshan nyid dang/ yongs su shes pa la sogs pa'i bar du gcod pa'i chos kyi mtshan nyid dang/ rjes su mthun pa'i chos kyi mtshan nyid dang/ yongs su ? pa la sogs pa dang yongs su shes pa la sogs pa'i nyes dmigs dang phan yon gyi mtshan nyid do/ /byams pa de la khams kyi don ni khams lnga ste/ 'jig rten gyi khams dang/ sems can gyi khams dang/ chos kyi khams

  153. 77a

    dang/ gdul ba'i khams dang/ gdul ba'i thabs kyi khams te/ byams pa don rnam pa gsum po de dag gis kyang don thams cad bsdus par rig par bya'o/ /bcom ldan 'das thos pa las byung ba'i shes rab kyis ni don so so yang dag par rig pa gang lags pa dang/ bsam pa las byung ba'i shes rab kyis don so so yang dag par rig pa gang lags pa dang/ bcom ldan 'das zhi gnas dang lhag mthong bsgom pa las byung ba'i shes rab kyis don so so yang dag par rig pa gang lagS pa de dag tha dad du bgyi bci mchis lags/ bka' stsal pa/ byams pa byang chub sems dpas thos pa las byung ba'i shes rab kyis ni tshig 'brul gnas pa dang sgra ji bzhin pa dang/ dgongs pa med pa/ mngon du ma gyur pa/ rnam par thar pa'i rjes su mthun pa/ rnam par thar par byed pa ma yin pa'i don so so yang dag par rig par byed do/ /byams pa bsams pa las byung ba'i shes rab kyis ni tshig 'bru la gnas ba kho na yin la/ sgra ji bzhin ma yin pa/ dgongs pa can mngon du ma gyur pa/ rnam par thar pa dang chos rjes su mthun pa/ rnam par thar par byed pa ma yin pa'i don so so yang dag par rig par byed do/ /byams ba byang chub sems dpas bsgoms pa las byung ba'i shes rab kyis ni tshig 'bru la gnas pa dang/ tshig 'bru la gnas pa ma yin pa dang/ sgra ji bzhin pa dang/ dgongs pa can dang/ shes bya'i dngos po dang cha mthun pa'i ting nge 'dzin gyi spyod yul gyi gzugs brnyan gyi mngon du gyur pa rnam par thar pa dang chos shin tu rjes su mthun pa dang rnam par thar par byed pa'i don kyang so so yang dag par rig par bya'o/ /byams pa de dag gi tha dad du bya ba ni de yin no zhes bcom ldan 'das kyis bka' stsal to/ /bcom ldan 'das byang chub sems dpa' zhi gnas dang lhag mthong bsgom pa chos so so yang dag par rig

  154. 77b

    pa dang/ don so so yang dag par rig pa'i shes pa ni gang lags/ mthong ba ni gang lags/ byams pa ? ni shes pa dang mthong ba rnams grangs du mas ston par byed mod kyi/ 'on kyang mdor bsdus te bshad par bya'o/ /'dres pa'i chos la dmigs pa'i zhi gnas dang lhag mthong gi shes rab gang yin pa de ni shes pa yin no/ /ma 'dres pa'i chos la dmigs pa'i zhi gnas dang lhag mthong gi shes rab gang yin pa de ni mthong ba yin no/ /bcom ldan 'das byang chub sems dpa' zhi gnas dang lhag mthong bsgom pas yid la bgyir? pa gang gis mtshan ma gang ji ltar rnam par sel bar bgyid lags/ byams pa de bzhin nyid yid la byed pas chos kyi mtshan ma dang don gyi mtshan rnam par sel bar byed la/ ming la ming gi ngo bo nyid kyang mi dmigs shing/ de'i gnas kyi mtshan ma yang dag par rjes su mi mthong ba rnam par sel lo/ /ming la ji lta ba bzhin du tshig dang yi ge dang don thams cad la yang de bzhin du rig par bya'o/ byams pa khams kyi bar la khams kyi ngo bo nyid mi dmigs shing de'i gnas mtshan ma yang yang dag par rjes su mi mthong bas rnam par sel to/ /bcom ldan 'das ci lags/ de bzhin nyid kyi don so so yang dag par rig pa'i mtshan ma gang lags pa de yang rnam par sel bar bgyid lags sam/ byams pa de bzhin nyid kyi don so sor yang dag par rig pa la ni mtshan ma med de/ mi dmigs na de la ci zhig rnam par sel bar 'gyur te/ byams pa de bzhin nyid kyi don so so yang dag par rig pa ni chos dang don gyi mtshan ma thams cad zil gyis nor gyi/ de ni gang gis kyang zil gyis mnan par bya ba yin par da mi smra'o/ /bcom ldan 'das bcom ldan 'das kyis chab rnyog ma can mchis pa'i snod kyi dpe dang me long yongs su ma dag pa'i dpe dang/ 'tshe'u 'khrugs bzhi dpes ji ltar rang gi bzhin gyi mtshan ma brtag par mi nus la/ de

  155. 78a

    las bzlog pas ni nus pa de bzhin du ma bsgoms pa'i sems kyis yang dag ba ji lta ba bzhin shes par mi nus kyi/ bsgoms pas ni nus so zhes bka' stsal pa de la sems kyis so sor brtag pa ni gang lags /de bzhin nyid ni gang la dgongs te bka' stsal lags/ bka' stsal pa/ byams pa sems kyis so sor brtag pa rnam pa gsum gyi phyir te/ thos pa las byung ba'i sems kyis so sor brtag pa dang/ bsams pa las byung ba'i sems kyis so sor brtag pa dang/ bsgoms pa las byung ba'i sems kyis so sor brtag pa'o/ /rnam par rig pa'i de bzhin nyid las dgongs te yongs su bstan pa yin no/ /bcom ldan 'das byang chub sems dpa' de ltar chos dang don so so yang dag par rig pa dang mtshan ma rnam par sel pa la zhugs pa'i mtshan ma du zhig ni rnam pa bsal bka' ba dag lags la/ gang gis ni de dag rnam par sel lags /byams pa bcu ste/ de dag ni stong pa nyid kyis rnam par sel to/ /bcu gang zhe na/ chos kyi don so so yang dag par rig par byed pa ni/ tshig dang yi ge'i mtshan ma sna tshogs gang yin pa de ni chos thams cad stong pa nyid kyis rnam par sel to/ /gnas pa'i de bzhin nyid kyi don so sor yang dag par rig par byed pa na/ skye ba dang/ 'jig pa dang/ gnas pa dang gzhan du 'gyur ba nyid kyi rgyun gyi rjes su 'jug pa'i mtshan ma gang yin pa de ni mtshan nyid stong pa nyid kyis kyang rnam par sel la/ de ni thog ma dang tha ma med pa stong ba nyid kyis kyang rnam par sel to/ /'dzin pa'i don so sor yang dag par rig par byed pa'i 'jig tshogs lta ba'i mtshan ma dang/ nga'o snyam pa'i mtshan ma gang yin pa de ni nang stong pa nyid dang/ mi dmigs pa stong pa nyid kyis rnam par sel to/ /gzung ba'i don so sor yang dag par rig pa na longs spyod la blta?

  156. 78b

    pa'i mtshan ma gang yin pa de ni phyi stong pa nyid kyis rnam par sel to/ /yongs su longs spyod pa'i don du skyes pa dang bud med kyis bsnyen bkur dang yo byang dang ldan pa so so yang dag par rig par byed pa na nang gi bde ba'i mtshan ma dang/ phyi rol gyi sdug pa'i mtshan ma gang yin pa de ni phyi nang stong pa nyid dang/ rang bzhin gyis stong pa nyid kyis rnam par sel to/ /gnas kyi don so sor yang dag par rig par byed pa na/ tshang med pa'i mtshan ma gang yin pa de ni chen po stong pa nyid kyis rnam mar? sel to/ /gzugs med pa la brten te nang gi zhi ba rnam par thar pa'i mtshan ma gang yin pa de ni 'dus byas stong pa nyid kyis rnaM par sel to/ /mtshan nyid bzhin nyid kyi don so sor yang dag par rig par byed pa na gang zag bdag med pa'i mtshan ma dang chos bdag med pa'i mtshan ma dang rnam bar rig pa tsam gyi mtshan ma dang don dam pa'i mtshan ma gang yin pa de ni mdza' las 'das pa stong pa nyid dang dngos po med pa stong pa nyid dang/ dngos po med pa'i ngo bo nyid stong pa nyid dang/ don dam pa stong pa nyid kyis rnam par sel to/ /rnam par dag pa'i de bzhin nyid kyi don so sor yang dag par rig par byed pa na 'dus ma byas kyi mtshan ma dang 'gyur ba med pa'i mtshan ma gang yin pa de ni 'dus ma byas stong pa nyid dang dor ba med pa stong pa nyid kyis rnam par sel to/ /mtshan ma de'i gnyen po stong pa nyid de yid la byed pa'i stong pa nyid kyi mtshan ma gang yin pa de ni stong pa nyid stong pa nyid kyis sel to/ /bcom ldan 'das mtshan ma rnam pa bcu rnam par sel bar bgyid pa na/ mtshan ma gang rnam par sel bar bgyid cing mtshan mI 'ching ba gang las rnam par grol bar 'gyur lags byams pa ting nge 'dzin gyi spyod yul gzugs brnyan gyi mtshan ma rnam par sel bar byed cing/ kun nas nyon mongs pa'i 'ching ba'i mtshan ma las yongs su grol bar 'gyur la de yang rnam par sel to/ /byams

  157. 79a

    pa stong pa nyid de dag ni dngos su na mtshan ma de dag gi gnyen por gyur pa yin par rig par bya'o/ /re re yang mtshan ma thams cad kyi gnyen por mi 'gyur ba ni ma yin no/ /byams pa 'di lta ste dper na ma rig pa nas rga? shi'i bar gyi kun nas nyon mongs pa? 'grub par mi byed pa ma yin mod kyi/ nye bar dang shin tu nye ba'i rkyen nyid yin pa'i phyir dngos su na 'du byed 'grub par byed pa yin par bstan pa bzhin du 'di la yang tshul de bzhin du blta bar bya'o/ /bcom ldan 'das theg pa chen po la byang chub sems dpa' rnams kyis gang rtogs na steng pa nyid kyi mtshan nyid la mngon pa'i nga rgyal ma mchis pas rab tu nyams par mi 'gyur ba'i stong pa nyid kyi stong pa nyid kyi mtshan nyid bsdus pa gang lags /de nas bcom ldan 'das kyis byang chub sems dpa' byams pa la legs so legs so zhes bya ba byin te/ byams pa khyod de ltar byang chub sems dpa' rnams stong pa nyid las rab tu nyams par mi 'gyur bar bya ba'i pyir de bzhin gshegs pa la khyod don 'di nyid 'dri ba legs so legs so/ /de ci'i phyir zhe na/ byams pa byang chub sems dpa' stong pa nyid las rab tu nyams pa ni theg pa chen po mdza' dag las kyang rab tu nyams par 'gyur ba'i phyir ro/ /byams pa de'i phyir nyon cig dang stong pa nyid kyi mchan nyid bsdus pa khyod la bshad par bya'o/ /byams pa gzhan gyi dbang gi mtshan nyid dang yongs su grub pa'i mtshan nyid rnam pa thams cad du kun nas nyon mongS/ pa dang rnam par byang ba pa'i kun btags pa'i mtshan nyid dang shin tu rnam par bral ba nyid dang/ de de la mi dmigs pa gang yin pa de ni theg pa chen po la stong pa nyid kyi mtshan nyid bsdus pa zhes bya'o/ /bcom ldan 'das zhi gnas dang lhag mthong dag gis ting nge 'dzin du zhig bsdus lags/ bka' stsal pa/ byams pa ngas nyan thos rnams dang/ byang chub sems dpa' rnams dang/ de bzhin gshegs pa rnams kyi ting nge 'dzin rnam pa du ma

  158. 79b

    bstan pa gang dag yin pa de dag thams cad bsdus par rig par bya'o/ /bcom ldan 'das zhi gnas dang lhag mthong rgyu gang las byung ba lags/ byams pa tshul khrims rnam par dag pa'i rgyu las byung ba dang/ thos pa dang bsams pa las byung ba'i lta ba rnam par dag pa'i rgyu las byung ba yin no/ /bcom ldan 'das de dag gi 'bras bu gang lags par brjod par bgyi/ byams pa sems rnam par dag pa ni 'bras bu yin/ shes rab rnam par dag ba ni 'bras bu yin/ shes rab rnam par dag ba ni 'bras bu yin no/ /byams pa yang nyan thos rnamS kyi 'am/ byang chub semS dpa' rnams kyi 'am/ de bzhin gshegs pa rnams kyi dge ba'i chos 'jig rten pa dang 'jig rten las 'das pa thams cad kyang zhi gnas dang lhag mthong gi 'bras bu yin par rig par bya'o/ /bcom ldan 'das zhi gnas dang lhag mthong gi las ci lags/ byams pa 'ching ba rnam pa gnyis po mtshan mo'i 'ching ba dang gnas ngan len gyi 'ching ba las rnam par thar bar byed pa yin no/ /bcom ldan 'das bcom ldan 'das kyis gags rnam pa lnga gsungs pa gang dag lags pa de dag las du ni zhi gnas kyi gags dag lags/ du ni lhag mthong gi gags dag lags/ du ni gnyi ga'i gags dag lags/ byams pa lus dang longs spyod la lta ba ni zhi gnas kyi gags yin no/ /'phags pa'i gtam 'dod pa bzhin ma thob pa ni lhag mthong gi gags yin no/ /'dres par gnas pa dang cung zad tsam gyis chog par 'dzin pa ni de gnyis ka'i gags yin te/ de la'ang gcig gis ni sbyor bar mi byed do/ /cig shos kyis mi sbyor ba mthar thug par mi 'gyur ro/ /bcom ldan 'das sgrib pa lnga po gang dag lags pa de dag las du ni zhi gnas kyi sgrib pa lags/ du ni lhag mthong gi sgrib pa dag lags/ du ni gnyi ga'i sgrib pa dag lags/ byam pa rgod pa dang 'gyod pa ni zhi gnas kyi sgrib pa yin no/ /rmugs pa dang gnyid dang the tshom ni lhag mthong gi sgrib pa yin no/ /'dod pa la 'dun pa dang

  159. 80a

    gnod sems ni de gnyi ga'i sgrib pa yin no/ /bcom ldan 'das ji tsam gyis na zhi gnas kyi lam yon yongs su dag pa lags/ byams pa gang gi tshe rmugs pa dang gnyid legs par rab tu chom par gyur pa'o/ /bcom ldan 'das ji tsam gyis na lhag mthong gi lam yongs su dag pa lags/ khyams pa gang gi tshe rgod pa dang 'byed pa legs par rab tu choms par gyur pa'o/ /bcom ldan 'das byang chub sems dpa' zhi gnas dang lhag mthong la zhugs pa rnam pas du dag gis sems rnam par g.yeng ba yongs su 'tshal bar bgyi legs/ bka' stsal pa/ byams pa rnam pa lnga ste yid la byed pa'i rnam par g.yeng ba dang phyi rol tu sems rnam par g.yeng ba dang nang du sems rnam par g.yeng pa dang mtshan ma'i rnam par g.yeng ba dang gnas ngan len gyi rnam par g.yeng pas so/ /byams pa gal te byang chub sems dpa' theg pa chen po dar ldan pa'i yid la byed pa btang ste/ nyan thos dang rang sangs rgyas dang ldan pa'i yid la byed par rab tu ltung? na de ni yid la byed pa'i rnam par g.yeng pa yin no/ /gal te phyi rol gyi 'dod pa'i yon tan lnga po dag dang/ 'du 'dzi dang/ mtshan ma dang/ rnam par rtog pa dang/ nye ba'i nyon mongs pa dang/ phyi rol gyi dmigs pa rnams la sems rnam par 'gro bar gtong ba de ni phyi rol tu sems rnam par g.yeng ba yin no/ /gal te rmugS pa dang/ gnyid kyis phyir ba 'am snyoms par 'jug pa'i ro myong ba 'am /snyoms par 'jug pa'i nye ba'i nyon mongs pa gang yang rung bas nyon mongs bar gyur na de ni nar du sems rnam par g.yeng ba yin no/ /gal te phyi rol gyi mtshan ma la brten nas nang gi ting 'dzin gyi spyod yul gyi mtshan ma yid la byed na de ni mtshan ma'i rnam par g.yeng ba yin no/ /gal te nang gi yid la byed pa la brten nas byung ba'i tshor ba la gnas ngan len gyi tshogs kyis nga'o snyam du rlom sems su byed na de ni gnas ngan

  160. 80b

    len gyi rnam par g.yeng ba yin no/ /bcom ldan 'das zhi gnas dang lhag mthong dag byang chub sems dpa' i sa dang po nas bzung ste /de bzhin gshegs pa'i sa'i bar la gang gi gnyen po lags/ byams pa zhi gnas dang lhag mthongs dang po la ngan song pa'i nyon mongs pa dang las dang skye ba'i kun nas nyon mongs pa'i gnyen po yin no/ /gnyis pa la ni ltung ba phra mo'i 'khrul pa kun tu 'byung ba rnams kyi'o/ /gsum pa la ni 'dod pa'i 'dod chags kyi'o/ /bzhi pa la ni snyoms par 'jug pa la sred pa dang chos la sreng pa'i 'o/ /lnga pa la ni 'khor ba dang mya ngan las 'das pa dag la gcig tu mi phyogs pa nyid dang mngon du mi phyogs pa nyid kyi'o/ /drug pa la ni mtshan ma mang po kun tu 'byung ba'i'o/ /bdun pa la ni mtshan ma phra mo kun tu 'byung ba'i 'o/ /brgyad pa la ni mtshan ma med pa la stsol ba dang/ mtshan ma la dbang du ma gyur pa'i'o/ /dgu pa la ni rnam pa thams cad du chos ston pa la dbang du ma gyur pa'i'o/ /bcu pa la ni chos kyi sku yongs su rdzogs pa so so yang dag par rig pa mi 'thob pa'i'o// byams pa zhi gnas dang lhag mthong de bzhin gshegs pa'i sa la ni nyon mongs pa dang shes bya'i sgrib pa shin tu phra ba mchog tu ches shin tu phra ba'i gnyen po yin te/ de legs par bcom pas chos kyi sku shin tu rnam par dag pa la gnas pa na dgos pa yongs su grub pa'i dmigs pa la thams cad du chags pa med pa dang thogS pa med pa'i shes pa dang mthong ba thob bo/ /bcom ldan 'das byang chub sems dpa' zhi gnas dang lhag mthong la ji ltar bsgrub na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ bcom ldan 'das kyis bka' stsal pa/ byams pa 'di la byang chub sems dpa' zhi gnas dang lhag mthong thob nas /de bzhin nyid rnam pa bdun

  161. 81a

    las brtsams te/ ji ltar thos pa dang bsams pa'i chos rnams la mnyam par gzhag pa'i sems kyis legs par gzung ba dang/ legs par bsams pa dang/ legs par rnam par bzhag pa'i de bzhin nyid de nyid nang du yod la byed de/ de ltar na de de bzhin nyid yid la byed pa na mtshan ma phra mo kun tu 'byung ba thams cad la yang re zhig sems lhag par btang snyoms su 'jog na/ rags pa dag la lta smos kyang ci dgos/ byams pa de la mtshan ma phra mo ni 'di dag yin te/ sems kyi len pa'i mtshan ma 'am /myong ba'i mtshan ma'am/ rnam par rig pa'i mtshan ma 'am/ kun nas nyon mongs pa dang rnam par byang ba'i mtshan ma 'am/ nang gi mtshan ma 'am/ phyi rol gyi mtshan ma 'am/ de gnyi ga'i mtshan ma 'am/ sems can thams cad kyi don la sbyar bar bya'o snyam pa'i mtshan ma 'am/ shes pa'i mtshan ma 'am/ de bzhin nyid dang/ sdug bsngal dang/ kun 'byung ba dang/ 'gog pa dang lam gyi mtshan ma 'am/ 'dus byas kyi mtshan ma 'am/ 'dus ma byas kyi mtshan ma 'am/ rtag pa'i mtshan ma 'am/ mi rtag pa'i mtshan ma 'am/ sdug bsngal 'gyur ba dang bcas pa'i rang bzhin gyi mtshan ma 'am/ de mi 'gyur ba'i rang bzhin gyi mtshan ma 'am/ 'dus byas kyi mtshan nyid mi 'dra ba'i mtshan ma 'am/ de'i rang gi mtshan nyid kyi mtshan ma 'am/ thams cad thams cad ces bya bar rig nas thams cad kyi mtshan ma 'am/ gang zag la bdag med pa'i mtshan ma 'am/ chos la bdag med pa'i mtshan ma gang dag yin pa ste/ de dag kun tu 'byung ba la sems lhag par btang snyoms su 'jog go /de ltar zhugs shing de la mang du gnas pa dus dus su gags dang sgrib pa dang rnam par g.yeng ba dag las sems rnam par spyod par byed pa de la nang gi so so'i bdag nyid la so so rang gis rig pa de bzhin nyid rnam pa bdun so sor rtogs pa'i shes pa rnam pa bdun skye bar

  162. 81b

    'gyur te/ de ni de'i mthong ba'i lam yin no/ /de thob pas byang chub sems dpa' yang dag pa nyid skyon med pa la zhugs pa yin/ de bzhin gshegs pa'i rigs su skyes pa yin/ sa dang po thob pa dang sa de'i phan yon yang nyams su myong ba yin no/ /des sngar zhi gnas dang lhag mthong thob pas ni rnam par rtog pa dang bcas pa'i gzugs brnyan dang/ rnam par mi rtog pa'i gzugs brnyan gyi dmigs pa rnam pa gnyis thob pa yin no/ /da ltar mthong ba'i lam thob pas dngos po'i mdza' i dmigs pa thob pa yin te des sa gong ma gong ma rnams su bsgom pa'i lam la zhugs shing dmigs pa rnam pa gsum po de dag nyid yid la byed pa na /'di lta ste dper na la la zhig khye'u ches sbom po 'byin par byed pa de bzhin du /de yang khye'us khye'u 'byung ba'i tshul du nang gi mtshan ma rnam par sel ba nyid kyis kun nas nyon mongs pa'i cha dang mthun pa'i mtshan ma thams cad rnam par sel bar byed de/ mtshan ma rnams rnam par sel ba ni gnas ngan len rnams kyang rnam par sel bar byed do/ /mtshan ma dang gnas ngan len thams cad legs par bcom pas rim gyis gong ma gong ma rnams su gser lta bur sems rnam par sbyong la /bla na med pa yang dag par rdzogs pa'i byang chub kyi bar du mngon par rdzogs par 'tshang rgya zhing/ dgos pa yongs su grub pa'i dmigs pa yang 'thob ste/ byams pa de ltar na byang chub sems dpa' zhi gnas dang lhag mthong la de ltar sgrub na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /byang chub sems dpa' ji ltar sgrub par bgyid na/ byang chub sems dpa' mthu chen po mngon par sgrub pa lags/ byams pa byang chub sems dpa' gnas drug la mkhas pa ni byang chub sems dpa' i mthu chen po mngon par sgrub pa yin te/ sems kyi skye pa la mkhas pa ste/ gnas pa la mkhas pa dang/ bslad pa la mkhas pa dang/

  163. 82a

    'phel ba la mkhas pa dang/ 'grib pa la mkhas pa dang/ thabs la mkhas pa'o/ /ji ltar na sems kyi skye ba la mkhas pa yin zhe na/ sems kyi skye ba rnam pa bcu drug shes na sems kyi skye ba la yang dag pa ji lta ba bzhin du mkhas pa yin te /de la sems kyi skye ba rnam pa bcu drug ni brtan pa dang snod kyi rnam par rig pa mi rig pa'i ni 'di lta ste yin pa'i rnam par shes pa'i 'o/ /dmigs pa rnam pa sna tshogs rnam par rig pa'i ni 'di lta ste/ rnam par rtog pa'i yid kyi rnam par shes pa gzugs la sogs pa yul cig car 'dzin pa/ phyi rol dang nang gi yul cig car 'dzin pa/ skad cig dang thang cig dang yud tsam cig la cig car ting nge 'dzin mang po la snyoms par 'jug pa /sangs rgyas kyi zhing mang po mthong ba/ de bzhin gsheD pa mang po mthong ba/ rnam par rtog pa'i yid kyi rnam par shes pa kho na'i'o/ /dmigs pa'i mtshan ma chung ngu rnam par rig pa'i ni 'di lta ste/ 'dod pa dang ldan pa'o/ /dmigs pa'i mtshan ma rgya chen por gyur pa rnam par rig pa'i ni 'di lta ste/ gzugs dang ldan pa'i'o/ /dmigs pa'i mtshan ma tshad med pa rnam par rig pa'i ni 'di lta ste/ nam mkha' dang rnam shes mdza' yas skye mched dang ldan pa'i'o/ /dmigs pa'i mtshan ma phra mo rnam par rig pa'i ni 'di lta ste /ci yang med pa'i skye mched dang ldan pa'i'o/ /dmigs pa'i mtshan ma mthar thug pa rnam par rig pa'i ni 'di lta ste/ 'du shes med 'du shes med min skye mched dang ldan pa'i'o/ /mtshan ma med pa rnam par rig pa'i ni 'di lta ste/ 'jig rten las 'das pa dang 'gog pa la dmigs pa'i'o /sdug bsngal dang ldan pa'i ni 'di lta ste/ sems can dmyal ba'i 'o/ /tshor ba 'dren ma dang ldan pa yin ni 'di lta ste/ 'dod pa na spyod pa'i'o/ /dga' ba dang ldan pa'i ni 'di lta ste/ bsam gtan dang po dang gnyis pa'i'o/ /bde la dang ldan pa yi ni 'di lta ste/

  164. 82b

    bsam gtan gsum pa'i'o/ /sdug bsngal yang ma yin bde ba yang ma yin pa dang ldan pa'i ni 'di lta ste/ bsam gtan bzhi pa pa dang 'du shes med 'du shes ming? min? skye mched pa'i bar gyi'o/ /nyon mongs pa can dang ldan pa'i ni 'di lta ste/ nyon mongs pa dang nye ba'i nyon mongs pa dang ldan pa'i'o/ /dge ba dang ldan pa'i ni 'di lta ste/ dad pa la sogs pa dang ldan pa'i'o/ /lung du ma bstan pa dang ldan pa yi ni 'di lta ste/ gnyi ga dang mi ldan pa'i'o/ /ji ltar na gnas pa la mkhas pa yin zhe na/ gal te rnam par rig pa'i de bzhin nyid yang dag pa ji lta ba bzhin du rab tu shes pa'o/ /ji ltar na bslang ba la mkhas pa yin zhe na/ gal te 'ching ba rnam pa gnyis po mtshan ma'i 'ching ba dang gnas ngan len gyi 'ching ba yang dag pa bzhin ji lta ba bzhin rab tu shes te/ de rab tu shes nas de las sems 'di slang bar bya'o zheS bya ba la mkhas pa yin no/ /ji ltar na 'phel ba la mkhas pa yin zhe na/ gal te mtshan ma dang gnas ngan len gyi gnyen po'i sems gang yin pa de skye ba dang 'phel ba'i tshe skye'o 'phel lo zhes 'phel ba la mkhas pa yin no/ /ji ltar na 'grib pa la mkhas pa yin zhe na/ gal te de dang mi mthun pa'i phyogs su gyur pa mtshan ma dang gnas ngan len gyis kun nas nyon mongs par gyur pa'i sems de 'grib cing 'bri'o/ /zhes 'grib pa la mkhas pa yin no/ /ji ltar thabs la mkhas pa yin zhe na/ gal te rnam par thar ba dang/ zil gyis gnon pa'i skye mched dang/ zad par gyi skye mched dag sgom par byed pa ste/ byams pa de ltar na byang chub sems dpa' rnam la byang chub sems dpa' i mthu chen po mngon par bsgrubs pa dang/ mngon par sgrub bar 'gyur ba dang/ mngon par sgrub par byed pa yin no/ /bcom ldan 'das bcom ldan 'das kyis phung po'i lhag ma med pa'i mya ngan las 'das pa'i dbyings su tshor ba thams cad ma lus par 'gag go zhes gsungs pa la/ bcom ldan 'das gang dag 'gag pa'i tshor ba

  165. 83a

    de dag gang lags/ byams pa mdor bsdu na tshor ba rnam pa gnyis 'gag ste/ gnas kyi gnas ngan len 'gag pa dang/ de'i 'bras bu yul rig pa'o/ /de la gnas kyi gnas ngan len rig pa ni rnam pa bzhir rig par bya ste/ gzugs kyi gnas rig pa dang/ gzugs med pa'i gnas rig pa dang/ 'bras bu grub pa'i gnas ngan len rig pa dang/ 'bras bu ma grub pa'i gnas ngan len rig pa'o/ /de la 'bras bu grub pa ni da ltar gyi gang yin pa'o/ /'bras bu ma grub pa ni ma 'ongs pa'i rgyur gyur pa gang yin pa'o/ /yul rig pa yang rnam pa bzhir rig par bya ste/ gnas rig pa dang/ yo byad rig pa dang/ long spyod rig pa dang/ bltos pa rig pa'o/ /de yang phung po lhag ma dang bcas pa'i mya ngan las 'das pa'i dbyings na'o/ /'bras bu ma grub pa'i rig pa'i 'dus te reg pa las byung ba'i tshor ba myong ba'i ni de'i mi mthun pa'i phyogs thams cad kyi thams cad du 'gag pa ma yin te/ 'dren mar myong ngo/ /'bras bu grub pa'i myong ba yin ni tshor ba rnam pa de gnyis thams cad kyis thams cad du 'gags/ rig pa'i 'dus te reg pa las byung ba'i tshor ba 'ba' zhig myong ngo/ /phung po'i lhag ma med pa'i mya ngan las 'das pa'i dbyings su yongs su mya ngan las 'da' ba na de yang 'gag par 'gyur te/ de'i phyir phung po'i lhag ma med pa'i mya ngan las 'das pa'i dbyings su tshor ba thams cad 'gag ces bya'o/ /de skad ces 'ka' stsal nas/ bcom ldan 'das kyis byang chub sems dpa' byams pa la bka' stsal pa/ byams pa khyod kyis rnal 'byor gyi lam yongs su rdzogs pa dang shin tu yongs su dag pa la brtsams nas 'di lta ste rnal 'byor la shin tu rnam par nges shing mkhas pas de bzhin gshegs pa la dri ba dris pa legs so legs so/ /ngas kyang rnal 'byor gyi lam de yongs su rdzogs pa dang yongs su dag pa bstan te/ 'das pa dang ma 'ongs

  166. 83b

    pa'i yang dag par rdzogs pa'i sangs rgyas gang dag yin pa de dag thams cad kyis kyang de ltar bstan cing ston par 'gyur ro/ /rigs kyi bu rnams dang rigs kyi bu mo dag gis 'di la shin tu brtson par bya bar rigs so/ /de nas bcom ldan 'das kyis de'i tshe tshigs su bcad pa 'di dag bka' stsal to/ /chos rnams gdags pa rnam gzhag gang yin pa/ /de ni rnal 'byor bag yod don chen yin/ /gang dag chos der brten nas rnal 'byor 'dir/ /yang dag brtson pa de dag byang chub 'thob/ /gang dag glags lta de skad rgol ba las/ /thar par lta pas chos kun chub? byed pa/ /byams pa de dag rnal 'byor 'di las ni/ /thag ring gnam sa ring ba de bzhin no/ /blo ldan sems can don gces de dag lags/ /lan byed rig nas sems can don brtson min/ /lan der rtog na kun gyi dam pa dang/ /zang zing med? pa'i dga' ba 'thob mi 'gyur/ /gang dag 'dod phyir chos kyi lung 'bog pa/ /de dag 'dod pa spangs pa phyir len te/ /rmongs pa de dag chos kyi rin po che/ /rin thang med pa rnyed kyang spong zhing rgyu/ /de phyir rtsod dang 'du 'di spros ldan pa/ /rnam par spongs la brtson 'grus mchog byos te/ /ltar bcas 'jig rten bsgral bar bya ba'i phyir/ /rnal 'byor 'di la rab tu brtson par gyis/ /de nas bcom ldan 'das la byang chub sems dpa' byams pas 'di skad ces gsol to/ /bcom ldan 'das dgongs pa nges par 'grel pa'i chos kyi rnam grangs 'dir bstan pa 'di'i ming ci lags/ 'di ji ltar gzung bar bgyi/ bcom ldan 'das kyis de la bka' stsal pa/ byams pa 'di ni rnal 'byor nges pa'i don bstan pa zhes bya bar zung shig /rnal 'byor nges pa'i don bstan pa 'di bshad pa na srog chags drug 'bum ni bla? na med pa yang dag par rdzogs pa'i byang chub tu sems skyes so/ /nyan thos sum 'bum ni chos rnams la chos kyi mig rdul med cing dri ma dang bral ba rnam par dag go /nyan thos 'bum

  167. 84a

    lnga khri ni len pa med par zag pa rnams las sems rnam par grol lo/ /byang chub sems dpa' bdun khri lnga stong gis ni rnal 'byor chen po yid la byed pa thob par gyur to zhes gsungs pa'o// //bam po bzhi bcu pa// theg pa rnam par bzhag pa las brtsams nas theg pa'i rnam par dbye ba ji lta ba bzhin bstan pa ni dgongs pa nges par 'grel ba'i mdo las ji skad 'byung ba bzhin blta bar bya ste/ bcom ldan 'das la byang chub sems dpa' spyan ras gzigs dbang phyug gis zhu ba zhus pa/ bcom ldan 'das byang chub sems dpa' rnams kyi sa bcu gang lags pa de dag ni 'di lta ste/ byang chub sems dpa' i sa rab tu dga' ba zhes bgyi ba dang/ dri ma med pa dang/ 'od byed pa dang/ 'od 'phro ba can dang/ shin tu sbyang dka' dang/ mngon du gyur pa dang/ ring du song ba dang/ mi g.yo ba dang/ legs pa'i blo gros dang/ chos kyis sprin lags/ sangs rgyas kyis ni bcu gcig pa lags na/ sa de dag rnam par dag pa du dag dang yan lag du dag gis bsdus lags/ bcom ldan 'das kyis bka' stsal pa/ spyan ras gzigs dbang phyug sa de dag ni rnam par dag pa bzhi dang yan lag bcu gcig gis bsdus par rig par bya'o/ /spyan ras gzigs dbang phyug de la sa dang po ni bsam pa rnam par dag pas bsdus so/ /sa gnyis pa ni lhag pa'i tshul khrims rnam par dag pas so/ /sa gsum pa ni lhag pa'i sems rnam par dag pas so/ /sa bzhi pa nas gzung ste sangs rgyas kyi sa'i bar na lhag pa'i shes rab rnam par dag pa gong nas gong du gya nom pas kyang ches gya nom pas bsdus par rig par bya ste/ sa de dag ni rnam par dag pa bzhi po dag gis bsdus pa yin no/ /yan lag bcu gcig gang zhe na/ spyan ras gzigs dbang phyug mos pas spyod pa'i sa la byang chub sems dpa' chos

  168. 84b

    rnam pa bcu po dag la mos pa shin tu bsgoms pa'i phyir bzod pas sa de las yang dag par 'das nas byang chub sems dpa' yang dag par nyid skyon? med pa la 'jug go /de yan lag des yongs su rdzogs pa yin yang ltung ba phra mo'i 'khrul pa kun tu 'byung ba dag la shes bzhin du spyod par mi nus pas/ de yan lag nges yongs su ma rdzogs pa yin te/ de yan lag de yongs su rdzogs par bya ba'i phyir 'bad pas de'ang 'thob po/ /de yan lag de yongs su rdzogs pa yin yang 'jig rten pa'i ting nge 'dzin yongs su rdzogs pa la snyoms par 'jug pa dang thos pa'i gzungs yongs su rdzogs pa thob par mi nus pas/ de lan lag nges yongs su rdzogs pa yin te/ yan lag de yongs su rdzogs par bya ba'i phyir 'bad pas de yang 'thob bo/ /yan lag de yongs su rdzogs pa yin yang byang chub kyi phyogs dang mthun pa'i chos ji ltar thob pa de dag gis de lan mang du gnas par bya ba dang/ snyoms par 'jug pa la sred pa dang chos la sred pa las sems lhag par btang snyoms su 'jog mi nas pas de yan lag nges ma rdzogs pa yin te/ de yan lag de yongs su rdzogs par bya ba'i phyir 'bad pas de yang 'thob bo/ /de yan lag des yongs su rdzogs pa yin yang bden pa rnams rnam par dpyad pa dang 'khor ba dang mya ngan las 'das pa dag la gcig tu mi phyogs pa nyid dang mngon? du phyogs pa'i yid la byed pa lhag par btang snyoms su gzhag pa dang/ thabs kyis yongs su zin pa'i byang chub kyi phyogs dang mthun pa'i chos rnams sgom par mi nus pas/ de yan lag des yongs su ma rdzogs pa yin te/ de yan lag des yongs su rdzogs par bya ba'i phyir 'bang pas de yang 'theb bo/ /de yan lag pas yongs su rdzogs pa yin yang 'du byed kyi 'jug pa ji lta ba bzhin mngon sum du byas nas de la skyo ba mang pa dang/ mtshan ma med pa yid la byed pas mang du gnas par mi nus pas de yan lag des yongs su ma rdzogs pa yin te/ de yan lag de yongs

  169. 85a

    su rdzogs par bya ba'i phyir 'bang pas de yang 'thob bo/ /yan lag nges yongs su rdzogs pa yin yang bar chad med pa dang rgyun mi 'chad par mtshan ma med pa'i yid la byed pas mang du gnas par mi nus pas de yan lag nges yongs su rdzogs pa yin te/ de yan lag de yongs su rdzogs par bya ba'i phyir 'bad pas de yang 'thob bo/ /des yan lag nges yongs su rdzogs pa yin yang mtshan ma med par gnas par de la rtsol ba lhag par btang snyoms su bzhag pa dang/ mtshan ma la dbang thob par mi nus pas de yan lag nges yongs su ma rdzogs pa yin te/ de yan lag de yongs su rdzogs par bya ba'i phyir 'bad pas de yang 'thob bo/ /de yan lag nges yongs su rdzogs pa yin yang rnam grangs dang mtshan nyid nges pa'i tshig dang rab tu dbye ba rnam pa thams cad du chos ston pa la dbang 'thob par mi nus pas/ de yan lag des yongs su ma rdzogs pa yin te/ de yan lag de yongs su rdzogs par bya ba'i phyir 'bad pas de yang 'thob bo/ /de yan lag nges yongs su rdzogs pa yin yang chos kyi sku yongs su rdzogs pa so so yang dag par rig pa 'thob par mi nus pas/ de yan lag de yongs su ma rdzogs pa yin te/ de yan lag de yongs su rdzogs par bya ba'i phyir 'bad pas de yang 'thob bo/ /de yan lag nges yongs su rdzogs pa yin yang shes bya thamS cad la chags pa med pa dang thogs pa med pa'i shes pa dang mthong ba thob par mi nus pas /de yan lag nges yongs su ma rdzogs pa yin te/ de yan lag de yongs su rdzogs par bya ba'i phyir 'bad pas de yang 'thob ste/ de yan lag de yongs su rdzogs pa yin no// de yan lag de yongs su rdzogs pa'i phyir yan lag thams cad yongs su rdzogs pa yin te/ spyan ras gzigs dbang phyugs de dag ni yan lag bcu gcig po de dag gis bsdus par rig par bya'o/ /bcom ldan 'das ci'i slad du sa dang po la rab tu dga' ba

  170. 85b

    zhes bgyi /ci'i blang? du sangs rgyas kyi sa'i bar la sangs rgyas kyis zhes bgyi lags/ sa dang po ni don che ba 'dris pa ma yin pa 'jig rten las 'das pa'i sems thob pas dga' ba dang mchog tu dga' ba rgya che ba'i phyir rab tu dga' ba zhes bya'o/ /sa gnyis pa ni ltung ba phra mo dang 'chal pa'i tshul khrims kyi dri ma thams cad dang bral ba nyid kyi phyir dri ma med pa zhes bya'o/ /sa gsum pa ni ting nge 'dzin de dang thos pa'i gzungs de shes pa'i snang ba tshad med pa'i gnas nyid yin pa'i phyir 'ong byed pa zhes bya'o/ /sa bzhi pa ni nyon mongs pa'i shing bsreg pa'i phyir byang chub kyi phyogs dang mthun pa'i chos bsgom pa de ye shes kyi me'i 'od 'phro bar gyur pa'i phyir 'od 'phro ba can zhes bya'o/ /sa lnga pa ni byang chub kyi phyogs dang mthun pa'i chos de dag nyid thabs kyis bsgom pa de la dbang bya bar dka' ba nyid kyi phyir shin tu sbyang dka' zhes bya'o/ /sa drug pa ni 'du byed kyi 'jug pa mngon sum du gyur pa nyid dang/ mtshan ma med pa la lan mang du yid la byed pa mngon du gyur pa'i phyir mngon du gyur pa zhes bya'o/ /sa bdun pa ni mtshan ma med pa yid la byed pa la bar chad med cing rgyun mi 'chad pa ring du rjes su zhugs pa dang rnam par dag pa'i sa dang rjes su 'brel pa nyid kyi phyir ring du song ba zhes bya'o/ /sa brgyad pa ni mtshan ma med pa la lhun gyis grub pa nyid dang/ mtshan ma'i nyon mongs pa kun 'byung bas mi bskyod pa nyid kyi phyir mi g.yo ba zhes bya'o/ /sa dgu pa ni rnam pa thams cad du chos ston pa'i dbang la kha na ma tho ba med pa'i blo gros shin tu yangs pa thob pa nyid kyis phyir leD pa'i blo gros zhes bya'o/ /sa bcu pa ni gnas ngan len gyi lus nam mkha' lta bu la chos kyi sku sprin chen po lta bus khyab cing khebs pa'i phyir chos kyi sprin ces bya'o/ /sa bcu gcig pa ni nyon mongs pa dang shes bya'i sgrib pa phra mo spangs pas chags pa med cing thogs pa med par shes bya'i rnam pa thams cad mngon par rdzogs

  171. 86a

    par byang chub pa nyid kyi phyir sangs rgyas kyis zhes bya'o/ /bcom ldan 'das sa de dag la kun tu rmongs pa ni du mchis/ gnas ngan len gyi mi mthun pa'i phyogs ni cu mchis lags/ bcom ldan 'das kyis bka' stsal pa/ spyan ras gzigs dbang phyug kun tu rmongs pa nyi shu rtsa gnyis dang/ gnas ngan len gyi phyogs bcu gcig ste/ sa dang po la ni gang zag dang chos la mngon par zhen pa kun tu rmongs pa dang ngan song ba'i nyon mongs pa kun tu rmongs pa dang de'i gnas ngan lan mi mthun pa'i phyogs so/ /sa gnyis pa la ni ltung ba phra mo'i 'grub pa kun tu rmongs pa dang/ chos la srid pa kun tu rmongs pa dang/ de'i gnas ngan len mi mthun pa'i phyogs so/ /gsum pa la ni 'dod pa'i 'dod chags kyis kun tu rmongs pa dang thos pa'i gzungs yongs su rdzogs pa la kun? tu rmongs pa dang de'i gnas ngan len mi mthun? pa'i phyogs so/ /bzhi pa la ni snyoms par 'jug pa la sred? kun tu rmongs pa dang chos la? sred pa kun tu rmongs pa dang de'i gnas ngan len mi mthun pa'i phyogs so/ /lta pa la ni 'khor ba la gcig tu mi phyogs pa nyid dang mngon du phyogs pa nyid yid la byed pa kun tu rmongs pa dang mya ngan las 'das pa la gcig tu mi phyogs pa nyid dang mngon du phyogs pa nyid yid la byed pa kun tu rmongs pa dang/ de'i gnas ngan len mi mthun pa'i phyogs so/ /drug pa la ni 'du byed kyi 'jug pa mngon sum du byas pa nyid la kun tu rmongs pa dang/ mtshan ma mang po kun tu 'byung ba kun tu rmongs pa dang de'i gnas ngan len mi mthun pa'i phyogs so/ /bdun pa la ni mtshan ma phr mo kun tu 'byung ba kun tu rmongs pa dang mtshan ma med pa gcig tu yid la byed pa'i thabs kun tu rmongs pa dang de'i gnas ngan len mi mthun pa'i phyogs so/ /brgyad pa la ni mtshan ma med pa la rtsod pa kun tu rmongs pa dang mtshan ma rnams la mi dbang ba kun tu rmongs pa dang de'i gnas ngan len mi mthun pa'i

  172. 86b

    phyogs so/ /dgu pa la ni chos bstan pa dpag tu med pa dang/ chos kyi tshig dang yi ge dpag tu med pa dang/ gong nas gong du shes rab dang spobs pa la gzungs kyi dbang la kun tu rmongs pa dang/ spobs pa'i dbang la kun tu rmongs pa dang de'i gnas ngan len mi mthun pa'i phyogs so/ /bcu pa la ni mngon par shes pa chen po la kun tu rmongs pa dang/ gsang ba phra ba'i rjes su 'jug pa la kun tu rmongs pa dang de'i gnas ngan len mi mthun pa'i phyogs so/ /sangs rgyas kyi sa la ni shes bya thams cad la chags pa shin tu phra mo kun tu rmongs pa dang thogs pa kun tu rmongs pa dang de'i gnas ngan len mi mthun pa'i phyogs so/ /spyan ras gzigs dbang phyugs de dag ni kun tu rmongs pa nyi shu rtsa gnyis dang gnas ngan len bcu gcig po de dag gi rnam par bzhag ste/ bla na med pa yang dag par rdzogs pa'i byang chub ni mi ldan pa yin no/ /bcom ldan 'das gang la da ltar byang chub sems dpa' rnams de ltar kun tu rmong pa'i dr ba chen po rab tu dral zhing de'i gnas ngan len thibs po chen po las yang dag par 'das te/ bla na med pa yang dag par rdzogs pa'i byang chub mngon par rdzogs par 'tshang rgya ba'i bla na med pa yang dag par rdzogs pa'i byang chub ci tsam du phan yon che zhing 'bras bu che ba ni ngo mtshar lags so/ /bcom ldan 'das de dag rnam par dag pa du dag gis rnam par bzhag lags/ spyan ras gzigs dbang phyug brgyad kyis te/ lhag pa'i bsam pa rnam par dag pa dang/ sems rnam par dag pa dang/ snying rje rnam par dag pa dang/ pha rol tu phyin pa rnam par dag pa dang/ sangs rgyas mthong zhing bsnyen bkur byed pa rnam par dag pa dang/ sems can yongs su smin par byed pa rnam par dag pa dang/ skye ba rnam par dag pa dang/ mthu rnam par dag pas so/ /spyan ras gzigs dbang phyug sa dang po la lhag pa'i bsam pa'i rnam par dag pa nas mthu rnam par dag pa'i bar gang yin pa dang/ gong ma

  173. 87a

    gong ma rnams dang/ sangs rgyas kyi sa'i bar la lhag pa'i bsam pa rnam par dag pa nas mthu rnam par dag la gang yin pa de ni ches rnam par dag pa dang/ ches shin tu rnam par dag pa yin par rig par bya'o/ /de la sangs rgyas kyi sa la skye ba rnam par dag pa ma rtogs pas dang po'i yon tan gang dag yin pa de dag gis de'i gong ma'i sa rnams de'i yon tan dang yang mnyam la/ rang gi sa'i yon tan gyis kyang khyad par du 'phags par yang rig par bya'o/ /byang chub sems dpa' i sa bcu po thams cad ni yon tan bla na yod pa dag yin la/ sangs rgyas kyi sa ni yon tan bla na med pa yin par rig par bya'o/ /bcom ldan 'das ci'i slad du srid par skye ba thams cad kyi nang na byang chub sems dpa' i skye ba rab mchog ces bgyi lags/ spyan ras gzigs dbang phyug rnam pa bzhi'i phyir te/ dge ba'i rtsa ba shin tu rnam par dag pa yang dag par 'grub pa nyid kyi phyir dang/ so sor brtags te len pa nyid kyi phyir dang 'gro ba thams cad yongs su bskyab pa'i phyir snying rje dang ldan pa nyid kyi phyir dang/ bdag nyid kun nas nyon mongs pa can ma yin pa dang/ gzhan gyi kun nas nyon mongs pa rnam par zlog par byed pa nyid kyi phyir ro/ /bcom ldan 'das ci'i slad du byang chub sems dpa' rnams smon lam rgya chen pos mchi ba dang smon lam gyi nom pa dang ldan pa dang/ smon lam gyi stobs can lags/ spyan ras gzigs dbang phyug rnam pa bzhi'i phyir te/ 'di ltar byang chub sems dpa' rnams ni mya ngan las 'das pa'i bden pa la gnas par mkhas pa dang de myur du 'thob par nus pa dang myur du 'thob pa de dang bde bar gnas pa de yang spangs te/ sems can gyi don rgya med pa/ dgos pa med pa/ sdug bsngal mang po sna tshogs yun ring po 'byung ba la yid kyis smod par byed pa ste/ de'i phyir smon lam rgya chen pos 'gro ba dang smon

  174. 87b

    lam gya nom pa dang ldan pa dang smon lam gyi stobs can rnams shes bya'o/ /bcom ldan 'das byang chub sems dpa' rnams kyi bslab pa'i gzhi du mchis lags/ spyan ras gzigs dbang phyug drug ste/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab bo/ /bcom ldan 'das bslab pa'i gzhi drug po de dag las du ni lhag pa'i tshul khrims kyi bslab pa lags/ du ni lhag pa'i sems kyi bslab pa lags/ du ni lhag pa'i shes rab kyi bslab pa lags/ spyan ras gzigs dbang phyug dang po gsum ni lhag pa'i tshul khrims kyi bslab pa yin par rig par bya'o/ /bsam gtan ni lhag pa'i sems kyi bslab pa yin no/ /shes rab ni lhag pa'i shes rab kyis bslab pa yin no/ /brtson 'grus ni kun tu 'gro bar nga smra'o/ /bcom ldan 'das bslab pa'i gzhi drug po de dag las/ du ni bsod nams kyi tshogs lags/ du ni ye shes kyi tshogs lags/ spyan ras gzigs dbang phyug lhag pa'i tshul khrims kyi bslab pa gang yin pa de ni bsod nams kyi tshogS yin no/ /lhag pa'i shes rab kyi bslab pa gang yin pa de ni ye shes kyi tshogs yin no/ /brtson 'grus dang bsam gtan ni kun tu 'gro ba yin par nga smra'o/ /bcom ldan 'das bslab pa'i gzhi drug po de dag la byang chub sems dpa' ji ltar bslab par bgyi lags /spyan ras gzigs dbang phyug rnam pa lnga ste/ pha rol tu phyin pa dang ldan pa'i dam pa'i chos bstan pa byang chub sems dpa' i sne sdod la theg ma kho nar shin tu mos pa dang/ de'i 'og tu chos spyad pa bcu po dag gis thos pa dang bsams pa dang bsgoms pa las byung ba'i shes pas bsgrub pa dang/ byang chub kyi sems rjes su bsrung ba dang/ dge ba'i bshes gnyen la bsten pa dang/ rgyun mi 'chad par dge ba'i phyogs la sbyor bas bslab par bya'o/ /bcom ldan 'das ci'i slad du bslab pa'i gzhi de dag

  175. 88a

    rnam grangs drug tu gdags par rig par bgyi lags spyan ras gzigs dbang phyug rnam pa gnyis kyi phyir te/ sems can la phan gdags pa dang/ nyon mongs pa'i gnyen po nyid kyi phyir ro/ /de la gsum ni sems can la phan gdags pa yin la/ gsum ni nyon mongs pa'i gnyen po yin par rig par bya ste/ de la byang chub sems dpa' sbyin pas ni sems can rnams la yo byad nye bar bsgrub pas phan 'dogs pas phan 'dogs so/ /tshul khrims kyis ni 'phangs pa dang/ gnod pa dang rnam par 'tho 'tsham pa nye bar ni sgrub pa'i phan 'dogs pas ni phan 'dogs so/ /bzod pas ni 'phongs pa dang gnod pa dang rnam par 'tho 'tsham pa la rdza? mi snyam pas phan 'dogs te/ de gsum gyis ni sems can la phan 'dogs so/ /brtson 'grus kyis ni nyon mongs pa rnam par ma bcil ba dang/ nyon mongs pa yang dag par ma bcom pa dge ba'i phyogs la sbyor bar byed de/ de ni nyon mongs pas dge ba'i phyogs la sbyor ba las bskyod par mi nus so/ /bsam gtan gyis ni nyon mongs pa rnams rnam par gnon to/ /shes rab kyis ni bag la nyal yang dag par 'joms par byed de/ de gsum ni nyon mongs pa'i gnyen po yin no/ /bcom ldan 'das ci'i slad du pha rol tu phyin pa gzhan dag grangs bzhir gdags par rig par bgyi lags/ spyan ras gzigs dbang phyug pha rol tu phyin pa drug pa de dag nyid kyi grogs su gyur pa nyid yin pa'i phyir te/ de la pha rol tu phyin pa gsum gyis sems can rnams la phan btags nas byang chub sems dpas bsdus pa'i dngos pos zin pa'i thabs la mkhas pas dge ba la 'jog par byed do/ /de'i phyir ngas thabs la mkhas pa'i pha rol tu phyin pa ni gsum po 'di dag gis grogs su gyur ba yin par yongs su bstan to/ /spyan ras gzigs dbang phyug gal te byang chub sems dpa' tshe 'di la nyon mongs pa med pas rtag tu sgom

  176. 88b

    mi nus pa dang/ khams dang mos pa dman pa'i phyir ltag pa'i bsam pa stobs chung bas sems nang du 'jog mi nus pas /byang chub sems dpa' i sde snod thos pa'i dmigs pa la bsam gtan yongs su ma bsgoms pas 'jig rten las 'das pa'i shes rab mngon par sgrub mi nus pa yin na/ de bsod nams kyi tshogs chung ngu yang dag par blangs te gnas shing phyi ma la nyon mongs pa chung ba nyid du yid kyis smon par byed pa de ni de'i smon lam gyi pha rol tu phyin pa yin te/ des nyon mongs pa chung ba dang brtson 'grus rtsom nus par 'gyur bas /de'i phyir smon lam gyi pha rol tu phyin pa ni brtson 'grus kyi pha rol tu byin pa'i grogs su gyur pa yin no/ /des skyes bu dam pa la yang dag par brten pa dang dam pa'i chos mnyan pa la brten nas tshul bzhin yid la byed pa thob cing lhag pa'i bsam pa stobs chung ba nyid rnam par bzlog nas khams gya nom pa las bsam pa'i stobs 'thob par 'gyur ba de ni de'i stobs kyi pha rol tu phyin pa yin te/ des nang du 'jog nus pas de'i phyir stobs kyi pha rol tu phyin pa ni bsam gtan gyi pha rol tu phyin pa'i grogs su gyur pa yin no/ /de byang chub sems dpa' i sde snod thos pa'i dmigs pa yongs su bsgoms pa la bsam gtan byed de/ de ni de'i ye shes kyi pha rol tu phyin pa yin te nges 'jig rten las 'das pa'i shes rab mngon par sgrub nus par 'gyur bas/ de'i phyir ye shes kyi pha rol tu phyin pa ni shes rab kyi pha rol tu phyin pa'i gros su gyur pa yin par yongs su bstan to/ /bcom ldan 'das ci'i slad du pha rol tu phyin pa drug po de dag gi go rim de ltar bstan par rig par bgyi lags /spyan ras gzigs dbang phyug de dag gong nas gong du 'grub pa'i rten nyid yin pa'i phyir te/ byang chub sems dpa' lus dang longs spyod la mi lta na tshul khrims yang dag par len par byed do/ /tshul khrims rjes su bsrung na bzod pa dang ldan par 'gyur ro/ /

  177. 89a

    bzod pa dang ldan na brtson 'grus rtsom par 'gyur/ /brtson 'grus brtsams na bsam gtan bsgrub par 'gyur ro/ /bsam gtan grub na 'jig rten las 'das pa'i shes rab 'thob bo/ /bcom ldan 'das pha rol tu phyin pa de dag rnam pa dur rab tu dbye lags/ spyan ras gzigs dbang phyug rnam pa gsum ste/ sbyin pa rnam pa gsum ni chos sbyin pa dang/ zang zing sbyin pa dang/ mi 'jigs pa'i sbyin pa'o/ /tshul khrims rnam pa gsum ni mi dge ba las ldog pa'i tshul khrims dang/ dge ba la 'jug pa'i tshul khrims dang/ sems can gyi don la 'jug pa'i tshul khrims so/ /bzod pa rnam pa gsum ni gnod pa byed pa la mi mjed pa'i bzod pa dang/ sdug bsngal la ji mi snyam pa'i bzod pa dang/ chos la nges pa'i rtog pa'i bzod pa'o/ / brtson 'grus rnam pa gsum ni go cha'i brtson 'grus dang/ dge ba la sbyor ba'i brtson 'grus dang/ sems can gyi don la sbyor ba'i brtson 'grus so/ /bsam gtan rnam pa gsum ni rnam par mi rtog cing zhi la rab tu zhi bas nyon mongs pa dang sdug bsngal gyi gnyen po bde bar gnas pa'i bsam gtan dang/ yon tan mngon par sgrub pa'i bsam gtan dang/ sems can gyi don mngon par sgrub pa'i bsam gtan no/ /shes rab rnam pa gsum ni kun rdzob kyi bden pa la dmigs pa dang/ don dam pa'i bden pa la dmigs pa dang/ sems can gyi don la dmigs pa'o/ /bcom ldan 'das ci'i slad du pha rol tu phyin pa de dag pha rol tu phyin pa rnams zhes bgyi lags/ spyan ras gzigs dbang phyug lnga'i phyir te/ chags pa med pa nyid dang/ mi lta ba nyid dang/ kha na ma tho ba med pa nyid dang/ rnam par mi rtog pa nyid dang/ yongs su bsngo ba nyid kyi phyir ro/ /de la chags pa med pa nyid ni pha rol tu phyin pa dang mi mthun pa'i dngos po la ltag par chags pa med pa gang yin pa'o/ /de la mi lta ba nyid ni pha rol tu phyin pa'i 'bras bu rnam

  178. 89b

    par smin pa dang/ lan du phan thogs pa dang/ 'brel pa'i sems med pa gang yin pa'o/ /de la kha na mtho ba med pa nyid ni pha rol tu phyin pa de dag kun nyon mongs pa can gyi chos dang ma 'dres shing thabs ma yin pa rnam par spangs pa gang yin pa'o/ /rnam par mi rtog pa nyid ni pha rol tu phyin pa de dag gi rang gi mtshan nyid la ji bzhin du mngon par zhen pa med pa gang yin pa'o/ /de la yongs su sngo ba nyid ni pha rol tu phyin pa de dag nyid byas shing bsags pa byang chub chen po'i 'bras bur ston pa gang yin pa'o/ / bcom ldan 'das pha rol tu phyin pa dang mi mthun pa'i dngos po gang lags/ spyan ras gzigs dbang phyug de dag ni dngos po drug tu rig par bya ste/ 'dod pa'i dga' ba dang/ longs spyod dang dbang phyug dang/ bdag nyid kyi bsod nams yon tan gyi phan yon lta ba dang/ lus dang ngag dang yid ci 'dod dgur kun tu spyod pa dang/ brnyas pa mi bzod pa dang/ mi brtson pa'i bsod nams dang/ 'du 'ji? dang/ 'jig rten gyi sna tshogs dang/ rnam par g.yeng bar 'jug pa dang/ mthong ba dang thos pa dang bye brag phyed pa dang/ rnam par shes pa'i tha snyad kyi spros pa dag la yon tan gyi phan yon du blta ba'o/ /bcom ldan 'das pha rol tu phyin pa de dag gi rnam par smin pa'i 'bras bu gang lags/ spyan ras gzigs dbang phyug de yang rnam pa drug tu rig par bya ste/ longs spyod chen po nyid dang/ bde 'gror 'gro ba dang/ kho na med cing dbyen med la bde ba dang/ yid bde ba mang ba dang/ sems can gyi bdag po dang/ lus la gnod pa med pa dang/ dbang cher grags pa'o/ /bcom ldan 'das pha rol tu phyin pa de dag la kun nas nyon mongs pa can gyi chos dang 'dres pa gang lags/ spyan ras gzigs dbang phyug de ni sbyor ba bzhis rig par bya ste/ snying rje med pa'i sbyor ba dang/ tshul bzhin ma yin pa'i sbyor ba dang/ rtag tu mi byed pa'i sbyor ba dang/ gus par mi byed pa'i sbyor bas so/ /de la tshul bzhin ma yin pa'i sbyor

  179. 90a

    ba ni 'di yin te/ de las gzhan pa'i pha rol tu phyin pa dag la de las gzhan ba'i pha rol tu phyin pa'i thabs dang bral zhing bsgom pa nyams pa gang yin pa'o/ /bcom ldan 'das thabs ma lags pa gang lags/ spyan ras gzigs dbang phyug byang chub sems dpa' pha rol tu phyin pa de dag gis sems can rnams la phan 'dogs pa na gal te zang zing gis phan 'dogs pa nye bar bsgrub pa tsam gyis chog par 'dzin cing/ mi dge ba'i gnas nas bslangs te dge ba'i gnas su 'jog par mi byed na/ de ni thabs ma yin pa yin no/ /de ci'i phyir zhe na/ spyan ras gzigs dbang phyug de tsam gyis na sems can la phan btags pa ma yin pa'i phyir te/ 'di lta ste dper na/ mi gtsang ba ni che yang rung chud yang rung ste/ rnam grangs gang gis kyang dri zhim por bya bar mi nus so/ /de bzhin du 'du byed kyi sdug bsngal nyid kyis rang bzhin gyis sdug bsngal bar gyur pa'i sems can rnams kyang zang zing gis phan btags pa nye bar sgrub pa tsam gyis rnam grangs gang gis kyang bde bar mi nus kyi/ dge ba la 'jog pa gang yin pa de ni de dag la phan 'dogs pa'i mchog kho na yin no/ /bcom ldan 'das pha rol tu phyin pa de dag gi rnam par dag pa du mchis lags/ spyan ras gzigs dbang phyug nga ni rnam pa lnga po de dag ma gtogs par pha rol tu phyin pa rnams kyis rnam par dag pa gzhan yod par mi smra mod kyi 'on kyang de dag la brten nas/ pha rol tu phyin pa rnams kyi rnam par dag pa bsdus pa dang so sor phye ba khyod la bshad par bya'o/ /de la pha rol tu phyin pa thams cad kyi rnam par dag pa bsdus pa ni rnam pa bdun gyis rig par bya ste/ bdun gang zhe na/ 'di lta ste/ byang chub sems dpa' chos de dag gis gzhan las shes kyi khe yongs su mi chol ba dang/ chos de dag la lta bas mngon par zhen par mi byed pa dang chos 'di dag kyang byang chub tu nges par 'byin pa yin nam ma yin snyam du yid gnyis dang the tshom skye bar mi byed pa dang/ bdag la

  180. 90b

    mi bstong gzhan la mi smod cing brnyas par mi byed pa dang/ dregs par mi byed cing bag med par mi byed pa dang/ cung zad tsam dang ngan don tsam gyis chog par mi 'dzin pa dang chos de dag gis ser sna med cing gzhan dag la phrag dog mi byed pa yin no/ /pha rol tu phyin pa'i rnam par dag pa so so tha dad pa de yang rnam pa bdun kho nar rig par bya ste/ tha dang pa rnam pa bdun gang zhe na/ 'di lta ste sbyin pa rnam par dag pa bdun po sbyin par bya'i dngos po rnam par dag pas sbyin pa rnam par dag pa sbyin par byed pa dang/ tshul khrims rnam par dag pa dang/ lta ba rnam par dag pa dang/ sems rnam par dag pa dang/ dag rnam par dag pa dang/ shes pa rnam par dag pa dang/ dri ma rnam par dag pas sbyin pa rnam par dag pa sbyin par byed do/ zhes pas bstan pa gang yin pa de dag byang chub sems dpa' yang dag par bslangs te gnas pa de ni sbyin pa rnam par dag pa bdun yin no/ /'di lta ste byang chub sems dpa' sdom pa bcas pa la bslab pa'i gzhi rnam pa thams cad la mkhas pa dang/ ltung ba las bslang ba la mkhas pa dang/ de la nges pa'i tshul khrims can dang/ brtan pa'i tshul khrims can dang/ rtag tu byed pa dang/ rtag tu 'jug pa dang/ bslab pa'i gzhi rnams yang dag par blangs te slob par byed pa de ni tshul khrims rnam par dag pa rnam pa bdun yin no/ /'di lta ste thams cad las gnod pa thams cad nye bar gnas pa na bdag nyid kyi rnam par smin pa la rton pa'i mi 'khrug pa dang/ lan bya ba'i phyir slar spyo pa dang/ gshe ba dang rdeg pa dang/ brdegs pa dang mtshang 'bru ba'i gnod pa dag gis sbyor bar mi byed pa dang/ khon gyi bsam pa mi 'dzin pa dang/ shad kyis 'chags pa na yongs su nyon mongs par mi byed pa dang/ shad kyis 'chags pa la mi sdong pa dang/ 'jigs pa dang zang zing gi sems kyis bzod par byed pa ma yin pa dang/ phan gdags bar bya ba la yal bar mi 'dor ba de ni bzod pa rnam par dag pa rnam pa bdun yin no/ /'di lta ste/

  181. 91a

    brtson 'grus kyi mnyam pa nyid rab tu shes pa dang/ brtson 'grus brtsams pa des bdag la mi bstod cing gzhan la mi smod pa dang/ mthu dang ldan pa dang/ brtson 'grus dang ldan pa dang/ sgro ba dang ldan pa dang/ ltul ba brtan pa dang/ dge ba'i chos rnams la brtson pa ma btang ba de ni brtson 'grus rnam par dag pa rnam pa bdun yin no/ /'di lta ste mtshan ma legs par rtogs pa'i ting nge 'dzin la bsam gtan pa dang/ yongs su rdzogs pa'i ting nge 'dzin la bsam gtan pa dang/ gnyis ka'i cha'i ting nge 'dzin la bsam gtan pa dang/ shugs 'byung ba'i ting nge 'dzin la bsam gtan pa dang/ shin tu sbyang ba byas pa'i ting nge 'dzin la bsam gtan pa dang/ yongs su rdzogs pa'i byang chub sems dpa' i sde snod kyi dmigs pa yongs su bsgoms pa dpag tu med pa'i ting nge 'dzin la bsam gtan pa de ni bsam gtan rnam par dag pa rnam pa bdun yin no/ /'di lta ste de'i shes rab de sgro 'dogs pa'i mdza' dang skur pa 'debs pa'i mdza' rnam par spangs te/ dbu ma'i lam gyi nges par 'byung ba dang/ shes rab des stong pa dang/ smon pa med pa dang/ mtshan ma med pa rnam par thar pa'i sgo gsum pa dag la rnam par thar pa'i sgo'i don kyang yang dag pa ji lta ba bzhin rab tu shes pa dang/ kun btags pa dang/ gzhan gyi dbang dang yongs su grub pa'i ngo bo nyid gsum po dag la ngo bo nyid kyi don kyang yang dag pa ji lta ba bzhin du rab tu shes pa dang/ mtshan nyid dang skye ba dang/ don dam pa ngo bo nyid med pa gsum po dag la ngo bo nyid med pa'i don kyang yang dag pa ji lta ba bzhin du rab tu shes pa dang/ rig pa'i gnas lnga po dag la kun rdzob kyi bden pa'i don kyang yang dag pa ji lta ba bzhin du rab tu shes pa dang/ de bzhin nyid rnam pa bdun la don dam pa'i bden pa'i don kyang yang dag pa ji lta ba bzhin du rab tu shes pa dang/ rnam par mi rtog cing spros pa med la tshul gcig tu de la mang du gnas pa dang 'dres pa tshad med pa'i chos

  182. 91b

    la dmigs pa med pa'i lhag mthong gis chos kyis rjes su mthun pa'i chos bsgrub pa yang dag par bsgrub par byed pa de ni shes rab rnam par dag pa rnam pa bdun yin par rig par bya'o/ /bcom ldan 'das rnam pa lnga po de dag gi so so'i las gang lags/ spyan ras gzigs dbang phyug de dag gi las kyang rnam pa lngas rig par bya ste/ chags pa med pa nyid kyis ni byang chub sems dpa' tshe 'di la pha rol tu phyin pa rnams la rtag tu byed pa dang gus par byed pa'i sbyor bas bag yod par byed do/ /mi lta ba nyid kyis ni phyi ma la de dag la bag yod pa'i rgyu yongs su 'dzin par byed do/ /kha na ma tho ba med pa nyid kyis ni pha rol tu phyin pa shin tu yongs su rdzogs pa dang yongs su dag pa dang yongs su sbyang ba dag sgom par byed do/ /rnam par mi rtog pa dag gis ni thabs la mkhas pa des myur du pha rol tu phyin pa yongs su rdzogs par byed do/ /yongs su bsngo ba nyid kyis ni bla na med pa yang dag par rdzegs pa'i byang chub kyi bar du tshe rabs thams cad du rnam par smin pa'i 'bras bu 'dod pa dang bcas pa'i pha rol tu phyin pa mi zad pa nyid thob par byed do/ /bcom ldan 'das pha rol tu phyin pa de dag gi rgya che ba nyid gang lags/ spyan ras gzigs dbang phyug chags pa med pa nyid dang/ mi lta ba nyid dang/ yongs su bsngo ba nyid yin no/ /kun nas nyon mongs pa ma mchis pa nyid gang lags/ kha na ma thob med pa nyid dang rnam par mi rtog pa nyid gang yin pa'o/ /gsal ba nyid gang lags/ so sor brtag cing bya ba nyid gang yin pa'o/ /mi g.yo ba nyid gang lags/ sar chud pa rnams kyi yongs su ma nyams pa'i chos nyid gang yin pa'o/ /shin tu rnam par dag pa nyid gang lagS/ spyan ras gzigs dbang phyug sa bcu par gtogs pa nyid dang/ sangs rgyas kyi sar gtogs pa gang yin pa'o/ /bcom ldan 'das ci'i slad du byang chub sems dpa' rtag tu pha rol tu phyin pa'i rnam par smin ba'i 'bras bu 'dod pa bsam 'tshal ba dang/

  183. 92a

    pha rol tu phyin pa bas ma 'tshal ba dang ldan pa lags/ spyan ras gzigs dbang phyug gcig la gcig brten nas 'grub pa bsgom pa nyid kyi phyir ro/ /bcom ldan 'das ci'i slad du byang chub sems dpa' rnams pha rol tu phyin pa rnams la ji lta ba de ltar pha rol tu phyin pa'i rnam par smin pa'i 'bras bu 'dod pa la dad pas gnas pa ma legs/ spyan ras gzigs dbang phyug rgyu lnga'i phyir te/ pha rol tu phyin pa rnams ni chos lhag par bde ba dang yid bde ba'i rgyu yin pa'i phyir dang/ bdag dang gzhan la phan 'dogs pa'i rgyu yin pa'i phyir dang/ phyi ma la de'i rnam bar smin pa'i 'bras bu 'dod pa'i rgyu yin pa'i phyir dang/ kun nas nyon mongs pa med pa'i gzhi yin ba'i phyir dang/ mi 'gyur ba'i chos nyid yin pa'i phyir ro/ /bcom ldan 'das pha rol tu phyin pa de dag gi so so'i mthu gang lags /spyan ras gzigs dbang phyug de dag gi so so'i mthu ni rnam pa bzhir rig par bya ste/ pha rol tu phyin pa bsgom pa na mi mthun pa'i phyogs ser sna dang/ 'chal pa'i tshul khrims dang sems 'khrug pa dang/ le lo dang rnam par g.yeng ba dang/ lta ba'i rnam pa rab tu spong ba dang/ bla na med pa yang dag par rdzogs pa'i byang chub tshogs su 'gyur ba dang/ tshe 'di la bdag dang sems can thams cad la phan 'dogs par 'gyur ba dang/ tshe phyi ma la rnam par smin pa'i 'bras bu 'dod pa rgyun zad mi shes pa 'thob par 'gyur ba'o/ /bcom ldan 'das pha rol tu phyin pa de dag rgyu gang las byung ba dang/ 'bras bu gang dang ldan pa dang/ don gang dang ldan pa lags/ bcom ldan 'das kyis bka' stsal pa/ spyan ras gzigs dbang phyug pha rol tu phyin pa rnams ni snying rje'i rgyu las byung ba dang/ rnam par smin pa'i 'bras bu 'dod pa dang sems can la phan 'dogs pa'i 'bras bu dang ldan pa dang byang chub chen po yongs su rdzogs par byed pa'i don chen po dang ldan pa yin no/ /bcom ldan 'das gal

  184. 92b

    te byang chub sems dpa' rnams langs spyod pas ma 'tshal ba dang ldan pa dang/ snying rje can lags na/ ci'i slad du 'jig rten na dbul pa gda' lags/ spyan ras gzigs dbang phyug de ni sems can rnams kyi rang gi las kyi nyes pa kho na yin no/ /de lta ma yin te/ gal te sems can rnams kyi rang gis nyes par byas pa de'i gnas su gyur pa ma yin du zin na de dag la rtag tu bya ba nyid la zhugs pa dang/ longs spyod mi zad ba nyid yod bzhin du 'jig rten na sdug bsngal ba lta snang bar ga la 'gyur/ spyan ras gzigs dbang phyug 'di lta ste dper na/ yi dags lus skam pas gdungs pa rnams kyis rgya mtsho'i skams par mthong ba de ni rgya mtsho dag gi nyes pa ma yin gyi yi dags de dag nyid kyi rang gi las kyi 'bras bu'i nyes pa yin no/ /de bzhin du 'bras bu med par gyur pa gang yin pa de ni byang chub sems dpa' sbyin pa dag gis rgya mtsho lta bur gyur pa rnams kyi nyes pa ma yin gyi/ sems can rang gis nyes pa byas pa yi dags lta bu rnams kyi rang gi las kyi nyes pa yin no/ /bcom ldan 'das byang chub sems dpa' chos rnams kyi ngo bo nyid ma mchis pa nyid pha rol tu phyin pa gang gis 'dzin pa lags/ spyan ras gzigs dbang phyug shes rab kyi pha rol tu phyin pas 'dzin to/ /bcom ldan 'das gal te shes rab kyi pha rol tu phyin pas ngo bo nyid ma mchis pa nyid 'dzin na/ ngo bo nyid dang bcas pa nyid kyang ci'i slad du mi 'dzin lags/ spyan ras gzigs dbang phyug nga ni ngo bo nyid med pa nyid kyis ngo bo nyid 'dzin pa mi smra mod? kyi 'on kyang yi ges bstan pa med par ngo bo nyid med pa/ yi ge med pa/ so so rang gis rig pa de bstan par mi nus paS de'i phyir ngo bo nyid med pa nyid 'dzin to zhes de skad brjod do/ /bcom ldan 'das pha rol tu phyin pa zhes kyang bgyi/ nye ba'i pha rol tu phyin pa zhes kyang bgyi/ pha rol tu phyin pa chen po zhes kyang bgyi lags na/ bcom ldan 'das pha rol tu phyin pa ni gang lags /nye

  185. 93a

    ba'i pha rol tu phyin pa ni gang lags/ pha rol tu phyin pa chen po ni gang lags/ spyan ras gzigs dbang phyug 'di la byang chub sems dpa' dus dpag tu med pa nas yongs su bsgoms pa'i sbyin pa la sogs pa dge ba'i chos rnams dang ldan pa yang yin la/ de la nyon mongs pa yang kun tu 'byung zhing de zil gyis gnon par ni mi nus kyi/ de zil gyis non par 'gyur ba ni 'di lta ste/ mos pas spyod pa'i sa la mos pa chung ngu dang/ 'bring la zhugs pa de ni pha rol tu phyin pa zhes bya'o// yang dus dpag tu med pas ches yongs su bsgoms pa'i dge ba'i chos de dag nyid dang ldan zhing nyon mongs pa kun tu 'byung la/ des zil gyis gnon cing nges zil gyis gnon par mi 'gyur ba 'di lta ste/ sa dang po nas gzung ba de ni nye ba'i pha rol tu phyin pa zhes bya'o/ /yang dus dpag tu med pa nas ches shin tu yongs su bsgoms pa'i dge ba'i chos de dag nyid dang ldan zhing/ de la thams cad kyi thams cad du nyon mongs pa kun tu mi 'byung ba'i chos can du gyur ba 'di lta ste/ sa brgyad pa nas bzung ba de ni pha rol tu phyin pa chen po zhes bya'o/ /bcom ldan 'das de dag la nyon mongs pa'i bag la nyal du mchis laD spyan ras gzigs dbang phyug rnam pa gsum ste/ spyan ras gzigs dbang phyug grogs yang dag par bcom pa ni 'di lta ste/ sa lnga po dag na nyon mongs pa lhan cig skyes pa kun tu 'byung ba'i grogs nyon mongs pa lhan cig skyes pa ma yin pa kun tu 'byung ba de'i tshe de la med pas de'i phyir yang dag par bcom pa zhes bya'o/ /bag la nyal stobs chung ba ni 'di lta ste/ sa drug pa dang bdun pa la cha phra mo kun tu 'byung ba nyid dang/ bsgom pas mnan pas kun tu 'byung ba nyid kyi phyir ro/ /bag la nyal phra? mo ni 'di lta ste/ sa brgyad ba dang/ de'i gong ma rnams la nyon mongs pa thams cad kyi thams cad du kun tu mi 'byung ba dang shes bya'i sgrib pa

  186. 93b

    tsam la gnas pa nyid kyi phyir ro/ /bcom ldan 'das bag la nyal de dag gnas ngan len spangs pa rnam pa dus rab tu phye ba lags/ spyan ras gzigs dbang phyug rnam pa gnyis kyi phyir te/ gnas ngan len lpags shun la yod pa lta bu spangs pas ni dang po dang gnyis pa rab tu phye ba yin no/ /spri la yod pa lta bu spangs pas ni gsum pa'o/ /gnas ngan len snying po la yod pa lta bu spangs pa gang yin pa de ni thams cad kyi thams cad du bag la nyal med ba'i skabs yin te/ sangs rgyas kyis yin par ngas yongs su bstan to/ / bcom ldan 'das gnas ngan len de dag bskal pa grangs ma mchis pa du dag gis spong bar 'gyur lags/ spyan ras gzigs dbang phyug grangs med pa gsum gyis sam/ dus tshigS dang zla ba dang zla ba phyed dang/ zhag dang/ nyi ma dang/ thun dang thun byed dang/ skad cig dang thang cig dang yud tsam dang bskal pa dpag tu med pa dag gis spong ngo/ /bcom ldan 'das sa de dag la byang chub sems dpa' rnams kyi nyon mongs pa skye ba'i mtshan nyid ni gang lags/ skyon ni gang lags/ yon tan ni gang lags par rig par bgyi /spyan ras gzigs dbang phyug byang chub sems dpa' rnams kyi nyon mongs pa skye ba ni kun nas nyon mongs pa can ma yin pa'i mtshan nyid yin no/ /de ci'i phyir zhe na/ byang chub sems dpa' sa dbang po la so sor nges pa kho nas chos kyi dbyings thams cad rab tu rtogs pa'i phyir te/ des byang chub sems dpa' i nyon mongs pa ni shes bzhin kho nar skye ba yin gyi/ mi shes par ma yin pas/ de'i phyir kun nas nyon mongs pa can ma yin pa'i mtshan nyid yin no/ /rang gi rgyud la sdug bsngal skyed par mi nus pa nyid kyi phyir skyon med pa yin na/ / sems can gyi khams kyi sdug bsngal rnam par bzlog pa'i rgyu nyid yin pa'i phyir yon tan dpag tu med pa yin/ /bcom ldan 'das gang la da ltar byang chub sems dpa' rnams kyi nyon mongs pa skye ba dag gis kyang/ ji tsam du sems can dang nyan thos dang

  187. 94a

    rang sangs rgyas thams cad kyi dge ba'i rtsa ba rnams de tsam du zil gyis gnon par bgyid na/ de las gzhan pa'i yon tan rnams lta smos kyang ci 'tshal ba'i byang chub di tsam du don che ba ni ngo mtshar lags so/ /bcom ldan 'das bcom ldan 'das kyis nyan thos kyi theg pa gang yin pa dang/ theg pa chen po gang yin pa de ni theg pa gcig po zhes bka' stsal pa de la dgongs pa gang lags/ spyan ras gzigs dbang phyug pas nyan thos kyi theg par chos sna tshogs kyi ngo bo nyid 'di lta ste/ phung po lnga dang nang gi skye mched drug dang phyi rol gyi skye mched drug dang de dag la sogs pa gang dag bstan pa nyid ngas theg pa chen por chos kyi dbyings tshul gcig par bstan pas bshad de/ de'i phyir nga ni theg pa tha dad bar mi smra'o/ /de la gang dag don la sgra ji bzhin kho nar rnam par rtog pa kha cig ni sgro 'dogs par byed/ kha cig ni skur pa 'debs par byed cing theg pa tha dad pa nyid du rnam par rtog par yang byed de/ de gnyis mi mthun par sems shing phan tshun rtsod par zad de/ de la dgongs pa ni de yin no/ /de la bcom ldan 'das kyis de'i tshe tshigs su bcad pa 'di dag bka' stsal to/ /theg pa che dang theg pa dman pa la/ /rang bzhin sna tshogs chos rnams gang bstan pa/ /de dag nyid ni tshul gcig yang bstan te/ de phyir theg pa tha dad nga mi smra/ /don la sgra bzhi rnam par rtog byed ba/ /sgro btags byas shing skur ba gdab byas nas/ /de dag 'gal bsnyam du sems pa ni/ /rnam par rmongs nas blo gros sna tshogs 'gyur/ /sa rnams bsdus dang ming dang mi mthun phyogs/ /khyad par skye dang smon lam bslab pa rnams/ /de ni sangs rgyas rnams kyiS theg chen bshad/ / 'di la gang brtson de dag sangs rgyas 'gyur/ /de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to/ /bcom ldan 'das dgongs pa nges par 'grel ba'i chos kyi rnams grangs 'dir bstan pa 'di'i

  188. 94b

    ming ci lags/ 'di ji ltar gzung bar bgyi/ bcom ldan 'das kyis de la bka' stsal ba/ spyan ras gzigs dbang phyug 'di ni sa dang pha rol tu phyin pa'i nges pa'i don bstan pa yin te/ 'dis sa dang pha rol tu phyin pa'i nges pa'i don bstan pa zhes bya bar zung shig /sa dang pha rol tu phyin pa'i nges pa'i don bstan pa 'di bshad pa na/ byang chub sems dpa' bdun khri lnga stong gis byang chub sems dpa' i ting nge 'dzin theg pa chen po snang ba thob par gyur to zhes gsungs so/ /theg pa rnam par gzhag pa kho na las brtsams nas de bzhin gshegs pa'i bya ba bsgrub pa'i rab tu dbye ba ni dgongs pa nges par 'grel bI mdo? las ji skad 'byung ba bzhin blta bar bya ste/ bcom ldan 'das la byang chub sems dpa' 'jam dpal gyis zhu ba zhus pa/ bcom ldan 'das de bzhin gshegs pa rnams kyi chos kyi sku zhes bgyi na/ bcom ldan 'das de bzhin gshegs pa rnams kyi chos kyi sku'i mtshan nyid ji lta bu lags/ bcom ldan 'das kyis bka' stsal pa/ 'jam dpal de bzhin gshegs pa rnams kyi sku'i mtshan nyid ni sa dang pha rol tu phyin pa bsgoms pa'i nges par 'byung bar gyur pa yang dag par grub pa yin no/ /de yang rgyu gnyis kyis bsam gyis mi khyab pa'i mtshan nyid du rig par bya ste/ de ni spros ba med cing mngon par 'du bya ba med pa nyid kyi phyir dang/ sems can rnams ni spros pa dang mngon par 'du bya ba la mngon par bzhin pa nyid kyi phyir ro/ /bcom ldan 'das ci lags nyan thos dang rang sangs rgyas rnams kyi gnas gyur pa gang lags pa de yang chos kyi sku legs par brjod par bgyi 'am/ 'jam dpal brjod par mi bya'o/ /bcom ldan 'das 'o na ci'i lus lags bar brjod par bgyi/ 'jam dpal rnam par grol ba'i lus kyis ni de bzhin gshegs pa rnams dang/ nyan thos dang rang sangs rgyas rnams kyang mtshungs shing mnyam mo/ /chos kyis skus ni khyad par du 'phags te/ chos kyi skus khyad par du 'phags na yon tan

  189. 95a

    gyi khyad par dpag tu med pas kyang khyad par du 'phags pa yin te/ de la ni dpe bya bar yang bla ba ma yin no/ /bcom ldan 'das de bzhin gshegs pa rnams kyi skye ba 'byung ba'i mtshan nyid ni ji lta bur rig par bgyi lags/ 'jam dpal sprul pa'i sku'i mtshan nyid de 'jig rten gyi khams 'byung ba dang 'dra'o/ /sprul pa'i sku'i mtshan nyid 'byung ba la de bzhin gshegs pa'i yon tan bkod pa'i rgyan gyi rnam pa thams cad kyis byin gyis brlabs pa'i mtshan nyid du blta bar bya'o/ /chos kyi sku la ni skye ba 'byung ba med do/ /bcom ldan 'das sprul pa'i sku ston pa'i thabs la mkhas pa gang lags par blta bar bgyi lags/ 'jam dpal sprul pa'i sku ston pa'i thabs la mkhas pa ni stong gsum gyi stong chen po'i sangs rgyas kyi zhing thams cad du bdag por grags pa 'am/ sbyin gnas su grags pa'i khyim du mngal du 'jug pa dang/ btsas pa dang skye bo dang/ 'dod pa la longs spyod pa dang mngon par 'byung ba dang/ dka' ba spyod pa cig car kun tu ston pa dang/ de gtong ba dang mngon par rdzogs par byang chub pa'i rim pa kun tu ston pa yin par blta bar bya'o/ /bcom ldan 'das de bzhin gshegs pa de bzhin gshegs pa'i byin gyis brlabs kyi skus gsung gang dag rjod pas gdul ba'i khams yongs su ma smin pa ni yongs su smin par mdzad la/ yongs su smin pa ni dmigs pa de nyid kyis rnam par grol bar mdzad pa'i gsung brjod pa du zhig brjod par mdzad lags/ 'jam dpal de bzhin gshegs pa'i gsung brjod pa ni gsum po 'di dag yin te/ mdo sde brjod pa dang/ 'dul ba brjod pa dang/ ma mo brjod pa'o/ /bcom ldan 'das mdo sde ni gang lags/ 'dul ba ni gang lags/ ma mo ni gang lags/ 'jam dpal 'di lta ste/ dngos po bzhi 'am/ dgu 'am nyi shu rtsa dgu'i dbang du byas nas chos rnams kyi dngos pa'i bsdu ba tsam ngas gong du bstan pa

  190. 95b

    de ni mdo sde yin no/ /dngos po bzhi gang zhe na/ 'di lta ste/ thos pa'i dngos po dang/ skyabs su 'gro ba'i dngos po dang/ bslab pa'i dngos po dang/ byang chub kyi dngos po'o/ /dngos po dgu gang zhe na/ sems can du gdags ba'i dngos po dang/ de'i longs spyod kyi dngos po dang/ de 'byung ba'i dngos po dang/ de 'byung ba'i nas pa'i dngos po dang/ de'i kun nas nyon mongs pa dang rnam par byang pa'i dngos po dang/ de sna tshogs kyi dngos po dang/ ston pa'i dngos po dang/ bstan par bya pa'i dngos po dang/ 'khor gyi dngos po'o/ /dngos po nyi shu rtsa dgu gang zhe na/ kun nas nyon mongs pa'i phyogs nas brtsams te 'du byed bsdu ba'i dngos po dang/ de'i go rim rjes su 'jug pa'i dngos po dang/ de dag nyid la gang zag gi ming du byas nas phyi mar 'byung ba'i rgyu'i dngos po dang/ chos kyi ming du byas nas phyi mar 'byung ba'i rgyu'i dngos po dang/ rnam par byang pa'i phyogs las brtsams te dmigs pa la nye bar gtong pa'i dngos po dang/ de nyid la rtsol ba'i dngos po dang/ sems gnas pa'i dngos po dang/ tshe 'di la bde bar gnas pa'i dngos po dang/ sdug bsngal thams cad las yang dag par 'da' ba' i dmigs pa'i thabs kyi dngos po dang/ de yongs su shes pa'i dngos po ni phyin ci log yongs su shes pa'i gnas dang/ sems can du 'du shes pa las brtsams te phyi rol gyi sems can rnams la log bar bsgrub pa yongs su shes pa'i gnas dang/ nang la mngon pa'i nga rgyal med pa yongs su shes pa'i gnas kyis de yang rnam pa gsum dang/ sgom pa'i gnas kyi dngos po dang/ mngon du bya ba'i dngos po dang/ bsgom pa'i dngos po dang/ de snying por bya ba'i dngos po dang/ de'i rnam pa'i dngos po dang/ de'i dmigs pa'i dngos po dang/ spangs pa dang/ ma spangs pa spyod pa la mkhas pa'i dngos po dang/ de las rnam par g.yeng ba'i dngos po dang/ rnam par g.yeng ba'i gnas kyi dngos po dang/ de las rnam par mi g.yeng ba'i gnas kyi dngos po dang/ bsgom pa la yongs su skyo ba'i sbyor ba gsal ba'i

  191. 96a

    dngos po dang/ bsgom pa la phan yon gyi dngos po dang/ de brten pa'i dngos po dang/ 'phags pa'i dbang phyug bsdu ba'i dngos po dang/ 'phags pa'i phyogs dang g.yog 'khor bsdu ba'i dngos po dang/ de kho na rab tu rtogs pa'i dngos po dang/ mya ngan las 'das pa yang dag par 'thob pa'i dngos po dang/ legs par gsungs pa'i chos 'dul ba la 'jig rten pa'i yang dag pa'i lta ba 'di las phyi rol pa thams cad kyi yang dag pa'i lta bdag las spyi bor gyur pa nyid kyi dngos po dang/ de mi sgom pas yongs su nyam pa'i dngos po ste/ 'jam dpal 'di ltar legs par gsungs pa'i chos 'dul ba la ni mi sgom pas yongs su nyam par 'gyur zhing lta ba'i nyes pas ni ma yin no/ /'jam dpal ngas gang nyan thos rnams dang/ byang chub sems dpa' rnams kyi so sor thar pa 'am so sor thar pa dang ldan pa yongs su bstan pa gang yin pa de ni 'dul ba'i dngos po yin no/ /bcom ldan 'das byang chub sems dpa' rnams kyi so sor thar pa rnam pa dus bsdus par rig par bgyi lags/ 'jam dpal rnam pa bdun gyis te/ yang dag par blang ba'i chog bstan pa dang/ pham pa'i gnas lta bu'i dngos po bstan pa dang/ ltung ba'i gnas lta bu'i dngos po bstan pa dang/ ltung ba'i ngo bo nyid bstan pa dang/ ltung ba ma yin pa'i ngo bo nyid bstan pa dang/ ltung ba las dbyung ba bstan pa dang/ sdom pa gtong ba bstan pas so/ /'jam dpal ngas gong du mtshan nyid rnam pa bcu gcig bshad pa dang/ rnam par phye ba dang bstan pa gang yin pa de ni ma mo zhes bya'o/ /de la mtshan nyid rnam pa bcu gcig gang zhe na/ kun rdzob kyi mtshan nyid dang/ don dam ba'i mtshan nyid dang/ byang chub kyi phyogs dang 'thun ba'i chos rnams kyi dmigs pa'i mtshan nyid dang/ rnam pa'i mtshan nyid dang/ ngo bo nyid kyi mtshan nyid dang/ de'i 'bras bu'i mtshan nyid dang/ de

  192. 96b

    myong ba rnam par bsnyang pa'i mtshan nyid dang/ de'i bar du gcod pa'i mtshan nyid dang/ de dang rjes su 'thun pa'i chos kyi mtshan nyid dang/ de'i nyes dmigs kyi mtshan nyid dang/ de'i phan yon gyi mtshan nyid do/ /'jam dpal de la kun rdzob kyi mtshan nyid ni rnam pa gsum ste/ gang zag bstan pa dang/ kun btags pa'i ngo bo nyid bstan pa dang/ chos rnams kyi byed pa dang/ g.yo ba dang las byed pa bstan pas blta bar bya'o/ /de la don dam pa'i mtshan nyid ni de bzhin nyid rnam pa bdun bsten pas blta bar bya'o/ /dmigs pa'i mtshan nyid ni shes bya'i dngos po rnam pa thams cad bstan pas blta bar bya'o/ /rnam pa'i mtshan nyid ni brtag pa rnam pa brgyad bstan pas blta bar bya ste/ brtag pa brgyad gang zhe na/ bden pa dang/ gnas pa dang/ skyon dang/ yon tan dang/ tshul dang/ 'jug pa dang/ rig pa dang/ bsdu ba dang/ rgyas pas so/ /de la bden pa ni de bzhin nyid gang yin pa'o/ /gnas pa ni gang zag rnam par bzhag pa 'am/ kun btaD pa'i ngo bo nyid rnam par bzhag pa 'am/ mgo gcig dang/ rnam par dbye ba dang/ dris te lan gdab pa rnam par bzhag pa 'am/ gzhag pa rnam par bzhag pa 'am /gsang ba dang rnam par dbye ba bstan pa rnam par bzhag pa gang yin pa'o/ /skyon rnams ni ngas kun nas nyon mongs pa'i chos rnams kyis nyes dmigs rnam grangs du mar bstan pa gang yin pa dag go /yon tan rnams ni ngas rnam par byang ba'i chos rnams kyi phan yon rnam grangs du mar bstan pa gang yin pa dag go /tshul ni rnam pa drug tu rig par bya ste/ de kho na'i don gyi tshul dang/ 'thob pa'i tshul dang/ bshad pa'i tshul dang/ mdza' gnyis rnam par spangs pa'i tshul dang/ bsam gyis mi khyab pa'i tshul dang/ dgongs pa'i tshul lo/ /'jug pa'i dus gsum dang/ 'dus byas kyi mtshan nyid gsum dang/ rkyen bzhi

  193. 97a

    po dag go /rigS pa ni rnam pa bzhir rig par bya ste/ bya ba byed pa'i rig pa dang/ 'thad pas bsgrub pa'i rigs pa dang/ chos nyid kyi rigs pa'o/ /de la ltos pa'i rigs pa ni 'du byed rnams 'byung ba dang/ rjes su tha snyad gdags pa'i rgyu gang yin pa dang/ rkyen gang dag yin pa ste/ de ni ltos pa'i rigs pa yin no/ /chos rnams 'thob pa 'am/ 'grub pa 'am/ skyes pa rnams las byed par 'gyur ba'i rgyu gang dag yin pa dang rkyen gang dag yin pa de ni bya ba byed pa'i rigs pa yin no/ / dam bcas pa dang bshad pa dang /smras pa'i don bsgrub pa dang/ legs par khong du chud par bya ba'i rgyu gang dag yin pa dang/ rkyen gang dag yin pa de ni 'thad pas bsgrub pa'i rigs pa yin no/ /de yang mdor bsdu na rnam pa gnyis te/ yongs su dag pa dang/ yongs su ma dag pa'o/ /de la yongs su dag pa'i mtshan nyid ni lnga'o/ /yongs su ma dag pa'i mtshan nyid ni bdun no/ /de la yongs su dag pa'i mtshan nyid lnga po dag gang zhe na/ de mngon sum du dmigs pa'i mtshan nyid dang/ de la gnas pa mngon sum du dmigs pa'i mtshan nyid dang/ rang gi las kyi dpe nye bar sbyang ba'i tshan nyid dang/ yongs su grags pa'i mtshan nyid dang/ lung shin tu rnam par dag pa gtan la bab par bstan pa'i mtshan nyid do/ /de 'du byed thams cad mi rtag pa nyid dang/ 'du byed thams cad sdug bsngal ba nyid dang/ chos thams cad bdag med pa nyid 'jig rten na mngon sum du dmigs pa dang/ de lta bu dang mthun pa gang yin pa de ni mngon sum du dmigs pa'i mtshan nyid yin no /'du byed thams cad skad cig ma nyid dang/ 'jig rten pha rol tu yod pa nyid dang/ las dge ba dang/ mi dge ba chung mi za ba la de la gnas pa'i mi rtag pa rags pa nyid mngon sum du dmigs pa gang yin pa dang gang gis mngon sum du ma gyur pa la rjes su dpag par bya ba dang/ de lta bu dang mthun pa gang yin pa de

  194. 97b

    ni de la gnas pa mngon sum du dmigs pa'i mtshan nyid yin no/ /nang dang phyi rol gyi 'du byed rnams la 'jig rten thams cad la grags ba'i 'chi 'pho dang/ skye ba dmigs pa nye bar sbyar ba dang skye pa la sogs pa'i sdug bsngal dmigs pa nye bar sbyar ba dang/ rang dbang med pa dmigs pa nye bar sbyar ba dang/ phyi rol dag la'ang 'jig rten thams cad la grags pa'i 'byor pa dang rgud pa dmigs pa nye bar sbyar ba dang/ de lta bu dang mthun pa gang yin pa de ni rang gi rigs kyi dpe nye bar sbyar ba'i mtshan nyid yin par rig par bya'o// de la mngon syam du dmigs pa'i mtshan nyid dang/ de la gnas pa mngon sum du dmigs pa'i mtshan nyid dang/ rang gi rigs kyi dpe nye bar sbyar ba'i mtshan nyid gang yin pa de ni de grub par bya ba la gcig tu nges pa'i phyir yongs su grags pa'i mtshan nyid yin par rig par bya'o/ /'jam dpal gtan la bab par bstan pa thams cad mkhyen pas gsungs pa 'di lta ste mya ngan las 'das pa ni zhi ba'o zhes bya ba dang/ de lta bu dang 'thun pa sems can sna tshogs las sna tshogs la gnas pa mngon sum du dmigs pa gang yin pa dang/ sems can bde ba dang sdug bsngal ba las dge ba dang mi dge ba la gnas pa mngon sum du dmig pa gang yin pa de ni lung shin tu rnaM par dag pa gtan la bab par bstan pa'i mtshan nyid yin par rig par bya'o/ /de lta bas na mtshan nyid rnam pa lnga po de dag gis rigs pas brtag pa yongs su dag pa yin te/ yongs su dag pa'i phyir bstan par bya'o/ /bcom ldan 'das thams cad mkhyen pa'i mtshan nyid rnam pa dus rtogs par bgyi lags/ 'jam dpal lnga ste/ gang suAng rung ba zhig byung na? 'jig rten du thams cad mkhyen pa nyid du sgra rnam par grags pa dang skyes bu chen po'i mtshan sum cu rtsa gnyis dang ldan pa dang/ stobs bcus sems can thams cad kyi the tsom thams cad gcod pa dang/ mi 'jigs pa bzhis chos ston pas de'i

  195. 98a

    tshig la bas kyi rgol ba thams cad kyis brgal du med cing brtsad du med pa gang yin pa dang/ su'i chos 'dul ba la 'phags pa'i lam yin lag brgyad pa snang zhing dge sbyong rnam bzhi snang ba yin te/ de ltar na 'byung ba dang mtshan dang the tshom gcod pa dang/ brgal du med cing brtsad du med pa dang/ dge sbyong dmigs pas thams cad mkhyen pa'i mtshan nyid lngar rig par bya'o/ /de ltar na 'thad pas sgrub pa'i rigs pa de ni mngon sum gyi tshad ma dang/ rjes su dpag pa'i tshad ma dang/ yid ches pa'i lung gi tshad mas mtshan nyid lnga po dag gi yongs su dag pa yin no/ /yongs su ma dag pa'i mtshan nyid rnam pa bdun gang zhe na/ de las gzhan dang mthun par dmigs pa'i mtshan nyid dang/ de las gzhan dang mi mthun par dmigs pa'i mtshan nyid dang/ thams cad 'thun par dmigs pa'i mtshan nyid dang/ thams cad mi mthun par dmigs pa'i mtshan nyid dang/ gzhan gyi rigs kyi dpe nye bar sbyar ba'i mtshan nyid dang/ yongs su ma grags pa'i mtshan nyid dang/ lung shin tu rnam par ma dag pa bstan pa'i mtshan nyid do/ /de la chos thams cad yid kyi rnam par shes par bya ba gang yin pa de ni thams cad 'thun par dmigs pa'i mtshan nyid yin no/ /rtags dang/ ngo bo nyid dang/ las dang/ chos dang/ rgyu dang 'bras bu'i mtshan nyid mi mthun pa rnams kyi mtshan nyid mi mthun pa gang yang rung bas phan tshun mtshan nyid mi mthun par nges pa nyid gang yin pa de ni thams cad mi mthun par dmigs pa'i mtshan nyid yin no/ /'jam dpal de la gzhan nyid dang mthun par dmigs pa'i mtshan nyid dpe dang bcas pa la thams cad mi mthun par dmigs pa'i mtshan nyid yod pa'i phyir gang gis de grub par bya ba la gcig tu ma nges pa'i phyir de ni yongs su ma grags pa'i mtshan nyid ces bya'o/ /de las gzhan dang mi mthun par dmigs pa'i

  196. 98b

    mtshan nyid dpe dang bcas pa la yang thams cad mthun par dmigs pa'i mtshan nyid yod pas gang gis de grub par bya ba la gcig tu ma nges pa'i phyir de yang yongs su ma grags pa'i mtshan nyid ces bya'o/ /yongs su ma grags pa'i phyir rigs pas brtags pa yongs su ma dag pa yin te/ yongs su ma dag pa'i phyir brten par mi bya'o/ /de la lung shin tu rnam par ma dag pa bstan pa'i mtshan nyid ni rang bzhin nyid kyis yongs su ma dag pa yin par rig par bya'o/ /de la de bzhin gshegs pa rnams byung yang rung ma byung yang rung ste/ chos gnas par bya ba'i phyir chos nyid dbyings gnas pa nyid gang yin pa de ni chos nyid kyi rigs pa yin no/ /de la bsdus pa dang rgyas pa ni mdor bsdus te/ tshig gcig gis bstan pa'i chos tshig phyi ma phyi ma dag gis rab tu phye ste mthar thug par byed pa gang yin pa'o// ngas? rnam pa dang bcas pa'i dmigs pa 'dzin pa byang chub kyi phyogs dang mthun pa'i chos dran pa nye bar gzhag pa la sogs pa gang dag bstan pa ni de dag gi ngo bo nyid kyi mtshan nyid yin no/ /'jig rten pa dang 'jig rten las 'das par bcas pa'i nyon mongs pa spong bas de'i 'bras bu 'jig rten pa dang 'jig rten las 'das pa'i yon tan mngon par bsgrub pa gang dag yin pa de ni de'i 'bras bu thob pa'i mtshan nyid yin no/ /de nyid rnam par grol ba'i shes pas so sor yang dag par rig pa gang yin pa gzhan dag la yang rgya cher sgrogs pa dang/ 'chad pa dang yang dag par ston pa de ni de myong ba rnam par brnyad? pa'i mtshan nyid yin no/ /byang chub kyi phyogs dang 'thun pa'i chos de dag nyid bsgom pa la bar chad byed pa'i gnas lta bu nyon mongs pa can gyi chos gang dag yin pa de ni de'i bar du gcod pa'i chos kyi mtshan nyid yin no/ /de dag nyid la gces sbras byed pa'i chos gang dag yin pa de ni de dang rjes su mthun pa'i chos kyi mtshan nyid yin no/ /bar du gcod pa rnams kyi skyon gang yin pa de ni nyes dmigs kyi mtshan nyid yin no/ /'jam

  197. 99a

    dpal rjes su mthun pa rnams kyi yon tan gang yin pa de ni phan yon gyi mtshan nyid yin par rig par bya'o/ /de nas bcom ldan 'das la byang chub sems dpa' 'jam dpal gyis yang 'di skad ces gsol to/ /bcom ldan 'das gzungs kyi don gang gis byang chub sems dpa' rnams de bzhin gshegs pas gsungs pa'i chos zab mo rnams kyis ldem por dgongs pa'i rjes su 'jug par 'gyur ba byang chub sems dpa' rnams kyi mdo sde dang 'dul ba dang ma mo dag gi gzungs gyi don ma lus pa 'di las slar rol pa rnams dang thun mong ma lags pa bshad du gsol/ 'jam dpal de'i phyir nyon cig dang/ 'di ltar byang chub sems dpa' rnams de'i ldem po ngag la 'jug par bya ba'i phyir gzungs kyi don ma lus pa khyod la bshad par bya'o/ /'jam dpal kun nas nyon mongs pa'i chos gang yin pa dang /rnam par byang ba'i chos gang yin pa de dag? thams cad ni g.yo ba med pa gang zag med pa yin te/ de'i phyir ngas chos rnam pa thams cad du byed pa med par bstan to/ /kun nas nyon mongs pa'i chos rnams kyang sngon kun nas nyon mongs pa can du gyur la/ phyis rnam par byang bar 'gyur ba ma yin rnam par byang ba'i chos rnams kyang phyis rnam par byang la/ sngon kun nas nyon mongs pa can du gyur pa ma yin pa yin na/ de la byis pa so so'i skye bo rnams gnas ngan len gyi lus la chos dang gang zag gi ngo bo nyid du mngon par zhen pa'i bag la nyal gyi lta ba la brten bdag gam bdag gir 'dzin cing/ des na mthong ngo/ /thos so/ /snom mo/ /myong ngo/ /reg go /rnam par shes so/ /za'o/ /byed do/ /kun nas nyon mongs so/ /rnam par byang ngo zhes log par mngon par 'du byed pa 'byung ngo/ /gang la las de ltar yang dag pa ji lta ba bzhin du rab tu shes pa de ni gnas ngan len gyi lus rab tu spong zhing nyon mongs pa thams cad kyi gnas

  198. 99b

    ma yin pa shin tu rnam par dag pa /spros pa med pa /'dus ma byas pa mngon par 'du bya ba med pa'i lus 'thob par 'gyur te/ 'jam dpal de ni gzungs kyi don ma lus pa yin par rig par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /kun nas nyon mongs chos dang rnam par byang ba'i chos/ /thams cad byed pa med cing gang zag med pa yin/ de phyir de dag byed pa med par ngas bshad do/ /de dag snga phyir rnam par dag dang nyon mongs min/ /gnas ngan len gyi lus la bag la nyal ba yi/ /lta la rten nas bdag dang bdag gir 'dzin byed do/ /des na mthong ngo za'o byed ces bya ba dang/ /nyon mongs rnam par byang bar 'gyur ro snyam pa'ang 'byung/ /gang gis de ltar yang dag ji bzhin rab shes pa/ /de ni gnas ngan len lus rab tu spong byed cing/ /nyon mongs gnas min shin tu rnam par dag pa'i lus/ /spros pa med cing 'dus ma byas pa thob par 'gyur/ /bcom ldan 'das de bzhin gshegs pa'i sems 'byung ba'i mtshan nyid ji lta bur rig par bgyi lags/ /'jam dpal de bzhin gshegs pa rnams kyi sems dang yid dang rnam par shes pas rab tu phye ba ma yin mod kyi/ 'on kyang de bzhin gshegs pa'i sems ni mngon par 'du bya ba med pa 'byung ste /sprul pa lta bur rig par bya'o/ /bcom ldan 'das gal te de bzhin gshegs pa rnams kyi chos kyi sku mngon par 'du bgyi ba thams cad dang bral ba lags na/ 'o na mngon par 'du bgyi ba ma mchis par sems 'byung bar 'gyur lags/ 'jam dpal sngon thabs dang shes rab bsgom pa mngon par 'du byas pa'i phyir te/ 'jam dpal 'di lta ste dper na gnyid log pa sems med pa la phyir sad par mngon par 'du bya ba med kyang/ sngon mngon par 'du byas pa'i dbang gis sad par 'gyur ba dang/ 'gog pa la snyoms par zhugs pa la ldang bar mngon par 'du bya ba med

  199. 100a

    kyang/ sngon mngon par 'du byas pa'i dbang khonas ldang bar 'gyur te/ gnyid log pa dang 'gog pa la snyoms par zhugs pa dag gi sems 'byung ba ji lta ba de bzhin du de bzhin gshegs pa'i sems 'byung ba yang sngon thabs dang shes rab bsgom pa mngon par 'du byas pa las rig par bya'o/ /bcom ldan 'das ci de bzhin gshegs pas sprul pa sems mchis sam ma mchis zhes bgyi/ 'jam dpal sems yong ba yang ma yin te/ sems rang dbang med pa nyid dang sems gzhan gyi dbang nyid yin pa'i phyir ro/ /bcom ldan 'das de bzhin gshegs pa'i sbyor yul gang lags pa dang/ de bzhin gshegs pa'i yul gang lags pa de gnyis la tha dad du bgyi bci mchis lags/ 'jam dpal de bzhin gshegs pa'i spyod yul ni de bzhin gshegs pa thams cad kyi thun mong ba/ yon tan bsam gyis mi khyab pa dang tshad med pa'i bkod pa'i sangs rgyas kyi zhing yongs su dag pa gang yin pa'o/ /de bzhin gshegs pa'i yul ni khams lnga po sems can gyi khams dang/ 'jig rten gyi khams dang/ chos kyi khams dang/ gdul pa'i khams dang/ gdul ba'i thabs kyi khams rnam pa thams cad de/ de gnyis las tha dad du bya ba ni de yod do/ /bcom ldan 'das de bzhin gshegs pa'i mngon par rdzogs par byang chub pa gang lags pa dang chos kyi 'khor lo bskor ba gang lags pa dang/ yongs su mya ngan 'das 'dus pa chen po gang lags pa de dag gi mtshan nyid ji lta bur rig par bgyi lags/ 'jam dpal gnyis su med pa'i mtshan nyid yin te/ mngon par rdzogs par byang chub pa yang ma yin/ mngon par rdzogs par byang chub pa yang ma yin/ chos kyi 'khor lo bskor ba yang ma yin/ chos kyi 'khor lo mi bskor ba yang ma yin

  200. 100b

    yongs su mya ngan las 'das pa chen po yang ma yin/ yongs su mya ngan las 'das pa chen po med pa yang ma yin te /chos kyi sku shin tu rnam par dag pa nyid kyi phyir dang/ sprul pa'i sku kun tu ston pa nyid kyi phyir ro/ /bcom ldan 'das sprul pa'i sku la lta ba dang nyan pa dang bsnyen bkur bgyid pa dag gis sems can rnams bsod nams skyed pa de ci'i slad du de bzhin gshegs pa las byung bar rig par bgyi lags/ 'jam dpal de bzhin gshegs pa la lhag par dmigs pa'i bya ba nyid yin pa'i phyir dang/ sprul pa'i sku yang de bzhin gshegs pas byin gyis brlabs pa nyid yin pa'i phyir ro/ /bcom ldan 'das mngon par 'du bgyi ba ma mchis par 'dra lags na/ ci'i slad du de bzhin gshegs pa'i chos kyi sku kho na las sems can rnams la ye shes kyi snang ba chen po 'di 'byung zhing sprul pa'i gzugs brnyan dpag tu ma mchis pa dag kyang 'byung la/ nyan thos dang rang sangs rgyas kyi rnam par grol ba'i lus las ni mi 'byung lags/ 'jam dpal 'di lta ste dper na /mngon par 'du byed pa med par 'dra yang 'di lta ste/ sems can mthu chen po'i byin rlabs nyid dang/ sems can gyi las kyi dbang nyid kyi phyir zla ba dang nyi ma'i dkyil 'khor gyi chu shel dang me shel kho na las sems can rnams la snang ba chen po 'byung la de las gzhan gyi chu shel dang me shel dag las ni mi 'byung ba dang/ nor bu rin po che rigs dang ldan pa las legs par byi dor byas pa las rgya'i gzugs brnyan 'byung la/ de las gzhan pa byi dor ma byas pa dag las ni mi 'byung ba de bzhin du/ de bzhin gshegs pa'i chos kyi sku yang chos kyi dbyings dpag tu med pa la dmigs pa'i thabs dang shes rab bsgoms pas shin tu sbyang? ba byas pa las yang dag par grub pa yin pa'i phyir/ de las sems can rnams la ye shes kyi snang ba chen po dang/ sprul pa'i gzugs brnyan dpag tu med pa dag 'byung gi /rnam par grol ba'i lus 'ba' zhig ngag las ni mi 'byung ngo/ /bcom

  201. 101a

    ldan 'das de bzhin gshegs pa dang/ byang chub sems dpa' i byin gyi brlabs kyi mthus /'dod khams kyi mi lus phun sum tshogs pa rgyal rigs dang bram ze'i rigs shing sA la chen po lta bu rnams dang/ 'dod pa na spyod pa'i lha'i lus phun sum tshogs pa thams cad dang/ gzugs ma mchis pa na spyod pa'i lha'i lus phun sum tshogs pa thams cad dga' o zhes bgyi ba de la bcom ldan 'das dgongs pa gang lags/ 'jam dpal 'di la de bzhin gshegs pa rnams ni de bzhin gshegs pa byin gyis brlabs nas lam gang dang bsgrub pa gang gis thams cad du lus phun sum tshogs pa thams cad thob par 'gyur ba'i lam de yang bsgrub pa de ji lta ba bzhin du ston te/ gang dag lam de dang bsgrub pa de sgrub par byed pa de dag ni thams cad du lus phun sum tshogs pa thams cad 'thob par 'gyur la/ gang dag lam de dang bsgrub pa de phyir spong zhing mi snyan par brjod la nga la yang kun nas mnar sems kyi sems dang khong khro ba'i sems dang ldan zhing 'chi ba'i dus byed pa de dag ni thams cad du lus ngan pa thams cad 'thob par 'gyur te /'jam dpal rnam grangs des na khyod kyis 'di ltar lus phun sum tshogs pa 'ba' shig de bzhin gshegs pa'i byin gyis brlabs kyi mthu las 'byung ba ma yin gyi/ lus ngan par skye ba yang de bzhin gshegs pa'i byin gyi brlabs kyi mthu las 'byung bar rig par bya'o/ /bcom ldan 'das 'jig rten gyi khams yongs su ma dag pa dag na gang ni mod pa lags/ gang ni dkon pa lags/ yongs su dag pa dag na gang ni mod pa lags/ gang ni dkon pa lags/ 'jam dpal 'jig rten gyi khams yongs su ma dag pa dag na dngos po brgyad ni mod la/ gnyis ni dkon te/ 'di lta ste/ mu stegs can rnams dang/ sems can sdug bsngal ba rnams dang/ rigs dang/ rus dang/ tshe rigs 'byor ba dang/ rgud pa tha dad pa rnams dang/

  202. 101b

    nyes par spyad pa spyod pa rnams dang/ tshul khrims ral pa rnams dang/ ngan song rnams dang/ theg pa dman pa rnams dang/ byang chub sems dpa' bsam pa dang/ sbyor ba dman pa rnams ni mod pa yin la/ byang chub sems dpa' bsam pa dang sbyor ba mchog dang/ ldan pa rnams kyi spyod pa dang/ de bzhin gshegs pa rnams 'byung ba ni dkon pa yin no/ /'jam dpal 'jig rten gyi khams yongs su dag pa dag na ni de las bzlog pas dngos po brgyad ni dkon la/ gnyis ni mod par rig par bya'o/ /de nas bcom ldan 'das la byang chub sems dpa' 'jam dpal gyis 'di skad ces gsol to/ /bcom ldan 'das dgongs pa nges par 'grel ba'i chos kyi rnam grangs 'dir bstan pa 'di'i ming ci lags/ 'di ji ltar bzung bar bgyi/ bcom ldan 'das kyis de la bka' stsal pa /'jam dpal 'di ni de bzhin gshegs pa'i bya ba bsgrub pa nges pa'i don bstan pa yin te/ 'di de bzhin gshegs pa'i bya ba bsgrub pas nges pa'i don bstan pa zhes bya bar zung shig /de bzhin gshegs pa'i bya ba bsgrub pa nges pa'i don bstan pa 'di bshad pa na byang chub sems dpa' bdun khri lnga stong gis chos kyi sku yongs su rdzogs pa so sor yang dag par rig pa thob par gyur to zhes gsungs so/ /yon tan gyi le'u rnam par gtan la dbab pa rdzogs so// //bam? po bzhi bcu gcig pa/ /sems can gyi khams dpag tu med pa la sogs pa dpag tu med pa lnga zhes gang gsungs pa de la ci 'jig rten gyi khams thams cad mchungs shing mnyam pa yin nam/ 'on te bye brag yod par bya zhe na/ smras pa/ bye brag yang brjod par bya'o/ /de dag kyang yongs su dag pa dang/ yongs su ma dag pa ste/ de la 'jig rten gyi khams yongs su dag pa dag na ni sems can dmyal ba rnams kyang med/ dud 'gro rnams kyang med/ yi dags rnams kyang med/ 'dod pa'i khams kyang med/ gzugs kyi khams kyang med/ gzugs med pa'i khams

  203. 102a

    kyang med/ sdug bsngal gyi tshor ba yang med la/ de dag na byang chub sems dpa' i dge 'dun 'ba' zhig gnas pas na/ de'i phyir 'jig rten gyi khams de dag yongs su dag pa zhes bya ste/ de dag tu byang chub sems dpa' sa gsum par chud pa rnams smon lam gyi dbang gis skye'i/ de dag ni so so'i skye bo 'am/ so so'i skye bo ma yin pa'i nyan thos rnams kyi skye ba med do/ /gal te de dag na so so'i skye bo byang chub sems dpa' rnams dang/ so so'i skye bo ma yin pa'i nyan thos rnams kyi skye ba med na/ byang chub sems dpa' rnams smras pa na/ byang chub sems dpa' gang su dag de dag tu yid kyis smon par byed pa de dag thams cad ni de dag tu skye bar 'gyur ro zhes ci'i phyir smra zhe na/ smras pa/ gdul bya le lo dang ldan pa'i rang bzhin can dge ba'i rtsa ba ma bsags pa rnams la bsams nas smra ba yin te/ 'di ltar de dag nyid spro bar gyur na le lo spangs te dge ba'i chos rnams la brtson 'grus rtsom par byed cing/ des rim gyis de dag tu skye ba'i chos nyid thob pa'i skal ba can du 'gyur ba'i phyir te/ de ltar na 'di la bsam pa ni de yin par rig par bya'o/ /byang chub sems dpa' i gnas pa bzhi la brten nas bya ba bzhi sgrub par byed de /rab tu dag pa la gnas pa dang/ lhag pa'i tshul khrims kyi gnas pa dang/ lhag pa'i sems kyi gnas pa dang /lhag pa'i shes rab kyi gnas pa'o/ /rab tu dag pa la gnas pa gang zhe na/ byang chub sems dpa' gang la gnas na lhag pa'i bsam pa dag pa'i sar chud pas byang chub kyi snying po la 'dug gi bar du dkon mchog gsum po dag la gzhan gyi dring mi 'jog pa'i bsam pa dang ldan pa yin no/ /lhag pa'i tshul khrims la gnas pa gang zhe na/ byang chub sems dpa' rab tu dga' ba la gnas pa de nyid la brten nas gang la gnas na gong du rang bzhin gyi tshul khrims dang/

  204. 102b

    'chal pa'i tshul khrims dang ser sna'i dri ma dang bral zhing tshul khrims dang gtong ba phun sum tshogs pa de dag bla na med pa yang dag par rdzogs ba'i byang chub tu yongs su bsngo bar byed do/ /lhag pa'i sems la gnas pa gang zhe na/ byang chub sems dpa' lhag pa'i tshul khrims la gnas pa de nyid la brten nas gang la gnas na gang du rang bzhin gyi bsam gtan la brten nas/ 'dod ba rnams la 'dod chags dang bral bar 'gyur ba dang/ bsam gtan dang snyoms par 'jug pa rnams 'thob pa dang byams pa dang/ snying rje'i gnas pa dang ldan pas sems can rnams la ci nus ci lcogs kyis de bzhin du sgrub par byed pa yin no/ /lhag pa'i shes rab la gnas pa gang zhe na/ byang chub sems dpa' lhag pa'i sems la gnas pa de nyid la brten nas gang la gnas na gong du byang chub kyi phyogs dang mthun pa'i chos la mkhas pa dang bden pa la mkhas pa dang rten cing 'brel par 'byung ba la mkhas pa dang nyan thos dang rang sangs rgyas rnams dang thun mong ma yin pa'i chos rnam par bzhag pa'i shes pa la mkhas pa dang/ de dag nyid dang thun mong ba'i rtog pa'i shes pas nges par 'byung ba la mkhas pa ste de la thun mong ma yin pa'i chos rnam par gzhag pa'i shes pa ni 'di yin te 'di lta ste/ byang chub sems dpa' i sde snod kyi dgongs pa'i tshig shes pa dang rnam par ma bzhag pa'i bden pa shes pa dang/ rnam par gzhag pa'i bden pa shes pa'o/ /de la thun mong ba'i shes pa ni 'di yin te/ 'di lta ste rten cing 'brel par 'byung ba las brtsams nas rtogS pa'i shes pa'o/ /gnas pa bzhi po de dag la brten nas bya ba bzhi sgrub par byed de/ gnas pa dang po la brten nas ni byang chub kyi snying po la 'dug gi bar du byang chub kyi sems gtong bar mi byed do/ /gnas pa gnyis pa la rten nas ni byang chub kyi snying po la 'dug gi bar du phyi ma la lus 'phel ba dang long spyod 'phel ba

  205. 103a

    dang dge ba'i phyogs 'phel bas rnam par 'phel bar byed do/ /gnas pa gsum pa la brten nas ni bsam gtan rnams rnam par bsgyur nas smon lam gyi sems can gyi don bya ba'i phyir 'dod pa'i khams su skye zhing/ 'dod pa na spyad pa'i nyon mongs pa rnams kyis kyang kun nas nyon mongs pa med par byed do/ /gnas pa bzhi pa la brten nas ni chos rnam par bzhag pa thams cad la rtogs pa la mkhas pas sems can gyi ched du 'khor ba khas len par byed pa dang/ de khas blangs pa'i rgyus tshogs chen po yang dag par bsags pa dang/ gnas pa de nyid yongs su dag pa'i rgyus gnas pa gzhan la mi ltos pa dang/ gzhan gyi gdam ngag dang rjes su bstan pa la mi brten par myur ba kho nar de bzhin gshegs pa'i ye shes 'thob par byed do/ /byang chub sems dpa' rnams sdug bsngal gang dang ldan par brjod par bya zhe na/ smras pa/ sems can la gnod pa'i sdug bsngal rnams dang ngo/ /byang chub sems dpa' rnams bde ba gang dang ldan par brjod par bya zhe na/ smras pa/ sems can la phan pa'i bde ba rnams dang ngo/ /byang chub sems dpa' rnams yid la byed pa gang dang ldan par brjod par bya zhe na/ smras pa/ shes bya'i mthar 'jug pa dang sems can gyi don bya ba'i yid la byed pa rnams dang ngo/ /byang chub sems dpa' rnams gnas pa gang dang ldan par brjod par bya zhe na/ smras pa /rnam par mi rtog pa'i gnas pa rnams dang ngo/ byang chub sems dpa' rnams kyi sgrib pa chen po ni bzhi po 'di dag yin te/ de dag rnam par ma sbyangs na byang chub sems dpa' sar 'jug pa dang/ sa gnon pa'i skal ba med pa yin no/ /bzhi gang zhe na/ 'di lta ste/ byang chub sems dpa' i 'dul ba la nyon mongs pa can gyi ltung ba dang/ theg pa chen po dang ldan pa'i

  206. 103b

    chos spong zhing skur pa 'debs pa dang/ dge ba'i rtsa ba ma bsags pa dang zang zing dang bcas pa'i sems dang ldan pa'o/ /sgrib pa bzhi po dag gi gnyen por sgrib pa rnam par spyod par byed pa'i chos rnam pa bzhir rig par bya ste bzhi gang zhe na/ 'di lta ste/ phyogs bcu'i de bzhin gshegs pa thams cad kyi spyan sngar nyes pa bshags par bya ba dang/ phyogs bcu'i sems can thams cad kyi don du chos bshad par bya ba'i phyir de bzhin gshegs pa thams cad la gsol ba gdab par bya ba dang/ phyogs bcu'i sems can thams cad kyi bsod nams thams cad la rjes su yi rang bar bya ba/ dge ba'i rtsa ba byas pa dang ma byas pa thams cad bla na med pa yang dag par rdzogs pa'i byang chub tu yongs su bsngo ba'o/ /byang chub sems dpa' sar chud pa rnams kyis kyang yongs su shes par dka' zhing spang bar dka' ba'i nye ba'i nyon mongs pa phra mo ni bzhi po 'di dag yin te/ byang chub sems dpa' de dag yongs su shes par byas shing yongs su shes bar byas nas spang bar bya'o/ /bzhi gang zhe na 'di lta ste/ chos la sred pa dang/ nyan thos dang rang sangs rgyas dang ldan pa'i yid la byed pa dang/ snyoms par 'jug pa'i ro myang ba dang/ bdud kyi las so/ /de la bdud kyi las ni mtshan ma la sems rnam par 'phro ba gang ci yang rung ba yin par rig par bya'o/ /byang chub sems dpa' sa dang por chud pa ji lta bur gyur pa yin par brjod par bya zhe na/ smras pa/ so so'i skye bo'i sa thams cad las rnam par 'das pa dang/ byang chub sems dpa' i yang dag pa nyid skyon med pa la zhugs pa dang der zhugs pa'i phyir so so'i skye po ma yin pa dang/ 'jigs pa thams cad las yang dag par 'das pa dang/ bla na med pa'i chos ma 'dres pa thor pa'i phyir rtag tu rab tu dga' bar gnas pa yin par brjod par bya'o/ /byang chub sems dpa' sa gnyis par chud pa ji lta bur gyur pa yin par brjod par bya zhe na/ smras pa/ 'dul ba la chos nyid kyis thob pa kho nas

  207. 104a

    nyan thos kyi slab ba bag yongs su byas te/ rang bzhin gyis lus dang ngag dang yid kyi kun tu spyod pa yongs su dag pa'i phyir tshul khrims 'chal ba'i dri ma dang bral ba yin par brjod par bya'o/ /byang chub sems dpa' sa gsum par chud pa ji lta bur gyur pa yin par brjod par bya zhe na/ smras pa/ nang gi zhi gnas kyi lam stobs dang ldan par thob pas shes bya snang ba thob pa yin par brjod par bya'o/ /byang chub sems dpa' sa bzhi par chud pa ji lta bur gyur pa yin par brjod par bya zhe na/ smras pa/ nang ba lhag mthong gi lam stobs dang ldan pa thob pas nyon mongs pa sreg par byed pa ye shes kyi 'od 'phro ba la rab tu gnas pa'i phyir byang chub kyi phyogs dang mthun pa'i chos ji ltar rtogs pa nyid rnam par 'jog pa la mkhas pa yin par brjod par bya'o/ / byang chub sems dpa' sa lnga bar chud pa ji lta bur gyur pa yin par brjod par bya zhe na/ smras pa/ 'jig rten pa'i shes pa thams cad las yang dag par 'das pa'i phyir dang nyan thos dang rang sangs rgyas kyi shes pa thams cad las yang dag par 'das pa'i phyir bden pa bsam gyis mi khyab pa la rjes su zhugs pas shin tu sbyang bar dka' ba'i lam la yang dag par zhugs pa yin par brjod bar bya'o/ /byang chub sems dpa' sa drug par chud pa ji lta bur gyur pa yin par brjod par bya zhe na/ smras pa/ rten cing 'brel par 'byung ba zab mo'i tshul la zhugS pa'i phyir 'du byed thams cad la mi mthun pa'i 'du shes la gnas pa dang mtshan ma med pa'i dbyings nyid yin la/ bya ba mngon du bya ba de la mang du gnas pa yin par brjod par bya'o/ /byang chub sems dpa' sa bdun par chud pa ji lta bur gyur pa yin par brjod par bya zhe na/ smras pa/ mngon par 'du byed pa dang bcas pas rtag tu mtshan ma med pa'i dbyings yid la byed pas shin tu ring du rjes su zhugs pa dang/ sbyor ba'i lam gyi mthar thug pa yin par brjod par bya'o/ /byang chub sems

  208. 104b

    dpa' sa brgyad par chud pa ji lta bur gyur pa yin par brjod par bya zhe na/ smras pa/ mngon par 'du byed pa med cing rtsol ba med pas mtshan ma med pa'i dbyings yid la byed pa ji ltar 'dod pa bzhin thob pas mi g.yo pa dang mchan ma thams cad la dbang thob pa dang dag pa'i sa la gnas pa yin par brjod par bya'o/ /byang chub sems dpa' sa dgu par chud pa ji lta bur gyur pa yin par brjod par bya zhe na/ smras pa/ ming gi tshogs dang tshig gi tshogs dang/ yi ge'i tshogs rnams la dpa' thob pa'i phyir/ blo gros kha na ma tho ba med pa/ tshad med pa rgya chen pos sems can thams cad kyi sems kun tu mgu bar bya ba'i phyir so so yang dag par rig pa chen po thob pa dang/ chos smra ba chen po yin par brjod par bya'o/ /byang chub sems dpa' sa bcu bar chud pa ji lta bur gyur par brjod par bya zhe na/ smras pa/ sangs rgyas thams cad kyis dbang bskur ba chen po thob pa'i phyir sprin chen po lta bu'i chos kyi sku thob pa dang/ mngon par shes pa chen po thob pa dang/ de bzhin gshegs pa yin par brjod par bya'o/ /byang chub sems dpa' de bzhin gshegs pa'i sar chud pa ji lta bur gyur pa yin par brjod par bya zhe na/ smras pa/ chos kyi sku thob pa de nyid shin tu rnam par dag pa nyid kyi phyir dang yongs su grub pa nyid kyi phyir rnam pa thams cad du nyon mongs pa dang/ shes bya'i sgrib pa rnam par dag pa'i ye shes dang mthong ba rnam par dag pa yin par brjod par bya'o/ /sa de dag gi yang dag par rtsom pa ji lta bu yin zhe na/ smras pa/ byang chub sems dpa' gang gi tshe 'di lta ste/ sa bcu las brtsams nas mos pas spyod pa'i sa la chos spyod pa bcu la zhugs pa yin no/ /sa de dag gi 'thob pa ji lta bu zhe na/ smras pa/ byang chub sems dpa' gang gi tshe byang chub sems dpa' i yang dag pa nyid kyi skyon med pa la 'jug cing/ bsam pa rnam par dag pa yang 'thob pa de'i tshe nas thams cad cig char 'thob pa yin no/ /sa de dag gi rgyu 'thun pa gang yin zhe na/ smras pa/ thob pa'i 'og tu

  209. 105a

    sa thams cad la mthu'i lam sbyor ba las byung ba gang yin pa'o/ /sa de dag gi yongs su 'grub pa ji lta bu yin zhe na/ smras pa/ byang chub sems dpa' sa gang gi tshe sa re re la yang bskal pa 'bum phrag du ma dag gis sa de dag/ tu mthu de ci 'dod pa bzhin 'thob pa yin no/ /skyon med pa la zhugs pa lnga zhes gang gsungs pa de la nyan thos kyi skyon med par zhugs pa gang yin pa dang/ byang chub sems dpa' i skyon med par zhugs pa gang yin pa de la chos kyi dbyings rtogs par 'dran de dag la tha dad du bya ba ci yod par blta bar bya zhe na/ smras pa/ chos kyi dbyings kyi mtshan nyid ni mdor bsdu na rnam pa gnyis te/ bye brag gi mtshan nyid dang/ rang gi mtshan nyid do/ /de la bye brag gi mtshan nyid ni de la rtag pa'i mtshan nyid dang/ zhi ba'i mtshan nyid gang yin pa'o/ /de la rtag pa'i mtshan nyid ni de la bzod ma nas skye ba med pa'i chos nyid dang mi zad pa'i chos nyid gang yin pa'o/ /de la zhi ba'i mtshan nyid ni nyon mongs pa dang/ sdug bsngal dang bral ba'i chos nyid gang yin pa'o/ /de la rang gi mtshan nyid ni rgyu mtshan dang ming dang rnam par rtog pa dang de bzhin nyid dang yang dag pa'i shes pas bsdus pa'i chos thams cad la kun btags pa'i ngo bo nyid kyi ngo bo nyid yongs su ma grub pa chos la bdag med pa gang yin pa'o/ /de la nyan thos ni bye brag gi mtshan nyid kyis chos kyi dbyings rtogs nas yang dag pa nyid kyi skyon med pa la 'jug par byed kyi/ rang gi mtshan nyid kyis ni ma yin no/ /de rtogs pa'i phyir mi 'chi ba'i 'du shes dang/ bde ba'i 'du shes kyis chos kyi dbyings la zhi ba'i 'du shes dang 'du byed thams cad la mi mthun pa'i 'du shes gcig tu nges par 'thob kyi/ rgyu mtshan la sogs pas bsdus pa'i chos de dag gi ngo bo nyid yongs su ma grub pa/ chos la bdag med pa gang yin pa de ni yang dag pa ji lta ba bzhin du rab tu mi shes te/ chos kyi dbyings la zhugs pa de ni chos kyi dbyings kyi bye brag

  210. 105b

    la dmigs pa'i yid la byed pas sems kyi skyod pa mtshan ma med pa kho na yin gyi/ rang gi mtshan nyid la dmigs pas ni ma yin no/ /gzhan las chos kyi dbyings kyi rang gi mtshan nyid bstan pa thos na yang de las nyan thos la la byang chub tu yongs su 'gyur ba gang yin pa de ni chags chen pos 'jug cing nges sbyor bar yang byed do/ /de las zhi ba'i bgrod pa gcig pa gang yin pa de ni tshegs chen pos 'dug cing des sbyor bar ni mi byed do/ /byang chub sems dpa' ni mtshan nyid de gnyi gas chos kyi dbyings rtogs nas yang dag pa nyid skyon med pa la 'jug cing skyon med pa la zhugs nas yang chos kyi dbyings kyi rang gi mtshan nyid la dmigs pa'i yid la byed pas de la mang du gnas pa yin no/ /de ci'i phyir zhe na/ 'di ltar chos kyi dbyings kyi bye brag gi mtshan nyid la dmigs pa'i yid la byed pa mang du byed na myur du yongs su mya ngan las 'da' bar 'gyur ba'i phyir te/ de lta bas na de la lan mang du gnas pa ni bla na med pa yang dag par rdzogs pa'i byang chub kyi thabs ma yin te/ chos kyi dbyings rtogs par 'dra yang de dag gi tha dad du bya ba ni de yin par rig par bya'o// dus gsum gyi dkyil 'khor yongs su dag pa zhes gang gsungs pa de la bus gsum gyi dkyil 'khor yongs su dag pa gang zhe na/ smras pa/ kun btags pa'i ngo bo nyid kyis 'das pa dang ma 'ongs pa dang da ltar byung pa'i chos rnams mtshungs shing mnyam par shes rab kyis yang dag pa ji lta ba bzhin du mthong ba'i 'das pa dang ma 'ongs pa dang da ltar byung ba'i chos rnams la mi lta ba dang/ mngon pa'i dga' ba med pa dang lhag par chags pa med pa gang yin pa de ni dus gsum gyi dkyil 'khor yongs su dag pa zhes bya'o/ / sangs rgyas kyi chos ma 'dras pa brgya bzhi bcu zhes gang gsungs na/ bcom ldan 'das kyis mdo sde las sangs rgyas kyi chos ma 'dres pa bco brgyad yongs su bstan pa gang dag yin pa de dag gi rnam par gzhag pa ni ji lta bu yin/ du dag gis ni bsdus she na/

  211. 106a

    smras pa /'di lta ste dge slong dgra bcom pa/ zag pa zad pa/ grong du bsod snyoms kyi phyir rgyu ba na lan 'ga' glang po che gtum po dang lhan cig 'gro ba dang glang po che gtum po dang ji lta ba bzhin du rta rmu rgong? dang/ gnag rdung drus ma dang/ khyi za ba dang lhan cig 'gro ba dang/ tsher thags stugs po'i steng du brdzi ba dang/ rkang pa gnyis kyis sprul shin tu sgra 'byin pa brdzi ba dang/ de gang du bud med kyis mi rigs pas skyed pas mgron du gnyer ba de lta bu'i khyim du 'dug pa dang/ dgon par lam por te lam ngan par 'gro ba dang/ chom rkun pa rnams dang/ mi rgod rnams dang lhan cig 'gro ba dang seng ge rnams dang stag rnams dang gzig rnams dang lhan cig 'gro ba dang/ de ltar dgra bcom? pa'i 'khrul pa de lta bu dang mthun pa gang yin pa de de bzhin gshegs pa la thams cad kyi thams cad du med pa dang/ gzhan yang dgra bcom pa lan 'ga' nags khrod chen por 'khyam pa shing lam stor nas khyim stong par zhugs te dgra 'byin bar byed/ ku co 'don par byed/ ca co chen po 'byin par byed pa dang/ bag chags kyi nyes pa las brtan te/ kun nas nyon mongs pa can ma yin pa'i rta gang chen pos rgod cing so ston pa dang/ byas long ston par byed pa dang/ dgra bcom pa'i ca co de lta bu dang mthun pa gang yin pa de de bzhin gshegs pa la thams cad kyi thams cad du med pa dang/ gzhan yang dgra bcom pa la lan 'ga' rjed nges pas bdag nyid kyi bya ba ma yin pa byed pa gang yin pa de de bzhin gshegs pa la med pa dang gzhan yang dgra bcom pa gcig tu phung po la mi mthun par 'du shes la/ 'gog pa mya ngan las 'das pa la zhi bar 'du shes pa gang yin pa'i phung po dang mya ngan las 'das pa la tha dad par 'du shes pa des/ de bzhin gshegs pa btang snyoms dam pa la bzhugs pa'i phyir med pa dang/ gzhan yang dgra bcom pa ni snyoms par zhugs na mnyam par

  212. 106b

    bzhag pa yin la 'angs na mnyam par ma bzhag pa yin gyi/ de bzhin gshegs pa la ni gnas skabs thams cad du sems mnyam par ma bzhag pa med pa dang/ gzhan yang dgra bcom pa ni so sor ma brtag par semS can gyi don bya ba btang snyoms su 'jog gi /de bzhin gshegs pa la ni de lta bu dang 'thun pa'i so sor ma brtags pa'i btang snyoms med pa dang/ gzhan yang dgra bcom pa la ni shes bya'i sgrib pa rnam par sbyangs pa las brtsams nas/ ma thob pa'i yongs su nyams pas 'dun pa las yongs su nyams par 'gyur brtson 'grus dang dran pa dang ting nge 'dzin dang shes rab dang rnam par grel ba dang rnam par grol ba'i ye shes mthong ba las kyang yongs su nyams par 'gyur ba yod kyi/ de bzhin gshegs pa la ni yongs su nyams pa rnam pa bdun pa de dag med pa dang/ gzhan yang dgra bcom pa ni lan 'ga' ni lus kyi las dge ba la yang 'jug /lan 'ga' ni lung du ma bstan pa la yang 'jug ste/ lus kyi las ji lta ba de bzhin du dag gi las dang yid kyi las la yang de bzhin pa yin gyi/ de bzhin gshegs pa'i phrin las de gsum ni ye shes sngon du 'gro ba'i phyir dang/ ye shes kyi rjes su 'brang ba'i phyir sku dang gsung dang thugs kyi phrin las lung du ma bstan pa med de/ de la ye shes kyis kun nas bslang ba nyid yin pa'i phyir ye shes sngon du 'gro ba nyid yin no/ /ye shes dang ldan? cig rgyu ba nyid yin pa'i phyir ye shes kyi rjes su 'brang ba yin no/ /gzhan yang dgra bcom pas ni dus gsum gyi shes bya'i dngos po la brtsal ba tsam gyis mi rtogs pas de'i phyir de'i ye shes dang mthong ba chags pa med pa yang ma yin la/ thams cad kyang mi rtogs pas de'i phyir ye shes dang mthong pa thogs pa med pa yang ma yin gyi de bzhin gshegs pas ni dus gsum gyi shes bya'i dngos po la brtsal ba tsam gyis thams cad rtogs pas de'i phyir/ de dag ni sangs rgyas kyi chos ma 'dres pa bco brgyad

  213. 107a

    ces bya'o/ /de la dang po zhi ni bsnyel pa mi mnga' ba'i chos nyid dang/ bag chags legs par bcom pas bsdus so/ /gcig ni thugs rje chen pos bsdus so/ /lhag ma rnams ni rnam pa thams cad dang mchog mkhyen pas bsdus par rig par bya'o/ /bcom ldan 'das kyis mdo sde las dpe byad bzang po gang dag yongs su bstan pa de dag ni gdul bya dang bskyed pa las bltos te yongs su bstan pa yin gyi/ mtshan nyid rnam par gzhag pa ni ma yin no/ /mtshan nyid rnam par gzhag pa ni rab tu gnas pa'i le'ur ji skad yongs su bstan pa yin te/ dpe byad bzang po de dag las dpe byad bzang po de dag phyung bar rig par bya'o/ /gzhan yang byang chub sems dpa' i log par sgrub pa yang rig par bya yang dag pa'i sgrub pa yang rig par bya/ yang dag pa'i sgrub pa'i phan yon yang rig par bya/ yang dag par sgrub pa la rnam par gnas pa'i byang chub sems dpa' i chos spyod pa dang/ snyoms par spyod pa dang/ dge ba spyod pa dag/ chos la gnas pa'i rnam par yang rig par par bya byang chub sems dpa' la dad pa skyed pa'i dpe? dag kyang rig par bya/ yang dag pa'i sgrub pa la rnam par gnas pa'i byang chub sems dpa' i bslab pa yang rig par bya/ nyan thos kyi bslab pa dang/ byang chub sems dpa' i bslab pa'i khyad par yang rig par bya/ byang chub sems dpa' i bslab pa la legs par bslab pa'i byang chub sems dpa' i 'jig rten pa dang 'jig rten las 'das pa'i shes pa dag gis gzhan don bya ba yang rig par bya/ byang chub sems dpa' i gdams ngag 'di la nyan thos kyi bslab pa yang rig par bya/ legs par ma bslabs pa'i dge sbyong? yang rig par bya/ legs par bslabs pa'i dge skyong yang rig par bya/ brngar btags pa'i sdom pa la gnas pa yang rig par bya/ don dam pa'i sdom pa la gnas pa yang rig par bya/ de bzhin gshegs pa'i gdul pa'i thabs kyang rig par bya/ dgongs te gsungs pa yang rig par bya/ byang

  214. 107b

    chub sems dpa' i sde snod kyi gdams dag la mos pa'i phan yon yang rig par bya ste/ de ni byang chub sems dpa' i sde snod kyi gdams ngag mdor bstan pa yin no/ /de la log par sgrub pa gang zhe na/ de ni mngon sdu na gong nas gong du mngon par sgrub pa las rnam pa brgyad du rig par bya ste/ ye shes kyi tshogs yongs su nyams par 'gyur ba'i log par sgrub pa dang ye shes kyi tshogs yongs su nyams pa'i dran pa brjed par 'gyur ba'i log par sgrub pa dang/ dran pa brjed pa'i dkar po'i chos yongs su gtugs par 'gyur ba'i log par sgrub pa dang/ dkar po'i chos yongs su gtugs pa'i byang chub sems dpa' i cha ma yin pa mi mthun par yid kyis kun tu spyod par 'gyur ba'i log par sgrub pa dang mi mthun par yid kyis kun tu sbyong ba'i gdul dka' bar 'gyur ba'i log par sgrub pa dang/ gdul dka' ba'i lam ngan par 'gro bar 'gyur ba'i log par sgrub pa dang lam ngan par song ba'i dam pa ma yin pa dang 'grogs par 'gyur ba'i log par sgrub pa dang/ dam pa ma yin pa dang 'grogs pa'i don ji lta ba bzhin ma yin pa'i byang chub sems dpa' nyid du 'gyur ba'i log par sgrub pa ste/ byang chub ni shes rab kyi rang bzhin yin la/ shes rab kyis ni de las gzhan pa'i pha rol tu phyin pa rnams sgrub ste/ de'i phyir byang chub sems dpa' shes rab la log par sgrub par byed na byang chub dang byang chub 'dren par byed pa'i chos rnams la log par zhugs pa yin no/ /byang chub sems dpa' i ye shes kyi tshogs yongs su nyams par 'gyur ba'i chos ni bzhi ste/ bzhi gang zhe na/ mi nyan pa dang/ nyan du mi 'jug pa dang/ nyan pa'i sgrib pa dang/ log par mngon par zhen pa nyan du 'jug pa'o/ /ye shes kyi tshogs yongs su nyams par 'gyur ba'i chos bzhi po de dag la brten nas tshe 'di dang che? phyi ma la ye shes dang mi mthun pa'i chos gzhan bzhi ste? ste/ bzhi gang zhe na/ bye brag tu mi rtogs pa dang/ rkyen med pa dang/ gti mug tu 'gyur ba'i bsod nams ma yin pa skye ba dang/ phyin ci log go /

  215. 108a

    de la mi nyan pa la brten nas ni tshe 'di la bye brag tu mi rtog pa skye'o/ /nyan du mi 'jug pa la brten nas ni tshe phyi ma la rkyen med pa skye'o/ /nyan pa'i sgrib pa la brten nas ni tshe phyi ma la gti mug tu 'gyur ba'i bsod nams ma yin pa skye'o/ /log par mngon par zhen pa nyan du 'jug pa la rten na ni tshe phyi ma la phyi ci log skye'o/ /de la mi nyan pa ni chos la zhe 'gras pa dang/ gang zag la zhe 'gras pa dang/ de gnyi ga la zhe 'gras pas kyang mi nyan to/ /nyan du mi 'jug pa ni gzhan pas shes pa ha? chang ltag par rlom pa dang/ gzhan gyis brnyas kyis 'jigs pas kyang nyan du mi 'jug go/ /nyan pa'i sgrib pa ni chos dang gang zag la mi bsngags pa brjod pa dang 'gyod pa dang rnam par g.yeng ba nye bar sgrub pa dang mi smra ba dang gsol ba mi 'debs pa dang skabs mi 'byed pa dang nyan pa la mi bsngags pa brjod pa las kyang 'gyur ro/ /log par mngon par zhen pa nyan du 'jug pa ni rang gi nyes par rtogs pa dang/ bsgoms pa dang/ bshad pa la legs par rtog pa dang/ bsgoms pa dang/ bshad par mngon par zhen pa dang/ gzhan dag gis legs par rtogs pa dang bsgoms pa dang/ bshad pa la nyes bsgo? pa dang bsgoMs? pa dang/ bshad par mngon par zhen pa las 'gyur ro/ /de la mi nyan pa gang yin pa dang/ nyan du mi 'jug pa gang yin pa dang/ nyan pa'i sgrub pa gang yin pa'i chos de gsum ni shas cher thos pa las byung ba'i ye shes kyi tshogs yongs su nyams par 'gyur ba yin no/ /log par mngon par zhen pa nyan du 'jug pa gang yin pa'i chos de ni shas cher bsams pa las byung ba dang/ bsgoms pa las byung ba'i ye shes kyi tshogs yongs su nyams par 'gyur ba yin no/ /byang chub sems dpa' i dran pa brjed par 'gyur ba'i chos kyang bzhi ste/ bzhi gang zhe na/ gang zag bzhi la gnas bzhis rnam par rmongs par byed pa ste/ gleng ba po rnams dang/ lung 'bogs pa rnams dang/ phan par 'dod pa rnams dang/ yon tan dang ldan pa rnams la

  216. 108b

    bdag nyid kyis 'gal bar rnam par rmongs par byed pa dang/ tshangs par mtshungs par spyod pa bslab pa la legs par gnas pa rnams la bslab pa la bzhis rnam par rmongs par byed pa dang/ theg pa chen po la mos par 'dod pa dang sgrub par 'dod pa rnams la ma brjod pa dang brjod pa dang rnam par phye ba'i skyon yongs su ston pas/ de la mos pa dang/ sgrub pa rnam par rmongs par byed pa dang/ chos smra ba'i gang zag rnams la gsang ba'i gnas rnam par dbye ba'i phyir rmongs par byed pa'o/ /byang chub sems dpa' i dkar po'i chos yongs su gtuD par 'gyur ba'i chos kyang bzhi ste/ gzhan la bsgran ba'i dbang du byas nas/ dkar po'i chos rnams kyi gnas ma yin pa la sbyor ba dang/ dkar po'i chos rnams kyi gnas ma yin pa la sbyo ba la log par sgrub pa'i nyes pa rnam pa gsum ste/ zang zing gi nyes pa dang/ lta ba'i tes? pa dang/ ston pa'i nyes pa'o/ /de la zang zing gi nyes pa ni rgyu gnyis kyis rig par bya ste/ log pa'i longs spyod dang/ 'du 'dzi mang bas so/ /lta ba'i nyes pa yang rgyu gnyis kyis rig par bya ste/ dam pa'i chos dang gang zag spong ba dang/ dam pa ma yin pa'i chos dam pa'i chos pa ston pa la mngon par zhen pas so/ /ston pa'i nyes pa yang rgyu gnyis kyis rig par bya ste/ drang ba'i don gyi mdo sde chung ngu 'ba' zhig ston pa dang/ nges pa'i don gyi mdo sde rna lam du ? grags shing ma bzung ba rnams spong bas so/ / byang chub sems dpa' i byang chub sems dpa' i cha mi mthun par yid kyis kun tu spyod pa yang bzhi po 'di dag yin te/ ston pa la yid mi ches par 'gyur cing bslab? pa la gus pa dang mi mthun pa dang/ /tshangs par mtshungs par spyod pa grogs rnams dang/ glong pa po rnams dang/ rjes su ston pa rnams la bdag nyid ji ltar gyur pa brjod pa dang mi mthun pa dang/ shes pa bsod nams chen po rnams la dge ba'i brtson 'grus rtsom pa dang mi mthun pa dang zab cing rgya che ba la mos pa rnams dang bdag nyid kyi sgrib pa

  217. 109a

    rnam par dag pa dang mi mthun pa'o/ /de la ston pa la yid mi ches pa ni rnam pa gsum gyis rig par bya ste/ yod pa nyid dang/ bdag nyid che ba dang/ ye shes brnyes pa bdag la yid mi ches pa'o/ /bdag nyid ji ltar gyur pa mi brjod pa yang rnam pa gsum gyis rig par bya ste/ bdag nyid la che ba'i bdag nyid yod do snyam du log par khengs shing/ des sems yongs su gtugs pas sems can grogs po rnams la de yongs su ston pa dang/ sems can gleng ba po rnams la ltung ba 'chab ba dang/ sems can rjes su ston pa rnams la smad pa'i dbang du byas nas rnyog pa can gyis de la tho 'tsham ba mngon par 'du byed pas so/ /dge ba la brtson 'grus mi rtsom pa ni rnam pa gnyis kyis rig par bya ste/ sems can shes pa bsod nams chen po rnams kyi rnyed pa dang bkur sti la dga' bar mi byed pa dang de la mngon par dga' bas so/ /byang chub sems dpa' i gdul dka' bar 'gyur ba'i chos kyang bzhis te/ 'di lta ste bsgom ba'i sgrib pa bzhi po dag ste/ thos pa lhur len pa dang/ gdams ngag la log par 'dzin pa dang/ tshul khrims dag pa la gnas par mi byed pas 'gyod pa dang/ rang gi lta pa mchog tu 'dzin cing gnas pa'o/ /de la thos pa la sems nye bar ma zhi bas thos pa lhur len pa yin no/ /rjes su bstan pa la log par rnam par rtog pas gdams ngag la log par 'dzin pa yin no/ /tshul khrims dag la skyon yod la dang pas byin pa yongs su longs spyod pas 'gyod pa yin no/ /sems can dbang po dul bas khyad par du 'phags pa rnams dang/ spong bas khyad par du 'phags pa khyad par can rnams la 'gran par byed pas rang gi lta ba mchog tu 'dzin cing gnas pa yin no/ /byang chub sems dpa' i sems can rnams la lam ngan par 'gro ba yang bzhi po 'di dag yin te/ sems can dang pas zhugs pa ma

  218. 109b

    yin pa rnams la ston pa dang/ sems can theg pa dman pa theg pa chen po 'dod pa rnams la mi 'tshal ba ston pa dang/ sems can theg pa chen po dman pa 'dod pa rnams la mi mthun pa ston pa dang/ sems can tshul khrims la gnas pa dang tshul khrims la mi gnas pa rnams la phyogs kyi 'dod chags kyis mi 'dra bar ston pa'o/ /de la tshul khrims la gnas pa ni rnam pa gsum gyis rig par bya ste/ las kyi mdza' nyes pa med pa dang/ tshul khrims la skyon med pa dang/ bslab pa la gus pas so/ / tshul khrims la mi gnas pa ni rnam pa gnyis kyis rig par bya ste/ tshul khrims la skyon 'byung ba dang/ bslab pa la mi gus pas so/ /byang chub sems dpa' dam pa ma yin pa dang 'grogs pa la brten na rnam pa bzhi yongs su nyams par 'gyur te/ theg pa yongs su nyams pa dang bstan pa yongs su nyams pa dang/ dge ba'i chos rnams rtag tu sgom pa yongs su nyams pa'o/ /byang chub sems dpa' bzhi po chos 'dzin pa dang/ dgon pa ba dang/ bsod nams bya ba la brtson pa dang/ 'khor ba dang spyod pa de dag las byang chub sems dpa' dang ba'i bya ba 'dod pa ni chos 'dzin pa yin yang don ji lta ba bzhin ma yin pa yin gyi/ don ji lta ba bzhin ma yin no/ /byang chub sems dpa' sgra 'dod pa ni dgon pa ba yin yang don ji lta ba bzhin ma yin pa yin gyi don ji lta ba bzhin ma yin no/ /byang chub sems dpa' zang zing gi 'bras bu dang 'brel pa'i sems dang ldan pa ni bsod nams bya ba brtson pa yin yang don ji lta ba bzhin ma yin pa yin gyi/ don ji lta ba bzhin ma yin no/ /byang chub sems dpa' bsnyen bkur dang yongs su spyad pa dang grags pa dang 'brel pa'i sems pa dang ldan pa ni 'khor dang spyod kyang ji lta ba bzhin ma yin pa yin gyi/ don ji lta ba bzhin ma yin no/ /yang dag pa'i sgrub pa gang zhe na/ yang dag pa'i sgrub pa ni de las bzlog ba ste/ skyon khyad par

  219. 110a

    can yongs su spangs pa dang/ gnyen po bstan pas gong nas gong du bsgrub pa rnam pa brgyad kyis rig par bya'o/ /gang gi phyir mi nyan pa ye shes yongs su nyams par 'gyur ba yin par smas na/ ci'i phyir chos dang gang zag la mi gus pa yang yongs su bstan ce na/ des kyang de byed la mi byed na yang ma mos pas yongs su nyams par 'gyur ba'i phyir ro/ /gang gi phyir nyan du mi 'jug pa ye shes yongs su nyams par 'gyur ba yin par smras na ci'i phyir dang ba'i bya ba 'dod pa nyid kyang yongs su bstan ce na/ des kyang de byed la/ mi byed na yang log pa'i chos yongs su bsngo bas yongs su nyams par 'gyur ba'i phyir ro/ /gang gi phyir nyan pa'i sgrib pa ye shes yongs su nyams par 'gyur ba yin par smras na/ ci'i phyir 'dun pa med pa'i mi nyan pa dang mi 'dzin pa yang yongs su bstan ce na/ des kyang de byed la/ mi byed na yang le los yongs su nyams par 'gyur ba'i phyir/ /gang gi phyir log par mngon par zhen pa nyan du 'jug pa ye shes yongs su nyams par 'gyur pa yin par smras na/ ci'i phyir sgom pa la yon tan du mi lta ba dang/ thos pa dang smra ba lhur len pa nyid kyang yongs su bstan ce na/ des kyang de byed la/ mi byed na yang ye shes yongs su mi 'grub pas yongs su nyams par 'gyur ba'i phyir ro/ /gang gi phyir gleng ba po rnams la bdag nyid kyi 'gal pa rnam par rmongs par byed pa dran pa brjed par 'gyur ba yin par smras na/ ci'i phyir dngos po lci ba'i ltung bas 'jigs pa dang/ dngos po yang ba khyad du gsad pa'i phyir brdzun smra ba yang? yongs su bstan ce na/ des kyang de byed la/ des las kyi sgrib pas rab tu brjed par 'gyur ba dang/ mi byed na yang ltung ba'i sgrib pa rab tu brjed par 'gyur ba'i phyir/ /gang gi phyir bslab pa'i bzhis rnam par rmongs par byed pa/ dran pa brjed par 'gyur ba yin par smra na/ ci'i phyir ngo bo nyid kyi rjes su mi 'jug pa dang/ log par lta ba dang gya gyu nyid kyang yongs su bstan ce na/ des kyang de byed la des las kyi

  220. 110b

    sgrib pas rab tu brjed par 'gyur ba dang/ mi byed na yang ltung ba'i sgrib pas rab tu brjed par 'gyur ba'i phyir ro/ /gang gi phyir theg pa chen po la mos pa dang sgrub pas rnam par rmongs par byed pa dran pa brjed par 'gyur ba yin par smras na/ ci'i phyir byang chub sems dpa' rnams la gus pa mi skyed pa dang yang dag pa'i yon tan 'chab pa yongs su bstan ce na/ des kyang de byed la des las kyi sgrib pa rab tu brjed par 'gyur ba dang/ mi byed na yang ltung ba'i sgrib pas rab tu brjed par 'gyur ba'i phyir ro/ /gang gi phyir gsang ba'i gnas rnam par dbye ba'i phyir rmongs par byed pa/ dran pa brjed par 'gyur ba yin par smras na/ ci'i phyir theg pa chen po las 'dun pa bzlog par 'dod pa nyid kyang yongs su bstan ce na/ des kyang de byed la des las kyi sgrib pas rab tu brjed par 'gyur ba dang/ mi byed na yang ltung ba'i sgrib pas rab tu brjed par 'gyur ba'i phyir ro/ /gang gi phyir gnas ma yin pa la sbyong? ba dkar po'i chos yongs su gtugs bar 'gyur ba yin par smras na/ ci'i phyir? bdag la phan par 'dod pa'i nyung ba dang/ ma zhugs pa dang theg pa dman pa nyan pa dang/ sems mi sman pa nyid kyang yongs su bstan ce na/ des kyang de byed la/ des dkar po'i chos ma thob pa rnams ni mi thob la/ gzung ba dang nyan pa ltod? pas thob ba rnams las kyang yongs su nyams par 'gyur ba'i phyir ro/ /gang gi phyir zang zing gi nyes pa dkar po'i chos yongs su gtugs par 'gyur ba yin par smras na/ ci'i phyir legs par 'thob pa'i rnyed pas chog mi shes pa dang/ tshul 'chos pa la sogs pa'i chos rnams dang yongs su gdung ba yang yongs su bstan ce na des kyang de byed la/ des ma thos pa mi nyan pa dang/ don dang bya ba la 'byar g.yeng mang bas ting nge 'dzin mi rtogs pa'i phyir ro/ /gang gi phyir lta ba'i nyes pa dkar po'i chos su yongs su gtugs par 'gyur ba yin par smras na/ ci'i phyir gzhan gyi skyon la lta ba dang nyan thos dang theg pa chen po'i bslab pa la phyin ci log pa la yang yongs su

  221. 111a

    bstan ce na/ des kyang de byed pa /des yang dag pa'i sgrub pa pas nyams par 'gyur ba dang/ gzhan la slu bas nyams par yang 'gyur ba'i phyir ro/ /gang gi phyir ston pa'i nyes pa dkar po'i chos yongs su btugs par 'gyur ba yin par smras na/ ci'i phyir de bzhin gshegs pa'i ye shes kyi dgongs pa shes so zhes khyad du gsod bar byed pa nyid kyang yongs su bstan ce na/ des kyang de byed la des dam pa'i chos la skur pa 'debs ? nyams par 'gyur ba dang/ de bzhin gshegs pa'i ye shes kyi dgongs pa la log par yongs su 'dzin pas nyams par 'gyur ba'i phyir ro/ /gang gi phyir bslabs pa las shas cher mi gus pas mthun par yid kyis kun tu spyod par 'gyur ba yin par smras na/ ci'i phyir ltung ba rnam par 'byed pa dang mi 'chags pa dang 'gyod pa mi sel ba nyid kyang yongs su bstan ce na/ des kyang de kun tu spyod la/ dmigs? pa rnam par g.yeng bas kyang gya gyu la zhugs par 'gyur ba'i phyir ro/ /gang gi phyir bdag nyid ji ltar gyur pa bzhin mi brjod pa mi mthun par yid kyis kun tu spyod par 'gyur ba yin par smras na/ ci'i phyir bdag nyid dang longs spyod la lta ba dang bden pa'i tshig sped? pa nyid kyang yongs su bstan ce na/ des kyang de kun tu spyod la/ bstan pa las rnam par g.yeng bas kyang gya gyu la zhugs par 'gyur ba'i phyir ro/ /gang gi phyir brtson 'grus 'dor bar byed pa mi mthun par yid kyis kun tu spyod par 'gyur ba yin par kun tu smras na/ ci'i phyir mi bzod pa yang yongs su bstan ce na/ des kyang de kun tu spyod la/ sdug bsngal mi bzod pa dang dge ba las rnam par g.yeng bas kyang gya gyu la zhugs par 'gyur ba'i phyir ro/ /gang gi phyir sgrib pa rnam par ma dag ba'i rgyus mi mthun par yid kyis kun tu spyod par 'gyur ba yin par smras na/ ci'i phyir theg pa chen po la lhag pa'i bsam pas mos pa med pa yang yongs su bstan ce na/ des kyang de kun tu spyod

  222. 111b

    la /theg pa chen po la rnam par g.yeng bas kyang gya gyu la zhugs par 'gyur ba'i phyir ro/ /gang gi phyir bsgom pa'i sgrib pa thom pa lhur len pa gdul dka' bar 'gyur ba yin par smras na/ ci'i phyir klan ga dang de skad rgol ba las thar ba'i phan yon du lte bas nyan pa yang yongs su bstan ce na/ des kyang de byed la/ dge ba'i bshes gnyen chos 'dzin pa la yang sU bar byed pa'i phyir ro/ /gang gi phyir bsgon pa'i sgrib pa gdams ngag la log par 'dzin pa gdul dka' bar 'gyur ba yin par smras na/ ci'i phyir tshig mi bzod pa nyid dang ltung ba 'dzin pa nyid dang gdams ngag la mi gus pa nyid kyang yongs su bstan ce na/ des kyang de byed la/ dge ba'i bshes gnyen dgon pa pa yang yang slu bar byed pa'i phyir ro/ /gang gi phyir bsgom pI? sgrib 'tshul khrims dag la gnas par mi byed pa 'gyod pa gdul dka' ? yin par smras na ci'i phyir bslab pa dag la shas cher mi gus la /dang pas byin pa yongs su longs spyod pa yang yongs su bstan ce na/ des kyang de byed la/ dge ba'i bshes gnyen bsod nams bya ba la brtson pa la yang slu bar byed pa'i phyir ro/ /gang gi phyir bsgom? pa'i sgrib pa rang gi lta ba mchog tu 'dzin cing gnas pa gdul dka' bar 'gyur ba yin par smras na/ ci'i phyir byang chub sems dpa' pha rol tu phyin pa rnam par dag pa rnams la mi gus pa dang mi lta ba dang bsnyen bkur mi byed pa dang mi nyan pa dang rjes su mi mthun pa'i chos sgrub par 'dod pa nyid kyang yongs su bstan ce na/ des kyang de byed la/ dge ba'i bshes gnyen 'khor dang spyod pa la yang slu bar byed pa'i phyir ro/ /gang gi phyir mi ston pa dang mi 'tsham pa ston pa dang mi mthun pa ston pa dang mi 'dra bar ston pa lam log par 'gro bar 'gyur ba yin par smras na/ ci'i phyir yang dang yang du ston pas yongs su skyo zhing sems mi mnyam pa nyid dang/ ston pa'i thabs mi shes pa nyid dang/ theg pa dman pa la mos pa nyid dang/ zang zing dang bcas pa'i sems kyis 'khor

  223. 112a

    la rjes su ston par sbyor ba nyid kyang yongs su bstan ce na/ de dag gis kyang de dag byed la/ dge ba'i rtsa ba yongs su ma rdzogs pa dang/ dge ba'i rtsa la? rgya chen po yongs su mi 'dzin pa dang/ dge ba'i rtsa ba rgya chen po yongs su gtong ba dang/ bsod nams ma yin pa skye bas kyang gdul ba la slu bar byed pa'i phyir ro/ /gang gi phyir dam pa ma yin pa dang 'grogs pa rnam pa bzhi spong/ dngos po rnam pa bzhi yongs su nyams par 'gyur ba yin par smras na /ci'i phyir ser sna dang thos pa nyung ba der? bstan la legs par ma zhugs pa dang/ sangs rgyas kyi bka' mi nyan pa yang yongs su bstan ce na/ de dag gis kyang de dang byed la dge ba'i rtsa ba ma byas pa'i phyir 'khor ba'i sdug bsngal gyis 'jigs pa dang/ gzhan gyi don byed mi nus pa dang/ dge ba'i rtsa ba chung pa dang/ chos rnams la yid gnyis dang the tshom za bas kyang yongs su nyams par 'gyur ba'i phyir ro/ /gang gi phyir byang chub sems dpa' bzhi la dang ba'i bya ba 'dod pa dang sgra 'dod pa dang zang zing gi 'bras bu 'dod pa dang bsnyen bkur dang yongs su spyad pa dang grags pa 'dod pa don ji lta ba bzhin ma yin pa'i byang chub sems dpar 'gyur ba yin par smras na/ ci'i phyir bdag la chags pa dang bcas la kha na ma tho ba phra rab tsam dag la 'jig pa rim lta ba dang/ bdag med pa la mos pa med pa dang bcas pa la gzhan gyi don la mi lta ba dang/ 'khor ba dang mya ngan las 'das pa dag la gcig tu yon tan du lta ba dang/ tshe 'di la 'du 'dzi 'dod pa dang/ phyi ma la dbang phyug 'dod pa chos dang zang zing 'dod pa yang yongs su bstan ce na/ de dag gis kyang de dag byed pa/ chos 'dzin pa nyid nas 'khor dang spyod pa'i bar gyis kyang bdag nyid la slu bar byed pa'i phyir ro// //bam po bzhi bcu gnyis pa/ /yang dag pa'i sgrub pa'i phan yon gang zhe na/ de yang gong nas gong du rnam pa bzhi ba? rig par?

