Text
ff. 1a–503a · 1,005 folio sides
- 1a
bde mchog rtsa rgyud kyi rnam par bshad pa bde mchog bsdus pa zhes bya ba rgyal po iN+Da bo d+his mdzad pa bzhugs/ /
- 1b
rgya gar skad du/ sh+rI tsakra saM ba ra tan+t+ra rA dza su ka ra ha sa muts+tsha nA ma bit+ti/ bod skad du/ dpal 'khor lo sdom pa'i rgyud kyi rgyal po bde mchog bsdus pa zhes bya ba'i rnam par bshad pa/ dpal bde mchog 'khor lo la phyag 'tshal lo/ /dpal ldan gsang ba'i chos dbyings dang las thugs rje tshad med byang chub sems kyi bdag nyid spros med las/ rnam pa rnams brdzun dngos rnams rang sems sgyu mar ston pa las rab 'das gyur snying po chos kyi don/ /rgyal ba'i dgongs
- 2a
pa du ma dpal ldan he ru ka yis rgyud kun sdom pa rgya mtsho bla mar bsdus/ /sku lnga ye shes rang byung lhun grub rgyal ba de nyid la 'dud de gsal las 'byung don brjod bya// //gang la blo gros can dag dam pa'i chos kyi don la dgos pa mthong nas 'jug byed de yi phyir thog ma nyid du bla med 'bras bu 'thob byed don gyi dgos pa bsgrub pa nus pa khyad par can nyid de/ / de dag ston par 'gyur ba bde blag rtogs par bya phyir rjod byed 'jig rten dag tu bstan pa yin/ /de las bdag dang gzhan don phun
- 2b
sum tshogs pa'i 'byung gnas yongs su dag pa grub pa 'dir bstan no/ /de yang 'dir chos thams cad la bdag med cing bla na med pa'i gnas/ phyir mi ldog pa'i lam/ thun mong ba'i theg pa la blo rim gyis sbyang ba sngon du 'gro bar bya ba ni/ yang dag par rdzogs pa'i sangs rgyas rnam pa thams cad mkhyen pas/ 'gro ba rnams kyi khams dang bsam pa dang bag la nyal la dgongs te/ chos kyi lam du ma bstan pa ni/ 'di nyid las kyang/ mos pa du ma'i sems can la/ /spyod pa sna tshogs ston mdzad de/ /sna tshogs thabs kyis gdul bya la/ /thabs ni sna tshogs bstan pa yin/ zhes pa'i don gyis rgya che ba'i lam bstan pa'o/ /zab pa ltar na/ thun mong ma yin pa'i gsang ba rdo rje theg pa la 'jug par 'dod pas/ phyi rol gyi dka'
- 3a
thub la sogs pa mtshan ma'i g.yeng ba can/ /nyan thos dang/ rang rgyal dag gi lam dang spyod pa dag las yang dag par grol ba/ lha dang mi la sogs pa 'jig rten gyi spyod yul las 'das pa/ srid pa dang zhi ba thams cad zil gyis gnon pa/ byang chub sems dpa' i lam/ bslab pa gsum la slob cing/ mi gnas pa'i mya ngan las 'das pa thob par 'dod pa dag kyang/ lam myur ba ma yin zhing/ bde ba chen po'i thabs gsang ba med de/ shes bya gnyen pos tha dad du rtog pa dang bral ba med pa'i phyir ro/ /de las mchog tu gyur pa ni/ gsang ba rdo rje theg pa la gnas pa'i bya ba dang/ spyod pa'i sgo las kyang/ rig sngags kyi rjes su gnang ba tsam la brten te/ bdag dang lha tha dad du lta ba can
- 3b
yongs su brtags pa/ mtshan bcas dmigs pa las grub pa'i don mngon du byed par 'dod pa'o/ /rnal 'byor gyi rgyud dag las ni/ rnam par bkod pa'i dkyil 'khor las/ chu dang cod pan la sogs pa'i rjes su gnang ba thob pas/ snang ba lha'i dkyil 'khor du lta zhing/ rang rig ye shes kyi ting nge 'dzin la gnas te/ rig pa 'dzin pa 'thob par byed pa nyid du bstan to/ /chos thams cad la spros pa med cing/ rang bzhin gyis 'od gsal ba/ ngo bo nyid kyis yongs su grub pa gsang ba'i dkyil 'khor chen por 'jug pa/ thabs dang shes rab dbyer med pa'i lam/ zag pa med pa'i bde ba chen po la 'jug cing gnas pa'i rnal 'byor pas/ bde ba chen po'i brtul zhugs kyi spyod pas blang dor med pa'i gnas/ rab tu mi gnas pa'i zung 'jug phyag rgya chen po/ /sku bzhi ro mnyam mchog tu mi 'gyur ba yan lag dang ldan pa mngon du byed pa ni rnal 'byor bla na med pa/ tshe gcig gis rdo rje 'chang gi go 'phang mngon du byed pa 'di nyid do/ /de ltar yang/ mi shes rab rib kyis ldongs la/ /lam mchog gsang ba ston byed pa/ /bde ba kun gyi mchog gyur pa/ /dngos grub thams cad myur grub 'di/ /rdo rje sems dpa' i sprul pa la/ /rdo rje 'dzin pa nyid kyis gsungs zhes pa'i don to/ /zab pa dang rgya che ba dbyer mi phyed pa'i don ni/ mnyam pa nyid du gnas pa'i don la/ sangs rgyas rnams ni byon gyur ram//
- 4a
ma byon na yang rnam kun tu/ /bsam gyis mi khyab chos nyid ni/ /'phel 'grib spangs pas gnas pa yin zhes pa'i don to/ /'dir ni rnal 'byor gsang ba las thog mthar sbas pa kla klo'i skad/ dzA saM pa tra Na na su ka /tsakra uSh+NI Sha sa ya/ yo gi b+hi ShaM sa ra li/ e a ra li DA ki ni/ /ko sha tan+t+ra rut+ta ra/ bi Da mahA sa g+har+Ni/ /de nyid spros med rin chen bde ba yi/ /kun dga' i tshig gis rnyog pa kun bral ba/ /ro mnyam lhan cig skyes pa mi 'gyur ba'i/ /mkha' dang mtshungs pa bde gshegs gnas thob pa'o/ /gsang ba dbyings las rab 'byam 'gyur med rtag pa bde ba'i 'byung gnas 'og min chos dbyings dang po nyid/ /zhing rnams rgya mtsho mdza' yas rten dang brten pa kun spyod gnas te mi gnas rang bzhin gnyis med bzhugs/ /zhing khams snying po dpal ldan dbang phyug chen po che ba stug po bkod pa'i pho brang gzhir 'gyur ba/ /'od zer las ni 'jig rten khams kun sna tshogs sems nyid snang ba'i yul gyur stong gsum stong/ /thabs dang shes rab dbyer med snying rje'i bdag nyid byang chub sems dpa' chen po brjod kyis mi lang dang/ /rnal 'byor dbang phyug du ma dag dang mkha' 'gro bstan pa dkon mchog gsum gyi gzhir gyur bsil ba rnams/ /bde legs lha mis gsum spyod pa'i yul du rnam dag chos 'byung ba ni thugs rje can rnams kyi/ /theg pa'i tshul las phyi nang gsang ba rig 'dzin sde snod nyan rang
- 4b
sde dang byang chub sems dpa' i lam/ /zab dang rgya che snying po thog ma bar dang mthar ni rnam par gnas pa dgongs dang yang dag don/ /gsang 'dzin bdag po snang ba'i 'od gyur rdo rje snying po rdo rje chos te mchog gi sku mnga' las/ dam pa dang po 'di nyid dus bzhi las kyang 'dir ni tshe gcig yon tan mngon byed rim pa lus sems la/ dus rnams sbyor zhing rgyal ba bde mchog 'khor lor gsang chen gnyis med gnas 'dir yang dag thob byed pa'o/ /de la gsang ba chen po'i ye shes kyi 'byung gnas dkyil 'khor chen po mngon par 'byung ba/ rnal 'byor rol pa'i 'khor lo/ /lhan cig skyes pa'i ngang las/ byang chub sems rdo rje de bzhin gshegs pa thams cad kyi sku gsung thugs rdo rje ro mnyam bde ba chen po'i snying po/ rdo rje dbyings dpal he ru ka/ thabs dang shes rab gnyis su med pa'i ye shes mi 'gyur ba de nyid sangs rgyas thams cad kyi ting nge 'dzin rnam par dag pa/ rig pa mchog tu gyur pa'i khyab bdag/ rgyun mi 'chad pa'i chos nyid/ de nyid de bzhin gshegs pa thams cad kyi tshad med pa'i zhing khams las/ byang chub sems nam mkha' dang mnyam par byin gyis rlob pa rdo rjes/ chos kyi dbyings kyis klas bar rab 'byam snang ba rnam par dag pa ye shes kyi dbang bskur ba bston par mdzad pa'o/ /e baM thabs dang shes rab de nyid mchog tu mi 'gyur gnyis med rnal 'byor phyag rgya chen po nyid rten dang brten pa dkyil 'khor kun tu thig le dus me kunda nyi zla ye shes rigs bdag che/ rab tu dgyes par ye shes rgya mtsho bde chen rab tu sdom pa rab 'byung phun sum tshogs par gnas/ sangs rgyas byang chub sems tshogs lha mo rol pa bsam mi khyab par mkha' 'gro sa gsum kun tu spyod/ /de las mngon par byang chub pa bla na med pa las ye shes kyi sku de bzhin gshegs pa 'jug pa dang gnas pa dang 'byung bar 'gyur ba ni chos nyid de bzhin nyid kyi byang chub pa ni rang bzhin gyis spros pa med pa lhun grub stong pa nyid do/ /khyab cing gsal ba'i ngo bo mngon par byang chub pa ni dngos po med pa'i dag cing gsal
- 5a
bar 'byung ba'i khyab bdag rdo rje'o/ /mi bzad pa snang ba'i ye shes mngon par byang chub pa ni/ mtshungs pa med pa'i snang ba 'od gsal ba'i mtshan nyid rtag tu mi 'gyur ba'i de bzhin nyid do/ /sgyu 'phrul mngon par byang chub ba ni/ kun tu 'byung ba thogs pa med pa'i dus na rnam pa thams cad du 'gag pa med pa'o/ /yongs su dag pa chos dbyings mngon par byang chub pa ni tha dad par dmigs pa med pa'i ye shes kyi sku sangs rgyas thams cad byang chub kyi sems dus gsum thog mdza' kun tu/ dkyil 'khor chen po/ gsang ba'i bde ba chen po sku gsung thugs rdo rje dam tshig gi 'khor lor zhi ba dang khro bo'i sku sna tshogs su snang ba'o/ /de las 'dir ni dpal 'khor lo sdom pa'i rgyud nyid ston pa/ de yang gzhan dag las khyad par du gyur pa yang/ dus thams cad du ma byung 'byung bar mi 'gyur bas khyad par du gyur pa dang/ sprul pa'i dkyil 'khor bzhugs pas na nus pa dang yon tan myur du 'thob pa'i phyir dang/ dus yun ring po nas thugs rjes gzung bar mdzad pa dang/ dus mthar nus pa mi nyams par thogs med du 'byung ba'i phyir dang/ de bzhin gshegs pa thams cad rigs du ma bsdus pa'i bdag nyid dpal he ru kar gyur pa'i phyir/ khyad par du bstan to/ /de nyid gsang chen bla na med pa 'di nyid kyi thog mar gleng gzhi phun sum tshogs pa ji ltar bstan ce na/ gnas gang du ston pa gang gis/ 'khor tshogs gang la/ dus nam gyi tshe/ chos tshul lam thabs ji ltar gsungs pa'i tshul la sgro 'dogs bcad pa ni/ bcom ldan rdo rje 'chang chen he ru kas/ /gsang ba bde ba chen po mchog gi gnas/ /dbang phyug chen po che ba'i zhing khams ni/ /rdo rje btsun mo'i chos dbyings 'byung gnas nyid/ /yon tan rdzogs pa rnam dag gnas mchog tu/ de bzhin gshegs pa dpag med 'dus pa'i tshogs/ /phyir mi ldog pa'i sems dpa' chen po ni/ /rdo rje snying po rdo rje chos snang 'od/ /gsang ba'i mdzod 'dzin sdud pa por bcas la/ /ye shes
- 5b
'od gsal la lhan cig skyes pa nyid/ /bde mchog gsang ba ting 'dzin nyer dgongs mdzad/ /de las sa gsum 'jig rten don gyi phyir/ /ston pa bcom ldan sku bzhi dbyer med las/ /ri rab ri yi rtse mo ga la ba'i/ /khang brtsegs der ni dkyil 'khor 'khor lo ni/ /mngon par 'byung ba'i pho brang rin chen spras/ /bkod pa tshad med lha tshogs 'dus pa ni/ /bde gshegs rnams dang byang chub sems dpa' ni/ /rig ma lha mo'i tshogs kyis mchod par 'gyur/ /bcom ldan gang nyams ldan pas bzhugs par mdzad/ /khro rgyal nyi shu rtsa bzhi 'khor lor bkod/ dpa' bo rnal 'byor ma cho gas mkha' 'gros bskor/ /rje btsun phyag na rdo rjes 'jig rten gyi/ /lha ni dbang phyug chen po u mar bcas/ /zhabs g.yas bskum pas u ma de ba brdzis/ /g.yon zhabs brkyang bas dbang phyug mnan par 'gyur/ /btul nas gdan du mdzad pas gnas par gyur/ /de nyid phrin las dbang sgyur gzhan yang ni/ /tshangs pa dbang po 'jug sel la sogs btul/ /gsang chen 'byung ba'i dus te gleng gzhi bstan/ /dkyil 'khor rgyal po mchog tu bstan pa'o/ /'dzam gling gnas su 'gro rnams don gyi phyir/ /mngon par byang chub tshul bstan bdud btul nas/ /bde bar gshegs pas phrin las stobs gzigs pas/ /d+ha na ka thA par pa thi ces gling/ /chags pa zad byed chos kyi 'byung gnas nyid/ /dkyil 'khor 'khor lor dpa' bo rnal 'byor ma/ /bye ba phrag ni brgyad cu la sogs par dpag med 'dus la gsang chen legs gsungs so/ /nyi shu rtsa bzhi gnas brgyad bcas par ni/ /drag po 'jigs byed 'khor dang bcas pa yang/ /'jug cing dbang byas longs spyod thim par mdzad/ /'jug gnas gsang ba 'byung ldog gyur pa yis/ / 'jigs byed mi bzad rngam pa nus pa mgon/ /sgra sgrogs klog 'gyu me 'bar nga ro can/ /ljon shing la gnas mgo brnyan can dang ni/ /mi 'am yid 'phrog la sogs mdza' brgyad dang/ /dur khrod gnas su 'dul bar mdzad pas ni/ /gdul bya'i ming ni
- 6a
'dul byed la grags gyur/ /las rgyal mchog gi phrin las bstan pa'o/ /o rgyan gnas su in+d+ra bo d+hi yis/ /bde chen ye shes mchog tu zhus pa'i dus/ /skad cig gis ni dpal ldan rgyu skar gyi/ /dkyil 'khor chen por sde brgyad lha mir bcas/ /dbang du bsdus te rim pas 'jug pa ni/ /sgo bzhi nas drangs lha khyams gnas pa la/ /lha chen bzhi la sogs pa 'jug par mdzad/ /rgyal po in+d+ra bo d+hi 'khor bcas la/ /dbang bskur byin rlabs gsang chen bla med chos/ /lkog gyur dag tu rdo rje theg mchog gi /chos kyi 'khor lo bskor bar mdzad pa'o/ /phyi dus rim par lung bstan sdud pa pos/ /ri bo mchog rab byang shar lha gnas mchog /lcang lo can gyi pho brang chen por ni/ /rgyud na las ma lus sems dpa' chen po'i tshogs/ /bye ba phrag ni dgu bcu rtsa drug sogs/ /'dus te rje btsun gsang ba'i bdag po la/ /gsol ba btab tshe 'di skad bdag thos shes/ /rab tu gsungs pa gser gyi shog bu la/ /bai DUrya yi zhun mas yi ger bkod/ /de nas ma 'ongs dus la dgongs nas ni/ /urgyan gnas su klu las gyur pa yi/ /mkha' 'gro'i tshogs la byin gyis brlabs/ d+harma gany+dzo gsang ba'i chos kyi mdzod/ /dpal ldan rang 'byung pho brang gand+ho lir/ /mkha' 'gro dbang phyug mngon par dga' ma sogs/ /byin rlabs dbang bskur phyi rabs skal ldan la/ /rjes gnang nye bar gdan sa pa lung bstan pa'o/ /zhes rnal 'byor ma snying po'i rgyud las gsungs pa'i don to/ /de la thog mar rnam par bsdus pa'i don las/ gsang ba lnga ldan du bstan pa dang/ le'u so so'i don ji ltar bsdus pa gtan la dbab pas nges par rtogs par bya ba dang/ yan lag gi tshig rnam par bshad pa bstan pa nyid do/ /dang po gsang ba lnga ldan du bstan pa la yang/ /dbye ba bstan pa ni/ gsang chen gyi gleng gzhi bstan pa dang/ khyad par du gleng bslang ba'i don bla na med pa dang thog mar mngon par 'byung ba'i gzhi lhun gyis grub pa'i snying po gsang ba bstan pa dang/ laM grub byed kyi rim pa mthar 'byin cing yongs su
- 6b
rdzogs par 'gyur ba dang/ 'bras bu gsang ba'i phrin las mngon du bya ba'i don thun mong ma yin pa bstan pa'o/ /de la dang po gsang chen gyi gleng gzhi bstan pa la/ dang po gsang ba bsdus pa'i rgyud nye bar 'byung ba'i tshul ni/ de nas gsang ba bshad bya ba/ /mdor bsdus pa ste rgyas par min/ / bla ma las kyang bla ma ste/ mkha' 'gro ma yi dra ba'i sdom/ zhes pas bstan no/ /gsang ba mchog gi dgyes pa na zhes pa nas mkha' 'gro dra ba'i sdom pa yin gyi bar gyis gleng gzhi phun sum tshogs pa bstan/ sgra yi tshul las nges 'byung rnams/ /dam tshig spyod pa'i spyod yul yin/ /sbyor nyid cho ga'i ye shes ni/ /rgyud las gsungs pa mnyan par gyis zhes pas khyad par du gleng bslang ba'i don bla na med pa bstan/ thog ma dbus mthar yang dag gnas/ /'jig rten gsum du rnyed dka' ba/ /shes rab thabs kyis kun sbyor ba/ /sngags bzlas bsam gtan la sogs ldan zhes pas thog mar mngon par 'byung ba'i gzhi lhun grub kyi snying po gsang ba bstan pa'o/ /lam grub byed kyi gsang ba ni/ /dpal he ru ka yang dag sbyor/ /'dod pa'i don kun sgrub byed yin/ /dbugs 'byin par ma mchog dag dang bcas pa nas/ /pho nyas lhan cig skyes dngos grub ces pa'i bar gyis dang/ /yang ri sul tshang tshing zhes pa nas/ /der ni dkyil 'khor bri bar bya ba'i bar gyis/ rdul tshon gyi dkyil 'khor sngon du 'gro bas/ dbang bskur ba ni dam tshig sdom gnas dkyil 'khor du/ dbang bskur dngos grub thob par 'gyur/ / zhes pas bstan pa ni rtogs par byed pa dbang bskur ba bstan to/ /lam rim pa'i rnal 'byor bstan pa ni/ mchog dang 'bring dang tha ma ste/ /yid ni nang du chud pa yis/ /'dod pa'i dngos grub bsgrub par bya/ zhes pa dang/ rnal 'byor pa nyid bsod nams mchog /dag byed sdig pa 'jig byed pa/ gsang sngags zlos pa'i bzlas brjod dang/ /bsam gtan gyis ni 'grub par 'gyur/ /zhes pas bstan to/ /lam mthar 'byin par byed pa dam tshig bstan pa ni/ shin tu mnyam gzhag sgrub pa pos/ /dam tshig rtag tu bskyang bar bya/ /dam tshig nyams pas dkyil 'khor du//
- 7a
sngags pas dngos grub 'thob mi 'gyur zhes pas bstan/ /yang lam mthar 'byin par byed pa spyod pa'i chos bstan pa ni/ /rang rdzas thig les sangs rgyas dang/ byang chub sems dpa' mchod par bya zhes pa nas/ the tsom med ces pa'i bar dang/ sbrang rtsi zhes pa nas/ dngos grub rtag par thob par 'gyur zhes pa'i bar gyis spros bcas spros med shin tu spros med kun spyod tshogs spyod rigs spyod phyogs las rnam par rgyal ba'i spyod pa dang/ bde ba chen po'i lam phyag rgya bzhi ldan du grub pa'i gsang ba ni/ mchod bzhi de bzhin rnal 'byor ma zhes pa nas/ bcu drug char yang mi phod do zhes pa'i bar gyis lam yongs su rdzogs par 'gyur ba bstan/ rigs ldan rnams ni mchod par bya/ pho nyas lhan cig skyes dngos grub ces pas/ rigs ldan nges bzung ba/ rigs kyi dbye bsdu dang/ de nyid dbab du bya bas mchod par bstan pa dang/ de las grub pa'i khyad par bstan pa'o/ /gsang sngags zlos pa'i bzlas brjod dang/ bsam gtan gyis kyang 'grub par 'gyur zhes pas bya ba las kyi cho gas rab 'byams 'grub pa 'phrin las thogs pa med par 'grub pa gnas skabs kyi 'bras bu bstan la/ 'bras bu gsang ba'i don mngon du bya ba ni/ 'di ni mi 'chi bcu phyed 'gyur/ /dngos grub thams cad 'jug byed yin zhes pas bstan te/ /de la le'u dang por brjod bya brjod byed lam dang 'bras bu thams cad mdor bstan la/ le'u gnyis pa nas brtsams te/ le'u lnga bcu pa'i bar du rgyas par bshad pas le'u so sor gtan la phab nas/ le'u lnga bcu rtsa gcig pas gzhung yongs su bsdu ba bstan pa'o/ /de dag la rgyu'i rgyud dang/ thabs kyi rgyud dang 'bras bu'i rgyud gsum du bsdus te/ de dag gis zab pa dang rgya che ba bla na med pa de kho na nyid ston pa don gyi rgyud do/ /rjod byed sgra'i rgyud ni/ gdul bya mi rigs kyi cha nas dang/ dbang po rab 'bring mdza' ma mchog gi sgo nas dang/ dus tshod kyi sgo nas dang/ 'jig rten gyi lha chen po rnams gdul phyir bstan pa dang/ 'dod khams kyi lha mi'i chags
- 7b
tshul gyi sgo nas kyang bstan pa las/ bya ba dang spyod pa/ rnal 'byor dang rnal 'byor bla na med pa'i rgyud rnams las/ 'di ni rnal 'byor bla ma'i rgyud du bstan te/ 'di la yang/ bla med rnal 'byor chen po pha'i rgyud dang/ rnal 'byor ma bla na med pa las/ de dag kyang/ rnal 'byor pa'i rgyud/ gtsor skyes pa rnams 'dul zhing zhe sdang gi rnam par thar pa dang/ yum rnams sbas pa'i tshul dang/ thabs sgyu ma lta bu lam du gyur pas 'od gsal dang zung 'jug ston pa'o/ /rnal 'byor ma'i rgyud ni/ chags pa'i rnam thar rnam par dag pas rang sar dag par byed pa'i tshul dang/ gtsor bud med rnams 'dul zhing/ yab sbas pa'i tshul dang/ shes rab lhan cig skyes pa'i bde ba rtsa'i kun tu spyod pa ston pas lam du byed pa'o/ /de dag kyang thabs shes rab gnyis med bde chen phyag rgya chen po thob par ni gnyis ka mtshungs pa nyid do/ /'dir ni dpal 'khor lo sdom pa'i rgyud de dang po nam mkha' dang mnyam pa chen po ste/ de las shin tu bsdus pa 'di nyid du shes par bya'o/ /da ni le'u so so'i don ji ltar bsdu ba gtan la phab pas nges par rtogs par bya ba ni/ de yang le'u dang por gsang chen bla na med pa zab pa dang rgya che ba gnyis su med pa thams cad dpal he ru ka'i sku gsung thugs snying po rdo rje yang dag par bsdus pa nyid du bstan nas/ le'u gnyis pa las ni/ thog mar dbang bskur dgos la de nyid kyi rdul tshon gyi dkyil 'khor du 'jug par bya ba'i cho ga le'u gnyis pa bstan/ chos 'byung gi dkyil 'khor du dbang gsang dbang dang/ byang chub sems kyi dkyil 'khor du dbang gsum pa thob par byas pas le'u gsum pa bstan/ don dam byang chub sems kyi dkyil 'khor du ye shes kyi de kho na nyid ston pas le'u bzhi pa bstan/ der lha mo rnams kyi mtshan sngags kyi don gsal bar bstan to/ /le'u lnga pa nas rtsa sngags kyi lus dngos btu ba dang/ bdun par rgyan yan lag gi 'dogs gsal bar bstan/ bcom ldan 'das he ru ka'i snying po dang nye ba'i snying po dang/ dpa' bo'i go cha btu ba le'u drug pas bstan/ yang dpal he ru ka'i snying po dang dpa' mo drug gi go cha'i sngags btu ba le'u brgyad pas
- 8a
bstan/ rtsa ba'i sngags kyi las tshogs le'u dgu pas bstan/ le'u bcu pa 'bras bu mchog sku gsum dang/ rtsa ba'i sngags kyi phrin las le'u bcu par bstan/ dpal he ru ka'i snying po'i phrin las skye ba bdun pa'i dngos grub bsgrub pa le'u bcu gcig par bstan/ dpal he ru ka'i nye ba'i snying po'i las rab 'byam le'u bcu gnyis par bstan/ dpa' bo'i go cha'i las tshogs le'u bcu gsum par bstan/ dpal he ru ka bod zhal gyi rnal 'byor dkyil 'khor gsang ba snying po'i phrin las le'u bcu bzhi par bstan/ brda'i khyad par gsang ba yi ge re re pa'i brda byed pa le'u bco lnga par bstan/ rigs ldan ma'i mtshan nyid ngos gzung ba le'u bcu drug par rnal 'byor ma bdun gyis rgyas gdab pa bstan/ rnal 'byor ma rnams kyi rab tu phyed pa'i khyad par thun mongs pa dang mchog tu gyur pa'i dbye ba le'u bcu bdun par bshad do/ /khyad par du mkha' 'gro ma'i rigs kyi rnam par le'u bco brgyad par bstan/ thugs rje khyad par du gyur pa la ma'i rnam par 'gyur ba le'u bcu dgu par bstan/ brda lan dang bcas pa ston pa yan lag gi brda'i bsang ba le'u nyi shu par bstan la/ lus brda'i kun tu spyod pa le'u nyer gcig par ro/ /yang dag pa'i phyag rgya gsang ba'i brda lan gyi byed pa ston pa le'u nyer gnyis pas bstan/ rnal 'byor pa la rjes su chags pa'i bde ba ston pa'i mtshan ma bri bar byed pa le'u nyer gsum pas bstan/ ngag gi brda'i yi ge rab byed 'dus pa'i cho ga gsang ba le'u nyer bzhi pas bston to/ /bcom ldan 'das kyi rtsa ba'i sngags gsal bar bstan pa le'u nyer lnga pa las gsung pa dam tshig khyad par du bstan pa bsrung bya nges pa bstan pa le'u nyer drug par ro/ /pho nya dang gtsang sbra brten pa dang/ spros bcas kyis kun tu spyod pa dang/ rjes gzung bsdus ba dang/ gtor ma 'bul ba le'u nyer bdun pas so/ /de kho na nyid dang ldan pa lam rim pa gnyis ka'i gsang spyod la 'jug pa le'u nyer brgyad
- 8b
pas bstan rigs ldan gyi khyad par las/ bde ba bsgrub cing/ dran pa nyer gzhag bstan pa dang/ spyod pa'i dus nges pa dang bcas pa ston pa nus pa thob pa'i don ston pa le'u nyer dgu pas bstan/ khams gsum rnam par rgyal ba'i dkyil 'khor du zhal bzhi pa'i sngags btu ba le'u sum cu pas bstan/ bza' ba'i dam tshig las dpa' bo'i snod dang ldan pas lag mchod rgyas par le'u so gcig pas bstan/ dngos grub myur du bsgrub cing/ ro langs bsgrub pa dang/ he ru ka mngal skyes kyi mngon rtogs le'u so gnyis par bstan/ steng 'og sgo'i bye brag gis phyag rgya bzhi ldan lam du byed pa le'u so gsum pas so/ /rim pa bzhi la gnas pa gtum mo 'bar 'dzag lam du gyur pa le'u so bzhi pas bstan/ gsang ba dpyid dang thig le'i rnal 'byor nyi zla gza''dzin du bcas pa le'u so lnga pas bstan/ rang 'od kyi rnal 'byor ma dam tshig phyag rgya dang/ bde ba gsang ba byang sems kyi mchod pa bstan pa le'u sor drug pas bstan/ thun mong ma yin pa'i bde ba chen po bsgrub pa ye shes kyi phyag rgya dbang du bya ba le'u so bdun pas bstan/ las dang po ba kun tu bzang po dang/ mgon po kun spyod dang/ mnyam gzhag chen po dang/ rig pa brtul zhugs kyi spyod pa le'u so brgyad pas bstan/ lhag pa'i lha zhal mthong du nye ba nas rdo rje'i gad mo brgyad kyis sad pa'i thabs le'u so dgu pas bstan/ 'gro ba gzhan don gtsor bya ba mi rigs lnga la sogs pa dbang du bya ba le'u bzhi bcu pas bstan/ phrin las thams cad las chen bcu gnyis su bsdu zhing/ nang la mchog tu gzhol bas 'grub pa dang/ rigs kyi khyad par ldan pas gnas dang nye ba'i gnas la sogs par lhan cig skyes pa'i rnal 'byor ma rnams kyis sgrub pa po la dngos grub ster ba'i grub byed le'u zhe gcig pas bstan pa dang/ dbang gsum pa'i lam gsang ba dang/ gar gyi nyams dgu dang ldan pas/ gzugs dang las kyi gsang ba'i le'u zhe gnyis pas bstan/ rnal 'byor ma rnams kyi rjes su 'dzin pa dang/ dpal he ru ka'i nye ba'i snying po'i phrin
- 9a
dus? rmi lam du byed cing skye ba rtag pa dang/ nad zhi bar byed pa la sogs pas/ rten 'brel gyi che ba du ma ston par byed pa le'u zhe gsum pas bstan/ dpal he ru ka'i nye ba'i snying po dang/ rnal 'byor ma drug gi las kyi phrin las bstan pa le'u zhe bzhi pa las so/ /dba' bo drug gi go cha'i las dbang du bya ba dang/ dag gi dbang phyug bsgrub pa ste le'u zhe lnga pas bstan/ ha lnga'i phrin las kha sbyang dbye zhing khrag dgug pa'i las zhe drug pas bstan no/ /rje btsun ma'i snying po'i phrin las rab 'byam rtsa sngags ring po'i byed las le'u zhe bdun par bstan pa'o/ /rje btsun ma'i gsang sngags grub pa'i dbang phyug tu bstan cing/ dkyil 'khor rgyas par bstan pa le'u zhe brgyad pa dang/ skye ba bdun pa'i grub pa bstan pa le'u zhe dgu pa dang/ sbyin sreg gi sgo nas 'gro ba dbang du byed pa dang/ gnas la sogs pa'i dbang phyug bstan pa lnga bcu pa'o/ /mngon par rtogs pa bsdus pa'i byed pa dang/ 'bras bu'i rgyud dang/ rdzus skyes kyi rnal 'byor bstan pas gzhung nye bar bsdu ba le'u lnga bcu rtsa gcig pas bstan pa'o/ /da ni yan lag gi tshig don rnam par bshad pa las/ dang por rgyud don la 'jug pa'i chos kyi khyad par bla na med pa'i snying po bstan par bya ba ni/ Artha zhes pa'i sgras gang du bstan pa'i don phyin ci ma log pa yongs su gsal bar byed pa'i phyir/ de nas shes pa snga ma'i rjes thogs su 'jug pa nyid kyis/ thog ma dang bar dang tha mar dge ba'i don bstan par bzhed pa'o/ /gsang ba ni dbal khyab bdag ye shes sku can gyis/ mchog tu mi 'gyur ba bde ba chen po'i ting nge 'dzin la snyoms par zhugs te/ thabs dang shes rab snying rje dang stong pa ro snyam bde chen dbyer med byang chub sems kyi de kho na nyid tshig don tha mi dad par 'byung ba de bshad bya ba zhes smos te/ zab pa rgya mtsho lta bu dang rgya che ba nam mkha' lta bu'i chos bla na med pa ro mnyam pa'i don to/ /rab tu byed pa bstan pa ni/ mdor bsdus pa ste rgyas par min zhes pa/ rab tu gsal zhing rnam par dag pa mtshungs pa med pa las/
- 9b
gzhud nyung ngu'i rab byed spros pa las mdor bsdus pa yin zhing/ dbang po rnon po mchog tu gyur pa'i skal pa can la bstan pa yin gyis/ rgyas par min pa/ dbang po dman pa'i spyod yul du ma gyur pas/ dbang po rtul po rnams kyis rtogs par dka' ba'i phyir/ snying po'i don rgyas pa kun la khyab cing chos nyid mi 'gyur ba'i phyag rgya chen po ston pa'o/ /de nas de nyid mchog gyur pa/ /snying po gsang ba bla na med/ /rgyal ba rgya mtsho'i dgongs pa che/ /nam mkha' mnyam pa gnyis med pa/ /gsal ba dri med bshad bya ste/ don rgyas rab byed nyung ngu ste/ /sku gsung thugs dpal bde ba mchog /yang dag rnal 'byor dbang phyug mchog /phrin las nus pa dngos grub ster/ mi phyed rdo rje mchog bsgrub yin/ /zhes dra ba sdom pa las gsungs pa'i don to/ /de nyid 'byung ba'i gnas ye shes kyi sku bstan pa'i phyir/ he ru ka dpal yang dag sbyor ces smos te de bzhin gshegs pa thams cad kyi sku gsung thugs rdo rje las/ ka kA ya badzra zhing khams rten dang brten par bcas pa thams cad sku yongs su rdzogs pa'i rang bzhin can sku rdo rje dang/ ru ru ti thA ga badzra brjod du med pa chos nyid kyi ngang las gsung dbyangs mi 'gag pa rang 'byung gsung rdo rje dang/ he he ha sa na dgyes pa chen po rol pa thugs rje mi 'gyur ba gsang ba bde ba chen po'i ngo bo ye shes snying rje chen po dang dbyer mi phyed pa'i bdag nyid bde ba mnyam pa nyid yang dag sbyor ba sku lnga ye shes ngo gcig lhan cig skyes par 'byung ba'o/ /phun sum tshogs pa'i 'bras bu myur du steng bar byed pa ni 'dod pa'i don kun sgrub byed yin zhes smos te/ las dang dngos grub myur du thob par 'gyur ba ste/ rnal 'byor pa dbang po rnon pos tshe 'di nyid la dpal rdo rje 'chang gi go 'phang thob par 'gyur ba'i don to/ /de nyid gnas skabs dang mthar thug gi bras bu yon tan du ma sngon du byed ces pa'i tha tshig can no/ /rgyud thams cad las mchog tu gyur par bstan pa'i phyir/ bla ma las kyang bla ma ste/ zhes pas/ rnal 'byor chen po bla ma'i rgyud thams cad las 'di nyid kla klo'i skad kyis sbas pa nyid de/ kun las khyad par du 'phags
- 10a
pas bla ma mchog ste/ gsang chen phul du byung ba gong na med pa bde chen gsang ba mi 'gyur ba'o/ /de nyid la/ kun las mchog 'gyur bla na med/ /gnyis med rgyud kun las rgyal ba/ /dbang phyug sa gsum gtso bo ste/ /dra ba sdom par brjod pa yin / zhes pa'i don to/ /de nyid rdzu 'phrul tshad med pas lam gong nas gong du 'gro ba'i dbang phyug tu bstan pa ni/ mkha' 'gro ma yi dra ba sdom zhes pas/ chos dbyings stong pa nyid kyi dang du rig pa'i ye shes rang grol ba ste des rgyu thabs 'bras bu'i bar du 'brel bar rgyun mi 'chad pas na/ 'dzin cing sdug par byed pas na/ dra ba lta bu ste/ de yang chos thams cad bde stong lhan cig skyes pa'i ngang du sdom pa nyid du bstan pa'o/ /de nyid la rnal 'byor ma mkha' 'gro rgya mtsho ltar na/ de nas de la gsang ba bshad zhes bya ba smos te/ lam tshol ba la zhugs pa dang/ lam dman pa nyan thos dang rang rgyal ba'i theg pa la gnas pa las 'das pa/ theg pa chen po byang chub sems dpa' i theg pa las kyang mchog tu gyur pa bla na med pa/ gsang ba las kyang shin tu ches gsang ba'i gsar ba chen po ste/ de nyid zab ba'i gsang ba sbas pa'i don dang/ rgya che ba'i gsang bas rgyas btab cing khyab pa dang ldan pa/ gnyis su med pa'i gsang ba bde chen ye shes snying po de nyid bshad bya ste/ 'di rtsa ba'i rgyud du nges pa gsang ba lnga ldan du ston pas/ bshad pa'i rgyud du ma rnam par gsal bar bshad par rigs so/ /zhes bde blag tu rtogs par bya ba'i don to/ /mdor sdus pa ni rjod par byed pa tshig tshogs nyung ngur gyur pa yin yang/ brjod bya'i don mi rgyas pa yang ma yin te/ gzhung tshogs nam mkha' dang mnyam pa chen po las/ bltos nas rgyas par min zhes snying po bsdus pa gsal bar bstan pa'o/ /dpal he ru ka yang dag sbyor ni spyir na rigs la gnas pas sems bskyed gsum la gzhi dgod pas lam dang/ 'bras bu byang chub chen po ste/ yang he'i sgra las drangs na/ he hu u pa g+ha ta sarba d+harmA zhes bya bas/ chos thams cad rgyu dang bral bas mtshan ma
- 10b
med pa'i rnam par thar pa'i sgo ston pa'o/ /lus nyid ha'i sgra las drangs na/ ha na u pa tsa ya ta b+hi ra to sarba d+harmA zhes bya bas/ de nyid chos thams cad mnyam pa med pa yin pas na rnam par thar pa'i sgo stong pa nyid bstan/ e byin pas/ e'i sgra las grangs pa yin na/ e bi da sha na b+hi ni ras g+ho ti sarba d+harmA zhes bya ba'i sgras chos thams cad mtshon pa dang bral bas rnam par thar pa'i sgo smon pa med pa nyid bstan to/ /yang ru zhes pa'i sgra las drangs na/ ru a sri ta ta a ut pa sarba d+harmA zhes bya bas chos thams cad brag cha'i sgra ltar rang grag brjod du med pa rnam thar stong pa nyid du ston no/ /lus nyid ra'i sgra las drangs na/ rasti sa yug nya sarba d+harma zhes pas chos thams cad dgag sgrub med pas rnam thar mtshan ma med pa bstan/ ka zhes pas/ ka kA ya tsi ta sarba d+harmA zhes chos thams cad ma skyes shing skye ba med pa/ a ko mu khaM sarba d+harmA shes pas rnam par thar pa smon pa med pa'i sgo nyid do/ /yang de dag sdus pa'i rang bzhin sh+rI ste gnyis su med pa'i ye shes sh+rI i dz+nya na ste/ ye shes bde ba chen po bdag gzhan gnyis med kyi dpal phun sum tshogs pa ste mngon par 'du bya ba med pa nyid du bstan pa'o/ /yang dag sbyor ba bla na med pa'i bde ba la zag pa med pa'i gnas la sbyor ba gsang ba'o/ /tha mal sgo gsum rnam par dag pa lha'i rnal 'byor du sbyor ba nyid do/ /khyad par rnam thar sgo gsum skad cig ma dag pa'i tshul dang/ sku gsung thugs bde chen mi 'gyur ba yang dag par sbyor ba brjod bya'i don la brjod byed sgra tsam du mtshon pas yang dag sbyor mngon par 'dod pa'i don dgos pa khyad par can 'thob par byed pa ni/ 'dod pa'i don kun sgrub byed pa/ zhes pa nus pa dang yon tan rig pa 'dzin pa'i dbang phyug chen po bsam gyis mi khyab pa mngon du gyur pa 'bras bu sku dang ye shes mtshungs pa med pa nyid du bstan pa gsang ba'o/ /bla ma ni spyir sku gsum spyir thob cing mngon du bya ba lha'i rnal 'byor la/ de las kyang bla ma ste shes ngo bo nyid bde ba chen po'i sku lam 'di la brten nas myur du 'thob pa'i don bstan pa yin no/ /mkha' 'gro ma ni rdo rje DA ki la sogs pa gnas gsum gyis bsdus pa'i chos nyid kyi ngang las ye shes nyid du 'byung ba'o/ /de'i dra ba sdom zhes lus sems kyi de kho na nyid kyi dang du thabs shes rab dbyer med snying po rdo rje'i gnas su sdom pa nyid de/ de nas de la gsang
- 11a
chen bshad bya/ sangs rgyas kun gyi snying po de nyid yan lag brgyas min ngo bo mi 'gyur ba/ thabs dang shes rab gnyis med bde chen sdom pa yang dag dbyings dang ye shes 'du 'bral med par 'gyur/ /thun mong khyad par las dang dngos grub 'byung gnas bde blag nyid myur 'thob byed pa/ /gong nas gong du mchog 'gyur sdom pa chen po las kyang gsang ba blang med dus 'di nyid du rab 'byung ba/ rdo rje'i gnas 'di rgya mtsho ltar gyur mi phyed yul las brjod bya rjod byed dri med lam ni rnyed dka' ba'o zhes DA ki gsang ba mdzod las gsungs pa'i don to/ /gsang ba ni lha'i 'khor lo yab yum rten dang brten par ldan pa bde chen du rol pa'o/ /bshad bya ba ni lha'i sku 'byung ba'i go rims nyid de/ 'og min du mngon par byang chub pa'i ye shes mngon du gyur pa'o/ /mdor bsdus pas ni rig kyi dkyil 'khor gsang ba thams cad spro ba dang bsdu ba can no/ /rgyas par min zhes ?mdo dang rtog pa rgyud thams cad kyi rab byed bla na med pa sbas pa'o/ /dpal he ru ka yang dag sbyong ba/ rdo rje 'chang chos dbyings rdo rje ma dang dbyer med pa sku gsung thugs yon tan phrin las kyi 'khor lo nyid do/ /yang dag sbyor ni yab yum gnyis bsrubs pa las yum gyi chos 'byung du dkyil 'khor lha tshogs thams cad kyi sku grub par 'gyur ba'o/ /'dod pa'i don kun ni yab yum gnyis ka'i lus kyi gnas su snying po dang nye ba'i snying po bkong pa las 'byung ba'i bde ba chen po yon tan 'byung gnas su gyur pa'o/ /sgrub byed pa zhes pa ni lha mo dag gis tshad med pas bskul ba las bzhengs pa bstan pa'o/ bla ma ni gtso bo he ru ka yab yum rgyan cha lugs gang gyi nyams dgu dang ldan pa yongs su rdzogs pa'o/ /de nyid las kyang bla ma ste zhes pa thugs ka'i ye shes sems dpa' dang ldan pa'o/ /mkha' 'gro ma ni lha mo'i 'khor lo rigs bdun du gnas pa ma lus pa'o/ /dra ba'i sdom ni de dag gi rang bzhin ni sku gsung thugs ye shes rdo rje'i dang du rigs thams cad 'dus pa'i tshul du sdom pa gsang ba'o/ /de kho na nyid ltar na/ gsang ba ni yi ge rtsa thig le chos nyid kyi rlung rnams rdo rje'i lus la gnas pa rnams so/ /bshad bya ba ni de kho na nyid bzhi ldan/ rnal 'byor gyi lam dang pho nya'i lam du byung ba/ bdag byin gyis brlabs pa dang/ dkyil 'khor
- 11b
'khor lo'i lam mo/ /mdor bsdus pa ste zhes pa lam lnga byang chub kyi phyogs kyi chos thams cad dkyil 'khor yongs rdzogs su bsdus pa nyid do/ /rgyas par min ni ming tshig yi ge tha snyad rab tu byed pa thams cad kyi spros pa rnam par bcad pa'o/ /he ru ka dpal ni rnam thar sgo gsum thabs shes rab dbyer med skad cig mar dag ba bde chen sa bcu gsum pa'i dbang phyug dus su'o/ /yang dag sbyor ni phyag rgya bzhi rim pa dang ldan pa bde chen du sbyor ba'o/ /'dod pa'i don kun ni rtsa'i 'khor lo rnams las ye shes yongs su dag pa kun dar du rlung sems 'dus pa'o/ /sgrub byed pa ni rlung dang rnam par shes pa bde chen dbyer med du lhan cig skyes pa'i ye shes du bsgrub pa'o/ /bla ma ni rang bzhin lhan cig skyes pa/ de nyid las kyang bla ma ni zhu bde lhan cig skyes pa bde stong mchog mi 'gyur ba'o/ /mkha' 'gro ma ni 'od gsal ba'i dang du sgyu ma lta bu'i rlung dang shes pa rnam par dag pa bstan/ dra ba sdom ni 'jig rten dang 'jig rten las 'das pa'i DA ki thams cad bde chen mchog tu mi 'gyur bar gnas pa'o/ /des rgyud la nges par 'jug pa'i khyad par snying po gsang ba'i thun mong ma yin pa'i rnam par gzhag pa bstan nas/ da ni gleng gzhi phun sum tshogs pa dngos sbas pa bla na med pa bstan pa ni/ ra hya sya pa ra mer me sarbA ta ma ni sa daSh+Thi Ta/ DA ki ni sha b+ha ba satwa ba/ badzra satwa su ka ra hya sa na/ tarya sa tyaM b+hu ba b+ha ga ba b+hya/ DA ki ni dzA la saM ba ra dA/ nA da ba ni rya Na sarba ha sa ma ya tsar tya tsa tya bA/ zhes gleng gzhi gsang ba bstan pa'o/ /yang de nyid brjod bya rjod byed dang dgos ched dang dgos pa'i dgos pa khyad par can 'brel pa dang bcas pa thun mong du bstan nas/ de las dpal rdo rje 'chang chen pos gsang ba bla na med pa'i rgyud kyi dgongs pa byi ma'i skye bo yang dag pa'i don myur du grub pa'i dbang phyug snying po bstan pa ni 'di lta ste/ de nas zhe smos te snga ma bstan pa nam mkha' dang mnyam pa las so/ /gsang ba ni phyi rol pa nas/ nyan thos dang rang rgyal ba dang/ mtshan nyid kyi theg pa pa rnams dang/ bya spyod rnal 'byor gyi rgyud man chad lam grags pas de'i phyir ro/ /bshad par bya ba 'bum du mngon par brjod pa'i don dpal rdo rje rnal 'byor mas phyi rabs kyi gdul bya 'di la 'jug pa dgongs pa nyid nyid gsang chen lam rgyu 'bras ching la ma nor ba ston pa'i phyir ro/ /mdor bsdus pa ste zhes pa/
- 12a
tshig dang ming yi ge rab byed nyung ngu las/ zab pa dang rgya che ba rgyud gsum du ldan pa nyid las/ phyin ci ma log pa ste/ spros med rgyas par ston pa 'di ni dkyil 'khor du ma'i 'byung gnas/ gzhung tshig mdor bsdus pa'i byed pa las/ rtogs par slab min rgyas par don gting dpag dka' ba bshad pa'i chu//? las nges par byed pa yin zhes pa'i tha tshig can no/ /gsang ba de kho na nyid ltar na/ rgyu'i gsang ba las sems can thams cad kyi rgyud la gnas pa de bzhin gshegs pa'i snying po rigs sa bon gyi tshul du gnas pas/ lus ngag yid dri ma dang ma bral ba'i dus so/ /lam thabs ltar na gsang ba sku snang stong lha sku rnam pa gsal ba 'khor lo lnga rten dang brten pa ma 'dres la yongs su rdzogs pas/ yang dag sbyor ba lha'i de kho na nyid kyi nga rgyal dang ldan pa'o/ /gsung sgra grag stong sngags rgyun mi 'chad par sangs rgyas kyi gsung du sbyor bas dri ma med pa'i dbyings su sbyor bas so/ /thugs bde stong gnyis med du sbyor bas rtogs pa thams cad dag pa na yang dag pa ste mi 'gyur ba'i rdo rje'o/ /'bras bu ltar na sku lnga ngo bo gcig la ldog pa tha dad du bstan pas gsang ba he ru ka dpal/ /ye shes lnga gnyis med bde chen du rdzogs pas gsang chen de kho na nyid do/ /dpal he ru ka yang dag sbyor ba ni/ de ltar yang/ sh+rI ni gnyis med ye shes te/ he ni rgyu rdzogs stong pa nyid/ /ru ni rtog pa dang bral ba/ /ka ni gang du 'ang mi gnas pa'o/ /zhes gsungs pa'i don to/ /bde ba chen po'i cha ltar na/ a li kA li las gyur pa/ thabs shes rab gnyis med du yang dag sbyor pa bde ba dang sbyor ba ni dbus su nyi zla'i steng du hUM ni sh+rI ste ye shes lnga ldan du sbyor ba shin tu bde ba gsang ba zla ba kun rdzogs/ de nyid las dpal he ru ka yab yum du gyur pa bde ba chen po yab yum snyoms par zhugs pas lhan cig skyes pa mchog tu mi 'gyur ba'i bde ba ni bla na med pa'o/ /de nyid kyi ngang las snang ba sems su yang dag par sbyor ba dam tshig sems dpa' i gong bu las 'das pa/ sems stong nyid spros med du sbyor ba ye shes sems dpa' i gong bu las 'das pa spros med ye shes su sbyor bar ta yi ge gong bu las 'das pa/ de nyid dbyings ye shes gnyis med du sbyor ba he ru ka dpal rnam thar sgo gsum gyi stong pa phyag rgya chen po bla ma bla na med pa'o/ /'dod pa'i don kun sgrub byed pa ni/ las dang dngos grub las/ las chen bcu las chen bcu gnyis phran tshegs 'jig rten pa'i dngos grub 'dod don
- 12b
la/ thun mong ba grub pa brgyad mkha' spyod dang bcas pa'o/ /yang mchog ni sku lnga ye shes lnga/ dbang phyug brgyad dang bcas pa 'bras bu sa bcu gsum pa'i dbang phyug go /des rang dang gzhan gyi don kun ma lus pa phun sum tshogs par 'grub pa la/ bsgrub par bya ba/ sgrub par byed pa bsgrubs pa bla na med pa gsang chen du bstan pa'o/ bla ma ni gu ru karya gu ru ya ba ste/ ngo bo ni dpal bde ba chen po'i ye shes lhan cig skyes pa kun khyab tu yod kyang lam du ma sbyangs pas/ sgrib pa can dbul mo'i gter lta bu la/ dam pas de nyid rigs kyi rtags las shes pa ltar lam du sbyangs pas gong nas gong du yon tan 'phel ba la bla ma zhes bya'o/ /de yang rgyud gzhan las yon tan byin rlabs bla na med pas khyad par du gyur pa bla ma las bla ma ste zhes mnyam zhing mtshungs pa med pa'i don to/ /rnam pa 'jig rten du grags pa'i dbang du byas na/ bla ma lha'i rgyud gzhan dang mtshungs la khyad par du 'gyur ba'i bla ma ni gsang chen 'di nyid snying po gong na med pa phul du byung ba ste/ thog mar sprul pa'i 'khor ma bsdus pa'i phyir ro/ / mkha' 'gro ma ni DA Dha ya a sa ma ste nam mkha' la rgyu ba ste/ ki yo gi ste rnal 'byor ma kun tu spyod pa grub pa la/ DA ni nam mkhar 'gro ma zhes/ /mkha' la sngon du btags pa ste/ /nam mkha' kun tu spyod grub pas/ /mkha' 'gro ma zhes brdar btags so zhes pa'i don to/ /dra ba ni dngos po phra ba 'byin la/ rigs pa 'dzin pa ste/ rgyu thabs 'bras bur 'brel pa can sdom pa zhes pa dkyil 'khor phyi nang gsang ba ma lus pa bde stong mchog tu sdom pa'o/ /des rgyud la nges par 'jug pa'i byed par snying po gsang ba'i rim pa thun mong ma yin pa'i rnam par gzhag pa bstan nas/ da ni gleng gzhi phun sum tshogs pa dngos sbas pa bla na med pa bstan pa ni/ ra hya sya pa ra me ra me/ sarbA ha ma ni sa daSh+Thi Ta zhes pa la sogs pa'i don la/ gsang ba mchog gi dgyes pa nas/ thams cad bdag nyid rtag tu bzhugs/ mkha' 'gro kun dngos sems dpa' ni/ rdo rje sems dpa' bde ba'i mchog /'di ni rang byung bcom ldan 'das/ /mkha' 'gro dra ba'i sdom pa yin zhes pa'i don phun sum tshogs pa nyid ston pa'o/ /de la phun sum tshogs pa lnga ldan du ston pa'i phyir gsang ba mchog gi dgyes pa na zhes smos te/ 'di nyid gnas phun sum tshogs pa ste/ chos kyi dbyings kyi ye shes bde ba chen po'i 'byung gnas dkyil 'khor gsang ba bla na med pa 'byung ba rnam par dag pa nyid do/ /ston pa phun sum tshogs pa ni bcom ldan 'das zhes pa bdud bzhi bcom zhing legs
- 13a
pa'i yon tan thams cad dang ldan pa ste/ srid pa dang zhi ba las 'das pa nyid du sku lnga dbyer med do/ /de nyid kyi ngo bo nyid kyi khyad par bla na med pa ste/ rdo rje ni bde stong dbyer mi phyed pa/ sems dpa' ni snying rje chen po/ dmigs pa med cing tshad med pa'i ye shes kyis rab tu rgyas pa'i bde ba'i mchog byang chub kyi sems mi 'gyur ba'i bdag nyid thabs shes rab gnyis su med pa sku gsung thugs rdo rje ro mnyam snying po rab tu mi gnas pa de bzhin nyid do/ /mkha' 'gro kun dngos ni 'khor phun sum tshogs pa nyid de/ ye shes kyi ngang las 'gro ba'i don du spyod pa'i sangs rgyas dpag tu med pa dang/ sems dpa' ni byang chub sems dpa' chen po'i tshogs du ma thams cad bdag nyid do rnal 'byor gyi dbang phyug chen po mdza' yas pa'i rgyal ba rgya mtsho dpag tu med pa bsam gyis mi khyab pa dang rtag tu bzhugs zhes kun kyang ye shes mchog tu mi 'gyur ba'i ngang du gnas pa la thabs gcig tu zhugs so/ /zhes pa'i don to/ /'di ni ring ? zhes chos phun sum tshogs pa ste/ 'khor 'das thams cad lhan cig skyes pa'i rang bzhin bde stong gsang ba gnyis su med pa'i ye shes chen po nyid do/ /mkha' 'gro ma ni bde ba chen po stong pa nyid kyi dbyings la thugs rje mi zad pas kun tu khyab par mdzad pa'i gar gyi cho 'phrul sna tshogs sgyu 'phrul dra ba dus dang rnam pa thams cad du kun tu rol pa ston pa'o/ /yang dra ba'i sdom pa yin zhes smos pas/ zab pa'i ye shes chen po dang/ rgya che ba dbyings kyi chos nyid/ yul dang yul can gnyis med kyi ngang du ro mnyam par gyur pas/ dus phun sum tshogs pa ste/ bde stong gnyis med 'du 'bral med par 'gyur ba bstan pa'o/ /de nyid la zab dang rgya che rang gi ngo bo de nyid gzhan don snang ba phun sum tshogs pa phyi nang gsang ba de nyid don/ gleng gzhi yul te mi 'gyur chos nyid bsam gyis mi khyab 'di ni phyag rgya chen po ro mnyam dpe med do zhes pa'i don to// rgyud kyi gleng bzhi la dpal rdo rje phreng bar yi ge bzhi bcu'i sgo nas gsal bar byed pa las/ 'dir ni yi ge bcu drug gi sgo nas/ dpal rdo rje mkha' 'gro dang kha sbyor thig le las gtan la dbab pa ste/ ra ni mtshal chen po yi khams/ /hya ni ri las skyes pa ste/ /ri skyes zhes
- 13b
bya mgo skyes so/ /sya ni dri yi snod yin te/ lus la dri ni ji lta ba'o/ /sa ni rlung du gsungs pa ste/ /ra ni dri nyid yin par bstan/ /yi ge me ni rtog pa ste/ /ra ni de bzhin lan tshwa 'o/ /me ni sha chen por bstan to/ /sa ni rab tu sbyor ba nyid/ /rbA ta ni mgo bor rab tu gsungs/ /ma ni lus kyi rkang yin no/ /ni ni dri yi mar khu'o/ /sa ni so dang san mo sde/ /da ni rgya mtsho las skyes pa'o/ /Sh+Tha ni nam mkha' i snying po'o/ /Ta ni ga bur bstan pa'o/ /zhes gsungs pas khams bcu drug stong pa nyid rjes su dran pa bcud len du 'gyur ba bstan pa ste/ ra ni rang 'byung gi sihla'o/ /hya ni skra'i mar khu'o/ /sya ni gsang ba'i sgrags sha'o/ /sa ni me'i sngags pa'o/ /da ni gzhi mnyam mo/ /me me ni sahli phal pa'o/ /ra ni gla rtsi'o/ /me ni sha chen po'o/ /sa ni chil chen po'o/ /rbA ta ni go ro tsa na'o/ /ma ni rkang mar ro/ /ni ni gzhi mnyam mar khu'o/ /sa ni so dang sen mo'o/ /da ni glo ba'o/ /Sh+Thi ni mchil ma'o/ /Ta ta ni byang chub sems kyi thig le nyid do / /Ta ha ta la gang las bskyod pa'i byang chub sems bde ba chen po'i ha las 'bab par 'gyur ba'o/ /de nyid Ta pa ya du ta sa ma zhes byang sems bde ba dbu ma'i lam nas 'byung 'jug byed pa'o/ /Sh+Thi tha ka rir ni zhes pas bor ba ste spangs pa'i don/ Sh+Thi tha tha ka ri ni gnas gang du byang sems brtan par gnas pas mi 'gyur ba'i bde ba rdo nor bu brtan par gyis shig pa'o/ /d+ha ni dA ra ste gzungs bya ba lus kyi khams skyed par byed pas bde ba'i gnas yin no/ /da ha da ha zhes pa na sreg par byed pa ste tsaN+Da li ye shes kyi me 'bar bas nyon mongs pa bsregs pa'o/ /sas ma ya na da tshig ste/ sgo dgu nas byung ba'i bdud rtsi bsten cig pa las/ khyad par du so dang sen mo'i dri ma spang du med pas/ sa sa mA pA d+hi zhes pa'i ting nge 'dzin gang srog rlung dbu mar chud pas gnas par bya ba'i don no/ /ni ni ma la sna tshogs can gyi sri ba ste lus la zas khams sna tshogs su mar khu ltar 'phel ba ste/ zag pa gzhi mnyam mo/ /ni na ni d+ha pA zhes te las khams kyi bcud sna tshogs kyis gnyug ma'i shes pa ro mnyam zhes pa'o/ /ma ma hA b+ha na chen po'i chen po ste sha chen po'i rkang mar gyi stobs bskyed pa'o/ /mam b+ha d+hu b+ha ra na naM khams dangs ma'i cha las grub pa'i gzungs dag pa'i rig pa bskyed ces pa'o/ /rbad nir kats+tshi ces glad rgyas nas khog pa'i bcud gnas pa drang ba'o/ /rbad ?
- 14a
kats+tsha zhes zla ba rgyas pa lta bu'i byang sems 'phel ba'i gnas nas bskyod pas ye shes bskyed pa'i don to/ /sa sa ha na bzhad pas dgyes pa ste mnyam pa nyid bskyed pa'o/ /sa sa mu bran bde ba'i phyag rgya lus la khyab pa til dang til mar lta bu'i byang sems mi nyams shing sbel par bya ba'o/ /me me g+ha te ? na lta bu'i shas lus g.yogs pa'i rnam pa/ me ya ma d+ha na gang du stobs kyi ches grub pa'i bde ba dang 'bral med pa'o/ /ra ra sa yA na zhes bcud kyi len mdangs sdud pa'o ra ra sa yA na ste/ g.yon gyi cha'i kun tu spyod pas bde stong gi nyams gong nas gong du 'phel ba'o/ /me ma ye a ki ste sgyu ma'i ye shes 'bar ba lte ba'i me'o/ /me ma ya na zhes pa bdag gi lus kyi rtsa mdud kyi sihla 'phel bas mkha' 'gro dbang du bsdu bar 'gyur ba'o/ /ra ra b+ha ni zhes pas gang du gzhi mnyam bdud rtsi gnas pas bsten pa'o/ /da ra b+ha ya zhes gang yul snang brtan g.yo dangs snyigs phyed pa la spyod pa'o/ /pa pa du su tsa zhes me tog ltar mdangs gsal ba'i pags pa ste gdong ngo/ /pa pu su tsa gang du mchod pa'i khyad par lnga dang ldan pa sgo lnga'i yul gyi rol pa'o/ /sya sa ya sdom pa sdud pa'i gnas kyi shes te 'og rlung steng du bskyed pa/ sha sa ya sa ha dzA/ ste rang gzhan gyi bde ba bskyed pa'i gnas thur sel dag par bya'o/ /hya ha ri ma ni 'phrog pa'i ye shes bstan pa'i dbang phyug gis ha ri zhes pa ni mgo skyes las byung ba'i mar kyis skra dkar dang gnyer ma 'joms pas rgas shing rgud pa sel ba'o/ /ra ni lak+Sha zhes 'dus pa'i nad kyi zag pa zad par byed pa ste/ rlung 'gog pa'i sbyor ba/ ra sa b+ha ya na mchog tu gyur pa'i si hla kun khyabs nyi ma stobs su gyur pa nyid de/ yi ge gsang ba rtsa dang rlung/ / byang sems bde ba'i rnam pa las/ /ra sa yA na bcud mchog 'gyur/ /'di ni mkha' 'gro bdud rtsi yin zhes gsang ba mdzod las gsungs pa'i don to/ /'dir rgyu'i rgyu rang bzhin rten gyi gang zag dbang po'i rim pa bstan pa las 'dir ni ngos 'dzin pas
- 14b
rigs su nges pa dang ma nges pa'i bye brag las/ gsang ba zhes smos te/ lus ngag yi ge/ yid kyi rnam shes thig le/ snying po chos nyid kyi rlung rnams sbas pa'i tshul du gnas pa la/ ma dag pa thun mong gi gang zag dbang po tha ma ste 'di ni rang 'byung zhes pa dang/ rtag tu bzhugs zhes pa'i don la/ 'di nyid kyi le'u nyer bdun pa las/ lus sbyangs pa la skyon med pa'i zhes pa dang/ rab tu zhi zhing dal pa thul ces pas sku gsung thugs gsang ba bstan pa nyid do/ /cung zad dag pa 'dres ma ste/ thams cad bdag nyid ces pas mtshan nyid kyi chos la sogs pa theg pa chen po spyi dang bla med theg pa gzhan du sbyangs pa ste/ 'dres pa gnyis dang ldan pa po zhes pa dang/ chags med gtong dang tshul khrims ldan zhes pa'i don gyis dbang po 'bring la blo sbyang ba'o/ /dag pa'i gang zag ni/ mchog gi dgyes pa ste/ las 'phro can skye ba du ma nas thugs rjes gzung ba ni/ mnyes byed rnam par dag pa dang zhes pa dang/ ye shes rgyu skyes yang dag rdzogs zhes nyer bdun pa las gsungs pa'i don to/ /dbang po mchog tu gyur pa'i blo sbyong ngo/ /mkha' 'gro ni las dang sgrib pa myur du dag par byad pa las gsal bar byed pa'i ye shes can no/ /kun dngos sems dpa' ni/ gsal byed yon tan ldan pa'i mi zhes le'u nyer drug pa las gsang chen bden gnyis dbyer med du blo sbyar ba la bslab pa'o/ /de la thog mar dbang bskur ba dgos pas na yon tan 'byung ba'i gnas ston ni/ gsang ba zhes smos pas rdo rje mi bskyod pa chu rgyun gyis so/ /mchog ni rin chen 'byung ldan dbu rgyan cod pan dang ldan pas so/ /dgyes pa ni 'od dpag med rdo rje'i dbang ngo/ /thams cad ni don yod rgyal po dus thams cad du chos kyi sgra sgrogs pa'o/ /bdag nyid ni rnam par snang mdzad ming dbang rdo rje dbyings so/ /rtag tu bzhugs ni rdo rje 'dzin pa bdag po bsdus pa rdo rje slob dpon du gyur pa'o/ /mkha' 'gro ni dam tshig gsum sbyin pa kun dngos ni lung bstan/ sems dpa' ni
- 15a
dbugs dbyung ngo/ /rdo rje sems dpa' ni gsang ba'i dbang ngo/ /bde ba'i mchog ni shes rab ye shes so/ /'di ni rang 'byung ni phyag rgya chen po bzhi pa'o/ /bcom ldan ni dbang brtan par gyur pa'i nus pa khyad par dang ldan pa'o/ /dpa' ni bdag gzhan gyi don nus pa thogs med byang chub sems so/ /mkha' 'gro ni longs spyad rdzogs pa'i sku'o/ /dra ba ni sprul pa/ sdom pa ni chos sku/ sku gsum dbyer med ngo bo nyid bde ba chen po gsang ba'i skur sdom pa yin zhes lhun grub nyid du bstan pa'o/ /gsang ba'i dbang la bla ma yab yum las te/ ra ra ka ta sihla/ ha haM las bab pa'i kun da lta bu'i byang sems/ sa ma ni gsang ba mnyam par sbyar ba'i bdud rtsi 'bab pa'o/ /sar me ni pad+ma ste reg ma'i chos 'byung ngo/ /ra ra ta na ma Ni zhes rdo rje nang du las so/ /ra me sa ni mnyam sbyor te yab yum bde ba ste/ rbata dga' ba/ ma mchog dga' / ni ni dga' ba la/ sA d+ha sgrub pa ste lhan cig skyes pa'i ye shes so/ /Sh+Thi ni bde ba/ Ta ta ni stong pa nyid kun dang du gnas pas bzhi pa sba rlabs zhi ba'o/ /de ni rdul tshon rnam par bkod pa dang/ lus dang chos 'byung dang/ byang chub sems kyi dkyil 'khor du bzhugs pa bstan pa'o/ /DA ki ni shab+ha ba satwa ba/ badzra satwa su ka ra hya sa na/ ta tyA sa tyeM b+ha ba b+ha ga ba n+ya/ DA ki ni dzA la saM bar bA/ na ta ba ni rya Na sarba ha/ sa ma ya tsarya ya tsarya bA zhes rim pa gnyis kyi lam khyad par du bstan pa las/ sgra'i tshul las zhes A li kA li'i yi ge las lha'i skur bstan pa ste/ ye shes skad cig las rnam pa yongs su rdzogs pa'i dkyil 'khor ro/ /nges 'byung rnams ni skyes bzhi sbyong byed las dkyil 'khor gyi 'khor lo'i rim pa'o/ /byin gyis brlab cing bstan par gyur pas so/ /dam tshig ni tha mal pa'i rtog pas mi gnas pa/ ye shes kyi cha las mi 'da' ba' o/ /spyod pa ni dam tshig gi dkyil 'khor dang/ sems lus kyi dkyil 'khor du
- 15b
kun tu spyod pa'o/ /spyod yul yin ni nang du ye shes kyi rtsa dang rlung thig les rol pa/ phyir brtan g.yo thams cad lhar gsal bas so/ /lam gyi chos rnam par bshad pa las/ lha'i rnal 'byor gyi sngon du 'gro ba dang/ rnal 'byor dngos las dang po la rnal 'byor dang/ bdag dang/ gnas bsrung ba nas/ bsod nams kyi tshogs dang ye shes kyi tshogs sngon du 'gro ba'o/ /de yang 'byung bzhi'i rim brtsegs ri rab chen po'i bar du bskyed pa las/ gsang ba ni chos 'byung ste nam mkha' o/ /yang gsang ba ni sa'i dkyil 'khor/ ba lang gnas so/ /mchog chu'i dkyil 'khor steng lding ba/ dgyes pa me'i dkyil 'khor skam zhes so/ /thams cad ni rlung kun gyi srog ste rtsa zhes bya/ bdag nyid ni ri bo mchog rab ste rtag tu ni dus gsum rgyun du mi 'gyur ba ru sbal gyi brda'o/ bzhugs pa ni b+h+ruM las byung ba'i gzhal yas khang dkyil 'khor gyi 'khor lo mi phyed pa'o/ /lha'i 'khor la nyid la/ dang po'i gtso bo yab yum mngon par byang chub pa lngas rgyu'i he ru ka bskyed pa ni/ gsang ba ni stong pa nyid/ mchog ni nyi ma/ dgyes pa zla ba/ thams cad ni A li kA li sa bon hI baM mo/ /bdag nyid ni rdo rje dang thod pa las 'od sbre ba dang bsdu ba can no/ /rtag tu ni sku yongs su rdzogs pa las byang chub pa'o/ /de nyid dpal he ru ka yab yum rgyan dang ldan pa gdan dang bcas pa rnam pa ma lus pa yongs su rdzogs par bzhugs pa'o/ /mkha' 'gro yul gyi lha mo rnams kyi sa bon las sku 'byin pa dang sdud par mdzad pa 'jug par byed pa'i rnam pa'o/ /kun dngos ni lha'i tshom bu thub pa dang mes phye ba dag go /sems dpa' ni 'khor lo pa thams cad byung ba'i dkyil 'khor du rnam par dkod pa'o/ /rdo rje sems dpa' ni gtso bo yab yum rjes su chags pa las zhu bar gyur pa'o/ /bde ba'i mchog ni lha mo'i tshad med pa'i glus bskul bas sa bon rdo rje pad+ma las 'bras bu'i he ru ka bzhengs par gyur pa'o/ /'di ni rang 'byung ni gtso bor lus kyi dkyil 'khor yongs su rdzogs pa'o/ /bcom ldan dpal ni byang chub kyi ? chos sum
- 16a
cu rtsa bdun lha'i bdag nyid du bstan pa bla na med pa'o/ /mkha' 'gro ni dus dang yon tan dbang las gyur pa dag go /dra ba ni gtso bo dang 'khor du 'brel bas gzhan du thugs rje tshad med pas skyong bar byed pa'o/ /sdom pa ni sems dpa' gsum 'das/ rim pa gnyis dbyer med sdom pa yin no/ /sgra tshul ni/ sku gsung thugs byin gyis brlab cing/ go cha bgo ba'o/ /nges 'byung rnams ni ye shes sems dpa' spyan drangs nas gnyis su med par bya ba dang/ dbang bskur zhing rgyas gdab pa'o/ /dam tshig ni rig sngags bzlas pa/ spyod pa ni mchod pa/ spyod yul yin ni/ bdud rtsi myang ba/ thun nye bar bsdu ba dang bcas pa ste/ de dag gis lam mngon par rtogs pa he ru ka mngal skyes kyi rim pa ste/ rdzus skyes rim pa yang de dang mtshungs par shes par bya ste/ spyir skye gnas bzhi 'gro ba sbyang bar bya ba'o/ /da ni rdzogs pa'i rim pa gsang ba'i de kho na nyid bstan pa las/ rim pa bzhi las/ rgyud kyi rim pa ni/ gsang ba ni lte ba sprul pa'i 'khor lor rgyu mthun/ mchog ni snying gar rnam par smin pa/ dgyes po ni mgrin par skyes bu byed pa/ spyi bor thams cad ni dbang du gyur pa dri ma med pa'i 'bras bu'o/ /bdag nyid ni smin mtshams su nus pa brtan par gyur pa mdzod spu'o/ /rtag tu bzhugs ni gsang ba bde skyong 'khor lor mi 'gyur ba'i ye shes so/ /mkha' 'gro ni rlung sems dbyer med kyi thig le de rtsa kun dar du brgyud de/ 'khor lo de rnams su 'pho 'jug byed/ dra ba ni yul nyer bzhi rtsar gsum gyis bdun cu rtsa gnyis su 'gyur te de las stong phrag re rer 'gyur ba'i don to/ /sdom pa yin ni e baM ma yA e baM/ a haM bde stong du sdom pa'o/ /mkha' 'gro ni rlung rgyu ba gnyis brgya nyi shu rtsa lnga pa phrag bzhi las/ kun dngos ni ye shes kyi rlung rgyu ba bcu gcig dang bzhi cha byang chub sems dang ldan pa'o/ /rdo rje sems dpa' ni rtsa yi ge thig le dpa' bo rnal 'byor
- 16b
ma dbyer mi phyed pa'o/ /bde ba ni khams thig le don dam gnyis med do/ /mchog ni rten dang brten pa don dam dang kun rdzob khyab bya khyab byed do/ /'di ni thabs shes rab gnyis med dpal he ru ka rdo rje'o/ /rang byung ni ma bcos pa'i de bzhin nyid kyi gnas lugs so/ / bcom ldan dpa' ni skal pa la dbang ba/ dbang phyug la sogs pa dang ldan pa 'gro bas gsum la gnas pa sgrol bar byed pa'o/ /mkha' 'gro ni rigs bdun gyis bsdus pa'o/ /dra ba ni gnas la sogs par bzhugs te/ thugs rjes gzhan don du 'brel pa/ sdom pa yin ni e baM du yang dag par 'khor lo rnams su'o/ /sngags kyi rim pa ltar na/ gsang ba ni a haM de tsaN+Da li dang thig le'o/ /mchog gi ni ye shes drug pa'i rlung bde stong ngo/ /dgyes pa ni 'bar 'dzag tu gyur pa'o/ /thams cad ni mnyam rjes med par rtag tu ni de nyid la dmigs pa gnad dang ldan pa/ bdag nyid ni rlung rig dbyer med grub ste gcig pa sku dang ye shes tha dang med pa/ bzhugs pa ni kun dar gyi gnas mkha' dbyings rnam dag du bde stong lhan cig skyes pa nyid do/ /mkha' 'gro ni rlung sems rtsa kun dar tsaN+Da li gyen du'o/ /byang sems mar 'bab pa las/ kun dngos ni chos thams cad kyi ngo bo stong pa nyid bcu drug /sems dpa' ni snang ba sna tshogs pa ting nge 'dzin du dag pa'o/ /rdo rje ni bde ba mi shigs pa/ sems dpa' ni snying rje chen po/ bde ba'i mchog ni dga' ba rnams las lhan cig skyes pa mtshan nyid med pa'i skad cig ma'o/ /'di ni ye shes don gyis rang bzhin no/ /rang 'byung ni bla ma brgyud pa'i byin rlabs las 'char ba'o/ /bcom ldan ni bdud tshogs rang bzhin gyis rnam par dag pa'o/ /dpa' ba ni gar gyi nyams dang ldan pas bdud kyi g.yul las rnam par rgyal ba'o/ /mkha' 'gro ni chos nyid kyi ngang du rang rig pa rnam par mi rtog pa'i ye shes nyid do/ /dra ba ni chos nyid mnyam gzhag dang bsam gtan las
- 17a
lta bar 'brel ba can no/ /sdom pa yin ni thabs shes rab gnyis med ye shes su bsdus pa'i don to/ /ye shes kyi rim pa ltar na/ gsang ba ni nyams bde ba/ mchog gi ni gsal pa/ dgyes pa ni mi rtog pa'o/ /thams cad ni bde gsal mi rtog pa tshogs pa gcig par gyur pa'o/ /bdag nyid ni ye shes kyi de kho na nyid gnas lugs kyi don no/ /rtag tu bzhugs ni rnal 'byor pa'i lus kyi dkyil 'khor du'o/ /mkha' 'gro ni 'jug pa kun rdzob kyi ye shes/ kun dngos ni ldog pa don dam pa'i ye shes/ sems dpa' i na bden gnyis dbyer med du gyur pa la'o/ /rdo rje ni stong pa nyid spros pa med pa/ sems dpa' ni gzhan don du byams snying rjes so/ /bde ba'i mchog ni mi 'gyur bas rab tu mi gnas pa zung 'jug tshad med pa'o/ /'di ni rang 'byung ni ye shes lhun gyis grub pa'o/ /bcom ldan dpa' ni bde ba'i ye shes chen po de nyid kun la khyab cing rten byed pa'i ye shes ngo bo nyid kyi sku'o/ /mkha' 'gro ni dus thams cad du de bzhin nyid kyi ngang las so/ /pra ba'i don phrin las bzhi la sogs pas gzhan don dang 'brel ba/ sdom pa yin ni 'khor lo lnga ldan shes rgyud gcig gis bsdus pas gnas pa bla na med pa'o/ /'bras bu gsang ba'i rim pa'i don ni/ gsang ba ni sku'i rigs kyi dkyil 'khor gyi gtso bo rnam snang bde mchog 'khor lo/ /mchog gi ni yon tan gyi rigs kyi dkyil 'khor rin chen 'byung ldan bde mchog 'khor lo/ /dgyes pa ni gsung gi rigs kyi dkyil 'khor gyi gtso bo 'od dpag med bde mchog 'khor lo/ thams cad ni phrin las kyi rigs kyi dkyil 'khor gyi gtso bo rdo rje gdon mi za ba bde mchog bdag nyid ni rdo rje rigs kyi gtso bo mi bskyod pa bde mchog 'khor lo'o/ /rtag tu bzhugs ni rigs thams cad kyis bsdus pa ngo bo byang chub sems rdo rje dpal rdo rje 'chang chen po nyid do/ /mkha' 'gro ni longs spyod rdzogs pa'i sku/ kun dngos ni rnam par snang mdzad chen po nyid do/
- 17b
sems dpa' ni thub pa sprul pa'i sku'o/ /rdo rje ni chos sku sems dpa' ni sa chen po la gnas pa phyir mi ldog pa'i tshogs so/ /bde pa'i mchog ni zag pa med pa'i ye shes bde ba chen po'i sku'o/ /'di ni rang 'byung ni gdong ma nas rnam par dag pa ngo bo nyid kyi sku'o/ /bcom ldan dpa' ni ngo bo nyid ye shes kyi sku bdud bzhi bcom zhing legs pa'i don dang ldan pa/ dpa' bo ste skye dgu thams cad kyi 'gro ba'i mgon du gyur pa'o/ /mkha' 'gro ni dbyings stong pa nyid/ ye shes bde ba chen po yul dang yul can gnyis med do/ /dra ba ni rtogs pa thams cad las 'das pa'i rab tu rgyas pa'i dga' ba bzhi sdom pa yin ni skad cig bzhi'i dad du zag bcas kyi chos thams cad zag med bde ba chen po'i rang bzhin yon tan dang 'phrin las tshad med pa'i don bla na med pa bstan pa'o/ /phyag rgya chen po grub pa ltar na/ gsang ba ni chos thams cad kyi gnas lugs bde stong skye med do/ /mchog ni ma skyes pa'i rang bzhin ni rkyen las grol ba/ dgyes pa ni rang rig 'gag pa med pa'i chos nyid cir yang 'char ba/ thams cad bdag nyid gzhan dbang kun brtags yongs grub las 'das pa'o/ /rtag tu bzhugs ni dbyings dang ye shes dbyer med ro mnyam lhan skyes nyid do/ /mkha' 'gro ni rtag chad la sogs pa'i mdza' las 'das pa'o/ /kun dngos ni kun rdzob rnam dag don dam dbu mar ro/ /sems dpa' ni thabs snying rje chen po dang dbyer med pa'o/ /rdo rje ni bde chen mi phyed pa/ sems dpa' ni byang chub sems mi 'gyur ba'o/ /bde ba'i mchog ni rtsa kun dang du chos nyid rlung sems mi rtog pa shar ba'o/ /'di ni rang 'byung ni lhan cig skyes pa lhun grub bo/ /bcom ldan ni sku lnga ro mnyam mo/ /dpa' ni phyogs las rnam par rgyal ba'i ye shes mtshungs pa med pa'o/ /DA ki ni 'od gsal ba'o/ /dra ba ni rang gi rtog pa las 'das pa/ sdom pa yi ni zung 'jug spros med du sdom pa nyid/ 'khor 'das kyi chos thams
- 18a
cad gnyis med tha dad med pa'i rang bzhin du gyur pa'o/ /thabs dang rtogs pa goms par byed pa brtan pa 'byung ba ni rten ye shes skye ba'i yul tsaN+Da li sbyar ba las sgra tshul ni a haM ngo phrad pa las bde stong 'chad pa/ de nyid las 'byung ba ni bde ba gsal ba mi rtog pa 'char ba'o/ /dam tshig ni snang grags thams cad bde chen las 'da' ba med pa/ spyod pa sta yul lnga bde ba zag med du rol pa/ spyod yul yin ni yul dang dbang po thabs shes rab gnyis med du sbyor ba bden pa gnyis rnam par dag pa'o/ /de la ma rtogs pa rtogs par byed pa las/ bum pa gsang ba sngon du 'gro pas/ shes rab ye shes kyi lam ltar na/ gsang chen shin tu rnyed dka' ba ste/ sgra ni rig ma/ tshul ni thabs lus ngag lha sngags/ nges 'byung ni bsrub pa las byung ba'i dga' ba dang skad cig ma 'char ba/ dam tshig spyod pa'i spyod yul zhes pa yul dang dbang po mnyam sbyor gyi ting nge 'dzin to/ /gsang chen des 'byung slar bstan pa/ thog ma ni dga' ba/ dbus mchog dga' / mthar ni dga' bral yang dag gnas ni bde stong lhan cig skyes pa zhu ba de'o/ /'jig rten gsum ni rtog bcas kyi dga' ba chags 'jig dang bcas pa'i phyir/ rnyed dka' ni blo'i spyod yul dang rtog ge las dben pa'o/ /bdun pa'i sgras mi gsal bar 'gyur ba las 'das pa'o/ /de las bzhi pa ltar na/ bla ma brgyud pa'i zhal las byung ba'i sgra ni rjod byed gsang ba/ tshul ni sgrub pa po nyid kyi shes rgyud rang rig pa'i ngo bo lhan cig skyes pa de nyid nges 'byung ba bla ma'i byin rlabs kyis so/ /dam tshig ni mtshon bya mtshon byed las 'das pa'i gnas lugs nyid do/ /rang bzhin dag pa ni thog ma dbus mdza' ni thos bsam bsgom pa/ gnas yang dag par zhes gdod ma nas khams rang bzhin rnam dag 'gro 'ong med par ro/ /de nyid las rgyud kyi rim pa ltar na/ chos thams cad stong pa nyid nA da'i sgra'i tshul de nyid las/ des 'byung ba ni chos 'byung brten dang
- 18b
brten pa'i dkyil 'khor du snang/ dam tshig ni stong nyid las 'byung zhing 'jug pa'o/ /spyod pa ni dpa' bo rnams so/ /spyod yul yin ni rnal 'byor ma rnams dang/ yab yum gnyis med/ /nges 'byung las yang thog ma ni thugs kyi tsakra/ dbus gsung/ mthong na sku'i 'khor lo/ /yang dag gnas ni dam tshig gi 'khor lo dang/ bde ba chen po'i 'khor lo nyid do/ /'jig rten gsum ni lha tshogs de dag /phyi nang gi sa gsum du kun tu spyod pa'o/ /rnyed dka' ni bla ma'i lung dang bral pa la'o/ /sngags ltar na/ sgra ni shes rab bde ba'i a'o/ /tshul las ni thabs hi las thig le'o/ /nges 'byung ba ni skad cig ma bzhi dang dga' ba bzhi 'char bo dam tshig ni lhan cig skyes pa'i ye shes las mi 'da' ba/ spyod pa ni lus sems kyi spyod yul yin ni nang dang phyi'i dngos po thams cad bde stong du 'char ba'o/ /thog ma ni sprul pa'i 'khor lor dga' ba dang po/ /dbus ni chos kyi 'khor lor mchog dga' o/ /mthar ni long spyod 'khor lor dga' bral lo/ /yang dag gnas ni spyi bo bde chen du lhan cig skyes pa'i ye shes 'char ba'o/ /'jig rten gsum ni dga' ba gsum 'jig tshogs can no/ /rnyed dka' ba ni bdun pa'i tshig gsum par mi mngon par gyur pa'o/ /ye shes kyi rim pa ni/ yab yum 'du shes gsum ldan pas sgra ni ye shes kyi rig ma'i chos 'byung sngags bcas pa'o/ /tshul ni thabs kyi gsang ba byin gyis brlabs pa las mnyam par sbyar ba'o/ /nges 'byung ba ni rten mi 'dra yang nyams 'char tshul mtshungs pa'o/ /gsang ba'i rim pa dang sbyar na/ shes rab stong nyid dang las sgra'i don skye med/ chu las ni thabs snying rje chen po/ nges 'byung ba ni dbyings las ye shes thogs med par ro/ /dam tshig ni ngo bo nyid kyi sku spyod pa ni yid bzhin nor bu yon tan phun sum tshogs pa 'byung ba/ spyod yul yin zhes longs sku dag pa'i zhing khams su'o/ /sprul sku thub pa 'gro ba rnams la chos gsung bar mdzad pa'o/ /thog ma ni chos sku/ dbus ni longs spyod rdzogs pa/ mthar ni
- 19a
sprul sku'o/ /yang dag gnas ni bde ba chen po'i sku bla na med pa'o/ /'jig rten gsum ni rnam thar sgo gsum skad cig ma sa bcu gsum pa'i dus so/ /rnyed dka' ba ni tha snyad spros pa las dben pa brjod bya don gyi gsang chen no/ /de kho na nyid rnyed par yang rtogs par dka' ba'i chos te thabs kyi khyad par gang las rtogs par bya zhe na/ shes rab thabs kyi kun sbyor ba/ sngags bzlas bsam gtan la sogs ldan zhes smos ste/ shes rab ni dbang po rab kyi rnal 'byor pas so so rang gis rig pa'i shes pas chos thams cad la dngos po med par rtogs pa'o/ /thabs ni bla ma dam pa'i byin rlabs kyis dngos po'i mtshan nyid skye med du rtogs pas/ kun sbyor ba ni gnyis med ye shes gsang ba lhan cig skyes pa mngon du gyur par bya ba'o/ /de nyid la ma rtogs pa rtogs par byed pa dbang ltar na/ shes rab ni bum pa'i dbang las/ rig pa'i dbang lngas ye shes dang ldan pa'i nus pa bzhag thabs de nyid kyi dus su kun sbyor ba rdo rje slob dpon gyi dbang/ phyir mi ldog par byed pa'o/ /bsam gtan ni ting nge 'dzin gyi byed las dang/ sngags bzlas snying po nye snying la sogs pa brjod pa'o/ /la sogs ldan ni dbang rdzas gtad pas nges par te/ rjes gnang la sogs pa bya ba'o/ /gsang dbang gi ni/ shes rab ni ma rdo rje slob dpon du gyur pa'o/ /thabs ni bla ma'o/ /kun sbyor ba ni bla ma yab yum he ru ka'i rang bzhin bsrubs pa las byung ba'i sbyin pa'o/ /sngags bzlas ni a nu rA ga la sogs pa brjod pa/ bsam gtan ni lha'i nga rgyal dang ldan pas so/ /la sogs ldan pa'i dga' ba zag bcas la brten nas lung bstan pa thob pa'o/ /dbang gsum pa'i shes rab ni rig ma'o/ /thabs ni rig ma gtang ba dang mkha' gsang byin rlabs lha'i nga rgyal ldan pas so/ /sngags bzlas ni A li kA li spel ma sde mtshan gang gis dus su bab pa'i ye shes ngos 'dzin pa'o/ /bsam gtan ni dga' ba dang skad cig ma las don gyi ye shes rtogs par bya ba'o/ /la sogs ldan ni
- 19b
lus kyi 'phrul 'khor phyag rgya'i gdan bcing par bya ba bsdus pa'o/ /de la bde stong gnyis su med pa'i ye shes kyi lam/ phyag rgya bzhis thabs shes rab ro gcig tu lam du bya ba ni/ las kyi phyag rgya ni lhan skyes zhing skyes/ sngags skyes ye shes las byung pa'i rig ma'i rtsa rdo rje dbyings kyi dbang phyug ma la brten nas shes rab stong pa nyid du 'char ba dang/ thabs bde ba dbyer med nyid de/ bde stong lhan cig skyes par 'char ba sbyor ba'o/ /chos kyi phyag rgya'i nang du tsaN+Da li'i byed pas/ yul 'dod yon lnga'i rang bzhin shes rab kyi nyams la/ thabs dbang po'i spyod pa snang ba gsal stong lhan cig skyes par sbyor ba gnyis su med pa'o/ /dam tshig gi phyag rgya ni nyams myong de nyid las 'byung ba bzhi thim bas/ 'od gsal shes rab stong nyid spros med las/ thabs zhu bde lhan cig skyes pa rig stong gnyis med du kun sbyor ba ye shes su 'char ba'o/ /phyag rgya chen po la ni/ shes rab chos thams cad mkha' ltar rnam par dag la/ thabs rang bzhin lhan cig skyes pa gnyug ma bde chen mi 'gyur bar kun sbyor ba/ zung 'jug tu 'gyur ba'o/ /bde ba rtog med tsam la dpe'i ye shes su 'dod pa yang yod la/ bde chen de nyid 'od gsal rnam par mi rtog pa don gyi ye shes ni/ kun sbyor ba zhes gnyis med ro mnyam chen por 'gyur ba'o/ /sngags bzlas rlung 'gro 'ong dang 'bral ba'i dbu mar chud pas gnas pa'o/ /bsam gtan gyi ting nge 'dzin khams gsum gyi nyams thod rgal du 'jug pa las 'das pa zhi gnas lhag mthong dbyer med bde stong ro gcig go /la sogs ldan khyad par gyi mchod pa dang sbyin sreg dang brtul zhugs spyod pa thams cad/ phyag rgya bzhi ldan du gyur pas myur du ye shes 'grub pa'o/ /de nyid la mkha' 'gro rgya mtsho las/ gsang ba sgra don 'brel ba'i tshul/ /dkyil 'khor 'khor lo nges 'byung rigs/ /bsdus dang so so dam tshig gi/ spyod yul lus sems bde bar rol/ /thog ma bar dang mthar dgad?/
- 20a
de nyid gsang rim sku gsum mchog /srid gsum las ni rnam dag pa'i/ /ye shes rnyed dka' yang dag gnas/ kun sbyor shes rab dang ldan pas/ /rlung las rnam rgyal ting 'dzin gnas/ phyag rgya bzhi la sna tshogs thabs/ /sbyor ba'i cho ga bstan pa ni/ /rdo rje rnal 'byor ma la ni/ /'dzin pa'i don du bskul cing gdams zhes gsungs pa'i don to/ /snying po bsdus pa la gdams pa/ sbyor nyid cho ga'i ye shes ni/ /rgyud las gsungs pa mnyan par gyis/ zhes pa'i don la/ sbyor nyid ni/ e baM ste sdom pa thams cad kyi bdag nyid/ dpal he ru ka'i sku gsung thugs mi phyed pa'i rdo rje gnas pa'o/ /cho ga ni dkyil 'khor gyi 'khor lo la sogs pa'i rtog pa gsang ba'i rim pa myur du dngos grub mngon du byed pa'o/ /ye shes ni lhan cig skyes pa de las spro ba dang sdud pa ston pa'o/ /yang na sbyor ba nyid ni dpal he ru ka yab yum du sdom pa dkyil 'khor 'khor lo phyi nang du ston pa/ du ma'i 'byung gnas so/ /chog ni lha'i 'khor lo'i rnam par snang ba las/ de nyid lha'i ngo bo bde stong las zhi ba dang khro bo'i sku'i rnam pa du mar ston pas phrin las sna tshogs su 'char ba'o/ /ye shes ni bde bsal mi rtog pa'i chos nyid 'gag pa med pa las mkhyen pa dang ldan pa'o/ /rgyud ni brjod bya don gyi gsang chen/ gzhi rigs la gnas pa rgyu'i rgyud khams rang bzhin rnam dag las/ lam thabs rim pa spyod pa dang dam tshig sdom pas rgyud la sbyangs pa thob par byed pa dang/ mngon du gyur pa'i sku dang ye shes thogs pa med par 'char ba 'bras bu'o/ /rjod byed sgra'i rgyud kyi gsang ba tshogs pa dang ldan pas gnyis su med pa lhan cig skyes pa mi 'gyur ba'i don to/ /de las gsungs pa ni dpal rdo rje 'chang gis gdul bya'i dbang po'i rim pa dang sbyar nas bstan pa'o/ /mnyan par gyis zhes rdo rje rnal 'byor ma la nye bar gdams pa'o/ /gsung ba'i thabs
- 20b
mchog gnas ni nges pa'i rgyud de/ dga' ba ye shes rtogs par 'gyur ba rim pa dbyer med nyid bde ba yul ni snying po gsang ba thabs dang/ thabs las byung ba/ rang 'byung chos nyid snying po 'dir bstan pa/ rdo rje rnal 'byor ma'i rab bskul nas ni/ gsang ba'i dam tshig dkyil 'khor 'khor lo bdag byin brlab/ ces gsang ba mdzod las so/ /des gleng bslang ba bstan pa'o/ /de la rnal 'byor ma bla na med pa'i rgyud 'dir ni/ gtsang sbra gsum la gnas par bya ba las dang po kho na pho nyas lhan cig skyes dngos grub ces pas de'i don la/ pho nya'i gtsang sbra dang po yin zhes rnal 'byor ma phyi dang nang du gnas pa'i rig ma mnyes pa las ye shes grub par bstan pa'i phyir ro/ /dang por pho nya ngos gzung ba bstan pa la/ des ni dngos grub thams cad myur du 'grub par byed cing phrin las rnams thogs pa med par bsgrub pa ste/ shes rab kyi pho nya dang thabs kyi pho nya dang/ gsang ba ye shes kyi pho nya bstan pa'o/ /de la dang po gsang ba shes rab kyi pho nya'i khyad par ni lhan cig skyes zhes smos te de ni rnam pa 'gro ba la lha mo'i tshul du snang ba stong pa rnams te/ 'og min chos dbyings bde ba chen po'i pho brang du ye shes kyi khyad par las byung ba'i dkyil 'khor chen po tshad med pa na gnas pa'i rnal 'byor ma bde stong gnyis su med pa'i ngang la bzhugs shing 'khor tshad med pa dang ldan pa rnams so/ / gnyis pa pho nya zhing skyes ni thugs rje chen po mnga' bas dzam+bu'i gling du yul sum cu so gnyis la sogs par 'byung ba ste/ rnal 'byor ma'i rnam pa'i gzugs su ston pa/ ngo bo nyid kyi bla na med pa'i chos thams cad la gnas pa'i ting nge 'dzin gyi ston dang ldan pa'o// gsum pa pho nya sngags skyes ni yul dbus la sogs par mkha' 'gro'i skye gnas 'dzin pa ste/ rgyud lam gyis sbyangs pa thob pa las rten du gyur pa 'ga' zhig go /grub pa ster tshul ni/ mchog dang 'bring dang tha ma ste zhes pas mchog ni lhan cig skyes
- 21a
ma ste ye shes kyi snang ba ston pa la/ brda dang brda'i lan lus brda dag brda la sogs pas legs par brtags te/ des ni tshe 'di nyid la rang gi ngo bo nyid yongs su brje bas bla na med pa'i mchog phyag rgya chen po grub pa ster bar byed pa'o/ /'bring dang zhes pa ni zhing skyes ma grub pa rnams dang phrin las sna tshogs te/ las chen po la sogs pa nye ba nye bar 'grub par byed pa nyid kyis DA ki ma ngos zin pas yon tan 'byung ba'o/ /tha ma ni sngags skyes ma ste grub pa dang de dang nye pa'i chos mthun grub tu rung ba ste/ lam nye bar bgrod pa'i spyod pa bstan pa ste/ dam tshig spyod yul zhes pa'i don bstan pa yin no/ /rigs ldan gyi khyad par bstan pa las/ pho nya ni rdzu 'phrul gyi nus pa dang ldan pa ste/ rnal 'byor pa'i rdo rje'i lus kyi gnas lugs las 'byung ba bzhi rlung las su rung bas rlung gi byed las chos nyid kyi rlung ni rang bzhin lus la gnas nas kun tu mi g.yo ba'i las byed/ las kyi rlung ni rtsor rkyang gnyis la gnas nas/ gzung 'dzin bskyed/ dag pa'i cha ni g.yon gyi skye med/ g.yas 'gags pa med pa'o/ /ye shes kyi rlung rtsa dbu mar gnas pas rtog pa spangs pa bde chen mchog tu gyur par byed pas na/ gzung 'dzin dbu mar 'gog pas lhan cig skyes pa'i ye shes kyi dngos grub 'char ba'o/ /mchog ni rtsa kun dang las so/ /'bring ni g.yon rkyang ma shes rab kyi cha'o/ tha ma ni g.yas rtsa ro ma thabs kyi cha ste/ g.yas g.yon rlung rtsol ba dbu mar yon tan 'byung ba'o/ /yid ni nang du chur ba yis/ 'dod pa'i dngos grub bsgrub par bya zhes pa la/ pho nya dang pos ni gsang ba mchog bde chen shin tu myur bar star ba ste the tshom med pas so gnyis pas ni grub pa las dang bcas pa myur du ster bas rtog pa med par byas bas brten pa'o/ /gsum pas ni tshe gcig gis 'grub pa ste/ log par rtog pa tha mal 'du shes dang bral bas man ngag dang ldan pas so/ /des yid kyi rnam shes lam du gyur pas
- 21b
skad cig ma dang dga' ba bzhi las/ 'dod yon lnga lam du khyer bas dngos grub mchog bsgrub par bya ba nyid yin no/ /yang khyad par du ni/ rnal 'byor pas dpal he ru ka yab yum gyi nga rgyal brtan pa las/ yid kyis rnam shes dbu mar 'jug pa'i gnad de/ khams gzhan gyi bdud rtsi len pas nges par 'grub pa ni/ tsaN+Da li 'bar ba la brten nas/ rtags bcu yon tan brgyad kyi dngos grub kyi mthar/ phyogs bcu'i rgyal ba thams cad kyi ye shes kyi bcud blangs nas 'byung ba dang 'jug pa'i sgo nas bdag nyid la bstim pas ni/ bdag byin gyis brlab pa'i lam bsgrub par bya ba thun mong ma yin pa'i lam mo/ /da ni rigs ldan mchod par bya ba'i don las/ thog mar mchod pa'i rdzas gang yin pa ni/ dbugs 'byin zhes pa la sogs pas bstan te/ 'khor ba sdug bsngal las lam gyi ye shes cig car du skye bar byed pas dbugs 'byin pa mi skye ba bdun pa'i sha chen po'o/ /bar ma ni g.yas ro mI cha las 'byung ba'i sihla'o/ /mchog ni kun de lta bu'i thig le zla ba'o/ /dri ni gzhi mnyam mo/ /chu dang ni bla rtsi rdo rje'i rigs so/ /bcas pa ni de dag lhan cig tu sbyor bar bya bdud rtsi lnga po de nyid sangs rgyas rigs lnga'i rang bzhin gyis gdod ma nas byin gyis brlabs pa ma da nas sbyar ba 'am ba'i 'o ma sbyar bar bya ba'o/ /kyang zhes sha lnga dang sdoms pas dkyil 'khor sgrub pa dang rjes su 'bral pas phyi nang gsang ba de kho na nyid kyi mchod pas dpa' bo dang rnal 'byor ma thams cad bde chen du mchod pa'o/ /khyad par du ni/ dbugs 'byin ni kun rdzob sgyu ma lta bu'i lha sku'i ngang las /rtsa kun dar du las kyi rlung chud pas don dam 'od gsal rtogs pas so/ /bar ma ni yon tan cung zad bskyed pa/ ro rkyang gnyis kyi rlung dbu mar 'gro bas gzung 'dzin ldog pa'o/ /mchog ni kun da lam du slongs pas ye shes khyab bya khyab byed kyi tshul du'o/ /khams lnga'i snyigs ma dug lnga yin la/ dangs ma las rigs lnga'i dkyil 'khor 'char bas na/ de ni
- 22a
sna'i dbang po la sogs pa sgo sngar yan lag ro mnyam par spyod pa'o/ /chu dang ni rtsa ba'i khong na gnas pa lus la gnas pa'i bdud rtsis rtsa'i 'khor lo thams cad 'gengs pa'o/ /bcas pas kyang zhes lus phyi nang du dbang pos yul la spyod pas ra sa yA nar gyur ba'o/ /rnal 'byor pas zhes gang du gang la gang gis mchod pa'i dus ston pa ste/ thabs shes rab gnyis he ru ka'i bsam gtan dang ldan pas/ dus rtags khyad par zhes pas ting nge 'dzin ma skyes pa skye bar bya ba/ skyes par rtan pa/ de las phogs? dang yon tan bskyed pa'i ched du/ phyir yar ngo dang mar ngo'i tshes bcu la sogs pa dang/ nang du tshogs khyad par can rdzogs par bya ba'i don du lus kyi gnas thams cad du khams 'jug pa dang/ dbang du byas pa dang/ longs spyod la dang thim par 'gyur ba gnas dang nye ba'i gnas la sogs par rlung gi 'pho ba dpa' bo dang rnal 'byor ma gnyis med bde bar rol pa'i dus 'byung ba rtogs par bya ba'o/ /mchod pa'i yul ni/ rigs ldan rnams ni mchod par bya zhes pas/ rigs ldan rnams zhes pa la phyi dang nang gi las/ dang po ni zhing skyes ma la sogs pa de dag gi spyod lam dang ngang tshul dang lus ngag gi brda'i rnam par 'gyur ba la sogs par byas la/ rnal 'byor ma sum cu so drug la sogs pa thams cad rigs bdun du shes par byas la/ 'jig rten pa dang 'jig rten las 'das pa'i khyad par dang dam tshig dang ye shes la spyod pa'i khyad par rtogs pas/ de kho na nyid kyi mchod pas brten par bya ba'o/ /gnyis pa nang gi ni/ rigs ldan ni/ lus kyi gnas nyi shu rtsa bzhi la sogs pa na gnas pa'i/ DA ki ma rnams 'dus pa'i dus gnang shes pas bsam gtan dang rnal 'byor gyi stobs kyis 'du ba dang nye bar 'du ba shes pas/ dbye ba dang bsdu ba'i rim pa shes par bya bas mchod par bya'o/ /de nyid las yang rang rdzas thig le ni rnal 'byor dang rnal 'byor ma'i lus kyi rgyu mthun las byung ba'i byang sems kyi dkyil 'khor pa la mchod pa ni/
- 22b
phung po'i sangs rgyas dang khams kyi rig ma lha mo dang/ skye mched kyi byang chub sems dpa' dang/ yul gyi lha mo rnams dang/ lus kyi cha shas la gnas pa'i khro bo yab yum la sogs pa mchod par bya ba yul dang yul can gyi tshul gyis so/ /yang na rang rdzas ni rang rig pa 'di nyid do/ /rlung rig dbyer mi phyed pa'i thig les zhes pa thams cad kyi ye shes kyi 'byung gnas su rig par bya ba las/ sangs rgyas ni ye shes lnga'i ngo bo byang chub sems rdo rje'o/ /byang chub sems dpa' ni dkyil 'khor gyi lha tshogs thams cad de/ tshad med pa dang/ dpa' bo dang rnal 'byor ma yab yum dang/ sgo mtshams ma dang bcas pa la mchod par byed pa dkyil 'khor pa la zab pa shes rab dang/ thabs rgya che ba yul dang/ dbang po gnyis med kyi tshul du mchod par bya ba'o/ /de nyid la rigs ldan mchod pa'i phan yon gyi che ba ni/ mthong ba dang ni zhes pa la sogs pas bstan pa nyid de/ bde ba lam du byed pa rigs ldan bsten pa'i dus su gzugs rdo rje ma mthong ba dang bltas pa tsam gyis so/ /sgra rdo rje mthos bas bde ba bskyed pa dang/ dri rdo rje ma bsnams pas dri'i bye brag pad+ma dang dbang dang sihla la sogs pa dang/ ro rdo rje mchu'i sbrang rtsi ltar myang ba dang/ lha mo reg rdo rje ma las thob pa'i bde stong ye shes kyi nyams myong de nyid dran pa'i yon tan ting nge 'dzin khyad par can gong du 'phel bar byed pa'i nus pa'i stobs 'byung ba'o/ /yang na bdag nyid sgrub pa po yon tan dang ldan pa de nyid la/ gzhan dag gis mig gis mthong ba dang ni lus kyi yul du reg pa dang chos smra ba rna bas thos pa dang ni zhes gsung gis brjod pa dang/ shes pas yid yul du dran pa yis zhes gang gis gus 'dud byas pa la yang yon tan 'byung ba dgongs pa'o/ /skyon ji ltar dag tshul yang sdig pa kun las zhes tshe thog ma med pa nas bsags pa'i sgrib pa thams cad las myur du grol 'gyur ba zhes 'ching ba'i zhags pa thams cad rnam par
- 23a
bcad de/ srid pa las 'das pa thob pa ni/ de ltar nyid du ste bla na med pa'i gnas myur du bgrod par 'gyur bar the tshom med ces chos 'di nyid kyi che ba yar bstan pa yin no/ /'dir gsang ba'i spyod pa las yon tan 'phel bar 'gyur ba yang/ rnal 'byor pa nyid ces pas/ kun tu bzang po dang/ mgon po kun tu spyod pa dang/ mnyam gzhag chen po spas pa'i spyod pas rim pa gnyis las gos shing a ba d+hU tIShI spyod pa spros bcas la sogs pa la gnas pas/ tshogs gnyis rdzogs pa bsod nams ni yon tan 'phel ba'i rgyu la brten nas 'bras bu gzugs sku grub pa'i don mngon du byed la mchog ni ye shes kyi tshogs te 'khor gsum yongs su dag pa rdzogs pas 'bras bu ngo bo nyid chos kyi sku dam pa thob pa'o/ /de yang dbang dang lam gyis rgyud yongs su sbyangs pas dag par byed na/ me yis spyangs pa'i nor bu bzhin no/ /sdig pa 'jig byed ni las nyon mongs pa bag chags kun nas dkris pa'i 'ching ba las grol zhing thar pa thob pa'o/ /de nyid du rnal 'byor pas rim pa gnyis spyod pa dang bcas pa gnas pa'i nus pa'i stobs myur du grub pa de'i khyad par bstan pa'i phyir/ gsang sngags zhes pa la sogs pas bstan te/ snod ma yin pa la mi bstan pa ste/ skal pa bzang ba la sngags pa las man tra'i sgras shes skyob dang yid skyob ste/ 'di nyid la/ gsang sngags bsam gtan gyis 'grub 'gyur zhes sbyar te/ lha'i rnal 'byor gyi dpa' bo gcig pa nas dkyil 'khor yongs su rdzogs pa'i bar du mnyam rjes med par lam du gyur pas grub la/ rdzogs par ni bdag byin gyis brlab pa dang/ dkyil 'khor 'khor lo'i lam la 'bad pas phyag rgya bzhi ldan du lam rdzogs pas grub pa'o/ /bzlas brjod kyis kyang 'grub par zhes sbyar te/ lha'i snying po dang nye snying/ rtsa sngags dang phreng sngags mchod par 'gyur ba/ go cha dang srung bar byed pa/ rje btsun ma'i rtsa sngags snying po dang bcas pa tshul bzhin
- 23b
du zlos pa des khyad par du'o/ /yang rdzogs par srog rtsol 'gog pas rdo rje'i bzlas pas rlung las rnam par rgyal ba thob bas rje btsun yab yum gyis byin gyis rlob par 'gyur ba nyid do/ /da ni lam gyi gzhi sdom pa dang dam tshig bstan pa la/ shin tu mnyam gzhag sgrub pa pos/ /sdom pa rtag tu bskyang bar bya zhes pas/ man tra saM ba ra ni sngags kyi sdom pas te/ spyi dang bye brag khyad par ye shes bla na med par bsdoms pa/ gzhi nges par 'byung pa/ bslab pa gsum pa gnas pas/ gsang ba rdo rje theg pa'i sdom pa bde chen ye shes su'o/ /shin tu mnyam gzhag ni rnal 'byor pas lha'i sku dang/ rdzogs par rten dang bcas pa dang/ brten pa bsam gyis mi khyab pa'i ting nge 'dzin la mnyam rjes med par ro/ /sgrub pa pos zhes pa'i don la/ so sor thar dang byang chub sems/ /rig 'dzin rang gi sdom pa'o zhes pa dang/ phyi nang gsang ba theg pa gsum/ /dam chos so sor gzung bar bgyi zhes pa'i don to/ /dam tshig rtag tu bskyang bar bya zhes pas/ mahA sa ma ya gaM b+hI ra ba ste zab pa'i dam tshig chen po dang/ mu d+ha rA thA ste rgya che ba'i dam tshig las/ mu las te rtsa ba dang/ aM ga la ste yan lag gi dam tshig las/ 'di nyid kyi dgongs pa ni le'u nyer drug pa las rgyas par shes par bya'o/ /de nyid bsams nas rnal 'byor gyis/ /byang chub sems kyis rnam par brgyan/ /sems can kun la rjes brtse bas/ dam tshig dang ni sdom la gnas zhes pa'i don to/ /des dam tshig la gnas pa'i tshul bstan nas/ da ni dam tshig dang bslab pa ma bsrungs pa'i nyes pa bstan pa'i phyir/ dam tshig nyams pa'i dkyil 'khor du/ /dbang bskur dngos grub thob mi 'gyur zhes gsungs pas dang por bla ma las byin rlabs dang dbang thob nas gdams pa dang rjes su bstan pa thob kyang/ dam tshig ma bsrungs na/ 'bras bu yid du mi 'ong ba 'byin la/ de la phyir bcos pa la nyes pa che chung rim pas shes
- 24a
par byas la/ dbang dang tshogs 'khor dang/ bshags bsdams ma byas na rdo rje dmyal bar ltung bas/ bshags bsdams bya'o/ /des bsrungs pa'i dam tshig bstan nas/ da ni bza' zhing spyad par bya ba'i dam tshig bsten pa la/ gtsang sbra gsum las/ dang por rim pa gnyis ldan spyod cing gnas pa'i gang zag gis zhi pa'i bltung ba bstan pas gsang ba'i dbang lam du bya ba ste/ sbrang rtsi ni lus kyi me tog gi khyad par las byung ba'i gla rtsi'o/ /mtshal dang ni rab 'byung me tog /ga bur ni zla ba ri bong 'dzin/ /de dag dang bcas pa gzhi mnyam mo/ /tsan dan ni sna tshogs kyi sha mi lus las byung ba'o/ /dkar ba dang dmar ba'i cha ni rkang gi spu bu las dang/ go re tsa na ma da na 'o ma dang sbyar ba ni sha lnga dang ldan pa'i ri lur sbyar ba bdag sogs rang kyi rang bzhin sha snga po las go ku da ha na/ de dag laM laM paM taM aM/ zhes pas 'byung ba lnga khams yum du dag par byed/ bi mu ma ra shu bdud rtsi lnga ste/ b+hUM trAM h+rAM khaM hUM/ las rigs lnga yab ye shes lnga lhan cig tu bsdus pas thabs shes rab bde ba chen por sbyor ba bdud rtsi'i sgrub pa khyad par du gdams pa nyid do/ /khyad par du ni sbrang rtsi ni zhe sdang chu'i rlung ngo/ /'tshal ni nga rgyal sa'i rlung ngo/ /ga bur ni 'dod chags me rlung ngo/ /bcas ni gti mug ste nam mkha' i rlung ngo/ /tsan dan ni phrag dog rlung gi rlung ngo/ /dmar dang ni zhes tsitra ko dang mtshungs pa ste sindu ra'i bye brag go /sbyar ba ni zhes rlung dang sngags lha dang ye shes dbyer med ro gcig tu'o/ /de nyid tshul ji lta ba bzhin myangs na zhes mgrin pa'i 'khor lo sbyar bar bya ba nyid sngags A li kA li byin gyis brlab pa gsung rdo rje bsgrub pa'o/ /spom po ste rdo rje 'dzin pa'i lus kyi yan lag gi cha las/ mdza' ltag ni sor mo rtse sbyar bas zhes bdud rtsi legs par blangs pas/ rnal 'byor pa rang nyid kyi lces len pa ste khams lnga/ ro mnyam bde ba chen por rig pas rtag tu spyan zhes
- 24b
bdag nyid kyi lus ngag yid bde bar byin gyis rlob cing dbang gis rgyud rgyas par 'gyur ba'o/ /de nyid la zhi ba'i btung ba zhes bya ste/ dpal rdo rje rnal 'byor ma dang dpal he ru ka gnyis su med pa'i bdud rtsi 'byung ba'i nus pa las dngos grub rtag par thob par 'gyur ba phyag rgya chen po thong ba mi rtag pa dang/ bde ba dang/ gtsang ba dang/ mi 'gyur bar de zhing yon tan rdzogs pa 'char ba'o/ /de las zhi ba'i btung ba ni lhag pa'i lha'i 'khor lo yab yum bdud rtsir zhu ba'i khyad par ro/ /de bzhin du myangs pa ni zhes lha mo ro rdo rje mar gyur pas mgrin pa skyed pa'o/ /sgom? po ni spyi bo'i haM? las bdud rtsi'i chu rgyun 'bab pa'o/ /mdza' ltag ni tsaN+Da li ste 'og rtsa gsum 'dus sa nas sbar bas rtse sbyar ba ni me chu tsha grang gnyis bde ba dang stong pa nyid du ngo 'phrod pas na rnal 'byor rig pa zhes bya'o/ /rtag tu spyod ni thun bzhi la sogs par ma yengs pas dpyid dang thig le'i rnal 'byor 'bar 'dzag bsgom pa'o/ /yang na spom po ni thabs snying rje chen po snang ba rdo rje 'chang go/ ? gzhi shes rab yul chos nyid stong pa/ /rtse sbyar ba ni stong pa dang snying rje dbyer med ? la ro mnyam nyid do/ / da ni snang cig tu za ba'i gtsang sgra bstan pa ni/ tshogs kyi 'khor lo'i nang du zhugs pa ni/ zhes bskyed rims su gong gi bdud rtsi sbyar ba pa de nyid lha sku par ? ? ba ye shes dang du byin gyis brlab pa'o/ /thams cad rdo rje'i mtshan ma 'dzin dkyil 'khor gyi lha thams cad he ru kA gsang chen rigs gcig gi phyag rgya chen pos rgyas btab pa'o/ /rdzogs pa ltar na lus kyi dkyil 'khor gyi tshogs kyi nang du gzhag pa ni 'khor lo lnga po'i lha thams cad skad cig ma'i ye shes kyi dpal las 'byung ngo/ /thams cad rdo rje'i mtshan ma 'dzin ces lha tshogs dpa' bo dang rnal 'byor ma yab yum de dag thams cad kyang thabs shes rab dbyer mi phyed par 'gyur bas bde stong mchog gi ting nge 'dzin la gnas pas/ 'di ni bde ba chen po'i ye shes nyams su myong ba la/ bde ba'i ye shes za ba nyid phyi nang ro gcig tu gyur pas dbang gsum pa'i
- 25a
lam dang rjes su 'brel pa bstan pa'o/ /de las 'bras bu'i rgyud kyi gsang chen bstan pa ni 'di ni mi 'chi bcu phyed 'gyur ces pas/ phyag rgya bzhi ldan te/ las kyi phyag rgya ni gzugs la sogs pa 'dod yon lnga lam du bya/ chos kyi phyag rgya'i phung po lnga bde bar 'char ba/ phyag rgya chen po'i 'byung ba lnga stobs su 'gyur/ dam tshig phyag rgya'i ye shes lnga 'char ba nyid ni/ rlung sems 'dre sa pa'i srog gi thig le nyag gcig gi nang du/ srid pa dang zhi ba'i chos thams cad gsal bar 'char bas me long lta bu'i ye shes/ lus kyi gnas thams cad na dbyangs dang gsal byed kyi yi ge so sor thabs shes rab ma 'dres la/ 'jig rten dang 'jig rten las 'das pa'i snang ba ma lus pa'i bye brag phyed pas so sor rtog pa'i ye shes/ thig le dkar dmar ro rkyang du srog rtsol dang dbu ma kun dang du ro mnyam par gyur pas mnyam pa nyid kyi ye shes so/ /rdo rje lus kyi rtsa dang yi ge thams cad dang/ 'byung ba bzhi'i nus pa'i bdud rtsis ma dag pa dang dag pa'i don phrin las sna tshogs byed las bya ba grub pa'i ye shes/ lus sems dbyer mi phyed pa'i ngang du rtsa rlung thig le don dam kun rdzob thams cad sgyu lus 'od gsal du dag la/ de nyid bde gsal mi rtog pa'i ngang du dbyings rig gnyis med chos kyi dbyings kyi ye shes/ thams cad ro mnyam lhan cig skyes pa zung 'jug bde chen ye shes mi 'gyur ba dpal he ru ka rdo rje 'chang nyid do/ /dngos grub thams cad 'jug ni sku gsum yan lag bdun ldan dbang phyug brgyad dang bcas pa/ 'jug byed yin ni thog mar dbang skur ba'i dus su rgyu cha bla ma dang lhag pa'i lha'i byin rlabs kyis so// gnas pa ni lam rim pa sgom zhing dam tshig sdom pa dang ldan pas so/ /'byung ba ni lam mthar phyin pas spyod pa spyad pas gzhan don phrin las nus pa thogs med du ston pas so/ /mchod bzhi de bzhin rnal 'byor ma zhes pas rje btsun he ru ka'i dkyil
- 25b
'khor gyi bkod pa bstan pa las/ bde chen gyi 'khor lo'i mtshams su bum pa bzhi ste/ shar lhor rin po che ke ke ru'i bum pa'o/ /lho nub du bai DUrya'i/ nub byang du pad+ma rA ga'i/ byang shar du in+d+ra nI la ljang ba'i bum pa/ de dag gi kha rgyan mgul 'chings dang dbyangs dang bcas pas shing a shwad tha n+ya gro d+ha/ pa ta la dang/ ardzu na'i shing ste/ de'i steng du rgyal rigs bram ze/ rje'u gdol pa can gyi thod par sha lnga bdud rtsi las gang pa sangs rgyas rigs bzhi'i bdag nyid las bum pa rnams ni yan lag brgyad kyi chu bdud rtsi'i rang bzhin can/ ka pa lA rnams ni gsang pa'i dbang gi don to/ /yang mchod bzhi rnal 'byor pas rim pa dang de ltar na/ las kyi phyag rgya'i rnal 'byor pa dran pa nye bar gzhag pa gzhi ni snying po'i lha mo/ /chos kyi rnal 'byor ma ni yang dag stong pa bzhi mtshams ma'o/ /phyag rgya chen po'i sgom pa bzhi las/ yang dag pa'i las kyi mdza' 'gugs par byed/ yang dag pa'i 'tsho bas 'ching bar byed pa/ yang dag pa'i rtsol bas sdom par byed/ yang dag pa'i dran pas dbang du byed pa'o/ /dam tshig gi phyag rgya dpal rnal 'byor ma zhi gnas lhag mthong rdo rje dang pad+ma snyoms 'jug pa ni drod ni gsal ba/ rtse mo bde ba/ bzod pa ni me tog ba/ chos mchog bde gsal mi rtog pa chogs gcig pas so/ /mthong lam du phyag rgya bzhi ye shes skad cig ma bcu drug tu shar bas so/ /khyad par du ni mchod bzhin las kyi phyag rgya dga' ba bzhi bde chen gyi lha mo bzhi skad cig ma bzhi dang gnyis med do/ /chos kyi phyag rgya sgo srung ma bzhi rnam thar sgo bzhi 'bras bu bzhi dang gnyis med pa'o/ /phyag rgya chen po tshad med bzhi mtshams kyi lha mo bzhi stong pa nyid bzhi dang gnyis med do/ /dam tshig phyag rgya ni ye shes de kho na nyid bzhi dpal rdo rje rnal 'byor ma dang dpal he ru ka'i dbang po gnyis snyoms par 'jug pa dpyid dang thig le 'bar 'dzag go /gnyis med bde stong du gyur pa'o/ /snyoms par 'jug pa'ang de nyid 'dzin ces pas de kho na nyid kyi ngang du lhan cig skyes pa'i ye shes rang bzhin lhan skyes
- 26a
dang zhu bde lhan cig skyes pa dbyer med du gyur pa bde ba chen po tshad med pa'i che ba bstan par bzhed nas/ lha dang mi yi bde ba ni zhes pa dang po dang bsam gtan bzhi dang bcas pa/ 'khor lo sgyur ba'i rgyal po la sogs pa'i de nyid zag bcas yin pa'i phyir bsdus byas ni mngon par 'byung ba'i cha shas rgyu rkyen 'jig tshogs mtshan ma'o/ /rdo rje 'dzin pa'i zhes dpal rdo rje 'chang he ru ka zag pa med pa'i bde stong ngo bo nyid kyi ye shes skad cig ma bcu drug char yang mi phod do zhes mtshungs pa med pa'i don to/ /sgrub pa po don gyi ye shes rtogs pa yang de dang cha mthun pa ste ngo bo nyid rnam par dag pas/ lhan cig skyes pa rang 'byung lhun grub rtogs pa'i phyir ro/ /de la thog mar dbang bskur ba'i gzhi 'am gnas kyi rim pa bla na med pa bstan pa'i phyir/ ri bo zhes pa smos te/ ri bo ni lhun chags pa yon tan dang ldan pa'o/ /tshang tshing ni ljon pa'i shing sna tshogs pa 'bras bu dang me tog chags pa can sman ljongs dang zhes pa sman sna skye ba can no/ /chu bo chen po ni gang+gA la sogs pa de dag 'gram g.yas g.yon gyi dogs dag ni tshal gling chu bran 'dus pa'o/ /gdod nas grub pa'i dur khrod ni dpal he ru kas byin gyis brlabs pa/ bskal pa chags dus nas brtags pa'i rnam par rtog pa 'gag pa'i sa dbugs rgya ba dang dbugs bral du shes par bya'o/ /der ni dkyil 'khor bri bar bya zhes bum pa'i dbang bskur ba'i dus kyi rdul tshon gyi dkyil 'khor bri zhing bsgom par bya ba yang de nyid du shes par bya ba nyid do/ /yang gsang ba dang gsum pa ltar na/ ri bo ni shes rab rig ma'i lus tshing tshing ni skra dang ba spu'i tshogs 'khrigs pa/ phug rnams sam zhes pa lus kyi gnas dang nye gnas la sogs par 'du ba'i sa'o/ /sman ljongs ni lus la ras yA na gnas pa dag go /chu chen po ni rtsa gsum po nas 'bab pa'o/ /de dag gi dogs dag ni lus kyi phyogs thams cad do/ /gdod nas grub pa ni thog mar lus chags pa nas so/ /dur khrod du ni rnam par mi rtog pa'i ye shes 'byung ba'i
- 26b
gnas so/ /der ni dkyil 'khor bri bar bya zhes pas chos kyi dkyil 'khor de la brten nas snying po len cing 'dzin pa nyid kyi don to/ /khyad par du ni/ ri bo ni lus kyi dbus las kun dar ro/ /tshang tshing ni rtsa bran stong phrag bdun cu rtsa gnyis la sogs pa'o/ /sman ljongs ni khams byang chub sems dpas snyigs thams cad do/ /phug rnams ni 'dod chags bral bas sdang zhing skrag la/ bya ba spyod pa la sogs pas ye shes rtogs dka' ba'i phyir ro/ /yang chu bo chen po ni/ sihla dang gla rtsi dang zla ba 'bab pa'i rtsa la sogs/ de'i dogs dag ni rtsa 'khor lo rnams su khams 'du ba dag go /gdod nas grub pa ni rtsa rlung thig le yi ge thams cad rang byung du'o/ /dur khrod du ni lhan cig skyes pa'i ye shes rtogs par byed pa'i sa phyogs dben pa nyid do/ /der ni dkyil 'khor bri bar bya zhes pa dbang phyi ma dang 'brel pa'i don bde chen bla na med pa kun rdzob don dam byang chub sems kyi snying po len pa'i phyir bstan pa nyid do/ /bla na med pa ltar na/ ri bo 'gyur ba med pa'i chos nyid do/ /tshang tshing ni byams snying rje las bud+d+ha'i yon tan 'byung gnas tshad med pa'o/ /sman ljongs ni pha rol phyin pa drug la sogs pa byang chub phyogs kyi chos rnams so/ /chu bo chen po ni chos thams cad kyi stong pa nyid spros pas med pa'i don to/ /dogs dag ni mdza' thams cad dang bral ba'i ye shes so// gdod nas grub pa ni chos nyid zhi ba mnyam pa nyid gnyug ma skye ba med pa nyid do/ /dur khrod du ni rnam shes tshogs brgyad rnam par dag pa sgrib pa thams cad dang bral ba'i gnas so/ /der ni bde ba chen po'i byang chub sems kyi dkyil 'khor bri bar bya zhes gsang ba chen po bla na med pa'i don du bstan pa'o/ /mchod pa'i tshul las bdud rtsi rgyas byed thabs nyid 'gyur med ye shes mngon du byed/ /gang zag gang gis 'dir zhugs 'jug ldog khyad par rtag gnas mi 'da' bar ni don gyi khyad par can la brten/ yul dang yul gyi phyag rgya chen po go 'phang bde chen gsang ba sh+rI he ru ka'i spyod yu'o/ /thun mong khyad par spyi dang bye brag rig ldan mnyes byed dkyil 'khor gnas ni rab dbye thob pa'o/ /des le'u'i gzhung mdor
- 27a