  224. 112b

    bya ste/ byang chub sems dpa' de ltar yang dag par zhugs pa la bsod nams dang ye shes kyi tshogs bsags pa dang/ de la brten nas sgrib pa rnam par dag pa dang/ de la brten nas sgo thams cad nas dkar po'i chos yang dag par 'grub pa dang/ de la brten nas sems can thams cad la sbyor ba dang bsod nams dpag tu med pa skye ba'o/ /bsod nams dang ye shes kyi tshogs sogs par 'gyur ba'i chos ni bzhi ste/ yang dag pa'i sgrub pa nyid du de bzhin gshegs pa la mchod pa dang rim gro byed pa dang thos pa rnam par dag pa dang bsam pa rnam par dag pa dang bsgom pa rnam par dag pa'o/ /sgrib pa rnam par dag par 'gyur ba'i chos ni bzhi ste/ theg pa las rnam par mi g.yo ba dang/ rang gi gzhan dag la mi sgrub pa'i rgyu yongs su spong ba nyid dang log par sgrub pa'i rgyu yongs su song ba nyid dang yang dag pa'i sgrub pa yongs su mi rdzogs pa'i rgyu yongs su spong ba nyid do/ /sgo thams cad nas dkar po'i chos yang dag par 'grub par 'gyur ba'i chos bzhi ste/ bsgom pa ni bsgoms pa'i rgyu las byung pI? dang sems can yongs su smin bar byed pa ni de'i rgyu las byung ba'i dang/ sdug bsngal bzod pa nyid ni de'i rgyu las byung ba'i dang/ nyan pa dang sems pas mi ngoms pa nyid ni de'i rgyu las byung ba'i'o/ /sems kyi don gyi rnam pa thams cad byed par 'gyur ba'i chos bzhi ste/ sems can rnams gnas bzhi las rnam par slong bar byed pa ste/ som nyid dang yid gnyis dang the tshom las rnam par slong bar byed pa dang/ ngan song ngan 'gro log par ltung ba las rnam par slong par byed pa dang/ theg pa dman pa la mos pa las rnam par slong bar byed pa dang/ bstan pa la kun nas mnar sems dang khong khro ba'i semS pas rnam par slong bar byed pa'o/ /byang chub sems dpa' yang dag pa'i sgrub pa la zhugs pa ji lta bur gyur na phan yon de dag 'thob ce na/ chos spyod pa dang snyoms par spyod pa dang dge ba spyod pa dang chos la gnas par

  225. 113a

    gyur na'o/ /ji ltar na chos spyod pa yin/ de la rnam pa ni du yod ce na/ byang chub sems dpa' i chos las ma 'das par spyod de /de'i phyir chos spyod pa yin no/ /de yang rnam pa lngar rig par bya ste/ sems can gnod pa byed pa dang/ sdig pa byed pa rnams la dge ba la gzhug pas phan gdags par 'dod pa nyid kyi phyir snying brtse ba nyid dang/ rigs la gnas pa rkyen med pa rnams la byang chub kyi sems ston pa nyid dang/ pha rol tu phyin pa khyad par du 'phags pa rnams la bdag nyid shes pa nyid dang/ bla ma lta bu rnams la gus pa dang rab tu 'dud pas sbyor bar byed pa nyid dang/ mi mthun par gyur pa mu stegs can rnams las bstan pa las rnam par mi g.yo ba nyid do/ /ji ltar na snyoms par spyod pa yin/ de la rnam pa ni du yod ce na/ sems can thams cad kyi don la snyoms par kun tu sbyor te de'i phyir snyoms par spyod pa yin no/ /de ni rnam pa brgyad du rig par bya ste/ sems can thams cad la mnyam par byams par byed pa nyid dang/ sems can thams cad la nyon mongs pa can ma yin pa dang/ dus tha dad pa med pa dang/ sems kyi rgyud tha dad pa med pa'i byams pas mnyam par so sor kun dga' bar byed pa nyid dang/ 'du 'ji'i gtam spangs te dga' ba'i bzhin du byas nas khur blangs pa nyams su len par byed pa nyid dang/ mnyam par khur blangs pa len par byed pa nyid dang/ mnyam par sdug bsngal thams cad bzod par byed pa nyid dang/ mnyam par gdul ba dpag tu med pa'i thabs yongs su tshol ba nyid dang/ mnyam par phan tshun tshig yang dag par bzod pa'i tshig dang ldan pa nyid dang/ mnyam par dge ba'i rtsa ba thams cad byang chub tu yongs su bsngo ba nyid do/ /ji ltar na byang chub sems dpa' dge ba spyod pa yin/ de la rnam pa ni du yod ce na/ nang gi sangs rgyas kyi chos yongs su smin pa dang/ phyi rol gyi sems can yongs su smin par bya ba la brten nas dge ba kun

  226. 113b

    tu spyod par byed de/ de'i phyir dge ba spyod pa yin no/ /de ni rnam pa bdun du rig par bya ste/ mi gnas pa'i sbyin pa nyid dang/ mi gnas pa'i tshul khrims nyid dang/ snying brtse ba'i bzod pa nyid dang/ nyi 'tshe ba ma yin pa'i brtson 'grus nyid dang/ sems can gyi don bya ba'i gnas kyi bsam gtan nyid dang/ lta ba dang bral ba'i shes rab nyid dang/ yongs su smin par bya ba'i thabs la mkhas pa nyid do/ /ji ltar na byang chub sems dpa' chos la gnas pa yin/ de la rnam pa ni du yod ce na/ kun chub pa lhur mi len pa dang/ kha ton lhur mi len pa dang/ 'chad pa lhur mi len pa dang/ rnam par rtog pa lhur mi len par nang gi sems kyi zhi gnas sgom pa la sbyor ba rtsom zhing yang dag par sgrub par byed de/ de'i phyir chos la gnas pa yin no/ /de ni rnam pa bcu gnyis su rig par bya ste/ gdams ngag ston pa la tshul khrims la gnas pa dang tshul khrims la gnas pa ma yin par rnam par mi rtog pa nyid dang/ de la rten nas gus par byas te gdams ngag len par byed pa nyid dang/ de la brten nas lus dben pa nyid dang/ de la brten nas sems dben pa nyid bde la rten nas nyan thos kyi theg pa dang ldan pa'i yid la byed pa las yang dag par 'das te theg pa chen po dang ldan pa'i yid la byed pa nyid dang/ de la brten nas rab tu dben pa na sems can brtson pa btang pa rnams dang mi 'grags par de las gzhan pa rnams dang 'grogs pa nyid dang/ de la brten nas rnam par dag pa 'jig rten pa'i shes pa bsad nams kyi chags chen po dang 'thu bsgoms pa'i 'bras bu so sor myong ba nyid dang/ 'jig rten pa'i shes pas chog par 'dzin par 'jig rten las 'das pa'i shes par yongs su tshol shing rnam par sbyor ba nyid dang shes pa rnam par dag pa'i nyes pa bzhi spangs te tshogs yongs su bsdud pa nyid de/ gnod pa mi bzod pa'i nyes pa dang/ ma nges par ston cing 'doms pa'i nyes pa dang/ ji skad smras pa de bzhin mi byed pa'i nyes pa dang/ zang zing dang bcas pa'i sems kyi nyes/

  227. 114a

    pas te/ rnam pa bzhi po de dag dang/ snga ma rnam pa brgyad po dag ni rnam pa bcu gnyis yin no/ /byang chub sems dpa' la dad pa skyed pa'i dpe dag gang zhe na/ byang chub sems dpa' sems dang po bskyed ba nas gzung ste/ thog ma dang bar dang tha ma rab tu sems can thams cad kyi dge ba'i rtsa ba mngon par bsgrub pa'i gnas su gyur pa nyid yin pas gnod par byed pa dang/ las byed pa thams cad kyis sems yongs su ma gtugs pa'i phyir sa lta bu yin no/ /de lta mod kyi ji ltar tha mal par gnas pa'i sa la brten nas sems can rnams rang gi skyes bu'i byed pas de la nye bar 'tshe bar byed pa ltar byang chub sems dpa' ni de lta ma yin te/ dge ba'i rtsa ba skyed pa'i rab tu dang ba dang mchog tu dga' bas mngon par brlan par byed pas chu lta buAng yin no/ /de lta mod kyi ji ltar chu lo tog yongs su smin par byed pa dang mi mthun pa ltar de ni de ltar ma yin te/ dge ba'i rtsa ba yongs su smin par bya ba'i phyir kun tu skyo bar 'gyur ba'i chos rnams la kun tu skyo zhing kun tu gdung bar byed pa'i phyir me lta bu yang yin no/ /de lta mod kyi ji ltar me sangs rgyas kyi zhing rnam par bsgrubs pa dang mi mthun pa ltar de ni de lta ma yin te/ dge ba'i rtsa ba yongs su smin pa rnams kyi rnam par grol ba la reg par bya ba nyid mngon par sgrub pa rnam par sgrub pa'i phyir yang dag pa'i gdams ngag nye bar sgrub pas rlung lta bu yang yin no/ /de lta mod kyi ji ltar rlung mngon par bsgrubs nas nye bar sbyong bar 'gyur ba ltar de ni de lta ma yin te/ rang gi dkar po'i chos mngon par 'phel ba'i phyir zla ba lta bu yang yin no/ /de lta mod kyi ji ltar zla ba yar gyi ngo kho nal snang bar byed kyi/ mod kyi ngo la ma yin pa ltar de ni de lta ma yin te/ byang chub sems dpa' ni spyi'i mtshan nyid kyis nag po dang dkar po'i phyogs kyi chos thams cad la shes pa snang ba'i phyir nyi ma lta bu yang yin no/ /de lta mod kyi ji ltar nyi ma gza' sgra gcan

  228. 114b

    gyis 'jigs pas yongs su rgyu ba ltar de ni de lta ma yin te/ byang chub sems dpa' ni 'gro ba rnams su nyon mongs pa'i gza' thams cad kyis mi 'jigs par 'jug pa'i phyir seng ge lta bu yang yin no/ /de lta mod kyi ji ltar seng ge khal chen pos sgyid lug par 'gyur ba ltar de ni de lta ma yin te/ sdug bsngal gyi khur thams cad khyer ba'i phyir glang po che dul ba lta bu yang yin no/ /de lta mod kyi ji ltar glang po che rnyed pa dang ma rnyed pa dang tshig 'jam pa dang mi 'jam pa dang bde ba dang sdug bsngal gyi spyod ba dag gis rjes su chags ba dang khong khro ba dag gis gos par 'gyur ba ltar de ni de lta ma yin te/ byang chub sems dpa' ni 'jig rten gyi chos thams cad la rjes su chags pa dang khong khro ba dag gis mi gos phyir pad+ma lta bu yang yin no/ /de lta mod kyi ji ltar padmo sdong bu las bcad na mi skye ba'i chos can yin pa ltar de ni de lta ma yin te/ byang chub sems dpa' ni nyon mongs pa bcom yang dag ba'i rtsa ba'i stobs skyed pas yang 'khor bar skye ba'i phyir rtsa ba ma nyams pa'i shing ljon pa lta bu yang yin no/ /de lta mod kyi ji ltar shing ljon pa tha mar rtsa ba rab tu 'jig par 'gyur ba ltar de ni lta ma yin te/ byang chub sems dpa' ni mya ngan las 'das pa dang byang chub chen por dge ba'i rtsa ba yongs su bsngo ba'i phyir chu'i rgyun rgya mtshor bab pa lta bu yang yin no/ /de lta mod kyi ji ltar chu'i rgyun rgya mtshor bab na rgya mtsho nyid du 'gyur ba ltar de ni de lta ma yin te/ byang chub sems dpa' ni mya ngan las 'das pa dang byang chub chen po la brten pa'i dge ba'i rtsa ba dag gis rnam par rtse ba'i phyir ri rab la gnas pa'i lha lta bu yang yin no/ /de lta mod kyi ji ltar ri rab la gnas pa'i lha rnams rang gi bya ba la bag med par dga' ba mang ba ltar de ni de lta ma yin te/ thabs dang shes rab kyis yongs su zin pa dang sangs rgyas kyi mdzad pa sgrub par byed pa'i phyir blon? pos yongs su zin pa'i rgyal po lta bu yang yin no/ /de lta mod kyi ji ltar blon bos yongs su zin

  229. 115a

    ba'i rgyal po bdag nyid kyi don kho na'i phyir skye dgu skyong bar byed pa ltar da ni de lta ma yin te/ bdag nyid kyi don la mi lta bar skye dgu skyong bar byed pa'i phyir sbrin chen po lta bu yang yin no/ /de lta mod kyi sprin chen po lo tog bsgrub pa la gtan pa ma yin pa ltar de ni de lta ma yin te/ byang chub sems dpa' ni gtan du byang chub kyi phyogs dang mthun pa'i chos skyed pa'i phyir 'khor los sgyur ba 'byung ba lta bu yang yin no/ /de lta mos kyi ji ltar 'khor los sgyur ba skyes bu chen po dag dang bla med ba ltar de ni de lta ma yin te/ byang chub sems dpa' ni rnam par grol ba thun mong du gyur ba'i dge ba'i rtsa ba skyed pa'i phyir nor bu rin po che lta bu yang yin no/ /de lta mod kyi ji ltar nor bu rin po che karSha pa Na dang shin tu mi mnyam pa ltar de ni de lta ma yin te/ byang chub sems dpa' ni zag pa med pa'i dbyings su zhugs pas bya ba mnyam zhing bde ba'i longs spyod mnyam pa'i phyir 'dres pa'i tshal du zhugs pa lta bu yang yin no/ /de lta mod kyi ji ltar 'dres pa'i tshal du zhugs pa'i lha rnams nyon mongs ba rnam par spel nas phyi ma la log par ltung bar 'gyur ba ltar de ni de lta ma yin te/ byang chub sems dpa' ni nyon mongs pa bcom pas log par mi ltung ba'i phyir nyon mongs pa'i dug bcom pa lta bu yang yin no/ /de lta mod kyi ji ltar dug bcom pa gnod pa mi byed pa 'ba' zhig tu zad kyi/ gang la'ang yon tan du mi 'gyur ba ltar de ni de lta ma yin te/ byang chub sems dpa' ni rang gi nyon mongs pas sems can thams cad la phan 'dogs pa'i phyir nyon mongs pa grong khyer chen po'i ljan ljin lta bu yang yin no/ /de ltar byang chub sems dpa' i yon tan gyi dpe 'jig rten na grags pa'i dngos po lta bu dang/ de dag pas khyad par du 'phags pa'i yon tan dang ldan pas yon ten dbe med pa yin to/ /de ltar na byang chub sems dpa' ni yon tan dpe med pa dang ldan pa yin par rig par bya'o//

  230. 115b

    yang dag pa'i sgrub pa la rnam par gnas pa'i byang chub sems dpa' i bslab pa gang zhe na/ byang chub sems dpa' i chos la gnas pa nyan thos kyi theg pa dang ldan ba'i mdo sde kun rdzob kyi bden ba'i tshul bshad pa drang ba'i don bstan par bya ba ma yin pa las shin tu 'das nas/ de la lhag par bya ba byas shing dge ba'i rtsa ba byas pa/ theg pa chen po dang ldan pa'i mdo sde zab mo stong pa nyid dang ldan pa/ /kun rdzob dang don dam pa'i bden pa'i tshul bshad pa nges pa'i don bstan par bya pa la brtson par byed pa na tshul bzhin la brtson pa zhes bya'o/ /tshul bzhin la brtson pa dang dbu ma'i lam du zhugs pa yin te/ 'di ltar chos de ni dbu ma'i lam rnam pa bcu gsum smos par byed pa yin pa'i phyir te/ gang zag stong pa nyid smos par byed pa dang/ gang zag la bdag med pa dang/ chos stong pa nyid dang/ chos la bdag med pa dang/ sgro 'dogs pa'i mdza' dang/ skur ba 'debs pa'i mdza' dang/ chos mngon par rtogs pa dang/ de nyid byang chub chen por yongs su bsngo ba nyid dang/ de ltar zhugs pa'i sems nyon mongs ba dang sdug bsngal ba dag gis yongs su ma gtugs pa nyid dang/ bdag med pa gnyis la mos pa'i khyad par dang/ bdag med pa snga ma shos phyi ma'i rgyu nyid yin pa dang/ mthar thug pa'i stong pa nyid dang de nyid kyi mthu smos par byed do/ /ji ltar gang zag stong pa nyid smos par byed ce na/ rnam pa gcig gis mi dmigs pa yongs su bstan pa las te/ de la mi dmigs pa ni 'di yin te/ dngos po gsum po sems can gyi dngos po dang/ de'i sna tshogs kyi dngos po dang/ de'i longs spyod kyi dngos po la byis pa rnams kyis kun btags pa'i bdag nang dang phyi rol dang gnyi ga med par yang mi dmigs pa'o/ /ji ltar gang zag la bdag med pa smos par byed ce na/ rnam pa gcig kho nas dmigs pa yongs su bstan pa las te/ de la dmigs pa ni 'di yin te/ dngos po

  231. 116a

    gsum po rten cing 'brel par 'byung ba de nyid la rtag pa nyid mi dmigs pas byis pas kun btags pa'i bdag dang mtshan nyid mi 'dra ba dmigs pa'o/ /ji ltar chos stong pa nyid smos par byed ce na/ rnam pa gcig kho nas mi dmigs pa yongs su bstan pa las te/ de la mi dmigs pa ni 'di yin te/ dngos po gsum po mi rtag pas bsdus pa de nyid la byis pas kun btags pa tha snyad las byung ba'i ngo bo nyid nang dang phyi rol dang gnyi ga ma gtogs par mi dmigs pa'o/ /ji ltar chos bdag med pa smos par byed ce na/ rnam pa gcig kho nas dmigs pa yongs su bstan pa las te/ de la dmigs pa ni 'di yin te/ dngos po de nyid la 'phags pa'i ye shes kyi spyod yul de dag nyid kyi so so rang rig pa dang mthun pa gzhan dag la yang brjod du med pa gang yin pa dmigs pa ste/ de la'ang rnam pa drug gis byis pas kun btags pa tha snyad las byung ba'i ngo bo nyid dang mtshan nyid mi 'dra ba dmigs te/ rnam pa drug gang zhe na/ bdag gis brtag par mi nus pa dang/ gzhan dag la bstan du med pa dang/ dbang po gzugs can gyi spyod yul las yang dag par 'das pa dang/ mtshan ma thams cad las yang dag par 'das pa dang /rnam par shes pa'i spyod yul las yang dag par 'das pa dang/ nyon mongs pa'i spyod yul las yang dag par 'das pa'o/ /ji ltar sgro 'dogs pa'i mdza' smos par byed ce na/ rnam pa gnyis kyi ste/ bye brag tu sgro 'dogs pa yongs su bstan pa dang/ ngo bo nyid du sglo? 'dogs pa yongs su bstan pa las so/ /de la bye brag tu sgro 'dogs pa gang zhe na/ gong nas gong du rnam pa brgyad de/ dngos po de nyid la rtag par 'dzin pas sgro 'dogs pa dang/ mi rtag par 'dzin pas sgro 'dogs pa la brten nas bdag tu 'dzin pas sgro 'dogs pa dang/ mi rtag par 'dzin pas sgro 'dogs pa la brten nas bdag med par 'dzin pas sgro 'dogs pa dang/ bdag med

  232. 116b

    par 'dzin pas sgro 'dogs pa la brten nas yang dag pa'i sems su 'dzin pas sgro 'dogs pa dang/ bdag tu 'dzin pas sgro 'dogs pa la brten nas yang dag pa ma yin pa'i sems su 'dzin pas sgro 'dogs pa dang/ de'ang sems med pa dang tshol ba pa'o/ /tshol ba pa yang des kun btags pa'i gnas dang/ des kun btags pa dang mtshungs par ldan pa ste/ mi mthun ba'i phyogs kun nas nyon mongs pa can gyi chos rnams la nyes pa lnga dang mtshungs par ldan te/ phyin ci log gi nyes pa dang/ spros pa'i nyes pa dang/ nyes par spyod pa'i kun nas slong ba'i nyes ba dang/ gnas ngan len gyi nyes pa dang/ mi rtag pa nyid kyi nyes pa dang ngo/ /de'i gnyen po rnam par byang ba dag la yang dag pa'i sems su 'dzin pas sgro 'dogs pa la brten nas/ dge pa la sogs par 'dzin pas sgro 'dogs pa nas rnam par byang ba'i bar du 'dzin pas sgro 'dogs pa dang yang dag pa ma yin pa'i sems su 'dzin pas sgro 'dogs pa la brten nas mi dge ba la sogs par 'dzin pas sgro 'dogs pa nas kun nas nyon mongs pa'i bar du 'dzin pas sgro 'dogs pa ste/ de dag ni bye brag tu sgro 'dogs pa brgyad yin te/ de la byang chub sems dpa' ni sgro 'dogs pa de dag la mngon par zhen par yang mi byed la/ gzhan dag la yang dag par 'dzin duAng mi 'jug bsngags pa brjod par yang mi byed do/ /de la ngo bo nyid du sgro 'dogs pa ni bye brag tu sgro 'dogs pa'i gnas gar yin pa ste/ dngos po de nyid la byis pas kun btags ba tha snyad las byung ba'i ngo bo nyid du sgro 'dogs pa yod do zhes sgro 'dogs pa'o/ /ji ltar skur ba 'debs pa'i mdza' smos par byed ce na/ rnam pa gcig gis yod ba'i dngos po la skur pa 'debs pa yongs su bstan pa las te /de la yod pa'i dngos po la skur pa 'debs pa 'di yin te/ 'di lta ste log par chos bdag med pa la mos pa rnam pa thams cad du chos kyi mtshan nyid thams cad med pa nyid du mngon par zhen pa yin no/ /ji ltar chos mngon par rtogs pa smos par byed ce na/ rnam pa gsum gyis te/ dngos po de nyid dang/ bzhi pa

  233. 117a

    skye ba'i dngos po mi mthun pa'i phyogs dang gnyen po dang/ 'dus byas dang 'dus ma byas su rnam par gnas pa la ngo bo nyid mi dmigs pa yongs su bstan pa dang/ bye brag mi dmigs pa yongs su bstan pa dang/ de goms bar byas pas shes pa yang dag pa ji lta ba bzhin rab tu rtogs pa yongs su bstan pas so/ /de la ngo bo nyid mi dmigs pa ni 'di yin te/ byis pas kun btags pa'i ngo bo nyid kyis mi dmigs pa gang yin pa'o/ /de la bye brag mi dmigs pa ni 'di yin te/ ngo bo nyid de nyid la skye ba dang 'gag pa yang dag par 'grub pa gnyis su med pas mi dmigs pa gang yin pa'o/ /de la shes pa yang dag pa ji lta ba bzhin rab tu rtogs pa ni 'di yin te/ de'i ngo bo nyid dang de'i mtshan ma yid la byed cing yang dag par mi snang ba'i sbyor bas so so rang rig pa dang mthun pa'i shes pa rab tu rtogs pa gang yin pa'o/ /ji ltar chos mngon par rtogs pa byang chub chen por yongs su bsngo ba smos par byed ce na/ rnam pa gcig gis so sor brtags te gnyen po thob pas mi mthun pa'i phyogs mi spong ba las te/ de la gnyen po dang mi mthun pa ni 'di yin te/ stong pa nyid ni nyon mongs pa'i gnyen po'o/ /smon pa med pa ni srid par smon pa'o/ /mtshan ma med pa ni mtshan ma rnams kyi ste/ de dag thams cad kyang mngon par 'du byed pa med pa zhes bya'o/ /de'ang yang srid pa 'byung bar byed pa'i las gnyen po dang skye pa'i rgyun dang/ skad cig skye ba'i rgyun gyi gnyen po yin no/ /'gog pa mya ngan las 'das pa ni 'du byed thams cad kyi ngo bo nyid med pa nyid ces bya'o/ /de'i mi mthun pa'i phyogs ni 'khor pa'i rgyun yin no/ /byang chub sems dpas gnyen po des so sor brtags te mi mthun pa'i phyogs mi spong ba gang yin pa de ni sems can la snying brtse ba las brten te byang chub chen po 'dod pa yin no/ /ji ltar de ltar zhugs pa'i sems nyon mongs pa dang sdug bsngal ba dag gis yongs su

  234. 117b

    ma gtugs pa nyid smos par byed ce na/ rnam pa gcig gis mi mthun pa'i phyogs ma spangs pa'i chos rnams yang dag pa ji lta ba bzhin rab tu rtogs pa las te/ de la yang dag pa ji lta ba bzhin rab tu rtogs pa ni 'di yin te/ chos la bdag med pa'i sbyor bas chos de dag nyid la rang bzhin gyis kun nas nyon mongs pa med pa dang/ sdug bsngal med par yang dag par rjes su mthong ba'o/ /ji ltar bye brag smos par byed ce na/ rnam pa bzhi ste /lta ba'i bye brag yongs su bstan pa dang/ de nyid khyad ches dman pa'i bye brag yongs su bstan pa dang/ spong ba la rnam par 'khrul pa'i bye brag yongs su bstan pa dang/ sems rnam par 'khrul pa'i bye brag yongs su bstan pa las so/ /de la lta ba'i bye brag ni 'di yin te/ gang zag la bdag med pa la gnas pa ni mya ngan las 'das pa la phyi mar bdag nyid chad par mngon pa'i nga rgyal can du 'gyur ba dang/ bzung pa yongs su brtags pa'i phyir dang/ 'dzin pa gtan du tha snyad las byung ba'i ngo bo nyid dang bral ba stong pa nyid kyis bsdus pa yongs su ma brtags pa'i phyir shes bya shin tu ma rtogs pas chos kyi bdag nyid la mngon par zhen pa des nyon mongs pa spong pa la sogs pa spong ba yongs su tshol bar byed kyi/ byang chub sems dpa' ni de lta ma yin no/ /de la de nyid khyad ches dman pa'i bye brag ni 'di yin te/ gang zag la bdag med pa la gnas pa ni rgyu gnyis po sdug bsngal bar gnas pa dang/ rim gyis 'dzin pa gnyis kyis nyams pas sdug bsngal las rnam par ma thar pa'i phyir so so'i skye po bdag tu lta ba dman pa bas kyang chos dman pa yin gyi/ byang chub sems dpa' ni de lta ma yin pa'o/ /de la spong ba la rnam par 'khrul pa'i bye brag ni 'di yin te/ gang zag la bdag med pa la gnas pa ni chos bdag med pa la med pa nyid du mngon par zhen pas skrag cing/ tha snyad las byung ba'i ngo bo nyid med pa la chad pa yongs su chol gyi/ byang chub sems dpa' ni de lta ma yin pa'o/ /de la sems rnam par 'khrul pa'i bye brag ni 'di yin te /gang zag

  235. 118a

    la bdag med pa la gnas pa de ltar spong ba la rnam par 'khrul pa ni rang gi kun tu rtog pa las byung ba'i yul rnams la 'du shes phyin ci log la sogs pas phyin ci log tu 'gyur gyi/ byang chub sems dpa' ni de lta ma yin pa'o// ji ltar rgyu nyid smos par byed ce na/ rnam pa gnyis kyis te/ 'dzin pa la so sor rtog pa yongs su bstan pa dang/ de yang dag pa ji lta ba bzhin rab tu rtogs pa yongs su bstan pa las te/ de la 'dzin pa la so sor rtog pa ni 'di yin te/ bdag med pa'i shes pa de nyid la tha snyad las byung ba'i ngo bo nyid dang bral pa nyid dang nges kun btags pa dang bral ba nyid dang/ mtshan nyid med pa nyid dang/ skad cig ma nyid kyis btang bar bya ba yin par so sor rtog pa gang yin pa'o/ /de la de yang dag pa ji lta ba bzhin rab tu rtogs pa ni 'dri yin te/ bzung ba dang 'dzin pa la yongs su rtog par byed pa'i tshul bzhin yid la byed pa dag yid la byas pa'i rgyus so so rang rig pa dang mthun pa'i shes pa nges pa skyes pa gang yin pa'o/ /ji ltar mthar thug pa'i stong pa nyid smos par byed ce na/ rnam pa gcig gis gyos bdag med pa'i shes pa de yang dag pa ji lta pa bzhin mthong ba las te/ de la yang dag pa ji lta ba bzhin mthong ba ni 'di yin te/ las dang nyon mongs pa mtshan nyid 'dra bar mthong ba'i phyir brjod du med pa'i chos nyid gang yin pa dang/ tha snyad las byung ba'i ngo bo nyid dang bral ba'i phyir dang/ de ltar mngon par zhen par byar med pa'i phyir dang/ skad cig pa nyid yin pa'i phyir ro/ /ji ltar stong pa nyid de nyid kyis mthu smos par byed ce na/ rnam pa gcig gis las dang nyon mongs pa spong ba'i gnyen po yongs su bstan pa las te/ de la spong pa ni 'di yin te/ shes pa'i snang ba de skad cig de nyid la skyes pa ma thog ma med pa'i dus nas byung ba'i las dang nyon mongs pa thams cad spong bar byed pa'o/ /nyan thos ni du/ nyan thos kyi bslab pa dang byang chub sems

  236. 118b

    dpa' i bslab pa la phye brag ni ci yod ce na/ nyan thos ni rnam pa bzhi'o/ /nyan thos kyi bslab pa dang byang chub sems dpa' i bslab pa'i bye brag ni rnam pa bcu gsum gyis rig par bya'o/ /sprul pa'i nyan thos dang/ mngon pa'i nga rgyal can gyi nyan thos dang/ byang chub tu yongs su 'gyur ba'i nyan thos dang/ zhi ba'i bgrong pa gcig pa'i nyan thos so/ /de la sprul pa'i nyan thos ni byang chub sems dpas sems can rnams gdul ba'i phyir sprul ba gang yin pa'o/ /de la mngon pa'i nga rgyal can gyi nyan thos ni gang zag la bdag med pa'i/ shes pa tsam dang chos la bdag med pa la log par mngon par zhen pa'i shes pas dag par rtog pa gang yin pa'o de la byang chub tu yongs su 'gyur ba'i nyan thos ni dang po nyid nas snying rje shin tu chung ba'i rigs can du gyur pa las /de bzhin gshegs pa dang nye bar gnas pas sangs rgyas kyi chos rgya chen po dag la yon tan du shes pa yongs su bsgoms pa'i rgyud can du gyur pas/ de mthar thug par gyur cing zag pa med pa'i dbyings la gnas kyang sangs rgyas rnams kyis yang dag par bskul bar mdzad 'jug par mdzad cing/ thabs nye bar ston par mdzad de/ rgyu des na byang chub chen po mngon par bsdub par byed pa gang yin pa'o/ /de de ltar byang chub chen po mngon par sgrub par byed mod kyi /las la mngon par dga' pa nyid kyi phyir de sbyor ba de la shin tu bul bar 'gyur te/ sangs rgyas kyi rigs can dang po sems bskyed pa yang de lta bur ni mi 'gyur ro/ /de la zhi ba'i bgrod? ba gcig pa'i nyan thos ni dang po nyid nas snying rje shin tu chung ba'i rigs can yin pa'i phyir dang/ gcig tu sems can gyi don la mi phyogs pa'i phyir dang/ sdug bsngal gyis 'jigs pa'i phyir mya ngan las 'das pa gnas pa'i bsam pa can kho nar 'gyur zhing/ byang chub chen po mngon par bsgrub pa'i skal ba med pa gang yin pa'o/ /'di lta ste dper na/ rgyal po'i bu gnas mtshungs par skyes shing rgyal po'i bde

  237. 119a

    ba'i longs spyod kyis mtshungs mnyam par gyur pa gnyis shig yod pa las/ de la gcig ni rgyal po'i bya ba dang bstan bcos dang bzo'i gnas la mkhas pa yin la/ cig shos ni de lta ma yin na/ de gnyis ni yan lag nges bye brag tu gyur par zad kyi/ rgyal po'i bde ba'i longs spyod kyis bye brag tu gyur pa ni ma yin pa de bzhin du zag pa med pa'i dbyings na byang chub sems dpa' dang zhi pa'i bgrod pa gcig pa'i nyan thos kyi bye brag kyang rig par bya ste/ de gnyis kyi bye brag ni bsam pa dang/ dkar po'i chos yang dag par 'grub pa dang/ shes pa yang dag par sgrub pa dang/ rjes su 'gro ba dang/ rigs dang/ gdung yang dag par 'dzin pa dang/ sbyor ba dang/ mthu dang/ sgrub pa dang/ sbyin gnas kyi 'os nyid dang/ khyad par can las khyad par du 'phags pa dang/ rgyu dang 'bras bu dang 'byung ba'i rten las kyang rig par bya'o/ /nyan thos ni 'du byed dang nyon mongs pa dang sems can gyi don la mi phyogs pa'i phyir gcig tu zhi bar gnas pa'i bsam pa can yin gyi/ byang chub sems dpa' ni zhi ba thob kyang de las bzlog ba yin no/ /nyan thos ni bdag nyid kyi bde ba yang dag par 'phel bar byed pa dkar po'i chos chung ngu dag dang lhan? pa yin gyi/ byang chub sems dpa' ni sems can thams cad kyi bde ba yang dag par 'phel bar byed pa dkar po'i chos tshad med pa dang ldan pa yin no/ /nyan thos ni 'dus ma byas kyi shes pas bdag nyid nyon mongs pa rnams kyis gsog dang gsob tu byed par zad kyi/ byang chub sems dpa' ni phyogs bzhi'i sems can thams cad do/ /nyan thos ni rnam par grol ba'i chos mchog la dmigs pa'i yid la byed pa las yang dag par grub kyang sangs rgyas kyi sras su mi 'gyur gyi/ byang chub sems dpa' ni 'du byed dang/ sems can dang/ chos ngan pa la dmigs pa'i yid la byed pa las yang dag par

  238. 119b

    grub kyang sangs rgyas kyi sras su gyur pa yin no/ /nyan thos ni brtson 'grus brtsams shing bden pa la mkhas pa dang/ sems legs par mnyam par gzhag kyang sangs rgyas kyi rigs kyi mtshan nyid dang mi ldan pa'i phyir byang chub sems dpa' ltar sangs rgyas rnams kyis yongs su mi gzung gi /byang chub sems dpa' ni de las bzlog pa yin no/ /nyan thos ni mthar thug par gyur pa yin pa'i phyir dbang po yongs su smin pa yin yang phyis sangs rgyas kyi mdzad pa byed mi nus pa yin gyi/ byang chub sems dpa' ni skad cig de la dang po sems bskyed pas kyang nus so/ /nyan thos ni mthar thug par gyur kyang ji ltar byang chub sems dpa' las dang po pa'i sbyor ba la zhugs pa de ltar lha dang mi rnams kyis mchod par bya ba dang bstong par bya ba'i 'os ma yin gyi/ byang chub sems dpa' ni yin no/ / byang chub sems dpa' ni mthar thug par gyur pa ma yin yang mthu dang shes pa dag gis nyan thos dang rang sangs rgyas thams cad zil gyis gnon pa yin no/ /nyan thos ni nyon mongs pa'i nad zhi par byed pa ye shes kyi sman yongs su grub pa yin yang sems can rnams kyi nyon mongs pa'i nang zhi bar byed pa ma yin gyi/ byang chub sems dpa' ni gzhan gyi don la zhugs pa'i phyir de las bzlog pa yin no/ /nyan thos ni mthar thug par gyur pa yin yang ji ltar byang chub sems dpa' nyon mongs pa ma zad pa sems can rnams la ye shes kyi snang ba byed pa'i phyir lnga dang bcas pa'i 'jig rten gyi sbyin gnas kyi 'os nyid du gyur pa de lta bu ma yin gyi/ byang chub sems dpa' ni yin no/ /de bzhin gshegs pa rnams ni dus rtag tu nyan thos pas ches khyad par du 'phags pa yin la/ de dag pas kyang byang chub sems dpa' rnams ches shin tu khyad par du 'phags pa yin te/ de dag las de dag yang dag par 'grub pa'i phyir ro/ /de dag ni rgyu gnyis kyis ni ches shin tu khyad par du 'phags pa yin bas rig par bya ste/ 'di ltar de dag gis

  239. 120a

    sems can yongs su smin par byas pa dang/ sangs rgyas kyi chos yongs su smin par byas pa'i phyir te/ de las byang chub kyi 'bras bu brnyes pa dang/ ji ltar yongs su smin par byas pa'i sems can rnams rnam par grol bar mdzad de/ 'di lta ste dper na sgrub pa po dang g.yos mkhan la ngo mtshar gyi blo 'byung ba ltar zab po la de lta ma yin pa de bzhin du 'di la 'ang rig par bya'o/ /nyan thos ni gcig tu rnam par dag pa'i chos kyi rgyu yang dag par blangs te gnas shing dge pa'i gshes gnyen du mas yongs su gzung yang byang chub chen po'i 'bras bu mngon par 'grug par mi 'gyur gyi/ byang chub sems dpa' ni de las bzlog pas kyang 'grub par byed do/ /byang chub sems dpa' la brten nas ni nyan thos rnams 'byung bar 'gyur gyi/ nyan thos la brten nas ni byang chub sems dpa' rnams mi 'byung ngo/ /'jig rten pa dang 'jig rten las 'das pa'i shes pa dag gis gzhan gyi don bya ba gang zhe na/ 'di la byang chub sems dpa' phyogs thams cad du khams 'pho yang rung/ /yul gzhan du 'pho yang rung /skye ba 'pho yang rung/ gzhan gyis gsol ba btab kyang rung ste/ nyon mongs pa'i 'byung po'i gdon gyis brlams pa'i sems can rnams la bslab pa gsum gyi lam rnam par dag pa nye bar ston pas gso bar byed pa na sman pa bla na med pa yin no/ /'jig rten pa'i shes pa gang zhe na/ kun nas nyon mongs pa rags pa sel ba'i gnyen po dang/ 'bring rnam par gnon pa'i gnyen po gang yin pa'o/ /kun nas nyon mongs pa rags pa gang zhe na/ khyim pa rnams kyi 'dod chags dang zhe sdang dang gti mug spyad pa nyid dang/ rab tu byung ba rnams kyi lta ba la brten pa nyid dang de'i gnas tshul bzhin ma yin pa yid la byed pa la brten pa nyid dang/ yang srid par smon pa la brten pa nyid dang/ phyin ci log bzhi po bsdus pa dang/ re re dag gis thar pa la yin pa la thar par mngon par zhen pa la brten pa nyid gang yin pa'o/ /kun nas nyon mongs pa

  240. 120b

    'bring gang zhe na/ rang rang gi gnyen po la brten pas kun nas nyon mongs pa rags pa brtsal ba'i yul la 'dod chags dang zhe sdang dang gti mug gis kun nas dkris pa'i gnas nyid gang yin pa'o/ /dmigs pa la yang dag par bstad pas ma nyam par ma gzhag pa'i sems mnyam par bzhag pa'i phyir byang chub kyi phyogs dang mthun pa'i chos rnams kyis brtson par byed pa na/ de rnam par gnon par byed cing/ bsgom pa nges bdag nyid rab tu 'dzin par yang mi byed par dmigs pa la sems nye bar bstad de gnas par/ / bya ba'i phyir 'bad par byed do/ /de'i 'og tu gnas pa rab tu 'dzin par byed de/ de rab tu gzung bas lus la ril por 'dzin pa gang gis kun nas dkris pa 'bring 'byung bar 'gyur ba de rnam par gnon par 'gyur ro/ /de'i 'og tu 'jig rten las 'das pa'i chos kyi mi mthun pa'i phyogs spangs te/ gnyen po la gnas par 'gyur zhing de nyid brtan par byed do/ /de'i 'og tu rten cing 'brel par 'byung ba la kun tu rmongs pa dang/ gang zag la bdag med pa la kun tu rmongs pa dang/ chos la bdag med pa la kun tu/ rmongs pa rnam par gnon par byed do/ /de'i 'og tu lam ngan pa dang lam la nges par 'gyur te/ de ltar rnam pa de dag gis kun nas nyon mongs pa rags pa dang 'bring sel ba dang rnam par gnon pa'i gnyen por gyur pa'i shes pa gang yin pa de ni 'jig rten pa'i shes pa zhes bya'o/ /'jig rten las 'das pa'i shes pa gang zhe na/ de ltar 'dod chags dang zhe sdang dang gti mug gis kun nas dkris pa'i kun nas nyon mongs pa rnam par mnan pa'i kun nas nyon mongs pa'i bag la nyal phra mo'i gnyen por gyur pa'i shes pa gang yin pa'o/ /de yang gang zhe na/ rnam par gnon pa'i gnyen po de la gnas gsum la mkhas pa/ rten cing 'brel par 'byung ba la mkhas pa dang/ gang zag la bdag med par mos pa dang/ chos la bdag med par mos pa'i kun nas nyon mongs

  241. 121a

    pa ma lus pa las yang dag par 'da' bar bya ba'i phyir mi shes pa rnam pa bzhi po/ /spyi'i mtshan nyid mi shes pa dang/ rang gi mtshan nyid mi shes pa dang/ kun nas nyon mongs pa'i mtshan nyid mi shes pa dang/ rnam par byang ba'i mtshan nyid mi shes pa'i gnyen bos lung nod nga la mi ltos par so so'i bdag nyid kyi sems la so sor rtog cing 'bad pa gang yin pa'o/ /de la sems kyi spyi'i mtshan nyid ni rnam pa gsum gyis rig par bya ste/ rten cing 'brel bar 'byung ba lkog na g.yo ba med pa nyid dang/ da ltar gyi skad cig pa g.yo ba med pa nyid dang/ 'dod chags la sogs pa rkyen las byung ba'i sems kyis ma byas pa nyid kyis so/ /sems kyi rang gi mchan nyid kyang rnam pa gsum gyis rig par bya ste/ snga ma bzhin du tha snyad las byung ba'i ngo bo nyid kyis mi dmigs pa dang/ snga ma bzhin du rnam pa drug gis de bzhin nyid mi dmigs pa dang/ 'phags pa thams cad kyi bye brag med pa'i shes pa dmigs pas so/ /sems kyi kun nas nyon mongs pa'i mtshan nyid kyang rnam pa gsum gyis rig par bya ste/ 'grub pa dang/ 'jug pa dang?/ rgyu bas te/ 'gro ba rnams su lus sna tshogs 'grub pa las ni kun nas nyon mongs pa 'grub pa yin no/ /de ltar grub pa rang gi skad cig gi rgyun gyis 'jug pa dang/ dmigs pa thams cad la gzung dka' bar 'jug pa dang/ sred pa'i chags pas dbang bskur pas 'jug pa las ni kun nas nyon mongs pa 'jug pa yin no/ /gang du rgyu ba dang/ ji ltar rgyu ba las ni kun nas nyon mongs pa rgyu ba yin te/ res 'ga' ni mi dge ba la/ /res 'ga' ni dge ba la/ res dga' ni yul la/ res dga' ni las mngon par 'du bya ba la'o/ /res 'ga' ni nyon mongs pa rnams las te/ nyon mongs pa rnams la rgyu ba na yang 'dod chags dang zhe sdang la sogs pa nges par mi gnas pa de nyid 'dod chags dang bcas par gyur nas/

  242. 121b

    'dod chags dang bral bar 'gyur ba dang/ 'dod chags dang bral bar 'gyur nas/ 'dod chags dang bcas par 'gyur ba dang/ de lta bu la sogs pa ma yin pa la rgyu ba dang/ bde ba la sogs pa'i gnas lta bu'i chos rnams la dbang phyug thob cing rgyu ba dang// bdag nyid kyi bde ba spangs te sdug bsngal kun tu skyed par byed pa dang/ de yang mngon bar zhen pa las ma yin gyi/ phyin ci log las yin pa dang de dag gis bdag nyid la sdug bsngal nye bar sgrub pa dag gis rnam par mi ngoms par byed pa dang/ dge ba rnams las nges par sbyar ba na de spang pa'i phyir skabs yongs su tshol bar byed pa dang/ mi dge ba yang dag par blang ba'i phyir skyon yongs su tshol bar byed pa dang/ 'byor ba dang rgud? pa dag la rjes su chags pa dang/ khong khro ba dag gis bcom par 'gyur ba dang/ bag med pa'i dbang du song zhing dge ba'i rtsa ba byas pa dang ma byas pa thams cad zad bar byed pa dang/ gzugs la sogs pa yul mngon par dga' ba'i phyir gtan du phan pa 'chi ba med pa'i dbyings la so sor brtags shing so sor nyes par rnam par 'jog par byed pa ste/ de ltar don de kun tu ston par byed pa nyon mongs pa can gyis bsdus pa'i dpe'i dngos po dag kyang rig par bya'o/ /sems kyi rnam par byang ba'i mtshan nyid kyang rnam pa gsum gyis rig par bya ste/ mi rtog pa dang rtogS pa'i mtshan nyid dang/ 'dus ma byas kyi mtshan nyid dang/ rigs kyi mtshan nyid kyis te/ de las gzhan du tshul bzhin ma yin par brtson pas ni sems rnam par dag pa sgrub par byed kyang mi rtogs kyi/ de ltar tshul bzhin du brtson par byed pas ni rtogs par 'gyur te/ de yang tha snyad las byung ba'i ngo bo nyid du ni mi mthong la/ de bzhin nyid kyi mtshan nyid du mthong ba na mthong/ /'dus ma byas kyi mtshan nyid de ni rnam pa dgus blta bar bya ste/ dus rnams su rgyu ba med pa dang/ ji ltar 'gog pa'i snyom par 'jug pa la tha snyab las byung ba'i ngo bo nyid kyis

  243. 122a

    dmigs su med pa la/ de bzhin nyid kyi mtshan nyid dmigs su yod pa lta bu ma yin pa'i phyir gnyis su med pa'i mtshan nyid dang/ skye ba med pa'i mtshan nyid dang/ skye ba'i rgyu ngo bo nyid las yang dag par 'das pa'i mtshan nyid dang/ phyi mar skye ba las yang dag par 'das pa dang/ 'chi 'pho ba las yang dag par 'das pa dang/ skad cig gcig nas gcig tu 'bral ba las yang dag par 'das pa dang/ 'gro ba 'gyur ba las yang dag par 'das pa dang/ las kyi kun nas nyon mongs pa'i 'du byed las yang dag par 'das pa nyid kyis so/ /de la rigs kyi mtshan nyid ni mi slob pa'i khams kyi mtshan nyid yin par blta bar bya ste/ tshe 'di la dngos po lnga las yang dag par 'das pa yang yin te/ bya ba las yang dag par 'das pa dang/ bya ba med pa las yang dag par 'das pa dang/ bya ba'i sbyor ba las yang dag par 'das pa dang/ bya ba'i sbyor ba med pa las yang dag par 'das pa dang/ bya ba med pa'i sbyor ba las yang dag par 'das pa'o/ /tshe phyi ma la dngos po drug las yang dag par 'das pa yang yin te/ tshe phyi ma la yang srid pa 'byung ba'i 'du byed kun nas slong bar byed pa las yang dag par 'das pa dang/ de 'du byed las yang dag par 'das pa dang/ /de'i 'bras bu 'grub pa las yang dag bar 'das pa dang/ de la brten ba'i 'byor ba dang rgud pa las yang dag par 'das pa dang/ de'i gnas lung du ma bstan pa yongs su g.yo ba thams cad la slob pa dang smos pa dang rjes su sbyor ba las yang dag par gnas pa dang/ de'i gnas lus sna tshogs las yang dag par 'das pa'o/ /rigs kyi mtshan nyid de yang gnas skabs bzhir rnam pa dgur rig par bya ste/ rnam par ma dag pa'i gnas skabs dang/ rnam par dag pa'i gnas

  244. 122b

    skabs dang/ so sor rtogs pa'i gnas skabs dang/ yongs su gtugs pa'i gnas skabs so/ /rnam par ma dag pa'i gnas skabs ni mtshan ma thams cad la yang dag par rjes su song ba'i phyir nam mkha' lta bu yin no/ /rnam par dag pa'i gnas skabs ni ro gcig pa dang lus dang sems dben pa yin no/ /so sor rtogS pa'i gnas skabs ni mthar thug par 'gro pa'i rjes su mthun pa dang nyon mongs pa'i rang bzhin thams cad dang bral zhing dri ma med pa dang/ 'jigs tshogs la lta ba las yang dag par 'das pa dang/ da'i rtsam? las byung ba'i mthun par lta ba'i rnam pa las yang dag pa rang nas pa yin no/ /yongs su gtugs pa'i gnas skabs ni yongs su grub pa'i bde ba dang 'gyur ba rnam pa gsum las yang dag par 'das pa yin te/ de la 'gyur ba rnam pa gsum ni 'di dag yin te/ rga shi la sogs pa'i 'gyur ba dang/ phyin ci log gi gnas kyi 'gyur ba dang/ rnam par dag pa las yongs su nyams pa'i 'gyur ba'o// //bam po bzhi bcu gsum pa ste tha ma/ /byang chub sems dpa' gdams dag la nyan thos kyi bslab pa gang zhe na/ 'di lta ste brnab sems dang/ yid kyi bde ba 'dul bas lhag pa'i tshul khrims kyi bslab pa la sbyor ba dang/ kun tu skyo ba yid la byed pas lhag pa'i sems kyi bslab pa la sbyor ba dang/ gang zag la bdag med pa dang/ chos la bdag med pas ltag pa'i shes rab kyi bslab pa la sbyor ba'o/ /de la ltung ba kun nas slong bar byed pa brnab sems dang yid mi bde ba ni ji ltar sil bar mi byed pa dang/ ji ltar ma bsal ba dang/ ji ltar sel bar byed pa dang/ ji ltar bsal ba'i rnam pa de bzhis rig par bya ste/ rang gi sems kyi tshul bzhin ma yin pa yid la byed pas kun nas bslang ba'i brnab sems dang/ 'jig tshogs la lta ba dang/ gnod sems la gal te yul las sam

  245. 123a

    gzhan las byung bar sems na/ de ni sel bar mi byed pa yin no/ /gal te yul gyis sam gzhan la gnod ba byed pa'i sbyor bas 'phrogs par 'gyur na de ni ma bsal ba yin no/ /gcig ma bsal na gcig kyang ma bsal bar blta bar bya la/ gcig bsal na gcig kyang bsal bar blta bar bya ste/ ma bsal bas ni sdom pa la gnas pa yang lhag pa'i tshul khrims las nyams par 'gyur na/ sdom pa la gnas pa ma yin pa lta smos kyang ci dgos/ lhag pa'i sems kyi bslab pa'i gags ni dmigs pa las rnam par g.yeng ba'i 'khrul pa yin no/ /gang zag la bdag med pa las brtsams nas lhag pa'i shes rab la brtson ba'i gags ni 'jigs tshogs la lta ba yin no/ /chos la bdag med pa las brtsams nas lhag pa'i shes rab la brtson pa'i gags ni ngo bo nyid dang bye brag tu rtog pa dang rnam par rtog pa'i 'ching ba yin no/ /bslab pa gsum po de dag rnam par bsgom pa la bslab pa dang/ mi mthun pa'i chos brgyad dang bslab pa dang rjes su mthun pa'i chos brgyad yod de/ don med pa la yongs su zhen pa dang/ yongs su zhen ba las 'ching ba dang/ 'ching ba las bar chad dang/ bar chad las dri ma dang/ dri ma las thog thog dang/ thog zog las rma dang/ rma las yongs su gdung ba dang/ yongs su gdung ba las nyon mongs ba'i nang gso dka' ba 'byung ngo/ /bslab pa dang rjes su mthun pa'i chos brgyad ni de dag las bzlog pa kho na las rig par bya'o/ /legs par ma bslabs pa'i dge sbyong gang zhe na/ de dag ni rnam pa gsum du rig par bya ste/ dge sbyong gi tshul la mi lta zhing cha lugs dang rtags mthun pa/ cho ga dang/ 'tsho ba dang/ long spyod dang/ brtson pa dang/ tshul khrims dang/ lta ba dang/ bsam ba mi mthun ba dang/ yo byad la yongs su gzhol ba/ lhag pa'i tshul khrims dang rtags

  246. 123b

    mthun/ lhag pa'i sems dang rtags mthun/ lhag pa'i shes rab dang rtags mthun la /de dag bsgrub pa'i bsam pa dang mi mthun pa dang/ sgra la yongs su gzhel ba/ zhi gnas kyi yan lag dang mthun/ lhag mthong gi yan lag dang mthun/ de gnyig bsgom pa'i yan lag dang mthun/ de gnyi ga'i tshogs kyi yan lag dang mthun la/ de dag gi bsam pa dang mi mthun pa'o/ /legs par bslabs pa'i dge sbyong gang zhe na/ de ni rnam pa bzhis rig par bya ste/ sbyor ba dang/ bsam pa dang/ rtogs pa dang/ mthar thug par 'gro bas so/ /tshe 'di la kun tu skyo ba'i sbyor ba dang/ tshe rabs snga ma la rgyud yongs su smin pa'i sbyor bas ni sbyor ba phun sum tshogs pa yin par rig par bya'o/ /chos bdag med pa la mos pa'i bsam pa dang ldan pa'i phyir gang thob par bya ba dang/ gang gis thob par bya ba de gnyis la tha snyad las byung ba'i ngo bo nyid du mngon par zhen pa med pa dang/ dgongs pa can gyi don yongs su tshol ba dang/ sgra tsam gyis rjes su 'brang bas ni bsam pa phun sum tshogs pa yin par rig par bya'o/ /gzhan gyi dring la mi 'jog pa'i shes pas chos kyi de bzhin nyid la rang bzhin gyis kun nas nyon mongs pa med par rtogs pa dang/ de la dkon mchog gi brda dang/ mya ngan las 'das pa dang/ 'khor ba dang 'ching ba dang thar pa'i brda'i ngo bo nyid mi dmigs pas ni rtogs pa phun sum tshogs pa yin par rig par bya'o/ /kun nas nyon mongs pa thams cad kyi gnyen po shin tu bsgoms pa dang/ de bzhin nyid rgyun mi 'chad pa dang mi 'jigs pas ni mthar thug par 'gro ba phun sum tshogs pa yin par rig par bya'o/ /de la legs par ma bslabS pa'i dge sbyong ni rnam pa gsum gyis na ming don ji lta ba bzhin ma yin par rig par bya ste/ bsam pa rgud la sbyor pa phun sum tshogs pa dang/ bsam pa phun sum tshogs la sbyor ba rgud pa dang/ bsam pa yang rgud? la sbyor ba yang rgud pas so/ /de la bsam pa rgud la sbyor ba phun

  247. 124a

    sum tshogs pa ni rnam pa gsum ste/ nyan pa de tsam gyis chog par 'dzin pa dang/ smra ba de tsam gyis chog par 'dzin pa dang/ 'jig rten pa'i ting nge 'dzin rtogs par byed pa de la ro myang ba tsam gyis chog par 'dzin pa'o/ /legS par bslab pa'i dge sbyong ni rnam pa gcig kho nas ming don ji lta ba bzhin yin par rig par bya ste/ bsam pa yang phun sum tshogs la sbyor ba yang phun sum tshogs pas so/ /brdar btags pa'i sdom pa la gnas pa gang zhe na/ de dag ni rnam pa bzhir rig par bya ste/ tshul khrims yan lag drug dang ldan pa'i tshul khrims nyams pa gnyis po 'jigs tshogs la lta bas kun nas dkris pa ltung ba 'byung ba dang/ de las bslang ba la mi mkhas pas nyams pa dang/ nyes pa de dag gnyi ga spangs su zin kyang 'jig rten pa'i rnam par dag pa ma thob pa'i phyir 'jig tshogs la lta ba rnam par bsal ba dang/ 'jig rten pa'i rnam par dag pa'i sdom pa thob cing 'jig tshogs la lta ba rnam par bsal du zin kyang yo byad ma bsnyungS shing chos bdag med pas skrag pas tshul khrims nyams pa dang/ skyon gzhan thams cad spangs su zin kyang chos bdag med pa la log par mos pas tshul khrims nyams pa'o/ /don dam pa'i sdom pa la gnas pa gang zhe na/ 'jig rten las 'das pa nyon mongs pa thams cad dang bral ba khams gsum pa'i gnyen po'i tshul khrims dang ldan pa gang yin pa'i sdom pa la gnas pa bzhi la/ spros pa'i chos gang dag dmigs pa de dag rab tu zhi ba'i mtshan nyid gang yin pa de ni zag pa med pa'i tshul khrims yin par rig par bya ste/ spros pa'i chos rnams gang zhe na/ sdom pa la gnas pa dang po la ni bdag tu 'dzin pa dang bdag gir 'dzin pa dang/ ltung ba'i bya ba dang/ de'i bya ba med pa dang/ bsams bzhin

  248. 124b

    du byed pa'i sbyor ba dang/ de'i sbyor pa med pa dang/ shes bzhin du spyod pa dang/ de'i spyod pa med pa dang/ brjed ngas pas spyod pa dang/ de'i spyod pa med pa yang dmigs pa'o/ /gnyis pa la ni 'jig tshogs la lta ba'i phyogs dang mthun pa'i gnas ngan len dang ldan pa'i ming dang gzugs dang/ phyi mar skye ba'i rgyu dang/ 'phral la de'i rgyu med pa dang/ kun nas dkris pa rab tu zhi ba dang/ bag la nyal las de rab tu ma zhi ba dang/ gang zag la bdag med par 'dzin pa dang/ gang zag tu 'dzin pa spong ba dang/ gang zag la bdag med par gzung bde la 'dzin pa dang gzung pa med pa dang/ des gzugs la sogs pa la sems can du 'dzin pa dang/ der 'dogs pa la legs bar 'dzin pa dang/ der 'dogs pa dang/ dag gis 'dogs pa legs par 'dzin pa dang/ der 'dogs pa'i sems dang/ de 'dogs pa legs par 'dzin pa yang dmigs pa'o/ /gsum pa la ni gong du skye ba las 'jig rten dang/ 'og ma yongs su gtong ba las 'jig rten pa dang/ snyoms par 'jug pa la gnas pa dang/ 'dod pa la mi gnas pa dang/ bdag nyid kyi tshul khrims rab tu 'dzin pa dang/ gzhan gyi tshul khrims khyad du gsod pa yang dmigs pa'o/ /bzhi pa la ni bdag ni tshul khrims rnam par dag pa yin no snyam du rlom pa dang/ ngo bo nyid dang bye brag tu kun tu rtog pa dag gis tshul khrims la kun tu rtog pa yang dmigs pa ste/ de ltar spros pa'i chos de dag ni zag pa med pa'i tshul khrims la rab tu zhi bar gyur pa yin no/ /don gyi 'brel pa 'di nyid kyis bslab pa gsum rnam par dag pa las brtsams nas tshigs su bcad pas mngon par sgrub pa yang rig bar bya'o/ /bsod nams kyi tshogs ni nyon mongs pa chung bar 'gyur ba yin no/ /skyes bu dam pas yongs su gzung ba ni chud mi za bar 'gyur ba yin no/ /ye shes kyi tshogs ni zab mo'i gnas la mos par 'gyur ba yin par rig par bya'o

  249. 125a

    de bzhin gshegs bas gsungs pa la ni rgyu gnyis kyis 'jug par 'gyur ba yin te/ chos gyi lugs shes pa nye bar brtags pa dang/ de kho na'i shes pa gtan la dbab pas so/ /de bzhin gshegs pa'i 'dul ba'i thabs gang zhe na/ de ni rnam pa gnyis su bstan blta bar bya ste/ lus mthun pa dang mos pa mthun pas mthun par rjes su ston pa dang/ kun shes pa'i sems nye bar 'jog pa dang/ nges par 'byin pa'i gdams ngag gis yang dag par rnam par dag pa'i thabs ston pa'o/ /gdams dag kyang rnam pa bzhir rig par bya ste/ rnam par byang ba dang kun nas nyon mongs pa skrag pa dang 'jug pa'i gnas ston pa dang/ kun nas nyon mongs pa'i rgyu yongs su spang ba ston pa dang/ rnam par byang ba la skrag pa'i rgyu yongs su spang ba ston pa dang/ tshe 'di la mchog tu bde par gnas pa'i thabs ston pa'o/ /de la kun nas nyon mongs pa'i rgyu ni rnam pa gnyis te/ tha snyad las byung ba'i ngo bo nyid kyis kun nas nyon mongs pa'i ngo bo nyid du mngon par zhen cing kun tu rtog pa dang/ de la yon tan dang skyon du mngon par zhen cing kun tu rtog pa'o/ /de rnam par dag pa'i lam la skrag pa'i rgyu yang rnam pa gnyis kyis rig par bya ste/ rim gyis rnam par dag pa'i lam la kun nas nyon mongs pa can du kun tu rtog pa dang kun nas nyon mongs pa dang bral bar kun tu rtog pas so/ /mya ngan las 'das pa rnam par dag pa la skrag pa'i rgyu yang rnam pa gnyis kyis rig par bya ste/ tha snyad las byung ba'i ngo bo nyid la mngon par zhen pas mya ngan las 'das pa zhes bya ba'i tshig bla dags kyi ming la sems las byung ba'i ming du 'dogs pa dang/ sems las byung ba'i ming la zhi ba zhes bya ba'i tshig bla dags kyi ming du kun tu rtog pas so/ /bde bar gnas pa'i mchog gi thabs ston pa ni de gnyi ga'i rgyu yongs su spangs pa las rig par bya'o//

  250. 125b

    ldem por ngag tu gsungs pa gang zhe na/ ldem po dag thams cad la 'jug pa'i rgyu ni gnyis su med pa'i mtshan nyid shes pa'o/ /gnyis su med pa'i mtshan nyid gang zhe na/ brjod pa'i gzhi'i gnas su gyur pa'i dngos po gang yin pa ste/ de'ang ngo bo nyid de yod pa ma yin pa'i phyir dang/ brjod pa la goms pa'i ming gi spyod yul gyi ngo bo nyid kyis med pa ma yin pa'i phyir gnyis su med pa yin no/ /gnyis su med pa de la gnyis su mngon par zhen pa las ni kun nas nyon mongs par 'gyur la/ gnyis su mngon par zhen pa med pa las ni rnam par byang bar 'gyur ro/ /brjod pa thams cad kyi gzhi'i gnas su ma gyur pa'i dngos po gang yin pa de yang tha snyad la goms pa'i ming gi spyod yul gyi ngo bo nyid kyis yod pa ma yin pa'i phyir dang/ de la yongs su ma goms pa'i shes pa'i spyod yul gyi ngo bo nyid yod pa'i phyir gnyis su med pa yin no/ /gnyis su med pa de la gnyis su mngon par zhen pa las ni kun nas nyon mongs par 'gyur la/ gnyis su mngon par zhen pa med pa las ni rnam par byang bar 'gyur te/ de ltar na gnyis su med pa'i mtshan nyid de ni de bzhin gshegs pa rnams kyi ldem po dag thams cad la 'jug par 'gyur ba yin par rig par bya'o/ /de la ston pa'i phun sum tshogs pa rnam pa lnga dang/ de'i gdams dag gi 'bras bu phun sum tshogs pa rnam pa lnga dang 'bras bu'i phan yon phun sum tshogs pa rnam pa lnga la brten nas ldem po ngag tu gsungs ba rnams rig par bya'o/ /ston ba'i phun sum tshogs pa rnam pa lnga gang zhe na/ gang gi phyir ston pa dang/ gang gis ston pa dang/ gang ston pa dang/ ji ltar ston ba dang/ gang la ston pa de dag phun sum tshogs pa yin pa'o/ /'bras bu phun sum tshogs ba gang zhe na/ phung po lhag ma med pa'i mya ngan las 'das pa'i dbyings dang/ phung po lhag ma dang bcas pa'i mya ngan las 'das pa'i dbyings dang/ 'phags pa'i lam yongs su rdzogs pa dang/ nang gi dgra las rnam par rgyal ba dang/ phyi rol gyi dgra

  251. 126a

    las rnam par rgyal ba'o/ /de la 'bras bu'i phan yon phun sum tshogs pa ni ston pa la bsnyen bkur byed pa dang/ dad pas byin pa yongs su sbyong ba dang/ 'khor ba'i sdug bsngal las yang dag par rgal ba dang/ sbyin gnas kyi dngos po las yongs su mi nyams pa dag/ de bzhin gshegs pa la brten nas de bzhin gshegs pa'i sras chos kyi sprul pa yin no/ /byang chub sems dpa' i gdams ngag la mos pa'i phan yon gang zhe na/ de ni rnam pa lngas rig par bya ste/ zhing byin gyis rlob pa'i dus na dbang phyug gi bdag po yang dag par 'grub pa'i rgyu zil gyis gnon pa dang/ lus yongs su 'grub pa dang/ de'i gnas brtan pa'i snod du byed pa dang/ ston pa'i snod du byed pa dang/ lus spong ba'i dus na lta ba dang/ las rnam par dag par 'gyur bas so/ /de la dbang phyug gi bdag po chen po yang dag par 'grub pa'i rgyu zil gyis gnon pa ni rnam pa lngas rig par bya ste/ 'bras bu dpag tu yod pa dang/ dpag tu med pa 'phen pa dang/ rgyu zad pa dang mi zad pa'i chos nyid dang/ bde brgya chen po dang rgya chung du 'grub pa dang/ de ye shes kyi tshogs kyi ngo bo nyid yin pa dang/ des de 'dren par byed pas so/ /de la lus kyi spyod pa ni skyon rnam pa drug spangs pas rig par bya ste/ skyon rnam pa drug gang zhe na/ mya ngan gyi rgyu'i skyon dang/ 'dris pa yongs su shes pa'i skyon dang/ rnam pa gnyis kyis spyod lam gyi skyon dang/ rnam pa gsum gyis 'jig pa'i rgyu'i skyon dang/ rnam pa gnyis kyis 'chi ltas kyi skyon dang/ lus las su mi rung ba'i skyon no/ /de la ngag gi spyod pa ni so sor kun dga' bar byed ba'i dus na skyon rnam pa lnga spangs pas rig par bya ste/ skyon rnam pa lnga gang zhe na/ 'jigs pas khams pa'i skyon dang/ ngag rtsub po'i skyon dang/ sangs rgyas kyi bka' spangs nas 'brel pa med pa'i

  252. 126b

    gtam brjod pa'i skyon dang/ de bzhin gshegs pa la bstod par mi byed pa'i skyon dang/ chos mthun pa la gros mi 'debs pa'i skyon no/ /ngag gi spyod pa ni kun shes pa brda sprod pa'i dus na skyon rnam pa lnga spangs pas rig par bya ste/ skyon rnam pa lnga gang zhe na rtogs par bya ba la brjed pas pa'i skyon dang/ tshig snga phyi 'gal ba'i skyon dang/ rigs pa dang 'gal ba'i skyon dang/ bstan pa la dad pa'i lha la khro ba'i skyon dang/ de bzhin gshegs pa la gro ba'i skyon no/ /yid kyi spyod pa ni skyon rnam pa lnga spangs pa las rig par bya ste/ 'di lta ste tshe 'di'i don la brtsams nas rnam pa bzhi dang/ tshe phyi ma'i don las brtsams nas tha ma gcig ste/ skyon rnam pa lnga gang zhe na/ da ltar byung ba dang 'das pa'i gnod pa byed pa mi bzod pas mi bzod pa'i skyon dang/ 'chab dang 'gyod pa'i gdung bas sdig pa 'chab? pa'i skyon dang/ 'dod pa'i longs spyod don du gnyer ba dang kho na kyi sha glon par 'dod pas 'dod pa'i skyon dang/ lta ba ngan pa yongs su 'dzin pa dang spong ba la sems rnam par 'khrul pas brjed ngas pa'i skyon dang/ bdag nyid khyad du gsong cing sangs rgyas dang byang chub sems dpa' bzhugs bzhugs pa'i sangs rgyas kyi zhing rgya chen por smon ba rnam par spong ba dang/ bsam pa chung dus sangs rgyas kyi chos mngon par sgrub pas chos thams cad las khyad par du 'phags pa 'jig rten pa ma yin pa'i phun sum tshogs pa'i khyad par khyad du gsod cing der smyon pas smon lam kyi skyon no/ /byang chub sems dpa' i sde snod kyi gdams ngag la mos pa'i phan yon tshad med grangs med de de bas kyang de rnam par dbye zhing bstan pa dang rnam par dbye ba la mos pa'i phan yon ches tshad med grangs med pa dag yod par rig par bya'o/ /byang chub sems dpa' i sa'i rnam par gtan la dbab pa rdzogs te/ rnam par gtan la dbab pa'i gzhung lhag ma ni mi snang ngo// //phung po dang bcas pa dang phung po med pa'i sa'i rnam par gtan la dbab pa'i sdom ni/ bral dang

  253. 127a

    che'i 'du byed ni/ /gyur dang gnas dang khyad par dang/ /yod dang rtag dang bde ba dang/ /bye brag gzhan dbang bya ba yin/ /phung po lhag ma dang bcas pa'i mya ngan las 'das pa'i dbyings la gnas te/ nyon mongs pa thams cad dang bral bar brjod par bya 'am/ ma bral bar brjod par bya zhe na/ smras pa/ bral bar brjod par bya'o/ /sdug bsngal thams cad dang bral bar brjod par bya 'am/ ma bral bar brjod par bya zhe na/ smras pa/ bral ba dang ma bral bar yang brjod par bya ste/ ma 'ongs pa'i skye ba'i sdug bsngal 'byung bar 'gyur ba gang yin pa de dang bral bar brjod par bya'o/ /da ltar gyi skye ba'i gang yin pa de las kyang sems las byung ba dang ni bral bar brjod bar bya'o/ /bkres ba'i sdug bsngal dang/ skom pa'i sdug bsngal dang/ khams ma snyoms pa las gyur pa dang/ dus tshigs 'gyur ba las gyur pa dang gnod pa las gyur pa'i sdug bsngal dang ni ma bral bar brjod par bya'o/ /de yang kun tu 'byung ba las yin gyi/ nyon mongs pa dang 'brel pa las ni ma yin no/ /gal te dgra bcom pa thams cad sems la dbang thor pa yin na ci'i phyir tshe'i 'du byed btang ste yongs su mya ngan las mi 'da' bar sdug bsngal gyis gnod bzhin du gnas she na/ smras pa/ nus pa'i khyad par gyi phyir te/ 'di ltar dgra bcom pa la las ni tshe'i 'du byed gtong bar nus la/ la las ni nus pa dang/ la las ni tshe'i 'du byed bsrid bar nus la/ la las ni mi nus pa'i phyir ro/ /gal te dgra bcom pa'i skye mched drug po ji ltar skyes shing byung ba de kho na bzhin du ma 'gags shing gzhan du ma gyur pa yin na/ gang gi phyir skye mched drug la/ 'gyur ba med na/ de'i de las gzhan pa'i gnas gyur pa de gang yin/ gal te de las bzhan pa'i gnas gyur pa med na ni snga phyir gnas mnyam pa yin na/ ci'i phyir de la nyon mongs pa ldog cing lam 'jug par 'gyur zhe na/ smras pa/ dgra bcom

  254. 127b

    pa'i gnas gyur ba ni yod de/ de yang skye mched drug las gzhan dang gzhan ma yin pa nyid du brjod par mi bya'o/ /de ci'i phyir zhe na/ 'di ltar gnas gyur pa de ni de bzhin nyid rnam par dag pas rab tu phye ba dang/ de bzhin nyid kyi rigs can dang/ de bzhin nyid kyi sa bon can dang/ de bzhin nyid las yang dag par grub pa yin la/ de bzhin nyid kyang skye mched las gzhan dang gzhan ma yin pa nyid du brjod par mi bya ba'i phyir te/ ji ltar brjod par mi bya ba de lta bur ni sngar bstan zin to/ /de'i phyir gnas gyur ba skye mched drug las gzhan nam gzhan ma yin zhes 'dri ba de ni tshul bzhin ma yin no/ /gal te gnas gyur pa med du zin na des na 'di lta bu'i skyon kho nar thal bar 'gyur te/ gang gi phyir dgra bcom pa la kun nas nyon mongs pa kun tu 'byung bar 'gyur ba dang/ lam kun tu mi 'byung bar thal bar 'gyur bas/ de'i phyir gnas gyur pa ni yod pa kho nar rig par bya'o/ /bcom ldan 'das kyis kyang gnas gyur pa de nyid las dgongs nas/ kun btags ngo bo nyid la ni/ /mngon zhen bag chags kun nyon mongs/ mngon zhen bag chags yod min pa/ /de ni rnam par byang pa yin/ /'di la de gnyis zag bcas pa'i/ /khams yin gnas gyur de nyid ni/ /zag pa med pa'i dbyings yin te/ /de nyid dag pa bla med yin zhes gsungs so/ /'di lta ste dper na ba lang gsod pa 'am/ ba lang gsod pa'i slob ma mkhas pa zhig gis ba lang gsad pa'i mtshon rnon pos ba lang bsad nas/ nad grol thams cad bcad cing gtubs te brdungs shing dmyal nas/ sha thams cad dang/ rus pa thams cad dang/ chu rgyus kyi zungs thams cad kyang gtubs nas phyir ba lang gi /ko bas g.yogs par gyur na/ ba lang de ko ba dang ldan pa yang ma yin/ mi ldan pa yang ma yin par rig par bya ba de bzhin du dgra bcom pa gnas gyur pa shes rab kyi mtshon gyis kun tu sbyor

  255. 128a

    ba dang/ 'ching pa dang/ bag la nyal pa dang/ nye ba'i nyon mongs pa dang/ kun nas dkris pa thams cad yang dag par bcad pa yang ko ba'i gnas lta bu'i skye mched drug dang ldan pa yang ma yin/ mi ldan pa yang ma yin par brjod bar bya'o/ /rnal 'byor pa gnas gyur pa'i mtshan mar 'dzin pa yang sngon gyi 'dzin pa las khyad bar du 'phags pa yin par rig par bya ste/ de'i yang de bzhin nyid bzhin du so so rang rig pa dang mthun pa yin pas/ gzhan dag la bdag gis mtshan ma 'di dang 'di lta bu yang dag bar rjes su mthong ngo/ /zhes yang dag par brjod par mi nus pa yin no/ /dgra bcom pa phung po'i lhag ma dang bcas ba'i mya ngan las 'das pa'i dbyings la gnas pa sems gang la gnas nas phung po'i ltag ma med ba'i mya ngan las 'das pa'i dbyings su yongs su mya ngan las 'da' zhe na/ smras pa/ mtshan ma thams cad yid la mi byed pas mtshan ma med ba'i dbyings 'ba' zhig yid la byed cing/ rim gyis 'gog pa la snyoms par 'jug la/ 'jug pa'i rnam par shes pa 'gog par byed cing/ de'i 'og tu kun gzhi'i rnam par shes pa'i gnas spong bar byed de/ kun gzhi rnam par shes pa dang/ 'jug pa'i rnam par shes pa rgyu med pa mi skye pas/ de la 'dus ma byas ba'i dbyings rnam par dag pa dri ma med pa lus so/ /dbyings der yongs su mya ngan las 'das pa ni lha? nyid kyi grangs su yang mi 'gro la/ dri za nyid du yang ma yin/ klu nyid du yang ma yin/ mi 'am ci nyid du yang ma yin/ lha ma yin nyid du yang ma yin/ gnod sbyin nyid du yang ma yin zhing/ mi nyid kyi grangs su yang mi 'gro ste/ mdor bsdus na de ni phyogs bcu'i sems can du gdags pa'i khams thams cad dang 'gro ba thams cad dang skye gnas thams cad dang skye ba thams cad dang lus 'thob pa thams cad dang rigs btsun pa thams

  256. 128b

    cad dang sa thams cad po gang dag yin pa de dag gi grangs su yang mi 'gro ste/ 'di ltar dbyings 'di ni spros pa med pa ste/ grub pa rnams kyi so so rang rig pa dang mthun pa yin pa'i phyir ro/ /dgra bcom pa phung po'i lhag ma dang bcas pa'i mya ngan las 'das pa'i dbyings dang/ phung po'i lhag ma med ba'i dbyings su yongs su mya ngan las 'das pa la khyad par ci yod ce na/ smras pa/ phung po'i lhag ma dang bcas pa la gnas ba ni grangs su khas len pa yin pa/ phung po'i lhag ma la gnas pa ni grangs su khas mi len pa yin pa dang/ phung po la lhag ma dang bcas pa la gnas pa ni sdug bsngal dang bcas pa yin la/ phung po lhag ma med pa la gnas pa ni sdug bsngal med pa yin pa dang/ phung po'i lhag ma dang bcas pa la gnas pa'i gnas gyur pa ni skye mched drug dang 'brel ba yin la/ phung po'i lhag ma med la gnas pa'i gnas gyur pa ni skye mched drug dang 'brel pa ma yin no/ /gal te phung po'i lhag ma med pa'i mya ngan las 'das pa'i dbyings su yongs su mya ngan las 'das ba'i gnas gyur pa skye mched drug dang 'brel pa ma yin na/ ji ltar skye mched drug gi gnas med par gnas par 'gyur zhe na/ smras pa/ dgra bcom pa'i gnas gyur pa ni skye mched drug gi rgyu las byung ba ma yin gyi/ de bzhin nyid la dmigs pa'i lam bsgoms pa'i rgyu las byung ba yin te/ de'i phyir skye mched drug yod kyang rung med kyang rung ste/ gnas gyur ba la ni gzhan du 'gyur ba nyid kyang re shig med pa yin na/ nyams par 'gyur ba lta yod bar ga la 'gyur/ dbyings de ni yongs shes par bya ba dang/ spang bar bya ba ma yin te/ de'i phyir 'gag par bya ba yang ma yin no/ /phung po'i lhag ma med pa'i mya ngan las 'das pa'i dbyings su mya ngan las 'das pa'i gnas gyur pa yod par brjod par bya 'am/ med par brjod par bya zhe na/ smras pa/ yod par brjod par bya'o/ /mtshan nyid ji lta

  257. 129a

    bur brjod par bya zhe na/ smras pa/ spros pa med pa'i mtshan nyid dang/ chos kyi dbyings shin tu rnam par dag pa'i mtshan nyid yin no/ /ci'i phyir yod bar bya zhe na/ smras pa/ phung po'i lhag ma dang bcas pa dang phung po'i lhag ma med pa'i mya ngan las 'das pa'i dbyings na gnas gyur pa de'i chos nyid mi 'khrugs pa nyid kyi phyir te/ chos nyid mi 'khrugs pa de nyid la brten nas/ de sngon yod la phyis med par yang mi rigs pa'i phyir ro/ /chos de ni byung ba dang skye ba dang grub ba ma yin mod kyi/ chu ltar dang ba nyid du gyur pa dang/ gser ltar bzang ba nyid du gyur ba dang/ nam mkha' ltar sprin dang khug rna dang bral ba nyid du gyur pa yin te /de'i phyir yod par brjod par bya'o/ /rtag par brjod par bya'am/ mi rtag par brjod par bya zhe na/ smras pa/ rtag bar brjod par bya'o/ /ci'i phyir zhe na/ smras pa/ de bzhin nyid rnam par dag pas rab tu phye ba'i phyir dang/ ma byung ba'i phyir dang/ ma skyes pa'i phyir dang/ ldog pa med pa'i phyir ro/ /ci'i phyir bde bar brjod par bya 'am/ bde ba ma yin par brjod par bya zhe na/ smras pa/ don dam pa'i bde bas bde bar brjod par bya'i/ tshor ba'i bde bas ni ma yin no/ /de ci'i phyir zhe na/ nyon mongs pa thams cad dang de las byung ba'i sdug bsngal thams cad las yang dag bar 'das pa nyid kyi phyir ro/ / phung po'i lhag ma med pa'i mya ngan las 'das pa'i dbyings su yongs su mya ngan las 'das pa rnams la bye brag gam/ bsam pa 'am/ tha dad du bya ba 'ga' lta yod dam zhe na/ smras pa/ med? de 'di ltad dbyings de la ni dman ba dang/ 'bring dang/ khyad par du 'phags pa rnam par bzhag pa yang med la/ mthon dman yang med/ bzang ngan yang med pa'i phyir ro/ /nyan thos dang/ de bzhin gshegs pa la ci'i phyir bye brag med de/ 'di ltar nyan thos ni sgrib pa dang bcas bzhin du phung bo'i?

  258. 129b

    lhag ma med pa'i mya ngan las 'das pa'i dbyings su yongs su mya ngan las 'da' la/ de bzhin gshegs pa ni thams cad kyi thams cad du sgrib pa mi mnga' ba yin zhe na/ smras pa/ phung po'i lhag ma dang bcas pa'i mya ngan las 'das pa'i dbyings la gnas pa la ni sgrib pa dang bcas pa dang sgrib pa med pa rnam par bzhag pa yod kyi/ phung po'i lhag ma med pa'i mya ngan las 'das pa'i dbyings la gnas pa la ni sgrib pa rnam par bzhag pa med do/ /de ci'i phyir zhe na/ mtshan ma dang gnas ngan len thams cad thams cad gyi thams cad du rgyun chad cing 'gags pa'i phyir te/ 'di ltar dgra bcom pa phung po'i lhag ma dang bcas pa'i mya ngan las 'das pa'i dbyings la gnas pa'i mtshan ma thams cad kyi thams cad du ma 'gags pa dang/ rnam par smin pa dang/ gnas ngan len gyi sgrib pa ma 'gags pa de ni de'i nyon mongs pa'i bag chags zhes bya ste/ mtshan ma dang gnas ngan len la bltos nas sgrib pa rnam par bzhag pa de ni phung po'i lhag ma med pa la med pas de'i phyir de la ni sgrib pa med pa kho nar rig par bya'o?/ /gal te de la sgrib pa med de/ ji ltar de bzhin gshegs pa la sgrib pa mi mnga' ba de kho na bzhin du dgra bcom pa la yang sgrib pa med pa yin na/ ci'i phyir dgra bcom pa yang de bzhin gshegs pa'i mdzad pa mi byed ce na/ smras pa/ sngon smon lam bsgoms pa med pa'i phyir dang/ de lta bu'i rigs can yin pas de'i phyir dgra bcom pa ni ldang ba'i bsam pa med pa kho nar yongs su mya ngan las 'da' bas na de'i phyir mi byed do/ /phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i zag pa med pa'i dbyings gang yin pa de ci gzugs las gzhan du brjod par bya'am gzhan ma yin par brjod par bya zhe na/ smras pa/ gzhan yang ma yin/ gzhan ma yin pa yang ma yin par brjod par bya'o/ /gzugs dang ji lta ba bzhin du tshor ba

  259. 130a

    la sogs pa dang/ 'du byed thams cad dang khams thams cad dang 'gro ba thams cad dang yang de bzhin du rig par bya'o/ /phung po'i lhag ma med pa'i mya ngan las 'das pa'i dbyings su mya ngan las 'das pa/ ci gzugs la? sogs pa la dbang thob par brjod par bya 'am/ dbang thob pa ma yin par brjod par bya zhe na/ smras pa/ dbang thob par brjod par bya'o/ /dbang thob na ci mngon du byed par brjod par bya'am/ mngon du mi byed par brjod par bya zhe na/ smras pa/ la la ni mngon du byed la/ la la ni mngon du mi byed de/ de bzhin gshegs par gyur nas phung po'i lhag ma med pa'i mya ngan las 'das pa'i dbyings su yongs su mya ngan las 'das pa gang yin pa de ni mngon du mdzad do/ /de las gzhan pa ni mngon du mi byed do/ /gang gi tshe spros? pa'i dbyings de gang gi grangs su yang 'gro ba ma yin na/ ji ltar de mngon du byed ce na/ smras pa/ sngon yang dag pa'i smon lam dang/ lam de lta bu bsgoms pa'i dbang gis te/ 'di lta ste dper na 'gog pa la snyoms par zhugs pa la snyoms par 'jug pa las ldang bar bya'o/ /ldang ngo snyam du de ltar sems pa med kyang sngon par 'du byas pa'i dbang gis langs nas yang sems dang bcas pa'i spyod pa la spyod par byed pa de bzhin du 'di la'ang tshul de bzhin du blta bar bya'o/ /nyan thos byang chub tu yongs su 'gyur ba/ ci'i phung bo'i lhag ma med pa'i mya ngan las 'das pa'i dbyings la gnas shing/ bla na med pa yang dag par rdzogs pa'i byang chub mngon par sgrub par byed dam/ 'on te phung po'i lhag ma dang bcas ba'i mya ngan las 'das pa'i dbyings la gnas shing byed ce na/ smras pa/ phung po'i lhag ma dang bcas pa'i mya ngan las 'das pa'i dbyings la gnas shing byed de/ 'di ltar phung po'i lhag ma med pa'i mya ngan las 'das pa'i dbyings la gnas pa ni rtsom pa thams cad dang bral zhing 'bad pa

  260. 130b

    thams cad rgyun bcad pa'i phyir ro/ /gal te phung po'i lhag ma dang bcas pa'i mya ngan las 'das pa'i dbyings la gnas shing bla na med pa yang dag par rdzogs pa'i byang chub mngon par sgrub par byed ce na/ ji ltar skye ba gcig gis bla na med pa yang dag par rdzogs pa'i byang chub mngon par sgrub tu rung ste/ dgra bcom pa la ni re zhig skye ba gcig kyang med na/ skye ba'i rgyun lta smos kyang ci dgos she na/ smras pa/ tshe'i 'du byed bsrings nas mngon par sgrub par byed do/ /bcom ldan 'das kyis kyang nyan thos byang chub tu yongs su 'gyur ba las shas char dgongs nas/ rigs kyi bu nor gyi rang bzhin can ni rdzu 'phrul gyi rkang pa bzhi bsgoms nas bskal pa'am/ bskal pa las lhag par gnas par 'gyur ro zhes gsungs te/ bskal pa las lhag par zhes bya ba ni 'dir bskal pa bas pha rol yin par dgongs so/ /de ni da? ltar tshe'i 'du byed bsrings su zin kyang bla na med pa yang dag par rdzogs pa'i byang chub tu shin tu phul ba yin te/ mya ngan las 'das pa la mngon par dga' ba'i phyir te/ byang chub sems dpa' las dang po pa yang de lta ma yin no/ /de ni 'di ltar tsho'i 'du byed bsrings nas dbang bo'i lus byin gyis rlob par byed cing/ sprul pa'i lus kyis chos 'thun bar dag la phung po'i lhag ma med pa'i mya ngan las 'das pa'i dbyings su yongs su mya ngan las 'da' ba ston par byed de/ des na de dag 'di snyam du de ni phung po'i lhag ma med pa'i mya ngan las 'das pa'i dbyings su yongs su mya ngan las 'das so snyam du sems so/ /de dbang po'i lus byin gyis brlabs pa des 'dzam bu'i gling 'dir gar 'dod par ci nas kyang lta rnams kyis kyang mi mthong na/ sems can phal ba gzhan dag gis lta smos kyang ci dgos pa de ltar rab tu dben par gnas par byed do/ /de mya ngan las 'das pa la mngon par dga' ba de lan mang du gnas pas/ 'jig rten gyi khams rab 'byams de dang de dag tu de bzhin gshegs pa dang byang

  261. 131a

    chub sems dpa' rnams la bsnyen bkur bya ba dang byang chub kyi tshogs kyi lam bsgom pa la bag med pa na yang dang yang du sangs rgyas dang byang chub sems dpa' rnams kyis yang dag par bskul bar mdzad de/ yang dag par bskul bar mdzad pa na yang yang dang yang du bag yod pa la rnal 'byor du byed do/ /gal te dgra bcom pa byang chub tu yongs su 'gyur bar gyur ba bla na med pa yang dag par rdzogs pa'i byang chub mngon par rdzogs par 'tshang rgya bar 'gyur na/ ci'i phyir dgra bcom pa thams cad kyang byang chub tu yongs su 'gyur bar mi 'gyur zhe na/ smras pa/ rigs kyi bye brag kho na'i phyir te/ 'di ltar dgra bcom pa rnams nyid la yang dgra bcom pa la la ni gnyis ka'i cha las rnam par grol zhing phung po'i lhag ma med pa'i mya ngan las 'das pa'i dbyings su yongs su mya ngan las 'da' bar byed la/ la la ni shes rab kyis rnam par grol ba kho nas byed pa'i bye brag snang bas/ /de'i phyir rigs kyi bye brag nyid kyis na dgra bcom pa thams cad byang chub tu yongs su 'gyur bar mi 'gyur bar rig par bya'o/ /nyan thos byang chub tu yongs su 'gyur ba de'ang res dga' ni slob par gyur pa kho nar gyur pa'i che na nyan thos kyi smon lam las rnam par ldog par byed do/ /des dga' ni mi slob par gyur nas dbang bo'i rim pa dang rkyen gyi rim pa nyid la bltos nas ldog par byed do/ /ji ltar nyan thos byang chub tu yongs su 'gyur brkyen rnyed na bla na med pa'i theg pas kyang yongs su mya ngan las 'da' bar 'gyur ba de ltar byang chub sems dpa' yang gal te sangs rgyas dang byang chub sems dpa' rnams kyis btang snyoms su gzhag pa'i rgyus theg pa dman pas yongs su mya ngan las 'da' ba' i rkyen snying thag pa la sogs pa rnyed pa na theg pa dman pas kyang yongs su mya ngan las 'da' bar 'gyur ram zhe na/ gang gi phyir de bag med par gyur cing sangs

  262. 131b

    rgyas dang byang chub sems dpa' rnams kyis btang snyoms su 'jog par 'gyur ba de ni gnas ma yin skabs ma yin te/ de ni gnas med do/ /byang chub tu yongs su 'gyur ba de yang gang gi tshe bla na med pa yang dag par rdzogs pa'i byang chub thob par 'gyur ba de'i tshen de bzhin gshegs pa kho nar gyur nas phung po'i lhag ma med pa'i mya ngan 'as 'das pa'i dbyings su yongs su mya ngan las 'da' o/ /byang chub tu yongs su 'gyur ba de ci dang po nyid nas nyan thos kyi rigs can yin par brjod par bya 'am/ 'on te byang chub sems dpa' i rigs can yin par brjod par bya zhe na/ smras pa/ ma des pa'i rigs can yin par brjod par bya ste/ ma nges pa'i sems can gyi tshogs rnam par gzhag pa dang 'dra'o/ /de yongs su mya ngan las 'da' ba' i chos can nyid kyi rigs su nges pa yin par rig par bya'o/ /gnas der zhugs pa de la ji ltar 'chi ba'i 'jigs pa med pa bzhin du na ba dang rga ba'i 'jigs pa yang med do/ /de dag dang gzhan de bzhin gshegs bar gyur cing phung po'i lhag pa med pa'i mya ngan las 'das pa'i dbyings su yongs su mya ngan las 'das pa dag ni phyogs bcur yang dang yang du sems can gyi don bsam gyis mi khyab pa dag gtan du mdzad par rig par bya ste/ 'di lta ste dba' bar 'gro ba'i ting nge 'dzin las sgyu ma mkhan gyi dpe dang/ deng dbon gyi dpe dang/ grub pa'i dpe mdzad pa bzhin du 'dir yang tshul de bzhin du blta bar bya'o/ /'di ni de bzhin gshegs pa'i mchog tu gsang ba yin te/ 'di dang de bzhin gshegs pa'i gsang ba sna tshogs gzhan dag la mos pas spyod pa'i sang chung pa'i byang chub sems dpa' bzod pa chung ngu la zhugs pa rnams ni mos pa chung ngus 'jug go /bzod pa 'bring 'zhugS pa rnams ni mos pa 'phring gis 'jug go /bzod pa chen po la zhug pa rnams ni mos pa chen pos 'jug kyang mos pa rnam par dag pa dang shin tu rnam par dag pas ni ma yin no/ /sar chud ba rnams las

  263. 132a

    kyang byang chub sems dpa' ltag pa'i bsam pa dag pa rnams ni thams cad du mos pa snga ma las ches khyed par du 'phags pa/ ches gya nom pa/ so so rang gi rnam pas grub pa'i mos pa rnam par dag pas 'jug go /sa gnyis par chud pa rnams ni de bas kyang ches khyad par du 'phags pas 'jug ste/ de bzhin du sa dgu pa'i bar le zhugs pa dag kyang thams cad du gong nas gong du khyed? par du 'phags pa'i mos pa rnam par dag pas 'jug go /byang chub sems dpa' sa bcu pa 'chud pa rnams ni de? bzhin gshegs ba'i gsang ba de dag la mos pa shin tu rnam par dag pas 'jug ste/ de ltar na de bzhin gshegs pa'i gsar ba de dag ni bsam gyis mi khyab pa dang/ brtag par bya ba ma yin pa dang rtog ga'i spyod yul ma yin par rig par bya'o/ /chos rnam par gtan la dbab pa'i bsdus pa'i don gang zhe na/ smras pa/ rnam pa rab tu dbye bas chos rnams rnam par bzhag nas de dag nyid kyi rang dang spyi'i mtshan nyid dang/ de dag nyid kyi brgal ba'i lan dang gang? de dag nyid kyi gcig nas brtag pa dang/ tshig gong ma/ dang sbyar ba dang/ mu bzhir bcad pa la sogs pas rab tu rnam par dbye ba gang yin pa dang/ de dag nyid kyi bsdu ba dang/ mtshungs par ldan pa dang/ thob pa rnam par gzhag pa gang yin pa de ni de'i bsdus pa'i don yin par rig par bya'o/ / sa dang sa dag gi rnam par gtan la dbab pa'i rab tu dbye ba ni dpag tu med de/ phyogs tsam zhig yang dag par bstan pa ni 'di yin pas phyogs 'di dang/ bslab pa dang tshul 'di dang gtan la dbab par bstan pa 'dis gzhan dag kyang brtag bar bya'o/ /phung po dang bcas pa dang/ phung po med pa'i sa'i rnam par gtan la dbab pa rdzogs te/ rnam par gtan la dbab pa'i gzhung de las gzhan ni mi snang ngo/ /rnal 'byor spyod pa'i sa rnam par gtan la dbab pa bsdu ba rdzogs so// //

  264. 132b

    rgya gar gyi mkhan po pradz+nyA warmma drad+da?/ /su ren+d+ra po d+hi dang/ zhu chen gyi lots+tshaba pande ye shes sd la sogs pas bsgyur cing zhus te gtan pa phab pa'o// //rnal 'byor spyod pa'i sa las bzhi bsdu ba'o// //rnal 'byor spyod pa'i sa las bzhi bsdu ba/ bam po dang po/ /gzhi bsdu ba gang zhe na/ gnas gsum gyis bzhi bsdu bar 'gyur te/ 'di lta ste/ mdo sde'i gzhi dang/ 'dul ba'i gzhi dang/ ma mo'i gzhi'o/ /mdo sde'i gzhi gang zhe na/ /gnas nyi shu rtsa bzhis mdo sde thams cad bsdu bar 'gyur te/ nyi shu rtsa bzhi gang zhe na/ 'di lta ste/ so sor thar pa'i mdo sde dang/ gzhi'i mdo sde dang/ nyan thos dang ldan pa'i mdo sde dang/ theg pa chen po dang ldan pa'i mdo sde dang/ ma rtogs pa'i don rtogs par byed pa dang/ rtogs pa'i don yongs su byang bar byed pa dang/ dus kyi dang po bya ba dang/ khyad par du 'gro bar byed pa dang/ nag po'i phyogs brjod pa dang/ dkar po'i phyogs brjod pa dang/ bkri ba'i don dang/ nges pa'i don dang/ don mdor bsdus la tshig dang yi ge rgyas pa dang/ don rgyas la tshig dang yi ge mdor bsdus pa dang/ don yang mdor bsdus la/ tshig dang yi ge yang mdor bsdus pa dang/ don yang rgyas la/ tshig dang yi ge yang rgyas pa dang/ don zab la tshig dang yi ge gsal ba dang/ don gsal la tshig dang yi ge zab pa dang/ don yang zab la tshig dang yi ge yang zab pa dang/ de na yang gsal la tshig dang yi ge yang gsal ba dang/ ma 'ongs pa'i nyes pa bsal ba dang/ nye bar gnas pa'i nyes pa gsal ba dang/ the tsom skyes pa gsal ba'i mdo sde dang/ dam pa'i chos yun ring du gnas par byed pa'i mdo sde'o/ /de las so sor thar pa'i mdo sde ni gang las nyes pa sde wa dang/ nyes pa sde lnga las dbyung ba las brtsams te/ bslab pa'i gzhi brgya lnga bcu rtsa gcig chags bstan pa 'byung ba ste/ gang la bdag la

  265. 133a

    phan par 'dod pa'i rigs kyi bu rnams slob pa yin no/ /gzhi'i mdo sde ni lung rnam pa bzhi ste/ 'di lta ste/ yang dag par ldan pa dang/ bar ma dang/ ring po dang/ gcig las 'phros pa'o/ /yang dag par ldan pa ni gang la phung po dang/ skye mched dang/ rten cing 'brel par 'byung ba dang ldan pa ste/ de dang der 'dul ba la gzigs nas bcom ldan 'das kyis gsungs pa dang/ de'i 'og tu yang dag par sdud par byed pa rnams kyi bstan pa yun ring du gnas par bya ba'i phyir sdom gyi tshigs su bcad pa sbyar bas ci rigs pa go rims su phab ste btam du sbyar ba dang/ de bzhin du zas dang bden pa dang/ khams dang tshor ba dang ldan pa dang nyan thos dang de bzhin gshegs pas bstan pa dang ldan pa dang/ dran pa nye bar gzhag pa dang/ yang dag par spong ba dang/ rdzu 'phrul gyi rkang pa gang/ dbang po dang/ stobs dang/ byang chub kyi yan lag dang/ lam gyi yan lag dang/ dbugs phyi nang du rgyu ba dran pa dang/ bslab pa rnams dang/ shes nas dad pa dang ldan pa dang/ 'khor brgyad kyi dbang du byas nas 'khor dang ldan pa'o/ /yang dag par ldan pa de dag thams cad kyang rnam pa gsum du shes par bya ste/ gsum gang zhe na/ su ston pa dang/ ci ston pa dang/ gang la ston pa dang/ nyan thos sam de bzhin gshegs pa ston pa ni 'di lta ste/ nyan thos kyi bstan pa dang/ sangs rgyas kyi bstan pa'i sde tshan no/ /gang shes pa dang/ gang gis shes pa de ni bstan pa ste/ 'di lta ste/ nye bar len pa'i phung po lnga dang/ skye mched drug dang/ rgyu dang ldan pa rnams kyi sde tshan dang/ lam gyi tshogs kyi sde tshan no/ /dge slong dang bdud la sogs pa'i 'khor de dag nyid kyi phyir bstan te/ 'di lta ste/ yang dag par brjod pa'i sde mtshan las byung ba bzhin no/ /

  266. 133b

    'di dag ni thams cad ces bya ba yin te/ 'di lta ste/ su ston pa dang/ ci ston pa dang/ gang la ston pa'o/ /gzhi thams cad dang ldan pa'i gtam de yang dag par ldan pa las 'byung ba las de de'i phyir yang dag par ldan pa zhes bya'o/ /de dang ldan pa'i gtam nyid rnam pa gzhan du bar gyi mdo sde rnams kyis bstan pas na de'i phyir bar ma zhes bya'o/ /de nyid rnam pa gzhan du rgyud ring po'i mdo sde rnams kyis bstan pas na de'i phyir ring po zhes bya'o/ /gcig dang gnyis dang gsum la sogs pa nas gcig nas gcig tu sde tshan gyi tshul gyis 'byung bas na gcig las 'phros pa zhes bya'o/ /de dag ni lung bzhi zhes bya ba yin te/ slob dpon dang slob ma gcig nas gcig tu rgyud 'ongs pas na lung zhes bya'o/ /'di ni gzhi'i mdo sde'o/ /gsung rab tu gtogs pa'i yan lag bcu gnyis las shin tu rgyas pa'i yan lag ma gtogs pa rnams ni nyan thos dang ldan pa'o/ /shin tu rgyas pa'i yan lag de nyid ni theg pa chen po dang ldan pa'i mdo sde yin te/ de'i rnam par dbye ba yang snga ma bzhin du rig par bya'o/ /mdo sde rnam pa bzhi po 'di dag kyang ma rtogs pa'i don rtogs par bya ba la sogs pa rnam pa nyid du po dag gzhan dag las ci rigs par rig par bya'o/ /mdo sde rab tu rnam par dbye bar bya ba'i phyir mdo sde rnam pa bzhi po 'di dag las lhag par bshad pa gang yin pa de las brtsams te/ mdo sde'i ma mo de bzhin gshegs pas bstan pa la bsdags shing brjed pa'i gtsug lag bstan par bya ste/ dper na ma mo med pa'i yi ge rnams bsal ba ma yin pa de bzhin bum mas yongs su ma zin pa'i mdo sde rnams ni don mi mngon zhing don mi gsal ba yin no/ /de las bzlog pa ni don gsal ba yin te/ de bas na ma mo zhes bya'o/ /spyi sdom ni/ khams dang gdam ngag bsdus pa dang/ /'du shes rnam pa mngon shes 'gyur/ /rgyu dang spong ba'i yan lag dang/ /phyogs gnyis shes pa bzhi dang bcas/ /dgra po

  267. 134a

    dang ni nyes dmigs med/ /thugs bral chung ngu bzhugs pa'o/ /sdom ni /khams dang legs gsungs sngon du 'gro /brtags pa dang ni byis pa'i rtags/ /mi rtag la sogs nges pa dang/ /go rim rnam pa gnyis su bstan/ /rtag pa ma yin chad pa min/ /kun nas nyon mongs rnam par byang/ /bzhi po 'di dag ni 'dul ba rnams kyi sngon log par mos pa dang/ lta pa la goms pa las blang ba'i khams yin te/ bzhi gang zhe na/ sngon gyi srid pa'i gnas su log pa dang lus thos ba? na rtag par lta ba'i dbang gis dam pa'i chos ma yin pa thos pa dang/ tshul bzhin ma yin pa yid la byed pa'i dbang du byas nas/ de ltar rgyu? de dang rkyen nges log par mos pa dang/ lta ba la goms pa las byung ba ni khams yin te/ rtag par lta ba ji lta ba bzhin du/ chad par lta ba dang/ tshe 'di la mya ngan las 'da' bar lta ba dang/ 'jig tshogs la lta pa'ang de bzhin du sbyar ro/ /de la bcom ldan 'das kyis mos pa sna tshogs mkhyan pa'i stobs dang/ khams sna tshogs mkhyen pa'i stobs kyi sgo nas sngon gyi mos pa yang brtags nas/ phyi ma'i khams kyang ci rigs par log par mos pa'i khams gdul pa'i phyir bstan pa rnam pa bzhi phal cher 'jug par mdzad do/ /yang na de ma yin pa shes pa yongs su ma smin pa rnams kyi shes pa yongs su smin par bya ba dang/ shes pa yongs su smin pa rnams nyon mongs pa las rnam par thar bar bya ba'i bstan pa 'jug par mdzad do/ /de la log pa'i khams dang po dang ldan pa rnams la ni log par mos pa'i khams de gdul ba'i phyir rgyu 'gags pas 'du byed 'gag go /zhes 'du byed 'jig pa'i sgo nas mi rtag pa ston to/ /de'i 'og ma khams gnyis pa dang ldan pa rnams la ni rgyu kun 'byung bas 'du byed kun 'byung ngo zhes 'du byed 'byung ba'i sgo nas mi rtag pa ston to/ /de'i 'og ma khams gsum pa dang

  268. 134b

    ldan pa rnams la ni 'du byed sdug bsngal ba'i sgo nas ston to/ /de'i 'og ma khams bzhi pa dang ldan pa 'du byed rnams las logs shig tu 'jigs tshogs la lta ba la spyod pa rnams la ni stong pa nyid kyi sgo nas ston to/ /'du byed rnams nyid la 'jig tshogs la lta ba spyod pa rnams la ni bdag med pa'i sgo nas bstan pa 'jug go /ma 'dres pa'i yan lag gsum gyis ni legs par gsungs pa'i chos 'dul ba 'di las phyi rol pa rnams dang thun mong ma yin pa bstan/ /de legs par gsungs pa zhes bya ba'i grangs su 'ang 'gro'i de la yan lag rnam pa gsum ni yongs su grub pa dang/ yongs su mthar thug pa'i thams cad las rnam par grol pa bstan pa dang/ de nyid kyi thabs bstan pa dang/ de nyid so so rang rig par bya ba'o/ /yongs su grub pa dang yongs su mthar thug pa thams cad las rnam par grol ba gang zhe na/ bya ba dang bcas pa dang/ bya ba med pa'i phyir rnam par grol ba rnam pa gsum yod de/ 'jig rten pa'i dang/ slob pa'i dang/ mi slob pa'i'o/ /de la 'jig rten pa'i ni phyir ldo pas na yongs su grub pa m yin no/ /slob pa'i ni bya ba dang bcas pa'i phyir mthar thug pa ma yin te/ yongs su grub pa ni ma yin no/ /lhag ma ni gnyi ga yin par rig par bya'o/ /thabs gang zhe na/ 'du byed rnams kyi ji lta ba dang/ ji snyed yod pa las brtsams te/ mi rtag par 'du shes pa dang/ mi rtag pa la sdug bsngal bar 'du shes pa dang/ sdug bsngal ba la stong pa dang/ bdag med par 'du shes pa bsgom pa la brten nas bden pa mngon par rtogs pa'i che shes bya mngon sum du byed pa'i phyir yang dag pa'i lta ba thob bo/ /lta ba de la brten nas bsgom pa'i lam la 'du byed rnams la mi mthun pa'i 'du shes kyi gnas pas gnas par gyur pa'i de dang ldan pa'i tshor ba yul lkog tu gyur pa dran pa la rtog pa'i snang ba nye bar gnas pas dga' ba med pa dang/ dga' ba med pa de'i sgo nas rgyu

  269. 135a

    ba la gnas pa na/ tshor ba de'i dmigs pa'i yul la lhag par zhen pa med de/ de gang gi don du yul zhen par 'gyur ba de'i don de nyid kyang med na mngon par zhen pa lta ga la yod de/ de de ltar gnas pa dang/ rgyu ba gnyis kyi dga' ba dang/ 'dod chags kyi kun nas dkris pa yang dag par zad pa'i phyir yongs su dag pa'i sems kyis gnas shing ji ltar thob pa de nyid kyi lan mang du byas pa'i rgyus de'i phyogs kyi gnas ngan len gyi bag la nyal bcom pas yongs su grub pa dang yongs su mthar thug pa'i rnam par grol ba rjes su 'thob ste/ /de thob na sems shin tu rnam par grol bar rig par pas? bya'o/ /so sor rig par bya ba gang zhe na/ de ni rnam pa bzhing rig par bya ste/ gal te slob pa'i rnam par grol pa la gnas na ni de rnam pa gnyis su rang gi shes rab kyis so sor rig par 'gyur te/ bdag gi ngan song rnams su 'du byed mngon par grub pa zad do/ /skye ba bdun na ma gnyis sam gcig ma gtogs pa de las gzhan pa yang srid par skye ba'i 'du byed mngon par 'grub pa zad do/ /de zad par byed pa'i lam yang gtan du yongs su nyams par mi 'gyur bar bdag gis bsten to snyam mo/ /gal te mi slob pa'i rnam par grol ba la gnas na ni de yang rnam pa gnyis kho nas so sor rig par 'gyur te/ gang gis nyon mongs pa ma lus par spang pa'i phyir bslab par bya ba thams cad byas zin to/ /bdag gi skye ba gcig kyang ma lus na gnyis sam bdun ltag la yong snyam pa ste/ 'dod na gzhan dag la yang lung ston par byed do zhes bya ba 'di ni so sor rang rig pa zhes bya'o/ /rnam par grol ba/ de'i sngon du 'gro ba'i chos ni 'di gnyis yin te/ lta ba'i sngon du 'gro ba dang/ lam gyi 'bras bu'i sngon du 'gro ba'o/ /lta ba'i sngon du 'gro ba ni rnam par grol ba de dang/ de'i thabs dang/ de'i so so rang rig pa'i dbang du byas nas pha rol gyi sgra thos pa dang/ bsams

  270. 135b

    pa dang/ bsgoms pa las byung ba/ dge ba rigs dang ldan pa yid la byed pa ste/ yang dag pa'i skyon med pa lam? zhugs pa yang dag pa'i skyon med pa la 'jug par 'gyur ba dang/ yang dag pa ji lta ba bzhin du lta ba 'jig rten las 'das pa'i yang dag pa'i lta ba thob par 'gyur ba'o/ /lam gyi 'bras bu'i sngon du 'gro ba ni de ltar thob pa'i yang dag pa'i lta ba de yin te/ de ma yin pa'i yang dag pa'i rtog pa la sogs pa lhan cig skyes pa dang/ de'i 'og tu 'byung ba'i lam skye ba dang/ nyon mongs pa lhag ma spong ba rnams kyi sngon du 'go ba'o/ /rnam par grol ba de ma thob pa thob par bya ba la brtag pa'i gzhi rnam pa brgyad yod de/ 'du byed rnams kyi ro myang ba dang/ nyes dmigs dang/ /nges par 'byad pa brtag pa dang thos pa dang/ bsam pa dang so sor brtag pa'i stobs dang/ /mthong ba dang bsdom? pa'i lam 'chag? pa'o/ /de la 'du byed rnams kyi do myad ba la rtog na 'du byed rnams kyi ro myang ba las rang gi mtshan nyid mngon par rtogs par 'gyur ro/ /de dag nyid kyi nyes dmigs pa rtog na tshor? ba gsum gyi gnas skabs su gtogs pa'i nyes dmigs de la nyes dmigs kyi sgo nas spyi'i mtshan nyid du yongs su shes te/ 'di lam? nog? ni chung ba nyes dmigs 'ba' zhig mang ba dang ro? la lhag par zhen pa'i nyes dmigs dang yang ldan no snyam du yang rig nas ro'i gnas 'du byed rnams la 'dun pa'i 'dod chags rgyud cog sel pa dang/ rnam par gnon pa'i spong ba spangs pas kun tu mi rskyod? par spong bar 'gyur ro/ /de'i 'dun pa'i 'dod chags de kun tu mi spyod par spangs pas de'i dngos po'i sgo nas 'dod chags dang bral bar 'gyur te/ sems rnam par grol ba ni ma yin no/ /de'i bag la nyal las yang dag par 'das pas ni 'dod chags dang bral bar yang 'gyur la sems rnam par grol bar yang 'gyur te/ 'di ni rnam grangs gcig go /gzhan

  271. 136a

    yang rnal 'byor pa 'du byed rnams la rtog pa na thog ma kho nar thos pa las byung ba'i shes rab kyis 'du byed rnams la mi rtag pa 'am/ mi rtag pa la sdug bsngal ba 'am/ sdug bsngal ba la stong pa dang/ bdag med par lung ji lta ba bzhin du mos pa kho nas mngon par rtogs par 'gyur ro/ /nges de ltar mngon par rtogs nas spyod pa dang mtshungs par ldan pa'i bsam pa las byung ba'i yid la byed pa ches zhib pas shes pa de nyid yongs su shes so/ /mngon par rtogs pa dang yongs su shes pa de nyid kyi sgo nas de dang 'brel ba'i nyon mongs pa kun tu spyod pa la tshe 'di dang phyi ma'i nyes dmigs yang dag par mthong nas so sor brtag pa'i stobs la brten pas byung ba dang du mi len par spong bar byed do/ /des mngon par rtogs pa dang yongs su shes pa dang so sor rtog pa mang du byed pa'i rgyus yang dag pa'i skyon med pa la 'jug go /skyon med pa la zhugs nas gang sgom pa'i lam gyi stobs kyis 'dod chagss dang bral bar byed de/ des so sor rtog pa'i stobs dang/ mthong ba'i lam gnyis kyis kun tu mi spyod pa'i spong ba dang/ phyogs gcig spong bas ci rigs par spong bar byed do/ /bsgom pa'i lam gyis ni 'dod chags dang bral bar byed do/ /de ltar snga ma gnyis kho nas 'dun pa'i 'dod chags dang bral bar byed la sgom pa'i lam gyis ni sems rnam par grol bar byed do/ /nyon mongs pa spong ba'i 'bras bu ni rnam pa gnyis te/ sdug bsngal 'gog pa mthong bas spang bar bya ba'i 'bras bu ni gang rtogs pas sems can dmyal ba rnams zad pa dang/ dud 'gro rnams zad pa dang/ yi dags rnams zad pa rgyun tu zhugs pa log par ltung ba ma yin pa'i chos can la zhugs pa yin no zhes rgyas par sbyar ba dang/ bsgom pas spang bar bya ba spong ba'i 'bras bu ni gang rtogs pas lus tha ma 'dzin pa'i dgra bcom par 'gyur te/ srid pa gnyis

  272. 136b

    pa mngon par 'brung? bar mi 'gyur pa'o/ /gzhan yang sdug bsngal 'gog pa ni rnam pa gnyis te/ da ltar gyi rgyun can ma 'ongs ba'i sdug bsngal 'gog pa dang/ 'das pa'i rgyu can da ltar gyi sdug bsngal 'gog pa'o/ /gzhan yang rnam pa gnyis te/ sems las byung ba'i sdug bsngal 'gog pa dang/ lus kyi sdug bsngal 'gog pa'o/ /bzhan yang rnam pa gnyis te/ 'gyur ba'i sdug bsngal dang/ sdug bsngal gyi sdug bsngal ba'i sdug bsngal 'gog pa dang/ 'du byed kyi sdug bsngal ba'i sdug bsngal ba'i 'gog pa'o/ /gzhan yang rnam pa gnyis te/ mi sdug pa'i las kyi 'bras bu'i sdug bsngal 'gog pa dang sdug pa'i las kyi 'bras bu'i sdug bsngal 'gog pa'o/ /'phags pa nyan thos bzhi mthong ba ni ngan song gi sdug bsngal gyi 'jigs pa las 'das pa yin mod kyi 'on kyang de'i kun tu sbyor ba yongs su ma zad pa'i phyir phyi ma la so so'i skye bo dang thun mongs du gyur pa'i skye ba dang rga shi'i 'jigs pa gang spang bar bya ba'i phyir nges 'dun pa drag po nas dran pa dang bag yod pa'i bar du brtson par bya ba yang yod do/ /'di gnyis ni byis pa'i rtags yin te/ gnyis gang zhe na/ 'dod pa gang yin pa de ni yang dag pa ji lta ba bzhin du rab tu mi shes la mi 'dod pa gang yin pa de ni mngon bar 'grub pa ste/ byis pa ci 'dod ce na/ mya ngan las 'das pas skrag nas phyi ma la 'du byed rnams mngon par mi 'grub pa mi 'dod de/ 'du byed rnams mngon par 'grub pa 'ba' zhig 'dod pas na de'i 'dod pa yin la 'du byed rnams mngon par 'grub pa de ni sdug bsngal ba yin na sdug bsngal bar yang dag pa ji lta ba bzhin du rab tu mi shes so/ /mi 'dod pa gang yin pa de mngon par 'grub pa ni rga ba dang na ba dang 'chi ba dang mi sdug pa dang phrad pa dang sdug pa dang bral ba dang 'dod pas phongs pa dang mya ngan dang smre sngags 'don pa dang sdug bsngal ba dang/ yid

  273. 137a

    mi bde ba dang/ la zug? pa rnams ni mi 'dod la de 'du byed de rnams mngon par 'grub pa la mngon par mos shing skye ba'i rtsa ba can gyi 'du byed rnams la mngon par dga' baS skye ba'i rtsa ba can gyi las rnams byas shing bsags pas skye bar 'gyur te/ de skye ba'i sdug bsngal dang/ skye ba'i rtsa ba can gyi rga ba la sogs pa'i sdug bsngal gyi khyad par rnams las kyang yongs su grol bar mi 'gyur te/ /de ltar na chim? 'dod pa gang yin pa de mngon par 'grub ces bya'o/ /'du byed rnams kyi nges pa ni bzhi yod de/ mi rtag par nges pa dang/ sdug bsngal bar nges pa dang/ stong par nges pa dang/ bdag med par nges pa'o/ 1 /de la 'das pa dang ma 'ongs pa'i 'du byed rnams kyang rnam pa gsum gyis mi rtag par rig par bya na/ de ltar byung ba rnams lta ci smos te/ gsum gang zhe na/ med pa sngon du 'gro ba'i yod pa dang/ yod pa sngon du 'gro ba'i med pa dang /skye ba dang 'jig pa dang ldan pa'o/ /gal te ma 'ongs pa'i 'du byed ma byung ba rnams gtan med pa kho na yin te/ med pa sngon du 'gro ba'i yod pa ma yin na ni de dag mi rtag par nges pa ma yin pa zhig na gang gi phyir de dag snga na ni med ma phyis ni med pa sngon du 'gro ba'i yod par 'gyur bar snang bas na de'i phyir de dag mi rtag par nges so/ /gal te da ltar byung ba'i 'du byed skyes pa rnams yod pa kho na yin te yod pa sngon du 'gro ba'i med pa kho na ma yin na ni 'di dag mi rtag par nges pa ma yin pa zhig na gang gi phyir 'di dag snga na ni yod la phyis ni yod pa sngon du 'gro ba'i med pa kho nar 'gyu bar snang? bas na de'i phyir 'di dag mi rtag par des so/ /gal te 'das pa'i 'du byed rnams kyi skye ba dang 'jig pa mi snang na ni de dag mi rtag par nges pa ma yin pa zhig na gang gi phyir de dag skyes pa dang zhig par gyur pas na de'i phyir de dag mi rtag par nges te/ 'di ni 'du byed rnams kyi mi rtag par nges pa zhes bya'o/ /de ltar mi rtag pa'i 'du byed rnams

  274. 137b

    la sdug bsngal ba'i sdug bsngal ba yang snang la 'gyur ba'i sdug bsngal ba dang 'du byed kyi sdug bsngal ba yang snang ba 'di ni sdug bsngal bar nges pa zhes bya'o/ /de ltar mi rtag pa dang sdug bsngal ba'i 'du byed rnams tshogs pa de dang de las brten nas rgyu dang/ rkyen gyi stobs kyis skye la dbang phyug dang skye dgu'i bdag po'i rgyu la sogs pa dang bral ba 'di ni stong par nges pa zhes bya'o/ byed pa med pa'i 'du byed rnams 'jug pa yod la byed pa po dang tshor ba po med cing bdag dang bdag gi dang bral ba 'di ni 'du byed thams/ cad kyi bdag med ba zhes bya'o/ /de la 'du byed rnams kyi mi rtag pa ni rnam pa gnyis su rig par bya ste/ 'das pa'i dus dang sbyar na ni zhig par gyur pa'i phyir dang/ ma 'ongs pa dang da ltar byung ba'i dus dang sbyar na ni 'jigs pa'i chos can yin pa'i phyir ro /de la/ 'du byed rnams kyi sdug bsngal ba ni rnam pa gnyis su rig par bya ste/ skye ba la sogs pa sdug bsngal ba'i chos can yin pa dang sdug bsngal rnam pa gsum gyi phyir te de yang snga ma bzhin du rig par bya'o/ /de la stong pa nyid ni rnam pa gnyis su rig par bya ste /gtan med pa'i stong pa nyid dang/ phyis bral ba'i stong pa'o/ /gtan med pa'i stong pa ni 'di lta ste/ 'du byed rnams bdag dang bdag gis stong pa'o/ /phyis bral ba'i stong pa ni nyon mongs pa thams cad spangs pa'i sems 'di lta ste/ nyon mongs pa thams cad kyis stong zhing rnam par grol ba'o/ /de la bdag med pa ni rnam pa gnyis su rig par bya ste/ 'du byed rnams sna tshogs su 'dug cing mang po'i bdag nyid yin pa'i phyir dang/ rten cing 'brel bar 'byung ba la rang dbang med pa'i phyir/ /rnam pa bzhi po 'di dag ni rnam pa bcur yang rig par bya ste/ 'di lta ste/ 'jig pa dang/ 'gyur ba dang/ dgyes pa dang/ ma byung ba dang/ chos nyid kyi rnam ba rnams dang/ phrad pa dang/ mi sdug pa dang/ grub pa dang/ bde ba med pa dang/ 'bral ba dang/ mi mthun pa'i

  275. 138a

    rnam pa rnams te/ sngar nyan thos kyi sa'i 'jig rten las 'das pa'i lam nas brtsams te yid la byed pa bsgom pa las brtan pa bzhin no/ /lnga po 'di dag ni 'bral ba'i phyogs kyi khams te/ 'di lta ste/ spong ba'i khams dang/ 'dod chags dang bral ba'i khams dang/ 'gog pa'i khams dang/ phung po'i lhag ma dang bcas pa'i mya ngan las 'das pa'i khams dang/ phung po lhag ma med pa'i mya ngan las 'das pa'i khams so/ /de la mthong bas spang bar bya ba'i 'du byed thams cad spangs pas na spong ba'i khams so/ /bsgom pas spang bar bya ba'i 'du byed thams cad spangs pa la 'dod chags dang bral ba'i khams so/ /de nyid phung po tsam zhig lus pas na phung po'i lhag ma dang bcas pa'i mya ngan las pa'i khams so/ /de'i phung po 'gags pa ni 'gog pa'i khad phung po'i lhag ma med pa'i mya ngan las 'das pa'i khams so/ /'du byed thams cad nye bar zhi bas na khams lnga po 'di dag la 'du byed zhi ba zhes bya'o/ /bdag tu 'dzin pa dang/ bdag gir 'dzin pa dang pa'o/ snyam pa'i nga rgyal dang mngon par zhen pa dang/ bag la nyal pa dang bral bas na stong pa nyid ces bya'o/ /de'i mtshan ma dang bral bas na dmigs su med pa zhes bya'o/ /spong ba'i khams la zag pa'i gnas kyi chos thams cad la sred pa dang bral bas na sred pa zang ba zhes bya'o/ /'dod chags dang bral ba'i khams la 'dod chags med par gyur pas na 'dod chags dang bral ba zhes bya'o/ /'gog pa'i khams phung po'i lhag ma dang bcas pa dang phung po'i lhag ma med pa'i mya ngan las 'das pa gnyis ni go rim bzhin du 'gog pa dang mya ngan las 'das pa zhes bya'o/ de la spong ba'i khams ma thob pa thob par bya ba'i phyir brtson pa ni 'du byed rnams la skye bar bya ba brtson pa zhes bya'o/ /'dod chags dang bral ba'i khams ma thob ba thob par bya ba'i phyir brtson pa ni

  276. 138b

    'du byed rnams la 'dod chags dang bral bar bya ba la brtson pa zhes bya'o/ /'gog pa'i khams ma thob pa thob par bya ba'i phyir brtson pa ni 'du byed rnams 'gag par bya ba la rtson ba zhes bya'o/ /sems rnam par grol bar bya ba'i phyir brtson pa la go rim rnam pa gnyis yod de/ shes pa'i go rim dang/ shes pa'i 'bras bu'i go rims so/ /shes pa'i go rim gang zhe na/ thog ma kho nar 'du byed rnams la skye ba dang 'jig pa rnam par 'byed pa'i tshul gyis mi rtag pa'i shes pa skye'o/ /de'i 'og tu skye ba dang 'jig pa dang ldan pa'i 'du byed gang yin pa 'di dag ni skye ba'i chos nyid dang rga ba'i chos nyid nas yid mi bde ba dang 'khrug pa'i chos nyid kyis sdug bsngal lo zhes mi rtag par shes pa snga ma la brten nas sdug bsngal par shes pa phyi ma skye bar 'gyur ro// skye ba'i chos can nas 'khrug pa'i chos can gyi bar gyi 'du byed gang yin pa 'di dag ni 'chi 'pho dang rten cing 'brel bar 'byung ba gcig nas gcig tu rgyud par zhugs bas rang dbang med pa'i rnam pa'i tshul gyis bdag med pa'i phyir sdug bsngal shes pa snga ma la brten nas phyis bdag med pa'i shes pa skye ste/ mi rtag pa gang yin pa de ni sdug bsngal pa'o/ /sdug bsngal ba gang yin pa de ni bdag med pa ste/ de ltar na 'di ni shes pa'i go rim yin no/ /shes pa'i 'bras bu'i go rim gang zhe na/ skye ba dang 'dod chags dang bral ba dang/ rnam par grol ba dang yongs su grol ba'o/ /skyo ba gang zhe na/ gnyen po mngon du gyur pa na mi mthun pa'i 'du zhes kyis nyon mongs pa kun tu mi spyod pa gang yin pa'o/ /'dod chags dang bral ba gang zhe na/ skyo bas yongs su bsgoms ba'i sems kyis gnyen po yid lam byas su zin kyang chags par bya ba'i dngos po la 'dod chags kun tu mi spyod pa gang yin pa ste/ 'di lta ste/ rnam par gnon pa'i spong ba'i dbang las byung ba'o/ /rnam par grol ba gang zhe na/ rnam par gnon pa'i

  277. 139a

    spong ba de nyid mang du byas pa'i rgyus de'i bag la nyal ba yang dag par bcom pa gang yin pa ste/ 'di ni re zhig skyo ba dang 'dod chags dang bral ba dang rnam par grol ba rnams kyi rnam grangs gcig go /gzhan yang skyo ba'i gnas skabs ni spong ba'i khams yin te/ skye ba yongs su rdzogs pa'i phyir ro/ /des skyo ba de dag la brten nas 'du shes med 'du shes med min skye mched ma gtogs par de ma yin pa'i sa rnams la mi chags pa dang chags pa dang bral ba ni 'dod chags dang bral ba'i gnas skabs so/ /'du shes med 'du shes med min skye mched las 'dod chags dang bral bar gyur pa las ni rnam par grol ba'i gnas skabs zhes gdags te 'di ni skyo ba dang 'dod chags dang bral ba dang rnam par grol la rnams gyi rnam grangs gnyis pa'o/ /yongs su grol ba gang zhe na/ de de ltar nyon mongs pa'i kun nas nyon mongs pa las kyang rnam par grol la/ skye ba la sogS pa sdug bsngal gyi kun nas nyon mongs pa las kyang yongs su grol ba 'di ni yongs su grol ba zhes bya'o/ /de ltar shes pa'i dbang du byas nas 'du byed rnams la skyo ba dang skyo ba'i rgyus 'dod chags dang bral ba dang/ 'dod chags dang bral ba'i rgyus rnam par grol ba dang/ yongs su grol bar 'gyur pa 'di ni shes pa'i 'bras bu'i go rims so/ /bzhi po 'di dag ni nyes par bzung bas te/ bzhi gang zhe na/ lta ba nyes par bzung ba dang/ nga rgyal nyes par bzung ba dang/ rang gis nyes par bzung ba dang/ gzhan gyi tshig las nyes par bzung ba'o/ /de la lta ba nyes par bzung ba ni 'du byed rnams la bdag tu 'dzin pa dang bdag gir 'dzin pa gang yin pa'o/ /de la nga rgyal nyes par bzung ba ni 'du byed rnams la nga'o snyam du 'dzin pa'o/ /de la lta ba nyes par bzung ba ni bden ba rtogs pa la bgegs byed pa'o/ /nga'o snyam pa'i nga rgyal nyes par bzung ba ni bsgom

  278. 139b

    pas spang bar bya ba spong ba la bgegs byed pa'o/ /de la rang gis nyes bar bzung ba ni gcig bu'i rtog pa ngan pa la brten 'di ni bdag yin no snyam ste lta ba nyes par bzungs ba'ang rgyal nyes par bzung ba'o/ /de la gzhan gyi tshig las nyes pa bzung ba ni gzhan ngag gi tshig las mngon par zhen par 'gyur te/ 'di ni bdag gi bdag yin no snyam du rnam pa de lta bu la zhugs pa gang yin pa'o/ /yang 'di ni bdag gi yin no zhes bya ba ni bdag tu nyes par bzung ba yang yin rang gis nyes par bzung ba yang yin/ gzhan dag gi tshig las nyes par bzung ba yang yin te/ 'dzin pa de dag thams cad spong ba gang yin pa ni shes pa'i 'bras bu yin par rig par bya'o/ /'du byed thams cad ni rnam pa gsum gyi chad pa ma yin pa dang/ rtag pa ma yin par rig par bya ste/ gsum gang zhe na/ 'du byed kyi rgyu mi gnas pa dang/ skyes pa rnams gnas pa'i rgyu med pa dang/ ma 'ongs pa rnams kyi rgyu'i ngo bo 'gag pa'i phyir ro/ /de la rgyu mi rtag pa dang/ skyes pa gnas pa'i rgyu mi dmigs pa'i phyir rtag pa ma yin no/ /ma 'ongs pa rnams skye ba la nga ltar byung ba rgyu'i ngo bo rnams 'gag pas na chad pa ma yin no/ /bzhi po 'di dag ni 'du byed rnams gcig nas gcig tu brgyud de 'jug pa'i rkyen yin te/ bzhi gang zhe na/ rgyu'i rkyen dang mtshungs pa de ma thag pa'i rkyen dang dmigs pa'i rkyen dang/ bdag po'i rkyen to/ / rkyen bzhi po de dag kyang rgyu dang rkyen gnyis su 'gyur ro/ /de la rgyu'i rkyen nyid ni rgyu yin no/ /lhag ma gsum ni rkyen kho na'o/ /de la rgyu'i rkyen ni 'du byed thams cad kyi sa bon gang yin pa'o/ /mtshungs pa de ma thag ba'i rkyen ni rnam par shes pa'i tshogs drug po mtshungs par ldan pa dang bcas pa rnams kyi mchungs pa de ma thag pa 'gags pa'i rnam par shes pa'i tshogs drug po mtshungs par ldan pa dang bcas pa rnams so/ /de la dmigs pa'i rkyen ni rnam par shes pa'i tshogs lnga'i nges pa'i yul

  279. 140a

    lnga dang/ rnam par shes pa'i chogs drug pa ni chos thams cad do/ /de la bdag po'i rkyen ni rnam par shes pa'i tshogs lnga'i nges pa'i rten te/ mig la sogs pa dang de las byung ba'i yid la byed pa rnams dang/ yid kyi rnam par shes pa'i bdag po'i rkyen ni 'byung ba chen po bzhi'i lus dang/ de las byung ba'i yid la byed pa'o/ /sngon gyi las sdug pa dang mi sdug pa'i 'bras bu 'grub par byed pa gang yin pa de yang de'i bdag po'i rkyen yin par rig par bya'o/ /de bzhin du tshogs ni lam gyi bdag po'i rkyen yin no/ lam ni mya ngan las 'das pa 'thob pa'i bdag po'i rkyen yin par rig par bya'o/ /kun nas nyon mongs pa dang rnam par byad pa brtag ba ni bzhi gsum dang rnam pa gnyis te/ 'di lta ste/ mnog la mnog gi sgo nas rtog pa na 'du byed rnams la kun nas nyon mongs pa'i rgyud rtog pa dang/ nyes dmigs la nyes dmigs kyi sgo nas rtog pa na 'du byed rnams la rnam par byang ba'i rgyur rtog pa dang nges par 'byung ba la nges par 'byung ba'i sgo nas rtog ba na 'du byed rnams la rnam par byang bar rtog pa 'di dag gcig tu bsdus pa ni kun nas nyon mongs pa dang rnam par byang ba brtag pa'i gzhi gsum yin no/ /brtag pa rnam pa gnyis gang zhe na/ 'di lta ste/ ji lta ba bzhin du yod pa dang ji snyed yod pa'o/ /de la ji lta ba bzhin du yod pa ni 'du byed rnams mnog gang yin pa dang nyes dmigs gang yin pa dang nges bar 'byung ba gang yin pa'o/ /de la ji snyed yod pa ni 'du byed rnams kyi mnog ji snyed pa dang nyes dmigs ji snyed pa dang/ nges par 'byung ba ji snyed pa'o/ /de la 'du byed rnams kyi rkyen gyis bde ba 'byung ba dang yang bde ba gang yin pa 'di ni de dag gi mnog yin la/ mnog 'di dag ni chung ngo zhes bya bas te/ de ltar na rnam pa gnyis kyis 'di lta ste/ mnog ji lta ba bzhin du yod pa la nye bar rtog go /de la 'du byed rnams mi rtag pa dang sdug bsngal

  280. 140b

    ba dang rnam par 'gyur ba'i chos can gang yin pa 'di ni de dag gi nyes dmigs yin la nyes dmigs 'di ni che'o zhes bya ba ste/ de ltar rnam pa gnyis kyis 'di lta ste/ nyes dmigs ji lta ba bzhin du yod pa la nye bar rtog /de la 'du byed rnams la 'dun pa'i 'dod chags 'dul ba dang/ 'dun pa'i 'dod chags spong ba dang/ 'dun pa'i 'dod chags las yang dag par 'da' ba gang yin pa 'di ni de dag las nges par 'byung ba yin la grub pa dang bde ba de ni zhi ba dang bla na med pa dang gzhan rdzas yin te/ de ltar na rnam pa gnyis kyis 'di lta ste/ nges par 'byung ba ji lta ba bzhin du yod pa la nye bar rtog go /'du byed 'das pa dang ma 'ongs pa dang da ltar byung ba rnams dang/ nang dang phyi rol rnams dang/ rags pa dang phra ba rnams dang/ bzang po dang ngan pa rnams dang/ ring ba rnams dang/ nye ba rnams la 'di ni mnog dang nyes dmigs so/ /'di ni nges par 'byung ba'o snyam du rtog pa gang yin pa 'di ni 'di lta ste /de dag gi mnog dang nyes dmigs dang nges par 'byung ba rnams ji snyed yod pa la rtog pa yin par rig par bya'o// bzhi gsum po 'di dag yod par brda sprad par bya ba ni sems can gyi tshogS gsum yin par rig par bya ste/ 'di lta ste/ 'dod pa dag la lhag par zhen pa rnams dang/ 'dod pa dag las dben ba rnams dang/ 'dod pa dag dang bral ba rnams so/ /gnas gsum po 'di dag la ltar bcas pa'i 'jig rten dang dge sbyong dang bram zer bcas pa dang/ lha dang mir bcas pa'i 'jig rten gsum kun tu rmongs so/ /'jig rten gsum po 'di dag kyang rgyu rnam pa gsum gyis rnam par bzhag par rig par bya ste/ 'di ltar 'dod pa'i dbang phyug dang/ dga' ba'i dbang phyug thob pa ni 'di lta ste/ bdung du bcas pa dang/ tshangs bar bcas pa'i 'jig rten gnyis so/ /de thob par bya ba'i rgyu la brtson pa ni dge sbyod dang bram zer bcas pa'o/ /las dang rgyu dang 'bras bu

  281. 141a

    rnam pa sna tshogs pa khas len pa ni lha dang ming bcas pa'o/ /gnas rnam pa gsum po 'di dag ci rigs par spang ba dang/ mngon sum du byas pa la lam gnyis yod de/ mthong ba'i sa la zhugs pa'i phyin ci log zhi spong bar gtogs pa'i sems dang/ gong du sgom pa'i lam la de la shas cher gnas pa'o/ /lam rnam pa de gnyis kyi sems rnam par grol ba'i 'bras bu ni rnam pa bzhi yod de/ 'dod chags dang zhe sdang dang gti mug gi 'ching ba las rnam par gral ba'i rnam pa dang/ 'dod pa'i 'dun pa 'dul ba dang spong ba dang yang dag par 'da' ba dang nges par 'byung ba'i rnam pa dang/ kun tu sbyor ba dgu dang bral ba'i rnam pa dang/ skye ba la sogs pa'i sdug bsngal las rnam par thar pa'i rnam pa'o/ /de la rgyu lta bu'i rnam pa gsum gyis ni nyon mongs pa las rnam par grol ba bstan to/ /tha ma'i 'bras bu lta bu'i rnam pa gcig gis ni sdug bsngal las rnam par grol ba bstan te/ dper na mi la la zhig bcing ba rnam pa sna tshogs shing sgrog gam/ rtsa ba la ba dza'i theg pa 'am/ lcags thag rnams kyis btags la de la bsrungs ma'i mi gzhan dag kyang bkod nas de brtson byed pa de las bros te rgyang ring du song du zin kyang phyir bring? 'ong ba 'am/ yang na 'gul duAng mi ster na/ 'bros su lta ga la yod pa 'am/ gzhan yang brtson byed pa de la 'dod pa'i yon tan rgya chen po rnam pa sna tshogs chags su rung zhing kun tu sbyor bar byed pa dag dang ldan par byas na de dag la sems chags pas rang nyid 'bros par mi sems te/ de ltar mi de bcing ba rnam pa thams cad kyis legs par bsrung ba dang legs par bsdam pa'i bcing bas dam por bcings pa la ni dgras 'di lta ste/ brdog pa dang gnod bar bya ba 'am/ chad pa bcad pa 'am/ yang na gtan du gsang pa la ci dga' mgur byar yod la/ de gang gi tshe brtson byed pa de las

  282. 141b

    shor bar gyur na/ bcing ba rnam pa bzhi las shor ba zhes brjod par 'gyur ba de bzhin du gnas gsum po dag la kun tu rmongs pa'i sems can 'di dag kyang bcing ba rnam pa sna tshogs 'di lta ste/ 'dod chags dang zhe sdang dang gti mug gi bcing pa rnams kyis bcings so/ / de dag gi btson srungs lta bu ni rtog pa ngan pa rnams dang nyon mongs pa'i bag la nyal ma bsal ba'o/ /de la rtog pa ngan pa rnams kyis ni 'gul duAng mi ster na/ 'dod chags dang bral bar 'gyur bas 'bros su lta ga la yod/ bag la nyal rnams kyis ni 'jig rten pa'i lam gyis bros te/ srid pa'i rtse mo man chad du song du zin kyang phyir bring de 'od do/ /de'i kun tu sbyor ba dgu ni 'dod pa'i yon tan lta bu yin te/ de dag gi 'du byed rnams la rang nyid dga' bas bdag nyid bcings pa las rnam par thar bar mi 'dod pa de ni de ltar rnam pa sna tshogs su legs par bsrungs pa dang/ shin tu thabs legs par dam por bcings pa dang shin tu bsdams nas bcings pa yin te/ bdud bzhi'i dgra rnams kyi skye ba la sogs pa'i sdug bsngal bsgrub pa la ci dga' ma gur byar yod la de de las thar bar gyur na de kho na dang 'dra bar bcing pa rnam pa bzhi las rnam par grol ba zhes brjod do/ /sdom ni/ man ngag bsdus dang man ngag 'bras/ /'chi dang grangs su 'gro ba dang/ /yongs su shes dang spong pa gsum/ /'ching dang shin tu rnam par grol/ /lha dang nga rgyal kun nyon mongs/ /rnam par byang ba brjod pa'i gnas/ /rab tu dben pa rnam bzhi dang/ /phun sum tshogs pa rnam pa gsum/ /nyan thos ni rgyu rnam pa gsum gyi ston pa las gdams ngag bsdus te tshol bar byed do/ /gsum gang zhe na/ thos pa lhur byed cing de ma yin pa'i nan tan du bsgrub dag la mi phyogs pa rnams na sdus pa'i chos thos pa tsam gyis kyang rang gi don thob par 'gyur bas na thos pa lhur len pa don med pa dang nan tan du sgrub ba 'ba' zhig gces par khong du chud par bya ba'i phyir thos

  283. 142a

    pa lhur len pa las mos pa bzlog pa'i don dang/ bya ba mang po 'am skrag ste 'jug pa la mi phyogs pa rnams thabs kyis 'jug par bya ba'i don dang/ yang na de nyid chos mang po legs par thos shing legs par bsams pa yin pas de 'di snyam du sems te/ bdag ni chos mang po legs par bsams pa yin te/ gal te bdag chos rnams ji snyed bdag gis thos shing bsams pa de dag thams cad la brten nas sems gnas pa'i dmigs pa 'am/ rnam par grol ba'i dmigs pa la sems nye bar 'dogs na ni bdag gi yid la byed pa yang rnam par 'khrug par 'gyur la sems gnas pa yang thob par mi 'gyur na/ rnam par grol bar lta ga la 'gyur snyam ste/ thos pa dang bsams pa'i chos de dag las gang la brten na dmigs pa la sems gnas pa 'am rnam par thar bar bya ba la mngon par shes pa myur du nges par 'byung bar 'gyur ba yang nges pa med/ de de ltar bdag nyid la nges pa med pas ston pa 'am de bzhin gshegs pa'i nyan thos mkhas pa mngon sum du gyur par mthong nas thad du song ste gdams dag bsdus pa tshol bar byed do/ /yang dag pa'i gdams dag gi 'bras bu ni rang gi don thob pa rnam pa bzhir rig par bya ste/ 'di lta ste gang gi don du 'byung ba dang ji ltar rab tu 'byung ba ste/ cha lugs phun sum tshogs pa dang/ las phun sum tshogs pa dang/ bsam pa phun sum tshogs pa dang/ gnas gtong zhing len pa phun sum tshogs pa de la brten nas bla na med pa 'thob pa dang/ tshe 'di la 'thob pa dang/ bdag gis 'thob pa dang/ so so rang rig pa 'thob par 'gyur ba'o/ /drug po 'di dag ni 'chi ba yin te/ 'di lta ste 'das pa'i 'chi ba dang/ da ltar byung ba'i 'chi ba dang/ mdul ba'i 'chi ba dang/ dul ba'i 'chi ba dang/ 'dra ba'i 'chi ba dang/ mi 'dra ba'i 'chi ba'o/ /de la 'das pa'i 'chi ba ni

  284. 142b

    'das pa'i 'du byed rnams 'pho ba nas srog gi dbang po 'gag pa'i bar gyi 'chi ba gang yin pa'o/ /de la da ltar byung ba'i 'chi ba ni da ltar byung ba'i 'du byed rnams 'pho ba dang/ srog gi dbang po 'gag pa'i bar gang yin pa'o/ /de la mdul ba'i 'chi ba ni 'das pa'i dus na mdul zhing ma zhi la bag la nyal dang bcas pa'i 'du byed rnams gcig la gcig bag la nyal ba dang tha snyad du gdags pa'i skyes bu'i bag la nyal rnams kyis shi nas da ltar byung ba'i dus na nyid mtshams sbyor bar byed de/ bag la nyal dang bcas pa'i 'du byed kyis yongs su zin pa'i lus mngon par 'grub pa la da ltar byung ba'i dus na yang tshe'i mdza' zad par byas nas de bzhin du ma dul zhing rnam bar ma dul ba nas rgyas par shi nas ma 'ongs pa na lus mngon par 'grub cing bag la nyal dang bcas pa'i 'du byed rnams nye bar len pa gang yin pa ste/ de dag nye bar blangs pa'i phyir skye ba la sogs pa'i sdug bsngal gyi khyad par rnams dang/ 'dod chags la sogs pa'i 'ching ba chen po rnams kyis bcings so/ /de la dul ba'i 'chi ba ni da ltar gyi dus na dul zhing rnam par dul ba bag la nyal med ba shi nas ma 'ongs ba na lus mngon par 'grub par mi 'gyur zhing/ bag la nyal dang bcas pa'i 'du byed rnams nye bar mi len pa ste/ de dag nye bar ma blangs pa'i phyir skye ba la sogs pa'i sdug bsngal gyi khyad par rnams dang/ 'dod chags la sogs pa'i 'ching ba chen po rnams las yongs su grol bar 'gyur ro/ /de la 'dra ba'i 'chi ba ni gal te 'das pa'i dus na ji ltar mdul ba bzhin du shi ba de bzhin du da ltar ba'i dus na yang 'chi ba de ni de 'dra ba'i 'chi pa yin te/ mtshungs pa'i 'chi ba dang mthun pa'i 'chi ba yang de yin par rig par bya'o/ /de ma yin pa 'das pa'i dus na mdul ba'i 'chi ba yis dus byas la da ltar byung ba'i dus na dul bar 'gyur te/ shi bde ni de'i mi 'dra ba'i 'chi ba

  285. 143a

    yin te/ mi mtshungs pa'i 'chi ba dang mi mthun pa'i 'chi ba yang de yin par rig par bya'o/ /de la da ltar byung ba'i 'du byed bag la nyal dang bcas pa rnams ni gcig la gcig bag la nyal bzhin du 'pho ste 'das pa de kho na bzhin du 'dra ba'i 'chi bas 'chi 'pho zhing mthun par 'chil/ 'das pa na mthun par 'chi ba de dang 'dra ba'i 'du byed kyi rgyud la nyid mtshams sbyor zhing ma 'ongs pa nye bar len to/ /'chi ba rnam pa drug po de dag kyang rnam pa gnyis su rig par bya ste/ 'du byed 'jug pa'i nyes dmigs dang/ 'du byed ldog pa'i phan yon no/ /de la 'das pa dang/ da ltar byung ba dang/ ma dul ba dang/ 'dra ba'i 'chi ba rnams dang ma 'ongs pa'i nye bar len pa dang/ skye ba la sogs pa'i sdug bsngal dang/ 'dod chags la sogs pa nyon mongs pa'i 'ching ba'i phyir ni 'du byed 'jug pa'i nyes dmigs so/ /da ltar byung ba na dul ba dang mi 'dra ba'i 'chi ba dang/ ma 'ongs pa na nye bar mi len pa dang/ sdug bsngal dang nyon mongs pa'i 'ching ba las rnam par grol ba'i phyir ni 'du byed ldog pa'i phan yon no/ /'du byed rnams mngon par grub pa la ni rnam pa brgyad po 'di dag gis gdags pa'i skyes bu'i grangs su 'gro bar 'gyur te/ ming ni 'di zhes bya/ rigs ni 'di zhes bya/ rus ni 'di zhes bya/ zas ni 'di lta bu zhig za za/ bde ba dang sdug bsngal ni 'di lta bu zhig nyams su myong/ tshe ni 'di ltar ring yun ni 'di srid du gnas /tsho'i mdza' ni 'di tsam zhig ces bya ba ste/ rnam pa 'di dag gi dbye ba ni snga ma ni snga ma bzhin du 'di lta ste/ byang chub sems dpa' i sngon gyi gnas las brtsams pa bzhin du rig par bya'o/ /'du byed rnams la bdag med par yongs su shes pa dang spong ba ni rnam pa gsum du rig par bya ste/ 'di lta ste nang yongs su shes pa dang/ phyi rol tu yongs su shes pa dang/ nang dang phyi rol yongs su shes pa ste/ spong ba'ang de dang 'dra'o/ /de'ang 'du byed

  286. 143b

    'di dag ni bdag ma yin no/ /'di dag ni bdag gi ma yin no/ /'di dag ni gzhan su'i yang ma yin no snyam du nang dang phyi rol dang gnyi ga yongs su shes pa dang/ spong ba la ci rigs par rig par bya'o/ /de la chos kyi lugs shes pas nges par byas pa ni yongs su shes so/ / de la goms pas de dang mtshungs par ldan pa'i bag la nyal spangs pa ni de spong ba yin no/ /de la gang gis 'du byed rnams yongs su ma shes pa de la ni de yongs su shes par bya ba'i phyir ston par mdzad do/ /gang gis yongs su shes la ma spangs pa de ni ji ltar thob pa'i yongs su shes pa la goms pa tsam gyis de spang bar bya ba'i phyir yang dag par 'dzud par mdzad do/ /gsum po 'di dag ni 'khor bar 'jug pa na 'ching ba yin te/ de dag las sems rnam par grol bar dka' o/ /de yang legs par gsungs pa'i chos 'dul ba las sems rnam par grol bar 'gyur gyi nyes par bshad pas ni ma yin no/ /gsum gang zhe na/ 'di lta ste/ rjes su chags pa'i kun tu sbyor ba ma gtogs pa de ma yin pa'i kun tu sbyor ba rnams kyis kun tu sbyor bar byed pa ste/ zag pa dang bcas pa'i dngos po gang yin pa dang/ rjes su chags pa'i kun tu sbyor bas kun tu chags par byed pa ste/ zag pa dang bcas pa'i dngos po gang yin pa dang/ phyi ma la yang srid pa 'phyung ba'i 'du byed rnams mngon par 'grub pa'o/ /'ching ba rnam pa gsum po 'di dag las rgyu rnam pa gsum gyi sems rnam par grol bar dka' ste/ dang po ni rnam pa sna tshogs kyi phyir ro/ /gnyis pa ni khong du zhen pa dang/ 'dod par bya ba yin pa'i phyir ro/ /gsum pa ni cha phra ba'i phyir ro/ /rnam pa lngas yang srid par 'ching bas bcings pa ni nga'o snyam pa'i nga rgyal rnam pa lnga kun tu spyod par rig par bya ste/ 'di lta ste/ rten dang dmigs pa dang/ grogs dang ngo bo nyid dang/ rgyu dang 'bras bu'o/ /de la 'jigs tshogs la lta ba dang brten nas yod pa dang med pa la dmigs te/ phyi ma la bdag yod par 'gyur ram/

  287. 144a

    'on te med bar 'gyur snyam pa'o/ /de la med pa la dmigs pa ni rnam pa gcig tu zad do/ /yod pa la dmigs pa ni rnam pa lnga ste/ 'di lta ste/ bdag gzugs can du 'gyur ram/ gzugs med pa 'am/ 'du shes can rnams/ 'du shes med pa 'am/ 'du shes can yang ma yin/ 'du shes can ma yin pa yang ma yin pa zhig tu 'gyur ram snyam pa ste/ de dag thams cad gcig tu bsdus pa ni dmigs pa rnam pa drug yin no/ /de la grogs ni sems bskyed cing g.yeng bar byed pa'o/ /de la ngo bo nyid ni rang gi mtshan nyid kyi sgo nas rlom sems su byed pa dang/ nyon mongs pa spyi'i mtshan nyid kyi sgo nas spros pa'i ngo bo nyid do/ /de la rgyu dang 'bras bu'i ngo bo ni skye ba dang mngon par 'grub pa'i rgyu'i ngo bos spyod de/ las mngon par 'du byed pa dang sred pa'i rjes su song ba'i phyir/ ro/ /gzhan yang 'bras bu'i ngo bo'i sgo nas ni de la brten pa'i nga'o snyam pa'i nga rgyal kun tu spyod pa'i phyir ro/ /rnam pa gsum gyis ni sems shin tu rnam par grol par rig par bya ste/ 'du byed thams cad yongs su shes pa dang/ de dang mtshungs par ldan pa'i nyon mongs pa spang ba mngon sum du byed pa dang nyon mongs pa spangs pa ni thams cad du sred pa med par gnas pa'i phyir ro/ /de la rnam pa bzhis ni ji lta ba bzhin du yod pa'i 'du byed rnams yongs su shes te/ 'di lta ste/ mi rtag pa la sogs pa'o/ /rnam pa bcu gcig gis ni ji snyed yod pa yongs su shes te 'di lta ste 'das pa dang ma 'ongs pa la sogs pa ste snga ma bzhin no// //rnal 'byor spyod pa'i sa las bzhi bsdu ba /bam po gnyis pa/ 'di gnyis ni rnam pa lnga dang ldan pa'i kun nas nyon mongs pa rgyu mtshan rnam pa lnga dang bcas pa ste/ de gnyis ni slob pas yongs su shes pa nas spang bar bya ba yin la mi slob pas ni spangs pa yin te/ 'di lta ste/ lta ba'i kun nas

  288. 144b

    nyon mongs pa dang/ nga rgyal gyi kun nas nyon mongs pa'o/ /de gn yis kyang rnam pa dang kun nas dkris pa dang/ bag la nyal gyi sgo nas bye brag rnam pa lngar 'gyur te/ 'di lta ste/ bdag tu 'dzin pa dang/ bdag gir 'dzin? pa dang/ da'o snyam pa'i nga rgyal dang mngon par zhen pa dang/ bag la nyal/ /de la 'di gnyis ni bdag tu 'dzin pa dang/ bdag gir 'dzin pa dang/ nga'o snyam pa'i nga rgyal la brten te/ de'i dmigs pa'i gzhi la nan gyis mchog tu bzung nas mngon par zhen te /'di 'ba' zhig bden gyi gzhan ni don med do snyam ste/ de ltar kun nas dkris pa'i tshul gyis mngon par zhen par rig par bya'o/ /de'i sa bon rgyud kyi rjes su 'brang ba ni bag la nyal lo/ /de dag kyang rnam par shes pa dang bcas pa'i lus 'di dang phyi rol la brten nas rgyu mtshan rnam pa lnga yod do/ 'di lta ste/ bdag tu 'dzin pa'i rgyu mtshan nas bag la nyal gyi rgyu mtshan gyi bar rnams so/ /rgyu mtshan de yang rnam pa gnyis te/ dmigs pa'i rgyu mtshan dang/ rgyu'i rgyu mtshan no/ /de la bdag tu 'dzin pa dang/ nga'o snyam pa'i nga rgyal gnyis kyi dmigs pa'i rgyu mtshan ni rnam par shes pa dang bcas pa'i lus 'di yin/ /bdag gir 'dzin pa ni gnyis ka yin no/ /de la mngon par zhen pa'i rgyu'i rgyu mtshan ni dam pa'i chos ma yin pa thos pa dang/ tshul bzhin ma yin pa yid la byed pa dang/ de'i bag la nyal lo/ /de'i bag la nyal gyi rgyu'i rgyu mtshan ni 'du byed rnams yang dag pa ji lta ba bzhin du yongs su mi shes pa dang/ kun nas bkris pa la goms pa'o/ /bzhi po 'di dag ni sems can gyi ris yin te/ de dag la kun nas nyon mongs pa o 'di rnam par gzhag par rig par bya'o/ /bzhi gang zhe na/ 'di lta ste pha rol gyi mu stegs can rnams dang/ chos 'di pa'i so so'i skye bo rnams dang/ slob ba rnams dang/ mi slob pha rnams so/ /de la phyi rol pa rnams la ni thams cad tshang bar yod do/ /

  289. 145a

    chos 'di ba'i so so'i skye bo rnams la ni rnam pa bzhi'i rgyu mtshan dang bcas pa dang/ mngon bar zhen ba'i phyogs gcig yod do/ /mngon par zhen pa ni med do/ /slob pa la ni bdag tu 'dzin pa dang/ bdag gir 'dzin pa gnyis dang/ rgyu dang bcas pa'i mngon par zhen pa dang/ bag la nyal gnyis dang/ nga'o snyam pa'i nga rgyal la mngon par zhen pa rgyu mtshan dang bcas pa ni med do/ /nga'o snyam ba'i nga rgyal bag la nyal dang bcas pa ni yod do/ /mi slob pa la ni thams cad med do/ /de 'di las phyi rol pa ni de dag mi spong ba 'ba' zhig la zhugs so/ /chos 'di ba'i so so'i skye bo ni yang dag par spang ba'i phyir zhugs te yang dag pa ji lta ba bzhin du ma mthong ba'i phyir da dung spangs pa ni ma yin no/ /slob pa ni kha gcig ni spangs/ kha cig ni spang ba'i phyir zhugs te yang dag ba ji lta ba bzhin du yang mthong la zad pa dang mi skye ba'i shes pa ma thob pa'i phyir bdag gis mthong ngo snyam du mi shes so/ /mi slob pa ni thams cad kyang spangs la 'du byed du gtogs pa mdza' dag bdag gis yang dag pa ji lta ba bzhin du mthong ngo snyam du yang shes so/ /brgyad po 'di dag ni rnam par byang ba brjod pa'i gnas yin te/ brgyad gang zhe na/ lta ba dang nga rgyal las yang dag par 'das pa'i phyir rnam pa las yang dag par 'das pa'i yid ces bya ba rnam par byang bar brjod pa'i gnas dang/ de'i mtshan ma spangs ba'i phyir mtshan ma dang bral ba dang/ de la mngon par zhen pa spangs pa'i phyir zhi bar gyur ba dang/ de'i bag la nyal spangs pa'i phyir shin tu rnam par grol ba dang/ gzhan yang slob pa'i rnam par byang ba brjod pa'i gnas gnyis te 'di lta ste/ sred pa bcad pa 'am/ kun tu sbyor ba gsum bzlog nas 'di lta ste yang sred ba bskyed pa'i 'du byed thams cad la kun tu mi spyod ba'i tshul dang/ mi slob pa'i rnam par

  290. 145b

    byad ba brjod pa'i gnas gnyis te/ 'di lta ste/ nga rgyal yang dag par mngon par rtogs pa dang/ sdug bsngal thams cad kyi rtsa ba sred pa'i bag la nyal bcom pa'i phyir sdug bsngal mthar byas ba ste/ de rnams gcig tu bsdus na rnam par byang bar brjod pa'i gnas rnam pa brgyad du 'gyur ro/ /rab tu dben par gnas pa rdzogs pa ni yan lag bzhis shin tu rdzogs par 'gyur te/ bzhi gang zhe na/ 'di lta ste zla med par gnas pa dang/ bas mthar gnas mal 'cha' zhing lus dben pa dang/ khyim na gnas pa dang yul las skyes pa'i mtshan ma dang rtog pa dang/ 'dod pa'i 'dun pa dang/ gnod sems rnamS la bag yod pa la brten te/ sems kun tu srung ba ni sems dben ba dang/ rnam pa lngas brtson 'grus brtsams ba'i mngon par shes pa myur bar 'gyur ba/ la mthu dang ldan pa ste/ brtson 'grus kyi go cha dang brtson 'grus dang ldan pa ste/ sbyor ba'i brtson 'grus dang spro ba dang ldan pa ste/ chos rgya chen po dag la zhum pa med pa'i brtson 'grus dang brtul phod pa brtan pa ste/ grang ba dang tsha ba dang sha sbrang dang sbrang bu mchu rang la sogs pas 'khrug par mi 'gyur ba'i brtson 'grus dang brtson pa mi 'dor ba ste/ dan don gyis chog par mi 'dzin pa'i brtson 'grus so/ /zhi gnas dang lhag mthong gi phyogs nye ba'i nyon mongs pa go rim bzhin du sbyar te/ rmugs pa dang/ gnyid dang/ rgod pa dang 'gyod pa spangs nas chud mi za ba'i tshul gyis zhi gnas dang lhag mthong la yang dag par zhugs so/ /gsum po 'di da kun legs par gsungs ba'i chos 'dul ba'i phun sum tshogs pa yin te/ gsum gang zhe na/ nan tan du bsgrub pa phun sum tshogs pa dang/ 'bras bu phun sum tshogs pa dang/ ston pa phun sum tshogs pa'o/ /de la nan tan du sgrub pa phun sum tshogs pa ni spong ba dang/ 'dod chags dang bral ba dang/ 'gog pa'i khams rnams thob

  291. 146a

    ba'i bya ba dang/ reg par bya ba'i phyir chos nyan cing gzhan dag la yang ston par byed la bdag nyid kyang chos kyi rjes su 'thun ba'i chos la nan tan du sgrub pa la zhugs pa yin te/ 'di ni nan tan du sgrub pa phun sum tshogs ba'o/ / 'bras bu phun sum tshogs pa gang zhe na/ chos kyi rjes su 'thun pa'i chos la nan tan du sgrub pa de nyid kyi dbang du byas nas/ sems shin tu rnam par grol bar 'gyur te/ tshe de nyid la mya ngan las 'das pa 'thob pa 'di ni 'bras bu phun sum tshogs pa'o/ /de la ston pa phun sum tshogs pa ni tshangs par spyod pa dang ldan pa'i chos thams cad kyi rtsa ba bcom ldan 'das yin la/ de'i tshul 'jug par mdzad cing de'i rjes su 'brang bar mdzad de/ de bzhin gshegs pa byung na bstan pa de dag yod par 'gyur ro/ /de bas ni der dag gi rtsa ba ni bcom ldan 'das yin no/ /byung nas kyang de dang de dag tu 'dul bar gzigs te bstan pas na/ gang gi phyir dam pa'i chos kyi tshul 'di slob dpon dang slob ma gcig nas gcig tu brgyud de 'ongs pa de'i phyir bcom ldan 'das kyis tshul can no/ / de ltar chos kyi tshul zhugs par byas ba'i the tsom skyes pa thams cad la bcom ldan 'das 'ba' zhig gi rjes su 'brang bas na de'i phyir de dag bcom ldan 'das kyi rjes su 'brang ba yin no/ /chos smra ba ni lung dang rtogs pa'i sgo nas rnam pa gnyis yod de gzhan las thos nas ston pa dang/ slob pa dang mi slob pa'o/ /ston pa ni tshul bzhin du zhu ba'i dus gsum du legs so zhes bya ba sbyin par mdzad de mngon par 'du byed pa dang/ thang? 'ong ba dang/ zhu ba'i dus rnams su'o/ /sdom ni/ 'du shes rnam pa byis pa'i rtags/ /mig dang phan yon 'gyur ba dang/ /shes pa dgu dang rjes mi ngas/ /khyad par dag tu 'gro ba dang/ /bdag tu lta ba'i bye brag dang/ /'du byed mtshan nyid rnam pa gsum/ chos kyi mdo la sogs pa yi/ /sde tshan rgya chen tha ma yin/ /lnga po 'di dag ni

  292. 146b

    'du byed rnams la mi rtag pa'i 'du shes sgom pa'i rnam pa ste/ 'di lta ste/ mi rtag pa dang mi brtan pa dang/ ther zug ma yin pa dang/ yid brtan du mi rung ba dang/ 'gyur ba'i chos can no/ /de la skad cig re re la 'jigs pas na mi rtag pa rnams so/ /tshe'i tshad nges pa dang 'brel ba'i lus su gnas pa nas mi brtan pa rnams so/ /phyi rol rnams kyang bskal pa gcig las ring du mi gnas pas na zer zug ma yin pa rnams so/ /tshe'i mthar ma phyin par yang dus ma yin par 'chi ba'i rkyen rnams kyis 'jigs par 'gyur srid pas na yid brtan du mi rung ba rnams so/ /ji srid tsam gyi bar du 'khod pa de srid cam gyi bar du yang gcig tu nges par bde ba med pas na de'i phyir 'gyur ba'i chos can no/ /gsum po 'di dag ni byis pa rnams kyi byis pa'i rtags yin te/ gsum gang zhe na/ byas pas de ltar 'du byang rnams kyi mi rtag pa lnga yid la ma byas pas ngan pa dang bzang po yongs su ma grub pa rnams la ngan pa dang bzang por rtog pa'i sgo nas gzhan rnams dang bdag la yongs su 'jal bar byed de/ bdag che'o snyam du rlom sems su byed pa gang yin pa 'di ni byis pa'i rtags dang bo'o/ /che ba ji lta ba bzhin du mtshungs pa dang chud du yang de dang 'dra ste snga ma bzhin du sbyar ro/ /de nyid las bzlog pa gsum ni mkhas pa rnams kyi mkhas pa'i rtags yin par rig par bya'o/ /'phags ba'i shes rab kyi mig ni rnam pa gnyis kyis rnam par dag par 'gyur bar rig par bya ste/ mthong bas spang bar bya ba'i nyon mongs pa'i kun nas dkris pa dang bral bas na rdul med pa'o/ /de'i bag la nyal dang bral bas ni dri ma dang bral ba'o/ /gzhan yang mngon bar rtogs pa'i tshe yid la byed pa la zhugs pa na nga'o snyam pa'i nga rgyal rags pa yid la byed pa la zhugs pa spel mar 'dug ste/ de'i gzung ba'i 'dzin pa la dmigs pa mgo mnyam du yongs su shes pas spong bar 'gyur la de spangs

  293. 147a

    pas na rdul med pa'o/ /mthong bas spang bar bya ba'i nyon mongs pa'i bag la nyal thams cad spangs pas na dri ma dang bral ba'o/ /rdul med cing dri ma dang bral ba des chos rnams la chos kyi mig thob ba'i mod la phan yon bcu 'byung bar rig par bya ste/ bcu gang zhe na/ 'phags pa'i bden pa bzhi po rnams legs par mthong bas na chos mthong ba zhes bya'o/ /dge sbyong gi 'bras bu gang yang rung ba thob pas na chos thob pa zhes bya'o/ /de bdag nyid kyis thob par rig par 'gyur te/ bdag gi sems can dmyal ba rnams dang dud 'gro dang yi dags rnams zad do/ /bdag ni rgyun tu zhugs pa yin no snyaM pa nas rgyas par sbyar te de ltar na chos rig pa zhes bya'o/ /shes nas dad pa thob pa'i phyir sangs rgyas dang chos dang dge 'dun rnams yang dag pa ji lta ba bzhin du shes pas na chos kyi gting slebs pa zhes bya'o/ /de ni bdag gis thob pa la yang so ma nyi med la gzhan rnams kyis thob pa la yang the tshom med do/ /'phags pa'i bden pa dang ldan pa'i gtam brjod pa la yang gzhan gyi dring mi 'jog ste/ gzhan dag gi ngor lta zhing dor rtog pa med do/ /pha rol rgol ba la sogs pa thams cad kyis kyang chos 'dul ba 'di las mi 'phrogs par 'gyur ro/ /de ni bdag gis thob pa'i shes pa brda' sprod pa la yang 'jigs pa med do/ /yang dag pa'i brda' dang/ don dam pa'i rgyu rnam pa gnyis kyis kyang bstan pa la zhugs pa yin no/ /shes pa dgu po 'di dag ni 'du byed rnams yongs su shes pa dang yang dag par 'da' bar 'gyur ba ste/ 'di lta ste/ 'du byed rnams kyi 'jug pa shas pa dang/ ldog pa shes pa dang/ kun nas nyon mongs pa'i rgyu shes pa dang rnam par byang ba'i rgyu shes pa dang rnam par byang ba shes pa dang/ sdug bsngal shes pa dang/ kun 'byung ba dang 'gog pa dang lam shes pa'o/ /de la

  294. 147b

    'jug pa shes pa ni mdor bsdus na rgyu rnam pa gsum byung bas 'du byed thams cad kun 'byung bar 'gyur ro snyam pa'i shes pa gang yin pa ste/ 'di lta ste dga' ba byung ba dang reg pa byung ba dang ming dang gzugs byung ba ste/ gzugs dang tshor ba la sogs pa dang rnam par shes pa dang ci rigS par sbyar ro/ /rgyu rnam pa gsum po nyid 'gags pas 'du byed rnam pa gsum po 'gags par 'gyur pas na ldog pa shes pa'o//kun nas nyon mongs pa'i rgyu dang rnam par byang ba'i rgyu dang rnam par byung ba shes pa rnams ni mnog dang nyes dmigs dang nges par 'byung ba rnams kyi skabs su sngar bstan pa bzhin du rig par bya'o/ /sdug bsngal la sogs pa 'phags pa'i bden pa rnams kyi shes pa yang snga ma kho na bzhin du bden pa rnam par 'byed pa'i tshul du rigs par bya'o// de la shes pa snga ma lnga so so'i skye bo'i gnas skabs su kun tu bsten pa las ni phyi ma'i bden pa shes pa bzhi thob par 'gyur te/ de dag thob pas yang dag pa ji lta ba bzhin du 'du byed rnams yongs su shes so/ /shes pa snga ma de dag ma tshang bar gyur na ni bden pa'i tshul gyis 'du byed rnams yongs su shes par 'gyur ba'i skal ba med do/ /tshang bar yod na ni bden pa'i tshul gyi skal ba yod de/ gzhan yang 'du byed yongs su shes pa med na ni gong du bsgom pa'i stobs kyis nyon mongs pa thams cad spangs pas 'du byed thams cad las yang dag par 'da' ba' i skal ba med do/ /de las bzlog pa la ni skal ba yod de/ de bas na shes pa dgu 'du byed rnams yongs su shes pa dang yang dag par 'da' bar 'gyur ba zhes bya'o/ /rnal 'byor pa ni gnas gsum gyis 'du byed thams cad la brjed ngas ba med par gnas te/ gsum gang zhe na/ 'das ba'i 'du byed rnams la ni mi rtag par yang dag pa ji lta ba bzhin du rab tu shes/ /da ltar byung ba rnams la ni 'jig pa'i chos can dang/ ma 'ongs pa rnams

  295. 148a

    la skye ba dang 'jig par yang dag pa ji blta ba bzhin du rab tu shes so/ /de de ltar dus gsum gyi 'du byed rnams la rmongs pa med cing kun nas nyon mongs pa med pas bde ba la reg par gnas te/ reg pa dang ldan pa zhes bya ba'i grangs su yang 'gro'o/ /de las bzlog pa ni brjed nges par gnas pa dang/ ma rig pa dang ldan pa yin par rig par bya'o/ /gsum po'i de dag ni nyon mongs pa'i rnam grangs yin te/ de dag ni phal cher kun nas nyon mongs pa'i phyogs su bstan par 'gyur ba ste/ 'di lta ste 'dod chags kyi rnam grangs dang/ zhe sdang gi rnam grangs dang/ gti mug gi rnam grangs so/ /de la 'dod chags kyi rnam grangs ni dga' ba dang/ 'dod chags dang/ lta ba dang/ mngon par dga' ba dang/ 'dun pa dang/ byams pa dang/ phangs pa dang/ kun gnas nges par zhen pa dang/ lhag par zhen pa dang/ 'dod pa dang/ chags pa dang/ sred pa dang/ rjes su chags pa dang/ sgom pa'o/ /de la zhe sdang gi rnam grangs ni 'di lta ste/ khong khro ba dang zhe sdang dang gnod sems dang khro ba dang kun nas mnar sems dang/ mi bzod pa dang/ yid mi ches pa dang/ drag pa dang/ 'chur ba dang/ rtsub por smra ba dang/ nang ba dang/ 'khrug pa dang/ gnod sems dang/ dom zum gnags te 'dug pa dang 'khrug pa skyed pa'o/ /de la gti mug gi rnam grangs ni 'di lta ste/ mi shes pa dang mi mthong ba dang mngon par mi rtog pa dang/ mun pa lta bu dang/ rmongs pa dang/ ma rig pa dang/ mun nag lta bu ste/ de rnams kyi rnam par dbye ba ni rnam grangs bsdu ba las rgyas par rig par bya'o/ /dga' ba dang 'dod chags gnyis kyi khyad par yang bstan par bya ste/ lus la yod pa'i tshor ba'i dmigs pa la kun tu dga' ba ni dga' ba'o/ /dmigs pa gang yin pa de'i tshor ba skyes ba'i yul de la lhag par zhen

  296. 148b

    pa ni 'dod chags so/ /gzhan yang 'thob tu cha ba'i yul gyi che'i ni dga' ba'o/ /thob zin pa'i tshe'i ni 'dod chags so/ /gzhan yang thob zin pa la nye bar spong du cha ba'i tshe ni dga' ba'o/ /de nyid la nye bar sbyod pa'i tshe ni 'dod chags so/ /gzhan yang yul dang phrad par bya ba'i thabs kyi tshe ni dga' ba'o/ /yul nyid kyi tshe'i ni? 'dod chags pa'o/ /gzhan yang yang srid par skye ba'i tshe'i ni dga' ba'o/ /yul gyi tsho'i ni 'dod chags so/ /gzhan yang 'dod par bya ba'i sems can gzhan phun sum tshogs par gyur pa'i tshe'i ni dga' ba'o/ /bdag phun sum tshogs par gyur pa'i tshe'i ni 'dod chags so/ /bzhi po 'di dag ni 'du byed rnams la tshul bzhin du brtson pa'i khyad par du 'gro ba yin no/ /khyad par du 'gro ba'i 'du shes ni gsum ste/ 'di lta ste/ ma thob pa thob pa dang/ ma rtogs pa rtogs pa dang/ mngon sum du ma byas pa mngon sum du byed pa dang/ tshe 'di la bde bar gnas pa ni khyad par 'gro ba bzhi pa'o/ /de la sngon ma thos pa'i rgyun tu zhugs pa'i 'bras bu dang po thob pas na ma thob pa thob pa yin par rig par bya'o/ /de nyid la brten nas slong ba gong ma'i 'bras bu rtogs pas na ma rtogs pa rtogs pa yin par rig par bya'o/ /de nyid la brten nas dgra bcom pa nyid kyi 'bras bu 'thob pa ni nyon mongs pa thams cad spong ba mngon sum du byed pas na/ mngon sum du ma byas pa mngon du byed pa yin par rig par bya'o/ /dgra bcom pa nyid thob pa na yang ma thob pa thob par bya ba nas mngon du ma byas pa mngon sum du bya ba'i bar gyi phyir brtson pa med mod kyi/ 'on kyang brtson par byed pa ni rang gi don gyi dbang du byas nas tshe 'di la bde bar gnas par bya ba'i phyir brtson par zad? do/ /de la gsum bo 'di dag ni khyad par du 'gro ba'i 'du shes yin te/ 'di lta ste/ 'du byed rnams la mi mthun par 'du shes pa dang/ nyes dmigs su 'du shes pa dang/ yang dag pa'i

  297. 149a

    don du 'du shes pa'o/ /mi mthun pa'i 'du shes ni rnam pa bzhi ste/ 'du byed rnams la nang dang 'bras dang zug rngu dang sdig pa yin par yid la byed pa ste/ dper na la la zhig khams ma snyoms ba'i rgyu las byung pa'i nang kyi sdug bsngal la mi mthun par 'du shes par 'gyur ba dang/ sngon gyi las kyi rgyu las byung ba'i 'bras bu sdug bsngal dang dgra gzhan gyis bsnun? pa'i zug rngu'i rgyu las byung ba'i sdug bsngal dang gnyen dang/ longs spyod la sogs pa las gyur pa'i phongs pa rnams la rang gi log par rtog pa'i sdig pa'i rgyu las byung ba'i sdug bsngal la mi mthun par 'du shes par 'gyur ba de bzhin du rnal 'byor ba yang 'du byed rnams la mi mthun par 'du shes par 'gyur ro/ /de la nyes dmigs su 'du shes pa ni rnam pa gnyis te/ 'di lta ste/ 'du byed rnams la mi rtog pa'am/ sdug bsngal bar yid la byed pa'o/ /de la yang dag pa'i don du 'du shes pa yang rnam pa gnyis kho na ste/ 'du byed rnams la stong pa 'am bdag med par yid la byed pa'o// de la thog ma nyid du nyes dmigs dang/ yang dag pa'i don du 'du shes pa la legs par 'dris par byas pas na/ phyis mi mthun pa ni 'du shes yang dag par gnas par 'gyur te/ 'bras bu ni sngar bstan te/ /rgyu ni phyis bstan to/ /bdag tu lta ba rnam pa bzhi ni da'o snyam pa'i nga rgyal skye ba'i rkyen gyi bya ba byed pa yin te/ 'di lta ste rnam par brtags pa ni 'di las 'phyi rol pa'i mu stegs can rnams kyi gang yin pa'o/ /lhan cig skyes pa'i tha na ri dags dang bya rnams la yang yod pa gang yin pa'o/ /rang gi gnas la dmigs pa ni so so rang gi lus rnams la yod pa gang yin pa'o/ /gzhan gyi gnas la dmigs pa ni gzhan gyi lus rnams la yod pa gang yin pa ste/ gal te rnam par brtags pa'i bdag tu lta ba la brten nas nga'o

  298. 149b

    snyam pa'i nga rgyal bskyed na ni de lta bu des rang gi lus dang gzhan gyi lus la bdag tu mthong nas bdag tu lta ba rnam pa gnyis la brten nas skyed par byed/ /dper na gzhan la brten nas yongs su dag pa'i me long gi ngos la gzugs brnyan skye bar 'gyur la/ gzugs brnyan la brten nas rang gi gnas la tha ma dang 'bring dang mchog tu 'du shes par 'gyur ba de bzhin du rtog pa ngan pas rang gi gnas la yod pa'i bdag tu lta ba'i rkyen las byung ba'i bzhin lta bu dang/ gzhan gyi gnas la dmigs pa'i gzugs brnyan lta bu skye bar 'gyur ro/ /de'i rkyen las kyang gzhan rnams pas bdag che'o/ /bdag mchungs so/ /bdag chung po snyam du nga'o snyam pa'i nga rgyal skye'o/ /de ste lhan cig tu skyes pa'i bdag tu lta ba'i rkyen gyi bskyed na ni de la ni dpe'i khyad par du rig par bya ste/ dper na mig dang ldan pa'i mi snod na 'dug pa'i chu dang ba'i nang du mig dang rna ba gnyis la lta ba bzhin no/ /lhag ma rnams ni snga ma bzhin du rig par bya'o/ /'jigs tshogs la lta ba de'i rnam pa pa thams cad ni legs par gsungs pa'i chos 'dul ba 'ba' zhig gis spong bar 'gyur gyi gzhan gyis ni ma yin no/ /de ltar na de bzhin gshegs pa rnams dang tshangs pa mtshungs par spyod pa mkhas pa rnams kyi phan pa'i lan ni nyan thos sam tshangs pa mtshungs par spyod pas ston pa 'am tshangs pa mtshungs par spyod pas yongs su mya ngan las 'das pa la yang rnam pa gcig pus lan lon par 'gyur gyis gzhan gyis ni ma yin no/ /gal te gzhan la phan pa'i phyir lam de kho na la zhugs par gyur na ni de lta na des de dag gi bzhed pa yongs su bskang pas lan du phan btags pa yin no/ /mtshan nyid gsum pa'i 'du byed rnams 'gags pa'i phyir ro/ /lhag ma med pa'i mya ngan las 'das pa'i dbyings zhes bya ste/ 'di lta ste/

  299. 150a

    bskyed pa rnams dang rang bzhan gyis 'jigs pa rnams dang/ nyon mongs pa dang bral ba rnams so/ /de sngon gyi yang srid par skye ba'i las dang nyon mongs pa rnams kyi mngon par 'dus byas pa dang sngon gyi smon lam gyis mngon par 'phangs pas nang ltar bskyed pa yin no/ /de ltar skyes nas kyang rang bzhin gyis 'jigs pa'i phyir gtan du mi gnas so/ /nyon mongs pa ma lus par spangs pas na nyon mongs pa dang bral ba yin te/ gang gi phyir de ltar 'gags nas phyis mi skye ba'i phyir ro/ /de bas na mchan nyid gsum pa'i 'du byed 'di 'gag pa'i phyir 'gog pa zhes bya'i/ mtshan nyid gang yang rung ba mtshad na ni 'gog par gang gsum mi rung ngo/ /rnam par thang ba'i sgo gsum gyi sgo nas chos kyi mod bzhi rnam par gzhag par rig par bya'o/ /'di lta ste/ stong pa nyid dang/ smon pa med pa dang/ mtshan ma med pa'o/ /de la 'du byed thams cad ni mi rtag pa'o/ /'du byed thams cad ni sdug bsngal ba'o/ /zhes bya ba ni smon pa med pa'i sgo nas chos kyi mdo dang po dang gnyis pa rnam par gzhag pa yin no/ /chos thams cad bdag med pa'o zhes bya ba ni stong pa nyid kyi sgo nas gsum pa rnam par gzhag pa'o/ /mya ngan las 'das pa ni zhi ba'o zhes bya ba ni mtshan ma med ba'i sgo nas bzhi pa rnam par gzhag pa'o/ /chos kyi mdo'i dbang gis byung ba'i 'du byed 'dod pa ni rnam pa gnyis su rig par bya ste/ mos pa dang ldan pa dang/ bsam pa dang ldan pa'o/ /de la mos pa dang ldan pa'i 'dod pas ni chos kyi mdo bzhis 'du byed rnams 'dod do/ /'du byed thams cad nye bar zhi ba ni de 'dod pa de lkog dben par song nas bsam pa thag pa nas yid la byed pa ni rnam pa bzhis de las yid ldog par 'gyur te/ de la phan yon ma mthong bas mi 'jug pa'i phyir

  300. 150b

    nang de 'thob par yid mi ches pas ma dad pa'i phyir dang/ dmigs pa de la mngon par mi dga' bas mi gnas pa'i phyir dang/ de la mngon par mi dga' bas rnam par ma grol ba'i phyir ro/ /de las bzlog pa ni bsam pa'i sgo nas 'dod pa yin par rig par bya'o/ /rgyu gnyis kyis ni mos pa'i bdag med pa 'dod pa la brten pas mya ngan las 'das pa laS sems phyir ldog par 'gyur te yongs su yi 'chad pa'i phyir ro/ /de yang 'di lta ste 'dod pa de yang legs par byung ba ma yin la char phyin par yang ma gyur ba dang/ de yid la byed ba'i tshe yang rgyu de nyid kyis brjed ngas par 'gyur ba'i phyir te/ bzod pa de la yongs su ma byang ba'i phyir ni de'i tshe 'du byed rnams la 'du byed tsam du shes pa la sems rmongs par 'gyur te/ bdag gi bdag gang yin zhig gu snyam du bdag yongs su tshol ba'i rnam pas de zhib pa dang ldan pa'i bar du gcod pa 'jug par 'gyur te/ des na de 'di snyam du bdag ni med par 'gyur ro snyam du sems kyi/ 'di snyam du 'du byed tsam po 'di ni med par 'gyur ro snyam du mi sems so/ /de de lta brjes su 'brel pa'i 'jig tshogs la lta ba las brten nas rnam par 'gyur ba dang rjes su 'brel ba'i rnam par shes par shes pa skyed de/ yongs su yi 'chang pa'i phyir 'gog pa las yang phyir ldog par 'gyur ro/ /yongs su yi 'chad pa de spang pa la dben pa'i chos ni gnyis yod de/ 'di lta ste tshangs pa mtshungs par spyod pa mkhas pa dag la bdag nyid yang dag pa ji lta ba bzhin du rab tu ston pa dang/ dge pa'i chos la 'dun pa'i phyir shes par 'dod pa'i sems dang/ mnyen cing las su rung ba'i sems so/ /de ltar shes par 'dod pa'i sems kyis chos nyam pa na rnam pa gsum gyi sgo nas yid bde ba skye bar 'gyur te/ 'di lta ste/ gang zag gi dbang gis byung ba dang dang/ chos kyi dbang gis byung ba dang/ bdag gi

  301. 151a

    dbang gis byung ba'o/ /de la gang zag gi nus pa dang mthu yod pa dang 'tsham pa dang/ ston pas bsngags pa'i ston pa po mthong ba'i phyir ro/ /chos bstan pa gang yin pa de ni sdug bsngal nges par 'byin pa yin pa'i phyir mchog gi don yin no snyam du mngon par yid ches pa'i phyir ro/ /bdag nyid chos de rtogs par bya ba la nus pa dang mthu yod par rtogs pa'i phyir ro/ /de ltar sems nyams bde bar gyur pa la ni lta ba gsum yod de/ gang la gnas pa dang/ des yongs su shes par bya ba gang yin pa dang/ 'di lta ste/ bden pa mngon par ma rtogs pa rnams mngon par rtogs par bya ba'i phyir mngon par sgrub pa gang yin pa'o/ /de la mos pa dang ldan pa shin tu yongs su byang ba'i 'jig rten pa'i yang dag pa'i lta ba mngon par rtogs pa dang mthun pa la ni gnas so/ /gzhi gsum la bdag tu mngon par zhen pas 'jig tshogs la lta ba bag la nyal dang bcas pa rtag pa dang chad par lta ba'i rten du gyur pa gang yin pa de 'bras bu dang bcas par yongs su shes te/ gang len pa dang gang gis len pa dang/ ji ltar len pa de dag thams cad ni gzhi gsum yin no/ /de la ci len zhe na/ nye bar len pa'i phung po lnga rnams so/ /gang gis len zhe na/ len pa bzhi po rnams kyis so/ /ji ltar len zhe na/ rnam par shes pa'i gnas bzhi po rnams kyi sgo nas so/ /de dag ni go rim bzhin du phung po dang nye bar len pa dang/ sems kyi gnas rnams yin te/ de dag la kun nas bkris pa mi rig pa dang ldan pas de'i dmigs pa 'jig tshogs la lta ba la mngon par zhen pa'o/ /bag la nyal ni snga ma bzhin du rig par bya'o/ /de la lam mngon par sgrub pa gang zhe na/ gang la gnas na 'jigs tshogs la lta ba gzhi gsum la mngon par zhen pa bag la

  302. 151b

    nyal dang bcas par spong bar 'gyur la bden pa shes pa la yang gzhan gyi dring mi 'jog par 'gyur ba'o/ /de la yongs su shes par bya ba'i lta ba de la gnas pa gang yin pa de ni bdag gi sgo nas gnas gsum la mngon par zhen pa yang yin la bag la nyal dang bcas pa yang yin te/ 'du byed rnams kyi kun 'byung ba dang/ nub par 'gyur ba mi shes pas dbu ma'i lam la 'jug pa'i skal ba yang med na/ des nges par 'byung bar lta ga la 'gyur/ de la mngon par rtogs pa dang mthun pa la gnas pa ni gzhi gsum po dag la bdag gi sgo nas mngon par zhen pa dang bral ba yin te/ de'i bag la nyal dang ldan no/ /'du byed rnams kyi kun 'byung ba dang/ nub par shes pas ni mdza' gnyis spangs pa'i dbu ma'i lam la zhugs par 'gyur te/ des nges par 'byung ba ni ma yin la nges par 'gyur ba'i skal ba can ni yin no/ /de la bden pa mngon par rtogs pas mngon par bsgrubs pa'i yang dag pa'i lta bas ni gzhi gsum po rnams la bdag gi sgo nas mngon par zhen pa med cing bag la nyal med de dbu ma'i lam la snga nas kyang zhugs la nges nges par 'byung bar 'gyur te lta ba de rnams la gnas pa rnams kyi khyad par ni de yin par rig par bya'o/ /sdom ni/ mngon shes myur dang lus kun dang/ /shes dang shes bya 'khor ba dang/ /chog 'dzin spyod dang rgyun phyogs dang/ /yongs su shes pa nyams dang rtags/ /'du shes rnam par bzhag pa dang/ /tshogs dang mi mthun gang yin dang/ /ston pa'i 'phrin las la sogs pa'i/ /sde tshan chen po tha ma yin/ /yongs su grub cing yongs su mthar thug pa'i rnam par grol ba ma thob pa thob par bya ba la chos gsum gyis mngon par shes pa myur bar

  303. 152a

    byed de/ 'di lta ste shes pa'i stobs dang bag yod pa'i stobs dang goms ba'i stobs so /de la shes pa'i stobs ni gang la gnas na de'i mod la zag pa rnams zad pa'i skal ba can du 'gyur ba ste/ de yang slob pa'i shes pa dang mthong ba yin par rig par bya'o/ /de la bag yod pa'i stobs ni de ltar shes pa dang mthong ba thob pa de nyid kyi lam de ltar thob pa sgom pa la brtson pa dang/ sdig pa mi dge ba'i chos rnams las sems kun tu srung ba'o/ / de la goms pa'i stobs ni bsgom pa la brtson pa de nyid la rtag tu byed pa dang/ rtag tu gnas pa ste/ deng dam sang ngam gnangs nyid du bdag gi sems len pa med par zag pa rnams las rnam par grol bar gyur cig snyam nas phyin ci log gi sems mngon par 'du byed pas skyo bar mi 'gyur ba'o/ /skyo ba med na yongs su yi 'chad par mi 'gyur ba'o/ /yongs su yi 'chad pa med na zag pa zad par bya ba'i sbyor ba mi gtong ngo/ /de la shes pa dang mthong ba gnyis la khyad par ci yod ce na/ 'das pa dang ma 'ongs pa lkog tu gyur ba'i yul can gyi shes rab gang yin pa de ni shes pa'o/ /da ltar byung ba'i yul can gang yin pa de ni mthong ba'o/ /gzhan yang gzung ba la dmigs pa gang yin pa de ni shes pa'o/ /'dzin pa la dmigs pa gang yin pa de ni mthong ba'o/ /gzhan yang thos pa dang bsam pa las byung ba gang yin pa don shes pa'o/ /bsgoms pa las byung ba gang yin pa de ni mthong ba'o/ /gzhan yang gang gis nyon mongs pa spong ba de ni shes pa'o/ /spong ba rnam par grol ba'i shes rab gang yin pa de ni mthong ba'o/ /gzhan yang rang gi mtshan nyid la dmigs pa gang yin pa de ni shes pa'o/ /spyi'i mtshan nyid la dmigs pa gang yin pa de ni mthong ba'o/ /gzhan yang gdags pa la brten te nang dang phyi

  304. 152b

    rol gyi 'du byed 'di lta ste/ bdag ces bya ba 'am/ sems can zhes bya ba 'am/ lha dang klu dang gnod sbyin dang lha ma yin dang/ nam mkha' lding dang mi 'am ci dang lto 'phye chen po zhes bya ba 'am/ dmag dang nags tshal dang khang khyim dang ri zhes bya ba 'am/ de la sogs pa'i rnam pa'i brda'i tshul gyis shes bya de dang de dag la dmigs pa'i shes rab gang yin pa de ni shes pa'o/ /rang gi mtshan nyid dang spyi'i mtshan nyid la 'dzin pa ni mthong ba'o /gzhan yang chos rnams yongs su tshal ba gang yin pa de ni shes pa'o/ /yongs su btsal zin pa rnams las so sor rtog pa ni mthong ba'o/ /gzhan yang rnam par mi rtog pa'i gzugs brnyan la dmigs pa ni shes pa'o/ /rnam par rtog pa dang bcas pa'i gzugs brnyan la dmigs pa ni mthong ba'o/ /gzhan yang shes bya gzugs can gyi gzugs brnyan la dmigs pa ni mthong ba'o/ /shes bya gzugs can ma yin pa'i gzugs brnyan la dmigs pa ni shes pa'o/ /de de ltar shes pa dang mthong ba la brten pas bsgom pa la zhugs pa ni mkhas pa'i gzhi bzhis sbyor bar byed de/ 'di lta ste/ nye bar rtog pa'i gzhi dang/ gtong ba dang len pa'i gzhi dang/ tshor ba rnams las nges par 'byung ba'i gzhi dang/ thabs kyi gzhis so/ /de la nye bar rtog pa'i gzhi ni dran pa nye bar gzhag pa bzhi ste/ phyin ci log bzhi'i gnyen po'i sgo nas shes bya thams cad yang dag pa ji lta ba bzhin yongs su shes par bya ba'i phyir ro/ /gtong ba dang len pa'i gzhi ni yang dag par spong ba bzhi ste/ mi dge ba'i chos spong ba dang/ dge ba'i chos yang dag par sgrub pa'i phyir ro// tshor ba rnams las nges par 'byung ba'i gzhi ni rdzu 'phrul gyi rkang ba bzhi ste/ bsam gtan bzhi po rnams la yid ma bde ba'i dbang po nas bzung ste/ bde ba dang sdug bsngal ba las yang dag par 'das pa'i bar gyi phyir ro/ /thabs kyi gzhi ni dbang po dang

  305. 153a

    stobs dang byang chub kyi yan lag dang lam gyi yan lag rnams yin par rig par bya ste /mthong ba dang bsgom pas spang bar bya ba'i nyon mongs pa rnams spang ba'i thabs yin pa'i phyir ro/ /de ltar mkhas pa la zhugs pa la ni rten dang brten pa'i don bzhi yod par rig par bya ste/ de la brten gyi don ni rnal 'byor pa yang dag par zhugs pa gang yin pa de yin no/ /de la brten pa'i don ni slob pa'i zag pa med pa'i chos de dag dang ni ldan la rnam par dag pa dang ldan pa ni ma yin te /ma rig pa'i lhag ma'i spubs kyis kun nas bskor ba'i phyir ro/ /chos de dag nyid rnam par dag pa'i lam gyis phyis rnam par dag pa dang ldan no/ /de la rnam par dag pa'i lam yang rnam pa bzhir rig par bya ste/ dam pa'i chos yang dag par brtag pa ni lhag par brten pa'o/ /dge ba'i bshes gnyen la brten pa ni yongs su bsten pa'o/ /tshul khrims dang dbang po bsdams pa dang 'dod pa nyung ba la sogs pa ni sems bsro? bar bya'o/ /lkog dben pa na gnas shing zhi gnas dang lhag mthong gnyis kyis ni yang dag par bde blag tu bsrung bar bya'o/ /de la rnam par dag pa ni rnam par dag pa'i lam de nyid lan mang du byas pa'i rgyus slob pa'i chos de dag gi ma rig pa'i sbubs brtol bas mi slob pa'i sar nges par 'byung ba gang yin pa'o// yongs su grub pa dang yongs su mthar thug pa'i rnam bar grol ba de 'thob pa la yang rim pa lnga yod par rig par bya ste/ 'di lta ste/ sngon tshogs yang dag par bsgrubs pa'i rten dang/ de la brten nas kyang zhi gnas dang lhag mthong gnyis la goms pa dang de la brten nas kyang bden pa rnams mngon par rtogs nas mya ngan las 'das pa la mos pa dang/ de la brten nas kyang rtogs pa phal pa tsam gyis chog par mi 'dzin cing gnas par mi byed de/ skyo bar byed pa'i chos rnams la skyo bar byed pa dang/ de la

  306. 153b

    brten nas kyang rdo rje lta bu'i ting nge 'dzin dang ldan pa'i slob pa'i sems tha ma'o/ /lus thams cad la ni rgyu rnam pa bzhis 'du byed thams cad mi rtag par rig par bya ste/ lus thams cad kyi tshe'i nges pa yod de/ dper na la la zhig gis ched du 'dzim pa'i gong bu 'am lci pa'i gong bu lag tu blangs pa la ni dus 'di tsam zhig na do ro snyam du bsams na de ltar ched du blangs pa'i gong bu de la mi de de'i tshe ci dgar 'dor ba'i dbang byed de/ gang gi tshe dor bar 'dod pa na yang dor du yod la ji srid du 'chad bar 'dod pa de srid du yang bcang du yod kyi 'chi ba'i rgyu'i lus blangs la tshe yang zad pa la ni rang dgar skad cig kyang gnas par bya bar mi 'grub na de las lhag par lta ga la nus/ gzhan yang lus thams cad ni rgyu las byung ba yin la rgyu yang byas pa yin pa'i phyir mi rtag go /gzhan yang lus chen po dang phun sum tshogs pa zad pa yod pa'i phyir te /'di lta ste /gzugs na spyod pa rnams dang/ lha yul pa 'dod pa na spyod pa rnams dang/ mi rnams te tshangs pa dang brgya byin dang 'khor los bsgyur ba rnams so/ /gzhan yang yid ches pa'i man ngag las mngon pa'i phyir te/ gang las bcom ldan 'das mngon sum du gzigs pa nyid kyis mngon du 'gyur bar bstan to/ /gsum po 'di dag ni 'dod pa dang ldan pa rnams kyi 'dod pa phun sum tshogs pa yin te/ de dag ni 'dod pa dang ldan pa rnams kyis rtag tu rgyun mi 'chad par 'dod pa ste/ 'di lta ste longs spyod kyi gzhi phun sum tshogs pa dang las phun sum tshogs pa dang sems can rgya chen po rnam pa sna tshogs phal po ches mdun gyis lta ba phun sum tshogs pa'o/ /phun sum tshogs pa gsum po 'di dag 'thob pa'i rgyu ni rnam pa gsum yod par rig par bya ste/ 'di lta ste/ sbyin pa dang/ dbang po dul pa dang ldan pa'i tshul khrims dang bsgoms pa'i 'bras

  307. 154a

    bu'i byams pa'i sngon du 'gro zhing rgyu'i tshul du 'dug pa'i 'dod pa na spyod pa'i byams pa ste/ sems can rnams la kun nas mnar sems yang dag par bsdam pa'i rnam pas 'jug pa'i phyir ro/ /bdun po 'di dag ni shes bya'i gzhi yang dag pa ji lta ba bzhin du khong du chud par bya ba'i shes pa'i rnam pa yin par rig par bya ste/ 'di lta ste/ thob pa'i shes pas thob pa ma yin pa'i shes pa dang phyin ci ma log pa'i shes pa dang/ gang na med pa gang yin pa de ni de'i sgo nas med zhes bya ba'i shes pa dang/ 'dir lus gang yin pa de ni de'i sgo nas gsog ces bya ba'i shes pa dang/ sdug bsngal ba dang mi sdug pa'o zhes bya ba'i shes pa dang 'jig pa'i shes pa'o/ /rnam pa bco lngas ni 'du byed rtogs pas 'du byed thams cad la rmongs pa spong bar 'gyur te/ bco lnga gang zhe na/ gzugs la ni chu'i khams las byung ba dang/ bdag med pa la bdag lta bur snang ba dang/ ji ltar 'dod pa bzhin du spyad par mi nus pa'i phyir dbu ba'i gong bu lta bur rtogs pa dang/ tshor ba la ni gsum 'dus pa dang 'dra ba'i sgo nas sprin dang sa gzhi char pa gsum 'dus pa'i tshul gyis chu bur lta bur rtogs pa dang 'du shes rnams la ni shes byar snang ba dang/ gdungs pa dang rmongs par 'dra ba'i sgo nas smig rgyu ba lta bur rtogs pa dang/ 'du byed rnaM mal ni 'jigs tshogs la lta ba'i rtsa ba chad pa dang/ lus rnam pa du ma'i rgyu'i bye brag yin pa dang/ skad cig tsam las yun ring du mi gnas par 'dra ba'i sgo nas chu shing gi sdong po lta bur rtogs pa dang/ rnam par shes pa la ni lan pa dang bcas pa'i rnam par shes pa dang/ rnam par shes pa'i gnas bzhi dang/ lus sna tshogs kyi rjes su 'jug pa'i sgo nas sgyu ma lta bur rtogs pa

  308. 154b

    dang/ rgyas par rab tu byed pa ni 'di lta ste/ rnam grangs bsdu ba las byung ngo// //rnal 'byor spyod pa'i sa las gzhi bsdu ba/ /bam po gsum pa/ /'jig rten gnyis kyis mi 'du byed thams cad bsdus te/ sems can gyi 'jig rten dang/ snod kyi 'jig rten no/ /de la sems can gyi 'jig rten ni skye ba'i 'khor pa zhes bya ba yin te gzhan la mi bya'o/ /skye ba'i 'khor ba ni mi 'dra ba rnam pa lngas snod kyi 'khor ba dang mi 'dra bar rig par bya ste/ snod kyi 'khor ba ni thun mong ba'i rgyus grub pa yin la/ skye ba'i 'khor ba ni sems can re de'i nyi tshe'i rgyus grub pa yin te/ 'di ni rgyu mi 'dra ba dang po'o/ /gzhan yang snod kyi 'khor pa ni sngon dang phyi ma'i mdza' chad pa'i phyir thog ma dang tha ma yod la/ skye ba'i 'khor ba ni rtag tu mi chad par rgyun 'jug pa'i phyir thog ma dang tha ma med de/ 'di ni mi 'dra ba gnyis so/ /gzhan yang snod kyi 'khor ba ni me 'am chuAm rlung gis 'jug cing rgyun 'chad par 'gyur la/ skye ba'i 'khor ba ni de lta ba yin te/ 'di ni mi 'dra ba gsum pa'o/ /gzhan yang snod kyi 'khor ba'i rgyu ni gtan du rgyun chad par 'gyur ba med la skye ba'i 'khor ba ni yod de 'di ni mi 'dra ba bzhi pa'o/ /gzhan yang snod kyi 'khor ba ni rgyun chad du zin kyang yang nyid mtshams sbyor ba yod la skye ba'i 'khor ba ni nams kyang nyid mtshams sbyor ba med de 'di ni mi 'dra ba lnga pa'o/ /byis pa rnams ni rnam pa lngas 'khor ba der 'khor bar 'gyur/ /'di lta ste/ sred pa'i rgyu dang/ sred pa'i 'bras bu dang/ sred pa'i rang bzhin dang/ rgyu gcig nas gcig tu brgyud pa dang/ rgyu gcig nas gcig tu brgyud pa de nyid kyang sngon gyi mdza' i sgo nas thog ma med pa'o/ /de la ma rig pa ni sred pa'i rgyu'o/ /bde 'gro dang ngan 'gror 'gro ba'i las ni sred pa'i 'bras

  309. 155a

    'bras bu'o/ /de la bde 'gror 'gro ba'i las kyis ni sred pas byis pa kun tu sbyor bar byed de/ rang nyid 'gro ba der 'gro 'dod pa'i phyir ro/ /dan 'gror 'gro ba'i las kyis ni sred pa'i ltong gis btags te/ de ni 'gro 'dod pa ma yin gyi mi 'dod bzhin du khrid do/ /de la sred pa'i rang bzhin gyi sgo nas ni de'i rang bzhin mdor bsdu na rnam pa gsum yod de/ yang srid par skye bar byed pa dang/ dga' ba dang 'dod chags dang ldan pa dang/ de dang der mngon par dga' ba ste/ de dag kyang mdor bsdu na/ srid pa'i sred pa dang/ yul gyi sred pa'o/ /de la yang srid par skye bar byed pa gang yin pa de ni srid pa'i sred pa'o/ /dga' ba dang 'dod chags dang ldan pa gang yin pa de ni yul 'thob tu cha ba rnams dang thob zin pa rnams dang/ da dung longs ma spyad? pa rnams dang/ long spyod cing 'dug pa rnams la'o/ /de dang der mngon par dga' ba ni ma 'ongs pa'i yul yongs su btsal ba rnams la'o/ /de la dga' ba dang 'dod chags dang ldan pa'i sred pa'i sgo nas ni sred pa'i kun tu sbyor ba zhes bya'o// yang srid par skye bar byed pa dang de dang der mngon par dga' ba'i sgo nas ni sred pa'i ltong gis btags par rig par bya ste/ dngos po gang la sred pas kun tu sbyar ba der kun tu rgyug la/ gang du sred pa'i ltong gis btags pa der ni 'khor ro/ /de la 'du byed kyi rgyud mdza' med pas na yun ring ngo/ /rgyu gcig nas gcig tu brgyud de byung bas na sngon gyi mdza' med do/ /rnam pa lngas ni byis pa'i 'khor ba'i 'ching ba rnam pa lnga rig par bya ste/ 'di lta ste/ gang du bcings pa dang/ cis bcings pa dang/ gang bcings pa dang/ de ltar bcings pa yang rten gang gis nyams su myong ba dang/ gang nyams su myong ba'o/ /de la bde 'gror 'gro ba'i las kyi ni bde 'gro ka ba dang 'dra ba la bcings so/ /ngan 'gror 'gro ba'i las kyi ni ngan 'gro phur bu dang 'dra ba

  310. 155b

    la bcings so/ /yang na dga' ba dang 'dod chags dang ldan pa'i sred pas ni rang gi dngos po ka ba lta bu la bcings so/ /de dang der mngon par dga' ba dang yang srid par skye bar byed pas ni rang gi dngos po phur bu lta bu la bcings so/ /ma rig pas kyang byis pa so so'i skye bo khyi bzhin du sdug bsngal la skyo ba med pa'i sgo nas bcings te phyi ma la phung po rnams las rten sa/ skye ba la sogs pa'i sdug bsngal nyams su myong bar 'gyur ro/ /bzhi po 'di dag ni byis pa so so'i skye bo rnams zag pa dang bcas pa'i dngos pos chog par 'dzin pa ste/ de dag kyang phal cher 'di las phyi rol pa rnams yin par rig par bya ste/ 'di lta ste/ mi'i lus kyis chog par 'dzin pa dang/ 'dod pa na spyod pa'i lta'i lus kyis chog par 'dzin pa dang/ tshangs pa'i 'jig rten du skye bas chog par 'dzin pa dang/ srid pa'i rtse mo nyid ni mthar thug pa yin te/ chog par 'dzin pa bzhi pa'o/ /de dag la ni go rim bzhin du byis pa rgyug go /'greng ngo/ /'dug go /nyal lo/ /gzhan yang bzhi po 'di dag ni byis pa sred pa spyod pa'i lam yin te/ 'di lta ste/ yang srid par skye ba dang ma 'ongs pa na btsal bar bya ba'i yul dang 'thob tu cha ba dang/ thob zin pa dang/ longs spyod du cha ba ste/ de dag la go rim bzhin du rgyug pa la sogs pa'i rnam grangs sbyar bar rig par bya'o/ /de la yang srid par skye ba dang/ btsal bar bya ba'i yul gnyis ni rgyug pa'i rnam grangs su rig par bya'o/ /gzhan yang rnam pa gzhis te/ yid kyis las ni yongs su tshol lo/ /ngag gi las dang lus kyi las kyis ni thob par byed do/ /thob pa rnams la ni ci dga' mgur 'jug pa dang bsten par byed de/ spyod pa'i lam de dag ni las 'di rnams 'byung bar byed pa'i sred pa yin no/ /yang na yul yongs su tshol ba dang srid pa'i'o/ /spyod pa'i lam bzhi po 'di dag la yang go rim bzhin du rgyug pa la

  311. 156a

    sogs pa'i rnam grangs sbyar bar rig par bya'o/ /rgyug pa la sogs pa ji lta ba bzhin du ji skad bstan pa'i gang zag pa dang bcas pa'i dngos pos chog par 'dzin pa rnams dang sred pa spyod pa'i lam rnams la yang mngon par dga' ba dang mngon par chags pa dang lhag par zhen pa dang/ lhag par zhen nas gnas pa'i rnam grangs bzhi go rim bzhin du sbyar par rig par bya'o/ /'di gnyis ni sred pa spyod pa'i lam la rnam par spyod pa'i 'bras bu sna tshogs yin te 'di lta ste sems sna tshogs dang lus sna tshogs so/ /de la sems sna tshogs ni rnam pa gnyis te/ rnam pa sna tshogs dang/ kun nas nyon mongs pa sna tshogs so/ /de la rnam pa sna tshogs ni 'di lta ste/ rang bzhin dang/ rten dang/ dmigs pa dang/ grogs so/ kun nas nyon mongs pa sna tshogs ni 'dod chags dang zhe sdang dang gti mug la sogs pa nyon mongs pa dang nye ba'i nyon mongs pa rnams so/ /de la lus sna tshogs kyang rnam pa gnyis te/ lus tha dad pa sna tshogs dang/ lus gcig gi sna tshogs so/ /de sems kyi kun nas nyon mongs pa sna tshogs gang yin pa de ni lus sna tshogs rnam pa gnyis po gnyi ga'i yang rgyu lta bu yin par rig par bya ste/ de spang bar bya ba la rnal 'byor pas phyin ci ma log pa dang rgyun mi 'chad pa'i yid la byed pa gnyis kyis brtson par bya'o/ /de la rnam pa bzhis ni rgyu sna tshogs kyis 'bras bu sna tshogs sgrub par byed de/ gang du sgrub pa dang/ cis sgrub pa dang/ gang sgrub pa dang/ ji ltar sgrub pa'o/ /de bde 'gro 'am ngan 'gror sgrub pa ni 'dod chags dang zhe sdang dang gti mug rnams kyis nye bar nyon mongs pa'i sems kyis sgrub par byed do/ /'du byed rnam pa lngar gtogs pa'i lus sna tshogs ni sgrub par byed do/ /

  312. 156b

    'du byed rnams kyi 'jug pa dang ldog pa dang/ kun nas nyon mongs pa dang/ rnam par byang ba'i rgyu dang/ rnam par byang ba yang dag pa ji lta ba bzhin ma shes nas mngon par dga' ba la sogs pa dang/ rgyug pa la sogs pa'i rnam grangs kyi sgo nas ni sgrub par byed do/ /byis pa 'du byed mi rtag par mi shes pa 'jig chogs la lta ba la brten nas/ rgyun phyogs su zhugs pa ni rnam pa lngas rgyun phyogs su khyer bar rig par bya ste/ 'di lta ste/ gang du khyer ba dang/ cis khyer ba dang/ gang la brten te khyer ba dang/ khyer na cir 'gyur ba'o/ /de la bde 'gro dang/ ngan 'gro 'gram dang 'dra ba gnyis su ni tshu rol nas pha rol dang/ pha rol nas tshu rol du khyer ro/ /de la sred pa'i chu rlung brlan pa'i rang bzhin can gyi mtshan nyid lnga dang ldan pas ni khyer bar byed 'di lta ste/ thur du 'bab pa dang/ yu rgyu ba la cha shas phra mor rgyu ba shin tu rtogs par dka' ba dang/ yul las bzlog par dka' ba dang/ srid pa'i rtse mo man char thams cad du 'du byed rgya che zhing sna tshogs pa'i rjes su song ba dang/ rab tu ma zhi ba'i mtshan nyid yin pa'i phyir dang/ lus dang sems 'khrug par byed pas khyad par byed do/ /de la gzugs la sogs pa'i 'du byed lnga po dag la brten nas khyer bar byed pa ni bde 'gro dang/ ngan 'gro 'gram dang 'dra ba gnyis su 'du byed rnam pa lnga po de dag la dmigs shing rgyun phyogs su khyer ro/ /ji ltar khyer ba ni snga ma bzhin du 'du byed rnams kyi 'jug pa la sogs pa'i go rim mi shes nas/ bdag gam bdag gir 'dzin pa'i sgo nas khyer ro/ /de ltar khyer ba de'i sdug pa'i lus rnams ni rang bzhin gyiS 'jig baS mi sdod do/ /ji ltar khyer ba de las bzlog pa ni rgyun phyogs ma yin par 'gro ba'i lam du zhugs pa yin par rig par bya'o/ /mkhas pa'i rnam pa thams cad du mkhas

  313. 157a

    pa ni rnam pa bcur rig par bya ste/ 'di lta ste/ lhan cig skyes pa'i shes rab dang ldan pa dang/ sbyor ba las byung ba'i thos pa dang bsam pa dang bsgoms pa las byung ba'i yongs su smin pa dang/ rgod bag med pa'i phyir legs pa'i bsams pa sems pa dang legs par smra ba brjod pa dang legs par bya ba'i las byed pa dang/ bdag la rang dbang yod na nams kyang 'tsho ba'i phyir gzhan gyi dbang du mi byed pa dang/ chos dang 'thun pas bde pa 'dod kyi chos ma yin pas bde ba 'dod pa ma yin pa dang /tha mal pa'i che'i yo byad rnams legs par bsrung bar byed de mi rigs par chud gzon par mi byed la/ nyes dmigs su lta bzhin du yongs su spyod pa dang/ na ba'i yo byad rnams la so sor brtags nas sten par byed pa dang/ dus ma yin par 'chi ba'i rkyen rnams bsrung ba ste/ rnam pa bcu po 'di dag ni mkhas pa'i rnam pa thams cad du mkhas pa yin par rig par bya'o/ /'du byed rnams la bdag med pa'i sgo nas yongs su shes pa dang/ spangs pa gnyis ni rnam pa gsum gyis khyad zhugs par shes par bya ste/ 'du byed rnams la 'jig tshogs la lta ba yongs su shes la/ spangs pa ni ma yin pa de ni shes cher 'du byed rnams la brjed ngas pa kun tu spyod de/ brjed ngas pa ma yin pa'i shas chung ngo/ /de las bzlog pa ni 'jig tshogs la lta ba spangs pa yin par rig par bya ste/ 'di ni de gnyis kyi khyad par dang po'o/ /gzhan yang 'jig tshogs la lta pa ma spangs pa ni bag yod pa yin du zin kyang chags par 'gyur ba'i dngos po bde ba dang yid bde ba'i gnas rgya chen po 'am/ yang na shas cher sdug bsngal ba dang yid mi bde ba'i gnas kyi yul mngon du byung ba la dran pa nye bar 'jog mi nus na bag med pa ci smos/ de ni de'i tshe 'jig tshogs

  314. 157b

    la? lta bas sems khyab par 'dug ste/ des na sems kyi ngo zin par mi nus so/ /de las bzlog pa ni 'jig tshogs la lta ba spangs pa yin par rig par bya ste/ 'di ni khyad par gnyis pa'o/ gzhan yang 'jig tshogs la lta ba ma spangs pa ni phyi rol gyi rtswa dang/ lo ma dang yal ga dang 'dab ma rnams la ji lta ba bzhin du nad gi 'du byed rnams la sems can med pa'i 'du shes nye bar gnas par mi 'gyur ro/ /de las bzlog pa ni 'jig tshogs la lta ba spangs pa yin te/ 'di ni de gnyis ni khyad bar gsum pa yin par rig par bya'o/ /'jig tshogs la lta ba spangs pa de la ni khyad par gsum po la ma gtogs par phan yon gsum yang yod de/ de la brten pas phyi ma la yang srid par 'grub par byed pa'i nyon mongs pa spong ba ring po mi thogs par thob par 'gyur ro/ /de'i gnyen po'i lam yang dag par 'grub bo/ /rang gi don byas nas kyang lam de la brten pa kho nas tshe 'di la bde bar gnas pa'i sbyor ba la brtson pas bde bar gnas so/ /rnam pa thams cad du mi rtag pa'i 'du shes bsgom pa'i bye brag ni rnam pa bzhi yod par rig par bya ste/ bzhi gang zhe na/ /'bras bu dang/ rang bzhin dang/ rnam pa dang/ thabs so/ /de la 'bras bu'i sgo nas ni 'dod pa'i 'dod chags thams cad yang dag par spong ba dang/ gzugs kyi 'dod chags dang/ gzugs med pa'i 'dod chags thams cad dang rgod pa dang/ nga rgyal dang ma rig pa ste/ nyon mongs pa rtsa ba gsum po spong bar bstan to/ /nye ba'i nyon mongs pa gsum po las rgod pa ni 'dod pa'i 'dod chags kyi grogs yin no/ /nga rgyal ni/ gzugs kyi 'dod chags kyi grogs yin/ /ma rig pa ni gzugs med pa'i 'dod chags kyi grogs yin no/ /yang na tha ma dang gang ma'i cha dang 'thun pa'i kun tu sbyor ba mthar thug pa bstan te/ 'di ni rnam grangs gzhan no/ /de la rang bzhin gyi sgo nas

  315. 158a

    ni thos pa las byung bas ni kun tu bsten to/ /bsams pa las byung bas sgom pa la zhugs pa ni bsgom pa'o/ /bsgoms pa las byung pas ni mang du byed do/ /mtshan nyid so sor rig pa yid la byed pas ni kun tu bsten to/ /sbyor ba'i mthar thug pa ma gtogs pa lhag ma rnams kyis ni bsgom mo/ /sbyor ba'i mthar thug pas ni mang du byed de/ 'di ni rnam grangs gnyis pa'o/ /rten dang dmigs pa dang yid la byed pa'i sgo nas ni theg par byas pa dang gzhir byas pa dang/ nan tan du bsgrub pa te go rim bzhin du rig par bya'o/ /yun ring bo goms par byas pas ni byang bar byas so/ /rgyun ma chad pa dang/ phyin ci ma log pa'i tshul gyis ni legs par blangs pa dang/ legs par btsams te 'di ni rang bzhin kyi bye brag go /de la rnam pa'i bye brag ni mi rtag pa'i 'du shes de de ltar goms par byed pa ni bag la nyal thams cad yang dag par 'joms so/ /sa 'og ma'i dge ba thams cad ni 'dor ro/ /sa gong ma'i dge ba thams cad ni yang dag par len? to/ /de ma yin pa mi sdug pa la sogs pa'i 'du shes thams cad kyi nang na mchog dang rgya che ba'i tshul gyis gnas par 'gyur ro/ /thams cad du 'gro bar yang 'gyur te/ ji ltar thams cad du 'gro zhe na/ ji ltar gzung pa'i dngos po la yongs su rtog ba de bzhin du 'dzin pa la yang de dang 'dra ste/ de'i mtshan nyid dang ma bral ba'i phyir ro/ /zag pa med pa'i mi rtag pa'i 'du shes kyang 'thob par 'gyur ro/ /zag pa dang bcas pa dang zag pa med pa'i 'du shes gang yin pa de dag thams cad kyang mya ngan las 'das par gzhol zhing der 'bab la der bab ste/ ma rig pa'i mun pa chen po gtan du spong pa'i gnyen por yang 'gyur ro/ /de spangs nas kyang mi slob pa yongs su dag cing yongs su byang bar 'gyur

  316. 158b

    te/ slob ba zag pa med pa thams cad kyi bdag po yang thob par 'gyur ro/ /de la thabs kyi sgo nas ni gcig pu lkog dpeb pa na 'du gcing 'du byed rnams la phyin ci ma log pa dang/ rgyun mi 'chad par yid la byed bas mi rtag par nye bar rtog / mi rtag pa'i 'du shes dang ldan pa de ni mthong ba'i lam bdag tu 'du shes pas mi gnas te/ bdag med pa'i 'du shes la gnas pas gong du bsgom pa'i mi slob pa'i lam la nga'o snyam pa'i nga rgyal yang dag par bcom nas mya ngan las 'das pa rnam pa gnyi ga yang thob par 'gyur/ mya ngan las 'da' bar bya ba la zhugs la/ tshogs ma bsags pa la ni tshogs dang mi mthun pa'i chos lnga yod de/ 'di lta ste/ sngon brgad ba dang/ rtses pa dang/ dga' ba dang/ dga' mgur spyod pa la brten nas yid smon dang ldan pa'i yid la byed pa'i sgo nas mya ngan dang smre sngags 'don pa la sogs pa de dag la brten nas /lung ma nos pa dang/ kun chub par byas pa'i chos rnams la brjed pas shing chos rnams ni lcogs pa dang/ ha cang mang du zos pa dang/ ha cang nyung du bos pa 'am/ lus lca pi dang lus nyam chud bas tshangs par spyod pa la gnas par mngon par mi dga' ba dang/ gnyid che pa'am/ de spong pa la ma goms pa shes che/ gnyid kyis kun nas dkris pa la kun tu brten pa dang/ 'du 'dzi'i nang na gnas shing yang dag par spyod pa'i sbyor ba btang ba'o/ /tshogs dang mi mthun pa'i chos lnga po 'di dag dang mthun pa'i ches kyang lnga yod bar rig par bya ste/ 'di lta ste/ 'dod chags dang bral ba gnyis las gang yang rung bas 'dod chags dang bral bar ma gyur pa ste/ dge ba'i phyogs la brtson ba na kun nas dkris pa thag bsring ba'i 'dod chags dang bral ba dang/ gnyen po thob pa'i bag

  317. 159a

    la nyal yang dag par bcom pa'i 'dod chags dang bral pa'i sgo nas 'dod chags dang ma bral ba dang/ dbang po rnams kyi sgom bsdams pa dang/ zas kyi tshod ma rig pa/ srod dang tho rangs mi nyal bar brtson pas brtson par mi byed pa dang/ dge ba'i chos thos pa dang kun chub par byas pa rnams la lhag ma thong med ba'o/ /de las bzlog pa ni chogs dang mthun pa dang mthun pa'i chos rnams yin par rig par bya'o/ /de ltar rgyu dang bcas pa'i tshogs dang mthun ba'i chos rnams la gnas shing dge sbyong gi gyen du mya ngan las 'das pa mngon par 'dod pa la ni yang dag pa'i lam gyi gdam dag ston pas bstan pa lnga yod de/ 'di lta ste/ ji ltar thos pa'i chos mthong ba la brten nas 'du byed rnams mi rtag pa dang/ chos bdag med pa dang mya ngan 'das 'das pa zhi ba la 'jig rten pa'i yid la byed pa nyi tshes kyang som nyi med cing the tshom mi za ba'o/ /gnas shing 'dug pa na yang dngos po gsum gyi rtog pa ngan pa dang du len par mi byed do// de la dngos po gsum ni 'di dag yin te/ 'di lta ste 'tsho ba'i yo byad rnams dang/ gzhan gyis gnod pa byas pa'i rgyu dang/ gzhan dag gis 'khrugS par byas pa 'am/ yang na mi sdug pa gang yang rung ba kun tu sbyang ba dang/ tshangs pa mtshungs bar spyod ba rnams dang mi mthun pa'i chos can du gyur pa'o/ /gdams dag sngon du 'gro ba'i gzhan gyi sgra'i rgyu'i rjes su 'gro bas tshul bzhin yid la byed pa la brten nas yang dag pa'i lta ba ni skyed/ log par lta ba ni spong ba dang/ gsum bo 'di dag ni gnas shing 'dug pa'i yang dag pa'i lam gyi gdams ngag yin par rig par bya'o/ /gnyis ni rgyu zhing 'gro ba'i yin te/ 'di lta ste tshangs pa mtshungs par spyod ba shes ba rnams kyis gnas dang gnas ma yin pa las

  318. 159b

    glangs na mi khro ba dang 'tsho ba'i yo byad ngan pa rnyed pa 'am ma rnyed pa dang grang ba la sogs pa'i gnod pa rnams kyis sems 'khrug par mi 'gyur ba 'di ni gcig go/ brnyed pa dang bkur sti skyes pa zil gyis mnan te/ des yongs su 'dzin pa'i sems su mi 'gyur ba 'di ni gnyis pa yin te/ de ltar de ni rgyu zhing 'gro ba dang/ gnas shing 'dug pas mya ngan las 'das pa'i lam la yang dag bar zhugs te/ chud mi za bar ring po mi thogs par mya ngan las 'das pa thob par 'gyur ro/ /lnga po 'di dag ni ston pa nyan thos rnams la ston pa'i phrin las su mdzad pa yin te/ 'di lta ste/ yang dag par tshang bcad pa dang/ yang dag par bsdu ba dang/ yang dag par gleng ba dang/ rtog pa yang dag par bstan pa dang/ rnam bar byang ba yang dag bar bstan pa'o/ rgyu gnyis ni nyan thos kyis rtsod pa'i 'gal ba byas pa rnams la rtsod pa de gsal bar ma bstan pa yin te/ lang long du gyur cing phal che ba 'am/ yang na 'dul ba dang ldan pa'i phyir ro/ /ston pa ni nyan thos rnams la rgyu rnam pa bdun gyi sgo nas spong par mdzad/ rnam pa thams cad du log par sgrub par gzigs pa 'am/ gnas brtan dang slob dpon dang mkhan po'i tshul gyis gtso bor gyur pa rnams la gzigs pa 'am/ bsten du mi rung ba'i phyir ram/ spang bar 'os pa'i phyir ram nyes pa dngos su byung ba gsal ba'i phyir ram/ ma 'ongs pa'i nyes ba mi skye bar mdzad pa'i phyir ro/ /de bzhin gshegs pa ni rgyu rnam pa bcus ? du bsod snyoms la gshegs te/ 'di lta ste/ sbyangs pa'i yon tan bstan pa dang/ kha cig bsod snyoms la gzung pa'i phyir dang/ kha cig don mthun pas bsdu ba'i phyir dang/ ma 'ongs pa'i skye bo'i gnang ba byas par 'gyur ba dang/ de dag kyang tha na 'dod pa rtsam yang skyed par 'gyur ba dang/ mu stegs can

  319. 160a

    ngan don tsam la mos pa rnams bsdu ba'i phyir dang/ gtam thos pa tsam gyis zhe 'dras pa rnams spyod lam zhi ba dang gzugs mdzes pa legs par mthong bas sems g.yo bar bya ba'i phyir dang/ skye bo tha mal par gnas pa tshegs chung dus bsod nams kyi bya ba la yang dag par gzung pa'i phyir dang/ dad pa can bag med pa rnams ngo tsha ba bskyed pa'i phyir dang/ tshogs chung dus bsod nams kyi las byed du gzhug pa'i phyir dang/ /bag med pa rnams ji lta ba de bzhin du rang bzhin gyis le lo can rnams kyang de dang 'dra ba dang/ sems can long pa dang 'on pa dang/ smyon pa sems 'khrugs pa la sogs pa'i gnod pa rnam pa sna tshogs yang dag par zhi bar bya ba'i phyir dang/ de bzhin gshegs pa khyim gang du gshegs pa de dag tu lha dang klu dang gnod sbyin dang/ lha ma yin dang nam mkha' lding dang mi 'am ci dang lto 'phye chen po mdza' yas par rags pa rnams spro bar 'gyur la 'tsho bar ni mi phyed par 'gyur ba'i phyir ro/ /de bzhin gshegs pa ni rgyu rnam pa brgyad kyis nyin mo bzhugs par mdzad pa'i phyir nang du yang dag 'jog la 'jug ste/ 'dre bar gnas pa rnams rab tu dben pa la gzung pa'i phyir dang/ dben par gyur pa rnams don mthun pas bsdu pa'i phyir dang/ nyid sku tshe 'di la bde bar bzhugs par mdzad pa'i phyir dang/ lha che bar grags pa rnams dang thabs cig tu tshogs par bzhed pa dang/ sangs rgyas kyi spyan gyis phyogs bcu dag tu 'jig rten la gzigs nas /mthun mthun du sprul pa dag gis don mdzad par bzhad pa 'am /nyan thos rnams de bzhin gshegs pa mthong ba'i 'dod pa skyed pa'i phyir ram/ nyan thos chen po rnams bsgrags pa'i

  320. 160b

    phyir bstan pa mdor bsdus te bstan nas nang du gshegs pa dang rnam par smra ba la brtson zhing/ rnam par sma ba la dga' ba rnams bskul ba'i phyir ro/ /nyan thos ni rnam pa lngas lton pas phan gdags par bya ba yin te/ 'di lta ste/ chos dang zang zing dang gnas sbyin pa dang/ dang por yongs su bzung ba dang/ spangs pa las yongs su gzung ba'o/ /tshangs pa dang brgya byin la sogs pa lha rnams ni rgyu rnam pa bdun gyi phyir de bzhin gshegs pa'i thad du 'ong bar 'gyur te/ 'di lta ste de bzhin gshegs pa la mchod pa bya bar 'dod pa dang dam pa'i chos mnyan par 'dod pa dang/ the tshom skyes pa gsal bar 'dod pa dang/ che bar grags pa rnams kyi phyi bzhin 'brang ba yin pa'i phyir gzhan gyi g.yam la 'ong ba dang/ snying brtse ba'i phyir gzhan gyi don la 'ong ba dang/ bstan pa la dga' ba'i phyir dang/ de bzhin gshegs pa'i 'jig rten pa'i thugs kyis 'ong bar bya ba'i dgongs pa bskyed pa rig pa'i phyir ro/ /gsar bu rnamS kyi gsar bu'i rang bzhin ni rnam pa thams cad du rnam pa ldang rig par bya ste/ 'di lta ste phyis rab tu byung ba dang/ na gzhon nur rab tu byung ba dang/ na tshod kyi yul bab pa na rab tu byung ba dang/ dge tshul du rab tu byung ba dang/ bsnyen par rdzogs par rab tu byung ba'o/ /'gyod pa skye ba na rnam pa gsum gyis skye bar 'gyur te 'di lnga ste/ bslab pa las 'gal bar byas pa'i dbang gis byung ba dang/ chos 'dul ba khas blangs pa'i dbang gis byung ba dang /khyim spangs pa'i dbang gis byung ba'o/ /de bzhin gshegs pa ni nyan thos rnams la chos ston par bzhed pa na rnam pa bzhi'i sgo nas mtshan ma ston par mdzad de/ gdan ches dma' ba las bzhengs nas gdan ches mtho ba la bzhugs pa dang

  321. 161a

    chos ston pa dang mtsham pa'i spyod lam mdzad pa dang gsung sel ba dang/ su la chos ston par bzhed pa de'i gdong du glang po che'i blta stangs kyis gzigs pa'o/ /nyan thos 'gal ba byed byed pa ni ngo tsha ba'i gnas gsum la gnas nas ston pa'i thad du 'gro ste/ 'di lta ste bdag gis 'gal bar byas pa rtogs pa'i dbang gis byung ba dang/ ston pa ma mnyes par byas pa'i dbang gis byung ba dang/ spyod lam dul bas ston pa mnyes par ma byas pa na thad du 'gro ba'i tshul gyis ngo tsha ba'o/ /ston pa ni nyan thos 'gal ba byed byed pa la rnam pa gsum gyi sgo nas yang dag par gleng bar mdzad de/ 'di lta ste 'tsho ba ngan pa khas blangs pa dang/ bsam pa thag pa dang/ 'tsho ba'i bsam pa 'tsham pa ma yin pa bsgrub pa'o/ /legs par gsungs pa'i chos 'dul ba la log par sgrub pa ni rnam pa thams cad du rnam pa drug yod par rig par bya ste/ 'di lta ste/ kun tu spyod pa'i nyes pa dang/ bsam pa'i nyes pa dang/ sbyor ba'i nyes pa dang/ shes pa'i nyes pa dang/ rtog ba'i nyes pa dang/ rten gyi nyes pa'o/ /de la 'dod chags kyi kun nas dkris pas chags pa dang/ zhe sdang gis kun nas dkris pas sdang ba ni kun tu spyod pa'i nyes pa'o/ /'dod chags shas che ba dang/ zhe sdang shas che ba nges ngo tsha med pa dang/ ngo tsha med pas dang du len par byed pa ni bsam pa'i nyes pa yin te/ chags pa bas ni chags pa'i bsam pa tha chad pa yin no/ de bzhin du sdang bas ni zhe sdang? gi bsam pa tha chad yin no/ /de la sbyor ba'i nyes pa ni brtson 'grus mi brtson pa 'am/ yang na brtson 'grus lhod pa'o/ /de la shes pa'i nyes pa ni thos pa dang bsams pa las byung ba'i shes rab la brjed ngas shing yid mi gzhungs par gnas la/ bsgoms pa las byung ba la ni

  322. 161b

    mnyam par ma bzhag pa'o/ /de la rtog pa'i nyes pa ni khyim pa dang mthun pa'i sdig pa mi dge ba'i rtog pa chos 'dul ba 'di las sems 'khrul par byed pa la mang du rtog pa'o/ /de la rton gyi nyes pa ni de'i rten sngon gyi rgyus yang dag par grub pa ma yin te/ yang dag par grub pa ma yin pa de'i rgyus dad pa phal pa chung ngu dang ldan zhing tshul khrims rnams la gus par 'dod pa chung ngu dang/ dran pa chung ngu dang lhan cig skyes pa'i shes rab chung ngu phal pa dang ldan pa'o/ /bstan pa la 'jug pa ni rnam pa bzhis log par bsgrub par 'gyur te/ 'di lta ste/ yid rtul ba dang/ bsam ba ma dag pa ste/ chos la rku ba'i phyir glags lta ba dang/ zas dang skom dang gos dang 'tsho ba'i phyir dang/ rgyal po dang chom rkun gyis nges par byas pa dang/ bu lon dang 'jigs pas gzir ba'o/ /de ltar log par sgrub pa yang slu ba rnam pa gnyis kyis bslus te khyim gyi rang gi don las nyams pas bslus pa dang/ rab tu byung ba'i rang gi don las nyams pas bslus pa'o/ /log par bsgrub pa de la yang rgyu rnam pa gnyis yod de/ 'di lta ste dngos po gsum gyi rtog pa ngan pa dang/ de sngon du 'gro ba'i 'du shes ngan pa'o/ /dngos po gsum ni snga ma bzhin du rig par bya ste/ de dag la 'du shes ngan pas mtshan ma dang mngon rtags su 'dzin ba'o/ /de'i 'og tu de dang mthun ba'i chos la mang du rjes su rtog cing rjes su spyod par byed do/ /log par sgrub pa'i rgyu nges spang ba la yang gnyen po rnam pa gnyis kho na yod par rig par bya ste/ rtog pa spang ba'i phyir ni phyin ci ma log pa dang rgyun mi 'chad pa gnyis kyis dran pa nye bar gzhag pa rnams la sems legs par gnas pa'o/ /'du shes spang ba'i phyir ni mtshan ma med pa'i sems kyi ting nge 'dzin bsgom pa'o/ /gnyen po bsgom pa de yang gnyen po bsgom pa la 'dun pa drag por byed

  323. 162a

    pas 'grub par 'gyur gyi 'dun pa drag po med pas ni ma yin no/ /'dun pa drag po de yang rgyu rnam pa gnyis las 'byung ste/ gnyen po de nyid kyi 'bras bu che ba'i phyir dang/ 'di las phyi rol pa rnams dang thun mong ma yin pa'i phyir ro/ /de la 'bras bu che ba ni mtshan ma med pa'i sems kyi ting nge 'dzin la goms par byed pa na khams gnyis kyis bdud rtsi'i sgo rnyed nas 'dug ste/ 'di lta ste/ spong ba'i khams dang/ 'dod chags dang bral ba'i khams te/ phung po'i lhag ma dang bcas pa dang/ phung po'i lhag ma med pa'o/ /de la gnas pa'i drung na ni mya ngan las 'das pa rnam pa gnyis 'dug pa/ da dung rnam pa thams cad kyi thams cad du thob pa ni ma yin no/ /de la thun mong ma yin pa ni 'di yin te/ 'di las phyi rol pa rnams la ni mtshan ma med pa'i ting nge 'dzin med la chos 'di pa rnams la ni yod de/ ci'i phyir zhe na/ de dag ni gang la dmigs pa de la sgro 'dogs par byed kyi/ de nyi tse tsam du mthong ba ma yin pa dang/ gang mi dmigs pa de la ni rnam par rtog par byed de/ bdag tu bltas pa nges 'du byed rnams la kun tu rmongs te/ yang na ni lus tsam la bdag tu mngon par zhen to/ /yang na ni gzugs med pa la yang na ni gnyi ga'i spyi la bdag tu mngon par zhen pa'i phyir te/ bdag tu mngon par zhen pa de dag ni bdag med par 'gyur du 'ong ngo snyam nas sems kyang mya ngan las 'das pa la mi 'jug na dga' ba'i tshul gyis gnas par lta ga la byed de /yongs su yi chad pa'i phyir sems phyir ldog par 'ba' zhig tu 'gyur ro/ /de las bzlog pa chos 'di pa sdug bsngal tsam zhig 'gog par zad do snyam du khong du chud pa rnams ni sems kyang phyir ldog par mi 'gyur la de la zhi bar yang lta bas na de gal te slob pa zhig yin na ni de rang nyid yongs su mya ngan las 'da' bar 'gyur te/ lam bskyed

  324. 162b

    pa'i phyir gzhan las gdam ngag dang rjes su bstan pa ni yongs su mi tshol ba'i phyir ro/ /gal te mi slob pa zhig yin na ni de yang rang nyid yongs su mya ngan las 'da' bar 'gyur gyi nyon mongs pa zad pa ni yongs su mi tshol te/ sngon gyi rgyu las byung ba'i 'du byed rnams rang gi rang gis 'gag pa'i phyir yongs su mya ngan las 'da' ba kho nar zad do/ /sdom ni/ rgyu dang phan yon shes pa gnyis/ /byis pa'i gnas skabs rnam pa lnga/ /lta ba gnyis kyi khyad par dang/ /de la brtan par 'gyur ba'o/ /'di gnyis ni 'du byed rnams kyi thun mong ba dang/ thun mongs ma yin pa'i rgyu yin no/ /de la thun mong ba ni dga' ba sngon gyi rgyu yin te/ dga' ba des skye ba'i gnas de dang der skyed pa dang mi mthun pa'i phyogs kyi sgo nas skye ba'i gnas der skye bar 'gyur bar lus brnyan par byed de/ nyon mongs pa thams cad kyang skye ba'i gnas de dang der skye ba'i rgyu yin mod kyi skye ba'i gnas der dga' ba skyes na skye ba dang mi mthun pa'i 'du shes med pa'i phyir ro/ /de yang gzugs kho na'i yin par bstan te/ sngon gyi rgyu las skyes na rgyu gzhan la mi bltos te/ shin tu 'brel ba'i phyir ro/ /de la thun mongs ma yin pa'i rgyu ni/ bde ba dang/ sdug bsngal ba dang/ sdug bsngal yang ma yin bde ba yang ma yin bar tshol bar 'gyur ba'i reg pa yin te/ tshor ba la sogs pa sems las byung ba rnams kyi'o/ /rnam par shes pa drug gi ni 'gags ma thag pa'i yid dang bcas pa'i ming dang/ gzugs rnam pa bcu yang yin te/ sngon gyi rgyu gzhan gyis skyed pa rnams ni skad cig re re la rgyu gzhan la bltos te skye ba'i phyir ro/ /dgra bcom pa sems shin tu rnam par grol ba ye shes mthong ba shin tu rnam par dag pa la ni 'di las phyi rol pa rnams dang thun mong ma

  325. 163a

    yin pa'i phan yon bzhi yod par rig par bya ste/ 'di lta ste/ rgyu zhing 'gro ba'i rtag tu gnas pa dang/ gnas shing 'dug pa'i mtshan ma med par gnas pa dang/ sngon gyi rgyu las byung ba'i 'du byed rnams rang gi rang gis dgag pa dang/ yang srid par skye ba'i 'du byed rnams kyi rgyu da ltar yang dag par bcom pas phyi ma la mi skye ba'o/ /phan yon rnam pa bzhi po yang dag par 'grub pa la yang rim pa rnam pa gsum yod de/ 'di lta ste/ slob pa'i ye shes mthong ba la rten nas skyo ba thob na 'du byed rnams la mngon par dga' ba med pa nas/ mngon par zhen nas 'dug pa med pa'i bar du gnas pa dang/ skyo ba sngon du 'gro ba'i 'dod chags dang bral ba dang/ 'dod chags dang bral ba sngon du 'gro ba'i sems shin tu rnam par grol ba dang/ de'i 'og tu de ltar sems rnam par grol bas rgyu zhing 'gro ba'i rtag tu gnas par gyur pa rnams kyis ni rjes su chaD par yang mi 'gyur mi 'thun par yang mi 'gyur la gnas shing 'dug pa'i ni mtshan ma thams cad yid la mi byed pa dang/ mtshan ma med pa'i dbyings yid la byed pa'i phyir ro/ /mtshan ma med pa la gnas par gyur pas de la bar chad byed pa'i lta bar gyur pa thams cad snga nas kyang spangs na bgegs byed par lta ga la zhig 'gyur/ de rgyu zhing 'gro ba dang gnas pa de gnyis kyis mi slob par 'gyur te/ tshe'i tshad ci tsam pa zad nas rang nyid yongs su mya ngan las 'da' bar 'gyur te/ de'i skye ba dang srid pa snga nas zad pa'i phyir phyi ma la 'du byed thams cad mngon par 'grub par mi 'gyur ro/ /'jig tshogs la lta ba'i rtsa ba las byung ba'i lta bar gyur pa thams cad ni cha gsum du rnam par gzhag par rig par bya ste/

  326. 163b

    'di lta ste/ sngon gyi mdza' dang ldan pa rnams dang/ phyi ma'i mdza' dang ldan pa rnams dang/ sngon gyi mdza' dang phyi ma'i mdza' dang ldan pa rnams so/ /de la sngon gyi mdza' dang ldan pa rnams ni ji ltar 'di na kha cig 'di snyam du sems te/ ci bdag sngon gyi dus na byung bar gyur tam/ 'on te ma byung/ su zhig tu ni gyur/ ji ltar ni gyur zhig gu snyam pa'o/ /phyi ma'i mdza' dang ldan pa rnams ni ci bdag ma 'ongs pa'i 'dus su 'byung bar 'gyur ram 'on te 'byung bar mi 'gyur su zhig tu ni 'gyur/ ji ltar ni 'gyur zhig gu snyam pa'o/ /sngon gyi mdza' dang phyi ma'i mdza' dang ldan pa rnams ni bdag ji zhig tu gyur ji zhig tu ni 'gyur/ sems can 'di gang nas ni 'ongs/ 'di nas shi 'phos nas ni gang du 'gro bar 'gyur/ zhig gu snyam pa'o/ /gzhan yang 'di las phyi rol pa rnams kyi 'jig tshogs la lta ba'i rtsa ba las byung ba'i lta bar gyur pa drug cu rtsa gnyis yod de/ 'di lta ste/ rtag par smra ba rnams kyi bzhi dang/ kha cig rtag par 'dzin pa rnams kyi bzhi dang/ rgyu med par smra ba rnams kyi gnyis dang/ mdza' dang mdza' med par 'du shes pa rnams kyi bzhi dang/ rnam par mi g.yeng ba'i lha rnams kyi bzhi dang/ lta bar gyur pa bco brgyad po dag ni sngon gyi mdza' la rtog pa'i bdag tu smra ba rnams kyi'o/ /de la sred pa'i lta ba can 'du shes yod par smra ba rnams kyi bcu drug dang/ 'du shes med par smra ba rnams kyi brgyad dang/ 'du shes yod pa yang ma yin 'du shes med pa yang ma yin par smra ba rnams kyi brgyad dang/ chad par smra ba rnams kyi bdun dang/ tshe 'di la mya ngan las 'da' bar smra ba rnams kyi lnga dang/ lta bar gyur pa bzhi bcu rtsa bzhi po 'di dag ni phyi ma'i mdza' la rtog pa'i bdag tu smra ba rnams kyi yin te/ phyi ma'i mdza' la

  327. 164a

    la rtog pa rnams kyi lta ba 'di dag bsdus na sngar 'gyur te/ 'du shes yod par smra ba rnams dang/ 'du shes med par smra ba rnams dang/ 'du shes yod pa yang ma yin 'du shes med pa yang ma yin par smra ba rnams dang/ chad par smra ba rnams dang/ tshe 'di la mya ngan las 'da' bar smra ba rnams so/ /lnga po de dag kyang gsum du 'gyur te/ rtag pa dang chad pa dang tshe 'di la mya ngan las 'da' bar smra ba rnams so/ /de la lta bar gyur pa 'di dag thams cad ni rgyu rnam pa drug gis rnam par bzhag ste/ 'di lta ste rgyu dang bstan pa dang bsam gtan la brten pa dang/ dus dang/ lta ba la brten pa dang skye ba'i gnas so/ /de la thams cad kyi rgyu ni 'jig tshogs la lta ba'o/ /bstan pa ni lta bar gyur pa ston pa dam pa'i chos ma yin pa nyan pa snod kyi lung 'phogs pa bzhin du nyid thor thos pa gang yin pa'o/ /de la bsam gtan la brten pa ni bsam gtan la brten nas sngar thos pa la mos pas nges par thob pa'o/ / bsam gtan de'ang sngon gyi gnas rjes su dran pa dang ldan pa dang/ lha'i mig dang ldan pa'o/ /de la sngon gyi gnas rjes su dran pa dang ldan pa ni sngon gyi mdza' la rtog pa'i rtag par smra pa rnams las chung ngu dang 'bring dang chen por yongs su dag pa dang/ mdza' dang mdza' med pa rnam pa bzhi las gang gis snod kyi 'jig rten 'jig pa dang 'chags pa'i bskal pa tshar phyin pa'i yul gyiS dran pa ste/ gang gi tshe chags ba'i gnas skabs yang dag par rjes su dran pa de'i che ni 'du shes rnam pa gsum gyis gcig tu nges par steng dang 'og dran te thur du mnar med pa la thug pa dang/ gyen du bsam gtan bzhi pa la thug pa'i 'jig rten gyi tshad nges shing mu thug nges par dran te de'i 'du shes can du 'gyur ro

  328. 164b

    gzhan yang thad kar ni gcig tu nges par tshad med pa'i rnam pa yang dag par rjes su dran te mdza' yas pa'i 'du shes can du 'gyur ro/ /de gnyi ga dang ldan pa'i dran pas ni 'jig rten gnyi ga'i 'du shes dang ldan par gnas par 'gyur ro/ /'jig pa'i gnas skabs rjes su dran pa ni mdza' i 'du shes can yang ma yin mdza' med pa'i 'du shes can yang ma yin par gnas te snod rnam pa thams cad du mi dmigs pa'i phyir ro/ /kha cig ni bsam gtan la brten pa'i nyi tshe'i sgo nas kha cig rtag pa rnams dang/ rgyu med par smra ba rnams dang rnam par mi g.yeng ba'i lha rnams yin par rig par bya'o/ /'di gnyis ni rnam par dag pa'i lha yin te/ shin tu rnam par dag pa ma yin pa dang/ shin tu rnam par dag pa'o/ /de la 'jig rten pa'i snyoms par zhugs pa gang yin pa de dag ni shin tu rnam par dag pa ma yin pa'i lha yin te/ bden pa rnams mngon par mi shes pa dang/ sems shin tu rnam par grol ba ma yin pa'i phyir ro/ /chos 'di pa'i snyoms par 'jug pa gang yin pa de dag ni shin tu rnam par dag pa'i lta yin te/ bden pa rnams mngon par shes pa dang sems shin tu rnam par grol ba yin pa'i phyir ro/ /rnam par mi g.yeng ba ni gnyis te/ rtog pa dang bcas mtshan ma dang bcas pa dang mtshan ma med pa'o/ /de la gcig ni shin tu rnam par dag pa ma yin pa'i lha rnams kyi'o/ /cig shos ni shin tu rnam par dag pa'i lha rnams kyi'o/ /de la snga ma shin tu rnam par dag pa ma yin pa'i lha rnams ni bdag nyid lha nyid yin pa dang/ rnam par mi g.yeng bar gnas pa'i phyir rnam par mi g.yeng ba'i lha zhes bya ste/ de dag ni phyi ma shos dag gis rnam par mi g.yeng ba las dri ba dris na bden pa rnams dang mtshan ma med pa'i sems kyi ting nge 'dzin la mi mkhas pa'i phyir gzhan nas gzhan du gtam rlung

  329. 165a

    la skur bar byed de/ de dag ni snga nas sems kyis sems la mngon par 'du byed cing bdag cag kyang rnam par mi g.yeng ba'i lha yin mod kyi bdag cag ma yin pa gang gzhan rnam par mi g.yeng ba'i lha bden pa rnams dang/ mtshan ma med pa la lhag par ches mkhas par gyur pa dag kyang yod de /de dag gis bdag cag la de'i skabs nas bri ba dris na ni de la bdag cag gis lan gdab pa/ lan log par 'debs par 'ong ste/ yang na ni yod pa la skur ba 'debs par 'gyur ro/ /yang na ni med bzhin du khas len par 'gyur ro snyam ste/ de dag lan gdab pa la nyes pa de lta bu dag mthong nas thams cad kyi thams cad du lan mi gdab bo/ /snyam du rtag na de la yang nyes pa yod par mthong ste/ gzhan dag gis mi shes pa tsam du 'dzin cing des rnam par mi g.yeng ba'i lha las dams par 'gyur la de dag g.yo spyod cing 'di snyam du rtog ste/ bdag cag gis lan ni 'di skad du kho cag rnam par dag pa'i lha rnams kyi gsang chen ni 'di lta ste/ rang gis rtogs pa 'am/ rnam par dag pa'i lam gyi sgo nas rlung sprugs te bstan par bya ba ma yin no zhes lan btab na legs so snyam ste/ de dag gis de ltar brtags nas so sor brtags shing tshig gis gtam rlung skur bar byed do/ /de ltar log par kun tu rtog pa la gnas pa de dag gi sems rnam par dag pa'i lha mchog tu gyur pa rnams kyi sems kyis khyab par byas te/ rab tu shes so/ /de dag ni bdag cag dma' bar 'dzin par gyur na mi rung ngo snyam pas phal cher lan glon par mi byed de kho nas yongs su grol ba ma yin la/ gnas de la yang gnas pa yin no/ /kha cig ni blun te zhi gnas nyi tse la spyod pas

  330. 165b

    g.yo thabs kyis gtam rlung skur ba sbyor mi nus te/ de ji skad ston pa de bzhin du tshang par khas blangs la de nyid brjod par bya'o snyam du rtog ste/ de dag ni rtog pa'i khyad par las rnam pa bzhir rnam par bzhag pa yin no/ /de la dus kyi sgo nas ni 'das pa dang da ltar byung ba'i dus la brten te rtog pa gang yin pa de dag gi sngon gyi mdza' la rtog pa yin no/ /ma 'ongs pa'i dus la brten te rtog pa gang yin pa de dag ni phyi ma'i mdza' la rtog pa yin no/ /de la lta ba la brten pa'i sgo nas ni lta ba gsum la brten te snga ma bzhin no/ /de la lta ba la brten pa dang pos ni tshe 'di la bdag gzugs can yin par rtog la de phyin chad kyang gzugs can nyid dam 'du shes can nam 'du shes can ma yin pa 'am/ 'du shes can yang ma yin 'du shes can ma yin pa yang ma yin par rtog go /gnyis pas ni tshe 'di dang phyi ma la gzugs can ma yin par snga ma bzhin du rtog go /lta ba la brten pa gsum pas ni bdag tu smra ba rnam pa gnyis su 'gyur te/ kha cig ni gzugs can dang gzugs can ma yin par smra'o/ /kha cig ni gzugs can yang ma yin /gzugs can ma yin pa yang ma yin par smra'o/ /lhag ma ni snga ma bzhin no/ /gzugs can de nyid kyang chung nguAm tshad med par rtog go /gzugs can ma yin pa yang de dang 'dra'o/ /lta ba gsum la brten pas bdag tu smra ba gnyis su gyur pa gang yin pa'i smra ba de gnyis las kyang kha cig ni chung ngur rtog go /kha cig ni tshad med par rtog go /de ltar na bdag tu smra ba rnam pa bzhi po 'di dag las bdag mdza' dang ldan pa dang/ mdza' dang mi ldan pa dang/ mdza' dang ldan pa yang yin la mdza' dang mi ldan pa yang yin pa dang/ mdza' dang ldan pa yang ma yin mdza' dang mi ldan pa yang ma yin no zhes bya ba dang/ go rim bzhin du sbyar ro/ /ltag ma ni snga ma bzhin no/ /lta ba la brten pa de gnyis kyis bdag tu

  331. 166a

    smra ba la brten nas bdag dag cing grol bar gyur la 'dod pa dang bsam gtan la dbang thob ste/ rnam par dag pa ni tshe 'di la rnam par rtse ba'i tshul gyis ci 'dod par sprul nas de la shas cher gnas pa dang/ ci 'dod par bsam gtan la gnas te de ltar na lta ba la brten pa'i sgo nas rnam par bzhag par rig par bya'o/ /de la skye ba'i gnas kyi sgo nas 'di lta ste/ bdag ni 'du shes gcig dang ldan pa yin no zhes bya ba nas rgyas par sbyar ro/ /de la 'du shes gcig dang ldan pa ni gzugs med pa dag gi nam mkha' dang rnam shes mdza' yas skye mched gnyis so/ /'du shes sna tshogs ldan pa ni de man chad de/ ji skad bstan pa de dag las go rim bzhin du chung ngu'i 'du shes can dang/ tshad med pa'i 'du shes can du rig par bya'o/ /bsam gtan gsum po rnams na ni gcig tu nges par bde ba dang ldan no/ /sems can dmyal ba rnams na ni gcig tu nges par sdug bsngal ba dang ldan no/ /dud 'gro rnams dang/ yi dags rnams dang/ mi rnams dang/ 'dod pa na spyod pa'i lha rnams na ni bde ba dang sdug bsngal ba dang ldan no/ /bsam gtan bzhi pa yan chad 'du shes med 'du shes med min skye mched man chad ni sdug bsngal yang ma yin bde ba yang ma yin pa dang ldan no// //rnal 'byor spyod pa'i sa las gzhi bsdu ba/ bam po bzhi pa/ /gsum pa 'di dag ni 'di las phyi rol pa'i mu stegs can gyi gnas rnams kyi thams cad du rgud pa/ yin par rig par bya ste/ 'di lta ste lta ba dang 'dod pa tha dad pa dang mi mthun par smra ba'i rgud pa dang/ bdag shes par rjod pa'i sgo nas 'dri ba la lan 'debs pa'i rgud pa dang/ chos kyi rjes su mthun pa'i chos sgrub pa'i sgo nas rtoD

  332. 166b

    pa'i rgud pa'o/ /de la 'du shes can dang 'du shes can ma yin pa dang/ 'du shes can yang ma yin 'du shes can ma yin pa yang ma yin par smra ba gsum dang/ chad par smra ba rnams kyis glags btsal ba dang/ phan yon brjod pa dang/ gal te 'dzin pa laS rgyal ba'i phan yon brjod pa'i sgo nas ni rgud pa dang por rig par bya ste/ 'di dag ni phyi ma'i mdza' la rtog pa yin te/ ma 'ongs pa'i dus la brten nas bdag nyid yod pa dang med par rtog pa'i phyir ro/ /de la gang kun nas nyon ni mongs par 'gyur ba dang/ gang du kun nas nyon mongs par 'gyur ba dang/ gang gis kun nas nyon mongs par 'gyur ba de dag thams cad kun rdzob kyi bden pa dang don dam pa'i bden pa gnyis kyi sgo nas yang dag pa ji lta ba bzhin du rab tu mi shes pa rnams ni dang por mi shes pa khas len pa'i phyir de las gzhan pa'i mi shes pa'i lhag ma lus pa yin no /gang khas len zhe na/ 'di lta ste/ rnam pa gsum len bzhir bsgyur ba rnams te/ rtag pa dang rtag pa ma yin pa la sogs pa rnams dang/ mdza' dang ldan pa dang mdza' dang ldan pa ma yin pa la sogs pa dang/ rang gi byas pa dang gzhan gyis byas pa la sogs pa ste/ 'di ltar de dag ni mi shes pa'i phyir thog mar 'di dag de ltar khas blangs nas de'i 'og tu 'dri ba'i lan 'debs par byed de 'di dag ni 'phags pa'i chos 'dul ba la 'di lta ste/ kun rdzob gyi bden pa'i tshul lam don dam pa'i bden pa'i tshul gnyi ga ltar yang lan gdab tu med pa'i phyir shes pa dang ldan pa rnams kyi lan mi gdab pa'i gzhi yin no/ /de la gcig tu des par rtag par smra ba bzhi ni sngon gyi mdza' la rtog pa yin no/ /sngon gyi mdza' la rtog pa gang yin pa de nyid ni/ rgyu med par smra ba rnam pa

  333. 167a

    gnyis kyi sgo nas rgyu med par smra ba yin te/ sngar ni bdag med par rtog la phyis ni yod par rtog ste/ gcig tu des par mi rtag par smra ba la dmigs so/ /de la bzhi po 'di dag ni sngon gyi mdza' la rtog pa nyid las kha cig ni rtag par bya ste/ de dag gi bye brag las kha cig ni rtag pa dang rtag pa ma yin par smra ba la dmigs so/ /kha cig ni rtag pa yang ma yin mi rtag pa yang ma yin par smra ba la dmigs so/ /mdza' dang ldan pa dang mdza' dang mi ldan pa bsgyur ba ni 'di lta ste/ mdza' dang ldan pa dang mdza' dang mi ldan pa'i skabs su sngar bstan pa bzhin no/ /thams cad sngon byas pa'i rgyu las byung bar 'dod pa gang yin pa de dag ni rang gis byas par smra ba yin no/ /thams cad dbang phyug gis sprul pa'i rgyu las byung bar 'dod pa gang yin pa de dag ni gzhan gyis byas par smra ba yin no/ /shas kyis ni dbang phyug gis sprul pa yin par 'dod la shas kyis ni mi 'dod pa gang yin pa de dag ni gti gar smra ba yin no/ /rgyu med par smra ba gang yin pa de dag ni gnyi gar smra ba ma yin te/ de ni de dag gis bdag shes par smra ba'i sgo nas rgud pa gnyis pa yin par rig par bya'o/ /'di dag ni sngon gyi mdza' la rtog pa yin te 'das pa dang/ da ltar byung ba'i dus kyi sgo nas rtog pa'i phyir ro/ /de la dge sbyong dang bram ze gang blags tshol ba dang phan yon la lta ba dang/ gal 'dzin pa las rgyal ba'i phan yon la lta ba dang/ rnyed pa dang bkur sti'i phyir bdag shes par brjod pa bsgrags par 'dod pa kho na ma yin pas nye bar bshad pa'i chos 'dul ba la rab tu byung ba de dag ni nges par 'byung bar 'dod pa dang thar ba 'ba' zhig 'dod pa yin te/ de dag ni nyon mongs pa'i shes chung ba'i rang bzhin can blun zhing zhi bar spyod pa yin no/ /de dag ni bsam gtan

  334. 167b

    dang po la snyoms par 'jug pa'i man ngag ston pa dang rjes su rton pa la rten nas phyi ma'i mdza' dang ldan pa dang sngon gyi mdza' dang ldan pa'i lta bar gyur pa de dag khas mi len zhing yang dag par 'das nas tshe 'di la yang 'dod pa'i kun tu sbyor ba las yang dag par 'das te rab tu dben pa'i dga' ba la rag par 'gyur la /de'i gong ma'i ni mthos shing mi shes te /de ni de nyid la mya ngan las 'das par 'dzin to/ /rab tu dben pa'i dga' ba la ji lta ba bzhin du bsam gtan gnyis pa dang/ gsum pa'i zang zing med pa'i dga' ba dang/ bsam gtan bzhi pa'i sdug bsngal yang ma yin bde ba yang ma yin pa'i tshor ba dang de yan chad ni 'du shes med 'du shes med 'du shes med min skye mched la thug pa yang de dang 'dra ste/ 'du shes sna tshogs dang ldan pa'i sdug bsngal ba yang ma yin bde ba yang ma yin pa'i tshor ba las yang dag par 'das pa'i phyir ro/ /'di ni nye bar len pa thams cad du 'gro ba'i lam las ma log pa phyir ldog pa'i chos can yongs su mya ngan las ma 'das so snyam pa'i nga rgyal can de dag gi rgud pa gsum pa yin par rig par bya'o/ /de la de bzhin gshegs pas ni zhi ba'i go 'phang mchog nyid kyis ji lta ba bzhin du mngon par rdzogs par sangs rgyas nas rnam pa thams cad du rgud pa gsum po de dag rnam pa lngas yang dag pa ji lta ba bzhin du rab tu mkhyen te/ 'di lta ste/ rang bzhin gang yin pa dang/ lta ba gang yin pa dang/ mi shes pa gang gis skye bar 'gyur ba dang/ gang la dmigs te 'jug pa dang/ dmigs pa de'i nyes dmigs kyi sgo nas dags pa dang gong du nges par 'byung ba ste /de de ltar yang dag pa ji lta ba bzhin du yang rab tu mkhyen la nges par 'byung ba der yang bdag nyid gtan du nges par 'byung bar 'gyur ro/ /shes pa gnyis ni mthong ba dag pa dang/ mthod ba shin tu rnam par dag par 'gyur ba ste/ 'di lta ste/ chos kyi lugs shes pa dang/ de sngon du 'gro

  335. 168a

    ba'i mya ngan las 'das pa'i shes pa'o/ /de la chos kyi lugs shes pa ni gang gis 'du byed rnams kyi rang gi mtshan nyid kyang rab tu dbye ba'i sgo nas shes la/ spyi'i mtshan nyid kyang nyes dmigs kyi sgo nas shes pa ste/ 'di lta ste/ gnas skabs gsum du gtogs pa'i 'du byed rnams kyis bde ba dang sdug bsngal ba dang sdug bsngal yang ma yin bde ba yang ma yin pa dang mthun pa rnams kyi yin te/ sdug bsngal gsum po'i tshul gyis so/ /de la mya ngan las 'das pa'i shes pa ni de de ltar 'du byed rnams la sdug bsngal bar 'du shes pa ni 'di snyam du sems te/ 'di ltar sdug bsngal ba'i 'du byed 'di dag ma lus par spong ba ni zhes bya ba nas rgyas par mya ngan las 'das pa'i bar du sbyar te/ 'di ni mya ngan las 'das pa'i shes pa'o/ /mthong ba rnam par dag pa dang/ shin tu rnam par dag pa de gnyis kyang sgo gnyis nas sbyor bas rnam par dag par 'gyur te/ gang zag bdag nyid la mthu med de gzhan gyi tshig las brten ba 'am/ mthu yod pa bdag nyid kyis med du thos pa yongs su btsal nas rnam par dag par 'gyur ro/ /de la gang zag snga ma ni dad pa la sogs pa'i dbang po rnams mi gsal ba dang/ zhi gnas dang lhag mthong gi dmigs pa ro gcig tu gyur pa'i phyir tshad nges pa'i chos la spyod pa'i bzod pa 'jug par 'gyur ro/ /de las bzlog pa ni cig shos kyi yin par rig par bya'o/ /gsum po 'di dag ni mngon par rtogs pa'i mdza' las byung ba'i shes pa yin te/ 'di dag gis mthong ba rnam par dag pa rab tu phye ste/ 'di lta ste/ zag pa med pa'i shes pa skye ba dang mthun pa dang zag pa med pa dang/ zag pa med pa'i rgyun las byung ba'o/ /de la dang po ni 'jig rten gyi chos kyi mchog tu gtogs pa'o/ /gnyis pa ni

  336. 168b

    gang la gnas pas mthong bas spang bar bya ba'i nyon mongs pa rnams spong ba'o/ /gsum pa ni nyon mongs pa spangs pa'i steng du rnam par grol ba ni rgyu las byung ba'o/ /de la shes pa bar ma la gnas pa'i tshe ni yang dag pa'i skyon med pa la zhugs pa yin te/ so so'i skye bo'i sa las ni 'das /rgyun tu zhugs pa'i 'bras bu ni ma thob pa'o/ /gsum pa ste rnam par grol ba'i rgyun la gnas pa'i zhes pa ma thob pa'i bar du ni nges de ma thob gyi bar du de'i skad cig la gnas pa ni 'chi bar 'gyur ba'i rgyu ma yin te/ yun thud pa'i phyir ro/ /de'i rjes la ni gdon mi za bar gsum pa thob par 'gyur ro/ /de la gnas pa'i mthod ba ni rnam bar dag pa yin te/ shes bya mngon sum du byed pa'i phyir ro/ /shin tu rnam par dag pas ni ma yin te /nyon mongs pa'i lhag ma yod pa'i phyir ro/ /de nyid lan mang du byas pa'i rgyus dgra bcom pa shin tu rnam par dag pa nyon mongs pa thams cad dang dral par 'gyur ro/ /de la ma lus par spong? ba ni rnam pa gsum du rig par bya ste/ kun tu mi spyod pa dang/ khams? dang/ dngos po'o/ /de la byung ngo cog dang du mi len zhing shin tu spangs nas kyang dge ba la goms pas thag ring bar byed de/ kun nas dkris pa kun tu mi spyod pa'i phyir dang/ khams ni snga ma bzhin du gsum du rig par bya'o/ /dngos po ni gnyis te/ nyon mongs pa'i dngos po dang/ sdug bsngal gyi dngos po'o/ /bde ba dang phan pa dang 'brel ba'i bral ba'i phyogs kyi khams lnga ni zhi ba dang/ gyo nam pa la sogs pa nas mya ngan las 'das pa la thug pa rnams yin par rig par bya'o/ /phung po thams cad spangs pa ni 'dir pha ma la sogs pa las byung ba'i phung po 'dor ba'i sgo nas rig par bya'o/ /bar mdo'i srid pa dang/ skye? ba'i srid pa dang/ de phyin chad kyi srid pa mngon? par mi 'grub pa'i phyir gzhan dag gi go rims bzhin du

  337. 169a

    nyid mtshams sbyor ba med pa dang/ nye bar len pa med pa dang 'byung ba med pa yin par rig par bya'o/ /de la phyogs gsum du sgo gsum gyis bgegs byed pa'i phyir ni kun tu sbyor ba gsum du rnam par gzhag par rig par bya ste/ 'di lta ste/ mi g.yo ba dang/ g.yos su zin kyang log par 'dzin pa dang/ chos rnams mi rtogs par byed pa'i phyir te/ khyim pa'i phyogs dang/ nyes par bshad pa'i chos 'dul ba la rab tu byung ba'i phyogs rnams dang/ legs par bshad pa'i chos 'dul ba la zhugs pa rnams so/ /rgyun las bzlog pa'i phyogs su 'gro ba'i lam la mi zhugs so/ /ngan song las rnam par thar pa gcig dang yang ldan no/ /rnam par thar pa'i nges pa gnyis dang gang ldan te/ 'di lta ste/ nyon mongs pa las rnam par thar pa'i nges pa dang/ yang srid par skye ba las rnam par thar pa'i nges pa ste/ de bas na rgyun tu zhugs pa zhes bya ba nas rgyas par sbyar ro/ /dgra bcom pa nyid ma thob pa'i snga rol slob pa'i sa la ni 'du byed thams cad la bdag gam bdag gir nye bar len pa med de de'i 'og tu zag pa rnams las rnam par grol bar 'gyur ro/ /de la dgra bcom pa nyid kyi rnam pa ni don dang 'brel pa rnam pa bzhir rig par bya ste/ rang gi don mthar phyin pas gzhan gyi don bya bar 'os pa'i don dang/ bdag nyid rdzogs pa dang rigs pa'i don thob par bya ba'i don dang/ ma 'ongs pa'i 'du byed kyi rgyu yang dag par bcom ste tsho 'di la bde bar gnas pa'i don dang/ slob pa'i sa las yang dag par 'das nas mi slob pa'i sa la 'jug pa'i don to/ /lnga po 'di dag ni byis pa rnams kyi byis pa'i gnas skabs yin te/ de dag la byis pa'i grangs su 'gro bar 'gyur to/ 'di lta ste/ dang po nas lhan cig skyes pa'i

  338. 169b

    shes rab mthob pa dang/ gzhan gyi sgra'i rgyu las byung ba'i shes rab ma thob pa dang/ 'phags pa'i shes rab ma thob pa dang/ rmongs pa'i kun nas dkris pas kun nas dkris shing 'dug pa dang/ de'i bag la nyal dang yang 'brel ba'o/ /bzhi po 'di dag ni bdag tu smra ba yin te/ 'du byed rnams ni bdag yin no/ /bdag ni 'du byed rnams dang ldan no/ /'du byed rnams ni bdag gi'o/ /bdag ni 'du byed rnams la yod do zhes bya? ba'o/ /bdag tu smra ba ni rgyu rnam pa gnyis kyis kun nas nyon mongs par byed pa yin te/ mngon par zhen pa dang/ bag la nyal gyi sgo nas so/ /de la mngon par zhen pa'i sgo nas ni 'di lta ste/ 'di las phyi rol pa thar pa 'dod pa rnams te/ nyon mongs pa thams cad kyi thob pa dang 'brel ba'i tshul gyis so/ /de la bag la nyal gyi sgo nas 'di lta ste/ chos 'di pa rnams te yul la yongs su zhen pas thang cig tsam du bar chad byed la gtan du ni ma yin no/ /bdag tu lta ba dang bdag med par lta ba gnyis ni 'dra bar 'du byed kyi gzhi la dmiD pas na mtshungs par rig par bya'o/ /gzhi de nyid la log pa dang yang dag par 'dzin pa las kun nas nyon mongs pa dang rnam par byang bar gyur pas na ni mi mtshungs par rig bar bya'o/ /de la rnam pa bzhis dngos po la log par zhen pa'i phyir ni bdag tu lta ba kun nas nyon mongs par 'gyur te/ 'di lta ste/ rgyu dang rang bzhin dang 'bras bu dang rgyu mthun pa'o/ /de la rgyu ni rmongs pa rnam pa gnyis las 'gyur te/ dngos po la rmongs pa dang/ lta ba la rmongs pa'o/ /de la dam pa'i chos ma yin pa thos pa sngon du 'gro ba'i dngos po la rmongs pas ni bdag tu lta ba skye bar 'gyur ro/ /lta ba de la rmongs pas lta ba de dang ldan pa'i ma rig pa'i 'dus te reg pa las byung ba'i tshor ba byung ngo cog la bdag go snyam du 'dzin to/ /de'i rkyen gyis

  339. 170a

    kyang de'i lus sred pa dang 'brel par 'gyur te des na bdag tu lta ba spong mi nus so/ /de la rang bzhin ni gzhi gnyis yongs su bzung ba'i lta ba de bag la nyal gyi sgo nas 'bral bar mi 'gyur ba'o/ /de la 'bras bu ni 'jigs tshogs la lta ba de nyid la brten nas de bag la nyal gyi sgo nas nga'o snyam pa'i nga rgyal dang bral bar mi 'gyur ba yin te/ de yang bag la nyal rnam pa gnyi ga'i sgo nas phyi ma la dbang po rnams mngon par 'grub par 'gyur ro/ /de rnams kyis kyang bde ba dang sdug bsngal ba nyams su myong bar 'gyur ro/ /de dag nyid la bdag dang bdag gir gzung ba la brten nas tshul bzhin ma yin pa yid la byed pa dang ldan pa'i yid kyi rnam par rtog pas bdag dang bdag gi ba nyams su myong bar 'gyur ro/ /de la rgyu 'thun pa ni sngon gyi rgyu'i stobs bskyed pas lta ba'i sa bon dang ldan pa'i yid yang srid par skye bar byed pa gang yin pa de ni yid kyi khams so/ /de sngon gyi rgyus yongs su bsgos pas yongs su grub pa yang srid pa bskye bar byed pa'i yid de nyid la ma rig pa'i sa bon yod pa ni ma rig pa'i khams so/ /sa bon rnam pa gnyis dang ldan pa'i yid kyi dmigs pa ni chos kyi khams so/ /de sngon nyes par bshad pa'i chos 'dul ba la brten pas rnam par btags pa'i 'jig tshogs la lta ba la brten pas da ltar khams yang dag par grub ste/ des na de'i de ltar khams de'i dbang gis byung ba ni lhan cig skyes pa'i 'jigs tshogs la lta ba ste/ legs par gsungs pa'i chos 'dul ba la yang kun tu spyod pa'i sgo nas bgegs byed par 'gyur/ de la'ang rnam pa gnyis rnam pa drug tu bskor ba dang bcas pas kun tu spyod de dus dang nga rgyal lo/ /re la dus ni ci bdag sngon gyi dus na byung dam/ 'on te ma byung zhig gu zhes bya ba nas rgyas par ci rigs par rig par bya'o/ /de la nga rgyal ni bdag che'o zhes bya ba nas rgyas par sbyar ro/ /des

  340. 170b

    dag thams cad yang dag pa ji lta ba bzhin du mi shes shing mi mthong ste/ de nyid kyis na tshul bzhin ma yin pa log par mthong ngo/ /gsum po 'di dag ni rig pa'i gnas skabs yin te/ gzhan gyi sgra la brten nas tshul bzhin yid la byed pa'i ni rig pa'i gnas skabs dang po'o/ /yang dag pa'i skyon med pa la zhugs pa'i ni rig pa'i gnas skabs gnyis pa'o/ /dgra bcom ba sems rnam par grol ba'i ni rig pa'i gnas skabs gsum pa'o/ /ma rig pa'i gnas skabs ni gnyis te/ snga ma dang phyi ma'o/ / de la snga ma ni bag la nyal gyi gnas skabs so/ /kun nas dkris pa'i gnas skabs ni phyi ma'o/ /rnam grangs gzhan yang mthong ba dang bsgom pas spang bar bya ba'i bye brag gis rig par bya'o/ /gang du bcom ldan 'das nyid kyis bstan pa legs par gsungs pa'i sgo nas ni 'byor par 'gyur bar bzhed la/ pha rol gyi bstan pa nyes par bshad pa'i sgo nas ni mi rigs pas ma rung par 'gyur bar brda sprad par bzhed pa'i chos kyi rnam grangs de la yang dag par sdud pa rnams bcom ldan 'das kyis ched du brjod pa ched du brjod do zhes brjod do/ /legs par gsungs pa'i chos 'dul ba ni rgyu rnam pa gnyis kyis 'bras bu che zhing phan yon che ba yin no/ /nyes par bshad pa ni gti mug pa yin te/ 'di lta ste legs par gsungs pa'i chos 'dul ba la ni sdug bsngal thams cad las des par 'byung ba yang yod de/ 'di lta ste sdug bsngal gsum po rnams las so/ /kun tu sbyor ba thams cad spong ba yang yod de/ 'di lta ste/ tha ma dang gong ma'i cha dang mthun pa rnams las so/ /nyes par bshad pa la ni gnyi g.yang med de de dag ni 'jigs chogs la lta ba la brten nas spong ba'i 'dun pa la gnas pas 'du byed rnams la sdug bsngal ba'i sdug bsngal las sems skye bar 'gyur te/ de ltar mos bar byed pa na bdag sdug bsngal dang ldan par ma

  341. 171a

    gyur cig /bdag la sdug bsngal 'od bar ma gyur cig snyam mo/ /yang na sdug bsngal de rgyu'i sgo nas spangs pas phyi ma la 'bras bu 'od bar 'gyur ba la rnam pa gnyis kyis mos par byed de/ 'di lta ste bdag sdug bsngal dang ldan par mi 'gyur/ bdag la sdug bsngal 'od bar mi 'gyur snyam pa'i phyir ro/ /de dag de ltar spong ba'i 'dun pa la brten pa rnam pa bzhis 'dod pa'i 'dod chags dang bral ba dang/ bsam gtan dang por skyes pa nas rim gyis 'du shes med 'du shes med min skye mched kyi snyoms par 'jug pa'i bar du skyes pas sdug bsngal ba'i yang sdug bsngal ba las yang dag par 'das su zin kyang tha ma'i cha dang mthun pa'i kun tu sbyor ba rnams ni spong bar mi 'gyur te/ de dag ma spangs pas na de dag sdug bsngal ba'i yang sdug bsngal las yang dag par ma 'das pa nyid du rig par bya'o/ /'gyur pa dang 'du byed kyi sdug bsngal spang ba'i phyir ni de dag 'dun pa yang skyed par mi byed na spong bar lta ga la byed de/ de ma spangs pa'i rim gyis ni gong ma'i cha dang mthun pa'i kun tu sbyor ba rnams kyang ma spangs pa kho nar rig par bya'o/ /chos 'di pa rnams ni thog ma nyid du 'dod pa'i khams kyi 'dod chags dang ma bral bar yang 'du byed rnams la bdag med par lta ba la brten nas spong ba'i 'dun pa la gnas pas spyir sdug bsngal gsum po rnams las skyo bar byed de/ de ltar mos par byed ba na bdag sdug bsngal rnam pa gsum gyis sdug bsngal bar ma gyur cig /bdag la sdug bsngal rnam pa gsum 'ong par ma gyur cig snyam ste/ de ltar zhugs pa de thog ma kho nar 'dod pa'i 'dod chags dang bral ba thob nas/ sdug bsngal ba'i yang sdug bsngal ba spangs pa na snga ma bzhin du bdag de ltar mi 'gyur ro/ /bdag la 'ong bar mi 'gyur ro snyam du sems te/ de ni sdug bsngal

  342. 171b

    pa'i yang sdug bsngal ba de las gtan du rnam par grol bar 'gyur la tha ma'i cha dang mthun pa'i kun tu sbyor ba las kyang yang dag par 'das so/ /lam de nyid kyang sgom par byed pa nas dgra bcom pa nyid kyi bar du yang thob par 'gyur ro/ /byis pa ni 'jig tshogs la lta ba la brten pas 'du byed dang 'gyur ba'i sdug bsngal yang dag par 'da' ba dang/ gong ma'i kun tu sbyor ba las yang dag par 'da' ba la bdag med par 'do? snyam du skrag par bya ba ma yin pa la skrag par 'gyur te/ 'dun pa tsam yang skyed par mi byed na spong bar lta ga la byed/ de yang rgyu rnam pa gnyis kyis skrag par mi bya ba yin te/ 'di lta ste/ sems tsam zhig rnam par shes pa'i gnas bzhi po rnams la 'jug pa'i kun nas nyon mongs par 'gyur bar zad pa dang/ sems tsam zhig rnam par shes pa'i gnas bzhi po rnams spong ba'i phyir 'jug pa med pa'i kun nas nyon mongs par mi 'gyur bar zad pa'i phyir ro/ /gzhi ni bzhis te/ gzugs dang/ tshor ba dang/ 'du shes dang/ 'du byed rnams so/ /nye bar len pa ni bzhi ste/ 'dod pa dang/ lta ba dang/ tshul khrims dang/ brtul zhugs dang/ bdag tu smra ba rnams la 'dun ba'i 'dod chags so/ /dmigs pa ni gnyis te/ gang la dmigs pa dang/ gang gis dmigs pa'o/ /rnam par shes pa ni drug ste/ mig gi rnam par shes pa la sogs pa'o/ /rnam par shes pa la gnas pa ni gnyis te/ nyon mongs pa'i kun nas dkris gnas pa dang/ de'i bag la nyal gyi gnas pa'o/ /de la nye bar len pa'i dbang du byas nas tshul bzhin ma yin pa'i rtog pa sngon du btang bas bdag dang bdag gir dmigs pa log par 'dzin pa dang/ rang gi mtshan nyid la dmigs pa 'dzin pa dang lhan cig 'byung ba'i rten dang/ rgyu 'di gsum gyis rnam par shes pa de 'jug cing kun nas nyon mongs par 'gyur ro/ /gzhan yang gsum ste/ tshe 'di la kun 'byung

  343. 172a

    ba'i bden pa 'dzin pa dang/ phyi ma'i sdug bsngal la dmigs pa ste/ shi nas bdag 'di dang 'di lta bur mi 'gyur ro snyam pa dang/ sngon gyi rgyu las byung ba'i da ltar byung ba'i sdug bsngal la gnas pa'i sgo nas so/ /gzhan yang gsum ste/ bde ba'i gnas skabs 'dzin pa dang/ sdug bsngal gyi gnas skabs la dmigs pa dang/ sdug bsngal yang ma yin bde ba yang ma yin pa'i gnas skabs la gnas pa'i sgo nas so/ /gzhan yang gsum ste/ ma 'ongs pa'i dus 'dzin pa dang/ 'das pa'i dus la dmigs pa dang/ de ltar gyi dus la gnas pa'i sgo nas so/ /gzhan yang gsum ste/ yang srid par skye par byed pa'i sred pa'i sgo nas yang srid par skye ba 'dzin pa dang/ de dang de la mngon par dga' ba'i sgo nas ma 'ongs pa'i yul la dmigs pa dang/ dga' ba dang 'dod chags dang ldan pas da ltar byung ba'i yul thob pa la gnas pa'i sgo nas so/ /gzhan yang gsum ste/ brnab sems lus kyi mdud pa'i sgo nas brnab sems dang mthun pa'i dngos po 'dzin pa dang/ gnod sems lus kyis mdud pa'i sgo nas de'i dngos po la dmigs pa dang/ tshul khrims dang brtul zhugs dang 'di ni bden no snyam du mchog tu 'dzin pa'i lus kyi mdud pa gnyis kyi sgo nas de'i dngos po la gnas pa'o/ / bar sdom ni/ 'bras bu rgyu dang tshor ba dang/ dus dang sred dang mdud pa'o/ /dga' bas nye bar brlan pa ni snga ma bzhin du 'du byed rnams kyi rgyu bstam pa dang 'dra bar rig par bya'o/ /de ltar zhugs pa'i rnam par shes pa de ni skye ba'i gnas gnyis su nyid mtshams sbyor ba dang 'brel par rig par bya'o/ /gzugs can dang/ gzugs can ma yin pa'o/ /de la gzugs can ni bar ma do'i srid pa la brten pa'i sgo nas 'ong ba dang 'gro ba'o/ /gzugs can ma yin pa'i ni 'chi 'pho ba dang skye ba

  344. 172b

    nyi tshe'o/ /gnas pa ni nyi ga'i tshe tshad ji srid du gnas pa'i gnas skabs so/ /gnas pa de yang 'dod pa'i khams na mi rnams kyi ni gnas skabs gsum pa rig par bya ste/ thog mar mngal du rnam par shes pa brlan pa dang/ mngal na gnas pa yongs su rdzogs pa dang mngal nas byung ba'o/ /rnam grangs gzhan yang 'dod pa dang gzugs dang gzugs med pa rnams su go rim bzhin du rig par bya'o/ /de la gang de bzhin gshegs pas gsungs pa'i rnam par shes pa 'jug pa'i lam bor nas 'di skad du bdag gis tha dad par gdags par bya'o zhes zer ba ni des btags pa de yang tshig tha dad par zad pa dang/ don tha dad pa ma yin pas na tshig gi gzhi tsam du zad do/ /yang na shes pa gzhan dag gis rigs pas bstan pa'i tshig tha dad pa de la khyod kyis tha dad par btags pa de gang yin zhes phyis dris na yang mi shes pa 'am yang na rang nyid kyis phyis shes par gyur te/ tshul bzhin du brtag pa na sngar rmongs pa de la rmongs pa yin par shes pas khong du chung nas bdag gis ni snga bar log par zin par 'gyur gyi legs par zin pa ma yin no snyam mo/ /gzugs kyi khams ni gzugs can gyi khams bcu'o/ /tshor ba'i khams dang 'du shes kyi khams dang 'du byed kyi khams rnams ni rnam pa drug tu rig par bya'o/ /de la rnam par shes pa ni gnas skabs gsum du nyon mongs pa rnams las rnam par grol bar 'gyur bar rig par bya ste/ 'di lta ste/ 'du byed rnams la nyes dmigs su lta bas kun nas dkris pa dang thag ring zhing bral bar 'gyur ba'i phyir dang/ mthong ba'i sa la 'di las phyi rol pa'i mdud pa'i bag la nyal thams cad spangs pa'i phyir dang/ bsgom pa'i lam la brtem? pas mthar thug pa thob pa'i phyir ro/ /de la 'di las phyi rol pa rnams kyis skye ba'i gnas rnam par brtags pa 'di lta ste/ dbang

  345. 173a

    phyug chen por 'gyur ba dang/ sred med kyi bur 'gyur ba dang/ tshogs kyi bdag por 'gyur ba la sogs pa rnam pa du ma dag tu skye bar 'dod pas na brnab sems kyi lus kyi mdung pa dang/ gzhan lta ba mi mthun pa'i chos can la ldad bas gnod seMs lus kyi mdud ba ste/ log par smon lam btab ste tshangs par spyod pa la gnas pa dang/ tshangs pa mtshungs par spyod pa rnams kyi dga' bar bya ba'i chos la mi phyogs pa'i phyir te/ rgyu 'di gnyis kyis ni de dag gi ltag pa'i tshul khrims kyi bslab pa'i kun nas nyon mongs par 'gyur bar rig par bya'o/ /tshul khrims dang brtul zhugs mchog tu 'dzin pa'i lus kyi mdud pas ni lhag pa'i sems kyi bslab pa'i kun nas nyon mongs par 'gyur ro/ /'di ni bden no snyam du mngon par zhen pa mchog tu 'dzin pa'i lus kyi mdud pas ni lhag pa'i shes rab kyi bslab pa'i kun nas nyon mongs par 'gyur te/ chos bzhi po 'di rnams kyi ni gzugs kyi lus dang ming gi lus su gtogs pa rnams la 'dzin pa dang/ dmigs pa dang/ gnas pa'i dngos po rnams la de'i sems mdud pa 'dud par 'gyur te/ de bas na lus kyi mdud pa zhes bya'o/ /de dag kyang yid kyis yin pa dang/ yid kyis rnam par brtags pa dang/ yid dang mtshungs par ldan pa dang/ yid la bag la nyal bar 'gyur ba dang/ yid kun nas nyon mongs pa'i phyir ni yid dang 'brel ba zhes bya'o/ /de rnams spangs pas nyon mongs pa gang gis dmigs par byed pa de chad par 'gyur gyi gang la dmigs pa de ni ma yin te /de phyin ci ma log par yang dag par rtogs pa'i phyir ro/ /yang srid par skye bar byed pa'i las dang nyon mongs pas yongs su zin pa'i yang srid par skye pa'i sa bon rnam par shes pa ni gnas der mi gnas par rig par bya'o/ /de med pas phyi ma la tshul rnam pa gsum gyis

  346. 173b

    snga ma bzhin du skye ba dang/ 'phel ba dang rgyas pa 'gag par rig par bya'o/ /mi gnas pa'i rnam par shes pa de yang rgyu'i rang bzhin dang 'bras bu'i rang bzhin gnyis kyi sgo nas mngon par skye ba med do/ /lam gyis yongs su zin pas mngon par skye ba gang yin pa de ni stong pa nyid kyi rnam par thar pa'i sgo la brton pas ni mngon par 'du ma byas pa'o/ /smon pa med pa'i rnam par thar pa'i sgo la brten pas ni chog shes pa'o/ /mtshan ma med pa'i rnam par thar pa'i sgo la brten pas ni gnas pa'o/ /de la mngon par dga' ba la goms pas ni shin tu rnam par grol ba'o/ /bag la nyal thams cad gtubs pas sems shin tu rnam par grol ba'i 'og tu rtag par gnas par gyur na 'du byed 'gyur ba la yongs su yi chad pa med de phung po thob par 'gyur ba rnams rang gi dang gis 'gag la gzhan dag gi yang rgyu yang dag par chad? pas skye ba med do/ /zag pa dang bcas pa'i rnam par shes pa 'gags pa de ni phyogs bcu dag tu 'gro ba med de/ rnam par shes pa'i phung po rnam par shes pa'i shing de grib ma dang 'dra ba'i tshor ba thams cad dang mgo mnyam du mar me ltar mya ngan las 'da' bar rig par bya'o/ /phung po'i lhag ma dang bcas pa'i mya ngan las 'das pa'i dbyings ni kun nas dkris pa spong ba dang po'i sgo nas ni zhi ba'o/ /spong ba gnyis pa'i sgo nas ni bsil bar gyur pa'o/ /spong ba gsum pa'i sgo nas ni tshangs par gyur pa'o/ /rnam pa gsum gyis ni rnam par shes pa'i gnas med de/ 'di lta ste rang nyid kun nas nyon mongs pa can ma yin pa dang/ gzhan gyi kun nas nyon mongs pa'i rgyur ma gyur ba dang/ de las gzhan pa'i rnam par shes pa'i grogs med pa'i phyir ro// sdom la/ spong ba'i yan lag yang dag snang/ /rnam pa dang ni dmigs pa dang/ /bstan pa mtshungs pa med pa dang/ /sems can ris ni bzhi dag dang/ /lam gyi rnam pa bzhi pa dang/ /mthar thug pa ni rnam pa lnga/ /spang bar byed pa'i spong ba ni/ /yan lag lngas

  347. 174a

    bsdus te/ yang dag pa ji lta ba bzhin du 'du byed yang dag par snang bar byed par 'gyur te/ 'di lta ste/ lus dben pa dang/ sems dben pa dang zhi gnas kyi phyogs kyi ting nge 'dzin dang/ lhag mthong gi phyogs kyi ting nge 'dzin dang/ rtag tu byang bar byed pa'o/ /yang dag pa ji lta ba bzhin du yang dag par snang bar byed pa ni rnam pa bcu gnyis su rig par bya ste/ 'di lta ste/ rnam grangs bsdu ba las 'byung ba bzhin te/ thos pa dang rang gis legs par zin pa dang/ log par zin pa dang/ yid ches pa'i lung dang/ mngon sum dang/ rjes su dpag pa'i yul dang/ rang gi mtshan nyid dang/ spyi'i mtshan nyid dang/ ji lta ba bzhin du yod pa dang/ ji snyed yod pa dang mthong ba dang mthar thug pa'i sa la 'jug pa'o/ /yang dag pa ji lta ba bzhin du yang dag par snang bar byed pa'i rnam pa dang ldan pa'i shes pa'i dmigs pa'i gzhi ni rnam pa bzhi ste/ 'di lta ste chos 'di pa'i so so'i skye bo rnams kyi yul nye bar sbyor ba las byung ba'i tshor ba rnams ni shes pa'i dbang gis 'du byed rnams 'jug pa'i kun nas nyon mongs pa dang/ de shes pas rnam par byang bar 'gyur ba dang/ gzhan yang khyim pa so so'i skye bo rnams kyi yang sring par skye ba la mngon par dga' ba la sogs pa la brten nas mi shes pa'i dbang gis 'du byed rnams 'jug pa'i kun nas nyon mongs pa dang/ de las bzlog pas rnam par byang bar 'gyur ba dang/ gzhan yang phyi rol mu stegs can rnams kyi 'dod cing brtags pa'i snyoms par 'jug pa dang/ skye ba rnams kyi dga' ba la brten nas 'du byed rnams la mi shes pa'i dbang gis 'du byed 'jug pa'i kun nas nyon mongs pa dang/ de las bzlog pas rnam par byang bar 'gyur ba dang/ gzhan yang chos 'di pa'i slob pa rnams kyi dbang po dang yul dang brjed das

  348. 174b

    pa'i sgo nas 'du shes rnams mi shes pa'i lhag ma yod pa'i dbang gis 'du byed 'jug pa'i kun nas nyon mongs pa dang lhag ma de spangs pa rnam par byang bar 'gyur ba'o/ /de la phyogs thams cad kyi rnam par byad ba'i phyogs ni chos 'di pa rnams kyi nyi tse yin par rig par bya ste/ 'di dag ni dmigs pa'i gzhi rnam pa bzhi yin no/ /de bzhin gshegs pa rnams kyi bstan pa ni rgyu rnam pa gsum gyis mtshungs pa med pa yin te/ 'di lta ste/ thun mong ma yin pa'i chos ston pa dang/ phyin ci ma log par stan pa dang/ nyid kyi mngon par rdzogs par sangs rgyas pa ston pa'o/ /de la de 'jig tshogs kun 'byung bar 'gyur ba'i lam gang yin pa'i ni sdug bsngal kun 'byung bar 'gyur ba yin la/ 'jig tshogs 'gog par 'gyur ba gang yin pa de ni sdug bsngal 'gog bar 'gyur ba yin pas na thun mong ma yin par ston pa'o/ /de yang yod pas na phyin ci ma log par ston pa yin no/ /de yang rab tu shes pas na nyid kyi mngon par rdzogs par sangs rgyas pa ston pa yin no/ /gsum pa 'di dag ni 'du byed rnams 'jug pa'i rnam grangs yin no/ /'di lte ste/ 'jig tshogs ni sems can rnams kyi chags pa'i gnas kyi don gyi phyir ro/ /'jig rten ni gang la chags pa de 'jig ba'i don gyi phyir ro/ /srid pa ni zhig pa de yang 'byung bar 'gyur pa'i don gyis so/ /bzhi po 'di dag ni sems can gyi ris yin te/ bzhi gang zhe na/ 'di lta ste/ gcig tu des par sdug pa'i las kyi 'bras bu la gnas pa rnams ni 'bras bu nye bar spyod pa ste/ 'di lta ste/ lha'i skye gnas dgo na bag med par spyod pa gang yin pa rnams dang/ gcig tu nges par rgyu la gnas pa ste/ 'di lta ste/ 'dod pa'i dge sbyong dang bram ze rnams dang sems can gyi ris gsum pa ste/ yongs su mya ngan las 'das pa dang 'dren ma ste/ 'di na gnas pa rnams 'bras bu la yang gnas

  349. 175a

    shing sbyod la phyi ma la yang sdug pi 'bras bu yongs su gzung ba dang mya ngan las 'das pa'i tshogs la yang dus dus su bag yod bar byed pa gang yin rnams so/ /de la sems can gyi ris gsum po de dag las ci rigS par 'jig rten dang/ de'i kun 'byung pa dang/ 'gog pa'i mdza' rnamS dang/ 'jig tshoD dang/ de'i kun 'byung ba dang/ 'gog ba'i mdza' rnams su rig par bya'o/ /ris tha ma bzhi pa las ni 'jig tshoD dang/ de'i kun 'byung ba dang/ de'i 'gog pa dper 'gro ba'i lam gyi rnam grangs su rig par bya'o/ /lam gnyis kyi rnam pa bzhir gdags pa yang rig bar bya ste/ 'di lta ste/ mthong ba'i lam dang/ bsgom pa'i lam gyi'o/ /de dag gi rnam pa bzhi gang zhe na/ yongs su shes par bya ba dang/ sprang bar bya ba dang/ mngon sum du bya ba dang/ bsgom par bya ba'i rnam pa rnams so/ / de la gsum ni mthong ba'i lam gyi'o/ /gcig ni bsgom pa'i lam gyi'o/ /mthong ba'i lam la zhugs te bden pa mngon pa rtogs pa'i mod la ni sdug bsngal yongs su shes so/ /kun 'byung ba'i phyogs gcig ni spong ngo/ /'gog pa'i phyogs gcig ni mngon sum du byed do/ /phyogs gcig ma spangs pa dang mngon sum du ma byas pa de ma lus par spang ba dang/ mngon sum du bya ba'i phyir bdag gis lam ji ltar thob pa bsgom par bya'o snyam ste/ bsgom pa'i lam la de ltar so sor brtags nas lam bsgom pa la brten te lhag ma spang ba dang/ mngon sum du bya ba thob par 'gyur ro/ /des de ltar mthar thug pa thob pa'i mthar thug pa de yang rnam pa ldar rig par bya ste/ lnga gang zhe na/ sdug bsngal rgyu dang bcas pa ma lus par zad pa thob pa dang/ gzhan gyi don la mthu yod pa dang/ rang gi don rnam ba thams cad du phun sum tshogs pa dang/ gtan du spangs pa'i shes pa thob pa dang/ mya ngan las 'das pa'i grong khyer du zhugs pa dang/ der zhugs kyang 'phags pa'i gnas

  350. 175b

    pas de ltar lhag par gnas pa'i phyir ro/ /de la rnam pa dang po la ni srid pa la sogs pa'i rgyun chad de/ snga ma bzhin du rnam grangs bzhir rig par bya'o/ /rnam pa gnyis pa la ni dgra bcom pa zag pa zad pa zhes bya ba la sogs pa'i rnam grangs snga ma bzhin du rig par bya'o/ /rnam pa gsum pa la ni 'du byed kyi dngos po thams cad spangs pa'i phyir gtan du mthar thug pa dang/ nyon mongs pa thams cad gtan spangs pa'i phyir gtan du dri ma med par gyur pa dang/ de'i gnyen po'i lam thob pa'i phyir gtan du tshangs par spyod pa mthar phyin pa'o/ /rnam pa bzhi pa la ni dper na 'jig rten na yang rnam pa lngas grong khyer du 'jug par 'gyur te/ gang yang rung ba 'tshang bas ni ma yin pa de bzhin du de dang 'dra bar mya ngan las 'das pa'i grong khyer du yang rnam pa lngas 'jug par rig par bya ste/ 'di lta ste/ grong khyer gyi sgo yang phye la 'obs kyang bkang ste/ g.yang sa ma yin zhing zab pa ma yin pa dang rgal bar nus pa dang/ 'obs te rgal nas kyang sgo drung du thug par gyur pa dang/ grong khyer der 'gro bar bdag nyid kyis gsol ba gdab kyang mi dgos la/ gzhan dag gi don du rgyal mtshan sgreng nas 'jug par yang mi byed de/ de ltar na grong khyer du 'jug pa la bar du chod pa med do/ /de bzhin du mya ngan las 'das pa'i grong khyer du 'jug pa la yang tha ma'i cha dang 'thun pa lnga spangs pas sgo phye bar gyur la mya ngan las 'das pa la g.yang sar 'du shes pas skrag par byed pa'i ma rig pa spangs pas ni 'obs bkang ba yin no/ /'jig tshogs kyi pha rol tu 'gro ba dang lus kyi tha ma 'dzin pas ni phung po'i lhag ma med pa'i mya ngan las 'das pa'i dbyings su 'jug pa la sgo drung du thug par gyur pa yin te/ srid pa'i srid pa spangs ba de ni yul rnams la yang sred pa mi 'jug la/ bden pa rnams la yang nga rgyal mi 'jug ste/ de ni snga ma bzhin du rgyu rnam pa lnga bo 'di dag gis mya ngan las/

  351. 176a

    'das pa'i grong khyer du zhugs par rig par bya'o/ /de la zhugs pa ni rnam pa gnyis kyis 'phags pa'i gnas pa yin te/ 'di lta ste/ 'gro zhing rgyu ba dang/ gnas pa'o/ /de la 'gro zhing rgyu ba yang rnam pa gsum du rig par bya ste/ thun mong ma yin pa dang/ kun nas nyon mongs pa can ma yin pa/ yang dag pa'i gnas la gnas pa'o/ /de la tha ma'i cha dang mthun pa'i kun tu sbyor ba lnga spangs pas ni 'dod pa rnams la gtan du 'dod chags dang bral ba de dag nyid la spyod pas na thun? mong ma yin pa'o/ /rtag tu gnas pa drug gis yongs su zin pas na kun nas nyon mongs pa can ma yin pa'o/ /brtags nas chos kha cig yongs su spong pa ni 'di lta ste/ glang po che dang rta ma rungs pa la sogs pa'o/ /brtags na kha cig brten par byed pa 'di ni 'di lta ste/ gos dang zas la sogs pa ste/ de ni yang dag pa'i gnas la gnas pa yin no/ /de la de ltar rgyu zhing 'gro ba dag par gyur pa'i gnas pa ni rnam pa lngar rig par bya ste/ 'di lta ste/ gang gis gnas pa dang/ gang la gnas pa dang/ ji ltar gnas pa dang/ gang dang bral ba dang/ gang la brten pa dang/ gang dang ldan pa'o/ /de la mi bskyong pa'i sems rnam par grol bas ni gnas so/ /brtag nas chos kha cig sel bar byed pa ste/ 'di lta ste/ rgyu zhing 'gro bas g.yeng ba'i ngal ba la sogs pa lus dub pa'o/ /brtags nas kha cig dang du len par byed de/ 'di lta ste/ grang ba dang tsha ba la sogs pa'o/ /kun nas nyon mongs pa gsum dang ni bral ste/ 'di lta ste/ lta ba'i kun nas nyon mongs pa dang/ sred ba'i kun nas nyon mongs pa dang/ rtog pa'i kun nas nyon mongs pa'o/ /de la lta ba'i kun nas nyon mongs pa dang bral bas ni yang srid par skye bar sems g.yo ba med do/ /srad ba'i kun nas nyon mongs pa dang bral

  352. 176b

    bas ni yul rnams la 'phrog pa med do/ /rtog pa'i kun nas nyon mongs pa dang bral bas ni rtog pa na dge ba 'ba' zhig la rtog par byed kyi mi dge ba la ma yin no/ /de ni bsam gtan bzhi pa'i mi g.yo ba'i ting nge 'dzin la brten nas tshe 'di la bde bar gnas pa'i mchog gis bde bar gnas so/ /mi slob pa'i sems rnam par grol ba dang/ shes rab rnam par grol ba dang/ sred ba med pa'i lus phyi ma mngon par 'grub bar mi 'gyur ba dang/ mya ngan las 'das pa'i gnas la lhag par gnas pa dang/ phun sum tshogs pa bla na med pa dang ni ldan no/ /de ltar na de rnam pa lnga po de dag gis gnas pa phun sum tshogs pa'i mchog yin par rig par bya'o/ /sdom ni/ phyogs gnyis po ni mdor bsdu dang/ /mi 'dra ba ni rnam pa gsum/ /mos dang spong dang 'jug pa dang/ yod dang shin tu rnam dag dang/ /legs par gsungs dang nyes bshad la/ /ston pa la sogs khyad par rnams/ /nag po'i phyogs dang dkar po'i phyogs kyi chos rnams ni gnas gsum gyis bsdus te/ 'di lta ste/ yongs su shes par bya ba'i chos rnams dang yongs su shes pa dang/ yongs su shes bsrung ba'o/ /de la yongs su shes par bya ba ni sdug bsngal gyi bden pa dang/ kun 'byung ba'i bden pa ste/ nag po'i phyogs su 'dus par rig par bya'o/ /yongs su shes pa ni 'gog pa'i bden pa ste/ dkar po'i phyogs su 'dus so/ / yongs su shes pa srung ba'i gang zag ni lam gyi bden pa la gang zag tu btags pa ste/ de yang dkar po'i phyogs su dus pa kho nar rig par bya'o/ /de yang 'phags pa nyan thos kun rdzob kyi bden pa la mkhas ba dang/ /don dam pa'i bden pa la mkhas pa yin te/ des ni gnyi ga'i tshul gyis kyang lan gdab pa'i mi rigs par yang dag par mthong nas shi ba'i 'og tu yod do zhes kyang khas mi len zhing lan mi 'debs so/ /med ces bya ba dang/ yod kyang yod la med kyang med ces bya ba dang/ yod pa yang ma yin la med pa

  353. 177a

    yang ma yin no zhes kyang khas mi len zhing lan mi 'debs te/ don dam par ni shi ba'i 'og tu yod pa 'am med pa gang yin pa de ni mi dmigs so/ /kun rdzob tu ni 'du byed rnams sam mya ngan las 'das pa la de bzhin 'ongs pa zhes gdags grang na/ de la shi ba'i 'og tu ni de bzhin 'ongs pa'i 'du byed cig kyang 'jug pa med na de'i tshe ci las brten te de bzhin 'ongs pa'i gdags par 'gyur/ mya ngan las 'das pa spros pa med pa so so rang rig pa ni 'du byed med pa tsam gyis rab tu phye bar zad pas na dngos por gdags su mi rung ngo/ /med par gdags pa'i sgo nas kyang gdags su mi rung ste/ mya ngan las 'das par gdags pa yod pa dang/ zhi ba bzhin du skur pa btab par 'gyur ba'i phyir ro/ /de'ang shin tu rtogs par dka' ba dang cha phra bas na zab bo/ /'khor ba'i 'du byed kyi kun nas nyon mongs pa rnam pa sna tshogs duma spangs pas rab tu phye bas na rgya che ba'o/ /mngon sum dang rjes su dpag pa dang yid ches pa'i lung gi tshad ma rnams kyis dpag tu mi rung bas na dpag tu med do/ /phyi rol gyi khur khyer ba'i sdug bsngal bas ni nang gi khur khyer ba'i sdug bsngal rgyu gsum gyis khyad zhugs te/ khur gang len pa dang/ gang gis len pa dang/ ji srid kyi bar du len pa'o/ /de la phyi rol gyi khur khyer ba ni gzugs kyi phyogs 'gar gtogs tsam zhig khyer bar zad de/ sog ma'i khur ram shing khur ram/ gzhan yang de dang mthun pa len par byed pa byis pa ni 'du byed pa byis pa ni 'du byed thams cad kyi khur len par byed do/ /gzhan yang phyi rol gyi khur khyer ba ni lus gtogs pa'i phrag pas khur khyer bar byed la/ byis pa ni srid pa'i phrag pas khyer bar byed do/ /gzhan yang phyi rol gyi khur khyer ba ni phrag pa de nyid yod bzhin pas phyogs gcig tu khur 'dor bar byed la byis pa ni sred ba'i phrag pa ji srid yod kyi bar du khyer bar byed do/ /de ni khur 'dor 'dod na yang phrag pa dang bcas pas

  354. 177b

    'dor nus kyi de ma yin gyi bar du mi nus so/ /de ni ji srid 'dor mi nus pa de srid du khur chen po bla nges pa dang/ phrag pa nyam chung ba dang/ don ma yin pa dang/ ma zhi ba blangs pa dang/ yun ring por rgyun mi 'chad par khur khyer bas na khur sum rim du khyer ba'i sdug bsngal nyams su myong bar 'gyur gyi/ cig shos ni de lta ma yin te/ 'di ni de gnyis kyi mi 'dra pa yin no/ /phyi rol gyi 'ching ba bas ni nang gi byis pa'i 'ching ba rnam pa lngas khyad zhugs te/ phyi rol gyi 'ching ba ni gzugs kyi phyogs gcig gis bcings pa ste/ shing ngam lcags sam rtswa bal ba dza'i bcing bas bcings par zad la byis pa ni 'du byed thams cad kyis bcings so/ /gzhan yang phyi rol gyi ni gzhan kyis bcings pa yin la/ byis pa ni bdag gis bdag bcings so/ /phyi rol gyis ni bcings par gyur na 'ching ba de'i gzhi yang shes/ thar pa dang thar par bya ba'i thabs kyang shes la byis pa ni thams cad mi shes so/ /pha rol ni shi phan chad 'ching pa dang bral bar 'gyur la byis pa'i ni shi ba'i 'og tu 'khor ba na 'ong ba dang 'gro ba byas kyang 'ching ba dang rjes su 'brel par 'dug go /phyi rol gyi ni rab tu byung ste 'dod pa spangs pas 'ching ba de las thar bar 'gyur te/ dgra rnams kyang de 'ching bar mi byed la byis pa ni srid pa'i rtse mo man chad 'thob pa'i 'dod chags dang bral bar gyur kyang thar par mi 'gyur na rab tu byung ba tsam lta ci smos/ de la 'dod chags dang bral ba'i gnas skabs rnams su yang shas kyis bdud kyi dbang du 'gyur ro/ /'dod chags dang bral ba'i gnas skabs rnams su ni dbang 'ba' zhig tu 'gyur ro/ /rab tu byung ba'i gnas skabs rnams su ni chad pa na 'dug pa yin no/ /khyim na gnas pa'i gnas skabs rnams su ni ci dga' mgur bya ba yin no/ /de la 'dod chags dang ma bral ba'i gnas skabs rnams su ni bdud kyi 'ching ba rnams kyis bcings pa yin te/ 'jig rten gyi lam gyis srid pa'i rtse mor skyes na yang

  355. 178a

    bdud kyi zhags pa rnams las yongs su ma grol lo/ /de bzhin gshegs pa dang dgra bcom pa shes rab rnam par grol ba ni spyir na rnam pa bzhis 'dra ba dang mi 'dra bar rig par bya'o/ /de la rnam pa gcig gis ni 'dra ste /'di lta ste/ sbyin rnam par grol bas so/ /rnam pa gsum gyis ni mi 'dra ste/ 'di lta ste/ mngon par byang chub pa dang/ ston pa'i mthu dang/ nan tan du sgrub pas so/ /de la bzhin gshegs pa ni slob dpon med par byang chub kyi phyoD gyi chos sum cu rtsa bdun bsgoms nas nyid kyis mngon par rdzogs par sangs rgyas la de ltar mngon par rdzogs par sangs rgyas nas kyang gzhan gyi don ma lus pa las brtsams te tshe 'di nyid la skal ba yod pa gang yin pa dang/ skal ba med pa gang yin pa rnams dang/ chos mthong ba gang yin pa rnams dang/ chos ma mthong ba gang yin pa rnams de dag gi rnam pa thams cad mngon par mkhyen to/ /de nyid kyi byang chub mngon par rdzogs par sangs rgyas la de ltar gzhan gyi don kyang mngon par mkhyen na sgrib pa gnyis po nyon mongs pa'i sgrib pa bag chags dang/ bcas pa dang/ shes bya'i sgrib pa thams cad kyi sgrib pa las rnam par grol bar 'gyur te/ zla med pa dang lhar bcas pa'i 'jig rten gyi thar ba'i slob dpon du yang 'gyur ro/ /de'i mngon par rdzogs par byang chub pa rnam pa bzhi bo 'di dag ni nyan thos dang thun mong ma yin par rig par bya'o/ /de'i gzhan gyi don mdzad pa'i sgo nas bstan pa'i mthu yang rnam pa lngas thun mong ma yin par rig par bya ste/ lnga gang zhe na/ 'di de bzhin gshegs pa ni lam la yang lam yin par rnam pa thams cad du yang dag pa ji lta ba bzhin du mkhyen la lam ma yin pa la yang lam ma yin par yang dag pa ji lta ba bzhin du mkhyen to/ /mkhyen nas kyang

  356. 178b

    lam ma yin par 'gro bar mi 'gyur ba dang/ lam du 'gro bar mdzad pa'i phyir lam dang lam ma yin pa ji lta ba bzhin du ston to/ /lam ji ltar bstan pa bzhin du 'gro 'dod pa gang yin pa de dag la ni lam de la yang dag par nan tan du bsgrub tu gzhug pa'i phyir thabs kyis yongs su zin cing rigs pas bskyed pa'i yid la byed pa'i gdams ngag bstan pa'i sgo nas gsungs so/ /ji skad du rjes su bstan cing nan tan du sgrub pa de'i bar du gcod pa zhi gnas dang lhag mthong gi skyon gang yin pa de dag ni sel bar byed la mthun pa gang yin pa de dag ni sgrub par byed pa 'di ni bstan pa'i mthu mi 'dra'o/ /de la nan tan du sgrub pa mi 'dra ba de dag gi de bzhin gshegs pa la brten nas de'i 'og tu yang dag par nan tan du sgrub par byed kyi/ de bzhin gshegs pa ni su la yang brten pa med do/ /de dag ni nyan thos kyi rigs dang ldan pas nan tan du sgrub par byed kyi de bzhin gshegs pa ni nyid kyi rigs dang ldan pas so/ /de dag las kha cig ni yongs su smin pa yin la kha cig ni phyi ma la yongs su smin par bya ba yin gyi byang chub sems dpa' srid pa tha ma pa'i rgyud la ni rnam pa gnyis su dbye ba med do/ /yongs su ma smin pa gang yin pa de dag ni lam gyi rjes su 'gro ba yin te/ rgyud yongs su ma smin pa phyi ma la yongs su smin par byed do/ /yongs su smin pa gang yin pa de dag ni tshe 'di nyid la ston pa'i bstan pa bzhin du byed de /gnyi g.yang ji skad du bstan pa de kho na bzhin du nan tan du sgrub par byed de/ lam gyi rjes su 'gro ba gang yin pa de dag ni phyi ma la mya ngan las 'das pa grub par byed do/ /tshe 'di nyid la ston pa'i bstan pa bzhin du byed pa gang yin pa de dag ni lus de nyid kyis lam dang lam gyi 'bras bu mya ngan las 'das pa grub pa kho nar byed do/ /de la 'phags pa'i lam ni gnod pa med pa dang bde ba yin pas na 'bras bu dang bcas pa'i rigs pa dang mi 'gal ba dang/ /

  357. 179a

    chos shes bya la phan pa dang dge ba zhes kyang bya'o/ /'du byed rnams la bdag med par mos pa ni rnam pa gnyis yod de/ thos pa dang bsams pa'i dbang gis byung ba dang/ bsgoms nas rtogs pa'i dbang gis byung ba'o/ /de la thos pa dang bsams pa'i dbang gis byung ba ni bsgoms nas rtogs pa'i dbang gis byung ba skye ba'i rten gyi bya ba byed de/ de yang legs pa yang yin la rab kyang yin mod kyi 'on kyang dad pas rab tu byung ba'i rigs kyi bus ni de tsam gyis chog par gzung bar mi rigs te/ de la brten nas 'du byed rnams la mi rtag pa'i 'du shes la sogs pa bsgom pa'i rim pas rtogs pa'i dbang gis byung ba bdag med pa la mos pa rtogS par bya ba'i phyir brtson pa kho nar bya'o/ /'du byed rnams kyi spang ba'i rnam pa bzhi'i sgo nas rnam pa gnyis yod par rig par bya ste/ bzhi gang zhe na/ kun nas bkris pa spang ba dang/ bag la nyal spang ba dang/ yang srid par skye ba'i 'du byed kyi rgyu spang ba dang/ da ltar gyi 'du byed kyi nyon mongs pa can du gyur ba'i spyod pa spang ba'o/ /de la rnam pa bzhi 'di dag gis ni rnam pa gnyis spong bar rig par bya ste/ nyon mongs pa spong ba dang/ dngos po spong ba'o/ /de la rnam pa snga/ ma gnyis kyis ni nyon mongs pa spong ngo/ /phyi ma gnyis kyi ni dngos po spang ngo/ /'dod pa'i khams na ni 'du byed 'jug pa rnam pa gsum yod de/ thog ma dang/ bar ma dang/ tha ma rnams su sdug bsngal gyis dkris par rig par bya ste/ 'di lta ste/ skye ba'i tshen mngal gyis bcum pa'i sdug bsngal gyis dkris so/ /skyes nas byis pa'i gnas skabs rnams su ni nad mang po'i sdug bsngal gyis dkris so/ /rgas pa'i rgyu dang dbang po rnams yongs su

  358. 179b

    smin par gyur pas ni rga shi'i sdug bsngal gyis dkris so/ /'du byed rnams mngon par mi 'grub pa'i phyir thog ma dang bar ma dang tha mar 'gog par 'gyur bas ni sdug bsngal rnam pa gsum 'gog par 'gyur bar rig par bya'o/ /yod pa ni gsum ste/ de dag spang ba'i phyir 'phags pa nyan thos 'bad par byed de/ 'di lta ste 'das pa'i dus kyi sgo nas ni khyim nas khyim med par rab tu byung ba na de nyid kyi nyes dmigs mthong nas 'dod pa spang ba gang yin pa de dag phyis yang len par 'gyur ba'i rgyu yod pa dang/ ma 'ongs pa'i bus kyi sgo nas ni 'du byed mngon par 'grub par 'gyur ba'i rgyu yod pa dang/ da ltar gyi dus kyi sgo nas ni ma spangs pa'i bag la nyal gyi kun nas nyon mongs pa yod do/ /de la yod pa rnam pa gsum po de spang ba'i phyir/ 'di lta ste/ mi lta ba dang mngon par mi dga' ba dang/ /lhag par zhen pa med pa rnam pa gsum gyis 'bad par byed de /spong ba dang/ 'dod chags dang bral ba dang 'gog pa'i khams yang dag par sgrub pa'i phyir ro// //rnal 'byor spyod pa'i sa las gzhi bsdu ba/ bam po lnga pa/ / 'di gnyis ni 'du byed rnams la mngon pa'i nga rgyal med pa'i bdag med pa mthong ba yin te/ gnyis gang zhe na/ shin tu rnam par dag pa ma yin pa dang/ shin tu rnam par dag pa'o/ /shin tu rnam par dag pa ma yin pa gang zhe na/ ji ltar 'di na kha cig dben pa na gnas te/ 'du byed rnams mi rtag pa'i bzod pa la brten nas 'jig rten pa'i shes pas bdag med pa la mos par 'gyur la/ des kyang mos pa'i rgyus mig gis shes par bya ba'i gzugs rnams las yid kyis shes par bya ba'i chos rnams kyi bar dag la bdag tu 'dzin pa dang/ bdag gir 'dzin pa ni mtshan ma kun tu spyod pa'i sgom pa spangs par yang dag par mthong ngo/ /phyi rol pa'i 'dod pa bzhir bsdus pa yang de dang 'dra ste /'dod chags tha chad dang/ zhe sdang tha chad dang/ gti

  359. 180a

    mug tha chad de/ de la brnab sems lus kyi mdud pas ni 'dod chags tha chad bsdus so/ /gnod sems kyi mdung bas ni zhe sdang tha chad bsdus so/ /de ma yin pa gnyis kyis ni gti mug tha chad bsdus so/ /tha chad kyi don ni ngan pa'i don du rig par bya'o/ /'di ni mngon pa'i nga rgyal med pa'i bdag med pa shes pa ste/ tshul bzhin yid la byed pa dang mtshungs par ldan pa'i phyir dang/ mnyam par bzhag pa'i sa pa yin pa'i phyir/ /de yang rgyu rnam pa gnyis kyis shin tu rnam par dag pa ma yin te/ de nges par 'byed pa'i cha dad mthun pa'i dge ba'i rtsa ba la 'jug pa de'i tshe nga'o snyam pa'i nga rgyal rags pa cha phra ba'o snyam du sdod pa yid la byed pa la zhugs pa sel mar 'dug ste/ des na 'di snyam du sems te bdag ni stong pa nyid bsgom pa'o/ /bdag ni de thob pa yin no/ /bdag la ni stong pa nyid yod do/ /bdag ni stong pa nyid 'dis 'phogs so snyom pa gang yin pa ste stong pa nyid kyis ji lta ba bzhin du mtshan ma med par bci yang med pas kyang de dang 'dra'o/ /de skun tu spyod pa'i rgyu 'dod pa rnams sam 'jig tshogs la rjes su chaD pa dang bcas pa'i rnam par shes pa'i rjes su chaD pa dang bcas pa'i rnam par shes ba de yongs su ma shes pa'i phyir 'dod pa dang 'jig tshogs la chags pas bsgyur ba nas bsam pa thag pa na/ mya ngan las 'das pa la mi 'jug cing sems kyang phyir ldog pa gang yin pa ste/ snga ma bzhin no/ / de yang nges rnam pa brgyad kyis yongs su shes par bya ba yin te/ de yongs su shes pa'i mod la de'i nyes pa dang bral bar gyur pas bdag med pa mthong ba shin tu rnam par dag cing mngon pa'i nga rgyal med par rig par bya'o/ /de la zhig par gyur pa dang 'jig pa'i chos can yin pas na mi rtag pa'o/ /las dang nyon mongs pa las yang dag par grub pas na 'dus byas so/ /sngon gyi smon lam las yang dag par 'grub pas na bsams pa'o/ /rang gi sa bon dang da ltar gyi phyi rol gyi rkyen las yang dag par grub pas

  360. 180b

    na rten cing 'brel par 'byung ba'o/ /ma 'ongs pa'i dus kyi sgo nas rga ba'i chos can yin pas na zad pa'i chos can no/ /'chi ba'i chos can yin pas na med par 'gyur ba'i chos can no/ /rga ba dang 'chi ba'i snga rol na yang nad la sogs pa'i gnod pa rnam pa sna tshogs kyi snod du gyur pa na 'gyur ba'i chos can no/ /gnyen po la brten pas 'dod chags dang bral bar byang rung ba dang/ 'gog par byang rung bas na tshe 'di la 'dod chags dang bral ba'i chos can dang/ 'gog pa'i chos can no/ /de dag kyang mdor bsdu na/ dus gsum du gtogs pa'i nyes dmigs brtag pa ste/ 'dod chags dang bral ba dang 'gog pa'i chos la gtogs pa de las gzhan pa'i rnam pa dag gis rig par bya'o/ /de gnyis kyis ni nges par 'byung ba brtag par rig par bya'o/ /des nyes dmigs dang nges 'byung gnyis kyis rnam par shes pa de yongs su shes pa ni shin tu yongs su shes pa yin no/ /de la chos thams cad kyi chos la yang bdag med pa thams cad ni chos kyi phyag rgya zhes bya ba kho na yin no/ /de yang ston pa chos kyi rgyal po bla na med pas gsungs pa la 'phags pa thams cad kyi rgyud la rdugs pa med pa 'phags pa'i nor thams cad thob pas dga' bar 'gyur ba yin te/ des ni bdag nyid 'khor ba'i bcong rong chen po lam ring po las bde legs dang bde ba gnyis kyis yang dag par 'da' bar 'gyur ro// de bas na de la 'phags pa'i chos kyi phyag rgya zhes bya ste/ de ni shes pa snga ma shos kyis rtogs par rig par bya'o/ /phyi ma shin tu rnam par dag pa shos kyis ni 'thor bar rig par bya'o/ /chos 'di pa rnams dang/ phyi rol pa rnams kyi ston pa rnams dang slob ma rnams ni rnam pa lngas mtho ba dang dma' bar rig par bya ste/ 'di lta ste/ gnas pa dang tshogs yongs su bskyang ba dang 'brel pa'i gtam rnam par nges par 'byed par byed pa dang/ lam gdags pa yang dag par bstan pa dang/ nan tan du

  361. 181a

    sgrub ba'o/ /de la 'di las phyi rol pa'i ston pa slob mar bcas pa rnams ni rtag tu rgyun mi 'chad bar 'dre bar gnas pa yin la/ chos 'di pa rnams gyis ni dus dus su nang du yang dag 'jog pa lhur len par byed de 'di ni mtho ba dang dma' ba dang po yin no/ /bzhan yang phyi rol pa'i ston pa rnams ni rang gi slob ma rab tu byung ba'i tshogs tshad nges pa'i tshogs can dang slob ma khyim pa'i sde mtshan gyi sde mchan can yin te/ de dag thams cad kyi nang na slob dpon du bkur bas na tshogs kyi slob dpon rnams zhes bya ba dang /skye bo byis pa'i rang bzhin can rnams kyis yon tan yod du re bas na shin tu dge bar bkur ba yin la/ de bzhin gshegs pa ni de las bzlog par rig par bya ste/ lhar bcas pa'i 'jig rten gyi yang slob dpon nyid yin pa'i phyir slob dpon du bkur ba yin no/ /gzhan yang phyi rol pa'i slob dpon rnams ni rang rang gi slob ma rnams dang lhan cig tu 'brel ba'i gtam rnam par nges par byed pa la zhugs shing phan tshun mi mthun pa dang 'brel pa med pa'i gtam dang rmongs par byed pa dang shes pa rnam par dag par byed pa ma yin pa'i gtam gyis dus 'da' bar byed la/ chos 'di pa rnams ni de las bzlog par rig par bya'o/ /gzhan yang phyi rol ba rnams kyi ston pa rnams ni slob ma rnams la rgyu med pa 'am rgyu mi mthun pa'i sgo nas lam 'dogs par byed cing ston par byed de/ chos ngan pa thos pa'i srin po chen pos sems dkrugs pa rtog pa ngan pa tshul bzhin ma yin pa'i sems dang mtshungs par ldan pa rnams kyis sems dkrugs pa gzhan dag la glags tshol ba'i bsam pa can yin te/ des na de dag gzhan dag gis dris na gya tshom du thog tu ma bab cing ma brtags pa'i tshig smra bar byed de/ bdag nyid kyis kyang rgyu med pa 'am/ rgyu mi mthun pa bzung bas kun nas nyon mongs pa can du gyur pas na de'i phyir byis pa'o/ /bdag dang gzhan rnams kyi kun

  362. 181b

    nas nyon mongs pa'i rgyu yang dag pa ji lta ba bzhin du mi shes pas na de'i phyir rmongs pa'o/ /rnam par byang ba rnam par spangs pas na mi gsal ba'o/ /rnam par byang ba'i rgyu la mi mkhas bas na mi mkhas pa'o/ /tshig ci tsam zhig smra bar bya ba dang/ ji skad smra bar bya ba dang/ gang du smra bar bya ba de yang dag pa ji lta ba bzhin du mi shes pas na tshod mi shes pa dang zhing mi shes pa'o/ /de las bzlog pa ni chos 'di pa rnams yin par rig par bya'o/ /gzhan yang phyi rol pa rnams kyi ston pa rnams kyi slob ma rnams ni mnyams pa rnams dang phyin ci ma log par smra pa'i phyir ston pa la yang skur pa mi 'debs pa dang/ lhag ma med pa dang sgro 'dogs pa med par smra ba'i phyir 'gal par mi byed pa dang/ don mthun pa'i phyir ji skad bstan pa bzhin du smra ba dang/ tshig mthun pa'i phyir ches bzhin du smra ba yang yin pa dang/ chos mthun pa de dag gi 'dod pa'i phyogs su smra ba'i phyir chos kyi rjes su mthun pa'i chos kyis lan 'debs pa dang/ bag yod pa yin du zin kyang chos kyi rjes su mthun pa'i chos nan tan du sgrub pa'i rang gi don thob par bya ba la slu ba 'ba' zhig byed par rig par bya na/ bag med pa rnams la lta ci smos te /de dag ni de ltar rang gi don la yang bslus par 'gyur la pha rol smra ba rnams kyis kyang tshar gcod par 'gyur ba dang log par bzung ba'i chos de dang bcas par yang smod par 'gyur ro/ /de las bzlog pa ni chos 'di pa rnams yin bar rig par bya ste/ 'di ni mtho ba dang dma' ba lnga pa yin par rig par bya'o/ /de la 'du byed rnams ni rnam pa bzhis sdug bsngal ba yang gcig tu nges par kun nas nyon mongs par 'gyur ba ma yin la rnam pa bzhis ni bde ba yang gcig tu nges par rnam par byad bar 'gyur ba ma yin par rig par bya'o/ /rnam pa bzhi po de dag kyang gzhi gsum gyi skabs su rig par bya ste/ skye ba'i gnas dang tshor ba dang dus so/ /de la bde

  363. 182a

    ba ni bsam gtan gsum pa'i'o/ /bde ba dang 'brel ba ni mi rnams kyi yin te/ gang na gnyi ga yod pa'o/ /bde ba dang yid bde ba dang ldan pa ni bsam gtan dang po dang gnyis pa'i'o/ /bde ba las 'das pa kho na ni bsam gtan bzhi ba yan chad de/ de la sdug bsngal ba ni dud 'gro dang yi dags rnams kyi'o/ /sdug bsngal dang 'drel ba ni mi rnams kyi'o/ /sdug bsngal ba dang yid mi bde ba dang ldan pa ni sems can dmyal ba rnams kyi'o/ /sdug bsngal ba las ma 'das pa ni steng gi lha'i ris rnams kyi yin te /phyi ma la sdug bsngal dang 'brel ba'i phyir ro/ /de la bde ba'i 'du byed rnams ni sdug bsngal pa yang na yin bde ba yang ma yin pa'i tshor ba mngon sum du gyur pa'i tshe'o/ /bde ba dang 'brel ba ni sdug bsngal ba'i tshe'o/ /bde ba dang yid bde ba dang ldan pa ni bde ba'i tshor ba mngon sum du gyur pa'i tshe'o/ /bde ba las ma 'das pa ni thams cad la yang bde ba'i rgyu dang rjes su 'brel ba'i phyir ro/ /de las bzlog pa ni sdug bsngal ba'i rnam grangs yin par rig par bya'o/ /de la bde ba'i 'du byed rnams ni bde ba dang bcas pa'i bde ba'i gnas ma 'gags pa gang yin pa de dag go /bde ba dang 'brel pa ni bde ba'i rgyu yod pas ma 'ongs pa'i dus na skye par 'gyur ba gang yin pa'o/ /da ltar gyi dus kyi sgo nas bde ba dang mthun pa gang yin pa de dag ni bde ba dang yid bde ba dang ldan pa rnams so/ /de las gzhan pa'i dus gsum pa rnams ni bde pa las ma 'das pa'o/ /de las bzlog pa ni sdug bsngal gyi rnam grangs bzhi ste ci rigs par rig par bya'o/ /sdom ni/ shes pa gnyis ni gzhi dang bcas/ /bde ba yongs su 'gyur pa dang/ ched du gsungs pa'i mdo sde dang/ /mya ngan 'das dang gnyis su 'gyur/ /shes pa ni gnyis te/ yang dag pa'i