bstan pa'i tshul las/ le'u'i mtshan ni/ dpal 'khor lo sdom pa las/ dkyil 'khor du 'jug pa zhes pa ni/ thog mar lam dang ye shes gsang ba bstan pa'o// /le'u dang po'o// //da ni le'u dang por rgyu thabs 'bras bu thams cad rtsa ba mdor bstan pas lus rnams gzhag ltar bstan pas/ brjod bya'i gsang ba dang rjad byed kyi gsang ba bla na med pa bstan pa yin la/ thog ma dbus mthar yang dag gnas/ /'jig rten gsum du rnyed bka' ba/ /zhes pa'i don gyis dkyil 'khor mngon par 'byung ba rnams yongs su rdzogs pa las/ da ni le'u so so'i don ji ltar bsdu ba dang spro ba la nges par rtogs par bya ba dang/ yan lag gi tshig don so sor rnam par bshad pa gtan la dbab pa bstan te/ de ltar yang de bzhin gshegs kun ye shes ni/ /rtog pa thams cad rnam spangs pa'i/ /bla med mchog bzang thob 'gyur ba'i/ /rdo rje ye shes dbang bskur bas/ /rnal 'byor ye shes kun bdag nyid/ /dngos grub mchog ni bsgrub par bya zhes pas/ 'dir de kho na nyid ma rtog pa rtogs par bya ba dbang bskur ba ste/ rdo rje theg pa gsang chen du dbang sngon du 'gro ba nyid rdo rje 'dzin pas gsungs pa ste/ de la thog mar smin byed dkyil 'khor sngon 'gro bsnyen pa'i rim pa rnam gsum dag tu shes par bya ba ste/ mtshan nyid dang ldan rdo rje slob dpon gyis ni skal ldan rjes su 'dzin dang skal dman min/ /gtso bo la 'bum 'khor la khri phrag phrin las sna tshogs nus pa de nyid mtshan ma dus byung ba/ /rigs ni 'dod yon dag ste stong phrag brgya las mkha' dang mig gis yon tan phrin las nyid/ /dkyil 'khor pa la mkha' dang phyogs kyis rlung bcu dag pas rdo rjes las kyi snying po can du 'gyur zhes pa'i don to/ /de nas zhes pa la sogs rgyud 'di nyid du rigs bsdus gsang ba'i dbang bstan par bya ba las/ dang por rdo rje slob dpon te bsgrub bya bla ma'i mtshan nyid ni thun mong ba dang/ khyad par lta sgom spyod pa rnam par dag pas/ skal ldan rjes su 'dzin par nus pas laM la rim gyi blo sbyong ba la slob du gzhug
- 27b
pa'o/ sgrub byed slob mas gsol ba lan gsum du btab pas so/ /tshul ji ltar dkyil 'khor bsgrub pa'i rim pa 'og nas ston to/ /de la thog mar ni slob dpon mtshan nyid thams cad ldan zhes smos te/ rgyud sdom pa gsum gyis mdzes pa las de dag med pa'i don rtogs pa la/ yang dag shes shing ni bden pa gnyis kyi don chos thams cad rten cing 'brel par 'byung ba lags par rtogs pa'o/ /rgyud shes pa ni spyir bla na med pa rgya mtsho lta bu'i de kho na nyid rtogs pa las/ khyad par du dpal 'khor lo sbom pa'i brjod bya brjod byed do/ /dpal ldan khrag 'thung gsang sngags zhes pa ni/ dpal rdo rje rnal 'byor ma dang dpal he ru ka'i lha sngags/ phyag rgya/ bdag gi de kho na nyid las/ brda dang spyod pas sgra dang de'i skyon rnam par dag tshul snying po rtogs pa'o/ /khro med ni bzod pa dang du len pa rgyud 'jam par 'gyur ba'o/ /gtsang zhing ni nyes lhung gis ma gos par byed pa ste/ ltung ba zhag tu mi 'jog pa'o/ /mkhas pa dang zhes phyi nang de kho na nyid kyi dkyil 'khor gyi las dang/ yang na de nyid bcu la'o/ /sbyor shes ni rgyu thabs 'bras bu'i de nyid nyams su myong ba dang bcas pa'o/ /ye shes ni rnam shes dang ye shes kyi lam 'gro ldog rtogs pas de nyid stong pa dang snying rje dbyer med du gyur pa dag go /pha rol 'gro ba ni mnyam rjes gnyis med byang chub sems kyis rang bas? gzhan gces kyi blo nus dang ldan pas/ dang po snying rje'i stobs las byung/ rdzogs pa'i byang chub sems brten byas/ bum pa la sogs dbang bskur ba/ bla ma'i drin gyis yang dag thob/ /srid pa'i longs spyod bde ba thob/ /yongs su 'dzin la rgyab kyis phyogs/ zhes pa'i don to/ /bsnyen pa 'jug pa'i bya ba rdzogs nas/ dngos gzhi la dang po sngon du 'gro ba ni dur khrod du ni kun spyod cing zhes pas/ gtum brag tshang tshing 'khrigs pa dang/ 'ur 'ur 'bar bas khyab pa dang/ /'jigs su rung rnams shar sogs pa'i/ /phyogs su g.yon skor gyis legs gnas/ ha ha rgod pa dbang ldan du/ /byin pa dpal gyi nags tshal te/ /mun pa drag po bden bral du/ /rlung du ki li ki lar sgrogs//
- 28a
shirSha a shwatka ko li/ /tsu ta'i shing rnams sngar bzhin no/ /b+ha ta karny+tsa nyid dang/ /parka ti dang sarti pa'o/ /dbang po nor sbyin nyid dang ni/ /klu yi dbang po gshin rje'i bdag /drang srong dang ni bden bral te/ /rig 'dzin 'byung po'i bdag po'o/ /nor rgyas bu dang 'jog po dang/ /stobs kyi rgyu dang pad+ma dang/ /pad+ma chen po hu lu ru/ /rigs ldan dang ni dung skyod do/ /spra sgrogs dang ni rmugs 'jigs dang/ /drag po dang ni 'khyil pa dang/ /gtum po 'di dag sprin brgyad do/ /stug po snyim pa char 'bebs pa/ /ljon shing rnams la brten pa ni/ /zhing skyong brgyad du grags pa ste/ /lus byed thon pa gri gug dang/ /thong pa rgyan ldan yum ldan no/ /seng+ge stag dang ce spyang gdong/ /'ug pa bya rgod phag dang khyi/ /khwa da'i gdong pa phyag gnyis pa'o/ /sangs rgyas byang chub sems dpa' dang/ /nyan thos rang rgyal sgrub pa po// grub pa'i skyes bu rnal 'byor gyi/ /dbang phyug byin gyis rlob tshogs dang/ /spyod pa pa dang bsam gtan pa/ /sna tshogs mkha' 'gro sha za dang/ /lce spyang ro langs dug sbrul dang/ /dur phag gcan zan du ma dang/ /'dab chags du ma keng rus can/ /me dang chu 'bab ri brag sogs/ /mchod rten rang byung lha rnams bcas/ /'khor 'das tshang ba dur khrod de/ /thod pa sha dum khrag 'bab pa/ /ro yi sha la thog byed pa/ /de la brten nas mi rtag dang/ sdug bsngal bdag med don dpyod pa/ /yid 'byung de las lam spyod pa/ /dur khrod chen por rab bstan pa/ /zhes rdo rje sems dpa' rang 'byung ba'i rgyud las byung ba'o/ /gnas kyi yan lag ni/ ri yi rtse dang ri sul dang/ chu bo'i dogs dang tshal gling dang/ rgya mtsho'i 'gram dang bas mdza' dang/ /shing gcig dang ni dur khrod sogs/ /dbugs bral bden pa dag tu ni/ /dpa' bo'i gtso bo bsgom par bya/ /brtan pa yi ni gnas ngag gam/ /yang na yid ni dga' bar ro/ /zhes pa la sogs par/ grogs dang/ mchod rdzas dang zas dang/ bya ba'i rim pa/ khyad par/ dus bstan pa'i yan lag dang ldan pas/ dang por bgegs nye bar zhi bas cho ga
- 28b
la 'jug pas/ lci bas la ma lhung ba zhes pa ni rnam lnga la spos chu tsan dan la sogs pas/ /dri'i gtsang khang du byas pas/ /dang por sa rtag pa'i khyad par dang/ lto 'phye brtags nas sa brko zhing/ sa'i lha mo las bslang ba dang/ sa bzung zhing sbyang bar bya bas/ dkyil 'khor gyi stegs bu bya ba sngon du 'gro bas/ sa ni legs par byug ces snga ma de dag dang/ yang na dur khrod thal bar ldan pa dang/ zhes pas skyes bu shi ba bsregs pa'i thal ba dang sol ba phye ma dang/ mi 'chi ba nu phyed bcas pa yis ni bdud rtsi ril bu sbyar ba ma da na dang ldan pa de yis/ dkyil 'khor sa ni ? byug ste zhes kun tu bar mtshams med par khyab par byas pas/ dbus su ring du brus par ni rin po che sna lnga dang 'bru dang ni sman la sogs par gtor du bya zhing sba ba'o/ /der ni dkyil 'khor yang dag brtsam zhes phyogs la ma 'khrul bas khru bzhi pa nas khru brgyad kyi bar du bya bas so/ /sa sbyang ba med kyang rung bar 'gyur ba ni/ rdo rje mkha' 'gro'i rgyud las/ khang bzangs rdo steng sa'i zhi dang ni/ /gtsug lag khang dang zhabs kyis bcags/ /ba lang lhas dang rgya mtsho'i 'gram/ /lag pas rdo rje sa gnon bcas/ /rang gi snying po brgyad brgya bzlas/ /der ni sbyar ba bya mi dgos zhes gsungs so/ /slob ma rjes gzung la/ khro bo rdo rje hUM mdzad kyis slob ma'i lus kyi bgegs dbyung ba'i sbyor bas/ sbyin sreg bya ba'am/ yang na me phor du yungs kar gyis dbyung zhing/ oM badzra kro d+ha/ trai lokya bi dza ya kha kha khA hi krIta sarba pA paM da ha da ha na b+haM smi ku ru hUM phaT ces bgegs sta phye mar bsregs pa rgya mtshor dor bar bya ba'o/ /de nas oM A laM badzra hUM hUM oM badzra rak+Sha rak+Sha hUM baM hUM/ oM me daM ne badzrI b+ha ba badzra ban d+hA hUM/ oM badzra bi dA na hAM khaM hUM/ oM badzra bany+tsa ra hUM b+hUM hUM/ oM badzra sha ra dzA la traM saM trAM/ oM ne tri band+ha sarba big+h+nAM hUM/ oM badzra khaDga prA kA ra Na hUM laM hUM/ oM badzra kha d+h+ri ka prA kA ra Na hUM yaM hUM/ oM tsakra prA kA ra Na hUM hUM/ oM pad+ma prA kA ra Na hUM hUM/ oM badzra dzA la a na lArga hUM hUM/ zhes log 'dren gyi bgegs kun gyi mi tshugs par bya ba ste/ des sa gzung ba'o/ /de nas rdo rje las kyi skyes bu 'aM/ rnal 'byor ma bzhi yis
- 29a
dkyil 'khor gyi phyogs bzhir gnas pas/ rdo rje slob dpon dkyil 'khor gyi dbus su gnas pa la mchod pas mchod cing gsol ba gdab par bya'o/ de nas sa bsrung bar bya ba las/ rdo rje slob dpon bdag nyid lhag pa'i lha'i nga rgyal du bya ba/ dpal ldan he ru kar dran bya zhes pas sngon du 'gro ba/ byams pa snying rje byang chub sems kyi 'phangs la/ skad cig gis rten dang brten par bcas pa'i khro bo bcu'i dkyil 'khor du bsams te/ rang gi lus ngag yid lhag pa'i lha'i sku gsung thugs rdo rje gsang ba 'dzin pa nyid du gsal bar blta'o/ /de yang lha'i rnam pa gsal zhing dmigs pa brtan par gyur pas/ 'khor lo 'di'i snying kar bkod pa ni lus kyi dkyil 'khor dran par bya ba/ bde ba chen po'i 'khor lo dang/ dam tshig 'khor lo thugs kar gsal gdab/ de yang sku mdog phyag mtshan rgyan la sogs pa shin tu gsal ba las/ bdag nyid de ltar go bgos nas zhes thabs dpa' bo'i go cha dang/ go cha chen po bkos pas khams gsum zil gyis gnon pa'i bdud las rnam par rgyal bar bya ba nyid yin no/ /de las phyir yang brtul zhugs kyi sbyong pas rol pa'i gar bya ba ste/ dpa' bo chen po seng+ge lta bu'i tshul du bsgyur ba la thad pas spyi bor brgyan byas shing zhes pas bcos ma'i skra las ral pa 'bar ba'i thor tshugs gcig tu bcings pa la thod pa chung ba lnga la chun 'phyang dang/ rdo rje rgya gram dang zla ba tshes pa dang rus pa'i 'khor lo dang rgyal ba rigs lnga'i dbu rgyan dar dpyangs dang ldan pa'o/ /yan lag ni rus pa'i phyag rgya lnga'o/ /thal bas byug bya ni mi rus bsregs pa'i thal ba dang/ in dra nI la'i bye ma dang sbyar bas ma gnang gis so/ /phyag rgya dag gis ni rigs lnga'i sngags kyis byin gyis brlabs bas lus brgyan cing ni sngags kyi 'od 'phro ba dang bcas pas so/ /rus pa'i phreng ba ni mi mgo lnga bcu pa'i cha shas te mi rus la byas pa'i mthe bong tsam sprengs pa'o/ /yang dag brgyan ni stong g.yogs dang smad dkris dang ram ras la glang po'i ngang stag lpags su mos pa'o/ /dum gcig spyi bor brgyan pa ni yid bzhin rin chen 'bar ba dang/
- 29b
rdo rje rtse gsum pas mtshan pa'o/ /rus pa'i phreng ba rnam par 'phyang ba ni mchod phyir thogs tshangs skud srad bu bsgril ba ga shar bya ba'o/ /kha TwAM ga ni lha sku bde ba mtshon pa rdo rje dang Da ma ru dang thod pa lag na gnas pa bde ba skyong bar byed pa ste/ dpal rdo rje 'dzin pa drag po'i nyams kyis brgyan pas thogs pa med par spyod pa'o/ /bsgoms nas bgegs bsal bar bya ste/ de nas rkang mthil du yi ge hUM sna tshogs rdo rje 'bar ba dang/ mig gnyis su maM dang traM las nyi ma dang zla ba 'od 'phro bas/ rdo rje'i lta bas phyogs thams cad du bltas la/ lag pa g.yon gyis dril bu gzung nas/ g.yas kyi rdo rje 'phang zhing/ kha TwAM ga legs par 'khyung nas sa de na gnas pa 'dis bskud par bya ba'o/ /sa phyogs 'dir sems can gyi don rtsom gyis/ lha dang klu dang gnod sbyin dang/ 'byung po dang dri za dang/ srin po dang sha za la sogs pa ma rungs pa gang su yang rung ba rnams phyir byed cing myur du song cig /'di ltar dpal he ru ka'i bka' thos nas myur ba nyid du song shig /gang dag mi 'gro ba de dag /nga'i rdo rje 'bar ba dang kha TwAM ga 'dis mgo bo ardza ga'i dog pa bzhin rnam par brgyar 'gas par 'gyur ro zhes lan gsum gyi bar du brjod do/ /dpal ldan gyi phyogs nas brtsams te g.yas nas lan gsum du bskor ba bya'o/ /bskal pa'i me lta bu'i 'od zer rkang pa nas byung nas gdug pa rnams bsregs par gyur pas phan tshun 'bros par gyur par blta'o/ /srung pa'i 'khor lo'i khyad par gyis byed pa bstan pa'i phyir/ ra ba rnams ni phyogs su dgod ces pas rdo rje 'bar ba'i ra bas yongs su 'khor ba rim pa gsum du blta/ 'og tu yang mtshon cha dgod par bya ba ni/ sna tshogs rdo rje'i sa gzhi chen po la rdo rje phra mos gtam par bsam/ gur bya ?bas ni go char 'gyur ces rdo rje'i rtsig pa lnga sbrag las/ rdo rje'i gur chen pos khyab pa las/ rdo rje rtsig pa'i phyi rol tu ni/ ral gri'i ra ba/ de'i phyir rdo rje gri gug gi ra ba/ 'khor lo'i ra ba/ pad+ma'i ra ba/ slar yang bdag nyid mkha' spyod du zhes rdo rje gur gyi nang du rdo rje'i bla re chen po bris pa'o/ /steng du mnga' i ra ba dgong ces pas mnga' i ra bas rdo rje'i
- 30a
rang bzhin gyi khyad par ro/ /de dag thams cad kyi phyi rol tu me 'od phreng bas kun tu 'khrigs par blta ba'o/ /srung ba'i 'khor lo'i bdag nyid ni shin tu yangs shing rgya che ba tshad med pa nyid do/ /mtshon char mnyam ni dper na gri skor mkhan gyi ral gri lta bu ste/ phar la gcod cing 'khor lo tshur gang gis kyang mi tshugs pa nyid shin tu 'jigs par ston pa'o/ /de dag gi nus pa'i stobs ni/ de ltar na bdag nyid go bgos pas zhes bdud bar du gcod pas glags mi rnyed pas gzi brjid mi bzod pas nye mi nus pa'o/ /sum cu rtsa gsum pas kyang mi shigs zhes/ dbang po brgya byin la sogs pa ste/ phyogs skyong bcu lta bu'i nus pa dang stobs dang ldan pas kyang nye bar mi nus pa nyid tshad med par bstan pa'o/ de nas lha lhag par gnas pa bya ba'i phyir/ de ltar bdag nyid ces pas bstan te/ lha'i bu'i bdud gzhan 'phrul dbang byed na gnas pa'i bdud la sogs pa'i gnod pa zlog par byed pa'i khyad par srung ba mtshams kyi 'khor lo byas nas/ rab bsrungs shing ni phung po dang/ 'chi bdag dang nyon mongs pa'i bdud dag kyang 'joms par 'gyur ba ste/ sngags dang zhal bzhi sngags rnams kyis bsrung ba'i mchog go /phyag rgyas ni/ dang por lha so so'i gnas su dri'i thig le bkod nas der gsang sngags lha so so'i phreng ba brjod pas me tog tshom bu bkod pas dkyil 'khor ba'i lha thams cad skad cig gis brten dang brten par bcas par bskyed la/ las kyi phyag rgya ni dpa' bo dang rnal 'byor ma rnams thams cad sku'i rnam pa gsal ba'i yab yum snyoms par 'jug pa'o/ /chos kyi phyag rgya ni thams cad kyang bde ba chen por 'byor ba'i sku can no/ /phyag rgya chen po ni thabs shes rab gcig bde stong lhan cig skyes par 'chang ba'o/ /dam tshig phyag brgya ni de dag thams cad kyis gsung thugs rdo rje ye shes nyid la rtog pas mi phyed pa'o/ /rnam rgyan pa ni lha sku la mtshan dang dpe byad dang/ rin po che dang rus pa'i rgyan gyis so/ /yang na rnam brgyan pa ste/ dkyil 'khor gyi gnas nye bar brgyan cing/ mchod pa dang gtor ma dang/ rnam par bkod
- 30b
pas mdzes par byas pa'o/ /de yang lha dam tshig pa bskyed ye shes pa spyan drangs nas mchod bstod bzlas pa bdud rtsi myang ba'i bar du mchod pa las phan yon bstan pa/ dngos grub thams cad rab ster ba'i zhes gnas skabs de nyid dang mthar thug tu'o/ /dkyil 'khor 'jigs pa bsam par bya zhes pa bsgom pa de nyid dang rjes su 'brel pa blo'i yul du bri bar bya ba yang gsal gdab pa'o/ /mkha' 'gro dra ba'i bde mchog mchod ces pa phyi nang gi mchod pa/ me tog bdug spos mar me zhal zas byug pa sgra snyan la sogs pa dang/ yang gzugs rdo rje la sogs pa rig ma bcu drug la sogs pa dang/ sha lnga bdud rtsi dang/ de kho na nyid kyi mchod pas mnyes par bya/ mthar bstod pa byas nas gsol ba gdab par bya ba la sogs pas so/ /de'i rjes la slob ma lhag par gnas par bya ba la nye bar/ 'thor 'thung gi gsang ba bya ste/ 'byung po la gtor ma byin nas gsol ba gdab cing gdams par bya'o/ /srung skud bcing/ skyor chu blud/ ku sha'i sngas dang stan khro bo'i sngags kyis bsangs pa byin nas/ rmi lam rtag tu gzhug ste/ mtshan ma ngan na bzlog par bya'o/ /da ni rdo rje slob dpon gyi byed las bstan pa las/ dang por thig gi sbyor ba bstan pa ni/ de nas sems med srad bu 'am zhes/ skyes pa bud med grir shi ba'i ro'i rgyus pa bsngags la/ yang na ro'i skra'am ras bal ro la dkris pa la 'am/ yang na gzhon nu ma ma nyams pas bkal ba'i ras bal bya ba phra sbom sgo nyi shu cha'o/ /ru tir ni bsgos pa ni dpa' bo g.yul du shi ba'i khrag chen pos bsgos pa'i don to/ /kyang ni bar ma'i sgra ste bdud rtsi lnga'o/ /ma da nas byug pa yang ngo/ /dpal ldan khrag 'thung grong khyer mchog ces pa thar pa chen po'i pho brang/ 'khor lo bde mchog gi yon tan phun sum tshogs pa'i 'byung gnas so/ / dkyil 'khor ni gzhal yas khang tshad med pa snying po len cing 'dzin pa ste/ dur khrod chen po brgyad kyis bskor ba ni 'jigs pa ste/ log 'dren rnams skrag bar byed pa'o/ /yang na thig gdab par bya ba'i srad bu kha dog lnga pa la/ hUM b+h+ruM traM h+raM khaM/ 'od gzer spro bsdus
- 31a
ye shes kyi cha spyan drangs te bstim pa rje btsun gyi snying po nye snying brjod pas mchod pas legs par bsgril bar bya'o/ /rigs bsdus pa'i dkyil 'khor tshang nges pa yang khru bzhi pa'am khru brgyad pa zhes pas tha mas 'bring nas khru bcu drug pa'i bar gyis so// dkyil 'khor dbyibs kyi khyad par ni/ zur bzhi pa ni grwa bzhi ste/ tshad med pa bzhi'o/ /de la sgo bzhi pa ni rnam par thar pa'o/ /rta babs bzhi yis rnam par brgyan pa ni dran pa nye bar gzhag pa la sogs pa'o/ /de yang pany+tsa rA ga dang/ 'dod yon snam bu phyi rol khor yug stegs bu dmar po can dang/ rin chen pha gu rked par lta bu las/ bai DUrya'i rtsig pa'i logs la dra ba dra phyed 'phyang ba/ mda' yab dang/ ri dags chos kyi 'khor lo gdugs dang bcas pa'o/ /steng phyogs sa gzhi ji lta ba bzhin te/ 'on kyang rim pas gyen du 'phags pa bang rim can las/ rtse mo mchod rten bum pa lta bu la ka ba nyer bzhis bteg bar gnas pa'o/ /thig gi khyad par yang/ sngags pas nyis 'gyur rnams dpyad cing zhes pas/ cha chen brgyad las/ bcu drug tu gyur pa/ de la phye bas sum cu rtsa gnyis dang de las kyang dbye ba 'am/ yang na cha chen nyi shu rtsa bzhi la sogs par phye ba ste/ dang por ye shes dang/ de nas las thig gdab par bya ba'o/ /mkha' 'gro dra ba'i bde mchog mchod ces lha lhag par gnas pa mchod cing/ dkyil 'khor par snang du gteg pa 'am/ lus kyi dkyil 'khor bsdu pa bstan pa nyid do/ /de las rdul tshon khyad par du ni/ rin chen lnga yi phye ma 'am/ /yang na 'bras kyi phye ma las/ /tha ma 'byung khungs tshon gyis te/ /dur khrod las byung rtog pa 'dag ces pas/ /'dir ni/ gang du ro bsregs sol phye dang zhes dur khrod sol bas ni rdul tshon nag po/ skyes pa'i rus pa'i phye ma ni rdul tshon dkar po'o/ /ldong ros kyis ser po/ dur khrod so phag ldan pa yis ni rdul tshon dmar po'o/ /rkun mo'i lo ma dang skyes bu'i rus pa'i phye ma dag gis ni rdul tshon ljang gu ste tshon gyi rgyu'o/ /dkyil 'khor
- 31b
ni rigs bsdus pa'i ngo bo dang/ rigs tha dad pa rnams las/ bzang por bri bar bya ba ni/ b+ha dra zhes rgyu thabs 'bras bur 'brel ba'i rdul tshon dang ras ris yang gzung ngo/ /dang por pho brang chen po'i snying po'i dkyil 'khor bstan pa'i phyir/ de'i zhes bla na med pa'i lte ba nyid kyi dbus su pad+ma ni chu skyes te/ dpal he ru ka yab yum dang lha mo bzhi dang ldan pa bum pa thod pa dang bcas pa'o/ /'dab ma brgyad dang bcas pa ni/ phyogs bzhi leb rgan me dang rlung skyer kha/ bden bral la bsrubs ka /'byung por lcag ka'o/ /lte ba 'bar dang bcas ni 'ong kha dog sna tshogs 'phro ba'o/ /ge sar yang dag ldan par gzhag pa ni/ de yang dbus kyi gtso bo yab yum nas brtsams te dkyil 'khor 'khor lo rdzogs pa rten dang brten par bcas pa nas/ dur khrod dang rdo rje phreng ba dang ldan pa/ de dag gi phyi rol du ri rab kyi lcog rtse mo dang ldan pa dang/ lha gnas dang/ ri rab kyi kha khyer dang ldan pa bri ba'o/ /de las lha so so'i gnas su mtshan ma dgod par bya ba las/ sku gsung thugs kyi rim pa las/ sku rdzogs pa bri ba'i dbang du bya ba ni/ dkyil 'khor gyi dbus su bri ba lte bar dgong bya ni bcom ldan 'das dpal he ru ka yab yum gsal bar bri ba ste/ dpa' bo ni zhes pa dbang phyug dang tshangs pa dbang po khyab 'jug 'dul bar mdzad pa'o/ /'jigs byed ni dbang phyug dang u ma 'dul bar mdzad pa zhabs g.yon pa dang/ g.yas pas gnon pa rtag chad rnam par dag pa'o/ /yang 'jigs byed ni rje btsun gar gyi nyams kyi nga ro dgu dang ldan pa/ shin tu drag po'i sku'o/ /drang song khros pa chen po'i sku can la zhes khro chags 'dren pa'i sku'i rnam pa/ bai DArya'i mdog gi gzugs can no/ /mdangs dang ldan zhing ni sku gzi brjid mtshungs pa med pa las rab tu 'bar zhes 'od zer dpag tu med pa 'phro bas sa gsum gyi 'jig rten du khyab cing snang bar mdzad pa'o/ /gsung gi nga ro bstan pa ni ha ha zhes pa'i sgra chen bzhad pa ni ye shes rdo rje'i gad mo bcu gnyis sgrogs pas sa chen po g.yo zhing g.yas g.yon du gzigs pa'o/ /dbu rgyan ral pa'i thor tshugs gcig tu bcings pa la thod pa'i phreng
- 32a
ba ni thod pa skam po dkar tse ra ba lnga ye shes lnga dang ldan pa'i rigs lnga'i cod pan dang bcas pas/ yang rgyan dang ldan ni rus pa'i chun 'phyangs can/ rus pa'i 'khor lo las/ /sna tshogs rdo rje rgya gram pa rdo rje sems dpa' gnas shing/ zla ba tshes pa dang yid bzhin nor bu rtse mor mdzes pa'o/ /sku de yang mtshan bzang po dang dpe byad dang ldan pa'o/ /spyan gsum ni dus gsum mkhyen cing thugs rjes 'gro ba rjes su 'dzin pa'o/ /zhal bzhi mda' ba ni/ rtsa ba'i zhal bai DUrya ltar sku dang mtshungs pa/ g.yas pa gser mda' ba rngam pa'o/ /rgya bag la pad+ma rA ga ltar bzhad pa/ /g.yon marka ta ljang bu lta bu ste gtsigs pa can no/ /glang po che'i pags pa ni 'gro ba'i ma rig pa rtsad nas gcod pa'o/ /rnam par bgos pa ste/ bgegs kyi rgyal po thams cad btul bar mdzad pa nyid do/ /zhal de dag la yang smin ma bzang po ste zhal khro gnyer can/ me ri ltar 'bar ba 'phro ba'o/ /rdo rje dbyes pa ni ba spu dang ag tsom la sogs pa thams cad rdo rje rang bzhin can la/ thams cad du ni rin po che dang rdo rje'i rgyan gyis spras pa nyid do/ /phyag ni bcu gnyis las/ kha TwAM ga dang mgo bo bsnams pa tshangs pa'i zhal bcad pa nyid do/ /brgya phyong phreng bas rnam par brgyan pa ni 'du byed lnga bcu dag pa dang/ A li kA li lnga bcu ste/ dang po lha ma yin dang gnod sbyin la sogs pa'i mgo bo khrag 'dzag pa can dang/ yum gyi phreng rgyan ni sha dang bcas pa bskams pa'i cha/ rgyu ma'i thab/ pas brgyus pa ni sangs rgyas rigs brgya'i spro bsdu mdzad pa'o/ /des rje btsun he ru ka'i sku'o/ /dpal rdo rje rnal 'byor ma'i sku rab tu 'khril bar bstan pa'i phyir de mdun gnas pa'i lha mo ni zhes sangs rgyas thams cad bskyed pa'i uM dpal ldan rdo rje phag mo zhes bya ba ni rnam par rtog pa thams cad rnam par dag pa ste ye shes kyi sku/ rab 'jigs ni dngos po thams cad zil gyis gnon pa'i sku'o/ /he ru ka dpal ye shes phyogs ni gtso bo'i sku la 'khyud pa ste rdo rje pad+ma snyoms par zhugs pa ljon shing la
- 32b
'dzeg pa ltar ro/ /spyan gsum pa ni srid gsum dus gsum sa la mkhyen pa/ drag mo'i gzugs mnga' ma ste/ 'jig rten gyi dregs byed srin mo la sogs 'dul ba'o/ /de'i phyag g.yon pa na ka pA la ni an tras bkang gdug pa can bsgral ba'i dbang po'i sgo'i phra bo/ /zhal nas ru ti ra 'dzag cing ni bde ba'i rgyun gsol ba'o/ /sa bla'i lha dang sa stengs mi dang sa 'og gi lha ma yin du bcas pa'i log 'dren rnams thams cad la phyogs bcu kun tu ni sdigs mdzub rdo rje dang bcas pas tshar gcod pa'o/ /dkyil 'khor pa'i rnal 'byor mas 'og sa stengs mkha' spyod kyi gnas pa dgong pa yang mkha' 'gro ma ni nyi shu bzhi rnams dang/ gzhan yang rnal 'byor ma bcu gnyis dang ldan pa thams cad ni dpal ldan phag mi'i ni rigs las byung zhes ye shes kyi cha shas las byung zhing spro bsdu mdzad pa yang yin no/ /phyogs dang ni lugs 'byung la phyogs kyi mtshan rnams ni lugs las bzlog pa mtshon pa'o/ /'khor lo'i dbus su dpal ldan rdo rje rnal 'byor ma dang he ru ka'i sku dang/ yig 'bru phyag na tshan bkod pa la mchod par bya ba nyid do/ /de bzhin 'dir ni dpa' bo yang zhes thod pa'i dum bu can las brtsams te rdo rje sems dpa' i bar du'o/ /'khor lo ni sku'i rigs 'khor lo'i mu khyud can dang/ gsung gi 'khor lo pad+ma'i mu khyud can dang/ thugs kyi 'khor lo rdo rje'i mu khyud can dang/ rigs pa dag gi phyag rgya dang yang dag gnas pa bri zhes ye shes la'i rtsig pa'i nang du'o/ de dag kyang thabs rkyang ba 'am/ yang na shes rab rkyang ba lta bu la 'am zhe na/ sgrub po gal te dngos grub 'dod ces las dang 'bras bu myur du 'byin pa 'di nyid gnyis med dpa' bo mchod par bya zhes lha de dag thams cad kyang yab yum thabs dang shes rab dbyer med bde ba chen por ro/ de la dkyil 'khor gyi gnas nyo bar brgyan pa ni dkyil 'khor gyis phyogs kun tu bkod pa legs par brgyan par bya ba ni/ rin chen dang zhes mu sa la garb+ha la sogs pa sna tshogs pa dang gser rnam pas
- 33a
kyi sin mdzes par spras pa'i mchod rdzas yid du 'ong ba'i dngos po thams cad kyis yongs su bskor ba'o/ /thar pa chen po'i grong mchog ni lha'i gzhal med khang/ yid 'ong ni shin tu mos pas so/ /mchod na ni zhes dkyil 'khor gyi grib yol dang bla bre dang gdugs dang gdung g.yogs kyis so/ /me tog phreng ba dang spos sna tshogs 'dri'i byug pa la sogs pa sna tshogs pa'o/ /'grub pa nyid du the tshom med pa yon tan phun sum tshogs pa myur du grub par byed pa'o/ /'dir bum pa lhag gnas bstan pa ni gzhung 'khrugs ma sbyar ba'i don te/ /gong du dgos pas blo dang ldan pas shes par bya'o/ de nas du? ba bya ba ni/ /zhes thog ma'i dbang rdzas bsgrub pa la khyad par du rgyu rin po che la byas pa dang sa las grub pa yang rung ste/ mtshan nyid dang mi ldan pa'i skyon ni/ rtsa ba nag po zhes pa 'bar 'bur thag thug med par phyi nang thams cad shin tu 'jam pa la/ zhabs stegs med pa ni ma yin no/ /ra ri la sogs med pa ste skyon dang bral pa'o/ /mtshan nyid yon tan dang ldan pa ste bre gsum la sogs pa tha ma bre gdong/ /bum pa'i snying po'i rdzas ni mu tig gser dang gzhan yang rin po che min dra nI la dang/ byu ru dang dngul dang mu men dang zangs ma'i rgyu mthing spangs te/ rin po che lnga dang/ bza' ba kun te 'bru lnga dang snying po lnga/ dri lnga dag gis te spos la sogs pas legs bkang ste/ yang rgyun tu 'bar ba'i chus bkang ba la/ snod ka pA la 'am dung chos sam/ nya phyis bzang por bdud rtsi ri lu sbyar ba ni bum pa la 'bras bu can gyi shing gis kha brgyan pa'i steng du bzhag par bya ba rdo rje dang bcas pa'o/ /kha dog lnga pa 'am yang na gzhan yang gzungs thag ras skud la me tog phreng ba brgyus pas mgrin pa srad bus dkri ba dang zhes 'od zer lnga dang ldan par bsam pa'o/ /kha khyer la ni 'dab ma 'bras bu can gyi shing a mra la sogs par brgyan par bya ba ste/ rgyu 'bras kyi lam ston pa'i byed pa'o/ /gos zung gis ni legs dkris pa ni bum pa kun la ras kha tshar ma nyams bzung gis mgul chings? ba'o/ /
- 33b
brgyad ni sgo ru rnam par dgos ces pas rtswa ku sha ras gtsang ma'i steng du bzhag par bya ba ste/ bde chen DA ki'i bum pa/ thod pa rigs kyi dang/ thugs gsung sku la gsum/ dam tshig gi sgo pha ma bzhi dang/ mtshams ma bzhi dang/ las kyi bum pa dang bcas pa'o/ /dkyil 'khor phyogs bzhir zung du'o/ /bum pa dgu pa dbus su bzhag gtso bo yab yum gyi rnam par rgyal ba'i bum pa dang/ bkra shis kyi bum pa yang bya ste/ de dag la lha'i mtshan ma dgod par bya'o/ /bum pa legs par brgyan pa ni/ gser ram dngul lam rin chen ni/ sna tshogs bkod pas sbas pa ste/ mu tig gi phreng ba la sogs pa rnams kyis ma rdos par bya ba'i chun 'phyangs la sogs pas legs par brgyan pa'o/ /da ni dkyil 'khor lhag pa'i lhar bsgrub par bya ba ste/ bdag nyid kun nas sgo la ni zhes pas rdo rje slob dpon gyis rnam par bkod pa bris pa'i dkyil 'khor du/ de nyid rten dang brten par bcas pa mngon sum pa ltar bltas la/ ye shes kyi dkyil 'khor spyan drangs nas mchod yon zhabs bsil dang/ phyag dang mchod pa sgo'i phyogs bzhi las bstod pa la sogs pa bya ste/ rje btsun he ru ka'i zhal bzhi la dmigs nas thabs shes rab kyi snying po brgya rtsa brgyad kyis bstan par bya'o/ /bdag nyid ni rnal 'byor pa'o/ /kun nas sgo las ni rang gi lus kyi dkyil 'khor dang tha dad par byang chub phyogs kyang ngo/ /dri zhim chu yis la ges par gdab pa tsan dan dang dzA ti gur kum la sogs pa'i chu la 'khyil pa brjod pas phyogs kun tu'o/ /gal te dngos grub mchog 'dod na zhes sku gsung thugs kyi byin rlabs dang dbang gi sgo nas yon tan nus pa mngon du bya bar 'dod na'o/ /mchod pa dag kyang lta grangs las mi nyung ba las/ mar me brgya ni dbul bya zhing zhes pas des mtshon nas/ me tog bdug spos la sogs pa thams cad kyis dkyil 'khor yongs su 'khor ba'o/ /nam mkha' i zhes mkha' spyod ma'i mkha' 'gro ma rnams ni 'dir lha mo rnams gtso che zhing thugs kyi dpa' bo dang bcas pa thams cad
- 34a
yid kyis te/ rnam pa gsal bas thams cad steng du dgong pa rdo rje'i ka ba dang gdung zlum gyis so/ /sa steng mkha' 'gro ma gang yin ni lha mo myu gu can la sogs pa/ dkyil 'khor kun tu dgod par bya ba gsung gi lha tshogs yab yum ste/ pad+ma'i ka ba dang pad+ma'i gdung zlum gyis so/ /gang yang sa 'og mkha' 'gro ma ni 'khor lo'i shugs can ma la sogs pa sku'i lha tshogs dpa' bo stobs po che la sogs pa de rnams ni sa 'og gnas su dgod pa 'khor lo'i ka ba dang gdung zlum gyis bteg pa nyid du'o/ /rim pa bzhin pho brang 'khor lo rim pa can du gnas pas stengs dangs gzhi mtshungs so/ /de las bde ba chen po'i lha mo ma mo bzhi pa ni gtso bo'i phyogs bzhir gnas pa/ myu khyung gri gug phreng bas mtshan pa la'o/ /gzhan yang dam tshig 'khor lo'i ma mo thams cad sgo ba ma ni phyogs dang zhes sgo bzhi'i nang ngos so/ /phyogs mtshams grwa bzhi rnams su gshin rje brtan ma la sogs pa dgod par bya zhes 'gro pa 'dul ba'i phyir ro/ /'khor lo sdom pa'i lha tshogs la gus pa'i sgo nas gal te dngos grub mchog 'dod na zhes myur du'o/ /dri dang me tog bdug spos dang zhes byug pa man dar ba la sogs dang/ a ka ru la sogs pa'o/ /dpal ldan khrag 'thung dkyil 'khor gnas zhes brten dang brten par bcas pa'i lha tshogs kyi pho brang yongs su rdzogs pa'o/ /dpa' bo rnal 'byor ma mchod bya/ zhes pas phyi nang de kho na nyid kyi mchod pa gsang sngags kyi bstan par byed pa'o/ /yang bkod pa'i bye brag dar gyi rgyal mtshan dang ba dan kha dog dmar ba ni dbang dang dgug pa'o/ /de bzhin ser ba ni rgyas pa'o/ /dkar ba dang ni zhi ba'o/ /gnag dang ni mngon spyod do/ /ser skya dang ni rengs par byed pa la sogs pa la'o/ /de bzhin gos ni sna tshogs dang ni ka shika dang pany+dza le ka dang de la sogs pa kha dog dang rgyu bzang pa'i bye brag gis so/ /ku mu ta dang puN+Da ri ka la sogs pa'i me tog phreng ba du ma'i chun 'phyang gis brgyan pa'o/ /bla re dag dang bcas pa ni gdugs dang 'og
- 34b
las byas pa la'o/ /mda' ni brgyad la sogs pa la dra ba bres pas shin tu mdzes par bya ba'o/ /yang na yol ba la sogs pa'o/ /dkyil 'khor pa la tshogs kyi mchod pa dbul ba ni de bzhin bza' bca' btung ba yis zhes pas ba la da dang ma da na la sogs pa khur ba la sogs pa ? cha da sna tshogs pa la/ rab mnyam gzhag ste/ mchod par bya ba rang gi lha'i rnal 'byor dang ldan pa'i ngang las/ de dag rdul bzhin du byin gyis brlabs pa'i sbyor bas/ bdud rtsi dam tshig pa la/ ye shes kyi bdud rtsi stims te/ lha rnams la mchod cing/ lha tshogs thams cad kyi zhal la reg par mos pas gsang sngags bzlas shing brtan par gyur pa'i don gyis rmi lam sgyu ma tsam du mos pas gtor ma dbul zhing/ bzod gsol bya/ yi ge brgya pa 'don par bya/ de ni lha mnyes par bya ba'i cho gas dkyil 'khor gyi bsgrub pa bstan pa'o/ /da ni le'u mtshan bsdu ba las/ dpal 'khor lo sdom pa las zhes/ rgyu thabs 'bras bu 'am bla na med pa'o/ /'khor lo ni lnga ldan no/ /mchod pa phyi nang bla med do/ /chog ni gsang chen 'bras bu myur du ster ba'i gnas/ le'u ni gzhung gcod cing skyong ba'o/ /gnyis pa ni grangs bstan pa'o/ /le'u gnyis pa rnam par bshad pa'o// //de la 'dir dang por bgegs nye bar zhi ba sa'i cho ga dang/ lhag par gnas pa'i cho ga rdzogs pa dang/ thig gdab cing rdul tshon gyi dkyil 'khor bris nas/ dkyil 'khor lhag pa'i lhar bsgrub cing/ gnas nye bar brgyan la/ mchod pa dang gtor ma legs par bshams pa sngon du 'gro bas de nas thog mar ni bla ma la ji ltar mchod pa bstan pa/ de la dpal ldan pad+ma badzra pas/ mchod pa kun gyi thog mar ni/ /bla ma la ni gus pas mchod sangs rgyas rin chen za ma tog /dpal ldan 'dus dang gzhan duAng bstan ces pa la sogs pa gsungs pas so/ /de yang dang por sgrub pa pos zhes bla na med pa'i rgyud 'dir dbang bskur ba thob par 'dod pas so/ /dngos po kun gyis ni gang rang gi yid du 'ong ba'i rdzas dang longs spyod thams cad do/ /dang por
- 35a
zhes dus kyi khyad par yon tan grub par byas pa la rdo rje slob dpon ni legs pa'i lam ston pa'i mchog de nyid zhing khyad par can no/ /grub 'dod ni tshe 'di nyid la phyag rgya chen po mchog gi dngos grub bo/ /shin tu mnyam gzhag pas ni lhag pa'i lha dpal rdo rje 'chang dang tha dad med par blta bas ci nus pas ni mchod pa phyi nang de kho na nyid kyi bye brag du mas so/ /de la le'u 'di nyid nyer bdun pa las kyang/ bla ma brgyud rim gyis thob pa'i/ /dbang bskur ba ni sngags legs ldan zhes pa dang/ rnal 'byor la la dga' bas ni/ /gtsang sbra 'di ni yang dag dpyad/ /bsod nams gtsang sbra las byung ba/ /sgrub pos yon tan rgya chen thob ces pa'i don te/ de yang rdo rje slob dpon gyis dkyil 'khor mchod cing dbang ji ltar bskur bar bya ba la dang por rang nus pa mthu dang ldan par bya ba'i phyir 'jug par bya ba ni rig pa'i dbang rnams las/ dang por mi bskyod pa chu'i dbang las/ dril sbyangs ni bum pa mtshan nyid dang ldan pa a ka ru la sogs pa'i spos kyis bdug cing legs par sbyangs pa'i sngags A li kA lis dag byed kyi bum pa brgyan pa/ me tog ste rigs lnga'i dbu rgyan cod pan dang ldan pa'o/ /yang dril sbyangs ni dar dang ras kyis mgul chings byas pa dang 'bras bu can gyi shing gis kha rgyan byas pas mdzes pa'o/ /yang dbu'i cod pan gyis dar dpyangs kyis bcing ba yang mtshon pa'o/ /shin tu sra mkhregs rdo rje ni bdag po 'od dpag tu med pa'o/ /sgra snyan ni tshigs su bcad pa thams cad dang sngags brjod pa'o/ /dril bu dkrol ni rdo rje gdon mi za ba'i dbang bstan pa'o/ /ha ha zhes ni brjod par bya ba ni rnam par snang mdzad ming gi dbang khyad par du gyur pa'o/ /sgrub pa po ni dam tshig gsum dang ldan pas rdo rje slob dpon du/ rdo rje sems dpar drug pa'i bdag nyid du sgrub pa pos gnas par bya'o/ /rnga brdung zhing ni rnga bo che dang dung dang chos kyi gaN+Di la sogs pas lha phrin las la skul bar byed pa'i phyir ro/ /de ltar yang DA ki rgya mtsho'i rgyud las
- 35b
dril sbyangs bum pa mtshan nyid ldan/ /a ka ru sogs spos kyis bdug /legs sbyangs A li kA li yis/ /dar dpyangs mgul chings shing los brgyan/ /dag byed rin chen 'bru sman dri/ /snying po chu bo 'bab pas brgyan/ rigs lnga'i dbu rgyan me tog gis/ /cod pan dar dpyangs mdzes pas brgyan/ /shin tu sra mkhregs rdo rje'i bdag /dril bu don yod rgyal po sbyin/ /bkra shis brjod pa ha ha zhes/ /rab sgrogs ming gi dbang bskur bas/ /sgrub pa dung dang gaN+Di dang/ /sgra snyan rnga bo che brdung zhing/ /lha rnams phrin las myur bskul 'grub/ /gsang sngags tshig gi sgra snyan brjod/ /rig pa'i cho ga legs sbyin pa/ /dkyil 'khor mdun du dbang bskur ro/ /zhes gsungs pa'i don to/ /de la theg pa thun mong pa'i lam ltar na/ /dril sbyangs na so so thar pa dang ldan pa/ skyabs 'gro khyad par can dang/ pha rol phyin pa drug la'o/ /me tog na smon pa/ spos ni 'jug pa/ rgyan pa don dam sems bskyed do/ /shin tu ni phyi'i 'jug pa drang ba/ sgra snyan ni nang gi 'jug pa ye shes dbab pa'o/ /dril bu la sogs pa ni sdom pa dang dam tshig la gnas pa/ 'khrol ba ni lha dang ngo sprad pa'o/ /sgrub pa po ni bla mas so/ /rnga brdung ba ni chos kyi sgra sgrogs pa/ ha ha zhes brjod pas ni dkyil 'khor mthong bas dga' ba bskyed pa'o/ /yang gsang ba dang gsum pa ltar na/ dril sbyangs ni lhan cig skyes ma ste bcu gnyis ma'o/ /sgra snyan ni sngags skyes bcu drug pa/ dril bu dkrol ni zhing skyes dgu gnyis ma/ rnga brdung ma ni ye shes las byung ba nyi shu ste rigs ldan ma'o/ /me tog spos kyis brgyan pa'i mchod pa thun mong pa'o/ /ha ha zhes sgrub pa po dang ha ha sid+d+hi ste dga' ba dang skad cig dang ldan pa'o/ /chos kyi phyag rgya ni/ dril sbyangs ni yab yum gnyis ka ltar rab tu gsal ba/ me tog ni g.yon rtsa/ spos ni g.yas rtsa/ de dag gis brgyan pa dbu ma/ shin tu sgra snyan ni rtsa gnas su rlung d+hU tIr tshud pa'i sgra/ dril bu ni rdo rje dang mnyam par sbyor pas 'khrol ba/ sgrub pa po ni yab yum 'du zhes
- 36a
gsum ldan gyis lhan cig skyes pa'i bde ba bsgrub par bya'o/ /rda brdung ba ni yum gyis bskyod pa'i sbyor ba'o/ /thig le gyen du bzlog pas dga' ba dang skad cig ma'i bde ba ha ha zhes bde chen gnas su bskyal ba'o/ /phyag rgya chen po dam tshig ltar na/ dril sbyangs ni spyi bo'i hi mgo thur la 'phyang ba'o/ /me tog ni rtsa rkyang ma/ spos ni ro ma/ brgyan pa d+hu tIr tshud pa'o/ /shin tu ni kun dar gyi gnas so/ /sgra snyan ni srog rtsol 'gog pas so/ /dril bu ni gtum mo'i mes 'og rlung bskyod pas so/ /'khrol ba ni 'bar 'dzag gsang bar gyur pa'o/ /sgrub pa po yis rnal 'byor pas gnad kyi 'khrul 'khor dang ldan pas so/ /rnga brdung ba ni 'byung ba bzhi rlung 'gog pa'o/ /ha hi zhes brjod pa lhan cig skyes pa'i bde ba gyen du 'bar bas ye shes kyi gad mo 'byung ba'o/ /des phyag rgya bzhi ldan no/ /de nyid du mchod pa dang rdo rje'i glus yang dag par bstod pa ni/ de ltar zhes rim pa ji lta ba bzhin du cho ga ni rnam pa thams cad du yang dag pa'i byang chub sems kyis kun nas bslang ba'o/ /dkyil 'khor ni rten dang brten par bcas pa'o/ / 'dod pa'i yon tan kun ldan ni gzugs rdo rje ma la sogs pas yang dag par mchod nas ni zhes skad cig tsam gyis lha'i 'khor lo yongs su rdzogs pa ye shes sems dpa' bstim pa dang ldan pa la cho ga blang ba ste/ dkyil 'khor bdag po de nyid las he ru ka gnyis pa byon pas des dbang thams cad rdzogs par bskur ba nyid kyi rdzas la/ lha la gnang ba thob pa la ga Na tsakra bya ba yang ngo/ /de ltar yang/ ka pA la 'am nya phyis su/ /bdud rtsi ri lu sbyar ba 'am/ /yang na ma da na yang rung/ sum b+ha brjod cing slob pa/ /gsang ba byas la snying po sbyin/ /go cha bcing zhing rdo rjes bsrung/ /ras dmar dri ma med pa yis/ /gdong bcing me tog phreng ba sbyin zhes gsungs pa'i don to/ /de nas phyir khrus bya zhing gos stod smad g.yog pa dang ldan pa de nyid la/ bu mdzes
- 36b
de dag gdong la ni zhes pas/ bdud rtsi 'khyil pa'i sngags kyis bsangs pa'i ras sam dar gyis legs par bkab nas su zhes legs par bcing bar bya ba'o/ /lho'i phyogs nas kha bltas te/ snyim pa me tog gis bkang la ces me tog phreng ba lag tu gtad de/ bar chad dri ba dang/ lan brjod pas/ rim gyis 'ong ba la snying kar rdo rje bzhag ste/ oM sh+rI sarba ta thA ga ta yo ka tsit+ta uta pA da yA mi/ zhes pas 'dir ni sems bskyed pa rdo rje lta bu yin te/ zhes pa nas/ oM su ra ta stwaM sa ma ya ho sa ma ya stwaM/ sid+d+ha badzra ya thA su khaM zhes brjod cing dkyil 'khor gyi dam la gzhag pa la sogs pa bya'o/ /de nas skor ba byas nas kyang ni oM sarba ta thA ta a khaM bI ra hUM gis sgo'i nang du zhugs te shar khyams su 'dug par bltas la/ oM na ma ste hUM/ oM na mA mi hUM/ oM na mo na ma hUM zhes pas phyag bya/ khyad par gyi bla ma dang dkyil 'khor pa la phyag bya ba phyogs nas sngags dang bcas pas so/ /sgrub po shin tu mnyam gzhag pas zhes rdo rje slob dpon dang slob ma thams cad la ting nge 'dzin la gnas par bya ste/ 'di la yang sngon 'gro dang/ dngos gzhi dang/ rjes la ngo sprad par bya bas/ grong khyer dam pa der gzhug bya zhes nang gi 'jug pa ye shes dbab pas so/ /lho'i phyogs su lus brten pa zhes de dag rim pa bzhin du las kyi rdo rje drangs la/ bden pa'i stobs brjod par byas la/ de nas snyim pas me tog dong pra tIts+tsha badzra ho zhes pas so/ /dkyil 'khor gang du me tog babs zhes mthong ba dri zhim me tog phreng ba spyi bor bcing bar bya'o/ /de'i rigs ni bstan par bya ba lha sku dang pho brang gi 'khor lo gang la phog pa ngos zin par bya'o/ /de nas gdong phye zhes pas rdo rje mig skyon dag par bsam zhing tshigs bcad brjod pas gdong g.yogs dgrol bar bya'o/ /dkyil 'khor bstan ces thar pa chen po'i pho brang rten dang brten par bcas pa dur khrod dang me 'od phreng ba'i bar du'o/ /gang gi lha'i gnas gang yin zhes dpal he ru ka'i lha dang dkyil 'khor gyi de kho na nyid
- 37a
bstan par bya ba'o/ /rdo rje slob dpon gyis lha gang dang gang gi spyi dang bye brag gi khyad par der de yang dag bstan par bya de ni slob ma dkyil 'khor du gzhug cing lha ro bstan pa'o/ /de nas dbang skur ba dngos la/ dang por rig pa'i dbang lnga zhu ba'i don du maN+Dal me tog dang bcas pa phul nas gsol ba btab pas/ sngar gong du tshig rkang bzhis bstan pa'i don dang/ yang le'u nyer bdun pa las/ dpal ldan khrag 'thung ye shes che/ /rnam dag mtshan nyid kun bsgrub pa/ /bde ba'i bsod nams chu 'thung ba/ /dag byed sdig pa 'jig byed yin/ /spyi gtsug la sogs bcings pa yang/ /phyag rgya thabs ldan rdo rje'i dbang/ /reg pa dang ni smra bas kyang/ /lus ngag pa la skyon med pa/ /sdig pa kun las rnam grol 'gyur/ /zhes pa dang yang de ltar rtag tu mchod byas na/ /dang pa yis ni gtor ma 'bul/ /ji ltar cho ga'i sbyor ba yis/ /dad pas ci 'dod sbyin par bya/ /zhes bsrungs pa'i don to/ /da ni gnyis pa gsang ba'i dbang bskur bar bya ba ni/ de nas slob dpon legs par ni zhes sku gsung thugs rdo rje lha'i ting nge 'dzin dang ldan pas mnyam par gzhag ste ni yab yum mkha' gsang byin gyis brlabs bzhin pas lha'i snying po dgod pa la sogs pas ma yengs par byang chub sems bskyed sngon du 'gro bas phyag rgyas mchod pa ni bde ba bsgrub par bya bas dkyil 'khor gyi lho phyogs su maN+Dal dang ldan par ro/ /yang slob dpon ni phya de nyid zhes lus? dang kun rdzob byang chub sems kyi dkyil 'khor gsang ba'i dbang bskur ba ste/ de nas mtshal chen ni rig ma las rang 'byung ba'i khyad par te/ de dang shu kra ga bur dang bcas pa nyid las/ gsang sngags lan gsum bzlas pa yis zhes byug pa dang sbyar bas/ de las ni slob ma'i gnas gsum du thig le dgod par bya ba yin zhes so/ /des ni sangs rgyas thams cad 'dus pa'i byang chub sems kyi dbang thob par 'gyur ba bstan pas/ sdom pa dam tshig dbang bstan
- 37b
par gyur pa 'bras bu dang bcas pa nyid du gyur pa'o// //da ni dbang gsum pa bstan par bya ste/ de nas zhes pas maN+Dal me tog dang bcas pa phul te gsol ba btab pas/ ye shes dbab cing/ rdo rje btsun mo'i lus la me tog dor/ gdong phye ba ni rdo rje'i spyan dbye ba ste/ ma rig pa'i mun pa bsal ba'o/ /ye shes kyi don mthong bar bya ba /chos la chos kyi mig rnam par dag pa chos 'byung gi dkyil 'khor bstan pa 'byung ba lnga dag pa rtsa'i pho brang ngo/ /dpal he ru ka'i gnas gang yin ni rdo rje lus kyi gnas dang nye gnas la sogs pa'o/ /der ni yang dag pa nges par bstan par bya rten dang brten par bcas pa'o/ /de nas rdo rje slob dpon gyis rig ma gtang cing gdams pa bstan pas slob ma de rig ma dang mnyam gzhag ces lha'i nga rgyal bstan pa mkha' gsang byin gyis brlabs bzhin pas/ rab tu 'dud pa byas nas ni ces rtsa dbu ma'i sna rtse 'phrod pas zag bcas rlung 'gog pa'o/ /g.yon nas brtsams pa'i rim pa ni rdo rje dbyings kyi dbang phyug ma'i rtsa brtsal ba las dga' pa dang skad cig ma rtogs par bya'o/ /der ni bskor ba rab tu bya bas te/ snyoms par 'jug pas bsrub pa'i sbyor ba'o/ /de la ni dril sbyangs me tog spos kyis brgyan/ /shin tu sgra snyan dril du 'khrol/ /sgrub pa po yi rnga brdung zhing/ /ha ha zhes ni brjod par bya ba'i don to/ /des lhan cig skyes pa'i ye shes bde ba chen po sngon du bya ba'o/ /des ni dkyil 'khor 'khor lo'i lam las don gyi ye shes gsang ba bla na med pa dkyil 'khor gyi nub phyogs su ni/ dkyil 'khor dang ni bla ma la/ /ji bzhin cho gas phyag bya'o/ /zhes de nyid du mchod cing mnyes par bya'o/ /da ni dbang bzhi'i gdams pa cung zad bstan pa ni/ dpal pad+ma badzra ba'i bzhed pas/ dbang ni rnam bzhi nges pa las/ /yon tan bzhir gyur nus par ldan/ /skal pa la dbang dri ma 'khru/ /rigs nges bstan par gyur pa la/ /thun mong chos dgu khyad par bzhi /de nyid mchog tu rtogs par bya/ /
- 38a
zhes gsungs pa'i don gyis/ dang po thun mong gis chos dgu las/ dang po bla ma rdo rje slob dpon du gyur pa/ dkyil 'khor rdul tshon rnam par bkod pa/ phyogs shar du maN+Dal ba'i rnam lngas byug pa/ dus tshod srod bdud 'dul ba/ yul rang gi lus spyi bo /dbang rdzas bum chu la sogs pas lus kyi phung po lnga'i dri ma 'dag /rjes gnang bskyed rim lha'i rnal 'byor la dbang bar gyur pa'o/ /khyad par gyi chos bzhi la/ lta ba gang rtogs par ni rang gi lus phung po khams dang skye mched tha mal pa las blo log nas lhar shes pa 'byung ngo/ /der snang ba rang gi sems su ngo 'phrod pas/ sems tsam rnam bden gyi mtshan nyid rtogs pa'o/ /des dpyad bya gang gcod pa ni lus lhar nges pas tha mal du mdzin pa'i rtog pa chod pa'o/ /dbugs 'byung ni snang srid lhar shar bas rnam par snang mdzad kyi dbugs dbyung ngo/ /rgyas gang gis 'debs na/ brtan g.yo lha dang gzhal yas khang du shar bas de bzhin gshegs pa'i rgyas 'debs su bstan pa'o/ /gsang ba'i dbang la yang thun mong gi chos dgu las dang po ni ma rdo rje slob dpon du gyur pa/ /dkyil 'khor ni lus kyi dkyil 'khor/ maN+Dal bdud rtsi lngas byugs pa/ phyogs lho/ dus nam phyed mnyam par gzhag pa'i tshe/ dbang rdzas byang sems/ sihla ga bur/ yul ngag sgra rjod byed dri ma yang dag dri ma 'dag rjes gnang rtsa rlung phra thig bsgom pa la dbang ba'o/ / khyad par gyis chos bzhi la/ lta ba ni/ lhar 'dzin gyi snang ba nub nas/ bde ba rtog med sems rang rig rang gsal/ gsal ba 'dzin med rnam brdzun gyi mtshan nyid rtogs/ gcang bya snang ba rang sems su shes pas phyi rol gyi brtan g.yo lhar 'dzin gyi rtog pa chod rgyas 'debs ni bde ba rtog med la gzung 'dzin gyis mi g.yo bas/ rdo rje mi bskyod pa'i rgyas gdab po/ /dbugs 'byin pa yang pha rol tu phyin pas rdo rje mi bskyod pa'i dbugs dbyung ngo/ /shes rab ye shes kyi dbang la yang/ dang po thun mong ba la dgu ste/ dang por
- 38b
rig ma rdo rje slob dpon du gyur pa/ chos 'byung gi dkyil 'khor phyogs nub/ dus nam gyi bzhi cha/ maN+Dal ni sihla ga bur gyis byug pa/ rdzas yab yum bsrubs pa las 'byung ba'i bde ba/ yul rang gi sems/ dri ma yang rang bzhin brgyad cu'i rtog pa 'dag /rjes gnang dkyil 'khor 'khor lo'i lam las kyi phyag rgya bsten pa'i skal ba la dbang ba'o/ /khyad par gyi chos bzhi la/ lta ba gang rtogs pa ni/ don rang gi mtshan nyid bde stong gnyis med zung 'jug rtogs/ gcang bya gang chod pa ni sems bde gsal du 'dzin pa de chod/ rgyas 'debs ni snang srid kyi chos thams cad la dbu ma sgyu ma lta bu rdo rje sems dpa' i rgyas 'debs so/ /dbugs dbyung ni 'khor 'das kyi chos thams cad la bde chen lhan cig skyes pa ste/ zung 'jug slob bzhin pa 'od gsal ba rdo rje/ bde ba'i ye shes dang 'brel med du gyur pas snying rje chen pos sems dpa' i phyir rdo rje sems dpa' i dbugs dbyung ngo/ /dbang bzhi pa la yang/ thun mong gi chos dgu las/ dang po rdo rje slob dpon ni sems kyi rgyal po/ don dam byang chub sems kyi dkyil 'khor phyogs dkyil 'khor chen po'i byang/ dus nyi ma 'char ka ma'o/ /rdzas sku gsung thugs rdo rje gsum dbyer mi byed pa/ yul chos nyid yul dang yul can dbyer med pa/ dri ma ni rtog pa phra rags thams cad 'dag/ rjes gnang bsam gyis mi khyab pa'i phyag rgya chen po mnyam rjes ro mnyam la gnas pa'i skal pa la dbang bar byung ba'o/ /khyad par gyi chos bzhi ni/ lta ba ni chos thams cad la zung 'jug rab tu mi gnas par rtogs gcad bya ni dbu ma rgyun chad mi gnas pa sgyu ma tsam du 'dzin pa de 'ang chod/ rgyas 'debs ni 'khor 'das dbyer med pa de chen 'gyur ba med pa la dpal rdo rje 'chang chen po'i rgyas 'debs so/ /dbugs dbyung ni bde chen rang 'gyur lhan skyes/ mi slob pa'i zung 'jug byang chub kyi sems/ phyag rgya chen po bla ma'i byin rlabs kyi stobs las/ rdo rje 'chang chen po dpal he ru ka sku bzhi'i ye shes su rang rdzogs par 'byung ba'o/ /des dbang gi don bstan pa'o// //da ni bla ma rdo rje
- 39a
'dzin pa mnyes par bya ba'i phyir rdzas dang longs spyod dbul bar bya ba ni/ de nas bla ma dag la yon ni ji ltar 'byor ba rab 'bring tha ma rnams so/ /de bzhin gshegs pa dpal he ru kas gsungs pa dbul bar bya ste/ mthar bdag nyid kyang ni dbul bar bya ba'i bar ro// de las phan yon bstan pa'i tshul gyis spyi dang bye brag tu dbang bstan par 'gyur bas nus pa'i khyad par 'thob tshul dngos dang brgyud pas bstan pa de ltar nges par bya ba ni zhes pa/ bla ma brgyud pa'i byin rlabs kyis so/ /nges par byed pa cho ga rim pa go rims ma nor bas so// nges par 'gyur ba ni slob ma'i rgyud la nus pa dang yon tan 'char zhing/ bar chad thams cad bzlog pa'o/ /sgrub pa po ni rig su rab nges byas zhes/ dbang gi dus su gtso bo la me tog phog pas/ rdo rje 'chang gi rigs su nges par byas/ lha tshogs gzhan du stung na dpal ldan rgyal tshab tu nges par 'gyur ba nyid du shes par bya'o/ /de yang byin gyis brlabs shing dbang bskur bas rten gyi tshogs sku gsung thugs kyi/ glegs bam mchod rten la sogs pa la rab tu gnas par 'gyur la/ zhu ba po'i tshogs la dbang bskur bas rab nges byas 'bras bu sku bzhi 'thob pa'i nus pa gzhag par gyur pa'o/ /sa gsum gyi dbang phyug ma rnams kyis bdag la dgongs par 'gyur ba ni de nas de la zhes pa nas lhan cig gi bar gyis rgyal ba lha tshogs thams cad kyis sras dang spun ltar 'tsho zhing skyong ba nyid do// dpa' bo rnal 'byor ma de dag dang bde legs la rnam sbyor pas 'gro ba'i don du ma byed pa'o/ /sgrub pa po ni dag gi phrin las kyi pho nya mngag gzhug pa thams cad ci bgyi ba gang dang gang gi bya ba las tshogs thams cad byed par the tshom med par 'gyur ba'o/ /da ni dngos grub kyi yon tan 'byung ba ni rnal 'byor 'di ni gnas skabs dang mthar thug gi phrin las la dbang bsgyur ba ste/ grub 'gyur na zhes pa dngos grub khyad par can 'thob pa'o/ /'jig rten gsum du mi bzlog shing ni nang gi dug gsum dag pas srid pa gsum dbang du gyur
- 39b
cing/ phyi'i tshangs pa drag po khyab 'jug la sogs pas kyang gnod par mi byed cing slar de dag rnal 'byor pas zil gyis gnon cing bran byed pa nyid do/ /mi snang bar byed pa ni rnal 'byor pa'i rdo rje'i lus kyi ltag pa'i rus mdung kyi rtsar nam mkha' i rlung gi nus pa bstan pas rang gzhan mi snang ba nus pa 'byung/ phug dang zhes sa 'og 'gro ba ni ri 'bigs byad la sogs pa'i lha ma yin gyis phug sgo ste/ rtsa dbu ma'i yal ga'i mthong phyi pas lte ba'i thad ka nas 'jug pa'i sgo nas gnas pa'i don to/ /nam mkhar rgyu ba ni dpral ba'i rtsa mdud zung gsum par chos nyid kyi rlung 'dus pas rnam rtog gcod pa ste ral gri'i dngos grub phyi nang du thogs pa med par grub pa'o/ /rkang mthil long bur rlung ni rlung las su rung bas rdo rje rkang mgyogs grub pa ste/ dpag tshad mang por skad cig gis phyin pa ste yang zhing 'debs par byed pa'i nus pa thob bso/ rgyud rdo rje sa 'og nas nang du me rlung la brtan pa thob pas mtshan khung na kun dar gyi yal ga'i sgo yod de/ der lam sbyangs pas lha ma yin gyi phug sgo rnyed pas 'chi med grub pa mngon du byed pa'i don to/ /de bzhin ni/ /rol langs grub pas kyang ro de gser lus su rgyur zhing lce las ral gri dngos grub 'byung ba'o/ /yang na gser 'gyur gyi rtsi grub pa ni gsang bar sa rlung stobs su gyur pa de nyid rlung sams gnas pas so/ /snying thig le nyi zla la sbyar gyi bar du rlung sems 'dus pas chu rlung gi nus pas bcud len gyi ril bu grub pa tshe'i dngos grub thob pas dus ma yin par tshe'i dus mi byed pa brgya nyi shu la sogs pa'i bar du'o/ /yang kun dar gyi yal ga nu ma gnyis su ye shes kyi rlung brtan pas bum pa bzang po grub cing/ nam mkha' i mdzod la mnga' brnyes pa 'byung ba'o/ /'di dag gi don ni le'u so gnyis pa ro langs bsgrub pa las/ nas ro de langs nas ni/ /ci bgyi zhes ni smra 'gyur zhing/ /sa 'og 'gro ba ral gri 'am/ /tshar gcod phan 'dogs nyid dag dang/ /ri lu mig sman gter rnams dang/ /rkang bgyogs dag gam bcud kyi len/ /gcig cig sbyin par byas na ni/ /'gro bar 'gyur
- 40a
gyis gzhan du min/ /steng dang 'og tu pho nyas grub/ /rgyud 'dir the tsom med pa yin/ /zhes pa'i don no/ /sgrub pa po ni 'dod tsam gyis las chen bcu gnyis dang/ dngos gnyis nges par 'grub pa'o/ /rtag par rgyud du bskyed par 'gyur ba 'jig rten pa dang/ 'das pa'i dngos grub du ma la dbang 'byor pa'o/ /gzugs ni du mar byed pa dang 'og nas 'byung ba'i rkang bzhi du ma/ 'dab chags du ma la sogs par bsgyur ba sna tshogs gzugs can no/ /mkha' spyod kyi gnas thob pa'am/ de yang rnal 'byor pa dbang po yang rab lus yongs su dag pas/ sems 'od gsal mngon du gyur pas nam mkha' la ni 'gro bar 'gyur ba 'ja' tshon lta bur 'gyur/ rab kyis sems skye med/ lus thogs med dngos snang/ zil gyis gnon pas dbang phyug rub pa'i nus pa sgyu ma lta bu thob pa'o/ /'bring gis 'di nyid sprul shun pa brjes pa ltar 'gyur/ tha mas rdo rje ltar so thub pa ste/ lo brgya stong du mar gnas par 'byung ba dang mtshon cha la sogs pas mi tshugs pa 'byung ba'o/ /mkha' 'gro rnams kyang rnal 'byor pa de dang lhan cig du gnas te/ khyad par du 'byung ba bzhi la sogs pa la zad par dang/ zil gyis nges par gnon pas rdzu 'phrul du ma ston cing/ 'gro ba thams cad lha ma srin du ma yang dbang du 'gyur ba phyi rol gyi snang ba'i rlung sna sgo g.yas g.yon du nus pa thob pas 'byung po ro langs dang gnod sbyin pho mos bran byed par 'gyur ba'o/ / mgrin par skye mched drug gi rtsal brtan par gyur pas/ 'jig rten gyi ro drug la longs spyod par nus pa ste/ bdud dang srin po mi 'am ci dri za grul bu mi la sogs pas kyang bran byed do/ /sgrub pa po des lan cig tsam du lta stangs kyis bltas pa'i sbyor ba yis ting nge 'dzin skad cig tsam gyis ni sa gsum na gnas pa dbang du gyur pas sbyor pa nyid bskyed rnams shes dang ye shes kyi phrin las grub pa'o/ /bshad ma thag pa de lta bu'i dbang bskur ba thob kyang dngos grub thob ba ma snyam na mi 'grub ste/ sngags pas dkyil 'khor ma mthong ba zhes pa rkang pa
- 40b
bzhis pa'i sgo nas bstan pa go sla'o/ /grub pa'i dbang phyug du bstan pa'i phyir rnal 'byor ni thabs shes rab gnyis med rgyu thabs 'bras bu bla med thob pa ste/ bum dbang thob pa dang/ mchog ni gsang dbang dang/ rab ni shes rab ye shes thob pa/ bla na med pa gsang chen gyi sbyor ba kun gyi bde ba dang stong pa dbyer med ye shes las/ dam pa yis ni dbang bzhi pa phyag rgya chen po rdzogs pa'i don to/ /de yang rten gyi gang zag gang zhig skal ldan snod du gyur pa dus rtag tu bsgom pa la brtsom pas ye shes 'dod gyur pa des ni lha dang lha min mi rnams te zhes sa gsum gyi dbang phyug chen por gyur pas/ 'di ni lha mi zil non 'gro ba bdud bzhi'i tshogs 'joms shing mtshungs pa med pa'i 'dron pa'i dpal ldan du gyur pa'o/ /da ni dpal 'khor lo sdom pa rigs bsdus pa'i dkyil 'khor 'dir ni dbang bskur ba thob na/ gsang sngags rgyud sde bzhi po kun gyi lam gyi ye shes la dbang ba'i sgrub po yin de yang slar gsal bar yang/ blta dang zhes lha thabs shes rab kyi sbyar ba mtshon pa bya ba dang/ dgod pa ste yab yum bde ba mtshon pa spyod pa dang/ lag bcangs te lha yab yum ye shes kyi sbyor ba dpung pa phan tshun bsdams pa tsam gyis bde ba tshim par byed pa rnal 'byor gyi rgyud dang/ gnyis sbyor la sogs pa'i zhes lta yab yum thabs shes rab dbang po gnyis sbyor gyi bde ba lam du byed pa gsang ba rnal 'byor bla ma'i rgyud do/ /de dag nang don du ni/ rnal 'byor ba'i rdo rje'i lus la/ rtsa 'khor lo rnams dang rtsa ro rkyang gnyis la sogs pa thabs shes rab kyi rtsa gcig la gcig gis blta bar bya ba/ rtsa nang du yi ge rlung gi rang sgras e baM gi sgras brgyad pa sngags 'byung ba spyod pa/ ra sa nA dang/ la la nA gcig gi rtsa sna la gcig 'dzin pa lag bcangs kun dar la cung zad 'khyud pa rnal 'byor thabs shes rab kyi rtsa sna gnyis po dbu mar tshud pas rtsa gsum ro gcig tu gyur pa dbang po mnyam sbyor ba de stong gnyis med rnal 'byor chen po bla med ston pa'o/ /'dir ni dbang bskur gyur pa yin zhes gsang chen dang/ lam sbyang
- 41a
mong pa'i lam rim la blo sbyang ba yang 'di'i sngon du 'gro ba byang chub sems khyad par can du sgrub par byed pa'o/ /de ltar na rgyud gzhan las khyad par du 'phags pas na/ rgyud kun gyi ni bla ma ste/ byin rlabs phul du byung ba'i don to/ /gzhan yang de nyin bsdus pa ni tata twa sang gra ha'o/ /bde mchog ni sgyu ma bde mchog go/ gsang ba ni 'dus pa'am zla gsang thig le nor bu'i rgyal po'o/ /rdo rje 'jigs byed las ni gshin rje gshed kyi 'khrul 'khor yang 'dir 'dus pa'i don no/ /dkyil 'khor rnams kyi mchog 'di ni zhes pas/ 'di nyid kyi le'u gnyis pa gsum pa/ bzhi pas thog mar dbang bskur ba'i dkyil 'khor bstan/ bar chad bsrung zhing bdud las rnam par rgyal ba'i dkyil 'khor le'u sum cu par bstan/ dngos grub bsgrub pa he ru ka mngal skyes kyi dkyil 'khor so gnyis par bstan/ rdzus skyes rim pa le'u lnga bcu rtsa gnyis par bstan/ las dang dngos grub spyi'i dkyil 'khor zhes brgyad par/ ma byung ba ni bud+d+ha mar me mdzad la sogs pas so/ /phyis mi 'byung ba ni mgon po byams pa'i bstan pa la sogs pa la'o/ /las dang dngos grub thams cad ni rgyud 'dir bshad pa dang yang 'dir ma bshad pa'i phrin las gang ci yang rung ba thams cad lus pa yang/ rab 'byams de kun dpal ldan khrag 'thung gnas zhes 'dir myur du 'grub pa'i don to/ /yon bcas pa dbang bskur ba'i le'u ste gsum pa'i rnam par bshad pa'o// //de la gang le'u dang por gleng gzhi dang gleng bslang pa'i gsang chen bstan la/ de nyid gsang ba mdor bstan nas le'u gnyis man chad kyis yan lag rgyas par bshad pa ni/ le'u gnyis pa dkyil 'khor du 'jug pa'i rim pa sngon du bstan la/ le'u gsum pa dbang bskur ba dngos bstan pa de dag kyang/ sngon byung du dpal he ru gas 'og min bde ba chen po'i zhing khams su sangs rgyas dang byang chub sems dpa' rig ma'i lha mo dpag tu med pa dang/ khro bo yab yum gyi tshogs thams cad la bcom ldan
- 41b
'das chos kyi sku de nyid longs spyod rdzogs sku/ byang chub sems rdo rje 'chang las dpal he ru kar bzhengs te/ ye shes bde ba chen po'i dbang bskur ba mdzad pa'o/ /de nas ri rab kyi khang bu brtsegs par dpal he ru ka sku bzhi dbyer med kyi dkyil 'khor mngon par sprul par mdzad pa yang/ 'di dag sngon nyid grub pa yin zhes pa'i don la/ 'og min du dkyil 'khor ba thams cad mngon par byang chub pa'i gsang ba mngon du gyur pa de nyid /de nas gong du gsungs pa 'di ni rjes 'jug la dgongs pa'o/ /don du na byang chub sems dpa' sems dpa' chen po rnams ni dpa' bo'i rnam par snang ba nyid la/ byang chub sems ma lha mo thams cad la ni rnal 'byor ma rnams ni zhes pas/ dpa' bo thams cad do/ /gnas na zhes yongs su dag pa bde ba chen po ye shes kyi pho brang du'o/ /rnam par 'gying ba ni gar gyi nyams thugs rje chen pos so/ /yang na sa la ni sa bcu'i dbang phyug ye shes kyi ngang las rnam par rol pa zhes bde stong gnyis med dang du'o/ /de dag gi ye shes kyi sku ngos gzung zhing bstan la dbab pa ni/ rnal 'byor ma brtson 'grus chen mo ni lha mo rdo rje rab 'jigs ma ste/ dpa' bo rdo rje sems dpa' ni byang chub sems dpa' sems dpa' chen po blo gros rgya mtsho nyid do/ /rnal 'byor ma 'khor lo sgyur ma ni gtsug tor rnam par rgyal ma'o/ /dpa' bo rnam par snang byed ni byang chub sems dpa' bzang skyong ngo/ /rnal 'byor ma stobs chen ma ni lha mo stong chen mo'o/ /dpa' bo pad+ma gar dbang ni byang chub sems dpa' nor gyi dbang phyug go /rnal 'byor ma rab tu dpa' mo ni lha mo rdo rje lu gu rgyud ma'o/ /dpa' bo dpal he ru ka ni byang chub sems dpa' mthu chen thob bo/ /rnal 'byor ma 'khor lo'i go cha ma ni lha mo ri khrod lo ma can no// dpa' bo nam mkha' i snying po ni dpal? byang chub sems dpa' rdo rje snying po'o/ /rnal 'byor ma 'chang 'chong ma ni lha mo rma bya chen mo'o/ /dpa' bo rta mgrin ni byang chub sems dpa' nyi ma'i snying po'o/ /rnal 'byor ma du ma skyes ma ni lha mo so sor 'brang ma ste/ dpa'
- 42a
bo rin chen rdo rje ni byang chub sems dpa' rdo rje 'od do/ /rnal 'byor ma 'khor lo'i shug can ma ni lha mi rgyal mtshan rtse mo'i dpung rgyan no/ /dpa' bo stobs po che ni byang chub sems dpa' zla 'od gzhon nu'o/ /de dag sku'i 'khor lo la gnas pa'o/ / rnal 'byor ma khwa gdong ma ni nye ba'i mA ma kI dri ma med pa'i 'od do/ /dpa' bo mig mi bzang ni byang chub sems dpa' dra ba can gyi 'od do/ /rnal 'byor ma rta rnam ni nye ba'i spyan ma sa'i lha mo'o/ /dpa' bo 'jigs byed chen po ni byang chub sems dpa' ngan song kun 'dren no/ /rnal 'byor ma shin tu bzang mo ni lha mo nye ba'i gos dkar mo ste/ 'od mchog ma dpa' bo rdo rje bzang po ni byang chub sems dpa' sbobs pa brtsegs pa'o/ /rnal 'byor ma sngo bsangs lha mo ni sems ma sgol ma ste/ ri dags 'dzin ma'o/ /dpa' bo rab tu bzang po ni byang chub sems dpa' mya ngan kun 'joms so/ /rnal 'byor ma chang 'thung ma ni lha mo rgyan ldan ma ste e ka dza Ti'o/ /dpa' bo ni rdo rje hUM mdzad de bo d+hi satwa ye shes tog go /rnal 'byor ma rlung gi shugs can ma ni/ lha mo dri ldan ma dbyangs can ma ste/ dpa' bo rdo rje dpa' bo chen po ni/ bo d+hi satwa blo gros mi zad pa'o/ /rnal 'byor ma 'jigs byed chen po ni lha mo gsang sngags rjes 'dzin te rdo rje 'jigs byed ma dpa' bo rdo rje ral pa can ni bo d+hi satwa spos kyi glang po'o/ /rnal 'byor mas bsrungs ma ni lha mo ye shes sgron ma ste/ dpa' bo ni myu gu can te b+ho d+hi satwa sgrib pa thams cad rnam par sel ba'o/ /de dag gsung gi 'khor lo la gnas pa'o/ /rnal 'byor ma shing grib ma ni lha mo sangs rgyas byang chub sems ma ste/ dpa' bo rdo rje'i sku ni byang chub sems dpa' nam mkha' i mdzod do/ /rnal 'byor ma lang ka'i dbang phyug ma ni lha mo ka bu tsi 'od zer can no/ /dpa' bo rdo rje 'od ni byang chub sems dpa' nam mkha' i snying po'o/ /rnal 'byor ma mi thung ma ni lha mo rdo rje gzhon nu
- 42b
ma ste/ dpa' bo snang ba dpag med ni byang chub sems dpa' byams pa'o/ /rnal 'byor ma dpa' bo'i bla ma ni lha mo rdo rje khro gnyer ma ste/ dpa' bo cha dang dgra ni byang chub sems dpa' phyag na rdo rje'o/ /rnal 'byor ma sna chen ma ni lha mo rdo rje nyi ma ste/ dpa' bo che ba rnam par gtsigs pa ni byang chub sems dpa' sems dpa' chen po sa'i snying po'o/ /rnal 'byor ma 'od ldan ma ni lha mo rin chen sgrol ma ste/ dpa' bo ni keng rus te byang chub sems dpa' 'jig rten dbang phyug go /rnal 'byor ma gtum mig ma ni lha mo skul byed ma ste/ dpa' bo ni keng rus chen po ste/ byang chub sems dpa' 'jam pa'i dbyangs so/ /rnal 'byor ma ni rab gtum mo lha mo sems ma rdo rje pho nya ma ste/ dpa' bo thod pa'i dum bu can ni byang chub sems dpa' sems dpa' chen po kun tu bzang po'o/ /thugs kyi 'khor lo la gnas pa'o/ /de la dpa' bo dang rnal 'byor ma de dag gi ni/ gnyis su med pa bde ba chen po la gnas pas las chen dang dngos grub myur du sgrub byed yin zhes nye bar gdams pa'o/ /dkyil 'khor gzhal yas khang gi nang du dam tshig 'khor lo'i nang du sku'i 'khor lo dang/ de'i nang du gsung gi 'khor lo chud pa dang/ de'i nang khongs su thugs kyi 'khor lo dang/ de'i dbus su ni bde ba chen po'i 'khor lo ye shes kyi sku gtso bo yab yum 'khor dang bcas pa'o/ /ji ltar phyi rol de bzhin nang zhes pas/ 'og min chos kyi dbyings na gnas pa de nyid/ raM rab kyi rtser yang mtshungs la/ ye shes kyi sku ji lta ba de nyid sprul pa 'dzam bu'i gling gi 'khor lo la/ de las dam tshig dang/ rnal 'byor pa'i lus kyi dkyil 'khor dang/ sems kyi dkyil 'khor du yang de kho na bzhin du gnas lugs mtshan nyid par shes par bya'o/ mkha' 'gro ma ni nyi shu bzhi zhes pa de dag kyang dpa' bo dang gnyis su med pa phyag rgya chen po 'gro ba'i don mdzad pa nyid/ 'di dag sngon nyid grub pa yin zhes gdod ma nas dpal rdo rje rnal 'byor ma nyid dang tha mi dad pa sngon dang phyi ma'i mdza' na dmigs pa'o/ /da ni de kho na nyid bzhi dang sbyar ba la slob dpon chen po
- 43a
la bar zhed pa ltar na/ de la dkyil 'khor gyi de kho na nyid la/ rnal 'byor ba'i rdo rje'i lus la rten dang brten pa/ 'byung bzhi rim brtsegs/ 'dom gang grur ni dkyil 'khor/ lha'i 'khor lo/ /yi ge'i gnas/ pu dzA la sogs pa lha'i de kho na nyid las byang chub phyogs dang bcas pa'o/ /sngags kyi de kho na nyid las/ lha'i mtshan sngags phreng ba ltar bkod pa/ oM ni thams cad gsal byed de zhes sku rdo rje rlung nang du 'jug pa yon tan 'phel ba sdud pa ste/ sngags brjod pa la ni a kun gyi khod na/ srog lta bur rlung gnas pa/ rang ming gsal byed dang dbyangs sbyar ba las byung pa yo gi ni ma hA bIrya la sogs pa rnams te sa bon las dbyung ba'o/ /mthar ni hUM/ zhes pa rlung phyir 'gro bas nang dang gdon dang gnod pa thams cad dbyung ba nyid bar chad sel ba'o/ /hUM/ cig ni snying ga'i 'khor lo'i dbus na/ a/ ni lte bar/ phaT dang sbyar ba ste/ lus kyi sum mdo drod kyi rang bzhin 'bar ba can no/ /ye shes kyi de kho na nyid ni rnal 'byor rab mchog ni bdag byin gyis brlab pa dang/ dkyil 'khor 'khor lo'i lam gyi lhan cig skyes pa'i ye shes/ sa gser zla ba me lta bu 'bar ba'o/ /de nyid kyi ting nge 'dzin rim pas 'phel bas bde chen ye shes me ste/ zag pa med pa skyes pas gzhan dang rtswa dang mtshungs zhes bsreg cing sbyangs pas phun sum tshogs nus pa thob pa la 'di mthong nas zhes ye shes skad cig ma gcig tu rtogs pa'o/ /grub stsol 'dod pa thams cad ni/ las dang dngos grub lam gnas skabs dang mthar thug gi don 'byung ba'o/ /slob dpon Dom+b+hi he ru ka'i bzhed pa ltar na rang ming brjod pa ni/ bum pa'i dbang gi dus su rdo rje ming gi dbang bskur ba rjes gnang dang/ gsang dbang gi dus su lung bstan dang/ gsum pa'i dus su A li kA li rigs kyi khyad par ngos gzung pas rigs su nges par bya ba dang/ dbang bzhi par tshig dbang rin po che sbyin pa gzengs bstod pa dang rjes su 'brel lo/ /de rtogs lam dbang gi dus so/ /gams par byed pa'i lam du ni/ bskyed pa'i rim par rnal 'byor
- 43b
ma rnams kyi sngags bzlas pa'i rnal 'byor bstan pas sngags btub mdzad pa'o/ /rdzogs par rdo rje bzlas pa dang 'brel pas srog rtsol lo/ /rnal 'byor gyi de kho na nyid ni/ dpa' bo nyid gyur ni rang gi lus ngag yid dpal he ru ka'i sku gsung thugs rdo rjer gyur pas tha mal pa mi phyed pas/ grub pa ni zhas bskyed par bstan pa thod cing/ rdzogs par rtags 'ga' mthong ba'o/ /khyim du dkyil 'khor mthong ba yin zhes pas/ bum dbang dus su sku rdo rje chos kyi phyag rgya rtsa yig gsal stong/ dbang gnyis par gsung rdo rje'i dkyil 'khor du dam tshig phyag rgya rlung brjod pa snang stong/ /gsum pa'i dus su las kyi phyag rgya thugs rdo rje thig le bde stong gi dkyil 'khor mthong/ dbang bzhi pas phyag rgya chen pos rtsa rlung thig les yi ge thams cad ro mnyam ye shes kyi rdo rjer gyur pas/ mi 'gyur ba lhan cig skyes pa'i ye shes dkyil 'khor mthong ba bla na med pa'o/ /thabs kyi rim pa bstan pa'i phyir/ /de shes rtag tu bsgom pas ni/ /rnal 'byor rab mchog 'di mthong nas zhes pa/ bskyed par mngal skyes rgyu'i he ru ka mngon par byang chub pa lngas bde chen du grub pa dang/ de nyid yab yum bsrub pa las bde ba'i ngang las 'khor gyi lha tshogs byung ba'i dkyil 'khor dang/ 'bras bu'i he ru ka tshad med bzhi lha mo'i glus bskul nas bde ba'i ngang la bzhengs nas/ de kho na nyid kyi mchod pa ni bde ba chen po mthong ba'o/ /rdzus skyes ni/ lus kyi dkyil 'khor ye shes kyi dkyil 'khor skad cig mas bde stong gi ye shes su gyur pa'o/ /rdzogs par lus kyi dkyil 'khor ye shes kyi ngang las skad cig gis bskyed pa ste/ rim pa bzhi ldan du rdzogs pa ni rnal 'byor rgyud kyi rim pa/ rjes su rnal 'byor sngags/ shin tu rnal 'byor ye shes kyi rim pa/ rnal 'byor chen po ni gsang ba'i rim pa bstan pa'o/ /yang na gong bu gsum las 'das pa'i dus su/ bde ba dang stong pa las bsam gyis mi khyab pa la gnas pa ni/ rnal 'byor bla na med pa'i ye shes kyi snying po thob pa'o/ /
- 44a
chen rnams dang dngos 'grub de bzhin gshegs pas gsungs zhes dbang dang lam gyis rgyud yongs su sbyangs pa thob pas sa dang lam gyi rim pa bgrod nas sangs rgyas par gsungs pa tshe gcig gis rdzogs pa'i byang chub mngon du gyur pa bstan pa'o/ /le'u'i mtshan ni dpa' bo ni nyer lnga po rdo rje sems dpa' sogs dang/ rnal 'byor ma brtson 'grus chen po sogs gnyis su med par bde ba chen por dgod pa'i cho ga bstan pa'i le'u bzhi pa rnam par bshad pa'o// //gsang ba bla na med pa'i mchog gi rgyud du bsnyen pa la sogs pa'i yan lag dang ldan par bsgrub pa bstan pa'i phyir/ de nas thams cad ces smos te/ le'u dang por gsang sngags zlos pa'i bzlas brjod dang zhes mdor bstan pa'i don rgyas par bshad pa ni// de nas yan lag brgyad ldan rgyan gyis mdzes byed de ni thabs dang shes rab ye shes gsum gyi sgo las rnyed/ gsang sngags kyis ni stobs dag mtshungs pa gzhan med dge ba gsum du yongs dag 'dir bstan pa'o/ /de la dang po bcom ldan 'das dpal he ru ka'i rtsa ba'i sngags kyi lus dang/ gsang sngags kyi gzhi dgod pa bstan pa ni/ chos 'byung bar phyi nang las/ sngags btu ba'i gnas bdun yi med na dang bdud rtsis byugs pa'i maN+Dal la/ nang du rdo rje'i lus kyi lte ba'i 'og tu b+ha ga'i dkyil 'khor gru gsum pa'i rnam par snang ba'o/ /de las 'khor 'das kyi chos thams cad 'byung bas na/ bde bar gshegs pa'i phral ba dang rnam par smin pa'i 'bras bu thams cad kyi brten pa'o/ /sna tshogs pad+ma ni/ /pad+ma 'dab ma brgyad pa ste/ chags pa med pa 'dam gyis mgos pa/ bde ba skye ba'i rten de la rang bzhin gyi dri ma dag pa'o/ /lte ba ni snying por gyur pa ste/ de gnas pa'i yi ge ni ma skyes pas skye ba med pa/ gnyis su med pa'i don 'byung ba'o/ /mi shig pa ni 'khrul pa'i rtog pas mi phyed pa/ tha mal pa'i 'dod chags kyi zag
- 44b
bcas spros pa las dben pa'o/ /shin tu dge ba bkra shis pa dang/ bde legs 'byung ba mchog gi rtsa dbu ma'o/ /sngags pas cho ga bzhin du bri zhes pa go rims ma nor bar bya ba/ rtsa'i 'dab ma la thig le yi ge'i gzugs su gnas pa'o/ /chos 'byung ni srung ba'i 'khor lo dang sa'i cha mnyam pas tshogs gnyis sngon du 'gro bas/ ming tshig yi ge rab tu byed pa du ma gcig tu bsdu bar bya ba ni brjod bya don gyi gsang bar/ rjod byed sgra dang yi ge ma lus pa spro ba dang sdud pa rlung gis/ /slar rgyas par bstan pa la/ 'dir sngags tshig ni 'di yin te/ gang lha thams cad bskyed pa dang gnas pa dang thim pa dang/ 'byung ba dang 'jug pa gnas pa mngon par 'byung ba'o/ /A li kA li mnyam byas pa ni 'dus byed lnga bcu sems las byung ba brgya phyed phreng ba'o/ /sna g.yon nas zla ba'i cha 'jug pa sde tshan dang po/ sna sgo g.yas nas 'byung ba nyi ma'i cha sde mtshan bdun/ rtsa kun dar gnas pa ro rkyang la yi ge sde tshan brgyad ro mnyam pa'o/ /sde mtshan la ni thim par bya ba rigs kyi dbye ba ma 'dres par ro/ /thabs dang shes rab kyi cha phyed pas rtsa dbu mar 'jug pa'o/ /bzhi bzhi ru ni shes byas la zhes pa thig gi khyad par g.yas g.yon cha mnyam pa'o/ /de yang thabs shes rab mnyam par sbyar bas dga' ba dang skad cig ma'o/ /thub pa mchog ni re'u mig bdun pa ste/ sangs rgyas de bzhin gshegs par bas bdun brdar bstan pa/ de dag gis dgod par bya ba ni re mig zhe dgu/ gsal byed nyi ma rta bdun ldan no/ /der gnas dpa' bo btu bya ba ni bdud las rnam par rgyal par byed pa/ lha dang sngags tha mi dad pa nyid phyogs las rnam par rgyal pa'o/ /'dod don thams cad sgrub byed pa'o/ /zhes gnas skabs su las tshan dang thun mong mthar thug tu mchog sku dang ye shes myur du'o/ /de la dpal he ru ka'i rtsa ba'i sngags las khyad par ba rkang pa brgyad pa'i lus thu ba nyid bzhi pa'i lnga pa gang yin dang zhes pa la sogs pas bstan no/ /de'i don ni 'di yin te/ sems bskyed sngon du 'gro
- 45a
bas/ rang he ru kar gsal ba'i thugs ka'i sa bon gyi 'od zer gyis/ mdun gyi sngags la phog de'i 'od kyi snang ba chen pos phyogs bcu'i sangs rgyas dang byang chub sems dpa' dang dpa' bo rnal 'byor ma thams cad kyi yon tan phrin las thams cad bsdus te/ rang la bstims pas byin rlabs dang dngos grub dpag tu med pa 'byung bar 'gyur ba ni gsang sngags kyi che ba bstan pa'o/ /uSh+mA Na yi gnyis pa nyid/ de bzhin nyi shu rtsa drug pa'o/ /zhes pa'i bar gyis bstan pa'o/ /dang po'i dang po nyid dang ni zhes pa nas/ gnyis gnyis rkang pa bzhi yin no/ /zhes pa'i bar gyis dpal he ru ka'i rtsa ba'i sngags las rkang pa nyi shu rtsa bzhi pa'i lus thu ba'i gsang ba bstan pa'o/ /de nas ka ra ka ra la sogs pa'i dpa' bo nyer bzhi pa'i bar 'khor lo bkod pa'o/ /gsang sngags kyi khyad par bstan pa la/ rig pa'i rgyal po ni sngags 'di rig sngags dang gzungs sngags/ gsang sngags thams cad kyi bdag por gyur pa'o/ /bya ba thams cad sgrub byed pa ni rnam shes dang ye shes kyi las kyis tshar bcad phan 'dogs pa'o/ /'di las shin tu mchog gyur pa ni gsang ba bla na med pa'i snying po nyid do/ /'jig rten gsum na yod min te zhes lha dang mi dang klu'i gnas thams cad na'o/ /sh+rI he ru ka'i sngags shes nas sbyor bcom ldan 'das kyi sku gsung thugs bskul ba'i rang bzhin gsal bar ston pa rtsa sngags/ yon tan phrin las phyogs 'ga' ston pa snying po ye shes sdus par gsal ba'i mtshan nyid nye ba'i snying po yin zhes dpal rdo rje dril bu pa'i bzhed do/ /me ste gzhan dag rtsa dang mtshungs zhes rgyud 'di ni ye shes kyi me lta bu/ spang bya dngos por ??? pa'i rang las snying po bla na med pa bstan pa'o/ /des sngags kyi phan yon bstan pa'i tshul gyis gzhung bsdu ba'o/ /le'u'i mtshan bstan pa la/ rtsa ba'i sngags
- 45b
kyi yi ge bsdu ba'i cho ga ni rdo rje slob dpon gyis slob ma lung sngags kyi rjes gnang bstan pa'o/ /le'u lnga pa rnam par bshad pa'o// //de la gsang sngags kyi grub pa bla na med pa mchog tu bstan pa las/ gzhan yang zhes pa rnam grangs bum las khyad par du go cha'i sngags bstan pa'o/ /yi ge nyi shu gnyis ni bcom ldan 'das kyi snying po gsang sngags dngos ni le'u brgyad par ston pa'o/ /snying po yig bdun nye snying po zhes pa le'u bcu gnyis par gsal bar bstan no/ /ya sde brgyad pa'i sa bon dang zhes pa yang la wa sha Shas ha yig 'bru brgyad brgyad pa nyid las/ grong khyer dkrug pa ni yi ge'i phyi mo brgyad de/ /de bzhin gug skyed bcu gnyis kyi zhes thabs shes rab kyi phyag rgya drug ldan phyi dang/ nang gi skye mched sbyor bas/ rten 'brel gyi yan lag rnam par dag pa'o/ /dbyangs kyi ma ning yi ge ma gtogs pas yi ge bar mdor byas pa ni A la'i ring po drug gzhag nas thung du rnams ha la sbyar ba'i sa bon lta bu'o/ /yan lag drug ni rigs kyi khro bo lnga/ he ru ka brjod pa dang/ lus kyi gnas drug tu'o/ /dpa' bo drug dang mnyam sbyor ba ni rdo rje sems dpa' / rnam par snang mdzad pad+ma gar dbang sh+rI he ru ka /rdo rje nyi ma/ rta mchog don yod rgyal po'o/ /yi ge gcig ni ha ste/ de la rkyen e u e o aM sbyar bas ha hi hu he ho haM gis mdzes par gyur pa'o/ /yang dag gnas pas 'bras bu mngon par shes pa drug 'char ba'i nus pa dang ldan par gyur pa'o/ /oM ha/ na ma:ni/ swA hA hu bau Sha Ta he/ hUM hUM ho phaT haM dang yang dag ldan pa snying po gsang ba nyid do/ /sgrub pos snying por shes par bya ba ni dus dang gnas skabs kun tu'o/ /de la lus kyi gnas su dmigs pa la/ dang po snying ga nyid du ste zla ba la oM ha las rdo rje sems dpa' o/ /gnyis pa mgo bor shes par bya ba zla ba la rnam snang/ gsum pa spyi gtsug dag tu sbyar ba nyi ma la pad+ma gar dbang/ bzhi pa go cha nyid du nges pa sh+rI he ru ka nyi ma la gnas pa'o/ /lnga pa mig tu gyur pa ste rdo rje nyi ma zla ba la'o/ /drug pa
- 46a
mtshon cha zhes bya bar brjod pa dpal rta mchog rgyan dang so so'i phyag mtshan dang ldan pa ste/ nus pa mchog tu gyur pa thob pas bsrung ba'i mchog bstan pa'o/ /rdo rje go cha bstan pa'i le'u drug pa'o// //de nas zhes bya ba la sogs pas bcom ldan 'das he ru ka'i rtsa ba'i sngags rdo rje zhabs bkra shis ston pa'i lus gong du 'byung ba la dbyangs yig gi rgyan gyis mdzes byed bstan pa la/ rdo rje mkha' 'gro rgya mtsho las/ /gsang sngags rnams kyi 'byung gnas ni/ /de nyid lha gnas sku gsungs thugs/ /rnam shes las ni nyer 'byung bas/ /sgra las rkyen sbyar rgyu las bstan/ /yi ge khong 'byung brjod pa las/ /kha cig tu 'jug zer ba brtag /ming tshig rab 'byed snying po nyid/ /bzlas pa tha mal dag byed pas/ /bsod nams 'byung gnas stobs mchog/ gyur zhes gsungs pa'i don to/ /dbyangs yig bcu gsum nyid ces pa nas/ yi ge brgyad cu rtsa gnyis la/ de bzhin dbyangs yig gnyis par sbyar zhes pa'i bar gyis bstan pa'o/ /yang rtsa ba las skang pa nyer bzhi pa'i sngags kyis lus dang dbyangs yig rgyan du gyur pa bstan pa ni ma mo rnams las lnga pa nyid ces pa nas dgu bcu dang ni rtsa brgyad zhes pa'i bar gyis sgra dang sgra'i lus su 'brel ba la rkyen gyis bsgyur bas yang dag pa'i de kho na nyid gsang ba bla na med pa ston pa'o/ /sngags kyi phan yon bstan pa'i phyir/ /'di ni rtsa ba'i gsang sngags su/ /mkhas pa rnams kyis shes par bya/ /zhes pas rkang pa nyer bzhi pa rgyan dang ldan pas dag par gyur pa ni dpa' bo chen po 'khor ba'i g.yul las rgyal zhing bdud thams cad 'joms par byed pa'o/ /'di ni re'u mig las btus pa zhes chos kyi gzhi dgod pa las so/ /rgyal ba kun gyis ni rigs thams cad bsdus pa'i snying po'i mchog gyur pa gsang chen mngon du 'byung ba'o/ /he ru ka dpal 'gro mgon gyi zhes rje btsun yab yum gyi sku gsung thugs kyi snying po bskul ba'o/ /rtsa ba'i sngags mchog tu
- 46b
zhes bya ba ste/ sku gsung thugs dbyer med las cha nyer bzhi rnam thar brgyad kyis ye shes rdo rje yon tan 'byung gnas so/ /dngos grub kun gyi gnas yin zhing ni yon tan phrin las mchog thun mong 'thob pa'o/ /mkha' 'gro'i snying ni 'joms pa yin zhes thugs brtse bas sgrub pa po la nye bar dgongs par mdzad pa'o/ /dpal ldan khrag 'thung ni rnam thar sgo gsum dbyer med pa'i sku can/ lha rigs rgyal ni rig lnga la sogs pa'i snying pos bar chad zhi zhing bdud las rgyal ba'o/ /bklags pas 'grub pa ni sngags dang lha tha mi dad pa'i phyir/ don yod pa ste dkyil 'khor ba'i zhal nye bar bsgrub pa nyid do/ /khyad par du bye brag tu thog mdza' i yi ge sbyar ba tha dad pa'i rnam pa ni oM ni dang por sbyar bar bya zhes thog mar 'byung ba'o/ /hUM hUM phaT ni tha mar ro zhes yang na dpa' bo nyer bzhi so sor phye ba yang rung ngo/ /'di ni rtsa ba'i gsang sngags te/ bsgrub pa thams cad sgrub byed yin zhes dbang bskur ba'i rjes la sngags dang lha'i rjes gnang sbyin par bya ba'i ting nge 'dzin dang ldan pas so/ /de ni le'u'i mtshan bstan pa dpal 'khor lo bde mchog las zhes rim pa gnyis ldan phyag rgya bla na med pa'o/ /sngags btu ba ni lhag chad nor ba rgyang ring du spangs pa'i phyir/ cho ga ni dbang dang rjes su 'brel ba/ le'u ni gzhung skyong ba/ bdun pa ni grangs bstan pa ste/ le'u bdun pa'i rnam par bshad pa'o/ /de nas rtsa ba'i gsang sngags la sogs pa bzlas brjod thams cad kyi sngon du 'gro ba lha'i ting nge 'dzin bstan pa ni de nas zhes lha dang sngags dbyer med du bstan pa ste/ rang gi bdag nyid kyi zhes mngon par rtogs pa nyams su blang ba sngon 'gro dngos gzhi rjes thams cad la dpal he ru ka'i nga rgyal dang ldan pas so/ /dpa' bo thams cad ni rdo rje sems dpa' la sogs pa nyer bzhi po rnams dang rdo rje pad+ma mnyam sbyor ba'i bde ba la rol pa/ mkha' 'gro ma ni brtson 'grus chen mo la sogs pa rnams dang ye shes bde bar rol pa'o/ /dra ba'i sdom ni snying po'i rnal 'byor
- 47a
ma bzhi dang sgo mtshams ma brgyad de/ de dag bcu gnyis po yang gtso bo nyid kyis bde chen du snyoms par 'jug pa la bstan pa'o/ /'khor lo bde mchog yin par 'dod ces lha thams cad yab yum du gnas pa de nyid gsang sngags nyid kyang thabs shes rab zung du 'brel bas gnyis su med pa'i ngang du gnas par dgongs pa'o/ /snying po go bzlog tu bstan pa ni/ /shes rab rlom pa dag rang dgar 'jug pa dgag pa'i phyir bla ma la rag lus par bya ba'i phyir bstan pa ste/ gsang sngags lus las bzlog par bstan pa hA swA la sogs pa yi ge nyi shu rtsa gnyis pa'o/ /de ltar yang rnal 'byor ma kun tu spyod pa las/ lha rnams bzlog ste bkod pa dang/ /bsgom pa gsang ba'i bzlog pa dang/ /sngags kyi bkod pa bzlog pa ni/ /dngos grub thams cad rab sgrub byed/ /ces pa'i don to/ / rig pa'i rgyal po ni lam lnga byang chub phyogs kyi chos thams cad sems su 'dus pas snying po ni de bzhin gshegs pa'i ye shes rab tu bskul ba ste/ ma byung 'byung bar mi 'gyur ba ni thub pa mar me mdzad nas thub pa 'od srungs dang/ mgon po ma pham pas kyang gsung bar mi 'gyur ba/ 'og min dag pa'i zhing ni ma gtogs pa'o/ /phaT hUM huM ha ha(rgyud 'grel): h+rI oM zhes rje btsun yab yum dang sku gsung thugs yon tan phrin las so/ /rje btsun ma'i go cha'i sngags ni yi ge oM baM dang haM yoM dang ni/ h+riM moM dang na h+reM h+riM de nyid dang/ hUM hUM phaT phaT ces bshad pa ni/ rim pa can dang rim pa bzlog pa yang shes par bya'o/ /rnal 'byor ma ni drug tu grags zhes go cha drug lus la'o/ /oM badzra bai ro tsa nI ye huM hUM phaT swAhA/ rje btsun ma'i nye ba'i snying po'o/ /mkha' 'gro ma yi rig pa che ni yab yum gyi sngags mtshan bzhi'o/ /ma byung 'byung bar mi 'gyur ro ni dus gsum gyi rtog pas mi phyed pa rdo rje lta bu'o/ /da ltar ba snying po lta bu ni sa stengs na ni zhes pas rdo rje theg pa'i bstan pa la rin chen bzhi zhes yid bzhin gyi nor bu rin po che dbang gi rgyal po lta bu
- 47b
sde tshan chu bo lta bur 'byung ba'o/ /bzhi ni rtsa ba dang snying po dang nye snying dang go cha zung du gyur pa bsdus pa'o/ /phreng ba'i sngags ni zhes dpa' bo dang rnal 'byor ma'i gsang sngags la thog mdza' gcig tu gyur pa'o/ /dam pa yin zhes pas mchod pa'i sngags la thams cad la thabs shes rab tshang bar shes par bya ba nyid do/ /mkha' 'gro ma'i rig pa chen mo ni shes rab kyi pha rol tu phyin ma'i sngags rnams so/ /rig pa'i rgyal po he ru ka ni bla na med pa'i gsang sngags rnams te/ de yang mchod pa dang bstod pa gsol ba gdab pa dbang bskur ba rgyas gdab pa bdud rtsi myang ba thams cad gsang sngags nyid las byung bar rtogs par bya'o/ /le'u'i mtshan ni rnal 'byor ma drug gi sngags btu ba'i cho ga'i le'u brgyad pa rnams par bshad pa'o// //de nas zhes pa la sogs pa nas/ lam gyi khyad par mngon par rtogs pas 'bras bu gsang chen las/ le'u dang por/ sngags bzlas bsam gtan la sogs ldan/ sbyor nyid cho ga'i ye shes ni zhes mdor bstan la/ bcom ldan 'das kyi rtsa ba'i snying po nyid las cho ga du mar 'gyur ba med dang yon tan dbang phyug nyid/ dus dang rgyu rkyen byed pa tshul gyi rab 'byam rtog pa rgya mtsho'i ye shes snang ba bsten par 'gyur/ gang zag rten 'jig pa'i 'bras bu la sogs le'u 'dis ston te/ de yang le'u gnyis pa dang gsum par bstan pa'i cho gas dbang bskur ba thob pas le'u bzhi pa dang brgyad pa'i stong bzhin du lha la dmigs nas/ le'u lnga pa/ drug pa bdun pa'i rtsa ba'i sngags btus nas/ gsang sngags bzlas pa'i rnal 'byor gyi bsnyen pa dang nye bar sgrub pa sngon du 'gro bar bya ba las tshogs 'grub par 'gyur ba ni/ rtsa ba'i gsang sngags kyi las mchog ni las dang dngos grub myur du grub pa'i thabs dang thabs las 'byung ba'o/ /go rims ji bzhin ni dang por rtsa sngags/ phreng sngags/ snying po mchod pa'i sngags de dag ni rnam par bshad bya ste/ de yang dag pa'i rnal
- 48a
'byor pas sbyor ba bsam gtan tsam gyis/ 'dres pa'i rnal 'byor pas ting nge 'dzin dang sngags kyis so/ /ma dag pas ni 'khrul 'khor rdzas dang phyag rgya ldan pas 'grub pa'o/ /'jig rten gsum na gang yod rnams zhes bsgrub par bya ba'i yul te khams gsum na gnas pa gang yang ngo/ /thams cad ni gzhan yang rigs ldan mchod pa dang spyod pa dang rjes su 'brel ba lta stangs bya'o/ /bya ba rdzogs pa'i skad cig gis 'grub par gyur zhing/ bdul bya rdo rje theg pa la 'god pa'i phyir phrin las rnams thams cad myur du grub par byed pa'o zhes ji ltar bshad pa rnams so/ /sgrub par byed pa'i thabs kyi dbang du byas na/ bcom ldan 'das kyi rtsa ba'i sngags kyi ngo bo nyid le'u nyer lnga par ston la 'dir ni cho ga'i rim pa las gsang sngags kyi phan yon 'bras bu'i che ba dang ldan pa ston pa'o/ /rgyas par bshad pa la/ klu thams cad dang zhes nor rgyas bu la sogs pa'o/ /lha thams cad ni tshangs pa dang/ dbang po la sogs pa'o/ /gnod sbyin thams cad ni rnam thos sras la sogs pa'o/ /dri za thams cad kyi ni zur phud lnga pa can la sogs pa'o/ /skye gnas thams cad ni 'gro ba drug pa'o/ /dran pa tsam gyis ni shin tu dag pa'i rnal 'byor pa'i 'phrin las so/ /bran du 'khol ba dang zhi ba dang rgyas pa dbang du byed pas gsod pas te mngon spyod yang ngo/ /char 'bebs par byed pa ni nges brjod dang rdo rje mkha' 'gro nas gsungs pa ltar rnam shes dang ye shes kyi las bstan pas so/ /yang na rtsa ba'i sngags kyi 'khrul 'khor byas te/ dkyil 'khor ras sam shing shun la klu brgyad dang ldan pa'i gzugs bris la/ phyi rol nas 'khor lo gsum gyis bskor zhing dug dang lan tshwa dang ske tshe dang tsha ba gsum dang dur khrod kyi thang shing gi dud pas snag tsha byas la dpa' bo rnal 'byor ma rnams kyi sngags bkod la/ klu brgyad po rnams kyi snying khar phu hUM naM hUM zhes dgod/ dbus su hUM bcu nAM hUM sarba nA
- 48b
ga barSha man ya b+ha ri sha ya hUM phaT ces bri'o/ yang grog mkhar gyi sa dang chu 'gram gyis rdzing bu'i sa la ba'i rnam lnga dang bsres le klu nor rgyas kyi gzugs gdengs ka bdun pa can mtho gang tsam du byas pa'i snying gar sngags kyi 'khor lo bcug ste/ dgug gzhug byas nas/ sngags kyi 'od spro bsdu bzlas pa khri phrag la sogs pa/ ka ra bI ra'i lcug mas bkag ste gu gul dkar po'i du bas bdug cing/ dri bzang po'i chus khrus bya'o/ /gal te char ma bab na/ nyi ma bdun pa la lus de dum bur byas te/ rdza'i bum par bcug nas chu bor bskur na char 'bebs par byed pa'o/ /sprin thams cad 'thor byed cing zlog par byed do/ zhes char ches na sprin dral ba'i cho ga ste/ snga ma bzhin du 'khrul 'khor bris la/ nor rgyas kyi gzugs kyi snying gar gzhug ste/ dgug bstim byas la/ yungs kar gyis brdeg pa 'am yang na rdo rje 'dzin pa la phul ba'i me tog dag dang/ gu gul nag po dang bsres pa'i du bas bdug cing rtsa sngags zlos shing/ sha chen gyi spos kyis bdugs pas 'grub par 'gyur ba'o/ /rgya mtsho skems par byed do/ /ni rang gis klu brgyad gnon pa'i zhal lnga pa'i mkha' lding gi he ru ka bsgoms nas bzlas pa byas te/ mtshan ma byung ba dang/ rgya mtsho chen po'i dbus su gnas par bsams la/ nyi ma bcu gnyis kyi gzi brjid dang ldan par bsams pas gdon mi za bar grub par 'gyur ba'o/ /yang kha TwAM ga dang yang thod pa la pad+ma 'dab ma brgyad par re re zhing la yang rkang pa brgyad pa bri zhing/ chu bo la kha TwAM gas bsnun na rgyun phyogs las bzlog ste 'bab par ston no zhes pa'i don to/ /dbang po zlog par byed pa'i don ni sngon du bsnyen pa'i mtshan ma mthong bas/ rtsa ba'i sngags kyi 'khrul 'khor shing shun la gur gum gyis bris te lag pa g.yon par bzhag la/ sngags las 'od 'phro ba dang ldan par bsgoms pas/ sdigs mdzub byas na thog nges par bzlog go /gsang sngags 'di ni rtsa sngags so/ /bzlas brjod 'bum
- 49a
byas pa ni dpal he ru ka rgyas pa'i skur gsal bar/ rnal 'byor pas tri shU la kha sbub ste sa la bsnun nas g.yo bar byed pa'o/ /shing la 'dzeg ste zhes pa ni gser shing gi sa bon sbrul nag gi tshil bus lan nyi shu rtsa gcig tu spags la/ bya rog gi thod par dur khrod kyi sa dang thal ba sol ba dang bsres te/ blugs la lam gyi sum mdor sbas te/ mtshams bcad pa dang bsrung ba la sogs pa byas la 'bras bu smin tsam na bu mo gzhon nu ma'i lag pa g.yon pas gzung ste khrid la/ de'i lag pa g.yon par thod pa'i nang du 'bras bu rnams btogs nas 'jug du gzhug go /de nas thod pa'i nang gi 'bru gu de la sngags 'bum bzlas te thum po byas nas skor btags nas shing la 'dzegs na/ 'gro ba gzhan gyis byar mthong zhing rang nyid gang du 'gro 'dod pa der 'gro bar byed do zhes pa'i don to/ /sngags pa 'phrog par byed pa ni gzhan gyis bdag la byad ka lta bu la/ bsgrub bya'i gzugs bris pa'i lce la rtsa sngags kyi 'khrul 'khor dug la sogs pas bris la/ che ge mo'i ngag bAg staM b+ha ya lha dang bcas pa nan zhes bri zhing bzlas/ rdo rje ri rab zur brgyad pas mnan par byas na 'grub pa'o/ /dngos grub thams cad 'phrog par byed pa ni bsgrub bya de'i gzugs byas nas snying gar rtsa sngags kyi 'khrul 'khor bcug la/ drag po'i sbyin sreg bya zhing/ thal ba chu bor dor yang na mnan pa byas pas 'grub pa'o/ /khrag 'dren par byed pa ni ras chu chus spangs pa lus la gyon la khrag gtums pa'i thod par mdun du bzhag la de nas mdzub mo la dza bkod de gtum po'i thod par mnyes pas lus gyi ras bskams pa de srid du gzhan gyi lus bskams nas khrag tshur khugs par bsam pas 'grub pa'o/ /slar yang gtong bar byed do/ / zhes pa rang gi srin lag la h+rI:dang ho bkod la drud pas gso bar bya ba'o/ /gzugs brgya stong phrag du mar byed do zhes pa'o/ /da du ra'i 'bras bu smin pa blangs la/ bdud rtsi lngas sbags te/ khyi nag po'i thod par gtum por sa bon dang sbags te/ dur
- 49b
khrod du bskyed la srung ba la sogs snga ma bzhin du byas te/ smin ma dang btus la cha gsum du dgos te/ cig bla ma la cig he ru ka gcig rang gi dgos pa bya ste/ rang gis de la gang gi gzugs su byed par 'dod pa de'i rigs kyi sha'i du bas bdug ste/ thu ma po byas sker btags na gang du byas pa dang de'i gzugs su gyur te/ 'dod na snang bar byed cing ni gser shing gi sa bon blang ste nyi shu brgyad nas dgu la bya khwa da'i thod pa'i nang du sbrul nag po'i khrag gis bskus te bskyed pas smin pa dang blangs te gang gi 'gul du bcings na mi snang bar byed/ bkrol na snang bar byed pa'o/ /khang bzangs dang shing gi rtse mo la sogs phye mar byed do/ /zhes pa la/ bsnyen pa la nus pa thob nas he ru ka rgyas pa rnal 'byor gyi sgra sta la rkang pa brgyad pa'i 'khrul 'khor drug la sogs pa bris te/ khros pa'i tshul gyis bsnun na rdul du byed par 'gyur ro/ /dug bdud rtsir byed pa ni lag pa g.yon pa'i steng du zla ba'i dkyil 'khor la rtsa ba'i sngags kyi 'khrul 'khor bkod de/ g.yon pa'i sna sgo'i rlung gis lan gsum du bus shing dug la sngags kyis zin pas bcud du 'gyur ro/ /bdud rtsi yang dug tu byed pa ni bram ze mtshon gyis bsad pa'i thod par grog mkhar gyi sa dang da du ra'i 'bras bu bsres te/ lam gyi bzhi mdor bskyed pa dang sdu ba sngar dang 'dra bar shes par byas la/ 'bras bu de dur khrod kyi sol ba dang bsres nas lde gu byas te/ dpral bar thig le byas te zas gang la yang btab pa tsam gyis dug tu 'gyur/ rang gis zos na sman du'o/ /zla ba ni nus pa thob pas sngags tsam gyis shi ri kha d+ha ltar 'o mar chu ni chang du ku su ma'i phye ma dang/ dzam+bu ri khu ba 'o mar blugs na'o/ /chu yang zla bar byed pa ni sman arka'i me spar la/ pad+ma'i snal ma'i phye ma dang ra dkar mo'i 'o mas lan mang du byugs to/ zhi ba'i sbyin sreg gi thal ba la tsi tra ka'i khu ba dang sbrus te/ ri lu grib bskams byas te sen mo'i steng du bcug la chang gi snod du dkrugs na 'o ma lta bu'i kha dog tu 'gyur ro/ /ku su ma'i phye ma dang dzam+bu'i khu ba dang bcas pa 'o ma'i
- 50a
nang du blugs na chang dang 'dra bar 'gyur ro/ /dri thams cad 'phrog par byed pa ni tsher ma dang bcas pa'i shing karny+dza'i bye ma dang bsres pa'i phye mas bdugs na'o/ /gang du 'dod pa der 'pho bar 'dod pa ni ka rany+tsa na dang/ sha ka ra'i phye ma gu gul dang bsres pa'i gla rtsi la bdugs na gu gul gyi drir 'gyur la/ kla rtsi dang bsres pa ni gla rtsi'i dri 'pho bar 'gyur ba'o/ /mkha' lding gi gdong zhes pa nas/ 'bras bu dang bcas par 'gyur zhes pa'i bar gyi ni/ rigs lnga nas mchod pa'i dus dang phan yon dang bcas pa ste/ de yang rnal 'byor gyi lam pa'i nang gi mchod pa ni nam mkha' lding ni spyi bo'i haM ngo/ /gdong ni gtum mo'o/ /chos thams cad sna tshogs su snang ba ste/ 'gro ba nyid do/ /'byin par byed pa ni bde stong 'chang ba'o/ /zhi ba ni byang sems so/ /'dus pa ni 'bar 'dzag la dmigs pa'o/ /lha mo ni ye shes me/ kun tu spyod cing ni rtsa dbu mar rol pa'o/ /pho nya'i lam pa ltar na/ nam mkha' lding ni yid ga'o/ /gdong gi ni rtsa kha kha mu kha'o/ /chos thams cad lhan cig skyes par 'gro ba nyid/ 'byin par byed cing ni nyams su len par byed pa'o/ /zhi ba ni byang chub kyi sems so/ /'dus pa ni snyoms 'jug gi dus su mnyam par 'dus pa las so/ /yang na nam mkha' lding ni thig le bde ba'o/ /'gro ba ni lag pa brkyang ba'o/ /gdong ni kha thur du bltas pa'o/ /'byin par byed ni kun rdzob byang chub sems mi gtong bar 'dzin pa'o/ /yang na nam mkha' lding ni lhan cig skyes pa'i dga' ba/ 'gro ba ni dga' ba/ 'byin pa ni dag 'bral lo/ /zhi ba ni mchog dga' 'dus pa ni byang sems bdud rtsi la bza' ba'o/ /lha mo ni rig ma/ kun tu spyod cing lus kyi gnas dang nye gnas sogs bde ba la'o/ /mi'i mchog ni rigs ldan ma mchod pa'i sgrub pa po nyid/ de'i lag mthil na yod pa ni dngos grub nye ba'i dpe'o/ /dpal ni lhan cig skyes pa'i bde ba mi rtog pa'o/ /gang gis kyang mi 'phrogs par 'gyur ba ni ye shes de nyid
- 50b
rtog par mi 'gro ba'o/ /rnam pa de lta bu'i mchog dang ldan pa ni bde ba chen po'i ye shes dang 'du 'bral med pa'o/ /dngos grub thams cad ni phyi nang gi rigs ldan mnyes pa las 'bras bu dang bcas par 'gyur ba ni/ de bzhin gshegs pa'i phrin las su 'gyur ba'o/ /dran pa tsam gyis gsang par byed pa ni dur khrod kyi shing la til mar gyis byugs pa'i rdo rje rtse gcig pa lte bar hUM bris te/ de las 'od zer dpag tu med pa spros pas phyogs bcu'i khro bo bcu la sogs pa spyan drangs nas der thim pas khro bo'i rdo rjer bsam/ de nas bdag 'khor lo sdom pa'i ting nge 'dzin dang ldan pas bgegs la sogs gang la bsnun pa de srog gtong ba'o/ /me skyed par byed do zhes pa spra thog gi dbus su me shel bcug la tshon sna lnga'i skud pas dkris te lan stong rtsa gcig tu bskor nas 'phangs na der me 'bar bar byed pa'o/ /yang na gtum mo'i me 'od 'bar bas sna bug g.yas nas rgyu ba'i rlung gis 'gro ba dbang du byed pa 'od spro bsdus so/ /sa 'og rnam par 'joms par byed pa zhes dur khrod kyi shing la rdo rje rtse dgu pa lte ba la hUM yod pa byas te rtsa sngags stong rtsa brgyad dmigs pa dang bcas pas bsnun na klu gnyan sa bdag 'joms par 'gyur ba'o/ /ser ba 'bebs pa dang zhes pas khrag gis bkang ba'i thod pa la rtsa ba'i sngags brgya rtsa brgyad la sogs pa bzlas te/ rnal 'byor dang ldan par sgra gcan rgyu ba'i dus dang phyogs nges par de dag 'grogs la khrag de bsregs pa'am gtor na grub pa'o// dran nang can gyis glog skyed par byed pa yang sngar ltar te shing ka ran+ta'i yal ga la rang kha lhor bltas pas/ tshes brgyad dam bcu bzhi las khru gang pa bcad la rdo rje phur bu byas te dbus su thog dang glog bris te rlung gi phyogs su klu gnas pa'i sar btang na glog dang thog dang ser ba dang/ sprin 'dus te/ tsha grang drag po'i sgra 'byin pas thams cad skrag par byed do/ /lha thams cad kyi gzugs brnyan gar byed du 'jug go zhes pa la/ bud med sngo bsangs ma bu btsas pa'i khru ma dang/ ke ke ru'i Ta ma dang/ karka ta'i shing dmar ba'i sol pa bsregs pa'i dud pas
- 51a
phyi rol pa la sogs pa'i lha'i gzugs la bdugs na de bzhin no/ /yang na rkang pa brgyad pa'i 'khor lo lha rnams kyi thugs kar bcug la 'od ma'i gzhu dang ka ra bI ra'i mda' la khrag chen bskum nas thugs kar 'phangs na'o/ /yang na pra? mi g.yo bar gnas lab dmar ser gyi sna bug bkag gu gul dkar po'i dud pas bdugs na gar 'phro chad pa'o/ /gang zhig grub pas zhes rtsa sngags so/ /ming nas gzung nas lan cig bzlas pa na zhes pa la/ mi'i thod pa sha med par btags te/ srin lag gis gzugs bris la de'i snying kar 'khrul 'khor ming tshig dang bcas pa bris la/ rtsa sngags kyi gsham du ming dang mA ra ya phaT ces lan cig bzlas shing khrag mnyes na mngon spyod de'i mod la 'chi bar 'gyur ro zhes pa'o/ /sa ma lus pa rnams la longs spyod par 'gyur ro zhes pa lang gi sha la sbyin sreg rgyas pa'i sbyor bas 'bru dang shing thog la sogs pa phul na rgyal srid kyi sbyor bas rgyas par 'gyur/ yang 'dod pa'i longs spyod kyis skyo ba na/ 'dod na bsdud par 'gyur ni zhi ba'i sbyin sreg gis g.yeng ba zhi bar byed do/ /bcom ldan 'das dpal he ru ka'i chos 'di la ni rtsa ba'i sngags phrin las rgya mtsho la/ brtul zhugs mi dgos zhes phyi rol ba'i chos bkag spyod pa dang ni sbyangs pa nyan thos kyi'o/ /smyung ba ni bya ba'i rgyud kyi byed pa la sogs pa mi dgos te/ phyi rol spros pa gcad pa'o/ /cho ga 'dis zhes lha dang sngags ldan pa'i sbyor bas ci 'dod pa'i las rnams bya'o/ /zhes phrin las du ma myur du grub pa'o/ /gal te khros pas lon cig bzlas na bye ba gsod par 'gyur ro/ /zhes dpal he ru ka'i bsam gtan sngags bcas kyi nus pa thogs pa med pa ste/ dur khrod kyi sol ba la lan cig bzlas pas zhes pa/ arkam gyi shing de grir shi ba bsregs pa'i sol ba la da du ra'i khu bas me bsad de/ de'i sol ba dang dug dang ske tshe dang lan tshwa dang dur ras la ming dang rkang pa brgyad pa spel te bris la/ snying po'i sdigs dang/ bsgrub bya'i ming bris la dur sol dang sa la