  364. 182b

    shes pa dang log pa'i shes pa'o/ /de la yang dag pa'i shes pa yang bzhi dang bcas par 'byung la log pa'i shes pa yang gzhi dang bcas par 'byung ste/ de gnyi ga yang gzhi dang bcas pa yin mod kyi yang dag pa'i shes pa ni yang dag pa ji lta ba'i bzhi la 'dzin pa yin la/ log pa'i shes pa ni rnam par brtags pa yang dag pa ji lta ba ma yin pa'i gzhi la 'dzin pa yin no/ /shes bya sngon du 'gro ba yong na yang dag par bstan pa yid la byed pa'i rgyas yang dag pa'i shes pa 'byung la shes bya yod na log par bstan pa yid la byed pa'i rgyus log pa'i shes pa 'byung ba yin mod kyi yang dag pa'i shes pa ni byung nas kyang shes bya 'jig par mi byed de/ shes bya yod pa de nyid la log par mngon par zhen ba spangs nas yang dag pa nyi tshe la mngon du gnas pa kho nar zad de dper na mun pa'i nang na 'dug pa'i gzugs rnams la mar me byung na gzugs rnams 'jig par mi byed kyi yod pa nyid gsal bar byed par zang de de dang 'dra bar rig par pa'o/ /bde bar tshor ba'i 'du byed rnams ni mi rtag pa'i mtshan nyid kyi tshul gyis gang gi tshe sdug bsngal gyi gnas skabs su gyur na de'i tsho gnod par gyur to zhes bya'o/ /gang gi tshe sdug bsngal ba yang ma yin bde ba yang ma yin pa'i gnas skabs su gyur na ni de'i tshe 'du byed kyi sdug bsngal la brten nas sdug bsngal bar gyur to zhes bya ste/ bde ba'i tshor ba 'ba' zhig gtun du yod par gyur cig /gzhan dag gi gnas skabs ni ye 'byung bar ma gyur cig ces bya ba'i gnas 'di ni rnyed bar mi 'gyur ro/ /skye ba dang rga ba la sogs pa'i chos nyid dang 'brel ba'i 'du byed gang yin ba de dag ni sdug bsngal ba'o/ /de dag las kyang nad kyi gnas skabs su gyur pa na ni gnod par gyur to zhes bya'o/ /skye ba la sogs pa'i sdug bsngal gyi gnas skabs su gyur ba na ni sdug bsngal bar gyur to zhes bya ste/ 'du byed de rnams la skye ba la

  365. 183a

    sogs pa sdug bsngal gyi rgyu dang 'brel ba bzhin du 'bras bu'i gnas skabs su ye ma gyur cig ces bya ba'i gnas 'di ni rnyed par mi 'gyur ro/ /'du byed thams cad ni rang bzhin gyis rten cing 'brel par 'byung ba yin pas na rang dbang med pa dang bdag po med pa yin te/ gang bdag por gyur pa de ni 'du byed 'di dag mi rtag pa yin du zin kyang ji ltar 'dod pa bzhin du rgyun du 'jog par 'gyur pa'am/ yang na nam ma shi'i bar du gzhan rnams skyed par mi byed pa'i rigs so/ /mdo sde ni gnyis yod de/ ched du bstan pa dang ched bstan pa ma yin pa'i mdo sde'o/ /de la ched du bstan pa ni gang zag gang 'du byed bstan pa'i rnam pa gang gis gdul bar bya ba de'i ched du de'i rnam pa'i 'du byed bstan pa 'jug par mdzad do/ /ched du bstan pa ma yin pa ni gang du 'khor ba brgya phrag du ma'i nang du rnam grangs du mar dga' bar 'gyur ba'i gtam mjad pa 'am yang na ston pa'i drung du gnas pa kun dga' ba'i mdun du gtam mdzad pa gang yin pa ste/ 'di lta ste/ dam pa'i chos yun ring du gnas par mdzad pa'i phyir/ /yan lag gsum gyis yongs su zin na mya ngan las 'das pa yongs su rdzogs par rig par bya ste/ 'di lta ste/ mthun pa'i gdams ngag dang 'du byed thams cad yang dag par brtags pa dang/ nyon mongs pa thams cad spangs pa'o/ /de la mthun pa'i gdams dag ni kun brjod pa'i rjes su ston pa/ kun brjod pa'i cho 'phrul gyis bsdus pa'i bstan pa ste/ de la de bzhin gshegs pa gang gi sems kun brjod par bzhed pa na nyid kyi thugs mnyam par gzhag pas gzhan gyi sems ma lus par rnam pa gsum gyi sgo nas khyab par mdzad/ gcig nas gcig tu brgyud pa 'gags nas yun ring du lon pa gang yin pa dang/ 'gags ma thag pa gang yin pa dang/ da ltar gyi dmigs pa la 'jug pa gang

  366. 183b

    yin pa ste/ de ting nge 'dzin de las bzhengs nas/ ting nge 'dzin gyis nyams su myong ba'i pha rol gyi sems thugs la dgongs nas ji ltar myong pa de kho na bzhin du ma tshang ba med par lun ston par mdzad de sems 'di ni 'di lta bu zhig go zhes bya ba ni 'gags nas yun ring du lon pa'o/ /yid ni 'di lta bu zhig go zhes bya ba ni 'gags ma thag pa gang yin pa'o/ /rnam par shes bzhi 'di lta bu zhig go zhes bya ba ni da ltar gyi yin pa ste/ da yang rigs nges pa'i sgo nas yin gyi/ skad cig po nges pa'i sgo nas ni ma yin no/ /de yang de bzhin du kun tu brjod pa'i cho 'phrul la brten nas gnas gsum du gdams ngag ston par mdzad de/ 'gro zhing rgyu bar gtogs ba la ni yul mngon sum du 'gyur ba dang /tshul bzhin yid la byed pa la ni gnang bar mdzad do/ /tshul bzhin ma yin pa yid la byed pa ni 'gog par mdzad do// gnas par gtogs pa la ni rtog pa ngan pa ni 'gog par mdzad do/ /rtog pa bzang po ni gnang bar mdzad do/ /zhi gnas dang lhag mthong bsgom pa la brtson pa la ni spang bar bya ba'i 'du byed thams cad spong pa dang/ nyon mongs pa thams cad spangs pas mya ngan las 'das pa mngon sum du byed pa gnang bar mdzad do/ /gnas gsum du gtogs pa'i nye ba'i nyon mongs pa las sems yongs su dag pa de ni gdams ngag bstan pa yin te/ 'di lta ste/ ? zhing 'gro bar gtogs pa dang/ gnas par gtogs pa dang/ rten du gtogs pa'o/ /'das pa dang ma 'ongs pa dang da ltar byung ba'i 'du byed rnam rtag pa dang 'du byed thams cad rtag pa zhes bya'o/ /zag pa gsum dang/ zag pa sngon du 'gro ba'i 'dun pa'i 'phongs pa dang/ 'dun pa'i yongs pa sngon du 'gro ba'i rtogs pas gdungs pa dang rtog pas gdungs pa mngon du 'gro ba'i yul du tshol bas 'khrug pa yang dag par spangs pas na nyon mongs ba thams cad spangs pa zhes bya'o/ /nyon mongs pa thams cad spangs pas ni sems rnam par grol te yongs su yi 'chad pa med pas mtshan ma

  367. 184a

    med pa'i bde bar gnas pas gnas shing tshe 'di nyid la yongs su rdzogs pa'i mya ngan las 'das pas mya ngan las 'das pa'i grangs 'gro'o/ /chos gsum la rang gi don gyi sgo nas de la skyabs su gnas pa dang/ gzhan gyi don gyi sgo nas de la gling du gnas te/ gsum gang zhe na/ nang gi yid la byed pa sngon du 'gro ba'i chos kyi rjes su mthun ba'i chos la nan tan du bsgrub pa dang/ de bzhin gshegs pas gsungs pa'i dam pa'i chos nyan pa dang/ chos mthun pa'i skyes bu dam pa la yang dag par brten par bya ba yin gyi/ gzhan dag la ni brten par mi bya ste/ 'di lta ste/ skyes bu dam pa ma yin pa'am/ 'di las phyi rol pa las brtsams te rnam pa thams cad kyi thams cad du bsten par mi bya ste/ chos gsum po 'di dag gis ni ming gyur pa la dben pa'i chos bzhi bstan pa yin te/ 'di lta ste skyes bu dam pa la yang dag par brten pa dang/ dam pa'i chos mnyan pa dang/ tshul bzhin yid la byed pa dang chos kyi rjes su mthun pa'i chos nan tan du bsgrub pa'o/ /yan lag nges mya ngan las 'das pa ni rgyu gsum du rig par bya'o/ /rnam pa lngas sdug bsngal yongs su shes pa dang/ sdug bsngal gyi gnas 'du byed thams cad kyi nyes dmigs mthong pa dang/ mya ngan la sogs pa'i sdug bsngal thams cad las 'das pa'o/ /de la sdug bsngal ba'i rigs la brten pas mya ngan la sogs pa skye bar 'gyur ba 'di ni de dag gi rang bzhin yongs su shes pa'o/ /rang gis bon yong na skye bar 'gyur pa 'di ni rgyu yongs su shes pa'o/ /rang gi spyod yul la brten ba 'di ni rkyen yongs su shes pa'o/ /sdug bsngal gyi gnas 'du byed de dag la bdag gir mngon par zhen pa dang/ bdag tu yang dag par mthong pa 'di ni grogs yongs su shes pa'o/ /dus gsum du 'dod pa dang ldan pa'i 'du byed rnams kyi nyes

  368. 184b

    dmigs yang dag par mthong na mya ngan la sogs pa'i sdug bsngal thams cad spangs pa ni yan lag nges mya ngan las 'das pa zhes bya ba yin par reg par bya'o/ /de la sdug pa'i dngos po rnam par 'gyur ba la mya ngan byed pa'i sgo nas sems gzir ba ni mya ngan zhes bya'o/ /de las byung ba'i tshig brjod pa ni sme? sngags 'don pa'o/ khrang? brdung ba'i phyir ni sdug bsngal ba'o/ /nang gi yid gdung pa'i phyir ni yid mi bde pa'o/ /kun tu rmongs par 'gyur ba ni 'khrug pa'o/ /gzhan yang longs spyod dang nang med pa'i dang/ gnyen gyi sdug bsngal las gang yang rung ba'i sdug bsngal gsal du byung ba la brten to/ yid mi bde bar gyur pa gang yin pa de ni mya ngan zhes bya'o/ /de la brten nas de'i rjes thogs su tshig tu brjod pa dang lus yongs su gdubs pa na smre sngags 'don pa dang sdug bsngal pa'i gnas skabs yin no/ /sme sngags 'don pa dang lus yongs su gdung bar byed pa'i yid mi bde ba las 'das pa de'i nyin par chung zad zhi par gyur te/ sems mi dga' bar gyur pa gang yin pa de ni yid de mi bde ba'i gnas skabs so/ /dang po'i nyin ma las 'das pa'i 'og tu yang de'i rgyus nyin zhag gnyis sam /gsum mam/ lnga'am/ bcuAm/ zla ba byed dam/ zla ba gcig gam/ de las lhag ba'i bar du sems ma dga' ba ni 'khrug pa zhes bya'o/ /sdom ni/ dgra dbus su? lta du yi?/ /kun? nas nyon mongs rgyu che ba/ /bgrong pa gcig dang de bzhin slob/ /yongs su yid 'chang rnam pa bzhi/ /legs par gsungs dang nyes bshad la/ /dran? pa'i khyad par yod pa yin/ /de bzhin gshegs pa ni rnam pa bzhis 'jig rten ni sdang pa'i dgra ma yin mod kyi 'on kyang 'jig rten ni dgra yin no snyam du 'dzin te /bzhi gang zhe na/ rigs pa'i don ston pa dang/ yang dag pa'i don ston pa dang/ phan pa'i don ston pa dad/ la lar yid dang sbyor bar mdzad pa'o/ /'di la de

  369. 185a

    bzhin gshegs pa ni rigs pa rnam pa bzhi la brten nas chos ston par mdzad de/ snga ma bzhin du ltos pa'i rigs pa dang/ bya ba byed pa'i rigs pa dang/ gtan tshigs kyis bsgrub pa'i rigs pa dang/ chos nyid kyi rigs pa ste/ nges na chos smra ba zhes bya'o/ /de bzhin gshegs pa ni 'di lta ste/ brtsad par bya ba'i don du klan ka btsal ba'i gzhi chung zad tsam gyi phyir chos ston pa mi mdzad do/ /de ci'i phyir zhe na/ 'jig rten pa rnams ni gzhan gyi don las bdag gi don phyin ci log pa dang/ mi mthun pa yin par 'dzin pas rtsod par byed kyi/ de bzhin gshegs pa'i ni gzhan gyi don nyid rang gi don yin pas de rtsod par ga la mdzad de/ thugs brtse nas de nyid kyi don thob bar mdzad pa'i phyir chos ston pa 'ba' zhig mdzad do/ /sdang ba'i 'jig rten rnams ni 'di'i don ni gzhan kho na yin la bdag cag gi don yang gzhan yin no snyam du phyin ci log tu 'dzin pas na rtsod par byed de/ 'di ni de bzhin gshegs pa'i rigs par gsung pa yin par rig par bya'o/ /de la de bzhin gshegs pa'i yang dag par gsung ba ni 'di yin te/ 'jig rten la mkhas pa rnams yod par 'dzin pa gang yin pa de la ni de bzhin gshegs pa yang yod do zhes gsung ste/ 'di lta ste/ 'du byed rnams ni mi rtag ces bya ba lta bu'o/ /med par 'dzin pa gang yin pa de la ni med do zhes gsungs te/ 'di lta ste/ 'du byed rtag pa lta bu'o/ /de la de bzhin gshegs pa'i phan par gsungs pa ni 'di yin te/ 'jig rten dag gi 'jig rten ni chos rnams 'jig rten long bar rang gis mi shes pa gang yin pa de dag de bzhin gshegs pa nyid kyis mngon par rdzogs par sangs rgyas nas ston par mdzad pa lta bu'o/ /de la de bzhin gshegs pa'i kha cig tu 'jig rten gyi yid dang sbyor ba

  370. 185b

    ni 'di yin te/ kha cig ni brnga pa rtswa dang/ thun bu thu ba la brten te 'tsho bar byed pa de la skye bo dag phyug cing nor mang la longs spyod che bar 'dzn te/ skye bo ngag ji ltar 'dzin pa de bzhin du de bzhin gshegs pa yang de dang mthun par tha snyed 'dogs par mdzad pa dang/ 'di lta ste/ yul khams kha cig na rdzas gcig pu de nyid la ming tha dad par 'dogs pa la gang du ji skad du ming 'dogs pa de la de kho na bzhin du de bzhin gshegs pa yang de dang mthun par tha snyad 'dogs par mdzad pa lta bu'o/ /dgra la ni dgral rigs par smra bar yang mi byed/ yang dag par smra bar yang mi byed/ phan par smra bar yang mi byed/ yid dang sbyor bar yang mi byed de de bas na de bzhin gshegs ba ni dgra ma yin par rig par bya'o/ /ma dris par yang nyid kyi don yang dag par gzigs nas mngon par rdzogs par sangs rgyas pa'i chos ston cing ming gi tshogs dang/ tshig gi tshogs dang/ yi ge'i tshogs 'tsham ba dag gis 'dogs par mdzad de/ de ni 'di lta snye/ rnam grangs bsdu ba las yang dag par ston pa zhes bya ba'i bar du ji skad bstan pa bzhin du rig par bya'o/ /yang srid par skye ba'i myu gu 'byung ba la ni rgyu gcig dang rkyen gnyis yod de/ 'du byed rnam pa lnga po dag la nyon mongs pas sa bon dang ldan pa'i rnam par shes pa ni rgyu'o/ /rnam par shes pa'i gnas bzhi zhing dang 'dre ba dang/ dga' ba dang 'dod chags nges rnam par shes pa skye ba de dang der nyid mtshams sbyar pa'i phyir rlan par byed pa ni rkyen yin no/ /de la kha cig ni rnam par shes pa'i gnas bzhi phung por gtogs par 'gyur la dga' ba dang 'dod chags ni nges tshe 'di la gsar du bsags shing bsdus na de yang de'i 'og tu dgra bcom pa thob nas rnam par shes pa sa bon dang bcas pa de rul bar byed cing med par byed de/ de ltar na myu gu 'byung bar mi 'gyur ro/ /gzhan yang 'di na kha cig

  371. 186a

    ni 'ching ba thams cad kyang yod la yang dag par zhugs pa mya ngan las 'das pa'i bsam pa can yang yin te/ skye ba'i gnas thams cad la mi mthun pa'i 'du shes can de ni 'ching ba thams cad yod pa'i phyir/ sa bon yang med par ma gyur la rnam par shes pa'i gnas kyang nye bar gnas te/ srid pa thams cad la yang mi mthun pa'i 'du shes can yin te/ dga' ba dang 'dod chags ni med do/ /de ltar nan tan du sgrub pa de ni 'di nyid la yongs su mya ngan las 'da' bar 'gyur ba'i skal pa can yin te /de la yang myu gu 'byung ba med do/ /gzhan yang kha cig ni slob pa phyir mi 'ong ba yin te /'du shes med 'du shes med min skye mched kyi 'du byed kyi lhag ma srid pa'i rtse mo bsgrubs nas gnas te/ de'i sa bon ni rnam pa thams cad kyi thams cad du med par gyur ba ma yin te/ des ni rnam par shes pa'i gnas de yongs su shes shing khong du chud do/ /brjed ngas pa'i dbang las byung ba'i gong ma'i srid pa shes tsam ni yod de/ de ltar na phyir mi 'ong ba de'i phyi ma la 'og ma'i myu gu 'byung bar mi 'gyur ro/ /de las bzlog pa thams cad la ni yang srid par skye ba'i myu gu yod par rig par bya'o/ /kun nas nyon mongs pa ni gnyis te/ lta ba'i kun nas nyon mongs pa dang/ de ma yin pa'i nyon mongs pa'i kun nas nyon mongs pa'o/ /de la lta ba'i kun nas nyon mongs pa ni 'du byed rnams la bdag dang bdag gi rnam par log par gzung bas 'jug pa'i 'jig tshogs la lta ba ste/ des ni 'du byed rnams la bdag gam bdag gir khas len pa dang/ rtsa ba de las byung ba de de ma yin pa'i phyi rol pa'i lta bar gyur pa rnams khas len pa'o/ /de ma yin pa'i nyon mongs pa 'dod chags la sogs pa ni kun nas nyon mongs pa gnyis pa yin par rig par bya'o/ /de la lta ba'i kun nas nyon mongs pa las

  372. 186b

    rnam par grol ba'i tshe ni de ma yin pa rnams las na gtan du rnam par grol bar 'gyur ba'i skal pa can du 'gyur gyi de ma yin pa rnams las rnam par grol bar 'gyur ba'i skal ba can du mi 'gyur ro/ /de ci'i phyir zhe na/ 'di ltar 'dir skyes pa ci yang med pa'i skye mched man chad kyi 'dod chags dang bral ba ni sa 'og ma pa'i de ma yin pa'i nyon mongs pa rnams las 'jig rten pa'i lam gyis sems rnam par grol bar 'gyur gyi/ 'jig tshogs la lta ba las ni ma yin no/ /de yang nges na sa 'og ma pa dang/ sa gong ma pa'i 'du byed 'des pa'i lus la bye drag med par bdag gam bdag gir khas len te/ nges na srid pa'i rtse mor song du zin kyang phyir ldog par 'gyur gyi/ 'jig rten las 'das pa'i lam gyis lus thams cad la sdug bsngal bar yongs su shes pas 'jig tshogs la lta ba spong ba sngon du 'gro ba'i nyon mongs pa spong bas phyir ldog par mi 'gyur te/ de bas na 'dir ni lta ba'i kun nas nyon mongs pa 'ba' zhig kun nas nyon mong pa chen po yin par rig par bya'o/ /lam gyi bgrod pa gcig pa ni rnam pa gsum du rig? par bya ste/ so so'i skye bo'i sa la 'du byed rtag pa rnam pa lnga yod de/ rtag pa de nyid kyang zhugs pa'i slob pa'i sa dang/ mi slob pa'i sa'i dus gnyis su rnam par dag par 'gyur ba'i phyir ro/ /gnas lnga brtag pa gang zhe na/ 'du byed rnams kyi rang bzhin brtag pa dang/ rgyu brtag pa dang/ kun nas nyon mongs pa'i rgyu brtag pa dang/ rnam par byang ba'i rgyu brtag pa dang/ rnam par byang ba brtag pa'o/ /sngon so so'i skye bo'i gnas skabs su rnam pa lnga la mkhas par gyur nas slob pas gnas lnga po de dag nyid la de ma yin/ pa rnam pa lngas rtog pa nas mngon par shes pa myur bar

  373. 187a

    'gyur te/ lnga gang zhe na/ 'du byed rnams kyi 'du byed kyi rgyu dang/ kun nas nyon mongs pa'i rgyu dang/ rnam par byang ba'i rgyu 'gog pa la zhi ba dang/ rnam par byang bar 'gyur ba'i lam la nges par 'byin pa dang/ 'du byed thams cad la yang sna tshogs mang ba'i bdag nyid can dang/ rang gi sa bon las skye ba dang/ de ma yin pa'i rkyen las skye ba'o/ /gnas gnyis la sgrib par byed pa'i yongs su yi 'chad pa rnam pa bzhir rig par bya ste/ bzhi gang zhe na/ gang gi gnas skabs su skye ba dang/ gang la brten te skye ba dang/ ji ltar skye ba dang/ rnam pa ji lta bu skye ba'o/ /de la 'phags pa ma yin pa bden pa rnams la mi mkhas pa nye ce'i skye bar 'gyur te/ 'phags pa ma yin pa de'i yang gnas lnga la mi mkhas pa la skye bar 'gyur ro/ /de la 'du byed rnams la bdag dang bdag gir khas len pa'i rnam pa'i 'jig tshogs la lta ba las ni brten te skye'o/ /de la 'du byed yongs su 'gyur ba rnam pa gnyis kyis ni skye bar 'gyur te/ rkyen gzhan yongs su 'gyur ba dang/ rang gi sems kyi log par rtog pa yongs su 'gyur ba'o/ /de la sdug pa las yongs su 'gyur ba ma 'ongs ba'i dogs pas skrag pa'i rnam pa dang/ gyur zin pa'i 'og tu phongs pa'i rnam pa dang/ gyur zin nas kyang sdug pa de yang 'byung bar 'gyur ba la lta ba'i rnam pa dang mya ngan las 'das na lus yongs su 'gyur ba la rtog pas yongs su yi 'chang pa'i rnam pa ste de de ltar zhugs pas bstan pa la mngon par dga' ba la yang sgrib par byed la mya ngan las 'das pa la mngon par dga' ba la yang sgrib par byed do/ /dmigs pa dang rang gi spyod yul la ni sgo gnyis nas bdag dang bdag gir 'dzin pa 'jug ste/ 'di lta ste rtog pa dang myong ba'i sgo nas 'jig tshogs la lta bar dang tshor ba dang sbyar ro/ /legs par gsungs pa dang nyes par bshad pa'i chos can? gnyis ni

  374. 187b

    sngon gyi gnas rjes su dran pa'i gzhi mtshungs mod kyi/ kun nas nyon mongs pa dang rnam par byang bar bya ba la rnam pa gsum gyis khyad par yod par rig par bya ste/ gsum gang zhe na/ 'di na nyes par bshad pa'i chos can ni sngon gyi gnas rjes su dran pa na 'du byed rnams kyi rang gi mtshan nyid dang/ spyi'i mtshan nyid yang dag pa ji lta ba bzhin du mi shes te/ 'du byed de dag la rtag pa'am/ kha cig rtag pa 'am/ mi rtag pa 'am/ rgyu med bar rtog go /legs par gsungs pa'i chos can gyis ni shes pas na rtogs par mi byed de/ 'di ni khyad par dang po'o/ /gzhan yang nyes par bshad pa'i chos can ni snyoms par 'jug pa gang la brten te dran pa de la sdug bsngal bar yang dag pa ji lta ba bzhin du mi shes pas ro myang bar byed de ro myangs pas 'das pa'i 'du byed rnams la ni lta'o/ /ma 'ongs pa rnams la ni mngon par dga' o/ /da ltar byung ba rnams la ni skyo bar bya ba dang/ 'dod chags dang bral bar bya ba dang/ 'gog pa'i phyir mi 'jug go /legs par gsungs pa'i chos can de las bzlog par rig par bya ste/ 'di ni khyad par gnyis pa'o/ /gzhan yang nyes par bshad pa'i chos can ni de ltar log par zhugs pas kun nas nyon mongs pa rnam pa bzhis kun nas nyon mongs shing yang srid par skye ba mngon par 'grub par byed de/ 'di lta ste/ las kyi kun nas nyon mongs pa dang/ lta ba dang nga'o snyam pa'i nga rgyal gyis kun nas dkris pa'i kun nas nyon mongs pa dang/ sred pa'i kun nas nyon mongs pa dang/ de rnams kyi bag la nyal gyi kun nas nyon mongs pa'o/ /de ni las gsar yang byed cing sogs la las rnying rnams la yang reg cing reg cing 'dor bar mi byed de/ 'di ni las kyi kun nas nyon mongs pa'o/ /'du byed rnams la 'jig tshogs la lta zhing sems can gzhan dge sbyong dang bram ze rnams la yongs su 'jal bar byed cing brtags nas bdag ni che'o snyam pa 'am/ bdag ni

  375. 188a

    mnyam mo snyam pa 'am bdag ni chung ngo snyam du 'dzin pa 'di ni lta ba dang nga'o snyam pa'i nga rgyal gyis kun nas dkris pa'i kun nas nyon mongs pa'o/ /sred pa'i kun nas dkris pa'i kun nas nyon mongs pa ni nad ngam phyi rol las brten nas sred pa spyod pa rnams las rig par bya'o/ /de rnams kyi bag la nyal gyi kun nas nyon mongs pa ni de rnams kyi rgyud dang 'brel ba'i lta ba dang nga'o snyam pa'i nga rgyal dang sred pa'i phyogs kyi gnas ngan len yin no/ /rnam pa bzhi po de rnams ni bsdus na gnyis su 'gyur te/ las dang nyon mongs pa rnams so/ /kun nas nyon mongs pa rnams kyang kun nas dkris pa dang/ bag la nyal lo/ /de ma yin pa'i nyon mongs pa'i nyon mongs pa yang yod mod kyi 'du byed rnams la log par 'dzin pa sngon du 'gro ba'i mngon par chags pa'i dbang du byas nas nyon mongs pa 'di dag nyi tshe smos so/ /de la gzhan la mi rtog par rang gi 'du byed rnams la lta bas log par 'dzin pa dang/ gzhan la brtags nas nga'o snyam pa'i nga rgyal gyis log par 'dzin pa'o/ /log par 'dzin pa de yang ma rig pa'i phyogs su gtogs pa yin no/ /de sngon du 'gro ba'i mngon par chags pa ni sred pa'i phyogs su gtogs pa'o/ /'di gnyis ni rtsa ba'i nyon mongs pa yin te/ 'di gnyis 'khor ba'i rgyun 'jug par 'gyur ro/ /legs par gsungs pa'i chos 'dul ba can ni de ltar yang dag par zhugs pas kun nas nyon mongs pa rnam pa bzhi spangs nas tshe 'di la yongs su mya ngan las 'da' zhing yongs su rdzogs pa'i mya ngan las 'das pa de la yang gtan du gnas par 'gyur ro/ /cig shos ni yan lag des mya ngan las 'das pa la yang gtan du gnas pa ma yin te 'di ni khyad par gsum pa'o/ /de la lta ba dang nga'o snyam pa'i nga rgyal gnyis ni che ba zhes bya'o/ /sred pa ni nas lha dang mi rnams kyi nang du lus dang longs spyod che bar

  376. 188b

    lta ba dang nga'o snyam pa'i nga rgyal gnyis kyis sgrib pas 'du byed rnams rang bzhin gyis tha chad yin par ma shes nas lha dang mi rnams kyi nan du lus dang longs spyod che bar 'dod de de bas na che ba zhes bya'o/ /dud pa dang 'dra bar sems tha mal bar gnas par rab tu mi byed cing rnam par 'khrug par byed paS na de'i phyir dud pa zhes bya'o/ /sdom ni/ nyes dmigs med dang 'dun pa med/ /'dri ba'i lan la nor pa med/ /mtshan nyid dang ni bar du gcod/ /ngo mtshar dang ni rgyu 'jig dang/ /kun nas nyon mongs gcig tu nges/ /gnyi ga yang ni tha ma yin/ /'di gnyis ni dad pa can yin yang dad pa dang 'tsham pa'i spyod pa dang ldan pa ma yin te/ gnyis gang zhe na/ khyim pa dad pa can mya ngan las 'das pa dang/ 'du byed mi rtag pa la ni dad pa nyes dmigs su mi lta bar gnas pa dang/ nges par 'byung ba mi shes pas yongs su spyod pa gang yin pa dang/ khyim spangs nas khyim nas khyim med par rab tu byung ba dad pa can yin du zin kyang mya ngan las 'da' bar bya ba'i phyir mdun pa drag pos gnas pa med pa dang tshe 'di nyid la yongs su mya ngan las 'da' bar bya ba'i phyir mdun pa la brten pas dge ba'i chos rnams bsgom pa la rtag tu sbyor bar yang mi byed pa gang yin pa'o/ /de las bzlog pa ni dad pa dang 'tsham pa'i spyod pa gnyis yin par rig par bya'o/ /'di gnyis ni chos 'di pa mkhas shing gsal ba la dad pa can nam/ mu stegs can gyis dris pa'i lan 'debs pa la nor pa med pa yin par rig par bya ste/ de ni 'dri ba'i lan 'debs pa la nor pa med pa yin no/ /sems 'byung ba dang 'jig pa las brtsams te sems can du sgro mi 'dogs pa dang/ dngos po yod bden pa la yang skur pa mi 'debs par 'du byed tsam nyi tshe skye ba 'am 'jig pa yod par ston pa de ni 'dri ba'i lan 'debs pa la nor pa med pa yin no/ /sems can rnams skye ba 'am 'jig pa yod do zhes bya ba 'di ni sgo

  377. 189a

    'dogs pa'i mdza' ste mdza' gcig go /ci yang skye ba 'am 'jig pa med do zhes bya ba ni skur pa 'debs pa'i mdza' ste gnyis pa'o/ /'du byed tsam gyi skye ba 'am 'jig pa yod do zhes bya ba ni dbu ma'i lam ste mdza' gnyis las rnam par grol ba yin no/ /de bas na des lan 'debs pa ni lan gdab pa legs pa yin te/ de bzhin gshegs pas bstod pa yin no/ /yang na ci'i phyir dge sbyong gau ta ma'i thad du tshangs par spyod pa nyams su len par byed ces dris na snga ma bzhin du sgro 'dogs pa dang/ skur pa 'debs pa'i mdza' gnyis spangs pa'i dbu ma'i lam gyis lan 'debs pa ni lan 'debs pa la nor pa med pa yin no/ /sems can kun nas nyon mongs pa can rnams rnam par byang bar bya ba'i phyir nyams su len te zhes bya ba 'di ni mdza' gcig go /ci'i don gyi phyir yang nyams su len pa med do zhes bya ba 'di ni mdza' gnyis pa'o/ /'du byed rnams la skyo bar bya ba'i phyir dang/ 'dod chags dang bral bar bya ba'i phyir dang/ 'gog par bya ba'i phyir nyams su len to zhes bya ba 'di ni dbu ma'i lam yin te/ de bas na nges lan 'debs pa ni ma nor zhing legs pa yin te/ de bzhin gshegs pas bsngags pa yin par rig par bya'o/ /'di gnyis ni 'dus byas dang/ 'dus ma byas pa ste/ de la 'dus byas kyi mi rtag pa ni 'dus byas kyi mtshan nyid gsum gyis shes par 'gyur te/ 'di lta ste skye ba dang 'jig pa dang gnas pa las gzhan du 'gyur ba'o/ /mtshan nyid gsum po de dag kyang 'du byed kyi rgyun gnyis la brten nas shes par 'gyur te/ 'di lta ste tshe rab gcig nas gcig tu rgyud pa'i rgyun dang/ skad cig pa gcig nas gcig tu rgyud pa'i rgyun no/ /de la rgyun snga ma shos kyi sems can gyi ris de dang der skye ba gang yin pa

  378. 189b

    don? skye ba'o/ /tha mar 'chi ba ni 'jig pa'o/ /thog ma dang tha ma'i par gzhon nu la sogs pa'i gnas skabs rnams su gnas pa las gzhan du 'gyur ba ste/ tshe'i tshad ji tsam par gnas pas na gnas pa'o/ /gnas skabs phyi ma phyi ma'i bye brag yod pas na gzhan du 'gyur ba'o/ /de nas rgyun phyi ma shos kyi skad cig skad cig la 'du byed rnams sang bsang pa skye ba gang yin pa de ni skye ba'o/ /skye ba'i skad cig pa de las lhag par mi gnas pa ni 'jig pa'o/ /skye ba'i skad cig pa tsam la gnas pa ni gnas pa'o// gzhan du 'gyur ba ni gnyis te/ tha dad pa'i gzhan du 'gyur ba dang/ tha dad par 'gyur ba'i gzhan du 'gyur ba'o/ /de la tha dad pa'i gzhan du 'gyur ba ni 'du byed rgyun 'dra bar 'jug pa gang yin pa'o/ /tha dad par 'gyur ba'i gzhan du 'gyur ba ni rgyun mi 'dra bar 'jug pa gang yin pa'o/ /gzhan du 'gyur ba'i lus ni gnas pa las logs shig na med de/ de bas na 'di gnyis gcig tu bsdus nas mtshan nyid gcig tu 'dogs so/ /de las bzlog pa las ni 'dus ma byas pa'i mtshan nyid gsum dang rtag pa nyid du rig par bya'o/ /gsum po 'di dag ni mya ngan las 'das pa'i tshogs bsags pa'i bar du gcod pa yin par rig par bya ste/ las kyi mdza' rgya chen pos longs spyod phun sum tshogs pa'i sgo nas bdag med par gyur pa dang/ dge ba'i bshes gnyen gyis skul ba med pa dang/ chos ma thos shing chos ma thob par dus ma yin par 'chi pa'i rkyen gang yang rung ba dang phrad nas 'chi ba'o/ /de las bzlog pa ni bar du gcod pa med pa gsum du rig par bya'o/ /'di gnyis ni 'phags pa shi ba dang dus las 'das pa'i 'phags pa'i rtags yin te/ 'di lta ste/ 'chi ba'i tshe dbang po dad pa dang/ ston pas lung bstan pa'o/ /ston pa ni 'phags pa 'das pa ni rnam pa gsum gyis

  379. 190a

    'phags pa yin par lung ston par mdzad de/ rigs dang ldan pa'i phyir nor du gyur par lung ston pa dang/ nga'i chos kyi rjes su mthun pa rtogs so zhes bya ba la chos shes bya ba ni yang dag pa'i lta ba sngon du 'gro ba'i lam mo/ /de'i rjes su 'thun pa'i chos ni de las chos de las brtsams pa'i pha rol gyi sgra ste/ tshul bzhin yid la byed pa'i rten te/ /'di lta ste/ chos kyi skabs nas nga la 'tshe bar mi byed pa'o zhes bya'o/ /de'i don ni de bzhin gshegs pa rnams kyis bka' stsal ba'i don dang/ gsungs pa'i don ni 'di lta ste/ zag pa rnams zad par bya ba de'i phyir yin la zag pa zad pa de yang des 'thab? bo/ /'di gnyis ni de bzhin gshegs pa'i ngo mtshar rmad du byung ba'i chos yin te/ 'di lta ste ma dad pa rnams dang bar bya ba dang/ dad pa rnams phyir zhing 'phel bar bya ba dang bstan pa 'di la myur du 'jug par bya ba'i phyir/ 'di lta ste/ ston pa yin pa'i rnam pa 'am/ chos bstan pa'i rnam pa 'am/ mcho gi thob pa brnyes pa'i rnam pa las brtsams te phyogs dang phyogs mtshams rnams su dge ba dang rgya che bar grags pa dang sgra dang tshigs su bcad par ldan pa dang/ rgyu med par smra ba dang mi mthun par smra ba spangs nas yang dag pa'i rgyu gsung ba ste/ 'di ltar rgyu med pa dang/ rgyu mi mthun par smra ba ni 'di lta ste/ mkhas pa rnams kyi bde 'gror 'gro ba dang thar bar 'gro ba'i phyir mos pa'i gnas kyang ma yin na 'jug par 'gyur ba dang nan tan du sgrub par lta ga la 'gyur/ /yang dag pa'i rgyu smra ba ni de las bzlog pa las rig par bya'o/ /de la ston pa'i rnam pa rnams ni 'di lta ste/ 'di ltar bcom ldan 'das de ni de bzhin gshegs pa dgra bcom pa zhes bya ba nas/ bcom ldan 'das zhes bya ba'i bar dag yin te/ rgyas par rnam grangs bsdu ba las 'byung ba bzhin/ /bstan pa'i rnam pa rnams ni 'di lta ste/ dam pa'i chos bstan pa ste/ thog mar

  380. 190b

    yang dge ba zhes bya ba nas rgyas par sbyar te/ de dag kyang rnam grangs bsdu pa nyid las rig par bya'o/ /de la mchog gi thob pa brnyes pa'i rnam pa rnams ni 'di lta ste/ nges ni 'jig rten 'di dang 'jig rten pha rol yang nyid kyi mngon par shes pas mngon par rdzogs par sangs rgyas so zhes bya ba nas rgyas par sbyar ro/ /de la 'dod pa'i khams ni 'jig rten 'di'o/ /gzugs dang gzugs med pa'i khams ni 'jig rten pha rol lo/ /rnam grangs gnyis pa ni de ltar dang ma 'ongs pa dang 'das pa'i dus kyi bye brag las rig par bya'o/ /slob dpon med pas na nyid do/ /mngon par shes pa zhes bya ba ni rnam pa drug pas so/ /mngon sum du byas shes bya ba ni mngon sum du dmigs pa'i phyir ro/ /bsgrubs te zhes bya ba ni sems can thams cad kyi mchog tu gyur ba'i phyir ro/ /mchog de nyid kyis kyang mkhyen la gzhan dag la yang ston pas na brda sprod pa'o/ /rgyu med par smra ba rnams ni rnam pa gnyis kyis 'du byed rnams la rgyu med par 'dzin pa 'jug par 'gyur te/ de dag ni 'du byed rnams kyi skye ba'i rgyu dang 'jig pa'i rgyu yang rab tu mi shes te/ gang skyes pas 'du byed gang dag skye bar 'gyur ba dang/ gang 'gags pas gang dag 'gag par 'gyur ba'o/ /de dag gis ni mi dmigs pa 'du byed rnams ni dmigs pas 'di ltar lta zhing 'di skad du smra ste/ yod pa gang yin pa de ni yod pa kho na'o/ /med pa gang yin pa de med pa kho na'o/ /med pa la ni skye ba med do/ /yod pa la ni 'jig pa med do snyam mo/ /de skad du smra ba de dag ni gnas skabs gsum du 'du byed rnams kyi skye ba dang 'jig pa dmigs pa 'jig rten thams cad kyis shes pa/ rags pa mngon sum gyi tshad mar gyur pa la skur pa 'debs te/ 'di lta ste/ rgyal rigs dang/ bram ze dang/ rje'u rigs dang/ dmangs rigs kyi gnas de dang der skyes pa dang bud med phrad pa'i rgyus zla ba brgyad dam dgu 'das pa na khye'u 'am bu mo 'byung bar 'gyur ba dang/ de ltar byung nas kyang kha

  381. 191a

    cig ni de nyid kyi mod la tshe zad de bar mdor 'chi ba dang/ gzhan yang 'di na kha cig ni tshe'i tshad ji tsam bar gnas pa dang/ gsen zhing bdug la stong cing 'tsho ste bde ba dang/ sdug bsngal ba dang/ sdug bsngal ba yang ma yin bde ba yang ma yin pa'i tshor pa'i gnas skabs kyi bye brag gis sems las byung ba'i chos rnams sar pa sar pa yin gyi/ rnying pa rnying pa ma yin no/ /'di gnyis ni bdag bstod pa dang gzhan smod pa ste/ 'di lta ste/ tshig tsam gyis byed pa dang ston cing nan tan du sgrub pa byed pa'o/ /de la tshig tsam gyis bdag bstong pa dang gzhan smod pa gang yin pa de dag ni skye bu dam pa ma yin pa'i chos des zil gyis non cing yongs su zin pa'i sems kyis dam pa rnams kyi nang du bdag nyid smang par 'gyur gyi/ bstong par mi 'gyur ro/ /ston cing nan tan du sgrub pa byed pa ni ma bstong pa dang ma smad pa rnams kyis bdag nyid bstong pa dang gzhan dag smad par yang 'gyur ro/ /de bzhin gshegs pa rnams kyis chos bstan pa ni mi shes pa rnam pa gnyis myur du sel bar byed pa ste/ dam pa'i chos ma yin pa la mes pas yun ring po nas skyes pa dang nye bar skyes pa'o/ /de bzhin du lhan cig skyes pa bde 'gror 'gro ba'i lam mi shes pa dang/ che 'di la mya ngan las 'da' bar 'gro ba'i lam mi shes pa'o/ / 'du byed gtogs pa rnam pa bcu gcig gcig tu bsdus na 'du byed kyi tshogs su 'gyur te/ tshogs kyi don ni phung pa'i don du rig par bya'o/ /kun nas nyon mongs pa'i rgyu gcig tu nges pa'i dbang du byas nas nye bar len pa'i phung po rnam par bzhag par rig par bya'o/ /kun nas nyon mongs pa dang rnam par byang ba'i rgyu rnam pa gnyis kyi dbang du byas nas zag pa dang bcas pa dang/ zag pa med pa'i 'du byed rnam par gzhag par rig par bya'o/ /'du byed rnams la nyon mongs pa skye ba ni rnam

  382. 191b

    pa gsum du rig par bya ste/ 'di lta ste/ rten dang/ dmigs pa dang/ gregs so/ /rnal 'byor spyod ba'i sa las gzhi bsdu ba/ bam po drug pa/ sdom ni/ mdzad pa nyung dang rang bzhin sogs/ /'phags pa'i bstan pa rnam pa gsum/ /dam chos lta bur bcos pa dang/ /som nyi kun tu rmongs pa'i gnas/ /lan mi 'debs dang rnam par 'gyur/ /ston pa la ni brjod pa dang/ /lta ba phun sum tshogs pa gsum/ /phyi rol rnams kyis byis pa'i rtags/ /de bzhin gshegs pa rnams ni rgyu gsum gyis mdzad pa nyung dur gnas pa la thugs 'jug par mdzad de/ de'i mod la 'dul ba'i don rdzogs par gyur nas tshe 'di la bde bar gnas pa gnas par bzhed pa dang/ nyan thos rnams kyis nan tan du sgrub pa nyams su mi len pa dag/ 'dul ba don mang zhing bya ba mang la zhugs pa rnams gdul ba'i phyir ro/ /nyin par gnas shing nang du yang dag 'jig pa'i rgyu thams cad ni snga ma bzhin du 'dir yang rig par bya'o/ /bzhi po 'di dag ni 'dul ba rnams kyi 'dul ba'i rang bzhin yin te/ 'di lta ste/ kun tu rmongs pa rnams dang/ bag med pa rnams dang/ sems zhum pa rnams dang/ yang dag par zhugs pa rnams so/ /rnam pa bzhis ni gnas bzhi la gus pa skyes te/ gnas par myur ba nyid du bla na med pa thob par 'gyur te/ thob par bya ba gang yin pa de la bdun pa drag pa dang/ thob par bya ba'i thabs 'di lta ste/ chos kyi rjes su mthun pa'i chos la nan tan du sgrub pa gang yin pa de la sdug par 'dzin pa drag pa dang/ ston pa la 'phangs par 'dzin pa drag pa dang/ des bstan pa'i chos la dad pa drag pa'o/ /bla na med pa ni gsum ste/ 'di lta ste/ shes pa bla na med pa dang/ lam bla na med pa dang/ rnam par grol ba bla na med pa'o/ /de la shes pa bla na med pa ni zang pa shes pa dang/ mi skye ba shes pa dang/ mi slob pa'i? yang dag pa'i lta ba'o/ /mngon par

  383. 192a

    shes pa myur la sla pa'i lam ni lam bla na med pa'o/ /sems rnam par grol ba nyams pa med pa ni rnam par grol ba bla na med pa ste/ de rnams bsdus pa ni shes pa dang/ spong ba dang/ tshe 'di la bde bar gnas pa zhes bya ba'i rig par bya'o/ /slob pa'i shes pa gang yin pa dang/ lam gang yin pa dang/ rnam par grol ba gang yin pa de dag ni bla na med pa ma yin te bla na yod pa'i phyir ro/ /dgra bcom pa'i lam thams cad ni mngon par shes pa sla pa dang myur bar rig par bya ste/ gnas ngan len thams cad bcom pa dang/ bya ba byas pa'i phyir ro/ /byang chub kyi phyogs dang mthun pa la brten pa 'du byed rnams rab tu rnam par 'byed pa na dus gnyis su rnam pa bzhis 'jig tshogs la lta ba yongs su shes na dus gnyis kyi rjes thogs su zag pa zad pa thob par 'gyur te/ dus gnyis pa gang zhe na/ so so'i skye bo'i sa dang mthong ba'i sa'o/ /rnam pa bzhi po gang zhe na/ 'di lta ste/ rang bzhin dang/ gnas dang/ kun nas slong pa dang/ 'bras bu'o/ /de la 'jig tshogs la lta ba'i rang bzhin ni 'du byed do/ /'du byed rnam pa lnga ni de'i bdag gam bdag gir dmigs pa'i gnas yin no/ /lta ba'i nye bar len pas bsdus pa de'i kun nas slong ba ni ma rig pa'i 'dus te reg pa las byung ba'i rkyen gyis byung ba'i sred pa'o// de'ang rten cing 'brel bar 'byung ba'i rim pa rnam pa lngas 'byung ste/ 'di lta ste/ khams sna tshogs kyi rkyen gyis ni reg pa sna tshogs 'byung ngo/ /reg pa sna tshogs kyi rkyen gyis ni tshor ba sna tshogs 'byung ngo/ /tshor ba sna tshogs kyi rkyen gyis ni sred pa sna tshogs 'byung ngo/ /sred pa sna tshogs kyi rkyen gyis ni len pa sna tshogs 'byung ste/ rten cing 'brel bar 'byung ba gang yin pa de ni rtag pa'o/ /de la 'bras bu ni dus skabs gsum du 'jig tshogs la lta bas bsgrib par byed pa ste/ 'di lta ste/ bdag med pa las

  384. 192b

    brtsams nas chos la rtog pa'i bzod pa'i dus dang/ mngon par rtogs pa'i dus dang/ dgra bcom pa nyid thob pa'i dus kyi tshe'o/ /de la dus gcig tu ni bag la nyal gyi 'jig tshogs la lta ba'i sgo nas som nyi za ba dang the tshom du 'gyur ro/ /chos la rtog pa lan mang du byas pa'i rgyas som nyi bsal du zin kyang mngon par rtogs pa'i dus na bsam pa thag pa nas mya ngan las 'das pa la gtong pa'i tshe/ bag la nyal gyi 'jig tshogs la lta ba de nyid kyi sgo nas log pa'i 'du byed la yongs su brtags nas bdag ni chad par 'gyur/ zhig par 'gyur/ med par 'gyur ro zhes mya ngan las 'das pa la chad par lta zhing med par lta bar 'gyur te/ des na de'i mya ngan las 'das pa las phyir ldog ste 'jug par mi 'gyur ro/ /de phyis nyes pa de las sems rnam pa sbyangs nas bden pa rnams mngon par rtogs te/ mngon par rtogs pa dang ldan du zin kyang de bag la nyal gyi sgo nas nga'o snyam pa'i nga rgyal gang yin pa de dang bral bar mi 'gyur te/ brgya la lan 'ga' brjed ngas par 'gyur bas nga rgyal gyis kun nas dkris pa'i sgo nas bdag gi bdag ni 'di'o snyam du yang dag par mthong ste/ 'di lta ste/ bdag ni che'o/ /bdag ni mnyam mo/ /bdag ni chung ngo snyam? mo/ /de la gnas skabs gnyis su ni bag la nyal gyi stobs kyis sgrib par byed do/ /gsum? pa'i skabs su ni bag chags kyi stongs kyis? sgrib par byed do/ /'du byed rnams mi rgyu rnam pa gsum gyis 'byung bar 'gyur te/ 'di lta ste/ sngon gyi las dang nyon mongs pa'i stobs dang/ smon lam gyi stobs dang/ da ltar byung ba'i rgyu dang rkyen gyi stobs so/ / de la so so'i skye bo'i sa la ni yongs su shes nas mthong ba'i sa'i rjes thogs su mthong bas spang bar bya ba'i zag pa rnams zad pa 'thob par 'gyur ro/ /mthong ba'i sa la ni yongs su shes shing spong ba byas nas dgra bcom pa'i 'bras bu thob pa'i

  385. 193a

    rjes thogs su zag pa rnams zad pa thob par 'gyur ro/ /'du byed rnams la ni rnam pa lngas chul bzhin du 'dri zhing lan 'debs te/ lnga gang zhe na/ rang bzhin dang/ ldog pa dang/ 'jug pa'i rtsa ba dang/ ldog pa dang/ 'jug pa'i thabs so// de la rang bzhin ni rnam pa lnga ste/ gzugs la sogs pa'o/ /de la ldog pa rang 'jug pa'i rtsa ba ni 'dun pa ste/ dge ba'i chos la 'dun pa yan chad zag pa zad pa thob pa'i bar gad yin pa ste/ 'di ni ldog pa'i rtsa ba'o/ /'dun pa nas bzung ste/ kye ma bdag ni skal ba ngan pa rnams nas tshangs ris pa rnams kyi bar du skal ba mnyam par skye bar gyur cig snyam ste/ der sems kyang kun tu bsten cing bsgom la mang du byed de de nas der skye bar 'gyur ba gang yin pa 'di ni 'jug pa'i rtsa ba'o/ /de la ldog pa ni 'du byed rnams la 'dun pa dang 'dod chags kyi nye bar len pa tsam spangs pa'i phyir ro/ /gal te 'du byed rnams nye bar len pa yin du zin na ni ldog pa med par 'gyur te/ dgra bcom pa la yang 'du byed yod pa'i phyir ro/ /gal te 'du byed rnams la nye bar len pa tha dad ba zhig yin na ni des 'dus ma byas su 'gyur te/ 'dus ma byas yin pas rtag par yang 'gyur la de lta na ni ldog par yang mi 'gyur ro/ /de bas na nye bar len ba ni 'du byed rnams kyi phyogs cig bzung ba yin te/ de'i phyogs gcig kun tu sbyong pa gtan spangs pas ldog tu gtub bo/ /de la 'jug pa ni yang srid par skye ba'i rgyu dang/ rnam pa dang da ltar byung ba'i rgyu'o/ /de la yang srid par skye ba'i rgyu ni ji ltar 'di na kha cig phyi ma la smon nas las byed par 'gyur te /ma 'ongs pa'i dus su bdag 'du byed 'di lta bu zhig dang ldan par gyur cig snyam ste/ nges yang srid par skye ba'i 'du byed rnams kyi rgyu yang 'phangs par 'gyur la da ltar byung ba rnams kyang ma spangs te/ de ltar na 'du byed rnams kyi bye brag yod do/ /de la rnam pa

  386. 193b

    ni 'du? byed du gtogs pa rnam pa bcu gcig po rnams yin te snga ma bzhin du rig par bya'o/ /de la da ltar byung ba'i rgyu ni 'di lta ste/ 'byung ba'i rgyu las byung ba'i gzugs yin te/ 'byung ba chen po bzhi po rnams la brten nas reg pa'i rkyen gyis tshor ba la sogs pa sems las byung ba rnams 'byung ba dang ming dang gzugs kyi rkyen gyis rnam par shes pa 'byung pa'i/ /de la 'jug pa'i thabs ni 'jig tshogs la lta pa la brten nas 'du byed rnams la nga'o snyam pa'i nga rgyal dang ro myang bar byed pa gang yin pa dang bdag dang bdag gir lta ba gang yin pa'o/ /de la ldog pa'i thabs ni 'du byed rnams la nga'o snyam pa'i nga rgyal med pa dang nyes dmigs dang/ nges par 'byung ba dang/ bdag dang bdag gir mi lta ba gang yin pa'o/ /de la 'jug pa'i thabs ni mthun mthun du ma rig pa dang/ sred pa'i phyogs su gtogs par rig par bya'o/ /de'i gnyen po las ni ldog pa'i thabs so/ /nyan thos mi mkhas pa ni rgyu gnyis kyis ston pa'i bstan pa las 'das nas sdig pa'i lta bar ltung ba 'am/ tshig tu smra ba dang/ kun rdzob kyi bden pa la rnam par rmongs pa dang/ don dam pa'i bden pa la rnam par rmongs par 'gyur ro/ /de de ltar rnam par rmongs pas kun rdzob kyi bden pa'i tshul las gcig tu nges par 'dus pa dang/ don dam pa'i bden pa'i tshul las gcig tu nges par 'das nas 'du byed rnams kyi 'jug pa la tshul bzhin ma yin par rtog par byed do/ /'phags pa 'ba' zhig bzhed na ston par mdzad pa ni gnas gsum yod do/ /byis pa so so'i skye bo ni de lta ma yin te/ gzhan las thos pa nyi tshe'o/ /'di lta ste/ 'du byed rnams la bdag dang bdag gi med par mthong bar bdag nyid yang dag pa ji lta ba bzhin du ston pa dang/ gang la brten pas pa'o snyam pa'i nga rgyal 'jug pa de spangs na yang de thams cad gyi thams cad du ma spangs pa yang ston pa dang/ 'jug pa'i rten med du zin kyang pa'o

  387. 194a

    snyam pa'i nga rgyal ma spangs pas ji ltar kun tu spyod pa ji lta bu yin pa ston to/ /de la 'du byed rnam la de'i snyam pa'i nga rgyal ni rnam pa gnyis te /mngon par zhen pas kun tu spyod pa dang/ brjed ngas pas kun tu spyod pa'o/ / de la mngon par zhen pas kun tu spyod pa ni 'phags pas spangs te kun tu mi spyod do/ /gnyis pa ni bag la nyal gyi sgo nas spyod de/ 'jig tshogs la lta ba spangs su zin kyang 'phags pa'i lam legs par ma bsgoms pa'i phyir kun tu spyod do/ /de ni 'jig tshogs la lta ba'i bag chags tsam dang 'brel ba'i tshul gyis brjed ngas pas kun tu spyod pa'i nga'o snyam pa'i nga rgyal gyi rten gyi bya ba byed do/ /de bas na spangs kyang kun tu spyod pa yod do/ /de la 'phags pa ni rang gi tshan nyid kyi sgo nas 'du byed rnams yid la byed pa na yang nga'o snyam pa'i nga rgyal kun tu spyod par mi 'gyur na spyi'i mtshan nyid kyi sgo nas lta ci smos /gdags pa'i sgo nas yid la byed pa ni yang dran pa nye bar gnas na ni nga'o snyam pa'i nga rgyal kun tu mi spyod do/ /gdags pa nyid yid la byed pa na dran pa nye bar gnas pa med na ni nga'o snyam pa'i nga rgyal kun tu spyod par 'gyur ro/ /so so'i skye bI ni spyi'i mtshan nyid kyi sgo nas 'du byed rnams yid la byed pa na yang sems kyi rgyud nga'o snyam pa'i nga rgyal gyis rnam par 'dres nas gnas skabs gzhan dag la la ci smos/ de la 'phags pa'i rgyud la ni 'jig tshogs la lta ba bag la nyal dang kun nas dkris pa'i sgo nas spangs pa yin no/ /bag chags dang 'brel ba'i sgo nas ni slob pas ma spangs so/ /nga'o snyam pa'i nga rgyal ni bag la nyal dang kun nas dkris pa'i sgo nas kyang ma spangs so/ /de la nga'o snyam du 'dun pa gang yin pa de ni nga rgyal gyis kun nas dkris pa yin par rig par bya'o/ /de ci'i phyir zhe na/ 'di ltar brjod pas shing 'dod pa dang snyoms par 'jug pa'i ro myang bas 'phrog pa de ni 'dun pa'i sgo nas

  388. 194b

    nga'o snyam pa'i nga rgyal gyis kun nas dkris pa kun tu spyod de/ /de yang nges bag la nyal gyi sgo nas ma spangs la kun nas dkris pa'i sgo nas yongs su ma shes te/ 'di ltar de de'i tshe brjed ngas par 'gyur ro/ /'gog par ma gyur pa ni kun nas dkris pa dang bral bu zin kyang yang kun tu spyod pa'i phyir ro/ /zad par ma byas pa ni de'i bag la nyal yang dag par ma bcom pa'i phyir ro/ /tshangs pa mtshungs par spyod pa rnams kyis tshangs pa mtshungs par spyod pa rnams la kun tu dga' bar bya ba'i dri pa ni rnam pa gnyis te/ nad pa dri ba dang/ bde ba dri ba'o/ /de la nad pa dri ba ni ci khyod tshor ba dub pas bzod par gyur tam zhes bya ba dang/ srog dang mthun pa'i phyir sdod pa dang ci sdug bsngal gyi tshor ba shas tsha bar ma gyur tam/ rgyun chags par ma gyur tam/ mi sdug pa'i 'dus te reg pa dang/ yid dang mi mthun pa rnams lus la zhugs par ma gyur tam/ zhugs pa las kyang med par sang ngam zhes bya ba'o/ /de la bde ba dri ba ni 'di ltar 'di na kha cig la nang kyis nyon mongs par ma gyur pa'i phyir gnod pa chung ngam zhes 'dri ba'o/ /phyi rol gyi gnod pa med pa dang yang yams kyi nad las gyur pa med pa'i phyir nyam nga ba nyung ba'o/ /mtshan mo bde bar gnyid kyis log pa dang la zas bde bar zhu bar gyur ba'i phyir bskyod pa yang ba'o/ /'tsho ba dang stobs dang bde ba dang kha na ma tho ba med pa dang bde ba la reg par gnas pa'i rnam grangs rnams kyi dbye ba ni 'di lta ste/ nyan thos kyis las zas kyi tshod rig par bya ba las brtsams pa bzhin no/ /dri ba de'ang gnas skabs rnam bzhir gtogs par rig par bya ste/ nang gi gnod par gtogs pa dang/ phyi rol gyi gnod par gtogs pa dang/ mtshan mo gnas par gtogs pa dang/ nyin mo gnas par gtogs so/ /dgra bcom pa tshe 'di nyid la kha zas dang tha snyad dang phung po dang

  389. 195a

    khams dang skye mched rnams la nye bar mi 'gro ba dang bral ba ma yin pa yang dag pa ji lta ba bzhin du rab tu ma shes nas dgra bcom pa ni nye bar mi 'gro ba'o/ /dgra bcom pa ni nye bar mi 'gro pa'o zhes bya ba la tshul bzhin ma yin par rtog par byed de/ dgra bcom pa ni tshe 'di la nye bar mi 'gro ba ma yin te/ 'di ltar de ni kha zas dang tha snyad dang phung po dang/ khams dang skye mched rnams la yang dag bar snang bas na/ de'i phyir dgra bcom pa ni shi ba'i 'og tu gdod nye bar mi 'gro ste/ dgra bcom pa ni 'du byed rnams khas mi len zhing nye bar mi 'gro'o zhes bya ba ni bcom ldan 'das kyis dgongs te gsungs pa gor ma chag go snyam ste/ de ni dam pa'i chos ltar bcos pas lta bar gyur par rig par bya'o/ /tshangs pa mtshungs par spyod pa 'am nyan thos chen po dam pa'i chos ltar 'chos pa lta bur gyur pa spangs pa'i phyir don gyi dbang rnam pa gnyis la brten nas shin tu 'bad par byed de/ gang zag de bdag nyid kyis 'dod pa 'am gzhan dag la yang ston par byed pa'i rgyu 'dis 'gro ba ngan par skye bar gyur na mi rung ngo snyam pa dang/ bstan pa la dga' ba'i sgo nas dam pa'i chos ltar bcos pa la brten pas bstan pa nub par gyur na mi rung ngo snyam pa'o/ /dam pa'i chos ltar bcos pa de skye ba la ni rgyu gnyis yod de/ nang gi 'jig tshogs la lta ba ma spangs pa dang/ de la brten pas 'jug pa dang ldog pa'i skyes bur rtog pa'o/ /rgyu rnam pa de gnyis spang ba la ni gnyen po dam pa'i chos bstan pa rnam pa gnyis yod de/ 'du byed rnams la mi rtag pa nyid kyi go rim gyis bdag med par bstan pa dang/ bsgyur ba bzhis 'jug pa dang ldog pa'i skyes bu mi dmigs pa ste/ 'di lta ste/ 'dus byas sam 'dus ma byas kyi sgo nas nyan thos dang rang sangs rgyas dang sangs rgyas kyi bdag ni de bzhin

  390. 195b

    'ongs pa zhes bya'o/ /de yang rnam pa gnyis su 'dogs te phung po'i lhag ma dang bcas pa la ni 'dus byas su 'dogs so/ /phung po'i lhag ma med pa la ni 'dus ma byas su 'dogs/ /don dam par ni 'dus byas la yang 'dus byas kyi gdags su mdo/ /'dus ma byas la yang 'dus ma byas kyis gdags su med do/ /dam pa'i chos bstan pa des khong du chud pa rnam pa drug bskyed na dam pa'i chos ltar bcos pa spangs par rig par bya ste/ 'di lta ste/ dgra bcom pa de'i phung por bsdus pa'i 'du byed du gtogs pa 'jig pa'i chos can yin pa'i phyir mi rtag par khong du chud pa dang/ tshe 'di la na ba dang/ rga pa dang sdug bsngal ba'i gnas su gyur pa'i phyir sdug bsngal ba nyid khong du chud pa dang/ rang gi ngang gis 'gag pa dang/ spong ba'i khams dang/ 'dod chags dang bral ba'i khams dang/ rta 'gog pa'i khams la 'gog pa rnam par zhi ba dang bsil ba dang nub par khong du chud pa'o/ /de ltar khong du chud pa la ni log pa'i mngon pa'i nga rgyal dang ldan pa'i dgra bcom pa'i 'du shes gang yin pa de yang mi 'byung na shi ba'i 'og tu de nye bar 'gro ba dang nye bar mi 'gro ba lta spros par ga la byed/ 'jig tshogs la lta ba ma spangs pa la ni nyes dmigs gnyis yod par rig par bya ste/ gsod pa po bzhin du sdug bsngal bar byed pa'i 'du byed rnams la bdag gam bdag gir khas len pa ni de dag gis/ de 'khor ba na sdug bsngal bar byed par 'gyur ba dang/ tshe 'di la yang 'phags pa'i shes rab bla na med pa'i srog gi dbang po 'gag par byed de/ dper na mi la la zhig la 'khor yod pa'i mi zhig yod pas mthus bsad mi nus par rang gis shes nas bsang pa'i phyir yid rten du gzhug pa sngon du btang nas yid du 'ong ba kun tu spyad de de yid rton par gyur par shes nas srog dang bral bar byed pa de bzhin du byis pa sau'i skye bo yang 'khon pa'i mi lta bu'i

  391. 196a

    'jig tshogs la lta bas phyi ma la sdug bsngal bar bya ba'i phyir/ yid du 'od ba'i 'du byed la chags pa dang ldan par kun tu spyod la so so'i skye bo rmongs pa de yang gsod par byed pa'i 'jig tshogs la lta ba la phan yon du lta'i/ nyes par lta par mi byed de de la de ltar yid brtan par gyur pas 'phags pa'i shes rab kyi srog gi dbang po de las ma thob pa yongs su nyams par 'gyur ba'i sgo nas rab tu nyams par byed do/ /'di gnyis ni 'di las phyi rol pa rnams chos 'dul ba las the tshom za ba dang/ rmongs par 'gyur ba'i gnas yin te/ gnyis gang zhe na/ de bzhin gshegs pa ni yod pa dang med par lta ba yang spong la/ nyan thos kyang shi ba'i 'og tu kha cig ni mngon par 'grub par 'gyur/ kha cig ni mngon par 'grub par mi 'gyur bar lung ston pa gang yin pa dang/ don dam par tshe 'di dang tshe phyi ma la bdag rtag par mi dmigs pa dang/ ston pa gsum ste/ rtag par smra ba dang/ chad par smra ba dang/ de bzhin gshegs pa yod par thugs su chud pa gang yin pa'o/ /som nyi za ba dang rmongs pa de'i rgyu ni rnam pa gnyis te/ dam pa'i chos ltar bcos pa bzhin du rig par bya'o/ /de spang bar bya ba yang de bzhin te/ bstan pa rnam pa gnyis yin no/ /bdag med pa'i chos 'di ni rgyu gnyis kyis 'di las phyi rol pas 'jug par dka' ba dang/ rtogs par dka' ba yin te/ 'di lta ste de ni rang bzhin gyis rtogs par dka' ba dang/ de ji lta ba'i tshul gyis rtogs par sla ba ltar de dag de dang mi 'dra'o/ /de la mi slu ba'i don dang/ rtogs pa'i don dang thun mong ma yin pa'i don gyis na rang bzhin gyis 'jug par dka' ba'o/ /zab pa yin la zab pa nyid du snang ba'i phyir 'di ni mi slu ba'i don to/ /bdag nyid kyis mthong bar dka' ba la gzhan gyi sgra las ni bka' 'khor

  392. 196b

    du chud pa'i phyir 'di ni rtogs pa'i don to/ /rtog ge'i spyod yul ma yin pas rtog ge bas brtag mi nus pa'i phyir 'di ni thun mong ma yin pa'i don to/ /chos 'di ni zhib mo mkhas pa dang mdzangs pa'i brtag pas rig par bya ba yin te/ rnam grangs 'di dag kyang 'di lta ste/ rnam grangs bsdu ba las 'byung ba bzhin du rig par bya'o/ /de bzhin gshegs pas gsungs pa'i don ni rnam pa gnyis kyi thams cad kyis thams cad du shes par rig par bya ste/ 'di lta ste/ lung dang rtogs pas so/ /de la lung ni/ so so'i skye bo'i thos pa dang bsams pa dang bsgoms pa las byung ba'i shes rab bo/ /rtogs pa ni slob pa dang mi slob pa'i shes rab ste/ de'i phyi nas thob pa 'jig rten pa'i'o/ /de la gsungs pa'i don thams cad kyi thams cad du kun mi shes la nga rgyal yang nga rgyal yin par mngon par ma rtogs shing /mi spong ba ni so so'i skye bo bdag tu mi lta ba'o/ /de la thams cad kyi thams cad du don kun shes shing nga rgyal yang nga rgyal yin par mngon par rtogs la spong ba ni mi byed pa'i slob pa'o/ /thams cad byed pa ni mi slob pa'o/ /'di la de bzhin gshegs pa ni kun rdzob kyi bden pa dang/ don dam pa'i bden pa yang dag pa ji lta ba bzhin du mkhyen mod kyi de gnyi ga'i tshul gyi lan gdab tu mi rung la gnod pa dang bcas par gzigs na lan mi 'debs shing zhal gyis mi bzhes te shi phan cad yod par 'gyur ba dang med par 'gyur ba dang/ gnyi gar 'gyur ba dang /gnyi gar mi 'gyur ba lta bu'o/ /de la de bzhin gshegs pa de ltar ye shes gzigs pa sngon du btang ste/ lan mi 'debs pa la mi mkhyen pa tsam du 'dzin pa gang yin pa de dag ni de'i lta ba dang ldan pa'i mi shes pa yin par mngon par rig par bya'o/ /'di gnyis ni 'du byed rnams kyi rnam par 'gyur ba yin te/ rga ba'i rnam par 'gyur ba ni ji ltar 'di na kha cig rgas par

  393. 197a

    gyur te /skyes nas lo brgya nyi shu lon pa ste de bas na lus na bzhes bya'o/ /sems kyi yid mi bde ba'i rnam par 'gyur ba ni gang gis sems na ba zhes bya bar 'gyur ba'o/ /de la dang po'i rnam bar 'gyur ba la ni byis pa dang mkhas pa rnams kyis dga' mgur byar med do/ /gnyis pa la ni mkhas pa rnams kyi ni yod la byis pa rnams kyi ni med do/ /de la byis pa ni lus na bar gyur na sems na bar yang nges par 'gyur ro/ /mkhas pa ni lus na bar 'gyur kyang sems na bar mi 'gyur te/ de bas na 'di ni 'dir byis pa dang mkhas pa'i khyad pa yin no/ /legs par bzung pa'i chos zhes bya ba ni thos pa dang/ bsam pa'o/ /legs par yid la byas zhes bya ba ni bsgoms pa'o/ /legs par bsten ces bya ba ni ji lta bzhin du yod pa'i sgo nas so/ /legs par khong du chud ces bya ba ni ji snyad yod pa'i sgo nas so/ /nyan thos rnams ni rnam pa gnyis kyis 'di lta ste/ nye bar len pa thams cad spong ba yongs su shes pa gsung ba'i ston pa yang dag par dris pa la lan 'debs par byed de/ gnyis gang zhe na/ gang la nye bar len pa thams cad spong ba yongs su shes pa gsung ba dang gang gi phyir ro/ /de la de bzhin gshegs pa ni 'du byed thams cad la spong ba yongs su shes pa gsung ngo/ /nye bar len ba ma spangs pa la nyes dmigs rnam pa gsum yang dag par gzigs la spangs pa la ni phan yon rnam pa gsum yang dag par gzigs so/ /de la 'du byed rnams la nye bar len pa dang bcas pa la ni 'du byed rnam par 'gyur ba na mya ngan la sogs pa skye bar gyur to/ /de bas na 'di ni nyes dmigs dang pos te 'du byed thob pa rnam par 'gyur ba las gyur pa yin no/ /gzhan yang 'du byed rnams la nye bar len pa dang bcas pa'i 'du byed rnams ma thob pa thob pa thob bar bya ba'i phyir yongs su tshol ba la zhugs pa na mi dge ba rnam pa du ma mang

  394. 197b

    po rnam pa sna tshogs kun tu spyod de/ des na de yongs su tshol ba de dang mi dge ba de la brten nas sdug bsngal rnam ba bzhi la gnas par 'gyur te/ 'di lta ste/ mngon du byung zhing nyel bar rab tu nye ba dang/ 'byung ba nye bar gnas par gyur pa dang/ gzhan gyis gnod pa'i dbang gis byung ba dang/ bdag gi kun nas nyon mongs pa'i dbang gis byung ba ste/ 'di ni nyes dmigs gnyis pa'o/ /des sdig pa m dge ba'i chos de dag nyid yang dag par blangs pa'i phyir lus dang bral te shi ba'i 'og tu ngan 'gror 'gro bar 'gyur ba 'di ni nyes dmigs gsum pa yin par rig par bya'o/ /de las bzlog pa ni nye bar len pa thams cad spangs pa'i phan yon gsum yin te/ /mthun mthun du rig par bya'o/ /'phags pa'i gang zag rnam pa gsum gyi lta ba phun sum tshogs pa rnam pa gsum ni sdug bsngal rnam pa gsum las yang dag par 'da' bar 'gyur ba yin par rig par bya'o/ /'phags pa'i gang zag rnam pa gsum po gang zhe na/ lta ba phun sum tshogs pa'i so so'i skye bo bdag med pa'i bzod pa la gnas pa dang/ bden pa mthong ba yang dag ba'i skyon med pa la zhugs pa'i slob pa 'dras bu thob cing mngon par rtogs pa dang ldan pa dang tha ma 'bras bu'i mchog dgra bcom pa nyid kyi mthar thug pa'o/ /lta ba phun sum tshogs pa rnam pa gsum ni zag pa med pa dang mthun pa'i zag pa dang bcas pa ste gang zag dang po'i dang/ zag pa med pa shin tu rnam par dag pa ma yin pa dang shin tu rnam par dag pa ste/ de dag kyang ji skad bstan pa'i gang zag rnams dang go rim bzhin du sbyar bar rig par bya'o/ /sdug bsngal rnam pa gsum po gang dag las yang dag par 'gyur zhe na/ lta ba phun sum tshogs pa dang pos ni 'di las phyi rol pa'i lta ba'i nyes rtsom las byung ba'i sdug bsngal las yang dag par 'da' bar 'gyur ro/ /gnyis pas ni ngan song gi sdug bsngal las

  395. 198a

    yang dag par 'da' bar 'gyur ro/ /gsum pas ni yang srid par skye ba'i sdug bsngal las yang dag par 'da' bar 'gyur ro/ /de la 'di las phyi rol ba rnams kyi lta ba'i nyes rtsom las byung ba'i sdug bsngal gang zhe na/ chos 'dul ba 'di las tha dad pa'i mu stegs can gyi 'jig rten gyi 'jig tshogs la lta ba'i rtsa ba las byung ba'i lta bar gyur pa'i gang yin pa de dag yin te/ 'di lta ste/ bdag tu smra ba rnams kyi bdag tu smra ba dang mtshungs par ldan pa rnams dang/ rtag par smra ba rnams dang/ /ba cig rtag par smra ba rnams dang/ rgyu med par smra ba rnams dang/ mdza' dang mdza' med par smra ba rnams dang/ chad par smra ba rnams dang/ tshe 'di la mya ngan las 'da' bar smra ba rnams kyi dang/ sems can du smra ba dang mtshungs par ldan pa rnams ni 'di lta ste/ log par lta ba rnams kyi sems can med do zhes 'jig rten pha rol la skur pa 'debs pa rnams dang/ srog tu spra? ba rnams kyi srog tu smra ba dang mtshungs pa ldan pa ni 'di lta ste/ srog de nyid lus de yin zhes bya ba la sogs pa dang/ ltas dang bkra shis smra ba dang mchungs par ldan pa rnams ni 'di lta ste/ skar mkhan dang/ mo mkhan rnams kyi bzlas brjod dang sbyin sreg la sogs pas sdug pa'i yul 'thob pa la ltas bskyed cing gnod pa sel ba dang/ de bzhin du mtshan ma dang bkra shis dang bkra mi shis pa rnams kyi ltas bskyed pa'o/ /de dag kyang gang zhe na/ sngon gyi mdza' dang phyi ma'i mdza' la rtog pa rnams kyi 'jig tshogs la lta ba nyi shu la brten nas lta bar gyur pa drug cu rtsa gnyis po gang yin pa rnams dang/ thams cad la skur ba 'debs pa'i log par lta ba'o/ /de'i nyes rtsom las byung ba'i sdug bsngal gang zhe na/ de dag phan tshun lta ba dang 'dod pa mi mthun par smra ba rnams kyi yid mi bde ba'i sdug bsngal dang/ yongs su

  396. 198b

    'dzin pa'i sdug bsngal dang /ma thos pa dang dmas pa'i sdug bsngal dang lhag par chags pa'i sdug bsngal lo/ /de la pham pa rnams mya ngan par byed pa ni sdug bsngal dang po'o/ /pha rol pham par bya ba dang/ rang gi lta ba'i phyogs brtan zhing 'phel bar bya ba dang gzhan dag gi 'chab pa dang/ da'i lta ba 'di 'ba' zhig dag pa yin gyi gzhan dag ni ma yin no zhes log par lta bas yongs su 'dzin par gyur pa rnams kyi yongs su 'dzin pa las byung ba'o/ /de'i rgyus rtog pa ngan ba rab tu ma zhi ba rnam pa du mas sems snang par gyur pa'i phyir de dag lta bas yongs su 'dzin pa'i sgo nas gzhan rnams dang bdag yongs su 'jal zhing bdag che'o snyam pa nas bdag chung ngo snyam pa'i bar du rlom sems su byed cing de dag bdag nyi ni mtho bar byed/ gzhan dag ni bshud bar byed ba 'di ming dag gis ma thos pa dang dams pa'i sdug bsngal yin no/ /de dag de rnams las brten nas rnyed pa dang bkur sti'i phyir rnam par rgyu zhing yongs su tshol ba'i sdug bsngal gyis kyang theb par 'gyur la gzhan la klan ka btsal ba dang/ gnod par bya ba 'am/ bdag nyid rtsod pa las thar bar bya ba'i phyir spungs skyed par byed pa 'di ni de dag gi lhag par chags pa'i sdug bsngal zhes bya'o/ /lta ba'i nyes rtsom las byung ba'i sdug bsngal rnam pa bzhi po de dag kyang chos 'di pa so so'i skye ba'i tshe bdag med pa la mos pa la blo tsam gnas pas spangs par rig par bya ste/ 'di ltar de ni phyi ma la yang bsam pa thag pa nas lta bar gyur pa 'di rnams len par 'gyur ba'i rgyu ma yin no/ /de de ltar lta ba phun sum tshogs pa dang po la gnas pa na dang po'i sdug bsngal las yang dag par 'das nas lta 'phun sum tshogs pa de nyid lan mang du byas pas nang gi 'du byed du gtogs pa yang gcig tu bsdus nas tshos shes pa dang lkog tu gyur pa'i rjes su shes pa gzhan gyi dring mi 'jog pa'i shes pas 'di lta ste/

  397. 199a

    mi rtag pa nyid kyi rnam pa'am/ gang yang rung ba zhig tu mngon par rtogs te/ de'i tshe lta ba phun sum tshogs pa gnyis ba yang thob la sdug bsngal gnyis pa las kyang yang dag par 'das so/ /de de la gnas nas ji ltar thob par byang chub kyi phyogs su gtogs pa'i chos sum cu rtsa bdun po bsgoms pas snga ma bzhin du las la sogs pa'i kun nas nyon mongs pa rnam pa bzhi spangs nas lta ba phun sum tshogs pa tha ma yang 'thob la yang srid par skye ba'i sdug bsngal las kyang yang dag par 'da' bar 'gyur ro/ /de la gang zag dang po'i nu sdug bsngal rnam pa gnyis dang/ da ltar byung ba'i phung po'i sdug bsngal gyi lhag ma yod do/ /gnyis pa'i ni rnam pa gcig dang phung po'i lhag ma sdug bsngal gyi ldab? ma yod do/ /gsum pa'i ni thams cad spangs te phung po'i sdug bsngal gyi lhag ma tsam zhig re zhig yod do/ /de la rnam par brtag pa'i 'jig tshogs ya lta ba'i sgo nas rnam pa nyi shu rnam par gzhag pa yin gyi lhan cig skyes pa'i sgo nas ni ma yin no/ /chos 'di pa la nisa gang yin pa de ni bdag yin la/ bdag gang yin pa de ni sa yin no zhes bya ba nas rgyas par sbyar te de lta te de lta bu'i rnam pa'i zad par gyi skye mched la sgoms par 'jug pa med par rig par bya'o/ /lnga po 'di dag ni 'di las phyi rol pa'i mu stegs can rnams kyi byis pa'i rtags yin te de dag gis byis pa zhes pa zhes bya ba'i grangs su 'gro'o/ /'di las phyi rol pa ni mkhas su zin kyang rang bzhin gyis mkhas pa'i nga rgyal can yin na/ mi mkhas pa lta ci smos te/ 'di ni byis pa'i rtags dang po'o/ /gzhan yang phyi rol ba ni phal cher rnyed pa 'dod pa dang bkur sti 'dod pa dang/ bdag bstod pa dang/ gzhan smod pa'o/ /gzhan yang phyi rol pa ni 'phags pa rnams kyis

  398. 199b

    dam pa'i chos bstan pa yang dag pa'i gdams ngag bstan cing rjes su bstan pa la mi mthun par byed cing smod par byed pa'o/ /gzhan yang phyi rol pa ni dam pa'i chos ltar bcos pa smra ba pa bdag nyid kyang 'dod la gzhan dag la yang ston pa'o/ /gzhan yang 'di las phyi rol pa ni de bzhin gshegs pa 'am de bzhin gshegs pa'i nyan thos kyis tshar bcad cing chos 'dul ba 'di legs par gsungs pa yin par khong du chud du zin kyang bdag nyid kyis nyes par bshad pa'i dbang du byas nas tha na dpyad pa'i 'dab tsam gyi phyir yang sgrub par mi byed pa 'di ni byis pa'i rtags lnga pa'o/ /de bzhin gshegs pa ni yan lag rnam ba drug dang ldan pas smra ba'i seng ge bla na med pa zhes bya ste/ drug gang zhe na/ thog ma kho nang rgol ba 'ongs na ji tsam dgos par dri ba rnams kyi skabs 'byed par mdzad pa dang/ rtsod par bzhad pa'i phyir rtsod pa rtsom par mdzad pa ni ma yin gyi sems can la thugs brtse ba 'ba' zhig gi phyir dang mi dga' ba rnams dga' bar bya ba dang/ dga' ba rnams phyir zhing skyed phyin par bya ba'i phyir dang de rtsod pa mdzad pa na yang dbang po rnams rab tu zhi zhing 'gyur ba med pa dang/ de la bag chi ba'i 'jigs pa bag chags kyi 'brel ba tsam yang med pa dag/ de la ltar bcas pa'i 'jig rten gyis tshar bcad du med pa dang/ des lan gyi rnam pa gcig btab pa las 'da' bar nus pa 'ga' tsam yang med de ? dang po btab pa kho nas tshar chod par 'gyur ba dang shin tu mkhas shing 'jigs pa med pa yang de bzhin gshegs pa dang lhan cig tu rtsod pa rtsom pa na spobs pa yang rdugs par 'gyur la bag cha pa'i 'jigs pa yang shas cher 'byung bar 'gyur ba dang g.yo ba'i rtsod pa thams cad kyi sgo nas kyang g.yo bya bar mi nus pa dang 'khor 'dus shing 'khod pa gzu 'or 'dug pa thams cad kyis kyang de bzhin gshegs pa la ni rgyal bar 'gyur ba'i

  399. 200a

    sems nye bar 'jog la rgol ba la ni pham par 'gyur ba'i sems nye bar 'jog pa dang/ de dag de bzhin gshegs pa'i gsung la ni btsan par 'dzin la rgol ba'i tshig la ni btsan par mi 'dzin pa'o/ /smra ba ni 'di gnyis te/ gnyis gang zhe na/ bdag tu smra ba dang/ bdag med par smra ba'o/ /de la bdag med par smra ba ni stobs dang ldan la bdag tu smra ba ni stobs chung ba yin te/ rtag tu bdag med par smra bas bdag tu smra ba zil gyis gnon te/ smra ba pa stobs chung ba las gyur pa ni ma gtogs so/ /bdag tu smra ba gang zhe na/ ji ltar 'di na kha cig 'di ltar lta zhing 'di skad smra ste /gzugs la sogs pa'i 'du byed rnams la bdag gnas te/ de dag gis na 'du byed dang ldan no/ /'du byed de dag kyang de'i bdag gi yin la de dag tu yang zhi zhing chung la khongs su gtogs te yan lag dang yan lag gi rjes su 'brang bar gyur pas na de'i phyir bdag ni gzugs la sogs pa'i 'du byed kyi bdag nyid yin no snyam mo/ /de zhing pa zhing la ji lta ba bzhin du 'du byed zhing dang 'dra ba de dag la brten nas zhing slas dang 'dra ba'i bsod nams dang bsod nams ma yin pa skye bar 'gyur la /rtswa dang sman dang shing dang 'dra ba'i sdug pa dang mi sdug pa'i 'bras bu nyams su myong ba'i phyir na de la bdag tu smra ba zhes bya'o/ /bdag med par smra ba gang zhe na /de ni rnam pa gnyis te bdag tu smra ba sun 'byin pa dang/ bdag med par smra ba sgrub pa'o/ /de la sun 'byin pa ni gal te bdag sdug pa dang mi sdug pa'i las la rang dbang yod pa zhig yin na bdag ni rtag tu bde ba 'dod la sdug bsngal ba mi 'dod pas de'i phyir bsod nams 'ba' zhig skye ba'i bsod nams ma yin pa ni mi skye ba'i rigs so/ /sdug pa nye bar gnas pa nang dang phyi rol gyi 'du byed rnam par 'gyur zhing gzhan du 'gyur ba las de'i mya ngan dang smre sngags 'don pa la sogs pa yang 'byung ba'i mi rigs te/ bdag rtag

  400. 200b

    pas ched du bsgrubs pa gang yin pa des rtag tu gnas par 'gyur zhing de kho na bzhin du mi 'gyur ba'i rigs na de kho na ltas yang mi 'dug pa 'di ni sun 'byin pa'o/ /sgrub pa ni gang gi phyir 'du byed rnams rten cing 'brel par 'byung ba yin pas na de'i phyir bsod nams kyi rkyen rnams yod pa la bsod nams skye ba dang de las bzlog pa las bsod nams ma yin pa skye ba yod la /rkyen de las sdug pa dang mi sdug pa'i 'bras bu 'byung ba de yang rkyen la rag las pa'i phyir mi rtag ste/ rgyu dang 'bras bu tsam du gtogs pa'i 'du byed kyi rgyun yod pa la bdag la sogs pa gdags su rung ngo/ /don dam par ni chos thams cad bdag med pa yin to de bas na 'di ni sgrub pa'o/ /slob pa la ni rnam pa lngas mi slob pa khyad par du 'phags te mi slob pa ni shes pa bla na med pa dang ldan pa yin la slob pa'i shes pa ni bla na yod pa'o/ /shes pa bla na med pa ji lta ba de bzhin du lam dang rnam par grol ba yang bla na med par rig par bya'o/ /'phags pa'i ye shes kyi mig shin tu yongs su dag pas de bzhin gshegs pa chos kyi skur mthong la/ slob pas ni de ltar ma yin no/ /nan tan du sgrub pa shin tu yongs su rdzogs pas de bzhin gshegs pa la bsnyen bkur byed la slob pa ni de lta ma yin te/ de bas na 'di ni rnam pa lnga pa'o/ /bzhi bsdu ba las 'du byed rab tu rnam par 'byed pa zhes bya ba ste/ bsdu ba dang po rdzogs so// //rnal 'byor spyod pa'i sa las gzhi bsdu ba/ bam po bdun pa/ spyi sdom ni/ rnam bzhag shes pa mtshungs pa ndang/ /'dod chags bral ba tha ma yin/ /sdom ni/ rnam par gzhag dang rnam dbye dang/ /rmongs pa dang ni rmongs pa med/ /gdam ngag dang ni rnam par grol/ /nyon mongs las rnams rgyas pa yin/ /tshor ba ni rnam pa lngar rnam par bzhag par rig par bya ste/ rang bzhin dang/ rten dang/ dmigs pa dang/ grogs dang/ rjes su 'brang ba'o/ /de la rang bzhin ni rnam

  401. 201a

    pa gsum du rig par bya ste /bde ba dang/ sdug bsngal ba dang/ sdug bsngal yang ma yin bde ba yang ma yin pa'o/ /de'i rten ni rnam pa drug ste /mig dang/ rna ba dang/ sna dang/ lce dang/ lus dang/ yid do/ /dmigs pa ni drug go /gzugs la sogs pa'i yul rnams so/ /grogs ni 'du shes dang/ sems pa dang/ gzhan yang sems pas byung ba'i chos dge ba dang mi dge ba dang lung du ma bstan pa gang dag de dang mtshungs par ldan pa rnams so/ /rjes su 'brang ba ni de dang mtshungs par ldan pa'i sems gang la tshor ba gsum char dang yang mgo mnyam du skye zhing 'gag pa'i rten byed pa'i tshul gyis rjes su 'brang ba'o/ /tshor ba rnam par gzhag pa 'di rab tu dbye ba ni rnam pa brgyad du rig par bya ste/ nang gi skye mched kyi bye brag dang/ phyi rol gyi skye mched kyi bye brag dang/ rnam par shes pa'i tshogs drug gi bye brag dang/ reg pa'i tshoD drug gi bye brag dang/ tshor ba'i tshoD drug gi bye brag dang/ 'du shes kyi tshogs drug gi bye brag dang/ sems pa'i chogs drug gi bye brag dang/ sred pa'i tshogs drug gi bye brag go /gsum 'dus pa'i don gyis ni rnam pa gsum du dbye bar rig par bya'o/ /tshor ba'i rgyu'i don gyis ni bzhi pa'o/ /gsum 'dus nas reg pa'i 'bras bu'i don gyis ni lnga pa'o/ /tshor ba yongs su bcad pa'i rjes la tha snyad 'dogs pa'i don gyis ni drug pa ste/ 'di ltar tshor ba ni bde ba dang sdug bsngal 'di lta bu zhig bdag gis nyams su myong ngo snyam du 'du shes pa dang/ gzhan dag la yang rjes su tha snyad 'dogs pa lta bu'o/ /las dang nyon mongs pa'i kun nas nyon mongs pa'i don gyis ni bdun pa dang brgyad pa'i rab tu dbye bar rig par bya'o/ /tshor ba dang ? pa dang 'bral bar bya ba'i phyir ni sems pas mngon par 'du byed do/ /ji tsam du sems pas mngon par 'du byed pa de tsam du sred pas

  402. 201b

    'dod cing smod par byed do/ /thams cad ni rnam pa gnyis te phyogs gcig gi thams cad dang thams cad kyi thams cad do/ /de la thams cad mi rtag go zhes bya ba ni phyogs gcig gi thams cad kyi dbang du byas nas brjod pa yin te /'di lta ste/ 'du byed thams cad yin gyi/ 'du ma byas ni ma yin no/ /chos thams cad bdag med pa zhes bya ba ni 'dir thams cad thams cad la bya bar rig par bya'o/ /brjed ngas pa'i rnam pa gsum du rig par bya ste/ rang bzhin dang rgyu dang 'bras bu'o/ /de la rang bzhin ni nga ltar byung ba'i dus na ni kun nas dkris pas brjed ngas la tshe phyi ma la ni bag la nyal gyis brjed pas pa'i chos can du 'gyur ba'o/ /de la brjed pas pa'i rgyu ni tshor? pa rnam par gzhag par rnam pa lnga la mi rtag pa la sogs par khong du ma chud pa dang/ lus thams cad kyi thog ma dang/ bar dang/ tha mar yongs su nyon mongs pa'i sgo nas skye ba dang rga ba dang na ba dang 'chi ba'i chos can yin par khong du ma chud pa ste/ de la dang por ni skye bas yongs su nyon mongs so/ /bar du ni na bas yongs su nyon mongs so/ /tha mar ni rga ba dang 'chi ba gnyis kyis yongs su nyon mongs so/ /de la brjed pas pa'i 'bras bu ni mya ngan la sogs pa'i sdug bsngal dang sped? pa la sogs pa'i kun nas nyon mongs pa'o/ /brjed pas pa med pa yang rnam pa gsum du rig par bya ste/ rang bzhin dang/ bar du gcad pa dang/ sgrib pa'o/ /de la rang bzhin ni tshor ba rnam par bzhag pa rnam pa lnga'i mtshan nyid dang spyi'i mtshan nyid khong du chud pa ste/ de yang nyon mongs pa spang bar bya ba dang bde ma pa mngon par rtogs par bya ba dang mya ngan las 'das pa mngon sum du bya ba'i phyir ro/ /de la brjed ngas pa'i bar du gcod pa ni bdud bzhi po rnams yin te/ phung po'i bdud ni thams cad rjes su 'brel ba'i phyir ro/ /lha'i bu'i bdud ni dus dus su bar chad byed pa'i phyir? ro/ /'chi ba dang nyon mongs pa'i bdud gnyis

  403. 202a

    ni 'chi 'pho dang skye ba las byung ba'i sdug bsngal gyi gnas yin pa'i phyir ro/ /de la brjed pas pa'i sgrib pa ni yul lkog tu gyur pa la dmigs pa'i nyon mongs pa dang/ yul lkog tu gyur ba ma yin pa la dmigs pa 'am /kun nas dkris pa 'am dag la nyal lo/ /sangs rgyas rnams dang sangs rgyas kyi nyan thos rnams ni rnam pa gsum gyis slob ma rnams la yang dag pa'i gdam ngag sbyin par rig par bya ste/ 'di lta ste/ bsdu ba'i gdam ngag dang dmiD pa? la mthun mthun du 'dzud pa dang rang gi don thob par byed pa ste/ de dag cho 'phrul rnam pa gsum dang go rim bzhin du sbyar bar rig par bya'o/ /rnam par grol ba yongs su smin par bya ba'i shes rab ni rnam pa gnyis kyis yang dag par btsal bar bya ste/ tshul bzhin du thos pa dang bsams pa khyad par can gyi shes rab slob pa'i rnam par grol ba yongs su smin? par byed pa gang yin dang/ /slob pa'i khyad par can gyi shes rab mi slob pa'i rnam par grol ba yongs su smin par byed pa gang yin pa'o/ /sems rnam par grol ba yongs su smin pa ni rnam pa gnyis te/ slob pa dang mi slob pa'o/ /de la slob pa ni rdo rje lta bu'i ting nge 'dzin dang ldan pa gang yin pa'o/ /mi slob pa ni de yan chad yin par rig par bya'o/ /dge slong sems rnam par grol ba la zhugs pa la ni chos lnga dben pa yin te/ lta gang zhe na/ yang dag pa'i gdams ngag dang/ zhi gnas kyi yan lag dang/ lhag mthong gi yan lag dang/ rtag tu gus par byed pa dang/ 'jig rten las 'das pa'i shes rab bo/ /de la yang dag pa'i gdam ngag ni yang dag pa'i mdza' bshes rnam pa gsum gyis phye ba ste/ ston pa dang/ slob dpon nam/ bla ma dang 'dra ba'i tshangs pa mtshungs par spyod pa dang/ khyim pa mkhas pa chos 'di pa rnams so/ /'di

  404. 202b

    ngag ni mdza' bshes rnam pa gsum po yin te/ 'di rnams ni yang dag pa'i gdam ngag 'byung ba'i sgo yin par shes par bya'o/ /de la zhi gnas kyi yan lag ni ji ltar 'di na kha cig tshul khrims dang ldan par gnas pa zhes bya ba nas rgyas par nyan thos kyi las las 'byung ba bzhin te/ de de ltar tshul khrims dang ldan na 'gyod pa med do/ /'gyod pa med na mchog tu dga' ba nas rgyas par bde ba dang ldan na sems mnyam par 'jog nus so zhes bya ba'i bar du sbyar ro/ /de la lhag mthong gi yan lag ni gtam rnam pa gsum ci 'dod pa thob pa gang yin pa ste/ 'di lta ste 'phags pa'i dang/ yo byad bsnyungs pa'i dang/ sems sgrib pa med pa la phan par 'gyur ba'i 'o/ /de la 'phags pa'i gtam gang zhe na/ 'phags pa rnams kyi mi slob pa'i phung po lnga las brtsams pa'i gtam yin te/ 'phags pa rnams ni 'di ltar tshul khrims dang ldan no/ /ting nge 'dzin ni 'di lta bu'o/ /shes rab ni 'di lta bu'o/ /rnam par grol ba ni 'di lta bu'o/ /rnam par grol ba'i ye shes gzigs pa dang ldan pa ni 'di lta bu'o zhes bya ba gang yin pa'o de la yo byad bsnyungs pa'i gtam gang zhe na/ 'phags pa'i rigs gsum las brtsams te 'dod pa nyung ba dang chog shes pa dang/ snyungs pa'i gtam dang spong ba dang bsgom pa la kun tu dga' ba las brtsams nas 'du 'dzi med pa'i gtam gang yin pa'o/ /de la sems sgrib pa med pa la phan par 'gyur ba'i gtam gang zhe na/ de ni sgo gsum du rig par bya ste/ nyon mongs pa'i sgrib pa thams cad kyi sgrib pa med pa la phan par 'gyur ba dang/ sgrib pa lnga'i sgrib pa med pa la phan par 'gyur ba dang ma rig pa'i sgrib pa'i sgrib pa med pa la phan par 'gyur pa'o/ /de la dang po ni spong ba dang 'dod chags dang bral ba dang 'gog pa'i khams las btsams te/ de thob par bya ba yin par rig par bya'o/ /gnyis pa ni de dag nyid la phan yon du lta ba las

  405. 203a

    brtsams te /de'i mi mthun pa'i phyogs kyi sgrib pa rnams dang/ sgrib pa'i gnas kyi 'du byed rnams kyi nyes dmigs kyi gtam yin par rig par bya'o/ /gsum pa ni rkyen 'di ba nyid kyi rten cing 'brel bar 'byung ba dang 'thun pa'i gtam yin par rig par bya ste/ gsum po 'di dag kyang lhag thong gi yan lag yin no/ /de'ang mdor bsdu na 'dun pa skyed par byed pa dang /yang dag pa'i tshogs la sbyor bar byed pa dang /yang dag par yid la byed pa la sbyor bar byed pa'o/ /de la 'phags pa'i ni 'dun pa skyed par byed pa'o/ /yo byad bsnyungs pa'i ni yang dag pa'i chogs la sbyor bar byed pa'o/ /sems sgrib pa med pa la phan par 'gyur ba ni yang dag par yid la byed pa la sbyor bar byed pa'o// gtam de dag las brten nas zhi gnas su gtogs pa'i shes rab gang yin pa de ni lhag mthong yin te/ de bas na de ni lhag mthong gi yan lag ces bya'o/ /rtag tu gus par byed pa gang zhe na/ 'di lta ste/ zhi gnas dang lhag mthong la sbyor ba de nyid la brtson 'grus brtsams pa ste/ gnas pa'i rgyun tu byed cing byang bar byed pa gang yin pa'o/ /brtson 'grus brtsams pa de yang rnam pa lngar rig par bya ste/ 'di lta ste go cha'i brtson 'grus dang/ sbyor ba'i brtson 'grus dang/ zhum pa med pa'i brtson 'grus dang/ mi bskyod pa'i brtson 'grus dang/ chog mi shes pa'i brtson 'grus so/ /de thog ma kho nar ni 'dun pa drag po dang ldan te mngon par spro ba brtan por 'gyur ro/ /de bzhin du sbyor bar yang byed do/ /chos rgya chen po rnams thob par bya ba'i phyir bdag nyid la yang khyad du mi gsod de zhum par mi 'gyur ro/ /grang ba la sogs pa'i gnod pa rnams kyang bzod/ /ngan don gyis kyang chog par mi 'dzin te/ gong ma bas

  406. 203b

    kyang ches gong du gya nom pa 'dod pa'i tshul gyis so gnas so/ /de de ltar brtson 'grus brtsams te gnas na bden pa rnams mngon rtogs par 'gyur te/ 'phags pa'i 'jig rten las 'das pa'i shes rab thob par 'gyur ro/ /de la brten nas bsgom pa'i lam la rgyu zhing 'gro par gtogs pa dang gnas par gtogs pa dang rten du gtogs pa'i nye ba'i nyon mongs ma las sems rnam par spyod par byed de/ de grong ngam grong gi nye ' hor na gnas pa na bud med gzhon nu kha dog rgyas shing chags par 'gyur ba mthong na 'dod chags bsal ba'i phyir mi sdug pa yid la byed do/ /yang na gzhan dag gis gnod par byas shing dkrugs par 'gyur na gnod sems bsal ba'i phyir byams pa yid la byed de/ de ltar na rgyu zhing 'gro ba na nye ba'i nyon mongs pa las sems rnam par sbyong bar byed do/ /de dben pa la gnas pa na 'dod pa'i rtog pa la sogs pa'i rtog pa dang bral ba'i phyir dbugs phyi nang du rgyu ba dran pa bsgom par byed de/ de ltar na gnas par gtogs pa'i nye ba'i nyon mongs pa las sems rnam par spyod par byed do/ /de 'jig rten las 'das pa'i shes rab thob pa de la brten nas nga'o snyam pa'i nga rgyal gyi lhag ma bsal ba'i phyir/ 'du byed thams cad la mi rtag pa'i 'du shes sgom par byed do/ /de ltar na skyes bu dam pa la brten nas yang dag pa'i gang yas? dag sngon du btang nas 'di'i go rim kyis rdo rje lta bu'i ting nge 'dzin thob pa'i phyir slob pa'i rnam par grol ba yang yongs su rdzogs par byed la/ nyon mongs ba thams cad dang bral ba'i phyir mi slob pa'i rnam par grol ba yang yongs su rdzogS par byed do/ /de la rnam par grol ba gang zhe na/ gtan du yod pa'i gnyen po skyes pas nyon mongs pa'i phyogs su gtogs pa'i gnas ngan len thams cad shin tu sbyangs pa'i phyir/ gnas yongs su gyur pa'i nyon mongs pa rnams gtan mi skye ba'i chos can du gyur pa gang yin pa de la ni rnam par grol ba zhes bya'o/ /'phags

  407. 204a

    ba nyan thos ci yang med pa'i skye mched kyi 'dod chags dang bral ba ni 'du shes med 'du she med min skye mched 'du byed kyi lhag ma srid pa'i rtse mo bsgrubs te gnas nas de ma thag tu zag ba rnams zad pa thob par 'gyur ro/ /lhag ma'i gnas skabs kyi tshe ni de'i zag pa rnams mthar gyis spong bar 'gyur te/ nam ci yang med pa'i skye mched kyi 'dod chags dang bral ba ma thob kyi bar du re zhig de ma thag tu zag pa zad pa thob par mi 'gyur ro/ /de la 'dod pa dang mtshungs par ldan pa'i ma rig pa ma gtegs? pa'i nyon mongs pa rnams ni 'dod pa'i zag pa'o/ /sems can 'dod chags dang ma bral ba rnams dang 'dod chags dang bral ba rnams kyi gzugs dang gzugs med pa dang mtshungs par ldan pa'i ma rig pa ma gtogs pa ni srid pa'i zag pa'o/ /mu stegs can rnams ni ma gtogs te de dag ni log pa'i rtog pas rmongs par byas pa'i lta ba ngan pa rnams kyis sems zil gyis non pas lta ba de la brten nas kha cig ni 'dod pa yongs su tshol bar byed do/ /kha cig ni 'dod pa'i 'dod chags dang bral ba nas 'du shes med 'du shes med min skye mched kyi bar du yongs su tshol bar byed de de dag gi khams gsum gyi mi shes pa gcig tu bsdus ba ni ma rig pa'i zag pa gzhag par rig par bya'o bzhi rnam pa dgu la kun tu sbyor bas na kun tu sbyor ba dgur rig par bya ste/ gzhi rnam pa dgu gang zhe na/ 'di lta ste/ khyim pa'i phyogs la brtan te chags su rung ba'i sems can dang sems can ma yin par grags pa'i yul la 'dod chags kyis kun nas dkris pa dang/ phyogs de nyid kyi mi mthun pa'i sems can dang sems can ma yin par grags pa'i yul la khong khro ba'i kun nas dkris pa dang sems can du grags pa la nga rgyal gyi kun nas dkris pa dang /nyes par bshad pa'i chos can rnams kyi rab tu byung ba'i phyogs la brten te/ 'di lta ste dam pa'i chos ma yin pa

  408. 204b

    thos pa dang/ tshul bzhin ma yin sems pa dang thabs kyis yongs su zin pa'i bsgom pa la log par mos pa rnam pa gsum gyis kun nas dkris pa dang/ legs par gsungs pa'i chos 'dul ba la ma mos pa'i kun nas dkris pa dang/ rab tu byung ba'i phyogs la brten pa'i shes pas dbul ba dang/ khyim pa'i phyogs la brten pa'i longs spyod kyis dbul ba ste/ gzhi dgu po 'di rnams kyi rjes su chags pa'i kun tu sbyor ba la sogs pa kun tu sbyor ba dgu bo rnams mthun mthun du kun tu sbyor bar byed do/ /de la phrag? dog gis bsgyur te chos mthun pa rnams la chos kyi ser sna byed pa des ni phyi ma la shes pas dbul bar 'gyur ro/ /lhag ma yang mthun mthun du sbyar bar bya'o/ /de la 'dod chags kyi 'ching bas bcings pas bde ba tshor bar 'gyur ba'i yul las gnas pa sems lhag ma btang snyoms su byed mi nus so/ /de bzhin du zhe sdang gi 'ching bas sdug bsngal tshor bar 'gyur ba'i yul dang/ gti mug gi 'ching bas sdug bsngal yang ma yin bde ba yang ma yin pa tshor bar 'gyur ba'i yul te/ de bas na 'ching pa gsum mo/ /nyon mongs pa'i phyogs su gtogs pa'i gnas ngan len gyi rten du gnas pa ni bag la nyal zhes bya ste/ kun nas dkris pa skye ba'i sa bon lta bu yin no/ /de yang 'dod chags dang ma bral ba'i phyogs su gtogs pa'i bye brag dang/ 'dod chags dang bral pa'i phyogs su gtogs pa'i bye brag dang/ de gnyis ga'i phyogs su gtogs pa'i bye brag gis rnam pa bdun du rnam par bzhag ste/ de la 'dod chags dang ma bral ba'i phyogs su gtogs pa'i bye brag gis ni 'dod pa'i 'dod chags dang khong khro ba'i bag la nyal lo/ /'dod chags dang bral ba'i phyogs su gtogs pa'i bye brag gis ni srid pa'i 'dod chags kyi bag la nyal lo/ /de gnyis ga'i phyogs su gtogs pa'i bye brag gis ni nga rgyal dang ma rig pa dang lta ba the tshom gyi bag la nyal te/ 'di rnams kyis ni nyon

  409. 205a

    mongs pa thams cad bsdus so/ /nye ba'i nyon mongs pa rnams ni chags pa'i mi dge ba'i rtsa ba dang/ de bzhin du zhe sdang dang/ gti mug dang/ khro ba dang/ kho na du 'dzin pa ste rgyas par ni dngos po phran tshogs kyi mdo las byung pa bzhin te/ de la mi dge ba thams cad kun nas slong ba ni chags pa mi dge ba'i rtsa ba zhes bya'o/ /zhe sdang dang gti mug kyang de dang 'dra bar rig par bya'o/ /kha'i nyes rtsom khong khro ba'i kun nas dkris pa ni khro ba'o/ /nang gi bsam pa la yod pa ni khon du 'dzin pa'o/ /sdig pa mkhyud pa ni 'chab pa'o/ /nyon mongs pa can gyi yongs su yi 'chad pa ni yongs su gdud pa'o/ /nyon mongs pa can gyi sems kyis gzhan gyi 'byor pa la mngon par mi dga' ba ni phrag dog go/ yo byang rnams la kun tu 'dzin pa ni ser sna'o/ /slu ba'i bsam pas bdag nyid gzhan du sems gzhan du ston pa ni rgyu'o/ /sems mi drang ba'i phyir mi mngon pa dang mi gsal ba dang brnga phrad par mi byed pa ni g.ye'o?/ /bdag la brten nas kha na ma tho pas mi 'dzem pa ni ngo cha? mi shes pa'o/ /gzhan la brten nas kha na ma tho bas mi 'dzem pa ni khrel med pa'o/ /chung du bas bdag che'o snyam pa 'am mchungs pa dang mtshungs so snyam pa'i sems kyi 'gying ba ni nga rgyal lo/ /mtshungs pa bas bdag che'o snyam pa'am che ba dang mtshungs so snyam pa'i 'gying ba ni che ba'i nga rgyal lo/ / che babs kyang bdag ches che'o snyam pa'i 'gying ba ni nga rgyal las kyang nga rgyal lo/ /'du byed rnams la bdag gam bdag gir yang dag par lta ba'i 'gying ba ni nga'o snyam pa'i nga rgyal lo/ /khyad par rtogs pa ma thob par bdag gis thob bo snyam pa'i 'gying ba ni mngon pa'i nga rgyal lo/ /ches khyad par du 'phags pa bas bdag cung zad tsam? gyis chung ngo snyam pa'i 'gying ba ni chung ba'i nga rgyal lo/ /yon tan dang ldan pa ma yin bzhin du bdag ni yon tan dang ldan pa'o snyam pa'i 'gying ba ni

  410. 205b

    log pa'i nga rgyal lo/ /'byor pa gang yang rung ba zhig gis nyon mongs pa can gyi sems kyi dregs pa ni rgyags pa'o/ /dge ba'i phyogs la mi rtsom pas sdig pa mi dge ba'i chos rnams las sems kun tu mi bsrung ba ni/ bag med pa'o/ /bla ma dang yon gnas la ni 'dud pa ni khengs pa'o/ /mtshon thogs pa dang dbyug pa thogs pa dang/ 'thab pa dang mtshang 'bru ba dang/ 'gyed pa dang rtsod pa kun tu slong bar byed pa'i nyon mongs pa'i kun nas dkris pa ni nyes rtsom mo/ /nyon mongs pa can gyi sems kyi yon tan yod par yid ches par bya ba'i phyir spyod lam bsgyur ba ni tshul 'chos pa'o/ /nyon mongs pa can gyi sems kyis bdag gi yon tan gleng ba 'am bsten pa'i tshul du spyed pas tshig gi lam 'jam po kun tu spyod pa ni kha gsang? ngo/ /nyon mongs pa can gyi sems kyi mtshan mas 'dod pa'i bsam pa ston pa ni gzhogs slongs so/ /nan gyis slong ba ni thob kyis 'jal ba'o/ /ci rnyed pa tsam gyis chog mi shes te/ gzhan gyi rnyed pa bstan pas rnyed pa la lhag par slong ba ni rnyed pas rnyed par byed pa'o/ /yon tan la yid ches par gyur pa dang/ ha cang byams ches pas bla ma rnams la zhes med pa ni ma gus pa'o/ /tshig mi bzo ba ni dka' blo mi bde ba'o/ /gnod pa la 'dzud pa'i bshes gnyen ni sdig pa'i grogs po'o/ /zang zing la 'chums pas mi bde ba'i yon tan ston zhing yid ches par byed par 'dod pa ni sdig pa 'dod pa'o/ /che ba rnams las rnyed pa dang bkur sti chen po 'dod pa ni 'dod chen no/ /nyon mongs pa can gyi sems kyis mi bde ba'i yon tan ston cing yid ches par byed 'dod pa ni 'dod pa can no/ / gshe ba la phyir gshe ba ni mi bzod pa'o/ /khro ba dang rdeg pa dang 'tshang 'bru ba la phyir mtshang 'bru pa yang de dang 'dra'o/ /bdag gi longs spyod rnams la rjes su chags pa ni zhen pa'o/ /gzhan gyi longs spyod rnams la rjes su chags pa ni yongs su zhen pa'o/ /de

  411. 206a

    bzhin du bzang po rnams dang ngan pa rnams la yang mthun mthun du sbyar bar rig par bya'o/ /yul rnams la lhag par zhen pa ni 'dod pa chags so/ /nyes par spyod pa rnams la lhag par zhen pa ni chos ma yin pa'i 'dod chags so// bdag la pha ma la sogs pa'i longs spyod dang/ yang dag pa'i longs spyod gzhan gyi rdzas gtams pa la kun tu 'dzin pa ni mi bzang pa'i chags pa'o/ /'du byed rnams la bdag gam bdag gir mthong nas rtog pa dang lhan cig skyes pa'i lta ba ni 'jig tshogs la lta ba'o/ /'jig tshogs la lta ba la brten nas 'du byed rnams rtag par lta ba ni srid pa'i lta ba'o/ /chad par lta ba ni med par lta ba'o/ /sgrib pa lnga ni snga ma bzhin du 'di lta ste/ mnyam par bzhag pa'i sa las 'byung ba dang/ 'dra bar rig par bya'o/ /mi 'dod bzhin du dus ma yin par gnyid kyis kun nas dkris pas non pa ni snyom pa'o/ /gnas ma yin pa la 'dod pa ni dga' ba ma yin pa'o/ /lus kyi gnas ngan len dags pas sems las su mi rung par gyur nas lus brkyang bskum byed pa ni bya rmyangs so/ /kha zas nyungs pa dang mangs pa mi shes pa ni zas kyi tshong? mi shes pa'o/ /bya ba'i rigs pa mi byed pa dang/ bya ba'i mi rigs pa byed pa la ji ltar byed pa la ji ltar thos pa dang bsams pa dang bsgoms pa'i chos rnams la bag med pa sngon du btang nas mi 'jug pa ni yid la mi byed pa'o/ /sems dmigs pa la btags pa'i yur ba'i gnyid kyis non pa'i phyir mi rigs par 'jug pa dang/ bdag nyid la khyad du gsod pa ni sems zhum pa'o/ /pha rol la gnod pa'i rang bzhin can ni gdug pa'o/ /phyas 'dogs pa'i rang bzhin can ni 'phya skyen pa'o/ /slob dpon dang/ bla ma dang yon gnas dang chos 'thun pa pa la slu ba mi drang ba'o/ /lus dang ngag gi las brlang

  412. 206b

    la sems rtsub cing mi nges pa ni mi mnyen pa'o/ /tshul khrims dang lta ba dang spyod pa dang 'tsho ba mi mthun pa ni mi mthun par 'jog pa'o/ /chags pa'i sems kyis 'dod pa rnams la dmigs nas yid kyis rtog cing goms bar byed pa dang/ yang dang yang du byed pa ni 'dod pa'i rtog pa'o/ /gzhan gyis gnod pa byas pa'i rgyu la dmigs nas sdang ba'i sems kyis rtog cing goms par byed pa dang/ yang dang yang du byed pa ni gnod sems kyi rtog pa'o/ /rnam par 'tsho ba'i sems kyis gzhan la gnod par bya ba la dmigs nas yid kyis snga ma bzhin du byed pa ni rnam par 'tsho ba'i rtog pa'o/ /nyon mongs pa can gyi sems kyis gnyen rnams la dmigs nas yid kyis snga ma bzhin du byed pa ni gnyen la rtog pa'o/ /nyon mongs pa can gyi sems kyis yul gyi mi rnams la dmigs nas snga ma bzhin du byed pa ni yul gyi mi la rtog pa'o/ /nyon mongs pa can gyi sems kyis rang gi don thob par bya ba'i phyir dus gzhan la lta ba la dmigs nas yid kyis snga ma bzhin du byed pa ni mi 'chi ba'i rtog pa'o/ /nyon mongs pa can gyi sems kyis bdag dang gzhan rnams kyi tha ma dang rab la dmigs nas yid kyis snga ma bzhin du byed pa ni khyad du gsod pa dang mtshungs par ldan pa'i rtog pa'o/ /nyon mongs pa can gyi sems kyis sbyin bdag dang 'dris pa'i khyim rnams kyis 'byor pa la dmigs nas yid kyis rtog cing goms par byed pa dang yang dang yang du byed pa de ni rigs kyi 'byor pa dang mtshungs par ldan pa'i rtog pa'o/ /mya ngan la sogs pa ni snga ma bzhin du rig par bya'o/ /kun tu spyod pa ni kun nas dkris pa yin pa'i phyir nyon mongs pa thams cad la kun nas dkris pa yod de/ nye ba'i nyon mongs pa brgyad po rnams ni dus skabs bzhir rgyun mi 'chad par kun tu spyod de/ de bas na de rnams nyi tse? kun nas dkris pa rnam par bzhag go /de la lhag pa'i tshul khrims kyi bslab

  413. 207a

    pa'i tshe ni ngo tsha mi shes ba dang khrel med pa kun tu spyod pa'i sgo nas sgrib bar byed do/ /lhag ba'i sems kyi bslab pa'i tshe ni rmugs pa dang gnyid do/ /lhag pa'i shes rab kyi bslab pa'i tshe chos rnams rab tu rnam par 'byed pa ni rgod pa dang 'gyod pa'o/ /chos mthun pa rnams dang phan tshun chos dang zang zing la longs spyod pa'i tshe ni phrag dog dang ser sna kun tu spyod pa'i sgo nas sgrib par byed do/ /'dod pa'i 'dod chags dang gnod sems la sogs pa 'dod pa dang mtshungs par ldan pa'i nyon mongs pa spyod pa'i 'dod pa dang mtshungs par ldan pa'i nyon mongs pa chen po ma spangs ba ni 'dod pa'i chu bo'o/ /srid pa dang lta ba dang ma rig pa'i chu bo yang de bzhin du mthun mthun du rig par bya'o/ /'dod pa'i 'dod chags dang ma bral ba mu stegs can ma rtogs pa rnams kyi ni 'dod pa'i chu bo'o/ /'dod chags dang bral ba rnams kyi ni srid pa'i chu bo'o/ /mu stegs can rnamS kyi ni phal cher chu bo gnyis su rig par bya'o/ /lta ba ngan pa gang yin pa dang lta ba dan pa'i rgyu gang yin pa gcig tu bsdus pa'o/ /mtshungs par spyod pa rnams kyi lhag chad med pa'i nyon mongs pa de dag nyid la ni sbyor ba rnams shes bya'o/ /phyogs gnyis kyi ni nye bar len pa rnam pa bzhir rnam par bzhag par rig par bya ste /khyim pa'i phyogs dang 'di las phyi rol ba'i rab tu byung ba'i phyogs kyi'o/ /de la gang nye bar len pa dang/ gang gis nye bar len pa dang/ gang gi phyir nye bar len pa de dag thams cad ni nye bar len pa zhes bya'o/ /de la ci nye bar len zhe na/ 'dod pa rnams dang lta ba dang tshul khrims dang brtul zhugs dang bdag tu smra ba nye bar len to/ /gang gis nye bar len zhe na/ 'dun pa dang 'dod chags rnam pa bzhis so/ /gang gi phyir nye bar len zhe na/ 'dod pa rnams thob par bya ba'i phyir dang longs spyod pa'i phyir ni dang po'o/ /rnyed pa dang bkur sti'i dbang du byas nas gzhan la klan ka tshol ba'i phyir ram/ gal 'dzin pa

  414. 207b

    la thar bar bya ba'i phyir ni gnyis pa'o/ /zhi gnas kyi yan lag la brten cing gnas nas 'jig rten gyi 'dod chags dang bral bar 'gyur bar bya ba nas /'du shes med 'du shes med min skye mched kyi snyoms par 'jug pa'i bar gyi phyir ni gsum pa'o/ /las byed pa dang/ de'i 'bras bu la longs spyod pa'i skyes bu 'am/ 'jug pa dang ldog pa'i skyes bur rnam par brtags pa'i rjes su tha snyad 'dogs pa'i phyir ni bdag tu smra ba nye bar len to/ /nye bar len pa bzhi po de dag ni phyogs gnyis kyi yin te/ 'dod pa la long spyod pa'i khyim pa'i phyogs dang nyes par bshad pa'i chos 'dul ba la rab tu byung ba'i phyogs kyi'o/ /chos 'di ba rnams kyis ni nye bar len pa thams cad spong ba'i yongs su shes pa gsung ba ston par khas blangs te/ nyon mongs pa dang bcas pas 'chi ba'i dus byed du zin kyang de dag gi nye bar len pa gang yang rnam par bzhag pa med de/ 'di ltar de dag ni 'dod pa rnams la mi lta bar rab tu byung la lta ba dang tshul khrims dang brtul zhugs dang bdag tu smra ba yang khas mi len to/ /nyes par bshad pa'i chos can de dag la ni tha dad pa rnam pa gnyis yod de/ lta ba dang 'dod pa phan tshun mi mthun par smra ba rnams dang/ 'jig rten pa'i snyoms? par 'jug pa rnams so/ /de la lta ba dang 'dod pa phan tshun mi mthun pa rnams kyi phyir ni lta ba'i nye bar len pa rnam par bzhag go /'jig rten pa'i snyoms par 'jug pa rnams kyi phyir ni tshul khrims dang brtul zhugs kyi nye par len pa rnam par bzhag go? /phyogs de gnyi ga la brten pa rnams ni bdag tu smra ba'i khongs su gtogs te de pas na phyogs de gnyi ga'i phyir bdag tu smra ba'i nye? bar len ba rnams par bzhag go /de la lta ba drug cu rtsa gnyis ni sng ma bzhin no/ /lus kyi sdom pa dang ngag gi sdom pa log ba'i rtog pa las byung ba'i lta bas snod par byas pa ni tshul khrims so/ /de dang 'tsham pa'i rtags dang cha lugs dang zas dang skom dang

  415. 208a

    spyod lam dang spyod pa dang yi dam ni brtul zhugs so/ /bdag ni bden pa dang gnas pa'i sgo nas yod do zhes smra ba gang yin pa de ni bdag tu smra ba zhes bya'o/ /de la bden pa'i rdzes su yod pa'i phyir ro/ /gnas pa ni rnam par bzhag pa'i sgo nas so/ / de la 'dod pa'i sred pa'i rkyen gyis byung ba ni 'dod pa'i nye bar len pa'o/ /shes so bar smra ba la brten nas rnyed pa dang bkur sti la sred pa'i rkyen gyis byung ba ni lta ba'i nye bar len pa'o/ /snyoms par 'jug pa la sred pa'i rkyen gyis byung pa ni tshul khrims dang brtul zhugs kyi nye bar len pa'o/ /yod pa dang med pa la sred pa'i rkyen gyis byung ba ni bdag tu smra ba'i nye bar len pa'o/ /mdud pa ni bzhi ste/ snga ma bzhin du 'di las phyi rol pa rnams nyi che'i yin par rig par bya'o/ /sgrib pa lnga ni gnas skabs lnga dang mi mthun pa las rnams par bzhag par rig par bya ste/ khyim na gnas pa'i yul byis 'phrog pa'i phyir bstan pa dang mi mthun pa'i sgo nas ni 'dun pa'i 'dod pa'o/ /chos mthun ba pa rnams kyis gleng ba dang/ smra dbab pa dang rjes su bstan pa la sogs pas 'dul ba mi bzod pas yang dag par dga' bar bya ba'i chos dang mi mthun pa'i sgo nas ni gnod sems so/ /zhi gnas dang mi mthun pa'i sgo nas ni rmugs pa dang gnyid do/ /lhag mthong ni? mthun pa'i sgo nas ni rgod pa dang 'gyod pa'o// chos kyi 'brel pa'i gtam nges par byed ba dang chos spyod ba dang/ ston ba'i bstan pa dang mya ngan las 'das pa la mos pa dang mi mthun pa'i sgo nas ni the tshom gyi sgrib pa'o/ /'dod chags dang zhe sdang dang gti mug gis kun nas dkris pa gang gis kun nas dkris pa 'am bag la nyal du gyur pas rang gi don 'thob pa la sems las su mi rung zhing sems 'jam po ma yin pa de dag ni tha ba rnams so/ /yul dan pa la 'dod chags pa ni dri ma zhes bya'o/ /'khrug pa'i 'os ma yin pa'i gzhi la

  416. 208b

    zhe sdang ba ni dri ma zhes bya'o/ /gsal zhing byis ba'i skye bos kyang brda srad? pa'i bzhi pa gti mug pa ni dri ma zhes bya'o/ /'dod chags dang zhe sdang dang gti mug rgyun tu kun tu spyod bas rtag tu 'joms pas na rtag 'joms rnams zhes bya'o/ /ngo tsha shes pa dang khrel yod pa dang bral te ngo tsha ma shes pa dang phrel med bas gcig tu nges par rgyun tu 'dod chags dang zhe sdang dang gti mug rnams ma bsdams pa ni zug rngu rnams shes pa'o/ /ngo tsha shes pa dang khrel yod pa 'dres te/ rgyud kyi sgo nas ni yod la skad cig pa'i sgo nas ni med de bsngam pa yod pa ni mdud bar bsngos pa gang yin ba'i ngan pa'i don gyis tha chad? ces bya'o/ /lus kyi las mi dge ba thams cad ni nyes par spyod ba'o/ /lus ji lta ba bzhin du ngag gi las dang yid kyi las kyang de dang 'dra ste ngan 'gror 'gro ba'i las kun tu spyod pa'i phyir rjes su thob bar byung cing? rjes su thob par 'byung ba rjes su 'thob pas na de'i phyir nyes par spyod pa zhes bya ba ste/ 'di ni las kyi kun nas nyon mongs pa bstan to/ /snga mas ni nyon mongs pa'i kun nas nyon mongs pa bstan to/ /'di gnyis ni las kyi kun nas nyon mongs pa rnam par bzhag pa smra ba ste/ log par smra? ba dang yang dag par smra ba'o/ /de la gang 'di skad du ched du bsams te de las mi dge ba ci byas pa de dag thams cad ni nges par yang yin la ngan song myong bar 'gyur ba yang yin no zhes smra ba des ni mya ngan las 'da' bar bya ba'i phyir tshangs par spyod pa la gnas pa la skur pa btab pa yin no/ /de ci'i phyir zhe na/ gang gi tshe 'di nyid la yang tshe? du bsams te/ mi dge ba'i las ma byas pa de lta bu'i sems can yang rnyed par sla ba ma yin na tshe rabs gzhan dag tu lta ci smos te/ des na de dag ngan song du 'gro bar nges pas na su la yang thar bar 'gyur ba'i skabs med par 'gyur te/ de bas na de ni log par smra ba yin par rig par bya'o/ /gang 'di skad du ched du bsams te/ mi dge ba'i las byas la gal te de ltar byas nas bsags par

  417. 209a

    gyur na ni de lta na de phyi ma la mi sdug pa'i ngan song myong par 'gyur ro/ /de ste ma bsags na ni de'i de chos yang dag par blang ba gang dang gang la brtan pa bde pa 'am sdug bsngal bar byas par gyur pa de'i ni de lhan cig byed par nges par 'gyur te/ tshe 'di nyid la bde ba myong ba 'am sdug bsngal ba myong bar 'gyur zhes smra ste/ de lta na ni las gang byas nas 'gyod pa med cing gnyen pa ma bsten pa'i gang zag de'i las don bsags par 'gyur ba yang yin no/ /'bri ngar 'gyur ba gang yin pa de ni tshe 'di kho na la myong ba 'gyur ba yin du zin kyang de ni ngan song myong bar 'gyur ba yang yin la tshe 'di la yang thar pa'i bar du gcod par yang byed de/ /gzhan rang las de byas na 'gyod par yang byed la gnyen po dang yang bcas pa'i gang zag de'i las de ni bsags par yang mi 'gyur te/ bsags par 'gyur pa gang yin pa nges ngan song myong bar 'gyur du zin kyang de ni tshe 'di kho na la myong bar 'gyur la thar pa'i bar du gcod par yang mi byed do/ /de bas na nges ni changs par spyod pa la gnas pa dang/ mya ngan las 'das pa la skur ba btab pa ma yin no/ /des na 'di ni yang dag par smra bar rig pa yin par bya'o/ /de la gnyen po rnam pa bcu med na ni las kyi kun nas nyon mongs pas kun nas nyon mongs par byed pa rnam pa bcu po de dag yod na ni rnam par dag par 'gyur te/ 'di lta ste gnyen po gang gis byas ma thag tu bsags par mi 'gyur te/ phyi ma la myong ba ma nges pa dang/ gnyen po gang gis ma spangs su zin kyang mi myong bar byang pa dang/ gnyen po gang gis spong bar yang byed la bral bar yang 'gyur ba dang/ de bzhin du dpang po'i sgo bsdams pas lhag pa'i tshul khrims kyi bslab pa bsgom pa'i/ phyir lus bsgom pa dang/ lhag pa'i sems bsgom pa'i phyir lhag pa'i tshul khrims bsgom pa dang lhag pa'i

  418. 209b

    shes rab bsgom pa'i phyir lhag pa'i sems bsgom pa dang/ zag pa spang ba'i phyir lhag pa'i shes rab bsgom pa dang/ sems drag pos bsgom pa dang/ yun ring por bsgom pa dang/ gnyen po sgo du ma bsgom pa ste/ las kyi kun nas nyon mongs pa'i gnyen po rnam pa bcu po 'di dag med na ni kun nas nyon mongs par 'gyur ro/ /de las bzlog pa ni rnam par byang bar 'gyur bar rig par bya'o/ /tshe 'di nyid la lus dang ngag dang yang kyi las shin tu ma bsdams par gnas pa'i ni sngon gyi las mi dge bar byas shing bsags pa gang yin pa de phyi ma la kun nas nyon mongs par 'gyur ro/ /lus dang ngag dang yid kyi las shin tu bsdams par gnas pa'i ni kun nas nyon mongs par mi 'gyur ro/ /tshe 'di la lus dang ngag dang yid kyi las shin tu ma bsdams bar gnas pa ni ji lta bu lus la sogs pa'i las shin tu bsdams par gnas pa ni ji lta bu yin zhe na/ ji ltar 'di na kha cig lus dang ngag dang yid kyi las mi dge ba'i kun nas dkris pa'i nyes rtsom dang/ de skyed par byed pa'i tshul bzhin ma yin pa yid la byed pa dang mtshungs par ldan pa'i ma rig pa'i nyes rtsom ni spangs la lus dang ngag dang yid kyi las dge pa yang yang dag par glangs te gnas pa de la ni tshe 'di nyid la de'i rgyus nyon mongs pa dang log pa'i 'dun pa dang/ rtog pa dang yongs su tshol pa las byung ba'i sdug bsngal gyi khyad par rnams ni 'byung ngo/ /nges de spangs pa yang dag par blangs pa tsam gyis chog par bzung nas tshe 'di la 'phags pa'i lam bskyed par mi byed cing mya ngan las 'das pa mngon sum du mi byed do/ /de ltar bsdams? par gnas pa de ni tshe 'di la sdig pa mi dge ba'i chog mi byed cing mi dge ba sogs mod kyi/ 'on kyang nyon mongs pa'i bag la nyal gyi bcing bas bcings pas na shi ba'i 'og tu yang srid par skye ba mngon par 'grub par 'gyur te/ yang srid par skye ba

  419. 210a

    der log gi las kyi rkyen la brten nas kun nas nyon mongs pa bskyed par 'gyur ro/ /lus dang dag dang yid kyi las shin tu bsdams par gnas pa'i khyad par ni 'di yin te spangs pa yang dag par blang ba de la gnas pa de ni gsar du yang las mi byed la/ las rnying pa nyams su myong ste/ rnam par smin pa'i sgo nas zad par byed la? spangs pa yang dag par blangs pa de tsam gyis kyang chog par mi 'dzin te/ tshe 'di nyid la 'phags pa'i lam yang skyed cing de'i 'bras bu mya ngan las 'das pa yang mngon sum du byed do/ /de de'i tshe ji srid du rnam par shes pa dang bcas pa'i lus gnas pa de srid du tshe 'di la sngon gyi las kyis 'phangs pa'i tshor ba myong bar 'gyur ro/ /de'i rnam par shes pa dang bcas pa'i de yang ji srid tshon zad pa de srid du gnas so/ /tshe zad nas rnam par shes pas lus spangs nas de phyin chad ni srog gi dbang po rnam par smin par mi 'gyur te/ des na de'i rnam par shes pa tshor ba thams cad dang bcas par 'dir 'gags pas phyi ma la nyid mtshams sbyor bar mi 'gyur ro/ /de'i tshor ba grib ma bzhin du rnam par shes pa'i shing la brten pa de yang rnam par shes pa'i shing 'gags pas thams cad kyi thams cad du med par 'gyur ro/ /de'i tshe sngon gyi las de ni rgyu gnyis kyis phyi ma la kun nas nyon mongs par ma 'gyur te/ grogs nyon mongs pa gang gis kun nas nyon mongs par 'gyur ba de ma lus bar spangs pa'i phyir dang/ gang du rnam par smin par 'gyur ba na kun nas nyon mongs bar 'gyur ba ste/ 'di lta ste/ 'du byed kyi rgyu de yang ma lus bar 'gags pa'i phyir ro/ /de de'i tshe sems can rnams la mdza' ba'i bsam pas kho na med pa'i sems su 'gyur te de yang mig ba'i gnod sems spangs pas gnod sems med do/ /sdig pa'i las la nyes dmigs su lta ba'i phyir de spangs

  420. 210b

    pa yang dag par spangs pas 'dod chags dang bral ba'i sems su yang 'gyur ro/ /de'i gnyen po lam? thab pas yang dag par sems shin tu rnam par grol bar yang 'gyur ro/ /de ltar gyur pa des ni rtag tu gnas par bya ba drug thob pa yin te/ de rnams kyis na de la shas tshar gnas pa de'i spong ba de dge bar gcig tu nges pa kho nar 'gyur te/ tshe 'di la sdig pa mi dge ba'i las kyi rkyen yod du zin kyang rnam par 'dre bar mi 'gyur ba 'di ni de'i sdom pa la gnas pa snga ma las khyad par du 'phags par rig par bya'o/ /las kyi rnam par smin pa myong bar 'dogs shing smra ba ni rnam pa lngas kun nas nyon mongs pa can yin par rig par bya'o/ /rnam pa lngas ni kun nas nyon mongs pa can ma yin par rig par bya'o/ /rnam pa lnga po gang dag gis kun nas nyon mongS pa can yin zhe na/ 'di lta ste/ rgyu mi mthun par 'dogs pa dang/ rgyu med par 'dogs pa dang/ rgyu mi mthun pa dang rgyu med par 'dogs pa'i nyes pa rnam pa gsum gyis so/ /de la rgyu mi mthun par 'dogs pa ni ji ltar 'di na kha cig 'di ltar lta zhing 'di skad du smra ste/ skyes bu gang zag 'dis nyams su myong bar 'gyur ba ci yang rung ba de dag thams cad ni sngon byas pa'i rgyu las byung ba yin no snyam mo/ /dbang phyug gis sprul pa'i rgyu las byung ba yang de dang 'dra'o/ /rgyu med rkyen med par nyams myong ngo zhes bya ba ni rgyu med par 'dogs pa'o/ /der 'dogs pa'i nyes pa rnam pa gsum gang zhe na/ tshe 'di la mi dge ba dang ldan pa'i tshor ba ni sngon gyi las kyi rgyu las byung ba na yang nyes pa yod la tshe 'di'i las kyi rgyu las byung na'ang nyes pa yod de/ gal te sngon gyi mi dge? ba'i las kyi rgyu las byung ba yin na ni de ltar na chos yang dag par blang ba kha cig bde ba yin la mi dge ba yang yod na de la mi dge ba'i tshor ba gang yin pa de sngon gyi mi dge ba'i las kyi rgyu las byung bar mi rung ngo/ /de ci'i phyir zhe na/ sngon gyi mi dge ba'i tshe 'di la bde bar rnam par smin par mi rung ba'i phyir ro/ /gal te tshe 'di'i mi dge

  421. 211a

    ba'i las kyi rgyu las byung ba yin na ni de lta na de'i rgyu mi mthun par smra ba dang/ rgyu med par smra ba de'i dam bcas bnyams bar 'gyur te thams cad sngon byas ba'i rgyu las byung ba'o zhes rgyas par sbyar ba 'di ni nyes pa dang po'o/ /gzhan yang gal te mi dge ba'ang sngon gyi mi dge ba'i las kyi rgyu las byung 'ang nges la/ dge pa yang dge ba'i rgyu las byung ba yin na ni de lta na de dag gi mi dge pa'i gnyen por dge ba yang dag bar brtsam pa dang/ ldan pa'i brtson 'grus rtsom pa gang ci yang rung ba de dag kyang don med par 'gyur te/ 'di ni nyes pa gnyis pa'o/ /gzhan yang skyes bu'i byed pa med pa na dge ba dang mi dge ba las brtsams te bya ba dang mi bya ba brtag pa'i yang dag pa ji lta ba'i shes pa yang mi dgos par 'gyur te/ shes pa'i 'og tu 'di ni yongs su spang bar bya'o/ /'di ni nan tan du sgrub par bya'o snyam pa de med na de yang med par 'gyur ba'i phyir yang dag pa'i shes pa yang mi rung ngo/ /shes pa dang mi ldan na ni dran pa gnas par yang mi 'gyur ro/ /dran pa gnas par ma gyur na ni ting nge 'dzin kyang med do/ /mnyam par ma bzhag pa rnams kyi sems ni rtog pa ngan pa dag gis mgo rmongs par byed do/ /mgo rmongs pa rnams kyi dbang po rnams ni byis pa ngan mtshungs par shes par bya'o/ /byis pa dad mtshungs par gyur pa rnams kyi ni dge sbyong gi chos dang ldan pa'i dge sbyong du smra ba gang yin ba de yang nyams bar 'gyur te/ 'di ni nyes ba gsum pa'o/ /'di dag ni mdor bsdus na nyes pa gsus? so ste/ 'di lta ste da ltar byung ba'i mi dge ba'i tshor ba rgyu med pa las byung ba'i nyes pa dang/ brtson 'grus la skur pa btab pa'i nyes pa dang/ shes pa la skur pa btab pa'i nyes pa'o/ /las kyi rnam par smin pa nyams myong bar 'dogs pa kun nas nyon mongs can ma yin pa rnam pa lnga gang zhe na/ 'di lta ste/ gang gis nyams su myong bar 'gyur ba dang/ cis

  422. 211b

    nyams su myong bar 'gyur pa dang/ ji ltar nyams su myong bar 'gyur ba dang/ nyams su myong ba ji ltar kun nas nyon mongs pa can du 'gyur ba dang ji ltar rnam pa dbyad bar 'gyur ba'o/ /de la nye bar len pa'i phung po lnga la brten nas gang zag tu 'dogs pa ni gang gis nyams su myong ba'o/ /de yang reg pa'i skye mched drug gis nyoms su myong ngo/ /de la ma'i lto na 'dug pa'i khu chu dang khrag gi 'byung ba chen po bzhi la brten pa dang/ nyid mtshams sbyor ba'i rnam par shes pa las dang nyon mongs bas bsdus pa dang ma'i lto na khong stod yod pa ni bu 'chags par 'gyur ba yin no/ /de nas ming dang gzugs so/ /de nas sgye mched drug go /de nas reg pa'o/ /de nas tshor ba ste de ltar go rim 'di bzhin du tshor bar 'gyur ro/ /tshor ba de'i rgyu nas 'di'i reg pa yang yin la sngon gyi las kyang rgyu yin no/ /gal te dam pa'i chos ma yin pa thos pa la brten nas tshul bzhin ma yin pa yid la byed pa'i rgyus ma rig pa'i 'dus te reg pa las byung ba'i tshor pas reg par gyur ni mi? tshor ba'i rkyen gyis sred ba sred pa'i rkyen gyis phyi ma la skye ba dang rga ba la sogs pa'i bar gyi sdug bsngal gyi khyad par rnams 'byung ste de ltar ma rig pa'i 'dus te reg pa'i tshor ba myong ba de ni bden pa gnyis kyis kun nas nyon mongs bar 'gyur ro/ ? bzlog pa dam pa'i chos thos nas tshul bzhin yid la byed pa la brten te/ reg pa'i 'dus te reg pa'i tshor ba myong ba ni bden pa gnyis kyis rnam par byang bar 'gyur ro// /rnal 'byor spyod pa'i sa las gzhi bsdug bam po brgyad pa/ las rnam par byang pa log bar? 'dogs pa dang/ log par bsgrub pa la nyes dmigs gnyis yod par rig par bya ste/ gnyis gang zhe na /'di lta ste/ nang gi rtog pa la bslu ba dang/ gzhan gyis smad pa'o/ /las rnam par byad ba log par 'dogs pa gang zhe na/ /ji ltar 'di na kha cig ston pa ma

  423. 212a

    yin bzhin du bdag nyid ston pa lta bur 'dzin cing 'di ltar log par 'dogs te/ tshe 'di la sdug bsngal myong ba gang ci yang rung ba de dag thams cad ni sngon byas pa'i rgyu las gyur ba yin no snyam nas des sngon gyi mi dge ba'i las de rnam pa gnyis kyi rgyur gyur bar mthong ste/ byed pa don sngon gyi las la goms pa las byung ba'i phyir/ tshe 'di'i mi dge ba'i las kyi rgyu dang sdug bsngal de'i rgyu'o/ /de bas na sngon gyi mi dge ba'i las de dag dang 'bras bu sdug bsngal ni dka' thub drag pos 'byung bar 'gyur la phyi ma la mi dge ba'i las rnams byed par mi 'gyur ba'i phyir tshe 'di la yus dang ngag gis bsdams par gnas pas de ltar phyi ma la gcig tu des par dge ba byed pa la brtson pa rnams kyi ni mi dge bas skye bar mi 'gyur te/ de ltar na mi dge ba'i las de zad par 'gyur ro/ /de zad pas sdug bsngal zad cing sdug bsngal mthar thug par 'gyur ro zhe'o/ /log par sgrub pa gang zhe na/ ji ltar 'di na kha cig bdag gi las kyi kun nas nyon mongs pa yang mi shes de'i gnyen po yang yi shes snga ma dang phyi ma'i khyad par rtogs pa yang yang dag pa ji lta ba bzhin du rab tu mi shes te/ de de ltar kun tu rmongs nas ston pa la gzhi med pa'i ngad ba dang bar bya ba'i gnas ma yin par skyes bas bstan pa la mos par 'gyur te/ smra ba ngan pa mi rigs pa'i phyogs su song ba de la brten nas gzhan dag gis rnam par bskyod na yang som nyid bya ba'i gnas la the tshom skyed par mi byed la dri ba'i sgo nas legs bar lan thebs pa dang/ legs par lan mi thebs ba dang/ som nyi nam par dag par byed pa dang/ rnam par dag pa ma byed pa'i sgo nas ston pa thams cad mkhyen pa dag thams cad mkhyen bas yin pa yongs su mi tshol la/ ston pa 'das nas ni gtan du som nyi'i gnas la gnas par 'gyur ro/ /de ci'i phyir

  424. 212b

    zhe na/ ston pa gson pa'i tshe ni des thams cad mkhyen pa yin nam ma yin pa nges par rtogs par 'gyur ba zhig na shi ba'i 'og tu su la drir yang med ji ltar nges par 'gyur te/ de ni log par sgrub pa'o/ /de la ci'i phyir las rnam par byang ba log par 'dogs pa shin tu mi rigs par 'gyur zhe na /rgyu rnam pa gnyis kyis te/ 'di lta ste/ dga' thub drag po de ni sngon byas pa'i rgyu las byung ba yin mi srid pa nges sngon gyi mi dge ba'i las 'byang bar 'gyur yang mi srid pa'i phyir ro/ /de la brtsal ba chung ngu dang 'brid? dang chen po byas bas? tshor ba chung du dang 'bring dang chen po skye ba'i phyir dang/ brtsal ba rnam pa gsum dang bral bas byung ba'i sdug bsngal gyi tshor ba rnam pa gsum mi gnas pa'i phyir sngon byas pa'i rgyu las byung bar mi rung ngo/ /dga' thub drag po de la yang sngon gyi las mi dge ba sdug bsngal myong bar 'gyur ba gang yin pa de bde ba myong bar bya ba de'i mthu med pas de ni nges par 'di ltar 'gyur te/ bdag yongs su gdungs pas sngon gyi mi dge ba'i las 'byang bar mthong ste/ de ltar gyur na che 'di la brtsal ba'i sdug bsngal gyi tshor ba de sngon gyi las mi dge ba sdug bsngal myong bar 'gyur ba gang yin pa de'i 'bras bur gyur pa yin nam ma yin/ gal te 'bras bur gyur pa yin na ni dka' thub kyang don med par 'gyur te/ de'i 'bras bu myong ba kho nas zad par 'gyur la de ltar gyur na ni sngon gyi mi dge ba'i las kyi yin gyi dka' thub kyi byad ba ma yin no/ /gang dag gi tshe 'di'i 'bras bu nyams su myong bas ni las kyi phyogs gcig de byad bar zad de/ gzhan ni lan grangs gzhan la myong bar 'gyur ba yin pa na/ de'i phyir tshe phyi ma la myong bar 'gyur te/ de ni 'bras bu'i sgo nas dka' thub kyis 'byang bar 'gyur du mi rung ngo/ /gal te brtsal ba'i sdug bsngal de sngon byas pa'i rgyud las byung ba ma yin na ni de lta mnyam su myong bar 'gyur ba gang ci yang rung ba de dag thams cad sngon byas pa'i rgyu las byung ba yin no zhes byar mi rung ngo/ /ji ltar

  425. 213a

    sdug bsngal myong bar 'gyur ba bde ba myong bar bsgyur du mi rung ba de bzhin du sngon gyi las dge ba bde ba myong bar 'gyur ba de yang sdug bsngal myong ba 'am/ de gnyi gang bsgyur du mi rung ngo/ /gzhan yang tshe 'di la myong bar 'gyur ba gang yin pa de tshe phyi ma la myong bar bya ba dang/ tshe phyi ma la myong bar 'gyur ba gang yin pa de mi myong bar bya ba dang/ yongs su ma smin pa gang yin pa de yongs su smin par bye ba dang/ yongs su smin zin pa gang yin pa de der dang bsgyur du mi rung ngo/ /de la don gyi mdo ni 'di yin te dge ba dang me dge ba las thams cad ni rang bzhin nges pa dang/ dus nges pa dang/ rnam pa nges pa ste/ de ji ltar nges pa de bzhin du 'bras bu yongs su 'dzin par 'gyur ro/ /de la bdag gis brtsal ba'i sdug bsngal gyi tsha rab rnams kyis ci zhig byar yod de/ gal te tshor ba de rnams sngon gyi las kyi rgyu las byung ba zhig yin na ni las kyi phyogs gcig de tsam zhig 'byang bar byed par slang bar gyur na yang de dag gi phan yon tsam du 'gyur bar zad la rang gi khas blangs bas na de yang phan yon tsam du yang mi 'gyur te/ de ltar na gtan du bslu ba yin la las kyis bcings pas thar bar yang mi 'gyur te/ rnam grangs nges na 'di ni log par smra ba dang log par sgrub pa de'i nyes dmigs dang po ste/ 'di lta ste nang gi rang gi don la bslu ba yin no/ /gzhan gyis smad pa gang zhe na/ de dag ni smra ba rnam pa gnyis dang dka' thub rnam pa gsum la brten te/ kyes bu gang zag 'dis gang cung zad nyams su myong ba de dag thams cad ni sngon byas pa'i rgyu las byung pa kho na yin no zhes bya ba 'di ni ngan bar smra ba gcig ste/ rgyu mi mthun par smra ba'i phyir ro/ /gzhan dag ni 'di skad du 'di ltar de thog ma na dbang phyug gis sprul te/ de phyin chad ni sngon byas pa'i las kyi nyams su myong bar 'gyur ro zhes smra

  426. 213b

    pa 'di ni ngan par smra ba gnyis pa'o/ /dka' thub rnam pa gsum ni lus kyi sdom pa dang/ /ngag gi sdom pa dang/ /yid kyi sdom pa'o/ /de la lus kyi sdom pa ni lus kyis? des gzhan pa'i sems can rnams dang/ lhan cig tu mi 'dug ste/ chang ching dang nags tshal dang dgon pa dang gnas dben par gnas pas thams cad kyis mi mthong ba 'ba' zhig tu sgrub pa'o /de la dag gi sdom pa ni mi smra ba'i brtul zhugs yi dam du 'dzin pa'o/ /de la yid kyi sdom pa ni brtsal ba'i tshor pa rnams yid kyis dang du len pa'o/ /de dag 'di ltar lta ba phun sum tshogs pa rnam pa 'di gnyis dang dka' thub phun sum tshogs pa rnam pa gsum gyis sdug bsngal las yang dag par 'da' bar 'gyur ro zhes de ltar 'dod cing ston la rang sdug bsngal las yang dag par 'das par ma gyur pa'i phyir gzhan dag gis smad pa yin no/ /gal te thams cad sngon byas pa'i rgyu las byung ba dang/ dbang phyug gis sprul pa'i rgyu las byung ba dang/ dka' thub rnam pa gsum ma tang pa'i rgyu las byung pa yin na ni de ltar na de dag nyid dka' thub rnam pa gsum dang bcas pas sdug bsngal nyams su myong ba na sngon gyi las gnag pa dang/ dbang phyug gis kyang sdig snang sprul pa dang/ dka' thub rnam pa gsum ma btang ba nges na de ltar sdug bsngal gyi tshor ba myong bar gyur gong ma chag ste nang gi rtogs pa la bslus pa de dag gi gzhan la grags shing bsdigs pa tsam gyi phan yon lta bu gang yin pa de yang med de 'di ni nyes dmigs gnyis pa ste/ yan lag 'dis kyang de dag ni smad pa'i 'os kho na yin/ /de las bzlos pa las ni las kyi kun nas nyon mongs pa dang rnam par byang bar smra ba yang dag par 'dogs pa dang yang dag pa'i nan tan du sgrub pa la phan yon rnam pa gnyis yod par rig par bya ste/ nang gi rtogs pa la bslu ba med pa dang/ gzhan gyis bsdags

  427. 214a

    pa'o/ /las kyis kun nas nyon mongs pa 'dogs shing smra ba gang zhe na/ las ni 'di gnyis yin te/ dge ba dang mi dge ba'o/ /de las 'das pa'i dus nas bzung ste/ dge ba dang mi dge ba'i las byas pas che? 'di la sdug pa dang mi sdag pa'i rnam par smin pa nyams su myong ba dang/ sdug pa dang mi sdug pa nyams su myong nas kyang dge ba dang mi dge ba byed de/ /des ? phyi ma la yang sdug pa dang mi sdug pa nyams su myong bar 'gyur te/ de lta bu ni las kyi kun nas nyon mongs pa yin no/ /gsar du yang mi byed la rnying dang phrad na yang zad par byed pa dang lhag ma yang gnyen pos spong bar byed pa rnam par byang ba ste/ 'di ni las kyis kun nas nyon mongs pa dang rnam par byang ba 'dogs shing smra ba bla na med pa'o/ /de la yang dag pa'i nan tan du sgrub pa gang zhe na/ ji ltar chos 'di pa thos pa dang ldan te las kyi kun nas nyon mongs pa yang kun nas nyon mongs pa yin pa dang/ rnam par byang ba la yang rnam par byang ba yin par legs par yang dag par rtegs nas mi dge ba'i las ni spong la dge ba ni sgom par byed do/ /de thos pa dang bsams pa las byung ba'i yid la byed pa la sbyor bar byas nas bsgoms pa las byung pa rtog par bya'o snyam ste/ rab tu dben pa'i gnas su 'dug nas sgrib pa rnams dang/ sdug bsngal gyi chos rnams las sems yongs su spyod bar byed do/ /'dod pa'i 'dun pa dang gnod sems dang rgod pa dang 'gyodpa spang ba'i phyir zhi gnas kyi phyogs su gtogs pa'i sems gnas pa rnam pa dgus sems lhag par btang snyoms su byed la / rmugs pa dang gnyid dang the tshom spang ba'i phyir gzhi'i bye brag rnam pa drug gi lhag mthong gis tshul bzhin gyis sems mngon par 'du byed de/ de bas na zhi gnas kyi phyogs su gtogs pa las langs ma thag pa kho nar yang dag par slob pa'i

  428. 214b

    sdug bsngal ni nges par 'byang bar 'gyur ro/ /de de ltar sgrib pa rnams las sems rnam par sbyangs nas chos gos dang bsod snyoms dang mal cha dang stan long spyad cing spyod pa las sems rnam par sbyor bar byed de/ ji lta bur chos gos nas mal ma dang stan gyi bar du bsten pa de'i mi dge ba'i chos rnams 'phel zhing dge ba'i chos rnams 'grib par 'gyur ba de yongs su spong bar byed la 'dod na yang chos gos la sogs pa'i longs spyod ngan pas 'tsho zhing sdug bsngal dang du len to/ /de'i chos gos la sogs/ pa longs spyod bzang ba'i gzhi dag las rgyu rnam pa gnyis kyis sdig pa mi dge ba'i chos rnams skye bar 'gyur te/ 'di lta ste 'du shes dang rtog pa'o/ /gnyis gang zhe na/ dge ba yang yun ring po nas goms? pas sems las su mi rung ba dang/ chos gos la sogs pa la yang 'dun pa'i 'dod chags kyis lhag par chags pa'o/ /gang gi che sems kyang las su rung bar byas la chos gos la sogs pa la yang lhag? par chags pa mi rtag pa rten cing 'brel par 'byung ba la yang nyes dmigs su mthong ba de'i tshe ni chos gos las long spyod bzang po la 'jug tu zin kyir kun nas nyon mongs par yang mi 'gyur te/ de ltar na de ni bde bar yang 'gyur la kha na ma tho ba yang med pa dang/ zhi gnas dang lhag mthong bsgom pa'i stobs kyis kyang sgrib pa rnams las sems rnam par sbyangs nas so sor rtog pa'i stobs kyis kyang chos gos la sogs pa phyin ci ma log par longs spyad pas kun nas nyon mongs par mi 'gyur ro/ /de'i tshe sems rtse gcig pa tsam dang ldan mod kyi de phyi ma la yang kun nas nyon mongs par 'gyur ba'i phyir 'dod pa'i 'dod chags kyi bag la nyal ni ma spangs so/ /des de shes rab kyis rtogs nas spang ba'i phyir bas mdza' i gnas mal dag tu 'dug ste/ des snga rol tu ting nge 'dzin gyi tshogs shin tu yongs su dag par byas nas mthar gyis bsam gtan bzhi

  429. 215a

    pa'i bar du snyoms par 'jug ste de la brten nas bden pa rnams kyang mngon par rtogs pa la zag pa zad pa yang 'thob cing sems kyang shin tu rnam par grol bar 'gyur ro/ /sdug bsngal thams cad dang bral ba'i phyir zhib dang phan 'dogs pa'i phyir dge ba dang lus dang sems thams cad khyab par chub pa'i phyir rgyas pa dang/ nyon mongs pa thams cad dang gtan bral ba'i phyir zag pa med pa'i tshor ba myong ste/ 'di ni yang dag par nan tan du sgrub pa zhes bya ste/ de ltar na nang gi rtog pa la bslu ba med do/ /de las bzlog pa ni de'i gzhan gyis bsngags pa rnam pa lngar rig par bya'o/ /de de'i tshe tshe 'di'i sgrib pa'i kun nas dkris pa'i sdug bsngal de las kyang sems shin tu rnam par grel par 'gyur la de'i bag la nyal gyi lhag ma spangs pa dang /tshe 'di la 'phags pa'i lam 'bras bu dang bcas pa thob pa'i phyir sngon gyi mdza' dang phyi ma'i mdza' las kyi rnam par smin pa'i kun nas nyon mongs pa las kyang rnam par grol bar 'gyur ro/ /gang zag ni gsum ste so so'i skye po bstan pa lam zhugs pa dang/ slob pa bstan pa la zhugs pa dang/ so so'i skye bo bstan pa la zhugs pa'o/ /de la gang zag dang po ni rnam pa gsum du rig par bya'o/ /gnyis pa dang gsum pa yang de dang 'dra'o/ /de la rnam pa gsum pa gang gis dang po shos rig par bya zhe na/ 'di ni gang zag kha cig 'jig rten pa'i yang dag par lta ba dang ldan pa yin te/ 'di lta ste/ sbyin pa yod do zhes bya ba nas rgyas par sbyar ro/ /de yang phyis dam pa'i chos ma yin na pa thos pa dang/ tshul bzhin ma yin pa yid la byed pa la brten nas 'jig rten pa'i yang dag pa'i lta ba 'gag par mngon du phyogs par 'gyur la thams cad kyi thams cad du 'gags pa ? ma yin te/ 'gags pa'i rgyur ni 'gyur ro/ /skur

  430. 215b

    pa 'debs pa ni de'i mi mthun pa'i phyogs su gyur pa log par lta ba skye bar mngon du phyogs la da dung ni ma skyes te/ skye ba'i rgyu ni yin no/ /de yang bar ma dor dam pa'i chos thos pa dang/ tshul bzhin yid la byed pa la brten nas log par lta ba skye bar mngon du phyogs pa de kun tu spyod pa'i sgo nas spangs la yang dag pa'i lta ba ni mi skyed de snga nas ldan pa'i phyir ro/ /gzhan yang kha cig ni yang dag pa'i lta ba dang ldan pa yang ma yin pa log pa'i lta ba dang ldan pa yang ma yin te/ de la chos thos pa dang tshul bzhin yid la byed pa la brten nas/ 'jig rten pa yang dag pa'i lta ba skyed par byed la log par lta ba ni spong bar mi byed de/ snga nas de dang mi ldan pa'i phyir ro/ /gzhan yang log par lta ba dang yang ldan la tshul bzhin yid la byed pa la yang brten nas log par lta ba de yang spong ba yang dag par lta ba yang skyed par byed do/ /gang zag gnyis pa ni sangs rgyas la sogs pa la shes nas dad par gyur pa ste/ dang po mngon sum du byed pa na sangs rgyas la sogs pa la de'i mi shes pa bden pa mngon par rtogs pa'i snga rol du spangs zin pas de'i tshe yang spong par mi byed la sangs rgyas la sogs pa la dad pa dang ldan pa'i phyir rig pa yang mngon sum du byed pa'i sgo nas skyed par byed do/ /slob pa'i lam kho nas sgom pas spang bar bya ba'i ma rig pa rnam pa gzhan spong bar byed la rig pa ni skyed par mi byed de/ lam gyi rang bzhin mtshungs pa'i phyir ro/ /mi slob pa'i lam mngon sum du byed pa na ni sgom pas spang bar bya ba'i ma rig pa thams cad kyang spong la mi slob pa'i rig pa de yang skyed par byed do/ / gang zag gsum pa ni bdag med pa dang ldan pa'i dam pa'i chos thos pa na dang po thos tsam gyis mos par 'gyur la snying nas 'jug pa ni ma yin no/ /de bdag med pa la mos pa'i phyir bdag tu lta ba ni spong la snying la zhugs pa ma yin pas na bdag med

  431. 216a

    par lta ba ni skyed par mi byed do/ /gang gi tshe chos de dag ji ltar thos pa bzhin du tshul bzhin du sems pa de'i tshe ni snying nas zhugs par gyur pas bdag med par lta ba bskyed par byed pa bag la nyal gyi sgo nas ni mi spong ngo/ /des de yan chad kyi sgom pa'i lam gyis bden pa mngon par rtogs pa'i phyir bag la nyal gyi sgo nas spong zhing zag pa med par skyed par byed de /sdom ni/ gnyis dang lnga dang gsum pa bcu/ /bzhi tshan yang ni tha ma yin/ /las ni gnyis te las lci ba dang yang ba'o/ /gzhan yang gnyis te /bsags par 'gyur ba dang/ bsags par 'gyur ba ma yin pa'o/ /gzhan yang gnyis te/ ched du bsams pa dang/ ched du bsams pa ma yin pa'o/ /gzhan yang gnyis te/ myong bar 'gyur bar nges pa dang/ myong bar 'gyur par ma nges pa'o/ /gzhan yang gnyis te/ rnam par smin pa rnam par smin zin pa dang/ rnam par smin pa rnam par ma smin pa'o/ /las ni gsum ste/ dge ba dang/ mi dge ba dang/ lung du ma bstan pa'o// gzhan yang gsum ste/ bde ba myong bar 'gyur ba dang/ sdug bsngal myong bar 'gyur ba dang/ sdug bsngal yang ma yin bde ba yang ma yin pa myong bar 'gyur ba'o/ /gzhan yang gsum ste/ tshe 'di la myong bar 'gyur ba dang/ skyes nas myong bar 'gyur ba dang/ lan grangs gzhan la myong bar 'gyur ba'o/ /gzhan yang gsum ste/ slob pa'i dang/ mi slob pa'i dang/ slob pa'i yang ma yin mi slob pa'i yang ma yin pa'i'o/ /gzhan yang gsum ste/ mthong bas spang bar bya ba dang/ bsgom pas spang bar bya ba dang/ spang bar bya ba ma yin pa'o/ /gzhan yang spong ba gsum ste/ lus la sogs pa spong pa rnams so/ /gzhan yang nyes pa gsum ste /lus la sogs pa'i nyes pa rnams so/ /gzhan

  432. 216b

    yang snyigs ma gsum ste/ lus la sogs pa'i snyigs ma rnams so/ /gzhan yang gtsang ma gsum ste/ lus la sogs pa gtsang pa'o/ /gzhan yang thub pa'i gsum ste/ lus la sogs pa thub pa rnams kyi'o/ /las ni bzhi ste/ las gnag la rnam par smin pa yang gnag pa dang/ las dkar la rnam par smin pa yang dkar ba dang/ las dkar nag 'dres la rnam par smin pa yang dkar nag 'dres pa dang/ las dkar ba yang ma yin gnag pa yang ma yin pa rnam par smin pa yang med de las zad par 'gyur pa'o/ /de la las lci pa ni rgyu rnam pa gsum du reg par bya ste/ bsam pa dang /sbyor ba dang/ zhing gi sgo nas so/ /de la bsam pa ni kun nas dkris pa drag pos byed pa dang/ chos mthun pa pa mthong na rab tu dga' ba dang de'i 'og tu yang shas ches rjes su rtog cing rjes su spyod pa ste de lta bu ni bsam pa'i sgo nas lci ba yin no/ /sbyor ba'i sgo nas ji lta bu zhe na/ rgyun tu yang byas la bsgrims te yun ring por 'dris par byas pa'i sgo nas bsags pa dang/ gzhan dag kyang de 'ba' zhig la yang dag par 'dzud pa dang/ de 'ba' zhig gi bsngags pa yang brjod pa ste de lta bu ni sbyor ba'i sgo nas lci ba yin no/ /zhing gi sgo nas ji lta bu zhe na/ phan 'dogs pa dang yang dag par zhugs pa dang yang dag par nan tan du sgrub pa'i 'bras bu la gnas pa'i sems can gang yin pa de dag la legs par byas pa 'am/ nyes par byas pa gang yin pa de ni zhing gi sgo nas lci ba yin no/ /de la las gang mi shes bzhin du bya ba dang/ rmi lam du rmis pa dang/ ma sgribs la lung du ma bstan pa dang/ mi dge ba 'gyod pa dang/ gnyen pos yongs su zin pa dang/ rgyud dang par byas pa'i las thams cad ni bsags par 'gyur ba ma yin pa'o/ /de ma yin pa ni bsags par 'gyur ba yin par rig par bya'o/ /

  433. 217a

    de la ched du bsams pa'i las ni sngar ched du bsams shing rjes su brtags la rjes su dpyad nas byas pa gang yin pa ste/ de yang nor ba dang ma nor ba'o/ /de la nor pa ni gang gzhan la gsang pa 'am dbrog pa 'am/ dbye ba 'am/ brdzun du smra bas brid pa la sogs pa 'ga' zhig byas par bsams pa las de'i 'du shes kyis gzhan la byas pa ste/ de la ni bsam pa lci ba kho na yin par rig par bya'i/ dngos po lci ba ni ma yin no/ /nor pa ma yin pa ni de las bzlog pa yin par rig par bya'o/ /de la myong bar 'gyur bar nges pa ni ched du bsams la lci ba gang yin pa'o/ /myong bar 'gyur bar ma nges pa ni ched du bsams pa de nyid lci ba ma yin pa gang yin pa'o/ /de la rnam par smin pa rnam par smin zin pa ni 'bras bu smin zin pa gang yin pa'o/ /de las bzlog pa ni rnam par smin pa rnam par ma smin pa'o/ /de la dgra bcom nyid 'thob pa'i tshe ni myong bar 'gyur bar nges pa'i las sngon byas pa rnam par smin par nye bar gnas bas bar chad byed par nus kyi rgyud dang 'brel pas ni ma yin no/ /de ci'i phyir zhe na/ las des de'i gnas mi mthun pa mngon par 'grub par 'gyur te/ sgrib pa des na dgra bcom pa nyid thob par mi nus pa'i phyir ro/ /gal te skyes nas myong bar 'gyur ba ma yin te/ lan grangs gzhan la myong bar 'gyur ba zhig yin na ni dgra bcom pa nyid thob pa'i bar chad byed mi nus mod 'on kyang de yang myong bar 'gyur ba ma yin pa ni ma yin no/ /de ci'i phyir zhe na/ nyon mongs pa'i grogs de yang yod la 'du byed de yang yod na de ltar de la myong bar 'gyur ba nges pa zhes 'dogs pa'i phyir ro/ /dge ba'i las kyi rgyu rnam pa gnyis kyis rnam par gzhag ste/ sdug pa'i 'bras bu yongs su

  434. 217b

    'dzin pa dang/ dmiD pa yang dag pa ji lta ba bzhin du yongs su shes pa de'i 'bras bu'o/ /mi dge ba yang rgyu gnyis kyis rnam par gzhag ste/ mi sdug pa'i 'bras bu yongs su 'dzin pa dang/ log pa'i dmigs pa la mngon par zhen pa'o/ /dge ba dang mi dge ba'i rnam pa gnyi gar yang lung bstan du med pa la lung ma bstan pa'o/ /de la bde ba myong bar 'gyur ba ni bsam gtan dang po dang gnyis pa dang gsum pa dang ldan pa dang/ 'dod pa na spyod pa'i dge ba gang yin pa'o/ /sdug bsngal myong bar 'gyur ba ni ngan song du skye bar 'gyur pa gang yin pa'o/ /dud 'gro dang yi dags su skyes pa rnams kyi bde ba myong ba sngon gyi las kyi rgyu las byung ba gang yin pa de ni bde ba myong bar 'gyur ba'i las las gyur par rig par bya'o/ /sdug bsngal ba yang ma yin bde ba yang ma yin ba myong bar 'gyur ba ni bsam gtan bzhi pa dang de yan chad do/ /sems can dmyal bar gcig tu nges pa ma gtogs par de ma yin pa la ni bde ba dang sdug bsngal 'dres ma'i tshor ba yod par rig par bya ste/ de ni gang gi dbang gis lus 'di la bde ba dang sdug pa 'dres pas gnod cing 'dug pa yod do/ /tshe 'di la myong bar 'gyur ba ni bsam pa de lta bu 'am/ sbyor ba dang/ dngos po sbyor ba de lta bu 'am/ lus dang ngag gi sbyor bas zhing de lta bu la byas pas tshe 'di la gang gi rnam par smin par 'gyur pa gang yin pa'o/ /tshe 'di la ni mi smin la skyes ma thag pa'i cha? la rnam par smin par 'gyur ba gang yin pa de ni skyes nas myong bar 'gyur ba'o/ /tshe 'di la smin pa yang ma yin/ skyes nas smin par 'gyur ba yang ma yin pa de'i 'og tu rnam par smin pa rnam par smin par 'gyur ba gang yin pa de ni lan grangs gzhan la myong bar 'gyur pa'o/ /'phags pa nyan thos dus dus su lhag pa'i tshul khrims dang lhag pa'i sems dang lhag pa'i shes rab la slob pa'i zag pa med pa dang/

  435. 218a

    de'i phyi nas thob pa'i dge ba zag pa dang bcas ba gang yin pa de ni slob ba'o/ /mi slob pa'i dgra bcom pa'i rgyud la yod pa thams cad do/ /de ma yin pa ni slob ba yang ma yin mi slob pa yang ma yin pa'o/ /mthong bas spang bar bya ba'i nyon mongs pa dang ldan pa gang yin pa dang/ des bskyed ba'i sems gang yin ba dang/ ngan song du 'gro bar 'gyur ba'i las thams cad ni mthong bas spang bar bya ba'o/ /bsgom pas spang bar bya ba'i nyon mongs pa dang ldan pa dang/ des bskyed pa'i sems ba ni bsgom pas spang bar bya ba'i las yin no/ /spang bar bya ba ma yin pa ni slob ba dang mi slob pa'i 'jig rten las 'das pa gang yin pa thams cad do/ /ched du bsams pa'i mi dge ba'i las tshe 'di la byas shing bsags pa spong ba ni rnam pa gsum du rig par bya ste/ 'di lta ste/ tshe 'di la spong ba dang/ skyes nas spong ba dang /lan grangs gzhan la spong ba'o/ /de la tshe 'di la spong ba ni ji ltar 'di na kha cig tshe 'di la ched du bsams te las byes shing bsags nas de las phyir ldog cing des spong ba yang dag par blang ba yang byas la de 'dod chags dang ma bral ba so so skye po zhig yin te/ de la gnas bzhin du 'chi ba'i dus byed bar gyur na de skyes ba'i 'og dang/ lan grangs gzhan la yang las de mi byed ba dang/ rnam par smin pa nyams su mi myong ba dang/ tshe 'di la gcig tu nges par mi byed pa'i skal ba can ma yin par mi 'gyur ro/ /gzhan yang 'di na so so'i skye bo 'dod chags dang bral ba kha cig gis spong ba yang dag par blangs nas 'chi ba'i dus byed par gyur na des tshe 'di la byed kyang mi byed/ rnam par smin pa yang nyams su myong bar mi 'gyur na/ skyes nas der skyes pa'i tshe lta byed par ga la 'gyur de lta mod kyi lan grangs gzhan la las de byed pa

  436. 218b

    dang/ rnam par smin pa nyams su myong bar 'gyur ba las yongs su grol ba ni ma yin no/ /gzhan yang slob pa 'dod pa rnams las 'dod chags dang bral ba spong ba yang dag par blangs nas dge sbyong gi 'bras bu dang po'am gnyis pa thob pa de ni gang bdag gi gnas ngan len mang ba'i lus yongs su gdung ba mang ba dor bar 'os pa smad pa 'dis sdig pa'i las byas pa de tshe 'di nyid la bde ba dang bcas pa 'am/ sdug bsngal dang bcas par myong bar 'gyur te/ bdag gis de 'di lta ste/ tshe 'di la myong bar 'gyur ba'i skad cig pa tsam du gyur cig /phyis skyes pa'i 'og gam lan grangs gzhan la de'i rnam par smin pa nyams su myong bar ma gyur cig ces de ltar de spang ba'i phyir yang dag pa'i sems kyis smon nas 'di lta ste/ las de nyid kyi rgyu gtan zad par bya ba dang/ 'dod pa'i 'dod chags dang bral par 'gyur ba'i phyir tshad med ba bsgom pa dang zhi gnas kyi phyogs dang mthun pa'i ting nge 'dzin du gtogs pas yang dag par sbyor bar byed do/ /de la gnod sems su gyur pa'i bsam pa 'am/ rnam par 'che ba'i bsam pa'am/ phrag dog spyod pa'am/ sdug pa'i dngos po la lhag par zhen pa de'i rgyas sems can rnams la log par zhugs nas/ lus dang ngag dang yid kyis sdig pa'i las kun nas slong bar byed de/ gangs las kyi rgyu rnam pa bzhi po 'di dag gi gnyen por tshang med pa'i ting nge 'dzin rnam pa bzhi po sgoms na ni tha na khye'u 'am bu mo nges kyang su la yang sdig pa'i las bya bar sems pa gang yin pa de ni gnas ma yin zhing skabs ma yin te /de bas na de bsgom pa la brtson pa de ni mi dge ba'i las kyi rgyu yang dag par zad par bya ba la brtson pa yin par rig par bya'o/ /de ltar brtson pa des ni sdig pa'i las byas shing bsags pa de rgyu gnyis kyis tshad med pa'i ting nge 'dzin bsgom nas zil gyis gnon bar 'gyur te/ sdig

  437. 219a

    pa'i las de ni sems can tshad nges pa la gnod pa'i bsam pas kun nas bslang ba yin la/ tshad med pa yongs su bsgoms pa ni sems can tshad med pa la phan pa'i bsam pa dang ldan pa dang/ mi dge ba'i las kun nas slong bar byed pa'i sems de ni khams tha chad pa yin pa dang/ mi mthun pa'i phyogs lta bu yin la tshad med pa bsgom pa dang ldan pa'i sems ni khams bzang po pa yin pa dang/ gnyen po yin no/ /las thams cad ni sems la rag las pas na sems ni gtso yin te/ gang gi phyir mi ni sems kyi rgyu las byung zhes 'byung ste/ sems la dbang lus pa dang sems la bsten cing 'dug pa'i phyir ro/ /de de ltar sngon gyis smon lam la brten nas tshad med pa'i sems kyi ting nge 'dzin bsgom pa ste 'dod pa'i 'dod chags dang bral bar gyur pa'i mod la phyir mi 'ong ba la yang dag par gnas par 'gyur te gal te de tsam gyis chog par bzung ste tshe 'di la gong du 'bad par mi byed na ni tshe 'di la las de byed pa'i rgyur yang mi 'gyur na skyes pa'i 'og gam lan grangs gzhan lta la ci smos te/ skyes pa'i 'og gam lan grangs gzhan la de'i rnam par smin pa nyams su myong bar 'gyur pa'i rgyur yang mi 'gyur ro/ /'di las phyi rol pa log pa'i lta bar ltung zhing lam ngan par zhugs pa rnams kyi dge ba dang mi dge ba'i las lta bas kun nas slang zhing lta ba'i dbang gis byung ba gang yin pa de ni yon pa'o/ /'dod chags dang zhe sdang drag po rnams kyi nges bslang ba'i las ni nyes pa'o// gti mug drag cing shas cher dbang po rtul la brjed ngas shing blo zhan pa rnams kyi gti mug gis kun nas bslang ba'i las gang yin pa de ni snyigs ma'o/ /bde 'gror 'gro ba'i legs par spyod pa thams cad ni gtsang pa'o/ /mya ngan

  438. 219b

    las 'das par 'gro ba'i legs par spyod pa thams cad ni thub pa'i'o/ /sems can dmyal bar skye bar 'gyur ba'i gnas tha dad pa'i mi dge ba ni gnag la rnam par smin pa yang gnag pa'o/ /mtho ris su skye bar 'gyur pa'i gnas tha dad pa'i dge pa ni dkar ba la rnam par smin pa yang dkar pa'o/ /de ma yin pa'i gnas kyi ni dkar nag 'dres pa la rnam par smin pa yang dkar nag 'dres pa ste/ gnas gcig na las rnam pa gnyis ka yod pas na de'i phyir gcig tu bsdus te bstan to/ /'jig rten las 'das pa zag pa med pa'i las ni gnag pa yang ma yin dkar ba yang ma yin la rnam par smin pa yang med pa'i las yin te las zad par 'gyur ba'o/ /de yang las zad pa dang zad par 'gyur ba de gnyis ka gcig tu bsdus nas las zad par 'gyur ba zhes bya ste/ phyi ma la mi skye bar bya ba dang skyes zin pa dang bral bar bya ba'i phyir ro/ /sdug pa'i rgyu dang 'bras bu rnam par smin par 'gyur ba med pa'i phyir na de la dkar ba ma yin zhes bya'o/ /de nyid ni de dag gi nang na gcig tu nges par dka' pa yin no/ /gnas tha dang pa'i mtho ris ni gzhan 'phrul dbang byed kyi lha las 'das pa 'dod pa'i khams kyi bdud kyi gnas kyi bdud kyi pho brang dang/ tshangs pa'i 'jig rten yan chad du 'du shes med 'du shes med min skye mched man chad kyi bar de dag thams cad gcig tu bsdus pa la bya ste/ mig gis gzugs gcig tu nges par sdug pa rnams mthong ba nas yid kyis chos rnams rnam par shes pa zhes bya ba'i bar du brjod de khyad par du 'phags pa'i bdag po'i don gyis so// yid kyi sgo nas mngon par 'grub pa ni yid las skyes pa'i don gyis so/ /sems can dmyal ba'i gnas tha dad pa ni bzhi ste /sems can dmyal ba chen po rnams dang/ nyi tshe ba'i sems can dmyal ba rnams dang/ grang ba'i sems can dmyal

  439. 220a

    ba rnams dang/ sems can dmyal ba'i 'khor rnams so/ /gnas der so so'i bde ba myong bar 'gyur ba kho na'i las dang/ so so'i sdug bsngal myong ba kho nar 'gyur ba'i las kyi 'bras bu rnam par smin pa nyams su myong bar 'gyur bas na de'i phyir gnas pa tha dad pa zhes bya'o/ /de la bdud kyi pho brang dang/ bsam gtan dang po dang/ gnyis pa rnams na ni gcig tu nges par dga' ba dang bde ba myong ba yod do/ /bsam gtan gsum pa yan chad na ni gcig tu nges par bde ba dang yid bde ba nyams su myong ba yod de/ 'di ni yid bde ba de dang 'dra pa'i las su rung zhing nyams bde ba'i sems bde ba yod kyi dga' ba ni ma yin pa dang/ de dang 'dra ba'i bde ba yod kyi tshor ba'i bde ba ni ma yin/ /reg pa'i skye mched drug gi sgo nas nyams su myong bas na reg pa'i skye mched can zhes kyang bya ste/ de ni gnas tha dad pa yin te/ rgyu dang 'bras bur 'brel pa'i tshul gyis so/ /sdom ni/ mi shes shes pa mnyam par gzhag /khyad par bar du gcod pa dang/ /slob pa dang ni chags pa dang/ /bdag med pa dang lam dang rgal/ /log par lta ba gang yin dang/ /bdag tu lta ba gang yin pa dang ma rig pa de nyid ni sngar bshad pa'i sems can gyi ris gsum po dag tu mi shes pa'i rtsa ba las byung ste/ ris thams cad du gnod pa'i rtsa pa can kun nas nyon mongs pa thams cad kun nas slong ba'i chos gcig pa de spangs na yang dag pa kho nar shes pa brda sprad par bya'o/ /de la 'dir kun nas nyon mongs pa gcig ni bden pa'i dngos po la skur ba 'debs pa'o/ /gnyis pa ni sgro 'dogs pa'o/ /gsum pa ni yang dag pa ji lta ba bzhin du mi snang ba'i tshul gyis rnam

  440. 220b

    par rmongs par byed pa ste/ de gnyi ga'i rgya'o/ /rnam par rmongs na sgro 'dogs pa 'am skur pa 'debs par 'gyur ro /'di gnyis ni yang dag pa ji lta ba bzhin shes pa ste/ tshul bzhin yid la byed pas rab tu phye ba dang/ ting nge 'dzin gyis rab tu phye ba'o/ /de la thos pa dang bsams pa las byung ba'i yid la byed pa dam pa'i chos thos pa'i dbang las byung bas tshor ba rnam pa lnga la gnas skabs rnam par 'gyur ba las gyur pa'i nyes dmigs dang/ gnas skabs rnam par 'gyur ba de tshul bzhin du yid la byed pa mnyam par gzhag pa'i sa pa ni yang dag pa'i shes pa yin te/ de la brten nas bsgom pa la 'jug par 'gyur ro/ /de la gnas skabs rnam par 'gyur pa las gyur pa'i nyes dmigs gang zhe na/ 'di lta ste/ sdug bsngal ba yang ma yin bde ba yang ma yin pa'i gnas skabs kyi mi rtag pa nyid dang/ sdug bsngal ba'i gnas skabs kyi rang bzhin gyis sdug bsngal ba nyid dang/ bde ba'i gnas skabs kyi rnam par 'gyur ba'i chos nyid do/ /de la gnas skabs rnam par 'gyur ba gang zhe na/ bde ba'i gnas skabs las sdug bsngal ba'i gnas skabs su gzhan du 'gyur ba dang/ sdug bsngal ba'i gnas skabs las kyang bde ba'i gnas skabs su 'gyur ba dang/ sdug bsngal ba yang ma yin bde ba yang ma yin pa'i gnas skabs las gnyi ga'i gnas skabs su 'gyur ba dang/ de bzhin du gnas skabs thams cad las gnas skabs thams cad du phan tshun 'gyur ba yin par rig par bya'o/ /gnas skabs 'di rnams la gzhan du 'gyur ba mthong na ni mi rtag pa'i 'du shes la gnas par 'gyur ro/ /gzhan du 'gyur ba'i nyes dmigs mthong na ni tshor ba'o/ /chog ni sdug bsngal 'di'i yin snyam du rig nas sdug bsngal ba'i 'du shes la gnas par 'gyur ro/ /de ltar 'du shes shing de ltar mthong

  441. 221a

    na rnam par dag par 'gyur te/ de bas na 'di la yang dag pa'i shes ba zhes bya'o/ /mnyam par gzhag pa'i yang dag pa'i shes pa ni rnam pa de dag nyid kyis 'jug na shin tu spyangs pas yongs su zin cing rnam par dag la skyon med par 'jug ste khyad par ni de yin no/ /de la mi rtag pa nyid ni 'dus byas thams cad spyi'i mchan nyid yin par rig par bya'o/ /sdug bsngal pa nyid ni zag pa dang bcas pa'i chos thams cad spyi'i mtshan nyid do/ /yang dag pa ji lta ba bzhin du shes pa rnam pa gnyis la brten pas ni chos 'di rnams mtshan nyid kyis yang dag pa ji lta ba zhin du snang bar 'gyur bar rig par bya'o/ /'di las phyi rol pa ni sems mnyam par gzhag tu zin kyang de bas chos 'di ba sems mnyam par ma bzhag pa yang shes pas khyad par du 'phags nas sems mnyam par gzhag pa lta ci smos/ de ci'i phyir zhe na/ 'di las phyi rol pa ni sems mnyam par gzhag tu zin kyang de ni reg pa'i skye mched rnams kyi yongs su bsgyur ba lnga'i tshul gyis yang dag pa ji lta ba bzhin du shes pa dang/ yang dag pa'i sems 'dod chags dang bral ba dang/ rnam par grol bar 'gyur ba'i skal ba can ma yin te/ de bas na de ni 'du shes med 'du shes med min gyi skye mched kyi snyoms par 'jug pa man chad las khyad par du thob tu zin kyang chos 'dul ba 'di las shin tu ring ste gnam dang sa bzhin no/ /brtan zhing dka' ba thams cad bzod du zin kyang yongs su nyams ba'i chos can yin pas shing bal gyi sbur ba bzhan du mi brtan pa dang nyon mongs pa'i rgyags pa mi bzod do/ /chos 'di la ni mnyam par ma bzhag ste/ dad pa dang thos pa tsam gyis bdag med pa la mos par zad du zin pa de ni sems kyi ting nge 'dzin 'thob pa'i skal ba can yin la de ni

  442. 221b

    reg ba'i skye mched rnams spong ba dang/ yongs su shes par 'gyur ba dang/ sems 'dod chags dang bral ba dang rnam par grol bar 'gyur ba'i skal pa can yin te /de bas na de ni yang dag pa'i mos pa tsam la gnas par zad bzhin du chos 'dul ba 'di las chung ma zos par rig par bya'o/ /lnga po 'di dag ni yul drug po rnams la dbang po drug po rnams zhi bar 'gyur ba'i rnam pa yin te/ nyes dmigs mthong ba'i phyir shin tu dul ba dang/ bstang bar bya ba ma yin pa'i yul rnams la mi gtong pa'i phyir spangs pa dang/ bstang par bya ba'i yul rnams sam glo bur du snang bar gyur pa rnams la dran pa shin tu gnas pa'i phyir shin tu bsrungs pa dang/ nyon mongs pa thams cad spangs pa'i phyir shin tu yang dag par bsdams pa dang/ lam bsgom pa shin tu yongs su rdzogs pa'i phyir shin tu bsgoms pa'o/ /khyad par gdags pa mkhyen pa'i de bzhin gshegs pa ni gnas gnyis su bde ba dang sdug bsngal las yang dag par 'das pa brjod par mdzad de/ mngon par mi mkhyen pas ma yin no/ / de la gang 'di snyam du dge sbyong go'u tam ni gcig tu nges par bde ba'i 'jig rten mi shes shing ma rtogs bzhin du bde ba dang sdug bsngal dang 'dres su dogs pa dang bde ba dang sdug bsngal 'dres pa'i 'jig rten gyi dbyings la yang dag par 'da' bar bya ba dang/ bde ba dang sdug bsngal las 'da' bar bya ba'i phyir nyan thos rnams la chos ston to snyam du 'dzin te/ de'i 'du shes de ni log pa'i 'du shes dang log pa'i rtog pa dang log pa'i lta ba yin gyi de bzhin gshegs pa ni gcig tu / nges par bde ba'i 'jig rten dang gcig tu nges par sdug bsngal ba dang bde ba dang sdug bsngal ba 'dres pa dang/ de dag gi mi rtas pa nyid kyang mkhyen/ des na 'jig rten thams cad la yang dag par 'da' bar bya ba'i phyir bde ba dang sdug bsngal

  443. 222a

    las bzlas pa brjod par mdzad do/ /yid du 'ong ba'i dngos po ni rnam pa gsum du rig par bya ste/ 'di lta ste/ btsal bar bya ba ni ma 'ongs pa'i 'dod pa gang yin pa'o/ /rtag par bya ba ni 'das pa'i 'dod pa sbyang zin pa gang yin pa'o/ /lhag par chags par bya ba ni phyi rol gyi yul 'dod pa dang/ nang gi 'dod pa'i tshor ba nyid de dus gsum du gtogs pa 'di dag ni rnam pa bzhir rig par bya ste/ gcig ni ma 'ongs pa'i sgo nas so/ /gcig ni 'das pa'i sgo nas so/ /gnyis ni da ltar gyi sgo nas so /rnam pa 'di rnams kyi khongs su gtogs pa ni yid du 'ong ba dang snying du sdug pa dang dga' ba'i rang bzhin dang/ bde ba'i rang bzhin gyi rnam pa rnams so/ /de bzhin du sdug pa dang mdzes pa dang/ dga' ba dang yid du 'ong ba'i rnam pa rnams kyang ci rigs par rig par bya'o/ /sa gnyis kyi ting nge 'dzin la brtson pa la ni rnam pa gnyis kyi sgo nas dus kyi ting nge 'dzin rnam pa gsum mngon par bsgrub pa la 'dod pa rnams par du gcod bar byed do/ / bar du gcod pa de sdang ba'i phyir ni gnyen po rnam pa lnga bsgom par bya'o/ /de la 'das pa'i 'dod po sngon spyad zin pa gang yin pa dag kyang dben pa na gnas pa'i rtog pa'i sgo nas sems 'phrog par byed do/ /khyim med pa'i rnyed pa dang bkur sti dang ldan pa da ltar byung ba gang yin pa rnams kyang sems 'phrog par byed do/ /de la rgyu zhing 'gro ba'i rnyed pa dang bkur sti dang ldan pa rnams kyang sems 'phrog par byed de nges ni gnas pa'i sems kyang g.yeng bar byed do/ /khyim na gnas pa'i sngon sbyar zin pa rnams kyang sems 'phrog par byed do/ /de la so so'i skye bo la yang bar du gcod par byed pa slob ba la yang bar du gcod par byed pa'o/ /de la so so'i skye bo'i ting nge 'dzin tshad med pa bsgom pa dang ldan pa gang yin pa de la yang

  444. 222b

    bar du gcod par byed pa'o/ /slob pa'i ting nge 'dzin zhes bya'i dngos po thams cad rtogs pas rgya che ba yin pa de la yang bar du gcod par byed do/ /mi slob pa'i shin tu bsgoms pa'i ting nge 'dzin gang yin pa de la yang 'di lta ste/ skye ba la bar du gcod par byed do/ ting nge 'dzin 'di dag thams cad kyang dga' ba dang ldan pa yin par rig par bya ste/ de la dang po ni sems can rnams la phan pa dang bde ba'i bsam pa'i sgo nas dga' ba dang ldan no/ /gnyis pa ni slob pa'i rnam par grol ba'i dga' ba nyams su myong ba'i phyir ro/ /gsum pa ni mi slob pa'i rnam par grol ba'i dga' ba nyams su myong ba'i phyir ro/ /de dag kyang mig gis rnam par shes par bya ba'i gzugs la sogs pa la dmigs pa'i bye brag gis drug tu 'gyur ro/ /ting nge 'dzin de ni rnam pa thams cad dang ldan pa'i phyir yongs su rdzogs pa yin te/ ting nge 'dzin gyi mdza' ni 'di yin te/ 'di lta ste 'jig rten pa'i 'dod chags dang bral bar 'gyur ba'am/ 'jig rten las 'das pa'i 'dod chags dang bral bar 'gyur ba ste/ de las gong ma rnam par dag par 'gyur ba'i ting nge 'dzin ming/ de bas na de ni rdzogs pa yin no/ /myur du dge sbyong gi tshul 'dod pa'i lus dang srog la mi lta ba dang rtag tu gus par sbyor ba'i brtson 'grus brtan pa dang/ 'dod pa rnams kyi rang gi mtshan nyid yongs su shes pa dran pa nye bar gnas pa dang/ nyes dmigs yongs su shes pas mngon par dga' ba med pa la sogs pa nye bar gnas pa'i shes bzhin dang dran pa dang shes bzhin la brten nas bag yod pa la sbyor bar byed pa ni rnam pa bzhin ste/ nyin par 'chag pa dang 'jug pa gnyis kyis sgrib pa'i chos rnams las sems yongs su sbyong ngo zhes bya ba nas rgyas par sbyar te de ltar brtson 'grus brtsams pa yang yin la rtogs pa la yang zhum pa med do/ /sems gnas pa rnam pa bgrus? ni gcig tu nges par

  445. 223a

    zhi gnas la brtson pa'i lus shin tu sbyangs par 'gyur la/ ro myang ba med pas ni kun nas nyon mongs pa can ma yin no/ /rmugs pa dang gnyid kyis nye ba'i nyon mongs par ma gyur bas ni nyes rtsom med do/ /gcig tu nges par dran pa nye bar gzhag pa la brten pas ni lhag mthong la brtson pa'i dran pa gnas par 'gyur la rgod pa'i nye ba'i nyon mongs pa dang bral bas ni kun nas nyon mongs pa med do/ /zhi gnas dang lhag mthong zung du 'brel bar 'byung ba'i lam la zhugs pa'i sems ni mnyam par gzhag par 'gyur la de gnyi ga'i cha rtse gcig pa dang ldan te/ de'i bar du gcod pa spong bar 'gyur ro/ /gnyen po rnam pa lnga po 'di dag la brten te bar du gcod pa yang yongs su shes nas spong bar 'gyur la ting nge 'dzin rnam pa gsum dmigs pa'i gzhi drug gi bye brag can dga' ba dang ldan pa yang yongs su rdzoD bar mngon par bsgrub par 'gyur ro/ /de bzhin gshegs pa ni rgyu rnam pa gnyis kyis 'di nyid las dper blangs pas nyan thos rnams la chos ston par mdzad de nag po'i phyogs la ni skyon dang ldan pa dang/ dkar po'i phyogs la ni yon tan dang ldan pa'i sgo nas yid ches pa bskyed pa'i phyir ro// //rnal 'byor spyod pa'i sa las gzhi bsdu pa/ bam po dgu pa/ chos 'dul ba 'di ni gang zag ni 'di gnyis yin te/ 'di lta ste/ sems thob pa dang/ sems thob pa ma yin pa'o/ /de la sems thob pa ni gnyis te/ bden pa mthong ba slob pa'i sems rnam par grol bas sems thob pa gang yin pa dang/ dgra bcom pa ni slob pa'i sems rnam par grol bas semS thob pa gang yin pa'o/ /de la sems thob pa ma yin pa ni bslab pa gsum la gnas pa'i las dang po la slob pa so so'i skye bo gang yin pa ste des ni

  446. 223b

    thams cad kyi thams cad du sems rnam par grol ba rnaM pa gnyigs kyang sems mtho bo/ /so so'i skye bo'i rang bzhin de'i gong du phung po'i ltag ma dang bcas pa dang/ lus kyi rang bzhin de'i gong du phung po'i lhag ma med pa'i las 'das pa shin tu don du gnyer ba ni bslab pa gsum po dag la slob pas shas cher gnas so/ /de la mi slob pa'i sems rnam par grol bar sems thob pa gang yin pa de ni bag med par byas na/ tshe 'di'i bde bar gnas pa las yongs su nyams par 'gyur mod kyi 'on kyang de ni 'di'i bde bar gnas pa las yongs su nyams kyang rung yongs su mnyaMs kyang rung ste/ rnam par grol bde las yongs su nyams par 'gyur ba'i skal ba can ma yin pa kho na'o/ /bag yod par bya ba gang ci yang rung pa de dag thams cad ni rnam par grol ba de rtos par bya ba'i phyir yin na de ni des thob zin la yongs su nyams par yang mi 'gyur na/ gang gi don du bag yod par byed de/ tshe 'di la bde bar gnas par bya ba'i phyir de'i 'bad pa gang yin pa ni bzo'i las kyi gnas dang 'dra ste/ de ni bag yod pa ma yin no/ /slob pa'i rnam par grol bas sems thob pa gang yin pa de yang nges par rdzogs pa'i byang chub tu 'gro ba yin la lam bsgom pa la yang gzhan dring mi 'jog ste/ de'i bag yod pa ni rang la dbang yod la/ tshe 'di la yang bag med pas gtan du bslu bar mi 'gyur ro/ /thams cad kyi thams cad du sems ma thob pa gang yin pa des ni nges par rnam pa gsum gyis bag yod par bya dgos te/ dbang po yang dag par sgrub pas tshogs yongs su rdzogs par bya ba dang mthun pa'i gnas ma la brten pas sems gnas pa dang/ skyes bu dam pa la brten pas gzhan gyis sa la brten nas tshal bzhin yid la byed pa'i rgyu nas sems rnam par grol ba rnam pa gnyis kyi bar gyi phyir bag yod par bya'o/ /bag yod par gnas pa de la ni rgyu

  447. 224a

    gnyis kyis skye mched drug 'gag par mngon pa'i nga rgyal byed ba dang/ mngon pa'i nga rgyal mi byed par rig par bya ste/ ma 'gags bzhin du 'di lta ste/ dmigs pa'i sgo nas log par brtags nas 'gag go snyam du mngon par zhen pa dang/ ma thob par log par brtags nas thob bo snyam du mngon par zhen te des log par brtagS nas 'gag par mos mod kyi/ 'on kyang de ni lus dang bral zhing tshe zang pa'i 'og tu skye mched drug kyang 'gag pa mi 'gyur la yul gyi 'du shes dang yang bral bar mi 'gyur ro/ /'di lta ste skye mched drug 'gags pa'i gnas kyi dmigs pa dang/ rtogs pa'i sgo nas log par khong du chud pa'i phyir de lta bur 'gyur te/ 'di ni mngon pa'i nga rgyal rnam pa gnyis so/ /de las 'gog? pa ni mngon pa'i nga rgyal med par rig par bya'o/ /chos 'di pa'i chags pa rnam pa gnyis la ni nyes dmigs gnyis yod par rig par bya ste de yang pa'i skye ba'i rkyen gnyis las byung ba'i rnam par shes pa dang/ de la brten pa'i tshor ba bdag med par mi shes pa'i'o/ /de la 'dod chags dang ma bral ba'i rnyed pa dang bkur sti'i dbang gis byung pa'i las kyi rkyen can gyi tshor ba la chags pa ni chags pa dang po yin par rig par bya'o/ / gnyis pa ni 'dod chags dang bral ba'i 'dod pa rnams lam chags pa'i rkyen can gyi tshor ba la chags pa'o/ /chags pa de'i rgyu las byung ba phyi ma la mngon par 'grub pa gang yin pa de ni phyis kyang phyi rol pa rnams kyi mdud pa rnams len par 'gyur ba dang/ mdud pa de'i rgyu can gyi sdig pa mi dge pa'i chos rnams mngon par 'grub pa'i rgyu yin te/ 'di ni nyes dmigs dang po'o/ /chos 'dul ba 'di las nyams na phyi ma'i dbang du byas pa dang/ de ltar chags pa de'i

  448. 224b

    yang phyi ma las skye ba la sogs pa'i sdug bsngal gyi khyad par rnams 'byung bar 'gyur la tshe 'di la yang de'i rgyus yongs su mya ngan las 'da' bar 'gyur ba'i dbang du byas pa 'di ni nyes dmigs gnyis so/ /de las bzlog pani dkar po'i phyogs yin par rig par bya'o/ /rgyu bzhis ni chos bdag med pa mthar thug par 'gyur te/ /chos thams cad bdag med pa zhes bya ba ni/ rnam par shes pa'i rang bzhin dang/ rnam par shes pa'i rgyu dang rkyen dang rnam par shes pa'i grogs ma gtogs par de las gzhan mi dmigs pa'i phyir dang/ rnam par shes pa mi rtag pa dang/ de'i rgyu dang rkyen mi rtag pa dang/ de'i grogs mi rtag pa'i phyir ro/ /chos 'dul ba 'di ni 'phag pa'i lam yan lag brgyad pa'i chos dang de'i 'bras bus phye ba yin no/ /'phags pa'i lam yan lag brgyad ba'i chos de yang rnam pa lngas mchog dang kha na ma tho ba med par rig par bya ste/ tshe 'di la nyon mongs pa yod pa dang med pa yongs su gcod pa'i phyir tshe 'di la myong ba dang/ nyon mongs pa dang bral pa'i phyir rims nad med pa dang /'gro ba na yang bsgom pa dang/ 'greng ba dang 'dug pa dang nyal ba dang dus thams cad du yang bsgom par bla bas na/ de'i phyir dus nges pa med pa dang mya ngan las 'das pa 'thob par byed pa'i phyir 'thob par byed pa dang/ 'di las phyi rol pa rnams dang thun mongs ma yin pa'i phyir 'di pas mthong ba dang/ gzhan gyi dang pa dpa' 'dod pa dang rnam pa dang yongs su rtog pa dang nyid thor thos pa dang lta ba spyod pa'i bzod pa ma yin par rang gis rtogs par bya ba yin pa'i phyir so rso rang rig pa'o/ /lam gyi 'bras bu'i chos ni mtshan nyid rnam pa lngar rig par bya ste/ 'di lta ste/ rnam grangs bsdu ba las 'byung ba bzhin no/ /rgya mtsho ni 'di gnyis yin te/ chu'i rgya

  449. 225a

    mtsho dang 'khor ba'i rgya mtsho'o/ /de la 'khor ba'i rgya mtsho mi chu'i rgya mtsho las rnam pa gsum gyis mi mtshungs par rig par bya ste/ gsum gang zhe na/ rang bzhin gyis mi mtshungs pa dang/ bying ba mi mtshungs pa dang/ rgal ba mi mtshungs pa'o/ /de la rang bzhin mi mtshungs pa ni chu'i rgya mtsho ni gzugs kyi phyogs gcig gi rang bzhin du zad pa'i phyir tshang nges pa yin la/ 'khor ba'i rgya mtsho ni 'du byed thams cad kyi rang bzhin yin pa'i phyir tshang med do/ /de dang 'bying ba mi mtshungs pa ni gang dag 'bying ba dang/ gang gis 'byid pa dang/ ji ltar 'bying ba ste/ chu'i rgya mtshor ni dung 'gro'i skye gnas su skyes pa kha cig dang mi kha cig 'bying bar zad la/ 'khor ba'i rgya mtsho ni lhar bcas pa'i 'jig rten 'bying ste /de dag bya? lus tsam zhig gis 'bying bar zad kyi/ ngag gis ma yin /yid kyis ma yin/ 'dod chags kyis ma yin/ zhe sdang gis ma yin /gti mug gis ma yin/ skye ba la sogs pa'i sdug bsngal gyis ma yin no/ /de yang las dang nyon mongs pa dang/ de'i 'bras bu bstan pa'i cha gsum du go rims bzhin du rig par bya'o/ /'khor ba'i rgya mtshor ni lus nas skye ba la sogs pa'i sdug bsngal gyis bar rnams kyis kyang 'bying ngo/ /de la rab tu byang ba rtog ge pa dpyod pa can rnams ni rang gi log par brtags pa'i rtog pa ngan pa rnams kyis dkrugs pas 'khor ba'i rgya mtshor 'bying ngo/ /phyi rol pa gzhan dag ni mdud pas bcings pa'i phyir ro/ /khyim pa rnams ni rtag tu rgyun mi 'chad par yod sdug bsngal rnams kyis kun nas bcom zhing nyon mongs pa rnams kyis sreg bzhin du skyo bar mi byed pa'i phyir ro/ /de ma yin pa'i skye gnas su skyes pa rnams ni 'gro pa dang 'ongs ba las dang nyon mongs pa la brten pa'i phyir/ /chu'i rgya mtshor ni gru bub pa tsam las gyur par

  450. 225b

    zad la/ dud 'gro'i skye gnas gyur pa der skyes pa rnams kyang las dang nyon mongs pa'i phyogs gcig tsam gyis bying bar zad de/ de yang gtan du ma yin pa 'di ni 'bying ba mi mtshungs par rig par bya'o/ /de la rgal ba mi mtshungs pa ni chu'i rgya mtsho la ni 'dod pa rnams las 'dod chags dang ma bral ba'i so so'i skye bo rnams kyang brgal na de ma yin pa dag lta ci smos/ 'khor ba'i rgya mtsho ni cha gsum du 'dug ste/ 'dod pa'i 'dod chags dang ma bral ba'i chags par 'gyur ba'i yul lnga'i bye brag dang 'dod chags dang bral ba'i yid kyis shes par bya ba chags par 'gyur ba'i chos kyi bye brag dang/ slob pa'i nang gi skye mched drug gi bye brag go /de la 'dod chags pa dang ma bral ba'i so so'i skye'o? ni yul rnam pa lnga'i rgya mtsho las brgal bar mi nus so/ /'dod chags dang bral ba'i so so'i skye bo ni nang gi skye mched drug gi rgya mtsho las brgal mi nus te/ de las brgal mi nus pas yul rnam pa gnyis kyi rgya mtsho las ma rgal ba yin no/ /slob pa ni sdug bsngal gyi sgo nas skye mched drug yongs su shes nas de la dmigs pa'i lam nyid sgom par byed do/ /de ni gnas pa de rnams kyis gnas pas lta ba drag po dang/ yang dag pa'i dran pa can gyi ni spyod pa yid la byed pas 'dod chags dang ma bral ba dang/ 'dod chags dang bral ba'i sa pa'i yul rnam pa gnyis las yul de nyid la snang bar 'gyur te/ nges ni de myang bar myur bar shes rab kyis rtogs nas spong bar? byed do/ /nges ni skye mched drug gi rgya mtsho yang rgal te/ de las rgal bas yul rnam pa gnyis kyi rgya mtsho bslab pa 'bul ba kun nas slong ba'i nyon mongs pa dang bcas/ rtog pa dang sems kun tu 'khrug pa kun nas slong ba'i nyon mongs pa dang bcas/ rnyed pa dang bkur sti la lhag par zhen pa kun nas slong ba nyon mongs pa dang bcas ngan pa spyod pa kun nas slong ba'i nyon mongs pa

  451. 226a

    dang bcas pa las gtan brgal ba yin no/ /sdom ni/ lam la mtshungs pa med pa dang/ /ston pa la ni mtshungs pa med/ /yul 'khor rgyal por bcas pa dang/ /'jig rten rnam pa gnyis po dang/ /'dus byas dang ni 'dus ma byas/ /'gro ba dang ni dgag pa dang/ /dang du len dang stong nyid gsum/ /lam mtshungs pa med pa ni rnam pa gnyis te/ rang bzhin mi mtshungs pa dang/ rnam pa mi mtshungs pa'o/ /de la sdug bsngal kun 'byung bar 'gyur pa'i lam gang yin pa dang/ sdug bsngal 'gog par 'gyur ba'i lam gang yin pa 'di ni rang bzhin mi mtshungs pa ste/ gcig ni kun nas nyon mongs par 'gyur ba'o/ /gnyis pa ni rnam par byang bar 'gyur ba ste/ 'di ni 'dir mi mtshungs pa'i// sdug bsngal 'gog par 'gyur pa'i lam de nyid la yang 'dus byas kyi spyi'i mtshan nyid la 'jug pa yang yod la 'dus byas dang 'dus ma byas pa spyi'i mtshan nyid kyi rnam par 'jug pa yang yang de 'di ni rnam par mi mtshungs pa'o/ /de la 'dus byas kyi spya'i? mtshan nyid kyi rnam pa gang yin pa de ni de'i 'bras bu dang mi mtshungs par rig par bya'o/ /'dus byas dang 'dus ma byas kyi spyi'i mtshan nyid kyi rnam pa gang yin pa de ni de'i 'bras bu dang mtshungs par bya'o/ /de ci'i phyir zhe na/ de'i 'bras bu mya ngan las 'das pa ni rtag pa dang bdag med pa yin pa'i phyir ro/ /lnga po 'di dag ni chos 'di pa'i ston par gdags pa'i gnas yin te/ de dag ni 'di las phyi rol pa'i stan pa la med de/ 'di lta ste/ nye bar len pa thams cad du 'gro ba'i lam dang/ nye bar len pa thams cad zad par 'gro ba'i lam dang chos thams cad yongs su shes nas spangs pa'i phyir sdug bsngal mthar byed pa dang/ tshor ba rnam par gzhag pa rnam pa lnga rnam par re zhing yang 'jig tshogs

  452. 226b

    la lta ba rnam pa bzhi bzhi la brten nas/ de la brten pas rlom sems rnam pa bzhi yang dag par bcom pa dang/ nga rgyal gyi rgyu las byung ba'i nyes dmigs rnam pa gsum dang/ nga rgyal med pa'i rgyu las byung ba'i phan yon gsum mo/ /de la rloms sems su byed pas yongs su yi 'chad pa'i phyir mya ngan las 'das pa las sems phyir ldog par 'gyur te/ 'di ni nyes dmigs dang po'o/ /nyes par spyod pa kun tu spyod pa dang/ chags par 'gyur ba kun nas nyon mongs pa can gyi dngos po la gzhol ba 'di ni nyes dmigs gnyis pa'o/ /de'i mya ngan las 'das pa la yongs su yi 'chad pa'i phyir phyi ma la skye ba la sogs pa'i nang 'byung bar 'gyur ba'i rgyur shin tu 'gyur ba dang/ yongs su yi 'chad pa'i phyir ji lta ba bzhin du nyes par spyod pa dang/ kun nas nyon mongs pa can chags par 'gyur pa'i yul la yang de dang 'dra'o/ /skye ba la sogs pa'i nang ji lta ba bzhin du mig la sogs pa'i skye mched kyi 'bras rnams dang 'dod chags la sogs pa'i zug rngu rnams kyang de dang 'dra ste/ 'di nyes dmigs gsum pa'o/ /de las bzlog pa ni nga rgyal med pa'i rgyu las byung ba'i phan yon yin par rig par bya'o/ /de bzhin du rten cing 'brel par 'byung ba'i dbang du byas nas tshe 'di la yang srid par skye ba'i sa bon 'phel ba dang 'grib pa dang/ de'i rgyus kyang phyi ma la yang srid par skye ba dang mi skye ba dang/ de'i sa bon yongs su 'dzin pa'i nyon mongs pa kun 'byung ba dang/ nub pa dang/ 'jig rten dang 'jig rten las 'das pa'i chos sten pa yang dag pa ji lta ba bzhin du rnam par gzhag pa yang de dang 'dra ste/ ston par gdags pa'i gnas 'di dag ni chos 'di pa'i ston pa 'ba' zhig las yod kyi/ 'di las phyi rol pa la ni med do/ /'dod pa'i khams na snod kyi 'jig rten ni yul 'khor lta bu yin par rig par

  453. 227a

    bya'o/ /sems can gyi 'jig rten ni bka' bzhin du byed pa'i mi lta bu'o/ /bdud ni rgyal po lta bu'o/ /'jig rten ni gnyis te/ sems can gyi 'jig rten dang/ snod kyi 'jig rten no/ /de la snod kyi 'jig rten ni me la sogs pas 'jig go /sems can gyi 'jig rten ni so so rang dang/ skad cig pa dang so so rang gi lus 'jig go /'dus byas dang 'dus ma byas ni 'di gnyis yin te /de la 'dus byas ni rtag pa dang brtan pa dang/ ther zug pa dang mi 'gyur ba'i chos can dang/ bdag dang bdag gis stong ngo/ /'dus ma byas ni bdag dang bdag gis stong ngo/ /stong? pa nyid de yi rgyu med pa'i chos nyid kyis bsdus te/ chos nyid kyi rig pa la brten te /de ni 'di lta bu'i yin gyi gzhan du ni ma yin no/ /zhes bya ba thams cad du yang chos nyid kyi rig pa 'ba' zhig la brten to/ /de bzhin gshegs pa ni 'jig rten gyi mthar thug pa dgag par mi mdzad mod kyi/ 'on kyang lus dang 'brel ba'i 'gro ba'i sgo nas 'jig rten gyi mthar thug pa dgag par mdzad do/ /de la don dam pa'i tshul gyis ni 'jig rten dang/ 'jig rten gyi mthar thug pa'i thabs dang/ 'jig rten gyi mdza' yang rig par bya'o/ /de la skye mched drug la ni ming du gdags pa'i dbang gis byung ba'i 'jig rten gyi 'du shes byung ngo/ /'jig rten gyi 'du shes ni 'du shes kyi dbang gis byung ba'o/ /'jig rten zhes bya ba ni 'du shes dang shes pa'i dbang gis byung? ba'o/ /'jig rten gyi tha snyad ni mthong ba dang thos pa dang bye brag phyed pa dang rnam par rig pa'i dbang du bya'o/ /reg pa'i skye mched drug po rnams rnam pa lngar yongs su bsgyur ba yang dag pa ji lta ba bzhin du shes pa ni 'jig rten gyi mthar thug pa'i thabs so/ /ma 'ongs pa'i 'du byed kyi rgyu yang dag par zad pa'i phyir ni 'jig rten gyi mthar thug pa 'gro ba'o/ /rgyu dang 'bras bu yang dag pa

  454. 227b

    ji lta ba bzhin du shes pa'i phyir ni 'jig rten rig pa'o/ /lus kyi tha ma 'dzin pa'i phyir ni 'jig rten gyi tha ma 'dzin pa'o/ /tshe 'di la yul thams cad la srad pa zad pas rtag par gnas pa'i phyir ni 'jig rten na sred pa las rgal ba ste/ rnam pa 'di dag gis ni 'jig rten gyi mthar thug par rig par bya'o/ /legs par gsungs pa'i chos 'dul ba la rab tu byung ba la sdig pa mi dge ba'i rtog pa gang yang rung ba ma byung ba las byung ba ni byung ba dang du len pa tsam du gcig tu dres par changs pa'i spyod pa'i yang du gcod par mi byed de/ de la kun tu mi spyod pa 'ba' zhig ni legs so/ /kun tu spyod par gyur na yang dang du mi len pas rgyud de la gnas pa'i tshul gyis rten gyi skabs dbye bar mi bya'o/ /de ci'i phyir zhe na/ nyon mongs pa skad cig pas ni changs par spyod pa'i gnas pas nyams par byed mi nus la rgyun gyis ni nus pa'i phyir ro/ /stong pa nyid kyi gnas pa ni gnyis te/ gnas brtan stong pa nyid kyi gnas pa dang/ des bskyed pa'i stong pa nyid kyi gnas pa'o/ /de la dgra bcom pa'i bdag med pa'i gnas pa gang yin pa de ni gnas brtan stong pa nyid kyi gnas pa zhes bya ste/ 'di ltar dgra bcom pa ni chos nyid kyi gnas brtan yin pa'i phyir ro/ /bdag med pa'i gnas pa yang gnas pa gzhan rnams kyi gnas brtan thub bo yin te/ de bas na gnas brtan gyi gnas pa dang/ gnas gnyid gnas brtan yin pas na de'i phyir gnas brtan gyi gnas pa zhes bya'o/ /des bskyed pa'i gnas pa gang zhe na/ ji ltar 'di na kha cig rgyu zhing 'gro ba dang gnas pa la nyon mongs pa yod pa dang med pa yang dag pa ji lta ba bzhin du yongs su shes nas yod na ni spang ba'i phyir nan tan du sgrub par byed do/ /med na ni mchog tu dga' ba bskyed par byed do/ /de'i mchog tu dga' ba de yang sems kyi ting nge 'dzin gyi bar du 'gyur te/ ting nge 'dzin des yang dag pa ji lta ba bzhin du bdag med pa'i chos rnams mthong ste/ nyin mtshan

  455. 228a

    du rjes su slob pa 'di ni nges skyed pa'i stong pa nyid kyis gnas pa yin no/ /de la gang nges nang na nyon mongs pa yod na yod pa dang med na med par yang dag pa ji lta ba bzhin du shes pa 'di ni 'dir stong pa nyid yin no/ /'di la 'phags pa nyan thos lta ba phun sum tshogs pa bzhi mthong ba ni yang dag pa ji lta ba bzhin du stong pa nyid la zhugs nas 'jig rten pa'i lam gyis kyang stong pa nyid sgom par byed la 'jig rten las 'das pa'i lam gyis kyang sgom par byed do/ /yang dag pa ji lta ba bzhin du stong pa nyid la zhugs pa gang zhe na/ gang na gang med pa de ni nges stong par yang dag par mthong la/ gang yod pa de ni yod do/ /'di ni yod ngo bar yang dag pa ji lta ba bzhin du shes te dper na sdong bu sa'i khang pa ni res 'ga' skye bo'i tshogs kha cig gis stong la res 'ga' ni mi stong ba dang/ khang pa de nyid nas gdung rten nam dgab pa 'am /sgo 'am/ gtan pa 'am/ yan lag gang yang rung ba kha cig gis stong du zin kyang khang pa nyid khang pas stong pa ni ma yin no/ /de bzhin du lus dang gnas ni tshor ba'i rnam pa zhes kyang bya/ 'du shes gyi rnam pa dang/ sems dpa' i rnam pa zhes kyang bya ste/ lus dang gnas de yang ris 'ga' tshor ba dang/ 'du shes dang/ sems pa'i nyon mongs pa dang nye ba'i nyon mongs pa kha cig gis ni stong la kha cig gis ni mi stong ba dang/ lus dang gnas de nyid nas res 'ga' mig gam rna ba 'am sna 'am lce 'am lus kyi phyogs gcig gam/ yid kyi phyogs gcig gam/ kha cig stong du zin kyang lus dang gnas thams cad thams cad kyis stong pa ni ma yin no/ /de la don gyi mdo ni 'di yin te/ gal te chos rnams kyi rang bzhin rang bzhin gyis stong par mthong na ni phyin ci log gi stong pa nyid la zhugs pa yin par bstan te/ chos 'dul ba 'di las 'das te thal bar 'gyur ro/ /gal te kha cig ni rang gi mtshan nyid kyis yod par mthong la/ kha cig med

  456. 228b

    par mthong ba dang/ yong ba de yang zheng? ba dang/ gtan bral ba dang yod pa yang res 'ga' kha cig dang brel la res 'ga' kha cig dang ma bral bar mthong ba 'di ni yang dag pa ji lta ba dang/ phyin ci ma log par stong pa nyid la zhugs pa zhes bya'o/ /de la 'jig rten pa'i lam gyis sgon pa ni 'di lta ste/ 'phagS pa gnyan thos rab tu dbren pa na gnas pas grong dang mi'i 'du shes ma byas nas de'i 'og tu dgon pa'i 'du shes yid la byed de ni rang gi lus la 'di snyam du sems te 'du shes kyi rnam pa 'di ni ming dang grong gi 'du shes kyis stong ngo// 'dis? mi stong pa yang yod de 'di lta ste/ /dgon pa'i 'du shes kyis rkyen gyis dgon pa'i 'du shes dang/ /mtshungs par ldan pa'i tshar ba dang sems pas mi stong ngo snyam mo/ /'du shes kyi rnam pa de nyid las kyang rags pa ma zhi par gnas pa'i rims nas lta bu kha cig gis stong la chos phra pas ni mi stong par mthong ngo/ /nges shing dang rtswa dang nags tshal dang ri dang ri dags dang bya rnam pa sna tshogs kyi rnam pa 'dzin pa'i tshul gyis dgon pa'i 'du shes yid lam byas nas sa'i 'du shes rnam pa sna tshogs kyi rnam pa ma yin pa yid la byed do/ /gzhan yang sa'i 'du shes mi mnyam pa dang/ mtho dman can dang/ tsher ma dang gseg ma dang gyo mo? mang po 'dzin pa'i rnam pa yid la ma byas nas 'jam zhing mnyam la lag mthil gyi rnam pa lta bur 'dug pa yid la byed do/ /de'i 'og tu 'du shes med 'du shes med min skye mched mtshan ma med pa yid la byed de/ thams cad du yang snga ma bzhin du stong pa nyid du 'ba' zhing 'og ma la ni rags par 'du shes la gong ma la ni tshes zhi bar 'du shes te 'di ni 'jig rten pa'i lam gyis ci yang med pa'i skye mched kyi bar gyi 'dod chags dang bral par 'gyur ba'i phyir 'phags pa nyan thos kyi stong pa nyid bsgom pa yin par rig par bya'o/ /de'i 'og tu 'phags pa'i lam gyi rnam pa mi rtag pa la sogs pa la brlan nas 'du shes

  457. 229a

    med 'du shes med min skye mched kyi 'dod chags dang bral bar 'gyur te/ de ni rang gi lus la 'di snyam du sems te/ 'du shes kyi rnam pa ni 'di lta ste/ zag pa thams cad kyis stong/ /gcig tu nges par zhi ba'i phyir rims nad med nga'o/ /'di la ? bstod pa yang yod 'di lta ste/ gnas 'di nyid kyi rkyen gyis skye mche drug cig la gcig gis mi stong ngo snyam ste/ tshe'i tshad ji srid gnas pa'i bar du rkyen las byung ba ngag go /bcom ldan 'das ni byang chub sems dpar gyur pa na yang stong pa nyid la shes cher gnas pas bla na med pa yang dag par rdzogs pa'i byang chub yang dag par bsgrubs te /mi rtag pa dang sdug bsngal ba yid la byed pa la gnas pas ni de lta ma yin no/ /de ltar byang chub brnyes pa na yang gnas pa de mchog yin pa dang/ sngon de la goms pa'i rjes su 'jug pa'i phyir de nyid kyis shas cher gnas par mdzad do/ /stong pa nyid ni gnas te/ mngon sum du bya ba'i stong pa nyid dang/ bsgom pa'i stong pa nyid do/ /dge slong 'du 'dzi'i gnas pas gnas pa la ni rnam pa gnyis 'grub par mi 'gyur te/ mngon sum du bya ba'i stong pa nyid mngon sum du bya ba dang/ sgom par bya ba'i stong pa nyid bsgom pa'o/ /rnam pa gnyis po mi 'grub pa'i rgyus ni bde ba rnam pa bzhi las yongs su nyams par 'gyur bar rig par bya ste/ 'di lta ste/ yongs su 'dzin pa thams cad las gyur pa'i rnam par chags pa'i sdug bsngal las nges par grol ba'i nges par 'byung ba'i bde ba dang/ 'dod pa'i 'dun pa dang gnod sems las rnam par grol ba'i bsam gtan dang po'i dben pa'i bde ba dang/ rtog pa dang dpyod pa nye bar zhi bar byed pa'i nye bar zhi ba'i bde ba dang/ rnam par grol ba rnam pa gnyis kyis bsdus pa dang/ nye bar len pa med cing yongs su yid 'chang pa med pas bsdus pa'i rdzogs pa'i byang chub kyi bde ba'o/ /de la rnam

  458. 229b

    par grol ba rnam pa gnyis ni dus dang sbyor ba'i sdug pa dang/ bskyod bu med pa'i sems rnam par grol ba'o/ /de la dgra bcom pa dbang po rtul ba'i phyir 'jig rten pa'i snyoms par 'jug pa las yongs su nyams par 'gyur ba'i chos can gyi ni snyoms par 'jug pa'i sgrib pa las rnam par grol ba'i phyir dus dang sbyor ba'i sdug pa sems rnam par grol ba zhes bya ste/ 'di ltar yongs su nyams par 'gyur ba'i chos can yin pas na dus dus su yongs su nyam par 'gyur zhing mngon sum du yang byed do/ /cha? 'di la bde ba la reg par gnas pas na sdug pa zhes bya'o/ /de la bskyod du med pa ni zag pa med pa'i lam thams cad kyis rnam par grol ba ste/ de ni gtan du yongs su nyams par mi 'gyur ro/ /gal te dgra bcom pa dbang po rno ba'i phyir 'jig rten pa'i ting nge 'dzin las yongs su nyam par mi 'gyur ba'i chos can zhig yin na ni de'i nges pa'i don la dus kyi don zhes bya bar rig par bya'o/ /lhag ma ni snga ma bzhin no/ /de la len pa med pa dang/ yongs su yi 'chad pa med pa ni gang la dgra bcom pa'i sems dga' bar 'gyur ba dang/ gang la rnam par 'gyur zhing gzhan du 'gyur ba las de'i mya ngan la sogs pa skye bar 'gyur ba'i gzugs de gcig kyang mi dmigs pa'o/ /de la mngon sum du bya ba'i stong pa nyid ni rnam pa gnyis te/ phyi rol stong pa nyid dang/ nang stong pa nyid do/ /de la phyi rol stong pa nyid ni spyir na gzugs kyi 'du shes rnam pa lnga ste 'dod pa'i yon tan lnga yang ldan pa las 'das nas 'dod pa'i 'dod chags dang bral ba mngon sum du bya'o/ /de la nang stong pa nyid ni nang gi 'du byed rnams la da'o snyam pa'i nga rgyal spang ba mngon sum du bya ba gang yin pa'o/ /de la sgom par bya ba'i stong pa nyid gang zhe na/ de yang rnam pa gnyis su rig par bya ste/ 'di lta ste/ nang dang phyi rol gyi yul la bdag med par mthong ba dang/ /

  459. 230a

    de nyid la mi rtag par mthong ba'o/ /de la stong pa nyid rnam pa bzhi po 'di dag gi rten yang rnam pa bzhi yod par rig par bya ste/ de la phyi stong pa nyid kyi rten ni nang gi sems gnas pa'i ting nge 'dzin gyi sgo nas dben pa las skyes pa'i dga' ba dang bde bas lus brlan pa dang pa'o snyam pa'i nga rgyal yongs su shes pa'o/ /dang stong pa nyid kyi rten ni nang dang phyi rol gyi chos rnams la bdag med par mthong ba'o/ /bdag med par mthong ba'i rten ni de dag nyid la mi rtag par mthong ba'o/ /mi rtag par mthong ba'i rten ni dam pa'i chos thos pa dang tshul bzhin yid la byed pa'o/ /de la 'dod pa'i 'dod chags dang bral bar bya ba la brtson pa'i dge slong ni dpyod pa'i yid la byed pa'i dbang du byas nas sdug pa'i mtshan ma 'dod pa dang ldan pa yid la byed de/ /nges lam? dang phyi stong pa nyid mngon sum du ma byas pa dang legs par ma sgoms pa dang/ bsten pa la gzhol ba'i phyir/ phyi stong pa nyid la mngon par dga' pa'i tshul gyis sems mi 'jug ste/ de nga'o snyam pa'i sgo nas der sems 'phro bar mthong nas/ nang stong pa nyid la zhi ba'o snyam du yid la byed do/ /des nga' snyam pa'i nga rgyal yang spangs la lam yang legs par ma? bsgom pas de la yang sems mi 'jug ste/ des nang dang phyi rol gyi 'du byed rnams bdag med pa mthong pa bsgom par byed do /nges bdag med pa legs par ma bsgom pas de la yang sems mi 'jug go /de nang dang phyi rol de dag nyid la mi rtag par mthong bas mi g.yo ba'i sems sgom par byed de 'du byed rnams la mi rtag par mthong bas rnam pa thams cad du g.yo bar mi 'gyur ro/ /de bas na mi rtag par mthong ba la mi g.yo ba'i khams zhes bya'o/ /des gnas de la sems ma mos par yang dag pa'i shes rab kyis rtogs nas sems de mi sdug pa la gnas pa 'am

  460. 230b

    byams pa la dmigs pa'am/ dbugs phyi nang du rgyu ba la dmigs pa 'am/ 'du byed thams cad mi rtag pa la dmigs pa'i ting nge 'dzin la lan mang du byas pa'i rgyu las su rung bar 'gyur ro/ /de nas rim gyis thams cad la 'jug par 'gyur te /de'i mngon sum du bya ba yang yongs su rdzogs par 'gyur te de yongs su rdzogs pa'i rgyus tha ma'i cha dang 'thun pa dang/ gong ma'i cha dang 'thun pa'i kun tu sbyor ba rnams las sems rnam par grol bar 'gyur ro/ /sgom par bya ba'i stong pa nyid bsgom par bya ba yang yongs su rdzogs par 'gyur te/ de yongs su rdzogs par gyur pa'i rgyus mi slob pa'i yang dag pa'i lta ba la sogs pa'i chos rnams dang ldan par 'gyur ro/ /gang gi tshe mi 'jug pa de'i bar du ni so so'i skye bo'i gnas skabs so/ /gang gi tshe 'jug pa de ni slob pa'i gnas skabs so/ /de ni sgom pa yongs su rdzogs pa la zhugs shing sems g.yos pas dge ba'i rtog par byed do/ /de la yang tshod shes shing kun nas nyon mongs pa can ma yin pa'i gtam byed do/ /yang dag pa'i 'chag sar 'chag par byed do/ /yang dag par bstan la 'dug pa thams cad duAng tshong shes te de ltar na 'di ni de'i rgyu zhing 'gro ba dag yin no/ /gnas pa dag pa dag ni snga ma yin no/ /bar skabs ngag tu yang spyod pa yid la byed pas nyon mongs pa kun tu sbyong pa la so sor brtag cing sems rnam par spong ste/ 'di dag ni gcig tu nges pa'i dkar po'i chos rnams yin te/ de dag dang ldan na bdud dang phyir rgol ba rnams kyis mi tshugs la sdig pa mi dge ba'i chos rnam pa bzhis mi 'phrog te/ yang srid par skye ba'i rang bzhin gyis kun nas nyon mongs pa can rnams dang/ tshe 'di la lus dang sems yongs su gsung ba dang/ ngan song gi rgyu'i rang bzhin dang/ skye ba la sogs pa'i

  461. 231a

    sdug bsngal gyi rgyu'i rang bzhin gyis so/ /gtam ni rnam pa gnyis te/ sgra tsam la mos pa'i rjes su 'brang ba dang/ chos kyi rjes su mthun pa'i chos la nan tan du sgrub pa'i rjes su 'brang ba'o/ /de la snga ma ni chos kyi lung nod pa dang/ kha ton du byed pa dang/ kun tu 'dri ba dang yongs su 'dri ba dang 'chang bas phye ba'o/ /cig shos ni dmigs pa'i gnas dang/ sems rnam par grol ba'i man ngag gis phye ba ste/ de'i don du de bzhin gshegs pa rnams 'byung ba dang/ nyan thos rnams kyang bstan pa'i rjes su 'jug cing dge ba'i chos de dag gis yang dag par sbyor bar byed do/ /chos 'dul ba gang la tshangs par spyod pa la gnas pa gtan med pa de la ni tshangs par spyad pa yang med de de la ni tshangs par spyad pa dang/ tshangs par spyod pa yang med pa la ni phan tshun slob dpon dang slob ma'i tshul du khas blangs pa rnams kyis log par bsgrub pa gang yin pa de slob dpon la gnod pa 'am nye gnas la gnod par 'gyur ro/ /'di la ni gnyi ga yod do/ /de la 'bras bu chen po dang phan yon chen po'i stong pa nyid mngon sum du bya ba dang/ bsgom pa btang ste dma' zhing kha na ma tho ba dang bcas pa'i rnyed pa dang bkur sti'i ro myang bas 'phrog cing log par sgrub pa gang yin pa de ni tshangs par spyod pa'i gnod pa chen pos gnod par byas par rig par bya ste /de ltar rnyed pa dang bkur sti la zhen pa de ni bdag nyid la yang gnod pa byed do/ /rnam par thar pa dang mthun pa'i gtam de yang nyan par mi 'dod la ston pa na yang rna glog par mi byed do/ /de nyan par byed na yang rnyed pa dang bkur sti'i ched du nyan par byed kyi shes par bya ba'i sems kyis ni ma yin no/ /nan tan du sgrub par yang mi byed la ma dul ba'i phyir gzhan dul bar yang mi byed pa dang/ mya ngan las 'das pa'i bar du yang mi byed de/ de ltar na des ni ston pa'i dgra bzhin du kun tu sbyong pa yin te/ phan

  462. 231b

    pa rgya chen pos nye bar gnas pa la lan du gnod pa byas pa'i phyir ro/ /de la don gyi mdo ni 'di yin te legs par gsungs pa'i chos 'dul ba la rab tu byung nas de ci nas bdag gis nan tan du bsgrub pa'i bya ba dang de lta bu la rnam pa bzhis ma zhugs pa dang/ ci nas sten pa la nan tan du bsgrub par bya ba dang/ gang gis bstan pa la rab tu byung ba de lta bur ma zhugs te/ 'di lta ste/ 'dre bar gnas pa dang/ sgra tsam la mos pa'i rjes su 'brang ba'i gtam gyi rjes su 'brang ba dang/ rnyed pa dang bkur sti la zhen pa dang/ de la zhen pa'i dbang gis byung bas dam pa'i chos mnyan par byed kyi bdag la phan pa dang gzhan la phan pa sgrub pa'i phyir ma yin pa'o/ /de bzhin gshegs pa ni tshogs yongs su sdud par bzhed pa'i phyir tshogs nye bar 'dzin par mi mdzad kyi sems can rnams la thugs brtse ba 'ba' zhig gi phyir te/ gang gi phyir log par sgrub pa'i nyan thos rnams la yid bsrung ba med par ngo zlog phong par mdzad de nyan thos rnams la ngo bzlog phong pa de dang/ rtsub la phan par gsung ba nges chos 'dul ba 'di las phyir ldog par gyur du zin kyang de ni de dag la ches phan par 'gyur gyi 'di la gnas pa rnams log par sgrub pa ni de lta ma yin no/ /sdom ni/ 'dod chags bral dang ma bral dang/ /rgyu dang rkyen dang lam dang ni/ /srog la yid ni mi brtan dang/ /kun tu chags pa'i gnas rgyas pa// dge slong ni 'dod chags dang bral ba'ang rung/ 'dod chags dang ma bral yang rung ste/ 'dod pa'i yon tan lnga dang yid kyis shes par bya ba'i yul mnyam par gzhag pa'i sa pa'i chos rnams la dus gsum du kun nas dkris pa rnam pa gsum dang/ de'i rtsa pa bag la nyal gyis kun nas nyon mongs par gyur na tshe 'di la yongs su mya ngan las 'da' bar 'gyur ba'i skal ba med do/ /de la 'das pa'i dus kyi sgo nas ni de la rnam par shes pa brten to/ /ma 'ongs pa'i dus kyi sgo nas ni de la rag las so/ /da ltar gyi dus

  463. 232a

    kyi sgo nas ni de la mngon par zhen to/ /de'i rtsa ba bag la nyal de'i rgyud la yod pa dang rjes su 'brel bas ni rnam par shes pa de nye bar len par byed/ /de las bzlog pa ni kun nas nyon mongs par ma gyur na tshe 'di la yongs su mya ngan las 'das par 'gyur pa'i skal ba can yin no/ /bzhi pa 'di dag ni chos 'dul ba 'di la zhugs pa rnams kyi tshul bzhin du 'dri ba yin par rig par bya ste/ 'di lta ste/ khyim bdag gam/ khyim bdag gi bu dad? pa can dang/ dge slang? thos pas khyad ba dang/ ston pa'i drung na 'dug cig bsnyen bkur byed pa dang ston pa nyid de/ de bzhin gshegs pa ni nyan thos zhu bar ni 'dod la bag cha dang mi shes pa'i don mngon par gzigs pa'i phyir nye bar gnas pa dang ma 'ongs pa'i nyes pa bsal ba dang/ dam pa'i chos yun ring du gnas par mdzad pa'i phyir mkhyen bzhin du rgyu rnams gnyis kyis nyan thos la 'dri bar mdzad do/ /rnam par shes pa'i tshogs drug po rnams kyi ni rgyu rnam pa gnyis kyis skye mched drug ni rgyu yin la phyi rol gyi skye mched rnams ni rkyen ces bya ste/ 'di lta ste/ skye mched drug ni de dag gis po na gyi gnas yin pa dang/ ji ltar thob pa'i skye mched gcig tu nges par rnam pa gcig tu 'gyur ba'i phyir ro/ /yul ni gcig tu rnam pa du mar 'dug pa'i phyir ro/ /nyon mongs pa thams cad ni spyir na rgyu rnam pa gnyis kyis rig par bya ste/ kun nas nyon mongs pa'i rang bzhin gang yin pa dang/ de'i lam gang yin pa'o/ /de la rang bzhin ni 'dun pa'i 'dod chags te kun nas nyon mongs pa thams cad kyi rtsa ba yin pa'i phyir ro// de'i lam ni nang dang phyi rol gyi skye mched rnams te/ gzung ba dang 'dzin pa'i bye brag yin no/ /dge slong rgyu zhing 'gro ba 'am gnas bas gnas gnyis yang dag par mthong bas ni tshul bzhin du yid la byed pa la brten nas kun nas nyon mongs pa

  464. 232b

    rnam pa gnyis las sems rnam par grol bar bya'o/ /? gnyis po gang zhe na/ 'di lta ste srog la yid mi rton pa dang/ /ma mi dge ba'i sems kyis shin ngan 'gror 'gro ba'o/ /tshul bzhin yid la bye pa ni gang la brten/ kun nas nyon mongs pa rnam pa gnyis po gang las ni sems rnam par grol bar bya zhe na/ bdag rang gi skye mched rnams mtshon cha rnam pa sna tshogs kyis btab cing mdungs par byas kyang bla'o/ bdag mi dge ba'i sems kyis shi nas ngan song dag tu skye par 'gyur ba ni de lta ma yin no/ /ji ltar byas na bdag bde ba dang ldan pa dang/ yid bde ba dang ldan pas mi dge ba kun tu spyod pa'i gnyen por yang dag pa la yang dag par so sor rtog par 'gyur zhig gu snyam du so sor brtags nas 'du byed rnams mi rtag pa 'ba' zhig sgom par byed de/ de la rgyu zhing 'gro pa na ni yul gyi mchan ma 'dzin pa dang/ rtags 'dzin pa'i kun nas nyon mongs pa las rnam par 'byed do/ /yang na rab tu dben pa na gnas pa na mi dge ba'i rtog pa'i kun nas nyon mongs pa las rnam par 'byed do/ /de la kun nas nyon mongs pa dang po ni rgyu la bu yin la gnyis pa ni 'bras bu yon par rig par bya'o/ /de la kun nas nyon mongs pa gnyis la gnas pa la ni gnas gnyis 'byung pa yod de/ srog la yid mi rton pa dang/ 'chi ba'i tshe kho na ni mi dge ba'i sems kyis shi na ngan 'gror 'gro ba'o/ /de bas na skad cig gcig gi kun nas nyon mongs pa rnam pa gnyis la yang nyes par lta ba dang/ ngo tsha shes pa dang khrel yod pa drag po bskyed par bya na rgyun tu 'byung ba lta la ci smos/ /'di ni bdung 'jug par 'gyur ba'i kun tu chags pa'i gnas kyi kun nas nyon mongs pa mang pos te de dag ni mkhas pas yongs shes nas yongs su spang par bya ba yin te/ 'dod pa'i 'dod chags dang bral ba'i so so'i skye po'i snyoms par 'jug pa las byung ba'i bde ba la rag las pa'i skye mched

  465. 233a

    mched kyi ro myang bar byed pa'i kun tu chags pa'i gnas dang/ 'dod chags dang ma bral ba'i 'dod pa'i yon tan lnga la brten pa'i tshor ba'i sgo nas mngon par dga' ba dang/ mngon par chags pa dang lhag par zhen pa dang/ ltag par zhen nas gnas pa'i kun tu chags pa'i gnas dang/ sems can la phan 'dogs pa rnams la rjes su chags pa dang/ gnod bar byed pa rnams la khod khro ba'i kun tu chags pa'i gnas dang/ yul dags shing rgya che ba la 'phrog par byed pa'i bde ba'i gnas pa dang/ sdug bsngal gyi gnas dus gsum du btsal bar bya ba dang/ brtag par bya ba dang/ lhag par chags par bya ba'i kun tu chags pa'i gnas te/ de la sdug pa dang/ yid 'thang ba dang/ dga' ba dang yid du 'ong ba rnams kyi dbye ba ni snga ma bzhin du rig par bya'o/ /mi sdug pa ni ma 'ongs pa'i dus kyi sgo nas mi 'dod pa'o/ /yid dang mi 'thad pa ni 'das pa'i dus kyi sgo nas mi 'dod pa'o/ /mi dga' ba dang rjes su dran pa'i yul mi 'dod pa'i sgo nas/ /yid du mi 'ong ba ni 'dod pa'i tshor ba'i sgo nas so/ /sdug bsngal ba yang yul gyi mi 'dod pa'i sgo nas so/ /gnod par byed pa yang mi 'dod pa'i tshor ba'i sgo nas so/ /mi mthun pa ni 'das pa'i dus kyi mi 'dod pa'o/ /'tsher 'grib ni ma 'ongs pa'i dus gyi mi 'dod pa'o/ /kun nas nyon mongs pa ni gnyis te /phyi rol gyi yul gyi kun nas nyon mongs pa dang/ nang gi tshor ba'i kun nas nyon mongs pa'o/ mi dga' ba dang rjes su de la mig la sogs pa la brten nas gzugs la sogs pa'i yul rnams la lhag par zhen pa ni yul gyi kun nas nyon mongs pa'o/ /reg pa la brten nas nang gi tshor ba la lhag par zhen pa ni tshor ba'i kun nas nyon mongs pa'o/ /'gog pa'i mya ngan las

  466. 233b

    'das pa gang la gnyi ga med pa de la ni bdud dang phyir rgol ba thams cad kyi gnas med do/ /sred pa dang lta ba ni rnam pa thams cad ni rnam pa bco lngas kun nas nyon mongs pa yin par rig par bya ste/ 'di lta ste kun nas dkris pa'i sgo nas skye mched rnams la kun nas sbyar ba dang/ bag la nyal gyi sgo nas nye bar sbyor ba dang/ bdag tu lta ba'i sgo nas ltag par sbyor ba ste/ rnam grangs bsdu ba las rgyas par ji skad bstan pa dang 'dra'o// //rnal 'byor sbyong? pa'i sa las gzhi bsdu ba/ bam po bcu pa/ spyi sdom ni/ rgyu 'dra ba dang rkyen tsam dang/ /'dod chags shes ni che ba dang/ /gnas gcig pa ni tha ma yin/ /sdom ni/ rgyu 'dra ba dang bsam mi khyab/ /bcings pa dang ni grol ba dang/ /rtogs dang rig pa kun tu 'gro/ mos pa dang ni sgo bsdams dang/ /bstan dang mngon par dga' ba yi/ /rtags ni tha mar brjod pa yin/ /'di la 'phags pa nyan thos ni rgyu 'dra bas rnam par shes pa bdag med pa la rjes su zhugs nas rnam pa gsum gyis rnam par shes pa la yang dag par lnga bas gnas so/ /rgyu 'dra bas na rnam par shes pa bdag med pa la ji ltar 'dug ce na/ skye mched gzugs can lnga po gang yin ba rnams dang/ 'byung ba chen po bzhi las byung ba'i lus gang yin pa de ni 'de la tha dang? 'grib pa dang len pa dang 'dor ba'i mi rtag pa nyid mngon sum du gyur bas /de'i rkyen las byung ba'i rnam par shes pa'i mi rtag pa nyid la yang rjes su 'jug go /mi rtag pa gang yin pa de ni sdug bsngal ba yin la/ sdug bsngal ba gang yin pa de ni bdag med pa yin no zhes bdag med pa la yang rjes su 'jug go /ji ltar bdag med pa la rjes su zhugs nas yang dag par lta bar 'gyur zhe na/ log par lta ba'i rtsa ba ni bdag tu lta ba yin te/ rtsa ba de snga nas yang dag par bcang pa'i phyir ro/ /rnam par shes pa de yang rten dang dmigs pa'i bye

  467. 234a

    brag gis rnam pa du mar 'jug par yang dag pa'i shes rab kyis mthong ngo/ /rnam par shes pa de ltar 'jug pa la ni skad cig tsam gyi gnas skabs su yang snying po yod par yang dag par rjes su mi mthong na gtan du lta ci smos/ skye mched drug 'gag pa zhi ba dang spros pa med pa ni spros pa dang ldan pa'i rnam pa bzhis bsam par mi bya/ brtag par mi bya/ yongs su 'dri bar mi bya ste/ gzhan dag gis blo'i khyad par yongs su brtag pa'i bsam pas bya ba cung zad du zad do/ / bzhi gang zhe na/ yod pa 'am/ med pa 'am/ tha dad pa 'am /tha dad pa ma yin pa'o/ /skye mched drug po gang gis skye ba yang yod la 'jig pa yang yod pa de la ni phan tshun mtshan nyid tha dad pa yang yod do/ /de'i skye ba dang 'jig pa la brten nas yod pa'am med pa yang mi dmigs so/ /gang la phan tshun mtshan nyid tha dad pa yod pa de la ni rigs gzhan la bltos nas tha dad pa dmigs la rang gi rigs kyi snga phyi la bltas nas tha dad pa ma yin par dmigs so/ /skye mched drug 'gag pa ni rtag pa zhi ba'i mtshan nyid yin te de bas na spros pa bzhi pa 'di dag gis dpyad cing brtag tu mi rung ngo/ /de la don dang ldan pa ma yin pa sems shing rtog la smra ba gang yin pa de ni spros pa zhes bya'o/ /de ci'i phyir zhe na/ de ltar sbyor ba la ni dge ba'i chos ci yang 'phel bar 'gyur ba med la mi dge ba 'grib pa yang med de /de bas na spros pa zhes bya'o/ /nang dang phyi rol gyi skye mched rnams la 'dun pa'i 'dod chags yod na ni lus mngon sum du gyur kyang rung lkog tu gyur kyang rung ba las dbang po lhag par btang? snyoms su byed mi nus te/ de bas na bcings pa zhes bya'o/ /'dun pa'i 'dod chags med na ni yul mngon du gyur pa las kyang dbang po lhag par btang snyoms su byed nus na lkog tu gyur pa lta ci smos te/ de bas na grol

  468. 234b

    ba zhes bya'o/ /tshangs par spyad nas yun ring du lon pa/ phung po dang skye mched rnams la bdag tu 'dzin pa dang/ bdag gir 'dzin pa spangs pa la ni lus kyi tshor ba'i sdug bsngal rnams nas srog chad par byed pa'i bar dag gis thebs su zin kyang gzugs 'gyur ba yang med pa sems 'gyur ba yang med pa 'di ni de'i dbang po shin tu bsdams pa'i rtags rags pa yin no/ /de ltar dbang po shin tu bsdams pa de ni sdug bsngal rnam pa bzhi las rnam par grol ba'i phyir dga' ba rnam pa bzhi thob par 'gyur te 'di lta ste/ phyi ma la phyi rol gyi rkyen las 'byung pa dang/ phyi ma la nang gi rkyen las 'byung ba dang/ tshe 'di la yongs su mya ngan las 'da' ba' i dus na phung po las gyur pa de gnyi ga dang/ shi ba'i 'og tu sdug bsngal thams cad nyid mtshams spyor ba med pas 'jig rten rtswa? dang shing dang 'dra par mthong bar gyur pa'o/ /de la des ni rnam pa gnyis kyis skye mched drug gi 'jig rten rtswa dang shing dang 'dra bar mthong ste/ rtswa dang shing dang 'dra ba'i sems can med pa'i 'du shes dang/ 'di lta ste/ 'dod chags dang zhe sdang dang gti mug gis mes bsreg par bya ba'i phyir skye mched drug po rtswa dang shing dang 'dra ba 'di nye bar len pa'o/ /nyan thos tshangs par spyod pa legs par spyad pa na phyi ma la yang srid par skye ba'i sdug bsngal mi skye bar bya ba la de bzhin gshegs pa dang 'dra bar rig pa'i stobs dang ldan mod kyi/ tshe 'di'i rkyen las 'byung ba'i sdug bsngal mi skye bar bya ba dang skyes zin pa myur ba myur bar spang pa la mi 'dra ste/ de bzhin gshegs pa ni rig pa'i stobs rnam pa gnyi ga dang yang ldan pas na de'i phyir rig pa mnga' ba bla na med pa yin par rig par bya'o/ /dge spyod dang bram ze kha cig tshad ma'i gtso bo mngon sum du byis pa rnams kyang rnam par rmongs par mi byed na mkhas pa rnams lta smos kyang ci dgos pa las thal te kun tu rmongs pa'i gzhi dang gnas su gyur pa'i

  469. 235a

    rtog ge la brten nas sngon gyi mdza' la brtsams pa 'am/ yang na tshe 'di nyid la rnam pa bzhis nan gyis mchog tu 'dzin cing mngon par zhen nas bde ba dang sdug bsngal la log par 'dogs so/ /de la sngon gyi mdza' las brtsams te sngon byas pa'i rgyu las byung ba'i phyir gcig tu nges par rang gis byas pa dang/ dbang phyug gis sprul pa'i rgyu las byung ba'i phyir gcig tu nges par gzhan gyis byas pa dang/ thog ma ni dbang phyug gis byas la phyis ni sngon byas pa'i rgyu las byung ba'i phyir rang gis kyang byas laS gzhan gyis kyang byas pa dang yang na rgyu med pa las byung bar rtog par byed de/ rang gis kyang ma byas gzhan gyis kyang ma byas par rgyu med par byung ba las 'dogs so/ /yang na tshe 'di nyid la rang dga' nas rang gi brtsal bas bskyed pa gang yin pa de ni rang gis byas pa kho nar 'dogs so/ /mi 'dod gzhin du mtshor bar gzhan gyis byas pa gang yin pa de ni gzhan gyis byas pa yin no/ /nges kyang 'dod de tshor bzhin du gzhan gyis byas pa gang yin pa de ni rang gis kyang byas la/ gzhan gyis kyang byas pa'o/ /bdag dang gzhan gyis 'bang bsngon du btang ba las byung ba ma yin par yul mngon sum du gyur pa tsam las byung ba gang yin pa de la ni de'i rgyu reg pa cha phra ba ma rtogs nas rang gis kyang ma byas gzhan gyis kyang ma byas par rgyu med par byung bar 'dogs pa yod do/ /de la dbang po dang yul dang rnam par shes pa tsam las bde ba dang sdug bsngal 'byung ba tsam ni yong kyi sngon gyi mdza' lam tshe 'di la bdag gam gzhan yod pa ni ma yin te/ gsum po de nyid la bdag dang gzhan du 'dogs pa las gyur par zad do/ /de bas na 'dir reg pa 'ba' zhig bde ba dang sdug bsngal gyi rgyur kun tu 'gro bar rig par bya'o/ /rnam pa bzhis brtson 'grus brtsams pa yang dag par brtsams na myur ba kho nar zag pa zad par 'gyur te/ bzhi gang zhe na /'di lta ste/

  470. 235b

    brtson 'grus brtsams drag pa'i sgo nas ci nas de rgong bag tu gyur pas lus ngal bar 'gyur ba dang/ sems bsnang par 'gyur ba med par snyoms par khong du chud pa dang/ ha cang zhum pa'i sgo nas dus chud gzon par mi byed pa 'di ni rnam pa dang po'o/ /bdag ni brtson 'grus brtsams pa yin gyi gzhan gyi ni de lta ma yin no snyam du nges rlom sems su yang mi byed pa 'di ni rnam pa gnyis pa'o/ /yang dag par brtson 'grus brtsams pa'i 'bras bu 'jig rten pa'i khyad par rtogs nas ro myang ba med pa dang ldan pa'i bag yod pa 'di ni rnam pa gsum pa'o// 'di lta ste phyin chad yongs su nyams par mi 'gyur bar bya ba'i phyir brtson 'grus snyoms pa'i mtshan ma legs par bzung ba ni bzhi pa'o/ /de ltar yang dag pa'i brtson 'grus brtsom pa la brten nas mthar gyis dgra bcom pa zag pa zad pas ston pa 'am tshangs pa mtshungs par spyod pa mkhas pa'i drung du bdag nyid kyi/ rnam par grol ba brjod par 'dod pas ni gnas drug la mos pas 'di lta ste/ bslab pa gsum dang gang zag lnga'i sgo nas dgra bcom pa yang dag par brjod par byed do/ /gnas drug la mos pa gang zhe na nges par 'byung ba la mos pa dang/ gnod pa med pa la mos pa dang/ dben pa la mos pa dang/ sred pa zad pa dang nye bar len pa zad pa dang/ brjed ngas pa med pa'i sems la mos pa'o/ /bslab pa gsum po rnams gang zhe na/ lhag pa'i tshul khrims dang/ lhag pa'i sems dang/ lhag pa'i shes rab kyi bslab pa'o/ /gang zag lnga po rnams gang zhe na /so so'i skye bo khyim pa dang btsam la brten nges par 'byung bar ni mos la yid yul gyis bcings pas nges par 'byung bar mi byed pa 'di ni gang zag dang po'o/ /so so'i skye bo nges par 'byung ba tshul khrims tsam la rten cing lus dang ngag dang yid kyis sems can rnams la gnod pa mi byed par zhugs pa 'di ni gang zag gnyis pa'o/ /rnyed pa dang bkur sti la sred pa spangs nas tshe 'di la 'dod pa'i 'dod

  471. 236a

    chags dang bral ba ni gang zag gsum pa'o/ /slob pa bzhi mthong ba ni zhi ba'o/ /dgra bcom pa mi slob pa ni lnga pa'o/ /de la gnas dang po dang/ gnyis pa la mos pa gnyis ni bslab pa dang po la brten par rig par bya'o/ /gnas gsum pa la mos pa ni bslab pa gnyis pa la brten pa'o/ /gzhan phyi ma gnas gsum pa la mos pa rnams ni bslab pa gsum pa la brten par rig par bya'o/ /de la shes pa gang gis nyon mongs pa rnams spong bar byed pa dang/ nyon mongs pa spong ba gang yin pa de ni brjed ngas pa med pa'i sems so/ /de la yang srid bar skye ba'i rgyu spangs pa'i phyir na sred pa zad ba'o/ /tshe 'di la yul gyi nyon mongs pa spangs pa'i phyir ni nye bar len pa zad pa'o/ /de la gang zag dang po'i dad pa dang nges par 'byung pa la mos pa ni gcig tu nges pa ma yin te/ phyi ma la thams cad kyi thams cad du bral bar 'gyur ba dang/ gzhan du 'gyur ba'i skul pa can yin no/ /gnyis pa ste gnod pa med pa la mos pa yang de dang 'dra'o/ /gsum pa ste dben pa la mos pa yang de dang 'dra'o/ / slob pa'i gnas drug la mos pa ni phyi ma la 'bral bar 'gyur ba dang/ gzhan du 'gyur ba'i skal ba med mod kyi 'phags pa'i gnas su skyes pa de'i ting nge 'dzin dang/ dran pa dang shes rab kyang legs par ma bsgoms shing yongs su ma smin pa dang/ 'dod chags dang zhe sdang dang gti mug rnams kyang ma lus par spangs pa'i phyir byis pa gzhon nu'i ltar stobs chung ba yin no/ /de'i shes rab stobs chung ba dang/ 'dod chags la sogs pa ma spangs pa'i phyir brgya la lan 'ga' rjed ngas par gyur par yul rags snang ba dang phrad na slob pa'i sems rnam par grol ba dang shes rab rnam par grol ba zil du brlag nas nyon mongs pa bskyed par byed do/ /de bas na gang zag de yang bya ba dang bcas pa'i phyir yan lag des dman pa yin no/ /dgra bcom pa'i gnas drug la gnas pa gang yin pa

  472. 236b

    de ni lam shin tu bsgoms pa'i phyir phyi ma la gzhan du 'gyur ba'i rgyur yang mi 'gyur na 'bral bar lta ga la 'gyur/ 'dod chags dang zhe sdang dang gti mug ma lus par spangs pas ni zad pa dang mi skye ba'i ye shes thob pa'i sred pa dang nye bar len ba zad pa la mos pa yang yongs su rdzogs la/ de'i shes pa yang rtag tu gnas par bya ba drug gis yongs su zin pa'i phyir brgya la lan 'ga' yang slob pa bzhin du brjed pas pa tsam yang mde de bas na dgra bcom pa na gnas drug la mos pa yongs su rdzogs pa shin tu rnam par dag pa dang ldan gyi gzhan ni ma yin no/ /de bas na rnam grangs nges bdag la yang bstod par mi byed la shes pa yang brjod par byed do/ /de la ting nge 'dzin gyi spyod yul gyi dmigs pa la mi g.yeng ba'i tshul gyis ni nang gi sems gnas pa zhes bya'o/ /ting nge 'dzin shin tu yongs su grub pa'i phyir ni mi chud pa'o/ /nyon mongs pa thams cad dang bral ba'i phyir ni shin tu rnam par dag pa'o/ /shes pa yongs su byang ba'i phyir ni legs par bsgoms pa'o/ /'jig pa rjes su mthong ba'i phyir na ro myang ba med pa ste/ sems de ni gcig tu nges par dge zhing kha na ma tho ba med pa yin no/ /gang zag ni 'di gnyis yin te/ dbang po sgo bsdams pa dang sgo bsdams pa'o/ sgo ma bsdams pa'i gang zag gang zhe na/ ji ltar 'di na kha cig yul la tshul bzhin ma yin pa yid la byed cing dga' ba'i gzugs rnams la 'dod chags kyis kun nas dkris la mi dga' ba'i gzugs rnams la gnod sems kyi kun nas dkris pas kyang kun nas dkris te /yul de'i nyes dmigs kyang mi dran la dran du zin kyang nges legs par ma bsgoms pas kun nas dkris pa nges zil gyis non te/ kun nas dkris pa skyes zin pa yang zil gyis mnan par mi nus pa dang /so so'i skye bo yang yin te/ slob pa'i sems dang shes rab rnam par grol ba ma thob pa dang/ des thob tu zin na yang gong du mi slob pa'i sems dang shes rab rnam par grol ba yang

  473. 237a

    dag pa ji lta ba bzhin du rab tu mi shes la ma shes pas slob pa'i sems dang shes rab rnam par grol ba yongs su rdzogs par mi 'gyur te/ de ltar de'i sgom pa'i stobs la ma brten bar nyon mongs pa'i phyogs kyi gnas ngan len yang dag par ma bcom pa dang/ sngon so sor brtags pa'i stobs la ma brten pas dran pa dang ldan par ma byas pa'i phyir dbang po'i sgo ma bsdams par rig par bya'o/ /dbang po'i sgo ma bsdams pa'i gang zag ni rnam pa gsum du rig par bya ste/ kun nas dkris pa dang/ so sor brtags pa'i stobs kyis bsdus pa'i gnyen po med pa'o/ /bsgom pa'i stobs kyis bsdus pa'i gnyen po med pa'o/ /de las bzlog pa ni dkar po'i phyogs kyi sgo bsdams par rig par bya'o/ /nyan thos ni 'di lta ste don rab tu dbye ba'i sgo nas rnam pa gnyis kyis ston pas gsungs pa yang dag pa kho nar brda sprod cing ston par byed de/ gnyis gang zhe na/ gang kho na la dgongs te gsungs pa'i dgongs pa de'i thog tu phebs par brda sprod pa dang/ de bzhin gshegs pa'i bstan pa ni sgo du ma dang ldan zhing rgyas pa yin na gang zag rnams kyi spongS pa yang rnam pa sna tshogs yod de/ de la brten nas chos nyid dang mi 'gal bar brda sprod pa'o/ /dge slong gsar bu legs par gsungs pa'i chos 'dul ba la shin tu mngon par dga' i rtags ni gnyis yod par rig par bya ste/ lus 'gyur ba med pa dang sems 'gyur pa med pa'o/ /de dag kha dog gsal bas bzhin gyi mngangs gsal ba dang lus bltas pas dbang po rgyas pa ni lus 'gyur ba med pa'o/ /dan don tsam gyis chog shes pa dang sogs par byed pa'i 'dod pa'i longs sbyod spangs pa dang/ rigs dang khyim la mi lta bas na sems 'gyur ba med pa'o/ /gsum po 'di dag ni 'khrig pa'i 'dod chags kyi gnyen po ste/ 'brig pa'i 'dod chags ma skyes pa ni

  474. 237b

    skyed par mi byed pa dang /skyes zin pa ni spong bar byed pa ste/ 'jug par bya ba ma yin pa'i 'du shes yid la byed pa dang mi sdug pa'i 'du shes yid la byed pa dang/ dbang po'i sgo pa sdam pa'o/ /de la dbang po'i sgo bsdams pa'i mdor bsdus pa dang rgyas pa ni 'di lta ste /nyan thos kyis las 'byung ba bzhin du rig par bya'o/ /dbang po'i sgo bsdams pas ni bud med la reg pa las lus legs par bsrungs pa yin no/ /bud med mi mthong ba dang ma thos pa dang/ mi dran pas ni dbang po rnams legs par bsdams pa yin no/ /mthong dam thos sam dran du zin kyang shas cher nyes dmigs su lta ba dang yun ring bor 'dris par byas pas ni dran pa legs par gnas pa yin no/ /de ltar lus legs par bsrungs shing dbang po legs par bsdams la dran pa legs par gnas pa dang 'jug par bya ba ma yin pa'i 'du shes kyang yid la byed pa de ni sems rgong bzhin du yang nyon mongs pas zil gyis mi non to/ /mi sdug pa'i 'du shes kyang yid la byed pas na sems myur du 'gyur bzhin du yang nyon mongs pas zil gyis mi non to/ /sdom ni/ rkyen tsam dang ni rtog pa dang/ /smon pa dang ni rnam kun gyi/ /sdom pa na ni ma bsdams dang/ /'jug pa dang ni tshogs bsags dang/ /bslab pa phul dang kun tu chags/ /don la mi mkhas rgyun log dang/ /byang chub sems dpa' i khyad par dang/ /gdags pa yang ni tha ma yin/ /reg pa'i skye mched drug po rnams ni sngon gyi las dang nyon mongs pa rnams dang rang gi sa bon gyi rgyud la 'phangs pa'i tshor ba skye ba'i rkyen tsam du 'gyur te/ dper na lag gis len pa ni sems kyang kun nas bslang ba'i 'bad pas 'phags pa'i las len pa'i rkyen tsam gyi bya ba byed pa de bzhin du 'dir yang rig par bya'o/ /dge slong bas mdza' i gnas mal na 'dug cing dben pa na gnas pa la gal te yul dags shing rtog pa'i kun tu 'khrug pa'i gnas kyi snang ba yid la byed par gyur na bdud kyi phyogs dang

  475. 238a

    mthun pa yin te/ de la ni dge slong gis sems gnas pa rnam pa dgus yul thams cad dang mtshungs par ldan pa'i rtog pa las sems bsdus nas gang la brten na yul de dag gis bza' bar 'gyur ba'i rtog pa cig kyang skye ba'i skabs mi 'byed do/ /nges na yul de dag gis gnas mi thod pas phyir ldog par 'gyur ro/ /de de'i tshe chags par 'gyur ba'i dngos po la 'dod pa'i rtog pa'i rten par mi byed la gzhan la yang gnod sems dang 'che ba'i rtog pas gcod par mi byed do/ /tshe 'di la yang mya ngan las 'das pa thob par 'gyur ro/ /mya ngan las 'das pa thob nas kyang gzhan dag dang 'thab nas rtsod cing mi 'dug ste/ 'di lta ste 'thabs nas rtsod pa 'di ni 'phags pa'i chos 'dul ba la skur pa 'debs pa yin pa'i phyir ro/ /de ltar na de ni 'di ltas phyi rol pa'i mu stegs can rnams ltar gti mug las skyes pa'i rtog pa la yang rtog par mi byed do/ /dge slong sngon gyi yang srid par skye bar 'gyur ba'i sdug bsngal gyi rgyu'i 'bras bu tshe 'di'i reg pa'i skye mched drug la gnas pa ni yul drug gis bcoms bzhin du gal te yang srid par skye bar bya ba kho na'i phyir smon nas tshangs par spyod par byed na/ de de'i tshe na phyi ma la yang srid par skye bar 'gyur ba'i sdug bsngal gyi rgyu 'dun pas kyang lhag par bcom par 'gyur te/ tshe 'di la mya ngan las 'da' ba la bar du gcod par byed pa dag phyi ma la yang dal ba phun sum tshogs pa 'thob pa nges pa med pa'i phyir ro/ /de'i yang srid par skye bar smon pa de ni 'ching pa cha phra zhing mchog tu cha phra ba yin par rig par bya'o/ /de ci'i phyir zhe na/ sum cu rtsa gsum pa'i lha rnams kyi lha'i pho brang na lta 'am lha gang yang rung ba btson rang bcing bas bcings pa dag yod der de dag gi chos nyid ni 'di yin te/ bcings pa las grol nas nam bros pa'i bsam pa ma skyed kyi bar du ni lha'i 'dod pa'i yon tan rnams kyis rtse zhing 'dug

  476. 238b

    la 'bros pa'i sems bskyed ma thag tu ni 'dod pa'i yon tan rnams las kyang nyams par 'gyun la/ bdag nyid kyang bcing bas bcings par mthong ste/ de dag gi sems bskyed ma thag tu bcing ba de ni dus cha phra ba'i sgo nas cha phra ba yin gyi rtogs par dka' ba'i cha bra? ba'i sgo nas ni ma? yin te/ gang gi phyir bcings par gyur na bdag nyid bcings par khong du chud pa'i phyir ro/ /dge slong yang srid pa skye ba'i sems kyis smon par byed pa ni sems bskyed ma thag tu yang bcing bar 'gyur la bcings nas kyang bdag nyid bcings so snyam du? khong du mi chud de/ de bas de'i bcing ba ni dus cha phra ba'i sgo nas kyang rtogs par dka' la/ mchog tu cha phra? ba'i sgo nas kyang mchog tu cha phra bar rig par bya'o/ /dge slong dbang po sdom pa la zhugs pas ni sdom pa yang rig par bya'o/ /sdom pa ma yin pa yang rig par bya'o/ /'jig rten pa'i sdom pa chung ngu dang/ 'bring dang che nya po yang rig par bya'o/ /slob pa dang mi slob pa'i sdom pa yang rig par bya'o/ /de la sdom pa gang zhe na/ ji ltar 'di na kha cig chags par 'gyur pa'i yul na nas la sems kun nas nyon mongs pa can du gyur na rab? du mi len pa dang yang dag par nges par byed pa dang legs par tshar gcod pa dang skyes zin pa yang spong bar byed pa'o/ /sdom pa ma yin pa gang zhe na 'ji ltar 'di na dge slong zhing pa lta bu kha cig gis skyes bu dam pa la brten pa dang tshul bzhin yid la byed pa la brten nas yang dag pa'i yul gyi zhing la dmigs pa'i dge ba'i rtsa ba'i lo tog kha cig skyed par 'gyur la de yang 'dod chags shas che ba'i rang bzhin can zhig yin te/ gnyen po la yang ma goms la ngo tsha shes pa dang khrel yod pa drag po yang med de/ yul rags pa mngon sum du snang bar gyur na de 'dod chags drag po dang/ gnyen po la ma goms pa dang ngo tsha shes pa dang khrel yod pa chung ngu des 'dod chags kyi kun nas dkris pa skye ba dang du len

  477. 239a

    cing 'dod chags kyi kun nas dkris pa las sems kun tu bsrung bar mi byed pas de'i tshul bzhin ma yin pa yid la byed pa dang mtshungs par ldan pa'i sems de lo tog la za ba'i ba lang bzhin du yul gyi zhing la zhugs nas dge pa'i rtsa ba'i lo tog de ma rungs par byed pa ste/ 'di ni sdom pa ma yin pa'o/ /gzhan yang 'di na kha cig myur ba kho nar yid la byas yul rnams gtong bar ni byed na/ ci nas phyin chad 'gro bar mi 'gyur pa de lta bu'i nyes dmigs kyang mthong ba 'di ni 'jig rten gyi sdom pa chung du yin no/ /gzhan yang 'di na kha cig myur ba kho nar yang yid la byas nas yul rnams gtong bar byed la ci nas phyin chad 'gro bar mi 'gyur ba'i nyes dmigs kyang mthong ba 'di ni 'jig rten pa'i sdom pa 'bring zhes bya'o/ /de la brten nas sems gnas pa rnam pa dgu po yid la byed pa rnam pa bzhis bsdus pa rnams thob par 'gyur te/ 'di lta ste/ nyan thos kyis las 'byung ba bzhin no/ /de thob nas so so'i skye bo 'dod pa'i 'dod chaD dang bra 'bar 'gyur ro/ sdoms pa la zhugs pa'i rnal 'byor pa sngar ni zhing pa lta bur gyur la da ni bdag por gyur pas rgyal po lta bu yin no/ /des snyoms par 'jug pa las byung pa'i tshor pa ragS pa dang po thob pa de bag med pa'i gzhi dang gnas su gyur pa chen po yin par rig nas dam pa'i chos thos pa'i dbang las byung pa zhi gnas kyi sbubs su chud pa'i ltag mthong blon po lta bur 'dug pas tshor ba de yang rten cing 'brel par 'byung ba yin na mi rtag pa nyid yin par khong du chud de/ de de las nyes dmigs kyi mtshan ma dang ldan pa'i yid la byed pas yid 'dod chags dang bral par 'gyur ro/ /'dod chags dang bral nas snyoms par 'jug pa la brten pa'i bye brag gis ni tha dad pa rnam pa bcur mthong la/ dus kyi bye brag gis ni rnam pa brgyar mthong ngo/ /de la snyoms par 'jug pa la brten pa'i bye brag ni 'di lta ste/ rtob pa

  478. 239b

    'ang bcas dpyod par du/? bcas pa dang/ rtog pa med pa dpyod pa tsam dang/ rtog pa yang med dpyod pa yang med pa dang/ dga' ba dang ldan pa dang/ 'de ba dang ldan pa dang/ btang snyoms dang ldan pa dang/ nyams par 'gyur ba dang/ gnas pa dang/ khyad par du 'gro ba dang/ nges par 'byed pa'i cha dang mthun pa ste/ rnam pa 'di dag gis tshor ba skye ba dang gnas pa dang 'gag pa'i tshul gyis dus las gyur pa'i bye brag rnam pa brgya phrag du ma mthong ngo/ /nges tshor ba de dag gi mi rtag pa nyid dang 'jug pa'i bye brag sna tshogs rtogs nas mdor bsdu na mi rtag pa nyid rnam pa gsum du yongs su gcod par byed de/ 'di lta ste rten dang kun tu spyod ba dang rgyu'o/ /de la bsam gtan bzhi pa ma mchad kyi gzugs kyi lus gang yin ba de ni tshor ba'i rten to/ /'du shes dang tshor pa 'gog pa'i par gang yin pa de ni 'du shes dang tshor ba rnams kyi kun tu spyod pa'o/ /srid pa'i rtse mo man chad kyi sems pa dang 'dod pa dang smon pa gang yin pa de ni phyi ma la tshor ba'i rgyur gyur pa yin te/ chos 'di dag thams cad ni rten cing 'brel par 'byung ba'i phyir mi rtag pa yin te/ de ltar na nges tshul bzhin du 'dod chags dang bral pa'i sa thams cad nye bar brtags pa yin te/ 'di ni 'jig rten pa'i sdom pa chen po'o/ /de la dang po gnyis ni so sor brtags pa'i stobs kyis bsdus pa'i sdom pa yin no/ /phyi ma de ni bsgoms pa'i stobs kyis bsdus so/ /de de ltar bag yod pa dang shes pa'i stobs dang ldan te/ bden pa rtogs pas bdag tu 'dzin pa dang bdag gir 'dzin pa mngon du 'gro ba mthong bas spang bar bya pa'i nyon mongs pa thams cad spangs nas slob pa'i sdom pa thob par 'gyur ro/ /des slob pa'i sdom pa de nyid bsgoms pas nga'o snyam pa'i nga rgyal sngon du 'gro ba'i bsgom pas spang bar? bya ba'i nyon mongs pa rnams spangs nas mi slob pa'i sdom pa thob bar 'gyur te/ de'i gong na khyad par du 'phags pa'i sdom pa ches lhag pa dang ches

  479. 240a

    bzang ba gzhan med do/ /bstan pa 'di la zhugs pa'i dge slong dbang po na/ bsdams pa gang yin pa de ni 'di lta ste/ tshe phyi ma 'am tshe 'di'i sdug bsngal gyi sgo nas gcig tu nges par sdug bsngal bar 'gyur ro/ /mi mdze nang can 'dam bu'i tshal du zhugs pa bzhin du dbang po ma bsdams pa de 'dam bu'i lo ma lta bu chags par 'gyur ba'i yul rnams kyis phyi ma la yang srid par skye ba'i sdug bsngal cha phra ba dang ldan pa yongs su bzung bas de'i lus gcod par byed pa nges ni khong du mi chud de/ de ltar na tshe phyi ma'i sdug bsngal bas sdug bsngal bar 'gyur ro/ /de de la chags shing zhen te/ nyes pa byed par 'gyur la de'i rgyus na de dgon pa na gnas kyang 'gyod pa dang yid la gcaD pa las byung ba'i sdug bsngal ba'i rtog pa rtsu ku sha dang tsher ma lta bu ngag rkang pa la zug pa'i tshul gyis kun tu spyod de nges na dge 'dun gyi nang du 'gris pa med pa 'ong ba 'am 'gro bar mi nus so/ /gal te dge 'dun gyi nad du 'ongs na yang de la tshangs pa mtshungs par spyod pa mkhas pa nams kyis gzhi de dang/ nyes pa nges gleng bar byed la de la ni bcab pa'i bsam pa yod pas mdze nad lta bu'i sems kyis de dag la 'khrug cing mi dga' bar 'gyur te tshangs pa mtshungs par spyod pa mkhas pa rnams kyis kyang de ngan pa dang/ dge sbyong gi tshul 'dod pa ma yin par rig nas lhan cig 'grogs pa las yongs su spong bar byed do/ /de grong ngam dgon par song na yang tshe dad ldan pa 'di ni 'di ltar skyon can yin no/ /'di ltar bka' blo mi bde ba'o/ /'di ltar chos bzhin ma byas pa'o/ /kun nas nyon mongs pa can du gnas pa'o/ /dad pa rnams gzhan du 'gyur bar byad pa'o/ /ma dad pa rnams? ma dad par 'gyur ba'o/ /zhes rnam par smod do/ /de ltar na tshe 'di la 'gyod pa las gyur pa dang 'khrug pa las gyur pa dad yongs su spong? ba las gyur pa dang smod

  480. 240b

    pa las gyur pa'i sdug bsngal nyams su myong bar 'gyur te/ tshe phyi ma las gyur pa snga ma dang gcig tu bsdus nas sdug bsngal 'ba' zhig nyams su myong ba zhes bya'o/ /de la sdom pa ma yin pa gang zhe na/ tshe 'di dang phyi ma'i nyes dmigs rnam pa de lta bu gang rgyu zhing 'gro pa'i yul las tshul bzhin ma yin pa'i mtshan ma dang rtags 'dzin pa'i 'du shes kyi log pa'i 'du shes dang/ gnas shing 'dug pa log pa'i 'du shes sngon du 'gro ba de dang mthun zhing de dang mtshungs par ldan pa'i rtog pa dang/ ji skad du bstan pa'i nyes dmigs de thams cad kyi thams cad du mi mthong ba dang/ nyes dmigs mthong du zin kyang lan mang du ma byas pa'i rgyus rgyud la gnas pa'i nyon mongs pa'i phyogs su gtogs pa'i gnas ngan len 'di lta ste/ gzugs dang sems kyi lus shing tu sbyangs pa'i lus kyis sel bar mi byed pa ste/ de ltar rnam pa de rnams kyi sgo nas kun nas dkris pa dang/ bag? la nyal yod bzhin du so sor brtags pa dang/ bsgom pa'i stobs kyi gnyen po la mi phyogs pa ni sdom pa ma yin pa yin par rig par bya'o/ /de las bzlog pa ni sdom pa yin par rig par bya'o/ /sdom pa de ni rnam pa gsum gyis thob cing bsgom pa yongs su rdzogs par 'gyur ro/ /gsum gang zhe na/ thog ma kho nar legs par gsungs pa'i chos 'dul ba la rab tu byung nas yang dag par dbang du byed pa dang ldan pa'i thos pas srog chags drug bzung? ba dang 'dra bar dbang po drug? 'dzin par byed do/ /bzung nas kyang chel bzhin du sems pas thos pa'i ni 'og bsgom pa'i ni snga rol gyi bar skabs su nyes dmigs yang dag par dpyad pa'i tshul gyis sdom par byed do// bar skabs su bsdams nas dbang du gyur tam ma gyur pa brtag pa'i bsam pa'i yul rnams la sdug pa'i mtshan mas 'jug par byed de/ /gal te dbang du ma gyur pas rang rang gi yul la 'phro zhing brgyug la 'di lta ste/ nyes dmigs legs par mthong pa'i phyir

  481. 241a

    gcig tu nges par 'bros kyang mi nus na ni de dag nga dung legs par dul bar ma gyur pa dang/ dbang du ma gyur par rig nas lan mang du sems pas yid la byed pa mthar thug pa las 'das nas lus su gtogs pa'i dran pa bsgom par byed do/ /de legs par bsgoms pas so so'i yul la 'phro bar mi 'gyur te/ legs par dul ba dang dbang du gyur par rig par bya'o/ /dge slong snga nas shes rab kyi tshogs bsgrub pa ni dge ba'i bshes gnyen phun sum tshogs pa rang phrang nas 'du byed rnams kyi nyes dmigs rnam pa gsum nyan par byed de tshe 'di drang phyi ma dang/ tshe 'di dang/ phyi ma'i'o/ /de la 'byung ba chen po 'khrugs pa la brten pa'i nang ni tshe 'di'i nyis dmigs so/ /ngan song gi 'du byed rgyun chags par byed pa dang/ 'gro bar byed pa ni tshe phyi ma'i nyes dmigs so/ /sngon gyi dang tshe 'di'i dga' ba dang 'dod chags la brten te tshe 'di dang phyi ma'i rga shi ni tshe 'di dang phyi ma'i nyes dmigs so/ /de gcig tu sdus na/ 'di lta ste/ bde 'gro dang ngan 'gror nges pa'i sgo nas sdug bsngal rnam pa gsum du 'gyur te/ nad kyi sdug bsngal dang/ ngan song gi sdug bsngal dang/ rga shi'i sdug bsngal lo/ /des nyes dmigs de thos nas chos kyi rjes su 'thun pa'i chos la nan tan du sgrub pa na bden pa rnams khong du chud par 'gyur ro/ /de nas bdag med pa shes pa shin tu rnam par dag pas khang stong du zhugs pa bzhin du nang dang phyi rol gyi skye mched rnams stong pa nyid du mngon sum du byed do/ /de de'i tshe yul la brten nas brjed ngas pa las byung ba'i nyon mongs pa'i kun nas dkris pas phongs par gyur par shes rab kyis rtogs la lhag ma nyon mongs pa'i bag la nyal dang sred pa'i bag la nyal las bdag yid nyon mongs pa dang bcas pa dang sred pa dang bcas pa dang sdug bsngal dang bcas pa dang phongs

  482. 241b

    ba dang bcas pa yin par khong du chud la phung po'i lhag ma dang bcas pa'i mya ngan las 'das pa'i dbyings ni nyon mongs pa dang sred pa ma lus pa las 'das pa dang gcig tu nges par zhi ba yin no snyam du khong du chung ngo/ /de'i 'og tu lhag ma med nga'i mya ngan las 'das pa khong du chud/ /snga ma rtsa yal ga dang po ma dang chings ma lta bu thos pas chos kyi rjes su mthun pa'i chos nan tan du sgrub pas 'phags pa'i lam yang dag par bsgrub pa gzings lta bu de la brten nas bsgom pa'i lam la yang dag par 'bad par byed de mthar gyis sems shin tu rnam par grol zhing phung po'i lhag ma dang bcas pa'i mya ngan las 'das pa'i dbyings su gnas pa thob par 'gyur te/ gnod pa thams cad las kyang yongs su thar bar 'gyur la de la gnas na mthar thug cing sdug bsngal gyi pha rol tu phyin par rig par bya'o/ /legs par gsungs pa'i chos 'dul pa la rab tu byung ba ni rgyu bdun gyis bslab pa phul nas nyams par 'gyur ba'i rgyur 'gyur te/ bdun gang zhe na/ so so'i skye bo yin la so so'i skye bo'i sa las ma 'das pa nye bar len pa'i phung po lnga sdug bsngal gyi chos can lan lngar bsgyur ba yang dag par mi shes pa dang/ so so'i skye bor gyur pa 'dod pa rnams la nyes dmigs chen por ma mthong ba dang rgyu zhing 'gro ba dang gnas shing 'dug pa na bag med par byed de chags par 'gyur ba'i yul rnams la tshul bzhin? ma yin pa'i mtshan ma tshin? par byed pa dang/ dran pa mi gnas pa'i phyir dge? ba'i phyogs kyi tsher ma lta bu'i rtog pa rnams la tshul bzhin ma yin par rtog pa dang snying stobs can ma yin te/ de rgyal po 'am dbang yod pa 'ga' zhig gis bkug na 'jigs pas 'gro ba dang/ sred pa'i ngan can nye du la lta ba yin te/ de bos na sred pas 'gro ba dang chags par 'gyur ba dang zhe sdang bar 'gyur pa dang gti mug par 'gyur ba'i yul la nyon mongs pa'i kun

  483. 242a

    gnas dkris pa drag po skyed par byed pa dang/ sems kyi rgyu de la rjes su 'brel pa dang dma' ba la mos pa yin te/ 'di lta ste nges par 'byung ba dang dben pa dang mya ngan las 'das pa rgya chen po la ma dad pa'o/ /de yang dma' ba la mos las? sems yul la gzhol bar 'gyur ro/ /pha ma la logs pa'i rdzas thams cad la mi lta bas dben pa la gzhol bar mi byed do/ /'phags pa'i lam yan lag brgyad la mos pas nges par 'byung ba la gzhol bar mi byed do/ /de'i 'bras bu nyon mongs pa spong ba la mos pas mya ngan las 'das pa la gzhol bar mi byed do/ /zag pa thams cad na mthong bas spang bar bya ba dang bsgom pas spang bar bya ba'i gnas gnyis kyis bsdus te/ de la tshul bzhin ma yin pa yid la byed pa dang/ dmigs pa ni zag pa'i gnas kyi chos zhes bya'o/ /de la slob pa'i bsgom pas spang bar bya ba'i zag pa kun nas slong bar byed pa'i tshul bzhin ma yin pa yid la byed pa dang dmigs pa shes rab kyis rtogs la spangs na mi spangs pa'i phyir zag pa'i gnas kyi chos de la sems zhi bar 'gyur ro/ /brjed ngas pa'i dbang las gyur pa'i kun nas dkris pa zhan pa'i phyir ni bsil bar ma gyur cing tshangs par ma gyur to/ /mthong bas spangs par bya ba kun nas slong ba'i zag pa thams cad kyi thams cad du spangs pas ni bsil bar gyur pa yin no/ /phyi ma la mi skye ba'i chos can yin pas ni tshangs par gyur pa yin no/ /dma' ba la mos pa so so'i skye bo de'i zag pa'i gnas kyi chos rnams la zhi ba nyid du ma gyur pas bsil bar ma gyur cing tshangs par ma gyur te/ legs par gsungs pa'i chos 'dul ba la rab tu byung ba ni rgyu bdun po 'di dag gis bslab pa phul nas nyams par 'gyur pa'i rgyur 'gyur ro/ /de las bsgom pa dkar po'i phyogs kyi rgyu bdun po de dag gis ni legs par gsungs pa'i chos 'dul ba la rab tu byung ba bslab pa phul nas nyams par 'gyur ba'i rgyur mi 'gyur ro/ /kun tu chags pa'i

  484. 242b

    gnas ni bzhi yod de/ dge slong gis de dag la brten na log par sgrub pa rnam pa bzhir 'gyur bar rig par bya ste/ bzhi gang zhe na/ 'di la dge slong nang gi skye mched la sred pas yang sred par skye ba la mngon par dga' la tshe 'di la mya ngan las 'da' bar 'gyur ba la ni mngon par mi dga' ba 'di ni kun tu chags pa'i gnas dang po'o/ /gzhan yang dge slong pa ma la sogs pa'i phyi rol gyi rdzas sngar spangs pa rnams la lta zhign sems thogs pa 'di ni kun tu chags pa'i gnas gnyis pa'o/ /gzhan yang 'dri na kha cig tshe 'di la rnyed pa dang bkur stis dga' zhing rnyed pa dang bkur sti la lhag par zhen pa 'di ni kun tu chags pa'i gnas gsum pa'o/ /gzhan yang 'di na kha cig slob pa gzhi mthong ba yin te nga'o snyam pa'i nga rgyal tsam zhig lus la chung zad sred pa dang ldan pa lhag par btang snyoms su byas pas bdag med par gnas pa 'di ni kun tu chags pa'i gnas bzhi pa'o/ /log par sgrub pa bzhi gang zhe na/ dang po ste yang srid par skye ba 'dod kyi tshe 'di las yongs su mya ngan las 'da' bar 'gyur ba mi 'dod pa'i gang zag gang yin pa dang/ slob pa bag med pa gang yin pa ste/ de ltar kun tu chags pa'i gnas de ni dbang du byas nas khyim na gnas pa dang rab tu 'byung ba rnams dang 'dre bar gnas pa 'di ni log par sgrub pa dang po'o/ /yang srid par skye bar 'dod pa gang zag nyid kyi yang srid par skye bar 'dod pa'i dbang du byas te smon nas tshangs par spyad par spyod pa 'di ni log par sgrub pa gnyis pa'o/ /phyi rol gyi rdzas sngar spangs pa rnams la lta ba dang bcas pas kun tu chags pa'i gnas de'i dbang du byas te/ bslab pa phul nas nyams par 'gyur ba 'di ni log par sgrub pa gsum pa'o/ /da ltar gyi dus kyi sgo nas rnyed pa dang bkur stis dga' bar gyur la rnyed pa dang bkur sti la lhag par zhen pa'i gang zag ni kun tu chags pa'i gnas de'i dbang du byas nas tshul khrims 'chal par 'gyur ba nas rgyas par lung bod

  485. 243a

    ltar kun tu spyod pa'i bar du sbyar te /de ni rnyed pa dang bkur sti la lta ba des bslab pa yang 'bul bar mi byed la gang gis 'chal pa'i tshul khrims 'chags par byed pa'i kha na ma tho ba la yang mi lta ba 'di ni log par sgrub ? bzhi pa'o// dge slong don la mi mkhas pa ni don gcig la tshig gi rnam pa sna tshogs su 'dug par gtam gzhan dag las thos na 'di la gang bden zhig snyam du yid gnyis bzhing? ma 'das? par 'gyur ro/ /bzhi po 'di dag ni ye shes gzigs pa rnam par dag pas brtag pa'i sgo yin te/ bzhi gang zhe na/ 'di lta ste sdug bsngal gsum brtag pa la brtson pa'i tshor ba rnams 'byung ba'i rgyu la yang dag pa ji lta pa bzhin du shes pa dang rten dang gzhi dang gnas kyi rgyu yang dag bar shes pa dang de bzhin du gnas pa'i rgyu yang dag par shes pa dang /de bzhin du rten dang dmigs pa dang rang bzhin dang grogs thams cad dang bde ba dang sdug bsngal ba dang/ sdug bsngal pa yang ma yin bde ba yang ma yin pa'i gnas kyi 'du byed rnams la yang dag pa'i shes pa'o/ /de bzhin gshegs pa ni rgyu gnyis kyis gang zag don la mi mkhas pa dang yid gnyis za ba 'dul bar mdzad de/ 'di lta ste yid gnyis spang ba'i phyir tshig dang nges pa'i tshig tha dad pa ston par mdzad kyi don tha dad pa ni ma yin no/ /bstan pa'i don rgyas pa yang gleng bar mdzad de nges na des don mngon par shes par 'gyur ro/ /bstan pa 'di'i don rgyas pa gang zhe na/ tshogs kyi sa yan chad zag pa zad pa man chad la ni bstan pa'i don rgyas pa zhes bya'o/ /de la de bzhin gshegs pa'i 'dul ba tha ma'i dbang po yongs su smin pa la gnas pa ni chos bdag med pa dang ldan pa dang legs par bzung zhing brtan por gyur pa thos pa dang bsams pa las byung ba'i yang dag pa'i lta ba dang ldan te de la brten cing de la gnas nas gcig pu dben pa na 'dug ste/ nang dang phyi rol gyi skye mched rnams la dmigs pa bcas nas rnam

  486. 243b

    par shes pa'i gnas bzhi po rnams kyi nye bar len pa dang bcas pa'i rnam par shes pa spang ba'i phyir lus su gtogs pa'i dran pa zhi gnas dang lhag mthong gis yongs su zin pa sgom par byed de kun tu bstan pa'i rgyus rnam par shes pa'i gnas dang po la yang dag pa ji lta bzhin bzhin du dmigs shing mngon par rtogs pa nye bar gyur pa'i zhi gnas dang lhag mthong zung du skye bar 'gyur ro/ /de'i 'og tu bden pa rnams kyang khong du chung par 'gyur la ji ltar thob pa'i lam bsgom pa'i sgo nas kyang rjes su 'gro zhing zag pa zad pa 'thob par 'gyur ro/ rnam par shes pa'i gnas dang po la yang dag pa ji lta ba bzhin du dmigs pa bzhin du rnam par shes pa'i gnas bzhi pa'i bar du yang de dang 'dra bar rig par bya'o/ /snga ma bzhin du dbang po'i sgo ma bsdams pa'i gang zag nyon mongs pa'i kun nas dkris pa la mngon du phyogs la 'jig rten dang/ 'jig rten las 'das pa'i so sor brtag pa dang/ bsgom pa'i stobs dang/ gnyen po med pa nyon mongs pa byung ba dang du len pa'i ngang tshul can la ni bdud kyis 'di ni dang du len pa'i ngang tshul can yin no snyam du rig nas yul bsnyon pa'i tshul gyis 'ong bar 'gyur te/ nges de ltar nyon mongs pa dang du len pa'i ngang tshul can gyi gang zag la 'jug pa'i glags dang de'i rgyud la gnas par 'gyur pa'i dmigs pa rnyed par 'gyur ro/ /dbang po'i sgo ma bsdams pa'i gang zag de mya ngan las 'das pa la 'dun pa'i shas chung zhing 'dod pa'i shas chung bas 'dam bu dang rtswa skam po'i khyim dang 'dra ste der 'dud kyis chags par 'gyur ba'i yul gyi rtswa'i mgyogs me btang na gnas thod par 'gyur te/ de ni kun nas dkris pa ma skyes pa skyed pa dang skyes zin pa rgyun tu gnas par byed pa'i rgyu gnyis kyis yul rnams kyi zil gyis non par 'gyur ro/ /de yul gyi sred pa nges zil gyis non nas yul yongs su tshol bar byed mi dge ba lhag par spyod la log par sgrub pa na sng ma bzhin du sdig pa mi dge ba'i chos rnams kyis zil gyis

  487. 244a

    non par 'gyur ro/ /log par sgrub pa ni lam log par 'gro ba yin te/ rgyun log par zhugs pa la ni rgyun log pa zhes bya'o/ /de las bzlog pa'i dkar de'i phyogs ni rgyan ma log par rig par bya'o// //rnal 'byor spyod pa'i sa las gzhe bsdu ba/ /bam po bcu gcig pa/ srid pa tha ma pa'i byang chub sems ngo pa'i yang dag par nan tan du sgrub pa'i lam dang/ 'bras bu'i lam ni rnam pa brgyad kyis bsdus te/ nyan thos kyi theg pa las khyad par du 'phags shing/ gong na med par rig par bya'o/ /brgyad gang zhe na /snying brtse pa dang/ bdag nyid mngon par spro ba dang/ chos spyod pa bzod pa dang/ nges par 'byung ba dang/ bdag nyid kyis bden pa spyod pa yang dag par rtsom pa dang/ 'jig rten pa'i yang dag pa'i lta brgya chen pa legs par bsgoms pa mngon sum du byed pa dang/ byang chub kyi phyogs kyi chos zab pa med pa rnams 'thob pa la brten nas bsil ba'i rang bzhin thob pa dang/ byang chub kyi yan lag bsgom pa rnam par dag pa dang ldan pa'i bsgom pa'i lam dang/ gnas drug bsgom pa yongs su rdzogs pa la brten nas bla na med pa'i phun sum tshogs pa rnam pa drug thob pa'o/ /de la srid pa tha ma'i byang chub sems dpa' yun ring pa nas sems can la snying brtse bas sems yongs su bsgom pas srid pa'i chu klung gi rgyun phyogs su khyer zhing byis pa rnams rnam pa lngas sdug bsngal pa mthong nas snying rje bar byed do/ /lnga gang zhe na/ des srid pa'i chu klung rtog pa ngan pa'i mi sdug pa'i chu'i 'dus te reg pa dang ldan pa de mthong ste/ nang dang phyi rol gyi skye mched dang/ 'dod chags dang/ zhe sdang dang/ gti mug gi me'i me ma mur gyi 'gram gnyis dang ldan la zhabs su ni 'dod pa'i khams kyi sdug bsngal mang po dang/ gnod pa mang po tshar ma sna tshogs bting ba dang/ bar na ni gzugs kyi

  488. 244b

    'jig rten pa'i shes rab kyi mig med pas ldod pa dang/ steng na ni 'jig rten ba'i shes rab kyi mig yongs su rdzogs kyang 'phags pa'i shes rab kyi mig med pas mun pa mun nag tu gyur par yang dag par mthong ste/ de ltar sred pa'i chu klung de reg pa dang 'dri dang zhabs dang bar dang steng gang gi nas kyang rab du ma zhi bar mthong nas der seMs can ltung ba rnams la snying rje chen po skye ba gang yin pa 'di ni snying brtse ba zhes bya'o/ /snying brtse ba de dang ldan pa de ni rgyal po'i pho brang ngam/ mdun na 'don pa'i khyim du skyes te/ khyim par 'dug bzhin du bdag nyid mngon par spro ba skyes nas go 'phang gi mchog rtogs par bya ste/ bdag ni phyir ldog par mi bya'o/ /changs par spyod pa'i mchog tu 'gro'o snyam pa 'di ni de'i bdag nyid kyi mngon par spro ba yin no/ /de yang khyim nas ma byung bzhin du gcig pu lkog dpen par song ste shing 'dzam bu'i gri ma la 'dug nas bsam gtan dang po la snyoms pa 'jug ste/ de bdag dang gzhan la yang rga ba dang/ na ba dang/ 'chi bsi chos can yin par yang dag par rtog cing bzod pa 'di ni de'i bdag nyid kyis chos spyod pa bzod pa yin no/ / de sngon gyi dge ba'i rtsa bas bskul ba dang/ chos spyod pa bzod pa la mngon par spro ba de'i dbang du byas nas 'dod pa rgya chen po spangs te/ nges par byung nas tshangs par spyang pa bcas pa med bzhin du rang nyid kyi tshul khrims yang dag par len par byed do/ /tshul khrims de dag la brten nas kyang 'du shes med 'du shes med min skye mched kyi bar du snyams par 'jug pa 'di ni de'i nges par 'byung ba zhes bya'o/ /de mos par ma gyur nas 'jig rten pa'i lam de bor? te nges par 'byung ba'i phyir sngon gyi yang dag par rdzogs pa'i sangs rgyas rnams las bla na med pa'i nges par 'byung ba thos nas mos pas rgyud yongs su bsgos pa'i phyir byang chub kyi shing drung du song nas/ snga ma'i dga' ba dang/ na ba dang/ 'chi ba'i brtag pa de 'ba' zhig lam yin par 'dzin cing de nyid la bden ba'i rnam par

  489. 245a

    brtag pa rtsom/ kye ma 'jig rten 'di ni nyam nga bar zhugs pa yin te/ 'di lta ste/ skye yang skye/ rga yang rga/ 'chi yang 'chi mod? gyi 'on kyang sems can 'di dag ni rga ba dang 'chi pa'i gong du nges par 'byung ba yang dag pa ji lta ba bzhin du rab tu mi shes so snyam nas/ de mthar gyis rga ba dang/ 'chi ba kun 'byung ba dang/ rga pa dang/ 'chi ba 'gag pa dang/ rga ba dang 'chi ba 'gag par 'gyur ba'i lam tshul bzhin yid la byed pa brten pa dang/ tshogs chen po yang dag par bsgrub pas lhan cig skyes pa'i blos chos rnams gnas pa'i dbyings yod gis gnas pa las brtsams pa 'di ni de'i bdag nyid kyis bden pa spyod pa yang dag par rtsom pa zhes bya'o/ /de gong du zag pa zad par bya ba la sbyor bar 'dod nas sngon gyi yang dag par rdzogs pa'i sangs rgyas rnams las zag pa zad par bya ba'i lam thos pa dang/ bsams pas yun ring po nas 'dris par byas pa'i 'jig rten pa'i yang dag pa'i lta ba gang yin pa de bsgoms nas de sngon gyi gnas rjes su dran pa'i shes pas mngon sum du byed/ de ni de'i man ngag lta bu yin te/ de la brten cing de'i rjes su song na stan gcig la 'dug bzhin pas zag pa zad pa man chad 'thob par 'gyur te/ 'di ni de'i yang dag pa'i lta ba rgya chen po legs par bsgoms mngon sum du byed pa zhes bya'o/ /de yang dag pa'i lta ba gdams ngag lta pu de nyid kyi rjes su song bas thog ma kho nar ci yang med pa'i skye mched kyi 'dod chags dang bral te/ bden pa mngon par rtogs pa'i mod la zag pa med pa byang chub kyi phyogs su gtogs pa'i chos dran pa nye bar gzhag pa la sogs pa nas 'phags pa'i lam yan lag brgyad pa man chad khong du chud par 'gyur ro/ /man chad smos pas ni snga ma thams cad kyang rtogs par byas pa yin no/ /des de dag thob pas phyir ma 'ong par 'gyur to/ /'di ni zag pa med pa byang chub kyi phyogs su gtogs pa'i

  490. 245b

    chos rnams thos pa'i phyir de'i bsil pa'i rang bzhin thob pa zhes bya'o/ /des de ltar 'jig rten pa'i bde ba khyad par du 'phags pa thob nas zag pa med pa'i bde ba thob cing bsil ba'i rang bzhin thob pas ni rims nad med pa'o/ /'jig rten pa'i lam gyis ci yang med pa'i skye mched man chad dang ldan pa'i nyon mongs pa dang bral ba dang/ mthong bas spang bar bya ba'i nyon mongs pa dang bral bas na yongs su gdung ba med pa'o/ /srid pha'i rtse yod dang ldan pa'i nyon mongs pa ma lus par spang ba'i phyir yang gcig tu nges par zag pa med pa'i lam 'di lta ste/ byang chub kyi yan lag bsgom pa gang na med pas sbyor bar byed do/ /'di ni de'i sgom pa'i lam yang dag par rtsom pa bla na med pa zhes bya'o/ /bsgom pa des na mi slob pa'i sa la de'i chos drug bsgom pa yongs su rdzogs par 'gyur te/ 'di lta ste/ 'phags pa'i rdzu 'phrul bsgom pa yongs su rdzogs par 'gyur ba dang/ dbang po lnga yongs su rdzogs par 'gyur ba dang/ nyon mongs pa bag chags dang bcas pa ma lus pa dang bral ba 'thob pa dang/ tshe 'di la bde bar gnas pa gzhi dang/ 'jig rten pa'i bsam gtan dang/ rnam par thar pa dang/ ting nge 'dzin dang/ snyoms par 'jug pa rnams dang/ ches bstan pa la ming gi tshogs dang/ tshig gi tshogs dang/ yi ge'i tshogs rnams la ci 'dod pa thob pa dang/ dka' ba med pa thob pa'o/ /de la mya ngan las 'das pa la bsam pa rnam par dag pa thob pa'i phyir ni dad pa'i dbang po bsgom pa yongs su rdzogs par 'gyur ro/ /sems can gyi don bya ba la mngon par spro ba shin tu rnam par dag pa'i phyir ni brtson 'grus kyi dbang po'o// dran pa nye bar gzhag pa rnam pa gsum la brjed nges pa med pa'i chos nyid shin tu rnam par dag pa'i phyir ni dran pa'i dbang po'o/ /'phags pa dang lha dang tshangs pa'i gnas pa shin tu rnam par dag pa'i phyir ni ting nge 'dzin gyi dbang po'o/ /shes pa bcu'i

  491. 246a

    stobs shin tu rnm par dag pa'i phyir ni shes rab kyi dbang po bsgom pa yongs su rdzogs par 'gyur te/ de nas drug po de dag bsgom pa yongs su rdzogs par 'gyur ba'i rgyus chos kyi rgyal po phun sum tshogs pa rnam pa drug brnyes pa'i rgyal por 'gyur te/ 'phags pa'i rdzu 'phrul gyi sgo nas ni nor gyi dbang phyug rgya chen po phun sum tshogs pa brnyes so/ /dbang po dag pa'i sgo nas ni gnas pa chen po phun sum tshogs pa brnyes so/ /nyon mongs pa spangs pa'i sgo nas ni reg na bde ba'i mal stan phun sum tshogs pa brnyes/ /tshe 'di la bde bar gnas pa'i sgo nas ni gnas dang mal stan la gnas pa mchog tu gnong pa med cing bde bar gnas pa phun sum tshogs pa brnyes so/ /bsam gtan dang/ rnam par thar pa dang/ ting nge 'dzin dang/ snyoms par 'jug pa'i sgo nas ni sems can thams cad kyi don sgrub pa'i rtse zhing dga' ba phun sum tshogs pa brnyes so/ /ming dang/ tshig dang/ yi ga'i tshogs la ci 'dod pa thob pa'i sgo nas ni gzhan dag la chos kyi dbang phyug gi sgo bsha' bya ba phun sum tshogs pa brnyes te/ 'di ni de'i gnas drug bsgom pa yongs su rdzogs pa la rten nas phun sum tshogs pa rnam pa drug brnyes pa zhes bya'o/ /bzhi po 'di dag ni bdag yongs su tshol bar smra ba ste/ smra ba de dag gis 'jig chogs la lta ba ma spangs pa rnams bdag yongs su tshol ba'i rtog pa kun tu spyod de/ bzhi gang zhe na/ 'di lta ste/ bdag gis bdag gi rang bzhin gang yin zhes bya ba dang/ ci bdag gi bdag rtag gam mi rtag gam zhes bya ba dang/ ji ltar ni rtag ji ltar mi rtag ces pa dang/ bdag gi bdag gang na gnas zhes bya ba'o// nga yang mdor bsdu na bdag gi rnam pa bzhi yongs su tshol ba ste/ rang bzhin dang/ tshul dang/ rgyu dang/ gnas yin par rig par bya'o/ /de la rnam pa gsum gyis ni 'du byed rnams gdags su rung ste/ gdags pa de yang phyin ci ma log pa yin no//

  492. 246b

    rnam pa gcig gis ni gdags su ye mi rung ngo/ /de la bdag gi rang bzhin gdags pa ni skye mched bcu gnyis las byung ba'i rnam par shes pa rnam pa drug tshor ba dang/ 'du shes dang/ sems pa rnams dang bcas pa ste/ de las gung na med do/ /bdag de ni mi rtag ste skye ba dang rga ba dang 'chi ba'i phyir ro /'du byed de rnams kyang gang gi phyir 'gro ba rnams su lus mngon par 'grub pa yongs su ma grub pas na sgyu ma lta bu'o/ /'du shes dang sems dang lta ba phyin ci log ste /rmongs par byed pa'i bda nyid yin pas na/ mig rgyu lta bu'i chos can no/ /skye ba dang/ 'jig pa'i chos can yin pas na 'ong pa dang 'gro pa'o/ /skad cig pa yin pas na re zhig pa'o/ /zhig go cig ni myur du de las gzhan du mtshams sbyor bas gnas yun? thung ba'o/ /gang nas kyang mi 'ong la gang du yang mi 'gro bas na med pa las 'byung ba dang/ yod pa las phyir 'gro ba'o/ /de yang mdor bsdu na rnam pa 'di rnams kyis skye ba gcig nas gcig tu brgyud pa'i mi rtag pa nyid dang rgyu dang bcas pa dang/ skad cig pa gcig nas gcig tu brgyud pa'i mi rtag pa nyid dang/ rgyu dang bcas pa bstan te/ de ltar na rnam pa gsum po 'di dag gis ni bdag gi rang bzhin dang tshul dang rgyu tshul bzhin gdags par byas pa yin no/ /'du byed rnams la bdag gi gnas gdags su ni mi rung ste/ de las gzhan pa'i 'du byed pa med pa dang/ nges na bdag gi don gzhan du gyur pa med pa'i phyir ro/ /de bas na 'du byed rnams ni kun rdzob tu yang stong pa yin te/ gdags su mi rung na don dam par lta ci smos te/ de bas na gcig tu nges par stong pa rnams la stong ngo snyam pa kho nar sems la tshul bzhin du thos pas brnga sprang pa dang/ bsam pas 'dzin du gzhug pa dang/ bsgom pas nges par rtog tu gzhug pas go rim bzhin du mgu bar bya zhing yang dag par mgu par bya ste yongs su mgu bar bya ba'o/ /sdom ni/ 'dod chags

  493. 247a

    shas ni che ba dang/ /gdams ngag dang ni sdug bsngal gnas/ /dpyod pa dang ni nga rgyal med/ /bkur sti bya ba'i 'os min dang/ /rig pa rnam grol bsgom pa dang/ /bdag med par ni smra ba dang/ /mnyam par bzhag dang chos mthong dang/ /sdug bsngal ba ni tha ma yin/ /gang zag ni rgyu gsum gyis 'dod chags chen pos yul la kun tu sbyor de/ gsum gang zhe na/ nyams stobs dang ldan pa yin te/ nyam chung ba ma yin pa dang/ byad? bzang ba yin te/ byad ngan pa ma yin pa dang/ 'dod chags kun tu bsten pa yin te/ 'dod chags btang snyoms su byas pa ma yin pa'o/ /de ltar gang zag 'dod chags shas chen po yang gnyen po gsum gyis yongs su zin na legs par gsungs pa'i chos 'dul ba la tshangs par spyod cing gnas pas sems dul zhing rnam par zhi bar 'gyur na/ 'dod chags chung ngu dang 'bring ngam snyon mongs pa'i shas chung ba ji smos/ gsum gang zhe na/ dbang po'i sgo bsdams pa la brten nas 'dod pa'i bsod nyoms kyi mdza' rnam par spong ba dang/ /ba zas kyi tshong zin pa dang srod dang tho rangs la mi nyal ba la brtan nas bdag nyid ngal bar byed pa'i mdza' rnam par spong ba dang/ dran pa dang shes bzhin ngam pa la brten nas dbu ma'i lam gyis nges par 'byung ba'o/ /de la dran pa nye bar gzhag pa'i bzhi la sems shin tu gnas pa ni rgyu zhing 'gro ba na yul mngon sum du gyur pa'i mtshan ma dang rtags nye bar bzung ba'i tshe tsher pa skye ba dang/ gnas pa dang/ 'gag pa yang dag pa ji lta ba bzhin du rtogs pa gang yin pa 'am/ mtshan ma dang rtags nye bar bzung nas 'du shes rnams skye ba dang/ gnas pa dang/ 'gag pa yang dag pa ji lta ba bzhin du rtogs pa gang yin pa dang/ de'i rgyus gnas na 'dug pa'i rtog pa skye ba dang gnas pa dang 'gag pa yang dag pa ji lta ba bzhin du rtogs pa de lta bu'i dran pa dang/ rnam pa

  494. 247b

    thams cad du yul las seMs kun tu srung bar byed pa 'di ni dran pa dang/ shes bzhin dam pa zhes bya'o/ /gzhan yang dran pa dang shes bzhin dam pa ni 'gog pa'i snyoms par 'jug pa thob pa dang/ mtshan ma med pa thob pa dang/ rtog pa med cing dpyod pa med pa thob pas 'phags pa dang/ lta'i gnas pa la brten nas dran pa dang shes bzhin dam pa yin par rig par bya ste/ dran pa dang shes bzhin dam pa'i gnas de las ches 'das pa gud na mod/ de la 'gog pa'i snyoms par 'jug pa las ldang ba'i tshe dang/ langs te gnas pa dang/ snyoms par zhugs pa'i tshor ba rnams skye ba dang/ gnas pa dang 'gag pa yang dag pa ji lta ba bzhin du rtog pa ni dran pa dang shes bzhin dam pa yin no/ /'gog pa'i snyoms par 'jug pa'i tshor ba rnams ji lta ba bzhin du mtshan ma med pa'i snyoms par 'jug pa'i 'du shes rnams dang/ rtog pa med cing dpyod pa med pa'i snyoms par 'jug pa'i rtog pa rnams de dang 'dra'o/ /de la chos tsam 'dzin pas na dran pa zhes bya ste/ tshor ba dang 'du shes dang/ rtog pa rnams la bdag gam bdag gir rtog pa med do/ /byis pa ni tshor ba'i rigs pa dang 'du shes dang/ rtog pa skye na yang/ byis pa ni tshor ba la sogs pa'i chos de dag la chos tsam du 'du shes par mi 'gyur te/ de ni 'di ltar bdag gis tshe ro snyam du 'dzin par zad de rgyas par sbyar ro/ /de bas na de'i de ni dran pa dang shes bzhin bar yang mi 'gyur na/ dam pa'i de lta ga la 'gyur/ de dran pa dang shes bzhin dam pa phyi ma sho ni phyir mi 'ong ba 'am dgra bcom pa'i yin par rig par bya'o/ /snga ma shes ni yid la byed pa thob pa'i so so'i skye bo bag yod pa yan chad yan cig phyir 'ong ba man chad kyi'o/ /de bzhin gshegs pa ni rgyu gnyis kyis nyid kyi sku bgres pa dang/ mnyel ba brjod pa'i sgo nas lang tshos rgyags pas myos shing bag med par gnas pa rnams skyo ba bskyed pa dang/ ma 'ongs pa'i dus na dge slong 'khogs shing

  495. 248a

    rgas? pa dang/ mthu med pa 'byung ba gang yin pa de dag kyang yid la gcagS ba med par dge slong gsar bu rnams la 'tshol bar 'gyur ba dang/ dge slong gsar bu rnams kyang yid la gcag pa med pa dang/ bag tsha ba med par gzhan dag la chos stan par 'gyur bar bya ba'i phyir nyan thos rnams gzhan dag la chos ston par yang dag par mdzud pa mdzad do/ /'dus shing 'khod pa rnams kyi chos kyi gtam ni rnam pa gnyis su rig par bya ste/ rnam par gtan la 'bebs pa'i gtam dang/ bstan pa'i gtam mo/ /de la rnam par gtan la 'bebs pa'i gtam ni 'dro ba'i tshul gyis the tshom gsal ba gang yin pa'o/ /bstan pa'i gtam ni chos nyan pa mi smr bar 'khod pa rnams la chos ston pa gang yin pa'o/ /gdams ngag rjes su bstan pa ni rnam pa bzhis mthun par byed pa zhes bya ste/ skye mched kyi bye brag gis 'du byed rnams la bdag med par shes pa'i lta ba rnam par dag pa dang/ gnas dang bcas pa'i tshor ba 'gag pa la mngon pa'i nga rgyal med cing zhi ba nyid du lta ba rnam par dag pa dang/ ma 'ongs pa'i sdug bsngal las yang dag par 'da' bar bya pa'i lta ba rnam par dag pa dang/ da ltar byung ba'i sdug bsngal las yang dag par 'da' bar bya ba'i lta ba rnam par dag pa'o/ /de la nad dang phyi rol gyi skye mched dang/ rnam par shes pa dang/ reg pa dang/ tshor ba dang/ 'du shes dang/ sems pa dang/ sred pa'i tshogs kyi bye brag gis bdag med par yang dar par mthong bas ni rten cing 'brel par 'byung ba'i tshul gyis lta ba rnam par dag pa dang po bskyed par byed do/ /mar me la bsten pa'i 'od dam/ shing la bsten pa'i grib ma de med na/ de yang med pa bzhin du nang dang/ phyi rol gyi skye mched gyi rgyu las byung ba'i tshor ba rnams skye mched rnams ma lus par 'gags na de dag kyang 'gag par yang dag par mthong bas ni mngon pa'i nga rgyal med

  496. 248b

    pa'i mya ngan 'das 'das pa la zhi bar lta ba rnam par dag pa skyed par byed do/ /tshe 'di la shes rab kyis mtshon gyis nyon mongs pa thams cad spong bar yang dag par mthong bas ni tshe phyi ma'i sdug bsngal ma lus pa la zhe bdag min par 'da' bar bya ba'i lta ba rnam par dag pa bskyed par byed do/ /bde ba 'am/ sdug bsngal ba 'am/ sdug bsngal ba yang ma yin/ bde ba yang ma yin pa'i gnas kyi chos rnams la kun tu chags pa med pa dang/ kun tu zhe sdang pa med pa dang/ kun tu gti mug pa med par yng dag par mthong ba dang/ mthong ba'i lam la dran pa nye bar gzhag pa'i sems shin tu gnas par yang dag par mthong ba dang/ bsgom pa'i lam la byang chub kyi yan lag bsgom pa yang da par mthong ba ni 'di lta ste/ zag pa zad par bya ba dang/ tshe 'di la kun nas nyon mongs pa can dang/ sdug bsngal bar gnas pa las yang dag par 'da' bar bya ba'i lta ba rnam par dag pa skyed par byed do/ /dge slong dbang po rnams ma bsdams par gnas pa ni yul rnams la kun tu chags pa'i sems dang/ rnam par g.yengs pa'i sems su 'gyur te/ gnas ngan len las gyur pa dang/ chos la the tshom za ba las gyur pa'i sdug bsngal rnam pa gnyis nyams su myong bar 'gyur ro/ /de ci'i phyir zhe na/ 'di ltar de ni lus bsgom pa gang la brten na/ zhi gnas kyi yan lag gi tshul khrims ma bsgoms par 'gyur pa'i lus bsgom pa la brtson par ni byed pa'i phyir ro/ /zhi gnas kyi yan lag gi tshul khrims bsgoms pa'i rgyus ni lus dang/ sems shin tu sbyangs par mi 'gyur te/ des na gnas ngan len gyi sdug bsngal nyams su myong bar 'gyur ro/ /shin tu spyangs pa med na ni gang gi yang dag pa ji lta ba bzhin du shes par 'gyur ba'i ting nge 'dzin la yang reg par mi 'gyur ro/ /yang dag pa ji lta ba bzhin du ma shes na ni som nyi can dang/ the tshom du 'gyur ro//

  497. 249a

    de sdug bsngal bar gnas pa 'di gnyis kyis dbang bo ma bsdams pa'i phyir sdug bsngal ba dang bde ba med par gnas ba 'di ni tshe 'di la dbang po ma bsdams pa'i nyes dmigs yin no/ /de las bzlog pa ni phan yon yin par rig par bya'o/ /dge slong 'dod pa'i 'dod chags dang bral bar bya ba'i phyir brtson te/ yang dag pa'i sbyor ba'i lam gyis nyon mongs ba bkag ba ni ci bdag 'dod ba rnams la 'dod pa'i 'dun pa yod bzhin du mtshor ram 'on te med pa yin snyam ste/ spangs sam ma spangs pa/ sdug pa'i mtshan ma yid la byed pas nges par byed cing dpyod ba yid la byed ba la brten nas rtog par 'dod ba las nyon mongs pa ma spangs pa'i phyir 'dod pa'i kun tu rtog pa nyon mongs pa'i gzhi dang gnas gyur pa skye bar 'gyur te/ de dag gis 'phrog pa lta na/ 'di dag ni nyams par 'gyur bar byed pa yin no snyam du rig nas gtong par mi byed do/ /gal te bstod par gyur na ni ting nge 'dzin tsam zhig thob pa de las kyang yongs su nyams par 'gyur na khyad bar du 'gro bar lta gal 'gyur btang na ni nyams par yang mi 'gyur la khyad par du yang 'gro bar 'gyur ro/ /gal te brtag pa la yang ma byas na ni de ltar na yang mngon pa'i nga rgyal dang bcas pa'i phyir nyams par 'gyur ro/ /gang gis phyir rtag pa byas na nges par rtags par yang 'gyur la sems 'phrog cing 'dug pa yang/ yang dag par yongs su shes nas gtong bar byed de de bas na yongs su nyams par mi 'gyur ro/ /'dod pa'i 'dod chags dang bral bar bya ba'i phyir brtson ba ji lta ba bzhin du gong ma la yang de bzhin du rig par bya'o/ /gal te lta ba drag pos ji ltar brtags kyang 'dod pa'i kun tu rtog pa rnams mi skye na ni des gang la dmigs na nyon mongs pa skye bar 'gyur ba'i skye mched de zil gyis non to snyan du nges par thob par 'gyur ro/ /des skye mched de zil gyis non pas na slob ba'i sa

  498. 249b

    las yang dag par 'das? nas/ rang gi sems la dbang de yod pas na rgyal po lta bu'o/ /bdud thams cad las rnam bar rgyal bas na g.yul las rnam par rgyal ba'o/ /zad ba dang mi skye ba'i ye shes kyis ni tshangs par spyod ba yongs su rdzogs pa thob par 'gyur ro// dbang po drug po rnams snga ma bzhin du rnam par zhi ba rnam pa lngas rnam par ma zhi pa ni sdug bsngal rnam pa gsum yongs su 'dzin pa'i 'bras bu can du rig par bya'o/ /tshe 'di la dbang po'i dbang las byung ba'i kun nas nyon mongs pa can du gnas pa dang/ de bzhin du mi dge ba kun tu spyod pa'i rgyu las byung ba'i gzhan gyis nyams par byas pa'am/ smad pa'am /gsang pa'am/ gcing ba 'am/ de la sogs pa'i tshe 'di'i sdug bsngal dang/ tshe phyi ma'i skye ba dang rga ba dad na ba'i sdug bsngal dang/ tshe phyi ma'i sngon bsgoms pa las byung ba'i rgyu dang mthun pa'i dbang po ma bsdams pa ste/ de yang kun nas nyon mongs pa can yin pa'i phyir sdug bsngal yin no/ /de las bzlog pa ni rnam pa lngas dbang po rnams rnam par zhi bar 'gyur te/ sdug bsngal rnam pa gsum med par gyur ba'i 'bras bu can yin par rig par bya'o/ /'di gnyis ni kun rdzob kyi bram ze yon gnas kyi mngon pa'i nga rgyal can yon gnas su khal che ba rnams kyi yon gnas ma yin ba'i brtags yin te/ de gnyis dang ldan na bkur sti ba ba'i las ma yin par rig par bya ste / gzhan las rnyed pa 'am/ bkur sti byung nas dam por lhag par zhen par 'gyur la/ dbang po rgod par 'gyur ba dang/ drod mi thub par snang ba gang yin pa de dag ni 'dod chags dang bral ba'i spyod pas nye bar gnas pa ma yin no/ /khyim dang du smad kyi tshogs yongs su 'dzin pa'i 'du 'dzi yongs su nyon mongs ba can du 'gyur bas bdag nyid 'tsho bar byed pa gang yin pa ste/ de dag ni de ltar log par zhugs pas bdag dang gzhan gyi don gyi spyod pa yang ma yin la tshul khrims dang chos spyod pa yang med/ mtho ris su

  499. 250a

    'gro ba'i dge ba spyod pa yang med /mya ngan las 'da' bar 'gyur ba'i dge ba'i spyod pa yang med de/ byis pa so so'i skye bo thams cad dang yang khyad par med par rig par bya'o/ /de las bzlog pas ni chos 'di pa rnams don dam pa'i bram ze yin par rig par bya'o/ /'di las phyi rol pa'i dge sbyong dang bram ze rnams ni slob ma rnams la chos bstan pa phal cher klan ka tshol ba'i phan yon can dgag la 'dzin pa las thar pa'i phan yon can yin te /de yang yang dag par na don med pa dang phan yon med par rig par bya ste/ bdag la phan par 'gyur ba yang ma yin gzhan la phan par 'gyur ba yang ma yin no/ /de bzhin gshegs pa'i ni nyan thos rnms la chos bstan pa rig pa dang rnam par grol ba'i 'bras bu'i phan yon can yin te/ 'bras bu tshe zhing phan yon che la bdag dang gzhan la phan pa yin par rig par bya'o/ /de la dus gsum du mchog tu kun tu rmongs pa med par gnas pa'i don gyis dmigs pa rnam pa gsum gyis bye brag gis na rig pa gsum la rig pa zhes bya'o/ /de la sems rnam par grol ba dang/ shes rab rnam par grol ba ni sred pa dang/ ma rig pa'i rtsa ba can gyi kun nas nyon mongs pa gnyen po yin pa'i phyir rnam par grol ba zhes bya'o/ /rig ba dang rnam par grol ba ma thob pa de thob par bya ba'i phyir ni lam rnam pa bzhi bsgom par rig par bya ste /'di lte ste/ dbang po bsgom pas lus bsgom pa dang/ lus bsgom pas drangs pas legs par spyod pa ste tshul khrims bsgom pa gang yin pa dang /tshul khrims bsgoms pas drangs pa'i dran pa nye bar gzhag pa'i byang chub kyi yan lag bsgom pas sems dang/ shes rab bsgom pa gang yin pa'o/ /de la dbang po bsgom pa ni rnam pa gsum ste /'jig rten pa'i dang/ slob pa'i dang/ ni slob pa'i ste/ gal te so so sor brtags pa'i stobs la brten te sdug pa dang mi sdug pa'i yul las tshul bzhin ma

  500. 250b

    yin pa'i mtshan ma bzung bas nyon mongs pa'i kun nas dkris pa mi bskyed pa 'am skyes zin pa sel bar byed pa 'di ni 'jig rten pa'i bsgom pa'o/ /bden pa rtog pa de'i brjed ngas pa las yid du 'ong ba dang/ yid du mi 'ong ba dang/ yid du 'ong ba dang yid du mi 'ong ba gnyi ga skye bas sems yongs su gtugs te mi 'dug la/ myur ba kho nar kun nas nyon mongs de las rnam par grol bar 'gyur ba gang yin pa 'di ni slob pa'i sgom pa'o/ /gang gi tshe de'i sems de gnas pa kho nar 'gyur te/ snga ma bzhin du nang rgya mi chung zhing shin tu rnam par grol la legs par bsgoms te/ thams cad kyi thams cad du brjed ngas pa tsam gyis yid du 'ong ba dang yid du mi 'ong ba la sogs pa de dag la brten pa'i rnam pas mthun par yid mi 'jug pa 'di ni mi slob pa'i dbang po bsgom pa shin tu yongs su dag pa yin par rig par bya'o/ /de bzhin du tshul khrims dang sems dang shes rab bsgom pa yang rnam pa gsum du rig par bya ste/ dang po ni dbang po bsgom pa dang pos drangs so/ /gnyis pa ni gnyis pas drangs so/ /gsum pa ni gsum pas drangs so de bzhin du tshul khrims bsgom pa dang/ sems dang shes rab bsgom pa la yang rnam pa gsum gyis 'dren par rig par bya'o/ /de la yul yid du 'ong ba dang yid du mi 'ong ba'i bye brag dang/ sems can phan 'dogs pa dang /gnod pa byed pa'i bye brag dang /sems can yon tan dang ldan skyon dang ldan pa'i bye brag dang /sems can snying du sdug pa dang snying du mi sdug pa'i bye brag gis gcig tu nges par yid du 'ong ba dang /gcig tu nges par yid du mi 'ong ba dang/ 'dren ma las yid du 'ong ba dang/ yid du mi 'ong bar 'gyur bar rig par bya'o/ /de la yul gyi bye brag yis ni yul gcig tu nges par yid du 'ong ba yang yod/ /gcig tu nges par yid du mi 'ong ba 'ang yod /'dren ma ste chung zad de'i yid du 'ong ba dang /chung zad yid du ma 'ong ba

  501. 251a

    yang yod do/ /de bzhin du sems can kha cig ni gcig tu nges par phan 'dogs so/ /kha cig ni gcig tu nges par gnod pa byed do/ /kha cig ni phan yang 'dogs la gnod pa yang byed do/ /sems can kha cig ni gcig tu nges par yon tan dang ldan no/ /kha cig ni gcig tu nges par skyon dang ldan no/ /kha cig ni yon tan dang skyon gnyis ka dang yang ldan te/ sems can gang dag la byams ba las byams ba skye ba de ni gcig tu nges par 'dod cing yid du 'ong ba'o/ /gang dag la zhe sdang skye ba de ni gcig tu nges par yid du mi 'ong ba'o/ /gang dag la byams pa las zhe sdang ba skye ba dang/ gang dag la zhe sdang ba las byams pa skye ba de ni yid du 'ong ba dang yid du mi 'ong ba zhes bya'o/ /de la nyes bar spyod pa'i tshe 'di dang phyi ma'i nyes dmigs yang dag par mthong na de yongs su spangs nas legs par spyod pa sgom par byed de/ gnas drug dang ldan pa'i thams cad kyi sgo nas gzhan gyis smad pa 'gyur ba ni tshe 'di'i nyes dmigs so/ /ngan 'gror 'gro ba ni tshe phyi ma'i'o/ /de la gzhan gyis smad pa ni mu stegs can rnams dang/ 'jig rten dang 'khor rnams las sdig can dang /mi snyan ba dang /grags pa ma yin ba dang/ tshigs su bcad ba ma yin pa phyogs dang phyogs mtshams rnams su 'byung ba yin par rig par bya'o/ /lhag ma ni ji skad gsungs pa bzhin no/ /de la dran pa nye bar gzhag pa bsgom pa na so so'i skye bo'i sa la ni dran pa yang dag byang chub kyi yan lag brtsams so/ /slob pa'i sa la ni sgom par byed do/ /mi slob pa'i sa la ni sgom pa yongs su rdzogs par 'gyur ro/ /byang chub kyi yan lag bsgom pa na spong ba'i khams ma thob pas spong ba'i khams 'dod ba'i tshe ni dben pa la brten pa'o/ /'dod chags dang bral ba ? mas ma thob pas de 'dod pa'i

  502. 251b

    tshe ni 'dod chags dang bral ba la brten pa'o/ /'grog pa'i khams ma thob pas de 'dod pa'i tshe ni 'gog ba la brten pa'o/ /byang chub kyi yan lag ches dma' bsgom ba spangs nas gong du ches bzang bar bsgyur ba ni spong bas yongs su bsgyur ba'o/ /de la dge slong dbang po bsdams pa ni ngo tsha shes pa dang ldan zhing/ khrel yod pa dang ldan te /nges na nyes par spyod pa 'jem zhing legs par spyod pa sgom bar byed do/ /de ltar legs par spyad pa spyod pa de ni 'gyod pa med do/ /'gyod pa med na mchog tu dga' ba sngon du 'gro bas ting nge 'dzin du 'gyur ro/ /sems mnyam par gzhag na yang dag pa ji lta ba bzhin du mthong bar 'gyur ro/ /yang dag pa ji lta ba bzhin du mthong na go rim 'di bzhin du rig ba dang rnam par grol ba yongs su rdzogs par 'gyur bar rig bar bya'o/ /dge sbyong dang bram ze kha cig bdag nyid kyis dbang po ma bsgoms par yul la mi phyogs ba tsam gyis dbang po rnaM pa sdams bar mthong nas gzhan dag la tshul bzhin ma yin par dbang po bsgom ba brda sprod bar byed de/ de dag kyang rang gi slob ma la lhag par zhen nas kha cig la ni rjes su chags la kha cig ni kho 'khro bar 'gyur te/ 'di lta ste/ bsgom pa nyams su len pa dang/ nyams su mi len pa las yid du 'ong ba dang /yid du mi 'ong ba kun tu spyod pa'i phyir ro/ /bdag nyid kyi kun nas nyon mongs pa cha phra ba de yang shes rab kyis mi rtogs te/ des na bdag ni dbang po bsgoms pa yin no snyam du rlom sems su byed do/ /de dag gi lta ba rung bar 'dzin pa gang yin pa de dag kyang dbang bo rnams yul la phye nas gcig bu gnas te /dmigs pa de la bdag nyid kyi kun nas nyon mongs pa dang bral ba khong du mi chud de /de dag ni dbang po bsgoms pa yang ma yin la dbang po bsgoms pa'i phyir yang dag par brtson pa yang ma yin te/ gzhan gyi tshig la mngon par dad pa tsam gyis log par mos shing log par nga rgyal byed pa tsam du zad do/ /de bzhin

  503. 252a

    gshegs pa ni nyan thos rnams la tshul bzhin du nyon mongs pa spang ba'i phyir dbang po bsgom pa brda sprod par mdzad de/ gcig tu nges par yul la mi phyogs bar mdzad pa ma yin la de bzhin gshegs pa'i ma 'dres pa'i dran pa nye bar gzhag pa gsum la thugs shin tu brtan par gnas te/ des na nyan thos rnams la lhag bar zhen pa med pas yang dag par sgrub pa yid du 'ong ba kun tu spyod pa dang log par sgrub pa yid du mi 'ong ba kun tu spyod pa'i sgo nas rjes su chags pa'i kun nas nyon mongs pa dang /kun nas mnar sems kyi kun nas nyon mongs pa 'byung bar mi 'gyur te/ des na de ni nyan thos rnams dang nyon mongs pa spangs par 'dra yang dbang po bsgoms ba bla na med pa yin no/ /dbang po bsgom pa de yang 'khor rnam pa lnga'i bye brag gis rnam pa lngar bsgyur bar rig par bya ste/ bcom ldan 'das kyi nyan thos ni gcig tu nges par yang dag par zhugs pa dang/ gtan du yang dag par zhugs pa yang yod do/ /kha cig ni gcig tu nges bar log par zhugs pa dang/ gtan du log par zhugs pa yod do/ /yang dag par zhugs la gtan du ma yin pa yang yod do/ /log par zhugs la gtan du ma yin pa yang yod do/ /sna mang po yang yod de/ de'i nang nas kha cig ni yang dag par zhugs /kha cig ni bag med kha cig ni kha cig tu bag med pa la kha cig tu bag yod de phyogs gcig byed pa 'di ni 'khor lnga pa'o/ /de la de bzhin gshegs pa'i thugs su byon ba ni 'di yin te/ nyan thos legs par gsungs ba'i chos 'di lta ste/ dbang po bsgom ba yongs su rdzogs par bya ba la yang dag par nan tan du sgrub par byed pa gang yin pa rnams so/ /thugs su ni byon ba ni 'di yin te/ log par sgrub pa 'am/ yang na nan tan du ma sgrub pa'o/ /de bas na de bzhin gshegs pa ni 'khor snga ma gzigs na ni thugs su byon pa skye la /gnyis pa

  504. 252b

    gzigs na ni thugs su mi byon pa skye'o/ /gsum pa gzigs? na ni thugs su byon pa dang /thugs su mi byon pa skye'o/ /bzhi pa gzigs na ni/ thugs su mi byon dang/ thugs su byon pa skye'o/ /lnga pa gzigs na ni thugs byon pa yang skye /thugs su ma byon pa yang skyes/ thugs su byon pa dang/ thugs su mi byon pa yang skye'o/ /de bzhin gshegs pa ni de ltar rnam pa lngar bsgyur pa'i sgo nas thugs su byon pa dang /thugs su mi byon pa skye med kyi 'on kyang de bzhin gshegs pa ni bag chags dang bcas pa'i nyon mongs pa dang bral ba la dbang bo bsgoms bas na rjes su chags pa'i rnam pa dang /khong khro bo'i rnam pas kun nas nyon mongs pa can du mi 'gyur ba dag? de bas na de bzhin gsheD pa ni bag chags dang bcas pa'i nyon mongs pa spang ba dang/ de nyid la brten nas dgongs pa legs par gnas pas rnam pa lngar sbyar ba'i sgo nyan thos rnams ba kun nas nyon mongs pa mi 'byung ba'i phyir dbang po bsgoms pa bla na med pa zhes bya'o/ /de na de bzhin gshegs pa ni rnam pa lngar bsgyur ba thams cad du ci rigs par gnyen po rnam pa gsum thugs la dgongs te /'di lta ste/ mi rtag pa'i 'du shes dang/ byams pa dang /mtshan ma med pa'i ting 'dzin te/ de yang ci rigs par rig par bya'o/ /bcom ldan 'das kyi nyan thos ngon? byas pa mi slob pa ni dbang por bsgoms pa zhes bya ba yin te/ de ni yun ring po nas mya ngan las 'das pa la mngon par dga' ba'i phyir snga ma bzhin du sems can nam sems can ma yin pa'i yul gcig tu nges par 'dod pa 'am gcig tu nges par 'dod pa ma yin pa 'am /de bzhin du 'dod pa dang mi 'dod pa'i snang ba dang phrad na 'dod chags dang zhe sdang dang gti mug dang bral ba'i phyir sems rnam par grol ba dang/ shes rab rnam par grol ba'i sgo nas myur ba myur bar mtshan ma med pas de las sems lhag bar btang snyoms su byed de /sems thag ba nas yul la ni mi mthun par 'du shes la mya ngan las 'das pa la ni zhi bar lta'o//