- 51b
gzugs brnyan byas pa'i snying kar 'khor lo gzhug go /de nas yungs kar la dbus su hUM bsams te/ de yongs su gyur ba las rdo rje bskyed pa des bsnun pas snga ma'i las 'grub po/ /gshin rje 'joms par 'gyur zhing ni grul bum lta bu yang 'ching la/ de de'i mod la ltung ba? byed do zhes mngon spyod grub pa'o/ /shing arka dur khrod du bsregs pa'i thal ba la yongs su bzlas te de ni yungs kar bsrogs pa'i thal bas gang la bsnun pa de de'i mod la sha zas gzung bar 'gyur ro zhes drag po'i las/ /zhi bas bzlas na 'tsho bar byed do zhes pa/ 'khrul 'khor phyung zhing 'o mas bkrus shing rtsa sngags la shAn ting ku ru btags pas nye bar 'tshe ba zhi'o/ /dur khrod kyi sol ba la lan cig bzlas zhes pa da du ra'i shing dur khrod du bsregs te rigs ngan ma'i khrag gis me bsad de kar ko ta'i shing ngam shing gzhan la dug dang ske tshad dang chas rkad pa brgyad pa'i sngags bsgrub bya'i ming dang bcas pa bris la sngags spel ba dang bcas pa bzlas na 'grub par 'gyur ba'o/ /a ti muk ta'i lcug pa zhes pa la sogs pa ni nyi ma dang po la phyin te khru do pa la skud pa dmar pos bcing/ de nas gsol ba btab pas nyi ma gnyis pa la dpal he ru ka'i ting nge 'dzin gyis dkyil 'khor mchod cing gtor ma dbul/ de bcad pa dang sa lam bzhag par sngags khri phrag gcig bzlas na mo rigs la bsnun pa de rjes su 'brang bar byed do/ /gseg ma la mis ma 'gongs pa la dbus su rtsa sngags bris te bsngags nas gang la bsnun pa de rengs par 'gyur ba'o/ /yang na dur khrod kyi ras la rkang pa brgyad pa'i sngags dang bsgrub bya'i ming zla ba'i dkyil 'khor gyi dbus su chud par yung bas bris te/ dur khrod kyi sa dang sol bas dgra'i gzugs byas la 'khor lo de'i snying gar bcug la sngags zlos shing gseg mas zab po/ /des 'grub po/ /gang du 'dod pa der 'gro bar 'gyur ni bskrad pa ste/ rtsa sngags spel tshig dang bcas pa'i 'khor lo bris te/ bya rog gi sker btags nas btang na gnas nas 'pho'o/ /gu gul gyi dud pa la zhes pa ni a ka ru dang ra skyes kyi rwa
- 52a
dang rmig pa'i rtse rnams dang phyi la nag po'i brun dang sha chen dang ke ke ru'i rnga ma dang bsdebs te/ DA ki ma'i spos sbyar bas/ A be sha ya a AdnyA na A be sha ya zhes pas 'bebs par 'gyur ba'o/ /dug gso bar byed pa ni lag pa g.yon pa la a las zla ba'i dkyil 'khor la sngags bris pa'am bsam nas bkab ba ni srin lag gi rtser reg na'o/ /mkha' 'gros rgyas btab pa la dur khrod kyi ras la shing a shwa ta'i myu gus 'khrul 'khor bris te/ lte ba la zur gsum pa la hUM dang ma ma a mo kA sa rak+Sha zhes pa dang gdon gyi ming bcug la mgul du gdags gtor ma dang bden pa brjod cing chus gtor na grol bar 'gyur ro/ /ka ra bI ra'i lcug ma la zhes pa dur khrod kyi ras la bsgrub bya'i ming dang spel ba'i 'khrul 'khor la/ bud med sdum ma shi ba bsregs pa'i thal ba dang/ tsan dan dmar po'i phyems/ bud med gzhan de'i mgul du 'khor lo btags la/ sngar gyi lcug ma khru do pa rlon pa cig ni dur khrod me la ma tshig tsam du bsros la/ phyi ma'i spyi bo la bskor zhing rtsa sngags khri phrag gcig gis bzlas pas mngal 'pho ba'o/ /des ni goms par byed pa bskyed pa'i rim pa'i ting nge 'dzin sngags bzlas pa'i las bstan pa'o/ /da ni de kho na nyid ye shes las byung ba bya ba las kyi tshogs rab 'byam las/ phyi la mchog tu gzhol ba rnams kyis ni/ 'khrul 'khor dang rdzas kyi bye brag dang/ sngags dang phyag rgya dang ldan pas/ rnam shes kyi las kyis mngon par 'grub la/ nang la mchog tu gzhol ba rnams kyis ni bsam gtan dang sngags kyi de kho na nyid kyi ye shes kyi las kyis shin tu 'grub pa dus kyi nges pa dang bcas pas myur ba nyid du 'grub pa ston pa'o/ /yang bud med bu skye bar 'dod na/ a sho ka d+ha'i rtsa ba mar bzang po dang lhan cig bskol la/ ba'i 'o ma bsres la lhan cig tu bskol te lhag pa'i lha'i sngags lan nyer gcig bzlas dus su blud la khrus bya zhing/ de'i dus su spyod pas rang gi khyo dang 'dra
- 52b
ba'i bu skye bar 'gyur ro/ /yang 'dod log spang ngo/ /yang bud med pa la/ sngags lan nyi shu rtsa gcig tu bsngags te/ mar snying pa la/ rma bya'i sgro bsregs te btags la sha khar dang ldan pas bskol la btung bar bya ste/ a ru ra yang bag tsam re bza' bar bya/ zhag bdun bar du sngags kyang bzlas shing du'o/ /las 'di dag gi 'khrul 'khor ni/ chos 'byung la gnas pa'i zla ba'i dkyil 'khor la/ de'i nang ngos su 'khor lo rim pa la mu khyud rim pa bzhi sna tshogs rdo rje kha gyes pa'i lte bar pad+ma 'dab na brgyad pa'i dbus su dpal he ru ka'i sa bon hUM dang rje btsun ma'i baM bri/ pad+ma'i 'dab ma la rkang pa brgyad pa'i sngags dgong/ 'khor lo gsum pa la lha sa so'i sngags sku gsung thugs kyi mtshan nyid 'khor lo pad+ma rdo rje mu khyud kyis bskor ba/ sgo bzhi dang grwar gnas pa dam tshig lha mo rnams kyi dang/ zhal bzhi pa'i sngags dang spel bar bya/ lte ba'i sa bon mthar gang la dmigs pa ming spel skul tshig dang bcas pa bya zhing/ mthar rdo rje rab dang me 'od phreng bas 'khor ba las/ A li kA li yig mgo phyir bstan pa bri bar bya ba ni/ dpal badzra DA ki las/ /nam mkha' dbyings kyi dbus gnas par/ /zla ba'i dkyil 'khor dam pa ste/ /'od zer tshogs ni gsal ba'i mdangs/ /'khor lo'i phreng bas rnam par brgyan/ /de dbus 'khor lo rtsibs brgyad dang/ /pad+ma'i phreng bas shin tu mdzes/ /slar yang 'khor lo bri bar bya/ /sku gsung thugs ni rdo rje yi/ /dkyil 'khor dam pa yangs pa yin/ /nam mkha' thams cad g.yog byed pa/ /rang gi lus las spro bar bya/ dkar dang dmar dang sngo ba ste/ /kha dog mchog gi bye brag bya/ /bya ba'i cho ga 'di yin no/ /dpa' bo dbang phyug rdo rje bri/ /de mthar bskul bar bya ba'i tshig /ji ltar 'dod bzhin sbyar bar bya/ /phyi rol rdo rje phreng ba dang/ /'od zer 'bar ba phreng 'khrugs bskor/ /'di ni srung ba chen po ste/ /las rnams 'grub pa bla na med ces pa'i don to/ /char 'bebs pa mu khyud bar ma la/ /khro bo stobs po che'i sngags/ /oM
- 53a
badzra kro d+ha mahA ba laM/ ha na ha na/ pa tsa pa tsa/ bi d+hwa na sa ya bi d+hwaM sa ya/ u tsa Ta ya/ sarba nA ga nA ga ma ra Na hUM phaT/ ces pa g.yon bskor du dgod par bya'o/ /de yang 'khrul 'khor de dag la tshogs kyi mchod pa gtor ma dang ldan pas/ rang lhag pa'i lha'i nga rgyal dang ldan pas/ dam tshig gi 'khor lo lha dang yig 'bru gsal ba la/ ye shes kyi 'khor lo spyan drangs te/ mchod cing gnyis su med pa las/ 'od spros pas 'gro ba la zhi ba dang rgyas pa la sogs pas rjes su 'dzin pa las dang/ dbye ba bskrad pa gnon pa rengs byed la sogs pa tshar gcad pa'i las/ lha mo dum skyes ma dang khro bo bdud rtsi 'khyil pa la sogs pa phrin las kyi lha rab tu bskul bas 'grub par 'gyur ba'o/ /de las 'grub cing nus pa'i stobs 'grub pa dang/ thabs kyi khyad par dang mi ldan pas mi 'grub pa dang/ 'di nyid nges par grub pa'i tshul bstan pa'o/ /le'u'i mtshan ni/ rtsa ba'i gsang sngags kyi las kyi cho ga'i le'u ste dgu pa rnam par bshad pa'o// //de la le'u 'dir khyad par can gyi 'bras bu'i gsang chen bstan pa la/ de nas zhes smos te/ le'u dang po las/ thog ma dbus mthar yang dag gnas/ /'jig rten gsum du rnyed dka' ba zhes pa'i don la/ thog ma ni ngo bo nyid kyi sku las sbyor ba dang po chos kyi dbyings las byung ba chos sku'i phrin las ye shes longs spyod rdzogs skur byon pas so/ /dbus ni longs spyod rdzogs sku rdo rje 'chang ri rab kyi khang pu brtsegs par byon pa las/ mthar ni dkyil 'khor rnam par 'phrul pa'i cho 'phrul tshad med pa las/ sprul pa'i sku dpal he ru ka rdo rje rnal 'byor ma dang gnyis su med pa 'dod khams kyi 'jig rten pa'i lha rnams 'dul ba'i don du 'dzam bu'i gling du yang dag par dkyil 'khor mdzad pa dang ldan pas gnas pa'o/ /rnal 'byor ni/ rjes 'jug lam goms par byed pa'i rim pa shes tsam gyis/ 'di ni gsang ba grub par 'gyur bar the tshom med pa'i don bla na
- 53b
med pa mchog sku gsum po dag gi gleng gzhi dang bcas par bshad par bya zhes mdor bstan pa las/ ye shes kyi 'khor lo sngon byung dang/ rjes 'jug las thog mar sangs rgyas kyis mdzad pa las/ de yang chos kyi dbyings kyi pho brang ye shes dag pa'i ngang du/ chos sku dbyings dang ye shes dbyer med las/ 'og min bde ba chen po'i zhing khams der longs spyod rdzogs pa'i sku dpal rdo rje 'chang chen pos/ dag pa'i sa la gnas pa'i byang chub sems dpa' chen po dang/ sems ma'i lha mo rnams dang/ de bzhin gshegs pa dpag tu med pa nyid dang/ dbyer med pa'i tshul gyis 'gyur ba med par gnas pa'o/ /de las 'gro ba 'dul ba'i don du/ gdul bya 'dod chags can/ mahA bde ba la sogs pa gtso bor bstan pa/ ri rab kyi khang bu brtsegs par byon te/ gdug pa can thams cad btul ba las/ dpal de bzhin gshegs pa rdo rje 'chang chen po de nyid dang dbyer med pa'i dpal rje btsun phyag na rdo rjes ji ltar btul bar mdzad pa ni/ dpal de nyid bsdus pa'i don te/ rdo rje 'dzin pa phyag na rdo rjes gsol pa/ bcom ldan 'das dbang phyug chen po la sogs pa/ ma rungs pa'i sems can dag kyang mchis te/ de bzhin gshegs pa thams cad kyis kyang/ zhi bas 'dul bar mi spyod pa de dag la bdag gis ji ltar bsgrub par bgyi/ de na bcom ldan 'das dpal rnam par snang mdzad de bzhin gshegs pa thams cad kyi byin gyis brlabs kyis/ de bzhin gshegs pa thams cad kyi thabs chen po ye shes rdo rje zhes bya ba'i ting nge 'dzin la snyoms par zhugs te/ snyoms par zhugs ma thag tu/ de bzhin gshegs pa thams cad kyi dbyings thams cad kyi rdul phra mo dang mnyam par 'phos nas/ ri rab ri'i rtse mo na rdo rje dang nor bu rin po che la byas pa'i khang bur rtsegs par yang gcig tu 'dus te/ de bzhin gshegs pa thams cad kyis mnyam pa nyid du dmigs nas/ bcom ldan 'das rnam par snang mdzad kyi thugs ka'i dpal gyi be'u
- 54a
ru bzhugs so/ /hUM de nas de phyung ma thag tu/ dpal phyag na rdo rje'i sku'i thugs ka'i rdo rje las 'od kyi snang ba chen pos sa gsum thams cad du khyab par gyur te/ 'jig rten gyi khams rab 'byams sprin rgya mtsho thams cad na/ 'jig rten gsum gyi bdag po dbang phyug chen po la sogs pa ji snyed pa de thams cad na gnas pa'i tshogs kyis bskor ba ma lus shing lus pa med pa rnams de bzhin gshegs pa thams cad kyi dam tshig gi lcags kyus bkug nas der lhags te/ khang bu brtsegs pa thams cad du bskor nas/ lha chen po la sogs pa'i 'jig rten gsum po'i dbang po thams cad kha spub tu lhung ste nyams thag pa'i tshig 'byin cing dpal phyag na rdo rje la skyabs su dor ro/ /lha chen po zhes bya ba'i lha de ni sa la 'gyel te dran pa med par 'gyur ro/ /der dpal phyag na rdo rjes lha thams cad la bos te/ gal te khyed rnams rang rang gi srog 'dod na/ sangs rgyas dang chos dang dge 'dun la skyabs su dong la/ nga'i bka' yang nyon cig /de nas de dag gis 'di skad ces gsol to/ /sangs rgyas dang chos dang dge 'dun phyag rgya'i tshogs dang bcas pa la skyabs su mchi'o/ / zhes so/ /yang zhi bar mdzad pas sdig pa las bzlog par mdzad mi spyod pa'i sems can de rnams tshar bcad pa'i phyir byin gyis brlabs so/ /de nas bcom ldan 'das kyis byang chub sems dpa' chen po dpal phyag na rdo rje la bka' stsal pa/ sems dpa' chen po lha'i bdag po lha chen po 'di ma bslang na/ srog chud gsan par byas pas don med/ 'di gsos na 'di yang skyes bu dam par 'gyur ro/ /de nas phyag na rdo rjes/ de bzhin du bya'o snyam nas/ shi bgos pa'i snying po 'di smras so/ /oM badzra A yurdz+nyA b+h+ruM/ zhes so/ /dpal phyag na rdo rje'i zhabs kyi mthil nas/ kun tu 'bar ba'i snying po rdo rjes sngags brjod nas/ lha dbang phyug chen pos sbyangs pa'i phyir zhabs g.yon pas mnan/ zhabs g.yas pas lha mo u ma dpe'i steng du mnan par mdzad pa'o/ /de nas lha chen po la dpal phyag na
- 54b
rdo rje'i zhabs kyi mthil gyis reg pas/ de nyid du de bzhin gshegs pa thams cad kyi ting nge 'dzin dang gzungs dang rnam par thar pa'i sgo du ma'i bde ba myong ste/ lha chen po'i lus dpal phyag na rdo rje'i zhabs la phul bas/ 'og gi 'jig rten gyi khams gang+gA'i klung sum cu rtsa gnyis kyi bye ma snyed kyi/ 'jig rten gyi khams kyi rdul phra rab snyed 'das pa na/ thal bas khebs pa zhes bya ba'i zhing khams der/ de bzhin gshegs pa thal ba'i dbang po'i dbyangs zhes bya bar gyur te/ sangs rgyas so/ /de nas lha chen po'i lus de las ched du brjod pa 'di phyung ngo/ /e ma ho sangs rgyas thams cad kyi/ /bde gshegs ye shes bla na med/ /sngags kyi tshig gis mnan pas su/ /mya ngan las 'das mi 'da' 'bar gzhag ces so/ /de nas sangs rgyas de las bkod pa sprul pa'i sku gcig /dbang phyug gi lus der zhugs nas ched du brjod pa 'di brjod do/ e ma'o sangs rgyas thams cad kyi/ /gsang ba ye shes bde ba che/ /gang phyir shi ba'i lus 'di yang/ /'tsho ba'i khams su gyur pa yin zhes brjod do/ /de nas dbang phyug chen po'i lus de sos phar phyin gyis brlabs te 'jig rten gyi khams 'dir sems can thams cad kyi don dang/ ma rungs pa rnams thams cad 'dul ba'i phyir/ dzam bu gling du nyid kyis rgyal tshab tu bcug go /de nas dbang phyug chen po de'i mgo bo la dpal phyag na rdo rje'i zhabs kyis mnan pa'i rjes su zla ba phyed pa gnas par gyur te ral pa'i g.yon logs na 'dug go /de nas de bzhin gshegs pa thams cad kyi/ dpal phyag na rdo rje'i grogs su/ lag tu mdung rtse byin nas/ rdo rje rig pa dam pa zhes bya ba'i rdo rje'i ming gi dbang bskur ro/ /de nas rdo rje'i rig pa dam pa/ byang chub sems dpa' sems dpa' ni/ /rdo rje 'bar ba'i mdud rtse des/ 'gal ma'i 'khor lo ltar bskor zhing/ /gar gyi mchod pas mchod byas nas/ /ched du brjod pa 'di brjod do/ /e ma'o sangs rgyas thams cad kyi/ /byang chub sems ni bla med pas/ /zhabs mchog gis ni gang reg pa/ /sangs rgyas nyid du rab grub thob/ /ces
- 55a
brjod do/ /de yang gzhan 'phrul dbang byed du khro bo khams gsum rnam par rgyal bar mdzad de ma rungs par btul/ 'phrul dgar khro bo ltar 'bar bas so/ /dga' ldan du dpal rdo rje snying pos so/ /'thab bral du rdo rje hUM mdzad kyis/ ri rab rtser rje btsun phyag na rdo rje nyid kyis log 'dren rnams brtul ba'o/ /des ni dpal phyag na rdo rjes ji ltar mdzad pa bstan pa'o/ /der ni bcom ldan rdo rje 'chang chen nyid kyis sprul pa'i sku/ /sku bzhi dbyer med dpal ldan he ru kar bzhengs te/ rnam snang mdzad kyis pho brang dkyil 'khor rdzogs 'khor lo nyid/ /'od dpag med pas bdud rtsi bum pa shing lo steng du ka pA la rab gang/ /don yod skye mched lha yis byin brlabs rig pa'i lha mos mchod/ /dkon mchog dpal gyis gsang sngags yang dag ye shes nyid kyis te/ /mi bskyod rdo rjes dbang bskur rigs bdag rgyas gdab bla na med/ /rdo rje sems dpa' rjes chags kun tu rol pa bde ba mchog /gar nyams dgu ldan mi zad bde mchog khro bo'i skur bstan pa/ /de nyid sku las khro tshogs rnam par 'phrul ba yis/ /sa gsum kun tu khyab byed bde ba'i dbang phyug gi /oM badzra ba le ta kro d+ha ya/ badzra pa shwa b+hi ba ta ya/ badzra d+ha shi bi nA sha ya/ h+ri da A kar Sha ya badzra kro d+ha/ oM badzra kro d+ha su karma/ badzra suk+Sha krA ma/ badzra At ma ka /badzra d+harma kra ma hUM/ oM b+hai ra badzra/ hUM ka ra shud+d+ha:aoM bi sho d+ha na/ badzra d+ha ra b+hak+Sha ya/ oM badzra mu di band+ha/ b+h+ri ku Ti ha ra/ oM sUrya dzwa la/ me pra yats+tsha/ oM badzra ha sa kro d+ha/ badzra sho d+ha ya/ oM badzra mahA tsakra/ kro d+ha tshed ba ya/ oM ha raspa ta ya/ b+ha ma tra na hUM/ oM kro d+ha ra k+ShaM/ badzra kro d+ha su yak+Sha ya hUM/ zhes khro bo nyi shu rtsa bzhis sa bla sa stengs sa 'og khyab par kun tu spyod pas phyi nang dus thams cad du'o/ /de nyid dkyil 'khor rgyal po mchog nyid bde chen sgo mtshams bcas pa'o/ /bskal pa dang po rdzogs ldan dus su bsnyen pa'i ye shes sngon 'byung ba/ /gsum ldan gnyis ldan rtsod pa'i dus mthar 'dzam gling pad+ma'i dbus/ /las
- 55b
rgyal mchog gis ma ga d+ha ra ni 'jigs byed dus mtshan gnas pa yis/ /'thung spyod nye ba'i 'thung spyod dur khrod bcas par 'jigs byed brgyad/ /nam mkha' las ni lha bzhi lha mor bcas pas gnas zhes btags/ /dri za bzhis ni yum ldan mi 'gyur nam mkha' gnas zhes brjod/ /sa stengs nas ni gnod sbyin gnyis ni yum dang zhing zhes bsgrags pa ste/ /nye zhing gnod sbyin zung ste yum bcas bter bdag rim pas gnas/ tshan do ha ni srin po srin mo zung ldan ri bo ri sul la longs spyod/ /nye ba'i mtshan do thar ni srin po'i 'khor gyur zung ldan rnams gyur spyod/ /'dus dag tu klu yi dbang po yab yum ldan pas rnal 'byor spyod/ /nye ba'i 'du sar klu yi bran gnyis yab yum bcas pa rol zhing rgyu/ /dur khrod dag tu lto 'phye zung gyur rtog dpyod 'gag par rol/ lto 'phye dag gi dran gyur gnyis po yum bcas nye ba'i dur khrod sa 'og spyod/ /de dag srid pa gsum la dbang byas 'jig rten dbang bsgyur gnas pa ste/ nyi shu rtsa bzhi'i gnas der chags sdang spyod pa 'jig rten pa'o/ /gang du dbang phyug 'jigs byed u ma 'khor bcas rol pas gnas pa'o/ /bcom ldan he ru ka dpal rdo rje rnal 'byor mar ldan pas/ /dkyil 'khor 'khor lo'i lha tshogs ye shes phrin las las/ /gdug pa 'dul ba'i cho 'phrul 'jigs pa'i gad rgyangs drag po sgrogs/ /sa cher rab g.yos 'jig rten khams rnams rab 'khrugs mdzad/ /der ni 'jug dang dbang gyur longs spyod rab tu thim 'gyur pas/ / gdul bya'i ming gis dpa' bo rnal 'byor 'dul byed nyid la btags/ des ni mngon 'byung rnam par 'phrul ba'i mdzad pa yis/ /sku gsum 'dul ba'i zhing khams phyi nang dag tu 'khor lo lnga ldan pa'o/ /de ni dang po'i sbyor ba la sogs pa ting nge 'dzin gsum bstan nas/ da ni rjes 'jug nyams su len pa rnams kyis bsgrub pa'i 'bras bu chos sku thob par 'gyur ba bstan pa/ de nyid kyang rim pa gnyis kyi lam sngon du byas pa ni/ rgyu'i cha las sems can thams cad kyi rgyud la de bzhin gshegs pa'i snying po'i lus can du gnas pa kun khyab
- 56a
tu'o/ /lam du thabs ni gang gi tshe chos thams cad stong pa nyid sngon du 'gro bas ni thams cad rnam par dag par byed la/ sgrub pa pos mnyam rjes gnyis med du nyams su myong bas rnam par mi rtog pa'i ting nge 'dzin 'char 'gyur ba de nyid gong nas gong du zhi gnas lhag mthong dbyer med pa de'i tshe ye shes chen po gsang ba bla na med pa chos sku rag pa gnyis ldan mkhyen pa'i ye shes phrin las dang bcas par nga yis bshad do zhes gdams pa'o/ /gnyis pa'i gzugs sku rnam pa gnyis kyi 'byung tshul ni/ rgyu'i cha byang chub sems 'gag pa med pa las/ lam du lha sku sgyu ma lta bu'i lus can/ snang la rang bzhin med pa/ gang gi tshe rnal 'byor pa'i rgyud la mtshan dpe spras pa'i tshul du gnas pas sgrub pa pos lha sku dkyil 'khor gyi tshul du 'khor lo brten par bcas pa'i bsam gtan la bsgoms pas de tshe yon tan phun sum tshogs pa 'char bas longs spyod rdzogs pa'i sku thob par smra'o zhes gdams pa'o/ /gang du rgyu rang rig pa sna tshogs gzugs can ni sprul pa'i sku/ cir yang 'char ba'i rmi lam sgyu ma lta bu'i lus can du rnam pa nyid byams pa snying rje'i rang bzhin can du dus gang gi tshe/ tshad med pa'i byang chub kyi sems kyis gzhan don gtsor byed pa'i sgrub pa pos rang bas gzhan gces kyi blo dang ldan pas tha mal pa'i snang ba dag par 'gyur ba de'i dus su dkyil 'khor gyi lhar snang la goms pas/ snod bcud lha dang gzhal yas khang du 'char ba de'i tshe 'bras bu sprul sku 'thob par nges bshad pa rgyu mthun gyi rgyu 'bras bla na med pa'o/ /da ni sku gsum dbyer med ngo bo nyid bde ba chen po'i sku 'byung bar bstan pa'i phyir/ chos dang longs spyod rdzogs sprul pa/ /yang dag thob par gdon mi za zhes pas/ gsang chen gyi snying po phyag rgya chen po lhun gyis grub pa ste/ rang bzhin rnam dag stong pa nyid/ /ngo bo 'gyur ba med pa kun tu khyab pa/ mtshan nyid 'od gsal gnyis med rdo mnyam pa/ rnam par mi rtog pa/ bsam gyis mi
- 56b
khyab pas rab tu mi gnas pa/ bde ba chen po rab 'byung gi de bzhin gshegs pa'o/ /ye shes ni rnal 'byor dang ldan pa'i kun dar du rlung sems 'dus pa las longs spyod yul snang la dbang thob pas bde chen thob par 'gyur ba'o/ /nyams myong bde gsal mi rtog pa mthar phyin pas bdag nyid rnal 'byor ba'i lus sku rdo rje/ ngag gsung rdo rje/ sems thugs rdo rje gyur pas/ /sh+rI thabs shes rab dbyer med bde ba chen por 'gyur la/ he ni gar dgu'i rol pas dgyes par spyod pa/ ru ni bdud rtsi rgya mtsho mi zad pa la'o/ /ka ni zhing khams du ma sku la yongs su rdzogs pa'i bde ba'i mchog /rdo rje rnal 'byor ma dang gnyis su med par ni 'grub 'gyur ba sku bzhi ye shes lnga ldan sa bcu gsum pa'i 'bras bu tshe 'di nyid la the tshom med par thob pa'i don to/ /rgyu dang lam dang 'bras bu'i gsang ba las/ rgyud kyi rim pa ltar na/ 'chi bstod pa chos sku/ bar mdo longs spyod rdzogs pa'i sku/ srid pa'i skye ba bzhengs pa sprul sku'o/ /lus gnas par ltar na/ rtsa sprul pa/ yi ge longs spyod/ thig le chos/ ngo bo nyid chos nyid ye shes kyi rlung ngo/ /lha'i rnal 'byor ltar na/ rnam pa gsal ba/ sprul pa ngo bo stong pa nyid chos/ nyams myong bde ba longs sku/ mi rtog pa ngo bo nyid do/ /sngags kyi rim pa ltar na/ lus rtsa'i dkyil 'khor sprul pa/ A li kA li sngags kyi dkyil 'khor longs spyod/ thig le byang chub sems kyi dkyil 'khor chos sku// snying po'i rlung ngo bo nyid kyi sku'i dkyil 'khor ro/ /yang na gtum mo'i me las rgya sprul pa/ haM chos rgya longs spyod 'bar 'dzag phyag rgya chen po chos sku/ nyams myong dri ma med pa dam tshig phyag rgya ngo bo nyid kyi sku'o/ /ye shes kyi rim pa la/ bdud rtsi spyi bo nas 'babs pas/ mgrin par dga' ba sprul pa/ snying gar mchog dga' longs sku/ lte bar lhan cig skyes pa'i dga' ba chos sku/ gsang bar dga' bral ngo bo nyid sku ste lugs 'byung lugs bzlog tu shes par bya'o/ /gsang ba'i rim pa la/ lte bar rgyu mthun sprul pa/ snying kar rnam
- 57a
smin chos/ mgrin par skyes bu byed pa longs sku/ spyi bor dbang gi 'bras bu ngo bo nyid bde chen no/ /gsang ba de kho na nyid la/ sku'i gsang blte ba/ gsung gi gsang ba mgrin pa/ thugs kyi gsang ba snying gar/ spyi bor ngo bo nyid bde chen ye shes rdo rje dbyer med kyi gsang ba bstan pa'o/ /de la gnas skabs su las rab 'byam bstan pa la nye bar gdams pa bstan pa ni/ gsang sngags ni yid can shes pas skyob par byed pa'i thabs 'di'i snying po ni gtso bo dang 'khor du bcas pa'i dkyil 'khor ba'i sku gsung thugs bskul zhing dngos grub myur du ster ba dpal he ru ka ngas bshad kyis sgrub pa po dbang po'i rim pa'i khyad par dang ldan pa rnams nyon cig par mdor bstan pa'o/ /las dang dngos grub mngon du byed pa bya ba las tshogs bsgrub pa la/ bsnyen sgrub yan lag bzhi dang ldan pa'i khyad par gyis/ las myur du 'grub pa las sbyin sreg phrin las dang bstun la/ lha'i rnal 'byor yang phyir dkyil 'khor yongs su rdzogs pas bsgrub pa'am/ yang na snying po'i sngags 'di nyid kyi lha tshogs nyi shu rtsa gnyis pa sku gsung thugs kyi 'khor lo las/ mngal skyes kyi dkyil 'khor dang/ rdzus skyes kyi dkyil 'khor gyi bskyed chog yan lag dang ldan pas dbang po rab nang la mchog tu gzhol ba kho nas grub la/ dbang po 'bring dang tha mas ni phyi la mchog tu gzhol ba 'khrul 'khor rdzas dang sngags dang/ skul tshig dang bcas pas 'grub par 'gyur ba ste/ snying po 'di zlas pas zhes smos te/ skye ba bdun pa'i ro tsa na la brten pa'i las bcom ldan 'das kyi snying po 'di khrir bzlas te/ smin ma'i bar du thig le byas nas nam mkha' la 'gro bar bsams na ni/ dpag tshad bye ba'i bar du 'phags par 'gyur zhing ni/ nang don du na rtsa dang byang chub sems dangs bar 'gyur bas/ khams gsum sa dgu'i bsgom lam zag bcas las 'das pas/ byang chub sems dpa' i sa gnas las/ rnam thar sgo bzhi thob pa'i ye shes kyi ngang las/ 'gro ba ni gzhan du gshegs pa'o/ /'ong ba de bzhin nyid du 'jug pa spro bsdu khyad par du
- 57b
byed par 'gyur ro/ /gzugs brgya stong du mar byed do ni/ rgyu'i dus su rnam shes sna tshogs gzugs can du snang ba/ lam du nyams myong du 'char la/ 'bras bu de shes pa dang bo d+hi satwa'i ye shes sna tshogs gzugs can du gyur pa'o/ /yang de nyid las/ khang bzangs dang zhes pas rdo rje lus kyi rtsa'i 'khor lo rnams/ /shing dang ni rtsa kun dar ma la brten pa'o/ /khyim la 'jogs te zhes dbang po thabs kyi chas yul lnga shes rab dang gnyis med spyod pas 'dzegs te bde chen la rol pa rnal 'byor ma rnams dang zhes khams 'byung ba rnam par dag pa'i ye shes gong nas gong du 'phel bas dpag tshad bye ba'i bar du ni 'og min gyi mthar thug pa'i dag pa'i zhing khams su 'gro bar 'gyur ro/ /zhes mkha' sbyong grub pa'o/ /'od gsal dbyings kyi nam mkha' las zung 'jug tu 'gro zhing gnas pa/ ye shes nyid du 'jug cing 'ong ba las bde chen nyid du gnas pa las gzhan du mi 'gyur ro/ /zhes gnas 'og mar mi ltung zhes pa'i don to/ /'dod na snang bar 'gyur zhing ni rang gi 'dod lha'i zung 'jug ye shes kyi skur ro/ /'dod na mi snang bar 'gyur ro ni chos nyid 'od gsal stong pa nyid kyi ngang du gnas pas rtog pas mi phyed pa nam mkha' ltar mi mngon pa'o/ /de las sna tshogs gzugs can du bsgyur ba'i byed pa bstan pa la/ 'dod na byis pa dang ni thog ma'i dus ting 'dzin gyis so/ /rgan mo dang ni tha ma nub pa la nye ba'o/ /da ltar ba la dang la bab pa'i ni rtsa rlung byang sems rgyas pas gnas pa gzugs 'dzin par 'gyur ba ni lus kyi bkod pa 'am kha dog dang dbyibs dang/ tshad mi 'dra ba phra rags du ma rtsa dang yi ge dang lus kyi rtsen gar ston pa'o/ /yang dud 'gro yi skye gnas 'dul ba la/ 'dod na glang po che dang zhes pa la sogs pas dus dang gnas skabs gang la bab pa'i byed pa du ma ston pa nyid du shes par bya ba'o/ /'dod na rma bya dang zhes pa la sogs pas sgong skyes kyis 'gro ba 'dul ba'i cho 'phrul bstan pa ste/ sprul bsgyur la dbang thob par byed pa'o/ /lha dang klu dang gnod sbyin la sogs pa gang 'dod pa de'i gzugs su byed do zhes pa lta
- 58a
ma srin gyi cha byad du bstan nas kyang rdo rje theg pa la yongs su dgod par bya ba'o/ /yang rgol ba ngan pa phyi rol mu stegs pa la sogs pa'i tshig 'phrog pa ni de'i nus mthu dang rtsod pa nyams par ro/ /mthong ba 'phrog pa mig gi rnam shes nyams par 'gyur ba/ sna 'phrog pa ste sna dang rna ba'i rnam shes gzir bas nyams pa'o/ /lce 'phrog par byed pa ni brjod pa sgra skang nyams par 'gyur ba ste/ rang lhar gsal ba'i sa bon gyi yi ge las 'od zer mtshon cha lta bu spros pas/ bsgrub bya'i dbang po las/ gsang sngags snying po'i 'od zer thog lta bu rdo rje'i rnam pa babs pas/ mer 'bar zhing bsreg par bsams pas/ nges par 'grub par 'gyur ba'o/ /gang gi 'dod pa bsgrub bya de'i khrag 'dren cing 'gugs par byed pa 'am ni drag shul spyod pa gong le'u dgu pa ltar bya ba'o/ /gnod par byed do ni/ sum b+ha'i sbyor bas bgegs la phur bus gdab pa'i sbyor ba ltar byas pas nges par 'grub par 'gyur ba'o/ /de dag gis ni rnam shes kyi las kyis tshar bcad cing/ ye shes kyi las kyis rjes su 'dzin par bya ba bstan pa'o/ /le'u'i mtshan bstan pa ni/ dpal 'khor lo sdom pa las zhes/ 'khor lo lnga ldan bde stong du ro gcig par 'gyur ba'o/ /sku gsum 'grub pa'i don ni god du rgyu thabs 'bras bu las/ /snying po'i sngags kyi cho ga ni phrin las mchog tu gyur pa gsang ba bla na med pa'o/ /le'u yi ni pa Ta la gzhung skyong ba'i rab tu byed pa'o/ /bcu pa'i rnam grangs bstan pa/ rnam par bshad pa'o// //las kyi lus rnam par dag cing/ ye shes kyi sku'i khyad par grub pa'i gsang ba nges par rig pa 'dzin pa'i gnas mngon du byed pa bstan par bzhed nas/ de nas zhes bcom ldan 'das kyi snying po sngags de nyid kyi phrin las ston pa nyid de/ gzhan yang yon tan phun sum tshogs pa sgrub pa pos rim pa gnyis la goms pas gang zhig rgyud la brten pa tsam gyis ni gsang sngags kyi che ba ston pa'o//
- 58b
mthong chos mngon du byed pas myur du dngos grub la 'jug pa'i don sbas pa gsal bar byed pas/ snod gcig tu za ba'i gtsang sbra bdud rtsi bla na med pa bsten pa tsam gyis dngos grub myur thobs thabs bshad bya zhes mkha' spyod dang sa spyod sa 'og la sogs pa mngon du byed la/ phyag rgya chen po rdo rje'i sku myur ba nyid du 'thob pa ste/ mdor bstan pa'o/ /da ni rgyas par bshad pa la/ skyes bu gang zhig ces pa nas/ skye ba bdun pa'i mtshan nyid bstan pa las/ rtags nye bar mtshon pa nges pa ni/ dang? pa'i 'gros ltar dal gyis 'gro ba dang de'i grib ma'ang bdun du 'gyur ba nyid/ de ni skye ba bdun du mir gyur pa yin te ngo bo nyid kyis snying rje dang ldan pa/ rgyud mi 'gyur ba'o/ /ro tsa na yong de ni bsod nams kyi rgyu mthun las phyung ba las/ dpal he ru ka'i snying po'i sngags bzlas nas thig le byas na zhes pa yig 'bru nyer gnyis pa'i che ba ston pa/ dngos po lkog tu ston pa'i rdzas phra rags du ma shes pa ni 'jig rten gsum gyi ye shes can du 'gyur ba'i don to/ /de bsten pa tsam gyis ni 'byung ba chu'i khams dangs pas rdo rje rigs kyi nus pa bstan/ nad bad kan zhi/ zhe sdang dag pa'o/ /sa'i khams dangs bas rin chen rigs kyi nus pa brtan/ nad mkhris pa zhi/ ser sna nga rgyal dag pa'o/ /me'i khams dangs pas chos kyi rigs kyi nus pa brtan/ khrag 'khrugs zhi/ 'dod chags dag /rlung gi khams dangs pas/ las kyi rigs kyi nus pa brtan/ rlung nad zhi/ phrag dog dag pa'o/ /'byung bzhi dag pas nam mkha' shin tu dangs par 'gyur/ /de bzhin gshegs pa'i rigs kyi nus pa brtan/ 'dus pa'i nad zhi/ nyon mongs pa gti mug ma rig pa rang sar dag pa'o/ /lus kyi sihla dangs pas/ nyi ma lta bu'i drod dang mdangs brtan/ phyir 'byung ba'i rlung dbu mar chud pas/ lus kyi ga bur dangs pas/ zla ba ltar bsel zhing nus pa brtan/ rlung nang du 'jug pa la dbang thob pas dbu mar chud pas/ chags sdang phra ba zhi bar 'gyur ba'o/ /srog rtsol dbu mar chud pas ye shes kyi rlung du gyur pa'o//
- 59a
gang dang gang 'dod pa de dang de 'thob par 'gyur ro/ /zhes dbang phyug brgyad ldan slob pa'i zung 'jug mngon du gyur pa'o/ /'bras sA lu la gzugs brnyan spo ba'i don gsol ba btab pas grub par 'gyur ba'o/ /'dis ni 'jig rten pa dang 'das pa'i yon tan phrin las myur du grub par byed pa/ byin rlabs tshad med pa'i nus pa bstan pa ste/ skye ba bdun pa'i mtshan nyid kyi cho ga ni rig pa 'dzin pa'i dngos grub bstan pa'o/ /le'u bcu gcig pa'i rnam par bshad pa'o// //de la bcom ldan 'das dpal he ru ka'i gsang sngags rang gi ngo bo nyid gong du mdor bstan pa'i tshul du bstan nas/ de nas zhes dpal he ru ka'i snying po'i sngags kyi rjes thogs su bstan pa/ nye ba'i snying po ni gsang ba yi ge bdun pa/ sku gsung thugs kyi snying po kun tu bskul ba nyid de/ dngos grub ni gnyis te/ mchog dang mthun mong las thams cad ni 'og nas 'byung ba'i las tshogs myur du grub pa thob byed cing ni bsam gtan sngags dang 'brel bas so/ /'jig rten gsum ni sa 'og gi klu dang/ sa stengs gnod sbyin dang/ sa bla lha ste de dag gi yon tan dang nus pa gang cung zad ci yod pa ma lus pa de kun gyi mthu stobs skad cig gis grub pa bshad pa bsnyen sgrub mthar phyin pa'i de nyid kyis so/ /'di ni bcom ldan 'das dpal he ru ka dang rje btsun ma dang dkyil 'khor pa dang bcas pa'i snying po'i nye ba'i snying po'o/ /de nyid byang chub yan lag bdun dag pa'o/ /sngags go bzlog pa ni bla ma la rag lus par bya ba'i phyir ro/ /oM h+rI(rgyud 'grel): ha ha huM hUM phaT/ ces gsang ba'i snying po bsdus pa ste/ lha'i rnal 'byor bstan pa/ gnas dang bdag dang rnal 'byor bsrung ba mngon du 'gro bas/ tshogs gnyis dang ldan pas/ rten dang brten pa'i pho brang dkyil 'khor blta bar bya ste/ mngon par byang chub pa lngas sam/ yang na yig 'bru sa bon tsam las grub pa ni/ 'khor lo rtsibs drug pa'i dbus su hUM dpal he ru ka zhal gsum pa/ sku dang
- 59b
rtsa zhal mthing ka g.yas zhal gser mdog /g.yon markata lta bu/ zhal re la spyan gsum gsum mnga' ba/ phyag dang po gnyis rdo rje dang dril bu bsnams pas rdo rje rnal 'byor ma sku mdog me tog band+hu rig lta bu la 'khyud pa phyag g.yas g.yon par ma na mdud rtsi gsum pa dang ka pA la'o/ /tha ma gnyis kyis zhing chen g.yang gzhi brgyangs pa 'dzin pa/ rje btsun ma ni rdo rje gri gug thod pa can sku la rdo rje pad+ma mnyam par sbyar pa/ gtso bo zhabs g.yas brkyang pas dus mtshan brdzis pa/ g.yon cung zad bskum pas 'jigs byed sum bltab tu mnan pa/ rus pa'i phyag rgya drug dang/ ral pa'i thor tshugs la/ zla tshes sna tshogs rdo rje dang/ thod pa skam po lnga dang/ rtse mor nor bu chen pos spras pa'o/ /mi mgo rlon pa khrag 'dzag pa lnga bcu'i do shal can/ 'od kyi phreng bas khrigs pa blta'o/ /mdun du phaT las khrag mthung ma mthing ga dang/ hUM las rdo rje 'jigs byed ma gser mdog dang/ ha las rdo rje drag gtum mo li khri'i mdog dang/ yang ha las rdo rje 'od ldan ma markata mdog dang/ h+ri:las rdo rje drag 'bar ma dung ba dang/ oM las rdo rje DA ki ni puN+Di ra ka lta bu ste/ de rnams kyang zhal cig pa phyag bzhi ma/ spyan gsum gsum pa/ dang po gnyis kyi DA ma ru dang dril bu/ 'og ma gnyis kyis zhing gi g.yang gzhi gos su mnabs pa'i rgyan thams cad dang ldan pa'o/ /de nas go cha bgo ba dang/ ye shes kyi 'khor lo phra gnyis spyan drangs te mchod nas gnyis su med par bstim pa dang/ dbang bskur zhing rgyas gdab pa rdzogs nas/ lha mo so so'i thugs kar sa bon bkod pa las 'od zer ba spro sdu'i tshul du bzlas pa dang/ de kho na nyid kyi mchod pa byas pas dgyes pa bskyed cing rnam pa gsal bar dmigs par bya ba nyid do/ /bzlas thabs nang dang phyi las/ gsang sngags 'di 'bum bzlas pas zhes pa ni/ zag bcas kyi rlung khri phrag brgyad las su rung bas/ lhag ma zag pa med pa'i rlung gis byed pa khri phrag gnyis kyis ye shes kyi rlung
- 60a
rnams su gyur pas nus pa thob pas ni 'jig rten gsum yang ste srid pa gsum brtan g.yo thams cad g.yo bar byed do ni ltas chen po bco brgyad 'byung bas 'gro ba dbang du 'gyur ba'i lha dang zhes pa la sogs pa'i don ni dbang po sgo nga'i rlung gi 'od lcags kyu lta bu yul 'dod yon lnga'i lha dang lha mo 'gugs par byed do zhes pho nya grub pa'i dbang phyug bstan pa'o/ /yang phyi nang gi chu la dbang thob par bya ba/ rgya mtsho ni sihla/ gla rtsi/ shukra/ zhag/ chu ser/ rgyus pa/ rnag la sogs pa ste/ rol mtsho chen po bdun no/ /chu bo ni de dang nye bar cha mthun pa dag ste/ gang+gA sind+hu pak+Shu lo ha ti sogs so/ /rdzing bu ni gsang ba'i gnas kyi thig le 'khyil pa ste khams sum cu rtsa drug la sogs pa dpyid dang thig le'i rang bzhin gyis snyems shing gnon pa 'bar 'dzag gis bde stong du byed do zhes pa'i don to/ / gseg ma la zhes pa rlung phra ba ste/ rdo rje'i bzlas pa byas te/ dmigs pas DA ki ma'i gzugs brnyan la btab na yul dang dbang po rmongs par 'gyur ba yis/ sgrub pa pos gang du bzlas pa'i lus kyi gnas de dang/ nye pa'i gnas la sogs pa der mkha' 'gro mas 'og sa stengs sa bla'i dbang phyug de'i phrin las thams cad myur du grub pa'i mngag gzhug pa byed par 'gyur ba'o/ /rang dang gzhan gyi skye ba brtag par bya ba ni/ 'di chu la yongs su bzlas te zhes pas tho rangs kyi dus su 'byung ba chu rlung rgyu bas/ rdo rje'i bzlas pa byas te/ bdag nyid kyis mig bkrus na zhes pa yi dam yab yum gyi rtsa mig tu bab pas dri ma dag par bltas na/ mthong ba dag par gyur pas/ 'gro ba skye ba bdun shes par 'gyur ro/ /zhes gang yin ngos zin par byed do/ /rang dang gzhan gyi tshe dang dbang thang gi rim pa shes par bya ba ni/ gang dang gang tshe zad cing yul nye ring thams cad du 'chi ba nyid du snang ba yang/ tshe ring ba ste tshe 'phel bar bya bar nus pa dang/ yang bA dang tshe srog dang bcas pa nyams la 'char bas snang bar 'gyur ro zhes 'chi ba slu ba la 'bad
- 60b
pas tshe gzugs brtag cing le'u so bzhi par shes par bya'o/ /yang dpal he ru ka'i yi ge bdun pas mig la mngon par sngags nas gnyis ka'i spyan dbu ma la shes pa bstad te/ dmigs pas gang la bltas pa'i lkog tu 'gyur pa'i rdzas la sogs pa de dag dbang pa'i mngon sum ltar mthong bar 'gyur ro zhes dus gsum gyi spyod yul rtogs pa'o/ /yang mi snang ba bsgrub pa bstan pa la dpa' bo shi ba'i zhes pa nas gsungs pa yin no/ /zhes pa'i bar gyi don ni/ dpa' bo shi ba zhes bya ba/ dpa' bo drag po dbang phyug che/ / de nyid bsgral ba'i lus po ni/ /he ru ka yis gdan gyur pa/ /sum bltab gyur pa'i rkang mthil gyis/ /gyen bstan gnyis po gri gug gis/ /bcad par bsams pa de blangs dang/ /de yi khrag ni g.yas rtsa las/ /mtshan mo dbang byed mig min te/ /dri ba la ni ?ngo bo na/ /gla rtsi sihla 'byung ba yi/ /me tog rlung gsum tsha grang dang/ /bstan bye Ti? lu sngags 'bru yang/ /lhag gnas bdud las rgyal ba ste/ /kun dar brgyud de brgya rtsa brgyad/ /rlung 'gog rang nyid lag g.yon gyis/ /he ru ka ni snying gar gnas/ /yab yum zhal du chung gyur pas/ /thabs dang shes rab kha sbyar bas/ /'od gsal dang du mi snang 'gyur/ /lha mi kun gyis mi mthong ba/ /gzung 'dzin rtog pas mi phyed pa'o/ /zhes rnal 'byor ma mngon par dga' ba snying po'i rgyud las gsungs pa'i don to/ / de las gal te kha las gton na ni yab yum he ru ka bde stong gi zhal 'od gsal dang las snang ba zung 'jug tu 'gyur ro// //yang phyi don du ni lha la sogs pa la 'khrul 'khor ming spel tshig dang bcas pa tsandan gur gum gyis bri/ tsandan dmar po'i rdul las gzugs brnyan byas la snying gar gzhug /rang kha nub tu bltas pas so/ /shing a shwa ka'i smyu gus bri/ /skud pa gsang gnas nas dbyung/ rang lhar gsal ba'i sna g.yas pa nas khaN+Da ro ha phyag na lcags kyu dang zhag
- 61a
pa thogs pa spros la/ bsgrub bya ni seng+ge la zhon pa rang dbang med par mdun du 'ong bar bsams pas 'grub po/ /gal te ma 'ongs na gzugs spra tshil gyis gtums la seng ldeng gi me la bsro bar bya'o/ /rgya mtsho la sogs pa skems pa la rang gi snying ga'i hUM gi 'od kyis bskams par bsam mo/ /gnon pa la rengs pa'i 'khor los so/ /'di chu la ni nye snying ngo/ /chu ni rang gi mi bskyod pa'o/ /des rang gi mig la bskus la/ /lag pa g.yon pa'i srin lag la 'khrul 'khor bkod nas/ sh+ro ta ardza'i phye ma dang dur khrod kyi ras la byas pa'i sdong bu zad pa'i thal ba dang bdud rtsi lnga bsres nas nye snying 'bum phrag gcig bzlas nas mig la byugs pas 'grub bo/ /yang bdud rtsi lnga dang khrag tu bcas pa'i 'dag pa la DA ki ma'i gzugs byas la/ dgug gzhug byas nas/ de'i gdong lag pa g.yon pas bkab nas 'khrul 'khor la rang bsrung ba gsum dang rak+Sha spel nas rang gis gzung nas/ nye snying gi gsham du DA ki ni sarba A karSha ya wa shaM ku ru ho/ /zhes khri bzlas pas gzugs de g.yo 'gul byung na/ gang 'dod pa bka' bsgo bas 'grub la/ khyad par du mkha' 'gro ma 'grub pa'o/ /yang mi snang bar byed pa la/ /dpa' bo shi ba'i rkang mthil gyi pags pa dang/ de'i khrag de'i thod par bzhag la/ lig bu mig sman gur gum dang/ gi'u waM dang/ ldong ros bsnol la ri lu byas pa lcags gsum gyi dkri'o/ /lhag par gnas pa ni ri lu de'i dkyil du dpal bde mchog gi lha cho gas bskyed la mchod pa la sogs pa bsnyen sgrub skar ma rgyal la bya'o/ /ro langs sgrub pa la/ de nyid he ru kar bskyed la/ de'i khar ril bu bcug la lag pa g.yon pas kha bkab ste de nas ri lu rang gi khar bcug pas mi snang ba thob po/ /khrag dgug pa la/ mdzub mo g.yon pa la hUM bkod la thod pa la 'gugs pa'i 'khrul 'khor bri/ g.yas pa'i mdzub mos mnye zhing sngags bzlas pas khrag khugs so/ /mdzub mo g.yon pa la hUM bkod
- 61b
sngags bzlas nas mnyes na slar 'jug par 'gyur ro/ /mngon par bzlas te/ dur sol gyis snag tsha bya/ ba ru ra'i shing gis smyu gu byas la thod pa la 'khrul 'khor bri/ de la khu tshur bsnun pas glad pa 'gas so/ /'o mas zhi bar byed do/ /gi wang dang dpa' bo g.yul du bsad pa'i khrag dang bsres pas dpral bar thig le byas pas 'grub po/ /mdzub mo'i khrag gis bsad pa'i 'khor lo bris la/ gzugs brnyan gyi snying gar gzhug/ dug ske tshe tshwas byug g.yon pa'i sdigs mdzub kyis gzung la g.yas pa'i sdigs mdzub kyis phub ma'i mes bdugs na 'chi bar byed do/ /chus slar sos so/ /yang na bram ze'i thod pa'i nang du bsad pa'i 'khrul 'khor byas pa dur khrod du sba pa'i dus su rkang pa g.yas pa la mngon spyod 'khor lo bsams la des mnan cing sngags bzlas pas 'chi'o/ /chu 'o mas gso ba'o gdug pa stong la zhes rengs pa'i 'khor lo bris la sdigs mdzub bya ste/ sngags bzlas pas rengs par byed/ bden tshig gis grol lo/ /sme sha can zhes pa la du ra dang e raN+Da'i 'dab ma dang 'bras bu la sngags ldan pas sbyin sreg byas la thal ba 'chang bas byugs pas 'grub bo/ /sbyin sreg gi me'i thal ba ni shing arka la bud shing byas pa'o/ /bzlas brjod ni nye ba'i snying po'o/ /bsnun pa ni bsgrub bya la thal ba nges so/ /chu ni mi bskyod pa'o/ /gtor ba ni bsgrub bya 'am/ yang na de'i gzugs brnyan la'o/ /thod pa'i phyag rgya ni 'gugs pa'i 'khor lo bris la gzugs brnyan gyi snying gar gzhug /'gugs byed rdzas ni shing srin bus zos pa'i rjes shul dang/ shing phyes nyi ma'i rjes su 'gro ba'i shing la/ da dungs 'khor lo bris la khyi smyon shi ba'i thod pa kha sbyar du bcug la dur khrod du sbas na 'grub bo/ /sems kyis grol ba'o/ /gang gis ni/ gtsug pud bcings pas DA ki ma 'du bar 'gyur ba'o/ /khang stong du song ste zhes pas dur khrod kyi thod pa'i steng du grog mkhar gyis dang/ gdol pa ma'i lag par de nyid byin te/ sa de
- 62a
la mchil mas 'dag pa byed du bcug la/ de'i nang du 'khrul 'khor bcug la ri lu byas la rang gi spyi bor bzhag /mig bgrad la bzlas pa byas pas mi snang ba'o/ /stan dang mal khri la zhes pas/ rnga mo'i rus pa la bu ga byas par mi rus kyi gus pa bcug la sngags bzlas pas 'grub pa'o/ /thod pa dang bcas pa ni 'khrul 'khor phyin ci log tu bris/ gyo mo'i phye ma dang sgrub pa'i yungs kar blugs nas/ sngags kyis 'grub pa'o/ /steng du bltas te ni dpal rdo rje sems dpa' la phul ba'i me tog gis sbyin sreg byas pas 'grub pa'o/ /gzhan gyi dpung bzlog par bya ba la lag pa g.yon pa'i mthil du ldong ros sam yung bas 'khrul 'khor bris te/ khu tshur bcangs nas/ g.yul 'gyed pa'i phyogs su bstan na rengs par 'gyur ba'o/ /bram ze'i thod par ro bsregs pa'i sas bkang la/ sman gyi sa bon a ba ra mi ta dang/ da du ra dang ldan pa'i bdud rtsi lnga dang/ sme sha can gyi bu mo'i rang byung gis bskus la/ dgu stong la sa bon btab la mA ma kI'i sngags kyis chus bran/ sgrol ma'i sngags kyis gtor ma phul la/ skar ma rgyal dang drang srong nyi ma la 'bras bu smin pa sa lam lhung bar te/ sman gyi thum bu mgul bar btags sam spyi bor bcings sam/ lus la bcangs na mtshon bzlogs so/ /rdo rje'i lus can du 'gyur ro/ /zhes pas/ nags kyi ras bal la/ bu mo gzhon nus bkal pa'i skud pa la nye snying bzlas shing rdo rje'i mdud pa byas pa lus la 'chang na/ thub pa med par 'gyur ba'o/ /de nyid nang dang phyi'i bye brag gis las nyer lnga bstan pa'o/ /nye ba'i snying po'i las kyi cho ga ni las rab 'byam mo/ /le'u bcu gnyis pa'i rnam par bshad pa'o// // de la bcom ldan 'das 'khor lo bde mchog gi dkyil 'khor spyir rgyas par rnal 'byor du byed pas sam/ yang na bye brag tu go cha nyid kyi lha dang sngags lam du gyur pas/ dus dang grangs sam/ mtshan ma'i bsnyen pa grub pas/ de nyid kyis bya ba las
- 62b
tshogs bsgrub pa la 'jug pa'i phyir ro/ /de nas zhes smos te/ phyi dang nang gi khyad par gyi go cha'i las nye bar 'grub ba'i phrin las rnams ni las dang dngos grub thams cad do/ /'jig rten gsum na gang yod pa ni phyi sring gsum/ nang du rtsa yi ge thig le rlung gi nus pa sa bon tshul du'o/ /yid la 'dod pa kun grub pa ni grub pa brgyad mkha' spyod dang bcas pa/ lus ngag yid la rdo rje ltar nus pa dang mngon par shes pa thogs pa med pa 'byung ba'o/ /skye mched rnams byin gyis rlob cing/ gsang ba'i srung ba go rims bzhin du bshad par bya zhes bshad pa'i rgyud a b+hi d+hA na la sogs pa las shes par bya ba ste/ go cha'i lha dpa' bo drug dang/ dpa' bo drug las/ lam du gtso bo go 'pho ba yab yum can gyi dkyil 'khor dang/ gtso bo yab yum can las 'khor lnga lha rkyang bar 'dod pa thams cad yab yum can du gnas pa dang/ de dag la mngal skyes rdzus skyes so so'i dbye bas rtogs par bya ba'o/ /des mdor bstan nas rgyas par bshad pa'i las bstan pa'i phyir/ de la go cha zlos bzhin du zhes pa/ rang nyid lhag pa'i lha'i 'khor lor gsal ba'i ngang las/ rdo rje bzlas pas lha dang dbyer med du lus kyi gnas rnams su bkod pa la yang ba'i lam du zhugs na yang bar chad kyi gnod pas mi tshugs te/ mi'i rkun ma dang ni tshom po pa 'am/ 'byung po phra mo'i gnod pa mi 'byung zhing/ stag la sogs bdag gis lkog tu gyur pa'i nus ldan dag la yang 'jigs par mi 'gyur pa de dag gis mi mthong zhing mi snang bar 'gyur ro zhes gnas skabs kyi'o/ /yang na gro ga la ro'i sen mo dang gur gum dang/ gi wang gis skar ma bzang po la pad+ma 'dab ma drug gi phyi rol du rdo rje rtse gsum pa drug pri/ lte ba la ming skul tshig dang bcas pa dang/ 'dab ma la go cha'i sngags dang/ rdo rje rA dbus ma la nye ba'i snying po'i hUM cig bzhag pa drug bris la/ dam tshig gi lha sngags la ye shes dgug bstim mchod bstod byas nas lus la bcangs na srung
- 63a
ba chen bar 'gyur ba'o/ /yang na dbyi mo'i shing gi 'bras bu bya rog gis zar bcug la de'i brun dang 'bru bram ze'i thod par bskyed la de'i 'bras bu zla ba sgra gcan gyis zin pa'i tshe blangs la/ lcags gsum gyis dkris nas khar bcug na yang 'gro ba gzhan gyis mi mthang ngo/ /rgyal po'i pho brang du zhes pa la/ khyi nag po'i chu'i sa blon pa las go cha'i 'khrul 'khor bris nas de'i dkyil du bcug nas lcags gsum gyi dkris la khar bcug nas sngags bzlas na yang 'grub pa'o/ /rengs pa'i las la/ go cha'i sngags lan bdun zlos pa'i sngags pas zhes pa ni/ dur khrod kyi me 'gram du 'khrul 'khor bris la/ dur khrod kyi sa dang thal ba la bsgrub bya'i gzugs brnyan byas la 'khor lo snying gar gzhug /rang gi lag pa la rengs pa'i 'khor lo bris pa'i lag pas/ dur khrod du spas la de'i steng du gzhi mnyam gyis bkab la bzhag pas 'grub po/ /khrag dgug pa la rang gi srin lag gi khrag gis 'gegs nas shi ba'i thod par bzhag la sngags bzlas te/ rang gis dpral bar thig la byas na/ 'grub par 'gyur ro/ /gang gi khyim du zhes pa dur khrod kyi ras la drag po'i rdzas kyis 'khor lo bris la/ zag rdzas la gzugs brnyan byas te/ dgug stim byas pas dur sol me la bsro bas gdung zhing sngags bzlas nas dur khrod du sbas na 'grub pa'o/ /gang gi gdong la bltas te zhes pa la/ bsgrub bya'i zag rdzas la byas pa'i gzugs kyi snying kar/ dur ras la dug gis 'khrul 'khor bris pa'i spel tshig bcu cing bzlas pas khro bo'i blta ba dang bcas pas nges par bsgrub bo/ /chu bo dang rdzing bu rin/ sho ma la'i shing la lcang lcam bya ste/ pad+ma dang sbal ba'i tshil bu sbrul gyi khrag gser gyi me tog la spags pa lham nang du bcug ste de la sngags bzlas shing/ 'gyur bzhi steng du bcags na chu la thang bzhin du 'gro bar 'gyur ba'o/ /chu la zhugs pa ni/ chu sbrul gyi khrag spra tshil gyis gtums la rang gi khar bcug ste sngags spel tshig dang bcas pas bzlas na 'gro ba
- 63b
'am gnas pa la lus la gnod pa mi 'byung ngo/ /gnas gsum gyi rnal 'byor ma'i dbang phyug bya bar 'dod pas/ lag pa gnyis kyi mthil du zla ba'i dkyil 'khor la dbang du byas pa'i 'khrul 'khor gur kum gyis bris nas/ dur khrod kyi ro zos pa'i lhag ma zhi ba mor byas pa dang/ bsres pas nyid bzhin du ni dril gyis byas nas/ gsang sngags lan stong bzlas nas lha mo la sogs pa'i ming spel bcug ste/ a mu kaM me ba shaM ku ru man ya ho zhes 'grub po/ /mkha' 'gro ma gang gang yin pa ni rnal 'byor ma sna tshogs zhes pa la sogs pas snying po'i rnal 'byor ma ste/ dbyibs ltar na snying ga'i 'khor lo'i rtsa phyogs bzhin gnas pa/ sngags ltar na 'byung ba bzhi rlung kha dog so so ba nyis brgya nyer lnga pa brag bzhi dang/ chos ltar na dran pa nye bar gzhag pa bzhi las/ yang thams cad ni mkha' 'gro ma rdo rje'i rigs la sogs pa dang khwa gdong ma la sogs pa yang 'grub pa'o/ /da ni gos kyi rnal 'byor lam du byed pas phyogs bcur kun tu 'gro ba'i dbang phyug thob par bya ba ni/ skar ma rgyal la ras byas la zhes pa la sogs pa'i don ni/ dur khrod la sogs par sbrul gyi ro bcal la/ lus dkar nag gi mtshams su rdo rje gri gug gis sor bzhi bzhir gtubs la zhag byung ba ma 'dres par ras bal gyi sa bon la bskus te/ de ma thag tu skabs la/ ma 'dres par dur khrod thag nye bar bskrun pa yin na bzang ngo/ /gal te ma yin na rang gi khang par dben sar dur khrod nas sa blangs te skar ma rgyal gyi nyin par lha mo spyan ma'i sngags kyis btsugs pa nag po zla ba mar ngo'i dus dang/ yang mA ma kI'i sngags bzlas pas yar ngo dkar po'i sha dang zhag las/ ges dkar mo'i khaN+Da ro ha'i sngags kyis srung zhing/ bar chad srung zhing go cha'i sngags bzlas zhing mchod gtor dang ldan pas bskyed do/ /de nas yun rings zhig nas ras bal du gyur pa dang/ bu mo ma nyams pas dkar mo la yang sems bskyed dbang thob dam tshig ldan pas dkar po'i zhag bgos pa blangs la
- 64a
yar ngo'i rgyal la thag tu gzhug pa stong g.yogs dang/ yang gdol ba'i bu mo la sngar ltar te nag po'i zhag bgos pa mar ngo'i rgyal la 'thag tu bcug ste/ ras yug tu grub pa'i tshe na/ zhag so so la yang blugs la/ gu gul dkar nag gi du mas bdug cing gror phrin las kyi 'khrul 'khor yang bris la go cha'i sngags stong phrag bcu so sor bzlas nas bla gos dang mthang gos su byas te gar 'gro yang mi snang zhing/ rig 'dzin gyi dngos grub thob ste/ rgya mtsho dang 'og min gyi mthar thug par 'gro bas 'grub par 'gyur ba'o/ /nang don du stong g.yogs glang po'i pags pa dang/ smad g.yogs stag gi sham thabs su byin gyis brlabs te/ rig pa brtul zhugs gyi spyod pa dang phyogs las rnam rgyal gyi spyod pa bya ba nyid do/ /rnam shes ldan pa'i lus ljon shing du bsgyur ba'i byed pa bstan pa la/ shing yongs 'du'i zhes/ pho nya la brten pa 'am/ rnal 'byor gyi lam pas/ lus kyi rtsa kun dar ma las byung ba'i khu bcud byang sems tsaN+Da lI spar bas blangs la thur la bab pa/ gyen du bzlog cing drang ba/ hUM gis rlung drag por drang pa'o/ bzlas brjod stong byas te ni hUM hUM zhes 'dren par mi pas lte ba nas yang gang la ste lus kyi dpral bar thig le byas pas 'og tu 'pho par mi 'gyur bas de nyid dpag bsam gyi shing ltar yon tan phun sum tshogs pa thob par 'gyur ro ni le'u zhe dgu par yang bstan pa'o// de nyid bsam gtan zhi gnas bde ba la ma sad pa la/ chu la ni rlung srog rtsol bskul bas bzlas te/ 'khrul 'khor gyis gtor na lus thams cad du khyab par byas pas slar 'tsho bar 'gyur ba ting nge 'dzin nas ldang ba'o/ /stobs khyad par byed pa la 'di dag ni snga ma'i don gyi ye shes so/ /glang po che'i lus ltar bsgrub pa la rkang rjes ni sa rlung rigs bzhi lam du bya bas/ bzlas brjod stong bzlas pas ni sngags dang rlung dbyer med kyis/ 'phral ba na byang sems haM gi rdul blangs te zhes kha bltar babs pas gad
- 64b
la bsnun pa de ni 'og tu tsan+d+ra lI la ste/ glang po che lta bu'i stobs kyis theg pa chen po gzhan gyi sdug bsngal khur du 'khur ba'i bzod pa thob par 'gyur ba'o/ /de las gong du bstan pa'i rtsa sngags snying po de snying go cha'i las tshogs grub pa'i khyab pa gsang ba bla na med pa bstan pa ni/ dbang po gang dang gang lam gyur zhes pas dang po lha'i rnal 'byor ltar na dbang po ni sgo lnga'i rnam par shes pa ste/ mig la sogs pa gti mug rdo rje la sogs pa dang/ yid kyi skye mched dbang phyug rdo rje kun tu bzang po'i spyod yul la/ /gang dang gang lam gyur ni lha mo gzugs rdo rje ma la sogs pa phra rags sna tshogs snang ba'o/ /ye shes kyi rol bar 'char ba de dang de'i rang bzhin thabs shes rab gnyis med du 'gro ba de kho na nyid kyi mchod par ro/ /mchog tu ni bde chen por mnyam gzhag ni lhar gsal ba/ rjes thob dang ro mnyam du sbyor ba yis ni brtan g.yo thams cad dkyil 'khor ba'i sangs rgyas la sogs pa'i rang bzhin snang sems gnyis med las gzhan du mi 'gyur ba'o/ /rdzogs pa'i rim par dbang po gang dang gang lam gyur ni/ rlung sems dbyer med las/ snang ba dang snang ba mched pa dang snang ba thob pa thams cad de dang de'i rang bzhin 'gro ni shes rab thabs rgyu 'bras dbyer med du 'od gsal bar 'gro ba'o/ /de nyid mchog tu ni chos nyid dang mnyam gzhag bde chen las sbyor ba yis ni zung 'jug ste/ sangs rgyas sku gsum ye shes lnga thams cad rdzogs pa'i rang bzhin du 'gyur ba lhun grub mi 'gyur pa'o/ /khyad par snying po'i don du ni/ dbang po gang dang gang lam 'gyur ni sgo lnga rtog med du 'char ba yul gzugs la sogs pa la/ dga' ba dang mchog dga' i ngo bo bde ba dang de'i rang bzhin rtog pa thams cad dang bral bas 'gro 'ong med pa'i rang bzhin du bde ba chen po'i mchog lhan cig skyes pa'i dga' ba mi 'gyur bar ro mnyam du mnyam gzhag stong pa nyid dang gnyis su med pa dga' bral zhu bde'i sbyor ba yis rjes thob snang grags bde bar 'char bas sangs rgyas sku bzhi ye shes ro mnyam ye shes kyi
- 65a
rang bzhin du 'gyur ba nyid do/ /de nyid phyag rgya chen po ltar na/ dbang po ni rnam par shes pa rang rig pa'o/ /gang dang gang lam gyur ni tshogs drug yul dang yul can du snang ba thams cad do/ /snang ba sna tshogs de dang de ri ni rang sems stong ba nyid kyi cho 'phrul du shes bas/ thams cad skye ba med pa'i rang bzhin du shar bas rnam par mi rtog pa'i nam mkha' lta bu'i rgyu 'bras bu 'gro ba rten 'brel nyid de/ bde chen mchog tu gyur pas/ mnyam gzhag rjes ro gcig rab tu mi gnas pas/ don gyi ye shes sangs rgyas thams cad kyi sku gsung thugs rdo rje rang bzhin dbyings ye shes dbyer med du 'gyur bas na/ 'gro ba 'di kun sangs rgyas mnga' bdag nyid/ /gar mkhan dag dang ri mo mkhan ltar snang/ gang du bde chen zhes bya gcig bu nyid/ /gcig pu'i nyams kyis du ma'i gar mdzad do zhes pa'i don to/ /go cha'i sngags kyi cho ga'i le'u ni/ thabs dang shes rab kyi srung ba chen po'i dkyil 'khor gsang ba bstan pa ste/ bcu gsum pa'i rnam par bshad pa'o// //da ni gong du thun mong du spyir sgrub pa rtsa ba'i sngags las tshogs dang bcas pa bstan cing/ bcom ldan 'das kyi snying po'i las ston pa las/ bye brag khyad par du las rab 'byam gyi grub pa bye brag tu 'chi bdag bzlog pa dus kyi nges pa dang bcas pas 'grub par gsungs pa ni da nas zhes smos te/ gang gis sgrub po ni bsnyen sgrub sngon du song ba'i khyad par dang ldan pa'i de nyid las/ 'grub pa'i rim pa gsang ba phyi dang nang gi byed pa'o/ /gang 'grub par bya ba he ru ka bong bu'i rnal 'byor bdag ces lha'i rnam pa gzhan du byed pa rdo rje rtog pas mi phyed pa'o/ /yid kyi gzugs kyis 'jug bya'i phyir ni/ bcom ldan 'das kyis thog mar dam bcas pa las/ bskul bar bya bas/ gang zag nyams su len pa dag la thugs rjes sku gsung thugs rdo rje'i byin brlabs 'jug pa'i thabs kyi bsgrub pa'i rim pa de ni bshad par bya zhes thabs bla na med pa mdor bstan pa'o/ /de nyid kyi don la/ badzra DA ki rgya mtsho las/ 'khor lo ?
- 65b
ba'i rnal 'byor pas/ mtshan dang dpe byad ldan pa yi/ /zhal la zhen pa spong ba dang/ /dngos po gang dang gang la yang/ /dus gsum shes par bya ba'i phyir/ /he ru ka nyid bde chen gyi/ /'khor lo'i gtso bo de nyid ni/ /bong bu'i zhal du bsgyur la bsgrub/ /'dis ni las dang dngos grub kun/ /thogs pa med par 'grub par 'gyur/ /thugs kyi 'khor lo mkha' lding gdong/ /gsung gi rma bya sku seng ge /mi phye lha mo sha ba dang/ /ma he stag dang 'ug pa'i gdong/ /sgo ba snga ma nyid yin no/ /DA ki ma ni bong bu'i zhal/ /lA ma seng+ge glang po che/ phag rgod du ma skyes ru pa'i na/ sa gsum dbang gter longs spyod/ /grub pa kun tu bsgyur ba'o/ /zhes pa'i don gyis bstan to/ /de yang sgrub pa'i rim pa ni /gnas dben par dkyil 'khor bshams pa la/ /lhag par gnas pa bzhin du dri'i byug pa la tshom bu bkod pa 'am/ rdul tshon gyi phyag rgya dgong pa la/ lhag pa'i lhar bsgrub ba mchod pa dang bstod pa byas la 'khrul 'khor bya ba ni/ grog 'am shing shun la/ lte ba la hUM baM bri/ gur gum gyis byas te/ phyogs la snying po nye snying bri/ mtshams su thod pa bdud rtsi can dang/ 'khor lo'i rtsibs la dpa' bo'i rtsa sngags/ sgo'i nang du suM b+ha sogs/ rdo rje ra ba'i phyi rol dang/ mu khyud kyi mtshams pa thams cad du sngags thams cad bri/ ra ba zlum po la yum gyi rtsa sngags/ phyi rol gyi ra ba la sbel tshig dang bcas pa ste/ 'khor gyi dbus su 'bras sA lu 'am bag phye la mi'i gzugs bong bu'i mgo can bya ste/ yang na 'khrul 'khor bris pa spel tshig ni a mu kaM shu b+ha ni mi traM ti ka ku ru dang/ A mo ka sapta dza ra ma dri sha ku ru zhes pa dang/ 'khrul 'khor gzugs kyi snying gar bcug la/ de la he ru ka bstim ste bsgom bzlas byas nas/ zhun chen mar me bstams la/ bzlas pa khri phrag re song ba dang me long nang du gzugs brnyan de 'chang bar bya ste/ lho sgor bzhag la mtshan ltas brtags pas me long nang du gzugs brnyan 'char bas dus gsum dang skye ba bdun pa la sogs pa
- 66a
der shes par 'gyur ba'o/ /rgyas par bstan pa la rnal 'byor pas ni bdag dang lha tha mi dad par blta bas so/ /lA ma'i gzugs ni zhal rnam par 'gyur ba'o/ /de bzhin du ni mkha' 'gro ma ni ri bong gi zhal can shar du du ma skyes ma nub tu/ 'dod gzugs can lho phyogs su'o/ /mkha' 'gro ma de dag ni gri gug thod pa dang/ Da ma ru dang rtse gsum las na thogs zhes pas rgyan la sogs pa spyi'o/ /de la dran pa dang rig pa phra mo 'char ba ni/ tshe zad pa yang ste sgrub pa 'dis 'chi bdag las rgyal bar 'gyur la/ tshe ring bar ni cung zad nus pa skyes pas tshe la dbang bas/ ltas nges pa bsgrub pa nyid kyi nyams snang la gsal ba yin zhes dus gsum shes pa 'byung ba'o/ /'dir ni bong 'dra'i rnal 'byor ma/ de tshe bong bu 'dra blta'i gnas skabs su/ rang dang gzhan gyi skye ba dang 'chi 'pho ba mngon sum du shes par 'gyur/ yang na skye ba snga phyi rtags la rten nas rjes su dpag pa'o/ /glang po nyid du sngon du gang/ /mthong ste glang po'i gzugs can yin/ zhes b+ha ga bAn gyis sngon glang po nges par sku skye ba bzhes pa de dang mtshungs pa 'am/ bo d+ha satwa ri bong du skye ba bzhes pa ltar/ gang dang gang gi skye ba ni/ sngon gyi skye bar gyur ba dag 'gro ba rigs drug gi snang ba mthong bas zag bcas zag med kyi nyams snang ngo/ /rgyu mthun gyi 'bras bu de ni de 'dra'i gzugs dag tu zhes rgyu 'bras kyi bye brag ma 'dres par rnal 'byor pas ni 'dir mthong 'gyur rten 'brel gyi che ba ston pa'o/ /de ni grub pa'i skyes bus te de ni gnas skabs dang mthar thug gi dbang phyug yon tan no/ /khyad par du skye ba bdun pa'i she kha na ma tho ba med pa la tshogs 'khor dang gtor ma byas pa'i nus pa bstan pa la/ skye ba bdun gyi rim pa zhes gnad la bor ba khyad par du bya bas/ de'i sha des tshogs dang gtor ma dang sbyin sreg tu byas nas longs spyad pas sgrub pa po la grub par 'gyur ba 'jig rten dang 'jig rten las 'das pa'i yon tan du ma thos pa'o
- 66b
de las mkha' spyod grub pa ni/ de bzhin dpag tshad brgya phrag ni rdzu 'phrul gyis bgrod pa stong gi steng du ste b+ha gnas gong ma thams cad du nus pa'i stobs kyis skad cig tsam la 'gro ba lus shin tu dangs par 'gyur ba'i khyad par ro/ /yang de nyid khyad par du byed pa la rnal 'byor sngags mchog dam pa ste ni nad don ltar na/ rnal 'byor pa'i rdo rje'i lus kyi byed pa las ngags ni a haM mchog ni rtsa dbu ma'i gdong ste/ shes rab kyi cha bong bu'i gdong rtsa kha kha mu'o/ /thabs kyi bong bu'i gdong ni spyi bo bde ba chen po'i heM mgo thur du lta ba'o/ /dam pa ni rtsa gsum 'ong ma pa nas tsan Da la'i 'bar ba'o/ /mkha' 'gro ma ni/ steng 'og gi tsaN+Da lI de rlung gis bskul bas/ rtsa kun dar ma nam mkha' i rtsa'i nang brgyud de gyen du 'gro ba las/ me'i mdangs phog pas/ spyod ba ni haM las bdud rtsi babs pas bde stong grub par byed pa ye shes 'char ba la/ rnal 'byor gyi bsam gtan gyis 'bad na mtshan ma rlung sems las su rung bas/ dug la sogs pa'i nyams snang ba dpag tu med pa/ gang gis rlung sngags gnyis med du bzlog pa nges ni/ rtags bcu la sogs bzla ba gcig gis te/ 'byung ba lnga dbang po lnga yul lnga nyin mtshan du 'bad pas ye shes chen po 'grub par 'gyur ba nyid nges pa'o/ /gsang ba'i lus kyi rtsa gsum las nyams 'char ba/ sngags 'di yin ni rlung 'gro gsum gcig tu gyur ba'i nus pa'o/ /snying po ni nyams zhi gnas kyis 'jig rten pa'i lam/ lhag mthong gis 'das pa'i lam chod shin tu dge ba'i yin ni thog ma bar dang mdza' mar ro/ /gang zhig rnal 'byor pas de nyid ye shes kyi rim pa shes pas ni/ der 'dir gsang ba grub pa'i rnal 'byor gyi dbang phyug bde chen ye shes nyid thob par gyur pas/ 'di la the tshom som nyid zed de lam phyin ci ma log pa 'di nyid ni mkha' chos nyid stong ba la 'gro snying rje dang dbyer med du gyur pas/ gzhan don du 'brel ba dra ba ltar 'char/ de nyid bde mchog phyag rgya chen po grub pa yin no/ /de ltar yang/ mi g.yo rnam par mi 'khor bas/ rnam par mi 'gyur gos pa med/ /sgrib
- 67a
pa lnga ni rnam dag pas/ /rang nyid he ru ka dpal gyur zhes pa dang/ /lho phyogs skyong ba bcu gdul pa'i don du ste/ /drang song spyod pas ri bong du/ /tshangs pa dbang po phyogs skyong ba/ /gdul phyir dman pa'i zhal bsnyan te/ /sdom pas mngon par shes pa bsgrub/ ces pa DA ki mdus 'byung ba las byung bas/ dus gsum shes par bya ba'i phyir/ gsang ba'i rig pa chen po bsgrub ces 'byung ba'i don to/ /dpal he ru ka bong bu'i rnam par mdzad pa'i cho ga'i le'u ni gnas skabs dang dus dang gdul bya la dgongs par gsang ba'i thun mong ma yin pa'i phrin las bstan pa'o/ /bcu bzhi pa rnam par bshad pa'o// //da ni dpal 'khor lo sdom pa'i rgyud 'dir/ rje btsun ma rnal 'byor ma lha mo sum cu rtsa drug dang bcas pa rnam par 'gyur bas du ma'i cho 'phrul gyis 'gro ba 'dul bar mdzad pas de nyid kyi rnam 'phrul ngo shes shing mchod par bya ba la/ rigs ldan rnams ni mchod par bya/ /pho nyas lhan cig skyes dngos grub/ ces le'u dang por bstan pa'i don las dbugs 'byin par ma mchog dag dang zhes pa la sogs pas mdor bstan cing/ 'di nas le'u bcus rgyas par bshad pa bstan pa'i phyir de nas zhes smos te/ de yang bco lnga pa nas nyer bzhi pa la thug pa'i bar du rigs ldan ma'i brda dang/ mtshan nyid bstan/ de la gnas nyi shu rtsa bzhi la sogs pa'i sa chen po la gnas pa'i sangs rgyas dang byang chub sems dpa' rnams lha mo'i gzugs su sprul nas gnas pa'i mtshan nyid brtags pa'i sgo nas brda'i le'u 'di bstan pa'o/ /sdom pa ni saM pa ra'i sgras bla na med pa lus ngag yid ye shes kyi ngang du gnas shing/ sdom pa thams cad la zhes tha mal pa'i tshul bzhin ma yin pa rnam par dag pa'o/ /gang zhig brda ni shes gyur pa ni/ ngo bo bsam gtan dang ldan pa'i rnam par 'gyur ba/ sgra 'jug pa'i don sang g+he ta na don zab ba ston/ dbye ba ni lus brda la 'dus pa dang yan lag re re ba'o/ /ngag brda
- 67b
la yi ge re re'i brda 'di nas ston/ 'dus pa 'og nas ston/ yul ni rnal 'byor ma rnams so/ /dus ni spyod pa/ dbang dang/ tshogs kyi 'khor lo la sogs pa'i khyad par ro/ /dgos pa dam tshig mi nyams pa'i yan lag dang/ bar chad mi 'byung ba dang/ gsang mi 'phel ba dang/ myur du byin gyis brlab cing/ dngos grub ster la/ rang rig ngo shes par 'gyur ba'o/ /de nyid kyis de 'grub pa ni zhes lhan cig skyes na/ zhing skyes dang/ sngags skyes/ ye shes dang/ dam tshig la gnas pa dag la de kho na nyid kyi mchod pas mnyes pa'o/ /the tshom med par bshad par bya ba ni brda'i rtags kyi bye brag shes pas rigs ldan yin par som nyid za ba med pas/ dngos grub myur tu 'gyur ba'i thabs bstan pa ste/ de nyid rgyas par bshad pa ni/ DA zhes bya ba la sogs pas/ dpa' bo dang rnal 'byor ma 'du ba'i gnas dang/ longs spyod dang rjes kyi bye brag 'ga' zhig dang/ spyod tshul tha snyad du bya ba'o/ /de kho na nyid ltar na/ skyes bur bsad pa thabs dpa' bo/ /yang na phyogs bdag go /DA zhes bya ba lha mo yin DA ki ni ste shes rab yul lo/ /spyod pa'i khyad par su zhes bya ba gnon pa yin ni byang sems 'dzin pas/ rtog pas ldang mi nus par byed pa'o/ /su zhes bya ba za bar bya ba nyid de/ gaN tsakra'i dus su myong ba'i dga' ba bde bar za bas/ thig le ma zin na rnam rtog zas su za ba'o/ /ma zhes ni bdag byin gyis brlabs pas chos dbyings ye shes bskyed pa'o/ /yo zhes yo gi dam tshig can gyis rnal 'byor pa la dga' ba bskyed pa'o/ /b+hi zhe b+hi ga ha ste snang ba dang stong pa ye shes mnyam du skyes pa'o/ /wi zhes b+h+ri sa ti ta ste ye shes thod rgal can snang stong dbyer med lhan cig skyes ba bde chen ma rtogs na sangs mi rgya'o/ /lu zhes pa lu tshe lnga ni ye shes phra mos rnam rtog nyon mongs gcod pa'o/ /yang na lu ti ta ste de shes pa'i stobs dang mi 'jigs pa 'jo ba'o/ /sri zhes sh+rI da b+ha sa ste snying rje'i chags pa chen pos sems can smin par byed pa'o/ /so ma zhi
- 68a
ba'i brdung ba ste so so la ste rnam rtog skems shing sa d+he nas ste nyon mongs pa dag par byed pa'o/ /pe ni pa ya nas sman btung ba ste rtog pa nub pa nub pa nyid do/ /pa'i g+ha pis yan sgron ma ste sha lnga bsten pa'o/ /he zhes bya ba dag pa nyid ni he ni he tu b+hi g+ha tas chos thams cad rgyu dang bral ba'o/ /b+ha zhes b+ha ga ba ta rnam rtog thams cad bde bar za ba dpa' bo'i ston mo dang ldan pa'o/ /b+hu zhes pa rnam rtog za ba ste/ thabs shes rab gnyis med du'o/ /la ldan dang po nyid du brjod pa ste/ rgya mtsho la 'tsho ba ste/ zab pa'i ye shes so/ /pi zhes pa thabs shes rab ro gcig pa rtog pa dang bral bas rtog med du'o/ /b+hu zhes ro langs bsgrub pas ye shes las longs spyod pa'o/ /b+ha ga ces bya rung nyid do/ /ka tu ra ni len par brjod pa ste/ kha dog par rang 'byung ba dang/ khams kyi bdud rtsi rdo rjes dbang du byed pa'o/ /rdzi zhes de ya ta ye shes mkha' 'gro ma'o/ /g+ha ni sgrol byed kyi ting nge 'dzin no/ /yang na la zhes par la ta las drangs pas sems can thams cad smin par byed pa'o/ /tri ni 'dod pa'i gzugs rU pi ste mtshan dang ldan pa'o/ /yang na ha na d+ha ha na ste he ni bzhad pa mas dngos grub ster bar byed pa skye 'jig med pa'o/ /ku zhes pa rigs byed ku ru las te rigs kyi sa la gnas pa'o/ /dzA ni spyod pa mdza' gnyis dag pa'i thabs shes rab ldan pa'o/ /b+ha ni bde chen du smra ba nyid do/ /swa zhes 'gro 'ong gnas pa zhi ba nyid do/ /mi zhes rdo rje'i lus la gnas pa'i rgya mtshor 'phyo ba'i chu srin nya mig dag pa ye shes la rol pa'o/ /b+hya zhes pa ni bdud rtsi snying po lus la smin par bya ba'o/ /pho zhes 'grib med btung mchog nam mkha' nyid de/ g+ha ni spyod pa bas gnyis 'dzin dag pa'o ka zhes pa gzugs sogs yul 'dod yon dag bya'o/ /sa zhes rigs gzhan gyi dbang du mi 'gro ba'i ye shes so/ /nga zhes rang bsrung ba ste dpa' mo rang dbang can no/ /du zhes smri ti du na te dran pa mi brjed gzungs thob pa'o/ /su zhes gnyug ma rtog
- 68b
med bde chen no/ /na zhes rtog pa'i cha rang sar dag pa'o/ /sa ni gdong ma nas 'da' ba med pa'o/ /ma zhes mA nu sems can sgrol byed drag mo'o/ /a ni 'gag pa med pa'i ye shes so/ /na stong pa nyid phyi ma skye ba med pa'o/ /so ni 'dod yon lam du byed pas rnam par dag pa nyid do/ /b+hI ri ni mi 'jigs pa dpa' bo ni rnal 'byor pa sring mo yin ni DA ki ma dam tshig la gnas pa la 'du ba mtsho la ngang pa 'du bltar ro/ /da ni gzhung nye bar bsdu ba ste/ 'di dag ni yi ge re re zhing gi brda yin te/ mtshon pa tsam zur gyis go bar bya ba nyid de/ dang pa dang mi ldan pa rnams la sbyin par mi bya'i zhes skal pa dman pa la gsang ba'o/ /dam tshig gi mchog yid 'thun pa la ni skal par ldan pa ste/ dgongs pa dang ni legs par brtags la dad pa rnams la rdo rje'i theg pa gsang ba sbyin par bya ba'o/ /brda'i cho ga'i le'u ni gsang zhing snying po'i rim pa le'u bco lnga pa'o// //de yang snga ma'i brda de dag gis rigs ldan nyid du ngo shes par gyur kyang/ de dag gis khyad par bde bar gshegs pa'i rigs bdun la sogs pa'i nges pa'i khyad par/ spyi dang bye brag gi rigs kyi dbye ba shes par bya ba la/ de nas gzhan yang bshad bya ba zhes smos te/ 'dir pho nya'i mtshan nyid le'u gnyis kyis rig par bya ba ste/ dngos grub chen po'i gsang ba gang ni/ ma bla na med pa'i rgyud 'dir mchog thun mong gi bsgrub pa myur du'o/ /skal ldan yang 'ong skal min pa ni snga ma ni rgyud 'dir zhugs pa'i las 'phro can brda dang spyod yul can no/ /yang na lhan cig skyes ma la sogs pa'i rnal 'byor ma'i rigs kyi khyad par shes pa'o/ /phyi ma ni brda ma rtogs pa'i gang zag go /yang na rigs dang mi ldan pa dman pa yon tan med pa rnams so/ /sgrub pa po la bshad bya ba ni rigs ldan mtshan nyid dang ldan pa'am/ rigs ma nges pa dang dman pa shes par bya ba'o/ /dad pa rab dang ldan pa ni gang zag snod gsum gyi skyon dang bral ba/ gsang ba 'dir shin tu mos gus ldan pa la'o/ /
- 69a
mchog du dam tshig bstan pa ni/ rigs so so'i sdom pa dang bsrung bya spyad pa bza' ba la sogs pa mi 'bral ba'i bslab pa la gnas pas so/ /de la rab tu bstan par bya ba ni khyad par shes pas gsang chen rim pa nyid sbyin pa'o/ /bza' ba yid dga' phan byed pa ni phyi dang nang las bdud rtsi bsten pa'o/ /bza' ba rab tu rtag bsten pa ni phyi nang du bsten pa lus sems tshim par byed pa'o/ /dpa' bo gnyis med rnal 'byor pa ni dpal he ru ka'i brtul zhugs la brten pa'o/ /rigs kyi bye brag gsang ba gang ni rigs bsdus pa dang/ rigs bye brag pa'i khyad par shes pa'o/ /dang bas rab tu bsten pa dang ni dkyil 'khor 'khor lo'i lam las mos pas so/ /bsten pa dri la sogs pa dang rnal 'byor ma'i mdog dang lus kyi dri'i bye brag tha dad pa kun no/ /gnyis med dpa' bo bsten bya ba ni gsang ba de kho na nyid kyi mchod pas so/ /gang zhig shes pa tsam gyis ni brda dang brda lan la sogs pa'i bsten tshul lo/ /sgrub pa bo rnams dngos grub che ni dbang gi dus me tog gang la phog pa de'i rigs nges par myur du 'grub pa'o/ /thob 'gyur mchog ni bshad par bya zhes pas las dang dngos grub gter lta bu'i grub pa la dbang byed pa nyid do/ /des mdor bstan pa'o/ /da ni rgyas par bshad pa la/ /rnal 'byor ma rigs bdun so so'i mtshan nyid bshad pa las/ lha mo re re la yang/ kha dog dang dbyibs dang/ spyod pa'i tshul dang/ dri'i bye brag dang/ rnam par 'gyur ba bston pa las/ bud med pang rtsa ltar dkar zhing zhes pa la sogs rdo rje sems dpa' i rigs ldan du shes par bya ba'o/ /bud med gang btso ma'i gser zhes pa la sogs pas rin chen rigs bstan pa'o/ /thams cad utpa la lta bu ni dpal he ru ka'i rigs g.yung mo las mi bskyod pa'i rigs ni pad dkar 'dra mdog ni zhes pas bstan no/ /dmar zhing ser ba ni 'od dpag med gos dkar mo'i rigs so/ /ser zhing ljang ba'i
- 69b
don yod grub pa las kyi rigs su shes par bya'o/ /gang zhig kha dog dmar zhes pas sangs rgyas rnams snang gi rigs so/ /da ni de dag gi don nye bar bsdu ba bstan pa ni/ rnal 'byor ma'i zhes ba la sogs pas bstan pa ste/ 'di dag rang gi phyag rgya chen po'i rtags kyi mdog gis khyab pa rigs su nges pa'i don to/ /nges par dam tshig can yin no/ /zhes pa'i bar gyis/ spyi dang bye brag rigs ldan khyad par du grub pa'i ye shes kyi gar gyi rnam par 'gyur ba bstan pa'o/ /da ni le'u'i mtshan ni/ rnal 'byor ma bdun gyi nges par brtags pa'i mtshan gyi cho ga'i zhes pas rnal 'byor ma thams cad sa gsum du kun tu khyab pa'i de kho na nyid kyi phyag rgya bzhi ldan du rgyas btab pas rigs spyi dang bye brag gi gnas bshad pa ste/ le'u bcu drug pa rnams par bshad pa'o// //de la rnal 'byor ma bla na med pa las khyad par du dpal 'khor lo sdom pa'i rgyud kyi dgongs pa/ dpal rdo rje rnal 'byor ma bcas pa'i chos 'di shin tu dkon par bstan pa'i phyir/ de nas rnyed dka' i rnal 'byor ma zhes pas le'u dang por yang 'jig rten gsum du rnyed dka' ba zhes pa'i don te/ de bzhin mkha' 'gro ma rnams kyis ni/ brda'i ni dkyil 'khor du bkod pa rnams thams cad do/ /don ni sems nyid rnam par dag pa byang chub kyi dkyil 'khor dang/ lus rtsa'i dkyil 'khor du pu dzA la sogs pa'i rten dang brten par bcas pa dang/ bde chen byang chub sems thabs shes rab gnyis med rnam par dag pa'o/ /bdud rtsi lnga rnams ni 'byung ba dang rigs dag pa 'khor lo lnga ldan ye shes lngar 'char ba'o/ /yang dag 'byung ni thabs shes rab rol pa de kho na nyid kyi mchod pa las bde stong lhan cig skyes pa'i ye shes 'char ba nyid do/ /de la rnal 'byor ma thun mong du spyir grags pa ni ya ma ni nyid ni rgyal rigs las 'byung ba nyid de rdo rje sems dpa' i rigs so/ /skrag byed ma ni btso blag ma rin chen rigs so/ /'dod ldan nags tshal ma ni las kyi rigs rje rigs las byung ngo/ /phag mo ni mi bskyod pa'i rigs gdol pa ma'o/ /'jigs
- 70a
gzugs ma ni gar mkhan ma de shes pa sangs rgyas kyi rigs so/ /kun spyod ma ni bram ze ste 'od dpag med ma'i rigs so/ /dmang rigs he ru ka dang dbyer med b+ha su ra ste phyir nang du nye bar spyod pa can no/ /mkha' 'gro ma ni rnam pa bdun rigs kyi bye brag tu gyur pa byang chub yan lag gis nges pa rgyas gdab par bya'o/ /bsdus pa'i mtshan nyid 'dir bshad bya zhes yongs su bsdud par bya ba dang/ sdud par byed pa bsdus pa'i khyad par du rgyas gdab par bstan pa'o/ /khyad par gsang chen du grags pa'i rnal 'byor ma ni/ gzugs can ma ni sdug pa rjes su 'dzin mi sdug pa tshar gcod pa ste/ mngon par zhen pas zhes pa nas tshig rkang drug gis rgyas par bshad la/ mkha' 'gro 'jigs pa'i gzugs can ma/ sgrib pa thams cad myur 'joms pas/ /de bzhin gshegs pa kun khyab ma/ /rigs kyi dbang phyug gyur pa'o/ /tsum bi ka ni bde ba'i sbyor ba gsang ba nye bar ston pa nyid do/ /sdug pa 'am yang na zhes pa ni tshig rkang bzhis bstan pa la/ ma mo'i mkha' 'gro snying po che/ /bde ster tsum b+hi ka pa mo/ /chos bdag pad+ma 'bar ba las/ dbang phyug mchog ma dga' ba mo/ /lA ma ni tshad med spros pa med pa'i bdag /sgrol byed ye shes snying rje'i che/ /nags tshal rgyu ba ye shes yum/ /skyob mdzad phrin las sna tshogs mdzad/ /lam ni phongs pa thams cad thugs rjes skyob pa sdug bsngal las dbugs 'byin par mdzad pa/ zas mi za bar zhes pa nas tshig rkang lnga yis bstan pa'o/ /yongs gyur ma ni gzugs du mar ston pas 'gro ba'i yid tshim par byed ma/ phag dang dred dang zhes pas tshing rkang bzhis bstan la/ rdo rje phag mos gsum sbyong/ / zhi ba gdug pa 'dul zhes 'dzin/ /dga' ba chen po rigs 'byung ma/ /'dod yon rol pa ston pa'o/ /byis bcas ma ni bde ba chen pos rgyud rgyas pa zag med kyi dga' ba spel ba ste/ shin tu dga' ba zhes pa tshig bzhis khaN+Da ro ha mar bstan pa la/ b+ha
- 70b
sur ste sbyin pa'i bdag/ byis bcas rgyas 'debs dpa' mo che/ /yon tan mi bzang rngam pa ste/ /dgyes sde ma ni byin rlabs bdag /mi ldog ma ni phyir mi ldog pa'i don yang dag par dbyings la 'jug pa stong nyid ma'o/ /yid ni kun tu skyob pa zhes tshig rkang drug gis shes pa la yid skyob pa ste/ mi phyed ye shes dpal dang ldan/ /dga' skyong ye shes sems ma che/ /rigs ldan rol pa bla na med/ /spros pa spyod byed khro mo nyid/ /e hi ki lha mo ni tshar gcad pa dang rjes su 'dzin pa gsal bar byed pa nyid/ dga' ba'i dbang mo ste/ rgod par byed pa ste tshig rkang bzhis snying po zla med yang dag pa mnga' ba ste/ dga' ba'i gnas su khrid cing 'dzin/ /mnyam sbyor lhan cig skyes sku dang/ /ro mnyam drag mo 'bar ba che/ /stobs chen bla med snyoms 'jug pa'o/ /lha mo ni rigs kyi bdag po rdo rje 'dzin dang gnyis su med pa yongs su bsdus pa'i ngo bo nyid de/ khyim gnas nam mkha' gsal byed ma/ /chos dbyings pad+ma gar bsgyur bas/ /mchod pa dga' ba bskyed pa'i bdag /ye shes pha rol phyin ma gyur/ /lha mo gsong po smra ba ste zhes pa tshig rkang drug gis bstan pa'o/ /de las gsang ba khyad par gyi rtags ngos gzung bas mtshan ma shes par bya ba ni/ mkha' 'gro ma'i rigs ni 'dir ni dpag tu med pa yang sku gsung thugs yon tan phrin las ye shes bde ba chen po'i rigs su bsdus pa'o/ /dpa' bo'i dbang sogs yin zhes bya zhes dpa' bo thab snang ba'i cha dang dbang phyug shes rab stong nyid kyi cha las bde chen gnyis med ye shes su rgyas gdab pa ste/ de la phyag rgya'i nges pa bdun du shes par byas la/ thod pa ni bde ba'i bdud rtsi myang bar bya ba pad+ma b+ha dzha'o/ /dgra sta ni skye ba'i ljon shing gcod pas ma rig pa la sogs rtsad nas gcod pa'o/ /mche ba bzhi ldan ni rnam rtog zas su za bas bdud bzhi 'joms pa'o/ /ral gri ni spang bya ma lus pa gcod cing dngos grub chen po ster ba'i brda'o/ /kun tu skrag byed ni mdung thung ste lte ba ngan pa'i phyogs rigs pas 'bigs pa'o/ /rdo rje ni rtog
- 71a
pas mi phyed ba'i ye shes so/ /'bun dung nyid dag ni rang 'byung dri ma med pa chos kyi sgra sgrogs pa nyid phyogs bcu rnams su'o/ /rigs bsdus ni dpal rdo rje rnal 'byor ma nyid kyi phyag rgya chen pos rgyas btab pa'i gsang ba yin par bshad ces snying po 'du ba'i don ldan pa'o/ /da ni le'u'i mtshan bstan pa ni dpal 'khor lo sdom par brjod pa ni bsdus pa'i rgyud tshig don bcas pa las rnal 'byor ma'i gzugs yongs su brje ba ni 'jig rten pa dang 'das pa'o/ /phyag mtshan ni rigs so so ba'i bye brag go /phyag rgya bstan pa ni sku gsung thugs la phyag rgya bzhi ldan du rgyas gdab pa'i gsang ba bdun po'i cho ga'i khyad par bstan pa'i le'u ste bcu bdun pa rnam par bshad pa'o// //'dir rnal 'byor ma bla na med pa'i gsang chen 'di nyid du mkha' 'gro ma'i rigs bdun du nges pa dang/ bsdus ma dpal rdo rje rnal 'byor mas rgyas gdab pa gong du bstan pa'i rjes thogs la de nas zhes smos te/ de dag spyir bstan la/ khyad par du rdo rje'i rigs kyi mkha' 'gro ma dang/ dam tshig gi rigs kyi lA ma'i khyad par dmigs kyis bsal ba ston pa ni/ gzhan yang bshad bya ba ni rjod bya dang rjod byed do/ /mkha' 'gro rnams kyi mtshan nyid ni spyod pa'i byed las rnam par gyur pa dang/ rigs kyi khyad par bstan pa'o/ /gang zhig ni gnas gsum gyis bsdus pa'o/ /yang dag shes pa yis ni lhan cig skyes ma la sogs pa'i khyad par ro/ /mkha' 'gro'i ye shes gsang pa'i sdom pa dang dam tshig la rnal 'byor pas gnas pa na dngos grub thams cad myur du ster bar gyur pa nyid do/ /des mdor bstan nas/ rgyas par bshad pa la dang por pad+ma'i rigs kyi mkha' 'gro'i khyad par ngos gzung ba dang/ dpal he ru ka'i rigs kyi mkha' 'gro dang/ dkon mchog dpal gyi rigs dang/ de bzhin gshegs pa'i rigs kyi rnal 'byor ma dang/ mi bskyod pa'i rigs dang/ dpal rdo rje sems dpa' i rigs dang/
- 71b
dpal he ru ka'i rigs dang/ dam tshig rgyal po'i rigs kyi rnal 'byor ma ngos gzung ba bstan pa'o/ /gsang ba'i dbang phyug 'dod yon mi 'chi ye shes dag pa rang bzhin rigs ldan yon tan dbang las ni/ /lha mo sangs rgyas rigs skyes phyag rgya bzhi ldan rgyas gdab de nyid gsang ba 'pho tshul ye shes thub pa ni/ /thun mong gsang ba las ni mi 'da' gdung ni so so'i rigs gyur spyod yul rim pas bde ster 'phel ba gang/ /zhi drag tshar bcad rjes 'dzin phrin las mkha' 'gro yul dang dus kun bde bar rol pa'o/ /le'u'i mtshan ni rnal 'byor ma thams cad kyi kha dog gi mtshan nyid dang spyod yul gyi mtshan ma'i cho ga'i le'u ste bco brgyad pa'o// //de nas thabs dang shes rab kyi phyag rgya dang de nyid lan khyad par du ston pa ni/ de nas zhes pa nas/ sgrub pa po'i lA ma'i mtshan nyid ces pa la sogs pa la mdor bstan pa dang rgyas par bshad pas/ rin chen dang/ pad+ma'i rigs dang/ de bzhin gshegs pa'i rigs dang/ mi bskyod rdo rje dang/ las kyi rigs kyi mtshan nyid bstan pa'o/ /rdo rje phag mo la zhes pas gzhung bsdu ba'o/ /le'u bcu dgu pa'i bshad pa'o// // da ni gong du bstan pa'i rigs ldan gyi mtshan nyid dang khyad par gyi ngo bo nyid yongs su shes pa de nyid kyis le'u nyi shu pa 'dir yan lag gi phyag rgya'i brda ston pa/ tha snyad pa'i brda las 'das pa de kho na nyid ye shes kyi brda ston pa nyid do/ ye shes yang dag mtshon phyir brda dang cho gas the tshom bral byed gsang chen spyod pa'i de nyid do/ /brtul zhugs chen pos zag med bde chen mtshon byed phyag rgya gar gyi dris dang lan bstan pa'o/ /'di nyid la dgongs pa khyad par can gsang ba yang dag par ston pa dang/ rigs ldan gyi brdal brten pa'i zab pa dang rgya che ba'i snying po dang/ khyad par dang spyi'i brda gsal ba bye brag tu rnam par gsal bas nges par bya ba de kho na nyid kyi ye shes kyi gsang ba bla na med pa bstan pa'o/ /le'u nyi shu pa'o// //da ni mi
- 72a
'gyur ba gsang pa'i rgyas 'debs par byed pa/ ye shes bde ba chen po mtshon par byed pa phyag rgya chen po gnyis su med pa'i don la blo nges par bya ba ste/ phyogs las rnam rgyal rnal 'byor pa yi brdas mtshon de nyid lam gyi 'jug ldog spyod pa ste/ nyer bstan bsdus pa'i brda gang nus ldan dge ba'i chos nyid ro mnyam bde chen mngon du byed par 'gyur pa'o/ /gsang ba bde chen ye shes ston pa'i mtshan nyid nges pa ste/ de bzhin gshegs pas nye bar gdams pa dang/ de kho na nyid kyi ye shes yul dang rnam par phye pa bye brag tu khyad par rtogs par bya ba/ 'di dag lta ba'i brda bstan pa gsang ba'o/ /le'u nyer gcig pa'o// //da ni yan lag 'dus pa'i brda las ye shes kyi gsang ba ston pa de kho na nyid bde chen gyi kun tu spyod pa ston pa las/ yang dag phyag rgya gsang ba khyad par bla na med pa bstan pa nyid de/ 'dis ni bags gnang mchod bya'i lha mos 'khor ba sgrol byed yan lag gsang ba phyag rgyas bsdus pa ste/ gang ston lam byed thun mong spyod yul du ni rab tu bsgrub ster bag chags ma 'khrul sbyang phyir ro/ de kho na nyid kyi sems ye shes mngon du byed pa the tshom med par gdams pa ste/ gang thabs dang shes rab kyi byed pa rnam par 'gyur bas ye shes rtogs par byed pa las/ gsang ba nye bar gdams bas gzhung bsdus pa ste/ le'u nyer gnyis pa'o// //'dir snying po'i gsang ba bde chen ye shes kyi sdom pa las rigs ldan ma'i rigs kyi phyag rgya'i bye brag nges pa bstan pa las/ gang gis gang du rnal 'byor pa dang rnal 'byor ma ni rjes chags bde bar kun spyod rol pa'i chags tshul du ma de las ni/ /de nyid rim pa phyag rgyas mi 'gyur yon tan rgyas byed rtags ni gsang ba mnyam rjes gnyis med rol/ /nye bar gdams pas yul bde ba'i 'byung gnas te/ ye shes kyi khyad par rjes su chags pa'i spyod yul gyis nye bar
- 72b
spyad pa'i tshul gyis bde pa'i mtshan ma 'char ba nyid las/ phyi dang nang gi rnam par 'gyur bas khams 'du'i byed pa ston pa gang yin pa gsal bar gyur pa ste/ rigs ldan gyi spyod pa'i tshul bla na med pa phyag rgya'i grub pa ye shes mngon du bya ba gang yin pa/ rnam par ? 'gyur 'jug ldog gsang ba rang byin gyis brlabs pas lus kyi bya ba nyid dang/ rnam par 'gyur bas ye shes bde ba bskyed cing/ sngags dag gi rnam par dbyangs sgra brnyan lta bu dang/ rigs kyi phyag rgyas nyams su myong ba skyes tshul ngos gzung ba/ sgyu ma lta bu'i tshul la gnas pas gzugs la sogs pa yul la tshogs drug bde bar rol pa'i spyod pa a ba d+hU tI pa'i spyod pa bya ba'o/ /lha dang sngags ye shes mchog tu gsang ba'i bde ba chen po nyid/ mi 'gyur ba lhan cig skyes pa'i ye shes kyi rol pa las/ sku'i 'phrin las dang/ gsung gi brjod pa/ thugs kyi bsam gtan gyi byed pa bstan cing gzhung bsdu ba ste/ le'u nyer gsum pa'o// //de la gong du rigs ldan gyi khyad par rtags kyi byed pa rnam pa dang mtshan nyid rtogs pas/ rnal 'byor pa gsang ba'i spyod pa la gnas pas/ gnas dang nye ba'i gnas la sogs par bgrod pa'am/ yang na dur khrod la sogs par dben par gaN tsakra la sogs pa'i dus su brda'i sgo nas 'dod pa'i yon tan lnga lam du 'gyur pas lhan cig skyes pa'i ye shes myur du rtogs par 'gyur ba ste/ de nyid ston pa ni de nas zhes brtul zhugs bla na med pa nyid las/ gzhan yang bshad bya ba ste sngar le'u bco lnga par yi ge re re pa'i brda bstan pas ngag gi brda spyir bstan la/ 'dir ngag gi brda'i rab tu byed pa yi ge 'dus pa'i don du/ lus brda ni gong du bstan cing/ sgrub pa po'i brda khyad par du byed pa rnams te/ de nyid rnam dbye shes par bya ba'o/ /dpal 'khor lo sdom pa'i dpa' bo dang rnal 'byor ma spun dang sring mo nges pa ni yul dang skad mi cig pa yang lha dang sngags dkyil 'khor
- 73a
gcig pa'i don gyis lhan cig tu tshogs gang gis brda dag gis nges par ngo shes par gyur pa ste/ 'dir kla klo'i skad lta bu sgra mkhan dang rtog ge pas mi shes par 'gyur ba'i dgos pa ston pa'o/ /rgyas par bshad pa la dang po dri ba dang lan gyi tshul du ston pa'i brda ngo 'phrod par bya ba dang/ brda pa la ba rnams kyis sna tshogs chos nyid ro mnyam du ston pa dang spyod pa'i bye brag gis ye shes rtogs par 'gyur ba dang/ khyad par dur khrod la sogs pa'i gnas kyi rim pa bstan pa dang/ lus kyi rnam par 'gyur ba'i tshul dang/ rigs la dgongs pa bstan pa'o/ /po tang gi zhes bya ba ni gsong por smra ba ni gnas lugs chos nyid kyi babs te/ rtog pa gcod pas so/ /pra ti pe taM gi zhes bya ba ni gsong por smra ba'i lan ni/ rtog pa de sems stong nyid du rtogs par bya ba chos thams cad la bden pa rtogs pas yang dag pa'i don zung 'jug rab tu mi gnas par ston pa'o/ /ga mu zhes bya ba ni 'gro bo zhes pa/ skyo ba nga ste/ phyir thabs kyi tshul du/ yang dag pa'i lam la'o/ /luM baM zhes bya ba ni snying po yang dag par na shes rab tu 'ong ngo/ / zhes bya ba dbu ma yin no/ /ku ta ni gnas ga ge mo nas 'ong so zhes bya ba lus kyi rtsa gnas thams cad du rlung 'gro 'ong med pa ni rnam par mi rtog pa la sogs pa'o/ /de hi zhes bya ba ni zas zhes smra ba yis ni nang gi sha lnga bdud rtsi lnga bsten pas/ mdza' gnyis las mi gnas par nyams su myong ba'o/ /lce so la reg pas ltogs par ston pa ni/ mgrin par ro drug la longs ma spyad ces pa'o/ /kha la reg pas zos so ni nyams myong bde stong lhan cig skyod pa'i ye shes su zhes pa'o/ /lce rtse la reg pa ni tshim zhing bde bas khengs pas ngoms so zhes so/ /grih+Na zhes bya ba ni/ bram ze smra ba ni gtsang ma'i drang song ste/ rtsa kun dang mchog tu gnas pa yin no/ /snyi rA nra ma zhes pa snying po nyid do ni dran pa thams cad sems su ro gcig pa'i hI da ya chos thams cad sgyu ma lta bu las
- 73b
ye shes kyi snying po len pa nyid du ston pa'o/ /sa ga ma ni ma ni mi'o/ /zhes gzugs rdo rje ma dang rnal 'byor ma'i lus so/ /sh+ra ba Ni rna ba'o zhes ni/ chos thams cad la sgra brnyan ltar ro/ /mA rA Na ni sgra ngan nyon mongs pa dang rtog pa thams cad rtsad nas gcod pas dngos por 'dzin pa spong ba la'o/ /gand+ha zhes pa ni dri'i mchog bla na med pa ste/ shiM kar ni ka'o zhes sim pas lus sems la bde ba bskyed pa ste sihla dang pad+ma dbang gi dri bro bas/ triSh+Ta na dris bsgo ba ni ye shes nyams pa med pa'i dri'o/ /g+h+ra ha ra ni rdo rje'i chu gtod pa spyi bo nas 'bab pa'i ro rdo rje'o/ /yan ti ni dkyil 'khor te lha'i tshom bu'o/ /a gu li mi ni yan lag ste thams cad byang chub sems kyis rab tu gang bas mtshan dpe grub pa'o/ /amri ta swa na ni srub pa ste/ ra sa ya nA ni bdud rtsi'i sbyor bas bde chen du'o/ /gang dang lhan cig tu na ta la ka ste mkha' 'gro ma ni rigs bdun gyi lus kyis sgo gsum du sdud par byed pa'i phyag rgya can no/ /tri ? ni zhu ba ste spyi bo'i haM las thig le 'bab pas so/ /danda ni char 'bab pa bzlog pa/ gtum mo'i me dang 'khrul 'khor gyis bdud rtsi'i rgyun bzlog pa'o/ /na ra ka na nang lus kyi dkyil 'khor te/ yang na chos nyid la'o/ /Sha nam ni bzhi mdo ste rtsa gsum 'dus pa'i ro gcig pa'o/ /der rnam shes dag pa'i tshul a mo ka ni dur khrod ces rnam par rtog pa 'gag cing mi rtog pa'i ye shes skye ba nyid do/ /ka ki la ni dkyil 'khor sgo bzhi phyi nang gi rnam thar bzhi'o/ /pa shu li ka ni khyim ste 'khor lo lnga'i yul nyer bzhi phyi nang du'o/ /der rnal 'byor ma DA ki ni sring mo lha mo sum cu so bdun kun spyod ma'o/ /me ta ka ni chu bo bdud rtsi'i rgyun zhag chu 'bab pa ltar ro/ /shi rwa ni brdzun no zhes thams cad la sgyu ma lta bur rtogs pa'o/ /kar+Na ni lte ba ste/ chos nyid dbu ma'i snying po spros med lhan cig skyes pa'i ye shes so/ /pA rA tA ni sgra ste/ sna tshogs du ma ting nge 'dzin tu ro gcig pa'o/ /te tsa ni mchod rten no/ zhes ye shes
- 74a
stong nyid zhi ba nyid do/ /srog chags la kuM b+hi ha ni chu srin te/ chu'i khrims ma gos pa'o/ /kriN ra ni me tog ni ma las byung ba'i lus kyi kham so/ /du mu la ni rgod pa ste bde ba lam du 'gyur ba'o/ /du ra d+hya ni chu 'dzin phyi'i sprin te/ nang ni haM las rlung sems 'dres ba'i thig le'i 'byung gnas so/ /d+hu pa ni ma tsaN+Da lI las byung ba'i du bas bdug pa'o/ /lus las nu zhes ri bo bcu gnyis ye shes rgyas par ston pa'i gnas so/ /lus las 'byung bas ri ta ni chu bo phyi nang du chen po bzhi la sogs pa 'bab pa'o/ /na ra d+ha sa ni ro'o/ /zhes ro langs rtog pa 'gag par longs spyod pa'o/ /b+ha dan gi ni gdong ngo zhes lha'i zhal mi 'dra ba glang po che stobs ldan mi ldog pa'o/ /ngag dag par ston par DA ka ni zhes mgrin par A li kA li la dbang thob pa'o/ /A d+hA na ni so'i bcu drug gnyis kyi thig le rtsa bar 'bab pa'o/ /b+hA kI ni rgyal mtshon te rlung sems gnyis med 'khyams mthong ba'o/ /ts+tsha ngo ni yi ge rlung sngags kyi phreng ba'i rnam pa can no/ /tsa la ni tsa la rgyu ba'i rlung 'gro 'ong gi sgra'o/ /pa shu ni ri dags byid rgod dang bral ba'o/ /rigs la dgongs pa rgyud nges pa bstan pa/ sha sa d+h+ra ma ni bram ze'i rigs gzungs sngags so/ /ba ri d+hi ni rgyal rigs gsang sngags so/ /b+hi ra ti ni rje rigs so/ /kru ra ni dmangs rigs bla ma'i sngags so/ /an ta sA ni sme sha can gyi grong ste rtsa'i 'khor lo lnga'o/ /phal gu shaM ni 'bras bu skye ba sum cu rtsa gnyis phyi nang du ye shes 'char ba'o/ /mahA k+Sha ra ma ni pa shu ste/ phyugs chen po ni sgrub pa po ste/ lam rim la myur du sbyor ba'o/ /ga tser ni ra skyes me 'bar ba'i gnas so/ /na ra ni me rtsa g.yas stod cha'o/ /g+ho d+ha ni khyu mchog rtsa g.yon pa bde ba'o/ /ma na ma he ste/ dbu mar lnga na bde chen no/ /b+ha ni sha za ba can/ ye shes ro mnyam du'o/ /d+ha ni rnam grangs ye shes thig le bcu drug go /a d+hya ni rang rig pa'i rgyal po'o/ /g+ha ta ni rig pas gnas dang nye ba'i gnas la sogs pa'o/ /Na d+ha sti ni stong pa nyid bcu drug rtogs pa'o
- 74b
h+ri ni ting nge 'dzin med pa na ngo tsha ba'o/ /ho hi ti ni chos thams cad la ma 'dres par ming rgyu 'bras so so'i bye brag go /chos 'byung stong pa la reg pa ni mi thung gis gcig pa 'bar 'dzag gis khams rgyas pa'o/ /bla la reg pa ni steng nyid du ste gong nas gong du 'gro ba ste/ 'og min gyi bar du khyad par du 'og na med pa'o/ /da ni yongs su bsdu ba phyag rgya'i rigs ldan no/ /phyag rgya lan dpa' bo rnal 'byor pas/ dpal he ru ka'i gsung gi yan lag gi brda ni zhi gnas lhag mthong dbyer med du shin tu bstan pa gsang ba'i don to/ /gang gis gsang ba bla na med pa'i brtul zhugs chen po dag gi brda rnams rgyud chen kun tu sbas pa'i phyag rgya'i gzhi ldan snying po nges pa rnam dag rim pa bstan pa mkha' 'gro'i spyod yul lha dang lha mo yin zhes pa'i don to/ /da ni le'u'i mtshan bstan pa la/ rigs bzhi'i mtshan nyid can gyi ni ye shes las skyes pa la sogs pa 'am yang na/ DA ki ma rdo rje'i rigs la sogs pa'i brda'i tshig lus ngag ye shes kyi brdar brtags pa'i cho ga'i le'u ste nyer bzhi pa'i rnam par bshad pa'o// /da ni dpal 'khor lo sdom pa'i rgyud kyi dgongs pa thun mong ma yin pa'i gsang sngags las/ de nas zhes smos te/ gang zag brtson 'grus can mngon par 'dod pa'i don kun bsgrub pa'i zhes pa las dang dngos grub shin tu myur bar bsgrub pa ni 'dir 'jug pa des pa nyid do/ /sbas pa ni snod dang mi ldan pa skal pa ngan pa'i 'gro ba la'o/ /yang na gong du bsdu ba 'byung yang ni shin tu gsal bar ma smos pa'o/ /brgyad pa'i mthar spyar bar bya ba ni bcom ldan 'das kyi rtsa sngags rkang pa brgyad pa'i rjes su 'brel pa/ 'khor lo gsum gyi dpa' bo rnams kyi sku gsung thugs kyi rtsa ba'i snying po gsal bar bstan pa las/ thog mar oM dpal phun sum tshogs pa bsgrub pa ste/ mthar hUM hUM phaT dang bcas pa so sor bye brag tu ma phyed par rigs gcig tu bsdus pa'i gsang ba bla na med pa bstan pa las/ mos pa dman
- 75a
pa'i sems can gang dag sbas pa rtogs par dka' ba'i phyir/ 'dir shin tu gsal pa gsungs pa ni rmongs shing ste dbang po rtul po'i don du'o/ /mi shes pa ni chos 'di la mos pa yod kyang blo nus med pa/ byams pa dang snying rje'i sems cung zad dang ldan pa lo zhes de dag la nye bar gdams pa'o/ /de las gsang sngags bla na med pa'i don bstan pa la/ dpa' bo ni bcom ldan 'das dpal he ru ka nyid dang rnal 'byor ma ni rdo rje phag mo dang gnyis su med pa'i sku lnga dbyer med las/ de nyid lha tshogs rnams kyi sku gsung thugs rdo rje'i gsang ba gong du bsdu ba las rang gi ngo bo mi gsal bar dkyil 'khor ba'i sa bon gyi tshul du gsungs pa'i don gyi snying po'i gsang sngags ni 'di yin te zhes 'gro lding bI tshul gyi sgra bshad kyi tshul las 'das pas lha'i rnal 'byor gyi las ma gtan dang ldan pas bzlas par bya ba bstan pa'o/ /dpa' bo dang ni rnal 'byor ma rnams lus kyi dkyil 'khor bkod cing gsal byas 'khor lo lnga yi bdag nyid can/ /sgra bcas 'khor bar gyur pa las kyang srog rtsol 'gog pa'i bzlas pa gzhan du ya sde brgyad pa thabs shes dbyer med 'gyur/ /rtsa ba'i gsang sngags rig pa chen po 'di yis ye shes lha rnams ma lus 'bebs par 'gyur ba ste/ /rang 'byung gsang sngags zung 'gyur sku gsung thugs 'khor dam tshig snying po dag pa rdo rje bstan pa'o/ /da ni le'u'i mtshan bstan pa'i phyir/ rtsa ba'i sngags kyi ni dpal he ru ka nyid dang/ gzhan yang sku gsung thugs kyi 'khor lo'i dpa' bo nyi shu rtsa bzhi dang bcas pa'i dkyil 'khor ba'i gsang ba'i cho ga'i don gtan la phab pa'i chos nyid bstan pa'i le'u ste nyer lnga pa'i rnam par bshad pa'o// //de la lam gyi gzhi dam tshig la gnas par bya ba ni/ le'u dang po las shin tu mnyam gzhag sgrub pa pos/ dam tshig rtag tu brkyang bar bya zhes mdor bstan pa yin la/ de nyid rgyas par bshad pa le'u 'dis ston la/ yang bzlog pa'i sgo nas bstan pa/ dam tshig nyams pas dkyil 'khor du/ dbang bskur dngos grub bor? mi
- 75b
'gyur zhes pas so/ /yang dra ba sdom pa las kyang/ sngags pa dam tshig med pa la/ /lha yis bsrung bar mi 'gyur zhing/ gal te dam tshig sdom gnas la/ /ye shes can gyis legs skyob yin/ zhes gsungs pa'i don gyis/ de yang bsrung bar bya ba dang/ mi 'bral ba dang/ bza' pa dang/ spyad par bya ba dang/ brtul zhugs bla na med pa bstan pa'o/ /de nas zhes pa le'u nyer lnga pa/ rtsa ba'i sngags bstan pa'i rjes thogs la'o/ /gzhan yang ni rdo rje theg pa'i lam la gnas pa la khyad par du dam tshig la gnas par bya'o/ /'jig rten gsum po dag ces/ phyi'i ni klu dang mi dang lha'i gnas rnams so/ /nang du ni gnas gsum po'i skye ba rnam pa bzhi po la ma grags pa'o/ /gsang ba ltar na lus can gyis sgo gsum spyod yul lo/ /yong min pa ni bya ba la sogs pa'i rgyud du za ba dang rgya che ba/ bla na med pa'i dam tshig sbas pa'o/ /gzhan las khyad par du bstan pa'i phyir/ sh+rI he ru ka'i sngags zhes pa yid can shes pa skyob pa ste/ sngags kyi rang bzhin lha dang tha dad med pa'i phyir ro/ /de nyid shes na zhes/ bdag dang/ lha sngags/ ye shes kyi de kho na nyid tha mi dad du shes pas dbyer med du 'gyur ba'i don to/ /rgyud gzhan du bstan pa'i gzungs dang rig sngags la bltos pa med par bstan pas gsang sngags thams cad yongs 'dor ba'o zhes/ glang po rnyed nas glang po'i rjes mi tshol ba lta bu'o/ da ni dngos gzhi lam gyi don dngos las/ rigs ldan gyi khyad par ji ltar gnas pa'i tshul gsang ba bstan pa las/ lugs 'byung ni rab tu gtum mo nas/ brtson 'grus chen mo'i bar tu rim pa ji bzhin la'o/ /lugs bzlog pa ni lha mo brtson 'grus chen mo nas lha mo rab gtum mo'i bar du go bzlog nas bstan pa la dgongs pa'o/ /de nyid la rim dang rim las bzlog pa zhes kyang zer ro/ /de dag rang gi ngo bo gang tshul ji ltar gnas she na/ pho nya mo rnams zhes pas rnal 'byor ma rnams so/ /yang dag gnas ni/ dpa' bo rnams dang gnyis su mi ru?
- 76a
dkyil 'khor du gnas pa'o/ /'og gi ni sa 'og gi klu dbang du bya ste/ lha ma yin gyi phug la sogs pa'o/ /steng gi nam mkha' la 'gro ba la sogs pa ral gri la sogs pa'i grub pa'i dngos grub ster ba lha rnams dbang du byed pa'o/ /yang na 'og gi gtum mo 'bar bas sa stengs sa bla'i khams 'dud rtsir dbab pa/ dngos grub ster ni bde stong gi nyams rang byung du 'char ba'o/ /pho nya mo rnams ni lus kyi gnas la sogs par tsaN+Da li 'bar ba'o/ /yang dag gnas ni rtsa dang thig le rlung dbyer med bde bar sbyor bas so/ /rigs ldan phyag rgya bzhi ldan lam du 'gyur ba ni bdag gi pho nya ma kun 'gro ni/ pho nya lhan skyes ma dang zhing skyes ma dang sngags skyes ma ste/ bdag gi bde ba des sa gsum khyab par stong nyid du gnas zhes pa'o/ /de ni las kyi phyag rgya'o/ /byang sems pha dang ma las thob pa de'i byang sems lus kyi spyi gtsug nas rkang thil gyi bar du rten dang brten pa tshul gcig tu khyab par rgyu ba chos rgya'o/ /lus kyi khams dangs ma'i cha dang snyigs ma'i cha 'byed par byed pas rtsa gnas sum cu rtsa gnyis po kun tu 'gro 'od rlung gi nus pa las 'byung ba ni dam tshig go /rang lus sgyu ma lta bu de nyid las/ rigs kyi pho nya rmi lam sgyu ma lta bur shes pas 'od gsal chos nyid kyi ngang du kun tu 'gro bas phyag rgya chen po nyid thob pa'o/ /de las phan yon 'byung ba ni/ pho nya ma de dngos grub ster zhes pas de las lus sems bde bar gnas spros pa med pas zhi gnas/ ye shes bde chen mngon du byas pa lhag mthong ster ba ste phyag rgya bzhi ldan nyams su blangs pas nus pa thogs med du 'byung bas dngos grub kyi dbang phyug rab tu ster ba'o/ /des grub pa'i khyab par ro/ /da ni mngon par dad pa'i khyad par bstan pa'i phyir/ rnal 'byor gnas kyi khyad par nyid ni/ dam tshig med pa'i skye bos dben par sgrub pa pos/ rang byin gyis brlab par bya ste/ rang lus lhar gsal zhing dpal rdo rje rnal 'byor ma'i bde ba lam du bya ba'o/ /tsum bi na zhes rlung srog rtsol 'gog pas/ 'og
- 76b
rlung gyen la drang pa'i sbyong ba dang/ lhag par 'khyud pa lus kyi me dang gnyid ma rtse sprad cing/ kun dar ro ma rkyang ma gnyis 'khyud pa/ lhar rtsa gsum 'dus pa'o/ /de las mthong ba ni tsaN+Da lI cung zad bskul ba mthong bas me lce 'bar pa'o/ /de dang reg pa de bzhi ni/ kun dang nas rgyud de rim gyi byin la gshegs pas bde chen gyi haM la reg pas ji snyed ni byang sems 'bab pa'o/ /rnal 'byor tshogs rnams ni/ thig le bcu drug 'bab pa las/ bde stong lhan cig skyes pa'i ye shes skyes pa la thams cad dngos grub ste/ skad cig ma la nus pa mngon du byed par zhes lam la gang mas pa'o/ /lam nye bar bsgrub pa'i yul bstan pa'i phyir bden dngos thams cad sbyin byed pa zhes pas 'jug pa kun rdzob kyi bden pa sgyu ma lta bu'i ting nge 'dzin gyis dngos po snang la rang bzhin med par ston la/ ldog pa don dam pa'i bden pa thams cad 'od gsal du ston par byed pa'o/ /gzhan du nam yang ma yin no/ /zhes dngos po dang mtshan mar 'dzin pa can thams cad la dgag pa nyid do/ de yang lhag pa'i lam bsgrub pa la pho nya ma rnams zhes pa/ ma ni kun dang thog mar chags pas thugs/ sring mo ro ma/ bu mo rkyang ma ste sku dang gsung/ rig ma ni de gsum la brten nas 'khrul 'khor dang ldan par byas la/ gang zhig tsaN+Da lI 'bar ba/ rtag tu 'bar 'dzag la dmigs pas sngags sbyin pa srog rtsol 'gog pa'i sbyor bas/ de'i de nyid bde ba dang/ stong pa dbyer med pa'i nyams myong drang rtags 'chang ba la cho gar bshad ces sku gsung thugs gnyis med ye shes grub pa'i thabs su bstan pa'o/ /da ni bsrung bar bya ba'i dam tshig dangs bstan pa'i phyir/ de nas rnal 'byor rgyud 'dir ni/ rnyed dka' i dam tshig nga yis bshad ces pas/ thun mong gi rgyud las mchog tu gyur pa'i thabs shes rab gnyis med ston pa'i rgyud 'dir ni/ skal ba dang mi ldan pas drnyed par dka' ba'i dam tshig khyad par pa de yis bshang ces pas/ dam tshig gi ngo bo/ sgra 'jug pa dang/ byed las dbye ba
- 77a
mi nyams par bya ba'i thabs/ nyams na phyir bcos pa la 'jug par bya ba'o/ /de la thog mar rnal 'byor ma'i rgyud du shes rab kho na gtso che bar bstan pa'i phyir/ skyes pa bud med g.yon nas 'gro zhes pa smos te/ gang yang ngo bo nyid kyis rdo rje rnal 'byor ma mdzes ma'i bdag nyid bde chen po dang ldan pa ni/ g.yon pa'i kun tu spyod pa la ni gnas pas bde stong dbyer med du gnas pa'i brda go bar bya ba'o/ /des rigs ldan rnams ni mchod par bya zhes pas/ rigs ldan ye shes kyis lha mo mdzes ma rnams stong pa nyid bcu drug gi ngo bo mchod par 'gyur ba'o/ /de'i phan yon ni 'dod pa'i dngos grub steng bar byed ces pa gnas skabs dang mthar thug tu bla na med pa'i don stsol bar 'gyur ba'o/ /dpal 'khor lo sdom pa'i rgyud 'dir zhugs shing gnas pa mchod par 'os pa la dus rnams kun tu mchod par bstan pa ni/ he ru ka dpal rnal 'byor mchog ni rim pa gnyis la gnas pa'i gang zag de brtul zhugs dang ldan pa/ de las sbyor gzhan med pa ni 'khor ba las skyob pa mnyan pa lta bu yin pa'o/ /slob dpon te rang gi rgyud la yon tan bskyed cing yang dag pa'i lam la khrid pa'o/ /gsang ba'i dbang gi dus su ni rnal 'byor ma de nyid du kun gyi yum ye shes skyed byed yin/ slob ma'i khams rgyud byin gyis brlabs pa'o/ /khyim dang zhing du rnam gnas pa ni 'khor lo lnga la gnas pa'i phyi nang gi rdo rje rnal 'byor ma pho nya lhan cig skyes ma la sogs pa rnams kyis sgrub po rnams shin tu ring ba 'og min la sogs pa ni gnas kyang shes par 'gyur ba ni mngon par shes pas so/ /yang na rnal 'byor pas lhan cig skyes ma dang/ zhing skyes ma rtags kyi sgo nas shes par 'gyur ba'o/ /dpal bde mchog gi rgyud 'di ru ni gang zhugs pa de dag sgrub pa po khyad par du 'gyur pa yin te/ nges par legs pa'i lam khyad par ba la gnas par 'gyur ba nyid du shes par bya ba'i phyir/ bla ma dang mchod par 'os pa rdo rje spun la sogs pa
- 77b
la brnyas mi bya zhing spang mi bya lus kyis gus 'dud/ /ngag gis stan pa brjod/ sems kyis snying brtse bar bya ba ste/ nus pa yis ni mchod par bya ba lhag pa'i lha dang dbyer med du blta bas chos bcu phrag gnyis la sogs pa la mchod par bya ba'o/ /shes rab kyi rang bzhin DA ki ma'i tshogs lam gus pa spang zhing gus pa bsgrub pa ni/ khwa gdong la sogs brgyad po ni zhes pas DA ki de dag dang chos mthun du 'gyur ba'i sems can dud 'gro'i skye gnas la yang mi snang na/ ming gyur ba la lta smos kyang ci dgos te/ gal te smad par byed na nyes byas su 'gyur ba'o// de nyid la gus pas nus pa ni rnam shes kyi las mos pa 'phel bas las ma dag pa dag la dad pa 'phel bar byed pa ye shes kyi las kyis nyon mongs pa'i sgrib pa dag par byed pa'o/ /dus rgyun ma chad par rtag par dngos grub gnyis la sogs pa rnams thob par byed pa dag gi rgyu 'am gzhi rten chos kyi 'byung gnas te/ ye shes mchog tu 'gyur ba spros med shes rab kyi pha rol tu phyin pa don gyi yum la mos par bya ba bstan pa'o/ /de nyid du dam tshig la gnas pa'i gang zag la dpa' bo rnal 'byor ma rnams kyis thugs kyi rjes su 'dzin pas na dam tshig rnams ni skyong byed pa zhes dpal bde mchog nyid kyis 'gro ba 'dul ba'i don du sna tshogs gzugs can du bstan cing/ slob dpon Dom+b+hi pas rtsa ba dang yan lag gi dam tshig thams cad la gnas par bya ba ste/ mnyam rjes gnyis su med pas gnas par bya zhes so// khyad par du rigs ldan spang bar mi bya ste/ /lha mo gzhan dang kun sbyor ba zhes bdag nyid dpal he ru kar bya ste/ lha mo bcu gnyis po la sogs pa thams cad kyang rdo rje rnal 'byor ma nyid du bskyed cing mnyam par sbyor ba las/ dkyil 'khor du ma gtogs pa gzhan la brten par mi bya ba yul gyi dbye bas shes par bya ba'o/ /'dod pas chags par bya ba min zhes smos pas/ tha mal 'jig rten pa'i spyod pas bsten pa ni ltung bar 'gyur bas dgag bya'o/ /da ni bza' bar bya ba'i dam tshig la/ gnyis su med dang zhes sha lnga bdud rtsi
- 78a
lnga la sogs pa la blang dor spangs pas ro mnyam du spyod la/ thogs pa med ces gsang bar bya ba'i rdzas dang mchod pa'i yo byad/ ga Na tsakra'i byed pa dang rten la sogs pa gzhan la mi bstan cing gsang ba bsgrag par mi bya ba'o/ /dam tshig spyod pa'i spyad bya ba ni/ dam tshig can legs par brtags pas/ bsnyen sgrub kyi yan lag gis sbyangs nas spyod pa'i rim pa la gnas par bya ba'o/ /gsang ba'i spyod pa ye shes bsgrub pas gnas pa bstan pa'i phyir lha mo'i dbang phyug legs par sbyor ba ni sngags skyes kyi rigs ldan legs par sbyangs pa ste/ dang po gso sbyong sbyin pa nas/ bslab pa dang/ thos bsam dbang dang bsam gtan yab yum gyi snying po dgod pa dang byin brlabs dang ldan pas bsten pa'o/ /de bzhin bsam gtan gyi tshangs spyod ces tshad med bzhi dang ldan pas de bzhin nyid lha dang ye shes kyi bsam gtan bde ba la stong pas rgyas 'debs pas tshangs par spyod pa bde stong gnyis med du gyur pa la so sor thar pa'i ltung ba lta bus gos pa med do/ /nyon mongs pa zil gyis mnan pa'i phyir ro/ /khro med bu gar kun spyod pa zhes pa/ dgos pa dang mi ldan zhing yon tan med bzhin du byang sems rtse mo las dbyung bar mi bya ba ste/ rten dang brten pa me tog dang dri lta bu ste/ de dang 'gal na ltung ba'o/ /de'i nyams myong la dang ba nyid kyis gal te ltung na zhes blang gi /mig dang lag pas ma yin no zhes dgag bya'o/ /de dag gi gzhung nye bar bsdu ba'i phyir/ /'di brgyad dam tshig kun spyod min zhes pas/ g.yon pa kun spyod/ bla ma dang mchod 'os mchod pa/ sha lnga bdud rtsi la blang dor med pas tshes bcu dang/ rgyud 'di zhugs pa la mi smad pa/ dud 'gro'i skye gnas la smad pa spang ba/ kun da mi spang zhing spel ba/ dam tshig gnyis 'dzin rtog pa spong ba/ tshangs par spyod pa can no/ /rnal 'byor pas bsnyen pa dang/ sgrub pa dang nye bar sgrub pa la gnas pa ni yan lag bzhi ldan du spyod pa'o//
- 78b
sgrub pa pos ni rtag tu lus kyis mtho ris dang sems kyis thar pa mchog shes pas gnas par bya ba'o/ /rgyud rnams thams cad thun mong du ni/ bya ba spyod pa rnal 'byor bla na med pa thams cad du dam tshig gsang ba spyod pa'o/ /rgyu med par ni bcom mi bya zhes thams cad mkhyen pa thob par byed pa'i rgyu'i gtso bo sdom pa dang dam tshig la gnas par bya ba/ ltung ba mi bcab yon tan mi bsgrag /bsam gtan la gnas pa la bslab pa'o/ /bde ba khyad par grub pa nye bar gyur pa ni/ /pho nya ma rnams ni lhan skyes zhing skyes sngags skyes rnams so/ /yang dag gnas pa ni lus ngag yid bde bar skyob pa'o/ /shes rab ma'i mchog gi gsang rtsa blo ldan rnal 'byor pas/ mthe chung bskyod pa ni g.yon ngos kyi rdo rje dbyings phyug ma'i rtsa lam du gyur pas/ bde ba chen por gnas par bya ba gsang ba'i spyod pa bstan pa'o/ /yang DA ki ma rigs lnga las 'jig rten gyi DA ki mas tshar bcad rjes 'dzin gyi phrin las byed pa ste/ mthe chung lta bu/ blo ldan gyis bskyod pa ni rnal 'byor pas DA ki dbang du gyur pa'o/ /der ni pho nya ma rnams yang dag gnas pa/ phyi nang gi srid pa gsum la gnas nas dngos grub stsol ba'o/ /da ni rten gyi gang zag bstan pa la/ rgyud 'dir 'jug pa'i gang zag ngos gzung ba'i dbang du byas nas ma dag pa la gnyis las/ rang bzhin gyis ma dag pa dbang po dman pa 'jig rten 'khrul pa'i dbang du song ba dngos 'dzin shas che ba'o/ /sbyangs pas ma dag pa/ las dang po bslab dang lam dang/ dbang gis ma sbyangs pa des ni nyes byed ces/ dad pa'i rjes su 'brang zhing bla ma bstan cing thun mong ba la blo rim gyis sbyang ba la bslab par bya'o/ /gnyis pa dag pa ni rang bzhin gyis dad pa shes rab snying rje can/ /dngos 'dzin shas chung ba/ zab mo la lhag par mos pa'o sbyangs pas dag pa ni/ bslab pa/ lam/ dbang gis smin pas rgyud rnam par dag pa chos kyi rjes su 'brang ba/ ye shes myur du skyeng rung ba'i gang zag
- 79a
go/ de nyid ngo bo nyid kyi yon tan dang ldan pa'i mi dam pa'i chos la dang gis gnas pa'o/ /'dres pa ste zhes pas/ dbang po 'bring du gyur pa/ rigs ma nges pa/ rkyen dbang can la/ gsal byed ni/ grogs bzang po dang ma bral ba gces te/ bsgom pa la 'bad na lha'i ting nge 'dzin la sogs pa la nus pa cung zad gsal bar 'byung pa'o/ /de dag la sgrub pa po ni gsum du gnas zhes pas dbang po rab 'bring gsum du nges la/ yang na thos bsam sgom pa byed pa'o/ /de'i rgyu'i rgyud du bstan pa yang yin no/ /le'u mtshan la/ slob ma yongs su brtag pa snod kyi bye brag shes par bya ba dang sdom pa'i cho ga ni khyad par gyi sdom pas dam tshig la gnas par bya ba'o/ /le'u nyer drug pa bstan pa'o// //le'u 'dis ni spyod pa gtso bor ston te/ de yang le'u dang por/ mchog dang 'bring dang tha ma ste/ pho nyas lhan cig skyes dngos grub/ ces pas mdor bstan la/ rgyas par bshad pa le'u lngas ston pa las/ spyod pa rang gi ngo bo dang/ nges pa'i tshig dang/ byed las dang/ spyod pa ma byas pa'i skyon dang/ spyod pa bya ba'i dus dang/ spyod pa'i phan yon bstan pa dang/ spyod pa'i dbye ba'o/ /de la dang po ni ting nge 'dzin gong nas gong du bogs 'don par byed cing blang dor med pas chos thams cad la ro mnyam pa nyid du spyod pa'o/ /nus pas gzhan ma dad pa bzlog pas rdo rje theg pa'i che ba ston pa'o/ /nges pa sgra 'jug pa'i rgyu mtshan ni yo ga tsarya ste lha'i brtul zhugs kyis tha mal pa'i rtog pa btsan thabs su spyod pa'o/ /byed las ni/ bag la nyal rtsa ba nas 'dag la/ 'jig rten gyi chos brgyad zil gyis gnon zhing/ ro snyoms pa dang/ rnam shes kyi tshar bcad pa dang/ ye shes kyi las kyis gsad pa gso bar nus pas byed pa bstan pa'o/ /spyod pa bya ba'i dus tshod ni/ tshogs lam mngon du gyur nas/ sbyor ba'i lam drod chen po thob nas
- 79b
spyod pa bya'o/ /'di nyid kyi le'u nyer dgu pa las/ ji srid dro ba'i bya ba dag /mngon par brtson pas rtogs par bya zhes pa dang/ kye rdo rje las kyang/ cung zad drod ni thob pa na/ spyod pa 'di ni spyad par bya zhes gsungs pa'i don to/ /spyod pa ma byas pa'i skyon ni las kyi sgrib pa myur du mi spong zhing 'bras bu dang rgyar ring bar 'gyur ba'o/ /phan yon ni 'bras bu myur du thob pas mtshan nyid theg pa la sogs pa las khyad par du gyur pa'o/ /spyod pa'i dbye ba bstan pa la/ kun tu bzang po dang/ mgon po kun spyod dang/ dpal ldan rgyal tshab kyi spyod pa dang/ gsang spyod sbas pa'i tshul dang/ mnyam gzhag chen po dang/ rig pa brtul zhugs dang/ phyogs las rnam par rgyal ba'i spyod pa'o/ /rig pa brtul zhugs la gsum ste/ spros bcas dang/ spros med dang/ shin tu spros med kyi spyod pa'o/ /dang po mdor bstan pa ni/ de nas zhes spyod pa rang gi ngo bo rnal 'byor spyod brtul zhugs zhes smos te/ thabs dang shes rab dbyer med du sbyor ba lha yab yum la dmigs pa ste/ lha'i rnal 'byor/ bde ba sgyu ma lta bu dang stong pa nyid gnyis med du sbyor bas lhan cig skyes pa'i ye shes la goms par byed pas/ spyod pa yang rang gi blo'i 'jug pas rim gyis pa dang/ cig car bar bzhed do/ /rnal 'byor ma kun rab sgrub byed ces pa/ las kyi phyag rgya dang/ chos kyi dang/ phyag rgya chen po dang/ dam tshig gi phyag rgyas/ lus sems grub ste gcig pa la/ bde ba dang/ gsal ba/ mi rtog pa/ ro gcig lhan cig skyes pa mi 'gyur ba rang grub 'gyur pa'o/ /dngos grub myur du thob byed pa zhes pas/ dgongs pa khyad par can bstan pa ste/ las chen thams cad dang/ dngos grub bla na med pa'i mchog stsol bas bde ba chen po 'thob pa'o/ /cho ga thams cad shes par bya zhes/ a ba d+hU tI pa'i spyod pa dang/ b+hu su ku dang/ smyon pa lta bu/ nyi ma lta bu la sogs pa mngon du bya ba'o/ /
- 80a
de yang rim pa gnyis kyi rnal 'byor la gnas pas gtsang sbra'i gnas la 'jug pa bstan pa'i phyir/ phyag rgya sngags bcas sgrub pa pos zhes smos te/ bdag dang lha yab yum ldan pa dang/ sngags dang/ ye shes kyi de kho na nyid kyi ting nge 'dzin la gnas pas/ mnyam rjes tha mi dad du gnas par bya zhes so/ /bdag dang lha dbyer med du bya ba'i bsam gtan gyis spyod par yang/ mchod pa nyid la rab tu 'jug ces pas/ dbang pos yul la longs spyod pa thabs shes rab gnyis med du rol pa'i bde bas bdag gzhan brtan g.yo khyab pa la'o/ /'di las gzhan pa'i mchod pa med ces phyi dang nang de kho na nyid dang ldan pas so/ /de nyid bstan bcos nges pa yin zhes sgyu ma bde mchog la sogs par chags sogs rol mo rgya chen po dang ldan pa yang 'dir 'jug pa'i mchog gi spyad pa lha mo nyi shu dang spyod pa bstan to/ /bde ba gcod sgrub pa ni pho nya'i lam la dga' ba dang ni/ dkyil 'khor 'khor lo'i lam bstan pa'o/ /mi rtog pa'i ye shes lam du byed pa ni/ sgrub pa po ni dngos grub brtson pa/ rnam par mi rtog pa rang byin gyis brlab pa'i lam gnas pas so/ /phyag rgyar yang dag ldan rig sngags zhes pa ni/ bdag nyid dpal he ru ka dang dpal rdo rje rnal 'byor ma dang dbyer med du sbyor bas sgo gsum rdo rje gsum ldan du sbyor ba'o/ /'dir khyad par gyi tshogs kyi 'khor la la spyad par bstan pa'i phyir/ sgrub pa pos ni legs pa nyid ni/ /dur khrod la sogs pa'i gnas khyad par can der/ tshogs kyi dkyil 'khor bkod pa ste rnal 'byor ba dang rnal 'byor ma la grangs dang mnyam tshogs pa las/ mchod pa dang gtor mchog rdzas la sogs pa phun sum tshogs pa dang ldan pas mnyam par gzhag pas thams cad lha'i bsam gtan dang ldan par byas la/ dang por ye shes kyi dkyil 'khor spyan drang zhing go bgo dbang bskur ba dang ldan pa la/ phyi nang de kho na nyid kyis
- 80b
mchod pas sku gsung thugs byin gyis brlabs pas/ dri'i byug pa sngon du 'gro bas kun kyang lha'i ting nge 'dzin du gnas pa las/ sha lnga bdud rtsi lnga la sogs pa la bza' bar bya ba dang bza' bar bya ba ma yin pa mi rtog pas rtog pa thams cad rnam par spangs la/ ba la dang ma da nam la sogs pa la/ kun la nye bar spyad bya zhing ni glu dang gar la sogs pa'i mthar/ pho nya rigs ldan rnams la ni zhes pas/ bdag nyid he ru kar gnas pas/ phyogs kyi lha mo bzhir 'byung ba bzhi dag pas sbyor la/ mtshams kyi lha mo gshin rje brtan ma la sogs pas gzugs rdo rje sgra rdo rje dri rdo rje ro rdo rje ma'i rnam par spyod la/ sgo srungs bzhi ni/ dgug gzhug dbang du bya ba dgyes pa bskyed pa'i tshul gyis spyod par 'gyur la/ reg bya rdo rje ni dpal rdo rje rnal 'byor ma nyid de/ rnal 'byor ma bcu gsum gtso bo dang rol la/ gzhan dpa' bo dang rnal 'byor ma rnams so so mnyam par rol pa ston pa las/ de nyid du ni dbyer med ces pas 'khor lo lnga'i lha tshogs thabs shes rab gnyis su med pa'i bde ba de yis tshogs khyad par can rdzogs pa'o/ /de las khyad par phyag rgya bzhi ldan ni/ pho nya ma ni gnyis bsgrub bya zhes pas/ chos kyi phyag rgya bskyed rims dus kyi rig ma dang/ las kyi phyag rgya'i dkyil 'khor 'khor lo'i dus kyi'o/ /de dag dang bde ba bsgrub par bya ba bstan pa'o/ /dngos grub cho ga la spyod tshe ni chos thams cad la sgyu ma lta bu'i ting nge 'dzin la brten nas dkyil 'khor lhag pa'i lha dang gnyis su med pa dam tshig phyag rgya las mi 'da' ba' o/ /pho nya gcig bu kho na yin ni dpal rdo rje rnal 'byor ma phyag rgya chen po bla na med pa'i ye shes su sbyar bas 'grub pa'o/ spyod pa'i yul gnas kyi khyad par las byung ba'i rtag pa bstan pa'i phyir/ yul dang yul der bgrod nas ni pho nya'i gzugs ni mtshon par bya zhes pas/ 'di la'ang phyi dang nang gi dkyil 'khor las/ phyi'i ni gnas sum cu rtsa gnyis la sogs par spyod par bya ste/ pho nya zhing skyes ma dang lhan cig tu spyod pa bya bas lam
- 81a
myur du bgrod la/ nad lus kyi dkyil 'khor kun tu spyod pa/ thun byed pa de'i bar du 'pho ba ngos zin pas gnas 'di rnams su rnal 'byor ma/ rtsa gzugs mdzes pas yang dag gnas zhes pas lam du bya ba'o/ /pho nya ral gri'i so 'dra zhing/ /dag byed bsod nams 'phel byed yin no/ /dbang bzhi lam dang ldan pa dang sbyar ba'o/ /de bzhin pho nya legs 'dres pa zhes pa/ rnam pa gsum du ni/ lhan skyes zhing skyes/ sngags skyes gsum gcig tu bya ba'o/ /rnam pa bzhi ni/ phyag rgya bzhi dang rnal 'byor pa rgyud gcig tu sbyor ba'o/ /sgrub pa pos dngos grub thob pa ni/ bsam gtan gyi nyer bsdogs thob pas bsam gtan gyi dngos gzhi skyes nas yon tan du ma byung ba'o/ /nang gi don mngon du gyur pas phyi rol bltos pa mang par bstan pa'i phyir/ rig sngags kyi bzlas brjod dang/ phyi rol gyi lha mchod pa'i rim pa'i dngos po mtshan ma'i bsam gtan med par yang/ myur ba nyid du 'grub par 'gyur ba rang gar grub pa bstan pa'o/ /de las gnas la sogs par bgrod pas yon tan 'char ba dang/ nang du lus kyi gnas dang nye ba'i gnas la sogs pas/ rlung sems la gnad du chud pas/ sa dang po'i bden pa mngon du byed par 'gyur ba ni/ rab dga' nyid dang phyag rgya chen po'i dngos grub ni/ lus kyi rtsa mdud grol bas/ der byang chub kyi sems stobs su 'gyur rlung gnas pa la dbang thob pas/ sgrub pa dag snang stong gnyis med sgyu ma lta bu las/ nye bar sgrub pa gsal stong dang/ sgrub pa bde stong/ sgrub pa chen po gnyis med ye shes mngon du 'gyur ba ni lhan cig skyes pa'i ye shes rgyu skyes te/ rgyu bar la gnas pa'i de bzhin gshegs pa'i snying po la/ rkyen bla ma brgyud pa'i rim pas byin rlabs thob pa yis/ dbang bskur ba sngon du 'gro bas rgyud smin par gyur pas ni/ rten 'brel gyi che bas sngags legs ldan mos gus chen pos/ brtson 'grus brtsams pas
- 81b
lam gyi rim pa thams cad yang dag rdzogs pa ste/ myur du bla na med pa thob pa'o/ /khyad par gyi lam las/ gtong ba ni sbyin pa'o/ /tshul khrims ni sdom pa gsang ba'o/ /ldan pa ni bzod pa dang po/ /chags med ni brtson 'grus thogs pa med pa/ dang tshul ldan ni bsam gtan phyag rgya chen po/ shes rab legs sbyor ni thabs/ 'du 'bral med par sbyor ba stobs/ yang dag ni smon lam pho nya ni ye shes sngon du 'gro zhing ye shes kyi don dang ldan pa'o/ /pho nya rnams ni khyad par sa bcu rdzogs pas pha rol phyin pa bcu'o/ /da ni lam thams cad myur du gcod pa la pho nya zhes ming du grags pa'o/ /da ni lam gyi rim pa mngon par rtogs pa go rims bzhin du dmigs par bya ba'i phyir/ re zhig bdag nyid ldang ba las zhes pa ni/ rnal 'byor pas/ nyal ba 'od gsal chos sku/ rmi lam long sku lta bu/ sad pa sprul pa sku'i tshul du Da ma ru'i sgras bskul ba las thugs rje'i ngang las bzhengs pa ste/ rnal 'byor dang bdag dang gnas bsrung ba dang tshogs gnyis dang ldan pa sngon du 'gro bas/ gzugs kyi bya ba kun bya ste ni/ rten 'byung bzhi rims brtsegs nas/ rten gzhal yas brten pa lha'i 'khor lo dang bcas pa cig car du rdzogs pa bskyed pa dam tshig gi dkyil 'khor bskyed pa la shin tu spyad pa ni ye shes sems dpa' i dkyil 'khor phrag gnyis spyan drangs pa'o/ /lus kyis ni phyag rgya dang/ rkang pa mnan pa/ mig gyen du blta ba la sogs pa'o/ /rtag tu sngags ni brjod par bya ba ni oM A hUM/ sarba bI ra yo gi ni kA ya bAk+tsat+tiM badzra swa b+ha ba At+ma ko /zhes pas stong pa nyid dang/ haM zhes pas bde ba chen po ste/ bde stong dbyer med du/ lhan skyes/ zhing skyes/ 'jig rten dam tshig gi dpa' bo rnal 'byor ma rnams mnyam pa nyid du ro gcig par gyur par blta'o/ /sku gsung thugs rdo rje mi phyed pas/ lus la gnas pa ni bdag gi lus kyi dkyil 'khor pa rnams dang gnyis med du bya ba'o/ /oM badzra shud+d+has brtan par
- 82a
gyur pa la/ dag byed byas pa ni dbang bskur ba'o/ /lus la shin tu mtshon cha ni go cha gsum bgo pa'o/ /rgyas gdab pa dang ldan pa la/ rnal 'byor gnas rnams ni/ byang chub phyogs chos bsam pa'o/ /des brtan zhing ni rdo rje 'dzin la gnas pas/ de kho na nyid kyi mchod pa dang rjes su 'brel ba'o/ /yang sngags ni brjod par bya ba bzlas pa'i rnal 'byor ro/ /mngon par phyogs pas gnas par bya ba ni bdud rtsi myang zhing dkyil 'khor nye bar bsdu ba bstan pa'o/ da ni spyod pa'i de kho na nyid bstan pa'i phyir grol ba'i don dang bde don du ni/ rim pa bla na med pa'i bsam gtan la gnas pa dang/ lhan cig skyes pa ye shes kyi rol ba la gnas par bya ba'o/ /de dang ni rig ma'o/ /lhan cig bde ba bya ba ni dkyil 'khor 'khor lo'i lam bstan pa'o/ /'di dang lhan cig spyod pa bya ba ni 'dod pa'i yon tan lha mo gzugs rdo rje ma la sogs pas ye shes la rol pa'i spyod pa bstan pa'o/ /gzhan dam tshog gi spyod pa bstan pa ni/ mtshon bya rnams ni 'gom mi bya ba ni/ rdo rje dril bu la sogs pa lha'i phyag mtshan du gyur pa rnams te/ nang don du rigs lnga'i cha shas kyi rtags dang ldan pa'i rnal 'byor pa la'o/ /rdo rje sdun? la sogs pa dang rig ma bde chen brgyad dag dam tshig can la khro mi bya zhes bsrung pa'i dam tshig la gnas par bya ba bstan to/ /da ni brtul zhugs kyi spyod pa ji ltar spyod pa bstan pa la/ mtshan mo rtag par nam mkha' i gos ni/ rnal 'byor pa dang rig ma dag dur khrod du rgyu zhing gtser bur bya ba'o/ /gnag dang dmar bar rtag bsgyur bya ba lus rnal ma mi shes par bya ba'i don du'o/ /nang don du dpal he ru ka dang/ rdo rje rnal 'byor ma'i nga rgyal du bya ba'o/ /gos kyi bye brag ji ltar bgo ba ni/ srog chags yan lag las byung gyon zhes pa glang chen zhing lpags stong g.yogs snam sbyar/ smad la dur khrod ras dang stag gi sham thabs dang ldan pa'i byin gyis brlabs pa'i
- 82b
gos 'chad ba'o/ /bde ba 'dod pas bde thob 'gyur ba ni/ zag bcas kyi bde ba la brten nas zag med ye shes kyi bde ba dman pa thob pa'o/ /da ni phyag rgya drug gi rgyan 'chad pas rgyas gdab pa bstan pa'i phyir/ phyi rol bas btags pa'i phyir/ mchod phyir thogs ni yongs spangs gtsang zhes pa/ dpal bde chen ye shes kyi rgyan tshangs skud sgril ma 'chang pas A li kA lis brgyan pa'o/ /sh+rI he ru kas byin gyis brlabs pa ni/ ris drug pa'i bdag nyid kyis so/ /phyag rgya lnga pa yang dag ldan ni/ dpal rdo rje rnal 'byor ma la drug pa thal chen gyis byug pa med de/ rigs lngas rgyas gdab pa nyid do/ /lam bsgom pa'i dus su ni sngags brjod pa nyid rgyan du 'gyur bas yang dus kun tu spros bcas la sogs par de dag thams cad du ni yang dag dpyad pa rgyan sngags dang lha'i rgyas gdab mtshon pa'o/ /nga ni dpa' bo'i phyag rgya drug bstan pa'i phyir/ mgul rgyan ni rdo rje rnal 'byor ma'i rtsa ba'i sngags kyis tshul khrims kyi pha rol tu phyin pa/ gdu bu dang dpung rgyan dpa' bo lnga'i go cha'i sngags kyis sbyin pa/ rna ba'i rgyan ni he ru ka'i nye ba'i snying pos bzod pa/ spyi bor 'khor los rnam par brgyan pa thod pa lnga dang ldan pa ni rdo rje rnam snang mdzad mas brtson 'grus tshangs pa'i skud pa ni thogs med ldan te/ dpa' bo nyi shu rtsa bzhi'i rtsa sngags kyis se mo do ste sna tshogs nor bu'i ngo shal 'phyad bas te/ zhabs gdub dang bcas pa'o/ /ska rags 'og pag sil sil sgra sgrogs pa ni rnal 'byor ma go cha'i sngags kyi bsam gtan no/ /mgo bo'i phreng bas mgul du sbyangs pa ni/ bdud ris bskral ba'i thod pa rlon pa lnga bcu'i phreng ba ste/ sh+rI he ru ka'i snying pos byin gyis brlab pa'o/ /dpa' bo'i lus thal chen gyis khyab par byug pa ni/ dpal rdo rje sems dpas shes rab kyi pha rol tu phyin pa dang ldan pa'o/ /rdo rje ni sgo gsum lha'i nga rgyal lo/ /thod pa ni mchod yon snod do/ /kha twAM ga ni lha sku sgyu ma mtshon pa'o//
- 83a
Da ma ru dang ldan pa ni chos sgra'o/ /hUM sgra sgrogs pa ni bdud tshogs zil gyis gnon par mdzad pa'o/ /dus kun tu ni rnam par gnas pa ni/ thog ma bar dang tha ma kun tu rig pa brtul zhugs kyis sbyong pa ste/ oM sh+rI sarba ta thA ga ta dz+nyA na ku la sa muts+tsha badzra a b+hi Shtri na sa ma ya stwaM ces thams cad bde chen ye shes gcig pa'i ngo bor sdom pa'o/ /mtshan mo rtag par gsal bya zhing ni dur khrod la sogs par rgyu bar mos pa bya ba rje btsun mas byin gyis brlabs pa'o/ /nyin par gsal ba nyid du bya ba dpal he ru ka'i nga rgyal dang ldan pas dus byin gyis brlab pa rnam dag bstan pa'o/ /dpa' bo rnal 'byor go chas brgyan ces pa ni/ thabs kyi go cha/ shes rab kyi go cha/ go cha chen po dag gis rab tu brgyan par 'gyur ba'o/ / des brtul zhugs kyi spyod pa'i de kho na nyid bstan cing/ da ni bden pa gnyis dag pa'i don la/ dbye ba'i ye shes shin tu sbas zhes smos te/ 'jug pa kun rdzob kyi ye shes las/ ldog pa don dam pa'i ye shes/ dag pa 'jig rten pa las/ dpe don gyis byed pas lhan cig skyes pa'i ye shes ngos gzung ba bstan te/ da ni ye shes yongs su dag pa'i lam bstan par bya ba'i phyir/ gtsang sbra gsum du shes bya zhing zhes smos te/ 'di la thun mongs khyad par ba gnyis las/ dang po ni thun mong gi gtsang sbra bya ba dang/ spyod pa'i rgyud bzhin du rnam par gnas pa ni/ nye reg dang 'thor 'thung la sogs pa lhar mos pa tsam dang/ rigs sngags kyi bzlas brjod tsam gyis/ gang zag gi lus ngag yid dag par byed pa yin la/ rnal 'byor gyi rgyud bzhin du lce dang lag pa byin gyis brlabs pa nas sgo gsum nus pa mthu ldan du byin gyis rlob pa dang/ go bgo zhing bka' nan bcing ba la sogs pas dag par byed pa'o/ /khyad par gsang ba bla na med pa'i rgyud 'di nyid bzhin lta dang
- 83b
ye shes gnyis med lhan cig skyes pa'i rnam par gnas pas/ thabs shes rab gnyis med kyi bde ba bsgrub pa'i don gyis bde stong dang ma bral bar spyod pas ye shes la gnas par bya ba'o/ /rigs dang ni zhes rang rigs kyi nang don gyis lha dang sngags las byung ba dang/ rigs min te gzhan pa'i lha phyi'i sngags las byung ba'i yul spang blang gi dor mi lta bar/ thams cad gsang chen rigs gcig tu gnas par bya ba'o/ /pho nya'i gtsang sbra dang po yin zhes pa la/ don khyad par du byed pa la bzhi ste/ bum dbang lta'i rnal 'byor gyi pho nya dang/ gsang dbang bdag byin gyis brlabs pa'i pho nya dang/ dbang gsum par rang rig pa'i pho nya dang/ bzhi par rang rig pa'i skyes bu ye shes kyi pho nya bstan pa'o/ /gnyis pa bzhi pa'i btung ba yin zhes pas/ dang por lha dbang bskur bas dag byed btung ba/ gnyis pas 'chi med bdud rtsi myang ba gsum pas bde chen ro mnyam du btung ba/ bzhi pas spros med 'od gsal du btung bar bya ba'o/ /snod cig tu ni za ba ni zhes pas/ dang por snang stong gnyis med ro mnyam du za ba/ gnyis pas gsal stong gnyis med ro mnyam du za ba/ gsum pas bde stong gnyis med ro mnyam du/ bzhi pas dngos po dang dngos med thams cad phyag rgya chen po lhan cig skyes pa'i dang du za ba'o/ /de nyams rtogs gnyis med du dpyad pa'o/ /gtsang sbra bzhi yin par bshad ces pa rnal 'byor pa'i sgo gsum sbyang ba'i don du grangs dang go rims nges pa'o/ /de ni de kho na nyid rnam dag gsang ba'i spyod pa bstan pa'i phyir/ /rnal 'byor bas rtag par ni/ mnyam gzhag mnyam langs kyis dus rnam dag la gnas la/ dri ma sam gos par spyod pa'o/ /gtsang sbra 'di dag rab bskyangs pas zhes pa nas/ rigs skyes chos ldan rgyal por 'gyur/ /zhes pa'i bar du/ lam la bslab pa'i yon tan dang/ spyod pa'i khyad par gyis gnas skabs dang mthar thug gi yon tan
- 84a
'byung ba bstan pa dang/ lam gyi khyad par gyis rim pa gsang ba grub cing/ ye shes 'thob tshul dang/ gsang chen gyi spyod pa la gnas pa'i nus pa thob la/ sa lam bgrod tshul gyis mngon du 'gyur ba ston pa'o/ /de nyid spyod pa'i brtul zhugs dang ldan pas gsang sbra'i don bstan nas/ de ltar rtag tu mchod byas nas/ zhes zhi ba'i btung ba bde chen ye shes su'o/ /bza' bca' btung la sogs ldan pas zhes gang du rnal 'byor pa dam tshig 'dus pa'i tshigs la tshogs kyi mchod pas mnyes par bya ba la/ bdag nyid sangs rgyas kun sogs mchod ni bdag nyid dang grogs dag dang bcas pas dkyil 'khor pa'i lha'i rnal 'byor dang ldan pas phyi nang de kho na nyid kyi rim pas/ mnyes par bya ba bstan to/ /de yang tshogs sogs la phyi rol mchod pa maN+Dal tshem bu bkod pa dang/ zhing skyong gi maN+Dal dang/ DA ki'i maN+Dal/ bla ma mchod pa ste/ ci 'byor pa'i rdzas rim par bshams la/ lag mchor bya zhing/ dad pa yis ni gtor ma dbul zhes pas dang por 'jig rten las 'das pa'i dkyil 'khor ba dbul ba'o/ /gnyis pa DA ki'i tshogs dang zhing skyong rnams la/ gsum pa chos skyong la sogs pa dur khrod na gnas pa thams cad la dbul bar bya ba ste/ de ltar yang/ gru gsum dkyil 'khor du ni dgod/ /dmar po me tog spos tshogs kyis/ / bdud rtsi lnga yi khyad par las/ /'byung po 'dul byed he ru kas/ byin brlabs khyad par ldan pa yis/ /sngon bzhin dam tshig dgug bstim gyis/ /gnyis med gnas la legs mchod do/ /oM shing gcig dang ni dur khrod dang/ /ri bo drag dang phug rnams la/ /bzhi mdo dang ni lam srang zhing/ /lha khang khyad par khyim stod gnas/ /bas mdza' chu dang thang stong dang/ /sa stengs gdol pa'i khyim gnas sogs/ /nag po drag po drag chen po/ /lha sbyin ma rungs mnyam rten dang/ /nag mo gtsigs
- 84b
pas 'jigs ston pa/ /dga' ba las 'das bgegs rgyal po/ /rgan byad ma dang drag mo dang/ /'jig byed ma dang u mas bstod/ /rgyal mo rnam par rgyal mo dang/ /thub byed gzhan gyis mi thub ma/ /nag mo bzang mo nag chen mo/ /nag spom sngo bsangs rnal 'byor ma/ /dga' byed ma dang za byed ma/ /drag mo sdang byed lam pa ki /'phrod byed ma dang mar me ma/ /'joms byed yul gnas rnal 'byor ma/ /drag po'i gzugs dang gzugs chen mo/ /mche ba gtsigs dang thod can ma/ /thod phreng mgo bo'i phreng can ma/ /kha TwAM ga ma rdzu 'phrul che/ / ral gri dgra sta lag 'dzin dang/ /rdo rje de bzhin gzhu lag can/ /mkha' 'gro lnga yi bdag nyid che/ /las kun rjes su sgrub byed pa'i/ /sbyor ba'i dkyil 'khor rgyal po che/ /rdo rje dbang phyug de bzhin gtso/ /de bzhin gshegs pa'i sku chen po/ /gos med sbyor ba skyed byed ma/ /rdo rje dbang phyug ma bka' yis/ /rdo rje khro bo kro bo che/ /rab tu 'bar ba 'jigs pa'i tshogs/ /byang chub sems kyi rtogs mdzad ma/ /rdo rje sems dpa' i dngos grub ldan/ /gus pas bdag la bka' drin skyobs/ /rdo rje dril bu mngon bsgrags nas/ /bstod pa 'di yis nya bar mchod/ /ces pas bskul bar bya ba'o/ /de nas lha tshogs de dag la phrin las bcol ba ni rang 'dod pa'i las rnam la zhes mngon par 'dod don gsol ba gdab pa'o/ /ji ltar cho ga'i sbyor ba yis zhes pa ni dang por bla ma mchod pa/ de nas dkyil 'khor pa la rig ma lha mo bcu drug la sogs pas mchod/ bstod cing sdig pa bshags pa la sogs pa bya ba'o/ /de nas dpal he ru ka dang rje btsun ma'i snying po nye snying/ mchod sngags yab yum tha d+d pa'i sngags kyis dang phreng sngags dang/ rtsa ba'i rkang pa brgyad pa'i dang/ thugs gsung sku'i 'khor lo'i rtsa sngags dang/ dam tshig 'khor los kyang ngo/ /yum rje btsun ma'i rtsa sngags ring po dang bcas pas mchod par bya'o/ /de nas dkyil 'khor pa la gsol ba gdab cing/ lha
- 85a
dang bla ma DA ki thams cad las 'od zer du ma dang/ gnyis med sbyor ba las byung ba'i bdud rtsi 'bab pa bdag nyid la bstim mo/ /dus ni mtshan mo ste spyod lam ni sgrub po skra grol zhing gcer bur gyur pas lha'i rnal 'byor brtul zhugs can gyis gtor ma sbyin zhes so/ /dad pas ci 'dod dbul bar bya bas las dang dngos grub gsol bar byed pa'o/ /dus rgyun tu 'am/ phun sum tshogs pa'i khyad par ni/ mar gyi ngo'i tshes bcu dang bcu bzhi la sgrib pa 'dag par byed la/ zla ba yar gyi ngo'i gang 'gyur la zhes bsod nams dang ye shes kyi tshogs rdzogs par 'gyur bas dpa' bo dang rnal 'byor ma rnams 'du pa'i dus kyi nges pa nyid las sgrub pa po las myur du 'bad pas zhes brtson 'grus dang ldan pas mchod bya ste zhes phyi nang de kho na nyid kyis so// rdo rje ni dpal he ru ka thabs kyi ngo bo/ lha mo ni rdo rje btsun mo la sogs pas te myos byed ma nga nang gis/ shas stobs ster ba la zhes so/ /der 'dus pa'i skye bo rnams kyis bla ma dang lhag pa'i lha tha mi dad pa la mchod pa bya zhing dkyil 'khor ba'i ye shes gshegs dam tshig rang la bsdus la yi ge brgya pa brjod par bya ba'o/ /mthar bsngo zhing smon lam gdab par bya ba ni/ he ru ka dpal mngon dga' ba'i zhes ngo bo nyid kyis dkyil 'khor ba'i lha tshogs dag pa'i zhing na gnas pa rnams so/ /mgu ba'i sems mchog dag dang ni lhan cig skyes pa dang zhing skyes la gsogs pa dgyes par 'gyur ba'i don gyis/ de rnams lag nas mi phrogs mchog ni gnas zhes yon tan dngos grub nus pa thob pa ni gzhan 'byung pos glags mi rnyed pa'i don to/ /de las phan yon bla na med pa ni/ sh+rI he ru ka'i bdag nyid ni rnal 'byor pa dang tha mi dad par gyur pa'i sbyor bas ma mo rnams mnyes 'gyur gnas sum cu rtsa gnyis na gnas pa'i DA ki ma rnams dang zhing skyong la sogs pa rnams dgyes par 'gyur ba zhes pa'i don to/ /
- 85b
da ni le'u mtshan bstan pa la/ spyod pa ni spros bcas sogs/ brtul zhugs ni dpa' bo'i ston mo la sogs pa/ mchod pa phyi nang gsang ba de nyid do/ /gtor ma'i cho ga ni 'jig rten pa dang 'das pa la dbul ba'o/ /le'u nyer bdun pa'o// // da ni rang bzhin gyi don bla na med pa'i dgongs pa'i ye shes bsgrub pa'i gsang ba bstan pa la/ de nas zhes pa la sogs pa smos te/ mchod pa rnam dag dngos ni thabs shes rab dbyer med ye shes bde chen du'o/ /mya ngan 'das par nges 'byung nyid ni chos kyi dbyings las sems can gyi don du longs sku dang sprul sku'i dkyil 'khor gyi lha tshogs byon nas so/ /de bzhin dpa' bo dang rnal 'byor ma'i bdag nyid/ sh+rI he ru ka'i nga rgyal du gnas pa la mchod par bya ba nyid/ rnam grangs sgo du ma nas so/ /sprul pa las byung dpa' bo rnams ni dkyil 'khor ba rnams thams cad do/ /des mdor bstan nas/ rgyas par bshad pa la/ rnal 'byor pa nyid lha tshogs thams cad tshad med pa'i sgo nas mchod par bya ba ste/ sangs rgyas kun sogs sras bcas ni phung po khams dang skye mched kyi rang bzhin rnams la'o/ /rdo rje'i lus kyi dkyil 'khor la bstan pa ni lha'i gzhal yas khang rang chos/ /de dag lha'i pho brang dang g.yo ba ni gong gi dpa' bo byang sems khams dag pa'i cha kun dang rnal 'byor ma ni rtsa gnas su pu dzA sogs yi ge'i cha shas/ yang 'phel 'grib byed pa'i thig le'o/ /zla ba nyi ma 'dus legs gnas ni/ lus kyi g.yon la dkar cha 'phel la/ g.yas las nag po'i phyogs dmar 'phel ba/ gnyi ka yang kun dar du thabs shes rab zab pa bde chen du gnas pas zung 'jug tu'o/ /spun ni srog rtsol sdug gu ni/ 'byung 'jug gnas pa mchod pa'o/ /zhes pa rlung sems 'dres pa'i thig le 'khor lo dag tu'o/ /gsang chen gzhan la mi gtan pa ni/ las kyi spyod pas 'brel ba la gsang ba
- 86a
gang zag dman pa la mi sbyin zhing dbang po rigs dang mi ldan pa la gsang ba'o/ /gang skal ldan rjes su gzung bar bya ba las/ yang rigs ldan bsten par bya ba yon tan bsgrub pa/ dkyil 'khor 'khor lo'i sgo nas grub pa kun tu spyod pa ste/ rnal 'byor ma'i dam tshig g.yon pa kun spyod la gnas par bya'o/ /rigs kyi zhes pa spang bas mchod pa/ sha lnga la brten pa'i nang gi sbyin sreg de kho na nyid kyi mchod pa bstan/ kun da lta bu'i byang sems mi nyams par bya ba/ 'di nyid gsang ba mi 'gyur bar gdams pas/ rnam par mi rtog pa'i don gyis lam grub pa khyad par du gdams pa'o/ /gzhung nye bar bsdu ba ni/ bla ma'i man ngag la dga' zhing ni gong du bstan pa'i laM gyi rim pa la brten pas nyams myong mchog skye bas na de'i don ni mchog mtshungs pa'o/ /zhes spyod pa dang grol ba bla na med pa 'thob pa nyid do/ /da ni le'u'i mtshan bstan pa/ nang gi sbyin sreg ni tsaN+Da li dang pho nya'i lam mo/ /rigs dang ldan pa'i cho ga ni/ spyod pa dang rjes su 'brel ba'i don gsang chen grub pa bstan pa'o// le'u nyer brgyad pa'o// //dpal ldan phyag rgya chen po mi phyed mchog gi shes rab mtshan nyid don rtags shes 'gyur mi 'da' ba/ ro rkyang kun dar bdag po rig pa me lce 'bar ba blo mig gis te yul ni dmar ser nyid/ rtsa ni 'jam rtsub spu ni sgra gcan a ba d+hU tIr lam byed yon tan dbang las te/ srog rtsol 'gog par bzlas pa brtul zhugs ting 'dzin lam mchog las/ phyi nang mkha' 'gro zhu bde gcig gyur de las mchog thob rtsa ba yan lag snying po nye snying don kun stsol bdud bzhi 'joms byed 'chi med yan lag bde ba gzhan du rnyed mi 'gyur/ zhes pa'i don to/ /de nyid las rnal 'byor pas rim pa gnyis kyi ting nge 'dzin la gnas pas/ rigs dang rjes su mthun pa'i rig ma dang/ lhan cig tu bde ba chen po la rol pa'i spyod pa spyad pa las
- 86b
de yang spros bcas pas 'dod pa'i yon tan la rol pa brgyas dang/ spros med pas bsdus pa'i spyod pa lha mo lnga 'am/ shin tu spros pa med pas lha mo gcig dang rol pa'i spyod par sbyor thabs dga' ba bcu drug skyes pa'i rten dang/ sbyor thabs kyi dbye ba du ma'i sgo nas lhan cig skyes pa'i ye shes dngos su 'char ba'i thabs la 'bad pa rig ma'i rnam pa'i khyad par rtogs par bya ba'i phyir de nas gzhan yang gsang bstan pa pho nya'i mtshan nyid rigs rnams te zhes smos te/ rig ma'i mtshan nyid ni lo grangs dang ngang tshul dang spyod lam las rdo rje'i rigs mchog tu shis la/ rigs gzhan pa yang gzung du rung ngo/ /dam tshig la ngo bo nyid kyis gnas pa byang chub sems kyi ngang las mkha' 'gro kun tu spyod pa mar gyur pa'o/ /de yang gang zag des gang gis zhes khyad par du rigs ldan gsang ba'i lam las gnas pa'i don shes gyur pa'o/ /des mdor bstan nas/ rgyas par bshad pa la/ rnal 'byor pa la yul nye bar spyod pa bstan pa ni/ ming po ni shin tu brtse bas kun nas bslang pa'o/ /yang na pha ni bskyed bya skyed byed du dmigs pas nye bar gyur ba'i bdag po ni lhan cig tu dmigs pas 'du 'bral med par blta bas/ tshogs pa'i skad cig la ye shes de nyid du sbyor ba skad cig la ye shes mthong bas yon tan skye ba la phyogs pa'o/ /'dir rig ma rdo rje'i rigs bye brag tu bstan pa'i phyir/ lus kyi khyad par/ lce sbom ni lcags zlum pa ring ba mig ni dmar ser la zhes/ 'ug pa'i ltar 'dug pa yangs shing dkyus ring ba/ skra ni rtsub cing gnag la lus kyi ba spu thams cad dmar ser gyen du langs pa 'am 'khyil ba yin te/ yon tan dang ldan pa'o/ /dngos grub ni mchog mngon du byed cing/ thun mong grub pa ral gri ro langs bum pa/ rkang mgyogs gser 'gyur bcud len/ mi snang ba nam mkhar 'gro ba kun shugs las grub pa ste/ thun mong ni sngags skyes su'o/ /brtul zhugs ni
- 87a
lhag pa'i nga rgyal du gnas pa ste/ bzlas pa'i snying po nye snying bzhi po la sogs pa'o/ /de dga' dga' ba ni dbang thob nas dus rgyun tu yid la byed pa'o/ /dran pa dang ni yang dag ldan zhes pa/ lus dran pa nye bar bzhag pa rang lus lha skur ro/ tshor ba ni bde ba la gnas pa/ chos ni bde ba la stong pas rgyas btab pas ye shes dang du'o/ /sems ni gnyis med rang grol skye med spros pa med pa nyid du gnas pa yang dag pa'i don dran pa'o/ /pho nya mo sogs ni lhan skyes/ zhing skyes/ dam tshig las/ sngags skyes so/ /yang na rnal 'byor ma'i rigs bdun po dag go /gnas dang bcas ni phyi ri gnas/ sa 'og sa stengs sa bla ba'i gnas so/ /nang du lus kyi gnas nyi shu rtsa bzhi la sogs par gnas nas dpa' bo dang lhan cig bcas pa rnams so/ /der rnal 'byor pas rdo rje'i lus la brten nas gnad bcings pas/ rlung drag tu chun pas rtsa yi ge pu dzA o a la sogs pa la gnad du bsnun pas/ rlung sems gcig tu 'dres pas lus nang rtsi'i mkha' 'gro ma thams cad yi ge'i rnam par dbang du 'dus 'byung ba bzhi rlung mA ma kI sogs phrin las la dbang byed pas gsang bsngags lam du byas/ thig le byang chub sems bde ba skye ba'i tshul tu kun dar du byang sems dkar dmar gnyis med du dbang byas pas/ dpa' bo dang rnal 'byor ma thams cad sgrub pa po'i bka' nyan cing 'dun par byed do/ /der rlung las su rung bas phyi nang gi rlung gnyis 'dres te/ dang por drod skye/ de las bde ba/ de las rnam par mi rtog pa'i ting nge 'dzin skye ste/ lus mgo zhabs thams cad khyab par bde ba mi bzod pa 'char/ de yang nang gnas gsum gyi rnal 'byor ma rnams lha'i rnam par gzhug pa dang/ dpa' bo rnams so sa'i khams byang chub kyi sems kyi thig le rgyas shing 'bar bas/ spyod par grol ba'i 'bras rab ster zhes/ der drod dang bde ba mi rtog pa'i ye shes rten
- 87b
cing 'brel par 'byung ba'i char ba yang/ rnal 'byor ma dang dpa' bo thabs shes rab gnyis med kyis rang byin gyi brlabs pa ste/ phyi nang gi rten 'brel rang 'grig tu 'ong ste/ bde stong ro gcig pa'i ye shes rnal ma dus de tse na 'byung/ spyod pa yang 'jig rten chos brgyad zil gyis non pa bu chung ltar zhen pa med pa'i ngang las rnam par grol ba'i 'bras bu rab tu thob pa nyid kyis gzhan gyis ma dad pa bzlog nus/ sngags kyi nus pa thog lta bu thogs pa med par 'byung ba'o/ /de las mngon par 'dod pa'i don 'bras bu bla na med pa kun sgrub byed pa'o/ /rig sngags kyi snying po nyid yin te/ rtsa ba'i sngags ni rtag tu zlos zhes pas dpal he ru ka'i snying po'i sngags la/ oM ka ra ka ra la sogs pa rnams thun bzhi la sogs par bsnyen pa byed pa'o/ /de yang rtsa ba zhes yon tan ma lus pa'i 'byung gnas shes pas skyob pa dang yid skyob par byed pa'i don to/ /de yang lha'i rnal 'byor dus ni khyogs lta bu dang/ mgal me'i 'khor lo ltar dang/ mda'i shugs lta bu la sogs par bzlas la/ de kho na nyid kyi mchod pa ltar na bde ba chen po nyams su myong ba'i shes rab kyi pad+mar gnas pa'i rdo rje bum pa'i cha las sngags kyi rnam pa mu tig gi rnam pa lta bu la phreng ba ltar dmigs par bya ba nyid do/ /bdud kun rab tu zhi bar byed ces pa ni/ lha'i bu'i bdud g.yeng ba la spros pa med pas zhi/ phung po'i bdud sgyu ma rmi lam ltar gyur pas zhi/ 'chi bdag chos thams cad skye 'gag med par rtogs pas zhi/ nyon mongs pa ni thams cad 'od gsal bde ba chen por gyur pas rab tu zhi bar gyur pa ste/ shin tu rab tu zhi bar gyur nyid do/ /rgyu dang mi rgyu ni brtan g.yo ma lus pa gzhal yas khang dang lha'i dkyil 'khor du snang ba'i 'jig rten srid pa gsum thams cad kyi yon tan la dbang phyug tu gyur pa'o/ /de dag gi nus pa bla na med pa thob pa'i rnal 'byor rol pas ni/ phyag rgya chen po gsang ba mi 'gyur 'bras rab
- 88a
ster ba ni/ gsang chen grub ba mngon du 'gyur ba'o/ /dngos grub kun gyi 'byung gnas ni gsang sngags 'di la ste/ las dang dngos grub ma lus pa 'byung 'jug gnas pa gang zag gi rgyud la 'char ba nus pa mngon du 'byung bar bstan pa yin no/ /phyag rgya'i khyad par gyi sgo nas yon tan thob par bstan pa'i phyir/ sngags dang phyag rgyar yang dag ldan zhes pa/ las kyi phyag rgya gsang bsngags kyi bde ba dang yang dag par ldan/ chos kyi phyag rgya rig sngags lha'i rnal 'byor snang ba rigs kyi dkyil 'khor ldan/ phyag rgya chen po gzungs sngags 'dzin cing sdom pa'i bdag nyid kyis/ stong pa nyid kyi ye shes dang yang dag ldan/ dam tshig phyag rgya dbyer med ye shes mi 'gyur ba sngags sa bon srog lta bu mi phyed pa'i don dang yang dag ldan pa'o/ /sgrub pa po ni dngos grub brtson pa ni/ 'jug bsam bsgoms bsam las dbang po'i khyad par gyis gzugs sgra la sogs pa yul dang dbang po thabs shes rab gnyis med du gnas pas 'bad pa'o/ /yang ldog pa'i sgo nas phyag rgya bzhi lam du bya ba med na yon tan mi 'byung bar bstan pa'i phyir/ phyag rgya dang bral gsang sngags ni zhes pa/ gong mi'i phyag rgya bzhi sngags dang mi ldan na yon tan thob pa la ring du 'gyur ba'i don du/ lus can rnams la byin mi rlob ces pa/ dam tshig la gnas pa dang/ ye shes lhun gyis grub pa'i DA ki rnams kyis dngos grub mi ster ba'o/ /da ni spyod pa bya ba'i dus des pa can du bya ba ni/ ji srid dro ba'i bya ba dag /shin tu sbyor bas rtogs par bya zhes smos te/ bskyed pa'i rim pa'i dus su gzhan don gtsor dmigs la/ rnam pa snying rjes yul phyi rol snang ba ltar gsal ba/ snang ba'i ye shes drod thob pa dang/ bdag don la dmigs pa byams pas/ rang gi lus lhar gsal ba las/ snang ba mched pa rtse mo dang/ bdag gzhan gnyis ka'i
- 88b
don la dmigs nas/ rnam pa byang chub sems kyi kun bslangs te/ brtan g.yo thams cad lha dang gzhal yas khang du 'char ba snang ba thob pa'i ting nge 'dzin gyis/ bzod pa thob pas stong pa nyid kyi ye shes mngon du byed pa la/ skrag pa mi skye ba'o/ /de dag byams snying rje byang chub kyi sems ro mnyam par gyur pas/ dmigs pa zhig gnas kyi sems las/ rnam pa 'jig rten chos mchog dang gzhal yas khang dbyer med/ snang ba nye bar thob pa'i ye shes stong pa nyid nyams su myong bas yul dang yul can thams cad lha dang lha mo'i rang bzhin du rnam par dag par gyur pas/ rnam shes kyi las 'grub pas rig pa 'dzin pa'i dngos grub 'grub pa'o/ /rdzogs pa'i rim par bdag 'dzin gyi rtog pa dag pas/ rnam par thar pa'i sgo stong pa nyid sems can la dmigs pa'i snying rjes/ drod snang ba gsal ba'i ye shes rgyud la 'char ba dang/ gzhan 'dzin gyi rtog bdag pas/ rnam par thar pa'i sgo mtshan ma med pa thob pas/ chos la dmigs pa'i snying rjes/ snang ba mched pa rtse mo'i ye shes bde bar 'char ba dang/ bdag gzhan gnyis kar 'dzin ba'i rtog pa rnam par dag pas rnam par mthar pa'i sgo smon pa med pa thob pas/ dmigs pa med pa'i snying rje dang ldan pas snang ba thob pa'i ye shes bzod pa mi rtog pa'i ting nge 'dzin dang/ yang bdag gzhan tha dad par rtog pa rnam par dag pas rnam par thar pa'i sgo mngon du bya ba med pa'i dang las/ ye shes chen po yang dag pa'i snying rjes snang ba nye bar thob pa stong pa bzhi la/ bde gsal mi rtog pa tshogs pa gcig pa'i zhi gnas rtse gcig pa'i bsam gtan gyis/ chos mchog thams cad stong pa/ 'od gsal 'char bas na ye shes kyi las khyad par du 'grub pa'o/ /de la 'dod pa'i yon tan lam du 'khyed par bstan pa'i phyir/ 'dod pa'i don kun sgrub byed pa'i zhes pa'i don las phyi rol gzugs sgra la sogs pa thams cad sgyu ma lta bu la/ sna tshogs bde bar 'char bar bstan pa la/
- 89a
'ga' zhig gis thub pas gsungs pa/ 'dod pa ni dug gi lo ma lta bu/ sbrul gyi mgo dang/ me tog kim pa lta bu la sogs pas dgag byar bstan pa ma yin nam zhe na/ byang chub sems dpa' i theg pas kyang thams cad sems snang mi lam ltar rtogs la/ gsang chen pos dug la sngags kyis btab pa ltar rang bzhin med par rtogs pas/ thams cad bde bar 'char zhing zug rngu med pas yul dang dbang po thabs shes rab gnyis med du sbyor bas nges par 'grub pa'i don to/ /rnal 'byor chen rim pa gnyis la goms par byed pa'i gang zag la gang zhig sdang pa ni chos dang gang zag la brnyas par byed pa gang yin ba/ bde bar gshegs pas shin tu rnam grangs du mar smad cing lam las gol bar bstan pa yang khyi'i skye gnas brgyar skyes te/ sme sha can du skye bar 'gyur zhes gsungs pa'i don to// gzhan yang lam brtags pa nyan thos dang rang rgyal ba la sogs pa'i brtul zhugs dka' thub dang/ yang dus gsum du khrus dang gos brje pa la sogs pa yang lam dman pa ste/ dper na la la mar 'dod pa la sogs pas gnas skabs kyi phan bde phra mo 'byung ba srid pa tsam mo/ /theg pa chen po'i rtags tsam 'dzin cing mchod par byed pa bdag dang lha tha dad du lta ba dag kyang/ gnas skabs kyi nye bar mkho ba'i 'tsho zhing skyong bar byed pa'i thabs du ma'i sgo nas thams cad mkhyen pa'i rgyud tsam du gyur pas/ phyi rol don rnal 'byor gzhan la brten pa zhes phyi rol gyi lhas bdag la dngos grub steng bar 'dod pa de dag kyang/ tha dad du gnas pa'i phyir/ de bzhin don med 'gyur zhes dgag byar bstan pa'o/ /de las gsang ba mchog la gnas pa'i gang zag gang gis spyod yul gyi khyad par byin gyis brlabs pas khyad par du bstan pa'i phyir/ rnal 'byor che mchog ni dpal he ru ka'i brtul zhugs dang ldan pas dpa' bo zhes bya'o/ /yul phyogs ni nye bar spyad pa bla na med pa ste/ gang
- 89b
nas gyur pa ni sku bltams pa dang rol pa bstan pa gang du bzhugs pa thams cad kun gyi mchod pa'i gnas su gyur pa nyid do/ /gang du rigs ngan pa dang/ kla klo'i skye bo gnas pa'i sa yin na yang/ yul de yongs su brtags pa yin zhes yon tan gyi 'byung gnas su rig par bya'o/ /sems can yongs su gzung ba'i phyir/ der ni nga yang rtag par gnas zhes dpal he ru kas 'gro ba'i don du sku gsung thugs rdo rje 'gyur ba med par bde ba chen po'i ngang du/ gtsang ba/ rtag pa/ bde ba/ yon tan/ bla na med pa'i pha rol tu son pas gnas pa'o zhes pa'i don to/ /le'u nyer dgu pa'o// //da ni khro bo'i rgyal po hUM mdzad kyi bka' i 'khor los bar chad rnam par bsrung ba'i don du bstan pa ni/ dkyil 'khor rig byed me yis gnas pa dag la gnas dang bya ba thabs bcas bsgrub pa'i cho ga ste/ de las khyad par gyur pa'i che mchog he ru ka dpal rig byed zhal can gtso gyur/ 'khor lo bkod pa 'am/ rdo rje hUM mdzad zhal ni chu po klu yi phyag ldan dag pa phyogs skyong 'dul bar mdzad pa ni/ khro bo rnams ni me zhal ngo ldan gdengs ka las kyang steng 'og sbyor ba las byung yongs su gnas/ /gsang sngags de nyid 'od zer bcas las yi ge khro mo rig byed me ste lugs 'byung dag gis bskor ba yang/ /rig byed me ldan dag gis khro bas bdud 'dul bgegs tshogs ma lus kun las rnam rgyal dri med snying po thob/ 'dir ni lam gyi chos thams cad kyi sngon du 'gro bas byams pa snying rje byang chub sems la blo sbyang bar byas nas/ gsang chen gyi lam 'dir khyad par gyis srung ba bstan par bya ba ni/ de nas gzhan yang bshad bya ba ni bdag gzhan thams cad kyi don du'o/ /shin tu rnyed dka' ni bya ba'i rgyud la sogs par ma bstan pa'o/ /'god pa ni sde tshan rnams gsal bar bri ba'o/ /gang zhig shes pa tsam gyis ni ting nge 'dzin dang 'khrul 'khor gyi sbyor ba nyid do/ /myur du dngos grub byed pa ni las chen bcu gnyis la sogs pa las rab 'byam du ma grub
- 90a
ba bla na med pa'o/ /des mdor bstan nas/ da ni rgyas par bshad pa la/ dang por gnas phun sum tshogs pa bstan pa ni/ sa'i cha mnyam yid 'ong maN+Dal legs par byas pas spyad ba'o/ /der ba'i lci ba sa la ma lhung ba dang rnam lnga ste/ tsan dan gyis ni nye bar sku/ /dri bzang dri ldan sa la ni zhes pas byug pa lag pa g.yon pas bya ba'o/ /der mchod pa'i tshogs bsham pa me tog sil ma gcal dgram zhing/ spos kyi dris nyams dgar bya zhes gtor ma dang tshogs kyi mchod pa dang ldan pas/ bdag gis bya ba ni lhag par lha'i rnal 'byor sgo gsum dag pa'i rnal 'byor khyad par kun byas shing ni go cha bgo ba la sogs pa'o/ /phyogs bcing ba ni rdo rje'i sa gzhi dang rdo rje'i ra ba dang/ rdo rje'i gur dang bla re ngag bsam zhing/ /rdo rje ra ba phyi ma'i par der nyi ma'i dkyil 'khor bcu'i steng du hUM bcu 'phros pa las/ khro bo yab yum bcu gsal bar blta/ de nas bgegs bkug pa la phur bus gdab cing brdung ba la sogs pa byas nas mthar me 'od 'bar bas 'khrigs par blta'o/ /de nas yi ge bsdu ba'i bzhi bstan ba rdza rda bcing bya ste ni/ kha bzhi pa 'am kha gnyis pa'i rnam pa byas la/ ri mo gsum pa ni warta? ba ste/ gsum pa'i ri mo gsum gsum dgu dri ba yongs su zlum por bskor ba ni tha ma'o/ /yi ge phyi mo ni a ka tsa Ta ta pa ya sha ste/ de las byung ba'i sde ni dbyangs dad gsal byed rnams te/ dgod par bya ba ni/ thabs shes rab kyi cha ldan no/ /der gnas pa las ni re mig bzhi bcu zhe dgu'o/ /dpa' bo ni dpal he ru kas sngon bdud brtul ba'i dus su zhal bzhi nas phyung ba'o/ /'dod pa'i don ni las dang dngos grub de nyid sgrub byed btu ba ni A li kA li las so/ /rim bzhin 'byung ni a nas bgrangs pa'i don/ /rim min pas ni ha sa nas mas bgrang ba'o/ /dbyangs dang ni A li bcu drug yi ge ni gsal byed sgrub pa pos ni mngon par rtogs pa ldan pa'o//
- 90b
thub pas de lha'i grangs gyur las zhes kA li'i sde mtshan mdun no/ /btu ba dngos la de mig sum cu gnyis pa blang zhes pa nas/ mdza' ru sbyang yan chad kyis btu ba rgyas par bshad pa'o/ /gsang ba nye bar gdams pa ni rigs rgyal ni 'dud las so/ /'khor lo sbyar ba chen po drug gi snying po gsang ba'i sngags 'dis grub pa mthar 'byin pa nyid do/ /gsang ba bla na med pa'i rgyud kun gyi srung ba'i 'khor lo 'dir ston pa yang/ 'di ni ma byung 'byung mi 'gyur ni 'dod khams lha mi'i mngon sum du'o/ /de nyid bsdus zhes pa la sogs pa'o/ /khro bo bzhi dang yang dag ldan ni phyogs kyi sgo bzhi bsrung pa'i khro bo/ a b+hi d+hA na las/ rdo rje drag po dpal gshin rje gshed dang/ rdo rje nyi ma shes rab mthar byed dang/ rdo rje gtsug tor de bzhin bshad pa dpal rta mgrin dang/ rdo rje thal sbyor bdud rtsi khyil ba phyogs bzhir ro/ /yang mtshams su khro bo bzhi dang ldan pa/ rdo rje gnod sbyin shar lhor mi g.yo ba/ rdo rje nag po lho nub du 'dod pa'i rgyal po dang/ nub byang du rdo rje stobs dbyug sngon can dang/ byang shar du rdo rje rgyal ba stobs po che dang/ rdo rje sa 'og ste gnod mdzes dang/ rdo rje gtsug tor can ni gtsug tor ba kho lo sgyur ba dang/ dbus su rdo rje 'jigs pa hUM mdzad zhal bzhi phyag brgyad pa zhabs g.yas pa brkyang bas gnas pa'o/ /skad cig gis ni sku brgyad 'gyur zhes pas 'di la rnam grangs du mar 'gyur ba/ de bzhin gshegs pa'i sku dang/ mchod rten dang/ zhing skyong brgyad dang/ khro bo dang/ byang chub sems dpa' dang/ nyan thos mchog brgyad dang/ rnal 'byor gyi dbang phyug brgyad la sogs pa'i don gyis bstan pa'o/ /gsang sngags 'di ni nus pa brtan par dkyil 'khor bsrung ba'i don du ni bka' i 'khor lo 'di nyid la bsam gtan gyi rnal 'byor gyis 'bad na nges par 'grub par 'gyur ro/ /'jig rten pa'i log 'dren gdug par na thams cad nges gnon pa ste/ ma rungs pa 'dul ba'o/ /'di ni rnyed pa tsam gyis kyang ste rdo rje phur bus gdab pa la sogs pa'i
- 91a
sbyor ba tsam gyis thams cad zil gyis gnon pas na brtag mi dgos par 'chi bar 'gyur zhes dang por tshar gcod cing/ phyis ldang mi nus pa'i don to/ /sngags rang gi ngo bo nyid ni/ oM sum b+ha zhes pa la sogs pas sngags tshan bzhi pa sbas pa gsal bar bstan pa'o/ /de nyid kyi 'bras bu grub tshul ni/ rnal 'byor thun mong brjod pa ni zhes rgyu thabs 'bras bu'i dus thams cad du'o/ /dngos grub kun gyis 'bras bskyed pa'o/ /zhes gnas skabs su/ grub pa brgyad la sogs pa dang mthar thug ma'i slob pa'i zung 'jug dus su yang byang chub sems rdo rjes gsung pa nyid do/ /da ni le'u'i mtshan bstan te/ rdza rnga bcing ba'i gsang sngags re mig las btu ba'i cho ga'i le'u ste/ sum cu pa'o// //'dir yang le'u dang po las/ zhi pa'i btung ba bzhin myangs na/ rtag par dngos grub thob par 'gyur pa'i don bstan pa ste/ de nas sha chen po de dag kun ces pa la sogs pa'i don to/ /'dir ni sgrub pos tshogs rnams thams cad sgyu ma rmi lam las dben 'od gsal chen por rtogs pas lam/ yang na bdud rtsi sgrub byed rdzas gyur chen po'i sha dang khyi dang ba lang mtshon byed cang shes sngo zhing phrul dmar gyur pa'i rta/ mu tig 'byung gnas ba lang sha ste thod pa snod gyur dung dang nya phyis thabs dang shes rab ste/ mi 'chi bcu phyed bza' bya sbyor ba bsgron me sreg blugs pa lar bya pas rang bzhin yon tan dbang/ /brda ni lnga las lngar gyur lag g.yon gyis ni mchod pa byas las mdza' yas mthu spyod 'gyur zhes pa'i don to/ /de la mdor bstan pa'i tshul gyis nye bar gdams pa las/ gsang chen du mthun pa'i phyogs grub byed kyi dngos po lam du bya ba/ dam tshig gi rdzas kyi yon tan dang/ snod kyi khyad par bza' bar bya zhing spyad bya lag mchod kyi don las rnams rnal 'byor pa'i lag g.yon lha'i gnas khyad par grub cing/ g.yon pa'i kun spyod dang/ rdo rje sems dpa' la sogs pa bkod pa las so ri mo
- 91b
ltar grub pa/ lag mthil du dpa' mo bsam pa/ phyi rgyab du dkyil 'khor ba bsams pa las de nyid bla med mchod par bstan pa'o/ /le'u'i mtshan ni bza' pa dang ni nyams myong phyi nang du sbyar ba/ sbyin sreg ni nang gi rnal 'byor dang/ gtor ma'i bya ba ni 'jig rten pa dang 'das pa mchod pa dang/ lag brda'i cho ga ni lag pa byin rlabs kyi rim pa ste/ le'u sum cu so gcig pa'o// //'dir thun mong ma yin pa'i grub pa'i gsang chen bstan pa dang po mdor bstan pa de nas shes pa la sogs pas/ dngos grub bsgrubs pa'i dkyil 'khor bstan cing/ dam tshig gi rdzas brten pa dang/ ro langs kyi sgrub pas sbyin sreg bya ba ste/ yang dag cho ga ni lha'i bsam gtan dang/ gsang sngags bzlas pa'i byin brlabs kyis bdud rtsi'i rang bzhin du/ bsgyur spyang zhing spel bas nus pa thob par 'gyur ba'o/ /rgyas par bshad pa las bzang po ni pa shu bal ste/ phyugs shes pas gong du bstan pa'i skye ba bdun pa'i rigs shes pas de'i sha dgug bya nyid do/ /dben par dkyil 'khor bzhengs nas spyod pa'i nus pa dang ldan pa'i sgrub pa tshogs kyi 'khor lo byas pas so/ /bzang po de bzhin ni mi skye ba bdun pa'i sha la gzhan yang lnga rnams te/ bdud rtsi lnga dang du sbal sogs la so so'i nus pa cung zad yod pa ste/ sogs ni ci spyang dang ngo/ /dngos grub bsgrub pa'i dkyil 'khor ni ris drug 'khor lo sgyur ba'i dkyil 'khor ram/ 'di nyid kyi dkyil 'khor du/ kha dog rigs las rigs mchog phyugs ni dud 'gro khyu mchog dang/ glang po la sogs pa dug lnga dag byed kyi rdzas so/ /bya rog khwa ta la sogs rnams kyi bya'i rigs rnams kyi shas DA ki dbang du byed pa'i khyad par dbang phyug tu bsgyur ba'i don to/ /de nas ro langs bsgrub pa ni/ dur khrod la sogs par 'gegs nas shi ba 'am yang na gzhan yang ste/ rma med pa rul pa ma yin pa som la/ yarka la sogs pa'i rdzas kyis bkru zhing/ dri bzang po'i chus byug /srung ba'i
- 92a
'khor lo sngags kyis bgegs med par byas la/ mchod gtor dang tshogs kyi mchod pa dang ldan pas/ rang he ru ka ra 'gyur ba'i sa bon las 'od spros dkyil 'khor bskul te/ de dag las/ thab khung du me lha bskyed bstim bya zhing/ dur khrod kyi ro langs chen pa bstim la/ de'i snying gar dkyil 'khor pa bsams pa la sreg rdzas dbul ba ste/ kriSh+Na sa ri'i thug pa ni khyi nag mo 'am/ ba nag mo'i 'o ma las/ ma sha 'bras dang til nag po la sogs pa dang/ sngar gyi rdzas de rnams kyis nyam nga bag tsha med pa ste/ 'dzem pa med pas ro'i khar blug pa sbyin sreg brgya rtsa brgyad du bya zhes dkyil 'khor gyi lha mchod par bsams pas/ gang 'dod pa spel tshig dang bcas pas mchod par gyur na/ de nas ro de langs nas ni/ ci bgyi zhes ni smra 'gyur zhing 'jig rten pa'i las chen bcu gnyis sam/ yang na grub pa brgyad la sogs pa'i gang ci 'dod pa'i don sgrub par byed pa ste/ gzhan du min zhes pa lha rnams gshegs thal ba steng du blugs par nus med du 'gyur ba'o/ /steng dang ni mkha' spyod dam gnod sbyin mo 'grub la 'og tu pho nya 'grub pas bla'i pho nya mo la sogs pa 'grub par 'gyur ba'o/ /rgyud 'dir the tsom med pa yin zhes gsang ba bla na med pa mchog 'dir/ thabs kyi khyad par gyi gnas skabs su nus pa'i khyad par du ma thob cing/ mthar thug phyag rgya chen po mchog gi dngos grub shin tu myur bar rig pa 'dzin pa thob pa'i /de la dpal bcom ldan 'das mngon par rtogs pa'i rim pa ni/ dang por re zhig rnal 'byor gyi dbang phyug gis/ gnas phun sum tshogs par/ bya ba'i rim pa dang ldan pas/ sngon du 'gro ba byang chub sems bskyed cing/ tshad med bzhi bsgoms la bdag nyid kyis skad cig gis sna tshogs rdo rje'i sa gzhi'i steng du raM dmar ser las byung ba'i nyi ma'i dkyil 'khor la/ de'i steng du hUM mthing ka las byung ba'i dpal he ru ka zhal gcig pa phyag gnyis pa/ spyan gsum pa/ phyag g.yas na rdo rje
- 92b
dang g.yon na dril bu/ kha TwAM ga mtshan khung du bcug pa rgyan cha lugs rdzogs par blta'o/ /de'i thugs kar raM las nyi ma'i dkyil 'khor/ de'i steng du hUM mthing ga 'od 'phro ba zhig bsams la/ de'i hUM gi 'od zer 'og tu 'phros pas rdo rje'i sa gzhi la sogs pa dang/ rdo rje'i gur dang rdo rje'i ra ba la sogs pa bsrung pa'i 'khor lo bsam par bya'o/ /de nas thugs ka'i sa bon gyis bla ma dang lhag pa'i lha'i 'khor lo spyan drangs la phyag dang mchod pa dang bstod pa dang/ sdig pa bshags pa la sogs pa bya'o/ /de rjes la oM swa b+hA pa dang shU n+ya tAs chos thams cad stong pa nyid du mos pa bya ba'o/ /da ni sbyor ba dang po'i ting nge 'dzin bstan pa ste/ ba lang gnas dang steng lding pa/ /lhag pa skam rtsa de nas ni/ /dud chen po yi rang bzhin bya/ /mi byed pa dang ru bsal lo/ /zhes pa'i don la rtsa stong pa'i nang nas rlung rgyu bas na/ rlung gi dkyil 'khor bstan/ skam zhes pa me yin te/ mes brlan thams cad skems par byed pa'i don te/ /lhag ma ni rlung la ba dan gyis dang/ me la 'bar bas mtshan pa sted lding ba ni chu'i dkyil 'khor te/ de yang rtsa'i zil pa chags pa lta bu la bum pa'i kha khyer can no/ /ba lang 'dug pa'am/ sa'i lha mo 'dod 'jo'i bar sprul/ de dag sa la nyal ba lta bu ste/ sa'i dkyil 'khor gru bzhi po rdo rje rtse gsum pas mtshan pa can no/ /gnas shes pa sangs rgyas kyi zhing khams dag pa thams cad kyi rten sa'o/ /de nas ni rim pa bzhin du ste/ dud chen po ni rin po che'i bye brag yin la/ gson pa'i dus su 'ang stobs dang ldan pa'i phyir ro/ /ri bo mchog rab kyang rin po che las grub pas brdas mtshan pa'o/ /de'i rang bzhin yang ri thams cad kyi rgyal po lhun po mi 'gyur ba'o/ /mi phyed pa ni ri rab kyi byang phyogs gser du yod pa ste/ mahA gser gyi rus sbal dang kha dog dang nus pa cung zad mtshungs pa la dgongs pa'o/ /der brUM kha dog sna tshogs mdog can las grub pa'i rin po che ni gzhal yas khang tshad med pa dur khrod dang bcas pa bsam
- 93a
pa'o/ /sangs rgyas kyi pho brang dkyil 'khor rten yongs su dag pa de bsgoms pas/ myur du dngos grub sbyin 'gyur yin zhes yon tan du ma rgyud la bskyang pa'i don to/ /de nyid gzhal yas khang gi dbus su lha tshogs ji ltar bskyed pa'i tshul ni/ le'u sum cu rtsa bzhi pa las/ gong ma ni yi ge'o/ /sa dang ni ga pur zla ba/ ru ti ra ni sahli nyi ma/ bcas ni A li bcu drug nyis 'gyur dang/ kA li sum cu so bzhi ya la da d+ha Da d+ha drug gis bzhi bcu gnyis 'gyur gyi dbus su so lnga pa las sa bon phreng ba zhes pas dbyangs dang gsal byed kyi yi ge phreng ba lta bur gzung ba ste hUM ni thog mar gnas pa yin zhes pas ye shes kyi ngo bo hUM 'od 'phro ba can no/ /rdo rje dbye ba nyid dang ni zhes rdo rje rtse lnga pa lte ba la hUM gis mtshan pa'o/ /'bad pas bsreg bya ni 'gro ba'i phung po lnga 'am dug lnga'i rtog pa sbyong ba ste/ mngon par byang chub pa lnga dag bya zhes pas bstan/ lha'i sku yongs su rdzogs par gyur pa/ dpa' bo'i dbang po zhal bzhi pa zhes pa dang/ gong du gsungs pa zhal gcig phyag ni bzhi pa gsum zhes phyag bcu gnyis pa'o// ji srid phyag ni 'bum gyi bar zhes te/ phyag brgyad cu pa dang brgya dang/ stong dang khri dang 'bum gyi bar du sdom pa chen po la sogs pa dkyil 'khor du ma/ sku mdog bzhugs tshul dang rnam par 'gyur ba mi 'dra ba sna tshogs su bstan pa gdul bya'i dbang du byas pa'o/ / sku ni dkar ba'i khro bo che ni rgyu'i he ru ka sku mdog dkar ba nyid do/ /rdo rje phag mo la gzegs pa zhes rje btsun ma zhal sbyor du mdzad pa'o/ /de'i zhes rje btsun he ru ka ji lta bar sku ni dkar pa'i khro bo mtshon cha 'chang zhes gsum yang ngo/ /dpa' bo thod pa'i phreng ba can ni thod pa skam po dkar ba lngas dbu brgyan la/ thod pa rlon pa lnga bcu'i phreng la 'phyad ba'o/ /sku la thal ba'i rdul gyis nye bar byugs pa ni/ rdo rje 'chang rigs drug pa'i rgyas gdab nyid do/ /phyag rgya yis ni sku la brgyan ni rus pa'i rgyan dbu rgyan/ snyan na/ mgul
- 93b
rgyan/ phyag gdub ska rags 'og pag la sogs pa'o/ /me tog cod pan ni dbu skra dang sku la dar dpyangs dang chun 'phyang gis so/ /mdung dang ldan ni tri shu la rtse gsum pa yab kyi phyag g.yas kyis 'dzin pa'o/ /dus min 'chi las rgyal ba ni Da ma ru'i chos kyi sgras sems ngal sos pas 'chi bdag gis mi tshugs pa'o/ /yan lag 'ching byed ni rdo rje'i zhags pa ste/ kha TwAM ga ni rdo rjes mtshan pas sku gsum mthar 'byin pa'o/ /thod pa mchod yon snod ni ka pA la khrag bkang nyid do/ /zhal du mtshon cha ni tshangs pa'i mgo bo ste/ mtshon cha sbyar ni dgra sta bsnams pa'o/ /rdo rje dril bu snying rje dang stong pa nyid kyi rang sgra'o/ /zhal gyi che ba ni bzhad pa'i zhal te las cung zad gtsigs pa bdud bsgral bar mdzad pa'o/ /'byung po chen po ni zhabs g.yon pa'i 'og tu 'jigs byed dang dus mtshan mo gnyis gdan du byas pa'o/ /de dag gis ni gtso bo yab yum mngon par byang chub pa lngas bskyed pa ste/ de nas rjes su chags pa ni/ kha dog pho nya sogs sngags gang zhes pa 'kha' gsang byin gyis brlabs pa/ mda'i shugs kyis yongs su 'khor ba ni sngags rnams las 'od zer skar mda' lta bur 'phro ba'o/ /phan tshun 'dud pa'i gsang sngags ni yab yum gyi sku'i thugs ka lte ba mgrin pa dpral ba rnams su'o/ /der zla ba dang nyi ma la gnas pa'i yul nyid thabs shes rab kyis phye ba'o/ /gsang sngags ni lus la bkod nas/ yab yum snyoms par zhugs pa'i dga' ba'i sgras de bzhin gshegs pa rnams dang byang chub sems dpa' lha mo rigs dang khro bo du ma thams cad 'og min nas spyan drangs pa ni/ lcags kyu nyid kyis dgug pa ste zhes smin ma'i bar mdzod spu nas bstim pas/ dri za nye ba zhugs pa lta bu ste/ a ba d+hu tIr brgyud rdo rje bum pa nas yum gyi chos 'byung du bdud rtsi babs pas/ thig le cha gsum gyi dang po las dkyil 'khor gyi 'khor lo b+huM las gzhal yas khang du gyur to/ /cha gnyis pas mngon par byang chub pa las dkyil
- 94a
'khor ba rnams bskyed pa ni/ 'khor lo lnga ldan la/ A li zla ba yab las byung ba dang/ kA li nyi ma yum rje btsun ma las byung ba dang/ hUM baM las gtso bo yab yum gyi rdo rje dang gri gug dang bcas pa las/ dpa' bo'i dbang po zhal bzhi pa phyag bskyod par bya ba'i sku yongs su rdzogs par bsam pa'o/ /bde ba chen po'i DA ki bzhi ni/ maM taM paM laM/ bzhis 'dab ma la pho nya ma bzhi yin zhes pa'o/ /hUM pu dzA o a go rA de pA rnams kyis thugs kyi 'khor lo rdo rje brgyad ldan dang/ A:kA/ o/ tri ko ka la kA hi/ oM pre gri sau su na si ma ku las 'khor lo brgyad ldan dang bcas pa'i dpa' bo rnal 'byor gnas de bzhi ni zhes pa dpa' bo kun dang gnyis med bde zhes pa'i don gyis bstan/ sgo bzhir dza(rgyud 'grel): hUM baM ho(rgyud 'grel): las rdo rje gri gug dang bcas pa las kha gdong la sogs dang/ k+ShiM bzhi las mtshams ma bzhi'i rdo rje gri gug las/ de dag thams cad kyi sku chung la yan lag rags pa sku mdog phyag mtshan shin tu gsal bar gyur pas sku yongs su rdzogs pa'o/ /de dag brtan par byed pa la/ oM sarba bI ra yo gi ni kA ya bAk+tsi trA badzra swa b+hA ba At+ma ko haM zhes brjod par bya ba'o/ /de nas thig le cha gsum pas bde ba chen po'i mchod par 'gyur ba'o/ /de yang b+ha ga'i dkyil 'khor du/ rten dang brten par bcas pa rdzogs nas/ yum gyi sku las spro bar bya ba ni/ sa bon spro ba de nas gzang zhes pas hUM baM oM A:hUM gi mthar ni gnas pa yin zhes pas/ 'bru gsum sgra dang bcas pas dbyung bar bya ba la dang por 'byin pa ni/ yum rdo rje rnal 'byor ma'i b+ha ga nas rtsa dbu ma ba rgyur na spro ba la/ rnam dbye rang dag sngags pas ni/ phyin ci log tu sbyor bar bya zhes pa ni/ yum rdo rje rnal 'byor ma'i thugs ka nas/ phyir thon pas/ gdul bya 'gro ba thams cad kyi don bya ba ste/ tshar bcad pa las dang nyon mongs dag
- 94b
par bya ba ni/ rjes su 'dzin pas smin grol la bkod pa'i don rnams la/ las kyi dngos po rnam smin gyi lus rnam par dag ste/ de nyid kyi dbye bas 'gro ba yang dag pa'i lam la dgod pa dang/ phye nas ni zhes dkyil 'khor 'khor lor thams cad bde chen ye shes kyi go 'phang la bkod pa'o/ /phye nas slar log pa dang/ rtsal las lam du sbyar ba ste/ bdag nyid mi bskyod bde mchog 'khor lo nyid sngar gyi rgyu'i rdo rje 'chang sku mdog dkar po'o/ /de'i thugs kar thim pa dang/ bdag nyid sdang longs sku rdo rje 'chang de/ sprul sku zhe sdang rdo rjer bsgyur bas na/ drag shul spyod pa'i gzugs 'chang ba zhes pas/ khro chags 'dren ma ste/ rje btsun ma sku mdog me tog band+hu ri ka lta bur gyur ba ni/ 'bras bu'i he ru ka ste/ sbyor ba dang po bstan pa'o// da ni dkyil 'khor ba'i lha tshogs rnams 'byin par bya ba ni/ /slar yang yab yum rjes su chags pa gsal bar bstan pa/ yang mtshan ma gnyis las sngags sbyar te/ dpa' bo rnal 'byor ma gnyis med/ /snying po rnams ni de bzhin du/ sngags pas mkha' 'gro ma la sbyar/ /zhes yab yum gnyis ka'i lte ba thugs ka mgrin pa/ dpral ba rnams su sngags rnams nye snying gsal bar bkod nas/ yab yum snyoms par 'jug pa'i sbyor ba la gnas par bya ba ste/ blo ldan rnal 'byor ma bsgrub bya/ /dag pa'i lus ni rang 'dod pa/ /dpa' bo mchod pa rnams byas nas/ /phrin las 'bab pa nyid kyis bya/ /zhes pas/ oM sarba ta thA ga ta a ru rA ga Na swa b+hA ba At+ma ko haM/ zhes pas yang b+ha ga'i dkyil 'khor gyi gtso bo yab yum dbyer med pa'i lha tshogs thams cad bde ba chen po'i mchod pas mchod pa dang/ yang snyoms par zhugs pa'i ha ha si si sgra las de bzhin gshegs pa dang byang chub sems dpa' i tshogs dang rig ma lha mo dang/ khro bo'i tshogs dang bcas pa thams cad nam mkhar byon pa yang so sor bde ba'i ngang du zhugs pas
- 95a
'ong du zhu zhing smin mtshams mdzod spu nas zhugs/ a ba d+hA tI'i gnas nas yum gyi chos 'byung du bab pas 'khor lo lnga'i lha tshogs de dag thams cad bde bas rgyas par gyur te/ rje btsun ma'i pad+ma nas gyen du brgyud a ba d+hU tI nas thugs ka nas phyir 'bru gsum gyis phyung ste/ phyi rol gyi dkyil 'khor gzhal yas khang chen po'i so so'i gnas dang nye ba'i gnas sogs su 'khod pa tsam gyi sku shin tu rags par gyur te/ sgo mtshams ma'i bar du rim gyis phyung bar dpal DaM b+hi he ru ka'i bzhed pa'o/ / de nas dkyil 'khor pa rnams rdzogs nas gnas pas thams cad sku gsung thugs gnyis su med pa'i ye shes la gnas par gyur par blta'o/ /oM sarba ta thA ga ta d+harma badzra swa b+hA ba At+ma ko haM de nas yang gtso bo yab yum snyoms par zhugs pas bde ba chen po'i dang du zhu bar gyur pa dang/ yab yum gyi sku thig le byang chub sems kyi gong bu 'od sna tshogs 'phro ba can du gnas pa las/ mtshams kyi lha mo gshin rje brtan mas byams pa tshad med pas bskul ba/ khyod kyi bder gshegs rnal 'byor dbu mar bkra shis 'gro 'od byang sems 'dzag pa yang dag rol mdzad pa/ oM mahA su kha badzra satwa dza:hUM baM ho(rgyud 'grel): su ra ta stwaM dri sh+ya ho zhes kun la sbyar ba'o/ /lha mo gshin rje pho nya mas snying rje tshad med pas bskul ba ni/ gang gi sems ni rnam lnga las bsrung rnal 'byor rang bzhin ma lus dbang phyug gis gcod mdzod/ /lha mo gshin rje mche ba can mas dga' ba tshad med pas bskul ba ni/ 'gro ba rnams la dbugs dbyung bas te/ thabs dang shes rab gnyis su med pas 'gro la skyabs mdzod cig ces so/ /yang lha mo gshin rje 'joms mas btang snyoms chen po tshad med pa'i dang las bskul ba ni/ phrin las ston pa'i 'gro dang 'ong ba dri ma med pa mchog tu dga' ba'i rang bzhin can du bzhengs shig pa'o zhes rab tu bskul bar bya ba'o/ /'di yis bskul ba tsam gyis kyang/ baM hUM gnyis las rdo rje can khu ba'i
- 95b
gzugs can las bzhengs pa/ 'jig rten khams la bde chen stsol/ /ji ltar skye ba'i rim pa yis/ /gnyug ma'i sngags las rang 'byung 'gyur/ /der ni cho ga gsum gyis bzhengs par gyur pa'o/ /dam tshig ye shes yang dag sems/ /'dir ni rdo rje 'dzin par gnas pa ni sems dpa' sum rtsa gnyid do/ /snying ga'i sa bon 'od spros pas/ /spyan drangs pa yi bder gshegs rnams/ /dbang bskur go 'phang bsam bya ba/ /phyi nas mchod pa yang dag brtsam/ /rab dga' chen po'i dkyil 'khor lo/ /rab sbyor don du bsgrub pa'o/ /des ye shes sems dpa' spyan drangs nas bstim zhing/ dbang bskur zhing rgyas gdab par bya ba'o/ /de nas lus kyi dkyil 'khor gsal bar bya ba dang/ byang chub phyogs kyi dkyil 'khor bsgom par bya ba ste/ dkyil 'khor rgyal mchog go/ //de nas sku gsung thugs byin gyis brlab cing/ go cha gnyis thabs dpa' bo dang/ shes rab rnal 'byor ma'i go cha bgo bar bya'o/ /de kho na nyid kyi bde ba chen po'i mchod pa'i mthar gsang sngags kyi phreng ba bzlas pa'i rnal 'byor la gnas pas so/ /de rjes la thun nye bar bsdu bas/ 'gro ba sbyang ba'i bsam gtan dang ldan pas/ rim gyis dkyil 'khor yongs su bsdus te/ bdud rtsi myur ba dang gtor ma dbul bar bya/ de nas mnyam gzhag gi rnal 'byor/ /mnyam langs/ / rjes thob la thun mtshams kyi bya ba spyod lam la 'jug par bya'o/ /rdzogs pa'i rim pa lam du bya ba ni/ de nas 'bar ba'i ma la ni/ /sregs blugs dgu ni sbyin par bya/ /'bar phreng rgya mtshor blta bar bya/ /kun nas sgo yi 'khor lor nges shes pa'i don gyis bde stong lhan cig skyes pa'i ye shes nyid la gnas pas/ phyag rgya chen po bsam gyis mi khyab pa'i don la gnas pas/ dus dang rnam pa thams cad du dpal he ru ka 'khor lo sdom pa'i nga rgyal du gnas par bya ba nyid do/ /'di ni he ru ka mngal skyes nyams su blang ba'i rim pa
- 96a
dpal DoM bi he ru ka'i dgongs pa'o// //de la dpal he ru ka mngal skyes kyi bskyed pa'i rim pa'i khyad par bstan pa'i gzhung bsdu ba bstan pa/ de nas rtag tu sgrub pa pos shes rnal 'byor pas mthun bzhi la sogs par nyams su blang ba'o/ /gsang sngags ni rtsa ba'i dang snying po dang nye snying la sogs so/ /lha ni shes nas bsgom pa bsnyen sgrub bzhis sam sbyor ba dang po la sogs gsum gyis nyams su blang ba mnyam rjes 'brel bas ma yangs par bas gtan la gnas pa'o/ /de nyid yon tan ni kun brtags 'khrul pa bzlog pa brtan g.yo gzhal yas khang dang lhar 'char ba'o/ /gzhan dbang las dang nyon mongs pa rnam par dag pas ye shes su 'char/ yongs grub 'khor 'das kyi chos nyid de mnyam lhan cig skyes pa'i ye shes su 'char ba'i khyad par gyis/ zhi gnas lhag mthong dbyer med du 'gyur bas byang chub sems bde chen rnam par mi rtog pa sgrub pa pos ni 'dod 'grub 'gyur zhes de bzhin gshegs pa' phrin las la dbang bsgyur ba'o// //le'u'i mtshan ni ro langs bsgrub pa zhes dur khrod kyi zhing skyong dang sha za sogs bstim ste las kyi pho nya ma bskul cing bsgrub pa'o/ /bskyed pa'i rim pa ni skye gnas kyi gzhi'i gnyen pos spyod byed mngon par byang chub pa'i cho ga'i le'u ste/ sum cu rtsa gnyis pa'i rnam par bshad pa'o// //de nas dpal ldan mchog gi spyod pa gsang bar bstan pas bsnyen dang nye bsnyen sgrub dang sgrub chen ldan/ /sbyin sreg phreg pho nya legs bstan ma zhen thabs bcas bde chen mchod bya phrin las grub/ /da ni sa ma ya na ya g+han mu pu tsA zhes pas dam tshig tshul la tshogs kyi mchod pa bstan pa la/ de nas sgrub pa po rnams kyis zhes smos te/ rim pa gnyis la gnas pa'i gang zag dam tshig dang sdom pa ldan zhing spyod pa a ba d+hU tI
- 96b
pa sbas pa la spyod pa gsang ba can no/ /sbyor ba ni rigs ldan ma lhar bskyed pas bde chen du ste/ kun la med pa bshad ni shin tu gsang ba ste/ b+hu su ku'i sbyong ba ltar byas pas rab tu dben pa'i tshul gyis spros bcas spros med shin tu spros med kyi tshogs kyi 'khor lo dang 'brel ba'o/ /sbyor de yang khyad par du ni 'di lta ste/ gnas phun sum tshogs par/ dus khyad par can tshes bcu la sogs pa la lha grangs dang mnyam pa 'am/ de ma yin yang dkyil 'khor 'khor lo'i bsam gtan la gnas pa tshogs pa bar byas pas khro bo sngon pos bgegs bskrad cing khrus byas nas nang du 'ongs pa la/ rnam par bkod pa'i dkyil 'khor ram/ tshogs kyi slob dpon gyis lha'i 'khor lo la mchod bstod byas nas/ der lha'i ting nge 'dzin dang ldan pa'i rnal 'byor pa dang/ rigs ldan ma la sku gsung thugs byin gyis brlab cing/ bzlas brjod byas la/ mchod pa la byug pa sngon du 'gro bas/ tshogs rdzas dang gtor ma byin rlabs lag mchod dang 'drel bas mchod pa ni/ reg ma bcu drug la sogs pa dbul/ de nas rgyan la sogs pa dbul te oM badzra su? mu TA/ oM kuN Da pi pU dza/ kaN h+ri ka ke yung/ ad ku li/ me kha la/ nU pu ra/ ha ra/ ma d+ha ha na/ pa ta ka /puShpa mA la pU dza/ oM tsan+d+ra/ sUrya/ bi bA na/ d+hA dza/ puShpa ka ri Ni/ oM pu ratwi ra Ni/ tsa ma ra/ d+harma ta tsakra/ tshad twa/ a shad ta pa gats+tsha/ tsakra/ tsindma ma Ni/ ma na dri/ saM ka pu ru Sha ra ta na/ ste ratna/ oM shaM kha b+hA Sha/ tsakra/ sh+ri b+hA da tsha/ tshad tra ratna/ man d+ha ra/ d+hA dz+nya/ mats+tsha/ ka la sha pU dza/ me g+ha sa mu da spa ra Na sa ma ye hUM/ zhes pa mchod pa sna tshogs rol mo'i bye brag longs spyod kyis mchod do/ /de nas thams cad kyang lha'i nga rgyal dang ldan pas/ lus kyi dkyil 'khor gsal btab la/ lce rdo rje'i sbyor bas nang gi sbyin sreg lam du bya bas dang po bla ma dang lha'i 'khor lo mkha' 'gro'i
- 97a
tshogs la mchod cing/ so sor rtog pa dral ba'i cho gas sha lnga bdud rtsi lnga la longs spyad par bya ba'o/ /mthar glu dang gar dang phyi nang bde ba chen po de kho na nyid rnal 'byor gyi ye shes gsang ba lhan cig skyes pa'i nyams bskyang bas kun nas dang bas ci nus par mchod par bya ba/ lhag gtor phyir btang bar bya zhing/ mthar bsngo zhing smon lam gdab par bya bas yi ge brgya pa brjod par bya'o/ /des ni dngos grub thams cad nges par 'grub par 'gyur ba ste/ le'u'i mtshan/ gsang ba'i mchod pa lha'i tshogs phyi nang kun tu bde ba chen pos so/ /bsnyen bkur gyi cho ga ni tshogs kyi 'khor lo ste/ le'u sum cu rtsa gsum pa'o// //khyad par yang dag ye shes mkha' 'gro dra bsdom pa rgya mtsho chen po'i 'khor lo yi/ /dkyil 'khor rim pa bsdus las dpal ldan rdo rje rnal 'byor ma'i gsang sngags rigs pa rgyu skyes ldan/ 'dir ni gnas skabs dang mthar thug gi dngos grub thams cad myur du sgrub par byed pa bstan pa ni/ de nas zhes smos te/ mkha' 'gro ma ni dpal rdo rje rnal 'byor ma sku gsung thugs rdo rje'i don kun sgrub par byed pa'i tshogs kyi dra ba sdom pa rgya mtsho'i dgongs pa'o/ /dpal 'khor lo sdom pa'i dkyil 'khor gyi lha tshogs thams cad kyi cho ga rgyas pa ste/ zab pa dang rgya che ba'o/ /las gang la ni kun brjod pa ni phyi nang de kho na nyid ye shes kyi sbyin sreg las/ zhi ba dang rgyas pa dbang dgug dang mngon spyod la sogs pa las chen rnams dang dngos grub 'grub par the tshom med pa'o/ /zhes pas rdo rje phag mo zhal gcig phyag bzhi mas phrin las myur du sgrub pa nyid do/ /de la 'dir sbyin sreg bstan pa las phyi'i thab khung dang rdzas la sogs pa me lha mchod pa la sogs pa yang gzung ngo/ /yang lha'i rnal 'byor dang sbyor ba ni/ mkha' 'gro rgya mtsho las/ dpal ldan dpa' bo he ru ka /de yi yan lag 'khor lor
- 97b
gnas/ /rnal 'byor ma ni sa gsum spyod/ /a haM shes rab thabs bdag nyid/ /lha yi rnal 'byor snying ga ste/ /gong ma ga pur sihla las/ ro rkyang rtsa dang d+hU tI ra/ /srog rtsol bcas pa'i sbyor ba'o/ /bsam gtan gnas pas mngon byang chub/ /sa bon rdo rje lnga bdag nyid/ shes pa dag byed sku rdzogs bya/ /lte ba sprul par pad+ma la/ /A li kA li nges par sbyar/ /a ba d+hU tIr sems dpa' che/ /'bar 'dzag bdud rtsi thig le ni/ /mdzod spu'i gnas las nges par gzhug /dpa' bo nus pa bzlog gyur pas/ /zhal gyi thigs pa byas chags 'bar/ /tsaN+Da lI yis bsreg de nas/ /bde ba 'bar ba me las ni/ /bsreg bya phung po 'byung bdud rtsi/ /drag 'bar thig le bcu drug gi /phreng ba ye shes rgya mtsho che/ /'od 'phro kun nas lus kyi sgo/ /mgal me'i 'khor lo ltar 'khor gyur/ / dbang phyug dpa' bo dpyid rgyas pas/ /zhal bzhi de nyid phyag rgya che/ /thig les mnyam gnas dga' ba che/ /lhan cig skyes pas mtshan nyid bral/ /skad cig sku gsung thugs ye shes/ /rdo rje snying po rtsa pad+ma/ /'dab gnas yi ge dkar dmar gsal/ /'byung po'i pho nya rtags dag bzhi/ /gnas 'dus dpal ldan 'khor lo sgyur/ /dpa' bo rnal 'byor gnyis med bde/ /phyi rol 'khrul 'khor las rlung dgug /khaN+Da ro has skul byed yin/ /yul dang dbang po mngon zhen pa/ /ye shes ro mnyam rang gis lus/ /kun dang 'khor lo kun dbus skyes/ /dus dang chu bo'i 'khor lo ni/ /gsang ba rnal 'byor lus gnas yin/ /zhes gsang ba bde ba chen po'i de kho na nyid bstan pa'o/ /le'u'i mtshan rnam par bshad pa ni/ pho nya mo'i sbyin sreg ni phyi nang gsang ba de kho na nyid bla na med pa'i ye shes bstan pa'o/ /phyi dang nang du phrin las ye shes kyi khyad par dgug pa'i cho ga ste/ le'u sum cu rtsa bzhi pa'i rnam par bshad pa'o// //de nas las kyi rab mchog nam mkha' mnyam pa'i bdag nyid ji lta ba bzhin rim pa bzhi
- 98a
ldan te/ /'bar ba'i phreng bas khams gzhan bdud rtsi len pa'i dus rtags phyogs dang yon tan gdengs can mthar/ /sku gsung thugs kyi sgo rnams mngon 'gyur dus min 'chi bdag 'joms par 'gyur bas dpa' dbang bde ba thob/ /de la phyi nang de kho na nyid gsang ba'i don bla na med pa bstan pa'i phyir/ de nas las kyi mchog rab ni dang por lha'i rnal 'byor dang ldan pas gsang sngags bzlas pa dang/ chos thams cad sgyu ma lta bur shes pas srog rtsol tsaN+Da lI spar bas/ rigs ldan las thabs shes rab gnyis med bde ba bsgrub cing/ brtan g.yo thams cad rang sems stong pa nyid du gnas pa snang stong du shar ba'o/ /ri bzhin rim gyis mtshon pa ste ni phrin las thams cad pa'i bye brag dang/ btum mo 'bar ba las thig le bzhu brtul dang/ snyoms par 'jug pa'i bde ba lhan cig skyes pa nyid lam du bya ba/ snang grags bde stong du 'char ba'i don to/ /mchod pa gnyis med sbyor bdag nyid ni de kho na nyid kyi mchod pa lam du gyur pa dang/ rtsa gsum las kun tu rim gyis 'bar ba las/ dga' ba dang skad cig nyams su myong ba ste/ 'khor 'das gsal stong gnyis med du 'char ba'o/ /las ni so sor sbyar bar bya ba ni/ las dang chos dang dam tshig dang phyag rgya chen po gnyis su med pa ro mnyam du ston pa'o/ /kha sbyar bar gyur pa dang/ rdo rje lu gu brgyud bcings pa zhes pa la sogs pa'i don ni/ dpal rdo rje mkha' 'gro las/ thabs dang shes rab mnyam sbyor bas/ /kha sbyor zhes byar brjod pa yin/ /rtsa gnyis kun tu 'khyud pa ni/ /rdo rje lu gu rgyud bcings brjod/ /rdo rje pad+ma dbye ba dang/ /sgro chun sbrang rtsi dbye bar bshad/ /skor ba gang zhig bskyod pa ste/ /bde de thabs kyis kun rig pa'o/ /chags pa lcags kyu lta bu ste/ /de bzhin gshegs pa thams cad dgug /mi 'khrug rdo rjes dkrugs pa dang/
- 98b
de ni bza' ba gsal zhing brjod/ /de nas chags sogs nyon mongs rnams/ /dbug la dum bu mda' sbyar bya/ /shin tu rgya che dmigs pa ste/ /kun rdzob btung ba mchog nyid dang/ /dngos kun rdo rje rnam dag bya/ /rdo rje zhes bya de bzhin gshegs/ /ji ltar rgyal ba de dbus su rtag tu 'byin dang sdud pa'o/ /yi ge pho nya la sogs sngags/ /mnga' yi shugs bzhin yongs su 'khor/ /sprul pa'i 'khor lo'i dbus su ni/ /sde mtshan brgyad kyis shin tu bskor/ /sngags rnams thams cad 'byung gnas te/ /phan tshun ci yang rung ba bskyed// chos kyi 'khor lo zhes bya ba/ /lus can rnams kyi snying gar bye/ /sgra lnga dang ni yang dag ldan/ /longs spyod 'khor lo zhes bya ba/ /ya ra la wa rnam par blugs/ /ro langs kyi ni rten rang bzhin/ /cha rnams bzhi po dag gis ni/ /kun nas yongs su bskor ba'o/ / bde ba chen po'i 'khor lo che/ /byang sems sum cu rtsa gnyis ldan/ /zhes bya ba yang de nyid do/ /sa bon phreng ba de nas bsgom/ /hUM gi skud pas rgyu bar bya/ /bsgrub bya 'og par gyur pa ni/ /gom pa gcig kyang mi 'gro'o/ /'di ni shes rab lhan skyes te/ de yi gzugs su gyur pas na/ las kyi rlung gis bskyod nas su/ /lte ba'i dkyil 'khor 'og nas 'bar/ /kha sbyar sgyu ma chen por bshad/ /'chi bdag las rgyal rab pa sgrub pa'o/ /skra rtse brgyar gyur pa yi cha/ /skad cig glog gi 'od zer can/ lha'i rnal 'byor dus su ni/ / ba spu rnams kyi bu ga nas/ /phyogs bcu rnams su spros nas ni/ /lha dang lha min bsdigs par byed/ /snying ga chos kyi 'khor lo ni/ bsregs te longs spyod 'khor lor 'jug /sna bug g.yas nas byung nas ni/ /slar yang zhugs te smin mtshams kyi/ / mdzod sbu khung nas su/ /phyogs bcur bzhugs pa'i sangs rgyas dang/ /byang chub sems dpa' thams cad kyi/ /shangs sgo g.yon du zhugs nas ni/ /spyi bo'i 'khor lo bsregs nas su/ /bdud rtsi ye shes bcud bsdus pa/ /sngon gyi lam nas slar byung ste/
- 99a
slar yang rnal 'byor spyi gtsug zhugs/ /bsregs par gyur pa'i sangs rgyas rnams/ /bde chen rgyas pa'i lte ba yi/ /dkyil 'khor du ni son gyur nas/ /sngon bzhin du ni gnas par 'gyur zhes gsungs pa'i don to/ /rang rang phyogs kyis phye ba yin/ /'jug pa yis ni dbye ba nyid/ /ces pa'i don la/ zla ba dang ni nyi ma dag /'og dang steng gi sgo gnyis te/ /gnang 'byed pa ni gser sgo ste/ dzA lan d+ha rar gtugs pas bzlog /phyir 'gro nang du 'ong bas so/ /'gog pa'i dus dang dpyid kyi dus// ji srid g.yas dang g.yon pa yi/ /rlung dang yi ge thig le 'gog /kun dang 'gram gyi rtsa dang rtse/ /dzA land+ha rar 'gog 'gyur ba'o/ /skye ba rab tu 'phel ba'i dus/ /sdud pa 'grib cing ldog pa'i dus/ /gnas pa mnyam par 'gyur ba ste/ /rab tu thim pas stongs par gyur/ /tsha grang 'byung ba'i khyad par phyed/ /nyin mo 'phel ba byang bgrod dus/ /mtshan mo 'phel ba lhor bgrod dus/ /mnyam pa dus ldan gnas pa'o/ /g.yas nas 'phel ba g.yon rtser ldog /g.yon nas 'phel ba g.yas rtser ldog /drod kyang lugs 'byung lugs bzlog las/ /brtan pa dang ni g.yo ba las/ /drod ni 'phel 'grib can yin te/ gyen du bsnyag dang thur du 'jug /'chi bdag las ni rnam rgyal ba/ /sgra gcan mchod yon yan lag sbyad gsang ba grub pa rtogs par bya/ /zhes pa'i don to/ /'jug cing mgo bzug pa dbang du byas pa/ longs spyod pa yongs su thim pa bstan pas nyi ma dang mtshungs pa rtogs par bya ba'o/ /le'u'i mtshan ni dus ma yin par 'chi ba bslu ba'i cho ga'i le'u ste sum cu rtsa lnga pa'o// //gsang bde kho na nyid mchod pa rig ma dang ni gnyis med bde ba lam du bya ba nyid/ rim dang rim pa med pas dpyid dang thig le sos dang ston dus kyis phye zla ba ngos bzung ba'o/ /'dir dpal 'khor lo bde
- 99b
mchog gi rnal 'byor pas/ lus sems snang ba bde ba lam du bya ba'i phyir/ de nas phyag rgya'i mchod chen dang zhes smos te/ 'di nyid las/ le'u dang po las bsrub bya srub byed yang dag sbyor zhes pa dang/ sbyor nyid cho ga'i ye shes zhes pa'i rgyas par bshad pa/ 'di ni dkyil 'khor 'khor lo'i lam bla na med pa bstan pa nyid do/ /de la rnal 'byor rigs ldan dang/ /mthun mong sngags kyi dgod pa mchog /go cha chen po bgo ba dang/ /snying po nye snying lte ba dang/ /snying ka mgrin pa dpral bar ni/ /nyi zla gnas la gsal bar blta/ /phyag rgya snying po'i mchod pa 'dis/ /bde chen gsang ba grub pa nyid/ /myur 'grub yin par the tshom med/ /blo ldan dpa' bo lha mchog gis/ /rigs ldan rnal 'byor ma bsrub bya/ /lhar gsal bde bar snyoms zhugs pas/ /haM las bdud rtsi byang chub sems/ /rab 'bab bcu drug cha bcas pa/ /de nyid kun dar las brgyud de/ /thams cad bde ba nyid 'char ba/ /dga' ba mchog dga' lus sems te/ rnam pa sna tshogs rnam par smin/ /'khor lo rnams la cha shas gnas/ gsang ba nor bu'i rtse las ni/ /tha mal rtog pa rnam dag dang/ ma rig thig le gnyis shor zhing/ /ye shes bde ba gsang ba yi/ /thig le snying po gsang bar gnas/ /gnyis shor gnyis mnyam dus su ni/ /lhan cig skyes pa'i dga' ba ste/ mtshan nyid bral ba'i skad cig ma/ /rab rdzogs dga' bral rnam par nyed/ ro mnyam rdo rje mi 'gyur ba'o/ /de nyid chag pa rnam dag pa/ /dri med lus ngag sems dag ni/ /'dam skyes pad+ma ltar gsal 'gyur/ /phyag rgya grub pa'i lus rnams ni/ /bgrod bas 'dod yon lam du 'gyur/ /sa bon 'od 'bar mtshon cha dang/ /sngags ldan lha mo lha sbyar ba/ /snying po gsang ba cho ga nyid/ /'bad pa rgyu 'bras rgyas gdab gyur/ /'bras bu rnams dbye skad cig ma/ /phyin ci ma log gsang ba las/ /
- 100a
thugs ka nas phyung nges par spro/ /rnam shes tshar bcad ye shes kyis/ /phan byed dngos 'dzin las dag 'gyur/ /thabs shes dbye ba 'khor lo yi/ /rtsa yi lam mchog rdo rje yi/ /skyil krung gyur pas rab sbyor 'grub/ /ces pa'i don gyis rab tu byed pas ye shes bde ba chen po rab tu thob pa DA ki badzra rgya mtsho las gsungs pa'i don gyis/ lam myur du gcod pa phyag rgya chen po'i snying po bla med bstan pa'o/ /le'u'i mtshan ni/ de kho na nyid kyi mchod pa dang/ dgug pa'i cho ga ni bde ba lam du gyur pa/ lugs su 'byung ba dang/ lugs las bzlog pa'i rim pa'i skye tshul/ des dbang phyug brgyad ldan gyi gsang ba bsten pa'i le'u ste sum cu rtsa drug pa'o// //bde chen sdom pa lam du byed pas spyod pa grub pas rigs ldan thams cad sa gsum por ni dbang du byed/ /gang du dgug byed smin bsreg sbas pa'i lam nyid dam tshig ldan pas nges 'grub 'gyur/ /'dir rigs ldan gyi khyad par gyi mtshan nyid dang spyod pa yongs su shes pas dbang du bya ba dang/ de kho na nyid kyi mchod pa'i gsang ba bstan pa la/ rnal 'byor pa la rjes su chags par 'gyur ba med pa ni/ brten par bya ba la dbang thob par mi 'gyur bas/ de nyid nges par bya ba ni/ de nas gzhan yang bshad bya ba ni/ pho nya'i lam pas ni phyi'i rigs ldan dbang du bya ba la brten 'dod yon lam du khyer bas phyag rgya chen po 'thob pa dang/ rnal 'byor gyi lam pas/ de kho na nyid sbas pa'i don gyis rang lus thabs lam du gyur pas ye shes grub pa bla na med pa bstan pas/ phrin las thams cad nang gsang ba'i rigs ldan gyis grub par bstan pa'o/ /tshar bcad grub pa'i cho ga ste zhes pas/ bdag la mngon par mi phyogs pa la/ rdzas dang 'khrul 'khor gyi sbyor ba dang/ sngags dang bsam gtan nus pa drag tu dmigs pas so/ /rjes su 'dzin pa ni sngags dang rdzas tsam gyis 'grub
- 100b
pa'o/ /grol lam bas cho ga ni kho na nyid lnga ldan gyi rim pa ste/ bdag gi de kho na nyid ni rnal 'byor pa'i lus sku gsum las byung ba'i rtsa yi ge thig le rlung gi phra rags spyi dang bye brag rtogs pa'o/ /lha'i de kho na nyid rang lus gdong ma nas dkyil 'khor yongs rdzogs su shes pas so/ /sngags kyi de kho na nyid ni yi ge'i rtsa ba e baM las grub tshul bstan pa phyi mo brgyad dang A li kA li'i tshul lo/ /phyag rgya'i de kho na nyid de ni/ phyag rgya 'ching ba dang 'grol ba brda'i bye brag gis rtogs par gyur pa'i/ /ye shes kyi de kho na nyid ni/ gnas lugs dang/ rtog pa thabs kyi ye shes dang/ thob pa dbang gi ye shes/ grol ba rang byung ye shes/ 'bras bu chos nyid ye shes so/ /phan tshun sbyar ba'i gsang sngags te zhes pas steng 'og phyogs bcu thams cad du rtsa'i 'khor lo la gnas pa'i lus kyi nang khong nas 'byung ba'i rang sgra lam du 'gyur ba'o/ /dkyil 'khor ba'i 'byung gnas thams cad kyi bdag nyid grub pa'i dbang phyug tu bstan pa'i phyir/ sangs rgyas mkha' 'gro ma ni dpal rdo rje rnal 'byor ma nyid de de dang gcig tu sbyor ba dpal he ru ka ste/ yang yum thabs shes rab dbyings rig dbyer med/ rigs kyi dkyil 'khor thams cad spro ba dang bsdu ba'i dbang phyug phun sum tshogs pa gsang ba mi 'gyur ba'o/ /dbang du byed pa la tshogs kyi zhal zas sbyar ba'i bye brag dang/ 'dod 'jo ba'i 'o ma'i rdzas la brten pa dang/ khur ba bo la'i sbyor bas bya ba dang/ byug pa'i sbyor bas bya ba dang/ sbyin sreg gi dbang du bya ba dang/ dus thung dus grub pa dang/ shin tu gsang ba rnyed dka' bar gdams pa dang/ gang zag dman pas kyang grub par bstan pa'o/ /le'u'i mtshan ni nang gi bdag nyid dbang du bya ba'i khyad par du byas pa'i le'u ste sum cu rtsa bdun pa'o// //de la gong du phyi nang de kho na nyid kyi sbyin sreg bstan nas da ni de nas shes smos te/ le'u 'dis khyad par
- 101a
du rigs ldan mchod pa sngon du 'gro bas spyod pa gsang ba nyid las/ dam tshig dang 'gal ba'i las spang bya mi mthun phyogs dgag pa ston pa nyid las/ brda dang mkha' 'gro ma'i zhes pa pho nya'i bye brag go /rigs ldan ngos gzung ba'i khyad par lus kyi mtshan nyid dang ngag brda dang yan lag gi brda bya bas so/ dpa' bo'i yan lag ni gsang spyod kyi dbye ba ni/ a ba d+hU tI pa dang/ b+hu su ku ltar dang/ smon pa lta bur spyod pa las/ de bzhin du ni spros bcas spros med shin tu spros med dus dang 'brel pa can gyis 'grub par 'gyur ba ste/ mchog bsgrub pa'i don du bstan pa'o/ /de la bsrung ba'i dam tshig las 'phros pa can te/ gsang ba nye bar gdams pa/ ma bsrungs pa'i nyes pa dgag par bya ba la/ dpa' bo'i dbang phyug ces pa la sogs pa ste/ de'i don ni/ gsang ba'i brda dang spyod pa'i khyad par dag las dam tshig sdom pa yang dag grub ste dpal ldan mkha' 'gro yi/ /dgag dang bsgrub phyogs gnas bcas phan yon mthong zhing rnam dag gnas su rnal 'byor rol pa nyid 'thob 'gyur// //de dag lhan skyes legs skyes pa/ /srog chags bsod nams mthong ba yin zhes pas/ dpal 'khor lo sdom pa'i lam 'di'i gsang ba bde ba chen po mchog gi lam nyams su len pa de dgra lam thams cad myur du mchod par 'gyur ba'i don to/ /le'u sum cu rtsa brgyad pa'o// //'dir dngos grub nye ba'i rtags cung zad 'byung ba la/ le'u dang po las/ mchog dang 'bring dang tha ma ste/ pho nyas lhan cig skyes dngos grub/ ces pa'i don bstan pa'i phyir/ /de nas sgrub pos rnal 'byor che zhes smos te/ rnal 'byor te tshogs lam chung ngu dang/ rjes su rnal 'byor te/ yang dag spong ba shin tu rnal 'byor rdzu 'phrul rkang pa'i nus pa 'phel bas/ /rnal 'byor chen po sbyor
- 101b
lam du lhag pa'i dkyil 'khor du pho nya lhan cig skyes pa 'am/ zhing skyes kyi lha tshogs kyis dngos grub ster ba'i rtags 'char ba la tshogs kyi dkyil 'khor la mchod pa chen po bya ba ste/ de'i dus su dang po dri yid du mi 'ong ba dang yid du 'ong ba du ma 'byung ba dang/ de nas sgra'i tshogs sna tshogs pa du ma grag cing/ mthar gzugs sdug pa dang mi sdug pa sna tshogs 'byung ba'i tshe/ pad+ma gar skor phyag rgya dang/ gsang sngags yid kyis brjod pa/ ting nge 'dzin mi 'gyur ba'i ngang las/ lha'i 'khor lo gsal ba'i sngags kyi rnam pa brgyad du bkod pa ye shes kyi gang mo zil non rdo rje rkang pa brgyad pa dpal he ru ka'i brtul zhugs ldan pas blta bar bya'o/ /bzhad pa rnam pa bzhi bos rgod ni rang he ru ka zhal bzhi pa'i nyams kyis sngags dang lta stangs kyis sang pa'o/ /de'i dus su yang gzugs mi snang ba'i sgra sgrogs pa gal te byung bar 'gyur ba ni 'jigs pa'i sgra ni rnam mang po ni phyi dang nang gi las/ rtsa gnas kyi yi ge dang rlung phrad pa las 'byung ba bzhi'i tsha grang las gyur pa dang/ nyams myul ba'i DA ki'i byed pa'i khyad par rtogs par bya ba'o/ /yang rnal 'byor ma'i tshogs mi zad pa du ma'i mkha' 'gro ma rnams kyis 'jigs byed cung zad bsdigs par byed pa la rje btsun ma'i nga rgyal gyis rkang pa brgyad pa rtsa ba'i sngags brjod par bya'o/ /der lhag pa'i lha'i sku mthong bas bdud kyi bar chad kyis glags mi rnyed la/ rnal 'byor pa nyid gal te skrag na mi snang bar 'gyur ba'o/ /de nas dkyil 'khor ba'i lha tshogs rnams 'di'i dus khyad par can la yang dag mthong bas de nyid du dngos grub mchog gsol bar gyur par gdon mi za ba phyag rgya chen po ye shes kyi ting nge 'dzin gyi sgo thob par 'gyur ba'o/ /yang na rigs ldan pad can ma lta bu de kho na nyid kyi spyod pa gsang ba thabs shes rab lha'i nga rgyal gyis snyoms pa'i tshe/ bzhad pa bzhi ni dga'
- 102a
ba bzhi nyams su myong ba las/ byang sems gyen du bzlog pa lus kyi 'khrul 'khor rlung gnad sngags kyi rnam pa 'dren pa'i yi ges rtsa gnas su dgram par bya ba brgyad du dgong ces pa yan lag dang spyir bor haM la bstim pa'o/ /de yang dga' ba bzhi la dus skad cig ma bzhi dang ldan pas kyang brgyad nyid de thig le bcu drug las/ bde ba chen po'i lhan cig skyes pa'i ye shes 'char ba'o/ /de yang thabs shes rab gnyis ka la rnam pa sna tshogs pa'i skad cig ma'i dus su thig le gnas nas cung zad g.yo bas 'jigs pa mi zad cing/ rngam zhing dbugs rgod pa la sogs pa rnam 'gyur 'byung la/ gnyis pa rnam par smin pa'i skad cig ma'i dus su bde ba cher 'phel ba lus kyi gnas nyi shu rtsa bzhi'i thig le dbu mar 'du ba las dngos grub ye shes stsol bar 'gyur ba las thig le rdo rje bum pa nas gnyis shor gnyis gnas mtshan nyid dang bral ba'i skad cig ma bde stong gnyis sde thob par gdon mi za ba nyid do/ /de las tha mal pa'i rtog pa thams cad skrag cing rnam par byed par gyur pa rnam par nyed pa'i skad cig ma dga' bral du gyur pa'o// rang gi gnas ni rtsa kun dang du kun rdzob kun da las don dam bde ba can ye shes rang 'byung mi 'gyur ba thob pa'i don gyis gsang ba'i mkha' spyod thob pas zung 'jug rab tu mi gnas pa mngon du gyur pa'o/ /le'u'i mtshan ni ha ha zhes rgod pa ston pa ni/ dbang phyug brgyad dang ldan pa/ bde chen gsang ba mnyam pa nyid ye shes kyi gnas bstan pa'i le'u sum cu rtsa dgu pa rnam par bshad pa'o// //de yang gong du le'u sum cu so bdun par rigs ldan ma dbang du bya ba bstan cing/ 'di nas 'jig rten gyi yul dang sa'i bdag po la sogs pa dbang du byas pa bstan pa la/ de nas zhes smros te/ gang dag bstan pa rgyas shing skyong bar bya ba'i thabs da ni bshad bya ba ni/ rnal 'byor che gar gnas pas/ dngos grub bsgrub pa'i dkyil 'khor chu bo
- 102b
me yis phye ba'i lha tshogs kyis/ /thams cad dbang byed 'khor lo sbyin sreg phyi nang dag gis skal ldan yon tan dbang phyug 'gyur ba nyid/ ces pa'i don te/ gang gis mi rnams dbang du 'gyur ba phyi nang de nyid bya ba las tshogs rab 'byam/ rdzas dang sngags dang 'khrul 'khor thabs kyi dbye bas/ thabs khung dang/ yam shing/ bsam gtan gyi khyad par/ dgang gzar blugs gzar gyi bye brag dang/ me lha ji ltar mchod pas 'jig rten pa'i lha mnyes par bya zhing/ 'jig rten las 'das pa'i dkyil 'khor ba mchod pa'i tshul gyis/ de dag gi phan yon 'byung ba rtogs par bya ba'o/ /rnal 'byor sngags kyi cho gar gnas pa ni/ rim pa gnyis la gnas pa'i nus pa brtag pa las/ lha'i rnal 'byor gyi dus dang/ grangs mtshan ma mthong zhing/ de kho na nyid du rlung las rnam par rgyal ba thob pas/ bsam gtan la dbang sgyur bas/ chos can dang chos nyid tha dad pa'i gnyis 'dzin rnam par dag pa nyid kyis yul snang dbang du byed pa 'gro ldog nus pa'i bye ba la rag las pa nyid do/ /'jig rten gyi dbang phyug nyid dang 'jig rten las 'das pa'i sa la gnas pa gang yin pa ni 'gro ba dang/ rnal 'byor pa'i ting nge 'dzin gyi phrin las so/ /dpa' bo zla bas zhes thun mong du rtsa sngags snying po nye snying gis grub pa'o/ /khyad par du ni rnal 'byor gyi lam pas zla ba bya ba sems yongs su 'phel ba las yon tan du ma 'grub par 'gyur ba nyid bstan pa'o/ /thab gdang ldan pas sreg rdzas kyi/ dus kyi khyad par 'gro ba dang gang gis rigs la grangs kyi rim pa las/ rnam shes ye shes las kyi grub pa bstan pa'o/ /le'u'i mtshan las rigs lnga po dbang du bya ba ni/ bram ze/ rgyal rigs/ rje'u/ blon po/ rgyal phran/ dmang rigs rnams so/ /phyag rgya chen po bstan pa ni/ 'gro ba gdul bya de dag la rnal 'byor pa'i ting nge 'dzin gyis rgyas btab pa'o/ /le'u bzhi bcu pa'o// //
- 103a
de nas grub pa'i khyad par rnam shes las dang ye shes dag gi las te gsang ba 'jig rten dang/ bden pa mngon byas ye shes la ste dpag med nus pa rdzu 'phrul tshad med rnams 'byung zhing/ /rnam shes cho 'phrul bkod par nyi tshe ba yin rab 'byam zad par zil gnon de las dben par gyur pa nyid/ /las chen bcu gnyis 'di dag re re la yang lag pa zla ba dag gis klu dang rig byed du 'gyur 'khrul 'khor gsang ba'o/ /grub byed gnyis dang lhan cig spyod pa'i rigs ldan pho nya rig ma'i skyes bu mngon grub byed/ /ces pa'i don gyis/ de yang gnas skabs dang mthar thug gi phyi la mchog tu gzhol ba dang nang la mchog tu gzhol bas rab mchog ni las rab 'byam du ma bsdus pa'o/ /sgrub pa po gang gis thabs dang thabs las 'byung ba'i rim pa shes nas rnal 'byor ma yis grub pa rab tu ster bas nges pa nyid 'grub par 'gyur ba'o/ /des mdor bstan nas rgyas par bshad pa la/ /dbang ni rgyal po blon po bram ze la sogs pa'o/ /dgug pa ni pho nya rigs ldan no/ /dbye ba ni mdza' sde 'byed pa'o/ /gsang ba bla ma la sdang ba dang rdo rje theg pa la smod pa rnams la'o/ /bskrad pa ni yul phyogs gzhan du'o/ /la sogs ni zhi ba dang rgyas pa bsdus pas so/ /rmugs pa ni mi shes par gyur pa'o/ /rengs par byed pa ni lus shing ltar gyur pa/ rmongs pa ni ma rig pa'i ngang du brgyal bar gyur pa ste/ phur bus gdab pa ni de dag kun la yang khyab cing/ yang na dpung non par bya ba'o/ /rtsod par smra ba ni tshig 'phrog pa ngag gi nus pa mnan pas ni lkugs par gyur pa pha rol po'i ngag gi bden pa'i stobs nyams par byed pa'o/ /'on dang ni rna ba'i sgra 'gog pa/ de bzhin mig nyams par byed pa mthong ba 'gog pa'o/ /ma ning nyid du bya ba ni lus kyi cha shas nyams par byed pa can no/ /gzugs ni yongs su 'gyur ba rkang bzhi dang rkang gnyis su 'gyur ba dang/ 'dab chags du mar bya ba