  505. 253a

    gang de ltar myur du btang snyoms su gnas shing gang skad cig kyang brjed ngas pa las gyur pa'i kun nas nyon mongs pa'i sems mi skye ba de tsam gyis na dbang po legs par bsgoms pa yin par rig par bya'o/ /slob pa'i rgyud ni nyon mongs pas 'dres pas na myur du btang snyoms su gnas pa ma yin no/ /rnam pa gsum du bsgyur ba thams cad du yang nyon mongs ba la sdang ba'i phyir nyon mongs pa kun tu spyod pas 'dzam zhing mi mthun pa'i 'du shes dang nyes dmigs kyi 'du shes kyis gnas te /de ltar zhugs pa'i dbang po bsgom pa yongs su rdzogs par 'gyur te /de bas na yang dag par zhugs pa'o/ /de ltar na legs par gsungs pa'i chos 'dul ba 'di ni ston pa'i sgo nas kyang mdzes la nyan thos rnams kyis thob par bya ba'i don 'thob pa dang /yang dag par nan tan du sgrub pa'i sgo nas kyang mdzes so/ /bdag med par smra ba ston pa'i sga nas yang dag pa'i las su bya ba gsum byed pa yin te /gsum gang zhe na/ sdug bsngal dang kun 'byung ba'i bden pas bsdus pa'i 'du byed rnams kyi rang gi mtshan nyid dang spyi'am tshar nyid yang dag par gleng pas bdag med par rnam par gzhag pa ste/ de la sna tshogs mang po'i bdag nyid kyis ni rang gi mtshan nyid brtag pa dang/ skye ba dang 'jig pa brtag pas ni spyi'i mtshon nyid brtag pa ste /'di ni yang dag pa'i las su bya ba dang po'o/ /gzhan yang bdag ni med la rgyu dang bcas pa'i 'du byed tsam zhig yod pa la ci nas kun nas nyon mongs pa dang rnam par byang bar 'gyur ba de yang dag pa ji lta ba bzhin du gleng ba ni yang dag pa'i las su bya ba gnyis pa ste /de la tshor ba rnam pa gsum rten cing 'brel par 'byung ba la nyon mongs pa'i bag la nyal rnam pa gsum spangs te mthong ba'i lam la ba'o snyam pa'i lta ba'i bag la nyal yang dag par ma bcom pa dang bsgom pa'i lam la nga'o snyam pa'i nga rgyal gyis bag la

  506. 253b

    nyal yang dag par bcom pa dang lta ba dang nga rgyal gyi phyogs dang mthun pa de kun nas slong bar byed pa'i ma rig pa yang ma spangs la de'i gnyen po rig pa yang ma bskyed pas na sdug bsngal mthar 'byed pa'i ma 'gyur ba 'di ni kun nas nyon mongs pa yang dag par mkhyod pa yin no/ /de las bzlog pa ni rnam par byang ba yang dag par mthong ba yin par rig par bya'o/ /gzhan yang 'du byed rnams la bdag tu sgro 'dogs pa'i bdag tu lta ba yang spangs la bden pa 'dzin pa'i bdag med bar lnga ba la brten nas ji ltar rnam bar byang bar 'gyur ba'i gleng bar bya ba'o/ /bdag med par lta ba de yang so so'i skye bor gyur pa kho nas legs par bzung na slob par 'gyur ba'i bden pa mngon par rtogS pa'i 'phags pa'i shes par kyi mig thob bar 'gyur ro/ /de'i gong du mi slob bar gyur pa'i zad pa dang mi skye ba'i ye shes kyang thob par 'gyur ro/ /slob ba dang mi slob pa'i mthong ba dang /bsgom pas spang bar bya ba'i nyon mongs pa ma lus par spong bar 'gyur ro/ /de bas na 'di ni bdag med par lta ba de'i rnam bar byang bar 'gyur ba gleng ba yin par rig par bya'o/ /tshes 'di pa 'jig rten pa'i yang dag pa'i lta ba dang ldan pa mar du thos pa mnyam par ma gzhag pa'i las ni chos 'di pa 'jig rten pa'i yang dag par lta ba dang ldan pa mang du thos ba mnyam par gzhag pa yang dag pa'i sbyor ba'i 'bras bu'i phan yon rnam pa lngas khyad par du 'phags par rig par bya ste/ lnga gang zhe na /chos 'di pa snga ma shos ni thog ma kho nar sems mnyam bar ma gzhag pa'i phyir zhi gnas kyi yan lag gi tshul khrims yongs su dag cing yongs su ma bya ba yin la cig shos sems mnyam par gzhag pa ni yongs su dag cing yongs su byang ste/ 'di ni yang dag pa'i sbyor ba'i 'bras bu'i phan yon gyi khyad par dang po yin par rig par bya'o/ /gzhan yang mnyam par ma gzhag pa'i gang zag snga ma shos kyis ni tshor ba rten dang bcas dmigs pa dang bcas

  507. 254a

    grogs dang bcas 'gyur ba dang bcas pa yang dag pa ji lta ba bzhin du mi shes te/ mi shes pas na mi shes pa'i rgyu las byung ba'i nyes dmigs rnam pa gsum ste/ tshor ba'i kun nas nyon mongs pa las gyur pa dang /dus kyi kun nas nyon mongs pa las 'gyur ba dang /tshe 'di dang phyi ma'i kun nas nyon mongs ba las gyur bas gos par 'gyur ro/ /de la tshor ba'i kun nas nyon mongs pas kun tu rmongs nas bde ba'i tshor ba 'gyur ba dang bcas pa'i bar la kun tu chags pa ni der kun tu chags par 'gyur la sdug bsngal ba la ni khong khro ba dang ldan no/ /sdug bsngal ba yang ma yin bde ba yang ma yin pa la ni kun tu rmongs te/ kun nas dkris pa dang bag la nyal gyi sgo nas ni chags so/ /bag la nyal gyi sgo nas ni ldan pa dang kun tu rmongs so/ /de la dus kyi sgo nas nyon mongs pa ni da ltar gyi dus na ni chags shing sdang la kun tu rmongs so/ /'das dus na ni lta ba dang ldan no/ /ma 'ongs pa'i dus na ni sems 'dogs so/ /de la tshe 'di dang phyi ma'i kun nas nyon mongs pa ni de? de ltar sems kun nas nyon mongs pa can du gyur pa'i phyir tshor ba dang dus kyi kun nas nyon mongs pas yang srid par skye ba'i las bsags pas 'di lta ste/ skye bar 'gyur ba'i phyir yang srid par skye ba'i phung po yang nye bar sogs la srid pa ste yang srid par skye ba'i srid pa dang/ longs spyod kyi srid pa yang 'phel bar byed do/ /yang srid par skye ba'i sred pas ni phyi ma la lus mngon par 'grub par byed do/ /longs spyod kyi sred pas ni yongs su tshol ba la zhugs pa na ngal bar 'gyur ro/ / yul thob tu zin kyang nyon mongs pas gos bar 'gyur la ma thob na yang 'dod pa mi rnyed pas gdungs par 'gyur ro/ /thob pa las nyams na yang mya ngan dang 'khrug pa rnams kyis gzir bar 'gyur te/ 'di ni de'i tshe 'di'i nyes dmigs so/ /yang srid par skye

  508. 254b

    pa'i las dang nyon mongs pa gang yin pa de byas shing bsags pa'i phyir phyi ma la skye ba dang rga sha'i sogs pa'i sdug bsngal gyi khyad par rnams skye bar 'gyur ba 'di ni tshe phyi ma'i 'o/ /sems mnyam par gzhag pa'i gang zag cig shos ni de las bzlog pa yin par rig par bya'o/ /'di ni gnyis pa yin te snga ma bzhin no/ /gzhan yang gang zag snga ma shes ni sems mnyam par ma bzhag pas bdag dang gzhan rnams kyi mi shes pa las gyur pa'i nyes dmigs te/ de yang dag ba ji lta ba bzhin du mi shes la /cig shes ni sems mnyam par gzhag pas yang dag pa ji lta ba bzhin du shes so/ /'di ni gsum pa ste /snga ma bzhin no/ /gzhan yang sems mnyam par gzhag pa'i gang zag nyes dmigs de yang dag pa ji lta ba bzhin du shes shing bsgom pa'i sa la zhugs pa cig shos kyi ni bdag med pa dang ldan pa'i yang dag pa'i lta ba sngar thob pa de bsgom pa des spong ba'i khams dang/ 'dod chags dang bral ba'i khams kyi dus gnyis su byang chub kyi phyogs dang mthun pa'i chos thams cad dang bcas par yongs su rdzogs bar 'gyur la sems mnyam par ma gzhag pa'i gang zag snga ma shos kyis ni yongs su rdzogs par mi 'gyur ro/ /'di ni bzhi pa ste snga ma bzhin no/ /gzhan yang sems mnyam par gzhag pa'i gang zag gis ni mang du thos pa lhag mthong gi yan lag gang yin pa de ting nge 'dzin gyis yongs su zin pas lhag mthong yongs su dag par 'gyur te/ de bas na de'i zhi gnas dang lhag mthong gnyi ga mnyam du zung du 'brel bar 'gyur la sems mnyam par ma gzhag pa'i gang zag gis ni mang du thos pa dang bcas par gnyi ga med par rig par bya ste/ yang dag pa'i sbyor ba'i 'bras bu'i phan yon 'di ni chos 'di pa yang dag pa'i lta ba dang ldan pa mang du thos pa sems mnyam par ma gzhag pa'i gang zag las chos 'di pa yang dag pa'i lta ba dang ldan pa mang du thos ba sems mnyam par bzhag pa'i khyad par

  509. 255a

    du 'phags pa lnga pa yin par rig par bya ste /des de ltar zhi gnas dang lhag mthong thob pa des spong ba'i khams su yongs su shes par bya ba ni yongs shes /spang bar bya ba ni spong bar byed/ mngon sum du bya ba ni mngon sum du byed/ bsgom par bya ba ni sgom par byed do/ /'dod chags dang bral ba'i khams su ni yongs su shes pa dang /spangs pa dang/ mngon sum du byas pa dang/ bsgoms zin par gyur te gzugs te rten dang/ de'i? ste rten ba yang yongs su shes so/ /yongs su shes par 'gyur ro/ /ma dag pa ste rten dang /srid pa'i sred? pa ste sten pa yang spong ngo/ /spangs par gyur to/ /rig pa rnam par dag pa'i shes pa ste rten dang/ rnam par grol ba nyon mongs pa spang pa ste/ brten pa yang mngon sum du byed do/ /mngon sum du byas par gyur to/ /zhi gnas te rten dang /lhag mthong sde? brtan pa yang bsgom mo/ /bsgoms par gyur to// chos mthong ba ni gnyis te/ 'dus byas kyi chos mthong ba dang 'das ma byas kyi chos mthong ba'o/ /de la 'dus byas gyi chos mthong? ba ni ji ltar 'di na kha cig bden pa'i gnas kyang yang dag pa ji lta ba bzhin du rab tu shes la bden pa yang yang dag pa ji lta ba bzhin du rab tu shes te/ bden pa'i gnas gang zhe na/ ming dang gzugs ni mi'i rang bzhin zhes bya ba'o/ /bden pa gang zhe na/ kun rdzob kyi bden pa dang /don dam pa'i bden pa'o/ /kun rdzob kyi bden pa gang zhe na/ bden ba'o gnas de nyid la bdag gam sems can nam srog dang skye ba po'i 'du shes pa gang yin pa dang/ bdag gis mig gis gzugs rnams mthong ngo zhes bya ba nas yid kyis chos rnams rnam par shes so zhes bya ba'i bar du khas 'che ba dang/ 'di ltar de'i ming 'di zhes bya ba nas snga ma bzhin du tshe'i tshad ni 'di tsam mo /zhes bya ba'i bar du tha snyad 'dogs so/ /de'i 'du shes shing kha 'che la tha snyad 'dogs pa tsam gang yin pa 'di ni kun rdzob kyi bden pa'o/ /don dam pa'i bden pa gang zhes bden pa'i gnas de ni mi rtag pa nas snga ma bzhin du

  510. 255b

    rten cing 'brel bar 'byung ba'i bar du sbyar te/ mi rtag pa nyid ji lta ba bzhin du sdug bsngal ba nyid kyang de dang 'dra'o snyam nas/ gang de ltar kun rdzob dang don dam pa'i bden pa'i gnas la kun rdzob kyi bden pa la yang kun rdzob kyi bden pa yin pa dang/ don dam pa'i bden pa la yang don ? dam pa'i bden pa yin par yang dag pa ji lta ba bzhin du rab tu shes pa'i dge slong de la ni 'dus byas kyi chos mthong ba dang ldan pa zhes brjod par 'os so/ /'dus ma byas kyi chos mthong ba gang zhe na /bden pa'i gnas la bden ba rnam pa gnyis la mkhas pa'i mkhas pa de nyid la brten nas phung po thams cad yang dag par zad pa'i mya ngan las 'das pa la zhi bar lta ba'i sems 'jug pa yin pa nas snga ma bzhin du rnam par grol bar 'gyur ba'i bar du sbyar ba 'di ni 'dus na byas kyi chos mthong ba zhes bya ste /de dang ldan ba'i dge slong de ni 'dus ma byas kyi chos mthong ba zhes brjod par 'os? so/ /chos mthong ba de yang gang zag gsum la yod par rig par te/ so so'i skye bo chos kyi rjes su mthun pa'i chos la zhugs pa/ sems mnyam par gzhag pa mkhas shing yang gzhungs la tshul bzhin du chos la spyod par byed/ ba dang /de bzhin du slob pa bzhi mthong ba dang /me slob pa zag pa zad pa la yang yod do/ /lha dang mi phun sum tshogs pa mngon par 'dod pa'i phyir smon nas tshangs par spyad pa spyod pa la ni lha dang mi'i nyes dmigs gnyis su 'gyur bar shes par bya'o/ /gnyis gang zhe na/ nyon mongs pas bskyed pa'i sdug bsngal dang mi rtag pa nyid kyi bskyed ba'i sdug bsngal lo/ /nyon mongs pas bskyed ba'i sdug bsngal gang zhe na/ lha dang mi rnams ni da lta ? yul la kun tu dga' bar gnas la/ 'das pa'i dus kyi sgo nas ni yul la dga' o/ /da ltar gyi rdzas? su ? pa'i yul gyi dga' ba la brten pas ni yul la kun nas dga' o/ /ma 'ongs pa'i dus su da ltar byung ba'i yul gyi dga' ba la brten pas ni yul la mngon par dga' o/ /de ltar dus gsum du kun nas nyon mongs pa can du gnas pa de dag la ni 'dod ba mi rnyed pa las

  511. 256a

    'byung ba'i sdug bsngal dang /skye ba dang rga ba la sogs pa'i sdug bsngal bar shes par bya ste/ 'di ni kun nas nyon mongs pa las gyur pa'i sdug bsngal skye ba'i nyes dmigs so/ /mi rtag pa nyid las gyur pa'i sdug bsngal gang zhe na/ bde ba dang 'thun pa rnams dang 'bral zhing 'gyur ba las 'gyur ba'i sdug bsngal 'byung ba dang/ sdug bsngal ba dang mthun pa rnams dang phrad ba las skye ba'i sdug bsngal 'byung ba dang/ lus thams cad 'chi ba'i tshe 'gag par 'gyur ba las 'gog pa'i sdug bsngal 'byung ba dang/ rnam ba gsum po 'di dag ni mi rtag pa nyid las gyur pa'i sdug bsngal yin par rig par bya'o/ /de la de bzhin gshegs pa ni nyes dmiD gnyis pa las 'das pas na gcig tu nges bar bde ba la gnas pa yin no/ /de la bde ba de yang rig par bya ste/ gang gi bde bar 'gyur ba dang/ bde ba de'i thabs kyang rig par bya'o/ /bde ba gang zhe na /yul thams cad dang mtshungs bar ldan pa'i nyon mongs pa rnams zad nas bla na med pa'i grub pa dang/ bde ba phung po'i lhag ma dang bcas pa'i mya ngan las 'da' bar 'gyur ba'o/ /thabs gang zhe na/ snga ma bzhin du tshor ba rnam pa lnga yang dag pa ji lta ba bzhin du sngar bsgyur ba'i shes pa'o/ /de la nyan thos gang ston pa'i bde ba lha dang mi'i las yang dag par 'das pa bor te/ lha dang mi'i bde ba ngan pa 'dod pa de ni dam pa rnams kyis kyang smad par 'gyur la/ bdag nyid kyang bslus par 'gyur ro// //rnal 'byor spyod pa'i sa las gzhi bsdu ba/ /bam po bcu gnyis pa/ /sdom ni/ gnyis dang gnas ni gcig pa dang/ /mya ngan 'das las ring ba dang/ /mdor bstan so so rang rig dang/ /kun mkhyen dang ni de mtshan dbye/ / bslab pa dbul bar byed pa dang/ /las dang stong pa nyid dang ni/ /nye bar spyod dang rtag pa dang/ /ston pa dang ni nyan thos gnyis/ /rgyu gnyis kyis zla dang bcas te gnas par rig par bya ste/ sred pa dang bcas pa'i lus gnyis pa skye ba'i rgyu yang blangs te gnas pa

  512. 256b

    dang/ lus 'di 'gags pas kyang lus gnyis pa mngon par 'grub par 'gyur ro/ /sred pa dang bcas pa ji lta bu yin zhe na/ chags par 'gyur ba'i yul 'thob tu cha bar shes nas thog ma nyon mongs pa can gyi kun nas dga' ba ni kun tu dga' ba yin no/ /de'i 'og tu nam ma thob kyi bar du de yid la byed pas shas cher gnas pa dang/ thob pa nye bar ma spyad pa'i bar mdo'i dga' ba de kho na la brten nas yid bde bar gyur pas gnas pa dang/ nye bar spyad ba'i tshe yang lhag par zhen cing kun tu chags par 'gyur te /des bas na sred pa dang bcas pa zhes bya'o/ /ma 'ongs pa 'dod pa de thob pa yang yod pa ni kun tu dga' ba'o/ /'das pa rjes su dran pa ni dga' zhing bde pa'o /thob pa spyod pa la ni kun tu chags pa ste/ 'di yang rnam grangs gcig go /lus gnyis pa ji ltar mngon par 'grub ce na/ dga' ba de'i rgyu las phyi ma la skye ba dang rga ba'i rtsa ba las byung ba'i sdug bsngal skye bar 'gyur ro/ /de las bzlog pa ni zla med par gnas pa yin par rig par bya'o/ /nyon mongs pa rnams dang mya ngan las 'das pa 'di gnyis ni phan tshun mi mthun pa'i chos can yin te/ des na kun nas nyon mongs pa can du gnas pa ni yang srid par skye ba dang mthun par 'dug la yang srid par skye ba dang mthun par 'dug pa ni mya ngan las 'das pa las ring ba zhes bya'o/ /drug po 'di dag ni skyes bu gang zag mi srun pa rnams kyi mi srun pa'i rnam ba yin te /rang bzhin gyis khro pa dang /ma brtag par byed pa dang/ gzhan la gnod pa'i ngang tshul can sdug bsngal gyis reg par byed pa dang/ mi bden pa'i tshig rtsub po smra ba dang/ bden na yang gnod ba dang ldan pa'i tshig rtsub po smra ba dang/ de yang rnam grangs du mar i tshig rtsub po smra zhing nyang nyung tsam gyis snying mi tshim pa'o/ /rab tu byung ba'i stobs yang dag par blangs te 'dug pa na bzod pa dang nges pa'i rgyu gnyis kyis dge sbyong gi tshul gyis don kyang myur du 'thob lam? dad pa rnams ni dang par bya

  513. 257a

    ba dang/ dad pa rnams ni phyir zhing dad par bya ba la zhugs pa yin no/ /de la bzod pa ni gzhan dag lan du gnod par byed pas nye bar mi gnas pa'o/ /des pa ni bsam pa mi 'khrug cing gzhan la mi 'tshe ba'i dang tshul can no/ /mdor na de bzhin gshegs pa rnams kyi mthar thug pa ni mdor bsdu na gnas gnyis kyis bstan te phung po'i lhag ma dang bcas pa'i mya ngan las 'das pa'i dbyings dang/ phung po lhag ma med pa'i mya ngan las 'das pa'i dbyings bstan pa'o/ /de la nyon mongs pa spangs pa gang gis gang zag de spangs pa dang ldan la nyon mongs pa dang ldan pa ma yin pa de'i phyir de de'i 'bras bu yang srid par skye ba'i sdug bsngal la mi gnas par rig par bya ste/ /'di ni phung po lhag ma dang bcas pa'i mya ngan las 'das pa'i dbyings bstan pa yin no/ / gang gi phyir de yang srid par skye ba'i nyon mongs pa'i 'bras bu'i sdug bsngal la mi gnas pa de'i phyir de'i tshe'i tshad ji tsam yod pa zad par byas nas 'chi ba'i dus byed do/ /thams cad kyi thams cad du phung po'i lhag mas 'di dang gzhan du lus 'byung bar mi 'gyur zhing/ bar ma do'i srid pa 'byung bar mi 'gyur ro/ /de bas na sdug bsngal thams cad kyi mthar 'gyur ba thob pa yin/ 'di ni phung po'i lhag ma med pa'i mya ngan las 'das pa'i dbyings bstan pa yin no/ /dran pa'i stobs dang ldan pa'i rgyu ni gsum yod de/ na gzhon pa dang sngon gyi che rabs nas goms pa dang/ tshe 'di la goms pa'o/ /mya ngan las 'das pa'i chos so so rang rig pa na rnam pa lngar rig par bya ste/ 'di lta ste/ snga ma bzhin du dang pa nas lta ba ba la rtog pa bzod pa'i bar rnams ma yin par nang gi rang gi nang dang phyi rol gyi dbang gis byung ba'i kun nas nyon mongs pa yod pa dang med pa 'di lte ste/ tshe 'di nyid la yang dag pa ji lta ba bzhin du rab tu shes pa'o/ /sangs rgyas rnams kyi byang chub

  514. 257b

    ni shes bya thams cad rtogs ba dang/ yod pa dang med pa'i dngos po bden par rtogs pa dang/ kun nas nyon mongs pa dang rnam par byang ba'i phyogs dang mthun pa'i chos thams cad rtogs pa rnam pa gsum gyis rab tu phye ba yin te/ de pas na gnas gsum po dag tu gzhan rnams bcom ldan 'das la zhu bzhu bar byed do/ /'dus byas kyi chos lhan cig 'byung ba thams cad ni sems rmongs shing mtshan nyid la log par 'dzin pa'i rtog pa skyed par byed pa yin no/ /de bas na de bzhin gshegs pa ni nyan thos rnams mtshan nyid nges pa la 'jug par mdzad pa'i phyir rnam par dbye bar mdzad de/ mtshan nyid kyi de nyid shes pa rnams ni bdag kyang bslu bar mi 'gyur la/ gzhan dag la yang bag tsha ba med par ston par 'gyur ro/ /rab tu byung ba'i bslab pa 'bul ba'i sgo nas ni yul la lta ba rnam par bzhag par rig par bya'o/ /rab tu byung ba nyid kyi 'tshal ba'i tshul khrims kyi sgo nas ni rab tu byung ba nyid kyi 'jug pa mi phyogs pa sems kyi tha ba 'chab pa'i gzhi rnam par rig par bya'o/ /ngo tsha shes pa dang/ khrel yod pa dang bral bas gcig tu nges par ro myang bas bzung zhing dmigs pa'i yul gang yin pa de ni ro myang ba lhur len ba zhes bya'o/ /des kyang dge ba'i phyogs chen po bya ba las su mi rung pa'i tshul gyis sems tha bar byed do/ /de'i sgo nas kyang nyes par spyod pa kun tu spyod par 'gyur la sdig pa'i bsam pa yang mkhyud par 'gyur zhing 'chab pa bskyed do/ /de dag thams cad gcig tu bsdus pa ni ro myang ba lhar len pa'i yul sems kyis tha ba 'chab pa'i gzhi zhes bya'o/ /dbang po'i sgo ma bsdams pa spyod pa ni dam pa'i chos ma yin pa la brten nas ma rig pa'i 'dus te reg pa las byung ba'i nyon mongs pa can gyi yid la byed pa skye bar 'gyur te/ de'i sgo nas phyi ma la skye mched mngon par 'grub pa'i nyes dmigs yang dag pa ji lta ba bzhin du mi shes so/ /yang dag pa ji lta ba bzhin du mi shes na 'dod par 'gyur

  515. 258a

    ro/ /'dod par 'gyur na de dang ldan pa'i las byas shing bsags na phyi ma la skye mched drug mngon par 'grub ste go rim 'di bzhin du mi mthun pa'i tshul gyis skye mched drug ni las kyi rgyu las byung ngo/ /las ni sred pa'i rgyu las byung ngo/ /sred pa ni ma rig pa'i rgyu las byung ngo/ /ma rig pa ni tshul bzhin ma yin pa yid la byed pa'i rgyu las byung ngo/ /tshul bzhin ma yin pa yid la byed pa ni ma rig pa'i 'dus te reg pa'i rgyu las byung ba'i/ /de la sngon gyi las gang yin pa de ni tshe 'di la myong bar 'gyur ba'i skye mched drug gi rkyen to/ /che 'di'i las gang yin pa de ni skyes nas myong bar 'gyur ba'i skye mched drug gi rkyen to/ /yang na lan grangs gzhan la myong bar 'gyur ba'i gzhi'o/ /de bzhin du sred pa la sogs pa yang las la sogs pa yang las la sogs pa dang ci rigs par sbyor bar rig par bya'o/ /yang srid par skye ba ni yang srid par skye ba'i las dang/ yang srid par skye ba'i sred pa rnams? pa gnyis kyis mngon par 'grub par 'gyur te/ sems can 'di dag ni las ji lta ba bzhin du 'gro ba zhes bya'o/ /sred pa ji lta ba bzhin du 'gro ba zhes ni mi bya'o/ /de ci'i phyir zhe na/ sred pa ni mdor bsnga na 'dod pa'i sred pa dang gzuD kyi sred pa dang gzuD med pa'i sred pa'o/ de la 'dod pa'i sred pa gang yin pa da ni mi dge ba yin te/ rnam par sman pa dang bcas pa'i yin mod kyi sdig pa'i las kun nas ma bslang bar ngan song rnams su rnam par smin par mi byed do/ /gang gi tshe 'dod pa'i khams sred pa dang bcas pa'i ma rig pa'i 'dus te reg pa las byung ba'i tshor ba 'dod par gyur nas chags par 'gyur ba'i yul la 'dod chags pa dang/ zhe sdang bar 'gyur ba la zhe sdang bar dang/ gti mug par 'gyur ba la gti mug pa'i sgo nas mi dge pa'i las kun tu spyod de/ de'i phyir las des ngan song rnams su skye bar 'gyur gyi 'dod chags dang zhe sdang dang gti mug gis kun nas dkris pa tsam gyis ni ma yin no/ /sred pa ni las de'i rnam par smin pa mngon

  516. 258b

    par 'grub pa'i tshe nges pa kho nar grogs kyi bya ba byed par zad do/ /sdug ba'i yul 'dod pa'i sgo nas ni lus dang ngag dang yid kyis dge ba kun tu spyod de de'i rgyus ni bde 'gror skye bar 'gyur te/ der sdug ba'i rnam par smin pa 'phen cing mngon par 'grub pa na las nyi tshe rgyur 'gyur bar 'os kyis/ nyon mongs pa can gyi sred pa'i rang bzhin ni de lta ma yin no/ /gzugs dang gzugs med pa'i sred pa gang yin pa ni mi dge ba ma yin no/ /'on kyang nyon mongs pa can ni yin te/ de ni thams cad kyi thams cad du rnam par smin pa med pa kho na'o/ /de gal te gzuD dang gzugs med pa'i sred pas sred par 'gyur na ni dam pa'i chos thos pa la brten nas 'dod pa'i khams la rags par mthong ste/ reg pa'i 'dus te reg pa las byung ba'i 'jig rten pa'i tshor ba tshul bzhin yid la byed pa dang mtshungs par ldan pa dang phrad nas 'dod pa'i khams kyi 'dod chags dang zhe sdang dad gti mug gsal te dge ba zag pa dang bcas pa bsgom pa las byung ba'i las byed do/ /des na de'i 'dir bya ba'i las kyis der skye bar 'gyur gyi nyon mongs pa can gyi sred pas ni ma yin no/ /sred pa ni las do'i rnam par smin pas mngon par 'grub pa'i tshe grogs kyi bya ba byed par zad do/ /de bas na son rnams ni las ji lta ba bzhin du nga? 'gro ba zhes bya'i/ sred pa ji lta ba bzhin du 'gro ba zhes mi bya ba'i phyir ro/ /phyi rol gyi dngos po rnams la 'jig rten gyi gdags pa'i sgo nas 'bras bu 'ga' zhig tshor ba po las res 'ga' stong la res 'ga' ni mi steng par snang ste 'bras bu la ji lta ba bzhin du rgyu la'ang de dang 'dra'o/ /de yang kun rdzob kyi stong pa yin gyi don dam pa'i stong pa zhes ni mi bya'o/ /dus thams cad du 'du byed thams cad kyi 'bras bu dang? rgyu tsam zhig ni yod la tshor ba po dang byed pa po ni med pa gang yin pa 'di ni don dam pa stong pa nyid ces bya'o/ /de yang rnam pa bdun du rig par bya ste/ 'di lta ste phyi ma'i mdza' stong pa nyid dang/ sngon gyi mdza' stong pa nyid dang/ dbus stong pa nyid dang/ rtag pa stong pa nyid dang/

  517. 259a

    bdag stong ba nyid dang/ tshor ba stong pa nyid dang/ byed pa po stong pa nyid do/ /de la ma 'ongs pa'i dus na 'du byed rnams 'du byed kyi phung por 'dug ste/ de las 'du byed rnams skye ba'i tshe 'ong bar 'gyur ba med de/ gal te yong par 'gyur na ma 'ongs pa'i dus na rang bzhin gyis yongs su grub pa zin pa de dag ni skyer yang mi rung la mi rtag pa nyid du snang bar yang mi 'gyur ba'i rigs na snang zhing yang 'dug ste/ de bas na skye ba'i tshe gang nas kyang mi 'ong la med pa las yod par yang 'gyur ba 'di ni phyi ma'i mdza' stong pa nyid do/ /de la 'das pa'i dus na 'du byed rnams phung por 'dug ste/ /der 'du byed skyes nas 'gag ba rnams sogs par 'gyur ba med de/ gal te yod par gyur na 'das pa'i 'du byed kyi tshogs rang gi bdag nyid kyis gnas pa'i phyir 'du byed 'gag pa yang med pa kho nar 'gyur la 'gag pa med na ni rtag pa nyid du yang snang bar mi 'gyur ba'i rigs na snang zhing yang 'dug ste/ de bas na 'du byed rnams 'gag pa'i tshe gang du yang sogs par mi 'gyur la yod pa las 'gag pa'i rgyu la ma ltos par rang gi dang gis phyir med par 'gyur ba 'di ni sngon gyi mdza' stong pa nyi dang/ /'du byed rnams kyi skad cig pa skyes la ma 'gags pa la 'du byed tsam du snang ste/ de dag la dam yin pa'i 'du byed kyang med la don tha dad bar 'gyur ba yang med pa 'di ni dbus stong pa nyid dang/ rtag pa stong pa nyid dang/ bdag stong pa nyid du rig par bya'o/ /bdag med na ni 'bras bur gyur pa'i 'du byed rnams kyang tshor ba pos stong la rgyur gyur pa'i las kyang byed pa pos stong pa 'di ni tshor pa po dang byed pa po stong pa nyid do/ /tshor ba po dang byed pa po med pas na 'du byed tsam gyi sngon gyi skye ba ni 'gag la 'du byed tsam gyi skye ba gzhan ni 'byung bar 'gyur gyi sngon gyi rnams 'dor ba po yongs su med la phyi ma rnams len pa po yongs su yang med do/ /rten cing 'brel par 'byung ba'i chos rnams bskyed de zhes gsungs pa de ni byed pa po med pa'i chos thams cad la sus kyang ci yang skyed pa med mod kyi/ 'on kyang gang yod na gang

  518. 259b

    'byung ba 'gyur la gang skyes na gang skyes par 'gyur te/ chos tsam gyi rgyu dang 'bras bur gyur pa de la chos rnams nyid kyis chos rnams skyed do zhes brda 'di 'dogs par mdzad do/ /yid bde ba dang mthun pa'i yul la ni rnam pa lngas nye bar spyod cing kun tu chags te tshul bzhin ma yin pa'i mtshan ma 'dzin par byed do/ /'dun pa bskyed do/ /len mang du rjes su rtog par byed do/ /yongs su tshal bar byed do/ /de'i rgyus bsod nams dang bsod nams ma yin pa spyod do/ /yid bde ba dang mthun pa'i yul la ji lta ba de bzhin du yid mi bde ba dang btang snyoms dang mthun pa la yang ci rig bar sbyar bar rig par bya'o/ /de la khyad par ni 'di yod de yid mi bde ba dang mthun pa rnams la ni gnod sems su 'gyur ro/ /btang snyoms dang mthun pa rnams la ni rmongs par 'gyur ro/ /lhag ma ni snga ma bzhin no/ /dge slong dgra bcom pa zag pa zad pa na yul thams cad la nye bar spyod pa na brjed das pa tsam gyi sgo nas kyang nyon mongs pa skye bar 'gyur ba'i rgyur rtag tu mi 'gyur te de bas na rtag tu kun nas nyon mongs pa med par gnas pa'i phyir rtag tu gnas pa zhes bya ste/ nye bar spyod pa'i phyogs dang mthun pa'i yid bde pa dang yid mi bde ba gang yin pa des kyang dgra bcom pa ni yid bde bar yang mi 'gyur la/ yid mi bde bar yang mi 'gyur te/ dge ba gang yin pas ni de lta ma yin no/ /rtag tu gnas par bya ba de dag ni dka' ba dang/ mchog yin pa dang/ kha na ma tho ba med pa'i phyir de dag dang ldan pa ni dkon pa dang yon gnas kyi mchog yin par rig par bya ba nas spyan drang ba'i 'os yin pa'i bar du rgyas par sbyar te/ 'di lta ste rnam grangs bsdu ba las 'byung ba bzhin no/ /legs par gsungs pa'i chos 'dul ba la ston pa'i ston pa phun sum tshogs pa ni rnam pa gnyis rig par bya'o/ /nyan thos rnams kyi nyan thos phun sum tshogs pa yang rnam pa gnyis rig par bya'o/ /rnam pa gnyis po gang gis ston pa phun sum tshogs par rig par bya zhe na/ 'di lta ste/ gzhan la phan pa sgrub pa'i sgo nas tshor pa gang ci yang

  519. 260a

    rung ba 'di dag 'dir sdug bsngal ba yin no zhes bya ba la 'jug par bya ba'i phyir tshor ba rnams kyi rten bstan pa dang/ gzhi bstan pa dang/ kun nas nyon mongs par 'gyur ba nye bar spyod par 'gyur ba bstan pa dang /ston pa'i rtags mi mthun pa'i phyogs dang gnyen po rnam par bzhag pa bstan pa dang?/ rnam pa thams cad du nges par 'byung ba bstan pa 'di ni ston pa phun sum tshogs pa dang po'o/ /yang na bdag la phan ba sgrub pa'i sgo nas ma 'dres pa'i dran pa nye bar gzhag? pa gsum gyis kun nas nyon mongs pa med par gnas pa 'di ni ston pa phun sum tshogs pa gnyis pa yin par rig par bya'o/ /de la rnam pa gnyis po gang gis nyan thos phun sum tshogs par rig par bya zhe na/ de bzhin gshegs pa'i chos bstan pa ni tshad med do snyam du rig nas thos ba'i pha rol tu phyin par mi nus la/ gal te pha rol tu phyin par nus na yang de ni chos kyi rjes su mthun pa'i chos nan tan du sgrub pas des par 'byung bar bya ba'i phyir yin gyi/ gzung ba bya ba tsam gyi phyir ma yin no snyam du rig nas tshul bzhin du chos kyi rjes su mthun pa'i chos la zhugs pa yin te/ tha snyad dang sgra dang tshig ltur len pa ma yin pa 'di ni nyan thos phun sum tshogs pa dang po'o/ /de de ltar chos kyi rjes su mthun pa'i chos la zhugs nas dan don gyis chog par mi 'dzin te/ skyes bu cang shes bzang pos sa ji tsam bgrod par bya zhing thob par bya ba de thob pa kho nar 'gyur ba 'di ni nyan thos phun sum tshogs pa gnyis pa yin par rig par bya'o/ /gzhan yang legs par gsungs pa'i chos 'dul ba la ston pa'i ston pa phun sum tshogs pa ni rnam pa gsum gyis rig par bya'o/ /nyan thos kyi nyan thos phun sum tshogs pa yang rnam pa gnyis kyis rig par bya'o/ /ston pa phun sum tshogs pa rnam pa gsum gyis rig par bya ba gang zhe na/ 'di la de bzhin gshegs pa thog ma kho nar mdza' gnyis spangs pa'i dbu ma'i lam nyan thos rnams la brda sprod par mdzad pa 'di

  520. 260b

    ni phun sum tshogs pa dang po'o/ /gzhan yang ma dad pa rnams dang? log par zhugs pa rnams bstan pa 'di la? thabs legs par 'jug par mdzod pa 'di ni phun sum tshogs pa gnyis pa'o/ /gzhan yang zhugs zin pa rnams chos bzhin du bsdu ba rnam pa bzhes sdud par mdzad pa? 'di ni ston pa phun sum tshogs pa gsum pa'o/ /chos bzhin du bsdu ba rnam pa bzhi gang zhe na/ nang du yang dag 'jog pa'i gdams ngag 'tsham pa lkog tu ston to/ /mi 'tsham pas ma yin ba dang/ 'gal bar byed pa la mngon sum du 'tsham pa'i ngo bzlog gi tshig gis smra 'bebs te mi 'tsham pas ma yin pa dang zhen pa la brten pa'i rtog pa rnams la nang gi zhi ba bstan pa dang/ rtag tu dus dus su dam pa'i chos nyan du gzhug pa'o/ /de la dam pa'i chos ltar bcos pa dang spyod pa dang 'gal ba mi mthun pa'i phyogs ma rtogs pa ni nang du yang dag 'jog pa'i gdams ngag 'tsham pa lkog tu bstan pa yin no/ /'gal bar byed pa bden pa dang sma dbab bas 'dul bar rig nas nyon mongs pa can ma yin pa'i sems kyis byed pa ni 'tsham par mngon sum du smra 'bebs pa yin no// bden pa rnam par nges pa'i tshul gyis 'dod pa'i yon tan rnams la zhugs pa'i rtog pa rnams la nyes par mthong nas mthar gyis bsam gtan bzhi pa la snyoms par 'jug pa'i bar gyi zhen pa la brten pa'i rtog pa rnams zhi ba ni nang gi zhi ba yin no/ /bdag kyang yongs su ngal bar mi byed la gzhan dag gyang 'dzin du 'jug pa'i sgo nas ni rtag tu dus dus su dam pa'i chos nyan du gzhug pa yin par rig par bya'o/ /nyan thos phun sum tshogs pa gnyis gang zhe na/ 'di la nyan thos ni thog nar ston pa'i lta ba rung bar bya ba 'di lta ste/ chos rnams la bdag med par lta ba la zhugs te de ni chos rnams la bdag tu sgro btags nas log par mngon par zhen par yang mi byed la kun rdzob kyang chud gzon par mi byed de/ de lhag pa'i bsam pas rjes su 'gro bar yang mi byed la rjes su

  521. 261a

    tha snyad 'dogs pa las kyang 'gal bar mi byed pa 'di ni nyan thos phun sum tshogs pa dang po'o/ /de lta ba rung bar byas pa la zhugs nas chos kya? rjes su zhugs te/ chos kyi rjes su mthun pa'i chos la nan tan du sgrub cing chos bzhin du bsdu ba rnams bzhis bsdus pas chos gang sdug bsngal ba dang bcas shing phongs pa dang bcas pa de dag ni yang dag pa ji lta ba bzhin du yongs shes nas spong bar byed do/ /chos gang sdug bsngal med cing phongs pa med pa de dag ni mngon sum du byed de/ 'di ni nyan thos phun sum tshogs pa gnyis pa'o/ /de ltar na ston pa dang nyan thos phun sum tshogs pas bsdus pa'i sangs rgyas rnam kyi bstan pa 'di ni gcig tu nges par kun nas nyon mongs pa can ma yin pa rnam par dag pa mkhas pa rnams kyis 'jug par bya ba'i 'os yin par rig par bya'o/ /bzhi bsdub las skye mched rab tu rnam par 'byed pa zhes bya ba ste bsdu ba gnyis ba rdzogs so// //spyi sdom ni/ rnam par bzhag par bya ba dang/ /kun rjo ba dang ni don dam dang/ /reg pa'i rkyen dang sred 'gag dang/ /zas su 'gyur ba tha ma yin// sdom ni/ rnam par gzhag par bya ba dang/ /sdug bsngal phung po bden pa brtag/ brtan pa yongs su bsdu ba dang/ /shes pa cha phra mdza' brtag dang/ /dpyod dang mngon pa'i nga rgyal dang/ /zab mo yang ni tha ma yin/ /rten cing 'brel par 'byung ba ni mdor bsdu na rnam pa gsum du rnam par bzhag par bya ste/ sngon gyi mdza' nas dbus kyi mthar ji ltar 'byung ba dang /dbus kyi mdza' nas phyi ma'i mthar ji ltar 'byung ba dang/ ji ltar dbus kyi mthar byung ste 'dug pa rnam par byang bar yang 'gyur ba'o/ /de la sngon gyi mdza' nas dbus kyi mthar ji ltar 'byung ba dang byung nas kyang dbus kyi mthar ji ltar 'dug ce na/ ji ltar 'di na kha cig snga nas mi mkhas pas ma rig pa'i rkyen las byung ba'i bsod nams dang bsod nams ma yin pa dang mi g.yo ba'i lus dang dag dang yid

  522. 261b

    kyis las byas shing bsags te de'i rnam par shes pa yang las de'i rjes su 'gro zhing 'chi ba'i dus byed par yang mi 'gyur gyi bar du rjes su 'brang ste/ nyid mtshams sbyor ba'i rnam par shes pa'i rgyur gyur la nang dang phyi rol gyi sred pa yang rnam par shes pa de'i 'bras bu mngon par 'grub pa'i tshe grogs byas pa'i tshul gyis nye bar gnas so/ /de 'chi ba'i dus byas nas sngon gyi mdza' nas da ltar gyi dus su lus mngon par 'grub par 'gyur te mthar gyi ma'i mngal du rgyu'i rnam par shes pa'i rkyan gyis nyid mtshams sbyor ba'i 'bras bu'i rnam par shes pa 'di lta ste/ mer mer po'i sogs pa'i gnas skabs kyi/ byad par gyis gang nas gong du mngal na gnas ba de ming dang gzugs nas 'khogs pa 'khug pa'i bar du 'gyur ro/ /nyid mtshams sbyor bar sbyar ba'i mod la rnam par shes ba de skye bar 'gyur ba'i las gang yin pa de ni rnam par smin pa'? sgo nas 'bras bu smin zin pa yin no/ /rnam par smin pa las byung pa'i rnam par shes pa de'ang ming dang gzugs de nyid las gnas shing 'dug go /de yang mag la sogs pa rten drug po rnams la gnas shing 'dug ste/ des na ming dang gzugs kyi rkyen gyis rnam par shes pa zhes bya ste/ dbang po'i gzugs ni lhan cig byung ba dang/ ming 'gags ma thag pa ni rnam par shes pa drug po rnams kyi mthun mthun gyi rten yin te/ de la brten nas ji srid 'tshe'i? bar du rnam par shes pa 'jug par 'gyur ro/ /dbang po gzuD can lnga'i rta ni dang? po'i 'byung ba? chen pa rnams dang/ dbang po'i gnas 'byung ba chen pos bskyed pa'i gzugs yin pa dang/ ming gang yin pa ste gang gi dbang po rnams zin cing rgyud la gtogs la rgyun gyis gnas pa de gnyi ga bsdus pa ni rjes su 'jug pa'i rten yin te/ de ltar rnam par shes pa'i rkyen gyis ming dang gzugs/ mang? dang gzugs kyi rkyen gyis rnam par shes pa ste/ da ltar gyi dus na tsho'i tshad ji srid kyi thad du mdung khyim gyi tshul du 'dug go/ de ltar na sngon gyi mdza' nas dbus kyi mthar 'du byed rnams kyi rten cing 'brel par

  523. 262a

    'byung ba skye bar 'gyur la skyes zin ba rnams kyang dbus kyi mthar 'jug go/ de la mngal nas skye pa'i skye gnas can gyi 'jug pa'i rim pa ni de yin te/ sgo nga las skyo ba dang/ drod gsher las skye ba ni rang la ma gtogs par gzhan thams cad snga ma bzhin du rig par bya'o/ /sems can gzugs can 'dod pa na spyod pa dang gzugs na spyod pa rnams las sdus te skye ba'i skye gnas can ni dbang pho yongs su rdzogs bzhin du skye bar 'gyur te/ khyad par ni de yod do/ /gzugs med pa dag ni rnam par shes pa ming/ la yang brten la gzugs kyi sa bon la yang brten to/ /ming dang gzugs kyi sa bon yang rnam par shes pa la brten cing 'dug ste/ gzugs kyi rgyun chad zin pa las kyang gzugs kyi sa bon de las phyi ma la 'byung bar 'gyur te/ 'di la yang bye brag ni yod do/ / bsod nams kyi las kyis ni 'dod pa na spyod pa'i lta dang mi rnams kyi nang du skye'o/ /bsod nams ma yin pas ni ngan song rnams su'o/ /mi g.yo bas ni gzugs dang gzugs med pa rnams su'o/ /dbus dang mdza' nas phyi ma'i mthar 'du byed rnams kyi rten cing 'brel par 'byung ba ji ltar skyes bar 'gyur/ ji ltar ni ma skyes pa las rnam par byang bar 'gyur zhe na/ de ltar dbus kyi mthar byung ba'i gang zag nges ni sngon gyi las kyi 'bras bu rnam pa gnyis nyams su myong bar 'gyur te/ nang gi rnam par smin pa'i 'bras bu dang yul las skyes pa'i tshor ba'i dbang gi 'bras bu'o/ /de ni dam pa'i chos ma yin pa la snyen brtsan lam? yang sngon goms pas 'bras bu rnam pa gnyis la kun tu rmongs bar 'gyur te/ de nang gi rnam par smin pa'i 'bras bu la kun tu rmongs pas yang srid par skye ba mngon par 'grub pa sdug bsngal yin par yang dag pa ji lta pa bzhin du rab tu mi shes so/ /da sngon gyi mdza' dang phyi ma'i mdza' i ma rig pa'i dbang gis snga ma bzhin du 'du byed rnams byed cing sogs te/ de'i rnam par shes pa de tshe 'di nyid la las gsar du byed pa las de'i

  524. 262b

    rjes su 'gro bar 'gyur te/ de ltar na ma rig pa'i rkyen gyis 'du byed rnams skye la 'du byed rnams kyi rkyen gyis rnam par shes pa skye'o/ /rnam par shes pa de yang tshe 'di la rgyur gyur ba ste/ phyi ma la mngon par 'grub pa'i rnam par shes pa'i 'bras bu yongs su 'dzin pa'i phyir rgyu thams cad kyi sgo nas rnam shes drug gi tshogs zhes bya'o/ /rnam par shes pa de'ang phyi ma la yang srid par skye ba'i ming dang gzugs kyi sa bon dang sngon no/ /ming dang gzugs kyi sa bon de'ang phyi ma la yang srid par skye ba'i skye mched drug gis sa bon dang ldan no/ /skye mched drug gi sa bon de yang phyi ma la yang srid bar skye ba'i reg pa'i sa bon dang ldan no/ /reg pa'i sa bon de'ang phyi ma la yang srid par skye ba'i tshor ba'i sa bon dang ldan te/ 'di yang yang srid par skye ba'i dbus kyi mthar 'phin? pa'i rgyu yin par rig par bya ste/ des na rnam par shes pa la sogs pa nas tshor ba la zug pa'i lus mdza' dag 'phang so/ /de ltar rnam par smin pa'i 'bras bu la kun tu rmongs pa snga ma shes kyis yang srid par skye bar 'phangs nas yul las skyes pa'i 'bras bu la kun tu rmongs pa cig shos kyis yul gyi tshor ba la dmigs pa'i sred pa skyed par byed do/ /sred pa de skya ni 'dod pa yongs su tshol ba'am srid pa yongs su tshol bar byed de 'dod pa'i nye bar len pa 'am lta ba dang tshul khrims dang brtul zhugs dang/ bdag tu smra ba'i nye bar len pa len par byed de/ nye bar len pa blangs pa'i sred pa'i nye bar len pa dang bcas shing ldan pa 'phen pa'i rgyu snga ma la ni sring pa zhes bya'o/ /skye bo mngon par 'grub pa'i rgyus bsdus pa'i srid pa'i 'og tu 'chi ba'i dus byas nas/ 'phen pa'i rgyus ji ltar 'phangs pa'i rnam par shes pa la sogs pa'i 'du byed rnams tshor ba la thug pa yan chad rim gyis sam/ cig char 'byung bar 'gyur te/ de ltar tsho? ring la ma rig pa'i 'dus te reg pa las byung pa'i tshor pa'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye pa/ skye ba'i rkyen gyis rga ba dang na ba dang

  525. 263a

    'chi ba la soD pa sdug bsngal gyi khyad par rnams skye ba'i gnas kha cig tu mngon par 'gyur ro/ /kha cig tu ni sa bon dang 'brel pa rig par bya'o/ /de ltar na dbus kyi mdza' i ma rig pa'i rkyen gyis 'du byed dang/ tshor ba'i rkyen gyis sred pa la brten nas phyi ma'i mthar 'du byed rnaMs 'byung dang 'gyur ro gal te gzhan gyi sgra'am/ sngon gyi tshogs la brten te tshe 'di la 'bras bur gyur ba'i 'du byed rnams dang/ de dag gi rgyu dang/ de dag 'gog pa dang/ 'gog par 'gyur ba'i lam tshul bzhin du yid la byed na ni de tshul bzhin du yid la byed pa'i rgyus yang dag ba'i lta ba yang skyed la bden pa rnams la rim gyis slob pa dang mi slob pa'i ye shes mthong ba rnam par dag pa yang 'thob par 'gyur ro/ /de ye shes mthor ba des ma rig pa de dang sred pa de yang ma lus par sbyor te /de spangs pas de'i dmigs pa gang yin pa yang dag pa ji lta ba bzhin du shes pas ma rig pa'i 'dus te reg pa las byung ba'i tshor ba gang yin pa de yang spod bar 'gyur ro/ /de spangs pas ma rig pa dang 'bral ba'i phyir tshe 'di nyid la shes rab rnam par grol ba mngon sum du byed do/ /ma rig pa'i 'dus te reg pa las byung ba'i tshor ba dang mtshungs par ldan pa'i sems gang yin pa la mtshungs par ldan pa'i sred pa dang 'dod chags yod pa gang yin pa de yang sems de las bral ba dang/ 'dod chags dang bral bas sems rnam par grol ba mngon sum du byed do/ / de'i ma rig pa 'gags bsam rig pa ma spangs par yod pa la 'du byed dang rnam par shes pa la sogs pa nas tshor ba la thug gi bar du phyi ma'i mdza' i las brtsams te skye bar 'gyur ba gang yin pa de dag kyang mi skye la mi skye ba'i chos can du yang 'gyur te/ de bas na ma rig pa 'gags pas 'du byed 'gag pa'i rim gyis rnam par smin pa las byung ba'i reg pa 'gags pas rnam par smin pa las byung ba'i tshor ba'i bar du 'gag ces bya'o/ /tshe 'di la ma rig pa 'gags pas ma rig pa'i 'dus te reg pa

  526. 263b

    'gag ma rig pa'i 'dus te reg pa 'gags pas ma rig pa'i 'dus te reg pa las byung ba'i tshor ba 'gag/ ma rig pa'i 'dus te reg pa las byung ba'i tshor ba 'gags pas sred pa 'gag /sred pa 'gags pas snga ma bzhin du mi skye ba'i chos can gyis len pa la sogs pa nas 'brug pa yan chad kyi 'du byed rnams 'gags zhes bya'o/ /de ltar na tshe 'di la 'du byed de rnams 'jug par mi 'gyur ro/ /mi 'jug na tshe 'di la phung po'i lhag ma dang bcas pa'i mya ngan las 'das pa'i dbyings su tshe 'di'i mya ngan las 'das pa thob par 'gyur ro/ /de'i tshe de'i rnam par shes pa'i rkyen gyis ming dang gzugs /ming dang gzugs kyi rkyen gyis kyang rnam par shes pa yongs su dag pa rnam par byang ba'i lus so/ /ji srid du de'i rnam par shes pa dang bcas pa'i lus gnas pa de srid du mi ldan pa'i tshor ba myong ste ldan ba'i ni ma yin no/ /de rnam par shes pa dang bcas pa'i lus de yang sngon gyi las kyis 'phangs pa'i tshe'i tshe de ji srid yod pa de srid du gnas so/ /nam de'i tshe zad ba na rnam par shes pas zin pa'i lus dang srog gi dbang po yang spong bar 'gyur te/ srog gi dbang po 'di phan chad ma lus par mthar thug par 'gyur te/ phyis rnam par smin par mi 'gyur ro/ /rnam par shes pa de'ang tshor ba thams cad dang bcas te 'dir rang gis dang gis 'gags pa dang snga nas kyang rgyu 'gags pa'i phyir gzhan du mtshams sbyor ba med pas ma lus par 'gags te/ 'di ni phung po'i lhag ma med pa'i mya ngan las 'das pa'i dbyings gtan du zhi ba'i gnas yin te/ de bas na bcom ldan 'das 'das kyi thad du tshangs par spyod pa mya ngan las 'das par nye bar 'gro ba mthar mya ngan las 'das par 'gyur ba spyod par byed de/ de bas na 'di ni sngon gyi mdza' nas dbus kyi mthar 'jug pa dang/ dbus kyi mdza' nas phyi mi'i mthar 'jug pa dang/ dbus kyi mthar 'jug cing rnam par dag par 'gyur ba dang/ rnam pa gsum gyis rten cing 'brel par 'byung ba rnam par

  527. 264a

    gzhag pa rgyas par bstan pa yin no/ /rnam pa dgus sdug bsngal zhing 'dug pa'i yang srid par yang skye ba'i shing phyi ma la bskyed pa'i phyir mi mkhas pas tshe 'di la gsar du las byas pa gang yin pa de ni de'i sdug bsngal gyi shing gzhon nu lta bu yin te/ gal te mi mkhas pa des zag pa'i gnas kyi chos rnams la da ltar gyi dus kyi sgo nas ni mnog yod par mthong la 'das pa'i dus kyi sgo nas ni lta ba dang ldan pa dang/ ma 'ongs pa'i dus kyi sgo nas ni sems 'dogs par byed na de ltar gnas pa de ni sngon ma spangs pa'i sred pa la goms par byas pas yang rgyas bar 'gyur te/ de ltar mi mkhas pa'i gang zag de ni yang srid par skye ba'i shing gzhon nu de'i grub ba dang bde ba 'dod pa yin la/ sred pa'i chags pas kyang brlan pas na snga ma bzhin du len pa'i 'bras bu'i rim gyis phyi ma la yang yongs su rdzogs par byed do/ /'phags pa nyan thos thos ba dang ldan pa ni yang srid par skye ba'i las dang yang srid par skye ba'i sdug bsngal gyi shing gzhon nu lta bu la zag pa dang bcas pa byas su zin kyang nyon mongs pa'i gnas kyi 'du byed rnams la skye ba dang 'jig pa'i chos nyid du mthong la spong ba dang/ 'dod chags dang bral ba dang 'gog pa'i khams rnams la yang zhi ba nyid du mthong bas sred pa'i chags pas sbyor ba med pa'i phyir las de 'grib par byed kyi 'phel bar mi byed do/ /de bas na mkhas pa de ni shing gzhon nu de'i grub pa dang bde ba 'dod pa ma yin te/ sred pa dang sred pa'i rkyen gyis len pa la sogs pa spangs nas yang srid par skye ba'i shing de nyid ci nas thams cad kyi thams cad du med par 'gyur ba de lta bur de yang sel bar byed na/ phyi ma la 'phel bar lta ga la 'gyur/ /gzhan yang 'di na gang zag lus mngon par 'grub pa kha cig gis sngon lan grangs gzhan la myong bar 'gyur ba'i las byas shing bsags pa de tshe 'di la ldan te de'i lus de dang lan grangs gzhan la myong bar 'gyur ba'i las de

  528. 264b

    gcig tu bsdus pa ni yang srid par skye ba'i shing chen po zhes bya ste/ gal te nyon mongs pa mthun pa'i chos rnams la snga ma bzhin du sems 'dogs pa'i bar gyis gnas par gyur na de'i lan grangs gzhan la myong bar 'gyur ba'i las snga ma gang yin pa de ni rtsa ba thur du zug pa dang 'dra bar shing de'i mdangs gso ba yin no/ /tshe 'di'i dus gsum gyi sred pa'i nyon mongs pa gang yin pa de ni rtsa ba'i yal ga dang 'dra ste/ shing de'i bcud gso ba yin par rig par bya'o/ /de'i rgyu las byung ba las dang nyon mongs pa de dang ldan pa sa bon thams cad dang ldan pa'i rnam par shes pas ni phyi ma la nyid mtshams sbyor ba'i tshe ming dang gzugs la gnas thob par 'gyur ro/ /de ltar na sdug bsngal gyi shing de ni yun ring por gnas pa yin la gang zag de yang de'i grub pa dang bde ba 'dod par rig par bya ste/ 'di ni dkar po'i phyogs kyang snga ma bzhin du rig par bya'o/ /'di la byang chub sems dpa' i ni 'jig rten pa'i lam snga ma dang/ 'jig rten pa'i slob dpon thams cad bor nas byang chub kyi snying po la zhugs te/ nyid kyis gzhan la phan par bzhed bas sems can la thugs brtse ba mngon suM cu mdzad nas bden pa spong pa rtsom par mdzad do/ /de de'i sdug bsngal gyi bden pa dpyad par bzhed de/ rga shi sdug bsngal gyi bden par gtogs pa lugs 'byung ba ma yin pa'i rten cing 'brel bar 'byung ba brtag pa'i sgo nas brtag par mdzad de rgyu cha phra ba dang rgyu rags pa dang nor pa mod pa rnam pa gsum gyis rga shi'i tshul du spyod par mdzod/ /de mngonpar 'grub pa'i rgyu yang skye ba yin la/ mngon par 'grub pa yang skye ba yin te /snga ma ni cha phra ba yin la phyi ma ni rags pa yin par rig par bya'o/ /de la snga ma cha phra bshos yod pa las kyang rga shi 'byung la phyi ma rags pa shol kyi rkyen las kyang rga shi 'byung ngo snyam du dpyad de/ phyi ma'i rga shi gang yin pa de ni cha phra ba'i skye bo'i rgyu las byung ba yin no/ /de la nor pa med pa gang zhe na/ skye ba'i gnas gzhan du gtogs pa'i skye ba rnam pa gnyis

  529. 265a

    ni gzhan du rga shi'i 'bras bur smin par mi byed de/ /rga shi ji lte ba bzhin du skye ba dang srid pa dang len pa dang sred pa yang tshul bzhin du spyod pa rnam pa gnyis kyis rig par bya'o/ /de ltar na rga shi la brten te lugs su 'byung ba ma yin pa'i sdug bsngal dang kun 'byung bden pa brten cing 'brel par 'byung ba'i tshul gyis brtags pa yin no/ /de la kun 'byung ba'i bden pa dang 'thun pa'i chos rnams ni snying po dang 'dra ba yin no/ /kun 'byung ba'i bden pa de nyid ni snum lta bu yin no/ /sdug bsngal gyi bden pa ni 'bar ba lta bu yin no/ /gang zag mi mkhas pa ni snum ldugs pa lta bu dang snying po bskul ba lta bu yin no/ /sdug bsngal 'bar bde yang yun ring por 'bar ro/ /de las bzlog pa ni dkar po'i phyogs brtag pa'i tshul gyis lam dang 'gog pa'i bden pa brtag pa yin par rig par bya'o/ /gang zag ni gnyis te/ bdag la gnod pa byed par zhugs te bdag nyid kyi sdug bsngal 'bar ba rgyud gcig la yod pa gnas par bya ba'i phyir snam ldugs shing snying po skul bar byed pa dang /gang zag? gcig shos ni bdag nyid dang gzhan skye bo'i tshogs chen po la gnod par zhugs pa yin te/ de ni bdag nyid dang gzhan rnams kyi sdug bsngal gyi me'i pung? po chen po 'di lta ste/ me'i phung po de yun ring por gnas par bya ba'i phyir/ dam pa'i chos ma yin pa sngon du btang ba'i thos pa dang bsam pa dang/ bsom? pa las byung ba'i log par bsgrub par bsdus pa'i shing dang rtswa dang ba lang gi lci ba skam po lta bu sgrub par byed do/ /'di la bcom ldan 'das ni byang chub sems dpar gyur ba na byang chub kyi snying po la bzhugs nas rga shi la dmigs te rten cing 'brel par 'byung ba'i sgo nas phyi ma'i mdza' i sdug bsngal gyi bden pa la lugs su 'byung ba ma yin pa'i tshul gyis 'jug ste/ sred pa'i bar du tshul bzhin 'di la byed cing phyi ma'i mdza' i sdug bsngal dang phyi ma'i mdza' i sdug bsngal kun

  530. 265b

    'byung ba yang brtags nas de de tsam gyis chog par mi 'dzin te/ phyi ma'i mdza' i kun 'byung bya ba'i rgyur gyur pa da ltar gyi sdug bsngal thams cad la yang lugs? su 'byung ba ma yin par tshor ba dang reg pa dang skye mched drug dang ming dang gzugs dang rnam par shes bas bsdus pa la rtog par mdzad do/ /de la ma 'ongs pa'i sdug bsngal gang yin pa de ni byis 'byung ba yin no/ /de'i kun 'byung ba yang phyis 'byung ba yin no snyam du yang dag par mkhyen nas ma 'ongs pa'i dus las brten te gang yod pa las 'byung bar 'gyur snyam du rtog go/ tshe 'di'i? sdug bsngal rnam par shes pa la thug pa'i bar de ni sngon gyi kun 'byung ba las byung zhing grub pa yin no/ /byung ba gang yin pa de la ni 'di ji ltar 'byung snyam du brtag par mi rigs te/ de bas na byang chub sems dpa' i de ni de ltar kyi sdug bsngal byung zin pa la gzigs nas kyis? 'byung ba brtag pa'i yid la byed pa dang ldan pa sems ldog par 'gyur ro/ /de'i gnas phyi ma'i mdza' i kun 'byung ba'i bden pa rim gyis yang dag par gzigs nas/ phyi ma'i mdza' i sdug bsngal gyi bden pa'i gnas phyi ma'i mdza' kun 'byung ba'i bden pa yang dag par gziD te/ yang rnam par shes pa las lugs su 'byung ba la 'jug ste/ de ltar des rten cing 'brel par 'byung ba lugs su 'byung ba dang lugs su 'byung ba ma yin pa tshul bzhin du sdug bsngal dang kun 'byung ba btag pa yin no/ /de'i 'og tu bgog pa'i bden pa brtag par bzhed nas rga shi nyid nas ma rig pa'i bar las lugs su 'byung ba ma yin par 'jug go /de ci'i phyir zhe na/ da ltar gyi sdug bsngal gyi bden pa byung zin pa de ji ltar byas na gtan 'gag par 'gyur ro/ /zhe nam rig pa'i rkyen gyis byung ba'i las gsal? du byas na 'gag par 'gyur ro snyam du rtog pa'i phyir ro/ /des de ltar bden pa gsum po rnam par dpyad nas 'gog pa'i bden pa 'di thob par bya ba'i lam ni gang yin/ srang ni gang yin zhig gu snyam du tshol bar byed de/ de

  531. 266a

    snga ma bzhin du sngon gyi gnas rjes su dran pas sngon gyi 'jig rten pa'i yang dag pa'i lta ba zag pa zad par bya ba'i gdams ngag ston pa dang 'dra ba mngon sum du mdzad cing dgongs te/ drang srong snga ma rnams kyis bgrod cing rjes su bgrod pa'i lam snga ma bdag gis rnyed do snyam ste 'di ni de'i 'jig rten pa'i yid la byed pa kho nas bden pa bzhi pa dpyad pa yin no/ /nges yang dag pa'i lta ba de nyid kyi rjes su 'gro zhing bden pa rnams mngon par rtogs pas bla na med pa yang dag par rdzogs pa'i byang chub mngon par rdzogs par 'tshang rgya ba na slob pa dang mi slob pa'i ye shes gzigs pa med pa shin tu rnam par dag pas mngon sum gyi tshul du thugs su chud do/ des gang gi don du bskal pa grangs med pa gsum du dka' ba spyad pa'i don de brnyes nas gzhan rnams la phan par bzhed pas ltar bcas pa'i 'jig rten gyi phyir shin tu bskal ba dang ldan pa suAng rung ba de dag la 'phags pa'i bdan pa bzhi yang dag par rtogs pa'i bgo bsha' mdzad cing skyed? par mdzad do/ /sangs rgyas bcom ldan 'das rnams kyi bstan pa ni gnas gsum gyis bsdus te gsum gang zhe na/ rten cing 'brel par 'byung ba'i chos rnams byed pa med pa'i sgo nas legs par 'dogs pa dang/ de la brten nas gzhan la phan pa sgrub pa dang/ bdag la phan pa sgrub pa'o/ / de la byed pa med pa'i sgo nas legs par 'dogs pa ni phyi ma'i mdza' i sdug bsngal las/ tshe 'di dang sngon gyi mdza' i sdug bsngal lugs su 'byung ba ma yin pa'i sgo nas gang du ming dang gzugs kyi rkyen gyis rnam par shes par rnam par shes pa'i rkyen gyis kyang ming dang gzugs 'byung ste/ mdung? khyim gyi tshul du gcig la gcig rten cing 'dug la de'i bar skabs su rten cing 'brel par 'byung ba'i chos thams cad rang gis ma byas pa dang/ gzhan gyis ma byas pa dang/ gnyi gas ma? byas pa dang/ rgyu med

  532. 266b

    pa las kyang ma byung bar bdogs pA de lta bu gang yin pa 'di ni byed pa med pa'i sgo nas legs par 'dogs pa zhes bya'o/ /de ci'i phyir zhe na/ 'du byed rnams ni mi rtag pa nyid de sngon gyi mdza' yang med/ phyi ma'i mdza' yang med/ dbus kyi mdza' na yang skad cig tsam zhig yod par zad pa'i? phyir spyod pa dang byed pa dang 'jug pa don dam pa mi dmigs shing/ rgyu las gdags pa tsam du zad pa 'di ni yang dag pa ji lta ba bzhin du 'dogs pa ste/ de bas na legs par 'dogs pa zhes bya'o/ /de la legs par 'dogs pa de la brten nas rten cing 'brel par 'byung ba la gnas pas bden pa rnams las brtsams te gzhan dag la chos bston pa 'di ni gzhan la phan pa sgrub pa'o/ /de nyid la brten nas bdag nyid kyi bden pa mngon par rtogs par? bya ba'i phyir chos kyi rjes su mthun pa'i chos nan tan du sgrub pa dang/ tshe 'di la mya ngan las 'das pa 'thob pa ni bdag la phan pa sgrub pa yin par rig par bya'o/ /de la sngon la ye shes kyi tshogs sgrub pa'i lhan cig skyes pa'i shes rab dang ldan pa'i nyan thos ni mkhas pa zhes bya'o/ /lung dang ldan pa ni gsal ba'o/ /rtogs pa dang ldan pa ni dul pa'o/ /chos rnams la gzhan gyi drid mi 'jog pas na chos rnams la 'jigs pa med pa'o/ /dmigs pa'i sgo nas mya ngan las 'das pa yang dag pa ji lta ba bzhin du rtogs pas na bdud rtsi mthong ba'o/ /zad pa dang mi skye ba'i ye shes la gnas pas phung po'i lhag ma dang bcas pa'i mya ngan las 'das pa'i dbyings thob pas na bdud rtsi'i dbyibs lus kyi mngon sum du byas nas bsgrubs te gnas so// //rnal 'byor spyod pa'i sa las gzhi bsdu ba/ bam po bcu gsum pa/ byis pa phyi rol gyi mu stegs can ni 'byung ba chen po bzhi las byung ba'i lus kyi mi rtag pa rags pa mthong nas lus 'dug cing 'tsho ba'i de'i 'phel ba dang 'grib ba dang 'chi ba'i tshe dang skye ba'i tshe'i 'dod ba dang len pa la bltas nas lus 'di las skyo zhing ma chags la rnam par grel bar 'gyur te/ 'dod ba'i khams dang gzugs kyi khams las kyang 'jig rten

  533. 267a

    pa'i lam gyis 'dod chags dang bral bar 'gyur mod kyi/ 'on kyang de ni srid pa'i rtse mo man chad du song du zin kyang lus de las yongs su ma grol ba kho nar rig par bya'o/ /de ci'i phyir? zhe na /'di ltar des ni snyoms par 'jug pa de dang der rnam par shes pa nge spyad ba byas kyang bdag dang bdag gir 'dzin cing kun nas nyon mongs pa dang bcis pas gnas te/ rten cing 'brel bar 'byung ba la mi mkhas pas tshe zad cing las zad nas yang phyir ldog par 'gyur ba'i phyir ro/ /rten cing 'brel par 'byung ba la mkhas pa'i 'phags pa nyan thos ni 'byung ba chen po bzhi las byung ba'i lus kyi mi rtag pa ches phra ba yang dag par mthong la rnam par shes pa mi rtag pa ni de lta ma yin te/ de ci'i phyir zhe na/ 'di ltar 'byung ba chen po bzhi las byung ba'i lus kyi ni dus gzhan du mi rtag par snang la skad cig re re la la ni 'dra ba'i rgyud kyi rjes su 'jug pas mi mngon pa'i phyir ro/ /rnam par shes pa'i mi rtag pa ni skad cig re re'i dmigs pa las dmigs pa 'pho zhing 'gyur ba'i tshul gyi rnam pa du mar snang mod kyi 'on kyang rnam par shes pa'i mi rtags mi rags shing rnam pa du mar 'dug bzhin du de ni rtogs par dka' ba dang/ 'jug? par dka' ba'i phyir mchog tu cha phra bar rig par bya'o/ /de ci'i phyir zhe na/ shes rab kyi mig gi yul yin pa'i phyir ro/ /'byung ba chen po bzhi las byung ba'i lus gyi skye ba dang 'bring? pa dang len pa dang 'dor ba'i mi rtag pa ni tshul bzhin ma yin pa'i sha'i mig gi yul du 'ang 'gyur ro/ /rnam par shes pa mi rtag pa'i cha phra pa de la rten cing 'bril par 'byung ba la mkhas pa'i 'phags pa nyan thos de 'jug par 'dod pa na rten cing 'brel par 'byung ba nyid tshul bzhin du yid la byed cing rig pa las byung ba rang gi rgyud la yod pa'i tshor ba rnams kyi gnas skabs tha dad pa yongs su gcod pa'i tshul gyis rnam par shes pa de'i mi rtag pa la 'jug go /de de ltar ye shes mthong ba dang ldan pas rim gyis tshor

  534. 267b

    pa'i rten du gyur pa'i lus las kyang skyo bar 'gyur la rgyur gyur pa'i rig pa las kyang skyo bar 'gyur ro/ /de ma yin pa'i ming gis bsdus pa'i 'du byed du gtogs pa thams cad las kyang phung po dang bcas pa dang phung po'i lhag ma med ba'i mya ngan las 'das pa'i dbyings su rnam ? grol zhing gtan du yongs su grol bar 'gyur ro/ /rten cing 'brel par 'gyur pa la mkhas pa'i dge slong rnam pa gsum gyi mdza' gsum yod dag par dpyad pas sdug bsngal yang dag par zad par 'gyur ro/ /rnam la gsum pa ni gang/ mdza' gsum po de dag ni gang zhe nas sdug bsngal gyi gnas dang/ sdug bsngal gyi gzhi dang/ sdug bsngal gyi gzhi'i gnas te rnam pa gsum po 'di rnams kyi mdza' gsum ste/ 'dus kyi mdza' dang/ 'das pa dang ma 'ongs pa'i mdza' 'di rnams yang dag par dpyod do/ /de la sdug bsngal gyi nang gi rten ni phung po yin te/ grang ba dang tsha ba la sogs pa dang/ na ba dang 'chi ba la sogs pa'i sdug bsngal gyi khyad par rnams tshe 'di nyid la skye ba'i gnas yin no/ /de ci'i phyir zhe na/ de yod na de la rten nas de dag skye bar 'gyur ba'i phyir ro/ /phyi rol gyi pha ma la sogs pa'i tshogs yongs su 'dzin pa'i phung po ni yongs su tshol ba la sogs pa'i mtshon dang dbyug pa 'chang ba man chad dang mya ngan dang smre sngags 'don pa la sogs pa sdug bsngal gyi khyad par rnams kyi gnas yin te/ de ci'i phyir zhe na/ snga ma bzhin no/ /phung po de gnyis ka yongs su 'dzin pa'i rgyu ni sred pa ste /kun 'byung ba'i gnas kyi sred pa des phung po 'di bskyed pa 'di ni sdug bsngal kyi gzhi'o/ /sred pa de'ang dga' zhing bde ba'i yul gzugs kyi yul la gnas te skye ba 'di ni sdug bsngal gyi gzhi'i gnas yin no/ /'dod chags dang zhe sdang gi me tsha bas gdungs pa'i phyir yul la sred cing skom pa gang du yang rung ba ngag ni zas bzang po dug dang sbyar ba bzhin du dgang? zhing bd ba'i gzugs kyi yul gyi ro myang bar byed cing 'dod par mi byed de/ de dag ni sred pa 'phel bar byed pa'o/ /sred pa 'phel

  535. 268a

    bar byed pa gang yin pa de dag ni phyi ma la phung po 'phel bar byed pa'o/ /phyi ma la phung po 'phel bar byed pa gang yin pa de dag ni sdug bsngal 'phel bar byed pa ste /de ltar na de dag ni yang dag par 'chi bar 'gyur ba yin par rig par bya'o/ / 'di ni da ltar byung ba dpyad pa yin par rig par bya'o/ /da ltar byung ba'i tshul gyis na 'das pa dang ma 'ongs pa'i tshul yang rtog par bya ste/ 'di ni 'das pa dang ma 'ongs pa dpyad pa yin par rig par bya'o/ de'ang tha snyad bzhi la brten pa'i tshad ma gsum la brten nas dpyad pa yin te/ de la mthong ba gang yin pa dang rnam par shes pa gang yin pa'i tha snyad 'di ni mngon sum gyi tshad ma'o/ /bye brag byed pa'i tha snyad gang yin pa 'di ni rjes su dpag pa'i tshad ma'o/ /thos pa'i tha snyad gang yin pa 'di ni yid chos? pa'i lung gi tshad ma'o/ /rten cing 'brel par 'byung ba spyod pa ni rnam pa lngas yang dag par zhugs na sdug bsngal zad cing sdug bsngal mthar byed par 'gyur te/ lnga gang zhe na/ rten cing 'brel par 'byung ba'i chos rnams skye ba'i gzhi yongs su dpyod pa dang/ 'gog pa'i bzhi yongs su dpyod pa dang/ 'gog par 'gyur ba'i laM yang dag pa ji lta ba bzhin du shes pa dang/ /chos kyi rjes su mthun pa'i chos la zhugs pa dang/ rtog pa la mngon pa'i nga rgyal med pa'o/ /de ltar na de'i dpyod pa de legs par brtsams pa dang/ 'bras bur grub pa yin no/ /de la ma 'ongs pa'i phung po'i rgyu'i sdug bsngal nis bzung ste/ rnam par shes pa'i rkyen gyis ming dang gzugs kyi bar du lugs su 'byung ba ma yin pa rnam pa bzhis dpyod cing khong du chud la sgrub par byed de/ rgyu yod na 'bras bu yod pa dang rgyu med na 'bras bu med do zhes phyi ma la rnam pa gnyis kyis dpyod cing yongs su dpyod par byed do/ /yongs su dpyad nas rgyu med par 'gyur ba'i lam gang yin pa de khong du chud do/ /khong du chud nas de bzhin du yang dag par zhugs pa de ni rjes su mthun pa'i chos

  536. 268b

    dpyod pa yin te/ de ni ma rig pa'i rkyen gyis byung ba'i bsod nams dang bsod nams ma yin pa dang mi g.yo ba'i las gsar gyi rgyu yod pa las bsod nams dang bsod nams ma yin pa dang mi g.yo bar 'gro ba de'i 'bras bu rnam par shes pa yod pa tshe 'di nyid la yang dpyod par byed do/ /de med na de yang med par 'gyur pa yang dpyad nas sng ma bzhin du khong du chud cing sgrub par byed de/ yang dag par sgrub pas yang ma rig pa'i rkyen gyis byung ba'i las gsar yang mi byed la las rnying rnams kyang myong nas zad par byed do/ /snga ma bzhin du tshe 'di ba'i lam dang/ lam gyi 'bras bu mya ngan las 'das pa yang tshe 'di nyid la thob par 'gyur ro/ /des de'i tshe nyon mongs pa'i me'i pag la nyal gyi tsha ba dang 'brel pa rnam par shes pa dang bcas pa'i lus rdzas ba na gyis so gtong pa'i tsha ba dang ldan pa las bum pa phyung ba bzhin du mchog tu bsil ba'i mya ngan las 'das pa la bzhag pa yin no/ /de'i nyon mongs pa'i tsha ba de'ang thams cad kyi thams cad du bral ba yin no/ /gyo mo lta bu'i lus rnam par shes pa dang bcas pas bsdus pa'i phung po de'ang bsil bar gyur pa yin te/ de snga ma bzhin du lus kyi tha ma'i tshor ba myong ba na zhes bya ba nas rgyas par rig par bya'o/ /de ji srid 'tsho'i bar du rtag tu gnas par 'gyur te/ dgra bcom pa'i 'bras bu las phyir nyams shing ma rig pa'i rkyen gyis 'du byed rnams mngon par 'du byed pa'i rgyur mi 'gyur ro/ /rtog pa la mngon pa'i nga rgyal ji lta bu zhe na/ de de'i tshe rten cing 'brel par 'byung ba la dmigs pa'i ye shes mthong pa shin tu rnam par dag pa dang ldan te/ de 'di snyam du yang dag par na 'di na su yang 'khor ba yang med la mya ngan las 'da' ba 'ang med de/ chos de dang de dag skyes pa las chos de dang de dag skye bar 'gyur la de dang de dag 'gags pas/ de dang de dag 'gag par 'gyur bar zad do snyam du sems sems so/ mngon pa'i nga rgyal can ni gnyis te/ slob pa'i mngon

  537. 269a

    pa'i nga rgyal can dang/ mi slob pa'i mngon pa'i nga rgyal can no/ /de la slob pa'i mngon pa'i nga rgyal can ni gang gzhan dag la yang 'di skad du kun tu sbyor ba gsum spangs pas na bdag ni som nyi las brgal to/ /rang gi rtogs pa slob pa'i rnam par grol ba la bdag gi the tshom med par gyur to/ /'jig tshogs la lta ba'i rtsa ba las byung ba'i lta bar gyur pa thams cad spangs pas na/ /lta ba'i zug rngu phyung ngo zhes brjod par byed pa'i/ /mi slob pa'i mngon pa'i nga rgyal can ni 'di skad du bdag ni 'di las gong du bya ba 'am byas pa rab tu rnam par dbye ba med do zhes brjod par byed de de gnyi ga yang rten cing 'brel par 'byung ba 'am mya ngan las 'das pa las brtsams nas 'phags pa'i gtam zab mo 'jig rten las 'das pa stong pa nyid dang ldan pa/ rkyen 'di pa nyid kyi rten cing 'brel par 'byung ba lugs su brjod pa 'byung ba brjod pa na gtam de khong du mi chud cing rjes su mi 'jug ste/ de gnyis de'i rgyus rten cing 'brel par 'byung ba yang dag pa ji lta ba bzhin du khong du chud par bya ba la rang gi rgyud la som nyi skye bar 'gyur ro/ /nyon mongs pa spong ba'i mya ngan las 'das pa mngon sum du bya ba la yang yid gnyis skye bar 'gyur ro/ /de ci'i phyir zhe na/ 'di ltar slob pa ni mngon pa'i nga rgyal can gyis ni bdag tu 'dzin pa dang bdag gir 'dzin pa dang 'brel pa dang/ yid la byed pa'i rjes su zhugs pa dang spel bar 'byung ba'i nga'o snyam pa'i nga rgyal cha phra ba khong du ma chud la zhi gnas kyis kyang de'i rgyud nye bar brtan par gyur pa dang nyon mongs pa rags pas kyang ma 'dres te/ des na de ma thob pa la thob po snyam du 'du shes par gyur la gzhan dag la yang brjod pa'i phyir ro/ /mi slob pa'i mngon pa'i nga rgyal can ni bdag ni zhi ba'o/ /bdag ni mya ngan las 'das pa'o/ /bdag ni sred pa med pa'o/ /bdag ni nye bar len pa med pa'o snyam ste/ kun tu spyod pa cha phra ba ma spangs pa la nga'o snyam pa'i nga rgyal de khong du ma chud nas

  538. 269b

    ma thob pa la thob bo snyam du 'du shes par gyur la/ gzhan dag la yang brjod do/ /mi slob pa'i mngon pa'i nga rgyal can de yang sngar slob pa'i mngon pa'i nga rgyal can du gyur pa kho nar rig par bya ste/ don du bden pa'i slob par gyur pa las phyis mi slob pa'i mngon pa'i nga rgyal can du 'gyur ba ni med do/ /de ci'i phyir zhe na/ gang gis de ma thob pa la thob bo snyam pa'i mngan pa'i nga rgyal la mngon par zhen nas dus gzhan du gnas par 'gyur zhing gzhan dag la yang brjod par 'gyur ba de lta bur de'i nyon mongs pa kun tu spyod pa rgyun mi 'chad pa de 'dra bar sems kyis khyab par byas te gnas par mi 'gyur gyi brjed ngas pas de'i nyon mongs pa kun tu spyod pa chung ngu yun ring po mi gnas pa dang ldan pa tsam du zad de myur ba kho nar khong du chud cing phyir med par 'gyur ba'i phyir ro/ /de gnyis de ltar sngar ni ma thob pa la thob po snyam pa'i mngon pa'i nga rgyal can du gyur la/ da ltar gyis ni som nyi dang yid gnyis su gyur nas yi 'chad pa'i phyir nyams par 'gyur pa 'am/ gal te bdag gi thob pa med na ni de lta na gzhan dag gi yang med par 'gyur ro snyam du 'phags pa la skur pa 'debs pa'i log par lta ba ngan song du 'gro ba'i rgyu yang dag par blangs pas 'phongs par 'gyur ro/ /'phags pa'i gtam zab mo nas snga ma bzhin du smos pa gang zhe na/ gang gis rten cing 'brel par 'byung ba dang/ mya ngan las 'das pa mtshan nyid gsum dang ldan pas 'dus byas dang 'dus ma byas su bstan pa ste/ 'di ltar 'dus byas ni mi rtag pa'o/ /'dus ma byas ni rtag pa'o/ /'du byed rnams sdug bsngal ba'o/ /mya ngan las 'das pa ni zhi ba'o/ /'dus byas de dag thams cad ni bsdus na/ sdug bsngal tsam dang/ sdug bsngal gyi rgyu tsam du zad do/ /'dus ma byas de'ang bsdus na sdug bsngal rgyu dang bcas pa 'gag pa tsam du zad do zhes bstan pa'o/ /tshe 'di la mya ngan las 'das pa thob cing sdug bsngal chad par 'gyur

  539. 270a

    pa'i dge slong gi ni yang srid par skye ba'i rgyu'i lam dang phyi ma la de'i 'bras bu sdug bsngal 'byung bar mi 'gyur la phung po'i lhag ma med par mya ngan las 'das pa'i tshe yang de'i sdug bsngal nyid mtshams sbyor bar mi 'gyur ro/ /sngon gyi rgyus drangs pa'i phung po yang rang gi ngang? gis 'gag par 'gyur ro/ /sdug bsngal gyi mdza' ni de yin te/ 'di na su yang sngon 'khor bar 'gyur ba yang med la/ de ltar yongs su mya ngan las 'das pa yang med do zhes don 'di ston pa'i gtam gang yin pa de ni 'phags pa'i gtam? zab mo nas sngar smos pa bzhin du rig par bya'o/ /rten cing 'brel par 'byung ba rang bzhin gyis mchog tu zab pa yang kha cig la gsal ba kho nar snang ba gang yin pa de ni rnam pa gnyis las 'gyur te ston pas kyang de bzhin du legs par bstan la gang zag de'ang zhib mo brtags pa mkhas pa mdzangs pa yin te/ gang la bstan pa dang su nyan pa'o/ /tshig gi don 'di rnams 'di lta ste/ rnam grangs bsdu ba las 'byung ba bzhin no/ /de la rten cing 'brel par 'byung ba ni mdor bsdu na rnam pa bzhis mchog tu zab par rig par bya ste/ bzhi gang zhe na/ rgyu dang 'bras bu cha phra ba shes par dka' ba dang/ bdag med pa shes par dka' ba dang bral ba'i sems can rnams ldan par shes par dka' ba dang ldan pa'i sems can rnams bral bar shes par dka' ba'o /de la rgyu dang 'bras bu cha phra ba shes par dka' ba gang zhe na/ bden pa brtag pa'i tshul la brten te/ srid pa'i yan lag rga shi la sogs pa nas rnam par shes pa dang/ ming dang gzugs la dug pa rnams kyi rkyen yod pa gang yin pa ste/ rkyen yod pa yang gang zhe na/ gang gis rgyus skye ba ste/ gang ma spangs na skye bar 'gyur ba dang/ skyes pa'i 'og tu yang rga shir 'gyur bar shes par bya'o/ /de la skye ba'i rgyu yang skye ba yin la de'i rgyu las byung ba'i mngon par 'grub pa yang skye ba yin te/ skye ba snga ma shos yod na/ skye ba phyi ma shos 'byung la skye ba

  540. 270b

    phyi ma shos yod na rga shi 'byung bar 'gyur ro/ /de la skye ba snga ma shos ni skye ba phyi ma shos kyi rgyu dang rga shi'i gzhi yin no/ /skye ba phyi ma shos ni rga shi'i rkyen no/ /de dag thams cad gcig tu bsdus pa la ni skye ba'i rkyen gyis rga shi zhes bya ste/ 'di ni rga shi'i rkyen yod pa yin par rig par bya'o/ /skye ba ji lta ba bzhin du srid pa dang len pa yang de dang 'dra'o/ /len pa rnam par gzhag pa ni de las spyir na 'dun pa'i 'dod chags ni len pa'o/ /nye bar len pa bzhi po rnams ni len pa rnam par gzhag pa ste/ ji ltar zhe na/ sred pa ni 'dod pa yongs su tshol ba'i sgo nas las kun tu slong ba yin no/ /srid pa 'dod pa'i sgo nas kyang las kun nas slong ba yin no/ /las de gnyi ga'i sgo nas ni sdug pa dang mi sdug pa'i tshor ba rten to/ /de yang skye mched drug gi sgo nas ma rig pa'i 'dus te reg pa las byung ba'i tshor ba gang yin pa de'i rkyen gyis 'byung ngo/ /gang de'i rkyen du mi 'gyur ba'i tshor ba gzhan yang yod de/ 'di lta ste/ rig pa'i 'dus te reg pa las byung ba dang/ rig pa yang ma yin ma rig pa yang ma yin pa'i 'dus te reg pa las byung ba'o/ /tshor ba de dag thams cad kyang de dang 'dra ba'i reg pa'i rkyen las byung bar rig par bya'o/ /de'ang gang zhe na/ 'di lta ste/ rig pa dang ma rig pa dang mtshungs par ldan pa ni tshig bla dags kyi 'dus te reg pa'o/ /de las bzlog pa ni thogs pa'i 'dus te reg pa'o/ /rig pa'i 'dus te reg pa dang/ ma rig pa'i 'dus te reg pa tshig bla dags kyi 'dus te reg pa dang 'brel pa de yang ci rigs par dam pa'i chos thos pa dang/ dam pa'i chos ma yin pa thos pa la dmigs pa yang dag pa dang log pa'i thos pa dang bsam pa dang bsgoms pa'i shes pa dang mtshungs par ldan pa'i ming gi rkyen las byung ba yin par rig par bya'o/ /rig pa yang ma yin/ ma rig pa yang ma yin pa'i 'dus te reg pas bsdus pa thob pa'i 'dus te reg pa ni nang dang phyi rol gyi gzugs kyi rkyen las

  541. 271a

    byung bar rig par bya'o/ /de yang bsdus na ming dang gzugs kyi rkyen gyis reg pa yin no/ /ming dang gzugs de'ang skye mched drug po nyid de/ cha gnyis su byas nas reg pa'i rkyen du 'gyur te/ yid kyi skye mched gzugs med pa de las gzhan pa'i gzugs med pa'i chos rnams dang mtshungs par ldan pa cha gcig tu byas pa ni ming yin no/ /de ma yin pa'i gzugs can gyi skye mched rnams cha gcig tu byas pa ni gzugs yin no/ /ming dang gzugs de'ang tshe 'di la nyid mtshams sbyor ba'i rnam par shes pas 'phangs pa dang zin pa'i rkyen las byung ba ste/ de dang ma bral na med par mi 'gyur ba'o/ /rnam par shes pa de yang nyid mtshams sbyor ba blangs nas ming dang gzugs kho na la gnas te lhan cig gi 'byung ba dang de ma thag tu skye ba'i tshul gyis 'jug go /de bas na de yang tshe 'di la ming dang gzugs kyi rkyen las byung ba yin to?/ sngon gyi las kyis 'phangs pa'i ming dang gzugs dang rnam par shes pa ni gcig la gcig brten pa dang/ gcig gi rkyen gcig yin par rig par bya'o/ /de ltar na srid pa'i yan lag rnam par shes pa dang/ ming dang gzugs la thug pa 'di rnams snga ma bzhin du rga shi'i rgyud bzhin du ci rigs par rkyen yod par rig par bya ste/ 'di ni rgyu dang 'bras bu cha phra ba shes par dka' ba yin no/ /de shes par dka' bas na rten cing 'brel bar 'byung ba zab cing mchog tu zab pa yin no/ /bdag med pa dang shes par dka' ba gang zhe na/ rten cing 'brel par 'byung ba'i rgyu dang 'bras bu rnam par bzhag pa de ji tsam pa de tsam du sems can gyi ris thams cad la spyir sems can zhes bya ba'i tshig bla dags 'byung ste/ tshig bla dags de'i lam yang de kho na yin par rig par bya'o/ /de la gnas nas seMs can gyi ris tha dad pa'i bye brag gis 'di lta ste/ bya dang nya dang sdig sprul dang/ lha dang mi zhes pa'i nges pa'i tshig 'jug par 'gyur ro/ /gdams pa ni so so'i

  542. 271b

    ming gis dbye ba ste/ 'di lta ste ne tso dang/ ri skeg dang/ rma bya dang/ rnam thos kyi bu dang/ yul 'khor bsrung dang/ 'phags skyes po dang/ mig mi bzang dang/ shA ri'i bu dang/ bzang po dang/ skyabs med zas sbyin dang/ don thams cad grub pa zhes bya ba'i bye brag gis si? 'jug pa ste/ de tsam gyis ni tha snyad gdags pa'i skyes bu de dag la tshig 'jug par 'gyur ba'o/ /de rnams kyi tshor ba gang ci yang rung ste/ rig pa'i 'dus te rig pa las byung ba dang/ ma rig pa'i 'dus te rag pa las byung ba dang/ rig pa yang ma yin ma rig pa yang ma yin pa'i 'dus te reg pa las byung ba de dag thams cad ni ming dang gzugs dang ldan te/ ming dang gzugs ma lus par 'gags na tshor ba 'byung ba med do/ /'di ni bdag med pa shes par dka' ba yin par rig par bya'o/ /de la 'bral ba'i sems can rnams ldan par shes par dka' ba gang zhe na/ 'di ltar 'di las phyi rol pa'i mu stegs can ma rig pa'i 'dus te rag pa las byung ba'i tshor bas zin pa ni dam pa gsum gyi sgo nas bdag med pa rten cing 'brel par 'byung ba'i 'du byed dag la bdag tu brtags nas lta zhing ston par byed de/ sgo gsum po gang zhe na/ 'dod pa rnams las 'dod chags dang ma bral ba ni 'dod pa dang ldan pa'i tshor ba rnam pa gsum las gcig la ni tshor par bya ba'i bdag gir lta la/ gcig la ni tshor ba por bdag tu lta'o/ /'dod pa'i 'dod chags dang bral la bsam gtan gsum pa'i 'dod chags dang ma bral ba ni bde ba'i tshor ba gcig pu myong zhing myong bar bya ba de la yang bdag gir rtog pa na/ tshor ba de las tha dad pa'i tshor ba po'i bdag tshor ba de'i sgo nas tshor ba de yang rig pa gang yin pa mthong ngo/ /bsam gtan gsum pa'i gong ma'i sdug bsngal ba yang ma yin bde ba yang ma yin pa'i tshor ba cha phra ba khong du ma chud nas tshor ba med na ni bdag ni tshor ba med snyam du brtags nas lta bar byed de/ de dag gi rnam pa gsum gyi sgo nas bdag tu

  543. 272a

    lta ba de dag thams cad ni mi rung ngo/ /de ci'i phyir zhe na/ tshor ba gsum po rnams mi rtag pas bdag kyang mi rtag pa'i phyir te/ tshor ba gsum po de dag tu mthong bas de'i phyir mi rung ngo/ /bsam gtan bzhi pa dang de'i gong gang na tshor ba'i bde ba med pa de na yang bde ba tshor ba po yang med pas na/ de na bde ba'i tshor ba'i sgo nas tshor ba'i chos can gyi bdag yod par mi rung ngo/ /gcig tu na bsam gtan bzhi pa dang /de'i gong ma gzugs med pa'i snyoms par 'jug pa dag na gal te so sor nyams su myong ba'i bdag med du zin na ni de dag gi zhi ba'i snyoms par 'jug pa las byung ba'i tshor bas bdag zhi bar gyur to snyam du 'dzin pa'ang med par 'gyur ba zhig ni de yang yod de de bas na de yang mi rung ngo/ /de la gal te rten cing 'brel par 'byung ba zab pa ma yin du zin na ni de de ltar de ma shes pas/ de dag gi lta ba mi rung bar mi 'gyur ba'i rigs so/ /chos 'di pa'i 'phags pa nyan thos thos pa dang ldan pa ni rig pa'i 'dus te reg pa las byung ba'i tshor bas zin pa na thams cad la yang mi rigs par shes pas bdag tu mi lta'o/ /de ni kun rdzob dang don dam pa'i bden pa la mkhas te/ de bzhin 'ongs pa shi phan chad yod par mi 'dzin pas na snga ma bzhin du yod par yang ma yin med par yang ma yin pa'i bar du sbyar ro/ /rnam par grol ba'i sems de nyid la yang gang 'di skad du yod par 'gyur ram zhes 'dri na de yang kho na bzhin te/ lan mi 'debs so/ /med par 'gyur ba dang/ gnyi ga dang gnyi gar mi 'gyur ba de dag thams cad kyang de kho na bzhin te/ lan mi 'debs so/ /de ltar shes pa sngon du btang ste/ lan mi 'debs pa la mi shes pa yin no snyam du brnyas pa byed pa de ni de nyid kyi mi shes pa chen po dang log par lta ba yin no/ /phyi rol pa de lta bu'i lta ba spyod pa de ni snga ma bzhin du lta ba rnam pa gsum la brten nas tshe 'di la bdag gzugs can ma yin pa 'am/ chung duAm tshang med par 'dogs so/ /ji ltar tshe 'di

  544. 272b

    la nor bar brtags nas dmigs shing ston pa de bzhin du phyis kyang phyi ma mthong ba kho nar 'gyur ro/ /rnam pa du mar nor par bdag tu rtog mod kyi/ 'on kyang de'i 'jig tshogs la lta ba bag la nyal dang ldan pa ni rnam pa gcig du 'byung ngo/ /de ma spangs pas srid pa'i rtse mor song du zin kyang 'jig rten pa'i lam dma' ba' i sgo nas de dang bral mod kyi ldan pa nyid du rig par bya'o/ /'di ni bral ba'i sems can rnams lden par shes par dka' ba yin te/ de la ni rten cing 'brel par 'byung ba la mkhas pa 'ba' zhig shes pas 'jug go /de la ldan pa'i sems can rnams 'bral bar shes par dka' ba gang zhe na/ 'di la 'phags pa nyan thos thos pa dang ldan pa ni rig pa'i 'dus te reg pa las byung ba'i tshor ba dang ldan na tshe 'di yang bdag tu mi dmigs shing mi 'dogs la de ltar mi 'gyur ro/ /lus dang bral ba'i 'og tu yang mi dmigs shing mi 'dogs so/ /rnam par shes pa'i gnas bdun la sems can thams cad btags nas thur du nyid mtshams sbyor ba'i rnam par shes pa'i skye mched dang/ yang 'byung bar 'gyur ba'i rnam par shes pa'i skye mched dang rnam par shes pa'i gnas de dag dang skye mched de gnyis rten cing 'brel par 'byung ba'i bden pa'i tshul gyis yang dag pa ji lta ba bzhin du brtags na/ dgra bcom pa shes rab kyi rnam par grol ba 'am/ gnyi ga'i cha las rnam par grol ba rnam par thar pa brgyad la bsam gtan par 'gyur te/ de ni tshe 'di la skye ba dang rga ba dang 'chi bar snang mod kyi/ 'on kyang de ni pha dang bral ba yin no/ /tshor ba myong bar snang mod kyi/ 'on kyang de ni tshog dang bral lo/ /rnam par shes pa dang ming dang gzugs su snang mod kyi/ 'on kyang de ni de dang bral te/ 'di ni ldan pa'i sem can rnams 'bral bar shes par dka' ba yin te/ rten cing 'brel bar 'byung ba la mkhas pa 'ba' zhig gis yang dag pa ji lta ba bzhin du shes so/ /rnam pa 'di bzhis

  545. 273a

    ni rten cing 'brel bar 'byung ba mchog tu zab bar rig par bya'o/ /sdom ni/ khyad par kun rdzob don dam dang/ /chos nyid dang ni de byed dang/ /stong nyid chen po rnam par 'byed/ /gang gis byas pa tha ma yin/ /chos 'dul ba 'di la ni byis pa dang mkhas pa gnyis sngon gyis mdza' nas dbus kyi mthar rtsa ba'i nyon mongs pa gnyis las rnam par shes pa dang bcas pa'i lus 'grub par 'gyur te/ lus de'i rkyen gyis phyi rol gyi sems can dang sems can ma yin pa zhes bya ba'i ming dang gzugs kyis bsdus pa'i yul gyi tshor ba rnam pa gsum myong mod kyi/ 'on kyang mkhas pa ni byis pa las sngon gyi mdza' dang/ da ltar gyi mdza' dang/ phyi ma'i mdza' i sgo nas khyad che bar rig par bya'o/ /de la dbus kyi mthar gtogs pa'i khyad par ni rtsa ba'i nyon mongs pa gang las grub par gyur pa'i de gnyis tshe 'di la spong bar 'gyur la des de gnyis spangs pas phyi ma la yang lus 'dzin par mi 'gyur te/ de ni phyi ma'i mthar gtogs pa'i khyad par ro/ /ci'i phyir mkhas pas mkhas pa thob bar gyur te/ des tshe 'di la kun 'byung ba'i bden pa dang bral bar gyur la phyi ma'i mthar yang sdug bsngal gyi bden pa dang bral bar 'gyur/ ci'i phyir byis pa rnams byis par gyur te/ gang gis na de gnyis spong mi nus par gyur ce na /mkhas pas ni sngon ye shes kyi tshogs kyis bsdus pa'i tshangs par spyod pa btsal gcad bla byis pas ni ma spyad pa'i phyir te/ 'di ni byis pa las mkhas pa khyad par du gyur pa sngon gyi mthar gtogs pa yin par rig par bya'o/ /'di la rten cing 'brel par 'byung ba la mkhas pa thos pa dang ldan pa'i 'phags pa'i nyan thos ni kun rdzob dang don dam pa yang dag pa ji lta ba bzhin du rab tu shes te/ rab tu shes phes? na tshe 'di la rnam par shes pa dang bcas pa'i lus dang/ chos thams cad la bdag med par shes nas

  546. 273b

    'di ni bdag gi'o/ /'di ni bdag yin no snyam du mngon par zhen pa med do/ /'di lta ste/ don dam pa la mkhas pa deS ni de ltar log par zhen pa med pas/ sems can rnams kyi 'du byed kyi rgyur gtogs pa'i las bdag gir bya ba yang dag pa ji lta ba bzhin du shes pa'i phyir gzhan gyi byed pa po gzhan ma yin lam byas pas yang bde legs su 'gyur ba med par rig nas nyon mongs pa dang bral bar bya ba'i phyir brtson par byed do/ /'di lta ste/ kun rdzob la mkhas pa des ni yang dag pa ma yin pa la sgro 'dogs? pa dang yod pa'i dngos po chud bzon pa yongs su spangs nas sngon sems pas mngon par 'dus byas shing/ smon pa'i sgo nas 'dod pa'i yid smon du byas pa'i tshe/ 'di rnam par shes pa dang bcas pa'i lus la zhi gnas dang lhag mthong sgom pa'i rnam pa thos pa dang bsams pa las byung ba'i rten cing 'brel par 'byung ba la mkhas pa la rten pa de nyid kyi rjes su 'drug pa rnam par shes pa dang/ reg pa dang/ tshor ba dang/ 'du shes dang/ sems pa'i tshogs rnams la ni sdug bsngal bar rtog go /sred pa'i tshogs la dbye ba'i sgo nas brtag pa ni kun 'byung ba'i bden pa brtag pa yin par rig par bya'o/ /de bden pa 'di gnyis kyi 'byung ba dang 'jig par shes pas na/ rgyu kun 'byung bar 'gyur na ji ltar kun 'byung bar gyur? pa dang/ rgyu 'gags na ji ltar 'gag par 'gyur pa de yang 'di lta ste/ mnyam par gzhag ba'i sa pa'i 'jig rten pa'i yid la byed pas yang dag pa ji lta ba bzhin du rab tu shes pas so/ /de yid la byed pa de nyid la kun tu brten pa'i rgyus gang gi tshe bden pa mngon par rtog par byed pas na des sngar thos pa dang bsams pa las byung bas ni 'jig rten 'byung ba dang/ 'jig rten 'gag pa legs par mthong zhing/ legs par khong du chud do/ /bsgoms pa las byung ba'i legs par yid la byas so/ /bden pa mngon par rtogs pa la bab pa'i tshe ni ji snyed yod pa dang ji lta ba bzhin yod pa'i sgo nas legs

  547. 274a

    par brten pa dang/ legs par rtogs te go rim bzhin du sbyar ro/ /de de'i tshe thos pa dang bsams pa las byung bas ni dam pa'i chog 'di las zhugs so/ /bsgoms pa las byung bas ni nye bar zhugs so/ /bden pa khong du chud pa'i sgo nas ni dam pa'i chos rtogs shes bya'o/ /gang gi phyir zhugs pa dang/ nye bar gyur pa zhugs pa de'i phyir ni gting slebs so/ /gang gi phyir dam pa'i chos rtogs pa de'i phyir ni kun tu ba ting slebs so/ /slob pa'i shes rab la ni 'jig rten gyi 'byung ba dang/ nub pa'i shes rab zhes bya'o/ / de'ang zag pa med pa dang/ 'phags pa'i rgyud la dmigs pas na 'phags pa'o/ /nyon mongs pa dang sdug bsngal thams cad zad par bya ba'i phyir nges par 'byung bas na de'i phyir nges par 'byung pa'o/ /gnyan du mthar thug par 'gro bas na de'i phyir nges par byed pa'o/ /de de dang ldan na gong du nyon mongs pa thams cad spang bar bya'o snyam nas de nyid lan mang du byed de sdug bsngal thams cad zad par bya ba'i phyir bsgom pa'i lam la nges par 'byung bar 'gyur ro/ /de ltar na de la las dang po pa'i sa nas bzung ste/ dgra bcom pa'i 'bras bu'i lam la thug pa'i bar du bstan pa yin no/ /rten cing 'brel par 'byung ba dang/ rten cing 'brel par 'byung ba'i chos rnams ni rgyu gnyis kyis cha gnyis su rnam par gzhag pa yin te/ ji ltar 'jug pa dang/ gang rnams 'jug pa'o// de la srid pa'i yan lag bcu gnyis ni 'jug pa'o/ /de dag kyang ci rigs par rigs pa'i rgyu dang 'bras bu'i rim pas 'jug pa'i phyir te/ rigs pa'i rgyu dang 'bras bu'i rim pa de thog ma med pa'i dus nas gcig nas gcig tu rgyud pa'i lugs gang yin pa de ni chos nyid de/ /da ltar gyi dus kyi sgo nas ni chos gnas pa nyid do/ /'das pa'i dus kyi sgo nas ni chos mi 'gyur ba nyid do/ /ma 'ongs pa'i nus kyi sgo nas ni chos ji lta ba nyid do/ /rgyu med pa ma yin pa'i sgo nas ni de bzhin nyid dang ma nor ba de bzhin nyid do/ /yang

  548. 274b

    dag pa ji lta ba'i rgyu las byung ba'i sgo nas ni yang dag pa nyid do/ /yang dag pa ji lta ba'i 'bras bu'i sgo nas ni bden pa nyid do/ /shes bya yang dag pa'i sgo nas ni de kho na nyid do/ /yang dag pa ji lta ba'i ye shes kyi gnas kyi sgo nas ni ma nor pa nyid dang phyin ci ma log pa nyid do/ /rten cing 'brel par 'byung ba dang ldan pa'i tshig rnam par bzhag pa'i gnas kyi sgo nas ni rten cing 'brel par 'byung ba 'di dang mthun pa nyid do/ /'di gnyis la mkhas pa'i thos pa dang ldan pa'i 'phags pa nyan thos ni dus gsum gyi tshul bzhin ma yin pa yid la byed pa yongs su shes nas yongs su spong bar yang byed cing bden pa mngon par rtogs par yang byed la phyi rol gyi lta ba rnams dang bral ba'ang thob par 'gyur ro/ /snga ma bzhin du zhugs pa nas rgyas par shes par bya'o/ /de bzhin gshegs pa rnams kyis ni thog ma med pa'i dus nas zhugs pa'i rgyu dang 'bras bu gcig nas gcig tu brgyud pa'i yang dag pa'i 'jug pa ye shes kyis mngon par rdzogs par sangs rgyas nas gsung gis yang dag par ston par mdzad kyi 'byin pa dang byed pa ni ma yin no/ /de la thog pa med pa'i dus nas rgyu dang 'bras bu gcig nas gcig tu brgyud pa'i chos nyid ye nas gnas la gang yin pa de ni de dang ldan pa'i ming dang tshigs dang yi ge'i tshogs de brda sprod pa dang mthun pa rnams kyi lugs gnas par bya ba'i phyir khams dang rigs pa dang gnas pa yin no/ /de byed pa nges nyams su myong pa dang/ gzhan byed la gzhan gyis myong ngo zhes bya ba rgyu gnyis kyis lan gdab par mi bya ba yin te/ gnyis gang zhe na/ 'du byed kyi rgyud kyi rgyu dang 'bras bur 'brel ba'i sgo nas gcig yin pa dang/ snga phyi'i sgo nas tha dad pa yin pa'i phyir dang/ de las tha dad pa'i byed pa po dang tshor ba po mi dmigs pa'i phyir de lta bu'i smra ba khas mi len cing mngon par zhen par mi byed par dbu ma'i lam gyi rgyu dang 'bras bu

  549. 275a

    tsam du zad pa gang yin pa de kho na'i lan 'debs par byed do/ /gang zag bdag med pa gang yin pa dang/ chos bdag med pa gang yin pa ni bdag med pa thams cad ni spyir na stong pa nyid ces bya'o/ /de la gang zag bdag med pa ni rten cing 'brel bar 'byung ba'i 'du byed rnams las don lha? dad pa'i bdag med pa'i phyir ro/ /chos bdag med pa'i rten cing 'brel bar 'byung ba'i 'du byed gang yin pa de dag nyid bdag med de mi rtag pa'i phyir ro/ /gang du de gnyi ga gcig tu bsdus te bstan pa de ni chen po stong pa nyid ces bya'o/ /gang tha dad kyi sgo nas ma yin par lta ba la brten nas 'di ltar lta zhing 'di skad du rten cing 'brel par 'byung ba'i chos nyid dag ni gzhan yin no zhe 'am/ yang na 'di dag las gzhan pa de'i rten cing 'brel par 'byung ba'i chos rnams yin no zhes lan 'debs par byed na de nyid de'i lta ba yin par rig par bya'o/ /lta ba la rten na ni tshangs par spyod pa la gnas par mi 'gyur ro/ /de ci'i phyir zhe na/ 'di ltar de stong pa nyid dang po shes kyi mi mthun pa'i phyogs kyi lta ba la brten nas 'dug pa'i phyir te/ de gnyi ga ni log par lta ba yin la de ltar lta ba ni thar par 'gyur bar du mi rung ngo/ /gang 'di skad du ming dang gzugs kyis bsdus pa'i rten cing 'brel par 'byung ba'i chos de dag nyid la snga ma bzhin du lta ba rnam pa gsum la brten pas de nyid srog kyang yin la lus kyang yin no zhes zer ba nas rgyas par sbyar te/ de ltar gyur na yang tshangs par spyod pa la gnas par mi 'gyur ro/ /de ci'i phyir zhe na/ 'di ltar de stong pa nyid cig shos kyi mi mthun pa'i phyogs kyi lta ba la brten nas 'dug pa'i phyir ro/ /log par lta ba'i mdza' 'di gnyi ga spangs nas rgyu dang 'bras bu tsam du zad par lta ba ni dbu ma'i lam zhes bya'o/ /yang dag pa ji lta ba ni shes bya de bzhin nyid kyi phyor ro/ /phyin ci log

  550. 275b

    pa nyid ni shes pa de bzhin nyid kyi phyir ro/ /'du byed de dag yod na 'du byed 'di rnams sam 'di'i 'du byed rnams zhes 'dogs par byed kyis gal te de kho na bzhin du yang dag par yong du zin na 'du byed thams cad 'gags shing spangs par gyur pa na gang la ni 'du byed rnams zhes bya/ gang gi 'du byed rnams zhes bya ste/ 'di ltar de'i tshe gnyi ga mi dmigs pa'i phyir ro/ /rten cing 'brel par 'byung ba ni 'di lta ste/ bstan pa dang/ rnam par dbye ba'i phyir rnam pa gnyis kyis rnam pa thams cad gdags par rig par bya ste/ gnyis gang zhe na/ ji lta ba bzhin du yod pa dang/ ji snyed yod pa'o/ /de la ji lta ba bzhin du yod pa ni ma rig pa la sogs pa rten cing 'brel par 'byung ba'i chos rnams gang dag rgyu dang 'bras bu rim pa bzhin du 'tsham par 'byung ba dang rgyu ma spangs na 'bras bu ma spangs par 'gyur ba dang/ rgyu ma spangs pa skye ba las 'bras bu ma spangs pa skye bar 'gyur ba gang yin pa 'di ni ji lta ba bzhin du yod pa'o/ /ji snyed yod pa gang zhe na/ ma rig pa la sogs pa 'du byed rnams kyi rnam pa thams cad gang yin pa ste/ 'di lta ste ma rig pa'i sngon gyi mdza' mi shes pa zhes bya ba nas rgyas par sbyar te/rnam grangs de rnams kyi rnam par dbye ba ni 'di lta ste/ rnam grangs bsdu ba las 'byung ba bzhin du rig par bya'o/ /rnam par dbye ba rnams kyi rnam par bzhag pa yang snga ma bzhin du rig par bya ste/ 'di ni ji snyed yod pa ste/ de ltar na ji lta ba bzhin du yod pa dang/ ji snyed yod pa 'di las brtsams te bstan cing rnam par dbye'o/ /de la bstan pa ni dang po'o/ /de nyid rgyas par rnam par dbye ba ni rnam par dbye ba'o/ bde ba dang sdug bsngal ba ni rang gis byas pa dang/ gzhan gyis byas pa dang/ gnyi gas byas pa dang/ /gnyi gas ma byas pa rgyu med pa las byung bar rnam pa gnyis kyis 'dogs par mi byed cing lan 'debs yang mi byed de/ gnyis gang zhe na/

  551. 276a

    snga ma bzhin du 'du byed thams cad byed pa med pa'i phyir dang/ de ma yin pa'i byed pa po'i sems can mi dmigs pa'i phyir ro/ /de la 'du byed rnams byed pa med pas na tshor ba yang de nyid yin la/ myong ba yang de nyid yin pa lta bur bde ba dang sdug bsngal dang gis byas par mi rung ngo/ /de ma yin pa'i byed pa po'i sems can mi dmigs pas na tshor ba yang gzhan la myong ba yang gzhan par yang mi rung ngo/ /tshor ba la sred pa dang/ gzhan dag gis tshor ba sgrubs zhes byar yang mi rung ngo// rkyen rnams yod pa las tshor ba skye bar 'gyur bas na de'i phyir rgyu med pa las skyes zhes byar yang mi rung ngo/ de bas na rgyu mi mthun par smra ba'i mdza' rnam pa gsum po dang phyi ma rgyu med par smra ba'i mdza' spangs nas snga ma bzhin du dbu ma'i lam bstan pa khong du chud pa dang/ nan tan du bsgrub pas sdug bsngal zang? par 'gyur ro/ /sdom ni/ rig rkyen lta ba phun sum tshogs/ /'byung dang kun shes mi sdug dang/ /chos gnas shes dang brtson 'grus brtsams/ /skye ba yang ni tha ma yin/ /reg pa'i rkyen gyis byung ba'i tshor ba thams cad yod pa la rgyu med pa dang/ rgyu mi mthun par smra ba'i dge sbyong dang bram ze rnams kyis chos 'di pa'i nyan thos dma' ba dang/ mchog tu gyur pa 'am ston pa la de nyid kyis byas la de nyid kyis nyams su myong ba zhes bya ba nas snga ma bzhin du dri ba dris na legs par lan gdab pa rnam pa gsum yod de/ 'di lta ste/ rang gi gzhung gi lan gdab pa dang/ gzhan tshar bcad pas lan gdab pa dang/ mngon par zhen pa yod pa dang/ med pa las kun nas nyon mongs pa dang rnam par byang bar 'gyur bas lan gdab pa'o/ /de la gang de skad du dri ba la bde ba dang sdug bsngal ba ni rten cing 'brel par 'byung ba yin te/ 'di ni kho bo cag gi gzhung yin no zhes lan 'debs pa 'di ni rang gi gzhung gi lan gdab pa'o/ /de la gang de skad

  552. 276b

    du 'dri ba la bde ba dang sdug bsngal ba ni rten cing 'brel par 'byung ba yin te/ 'di ni kho bo cag gi gzhung yin no zhes spyir lan 'debs pa 'di ni rang gis gzhung gi lan gdab pa'o/ /de la gang 'di skad du bde ba dang sdug bsngal ba rang gis byas pa dang/ gzhan gyis byas pa dang/ gnyi gas byas pa dang/ gnyi gas ma byas pa rgyu med pa las byung bar rtog pa yang rung ste/ thams cad du yang tshor ba ni reg pa las 'byung bar snang na de dag gi rang gis byas pa dang/ gzhan gyis byas pa la sogs par rtog pa don med pas ci zhig bya gal te tshor ba'i rgyu reg pa yin bar mngon sum du mi snang na ni/ de ma yin pa'i rgyu yongs su btsal ba yang legs par 'gyur ba zhig na/ reg pa yang snang bas legs pa ma yin no zhes lan 'debs par byed na gang de ltar lan 'debs pa 'di ni gzhan tshar bcad pas lan gdab pa yin no/ /de ci'i phyir zhe na/ 'di ltar de dag gi rgyu rnam pa gnyis kyis tshar gcod par 'gyur te/ dbang po dang yul dang rnam par shes pa phrad pa tsam du zad pa ma gtogs par de ma yin pa'i byed pa po bstan par nus pa gang yin pa dang/ reg pa rgyu yin par 'jig rten thams cad kyi mngon sum gyi tshad ma dang ldan pa sun dbyung mi nus pa gang yin pa ste/ de dag ni rang gi gzhung yang mi tshugs la gzhan gyi gzhung yang sun mi phyin bas tshar gcod par 'gyur ba'i phyir ro/ /gang de skad du dris na bde ba dang sdug bsngal ba rang gis byas pa dang/ gzhan gyis byas pa dang/ gnyi gas byas pa yang kho bo cag gi ni dbang po dang yul dang rnam par shes pa phrad pa tsam du zad pa'i sgo nas 'dogs par byed de/ de yang bdag tu mngon par zhen pa med pas byed do/ /de la der mngon par zhen pa ni khyed log par gyur ba yin te/ 'drang bar bya ba ma yin no/ /de ci'i phyir zhe na/ mngon par

  553. 277a

    zhen pa las gyur ba ni kun nas nyon mongs pa yid la mngon par zhen pa med pa las gyur ba ni rnam par byang ba yin pa'i phyir re zhes lan 'debs so/ /mngon par zhen pa las gyur ba'i kun nas nyon mongs pa gang zhe na/ gang dag sngon gyi mthar de? ni pa yin no/ /'di ni bdag gi yin no snyam du mngon par zhen par gyur pa mi mkhas pa de dag gi ma rig pa'i rkyen gyis 'du byed rnams zhes bya ba nas snga ma bzhin te/ dbus kyi mthar bde ba dang sdug bsngal ba'i kun nas nyon mongs par 'gyur ro/ /gang dag dbus kyi mthar mngon par zhen pa de dag kyang de bzhin du phyi ma'i mthar bde ba dang sdug bsngal ba'i kun nas nyon mongs par 'gyur ro/ /rnam par byang ba gang zhe na/ gang dag gi sngon gyi mdza' dang dbus kyi mdza' rnams la bdag dang bdag gir 'du byed rnams la mngon par zhen par ma gyur ba de dag ni sngon gyi mthar tshor ba'i rgyu 'gags pas yongs su mya ngan las 'das la phyi ma'i mthar yang tshor ba'i rgyu 'gags nas yongs su mya ngan las 'da' bar 'gyur te/ 'di ni mngon par zhen pa dang mngon par zhen pa pa las gyur pa'i kun nas nyon mongs pa dang rnam par byang bas lan gdab pa ste gsum pa'o// //rgyu med pa dang rgyu mi mthun pa spangs nas rgyu las byung ba'i chos rnams kyi rgyu rnam pa lnga yang dag par mthong nas/ chos 'dul ba 'di las mi 'phrogs pa'i phyir lta ba phun sum tshogs par 'gyur ba dang/ mya ngan las 'das pa la bsam pa dag pa'i phyir lta ba drang po dang ldan pa dang shes bya la shes pa rnam par dag pa'i phyir sangs rgyas la shes nas ngad pa dang ldan pa ste/ rgyu gsum pa 'di rnams dang go rim bzhin du dam pa'i chos la zhugs pa dang/ nye bar zhugs pa dang/ khong du chud pa zhes bya bar sbyar ro/ /rgyu dang bcas pa'i chos rnams kyi rgyu rnam pa gang zhe na/ ngan 'gro'i rgyu ni 'di lta ste/ mi dge ba dang mi

  554. 277b

    dge ba'i rtsa ba'o/ /bde 'gro'i rgyu ni 'di lta ste/ dge ba dang dge ba'i rtsa ba'o/ /rnam par shes pa dang rnam par shes pa'i gnas rnams kyi gnas pa'i rgyu ni 'di lta ste zas bzhi'o/ /tshe 'di dang tshe phyi ma'i kun nas nyon mongs pa'i rgyu ni 'di lta ste/ zag pa rnams so/ /rnam par byang ba'i rgyu ni 'di lta ste /bden ba rnams dang rten cing 'brel par 'byung ba ste/ gang rgyu de rnams kyi rang bzhin la yang rang bzhin du rgyu la yang rgyur/ rgyu 'gag pa la 'ang rgyu 'gag par/ de 'gag par 'gyur ba'i lam la yang lam du yang dag pa ji lta ba bzhin du rab tu shes na lta ba phun sum tshogs pa zhes bya'o/ /rten cing 'brel par 'byung pa'i gzhi brtag pa'i mdza' ni ma rig pa la thug pas na de'i gong du rgyu brtag pa med de/ de brtag pa nyid ni rang gi don yongs su rdzogs pa kho na'o// //rnal 'byor spyod pa'i sa las gzhi bsdu ba/ bam po bcu bzhi pa/ gsum po 'di dag ni tshe 'di la shes bya'i gzhi yin te/ 'byung ba dang/ grub pa dang/ tshe'i tshad ji tsam pa dang/ ma she'i? bar la rgyud pa gnas pa ste/ de la slob pa yang dag par nan tan du sgrub pa na slob par 'dogs pa dang/ /mi slob pa ni bdag gi thams cad zad par bya ba med do zhes zad pa dang mi skye ba'i ye shes kyis rtogs nas rtog pa'i chos can zhes bya'o// gsum gang zhe na/ skye mched drug dang skye mched drug gi rkyen gyis reg pa/ rag pa'i rkyen gyis tshor ba'o/ /de la thos pa dang ldan pa'i 'phags pa nyan thos ni tshor ba gang ci myong yang rung ste/ de yongs shes nas de dag las skyo bar bya ba dang/ 'dod chags dang bral bar bya ba dang/ 'gog par bya ba'i phyir nan tan du sgrub pa na tshor ba de dag rig pa'i zas las byung bar yang dag pa ji lta ba bzhin du rab tu shes so/ /reg pa'i zas de yang skye mched drug las byung ba yin no/ /de ni reg pa'i

  555. 278a

    zas kyi rgyu skye mched drug las skyo bar bya ba'i phyir dang/ reg pa'i zas de 'gag par bya ba'i phyir zhugs pa yin no/ /nges tshor ba dang reg pa dang skye mched drug po byung pa thams cad gcig tu bsdus nas 'di dag thams cad ni mi rtag pa/ nyid kyi /'gag pas 'gag ba'i chos can yin no snyam du rig ste/ tshe 'di la byung ba mi rtag pa rnam pa gsum po de dag thams cad la yang snga ma bzhin du skyo bar bya ba'i phyir zhugs pa yin no/ /de bas na yang dag par zhugs pa'i rtag 'grus can gyi slob pa zhes bya'o/ /de bzhin du nan tan sgrub pa na len pa med pa'i rnam par grol ba'i phyir rtogs pa'i chos can gyi rtag 'grus can zhes bya'o/ /ma thob pa dang mngon sum du ma byas pa mngon sum du bya ba'i phyir rtag tu gus par sbyor bar byed pas na slob pa rtag 'grus can no/ /che 'di la bde bar gnas pa las yongs nyams par mi 'gyur bar bya ba'i phyir rtag tu gus par sbyor bar byed pas ni rtogs pa'i chos can gyi rtag 'grus can zhes bya'o/ /bstan par bya ba'i gzhi thams cad kyi dbang gis byung ba'i ming gi tshogs dang tshig gi tshogs dang yi ge'i tshogs rnams ni chos kyi khams zhes bya ste /gang la las so sor yang dag par rig pa thob na ming dang tshig dang yi ge'i tshogs rnams la ji ltar 'dod pa bzhin byed par 'gyur te/ nges na chos kyi khams legs par rtogs pa zhes bya'o/ /de'ang chos kyi khams legs par rtogs pa'i phyir 'dod na byung ba'i ming gi don de nyid rnam grangs gzhan dag gis nyin mtshan bdun gyi bar ram yang na de bas lhag par yang ston to/ /de yang rnam grangs 'di lta bu dag ste/ byung pa zhes bya ba de bzhin du 'dus byas dang/ sems pa las byung ba dang g.yo ba dang gnod pa dang nang dang/ 'bras zhes bya ba la sogs pa'o/ /dgra bcom pa kun shes pa dang ldan pa ni shes pa rnam pa drug brda' srod par rig par bya ste/ 'di lta ste/

  556. 278b

    rnam grangs kyi brda sprod pa dang/ rnam grangs ma yin pas brda sprod pa dang/ shes pas brda sprod pa dang/ spong bas brda sprod pa dang/ mdor brda sprod pa dang/ rgyas bar brda sprod pa'o/ /de la rnam grangs kyis brda sprod pa ni ji ltar 'di na kha cig dag gis dris kyang rung/ yang na rang gis gzhan dag stan pa la gces par 'dzin pa skyed pa'i phyir 'di skad du/ bdag ni phyi ma la som nyi med do zhes brda sprod pa'o/ /rnam grangs ma yin par brda sprod pa ni 'di lta ste/ bdag gi skye ba zang? do zhes bya ba nas rgyas par sbyar ro/ /de la shes pas brda sprod pa ni ji ltar shes shing ji ltar mthong na skye ba zang par 'gyur zhes dri na skye ba'i rgyu 'gag pas na skye ba zang ngo zhes rnam pa de lta bur rnam par grol ba shes pas bsdus pa'i bdag gi zad pa shes pa brda sprod par byed ba ste/ 'di ni shes pas brda sprod pa'o/ /de'i rgyas pas brda sprod pa ni de'i rgyu srid pa yang brda sprod par 'gyur la/ srid pa'i rgyu dang de'i rgya len pa ngang len pa'i mtshan nyid kyang brda sprod par 'gyur ro/ /ji ltar shes shing mthong ba ngal? ni nye bar len pa yang med de de yang brda sprod par 'gyur ro/ /mdor brda sprod pa ni bshad pa 'di dag thams cad kyang tshor ba gang ci yang rung ba de ni 'dir sdug bsngal ba yin par shes nas bdag gi skye ba zad do/ /zhes brda sprod par byed pa'o/ /de la spong bas brda sprod pa ni nang rnam par grol bas srid ba thams cad kyi rgyu yongs su zad pa'i phyir spong bas brda sprod par byed de/ spong pas brda sprod pa de'i ji skad bstan pa de nyid ni rgyas par brda sprod pa'o/ /rnam pa gsum gyi sgo nas ni mongs brda sprod par rig par bya ste/ bcom ldan 'das kyis kun tu sbyar ba gsungs pa gang yin pa de dag ni bdag la med do zhes bya ba ni spong ba'i mngos brda sprod pa dang pa ste/ 'di lta ste/ srid pa'i kun tu sbyor ba thams cad spangs pa'i phyir ro/ /ji ltar bdag dran pas gnas na brnab sems dang

  557. 279a

    yid ming de ba gnyis dang sdig pa mi dge ba'i chos rnams sems las 'byung ba mi 'gyur ba/ de ltar dran pas gnas so zhes bya ba 'di ni spong pa'i mngos brda sprod pa gnyis pa ste/ 'di lta ste rtag tu gnas pa'i phyir ro/ /bdag nyid kyang de la rlom sems su mi byed pa 'di ni spong ba'i mngos brda sprong pa gsum pa ste/ 'di lta ste mngon pa'i nga rgyal med pa'i phyir ro/ /de rnams bsdus pa ni brda spyod pa drug pa yin no/ /chos gsum po 'di dag ni 'di ltar 'jig rten gyi nang la brten ba'i sdug cing dga' bar byed pa yin te/ 'di lta ste nyams stobs dang byang bzang ba dang srog go /chos gsum po bdag gi mi mthun pa'i sgo nas de'i mthun pa'i phyogs skyed pa'i mi sdug pa'i chos kyang gsum yod de/ 'di lta ste/ na ba dang/ rga ba dang/ 'chi ba'o/ /de la bslab pa gsum po dag la log par sgrub na ni dang dang rga ba dang chi ba las yang dag par 'da' bar 'gyur pa'i skal ba med do/ /yang dag par sgrub par byed na ni skal pa can du 'gyur ro/ /bslab pa gsum po rnams gang zhe na/ lhag ba tshul khrims kyi bslab pa dang/ lhag pa'i sems dang/ lhag pa'i shes rab kyi bslab pa'o/ /de dag la log par sgrub pa gang zhe na/ ji ltar 'di na kha cig thog ma kho nar bdag nyid dam gzhan la brten nas bslab pa'i 'khrul pa byung ba rnams la ngo tsha ba med de/ ngo tsha bor ba la bdag nyid 'jog par byed do/ /de de ltar gyur pas sdig pa mi dge ba'i chos rnams las bdag nyid mi srung ngo/ /bdag nyid mi srung bas sangs rgyas dang chos dang dge 'dun dang bslab pa dang gdams ngag dang rjes su bstan ba lam gus shing zhes med pa'i rang bzhin can du 'gyur ro/ /de la gzhan dag gis gzhi des glengs na nges de dag gi tshig mi bzod par 'gyur te/ bdag nyid tshig tu gleng bar mi byed do/ /gnas dang gnas ma yin par gleng

  558. 279b

    bar byed pa'i gang zag de dag kyang spangs? nas log par zhugs pa bdag dang chos mthun pa gang yin pa de dag 'ba' zhig dang rten cing 'grogs pa de dag dang lhan cig gnas so/ /de de dag dag dang lhan cig gnas pas 'phags pa la ldang bar 'gyur te/ de dag dang 'phrad par bya ba'i phyir thad du 'gro bar ltag la byed/ gal te thad du 'gro bar byed de chos de brjod na yang de 'phags pa la sdang bas nyan par mi 'dod do/ /gal te rna blags su zin kyang sems ched du gtod par mi byed cing zhes 'gas la shes bar 'ded pa'i bsam pas nyan par ni byed do/ /gnas dang gnas ma yin pa dang yongs su rtog pa dang lam dang shes pas smra ba la yang dag par mi gnas so/ /des thos su zin kyang zhe 'gras pa'i sems des mngon par dad par mi byed cing nan tan du sgrub par mi byed do/ / bstan par bya ba'i 'os ma yin par 'gyur te/ 'phags pa rnams kyang de la gsung ba dang yang gdams ngag bstan pa dang/ rjes su bstan par mi dgongs so/ /de ni bdag nyid kyang rang mnyam du 'dug la/ dam pa rnams kyis kyang lhag par btang snyoms su por bas nang gi sems kyang ma zhi la lus dang ngag dang yid kyi sgo nas kyang kun nas nyon mongs pa can du gnas te/ gcam bu mu cor smra la spyi rtol che ba yin no/ /de la kha na ma tho ba yin par yang mi lta'o/ /de de ltar gyur pas nyes pa byung na yang chos bzhin du phyir 'chos par mi byed do/ /de la goms nas kyang rim gyis 'tshal ba'i tshul khrims sgrogs par byed pa ste/ 'di yang lhag pa'i tshul khrims kyi sgo nas log par sgrub pa yin par rig par bya'o/ /de las bzlog pa ni 'di lta ste/ lhag pa'i tshul khrims kho na cis? nas yang dag par sgrub pa yin par rig par bya'o/ /lhag pa'i sems kyi bslab pa la log par bsgrub pa gang zhe na/ rgyu zhing 'gro ba na tshul bzhin ma yin pa'i yul gyi mtshan ma dang rtags bzung ba'i phyir brjed nges par 'gyur te/ de la nyes

  559. 280a

    dmigs yin par mi shes pas nyon mongs pa b yung ba dang du blangs pa'i phyir shes bzhin du mi gnas pa dang/ gnas shing 'dug pa na zla med par rab tu dben pa'i gnas na 'dug pas brjed ngas pa dang shes bzhin med par gnas pa de nyid la brten nas phyi rol tu sems g.yengs pa 'di ni lhag pa'i sems kyi bslab pa la log par sgrub ba yin no/ /de las bzlog pa ni yang dag par sgrub pa yin par rig par bya'o/ /lhag pa'i shes rab kyi bslab pa la log par sgrub pa gang zhe na/ ji ltar 'di na kha cig 'phags pa dang bstan pa rnam par spangs te/ sdig pa'i grogs po bsten pa la brten nas dam pa'i chos ma yin pa nyan pa la mos pa'i phyir tshul bzhin ma yin pa'i chos rnams rnam par rab tu 'byed par byed la/ sdig can gyi 'dod pa dang/ sdig can gyi lta ba la dga' bar byed cing yang dag par blangs te 'dug la rtogs par bya ba dang thob par bya ba'i chos rgyu chen po dag la ni bdag la khyad par du gsong pa lta bu ste/ 'di ni lhag pa'i shes rab kyi bslab pa'i sgo nas log par sgrub pa yin no/ /de las bzlog pa ni yang dag par sgrub pa yin par rig par bya'o/ /de la so so'i skye bor gyur pa'i gang zag ni de ltar bslab pa gsum po rnams la log par sgrub pa la brten pas so so'i sa las 'das te yang dag pa'i skyon mad pa la 'jug pa dang/ kun tu sbyor pa gsum spang ba'i skal ba med do/ /kun tu sbyor ba gsum ma spangs pa'i phyir gong du bsgom pa'i lam la brten pas dgra bcom pa thob pa dang/ tshe 'di la 'dod chags dang zhe sdang dang/ gti mug dang nyon mongs pa thams cad ma lus par spang ba dang/ phyi ma la yang na ba dang rga ba dang/ 'chi ba las yang dag par 'da' bar 'gyur ba'i skal ba med do/ /de las bzlog pa bslab pa gsum la de ltar yang dag par zhugs pa la ni phyi ma lan ba dang/

  560. 280b

    rga ba dang/ 'chi ba las yang dag par 'da' bar 'gyur ba'i bar du dkar po'i phyogs la thams cad rig par bya'o/ /dge slong tshul khrims dang ldan zhing so sor thar ba'i sdom pa la gnas pa ni lhag pa' sems kyi bslab pa'i sgo nas bsam gtan dang po'i nyer bsngogs gtogs pa'i ting nge 'dzin la brten nas lhag pa'i shes rab kyi bslab pa'i sgo nas chos shes pa dang/ mya ngan las 'das pa shes pa dang/ shes pa 'di gnyis la brten nas snga ma bzhin du rnam pa bzhis phun sum tshogs par gyur ba'i rab tu dben/ par gnas pa yang dag par blangs te 'dug na nyon mongs pa thams cad las sems rnam par grol ba'i mod la dgra bcom pa shes rab kyis rnaM par grol bar 'gyur ro/ /chos gnas pa shes pa gang zhe na/ ji ltar 'di na kha cig rkyen 'di pa nyid kyi rten cing/ 'brel par 'byung ba dang mthun pa'i gtam phyin ci ma log par thos nas rten cing 'brel par 'byung ba'i 'du byed rnams kyi rgyu dang 'bras bu'i gnas skabs de so so'i skye bor gyur bzhin du thos pa dang bsams pa dang bsgoms pa las byung ba'i yid la byed pa yang dag pa ji lta ba bzhin du tshul bzhin yid la byed pas sdug bsngal la yang sdug bsngal bar/ kun 'byung dang/ 'gog pa dang/ lam la yang lam du shes rab kyis 'jug cing mos par byed de/ de ltar rgyu dang 'bras bu ji lta ba bzhin du gnas pa'i chos rnams kyi shes pa gang yin pa 'di ni chos gnas pa zhes bya'o/ /mya ngan las 'das pa shes pa gang zhe na/ 'di ni chos nyid de/ sdug bsngal la sdug bsngal du 'am/ kun 'byung ba dang/ 'gog pa dang/ lam la lam du shes rab kyis 'jug cing mos pa na sdug bsngal dang/ kun 'byung ba la ni mi mthun pa'i 'du shes su yang dag par gnas la 'gog pa /mya ngan las 'das pa la ni zhi bar 'du shes te/ 'di lta ste/

  561. 281a

    phung po thams cad spangs ba 'di ni zhi ba'o/ /'di ni gya nom pa'o zhes bya ba nas rgyas par sbyar te/ de ltar chos gnas ba shes pa la brten pas/ sdug bsngal dang sdug bsngal gyi rgyu la mi mthun bar shes pa la brten nas mya ngan las 'das pa la shes rab kyi zhi bar 'jug pa dang/ mos pa 'di ni mya ngan las 'das pa shes pa zhes bya'o/ /lags par gsungs pa'i chos 'dul ba la phun sum tshogs pa rnam pa drug mngon sum du gyur pa mthong ba'i mkhas pas ni snying tshim par brtson 'grus brtsams te gnas par bya'o/ /rnam pa drug gang zhe na/ slob dpon phun sum tshogs pa dang/ bstan pa phun sum tshogs pa dang/ bstan pa la bde blag tu 'jug pa dang rang gi don thob pa bla na med pa dang/ thams cad la rig pa dang/ bla na med par ston pa dang/ gsung rab mnga' bdag yod pa'o/ /de la slob dpon phun sum tshogs pa gang zhe na/ de bzhin gshegs pa stobs bcu dang ldan pa mi 'jigs pa bzhis 'jigs pa med pa ste/ 'di ni slob dpon phun sum tshogs pa'o/ /de yang khyu mchog gi gnas rgya chen po la dam 'cha' ba dang/ tshangs pa'i 'khor lo skor ba dang/ 'khor gyi nang du seng ge'i sgra yang dag par sgrogs pa dang rten cing 'brel par 'byung ba lugs? su 'byung ba dang lugs su 'byung ba ma yin pa dang/ 'gog pa dang mya ngan las 'das pa ston par mdzad pa 'di ni bstan pa phun sum tshogs pa'o/ /bstan pa de yang rang bzhin gyi tshig dang yi ge gsal zhing don zab la bstan pa tshig dang yi ge gsal zhing don zab pa de'i don zab mo 'grel pa 'di ni bde blag tu 'jug pa'o 'di lta ste/ rdzogs par byang chub pa la ni de bzhin gshegs pa las gus na dge sbyong dam bram ze ches lhag par mngon par shes pa med do/ /de bas na gzhan dag gi rang gi don thob pa'i sgo nas thob par bya zhing mngon par rdzogs par byang chub

  562. 281b

    par? bya ba'i don la de bzhin gshegs pa'i bstan pa'i chos la gud na ches shin tu gya nom pa dang/ 'das pa'i bstan pa'i gnas kyi cha la chad pa 'di ni rang gi don thob pa bla na med pa'o/ /de'i lha dang mi rnams man chad la ston cing phyin ci ma log pa bston te/ chos rnams la slob dpon gyis dpe ma byung ma mdzad par thams cad ston pa gang yin pa de ni thams cad la rigs pa dang bla na med pa ston pa'o/ /the tshom thams cad gcod pa dge ba thams cad kyi rtsa bar gyur pa'i dad pa rgya chen po mngon sum du dmigs gi gzhi dang gnas su gyur pa'i ston pa mngon sum du bzhugs pa gang yin pa 'di ni gsung rab mnga' bdag yod pa zhes bya ste/ phun sum tshogs pa rnam pa 'di drug mngon sum du gyur pa mthong ba'i mkhas pa ni 'di lta ste/ bslab pa gsum po lhag pa'i tshul khrims la sbyar bar bya ba dang/ lhag pa'i sems la bag yod par bya ba dang/ lhag pa'i shes rab la ston pa'i bstan pa brtson par bya ba'i phyir snying tshim par brtson 'grus brtsams te gnas par bya'o/ /gal te le los gnas par byed na ni de la nyes dmigs gnyis su 'gyur bar shes par bya ste /tshe 'di dang tshe phyi ma la sdug bsngal skyed pa'i nyon mongs pas kun nas nyon mongs pa can du byas nas sdug bsngal zhing mi bde bar 'gyur la dge ba'i chos ma thob pa dang thob pa rnams las kyang yongs su nyams par 'gyur te/ don chen po mya ngan las 'das pa dang/ bde 'gror 'gro ba dang ldan pa las yongs su nyams par 'gyur ro/ /de las bzlog pa las ni brtson 'grus brtsams pa'i phan yon gnyis su 'gyur bar rig par bya'o/ /brtson 'grus brtsams pa des ni dge ba'i chos thob pa rnams las yongs su mi nyams pas bdag gi don dang gzhan gyi don dang gnyi ga'i don 'grub par 'gyur ro/ /de la rang gi don ni rnam pa gnyis kyi sgo nas rab tu byung ba 'bras bu dang bcas pa ste/ nyon mongs pa dang

  563. 282a

    bral pa'i mya ngan las 'das pa thob pa'i bde ba 'byung ba dang/ bde 'gror 'gro ba'i bde ba rnam par smin pa gang yin pa'o/ /de la gzhan gyi don ni mya ngan las 'das pa dang bde 'gror 'gro ba las brtsams nas gzhan dag la chos ston pa gang yin pa'o/ /de la gnyi ga'i don ni bdag nyid yon yongs su dag par byas nas dad pa rnams las brtags pa'i chos la sogs pa longs spyod pa gang yin pa ste/ longs spyod des de dag nyid la yang dge ba'i phyogs dang mthun pas phan 'dogs la/ gzhan dag kyang bya ba byas pa de dag gis phyi ma la bde 'gror 'gro bar 'gyur ba'i sgo nas 'bras bu chen por 'gyur ba dang/ longs spyod dang 'khor phun sum tshogs pa'i sgo nas ni phan yon chen por 'gyur ba dang/ tshe dang kha dog stobs dang bde ba dang spobs pa la sogs pa lus phun sum tshogs pa'i sgo nas ni gzi byin chen por 'gyur ba dang/ gnas gsum po de dag nyid yun ring por ldan pa'i sgo nas ni rgyas pa chen por 'gyur ba'o/ /bcom ldan 'das kyis chos ni rnam pa bzhi'i sgo nas legs bar gsungs pa yin par rig par bya ste/ phung po'i lhag ma dang bcas pa'i mya ngan las 'das pa'i dbyings 'thob pa yin pas na nye bar zhi bar byed pa'o/ /phung po'i lhag ma med pa'i mya ngan las 'das pa'i dbyings 'thob par byed pa yin pas na yongs su mya ngan las 'da' bar byed pa'o/ / nyan thos dang rang sangs rgyas dang bla na med pa yang dag par rdzogs pa'i byang chub 'thob par byed pa yin pas na rdzogs pa'i byang chub tu 'gro ba'o/ /gtan du mthar thug pa dang mngon sum du nyams su myong ba'i ston pas yang dag par bstan pas na bde bar gshegs pas gsungs pa'o/ /phun sum tshogs pa bzhi po 'di dag ni 'phags pa'i gnas su skye bar byed pa yin te/ 'di ni de rnams dang ldan pa kha cig legs par gsungs pa'i chos 'dul ba la nan tan du sgrub pa ni legs par 'os pa yin par rig par bya'o/ /bzhi gang

  564. 282b

    zhe na/ /lhag pa'i bsam pa phun sum tshogs pa dang/ dbang po phun sum tshogs pa dang/ shes pa phun sum tshogs pa dang/ 'phags pa'i gnas de yang sangs rgyas rnams 'byung ba yod na 'thob par 'gyur ba phun sum tshogs pa'o/ /de la lhag pa'i bsam pa phun sum tshogs pa ni ji ltar 'di na kha cig mya ngan las 'das pa la lhag pa'i bsam pa dag par byas nas rab tu 'byung ste/ bu lon gyis gtses pa'i phyir ma yin 'jigs pas gces pa'i phyir ma yin zhes bya ba nas rgyas par sbyar te/ de ltar rab tu byung ba ni legs par rab tu byung ba dang/ 'phags pa'i gnas su skyes pa yin par rig par bya'o/ /de la dbang po phun sum tshogs pa ni ji ltar 'di na kha can mig mtshang ba ma yin/ rna ba ma tshang ba ma yin/ ma ning ma yin/ yan lag dang nying lag ma tshang ba ma yin/ dbang po ma tshang ba med pa des na legs par gsungs pa'i chos 'dul ba la rab tu 'byung ba 'thob pa dang/ chos ston pa na yang nyan nus pa lta bu'o/ /de la shes pa phun sum tshogs pa ni ji ltar 'di na kha cig sgrib pa chung ngus rmongs pa med pas mi glen pa dang/ sgrib pa 'bring gis rmongs pa med pas lug ltar lkug pa ma yin pa dang/ sgrib pa chen pos rmongs pa med pas lag brnga can mo yin te/ shes pa'i sgrib pa rnam pa gsum gyis rmongs pa dang bral ba'i phyir legs par gsungs pa dang/ nyes par bshad pa'i chos rnams kyi don rtogs nus pa'o/ /de la sangs rgyas rnams 'byung ba yod na 'phags pa'i gnas de nyid thob pa phun suM tshogs pa ni ji ltar bcom ldan 'das de bzhin gshegs pa shAkya thub pa 'di da ltar 'jig rten du byung ba zhes rgyas par 'byung ba lta bu ste/ 'di lta ste/ rnam grangs bsdu ba las rgyas par 'byung ba bzhin du rig par bya'o/ /chos kyang ston te snga ma bzhin du nye bar zhi bar byed pa zhes bya ba nas rgyas par sbyar ro/ /de la 'phags pa'i gnas su skyes pas na legs

  565. 283a

    par longs shing legs par rab tu byung ba'o/ /dbang po ma tshang ba med pa dang/ mi glen pa dang/ lug ltar lkug pa ma yin pa dang/ lag brda can ma yin pas na ming theb? 'thob pa legs par 'thob pa yin no/ /'di gnyis ni rten cing 'brel par 'byung ba'i 'du byed 'jug pa brtag pa la brtson pa'i the tsom skyed ba'i chos yin te/ gnyis gang zhe na/ rgyu med par smra ba khas len pa gnyis dang/ rgya mi mthun par smra ba khas len pa'o/ /de rgyu med par smra ba khas len pa ni de dag gi rgyu nyid kyang le ma mthong na/ rgyu med pa rnams ji ltar 'byung bar 'gyur snyam du the tshom skye bar 'gyur ro/ /rgyu mi mthun par smra ba khas len pa yang mi 'tsham pa dang/ mi rigs pa'i rgyus ji ltar la byung bar 'gyur snyam du the tshom skye ba kho nar 'gyur ro// thos pa dang ldan pa'i 'phags pa nyan thos ni nyes par smra ba rnam pa gnyis ka yang spangs nas yang dag par 'jug pa la rtog par byed do/ /de bas na rang gis yang dag pa la yang dag par dmigs pa na shin tu nges pa dang the tshom med par 'gyur ro/ /gang du thos pa dang ldan pa'i 'phags pa nyan thos zhes smos pa der ni so sor skye bo yin par rig par bya'o/ /gang du 'phags pa nyan thos 'ba' zhig smos pa der ni bden pa mthong ba yin par rig par bya'o/ /chos 'di pa'i gang zag 'di gsum ni sdug bsngal zhing yid mi bde bar gnas pa yin te/ gsum gang zhe na/ ji ltar 'di na kha cig legs par gsungs pa'i chos 'dul pa 'di la mya ngan las 'da' bar 'dod cing mya ngan las 'da' ba la zhugs te/ rab tu byung ba yin pa de/ yang de ltar rab tu byung nas tshul khrims drang brtul zhugs tsam gyis chog par 'dzin cing gnas te/ dus dus su lhag pa'i sems dang/ lhag ba'i shes rab la mi slob pa de ni sngon gyi khyim gyi yul gyi longs spyod las kyang nyams la bla na med pa'i grub pa dang bde ba mya ngan las

  566. 283b

    'das pa yang ma thob ste/ bar ma do'i lam la gnas pas sdug bsngal zhing yid mi bde bas gnas pa lta bu'o/ /gzhan yang 'di na kha cig tshul khrims dang brtul zhugs tsam nyi chos ni chog par mi 'dzin mod kyi/ 'on kyang nga? dung? so so'i skye po'i sa las yang dag par 'das pa ma yin te/ de so so'i skye bo'i sa las yang dag par ma 'das pas chos rnams la gzhan gyi dring 'jog pa'i phyir kye ma 'di dag ni shes par bya ba shes pa dang/ mthong bar bya ba mthong pa yin no snyam ste/ /gzhan dag gi dor lta zhing gzhan dag gi de rtog yang dag las chos nyan pa dang gdams ngag dang rjes su bstan pa chol bar byed de/ bdag nyid kyang som nyi dang bcas te the tshom dang bcas par 'dug pa'i de ni gang zag gnyis pa sdug bsngal zhing mi bde bar gnas pa yin no/ /gzhan yang gang zag 'di na kha cig slob pa bzhi mthong ba yin na de bag med bar gnas pas che 'di la yongs su mya ngan las 'das? pa'i bskal ba med de nges lus phyi ma mngon par 'grub ba'i rgyu yongs su bzung ba'i phyir phyi ma dang bcas pa gnas pas sdug bsngal zhing mi bde bar gnas pa lta bu'o/ /gang zag gsum po de rnams las bzlog pa'i gang zag bde ba la reg par gnas pa yang gcig tu nges par bde bar gnas pa'i dgra bcom pa dang gsum yong ngo/ /sdom ni/ sring 'gag dag sbyor bram ze? dang/ /nyams su myong ba'i shes pa dang/ 'jug dang 'ong zhing 'gro ba dang/ /sangs rgyas lugs 'byung tha ma yin/ /slob pa bzhi mthob bas ni gzhan la dad pas 'gro ba ma yin par srid pa 'gags na ni zhi pa mya ngan las 'das par 'gyur ro/ /snyam du rang gi 'phags pa'i shes rab kyi mig gis mthong mod kyi 'on kyang nges ni lus kyis mngon sum du byed par mi nus te/ dper rga la la zhig sgom nas khron pa zab mo'i drung du song na thag pa dang bcu pa'i snod med pas sha'i mig gis chu mngon sum du mthong du zin kyang de lus kyis reg par mi 'gyur

  567. 284a

    de bzhin du/ slob pas kyang gong ma'i nyon mongs pa spong pa de 'dod de/ shes rab kyi mig gis zhi bar mngon sum du mthong du zin kyang de'i lus kyi mngon sum du byed par mi 'gyur ro/ /dge sbyong dang bram ze kha cig 'dod chags dang zhe sdang dang gti mug zad par spong ba dang dge sbyong gi don du bya ba dang bram ze'i don du bya ba ma thob par 'jig rten ? bdag nyid la dge sbyong du 'du shes shing dge sbyong du khas 'che ba dang bram zer 'du shes shin bram zer las 'che bar byed la 'jig rten yang de ltar 'dzin mod? kyi 'on kyang de dag ni kun rdzob kyi dge sbyong dang bram ze yin gyi don dam pa'i ma yin te de bar? ci yongs? pa'i dge sbyong 'bram ze rnams kyis dge sbyong dang bram bram zer mi 'dzin? to/ de ci'i? phyir? zhes di ltar de dag gi kun nas nyon mongs pa'i chos rnams dang/ kun nas nyon mongs pa'i chos rnams kyi rgyu dang 'gog pa dang 'gog par 'gyur ba'i lam yang dag pa ji lta ba bzhin du rab tu mi shes pa'i phyir ro/ /de la kun nas nyon mongs pa'i chos rnams ni 'di lta ste/ rga shis bsdus pa'i sdug bsngal dang skye ba'o/ /kun? nas nyon mongs pa'i chos kyi rgyu ni rnam pa gnyis te/ srid pa las gyur pa dang las gyur pa'o/ /de la srid pa las gyur pa ni 'di lta ste/ lugs su 'gyur ba ma yin pa'i rten cing 'brel par 'byung pa'i tshul gyis srid pa dang/ len pa dag/ srid pa dang/ ma rig pa'i 'dus? te reg? pa las byung ba'i chod? pa dang/ ma rig pa'i 'dus te reg pa de nyid dang/ ma? rig pa'i khams dang 'brel ba'i skye mched drug go /de la las las gyur pa ni lugs su 'byung ba ma yin pa'i rtan cing 'brel par 'byung ba'i tshul nyid kyis ming dang gzugs dang rnam par shes pa dang 'du byed rnams te/ de dag kyang chos gnas pa'i shes pa cam gyis kyang yang dag ba ji lta ba bzhin du mi shes nas? de nas mngon par rtog ba'i tshe yongs su shes pa 'am/ yongs su shes kyang bsgoms pa'i lam gyis

  568. 284b

    slob pa'i sa las yang dag par 'da' bar 'gyur ba'i skal ba lta ga la yod/ rten cing 'brel par 'byung ba'i 'du byed rnams la ni rig pa'i 'dus te reg pa las byung ba'i chos gnyis kyis bden pa bzhi'i tshul mngon par rtogs par 'gyur te/ gnyis gang zhe na/ dmigs pa nyams su myong ba'i bdag nyid kyi rig pa'i 'dus te reg pa las byung ba'i tshor ba dang/ dmigs pa rab tu rnam par 'byed pa'i bdag nyid kyi rig pa'i 'dus te reg pa las byung ba'i shes rab kyis so/ /de la srid ba'i yan lag bcu gcig la re re zhing yang bden pa bzhi po rnam par bzhag bas rnam par gzhag na gzhi bzhi bcu rtsa ba zhing 'gyur te/ de la reg pa'i 'dus te rig pa las byun ba'i tshor ba'i sgo nas ni de ltar de dag la bzhi bzhi bcu rts bzhir tshor bar bya zhe bya ba yin no/ /rig pa'i 'dus te reg pa las byung ba'i shes rab kyi sgo nas ni gzhi bzhi bcu rtsa bzhi po de dag nyid la shes pa'i gzhi rnams zhes bya'o/ /de la tha man 'dug pa'i rga shi ni 'bras bu kho nar zad do/ /dang po'i ma rig pa ni rgyu kho nar zad do/ /lhag ma rnams na rgyu yang yin la 'bras bu yang yin no/ / gzhan? yang dus gsum yongs su shes pa'i bye brag dang/ snga ma bzhin du nor ba'i sa med pa yongs su shes pa'i bye brag dang/ chos gnas pa'i shes pas bsdus pa'i 'dzin pa'i shes pa mi rtag pa'i bye brag gis ni shes pa'i gzhi bdun cu rtsa bdun du 'gyur bar rig par bya ste/ nges ni bden pa brtag pa'i rnam pa thams cad bstan te/ de'i rjes la? bden pa mngon par rtogs par 'gyur la rim gyis dgra bcom pa'i bar du yang thob par 'gyur ro/ /rten cing 'brel par 'byung ba'i 'du byed rnams ni rnam pa gsum gyis rim gyis 'jug par rig par bya ste/ 'di lta ste/ rgyus rtas pa dang 'bras bu skye ba dang 'bras bu 'phel? zhing yang dag par 'grub ba'o/ /de dag thams cad gcig tu bsdus pa la ni chos rnams 'phel ba dang/ skye ba dang kun 'byung ba zhes bya'o/ /rgyu dang

  569. 285a

    'bras bu 'gag pa la ni ci rigs par 'grib pa dang 'gag pa dang nub pa zhes bya bar rig par bya ste/ 'di ni dgongs pa las byung ba'i rnam grangs chos nyid dang mi 'gal ba yin no/ /gzhan yang sngon gyi mdza' dang/ dbus kyi mdza' dang/ phyi ma'i mdza' i dus kyi bye brag bar 'dod pa dang gzugs dang gzugs med pa'i bye brag gis ni go rim bzhin du 'phel ba dang 'grib pa dang skye ba dang 'gag pa dang kun 'byung ba dang nub pa dang sbyar bar rig par bya'o/ /'di gnyis ni kun nas nyon mongs pa yin te/ las dang sred pa'i kun nas nyon mongs pa dang/ lta ba'i kun nas nyon mongs pa'o/ /kun nas nyon mongs pa 'di gnyis ni phyogs gnyis te/ khyim pa'i phyogs dang rab tu byung ba'i phyogs las 'byung bar rig par bya'o/ /de la las dang sred pa'i kun nas nyon mongs par mngon par 'du byed pa gang yin pa de ni sems las bsgyur pa zhes bya'o/ /de la lta ba'i kun nas nyon mongs pa log ba'i rtog pas bslang gang yin pa de ni rab tu brtags pa zhes bya'o/ /de la so so'i skye bo khyim pa 'am rab tu byung ba ni kun nas nyon mongs pa 'di gnyis kyis kun nas dkris pa dang/ bag la nyal gyi sgo nas rnam par shes pa'i gnas bzhi la sems kyis kun nas nyon mongs pa skyed nas de la dmigs te/ yang srid par skye ba mngon par 'grub par byed la 'ong zhing 'gro ba las yongs su grol bar mi 'gyur ro/ /slob pa gzhi mthong ba ni lta ba'i kun nas nyon mongs pa spangs te/ nga'o snyam pa'i nga rgyal gyi gnas kyi bag chags tsam zhig lus par zad pa dang/ gsar du yang las mngon par mi byed pa dang/ yang srid par skye ba la yang mngon par dga' ba med pas na las dang sred pa'i kun nas nyon mongs pa nges kun nas dkris par mi 'gyur ro/ /de lta mod kyi de'i rgyud la kun nas nyon mongs pa'i bag la nyal gnas te/ de la dmigs pas rnam par shes pa'i

  570. 285b

    gnas rnams la de'i sems kun nas nyon mongs pa can du 'gyur la yang srid par skye ba yang mngon par 'grub par 'gyur ro/ /ni slob pa'i ni tshe 'di la kun nas nyon mongs pa gnyi ga'i kun nas dkris pa dang/ bag la nyal spangs pas na phyi ma la rnam par shes pa'i gnas rnams pa sems kyi kun nas nyon mongs pa dang bcas pas yang srid par skyes mngon par 'grub par mi 'gyur ro/ /yang dag par rdzogs pa'i sangs rgyas rnams ni 'das pa'i dus nas bzung ste/ byang chub sems dpar gyur pa na rten cing 'brel par 'byung pa 'di nyid tshul? bzhin du ming la byed pas bla na med pa yang dag par rdzogs pa'i byang chub mngon par rdzogs par sangs rgyas te/ dper na da ltar gyi bcom ldan 'das lta bu'o/ /bla na med pa yang dag par rdzogs pa'i byang chub mngon par rdzogs par sangs rgyas nas kyang/ rten cing 'brel par 'byung ba de nyid la lugs su 'byung ba dang lugs su 'byung ba ma yin pa'i tshul gyis dmigs pa bca nas tshe 'di la bde bar gnas pa'i sbyor? ba la brtson zhing bde ba la reg par gnas te/ dper na? da ltar gyi bcom ldan 'das lta bu'o/ /de dag kyang tshang med de/ 'jig rten na shugs gnyis kyi bdun brgyud bstan pa dang 'dra ba'i sgo nas ni 'dun kho nar bstan to/ /de ltar na bla na med pa'i byang chub lta bu yang rten cing 'brel par 'byung pa yang dag pa ji lta ba bzhin du shes pas ma rtogs pa ni rtogs par 'gyur la rtogs zin pa ni tshe 'di la bde bar gnas par 'gyur/ dma' ba' i byang chub lta ci sngos/ rten cing 'brel par 'byung ba de yang dag pa ji lta ba bzhin du mngon par rdzogs par byang chub bar bya ba'i thabs ni yan lag lngas yongs su zin pa'i spong ba yin te/ snga ma bzhin du rig par bya'o/ /rten cing 'brel par 'byung ba de'i bsdus pa'i don yang 'jug pa'i phyogs kyi sgo nas ni sdug bsngal rgyu dang bcas pa'o/ /ldog pa'i phyogs

  571. 286a

    kyi sgo nas ni zag pa medpa' i chos rnams rgyu dang bcas pa'o/ /sdug bsngal rgyu dang bcas pa'i rgyu ni zag pa rnams so/ /zag pa de rnams kyi cen du gyur pa ni ma rig pa'i 'dus te rig pa las byung ba'i tshor ba'o/ /rgyu dang bcas pa'i chos rnams gnas pa'i rgyu ni tshe 'di la nyon mongs pa spangs pa'i phung po tsam gyi rkyen to/ /rim gyis yang dag par grub pa'i rnam par dag pa bdun gyi sgo nas nye bar len pa med pa'i yongs su mya ngan las 'das pa'i phyir rkyen 'di pa nyid kyi rten cing 'brel bar 'byung ba lugs su 'byung ba'i yan lag ni zab mo'i gtam yin par rig par bya ste/ bdun gang zhe na/ tshul khrims rnam par dag pa dang/ sems rnam par dag pa dang/ lta ba rnam par dag pa dang/ the tshom las rgal ba rnam par dag pa dang/ lam dang lam ma yin pa'i shes pa rnam par dag pa dang/ lam gyi shes pa mthong ba rnam par dag pa dang/ lam spong ba'i shes pa mthong ba rnam par dag pa'o/ /rnam par dag pa 'di rnams ji ltar rim gyis yang dag par 'grub par 'gyur zhe na/ 'di na dge slong tshul khrims dang ldan pa gnas shing so so thar pa'i sdom pas bsdams pa zhes bya ba nas rgyas par 'di lta ste/ nyan thos kyi sa las 'byung ba bzhin du rig par bya'o/ /de de ltar tshul khrims dang ldan zhing 'gyod pa med pa nas rgyas par sems mnyam par 'jog pa'i bar du sbyar te/ de bsam gtan bzhi pa'i bar du bsgrub te gnas so/ /de de ltar sems mnyam par gzhag pa nas drang por gyur cing las su rung bar gnas la mi g.yo ba'i bar du thos pa zag pa zar pa shes pa mngon sum du bya ba'i mngon par shes pa la sems mngon par 'jog par byed pas des 'phags pa'i bden pa bzhi mngon par rtogs par 'gyur te/ mthong bas spang bar bya ba'i

  572. 286b

    nyon mongs pa rnams spangs pa'i phyir zag pa med pa slob pa'i yang dag pa'i lta ba thob par 'gyur ro/ /de thob pas sdug bsngal dang kun 'byung ba dang/ 'gog pa dang lam dang/ sangs rgyas dang ches dang dge 'dun la som nyi dang the tshom yod pa gang yin pa de spong bar 'gyur te/ gtan spangs pas rnam par rgal bar yang 'gyur ro/ /the tshom las rgal bas yang dag pa'i lta ba sngon du 'gro ba'i lam yang lan du yang dag par ji lta ba bzhin du rab tu shes la/ mthong bas spang bar bya ba dang/ gong du bsgom pas spang bar bya ba'i nyon mongs pa de rnams spangs bar bya ba'i phyir log par lta ba sngon du 'gro ba'i lam ma yin pa yang lam ma yin par yang dag pa ji lta ba bzhin du rab tu shes so/ /de lam dang lam ma yin pa la yang mkhas pas/ lam ma yin pa spangs nas lam du 'gro ba na lam gyi rjes su 'gro ba'i lam bzhi ste/ mngon par shes pa bul ba dang mngon par shes pa myur ba dka' ba dang/ mngon par shes pa bul ba dang mngon par shes pa myur ba sla ba yang dag pa ji lta ba bzhin du rab tu shes so/ /lam rnams kyi rnam par dbye ba ni 'di lta ste/ nyan thos kyi sa las 'byung ba bzhin du rig par bya'o/ /des lam de yang dag pa ji lta ba bzhin du rab tu shes nas lam dang po 'da' bar bya ba'i don gyis ci nas thams cad kyi thams cad du spong bar byed de/ nyon mongs pa dang bral bar bya ba lta bu'i don gyis ni ma yin te/ de yang yang dag pa ji lta ba bzhin du rab tu shes so/ /dka' ba gnyis pa spang ba dang/ gsum pa mngon par shes pa bul ba yang yang dag pa ji lta ba bzhin du rab tu shes so/ /des dang po ril dang gnyis kyis phyogs gcig spangs nas mngon par shes pa myur ba sla ba yang dag par bsgrubs te de la brten nas de'i 'og tu zag pa rnams zad pas tshe 'di la len pa med par yongs su mya ngan las 'da' bar 'gyur te/ lus dang bral nas kyang phung po'i lhag ma

  573. 287a

    med par 'gyur ro/ /de ltar na rnam par dag pa bdun po de dag la brten cing rim gyis 'di lta ste/ len pa med par yongs su mya ngan las 'da' ba' i bar du yang dag par 'grub par 'gyur ro/ /de la gang gi phyir rim gyis rnam par dag pa thams cad tshang bas len pa med par yongs su mya ngan las 'da' ba yang dag par 'gyur gyi/ gang yang rung ba 'ga' ma tshang bas ni ma yin te de bas na thams cad kyi don gyi phyir bcom ldan 'das kyi thad du tshangs par spyad pa spyod kyi 'ga' tsam/ gyi phyir ma yin no/ /de bas na bcom ldan 'das kyang thams cad kyi len pa med par yongs su mya ngan las 'da' bar brda sprong? par mdzad kyi 'ga' tsam ma gtogs pas ni ma yin no/ /de ltar na 'dir re? re'i sgo nas de 'ba' zhig gis kyang len pa med par mya ngan las 'da' bar mi 'gyur la de med par yang ma yin pa 'di ni 'dir rkyen 'di pa nyid kyi rten cing 'brel par 'byung ba zam mo yin par rig par bya'o// //rnal 'byor spyod pa'i sa las gzhi bsdu ba/ bam pa bco lnga pa/ sdom ni /rnam par gzhag dang rgyu rnams dang/ /don rtag pa dang nyes dmigs dang/ /kun nas nyon mongs tha ma yin/ /chos bzhi po 'di dag ni tshe 'di la dbang po'i 'byung ba chen po rgyas bar byed pa ste/ bzhi gang zhe na/ stobs dang bde ba dang yid bde ba/ dang sdug pa'i dngos po la re ba dang stobs dang bde ba dang yid bde ba dang re ba rnams kyi rten du gyur pa'i dbang po'i 'byung ba chen po che dang bcas drod dang bcas pa rnams gnas shing 'jig par mi 'gyur ba'o/ /chos bzhi po de dag gso ba'i zas kyang go rim bzhin du bzhi yod par rig par bya ste/ 'di lta ste/ kham gyis za ba dang bde ba myong bar 'gyur ba'i reg pa zag pa dang bcas pa dang 'di la sems pa dang dbang po'i 'byung ba chen po len par byed pa'i rnam par shes pa'o/ /de la kham gyis zab ni tshe 'di la stobs gso

  574. 287b

    bar byed de stobs las ni dbang po'i 'byung ba chen po rnams rgyas par 'gyur ro/ /bde ba myong bar 'gyur ba'i reg pa zag pa dang bcas pa ni bde ba gso bar byed dai/ bde ba dang yid bde ba las ni dbang po'i 'byung ba chen po rnams rgyas par 'gyur ro/ /yid yul dang phrad par byed pa'i sems la ni yid la sems pa zhes bya sde/ de ni 'dod pa'i yul la re ba gso bar byed de/ re ba las ni dbang po'i 'byung ba chen po rnams rgyas par 'gyur ro/ /dbang po'i 'byung ba chen po len par byed pa'i rnam par shes pa ni dbang po'i 'byung ba chen po tshe dang bcas pa dang drong dang bcas pa de rnams kyi gnas pa'i rgyu ste gnas pa de ni rnam par shes pa lus dang mi 'bral ba'i rgyu yin no/ /stobs dang bde ba dang yid bde ba dang re ba de rnams kyang de la brten nas 'jug par 'gyur te/ de ltar na sems can 'byung pa rnams gnas par byed pa ni zas bzhi yin no/ /de la kham gyi za ba las ni stobs 'byung ngo/ /stobs las ni dbang po'i 'byung ba chen po rgyas par 'gyur te/ de bas na lus dang srog la lta ba'i byis pa gang yin pa de ni don de yongs su tshol ba na dge ba dang mi dge ba'i las kyang byed cing sogs la nyon mongs pa gsar yang 'phel bar byed de/ kham gyi zas ji lta ba bzhin du reg pa dang yid la sems pa yang ci rigs par de dang 'dra bar rig par bya'o/ /nges gsum po de dag gi sgo nas yang srid par skye ba'i las dang nyon mongs pa sgrubs nas tshe 'di la rnam par shes pa ni las dang nyon mongs par nye bar 'gro ba dang len pa dang bcas pa dang/ phyi ma la yang srid par skye ba la phan 'dogs par byed de/ /de ltar na zas bzhi po 'di dag ni 'byung ba tshol zhing yang srid par skye ba 'dod la yang srid par skye ba ma spangs pa rnams kyi yang srid par skye ba sdung ba dang/ yongs su 'dzin pa dang phan 'dogs par byed pa'o/ /de la 'dod pa na spyod pa'i lha rnams kyi ni kham gyis za ba? cha phra ba yin no/ /bar mdo'i srid pa rnams dang/ ma'i mang lan 'dug pa rnams

  575. 288a

    kyi yang de dang 'dra'o/ /'dod pa'i khams kyi de ma yin pa'i bar skabs rnams kyi kham kyi zab ni rags par rig par bya'o/ /reg pa dang yid la sems pa dang/ rnam par shes pa rnams ni gzugs med pa rnams kyi cha phra bar rig par bya'o re ma yin pa'i ni gzugs la bsten bas brtag slab dang yongs su bcang par sla ba'i phyir rags pa yin no/ /'di ni chas cha phra ba dang/ rags pa'i rnam grangs tha dad pa yin par rig par bya ste/ sems can 'byung ba rnams gnas par byed pa gang yin pa de dag ni rags pa yin no/ /'byung bar 'dod ba rnams la phan 'dogs par byed pa gang yin pa de dag ni cha phra ba yin par rig par bya ste/ 'di ni zas bzhi po rnams rnam par bzhag pa yin par rig par bya'o/ /dbang po'i 'byung ba chen po de dag ni sngon gyi sred pa kun 'byung ba'i bden pas bsdus pas bskyed pa ste/ de dag 'phel par bya ba'i phyir zas bzhi yongs su tshol bar byed do/ /de bas na rnam grangs 'dis sems can 'byung zhing mngon par grub pa rnams gnas par 'gyur ba'i gnas zas bzhi gang yin pa de dag kyang sred pa'i rgyu las byung ba yin te/ sred pa dang bcas pas tsho 'di la lus dang zas rnams la rnam pa gsum gyis sgo nas las dang nyon mongs pa rgyas par byas nas tshe 'di la yang srid par skye ba la phan 'dogs pa'i phyir rnam par shes pa las dang nyon mongs pa nye bar 'gro ba dang/ len pa dang bcas par byed de/ de bas na 'byung ba tshol ba'i sems can rnams la phan 'dogs pa'i zas bzhi po gang yin pa de dag kyang sred pa'i rgyu las byung ngo/ /sred pa de yang tshe 'di nyid lam rig pa'i 'dus te reg pa las byung ba'i tshor ba'i rkyen gyis skye'o/ /ma rig pa'i 'dus te reg pa las byung ba'i tshor ba de yang ma rig pa'i 'dus te reg pa'i rkyen gyis skye'o/ /ma rig pa'i 'dus de reg pa de yang sngon goms pas ma rig pa'i khams

  576. 288b

    dang ldan pa'i skye mched drug gis rkyen gyis skye'o/ /de bas na tsho 'di la skye mched drug las gung na rgyu gzhan med de/ skye mched drug po de nyid gcig la gcig rten par zas de/ rnam par shes pa ni gzugs can gyi dbang po la brten to/ /rnam par shes pas zin pa'i gzugs can gyi dbang po rnams kyang ming la brten te/ de bas na skye mched drug las gud na med ces bya'o/ /gang gi tshe phyi rol gyi yan lag gi stobs dam pa'i chos thos pa la brten nas/ nang gi tshul bzhin yid la byed pa'i rgyus yang dag pa'i lta ba bskyed de/ des nam rig pa spong la rig pa ni skyed do/ /gnas yongs su gyur cing de'i nang gi gnas ngan len shin tu spyangs pa'i phyir/ tshe 'di la ma rig pa'i khams dang ldan pa'i skye mched drug gang yin pa de ni 'gag la rig pa'i khams dang ldan pa ni skye'o/ /de'i skye mched drug 'gags pas rim gyis sred pa'i bar du 'gag par 'gyur ro/ /sred pa 'gags pas zas 'gag par 'gyur ro/ /yang srid par skye ba la phan 'dogs pa'i zas rnams 'gags nas kyang rig pa dang ldan zhing 'byung ba mi tshol ba de'i yang srid par skye ba 'gag par 'gyur bar rig par bya'o/ /chos la zas de dag za ba dang gang gis de dag la zas zhes bya bar 'gyur ba'i chos skyes nas gnas pa de gang yang med la bdag kyang med de 'on kyang chos rnams nyid ma skyes pa skye pa'i rkyen gyi tshul gyi chos rnams nyid kyis chos rnams gso ba 'di ni zas kyi don te/ kun rdzob tu chos kyi brdas rnam par shes pa la gang zag tu btags nas zas bzhi po rnams za ba'i gang zag ces bya bar zad de/ 'di lta ste/ rjes su tha snyad gdags pa'i don yin gyi don dam par ni ma yin no/ /de ci'i phyir zhe na/ gal te rnam par shes pa skyes nas gnas shing gang zag gi tshul gyis yongs su grub ste/ za ba por gyur na ni rnam par shes pa zas su 'gyur du mi rung ste/ rnam yang gang zag nyid gang zag la ? bar mi 'gyur la/ rgyud gcig la rnam par shes pa gnyis cig car gnas ba

  577. 289a

    yang med pa'i phyir ro/ /de bas na gang zag gi tshul gyis yongs su grub ste gnas nas rnam par shes pa zab par 'gyur du mi rung ngo/ /de ltar mi rung ba bzhin du gang 'di skad dus su zhig rnam par shes pa'i zas za? zhes dri ba 'dri bar byed na ni tshul bzhin ma yin par 'dri ba yin par rig par bya'o/ /gal te 'di skad du/ rnam par shes pa'i zas de gang gi rkyen yin zhes 'dri na ni rten cing 'brel par 'byung ba la yang zhugs pa yin pas na tshul bzhin du 'dri ba yin par rig par bya'o/ /srid pa ni gnyis te/ skye ba'i srid pa dang/ las kyi srid pa'o/ /de la phyi ma'i yang srid pa skye ba'i skye ba'i sri pa mngon par 'grub cing 'byung bar 'gyur ba la na di ltar tshe 'di la las dang nyon mongs pa nye bar 'gro ba'i rnam par shes pa gang yin pa de phyi ma la skye ba'i srid pa de 'phen pa ste/ de de'i sngon du 'gro ba'i tshul gyis byung ba la ni las kyi srid pa zhes bya'o/ /tshe 'di la srid pa de byung bar gyur na phyi ma la de'i yang srid par skye ba/ skye ba'i srid pas bsdus pa skye bar 'gyur ba'i phyir 'chi ba'i dus byas nas sngon gyi mdza' i skye mched drug skyes pa la ni skye ba'i sred pa zhes bya'o/ /rnam par shes pa de ni skye mched drug po de'i sngon du 'phen pa yin pa'i phyir yang rkyen yin la nyid mtshams sbyor ba'i tshe yang rkyen yin te/ 'di ltar ma'i mngal du rnam par shes pa zhugs pa las ni ming dang gzugs 'byung ngo/ /ming dang gzugs kyi rkyen gyis ni ma rig pa'i khams dang ldan pa'i skye mched drug 'byung ngo/ /de nas de'i rkyen gyis de dang 'dra ba'i reg pa'i rim pas len pa'i rkyen gyis yang phyi ma'i mdza' i las kyi srid pa'i bar du 'byung ste/ chos 'di dag thams cad kyang med pa las rang rang gi rkyen gyis skye bar 'gyur gyi de dag gi reg pa po nas sred pa po'i bar gang la reg par byed pa nas srid par byed pa'i bar du gang yang med de/ chos 'di dag ni de ma yin pa dag gis

  578. 289b

    gso zhing de ma yin pa rnams kyis bza' bar zad de/ de bas na rgyu dang 'bras bur gtogs pa'i 'du byed kyi rgyud ? mi 'chad par 'jug ste/ snga ma'i las kyi srid pa las phyi ma'i mdza' i skye ba'i sred pa 'byung ba ni 'gro ba yin no/ /phyi ma'i mdza' i las kyi srid pa las yang snga ma'i skye ba'i srid pa de nyid phyir ldog par 'gyur te/ de ltar na rten cing 'brel par 'byung ba'i 'khor lo 'di ni 'jig rten 'di nas 'jig rten pha rol dang/ 'jig rten pha rol nas 'jig rten 'dir 'khor ro/ /de bas na chos rnams kyi chos rnams gso pa'i don ni zas kyi don du rig par bya'o/ /zas rnam pa gsum gyi rgyu las byung ba'i nang gi sdug bsngal rnam pa gsum skye bar 'gyur te/ 'di lta ste khams ma snyoms pa las byung ba'i nang kyi sdug bsngal dang 'dod pa'i sdug bsngal dang/ 'dod pas 'phongs pa'i sdug bsngal lo/ /de la dang po ni kham gyi zas kyi rgyu las byung ngo/ /gnyis pa ni reg pa'i zas kyi rgyu las byung ngo/ /gsum pa ni yid la sems pa'i zas las byung ngo/ /dge slong gi kham gyi zas kyi rgyu las nang gi nang kyi sdug bsngal du 'gyur bar mthong nas kham gyi zas zab na bu'i sha la bab pa bzhin du mngon par chags pa med do/ /dge slong gi bde ba myong bar 'gyur ba'i reg pa'i rgyu la nang gi 'dod pa'i sdug bsngal yin par yang dag par mthong bas reg pa'i skye mched drug po rnams pa lang ko ba bshus pa 'dra bar mthong nas/ de ji snyam du sems te /gal te bdag reg pa'i skye mched drug po 'di dag dang 'dod cing sred pa'i kun tu chags pa rnams kyis gzugs rnams la brten te gnas par gyur na ni gzugs rnams la brten pas bdag sdig pa mi dge ba'i chos rnams kyi rtog pa dag gis ba lang ko ba bshus na srog chags rnams kyi bza' ba dang/ za ba na yang sdug bsngal zhing mi bde bar gnas pa bzhin du 'gyur ro snyam mo/ /des de ltar mthong nas dang po'i reg pa'i skye mched

  579. 290a

    la nyes dmigs su mthong bas kun nas nyon mongs pa mi spyod do/ /gzugs rnams la ji lta ba bzhin du sgra dang dri dang ro dang reg bya dang chos rnams kyang de dang 'dra bar rig par bya'o/ /dang po reg ba'i skye mched ji lta ba bzhin du drug ba'i reg ba'i skye mched kyi bar gyi nyes dmigs mthong bas kun nas nyon mongs pa med par gnas so/ /dge slong gis yid la sems pa'i rgyu las nang gi 'dod bas 'phongs ba'i sdug bsngal yin par yang dag par mthong nas yid la sems pa la bdag me'i 'obs dang 'dra bar mthong ste/ 'dod pas 'phongs pa las byung ba'i lus dang sems kyis yongs su gdung ba chen po skyed pa yin pa'i phyir nges de ltar yang dag par mthong nas chos gos dang bsod snyoms la sogs pa la re bar mi byed par khyim rnams su 'jug par byed do/ /de bas na 'dod pas 'bongs pa las byung ba'i sdug bsngal gyis kyang gos par mi 'gyur la/ bde ba la reg par gnas par yang 'gyur te/ de ltar na des kham gyi zas dang reg pa dang yid la sems pa'i zas rnam pa gsum tshul bzhin du brtags pa yin no/ /des zas rnam pa gsum gyi rgyud las nang gi rnam par shes pa la mdung thung sum brgyas btsugs pa bzhin du ji skad bstan pa'i sdug bsngal skye bar yang dag par mthong ngo/ /de ci'i phyir zhe na/ 'di ltar kham gyi zas kyi rgyu las kyang nad kyi sdug bsngal rnam pa du ma sna tshogs mang po rnam par shes pa la skye bar 'gyur la reg pa'i rgyu las kyang de'i 'dod pa'i sdug bsngal lhag par 'byung ba dang/ yid la sems pa'i rgyu las kyang 'dod pas 'phongs pa'i sdug bsngal 'byung ba'i phyir ro/ /des de ltar rnam par shes pa'i zas la yang dag par mthong nas lus dang srog la mi lta bar 'gyur ro/ /de ltar na des zas bzhi po rnams tshul bzhin du brtags pa yin te/ brtags pa de la brten nas tshe 'di la spong bar byed do/ /spangs

  580. 290b

    nas kyang phyi ma la sdug bsngal mthar thug pa thob par 'gyur ro/ /zas bzhi po de dag yang dag pa ji lta ba bzhin du ma mthong ba ni dga' ba dang 'dod chags gnyis kyis kun nas nyon mongs pa can du 'gyur te/ kun nas nyon mongs pa can du gyur pa de la ni tshe phyi ma dang tshe 'di'i nyes dmigs rnam pa gnyis su 'gyur bar shes par bya'o/ /de la zas bzhi po rnams las yid la sems pa'i rgyu las re ba dogs pa dang bcas pa'i yid bde ba nyon mongs pa can ni dga' ba yin no/ /bde ba myong bar 'gyur ba'i reg pa'i rgyu bde ba dang yid bde ba'i gnas kyi zas rnams la lhag par zhan pa ni 'dod chags so/ /kun nas nyon mongs pa 'di gnyis kyi tshe 'di la rnam par shes pa kun nas nyon mongs pa can du 'gyur te/ rnam par shes pa'i gnas rnams la gnas nas phyi ma la yang srid par skye ba'i sa bon gyi tshul gyis bzhin skye bar 'gyur ro/ /skyes nas yang srid par skye ba'i skye ba la sogs pa'i sdug bsngal mngon par 'grub par 'gyur te/ 'di ni phyi ma'i nyes dmigs dga' ba dang 'dod chags kyi kun nas nyon mongs pa las byung ba yin pa rig? par bya'o/ /de yang de ltar zas bzhi po rnams la dga' ba dang 'dod chags gnyis kyis kun nas nyon mongs pa can du gnas pas tshe 'di 'di rdul dang bcas par 'gyur ro/ /de de ltar rdul dang bcas par gyur pas zas de rnam par 'byung zhing gzhan du gyur pas mya ngan byed cing ngal la yid mi bde bar gnas te/ tshe 'di la mya ngan dang bcas par 'gyur ba 'di ni dga' ba dang 'dod chags las gyur pa'i tshe/ 'di'i nyes dmigs yin par rig par bya'o/ /gang su yang rung ste zas bzhi po rnams la dga' ba dang bdod chags ma spangs pa gang yin pa de'i rnam par shes pa dang bcas pa'i lus skye mched drug gis bsdus pa ni khang pa brtsegs pa lta bu yin te/ de'i skye mched drug gi skar khud rnams nas yul la dmigs pa'i nyon

  581. 291a

    mongs pa'i 'od zer rnams nyi ma'i? 'od zer bzhin du de'i gnas su 'jug par 'gyur te/ der sa 'og ma 'am gong mar gnas thod par 'gyur ro/ /gnas thong nas kyang snga ma bzhin du rnam par shes pa'i gnas bzhir rnam par shes pa kun nas nyon mongs pa can du byas nas yang srid par skye ba mngon par 'grub par byed do/ /dga' ba dang 'dod chags spangs pa ni de las bzlog pa ste/ nyon mongs pa de dag yul la dmigs pas ye skye bar yang mi 'gyur mi gnas der zhugs te/ gnas thod bar lhag la 'gyur/ gzhan yang dga' ba dang 'dod chags ma spangs pa'i gang zag de'i thad du ni bdud 'ong bar 'gyur te/ /tshon lta bur chags par 'gyur ba'i yul rnam pa sna tshogs kyis ci nas gang zag 'di tshon lta bu'i yul rnam pa sna tshogs 'di rnams dang nyon mongs pa rnam pa sna tshogs kyis bkra bar bya snyam mo/ /gang zag de yang dga' ba dang 'dod chags ma spangs pa'i phyir sa lta bu ste/ nyon mongs pa'i ri mo sna tshogs can de'i gnas lta bu yin no/ /dga' ba dang 'dod chags spangs pa'i gang zag de'i thang du snga ma bzhin du bdud 'ongs na ni gang zag de dga' ba dang 'dod chags spangs pa'i phyir nam mkha' lta bu yin te/ nyon mongs pa'i ri mo rnam pa sna tshogs can de'i gnas med pa lta bu'o/ /zas rnams la dga' ba dang 'dod chags ma spangs pa'i nyes dmigs de'ang go rim bzhin du sbyar bar bya'o/ /zas rnams la dga' ba dang 'dod chags spangs pa'i phan yon 'di yang go rim bzhin du sbyar bar rig par bya'o/ /sdom ni/ tshul bzhin dang ni 'du ba dang/ /kun 'byung ba yi bden pa dang/ /thob pa dang ni rtags dang gnas/ /las dang bar du gcod pa dang/ /nyes dmigs dang ni rnam smin gnag /don chen dkon pa tham? yin/ /bden pa shes pa'i sgo nas tshul

  582. 291b

    bzhin dang tshul bzhin ma yin pa yang dag pa ji sta ba bzhin du rab tu mi shes pa'i zag pa ni zad par mi 'gyur ro/ /de las bzlog pa rab tu shes pa'i zag pa ni zad par 'gyur ro/ /de la dam pa'i chos ma yin pa mnyan pa ni zhi ba dang dul ba dang yongs su mya ngan las 'da' bar 'gyur ba'i skye gnas ma yin te/ de bas na tshul bzhin ma yin pa zhes bya'o/ /de las bzlog pa dam pa'i chos mnyan pa'i tshul bzhin yin par rig par bya'o/ /de la nyes par bshad pa'i chos can gyi gang zag ni chos 'di pa'i sangs rgyas rnams dang/ sangs rgyas kyi nyan thos kyi skyes bu dam pa rnams ma mthong bdag so sor thar pa'i sdom pa dang/ dbang po'i sgo rnams bsrungs pa dang shes bzhin du gnas pa dang de lta bu dang mthun pa'i 'phags pa'i chos rnams pa ma dul zhing yang dag par blangs te mi 'dug pa dang thos pa dang bsams pa dang/ bsgoms pa rnams kyis 'phags pa'i bden pa rnams mkhas par ma byas pas nyos bas nyes par bshad pa'i chos 'dul ba de la dam pa'i chos ma yin pa mnyan par mos bar 'gyur te/ de tshul bzhin ma yin pa de la tshul bzhin yin no snyam? du phyin ci log tu 'du shes shing tshul bzhin ma yin pa de yang tshul bzhin ma yin par yang dag pa ji lta ba bzhin du rab tu mi shes la/ dam pa'i chos mnyan pa'i tshul bzhin de yang tshul bzhin yin par yang dag pa ji lta ba bzhin du rab tu mi shes so/ /rab tu mi shes pas nyes par bshad cing nyes par bstan pa ni 'ching bar 'gyur gyi/ grol bar mi 'gyur ba dang/ yid la bya ba'i 'os ma yin pa'i chos gang yin pa de dag ni rab tu mi shes te/ de dag mi shes nas yid la byed do/ /chos legs par gsungs shing/ legs par bstan pa rnams ni thar par 'gyur ba yin gyi 'ching bar 'gyur ba ma yin te/ 'di lta ste/ mdo'i sde dang dbyangs kyis bsnyad pa'i

  583. 292a

    sde zhes bya ba nas rgyas par yid la bya ba'i 'os su gyur pa gang yin pa de dag kyang rab tu mi shes nas yid la mi byed pa de yang de'i tshul bzhin ma yin pa yid la byed pa yin no/ /yid la byed pa de ni zhi ba dang dul ba dang yongs su mya ngan las 'das par gyur pa ma yin te/ de bas na tshul bzhin ma yin pa zhes bya'o/ /dam pa'i chos ma yin pa mnyan pa de yang 'das pa dang ma 'ongs pa dang da ltar byung ba'i bdag gi phyogs ston pa'i gtam gyi gzhi gsum gyi dbang du byas te/ des de'i dbang du byas nas dus bsum po de dag la tshul bzhin ma yin par yid la byed de/ de 'das pa'i dus kyi sgo nas bag yod pa 'am med par rtog go /ma 'ongs pa dang da ltar yang de dang 'dra'o/ /de de ltar tshul bzhin ma yin pa yid la byed pa ni gzung pa'i dngos po ste/ dmigs pa gang yin pa dang 'dzin pa'i dngos po ste/ tshul bzhin ma yin pa yid la byed pa gang yin pa des 'du byed rnams dang/ 'du byed rnams las don tha dad pa'i bdag tu rtog par byed de/ nges par gyur ba'i tshe gzung ba'i dngos po la bdag tu rtog pa des yang na mi rtag pa'i lta ba 'thob par 'gyur te/ des na des 'di snyam du sems te/ bdag gi bdag ni tshe 'di la rdzas dang rtag pa'i sgo nas yod do snyam mo/ /yang na ni chad par lta bar 'gyur te/ nges na 'di snyam du sems te/ bdag gi bdag ni tshe 'di la rdzas dang rtag pa'i sgo nas med do snyam mo/ /bdag yod par lta ba ni 'dzin pa'i dngos po la bdag tu rtog par bya'o/ /de ni bdag gis bdag mthong ngo snyam du sems pa dang/ bdag gis bdag yod par gyur pa las bdag gi de nga med pas na bdag nyid kyis bdag med par mthong ngo snyam du sems pa dang/ tshe 'di la bdag med par lta ba ni 'dzin pa'i dngos po nyid la bdag med par rteg par byed de/ bdag med pas sngon bdag med pa las nga yang bdag

  584. 292b

    byung bar 'gyur pa yang dag par rjes su mthong ngo snyam du sems pa ste/ de ltar na bzung ba dang 'dzin pa'i bye brag gis tshul bzhin ma yin pa'i yid la byed pa lnga la yang 'di lta ste/ dus gsum gyi 'du byed rnams la bdag tu rtog pa'i lta ba'i gnas lnga zhes bya'o/ /de ni tshul bzhin ma yin pa'i yid la byed pa'i rjes su dpag pa'i yid la byed pas 'du byed rnams las don tha dad pa'i bdag yod par rtog par byed de/ 'di ni bdag yin no zhes bya ba lta bu ste/ gang bdag nyid yang srid par skye ba'i las byed pa 'am/ yang na gzhan byed du 'jug pa'o/ /yang na bdag nyid tshe 'di'i skyes bu'i byed pa slong bar byed pa'am yang na gzhan du slong du 'jug pa'o/ /yang na yang srid par skye ba'i las byas sam byed du bcug nas de'i 'bras bu rnam par smin pa skyed pa po yin no/ /skyes bu'i byed pa yang slad ba 'am/ slong du bcug nas skyes bu'i byad pa'i 'bras bu'i yang dag par skyed pa'o/ /yang na gzhon dag gis 'di dris bar gyur na mthong ba 'am/ thos pa 'am/ bye brag phyed pa 'am/ rnam par shes pa'i tha snyad la brten nas/ rjes su tha snyad 'dogs pa'i sgo nas ni smra ba po'o/ /yang na bu dang chung ma dang bran dang bran mo la sogs pa bu smad kyi tshogs rnams la ni rigs par gnas dang gnas ma yin pa'i khyad par rnams la mchid stsol ba ni smra ba po yin no/ /yang phyi ma la las kyi 'bras bu skyes pa ni tshor ba po'o/ /tshe 'di la skyes bu'i byed pa'i 'bras bu yang dag par skyes pa ni nyams su myong ba'o/ /des 'das pa'i dus nas bzung ste tshe rabs de dang der dge ba dang mi dge ba'i las so cog gi rnam par smin pa da ltar tshe 'di la nyams su myong ba dang/ res? tshe'i tshad ji srid yod pa zad par byas nas 'chi ba'i dus byas te/ phung po 'di yang 'dor la gzhan yang nyid mtshams sbyor bar byed do/ /de lta ma yin te/ bdag med du zin na ji skad bstan pa 'di dag thams cad ga las 'byung zhes bya ba ni 'di ni tshul

  585. 293a

    ma yin pa yid la byed bas bsdus pa'i lta ba'i gnas drug yin no/ /de yang rang bzhin gyis ni 'jig tshogs la lta ba yin no/ /de ma yin pa'i 'jig tshogs la lta ba'i rtsa ba las byung ba'i lta bar gyur pa rnams skye ba'i phyir ni lta ba'i gnas so/ /de kho nar 'dzin pa'i shes rab la sgrib pas na lta ba ? tshing ngo/ /dge ba'i chos las 'phang bar byed pas na lta ba'i mgon bo'o/ /gzhan gyis dring 'jog pas na lta ba'i 'da' ba' o/ /'dod pa dang srid pa tshol ba rnam par dpyod pas na lta ba rnam par dpyod pa'o/ /gzhan gyis klan ka btsal zhing skur pa 'debs pa las thar par bskyod pas na lta ba rnam par bskyod pa'o/ /yang srid par skye ba'i sdug bsngal kun tu sbyor bar byed pas na lta ba'i kun tu sbyor ba'o/ de ltar log par zhugs pa de'i ni tshe 'di la zag pa mngon sum du ma gyur pa ni mngon sum du skye bar 'gyur ro/ /mngon sum du gyur pa chung du la brten nas 'bring du 'gyur ro/ /'bring po la brten nas chen por 'gyur ro/ /de'i rgyus kyang phyi ma la rga shi mngon par 'grub par 'gyur te/ de ltar na des tshul bzhin dang tshul bzhin ma yin pa yang dag pa ji lta ba bzhin du rab tu mi shes pas sdug bsngal gyi bden pa dang/ kun 'byung ba'i bden pa las gyur pa'i kun nas nyon mongs pa 'byung bar rig par bya'o/ /de las bzlog pa dam pa'i chos nyan pa la mos shing tshul bzhin la tshul bzhin du phyin ci ma log par 'du shes shing tshul bzhin dang tshul bzhin ma yin pa yang dag pa ji lta ba bzhin du rab tu shes nas yid la bya bar 'os pa'i chos rnams yid la byed pa'i rgyus dus gsum gyi 'du byed rnams bzung ba dang 'dzin pa la yang dag pa ji lta ba bzhin du bdag med pa dang/ bdag gi med par yang dag par mthong nas bden pa mngon par rtog pa'i mong las mthong bas spang

  586. 293b

    bar bya ba'i zag pa rnams las rnam par grol bar 'gyur ro/ /de ltar gyur nas kyang gong du bsgom pas spang bar bya ba'i zag pa rnams ma lus par spang bar bya ba'i phyir rgyu bzhis sbyor bar byed de/ bzhin gang zhe na/ lus legs par bsrungs pa dang/ dbang po legs par bsdams pa dang/ dran pa legs par gnas pa dang/ 'jig rten las 'das pa dang/ 'jig rten gyi 'byung ba dang/ med par 'gyur ba'i shes rab ji ltar thob pa lan mang du byed pa'o/ /de la lus legs par bsrungs te gnas pa ni glang po che khro ba rgyad ring du spong ba nas rgyas par nyan thos kyis las 'byung ba bzhin du sbyar te yongs su spangs na/ zag pa zad par bya ba la bar du gcod par mi 'gyur ro/ /dbang po legs par bsdams te gnas pa ni chags par 'gyur ba'i yul la mngon sum du gyur pa la tshul bzhin ma yin pa'i sdug pa'i mtshan ma spangs nas mi sdug pa'i mtshan ma yid la byed do/ /dran pa legs par gnas pa de ni gnas bzhi la gnas par 'gyur te/ 'di lta ste chos gos la sogs pa brtags te yongs su longs spyod pa dang/ lkog na rtog pa ngan pa kun tu spyod pa sel bar byed pa dang/ brtson 'grus brtsams pa las byung ba'i ngal ba dang 'khrug pa dang yongs su 'dzag par byed pa'i sdug bsngal dang gzhan gyi ngag rtsub po las byung ba dang khams ma snyoms pa las byung ba'i sdug bsngal dang du len pa'o/ /de ltar lam bsgo pa bag yod pa'i sgo nas mi 'dre bar gnas pa ni /dran pas legs par gnas par gyur ro/ /de de ltar lus legs par bsrungs pa dang/ dbang po legs par bsdams pa dang/ dran pa legs par gnas pa dang/ ji ltar thob pa'i lam bsgom pa la rten nas bsgom pas spang bar bya'i zag pa rnams kyang rnam par grol bar 'gyur la gtan du mthar thug pa yang thob par 'gyur ro/ /la la 'di skad ces zer te/ 'di dag ni 'phags pa'i bden pa bzhi yin te/ bdag gam

  587. 294a

    sems can gang yang rung ba 'dis ni bden pa 'di rnams la dmigs pa dang bcas nas dge ba'i chos rnams sgom par byed do zhes zer ba la/ de skad ma zer cig ces smra bar bya'o/ /de ci'i phyir zhe na/ 'jig rten dang 'jig rten las 'das pa'i dge ba'i chos rnam pa dum gang ci yang rung ba skye ba de dag thams cad ni 'phags pa'i bden pa bzhi po 'di dag nyid kyi nang du skye bar 'gyur ro/ /'di ni gnyis te/ shes pa dang/ /shes bya'o/ /shes pa de 'ang shes byar 'gyur te/ de bas na dge ba'i chos shes pa dang ldan pa de dag thams cad ni bden pa rnams su 'du bar 'gyur ro/ /de dag kyang lus su gtogs pa'i dran pa bsgom ba'i lhag mthong gi phyogs dang mthun pa rnams dang/ zhi gnas kyi phyogs dang mthun pa rnams ni mdor na yongs su sbyang ba'i sa dang/ byas pa bsrung ba'i sa la skye bar 'gyur ro/ /lus su gtogs pa'i dran pa gang zhe na/ yongs su sbyang ba'i sa la nang dang phyi rol gyi 'byung ba chen pI bzugs la dmigs pa gang yin pa 'am/ gzhan dag gi sdug pa dang mi sdug pa'i tshig bla dgos dang/ thogs pa dang bcas pa'i 'dus te reg pa dag gi kun tu spyod pa na tshul bzhin gyi 'dus te reg pa'i tshor ba dang/ 'du shes dang/ 'du byed dang rnam par shes pa rnams la dmigs pa dang/ byas pa bsrung ba'i sa la rgyu las byung ba'i gzugs la dmigs pa dang/ yid la byed pa dang bcas pa'i de las byung ba'i tshor ba dang 'du shes dang 'du byed dang rnam par shes pa rnams la dmigs te/ de dag thams cad gcig tu bsdus pa ni gzugs kyi lus la dmigs pa dang/ ming gi lus la dmigs pa'i lus su gtogs pa'i dran pa yin par rig par bya'o/ /de la lhag mthong ni gang ltag mthong gi phyogs dang mthun pa'i dge ba'i chos rnams ni gang zhe na/ 'byung ba chen po rnams kyi nang dang phyi rol rnams dang de ma yin pa'i phung po rnams shes rab kyi yang dag

  588. 294b

    par rab tu rnam par 'byang pa gang yin pa 'di ni lhag mthong ngo/ /thog ma kho nar ril po'i 'du shes rnam par dbye ba gang yin pa dang/ phyi rol gyi 'byung ba chen po rnams 'jig pa las gyur pa'i zag pa yang dag par mthong ba'i sgo nas mi rtag par 'du shes pa dang/ nang gi 'byung ba chen po'i lus la kha zas dran pas khang kyis gso ste/ de mi gtsang bar yang dag par mthong nas mi sdug bar 'du shes pa dang/ sred pa las byung bar yang dag par mthong ba dang/ phyi ma'i mthar 'chi ba'i chos can yin pas mi rtag par 'du shes pa dang/ mi rtag pa la yang sdug bsngal bar 'du shes par 'gyur ro/ /byis pa mi rtag pa dang sdug bsngal ba yang dag pa ji lta ba bzhin du rab tu mi shes nas lus dang ngag la nga'o snyam pa'am/ bdag gi snyam pa 'am/ bdag tu sems pa'i lus de nyid la thos pa dang ldan pa'i 'phags pa'i nyan thos ni rab tu shes pas de ltar mi 'dzin la de'i 'du shes de ni sdug bsngal la bdag med par 'du shes pa dang/ bdag ma yin par 'du shes par 'gyur te/ lus la khams tsam du 'du shes par 'gyur ro/ /de ltar 'du shes pa de ni gzhan dag gis sdug pa dang mi sdug pa'i tshig kla dags kyi 'du shes te/ reg pa ngag dang /mi sdug pa'i lag pa dang/ dbyug pa dang pong ba'i 'dus te dge pa dag gi kun tu sbyong ba byas kyang de ni rgyu dang bcas pa'i tshor ba la sogs pa gzugs rtsan? ma yin pa'i 'du byed de dag la yang mi rtag par yang dag par mthong bas rjes su chags par yang mi byed de khong khro bar yang mi byed de/ khams tsam du zad par dmigs shing de'i sems de lus de la yang dag par gnas so/ /de ltar na de ni kun tu rmongs par yang mi 'gyur te/ de phyi rol po rab tu dbye ba'i 'du shes gang yin pa dang/ phyi rol gyi 'byung ba chen po rnams la mi rtag par 'du shes pa gang yin pa dang/ nang gi rnams la mi sdug par 'du shes pa dang/ mi rtag par 'du shes pa dang/ mi rtag pa la sdug bsngal bar 'du shes pa dang/ sdug bsngal ba

  589. 295a

    la yang bdag med par 'du shes pa gang yin pa dang/ 'byung ba chen po la brten pa'i tshor ba la sogs pa byung ngo cog la mi rtag par 'du shes pa la ni kun tu 'dod chags pa yang med kun tu zhe sdang ba yang med kun tu gti mug ba yang med do/ /'di dag ni yongs su sbyang ba'i sa la lus su gtogs pa'i dran pa bsgom ba'i lhag mthong gi phyogs dge ba'i chos du ma skye ba'o/ /de la zhi gnas ni gang zhi gnas kyi phyogs dang mthun pa'i lus su gtogs pa'i dran pa sgom pa'i yang dge ba? chos rnams skye ba ni gang zhe na/ des lhag mthong de nyid la brten nas zhi gnas la brtson par byed pa ste/ zhi gnas kyi phyogs dang mthun pa'i dge ba'i chos rnams ni 'di lta ste/ nges de ltar so sor brtags pa'i stobs thob bas dag? sbyong la gdams ngag bstan pa sog le lta bu zhes bya ba la dmigs pa byas nas gzhan dag gis gnod pa byas pa yang bzod la de la dmigs pa'i byams pa yang sgom par byed de/ de'i bzod pa dang byams pas yongs su zin pa'i tshul khrims ni rnam par dag par 'gyur ro/ /tshul khrims rnam par dag par mthong nas 'di snyam du sems te/ bdag ni ston pa'i bstan pa bzhin byed pa yin no snyam nas 'gyod pa med par 'gyur te/ 'gyod ba med na mchog tu dga' ba nas rgyas par ting nge 'dzin gyi bar du sbyar bar bya'o/ /de de'i tshe sems mnyam par bzhag pas bsam gtan bzhi pa'i bar du thob par 'gyur te/ ting nge 'dzin de yang 'du byed kyis yongs su zin pa yin la zung du 'brel bar 'byung ba ma yin zhing yongs su dag pa ma yin no/ /nges de yongs su dag par bya ba'i phyir snga ma bzhin du yan lag bzhis yongs su zin ba'i bag yod pa sgom par byed de/ /brtson 'grus brtsams pa la zhum pa med ce bya ba nas rgyas par sbyar te/ phyis de'i bsam gtan bzhi pa yongs su byang bar 'gyur ro/ /de gal te zhi ba'i snyoms par 'jug pa ro? myang bas sems 'phrog pa 'gyur la/

  590. 295b

    snyoms par 'jug pa de la yang btang snyoms su yang dag bar mi gnas shing 'gog pa mya ngan las 'das pa la yang zhi bar lta na ni de? sangs rgyas sam chos sam dge 'dun la brten nas 'di ltar yid 'byung zhing skyo bar 'gyur te/ gang bdag gi ston pa de bzhin gshegs pa dag de yis legs par gsungs pa'i chos 'dul ba dang/ dge 'dun legs par zhugs pa la brten nas 'jig tshogs la zhen cing gnas kyi mya ngan 'das pa la zhi par mi ltar ni bdag gi thob pa ma yin pa dang rnyed pa ma yin pa ste/ bdag gis nyes pa rnyed pa yin gyi legs par rnyed pa ma yin no snyam mo/ /de'i sems las su rung ba'i phyir de ltar skyo ba skyes ma thag tu dge sbyong gi tshul gyi don dang ldan par btang snyoms su yang dag par gnas shing mya ngan las 'das pa la yang zhi bar lta'o/ /'di dag ni zhi gnas kyi phyogs dang mthun pa'i dge ba'i chos rnams skye ba yin te/ 'di lta ste bzod pa dang/ byams pa dang/ tshul khrims rnam par dag pa dang/ 'gyod pa med pa dang/ mchog tu dga' pa nas/ ting nge 'dzin dang yan lag bzhis yongs su zin pa'i bag yod pa dang btang snyoms dge ba'i don dang ldan pa rnams so/ /des de'i tshe shes rab kyi ston pa'i bstan pa la sgyu rnam pa gnyis kyi sgo nas bya ba mang du byas pa yin te/ zag pa zad par bya ba'i phyir bsam gdan bzhi pa yongs su dag par byed pa dang/ 'jig tshogs las sems btang snyoms su byed pa'i phyir te/ de tsam gyis na de'i yongs su sbyang ba'i sa yongs su rdzogs pa yin no/ /de de tsam gyis kyang chog par mi 'dzin pas/ de'i gong du byas pa rtogs pa'i sa la 'jug ste/ yang lus su rtogs pa'i dran pa sgom par byed de/ rgyu las byung ba'i lus kyi rtsa dang shing dang sa? dang 'dra bar mthong ngo/ /de ma yin pa de las byung ba' gzugs can ma yin pa'i chos rnams kyang yang dag pa ji lta ba bzhin du rten cing 'brel bar 'byung ba yin par shes rab kyis rtogs nas yang dag pa ji lta ba bzhin du bden pa shes pa la rjes su

  591. 296a

    'jug go zhugs nas kyang sgom pa'i lam la 'das pa dang ma 'ongs pa dang da ltar byung ba'i dbang po dang yul rnams la skyo bar 'gyur ba nas rnam par grol ba'i dbang du 'gyur te/ bdag ni rnam par grol le snyam du yang dag pa ji lta ba bzhin du rab tu shes so/ /'di dag ni byas pa rtogs ba'i sa la lus su gtogs pa'i dran pa bsgom pa'i dge ba'i chos rnams skye ba yin te/ 'di lta ste/ gzugs kyi lus dang de bzhin du gzugs can ma yin pa'i chos rnams la rtswa dang shing dang sa dang 'dra bar 'du shes pa dang /rten cing 'brel par 'byung ba yang dag par khong du chud bas 'phags pa'i bden pa bzhi shes pa dang bsgom pa'i lam la skyo ba dang 'dod chags dang bral ba dang/ rnam par grol ba dang/ rnam par grol pa'i ye shes mthong bar 'gyur te/ de tsam gyis na de dag thams cad kyi thams cad du ston pa'i bstan pa la shes rab kyis bya ba mang du byas pa yin no/ /de ci'i phyir zhe na/ de'i rang gi don rdzogs pas na de'i gong du las su bya ba med la byas pa de yang phyis rab tu rnam par dbye ba med de/ byas pa 'di ni de ma yin pa'i dus na yongs su nyams par 'gyur bas na byas pa ma yin no zhes bya ba 'am/ 'di ni byas su zin kyang dper na so so'i skye bo rnams kyi 'jig rten pa'i lam gyis rnam par grol ba dang 'dra bar gtan du byas ba ma yin no zhes bya ba med pa'i phyir ro/ / de la snga ma'i yongs su sbyong ba'i sa'i dge ba'i chos gang yin pa rnams ni zag pa dang bcas ba'o/ /byas pa rtogs pa'i sa'i gang yin pa rnams ni zag pa med pa ste/ de rnams kyang 'phags pa'i bden pa bzhir ci rigs bar 'du bar rig par bya'o// // rnal 'byor spyod ba'i sa las gzhi bsdu ba/ /ban po bcu drug pa/ /kun 'byung ba'i bden pa bsdus pa'i sred pa'i rnam par dpyod pa brgya rtsa brgyad kyi rgyu ni bzhir rig par bya ste/ 'di lta ste nang dang phyi rol gyi rab tu dbye ba dang/ rang bzhin gyis rab tu dbye ba

  592. 296b

    dang/ dus kyi rab tu dbye ba'o/ /de la nang dang phyi rol dbye ba gang zhe na/ nang gi skye mched drug gam phyi rol gyi skye mched drug brten nas rten dang bcas pa'i sred pa rnam par spyod ba'o/ /rten gyi rab tu dbye ba gang zhe na/ nga'o snyam pa'i nga rgyal rnam pa lnga ste/ 'di lta ste/ nang la brten nas nga'o snyam pa'i nga rgyal ma spangs pa'i phyir 'di ltar skye mched drug la da'o snyam du kun spyod par 'gyur la/ ji srid du dga' bas mnon pa de srid du du de'i 'du byed kyi rgyud kyang 'dra bar 'dug cing de 'di snyam du sems te/ da ni 'di lta bu ste sngon bzhin ni snyam mo// de phyis dga' bas non nas res 'ga' i ni kha dog dang ldan la ros 'ga' kha dog ngan par 'gyur ba dang res 'ga' ni stobs dang ldan pa dang bde ba dang spobs pa dang ldan par 'gyur la res 'gag ni slobs pa med pa'i bar du 'gyur te/ de gang gi tshe kha dog dang ldan pa nas spobs pa dang ldan pa'i bar du 'gyur ba de'i tshe ni 'di snyam du sems te/ bdag ni bzang do snyam mo/ /de las bzlog pa la ni bdag ni ngan no snyam du sems par 'gyur la/ rga ba non pa'i tshe ni gzhan du gyur to snyam du sems ba'o/ /rang bzhin gyi rab tu dbye ba gang zhe na/ da'o snyam pa'i nga rgyal rnam pa lnga po de la brten nas 'byung ba la sred ba dang/ 'jig pa la sred pa'o/ /'byung ba la sred pa de yang chung ngu 'bring dang chen por 'jug go/ 'jig pa lan so sor brtagS nas srid par byed kyi sems thag pa nas yang dag bar gnas pa ma yin te/ de bas na de la ni gsum du rnam par bzhag ba med do/ /de la phyi ma la 'byung bar 'gyur ro snyam pa ni 'byung ba la sred pa chung du ste/ skye mched drug po nyid du bdag kyang 'gyur ro snyam pa dang/ skye ba mthun par mngon par 'dod pa'i sgo nas bdag 'di lta ba zhig tu 'gyur ro snyam pa dang skye ba mi mthun pa mngon bar 'dod pa'i sgo nas bdag ni gzhan du 'gyur ro snyam pa dang/ gal te sngon gyi lus de 'dod par 'gyur la des de dang mtshungs par ldan pa'i dge ba'i las 'ga' zhig

  593. 297a

    kyang byas na ni 'di snyam du sems te/ bdag ni 'di lta bu zhig tu gyur te dper nang ltar gyi bzhin no zhes bya ba dang/ gal te yang mngon par mi 'dod la nges de dang mi mthun pa'i dag pa'i las 'ga' zhig kyang byas na ni de 'di snyam du sems te/ bdag ni gzhan du 'gyur ro snyam pa'o/ /'jig pa mi 'dod nas de'i gnyen por bdag 'byung par gyur cig snyam pa ni srid pa 'bring ste/ skye mched drug po 'dir bdag gyur rig snyam pa nas snga ma bzhin du bdag 'di ltar gyur cig bdag gzhan du gyur cig snyam pa thams cad ni sred pa 'bring yin par rig par bya'o/ /rnam pa 'di rnams nyid kyis bdag gyur cig snyam ste/ 'dod pa drag pos yongs su zin pa'i sred pa rnam pa bzhi po gang yin pa de ni chen po yin par rig par bya'o/ /de sred pa rnam pa lnga po de'i rang bzhin gyi rab tu dbye ba nang gi rten dang bcas pa la brten pa la ni sred pa bco brgyad rnam par spyod pa zhes bya'o/ /de la phyi rol gyi khyad par ni ji ltar nang gi skye mched drug la nga'o snyam pa de bzhin du gzugs rnams ni bdag gi ste/ gzugs rnams la bdag dbang byed do// de bzhin du chos rnams kyi bar du bdag dbang byed do snyam du 'dzin pa ste/ lhag ma yang ci rigs par snga ma bzhin du rig par bya ste/ bco brgyad po 'di dag dang/ snga ma rnam par dpyod pa rnams bsdoms na sum cu rtsa drug tu 'gyur ro/ /dus kyis rab tu phye ba gang zhe na rnam par spyod pa sum cu rtsa drug po de dag nyid las 'das pa dang ma 'ongs pa dang/ da ltar byung ba'i dus kyi sgo nas 'di lta ste/ rab tu dbye ba bzhi las rnam par spyod pa brgya rtsa brgyad du 'gyur ro/ /de la spyir na 'dod pa nyon mongs pa can gang yang rung ba de ni sred pa yin te/ de'ang kun 'byung ba'i bden pas bsdus pas na rgyu'o/ /chags pa'i bdag nyid kyis 'khor ba'i rgyun phyogs su 'jug pas na chu klung ngo/ /yul rnams la mngon par phyogs pa'i bdag nyid yin pas na rnam par chags pa'o/ /phung po la grub pa nad

  594. 297b

    la sogs pa'i 'bras bu'i sdug bsngal gyi gzhir gyur pas na 'bras kyi rtsa pa'o/ /gzhil? bar dka' bas na rnam par 'bab pa'o/ /bdud kyi 'ching ba cha phra mor rgyu bas na dra ba can no/ /srid pa'i rtse mo ma mchad du gyen du mtho bas 'khril shing ngo/ /mngon par byed pas na skom pa'o/ / de lta bu'i mtshan nyid kyi sred pa des skye dgu 'di kun nas dkris pa ni g.yogS pa'o/ /bag la nyal gyi sgo nas ni bsgribs pa'o/ /kun nas dkris pa dang bag la nyal de nyid shas che ba'i sgo nas ni gyen du mtho ba'o/ /chung du dang 'bring gi sgo nas ni yongs su mtho ba'o/ /'dod pa'i sred pas shes bya pa rmongs par byas pas na bkab pa'o/ /gzugs kyi sred pas shes bya la rmongs par byas bas na bskor ba'o/ /gzugs med pa'i sred pas shes bya la rmongs par bya bas na kun bskor ba ste/ dper na mi gsum zhig yod la/ gcig ni long ba/ gnyis pa ni mig btsum/ gsum pa ni mig phyer zin kyang rang rib tu gyur te/ de la dang pos ni thams cad du chung du yang chung zad kyang mi mthong ngo/ /gnyis las ni zla 'od tsam du chung zad mthong ngo/ /gsum pas ni gzugs rnams mthor? mong kyi/ /de'i yig bri ma med pa ma yin te/ des na legs par mi mthong ba de bzhin du go rim bzhin du bkab pa dang/ bskor ba dang kun nas bskor bar rig bar bya'o/ /chos kyi 'khor lo bskor ba ni rnam pa rngas legs bar rig par bya ste/ lnga gang zhe na/ bcom ldan 'das byang chub sems dpa' ? gyur pa na gang la dmigs nas brnyes bar bya ba brnyes ba dang/ thabs gang gis brnyes pa dang/ brnyes par bya ba gang yin pa de dang/ brnyes par bya ba de yang gzhan gyi rgyud la nges par bskyed pa dang /nyid kyis thugs su chud ba la yid ches pa skyes ba dang/ gzhan dag kyang gzhan gyis rtogs pa la yid ches bskyed pa'o/ /de la dmigs pa ni 'phags pa'i bden pa bzhi yin te/ 'phags pa'i bden pa bzhi po rnams ni snga ma bzhin du 'di ltar nyan thos kyis las mdo dang rgyas par rnam par bzhag pa bzhin du rig bya'o/ /de la thabs ni 'phags

  595. 298a

    pa'i bden pa de dag la lan gsum du bzlas te rnam pa bcu gnyis kyis ye shes te/ mngon par rtogs pa'i tshe byang chub sems dpa' i 'di ni sdug bsngal 'di ni 'phags pa'i bden pa yin no zhes bya ba nas lam yin no zhes bya pa'i bar du mthong pas spang bar bya ba'i mngon sum gyi ye shes gang yin pa de ni 'phags pa'i shes rab kyi mig skyes pa yin no/ /de yang 'das ba dang da ltar dang ma 'ongs pa'i bye brag gis go rim bzhin du shes pa dang rig pa dang blo zhes bya'o/ /de ltar gyur pa de'i slob pa'i gong na bdag gis yongs su shes par bya ba sdug bsngal gyi bden pa dang spang bar bya ba ma spangs pa kun 'byung ba'i bden pa dang/ mngon sum du bya ba mngon sum du ma byas pa'i 'gog pa'i bden pa dang bsgom par bya ba ma bsgoms pa lam gyi bden pa yod do snyam du shes rab kyis rtogs pa ni lan gnyis su bzlas pa ste/ snga ma bzhin du rnam pa bzhir rig par bya'o/ /mi slob par gyur pa'i ni thams cad byas zin pa yin te/ bdag gis byas zin to snyam nas zad par shes pa dang mi skye ba shes pa brnyes pa ni lan gsum du bzlas pa ste /snga ma bzhin du rnam pa bzhir rig par bya'o/ /khyad par ni 'di yod de/ rnam ba bzhis bzlas pa snga ma gnyis ni slob pa'i 'phags pa'i shes rab kyi mig go /phyi ma shos ni mi slob pa'o/ /brnyes par bya ba brnyes pa ni bla na med pa yang dag par rdzogs pa'i byang chub yin par rig par bya'o/ /gzhan gyi rgyud la nges par skyed pa dang/ nyid kyis thugs su chud pa la yid ches pa ni 'di lta ste/ tshe dang ldan pa kun shes kauN+Di n+yas bcom ldan 'das las thos nas thog mar 'phags pa'i bden pa bzhi'i chos kun shes par 'gyur te/ dris nas bdag gis chos kun 'tshal to zhes smras pa dang/ de'i 'og tu yang snga ma bzhin du mthar thug pa'i rnam pa dag gis lnga car gyis dgra bcom pa nyid thob ste/ rnam par grol ba'i ye shes kyang skyed pa lta bu'o/ /de la gzhan dag kyang gzhan gyis rtogs pa la yid

  596. 298b

    ches bskyed pa ni 'di lta ste/ bdag gis chos kun shes so zhes kun shes kauN+Di n+ya'i 'jig rten pa'i sems skyes pa yang rig pa kun shes kauN+Di n+yas chos kun shes par gyur to snyam du de bzhin gshegs pa'i 'jig rten pa'i dgongs pa skyes pa yang rig nas sa la gnas pa'i gnod sbyin rnams kyis sgra brjod nas skad cig yud tsam thad cig de nyid la tshangs pa'i 'jig rten gyi bar du skya grag par gyur te/ bcom ldan 'das kyis kyang kun shes kauN+Di n+ya'i rgyud la kun shes pa'i chos nyid mthun par bskor la/ de yang gzhan dag la mthun par bskor bar 'gyur ba dang/ de dag kyang gzhan dag la mthun par bskor bar 'gyur te/ de bas na gcig nas gcig tu rgyud de mthun par bskor pa'i don gyis 'khor lo zhes bya'o/ /yang dag pa'i lta ba la sogs pa'i chos kyi rang bzhin yin pas na chos kyi 'khor lo'o/ / 'di lta ste/ 'di ltar tshangs pa zhes bya ba 'di ni de bzhin gshegs pa dgra bcom pa'i tshig bla dags yin te/ de bas na nges skor ba la tshangs pa'i 'khor lo zhes bya'o/ /'phags pa'i bden pa bzhi ngon par ma rtogs pa mngon par rtogs par bya ba la ni sbyor pa rnam pa bzhi yod par rig par bya ste/ ma thob pa thob par bya ba'i phyir dad pa dang /dad pa'i sgo nas 'dun pa dang/ snying thag pa nas 'dun pa'i sgo nas brtson 'grus brtun pa dang/ brtson 'grus brtsams pa de yang thabs dang bcas pa'o/ /de la dang pa ni mngon par yid ches pa'o/ /mdun pa ni thob par 'dod pa'o/ /brtson 'grus ni snga ma bzhin du rnam pa lnga ste/ mthu dang ldan pa dang/ brtson 'grus dang ldan pa dang/ spro ba dang ldan pa dang/ brtul phod pa brtan pa dang/ brtson pa mi 'dod pa'o/ /thabs ni bag yod par bya ba'i phyir rjed ngas pa med pa'i mtshan nyid kyi dran pa dang/ bag med pa la nyes dmigs su shes shing yongs su gcod pa'i mtshan nyid kyi shes bzhin dang/ de nyid kyis yongs su zin pa'i bag yod pa ste/ nyon mongs pa can gyi chos rnams las sems

  597. 299a

    kun tu bsrung ba dang/ dge ba bsgom pa la rtag ba'o/ /nad lta bu ni sdug bsngal 'phags pa'i bden pa'o/ /nad kun nas slong ba lta bu ni kun 'byung pa'i bden pa'o/ /nang byung ba dang spangs nas nad med par gyur pa lta bu ci 'gog pa'i bden pa'o/ /nad spangs nas phyis mi skye ba lta bu ni lam gyi bden pa ste/ nad pas ni sman pa las de tsam zhig btsal bar bya bar zad do/ /sman pas kyang de tsam zhig bstan par bya bar zad do/ /de bas na 'phags pa'i bden pa ni sngar med do/ /de bzhin gshegs pa sred pa'i zug rdu 'byin pa chen po bla na med pa yang de tsam zhig ston par zad de/ /bden pa shes pa lam phyogs pa dang/ mngon par rtogs pa dang mi ldan pa'i dge sbyong dang/ bram ze rnams la ni rtags dang nyes dmigs bcu yod par rig par bya ste/ yang dag pa'i dge sbyong rnams kyi yid la dge sbyong du mi 'dzin pa dang/ tshig gis dge sbyong zhes mi bgrang pa dang yang srid par skye ba'i skye ba la sogs pa'i sdug bsngal las thams cad kyi thams cad du yongs su ma grol ba dang/ de bzhin du ngan song rnams las yongs su ma grol pa dang bslab pa 'bul ba'i rgyud 'gyur ba dang/ 'jig rten las 'das pa'i mi'i chos 'di lta ste/ lam mam lam gyi 'bras bu mya ngan las 'das pa mngon sum du byed pa'i skal pa med de/ bde 'gror 'gro ba'i sgo nas slong pa dang mi slob pa spangs te/ 'di las phyi rol tu yon gnas gzhan tshol ba'i rgyur gyur pa dang/ mya ngan las 'das par 'gro ba'i sgo nas de bzhin gshegs pa spangs te/ 'di las phyi rol pa'i ston pa tshol ba'i rgyu 'gyur ba dang phyir mi 'ong bas/ sdug bsngal pa'i yang sdug bsngal ba las yang dag par 'da' ba dang/ tshe 'di la kun shes pas phung po'i lhag ma dang bcas pa nas sdug bsngal thams cad las yongs su grol bar 'gyur pa'i skal ba med do/ /de las bzlog pa ni bden pa shes pa la mngon du phyogs pa dang/ mngon

  598. 299b

    rtogs pa dang ldan pa rtsams kyi rtags dang phan yon yin par rig par bya'o/ /bden pa shes pa la mngon du phyogs shing mngon par rdzogs par 'tshang rgya bar 'dod pa rnams ni 'phags pa'i bden pa bzhi'i sgo nas 'thob pa'i gnas dang 'thob pa dang 'thob pa'i gnas kyang rig par bya ste/ de la dad pas legs par gsungs pa'i chos 'dul ba la rab tu 'byung ba ni 'thob pa'i gnas so/ /dge sbyong gi tshul gyis 'bras bu bzhis bsdus pa nyan thos kyi byang chub dang dang sangs rgyas dang bla na med pa'i byang chub gsum po 'di dag ni 'thob pa yin par rig par bya'o/ /snga ma bzhin du lan gsum du bzlas pa'i go rim bzhin du shes pa dang mthong ba dang mngon par rtogs pa ni thabs yin par rig par bya'o/ /mngon par rtogs pa'i tshe 'di ni bden no snyam pa ni shes pa'i gnas skabs so/ /bden pa de'i gong du phyir zhing bdag gis yongs su shes par bya ba nas bsgom par bya ba'i par du mthong ba ni mthong ba'i gnas skabs so/ /mi slob pa'i sa la bdag gis yongs su shes zin to zhes bya ba nas mngon sum du byas zin to zhes bya ba'i bar du ni mngon par rtogs pa'i gnas skabs so/ /rnam grangs gzhan yang mi slob pa'i zad pa dang mi skye ba'i ye shes dang/ /rnam par grol ba'i ye shes kyis bsdus pa ni shes pa'i gnas skabs so/ /mi slob pa de nyid kyis rnam par grol pa'i ye shes dang ldan pa'i yang dag pa'i lta ba ni mthong ba'o/ /rgyun tu zhugs pa'i 'bras bu nas bzung ste/ slob pa'i shes rab thams cad ni mngon par rtogs pa yin par rig par bya'o/ /bden pa shes pa'i las dang mtshan nyid ni rnam pa drug tu rig par bya ste/ 'di lta ste/ sdug bsngal gang bden pa mthong bas spangs pa'i sdug bsngal yang dag par zang par 'gyur ba'i thog mar 'gro ba dang sdug bsngal gang dgra bcom pas spangs pa'i sdug bsngal mthar thug pa bya ba'i thog mar 'gro ba ste/ nyi ma 'char ba'i skya reng dang bo dang 'dra'o/ /de bzhin du 'jig

  599. 300a

    rten na ma rig pa'i mun pa chen po'i gnyen po'i tshul gyis snang ba lta bur sel bar byed do/ /de bzhin du 'di na kha cig bden pa shes pa la rten nas kun tu sbyor ba gsum spangs te/ de'i rjes la brjed ngas pa'i phyir 'dod pa'i 'dun pa dang gnod sems gnyis kyis kun nas nyon mongs pa can du 'gyur ? kyi/ 'on kyang gang gi tshe bag yod pa la brten nas bsam gtan dang po la snyoms par 'jug pa na de bden pa shes pa de nyid kyi rjes thogs su phyir mi 'ong par 'gyur te/ phyi rol pa'i 'du shes med 'du shes med min skye mched la snyoms par 'jug pa las khyad par du 'phags te/ phyir mi ldog ba'i chos can yin pa'i phyir/ de ltar na bden pa shes pa ni byed pa rgya che zhing 'bras bu rgya che ba yin no/ /de la 'das pa'i 'du byed skyes zin pa gang yin pa rnams dang/ da ltar skyes pa gang yin pa rnams dang/ ma 'ongs pa na skye bar 'gyur ba gang yin pa de dag thams cad ni kun 'byung pa'i chos can zhes bya ste/ de dag thams cad kyang mi rtag pa nyid kyi 'gag pas 'gog pa'i chos kyis 'gags so/ /'gag tu che'o 'gag par 'gyur ro/ /gzhan yang bden pa shes pa thob pa ni rdo'i mchod sdong legs par btsugs pa bzhin du pha rol smra ba rnams kyis bskyod par mi nus te/ mi 'phrogs shing gzhan gyi drir mi 'jog la gzhan gyis bkri bar mi 'gyur te/ ci 'di dag ji skad zer ba bzhin du bdag gis mnyam par bya 'am snyam du gzhan dag gi ngor lta bar mi 'gyur ro/ /ngor rtog par yang mi 'gyur te/ gang de dag las thos pa dang/ kha nas byung ba de sems pa dang 'jal ba dang nye bar rtog par mi byed do/ /gzhan dag ces bya ba ni 'di las phyi rol pa'i dge sbyor dang bram ze rnams yin par rig par bya'o/ /gzhan yang bden pa shes pa rim gyis 'byung ba bzhi po mdza' dag gis bden pa mngon par rtogs par 'gyur gyi gang yang rung ba mtshang bas ni ma yin no//

  600. 300b

    de pa 'phags pa nyon thos bla na med pa'i shes rab kyi 'tshe ba dang/ ldan pa rnams ni 'dod pa la longs spyod pa rnams kyi g.yos su byas pa lta bur mngon par rtogs pa yongs su byas pa dang 'dra bar de la brten nas 'tsho bar byed do/ /sdug bsngal la sogs pa'i shes pa ma tshang ba'i shes pa gsum ni ldum bu sha na'i lo ma lta bu yin no/ /de ma yin pa rim gyis yang dag par bsgrubs pa shes pa bzhi po thams cad yongs su rdzogs pa ni shing sA la'i 'dab ma lta bu yin par rig par bya'o/ /gzhan yang bde ba dang bcas zhing yid bde ba dang bcas pas yang dag pa'i don rtogs pa dang/ lus dang sems shin tu sbyangs pa'i phyir bden pa shes pa rnams kyis bden pa mngon par rtogs par 'gyur te/ de la sems can dmyal bar skyes pa rnams kyi sdug bsngal ba ni rnam pa gnyis te/ mes sregs pa'i sdug bsngal ba dang gnod pa'i sdug bsngal ba po de gnyi ga dang tshe rabs du ma'i mi bzang pa yang bden pa shes pa med pa'i phyir thob par 'gyur ro/ /bden pa shes pas ni yang dag par 'da' bar 'gyur ro/ /bden pa shes pa de'ang gal te mes bsregs pa 'am/ gnod pas nyen pa drag po dang phrad na ni tshe 'di la lus gcig chud zos pa tsam gyis thob par 'gyur te/ lus brgya chud zos na yang yid dga' bar gyur bas nyams su blang bar bya na gcig lta ci smos/ /bden pa rtogs par bya ba la ni bar du gcod pa rnam pa bzhi yod par rig par bya ste/ 'di lta ste/ ma dad pa dang/ mngon pa'i nga rgyal can dang/ gzhan dus du bltos pa dang/ bag med pa'o/ /de la ma dad pa ni bden pa mngon par rtogs pa la yid mi ches pa'o/ /dge 'dun gyi shin tu nan tan sgrub pa dang/ sangs rgyas rnams kyi byang chub la yid mi ches pa'o/ /de la ma dang pa dang po spang par bya ba'i phyir ni bcom ldan 'das nyid kyi bden pa mngon par rtogs pa mngon sum du gyur pa las dper blangs te/ nyan thos rnams la 'di skad du ngas 'phags pa'i bden pa bzhi mngon par rtogs pa'i phyir bla na med pa yang dag par rdzogs pa'i byang chub mngon

  601. 301a

    bar rdzogs par sangs rgyas so zhes gsungs so/ /ma dang pa gnyis pa spang bar bya ba'i phyir ni 'di skad du nga dang khyed kyis bden pa de dag ma rtogs pa'i phyir/ yun ring po nas 'khor ba nas 'khor bar gyur to/ /da ni kho bo dang ni khyed rnams kyis bden pa de rnams tshul bzhin du yid la byed pas rtogs shing yang dag pa'i lta bas khong du chung pas na rgyu zad pa'i phyir/ skye ba'i 'khor ba rnam par zad/ /tha ma'i lus 'dzin pas/ de ni yang srid par skye ba med do zhes gsungs so/ /de la ma dang pa gsum pa ni sangs rgyas rnams kyi byang chub la rnam pa 'di lta bur 'jug ste/ gal te dge sbyong gau tam thams cad mkhyen pa yin na/ ci'i phyir dris na /kha cig ni lan 'debs par byed/ kha cig ni lan 'debs par mi byed snyam pa'i ma dad pa de spang par bya ba'i phyir ni shing sha ba'i lo ma phyag tu blangs ba dang/ sa la ltags pa'i dpes bstan te/ 'di skad du bas ches mang po mngon par sangs rgyas mong kyi don dang mi ldan ba ni mang/ don dang ldan pa ni nyung ba'i phyir gzhan dag la nyung du bstan to zhes gsungs te/ de bas na mi mkhyen pa'i phyir lan 'debs pa ma yin te/ don dang mi ldan pa'i phyir yin par rig par bya'o/ /de la bden pa mngon par rtogs pa la mngon pa'i nga rgyal can rnams kyi mngon pa'i nga rgyal spang ba'i phyir ni 'di skad du/ mangs mnga' i ltong nas ltong du phog p dang/ skra dum bu brgyar gtugs pa la rgyad ring po na 'dug pa'i mis rtse mos rtse mor phog par bya ba ni chos phra bas na shin tu dka' o zhes gsungs te/ de bas kyang bden pa rtogs pa ni ches dka' o/ /de ci'i phyir zhe na/ 'di ltar 'dzin pa'i yid la byed pa de nyid kyis 'dzin pa de nyid rtogs te/ mgo mnyam kho nar dmigs par bya ba dang/ dmigs pa po'i shes pa bskyed nas bden pa rtogs par 'gyur pa'i phyir te/ de bas na shin tu cha phra zhing shin tu dka' ba yin gyi mda' gzhan gyis gzhan dang/ skra'i rtse mo gzhan gyis gzhan la phog par bya ba ni de lta ma yin no/ /dus gzhan du ltos pa spang

  602. 301b

    bar bya ba'i phyir ni/ bcom ldan 'das kyis 'di skad du log par ltung bar gyur pa las mir 'gyur ba dkon no zhes gsungs te/ rus sbal zhang pa'i dpe yang bstan te/ de la bag med pa gang zhe na/ mdor na log pa'i sems dang/ rtog pa dang/ gtam mo/ /bsam par mi bya ba'i gnas la sems pa ni log pa'i sems yin par rig par bya'o/ /de la bdag nyid la sems pa ni 'das pa'i dus na bdag byung ngam ma byung zhig tu snyam pa nas ma 'ongs pa na zhes bya ba'i bar du rgyas par sbyar te /nang du the tshom za? zhing/ bdag ji zhig las ji zhig tu 'gyur/ sems can 'di ga las 'ongs 'di nas shi 'phos nas ni gang du 'gro bar 'gyur zhig bu? snyam pa'o/ /'jig rten la sems pa ni 'jig rten rtag go zhes bya ba nas rgyas par sbyar te/ de bzhin du 'jig rten ni mdza' dang ldan no zhes bya pa nas rgyas par sbyar ro/ /sems can la sems pa ni srog kyang de yin la lus kyang de yin no zhes rgyas par sbyar ro/ /sems can rnams kyi las kyi rnam par smin pa las sems pa ni de nyid byed la de nyid kyi nyams su myong ngo zhes bya ba nas rgyas par sbyar ro/ /bsam gtan rnams dang sangs rgyas rnams kyi yul la sems pa ni de bzhin 'ongs pa shi phan chad med par 'gyur ro zhes bya ba nas rgyas bar sbyar ro/ /de dag ni kun rdzob dang don dam pa la mkhas pa yin la de dag thams cad kyang rgyu rnam pa gnyis kyis bsam par bya ba ma yin te/ bsam pa'i yul ma yin pa dang gzhi yang med pa'i phyir ro/ /bsam pa'i yul ma yin pa'i gzhi la sems kyis yongs su tshol bar byed pa 'am/ thams cad kyi thams cad du bzhi med pa yongs su tshol bas na rnyed par mi 'gyur te/ sems kun nas rmongs par 'gyur ba zad do/ /de la tshul bzhin ma yin pa'i bsam par bya ba sems pa la zhugs pa ni brgya la 'ga' zhig rgyu'i stobs dang ldan te/ skyo ba 'am skyo ba dang mtshungs par ldan pa yid la byed pa dang yang dag pa la dmigs pa na kun spyod du zin kyang/ de ni de la yang nyes par lta zhing yang dag pa ma yin par 'du shes par

  603. 302a

    'gyur te/ de lta na 'jig rten la sems pa ni don dang ldan pa ma yin no/ /log pa'i rtog pa ni 'dod pa'i rtog pa la sogs pa yin par rig par bya'o/ /de la log pa'i gtam ni rnam pa drug tu reg par bya'o/ /'di lta ste phyin ci log gi gtam dang/ don med pa'i gtam dang/ nyes rtsom gyi gtam dang/ gzhan dag bzang ngan rnam par 'byed pa'i gtam dang/ bzos 'tsho ba rnam par 'byed pa'i gtam dang/ zas la zhes pa'i gtam ste 'di ni bag med pa zhes bya'o/ /dag med pa de spang bar bya'i phyir ni gang zag shin tu skal ba dang ldan pa rnams la de bzhin gshegs pa nyid yang dag par bskul bar mdzad de bag med pa myur du spong du gzhug pa'i phyir ro/ /bcom ldan 'das kyi nyan thos ni de ltar bden pa mngon par rtogs pa'i bar du gcod pa'i bzhi spangs nas/ rnam pa gsum gyis 'phags pa'i bden pa rnams 'chad par byed de/ thos pa las byung ba'i shes rab kyis ni tshig gi sgo nas so/ /bsam pa las byung bas na don gyi sgo nas so/ /bsgom pa las byung bas ni rtogs pa'i sgo nas so/ /de la/ thos pa las byung bas ni ji ltar thos pa bzhin du 'di ni sdug bsngal 'phags pa'i bden pa zhes bya ba nas rgyas par sbyar te 'chang bar byed do/ /bsam pa las byung bas ni don gyi sgo nas bden pa 'di ni 'phags pa rnams kyi yin te de bas na 'phags pa'i bden pa yin no snyam nas 'chang bar byed do/ /de la chos nyid kyis kyang de kho na nyid kyi don du bden la/ mos pa'i sgo nas kyang bden te/ gang de kho na'i don de la bden par mos pa yin no/ /de la byis pa rnams ni chos nyid kho nas sgo nas bden pa yin gyi mos pa'i sgo nas ni ma yin no/ /'phags pa rnams ni gnyis ka'i sgo nas bden pa yin te/ de bas na 'di ni 'phags pa'i bden pa zhes bya'o/ /de la bsgoms pa las byung ba'i shes rab kyis ni bden pa rnams la bdag nyid kyis mngon sum du bden pa shes

  604. 302b

    pa thob pa nas/ shes nas dad pa thob pa yin te/ nges na bden pa rnams dang/ dkon mchog rnams la som nyi med de/ bden pa shes pa dang/ shes nas dang bas gcig la gcig brten cing/ gcig gang na yod pa de na cig shos kyang yod pa'i phyir ro/ /bden pa shes pa/ dang bral zhing bden pa rnams mngon par rtogs pa dang mi ldan pa'i dge spyod dang bram ze rnams la ni nyes dmigs bzhi yod par rig par bya ste/ bzhi gang zhe na/ 'og ma'i char 'gro ba'i ngan song du skye ba'i rtsa ba las byung ba'i 'du byed rnams la mngon par dga' ba dang/ de dang ldan pa'i las kyang byas nas ngan song dag du skye ba'i g.yang sar lhung ba dang gzhan yang 'dod pa na spyod pa'i lha dang mi rnams kyi nang du nyon mongs pa mang pos yongs su gdung ba'i skye pa rtsa ba las byung ba rnams la mngon par dga' ba de dang ldan pa'i las kyis kyang der skyes nas skye ba'i yongs su gdung ba chen pos yongs su gdungs pa dang/ gzhan yang gzugs dang gzugs med pa dang mtshungs par ldan pa'i ma rig pa'i mun pa'i kun nas dkris pa rnams su snga ma bzhin du skye ba'i rtsa ba las byung ba nas rgyas par skye pa'i mun pa'i bar du yang lhung bar 'gyur ba dang/ gzhan yang yul gyi longs spyod las kyang nyams la mya ngan las 'das pa'i lam las kyang nyams te/ bar ma dor 'jig rten gyi lam gsum du ltung ba bzhin du lta ba'i mun pa 'di lta ste/ rtag par lta pa'am/ chad par lta ba 'am/ tshe 'di la mya ngan las 'da' bar lta bar ltung nas de'i rgyu de dang de'i rkyen des khams gsum gyi skye ba'i mun par ltung bar 'gyur te/ ma rig pa'i mun pas sgribs pa'i phyir bdag nyid kyi lta ba bzung ba la log pa yin par yang dag pa ji lta ba bzhin du mi mthong ngo/ /snga ma bzhin du yan lag lngas yongs su zin pa'i spong pa la ni bden pa rnams yang dag pa ji lta bzhin du snang bar 'gyur bar rig par bya'o/ /bden pa rnams la mi mkhas pa kha cig ni las

  605. 303a

    gnag la rnam par smin pa yang gnag pa sems can dmyal ba dang dud 'gro dang yi dags su skye bar 'gyur bar byed cing sogs te/ de dag las der 'phangs nas khar ba'i drung lta bu'i sems can dmyal ba dang/ dbus lta bu'i dud 'gro rnams dang/ tor tho lta bu'i yi dags rnams su ltung bar 'gyur ro/ /de bzhin du las dkar nag 'dres pa rnam par smin pa yang dkar nag 'dres pa byas shing bsags nas las 'dren ma nges 'phags te/ khar ba lta bur mi gtsang ba dang 'dra ba'i ngan 'gro 'am/ gtsang ba dang 'dra ba'i bde 'gror skye par 'gyur ba'am/ de bzhin du las dkar la rnam par smin pa yang dkar ba byas nas/ las nges 'gro pa lnga dang ldan pa'i 'khor ba'i? las dang 'brel pa der skyes te/ tshe zad cing las zad nas yang gzugs dang gzugs med pa'i khams nas shi 'phos te phyir log nas 'gro ba lnga dang ldan pa'i 'khor bar 'khor lo du ma lnga pa lta bur yongs su 'khor ro/ /kha cig ni 'jig rten pa'i lam gyis srid pa'i rtse mo'i bar du khyad par du 'phags pa gzhan dag kyang ston par byed mod kyi/ 'on kyang bstan pa de ni yang dag par khyad par du 'phags par byed pa ma yin par rig par bya'o/ /de ni'i phyir zhe na/ khyad par du 'phags pa de la ni gcig tu nges pa med pa'i phyir ro /de bzhin gshegs pa rnams kyi 'phags pa'i bden pa dang ldan pa ni khyad par du 'phags par gcig tu nges pa'i phyir yang dag par khyad par du 'phags par byed pa'i bstan pa yin par rig par bya'o/ /kha cig 'jig rten pa'i srid pa'i rtse mo man chad kyi shes pas mkhas pa de dag ni yang dag par mkhas pa ma yin te/ snga ma bzhin no/ /bden pa shes pa mkhas pa gang yin pa de dag ni yang dag pa'i mkhas pa yin te/ snga ma bzhin no/ /bden pa shes pa bzhi las bden pa shes pa dang bo ni bden pa rnams rims kyis mngon par

  606. 303b

    rtogs par bya ba la rtsig rmang lta bu'o/ /gnyis pa ni rtsig pa lta bu'o/ /gsuM pa ni blag pa lta bu'o/ /bzhi po ni bla gab? phyur po lta bu'o/ /bzhi po de dag ni shes rab kyi khang bzang chen po'i steng du 'gro ba la them skas kyi them pa bzhi lta bu yang yin no/ /rnam par grol pa'i mya ngan las 'das pa'i skabs rnams kyi skas kyi them pa ni shes pa de dag nyid yin par rig par bya'o/ /sred pa gsum ni bdud sdig can gyis 'khor ba'i rgya mtsho chen por skyes pa'i srog chags bzung pa'i rtsal ba lta bu'i yin te/ bdud? kyi rtsal ba de dag gis kyang sems can rnam pa gsum na bzung bar mi nus te/ de dag kyang chud du'i rgyun tu zhugs pa rnams so/ /'bring ni de ma yin pa'i slob pa rnams so/ /chen po'i ni mi slob pa rnams so/ /rgyun las bzlog pa'i lam la zhugs pa dang/ ci dga' mgur?/ byang med pa'i phyir ro/ /bden pa mthong ba'i gang zag slob pa dang dgra bcom pa'i ming rgyal las gyur pa dang/ nga rgyal las byung ba'i sdug bsngal spangs pa'i phyir sdug bsngal nyung du ni las phal cher ni spangs so/ /nga rgyal las byung ba ji lta ba de bzhin du sred pas bskyed pa dang/ lus dang ngag dang yid kyi las dang/ 'dod chags dang/ zhe sdang dang/ gti mug gis bskyed pa'i sdug bsngal yang nyung du nilus phal cher ni spangs te/ dper na rdo'i gseg ma dang gangs ri bzhin te/ rgyal las byung pa ni de tsam zhig lus pa dang/ spangs par rig par bya'o/ /dper na rdzing gi nang nas chu'i thigs pa gnyis sam gsum phyogs gcig tu bong ba dang/ rdzing chen po'i nang na 'dug pa'i chu'i bzhin du gzugs med pa na spyod pa'i sred pas bskyed pa'i sdug bsngal lus pa dang spangs pa yang de dang 'dra bar rig par bya'o/ /dper na mtsho chen po dang lte dka' i dpes ni snga ma bzhin du gzugs kyi sred pas bskyed pa'i sdug bsngal lus pa dang spangs pas rig par bya'o/ /rgya mtsho chen po'i dpes ni snga ma bzhin du 'dod pa na spyod pa'i sred pas bskyed pa'i sdug bsngal lus pa dang spangs par rig par

  607. 304a

    bya'o/ /gangs ri dang/ gser gyi ri dang/ ri rab dang/ sa chen po'i dpe dang/ gseg ma'i dpe drug dang/ 'ji ba'i gong bu'i dpes ni lus dang ngag dang/ yid kyi las dang/ 'dod chags dang/ zhe sdang dang gti mug gis bskyed pa'i sdug bsngal snga ma bzhin du lus pa dang spangs par rig par bya ste/ de ltar na bden pa mngon par rtogs pa ni sdug bsngal phal cher dang bral la nyung du lus pa'i phyir don che ba yin par rig par bya'o/ /de la slob pa yin ni lha dang mi rnams kyi de ltar thogs na skye ba bdun gyi sdug bsngal lus ste/ ngan song gi ni thams cad las 'das so/ /mi slob pa'i ni tshe 'di'i phung po tsam zhig lus te gzhan thams cad las 'das so/ /lus gang la gnas pas bden pa rnams mngon par rtogs par 'gyur ba'i lus de yang dkon no/ /mig dang ldan zhing bden pa mthong ba'i slob pa de dag kyang dkon na/ /thos pa las byung ba dang/ bsam pa dang bsgoms pa las byung ba'i shes rab kyang dkon te/ des na chos 'dul pa 'di go rims bzhin du shes shing/ rnam ngal shes la rab tu shes te/ kun shes pas ni yid ches par 'gyur ro/ /rnam par shes pas ni mos par byed do/ /rab tu shes pas ni chos rnams mngon par rtogs par 'gyur ro/ /bden pa mngon par rtogs pa'i tshogs su gyur pa'i dge ba zag pa dang bcas pa 'di lta ste/ mar 'dzin pa la sogs pa dang/ dge ba bcu'i las kyi lam de dag kyang dkon no/ /ngal ba phun sum tshogs pa yang dkon no/ /'jig rten pa'i yang dag pa'i lta ba la sogs pa dang/ rnam par grol ba'i ye shes la thug pa man chad kyi chos bcu po de dag kyang dkon no/ /slob pa de dag nyid dang mi slob pa de dag nyid kyang de dang 'dra'o/ /de la byas pa gzo ba'i skyes bu gang zag ni pha ma la bsnyen pa kur bya ba'i rig par yang dag pa ji lta ba bzhin du shes nas bsnyen bkur byed de/ ? de ltar na par 'dzin pa dang/ mar 'dzin pa yin no/ /bdag la phan par

  608. 304b

    'dod ba'i skyes bu gang zag ni dge spyod dang bram ze yon tan can gzhan dag la yon gnas yin par yang dag pa ji lta ba bzhin du rab tu shes nas ci rigs par ri mo byed pa 'di ni dge spyod du 'dzin pa dang/ bram zer 'dzin pa yin no/ /bskam chags med pa dang/ le lo med pa'i skyes bu gang zag ni bu dang chung ma dang bran dang bran mo la sogs pa bu smad kyi 'khor la 'di dag ni bdag la brten pa ste/ bdag dpung gnyen yin pas na bdag gi bde bas ni bde la bdag gi sdug pas ni sdug bar 'gyur ba yin no snyam du rig nas/ dus dus su legs par zas dang gos sbyin pa dang/ nad kyi gsos sman gyis sdud par byed do/ /de dag gi don gyi phyir bdag nyid kyang spro bar byed cing nyams su len par byed de/ thams cad gzhan la yongs su mi tshol lo/ /bgo bsha' byed pa'i dang tshul can yang yin no/ /don med par yang longs spyod rnams chung gzon par mi byed do/ /gnas ma yin par yang bsko bar mi byed do/ /gnas ma yin par yang khro bar yang mi byed do/ /ches rgan shing bla ma lta bur gyur pa rnams la yang rjes su mthun par byed do/ /'di ni rigs kyi rgan rabs la rim gro byed pa'o/ /bdag dang gzhan rnams kyi don par byed de chos bzhin du byed kyi chos ma yin pas ni ma yin te/ de ltar na don byed pa dang/ bya ba byed pa yin no/ /tshe la sdig pa'i las byas na gzhan gyi nyes pa 'di lta ste/ gsod pa 'am/ 'ching ba 'am chad pas gcod pa 'am/ dam pa 'am/ smad pa yang dag par mthong na so sor brtags nas mi bde ba 'di ni 'jig rten 'di'i la na ma tho ba la 'jigs par lta'o/ /sdig pa'i kun tu spyod pa byas na 'jig rten phyi ma la ngan song gi sdug bsngal dang/ gzhan yang 'phongs pa'i sdug bsngal myong bar 'gyur ba yang dag bar mthong nas so sor brtags te mi byed pa 'di ni 'jig rten pha rol gyi kha na ma tho ba la 'jigs par lta'o/ /dus dus su sbyin pa las byung ba'i bsod nam bya ba'i dngos po yang dag par blangs te 'dug go/ bsod nams rnam pa sna tshogs kyang byed de/ 'di lta ste/ nang

  609. 305a

    g.yog bya ba dang dus la bab na zhal ta byed pa dang/ de lta bu dang mthun pa'i bsod nams byed do/ /nyin zhag gcig dang ji srid 'tsho'i bar du tshul khrims yang dag par len par byed do/ /de bas na sbyin pa dag sbyin zhing bsod nams dag byed la bsnyen gnas la gnas shing tshul khrims yang dag par blangs te 'dug pa zhes bya'o/ /las kyi lam bcu la zung dang sum phrugs la sogs pa'i bye brag gis spel mar ston te/ 'di lta ste/ thos pa dang bsam pa gnyis kyis de dag ldan pa'i yid la byed pa lan mang du bya ba'i phyir ro/ /sems can ngan song du skyes pa rnams de nas thar bar dka' ba dang/ bde 'gror skyes pa rnams myur ba myur bar de dang bral bar 'gyur ba'i phyir ni dal ba phun sum tshogs pa dkon par rig par bya'o/ /de la bden pa mthong bas ni spyir na yang dag pa'i lta ba skye bar 'gyur te/ 'das pa'i dus na ni skyes zin to/ /da ltar byung ba'i dus la bab pa na ni skyes so/ /ma 'ongs pa'i dus na ni phyis bskyed par bya ba yin no/ /kun tu bsten cing bsgoms la mang du/ byas pa'i don ni snga ma bzhin du rig par bya'o/ /'jig rten pa'i gang yin pa de ni rjes su bsrung bar bya ba yin no/ /slob pa'i gang yin pa de ni nyon mongs pa spangs pa'i 'bras bu dang bcas te rig par bya ba yin no/ /mi slob pa'i gang yin pa de ni nang gi nyon mongs pa dang bral ba'i 'bras bu dang bcas te mngon sum du bya ba yin no/ /yang dag pa'i lta ba ji lta ba bzhin du rnam par grol ba'i ye shes kyi bar du yang de dang 'dra bar rig par bya'o/ /rnal 'byor spyod pa'i sa las gzhi bsdu ba// //bam po bcu bdun pa/ /spyi sdom ni/ bsdus pa'i don dang gsum bdun bsdus/ /rang bzhin tshor ba tha ma yin/ /sdom ni/ bsdus pa yi ni don rnams dang/ rang gi rigs kyi dbye ba dang/ /'dra ba'i rjes su 'jug pa dang/ /tshol ba gsum ni tha ma yin/ /mdor bsdu na khams ni gnyis yod de/ rang bzhin

  610. 305b

    gyis gnas pa dang/ goms pas yongs su rtas pa'o/ /de la rang bzhin gyis gnas pa ni ji ltar khams bco brgyad po 'di dag so sor nges par rgyud la yod pa'i sa bon no/ /de la goms pas yongs su rtas pa'i khams ni dge ba 'am mi dge ba'i chos sngon gyi skye ba gzhan dag tu kun tu bsten pa gang yin pa de dag yang dag par grub par bya ba'i phyir/ da lta sa bon yongs su rtas pa rten la gnas pa yin te/ des ni nga rkyen chung ngu tsam la yang dmigs nas des bkri zhing des 'gro par 'gyur ro/ /mdong bsdu na khams bco brgyad po dmigs pa 'di dag ni 'dir khams re re zhing yang las dang 'gro ba dang sems can sna tshogs kyi rnam pa'i bye brag gis tshad med par rig par bya ste/ dper na tshe lo rnams kyi tshe lo'i phung po chen po ni rigs gcig pa'i phyir phung por gtogs pa'i tsho lo rnams la gcig tu brjod mod kyi/ tsho lo de dag ni tshad med bzhin du/ khams re re zhing yang tshad med mod kyi rigs gcig pa'i phyir re rer bstan pa mdzad do/ /khams de yang mos pa'i stobs kyis yang dag par 'grub par 'gyur te/ sngon sdig pa la mos pa'i ni sdig pa can yin no/ /dge ba la mos pa'i ni dge ba yin no/ /de ci 'dra bar yang dag par grub par gyur pa de ni/ de dang chos mthun pa'i sems can 'ba' zhig dang lhan cig tu spyod cing dga' la gnas par byed pa dang/ lta ba mthun par 'dzin pa dang/ de la mos par byed de/ de bas na khams kyi sgo nas sems can rnams 'du bar 'gyur zhes bya'o/ /de la tshangs par spyod pa tshol ba'i dbang du byas nas dad pa ni dang por brjod do/ /de'i 'og tu tshul khrims yang dag par len par byed do/ /de nas bdag dang gzhan las brten te/ kha na ma tho ba kun tu spyod pas ngo mtshar bar 'gyur ro/ /de nas dge ba'i chos rnams rtag tu bsgom pa la brtson 'grus rtsom mo/ /byas nas yun ring du len pa dang smras nas yun ring du lon pa yang mi brjod do/ de gnyis la brtan nas sems mnyam par

  611. 306a

    bzhag go /sems mnyam par gzhag na yang dag pa ji lta ba bzhin du rab tu shes te/ /'di ni dad pa'i sgo nas go rim bzhin du bslab pa gsum po lhag pa'i tshul khrims dang/ lhag pa'i sems dang/ lhag pa'i shes rab 'byung bar 'gyur ro/ /de rnams kyi tshogs kyi lam ni 'jig rten pa'i yang dag pa'i lta ba dang/ gtong ba dang/ gso sla ba dang/ dgang sla ba dang/ 'dod pa nyung ba dang/ chog shes pa dang/ bsdu ba'i dngos po bzhi'o/ / gso sla ba la sogs pa'i don ni 'di lta ste/ nyan thos kyi sa las 'byung ba bzhin te/ de ni tshangs par spyod pa tshol ba yongs su rdzogs pa yin par rig par bya'o/ /de la tshangs par spyod pa tshal ba'i khams de dang ldan pa'i sems can rnams ni de dang mthun pa rnams 'ba' zhig dang 'dri bar byed kyi/ de dang mi mthun pa'i khams dang ldan pa rnams dang ni ma yin no/ /'bras bu ni rgyu la rag las kyi/ rgyu ni 'bras bu la rag las pa ma yin te/ de bas na ma rig pa'i khams dang 'brel pa'i skye mched drug gi khams la brten nas rten gyi bye brag gis ma rig pa'i 'dus te reg pa rnam pa sna tshogs 'byung ngo/ /ma rig pa'i 'dus te reg pa rnam pa sna tshogs la brten nas/ ma rig pa'i 'dus reg pa las byung ba'i tshor ba rnam pa sna tshogs 'byung ngo// ma rig pa'i 'dus te reg pa las byung ba'i tshor ba rnam pa sna tshogs la brten nas/ ma rig pa'i 'dus te reg pa las byung ba'i tshor ba'i rkyen gyis sred pa/ sred pa'i rkyen gyis len pa nas rgyas par sdug bsngal gyi phung po chen po'i bar du kun 'byung bar 'gyur te/ 'di ni srid pa tshol ba'i sgo nas khams rnam par bzhag pa yin par rig par bya'o/ /ma rig pa'i khams dang 'brel pa'i skye mched drug gi khams nyid la brten nas ma rig pa'i 'dus te reg pa 'byung ngo/ /ma rig

  612. 306b

    pas 'dus te reg pa la brten nas yul la tshul bzhin ma yin pa'i mtshan ma dang rtags 'dzin pa'i 'du shes 'byung ngo/ /'du shes de la brten nas yul de la 'dod pa skye'o/ /'dod pa la brten nas de'i rjes su mthun pa'i chos la mang du rjes su rtog rtog pa 'byung ngo/ /de'i rjes su 'thun pa'i chos la mang du rjes su rtogs pa la brten nas/ gdung ba dang/ mi dga' pa dang/ yid mi bde ba las gyur pa'i lus dang sems yongs su gdung ba 'byung ngo/ /de la brten nas yul yongs su tshol ba rnam pa sna tshogs 'byung bar 'gyur te/ 'di ni 'dod pa tshol pa'i sgo nas khams rnam par bzhag pa yin par rig par bya'o/ /sdom ni/ gsum dang bdun ni bsdus pa dang/ /'du shes 'phags pa sna tshogs gzhag /nang du yang dag 'jog pa dang/ /byis pa rnams ni tha ma yin/ /khams ni gsum ste/ gzugs kyi khams dang/ gzugs med pa'i khams dang/ 'gog pa'i khams so/ /gzhan yang khams ni bdun te/ 'od? dang/ dge pa dang/ gzugs med pa bzhi dang/ 'gog pa'o/ /de la gzugs kyi khams kyis ni 'od dang dge pa bsdus so/ /gzugs med pa'i khams? kyis ni gzugs med pa bzhi bsdus so/ /'gog pas ni 'gog pa nyid bsdus so/ /de la gzugs kyi 'dod chags ni mthong ba dang myong bas rab tu phye ba'i phyir gzugs kyi khams thams cad du 'od dang dge ba'i khams rnam par gzhag par mdzad do/ /khams bdun po 'di rnams kyi yongs su shes pa yang rig par bya'o/ /thob par bya ba'i thabs kyang rig par bya'o/ /thob pa yang rig par bya'o/ /gang gi phyir thob pa de yang rig par bya'o/ /de la khams de rnams ni rgyu bzhi las yongs su shes te/ mi mthun pa'i phyogs dang gnyen po'i phyogs kyi sgo nas dgra zla yod pa dang/ chung ngu dang/ tshad med pa dang/ yod pa dang/ med pa dang/ bla na yod pa dang/ bla na med pa'i phyir ro/ /de la mun pa la rten nas 'od yod do/ /mi dge ba la brten nas dge ba dang/ gzugs kyi rnam pa la brten nas

  613. 307a

    nam mkha' yod de/ 'di dag ni dgra zla dang bcas pa mi mthun pa'i phyogs la bltos nas 'dogs te/ de la bltos nas de dag tu blo 'jug par 'gyur ba'i phyir ro/ /rnam shes mdza' yas ni mdza' i rnam pa chung ngu la dmigs pa'i nam par shes pa la brten nas yang ngo/ /ci yang med pa ni dngos po med pa tsam gyi phyir ro/ /'du shes med 'du shes med min? skye mched ni srid pa bla na med pa/ srid pa thams cad kyi rtse mo la brten nas yod do/ /'gog pa'i khams ni 'jig tshogs dang ldan pa'i nyon mongs pa thams cad spangs pa la brten nas yod do/ /srid pa'i rtse mo ni srid pa'i nang na bla na med pa'i phyir ro/ /'gog pa'i chos thams cad kyi nang na bla na med pa'i phyir ro/ /'du shes kyi snyoms par 'jug pa ni 'du byed ces bya'o/ /de la khams lnga ni ci yang med pa'i skye mched man chad 'du shes kyi snyoms bar 'jug pa'i phyir/ 'du byed kyi snyoms par 'jug pas thob par bya ba yin te/ 'di lta ste/ 'od kyi mtshan ma bzung nas 'od dang bcas pa'i 'du shes dang ldan pa'i ting nge 'dzin bsgom par byed do/ /dge ba dang nam mkha' dang/ rnam shes mdza' yas dang/ ci yang med pa yang de dang 'dra'o/ /'du shes med 'du shes med min skye mched ni 'du shes cha phra ba'i phyir srid pa'i nang na zhi ba 'di ni mchog yin no snyam pas mos pa ni mtshan ma med pa yid la byed pas snyoms par 'jug ste/ de bas na de ni srid pa'i rtse mo'i snyoms par 'jug pas thob par bya ba yin no/ /'gog pa'i khams kyang mtshan ma thams cad yid la mi byed pa dang/ mtshan ma med pa'i khams yid la byed pas na 'jig tshogs 'gog pa'i snyoms par 'jug pa mtshan ma med pas thob par bya ba yin gyi 'du byed kyi snyoms par 'jug pas ni ma yin te/ de ltar na 'di dag ni thob par bya ba yin no/ /snyoms par 'jug par dag ni gzugs

  614. 307b

    dang gzugs med pa'i 'dod chags yang dag par bcom pa dang/ rjes su chags pa med pa dang/ khang khro ba med pa dang/ rnam par grol bas gnas pa dan/ gnas pas rnam par grol ba yin ba'i phyir ji ltar dga' ba bzhin thob pa dang/ las su rung ba dang/ dbang byed pa yin te/ 'di ni khams de rnams kyi thob pa yin no/ /thob pa ni rnam par thar pa brgyad la bsam gtan par 'gyur bar byed pa yin par rig par bya'o/ /de la khams dang po thob pas ni rnam par thar pa dang po dang gnyis pa la bsam gtan par 'gyur ro/ / gnyis pas ni rnam par thar pa gsum pa la bsam gtan par 'gyur ro/ /lhag ma sngas ni go rims bzhin du rnam par thar pa lnga la bsam gtan par 'gyur ro/ /'di las phyi rol pa'i mu stegs can rnams ni gnas gsum du khyad par du 'gro bar bya ba'i phyir slob ma rnams la chos ston te/ kha cig la ni ngan pa ste/ 'dod pa'i khams su mi skal pa can yan chad gzhan 'phrul dbang byed kyi lha man chad du skye bar 'gyur ba'i lam ston par byed do/ /kha cig la ni 'bring ste/ gzugs kyi khams su chings pa'i 'jig rten dang skal ba mnyam pa lta bu dang/ kha cig la ni gya nom pas te/ gzugs med pa'i khams su 'du shes med 'du shes med min skye mched kyi bar du skye bar 'gyur ba'i lam ston par byed do/ /de dag gi khams ngan pa la brten pa de ni dag dan pa min no/ /'bring la brten pa ni 'bring ngo/ /gya nom pa la brten pa ni gya nom pa'o/ /de dag gi slob ma chos de thos nas de bzhin du 'dzin pa gang yin pa de ni de /dag gi 'du shes ngan pa dang 'bring dang gya nom pa'o/ /ji tsam du 'dzin pa de tsam du de dag gis bzod pa dang/ 'dod pa gang yin pa de ni de dag gi lta ba ngan pa dang 'brang dang gya nom pa'o/ /de dag de ltar bzod par gyur cing de ltar lta bar gyur pas skye ba'i gnas de dang de dag tu bde ba dang mchog yin par mos nas/ de dang ldan pa'i las byed pa de ni de dag gi sems pa ngan pa 'bring dang gya nom pa'o/ /de dag gis

  615. 308a

    las de byas nas skye ba de don du gnyer bar byed de/ de ni de dag gi don du gnyer ba ngan pa dang 'bring dang gya nom pa'o/ /de dag gis de don du gnyer ba'i na tshangs par spyod pa gnas de der yongs su bsngo bar byed de/ de ni de dag gis smon lam ngan pa dang 'bring dang gya nom pa'o/ /ston pa po gang yin pa dang/ nan tan du sgrub pa po gang yin pa'i gang zag de gnyis kyang ngan pa dang 'bring dang gya nom par rig par bya'o/ /ston pa po de dang/ nan tan du sgrub pa po de dag kyang gzhan rnams la ngan pa dang 'bring dang gya nom par byed de/ de dag kyang nga dang 'dra ba nyid du skye bar 'gyur ro/ /gong nas gong du skye ba'i khyad par la bltos nas de dag gi khams ngan pa dang/ 'bring dang bya nom? pa rnam par bzhag gi mya ngan las 'das pa las bltos na ni khams rnam pa gsum char yang ngan pa yin no/ /de la de bzhin gshegs pa'i ni yang dag pa'i gya nom pa'i khams la brten nas gsung ba yang gya nom pa kho na'o/ /de ma yin pa'i chos rnams kyang ci rigs par rig par bya'o/ /bcom ldan 'das kyi nyan thos kyi rjes su mthun pa'i chos de la nan tan du sgrub cing mngon par rtogs par byed pa gang yin pa de dag gi bgrod pa gang yin pa de dag ni 'phags pa rnams kyi yin te/ 'di lta ste/ tshe 'di la mya ngan las 'da' ba' o/ /de la sngon mu stegs can du gyur pa las 'chi ba'i dus byas nas 'dir skyes te/ nar son pa'i rgyu rkyen tshogs pa la brten nas legs par gsungs pa'i chos 'dul ba la rab tu byung ba gang yin pa de ni sngon gyi mu stegs can gyi lta ba de nyid kyis kun tu rmongs pas da ltar ma rig pa'i khams chen po yang dag par 'grub par 'gyur te/ nges na mya ngan las 'das pa la yang som nyi za bar 'gyur la/ ston po la yang som ti za nas sngon gyi rgyu des chos 'dul ba 'di las phyir ldog cing nyes par bshad pa de nyid la slar ldog ste/ de dag ni phyir yang ngan par gyur pa nas rgyas par sngar bstan pa bzhin du thams cad rig par bya'o/ /gsum po 'di dag ni mu

  616. 308b

    sdegs can gyi gnas rnams su mu stegs can gyi slob ma rnams lta ba'i rnam pa tha dad par 'dags pa rnams la bzod pa'i sgo nas lta ba'i brten du dmigs pa ste/ de dag ni chos 'di pas kun nas dkris pa dang/ bag la nyal gyi sgo nas spong bar byed de/ kun nas dkris pa'i sgo nas spong pa na ni de yang spong ba gang gis tshe 'di la gzhan dag dang 'gyed de rtsod cing 'dug par 'gyur ba gzhan yang mi len to/ /nyes rtsom smra ba ni bdag dang gzhan rnams la yang gnod pa dang lda par rig nas bag la nyal gyi sgo nas spong ngo/ /dga' nyal de spong pa na yang de'i rgyu las byung ba'i kun nas dkris pa gzhan yang gtan mi len to/ /de la mu stegs can gyi gnas rnams su lta ba'i rnam pa 'dogs pa ni 'di rnams yin te/ 'di lta ste/ 'jig rten rtag go zhes bya ba nas rgyas par de bzhin 'ongs pa shi phan? chad med par 'gyur ro/ /med par mi 'gyur ro zhes bya ba'i bar rnams so/ /de la mu stegs can gcig ni yid brtul zhing blong ba yin te/ de ni bdag nyid kyi slob dpon nam/ gzhan gyis ci tsam du bslabs pa de tsam du dpyod par mi byed de/ mchog tu 'dzin cing mngon par zhen nas 'di 'ba' zhig bden gyi gzhan ni gti mug pa'o zhes de lta ba'i rnam pa thams cad bzod par byed pa 'di ni lta ba'i rten dang po'o/ /gzhan yang mu stegs can gyi slob ma gcig ni dbang po 'bring ste/ yid brtul zhing blong ba yang ma yin la bdag nyid kyis chos rnams la gzhig pa dang brtag pa dang/ dpyad pa la gsal ba yang ma yin te/ de ni sgra ji lta ba bzhin du mos pa ma yin mod kyi 'on kyang lta ba'i rnam pa phan tshun mi 'thun pa dag las gang yang rung ba la dang de de lta ba'i rnam pa kha cig ni bzod la kha cig ni mi bzod pa 'di ni lta ba'i brten gnyis pa'o/ /gzhan yang mu stegs can gcig ni dbang po rno ba'i rang bzhin can yin te/ rang gis gzhig pa dang brtag pa dang dpyod par gsal ba yin pas de ni la ba'i rnam pa de dag legs par gzhung btsugs pa yin pa'i phyir thams cad la mi 'thong par mthong nas thams cad mi 'dod de

  617. 309a

    de ni lta ba'i rnam pa de dag thams cad mi bzod do/ /gang zag de la yang gnyis yod de/ gcig ni log par lta ba la spyod pa yin te/ shes par 'dod pa'i bsam pa can ma yin no/ /cig shos ni yang dag pa'i lta ba spyod pa yin la /rang bzhin gyis kyang shes par 'dod pa'i bsam pa can yin no/ /de la thams cad mi bzod pa'i gang zag dang po ni rjes su dpag pa tshul bzhin ma yin pa de nyid kyis legs par gsungs pa'i chos 'dul ba la yang ma spyad pas mi 'thad par brtags nas 'phags pa la skur pa 'debs par byed de/ med par lta'o/ /de ni lta ba'i rnam pa thams cad mi bzod pa gang yin pa de dag sun 'byung pa dang bzhig pa dang mi 'thun par bya ba'i phyir sun 'byin pa dang ldan pa'i lta ba'i rnam pa dag byed cing ston te/ 'di lta ste/ lta ba de 'dzin pa rnams dang/ lhan cig 'gyed pa dang/ rtsod pa dang/ 'tshe bar 'gyur ba 'di ni lta ba'i rten gsum pa'o/ /thams cad mi bzod pa'i gang zag cig shos ni gang zag snga ma shos kyi thams cad mi bzod pa'i lta ba de yang mi 'dod la shes par 'dod pa'i sems nye par bzhag nas legs par gsungs pa'i chos 'dul ba pa'i thad du song ste/ de bzhin gshegs pa 'am/ de bzhin gshegs pa'i nyan thos kyi mdun du bdag ni thams cad mi bzod de/ zhes yang dag pa ji lta ba bzhin du bdag nyid ston par byed+de/ de'i shes par 'dod pa'i bsam pa yod pa dang/ de'i blo gsal ba'i phyir shin tu skal pa dang ldan pa yin par de bzhin gshegs pa 'am/ de bzhin gshegs pa'i nyan thos kyis rtogs te/ sems kyis sems khyab par byas nas gang zag snga ma shos pas brtsams te/ ci khyod thams cad mi bzod pa'i lta ba 'di yang mi bzod dam zhes phyir 'dri bar byed de des kyang yang dag pa kho na bzhin du phyir lan 'debs par byed do/ /de yang de bzhin gshegs pas chos 'di pa'i nyan thos kyi skye ba'i tshogs thams cad

  618. 309b

    dang mthun par gzengs bstod par mdzad de/ khyod ni skye bo mang po dang mthun te bdag cag thams cad ni mi bzod pa'i lta ba de dang bcas pa'i rnam pa de dag thams cad mi bzod do/ /gal te khyod kyang skye ba'i tshogs 'dis lta ba'i rten kun nas dkris pa dang bag la nyal dang bcas par thams cad spangs nas/ phyi ma la lta ba'i kun nas nyon mongs pa thams cad kyi rgyur mi 'gyur ba ji lta ba bzhin du gyur na ni khyod kyang de dang khyad par med par 'gyur ro/ /khyod dang 'dra ba de dag ni nyung ngo/ /thams cad mi bzod pa'i lta pa de kun nas dkris pa dang bag la nyal dang bcas par spangs nas gtan du len bar mi byed pa gang yin pa de dag ni nyung ngu de dag pas kyang ches nyung ngo zhes gzengs bstod par mdzad do/ /de ltar na de bzhin gshegs pa'am/ de bzhin gshegs pa'i nyan thos nges mu stegs can gyi slob ma de shes pa dang mthong ba la 'dod ba skyed de/ 'di lta ste/ de bzhin gshegs pa dang de bzhin gshegs pa'i nyan thos de dag 'di ltar shes pa dang mthong ba dang ldan pa bzhin du bdag kyang kun nas dkris pa dang bag la nyal dang bcas par ji ltar spong bar 'gyur zhig gu snyam ste/ shes pa dang mthong ba la de dag gi 'dod pa skyes par de bzhin gshegs pas thugs su chud nas/ sems la yod pa'i 'dod pa de yang dag par bskul bar mdzad do/ /des kyang khas len par byed de/ /de bzhin gshegs pa'i so sor brtags pa'i stobs dang/ bsgom pa'i stobs kyi gnyen po la bsten nas/ ji ltar chos 'di ba kun nas dkris ba dang bag la nyal dang bcas par spong ba de bzhin du kun nas dkris pa dang/ dag la nyal spang bar bya ba dang/ /shes pa dang mthong ba thob par bya ba'i phyir de la chos ston to/ /de la 'phags pa nyan thos ni lta ba'i rten de rnams phan tshun mi mthun pas de'i rgyu las 'gyed pa dang/ rtsod pa dang/ rnam par 'tshe ba ni bdag dang gzhan rnams la yang gnod pa dang ldan pa yin par so sor brtags nas thams cad kyi thams cad du khas mi len cing dris na yang lan mi 'debs so//

  619. 310a

    de ltar nyes dmigs de lta bu mthong nas so sor brtags pa'i stobs la brten pas kun nas dkris pa spong bar byed de/ des ni lta ba'i rten de dag kyang spangs la/ yang dag pa'i lta bar gyur pas/ de ma yin pa'i lta ba'i rten yang 'byung bar mi 'gyur ro/ /des de ltar kun nas dkris ba'i sgo nas spangs nas bag la nyal bsal ba'i phyir lus gyi rnam pa'i dran pa sgom par byed de/ gzugs can gyi lus mi rtag par mthong la/ lus la mngon par zhen pa las kyang sems yongs su dag par byed de/ rang gi rgyud du gtogs pa'i tshor ba'i gnas skabs de yang mi rtag pa nyid kyi sgo nas rtag par mthong ngo/ /ming dang gzugs yang dag pa ji lta ba bzhin du yongs su shes pas ni zag pa rnams las sems rnam par grol bar 'gyur la/ lus dang bral nas kyang phyi ma pa tshor ba thams cad 'gal bar mthong ste/ lus la 'jig pa'i 'du shes kyi gnas so/ /ji srid 'tsho ba de srid du ni mi ldan pa'i tshor ba myong ste/ de ltar na bsgom pa'i stobs la brten pas bag la nyal spong ngo/ /de la 'dod chags dang zhe sdang dang gti mug rnams ni phyi ma la skye ba la sogs pa'i sdug bsngal dang phrad par 'gyur ba dang/ tshe 'di'i las kyi kun nas nyon mongs par 'gyur ba dang/ ma 'ongs pa'i kun nas nyon mongs pa'i dngos po la mngon par dga' bar 'gyur ba dang/ 'das pa phar zin pa yin par 'gyur ba dang/ da ltar lhag par zhen par 'gyur ba yin no/ /de la 'gyed pa ni yid kyis sdang ba'o/ /rtsod pa ni dag gis sdang ba'o/ /rnam par 'tshe ba ni gsum gyis gnod par byed pa'o/ /mi rtag pa la sogs par rjes su mthong ba ni 'di lta ste/ nyan thos kyi sa las 'byung ba bzhin no/ /mi sdag pa dang/ byams pa dang/ snying rje bsgom pa'i mi mthun pa'i phyogs 'dod pa'i 'dod chags dang/ gnod sems dang/ rnam par 'tshe ba ma spangs pa'i phyir gnas la yod

  620. 310b

    pa de'i phyogs dang mthun pa gnas ngan len sa bon lta bu gang yin pa de skye bar 'gyur ba'i phyir ni ci rigs par 'dod pa dang/ gnod sems dang/ rnam par 'tshe ba'i khams zhes bya ste/ de yod na 'dod pa dang/ gnod sems dang/ rnam par 'tshe ba dang mthun pa'i yul yang mngon sum du gyur pa dang/ yul rnam pa gsum po de dag la yang tshul bzhin ma yin pa yid la byed par gyur na tshul bzhin ma yin pa'i mtshan ma dang brtags 'dzin pa'i 'du shes skye par 'gyur ro/ /skyes pa de dang du blangs pa las mi tshe 'di dang tshe phyi ma'i nyes dmigs gnyis su 'gyur bar rig par bya'o/ /de la dang du len ba ni gang yin/ tshe 'di'i nyes dmigs ni gang yin/ tshe phyi ma'i nyes dmigs ni gang yin zhe na/ gal te 'du shes skyes pa de'i dban du byas nas/ snga ma bzhin du de dang 'draba'i 'dun pa dang/ yongs su rtogs pa dang/ yongs su gdung ba dang/ yongs su tshol ba bskyed par byed na ni de lta na des 'du shes de dag dang du blangs pa yin no/ /yongs su tshol bar byed pa na ni gnas gsum gyis sems can rnams la log par sgrub par 'gyur te/ de'i rgyus na de las skyes pa'i tshe 'di la sdug bsngal ba dang yid mi bde ba'i rgyur 'gyur te/ des na sdug bsngal dang bcas pa yin no/ /rgyur ma gyur na yang mngon sum kho nar 'gyur te/ de bas na phongs pa dang bcas pa yin no/ /sdug bsngal ba dang bcas/ phongs ba dang bcas pa de yang rkyen gnyis las 'gyur te/ gzhan gyi lag pa dang/ bong ba dang/ dbyug pa dang/ ngag rtsub po'i dbang gis byung ba ste/ nges na gnod pa dang bcas pa zhes bya'o/ /nang gi kun nas nyon mongs pa can du gnas pa'i dbang gis byung ba ste/ des na yongs su gdung ba dang bcas pa zhes bya ste/ 'di ni tshe 'di'i nyes dmigs so/ /de de kho na'i rgyus ngan song rnams su skye bar 'gyur ba 'di ni tshe phyi ma'i nyes dmigs so/ /gal te bslab pa blangs pas dang du blangs na ni lus 'dam bu skam

  621. 311a

    pa'i khyim lta bu de la de na gnas pa'i sro chags rnams lta bu'i dge ba'i chos gang yin pa de dag de'i log ba'i 'du shes kyis me btang la gang zag des kyang gsang par mi nus pas na/ /dge ba'i chos srog chags lta bur 'dug pa de dag tshig bar 'gyur bar rig par bya'o/ /de las bzlo pa ni dang du mi len pa'i phan yon dang/ dge ba'i chos yongs su nyams par mi 'gyur bar rig par bya'o/ /de las bzlo pa ni nges par 'byung ba dang/ /gnod sems med pa dang/ rnam par 'tshe ba med pa'i 'du shes yin te/ ci rigs par rig par bya'o/ /de la thos pa dang/ bsams pa dang/ bsgoms pa las byung ba'i shes rab ni nag po'i phyogs dang du len par mi 'gyur ba dang/ dkar po'i phyogs dang du len par 'gyur ba'o/ /shes rab rnam pa gsum med pa ni nag po'i phyogs dang du len par 'gyur ba dang/ dkar po'i phyogs dang du len par mi 'gyur ba yin par rig par bya'o/ /'di gnyis ni de bzhin gshegs pa rnams kyi ngo mtshar rmad du byung ba'i chos yin te/ 'di lta ste/ chos thams cad bdag med par yang ston la sems can rnams kyi rang gis byas pa dang/ gzhan gyis byas pa yang chud mi gzon pa'o/ /de la sems can ni mdor bsdu na rnam pa gnyis te/ khyim pa dang rab tu byung ba'o/ /de la sems can khyim pa ngag gi longs spyod rnams kyi don du thog ma sbyor ba'i phyir ni brtson pa'i khams zhes bya'o/ /de la ma thob pa'i tshe brtson 'grus kyi gags lta bu'i rgyu yod du zin kyang sems kyi mngon par spro? ba gang yin pa de ni de dag nyid kyi mthu'i khams zhes bya'o/ /thob tu zin kyang sha sbrang dang sbrang bu mchu rings la sogs pa'i gnod pa brtson 'grus kyi gags lta bus phyir mi ldog pa gang yin pa 'di ni dga' ba'i khams te/ khams de dag ni rang gi yul nas yul bzhan du mi bgro ba yin no/ /'gro ba ni nges par 'byung ba'i khams yin par rig par bya'o/ /sems can de dag nyid gnyis ka la rtag tu gus par

  622. 311b

    sbyor bas sbyor ba mi ltod pa ni ltul phod pa'i khams so/ /de la rab tu 'byung bar 'dod pa rnams kyi rab tu 'byung bar bya ba'i phyir nges par 'dun pa bskyed pa ni brtson pa'i khams so/ /rab tu byung ba'i phyogs las brtsams te/ dge ba'i chos rgya chen po thob par bya ba la spra bkod bar bya ba med pa'i phyir ni mthu'i khams so/ /gnod byed kyi sdug bsngal rnam pa sna tshogs dang/ brtson 'grus rtsom pa las byung ba rnams dang/ khams 'khrugs pa las byung ba la sogs pas gnod par mi 'gyur ba ni dga' ba'i khams so/ /ngan don gyis chog par mi 'dzin pa'i phyir ni nges par 'byung ba'i khams so/ /ji srid 'tsho'i bar du rtag tu gus par sbyor ba'i phyir ni brtul phod pa'i khams te/ de dag thams cad kyang 'di lta ste/ gang dag gi khams dang rnam pa ji snyed pa'i khams tsam du rig par bya'o/ /'di gnyis ni khams rnams kyi khams tha dad pa yin te/ gnyis gang zhe na/ gzhan gyi rigs kyis tha dad pa dang/ rang gi rigs kyis tha dad pa'o/ /de la gzhan gyi rigs kyis tha dad pa ni mig gi khams kyang gzhan kho na yin la gzugs kyi khams kyang gzhan/ mig gis rnam par shes pa'i khams kyang gzhan yin pa dang/ de bzhin du yid kyi rnam par shes pa'i khams kyi bar du yang de dang 'dra'o/ /de la rang gi rigs kyis tha dad pa ni bde ba dang sdug bsngal ba dang/ sdug bsngal ba yang ma yin bde ba yang ma yin pa'i tshor ba'i khams de nyid la brten nas tshor ba rnam pa gsum char yang skye ba'o/ /khams kyi sum phrugs gsum dang nges par 'byung bar byed pa'i khams gnyis ni rgyu bzhis rnam par gzhag par rig par bya ste/ bzhi gang zhe na/ phyi rol gyi nges par 'byung ba ma yin pa dang nges par 'byung ba dang/ nang gi nges par 'byung ba ma yin pa dang/ nges par 'byung ba dang/ gtan du nges par 'byung ba ma yin pa dang nges par 'byung ba dang/ mngon pa'i nga rgyal med pa'o/ /de la phyi rol gyi 'dod pa'i yon tan lnga'i 'dod chags la brten nas 'dod pa'i khams rnam par

  623. 312a

    gzhag go /de las nges par 'byung ba'i phyir ni gzugs kyi khams kyi bsam gtan dang po'o/ /rtog pa dang/ dga' ba dang/ bde ba la nges par 'byung ba'i phyir ni bsam gtan gong ma rnams so/ /gzugs dang thoD pa dang tha dad pa'i 'du shes la nges par 'byung ba'i phyir ni nam mkha' mdza' yas skye mched du gtogs pa'i gzugs med pa'i khams so/ /nam mkha' dang rnam par shes pa dang ci yang med pa'i 'du shes las nges par 'byung ba'i phyir ni de'i gong ma'i gzugs med pa rnams so/ /de ltar na phyi rol gyi skye mched las nges bar 'byung ba'i phyir ni khams gsum du rig par bya'o/ /gzugs kyi khams na ni nang gi skye mched drug tshang bar yod do/ /gzugs med pa'i khams na ni gzugs can lnga las yang dag par 'das te/ yid kyi skye mched lus so/ /'gog pa'i khams ni drug po thams cad las yang dag par 'das te/ de ltar na nang gi skye mched rnams las nges par 'byung ba ma yin pa dang nges par 'byung ba'i phyir khams gsum po gzhan rnam par rig par bya'o/ /'dod pa rnams las ni gzugs rnams gtan du nges par 'byung ba ma yin no/ /gzugs med pa rnam pa rnams kyang de bzhin du gzugs rnams las gtan du nges par 'byung ba ma yin no/ /mngon par 'dus byas pa ci yang rung ba de las gtan du nges par 'byung ba ni 'gog pa'o/ /de ltar na gtan du nges par 'byung ba ma yin pa dang nges par 'byung ba'i phyir khams gsum rnam par gzhag par rig par bya'o/ /mngon pa'i nga rgyal med pa yongs su shes pa'i sgo nas ni nges par 'byung bar byed pa'i khams lnga dang drug rnam par gzhag par rig bar bya ste/ 'di lta ste/ mnyam par gzhag pa'i sa las 'byung ba bzhin no/ /dge slong nang du yang dag 'jog la dga' zhing zhi gnas dang lhag mthong bsgom pa la brtson pa ni mdor bsdu na rnam pa lngas sems rnam par grol bar 'gyur bar rig par bya ste/ zhi gnas yongs su bsgoms pa'i sems kyis lhag

  624. 312b

    mthong la brten nas zhi gnas kyi phyogs dang mthun pa'i nye ba'i nyon mongs pa las sems rnam par grol bar 'gyur ba dang/ lhag mthong yongs su bsgoms pa'i sems kyis zhi gnas la brten nas/ lhag mthong gi phyogs dang mthun pa'i nye ba'i nyon mongs pa las sems rnam par grol par 'gyur ba dang/ de gnyis ka phrugs su ldan pa'i sems nye ba'i nyon mongs pa dang bral bas mthong bas spang bar bya ba'i 'du byed thams cad las sems rnam par grol bar 'gyur ba dang/ phung po'i lhag ma dang bcas pa'i mya ngan las 'das pa'i dbyings su bsgom pas spang bar bya ba'i 'du byed thams cad las sems rnam pa 'grol bar 'gyur ba dang/ phung po'i lhag ma med par phung po'i 'du byed thams cad las sems rnam par grol bar 'gyur ba'o/ /'di gnyis ni legs par gsungs pa'i chos 'dul ba la ston pa dang/ nyan thos rnams kyi ngo mtshar gyi chos yin te/ lta ba dang tshig tu brjod pa mtshungs pa dang/ lta ba dang/ tshig tu brjod pa mchog tu gyur pa'o/ /'di gnyis ka yang 'di las phyi rol pa rnams la med de/ tha dad pa dang/ mya ngan las 'das pa las phyi rol tu gyur pa'i phyir ro/ /'di gnyis ni byis pa rnams kyis byas pa'i rtags yin te/ bdag dang gzhan la gnod pa byed par zhugs pa dang/ gnas bzhi la mi mkhas pa'o/ /de la gnod pa sgrub pa ni bzhir rig par bya ste/ bzhi gang zhe na/ pha rol gyi bye brag dang/ nang gi bye brag dang/ dus kyi bye brag dang/ rgyud kyi bye brag gis sdug bsngal rnam pa bzhi bskyed pa'i phyir ro/ /de la mi ma yin pas byas pa'i yams kyi nang gang yin pa rnams dang/ mis byas pa'i gnod pa byung ba gang yin pa rnams dang de gnyis byung du dogs pa las byung ba da dung ma byung ba rnams kyis 'jigs pa 'di ni gzhan gyi sa dbang gis byung ba'i sdug bsngal/ /de la bdag nyid kyi khams 'khrugs pa'i nang kyi rgyu las gyur pa'i nad gang yin pa dang/ sdug pa rnam par 'gyur ba dang/ 'dod pas phongs pa las byung ba'i nyon mongs pa can gyi sems

  625. 313a

    gang yin pa de ni 'khruD pa ste/ nang gi rkyen gyis byung ba'i sdug bsngal yin te/ de yang snga ma bzhin du 'byung du dogs pa las byung ba yang yin par rig par bya'o/ /'di lta ste/ de ltar ji lta ba bzhin du de 'das pa'i dus na yang rnam pa thams cad kyi sdug bsngal gyis sdug bsngal bar gyur la/ ma 'ongs pa na yang de ltar 'gyur ba 'di ni dus kyi bye brag gis sdug bsngal pa'o/ /de log par sgrub ba'i rgyus bdag nyid kyang sdug bsngal bar byed la/ gzhan dag kyang sdug bsngal par byed de/ de nyid kyi rgyus yang dag par nan tan du sgrub pa yang/ sdug bsngal bar 'gyur ba 'di ni rgyud kyi bye brag gis sdug bsngal ba yin par rig par bya'o/ /de la snga ma rnam pa gsum gyis ni bdag nyid la gnod pa byed par zhugs pa yin no/ /tha ma gcig gis ni gzhan dag la yang byed do/ /gnas bzhi po gang dag la mi mkhas she na/ khams rnams dang/ skye mched rnams dang/ rten cing 'dres bar 'byung ba dang/ gnas dang gnas ma yin pa la'o/ /de las bzlog pa ni mkhas pa'i rtags gnyis yin par rig par bya'o/ /de la gzugs can ma yin ba'i yid kyi skye mched kyi rten dang dmigs pa dang rang gi rigs kyi 'jug pa'i bye brag gis ni khams bco brgyad rnam par gzhag par rig par bya'o/ /gzugs can gyi skye mched lnga'i gnas dang/ byed pa dang/ byed du 'jug ba'i rten gyi tshul gyis ni khams drug rnam par gzhag par rig par bya ste/ gnas kyi rten gyi tshul gyis ni sa la sogs pa bzhi'o/ /byed ba'i rten gyi tshul gyis ni nam mkha' i khams so/ /byed du 'jug pa'i rten gyis tshul gyis ni rnam par shes pa'i khams so/ /kun nas nyon mongs pa dang rnam par byang ba'i phyogs dang mthun pa'i 'du shes dang rtog pa'i rten gyi don gyis ni 'dod pa dang/ gnod sems dang/ rnam par 'tshe ba'i khams gnyen po dang bcas pa drug rnam par gzhag go /'dod chags dang zhe sdang dang gti mug gis 'ching ba'i rten gyi don gyis ni bde

  626. 313b

    ba dang/ sdug bsngal ba dang/ yid bde ba dang/ yid mi bde ba dang/ btang snyoms dang ma rig pa'i khams gzhan du rnam par bzhag go /de dag kyang tshul bzhin ma yin pa yid la byed pa las ni log pa'i 'du shes dang rtog pa 'byung la tshul bzhin yid la byed pa las ni yang dag pa'i 'du shes dang rtog pa 'byung ngo/ /khams gsum pa'i kun nas nyon mongs pa dang rnam par byang ba'i phyogs la kun tu 'gro ba'i don gyi ni tshor ba la sogs pa ming du gtogs pa'i khams bzhi rnam par bzhag ste/ kun nas nyon mongs na kun nas nyon mongs par 'gyur la rnam par dag na rnam bar dag par 'gyur ba gang yin pa de dag nyid rnam par ma dag pa dang rnam par dag pa'i dbang du byas pa'i phyir ro/ /snga ma bzhin du phyi rol gyi nges par 'byung ba ma yin pa dang/ nges par 'byung ba'i don gyis ni 'dod pa dang/ gzugs dang gzugs med pa'i khams gsum rnam par bzhag go /nang gi nges par 'byung pa ma yin pa dang/ nges par 'byung ba'i don gyis kyang gzugs dang gzugs med pa dang/ 'gog pa'i khams gzhan gsum rnam par gzhag go /phyi rol dang nang gi gzhi'i nges par 'byung ba dang nges? par 'byung ba ma yin pa de nyid kyi dbang du byas nas/ dam pa'i chos dang dam pa'i chos ma yin pa thos pa dang/ tshul bzhin dang tshul bzhin ma yin pa yid la byed pa'i gnas kyi gtam gyi gzhi rnam pa gsum gyi don gyis ni 'das pa dang/ ma 'ongs pa dang/ da ltar byung pa'i khams gsum rnam par bzhag par rig par bya'o/ /sdug bsngal dang nyon mongs pa mang po dang 'bring dang nyung ngu yongs su shes pa'i don gyis ni ngan pa dang 'bring dang gya nom pa'i khams gsum rnam par bzhag ste/ sdug bsngal chen po dang nyon mongs pa chen po'i khams gang yin pa de ni ngan pa yin no/ /sdug bsngal 'bring dang nyon mongs pa 'bring ni 'bring yin no/ /sdug bsngal chung du dang nyon mongs pa chung du ni gya nom pa yin no/ /ngan pa dang 'bring dang gya nom pa'i khams yongs su shes nas/ de'i rgyu yongs su spong ba'i don dang/ de'i gnyen po bsgom pa'i don

  627. 314a

    gyi ni dge ba dang/ mi dge ba dang/ lung du ma bstan pa'i khams gsum rnam par bzhag par rig par bya'o/ /dge ba bsgom pa des rnam par dag pa tha dad pa'i sgo nas ni slob pa dang/ mi slob pa dang/ slob pa yang ma yin mi slobs yang pa yin pa'i khams gsum rnam par bzhag par rig par bya ste /ril gyis ma bcings pa'i don dang/ 'ching ba med pa'i don dang/ ril gyis bcings pa'i don gyi phyir ro/ /slob pa dang mi slob pa de dag gi 'bras bu byis pa dang/ thun mong dang/ thun mong ma yin pa'i 'jig rten dang 'jig rten las 'das pa'i chos dang ldan pa'i don gyis ni zag pa dang bcas pa dang/ zag pa med pa'i khams gnyis rnam par bzhag par rig par bya'o/ /'jig rten pa dang 'jig rten las 'das pa de gnyis kyi rtag pa dang/ mi rtag pa dang/ bla na yod pa dang/ bla na med pa'i phyir ni 'dus byas dang/ 'dus ma byas pa'i khams gnyis rnam par bzhag par rig par bya'o/ /tshangs par spyod pa bsten pa ni mya ngan las 'da' bar nye bar 'gro ba dang mya ngan las 'das pa'i mthar thug pas na/ de'i phyir de yan chad du ni khams rnam par bzhag pa med de/ /skye mched dang/ rten cing 'brel par 'byung ba dang gnas dang gnas ma yin pa la mkhas pa ni 'di lta ste/ nyan thos kyi sa las 'byung ba bzhin no/ /de la gnas dang gnas ma yin pa la mkhas pa ni mdor bsdu na 'gro ba ltar 'gro ba dang/ mya ngan las 'das par 'gro ba'i lam la brtsams te/ lam de dag thams cad bsdu na rnam pa gsum du 'gyur te/ ngan pa ni ngan 'gror 'gro ba gang yin pa'o/ /'bring ni bde 'gror 'gro ba gang yin pa'o/ /mchog ni mya ngan las 'das par 'gro ba gang yin pa'o/ /de ci'i phyir zhe na/ bde 'gror 'gro ba'i lam gyi mchog la zhuD ba gang yin pa de dag ni 'jig rten pa de nyid kyi phun sum tshogs pa mchog thob par 'gyur ba yin te/ 'di lta ste/ 'khor los sgyur bar 'gyur ba 'am/ brgya

  628. 314b

    byin du 'gyur ba 'am/ bdud du 'gyur ba 'am/ tshangs par 'gyur ba ste/ de dag de las gzhan pa'i skyes bu gang zag gang bud med kyi sgo nas zla med pa de ni gnas yin no/ /mya ngan las 'das par 'gro ba'i lam la zhugs pa gang yin pa de dag ni sems can thams cad kyi mchog thob par 'gyur ba yin te/ 'di lta ste/ nyan thos dang/ rang sangs rgyas dang bla na med pa'i byang chub po/ /de rnams las kyang mchog tu gyur pa'i de bzhin gshegs pa de dag gi byang chub de ni/ stong gsum gyi stong chen po thams cad na/ gang zag bla na med pa dang/ khyad par du 'phags pa yin te/ de ma yin pa dma' ra'i? byang chub la zhugs pa rnam par dag gi yon tan rnams kyang 'jig rten pa'i bdag po thob pa de dag las khyad par du 'phags pa yin na de bzhin gshegs pa'i lta ci smos/ de dag kyang gang zhe na/ lta ba phun sum tshogs pa'i gang zag gis spyod pa'i rgyu ma yin so so'i skye bos sbyang pa'i rgyu yin pa'i gnas gang yin pa dag ste/ mdo las ji skad 'byung ba bzhin du rig par bya'o// //rnal 'byor spyod pa'i sa las gzhi bsdu ba/ bam po bco brgyad ba/ sdom ni/ rang bzhin rgyu dang lta ba dang/ /kun nas nyon mongs gang zag grol/ /'jug pa'i bye brag rigs pa dang/ /zhi dang rtag pa tha ma yin/ tshor ba rnams kyi rang bzhin yang rig par bya/ rgyu yang rig par bya/ tshor ba rnams la yang dag par lta ba yang rig par bya/ tshor ba rnams la kun nas nyon mongs po yang rig par bya/ tshor ba myong ba'i gang zag so sor brtags pa dang/ so sor brtags pa ma yin pa'i stobs dang ldan pa gnyis kyi khyad par yang rig par bya/ de bzhin du rnam par ma grol ba dang/ rnam par grol ba'i khyad bar? yang rig par bya/ tshor ba rnams kyi 'jug pa'i rnam pa'i bye brag kyang rig par bya/ /tshor ba gang ci tshor yang rung ba 'di ni 'dir sdug bsngal pa yin no/ /zhes bya ba'i rigs pa yang rig par bya/ /tshor ba rnams rnam par zhi ba shin tu spyangs par yang rig par bya /tshor ba'i rnam pa thams cad la tshor ba brtag

  629. 315a

    par yang rig par bya'o/ /de la mdor bsdu na tshor ba gsum ni tshor ba rnams kyi rang bzhin no/ /rig pa rnam pa gsum ni rgyu'o/ /bde ba'i tshor pa rnam par 'gyur ba'i chos can yin pa dang/ 'dod chags kyi gnas yin pa dang/ 'dad chags ni phyi ma'i sdug bsngal gyi rgyu yin pa'i phyir bde ba'i tshor ba ni sdug bsngal ba yin par blta bar bya'o/ /sdug bsngal ba mngon sum du gyur pa ni zug rngu ma phyin pa dang 'dra bar gnod pa'i bdag nyid yin pa'i phyir sdug bsngal ba ni zug rngu yin par blta bar bya'o/ /sdug bsngal ba yang ma yin bde ba yang ma yin pa'i tshor ba med par 'gyur ba gang yin pa ni de mi rtag pa yin pa dang/ mngon sum du gyur pa yang 'gag pa'i chos nyid yin pa'i phyir gnyis ka'ang nyid mtshams sbyor ba dang mthun pas na sdug bsngal ba yang ma yin/ bde ba yang ma yin pa ni mi rtag pa dang/ 'gag pa'i chos nyid du blta bar bya ste/ 'di ni tshor ba rnams la yang dag par lta ba yin te/ tshor ba gang ci yang rung ba 'di ni 'dir sdug bsngal ba'o zhes bya ba la 'jug pa'i phyir ro/ /bde ba las ni 'dod chags/ sdug bsngal ba las ni zhe sdang/ sdug bsngal ba yang ma yin bde ba yang ma yin pa las ni ma rig pa rgyas par 'gyur te/ 'di ni tshor ba rnams las kun nas nyon mongs pa'o/ /bde ba la sogs pa'i gnas skabs thams cad la gnas pa'i ni thams cad ma spangs pas bag la nyal rgyas par 'gyur mod kyi/ 'on kyang dmigs pa rang rang gi spyod yul des kun nas dkris pa skyes pa de dag de'i rjes la rgyud de nyid la nyon mongs pa dang 'brel pa gnyid log pa bzhin 'dug pas na bag la nyal zhes bya'o/ /de la 'dir tshangs par spyod pa spyad pa ni bag la nyal gzhom pa'i phyir yin gyi/ kun nas dkris pa'i bsal ba tsam gyi phyir ni ma yin no/ /so sor brtags pa'i stobs dang ldan pa ma yin pa'i gang zag ni sdug bsngal ba'i tsho ba myong ba na shin tu sems ngal bar 'gyur te/ de ni lus dang sems kyi sdug bsngal mngon sum du

  630. 315b

    gyur pa de yang myong? bar 'gyur la/ nga? ma yin pa'i bde ba dang/ sdug bsngal ba yang ma yin bde ba yang ma yin pa rnams kyang ma spangs pas ldan par 'gyur te/ de bas na tshang bar gnas pa'i tshor ba ni sa'i 'og ces bya ste/ gting yang mi slebs so/ /so sor brtags pa'i stobs dang ldan ba ni de las bzlog pa yin par rig par bya'o/ /tshor ba rnams las sems rnam par ma grol ba ni zug rngu gnyis gyis phog pa'i mis zug rngu gnyis myong ba bzhin du sdug bsngal ba'i tshor ba tshang bar myong bar 'gyur ro/ /'dod chags dang zhe sdang dang gti mug rnams kyis sems kun nas nyon mongs pa can du gyur pas ni tshor ba gsum myong bar 'gyur ro/ /skye ba la sogs pa'i sdug bsngal dang ldan pa yang myong bar 'gyur te/ de ltar na de'i tshe 'di'i sdug bsngal chen po dang/ tshe 'di'i kun nas nyon mongs pa dang/ tshe phyi ma'i sdug bsngal gyi gnas de gsum gyis nye bar nyon mongs pa myong bar 'gyur ro/ /de las bzlog pa ni sems rnam par grol ba yin par rig par bya ste/ tshor ba gsum myongs ba de gnyis kyi khyad par ni de ma yin no/ /de la tshor ba lus las skyes pa zhig cing med par gyur la mi gnas pa dang/ myur du 'gro zhing dus gzhan du 'dra ba'i rgyud kyis mi gnas pa gang yin pa de dag ni rlung gis tshub ma lta bu yin par blta bar bya'o/ /'dra ba'i rgyud kyis cung zad tsam gnas te/ de'i mod la mi 'gyur pa gang yin pa de dag ni sdong bu sar glo bur ba'i rigs 'ongs pa lta bur blta bar bya'o/ /de la de dag gi rnam pa'i bye brag ni rang bzhin dang/ rten dang/ kun nas nyon mongs pa dang/ rnam par byang ba'i phyogs tha dad pa las rig par bya'o/ /de la brang zing dang bcas pa'i tshor ba ni 'jig rten pa'i thams cad do/ /zang zing med pa ni 'jig rten las 'das pa'o/ /chums pa la brten pa ni 'dod pa'i yon tan lnga po rnams las nyon mongs pa can gyi tshor pa'o/ /nges par 'byung ba la brten pa ni mnyam par gzhag pa dang/ mnyam par gzhag pa ma yin pa'i sa pa'i nges par 'byung ba dang/ rab tu dben pa las/ byung ba'i dge ba thams

  631. 316a

    cad dang ldan pa'i tshor ba gang yin pa'o/ /sdug bsngal ba'i tshor ba ni sdug bsngal nyid yin par skye bo thams cad kyi mngon sum du gyur pas bsgrub mi dgos so/ tshor ba gnyis ni rgyu gnyis kyis sdug bsngal pa nyid yin par yid ches par bya ste/ sdug bsngal ba yang ma yin bde ba yang ma yin pa'i tshor ba dang/ de dang mthun pa'i 'du byed rnams ni mi rtag pa'i phyir ro/ /bde ba'i tshor ba dang/ de dang mthun pa'i 'du byed rnams ni rnam par 'gyur ba'i chos can yin pa'i phyir te/ rigs pa 'dis ni tshor ba gang ci yang rung ba 'di ni 'dir sdug bsngal ba'o zhes bya bar rig par bya'o/ /mdor bsdu na tshor ba rnam par zhi bar 'gyur ba ni rnam pa gsum du rig par bya ste/ gong ma mnyam par gzhag pa'i sa la brten pas/ sa 'og ma'i tshor ba rnam par zhi bar 'gyur ba dang/ re zhig kun tu mi spyod pas rnam par zhi ba dang/ phyi ma la gtan du mi 'jug pas rnam par zhi ba'o/ /de la re zhig kun tu mi spyod pa ni rnam par zhi ba'o/ /gtan du kun tu spyod pa'i chos nyid kyi rnam par zhi ba ni med pa yin par rig par bya'o/ /smra ba la dga' zhing smra ba la zhugs pa'i nyon mongs pa can 'dod 'di? gcig la gcig kun tu smr ba la ni dag ces bya ste/ de ni bsam gtan dang po la snyoms par zhugs na rnam par zhi bar 'gyur ro/ /gzhan yang rtog pa dang dpyod pa rags pa rnams kyis ni dag kun nas slong bar byed/ de dag gis ni ting nge 'dzin ma thob pa dang/ /ting nge 'dzin thob pa las langs pa'i ngag kun nas slong bar byed pa snyoms par zhuD pa'i ni mi byed do/ /snyoms par zhuD pa'i rtog pa dang spyod pa rnams ni cha phra bar 'jug pa yin pas dag kun nas spong bar byed pa ma yin no/ /de bas na de la gnas pa'i ngag ni rnam par zhi ba zhes bya ste/ 'di mi rnam grangs gnyis pa yin no/ /'dod chags dang zhe sdang dang gti mug rnams la nyes dmigs su lta zhing rnal 'byor spyod pa la gnas pa ni 'dod chags

  632. 316b

    dang zhe sdang dang gti mug dang bral ba'i chod pa myong par 'gyur te/ 'dod chags dang zhe sdang dang gti mug rnams yongs su shes shing yongs su shes shing yongs su shes pa dang/ spangs shing spangs nas de'i sems 'dod chags dang zhe sdang dang gti mug de las chags par gyur pa med pa dang/ rnam par thal? bar gyur pa zhes bya'o/ /tshor ba'i rnam pa thams cd la mi rnam pa bdun gyi tshor ba rtag par rig par bya ste/ rang bzhin dang/ da ltar 'jug pa dang/ ldog pa'i rgyu dang/ tshe phyi ma la 'jug pa'i rgyu dang/ tshe phyi ma la mi 'jug pa'i rgyu dang/ kun nas nyon mongs pa 'jug pa'i rgyu dang/ rnam par byang ba'i rgyu dang/ rnam par byang ba'i sgo nas ni brtag pa'o/ /sdom ni/ tshor ba skye dang dga' ba dang/ /chung sogs bye brag lta ba'i mchog /tshor ba'i rab tu dbye ba dang/ rab tu dbye ba'i lan gdab pa/ /sems can thams cad kyi tshor ba spang bar bya ba thams cad ni mdor bsdu na rkyen gsum gyis skye bar 'gyur te/ 'byung ba'i rkyen ma 'ongs pa'i dus la brten to/ /rtog pa'i rkyen ni 'das pa'i dus la rten to/ /reg pa'i rkyen ni yul mngon sum du gyur pa'i da ltar gyi dus la brten to/ /sems can thams cad gang zhe na/ mdor bsdu na/ sems can gyi rigs brgyad de/ khyim pa rnams dang/ rab tu blang pa rnams dang/ 'dod pa rnams las 'dod chags dang ma bral ba rnams dang/ 'dod pa rnams las 'dod chags dang bral ba rnams dang/ bsam gtan dang po las 'dod chags dang bral ba rnams dang/ de yan chad nas 'du shes med 'du shes med min skye mched kyi bar gyi 'dod chags dang bral ba rnams dang/ 'di las phyi rol pa 'jig rten pa'i snyoms par 'jug pa log par lta ba nas/ log par rnam par grol ba'i shes pa can gyi bar rnams dang/ chos 'di pa'i 'jig rten pa'i snyoms par 'jug pa yang dag pa'i lta ba nas yang dag pa'i rnam par grol ba shes pa dang ldan pa'i bar rnams dang/ chos 'di pa 'di 'jig rten las 'das pa'i snyoMs par 'jug pa rnams te/ ris brgyad po 'di rnams kyi tshor ba yongs su

  633. 317a

    shes pa nyams su myong ba'i sgo nas sems can gyi ris thams cad bsdu bar rig par bya'o/ /de khyim pa dang rab tu byung ba 'dod pa rnams las 'dod chags dang ma bral ba'i nyon mongs pa can gyi tshor ba ni rgyu gsum gyis skye bar 'gyur te/ lhag par zhen pa'i stobs dang/ yid la byed pa'i stobs dang/ yul gyi stobs so/ /de la khyim pa 'dod pa yongs su tshol zhing longs spyod pa'i phyir 'dun pa skyes pa ni lhag par zhen pa'i stobs dang/ de nyid sngon myong ba'i tshul bzhin ma yin pa yid la byed pa'i stobs dang/ yul mngon sum du gyur pa na yongs su longs spyod par byed ba'i yul gyi stobs kyis gang zag de'i mdun pa dang rtog pa dang reg pa rnams ni kun tu spyod pa'i sgo nas rnam par ma zhi ba yin no// de'i rkyen gyis kyang de'i tshor ba rnam pa gsum skye bar 'gyur ro/ /de thog mar nyon mongs pa can gyi 'dun pa dang rtog pa dang reg pa kun tu spyod pa'i phyir de'i rkyen las byung ba'i tshor ba nyams su myong bar 'gyur ro/ /gal te skyes zin pa dang du len te spong bar mi byed cing/ sel bar mi byed na ni de'i tshor ba rgyun tu gnas pa rgyud dang 'brel pas rnam par zhi bar mi 'gyur ro/ /de rnam par ma zhi ba'i rkyen gyis rgyun tu gnas pa'i tshor ba yang nyams su myong bar 'gyur ro/ /de thog mar 'dun pa la sogs pa rgyun tu gnas pa rnams kun tu spyod pa'i phyir de'i rkyen gyis tshor ba nyams su myong bar 'gyur ba dang/ de'i phyogs dang mthun pa'i kun nas nyon mongs pa rgyud la yod pa rnams ma spang ba'i phyir de rnam par ma zhi ba'i rkyen du 'gyur ba 'di ni rnam grangs gnyis pa'o/ /de la rab tu byung ba 'dod chags dang ma bral ba'i ni 'dod pa yongs su btang ba'i phyir lhag par zhen pa'i stobs kyis bsdus pa'i mdun pa ni rnam par zhi ba yin no/ /yid la byed pa dang yul gyi stobs kyi bsdus

  634. 317b

    pa'i rtog? pa rnams dang/ reg pa ni rnam par ma zhib yin te/ des na de gcig pur 'dug cing rtog pa rnams kyi gnyen po ma bsgoms pa dang/ thams cad kyi thams cad du skyo bar yang ma byas pas sngon myong ba'i yul la tshul bzhin ma yin pa yid la byed pa'i rtog pa rnams kun tu spyod do/ /yul rags pa sngon sum du gyur pa la yang reg pa kun tu spyod par byed do/ /rtog pa la nyes par lta ba'i ni de'i gnyen po bsgoms la thams cad kyi thams cad du 'dod chags dang bral ba ni ma yin pa'i phyir rtog pa rnams rnam par zhi bar gyur pa yin no/ /'dun pa ni snga nas kyang rnam par zhi pa'o/ /reg pa gcig bu ni yul rags pa mngon sum du gyur pa la nyon mongs pa can gyi reg pa skye ba'i phyir rnam par zhi pa ma yin no/ /'dod pa'i 'dod chags dang bral ba yin na ni thams cad kyang rnam par rig par bya ste/ 'di ni rnam grangs gcig go /gzhan yang 'dod pa rnams la 'dod chags dang ma bral ba kha cig ni 'dod pa rnams la 'dod pa'i mdun pa ma spangs pa dang/ rtog pa rnams kyi nyon mongs pa can gyi reg pa ma spangs pa'i phyir thams cad rnam par ma zhi ba yin no/ /'dod pa rnams la 'dod pa'i 'dun pa spangs nas bsam gtan dang po la snyoms par zhugs pa'i ni 'dun pa ni rnam par zhi la rtog pa rnams ni rnam par ma zhi ba'o/ /bsam gtan dang po yan chad kyi 'dod chags dang ni bral 'du shes med 'du shes med min skye mched kyi 'dod chags dang ni ma bral ba'i ni gnyis ni rnam par zhi la/ reg pa ni rnam par ma zhi ba'o/ /srid pa las yang dag par 'das pa ni thams cad rnam par zhi bar 'gyur te/ 'di ni rnam grangs gnyes pa'o/ /de la phyi rol pa'i 'jig rten pa'i snyoms par 'jug pa log par lta pa nas/ log pa'i rnam par grol ba'i shes pa can gyi bar gang yin pa de dag gi ni de'i rkyen gyis tshor ba skye bar 'gyur ro/ /de yang dang yang du len pa de'i phyogs dang mthun pa'i nyon mongs dang yang 'brel pa rnams kyi ni

  635. 318a

    de rnam par ma zhi ba'i rkyen gyis tshor ba skye bar 'gyur ro/ /chos 'di pa 'jig rten pa'i snyoms par 'jug pa nas rnam par grol ba dang/ yang dag pa'i rnam par grol ba'i shes pa dang ldan pa de'i rkyen dang du len cing/ de'i phyogs kyi nyon mongs pa dang 'brel pa rnams kyi ni de rnam par ma zhi ba'i rkyen gyis tshor ba skye bar 'gyur ro/ /chos 'di ba 'jig rten las 'das pa'i snyoms par 'dug pa bzhugs pa'i lam la gnas la don ma rdzogs pa rnams kyi ma thob pa dang/ ma rtogs pa dang/ mngon sum du byas pa'i phyir nam zhig bdag gis gnas de thob par 'gyur zhig gu snyam pa'i mdun pa gang yin pa zhes bya ba nas snga ma bzhin du rgyas par sbyar te/ de ni rnam par ma zhi ba yin te/ de'i rkyen gyis de'i tshe tshor ba skye bar 'gyur ro/ /don yongs su rdzogs pa'i 'dun pa ni rnam par zhi ba yin te/ de'i rnam par zhi ba'i rkyen des na mchog tu rab tu zhi ba bla na med pa'i tshor ba skye bar 'gyur ro/ /des tshor ba de dag thams cad nges par 'byung ba dang bcas/ nges par 'byung ba'i thabs dang bcas par yang dag pa ji lta ba bzhin du rab tu shes te de bas na snga ma bzhin du yang dag pa'i dge sbyong rnams kyi nang du dge sbyong du 'dzin pa dang/ bram ze rnams kyi nang du bram zer 'dzin par 'gyur ro/ /rab tu mi shes pa gang yin pa de dag ni 'dzin par mi 'gyur ro/ /de la tshor ba thams cad ni spyir na reg pa'i rkyen can yin no/ /rkyen de'i rkyen ni bdun pa yang yin no/ /rtog pa yang yin no/ /yul la rmongs pas bsdus ba'i ma rig pa yang yin no/ /de dag thams cad kyi kun 'byung ba'i gnas ni tshul bzhin ma yin pa yid la byed padang/ de'i phyogs dang mthun pa rgyud la yod pa'i nyon mongs pa yin no/ /de 'gags na yang de rnams 'gag par 'gyur ro/ /yang dag pa'i lta ba la sogs pa'i lam ni 'gog par 'gyur ba'i lam yin par rig par bya'o/ /'phags pa nyan thos rab tu dben pa'i dga' ba lus kyi mngon sum du byas te/

  636. 318b

    gnas pa ni chos lnga ni spong la/ chos lta bsgom pa ni yong su rdzogs par 'gyur te/ 'di lta ste/ mnyam par gzhag pa'i sa las rgyas par 'byung ba bzhin du rig par bya'o/ /dga' ba dang bde ba dang btang snyoms rnams kyi tha ma dang/ 'bring dang/ mchog ni 'dod pa'i khams dang bsam gtan bzhi po rnams la ci rig par bya'o/ /bsam gtan dag gi sa pa'i btang snyoms ni skyon thams cad dang bral ba dang/ shin tu yongs su dag pa'i phyir zang zing med pa'o/ /de yan chad kyi btang snyoms de ni chos zang zing med pa yin par rnam par bzhug go / tshor ba rnams kyi bye brag ni rnam pa bcur rig par bya ste// yang dag pa'i bye brag dang 'jug pa'i rten gyi bye brag ? rang gi mtshan nyid kyi bye brag dang/ ji snyed yod pa'i bye brag dang/ rang gi mtshan nyid kyi rnam pa'i bye brag dang/ 'jug pa'i sgo'i bye brag dang/ kun nas nyon mongs pa'i sgo'i bye brag dang/ mi mthun ba'i phyogs dang gnyen po'i bye brag dang/ /dus kyi bye brag dang/ skad cig pa gcig nas gcig tu brgyud cing 'jug pa'i bye brag go /de la kha cig blo ma rdzogs pa'i phyir 'di snyam du sems te/ tshor ba ni gnyis kho nar zad de/ bde ba dang/ sdug bsngal ba'o/ /sdug bsngal ba yang ma yin bde ba yang ma yin no zhes bya ba gang yin pa de ni bde ba dang sdug bsngal ba med pa tsam gyis rab tu phye bar zad pa'i phyir bde ba dang/ sdug bsngal ba nye bar zhi ba kho na'i dbang du byas nas bcom ldan 'das kyis btags pa yin no snyam ste/ de la brda sprad pa'i phyir bcom ldan 'das kyis bde ba ni gnyis te/ 'dod pa'i bde ba dang/ dben pa'i bde ba'o zhes gsungs te/ dben pa'i bde ba de yang tha ma dang 'bring dang gong na med pa ste/ tha ma ni ci yang med pa'i skye mched man chad do/ /'bring ni srid pa'i rtse mo'o/ /mchog ni 'du shes dang tshor ba 'gog pa'o/ /de lta yin pas na zhi ba'i bde ba yang tshor ba yin par gsungs te/ dper na/ bsam gtan dang po dang/ gnyis pa dang/ gsum pa rnams kyi lta bu'o/ /sdug bsngal ba yang ma yin/ bde ba yang ma yin pa yang tshor ba yin te/

  637. 319a

    dper na bsam gtan bzhi pa yan chad/ srid pa'i rtse mo man chad kyi lta bu'o/ /zhi ba'i tshor ba thams cad kyi thams cad du med par yang gsungs te /dper na 'gog pa'i snyoms par 'jug pa'i lta bu'o/ /yang dag par na bcom ldan 'das kyi zhi ba'i bde ba ni rnam pa gsum du gsungs te/ 'di la dge slong gi sems 'dod chags las 'dod chags med pa dang/ rnam par grol bar 'gyur ro/ /'dod chags las ji lta ba bzhin du zhe sdang dang gti mug las kyang de dang 'dra ste/ de dag thams cad gcig tu bsdus na bde ba gsum du 'gyur te/ yongs su spang par bya ba'i bde ba dang/ bsten par bya ba gnas pa'i bde ba gong na yod pa dang gong na med pa dang/ gtan du mthar thug pa ste /rnam par grol ba'i bde ba'o/ /de la 'dod pa'i bde ba ni yongs su spang bar bya ba'o/ /bsam gtan dang po nas srid pa'i rtse mo'i bar du ni bsten par bya ba gong na yod pa'i gnas pa'i bde ba'o/ /'gog pa'i snyoms par 'jug pa ni bsten par bya ba gong na med pa'i gnas pa'i bde ba'o/ /snga ma bzhin du bde ba gsum po rnams ni gtan du mthar thug pa'i rnam par grol ba'i bde ba'o/ /tshor nga'i bde ba las dgongs te 'gog pa'i snyoms par 'jug pa bde ba'o zhes gsungs pa ni ma yin gyi/ bde ba'i tshor ba chang ba'i bde ba gang yin pa de dang/ bde ba de ji lta ba'i mchog gi gnas pa'i bde ba dang/ bde ba nyams su myong ba gang yin pa las dgongs te/ ji ltar kha cig snyoms par 'jug pa de las langs nas bdag ni 'di dang 'di lta bur mchog tu rab tu zhi ba'i gnas pas ring du gnas par gyur te snyam du nyams su tshor ba 'di ni dgongs nas bde ba zhes gsungs so/ /dge slong gis mthong ba dang/ thos pa dang/ bde ba dang/ 'du shes dang/ srid pa ji lta bu la brten nas de'i rjes la zag pa zad pa 'thob pa de ni de'i mthong ba'i mchog yin pas na/ srid pa rnams kyi bar gyi mchog yin no/ /de la bdag med bar mthong pa'i gong du mthong ba gzhan tshol bar mi byed de/ 'di lta ste/ mi

  638. 319b

    rtag? par mthong ba las ni de'i rjes la zag pa zad pa thob par 'gyur te/ des bas na mthong ba rnams kyi mchog yin no/ /des mthong ba de la brten nas sgo bzhis zag pa med pa thob par 'gyur te/ gzhan las dam pa'i chos thos pa 'am/ tshe 'di la bde bar gnas pa bzhi la brten pa 'am/ 'du shes kyi snyoms par 'jug pa rnam pa gsum ste/ nam mkha' mdza' yas skye mched yan chad ci yang med pa'i skye mched man chad ngam/ lhar gyur pa dang/ mir gyur pa'o/ /de bas mthos pa de dang/ bde ba de dang/ 'du shes de dang srid pa de ni thos pa rnams dang/ bde ba rnams dang/ 'du shes rnams dang/ srid pa rnams kyi nang na mchog tu gsungs so/ /yongs su shes par bya ba'i gzhi yongs su shes pas ni sdug bsngal gyi bden pa las kyang yongs su grol bar 'gyur ro/ /kun 'byung ba'i bde ba las kyang rnam par grol bar 'gyur ro/ /'gog pa'i bden pa yang mngon sum du byed do/ /lam gyi bden pa yang sgom bar byed do/ /de la yang dag pa kho nar sdug bsngal gyi mthar phyin par 'gyur bas na sdug bsngal gyi bden pa las yongs su grol ba'o/ /zag pa nams zang pa thob par 'gyur ba na kun 'byung ba'i bden pa las rnam par grol ba'o/ /skyo zhing ma chags rnam par grol bas na 'gog pa'i bden pa mngon sum du byed do/ /mi rtag pa la sogs pa rjes su mthong bas gnas pas na lam gyi bden pa sgom mo/ /shes bya'i gzhi'i bye brag ni rnam pa bcur rig par bya ste/ srog gi dbang po dang 'brel ba'i 'du byed skyes pa rnams gnas pa'i rgyu'i bye brag dang/ gzugs can dang gzugs can ma yin pa'i 'du byed rnams gcig la gcig brten cing 'jug pa'i bye brag dang/ gzugs can ma yin pa'i 'du byed rnams ni rtag ba la 'jug pa'i sgo'i bye brag dang/ sems kyi kun nas nyon mongs pa'i gzhi dang gnas kyi bye brag dang/ 'du byed rnams rnam pa thams cad du bsdus pa'i sdug bsngal gyi bye brag dang/ dge ba dang mi dge ba'i las kyi 'bras bu la nye bar spyod pa'i sgo'i

  639. 320a

    bye brag dang/ mngon par dga' ba dang bcas pa'i rnam par shes pa rgyu ba'i mdza' i bye brag dang/ rjes su chags pa dang khong khro ba'i gnas kyi bye brag dang/ sems can mngon par dga' ba dang/ zhen pa rnams kyi skye ba'i gnas na gnas pa'i mdza' i bye brag dang/ bag med pa rnams ngan 'gror 'gro ba'i gnas kyi mdza' i bye brag go /gzhan yang rnam par byang ba'i phyogs dang mthun pa thob par bya ba dang/ bsten par bya ba'i gzhi'i sgo nas bye brag bcur yod par rig par bya ste/ dge ba'i chos rnams bsgom pa rtag tu byed pa'i sgo nas bag yod pa'i bye brag dang/ sems rnam par grol ba dang/ shes rab rnam par grol tha'i? gnas kyi bye brag dang/ ting nge 'dzin gyi mdza' i bye brag dang/ dmigs pa thams cad la sems 'dogs pa'i mdza' i bye brag dang/ rnam par thad pa'i thabs kyi bye brag dang/ rnam par thar pa'i bye brag dang/ de kho na'i don yang dag par rtogs pa'i bye brag dang/ de kho na mngon par rdzogs par sangs rgyas pa'i 'og tu bslab pa gsung pa slob pa'i bye brag dang/ slob cing 'dug pa dang/ bslabs zin pa tshe 'di la bde bar gnas pa'i bye brag dang/ 'phags pa'i rdzu 'phrul rgya chen po'i dbang phyug gi bye brag go /ji skad bstan pa'i bye brag 'di rnams las brtsams te/ 'dri ba yang yod do/ /nges pa'i don ma yin pa'i tshul gyis bstan pa yang yod do/ /nges pa'i don gyi tshul gyis lan gdab pa yang yod do/ /lan 'debs par byed bas lan mi 'debs pa yang bzhi yod do/ /gtan tshig yod pa dang gtan tshigs med pa mngon sum gyi tshad ma dang ldan zhing rigs par gyur pa legs par brten kyang mi nyan pa dang/ rjes su dpag pa dang ldan pa'i yongs su brtags pa byed na yang mi nyan pa dang/ nan tan du sgrubs shig dang/ bdag nyid kyis shes par 'gyur ro zhes bya ba na yang mi nyan pa dang/ shes pas smra ba yid ches su rung bas /'di skad gsungs so zhes byas kyang yid ches pa'i lung yang mi nyan pa ste/ de bas na

  640. 320b

    'dri ba po lan mi glan pa yin no/ /mgo gcig tu lan gdab pa ni rnam pa bzhi ste/ 'du byed thams cad mi rtag pa'o/ /chos thams cad bdag med pa'o/ /skye ba'i gnas thams cad la dga' bar mi bya'o/ /dge ba dang mi dge ba'i las rnam chung za'o zhes bya'o/ /ched du bsams te las byas na sdug bsngal nyams su myong bar 'gyur ro/ /zhes bya ba 'di la ni mgo gcig tu chad pa med do/ /btang snyoms thob pa ni tshe 'di la yongs su mya ngan las 'da' bar 'gyur ro zhes bya ba 'di la yang mgo gcig tu chang ba med do/ /las byas na bde 'gror 'gro'o zhes zer ba la ni las gang zhes de nyid la 'dri bar bya'o/ /lam bsgoms na mya ngan las 'da' bar 'gyur ro/ /zhes zer ba la ni 'jig rten pa 'am/ 'jig rten las 'das pa'i lam gang zhes 'dri bar bya'o/ /bzhag par bya ba ni lta bar gyur pa de dag thams cad de rnam pa bzhi po de dag gi legs par 'dri ba la lan 'debs pa na lan 'debs par byed pas lan glan par bya ba yin no/ /de las bzlog pa ni lan mi 'debs pa yin no/ /'di gnyis ni de bzhin gshegs pa'i lung bstan pa yin te/ mu stegs can rnams dang thun mong ba dang/ thun mong ma yin pa'o/ /de la thun mong ba ni slob ma skye ba lung bstan pa'o/ /thun mong ma yin pa'i skye bar lung bstan du med pa'o/ /'di gnyis ni rnam par shes pa'i me 'bar bar 'gyur pa'i rgyu yin te/ sred pa cha phra mo dang/ ming dang gzugs rags pa'o/ /de la 'dod pa dang gzugs kyi khams gnyis su ni sred pa'i bskyed pa'i rnam par shes pa ming dang gzugs kyi rgyus tshe'i chad ji srid kyi bar du gnas te/ sred pa med par gyur pa na yang rnam par shes pa'i rgyud rjes su 'brel pa'i phyir ro/ /gzugs med pa'i khams su yang sred pa nyid kyis bskyed pa'i rnam par shs par ming nye tshe la dmigs pas tshe'i tshed ji srid pa'i bar du gnas te/ srid pa spangs pa na yang rnam par shes pa'i rgyud rjes su 'brel pa'i phyir ro/ /gzugs na spyod pa'i bar ma do'i srid pa'i rnam par shes pa yang srid pa nyid kyis mngon par 'grub