- 103b
la sogs pa'o/ /las chen bcu gnyis 'di dag ni sngar gong du bstan pa'i phrin las bsdus pa nyid do/ /dngos grub sgrub pa po la ni zhes bsam gtan gyi byed pas myur du mngon du byed pa ste/ bskyed pa'i rim pa la brtan pa thob cing rdzogs pa'i rim pa la rtags 'ga' 'thon pas ni dran pas 'grub 'gyur gdon mi za ba ni ting nge 'dzin gyi khyad par gyis skad cig re res grub pa'i don la the tshom med par 'grub par byed ces pa'o/ /da ni rigs ldan gyi rnal 'byor ma dag gis rnal 'byor pa la gsang ba grub pa ston par byed pa ni/ zhing skyes kyi mkha' 'gro kun tu spyod pas gnas pa ni/ mkha' 'gro mas ni thams cad khyab ces pa sku gsung thugs yon tan 'phrin las dam tshig ye shes la gnas pas phyogs bcu kun tu rol par mdzad pa'o/ /gang zag skal bar ldan pa la byin gyis brlab par 'gyur ba ni/ shar dang byang gi gnas la sogs shes pa dkyil 'khor gyi rnam par gnas pa'i phyi nang kun tu ste/ gang du spyod pa'i dus la bab pa'i tshe/ ye shes ldan pa'i rang skyes gnas ni bsod nams dang/ ye shes las grub pa lhan cig skyes pa'i rnal 'byor ma bram ze la sogs pa'i tshul la gnas nas kun tu spyod pa'o/ /yul dang ni zhing skyes ma rnams so/ /yul du ni yul dbus la sogs par sngags skyes ma dus tshigs khyad par can la skyes pa rigs kyi rtags mtshan mngon par 'char ba can no/ /de yang dpal he ru ka'i gnas bcu bsdus pa ni rnal 'byor ma nyi shu rtsa bzhi bzhugs la/ 'thung spyod dang nye ba'i 'thung spyod du ni dam tshig gi mkha' 'gro rnams bzhugs pa nges pa'o/ /sangs rgyas thams cad kyi phrin las las grub pa'i rdo rje stobs ldan mi shigs pa'i gnas nyid de rdo rje'i dkyil 'khor ni 'khor lo lnga ldan dkyil 'khor sgo bzhi rta babs la sogs pa dang ldan pa'o/ /de'i dbus kyi dpal he ru ka dang dbyer med pa'i gtso mos rdo rje rnal 'byor ma yin zhes 'khor bzhi dang bcas pa nyid do/ /de ni mkha' 'gro ma ru bshad ces lha'i rnal 'byor du lus
- 104a
kyi dkyil 'khor du de kho na nyid dang nang gi mchod pas so/ /rdzogs par rtsa dang yi ge byang sems las/ byang chub phyogs kyi dkyil 'khor du thabs shes rab gnyis med bde chen ye shes kyi mchod par bya ba'o/ /da ni phyi dang nang gi yul nyi shu rtsa bzhi ngos gzung ba rim pa ma yin par bstan pa'i phyir/ sku'i 'khor lo nas brtsams te bstan pa ku lu tA dang zhes smos te/ dgon pa ni ma ru ste mya dam gyi shang ngo/ /des dur khrod do/ /sind+hu'i yul dang grong khyer ni/ na gar ste dur khrod ces bya'o/ /gser gyi gling ni/ su war+Na twi ste/ sau raSh+Ta ni nye ba'i 'dus sa 'o/ /de bzhin lha'i khyim ni gri ha de ba ta'o/ /'byung po'i grong ni 'dus zhes bya ba'o/ /gsung gi 'khor lo bstan pa ni/ kha ba'i gnas ni hi mA la ya/ kaltsi ni nye ba'i tshando ha/ lampA ka'i yul dang ka laM ga ni tshando ha'o/ /ko sa le dang tri sha ku ne ni nye ba'i zhing/ o Te dang kA ma rU pa ni zhing zhes bya'o/ /thugs kyi 'khor lo bstan pa ni/ mA la ba dang lha mo khar ni de bi ko Ta ste/ rA me shwa ri ni dbang phyug go dA ba ri ni nye ba'i gnas zhes bya'o/ /arbu da dang uDyan/ dzA lan d+har ni dang/ pUl+lIr mA la ya ni gnas zhes bya ba'o/ /de la sogs khongs su bsdu ba ni/ a'u la thA dang pi la thA ste/ gnas brgyad du dam tshig gi lha mo rnams bzhugs pa ste/ yul sum cu so gnyis po kun tu rol pa ston pa'o/ /de dag la rgya 'debs pa'i rnal 'byor ma rnams gang zhe na/ gzugs can 'o byed lA ma dang/ yongs bsgyur ma dang byis bcas mo/ /phyir mi ldog pa e hi ka/ rdo rje ma nyid brgyad du dran/ /dang po rgyas 'deb phyag rgya ste/ gnyis pa snying nas 'gug byed ma/ /gsum pa rmongs byed pho nya ma/ /bzhi pa de nyid slong byed ma/ /lnga pa bzhad pa'i phyag rgya ste/ /de nyid rigs ldan ma yin te/ /drug pa gsong byed ma ru 'gyur/ /bdun pa za byed dpa' mo che/ /brgyad pa nges par
- 104b
sdud byed do/ /gshin rje skrag byed drag mo dang/ /gtum mo dang ni tshe zan ma/ /b+ha su ra dang ka na ni/ /bsdus ma phag mo brgyad du 'dod/ /ces rnal 'byor ma bzhi rgyud las gsungs pa'i don to/ /de yang khyad par du mi'i 'gro ba skye gnas 'dzin par mdzad pa'i tshul ston pa ni/ yul 'di rnams kyi bu mo gang zhes spyi dang bye brag tu 'gro ba'i don du bzhugs pas dngos grub stsol bar byed pa'o/ /dpa' bo khaN Da ka pA la la sogs pa dang gnyis med rnal 'byor ma zhes rang bzhin gyi byang chub sems kyi ngang las thugs rjes dus rgyun tu gzigs par mdzad pa'o/ /de kun ni lhan cig skyes ma rnams so/ /'dod pa'i khams kyi lha dang mi'i gzugs can te/ zhen pa med kyang gzugs sgra la sogs pa la spyod pa ltar snang ba yin no/ /ngo bo chos nyid skye ba med pa ye shes kyi sku yin yang thugs brtse ba chen pos 'gro ba'i don la 'jug pa'i phyir yid kyi shugs kyis 'jug pa yin zhes glog 'gyu ba ltar/ thogs pa med pa gdul bya'i bsam pa'i dbang gis 'jug kyang/ rang bzhin rnam par mi rtog pa'i ngang las g.yos pa med ces pa'i don to/ /de ni sku'i 'khor lo sa 'og spyod dang/ gsung gi 'khor lo sa spyod dang/ thugs kyi 'khor lo mkha' spyod rnams ni mkha' 'gro drug gis yongs su bsdus shing rgyas btab pa ni/ rnal 'byor ma drug ni/ lA ma dang/ gzugs can ma dang/ byis bcas ma dang/ yongs su bsgyur ma dang/ e hi ka dang/ mi ldog ma rnams so/ /de yang bye brag so sor bstan pa la/ ku lu tA de nyid na lha mo mahA bIrya bzhugs pa'o/ /mya dam yul ni ma ro ste der ma mo rnams ni de nyid rlung gi phyogs kyi tsakra warti ni 'o/ /sin d+hu'i phul na de nyid bden bral phyogs kyi lha mo mahA pa la ste/ rigs kyi gtso mo ni thugs rje sa'i bdag nyid can/ na ga rar de nyid du lha mo shin du dpa' mo me'i phyogs so/ /lA ma ste zhes de nyid rnam par snang mdzad kyi rigs kyi 'khor lo'i mtshams ma rnams lA ma nags tshal
- 105a
mas bsdus zhes pa'o/ /lampa ka ni su war+Na drI ba ste/ de nyid 'chi bdag gi phyogs kyi lha mo tsakra warmi Ni'o/ /sau rASh+Na ra ni der chu bdag phyogs kyi lha mo shauN+Di ni'o/ /rigs kyi lha mo rnams yin no/ /ka dya che ni griha de ba tA ste der lha mo khaN+Da'o nyi ma gnod sbyin phyogs na'o/ /'byung po'i grong ni bre ta pu ri ste der dbang po'i phyogs kyi lha mo tsakra be ge gnas pa ste/ mkha' 'gro gzugs can ma dung bcas ni sku rdo rje'i rigs kyi phyogs kyi lha mo de rnams rU pi ka ru ste gzugs can mas bsdus pa nyid do/ /da ni gsung rdo rje'i 'od dpag med kyi rigs las/ hi mA la ya ri bo ni 'byung po'i phyogs der lha mo kha ga na ne nyid do/ /kany+tsa b+ha li ni kany+tsi ste der rig 'dzin phyogs su lha mo ha ya kar+Na nyid do/ /pany+tsa li'i yul dag ni der bden bral phyogs su lha mo su b+ha dre gnas pa'o/ /ka li gin me'i phyogs der lha mo sh+yA ma di wa gnas pa las/ brtul zhugs 'dzin pa khyim lha mo ste spyod pa bla na med pa can no/ /gsung gi tsakra'i mtshams ma bzhi ni lha mo byis bcas mas bsdu bar gyur pas te/ de nyid kho na'o/ /ko sa la ni yul der gshin rje'i phyogs su lha mo su ra b+hak+Shi gnas pa'o/ /sha zan ma ni skye ba bdun pa'i sha la longs spyod par byed pa nyid do/ /grul bum grong ni o Ta'o/ /sha chen ma ni lus yongs su rgyas pa'o/ /rdo rje mkha' 'gro ni der gnas pa'i gnod sbyin phyogs kyi lha mo ma hA b+hai ra gI ye'o/ /sbom dbang phyug ni ye shes la dbang sgyur ba'o/ /kA ma rU par te de ni brgya byin phyogs kyi lha mo e dA ba ti'o/ /tri sha ku ne ni chu lha'i phyogs te der lha mo bA yu be ga gnas pa ste/ /khaN+Da ro he ni yongs bsgyur ma ste gsung gi 'khor lo'i phyogs kyi lha mo dag bsdus pa'o/ /'od dpag med kyis rgyas gdab pa nyid do/ /de dag ni rim pa can ma yin pa'i sgo nas mas rim gyis bstan nas/ da ni thugs kyi 'khor lo'i sdud bya sdud byed du bstan pa ste/ pul+li ra ma la ya ni de bzhin nyid brgya
- 105b
byin phyogs su lha mo pra tsaN+Di/ de bzhin du ni u rgyan du ni chu bdag phyogs de lha mo pra b+ha ba hI ye dang/ ar bu da ni de nyid gshin rje'i phyogs te lha mo mahA nA se'o/ /gser rir ni dzA lan d+ha ra ste gnod sbyin phyogs kyi lha mo tsaN+Da ak+Shi ma'o/ /sme sha can rigs skyes ni lha mo i hi ka skrag byed ma ste/ thugs rdo rje'i 'khor lo'i phyags ma bzhi po bsdus pa'o/ /lha mo stong phrag nyi shu bzhi ni dpa' mo gtso mo rnams la 'khor grangs can dang grangs med du bskor ba du ma rnams so/ /lhag ma gzhan dag ji snyed pa ni/ thugs kyi 'khor lo'i 'byung po'i phyogs kyi lha mo dru mats+tsha ye dang/ de wi ko Ti'i rlung gi phyogs kyi lha mo laM ke shwa ri ma dang/ rA me shwa ri'i bden bral phyogs kyi lha mo khar ba rI ye dang/ go dA ba rir ma'i phyogs kyi lha mo bA rim ti dang lha mo de rnams mi ldog ma zhes bya bar bsdus pas shes par bya'o/ /dam tshig 'khor lo ni tsum bi ka zhes pa ya mi nis bsdus par ni dpal dzA lan d+har bas bzhed pa/ bde chen gyi lha mo ni rdo rje rnal 'byor ma ste/ sdud byed mar grangs pa'o/ /de dag thams cad thabs shes rab dbyer med pa'i sdom par bsdus pa ni dpal ldan he ru ka yin zhes yab snying rje chen po mi 'gyur ba dang/ dpal rdo rje rnal 'byor ma shes rab stong pa nyid gnyis su med pa'i ye shes 'khor lo'i lha tshogs rnams byang chub sems su sdom pa'o/ /dpal he ru ka'i sgrub pa chen po ni rje btsun nyid kyis dbang sgyur ba ste/ de'i dkyil 'khor gtso mo yin ni/ rnal 'byor ma'i rgyud du yum gtso che ba nyid byin rlabs phul du byung ba snying por bstan pa'o/ /da ni DA ki so bdun po kun gyi khyad par bstan pa ni/ mkha' 'gro nyi shu rtsa bzhi 'dis shes pa gsum kun tu spyod pas mi rgyu ba snod kyi 'jig rten dang rgyu ba bcud kyi 'gro ba ma lus pa la khyab par mdzad pa'o/ /DA ki 'di'i dam tshig gi dkyil 'khor du sprul pa'i dkyil 'khor bsgom pa nyid yin na yang lus kyi dkyil 'khor la'o/ /bsam gtan ni byang chub phyogs kyi dkyil 'khor nyid do/ /la sogs
- 106a
gang ci yang rung ni las dang dngos grub las/ las tshogs rab 'byam rgya mtsho la mnga' brnyes par spyod pa'o/ /rnal 'byor pas sa stengs na ni spyod pa rdzogs ni lam mthar phyin pas rdo rje 'chang tshe 'dir 'thob pa'o/ /bsam gtan gyi sbyor bas grub pa ni sngags pas dus rtag tu ting nge 'dzin la mnyam par gzhag pas gsang ba'i spyod pa bya ba mtshan mo nam mkha' i gos can ni sh+rI he ru ka dang rnal 'byor mar ro/ /skyes ba 'am ni rdo rje 'dzin pa'o/ /g.yon pa ni lha mo bcu gnyis te/ kun ni dkyil 'khor yongs rdzogs so/ /rnal 'byor ma ni rigs bdun no/ /dpa' bo mnyes ni thabs shes rab gnyis med bde ba chen po grub ba'o/ /gzhung bsdu ba ni rigs ldan mchod pas ye shes grub pa khyad par thob pa'o/ /le'u'i mtshan ni/ yi ge nyi shu rtsa bzhi'i dkyil 'khor dgod pa'i cho ga ni rgyud 'di'i brjod bya gsang chen gyi dgongs pa thun mong ma yin pa'i snying po/ phyi nang gi rigs ldan la de kho na nyid kyi mchod pa la gdams pa ste/ le'u bzhi bcu zhe gcig pa rnam par bshad pa'o// //chos rnams sgyu ma'i snang ba rten cing 'brel par 'byung ba rig pa chen po'i skyes bu rgyu dang 'bras bu dag/ yongs su dag pa kun tu bsgyur ba he ru ka yi brtul zhugs mchog gnas dbang phyug brgyad ldan gsang ba nyid/ /phyag rgya drug gi rab spras sngags kyis brgyan pa'i lus ni yi ge gdengs can las ni dag par bya/ /de la 'dir ni gsang ba bla na med pa'i ye shes bde ba chen po bsgrub par bya ba ste/ le'u sum cu rtsa dgu pa'i grub pa nye ba'i ltas brtag pa'i thabs rgyas par bshad cing don nges par bstan pa'i phyir/ de nas phyag rgya lhan cig sgrub pa pos zhes pa rnal 'byor pa lha'i bsam gtan dang ldan pas gnas shin tu dpen par/ longs spyod thabs shes rab kyi rdzas dang ldan pas shes rab phun sum tshogs pa ni bde gshegs kun gyi pho brang mchog /chos 'byung pad+ma 'di spangs nas/ /skye ba dang bzhugs gnas
- 106b
yod ma yin zhes pas so/ /mtshan mo rtag tu ro mchog spyod pa ni/ stobs dang myos byed sha lnga bdud rtsi lnga bsten pa'o/ /yang na nyams su myong ba bde ba'i zas la spyod pa'o/ /lus ngag yid kyi sgo dag par bya ba chos nyid rnam par dag pas sbyang ba sngon du 'gro bas sngags gsum dag bya 'di nyid ni sku gsung thugs byin gyis brlabs cing go cha bgo ba nyid las chogs rdzas byin gyis brlab par yang 'brel ba/ gsum gyis rgyas btab gnyis ldan gang/ /zung 'jug don du grol bar 'gyur/ /myong ba'i don ni gang yin pa/ /dben pa'i tshal du bsgom par bya ba'o/ /der 'dod pa'i yon tan gzugs la blta ba la sogs pas bdud rtsi chu'i rnam pa lta bu'i bde ba myur du thob par 'gyur ba ste/ lus zungs 'phel zhing bde ba brtan par bya ba la bslab pa'o/ /rim gyis pa gzugs lnga na reg bya dang gi bar du bsten pa lhan cig tu gnas par bya ba gtso mo che ni dpal rdo rje rnal 'byor ma'i sku dang/ dpal he ru kar gsal ba'o/ /de nyid rab tu spyod shes nas/ rnal 'byor ye shes tshogs la 'jug /ting 'dzin gsal ldan yun rung yang/ /thun bzhi dag dang rgyas par ro/ /bden pas tshangs par spyod par gnas pa ste/ lha sku mkha' gsang byin brlab dang/ bsam gtan gyi 'khrul 'khor dang thabs shes rab khyad par can te/ tshul bzhin ma yin pas mi gos te/ snying rjes byang sems ldan pa la/ bkag pa rnams kyang de la gnang rnal 'byor kun gyi longs spyod kyis/ /ji ltar bde bar bsten byed cing/ /rang gis lhag pa'i lhar sbyor bas/ /bdag nyid rab tu mchod par bya/ /blta ba dang ni rgod pa dang/ /'khyud pa bsgrub pa snyoms 'jug pa/ /de nas dpa' bos me tog chu/ 'thungs nas shes pa yi don la/ /lha sbyin gyis ni blta byas la/ /klu yi sgo bzhi dbye bar bya/ /gzhu rgyas kyis ni 'dod pa gzung/ /rtsangs pa mchog rtsa btsal ba ste/ /ru sbal 'gros kyis 'phel bar byed/ /'gog par byed cing dbugs dbyung dang/ /ske rags
- 107a
hik gis gnas su bskyal/ /sngags 'di rjes dran bya na ni/ /ha ha he he h+ri h+ri haM haM hi hi hu hu huM huM haM ha(rgyud 'grel): zhes pas/ gzung zhing bskyil/ dran zhing bzlog /spel dang khyab par bya ba/ nang 'byung zhing/ ye shes chen por 'char ba rtogs par bya ba ste/ dam pa'i dbugs gnyis rab phyung ste/ /chags pa chen po'i snyoms 'jug gis/ /rab tu sbyar zhing bsrubs pa las/ /nor bu'i mgrin dang rtser khyab pa/ /gnyis 'das nas ni gnyis mnyam ste/ /lhag ma 'das nas dga' dra'o/ dga' ba 'dzin pa dang bcas pa/ /mchog dga' de las lhag gyur nyid/ /rnam med gzung 'dzin rtog pa dag /lhan cig skyes pa gsum mi dmigs/ /bzlog pas yon tan der shes bya/ /bral la btang snyoms gsum mi dmigs/ /dbang po sgo yi nyi shar ba/ /'di ni blo spangs chos kyi dbyings/ /'thungs dang rdo rje chu 'thungs ni/ /ngang pas bdud rtsi len pa ltar ro/ /de bzhin sbyin pa ni rang lus kyi gnas dang nye ba'i gnas su khyab par bya'o/ /'khor lo lte ba snying ka mgrin pa spyi bor ro/ / sum 'gyur ni rtsa ro ma rkyang ma kun dar mas dkris ba ljon shing la 'khril ba ltar de bzhin du ni rlung gis 'byung 'jug gnas pa la sbyangs pa'i nus pa thig le la dbang thob par 'gyur ba'o/ /bzhad pa'i phyag rgya ni sngags kyi sbyor ba rlung dbu ma nas thabs shes rab kyi rtsa d+hA tIr tshud pa'o/ /bsgrub bya ba ni bde ba gong nas gong du spel ba'o/ /thog mar dga' ba/ tha mar dga' bral/ /bzhad pa'i phyag rgya yin ni skad cig ma bzhi lam du slongs pa ni/ 'dir 'bab pa yi ye shes ni/ /rdo rje 'chang chen nyid yin te/ /thog mthar dbus rab zhi ba che/ /sangs rgyas kun gyi sdom pa mchog /e baM sbyor ba thabs gsang ba/ /bde ba rdo rje can gyi gnas/ /dga' ba rnam pa sna tshogs nyid/ mchog dga' rnam par smin pa ste/ bral ba rnam par nyid
- 107b
ces bya/ /mtshan nyid bral ba lhan cig skyes/ /ye shes rdo rje de na bzhugs/ /blta ba'i bsnyems pa ni lta stangs gyen du bzlog pa khro bo'i tshul las grags ldan pa sngags pa ro can no/ /mtshan mo 'am ni rtog pa 'gag pa'i dus/ /de bzhin nyin mo ni snang ba yul la spyod pa ste/ 'dis ni bzhad pa dag du bya ni bde stong phyag rgya chen po'i nyams des snang grags la rgyas gdab par bya ba ste/ rgyu la 'bras bus rgyas btab pas/ /rig byed mdza' yin 'dod pa bkag /'bras bu la yang rgyus rgyas gdab/ /gsang bar sna ba'i 'dod pa bkag /gnyis la gnyis med rgyas gdab pas/ /la ba can gyi 'dod pa dgag /rnal 'byor spyod dang dbu ma dang/ /dbu ma chen po la sogs pa/ /rab tu mi gnas pas bkag ces/ /'di ni bde ba chen po ste/ /shes rab bcu drug thig le can dang po brgyad dang bzhi las kyang/ 'jig tshogs 'khor ba dag pa yi/ /dus kyi shugs kyis 'phros pa'o/ /gzugs kyi gsang ba phyag rgya bzhi lam du byed la/ las kyi gsang ba ni 'dod yon lnga lam du bya bas bar mi mngon par gyur pa nyid do/ /ji ltar gnas pa kun rdzob kun da byang sems la don dam bde stong gnyis med du'o/ /dpa' bo nyon ni byang chub sems dpa' rdo rje snying po la gdams pa'o/ /gang zag de yang snying rje chen po dang ldan pa nyid de/ rtag tu de yi mchi ma 'byung/ /dad pas de yis spu yang ldang zhes lhag par byams pa dang byang chub sems khyad par gyur pa'o/ /rang las byung ba'i zas de bzhin zhes pa khams gong nas gong du 'phel bas lus zag med bde ba/ sems bde stong mchog gis rgyas par 'gyur ba'o/ /rdo rje las ni gong mi byed ni dga' thab? la/ mi gnas bar lhan skyes nyid mnyam rjes gnyis med du bya ba'o/ /'dod chags nyid bral gnod pa med/ /thun brgyad pa la phyed bri zhing/ /bcu cha rnam pa bcu drug ste/ /chu tshod dag dang dbyu gur snang/ /lus kyi rtse mo rdo rje chur/ /bcug nas
- 108a
dag rtser bdud rtsi bzhag /yid kyi rtse mor ye shes sbyin/ /kun gyi rtse mor bsam mi khyab/ /de bzhin phyogs gos gyur pas mchod pa ni/ /bde stong ye shes kyi khyab ston te/ /rje btsun bla ma ze sa ra ha pas/ /steng dang 'og tu phyogs bcu ru/ /gang gang mthong ba de de nyid/ /de ring mgon pos nges bltas 'khrul pa chad/ /da ni su la 'ang bri bar mi bya'o/ /zhes pa'i don to/ /g.yon pa'i dbang phyug thams cad kyi zhes shes rab stong nyid snying rje dang 'du 'bral med pa dpal rdo rje rnal 'byor ma dpal he ru ka dang yab yum bde chen du sdom pa las dkyil 'khor du ma'i 'byung gnas su gyur pa snying po gsang ba mi 'gyur ba'o/ /'di ni phyag rgya'i tshogs ni bzhi ldan te/ /las kyi phyag rgya rigs ldan gsang ba'o/ /chos ni lus sems bde stong ngo/ rgya chen ni zhi gnas lhag mthong dbyar med do/ /dam tshig phyag rgya ni sku gsung thugs rdo rje ye shes tha mal pa'i rtog pa dag pas/ rim pa ni bzhi ldan nyams su blangs pa'o/ /las kyi phyag rgya la brten nas/ /chos kyi phyag rgya rnam par bsgom/ /de nyid bde stong phyag rgya che/ /mi 'gyur dam tshig phyag rgya'o/ /rgyud rim rtsa dang yi ge rlung/ gsang ba tsaN+Da lI sbar sngags/ /ye shes 'byung ba rdo rje dbyings/ /gsang ba sku bzhi rab rdzogs 'gyur/ /zhes pa'i don to/ /de las lhag pa'i lhas rjes su 'dzin par 'gyur pa ni/ rnal 'byor pas gar gyi ras sad pa bstan pa la/ dbugs 'byin ni zhi ba snying rje sdud dang ni tsham rngam can dbang du byed pa/ rgod pa ni ha ha zhes bzhad pa/ sgeg dang ni thabs shes rab gnyis med du rol pa dpa' pa ni rab drags gtsigs pa can gyi rnam par 'gyur ba/ ngo mtshar ni bde stong spros med ro gcig gis rgyud rgyas pa'o/ /dga' ba bzhi las rnam pa sna tshogs pa'i skad cig ma dang por byas nas ni zhes dga' ba'i ye shes pa de ba bsgrub
- 108b
ba'i don las gal te stong nyams la 'byams pa'o/ phyogs rgya ni rus pa'i rgyan no/ /sngags ni rgyan byin gyis rlob pas sngags nyid rgyan du byas pa'o/ /rjes dran bya ni lha dang bla ma la mos gus so/ /dbang phyug brgyad kyi rgyu mthun gyi nyams brtan par bya ba la/ ha ha he he rnam pa brgyad ni 'phags pa'i lam yan lag 'thob pa'i gsang ba bla na med pa mchog don no/ /lhag pa'i lha'i dkyil 'khor pas byin gyis brlab pa la/ ha ha'i rnam pas nyes par brtag ces sngags kyi byed pas/ sku gsung thugs kyi nyams la'o/ /du bar byed pas ni 'gro ba sdug bsngal thams cad mthar bas so/ /rtag tu sngags ni byang chub sems dang ldan pas mchod pa dang bstod pa bya ba'o/ /lhag pa'i lha dang rigs ldan las dngos grub ji ltar 'thob par bya ba yang rgod dang ni gzugs dang sgra'i byed pa/ rnam pa sna tshogs pa'i skad cig ma las bde ba nyams su myong bas dpa' mchog dga' zhes rnam par smin pa'i dga' ba can las/ de nyid kyis de lhan cig skyes pa'i dga' bar 'gyur zhing mtshan nyid dang bral ba'i skad cig ma 'char pa'i rjes thob dga' bral nyid do/ /gzhan phan phyir ni las rnams gang/ /snying rje can gyis gang byas rnams/ /de kun bsod nams phung po zhes/ /'gro ba'i bsam pa rdzogs mdzad gsung/ /'di nyid kyi don bsdus pa bstan pa ni/ /sngags dang ni A li kA li rtsa ba dang snying po sogs so/ /phyag rgya ni ye shes kyi rigs dang ldan pa ma la sogs pa'i bye brag gi /legs par sbyor ni thabs shes rab las 'jig rten pa'i dga' ba gsum zhi gnas las/ lhan cig skyes pa'i dga' ba lhag mthong 'jig rten las 'das pa nyid kyis bar chad med pa'i lam mo// gtso bo rnams ni rigs lnga he ru ka/ yang na gtso mo rnams ni rigs bdun gyi khyad par du gyur pa dpa' bo'i zhes khanda ka pA la la sogs pa'i dkyil 'khor mthong ba ni/ lus kyi ba spu ldang zhing bde ba rgyas pa'i nyams lhan cig 'byung ba ting nge 'dzin 'grib
- 109a
pa med pa 'char ba'o/ /rdo rje 'gong bar mi bya ba ni ye shes sgrib pa thams cad dag pa'i don rdo rje lta bu'i ting nge 'dzin las mi 'da' ba ste/ phyag rgya chen po mchog gi dngos grub bo/ /g.yon pas yongs su brtags pa ni lus sems rab tu dangs par 'gyur bas/ bde ba dang stong pa zung 'jug thob pa'i don to/ /de la 'di ni rang bzhin gyis 'od gsal ba'i ye shes te/ skur gnas ye shes 'dir rigs pas/ /de bas sku ni kun mkhyen yin/ /sku las tha dad tha dad min/ /sangs rgyas rnams kyi ye shes ni/ /sku la yang dag ldan zhe na/ /mya ngan 'das na de yang 'jig /sku ni 'jig pa'i chos can pas/ /ye shes kyang ni 'jig par 'gyur/ /de bas sangs rgyas ye shes sku/ /'jig par rigs pa ma yin no/ /ye shes lus la gnas gyur na/ /sku med pas na kun mkhyen min/ /rten 'brel las byung ye shes de/ /de bas 'jig pa nyid du 'gyur/ /rtog med ye shes sku rnams ni/ /thams cad mkhyen nyid mi rigs so/ /de las sangs rgyas sku dag ni/ /thams cad mkhyen par bya ba yin/ /ye shes las gzhan phyogs la yang/ /sangs rgyas skur ni ji ltar 'gyur/ /'di ltar sangs rgyas gzugs brnyan du/ /de ltar rnal 'byor smra bar rigs/ /sangs rgyas ye shes lhun grub pas/ /de bas mi rtog par gnas te/ /bsams ba'i byed pa yod min te/ /sems med gyur pa ma yin no/ /le'u'i mtshan ni mkha' 'gro ma'i gzugs kyi dgod pa'i cho ga'i le'u ste bzhi bcu rtsa gnyis pa'o// //de las 'dir bcom ldan 'das dpal he ru ka'i nye ba'i snying po'i 'khrul 'khor phrin las dang bcas pa bstan pa ni/ de nas lta ba bshad bya ste/ zhes lha'i sku dang ye shes kyi don la rnam par dmigs pa'o/ /dpa' bo dang ni gnyis med mi ni dpal he ru ka zhal gsum phyag drug pa dang/ yum rdo rje
- 109b
rnal 'byor ma zhal gcig phyag gnyis pa dang bde chen du sbyor bas so/ /'khor gyi lha mo'i gnas kyi dbye ba ni/ rtsi bas drug pa'i 'khor lo la rdo rje DA ki ma dang/ rdo rje drag mo dang/ rdo rje nyi ma/ rdo rje gtum pa ma/ rdo rje 'jigs pa ma/ rdo rje khrag 'thung ma rnams so/ /cho ga shes ni yan lag drug ldan du rdzogs par byed pa las/ bsgom la rtag tu mngon dga' ba ni mnyam rjes la/ yang rdzogs pa'i rim ba bde chen lam du bya ba'o/ /'di'i don ni/ sgrub pos dang por 'tsham pa'i gnas/ /dur khrod sogs par sbyar bar bya/ /nyams dga' i phyogs su ye shes kyi/ /bdud rtsi legs par byugs pa la/ /legs 'bras dang mtshungs me tog 'gram/ /de nas phyag rgya'i gnas 'dug ste/ sgrub pos dang po rang snying gar/ /gsal bar gyur pa'i nyi ma la/ /hUM bkod 'od zer gsal snang las/ /sngon grub pa yi bad gshegs dang/ /lha mo khro mo DA ki ma/ /sems dpa' che dang bla ma rnams/ /nam mkhar til gyis gang ltar dmigs/ /rang gi yi ge sa bon las/ /spros te khro tshogs mkha' 'gro ma rigs drug 'gro ba thams cad kyang/ /bde gshegs gnas su dgod par bya/ /de nas bdun po rnam dag nyid/ /byang chub sems mchog bstan byed la/ /sngags kyi lus su gyur pa yis/ /'di snad? smon lam gdab par bya/ /he ru ka dpal bdag gyur na/ /sems can kun gyi don gyi phyir/ /he ru ka dpal go 'phang mchog /thob nas sems can ma lus pa/ /'di la 'jog cing 'god par shog /de nas tshangs pa'i gnas bzhi ni/ /tshad med sems can kun dmigs bsgom/ /de nas phung po skye mched rnams/ /khams kyi rnam par dag pa rnams/ /oM sogs sngags kyis gsal bar blta/ /rang gi snying ga'i 'od zer las/ /mdun du sprul las sa gzhi kun/ /dra ba bla re mda''dra ba/ /rdo rje las byung thams cad ni/ /shar
- 110a
badzra sngags kyis grub/ /de rjes smig rgyu lta bu yi/ /rang sems gzung 'dzin bral ba'i sngags/ /swa b+hA dag pa gsang ba'i ngang/ /shU n+ya pA yi sngags brjod de/ /de nas yaM sogs gyur pa las/ /rlung sogs ba dan sogs mtshan rdzogs// ri rgyal rin chen bzhi rang bzhin/ /b+hUM las byung ba gzhal yas khang/ /dkyil 'khor pho brang lte ba lta/ /yi ge hUM las yang dag byung/ /rdo rje mkha' 'gro bde ba mchog /zhal spyan gsum pa phyag drug ldan/ /mtshan rnams thams cad kyis mtshan cing/ /dpe byad bzang po brgyad cus spras/ /A li kA li las byung gtso/ /rdo rje rnal 'byor ma mnyam sbyor/ /stong nyid thugs rjes khyab pa ste/ /rdo rje dril bu mnyam par ldan/ /na ra'i pags pa gos su mnabs/ /thod pa kha TwAM ga 'dzin cing/ / gnyis pa'i phyag g.yas mdud rtse gsum/ /'dod pa'i 'bras bu thams cad stsol/ /thod pa'i phreng ldan dbu rgyan can/ /sna tshogs rdo rje ral pa bcings/ /zla phyed nor bu gtsug tor 'dzin/ /phyag rgya drug gis sku la brgyan/ /dus mtshan 'jigs byed bcas pa dag /g.yas brkyang ba yi zhabs kyis mnan/ /sna tshogs pad+ma nyid dbus bzhugs/ /'khor lo drug gi dbus 'gying/ /rnal 'byor ma drug mnyam par sbyor/ /myur du dngos grub gsol byed yin/ /dang por khrab 'thung lha mo ste/ /gnyis pa rdo rje 'jigs ma nyid/ /gsum par grag gtum ma yin te/ /bzhi par rdo rje snang byed ma/ /lnga pa rdo rje drag 'bar ma/ /drug pa rdo rje mkha' 'gro ma/ /g.yon gyi phyogs nas dgod par bya/ /lha mo de dag tshar gtum zhing/ /spyan gsum dbu skra grol ba ste/ /phyogs kyi gos mchog 'dzin pa yin/ /thams cad ro steng nyi mar gnas/ /mthil shun ser dang ljang ba dang/ /dmar dang dud ka dung mdog la/ /gri gug dang ni thod pa dang// /
- 110b
Da ma ru dang kha TwAM dril/ /kun kyang na ra'i pags pa 'dzin/ /thod pa'i phreng ba'i nor bu'i rgyan/ /g.yas g.yon brkyang bskum tshul gyis gnas/ /yi ge drug las yang dag byung/ /lha mo gzigs pa mtshan pa ste/ /mthing mdog gser dang marka? ta te/ /stag gi pags pa 'phyang ba mnabs/ /lha mo byin pa mnyam par 'khril/ /mchog tu dga' bas rnam par rgyal/ /oM h+rI:ha ha hUM hUM phaT/ sa bon gnas las DA ki ma/ /yan lag drug ldan rnam par bsgom/ /byang chub yan lag bdun dag? pa/ / ji lta'i rim pas sbyar zhing bsam/ /gsang sngags gzhal du med pa bzlas/ /khro bo kun gyi gnas mchog de/ /bsod nams chung ba'i sgrub pos kyang/ /zla ba phyed na dngos grub ster/ /rtag tu nyin re bsgom pa ni/ /zhag bdun gyis ni the tshom med/ /dpyid zla 'bring po'i nyi ma ni/ /sku gsum grub phyed pho nya las/ /shes rab thabs kyi cho ga yis/ /bsam gtan nyin mtshan 'bar byas pas/ /tho rangs khrag mthung dang mnyam 'gyur/ /nges par brjod pa'i le'u lnga bcu pa las gsungs pa'i mngon par rtogs pa'o// //thabs dang shes rab dbyer med chen gsang ba dri med mchog tu rtag cing 'gyur med pha rol son/ /yan lag bzhi ldan las la brtags brda nus pa thob nas rim pa rtsa ba'i lha dang gzhan dag las sbyar ba/ /las rnams sna tshogs rab 'byam 'grub dang de yi nges pa gsang ba phrin las rnam pa du mar 'char/ /lus dang sems kyi spyod pas rdzas ldan lhan cig ngag gi dbang phyug de yis ye shes 'grub par 'gyur/ /de la rnal 'byor pas chos thams cad rang bzhin med par rtogs par bya ba/ sgyu ma 'am rmi lam du ni bya ba kun zhes pa la sogs pas dngos por snang ba thams cad rab bzhin bden pas stong pa'i kun rdzob lam du bya ba/ thams cad snang la rang bzhin med pa/ rmi lam ltar spang
- 111a
rmi lam las byung ba/ rmi lam ltar spyod/ rmi lam gyi gnas/ thams cad bdag med pa/ bya ba dang byed pa po rnam par dag pas/ rten cing 'brel par 'byung ba sgyu ma rab tu mi gnas pa'i de kho na cing du rtogs par bya'o/ /'di'i don la slob dpon sa man+ta badzra pas khyad par man ngag tu bstan pa/ rim pa ni 'di yin te/ dus tshes brgyad kyi rgongs ka'i dus su khye'u 'am bu mo skye gnas ma nyams pa pos dbab pa bsten pa ni/ de nas lha dbab pa'i rnam dpyad ston pa la/ sngags bzlas ni de dag gi mig la yi ge bdun pa lan nyer gcig brjod pa btab cing lus kyi spyi bor lag pa g.yon pas reg nas/ rtsa ku sha'i stan las phyogs gtsang mar gnas par byos la/ nang par tho rangs shog cig ces brjod la btang ngo/ /de'i nub mo sngags pas lha'i rnal 'byor la goms pas/ ba'i rnam lngas byugs pa'i maN+Dal la dri bzang po'i thig le byas la/ lha grangs gang yang rung ba'i me tog tshim bu bkod cing/ lha gsal ngar dmigs la mchod gtor ? lo bshams te/ bum pa la bzlas pa dang byin gyis brlab pa bya'o/ /rdzas ni yungs kar nyi ma la gdungs nas btsir ba'i 'bru mar la gzhan du bstan pa'i mig sman la sngags bdag nyid brtan rnal 'byor pa zhes lha'i nga rgyal brtan pas sngags brgya rtsa brgyad bzlas par bya'o// nang par tho rangs de dag kun la dum chus bkrus te gos kha dog dmar ba bskon la mig la mig sman byug ste/ ral gri gtsang ma 'am me long la bum pa'i chus bsang gtor bya ste/ de la brtan na de'i nang du gang yin pa'i gzugs brnyan mthong nas smra bar byed do/ /yang na rnal 'byor pas rang gi g.yon pa'i the bong la rgya skyegs kyi khu ba 'am/ tsi twa kas byugs la yang yungs mar gyis kyang byugs pa de bstan cing/ gang mthong zhing snang pa gang yin pa da smros shig ces brjod pas
- 111b
pra sen ni 'bebs par byed ces gsal snang du 'char bar 'gyur pa'o/ /yang ma phebs na bskyar ba ni/ sngags pas lha gsal bar bsgoms nas sngags lan bdun bzlas shing brjod pas ltas bzang ngan gang yin pa dge ba dang mi dge ba grub pa dang mi grub pa'i mtshan ma ral gri dang me leng dang rdo rje dang rgyal mtshan dang nor bu la sogs pa bde legs 'byung ba ston par 'gyur ba dang/ yang mi dge ba ston pa ni mdung thung dang gsal shing la sogs pa mthong nas smra bar byed pas/ rnal 'byor pas rtogs par bya'o/ /des le'u'i mtshan gzhung bstan nas/ nga ni le'u'i mtshan ni/ nye ba'i snying po'i las bsgrub pa'i cho ga'i le'u ste bzhi bcu rtsa gsum pa'o/ //gang du mkha' 'gro ma drug 'khor lo'i sbyar bas las kyi gsang ba sreg blugs rab dbye bstan/ /tshar bcad rjes 'dzin las kyis zhi rgyas dbang byed nus pa grub pa'i gsang ba rjes su bstan/ de nas pho nya rnams kyi mi /yi ge bdun par ldan bsgrub pa/ /zhes le'u 'dis dpal he ru ka la go cha'i dpa' bo drug gis bskor ba'am/ yang na pho brang pad+ma 'dang ma lnga pa'i dbus su dpal rdo rje rnal 'byor ma la 'khor lha mo lngas bskor ba ste/ dpa' bo 'chol bar byas myur 'grub pa ste/ mngon par rtogs pa ni/ sngon du 'gro ba byang chub sems bskyed pa nas/ tshad med pa dang/ tshogs gnyis dang/ stong pa'i dang las 'byung ba'i rim pa ri rab kyi steng du/ dkyil 'khor gyi dbus su pad+ma 'dab ma lnga pa'i lte bar/ /nyin zla pad+ma sa bon bam dang rdo rje gri gug las 'od spros bsdus pa las rdo rje rnal 'byor ma nyi ma la zhabs g.yas brkyang bas gnas pa/ zhal gsum pa/ zhal re re la mang spyan gsum gsum mnga' ba/ sku mdog me tog ban du rika lta bu la/ g.yas gser 'ong/ g.yon markat lta bu/ phyag drug pa'i dang po gnyis gri gug thod pa/ bar ma gnyis tshangs mgo dang/ khaTwI ga/ tha ma gnyis
- 112a
na lcags kyu dang rdo rje zhags pa/ rgyan thams cad yongs su rdzogs pa'o/ /mdun phyogs na/ ya mi ni mthing ka/ rmongs byed ma dkar ba/ skyong byed ma ser pa/ skrag byed ma ljang khu/ tsaN+Di ka dud ka sde kun kyang zhal gcig phyag bzhi ma/ dang pa gnyis kyi gri gug dang thod pa/ 'og ma kha TwAM dang Da ma ru sgrogs pa /rgyan cha lugs rdzogs par blta'o/ /de dag la cho ga yan lag rdzogs par byas la bzlas pa'i rnal 'byor bya'o/ /de'i 'khrul 'khor ni dbus kyi pad+ma'i lte ba la oM bi dbang du byed pa ming skul tshig dang bcas pa'o/ /'dab ma lnga po la haM yoM la sogs pa rim pas so/ /mu mkhyud nang ma la A li dang/ de'i phyir 'khor lo rtsibs drug pa la shar du oM h+rI? dang 'bru re re rim pa bzhin du'o/ /phyi'i mu khyud la kI la dang rdo rje phreng ba dang me 'od kyis 'khor ba'o/ /thams cad shar nas byang du bskor bar bkod pa nyid kyis tsan dan dang rgyu skyegs kyis bri bar bya'o/ /'khrul 'khor de nyid la g.yon pa'i 'khor lo bskul dang ldan zhes pa la/ lte ba ge sar ldan pa yi/ /pad+ma 'dab ma drug pa bri/ /zla ba bzang po nyer bris brgyan/ /rdo rje'i phreng bas rnam par bskor/ /de yi phyi rol 'khor lo ste/ /ston ka'i zla ltar dri ma med/ /yi ge mchog ni rnam pa bdun/ /lha mo mchog gi rnam pa ston/ /zhes pa'i don to/ /nges le'u'i mtshan gzhung bstan nas/ /da ni le'u'i mtshan bstan pa ni/ rnal 'byor ma drug gi yi ge 'dun gyi las kyi cho ga'i le'u ste/ bzhi bcu rtsa bzhi pa'o// //lha mo ro ldan las kyi 'khrul 'khor rig pa las ni grub ba phrin las thun mong khyad par mchog tu brtags pas bya/ /de nyid rtsod dus phyi mar bdun 'gyur rnam shes ye shes las ni rim dang cig car grub par 'gyur/ /de la dpal rdo rje rnal 'byor ma'i dpa' mo go cha'i phrin las ston pa ni/
- 112b
de nas las kyi rab mchog ni/ /dag gi dngos grub byed pa'o/ /zhes pa la sogs pa phyi dang nang gi bye brag gis rnal 'byor pas lha'i rnal 'byor dang/ de kho na nyid kyi bsam gtan dang ldan pas/ spyod pa'i chul mnyam gzhag chen po'i gsang spyod grub pa'i dbang phyug tu gyur pas/ ngag gi dbang phyug chen po thogs pa med pas sa so yang dag par rig pa thob par bya ba ste/ de nyid la pu sha'i sbyor ba khyad par du rdul phra rab tu bya bas ma tog la bsten pas/ /pu sha'i sbyor ba ni nus pa mchog tu dang/ rlung dang rnam shes gnyis med/ lha dang sngags tha mi dad pas/ rdzas dad lus ngag gi byed pas myur du grub par byed pa'o/ /dgug pa'i sbyor ba las/ gzugs brnyan gyi byed pas lha'i cho gas bskus pa/ tsan dan las me la gdung ba'i byed pas rgyal po bskul ba dang/ spra tshil las byas pa'i byed pas 'khor lo sgyur ba'i rgyal po dgug pas/ sbyin sreg gi khyad par gyis gang dang gang la dmigs pa dbang du bya ba dang/ gsang ba'i sbyor bas pho nya bskul ba/ gang la dmigs pa dang/ dbang du bya bas myur du grub pa'o/ /mngon 'gyur ni yongs grub ste bde ba chen po'o/ /tha mal pa sems ni ldag pa ni kun brtags rab tu zhi ba'o/ /gzhan dbang yan lag ni mi g.yo bas skye bo'i ngo bo nyid med pa'o/ /gnyis med ye shes rnal 'byor ldan ni thabs shes rab dbyer med mi gnas pa'i don to/ /dbang du byed pa skad cig gis ni he ru ka rnam thar sgo rnam dag ye shes grub pa nyid do/ /de la dpal rdo rje rnal 'byor ma la rab tu bstod par gyur pa ni/ dpal ldan rdo rje rnal 'byor ma/ /mkha' 'gro bye ba'i gtso mo ste/ /nyi ma 'bum gyi 'od mnyam gyi rdo rje g.yas pa'i phyag rnams brgyan/ /ba TwAM mgo bo thod khrag ni/ /g.yon pas bde ster rab tu grags/ /dus mtshan drag po mnyam mnan zhing/ /gar thabs re yis nye bar brgyan/ /mche bzhi gtsigs pas bdud 'joms shing/ /band+ha dzri kra me tog
- 113a
'bar/ gshin rje ma tshogs rnal 'byor ma/ /pad+ma'i 'dab mar gnas pas brgyan/ /lte ba'i dbus mas 'byung zhing 'phro/ /chos dang longs spyod rdzogs sprul pa/ /mkha' 'gro thams cad dbang sdud mdzad/ /gtum mo de la phyag 'tshal lo/ /srid zhi mya ngan 'das sdud cing/ /srid ni mya ngan 'da' mi gnas/ /'bar byed lus las dkyil 'khor spro/ /nyi shu rtsa bzhi lus can sku/ /rdo rje phreng ba'i nang du ni/ /dur khrod brgyad kyis rnam brgyan cing/ /lha rdzas bde bas myong ba yi/ /'jig rten skyong rnams phyag 'tshal bdud/ /gang gzhan pho nya lha mo'i tshogs/ /thal mo sbyar bas gus 'dud cing/ /sangs rgyas kun gyi yul 'di ni/ /rdzu 'phrul dngos grub mchog rnams stsol/ /lha mi thar pa'i don du ni/ /khyod nyid la ni skyabs su mchi/ / snying rjes zhu ba'i sems kyis ni/ /lha yi spyan gyis rnam gzigs nas/ /de la mchod cing gsol don du/ /phyogs bcu dag tu rnam bzhugs shing/ /blo chen ldan pa'i sgrub pa po/ /dngos grub mchog ni su gnas shes/ /mkha' 'gro ma tshogs lhan cig tu/ /phyag rgya'i dngos grub stsol mdzad pa'i/ /rdo rje rnal 'byor ma phyag 'tshal zhes pa/ /rdo rje phag mo la mtshan brgya rtsa brgyad pa ba bsdom pa las byung ba'i bstod pa'o/ /da ni le'u'i mtshan ni/ rnal 'byor ma drug gi tshig gi dngos grub lung bstan pa'i cho ga'i le'u ste bzhi bcu rtsa lnga pa rnam par bshad pa'o// //gsang ba ha lnga mkha' 'gro lnga yi 'khor lo phyi nang ldan pas las kyi rab dbye spyi bye brag/ gang duAng rten 'brel lus ngag nus pa ting 'dzin ldan pas rlung gi sbyor bas mngon du 'gyur/ /'di ni le'u dang por sngags bzlas kyi don de bzhin gshegs pa rigs lnga'i bdag nyid can gyi phrin las ston pa la/ de nas yi ge ha lnga yi/ las rnams thams cad sgrub byed pa zhes smos te/ rnal 'byor pas rdo rje'i lus kyis rtsa
- 113b
'khor la lngar/ dug lnga'i rtog pa sbyong ba ste/ hi spyi bor 'khor lo dkar po/ ho mgrin par pad+ma 'bar ba/ he snying gar rdo rje sngo ba/ hUM lte bar rin po che/ ha(rgyud 'grel): gsang bar ral gri ljang ba 'od spro bsdu can no/ /'khrul 'khor ni/ dpa' bo g.yul ngor dang phyogs su bsad pa'i shod pa la/ /de nyid kyi khrag gis 'khor lo bri ba ni/ dbus su pad+ma 'dab ma lnga la ha lnga bkod/ de'i lte ba la gang la dmigs pa'i bskul tshig dang bcas pa bri/ mu mkhyud nang ma la A li bri/ de'i phyir 'khor lo rtsibs drug la dpa' bo'i cho ga drug bri/ mu khyud la kA li g.yon bskor du bri bas mthar 'od phreng can no/ /rnal 'byor ma gtso bor byed pas ni/ lus kyi gnas lnga po la sangs rgyas DA ki/ pad+ma DA ki rdo rje DA ki/ rin chen DAki /sna tshogs DA ki las 'od spro bsdu bya bas gang la dmigs pa las dgug bstim bya ba lan stong gis nges par 'grub pa ste/ lag pa'i 'khor lo yang de nyid kyis so/ /de'i dus su mchod pa dang gtor ma/ tshogs kyi mchod pa dang rjes su 'brel bas/ mkha' 'gro lnga 'khor dang bcas pas myur du 'grub pa'i dbang phyug thob pa ni/ phyi dang nang du khyad par du dmigs pa/ rlung gi sbyor ba dang ldan pas nges par 'grub pa ni dpal ka tsa ta'i bzhed pa'o/ /le'u'i mtshan ni yi ge ha lnga'i las kyi cho ga'i le'u ste/ bzhi bcu rtsa drug pa rnam par bshad pa'o/ //dpal ldan rdo rje rnal 'byor ma yi snying po nye snying dang bcas gsang ba'i sngags kyi 'khor lo rgyas pa brjod pa sbas pa yi/ /rtsa ba'i gsang sngags mkha' 'gro rig pas ya phrag ni nyer bzhi bye ba las ni dur phyung nas las rnams dra ba sdom pa rgya mtsho'i gsang ba ma lus 'dir ni dam tshig ldan pas spyod pa gang/ 'byung 'jug gnas pa gcig gyur rdo rje'i gnas las thams cad sa gsum par grub 'gyur/ /'dir le'u dang po las kyang mkha' 'gro dra ba'i sdom pa yin zhes pa'i don rgyas par bstan pa las/ sngags bzlas bsam gtan la sogs ldan pa nyid dpal rdo rje
- 114a
rnal 'byor ma'i mngon par rtogs pa bstan pa'i phyir/ de nas yang dag bshad bya ba zhes smos te/ rje btsun ma'i dkyil 'khor bye brag tu gsal bar ro/ /mkha' 'gro kun ni gnas gsum gyis bsdus pa'i rigs lnga 'am/ bdun gyis bsdus pa'i rnal 'byor ma thams cad do/ /snying po nyid ni sku gsung thugs yon tan phrin las dam tshig la gnas pa myur du skul bar byed pa/ 'di ni brjod pa tsam gyis kyang zhes shin tu myur ba nyid du thugs rje chen pos brtse bar dgongs pas rtag tu byin gyis rlob pa'o/ /'dir ni gnas skabs dang mthar thug gi dngos grub thams cad skyed byed yin pa ni mkha' spyod dang sa spyod dang sa 'og spyod pa ma lus pa'i snying po rtsa ba'i gsang sngags phul du byung ba ston pa'o/ /de yang dkyil 'khor gyi rim pa ni/ rje btsun ma la lha mo sum cu rtsa bdun pos yongs su bskor ba 'am/ yang na lha tshogs bcu dgu pa'i dkyil 'khor las/ mngal skyes kyi sgo nas sam/ yang na rdzus skyes rim pas snying po'i rnal 'byor ma bzhi dang 'khor los rtsibs drug las lha mo drug dang/ sgo mtshams ma brgyad de/ de nyid bsgom pa bstan la/ yang na ni thugs kyi 'khor lo'i brgyad dam/ yang na gsung gi brgyad kyis sam/ yang na sku'i lha mo brgyad kyis bskor ba yang rung ba'o/ /de yang rnal 'byor pas sems bskyed cing/ sgo gsum sbyangs tshogs gnyis sngon du 'gro bas/ srung ba'i 'khor lo chen po'i nang du/ 'byung ba rnams kyi rim pa las/ ri'i rgyal po ri bo mchog rab gnas kyi steng du/ sna tshogs pad+ma'i lte bar nyi ma la gnas pa'i mngon par byang chub lnga las/ rdo rje phag mo mngon 'byung ltar zhal bzhi ma bskyed pa'am/ yang na zhal gsum phyag drug ma 'am zhal gnyis ma'am/ zhal gcig phyag bzhi ma'i sku bskyed cing/ bde chen DA ki bzhi dang/ rnal 'byor ma
- 114b
drug po ni g.yon nas bskor ba ste/ he la ki mthing ka dang/ rdo rje 'jigs ma gser mdog dang/ rdo rje gtum mo ban du ri ka lta bu dang/ rdo rje nyi ma ljang ba dang/ rdo rje drag mo dung ka dang/ rdo rje mkha' 'gro dung mdog can no/ /rnal 'byor sgo mtshams ma brgyad dad ldan pa bskyed cing/ cho ga yan lag rdzogs par byed pa/ spyi dang mthun pa shes par byas la/ rdzogs rim bsgom pas/ mnyam langs dus su las rab 'byam la dmigs pa so sor byas pas 'khrul 'khor sngags dang ldan pas 'grub la/ de la khyad par du rtsa ba'i rig pa ni 'di yin te/ oM na mo b+ha ga ba te/ badzra bA rA hi baM/ Arya a pa rA dzi te/ trai lokya mA te mahA bi dye shwa rI/ sarba b+hA ta b+ha yA ba he mahA badzre/ badzra A sa ne/ a ji te/ a pa rA dzi te/ pa sh+yad ka ri Ne tra b+hA ma Ni/ sho Sha Ni ro Sha Ni kro d+ha ni ka rA li ne/ saM trA sa ni mA ra Ni su pra b+he da ni a pa rA dza ye bi dza ye/ dzaM b+ha ni/ staM b+ha ni/ mo ha ni/ badzra bA rA hi/ ma hA yo gra ni/ he kA me shwa ri/ kha ge shtsaM/ tadya thA/ oM sh+rI pro tadke pro tadke/ ha na ha na prANA/ ki ki ni/ khaM khaM ni/ d+hu rgwa d+hu na/ badzra ha ste/ sho kha sa sho tha ya badzra ka pA la/ khaDwAM ga d+hA ri Ni/ mahA pi si ta/ mAM sA sha ni ma nu Sh+yA nA/ pra bri ti/ san+ni d+hyaM/ na ra shi ro mA lA gran+thi ta/ d+hA ri Ni/ suM b+ha ni suM b+ha/ ha na ha na prA NAM/ sarba pA paM satwA NAM/ sarba pa nU NAM/ mahA mAM sats+tshe da ni/ smri tI kro d+ha mUrte/ daMSh+TA ka rI la ni/ ma hA mu dre/ sh+rI he ru ka de ba sya/ agra ma hi Shi/ sa ha sra shi re/ sa ha sra bA ha be/ sha ta se ha sra/ A na ne/ dzwa li ta te dza se/ dzwa la mu khe/ baM ga la lo tsa ne/ badzra A sa ne/ badzra sha rI re/ mi la te/ tsi lo ta/ he he hA:hA(rgyud 'grel): hUM hUM/ kha kha d+hu d+hu ru ru d+hu ru d+hu ru/ mu ru mu ru/ muny+tsa muny+tsa ka a dwai te/ a d+ha ri Ni she b+h+ra maN/ mahA yo gi ni pa thi ta sid+d+hi/ draiM d+haM draiM d+haM/ hi graM graM he he ha ha/ b+hAM me/ ha sa ha sa bI re/ hA hA ho(rgyud 'grel): ho(rgyud 'grel): hUM hUM/ tre lokya bi nA sha ni/ sha ta sa ha sra ko Ti/ ta thA ga ta pa ri wA re/ huM hUM phaT/ si ha rU pe kha ga dza rU pe ga trai lo kya daM ri sa mu dra
- 115a
me kha le/ gra sa gra sa huM hUM phaT/ bI drA dwai te huM hUM phaT/ hA:hA(rgyud 'grel): mahA ba shu mo ha ni/ mahA yo gI shwa rI twaM/ badzra DA ki nI sarba lokA nAM/ band+ha na satya(rgyud 'grel): patya kA ri Ni huM hUM phaT/ b+hU ta twA sA ni/ mahA bI re/ par ma sid+d+he/ yo a'e re shwa rI phaT/ huM hUM phaT huM hUM phaT swAhA/ /da ni le'u'i mtshan ni/ sangs rgyas thams cad kyi mkha' 'gro ma'i sngags kyi cho ga'i le'u ste bzhi bcu rtsa bdun pa'i rnam par bshad pa'o// //gang zhig de ni gsang ba rnal 'byor tsam gyis bde chen phyi nang 'jig rten gsum po ting nge 'dzin gyis g.yo bar byed/ /lha dang sngags kyi de nyid rjes su dran pa tsam gyis kyang ni yang dag lta ba mchog 'gyur 'thob/ /sangs rgyas mkha' 'gro rdo rje dang ni de bzhin gshegs pas rgyas btab bram ze rgyal rigs dag las ste/ /rtog bcas dag pas phag zhal rdo rje'i zhal mnga' rigs kyi bdag mo da las du ma'i rnam par bstan/ /'bras bu dang ni thabs las mchog ste rang bzhin rgyud 'di rgyal ba rgya mtsho kun gyi gnas gyur pa/ /brjod bya don rgyas bsdus pa tshig gi brjod byed rab 'byam nyung du spro bsdu'i dbye bas zab dang rgya che nyid/ de nas zhes bya ba smos te/ 'di nyid kyi bcom ldan 'das ma'i snying po nyid nye ba'i snying po'i phrin las bstan cing/ dkyil 'khor rigs kyi snying po dang rigs bsdus kyi 'khor lo dang/ de dag ye shes bde chen gyi 'byung gnas su bstan pa las/ gzhan yang bshad bya ba ni mngon par rtogs pa rdo rje gsang ba grub pa bstan pa'o/ /mkha' 'gro kun gyi bla na med pa'i ye shes mchog dge ba'i don phun sum tshogs pa bsgrubs pa'o/ /snying po 'di ni dbyings kyi ngang la gnas pa'i sku gsung thugs bskul ba rnal 'byor ma rnams kyi gtso mor gyur pa rdo rje rnal 'byor ma stong pa nyid snying rje'i bdag nyid can no/ /de la gus pa'i rnal 'byor pa'i 'dod don thams cad du sgrub byed pa mi
- 115b
las dngos grub rgya mtsho myur du thob par byed pa'i don to/ /khams gsum gyi dbang phyug tu gyur par bstan pa'i phyir/ gang zhig dran pa tsam gyis ni rnal 'byor pas lha dang sngags kyi gsang ba ba nyid do/ /'jig rten gsum po g.yo byed cing ni sa 'og sa stengs sa bla'i lha la sogs pa thams cad kyis mchod par 'gyur ba ste/ rjes su dran pa tsam gyis kyang ni gsang ba'i spyod pa la gnas pa'i khyad par gyis te/ dbang po rab 'bring rnams la ste/ bskyed pa'i rim par lha la gnang ba thob cing/ rdzogs par rtags 'ga' thon pas so/ /las chen thams cad dang grub pa brgyad la sogs pa'i yang dag pa'i ye shes kyi don dngos grub rnams rim bzhin ster bar 'gyur ba ni/ phyag rgya chen po'i mchog 'grub pa'o/ /lha'i rnal 'byor dang ldan pa'i ngang las gsang sngags go zlog tu bstan pa ni/ hA swA nas oM gyi bar du bstan pa snying po gsang ba bstan pa'o/ /nus pa'i khyad par ni/ sngags 'di bklags par 'grub pa ste zhes rdo rje ltar thogs pa med pa'o/ /las rnams kun byed dge ba yin zhes thog mdza' bar du mi 'gyur ba'o/ /'di'i 'khrul 'khor gyi sbyor ba ni/ dur khrod kyi ras la 'khor lo dkyil 'khor gyi rnam pa las bsgo bzhi dang bcas pa'i dur khrod la rdo rje ra ba dang me 'od phreng bas bskor ba bya/ lto ba la pad+ma 'dab ma bcu pa la sngags dgod pa ste/ dbus su/ oM baM hUM/ shar nas g.yon skor du 'dab ma re la yig 'bru gnyis gnyis dgod par bya ba ste/ dbus su phrin las gang bsgrub pa'i ming spel bskul tshig dang bcas pa dgod par bya/ de la lha mo rnams kyi 'khor lo'i dam tshig pa skyed/ ye shes pa spyan drangs nas bstim/ dbang skur rgyas gdab/ mchod bstod bdud rtsi myang ba'i bar du yig 'bru lha mo thams cad bstim pas 'od 'bar bar blta'o/ /rdo rje rnal 'byor ma 'khor bcas pa'i phrin las 'dir
- 116a
bsdu bar bstan pa'i phyir/ mkha' 'gro rnal 'byor ma rnams dang ni rigs bdun gyis bsdus pa de dag go /dum skyes lA ma la sogs pa ni snying po'i bde chen gyi DA ki dag go /mkha' 'gro ma ni thams cad kyi zhes rnal 'byor ma sum cu rtsa gnyis thams cad bsdus pa'i sa bon gyi sngags ni 'di nyid yin par grags pa bla na med pa nges par myur du grub byed kyi snying po nyid do/ /sa 'og ni sku'i DA ki rnams kyis klu la sogs pas phrin las bsgrub pa/ yang na mtho ris sam ni mkha' spyod thugs kyi DA ki rnams kyi lha'i pho nyas so/ /de bzhin mi yul dag tuAng zhes sa spyod gsung gi DA ki rnams kyis gnod sbyin dang srin po la sogs pa bran du bkol ba'i pho nyas phrin las sna tshogs byed pa'o/ /las ni gang dag yod pa rnams shes pa las chen bcu gnyis dang/ bsdus pa phrin las sa bzhi la sogs pa grub par byed pa'o/ /sngags kyis de dag thams cad 'grub par 'gyur ba ste/ dpal rdo rje rnal 'byor ma'i dkyil 'khor gsang ba'i 'khor lo bstan pa ste/ de yang snying po'i rnal 'byor ma bzhi go cha'i lha mo drug sgo mtshams ma brgyad de rnal 'byor ma bcu dgu'i dkyil 'khor sgo bzhi rtabs dang ldan pa dur khrod kyis yongs su bskor ba ste/ de'i cho ga yongs su rdzogs pa mnyam rjes lam du bya ba bstan pa'o/ /'di las shin tu mchog 'gyur gang ni/ ye shes zag pa med pa'i mkhyen pa dang/ bde ba chen po mi 'gyur ba'i gsang ba bstan pa'o/ /'jig rten gsum ni phyi'i lha klu gnod sbyin la sogs pa'i nus pa yang 'dir 'dus la/ nang gi ni dug gsum dag pa'i nyams snang nyid las phyi rol na ci yang med par sgro 'dogs chod pa'o/ /gsang chen bde ba mchog gi dngos grub grub pa gang phyir 'di ni bla med de zhes thabs shes rab tha mi dad pa'i snying po'o/ /las rnams ma lus grub byed yin zhes las dang
- 116b
dngos 'grub 'byung ba dang 'byung ba las gyur pa'i dbang phyug phun sum tshogs pa bstan pa'o/ /da ni ris drug 'khor lo sgyur ba bka' i dkyil 'khor gsang ba rigs bsdus pa bstan pa ni/ dpal rdo rje mkha' 'gro ni rigs kyi bdag po ste/ rigs lnga po kun gyi 'byung gnas dpal rdo rje 'chang bde mchog 'khor lo'i rten dang brten pa'i 'khor lo las/ mdor bshad rgyas par ma yin no/ /don yongs su bsdus par bstan la tshig rgya cher ma bstan pa'o/ /'dir mngon par rtogs par ltar na/ dang por rang nyid skad cig gis ti ma la gnas pa'i he ru ka zhal gcig phyag gnyis par bltas la/ sems bskyed sngon du 'gro bas gnas dang bdag dang rnal 'byor bsrung ba byas la tshogs gnyis sog par bya ba dang/ stong pa'i ngang las 'byung bzhi rim brtsegs kyi steng du/ b+h+ruM las byung ba'i ri bo bzang po ni/ lhun po ri bo mchog rab ste/ dri bar bya zhing ni yid kyi yul du blos bsam pa'o/ /me tog ni ri rab kyi steng du sna tshogs pad+ma 'dab ma sum cu so gnyis pa'o/ /'bras bu ni lte ba la ge sar dang ldan pa/ sna tshogs kyis ni rdo rje rgya gram kha dog bzhi ldan no// yang bzang po bri bya zhing ni dkyil 'khor pho brang gru bzhi sgo bzhi rta babs dang ldan pa sangs rgyas kyi chos ma lus pa yongs su rdzogs pa'i gzhal yas khang bsam pa'o/ /de'i steng du rtag tu bsgom pa ni brten pa lha'i 'khor lo bstan pa la/ dpa' bo rnams ni/ nyi shu rtsa bzhi po thams cad do/ /de dag gi dpa' bo chen po nyid ni rgyal ba rigs lnga rdo rje 'chang dang/ drug pa'i bdag nyid las/ /rdo rje'i mu khyud kyis bskor ba'i 'khor lo pho brang chen por rdo rje mi bskyod pa dang gnyis su med pa'i mkha' 'gro ma dang/ rnam par snang mdzad dang gnyis su med pa'i gzugs can ma dang don yod rgyal po dang sbyor ba'i lA ma dang/ 'od dpag med dang sbyor ba'i dum skyes ma dang/ rin chen 'byung ldan dang gnyis su med pa'i rin chen rigs kyi lA ma dang/ dbus su dpal he ru ka dang
- 117a
gnyis su med pa'i /dpal rdo rje rnal 'byor ma ste chos kyi dbyings stong pa nyid kyi rang bzhin can no/ /ha ha he he zhes bya ba ni/ rin po che ke ke ru dang/ maN+Dar ljang ba dang/ bai DUrya dang/ pad+ma rA ga'i bum pa'i shing lo'i kha rgyan steng na thod pa bzhi dang bcas pa bdud rtsis gang ba la rab tu bzhad cing dgyes par rol pa'o/ /rigs drug 'khor los bsgyur ba'i 'khor du bkod pa ni/ dpa' bo nyi shu rtsa bzhi zhes rigs re re la dpa' bo yab yum can bzhi bzhi yongs su bskor ba ste/ so so'i 'khor lo la rdo rje dang 'khor lo rdo rje rgya gram dang pad+ma dang rin po ches yongs su bskor ba'o/ /gtso bo la rdo rje gri gug gi phreng bas bskor ba mtshams su bum pa bdud rtsi can ka pA la dang bcas pa nyid do/ /der ni dpa' bo rnams ni khaN+Da ka pA la sogs pa ste/ rgyan cha lugs dang ldan pa'o/ /mkha' 'gro nyid ni sgo mtshams ma brgyad dam tshig 'khor lo bkod pa'o/ /dpa' bo dpa' mo rnams kyis 'gro ba 'di dag thams cad khyab ces sa gsum kun tu ye shes kyi rol pas phyi nang de kho na nyid du rol pas so/ /mkha' 'gro dra ba'i bde mchog yin zhes pa thugs rje chen po mnga' ba'i de nyid kyis 'gro ba gzhan don dang 'brel ba nyid ston pa'o/ /de la dkyil 'khor gyi dpa' bo rnams ni badzra sa twa la sogs pa nas/ khaN+Da ka pa la'i bar du ste/ sku gsung thugs yon tan phrin las bde stong dbyer med du bsdus pa nyid 'dzam+bu'i gling du gnas dang nye ba'i gnas la sogs par gdod ma nas grub pa'i dpa' bo nyi shu rtsa bzhi yis shes/ lha drag po 'jigs byed u mar bcas pa 'dul ba ste/ rnal 'byor ma ni rab gtum sogs dang gnyis su med pas/ bya ba kun ni 'jug cing mgo drug pa dang/ /dbang du bya ba nyid dang/ longs spyod cing/ yongs su thim pa'i tshul gyis/ spangs pa dang ye shes phun sum tshogs par 'gyur
- 117b
bas ni/ gdul bya'i ming ni 'dul byed la btags par shes par bya'o/ /des sngon byung bstan cing rjes 'jug la sgrub pa pos mngon par rtogs pa la/ thog mar rigs bsdus pa'i dkyil 'khor gyi 'khor lo drug ris drug ldan der zhugs par blta bar bya ba ni rtogs par byed pa'i dus dang rgyun tu rnal 'byor pas myur du grub 'dod cing shin tu mnyam gzhag pas shes lam goms par bya ba la/ 'khor lo'i bdag nyid/ rtag tu bsgom pa lha'i sku'i rnam pa gsal ba'o/ /rim pa gnyis mnyam par gnas pa sngar bshad pa'i cho ga yis shes le'u so gnyis par gsungs pa dang 'brel pa'am de lam 'dir rdo rje mkha' 'gro ni bcom ldan 'das he ru ka nyid de dra ba'i bde mchog brjod ni rigs thams cad de las 'byung zhing bsdus pa'i ngo bo 'khor lo 'brel pa nyid do/ /de nyid snying po gsang ba grub pa bstan pa'i phyir/ 'khor lo chen po ni dpal sdom pa'i drug gi dkyil 'khor/ dam tshig dang/ lus dang/ b+ha ga'i dkyil 'khor gdor nas grub cing kun khyab par gnas pa lam du bya ba nyid do/ /'di ni sangs rgyas de bzhin gshegs pa rnams dang dpa' bo rnal 'byor gyi dbang phyug bya ba thams cad dpal rdo rje 'chang gi ye shes kyi rnam pa tha dad du ma yang dag par 'dus pa'i sku gsung thugs rdo rjes legs par gsungs zhes che ba'i bdag nyid bstan pa'o/ /lhag par gyur pa mkha' 'gro ma ni re re'i zhes lhan skyes dang zhing skyes kyi rnal 'byor pa rnams la/ /'khor ni bye ba dag tu 'gyur ba dpag tu med pas yongs su bskor ba'o/ /snying po'i rnal 'byor ma ni/ rdo rje rnal 'byor ma dang ni mkha' 'gro nyid rdo rje rigs/ bla ma dang dum skyes ma dang/ gzugs can ma rnams ni las dang pad+ma dang rin po che'i rigs so/ /de dag la sogs ni rnal 'byor ma rnams la dngos grub kun byed dge ba yin zhes bar chad med par 'grub pa mthar phyin pa nyid do/ /le'u'i mtshan bstan pa ni/ /dpa' bo mkha' 'gro ma'i gnas
- 118a
grub na rigs bsdu chen po bla na med pa'i gsang ba'i dkyil 'khor mchog gi le'u ste/ bzhi bcu rtsa brgyad pa'i rnam par bshad pa'o// //khyad par gsang chen rab bsgrub cho ga sgrub pos go 'phang bde ba chen po sgyu ma'i rnam 'phrul gar/ skye ba bdun pa'i mtshan nyid rtogs pas mi 'chi sgron mer ldan pas grub pa'i gsang ba grub par 'gyur/ de la rnal 'byor pa bsam gtan mthar phyin cing sdom pa'i gsang ba spyod pa/ mgon po kun tu spyod pas goms par 'gyur bas ni/ spyod pa spros bcas dang spros med la gnas pas/ dngos grub shin tu myur bar byed pa skye ba bdun pa'i lus kyi cho ga'i grub pa ngos gzung ba'i phyir/ de nas gzhan yang bshad bya ba zhes smos te/ gong du he ru ka bong zhal gyi grub pas bdag nyid mngon shes phra mo dang ldan pas/ le'u bcu gcig pa'i don slar rgyas par bshad pa ste/ bsgrub bya ni lam myur du gcod pa/ ji bzhin cho ga dpal he ru ka dang rje btsun ma'i snying po gnyis dang rjes su 'brel ba'i don/ gang zhig gis ni gang zag de spyod pa shin tu spros med snang ba sems kyi yul du shes pa tsam gyis ni/ rnam shes gzhan du spro ba grong 'jug dang 'pho ba'i nad kyis myur du dngos grub thob 'gyur ba/ dbang po rab kyis tshe 'di nyid du ye shes kyi lus su sgyur bar byed pa'o/ / sngags pas 'bras kyi phye ma las/ rim pa bzhin du phyugs gzugs bya zhes pas khyad par gsang ba'i 'pho ba'i dmigs pa dang bcas pas lkog tu phrin las bya ba/ sA lu dang 'bru las gzugs brnyan gyi sbyor bas lam du bya ba/ dud 'gro ni mi dang glang po rta bong dang/ ru sbal/ rnga mo bag sna tshogs ni 'di dag kyang de nyid kyi skye ba bdun rim par thob pa 'ga' zhig ste/ 'di dag la so so'i rnam shes ldan par dmigs shing/ lha'i 'od zer gyis 'di dag la DA ki ma spyan drangs pa
- 118b
bstim pas ni/ srog 'phrog par nus pa dang ldan par byed pa nyid kyis/ phyugs 'di dag tu shes par bya ba las kyi DA ki bskul ba'o/ /'di dag gi khyad par rang bzhin shes par bya ba ni ji ltar mtshan nyid rnam pa yi/ 'di dag las ni bshad par bya ba nyid de/ ji ltar mi'i 'gro ba la skye ba bdun pa yod pa bzhin du dud 'gro la yang de dang mtshungs pa'o/ /de ltar yang/ mi gnas mir gyur bdun pa la/ /rdo rje stobs mchog dangs byed pa'i/ /nas pa lus la rdzogs gyur te/ /'byung ba bstan pa 'ong snying po/ /rlung ni nam mkha' srog gsang gis/ /mkha' la lding zhing bdud rtsi thob/ /tshes brgyad zhun mer grib ma la/ /bdun 'gyur bya rgod rkang mig blta/ /de las the tshom med par 'gyur zhes rdo rje snying po DA ki rang 'byung ba'i rgyud las gsungs pa'i don to/ /de las skye ba bdun gyi nges pa bstan pa ni skye ba gcig dang zhes pa nas/ 'gro na 'ang ngang pa ltar dal gyis 'gro ba dang/ brdzun mi smra ba dang/ skad kyi gdangs snyan pa dang/ gzi brjid che ba la sogs pa ste/ skye ba bdun du 'byung ba yin zhes pa'i bar gyis bstan la dbab pa nges pa'o/ /de'o snying kha'i ro tsa na zhes pa bsrog gis sa bon no/ /mkhas pa yis ni blangs nas ni rim pa gnyis kyi rnal 'byor pas 'khrul 'khor dang dmigs pa'i sbyor ba'o/ /snying po'i sngags ni bzlas nas su zhes yab yum gyi snying po la dpa' mo'i go cha'i sngags btags pa bskyed rim dang 'brel pa'o/ /rdzogs rim du rlung gis byed pa dang bsam gtan gyis gsang ba'i 'pho ba'i bya bas de'i thig le dbang du bya ba yin zhes ye shes yul gzhan la grong 'jug bya ba'o/ /de nyid thob pa las phan yon ni/ de ni bsten pa tsam gyis ni zhes pa nas/ 'di ni rang dga' i gzugs 'chang 'gyur zhes pa'i don gyis mngon shes lnga thob cing/ ye shes lus su 'gyur ba bstan pa'o/ /'di'i don ni 'di lta ste/ rang nyid dpal he ru ka'i
- 119a
skur gsal ba thugs ka'i sa bon la snying po gnyis pos 'khor bar bltas pa las 'od spros te/ bla ma dang lhag pa'i lha mdun gyi nam mkha' la spyan drangs pa la mchod pa sna tshogs phul te/ de dag la gsol ba gdab pa/ bdag sangs rgyas thob nas 'gro ba'i don bgyid pas/ gang zag skye ba bdun pa 'di'i lus 'di dag la gnang zhing rang dbang thob par mdzad du gsol zhes gsol ba gdab pa'o/ /de'i nye ba'i mtshan ma rmi lam dang nyams la gsal ba'i rtags cung zad byung ba dang/ sngar byas pa'i mi dang dud 'gro la sogs pa'i gzugs bdun po la dmigs pa btad pas/ lus cung zad 'gul zhing g.yo ba 'am/ 'phar ba byung na/ khams gzhan gyis bdud rtsi len pa bzhin du bya ba ni dpal DoM b+hi he ru ka'i bzhed pa'o/ /yang na bdag gi sa bon las DA ki ma bskul bas/ DA ki ma'i sku'i 'od zer gyis/ de nyid kyi snying dkar nag gi mtshams nas rnam shes srog gi thig le a shang lta bu dang bcas pa de blangs te/ mdun gyi gzugs brnyan la bsnyim par bya ba 'dis ni myur du grub par byed pa la dpal dzA lan lha ra'i bzhed pa'o/ /yang rang lhar gnas pa'i sa bon las 'od spros nas rlung rtsol drag tu byas te/ 'od kha dog lnga spros pas/ de'i sgo lnga'i rnam shes la bstim nas tshur drang zhing/ yang rang gi sna sgo g.yas kyi rlung phyir spro ba dang bstun te/ 'od zer spros pas de'i sna sgo g.yon nas zhugs pas de'i lus kyi nus pa thams cad bsdus te/ srog 'phrog pa'i thig le tshur byung bas/ mdun gyi gzugs brnyan de dag gi sna sgo g.yon nas zhugs shing thim par blta/ de ltar yang dang yang du byas pas dmigs pa gsal bar 'gyur bas myur du grub par 'gyur ba'o/ /mkhas pas shing lo zhes pa la sogs pa rang lus ljon shing gi rnam par bskyur ba/ le'u bcu gnyis pa'i las so// / //yang phyug nyid kyis ni zhes pa la sogs pas le'u zhe
- 119b
'dun pa'i don pa'i don gyis rnam par bsgyur ba nyid do/ /mi rnams shes pa nas 'gog byed yin gyis log rtog dgag pa bstan/ glang po rta dang nas khrung khrung khra'i bar gyis rten 'brel bcu gnyis dag pa'i rnal 'byor pas/ srid pa dag pa'i ye shes kyi lus/ nyon mongs dang/ las dang/ sdug bsngal dag pas/ dus sbyor dang nyi khyim rnam par dag pas/ las kyi rlung dag pas/ sa ra sa nam mkha' lding sa'i dbang phyug thob pas/ bzang ngan thams cad dag pa lha'i gzugs su de 'gyur ro zhes las kyi lus rnam par dag pa rdo rje'i sku bstan pa'o snya? 'jig rten gsum na yod ma yin gyi bar gyis ni/ 'od gsal las zung 'jug gi skur ldang ba'i che ba ston pa skad cig ma'i ye shes rnam thar sgo gsum dag pa he ru kar gyur pas/ bde chen mi 'gyur ba'i gnas thob par ston pa'o/ /le'u'i mtshan ni/ skye ba bdun pa bsgrub par bya ba ste zhe dgu pa'o// //dpal ldan nyi ma'i snying pos rdo rje rnal 'byor ma yi 'khor lo don kun byed ma nyid kyis phrin las spyod/ /gang du gnad la 'babs pa'i sbyin sreg gsang ba las kyang rab dbye mchog tu bstan pa sdom pa bsdus pa nyid/ /ces pa'i don to/ /de la 'dir gong du gsungs pa'i bsam gtan dang gsang sngags kyi bsgrub pa bstan pa'i bya ba las rab 'byam gyi phrin las kyi gzhung nye bar bsdu ba bstan pa'i phyir/ de nas sbyin sreg cho ga ni zhes smos te/ 'di nyid don mdor bstan pa'i gsang ba ste/ phyi nang de kho na nyid kyi bye brag gis thun mong ba dang khyad par ba'i lha mchod pas/ 'jig rten pa dang 'jig rten las 'das pa'i dngos grub bsgrub par 'gyur ba'o/ /nges par dbang du byed 'gyur ba ni/ yul gang la dmigs pa thams cad do/ /yang dag cho ga ni spyir dpal 'khor lo sdom pa'i dkyil 'khor rgyas bsdus kyi bye brag las/ 'dir ni dpal rdo rje rnal 'byor ma'i mngon par rtogs pa'i phrin las gang gis ni gsang chen gyi che ba dka' ba med par myur du
- 120a
dngos grub thob 'gyur bshad ces sngon byung dang rjes 'jug la dgongs pa'o/ /da ni rgyas par bshad pa la/ dang por lha'i rnal 'byor ni/ gnas dben par/ nub mo chos kyi sku'i 'od gsal gyi ngang du nyal ba las/ rmi lam longs sku'i tshul dang/ sad pa sprul pa'i sku'i tshul las sems bskyed cing/ gnas dang bdag dang/ rnal 'byor bsrung ba byas nas/ tshogs gnyis bsags pa'i rjes la/ 'byung bzhi rim brtsegs dang/ gzhal yas khang gi lte bar/ pad+ma la gnas pa'i A li kA li las nyi zla pad+ma'i dbus su sa bon baM dmar ba las rdo rje gri gug 'od 'bar ba las/ 'od 'phros pas gdod ma nas grub pa'i dpal 'khor lo sdom pa'i lha tshogs kyi thus rgyud bskul zhing mchod par 'gyur/ 'od de tshur 'dus pa las/ dpal rdo rje btsun ma zhal gcig phyag gnyis pa spyan gsum pa/ skra grol ba/ phyag g.yas na rdo rje gri gug bsnams pa/ g.yon pa ka pA la bdud rtsis bkang ba 'dzin pa/ gre gugs su kha TwAM ga yod pa/ zhabs g.yas brkyang zhing g.yon bskum pas dus mtshan dang 'jigs byed mnan pa/ thod pa'i phreng ba dbu la bcings pa/ mgo bo rlon pa'i do shal can/ rus pa'i rgyan cha lnga dang rin po ches brgyan pa/ dar dpyangs kyis mdzes pa'o/ /de'i phyogs bzhir DA ki ma dang lA ma la sogs pa pad+ma la gnas pa/ phyogs bral du rin po che'i bum pa'i steng na ka pA la bdud rtsis bkang ba can no/ /de nas dam tshig 'khor lo'i lha mo brgyad dang bcas pa gsal bar bltas la/ gnas gsum byin gyis brlab cing go cha bgo ba dang/ ye shes kyi dkyil 'khor spyan drangs pa bstim pa dang dbang bskur zhing/ dpal rdo rje sems dpas rgyas gdab cing/ phyi nang de kho na nyid kyi mchod bstod dang/ lte bar sa bon la sngags kyis bskor ba la dmigs nas bzlas pa'i rnal 'byor bya ba'o/ /de nyid la lha rnams thams cad bsgom pa ni zhes
- 120b
dkyil 'khor 'khor lo las/ las thams cad pa'i thabs khung du me lha'i thugs kar lha tshogs gsal bar blta ba'o/ /thun gnyis par du ni mchod bstod dang ldan pas sbyin sreg bya ni tshe dang dbang thang 'phel ba'i don du'o/ /de'i phan yon ni/ mkha' la spyod pa nyid thob gyur ni ad+ha ri shi g+ha ma na zhes ye shes kyi sku 'thob pa'i don to/ /rang gi lus ni de nyid kyis shes rnal 'byor pa'i tha mal pa'i lus 'di nyid yongs su dag pa'i don to/ /de la dang por dbang gi thab khung la dbyibs zla gam par/ go mang sa ni ba lang dmar ser gyi sha dang/ myos byed bsre ba da du ra dang ro/ /lag pa g.yon pa la ni de'i dus su lag pa'i mchod pa dang rjes su 'brel pa ste/ dgang gzar blugs gzar dang ldan pas sbyin sreg brgya rtsa brgyad bya ba nyid do/ /me lha dmar ba'i snying gar lha yang dmar ba ste/ zhag bdun la sogs par spel tshig dang ldan pas phrin las la sbyar bas sangs rgyas lta bu 'am/ brgya byin lta bu nus ldan yang dbang du gyur na/ phran tshegs mi ni smos ma dgos zhes shin tu myur bar grub par byed pa bstan pa'o/ /las kyi bya ba las/ kha chu ni dmar ser gyi kha nas 'bab pa ste/ yang na rnal 'byor pas ga Na tsa kra'i dus kyi sha lnga'i bdud rtsi gros nas skyugs pa dang/ so shing bsreg pa'i thal ba de dag dang ni sbyar ba las yang 'bras phyes dril phyis byas pa'i rang gi lus mnyes pa dri ma de bzhin chags pa dang myos byed da du ra 'am/ yang na ma ngan ming dang bcas pa ni 'di zhes bya ba A karSha ya me pa Sha man ya h+rI:dza(rgyud 'grel): ku ru ho(rgyud 'grel): zhes ming spel dang bcas pas/ khams gsum bdag ni dbang du 'gyur ba la DA ki phrin las la sbyar ba phyi nang du yang dag par grub pa'o/ /da ni dgug pa'i las la sbyar ba ni/ rang 'byung gi ni mtshal dang ni rigs ldan grub par bya ba/ rlon pa'i zas dang zos pa ni/ ske tshe yungs mar bcos pa skyugs pa'o/ /mi'i bu mo gzhon nu ma'i skra dang ldan pa'i sbyin sreg byas
- 121a
na/ ming spel dang ldan pas brgya rtsa brgyad la sogs pas mod la dgugs par 'gyur ba yin zhes thabs kyi che ba bstan pa'o/ da ni drag po'i bye brag mdza' bo nang dbye bar bya ba ni/ bsgrub bya'i skyugs pa dang yang zag pa skra dag ste/ nim pa'i shing las sbyin sreg rab sbyar te/ ming spel dang bi de sha ya dang rang kha lhor blta bas me lha nag por bskyed pas mod la dbye bar 'gyur ba yin zhes nang 'thab pa 'am so sor 'gro ba'o/ /yang dag pa'i thab khung du me lha nag po'i snying gar lha'i 'khor lo bskyed pa rab mnyam gzhag pas shes/ dam tshig pa la ni/ ye shes pa bstim pa byas shing/ sreg rdzas da du ra'i ldum bu la bud shing bya ste/ bya khwa da'i gshog pa dang/ yungs mar mes gdungs ba la bsgres pa ni/ mchod sbyin la brgya rtsa brgyad du mar ya u tsa Ta ya hUM phaT kyis sbyin sreg byas par gyur na ni/ gdon mi za bar yang 'phral du 'chi ba 'am/ skrod par 'gyur zhes pa'i don to/ /rnal 'byor pa la pha rol gyi 'khrul 'khor la sogs pa'i bar chad kyis mi tshugs pa ni/ zas la spyod pa dang de la sogs pa rnams ni spyod lam gyis dus thams cad du sngags pas lha'i nga rgyal dus rtag tu tsham ngam gyi gsang sngags kyi bzlas brjod byed na bsrung ba chen po ste/ de la bgegs ni yod ma yin mnyam langs dus su'o/ /gnyid log ma log 'dug pa 'am zhes pa'i don la 'od gsal lam du byed pa snying ga'i 'khor lo hUM dang thig le kha dog lnga ldan la dmigs pas lam du bya ba dpal la bab chen po'i bzhed pa'o/ /yang rgyas pa'i thab khung kha dog tsan dan dang yung dbyugs shing sgron me lnga dang bdud rtsi lnga ldan pa/ me tog ser pos mchod cing/ wa'i sha'i sreg blugs brgyad dbul zhing/ 'bras bu can gyi yam shing gis mchod pa las/ yang dag spyi blugs byed pa'i mi ni khyad par du brjod pa rdo rje lus kyi rtsa 'khor lo rnams su lha thams cad gser mdog du bltas la/ spel tshig puSh+TiM ku ru yang brjod
- 121b
pas/ dus gsum du 'phrin las 'dir rin po che'i bye brag gis de ni/ zla ba gsum rjes la nus pa mngon du 'byung ba ste/ rigs kyi dbul ba 'jig par 'gyur zhes mthong chos myong ba nyid do/ /de la rgyas pa'i thab 'khung dang ldan pa la/ sha chen po dang mdo la brten pa'i rnal 'byor pas bdud rtsi lnga dang ldan pa dag gis la la zhig dbang du gyur pa myos byed ldan par ni lha mchod pa'i tshul las sbyin sreg byed pa tshogs 'khor dang 'phrel ba brgya rtsa brgyad pa sreg blugs thun gsum du byed pas ni/ ma lus sa rnams spyod pa ni zhes khams gsum sa dgu zag bcas zag med du spyod pa zla ba drug gis dbang du 'gyur ba'i gling bzhi la sogs ba la dbang byed pa nyid 'thob pa'o/ /yang lha rnams sku mdog dmar ser la/ 'bras bu ldan pa'i yam shing la wa'i sha dang mngar gsum sbyar bas mchod pas ni tsham 'gyur mkha' 'gro mas de las ni longs spyod rgyal srid steng bar gdon mi za zhes rgyas pa'i phrin las so/ /da ni rnal 'byor pa'i tshe dang longs spyod rgyas par bya ba ni/ go ma yu'i 'phral gyi shas ci sbyang ngam yang na wa'i sha dang myos byed kyis phyi dang nang gtor ma dang chod rdzas ldan pa/ nang gi sbyin sreg bya ni rdzas byin rlabs ldan pa dag /lus kyi lha bskyed pa la mchod pa'o/ /me'i lha mchod pa can gyi lag par myur du ni bar chad med par dngos grub thams cad 'grub par 'gyur zhes gang bsams pa grub pa brgyad sogs so/ /phrin las de dag thams cad la sngags kyi bzlas brjod mtshan mo bzlas pa gsang spyod dang 'brel ba ste/ a ka tsa Ta ta pa ya sha'o/ /yul 'khor yang ni 'khrug par byed pa phyi dang nang du nges pa'o/ /dus bstan pa/ de ltar nyin re byas na ni zhes zla ba drug gi bar du thun gsum par bya'o/ /phan yon ni rgyal po nyid du byed 'gyur ni nus pa thob pa'i sgrub pa pos so/ /'di la rab mchog gzhan dag ni 'khor lo sdom pa'i phrin las 'di nyid kyis myur du grub pa ste/ 'jig rten gsum
- 122a
na yod ma yin ni gong na med pas gsum las so/ /rnal 'byor chen po 'tshe med ni sgrub pa po de'i tshe 'phel bar 'gyur bas rang dga' 'chi bdag 'joms par 'gyur ba'o/ /sgyu ma lta bu'i rdzu 'phrul ston pas te/ sna tshogs gzugs ni 'gro ba mos pa'i dbang ste/ 'dzin cing rol pa ston pa'o/ /yang rgyas pa'i phrin las te/ bil ba ni sman ka ped/ pha la sha ni 'brum bu mngar ba/ u dum par ni me tog dkar ser ro/ /rgyas pa'i sbyin sreg la lha thams cad dmar ser ro/ /'bum du byas pa na gtor ma dang mchod pa yang de tsam gyis nor gyi bdag po chen por 'gyur ba 'phags pa ngal so po'i mdzod thob pa lta bur rin po che dbang gi rgyal po la mnga' brnyes pa'o/ /yang rgyal srid 'thob par 'dod cing grub pa ni/ go mang sa ste ba yang sha dang spyod byed pa sre ba da ru ra'i 'bras bu las sbyin sreg byed pas brgya rtsa brgyad la sogs par mchod pas/ rnal 'byor dbang phyug mnyes byas ni dpal sdom pa'i dkyil 'khor gyi gtso bo bla ma dang tha mi dad pa la mchod pas/ dbul po nyid du ga la 'gyur zhes phan yon mi zad pa nam mkha' mdzod thob pa'o/ /go ma yu ni ce spyang gi sha dang zhi ba'i shing la sbyin sreg byas pa ni/ gang zag des ni las dang dngos grub gang 'dod ci bde ba ni grub par 'gyur ba nyid kyis/ yang go maM yu'i sbyin sreg brgya 'am stong la sogs pas dpa' 'khor lo sdom pa'i lha tshogs la mchod pa ni myur du nor bdag mnyam par 'gyur zhes rin po che'i phung po thob pa'o/ /de dag 'di dus su phyi rol gyi dka' thub kyi spyod pa mthar lhung ba dgag pa ni/ brtul zhugs dman pa la sogs pa ste/ gtsang sgra dus gsum gyis khrus la sogs pa bya ba'i rgyud kyi spyod pa med pa'o/ /ye shes chen po gsang ba mchog bla na med pa thob pa ni brtags pa'i dngos grub 'thob cing/ yon tan phun sum tshogs pa la mnga' brnyes par 'gyur ba'o/ /da ni
- 122b
khyad par du sgrub pa po tshe 'phel bar 'dod na/ 'khrul 'khor dang rdzas gnyis las/ dang por bcud len du gyur pa ni/ lhag pa'i mtshe ni brag la skye ba can dang/ kuSh+man DaM ni me'i sa bon can no/ /mu ta ka dbang phyug sa bon/ ma sha ni sgra ba lo ma/ tsa no ka ni mon sran no/ /sbrang rtsi'i rtsigs ma spra tshil te ske che dang/ zhes ra sa yA na ste/ bcud len du gyur pa ste/ tshe 'phel bar byed pa'i 'chi med bsgrub pa'i sbyor ba gsang ba/ nang du bdud rtsi rlung lam du gyur pas so/ /'khrul 'khor sbyor ba la/ ta ma la'i 'dab blangs de ni gur gum gyis yi ge bcu gsum pa'i 'khor lo A li kA lis mtshan pa bris pa la lha bstim zhing tshe bsgrub pa'i spel tshig can/ phyi rol mu khyud las rdo rje phyogs su yod par rab gnas ldan pas 'grub pa'o/ /gdong g.yogs byas nas zhes pa bar chad bsal zhing gnod pa bzlog pa'o/ /'khrul 'khor da du ra yis bris la/ gnod pa byed pa'i spel tshig bris pa dgug bstim byas la dur khrod du sbas na kha bcings par ni 'gyur ba gcan bzan khro bo lta bu'i kha dang lce rengs par byed do/ /rnal 'byor pa rang gis ji ltar 'dod pa ni grub par 'gyur ba yis/ gong gi las dang dngos grub ma lus pa yang ngo/ /gang du dga' ba der gnas so/ /zhes pa rim pa gnyis spyod pa mthar phyin pas so/ /hA swA phaT hUM huM ye nI tsa ro bai badzra oM gsang sngags so// //de la gsang chen 'dir lam spyod pa yongs su dag pas phyogs las rnam par rgyal ba mngon du gyur pas/ 'khor lo chen po rigs bsdus pa la goms pa mthar phyin pas/ lam gyi rim pas bcu gsum gyi dbang phyug rang rdzogs su gyur par bstan pa'i phyir/ de nas gzhan yang bshad bya ba zhes smos te/ mtshan nyid kyi theg par ji ltar sa lam thams cad 'dir don la ston cing rdzogs pa'i khyad par las/ rnal 'byor ma'i rgyud du thabs
- 123a
shes rab gnyis su med pa'i bde ba'i ye shes kyis sa dang lam myur du chod pa nyid la gnas dang nye ba'i gnas la sogs pa bcu gnyis kyis ye shes rang rdzogs su gyur par dgongs pa'o/ /he ru ka dpal ni dpal 'khor lo sdom pa sku lnga ye shes lnga bde chen du sdom pa zung 'jug ye shes kyi sku'o/ /de'i sku'i yan lag ni phyi sprul pa'i 'khor lo/ /ji ltar gnas pa de nyid nang dbang dang byin rlabs kyis khyad par du gyur pa'i dus nas/ smin grol gyis sbyangs pa'i tshe/ dpal bde mchog gi lha tshogs kyis bsdus pa'i dkyil 'khor ba thams cad lus la bstim pas de nyid du nus pa bzhag cing rtsa gnas su rnam par 'gyur ba bstan pa'o/ /sku kun ni dkyil 'khor gyi lha tshogs ma lus pa rigs lnga rdo rje 'chang gis bsdus pa rnams so/ /bstan pa lha'i gzhal yas khang dang/ g.yo ba 'gro ba thams cad ma lus pa la ye shes kyi sku'i bdag nyid can gyis khyab cing spro ba dang bsdu ba'i dbang phyug tu mdzad pa'o/ /de dag la DA ki gsang ba mdzod las gsungs pa ni/ 'dir ni rnam sbyong gnas dang nye ba'i gnas zhing dang/ nye zhing tshando nye ba'i tshando 'dus sa nye ba'i 'dus sa nyid dur khrod nye ba'i dur khrod 'thung spyod nye ba'i 'thung spyod sa rnams dag ste kun tu 'dod yis che/ bcu gsum rdo rje 'dzin pa mchog tu dag pa gsang ba'i sa rnams dri med he ru ka dpal brjod/ /sa gsum dag tu dpa' bo rnams dang rnal 'byor ma yi rang bzhin yi ge phyi nang dag pa dbyer med gsang bar gnas/ ma lus 'khor 'das kun tu khyab cing dbang bsgyur mdza' yas 'jig rten 'das pa'i bdag /des mdor bstan nas da ni rgyas par bshad pa la/ gnas ni rab tu dga' pa'i sa zhes pa ni/ DA ki badzra rgya mtsho las gsungs pa'i don te/ gang du phyag rgya de nyid 'khor lo bzhir/ /sku gsung thugs kyi rtsa ni rab gang ba/ /bcu drug bde ba mi phyed ye shes che/ /snying po pad+ma ge sar rab dga' ba/ rang gi bde chen gnas ni
- 123b
lhan cig skyes/ mgo bor bdud rtsi 'phel byed phyogs dag ste/ /zla ba de nyid dpa' bo rnal 'byor ma/ /bdag med gnyis ldan mdzes pa thugs spyod pa'o/ /de bzhin nye gnas dri ma med/ /spyod pa chu rgyun rab 'bab rnam par dag /chos kun bde ba mi 'gyur spros med pa/ / ting 'dzin nyer spyod stong nyid las rlung zhi/ /rgyal bar mthong ba rnam thar mtshungs med thob/ /zhing ni 'ong byed shes par bya/ /lus gnas rtsa las sum 'dor me 'bar ba/ /'od zer bye bas 'gro kun khyab 'gyur ba/ /mche med rnam par dag pa'i zhing gyur ni/ /dpa' bo stabs mchog skye med gsung rdo rje/ /nye ba'i zhing ni 'od 'phro ba/ /ye shes 'od zer de nyid spro dang bdud/ /skar mda' thig le gsang ba rab dbye nyid/ /smin cing 'dzag pa chu dbang nyer zhi drag /sgra las brjod pa du ma bsdus pa'o/ /tshando ha ni mngon gyur nyid/ /rnam shes spyod pas ro drug za ba ste/ ye shes kyis ni zhi ba rab rgyas byed/ /bsgyur dka' sems nyid tha ba 'joms pa las/ /'khor lo ral gri rdzu 'phrul ston pa'o/ /nye ba'i mtshan do spyad dka' ba/ sgyu ma rmi lam chos ni mngon du gyur/ /rjes 'gro chos nyid 'phags pa'i lam nyid de/ /dge ba bsam gtan mkha' 'gro khams kun spyod/ /gsal ba nyi ma 'char nub thim par 'gro/ /'dus sa ring du song ba yin/ /lus gnas lugs ni ring 'gyur spyod pa dag /phra ba rjes spyod dga' ba'i yul gyur nyid/ /'dod yon dag pa dbang po rab sim pa/ don byed grong khyer dgra rnams 'dul ba'o/ /nye bar 'dus sa mi g.yo ba/ /bla med 'grod pa seng ge stobs mchog nyid/ /phyir mi ldog pas mdza' dag mi 'khrug pa/ byang sems ro ma rkyang ma kun dar du/ /snying rjes 'du ba rtsa gzhan bla med spyod/ /dur khrod legs pa'i blo gros nyid/ /ye shes mtshungs med legs spyod nam mkha' las/ /thogs med blo gros rgya mtsho'i rnal 'byor che/ /srog dang stsol ba dag pas rab mi gnas/ /'od gsal 'gog ba med par spyod pa'o/ /nye ba'i
- 124a
dur khrod chos kyi sprin/ /dpa' rlabs chu 'dzin sna tshogs byams pa'i gdugs/ /gling rnams 'gebs pa chos nyid klong yangs te/ rnam dag yang dag lam gyi snying po che/ /sra ba mchog 'gyur rdo rje dbyings dbang phyug /yang dag mdza' dags byang chub snying po nyid/ /rdo rje'i ting 'dzin ye shes de bzhin gshegs/ /gdod nas dag pa spros med phyag rgya che/ /mnyam med bdud 'joms sgo gsum ro mnyam gyur/ /'od gsal snying po srog gyur rtsa rnams dag pa ste/ /sku gsung thugs kyi rdo rje kun tu ston gyur pa/ /mchog gyur rgyal po bcom ldan rdo rje 'chang/ /de ni khyab bdag ma lus rnam mi rtog /rgyu 'bras bde chen lhun grub bcu gsum pa/ /skad cig gtsug gtor rdzogs par rab thim pa/ /rgyun mi 'chad par byang chub sems 'byung 'gyur/ /yid bzhin nor bu dbang gi rgyal po bzhin/ /ngo bo nyid sku ye shes zung 'jug sku/ /sangs rgyas nam mkha' i sku ni 'dir 'thob byed/ /ces gsungs pa'i don to/ /'dir ni mtshan nyid kyi theg pa las/ /snying por gyur pa rdo rje'i theg pa gsang ba bla na med pa'i dpal ldan he ru ka gzhung spyod ces smos te/ bde ba chen por sdom pa ye shes kyi sku can gyis bstan pa'i don to/ /'di ni nang gi bdag nyid can la mchog tu 'gyur ba nang gi rtsa dang thig le la sogs pa'i rten 'brel phyi snang ba 'khor lo sdom pa'i ngang las ma 'das pa'o/ /de yang dbang bcu mngon du gyur pas sbyin pa nas ye shes kyi bar gyis pha rol tu phyin pa bcu'i bdag nyid kyi dang lam rnams ni thob tshul mtshungs kyang lam bgrod tshul mi 'dra ba nyid do/ /rnal 'byor ma'i brda'i skad ni kla klo'i skad kyis sbas pa'i gsang ba 'jig rten gyi sgra dang rtog ge pas mi rtogs par gyur pa'o/ /de la dkyil 'khor gsang ba yang dag pa'i gnas tshul ni/ mtho ris he thugs mkha' spyod dang sa steng ni sa spyod gsung dang/ sa 'og tu spyod pa sku'i 'khor lo la dpa' bo'i yan lag ni/
- 124b
dpal he ru ka'i sku gsung thugs kyi rnam par 'phrul ba'o/ /brtan pa dkyil 'khor gzhal yas khang la g.yo ba lha tshogs 'khor lor gnas pa dag gi bdag ni de thams cad rnal 'byor pa'i lus sems la sdom par gyur pa'o/ /pul+li ra sogs gang bstan pa ni sbrul pa 'dzam bu'i gling gis 'khor lo yul gyi bye brag tha dad pa'o/ /de nyid dpal he ru ka yab yum gyi skul gnas pa gzhin du/ rnal 'byor pa'i lus la yang sbyar ba'o/ /thogs med dus su gang bstan pas ni gdod ma nas grub pa'i lhan cig skyes pa'i dkyil 'khor gyi 'khor lo/ 'og min dang/ ri rab rtse dang/ dzam+bu'i gling du yang snang bar mdzad pa'o/ /phyi nang bdag nyid can du gnas pa ni kun tu khyab cing lhun gyis grub pa'o/ /thogs pa med par kun gyi dbang phyug du bstan pas gar gyi cho 'phrul ni dpal ldan khrag 'thung rgyal po che ni dus dang rnam pa thams cad du bdud las rgyal ba'i sku gtso bor gyur pa'o/ /'dod pa kun ni sgrub pa po'i don kun stsol ba nyid las/ dbang phyug gtso ni ye shes kyi dbang phyug brgyad dang ldan pa nyid do/ /kun tu phyag dang ni zla ba bcu gnyis rnam par dag pa/ zhabs ldan zhing ni nyi ma lho byang du bgrod pa gnyis so/ /kun tu spyan dang ni dus gsum thams cad dus med mnyam pa nyid du gzigs pa'o/ /gtsug tor zhal te/ gtsug tor ltar mi mngon pa dang zhal gyi khyab pa tshad med pa gsang ba bsam gyis mi khyab pa mnga' ba/ kun tu thos ldan ni gsung gi gsang ba bde chen bsam gyis mi khyab pas bskal ba gang gA klung gi bye ma snyed bcu drug 'das pa'i 'jig rten gyi khams 'od zer can la sogs par yang gsung thos pa nyid kyis so/ /thams cad g.yogs te/ rnam par bzhugs pa ni sku gsungs thugs ye shes kyi gsang ba bde chen bsam gyis mi khyab pa'i mi bzad pa brgyan gyi 'khor los 'khor 'das thams cad kyi don mdzad pa nyid do/ /da ni gzhung nye bar bsdu ba'i sgo nas lam grub pa'i don bstan pa ni/ de nas dngos grub bsgrub bya ba ni 'bras bu'i mchog gsang ba mchog mthun
- 125a
mong ngo bsam gtan ldan pa'i sems kyis te ni lam gyi rim pas dam tshig sdom pa spyod pa dang ldan pas 'thar 'byin pa'o/ /sgrub pa pos rten gyis gang zag nyams len byed pa la phan pa'i phyir zhes pa ma 'ongs pa'i skal pa dang ldan pa rnams la dgongs pa nyid do/ /de dag chos 'di la 'jug par 'gyur bas na/ gsang ba chen po rgyud gsum ston pa'i de nyid gsal bar gsungs pa yin zhes snying po mchog tu gyur ba'i don gsang chen la nye bar gdams pa bstan pa nyid do/ /da ni le'u'i mtshan las dpal 'khor lo sdom pa la/ dbang gi sbyin sreg gi ngang las tshogs rnams so/ /gnas la sogs pa bstan pa'i cho ga ni sa lam rim pa ste/ le'u lnga bcu pa'i rnam par bshad pa'o// //de nas gzhan yang bshang bya ba zhes bya ba la sogs pa smos te/ 'dir ni yongs su bsdus pa'i rgyud 'di la/ rjod byed sgra'i gsang chen dang brjod bya don gyi gsang chen/ gnyis su med pa bde ba chen po/ ye shes kyi gsang chen gyi don ma lus pa thams cad le'u dang por mdor bstan pa/ lus rnam par bzhag pa lta bur gsungs nas/ le'u gnyis pa nas zhe dgu pa yan chad kyis rgyas par bshad la le'u lnga bcu pas/ las rab 'byam rnams dang/ lam dang sa'i rim pa bstan pas cung zad bsdu ba tsam mdzad nas/ le'u lnga bcu rtsa gcig pa 'dis tshig don thams cad nye bar bsdu ba mdzad pa ni/ man ngag ni dpal rdo rje 'chang chen po nas da lta'i bla ma'i bar du byin rlabs mchog tu gyur pa'i rgyu 'di ni/ skal pa dang mi ldan pas rnyed par dka' ba ste/ de bzhin gshegs pa mar me mdzad nas/ thub pa 'od srungs kyi bar gyis kyang ma gsungs pa'i phyir ro/ /de bas na thub pa 'di thugs rje che zhing thabs mkhas pas dpa' bos shes dpal he ru kas brda'i skad du ni sgra ji bzhin pa ma yin par gsang ba snying po'i don lkog tu gyur pa de bzhin gshegs pa spyod yul nyid thun mong
- 125b
ba ma yin par bstan pa'o/ /nga yis rgyud gzhan rnams thams cad du yang gsal por ma bsten te/ shin tu sbas pa yin zhes sgra pa dang/ rtog ge pas rtogs par dka' ba kla klo'i skad la sogs pa'i sgo nas bstan pa ste/ rim pa gnyis mngon du gyur pa'i tshul gyi gzhung bsdu ba spyir mdzad pa'o/ /da ni mngon par rtogs pa yongs su bsdu ba'i don gyi gsang ba ston pa ni/ gos dang zhes pa la sogs pa ste/ b+hA smA she zhes dur khrod las byung ba'i gos sam/ paShthi dza'i sgras gnas la 'gro bas/ dur khrod kyi dbyen par gnas phun sum tshogs pa'am/ /tshad med pa bstan pa nyid kyi rnal 'byor bsdud ba dang/ bdag nyid skad cig gis dpal he ru ka la phyag rgya lngas brgyan par la sogs kyis bdag bsrung ba dang/ yang sogs kyi thabs kyi yan lag bsod nams kyi tshogs dang/ shes rab kyi yan lag ye shes kyi tshogs dang/ phur bu gur gyi gnas bsrung ba sngon du 'gro ba'o/ /rgyu tshogs ni rten 'byung ba rim brtsegs ri rab chen po gzhal yas khang bskyed pa dang/ brten pa lha'i 'khor lo bskyed pa la/ stong pa sngon 'gro ste A li dang/ hA li ste sa bon phyag mtshan la sogs mngon par byang chub pa nyid dang/ brjod nas sngon du 'gro ba yongs su rdzogs pa las byang chub pa rgyu'i he ru ka bskyed pa nyid dang/ 'jug pa sgra la sogs pa 'bras bu'i he ru ka bskyed pa nyid las/ ji srid bsdus pa nam mkha' nas lhun gyis grub pa'i dkyil 'khor spyan drangs nas bstim pa las/ yum gyi chos 'byung du lha'i 'khor lo rdzogs pa las/ dam tshig gi 'khor lo phyung nas bkod pas spro ba dang bsdu ba bstan pa'o/ /mya ngan las 'das pa gtso bo yab yum 'od kyi thig ler zhu ba dang bdud rtsi ste/ thig le'i rang bzhin du gnas pa la tshim byed tshad med bzhi'i dang la gnas pa la glus bskul ba dang/ sdus pa'i sbyor ldan gtso bo yab yum bzhengs par gyur pas sbyor ba dang po'i ting nge 'dzin bstan pa'o/ /go cha chen po lus kyi dkyil
- 126a
'khor bsgom pa bstan pa dang/ mya ngan 'das kyis byang chub kyi phyogs kyi dkyil 'khor bsgom ste/ dkyil 'khor rgyal po mchog go /las rgyal po mchog la/ lag pa'i mchod pas go cha gnyis bgo ba dang/ bsdus pa'i sbyor bas ye shes sems dpa' spyan drangs nas/ gnyis su med par bstim pa dang/ dbang bskur zhing rgyas gdab par bya ba dang/ sngags rnams kun gyis mchod pa bla na med pa bstan pas mnyam gzhag gi rnal 'byor la/ de ltar de nyid bcu bzhi ni zhes pa mngon par rtogs pa he ru ka mngal skyes bstan pa la mdor bsdus nas ni bshad pa yin zhes thun nye bar bsdus nas bdud rtsi myang zhing gtor ma dbul bar bya ba dang/ rdzogs pa'i rim pa bsgom pa'i bar gyis mnyam gzhag gi rnal 'byor bstan/ de nas rjes thob spyod pa la gnas par bya ba'o/ /yang rdzus skyes kyi rim pa ltar na dang por byang chub sems dang ldan pas/ dpal he ru ka'i nga rgyal dang ldan pas lus ngag yid gsum dag par byas nas/ gos dang zhes tshangs pa'i gnas bzhi bsgom pa rnal 'byor bsrung ba'o/ /phyag rgya lnga ni phung po lnga rigs lngas rgyas gdab sogs khongs su khams dang skye mched bsdu bas bdag bsrung ba'o/ /phur bu gur ni gnas bsrung ba'o/ /pradz+nyA pu Na'i sgras ni shes rab kyis zin pa'i bsod nams kyi tshogs rdzogs par byed pa yan lag bdun pas// rgyu sogs stong pa sngon 'gro ba ye shes kyi tshogs so/ /'jug pa ni sgra des gzhom du med pa'i nA da la sogs pa b+he ram b+ha ste/ ji srid bsdu ba'i sbyor ldan pa ni 'byung ba rims brtsegs nas ri rab dang sna tshogs pad+ma dang/ A li kA li thig le las sa bon dang bcas pa spro ba dang bsdu bas ngo bo nyid sku dam tshig gi dkyil 'khor rgyas par bskyed pa'o/ /mya ngan 'das ni byang chub phyogs chos sku'i rnal 'byor dang/ go cha chen pos ni lus rten dang brten par bcas pa longs spyod rdzogs pa'i sku bstan pa dang/ lag
- 126b
pa'i mchod pa ste go cha gnyis bgo ba dang/ sdud pa'i sbyor ldan pas ye shes sems dpa' spyan drangs nas gnyis su med par bya ba dang/ dbang bskur ba dang sngags rnams kun gyis mchod par bya ba phyi dang gsang ba dang de kho na nyid kyi mchod bstod bya ba dang/ sngags rnams shes pas bzlas pa'i rnal 'byor yang bstan bdud rtsi tshim byed kyi bdud rtsi myang ba gtor ma dbul ba dang yang bsdus pa'i sbyor ldan pas thun nye bar bsdu ba yang bstan to/ /des bskyed pa'i don gzhung bsdu ba de kho na nyid ston pa'o/ /da ni de nyid la rdzogs pa'i rim pa ltar na/ khyad par du rnal 'byor rnam par grol ba las/ gos ni lus kun tu khyab pa'i kun da byang sems de la brten pa'i don dam bde bas kun tu khyab pas gos sam gnas su gyur pa'o/ /phyag rgya lnga ni 'byung ba lnga dang dug lnga dag pa'i ye shes lnga nyid do/ /sogs ni rtsa 'khor lo drug la sogs pa dbye bsdu rnams so/ /shes rab yan lag ni las dang chos/ dam tshig phyag rgya chen po bzhi dang ldan pa'o/ /phur bu gur ni rdo rje dri gur lta bu ste/ byang chub sems kyi phur bus bsrung ba chen po'o/ / A li kA li ni rtsa 'khor lo bzhi yig 'bru dgong pa rnams so/ /brjod pa ni rlung srog dang rtsol ba'o/ /rgyu ni chos nyid kyi rtsa kun dar ma'o/ /sogs ni ro rkyang gnyis dang rtsa gzhan thams cad do/ /bde ba dang stong pa nyid kyi ye shes skye ba'i rten rtsa dbu ma de nyid dang po lus chags pa'i thog mar dang po byung bas na sngon 'gro ba'o/ /'jug pa ni rlung lam du bya ba ste/ 'byung 'jug gnas pa'o/ /sgra la sogs pa ni rlung dang rtsa yig khong na gnas pa las/ ngag las tshig dang/ ming dang/ brjod pa dang/ rab tu byed pa du ma 'byung ba gnas pa thim pa'o/ /ji srid ni srid pa gsum ste rtsa gsum mtshon pa'o/ /bsdus pa ni rtsa dbu ma dang a thung las/ mi shigs pa'i thig le gnas pa las 'od zer spro ba dang/ sdud pa'o/ /de nyid khams gzhan gyi bdud rtsi blangs nas rang
- 127a
gi gnas su sdud pas ye shes myur du skye ba'o/ /sbyor ldan pa ni lte ba'i 'og gi tsaN+Da li dang steng gi spyi bo'i haM las bdud rtsi phab ste/ 'khor lo rnams su rim pa bzhin du sbyor ba'o/ /de nyid la 'bar 'dzag tu gyur pas bdud rtsi ni spyi bo'i haM las so/ tshim byed ni 'bar ba la thim pas/ lus sems la bde stong lhan skyes tshim byed du gyur pa'o/ /mya ngan 'das ni nyon mongs pa dang rnam par rtog pa thams cad bsregs pas bde stong du rang sar rnam par dag pa'o/ /lag pa ni phyag rgya ste de dag thams cad la yang phyag rgya bzhi ldan du gnas pas/ mchod pa ni rang lus thabs he ru ka bde ba dang yum stong nyid de/ thabs shes rab gnyis med ye shes chen po mchod pa'o/ /dbang bskur ba ni dga' ba dang skad cig ma lhan cig skyes pa'i ye shes kyis de kho na nyid du dbang bskur ba nyid do/ /go cha chen po ni lus kyi gnas dang nye ba'i gnas la sogs pa thams cad du dpa' bo thabs dang rnal 'byor ma shes rab dbyer med du gyur pas rtsa dang byang sems ro mnyam bde chen mi rtog par gnas pas bdud bzhi la sogs pa mi mthun pa'i phyogs 'joms shing bsrung bar 'gyur ba'o/ /sngags rnams ni 'byung ba lnga'i rlung ste/ srog stsol la sbyangs pas dbu mar chud pas/ snang grags thams cad bdag gzhan dbyer med bde ba dang stong pa gnyis med kyi mchod par bya ba nyid de/ de dag gis lam rdzogs pa'i rim pa dang sbyar ba dpal DoM bi he ru ka'i bzhed pa'o/ /nga ni de dag gi gzhung yongs su bsdu ba'i tshul gyis gdams pa ni/ bA sa ni zhes gnas dang gos la 'jug pas/ sa la 'dod pa kun dbang phyug ni gnas phun sum tshogs pa bstan pa'i gzhung bsdu ba'o/ /dbang gi gzhung bsdu ba ni dbang bskur ba zhes pa'o/ /lam bskyed pa'i rim pa'i de nyid bcu bzhi po thams cad kyis bstan/ yang rdzogs rims kyang de nyid
- 127b
kyi ? rdzogs rim phyag rgya chen po ni/ chos nyid bsam mi khyab dran bya zhes pa'o/ /dam tshig la gnyis las/ bsrung ba'i dam tshig ni/ gang gis thob nas ma dad pa dbul po sdug bsngal gyis gdungs pa de la rtag tu 'byung bar 'gyur/ de la nyes dmigs kyi sgo nas bstan pa'o/ /bdud rtsi tshim byed kyi tshogs kyi 'khor lo'i dus su/ /yang lag pa'i mchod pa zhes pas bza' ba'i dam tshig gi gzhung bsdu ba'o/ /spyod pa la phyag rgya lnga sogs dang/ mgul rgyan gdu bu sogs tshig rkang bzhis rig pa brtul zhugs dang/ spyod pa sna tshogs ston mdzad kyis/ kun tu bzang po mgon po kun spyod/ sbas pa a ba d+hU tI pa'i spyod pa phyogs las rnam par rgyal bar bsdus pa'i spyod pa yang bsdus pa'o/ /A li kA li dang/ sngags rnams kun gyi zhes gsang sngags snying po nye snying rtsa sngags bzlas pa'i don to/ / shes rab yan lag dang/ mchod par bya zhes pas rigs ldan mchod pa bsdus pa'o/ /lam mngon du gyur pa la spangs thob gnyis las/ spang bya rang sar dag par gyur pa ni/ ji ltar sngon bsags sdig pa yi/ /bag chags kun zad mtshan nyid can zhes pas so/ / 'bras bu mngon du gyur pa la/ /de bzhin gshegs pa'i sa thob cing/ /sa la 'dod pa kun dbang phyug ces pas ye shes sa la rdzogs pa'i gzhung bsdu ba'o// //da ni dpal 'khor lo sdom pa'i rgyud 'dir zhugs pa'i rnal 'byor pas/ 'bras bu mchog mngon du gyur pa bstan pa ni/ mi mchog gang zhig kun spyod pa zhes smos te/ 'dir rten gyi gang zag gis/ thos bsam bsgom pas rgyud sbyangs pas lam la goms par gyur pas/ sgrib pa thams cad rnam dag bdag ni las dang nyon mongs pa gnas ngan len myur du bdag spyod pa dang ldan pa'o/ /de bzhin gshegs pa'i sa thob cing ni sa bcu gsum pa'i dbang phyug rdo rje 'dzin pa tshe 'di nyid la mngon du gyur pa dbang po yang rab ste/ sa la 'dod pa kun dbang phyug ces pa la/ phra zhing yang la phra bar nub pa dang/ /spyod par nus dang bdag nyid chen
- 128a
po dang/ /dga' mgur byed cing thams cad dbang du gyur/ /ci 'dod bskyed dang dbang phyug don brgyad do/ /zhes pa'i don gyi mtshungs pa med pa'o/ /yang skye ba bdun tshun chod kyis mchog mngon du gyur pa bstan pa ni/ ji ltar sngon tshe rabs thog ma med pa nas bsags pa'i sdig pa dang ma rig pa'i bag chags kun zad par byed pa'i mtshan nyid can ni/ brtson 'grus ldan pa gang zhig gis 'di ni dus rtag tu bsgom pa dag ni/ skye ba dang ni gang dang gang du skye ba der bde bar gshegs pa dag gi rigs skye ste/ khyad par du rnal 'byor dbang phyug chen por gyur pa ni/ dang po nas chos dang ldan pa nyid la ste/ dbang po rab kyis thob pa'o/ /da ni mtshan tsam gyis grol ba/ dri ma 'dag tshul dpe'i sgo nas bstan pa/ dper na mar gyis gang ba'i snod ces bum pa lta bu de nyid me 'bar ba'i dbus su bzhag par gyur na ni/ mar 'bru la byung ba'am srog chags las byung ba dangs ma steng du zhu bar gyur cing snyigs ma lus pa phyed cing snod de nyid kyi dri ma 'jig pa nyid du 'gyur ba dri ma thams cad myur du 'dag pa'i khyad par bstan pa las don ni de bzhin sh+rI he ru ka'i zhes pa la/ sh+rI ni gnyis med ye shes te/ /he ni rgyu sogs stong pa nyid/ /ru ni bkod pa dang bral pa/ /ka ni gang du 'ang mi gnas pa'o/ /zhes pa'i don gyis/ rnam thar sgo gsum sku gsung thugs skad cig ma bzhi pa mngon par rdzogs pa byang chub pa snying po ye shes mngon du gyur pa'o/ /mtshan thos pa tsam gyis skad cig la sgrib pa 'jig par 'gyur ba ni/ byang chub sems dpa' chen po shin tu sbyangs pa can gyi spyod yul du gyur pa'o/ bsam gtan ni thun bzhi la sogs par ro/ /'di nyid yid la sems pa tsam gyis sam mos pa byas pa tsam gyis kyang yon tan du ma thob la/ glegs bam du bklag cing kha ton du 'don pa dang bris shing bcangs pa yis ni/ phan yon gyi khyad par
- 128b
mtho ris yan lag dang ldan pa'i longs spyod phun sum tshogs pa 'thob gyur pa 'am zhes gnas skabs pa la/ yang na stong 'khor los sgyur ba'i rgyal po chen po rtsibs kyi mu khyud lta bu 'thob ces dbang po tha ma'i lam mo/ /tshe 'dir mchog ma thob na'ang bar mdor dkyil 'khor gyi 'khor lo'i snang ba dang mi 'bral bar dag pa'i zhing khams su spyod par 'gyur ba ni/ rnal 'byor pa rnams 'pho ba'i che zhes smos te/ sgrub pa po rim pa gnyis la rtags sna 'ga' tsam las ma thob na yang/ bar mdor zhal ston par 'gyur ba ni dpal ldan khrag 'thung ni bcom ldan 'das nyid rdo rje btsun mo dang bcas pa dang/ sogs ni dpa' bo rnams thams cad dang/ mkha' 'gro sa gsum na gnas pa thams cad yul nyi shu rtsa bzhi dang 'og min na bzhugs pa'i lha tshogs kyis/ lag na me tog sna tshogs dogs? pa ste/ lha rdzas kyi me tog pad+ma dang utpa la dang/ ku mu ta dang puN+Da ri ka dang/ many+dzu sha ka la sogs pas mchod par byed/ lha'i rin po che'i rgyal mtshan sna tshogs du ma dang/ ba dan sna tshogs pa du ma dang gdug dang bla bre chen po dang 'phan la sogs pa dang/ rol mo'i sgra ni sna tshogs pa dung dang rnga bo che dang gaN+Di dang pi waM dang gling bu dang rgyud mangs dang phaT ha dang pheg rdob pa dang Da ma ru dang dril bu la sogs pa du ma sgrogs par byed cing/ sna tshogs glu'i mchod pas mchod pa ni drug ldan dang bzhi 'gyur la sogs pa rdo rje'i glu dbyangs yid du 'ong ba du ma ni lha mo'i tshogs thams cad kyis mchod par 'gyur ba ste/ tshu rol pa rnams kyis 'chi ba zhes bya ba rtags tsam du bas kyi/ sgrub pa po la 'chi ba med pas bde snang ba las ma 'das te/ rnam rtog 'di zhes gzhan dag rnams kyis 'khrul snang yin no/ /mkha' la spyod pa'i gnas su khring pa ni lus 'ja' tshon lta bu'i rnam pa la sems ye shes bde stong du gyur pa nyid kyis zag pa med pa'i skur 'gyur ba'i don to/ /des ni dbang po 'bring gi lam mngon du bya ba'o/ /phan yon de dag kyang
- 129a
phal ba rnams la 'byung ba ma yin te/ de 'dra'i dpa' chen de sgrub pa po dang/ rnal 'byor ba lus ngag yid lha'i sku gsung thugs rdo rje dang tha mi dad du gyur pa dag sa steng nas ni rnyed par dka' ba ste/ u dum ba ra lta bu srid pa tsam du bstan pa'o/ /da ni bsrung bya'i dam tshig las/ dpal ldan he ru ka'i rgyud chen 'di la dang por zhugs shing/ dbang thob pa chos thos nas gang gis bla ma dang lhag pa'i lha dang/ gsang ba'i spyod pa dang/ mchod rdzas bsten pa la sogs pa la rang bzhin shes nas ma dad pa dam tshig ma bsrungs na/ tshe 'di la dbul ba'i sdug bsngal gyis gdungs pa la sogs pa rnam par 'tshe ba du ma 'byung la/ skye ba phyi ma de la dus rtag tu sdug bsngal dpag tu med pa 'byung bar 'gyur ba ste/ dam tshig las 'das pa'i skyon bstan pa'o/ /da ni mngon par rtogs pa sgom pa'i gzhung bsdu ba las/ dang por rdzus skyes rim pa bstan pa ni/ ri stengs ni 'byung bzhi rim rtsegs kyi steng du ri bo mchog rab po/ /sna tshogs pad+ma ni 'dab ma sum bcu rtsa gnyis pa de'i lte bar sna tshogs rdo rje'i dbus su/ pad+ma 'dab ma brgyad par gnas pa la/ yi ge sa bon tsam las A li kA li skyes ni dbyangs dang gsal byed kyi dbus su hUM 'od 'phro ba las/ spro bsdu nas skad cig gis gzhal yas khang lha'i 'khor lo lnga ldan du bcas pa rdzogs byed du rnam par blta ste/ dpal he ru ka zhabs g.yas brkyang bas lha mo u ma dus mtshan mo mnan cing zhabs g.yon pas de'i bdag po 'jigs byed gsum pa ltab tu rnam par gnon cing ste chad pa dang rtag par lta ba 'joms pa'o/ / bcom ldan 'das kyi rtsa ba'i phyag dang po gnyis kyis rdo rje dang dril bu 'dzin pas yum rdo rje rnal 'byor ma'i sku la 'khyud cing mnyam par sbyor ba'o/ /nyi shu rtsa bzhi phyed ldan pa ni phyag bcu gnyis rten 'brel bcu gnyis dang sa bcu gnyis rdzogs pas bcu
- 129b
gsum rdo rje 'dzin pa la gnas pa'o/ /'ga' zhig gis lha bcu gsum pa'i tshig zin du 'dod pa 'ang yod do/ /dpa' bo ni sku gsung thugs kyi 'khor lo gnas pa'i tshogs so/ /rnal 'byor ma tshogs Da ki ma sum cu rtsa drug gis yongs su bskor ba'o/ /de rnams kyi sku'i rgyan ni/ spyi gtsug gi 'khor lo thod pa lnga nor bu dang ldan pa mi bskyod pa'i phyag rgya dang/ mgul rgyan rin chen 'byung ldan gyi phyag rgya/ lag pa gdu bu dpung rgyan de bzhin gshegs pa'i rigs kyi phyag rgya/ rna rgyan 'od dpag med kyi phyag rgya/ tshangs pa'i skud pa mchod phyir thogs dang ska rags 'og pag sil sil sgra sgrogs pa ni dam tshig rigs kyi phyag rgya'o/ /thal ba'i rdul gyis byugs pa ni dpal rdo rje sems dpa' i phyag rgya nyid do/ /do shal mgo po'i phreng ba ni mi mgo khrag 'dzag pa can lnga bcu thag pa rgyu mas byas pa 'du byed lnga bcu dag pa'i brda'o/ /sh+rI he ru ka rgyal chen po ni/ bcom ldan 'khor lo lnga'i dbus na sku lnga bde chen du bzhugs pa'o/ /go 'phang mchog ni bsgom par bya zhes pas/ dngos grub thams cad sgrub par 'dod pas thun bzhi rim pas gnas par bya ba'o/ /da ni mngal skyes ltar na khyad par ni/ dpa' bo nyer bzhi po kun dang rnal 'byor ma sum cu so drug pa'i 'khor lo lnga ldan du gyur pa b+ha ga'i dkyil 'khor gyi dbus su dpal he ru ka yab yum sbyor ldan bsrubs pa las byung ba'i mngon par byang chub pa lnga las byung ba rgyu'i he ru ka rdzogs pa'o/ /'byin pa dam tshig gi dkyil 'khor du bkod pas/ sdud pa gce po yab yum zhu ba ni stong nyid 'od gsal du 'jug par mdzad pa yin zhes thig le'i gzugs su gnas pa la mtshams kyi lha mo'i glus bskul bas lha tshogs thams cad dgyes pas khyab par gyur cing gnyis med 'gyur ba 'bras bu'i he ru ka slar bzhengs pa nyid cho ga bla na med pa/ ting nge 'dzin gsum du bstan pa'o/ /de las bcom ldan 'das kyis gdul bya 'gro ba rnams kyis/ mos pa'i bye brag
- 130a
dang dbang po'i bye brag tha dad pa du ma'i sems can la sku'i rnam par 'phrul ba gang la gang 'dul du ston pa'o/ /spyod pa sna tshogs ston mdzad de ni zhi ba dang khro bo dang nyan rang dang bo d+hi satwa rnal 'byor dbang phyug dang zhal gdong brnyan mi 'dra bar gar gyi rol pas/ sna tshogs tshul gyis thun mong dang khyad par gyis 'khor ba ma stongs bar du gdul bya nam mkha' ngang mnyam pa la thabs ni sna tshogs sgyu ma lta bu'i spros pa dang/ yang spros pa med pa zab pa dang rgya che ba du ma ston pa yin zhes snod dang 'tsham par ro/ /da ni gsang chen bla na med pa zab mo snying po'i chos 'di ni he ru ka ngas ston pa la 'ga' zhig gal te mos par ma gyur kyang zhes dbang po dman pas 'di la mi 'jug na yang smod pa dag tu mi bya ste/ tshar bcad pa'i spyod yul lo// chos nyid bsam mi khyab dran bya ni/ thams cad la blo'i yul las 'das pa phyag rgya chen po yid la mi byed pa la gnas par bya ba'o/ /yang gang zag gang gis chos 'di dag gis rtogs pa'i spyod yul min pas sus kyang 'di'i don mngon du gyur pa med pa'i shes byed ni/ bdag gis chos 'di'i chos nyid ni ma rtogs pas gzhan dag gis kyang ma shes pa yin no zhes zer ba can ni ma rtogs pa ste/ gang gis mngon du byed pa bstan pa rdzogs sangs rgyas dang zhes dbang po yang rab dang de'i sris ni byang chub sems dpa' dbang po rab dang 'bring du gyur pa rnams dang bdag nyid chen po gang zag thod rgal ba rnal 'byor dbang phyug tu gyur pa rnams kyis mkhyen cing mngon du gyur par mdzad pa'o/ /de las chos thams cad kyi chos nyid lhun grub 'gyur ba med par ston pa'i phyir/ sangs rgyas rnams ni byon gyur tam zhes 'jig rten du de bzhin gshegs pa dpag tu med pa byon nas chos dpag tu med pa gsungs pa 'am/ ma byon na yang chos mang po ma gsungs na yang dus dang
- 130b
rnam pa gun tu/ de bzhin gshegs pa thams cad kyi sku gsung thugs ye shes bde ba chen po bsam gyis mi khyab pa dpal bde mchog gi 'khor lo'i chos nyid kyi ngo bo nyid dbyings ye shes dbyer med la ni 'phel 'grib spangs pa ste zung 'jug rab tu mi gnas pa brjod pa las 'das pa nyid do/ /da ltar chos kyi tshig dang don du bcas pa/ brjod bya'i gsang ba dang/ rjod byed kyi gsang chen 'di la lung dang rig pas rnam par gzhal nas kyang zhes gang zag dbang po rnon po la dgongs nas gsang chen byin rlabs mchog tu gyur pa bstan pa la/ 'jig rten pa tha snyad pa dngos po la mtshan mar 'dzin pa kun gyis yong mi smad de/ sgro 'dogs skur 'debs kyi spros pa las 'das pa'i phyir ro/ /khyad par snying po gsang ba de'i bgrod pa lam myur zhing bde ba'i lam mchog 'dir/ bsam yas shing zhes chos sku zab pa dbyings ye shes ro mnyam pa'i dang las/ rgya cha ba sangs rgyas gzugs sku'i rnam par rol pa gsang ba bsam gyi mi khyab cing/ sku gsung thugs mi zad pa rgyan gyi 'khor lo thams cad mkhyen pa ngo bo nyid bde ba chen po byang chub sems lhun gyis grub pa'o/ /sangs rgyas kyi bstan pa la 'jug pa bstan pa ni/ mdo sde ni mtshan nyid kyi theg pa chung ngu dang theg pa chen po rnams so/ /ji srid bya ba spyod sogs kri ya dang tsarya spyod pa'i rgyud dang rnal 'byor gyi bar rdo rje theg pa spyi'o/ /khyad par ba rnal 'byor gsang mdza' ste bla na med pa dbye ba nyid ni rgyud sde bzhi rim pas 'jug pa la sems can mos pas 'jug pa rnams blo'i rim pa 'am/ 'dod pa'i yon tan la chags tshul rim pas bstan pa de dang/ de la dga' ba bzhin zhes drang ba dang/ nges pa dang snying po'i don bstan pa'o/ /mtshan gyis rab grol dbang phyug bde chen go 'phang yan lag mngon 'gyur mi phyed gnas thob pa/ /gang zag u dum ltar te phyir ldog gang yin 'khor bar lhung ba phyag rgyar grub pas lam gyur pa/ /skad cig dag gis?
- 131a
rdzogs byed rnal 'byor de nyid bsang ba srid pa skye tshul dang mtshungs ston/ /'gro ba skal ldan skal med 'jig rten dag na chos rnams dag cing bdag med mnyam pa nyid du rang 'byung pa'o/ /nyan rang theg chen zhugs dang bram zer spyod dang brtul zhugs can de/ rnal 'byor rjes su rig pa dang/ mnyam sbyor mi 'gyur de nyid thams cad sems kyi spyod yul gsang ba mi zad chen por brtag /gang du stong dang snying rje dbyer med chos nyid bden pa'i don ni ma rtogs byin rlabs bral/ /tshul ngan rig byed rtog ge'i gzhung lugs log par lta la zhen byas rigs pas don ma mthong/ /bla ma'i man ngag bral ba'i skye bo rtog pa'i dra bas bcings pa rnams kyis rtogs min pa/ /gsang chen snying po'i rgyud ni dri med 'phags pa'i nor gyi blo ldan spyod yul dag tu ni/ /log lta nyams byed skal par ldan rnams yang dag lam ston mkhas rnams bsrungs/ /mi bzang snyigs dus rtsod pa'i 'gro rnams gsang chen lam rtogs bya phyir nga nyid de yi tshe na yang dus dang dus su snying po'i don ston bla ma nyid du gyur nas 'byung bstan bstan pa 'byung bar 'gyur ba nyid/ /dpal ldan sdom pa chen po yon tan rgya mtsho'i 'byung gnas gsang mdzod 'di gsang ba'i don ston pa'o/ /de la brjod bya dang brjod byed du bcas pa'i rgyud kyi mtshan gyi rnam grangs bstan pa ni dpal he ru ka zhes bya ba sku gsung thugs rdo rje rnam thar sgo gsum skad cig ma rnam par dag pa'o/ /rgyud kyi rgyal po ni bla na med pa'i gsang chen no/ /nam mkha' dang mnyam pa 'bum pa'i nang nas phyung ba zhes khyad par snying po lta bu nyid de brgya mtsho chen po las nor bu rin po che dbang gi rgyal po ltar ston pa/ dpal rdo rje dril bu bas gdan drangs pa'o/ /dngos grub kyi cho ga ni mchog dang thun mong gi grub par myur du 'grub par sbyin sreg dang 'khrul 'khor la sogs pa'i lam mo/ /shin tu smad du byung ba ni/ byin rlabs phul du byung ba'o/ /bstan bcos thams cad
- 131b
pa ni/ 'jig rten dang 'jig rten las pa'i 'bras bu phun sum tshogs pa ston pa'o/ /dpal he ru ka dpa' bo chen po ni/ bdud las rnam par rgyal ba bklags pas 'grub pa ni/ shin tu myur du don grub par byed pa'o/ /thams cad mkhyen pa ni rang bzhin gnyis med rnam pa ma lus ba'i don to/ /gzhan gyis mi thub pa ni/ bar du gcod pa mi 'byung ba'o/ /gdod ma nas grub pa ni/ dpal he ru ka rdo rje 'chang gi dgongs pa'o/ /rgyud phyi ma ni dang po chen po las ltos pa'o/ dpal 'khor lo sdom pa zhes bya ba/ rgyud sde rnams las 'di rnal 'byor chen po bla na med pa'i rgyud kyi rgyal po las/ le'u lnga bcu rtsa gcig pa rdzogs so zhes yongs su bstan pa ma lus pa'i don to/ /dpal 'khor lo sdom pa'i rgyud kyi rgyal po bde mchog bsdus pa zhes bya ba'i rnam par bshad pa in+d+ra bo d+hi'i zhal snga nas mdzad pa'o// (//nges par brjod pa'i rtsa ba'i rgyud kyi 'grel pa bzhugs so//) //*/ /rgya gar skad du/ mu la tan+ta h+ri da ya sarbba?/ a b+hi d+hA not+ta ra tan+t+ra/ muA la muA la brit+ti/ bod skad du/ rtsa ba'i rgyud kyi snying po 'dus pa nges par brjod pa'i rgyud bla ma/ rtsa ba rtsa ba'i 'grel pa/ dpal rdo rje mkha' 'gro la phyag 'tshal lo/ /gang du snying gi pad+ma kha sbyar dbus na gsal/ /phre bar lta ba rang 'byung myong ba'i sems 'jug pa/ /khams gsum ma lus gnyis med par ni nyer 'gro ba/ /gsal ba chos kyi dbyings mchog de la bdag phyag 'tshal/ /gang gi phyir rgyud ni gnyis te/ rtsa ba'i dang yan lag gi'o/ /yang rtsa ba dang bshad pa'o/ /ci rtsa ba gnyis gcig gam tha dad ce na/ gnyis nyid de/ gtso bor gyur pa dang/ bshad byar gyur pa'o/ /de dang de gnyis rgyas pa dang bsdus pa ste/ 'di ni phyi ma'o/ /ji ltar zhe na/ rtsa ba'i rgyud 'bum pa'i gleng gzhi stong phrag gsum bsdus rgyud 'di le'u gcig gis mdor bsdus pa bshad do/ /rtsa ba'i rgyud 'bum pa'i gleng bslang ba stong phrag
- 132a
gsum bsdus rgyud 'di'i le'u gcig gis mdor bsdus nas bshad do/ /rtsa ba'i rgyud 'bum pa'i rgyud 'byung ba'i rgyud stong phrag gsum gsum bsdus pa'i rgyud 'di'i le'u gcig gis mdor bsdus te bshad do/ /rgyud 'bum pa'i skyed pa'i rim pa'i sngon 'gro gnas phun sum tshogs pa dang/ gang zag phun sum tshogs pa dang/ sgrub pa'i yan lag phun sum tshogs pa dang/ sngon du 'gro ba rnal 'byor bsrung ba dang/ bdag bsrung ba dang/ gnas bsrung ba dang/ bsod nams kyi tshogs sog pa dang/ ye shes kyi tshogs sog pa'i rtsa ba'i rgyud las stong phrag gcig gsungs pa/ bsdus pa'i rgyud 'di'i le'u bzhi pa'i cha gcig gis bshad pa yin no/ /de ltar rgyud 'bum pa'i stong phrag bcu rgyud 'di'i le'u phyed dang bzhis bshad do/ /le'u bzhi pa nas nyi shu'i bar gyi le'u bcu bdun gyis rtsa ba'i rgyud 'bum pa'i stong phrag bcu bdun gyi 'khor lo bshad do/ /le'u bzhi pa'i de kho na nyid kyi man ngag gi rdzogs pa'i rim pa dang/ le'u bcu pa rim pa bzhi pa bsgom pa'i rdzogs pa'i rim pa dang/ le'u nyi shu rtsa lnga pa thig le bsgom pa'i rdzogs pa'i rim pa gsum gyis rgyud 'bum pa'i rdzogs pa'i rim pa stong phrag gsum bshad do/ /de ltar na stong phrag sum cu tham pa bsdus rgyud 'di'i le'u nyi shu man chad kyis bshad do/ /le'u nyi shu rtsa gcig pa nas le'u bdun cu'i bar gyis rgyud 'bum pa'i stong phrag lnga bcu bsdus rgyud 'di'i le'u lngas bshad do/ /de'i phyir de ltar na rgyud 'bum pa'i stong phrag brgyad cu ni bsdus pa'i rgyud nges par brjod pa'i rgyud bla ma 'dis bsdus pa yin la/ rtsa ba'i rgyud kyi rdzogs pa'i rim pa dang/ las tshogs ni rgyud 'di dang phyi ma'i bshad pa'i rgyud rdo rje mkha' 'gro dang/ sgyu ma chen mo dang/ he ru ka 'byung ba dang/ rig pa rgya mtsho'i rgyud bzhis stong phrag nyi shu bshad pa yin no/ /de ltar na bshad pa'i rgyud kyis rtsa ba'i rgyud stong phrag brgya pa bshad pa yin no
- 132b
rjod byed kyi rgyud de rnams kyi brjod bya'i rgyud ni gsum ste/ rgyu'i rgyud dang/ thabs kyi rgyud dang/ 'bras bu'i rgyud do/ /rgyu'i rgyud ni gsum ste/ bskyed pa'i rim pa bsgom pa dang/ rdzogs pa'i rim pa bsgom pa dang/ bskyed rdzogs gnyis ka bsgom pa dang gsum mo/ / thabs kyi rgyud ni gnyis te/ bskyed pa'i rim pa dang rdzogs pa'i rim pa'o/ /'bras bu'i rgyud ni gsum ste/ chos dang longs spyod dang sprul pa'i sku'o/ /rgyud kyi don gsum po thos bsam gyis khong du chud pa ni dgos pa'o/ /bsgom pa'i shes rab kyis bskyed rdzogs kyi don mngon sum du grub pa ni dgos pa'i dgos pa'o/ /'brel pa ni brjod bya dang rjod byed kyi rgyud las dgos pa'i shes pas bskyed pas de nyid las 'brel pa logs shig na med do/ /de ltar dgos pa'i don bshad nas/ bsdus pa'i don ni bzhi ste/ gleng gzhi dang gleng bslang ba dang rgyud 'byung ba'i le'u gsum dang/ rgyud dngos so/ /dngos la lnga ste/ le'u bzhi nas nyi shu'i bar ni dngos grub sgrub pa'i 'khor lo bcu bdun no/ /nyi shu rtsa gcig pa nas sum cu rtsa bdun gyi bar ni dngos grub sna tshogs kyi 'khor lo'o/ /le'u sum cu rtsa brgyad pa nas bzhi bcu rtsa bdun gyi bar gyis ni dngos grub kyi yan lag tshogs kyi 'khor lo bshad do/ /le'u bzhi bcu rtsa brgyad pa nas drug cu rtsa gsum gyi bar le'u bcu drug gis thun mong gi 'khor lo bshad do/ /drug cu rtsa bzhi pa nas le'u bdun cu'i bar gyis phrin las rnam bzhi'i khyad par gyi 'khor lo bshad do/ /de ltar bsdus pa'i don bshad nas/ yan lag gi don bshad pa ni/ 'di skad bdag gis thos pa zhes bya ba la sogs pa ston te/ 'di'i bshad pa'i rgyud kyi le'u bzhi bcu rtsa bzhi pas bshad .pa ni de nyid dang sbyar gyi 'dir mi blang ngo/ /lcang lo can gyi pho brang du sdud pa po lag na rdo rje la bla gos lnga brgya gdan du bting nas/ 'phags pa kun tu bzang pos/ chos kyi 'khor lo bskor ba'i mdo/ /bde bar gshegs pas gang du gsungs/ /shes rab chen po khyod
- 133a
smros shig /rdo rje 'chang ba khyod smros shig ces gsol ba btab pa dang/ sdud pa pos gleng bslang ba'i tshig 'di skad bdag gis thos pa zhes gsungs so/ /de la 'di skad ni lag na rdo rje'i yid kyi rnam par shes pa la/ rgyud kyi tshig dang sgro 'dog dang skur 'debs bral par snang ba la e baM zhes bya'o/ /bdag gis zhes bya ba ni/ bdag kho nas thos kyi rgyud pas mam/ 'khor las sam/ sprul pa las sam/ 'phrin btang ba las ni ma yin no zhes bzhi gcod pa yin no/ /thos pas ni rang gis rtogs nas byas pa ma yin gyi/ sangs rgyas kyis gsungs nas thos pas gzhan dbang yin par ston to/ /yang 'khor rnams kyis dus gang gi tshe thos/ ston pa gang la thos/ gnas gang du thos/ 'khor su dang lhan cig tu thos/ /bshad pa'i chos ci thos she na/ dri ba lnga'i lan du rgyud kyi gleng gzhi gsungs te/ dus gcig na ni kun rdzob tu lan cig 'di thos la/ dus gzhan gyi tshe ni gzhan dag kyang thos so/ /des na thos pa mang par ston to/ /don dam par na rgyud kyi don rnam par thar pa'i sgo mdza' yas dus kyi mdza' i skad cig ma gcig la rtogs te/ de yang blo gros chen pos mthong rnams kyi/ rnam pa thams cad cig car nges/ zhes bshad do/ /bcom ldan 'das ni bdud bzhi bcom pas sam/ dbang phyug la sogs pa drug dang ldan pas so/ /gang du thos pa'i gnas ni de bzhin gshegs pa thams cad kyi zhes pa phyogs thams cad kyi dus thams cad dngos po thams cad ye shes lnga'i snang ba rigs lnga'o/ /de'i 'khor rdo rje khro bo'i mkha' 'gro ni dpa' bo nyi shu rtsa bzhi'o/ /mkha' 'gro ma rnams ni dpa' mo sum cu rtsa bdun no/ /de la rdo rje ni zag med kyi ye shes so/ /khro bo ni zhi bas mi 'dul ba la mngon spyod kyi sku'o/ /mkha' 'gro ni zhi gnas kyi nam mkha' bsam gtan bzhi dang/ gzugs med bzhi'o/ /lhag mthong gi nam mkha' ni sa bcu gcig gi stong
- 133b
pa nyid do/ /der rtogs shing 'gro bas nam mkha' 'gro dang mkha' 'gro ma zhes btags so/ /de'i dri ba ni mkha' 'gro dang mkha' 'gro ma'i tshogs bye ba khrag khrig 'dus pa'i dkyil 'khor ro/ /gsang ba'i snying ni 'dzam bu'i gling gru gsum ste/ nyan thos dang rang rgyal ba dang tshangs pa dang khyab 'jug la sogs pas mi rtogs pas na gsang ba'o/ /snying po ni longs sku las sprul pa'i sku'i dpa' bo dang dpa' mo bskyed pa'i gnas yin pas snying po'o/ /bzhugs te zhes bya ba ni lan cig de na bzhugs kyi dus gzhan gyi tshe na gzhan dag na yang bzhugs pas gcig gi tshig dang sdud pa po'i dus las lkog tu gyur pa 'das pa'i tshig tu ston to/ /'khor ni rgyud nyan pa'i ched du gsol ba 'debs pa'i 'khor te/ gnas der bcom ldan 'das de bzhin gshegs pa gaM gA klung gi bye ma snyed thams cad kyi 'khor 'dus nas/ ston pa po bcom ldan 'das sprul pa'i sku 'bras bu'i he ru ka thog ma skye ba dang tha ma 'jig pa med pa'i chos kyi dbyings las byung ba'i dpal rdo rje sems dpa' la gsol ba btab po/ /chos gang gi ched du gsol ba 'debs she na/ kye bcom ldan 'das zhes bos nas/ de bzhin gshegs pa rigs lnga thams cad kyi dkyil 'khor lnga bcu rtsa drug gi rdo rje khro bo'i mkha' 'gro nyi shu rtsa bzhi tha dad pa dang dkyil 'khor lnga bcu rtsa drug gi mkha' 'gro ma mang po'i dra ba'i tshogs rgyud 'bum pa'i stong phrag brgyad cu gsal zhing nges par brjod pa rtsa ba'i rgyud bla ma'i bla ma ste/ 'jig rten pa'i gnyen po zhi gnas dga' ba bzhi'i ting nge 'dzin bla ma dang lhag mthong sgyu ma 'od gsal zung 'jug ston pa ni bla ma'i bla ma ste/ da sems can gyi rgyud la bskyed pa'i gnas yin pas na snying po'o/ /gsang ba ni rgyud 'bum par bshad pa byas slar snying po ngos mi zin pa'o/ bshad du gsol ni rtsa ba'i rgyud 'di nyid du bsdus nas bshad du gsol/ zhes 'khor phun sum tshogs pas gsol
- 134a
ba 'debs pas zhar la rgyud kyi mtshan bshad pa yin no/ /chos phun sum tshogs pa ni/ bcom ldan 'das kyis bka' stsal pa/ kye lag na rdo rje khro bo chen po'i bdag po ni sangs rgyas kyi sdud pa po khro bo'i cha lugs 'chang ba rnam par thar pa'i sgo bsam gyis mi khyab pa ston pa'i bdag po'o/ /'khor rnam pa sna tshogs ni rdo rje gtsug tor dang rdo rje mdzod spu la sogs pa rdo rje rtse mo'i rgyud las rdo rje 'chang nyi shu rtsa drug bshad pa dang bcas pa nyon cig ces bod pa'o/ /ci mnyan zhe na/ rnam par rol pa chos kyi sku dang/ rnam par 'phrul pa longs spyod rdzogs pa'i sku dang/ 'phro ba sprul pa'i sku bshad kyi snod kha sbub pa lta bu'i ma rtogs pa spongs la legs par nyon cig /snod zhabs rdol lta bu'i log rtog spongs la rab tu nyon/ snod dri ma can lta bu'i the tshom spongs la yid la zung shig ces pa'o/ /de ltar gleng gzhi phun sum tshogs pa lnga bshad nas/ de la rgyud 'chad par skabs 'byed pa ni bcom ldan 'das la 'khor thams cad kyis legs so zhes gsol te/ lag na rdo rje 'khor rdo rje gtsug tor la sogs pa dang bcas pa thal mo sbyar nas 'dud pa la bcom ldan 'das kyis gsungs pa yin no/ /zhes mtshams sbyar ro/ /le'u dang po'i rgyud kyi dgos 'grel gsungs pa ni/ de nas gsang ba bshad bya ba ni 'khor gyi bsam pa la ltos pa'i de nas so/ gsang ba ni skyed rdzogs gnyis kyi brjod bya mdor bstan pa'o/ /bshad bya ni slob mas khong du chud par bya ba sgra'i dgos pa'o/ /mdor bsdus pa ste rgyas min ni le'u 'bum pa las mdor bsdus nas shlo ka 'bum pa las bskyungs pa na rgyas par ma yin pa ste/ rjod byed bstan to/ /brjod bya'i rgyas bshad ni dpal he ru ka yang dag sbyor te/ skyes pa'i rim pa'i he ru ka longs sku dang sprul sku'i zlos gar bsgom pa dang/ rdzogs pa'i rim pa chos kyi sku'i he ru ka'i zlos gar bsgom pa'o/ /yang dge sbyor ni bskyed pa'i rim pa'i yul lha
- 134b
mo'i gzugs dang las kyi phyag rgya dang chos kyi phyag rgya dang dam tshig gi phyag rgya rnams so/ /rdzogs rim chos kyi sku ye shes kyi yul sgyu ma'i dpe brgyad phyag rgya chen po'o/ /yang dag sbyor ni 'dod pa'i khams kyi nyi khri chig stong drug brgya bkag/ 'dod pa'i khams kyi rnam par rtog pa rang bzhin brgyad cu bkag nas bsam gtan dang zag med kyi sdom pa bde ba mchog la sbyor ba ni/ bde mchog gi rnal 'byor te gsang ba'o/ /'dod pa'i don kun ni bsod nams kyi las kyi 'bras bu 'dod khams kyi mi lha dang 'khor lo sgyur ba 'grub pa'o/ /thun mong gi dngos grub ni mi g.yo ba'i las kyi 'bras bu mngon par shes pa lnga'o/ /mchog gi dngos grub ni zag med kyi las kyi 'bras bu sangs rgyas dang byang chub sems dpa' i ye shes so/ /de ltar rgyud kyi dgos 'brel bshad nas/ mtshan bshad pa ni bla ma'i bla ma zhes bya ba ni/ zhi gnas kyi bla ma las lhag mthong gi bla ma khyad par du gyur pa'o/ /mkha' 'gro ma yi dra ba sdom pa ni/ rtsa'i 'khor lo dang/ rlung gi 'khor lo dang/ sems kyi 'khor lo gnyis kyi tshogs ni dra ba'o/ /sdom pa ni bsam gtan dang zag med kyi sdom pa ste/ rtsa dang rlung dang sems las bde ba mchog 'grub pas nam mkha' 'gro ma dra ba'i sdom pa'o/ /don de dang ldan pa'i mtshan bshad pa'o/ /de ltar mtshan bshad nas/ rtsa ba'i rgyud kyi gleng gzhi bshad pa ni/ gsang ba mchog gi dgyes pa na/ zhes pa ni gnas te/ gsang ba ni dga' ba'i gnas so/ /mchog ni mchog dga' i gnas so/ /dgyes pa ni lhan cig skyes dga' i gnas te/ dzam+bu'i gling gru gsum na bzhugs pa'o/ /thams cad bdag nyid ni 'khor te/ de bzhin gshegs pa'i rigs dang/ rdo rje'i rigs dang/ rin po che'i rigs dang/ pad+ma'i rigs dang/ las kyi rigs te thams cad do/ /bdag nyid ni bzhi ste/ drag po 'jigs byed gdul bya'i 'khor dang/ sangs rgyas dang byang chub sems dpa' dang nyan pa'i 'khor dang/
- 135a
dpa' bo dang dpa' mo sprul pa'i 'khor dang/ lcang lo can gyi bdag po sdud pa po'i 'khor dang bzhi'o/ /rtag tu ni dus te gdul bya 'dul ba nam rdzogs pa dus de'i bar ro/ /bzhugs pa ni sangs rgyas kyi zhing du ston pa yin no/ /ston pa dang sbyar na dbang mdzad pas bzhugs/ longs spyad pas bzhugs thim pas bzhugs pa'o/ /sprul pa'i sku'i ston pa ni/ mkha' 'gro kun dngos sems dpa' ste/ 'bras bu'i he ru ka zhal bzhi phyag bcu gnyis pa'o/ /de la mkha' ni zhi gnas dang lhag mthong gi nam mkha' o/ /'gro ba ni zhi gnas dang lhag mthong gis sa bcu gcig pa rtogs pa'o/ /kun ni ye shes kyi 'khor lo dang/ thugs kyi 'khor lo dang/ gsung gi 'khor lo dang/ sku'i 'khor lo dang/ dam tshig gi 'khor lo dang/ dur khrod brgyad kyi 'khor lo ste/ drug gi dbus na sgyu ma mkhan bzhin du 'bras bu'i he ru ka skyed byed kyi gtso bo yin pas na dngos zhes bya'o/ /rdo rje sems dpa' bde ba'i mchog ni longs spyod rdzogs pa'i sku ste/ rgyu'i he ru ka'o/ /rdo rje ni stong pa nyid kyi ye shes so/ /sems dpa' ni snod bcud thams cad du snang ba'i longs sku ni rdo rje sems dpa' zhes bya bar rdo rje mkha' 'gro'i le'u bzhi bcu rtsa gnyis pa nas bshad do/ /bde ba'i mchog ni dag pa 'jig rten pa'i ye shes ji snyed pa mkhyen pa'i ye shes yin pas bde mchog go /'di ni rang byung bcom ldan dpa' zhes bya ba ni chos kyi sku ste/ 'di ni zhes bya ba ni don dam par na zhes bya'o/ /rang 'byung ba ni rang rig pa rgyu nus pa thogs med nyams su myong ba'i 'od gsal ba'i rgyu las skyes pa yin gyi/ glo bur gyi rgyu rkyen las ma skyes pas na rang 'byung ngo/ /mnyam sbyor gyi rgyud la/ rtag tu da ltar 'byung ba bzhin zhes bya ba/ rang gi sems kyi chos nyid nyams su myong ba 'dus byas dus gsum du mi dmigs pas na rang 'byung zhes bshad do/ /bdud bzhi bcom pas ni bcom ldan 'das so/ /nyon mongs pa dang shes
- 135b
bya'i sgrib pa'i bag la nyal phra mo spangs pas na dpa' ba' o/ /de ltar sku gsum gyi ston pa bshad nas/ chos phun sum tshogs pa ni mkha' 'gro dra ba'i sdom pa yin zhes pa ste/ bskyed pa'i rim pa lha'i 'khor lo sdom pa dang/ rdzogs pa'i rim pa dman pa dbyibs rtsa'i 'khor lo sdom pa dang/ gsang ba sngags rlung gi dra ba'i sdom pa dang/ mthar thug chos sems kyi dra ba'i sdom pa gsum mo/ /de ltar kun rdzob tu phun sum tshogs pa lnga thos bsam gyi shes rab kyi thad kar bshad na bsgom pa shes rab kyi dbang du byas nas/ utpa la lta bu'i gang zag chags lam pa'i dor las kyi phyag rgya'i b+ha ga la dga' ba gsum 'gyur bas na/ gsang ba mchog gi dgyes pa na'o/ /thams cad bdag nyid ni 'khor lo bzhi'i rtsa'o/ /sku gsum gyis ston pa ni lkog ma dang snying ga dang lte bar phyin pa'i bde ba'o/ /chos ni 'khor lo bzhi la bde bas khyab pa'o/ /pad+ma lta bu'i gang zag grol ba'i lam pa'i dbang du byas nas gsang ba sngags su bshad pa ni/ dbugs 'byung rdub gsum gyi gnas yin pas na gsang ba mchog gi dgyes pa na'o/ /thams cad kyi bdag nyid ni dbugs nyi khri chig stong drug brgya'i 'khor ro/ /rtag tu bzhugs pa'i rlung gnyis 'gog pa'i dus te/ srog a ba d+hU tIr chud pa'o/ /sku gsum gyi ston pa ni/ lte ba'i rlung dbus su chud nas/ mig tshums gcig sdod pa dang/ snying khar mig tshums gnyis sdod pa dang/ lkog mar mig tshums gsum sdod pa'i rtog pa med pa'i shes pa gsum skyes pa'o/ /bshad pa'i chos ni dbugs nyi khri chig stong drug brgya'i dra ba bkag pa las sdom pa'i bde mchog skyes pa'o/ /rin po che lta bu'i gang zag bdag byin gyis rlob pa'i lam la mthar thug chos kyi dbang du byas na chos kyi dbyings rnam par thar pa sgo gsum gyi rang bzhin/ phyag rgya chen po ni gsang ba mchog gi dgyes pa na'o/ /thams cad bdag nyid ni byang chub kyi phyogs kyi chos sum cu rtsa bdun no/ /rtag tu bzhugs pa ni bsam gyis mi khyab pa'i dus
- 136a
te/ rang gi sems kyi stong nyid la rtag tu bzhugs pa'o/ /mkha' 'gro kun dngos sems dpa' ni gong bu'i gzugs las 'das pa gzung ba rang bzhin med pa'i ye shes sprul sku'o/ /rdo rje sems dpa' bde ba mchog ni/ 'dzin pa rang bzhin med pa longs sku'o/ /'di ni rang 'byung bcom ldan dpa' ni sems kyi bsam mi khyab ces pa'i bde chen chos kyi sku'o/ /bshad pa'i chos ni sems kyi mkha' 'gro ma dra pa'i sdom pa sgyu ma'i 'od gsal zung 'jug rtogs pa'o/ /de ltar gleng gzhi bshad nas/ bskyed rims kyi lus mdor bstan ni/ sgra'i tshul las nges 'byung ba ni lhar bskyed pa'i rgyu ste/ sgra ni hUM ngo/ /tshul ni rlung dbu ma'o/ /nges 'byung ni 'khor lo lnga dur khrod dang bcas pa rten dang brten pa'i dkyil 'khor sprul pa'o/ /dam tshig spyod pa ni dbang thob pa'i rnal 'byor pa'o/ /spyod yul yin ni lha'i 'khor lo bsgom pa'o/ /ji ltar bsgom zhe na/ thog ma tshad med pa dang/ byin gyis brlab pa dang/ srung ba'i 'khor lo dang/ tshogs gsog pa dang/ stong pa nyid kyi rnal 'byor ro/ /dbugs ni ldang ba dang/ 'jug pa dang/ yongs su rdzogs pa dang/ byin gyis brlab pa dang/ dbang bskur ba dang/ mchod pa'i rnal 'byor dang/ ting nge 'dzin bsgom pa'o/ /mdza' ni nye bar bsdu ba dang/ kun tu spyod pa ste/ ldang ba ni rnal 'byor ro/ /rnam par gnas pa ni/ thog ma dbus mdza' dri ma med ni/ sbyor ba dang/ dngos gzhi dang rjes kyi tshul gyis sprul pa'i sku dri ma med pa zag med kyi snang bas gnas pa'o/ /de'i phan yon ci zhe na/ 'jig rten gsum du rnyed dka' ba ste/ sa 'og sa bla sa stengs su zag pa med pa'i sprul pa'i sku rnyed par dka' ba'o/ /rdzogs pa'i rim pa'i lus mdor gzhag ni/ shes rab thabs kyi kun sbyor las shes bya ba shes rab phyag rgya bzhi dang/ thabs shes rab bzhi mngon sum gyi lam gyis kun tu sbyor bas bde ba rtog pa med pa dbang po
- 136b
drug bde ba dga' ba dang/ yul drug bde ba mchog dga' dang/ rnam par shes pa drug bde ba lhan cig skyes dga' ni/ 'chi med ji lta de lta bur zhes bya ba ste/ me dang chu dang rlung gi bar du mi 'chi bas nas 'chi med do/ /de la sgyu ma dang 'od bsal ba dang zung du 'jug pa rnam pa thams cad kyi mchog dang ldan pa'i stong pa nyid ni rang bzhin 'od gsal dag pa zhes bya'o/ /de'i rgyu gang las byung zhe na/ gsang ba'i gnas 'byung zhes bya ba las dang chos dang dam tshig gsum las 'byung ba'i bsam gtan gyi lus ngag yid bde ba'o/ /las 'byung ba ni bsam gtan gyi bde ba de las skyes pa'i sgyu ma 'od gsal zung 'jug rtogs pa'o/ /de la nyes bral ni sgyu ma'i dpe brgyad dang mtshungs pa'i bdag byin gyis brlobs pa'o/ /rtag pa ni 'od gsal rnam par thar pa'i sgo gsum gyi ting nge 'dzin to/ /zhi ba ni zung 'jug ste/ 'dus byas dang 'dus ma byas cig car rtogs pa'o/ /de skad du yang/ blo gros chen po mthong rnams kyi/ /rnam pa thams cad cig car des/ /zhes gsungs so/ /shes pa de gsum gyi yul gang yin zhe na/ nam mkha' dang mnyam pa skyed pa po ste chos kyi dbyings kyi rgyu las byung ba'o/ /rgyu de yang rang bzhin dag pa las byung ste/ sems kyi chos nyid 'dus ma byas pa'o/ /dbang po bdag po'i rkyen bsam gtan de gang las skye zhe na/ rnal 'byor ma yis bde ba ster zhes bya ba las kyi phyag rgya dang/ chos kyi phyag rgya dang/ dam tshig gi phyag rgya dang/ gsum gyis bde ba ster ro/ /de'i mtshungs pa de ma thag pa'i rkyen yid nang du chud pa ste/ rdo rje'i bzlas pa'o/ /dbang po bdag po'i rkyen ni bsam gtan de dga' ba bzhi'o/ /sogs ni yul phyag rgya bzhi dang/ rgyu'i rkyen bsam gtan dang zag med kyi sa bon gyi bag chags so/ /de'i 'bras bu sbyor nyid cho ga'i ye shes ni rgyu rkyen tshogs pa'i sbyor ba ni cho ga ste/ de'i rnam shes dga' ba gsum dang ye shes sgyu ma 'od gsal zung 'jug shes pa'o/ /
- 137a
de skad du yang mnyam sbyor las ngo bo nyid dang mthu dag gi /rang bzhin gyis ni de 'grub bo zhes gsungs so/ /bskyed rdzogs kyi de nyid rgyud 'bum pa las gsungs pa dag /gsang ba'i bdag po sdud pa po lag na rdo rje rab tu nyon zhes bya'o/ /dbugs 'byin par ma mchog dag dang zhes bya ba ni gleng gzhi'i le'u stong phrag gsum las stong phrag gcig tshogs kyi 'khor lo bsam gtan bskyed pa'i stong phrag btung ba sgyu ma lta bu'i ye shes bskyed pa stong phrag gcig pho nya'i gtsang sbra stong pa nyid kyi ye shes bskyed pa'o/ /de las dang por bsam gtan bskyed pa'i zas ni dbugs 'byin byang chub kyi sems dang/ bar ma rang byung gi khrag dang/ mchog sha chen po dang/ dri bshang ba'i dangs ma dang/ chu gci ba'i dangs ma dang/ bcas pa ni rta dang glang po dang khyi dang/ ba lang dang mi'i sha de lnga la/ oM A:hUM gsum gyis bdud rtsir byas nas mkhas pa tshogs kyi 'khor lo byed pas bdud rtsi lnga'i ri lu byas pa'i kham gyi zas de su la sbyin zhe na/ pad+ma'i dkyil 'khor dag la mchod ces bya ste/ ye shes kyi 'khor lo'i pad+ma dang/ thugs dang/ gsung dang/ sku dang dam tshig dang/ dur khrod brgyad kyi bar gyi dkyil 'khor drug la ro'i bdud rtsi mchod par bya'o/ dus nam gyi tshe zhe na/ 'byung po'i dus kyi khyad par la ste/ yar ngo'i tshes bcu 'am/ mar ngo'i tshes bcu 'am/ zla ba gcig la zhag sum cu thun bzhi'i dus kyi khyad par la mchod par bya'o/ /ro gcig pu yin nam zhe na/ pho nya rnams kyi de la mchod ces pas pho nya rnams ni rigs lnga'i rnal 'byor dang rnal 'byor ma ste/ de'i gzugs yid du 'ong ba dang/ rdo rje'i glu snyan pa dang/ ga bur dang tsan dan dang/ gA rtsi'i dri dang/ bdud rtsi lnga'i ro dang lag bcangs dang 'khyud pa la sogs pa'i reg bya lngas 'khor lo lnga'i lha la mchod do/ /mchod pa ni bsam gtan gyi ting nge 'dzin yin te/
- 137b
de'i yul dmigs pa'i rkyen ni/ mchog ye shes las skyes pa skye rabs kyi byang chub sems ma'o/ /'bring ni bsam gtan bzhi dang gzugs med bzhi thob pa'i rnal 'byor ma'o/ /tha ma ni slob dpon gyis ye shes phab nas srog a ba d+hU tIr chud pa'i sngags skyes ma'o yul des 'bras bu gang 'byung zhe na/ mthar thug dngos grub thams cad 'byung ste/ zhi gnas dang lhag mthong mngon par shes pa lnga dang/ zag pa zad pa'i ye shes thams cad 'byung ngo/ /de'i mtshungs pa de ma thag pa'i rkyen ni yid ni nang du bsdus pa yis zhes bya ba srog a ba d+hU tIr chud pas dbugs nyi khri chig stong drug brgya dang/ rnam rtog gi rang bzhin brgyad cu 'gags pa'o/ /des ci 'grub ce na/ yid nang du chud na 'dod pa'i dngos grub gsum bsgrub par bya'o/ /bsam gtan bdag po'i rkyen ni rang rdzas thig le spyi gtsug gi kun rdzob byang chub kyi sems gtum mo drod kyis phab pa ste/ dbang po bdag po'i rkyen yin no/ /gal te dga' bral du song na sangs rgyas te phung po lnga dang/ sems dpa' dbang po drug dang/ 'byung ba yum lnga la mchod par bya'o/ /bdag nyid rang gi lha'i sbyor ba dang ldan pa dang/ gzhan rnal 'byor ma lha'i sbyor ba dang ldan pa'i lus kyi dkyil 'khor la yang mchod par bya'o/ /las kyi phyag rgya spangs pa'i grol ba'i lam pa yid nang du chud pa yul gang las sgom zhe na/ mthong ba gzugs dang reg pa lag bcangs dang/ thos pa sgra dang/ dran pa chos kyi rdo rje ma lam rmongs par dran pa'i 'du byed kyis chos kyi phyag rgya 'dod pa'i yon tan lnga la bsam gtan gyi ting nge 'dzin bsgoms na 'dod pa'i khams kyi sdig pa kun las grol zhing dben pa las skyes pa'i dga' ba dang bde ba'i ting nge 'dzin ji ltar skyes pa de ltar grol ba'i lam gyi rnal 'byor pa 'di la skye bar the tshom med do/ /de ltar chags lam dang grol lam gyi tshogs kyi 'khor lo las skyes pa'i bsam
- 138a
gtan gyi ting nge 'dzin bshad nas/ de'i phan yon shloka gcig gsungs pa ni/ bsam gtan thob pa'i rnal 'byor pa nyid bsod nams kyi mchog mi g.yo ba'i las yin no/ /'dod pa las dben pa sdig pa mi dge ba'i chos las dben la/ dben pa las skyes pa'i dga' ba dang bde ba can bsam gtan dang po'i ting nge 'dzin yin no/ /zhes shes rab 'bum pa las gsungs pa'i ngag byed ni kun 'byung nyon mongs pa dag pa'o/ /sdig pa 'jig par byed pa ni sdug bsngal gyi bden pa dag pa'o/ /sngags bzlas ni srog a ba d+hU tIr chud pas dben pa las skyes pa'o/ /dga' ba dang bde ba can ni bsam gtan gyi dga' ba lus dang yid bde ba'o/ /myur du tshe 'di las dngos grub skye bas na mngon sum gyi lam lhan cig skyes pa las 'grub pa'o/ /rgyud kyi sdud pa pos 'grel pa mdzad pa ni de nyid las shes par bya'o/ /rtsa ba'i rgyud bsdus pa rtsa rgyud phyi ma slong ma la snying po des brjod kyi rgyud kyi dam tshig la 'jug pa'i le'u dang po'i 'brel pa'o// // phyi ma'i phyi ma snying po'i le'u dang por sbas te lhag ma tshogs pa la bshad pa tsam bsdus par zad do/ /de'i phyir slob ma dang tshogs pa dag la so sor bshad par bya'o/ /rgyud phyi ma dang yang phyi ma'o/ /stong phrag gnyis kyi don gyi ni rtsa ba'i rgyud pa mthun par le'u bzhi bcu rtsa brgyad pa las phyis 'chad par 'gyur ro/ /de ltar gleng gzhi'i le'u dang po bshad nas/ gleng slong ba'i le'u gnyis pa ni de'i rjes thogs la de nas zhes gsungs so/ /bcom ldan 'das rdo rje sems dpa' ni 'bras bu'i he ru ka'o/ /rdo rje dbyings la rnam par rol pa zhes bya ba ni/ rdo rje dbyings ni chos kyi sku'o/ /rnam par rol pa ni longs sku dang sprul sku'i 'khor ro/ /'khor de yang khro bo chen po'i gzugs su snang ba'i yul la dmigs pa'i ting nge 'dzin zhi gnas dang lhag mthong mnyam par zhugs
- 138b
nas/ dngos grub thams cad 'grub pa'i lha rnams kyi ming gi gsang ba gsungs pa'o/ /su'i 'khor yin zhe na/ longs spyod rdzogs pa'i sku'i 'khor bcom ldan 'das rgyu'i rdo rje 'chang ba rnam par snang mdzad kyi snga ma'i ting nge 'dzin la snyoms par zhugs nas/ / brjod du med pa'i yang brjod du med pa'i sangs rgyas kyi zhing grangs med pa'i rdul dang mnyam pa'i byang chub sems dpa' sems dpa' chen po rnams sprul nas longs spyod rdzogs pa'i sku la phul ba ni/ 'di lta ste/ dpa' bo chen po ni nyon mongs pa dang shes bya'i sgrib pa spangs pa'o/ /gzugs kyi dbang phyug rdo rje ni rnam par snang mdzad lta bu ni 'khor lo dang dril bu thogs pa dkar po tshor ba rdo rje ni rin po che dang dril bu thogs pa ser po/ /'du shes rdo rje ni pad+ma dang dril bu thogs pa dmar po/ /'du byed rdo rje ni sna tshogs rdo rje dang dril bu thogs pa ljang gu/ rnam par shes pa'i rdo rje ni rdo rje dang dril bu thogs pa mthing ga'o/ /de bzhin gshegs pa lnga po thams cad la khyab pa'i chos kyi dbyings las skyes pa'i gtso bo dbang phyug chen po ni thod pa dang kha TwAM ga bsnams pa sku mdog mthing ga'o/ /gti mug rdo rje ni 'khor lo dang dril bu bsnams pa se'i snying po'o/ /rna ba'i rdo rje ni rdo rje dang dril bu bsnams pa mthing ga phyag na rdo rje'o/ /sna rdo rje ni rin po che dang dril bu bsnams pa ser po nam mkha' i snying po'o/ /chags pa rdo rje ni pad+ma dang dril bu bsnams pa dmar po spyan ras gzigs so/ /ser sna rdo rje ni sna tshogs rdo rje dang dril bu bsnams pa ljang gu sgrib pa rnam par sel ba'o/ /dbang phyug rdo rje ni rdo rje dang dril bu thogs pa mthing ga kun tu bzang po'o/ /sa rdo rje ni 'khor lo dang kha TwAM ga thogs pa dkar po'o/ /chu rdo rje ni rin po che dang kha TwAM ga thogs pa ser po'o/ /me rdo rje ni pad+ma dang kha TwAM ga thogs pa dmar po'o/ /rlung rdo rje ni rgya gram dang kha TwAM ga thogs pa ljang gu'o/ /nam mkha' dbyings kyi rdo rje ni rdo rje dang dril bu thogs pa mthing ga'o// //
- 139a
de dag sogs pa ni gzugs rdo rje dang/ sgra dang dri dang ro dang reg bya dang/ chos rdo rje lha mo'i gzugs can chos kyi dbyings kyi mthas gtugs pa bcom ldan 'das la phul lo/ /yang rin chen 'byung ldan gyis snga ma'i ting nge 'dzin la snyoms pa bzhugs nas 'khor sprul nas phul ba'i ming 'bras bu'i he ru kas bshad pa ni phyogs bcu mdza' yas ma lus pa snod dang lus pa med pa'i bcud kyi 'jig rten du rnam par 'phro ba sprul pa'i gsang ba'i snying po chos kyis dbyings las skyes pa 'khor lo gsum gyi dkyil 'khor gyi 'khor lo sku dkar po gsung dmar po thugs nag po/ kha dog sna tshogs pa'i mchog rnams sku gsung thugs kyi gsang ba gsum gyi zag med kyi dam tshig chen pos bcu'i 'khor lo la bzhugs pa'i chen po ni nyon mongs pa dang shes bya'i sgrib pa spangs pa'o/ /rdo rje thod pa'i dum bu ni 'og nas 'byung ba'i dkyil 'khor gyi bye brag gis zhal gcig phyag gnyis pa dang/ zhal gcig phyag bzhi pa dang/ zhal gsum phyag drug pa dang/ zhal bzhi phyag brgyad pa la sogs sku mdog du mar yang snang mod kyi thugs 'di brgyad rdo rje dang dril bu thogs pa nag po/ gsung 'di brgyad pad+ma dang dril bu thogs pa dmar po/ sku 'di brgyad 'khor lo dang dril bu thogs pa dkar po'o/ /thod pa'i dum bu ni drag po 'jigs byed kyi gdul bya'i ming yin la/ sgyu 'phrul dra ba'i rgyud du zhi ba'i sku ni kun tu bzang po'o/ /keng rus chen po ni 'jam dpal dbyangs so/ /keng rus can ni 'jig rten dbang phyug go /mche ba rnam par gtsigs pa ni sa'i snying po'o/ /lha'i dgra ni phyag na rdo rje'o/ /rdo rje 'od dpag med ni byams pa'o/ /rdo rje 'od ni nam mkha' i snying po'o/ /rdo rje sku ni nam mkha' i mdzod do/ /gsung gi 'khor lo'i rdo rje myu gu ni sgrib pa rnam par sel ba'o/ /rdo rje ral pa can ni spos kyi glang po'o/ /dpa' bo chen po ni blo gros mi zad pa'o/ /rdo rje hUM mdzad ni ye shes rtog go /rdo rje bzang po ni spobs pa brtsegs pa'o/ /rab
- 139b
tu bzang po ni mya ngan dang mun pa kun 'joms so/ /'jig byed chen po ni ngan song kun 'dren no/ /mig mi bzang ni dra ba can gyi 'od do/ /sku'i 'khor ni dpa' bo stobs po che ni zla 'od gzhon nu'o/ /rdo rje rin chen ni rdo rje 'od do/ /rta mchog ni nyi ma'i 'od kyi snying po'o/ /nam mkha' snying po ni rdo rje 'od zer ro/ /he ru ka ni mthu chen thob bo/ /pad+ma gar gyi dbang phyug ni nor bzangs so/ /rnam par snang mdzad ni bzang skyong ngo/ /rdo rje sems dpa' ni blo gros rgya mtsho'o/ /de dag la sogs pa dpa' bo de bzhin gshegs pa rigs lnga thams cad kyi sprul pa nam mkha' i khams thams cad gang bar gzigs so/ /de nas bcom ldan 'das 'bras bu'i he ru ka rigs lnga thams cad kyi bdag po'i sku gsung thug kyi rdo rje gsum gyi zag pa med pa'i dam tshig thabs dang shes rab gnyis su med pa zhes bya ba'i yul la dmigs pa'i ting nge 'dzin la snyoms par zhugs te/ rin chen 'byung ldan gyi sprul pa'i dam tshig chen po chos kyi dbyings kyi rang bzhin rang gi ye shes kyi gsang ba'i b+ha ga stong pa nyid la 'byung ba'i rnal 'byor ma dpa' bo rang gi gsang ba'i dam tshig thabs dang shes rab lhan cig 'gyur pas gnyis su med pa'i dam tshig chen po'i mtshan gsungs pa ni 'di lta ste/ rnal 'byor ma chen mo ni stong pa nyid la dmigs pa'i byang chub kyi phyogs kyi chos sum cu rtsa bdun gyi rnal 'byor ma chen mo ltung byed ma ni gri gug dang/ ka bA la thogs pa ser mo sangs rgyas spyan te/ rgyal du 'jug pa'i phrin las byed pas ming de skad ces btags zhes rdo rje mkha' 'gro'i le'u bcu bzhi pa las gsungs so/ /gsong byed ma ni gri gug dang ka pA la thogs pa dkar mo mA ma kI ste/ ming ni 'phrin las kyi sgo nas/ /'gugs byed ma ni gri gug dang ka pA la thogs pa dmar mo gos dkar mo ste/ 'phrin las kyi ming ngo/ /gar gyi dbang phyug min gri gug dang ka pA la thogs pa ljang gu sgrol ma ste/ dbang du byed pa'i phrin las kyi ming ngo/ /pad+ma'i dra ba can
- 140a
ni gri gug dang ka pA la thogs pa sngon mo kun tu bzang mo ste/ 'chi ba'i phrin las kyi ming gi sgo nas so/ /mkha' 'gro ma chen mo zhes bya ba ni zhi gnas dang lhag mthong gi nam mkha' stong pa nyid du rtogs shing snying rje chen pos gzhan la ston pas na chen mo'o/ /rdo rje mkha' 'gro ma ni nye ba'i mA ma kI gri gug dang ka pA la bsnams pa'i sngon mo'o/ /rdo rje lA ma ni nye ba'i sgrol ma ste/ gri gug dang ka pA la bsnams pa'i ljang gu'o/ /dum skyes ma ni nye ba'i gos dkar mo gri gug dang ka pA la thogs pa dmar mo'o/ gzugs can ma ni nye ba'i sangs rgyas spyan te/ gri gug dang ka pA la thogs pa ser mo'o/ /rab tu gtum ma la sogs pa'i thugs kyi 'khor lo'i lha mo brgyad ni/ gri gug dang ka pA la thogs pa sngon mo'o/ /gsung gi 'khor lo'i lha mo brgyad ni gri gug dang/ ka pA la thogs pa'i dmar mo'o/ /sku'i 'khor lo'i brgyad ni gri gug dang ka pA la thogs pa'i dkar mo'o/ /de la rab gtum mo ni sgyu 'phrul dra ba las zhi ba'i sku rdo rje pho nya mo'o/ /gtum mig ma ni sku la byed ma'o/ /'od ldan ma ni rin chen sgron ma'o/ /sna chen ma ni rdo rje nyi ma'o/ /dpa' bo'i blo gros ma ni rdo rje ro langs ma'o/ /mi'u thung ma ni rdo rje gzhon nu ma'o/ /lang ka'i dbang phyug ma ni kam bu 'dzi'o/ /shing grib ma ni sangs rgyas byang chub ma'o/ /gsung gi 'khor lo'i sa srungs ma ni ye shes sgron ma'o/ /'jigs byed chen mo ni rdo rje 'jigs ma'o/ /rlung shugs ma ni dri ldan ma'o/ /chang 'thung ma ni rgya ldan ma'o/ /sngo bsangs ma ni sgrol ma'o/ /rab bzang ma ni gos dkar mo'o/ /rta sna ma ni nye ba'i spyan no/ /bya gdong ma ni nye ba'i mA ma kI'o/ /sku'i 'khor lo'i 'khor lo'i shugs can ma ni rgyal mtshan rtse mo'o/ /dum skyes ma ni so sor 'brang ma'o/ /kos rings ma ni rma bya chen mo'o/ /'khor lo'i go cha ma ni ri khrod 'o ma can no/ /rab tu dpa' mo ni rdo rje lu gu rgyud do/ /stobs chen ma ni phyir bzlog chen mo'o/ /'khor lo sgyur ma ni gtsug
- 140b
tor dkar mo'o/ /brtson 'grus chen mo na rdo rje 'jigs ma'o/ /yon tan grub pa yi lha mo ste/ 'dod pa'i dngos grub thams cad gsol zhes le'u drug cu bdun pa las gsungs pa'o// //de lta bu la sogs pa zhes bya ba ni rang dang 'dra ba'i sku gsungs thugs kyi 'khor lo'i lha mos gdul bya sna tshogs gdul ba'i gzugs kyis stong gsum gyi nam mkha' i khams mthar thug pa ru yab kyi zhal nas hUM dang yum gyi zhal nas phaT sgrogs shing cang te'u dkrol nas/ ki li ki li'i sgra sgrogs pa rkang pas rang gi thabs kyi dam tshig la 'khyung pa dang zhal gyis zhal la reg pa'i tsum pa na dang/ snying rje'i nyams kyis phyag rgya drug yongs su rdzogs pa'i dpa' bo nyi shu rtsa bzhi dang/ rnal 'byor ma nyi shu rtsa bzhi rnams kyis nam mkha' i khams gang bar gzigs pa rin chen 'byung ldan gyis phul lo/ /de rnams kyi mtshan nyid bshad pa ni/ dpa' bo byang chub kyi phyogs kyi chos sum bcu rtsa bdun gyi dam tshig gi mchog rang gi thabs la dgongs shing gzigs nas dpal rdo rje mkha' 'gro ma'i dam tshig gi gdul bya la stong pa nyid bsnon pas gdul bya lhag mthong dang zhi gnas kyi nam mkhar 'gro ma 'bras bu'i lha mo rgyu rdo rje phag mo'i dam tshig chos kyi dbyings kyi ye shes las yang dag par byung ba lha mo rnams kyis thun mongs gi ming ni shes rab kyi pha rol tu phyin pa 'byung ba zhes bya ba 'khor lo gsum la bzhugs so/ /snang ba mdza' yas kyis sprul pa'i lha mo rnams/ de nas bcom ldan 'das 'bras bu'i he ru kas ma mo'i tshogs thams cad kyi gsang ba ni lha mo bcu gnyis so/ /thabs sbas nas shes rab 'ba' zhig gi sku gsungs pa/ 'di lta ste/ mi 'am ci 'dul bas rdo rje ma mo zhes btags so/ /khwa gdong ma la sogs pa'i dam tshig gi lha mo brgyad ni/ thams cad kyang gri gug dang ka pA la thogs pa/ shar sngo ba byang ljang ba nub dmar ba lho ser ba mtshams phyed gzugs ma'i kha dog can/ khwa gdong ma la sogs pa bzhi ni/ mi 'am ci 'dul
- 141a
bas mkha' lding gi gdong du bstan pa la lus bud med kyi gzugs ni/ gau rI'i tsau rI dang/ puk+ka sI dang/ be tA li bzhi'o/ /zhal bzhi ni khams gsum rnam par rgyal ba dang/ bdud rtsi 'khyil pa dang/ rta mchog dang/ gshin rje gshed dang bzhi thabs sbas pa'o/ /gshin rje brtan ma ni g+hasma rI'o/ /gshin rje pho nya ma ni sha ba rI'o/ /gshin rje mche ba ni tsaN+Da li'o/ /gshin rje 'joms ma ni DoM bi ni'o/ /g.yas pa'i phyed ni thabs dbyug sngon can dang/ 'dod pa'i rgyal po dang/ mi g.yo ba dang/ stobs po che dang/ khro bo chen po sngon grub pa khro mo dang bcas pas gdug pa gnon ces gsungs so/ /de lta bu la sogs pa ni khams gsum du sprul pa'i lha mo'o/ /ma mo'i tshogs thams cad kyis shes pa ni sprul pa dang nyid sprul thams cad kyi nam mkha' i khams dang mnyam pa'i chos kyi dbyings thams cad yongs su bkang nas zhes bya ba ni/ chos kyi dbyings las byung ba'i stong gsum gyi gzhal yas khang nas so/ /rigs ma lus pa lnga'i bdag pos 'bras bu'i he ru ka'o/ /de'i chos kyi dbyings rnam par dag pa'i rang bzhin yum rdo rje phag mo thabs dang shes rab gnyis su med pa'i shes rab las byung ba ni/ mngal skyes dang/ rdzus skyes dang/ drod gsher skyes so/ /dpal he ru ka'i dam tshig ni/ stong pa nyid do/ /de nyid shes rab kyi pha rol tu phyin pa'i bdag nyid do// rdo rje ni stong pa nyid ni de'i rigs ni ye shes de'i dam tshig ni kun rdzob kyi lha mo'o/ /de gsungs pa ni chos rnams thams cad dngos po med pa ni stong pa nyid de/ gzhi lnga'i dngos po dang bral ba'o/ /chos kyi mtshan nyid rnam par spangs pa ni mtshan nyid gsum dang bral ba'i mtshan ma med pa'o/ /bdag med chos las yang dag 'byung ni gang zag dang chos kyi bdag med pas ma 'ongs pa la smon pa med pa'o/ /rnam thar sgo gsum 'di ni don dam pa'i dam tshig mchog yin la/ de las byung ba'i lha mo bcu
- 141b
gnyis ni snang ba mdza' yas kyis sprul nas phul ba'o/ /da ni don grub pas snga ma'i ting nge 'dzin la snyoms par zhugs nas go cha drug gi dpa' bo dang dpa' mo bcu gnyis phyung nas phul pa ni de rnams kyi ming 'bras bu'i he ru ka gsungs pa yin pas na/ de nas zhes bya ba ni de ma thag pa'o/ /bcom ldan 'das kyis gnyis su med pa'i rdo rje'i dam tshig ni/ dpa' bo dang dpa' mo drug go /de gsungs pa ni 'di lta ste zhes bya ba'o/ /rnal 'byor gyi dbang phyug chen po zhes bya ba ni/ stong pa nyid shes pa'i lhag mthong dang/ bde ba dang yid bde zhi gnas dang lhan cig sbyor ba'i 'bras bu rigs drug gi dbang phyug bskyed pa ni rdo rje sems dpa' rdo rje dang dril bu thogs pa dkar po/ rnam par snang mdzad 'khor lo dang dril bu thogs pa ser po/ pad+ma gar gyi dbang phyug pad+ma dang dril bu thogs pa dmar po/ rdo rje he ru ka rdo rje dang dril bu thogs pa sngon po rdo rje nyi ma rin po che dang dril bu thogs pa ser po/ rta mchog sna tshogs rdo rje dang dril bu thogs pa ljang gu'o/ /rigs drug po de dag phyi rol tu 'khor lo rtsibs drug la dgod pa dang/ lus la snying ga dang mgo bo dang spyi gtsug dang phrag pa dang mig dang yan lag lnga la dgod pa'i zag med kyi dam tshig gi srung ba'o/ /de dang gnyis su med pa'i de bzhin nyid las skyes pa'i shes rab dang lhan cig gnyis su med par dkyil 'khor la dgod pa 'am/ yang na lus la srung ba'i rnal 'byor chen mo'i mchog mu stegs can la gsang ba nyan thos la sbas pa gsungs pa ni/ rdo rje phag mo ni gri gug dang thod pa thogs pa dmar mo/ /gshin rje ma ni gri gug dang ka pA la thogs pa ser mo/ /rmongs byed ma ni gri gug dang ka pA la thogs pa dkar mo/ /g.yo byed ma ni gri gug dang ka pA la thogs pa sngon mo/ /skrag byed ma ni gri gug dang ka pA la thogs pa du ba'i mdog can/ tsaN+Di ka ni gri gug dang thod pa thogs pa dmar mo'o/ /de lta bu nam mkha' i khams dang mnyam pa'i chos kyi
- 142a
dbyings las byung ba'i gnas su dpa' bo dang gnyis su med pa'i dam tshig gi lha mo drug yum gyi lte ba dang/ snying ga dang/ kha dang/ dpral ba dang/ spyi gtsug dang/ yan lag thams cad la bsrung ba'i phyir gsang ba'i chos kyi dpyid kyi lha mo'o// de lta bu la sogs pa'i rnal 'byor mang po du ma sna tshogs pas 'thung ba'i rak+ta la sogs pa bdud rtsi lnga'i mchog rang gi 'od zer gyis thod pa'i nang du byung nas/ bcom ldan 'das longs spyod rdzogs pa'i sku la rnam snang dang/ rin chen 'byung ldan dang/ snang ba mdza' yas dang/ don yod grub pas sprul pa'i lha mos mchod pa byas so/ /de nas longs spyod rdzogs pa'i sku gdul bya sna tshogs la gzigs pas 'dul byed kyi 'khor la dgongs pa sna tshogs pa'i kha dog dang dbyibs tha dad pa'i kun rdzob kyi dam tshig chen po rnam par rol cing sprul ba'i rdo rje zhes bya ba'i yul de la dmigs pa'i ting nge 'dzin la snyoms par zhugs so/ /snod kyi 'jig rten ma lus shing bcud kyi sems can lus pa med pa'i sems can byang chub kyi snying po can gyi chos kyi dbyings kyi snang ba kun tu gang bar gzigs nas/ gdul bya de'i don du longs spyod rdzogs pa'i sku'i rang gi ba spu'i bu ga nas/ gling bzhi bye ba phrag brgyar dkyil 'khor gyi 'khor lo sna tshogs pa spros te/ gdul bya sna tshogs pa 'dul ba'i thabs kyi dkyil 'khor la sna tshogs pa'i thabs kyis nam mkha' i khams yongs su gang bar gdul bya snod dang ldan pa rnams la/ lha'i mig dang rna ba la snang bar gyur to/ /'dzam+bu'i gling yon tan rgyal mtshan 'dir bcom ldan 'das bde mchog rigs lnga thams cad kyi bdag po zhal bzhi phyag bcu gnyis pas sna tshogs pa'i sku 'dzin pa drag po 'jigs byed kyi gdul bya'i sems can lha bzhi dang/ dri za bzhi dang/ gnod sbyin bzhi dang/ srin po bzhi dang/ klu bzhi dang/ lha ma yin
- 142b
bzhi dang/ mi'am ci bzhi dang dur khrod brgyad kyi sems can la phan par rjes su dgongs nas rgyu thugs rje chen po las byung ba'i 'bras bu'i khro bo'i nyams dgu dang ldan pa'i yab yum gnyis su med pa'i sbyor bas ye shes dang/ thugs dang/ gsung dang/ sku dang/ dam tshig gi 'khor lo ngo mtshar ba sna tshogs shing 'dzam+bu'i gling mdza' yas pa'i gnas sum cu rtsa gnyis su dbang byas pa dang/ longs spyad pa dang/ thim pa'i cho 'phrul chen po rdul phra rab dang mnyam pa'i sa 'og dang/ sa bla dang/ sa steng gi bdag po'i 'khor lo bde mchog gi dkyil 'khor du yang dag par bstan nas/ sprul pa'i sku gzugs kyi sgo nas gdul bya btul ba chos bshad nas/ nga ni yaM las rlung gi dkyil 'khor dang/ raM las me'i dkyil 'khor dang/ baM las chu'i dkyil 'khor dang/ laM las dbang chen gyi dkyil 'khor gyi steng du ri'i rgyal po ri rab shang shel/ lho bai DUrya/ nub pad+ma rA ga /byang gser gyi rang bzhin gyi gzi brjid gser gyi ri bdun dang/ gling bzhi gling phran brgyad lcags ri nag pos bskor ba de'i steng du/ dpal rdo rje sems dpa' i rang bzhin e gru gsum chos kyi dbyings kyi nang du/ oM las 'khor lo/ de las rnam par snang mdzad 'og nas 'byung ba lta bu'i khro bo chen po yongs su gyur pa las byung ba'i sna tshogs rdo rje chen po dang pad ma dang bcas pa'i gzhal yas khang dkyil 'khor chen po lnga bcu rtsa drug 'khor ba'i gnyen por gyur pa na rgyal po'o/ /kun tu bzang po gyur pa las byung ba'i e gru gsum gyi dbus su rdo rje chen po'i dkyil 'khor sprul pa'i nang du phyis 'khor rnams mngal skyes dang/ sgong skyes dang/ drod gsher skyes dang/ rdzus skyes kyi 'du zhing 'khor bar 'gyur te/ rin po che rnam pa sna tshogs pas mdzes pa'i sa gzhi gzhal yas khang bslang ba'i rtsig pa la rin po che'i rgyan shar du rdo rje dang/ lhor rin po che dang/
- 143a
nub tu pad+ma dang/ byang du sna tshogs rdo rjes spras pa/ zla ba dang nyi ma lta ra mdog sdug pa'i nyi zla dang/ dril bu dang/ phyogs bzhir rnga yab dang/ rgyal mtshan dang/ g.yer ka'i dra bas mig mangs ris su bris pa/ /rta babs bzhi dang rdo rje theg pa'i mdo sde'i chos kyi 'khor lo la 'jug pa'i rdo rje ra ba dang me 'od kyis bskor ba/ dril bu g.yer kas chos kyi 'khor lo'i sgra sgrogs pa de'i nang du dur khrod brgyad ni shar gyi shing la sna tshogs pa'i lha dang/ nub kyi shing la klu dang/ byang gi shing la gnod sbyin dang lho nub kyi shing la srin po dang/ byang shar gyi shing la 'byung po dbang ldan dang/ lho phyogs kyi shing la gshin rje yi dags kyis bskor ba dang/ shar lho'i shing la me lha sha za'i gzugs can dang/ nub byang gi shing la rlung lha smyo byed rjed byed kyi 'khor can dang/ de rnams kyi gzugs can ni glang po che la sogs pa'i gdod pa can nam/ yang na phyogs skyong rang gi gzugs kyis bri bar bya'o/ /de'i 'khor ni shar du lha'i gdon dang/ lhor ma mo ma rungs pa dang/ nub du klu shin tu gdug pa dang/ byang du gnod sbyin la ro langs mang po'i 'khor dang/ byang shar du ro ma tshig pa dang/ /shar lhor ro bsregs pa dang/ lho nub tu gtum pos za ba dang/ nub byang du ce spyang dang/ ce spyang mo yis zos nas dum bur byed cing sgra sgrogs pa dang/ dur khrod brgyad du dpa' bo brgyad dang/ mkha' 'gro ma brgyad phaT kyi sgra dang/ a la la'i sgra sgrogs pa rnal 'byor ma dril bu dpa' bo cang te'u brdung pa'i sgra sgrogs shing ngo mtshar pa'i phyir/ mgo med pa brgyad gar byed pas nye bar brgyan pa/ bcom ldan 'das mi bskyod pas gzhal yas khang gnas dang bcas pa bcom ldan 'das la phul lo/ /gnas de ru gleng slang ba'i phyir phyag na rdo rjes bsnyen bkur gyi phyag dang mchod pa byas nas gdul bya sems can thams cad dge ba la gzung pa'i phyir snying rje'i nyams
- 143b
kyis stang stabs drug cu rtsa bzhis rkang pa'i rol pa dang/ lag pa'i phyag rgyas rnam par rol pa'i padmo'i sdong bu bskor ba ltar lha drug cu rtsa bzhi gar byed cing thal mo sbyar nas mchod do/ /de nas g.yas brkyang ba'i gnas pas thal mo sbyar te/ rus pa'i rgyan gyis brgyan pa'i sangs rgyas thod pa la gsol ba btab po zhes bya ba gsol ba btab po/ /ston pa'i mtshan nyid ni mchog tu zab mo'i chos kyi sku'i tshul dang/ khro bo'i rgyal po chen po longs spyod rdzogs pa'i sku dang/ sprul pa'i sku yum dang 'khyung pa rnam par sgeg pa'i sku chen po 'dzin pas/ 'dzam+bu'i gling du gzugs kyi sgo nas chos bshad kyang ri rab kyi steng du 'khor gyi dkyil 'khor du stong nyid dang/ ye shes ston pa'i zab pa'i gzung gi rtsa ba'i rgyud nges par brjod pa'i bla ma zhes bya ba'i dkyil 'khor lnga bcu rtsa drug gi mkha' 'gro ma'i dra ba'i tshogs kyi sdom pa 'dul byed kyi 'khor lo'i rgyal po'i gdul bya sems can sna tshogs pa'i bsam pa dang mthun pa mi phyed kyi dbang phyug ma la sogs pa'i 'khor lo ma 'ongs par dngos grub gsum gyis phan zhing tshe 'dir dngos grub gsum gyi bde bas bskyed rdzogs sna tshogs pa'i chos bstan pa rtsa ba'i rgyud mdzad du gsol zhes rgyud kyi gleng bslang ba dang skabs phye ba ni gdul bya'i don du sems dpa' chen po legs so/ /'dul byed kyi 'khor lag na rdo rje khyod legs par nyon cig ces bya'o/ /le'u gnyis pa'i 'grel pa'o// / de ltar gleng bzhi dang gleng bslang ba bshad nas/ rgyud 'byung ba'i rgyu lus mdor bzhag bshad par bzhed pas de nas bya ba gsungs pa'o/ /ston pa bcom ldan 'das kyis nyan pa'i 'khor gyi dkyil 'khor thams cad la don dang po bskyed rim thams cad kyi rgyud rdo rje gsang ba gsungs pa ni ma 'ongs pa'i rnal 'byor pa rnams kyi snying gar dbyangs yig las zla ba'i dkyil 'khor gsal byed las nyi ma'i dkyil 'khor/ de'i dbus su hUM bsgoms pa las rdo rje phra mo'i dkyil 'khor lnga bcu rtsa drug sprul pa ni/ ma
- 144a
'ongs pa'i rnal 'byor pas thun bzhir bsgoms te/ dkyil 'khor lnga bcu rtsa drug po de dag de bzhin gshegs pa thams cad kyi mkha' 'gro ma dra ba'i sdom pa zhes lnga bcu rtsa drug kun la ming gis gdags so/ /don gnyis pa dkyil 'khor grub zin pa de rnams la/ 'og nas 'byung ba'i sngags 'di ni byin gyis brlabs pas brtan par byed pa yin te/ de yang byin gyis rlob pa'i mkha' 'gro ma'i dra ba'i sdom pa zhes bya'o/ /byin gyis rlob pa'i sngags de ji lta bu lags zhes zhus pa dang/ gsang ba'i snying po mchog nyon cig ces bka' stsal te/ de la ye shes kyi tshogs snod bcud thams cad oM A:hUM gsum du bsdus pa'i tshe sngags dang po rang bzhin dag pas chos thams cad dag go zhes gsungs so/ /oM A(rgyud 'grel): hUM gsum thig ler gyur pa'i tshe sngags gnyis pa/ stong pa nyid kyi ye shes kyi rdo rje'i rang bzhin bdag nyid nga yin no zhes gsungs so/ /rdzus skyes la/ nyi zla'i dbus su thig le 'jug pa'i sngags gsum pa rdo rje dag pas chos thams cad dag go zhes gsungs so/ /nyi zla kha sbyar gyi dbus na hUM gi spro bsdu las 'byung ba'i dam tshig sems dpa' la ye shes sems dpa' 'jug pa'i tshe sngags bzhi pa rnal 'byor ma dag pas chos thams cad kyi rnal 'byor ma dag go zhes gsungs so/ /la la sgong skyes la mos pa'i tshe sngags lnga la ye shes dag pas chos thams cad kyi ye shes dag go zhes gsungs so/ /drod gsher skyes la mos pa yig 'bru dang phyag mtshan las bskyed pa'i tshe sngags drug pa dam tshig dag pas chos thams cad kyi dam tshig dag go zhes gsungs so/ /mngal skyes la mos pa'i tshe rdo rje dang pad+ma byin gyis rlob pa'i sngags bdun pa de bzhin gshegs pa thams cad kyi stong pa nyid kyi ye shes rjes su chags pa'i rdo rje'i rang bzhin bdag yin no zhes gsungs so/ /phung po lnga sangs rgyas dbang po drug sems dpa' 'byung ba lnga lha mo gnas nyi shu rtsa bzhi lus kyi dkyil
- 144b
'khor la bkod pa'i tshe sngags brgyad pa de bzhin gshegs pa thams cad rnam par dag pa'i chos kyi dbyings kyi ye shes kyi rdo rje'i rang bzhin bdag yin no/ /zhes gsungs so/ /lus kyi gnas nyi shu rtsa bzhir pu dzA o a go rA de mA la sogs pa bkod pa'i tshe sngags dgu pa sngags pa thams cad dag pas chos thams cad dag go zhes gsungs so/ /lha thams cad skyes pa la gar gyi nyams dgu grub pa'i tshe/ sngags bcu pa khro bo thams cad kyi chos kyi sngags kyis dag go zhes gsungs so/ /sgo ma brgyad bskyed pa'i tshe sngags bcu gcig pa khro bo dag pas chos thams cad kyi khro bo dag go zhes gsungs so/ /thugs kyi 'khor lo bskye pa'i tshe sngags bcu gnyis pa sems dag pas chos thams cad sems kyis dag go zhes gsungs so/ /gsung gi 'khor lo bskyed pa'i tshe sngags bcu gsum pa dag dag pas chos thams cad dag gis dag go zhes gsungs so/ /sku'i 'khor lo bskyed pa'i tshe sngags bcu bzhi pa lus ngag pas chos thams cad lus kyis dag go /ye shes sems dpa' bcug pa'i tshe sngags bco lnga pa ye shes 'dud rtsis dag pas chos thams cad ye shes bdud rtsis dag go /dpa' bo dang dpa' mo'i go chas bskon pa'i tshe sngags bcu drug pa dam tshig sna tshogs kyi chos kun yang dag pas chos thams cad dam tshig sna tshogs kyis dag go /bzlas pa byed pa'i tshe sngags bcu bdun pa spyod pa dag pas chos thams cad spyod pas dag go /dam tshig sems pa'i thugs kar ye shes sems dpa' de'i thugs kar phyag mtshan dang yig 'bru ting 'dzin sems dpa' bsgom pa'i tshe sngags bco brgyad pa rnal 'byor gsum dag pas chos thams cad rnal 'byor gsum gyis dag go /dbang bskur ba'i tshe sngags bcu dgu pa dbang bskur dag pas chos thams cad dbang bskur gyis dag go /rkang pa brgyad pa'i sngags kyi lha mo brgyad sprul pa'i tshe sngags nyi shu pa mchod pa dag pas chos thams cad mchod pa dag go /yab yum gnyis dga' ba bzhi bsgom pa'i tshe sngags nyer gcig pa de bzhin gshegs
- 145a
pa thams cad gnyis su med pa'i mchod pa'i rang bzhin bdag yin no zhes bya ba'o/ /byang chub kyi phyogs sum cu rtsa bdun bsgom pa'i tshe/ sngags nyer gnyis pa dkyil 'khor dag pas chos thams cad kyi dkyil 'khor dag go /gtso bo yab yum 'ba' zhig bsgom pa'i tshe/ sngags nyer gsum pa bdag po dag pas chos thams cad bdag pos dag go /khams nyi shu rtsa bzhi dpa' bor bsgom pa'i tshe/ sngags nyer bzhi pa dpa' bo dag pas chos thams cad dpa' bos dag go /nyi shu rtsa bzhi dpa' mor bsgom pa'i tshe/ sngags nyer lnga pa rnal 'byor ma dag pas chos thams cad rnal 'byor mas dag go /sgyu ma dang stong pa zung 'jug gi lha bsgom pa'i tshe/ sngags nyer drug pa de nyid dag pas chos thams cad de kho na nyid dag go /he ru ka'i mtshan nyid bsgom pa'i tshe/ sngags nyer bdun pa ste/ he zhes bya ba rgyu dang bral bas chos thams cad rgyu dang bral ba'o/ /ru zhes bya ba bkod pa dang bral bas chos thams cad bkod pa dang bral lo/ /ka zhes bya ba gang du yang mi gnas pas chos thams cad gang du yang mi gnas so/ /thun bzhir lhan cig tu cig car bsgom pa'i tshe sngags nyer brgyad pa skad cig gis dag pas chos thams cad skad cig gis dag go /stong gsum gyi snod bcud lha'i 'khor lor bsgom pa'i tshe sngags nyer dgu pa srid pa dag pas chos thams cad srid pas dag go /'gro ba rigs drug lhar bskyed pa'i tshe/ sngags gsum bcu pa skye bdag pas chos thams cad skye pa'i srid pas dag go /'dod ba'i yon tan lnga la longs spyod pa'i tshe/ sngags so gcig pa longs spyod dag pas chos thams cad longs spyod kyis dag go// //kha zas kyi rnal 'byor bdud rtsi lngar byin gyis brlabs nas za ba'i tshe/ sngags so gnyis pa bza' ba dag pas chos thams cad bza' bas dag go /thun mtshams kyi he ru ka spyod lam rnam
- 145b
bzhi'i tshe/ sngags so gsum pa mnyam par ma gzhag pa'i dag pas chos thams cad mnyam par ma gzhag pas dag go /zab pa'i rdzogs rims bsgom pa'i tshe/ sngags so bzhi pa rang rig pa dag pas chos thams cad rang rig pas dag go /zhe sdang bsgom pa'i tshe sngags so lnga pa zhe sdang dag pas chos thams cad zhe sdang gis dag go /rnam snang bsgom pa'i tshe/ sngags so drug pa gti mug dag pas chos thams cad gti mug gis dag go /'od dpag med bsgom pa'i tshe sngags so bdun pa 'dod chags dag pas chos thams cad 'dod chags kyi dag pa'o/ /rin chen 'byung ldan bsgom pa'i tshe/ sngags so brgyad pa nga rgyal dag pas chos thams cad nga rgyal gyis dag go /las kyi rigs bsgom pa'i tshe/ sngags so dgu pa phrag dog dag pas chos thams cad phrag dog gis dag go /rdo rje he ru ka bsgom pa'i tshe/ sngags bzhi bcu pa nam mkha' dag pas chos thams cad nam mkha' rdo rjes dag go /lus kyi nang du 'khor lo gsum bsgom pa'i tshe/ sngags zhe gcig pa 'khor lo gsum dag pas chos thams cad 'khor lo gsum gyis dag go // mkha' 'gro ma bcu gnyis bsgom pa'i tshe/ sngags zhe gnyis pa mkha' 'gro ma dag pas chos thams cad mkha' 'gro ma bcu gnyis kyis dag go /'gro ba thams cad la lha rigs brgya'i dbye bas bsgoms pa'i tshe/ sngags zhe gsum pa rigs brgyas dag pas chos thams cad rigs brgyas dag go /dur khrod brgyad kyi ma mo brgyad bsgom pa'i tshe/ sngags zhe bzhi pa ma mo dag pas chos thams cad ma mos dag go /gnas nyi shu rtsa bzhi bsgom pa'i tshe/ sngags zhe lnga pa pi ta shud+d+ha:sarba d+harmA pi ta shud+d+ho haM/ de bzhin du oM pa pi ta shud d+ha:sarba d+harmA(rgyud 'grel): pa pi ta shud d+ho haM zhes bya ba nas/ u bashma shA na shud d+ha(rgyud 'grel): sarba d+harmA u pashma shA na shud d+ho haM/ zhes bya ba'i don ni de bzhin du ji srid du nye ba'i dur khrod kyi bar thams cad rnam par dag par shes par bya'o/ /thams
- 146a
cad la oM yod pa ni ye shes lnga'o/ /thams cad la a haM yod pa ni rang rig pa'i rgyal po'o/ /don gnyis pa sngags de rnams ni lha'i sku'i don bsgoms par mi nus pa sngags brjod cing nga rgyal bsgom pa'i tha ma'i don yin no/ /rnal 'byor pa rab thos sam bsgom gsum la mkhas pa don gsum pa bsgom pa ni/ mtshan nyid brgyad shes pa yin te/ gnas kyis mtshan nyid ni pu l+li ra ma ya nas ku ku lu tA'i bar du yi ge nyi shu rtsa bzhis sngon 'byung yul nyi shu rtsa bzhi dang/ rjes 'jug 'khor lo nyi shu rtsa bzhi dang/ lus la nyi ma'i dkyil 'khor nyi shu rtsa bzhi bsdus na/ sa bcu dang pha rol tu phyin pa bcu'i don yin te/ phung po khams dang skye mched la sogs pa'i shes pa bcu dag pa dang/ dbang bcu rnam par dag pa bsgoms pas 'khor lo gsum gyi gnas yongs su dag nas/ gnas nyi shu rtsa bzhi zag med kyi dag par 'gyur ro/ /zag med kyi dge ba yin pa'i rgyu des dus gsum pas grol/ gnas skabs thun brgyad las grol/ 'o na ci yin zhe na/ rnal 'byor yid dga' ba'i byang chub kyi phyogs kyi don te/ byang chub kyi phyogs kyi chos sum cu rtsa bdun las 'bras bu lus dang sprul pa'i 'khor lo'i he ru ka'i dkyil 'khor 'byung bas/ nges brjod bla ma zhes mtshan btags te/ gsang chen chos dang/ mchog longs spyod dang/ dam pa sprul pa'i sku la phyogs g.yon skor dang/ mtshams g.yas skor gyis mchod pa dang/ lha dgod pa dang/ bsgom pa dang/ bzlas pa'i tshe bskor bar bya'o/ /mtshan nyid dang po'o/ /gnyis pa'i rnal 'byor pa'i mtshan nyid ni mtshan ma thob pa'i rnal 'byor pa gang gis sgyu ma dang stong pa'i de nyid shes pas dag byed dang/ dbang dang/ dpa' bo dang/ bkas gnang ba dang/ ngan spyod kyi rnal 'byor gyi brda lnga bya'o/ /gang la mi brtan ce na/ dbang na bskur
- 146b
ba la'o/ /rgyud 'dir bla mas dbang bskur ba las gzhan du 'bras bu med pa dang/ glegs bam tsam thos nas tshogs kyi 'khor lo byed na phyi ma dmyal bar ltung ba dang/ che 'di la phol mig la sogs pa nas tshogs bdag gis gsod cing phyi mar dmyal bar lhung ngo/ de bas zhes bya ba ni/ 'jug bsdu ba ste/ bla ma'i rgyud pas dbang thob nas sngags myur du 'grub pa dang/ gnyis med ye shes kyi sbyor ba lha bsgoms na/ mchog sangs rgyas nges par thob par 'gyur ro/ /gsum pa las kyi phyag rgya'i mtshan nyid ni/ mi'i bu mo 'og nas 'byung ba mtshan nyid 'chang pa 'di 'dra ba spang ngo/ /de gang zhe na/ dam tshig mi shes zhes bya ba nas phyag rgya spang bar bya zhes bya ba'i bar du'o/ /blang bar bya ba'i rnal 'byor ma ni/ gzugs bzang ba dang/ lo nyi shu la sogs pas brgyan pa lhan cig la sems zin pa/ tshogs kyi 'khor lo'i brtul zhugs shes pa/ dam tshig /thams cad shes pa/ dur khrod kyis mi 'jigs pa dpa' ba/ sgyu mar shes pas chags pa dang bral ba/ stong nyid shes pas 'dzem pa med pa/ zag med shes pas nga rgyal med pa/ lhag mthong shes pas ser sna med pa/ dmang rigs kyi bu mo mchog blangs nas de dang lhan cig rig pa'i brtul zhugs bde ba stong pa nyid bsgom mo/ /gsum pa spyod pa'i mtshan nyid ni mngon par shes pa skyes nas dzu 'phrul thob pas 'jig rten gyi smod pas mi 'jigs pa/ spros bcas kyi spyod pa dang/ spros med kyi spyod pa srog a pa d+hU tIr chud pa'i sngags rig pa ni/ smig rgyu dang du ba dang srin bu me khyer dang/ sgron me dang nam mkha' stong pa lta bu'i rtags rig nas bdag nyid brtul zhugs spyad do/ /rus pa'i phyag rgya lnga rtag tu bcad do/ /rus pa'i cod pan mgo la rgyan bya'o/ /thod pa dang kha TwAM ga gzungs nas thal ba'i rdul gyis byug /sha chen bza' / chang btung/ ro'i ras ba'o/ /lhag ma zos kyang ting nge 'dzin mi nyams/ spros med
- 147a
rtogs na khrag gi btung bas tshim par bya'o/ /skyed mos tshal la sogs pa'i gnas su stong pa nyid bsgom pas gnas par bya'o/ /nyan thos dang rang rgyal dang/ 'jig rten gyi mu stegs skal pa med pa rdo rje theg pa la smod pa'i btsug lag khang du gnas par mi bya'o/ /der gnas na nyes pa ci yin zhe na/ byang chub sems dpa' gzhan don mi 'grub pa'i dbul bor 'gyur ro/ /gnas gang du gnas she na/ dur khrod du gnas rdo rje gar gyi phyag rgya dang stang stabs bya/ yid 'ongs lha mo dang bcas tshig pa dang ma tshig pa'i sha chen bza' / chang btung/ ro yod pa'i dur khrod kyi gnas su bsgom mo/ /lnga pa phyag rgya chen po'i mtshan nyid ni shin tu spros pa med pa'i rnal 'byor pas las kyi phyag rgya med na/ phyag rgya chen po stong pa nyid khams gsum gyi dri ma spangs pa chos kyi dbyings kyi ye shes las byung ba yum shes rab kyi pha rol tu phyin pa'i lha mo gzung 'dzin med cing brjod bya brjod byed med pa 'dus ma byas dang gnyis su med par sems rtse gcig par byas nas spros med bsgom pa'i spyod pa lus bde ba dang sems dga' pa'i dngos grub tu 'gyur te/ shes rab thabs kyi cho ga'i rim pa ni phyag rgya chen po stong pa nyid dang nges par rol pa'i bsgom pa mngon sum du 'grub pas rnam par mi rtog pa'i ye shes dang po skyes pas khams gsum gyi nyes pa thams cad las grol bas tshe 'di la dngos grub thob po/ /drug pa phan yon gyi mtshan nyid ni sngon gyi bde mchog dang 'dra bar g.yon pa bde ba stong pa nyid ni yum shes rab bo/ /g.yas pa bde ba med pa 'dod khams kyi sems dang stong nyid med pa kun rdzobs kyi shes rab ni thabs yin no/ /'dus byas dang 'dus ma byas dang kun rdzob dang don dam cig car shes pa'i bsgom pa'i mthu stobs dang ldan na zung 'jug gi ye shes yin te/ slar zhing gang la yang mi bslab ces pa bshad pa dag
- 147b
blo gros chen po mthong rnams kyi/ /rnam pa thams cad cig car nges/ zhes bshad do/ /de ltar zung 'jug thob na mnyam sbyor las/ tshangs pa ngo 'thon stobs kyis mnan/ /dga' bde ma yang 'phrogs nas ni/ /brgya byin do 'thon stobs kyis mnan/ /bde sogs ma yang phrogs nas ni/ /zhes gsungs pas sum cu'i dbang phyug la dbang byed ni lha dbang du byed pa longs spyod pa thim pa'o/ /thog ma'i dngos grub ni dang po thugs kyi dngos grub ster ba'i rnal 'byor ma'o/ /gnod sbyin ni zhing dang nye ba'i zhing gi rnal 'byor ma'o/ /srin po ni mtshan do ha dang nye ba'i tshando ha'i rnal 'byor ma'o/ /klu mo ni 'dus dang nye ba'i 'du sa'i rnal 'byor ma'o/ /lha ma yin ni dur khrod dang nye ba'i dur khrod kyi rnal 'byor ma'o/ /dri za mo ni nye ba'i gnas bzhi'i rnal 'byor ma'o/ /gzhan yang sna tshogs ba ni grong mdza' brgyad kyi mi'am ci'i lha mo brgyad do/ /'dod pa'i longs spyod dag la spyod ces pa ni/ gdong drug do 'thon stobs kyis mnan/ gzhon nu ma yang phrogs nas su/ zhes bshad pas lha mo dang dri za mo dang/ gnod sbyin dang srin mo dang klu mo dang lha ma yin mo dang/ mi'am ci mo rnams la dga' bzhi'i longs spyod nas/ A li kA li thabs dang shes rab mnyam par bsgom pas/ don dam gyi bden pa de nyid sgyu ma dang/ 'od gsal ba dang/ zung 'jug thob pa'i thabs gsang ba dang shes rab ye shes dang/ dbang bzhi pa gong nas gong du bskur nas rang gi lha'i rnal 'byor gyi gang zag thams cad gyis rgyud sde bzhi thams cad la de bzhin du brtag par bya'o/ /bdun pa brde'i mtshan nyid ni ye shes babs pa 'am/ tshogs kyi 'khor lo byed pa'i tshe dpa' bo dang rnal 'byor mas brda rnams bstan pa ni/ dpa' bo rnams kyis lag pa g.yon pas brda bya/ rnal 'byor mas lag pa g.yas pas brda bya'o/ /rgyu ba sems dang/ mi rgyu ba snod kyi 'jig rten gsum snod bcud kyi 'gro ba thams cad stong pa nyid sgyu ma lta bu'i g.yon pa las byung ba yin pas/ rdo rje sems
- 148a
dpa' mtheb mo la bzhugs so/ /rnam par snang mdzad mdzub mo la bzhugs so/ /gung mo pad+ma gar gyi dbang phyug /srin lag la dpal he ru ka/ mthe'u chung la nam mkha' i snying po'o/ /sen mo lnga la rta mgrin/ dpa' bo rnams kyi gzhi ni sor mo yin no/ /lag pa'i mthil du pho nya drug dbus dang 'dab ma lnga la 'dus pa la bsgoms la/ go cha bskon ye shes sems dpa' bcug la/ lag pa'i rgyab gzhal yas khang du bsams nas tshogs kyi 'khor lo'i brda bya'o/ /lag pa'i 'byung ba lnga ni lha mo lngar go sla'o/ /lngar ba'i tshe lag pa'i rgyab tu thim nas gshegs par bsam/ dbang bskur ba la dam tshig tu mi bstan/ tshogs kyi 'khor lo lhan cig za ba'i tshe bya/ tshogs kyi 'khor lo dpa' bo thams cad tshogs pa'i lag pa'i mkha' 'gro dra ba'i sdom pa yin no// brgyad pa thabs la mkhas pa'i mtshan nyid ni rgyud le'u bdun bcu'i don thams cad shes pas tshogs kyi 'khor lo'i slob dpon bya'o zhes rtogs par bya ba'i phyir/ phan tshun rjes 'gro thams cad dang zhes bya ba ni le'u bzhi pa sku'i 'khor lo nas brtsams nas le'u sum cu rtsa bdun pa go cha'i 'khor lo'i bar du dkyil 'khor sum cu rtsa bzhir dpa' bo lta ba dang/ tshur lha mo lta bas rjes 'gro thams cad ces bya'o/ /de ltar le'u sum cu rtsa bdun gyis gcod tshig rkang pa gcig bshad nas/ /le'u sum cu rtsa brgyad nas bzhi bcu rtsa bdun gyi bar du dngos grub kyi yan lag le'u bcu pa'i sa gcod ni/ tshig rkang lnga yin te/ sna tshogs brda ni dag byed la sogs pa'i brda bzhi'o/ /tshig ni spro tad gi pra ti pro tang gi la sogs pa dag gi brda'o/ /mkha' 'gro ma'i mtshan nyid ni ye shes la skyes pa'i lha mo/ /pho nya rnams kyi mtshan nyid ni zhing skyes la sngags skyes so/ /sgrub pa po la phan pa'i phyir ni sbyor ba gtsang sbra gsum gyi mchod pa dang/ /dngos bzhi gtsang sbra gsum gyi brtul zhugs dang/ rjes
- 148b
gtsang sbra gsum gi spyod pa de dag thams cad dang/ dbang bzhi pa'i mtshan nyid kyis 'bras bu ma lus par 'chang pa yin no/ /le'u bzhi bcu rtsa brgyad pa'i sngar song ba'i sum bcu rtsa bzhi dang/ phyis 'ong ba thams cad kyi rab gnas kyi le'u ras ris ba lang gi pags pa la sogs pa sna tshogs pa bri ba dang/ rdo rje dang rin po che dang ba so dang shing la sogs pa la 'bur du bskos pa'i sku gzugs dang/ de bzhin bri ba ni tshon rtsi bshad do/ /dri chen chu dang zhag dang khrag /mig sman chen po de bzhin te/ mi rus bdar ba'i dkar po dang/ /rang 'byung me tog sa bon dang/ /rigs ngan bram ze gdol pa mo/ /g.yung mo las byung rang 'byung khrag /shukra rak ta'i khyad par dang/ /mi skra rus pa'i pir gyis bri/ /zhes phyis 'chad par 'gyur ro/ /dam tshig dang le'u bzhi bcu rtsa dgu pa mdor bstan pas yan lag gi sa gcod de/ dbang bskur ba'i tshe dkyil 'khor gyi dam tshig bshad pa'o/ /'dir dbang bskur nas lha thams cad phyis bsgom mo zhes dgongs so/ /sku mdog gi ni khyad par gyis/ /gang gis sgrub pa bos bsgrub pa/ zhes pa ni/ le'u bco brgyad pa'i mdor bstan dang yan lag gi sa gcod de/ dkyil 'khor gang las bskyed pa'i rim pa'i dus su ye shes babs nas dbyangs skyong gi glu len pa dang/ rdzogs pa'i ram pa'i dus su dga' bral du mi gtong ba ni dbyangs skyong ba ste/ dbyangs ni byang chub sems bde ba'o// de skyod pa'i lha sku mdog dkar po 'ba' zhig gi khyad par bsgom pa dang/ sna tshogs dga' ba'i gsang sngags dang zhes pa ni/ le'u gcig pa dang gnyis pa bsdus don gyis gcod de/ nye snying dang/ snying po'i sngags kyi 'khor lo'o/ /bzhung lugs sna tshogs dkyil 'khor ni nga gsum pa rnam dag gi le'u mdor bstan pa rgyas pa'i sa gcod de/ dkyil 'khor lus dang dkyil 'khor b+ha ga dang/ dkyil 'khor chos kyi dbyings te gzhung lugs sna tshogs pa'o/ /yid 'ong dam tshig mchog rnams
- 149a
dang zhes pa ni/ thabs kyi tshogs kyi 'khor lo le'u nga bzhi pa'i rtsa ba 'am sa gcod do/ /sna tshogs rnal 'byor ma mchog dang zhes pa ni/ le'u nga lnga ba'i rtsa ba 'am sa gcod de/ shes rab kyi 'khor lo gru gsum pa bsgom pa'o// yid 'ong dpa' bo sna tshogs dang/ rnal 'byor ma yin na dag dang/ zhes pa ni le'u lnga bcu rtsa drug pa'i rtsa ba 'am sa gcod de/ rgyu'i rgyud dang/ thabs kyi rgyud dang/ 'bras bu'i rgyud dang gsum ston pa'o/ /mkha' 'gro ma'i man ngag dang zhes pa ni/ le'u nga bdun pa'i rtsa ba'i sngags btub dang/ nga brgyad pa go cha gnyis dang snying po'i sngags btub dang/ nga dgu pa rdo rje phag mo'i snying po'i sngags kyi 'khrul 'khor dang/ drug cu pa rdza rnga bcing ba'i gnod mdzes 'khor lo'i rtsa ba dang sa gcod bstan to/ / sna tshogs rigs mchog dam pa dang zhes pa ni grong khyer dkrug pa drug cu rtsa gcig dang/ dngos grub len pa'i tshogs kyi 'khor lo bong bu'i rnam par mdzad pa de gnyis pa dang/ rigs lnga'i dbang bskur ba re gsum pa dang/ lha mo bzhi yis zhus pa re bzhi pa dang/ gshin rje'i 'khor lo re lnga pa'i rtsa ba dang sa gcod bstan to/ /bla ma brgyud pa'i man ngag ni/ /slob ma rnams la phan phyir ro/ /zhes pa ni le'u re drug pa skye ba bdun pa'i shes bskyar pa'i sa gcod do/ /bdag po'i las la shin tu mkhas/ sngags dang rgyud la legs par bslab zhes pa ni/ le'u re bdun pa'i sgyu 'phrul dra ba'i sngags dang rgyud kyi dkyil 'khor dang/ re brgyad po so sor 'brang ma'i dkyil 'khor gyi sngags dang rgyud la legs par bslab pa'o/ /bya ba'i rgyud dang/ spyod pa'i rgyud dang/ gnyis ka'i rgyud dang/ rnal 'byor gyi rgyud gzhan gyi cho ga'i rim pa rigs gsum mam rig lnga'i lta'i khyad par rnams nges brjod rgyud kyi las nyid kyis te/ phrin las rnam bzhi bshad pa
- 149b
las bshad rgyu/ rdo rje mkha' 'gro bshad par bya ba'i rtsa ba'i rgyud 'di'i sngags pas rgyud gzhan gyi tshog rnams lta ba mngon sum gyi lam dang spyod pa man tra tan tra yan tra gsum gyi gzhan rmongs par shes par bya'o/ /le'u sum cu rtsa brgyad pa la sogs pa'i rnal 'byor ma de rnams lha'i 'khor lor ji ltar 'gyur zhe na/ skye rabs kyi byang chub sems dpa' dang 'dra bar rnal 'byor ma'i spyod pa dang zhes pa zhing skyes dang/ mkha' 'gro ma yang de bzhin te/ zhes pa ye shes las skyes pa dang/ ma mo phyi rol phyag rgya ni zhes pa sngags te/ phyi rol ni rgyud tha dad pa'i bud med do/ /phag mo'i rigs las 'byung ba dang zhes pa ni bsam gtan dang zag med kyi sdom pa yod la gser rir dmad rigs stong phra bcu zhes lung bstan pa dang/ de rnams dkyil 'khor la ji ltar gzhag ces na/ /yes shes dang/ thugs dang/ gsung dang/ sku dang/ dam tshig gi 'khor lo dpa' bo kun gyi spyod pa dang/ mthun pa'i kha dog dang dbyibs dang spyod lam dang ldan pa'i rigs so/ /'khor lo'i spyod pa shin tu sla ni thugs kyi 'khor lo rams kyis byug pa dang/ gsung gi 'khor lo mtshal gyis byug pa dang/ sku'i 'khor lo rdo thal gyis byug pa dang/ gri gug dang/ thod pa dang/ kha TwAM ga cang te'u dang/ srog a ba d+hU tIr chud pa'i bsgom pa dang/ bzlas pa bsam gtan dang/ sgyu ma dang/ 'od gsal dang/ zung 'jug bsgom pa la shin tu bslab pa phyi rol gyi rnal 'byor gyi dbang phyug spros bcas dang/ spros med dang shin tu spros med kyi spyod pa la mkhas shes par bya'o/ /de ltar spyod pa'i rgyas bshad byas nas slob dpon gyi mtshan nyid la mkhas pa ni dpal he ru ka'i rigs las byung ba dang/ slob dpon gyi spyod pa bsnyen bsgrub bzhi'i khyad par dang/ yul gyi spyod pa sgra nyams dang so skri ta'i skad dang/ sangs rgyas spyan gyi rgyud mnyam sbyor dang/ mA ma kI 'i rgyud dgyes
- 150a
rdor/ gos dkar mo'i rgyud bde mchog dang/ sgrol ma'i rgyud sgrol ma 'byung ba'i rgyud dang bzhi shes pa dang/ rnal 'byor gyi rgyud de nyid bsdus pa dang/ gsang 'dus dang/ rin po che'i cod pan dang/ pad+ma dra ba can dang/ rdo rje don yod pa'i rgyud lnga shes pa dang/ bya ba'i rgyud dpung bzangs dang/ rgyud kyi dbye ba rig pa mchog dang/ sna tshogs rab tu grub pa dang/ phyag na rdo rje dbang bskur ba'i rgyud dang/ sgyu 'phrul dra ba'i rgyud thams cad rnam par shes pa dang/ sangs rgyas kyi lung las 'grub pa'i bstan bcos mngon pa 'dul ba mdo sde sde snod gsum dang/ mdo'i sde dang skyes pa rabs kyi sde la sogs pa gsung rab mdo sde yan lag bcu gnyis dang/ bla na med pa'i spyod pa skabs brgyad ston pa'i shes rab pha rol phyin pa rgyas 'bring gsum dang/ phyi rol gyi bstan bcos ni slob dpon kha cig tshangs pa dang/ brgya byin dang khyab 'jug dang/ mahA de bas bshad pa'i bstan bcos dor byad shes pa'o zhes 'chad kyang/ sgra dang tshad ma shes pa spyod pa'i mchog 'jig rten pa ji ltar mos pa rig pa'i gnas lnga sna tshogs pa bslabs nas kyang zhes bya ba thabs la mkhas pa'i mtshan nyid dang po'o/ /de ltar thos bsam gyis shes nas rnal 'byor pa bsgom pa'i tshe 'khor lo bde mchog mthar thug pa'i gnas bskyed rim dang/ rdzogs rim sbyor ba dang dngos gzhi thams cad la bslab par bya'o/ /rjes ni bza' ba'i tshe nang gi sbyin sreg dang/ spyod pa thams cad ni snod bcud lha'i 'khor lor bsgom pa dang/ 'dod pa'i yon tan lngas yid gnyis med pa'i sems kyis mchod pa dang/ yi ge brgya pas gsang sngags bstan pa'i phyir sh+rI he ru ka sa ma ya ma nu pA la ya zhes ming dang gcig tu spel la bzlas na lhag pa dang ma tshang ba bskang ngo/ /gsum pa rgyun du bya ba'i thabs la mkhas pa ni/ dngos grub gsum gyi don thams cad 'grub pa'i rtsa ba'i sngags rtag
- 150b
tu bzla ba dang sngags btub byas nas go cha'i dang/ yab yum gyi snying po dang nye snying dang srung ba gnod mdzes kyi sngags btus la bzlas par bya'o/ /gnas gang du btu snyam na/ rdza rnga'i dkyil 'khor shin tu mdzes pa'i dbus su yi ge bkod nas btub 'am/ pad+ma 'dab ma brgyad pa'i dbus kyi lte ba la dpa' bo dang rnal 'byor ma thams cad kyi sngags bcu pos 'byung ba'i yi ge'i phyi mo dbyangs dang gsal byed bzhi bcu rtsa dgu bkod nas gsang ba sngags thams cad gsang ba'i gsang ba gru gsum gyi nang nas btu'o/ /yi ge phyi ma ni sngags kun gyi gnas yin zhing lha'i 'gro ba thams cad kyang bskyed pas sngags kyi yi ge'i dam tshig tu gzhan la mi bstan/ bstan na dngos grub nyams par 'gyur ba yin no/ /bzhi pa rnam dag gis thabs la mkhas pa ni byis 'ong ba'i bsgom pa 'di ni mchog yin te/ ci'i phyir zhe na/ bdud bzhi bcom pas 'dod pa'i dngos grub bla na med pa'i phyir ro/ /dngos grub nam gyi tshe na thob ce na/ tshe 'di la rdo rje sems dpa' i gos 'phang 'thob po/ /phung po'i bdud las rgyal ba'i phyir/ snying gar h+rI las pad+ma 'dab ma brgyad/ a las zla ba'i dkyil 'khor/ hUM las tshad med pa'i 'od zer bzhi spros nas/ 'gro ba'i phung po dang khams dang skye mched lhar byas pa dang/ rang gi phung po dang khams dang skye mched bsdus pa sa lhar byas pa ni/ byams pa'i go cha bgos pa ste/ snying rje yi ni ya lang bgos zhes bya'o/ /shes rab kyi mtshon chas lha'i 'khor lo sgyur ma dang stong par bsgoms pas nyon mongs pa'i bdud las rgyal lo/ /le'u nyi shu rtsa gcig pa'i phyir bzlog chen mo'i srung bas ye shes kyi 'khor lo dang thugs kyi 'khor lo'i rgyab tu rdo rje kha bzhi pas mtshan pa dang/ sku gsung thugs kyi 'khor lo gsum las/ rdo rje pad+ma 'khor lo'i phreng bas mtshan pas srung ba thams cad kyi mchog dngos grub thams cad rab tu gsol bas 'chi bdag gi bdud las rgyal bar rgyud 'di nyid las 'chad do/ /lha'i
- 151a
bu'i bdud las rgyal ba ni/ sum b+ha na'i bka' i 'khor lo srung ba chen po'i phur bus bgegs med pa dang/ logs su rdo rje ra ba dang/ 'og tu rdo rjes gzhi dang/ steng du mnga' i dra ba dang/ steng gi bla re me 'od kyi phreng ba rab dgye pa yis/ bdug pa'i bdud thams cad skrag par bya zhes pa ni 'di ltar bsgoms te/ 'og tu sa gzhi dang rdo rje'i sa gzhi gnyis las/ logs su rdo rje ra ba dang dra ba gnyis/ steng du mda'i bla re dang rdo rje'i bla re gnyis/ thams cad gdug bskrag pa'i me/ phyis phur bu gnyis pa gegs med par byed pa'i cho ga'i go rims yin no/ /las dang po pa'i bdud bzhi las rgyal ba'i rnam dag bshad nas/ zab pa'i rdzogs rims bsgom pa shin tu spros med kyi spyod pa byed pa ni/ rang rig pas sems kyi chos 'dus ma byas rtogs nas phyi rol gyi bdud bzhi mi 'jom pas phyi rol gyi bdud dang bdud ma yin pa rang gi sems 'dus ma byas la bcings pas kun rdzob kyi bdud 'jug pa med do/ /'dus ma byas kyi sems ni dri yang de yin/ byug pa yang de yin/ g.yas ngos su ste lus 'jog pa dang/ g.yon ngos su tsan dan gyis bskud pa la 'dus ma byas rtogs pas sems mnyam pa nyid yin te/ mkhas pa'i phyir na mi dga' med/ bsod nams bsags pas sdug bsngal med/ /ces gsungs so/ /lte 'us 'jog pa la bzod pa bsgom pa ni me tog yin la/ sems kyi stong nyid la 'bad pa'i brtson 'grus ni gtor ma yang de yin/ sems dag pa rang bzhin gyis 'od gsal ba mar me yang de yin/ 'dus byas dang 'dus ma byas mnyam nyid bsgom pa gdug pa yang de yin/ ci'i phyir zhe na/ ji ltar rdul chu bzhag dang/ ji ltar mar la mar bzhin du/ rang gis rang gi chos nyid mthong/ /mchod dang phyag 'tshal kun yin no/ /zhes bshad pa'i phyir ro/ /gang gsungs na ci de dag gi bskyed mchog gi lugs gang zhe na/ ji ltar sngon 'gro lnga dang dngos gzhi gsum/
- 151b
rjes brgyad thun mtshams bcu gnyis te/ /rgyas pa'i yan lag bzhi bcu brgyad/ /sbyor ba dang po'i chos dgu dang/ /dkyil 'khor rgyal po'i mchog gi drug las rgyal mchog brgyad bsdus pa'i dgu'o/ /rtsa ba'i rgyud kyi le'u gsum pa'i 'grel pa'o// // de ltar gleng gzhi dang/ gleng bslang ba dang/ rgyud 'byung ba'i rgyu dang/ rgyud kyi lus mdor gzhag pa bshad nas/ rgyud kyi don dang po dngos grub bsgrub pa'i dkyil 'khor bcu bdun las thog ma sku'i 'khor lo ston par bzhed pas/ de nas bya ba gsungs te/ bcom ldan 'das rdo rje mkha' 'gro ni 'bras bu'i he ru ka'o/ /de kho na nyid kyi gsang ba ni/ sku gsum sgrub pa'i sgom pa'i thabs bcu bdun gsungs pa'o/ /de nas zhes bya ba ni 'khor rnams kyis bdud rtsi lngas mchod phyag 'tshal nas zhus pa'i rjes la de nas zhes gsungs so/ /gzhan yang bshad bya ba ni sku'i 'khor lo nges brjod rgyud kyi bla ma 'di rjod byed do/ /de'i brjod bya sgrub pa po la phan btags pa'i phyir ro/ /sgrub thabs kyi rim pa ji ltar shes snyam na/ 'das pa'i sangs rgyas rnams kyis gsungs/ ma 'ongs rnams kyang gsung 'gyur la/ ba ltar byung ba rdzogs sangs rgyas/ /zhes sangs rgyas kyi bla ma dus gsum du brgyud pas bshad pa'i rgyud rdo rje mkha' 'gro dag gis kyang bshad par bya ba rtsa ba'i rgyud bsdus pa 'dis gsal bar rtogs par 'gyur ro/ /sgrub thabs la don gsum ste/ sgrub pa'i rten gyi gang zag dang/ sgrub pa'i gnas dang/ sgrub pa'i thabs so/ /sgrub pa po rten gyi gang zag ni mtshan nyid bcu drug dang ldan pa ste/ phyi rol 'dod pa'i yon tan lnga'i rnam par rtog pa spangs nas/ dam tshig srung ba dang yid gnyis med pa gtan la phab pa dang/ bgegs la sogs pas mi 'jigs pa dang/ mtshan ma thob pas tshe grangs mi brtsi ba dang/ skar ma me lta ba dang/ smyung ba mi byed pa dang/ gtsang sbra khrus mi byed pa dang/ kha zas la mi gtsang ba med pa
- 152a
dang/ sgo dgu'i dbang po dri ma dag par mi byed pa dang/ dus drug mi lta ba dang/ chu tshod sum cu rtsa gnyis mi lta bas grol ba dang/ sbyangs pa yon tan gnyis kyis dag pa spangs pa dang/ rang gi rgyud bde mchog gi bzlas pa'i sngags dang/ bsgom pa'i rnal 'byor shes pa dang/ snying rje sems can gyi don byed pa mtshan nyid bcu drug dang ldan pa'o/ /sgrub pa'i gnas ni bcu bzhi ste/ ri lus nas bzhi mdo'i bar du'o/ /gnas kyi 'bras bu ni dngos grub 'dod pa thams cad stsol ba'o/ /las dang po pas gnas brtag pa byas pa dang/ mtshan ma thob pa'i rnal 'byor pas yid gang du dga' ba der bsgrubs na dngos grub tu 'gyur te/ sgrub pa'i thabs su bsgom zhe na/ dbye ba du mas bsgom pa ni/ dkyil 'khor lnga bcu rtsa drug go /de'i rgyu ci zhe na/ gdul bya'i mos pa bsam pa'i dbang gis so/ /de la sgrub pa'i thabs kyi yan lag ni/ ye shes lnga'i bdud rtsis sa gzhi byug pa sbyin pa dang/ tshul khrims dang/ bzod pa dang me tog 'thor ba'i 'bad pa brtson 'grus/ sna tshogs pa'i phyag rgya grol lam la chos kyi phyag rgya yid du 'ong ba bcu gnyis dang bcu drug lang tshos brgyan pa'i gdan la dga' ba bzhi'i bsam gtan bsgom pa'o/ /bying mugs dang rgod 'gyod bsal nas rtse gcig pa'i sems shes rab/ de ltar pha rol tu phyin pa drug sgrub pa'i yan lag dang ldan pa'i sgrub pa'i thabs ni gsum ste/ sngon 'gro dang/ dngos gzhi dang rjes so/ /de la sngon 'gro ni lnga ste/ dang po sems can gyi don ni snying gar h+ri las pad+ma 'dab ma brgyad/ a las zla ba'i dkyil 'khor/ de'i steng du yi ge hUM las 'od zer dkar po/ ser po/ dmar po/ ljang gu/ bzhi 'phros pas sems can la tshangs pa'i gnas bzhis byams pas phung po lnga dang khams dang skye mched ltar bskyed pa'i bde ba dang phrad par byas/ snying rjes khams
- 152b
gsum gyi sdug bsngal dang bral/ dga' bas lha'i chos nyid rtogs/ btang snyoms kyis sems can la 'bri/ bkol med pas btang snyoms par byas pa'am/ yang na sbyin pa dang/ snyan par smra ba dang/ don dpyod pa dang/ don mthun par byas nas sam/ yang na 'od zer spros pas dge ba bcu la bkod pa'i sems can gyi don bya ba rnal 'byor bsrung pa'o/ /de'i 'od zer tshur 'dus pas phyi gzugs kyi phung po dang/ nang tshor ba dang 'du shes dang 'du byed dang/ rnam par shes pa sgyu ma lta bu'i lha bsgom pa dang/ phyi'i dbang po lnga dang nang yid kyi dbang po dang drug sgyu ma lta bu'i sems dpa' drug tu bsgom pa dang/ phyi 'byung ba bzhi nam mkha' dang bcas pa lha mo lngar bsgom pa ni/ thams cad stong pa nyid du bltas nas zhes bya ba ni/ phung po khams dang skye mched rnam par dag pa'i lha bsgom pa ste/ de'i mtshan nyid ni byang chub kyi tshogs zag pa med pa'i lha mchog dam pa rang gi sems kyi snang ba tsam la gnas par bya ba yin te/ bdag phung po'i bdud las bsrung ba'o/ /de nas tshogs sogs pa'i rnal 'byor ni/ rang gi snying gar h+ri las pad+ma 'dab ma brgyad pa/ de'i dbus su ma las nyi ma'i dkyil 'khor/ de'i steng du hUM de kho na nyid mchog tu gyur pa las/ kha dog sna tshogs pa'i 'od zer gsal ba 'phros pas/ phyogs kun tu khyab pa dang/ ye shes lnga'i rang bzhin nyon mongs pa zhi ba'i sku sngon grub pa'i sangs rgyas bskul nas sdig pa bshags pa dang/ rjes su yi rang ba dang skyabs su 'gro ba la sogs pa'i byin gyis rlobs par mdzad pa yin no/ /de nas nam mkha' i khams lnga nyams dga' bar dkyil 'khor mchog lnga mthong ba ni/ 'khor lo bde mchog gi lha drug cu rtsa gnyis khro bo'i gzugs kyis khyab par mthong ste/ gtso bo sangs rgyas lnga dang/ 'khor byang chub sems dpa' drug cu rtsa gnyis phrag lnga dang/ byang chub kyi sems 'khor lo bde mchog gi
- 153a
gzugs can bla ma gtso bo'i cha byad can dang/ lha mo bcu gnyis sna tshogs pa mthong nas rnal 'byor pa bdag gis le'u nyi shu rtsa drug pa nas 'byung ba bzhin du lha mo brgyad dam bcu drug gam nyi shus mchod la/ bla ma dang dkyil 'khor la phyag byas rjed par bya'o/ /sangs rgyas kyi sprul pa'i tshogs dang/ khro bo'i rgyal po rnams kyis ye shes lnga'i 'od zer spros pas rnal 'byor pa dang/ 'gro ba rigs drug gi sems can rnams sangs rgyas kyis gzugs su bskyed nas 'god pa ni sdig pa bshags so/ /de la dga' ba rjes su yi rang ba'o/ /de nas 'od zer gyen la bsdus pas nam mkha' i dkyil kun khyab par sangs rgyas lnga'i dkyil 'khor mchog rnams bzhugs par mthong bas thugs kar bsdus nas byang chub kyi snying po'i bar du dkon mchog gsum la skyabs su 'gro ba ni thugs kar zhugs pa'o/ /sangs rgyas ni gtso bo/ 'khor ni dge 'dun no/ /thugs ka'i yig 'bru ni chos so/ /bdag dang 'dra bar sems can thams cad bud d+ha lnga'i thugs kar zhugs pa ni go 'phang de la gzhag pa zhes bya'o/ /der sgrub pa pos gsol ba gdab ces pa ni chos kyi 'khor lo bskul pa dang/ mya ngan las mi 'da' bar gsol ba 'debs pa'o/ /lus phul nas dge rtsa bsngo ba ni rtag tu skyabs su 'gro bar bya zhes bya'o/ /de ltar tshogs sogs pa'i rnal 'byor bshad nas/ gal te phung po khams dang skye mched lhar bsgom pas bdag dang bdag gir lta bas rmongs pa'i phung po 'dis khams dang skye mched la gnyen po lha'i nga rgyal bsgom pa ni bskyed pa'i rim pa'i bsam pa bzang po bskyed par bya ste/ mgo bor gzugs kyi phung po'i gnyen por bum las rnam par snang mdzad 'khor lo dang dril bu bsnams pa dkar po/ tshor ba'i gnyen po lte bar oM las rdo rje nyi ma rin po che dang dril bu bsnams pa ser po/ 'du shes kyi khams kyi gnyen po lkog mar h+ri:las pad+ma gar gyi dbang
- 153b
phyug pad+ma dang dril bu bsnams pa dmar po/ rkang pa'i lung bu gnyis su 'du byed kyi gnyen por ho las rdo rje rgyal po sna tshogs rdo rje dang dril bu bsnams pa ljang gu snying gar rnam shes kyi gnyen po hUM las rdo rje sems dpa' rdo rje dang dril bu bsnams pa mthing ga'o/ /nu ma'i bar du he las de bzhin gshegs pa thams cad kyi bdag nyid he ru ka rdo rje dang dril bu bsnams pa sngon po bdag nyid bsam mo/ /mig tu oM las gti mug rdo rje rnam snang dang 'dra'o/ /rna bar hUM las zhe sdang rdo rje rdo rje sems dpa' dang 'dra/ sna la h+rI(rgyud 'grel): las phrag dog rdo rje rdo rje nyi ma dang 'dra/ lce la a las 'dod chags rdo rje pad+ma gar gyi dbang phyug dang 'dra/ spyi bor khams las ser sna rdo rje rdo rje rgyal po dang 'dra/ snying gar skye mched thams cad la 'jug pa'i yid haM las dbang phyug rdo rje rdo rje dang dril bu bsnams pa sngon po'o/ /snying gar sa'i dkyil 'khor laM las ltung byed ma/ gri gug dang ka pA la thogs pa ser po/ lto bar chu'i dkyil 'khor maM las bsong byed ma gri gug dang ka pA la thogs pa dkar mo/ lte ba me'i dkyil 'khor la paM las 'gugs byed ma gri gug dang ka pA la thogs pa dmar mo/ /rkang pa rlung gi dkyil 'khor gsang ba'i gnas su taM las gar gyi dbang phyug ma dri gug dang ka pA la thogs pa ljang gu/ mgo nam mkha' i dkyil 'khor baM las pad+ma'i dra ba can gri gug dang ka pA la thogs pa nam mkha' i mdog can sngo skya'o/ /de ltar lha la dga' ba'i rnal 'byor pa'i phung po khams dang skye mched sbyangs nas/ oM pra kri ti pa ri shud+d+ha(rgyud 'grel): sarba d+harmA(rgyud 'grel): pra kri ti pa ri shud+d+honyahaM zhes bya bas phyis stong pa nyid du rnam par dag par bsgoms la/ de'i rjes la de nas dkon mchog gsum la bdun rnam dag dang skyabs 'gro bya'o/ /de nas srung ba'i rnal 'byor dang/ de nas bdag bsrung ba dang/ de nas bsod nams kyi tshogs bsag pa skyabs 'gro/ de nas ye shes kyi tshogs bsag pa bya'o zhes pa go rims
- 154a
gsungs pa yin no/ /de nas dpral bar oM/ lkog mar A:snying gar hUM/ yi ge gsum gyi sngags kyi skur gyur par bsgoms nas/ de nas 'od zer spros pas phyogs bcu'i sems can kun gyi don du he ru ka'i gzugs su bskyed nas bdag nyid he ru ka dang 'dra bar sems can thams cad he ru ka'i go 'phangs mchog la snod kyi 'byung ba bzhi'i rdul phra rab tshun chang lha'i skur dgong par bya'o/ /da nas oM swa b+hA ba shud+d+ha:sarba d+harmA(rgyud 'grel): swa b+hA ba shud+d+hohaM/ zhes bya ba lan gsum bzlas pa'i ye shes kyi tshogs bsag go /de nas bsrung ba'i rnal 'byor ni rang nyid rgyu'i hUM mdzad du bskyed la/ de'i thugs ka nas khro bo brgyad sprul nas rgyu'i hUM mdzad de gyur pa las 'bras bu'i hUM mdzad bskyed do/ /de'i thugs ka nas steng 'og gi khro bo gnyis bskyed de/ khro bo bcu la bka' bsgos nas bgegs gdan du bting ba'i rjes la bgegs mi 'jug pa'i bsrung ba 'di rnams bya'o/ /'bras bu'i he ru ka'i thugs ka nas phyogs bcu srid pa'i rtse mo'i bar du rdo rje phra mo'i 'od zer 'phros pas 'od de gyur pa las de'i 'og tu rdo rje'i sa gzhi dang/ 'og gi sa gzhi gnyis byin gyis brlabs la/ phyogs dang mtshams kyi logs su ra ba dang dra ba nyis rim/ steng du rdo rje bla re dang/ mda'i bla re nyis rim/ de thams cad kyi phyi rol nas rdo rje me 'od 'bar ba rnal 'byor pa'i bsam pa dang mthun par 'dzam+bu'i gling tsam phyi rol nas bskor ram/ gling bzhi tsam stong spyi phung tsam/ stong gnyis pa 'am/ stong gsum tsam du phyi rol nas bsrung ba'i 'khor lo bgod par bya'o/ /'og gi sa gzhi dang rdo rje sa gzhi gnyis/ oM me di ni badzri b+hA ba badzra ban d+ha hUM/ logs kyi ra ba'i sngags ni/ oM badzra prA kA ra badzra hUM baM hUM/ nang gi rdo rje dra ba'i sngags ni/ oM badzra pany+tsa ra hUM baM hUM/ steng du rdo rje bla re'i sngags ni/ oM badzra bi tA na hUM khaM hUM/ steng gi nang du mda'i ra ba'i
- 154b
sngags ni/ oM badzra shar dzA la traM shaM traM/ phyi rol nas bskor ba'i rdo rje me 'od kyi sngags ni/ oM badzra dzA la a na lArka hUM/ de ltar srung ba'i 'khor lo byas pa'i sngon du gang sgom zhe na/ bcom ldan 'das khrag 'thung gis sum b+ha'i bka' bsgos pa'i 'khor lo rtsibs brgyad 'bar ba'i steng du/ ma las nyi ma'i dkyil 'khor bsams la/ de'i dbus su hUM las rdo rje sems dpa' / zhal gsum phyag drug zhi ba shel ltar dkar ba/ rang snang ba'i yum phyag rgya chen mo lha mo dang snyoms par 'jug pa yab yum gnyis skyil krung gis bzhugs pa rus pa las byas pa'i sangs rgyas lnga'i dbu rgyan can/ mi bskyod pa ni gtsug gi lte ba la bzhugs pa/ rna rgyan dang/ mgul rgyan dang/ dpung rgyan dang lag gdub dang/ do shal dang se mo do dang/ ske rags dang rkang gdub ste/ rgyan thams cad rdzogs pa/ mtshan dang dpe byad kyis brgyan pa/ dang po'i rdo rje dang dril bus 'khyud pa/ gnyis pa'i g.yas g.yon na thod pa dang kha TwAM ga 'dzin pa/ gsum pa'i g.yas g.yon na lcags kyu dang zhags pa bsnams pa/ zhal g.yas ser ba/ g.yon ljang ba/ dbus dkar ba/ de'i yab yum gyi thugs ka nas khro bo brgyad spros te/ shar du rdo rje drag po/ byang du rdo rje nyi ma/ nub du rdo rje gtsug tor/ lhor rdo rje thab sbyor/ shar lhor rdo rje gnod sbyin/ lho nub tu rdo rje nag po/ nub byang du rdo rje stob po che/ byang shar du 'o rdo rje 'jigs byed/ khro bo 'di dag shar sngo ba/ byang ser ba/ nub dmar ba/ lho ljang gu shar lho du ba'i mdog can/ lho nub dkar ba/ nub byang gnag pa/ byang shar sngo dmar/ thod pa las byas pa'i sangs rgyas lnga'i dbu rgyan can thams cad zhal gsum phyag drug pa/ rus pa'i rgyan gyis snga ma bzhin du thams cad brgyan pa/ sna tshogs pa'i pad+ma'i 'dab ma'i nyi ma'i steng du/ g.yas brkyang bas phyogs skyong brgyad zhabs
- 155a
kyis mnan par bsam mo/ /g.yas g.yon gyi dang po gnyis na/ thod pa dang kha TwAM ga /gnyis pa gnyis na lcags kyu dang zhags pa/ cang te'u dang dril bu rang snang ba'i shes rab la 'khyud pa/ dbu skra dmar ser mche ba bzhi gtsigs pa/ stag gi lpags pa'i sham thabs la rdo rje dang sbrul gyis brgyan pa rus pa'i rgyan gyis brgyan pa'i gnas thams cad sbrul gyis kyang brgyan par shes par bya'o/ /khro bo brgyad bskyed nas rgyu'i hUM mdzad de gyur pa las bdag nyid 'bras bu'i hUM mdzad 'od zer 'bar ba mche ba gtsigs pa/ zhal gsum phyag drug pa g.yas brkyang ba'i gnas pas bzhugs pa/ dang po rdo rje dang dril bus 'khyud pa gnyis pa na lcags kyu dang zhags pa/ gsum pa na kha TwAM ga dang thod pa 'dzin pa mi mgo lnga bcu'i do shal can/ rus pa'i rdo rje rgya gram gyis phreng ba'i ske rags can/ gdug pa thams cad kyi bdag po 'jigs byed dus mtshan zhabs kyis gnan pa/ sangs rgyas bzhi dang/ spyi gtsug na rdo rje sems dpa' i cod pan can bsgom mo/ /de'i thugs ka nas/ steng 'og gi khro bo gnyis bskyed par bya'o/ /steng gtsug tor dkar po 'og rdo rje sa 'og mig sman lta bu sngon po/ zhal gsum pa phyag brgyad pa/ dang po gnyis na rdor dril/ gnyis pa gnyis na lcags kyu dang zhags pa/ gsum pa gnyis na mdud rtse gsum pa dang 'khor lo/ /bzhi pa gnyis na thod pa dang kha TwAM ga 'chang ba/ g.yas brkyang pas bzhugs pa bsgom mo/ /de ltar khro bo bcu bskyed nas yang 'bras bu'i hUM mdzad kyi thugs ka las/ de nas stong khro bo smad phur bu'i rnam pa phyogs bcur spros nas bgegs la phur bus gdab bo/ de 'bras bu'i hUM mdzad du bsgom pa'i sngags pas khro bo bcu la bgegs med par gyis shig ces bka' bsgo ste/ sngags pas sum b+hi na'i sngags dran zhing phyogs bzhir sdigs mdzub kyi se gol gyi phyag rgyas/ shar du oM
- 155b
suM b+ha ni/ suM b+ha hUM hUM phaT kyis brgya byin non cig ces bka' sgo ba ni/ byang du oM grih+Na grih+Na hUM hUM phaT kyis gnod sbyin gyi bgegs med par gyis shig pa'o/ /nub du oM grih+Na pa ya grih+Na ba ya hUM hUM phaT kyis chu lha'i bgegs med par gyis shig pa'o/ /lhor oM A na ya he b+ha ga bAn badzra rA dza hUM hUM phaT kyis gshin rje'i bgegs med par gyis shig pa'o/ /de bzhin du yang sum b+ha ni'i sngags brjod pas shar lho me'i bgegs dang/ lho nub tu grih+Nas srin po'i bgegs dang/ nub byang du grih+Na pa yas rlung gi bgegs dang/ byang shar du A na ya hes dbang ldan gyi bgegs med par gyis shig pa'o/ /lan gsum brjod pas steng gi lha'i bgegs dang/ sa 'og gi lha ma yin gyi bgegs med par gyis shig pa'o/ /khro bo bcu la bka' bsgos pa'i rjes la 'og tu sa gzhi dang/ rdo rje'i sa gzhi gnyis/ logs su rab dang 'dra ba gnyis dang/ steng du rdo rje'i bla bre dang mda'i bla bre gnyis dang phyogs thams cad du ma 'di bsams la/ sngar bskyed pa'i phur bus 'og nas 'byung ba'i gsang sngags kyi rgyal po 'di yis phyogs skyong bcu bgegs kun gyi glang pa la lugs 'byung ba phyogs dang/ lugs bzlog mtshams kyi phur bus gdab bo/ /de'i sngags b+ha:g+ha:ni gsod pa'o/ /g+hA ta ya ni gsod par gyis shig pa'o/ /su bsad ce na// sarba duSh+TAM big+hAM ni/ gdug pa'i bgegs thams cad do/ /kI la ya kI la yin phur bus so/ /su la zhe na/ sarba pAM pa ste sdig pa'i las byas pa thams cad la'o/ /hUM gsum dang badzra kI la yi ni rdo rje phur bu sum cu bskyed pa'o/ /su'i bkas gdab ce na/ badzra d+ha ra Adz+nyA pa ya ti/ rdo rje 'dzin pa'i bkas so/ / gang la gdab ce na/ kA ya dpral ba/ bA ka mgrin pa/ tsit+ta snying gar ro/ /sus gdab ce na/ badzra gI la ya hUM phaT ste/ rdo rje phur bus so/ /phur bu 'debs pa'i che/ khro bo'i sdang mig gis bltas nas sngags bzlas shing gdab bo/ /de nas khro bo thams
- 156a
cad kyis phyag g.yas pa'i rdo rjes bgegs gsang ba'i sngon spyod kyi blos brdung bar bya'o/ /oM badzra mungka ra ni rdo rje tho ba'o/ oM badzra kI la ya ni rdo rje phur bu'o/ /A ko Ta ya ni brdungs shig pa'o/ /de nas bgegs med par 'dod na khro bo bcu gcig gi bzlas pa byas la bdud rtsi lnga'i ri lus nang gi sbyin sreg bya'o/ /sngags bcu gcig ni go sla'o/ /de la nang gi sbyin sreg gi rdzas ni/ mAM sa sha dang rkang dang zhag/ shukra dang khrag dang lhan cig sbyar nas/ oM A:hUM gsum gyis ri lu byas shing zos na bgegs med pa'i dngos grub tu nges par 'gyur ro/ /bzlas pa dang nang gi sbyin sreg byed pa'i tshe khro bo zhal gsum phyag drug pa bsgom pa ni rdo rje hUM mdzad dbus sngo ba g.yas ser ba g.yon ljang ba'o/ /byang gi khro bo dbus ser ba g.yas gnag pa g.yon ljang ba'o/ /lho dang shar lho'i khro bo ni dbus sngo ba'i mdog dang g.yas ser ba g.yon ljang ba'o/ lho nub dang steng gi khro bo ni dbus dkar ba g.yas ser ba g.yon ljang ba'o/ /nub kyi khro bo ni dbus dmar ba g.yas ser ba/ g.yon ljang ba'o/ /shar dang nub byang dang byang shar dang/ 'og gi khro bo bzhi ni bdag po bzhin du dbus sngo ba/ g.yas ser ba/ g.yon ljang ba'o/ /thams cad kyi spyi bor mi bskyod pa'i cod pan bsams pa nas nang gi sbyin sreg byas na rdo rje can kun mnyes par 'gyur ro/ /de lta bu'i srung ba'i 'khor lo ni rlung ni rgyun las ldog yang srid/ nyi ma dang zla ba dogs la ltung ba yang srid/ bde bar gshegs pa'i bka' i dam tshig 'da' bar dka' ba'o/ /de bzhin du dkyil 'khor lnga bcu rtsa drug brda la sogs pa du ma rnams la gtso bo'i bka' bgos pas bgegs med par mthong nas sngags pas lnga bcu rtsa drug gi dkyil 'khor gang 'dod pa lnga bcu rtsa drug bsgom pa la gnas par bya'o/ /las dang po pa dang/ mtshan ma thob pa gnyi gas bsgom mam zhe na/ gcer bu 'am yang na
- 156b
mi gcer ba/ skra grol thal bas byugs kyang rung zhes gsungs pas gos med pa'i spyod pa dang/ gos can gnyi gas kyang bya bar gsungs so/ /de ltar re zhig 'khor lo bzlas shes pa ni/ phyis 'byung ba'i dkyil 'khor lnga bcu rtsa drug gi sngags bzlas nas skyo bar gyur na stong pa nyid kyi ye shes kyi rdo rje la mnyam par gzhag par bya'o/ /dpral ba dang lkog ma dang snying gar oM A:hUM gsum bkod la 'od zer spro bsdu yi ge gsum du bsdus nas stong par bsgoms te/ oM thim pa'i tshe oM shU n+ya tA'i sngags brjod do/ / A thim pa'i tshe oM a ni mi tA dz+nyA na zhes bya ba mtshan ma med pa'i sngags so/ /hUM thig ler zhu ba'i tshe a pra Ni hi tA dz+nyA na zhes bya bas smon pa med pa'i sngags bzla'o/ /de ltar na rta mchog bi na sh+rI lta bu tshad med pa'i rnal 'byor dang/ byin gyis brlabs pa'i rnal 'byor dang/ bsod nams kyi tshog sog pa'i rnal 'byor dang/ ye shes kyi tshogs stong pa nyid kyi rnal 'byor dang/ srung ba'i 'khor lo byas la nang gi sbyin sreg byas pa'i rjes la lha'i 'khor lo lnga bcu rtsa drug gang 'dod pa bsgoms nas bskyed pa'i rim pa'i rnam thar sgo gsum gyi stong pa nyid bsgom mo/ /in+d+ra po d+hi lta bus bskyed pa'i rim pa'i zhabs su de kho na nyid kyi man ngag rdzogs pa'i rim pa bsgom mo/ /pad+ma rdo rje lta bu bskyed pa'i rim pa la mos pa ni sku dang/ gsung dang/ thugs dang/ dam tshig ye shes dang/ sgong skyes la sogs pa bskyed pa'i rim pa mngal skyes dang/ sgong skyes dang/ drong gsher skyes dang rdzus skyes kyi 'khor lo rnal 'byor gsum dang bsnyen sgrub bzhi dang ldan pa bsgom par bya'o/ /gzhung lugs gsum yin no/ /de la dang po bshad zin nas bar ma in+d+ra bo d+hi lta bu bsgom pa ni/ snang brnyan tsam gyi rnam par shes pa ni/ rnam thar sgo gsum bsgoms pa'i thig le'o/ /sems tsam du ni rnam par brtag ces pa ni/ thig le me long la rlangs pa zhu ba ltar