  641. 321a

    pa la bar ma dor yongs su mya ngan las 'da' ba yang sred pa'i rgyu kho nar gnas te/ de spang ba dang mgo mnyam kho nar der rnam par shes pa 'gag par 'gyur ba'i phyir ro/ /gzugs kyi khams dang gzugs med pa'i khams 'di gnyis ni yid las skyes pa'i lus yin te mnyam par gzhag pa'i sa pa'i yid kyi sgo'i sbyor bas gzugs dang snyoms par 'jug pa'i lus de gnyis grub pa'i phyir ro/ /'di gnyis ni de bzhin gshegs pa'i pha rol smra ba'i lan gdab pa yin te/ mgo gcig tu lan gdab tu med pa la mgo gcig tu chang ba med par bya ba smra bas lan gdab pa dang/ mgo gcig tu chad par lan gdab pa la mgo gcig tu bya ba smra bas lan gdab pa'o/ /nye bar len pa la kun dga' ba la sogs pa'i don ni/ /gzugs la kun tu dga' ba la sogs pa bzhin du rig par bya'o/ /gzhi bsdu ba la rten cing 'brel par 'byung ba dang zas dang bden pa dang khams rab tu rnam par 'byed pa zhes bya ba'i bsdu ba rdzogs so// //spyi sdom ni/ dran pa nyer gzhag yang dag spong/ /rdzu 'phrul rkang pa dbang po stobs/ /byang chub yan lag lam yan lag /dbugs rdub dbugs rgyu dran pa dang/ /bslab dang shes nas dang po'o/ /sdom pa ni/ dge sbyong dang ni dge sbyong don/ /bde dang yid bde chos kun dang/ /tshangs par spyod dang gang zag dang/ /gsal ba dang ni 'dod pa dang/ /yang srid kun nas nyon mongs pa/ /dran pa nye bar gzhag pa bzhi bsgom pa'i sgo nas rgyu bzhis 'di pa'i dge sbyong dang/ 'di ba'i lam dang/ 'di pa'i mthar thug pa lta bu 'di las phyi rol pa la dge sbyong dang lam dang mthar thug pa med do/ /phyi rol smra pa rnams dge sbyong dang lam dang mthar thug pas stong par rig par bya'o/ /rgyu bzhi gang zhe na/ gnas bzhi la brten nas rtogs nas shes pa rnam pa bzhi thob pa dang/ phyi rol pa'i nyon mongs pa rnam pa bzhi las rnam par thar pa dang/ chos 'di pa'i nyan

  642. 321b

    thos rnams 'di las phyi rol ba'i slob ma rnams dang/ mi mtshungs pa dang/ chos 'di pa'i ston pa 'di las phyi rol pa'i ston pa rnams dang mi mtshungs pa'o/ /'di pa'i dge sbyong zhes bya ba la dge sbyong gang zhe na/ dge sbyong bzhi ste/ lam gyis rgyal pa dang/ lam ston pa dang/ lam gyi phyir 'tsho ba dang/ lam sun 'byin pa ste/ mdo dang rgyas par ni 'di lta ste/ nyan thos kyi sa las byung ba bzhin no/ /'di pa'i lam zhes bya ba la lam gang zhe na/ 'phags pa'i lam yan lag brgyad pa ste/ gang la 'phags pa'i lam yan lag brgyad pa yod pa de la ni lam sun 'byin pa yan chad kyi dge sbyong bzhi po de dag yod de/ lam yod pa dang rang gis log par sgrub pa byas pas de las byung ba'i snod du ma gyur pa'i lam sun 'byin pa yod par rung ste/ de bas na 'di las phyi rol pa la ni lam sun 'byin pa yang med na gzhan lta ga la yod/ 'di ba'i mthar thug pa zhes bya ba la mthar thug pa gang zhe na/ nye bar len pa thams cad spong ba dang spangs na kyang gtan du nyid mtshams sbyor ? med pa gang yin pa'o/ /de la gnas bzhi la brten pa ni gang yin/ rtogs nas shes pa rnam pa bzhi ni gang yin zhe na/ kun tu sbyor ba gsum spangs pa dbugs phyin pa'i gnas dang/ log par ltung ba med pa'i chos can stobs kyi gnas dang/ rdzogs pa'i byang chub nges par 'gro ba rgyu'i gnas dang/ de ltar na thogs na yang srid pa lan bdun pa rjes su 'gro pa'i gnas te/ gnas bzhi po 'di dag la brten nas /sangs rgyas dang chos dang dge 'dun dang tshul khrims rnams la rtogs nas shes pa'o/ /phyi rol pa'i nye ba'i nyon mongs pa rnam pa bzhi las rnam par thar pa gang zhe na/ tshe 'di'i nye ba'i nyon mongs pa dang/ tshe phyi ma'i nye ba'i nyon mongs pa dang/ phan tshun mi mthun pa dang phyir mi mthun ba las gyur pa dang/ bden pa rnams bstan pa med pas rtog pa med pa las gyur pa las rnam par thar pa'o/ /'di las phyi rol pa rnams la ni dran pa nye bar gzhag pa med pas na/ brjed ngas pa dang shes bzhin med pas gnas te/ bde ba 'am/ sdug bsngal ba 'am/

  643. 322a

    sdug bsngal ba yang ma yin bde ba yang ma yin pa'i tshor ba 'ga' myong ba na de dgu bde ba la ni mi chags par 'gyur ro/ /sdug bsngal ba la ni zhe sdang bar 'gyur ro/ /sdug bsngal ba yang ma yin bde ba yang ma yin pa la rmongs par 'gyur te/ 'di ni tshe 'di'i nye ba'i nyon mongs pa ste dang po'o/ /de ltar chags pa dang/ sdang ba dang/ rmongs pa de dag ni tshor ba'i rkyen gyis yang srid par skye ba'i sred pa 'byung la/ sred pa'i rkyen gyis len pa 'byung ste/ sred pa dang bcas pa len pa dang bcas pa de dag gi ni len pa'i rkyen gyis srid pa las 'byung ba nas/ rgyas par sdug bsngal gyi phung po 'ba' zhig gi bar du 'byung bar 'gyur ba 'di ni tshe phyi ma'i nye ba'i nyon mongs pa ste gnyis pa'o/ 'di las phyi rol pa de dag ni 'jig tshogs las lta ba'i rtsa ba las byung ba'i lta bar gyur pa rnams pa sna tshogs kyis blo? tha dad par gyur pa'i phyir gzhan dag ni gzhan dag dang mi mthun la de dag kyang de dag dang phyir mi mthun pa 'di ni nye ba'i nyon mongs pa gsum pa'o/ /de dag la ni 'phags pa'i bden pa bstan pa yang thams cad kyi thams cad du med na rtog pa lta ga la yod de/ de bas na de dag ni rang gi slob dpon gyi shes pa khyad par du gyur pa thob du zin kyang mkhas pa ma yin zhing ma rig par 'gyur ba 'di ni nye ba'i nyon mongs pa bzhi pas te/ de las chos 'di las rnam par grol lo/ /'di las phyi rol pa'i slob ma rnams dang chos 'di pa'i nyan thos rnams mi mtshungs pa gang zhe na/ 'di las phyi rol ba'i slob ma rnams 'byung bar lta ba rtag pa'i mthar gyur pa 'am med par lta ba chad pa'i thar gyur pa la yun ring por 'dis bar byas pas na zhen bar 'gyur ba dang/ thos pa las byung bas khas len pa dang/ bsams pa las byung bas lhag par zhen pa dang/ bsgoms pa las byung bas lhag par zhen par gyur pa'o/ /chos 'di pa rnams ni dbu ma'i lam mdza' gnyis

  644. 322b

    spangs pa la thugs pa yin no/ /'di las phyi rol pa'i ston pa rnams dang chos 'di pa'i ston pa mi mtshungs pa gang zhe na/ 'di las phyi rol pa'i ston pa rnams ni nye bar len pa thams cad spong ba yongs su shes bar smra ba tsam du zad pas na yang dag par nye bar len pa thams cad spong ba yongs su shes pa ston pa ma yin no/ /de dag ni thog ma kho nar 'dod pa rnams spangs nas rab tu byung ba yin te/ de bas na 'dod pa'i nye bar len pa spong ba yongs su shes pa ston du zin kyang rang gi lta ba dang/ rang gi tshul khrims dang brtul zhugs dang/ bdag tu smra ba spor pa yongs su shes pa ston pa ni ma yin no/ /de la dge sbyong dang/ bram ze gzhan gang yin pa de dag dang lta ba mi mtshungs la tshul khrims dang brtul zhugs mtshungs pa ni der lta ba'i nye bar len pa spong ba yongs su shes pa ston du zin kyang tshul khrims dang/ brtul zhugs dang/ bdag tu smra ba nye bar len pa gnyis spong ba yongs su shes par ston pa ma yin no/ /tshul khrims dang/ brtul zhugs mi mtshungs pa gang yin pa de ni der tshul khrims dang brtul zhugs nye bar len pa spong ba yongs su shes pa ston du zin kyang bdag tu smra ba nye bar len pa ni dus thams cad du phyi rol pa thams cad dang/ thun mongs pa yin te/ de bas na de dag ni bdag dang gzhan gyi bdag tu smra ba nye bar len pa spong ba yongs su shes pa ston pa ma yin no/ /de dag ni nye bar len pa de rnams spangs su zin kyang zad par ma spangs pa'i phyir phyi ma la nye bar len par 'gyur pa'i rgyur 'gyur ro/ /de ltar na de dag gis nye bar len pa zad par ma spangs pa dang gtan du ma spangs pa'i phyir mthar thug pa thob pa ma yin no/ /chos 'di pa'i ston pa ni de las bzlog pa yin par rig par bya ste/ 'di las phyi rol pa'i ston pa rnams dang/ chos 'di pa'i ston pa mi mtshungs pa ni de yin par rig par bya'o/ rnal 'byor spyod pa'i sa las gzhi bsdu ba// //bam po bcu dgu pa/ /dren pa nye bar gzhag pa bzhi bsgom pa'i

  645. 323a

    sgo nas mdor bsdu na gnas gsum dang/ sa gsum dang/ gang zag gsum gyis dge sbyong gis tshul gyis don thams cad bsdus par rig pa bya ste/ gnas gsum gang zhe na/ shes bya dang/ shes pa dang/ rtogs pa'o/ /sa gsum gang zhe na/ yang dag pa'o sbyor bas bsdus pa'i so so'i skye bo'i sa dang/ slob pa'i sa dang/ mi slob pa'i sa'o/ /gang zag gsum gang zhe na/ yang dag par brtson pa'i so so'i skye bo dang/ slob pa dang/ mi slob pa'o/ /de la shes bya gang zhe na/ rig pa'i skye mched drug po rnams kyi brten gyi tshul gyis sa la sogs pa'i khams drug dang/ yid 'jug pa'i byed pa bco brgyad kyi rten gyi tshul gyis rig pa'i skye mched drug dang/ sems kun nas nyon mongs par byed pa'i phyir yid 'jug par byed pa bco brgyad do/ /de? la? shes pa gang zhe na/ sems rnam par dag ba'i phyir shes rab kyi gnas so/ rtog pa gang zhe na/ shes rab kyi gnas nyid kyi phyir bden pa'i gnas dang/ gtong ba'i gnas dang/ nye bar zhi ba'i gnas so/ /de la shes rab kyi gnas ni so so'i skye bos shes rab gang la gnas nas yang dag par brtson pa byas pa so so'i skye bo'i sa la dge ba'i chos legs par bsgoms pa'i rgyus bag yod par byas na/ slong ba'i sa la 'jug pa 'am/ yang na shes rab gang la gnas nas dgra bcom pa mi slob pa'i sa las zad pa shes pa thob pa'i phyir bdag gi ni zad do snyam du yang dag pa ji lta ba bzhin du rab tu shes pa dang/ slob pa dang mi slob pa rnams kyi 'jig rten las 'das pa'i shes pa'i phyi nas byung ba'i 'jig rten pa'i shes rab gang yin pa'o/ /bden pa'i gnas gang zhe na/ 'phags pa'i lam yan lag brgyad pa thob pa'i nyon mongs pa spang ba gang yin pa ste/ gang la gnas nas phyi ma la gtan du sdug bsngal 'byung bar mi 'gyur ba'o/ /de bas na de ni gtan du brjed pas pa med pa'i phyir bden pa'i gnas zhes bya'o/ /gtod pa'i gnas gang zhe na/ gang gis dngos po spangs

  646. 323b

    pa ste/ gang la gnas nas spangs pa'i dngos po la spyod kyang kun nas nyon mongs par mi 'gyur bar tshe 'di la yid bde bar gnas pa'o/ /nye bar zhi ba'i gnas gang zhe na/ lam ji ltar thob pa'i kun tu sbyor ba'i dngos po'i lhag ma spang bar bya ba'i phyir sgom pa ste/ gang la gnas nas kun tu sbyor ba'i lhag ma rnams dang dngos po'i lhag ma ma lus par spong ba'o/ /de dag thams cad bsdus pa ni rtog par bya ba'i shes pa yin no/ /rtogs par gyur na nyon mongs pa dang dngos po spangs pa'i 'bras bu gnyis kyi sgo nas 'phags? pa'i lam 'bras bu dang bcas pa yin no/ /de la gcig gis ni ma rtogs pa rtogs par 'gyur ro/ /gnas gnyis pas ni ma 'ongs pa na sdug bsngal spong bar 'gyur ro/ /gsum bas ni tshe 'di la bde bar gnas pa dang ldan par 'gyur ro/ /bzhi pas ni spong ba yongs su ma rdzogs pa yongs su rdzogs par 'gyur ro/ /de tsam gyis na rnal 'byor pa'i rnal 'byor du bya ba thams cad rdzogs pa yin te/ 'di lta ste/ ma rtogs pa dang po rtogs pa 'am/ ma 'ongs pa na sdug bsngal spong bar 'gyur ba 'am/ tshe 'di'i bde ba la gnas pa 'am gong du spong ba yongs su ma rdzogs pa yongs su rdzogs par 'gyur ba ste/ de dag thams cad kyang gnas bzhi las 'byung bar rig par bya'o/ /de la 'phags pa'i lam thob pa ni zhi ba'i lam zhes bya'o/ /de'i gong du nyon mongs pa dang/ dngos po spang ba'i phyir bsten pa na dngos po spong ba phyir zhing rgyas par 'thob par bya ba'i phyir 'phel bar 'gyur ba dang/ nyon mongs pa spong ba yang ma thob pa las yongs su nyams par mi 'gyur bar bsrung bar byed pa'o/ /de la ji ltar na shes pas shes bya la nye bar rtog pa na/ rtogs par bya ba rtogs par 'gyur zhe na/ so so'i skye bo yang dag par brtson pas so so'i skye bo'i sa las khams lnga la nye bar rtog pa na/ nang dang phyi rol gyi bye brag gis lus la lus kyi rjes su lta bas gnas te/ 'di lta ste/ sems rnam par grol ba dang/ shes rab rnam par grol ba'i don du

  647. 324a

    de ltar tshul bzhin du brtson pa de khams rnams la khams tsam du 'du shes pas gnas la khams tsam la bdag med par mthong bas/ so sor brtags pa'i stobs la brten nas gzugs kyi khams thams cad las 'dod chags dang bral bar 'gyur te/ dmigs pa de chad pa ni ma yin no/ /ma 'ongs pa la mi 'dod pa dang/ da ltar la lhag par zhen pa med pa med pa'i sgo nas kyang bral bar 'gyur te/ bag la nyal bcom pa'i phyir ni ma yin no/ /de 'dod chags dang bral bas sems rnam par grol ba'i phyir 'dod chags dang bral ba'i sems rnam par dag par 'gyur ro/ /dmigs pa ma chad pas ni bag la nyal ma spangs pa'i lhag ma yod do/ /gong du rnam par dag par bya dgos so/ /de gong du reg pa'i skye mched drug gis bsdus pa'i shes bya la nye bar rtog pa na tshor ba rnams la tshor ba'i rjes su lta bas gnas so/ /de snga ma bzhin du so sor rtog pa'i stobs la brten nas/ tshor ba'i khams la 'dod chags dang bral bar 'gyur te/ rten cing 'brel bar 'byung bas mi brtag par brtags nas/ snga ma bzhin du de'i dmigs pa de ma chad par 'gyur ro/ /de ma rig pa dang bral bas shes rab rnam par grol ba'i phyir ma rig pa'i 'dus te reg pa las byung ba'i tshul bzhin du yid la byed pa dang ldan pa'i dge ba'i tshor ba thams cad la kun nas nyon mongs pa'i btang snyoms nye ba ? gnas pa gang yin pa de ni ma rig pa'i 'dus te reg pa las byung ba'i tshor ba'i rkyen las byung ba'i 'dod chags dang bral ba'i phyir yongs su dag pa yin no/ /bag la nyal ma spangs pa'i phyir ni lhag ma yod de gong du rnam par dag par bya dgos so// de de'i gong du yid 'jug par byed pa bco brgyad la nye bar stog pa na cig car sems dang chos rnams la sems dang chos kyi rjes su lta bas gnas so/ /de 'di snyam du sems te/ yid 'jug par byed pa bco brgyad po 'di rnams kyi ni nang

  648. 324b

    na ni/ 'di lta ste/ gzugs rnams las 'das pa gzugs med pa'i zhi ba dang/ rnam par grol pa gang yin pa de dag mchog yin no/ /btang snyoms dang mthun pa'i chos de dag la ni yid 'jug par byed de/ de ltar 'jug par byed pa yod do/ /de ltar 'jug par byed pa gya nom pa de la yang/ bdag gis snyoms par 'jug pa dang/ skye ba'i btang snyoms yongs su dag pa 'di gtad par byas na ni de'i rgyus kyang bdag gi sems kun nas nyon mongs pa kho nar 'gyur ro snyam du rig nas gtong bar mi byed+de/ de ni de'i sems la sems kyi rjes su lta ba yin no/ /de skye mched de dag la yang mi rtag par yang dag par rjes su lta ba de ni de'i chos la chos kyi rjes su lta ba yin no/ /de de'i tshe 'du shes kyi snyoms par 'jug pa gsum dang/ 'du shes med 'du shes med min skye mched 'du byed kyi lhag ma srid pa'i rtse mo'i 'dod chags dang yod? bral bas na/ 'du shes kyi khams dang/ 'du byed kyi khams kyi 'dod chags dang/ bral bar 'gyur te/ snga ma bzhin no/ /de nyid kyi yang dag pa'i sbyor bas bsdus pa'i so so'i skye bo'i sa la sems rnam par dag par byas nas slob pa'i sems rnam par grol ba mngon sum du bya bar 'dod de/ lus dang/ tshor ba dang/ sems dang/ chos rnams la chos tsam du zad de/ bdag med par mngon nas srid pa thams cad las sems lhag par btang snyoms su bya ste/ bdag ni yod par 'gyur ro zhe'am/ med par 'gyur ro snyam du mngon par 'du mi byed do/ /'di la gang su yang yod par 'gyur ba'am/ med par 'gyur ba med do snyam du yang dag pa ji lta ba bzhin du rab tu shes te/ des de ltar shes pas rim gyis mthong ba dang bsgom pas spang bar bya ba'i zag pa rnam pa gsum las sems rnam par grol bar 'gyur ro/ /des zad pa shes pas thob pas lus 'di zhig nas phyi ma la thams cad kyi thams cad du tshor ba rnams mi 'byung bar yang dag par rjes su mthong ngo/ /de'i tshe zag pa zad pa de la de'i zad pa shes pa gang yin pa de ni shes rab kyi gnas

  649. 325a

    rnams kyi nang na mchog yin te/ so so'i skye bo dang slob pa rnams kyi ni dri ma dang bcas pa yin la/ de'i ni gcig tu nges par dri ma med pa'i phyir ro/ /de'i shes rab de yang nyon mongs pa thams cad spong ba'i 'gog pa'i bden pa la zhi ba'i rnam par dmigs pa'i sgo nas bstan pa yin te/ brjed pas pa tsam gyis kyang bskyod par mi nus so/ /de'i sems dang shes rab rnam par grob? bde ni 'di lta ste/ so so'i skye bo dang slob pa rnams kyi gnas skabs ltar brjed ngas pa tsam gyis zad bar phyir? mi nus te/ de dag ni brjed ngas pa'i chos can yin pa'i phyir de ni yongs su rdzogs pa'i bden pa ma yin no/ /mi slob pa de'i ni rtag tu ji lta ba bzhin du 'dug bas na yongs su rdzogs bden pa yin te/ de bas na de ni bden pa'i gnas kyi mchog dang ldan pa dang/ phung po'i dngos po thams cad gtong ba'i phyir gtong ba'i gnas kyi mchog dang yang ldan no/ /de'i lam gyi 'bras bu ma lus par yang dag par grub pas na/ lam shin tu bsgoms pa yin te/ so so'i skye po dang slob ma rnams kyi de lta ma yin no/ /de bas na de'i de ni nye bar zhi ba'i gnas kyi mchog yin no/ /de ci'i phyir mi slob ba 'ba' zhig gi gnas bzhi ni mchog yin la so so'i skye bo dang slob pa rnams kyi ni de lta ma yin zhe na/ de la gnas pa de'i ni nyes 'dzag rdul tsam yang med la so so'i skye bo'i sa la gnas pa'i ni mang du yod pa dang/ slob pa'i ni nyung du yon pa'i phyir ro/ /nyes 'dzag rnams gang zhe na/ snga ma bzhin du g.yo ba dang/ rlom pa la sogs pa yin par rig par bya'o/ /de dag thams cad kyi thams cad du spangs pa'i phyir yongs su rdzogs pa'i thub pa'i rang bzhin thob pas na thub pa zhi ba zhes bya'o/ /phyi ma'i rgyu bsal? ba dang/ thog ma dang/ bar dang/ tha ma rnams kye ba dang/ rga ba dang/ 'chi ba'i sdug bsngal nye bar zhi ba dang/ tshe 'di la rgyu zhing 'gro ba na 'jig rten gyi chos bzhi la rjes su chags pa nye bar zhi ba dang/ bzhi la ni khong khro ba nye bar zhi ba dang/ gnas shing

  650. 325b

    'dug pa na yang 'dre ba rnam par zhi ba'i phyir ro/ byang chub ses kyi mchog dang mthun pa'i chos rnam bsgom pa yongs su rdzogs pa'i sgo nas rgyu bdun gyis dam pa'i chos bdun rnam par gzhag par rig par bya ste/ bdun gang zhe na/ thos pa las byung ba'i yid la byed pa'i dmigs pa dang/ bsam pa las byung ba'i dmigs pa dang/ bsgoms pa las byung ba'i dmigs pa dang/ yid la byed pa'i gsum po de dag nyid kyi sbyor ba'i tshe yang zang zing gi long spyod kyi zang zing yongs su spyod pa khong du chud pa dang/ zang zing dang chos kyi longs spyod gzhan las dus dus su 'thob pa dang/ mthar thug pa'i tshe yang bdag nyid mngon pa'i nga rgyal med pas chung za bar mi 'gyur ba dang/ gzhan la mngon pa'i nga rgyal med pas chung za bar mi 'gyur ro/ /de la zhi gnas dang rab tu 'dzin pa dang/ btang snyoms kyi mtshan ma rnams la bsgom pa'i phyir dus shes pa ste/ 'di lta ste/ nyan thos kyi sa dang mnyam par gzhag pa'i sa las 'byung ba bzhin no/ /zos pa dang 'thung ba la sogs pa'i don kyang nyan thos kyis las 'byung ba bzhin du rig par bya'o/ /de la zang zing gi longs spyod kyi phyir rgyal rigs dang bram ze dang khyim bdag gi 'khor rnams dang/ chos kyi longs spyod kyi phyir dge slong gi 'khor rnams su bdag gis 'di ltar bgrod par bya ste/ /lus shin tu bsrungs pa dang/ dbang po rnams shin tu bsdams pa dang/ dran pa shin tu gnas pas sgo drung du 'greng bar bya ste/ ma gnang gi bar du nang du 'gro bar mi bya'o// nang du 'ongs na yang ma gnang gi bar du sten gyi drung du 'gro bar mi bya'o/ /'dug yang drag tu ljid kyis dbab par mi bya'o/ /snyam pa nas rgyas par sbyar ro/ /smra par bya ba yang tshig rnam pa lnga ste/ dus dang/ rigs pa dang/ ran pa dang/ zhi ba dang/ drang por smra ba'o/ /dus lngar ni kha ro ? 'dug par bya ste/ yengs pa dang/ 'gog pa dang/ thab mo snyog pa dang/ glan ka tshol zhing 'dug pa dang/ g.yar 'dren pa dang/ smra ba'i tshe ste/ gtam gyi 'jug rdzogs pa bsdad pa'i phyir ro/ /de la dus dus su smra ba gang zhe na/ yengs pa 'am/ yi brel ba 'am/

  651. 326a

    nyan par mi 'dod pa 'am/ spyod lam 'tsham pa ma yin pas gnas pa la mi smra ba dang/ sngar bya ba bsdan zin nas khyad par dang ldan pa ston pa dang/ gtam gyi mjug rdzogs pa bstad nas gzhan dag la smra ba ste/ 'di dang de dang mi zan pa rnams ni dus dus su smra ba yin par rig par bya'o/ /rigs pa rnam pa bzhi la brten nas bden pa ni tshig dang don dang ldan pa gang yin pa de ni rigs pa zhes bya'o/ /tshig dang yi ge ngan pa dag gis tshig ci tsam mi brjod du mi rung ba de tsam zhig smra bar byed do/ /mi nyung mi mang ba dang ma 'dres pa dang/ don med pa ma yin pa'i tshig 'di ni ran par smra ba zhes bya'o/ /rgod pa med pa'i tshig smra ba dang/ lab lab po ma yin pa dang/ lus kyi nyes rtsom med pa dang/ dag gi nyes rtsom med pa 'di ni zhi bar smra ba'o/ /tshul 'chos pa med pa dang/ ma bcos pa'i tshig dang g.yo dang bral ba'i phyir thad kar smra ba 'di ni drang por smra ba yin par rig par bya'o/ /dad pa la sogs pa dge ba'i chos rnams bdag la med bzhin du yod do snyam du mngon pa'i nga rgyal mi byed la chung du dag la yang ltag par sgro 'dogs par mi byed de ci yod pa dang/ ci tsam yod pa de nyi ce yang dag pa ji lta ba bzhin du rab tu shes te/ de bsan bdag shes pa yin no/ /de la dad pa dang sngon du 'gro ba'i tshul khrims yang dag par blang ba dang/ tshul khrims yang dag par blang ba sngon du 'gro ba'i thos pa yongs su tshol ba dang/ de sngon du 'gro ba'i nyes pa gtong ba dang/ yo byad thams cad dang lus dang srog la yang mi lta ba dang/ de sngon du 'gro ba'i sems mnyam par gzhag na yang dag par shes pa'o/ /chos lnga po de dag kyang rgyu bzhis rab tu phye ba yin te/ bzhan gyi lung ste/ lung gi dbang du byas pa dang/ rang gi rtogs pa dang/ rang bzhin gyis rtog pa'i spobs pa dang/ sngon sgoms pas rang bzhin gyis yon tan de la sbyor ba'i ya rabs kyi tshul du yod pa'i sgo nas so/ /gang zag ni 'di gnyis yin te/ zhes bya ba ni gnyis gnyis su bstan pa'o/ /'di gnyis ni zhes bya ba ni rnam par dbye ba'o/ /'di

  652. 326b

    gnyis kyi nang na 'di ni legs pa yin no zhes bya ba ni tha dad par dbye ba yin par rig par bya'o/ /dam pa'i chos bdun bsgom pa'i phan yon ni gnyis te/ tshe 'di la shin tu sbyangs pa'i bde ba dang/ shes bya'i de kho na mngon par rtogs pa las byung ba'i bde ba dang/ yid bde bas shas cher gnas pa dang/ de'i gnas pa de nyid ni zag pa zad par 'gyur ba'i tshul bzhin no/ /byang chub kyi phyogs dang mthun pa'i chos rnams bsgom pa'i phyir legs par gsungs pa'i chos 'dul ba la ni mdor bsdu na/ bslab pa rnams dang/ bslab pa'i 'bras bu chos thams cad bsdus te/ bslab pa rnams gang zhe na/ bslab pa gsum ste/ lhag pa'i tshul khrims dang/ lhag pa'i sems dang/ lhag pa'i shes rab bo/ /bslab pa'i 'bras bu gang zhe na/ phung po'i lhag ma dang bcas pa dang/ phung po'i lhag ma med pa'i mya ngan las 'das pa'i dbyings po de la chos thams cad ni 'di rnams yin te rab tu 'byung bar bya ba dang/ mya ngan las 'das pa thob bar bya ba'i phyir chos la 'dun pa dge ba ste/ thog ma kho nar tshul khrims yang dag par len par byed do/ /gang gis phyir mthar gyis yongs su mya ngan las 'das par 'gyur ba de'i phyir de dag ni 'dun pa'i rtsa ba can zhes bya'o/ /de dag kyang tshul khrims la brten nas dam pa'i chos mnyan pa dang ldan pa'i thos pa bzung nas/ dam pa'i chos mnyan pa'i dbang gis 'byung ba'i tshig bla dags dang/ rig pa'i 'dus te reg pa las/ 'grub pa'i 'gyur te/ de bas na rig pa'i rgyu can zhes bya'o/ /de dag kyang rig pa'i 'dus te reg pa las byung ba'i tshor ba rnams las phung po'i lhag ma dang bcas pa'i mya ngan las 'das pa la thug pa'i bar du yang dag par gzhol ba dang/ bde ba'i don du yang dag par brtsams pa dang/ bde ba de yang gcig tu nges par kha na ma tho ba med pa yin pas na de'i phyir tshor ba la yang dag par gzhol ba de dag ni bslab pas bsdus pa'i chos rnams zhes bya'o/ /de dag rig pa'i 'dus te reg pa de dang/ rig pa'i 'dus te reg pa las byung ba'i tshor bde dag gi

  653. 327a

    sgro nas thos pa dang/ bsam pa dang/ bsgom pa las byung ba'i tshul bzhin yid la byed pa las byung ste/ de bas na yid la byed pa las byung ba zhes bya'o/ /de'i tshe na dran pa nye bar gzhag pa bzhi la lcag mthong? gi phyogs dang mthun pa'i dran pas lhag? mthong la brton nas/ nang gi sems kyi zhi gnas kyi dbang du 'gyur te/ de bas na dran pa'i dbang gis byung ba zhes bya'o/ /dran pa'i dbang gis byang ba'i zhi gnas de yang bden pa mngon par rtogs pa zhes bya ba'i gtso bor 'dab ste/ de bas na ting nge 'dzin gtso bo nas bya'o/ /bden pa mngon par rtogs pa'i shes rab de yang 'di lta ste/ zag pa yongs su ma lus par zad pa'i phyir bla ma dang gtso bo yin te/ de bas na shes rab bla ma zhes bya'o/ /zag pa thams cad zad nas kyang mthar thug pa'i rig pa'i 'dus te reg pa las byung ba'i tshor ba dang ldan pa'i rnam par grol ba gang yin pa de ni bslab pas bsdus pa'i chos de dag gis yang dang yang du thos par bya ba ma yin te/ de ni lan cig kho nas thob pa yin la rnam par grol ba de yang bde ba thams cad kyi mchog kha na ma tho ba med pa'i snying po yin te/ de bas na rnam par grol ba'i snying po zhes bya'o/ /de ltar sems shin tu rnam par grol ba ni rig pa'i 'dus te reg pa las byung ba'i tshor ba de dang/ bslab bas bsdus pa'i chos de dag dang/ rten du gyur pa'i phung po dang bcas par phung po'i lhab ma med pa'i mya ngan las 'das pa'i dbyings su rang gis dang gis gtan du 'gag par 'gyur te/ de bas na mya ngan las 'das pa'i mthar thug pa zhes bya'o/ /de la 'dun pa'i dbang du byas nas tshul khrims yang dag par len pa gang yin pa 'di ni lhag pa'i tshul khrims kyi bslab pa'o/ /reg pa dang/ tshor ba dang/ lhag pa'i sems dang/ lhag pa'i shes rab kyi rten gyi gzhi'i tshul gyis yid la byed pa dang/ dran pa dang/ ting nge 'dzin sbyor ba dang bcas pa ni lhag pa'i sems kyi bslab pa'o/ /shes

  654. 327b

    rab bla ma ni lhag pa'i shes rab kyi bslab pa ste/ bslab pa gsum po 'di dag ni bzhi dang bcas par rig par bya'o/ /rnam par grol ba'i phung po'i lhag ma dang bcas pa'i mya ngan las 'das pa ni bslab pa'i 'bras bu dad po'o/ /mya ngan las 'das pa'i mthar thug pa phung po'i lhag ma med pa'i mya ngan las 'das pa ni bslab pa'i 'bras bu gnyis pa'o/ /bslab pa rnams dad bslab pa'i 'bras bus de rnams bsdus pa ni chos thams cad yin no/ /bslab pa 'bras bu dang bcas pa de dag yang dag par 'grub pa'i tshogs su gyur pa ni nyes pa rnam pa brgyad kyi gnyen por 'du shes rnam pa dgu 'dris par byas pa yin par rig par bya ste/ rnam pa brgyad gang zhe na/ rnyed pa dang bkur sti la yongs su zhen pa dang/ yang srid par skye ba'i 'du byed la tshums pa dang/ le lo dang/ snyoms las dang/ 'jig tshogs la lta ba dang/ ro la sred pa dang/ 'jig rten sna tshogs la 'dun pa'i 'dod chags kyi rjes su chags pa dang/ bag med pa la gnas pa dang/ nyis par spyod pa'i sbyor pa dang/ smon nas tshangs par spyod pa la gnas pa'o/ /'du shes 'dris par bya ba rnam pa dgu gang zhe na/ 'di ltar rab tu 'byung ba'i 'du shes snga 'dris par bya ba dang/ 'du byed thams cad la nyes dmigs kyi 'du shes 'bris par bya ba dang/ mi rtag pa'i 'du shes 'dris par bya ba dang/ mi rtag pa la sdug bsngal ba'i 'du shes 'dris par bya ba dang/ sdug bsngal ba la bdag med pa'i 'du shes 'dris par bya ba dang/ zas la mi mthun pa'i 'du shes 'dris par bya ba dang/ 'jig rten thams cad la mngon par mi dga' ba'i 'du shes 'dris par bya ba dang/ 'jig rten gyi mthun pa dang/ mi mthun pa'i 'du shes 'dris par bya ba dang/ skye ba dang 'jigs pa dang kun 'byung ba dang/ nub pa dang ro myang ba'i nyes dmigs dang nges par 'byung pa'i 'du shes 'dis par bya ba'o/ /de la chos mthun par spyod pas bsdus pa'i bde 'gror 'gro ba'i dge ba'i lus dang ngag dang yid kyi

  655. 328a

    las ni mthun pa zhes bya'o/ /chos ma yin pa mi mthun pa'i spyod pa bsdus pa ngan 'gror 'gro pa mi dge ba'i lus dang ngag dang yid kyi las ni mi mthun pa zhes bya'o/ /'di na gnas pa skyes shing byung ba'i phyi ma'i mdza' i skye ba'i sdug bsngal ni skye ba'o/ /sngon gyi mdza' las byung bas tshe 'di la 'chi ba'i sdug bsngal ni 'jig pa'o/ /kun 'byung ba la sogs pa lhag ma rnams kyi rab tu dbye ba ni snga ma bzhin du rig par bya'o/ /'di las phyi rol pa'i mu stegs can ni dam pa'i chos ma yin pa thos pa'i dbang gis byung pa'i tshul zhin ma yin pa'i 'du shes la brten nas ma rig pa'i 'dus te reg pa las byung ba'i tshor ba skye bar 'gyur te/ de la brten nas zag pa rnams skye bar 'gyur ro/ /phyi rol pa de ni zag pa rnams kyang yang dag pa ji lta ba bzhin du rab tu mi shes so/ /ma rig pa'i 'dus te reg pa las byung ba'i tshor ba de dang dam pa'i chos ma yin pa thos pa'i dbang gis byung ba'i log pa'i 'du shes kyang yang dag pa ji lta ba bzhin du rab tu mi shes so/ /nges gnas gsum po de dag yang dag pa ji lta ba shin tu rab tu mi shes pas 'dod pa yongs su tshol bar byed do/ /srid pa yang chal bar byed do/ /log pa'i tshangs par spyod pa tshol bas 'jig pa yang tshol bar byed do/ /des ni 'dod pa rnams kyang yang dag pa ji lta ba bzhin du rab tu mi shes so/ /yang srid par skye ba'i las kyang yang dag pa ji lta ba bzhin du rab tu mi shes so/ sdug bsngal yang yang dag pa ji lta ba bzhin du rab tu mi shes so/ /de la snga ma lnga ni kun 'byung ba'i bden pa'i gnas yin no/ /tha ma ni sdug bsngal gyi bden pa'i gnas yin te/ de ltar na phyi rol pa de ni kun 'byung ba'i bden pa dang/ sdug bsngal gyi bden pa yang dag pa ji lta ba bzhin du rab tu mi shes so/ /kun 'byung ba'i bden pa dang/ sdug bsngal gyi bden pa de yang mdor bsdu na/ kun 'byung nas nyon mongs pa dang rnam par byang ba rnam pa gnyis kyi sgo nas yang dag pa ji lta ba bzhin du rab tu mi

  656. 328b

    shes so/ /de la kun nas nyon mongs pa ni rnam par bzhi ste/ rang bzhin dang/ rgyu dang/ 'bras bu dang/ rgyu dang 'bras bu'i rab? tu dbye pa'o/ /de la rnam par byang ba ni rnam pa gnyis te/ kun dbyung ba dang/ sdug bsngal 'gog pa dang/ 'gog par 'gyur ba'i lam mo/ /de ltar ba ? pa'i bden pa bzhi la shes pa med pa de dag ni byang chub kyi phyogs dang mthun pa'i chos rnams ma bsgoms pa'i rgyus gten du mthar thug pa'i tshangs par spyod pa ma yin te/ des na ngas par 'byed ba ma yin ba zhes bya ste ga zag pa rnams ma zad pa'i phyir ro/ /de ltar bzlog pa ste/ chos 'di ba'i gtan du mthar thug pa'i tshangs par spyod pa ni nges par 'byed pa yin par rig par bya ste/ zag pa rnams zad pa'i phyir ro/ /gang zag rnam pa drug la kun nas nyon mongs pa dang/ rnam par byang pa'i chos nyid kyi sgo nas de bzhin gshegs pa rnams kyi skyes bu chen po'i dbang po'i ye shes dang/ phyi ma la chos yang dag par skye ba'i ye shes 'jug go/ gang zag rnam pa drug po rnams gang zhe na/ 'di na gang zag kha cig gis sngon gyi tshe rabs gzhan dag tu chos 'dul pa 'di la dang pa thob pa nas/ rgyas par lta pa dang po'i bar du byas nas ded ltar nyes par bshad pa'i chos 'dul bya la skyes bu dam pa ma yin pa bsten pa la brten nas dam pa'i chos ma yin pa thos pa dang/ tshul bzhin ma yin pa yid la byed pa'i sgo nas/ tshe 'di la thog ma kho nar lta ba dang sred pa dang/ las kyi kun nas nyon mongs pa skyed do/ /de de'i tshe sngon gyi dge ba'i chos de dag dang yang ldan la /tshe 'di'i mi dge ? gu dang yang ldan la/ de de'i 'og tu legs par gsungs pa'i chos 'dul ba la skyes bu dam pa bsten pa la brten nas tshul bzhin yid la byed pa'i bar dag gi sgo nas sngon gyi rgyu de kho nas nyes lar bshad pa'i chos 'dul ba de las phyir ldog ste/ nyes par bshad pa yin no snyam pa'i 'du shes kyis mi dge ba'i chos de dag dang du mi len cing sel bar byed do/ /de yang phyi ma la 'dir rnam par dag pa'i chos can du 'gyur pa 'di ni gang zag dang po'o/ /gzhan

  657. 329a

    yang gang zag kha cig ni sngon tshe rabs gzhan dag tu chos 'dul ba gnyis ka la spyod par gyur te/ de de'i rgyus tshe 'di la dge ba'i chos rnams dang yang ldan la /mi dge ba'i chos rnams dang yang ldan te/ de bltar yang thog ma kho nar snga ma bzhin du legs bar gsungs pa nas tshul bzhin yid la byed pa'i bar du 'thob ste/ tshe 'di la de'i mi dge ba de dag gsar du ma skyes pas nub par 'gyur la/ dge ba rnams ni gsar du skyes pas 'byung bar 'gyur te/ de'i sngon gyi mi dge ba'i rtsa ba bag la nyal gyi tshul gyis gnas pas chad par ma gyur pa gang yin pa de yang de ltar bag yod par gnas pas thams cad kyi thams cad du chad par 'gyur te/ de ltar na 'di yang phyi ma la rnam par dag pa'i chos can du 'gyur te/ 'di ni gang thag gnyis ba'o/ /gzhan yang kha cig ni sngon tshe rabs gzhan dag tu gcig tu nges par phyi rol spyod par 'gyur te/ de ni de ltar yang de'i rgyus rab tu 'byung ba la goms pa dang log par lta ba la goms pas legs par gsungs ba'i chos 'dul ba la rkyen tshogs pa dang phrad nas rab tu byung ngo/ /de ltar rab tu byung nas kyang log par lta ba kho nar 'gyur te/ rang gi lta ba la mchog tu 'dzin pas gnas so/ /de'i mtshams med pa'i las kyang byed la dge ba'i rtsa ba rnams kyang gcod par byed do/ /mi dge ba'i chos rnams su gcig tu nges par yang 'gyur ro/ /ngan song du 'gro bar nges par yang 'gyur te/ 'di ni gang zag gsum pa'o/ /gang zag gsum po de rnams kyi nang na dang po ni sngon 'di'i rgyu la sbyong? bar gyur la/ tshe 'di la ni sngar pag med par gyur pa las phyis bag yod par rig par bya'o/ /gang zag gnyis pa ni sngon 'di dang phyi rol gnyis ka'i rgyu la spyod par gyur la/ tshe 'di la ni gcig tu nges par bag yod par rig bar bya'o/ /gsum pa ni sngon yang gcig tu nges par phyi rol sbyong bar gyur la/ tshe 'di la yang gcig tu nges par bag med par rig par bya'o/ /gang zag gsum po de dag gi zla

  658. 329b

    yang gang zag gzhan gsum yod de/ de las bzlog pa yin par rig par bya'o/ /de la dang po ni sngon phyi rol spyod par gyur la tshe 'di la ni lngar bag yod par gyur nas/ phyis bag med par gyur par rig par bya'o/ /gnyis pa ni sngon 'di dang phyi rol gnyis ka'i rgyu spyod par gyur la/ tshe 'di la ni gcig tu nges par bag med par rig par bya'o/ /gsum pa ni sngon gcig tu nges par phyi rol kyi rgyu spyod par gyur la tshe 'di la ni gcig tu nges par bag yod par rig par bya'o/ /de la sngon gyi dge ba dang mi dge ba'i rgyu gang yin pa de ni sa bon gyi ni chos/ de la sngon gyi dge ba'i sa bon gyi ni chos 'dul ba 'di da ltar gyi zhing gshin pa lta bu'o/ /mi dge ba'i sa bon gyi ni zhing dan blta bu'o/ /de las bzlog pa ste/ sngon gyi mi dge ba'i sa bon gyi ni da ltar gyi nyes par bshad pa'i chos 'dul ba zhid bshin pa lta bu yin la/ /dge ba'i sa bon gyi ni zhing ngan pa lta bu yin no/ /'da' i? dge ba'i chos skye ba ni sngon gyi rgyu'i dbang gis byung ba yin te/ ma rig pa'i mun pa lta bu'i mi dge ba'i chos kyi gnyen po'i tshul gyis snang ba lta bu'o/ /mi dge ba'i chos de dag ni snang ba lta bu'i dge ba'i chos kyi mi mthun pa'i phyogs yin par rig par bya'o/ /de ltar na sngon gyi mi dge ba'i chos de dag ni lus dang sems yongs su gdung ba'i don gyis mdag me lta bu'o/ /nyes par bshad pa'i chos 'dul ba ni da ltar gyi 'dam bu skam po'i khyim lta bu'o/ /sngon gyi dge ba'i chos rnams ni nyon mongs pa sreg pa'i sgo nas mdag me lta bu'o/ /nyes par bshad pa'i chos 'dul ba ni de rnams kyi rngo'i sa gzhi dang ro skam lta bu'o/ /sngon gyi mi dge ba spangs pas sol ba lta bur gyur pa'i chos 'dul ba 'di rdo'i sa gzhi dang ro skam lta bu'o/ /de la de bzhin gshegs pa'i skyes bu chen pos ni dbang po mchog dang mchog ma yin pa mkhyen pa'i stobs bla na med pas/ sngon gyi dge ba dang mi dge ba'i rgyu las yang dag par grub pa'i dbang po de yang ci rig par yang dag pa ji lta ba bzhin du rab tu mkhyen la/ tshe 'di la rnam

  659. 330a

    rnam par dag ba dang/ kun nas nyon mongs pa'i sgo nas gnas pa de dag gi phyi ma la rnam par byang ba dang kun nas nyon mongs pa'i chos yang dag par skye ba gang yin pa de yang yang dag pa ji lta ba bzhin du rab tu mkhyen te /de bas na ngo mtshar rmad du byung pa dang ldan pa zhes bya'o/ /ngan 'gror 'gro ba dang bde 'gror 'gro ba'i lam las yang dag par 'das pa la ni rnam grangs lnga yod par rig par bya ste/ rnam grangs gang dag gis rang gis rang gi yang dag par 'das pa yang yang dag pa ji lta ba bzhin du rab tu shes la/ gzhan dag gi yang dag par 'das pa yang rab tu shes pa ste/ 'di lta ste/ sangs rgyas rnams dang/ sangs rgyas kyi nyan thos rnams so/ /de la ngan 'gror 'gro ba'i lam gang zhe na/ 'di las phyi rol ba rnams 'jig tshogs la lta ba'i rtsa ba las byung ba sdig pa can gyi lta bar gyur ba dmigs pa dang bcas shing rten dang bcas pa gang yin pa de dag la brten nas sdig pa 'dod pa dang rnam par 'tshe ba dang/ srog gcod pa la sogs pa'i sdig pa mi dge ba'i chos rnams rnam pa du ma nas mdo las ji skad 'byung ba bzhin du/ chos ma yin pa spyod pa dang/ mi mthun pa spyod pa yan chad kyi bar gyi ngan song du 'gro bar byed pa dang/ sems can dmyal bar 'gro bar byed pa dang/ ngan 'gror 'gro bar byed pa rnams 'byung bar 'gyur te/ de la brten nas de dag ngan 'gro rnams su skye bar 'gyur te/ de'i rgyu las byung ba'i mi sdug pa'i rnam par smin pa nyams su myong bar 'gyur ba 'di ni ngan 'gror 'gro ba'i lam mo/ /de thos pa dang ldan pa'i 'phags pa nyan thos ni dmigs pa gang las lta bar gyur pa de dag skye bar 'gyur ba dang/ rang gi gnas la mngon par zhen pa gang yin pa dang/ ngan song du 'gro bar byed pa'i gnas sdig pa 'dong pa la sogs pa chos ma yin pa dang/ mi mthun par spyod pa yan chad gang la gnas na mi sdug pa dang ngan song gi rnam par smin pa de dag nyams su myong bar 'gyur ba gang yin pa de dag thams cad la 'di ni bdag gi yang ma

  660. 330b

    yin no/ /'di ni bdag kyang ma yin to/ 'di ni bdag gi bdag kyang ma yin no zhes de ltar de yang dag pa ji lta ba bzhin du yang dag par rjes su mthong bas bden pa mngon par rtogs pa'i mdo la lta bar gyur pa'i bag la nyal de dag gi rtsa ba yang yang dag par bcom zhing spong bar 'gyur la/ de dag kyang gtan du nyid mtshams sbyong bar mi 'gyur te/ de ltar na 'phags pa nyan thos de ni lta bar gyur ba'i rtsa ba las byung ba ngan song du 'gro bar 'gyur ba'i gnas de dag gis bar du gcod par 'gyur ba dang/ ngan song du 'gro bar 'gyur ba'i rgyu ma yin te 'di ni de'i dan 'gror 'gro ba'i lam gsal bar bya ba'i rnam grangs dang po yin no/ /des na bdag nyid shes par 'gyur te/ 'di ltar bdag cag la sogs pa 'phags pa nyan thos rnams las so so'i skye bo 'di dag 'jig rten pa'i lam gyis mi dge ba ngan song du 'gro ba'i gnas la yang dag par 'das nas tshe 'di la bde bar gnas pa bzhi thob ste/ 'das nas kyang gzugs dang gzugs med pa rnams kyi zhi ba dang rnam par grol ba thob med kyi/ /de dag ni gtan du ngan 'gro gsal ba dang ldan pa ma yin te de bas na gzhan de dag ni 'dod pa dang gzugs kyi 'dod chags dang bral du zin kyang /re zhig bde bar gnas pas khyad par du 'phags pad zad de/ phyi ma la srog gcod par 'gyur la/ bdag cag ni srog gcod par mi 'gyur ba nas de dag gi chos ma yin pa spyod pa dang mi mthun pa'i bar du spyod par 'gyur la/ bdag cag ni de ltar mi 'gyur ro snyam pa 'di ni 'phags pa'i chos 'dul ba las 'di lta ste/ ngan 'gror 'gro ba'i lam bsal ba'i rnam grangs so/ /sangs rgyas rnams dang/ sangs rgyas kyi nyan thos rnams kyis kyang rnam grangs nges na gsal bde de ltar yang dag par mkhyen to/ /'phags pa nyan thos de'i ni bde 'gror 'gro ba'i lam las yang dag par 'da' par bya ba lus te/ 'phags pa nyan thos ni de tsam gyis chag par mi 'dzin par gong du zag pa zad par bya ba'i phyir 'dun pa bskyed cing mched du bstang nas sems bsgyang

  661. 331a

    skyed bar byong? de/ 'jig rten pa'i lam de la 'di? ni gtan du sdug bsngal las nges par 'byung ba ma yin no snyam du de nyid nyes dmigs mthong ba 'di ni bde 'gror? 'gro ba'i lam las yang dag par 'da' ba' i phyir sems bskyed pa'i rnam grangs dang po'o/ /des sems? chen du gtang nas bde 'gro'i srid pa'i ro myang ba de dag thams cad la de nyid nyes dmigs su mthong nas/ mu stegs yang ba las ji lta ba bzhin du sems bzlog nas/ tshe 'di la yongs su mya ngan las 'da' bar bya ba 'ba' zhig gi phyir yang dag par brtson zhing ji ltar thob pa'i mya ngan las 'da' bar 'gyur ba'i lam de 'ba' zhig la yang dag par 'da' ba' i rnam grangs so/ /bsgom pa'i lam des de mthar skyo bar 'gyur bas na srid pa'i rtse mo man chad du snyoms par 'jug go/ de gal te btang snyoms kyi mchog de ro myang bar byed na ni bag med pa'i rgyas de tshe 'di la yongs su mya ngan las 'da' bar mi 'gyur te/ /phyir mi 'ong bar 'gyur ba ni de'i phyi ma la gong du 'gro ba'i rnam grangs yin no/ /gal te de la yang de nyid nyes dmigs yin bar yang dag par mthong nas btang snyoms de ro myang bar mi byed na ni? nga? tshe 'di la kun shes pa'i phung po'i lhag ma dang bcas pa la brten nas/ /yongs su mya las 'da' bar 'gyur ba 'di ni de'i mya ngan las 'da' ba' i rnam grangs yin te/ rnam grangs nges na rang gi yongs su mya ngan las 'das pa bde 'gror 'gro ba'i lam las yang dag par 'das pa yang dag pa ji lta ba bzhin du yongs su shes la sangs rgyas rnams dang sangs rgyas kyi nyan thos gzhan rnams kyis kyang de'i yang dag par mkhyen to/ /de la gsal ba'i rnam grangs snga ma shos kyis ni ngan 'gror 'gro ba'i lam las yang dag par 'da' bar rig par bya'o/ /phyi ma sems bskyed pa dang/ yang dag par 'da' ba dang/ gong du 'gro ba dang/ mya ngan las 'das pa'i rnam grangs bzhis ni bde 'gror 'gro ba'i lam las yang dag par 'da' bar rig par bya'o// //rnal 'byor

  662. 331b

    spyod pa'i sa las bzhi bsdu ba/ bam po nyi shu pa/ 'di gnyis 'phags pa nyan thos gzhi mthong ba 'dod pa rnams las 'dod chags dang ma bral pa'i kun nas nyon mongs pa yin te/ 'dod pa'i kun nas nyon mongs pa dang/ yang srid par skye ba'i kun nas nyon mongs pa ste/ de gnyis las 'phags pa nyan thos kyi sems yongs su dag par bya'o/ /de la 'phags ba nyan thos ni 'dod pa'i kun nas nyon mongs pa spang bar bya ba'i phyir brtson pa na mthar gyis mi g.yo bar 'gro ba dang/ ci yang med pa'i skye mched du 'gro ba dang/ 'du shes med min skye mched du 'gro ba'i lam gsum la brten nas mi g.yo ba dang ci yang bde pa dang/ 'du shes med 'du shes med min skye mched la snyoms par 'jug ste/ de ni spong ba'i gnyen po dang thag bsring ba'i gnyen po'i sgo nas 'dod pa'i kun nas nyon mongs pa las yang dag par 'da' bar 'gyur ro/ /? srid par skye ba'i kun nas nyon mongs pa spang ba'i phyir brtson par byed pa na ni 'dod pa rnams las 'dod chags dang bral bar gyur la/ gzugs rnams las 'dod chags dang me bral te/ bdag ma 'gyur cig bdag gir yang ma gyur cig /bdag na mi 'gyur ro// bdag gir mi 'gyur ro snyam ste/ ci yod pa dad ci byung ba de spang bar bya'o snyam nas/ spyir yang srid par skye ba'i gnyen po'i lam bsgoms pas gzugs kyi 'dod chags dang bral bar byas nas/ 'du shes med 'du shes med min skye mched kyi bar du snyoms par 'jug ste/ de gal te tshe 'di la btang snyoms de'i ro'i? myang bar byed na ni tshe 'di yang srid par skye ba'i kun nas nyon mongs pa las thams cad kyi thams cad yongs su mya ngan las mi 'bal zhing yongs su grol bar mi 'gyur ro/ /gal te ro myang bar mi byed na ni tshe 'di la yang srid par skye ba'i kun nas nyon mongs pa las thams cad kyi thams cad du yongs su mya ngan las 'da' bar yang 'gyur la yongs su grol bar yang 'gyur ro/ /de la 'dod pa'i kun nas nyon mongs pa'i gnyen po'i sgo nas lam sgom bar byed cing mthar gyis srid pa'i rtse mo'i bar du

  663. 332a

    snyoms par 'jug pa gang yin pa dang/ yang srid par skye ba'i kun nas nyon mongs pa'i gnyen po'i sgo nas lam sgom par byed cing mthar kyis de ltar srid pa'i rtse mo'i bar du snyoms par 'jug pa gang yin pa 'di ni thun mongs pa'i rnam par grol ba ste/ de la 'phags pa rnams dang 'phags pa ma yin pa so so'i skye bo rnams kyi go skabs yod pa de'i phyir de la 'phags pa rnams par grol ba zhes mi bya'o/ /srid pa'i rtse mo man chad kyi 'jig tshogs thams cad ni sdug bsngal ba'o snyam du rig nas srid pa'i rtse mo las 'das te/ tshe 'di la nyon mongs pa thams cad spong ba gang yin pa 'di ni 'phags pa rnams 'ba' zhig gi rnam par grol ba yin te/ de bas na 'phags pa'i rnam par grol ba zhes bya'o/ /de dag thams cad gcig tu bsdus na gnas lngar 'gyur te/ mi g.yo bar 'gro ba'i lam dang/ ci yang med pa'i skyed du 'gro ba dang/ 'du shes med 'du shes med min skye mched du 'gro ba dang /tshe 'di la mya ngan las 'das pa dang/ 'phags pa'i rnam par grol la'o/ /gsum po 'di dag ni 'deng pa rnams kyi nyes dmigs yin te/ 'dod pa rnams ni bde ba myong bar 'gyur ba'i yul rnams la brnab sems skye ba'i rgyu dang/ sdug bsngal tshor ba'i gnas rnams la gnod sems skye ba'i rgyu dang/ sdug bsngal ba yang ma yin bde ba tshor ba'i gnas rnams la ma rig ba'i nyes rtsom skye ba'i rgyu'o/ /'dod pa de dag kyang gnas gsum gyi sge? nas nyes dmigs su blta bar bya ste/ rang bzhin dang/ dmigs pa dang/ grogs so/ /de la rang bzhin kun tu rtog ba'i 'dod chags so/ /dmigs pa ni nang dang phyi rol gyi yul gzugs can rnam pa lnga'o/ /grogs ni tshul bzhin ma yin pa yid la byed pa dang mtshungs par ldan pa'i phyin ci log gi 'du shes so/ /gong ma'i 'dod chags dang bral ba'i sbyor ba las byung ba'i sems ni chen por gyur pa zhes bya'o/ /de ci'i phyir zhe na/ sa gong ma ni ches che ba dang/ ches gtso bor gyur pa yin te/ de bas na der 'gro ba'i

  664. 332b

    sems gang yin pa de ni chen por gyur pa zhes bya'o/ /'jig rten 'og ma gang las 'dod chags dang bral bar 'gyur ba de'i yi rtag pa la sogs pa'i rnam pas sun 'byin bar byed bar ni zil gyis gnon pa yin par rig par bya'o/ /'thob par bya ba'i sa gong ma la re zhig pa'i tshul gyis zhi bar 'du shes pa'i sgo nas ni yid kyi gnas su rig par bya'o/ /bdag gis gnas de yang dag par bsgrub nas gnas pa 'thob par nus so snyam du yid ches pa skyes nas sbyor ba'i lam la dang pa bsgom pa gang yin pa de ni skye mched la sems yang dag par dad ba zhes bya'o/ /de dad pa de'i sgo nas brtson 'grus dang/ dran pa dang/ ting nge 'dzin dang/ shes rab bsgoms pas bsam gtan dang po nas bzung ste/ mthar gyis rnam shes mdza' yas skye mched kyi mi g.yo ba'i bar du snyems par 'jug go/ bdag ni snyoms par zhugs so snyam du shes rab kyis mos so/ /de'i rnam par shes pa ni mi g.yo pa'i skye mched du skye bar 'gyur te/ gal te tshe 'di la yongs su mya ngan las 'da' par mi 'gyur ram/ gong du 'gro bar mi 'gyur na ni de lta na de phyi ma la mi g.yo bar nye bar 'gro bar 'gyur ro/ /sa 'di rnams las rgyu gsum gyis mi g.yo bar rnam par gzhag par rig par bya'o/ phyi rol gyi 'dod pa'i g.yeng bas g.yo ba spangs pa'i phyir ni bsam gtan dang po'i mi g.yo ba'o/ /rtog pa dang dpyod pa dang dga' pa dang bde ba dang/ gzugs na spyong ba'i g.yo ba thams cad spangs pa'i phyir ni bsam gtan bzhi pa mi g.yo ba'o/ gzugs dang thogs pa dang sna tshogs kyi 'du shes kyi g.yo ba spangs pa'i phyir ni nam mkha' dang rnam shes mdza' yas skye mched ni mi g.yo ba'o/ /bsam gtan gnyis pa dang/ gsum pa rnams la ni gong nas gong du g.yo ba spangs ba'i phyir mi g.yo bar rig par bya'o/ /rnam shes mdza' yas skye mched la ni nam mkha' mdza' yas skye mched kyi phyi rol tu bltas pa'i dmigs pa'i g.yo ba tsam las dben pa'i phyir mi g.yo bar rig par bya ste/ mdor bsdan chung zad la dmiD pa'i ting nge 'dzin mi g.yo ba'i phyir na mi g.yo bzhes bya'o/ /de yang rnam shes mdza' yas skye mched du mthar thug pas na de'i phyir de man

  665. 333a

    chad mi g.yo bar rnam par bzhag par rig par bya'o/ /chung zad la dmigs pa'i snyoms par mthug pa de dag thams cad kyang bong na thod? na pa'i 'du shes kyi snyoms par 'jug pa yin no/ /de yan chad na ci yang med pa la dmigs pa'i snyoms par 'jug pa yin te gong na med pa'i 'du shes kyi snyoms par 'jug pa yin par rig par bya'o/ /de yan chad ni 'du shes med 'du shes ming min skye mched kyi snyoms par 'jug pa yin te/ de bas na sgo gsum las lam gsum du bstan to/ gang gi phyir 'phags pa nyan thos kyis sgo gsum nas 'dod pa rnams sun 'byin par byed de sun phyung nas kyang mthar kyis rnam shes mdza' yas skye mched kyi bar du snyems par 'jug pa de'i phyir yang mi g.yo ba'i skye mched du 'gro ba'i lam gsum rnam par gzhag go/ gzugs kyi 'du shes dang mi g.yo ba'i 'du shes nis 'og ma thams cad la sun phyung nas ci yang med pa'i skye mched la snyoms par 'jug ste/ 'di ni ci yang med pa'i skye mched du 'gro ba'i las dang po'o/ /zag pa med pa'i lam sgom pa'i mdza' ni skye mched de la thug go/ zag pa med pa'i lam de la yang 'du shes kyi snyoms par 'jug pa bzhin du gong na yod ba dang/ gong na med pa yod do/ /de la gong na yod pa ni mi rtag pa'i rnam pa dang ldan pa'o/ /de la gong na med pa na bdag med pa'i rnam pa dang ldan pa'o/ /de la gong na yod pa'i rnam pas ni sa 'og ma sun phyung nas de'i skye mched la snyoms par 'jug go/ gong na med pa'i rnam pas ni 'og ma dang gong ma dang de nyid dang chos thams cad la bdag med par yid la byed pas zag pa med pa'i skye mched la snyoms par 'jug ste/ gong na med pa'i rnam pa de ni lam gnyis pa yin par rig par bya'o/ /lam gnyis pa de yang rnam pa gnyis su dbye bas rnam pa gnyis su rnam par bzhag par bya ste/ gnyis gang zhe na/ 'di lta ste/ brten pa dang/ rten gyi shes pa'i bye brag go /de la brten pa'i bdag med pa'i shes pa sems can gyi khams gang yang rung ba dang/ bdag gang yin pa 'di la bdag gi yul ga ge mo dang/ sems can

  666. 333b

    chog mo dang/ pa'am/ ma'am/ grogs sam/ ngo bo la sogs pa cung zad kyang med pa'o/ /ji ltar bdag gig? ge mo dang/ che? ge mo dang/ chung zad kyang med pa de bzhin du bdag kyang de rnams kyi ga ge mo dang/ che ge mo dang/ cung zad kyang ma yin pa'o/ /rten gyi bdag med pa'i shes pa ni rtag pa dang bdag dang bdag gis 'jig rten stong ste/ 'di la rtag pa'am bdag gam bdag gi ci yang med do/ chos tsam du zad do/ /de ltar 'jig rten stong pa yin na/ 'di la gang nas su zhig ci zhig la yod do/ /de bas na shes pa snga ma ni brten pa yin la phyi ma ni rten du gyur par lta bar bya'o/ /'du shes med 'du shes min skye mched la ni zag pa med pa'i lam med de/ de bsan ci yang med pa'i skye mched kyi 'du shes sun phyung nas de'i skye mched la snyoms par 'jug ste/ de ni lam de gcig pu yin no/ /de la bdag ma 'gyur cig ces bya ba ni skye ba la sogs pa'i sdug bsngal gyi sdug bsngal lo/ /bdag gir ma gyur cig ces bya ba ni skye ba la sogs pa'i sdug bsngal yin te/ de lta bu'i rnam par 'dun la skyed nas brtson par byed do/ /yang dag par brtson na snga phyir khyad par shes nas nges par 'thob par 'gyur te/ bdag mi 'gyur ro bdag gir mi 'gyur ro snyam mo/ /de bas na da ltar gyi tshe 'di la gsar du las byas shing bsags pa ci yod pa dang/ las rnyid ci byung ba de dag thams cad kyi rnam par smin pa mi 'dod de/ mi lta ba'i phyir thams cad spong ba'o/ /sdom ni/ rnam par gzhag dang mthar thug dang/ /ma 'dris pa dang tshul bzhin dang/ /rten cing 'brel par 'byung ba dang/ /bsgom dang dus dang bar du gcod/ /rang bzhin bstan dang spong ba'i phyir/ /rtsom dang sgom pa tha ma yin/ /de la rnam par gzhan pa ni dran pa nye bar gzhag pa la sogs pa nas/ lam gyi yan lag la thug pa'i byang chub kyi phyogs dang mthun pa'i chos sum cu rtsa bdun gyi med dang rgyas pa yin par rig par bya ste/ 'di lta ste/ nyan thos kyi sa las 'byung ba bzhin no/ shes bya'i gzhi thams cad dran pa nye bar gzhag pa bzhin/ mthar thug par rig par bya'o/ /shes bya'i gzhi'i mthar

  667. 334a

    thug pas ni shes bya'i gzhi mthar thug par rig par bya'o/ /'dun pa dang brtson 'grus la sogs pa bsgom pa la sbyor ba na dran pa nye bar gzhag pa bzhi 'grub par bya ba'i phyir yin par rig bar bya'o/ /dran pa nye bar gzhag pa bzhi ma gtogs par de dang mi 'dra ba'i lam mam/ dmigs pa gang la brten na zag pa zad par 'gyur zhing mya ngan las 'das pa 'thob par 'gyur ba'i lam dang/ /dmigs pa gzhan med pa'i phyir rnam par dag pa'i lam 'di zla med pa yin pas na lam 'di ni bgrod pa gcig pa zhes bya'o/ /bgrod pa gcig pa'i lam nges kyang rgyu gnyis kyis sems can rnams rnam par dag par byed de/ so sor brtags pa'i stobs dang bsgoms pa'i stobs kyis so/ /mya ngan zhes bya ba ni nyon mongs pa can gyi yid mi bde ba'o/ /drod mi thub ces bya ba ni gong par gtogs pa ste/ 'dod pa na spyong pa'i nyon mongs pa can gyis yid mi bde ba'o/ /mya ngan gyi gnas ni 'jig rten gyi chos bzhi'o/ /drod mi thub pa'i gnas ni gzhan bzhi po nyid do/ /de la dran pa nye bar gzhag pa bzhi la brtson pa ni so sor brtags pa'i stobs la brten pas mya ngan dang drod mi thub pa las yang dag par 'da' bar 'gyur ro/ /'jig rten pa'i bsgom pa'i stobs kyis 'dod pa'i 'dod chags dang bral ba thob pas ni sdug bsngal dang yid mi bde ba spong bar 'gyur ro/ /'jig rten las 'das pa'i sgom pa'i stobs kyis 'jig tshogs thams cad las yang dag par 'das pas ni 'phags pa'i lam yan lag brgyad pa dang/ lam gyi 'bras bu rig pa dang chos rtogs par 'gyur ro/ /de yang sems can rnams kyi so sor rtog pa'i stobs dang/ bsgom pa'i stobs kyis rnam pa thams cad rnam par dag par rig par bya'o/ /lus la sogs pa dmigs pa bzhi la tshul bzhin ma yin par yid la byed na ni dran pa nye bar gzhag pa bzhi nyams su len par mi 'gyur ro/ /de rnams nyams su mi len na tshul

  668. 304b

    bzhin yid la byed pa 'phags pa'i rigs pa'i rjes la 'byung ba'i yang dag pa'i lta ba la sogs pa'i 'phags pa'i lam skye ba yang nyams su mi len na de nyams su ma blangs pas 'phags pa'i lam yang nyams su ma blangs pa yin no/ /de nyams su ma blangs bas de'i 'bras bu mya ngan las 'das pa'i bdud rtsi yang nyams su ma blangs pa yin no/ /rnal 'byor ba ni lus la sogs pa rgyu la brten te byung bar rig nas dus gsum gyi lus la sogs pa'i chos rnams la mi rtag par rjes su mthong bas gnas te/ mi rtag par rjes su mthong bas gnas na yang srid par skye ba la yang srid par skye ba'i srid pas rten cing mi gnas la tshe 'di la yang phyi nang gi 'du byed thams cad la bdag gam bdag gir cung zad kyang mi 'dzin to/ /de la ma 'ongs pa rnams la ni kun 'byung ba'i chos can du rjes su mthong bar rig par bya'o/ /'das pa rnams la ni 'jig pa'i chos can du rjes su mthong ngo/ /da ltar byung ba rnams la ni byung ba dang de'i 'og tu 'jig pa'i chos can yin pa'i phyir kun 'byung ba dang 'jig pa'i chos can du mthong bas gnas te/ de thog ma kho nar lus la sogs pa rten cing 'brel par 'byung ba rnams yang dag par rjes su mthong bas mi rtag pa nyid la 'jug go /mi rtag pa nyid la zhugs nas sred pa dang lta ba'i kun nas nyon mongs pa las sems rnam par sbyangs te/ de shas cher gnas pa 'di ni tshul bzhin yid la byed pa yongs su rdzogs pa yin te/ de la brten nas zag pa zad pa thob par 'gyur ro/ /chos rnams ni mdor bsdu na dge ba dang/ kun nas nyon mongs pa dang rnam par byang ba'i phyogs dang mthun pa rnams so/ /de la kun nas nyon mongs pa'i phyogs dang mthun pa gang yin pa de dag ni tshul bzhin ma yin pa yid la byed pa las 'byung ngo/ /rnam par byang ba'i phyogs dang mthun pa rnams ni tshul bzhin yid la byed pa las 'byung ste/ de dag gcig tu bsdus pa la ni yid la

  669. 335a

    la byed ba las 'byung ba zhes bya'o/ /dran pa nye bar gzhag pa bsgom pa'i mdo dang rgyas pa ni 'di lta ste/ nyan thos kyi sa las 'byung ba bzhin du rig par bya'o/ /dran pa nye bar gzhag pa bsgom pa'i dang po ni da ltar bcom ldan 'das byung nas bstan cing de'i nyan thos rnams kyang sgom bar byed pa 'di kho na ma yin te/ dran pa nye bar gzhag pa bsgom pa ni 'das pa'i dus na yang thog ma med pa'i dus nas byung la ma 'ongs pa'i dus na yang mthar thug pa med par rig par bya'o/ /dran pa nye bar gzhag pa bzhi ni 'das pa dang ma 'ongs pa dang/ da ltar byung ba'i dus rnams su 'jig rten dang 'jig rten las 'das pa'i chos tshad med pa rnams skye ba'i gnas yin pa'i phyir dge ba'i tshogS zhes bya'o// sgrib pa lnga ni dge ba'i tshogs de'i bar chad byed pas na mi dge ba'i tshogs zhes bya'o/ lus la sogs pa'i chos bzhi po rnams kyi bye brag gis mdza' yas pa dang/ yul de la de bzhin gshegs pa'i ye shes thogs pa med pas na/ de bzhin gshegs pa rnams kyis chos bstan pa ni tshad med pa'o/ /de yang tshig dang don rnam pa gnyis kyis rab tu phye'o/ /de la don gyi bye brag ni don de nyid yang dag par bstan par bya ba la chos kyi tshig dang yi ge tshang med pa'o/ /tshig dang yi ge de yang zlos pa med pa'i phyir gong nas gong du spobs pa tshad mang? de de bas na de bzhin bshegs pa'i chos bstan pa ni ngo mtshar rmad du byung ba'i chos dang ldan pa yin te/ don gcig la yang tshig dang yi ge bzlos pa med pa tshad med pa dag gis yang dag par bstan pa'i phyir ro/ /bstan ba'i brda'i don rtogs pa shes pas na rtogs pa dang ldan pa yin no/ /rang bzhin dang thos pa dang bsams pa'i shes rab kyi sgo nas ni blo dang ldan pa'o/ /mnyam par gzhag pa'i phyir na dran pa dang ldan pa'o/ /bden pa khong du chud pas na shes rab dang ldan pa ste/ dang pos ni bstan to/ /gsum gyis

  670. 335b

    ni bshad pa yin par rig par bya'o/ /gang gi phyir dge slong sngon thos pa dang bsams pa las byung ba'i tshul bzhin yid la byed pas lus la sogs pa la lus la sogs pa tsam du lta ba dran pa nye bar gzhag ste/ chos rnams thams cad bdag med par shes nas thos pa dang bsams pa tsam gyis kyang chog par mi 'dzin te/ sems mnyam par gzhag pa ni rnam par grol bar 'gyur ro/ /snyam nas ting nge 'dzin du bya ba'i phyir rab tu dben par gnas shing lus la sogs pa tsam du dmigs pa kho nas de sems gnas pa rnam pa dgus nang rnam par zhi ba 'ba' zhig tu 'gyur ro/ /de'i dran pa nye bar gzhag pa bzhi ni rgyu gnyis kyis brtsams pa dang/ rab tu brtsams par 'gyur te/ tshul bzhin yid la byed pa yang dag pa ji lta bzhin du shes pa dang/ ting nge 'dzin yang dag pa ji lta ba bzhin du shes pa'i phyir te/ de'i 'og tu shes rab yang dag pa ji lta ba bzhin du shes pas mthar thug par 'gyur ro/ /gang gi phyir dge slong ni gnyen po rnam pa gsum la ji ltar 'dod pa bzhin thob pa dang/ tshogs med par thob pa dang/ dka' ba med par thob par 'gyur te/ 'di lta ste/ mi rtag pa'i 'du shes dang/ byams pa dang/ mtshan ma med pa'o/ /de yang gnyen po rnam pa gsum po nges ci rig par snga ma bzhin du yid du 'ong ba la sogs pa mi mthun pa'i 'du shes dang/ mi mthun pa med pa'i 'du shes dang/ de gnyis ka nges par spangs nas btang snyoms dang dran pa dang shes bzhin gyis gnas te/ des ni dran pa nye bar gzhag pa bsgoms par rig par bya'o/ /sdom ni/ rtsa ba la sogs ro myang ba/ /snga ma phyi ma'i khyad par dang/ /mtshan mar 'dzin dang kun nas dkris/ /'bras bu yang ni tha ma yin/ /rtsa ba gsum po 'di dag ni dran pa nye bar gzhag pa dge ba'i tshogs kyi bgegs kyi gnas yin pa'i phyir mi dge ba'i tshogs su gyur pa yin par rig par bya'o/ /gsum gang zhe na/ phyi ma la ngan song gi sdug bsngal la gnas par 'gyur pa'i phyir nyes par spyod pa'i rtsa ba dang/ tshe 'di la sdug

  671. 336a

    bsngal la gnas pa'i phyir rtog pa'i rtsa ba dang/ rtsa ba'i rtsa ba ste/ nyes par spyod pa'i rtsa ba de dang rtog pa'i rtsa ba de'i rtsa ba gang yin pa de ni rtsa ba'i rtsa ba zhes bya'o/ /de la chags pa la sogs pa mi dge ba'i rtsa ba gsum po rnams ni lus la sogs pa'i nyes par spyod pa'i rtsa ba'o/ /'dod pa la sogs pa'i 'du shes gsum ni 'dod pa la sogs pa'i rtog pa'i rtsa ba'o/ /'dod pa la sogs pa'i khams gsum ni chags pa la sogs pa rtsa ba gsum dang/ 'dod pa'i 'du shes la sogs pa'i rtsa ba gsum gyi rtsa ba yin par rig par bya'o/ /dran pa nye bar gzhag pa rnams la brtson pa'i dge slong ni 'jig rten gyi lam gyi 'dod pa rnams las dben pa zhes bya ba nas rgyas par srid pa'i rtse mo'i snyoms par 'jug pa'i bar du bsgrub te gnas so/ /des de'i ro myang bar byed cing /de tsam gyis chog par 'dzin te/ ma thob pa thob par bya ba'i phyir gong du rtsol bar yang mi byed pa de ni 'phags pa'i chos 'dul ba la skyes bu chen po zhes mi bya'o/ /de ci'i phyir zhe na/ sems shin tu rnam par grol ba ma yin pa'i phyir ro/ /de las bzlog pa ni skyes bu chen po yin par rig par bya'o/ /'di la dge slong lus la sogs pa la lus kyi rjes su lta zhing gnas pa ni nang du sems gnas pa rnam pa dgus sems rnam par sdud par byed mod kyi/ de'i sems de yang zhi gnas kyi mi mthun pa'i phyogs lus dang sems kyi rmugs pa dang zhum pa las rnam par grol ba ma yin no/ /rnam par grol bar ma gyur pa'i phyir de ltar mngon par bsdud pa'i sems la lus kyi rmugs pa dang sems kyi zhum pa yang skye bar 'gyur ro/ /gal te dran pa nye bar gzhag pa rnams la sems shin tu brtan par gnas pas nye ba'i nyon mongs pa skyes par rig nas/ nang du mngon par bsdus pa de las sems de btang ste/ phyi rol gyi dga' bar 'gyur ba'i sdug ba'i mtshan ma de bzhin gshegs pa la

  672. 336b

    sogs pa'i yon tan gyi rnam pa'i? dmigs pa la sems gtong par byed de/ de dmigs pa des mchog tu dga' ba skye bar 'gyur ba nas/ rgyas par rab tu 'dzin pa'i sgo nas de la dmigs pa'i sems mnyam par 'jog la nye ba'i nyon mongs pa zhi gnas kyi mi mthun pa'i phyogs de las kyang rnam par grol bar 'gyur ro/ /de nas nye ba'i nyon mongs pa de las sems rnam par grol bar rig nas/ gang gi don du phyi rol tu ched du bstad pa'i don de thob pas na phyir yang snga ma bzhin du mngon par sdud par byed de/ phyis nye ba'i nyon mongs pa nges nye bar nyon mongs par mi 'gyur ro/ /des mngon par bsdus nas phyi rol tu ched du ma bstad par yang bdag ni rnam par grol lo snyam du sems shin tu brtan par gnas pa des ni snga ma las phyi ma dmigs pa rnams la yongs su rtog pa/ 'bad pa dang bcas pa/ mngon par 'du byed pa dang bces pa'i sdug bsngal 'byung ba de dge las dben pa dang btang snyoms dang bde bar gnas pa dang zhi gnas yongs su 'grub par 'gyur te/ de ltar dran pa nye bar gzhag pa bzhi la sems shin tu brtan par gnas pa des ni snga ma las phyi ma khyad pa 'du gyur par shes te/ gang zab de ni sngar lhag mthong la brten te/ zhi gnas la sbyor bar byed pa yin par rig par bya'o/ /dran pa nye bar gzhag pa la brtson pa'i dge slong lhag mthong la brten nas zhi gnas la sbyor bar 'dod pas ni nang gzhi gnas la rang gi sems bstang pa las mtshan ma 'di ltar gzung bar bya ste/ bdag gis ci zhig yid la byas shing /bdag gis ji ltar yid la byas na sems zhi gnas la bstad pa na/ zhi gnas kyi phyogs kyi lus dang sems kyi rmugs pa dang zhum pas nye bar nyon mongs par 'gyur la/ ci zhig ji ltar yid la byas na ni nye par nyon mongs par mi 'gyur snyam du mtshan ma bzung bar bya'o/ /gal te dge slong des de ltar rang gi sems la mtshan ma ma bzung na ni kun nas nyon mongs pa des sems de nye bar nyon mongs par 'gyur bar rig

  673. 337a

    nas/ phyi rol gyi dga' bar byed ba'i dmigs pa las mtshan mar 'dzin par byed de/ de'i rgyus re zhig des nye ba'i nyon mongs 'byung zhing mngon sum du gyur pa de spongs mod kyi/ 'on kyang gang gi tshe yang snga ma bzhin du mngon par sdung? ba nang de bzhin du yang nye ba'i nyon mongs pa de nyid kyis nye ba'i nyon mongs par 'gyur zhing mnyam par gzhog par mi 'gyur te/ 'di ltar sngar rang gis sems la mtshan ma ma bzung ba'i phyir dang/ pag la nyal ma bton pa'i phyir ro/ /de rgyu de dang nye ba'i nyon mongs pa nges phyir zhing bcom par 'gyur te /phrod pa'i don ma thob bo snyam nas yid mi bde bas 'phongs par yang 'gyur la/ shin tu yun ring por yang nang gi sems kyi zhig nas de thob par mi 'gyur ro/ /zhi gnas la brten pas sngar lhag mthong yongs su dag pa'i dbang gis byung ba'i dran pa dang shes bzhin mchog kyang thob par mi 'gyur te/ nang gi sems kyi zhi gnas ma thob pas ni lhag pa'i sems las byung ba tshe 'di la bde bar gnas pa bzhi thob par mi 'gyur ro/ /dran pa dang shes bzhin mchog ma thob pas ni/ sngon thob ma myong ba'i grub pa dang bde ba bla na med pa mya ngan las 'das pa thob par mi 'gyur ro/ /de las bzlog pa thams cad ni dkar po'i phyogs kyis sngon ma thob pa'i grub pa dang bde ba bla na med pa mya ngan las 'das pa'i bar du thob par 'gyur bar rig par bya'o/ /de la g.yos mkhan lta bu'i rnal 'byor spyod pa'o/ /jo bo ji lta bu ni zhi gnas la gtang pa'i sems so/ /tshod ma lta bu ni mtshan mar 'dzin pa'o/ /zas dang gos rgya chen po lta bu ni nang gi sems gyi zhi gnas la sogs pa yin par rig par bya'o/ /nag po'i phyogs las ni byis pa yin par rig par bya'o/ /dkar po'i phyogs las ni mkhas pa yin par rig par bya'o/ /dran pa nye bar gzhag pa bsgom pa'i rtson pa'i dge slong so so'i skye po ni chags par

  674. 337b

    'gyur ba'i yul rgya chen po mngon sum du gyur pa 'am/ yang na gcig pus gnang ba thob pas na brjed dus pas tshul bzhin ma yin pa'i 'du shes la brten nas 'dod chags kun nas dkris pa drag po bskyed par byed do/ /de kun nas bkris pa de la ngo tsha bas gnas te/ bdag nyid skobs su chung pa bzhin du sems pas 'bral bar bya ba'i phyir drag tu 'bad par byed do/ /de ltar byas nas kyang kun nas dkris pa de las grol bar 'gyur ro/ /grol nas kyang yid bde bar 'gyur te/ re'i 'og tu yang skyo ba drag por ro/ /skyo pa thob nas kyang de'i 'og tu mi rtag pa'i 'du shes kyi gshol chen po lta bus rmos shing 'du byed kyi rnam pa thams cad khag ma lta bur brlog pa na/ bden pa'i tshul ni yang dag pa ji lta ba bzhin du mngon par rtogs nas mya ngan las 'das pa la bsam pa gzhag ste/ slob pas yang spyod pa'i yid la byed pas yul rgya chen po de sdug par yid la byed de/ 'dod chags kyi bag la nyal de ma spangs pas 'dod chags kyi kun nas dkris pa de glo bur du skyes nas mngon sum du 'gyur ro/ /de de la nyes dmigs su lta bas kun nas dkris ba de bag la nyal dang bcas pa spang bar bya pa'i phyir mtshan ma med pa la snyams par 'jug ste de ltar na de lhag ma spong ba yin no/ /de ting nge 'dzin de las langs te spangs pa yang khong du rlung? nas rnam par grol ba'i dga' pa dang bde ba yang nyams su myong la/ bdag nyid ni ye shes kyi stobs chen po'i stobs dang ldan la/ bdud kyi phyogs na stobs chung bar yang dag par mthong ngo/ /dran pa nye bar gzhag pa bzhi bsgom pa de ni mchog tu khyad par du 'phags pa'i mdza' i 'bras bur 'grub pa yin bas na 'bras bu che bar rig par bya'o/ /mchog tu bde ba khyad par du 'phags pa'i phan yon 'grub par 'gyur bas na phan yon chen po yin par rig par bya'o/ /sdom ni

  675. 338a

    slob dpon gangs ri 'dzud pa dang/ /brtun dpe gnas dang rnam par dag /rim pa tshul khrims phun sum tshogs/ /gra ma ldan pa tha ma yin/ /phyi rol gyi mu stegs can ni rang gi slob ma rnams kyi nang du slob dpon du rnam par 'jog ste/ rnyed pa 'dod cing bkur sti 'dod nas rigs kyi bu bdag la phan par 'dod pa zhig der rkyen dang phrad nas rab tu byung ba la 'di skad du khyod tshur da'i yo byad thams cad la thun mong du longs spyod cing 'dug la/ khyod kyis da'i bsngags pa gzhan dag la brjod cig /skyon yang 'di lta ste/ bcab pa'i phyir srungs shig /ngas kyang khyod la de bzhin du bya'o/ /bdag cag gnyis gcig gis gcig bsrungs na rgyal po rnams dang zhang blon rnams nas ded dpon rnams kyi bar dag las rnyed pa thob par 'gyur la/ bkur bar yang 'gyur ro/ /zhes zer la/ de skad zer ba'i slob dpon de la bdag la phan par 'dod pa'i slob mas 'di skad du de ltar ni lta bar mi bya ste/ grogs pos bsrungs pas ni ngan 'gror 'gro ba'i nyes pa de dag las bdag nyid bsrung bar mi 'gyur te/ de bas na khyod dang bdag gis kyang bdag nyid de ma yin pa zhig gis srung dgos so/ /de ma yin pas bdag gis khyod bsrungs sam khyod kyis bdag bsrungs na ni bsrungs par mi 'gyur ro zhes smras na /don de la ni slob ma de nyid rigs par smra ba dang mkhas pa yin par rig par bya ste/ tshe phyi ma ched cher 'dzin pa'i phyir ro/ /slob dpon ni byis pa yin te/ tshe 'di ched cher 'dzin pa'i phyir ro/ /nyon mongs pa dang yang bcas pas na/ gzhan la mtho 'tsham par byed do/ /des na nyon mongs pa dang bcas pa'i phyir bdag nyid kyang bsrungs pa ma yin la /de'i rgyus gzhan la rnam par mtho btsams pas gzhan dag kyang bsrungs pa ma yin no/ /de la snga ma bzhin du kun tu

  676. 338b

    bsten pa la sogs pas ni 'di lta ste/ bdag bsrung ba'i phyir nyon mongs pa spang bar bya'o/ /de'i 'og tu de spang ba'i rgyu las byung ba gzhan la rnam par mtho 'tsham pa la sog pas ni gzhan yang bsrung bar bya'o/ /de la khro ba mi skyed pa dang rnam par mi 'tshe ba gnyis ni rnam par mtho mi 'tsham pa'i don du rig par bya'o/ /rjes su snying brtse ba ni phan pa'i sems so/ /byams pa'i sems ni bde ba'i sems so/ /rjes su snying brtse ba dang byams pa'i sems gnyis ni snying brtse ba'i don du rig par bya ste /snying brtse na gzhan la rnam par mtho 'tsham par mi 'gyur te/ de bas na 'di dag thams cad ni snying brtse ba'i rnam grangs su rig par bya'o/ /legs par gsungs pa'i chos 'dul ba ni gangs kyi ri lta bu yin par rig par bya'o/ /de la cha gsum yod de/ mi slob pa'i sa rang? /slob pa'i sa dang/ so so'i skye bo'i sa'o/ /tshul bzhin ma yin pa'i yid la byed pa dang ldan pa'i sems ni spre'u lta bu'o/ /bdud ni rngon pa lta bu'o/ /de la mi slob pa'i sa la ni gnyis ka'i gnas med do/ /slob pa'i sa'i phyir mi 'ong ba rnams la ni tshul bzhin ma yin pa yid la byed pa dang ldan pa'i sems spre'u lta bu gcig gi gnas ni yod la/ bdud rngon pa lta bu'i ni med do/ /so so'i skye bo'i sa la ni gnyis ka'i gnas yod par rig par bya'o/ /de la byis pa ni yul gzhan gyis yul gzhan las nges par 'byung bar lta ste/ yul gzhan yongs su tshol ba na yang yul gzhan gyis bcings par 'gyur te/ de bas na yul las kyang yongs su grol bar mi 'gyur ro/ /dam pa'i chos nyan pa dang/ 'chang ba dang/ don rtogs pa dang/ chos kyi rjes su mthun pa'i chos la nan tan du sgrub par rnams kyis ni 'dzud pa dang 'dul ba dang/ gzhag pa dang dgod pa'i don du go rim bzhin du rig par bya'o/ /chos gsum gyis ni 'grig pa'i 'dod chags kyis kun nas dkris pa rgya chen po yang spong bar 'gyur na/

  677. 339a

    'dod pa'i 'dod chags kyis kun nas dkris pa ngan pa lta ci smos te/ gsum gang zhe na/ brtson 'grus kyi stobs dang/ bag yod pa'i stobs dang/ gnyen po'i stobs so/ /de la brtson 'grus kyi stobs kyis ni skyes pa rnams dang du mi len to/ /gnyis kyis ni ma skyes pa mi skye bar byed do/ /de ltar na rnal 'byor de ni skyes pa rnams spang ba dang/ ma skyed pa rnams mi skyed pa'i phyir zhugs pa yin no/ /dran pa nye bar gzhag pa bzhi ni gus par sgom par rig par bya ste/ 'di lta ste/ nyan thos kyi sa las 'byung ba bzhin no// bdud kyi gnas zhes bya ba ni 'dod pa'i khams te/ gang las phyir mi 'ong ba 'das par 'gyur ba yin no/ /'chi bdag gi gnas zhes bya ba ni sring ba'i rtse mo man chad de gang las dgra bcom pa 'das bar 'gyur ba yin no// //rnal 'byor spyod pa'i sa las gzhi bsdu ba/ bam po nyi shu gcig pa/ /rnam par ma dag pa'i sems can zhes bya ba ni so so'i skye bo rnams so/ /rnam par dag pa ni slob pa rnams so/ /yongs su byang ba ni mi slob pa rnams so/ /gang las shes nas dad pa zhes 'byung ba ni sems can rnam par ma dag pa rnams rnam par dag par bya ba dang/ rnam par dag pa rnams yongs su byang bar bya ba'i phyir te/ de las slob pa gong ma ni rnam par dag pa ste/ bsgom pa'i lam gyis rnam par dag pa'i slob ba de rnams kyi yin par rig par bya'o/ /lhag ma ni snga ma bzhin no/ /dran pa nye bar gzhag pa bzhi bsgom pa ya ni rim pa lnga yod par rig par bya ste/ dad pa'i sgo nas nges par 'byung ba dang/ tshul khrims bsdam pa dang/ dbang po bsdam pa dang/ rab tu dben par gnas pa dang/ sgrib pa rnam par dag pa'o/ /khyim pa rnams ni dran pa nye bar gzhag pa bsgom pa la dad pa yang yong sgrib pa yang rnam par dag mod bslab pa'i gzhi rnams ma tshang zhing yongs su ma rdzoD par rig par bya'o/ /dge slong tshul khrims dang ldan pa ni rgyu gsum gyis tshul bzhin du 'tsho ba phun sum

  678. 339b

    tshogs pa yin par rig par bya ste/ gsum gang zhe na/ spyod pa phun sum tshogs pa dang/ len pa phun sum tshogs pa dang/ //longs spyod pa phun sum tshogs pa'o/ /de la longs spyod pa phun sum tshogs pa ni nyo tshong nas bzung ste/ gsod pa dang/ 'ching ba dang/ gcod pa dang/ rdeg pa lhur len pa'i bar du spong ba'o/ /len pa phun sum tshogs pa ni glang po che dang rta la sogs pa len pa nas 'bras rjen pa len pa'i bar du spong ba'o/ /longs spyod pa phun sum tshogs pa ni lus gang gi gos tsam dang/ lto gang gi zas tsam gyis chog bar 'dzin pa dang/ dus ma yin pa'i zas spong ba'o/ /lus la sogs pa'i chos bzhi ni lam gyi bzhi mdo lta bu'o/ /de dag la tshul bzhin ma yin pa yid la byed pa ni 'bras dang nas kyi gra ma bsnyal te bzhag pa lta bu'o/ / de dag la tshul bzhin yid la byed pa ni 'bras dang nas kyi gra ma legs par bzhag pa lta bu yin par rig par bya'o/ /'dod pa'i khams mnyam par ma gzhag pa'i sa ni pags pa lta bu'o/ /gzugs dang gzugs med pa'i khams mnyam par gzhag pa'i sa ni sha lta bu'o/ /ma rig pa'i khams gsum du zag pa gsum gyi zag par 'gyur pa'i don gyis khrag lta bu'o/ /rnam pa gnyis kyis sngar bstan pa'i chags pa la sogs ba sdig pa mi dge ba'i chos rnams pa du ma dang ldan pa ni dran pa nye bar gzhag pa bzhi bsgom pa'i skal pa med de/ ldan pa gang yang thams cad du bskal ba med pa ni ma yin no/ /gnyis gang zhe na/ chags pa la sogs pa'i kun nas dkris pa yang yod pa dang/ kun das dkris pa de yang nyes dmigs su mi lta ba ste/ mngon sum du gyur pa ma ni sems kun nas nyon mongs pa can du gyur pas bsgom pa'i skal pa med la bral bar gyur pa na yang dang yang du dang du len pa'i tshul can yin pa dang/ mi lta bar mi byed pa'i phyir chags pa la sogs pa'i gnas kyi chos rnams la sems rnam par

  679. 340a

    g.yeng bar 'gyur zhing 'phrog par 'gyur la rtog pas rnam par dkrug par 'gyur te/ de'i phyir yang bsgom pa'i skal ba med do/ /de lta ma yin te/ gal te gang la la dang du mi len pa'i tshul can yin du zin kyang skal ba med na ni de lta na su la yang dran pa nye bar gzhag pa bzhi bsgom pa'i skabs med par 'gyur ro/ /sdom ni/ spro dang stobs bsgom ting 'dzin dang/ /rnam grangs rdzu 'phrul tha ma yin/ /yang dag pa'i spong pa bzhi rnam par bzhag pa ni 'di lta ste/ nyan thos kyi sa las 'byung ba bzhin no/ /spro ba ni tshig lnga pa'o/ zhes bya ba gang yin pa de la spro ba gang zhe na/ snga ma bzhin du brtson 'grus brtsams pa las byung ba dang/ 'dzag snod byed dang khams ma snyoms pa dang/ gzhan gyi tshig rtsub po dang gnod pa las byung pa'i sdug bsngal dang du len par byed kyi/ de'i rgyus yang dag pa'i spong ba las sbyor ba las phyir mi ldog pa ni spro ba zhes bya'o/ /rdzu 'phrul gyi rkang la bzhi rnam par bzhag pa ni rgyas par 'di lta ste/ nyan thos kyi sa las 'byung ba bzhin du rig par bya'o/ /mdor bsdu na ni sems mnyam par gzhag pa'i phyir stobs bzhis rdzu 'phrul gyi rkang pa bzhi rnam par bzhag go /bzhi gang zhe na/ bsam pa dag pa'i stobs dang/ 'bad pa'i stobs dang/ sems mngon par dga' ba'i stobs dang/ shes rab kyi stobs so/ /de la stobs dang pos ni ting nge 'dzin la 'dun pa skyes nas de thob par bya ba'i phyir brtson zhing 'bad par byed do/ /stobs gnyis pas ni sems de thog ma kho nar gnas par byed cing mnyam par gzhog par byed do/ /stobs gsum pas ni gnas shing mnyam par gzhag pa las phyi rol du 'phro ba'i tshul gyis g.yengs par mi byed do/ /stobs bzhi pas ni ting nge 'dzin gyi mi mthun pa'i phyogs kyi nyon mongs pa rnams spangs pa dang ma spangs pa spong cing rab tu shes la

  680. 340b

    ting 'dzin la gnas pa dang ldan pa'i mtshan ma rnams rab tu shes shing rtogs so/ /de bzhin du zhi gnas la sogs pa'i mtshan ma rnams dang/ zhi gnas dang lhag mthong gi nye ba'i nyon mongs pa dang/ nye ba'i nyon mongs pa'i gnyen po yang dag pa ji lta ba bzhin du rab tu shes te/ ting nge 'dzin 'dod pas ting nge 'dzin la ting nge 'dzin du bya ba ni de kho nar zad de 'di las gong na yang med do/ /'di las lhag pa yang med do/ /rdzu 'phrul gyi rkang pa rnams ni mdor bsdu na rgyu lngas bsgom par rig par bya ste/ zhi gnas gyi phyogs dang mthun pa'i nye ba'i nyon mongs pa rnam par spang ba dang/ lhag mthong gi phyogs dang mthun pa'i nye ba'i nyon mongs pa rnam par spang pa dang/ lhag mthong gi phyogs dang mthun pa'? dmigs pa la sen nye bar 'dogs pa dang/ zhig nas kyi phyogs dang mthun pa'i dmigs pa la sems nye bar 'dogs pa dang/ de gnyis ka'i phyogs dang mthun pa'i dmigs pa la sems nye bar 'dogs pa'o/ /de la zhi gnas kyi phyogs dang mthun pa'i nye ba'i nyon mongs pa ni me lo dang ldan pa dang/ rmugs pa dang gnyid dang ldan pa'i 'dun pa la sogs pa ste/ le lo dang ldan pa'i 'dun pa la sogs pa ni rmugs pa dang gnyid dang ldan pa rnams kyi rten gyi tshul gyis rig par bya'o/ /de la rgod pa dang ldan pa'i 'dun pa la sogs pa dang/ 'dod pa'i yon tan gyis g.yengs pa dang ldan pa rnams ni lhag mthong gi phyogs dang mthun pa'i nye ba'i nyon mongs pa yin par rig par bya'o/ /rgod pa dang ldan pa rnams ni g.yengs pa dang ldan pa rnams kyi rten gyi tshul gyis rig par bya'o/ /de la lo lo dang ldan pa'i 'dun pa la sogs pas ni zhi gnas kyi phyogs dang mthun pa la kun nas nyon mongs pa can du gnas par 'gyur la thams cad kyi thams cad du zhi gnas las nyams par mi 'gyur ro/ /rmugs pa dang gnyid dang ldan pa rnams kyis ni kun nas nyon mongs par

  681. 341a

    gnas bar yang 'gyur la zhi gnas las kyang nyams par 'gyur ro/ /rgod pa dang ldan pa'i 'dun pa la soD pas ni lhag mthong la kun nas nyon mongs ba can du gnas par 'gyur la/ thams cad kyi thams cad du lhag mthong las nyams par ni mi 'gyur ro/ /g.yengs pa dang ldan pa rnams kyis ni kun nas nyon mongs par gnas par yang 'gyur las lhag mthong las kyang nyams par 'gyur ro/ /de la lhag mthong gi phyogs dang mthun pa la dmigs pa ni phyi ma dang snga mar 'du shes te/ de yang snga ma bzhin du 'di lta ste nyan thos kyi sa las 'byung ba bzhin du rig par bya'o/ /zhi gnas kyi phyogs dang mthun pa ni steng dang 'og tu 'du shes te snga ma bzhin du rig par bya'o/ /de gnyis ka'i phyogs dang mthun pa la dmigs pa ni snang bar 'du shes pa ste/ de gnyis ka'i phyogs la spyod pa'i snang ba dang ldan pa'i sems bsgom pa'o/ /de ma yin pa 'di lta ste/ 'dun pa la sogs pa le lo dang ldan pa rnams la le lo dang ldan pa zhes bya ba de ltar brtson 'grus le lo dang mtshungs par ldan pa de ni med do/ 'on kyang rgyud la yod pa'i legs pa'am brtsams pa'i brtson 'grus ltod pa gang yin pa de ni le lo dang ldan pa zhes bya ste de ni ting nge 'dzin 'dod pa'i ting nge 'dzin mngon par bsgrub pa'i phyir rnam pa lngas rnam par thams cad du bsgom par rig par bya'o/ /rnam par grol pa'i skye mched lnga la ni ci rigs par 'dun pa la sogs pa'i dbang gis byung ba'i ting nge 'dzin rnam pa bzhi yod par rig par bya ste/ de la bge slong pas ma pa dag pa rtogs par bya ba'i phyir 'dun pa drag po dang ldan pa shes par 'dod pa ni de bzhin gshegs pa 'am/ de bzhin gshegs pa'i nyan thos la gus par chos mnyan la mnyan pa'i 'og tu ting nge 'dzin rtogs pa ni 'dun pa las byung ba'i ting nge 'dzin yin par rig par bya'o/ /ji ltar thos pa dang ji ltar kun chub par byas pa'i chos rnams la ched du bstan

  682. 341b

    nas brtson 'grus chen po brtsams pas bzhan dag la yang dag par ston cing skad chen pos kha ton du byed do/ /de'i 'og tu de'i rgyu las byung ba'i ting nge 'dzin gang yin pa de ni brtson 'grus kyi dbang gis byung ba'i ting nge 'dzin ces bya'o/ /ting nge 'dzin gyi mtshan ma bzang ngo/? legs par bzung pa yid la byed de/ rnam par bsngos pa la sogs pa nas keng rus la thug pa'i bar du de la dmigs nas ting nge 'dzin skye ba gang yin pa de ni sems kyi dbang gis byung ba'i ting nge 'dzin to/ /ji ltar thos pa dang ji ltar kun chub par byas pa'i chos rnam gcig bu dben par 'dug nas sems shing 'jal la yongs su dpyod par byed pa na/ de'i rgyu las byung ba'i ting nge 'dzin skye ba gang yin pa de ni dpyod pa'i ting nge 'dzin ces bya'o/ /rnam grangs gzhan yang sgo bzhi nas ting nge 'dzin skye bar 'gyur te/ snga ma bzhin du gzhan las 'dun pa skyes pa'i dam pa'i chos mnyan pa'i sgo dang gzhan gyi gdams ngag dang/ rjes su bstan pa'i kho na la rten nas/ rtag tu gus par sbyor bas dngos bzhi'i ting nge 'dzin la ma zhugs te/ de la 'jug pa'i gdams ? sgo nas dngos gzhi'i ting nge 'dzin la zhugs pa'i sems mngon par dga' ba'i sgo nas gong? nas gong du ting nge 'dzin 'phar ba'am mang du thos pa thos pa'i gzhir gyur pas bdag nyid kyis chos de dag tshul bzhin du yongs su dpyod ba dpyod pa'i sgo'o/ /de la sgo dang pos ni 'dun pa'i dbang gis byung ba'i ting nge 'dzin to/ /gnyis pas ni brtson 'grus kyi dbang gis byung ba'o/ /gsum pas ni sems kyi dbang gis byung ba'o/ /bzhi pas ni dpyod pa'i dbang gis byung ba'i ting nge 'dzin du rig par bya'o/ /lhag ma spong ba'i 'du byed rnams kyi rnam par dbye ba ni 'di lta ste/ nyan thos kyis las 'byung ba bzhin no/ /'phags pa rnams ni rdzu 'phrul gyi rkang pa sgom pa la brten nas 'phags pa'i rdzu 'phrul mngon par sgrub bo/ /'di las phyi rol ba rnams la ni 'phags pa'i rdzu 'phrul bsgrub

  683. 342a

    pa'i phyir rdzu 'phrul gyi rkang pa bsgom pa med do/ /'phags pa ni 'phags pa'i rdzu 'phrul bsgrubs nas 'dod na che'i 'du byed rnams rnam par bskyed nas bskal pa'am bskal pa las lhag pa ste/ bskal pa de'i 'og tu yang gnas so/ /gang zag rigs shin tu rnam par dag par gyur pa la ni dbyig tu gyur pa zhes bya ste/ de yang chos 'di pa 'ba' zhig yin par blta bar bya'o/ /'phags pa'i sprul pa'i rdzu 'phrul gyis kyang rnam pa bzhi ni sprul mi nus te/ dbang po dang/ sems dang sems las byung ba'i chos rnams dang las dang las kyi rnam par smin pa'o/ /de la las bde ba myong bar 'gyur ba gang yin pa de ni rang bzhin las gzhan du yongs su sgyur ba'i rdzu 'phrul gyis sdug bsngal myong bar 'gyur ba gzhan du bsgyur mi nus so/ /bde ba myong bar 'gyur ba sdug bsngal myong bar 'gyur bar bsgyur ba ji lta ba de bzhin du sdug bsngal myong bar 'gyur ba yang bde ba myong bar 'gyur bar bsgyur mi nus par rig par bya'o/ /sdug bsngal ba yang ma yin bde ba yang ma yin pa myong bar 'gyur pa'i las gang yin pa de ni gtan du sdug bsngal ba yang ma yin/ bde ba yang ma yin par myong bar 'gyur ba 'ba' zhig tu gyur cig ce 'am/ bde ba yang ma yin sdug bsngal ba yang ma yin pa myong bar 'gyur ba myong bar ma gyur cig ces bya bar yang byin gyis rlob pa'i rdzu 'phrul gyis brlab par mi nus so/ /tshe 'di la myong bar 'gyur ba'i las gang yin pa de tshe phyi ma la myong bar gyur cig ces bya ba 'am/ yang na tshe phyi ma la myong bar 'gyur ba gang yin pa de'i tshe 'di la myong bar gyur cig ces bya bar yang dus gzhan du yongs su bsgyur ba'i rdzu 'phrul gyis yongs su bsgyur bar mi nus so/ /sdom ni/ rnam par gzhag dang spyod yul gyi/ /yul dang shes rab dbang po gtso//

  684. 342b

    phyi rol so so'i skye bo yi/ /phyogs la gnas pa tha ma yin/ /dbang po nyi shu rtsa gnyis ni mdor bsdu na gnas drug gi dbang gis rnam par bzhag par rig par bya ste/ 'di lta ste/ yul 'dzin pa dang rigs kyi rgyud gnas pa dang 'tsho ba'i rgyur las kyi mdza' tha dad pa la sbyor ba'i skyes bu'i byed pa dang/ sdug pa dang mi sdug pa'i sngon gyi las byas pa'i 'bras bu la longs spyod pa dang/ las gsar du byed pa dang/ 'jig rten pa'i 'dod chaD dang 'bral bar 'gyur ba dang/ 'jig rten las 'das pa'i 'dod chags dang bral bar 'gyur ba'o/ /de la mig la sogs pa nas yid la thug pa'i dbang po rnams ni yul 'dzin pa dbang byed do/ /skyes pa dang bud med kyi dbang po gnyis ni rigs kyi rgyud gnas pa la bu dang tsha bo'i sgo nas dbang byed do/ /'tsho ba'i dbang po ni 'tsho ba'i rgyur 'tsho bsgrub 'dod pa rnams kyi las kyi mdza' tha dad pa la sbyor ba la skyes bu'i byed pas dbang byed do/ /bde ba la sogs pa nas btang snyoms la thug pa'i dbang po rnams ni sdug pa dang mi sdug pa'i sngon gyi las kyi 'bras bu la longs spyod pa dang las gsar du byed pa la dbang byed do/ /dad pa la sogs pa nas shes rab la thug pa'i dbang po lnga ni 'jig rten pa'i 'dod chags dang bral bar 'gyur ba la dbang byed do/ /zag pa med pa gsum ste/ mi shes pa kun shes par byed pa'i dbang po dang/ kun shes pa'i dbang po dang/ kun shes pa dang ldan pa'i dbang po rnams ni 'jig rten las 'das pa'i 'dod chags dang bral bar 'gyur ba gtan du mthar thug pa la dbang byed do/ /'jig rten rnams kyi 'jig rten gyi don ni de tsam du zad de/ de la 'jig rten snang bar 'gyur ro/ /don de yang dbang po nyi shu rtsa gnyis kyis yongs su rdzogs te/ de bas na dbang po nyi shu rtsa gnyis kyis dbang po thams cad bsdus so/ /kha cig ni 'di snyam du sems te/ gal te nang gi bdag gang dbang po drug po 'di dag gi sgo nas yul la spyod pa de lta bu 'ba' zhig med de/ dbang

  685. 343a

    po drug po de dag nyid spyod yul sna tshogs dang/ yul sna tshogs dang ldan pa yin du zin na de lta na ni gal te dbang po drug po rnams rang gi yul nyams su myong bar zad na dbang po drug po 'di rnams kyi spyod yul gyi yul sus nyams su myong bar 'gyur snyam du seMs can/ de ni rten cing 'brel par 'byung ba mngon par mi shes pas 'du byed rnams la de ltar phyin ci log tu rtog pa yin par rig par bya'o/ /de la rten cing 'brel bar 'byung ba ni 'di yin te/ gang gi tshe rnal 'byor pa nang gi dbang po drug la tshul bzhin du dmigs pa bcas nas/ dran ba nye bar gzhag pa bzhi bsgom pa la zhugs na de'i tshe dran pa nye bar gzhag pa de dag gis dbang po drug po de rnams kyi spyod yul gyi yul nyams su myong bar 'gyur te/ bdag kyang de rnams rnam par dag pa la brten nas nges par 'byung bar 'gyur ro/ /nges dran pa nye bar gzhag pa bzhi po de dag nyid bsgoms nas bden pa khong du chud ma thag tu byang chub kyi yan lag bdun thob par 'gyur ro/ /de'i tshe byang chub kyi yan lag de dag gis dran pa nye bar gzhag pa de rnams kyi spyod yul gyi yul bden pa yang dag par nyams su myong bar 'gyur ro/ /byang chub kyi yan lag de dag kun tu bsten pa'i rgyus rig pa jar rnam par grol ba skye bar 'gyur te/ de'i tshe rig pa dang rnam par grol ba nges byang chub kyi yan lag de dag legs par bsgoms pas gong du bsgom pa bya ba med do snyam du spyod yul gyi yul nyams su myong bar 'gyur ro/ /nges nyon mongs pa thams cad yang dag par spangs pas na nyon mongs pa thams cad spangs pa'i mya ngan las 'das pa de la nga rgyal med par 'gyur ro/ /de nga rgyal med pas rig pa dang rnam par grol ba yod pa de dag la rig pa dang rnam par grol ba de ni yod de/ bdag gis thob po snyam du pa spyod yul gyi yul nyams su myong bar 'gyur ro/ /de yang 'dus byas kyi chos thams cad las

  686. 343b

    nges par 'gyur ba'i phyir rig pa dang rnam par grol ba las kyang nges par 'byung bar rig par bya'o/ /mya ngan las 'das pa la ni bzung ba dang 'dzin pa gnyis ka gdags pa med de/ /spros pa thams cad 'gags pa'i phyir ro/ /de bas na 'dus byas ji srid yod kyi bar du gong nas gong du gzung ba dang 'dzin pa dang 'dri ba dang lan gdab pa yod par 'thad do/ /'dus ma byas pa mya ngan las 'das pa la ni? tshul bzhin ma yin pa kho nar 'gyur te /de bas na bdag gi ni med kyi/ kun nas nyon mongs pa tsam dang rnam par byang ba tsam du bstan pa yin no/ /skyes bu gang zag shes rab dang ldan pa dbang po gsal ba'i rang bzhin can ni so sor brtags nas tshul bzhin du chos rnams yid la byas pas mya ngan las 'das pa la mngon par yid ches pa 'thob par 'gyur ro/ /de la brten nas brtson 'grus rtsom mo/ /de la brten nas lus la sogs pa'i dmigs pa la dran pa 'jog par byed do/ /de la brten nas mi dmigs pa la sems rtse gcig tu byed do/ /de la brten nas yang dag pa ji lta ba bzhin du rab tu shes shing yang dag pa ji lta ba bzhin du mthong ste/ de nyid kyi mthar thug par 'gro'o/ /de bas na dang po nas kyang shes rab dben pa yin la/ tha mar yang shes rab dben pa'i phyir shes rab kyi dbang po gtso po zhes bya'o/ /de bzhin gshegs pa rnams kyi byang chub las brtsams te/ dang pa nas shes rab kyi bar dang tha ma 'jig rten pa'i thob pa gang yin pa de yang su la med pa de ni 'di las phyi rol pa so so'i skye ba'i phyogs la gnas pa yin par rig par bya'o/ /gang la 'jig rten pa'i ni yod la/ 'jig rten las 'das pa'i ni med pa de ni 'dir so so'i skye bo'i phyogs la gnas pa yin te phyi rol pa ni ma yin no/ /gang la 'jig rten las 'das pa yod pa de ni thams cad kyi thams cad du so so'i skye bo'i phyogs la gnas pa ma yin pa kho nang rig par bya'o/ /sdom ni/ so sor brtags dang

  687. 344a

    blo dang ni/ /yul 'khor rgyal por bcas pa dang/ /dgra bcom pa dang slob pa dang/ /drang po yang ni tha ma yin/ /mdor bsdu na tshe 'di dang phyi ma'i nyes par spyod pa la nyes dmigs su mthong nas so sor brtags te nyes par spyod pa las ldog pa dang/ legs par spyod pa sgom pa ni so sor brtags pa'i stobs yin no/ /stobs de ni don gnyis sgrub pa yin te/ bde 'gror 'gro ba dang/ tshe 'di la yongs su mya ngan las 'da' ba ste/ bsgom pa'i stobs kyis bsdus pa'i dran pa nye bar gzhag pa bsgom pa'i rten gyi bya ba byed do/ /de la brten nas dran pa nye bar gzhag pa la sogs pa byang chub kyi phyogs dang mthun pa'i chos rnams bsgom pa'i gang yin par rig par bya'o/ /ngo tsha ba'i gnas rnam pa gsum ni so sor brtags pa'i stobs de'i grogs kyi bya ba byed pa ste/ 'jig rten na bcom ldan 'das kyi nyan thos rnams dang/ bstan pa la mngon par dga' ba'i pha rol gyi sems shes pa dag yod de/ de rnams kyis bdag smad par 'gyur ro snyam pa ni gzhag pa la gnas pa ste/ gnas dang po'o/ /rkyen du ma bab pa kun tu spyod pa'i rgyus bdag nyid kyis bdag smad par 'gyur ro snyam pa ni gnas gnyis pa'o/ /legs par gsungs pa'i chos 'dul ba la tshangs par spyod pa yod do/ /chos 'di ni tshangs par spyod pa la bar du gcod pa yin no snyam pa ni gnas gsum pa'o/ /ngo tsha ba de rnams kyi gnas gsum pa ni dbang giS 'byung ba gsum yin par rig par bya ste/ 'jig rten gyi dbang gis byung ba dang/ bdag gi dbang gis byung ba dang/ chos kyi dbang gis byung ba'o/ /bdag la phan pa sgrub pa dang/ gzhan la phan pa sgrub pa'i sgo nas stobs bzhi rnam par bzhag par rig par bya ste/ blo dang brtson 'grus dang kha na ma tho ba med pa dang/ bsdu ba'i stobs rnams so/ /de la tshe 'di la mya ngan las 'da' ba

  688. 344b

    yang rang gi don yin no /mtho ris su 'dro ba yang rang gi don yin no/ /de la rang gi don dang po'i sgo nas ni blo dang brtson 'grus kyi stobs gnyis rnam par bzhag ste/ de gnyis ka yang thabs dang bcas pa'i brtson 'grus yin dang rig par bya'o/ /rang gi don cig shos kyi sgo nas ni kha na ma tho ba med pa'i stobs rnam par bzhag ste/ stobs 'di gsum gyis rang gi don thams cad yongs su rdzogs so/ /gzhan la phan par 'dod pa rnams kyi ni gzhan gyi don lus te/ de'i sgo nas ni bsdu ba'i stobs rnams rnam par bzhag par rig par bya ste/ bsdu ba'i dngos po rnams ni 'di lta ste/ byang chub sems dpa' sa las 'byung ba bzhin du rig par bya'o/ /yul 'khor rgyal po dang bcas pa/ skyes pa dang bud med dang khye'u dang bcas pa/ byis pa dang mkhas pa dang bcas pa/ khyim pa dang rab tu byung pa dang bcas pa'i sgonas ni stobs bcu rnam par bzhag par rig par bya ste/ rgyal po rnams ni dbang phyug gi stobs can no zhes bya ba la sogs pa mdo las ji skad 'byung ba bzhin no/ /stobs brgyad dang ldan pa'i dgra bcom ba ni 'dod chags dang zhe sdang dang gti mug ma lus par zad pa nyams su myong ste/ sdig pa gang yin pa de ni mi byed la/ dge ba la ni brten to/ /dben pa dang nges par 'byung ba dang mya ngan las 'das pa la sems gzhol bas na yang srid par skye ba la ni phyogs so/ /de la mi phyogs bas na de'i rgyus sdig pa'i las mi byed de/ 'dod pa me mdag gi dong lta bur mthong bas na 'dod pa la mi phyogs so/ /de la mi phyogs pas na de'i rgyus sdig pa mi byed do/ /de stobs de gnyis kyis sdig pa gang yin pa de mi byed la de mi byed pas sgo drug nas dge ba la brten te /dran pa zhe bar gzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam gyi yan leg rnams so/ /de bzhin gshegs pa ni nyan thos

  689. 345a

    rnams dang nyid kyi bdag la phan pa dang gzhan la phan pa la zhugs pa'i khyad par gleng bar bzhed nas/ de'i phyir slob pa rnams kyi stobs ni lnga po 'di dag go /de bzhin gshegs pa'i ? ni bcu'o zhes gsungs so/ /de la slob pa'i stobs? lnga dang ldan pa dag la phan pa la zhugs pa'i nyan thos ni 'bras bu'i mchog dgra btsam pa thob ma thag? tu rang gi don yongs su rdzogs so /de bzhin gshegs par dgra bcom pa brnyes nas stobs bcus gzhan la phan pa la zhugs pa yin te/ gzhan la phan pa nyid de'i rang gi don yin no/ /de ni gang gi tshe 'dul ba'i bya ba thams cad yongs su rdzogs nas phung po'i lhag ma med pa'i mya ngan las 'das pa'i dbyings su yongs su mya ngan las 'da' ba de'i tshe/ bya ba byas pa/ don/ yongs su rdzogs par rig par bya'o/ /de ni dgra bcom pa rang gi don la zhugs pa gang yin pa dang/ gzhan gyi don de nyid de'i rang gi don yin pa de'i phyir rgyu 'di gnyis kyis kyang nyan thos las khyed par du 'phags so/ /de bzhin gshegs pa'i stobs bcu rgyas par rnam par dbye ba ni 'di lta ste/ byang chub sems dpa' i sa las 'byung ba bzhin du rig bar bya'o/ /gang zag bdag la phan par 'dod pa g.yo med pa sgyu can ma yin pa drang po rang gi don rtogs par 'dod pa'i rgyur bzhis nyes par bshad pa'i chos 'dul ba la bslu bar 'gyur bar rig par bya'o/ /legs par gsungs pa ni bslu ba med do/ /bzhi gang zhe na/ dam pa'i chos bstan pa dang/ yang dag pa'i gdams dag dang/ rjes su bstan pa dang /tshul bzhin du khong du chud pa dang/ rtogs pa'o/ /de la mos pa'i gnas ni dam pa chos mnyan pa zhes bya ste/ rgyu med pa dang rgyu mi mthun pa rnam par spangs pa dang/ rig pa dang ldan pa dang yang dag pa'i rgyu yongs su bstan pa'i phyir ro/ /de la yang dag ba'i

  690. 345b

    gdams dag dang rjes su bstan pa spong ba'i sbyor bston pa dang ldan pa'i chos tshig dang don gyi bsdus pa gang yin pa de dag ni snga ma'i mos pa'i bzhi dang gnas su gyur pa'i chos rnams mngon sum du byed par 'gyur ba yin no/ /gal te bdag pa phan par 'dod pa'i rigs kyi bu de rgyad las su rung ba chos 'dul ba 'di la 'jug par byed na de ni yang dag par bstan pa dang/ yang dag par gdams dag bstan pa yin te/ myur du khyad par du 'phags par 'gyur ro/ /de ni dran pa nye bar gzhag pa'i rnal brten nas khong du chud par bya ba tshul bzhin du khong du chud pa dang thob par bya ba thob par yang 'gyur ro/ /'dus byas kyi sgo nas mkhas pa rnams kyis yod par 'dzin pa dang/ yang par 'dzin pa gang yin pa de yang rab tu shes pa dang /'dus ma byas kyi sngo nas srid pa'i rtse mo man chad kyi mya ngan las 'das pa bla na yod pa la yang bla na yod par /bla na med pa la yang bla na med par rab tu shes pa 'di ni tshul bzhin du khong du chung pa yin no/ /de la dran pa nye bar gzhag pa la brten pas sems mnyam par gzhag ste/ byang chub kyi yan lag bdun bsgoms nas/ rig pa dang rnam par ? ? mngon sum du byed pa 'di ni rtogs pa yin par rig par bya'o/ /gal te rigs kyi bu de nyes par bshad pa'i chos 'dul ba la 'jug na ni de gnas 'di dag ma thob pas bsku bar 'gyur ro/ /sdom ni /rnam par bzhag dang bye bra gang ? chas rnams dang ni go rim dang/ /reg par gnas dang rin chen dbye/ /bsgom pa yang ni tha ma yin/ /zhi gnas dang lhag mthong dang gnyis ka'i phyogs dang mthun pa'i bye brag gis byang chub kyi yan lag rnams rnam par gzhag par rig par bya ste/ 'di lta ste/ nyan thos kyis las 'byung ba bzhin no/ /rang bzhin gyi bye brag dang/ dmigs pa dang gzhi'i mtshan ma'i bye brag gis byang chub kyi yan lag bdun cu? bzhir? 'gyur bar rig par bya ste/ dmigs pa dang gzhi'i mtshan ma gnyis kyi dbye ba ni 'di lta ste/ mnyam par gzhag pa'i sa dang/

  691. 346a

    nyan thos kyis las 'byung ba bzhin du rig par bya'o/ /byang chub kyi yan lag gi gnas kyi chos rnams la ni yid la byed pa rnam pa gnyis ril por byang chub kyi yan lag rnams kyi ? yin par rig par mya ste/ 'di lta lta ste/ phyin ci ma log pa yid la byed pa dang/ rgyun mi 'chad bar yid la byed ba'o/ /de las bzlog pa ni zas ma yin par rig par bya'o/ /thog ma dang bar dang tha ma rnams su yan lag gang yang rung ba mtshar na yang dag pa ji lta ba bzhin du rtogs par 'gyur par mi 'gyur ro/ /ji ltar 'tsham ba'i rten dang brten pa 'jug pa rnam par gzhag pa las ni rim gyis 'byung bar bstan par rig par bya'o/ /de la rten lta bu ni dran ba'o/ /brten pa lta bu ni chos rnam par byed pa'o/ /lhag ma rnams kyang de bzhin du rigs par sbyar par rig par bya'o/ /byang chub kyi yan lag bsgom pa la brtson pa'i dge slong ni rgyu bzhis reg par gnas par mi 'gyur te/ bzhi gang zhe na/ thams cad kyi thams cad du nyon mongs pa'i phyogs dang mthun pa'i gnas ngan len dang ma bral ba dang/ zhi gnas kyi phyogs dang mthun pa'i nye ba'i nyon mongs pa mngon sum du gyur ba dang/ lhag mthong gi phyogs dang mthun ba'i nyon mongs pa mngon sum du gyur ba dang ma goms pa'i lam la 'jug pa'o/ /da las bzlog pa'i rgyu bzhis ni rig par gnas par 'gyur ro/ /de gnyis ka la mkhas pa'i dge slong shes bzhin du gnas bas ni yang dag pa ji lta ba bzhin du rab tu shes so/ /yid la byed pa mngon par 'du byed ba dang bcas pas na ha cang brtun ngas pa'i brtson 'grus yin no/ /mgo dang mjug tu lhag chad du gyur pas na ma snyoms pa ste/ de bas na rgyu 'di gnyis las ma goms pa yin par ? par bya'o/ /de las bzlog pa gnyis kyis kyang goms pa'i lam yin par rig par bya'o/ /'khor los bsgyur ba gling bzhi'i dbang phyug gi bdag po thob

  692. 346b

    ba'i rin po che sna bdun dang 'dra bar sems kyi dbang phyug chen po thob pa'i yang byang chub kyi yan lag bdun rin po che yin par rig par bya'o/ /de la zhi gnas dang lhag mthong dang gnyis ka'i phyogs dang mthun pa 'khor zhing kun tu 'khor la nyon mongs pa las rnam par rgyal ba'i don gyis dran pa ni 'khor lo rin po che lta bu'o/ /shes pa mdza' yas pa shes pa'i lus che ba'i don gyis chos rnam par 'byed ba ni glang po rin po che lta bu'o/ /ji srid bgrod par bya ba dang phyin par bya ba der myur du 'gro ba dang bar mdor bar du gcod pa med pa'i don gyis brtson 'grus ni rta rin po che lta bu'o/ /mchog tu skyon med cing yid du 'ong ba'i don gyis dga' ba ni bud med rin po che lta bu'o/ /lus dang sems las su rung ba dad pa'i rang bzhin gyi don gyis shin tu sbyangs pa ni nor bu rin po che lta bu'o/ /'dod pa'i don thams cad sgrub ba'i don gyi ting nge 'dzin ni khyim bdag rin po che lta bu'o/ /nyon mongs pa can gyi sde 'joms pa'i don dang nyon mongs pa can ma yin pa'i don gyi chos kyi sde sgrub pa'i don dang mtshan ma med par gnas pa la dal ba med par gnas pa sgrub pa'i don gyis btang snyoms ni blon po rin po che lta bu'o// //rnal 'byor sbyor ba'i sa las ? bsdu pa/ bam po nyi shu gnyis pa/ /byang chub kyi yan lag bdun gyi gos kyi za ma rtog chen po thob ba'i rnal 'byor brgyal po dang 'dra ba ni cha gsum gyis byang chub kyi yan lag gi gnas pas gnas te/ 'di lta ste/ zhi gnas kyi phyogs dang mthun pa dang/ lhag mthong gi phyogs dang mthun pa dang/ de gnyis ka'o/ /de dag ni de'i snga dro dang/ nyi ma'i gung dang/ che ma red lta bu'i cha gsum yin no/ /de la cha dang po la ni byang chub kyi yan lag bzhis gnas so/ /gnyis pa la'ang bzhis gnas so/ /gsum pa la ni bdun po thams cad kyis gnas te/ rnal 'byor pa ni nam yang byang chub kyi yan lag gcig pus mi gnas so/ /byang chub kyi yan lag bdun po de dag kyang mu stegs

  693. 347a

    can gzhan rnams la zhe sdang gi rjes su 'gro ba ma yin pa'i phyir dang/ dgra zla'i tshul gyis mi gnas pa'i phyir dang/ phan pa'i lhag pa'i bsam pas 'jug pa'i phyir dang/ nyon mongs pa thams cad dang mi ldan pa'i phyir na kho na med pa dang/ 'gran zla can ma yin pa dang gnod sems can ma yin pa zhes bya'o/ /gang gi tshe rnal 'byor pa des de dag mngon sum du byed pa dang/ ji srid mngon sum du byas te gnas pa dang/ gang gi tshe langs nas 'gag par 'gyur ba de dag thams cad yang dag pa ji lta ba bzhin du rab tu shes te/ de ltar na de ni shes bzhin du gnas pa des kha na ma tho ba me bar gnas pa dang/ ro myang ba med pa dang/ sems zang zing med pa yin no/ /'du shes nyi shu rtsa gcig dang ldan pa'i byang chub kyi yan lag bsgom pa ni mdor bsdu na rnam pa gnyis su rig par bya ste /mtshungs par ldan pa dang ldan pa'i don dang /de ma thag pa dang ldan pa'i don to/ /mi rtag pa la sogs pa'i 'du shes dang ldan pa nas 'chi ba'i 'du shes dang ldan pa'i bar rnams ni mtshungs par ldan pa'i don to/ /mi sdug pa la sogs pa'i 'du shes nas stong pa nyid so sor brtag pa'i 'du shes dang ldan pa'i bar rnams ni de ma thag pa'i don to/ /byams pa la sogs pa dang ldan pa yang de dang ldan par rig par bya'o// 'du byed la chums pa ste/ 'das pa dang ma 'ongs pa dang da ltar byung ba'i 'du byed rnams la chums pa dang/ le lo dang snyoms las dang 'jig tshogs la lta ba spangs su zim kyang bag chags dang 'brel pas nga'o snyam pa'i nga rgyal kun ru spyod pa dang ro la sred pa dang 'jig rten sna tshogs la 'dun pa'i 'dod chags kyis rjes su chags pa dang/ nyon mongs pa lhag pa'i dag la nyal dang rnyed pa'i bsam pa dang/ 'tsho ba'i bsam pa dang/ 'dod pa'i sred pa dang/ srid pa'i sred pa dang/ rtog pa ngan pa dang 'brel ba'i 'dod chags rnam pa bzhi ste /kha

  694. 347b

    dog dang dbyibs dang reg pa dang bsnyen bkur gyi rnam pa ste/ 'di dag ni rnal 'byor ba'i skyon yin te/ de rnams kyis sems lam log par 'jug par byed do/ /de dag gi gnyen por ni 'du shes nyi shu rtsa gcig dang ldan pa'i byang chub kyi yan lag ci rigs par sgom mo/ / de la gzhi'i gnyen por ni smon pa med pa'i rnam pa'i 'du shes sgom par byed de/ mi rtag pa'i 'du shes nas bzung nas 'jig rten thams cad la mngon par mi dga' ba'i 'du shes kyi bar du sgom mo/ /gcig gi gnyen por ni stong pa nyid kyi rnam pa'i 'du shes te/ sdug bsngal ba la bdag med pa'i 'du shes so/ /nyon mongs pa lhag ma'i bag la nyal spang ba'i phyir ni khams gsum la mtshan ma med pa'i 'du shes so/ /rnyed pa'i bsam pa dang 'dod pa'i sred pa'i gnyen por mi 'dod pa rnams la nyes dmigs kyi 'du shes so/ /'tsho ba'i bsam pa dang srid pa'i sred pa'i gnyen por ni 'chi ba'i 'du shes so/ /rtog pa ngan pa dang 'brel ba'i 'dod chags rnam pa bzhi'i gnyen por ni mi sdug pa'i 'du shes nas bzung ste/ ston pa nyid so sor brtag pa'i 'du shes kyi bar du bsgom mo/ /rnam par bsdus pa la sogs pa'i 'du shes nas stong pa nyid so sor brtag pa'i' du shes la thug pa de dag thams cad ni mi sdug pa'i 'du shes yin par rig par bya'o/ /de la rnam par bsgos pa la sogs pa nas bam pa la thug pa rnams ni kha dog gi 'dod chags kyi gnyen po'o/ /rnam par zos pa dang/ rnam par dmar po dang/ rnam par 'thor ba'i 'du shes rnams ni dbyibs kyi 'dod chags kyi gnyen pa'o/ /rus pa dang geng rus kyi 'du shes ni reg pa'i 'dod chags kyi gnyen po'o/ /rnam par shes pas stong pa'i khog pa so sor brtag pa'i 'du shes ni bsnyen bkur gyi 'dod chags kyi gnyen po'o/ /byams pa kun tu bsten pa ni dge ba'i mchog tu 'gyur ro zhes bya ba la sogs pa ni 'di lta ste/ mnyam par gzhag pa'i sa las 'byung ba bzhin du rig par bya'o//

  695. 348a

    sdom ni /stobs dang rnam par dag pa dang/ /rab tu dbye dang rnam grangs dang/ /dge sbyong gi ni tshul rnams dang/ /bram ze'i tshul ni tha ma yin/ /'phags pa'i lam yan lag brgyad pa skye ba ni phyin ? stobs thams cad kyi nang gi stobs gnyis kun gyi mchog yin no/ /gnyis gang zhe na/ phyi rol rnams kyi nang na ni dge ba'i ngo? shes gnyen no/ /nang gi rnams kyi nang na ni tshul bzhin yid la byed pa'o/ /de ma yin pa'i bar chad yod pa dang/ sngon bsod nams byas pa dang/ gos la sogs pas phongs pa med pa la sogs pa yang phyi rol gyi stobs yin par rig par bya'o/ /tshul bzhin yid la byed pa dang mtshungs par ldan pa'i shes rab ma gtogs par de ma yin pa'i spong ba'i yan lag rnams ni nang gi stobs rnams yin par rig par bya'o/ /de la dge ba'i bshes gnyen yod na dam pa'i chos thos pa pha rol gyi sgra zhes bya ba yod par 'gyur ro/ /de'i 'og tu nang gi tshul bzhin yid la byed pa 'byung bar 'gyur ro/ /de'i 'og tu yang dag pa'i lta ba la sogs pa'i lam 'byung bar 'gyur ro/ /yang dag pa'i ? la sogs pa slob pa gang yin pa de dag ni zag pa med pa yin pas na yongs su dag pa zhes bya'o/ /mi slob pa gang yin pa de dag ni rgyud rnam par dag pas na yongs su byang ba zhes bya'o/ /'dir 'jig rten pa'i gang yin pa de dag ni sdig pa rnam pa du mas 'dod dgur spyod pa 'di la phyi rol pa'i mu stegs can gyi lta ba dang/ 'brel pa rnams dang bral bas na nyon mongs pa med pa'o/ /nyon mongs pa des kun nas bslad ba'i yang srid par skye ba'i las kun nas nyon mongs pa dang bral bas na nye ba'i nyon mongs pa dang bral ba zhes bya'o/ /'phags pa'i lam yan lag brgyad pa thams cad ni mdor bsdu na gnas gnyis kyis bsdus pa'i phyir rnam pa gnyis su rig par bya'o/ /'jig rten pa dang/ 'jig rten las 'das pa'o/ /de la 'jig pa'i gang yin pa de ni zag

  696. 348b

    pa gsum dang nye bar len pa bzhi dang 'brel bas na sdug bsngal zad par mi 'gyur ro/ /dge ba yin pa'i phyir ni bde 'gror 'gro bar 'gyur ro/ /'jig rten las 'das pa gang yin pa de ni de las bzlog pa ste/ sdug bsngal zad par 'gyur ro/ /yang dag pa'i lta ba la sogs pa'i yan lag de rnams kyi rgyas par rab tu dbye ba ni 'di lta ste/ nyan thos kyi sa dang rnam grangs bsdu ba las 'byung ba bzhin du rig par bya'o/ /ting nge 'dzin gyi yo byang bdun ni 'di lta ste/ mnyam par bzhag pa'i sa las 'byung ba bzhi du rig par bya'o/ /de la yang dag ba'i lta ba la sogs pa'i lam ni rigs par gnas par na chos shes bya'o/ /nyon mongs pa 'dul bas na 'dul ba'o/ /sdig ba'i chos rnams las ring ba dang 'phags pa rnams kyi bsten pas na 'phags pa'o/ /bde 'gror 'gror bar byed pas na dge ba'o/ /mya ngan las 'das par 'gro bar 'gyur bas na bsten par bya ba'o/ /dam pa rnams kyis mngon par bsngags pas na legs pa zhes bya bar rig par bya'o/ /de las bzlog pa ni log ba'i lta ba la sogs pa'i lam yin te/ ma rig pa'i mun pa'i phyogs dang 'thun pas na gnag pa'o/ /ngan song du 'gro bar 'gyur bas na gnod pa'o/ /mi dge ba yin pas na ngan pa'o/ /che 'jigs pa dang 'khon par byed bas na kha na ma tho ba dang bcas pa'o/ /dam pa rnams kyi spangs shing rnam par smad pas na yongs su spang bar bya'o/ /yang dag ba'i dge sbyong gi tshul gyi sgo nas 'phags pa'i lam yan lag brgyad pa dge spyod gi tshul gyis don gyis rnam par gzhag ste/ de'i don du legs par gsungs pa'i chos 'dul ba la brda'i rab tu 'byung ba dang dge sbyong gi tshul yang dag par len to// de ni gtan du mi 'jigs pas na de'i phyir yang dag pa zhes bya'o/ /brda'i ni de lta ma yin no/ /yang dag pa'i dge sbyong gi tshul de d+dng tan pa gang yin pa de yang yang dag pa'i dge sbyong yin par rig bar bya'o/ /de yang de'i 'bras bu 'dod chags dang zhe

  697. 349a

    sdang dang gnyi mug? ma lus par spang pa'i don du yongs su btsal ba yin no/ /de bas na de la dge sbyong gi tshul gyi don zhes bya'o/ /dge sbyong gi tshul gyi don de yang rnam pa gnyis su rig par bya ste/ spyir bsdus te rnam par bzhag pa dang/ bya ba dang bcas pa dang/ bya ba med pa dang/ zhugs pa dang/ 'bras bu la gnas pa'i bye brag gis rnam par bzhag pa'o/ de dag thams cad bsdus na bzhir 'gyur te/ dge sbyong gi tshul dang/ dge sbyong dang/ dge sbyong gi? tshul gyi don dang/ dge sbyong gi 'bras bu'o/ /sdom ni/ gegs dang nye ba'i nyon mongs dang/ rtog dang 'bras bu gong na yod/ /cha phra ba dang lus ngal dang/ /slob pa gnas dang yid byed shes/ /zil kyis gnon pa tha ma yin/ /dbugs rdub pa dang 'byung ba dran pa bsgom pa ni rnam pa bcu drug yod de/ rgyas par ni 'di lta ste/ nyan thos kyis las 'byung ba bzhin du rig par bya'o/ /dbugs phyi nang du rgyu ba dran pa bsgom pa la brtson pa'i rnal 'byor pa la ni bgegs byed pa lta bu'i chos lnga yod par rig par bya ste/ phyi rol tu sems g.yengs pa dang/ dbugs rdub pa dang / 'byung ba 'jug par dka' ba dang /rgod pa'i kun nas dkris pa dang/ rmugs pa dang gnyid kyis kun nas dkris pa dang/ khyim pa dang rab tu byung ba rnams dang lhan cig 'dre bar gnas so/ /de dag ni mnyam par ma bzhag pa'i sems mnyam par gzhag par bya ba dang/ mnyam par gzhag pa yang dang yang du bsgom par bya ba la bgeg? khyed pa yin par rig par bya'o/ /zhi gnas kyi phyogs dang mthun pa'i nye ba'i nyon mongs pa can du 'gyur ba'i lus kyi rmugs pa dang sems kyi zhum pa skyes pa nas dbugs rdub pa dang/ 'byung ba dran pa'i bsgom pa'i lus ni shin tu sbyangs par 'gyur zhing /rmugs pa dang ldan pa'i lus gyi gnas ngan len dang bral bar 'gyur ro/ /lhag mthong gi phyogs dang mthun pa'i nye ba'i nyon mongs pa 'di lta ste/

  698. 349b

    'dod pa'i rtog pa la sogs pa rtog pa ngan pa rnams dang/ 'dod pa'i 'du shes la sogs pa 'du shes ngan pa rnams dang/ ma rig pa'i cha dang mthun pa'i rtog pa kun nas slong ba rnams kyis nye ba'i nyon mongs pa can du gyur pa na /dbugs rdud pa dang 'byung ba dran pa de nyid bsgom pa'i/ ni tog pa dang dpyod pa de dag kyang nye bar zhi par 'gyur la ma rig pa'i cha dang mthun pa'i 'du shes ma 'dres pa bsgom pa yongs su rdzogs par 'gyur ro/ /dbugs rdub pa dang 'byung pa dran pa bsgom pa la brtson pa'i rnal 'byor pa ni 'di 'das pa'i 'du byed la dmigs pa'i rtog pa dang/ dpyod pa skabs su skyes pa'i ting nge 'dzin gyi bar chad byed pa ni spong ngo/ /ma 'ongs pa'i 'du byed la dmigs pa ni zhi bar byed do/ /da ltar gyi 'du byed la dmigs pa ni nye bar zhi bar byed do/ /mdor bsdu na kun tu sbyor ba rnam pa drug spangs pa'i phyir 'bras bu'i phan yon gnyis ? na dang bdun rnam par bzhag par rig par bya ste/ mdo las ji skad 'byung ba kho na bzhin no/ /drug gang zhe na/ 'og ma'i cha dang mthun pa dang/ gong ma'i cha dag mthun pa gnyis dang/ mthong pa dang/ bsgom pas spang bar bya ba gnyis dang/ mngon par 'grub pa dang skye ba'i kun tu sbyor ba gnyis dang/ mngon par 'grub pa dang skye ba'i kun tu sbyor ba gnyis te/ 'di rnams gcig tu bsdus pa ni drug tu rig par bya ste/ go rim bzhin du 'bras bu'i phan yon gnyis dang bzhi dang bdun du rnam par bzhag par 'gyur ro/ / dbugs rdub pa dang 'byung ba dran pa bsgom pa ni 'di gnyis yin te/ gong na yod pa dang gong na med pa'o/ /de la gong na yod pa ni ji ltar 'di na kha cig gcig du dben pa na 'dug ste/ sems mnyam par gzhag nas srog gi dbang po'i dbugs phyi nang du rgyu ba dang 'grel pa tshul bzhin du mthong ste/ gal te bdag gis dbugs rdub nas phyir ma byung dam /yang na phyir byung zhes nang du ma rdub su zin na ni bdag gi srog 'gag pa kho nar 'gyur ro snyam mo/ /gzhan yang 'du byed mi rtag pa rnms la dbugs nang du rgyu ba chad nas ji

  699. 350a

    srid du dbugs phyir 'byung ba skye ba de srid du srog gi dbang po gnas pa dang/ dbugs phyir 'byung ba 'gags nas ji srid nang du dbugs rdub pa skye ba de srid du gnas pa gang yin pa 'di ni ngo mtshar to sA mo/ /de dmigs pa des yid yang dag par skyo bar gyur nas dus gsum du rjes su chags pa dang khong khro'i sems rnam par sbyor ba 'di ni gong na yod pa'o/ /rnam pa bcu drug ni gong na med par rig par bya'o/ /rlung ni cha phra bar gnas pa'i phyir ro gnas pa cha phra ba zhes bya ste/ dbugs rdub pa dang 'byung ba dren pa'i gnas pa'o/ /rtog pa dang byed pas bar du mchod pas na chog mi shes pa'o/ /lus dang sems shin tu sbyangs pa rgya chen pos byed pas na skyo bar bya ba yin no/ /dbugs rdub pa dang 'byung ba dran pa bsgom pa'i lus nir la bar mi 'gyur te /zhi gnas kyi phyogs dang mthun pa'i nye ba'i nyon mongs pa bsal ba'i phyir ro/ /mig kyang ngal bar mi 'gyur te/ lhag mthong gi phyogs dang mthun pa'i nye ba'i nyon mongs pa bsal ba'i phyir ro/ /mya ngan las 'das pa la yang bde bar mthong ba ni bde ? rjes su lta pa'o/ /bsam gtan ni gsum pa'i sa pa'i bde ba nyams su myong ba ni bde ba nyams su myong ba yin no/ /kun nas nyon mongs pa can du gnas pa ma yin pa'i phyir yongs su yi chad pa med do/ /bde ba des gnas so/ /'di na kha cig 'di snyam du sems te/ de bzhin gshegs pa ni rnam par grol pa'i dgra bcom pa thams cad kyi nad na tha ma dang khyad par med do/ /de bzhin gshegs pa'i rnam par grol pa gang yin pa dang/ shes rab rnam par grol ba'i dgra bcom pa gang yin pa 'di gnyis khyad par med ma ci 'di ltar de bzhin gshegs pa'i sgrib pa med par gnas pa gang yin pa dang/ las dang po pa thams cad kyi nang na tha ma slob pa so so'i skye bor gyur pa ma yin pa'i brtson 'grus kyi stobs kyi sgrib pa lnga spangs nas gnas

  700. 350b

    pa gang yin pa 'di la sgrib pa med par gnas zhes te/ sgrib pa med par gnas pa dang/ sgrib ba med par gnas par ci rnam par grol ba bzhin du khyad par med dam/ 'on te khyad par yod snyam pa 'di ni gnas yod do/ /sgrib pa med pas gnas pa 'di gnyis ni khyad par shin tu che bar rig par bya ste/ slob pa ni kun tu spyod pa'i sgo nas sems sgrib ba med par de bzhin gshegs pa dang mtshungs mod kyi /bag la nyal ma spangs pa'i phyir yang dang yang du sems kyi rgyud sgrib pa rnams kyis 'dra bar 'gyur te/ yang dang yang du spang dgos so/ /de bzhin bshegs pa ni sgrib pa gtan du spabs pa'i phyir khyad par shin tu che ba yin te/ rnam par grol ba la khyad par med pa dang mi 'dra'o/ /rnal 'byor ba ni dbugs rdub pa dang 'byung ba dran pa la brten nas dran pa nye bar gzhag pa bzhi ba sgom pa na tshul bzhin yid la byed pa la brten nas nang gi tshul bzhin ma yin pa yid la byed pa ma spangs par yod pa la yang tshul bzhin ma yin par yang dag pa ji lta ba bzhin du rab tu shes so/ /tshul bzhin ma yin pa yid la byed pa'i tshul bzhin ma yin par shes nas kyang tshul bzhin ma yin pa yid la byed pa spangs nas de spang bar bya ba'i phyir tshul bzhin yid la byed pa 'ba' zhig gcig tu nges par sgom par byed do/ /de la lam gyi bzhi mdo chen po lta bu ni lus la sogs pa'i chos bzhi'o/ /rdul gyi phung po lta bu ni tshul bzhin ma yin pa yid la byed pa ste/ mi brtan pa dang/ snying po med pa dang/ sems rmongs par byed pa'i phyir ro/ /shar dang lho dang nub dang byang gi phyogs nas 'ongs pa'i khyogs dang bzhon pa dang/ shing rta dang/ shing rta phal pa lta bu ni tshul bzhin yid la byed pa ste lus la sogs pa zhi la dmigs pa'i sgo nas 'di lta ste/ rdul gyi phung po lta bu'i tshul bzhin ma yin pa yid la byed pa de gzhom pa'i phyir dang/ thams cad kyi thams cad du rgyud rnam par dag par bya ba'i phyir zhugs so/

  701. 351a

    dbugs rdub pa dang 'byung ba dran pa la brtson zhing dran pa nye bar gzhag pa bzhi bsgom pa la ni lus kyi rgyu can dang/ lus 'dzin pa'i tshul bzhin yid la byed pa bdag med pa'i mnyam pa nyid kyis shin tu mnyam ste/ ji ltar lus bdag med pa bzhin du yid la byed ba de yang de dang 'dra'o/ /de bas na lus dang 'dra ba zhes bya'o/ /lus dran pa nye bar gzhag pa bsgom pa de ni gang yang mi dmigs so/ /lus dran pa nye bar gzhag pa ji lta ba bzhin du rgyas par chos dran pa nye bar bzhag pa'i bar du yang de dang 'dra bar rig par bya'o/ /de ltar na sangs rgyas rnams kyi dran pa nye bar gzhag pa bstan pa 'di lta bu gang yin pa de ni 'di las phyi rol pa'i mu stegs can rnams la med de/ ngo bas na mu stegs can thams cad zil gyis mnan te dran pa nye bar gzhag ces bya'o/ /sdom ni/ tshul khrims lhur len tshul khrims 'byor/ /lhag spyod bslab pa'i phan yon dang/ /bslab pa'i rab tu dbye ba dang/ /chos kyi gnas ni tha ma yin/ /lhag pa'i tshul khrims dang/ lhag pa'i sems dang? lhag pa'i shes rab rnaMs kyi bslab pa gsum rnam par gzhag pa ni rgyas par 'di lta ste/ nyan thos kyi sa las 'byung ba bzhin du rig par bya'o/ /bslab pa 'di rnams la ni mdor bsdu na log par bsgrub pa yang yod la yang dag par sgrub pa yang yod par rig par bya'o/ /de la log par bsgrub pa ni ji ltar 'di na kha cig rab tu byung ba na yang tshul khrims lhur len pa ma yin la/ tshul khrims kho na'i dbang du byas te rab tu byung ba yang ma yin pa dang/ tshul khrims ji lta ba bzhin du ting nge 'dzin dang shes rab kyang de dang 'dra bar rig par bya ste/ de la ni bcom ldan 'das kyis gang la skal ba med par gsungs pa'i lhag ma ma lus pa'i nyes pa 'byung ba'i skabs yod pa lta bu'o/ /de bas na 'di ni gcig pu nges par bslab pa gsum la log par sgrub pa

  702. 351b

    yin par rig par bya'o/ /yang dag par sgrub ba ni rnam pa gsum ste/ chung du dang/ 'bring dang/ chen po'o/ /de la dang po ni snga ma la bzlog pa ste/ ji ltar 'di na kha cig tshul khrims lhur len cing tshul khrims lhur len cing tshul khrims dbang du byed pa yin la/ ting nge 'dzin dang/ /shes rab lhur yi lhen cing de'i dbang du mi byed de de la ni lhag ma ma lus pa'i nyes pa spyod pa'i skabs med mod kyi/ 'on kyang gang la bcom ldan 'das kyis dge slong gi 'bras bu thob par bya ba la bskal pa med par ma gsungs pa'i nyes pa phran tshegs kun tu spyod pa'i skabs ni yod pa lta bu'o/ /sgrub pa 'bring ni tshul khrims dang ting nge 'dzin lhur len pa yin par rig par bya'o/ /de la yang tshul khrims lhur len pa bzhin du nyes pa'i rim pa yod par rig par bya ste/ de man chad ni so so'i skye bo yin par rig par bya'o/ /sgrub pa chen po ni bden pa mthong ba'i yin te/ bslab pa rnam pa gsum char la gus par byed pa'i phyir ro/ /de ni dge sbyong gi 'bras bu thob pa nyid yin pas na de la ni skal pa yod pa dang skal pa med par brtag pa med de/ sgrub pa de gnyis yod na bzhir 'gyur la/ bzhi yod na gnyis su 'gyur te/ gang la ting 'dzin yod pa de la ni tshul khrims kyang yod par nges so/ /gang la shes rab yod pa de la ni ting nge 'dzin kyang yod par nges so/ /gang la tshul khrims yod par nges pa de la ni ting nge 'dzin dang shes rab yod par nges pa med do/ /rnal 'byor pa gang bslab pa gang lhur len pa de la yongs su rdzogs par byed pa yin la de ma yin pa la ni de tsam zhig tu byed par rig par bya'o/ /rang bzhin gyi kha na ma tho ba'i gnas yongs su spangs pas na tshul khrims phun sum tshogs par rig par bya'o/ /dbang po'i sgo bsdams pa la sogs pa tshul khrims la phan 'dogs pa'i dge ba'i chos rgyun tu yang dag par blangs te 'dug pa ni dge ba phun sum tshogs pa yin par rig par bya'o/ /bces pa'i kha na ma tho ba'i gnas yongs su spangs pas na so sor thar pa phun sum tshogs par blta bar bya'o/ /'phags pa dgyes pa'i tshul

  703. 352a

    khrims rnams dang/ phung po la soD pa lnga snga ma la mkhas pa dang/ so sor thar pa'i sdom pa yang dag par blangs pa'i brda'i tshul khrims go rim bzhin du tshul khrims phun sum tshogs pa la sogs pa dang sbyar ba ni rnam grangs gnyis pa'o// bslab pa ni gnyis te/ tshul khrims kyi dbang du byas nas spangs pa ma yin pa'i yang dag par blang bar gtogs pa tshul khrims yang dag par blang ba'i rkyen du 'tsham pa lus dang ngag gi lhag par spyod pas bsdus pa'i bslab pa dang/ slangs pa yang dag par blangs pas bsdus pa'i bslab pa'o/ /rnam pa gnyis po de yang 'dul ba las ni bstan pa la so sor thar pa las ni ma bstan pa de lta bu yang yod do/ /so sor thar pa las kyang bstan pa yang yod do/ /de bas na de dag thams cad gcig tu bsdus pa la ni bslab pa gsum zhes bya ste/ lhag pa'i spyod pa dang lhag pa'i 'dul ba dang lhag pa'i so sor thar pa'o/ /bslab pa'i phan yon dang ldan par gnas pa/ shes rab kyi shas che ba rnam par grol ba snying por 'dzin pa dran pa brtson par byed pa rnams kyi bslab pa gsum bsgom ba rdzogs par 'gyur te /rgyas par ni 'di lta ste/ rnam par bshad pa bsdu ba las 'byung ba bzhin du rig par bya'o/ /tshul khrims dang ldan pa gnas zhes bya ba ni rgyas par 'di lta ste/ nyan thos kyi sa las 'byung ba bzhin du'i ga par bya'o/ / tshul khrims de yang 'tshal ba'i tshul khrims kyi gnyen po yin pa dang/ dbang po'i sgo bsdams pa'i rten du gyur pas na sdom pa zhes bya'o/ /dang po nas legs par bzung bas na phun sum tshogs pa'o/ /phyis kyang ? bsrungs pas na yongs su dag pa'o/ / sdug ba'i 'bras bu can yin pas na dge ba'o/ /nyon mongs pa can ma yin pas na kha na ma tho ba med pa'o/ /sems can rnams la byams pa'i sems kyi ting nge 'dzin dang mthun pas na gnod sems med pa'o/ /dge sbyong gi tshul gyi dor dang mthun pa yin pas

  704. 252b

    na 'thun pa can yin no/ /'phangs pa dgyes pa dang bsil ba'i rang bzhin du 'gyur bas na 'phags pa lta bu'o/ /tshul khrims dang brtul zhugs mchog tu 'dzin pa dang mthun pha ma yin pas na thabs med pa ma yin pa'o/ /chos mthun pa ba rnams dang mtshungs pas na 'tsham pa'o/ /lhag pa'i sems dang lhag pa'i shes rab bsgom pa dang mthun par gnas pas na mthun pa'o/ /gzhan dag la tho mi 'tsham ? phan 'dogs pa la 'jug pa dang spyod pa drag po rnam par spangs pas na gdung ba med pa'o/ /de yang dag par blang ba la 'gyod pa med pas na yid la gcags pa med pa'o/ /nyes pa mi spyod par chos bzhin du byed bas na 'gyod pa med pa ste/ 'di ni tshul khrims kyi rab tu dbye ba'o/ /gnas pa gsum la brten pa ni lhag pa'i sems dang/ lhag pa'i shes rab kyi rab tu dbye ba yin par rig par bya'o/ /de la lhag pa'i sems kyi rab tu dbye ba ni tshangs pa'i gnas pa'i bye brag las rig par bya'o/ /lhag pa'i shes rab kyi rab tu dbye ba ni 'phags pa dang byang chub kyi phyogs dang mthun pa'i chos kyi gnas pa'i bye brag las rig par bya'o/ /de la bsel gtan rnams dang/ gzugs med pa bzhi ni lha'i gnas pa'o/ /tshad med pa bzhi ni tshangs pa'i gnas pa'o/ /'phags pa'i bden pa bzhi shes pa dang/ dran pa nye bar gzhag pa rnams nas lam gyi yan lag rnams dang/ lam bzhi dang/ zhi gnas dang/ lhag mthong dang chos kyi gnas bzhi'i bar rnams ni 'phags pa'i gnas pa yin par rig par bya'o/ /rgyu zhing 'gro ba dang gnas shing 'dug pa'i rnal 'byor pa la ni kun nas nyon mongs pa med pa'i chos bzhi yod de/ langs nas yul la spyod pa 'am dmigs pa la sems mnyam par gzhag pa yang rung ste/ kun nas nyon mongs pa med par reg par gnas par 'gyur ro/ /bzhi gang zhe na/ yid bde ba'i gnas kyi yul gyi nyon mongs pa can gyi yid bde pa las sems btang snyoms su byed pa dang/

  705. 353a

    yid mi byed ba'i gnas kyi yul gyi nyon mongs pa can gyi yid mi bde ba las sems btang snyoms su byed pa dang lhag mthong gi phyogs dang mthun pa'i nye ba'i nyon mongs pa las yongs su sbyong ba dang/ zhi gnas kyi phyogs dang 'thun pa'i nyi ba'i nyon mongs pa la sems yongs su sbyong ba ste/ rgyu zhing 'gro ba dang gnas shing 'dug pa rnams la kun nas nyon mongs pa med par reg par gnas pa'i chos bzhi po 'di dag gi rten dang gzhi dang gnas su gyur pa'i chos kyi ? nas kyang ci rigs par bzhi yod par bya ste/ brnab sems med pa dang/ gnor? sems med pa dang /yang dag pa'i dran pa dang /yang dag pa'i ting nge 'dzin to/ /sdom ni/ rnam gzhag gzhan du 'gyur ba dang/ /lha yi lam dang me long dang/ /dad pa brjod pa tha ma yin/ /de bzhin gshegs pa'i nyan thos lta ba phun sum tshogs pa ni chos gnyis dag par gyur nas shes nas dad pa bzhir 'gyur par rnam par bzhag par rig par bya ste/ dad pa dang tshul khrims so/ /dge spyod gi tshul gyi don ston pa po dang/ dge sbyong gi don dang chos mthun pa pa dge sbyong gi tshul 'thob par bya ba'i grogs po rnams la dad pa rtsab zug pa dang mi 'phrogs pa dang tshe phyi ma la yang bslu bar mi 'gyur ba gang yin pa de ni dang ba dang ba zhes bya'o/ /ngan song du 'gro bar 'gyur ba'i mi dge ba'i chos gcig tu nges par mi byed pa'i sdom pa thob pas na tshul khrims rnams ni dang ba'i rang bzhin du rig par bya'o/ /de la dang pa gang la brten nas legs par gsungs pa'i chos 'dul ba la zhugs pa'i dad pa de dang bar gyur na/ tshe rabs phyi ma ngag tu yang gtan du chos 'dul ba 'di las ldog par mi 'gyur ro/ /ngan song gis 'jigs pa gang gi phyir nyes par spyod pa'i gnyen por tshul khrims yang dag par blang ba byas nas/ de dang bar gyur pas gtan kho nar tshe rabs gzhan dag tu yang yongs su mya ngan las ma 'das pa'i bar du ngan song du 'gro

  706. 353b

    bar mi 'gyur ro/ /de bas na legs par gsungs pa'i chos 'dul ba las mi ldog par byed pa dang/ ngan 'gror 'gro ba las ldog par byed pas na dang pa dang tshul khrims gnyis 'ba' zhig dang pa'i rang bzhin du bstan te/ brtson 'grus dang dran pa la sogs pa'i chos gzhan dag kyang dang pa ma yin par mi 'gyur ro/ /de la dad pa ni lhag pa'i tshul khrims kyi gnas yin no/ /tshul khrims ni lhag pa'i sems dang lhag pa'i shes rab kyi gnas yin te/ de bas na dang pa dang tshul khrims yongs su dag pas don du na bslab pa gsum yongs su dag par bstan te/ de'i phyir yang de gnyis su bstan par rig par bya'o/ /rnam grangs gnyis pa ni dad pa de rnams khams su gtogs pa'i dkar po'i chos rnams 'byung par byed pas na bsod nams 'byung bar byed pa'o/ /'phags pa'i lam khyad par du 'phags pa 'dren par byed pas na dge ba 'byung bar byed pa'o/ /nyon mongs pa'i lhag ma spong pa 'dren par byed pas na bde pa'i gzhi zhes bya'o/ /bde 'gror 'gro bar gcig tu nges pa shes nas dang pa dang ldan pa'i 'phags pa nyan thos ni bde 'gror gnas su zin kyang /'byung bo chen po rnam par 'gyur ba las byung ba'i sdug bsngal rnam pa gsum gyis 'jigs pa yod de/ ngan song rnams kyis ni ma yin no/ /rnam pa gsum gang zhe na/ na ba'i sdug bsngal dang/ rka ba'i sdug bsngal dang/ nang 'chad pa'i 'chi ba'i sdug bsngal lo/ /de pas na 'di skad du 'byung ba chen po bzhi ni gzhan du 'gyur yang srid kyi/ shes nas dang pa dang ldan pa'i nyan thos ni gzhan du 'gyur ba yod mi srid do zhes gsungs so/ /yang dag pa'i rnam par dag pa'i lta ba ni gnod pa med pa'i mchog ces bya ste/ gtan du lus dang ngag dang yid kyis sems can la gnod pa mi byed pa'i phyir ro/ /de dag nyid kyi dbang du byas nas lha de'i rang bzhin gyi phyir shes nas dad pa bzhi la lha'i lam zhes bya'o/ /de la shes nas dang pa bzhi la brten nas sgo gsum nas 'phags pa

  707. 354a

    nyan thos rjes su dran pa drug sgom par byed de /zhi gnas kyi phyogs dang mthun pa'i nye ba'i nyon mongs pas nye ba'i nyon mongs pa can du gyur ba dang/ lhag mthong gi phyogs dang 'thun pa'i nye ba'i nyon mongs pa can du 'gyur ba dang/ yang na gnyis kas nye ba'i nyon mongs pa can du ma gyur kyang/ ma 'ongs pa na de gnyis ka'i nye ba'i nyon mongs pa skye ba spangs ? phyir ro/ /de la rmugs pa dang gnyid ni zhi gnas kyi phyogs dang mthun pa'i nye ba'i nyon mongs pa'o/ / 'dod pa la sred pa dang ldan pa'i rgod pa dang 'dod chags la sogs pa'i nyes pa las skyes pa'i mi dge ba rnams dang/ 'dod pa'i rtog pa la sogs pa sems rnam par g.yeng bar byed pa rnams ni lhag mthong gi phyogs dang mthun pa'i nye ba'i nyon mongs pa zhes bya'o/ /chos kyi shugs ni don dam pa'i bden pa'i tshul rjes su dran pa thob par 'gyur ro/ /don gyi shugs ni kun rdzob kyi bden pa'i tshul rjes su dran pa thob par 'gyur ro/ /'di lta ste dper na ? mi rnams kyis rang gi gdong legs ma legs kyi mtshan ma so sor brtag pa'i phyir me long yod pa de bzhin du 'phags pa nyan thos kyi rang gi rgyud la? yod pa'i kun nas nyon mongs pa dang rnam par byang pa yang dag pa ji lta ba gzhin du so sor brtag pa'i phyir ni shes nas dad pa bzhi po 'di dag me long lta bu yin no/ /shes nas dad ba bzhi dang ldan pa gang la la shes nas dad pa bzhi po rnams bdag nyid kyis gzhan dag la rjod par byed la gong ma'i dga' ba'i gnas rjes su dran pa bsgom pa ni brjod par mi byed na nges ni rgyun tu zhugs pa'i 'bras bu brjod par rig par bya ste/ /gong du bsgom pa'i lam ma brtsams pa'i phyir ro/ /gal te gong ma'i dga' ba'i gnas kyi chos lnga brjod na ni nges

  708. 354b

    lan cig phyir 'ong pa'i 'bras bu brjod par rig par bya'o/ /ting nge 'dzin yongs su ma grub pas 'dod chags dang bral pa yongs su ma rdzogs pa'i phyir dang/ /lha rnams mngon sum du ma gyur pa'i phyir 'dod chags dang bral ba la brtson zhing dga' ba'i gnas kyi chos rnams bsgoms nas dga' ba la brten pas shin tu sbyangs pa skyed par byed do/ /lus shin tu sbyangs na bde pa nyams su myong ngo/ /bde bar gyur na sems mnyam par gzhog par 'gyur te/ mnyam par gzhag pa yongs su grub pa ni ma yin no/ /gal te de gong du rjes su dran pa drug brjod par byed na ni nges phyir mi 'ong ba'i 'bras bu brjod par rig par bya'o/ /dgra bcom pa ni 'jig rten las 'das pa'i lam 'ba' zhig gis thob par 'gyur la/ rjes su dran pa ni 'jig rten pa'i yin pas na /de'i phyir phyir mi 'ang ba'i 'bras bu las gong du de rnams kyi brjod pa med do/ /shes nas dad pa bzhi po de dag kyang rgyun tu zhugs pa'i 'bras bu'i tshe ni dang pa nyi tshe zhes bya'o/ /de ma yin pa'i slob pa'i 'bras bu'i tshe ni dad pa phun sum tshogs pa zhes bya'o/ /mchog gi 'bras bu'i tshe na dang pa phum? sum tshogs pa'i mchog ces bya'o/ /gzhi bsdu ba las byang chub kyi phyogs dang mthun pa rnam par 'byed pa zhes bya ba bsdu ba bzhi pa rdzogs te/ /mdo sde'i ma mo gzhi bsdu ba rdzogs so// /ston pas bzhed pa'i shes bya dang shes pa dang ldan pa'i mdo sde rnams kyi las mngon par bsgrub pa yin pas na mdo sde'i ma mo zhes bya'o/ /de bzhin gshegs pa rnams kyi chos bstan pa ni tshad med pas na mdza' med pa'i pham ? bgrod par mi nus te/ phyog 'di dang mngon

  709. 355a

    par bsgrub pa'i rjes su 'brang ba 'di dang /don shes pa 'dis mkhas pa rnams gyis gzhan yang khong du chud par bya'o/ /gal te rtog nus na kun tu 'gro ba'i ma mo ni rnam par bshad pa bsdu ba yin par rig par bya'o/ /rnal 'byor spyod pa'i sa las mdo sde'i gzhi bsdu ba rdzogs so// /rgya gar gyi mkhan po pradz+nyA warma dang /dzi na mi tra dang/ zhu chen gyi lo tsa ba ban de ye shes sde la sogs pas bsgyur cing zhus te gtan la phab pa// //rnal 'byor spyod pa gzhi bsdu ba sho lo ka drug stong bdun brgya dgu bcu rtsa gsum mchis so// sarba mang+gA laM//