- 157a
mi snang bar song nas/ gzung ba rang bzhin med pa rnam par snang mdzad kyis rgyas btab ste/ sems rig pa tsam du bsgom mo/ /chos rnams nam mkha' lta bu de ni rnam par shes pa drug gis kyang mi dmigs pas 'dzin pa rang bzhin med pa mi bskyod pas/ rgyas btab bo/ /de'i mtshan nyid ni chos sems kyang ma yin chos nyid sems kyi stong pa yang ma yin na nam mkha' lta bur gzang 'dzin gyis gos pa ne da cing gzhi lnga po dngos po med pas mtshan nyid gsum du gnas pa med pa rdo rje sems dpa' i rgyas btab pa bsgom par bya'o/ /ci'i phyir bsgom zhe na/ gang du snying gi pad+ma kha sbyor zhes pa ni/ snying ga'i chos kyi 'khor lo rtsa brgyad dang/ lte ba drug cu rtsa bzhi kha sbyar ba'i dbus na gsal zhes bya ba gtum mo drod de/ phra bar blta ba ni rtsa dbu ma chu shing gi snying po ltar drang ba/ til gyi mar me ltar gsal ba/ rgya skyegs kyi me tog ltar dmar ba/ /pad+ma'i skud pa ltar phra ba la blta ba'o/ /rang 'byung ba ni spyi gtsug nas byang chub kyi sems babs pas dbang drug bde bar myong ba'i dga' ba'i sems 'jug pa dang/ yul drug bde bar myong ba mchog dga' i sems 'jug pa dang/ rnam par shes pa drug bde bar myong ba lhan cig skyes dga' i sems 'jug pa/ khams gsum ma lus pa 'dus ma byas pa dang/ gnyis su med pa'i nye bar 'gro zhing rtogs pas rang rig pa mngon sum du gsal ba'i chos kyi dbyings sems kyi stong nyid de la bdag phyag 'tshal lo/ /klu sgrub kyi zhal snga nas kyang/ ji ltar chu la chu bzhag dang/ ji ltar mar la mar bzhin du/ de ltar rang gi ye shes ni legs mthong gang yin 'dir phyag yin/ zhes bshad do/ /so so skye bo la yid kyi rnam shes kyi nges pa ma drangs par/ rang rig pa stong nyid la tshad mar ji ltar 'gyur zhe na/ lan du dbang po g.yo ba'i rta kun nang du nges sbyar ba'i zhes pa ni dbang po yul drug la g.yo ba'i rta dbugs nyi khri chig stong drug brgya yin pa/ de kun srog a ba d+hU tI'i nang du bcug nas
- 157b
ma? nges pa'i rnal 'byor du 'gyur te/ rtsa ba'i rgyud 'di las kyang bsdus pas phyi ma'i rgyud las/ yid ni nang du chud pa yis/ /'dod pa'i dngos grub bsgom par bya/ /zhes gsungs so/ /ye shes rgyal ba ma lus 'dus pa'i snod gyur pa ni/ dus gsum gyi rgyal ba ma lus 'dus pa'i sa bcu gcig gi ye shes dbugs bkag nas 'dod pa'i khams kyi sems rang bzhin brgyad cu bkag pa'i mtshungs pa de ma thag pa'i rkyen dang/ gtum mo drod dmigs pa'i rkyen dang/ spyi gtsug gi byang chub kyi sems dbang po bdag pa'i rkyen las rnam par shes pa bsam gtan gyi dga' bde skyes la/ de las khams gsum ma lus pa las 'das pa 'dus ma byas dang/ gnyis su med pa mngon sum gyis nye bar rtogs nas 'dus ma byas mthong ba'i ye shes nam mkha' dang 'dra ba khams gsum gyi gzung 'dzin dri ma dang bral bas dpal rdo rje 'chang du 'gyur ro/ /snying ga'i kha sbyor gyi ming ci zhe na/ sangs rgyas rdzas dran sbyor ba yis shes bya ste/ snying ga'i rtsa brgyad sangs rgyas yab yum brgyad/ dbus ma dpal he ru ka yin te/ de yang sangs rgyas spyan dang/ chu'i bu? mA ma kI dang/ ma'i rtsa dgos dkar mo rlung gi rtsa sgrol ma/ bshad pa'i dangs ma rgyu ba'i rtsa rnam snang/ gci ba'i dangs ba 'byung ba'i rtsa rin 'byung/ khrag gi dangs ma rgyu ba'i rtsa snang ba mdza' yas/ sha'i dangs ma rgyu ba'i rtsa don yod grub pa/ dbus ma byang chub sems dang/ nam mkha' rgyu ba'i rtsa he ru ka'o/ /de ni sangs rgyas rjes su dran pa'i sbyor ba rgyud kyi rim pa'o/ /chos rjes su dran pa'i bsgom pa ni/ gtum mo drod de/ g.yas g.yon gyi rtsa srub? thab/ /dbu ma a ba d+hU tI srub shing/ khrag gi thig le gtsubs gdan/ dbugs 'byung rdub pa bkag nas gtsubs pa las gtum mo drod yin no/ /lte ba nas 'bar ba las 'khor lo bzhi bsregs pa ni/ chos rjes su dran pa'i sbyor ba yis lus kyi khams nyi shu bzhi'i bar du bsregs pa ni/ chos kyi skur ni bdag 'gyur te zhes bya ste/ sa chu la thim pas smig rgyu
- 158a
lta bu'i rtags dang/ chu me la thim pas du ba lta bu'i rtags dang/ me rlung la thim pas srin bu me khyer lta bu'i rtags dang/ rlung rnam par shes pa la thim pas nam mkha' stong pa lta bu'i rtags 'byung ba ni/ chos kyi sku'i bdag nyid du byung ba yin no// des spyi gtsug nas byang chub kyi sems phab nas snying ka'i dbus na 'byung ba lnga dang bdud rtsi lnga gcig tu gyur pa'i thig le ni/ dge 'dun dkon mchog de las mngon sum gyi shes pa'i gsal byed dga' ba mchog dka' lhan cig skyes dga' i rnam par lhan cig shes pa la ye shes kyi mchog bde ba stong pa nyid sa bcu gcig gi de kho na nyid kyi man ngag shes pa rnams kyis bla ma dam pa'i man ngag la brten nas shin tu bsgom pa goms pa las/ sa thob pa'i rtags dgu 'bar ba la sogs pa 'og nas le'u lnga bcu rtsa drug pa las bshad pa'i yon tan skye bar the tshom med do/ /rnal 'byor pas dus yun du byang chub sems dpa' rtag tu du bzhin du snying la gnas pa'i thig le rlung bkag bas yi ges brjod du med pa rnal 'byor pa'i skyes bus de bsgom nas bcu gcig gi ye shes skye ba la the tshom med do/ /sems can rjes dran sbyor ba yis/ /sems can rjes dran bsgom par bya/ zhes pa ni/ klu sgrub lugs kyi sems can rjes dran ni sems sgyu ma lta bu bdag byin gyis rlob ba dran pa dang/ sems 'od gsal ba stong pa nyid dran pa dang/ sems zung du 'jug pa bde ba chen po rjes su dran pa bsgom par bya'o/ /rjes su dran zhes pa ni/ mngon sum gyi mtshad ma yin no/ /blo gros chen pos mthong rnams kyi rnam pa thams cad cig car nges zhes pas dran pa'i nges pa drangs pa'i tshad ma yin no/ /sems can rjes dran chos kyis ni/ chos kyi sems dpa' bsgom par bya/ zhes pa ni/ dag pa 'jig rten pa'i ye shes sems can gyi don byed pa'i chos kyi sems dpa' spyan ras gzigs dbang phyug bzhin du/ 'gro ba mi gtong ba'i thugs rje chen po bsgom par
- 158b
bya zhes pa'o/ /tshigs bcad 'di rnams kyi 'grel ba ni de kho na nyid kyi man ngag ces bya ba'i sgrub pa'i thabs byas pa der yang lta bar bya'o/ /bcom ldan 'das kyi dgongs pa ni bskyed rim lnga bcu rtsa drug gis skyon sems ngal so ba'i thabs rdzogs pas rim pa bde ba stong pa nyid bsgom par nges so/ /de ltar sngon du 'gro ba'i rnal 'byor lnga rdzogs nas/ rten dang brten pa'i dang po sbyor ba 'byung ba bzhi'i ri rab gzhal yas khang dang bcas pa skyes pa ni don dam pa'i stong pa nyid yin yang snying rje'i bdag nyid kyi sems can la phan gdags pa'i phyir byang chub tu sems bskyed pa'i rim pa smon lam gyi dbang gis yaM las rlung gi dkyil 'khor lta bu kha dog sngon po zur bzhi pa/ ba dan gyis mtshan pa/ raM las byung ba'i me'i dkyil 'khor gru gsum dmar po 'bar ba'i phreng bas dkrigs pa gru gsum du rdo rjes mtshan pa/ de'i steng du baM las chu'i dkyil 'khor zlum po dkar po bum pas mtshan pa/ de'i steng du laM las byung ba'i sa'i dkyil 'khor gru bzhi ser po sna tshogs rdo rjes mtshan pa/ de'i steng du sum las byung ba'i ri rab zur bzhi pa/ shar shel/ lha baiDUrya/ nub pad+ma rA ga/ byang gser gyi kha dog /phyogs bzhi mtshams brgyad kyi rtse mo mtho ba/ de'i steng du bruM las rnam par snang mdzad 'khor lo dang dril bu bsnams ba/ yongs su gyur pa las sku'i 'khor lo gzhal yas khang steng du brtsegs ba tshad med pa bzhi zur bzhi dang/ rnam par thar pa'i sgo bzhi dang/ bsam gtan bzhi'i rta babs bzhis brgyan pa nyon mongs pa dang shes bya'i sgrib pa spong ba dra ba dra phyed kyis mdzes pa ye shes bzhi'i snang ba'i ba dan bzhi dang/ byang chub kyi yan lag me tog phreng bas brgyan nga zur dang sgo khyud kyi mtshams su rdo rje rin po ches brgyan pa/ phyi'i dkyil 'khor thig gdab po zhes bya ba ni sngon 'byung sprul pa dang/ rjes 'jug bri ba gnyis ka zin par dgongs so/ /de'i nang du 'khor lo rtsibs brgyad pa/ dkar po 'khor lo'i phreng bas bskor ba/ de'i dbus su sna tshogs pad+ma 'dab
- 159a
ma brgyad pa/ shar sngo ba lho ser ba nub dmar ba/ byang ljang ba/ mtshams phyed gzugs kyi pad+ma gri gug gi phreng bas bskor bar bsam mo/ /rten gyi dang po sbyor ba bstan nas/ brten pa lha'i dang po sbyor ba ni/ zla ba me long ye shes kA li/ nyi ma mnyam pa nyid kyi ye shes A li/ hUM baM gnyis dang rdo rje dang gri gug so sor rtog pa/ 'od zer spro bsdu bya ba nan tan la sogs pa chos kyi dbyings kyi ye shes rgyu'i he ru ka rdo rje sems dpa' rig pa dang bcas pa mdun dkar ba/ g.yas ser ba rgyab dmar ba/ g.yon ljang ba/ mdun ma zhi ba'i nyams kyi zhal/ g.yas rgod pa'i nyams zhal/ rgyab khro ba'i nyams/ g.yon 'jigs su rung ba'i nyams/ phyag dang po rdo rje dang dril bus 'khyud pa/ g.yas g.yon gyi gnyis pas tshangs pa'i pags pa bsnams pa/ g.yas g.yon gyi gsum pa ni gri gug dang thod pa/ g.yas g.yon gyi bzhi pa na cang te'u dang kha TwAM ga /g.yas g.yon gyi lnga pa na dgra sta dang zhags pa/ g.yas g.yon gyi drug pa na mdung dang mtshangs pa'i mgo bo ste/ phyag bcu gnyis pa/ sems dpa' i skyil krung can/ dbu rgyan rus pa las byas pa'i sangs rgyas lnga'i cod pan can/ rgyan thams cad kyis spras pa'i mtshan dang dpe byad can no/ /nam mkha' dang mnyam pa'i rgyud las/ rdo rje bsgom pa'i shes rab/ dril bu thos bsam gyi shes rab tshangs pa'i lpags pa bzod pa/ gri gug ye shes/ thod pa thabs mkhas pa/ cang te'u smon lam/ kha TwAM ga bsam gtan/ dgra ste tshul khrims zhags pa brtson 'grus/ mdung sbyin pa/ tshangs pa'i mgo bo stobs te/ pha rol tu phyin pa bcu gnyis las byung ba yin no/ /zhes gsungs pas dkyil 'khor pa thams cad kyi phyag bcu gnyis ni don dang sbyar ro/ /de'i thugs kar nyi ma'i dkyil 'khor gyi dbus su ye shes sems dpa' zhal bzhi phyag bcu gnyis pa de'i thugs kar zla ba'i rdo rje'i dam
- 159b
tshig can ting nge 'dzin sems dpa' ste/ sems dpa' sum rtseg go /ye shes sems dpa' i cod pan gyi dbus su rdo rje 'dzin pa ji ltar thabs la phyag rgya drug yod pa bzhin du/ shes rab de la phyag rgya lngas byin gyis brlabs pas zhal gcig phyag gnyis pa/ gri gug dang ka pA la bsnams pa'o/ /phyogs bcu'i sangs rgyas yab yum gyi zhal nas zhugs pas/ lkog ma dang snying ka lte bar srid pa bar ma dor 'od zer dkar dmar yab yum gyi mkha' gsang ba'i gnas su rigs kyi dbye bas phye ba'i ye shes kyi lha mo bzhi/ sku'i 'khor lo yab yum bcu drug dam tshig gi lha mo brgyad de nyi shu rtsa brgyad mngal skyes kyi dkyil 'khor gyi gnas la bkod pa ni yab yum gyi rdo rje dbyings kyi rgyud las lha nyi shu rtsa brgyad sras kyi tshul du bskyed pa ni dbang phyug mchog ces bya'o/ /de lta bu'i rgyu'i he ru ka longs skus mngal skyes kyi 'khor gyi lha mo sprul nas bde ba chen po chos kyi skur yab yum gyi mkha' gsang gi thad kar sku gnyis nyi zla'i thig ler zhu ba las lha mo rnams kyi blus bskul ba ni/ sku'i 'khor los 'og na gnas pa'i dpa' bo brgyad dang/ rnal 'byor ma nyi shu rtsa bzhi rnams kyis chags pa'i mig gis blta ba dang/ lag pa bskyod pa'i gar dang dag gi sgo nas bcom ldan 'das la bstod pa ni/ yum bzhis bde bar gshegs pa bde ba chen po rab dga' bde chen mchog thob mdzod/ /a ba la la ho zhes brjod pa dang/ yang sku'i 'khor lo lha mo brgyad kyi rkyang tshig de rang gi blu blangs pa dang/ yang dam tshig gi lha mo rnams kyis de nyid glu blangs pas tshigs bcad byed dang gnyis su 'gyur ro/ /glu 'di blangs pa tsam gyi khams gsum gyi srid pa las grol ba'i chos ni sku'i bde bar gshegs pa sgrib pa rnam gnyis spangs pa'i dag pa chen po yang dkyil 'khor gyi gtso bo 'am tshul du yang brtag par bya'o/ /rnal 'byor pa kha cig mos pa'i dbang gis mngal skyes la dga' bas 'khor sngon du skyos pa chos
- 160a
kyi sku la bskur ba sku'i dkyil 'khor mngal skyes yin no/ /de nas de ma thag pa'i zhes pa'i sku'i mkha' 'gro ma sprul pa'i sku la sngar grub pa'i dpa' bo dang rnal 'byor ma rnams kyi 'khor dang bcas pa g.yas brkyang bas bzhugs pa/ mdun dkar ba/ g.yon sngo ba/ g.yas ser ba/ rgyab dmar ba/ 'khor lo dang dril bus 'khyud pa/ sngar gyi rdo rje sems dpa' i rim gyis phyag dang phyag mtshan 'dzin pa zhes bya ba nas dgyes pha rol pas khyab par bzhugs so zhes bya ba ni/ go sla bas ma bshad do/ /de ltar gtso bo bskyed pa ni bsnyen pa/ lus kyi dkyil 'khor sgrub pa/ ye shes sems dpa' 'jug pa dang/ go bskon pa la sogs pa sgrub pa chen po yin no zhes le'u bcu bzhi pa las gsungs so/ /rgyu'i he ru ka bskyed pa dang po sbyor pa lha mo bskyed pa dang zhu ba dang glus bskul ba dang 'bras bu'i he ru ka bskyed pa dang/ /lus kyi 'khor mo dang/ sprul pa'i 'khor lo rnams ni dkyil 'khor rgyal mchog yin no/ /ye shes sems dpa' gzhug pa dang go cha bskon pa la sogs pa ni las kyi rgyal mchog yin pas mngal skyes thams cad kyi ting nge 'dzin gsum de ltar shes par bya'o/ /lus kyi dkyil 'khor gyi khams dang/ phung po dang/ skye mched rnams byin gyis rlob pa'i ming dang sku mdog dang/ sa bon ni bshad mi dgos thams cad kyang gri gug dang/ ka pA la bsnams par shes par bya'o/ /gzugs kyi phung po la sogs pa lnga'i sa bon dang sku mdog dang phyag mtshan dang gnas rnams ni rgyud las gsal la/ phyag mtshan ni sngar bshad pa bzhin du shes par bya'o/ /mig la sogs pa'i dbang po drug ni sa bon dang/ /sku mdog dang ming rgyud las gsal la/ phyag mtshan dang gnas ni sngar bshad pa bzhin no/ /sku gsung thugs byin gyis brlab pa ni/ dbus kyi gtso bo yab yum yin par rgyud
- 160b
las gsal lo/ /ye shes kyi lha mo bzhi dang mtshams kyi bum pa bzhi ni rgyud las gsal/ gri gug gi phreng bas bskor bar bya'o zhes kha bskang ngo/ /phyi rol gyi rtsibs brgyad kyi 'khor lo'i ming dang/ dpa' bo dang dpa' mo'i ming dang sku mdog dang phyag mtshan ni rgyud las gsal/ 'khor lo'i phreng bas bskor ba kha bskang ngo/ /dam tshig gi lha mo rnams kyi shar dang byang dang nub dang/ lho sgo'i ming dang/ sku mdog dang phyag mtshan ni rgyud las gsal/ mtshams kyi lha mo rnams kyang rgyud las gsal te/ rang rang gi gzugs can gyi ro'i gdan la bzhugs par kha bskang ngo/ /dpa' bo dang dpa' mo 'di dag thams cad kyi dpral bar me long lta bu'i ye shes byung ba'i rtags su 'khor lo phrang ba can no/ /dur khrod brgyad dang rdo rje ra ba dang/ me 'ong ni le'u bcu pa las kha bskang ngo/ /sku'i 'khor lo bzlus bskul ba ni/ 'dir bshad kyang skye ba dang bsgom pa'i go rims kyis sngar bstan zin no/ /de ltar dkyil 'khor rgyal mchog bshad nas/ las kyi rgyal mchog ni/ snying gar h+ri las pad+ma 'dab ma brgyad pa/ a las zla ba'i dkyil 'khor hUM las 'od zer gyi ye shes kyi dkyil 'khor pheM pheM gi sngags dang phyag rgya dang bcas pas spyan drangs nas/ nam mkha' la blta ste/ rkang pa brgyad kyis sprul pa'i lha mo brgyad kyis mchod la/ dpa' bo dang dpa' mo'i sngags kyis bstod pa byas nas/ ye shes sems dpa' de nyid kyis dbang bskur nas/ snying po'i phyag rgya dang oM ye ga shud d+ha:sarba d+harmA yo ga shud+d+honya haM gis bcug la bsgom par bya'o/ /spyir bshad pa'i rgyud 'di la bsgom pa bcu tham pa snang ste/ de las 'dir gtso bo'i thugs ka nas stong gsum gyi 'jig rten gyi khams su spro ba dang bsdu ba'i sbyor ba bsgoms te/ de yang thun dang por spros nas/ thun mtshams su ldang ba'i cho ga snying gar bsdus pas/ dngos po med par bsgom mo/ /
- 161a
spros nas lha'i 'khor lor gnas pa'i tshe/ rnal 'byor pa yis mnor bar bzlas pa 'khor la khri dang gtso bo la 'bum nyin zhag re rer bzla bar bya'o/ /bsgom pa dang bzlas pa'i 'bras bu skye ba 'di nyid la mngon par shes pa drug 'thob pas rdzu 'phrul gyi lus 'grub ste/ mkha' spyod sangs rgyas kyi zhing khams su gnas par the tshom med do/ /de la rgyud 'di las spro bsdu bsgom pa dang gtso bo yab yum 'ba' zhig bsgom pa dang/ 'khor dang bcas par bsgom pa dang/ sprul ba'i 'khor lo'i lha bsgom pa dang/ sems kyi 'khor lo rnam dag bsgom pa dang/ lus kyi 'khor lo rtsa dang khams kyi rang bzhin bsgom pa dang/ yab yum gyi mkha' gsang gi gnas su yungs kar gyi 'bru tsam gyi lha phra mo'i dkyil 'khor bsgom pa dang/ lha thams cad zhu ba'i thig le bsgom pa dang/ phrin las rnam bzhi'i kha dog tu bsgyur nas bsgom pa dang/ sems dpa' sum rtseg gi ting nge 'dzin sems dpa' bsgom pa bskyed pa'i rim pa ni bsgom pa bcu'i yin la rdzogs pa'i rim pa ni rgyud 'di nas/ rtsa bsgom pa dang/ rlung bsgom pa dang/ thig le bsgom pa dang drod bsgom pa dang byang chub sems bsgom pa dang/ mtshan bcas bsgom pa dang lnga yin la/ ye shes kyi tshogs don dam pa'i bden pa sgyu ma lta bu dang/ 'od gsal stong pa nyid bsgom pa dang/ zung 'jug bsgom pa dang gsum ste/ srog a ba d+hU tIr 'jug pa'i thabs bsam gtan bsgom pa ni lnga yin la/ ye shes kyi tshogs don yod pa'i bden pa bsgom pa ni gsum yin la/ de ltar na bskyed pa'i rim pa ni bcu yin la/ rdzogs pa'i rim pa ni brgyad yin pas spyir bsgom pa'i bye brag bco brgyad yin no/ /bzlas pa ni bskyed pa'i rim pa la bzhi ste/ rdzogs pa'i rim pa ni gcig yin te/ spro bsdu bsgom pa dang bzla ba dang/ yab kyi zhal nas yum gyi zhal du zhugs nas lto ba nas mgal me'i 'khor lo ltar zlo ba dang/ snying gar yi ge'i 'khor lo yi ge bdun pa 'am nyi shu rtsa gcig pa 'am
- 161b
bcu gsum pa 'am/ go cha'i sngags kyi 'khor lo rtse bas lnga pa 'am/ rkang pa brgyad pa'am/ rdo rje rol ba rta'i 'gros sam/ yi dags srin po'i gdong ngam/ gshin rje dbyig pa 'chad pa 'am/ ma mo rigs ldan ma'i 'khor lo ltar zlo ba dang/ yang na lce pad+ma'i 'dab ma la zla ba rdo rjes zlo ba dang bzhi yin no/ /rdzogs pa'i rim pa ni srog a ba d+hU tIr chud pa gcig pu yin no/ /a ba d+hU tIr chud pa la dbye na lte bar mig btsums gcig sdod pa'i a:dang/ snying gar mig btsum gnyis sdong pa hUM/ lkog mar mig btsum gsum sdong pa'i oM dang/ spyi bor a na ha mi shigs pa'i rlung dang/ bzhi zlo ba yin no/ /shAn ti pa'i zhal nas grang ba dang rjes su 'gro ba dang/ 'jog pa dang/ rtog pa dang/ bsgyur ba dang/ yongs su dag pa dang/ /drug gis bzla'o zhes gsungs te/ mngon pa mdzod las dbyig gnyen gyis bshad kyang rnal 'byor ma'i rgyun 'di la ni ma mthong ngo/ /'di ni 'das pa gsum du 'gro ste/ spro bsdu bsgom pa la ye shes kyi bzlas pa zhes ming 'dogs/ dbugs 'byung rdub dang 'grogs nas zlo ba la yid kyi bzlas pa zhes ming 'dogs phreng ba grangs nas ngag gis zlo ba la dag gi bzlas pa zhes bcom ldan 'das kyis tshig bla ngag su gdags so/ /ngag gi bzlas pa de yang mnyam sbyod gyi rgyud las 'khun pa dbugs kyi rlung 'byin/ srin po'i dar skad/ de nyid bsdus pa las khro bo'i 'brug sgra dang/ he ru ka 'byung ba las rigs bzhi'i glus zlos pa ni gsum yin no/ /'dir bzlas pa'i snying po ni go bla bsam bshad do/ /yum bzhi'i sngags phyis bshad kyang gtso bo yab yum bzlas pa'i rjes la yum bzhi bzlas/ de nas sku'i 'khor lo yum bzlas/ de nas dam tshig gi sgo mtshams ma brgyad bzla'o zhes bla ma'i man ngag gis gsungs so/ /de nyid rgyud 'di las 'di ni mkha' 'gro ma sogs te/ dang por pad+mar sbyang bar bya/ /lnga pa'i bdag nyid rtag bzlas na/ /dngos grub 'gyur gyi gzhan du min/ lnga'i bdag nyid las gtso bo yab yum gyi dngos grub
- 162a
gsum du 'gyur gyi/ gzhan du ma yin no/ /mkha' 'gro mas zhi ba/ lA mas dbang/ khaN Da ro has rmongs pa/ gzugs can mas gnon pa dag 'grub pa dang/ sku'i mkha' 'gros dngos grub dam pa me long lta bu'i ye shes 'grub par 'gyur ro zhes gsungs pa dang/ bzlas pa'i go rims nges pa dang 'bras bu bshad do/ /de ltar bsgom pa dang bzlas pa bshad nas/ bdud rtsi myang bar bya ste/ bum pa bzhi la thod pa bteg par bsams la/ yaM las rlung gi dkyil 'khor bzhi/ raM las me'i dkyil 'khor gru gsum bzhi/ ka bzhi las thod pa rgya che ba bzhi/ de'i nang du dbus su mu las bai DUrya lta bu'i bdud rtsi'i gong bu la mi bskyod pa'i sa bon hUM/ shar du bI las bdud rtsi shel dang ba lta bu la rnam snang gi sa bon brUM/ lhor ra las gser btso ma lta bu la rin chen 'byung ldan gyi sa bon aM/ nub tu shu las pad+ma rA ga lta bu'i gong bu la snang ba mdza' yas kyi dzri/ byang du ma las mar ka ta lta bu'i gong bu la don yod grub pa'i sa bon khaM bsam mo/ /de'i steng du oM dkar po de'i steng du A: dmar po/ de'i steng du hUM mthing ka bsams nas/ sna bug gi rlung gis ba dan g.yangs nas me spar te/ bdud rtsi'i rlangs pa oM la phog ste/ oM thim pa las 'dod pa'i khams kyi kha dog dang dri dang ro dag dang/ A:lhung ba las bsam gtan dang po'i mes mi 'tshig pa'i bdud rtsi dang/ gnyis pa chus mi shigs pa dang gsum pa rlung gis mi shigs pa'i bdud rtsir 'gyur ro/ /hUM rdo rjer gyur nas ye shes kyi ro bdud rtsi'i chos nyid bkug nas/ thim pas zag pa med pa'i kha zas su gyur pa ni/ hUM gi rdo rje zhu ba las blta bar bya'o/ /de nas oM A:hUM gsum las lnga'i bar du bzlas nas/ oM mahA a mri ta h+ri tha zhes bya bas lha rnams kyi ljags las 'od zer gyi spu gu byung bas 'thung bar bsam par bya'o/ /gtso bo'i phyogs na gnyis
- 162b
so/ /yum dang mtshams rnams re re'o/ /bdud rtsi myangs pas tshim pa las/ zag med ro yis tshim par 'gyur/ thod pa bzhi bum pa las phab nas sgo bzhir bzhag ste/ oM a ral+li ho dza(rgyud 'grel): hUM baM ho(rgyud 'grel): badzra DA ki nI sa ma ya stwaM dri sh+ya ho/ /zhes bya bas sgo phye nas/ dur khrod brgyad kyi phyogs skyong bkug la/ le'u dgu pa nas 'byung ba'i gtor ma'i sngags kyis bsngos pas 'byung bar bsam mo/ /de nas rkang pa brgyad pa'i sngags brjod nas lha re re la lha mo brgyad brgyad sprul nas mchod pa dang/ dpa' bo dang dpa' mo'i sngags kyis stong gsum gyi stong chen por spros pa nas lha dbyangs kyi yan lag rgya mtsho'i zhal nas brjod nas 'khor la bstod pa dang/ 'khor gyis gtso bo la stod par bsam mo/ /dkyil 'khor byed pa'i tshe ni mtshan brgya rtsa brgyad pas bstod do/ /langs pa'i dus su bsrung ba gsum bya ste/ go cha drug gis bsrung ba dang/ le'u nyi shu pa nas 'byung ba'i tsham ngam gyi sngags kyis bsrung ba dang/ phyir bzlog pa chen mo'i bzhag ces le'u nyi shu rtsa drug pa gnas bshad pa bzhin du srung ba gsum las 'dir dpa' bo'i go cha drug dang/ dpa' mo'i go cha drug gis bsrung ba ni rgyud nas go sla bas ma bshad do/ /dpa' bo dang rnal 'byor ma sku'i mkha' 'gro la gnas so zhes pa ni/ go cha bgos nas sprul pa'i dpa' bo dang rnal 'byor ma thams cad lus kyi dkyil 'khor la bsdu'o rang gi lha'i sbyor ba yis/ thams cad 'di yis rnam par rtag ces pa ni bsdus pa'i rjes la/ stong gsum gzhal yas khang du bsams nas 'gro ba ris drug dang 'dra ba'i lha'i bskur brtag go /'chi med ye shes lnga bza' zhing zhes pa ni lha la bdud rtsi dbul ba dang mthun par thun mtshams su kha zas rnams ye shes lnga'i bdud rtsir bskyed la bza' zhing thun mtshams su spyod lam rnam bzhis ji ltar bde bar gnas par bya'o/ /dam tshig rdo rje'i mchod pa dag ces pa ni mtshams bzhi ru ldeng ba'i tshe 'dod
- 163a
ba'i yon tan lnga gzugs rdo rje ma la sogs par byin gyis brlabs nas rang gzhan la 'dod pa'i yon tan lngas mchod pa dus bzhir bsgrub par bya'o/ /rtsa ba'i rgyud bla ma 'dir thun mtshams kyi cho ga ni bcu gnyis te/ ye shes sems dpa' gshegs pa'i tshe smon lam gdab pa dang/ dkyil 'khor bsdus nas 'gro ba'i tshe khams gsum lha'i 'khor lor bsgom pa dang/ bdag dang gzhan la 'dod pa'i yon tan lngas mchod pa dang/ 'dug pa'i tshe kha zas bdud rtsir byin gyis brlabs nas nang gi sbyin sreg bya ba dang/ rnam par rtog pa shas chen rdo rje rnam 'joms la sogs pa'i khrus cho ga bya ba dang/ dam tshig nyams na sngags bzlas pas bskad ba dang/ dbang bskur ba le'u nyi shu rtsa drug pa bzhin du bya ba dang/ phrin las rnam bzhi'i 'khor los sems can gyi don bya ba dang/ tshogs kyi 'khor lo'i rnal 'byor pho mo bsngags nas mngon par shes pa bskyed pa dang/ bar chad kyi bgegs kyi bdud bzhi las rgyal ba'i phyir bsrung ba'i 'khor lo bya ba dang/ chos spyod bcus sems can gyi don bya ba dang/ theg pa gsum gyi gang zag dang mthun pa'i phyir rgyun bshags bdun bya'o/ /le'u bzhi pa 'dir ni phyogs cig tsam mtshon pa mdzad pa yin no/ /de'i don 'di skad ston pa yin te/ bsgrub pa nyams su len pa bsgom na thog mar mal nas tho rangs ka'i thun mtshams la tshad med pa'i rnal 'byor dang/ byin gyis brlab pa'i rnal 'byor dang/ srung ba'i rnal 'byor dang/ bsod nams kyi tshogs sog pa'i rnal 'byor dang/ stong pa nyid kyi rnal 'byor dang lnga/ dngos gzhi rten gyi dang po sbyor ba ni ri rab sna tshogs rdo rje gzhal yas khang dang bdun dang/ brten pa lha'i dang po sbyor ba mngon par byang chub pa lngas rgyu'i he ru kes bskyed pa phyogs bcu'i sangs rgyas yab yum gyi zhal du zhugs nas mkha' gsang du gnas pa ste gnyis dang/ 'khor mnga' nas bskyed pa dang/ rgyu'i he ru ka bcu? ba dang/ lha
- 163b
mo rnams kyi glus bskul ba dang/ 'bras bu'i he ru ka bskyed pa dang/ 'khor gyi mtshan nyid dang/ lus kyi dkyil 'khor dang drug go /las rgyal mchog ni ye shes sems dpa' gzhug pa dang/ go cha bskon pa dang/ dbang bskur ba dang/ bsgom pa dang/ bzlas pa dang/ bdud rtsi myang ba dang/ mchod pa dang/ bstod pa ste brgyad dang/ 'jig rten pa la gtor ma byin nas/ yi ge brgya pas lhag pa dang ma tshang ba bskang/ bzod pa gsol nas dge ba'i rtsa ba bsngo/ /dkyil 'khor lus la bsdu/ thun mtshams kyi lha bsgom pa dang/ tsham ngam gyi sngags kyis bsrung/ rkang pa brgyad pas mched/ smon lam gdab bo/ /de ltar sngon 'gro lnga dang/ dngos gzhi'i ting nge 'dzin rnam pa nyi shu rtsa gsum dang/ rjes kyis cho ga brgyad dang/ ldang ba'i cho ga bcu gnyis te/ gang zag cig lha'i 'khor lo bsgoms la zhib mo rnam par 'thag pa'i dbang du byas nas don bzhi bcu rtsa brgyad yin no/ /de ltar le'u bzhi pa nas drug cu rtsa brgyad kyi bar du/ don zhib mos 'di ltar bsgom par bya'o/ /le'u bzhi pa'i 'grel pa'o// // sku la mos pa de sgom pa'i thabs bshad nas/ gsung la mos pa'i don du/ de nas shes bya ba de ma thag pa ston to/ gzhan yang bshad bya ba zhes bya ba ni/ gsung gi 'khor lo brjod par bya'o/ /'dir yang gsung bsgom pa'i rten gyi gang zag/ de'i gnas dang/ de sgrub pa'i yan lag tshogs nas tshad med pa dang/ byin gyis brlabs pa dang/ tshogs bsag pa stong pa nyid dang/ srung ba'i 'khor lo dang/ 'byung ba bzhi ri rab sna tshogs rdo rje gzhal yas khang dang bcas pa bskyed nas/ de'i rjes la gsung gi dkyil 'khor rnams bsgom ste/ sngar gyi dkyil 'khor dbus dag tu zhes pa ni/ sngar sku'i dkyil 'khor dag bshad pa dang mthun pa yin no/ /gsung gi 'khor lo'i dbus su ye shes kyi 'khor lo sna tshogs pad+ma 'dab ma brgyad gri gug
- 164a
gis bskor ba de'i phyi rol du 'khor lo rtsibs brgyad dmar po'i mdog can la pad+ma'i phreng bas bskor ba de'i nang sna tshogs pad+ma'i lte bar snga ma bzhin du mngon par byang chub pa lnga'i rim pas rgyu'i rdo rje sems dpa' zhal bzhi phyag bcu gnyis yab yum bskyed la/ de la phyogs bcu'i sangs rgyas zhal nas zhugs nas mkha' gsang du 'khor nyi shu rtsa brgyad bskyed nas/ phyir byung nas dkyil 'khor gyi gnas su bzhag pa ni/ snga ma bzhin zhes bya ba'i don yin no/ /de nas rgyu'i he ru ka yab yum zhu ba dang/ ye shes dang gsung dang dam tshig gi 'khor los glus bskul ba ni/ lha mos glu 'di blangs pa yis/ /sems can dge la mngon brtson pa/ /brtson 'grus pha rol phyin brten nas /chos rnams kun gyis bskul bar bya/ zhes bya ba 'og nas gsungs pa'i glus 'dir bskul nas thig le mngon par byang chub ba lnga'i rim pas yangs su gyur pa las gsung gi mkha' 'gro rnam par bsgom pa ni/ zhal bzhi phyag gnyis pa/ pad+ma'i mkha' 'gro zhal gcig phyag gnyis ma/ pad+mas mtshan pa'i gri gug dang thod pa bsnams pa la yab kyi phyag dang po pad+ma dang dril bu bsnams pas 'khyud pa/ dbang phyug chen po'i lpags pa bshus pa phyag gnyis kyis rkang nas 'dzin pa/ gsum pa gnyis na cang te'u dang kha TwAM ga /bzhi pa gnyis na gri gug dang ka pA la/ lnga pa gnyis na dgra sta dang zhags pa/ drug pa gnyis na mdung dang dbang phyug chen po'i mgo bo bsnams pa ni/ snga ma'i rim pa bzhin du 'gyur ro zhes bya ba'i don yin no/ /dbang phyug chen po'i 'khor rnams ni ye shes kyi 'khor lo dang gsung gi 'khor lo dang/ dam tshig gi 'khor lo rnams kyis mnan la/ dbang phyug chen po'i khyo shugs ni bcom ldan 'das kyi zhabs kyis mnan par blta'o/ /zhal dbus ma dmar ba/ g.yas sde ba/ rgyab ser ba/ g.yon dkar ba/ spyan
- 164b
gsum pa/ ral pa gyen du brdzes pa la rus pa'i cod pan sangs rgyas lngas brgyan pa/ de la zhal bzhi pa ni ye shes bzhi'i snang ba'o/ /spyan gsum ni rnam thar sgo gsum mo/ /thod pa'i phreng ba'i cod pan ni ye shes lnga'o/ /cod pan la pad+ma'i phreng bas bcings pa ni/ gsung gi rigs kyi dbang rtags so/ /mche ba gtsigs pa ni bdud bzhi 'joms pa'o/ /zhal rnam par 'gyur ba ni sems can la thugs rjes skyes pa'o/ /sgeg pa yab yum 'khyud pa dang/ dpa' ba lha chen zhabs kyis mnan pa dang/ 'jigs su rung ba ni zhal bzhi phyag bcu gnyis pa ni sku la tshor ba bde sdug btang snyoms nub pa'i rtags so/ /zhal g.yas pa bzhad pa dang/ rgyab mi sdug pa mche ba gtsigs pa dang/ g.yon pa rngam pas lha chen po'i mgo bo zhal du stob pa ni/ gsung la tshor ba bde sdug gsum nub pa'i rtags so/ /yum la 'khyud pa'i phyag dang po gnyis snying rje'i nyams dang/ thal ba'i rdul gyis byugs pas zhi ba dang/ klu'i rgyal po ser shas mi mgo lnga brgyas pas ngo mtshar ba'i nyams te/ de ltar sgeg pa la sogs pa'i nyams dgu dang/ nyon mongs pa dang shes bya'i sgrib pa spangs pas stag gi pags pa mnabs pa dang/ mi mgo rlen pa'i phreng ba 'chang bas 'du byed lnga bcu rtsa gcig dag pa dang/ phyag rgya drug pha rol tu phyin pa drug gis rgyas btab pa dang/ rang snang ba'i lha mo gcer bu 'jig rten gyi chos brgyad spangs pa dang nyon mongs pa las grol bas skra grol ba dang/ nyon mongs pa gcig dang du mar phye nas spangs pas dum bu'i sku rags can dang/ bdud dang khrag dang ldan pa'i thod pa phyag g.yon pas gzung bas 'chi bdag gi bdud 'joms pa dang/ pad+mas mtshan pa'i gri gug gis nyon mongs pa'i bdud 'joms pa dang/ gzi brjid 'bar bas sprul pa'i 'khor lo 'byed pa dang/ zhal nas khrag lta bu'i 'od zer dmar po 'dzag pas rgyud sde bzhi ston pa dang/ byin pa gnyis
- 165a
kyis 'khyud pas stong pa nyid dang ye shes tha mi dad par ston pa dang/ dngos grub thams cad gsol ba ni gtso bo yab yum bskyed pa ni bsnyen pa'o/ /mkha' 'gro ma la sogs pa'i pad+ma'i kha dog la khyad par med kyang shar gyi mkha' 'gro ma dkar nub kyi dum skyes ma nag /lha mo gnyis ni sngar bshad pa'i kha dog dang dbyibs dang mthun/ g.yon gyi kha TwAM ga ni bsam bstan/ thod pa ni snying rje/ g.yas pa'i cang te'u ni lhag mthong/ gri gug ni ye shes/ mtshams bzhi'i bum pa ni rnam snang dang rin 'byung dang snang ba mdza' yas dang don yod grub pa dang bzhi nang na bzhugs pa'i phyi rol bum par snang ba'o/ /bum pa'i steng gi thod pa'i bdud rtsi ni/ 'chi bdag gi bdud 'joms so/ /pad+mas mtshan pa'i gri gug gi phreng bas bskor bar kha bskang ngo/ /'khor lo rtsibs brgyad pa/ kA ma ru pa la sogs pa'i sa dang pha rol tu phyin pa'i snang ba la zhing gi ming btags/ myu gu can dang sa srungs ma la sogs pa gnod sbyin dang srin po btul bas gdul bya'i ming gis btags/ thams cad kha dog dmar por mi snang ba ni sangs rgyas bzhugs pa'i dbang gis gdul bya'i nye ba la dgongs so/ /gsung gi 'khor lo ni 'dul byed snang ba mdza' yas kyi rigs so/ /sa spyod ni gnod sbyin dang srin po 'dul ba'o/ /dpa' bo rnams phyag bzhi ni tshad med pa bzhi'o/ /spyan gsum ni rnam thar sgo gsum mo/ /ral pa gyen du brdzes pa ni sprul pa'i 'khor lo 'gyed pa'o/ /cod pan lnga ni ye shes lnga'o/ /dar dpyangs ni snyan pa'i ba dan 'jig rten du grags pa'o/ /phyag dang po pad+ma dang dril bus 'khyung pa ni thabs dang shes rab gnyis su med pa'i kha TwAM ga dang/ cang te'u ni zhi gnas dang lhag mthong/ phyag rgya lnga ni pha rol tu phyin pa lnga/ g.yas brkyang pa'i gnas pas bzhugs pa ni/ shes rab kyis srid pa la mi gnas/ snying rjes zhi ba la mi gnas pa/ lha mo brgyad kyi thod pas 'khyud pa ni/ 'chi
- 165b
bdag gi bdud 'joms so/ /g.yas pa'i pad+ma dang sdig mdzub ni nyon mongs pa'i bdud 'joms/ mgul rgyan la sogs pa'i rus pa'i rgyan lnga ni phung po'i bdud 'joms/ thod pa'i phreng ba'i mgul rgyan ni 'jig tshogs la lta ba drug cu rtsa gnyis dag /dril bu g.yeng ka'i ska rags ni/ gsung rab yan lag bcu gnyis kyi mdo sde 'chad pa'i rtags/ khwa'i gdong can la sogs pa bzhi ni/ mi'am ci'i khwa gdong la sogs pa'i gzugs 'dul ba dang/ mtshams bzhi'i lha mo phyed gzugs ma ni/ /gdul bya mi'am ci 'dul ba dang mthun no/ /dpral bar pad+ma'i phreng ba ni dbang rtags/ 'khor bskyed pa nye ba'i snyen pa'o/ /phung po dang khams dang/ skye mched dang khams kun sku'i 'khor lo bzhin du bsgom/ thugs ni A(rgyud 'grel): dmar po/ gsung ni oM dkar po/ /sku ni hUM nam mkha' i mdog can 'khor thams cad kyang phung po dang khams dang skye mched byin gyis brlab pa dang sbyar bar bya'o/ /lus kyi 'khor lo bsgrub pa bstan to/ /snga ma bzhin du snying ga'i hUM las 'od zer 'phro ba dang sngags dang phyag rgyas ye shes kyi 'khor lo spyan drangs te/ de la bltas nas phyag 'tshal ba dang/ /bstod pa dang/ mchod pa byas nas/ de nyid kyis bum pa dang/ gsang ba dang/ shes rab ye shes kyi dbang bskur te thams cad ro gcig pa'i sems dpa' sum rtseg bsgom nas dpral ba'i sku'i 'khor lo las sku'i 'khor lo spro ba/ dang lkog ma'i gsung bas gsung gi 'khor lo spro ba dang/ thugs ka'i hUM las thugs kyi 'khor lo spro bsdu bya ba ni/ ye shes kyi bzlas ba bsgom pa'o/ /dpa' bo'i snying po ni chos kyi sku'i ye shes ston/ nye ba'i snying po ni longs sku'i gzugs ston/ yum gyi snying po ni chos kyi sku'i 'dus so ma byas ston/ yum gyi nye snying po ni longs sku las sprul sku 'byed pa ston/ yum bzhi'i sngags ni 'og nas 'byung ba'i phrin las bzhi mdzad/ gsung gi 'khor lo'i yab yum gyi sngags ni/ gsung so sor rtog pa'i ye shes kyi dngos grub 'thob/ /gong ma brgyad kyi sngags
- 166a
kyis ni sangs rgyas la mchod pa dang/ sems can la phrin las bzhi mdzad/ de ltar bzlas pa ni/ spro bsdu dag gi bzlas pa bya'o/ /rdo rje dam tshig gis mchod nas zhes pa ni/ snga ma bzhin du thod pa bzhi'i bdud rtsi myangs la/ de nas bzlas pa byas pa'i go rims ston to/ /yum bzhi'i bzlas pas ni dgug pa dang rgyas pa dang sna tshogs kyi las zhi ba dang mngon spyod 'grub par 'gyur ro/ /gsung gi 'khor lo bzlas pa ni chos chen po'i so sor rtog pa'i ye shes yid 'ong tshangs pa'i gsung dbyangs drug cu dag gi dngos grub 'grub par 'gyur ro/ /yang na rdzogs pa'i rim pa la mos na mchog ye shes skyes pa dang/ bar ma zhing skyes dang/ tha ma sngags skyes kyi bud med mchog bsam gtan dang zag med kyi sdom pa la gnas pa de thams cad 'khor lo la bskod nas/ gnas pa la 'dod pa'i chags pa dga' ba dang mchog dga' ba rjes su chags pa lhan cig skyes dga' 'dod pa'i dga' bas myos pa ni rnam pa thams cad kyi 'od gsal bstod pa nyid bsgom pa'i sgrub pa po de'i dbang du 'khor gyi lha mo rnams gnas pa yin te/ de ci'i phyir zhe na/ sna tshogs pad+ma mdzes gnas nas zhes pa 'khor lo bzhi'i pad+ma la gtum mo drod kyis mdzes par gnas nas byang chub sems phab pas rnal 'byor chen po rnam par spyod pa la khams gsum gyi 'dod chags spangs pa chos nyid stong pa nyid 'od gsal bsgom pas bde ba can du rnam par bzhugs pa dang 'dra bar rdzogs pa'i rim pa bsgom mo/ /langs pa'i dus su dri chen rnam snang dang/ dri chu mi bskyod pa bza' zhing bdud rtsi myangs pas zag pa med pa'i chos kyi phung po lnga rdzogs nas stong pa nyid kyi rig pa'i rgyal po sangs rgyas dang/ /bde ba rig pa gzugs khams kyi 'khor lo sgyur ba dang/ bsod nams rig pa mi'i 'khor lo bsgyur ba 'grub bo/ /ldang ba'i cho go chas lus la bsrung ba ni rgyun las gsal ? ma
- 166b
bshad do/ /bzlas pa'i dus kyi mthar bkod nas zhes bya ba ni/ /bzlas pa zin nas go cha bgo ba'i dus bstan to/ /ji ltar bde bas spyod par bya zhes pa ni/ thun mtshams su dpa' bo gcig pus gnas pa'o/ /dkyil 'khor snying gar bsdu ba ni/ dpa' bo dang rnal 'byor ma rnams kyi zhes pa so so'i sngags brjod cing lus kyi go 'phang gi gnas la gzhug par bya'o/ /dkyil 'khor thams cad snying gar bsdus nas gsung gi mnyam pa nyid zhal cig phyag gnyis pa la dmigs te/ mnyam par gzhag pas tha mal pa'i dag mi gsung bar rkang pa brgyad pas bstod cing bzhugs pa'o/ /rang gi lha yi sbyor ba yis/ chos rnams thams cad ni 'dod pa'i yon tan lnga lha mor bskyed nas rang dang gzhan la mchod par rab tu brtag go /de nas kha zas kyi rnal 'byor ni/ rdo rje chu dang rnam snang dang/ sbrang rtsi rang 'byung gi me tog dkar dmar byang chub sems dang/ rkang sha chen dang lhan cig sbyar nas lce la/ zla ba rdo rje'i 'od zer gyi sbu gul dam tshig gi sbyor bas gsol bas/ snying ga'i ye shes sems dpa' gsung gi 'khor lo snang ba mdza' yas kyi bdag po'i dbu rgyan can bsgoms la bza' bar bya'o/ /shugs kyis lkog mar sku'i 'khor lo dang/ spyi bor thugs kyi 'khor lo bsgom pa la lha'i gzugs su gyur bas 'dod pa'i lha drug gi bdag po brgya byin dang/ tshangs pa'i gzugs can 'thob par 'gyur ro/ /bza' ba bdud rtsi lnga dang/ 'o ma'i btung bas 'thungs na tshe 'di la na ba dang/ rgas pa rnam par spang ngo/ /langs pa'i rjes la tshogs kyi 'khor lo byed pa'i tshe glu len pa dang/ sngar thig le zhu ba las glus bskul ba'i don gnyis ka gcig car gsungs pa ni sems can gyi don la dgongs pas glu blangs te/ sems can gyi don la brtson 'grus bskyed nas mngon par byang chub pa lnga'i chos rnams kun bskyed pa'i phyir/ bskul nas brtson 'grus kyi pha rol tu phyin pa rkang pa brgyad dang/ lag pa'i gar la rten nas sems can la thugs rjes 'bras bu'i he
- 167a
ru ka bslang ba'i thugs kyis gsung gi dkyil 'khor gyi ngag gi dngos grub 'grub pa'i ma 'ongs pa'i rnal 'byor pa in+d+ra bo d+hi la sogs pa'i don du gsang ba mchog gi glu bstan du gsol/ zhes lag na rdo rjes gsol ba btab nas dgongs pa ci'i phyir zhe na/ sems can la 'jig rten pa'i dngos grub kyi phan pa'i phyir dang/ gsang ba'i chos kyi glus grol ba'i phyir ro/ /rdo rje'i glu ji ltar bsten pa'i grol bar mdzad ces sdud pa po lag na rdo rjes zhus pa yin no/ /de nas bcom ldan 'das kyis 'khor gyi lha mo rnam pa sna tshogs pa mchod pa'i glu dang/ dam tshig gi gar ngo mtshar du 'gyur bas chags pa'i blta ba'i mig phyi nas/ rnal 'byor ma rnams kyis bskul ba'i bstod pa gsungs pa ni/ dang po yum bzhis a shin tu dgyes pa'i bde mdzad mchog /gnyis med bde ba'i bdag nyid can zhes mkha' 'gro ma dga' ba'i glu dang/ dgyes pa dgyes pa bder gshegs zhi ba'i bdag po spyod/ ces lA ma'i glu dang/ bde gshegs rnam 'phrul rnam par 'phrul ba pad+ma'i dra rnams kyis/ shes khaN+Da ro hi'i glu dang/ pad+ma'i dra ba bde gsol mdzad pa pad+ma'i dra ba yis/ bde drug pad+ma'i gar gyis rol bas bde ba sna tshogs dra rnams 'jug ces gzugs can ma'i glu dang/ ha ha hUM ha ha ho bzhi ka'i sngags kyis gsol lo/ /gsung gi lha mo brgyad kyi glu ni/ gshegs gzi brjid bdag nyid brgyad la/ shar gyi glu'o/ /rab dgyes dpal gyis bde bas rol cig ho/ /byang phyogs pa'i glu dang/ sna tshogs dgyes pas rgyal ba'i gzi brjid mi bzad 'chang/ nub phyogs pa'i glu dang ha ha ha ho ba ra ha sa su kha ho hUM ho ho/ /lho phyogs pa'i glu'i ye shes bzhi ston to/ /kA kA syes ni/ rab dgyes chags pa bde ba'i bde bas sdud/ 'ug gdong ma'i glu ni/ dpal mchog bde ba'i bde ba ho/ khyi gdong ma'i glu ni bde ba chen po'i
- 167b
rgyu yi mchog /phag gdong ma'i glu ni/ thub pa'i bde bsnyed dbang phyug mchog /ho b+ha ga dAn mahA su kha hUM/ ho ni bzhi ka'i sngags/ rnam par bzhi'i glu'o/ /bde dra sna tshogs du ma khyod ni gshin rje brtan ma'i glu'o/ /dgyes te sna tshogs bde chen mchog ho/ / gshin rje pho nya ma'i glu'o/ /bde ba'i dam pa rjes gzung mdzod/ /gshin rje mche ba ma'i glu'o/ /sna tshogs bde bas rab dgyes khyod/ /gshin rje 'joms ma'i glu'o/ /a A ro li ka mahA su khaM grih+Na ho bzhi ka'i sngags so/ /yang dag par spong ba bzhi ston te/ glu'i 'bras bu gsungs pa ni/ glu 'di dag blangs pas dga' ba'i 'dus pa 'khor rnams kyi 'bras bu'i bde mchog sgyu ma mkhan lta bu'i yid kyi rnam par shes pa'i rang bzhin gsung gi bde mchog gi 'khor lo dngos grub gsum myur du 'thob par 'gyur ro/ /de'i don 'di skad ston te/ gsung gi 'khor lo bsgom pa'i rnal 'byor bas thog mar mal nas langs nas tho rangs ka'i thun mtshams su/ tshad med pa'i rnal 'byor dang/ byin gyis rlob pa'i rnal 'byor dang/ srung ba'i rnal 'byor dang/ tshogs sogs pa'i rnal 'byor dang/ stong pa nyid kyi rnal 'byor dang lnga/ sbyor ba dang/ dngos gzhi dang/ rten gyi dang po sbyor ba 'byung ba bzhi ri rab sna tshogs rdo rje gzhal yas khang bdun dang/ brten pa lha'i dang po sbyor ba mngon par byang chub pa lngas rgyu'i he ru ka bskyed pa dang/ phyogs bcu'i sangs rgyas yab yum gyi zhal du zhugs pas mkha' gsang du gnas pa ste/ gnyis pa dang/ 'khor mngal nas bskyed pa dang/ /rgyu'i he ru ka zhu ba dang/ lha mo rnams kyi glus bskul ba dang/ 'bras bu'i he ru ka bskyed pa dang/ 'khor gyi mtshan nyid dang/ lus kyi dkyil 'khor lo drug dkyil 'khor rgyal mchog go /las rgyal mchog ni ye shes sems dpa' gzhug pa dang go cha bkon pa dang/ dbang bskur ba dang/ bsgom pa dang/ bzlas pa dang/ bdud rtsi myang ba
- 168a
dang/ mchod pa dang/ bstod pa ste brgyad dang/ rjes la 'jig rten pa la gtor ma sbyin pa dang/ yi ge brgya pas lhag pa dang/ ma tshang pa bskang ba dang/ bzod pa gsol ba dang/ dge ba'i rtsa ba bsngo ba dang/ dkyil 'khor lus la bsdu ba dang/ tsham ngam gyi sngags kyis bsrung ba dang/ rkang pa brgyad pas mchod pa dang/ smon lam gdab po/ /langs nas thun mtshams kyi cho ga bcu gnyis dang bcas pa gang zag cig lha'i 'khor lo bsgom pas zhing mo rnam par 'thag pa'i dbang du byas nas/ don bzhi bcu rtsa brgyad yin no/ /le'u lnga pa'i 'brel pa'o// //de ltar gsung gi 'khor lo bshad nas/ thugs kyi 'khor lo ston par bzhed pas/ de nas gzhan yang bshad bya ba zhes bya ba gsungs te/ thugs kyi 'khor los 'dul ba'i 'dul bya'i ngor bshad pa'o/ /thugs kyi 'khor lo la mos pa'i gang zag tshad med pa dang/ byin gyis brlabs dang/ bsrung ba dang/ tshogs sog pa dang/ stong pa nyid kyi rnal 'byor byas nas/ ldang ba'i rnal 'byor 'byung ba bzhi'i dkyil 'khor dang/ ri rab dang/ sna tshogs rdo rje'i steng du/ b+h+rUM las byung ba'i rnam par snang mdzad gyur pa las thugs kyi dkyil 'khor gzhal yas khang rtseg ma/ de'i dbus su 'khor lo rtsibs brgyad sngon po rdo rje'i phreng bas bskor ba/ de'i dbus su sna tshogs pad+ma 'dab ma brgyad rdo rjes mtshan pa'i gri gug gi phreng bas bskor ba/ 'khor ba'i chos nyid rtogs pa'i rnam par dag pa'i gdan la/ de'i dbus su zla ba la sogs pa mngon par byang chub pa lnga'i rim pa rgyu'i he ru ka rdo rje sems dpa' skyed la/ yab yum snyoms par zhugs pa'i zhal du phyogs bcu'i sangs rgyas zhugs nas mkha' gsang du thugs kyi dkyil 'khor du 'gyur ba dang/ 'khor gyi 'khor lo mngal skyes kyis bskyed la/ de nas rgyu'i he ru ka de zhu nas yongs su gyur pa'i zla ba dang/
- 168b
nyi ma'i thig le mchog la/ chos kyi sku las bzhengs pa'i phyir/ lha mos glu blangs pa/ oM A:hUM/ bde chen a la la ho/ khyod ni bde ba chen po ste zhes mkha' 'gro ma'i glu dang/ bde ba che la mngon par sbyor/ /byang chub bde mchog dgyes pa che/ lA ma'i glu dang/ khyod ni bde ba rjes sgrub pa/ khaN+Da do? ha'i glu dang/ bde ba'i rab bzhin dgyes bdag po/ /gzugs can ma'i glu dang/ oM A(rgyud 'grel): hUM ho dga' ba bzhi'i glu dang/ thugs ka'i 'khor lo'i lha mo brgyad kyis bcom ldan bde chen sgrol mdzad pa/ bde ba'i bdag nyid kun mchog hUM/ a la la la ho/ /dam tshig gi lha mo brgyad kyi glu ni/ khyod ni bde ba chen po ste/ bde mchog dri med zla ba nyid/ /sna tshogs bde mchog dra ba ste/ dgyes pa'i bde chen bde ba mchog /a la la la ho/ /yang dag par spong ba bzhi'i glu'o/ /de'i mod la mngon par byang chub pa lnga'i rim pas chos kyis sku las bzhengs nas bcom ldan 'das 'bras bu'i he ru ka'i thugs kyi he ru ka mkha' 'gro dang bcas pa'i dbus na/ bcom ldan 'das zhal bzhi pa phyag bcu gnyis pa g.yas brkyang pa'i gnas pas bzhugs pa/ phyag rgya drug gis rnam par brgyan pa'o/ /zhes bya ba'i bar ni/ rgyud na gsal bas go sla'o/ /mdun ni mkha' 'gro ma zhal gcig pa phyag gnyis pa bya ba nas/ yid 'ong chos kyi sgra sgrogs pa zhes bya ba'i bar du go sla bas ma bshad do/ /rgyu'i he ru ka dang 'bras bu'i he ru ka mngon par byang chub pa lnga las skye bar ji ltar shes she na/ lan du de bzhin nyid dang yang dag mdza' / /stong pa nyid dang chos kyi dbyings/ me long mnyam nyid so sor rtog/ bya ba nan tan grub rang bzhin/ /shin tu mnyam gzhag bsgom bya ba/ rnal 'byor 'di ni mchog gi mchog /ces bya ba de bzhin nyid dang/ me long lta bu las zla ba dang po'o/ /yang dag pa'i mdza' dag mnyam pa nyid la nyi ma'i dkyil 'khor gnyis pa/ stong pa nyid dang so
- 169a
sor rtog pa las yig 'bru dang phyag mtshan/ chos kyi dbyings dang bya ba nan tan grub pa las 'od zer spro bsdu shin tu rnam par dag par bsgom pa las rnal 'byor 'di ni rgyu'i he ru ka'o/ /yang mchog ni 'bras bu'i he ru ka'o/ /chos rnams ro gcig byas nas ni/ nyi zla gnyis dang/ yig 'bru gnyis dang/ phyag mtshan gnyis dang/ 'od zer spro bsdu gnyis dang/ brgyad gyur ba las rang rig gi 'khor lo rnam par blta zhes te/ lha mo rnams kyang mngal du yab yum gyi sa bon nyi zla gnyis dang/ yig 'bru dang/ phyag mtshan dang/ 'od zer spro bsdu dang bcas pa'i mngon par byang chub pa lnga las nges par skyes par gdon mi za'o/ /bsnyen pa'o/ /shar gyi 'dab ma la mkha' 'gro ma zhes bya ba nas yongs gang thod pa bzhag par bya zhes pa'i bar du pad+ma dang sku mdog phyag mtshan ni go sla'o/ /bum pa dang thod pa brgyud na gsal/ rdo rjes mtshan pa'i gri gug gi phreng bas bskor ba kha bskang ngo/ /thugs kyi 'khor lo'i shar phyogs kyi rtsibs brgyad la/ pul+lir ma ya la sogs par 'dogs pa ni/ sangs rgyas kyi zhing dang sa dang pha rol tu phyin pa'i snang ba'o/ /thod pa'i dum bu dang rab gtum ma la sogs pa'i mtshan nyid ni/ mkha' spyod lha dang dri za btul bas gdul bya'i ming gis 'dul byed la btags so/ /zhal dang phyag mtshan dang/ g.yeng ka'i sgra sgrogs pa'i ske rags can no/ /zhes bya ba'i bar du rgyud nas gsal bas ma bshad do/ /rdo rje'i phreng bas bskor ba kha bskang ngo/ /sgo dang grwa yi lha mo rnams/ /khwa gdong gshin rje brtan ma sogs/ /mkha' 'gro ma ser mdog 'dra bstan/ /zhes bya ba mkha' 'gro ma dang mthun pa'i khwa gdong ma dkar mo/ 'ug gdong ma ljang gu/ khyi gdong ma dmar mo/ phag gdong ma ser mo/ g.yon na thod pa dang kha TwAM ga /g.yas na gri gug dang cang te'u bsnams pa/ mtshams kyi lha mo de bzhin te/ zhes bya ba ni shar lhor gshin rje brtan ma sde ser/ lho nub gshin rje pho nya mo dkar ser/
- 169b
nub byang gi gshin rje mche ba ma dmar ljang/ byang shar gyi gshin rje 'joms ma ljang sngo/ /phyag mtshan bzhi ni bsgo mdang mthun/ rang dang 'dra ba ro'i gdan la bzhugs pa yang dag par spong ba bzhi'i dngos grub gsal ba bsgom par bya'o/ /nye bsnyen no/ /'di la lus kyi dkyil 'khor phung po dang khams dang skye mched lhar bskyed pa bsgom pa la bskang ste sgrub pa'o/ sgrub pa chen po las kyi rgyal mchog ni/ snga ma bzhin du ye shes kyi 'khor lo spyan drangs nas/ de na mkhar byon par mthong nas/ phyag 'tshal ba dang/ mchod pa dang/ bstod pa snga ma bzhin du byas nas/ bum pa thogs pa'i lha mos gtso bo dang/ 'khor lo dbang gsum bskur nas rang dang 'khor dang dur khrod kyi bar du ye shes sems dpa' dang dam tshig sems dpa' ro gcig par byas nas/ don dam par 'dus ma byas chos thams cad bdag med pa'i go 'phang la gnas nas 'dod pa'i don dngos grub kun sgrub par byed pa'i thugs kyi 'khor lo snying gar bsgom pa dang/ lkog mar gsung gi 'khor lo bsgom pa dang/ dpral bar sku'i 'khor lo bsgoms la/ sku gsung thugs kyi 'khor lo gsum lus la rnam par bkod nas/ /sangs rgyas kyi mchog sku gsung thugs kyi 'khor lo phyogs bcur spro bar bya'o/ /de ltar bsgoms pas skyo na bum pa bzhi'i steng gi thod pa las ye shes lnga'i bdud rtsi'i chus bza' ba'i dam tshig rtag tu bskyang pa dang/ lha thams cad kyis bdud rtsi'i dam tshig gi mchod pa byas pa'i rjes la/ spro bsdu'i rnal 'byor bsams nas/ gtso bo nas 'khor gyi bzlas pa bya'o/ /bzlas pa'i sngags ni snga ma bzhin no/ /bsgom pa dang bzlas pas spro bsdu'i rim gyis sngags pa la dngos grub myur du 'grub pas rdo rje sems dpa' dang mnyam pa'i dam tshig thob pa dang mngon par shes pa lnga dang ldan pa'i sems la dmigs pa'i rig 'dzin thob nas mkha' spyod 'og min gyi bdag por rnal 'byor pa mchog khams gsum gyi bdag por 'gyur ro mchod pa dang/
- 170a
bstod pa dang gtor ma btang ba gsum kha bskang ngo/ /ldang ba'i dus su go cha drug gis bsrung ba dang/ khams gsum pa'i gnas pa'i 'gro ba ma lus pa thugs kyi 'khor lo mchog gi ngo bor shes pa dang/ stong gsum gzhal yas khang 'gro ba rigs drug lha dang gnyis su med pa'i rnal 'byor 'di yis dngos po thams cad kyi rang bzhin ngar 'dzin pa dang/ nga yir 'dzin pa med pas bdag tu snang ba med pas gzung ba snod bcud bdag gir snang ba yang mi dmigs pa las mi g.yo'o/ /de'i don 'di skad ston pa yin te/ sngon 'gro rnal 'byor lnga dang/ dngos gzhi dang po sbyor ba dgu/ dkyil 'khor rgyal mchog drug dang/ las rgyal mchog drug dang rjes rnams brgyad dang/ mthun mtshams kyi cho ga bcu gnyis te bzhi bcu rtsa brgyad thugs kyi 'khor lo la mos pa'i rnal 'byor pas zhib mor rnam par 'thag pa'i sgrub thabs bsgom par bya'o/ /le'u drug pa'i 'grel pa'o// //de ltar thugs kyi 'khor lo bshad nas/ dam tshig gi bde mchog ston par bzhed pas de nas zhes bya ba smos te/ dam tshig gi 'khor lo la dga' ba'i dor dam tshig gi dkyil 'khor ston pas/ de nas gzhan yang bshad bya ba/ zhes bya'o/ /dang po tshad med pa'i rnal 'byor dang/ byin gyis brlab pa'i rnal 'byor dang/ srung ba'i rnal 'byor dang/ tshogs sogs pa'i rnal 'byor dang/ stong pa nyid kyi rnal 'byor sngon du 'gro ba byas nas/ ldang ba'i rnal 'byor 'byung ba bzhi dang/ ri rab dang/ b+h+ruM las byung ba'i rnam par snang mdzad gyur pa las gzhal yas khang bskyed pa'i rjes thogs la/ de nas gzhan yang bshad bya ba zhes bya ba smos so/ / dkyil 'khor gang zhe na/ dam tshig gi dkyil 'khor mchog tu gyur pa zhes bya ba smos te/ dam tshig ni sgom brgyad do/ /sku gsung thugs spangs pa'i lha mo bcu gnyis kyis bskor ba'i zag pa med pa'i dkyil 'khor mchog ni brjod par bya ba'o/ /de'i
- 170b
'bras bu'i 'jig rten gyi/ dngos grub dang thun mong gi dngos grub ni 'dod pa'i gsang ba kun ster ba'o/ /mchog gi dngos grub ni sbas pa chos kyi sku dang/ gsang ba longs spyod rdzogs pa'i sku dang/ sprul pa'i sku'i dngos grub stsol ba'o/ /dgos pa ci zhe na/ sgrub pa po dam tshig gi dkyil 'khor la dga' ba la/ thos bsam gyis phan pa'i phyir de khong du chud pa'i don to/ /phan pa gang zhe na/ dam tshig gi dkyil 'khor sgrub pa'i thabs kyi don bshad par bya'o/ /sgrub pa'i don gyi dkyil 'khor gyi snga ma bzhin du sgo bzhi sgo khyud dang rta babs dang rdo rje ra ba me 'od kyis bskor bar bya'o/ /de'i dbus su 'khor lo gsum spangs pa'i ye shes kyi 'khor lo shar gnag pa/ /lho ser ba nub dmar ba/ byang ljang ba/ mtshams phyed gzugs pa sna tshogs kyi mdog can ge sar dang bcas pa'i dbus su zla ba dang/ nyi ma'i steng du yi ge hUM dang phyag mtshan spro bsdu dang mngon par byang chub pa'i rin pas rgyu'i rdo rje sems dpa' zhal bzhi phyag bcu gnyis pa sku mdog dkar po mtshan dang dpe byed kyis brgyan pa rab snang ba'i yum dang 'khyud pa'i dgyes pa chen po'i sbyor bas phyogs bcu'i sangs rgyas zhal du zhugs nas mkha' gsang nas lha mo bcu gnyis mngal skyes kyi rim pas bskyed pa ni yab yum gnyis su med pa las lha mo bcu gnyis gnyis su med pa'i 'bras bu mchog bskyed pa'o/ /de nas yab yum byang chub kyi sems nyi zla'i thig le zhu ba'i tshul ni byang chub sems dri ma med pa chos kyi sku'o/ /mngal skyes kyi 'od zer gyis bslang ba lha mo bcu gnyis kyi glu lnga po 'dis chos kyi skur zhu ba la bskul bar byed do/ /dga' ba ye shes kyi 'khor lo'i sgo nas bstod pa ni/ hUM rol cig rol cig dgyes pa ho/ /ni ye shes kyi lha mo bzhi pa rol cig pa'o/ /bde ba chen po'i rdo rje ni mnyam pa nyid ye shes kyi rgyud las ye shes kyi pad+ma'i gnas 'di nyid du lha mo bzhi'i bdag por bzhengs su gsol na/ a la la la ho dgyes pa che
- 171a
da ni thugs kyi 'khor lo chos kyi dbyings kyi ye shes kyi sgo nas bstod pa ni/ khyod ni bde mchog yin te ni stong pa nyid kyi ye shes so/ /khyod kyi sprul pa'i sku'i zhal khums pa tsam gyis bdag cag nyugs kyi 'khor lo'i lha mo rnams kyis bde ba stong pa nyid kyi ro gcig pa rnyed pas kye ma bcom ldan 'das rdo rje'i rigs kyi bde ba chen po dgyes pa rdo rje sems dpa' khyod kyis nyams dgu dga' ba bzhi'i nyams kyi mchog gis rdo rje'i rigs kyi dgyes pa'i bde ba rnams dus rtag tu dngos grub kun gyi phyir bdag thugs kyi lha mo rnams la dga' ba bzhi pha rol cig rol cig par mdzod cig pa'o/ /thugs kyi 'khor lo'i lha mo brgyad po thams cad dang/ bcom ldan 'das rdo rje 'chang chen po'i dpa' bo brgyad sprul nas lha mo'i pad+ma la dgyes par rol/ hUM a la la la ho dgyes pa che/ de ltar thugs kyi sgo nas bstod nas/ gsung gi sgo nas bstod pa ni/ bcom ldan 'das so sor kun tu rtog pa'i ye shes kyis sems can 'dod pa la khyod dgyes pas 'dod pa'i dngos grub gsol ba de'i phyir/ gsung gi 'khor lo'i lha mo brgyad kyi pad+ma mchog ga la dgyes par rol/ hUM a la la la ho dgyes pa che/ gsung gi 'khor lo'i sgo nas bstod nas/ sku'i 'khor lo'i bstod pa ni/ me long lta bu'i ye shes kyi tshogs kyi bde bas sems can la dus rtag tu rdo rje mchog sku'i dngos grub 'dzin pa rnam par snang mdzad kyi sku'i 'khor lo'i lha mo brgyad kyi kha sbyor gyi bde bas pad+ma la dga' ba bzhi yis rol par mdzod cig pa'o/ /dpe ji lta bu zhe na/ shes pa'i dpe ni bung ba'o/ /bde ba stong pa'i dpe ni sbrang rtsi'o/ /lte ba sprul pa'i 'khor lo'i dpe ni pad+ma'o/ /sku'i 'khor lo'i lha mo brgyab ni pad+ma la rol pas kye ma ni ngo mtshar ba'o/ /grogs po ni dge ba'i bshes gnyen no/ /dgyes chen ni bde ba stong pa nyid do/ /'dir ni b+ha ga'o/ /rdo rje mchog ni sa bcu gcig pa'i bde ba la sbyar ba'o/ /dus thams cad du bde ba stong pa nyid kyis
- 171b
sems can la phan par mdzod cig pa'o/ /dus da lta nyid du yang dag par rdzogs pa'i byang chub rgyu'i rkyen 'dus pa las skye bar mdzod cig pa'o/ /a la la la ho dgyes pa che/ sku'i 'khor lo'i bstod pa bshad nas/ dam tshig gi 'khor lo la bstod pa ni/ bde chen bya ba nan tan gyi ye shes so/ /kun tu ni phyogs thams cad du'o/ /dgyes pa mchog ni bde ba stong pa nyid do/ /rol zhes pa ni dam tshig gi lha mo brgyad kyi bdag po mdzod cig ces pa'o/ /a la la la ho a ni don dam byang chub sems so/ /la gsum ni dga' ba mchog dga' lhan skyes dga' ba'o/ /ho dgyes pa che ni rnam pa thams cad kyi 'od gsal lo/ /'dir sku gsung thugs med na ci'i phyir bstod snyam na/ gtso bo'i dpral ba dang/ lkog ma dang/ snying ka ni sku gsung thugs kyi 'khor lo dang ldan no/ /'khor lo lnga la bstod par rin chen rdo rjes bshad do/ /glu 'dis bskul ma thag tu mngon par byang chub pa lnga las bzhengs pa'i bcom ldan 'das dam tshig bde mchog 'khor lha mo bcu gnyis kyis bskor ba dang bcas par rang nyid blta bar bya ste/ de la bcom ldan 'das ni zhal mdun ma sngo ba/ g.yas pa ser ba/ rgyab dmar ba/ g.yon ljang ba/ thugs kyi 'khor lo bzhin du g.yas skor ba yin par nges so/ /zhal bzhi ni gdul bya lus kyi dkyil 'khor sgom pa la mos pa las chu me rlung bzhi'i rtsa bsgom par bstan to/ /spyan gsum ston pa ni rtsa gsum bsgoms shig pa'o/ /phyag bcu gnyis bstan pa ni rtsa bcu gnyis bsgoms shig pa'o/ /'jigs byed dus mtshan mnan pas ni/ 'og sgo gnyis kyi rtsa dgag pa'o/ /rdo rje dril bu bsnams pas mig dang gzugs kyi rtsa 'gegs pa'o/ /gnyis kyis tshogs bdag gi pags pa 'dzin pa ni rna ba dang sgra'i rtsa 'gegs pa'o/ /cang te'u dang kha TwAM ga bsnams pa ni sna dang dri'i rtsa 'gegs pa'o/ /dgra sta dang zhags pa ni lce dang ro'i rtsa 'gegs pa'o/ /gri gug dang ka pA la ni lus dang reg bya'i rtsa 'gegs pa'o/ /mdung
- 172a
rtse gsum pa dang bdud bzhi'i mgo bo ni yid dang chos kyi rtsa 'gegs pa'o/ /ral pa'i cod pan ni spyi gtsug gi rtsa sum cu rtsa gnyis ston to/ /thod pa'i phreng ba 'phyang bas ni spyi gtsug gi rtsal byang chub kyi sems babs pas ye shes lnga bskyed par ston to/ /zla ba phyed pas ni spyi gtsug gi byang chub kyi sems ston to/ /sna tshogs rdo rjes ni spyi gtsug gi rtsa trA land+ha ra na gnas par ston to/ /mche ba gtsigs pa ni sna bug gnyis kyi rtsa 'gegs par ston to/ /nyams dgu ni 'byung ba lnga dang bdud rtsi lnga'i rtsa ston to/ /nam mkha' dang byang chub kyi sems kyi rtsa gcig yin no/ /stag gi pags pas ni lte ba sprul pa'i 'khor lo'i drug cu rtsa bzhi ston to/ /mgo bo'i phreng bas ni ra sa nA dang la la nA'i rtsa gnyis ston to/ /dbang po drug gi rtsa bkag pas phyag rgya drug gi rtsa ston to/ /rdo rje phag mo ni rtsa a ba d+hU ti'i gtum mo drod ston pa yin/ /yum gyi sku mdog dang phyag mtshan ni rgyud nas gsal lo/ /chos kun gnas ni bde ba yin zhes pa ni/ rgyu dang 'bras bu'i he ru ka dang 'khor rnams mngon par byang chub pa lnga las skyes par ston te/ A li me long lta bu dang/ kA li mnyam pa nyid dang/ chos kun gzhi yig 'bru dang/ phyag mtshan so sor rtog pa'i dge ba dang/ 'od zer spro bsdu bya ba nan rtan rtog pa med pa'i de bzhin nyid dang/ chos dang chos nyid spangs pa'i ye shes lnga pa sku sgrub pa'o/ /pad+ma'i 'dab ma la gnas pa'i lha mo bzhi dang/ ye shes kyi 'khor lo'i bum pa bzhi dang/ thod pa ni rgyud nas gsal bsam bshad do/ /gri gug ni phreng bas skor ba la bskor ro/ khwa gdong ma la sogs pa'i sgo ma bzhi zhal gyi kha dog dang mthun pa dang/ mtshams kyi lha mo bzhi phyed gzugs yin pa rgyud nas gsal bas ma bshad de/ rang gi kha dog dang dbyibs dang/ thun par ro'i steng na bzhugs par kha bskang ngo/ /gtso bo bskyed pa bsnyen pa 'khor
- 172b
bskyed pa nye bsnyen no/ /sgrub pa lus kyi dkyil 'khor ni khams dang skye mched dang phung po dang/ sku gsung thugs ni rnam bsgom pa ni sngar bshad pa bzhin du sku mdog dang phyag mtshan shes par bya'o/ /snying gar hUM las thugs kyi 'khor lo/ /lkog mar A:las gsung gi 'khor lo/ spyi bor oM las sku'i 'khor lo/ /nu ma gnyis su he las ye shes kyi 'khor lo/ /lte bar khaM las dam tshig gi 'khor lo/ /gtso bo'i lus kyi nang du 'khor lo lnga bsgoms la/ 'khor lha mo bcu gnyis thams cad la yang phung po dang khams dang skye mched dang sku gsung thugs byin gyis brlabs pa'i 'khor lor rnam par bsgom mo/ /sgrub pa chen po ni bcom ldan 'das la chags pa'i yum rdo rje phag mo dang rjes su chags pa'i lha mo bcu gnyis dang bcas pa'i ye shes kyi 'khor lo sngar bshad pa'i sngags dang phyag rgyas spyan drangs la/ de bltas nas phyag bya/ rkang pa brgyad pas mchod dpa' bo dang dpa' mo'i sngags kyis bstod la/ thugs ka nas lha mo byung nas bum pa dang gsang ba dang shes rab ye shes kyi dbang bskur/ rjes su chags pa lha mo bcu gnyis dang bcas pa'i gtso bo'i sbyor ba yis/ dam tshig sems dpa' la bzhugs nas ro gcig par bsgom mo/ /stong gsum gyi dngos po'i ngo bo lha'i 'khor lo rnam par bsgoms pas thun bzhir spro ba dang bsdu ba'i sbyor ba byas te/ ye shes kyi bzlas pa bsgom mo/ /dam tshig gi mchod pa thod pa bzhi las bdud rtsi myang ba'i sbyor ba yis lha mo rnams tshim par byas nas/ dag gi bzlas pa stong gsum lha'i 'khor lo cho ga bsgoms bzlas pa bya'o/ /sngags ni go sla'o/ /spro ba dang bsdu ba'i sbyor ba yis/ /dam tshig gi sdom pa lha bcu bzhi'i bsgom pa dang bzlas pa bya'o/ /sngags kyi yi ge gang dgod ce na/ 'di ni rnal 'byor ma'i rgyud thams cad kyi man ngag ste/ snying gar dbyangs yig bcu drug las zla ba'i dkyil 'khor bskyed la/ de'i steng du dpa' bo dang yum gyi sngags dang lha mo
- 173a
rnams kyi sngags zhi ba la dkar po/ /rgyas pa la ser po/ dbang la dmar po/ mngon spyod la nag po byas nas bzlas pa bya'o/ /de nas bstong pa dang/ mchod pa dang/ gtor ma bya ba khe bskang ngo/ /bsgom pas dub na langs pa'i tshe? dpa' bo dang dpa' mo'i go cas bsrung/ stong gsum gyi snod bcud kyi dngos po thams cad rang dang mnyam pa'i lha'i rang bzhin du bsams nas/ 'dod pa'i yon tan lnga'i chos thams cad kyi rang bzhin ro gcig pa'i mnyam pa nyid du mchod nas gnas par bya'o/ /kha zas za ba'i tshe ye shes lnga'i rang bzhin du byin gyis brlabs nas nang gi sbyin sreg bya'o/ /thun bzhi'am dus gsum du/ ji tsam nus pa'i tshogs kyi 'khor lo byas nas dam tshig bsrung ba'o/ /'di ni gsang ba'i mchog yin pas su la yang mi bstan to/ /'di skad ston te sngon du 'gro ba lnga dang/ dngos gzhi ting nge 'dzin gsum dang/ rjes rnal 'byor brgyad dang/ thun mtshams kyi rnal 'byor bcu gnyis te/ sgrub pa'i thabs zhib mo rnam par 'thag pa bzhi bcu rtsa brgyad bsgom par bya'o/ /le'u bdun pa'i 'grel pa'o// / de ltar dam tshig gi 'khor lo bshad nas ye shes kyi 'khor lo bshad par bzhed pas/ de nas zhes bya ba gsungs te/ gdul bya ye shes kyi 'khor lo la dga' ba'i ngor cho ga gzhan gyi rim pa bshad par bya zhes gsungs so/ /tshad med pa'i rnal 'byor dang/ byin gyis brlab pa'i rnal 'byor dang/ srung ba'i rnal 'byor dang/ tshogs sogs pa'i rnal 'byor dang/ stong pa nyid kyi rnal 'byor dang/ 'byung ba bzhi ri rab dang sna tshogs rdo rje dang/ gzhal yas khang bskyed pa'i rjes la de nas shes bya ba gsungs te/ /de'i dbus su 'khor lo gsum spangs pa'i pad+ma 'dab ma brgyad pa/ shar sngo ba/ lho ser ba/ nub dmar ba/ byang ljang bas na sna tshogs 'dab ma yid 'ong ba zhes bya ba ste/ mtshams ni phyed gzugs so/ /de'i steng du zla ba dang nyi me'i dkyil 'khor/ de'i dbus su shes rab
- 173b
sna tshogs kyi pad+ma de'i lte par gsum pa sna tshogs rdo rje/ de'i steng du bzhi pa nyi ma'i dkyil 'khor/ rim pa bzhi'i gdan gyi steng du A li kA li'i nyi zla ba sbyor/ de'i dbus su yig 'bru dang phyag mtshan/ /de nas 'od zer spro bsdu mngon par byang chub pa lnga pa la rdo rje sems dpa' phyogs bcu'i sangs rgyas zhal du zhugs nas mkha' gsang gi gnas nas lha mo bzhi bskyed nas rgyu'i he ru ka zhu gal lha mo bzhi'i glus bskul ba ni/ ho srid pa gsum gyi bde snyed gtso/ a la la la ho zhes rdo rje mkha' 'gro ma'i glu dang/ rgyal ba bde chen pad+ma'i tshogs// pad+ma ni rdo rje rol/ a la la la ho lA ma'i glu dang/ phyogs bcu'i bde gshegs snying po spros/ kun gyi snying po bdag por mdzod/ /a la la la ho/ khaN+Da ro he'i glu dang/ srid pa gsum gyi snying po yi/ /bde ba chen po rtogs pa mdzod/ /bdag dgyes pa la rol par mdzod/ /bde chen a la la la ho/ gzugs can ma'i glus bskul bas/ /thig le de yongs su gyur pa las rnal 'byor bdag nyid zhal lnga pa/ phyag gnyis pa/ spyan gsum pa'i he ru kar gyur te/ zhal lnga bstan pas gdul bya rlung gi dkyil 'khor la mos pa/ 'byung ba lnga'i rlung gi dkyil 'khor kha dog cig par ston to/ /phyag bcu gnyis kyis dbang po drug dang yul drug gi rlung 'gegs par ston to/ /spyan gsum gyis dbugs 'byung rdub gsum gyi rlung 'gegs par ston to/ /zhabs bzhi g.yas g.yon brkyang bas 'og sgo gnyis kyi dbugs 'byung 'jug 'gegs par ston to/ /'jig byed dus mtshan mnan pas 'dod pa'i khams kyi rlung 'gegs par ston to/ /stag gi pags pa go su mnabs pas lte ba'i rlung drug cu rtsa bzhi 'gegs par ston to/ thod pa'i phreng pas brgyan pa'i spyi bo'i rtsa sum cu rtsa gnyis kyi rlung 'gegs par ston to/ /zla ba tshes pas a na ya'i rlung ston to/ sna tshogs rdo rjes spyi gtsugs dza land+ha ra'i rlung ston no/ /sgeg pa la sogs pa'i nyams dgus 'byung ba bzhi dang bdud rtsi lnga'i rlung 'gegs par ston to/ /mi
- 174a
mgo'i do shal lnga bcus ra sa nA dang/ la la ma'i rlung 'gegs par ston to/ /phyag rgya drug gis dbang po drug gi rlung 'gegs par ston to/ /thod pa dang dril bus yum la 'khyud pa'i phyag rgyas gzugs kyi gzung 'dzin 'gegs so/ /'jigs byed kyi lpags pa bsnams pa gnyis kyis rna ba dang sgra'i gzung 'dzin 'gegs so/ /rdo rje dang kha TwAM gas sna dang dri'i gzung 'dzin 'gegs so/ /mdud rtse lnga dang zhags pas lce dang ro'i gzung 'dzin 'gegs so/ /dgra sta dang gri gug gis lus dang reg bya'i gzung 'dzin 'gegs so/ /cab te'u dang drag po'i mgo bos yid dang chos kyi gzung 'dzin 'gegs so/ /de'i bcom ldan 'das yum phag mo'i sku mdog dang phyag mtshan go sla bas ma bshad do/ /bcom ldan 'das ni skye bo 'dod chags can gyi don du chos kyi dbyings kyi yum dang 'khyud pa ni thugs rjes chags pas rnam par rol pa'o/ /spyi gtsug na rdo rje sems dpa' i dbu rgyan can dpal he ru ka ni/ zhal dang po sngo skya g.yas ser ba rgyab dmar ba g.yon ljang steng dkar ba'o/ /mdun ma khro ba g.yas pa bzhad pa rgyab sgeg pa g.yon rngam ba steng zhi ba dang ldan pa'o/ /gtso bo la phung po dang khams dang skye mched byin gyis brlabs par bsgoms/ 'khor la yang phyis bsgom par bya'o/ /shar gyi 'dab ma mkha' 'gro ma dang/ byang du lA ma dang/ nub du duM skyes ma dang/ lhor gzugs can ma zhal gcig phyag bzhi pa khro mo drag po'i gzugs can dgod pa dang/ mtshams bzhir bum pa'i steng du thong pa bzhag par bya ba ni/ rgyud nas gsal bsam bshad do/ /gtso bo bskyed pa bsnyen pa/ 'khor bskyed pa nye bsnyen lus kyi 'khor lo bskyed pa sgrub pa byas nas sgrub pa chen po ni sngags dang phyag rgya dang ting nge 'dzin gyi ye shes sems dpa' bkug nas/ phyag bya ba dang bstod pa dang/ dbang bskur bar bsams nas gzhug par bya'o/ /dpral bar oM lkog mar A:snying gar hUM/ gsum las 'khor lo gsum bsgoms la/ nus
- 174b
ma'i bar du he las ye shes kyi 'khor lo bsgoms te/ dbugs 'byung rdub dang sbyar nas gsang sngags yid kyis bzlas pa bya ste sngags ni go sla'o/ /lus kyi 'khor lo las khro bo'i sprul pa spros pas khams gsum gyi 'gro ba 'khor lo gsum gyi lhar rdzogs par byas nas spro ba dang bsdu ba'i bsgom pa dang bzlas pa bya'o/ /khams gsum ma lus pa kun sku gsung thugs kyi lhar bskyed nas ci bde bar bdud rtsi myang ba dang/ mchod pa dang/ bstod pa dang/ gtor ma btang ba ji ltar bde ba byas la/ bsgom pa las ldang ba'i dus su dpa' bo dang dpa' mo'i go cha gnyis bskon nas bsrung bar bya'o/ /de nas srid pa dang zhi ba'i dngos po thams cad snying gar zla ba'i dkyil 'khor gyi steng du yab yum gyi snying po dang/ nye ba'i snying po dang lha mo rnams kyi sngags bkod pa la/ dbyibs lha'i 'khor lo bsdu ba dang/ de nas sngags kyang byang chub kyi phyogs kyi chos sems la bsdu bar bya'o/ /sgrub thabs thams cad kyi lugs kyis sprul pa'i 'khor lo lus kyi dkyil 'khor sems kyi 'khor lo la bsdu ba ni/ sngags dang dbyibs dang chos bdag nyid ces bya ba ste/ de thams cad du shes pas bsgoms pa'i rnal 'byor gyis/ spyod lam rnam bzhi la ji ltar bde bar gnas par bya'o/ /de'i don 'di skad ston pa yin te/ sngon du 'gro ba'i rnal 'byor lnga dang/ dngos gzhi ting nge 'dzin rnam pa gsum dang/ rjes brgyad dang thun mtshams kyi cho ga bcu gnyis te/ sgrub pa'i thabs zhib mo rnam par 'thag par rnam pa bzhi bcu rtsa brgyad kyis sgrub pa'i thabs bsgom par bya'o/ /dman pa dbyibs bskyed rim zab pa sngags rdzogs rim/ thabs rtsa rlung gi de kho na mthar thug de kho na chos thams cad las byung ba ye shes kyi rim pa phyag rgya chen po don gyi gnas lugs so/ /le'u brgyad pa'i 'grel pa'o// //de ltar mngal skyes kyi 'khor lo lnga bshad nas/ sgong skyes ston par bzhed pas byed pa mjug thogs kyi de nas zhes bya ba gsungs te/ gdul
- 175a
bya sgor skyes la dga' ba'i dor de nas gzhan yang bshad par bya'o/ /de nas zhes bya ba tshad med pa dang/ byin gyis brlab pa dang/ srung ba dang/ tshogs gsog pa dang/ stong pa nyid dang lnga sngon du 'gro ba dang/ 'byung ba bzhi ri rab dang/ sna tshogs rdo rje gzhal yas khang dang bdun bskyed pa'i rjes thogs la/ de nas gzhan yang bshad bya ba ni/ brten pa lha'i dang po sbyor ba bsgom pa'o/ /dpa' bo gcig pas sgong skyes kyi cho gas ni/ gzhal yas khang gi dbus su 'khor lo'i de skal du rlung dang me'i dkyil 'khor bsams la/ de'i steng du ye shes kyi 'khor lo'i sna tshogs pad+ma/ de'i lte ba nyi ma'i dkyil 'khor gyi gdan/ de'i steng du thod pa ye shes lnga'i bdud rtsis gang ba'i bye tshad/ de'i steng du A li lugs 'byung bcu drug dang/ lugs bzlog bcu drug dang/ sum cu rtsa gnyis/ gsal byed sum cu rtsa bzhi dang/ lce rtsa las byung ba'i yi ge gnyis dang/ phus 'debs pa'i yi ge gnyis dang/ tsheg drag las byung ba'i yi ge gnyis te/ ye ge drug gis bsnan pa'i gsal byed bzhi bcu lugs 'gyur dang lugs bzlog gnyis kyis brgyad cu dbyangs yig sum cu rtsa gnyis las mtshan sum cu rtsa gnyis kyi zla ba/ gsal byed brgyad cu tham pa las dpe byad bzang po brgyad cu nyi ma/ nyi zla kha sbyor gyi sgo nga hUM gi khong par baM bcug pa'i bye phrug/ 'od zer spro bsdu rdo rje sems dpa' i sbyor bas dgyes pa'i hUM las 'byung ba/ sgo nga bcag nas bye phrug tshar ba lta bu sgong skyes kyi dpal he ru ka rang snang ba'i lha mo dang/ thugs rje'i chags pas rnam par rol pa'i bdag nyid bsgom par bya'o/ /de yang ye shes bzhi'i zhal bzhi ga rten 'brel yan lag bcu gnyis dag pa'i phyag bcu gnyis pa/ snying rje dang shes rab kyis g.yas brkyang bas bzhugs pa/ tshad med pa bzhi'i mche ba gtsigs pa/ rnam thar sgo gsum gyi spyan gsum/ mi dmigs pa'i thugs rjes zhal rnam
- 175b
par 'gyur ba/ sangs rgyas lnga'i thod pa'i phreng ba can pha rol tu phyin pa drug gi phyag rgya drug gi dpa' bo'i lus la rgyas btab pa 'khor pa dang mya ngan las 'das pa 'joms pa'i 'jigs byed dus mtshan mnan pas/ sgrib pa spangs pa'i stag lpags bsnams pa/ chos nyid kyi phag mo la phyag gis 'khyud pa/ phyag mtshan lhag ma ni go sla pas ma bshad do/ /zhal mdun ma sngo ba/ g.yas ser ba/ rgyab dmar ba/ g.yon ljang pa/ mdun ma sgeg pa/ g.yas drang po rgyab rgod pa/ g.yon ljags bskyod pa'o/ /de'i mdun du A li kA li'i sgo nga las byung pa'i bcom ldan 'das/ yum ye shes bzhi'i zhal bzhis tshad med pa bzhi'i phyag bzhi pa/ rnam par gsum gyi spyan gsum pa/ nyon mongs pa las grol ba'i dbu skra grol ba/ 'jig rten gyi chos brgyad spangs pas gcer pu/ gcig dang bum bral ba mtshon pas dum bu'i ske rags can/ phyag g.yon pa'i thod pa bdud rtsi lngas gang bas 'chi bdag gi bdud 'joms pa/ g.yas gri gug gis nyon mongs pa'i bdud 'joms pa/ g.yon pa kha TwAM gas phung po'i bdud 'joms pa/ ba spu'i bu gnas bskal pa'i me'i gzi brjid can/ zhal nas 'od zer dmar po lta bu'i khrag 'dzag pa lta bu 'phrog 'dus ma bya ba'i byin? pa gnyis kyis thabs kyi ye shes la 'khyud pa bde ba chen po'i bdag nyid can no/ /zhal mdun ma dmar ba/ g.yon pa ljang gu rgyab ser ba g.yas sngo pa/ bcom ldan 'das kyi sku mdog ci 'dra bar phyag bzhi sngon po/ /phyag bzhi ser po/ g.yon pa'i phyag bzhi dmar po/ /yang bzhi ljang khu/ sprul pa'i sku sems kyis bris nas bsgom mo/ /bsnyen pa'o/ /rnal 'byor pa 'di nyid kyis lus la gnas nyi shu rtsa bzhi la lha dgod pa ni/ nang gi rnal 'byor zhes bya'o/ /de ji ltar bsgom zhe na/ pul+li mgo bor nyi ma'i dkyil 'khor gyi dbus su thod pa'i dum bu dang/ rab gtum ma sngon mo/ /dpa' bo rdo rje dang dril bu/ dpa' mo gri gug dang
- 176a
ka pA la bsnams par 'khyud pa bsam mo/ /yi ge dzA las spyi gtsug nyi ma'i dkyil 'khor keng rus chen po dang gtum mig ma sngon mo/ /dpa' bo rdo rje dang dril bu/ dpa' mo gri gug dang ka pA la bsnams pa'o/ /yi ge o las rna ba g.yas bar nyi ma'i dkyil 'khor gyi dbus su/ keng rus chen po dang 'od ldan ma sngon mo/ /dpa' bo rdo rje dang dril bu/ dpa' mo gri gug dang ka pA la/ a las ltag par nyi ma'i dkyil 'khor la che ba rnam par gtsigs pa dang sna chen ma sngon po/ dpa' bo rdo rje dang dril bu/ dpa' mo gri gug dang ka pA la bsnams pa'o/ /gnas ni sngon 'dzam+bu'i gling lha btul ba'i ming gis btags te/ sa rab tu dga' ba'i snang ba'o/ /de bzhin du go las rna ba g.yon par nyi ma'i dkyil 'khor gyi dbus su dpa' bo dang dpa' mo snga ma bzhin no/ rA las smin ma'i dbus nyi ma'i dkyil 'khor gyi dbus su/ de las mig gnyis su nyi ma'i dkyil 'khor/ mA las phrag pa gnyis su nyi ma'i dkyil 'khor/ dpa' bo dang dpa' mo sku mdog dang phyag mtshan ni snga ma bzhin no/ /nyi ma'i gnas ni sngon dri za btul ba'i mi rigs btags te/ sa gnyis pa'i snang ba dang/ thugs kyi 'khor lo 'dul byed/ mkha' la spyod pa ni gdul bya lha btul ba dang/ lha dang dri za btul ba'i ming gis btags/ kA las mchan khung gnyis su nyi ma'i dkyil 'khor la myu gu can dang sa srung ma la sogs pa'i dpa' po dang dpa' mo thams cad dmar mo/ /dpa' bo pad+ma dang dril bu bsnams pas 'khyud pa/ dpa' mo gri gug dang ka pA la/ o las nu ma gnyis su nyi ma'i dkyil 'khor dpa' bo dang dpa' mo snga ma bzhin no// zhing ni sa gsum pa'i snang ba'o/ /tri las lte bar nyi ma'i dkyil 'khor ro/ /ko las sna rtser nyi ma'i dkyil 'khor/ /dpa' bo dang dpa' mo snga ma bzhin no/ /nye ba'i zhing gis lnga pa'i snang ba'o/ /ka las lce la nyi ma'i dkyil 'khor/ laM las mgrin
- 176b
par nyi ma'i dkyil 'khor/ tshan do ha sa lnga pa'i snang pa'o/ /kA las snying kar nyi ma'i dkyil 'khor/ hi las rgyu zhabs su nyi ma'i dkyil 'khor/ nye ba'i tshan do ha sa drug pa'i snang ba'o/ /gsung gi 'khor lo 'dul byed sa la spyod pa gnod sbyin dang srin po btul ba'o// bre las mtshan ma la nyi ma'i dkyil 'khor/ dpa' bo stobs po che dang/ 'khor lo'i shugs can ma dkar po/ /dpa' bo 'khor lo dang dril bu bsnams pa/ dpa' mo gri gug dang ka pA las 'khyud pa'o/ /gri las bshad sgor nyi ma'i dkyil 'khor/ dpa' bo dang dpa' mo snga ma bzhin no/ /'dus pa can sa bdun pa'i snang ba'o/ /so so las brla gnyis su nyi ma'i dkyil 'khor/ su las byin pa gnyis su nyi ma'i dkyil 'khor/ dpa' bo dang dpa' mo snga ma bzhin no/ /nye ba'i 'dus pas brgyad pa'i snang ba'o/ /na las rkang pa'i sor mo kun la nyi ma'i dkyil 'khor si las rkang pa'i bol gnyis su nyi ma'i dkyil 'khor/ dur khrod sa dgu ba'i snang ba'o/ /ma las rkang pa'i mthe bo gnyis la nyi ma'i dkyil 'khor/ ku las pus mo gnyis su nyi ma'i dkyil 'khor/ dpa' bo dang dpa' mo dkar mo/ /dpa' bo 'khor dang dril bu bsnams pa/ dpa' mo gri gug dang ka pA la bsnams pas 'khyud pa/ nye ba'i dur khrod ni sa bcu pa'i snang ba'o/ /sku'i 'khor lo ni 'dul byed/ sa 'og na gnas pa'i klu dang lha ma yin gdul bya'o/ /mkha' 'gro ma la sogs pa lha mo bcu gnyis thams cad kyang/ gri gug dang ka pA la bsnams pa g.yas brkyang pa'i gnas pas bzhugs pa/ sku mdog snga ma bzhin no/ /gnas ni rgyud na gsal lo/ /bum pa dang byang chub kyi sems thod pa ni smin mtshams kyi mdzod bu'o/ /nye bsnyen no/ /laM las snying gar sa'i dkyil 'khor la ltung byed ma gri gug dang ka pA la bsnams pa ser mo/ /maM las lto ba chu'i dkyil 'khor la gsod byed ma gri gug dang ka pA la bsnams pa/ paM las lte pa me'i dkyil 'khor la 'gugs byed ma dmar mo/ /gri gug dang ka pA la bsnams ba/ haM las
- 177a
rlung gi dkyil 'khor gsang ba'i gnas su gar gyi dbang phyug ma gri gug dang ka pA la bsnams pa ljang gu/ khaM las mgo bo nam mkha' i dkyil 'khor lo pad+ma'i dra ba can gri gug dang ka pA la bsnams pa sngon mo phung po lnga dang dbang po drug gi snga ma bzhin no/ /snying gar hUM las yid mi 'khrugs pa thugs kyi 'khor lo/ /ngag gi A:las lkog mar tshe dpag med gsung gi 'khor lo/ /lus spyi bor oM las rnam par snang mdzad sku'i 'khor lo/ /sgrub pa'o/ /oM ha las snying gar rdo rje sems dpa' rdo rje dang dril bu bsnams pa dkar po'o/ /rnam par snang mdzad 'khor lo dang dril bu bsnams pa ser po/ /gar gyi dbang phyug pad+ma dang dril bu bsnams pa dmar po/ /he ru ka rdo rje dang dril bu bsnams pa mthing ba/ /nyi ma rin po che dang dril bu bsnams pa ser po/ rta mchog sna tshogs rdo rje dang dril bu bsnams pa ljang gu/ phag mo la sogs pa lha mo drug ni thams cad kyang gri gug dang ka pA la bsnams pa g.yas brkyang ba'o/ /phag mo dmar mo/ gshin rje ma ser mo rmongs byed ma dkar mo/ /skyong byed ma sngon mo/ /skrag byed mdu pa'i mdog can/ tsan Di ka dmar mo/ /de ltar go cha bskon nas/ ye shes sems dpa' spyan drang ba'i phyag rgya ni go sla'o/ /rkang pa g.yon pas g.yas pa mnan pa'i phyag rgya dang/ mig gyen du blta ba dang/ ngag pheM gi sgra sgrogs pa ste bzhi dang/ snying ga'i pad+ma dang zla ba'i hUM las 'od zer 'phros pa'i ting nge 'dzin gyis phyogs bcu'i 'jig rten gyi khams kyi ye shes sems dpa' i 'khor lo bcu byon pa la/ phyag 'tshal ba dang/ bstod pa dang/ mchod pa byas nas 'od zer lcags kyu lta bus dgug pa dang/ zhags pas gtso bo 'khor la gzhug pa dang/ lcags sgrog gis tha mi dad par bcing ba dang/ dril bus dam tshig sems dpa' dang tha mi dad par dbang du bya'o/ /yang snga ma bzhin du lus ngag yid gsum gyi phyag rgyas dpa' bo dang rnal 'byor mas bskor ba'i dbang bskur ba'i 'khor lo lnga nam mkha' i dbyings su rnam snang
- 177b
dkar po/ rin chen 'byung ldan gyi 'khor lo ser po/ mi skyod pa'i 'khor lo mthing ga /snang ba mdza' yas kyi 'khor lo dmar po/ don yod grub pa'i 'khor lo ljang gus gang bar bltas la/ sangs rgyas spyan dang/ mA ma kI dang/ kun tu bzang mo dang/ gos dkar mo dang/ sgrol ma'i lha mo lnga thugs ka nas phyung nas/ bdud rtsi lngas yongs su gad ba'i bum pa dang/ thod pas spyi bo nas rkang pa'i bar du rdo rje'i rdul phra rab kyi chus dri ma bkrus nas dbang bskur bar bsam mo/ /dbang bskur ba'i tshigs bcad ni go sla'o/ /oM sarba ta thA ga ta a b+hi She ka ta hUM zhes pa ni/ chu'i dbang bskur ba'i sngags te/ rtags ni rdo rje rtse lnga pa'o/ /sa ma ya hUM zhes pas yab yum lnga'i mkha' gsang nas byang chub kyi sems kha dog dkar dmar lce la babs pas sgyu mar rtogs pa'i dbang bskur ba dang/ dbang rtags ni lkog par tshangs pa'i gsung dbyangs dang/ smin mtshams kyi mdzod spu 'bur ba'o/ /sh+ri ye hUM zhes bya bas shes rab ye shes kyi sngags te/ lha mo lnga rang gi lha mo la zhugs pas 'doms kyi spa ba sbubs su nub pa dang/ spyi gtsug phyen du 'bur pa ste rtags so/ /de nas bdud rtsi myang bar bya ste/ 'og tu yaM las rlung gi dkyil 'khor ba dan gyis mtshan pa/ raM las me'i dkyil 'khor gru gsum me 'od kyis mtshan pa/ a las byung ba'i ka pA la rgya che ba bsams la/ de'i nang du dbus su mu dang hUM las bai DUrya lta bu'i gong bu'i shar du ba'i dang buM las shel lta bu'i gong bu/ lho ru ra dang oM las gser gtso ma lta bu'i gong bu nub tu shu dang dzri las pad+ma rA ga lta bu'i gong bu/ byang du ma dang khaM las marka ta lta bu'i gong bu/ de'i steng du dbyangs yig bcu drug las zla ba'i dkyil 'khor/ de'i steng du hUM 'og tu oM zla ba'i dbus su A:sa byin gyis brlabs la/ oM las sku'i 'khor lo brgyad spros bsdus zhu ba dang/ A:las gsung gi 'khor lo bskyed nas zhu ba dang/ hUM las thugs kyi 'khor lo bskyed nas zhu bar bsgom par bya'o/ /oM A:hUM gsum las 'od zer 'phros pas 'khor lo gsum gyi lhar bskyed pa mgron du bya'o zhes rin
- 178a
chen rdo rje dang gu Na kIr ti dang/ dI baM kA ra dz+nyA na rnams mgron yin par bzhed do/ /oM sa ma ya shud d+ha(rgyud 'grel): zhes bya ba'i sngags kyis sku gsum 'khor lo chos thams cad ro gcig par mnyam par gnas par bsam mo/ /ye shes kyi bdud rtsi lnga thams cad kyis gsol ba'i tshe/ oM badzra a mri ta ud ka hUM/ Tha Tha traM a khaM hUM zhes brjod pas 'thungs par bsam mo/ /de nas bsgom par bya ste/ ye shes kyi bzlas pa spro bsdu bsgom pa dang/ dung chen gyi phreng ba blangs nas de nas lha de rnams la dag gis bzlas pa bya ba dang/ rang gi srog rtsol zhes bya ba dbugs 'byung rdub bkag nas gtum mo drong sbar nas dga' ba bzhi'i ting nge 'dzin bsgom pa'i rjes la bzlas pa bya'o/ /snying po dang nye snying gi sngags ni go sla'o/ /de nas skyo bar ma gyur na yang sems kyi 'khor lo bsgoms la yang bzlas pa bya'o/ /byang chub phyogs bsgom pa ni/ dpa' bo nyi shu rtsa lnga sgyu ma lta bu/ dpa' mo sum cu rtsa bdun sems kyi stong pa nyid bsgom par bya ste/ lus kyi stong pa nyid shes pa ni mkha' 'gro mar snang ngo/ /tshor ba'i stong pa nyid shes pa dang dran pa ni lA mar snang ngo/ /chos kyi phung po dang khams kyi stong nyid shes pa dran pa la nye bar bzhag nas bsgom pa ni dum skyes mar snang ngo/ /sems kyi stong nyid shes pa ni gzugs can mar snang ngo/ /ye shes kyi pad+ma don dam pa'i bden pa'i rnam dag go /thugs kyi 'khor lo 'dun pas grogs byas pa'i ting nge 'dzin mthar phyin pa'i rdzu 'phrul gyi rkang pa shar phyogs kyi rab gtum mar snang ngo/ /brtson 'grus kyis grogs byas pa'i rdzu 'phrul gyi stong pa nyid ni/ byang phyogs kyi gtum mig mar snang ngo// spyod pa'i shes rab kyis grogs byas pa'i rdzu 'phrul gyi stong nyid nub phyogs kyi 'od ldan mar snang ngo/ /sems kyis grogs byas pa'i rdzu 'phrul gyi stong nyid lho phyogs kyi sna chen mar snang ngo/ /gnas kyi dang po lha mo rnam dag go /dad pas ma dad pa spangs
- 178b
nas rang gi rig 'dra'i dbang po'i chos nyid ni shar lho'i brtan pa'i blo gros mar snang ba'o/ /brtson 'grus kyi dbang po'i stong pa nyid lho nub kyi mi mthud par snang ngo/ /dran pa'i dbang po'i chos nyid nub byang gi lang ka'i dbang phyug mar snang ngo/ /ting nge 'dzin gyi dbang po'i chos nyid shing grib mar snang ste/ sgyu ma lta bu brgyad ni dpa' bor snang ngo/ /lus kyi gnas brgyad kyi lha'i rnam par dag par ston to/ /gsung gi 'khor lo'i shes rab kyi dbang po'i stong nyid shar phyogs kyis srung mar snang ngo/ /dad pa'i stobs kyi stong nyid byang phyogs kyi 'jigs byed chen mor snang ngo/ /brtson 'grus kyi stobs kyi stong nyid nub phyogs kyi rlung gi shugs can mar snang ngo/ /dran pa'i stobs kyi stong nyid ni lho phyogs kyi chang 'thung mar snang ngo/ /ting nge 'dzin stobs kyi chos nyid shar lho'i sngo bsangs mar snang ngo/ /shes rab kyi stobs kyi chos nyid lho nub kyi shin tu bzang mor snang ngo/ /ting nge 'dzin yang dag par 'dus ma byas byang chub sa dang po'i yan lag grogs nub byang gi rta rna mar snang ngo/ /brtson 'grus yang dag byang chub kyi yan lag ni byang shar gyi bya gdong par snang ngo/ /sgyu ma lta bu brgyad ni dpa' bor snang ngo/ / gsung gi 'khor lo lus la dgod pa'i rnam par dag pa'o/ /sku'i 'khor lo'i dga' ba yang dag byang chub kyi yan lag ni shar gyi 'khor lo'i shugs can mar snang ngo/ /shin tu sbyangs pa yang dag byang chub kyi yan lag ni byang gi dum skyes mar snang ngo/ /chos yang dag par 'byed pa ni nub kyi gos rings mar snang ngo/ /dran pa yang dag byang chub kyi yan lag ni/ lho'i 'khor lo go cha mar snang ngo/ /btang snyoms kyi yang dag byang chub kyi yan lag ni/ shar lho'i shin tu dpa' mor snang ngo/ /yang dag pa'i stong pa nyid kyi lhag ni lho nub kyi stobs chen mar snang ngo/ /yang dag pa'i rtog pa ni nub byang gi 'khor lo sgyur mar snang ngo/ /yang dag pa'i ngag ni byang shar gyi brtson 'grus chen por snang ngo/ /sgyu ma lta bu brgyad ni dpa' bor snang ngo/ /sku'i 'khor lo'i lus kyi dkyil
- 179a
'khor gyi rnam par dag pa'o/ /yang dag pa'i las kyi mdza' la sogs pa bzhin no/ phyag g.yas pa bzhi lha mo'i stong pa nyid ston to/ /yang dag pa'i ting nge 'dzin ni dpal he ru ka nyid du snang ngo/ /chos kyi dbyings ni yum rdo rje phag mor snang ngo/ /yang dag par spong ba bzhi ni phyag g.yon pa bzhi'i lha mo'i rnam dag ston to/ /lus kyi rnam dag bstan pas sprul pa'i dkyil 'khor gyi rnam dag shugs la go ba yin no/ /de ltar ma lus par bsgoms nas sgrub pa po ni nges par 'grub ces pa ni/ sgong skyes kyi he ru ka lus kyi dkyil 'khor bsgoms pas dngos grub gsum nges par 'grub par 'gyur ro/ /le'u 'di la don gsum yod pa'i dang po bstan pa yin no// //don gnyis pa mngal skyes lnga bsgom pa yang rung ste/ sems can gyi don du rnal 'byor bas spros nas bdag nyid dang mnyam pa'i lha'i dam tshig spro bsdu bsgom pa ni mchog yin no/ /de ji ltar bsgom zhe na/ sngar gyi mngal skyes kyi 'khor lo lnga so sor cho ga'i dbye bas bsgom pa'i tshe/ shar la sogs pa'i phyogs bcur bla na med pa'i mngal skyes 'khor lo lnga so sor dbye bas spro ba'i tshe/ lha so so'i dbye bas phye nas lha re re gtsor byas pa'i dkyil 'khor du 'gyur la/ des sprul pa'i 'khor lo so so'i dbye bas gtso bor byas nas/ yang 'khor lo spros pa thug med kyi 'khor lor 'gyur ro/ /sangs rgyas mnyam sbyor las kyang/ de la sogs pa mdza' yas mchog /nam mkha' i khams kyi mthas klas pa zhes bya ba 'di yin no/ /spro bsdu bsgom pa'i brgyud dang ma rgyud kyi man ngag thams cad rtsa ba'i rgyud 'di ma gtogs pa gzhan bshad pa'i rgyud gang na yang gsal ba med do/ /sdoms sprul pa'i 'khor lo phyi mas gtso bo byas pa/ yang phyi mas gtso bo byas pa des sprul pa'i 'khor lo la yang phyi mas 'khor byas la thug med ces bya'o/ /de'i rgyas bshad ni/ dpa' bo he ru kas gtso bo nas bskor
- 179b
ba de bzhin du/ lha mos gtso bo byas pa yang thug pa med par 'gyur ro/ /sku'i sangs rgyas kyi mkha' 'gros gtso bo byas pa la/ /sku'i dkyil 'khor zhes ming brdar btags so/ /b+ha ga'i dbus su rnam par bsgom zhes pa ni chos kyi dbyings gzhal yas khang dang bcas pa bsgom/ de bzhin du gsum ga'i rnal 'byor la yang gang gtso bo byas pa de'i ming gis btags so/ /dbus ma mkha' 'gro ma lngas gtso bo byas nas/ b+ha ga'i dbus su dkyil 'khor dang bcas pa lngar 'gyur ro/ /pad+ma'i mkha' 'gros gtso bo byas pa dang/ rdo rje mkha' 'gros gtso bo byas pa dang/ dam tshig gi mkha' 'gros gtso bo byas pa dang/ /ye shes kyi mkha' 'gros gtso bo byas pa de bzhin du/ 'dir yang sku gsung thugs kyi 'khor lo gsum gyis 'khor byas la spro'o/ /spro ba'i tshe thams cad lha drug cu rtsa gnyis gzhal yas khang dang bcas pa bskor bar nges so/ /mngal skyes kyi spro ba bshad nas/ sgong skyes dpa' bo gcig pu yum dang bcas pa b+ha ga'i gzhal yas khang pa'i sna tshogs pad+ma'i dbus su sku gsung thugs yon tan 'phrin las kyi sgong skyes kyi he ru ka lngas thod pa khye'u tshad dang ldan pa yang ? skyes kyi rnal 'byor ma lnga dpa' bo snying gar sbas pa bsgom pa dag dpa' bo lngas kyang rang gi snying gar rnal 'byor ma lnga sbas pa bsgoms te/ /'khor gyi rnal 'byor ma bcu gnyis kyang phyag bzhis mdzes pa/ dpa' bo snying gar sbas nas phyag gnyis kyis 'khyud pa/ phyag gzhan gri gug dang ka pA la sna tshogs kyi mtshan dang ldan pa/ thod pa bsnams pa'o/ /dpa' bo ni stong pa nyid shes rab yin la/ dpa' bo thabs kyis kun rdzob yin pas dpa' bo mi snang ba dpa' mo'i thug med kyang bsgom mo/ /sgong skyes kyi thug med ni rnal 'byor pa bsgom pa po mos pa rim pa bzhin du rnam par bsgom pa ni/ yang na lnga pa 'dus pa drug cu rtsa gnyis kyis bskor ba bsgom pa 'am/ yang na sku la skus bskor ba 'am/ gsung la gsung gis bskor ba/ thugs la thugs kyis bskor ba/ dam tshig la dam tshig
- 180a
gis bskor ba/ 'khor lo so so'i dbye bas phye ba rnal 'byor pa ji ltar bsgom pa mos pa ltar bsgom mo/ /bdag po la sogs dbye ba yis/ /rigs kyi dbye ba rnam par bsgom zhes pa ni/ lha phos gtso bo byas pa'i thug med bsgom pa'o/ /lha mo'i dbye bas phye ba yis/ bdag po yang rnam par bsgom pa ni/ lha mos gtso bo byas pa'o/ /gtso bo gang byed pa'i ming gi dbye bas dkyil 'khor la mkha' 'gro ma'i ming gis gdags so/ /yang na sku gsum dbye ba dbang gis zhes bya ba ni/ re re la lha drug cu rtsa gnyis tshar pas bskor ba'o/ /de yang so so'i 'khor lo la gtso bo'i dpa' bo dang/ rnal 'byor ma'i ming gis gdags so/ /de ltar thug med bshad nas/ mngal skyes dang sgong skyes kyi dbye ba bshad pa ni/ mngal skyes glu dang bcas pa/ sgong skyes glu med pa/ rnal 'byor ma kha cig 'dod pas mngal skyes bstan/ rnal 'byor ba kha cig 'dod pas sgong skyes bstan/ glu'i sgra spangs pas brjod bya rjod byed kyi dngos po med pas rjod byed mi gsal/ brjod par bya ba'i don gnyis/ shes pa'i gzung 'dzin dang bral ba ni/ dbye ba mdor bstan to/ /rgyas bshad ni mngal skyes la glu'i sgras bskul/ rgyu'i he ru ka longs sku las khu ba chos kyi sku'i go 'phang mchog /'bras bu'i he ru ka sprul pa'i sku stong pa dang snying rje'i bdag nyid/ 'dod yon lnga la spyod pa sems can gyi don la bzod pa dang brtson 'grus can gyi sprul sku/ mkha' 'gro ma'i glus bskyed pa la/ rnal 'byor ma gzhan gyi mngal skyes kyis mi smad do/ /glu gang zhe na/ ho srid pa gsum gyi bde bar gshegs pa gtso/ a la la la ho/ /zhes sngar le'u brgyad par bshad zin/ bstod pa'i rgyal po 'dis pad+ma la gnas pa'i 'khor gyi lha mos bstod pas mngon par byang chub pa lnga las/ pad+ma rdo rje'i sbyor ba yab yum bzhengs par 'gyur ro/ /de nas sku gsum gyi gzhi las bzhengs
- 180b
nas rgyal bas bskyed pa ni/ chags can gyi dor mngal skyes bshad do/ /sgong skyes kyi rgyas bshad kyis/ rgyu'i he ru ka dang 'bras bu'i he ru ka'i cha shas spangs/ sa bon dang phyag mtshan med/ glu spangs rgyu'i he ru ka'i gzugs mi snang/ rgyu'i he ru ka'i bde ba dang/ chos kyi skur zhu ba las/ chos kyi skur zhu ba'i sdug bsngal med/ bskul bya dang skul byed med/ rgyu 'bras kyi dngos po gnyis med/ rtag pa'i yum thig ler zhu ba med/ chos lha'i sku dang/ chos ma yin pa thig le las grol/ lha mo chags pa'i sdig pa'i nyes pas mi bgos/ gzung 'dzin gnyis las grol ba ni/ sgong skyes kyi yon tan no/ /mngal skyes kyi shin tu rgyas bshad do/ /ye shes kyi gnyid sad par byed/ 'bras bu'i he ru ka ma rtogs pa rtogs pa'i phyir/ sems can gyi don du mngal skyes gyi he ru ka'o/ /glus bskul ba ni lha mo ni sngon gyis su yin zhe na/ bcom ldan 'das kyis sngon gyi gtam rgyud gsungs pa ni/ zhing skyes kyi lha mo dang/ gnas skyes kyi lha mo dang/ rigs skyes kyi lha mo gsum yin no/ /de yang mthar skyes kyi glu dang/ lha ma yin mo dang/ bar snang spyod pa gsung gi lho mo dang/ gnod sbyin mo dang srin mo dang/ mkha' spyod lha dang dri za mo/ /tha ma sku/ bar ma gsung/ mchog thugs yin no/ /sa spyod ni gsung/ sum cu rtsa gsum gyi lha mo ni thugs/ sa 'og ma ni sku/ gnod sbyin mo dang/ srin mo ni gsung gi lha mo/ /klu mo dang lha mo yin mo ni sku'i lha mo/ /mi 'am ci mo ni dam tshig gi lha mo/ /dri za mo ni lha'i 'khor nye ba'i gnas kyi mkha' spyod ma thugs so/ /lha mo 'di thams cad bcom ldan 'das kyi tshe na sngon grub pa'i gtam rgyud ring ba yin no/ /dur khrod kyi lha mo rnams kyang bde bar gshegs pa'i bsam pa can dkon mchog gsum la mngon par dga' ba thams cad phyi'i dkyil 'khor na gnas pa'i lha mos gtso bo mchod pa yin no/ /mngal skyes kyi shin tu rgyas
- 181a
bshad do/ /le'u 'di'i don gnyis pa gshad nas/ don gsum brten gyi dkyil 'khor gtor ma dang bcas pa bshad pa ni/ sku'i dkyil 'khor spro ba'i tshe thams cad rlung gi dkyil 'khor la gnas so/ /chu la gsung gnas so/ /me la thugs gnas so/ /dbang chen la dam tshig gnas so/ /dbang chen la ye shes kyi 'khor lo yang gnas so/ /thams cad kyang b+ha ga chos kyi dbyings kyi gzhal yas khang gi dbus su sna tshogs pad+ma la bsgom mo/ /sgong skyes ni nyi ma'i dkyil 'khor gyi dbus su dpa' bo gcig tu bsgom mo/ /sku la 'khor lo'i phreng ba/ gsung la pad+ma'i phreng ba/ thugs la rdo rje'i phreng bas bskor ba/ dam tshig la sna tshogs rdo rje'i phreng bas bskor ba/ pany+tsa rA ga lnga ro'i gzugs can gyis rtsig pas bskor ba/ de'i phyi rol na dur khrod phyogs mtshams sna tshogs kyi mdog can brgyad la/ shing kha dog sna tshogs brgyad/ shar lhor khyi'i gdong can/ lho nub du ce spyang/ nub byed du 'jigs pa ro langs kyi/ shar du bya rog gi /byang du 'ug pa'i/ nub du chu skyar/ lhor bya rgod/ byang shar du ce spyang mo'i gdong can no/ /sa gzhi ni shar ro bsregs pa/ nub keng rus can/ nub byang gsal shing la bskyon ba/ byang phyed tshig pa/ byang shar 'gegs pas 'phyang ba/ lhor mgo thod rje ngar lag pa dum bur gyur pa/ shar lhor ce spyang gi sgra sgrogs pa/ lho nub tu sprul pa sna tshogs kyis gang bar snang ba/ shar gyi pho nya seng ge/ byang gi pho nya phag nub kyi stag /lho'i ra lug /shar lho'i glang po che/ lho nub tu khyi/ nub byang dang 'og tu glang/ byang shar du rnga mo sna tshogs/ der dpa' bo dang dpa' mo'i bza' ba sna tshogs/ chang mang po/ dpa' bo dang rnal 'byor ma tshogs pa'i tshogs 'khor byed pa/ dpa' bo thod pa dang kha TwAM ga 'dzin pa/ lha'i rnga gling bu pi wang rdza rnga rnga rings brdung ba/ ro'i mchog ni bza' ba sha sna tshogs dang/ reg bya sna tshogs shar sham pa na/ lhor a
- 181b
li ka/ nub tu tshu sha le/ byang du mchog dga' dam pa byed pa'o/ /gnas der tshogs 'khor zin nas dur khrod kyi srin po dang ro langs dang/ gnod sbyin la sogs pa la rnal 'byor pa he ru ka'i gzugs bsgoms nas/ gtor ma sbyin par bya ste/ cang te'u la sogs pa dkrol nas phyogs kyi gos can/ phyag rgya dang mnyam bar sbyor ba yi ge hUM phaT kyi sgra 'byin cing/ g.yas brkyang pa/ lag pa pheM pheM phyag rgya bcings la bdud rtsi lngas kha bskangs nas sngags dang phyag rgyas bsngo bar bya ste/ gtor ma'i cho ga ni go sla'o/ /thun mtshams bzhi ru mi sa bza' / zhes bya ba ni/ langs pa'i kha zas kyi spyod lam mo/ /don gsum pa bshad nas/ sgong skyes bsgom pa la yang/ sgrub thabs su byed na sngar bshad pa'i don bzhi bcu rtsa brgyad bsgom par bya'o/ /le'u dgu pa'i 'grel ba'o// de ltar sgong skyes bshad nas/ 'jam pa'i rdo rje la mos pa'i dong de'i dkyil 'khor 'chad pas/ de nas gzhan yang bshad bya ba zhes bya'o/ /dag pa'i gnas kyi cho ga ni sku gsung thugs kyi 'khor lo 'ba' zhig gis bskor ba'o/ /gsang ba mchog ni chos sku'o/ /mkha' 'gro ma'i snying po ni/ gzugs su gnyis ka bzung/ sprul pa'i sku'i gsang sngags kun nas ni phrin las bzhi'o/ /dngos grub thams cad gsum gsol ba ni mdor bstan to/ /de nas 'khor gyi de bzhin gshegs pa thams cad dang/ byang chub sems dpa' rdo rje chen po'i rnal 'byor gyi dbang phyug rnams dang/ mngag gzhug pa khro bo bcu dang bcas pa'i sku gsung thugs kyi mkha' 'gro dang mkha' 'gro ma thams cad kyis bcom ldan 'das la phyag 'tshal nas gsol ba/ e ma bde ba ni chos kyi sku'o/ /e ma'o bde ba gtso bo ni longs sku'o/ /mkha' 'gro ma'i tshogs ni sprul sku'o/ /sku gsum dang ldan pa'i gsol ba 'debs pa'o/ /sangs rgyas rnal 'byor sku'i 'khor lo/ /rnal 'byor che gsung gi 'khor lo/ /
- 182a
rdo rje rnal 'byor che thugs kyi 'khor lo ste/ gdul bya 'jig rten gsum bde bar byed pa bstan du gsol zhes brten pa lha la bstod pa dang/ rten gyi dkyil 'khor ni shar rdo rje lhor rin po che nub pad+ma/ byang sna tshogs kyis bskor ba'i rgyu'i rnam snang las 'byung ba bstan par gsol ba 'debs pa'o/ /lan du tshad med pa'i rnal 'byor dang/ byin gyis brlab pa dang/ srung ba dang/ tshogs sog pa dang/ stong pa nyid kyi rnal 'byor bsgoms la/ 'byung ba bzhi'i ri rab sna tshogs rdo rje/ b+h+ruM las rnam snang gi gzhal yas khang de'i dbus su zur bzhi sgo bzhi dang ldan pa sku'i 'khor lo nang du zlum po/ /thugs rtsibs brgyad sngon po rdo rjes bskor ba/ gsung rtsi bas brgyad dmar po pad+mas bskor ba/ sgo bzhi dang zur bzhi'i rtsig pa'i rtsar 'khor lo'i phreng bas bskor ba/ phyi rol gyi khams kyi snam bu la 'dod yon gyi lha mo kha dog dang dbyibs kyi rnam par dbye ba sna tshogs pa/ phyi rol gyi rtsig pa yi dags ro'i phreng bas kha dog sna lnga'i mdog can 'dod yon lha mo gar byed gdong dang/ lce bskyod nas glu len pa dbus su zla ba la yi ge hUM rgyu'i rdo rje sems dpa' zhal gsum phyag drug spyan gsum rang snang pa'i lha mo dang snyoms par 'jug pa zhal dkar bsngo ba dmar ba gsum/ sku gsung thugs kyi stong nyid las skyes pa/ rdo rje dang dril bu bsam gtan dang shes rab kyis 'khyud pa/ thod pa dang kha TwAM ga'i bzod pa dang brtson 'grus can/ cang te'u dang tshangs pa'i mgo bo tshul khrims dang sbyin pa'i pha rol tu phyin pa'i snang ba/ rgyu'i he ru ka'i lus po la dpa' bo dang dpa' mo nyi shu rtsa bzhi dgod/ phung po dang khams dang skye mched kyi lha dgod/ sku gsung thugs gsum yang rnam par bsgom mo/ /lha mo dang 'khyud pa'i snying ga'i zla ba'i dbus su ho dmar po gnyis kyi dbus su 'jam dpal gyi sa bon mi bcug la sngon grub?
- 182b
ba'i sangs rgyas lnga dang bcas pa zhal nas thugs kar zhugs pa/ phyag rgya 'dis rgyas btab pa'i de ma thag tu sku gsung thugs kyi dpa' bo dang dpa' mo srid pa bar ma do'i mi las mngal skyes kyi lha skyes par gyur cing/ gtso bo la zhal bltas pas chags shing de la gnas so/ /de nas rdo rje sems dpa' yab yum dgyes bzhin du zhu bar gyur to/ /de nas dpa' bo dang rnal 'byor ma de rnams de ma thag tu langs te/ thabs dang shes rab mnyam par sbyor ba las cang te'u'i sgras bskul nas bde ba chen po dgyes pa'i blus bskul lo/ /de'i rjes la nam mkha' i khams thams cad kyi rdul phra rab dang mnyam pa'i sngon grub pa'i de bzhin gshegs pa mar me mdzad dang/ rnam par gzigs la sogs pa bde mchog gi dpa' bo dang dpa' mo'i gzugs kyis bskor ba byang chub sems dpa' i 'khor lo chen po du ma mkha' 'gro dang mkha' 'gro ma'i tshogs su gyur nas/ phyi dang nang gi khams gsum rnam par rgyal ba dang/ lha mo dkar mo la sogs pa bde mchog gi pho nya dang pho nya mo'i tshogs rgya che bar gyur nas/ lta zhing blta ba dang gar byed cing glus bskul ba ni/ e ma'o ngo mtshar rmad kyi chos shes pa bzhi ni/ mkha' 'gro ma la sogs pa'i yum bzhis so/ /e ma'o kun tu bzang po'i don ni bcom ldan 'das la bskul lo/ /e ma'o bde ba yang dag 'dus nas/ e ma'o pha rol phyin pa'i sa zhes pa'i bar brgyad ni/ thugs kyi 'khor lo brgyad bskul ba'o/ /e ma'o rigs pa rjes 'jug pa nas/ e ma'o dga' ba'i gang chen de'i bar du brgyad ni/ gsung gi 'khor lo la bskul pa'o/ / e ma'o shin tu dri med glu/ e ma'o rnal 'byor pa brgyad ni/ e ma'o sgyu 'phrul lta bu nas/ e ma'o ngo mtshar sems can rnams kyi bar ni tshig rkang brgyad sgo ma dang mtshams ma brgyad kyi glu'o/ /e ma'o ngo mtshar lha mo ni yum la
- 183a
bstod pa'o/ /glung 'di rnams kyi mgon po la bskul bas/ maM gyis sa bon dang/ rdo rje'i mtshan ma las byung ba'i mngon par byang chub pas bskyed pa 'jam dpal gur gum gyi mdog lta bu rigs drug gi rang bzhin zhal drug pa/ pha rol tu phyin pa'i phyag bcu gnyis pa bde mchog gi rtags su phag mos brgyan pa/ yang na skyil krung phyed pa/ yang na g.yas brkyang bas bzhugs pa/ zhal dang phyag mtshan lha rgyud nas gsal/ pad+ma'i lte ba la zla ba'i dkyil 'khor gyi dbus su 'jam pa'i rdo rje/ mkha' 'gro ma dra ba'i sbyor ba'i bde mchog las 'jam dpal gyi bde mchog yin no/ /bum pa bzhi las ye shes kyi lha mo bzhi bskyed/ thog ma thugs kyi 'khor lo'i rtsibs brgyad du thugs kyi dpa' bo dang/ dpa' mo'i sku mdog dang phyag mtshan rgyud las gsal lo/ /gnyis pa gsung gi 'khor lo'i dpa' bo dang dpa' mo'i sku mdog dang phyag mtshan rgyud nas gsal/ gsum pa sku'i 'khor lo ni zur bzhi dang sgo bzhir dgod de/ sku mdog dang phyag mtshan rgyud nas gsal/ thams cad zhal gsum phyag drug pa yin/ dpa' mo thams cad zhal gsum phyag drug pa yin no/ /yum rdo rje phag mo ni zhal gcig phyag gnyis snga ma'i cho ga'i rim pa bzhin du bsgom mo/ /dang po sbyor ba dang dkyil 'khor rgyal mchog bshad nas/ las kyi rgyal mchog ni ye shes kyi 'khor lo sngags dang phyag rgyas bkug nas/ phyag dang mchod pa dang bstod pa byas na sa ro gcig par bsgom par bya'o/ /de nas go chas byin gyis brlabs nas dpa' bo dang rnal 'byor ma nyi shu rtsa bzhi lus la dgod/ phung po dang khams dang skye mched kyi lha bskyed/ dpral bar sku'i 'khor lo/ lkog mar gsung gi 'khor lo snying kar thugs kyi 'khor lo/ nu ma'i bar du 'jam pa'i rdo rje'i ye shes kyi 'khor lo de'i thugs dkar phyag mtshan gyi
- 183b
dam tshig ting nge 'dzin sems dpa' / de nas dbang bskur ba'i lha spyan drangs nas phyag 'tshal mchod bstod de dbang bskur nas rang la thim par bsgom mo/ /de nas go cha bgos la zhes bya ba ni sngar gyi rgyas bshad do/ /mkhas pas ye shes kyi bzlas pa ni spro bsdu bsgom pa'o/ /yang na srog rtsol bsdams pa rdzogs pa'i rim pa bzhi'i tshul gyis bsgoms la bzlas pa bya'o/ /dpral bar oM las sku'i 'khor lo'i spro bsdu dang/ lkog mar A:las gsung gi 'khor lo'i spro bsdu dang/ nu ma'i bar gyi mi las ye shes kyi 'jam dpal gyi spro bsdu dang/ hUM las thugs kyi 'khor lo'i spro bsdu bya'o/ /dag gi bzlas pa ni rgyud nas gsal bsam bshad do/ /dag gis bzlas pa'i tshe du ba chen gyi phreng ba dang/ thun bzhi ru bsgom bzlas bya'o/ /gal te ma grub na bskyar pa'i cho ga ni tshogs kyi 'khor lo'i bdag nyid phyag rgya dang ldan pas sngags pas rtag tu mchod cing/ sku gsung thugs kyi dpa' bo dang rnal 'byor ma bcug nas rang gi lha'i skur bsgom zhing dkyil 'khor mchog dga' ba bzhis bsgrub par bya'o// de ltar dkyil 'khor gyi lha tshogs kyi 'khor los dngos grub thams cad 'thob po/ /'di skad ston te/ sbyor ba lnga dang/ dngos gzhi ting nge 'dzin gsum dang/ rjes brgyad dang/ thun mtshams kyi cho ga bcu gnyis kyis zhib mo rnam par 'thag pa'i sgrub thabs kyis 'jam pa'i rdo rje bsgom par bya'o/ /rtsa rgyud las/ le'u bcu pa'i 'grel pa'o// //de ltar 'jam pa'i rdo rje bshad nas rdo rje sems dpa' la mos pa'i gang zag gi dor rdo rje sems dpa' i dkyil 'khor bshad par bzhed pas/ de nas gzhan yang bshad bya ba gsungs so/ /rigs kyi dbye ba mchog dam pa ni le'u 'di la rigs drug gi dkyil 'khor yod do/ /gnas sogs rim pa'i sbyor ba ni/ dkyil 'khor drug ka la gnas
- 184a
nyi shu rtsa bzhis bskor ro/ /ji ltar bskor zhe na/ phyogs kyi rim pas rnam par dbye zhes ni/ phyogs bzhir dpa' bo dang dpa' mo lnga lnga nang du bzhi te nyi shu rtsa bzhis kun la bskor ba dang/ lha mo bcu gnyis sgo dang mtshams kyi phyi rol tu bskag pas rnal 'byor chen po'i dkyil 'khor kun gyi mchog /rnal 'byor dbang phyug gi gang zag la dngos grub gsum rab tu ster ro/ /rig drug gi'i rten gyi gang zag dkyil 'khor rnam par snang mdzad rdo rje'i sku las byung ba yin no/ /de ltar mdor bstan nas rgyas par bshad pa ni/ de nas 'khor gyi de bzhin gshegs pa thams cad dpa' bo dang dpa' mo'i rnal 'byor pas 'khor dang bcas pas 'dug ste/ bdag po rdo rje 'dzin pa chen po la dga' ba'i mig dang/ brkyang bskum gyi gang dang/ lag pa gnyis skreg pa dang bcas pa'i gar bskyod nas mig zur gyi blta bas smin ma g.yo ba dang bcas pas phyag 'tshal nas gsol ba btab pa/ bcom ldan 'das kyi de nyid ni zhes bya ba chos sku sems kyi dkyil 'khor srungs shig pa'o/ /rol pa'i bde ba chen po ni zhes pa nas a la la la ho'i bar gyi longs sku'i sgyu lus kyi dkyil 'khor srung shig pa'o/ /de bzhin gshegs pa thams cad kyi bde ba chen po mchog tu dgyes pa zhes bya bas/ sprul ba'i sku srungs shig pa'o/ /sku 'di blangs pas so/ /srid pa las 'das pa'i de bzhin gshegs pa ye shes sgyu ma'i dkyil 'khor du ston pa yin no/ /de nas zhus pa'i lan du zhal 'dzum pa dang/ spyan rgyas pa dang/ smin ma g.yo ba dang bcas pas zag med kyi sku gsung thugs las dkyil 'khor drug bsrungs so/ /dang po rdo rje sems dpa' i dkyil 'khor la mos pa'i dor dkyil 'khor zlum po thugs kyi lha'i gnas rdo rje'i dkyil 'khor dang gnyis pa rnam snang gi zla ba rgyas pa lta bu'i dkyil 'khor rdo rje dgyes
- 184b
chen gyi dkyil 'khor ro/ /gsum pa mi bskyod pa'i sngo nag 'bar ba sna tshogs pa'i rlung dang me la brten pa zla ba phyed pa lta bu'i rgyal ba rdo rje'i dkyil 'khor dang/ bzhi pa rin chen 'byung ldan gyi rin chen zur brgyad yid 'ong ba/ nyi ma dang bcas pa rdo rje rin chen gyi dkyil 'khor ro/ /lnga pa snang ba mdza' yas kyi pad+ma 'dab ma brgyad kha bye ba lta bu pad+ma'i dkyil 'khor ro/ /drug pa don yod grub pa'i dkyil 'khor gru gsum 'bar ba me'i dkyil 'khor dang 'dra ba las kyi rdo rje'i dkyil 'khor ro/ /bsgom pa'i tshe phyogs bcur spros pa'i lha drug cu rtsa gnyis re re la yang 'khor gyis bskor nas/ de la sogs pa mdza' yas mchog /dkyil 'khor mchog tu rab brtags na zhes gsungs so/ /rgyud 'bum pa na drug tshang bar bzhed kyang/ 'dir rdo rje sems dpa' skyob pa'i dkyil 'khor ji lta ba bzhin du sprul nas bstan pa yin na/ /de la sngon du 'gro ba'i rnal 'byor lnga byas nas rten 'byung ba bzhi ri rab sna tshogs rdo rje'i steng du nam mkha' i khams kun tu bzang po'i bdag nyid kyi dbus su buM las rnam par snang mdzad kyi gzhal yas khang rtsegs ma bsgoms la/ de'i dbus su sna tshogs pad+ma'i gdan la rdo rje dbyings kyi dkyil 'khor ltar dkyil 'khor tshom bu lnga ji lta bu'i phyogs gzhi dang dbus su dgod do/ /dbus ma'i dbus su sgong skyes kyi rim pas he ru ka yab yum bsgoms te/ sngar bshad pa'i sgong skyes bzhin du zhal lnga phyag bcu gnyis pa spyan gsum pa g.yas brkyang ba'i gnas pas bzhugs pa snga ma dang mthun no/ /de'i shar du pul+li ra ma la yang thod pa'i du ma bu dang rab gtum ma/ zhal gsum phyag drug pa'o/ /de bzhin du byang nub lhor yang dbu gsum phyag drug pa bzhi bzhag ste/ ming ni rgyud na gsal/ mtshams su ni bum pa bzhi thod pa dang bcas pa bzhag pa 'og nas 'chad/ de'i shar phyogs kyi dbus su go dA bi rar lha dgra dang dpa' bo'i blo gros
- 185a
ma zhal gsum phyag drug bzhag /de'i shar byang nub lhor yang dpa' bo dbu gsum phyag drug pa bzhag /byang gi dkyil 'khor gyi dbus su o Ter rdo rje ral pa can dang/ 'jigs byed chen mo dbu gsum phyag drug la bzhag de'i shar byang nub lhor dpa' bo dang dpa' mo dbu gsum phyag drug pa bzhag /ming rgyud na gsal/ nub kyi dkyil 'khor gyis dbus su kany+tsi ra 'jigs byed rin chen mo dang/ rta rnam zhal gsum phyag drug pa bzhag/ da'i shar byang nub lhor dbu gsum phyag drug pa bzhag /ming rgyud na gsal/ lho'i dkyil 'khor gyi dbus su barna dwI par nam mkha' i snying po dang/ 'khor lo go cha ma dbu gsum phyag drug pa bzhag /de'i shar byang nub lhor dpa' bo dang dpa' mo dbu gsum phyag drug pa bzhag /rdo rje dbyings kyi sangs rgyas lnga dang sems dpa' nyi shu dngos yin no/ /thod pa'i dum bu la sogs pa dang/ rab gtum ma la sogs pa'i lha mo zhal gsum phyag drug spyan gsum pa dbus ma bzhi sngo/ /shar phyogs pa lnga dkar/ nub phyogs pa lnga dmar/ lho phyogs pa lnga ser/ dbus kyi mtshams su bum pa bzhi dang thod pa yod pa bzhin du/ shar gyi mtshams bzhi dang/ byang dang nub dang lho'i mtshams bzhi ru bum pa dang/ thod pa nyi shu nges so/ /phyi rol gyi mtshams kyi cha bzhir mkha' 'gro ma la sogs pa'i lha mo bzhi phyed skyes pa phyed bud med kyi gzugs can zhal gsum phyag drug spyan gsum pa/ g.yas brkyang bas bzhugs pa/ gri gug dang mgo'i thod pa dang/ kha TwAM ga dril bu dang cang te'u bsnams pa'o/ /dkyil 'khor lnga pa rdo rje'i phreng ba dang me 'od kyis bskor bar rgyud nas gsal/ sgo bzhi dang mtshams bzhi yang phyed gzugs ma phyed kyi dbang phyug ma ste/ shar gyi khwa gdong ma/ g.yas g.yon gnyis bong bu'i gdong can/ byang gi 'ug gdong ma/
- 185b
g.yas g.yon gnyis rnga mo'i gdong can/ nub kyi khyi gdong ma g.yas g.yon gnyis ra'i gdong can/ lho'i phag gdong ma g.yas g.yon gnyis byi la'i gdong can mkha' 'gro ma dang khwa gdong ma sngo/ /lA ma dang 'ug gdong ma ljang/ khaN+Da ro ha dang khyi gdong ma dmar/ gzugs can ma dang phag gdong ma ser/ gshin rje brtan ma la sogs pa bzhi ni phyed gzugs ma phyed kyi dbang phyug ma ste/ zhal dang phyag mtshan dang sku mdog ni rgyud nas gsal lo/ /rdo rje phag mo ni bcom ldan 'das ji lta ba de ltar zhal lnga phyag bcu gnyis/ phyag rgya lnga bud med kyi dbyibs dang ldan pa/ zhal steng ma phag rgod kyi gdong can no/ gnas ji lta bar rgyud pa'i rim pa'i 'khor lo drug ni rgyud 'bum sde'i 'khor lo'i go cha'i rim pas bstan pa 'di bshad pa'i rgyud rnams dang lnga bcu rtsa gnyis par gsungs te/ ming tsam yang ma bstan pa/ rgyud kyi rgyal po man ngag thams cad kyi rtsa ba rgyud thams cad kyi bla mar gyur pa'i rgyud 'dir/ rdo rje sems dpa' i rnal 'byor ma'i dkyil 'khor gyi le'u gcig pu gsungs te/ gzhan yang bskyed pa'i rim pa ni/ sgra yi tshul las nges byung ba/ dam tshig spyod pa'i spyod yul yin/ zhes rdo rje mkha' 'gro nges par 'byung ba mchog gi le'u dang por bstan to/ /dkyil 'khor lnga'i ni shugs la sogs drug yod do zhes gsungs so/ /lnga pa lnga'i bdag nyid ni phyogs bzhi dang dbus su dkyil 'khor sde tshan lnga bkod pa ni/ ma 'ongs pa'i rnal 'byor pas dkyil 'khor 'bri ba ni/ rgyu gser dngul las byas pa'i bum pa lha'i sku mdog dang mthun pa'i gos kyis mgul bcings la/ bdud rtsi lnga dang sman lnga rin po che lnga 'bru lnga dang ldan pa nang gi mtshams su bzhi/ phyi'i mtshams su bcu drug bzhag go /'dod yon gyi snam bu kha dog sna tshogs pas mchod pa byed pa/ glu dang gar dang sna tshogs pa'i rol mo'i sgra dang bcas pas phyi rol gyi mu khyud kyi nang du 'dod yon gyi lha mos skor ro/ /dur khrod brgyad sngar
- 186a
sgong skyes kyi lha dkyil 'khor du byas te/ dkyil 'khor rgyal mchog bstan to/ /las kyi rgyal mchog ni mdun du ye shes sems dpa' spyan drangs nas/ phyag 'tshal mchod bstod dbang bskur nas gcig du thim par bsams la/ mkhas pas lus la gnas nyi shu rtsa bzhir/ dpa' bo dang rnal 'byor ma dgod/ phung po dang khams dang skye mched kyi lha bskyed/ go cha gnyis kyang bgo /'khor kun la yang lus kyi dkyil 'khor bsam/ lus la dpral bar sku'i 'khor lo/ /ngag lkog mar gsung gi 'khor lo/ /yid snying dkar thugs kyi 'khor lo/ /ye shes kyi 'khor lo lha mo bcu gnyis kyis bskor ba snying ka nu ma'i bar du dgod/ sna tshogs yid du 'ong ba'i bdud rtsi'i thod pa nyi shu'i dam tshig gi lha mchod/ ye shes kyi bzlas pa/ spro bsdu grangs med pa bya/ dung chen gyi phreng ba blangs nas ngag gi bzlas pa bya'o/ /dam tshig gi 'khor lo la rkang pa brgyad pas mchod/ dpa' bo dang dpa' mo'i sngags kyis bstod/ rtsa ba'i rgyud le'u nyi shu rtsa gcig pa'i smon lam yang gdab/ bzlas pa'i sngags ni go skabs ma bshad do/ /gtso 'khor rim pa ji lta ba bzhin du dam tshig gi bdud rtsis mchod cing bzlas pa byas nas lha thams cad dkar por bsgoms pas zhi ba 'grub/ ser por bsgoms pas rgyas pa 'grub/ dmar pos dbang 'grub/ nag pos mngon spyod 'grub/ dkyil 'khor 'di drug ga sgong skyes kyi dbye bas yin no/ /dngos grub bla na med pa'i dkyil 'khor he ru ka'i gnas su rig lnga gang la dad pa bzhag nas gtso bo spro ba yin/ bla ma'i zhal nas rnyed par 'gyur/ bud med rnal 'byor ma la dga' na yang gzhan yang rnal 'byor ma'i zhal nas ston/ bzlas pa bye ba byas na sngon 'grub pa'i rnal 'byor ma rnams kyis ston/ dkyil 'khor drug po 'di gzhan la bstan par mi bya zhes pa la sogs pa ni phan yon de rgyu des na tshogs pa la
- 186b
bshad pa'i phyir le'u lnga bcu rtsa gnyis pa bsdus pa yin la/ rtsa ba'i rgyud bsdus pa 'di ni slob ma la bshad pa'i dbang du mdzad nas bsdus pa yin no/ /'di skad ston pa yin no/ /rnal 'byor pa drug gis sngon 'gro dang rjes dang thun mtshams dang/ spyod pa dang chag pa zhir mo rnam par 'thag pa'i sgrub pa'i yan lag bzhi bcu rtsa brgyad dang ldan pa bsgom par bya'o/ /le'u bcu gcig pa'i 'grel ba'o// //de ltar ris drug gi 'khor lo bshad nas/ da ni ma phyed kyi dbang phyug ma la mos pa de'i ngor/ de nas rnal 'byor bshad bya ba zhes bya ba smos te/ 'dod pa'i don dngos grub gsum sgrub par byed pa rtsa ba'i rgyud 'bum pa las kyang rtsa ba'i rgyud 'di bsdus pa'i ma phyed kyi dbang phyug ma mkha' 'gro ma'i dra ba'i sdom pa rgyud gzhan du gsang zhing ming tsam yang ma bstan pa phag mo mngon par 'byung ba rtsa ba'i rgyud yang dag pa man ngag gi snying po bshad par bya zhes mdor bstan to/ /rgyas par bshad pa ni dngos grub gsum legs par ster ba rdzus skyes kyis rdo rje phag mo'i dkyil 'khor lha mo sum cu rtsa bdun gyi snying po bsdus pa yin no/ / de bsgom par 'dod na dang po tshad med pa dang/ byin gyis brlab pa dang/ srung ba dang/ tshogs sogs pa dang/ stong pa nyid kyi rnal 'byor bsgoms nas/ 'byung ba bzhi ri rab sna tshogs rdo rje dang pad+ma bskyed de/ de'i lte ba'i dbus kyi zla ba'i dkyil 'khor la A li kA li mngon par byang chub pa'i rim pas rdo rje phag mo gzhal yas khang dang bcas pa skad cig gi rnal 'byor gyis bskyed nas/ de yang zhal bzhi pa bcu gnyis pa zhes bya ba nas/ sku las mdzes shing yid 'phrog pa zhes bya ba'i bar du sku mdog dang phyag mtshan ni rgyud nas gsal te/ ma phyed ces bya ba ni sku g.yas skyes pa g.yon bud med mtshan gnyis sbyor bar byed pa'o/ /don thabs shes rab bo/ /bsnyen pa'o/ /shar phyogs kyi mkha' 'gro ma ni dkar mo seng ge'i gdong pa can/ byang
- 187a
du lA ma ljang gu phag gi gdong can/ nub du dum skyes ma dkar mo glang po'i gdong can/ lhor gzugs can ma ser mo rta'i gdong can/ de'i phyi rol tu rdo rje'i phreng bas bskor ba/ mtshams su bum pa bzhi dang thod pa bzhi dgod do/ /de'i phyi rol gyi phyogs bzhir 'khor lo rtsibs drug pa bzhi dgod do/ /shar la sogs pa rtsibs drug gi dbus su shar du mA ma kI dbus sngo ba/ g.yas dkar ba/ g.yon dmar ba/ byang du spyan ma dbus dkar ba g.yas sngo ba/ g.yon dmar ba/ nub tu sgrol ma dbus ljang gu g.yas dkar ba g.yon dmar ba/ lhor gos dkar mo dbus dmar ba/ g.yas ser ba g.yon ljang ba/ phyag drug pa mA ma kI rdo rje dang dril bu/ spyan ma 'khor lo dang dril bu/ sgrol ma sna tshogs rdo rje dang dril bu/ gos dkar mo pad+ma dang dril bu bsnams nas pad+ma ltar gar bskor ba'o/ /phyag gzhan bzhi ni thod pa dang kha TwAM ga g.yon na/ cang te'u dang rdo rje gri gug g.yas kyis bsnams pa shar la sogs pa drug po thams cad du gnas nyi shu rtsa bzhi dang sbyar ro/ /shar gyi rtsibs sngon po drug la rab gtum ma la sogs pa drug gi dkar po dang ljang gu phyed gzugs mthong ba dang kha TwAM ga 'khor lo dang cang te'u dang gri gug bsnams pa'o/ /byang gi rtsibs ljang gu drug la sngo ba dang ser ba'i phyed gzugs ma/ /rdo rje dang thod pa dang kha TwAM ga cang te'u dang gri gug go /nub kyi rtsibs dmar po drug la/ lha mo dmar ba dang ser ba'i phyed gzugs pad+ma dang thod pa dang kha TwAM ga dang cang te'u dang gri gug go /lho'i rtsibs drug la lha mo ser ba dang/ dmar ba'i phyed gzugs ma sna tshogs rdo rje dang thod pa dang kha TwAM ga dang cang te'u dang gri gug go /lha mo de dag thams cad zhal gcig pa spyan gsum pa phyag bzhi pa rang dang mthun pa'i ro'i gdan nyi shu rtsa bzhi la bzhugs pa'o/ /shar gyi rtsibs drug la rdo rje phreng bas bskor ba/ byang 'khor lo'i phreng bas bskor ba/ nub sna tshogs
- 187b
rdo rje'i phreng bas bskor/ lho pad+ma'i phreng bas bskor/ dbus rdo rje'i phreng bas bskor/ zur bzhi sna tshogs rdo rje'i rgya gram gyi steng du gshin rje brtan ma la sogs pa'i lha bzhi bri/ mtshams dang sgo thams cad sna tshogs rdo rje'i phreng bas bskor/ shar bla gdong ma sngo dmar byed gzugs/ byang lug gdong ma ljang ba dang dmar ba dang byed gzugs/ nub khyi gdong ma dkar ba dang ser ba phyed gzugs/ lho phag gdong ma ljang ba dang sngo ba'i phyed gzugs/ shar lhor gshin rje brtan ma ma he'i gdong/ lho nub du gshin rje pho nya mo bong bu'i gdong/ nub byang du gshin rje mche ba ma rnga mo'i gdong can/ byang shar du gshin rje 'joms ma rta'i gdong/ g.yon gyi dang pos thod pa dang kha TwAM ga gzung ba/ g.yon gyi gnyis pas mgo bo skra dang bcas pa gzung ba dang/ g.yas kyi dang po gri gug /gnyis pas cang te'u shin tu 'jigs pa'i sgra sgrogs pa'i nye bsten no/ /lhag ma'i mtshan nyid rgyan dang dbyibs rgyud na gsal/ phyi rol nas bskor ba'i 'dod pa'i yon tan gyi lha mo ni/ gzugs rdo rje ma me tog dang spos dang mar me tho? bru/ dri rdo rje ma dri chab thogs pa/ ro rdo rje ma lha bshos kyi phreng ba dang byug pa thogs pa/ reg bya rdo rje ma lha'i gos thogs pa/ sgra rdo rje ma sil snyan thongs nas mchod pa byed pa'o/ /de la sogs te mdza' yas mchog ni gling bu dang pi wang dang/ rdza rnga dang rnga rings dang rnga drag man dang rnga zlum dang rnga bo che dang/ pa Ta ha dang/ sgeg mo dang phreng ba dang glu ma dang gar ma dang/ bdud rtsi lnga la sogs pa'i lha mo'o/ /dkyil 'khor 'di'i phyi rol gyi rtsig pa ni/ pany+tsa rA ga pa gu yi dags kyi gzugs can ro sngon po dang ser po dang dmar po dang ljang gus brtsig pa'o/ /dur khrod brgyad dang/ rdo rje ra ba me 'od kyis bskor ba'o/ /lus kyi dkyil 'khor bsgom pa ni/ lus la go rim ji lta ba bzhin du dgod par bya'o/ so dang sen mo ni mgo bo'i ming yin no/ /snabs ni spus mo'i ming yin te/ khams
- 188a
nyi shu rtsa bzhi lha mor bsgoms pas so/ /zhes kha cig 'chad do/ /yang na khams nyid yin par 'thad do/ /de'i rgyas bshad ni pul+lir ma la yar nyi ma'i dkyil 'khor mgo bor gtum mig ma zhes bya ba nas/ ku lu ta pus mor nyi ma'i dkyil 'khor brtson chen ma'i zhes bya ba'i bar du gnas nyi shu rtsa bzhi'i dbus su dpa' mo nyi shu rtsa bzhi bsgoms te/ /sgom brgyad kyang mig la sogs pa'i sgo brgyad la dgod pa kha bskang ngo/ /thugs kar ye shes kyi 'khor los la sogs pa khams lnga'i lha mo/ /snga ma bzhin gzugs kyi phung po la sogs pa'i lha yang snga ma bzhin/ mig la sogs pa skye mched kyi lha yang snga ma bzhin/ /yid mi 'khrugs pa'i snying gar thugs kyi 'khor lor dag 'od dpag med lkog mar gsung gi 'khor lo/ /lus rnam snang dpral bar sku'i 'khor lo sgrub pa'o/ /sgrub pa chen po ni de ltar dgod pa byas nas ni zhes pa dpa' bo dang dpa' mo'i go cha drug bsgon nas ye shes kyi 'khor lo spyan drangs te/ de bltas nas/ phyag rgya mchod bstod lus la bcug nas lha'i dngos po kun dang tha mi dad pa'i de'i ngor bya'o/ /dbang bskur ba'i ye shes sems dpa' spyan drangs na mchod pa dang/ /dam tshig gi chu la sogs pas dbang bskur ba dang/ /tha mar ro gcig par bsgom mo/ /de'i snying ga nu ma'i bar du ma phyed kyi dbang phyug ma'i 'khor lo bsgoms la bum pa bzhi'i thod pa'i bdud rtsi'i ro'i dkyil 'khor la mchod la/ lus sku dang/ /ngag gsung dang/ yid thugs kyi 'khor lo las dam tshig gi lha mo 'od zer spros pas sems can yang lhar bskyed/ /sems med pa'i bems po snod kyi 'jig rten yang lhar bskyed/ rnam par rtog pa spangs pa sgyu ma lta bu'i lha'i 'khor lo dang ye shes kyi bzlas pa bya'o/ /dam tshig gi mchog ngag gi bzlas pa ni yum gyi snying po dang nye snying ni gsal 'khor gyi lha mo rnams kyi
- 188b
sngags ni/ oM DA ki ni ye huM hUM phaT zhes bya ba nas/ oM ya ma ma thA ni huM hUM phaT ces pa'i bar du sngags kyi bzlas pa yongs su rdzogs par bya'o/ /bzlas pas du ba na thod pa bzhi las zhi ba'i btung ba bdud rtsi myangs nas chos thams cad mnyam pa nyid du bsgoms la lha thams cad la bdud rtsi'i dam tshig gis mchod do/ /de nas sems kyi 'khor lo bsgom pa ni/ byang chub kyi phyogs kyi chos sum cu rtsa bdun chos bdag med pa'i stong pa nyid la dkyil 'khor gyi lha mo rnams bcug nas shes rab kyi pha rol tu phyin pa bdag med pa'i chos nyid bsgom mo/ /'di ni don dam snying po las shes par 'gyur ro/ /mtshan ma med pa bsgoms nas rten 'brel gyi chos mtshan ma med pa'i de nyid lha mo sum cu rtsa bdun gyi gnas der 'bras bu'i tshod tsam gyi thig le'i lha/ lha'i mig gi blta bar bya'o/ tshad ji tsam zhe na/ rdul phra rab dang mnyam pa'i thig le'i 'khor lo bsgom mo/ /yang na skra'i rtse mo brgya stong du bshags pa'i tshad tsam gyi lha mo sum cu rtsa bdun gyi b+ha ga'i dbus su he ru ka dang bcas pa'i lha mo'i 'khor lo khwa gdong ma la sogs pa brgyad kyi phyi rol nas bskor ba bsgom mo/ /de nas rdzus skyes bshad nas mngal 'di ltar bsgoms te/ yang na ma phyed kyi dbang phyug ma dang 'khyud pa'i bdag po he ru ka mkha' 'gro ma nis bskor ba mngal skyes kyis bsgom par bya te/ dpa' bo dang dpa' mo phan tshun bdag por byas nas/ rdo rje sems dpa' rgyu'i he ru ka dang/ sogs pas lha mo'i 'khor lo mngal skye nas/ bskyed pa dang/ rgyu'i he ru ka zhu ba dang/ 'bras bu'i he ru ka bskyed pa'i sbyor ba dang ldan pa mngal skyes kyis bskyed nas/ /grub pa'i rnal 'byor ma nyi shu rtsa bzhi la sogs pa'i ting nge 'dzin gsum gyis sbyor ba'i khams gsum gyis sbyor ba'i khams gsum gyi bdag po chen po dpal he ru ka'i dngos grub thob nas/ lha'i mig med pa la mi snang ba'i sems can gyi don du sa la spyod pa 'grub
- 189a
gal te mchog gi dngos grub ma grub na/ tha ma'i 'khor lo sgyur ba 'bring lha'i 'khor lo sgyur ba 'grub bo/ /gal te ma grub na bskyang ba'i cho ga tshogs kyi 'khor lo bshad pa ni/ sbyor ba'i cho ga 'di yis ni/ /'chi bdag phyogs ni bcom zhing za/ /zhes bya ba ni tshogs kyi 'khor lo 'dis dus ma yin par 'chi ba brgyad 'joms so/ /tshogs kyi 'khor lo'i tshe ring ba'i 'bras bu 'dod pa'i mchod pa gang gis bya zhe na/ mtshams med pa la sogs pa mi dge ba byed pa'i sdig can mkhas pas sngags kyi mthus srog dang phral nas mchod pa bya'i de'i las gzhan du dge ba byed pa sdom pa can srog dang phral na dngos grub 'jig par 'gyur ro/ /srog dang 'bral ba'i thabs ji ltar bya zhe na/ bag zan la phyugs kyi gzugs byas la/ de ma ra la btsos pa'i ling ga gsod pa'i sbyor bas dum bur bcad nas rnal 'byor ma sum cu rtsa bdun la/ sems can 'di ni mtshams med pa lnga byed pa rdo rje slob dpon smod pa/ rdo rje spun la sdang la/ /dkon mchog gsum gyi dgra mkha' 'gro ma rnams kyis srog dang phrol/ mgo chod snying phyung/ pags pa shus shes bzlas zhing che ge mo mA ra ya phaT ces sngags kyi sbyor ka'i bsgrub pa'i sbyor bas tshogs kyi 'khor lo'i lha mo dang/ sring mo la dbul ba 'am mchog ye shes skyes pa 'am/ bar ma zhing skyes sam/ bu mo sngags skyes dang lhan cig du dga' ba bzhi'i ting nge 'dzin mnyam par sbyor bas/ dam tshig gi mchog mngon spyod kyis bsgrub par bya'o/ /rang gi lha'i 'khor lo'i sbyor bas/ 'dod pa'i yon tan lnga yang longs spyad cing dbul bar bya'o/ /de nas phag mo'i ting nge 'dzin gyi lte bar sdigs mdzub kyis phul nas/ mkha' 'gro'i dkyil 'khor thams cad kyis kyang mdud rtse lta bu'i 'od zer gyis sgo dgu la zhugs nas/ snying ka'i pad+ma phug nas khrag 'thung bar bsam zhing/ mkha' 'gro mas zos pas
- 189b
sangs rgyas su 'gyur gyi/ ngan song gsum la sogs pa gzhan du ma yin no/ /de'i don 'di skad ston pa yin te/ ma phyed kyi dbang phyug ma bsgom pa'i rnal 'byor las sbyor ba sngon 'gro'i rnal 'byor dang/ /dngos gzhi ting nge 'dzin gyi rnal 'byor dang/ rjes ldang ba'i rnal 'byor dang/ thun mtshams kyi rnal 'byor zhib mo rnam par 'thag pa'i sgrub pa'i thabs bzhi bcu rtsa brgyad bsgom mo/ /'dir ni dngos grub bsgrub pa'i rgyu mtshan spro bsdu bsgom pa dang/ sems kyi 'khor lo mtshan med bsgom pa dang/ lha'i gnas su thig le bsgom pa dang/ lha mo'i b+ha ga'i dbus su phra mo bsgom pa dang/ b+ha ga'i dbus su he ru ka yum bzhi dang bcas pa bsgom pa dang/ /mngal skyes kyi rim pa bsgom pa dang/ bskyar ba'i cho ga mngon spyod kyi tshogs kyi 'khor lo bsgom pa dang bcas pa ni/ rtsa ba'i rgyud phag mo mngon par 'byung ba'i le'u bcu gnyis pa'i 'grel ba'o// //de ltar ma phyed kyi dbang phyug ma bshad nas/ 'khor lo spangs pa'i re mig gi dkyil 'khor la dga' ba'i dor/ de nas gzhan yang bshad bya ba zhes bya ba la sogs pa gsungs so/ /dpa' bo nyi shu rtsa bzhi dang rnal 'byor ma sum cu rtsa bdun gyi gnas 'khor lo spangs pa'i re mig la dgod pa'i man ngag bshad par dam bca' ba'o/ /sngon grub pa'i rnal 'byor ma rnams kyi brgyud pa dang 'das pa'i sangs rgyas kyi bla ma brgyud pa las/ gzhan du 'dod rgyal gyis dris ma ma yin no/ /de la sngon du 'gro ba'i rnal 'byor lnga dang/ ldang pa'i rnal 'byor bdun bskyed nas mngon par byang chub pa lnga'i rim pa las lha dang gzhal yas khang rdzus skyes kyis bskyed pa'i gzhal yas khang ni thugs kyi 'khor lo spangs pa'i re mig dgu /gsung re mig dmar po brgyad/ sku yang re mig dkar po brgyad de bcu drug go/ re mig dgu pa'i dbus su ye shes kyi sna tshogs pad+ma 'dab ma brgyad de'i dbus su A li kA li nyi zla la sbyor me long lta bu dang
- 190a
mnyam pa nyid/ hUM so sor rtog pa/ rdo rje sems dpa' i 'od zer spro bsdu bya ba nan tan/ de yongs su gyur pa las he ru ka rnam par bsgom pa chos kyi dbyings kyi ye shes so/ /zhal lnga phyag ni bcu pa zhes bya ba nas/ thugs rje'i nyams pa pas rnam par myos zhes bya ba'i bar gyis sku mdog dang phyag mtshan ni go sla'o/ /bsnyen pa'o// shar gyi 'dab ma la mkha' 'gro ma zhes bya ba nas/ he ru ka'i rnam par bsgom zhes pa'i bar ni pad+ma brgyad ye shes kyi 'khor lo gri gug gis bskor ba'o/ /de'i phyi rol sa gzhi sngon po ka ba brgyad dang/ rdo rje ra ba gru bzhis bskor ba'i re mig brgyad la thugs kyi 'khor lo'i ming dang sku mdog ni gsal/ de'i phyi rol sa gzhi dmar po pad+ma rA ga'i ka ba brgyad pad+ma'i phreng bas gru bzhir bskor ba/ de'i re mig brgyad la gsung gi 'khor lo'i lha dgod pa gsal lo/ /de'i phyi rol du sku'i 'khor lo/ /sa gzhi dkar po la/ shel gyi ka ba brgyad 'khor lo'i phreng bas gru bzhir bskor ba/ de'i nang du sku'i 'khor lo brgyad dgod do/ /sku mdog dang phyag mtshan dang rgyan ni rgyud nas gsal lo/ /sgo srungs dang zur gyi lha mo rnams ni gzhung lugs du ma mthong ba'i mkhas pas/ khwa gdong ma dbus ma khwa dang g.yas pa bya rog dang/ g.yon pa chu skyar gyi zhal yin no/ /bya gdong gi 'ug pa'i gdod can ma ni g.yas pa 'ug pa dang/ g.yon pa byi la'i gdong can no/ /nub kyi khyi gdong can ni/ g.yas pa khyi dang g.yon pa seng+ge'i gdong yin no/ /lha'i sa 'dzin phag rgod ma ni g.yas pa phag dang g.yon pa lug gi gdong can no/ /lha mo thams cad dang dpa' bo thams cad kyang zhal gsum phyag drug pa sku mdog dang phyag mtshan ni rgyud na gsal lo/ /sprul pa'i sku ni gdul bya mos pa gtso bo yin pas 'khor lo med pa gru bzhi rim pa gsum gyi re mig la dgong pa dang gshin rje brtan ma la sogs sgor dgod/ khwa gdong ma la sogs pa
- 190b
mtshams su bkod la rang dang 'dra ba'i khro bo brgyad dang 'khyud pa'i thabs dang bcas pa dang/ nang gi ye shes kyi lha mo bzhi yang sangs rgyas zhal gsum phyag drug pa bzhi dang 'khyud pa/ sngon gyi sangs rgyas bla ma'i bkas gnas kyi gzhung lugs kyi dpa' bo dang dpa' mo ji ltar 'dod pa de ltar sems can gyi bsam pa'i khyad par gyis dpa' bo dang bcas pa'i rnal 'byor bcu gnyis bsgom mo/ /mtshams kyi bum pa dang thod pa yang bzhag/ phyi rol 'dod yon gyi lha mos bskor pa'i tshul gyis sna tshogs kyi mkha' 'gro ma dpa' bo dang 'khyud pa sprul nas me tog dang bdug spos la sogs pas mchod par bya'o/ /phyi rol gyi rtsig pa yi dags kyi gzugs kyis yongs su bskor ba/ sngon gyi bla ma sangs rgyas kyi man ngag gi bems po ro'i rtsig pa lnga'i dngos po ni/ dngos med ye shes lnga'i snang ba yin no/ /zhes bstan to/ /gru bzhi rim pa gsum gyi ka gzhu dang ka steng kyang rdo rje pad+ma 'khor los mtshan pa/ sa gzhi yang sngon po dmar po dkar po sna tshogs pas 'byed pa dang ldan pa'o/ /gnas nyi shu rtsa bzhi'i lus kyi 'khor lo bkod pa dang/ khams dang phung po dang skye mched kyi lha yang bkod nas/ ye shes rdo rje'i lha mo bzhi dang/ ye shes kyi 'khor lo nu ma'i bar du dgod/ sku gsung thugs kyi 'khor lo gsum dpral ba lkog ma snying gar bkod de sgrub pa'o/ /sgrub pa chen po ni ye shes sems dpa' spyan drangs nas phyi rol gyi mchod yon dang/ zhabs bsil dang/ mchod pa lngas mchod dam tshig sna tshogs pa rkang pa brgyad pa'i lha mos mchod/ sna tshogs pa'i khyad par sha chen lnga po dag gis mchod/ dpa' bo dang dpa' mo'i go cha gnyis bskon/ dbang bskur nas ma lus par ro gcig par bsgom/ lha thams cad la dam tshig sems dpa' dang/ ye shes sems dpa' dang ting nge 'dzin sems dpa' mkhas pas sbyor ba gsum du sbyar/ /rnam dag sum cu rtsa bdun bsgom/ /yang na ye shes
- 191a
kyi bzlas pa 'khor lo gsum gyi spro bsdu bsgom la bzlas pa bya/ dus bzhi ru bdud rtsi lnga'i dam tshig rnams kyang rnal 'byor pa mkhas pas bsrung bar bya/ khams gsum khrag 'thung gi gzugs can du bsams nas/ 'gro drug gi 'khor lo 'od zer spro bas thug med kyi 'khor lo bzhin du srid pa sbyangs nas thugs kar gzhug par bya zhing/ spro bsdu byas pas dngos grub myur du 'thob bo/ /dung chen gyi phreng ba blangs nas ngag gi bzlas pa'i sngags ni rgyud na gsal/ bsgom pa dang bzlas pa'i 'bras bu sa'i rlung 'gags pas 'dar ba dang/ chu'i rlung 'gags pas g.yo ba dang/ me'i rlung 'gags pas 'bar ba dang/ rlung gi rlung 'gags pas mig 'bar ba dang/ rnam shes kyi rlung 'gags pas tshig 'jam pa'i rtags drug ni rdo rje dbab pa'i 'bras bu yin no/ /rtags de rnams ma byung na srog dang rtsol ba dbugs 'byung rngub bkag nas yum lte ba'i oM las yab snying ga'i hUM kha sbyor chos kyi dbyings spro ba'i le'u bzhi pa'i dkon mchog gsum rjes su dran pa'i sgyu ma 'od gsal zung 'jug tu spros pas/ sangs rgyas kyi chos kyi mchog spros pa ste bskyed pa'i rjes la rdzogs pa'i rim pa bsgom pa 'di ni/ ma 'ongs pa'i sems can kun la phan pa dang/ gdul dka' ba'i drag po 'jigs byed bstan pa yin no/ /langs pa'i tshe khams gsum pa thams cad rgyu ba dang mi rgyu ba'i snod bcud sku gsung thugs kyi 'khor lor bsams nas/ 'dug pa'i tshe sngags pas bza' ba gang cung zad de thams cad bdud rtsi ltar dam tshig gis byas nas zos pas chos kyi dbang phyug snang ba mdza' yas su 'gyur ro/ /dam tshig nyams kyis dogs pa la bla ma la mchod pa byas nas chu'i khrus kyi bum pa'i dbang blang ba dang/ lo bcu gnyis 'jam pa'i gdan phul nas gsang ba'i dbang blang ba dang/ sangs rgyas dang dpa' bo dang rnal 'byor ma dang lha mo bcu gnyis kyi
- 191b
mkha' 'gro ma lus la bkod nas yid kyi mchod par bshad pa ni/ shes rab ye shes kyi dbang bskur ba dang/ langs pa'i tshe nam mkha' i dbyings su dkyil 'khor bzhag la sman lam gdab pa dang/ rgyu ba dang mi rgyu ba khams gsum pa thams cad lha'i 'khor lo'i ngo bo nyid kyis dag par rang gi lha'i yum dang tha mi dad pa'i 'khor lor brtag par bya'o/ /'di skad ston pa yin te/ zhi ba mo rnam par 'thag pa'i sgrub pa'i thabs don bzhi bcu rtsa brgyad 'dir yang bsgom mo/ /dbang gi rtsa ba'i rgyud kyi le'u bcu gsum pa'i 'grel pa'o// //de ltar re mig dgod pa'i 'khor lo bshad nas/ ro mnyam gyi 'khor lo gsungs pas/ de nas zhes bya ba gsungs te/ gnas kyi 'dus pa mchog yin no/ /zhes bya ba ni/ sku gsung thugs kyi 'khor lo gcig pa dbyibs ro mnyam dgod pa la dgongs pa yin no/ /don dam pa'i chos thams cad rang bzhin gyis 'bres bas ro gcig par 'gyur ba de las byung ba'i kun rdzob tu ro mnyam pa'i dkyil 'khor ni kha dog gsum ldan dam pa ste/ sku gsung thugs kyi lha thams cad kha dog gsum du nges pa yin no/ /de ltar mdor bstan nas rgyas par bshad pa ni/ tshad med pa dang byin gyis brlab pa dang/ srung ba dang/ tshogs gsog pa dang/ stong pa nyid kyi rnal 'byor byas nas 'byung ba bzhi ri rab sna tshogs rdo rje/ bum las rnam par snang mdzad kyi gzhal yas khang bskyed nas/ dkyil 'khor gru bzhi sgo bzhi sgo khyud dang bcas pa/ rta babs dang rdo rje ra ba dang me 'od kyis brgyan pa/ de'i dbus su dbyibs ro mnyam gyi lha gsungs te/ 'khor lo nyi shu rtsa bzhi phreng ba gcig tu bskor ba/ de'i dbus su pad+ma 'dab ma brgyad par lte ba dang ge sar du bcas pa/ de'i steng du nyi ma'i dkyil 'khor gyi dbus su rdo rje sems dpa' ni bde ba chen po zhes bya ba rnal 'byor pa'i sems thig ler gnas pa las skad
- 192a
mda'i tshul du A li kA li hUM la zhu ba dang/ sngar bshad pa bzhin du zla ba me long ye shes nyi ma mnyam nyid ye shes/ yig 'bru dang phyag mtshan so sor rtog pa dang/ 'od zer spro bsdu bya ba nan tan/ de yongs su gyur pa las rdo rje mchog he ru ka chos kyi dbyings kyi ye shes rnam par bsgom mo/ /dus mdza' i me ltar drag pa'i zhes pa nas zla ba phyed pas rnam par mdzes zhes pa'i bar ni go sla'o/ /'gro ba ris drug 'dul ba'i zhal drug pa 'jigs su rung bas ha ha sgrogs pas g.yas pa sgeg pa dang bzhad pa gnyis kyi hUM hUM dang/ hi hi sgrogs pa/ g.yon pa drag pa dang dpa' bo gnyis kyis phaT phaT dang hUM hUM sgrogs pa steng ma ljags bskyod pa tra ta tra ta bsgrogs pa'o/ /lhag ma ni go sla'o/ /zhal drug pa rnal 'byor pa sus bsgom zhe na/ rnal 'byor som nyi spangs nas su zhes bya ba thabs dang shes rab snyoms par 'jug pa'i bde mchog bsgom pa la som nyi med pa'o/ /bcom ldan 'das snying rje chen pos brlan pas sems can gyi don gyi phyir/ dbyibs ro mnyam 'byung ba bzhi dang/ ri rab gyur pa las nam mkha' i mdza' las gzhal yas khang sprul nas longs spyod cing sems can gyi don du zhal drug gis 'gro ba rigs drug gi srid pa rnam par sbyong ba yin no/ /dbyibs ro mnyams kyi dkyil 'khor bshad nas/ da ni gzhal yas khang gi dbus su kha dog ro mnyam gyi gtso bo dang 'khor bskyed nas/ 'byung ba bzhi ri rab dang sna tshogs rdo rje gyur pa las/ gzhal yas khang stong pa'i ye shes las byung zhing rtog pa med pas zla ba dang po'o/ /gnas med pa nyi ma/ rang bzhin med pa yig 'bru/ so sor rtog pa mchog tu phra ba/ spro bsdu bya ba nan tan/ thig le'i sgra spangs pa'i chos kyi dbyings kyi ye shes mnyam pa nyid dam tshig ye shes bzhi'i zhal can de mthong bas phyi'i gzhal yas khang kha dog bzhir snang
- 192b
pa'i dam tshig gi 'khor lo dang 'dra ba'i zhal bzhi phyag bcu gnyis pa bsgom mo/ /de'i snying gar ye shes sems dpa' / de'i thugs ka'i zla ba de'i dbus su zla ba rdo rje hUM sa bon dang bcas pa'i sems dpa' sum rtseg bsgom mo/ /gtso bo gnyis bsnyen pa'i rnal 'byor ro/ /mkha' 'gro la sogs rim pa yis zhes bya ba nas/ rim pa bzhi ni dgod par bya zhes bya ba'i bar du ye shes kyi 'khor lo gri gug gis bskor pa'o/ /dang po shar phyogs nas zhes bya ba nas rdo rje sems dpa' dang brtson 'grus chen po ljang gu zhes bya ba'i bar du sku'i ro mnyam pa'i khor lo bshad do/ /yang na sku dang gsung dang thugs kyi dbye bas ji ltar 'dod pa'i kha dog tu bya'o zhes bya ba ni/ kha dog ro mnyam gyi bde mchog zhal bzhi phyag bcu gnyis pa'i thugs kyi 'khor lo brgyad nag pos bskor/ gsung gi brgyad dmar pos bskor/ sku'i 'khor lo dkar po brgyad kyis bskor ba/ thugs rdo rje'i phreng bas bskor ba/ gsung pad+ma'i phreng ba/ sku 'khor lo'i phreng bas bskor ba bri'o/ /sgo rnams su go rims bzhin du lha mo brgyad bri pa ni/ dbyibs ro kha dog ro mnyam gyi sgo ma dang thun mong yin na/ mtshams ma bzhi kha dog ro mnyam yin no/ /mtshams ma bzhi kha dog ro mnyam yin na phyed gzugs mar 'gyur ro/ /thod pa'i dum bu la sogs pa'i dpa' bo ni zhal gcig phyag bzhi pa/ dpa' mo ni zhal gcig phyag gnyis pa/ dpa' bo rdo rje dang dril bu g.yon na thod pa dang kha TwAM ga /yum ni gri gug dang ka pA la 'chang ba'o/ /kha dog ro mnyam gyi 'khor lo bshad pa ni/ yang na rigs gsum gyi dbye bas rtsa ba'i mtshan ma rdo rje dang dril bu thams cad 'dzin pa lha mo n+thams cad gri gug dang ka pA la 'chang ba skra grol bas bzhugs pa'o/ /khwa gdong ma la sogs pa'i lha mo rnams ni rang snang pa'i dpa' bo dang 'khyud pa nyi ma dang pad+ma'i steng na gnyis su med pas bzhugs pa'o/ /yang na gang zag kha cig rjes su chags
- 193a
pas mi'i zhal nyid du mos te/ lha mo bcu gnyis ni zhal gcig phyag bzhi la g.yon pas thod pa dang kha TwAM ga 'dzin pa/ cang te ru dang gri gug dang mgo po'i do shal 'chang ba/ dkyil 'khor thams cad yi dags kyi gdan la bzhugs pa nye bsnyen gyi rnal 'byor ro/ /dpa' bo'i lus kyi dkyil 'khor yan lag so sor dgod pa ni/ sgrub pa brtsams te/ so dang sen mo dag pa thod pa'i dum bu zhes bya pa nas snabs ni rdo rje sems dpa' bo zhes bya ba/ dpa' bo nyi shu bzhi lus la dgod pa'o/ / pul+li ra ma la ya mgor nyi ma'i dkyil 'khor la rab gtum ma'o zhes pa nas ku lu tA pus mo gnyis la brtson 'grus chen mo'i bar du dpa' po dang dpa' mo dag lus la dgod pa dang/ sgo ma brgyad bu ga brgyad la dgod pa kha bskang ngo/ /khams dang phung po dang skye mched kyi lha sngar bshad pa bzhin du blta'o/ /yid mi 'khrugs pa ni snying kar thugs kyi 'khor lo/ /dag 'od dpag med ni lkog mar gsung gi 'khor lo/ /lus rnam snang ni mgo bor rnam snang sku'i 'khor lo/ /lha mo bcu gnyis kyis bskor pa'i ye shes sems dpa' nu ma'i bar du sgrub pa'o/ /sgrub pa chen po ni rang gi snying ka'i 'od zer lcags kyu lta bus ye shes sems dpa' spyan drangs la/ mchod pa dang bstod pa bya ba dang/ dgod pa nyid ni byas nas ni zhes pa dpa' bo dang dpa' mo drug gi go cha dgod pa'o/ /de nas rim pa bzhin du dbang bskur ro/ /rdo rje lcags kyu dgug pa dang/ 'od zer zhags pas gzhug pa dang/ 'od zer lcags sgrog gis bcing ba dang/ 'od zer dril bus rjes su chags pas mnyes bar bya'o/ /dam tshig sems dpa' la ye shes sems dpa' gcig gi ngo bor thim par gyur nas go cha gnyis dgod de/ /oM ha las rdo rje sems dpa' zhes bya ba nas yan lag thams cad kyi go cha 'o zhes bya ba'i bar ni sngar bshad pa bzhin du sku mdog dang phyag mtshan blta bar bya'o/ /dbang
- 193b
bskur ba'i lha spyan 'dren pa'i phyag rgya ni/ mdzub mo mdud byas zhes bya ba nas 'ching ba dang dbang du bya ba yin zhes bya ba'i bar du 'od zer lcags kyu lta bu zhags pa dang/ lcags sgrog dang dril bu lta bu bzhis bkug la/ phyag 'tshal ba dang mchod pa dang bstod pa byas nas 'khor lo'i dpa' bo dang rnal 'byor ma lngas ye shes kyi bdud rtsi'i bum pa lngas dbang skur ba'i sngags dang bcas pas chu'i dbang bskur ba dang/ glu 'dis bskul bas mkha' 'gro ma chen mo rnams dgyes nas rang gi yum la thim pas dga' ba bzhi'i dgyes bas dgyes shing/ shes rab ye shes sa bcu pa'i zag pa med pa'i ye shes kyi dbang bskur bar byed do/ shes rab ye shes kyi dbang bskur par bskul ba'i glu ni/ dbang bskur rol pa'i bde chen po ni sbyin pa'i stong pa nyid do/ /mkha' 'gro dra ba'i bde ba'i mchog ni/ tshul khrims kyi stong pa nyid do/ /dgyes chen bde chen las byung ba ni/ bzod pa'i stong pa nyid do/ /mkha' 'gro bde mchog longs spyod ni/ brtson 'grus kyi stong pa nyid do/ /mkha' 'gro dra ba'i bde chen po ni bsam gtan gyi stong pa nyid do/ /a la la la ho ni dga' ba bzhis mnyes pa'o/ /ye shes dang dam tshig ro gcig pa gyur nas/ 'khor lo kun yang ro gcig par bsgoms pas rtags ni/ rdo rje sems dpa' i dbu rgyan ye shes lnga dang ldan pa 'byung ba ro gcig pa'i rtags yin no/ snying kar a las zla ba'i dkyil 'khor gyi steng du yab yum gyi snying po rim pa bzhi dang/ dpa' bo dang dpa' mo'i sngags kyi rim pa lnga/ go cha'i dpa' bo dang dpa' mo'i sngags kyi rim pa dang drug /rkang pa brgyad pa'i dpa' bo dang dpa' mo'i sngags dang rim pa bdun bkod la/ thun bzhir spro bsdu bya ste/ kar kar la sogs pa'i rtsa ba'i sngags las tshangs pa'i skud pa la sogs pa phyag rgya drug gi spro pa dang bsdu pa de las brtag go /phag mo'i rkang pa brgyad pa'i sngags las mgrin pa'i mgul rgyan spro/
- 194a
snying po'i sngags yi ge nyi shu rtsa gnyis po las brgya phyed kyi mgo ba'i phreng ba spro/ yi ge bdun pa'i sngags la zhal g.yas ser po/ /rgyab dmar po/ g.yon ljang gu las rna cha zlum po drug dang bcas pa spro/ yum kyi nye snying phyag g.yas pa pags pa bsnams pa dang/ cang te'u dang gri gug dang dgra sta gri gug tri shU la rtse gsum pa'i phyag lnga de las spro bsdu ba'i tshe yang sngags de la bsdu/ go cha'i rnal 'byor ma drug gi sngags las dril bu g.yer ka drug bcu rtsa bzhi dang bcas pa'i ske rags dang stag gi sham thabs spro/ go cha'i dpa' bo'i sngags las go cha'i lha drug spro/ DA ki nI hUM phaT/ lA me ni hUM phaT/ lA ma la sogs pa'i 'khor lo kun gyi rnal 'byor ma'i sngags pas thod pa 'dzin pa'i phyag dang/ glang po che'i lpags pa 'dzin pa'i phyag rgya dang kha TwAM ga dang zhags pa dang tshangs pa'i mgo bo thogs pa'i phyag lnga de las spro zhing de la bsdu'o/ /yum gyi snying po'i sngags las thod pa'i cod pan lnga'i spyi gtsug gi sna tshogs rdo rje rus pa'i 'khor lo rtsibs brgyad pa zla ba chos pa de las spro de la bsdu/ sprul pa'i dpa' bo dang dpa' mo nyi shu rtsa bzhi lus kyi dkyil 'khor gyi rtsa dang khams kyi dpa' bo dang dpa' mo la bsdu/ de las spro bar yang rnam par la rtag go /de ltar bsdus nas zhal gcig phyag gnyis par gyur pa la/ gnod mdzes cham ngam kyi sngags kyis bsrung ba dang/ rkang pa brgyad pas mchod pa dang/ 'jigs pa brgyad dang/ sdug bsngal brgyad dang/ dus ma yin par 'chi ba brgyad kyi 'jigs pa spangs te/ rnal 'byor pa bdag nyid bsam mo/ /spro bsdu ye shes kyi bzlas pa sgrub pa chen po ni rnal 'byor ro/ /'di'i yan lag tu bdud rtsi myang ba dang mchod pa dang/ bstod pa dang gtor ma btang ba yang sgrub pa chen por 'gyur ro/ /spro bsdu de ltar bsgom pa la mi mos na/ rdo rje khro bo'i thig le bsgoms te/ rang gi mkha' gsang gi
- 194b
sna rtsa'i bu ga la rgyu ba dang/ mi rgyu ba'i snod bcud thams cad thig le'i lhar bltas nas nam mkha' i khams su spro'o/ /yang na khro bo phra mo rgyu dang mi rgyu ba'i thams cad phra mo'i ltar mngal skyes spangs nas blo dang ldan pa'i ba spu'i bu ga nas khro bo phra mo'i sprin spro bar bya'o/ /yang na byang chub kyi phyogs kyi chos sum cu rtsa bdun/ dpa' bo rnams ni rgyu ma lta bu/ /dpa' mo sum bcu rtsa bdun ni stong pa nyid du bsgom pa ni sngar bshad pa bzhin du bya'o/ /de nas dam tshig gi bzlas pa bya pa'i sngags ni go sla bas ma bshad do/ /dung chen gyi phreng ba blang ba ni lag pa g.yon pa'i mthe bong dang srin lag gis blangs nas phyis ci bder bzlas pa bya'o/ /bzlas pa zin nas thod pa bzhi la dam tshig gi sbyor bas bdud rtsi lnga'i dam tshig bza' bar bya'o/ /de nas gtor ma sbyin pa ni/ gcer bu skra grol gyur pa yis/ /brtul zhugs can gyis gtor ma sbyin pa ni mtshan ma thob pa'i rnal 'byor pas bya'o/ /rkang pa g.yas pa brkyang nas su zhes bya ba spyan 'dren pa'i phyag rgya dang sngags lan gsum mam bzhi 'am lnga'i bar du brjod do/ /tshogs kyi 'khor lo byed pa'i tshe skra grol pa'i gcer bu stan mthon po la 'dug nas kha lhor bltas te/ mtshan phyed na gtor ma sbyin no/ /de nyid las kyi rjes su 'brangs nas shes pa ni/ zhi pa la gtor ma dkar po bsam rgyas pa la ser po/ /dbang la dmar po/ mngon spyod la nag po bsam mo/ /de nyid gsum ni oM A:hUM gsum gyis lan lnga'i bar du sngags brjod cing sngar bshad pa bzhin du byin gyis brlab bo/ /gtor ma'i sngags ni go sla'o/ /de ltar bskyed pa'i rim pa rdzogs nas/ rdzogs pa'i rim pa bsgom par 'dod pas/ dpa' bo dang rnal 'byor ma thams cad bde ba chen po babs pas sprul pa'i 'khor lo sku gsung thugs la zhugs pa ni/ /'khor lo bzhi'i rgyud pa'i rim pa'o/ /A li kA li g.yas g.yon rtsa lte ba'i dbus su mnyam par byas nas/ lta ba'i khrag gi thig le gtsub
- 195a
gtan la a ba d+hU tI chu shing gi snying po ltar drang ba'i reg gnas der g.yas g.yon gyi rlung mnan nas nges par sbyar ro/ /g.yas g.yon gyi srub thag gis gtsubs pas steng du 'khor lo bzhi la gtum mo drod 'bar ba'i tshul gyis spyi gtsug gi hAM bsregs nas byang chub sems babs pa ni dga' ba bzhi'i rgyu yin pa'i phyir ro/ /'chi med thig le ni lkog mar dga' ba'i thig le/ snying gar mchog dga' i thig le/ lte bar lhan cig skyes dga' i thig le/ 'di kun rdzob kyi sa bon yungs kar sbom po'i tshad mu tig gi mdog lta bu 'bab par 'gyur ro/ /de'i rgyas par bshad pa ni/ thabs byang chub kyi sems dang shes rab khrag gi thig le la gtum mo srung shing gi 'khor lo'i dbye bas ye shes kyi me 'di 'og sgo dang steng sgo'i las kyi rlung gis bskyod pas/ sa'i rlung 'gags pa'i rtags su du ba 'thul ba dang/ me'i rlung 'gags pas gsal bar dka' ba dam tshig gi 'khor lo de bzhin gshegs par ming btags pa'i rtsa brgyad bsregs/ lkog ma'i rtsa drug de bzhin gshegs par grags pa'i longs spyod kyi 'khor lor song ste/ dbugs 'byung rdub gsum gyi bar du thabs snying ga'i byang chub sems la dbugs 'byung rdub gyi skor ba byas nas/ smin mtshams kyi mdzod spu rA me shwa ri nas zhugs nas rna ba g.yas pa urgyan gyi gnas kyi sgo phye nas spyi bo'i rtsa sum cu rtsa gnyis phyogs bcu'i de bzhin gshegs par grags pa bsregs nas/ ye shes kyi bdud rtsi zhu nas blangs te/ spyi gtsug gi bu ga gser gyi sgo dzA lAn ra zhes bya ba'i ming can du zhugs so/ /de nas so mtshams kyi bu ga nas zhugs nas/ lkog ma longs spyod kyi 'khor lo ngal bsod te/ snying ga bsregs pas de bzhin gshegs pa kun dgyes pa bskyed nas/ lte ba'i dkyil 'khor gyi dbus su b+ha san ta ti laM ka'i rang bzhin du gnas par 'gyur ro/ /las dang po pa yis 'di'i
- 195b
a ba d+hA tIr 'thug pa dang mi mthong ste/ skra'i rtse mo brgya stong du bshags pa'i tshad tsam phra ba'i phyir ro/ /de'i bsam gtan dang po'i lus dga' ba dang/ yid bde ba'i ting nge 'dzin yin no/ /rnal 'byor bzab pa'i rdzogs rim bsgom par 'dod pas bskyed pa'i rim pa'i rang gi lha'i sbyor ba thams cad kyi zhabs su thig le stong pa nyid du bsgom pa 'di brtag go /rdzing bu la rde'u bsgyur ba bzhin du dbus su bu ga phug nas rjes su gzhig pa'i stong pa nyid bsgom pa 'am/ me long la rlangs pa zhu ba'i dpe mdza' nas zad nas dbus su skra'i rtse mo'i tshad tsam du ril por 'dzin pa'i stong nyid bsgom pa ni/ thig le de yang bsam gyis mi khyab par bsam mo zhes bya ba gzung ba rang bzhin med pa rnam par snang mdzad kyis rgyas gdab po /sems nyid brtag par mi bya'o zhes bya ba ni gzung ba med pas 'bras bu 'dzin pa mi dmigs par bsgom pa mi bskyod pas rgyas btab pa yin no/ /bsam gyis mi khyab de bsams na zhes bya ba ni rang rig pa'i sems kyi stong nyid bla ma'i man ngag gis yid kyi rnam shes kyi des pa drangs nas rang rig pas stong nyid shes pa ni sa dang po'i rnal 'byor gyi mngon sum yin te/ des so so yang dag par rig pa bzhis bcu gcig gi bar du 'thob par 'gyur ro/ /des 'thob pa'i spros med kyi spyod pa ni/ lag pa g.yon pas kha TwAM zhi gnas gzung/ g.yas bsags ma ru shes rab lhag mthong gzung/ nyin mo snang ba thams cad dpal he ru kar mthong/ mtshan mo mi snang ba thams cad mkha' 'gro mar shes par spyod pa yin no/ /chos kyi dbyings kyi sprul pa dag pa ni phag mo/ /'dus ma byas dang gnyis su med pa'i ye shes ni sh+rI/ 'das pa'i rgyu rkyen gyis stong pas na he/ da ltar gyis sna tshogs kyi bkod pa dang phral bas ru/ ma 'ongs pa 'khor ba gang du yang mi gnas pas ka /rang gi sems kyi stong nyid shes pa la ngal bso na de las tha dad pa'i chos kyi sku bstan du med do/ /rnal
- 196a
'byor ba 'chi 'pho ba'i tshe ji ltar bya snyam na/ phaT phaT kyi he ru ka la sogs pa'i lha'i 'khor lo spyan drangs nas/ snying po'i phyag rgya dang yo la shud+d+ha'i sngags kyis thugs kar zhugs nas/ lha rnams kyis me tog sum cu rtsa gnyis ni gtor/ rol mo drug cu rtsa gnyis ni sgrogs/ klu drug cu rtsa gnyis kyis mchod/ 'jig rten pas 'chi ba zhes bya ba la/ rnam par rtog pa ni rnal 'byor pa mkha' la spyod pa'i gnas su khyer ro/ /'di skad ston pa yin te/ sbyor ba sngon 'gro lnga dang/ dngos gzhi ting nge 'dzin gsum/ rjes rnam pa brgyad dang thun mtshams kyi cho ga bcu gnyis dang bcas pa zhib mo rnam par 'thag pa don bzhi bcu rtsa brgyad dang ldan pa'i sgrub thabs zhib mo rnam par 'thag pa 'dir yang bsgom par bya'o/ /le'u bcu bzhi pa ro mnyam gyi 'grel pa'o// //de ltar ro mnyam gyi 'khor lo bshad nas/ drong gsher skyes la mos pa'i gang zag gi ngor/ de nas gzhan yang bshad bya ba zhes bya ba gsungs te/ tshad med pa'i rnal 'byor dang/ byin gyis brlab pa dang/ bsrung ba dang/ tshogs sog pa dang/ stong pa nyid kyi rnal 'byor bsgoms nas nam mkha' i dbus su bum las gzhal yas khang sgo bzhi sgo khyud dang rta babs dang bcas pa rdo rje ra ba me 'od dang bcas pa bsgom mo/ /de'i dbus su dbyangs yig bcu gnyis kyi yi ge phyi mo las yab yum ri rI li lI bzhi las ye shes kyi lha mo bzhi ka nas b+ha'i bar yi ge nyi shu rtsa bzhi las dpa' bo dang dpa' mo ya ra la wa brgyad las sgo ma brgyad bskyed do/ / de nas yi ge phyi mo'i dbye bas lha thams cad kyi sngags kyi gnas kyang yi ge'i phyi mo yin la/ de bzhin gshegs pa'i dkyil 'khor kun bskyed pa'i gnas yin pa dang/ yi ge thams cad kyi khong na yod pas as 'dus ma byas ston pas
- 196b
chos kyi sku thams cad mkhyen pa skye ba dang/ thams cad mdzad pa'i longs sku dang kun la khyab pa'i sprul sku bskyed pa yin no/ /sku gsum bskyed pa'i rgyus sangs rgyas kun gyi bdag nyid gdul bya sems can kun gyi snying la zag pa med pa'i sa bon byang chub kyi snying po gnas so/ /oM nas a:I bar gyi dbyangs yig bcu gnyis ring po drug pos yum bskyed pa dang/ thung du drug gis yab bskyed pa me long lta bu dang mnyam pa nyid yin no/ /dbus kyi hUM so sor rtog pa yin no/ /'od zer spro bsdu bya ba nan tan yin no/ /dpal he ru ka yab/ dbang phyug mchog yum/ zla ba'i cha ltar dkar ba zhal gcig phyag gnyis pa/ rdo rje dril bu bsnams pa/ yum gri gug dang ka pA la bsnams pa/ ri rI li lI/ bzhi las yum bzhi zhal gcig phyag gnyis pa thams cad dkar ba'o// ka nas dza'i bar du yi ge brgyad las phugs kyi 'khor lo dkar po rdo rje dril bu bsnams pa'o/ /dzhaM nas haM gyi bar du gsung gi 'khor lo dkar po/ /pad+ma dang dril bu bsnams pa'o/ /tham nas b+haM gyi bar du sku'i 'khor lo dkar po 'khor lo dang dril bu bsnams pa'o/ /thod pa'i dum bu la sogs pa'i dpa' bo nyi shu rtsa bzhi rab gtum la sogs pa'i dpa' mo nyi shu rtsa bzhi sku gsung thugs kyi 'khor lo gsum yab yum so sor bsgoms pas thugs kyi rtsibs bcu drug rdo rjes bskor ba/ gsung gi rtsibs bcu drug pad+mas bstod pa/ sku'i rtsibs bcu drug 'khor los bskor ba/ yab yum gnyis ka ring thung gnyis nas ba ring thung gnyis kyi bar du ma thig le dang bcas pa las bskyed do/ /yang la bzhi las khwa gdong ma la sogs pa'i sgo ma bzhi dang sha Sha sa ha bzhi las gshin rje brtan pa'i sogs pa bzhi'o/ /de thams cad ma'i thig le dang bcas pa'o/ /de ltar bskyed ba'i rim pa'i lha bskyed pa'i sa bon bshad nas/ yi ge k+Shas rdzogs pa'i rim pa ston te/ ser sngags kyis ser ba 'bebs pa'o/ /dug sngags kyis
- 197a
dug gsod pa ltar/ k+Shas gtum mo drod kyi gzugs bskyed pa dang/ bde ba shu kra'i gzugs 'bebs pa dang/ bde ba stong pa nyid thams cad mkhyen pa rtogs pa dang/ dag pa 'jig rten pa thams cad gzigs pa dang/ 'gro ba rigs drug gi 'byung ba kun gyi stong nyid rtogs pa'i gnas yin zhing/ 'byung ba bzhi kun la khyab pa'i rtag tu stong pa nyid dang/ sku'i stong nyid mi gsal/ gsung gis stong nyid phra ba/ thugs kyi stong nyid mi 'gyur ba/ de nyid srog gi dbang po de nyid thugs kyi dbang po rang rig pa gson pa'i chos nyid rang gi ngo bo nam mkha' lta bu 'chi ba'i 'od gsal ba'i bdag nyid rtogs nam mkhas pas grol ba/ k+Sha de nyid lte ba'i dbus su babs pa las dga' dang lhan cig skyes dga' dang/ rnam pa thams cad kyi 'od gsal ba skye ba'o/ /yi ge gcig po k+Shas rdzogs rim bskyed de/ bskyed rim gyi rgyas bshad ni/ 'khor lo gsum gyi yab yum sor gnas pa gsang bas gzhan la mi bstan/ ro mnyam gyi 'khor lo bzhin du zhal gcig phyag gnyis pa'i phyag dang phyag mtshan dang ldan pa thams cad kyang dkar po/ las kyi rgyal mchog ni dpa' bo dang dpa' mo'i go cha gnyis de bzhin du lha la bskon la/ sngar bshad pa bzhin du ye shes sems dpa' bcug la/ dbang bskur la/ phung po dang khams dang/ skye mched byin gyis brlabs te/ dpa' bo nyi shu rtsa bzhi yan lag rnam par dag pa lus kyi dkyil 'khor bsgoms pa dang/ byang chub kyi phyogs kyi chos sum cu rtsa bdun sems kyis 'khor lo bsgom pa dang/ sprul pa'i 'khor lo ji ltar bsgom zhe na/ lugs 'byung lugs bzlog gis bkod la/ thams cad dkar po dpa' mo thams cad gri gug dang ka pA la thogs pa/ dpa' bo thams cad rang gi mtshan dang ma dril bu bsnams pa/ 'khor lo rim pa gsum la rtsibs bcu drug pa gsum gyi steng du dpa' bo dang dpa'
- 197b
mo so sor dgod par rang snang ba'i thabs dang shes rab gnyis su med par gnas pa sngags bzlas pa dang/ bdud rtsi myang ba dang/ mchod pa dang bstod pa dang/ gtor ma btang ba dang/ sdom bzhin du byas la/ snying kar bsdu ba dang/ kun tu spyod pa kha bskang ngo/ rdo rje snying po dpa' bo rnams dang/ rnal 'byor ma spa zhing gsang gsungs so/ /zhib mo rnam par 'thag pa'i sgrub pa'i thabs don bzhi bcu rtsa brgyad 'dir yang bsgom par bya'o/ /le'u bco lnga pa'i 'grel pa'o// //de ltar yig 'bru las bskyed pa'i dkyil 'khor bshad nas/ so so'i skye bo las dang po'i ston par bzhed pas/ de nas gsang ba bshad bya ba zhes bya'o/ /las dang po pa'i bsgom pa ni/ sngon du 'gro ba'i rnal 'byor lnga byas nas 'byung ba bzhi dang ri rab kyi steng du bum gyur pa las gzhal yas khang bskyed pa de'i dbus su nyi zla kha sbyor gyi dbus nas yi ge hUM las mngon byang lnga'i rim pas skad cig gis sa dgu rdzogs pa'i rnal 'byor dam pa mchog gsungs pa yin no/ /zhes pa mdor bstan to/ /rgyas bshad ni phyag gnyis pa la zhal gcig pa zhes pa nas/ dpa' bo g.yas brkyang gnas pa ste/ mkha' 'gro ma'i byin pas 'khyud pa/ gnyis su med par mnyam ldan pas/ rjes su chags pas bde ba'o/ /zhes bya ba'i par du dkyil 'khor rgyal mchog ni go sla'o/ /las rgyal mchog ni ye shes 'khor lo mnyam ldan pa zhes bya ba go cha bskon nas ye shes sems dpa' bcug la gcig tu thim pas ye shes sems dpa' de thob pas chos kyi rol pas 'khor lo thams cad dang ro gcig par 'gyur ro/ /de nas dbang bskur ba'i lha spyan drangs nas dbang bskur ro/ /dpral bar sku'i 'khor lo/ /lkog mar gsung gi 'khor lo/ /snying kar thugs kyi 'khor lo dam pa bsgom mo/ /de nas bzlas pa ni dpa' bo dang dpa' mo thams cad kyi ming gi thog mar oM dang tha mar hUM hUM
- 198a
phaT dang bcas pas bzlas par bya/ yab yum gyi snying po dang nye snying ni go sla'o/ /spro bsdu ji ltar bsgom zhe na/ ba spu'i khung du'i rtse mo nas lha drug cu rtsa gnyis kyi 'khor lo spros nas re res kyang rang rang gi 'khor lo spros pas thugs med kyi chos kyi longs spyod kyi sems can rjes su gzung ba'i rjes su gzung ba'i phyir/ 'gro ba ris drug bsgral nas bde mchog gi go 'phang bla na med pa'i gnas su gzhag par bya'o/ /sngags pas rgyas pa la dga' ma/ rigs lnga'i 'khor lo'i dbus su bde mchog bzhugs pa spro pa 'am/ yang na dpral ba las sku'i/ lkog ma las gsung/ snying ga nas thugs kyi 'khor lo gsum po 'ba' zhig spro bsdu'i dbye ba gnyis bya'o/ /'di skad ston pa yin te/ zhib mo rnam par 'thag pa yan lag bzhi cu rtsa brgyad dang/ ldan pa'i sgrub thabs bsgoms te/ zhal dang phyag nyung ba las dang po yin no/ /le'u bcu drug pa'i 'grel pa'o// //dbang po brtul po'i bsgom pa bshad nas/ dbang po 'bring po zhal bzhi phyag bzhi pa rdo rje snying po rab tu bshad pa ste/ dpa' bo 'bring gis rnam par bsgom zhes pa ni mdor bstan to/ /rgyas bshad ni tshad med pa la sogs pa sngon du 'gro ba lnga bsgoms nas/ 'byung ba bzhi ri rab sna tshogs rdo rje dang/ brum gyur pa las gzhal yas khang bskyed la lha rnams mngon par byang chub pa lnga'i rim pas skad cig gis bskyed pa'i rnal 'byor gtso bo rnam par bsgom pa dang/ 'khor yang rnam par bsgom mo/ /zhal bzhi pa la phyag bzhi zhes bya ba nas/ dpa' bo'i longs spyod 'dod pas khyab/ chags pa'i mig gis rnam par blta zhes par du/ dkyil 'khor rgyal mchog gi phyag dang phyag mtshan la sogs pa ni go sla'o/ /las kyi rgyal mchog gi sngar bshad pa'i cho ga bzhin du go cha bskon pa dang/ ye shes sems dpa'
- 198b
gzhug pa dang/ dbang bskur ba dang/ spro bsdu bsgom pa dang/ gsang sngags dpa' bo dang/ dpa' mo rang gi ming nas brjod pas bzlas pa bya'o/ /yab yum gyi sngags ni go sla'o/ /las rgyal mchog gi rgyas bshad ni/ dngos po kun gyi de lta zhes bya ba dkyil 'khor rgyal mchog gi lha thams cad la bltas nas go cha bskon/ ye shes 'khor lo la bltas te phyag 'tshal mchod pa bya/ dbang bskur ba nas/ dam tshig sems dpa' dang ro gcig tu gyur par bsgom mo/ /thod pa bzhi las bdud rtsi mchog byin gyis brlabs nas tshim par bya/ ye shes kyi bzlas pa'i spro bsdu bya/ sku gsung thugs kyi 'khor lo gsum gyi rim pas spro bsdu byas pa'i rjes la/ ngag gi bzlas pa bya ba yin no/ /'di skad ston pa yin te/ 'dir yang zhib mo rnam par 'thag pa'i sgrub thabs yan lag bzhi bcu rtsa brgyad bsgoms la/ zhal dang phyag nyung bas dbang po 'bring po'i bsgom pa yin no/ /le'u bcu bdun pa'i 'grel pa'o// //de ltar dbang po 'bring po'i bsgom pa bshad nas/ dbang po rnon po'i bsgom pa ston te/ de nas gzhan yang bshad bya ba zhes bya ba smos te/ dgod pa ni dbang po rnon po'i sgrub pa po la phan pa'i phyir/ de ltar bskyed pa'i rim pa'i bsgom pa bshad do/ /shes rab kyi pha rol tu phyin pa dang sbyad na dbang po rnon po'i bsgom pa ni/ rnam pa thams cad mkhyen pa nyid yin la/ dbang po 'bring po ni lam shes pa nyid yin la/ dbang po rtul po yi ni kun shes pa yin te/ tshigs bcad gnyis po de ni mdor bstan pa yin no/ /sngon du 'gro ba'i rnal 'byor lnga rdzogs nas/ ldang ba'i rnal 'byor 'byung ba bzhi ri rab dang bcas pa sna tshogs rdo rje dang pad+ma bskyed la/ de'i steng du A li kA li'i sbyor ba dpal he ru ka'i nyi ma'i dkyil 'khor la bzhugs pa'i gzhal yas khang dur khrod brgyad dang bcas pa rdo rje rab me 'od kyis bskor ba
- 199a
rdzus skyes kyis bskyed do/ /mgon po zhal gsum pa ni rnam thar sgo gsum mo/ /phyag drug ni pha rol tu phyin pa drug/ 'khor thams cad kyang zhal gsum phyag drug pa sku mdog dang phyag mtshan ni rgyud na gsal bas ma bshad do/ /gtso bo bskyed pa ni bsnyen pa/ 'khor bskyed pa ni nye bsnyen/ lus kyi dkyil 'khor bsgrub pa ni kha bskang ngo/ /de ltar dkyil 'khor rgyal mchog ma lus par bsgoms nas/ las kyi mchog 'di ni go cha bskon la ye shes sems dpa' spyan drangs nas mchod yon dang me tog la sogs pa phyi'i mchod pa dang/ nang gi bdud rtsi lnga la sogs pa'i mchod pa dang/ dbang bskur nas ro gcig par bsgom mo/ /srog dang rtsol ba dbugs 'byung rdub bkag la ye shes kyi bzlas pa'i lha'i sbyor ba'i spro bsdu bsgom pa dang/ bdud rtsi lngas lha thams cad la mchod pa/ 'khor lo'i dam tshig gi ngag gi bzlas pa khro bo 'brug sgra lta bu'i tshig gi bzlas pa bya'o/ /dkyil 'khor thams cad kyi bzlas pa yang lha so sor mnyam par/ bzhag la/ shes rab dang thabs kyi bzlas pa dpa' bo dang dpa' mo so so'i nga ro kha nas mgal me'i 'khor lo ltar bzlas na mngon sum du lha mthong nas mchog gi dngos grub stsol lo/ /bzlas pa'i sngags ni go sla pas ma bshad do/ / bsgoms pa dang bzlas pas dub na/ yang bdud rtsi myangs la/ ngal bsos nas lha'i rnal 'byor la gnas par bya'o/ /'di skad ston pa yin te/ sngon du 'gro ba lnga dang/ ldang ba'i cho ga bdun dang/ dang po sbyor ba gnyis dang/ dkyil 'khor rgyal mchog drug dang/ las rgyal mchog brgyad dang/ rjes kyi rnal 'byor drug dang/ thun mtshams kyi rnal 'byor don bcu gnyis dang/ mngal skyes la don bzhi bcu rtsa brgyad sgom pa dang/ rdzus skyes kyang rgyu'i he ru ka zhu
- 199b
pa dang/ glus bskul ba med kyang mngon par byang chub pa lnga phye bas grangs mnyam pa yin no/ /de ltar zhib mo rnam par 'thag pa'i don bzhi bcu rtsa brgyad bsgom mo/ /le'u bco brgyad pa'i 'grel pa'o// //dbang po rab 'bring tha ma'i bsgom pa bshad nas/ rdo rje snying pos gsungs pa'i phag mo kun gzugs mchod pas/ de nas gzhan yang bshad bya ba zhes bya'o/ /mdor bsdus rnal 'byor sdom pa ste/ zhes bya ba ni/ 'khor lo lnga mdor bsdus nas ye shes kyi dkyil 'khor gyi rnal 'byor gyi sdom pa gsungs te/ phag mo kun gzugs ni 'khor lo lnga'i lha sangs rgyas kun dang mnyam par sbyor pa mkha' 'gro ma'i sdom pa'i mchog ston pa ni mdor bstan to/ /rgyas bshad ni sngon 'gro lnga dang ldang ba'i rnal 'byor bdun rdzogs nas rdzus skyes kyi skad cig rnam pa rten dang brten pa'i dkyil 'khor cig car spro ba yin no/ /pad+ma'i dbus su A li kA li mngon par byang chub pa'i rim pa lnga las he ru ka zhal bzhi pa phyag bcu po dbus sngo ba/ g.yas ser ba/ g.yon ljang pa/ steng gi zhal dkar po zhi pa'i/ /drug po thod pa'i cod pan la sogs pa go sla'o/ /phyag dang po gnyis kyis rdo rje dang dril bu mnyam par ldan pas phag mo dku tsha 'ching ba/ g.yon gnyis mthong ba dang kha TwAM ga g.yas na zhags pa dang lcags kyu phyag gnyis kyis tshangs pa'i pags pa bsnams pa/ gnyis kyis cang te'u dang tshangs pa'i mgo bo chos kyi sgras rab tu 'gengs pa ste phyag bcu yin no/ /phag mo ni dmar ma zhal cig phyag gnyis ma yin no/ /'khor gyi lha mo bzhi ni zhal bzhi phyag brgyad pa g.yon na cang te ru dang kha TwAM ga g.yas na rdo rje mdud thung gnyis kyi mi lpags bsnams pa/ gnyis kyis dril bu dang cang te'u gnyis kyis mgo bo dang gri gug bsnams pa ste/ phyag brgyad do/ /g.yer ka'i sgra sgrogs ske rags ldan zhes bya ba nas/ thams cad de ltar bsgoms nas
- 200a
shes pa dkyil 'khor rgyal mchog rdzogs nas dpa' bo dang dpa' mo'i go cha bskon pa/ mtshan dang dpe byad can gyi ye shes sems dpa' spyan drang ngo/ /mchod pa dang bstod pa byas la dbang bskur nas ye shes kyi bzlas pa'i spro bsdu dang ngag gi bzlas pa bya ste/ sngags ni go sla bas ma bshad do/ /bsgom pa dang bzlas pa'i rim pas bdud rtsi myang ba'i dam tshig gi sdom pa la gnas pa'i phyir/ sgron ma sha lnga bza' zhing gnas dur khrod du rtag tu bzlas pa bya'o/ /gal te ma grub na/ mtshan mo bdun gyi sbyor ba yis/ /phag mo kun gzugs bsgom pa nas/ bdud bzhis mi 'jigs pa'i dngos grub nges par thob par 'gyur ro/ /phag mo kun gzugs ni/ gong du smos pa'i zhal brgyad phyag stong yod pa bsgoms te/ de la bcom ldan 'das kyi zhal bzhi dang dpa' bo nyi shu rtsa bzhi'i zhal/ bum pa bzhi rigs bzhi'i zhal te/ dpa' bo rnams kyi zhal sum cu rtsa gnyis rim pa brgyad du rtseg pa dang/ de'i steng du lha mo sum cu rtsa drug dur khrod brgyad kyi zhal dang/ bzhi bcu rtsa bzhi dang bdun cu rtsa drug yin la/ bong bu'i he ru ka'i rnam pa sku gsung thugs kyi 'khor lo dud 'gro'i zhal nyi shu rtsa bzhi ste/ brgya tham pa'i zhal mnga' ba/ phyag kyang bcom ldan 'das kyi phyag bcu gnyis dang yum gyi phyag gnyis dang bcu bzhi mngal skyes lnga dang sgong skyes lnga'i phyag mtshan dpa' bo dang dpa' mo drug cu tshan bcu dang/ rdzus skyes dpa' bo dang dpa' mo drug cu'i phyag mtshan dang drod gsher skyes dpa' bo dang dpa' mo drug cu'i phyag mtshan dang bong bu'i he ru ka'i rnam pa sna tshogs kyi 'khor lo'i lha drug cu'i phyag mtshan sgyu 'phrul dra ba'i lha drug cu dang/ so sor 'brad ma'i lha dgu phyis 'byung ba'i dkyil 'khor gsum dang bcas pa'i phyag mtshan phyag stong yin no/ /de'i don ni sna
- 200b
tshogs gzugs can bde ba che/ /rnal 'byor ba ni mi snang bzhugs shes pas thabs mi snang ba dang/ bza' dang bza' min bdud rtsi lngar byin gyis brlabs nas bza' ba dang btung ba dang/ gtung min byin gyis brlabs nas btung ba dang phyogs kyi gos can gyi gar gyis myos shing myos pa lta bur bsgoms na so so'i skye bos grib ma yang mi mthong bar rnal 'byor chen pos steng na spyod do/ /shin tu spros med kyi rnal 'byor ma bsam hA ru ti ra bdud rtsi lnga dang/ zas kyi lhag ma dri chen dang dri chung dang ldan pa'i sha sna tshogs pa sems rtse gcig pas bza' ste/ nang gi bdag nyid sgyu ma dang 'od gsal dang zung 'jug gi sbyor bas nyin mo rtag tu gsang bas mtshan mo gnas par bya'o/ /de lta bu'i spyod pa'i dgos pa ci zhe na/ mnyam par ma gzhag pa'i spros bcas dang/ spros med kyi spyod pa'i rnal 'byor gyis ye shes kyi mig la sogs pa mngon par shes pa drug thob par 'gyur ro/ /las dang po pa yin na zhib mo rnam par 'thag par yan lag bzhi bcu rtsa brgyad bsgom/ mchog tu gyur pa'i rnal 'byor pa yin na mngon par byang chub pa lnga'i rim pa'i dang po sbyor bas/ dkyil 'khor rgyal mchog gi snod bcud cig car bskyed la/ las kyi rgyal mchog gi go cha bskon ye shes sems dpa' gzhug dbang bskur/ bsgom pa'i tshe na spros bcas kyi spyod pa 'am/ spros med kyi spyod pa 'am/ shin tu spros med kyi spyod pas gnas pas bza' btung thams cad bdud rtsir 'gyur la/ dag tu bzlas par 'gyur la/ lag pa dang rkang pa'i phyag rgya ji snyed gar gyi mchod pa dang/ glu'i mchod par 'gyur dngos rjes kyi bsgom pa la tha dad med/ gzhal yas khang dang stong gsum la tha dad med/ 'gro ba drug dang lha'i 'khor los tha dad med par ye shes kyi mig gis mthong ba yin no/ /le'u bcu dgu pa'i 'grel pa'o// //
- 201a
de ltar rdo rje phag mo kun gzugs bshad nas he ru ka phyag 'bum ma bsgom pa 'chang pa ni/ de nas gzhan yang bshad bya ba smos te/ rtsa ba'i rgyud kyis rtsa rgyud 'dir zhes bya ba ni rgyud 'bum pa las rtsa ba thams cad tshang bar bsdus pa'i phyir 'di'i don rgyas par der ston pas ma 'di nyid rtsa ba'i rgyud yang dag pa'o/ /de'i phyir zhabs nas rgyud gzhan yan lag rgyud du zad ces gsungs so/ /cho ga bzang po gzhan du ste zhes bya ba ni/ ro langs bsgrubs pas gal te bgegs kyis 'jigs na/ cho ga bzang po phyis 'chad pa'i zhal brgyad phyag bcu drug pa'am/ yang na zhal bcu gnyis pa phyag nyi shu rtsa gnyis pa'am/ yang na zhal nyi shu rtsa bzhi pa phyag bzhi bcu rtsa brgyad pa'am/ yang na sna tshogs pa'i dud 'gro'i zhal can nam mkha' lding gi zhal nyi shu rtsa lnga pa/ dud 'gro rkang bzhi pa'i seng+ge la sogs pa'i zhal nyi shu rtsa lnga ste lnga bcu/ phyag brgya phrag bcu yin no/ /yang na zhal stong yin te/ rigs kyi de bzhin gshegs pa lnga dang/ sems dpa' nyi shu rtsa bzhi dang/ dpa' bo dang dpa' mo bzhi bcu rtsa brgyad dang/ gzungs bcu dang/ pha rol tu phyin pa bcu dang/ sa bcu dang/ dbang bcu dang/ stobs bcu dang/ mi 'jigs pa bzhi dang/ so so yang dag par rig pa bzhi dang/ tshad med pa bzhi dang/ sangs rgyas kyi chos ma 'dres pa bco brgyad kyi zhal dang dbyibs dang kha dog sna tshogs pa zhal stong phrag 'bum dang ldan zhing/ 'jig rten dang 'jig rten las 'das pa'i rgyud sde bzhi'i lha tshogs kyi phyag mtshan 'dzin pa dang/ 'dod khams gnas ris nyi shu'i 'gro ba ris drug sna tshogs kyi gzugs 'dzin pa phyag na bsnams pa dang/ gzugs khams gnas ris bcu bdun/ gzugs med mu bzhi'i lha phyag du 'dzin pa dang/ rig pa'i gnas lnga sgyu rtsal bco brgyad phyag na bsnams pa dang/
- 201b
zhabs stong gi g.yas brkyang dang g.yon brkyang 'tshol bar bzhugs pas 'jigs byed dang dus mtshan la sogs pa drag po 'jigs byed drug cu rtsa gnyis dang/ tshangs pa bsam gtan bzhi pa'i lhas bskor ba/ dbang po nye dbang gis bskor ba/ drag po rtse gsum 'chang gis bskor ba/ khyab 'jug lha ma yin gyis bskor ba/ kun 'gyed gzhon nu nam mkha' lding gis bskor ba/ kIrta ka rgyal chen ris bzhi'i lhas bskor ba/ nag po chen po ma mo'i tshogs kyis bskor ba/ dga' byed dbang phyug dri za'i 'khor gyis bskor ba/ gshin rje mkha' 'gro mas bskor ba/ chu lha klus bskor ba/ nyi ma dang zla ba gza' brgyad dang rgyu skad nyi shu rtsa brgyad kyis bskor ba/ 'chi bdag gi bdud dus ma yin par 'chi ba brgyad kyis bskor ba/ bu mo'i bdud nang bzhi brgya rtsa bzhis bskor ba/ lha'i bu'i bdud gdon stong phrag brgyad cu'i 'khor gyis bskor ba/ nyon mongs pa'i bdud 'dod chags khyim bya dang/ zhe sdang sbrul dang/ gti mug phag la sogs pa thams cad la spug tu zhabs kyis mnan par blta ste/ phyag stong phrag gcig zhal 'jigs su rung ba dang/ stong phrag gcig zhal bzhin 'gyur ba dang/ drag po dang/ mche ba gtsigs pa dang/ bzhad pa dang/ smin ma btsums pas mi sdug pa dang/ mchu mnan pas rab tu 'jigs pa dang/ spyan gdangs pas dpa' ba dang/ sgeg pas 'dzum pa dang/ lce brkyang bas brdam pa dang/ smin ma bsdus pas khro ba dang/ steng ma zhi ba dang/ ljags g.yo ba dang/ ljags mi g.yo ba dang/ zhal gdangs pa dang/ rnam par rol pa sna bug tu ljags 'jug pa dang/ ljags bskyod pas zhal gyi dkyil 'khor khebs pa dang/ sna tshogs pas ngo mtshar ba dang/ mche ba lhag ger phyung bas gshe ba dang/ phyag stong phrag nyi shu'i zhal rin po che'i rigs/ phyag stong phrag nyi shu zhal
- 202a
pad+ma'i rigs/ phyag stong phrag nyi shu zhal las kyi rigs/ phyag stong phrag nyi shu zhal de bzhin gshegs pa'i rigs te/ phyag 'bum gyi 'od zer 'phro ba'i nyams kyi mchog gis lus kyi rnam par rig byed ston pa mdzad par yin no/ /thod pa'i phreng ba stong zla ba phyed pa stong/ sna tshogs rdo rjes dbu la brgyan pa stong/ sangs rgyas lnga'i cod pan stong/ rdo rje sems dpa' spyi gtsug ma stong/ spyan sum stong/ zhabs stong la stag gi pags pa stong la sham thabs byas pa/ mgo'i phreng ba lnga bcu rtsa gcig gis brgyan pa/ phyag rgya drug las spyi gtsug gi rus pa'i 'khor lo stong/ sna cha nyis stong/ mgul rgyan chig stong/ tshangs pa'i skud pa 'bum/ thal ba'i rdul gyis byug pa 'bum/ dpung rgyan 'bum/ lag gdub 'bum/ yan lag la sbrul gyi rgyan 'bum/ dbu la stong zhabs la stong gi sbrul rgyan gyis brgyan pa/ yum rdo rje phag mo zhal gcig phyag gnyis pa rdo rje dang thod pas 'khyud pa can no/ /bcom ldan 'das kyi phyag dang po gnyis rdo rje dang dril bu stong gis 'khyud pa/ thod pa dang kha TwAM ga stong gis 'dzin pa/ lcags kyu stong/ zhags pa stong/ dgra sta stong/ khab stong/ skud pa stong/ me long stong gi bar du stong phrag brgya'i phyag mtshan phyag 'bum gyi phyag rgyas 'dzin pa/ cho ga sna tshogs pa'i phyag mtshan re re la 'khrul 'khor re res 'phrin las re re mdzad do zhes nam mkha' lding gi gdong can gyi le'u sum cu rtsa drug pa las bshad do/ /'khor gyi mkha' 'gro ma sum cu rtsa drug dpa' bo sum cu rtsa drug dang 'khyud pa dbu gsum phyag drug sku mdog mdza' yas sna tshogs kyi mdog can/ phyag mtshan sna tshogs 'dzin pa bsgom par bya'o/ /'dod yon gyi snam bu la sna tshogs gar gyis longs spyod cing bdud rtsi lnga'i zas dang/ me tog la sogs pa
- 202b
phun sum tshogs pas mchod pa bsam mo/ /mdog sna tshogs pa'i dur khrod brgyad zhing skyong mchog dam pa dang bcas pa/ de ltar dkyil 'khor rgyal mchog sngags pas bsgoms nas/ las kyi rgyal mchog gi rnal 'byor ye shes sems dpa' gzhug pa dang/ go cha bston pa dang/ dbang bskur ba dang/ bdud rtsi myang ba dang/ bsgom pa rdzogs par byas nas/ yi ge nyi shu rtsa bzhi pa dang bsres pa'i phreng ba'i sngags bzlas par bya'o/ /lha mo rdo rje phag mo yang phyogs kyi gos can/ skra grol ba/ pha rol tu phyin pa dang/ gzungs dang/ sa'i rang bzhin bsgoms na yab kyi phreng ba'i sngags bzlas pa ni/ 'bras bu dang bcas pa go sla'o/ /yum rdo rje phag mo'i sngags ring dang yab kyi rkang pa brgyad pa dang/ yum gyi rkang pa brgyad pa yang go sla'o/ /ldang ba'i tshe A li kA li rdo rje ni/ phag mo'i bdag nyid bsgom byas nas/ zhes bya ba lha'i 'khor lo thams cad snying gar bcug lus kyi zhal stong dang/ zhabs stong dang/ phyag 'bum dang/ yum dang snying gar bcug par bsgoms nas/ rkang pa brgyad pa'i sngags kyis bdag nyid la mchod nas/ haM las khrab bskyed/ khaM las rgyun bskyed rdo rje khrab kyi steng du/ zhal bzhi pa'i khro bos byin gyis brlabs te/ sum+b+ha ni shar du/ grih+Na lhor/ grih+Na pa ya nub du/ A na ya ho byang du/ yang na khro bo med pa kun rdo rje'i khrab tu bsam mo/ /de'i lte bar dpal he ru ka bdag nyid sgoms nas/ 'khor bsgrub pa'i grogs po thams cad kyang/ de ltar gnod mdzes kyi khro bos bsrung du gzhug mo/ /de ltar phyag 'bum pa bsgom pa ni/ mtshan ma thob nas ro langs bsgrub pa'i las tshogs bya ste/ gong nas 'byung ba'i ji lta ba'i rim gyi nang du nyon mongs pa 'joms pa'i dud 'gro la sogs pa'i gzugs brnyan gyi bri bza'
- 203a
ba bsgrub par bya ba dang/ phyi rol tu de bzhin du bde bar gshegs pa'i bstan pa la sdang ba'i ling ga dang/ dkon mchog gsum gyi dkor 'phrog pa dang/ mtshams med pa byed pa dang/ sngon slob dpon la smod pa dang/ theg chen smod pa'i 'gro ba'i ling ga byas la/ bsad nas mkha' 'gro ma dang lhan cig gza' bar bya'o/ /ling ga'i rgyu ci zhe na/ 'bras phye 'am bag phye srab par glings la glang po che'i sha 'am/ ngang pa'i sha 'am/ ba lang gi sha 'am/ bya rog chu skyar spyang ki khrung khrung mdzad pa'i sha btsos nas/ nas tsam sran tsam du mtshon rnon pos gtubs nas mar la btsos te/ tshos pa dang bton nas tsha ba gsum dang mngar gsum dang/ 'bras bu gsum dang/ shing tsha dang/ tsan dan dkar dmar dang/ gur gum dang 'gi'u wang dang/ li shi dang sug smel dang/ rgya mtsho la sogs pa'i phye ma'am lde gus btab nas/ bag zan gyis dril nas tsA ru zhes bya ba'i nang gi ling ga bya ste/ bde bar gshegs pa'i bstan pa la sdang ba'i gzugs sam/ dkon mchog gsum gyi dkor 'phrog pa la sogs pa 'am/ mi'i gzugs bya/ khro bo 'dod pa'i rgyal po'i phyag rgya dang sngar bshad pa'i dpa' bo dang dpa' mo'i sngags yum rdo rje phag mo'i sngags rings rkang pa brgyad pa dang bcas pa'i sngags kyis sgrub pa pos lan brgya 'am stong khri'i bar du dud 'gro rnams kyi sems sngags dang phyag rgyas dgug par bya'o/ /de la nyon mongs pa 'joms pa'i dud 'gro ni/ nga rgyal bong du'i gzugs su bya/ /the tshom mi yi gzugs kyis te/ /ser sna ru sbal gzugs yin no/ /log par lta ba rnga mo'i gzugs/ /zhe sdang khyi yi gzugs yin te/ /g.yo sgyu ce spyang gzugs yin no/ /phrag dog rta yi gzugs yin no/ /zhes sgyu 'phrul dra ba nas bshad pas/ nyon mongs pa'i 'joms
- 203b
pa'i gzugs ni nang gi ling ga yin te/ dud 'gro rnams kyi shad dngos grub kyi yan lag tu rab tu bsgrags pa mi sha dang glang po che'i sha la sogs pa go sla'o/ /de rnams ro'i khar sbyin sreg byed par 'dod na yar dod dmar ngo'i bcu bzhi dang bco lnga la 'gegs nas shi ba'i ro pad+ma 'dab ma brgyad kyi dkyil 'khor gyi kha la ra bzhag na/ dur khrod brgyad kyi bgegs gang yang rung ba nang du bcug la/ ro'i kha nas me phyung la ro'i snying gar g.yas brkyang bas 'dug la/ khyi nag mo'i 'o ma 'am/ ma sha'i 'bras bu nag po'i chan dang bcas pa 'dzem pa med par ro'i kha'i mer sbyin sreg brgya rtsa brgyad byas nas/ ro de langs nas ci bgyi zhes smra bar 'gyur ro/ /de'i tshe yang phyag 'bum par ting nge 'dzin gsum gyis bskyed la sa 'og lha ma yin gyi bu mo la dbang ba'i dngos grub nga la byin zhes brjod do/ /yang na ral gri 'di thogs pas dgra kun song/ dbang du gyis/ yang na ral gri thogs la rim gyis 'dre song la zhi bar gyis dus ma yin par 'chi ba brgyad song la tshe 'phel bar gyis shes tshar gcod pa dang/ phan 'dogs pa'i phrin las rnam bzhi dang/ yang na ri lu blangs nas mi snang ba dang/ mig sman gyis mngon shes bskyed pa dang/ gter blangs nas phyug por 'gyur ba dang/ yang na rkang mgyogs kyis dpag tshad du mar 'gro ba dang/ bcud kyis len gyis lo stong dam khri thub pa dang/ dngos grub gcig star gyi/ du ma ni 'jig rten pas ston mi nus/ dngos grub 'di las gzhan du mi 'gyur te lha'i bu mo dang/ 'og klu'i bu mo yang ro langs kyis ster bar the tshom med do/ /rtsa ba'i yang rtsa ba'i rgyud 'di las/ /gzhan yan lag gi rgyud ni lnga bcu rtsa gnyis pa dang he ru ka mngon par 'byung ba la sogs pa'o/ /le'u nyi shu pa'i 'grel pa'o// //de ltar
- 204a
dngos grub bsgrub pa'i 'khor lo bcu drug bshad nas/ dngos grub sna tshogs kyi 'khor lo ston pa ni/ de nas gzhan yang bshad bya ba zhes bya ba gsungs te/ dngos grub sna tshogs kyi 'khor lo le'u bcu bdun las dang por sems can srung ba'i ched du phyir bzlog gi 'khor lo rgyud gzhan du sbas pa khams gsum du zag med kyi srung ba brnyed par dka' bas bshad pa'i rgyud 'dir 'chad pas the tshom mi bya'o/ /nam gyi tshe bsrung bar bya zhe na/ dbang bskur nas bsrung ste/ zhi ba grog la bri/ rgyas pa ras la bri/ dbang la bud med kyi smad sham la bri/ mngon spyod dur khrod kyis ras sam thod pa la bri/ zhing 'gi'u wang gis shar du kha bltas nas 'dam bu'i smyu gus bri/ rgyas pa la gur gum gyis kha byang du bltas la smyu gus bri/ dbang la kha nub tu bltas te khrag gam mtshal gyis sgro rtsa'i smyu gus bri/ mngon spyod la dug dang dur khrod kyi sol bas mi rus kyi smyu gus gi zin nas bum par bcug la bsnyen pa bya/ rab gnas bya/ de nas lus kyi spro ba'am mgul ba 'am/ dpung par gdags so/ /yang na sngar bshad pa'i dkyil 'khor bcu bdun bsgoms nas ldang ba'i tshe/ snying gar 'khrul 'khor bkod la bsrung bar bya'o/ /ji ltar bri zhe na/ dbus su hUM gi khong du baM/ de'i lte bar oM A:hUM/ oM A:hUM/ oM A:hUM/ de'i dbus su ming dang bcas pa'i sngags bri/ de'i phyi rol tu sna tshogs rdo rje rtse mo bcu gnyis pa'i rwa dbus ma bzhi la mkha' 'gro ma la sogs pa'i ming bri/ mtshams su bum pa dang thod pa bri/ de'i phyi rgyab tu pad+ma 'dab ma brgyad la thugs kyi 'khor lo'i yang yum brgyad kyis bskor ba dgod/ thugs kyi phyi rgyab du sna tshogs rdo rje bri/ de'i rwa dbus ma bzhi la/ /gnod mdzes kyi sngags bzhi bri/ de'i phyi rol tu ri mo gnyis kyi bar du dbyangs yig bcu gnyis kyis bskor/ de'i phyi rol tu rdo rje ra bas bskor/ de'i
- 204b
phyi rol tu pad+ma 'dab ma bcu drug la yi ge brgya pa cha bcu drug tu bgos pa dgod do/ /mkhas pas lte bar bri ba ni zhes pa ye shes kyi 'khor lo la pad+ma'i dong du rdo rje rtse mo bcu gnyis pa yin/ de'i lte ba na yab kyi hUM chen po dang/ yum gyi phaM chen mo/ /de'i nang du yi ge oM A:hUM/ gsum de'i nang che ge mo rak+Sha rak+Sha zhes pa bsgrub bya'i ming spel lo/ /rdo rje'i rwa bzhi la mkha' 'gro ma bzhi'i DaM li khaM ruM ri rI li lI bzhis mnan la dgod do/ /de la gri gug gi phreng ba'i dang du ga nas dza'i bar du yi ge brgyad lte ba'i mu khyud la bri'o/ /sngar bshad pa'i pad+ma 'dab ma brgyad ni thugs kyi 'khor lo'i bzhi yin/ de'i shar la sogs pa'i pad+ma'i 'dab ma'i phyogs bzhi dang mtshams bzhi'i dpa' bo dang dpa' mo'i sa bon ni ming mtshan gyi dang po brgyad yin te/ hUM brgyad dang spel ba bri bar bya'o/ /pad+ma'i phyi rol gyi mu khyud la sngar bshad pa'i cha rnams zhes bya ba ni dbyangs yig bcu gnyis thig le can gyis bskor ro/ /de'i phyi rgyab tu thugs rang gi rtags rdo rje phreng bas bskor ro/ /de'i phyi rgyab tu pad+ma 'dab ma bcu drug la yi ge brgya las bskor zhes 'og nas le'u nyi shu rtsa drug gnas 'chang ngo/ /de'i phyi rol tu sku dang gsung gnyis cig car 'khor lo rtsibs bcu drug pa bri'o/ de'i shar nas byang gi bar gyi gsung gi dpa' bo dang dpa' mo'i ni ming mtshan gyi dang po'i bar du h+rI(rgyud 'grel): dang spel lo/ /nub dang lho bzhir brgyad la/ sku'i dpa' bo dang dpa' mo'i med mtshan gyi dang po'i bar du/ oM dang spel ba bri bar bya'o/ /bsgrub bya'i ming gang du bri zhe na/ dbus kyi lte ba oM dang A:hUM gsum gyi bar du phrin las rnam pa bzhi mdza' rten dang bcas pa bri'o/ /de'i mdza' nas gsal byed kyi yi ge lhag ma dza nas b+ha'i bar gyi de'i phyi rol gyi mu khyud la bri bar bya'o/ /pad+ma'i phreng ba dang 'khor lo'i phreng ba gnyis kyis bskor bar nges so/ /'khor lo'i phyi rol gyi sgo bzhi las//
- 205a
khwa gdong ma la sogs pa'i ming mtshan gyi dang po bzhi dang/ ya ra la wa bzhi dang bsgrub bya'i ming dang/ thog mar hUM kaM yaM che ge mo rak+Sha phaT ces bya ba spel la bri bar bya'o/ /de bzhin du byang phyogs kyi sgor hUM oM ra che ge mo phaT bri bar bya/ de bzhin du sbyar ro/ /mtshams bzhi ru gshin rje brtan ma la sogs pa'i ming dang/ sha Sha sa ha bzhi dang/ hUM phaT ming dang spel bar bya'o/ /sgo'i steng du rta babs kyi kyin par rdo rje rgya gram zur bzhir nyi zla la rdo rje rgya gram/ de thams cad kyi steng du khro bo'i sku yan lag chos kyi 'khor lo dod skal/ de'i khro bo'i zhal nas rkang pa brgyad pa'i sngags byung ba phyogs bzhi mtshams brgyad du bri'o/ /de'i phyi rol tu rdo rje ra ba'i dod du phyir bzlog gi sngags rings bri'o/ /de'i phyi rol tu me 'od kyi dod du k+Sha'i phreng bas bskor/ de'i phyi rol tu dbyangs yig bcu drug tshan bzhis phyogs bzhir dgod/ de'i phyi rol tu tha'i phreng bas bskor ro/ /de'i phyi rol tu rdo rje'i phreng bas bskor ro/ /de'i phyi rgyab tu skud pa dkar po bskor zhing phreng ba'i sngags bzla/ de nas rgya skyegs bzo byas pas gtum/ de'i steng du tshon rtsi dkar po'i rdo rje zhi ba la bri/ rgyas pa la tshon ser pos rin po che bri/ dbang la tshon dmar pos pad+ma bri/ mngon spyod la mtshon nag pos gri gug gi phreng ba bri/ de ltar bris nas bsnyen pa bya ba ni/ bdag nyid dpal he ru kar bsgom/ yi ge bdun pa'i sngags phrin las rnam bzhi dang sbyar ba bzla/ 'khor lo bri ba'i snag tsha ni/ rigs ngan dang/ bram ze mo dang/ rgyal rigs mo rang 'byung gi me tog dang/ glang chen me tog mi bskyod pa dang/ byang chub kyi sems dang/ ro tsa na sha chen po dang/ bud med kyi pad+ma'i dri chu dang/ mig sman chen po mi sha dang bsres nas bdud rtsi lngas 'khor lo bri bar bya'o//
- 205b
thams cad kyi tha mar rdo rje bris nas/ mngon spyod mi'i pags pa 'am/ zhi ba gro ga 'am/ mngon spyod dang dbang dur khrod kyi ras la bdud rtsi lngas bris la rgya skyegs kyis gtums nas/ bum pa'i mar dang/ 'o mas bkang ba'i nang du gzhug go /de la rkang pa brgyad pa'i sngags kyis bdud rtsi lnga dang chang dang cang te'u dang/ 'khyud pa'i mchod pa'o/ /de ltar bsnyen pa byas nas las la sbyor pa'i tshe/ gser ram dngul gyi bum pa'i nang du bdud rtsi lnga'i chus gang bar byas la/ 'khor lo skud pa dkar pos dkris pa'i skur sna nas gzungs nas phreng ba'i sngags bzla/ de nas dbang bskur man dang ldan pa yang nad med par 'gyur ro/ /ling ga la mngon spyod kyi sngags dang char blugs nas bdag bskur na/ dbang ngam/ mngon spyod kyi las byed do /ji lta ba'i las kyi rjes su 'brangs nas/ zhi ba la swAhA dang/ dpal la ho dang/ mngon spyod la phaT dang bcas pa'i sngags bzla bar bya'o/ /srung ba'i 'khor lo mgo 'am mgul pa'am/ dpung pa 'am ci rigs par gdags so/ /le'u nyi shu rtsa gcig pa'i 'grel pa'o// //de ltar 'khor lo bshad nas 'khor lo de'i bdag po ston pa ni/ de nas de yi bsgom pa ni/ sems can kun la phan 'dogs bshad ces gsungs so/ /dang por tshad med pa la sogs pa'i sngon 'gro lnga bsgoms la/ 'byung ba bzhi dang ri rab sna tshogs rdo rje dang pad+ma'i steng du mngon par byang chub pa lnga'i rim las rdzus skyes bdag nyid kyi lha mo phyir bzlog chen mo bsgoms te/ de yang zhal bzhi phyag bcu drug dus ma yin par 'chi ba brgyad kyi bgegs zhabs g.yas brkyangs gnon pa/ 'jigs pa brgyad kyi bgegs zhabs g.yon pas gnon pa/ zla ba'i dkyil 'khor dbus na gnas/ zhes pa nas sku lus zla ba'i mdog can no/ /zhes pa'i bar go sla bsam bshad do/ /de la las kyi rgyal mchog ye shes sems dpa' gzhug pa dang/ go cha bskon pa dang/ dbang bskur ba dang/
- 206a
bsgom pa'i tshe de'i thugs kar zla ba'i dkyil 'khor gyi dbus su phyir bzlog chen mo'i 'khor lo bkod pa shin tu dang pas mnyam par gzhag nas bsgom mo/ /de nas 'chi ba 'tsho ba'i sngags bzlas par bya ste/ sngags ni rgyud na gsal lo/ /bsnyen pa bye ba byas la/ las la sbyor ba'i tshe/ khri bzlas na 'chi ba thams cad 'tsho ste/ dus ma yin par 'chi ba las nges par rgyal lo/ /de nas rnal 'byor ma sum cu rtsa bdun dgyes nas 'chi ba slu ba'i sngags gsungs pa ni/ 'chi bdag gi bdud kyi gzugs brnyan byas la/ de'i snying gar gsod pa'i 'khrul 'khor bcug nas mkha' 'gro ma snying ga nas sprul nas/ hi hi 'don pa dang/ lA ma sprul nas ha ha 'don pa dang/ dum skyes mas ho ho zhes brjod pa dang/ gzugs can ma he he zhes brjod pa dang/ rab gtum mas hUM hUM zhes brjod pa dang/ gtum mig mas hUM hUM zhes brjod pa dang/ 'od ldan mas phaT phaT zhes brjod pa dang/ sna chen mas hUM hUM zhes brjod pa dang/ dpa' bo'i blo mas dza dza zhes brjod pa dang/ mi'i thung mas sa sa zhes brjod pa dang/ lang ka'i dbang phyug mas sA d+hu zhes brjod pa dang/ shing grib mas hAM buM zhes brjod pa dang/ sa srungs mas hUM buM bzhi dang/ hUM gsum brjod pa dang/ dpa' mo chen mos ha ha zhes brjod pa dang/ rlung shugs mas b+huM b+huM brjod pa dang/ lha dgra mas traM traM zhes brjod pa dang/ sngo bsangs mas truM truM zhes brjod pa dang/ rab bzangs mas saM saM zhes brjod pa dang/ khwa gdong mas laM laM zhes brjod pa dang/ 'khor lo'i shugs can mas d+hiM d+hiM zhes brjod pa dang/ dum skyes mas dzi dzi zhes brjod pa dang/ glang sna mas hUM hUM zhes brjod pa dang/ 'khor lo'i go cha mas h+ri h+ri zhes brjod pa dang/ rab tu dpa' mos dzaM dzam zhes brjod pa dang/ stobs chen mas ho ho zhes brjod pa dang/
- 206b
'khor lo sgyur mas haM haM zhes brjod pa dang/ brtson 'grus chen mo ho ho zhes brjod pa dang/ gshin rje brtan mas TaM TaM zhes brjod pas bdug pa 'bul ba dang/ gshin rje pho nya mos hUM g+huM gis me tog dbul ba dang/ gshin rje che ba mas gaM gaM gis dri 'bul ba dang/ gshin rje 'joms mas raM raM gis bsangs nas mar me 'bul ba'o/ /sgo ma bzhis dza:hUM baM ho(rgyud 'grel): sa lu dang bcas pas 'chi bdag zhi ba la sogs pa byed pas phrin las rnam bzhi'i sgo nas tshe 'phel ba dang/ /'chi bdag gsang ba dang/ dbang du bya ba grub par bya'o/ /de nas gtor ma gtad/ dkyil 'khor snying gar bsdu/ /rang phyir bzlog chen mo'i sngags kyis bsrung ngo/ /le'u nyi shu rtsa gnyis pa'i 'grel pa'o// //'chi ba slu ba'i phyir bzlog chen mo bshad nas/ sdig bzod pa dang/ dam tshig nyams pa gso ba'i dkyil 'khor 'chad par bzhed pas/ de nas gsang ba bshad bya ba zhes pa gsungs te/ sngags de nyid ni k+Sha'o/ /cho ga'i rim pa ni lha bskyed pa'o/ /bcom ldan 'das rdo rje snying pos dkyil 'khor thams cad kyi sdig pa zad pa'i cho ga mchog tu bshad do/ /rdo rje snying pos su la gsan zhe na/ 'das pa'i sangs rgyas rnal 'byor ma'i rgyud pa'i rim pas gsang ba me long lta bu dang/ gsang ba mnyam pa pa nyid/ gsang ba so sor kun tu rtog pa'i ye shes/ mchog tu gsang ba bya ba nan tan/ ye shes bzhi las lha'i sku bskyed pa'i rim pa dang rdzogs pa'i rim pa dga' ba bzhi grangs bzhin sbyar ba bsgom pa'i mchog bsgom mo zhes bya ba mdor bstan pa'o/ /de la rgyas par bshad pa ni/ /tshad med pa'i rnal 'byor dang/ byin gyis brlab pa dang/ srung ba dang/ tshogs sogs pa dang/ stong pa nyid kyi rnal 'byor sngon du byas nas/ 'byung ba bzhir rab dang sna tshogs rdo rje/
- 207a
dang buM las gzhal yas khang bskyed nas/ pad+ma'i dbus su zla ba dang/ nyi ma dang/ yi ge k+Sha dang/ 'od zer spro bsdu gyur pa las bdag nyid dpal he ru ka dpa' bo dang mkha' 'gro mas bskor ba bsam par bya'o/ /rten dang brten pa'i dang po sbyor ba'o/ /bcom ldan 'das k+Sha las skyes pa'i sku mdog dmar po/ ye shes lnga las byung ba'i zhal lnga dbus dmar ba/ g.yon pa sngo ba/ rgyab ljang ba/ g.yas bser/ steng zhi ba dkar po/ spyan gsum phyag bcu gnyis pa ni go sla'o/ /de ltar dkyil 'khor rgyal mchog bshad nas/ las kyi rgyal mchog ni/ ye shes sems dpa' gzhug pa dang/ go cha bskon pa dang/ dbang bskur ba dang/ bdud rtsi myang ba dang kha bskangs pa'i rjes la nu ma'i bar du k+Sha las byung ba'i ye shes sems dpa' snga ma'i sku mdog dang phyag mtshan can/ zla ba'i dkyil 'khor la gnas pa'i ye shes sems dpa' bsgom mo/ /de'i thugs kar dbyangs yig bcu gnyis las byung ba'i zla ba'i steng du dam tshig sems dpa' i ral gri bde ba chen po'i zhes ming 'dogs pa thams cad mkhyen pa'i ye shes las byung ba bsam mo/ /de'i mgo bor oM las sku'i 'khor lo/ /lkog mar gsung gi 'khor lo/ /snying gar thugs kyi 'khor lo bsgoms nas/ 'od zer spro bsdu snga ma bzhin du byas la/ sngags kyi de nyid 'di ru bzlas te/ oM zhes bya ba nas oM A:hUM zhes bya ba'i bar du bcom ldan 'das ni dbyangs yig dang k+Sha las skyes pa'i snying po'o/ /yum gyi snying po yang de bzhin no/ /lha mo bzhi ni ma ning gi yi ge bzhi las skyes pa'o/ /dpa' bo rnams ni b+ha'i bar gsal byed kyi yi ge las skyes pa'i sa bon dang/ ming snying po yin no/ /dpa' bo nyi shu rtsa bzhi ni ming mtshan gyi dang po sa bon dang snying po yin no/ /sgo ma bzhi ni yar la ba bzhi snying po yin no/ /mtshams ma ni sha Sha sa ha bzhi yin no/ /sku gsung thugs
- 207b
kyi 'khor lo'i dpa' bo dang rnal 'byor ma'i gsang sngags 'di ni lus kyi dkyil 'khor dang sprul pa'i dkyil 'khor gnyis ka bskyed pa'i rten yin te/ bskyed pa'i sa bon de nyid snying po yin no/ /thugs dang gsung dang sku dang dam tshig gi lha mo rnams kyi sku mdog dang phyag mtshan ni rgyud na gsal lo/ mtshan gyi lha mo bzhi ni/ me long dang dri'i dung chos dang de'i snod dang/ reg bya'i gos yid du 'ong ba gri gug sprangs pa yin no/ /nang gi bzhi dang sgo ma rnams ni/ g.yon pa thod pa dang/ kha TwAM ga dang dril bu/ g.yas pa gri gug dang cang te'u bsnams pa yin no/ /mchod pa dang/ bstod pa dang gtor ma btang ba ni kha bskang/ /yang na sdig pa bshags pa'i thabs gnyis pa ye shes kyi 'khor lo sangs rgyas yab yum bcu sku gsung thugs kyi sems dpa' dang sems ma nyi shu dam tshig gi 'khor lo khro bo sna tshogs ba du ma brgyad bya'o/ /yang na gsum pa de bzhin gshegs pa nyi tshe drug cu rtsa gnyis kyi dkyil 'khor gyi 'khor lo la sdig pa bshags pa'o/ /yang na ma mo sum bcu rtsa drug gi gtso mo 'od zer can la mos pa bskul byed ma la sogs pa shes rab kyi pha rol tu phyin ma la mos pas/ gtso mo byas la lha mo'i dkyil 'khor la sdig pa bshags so/ /'khor sna tshogs su ci'i phyir snang zhe na/ gang dang gang la mos pa mi rnams yid de dang de la sbyor bas nor bu sna tshogs pa'i mchog shel yin no/ /yang na sdig pa bshags pa'i thabs lnga pa ni/ bcom ldan 'das rdo rje sems dpa' zhal gcig phyag gnyis pa 'khor rnams kyang zhal gcig phyag gnyis pa sna tshogs kyi gzugs kyis 'gro ba dang ba'i gnas su gyur pa thams cad mkhyen pa sems can gyi don/ thams cad mdzad pa/ kun la khyab pa'i bde ba chen po chos kyi sku'o/ /dkyil 'khor 'di yang zhib mo rnam par 'thag pa yan lag bzhi bcu rtsa brgyad dang ldan pa'i sgrub thabs su 'gyur ro/ /le'u nyi shu gsum pa'i 'grel pa'o// //de ltar sdig pa bshags
- 208a
pa'i 'khor lo bshad nas/ go cha drug gi 'khor lo bshad par bzhed nas/ de nas gzhan yang bshad bya ba zhes bya ba gsungs te/ rigs drug gi mkha' 'gro bskyed pa'i rim pa ni bsrung ba'i don gsungs so/ /rgyas par phye na rigs du ma rnam pa brgyad bshad pa'i las mdor bsdus nas sku gsung thugs kyi rigs gsum mam/ ye shes lnga'i rigs lnga'i rgyud sde bzhi las bshad pa yin la/ gdul bya khams gsum ma lus pa'i srog chags rnams kyang rigs drug gi bag chags las byung ba'i kun rigs drug tu yang dag par 'byung ba yin no/ /de ltar mdor bstan nas/ /dang po 'khor rnams kyi gling glong ba ni/ de nas rigs kyi yum sangs rgyas spyan la sogs pa yum thams cad dbar ba drug bde ba'i dga' ba dang/ yul drug bde ba'i mgu ba dang/ rnam par shes pa drug bde ba'i rangs pa dang/ 'dus ma byas rtogs pa'i yid bde ba skyes par 'gyur ro/ /de nas sdud pa rdo rje snying pos bcom ldan 'das kyis bstan du gsol zhes ba dang/ sngon du 'gro pa'i rnal 'byor lnga dang 'byung ba bzhi dang/ ri rab sna tshogs rdo rje dang gzhal yas khang bskyed pas dbus su dang po sbyor ba'i sa bon 'khor lo'i lte bar yi 'khor lo'i rtsibs lnga la hUM buM/ aM ti khaM sngags 'di gsungs pas snod kyi 'jig rten rab tu g.yo zhing sangs rgyas sras dang bcas pa dgyes shing rgyal nas kyang rdo rje stong pa nyid kyi ye shes las mi 'khrugs bla sogs pa'i rigs lnga dang rdo rje sems dpa' dang drug bskyed par grags so/ /de la lnga ni mkha' 'gro he ru ka zhes bya ba la drug pa ni nyon mongs pa dang shes bya'i sgrib pa spangs pa'i rdo rje dpa' bo zhes grags so/ /de ltar mtshan bshad nas/ sku mdog bshad pa ni/ nam mkha' mdog ces bya nas/ zla ba'i 'od dang 'dra ba'i 'od ces bya bar ni go sla'o/ /thams cad kyang spyan
- 208b
gsum pa/ rdo rje skyil krung gis bzhugs pa/ cod pan rus pa'i rgyu las byas pa'i phreng ba can gang na glang po che dang seng+ge la sogs pa drug dang/ phyag rgya rdo rje sa la reg pa langs nas/ dkyil 'khor drug ni bre bar bya zhes pa'i bar du gdan dang phyag mtshan bshad nas/ rten gyi dkyil 'khor ston pa bsgo bzhi dang ldan pa'i dbus su/ shar gyi rtsibs la rdo rjes bskor bde bzhin du rtsibs gnyis pa la 'khor los gsum bal rin po ches/ bzhi pa la pad+mas/ lnga pa la sna tshogs rdo rjes bskor ba'o/ /dbus su rdo rje rtse lnga pa'i phreng bas bskor dkyil 'khor drug rnam par dgod do/ /dkyil 'khor drug la gnas nyi shu rtsa bzhir dgod pa ni dbus kyi rdo rje sems dpa' bde ba chen po'i dkyil 'khor gyi rtsibs la gnas bzhi bskor bas dang po ste/ sku mdog dang phyag mtshan ni go sla'o/ /rnam par snang mdzad kyi dkyil 'khor ni lte ba'i gnas bzhis bskor bas gnyis pa ste/ sku mdog dang phyag mtshan ni go sla'o/ /rin chen mkha' 'gro'i dkyil 'khor la zhing dang nye ba'i zhing gis bskor ba sa gsum pa 'od byed pa'o/ /pad+ma mkha' 'gro'i rtsibs bzhi la tshan do ha dang nye ba'i tshando ha ni lhas bskor ba sa bzhi pa 'od 'phro ba'o/ /rdo rje mkha' 'gro'i rtsibs bzhi la 'dus dang nye ba'i 'dus sa'i lhas bskor bas lnga pa sbyangs dka' ba'i snang ba'o/ /sna tshogs mkha' 'gro'i rtsibs bzhi la dur khrod dang nya ba'i dur khrod kyis lhas bskor ba/ sa drug pa mngon du gyur pa'i snang ba'o/ /sku mdog dang phyag mtshan thams cad ni go sla'o/ /dkyil 'khor gyi phyi rol du pany+tsa rA ga ni yi dags kyi phreng bas bskor ba'o/ /'khor lo drug po de'i rgyab kyi zur bzhi las tshogs rdo rje bzhi'i steng du yul bzhi dgod do/ /bum pa bzhi dang thod pa bzhi ni/ dbus kyi dkyil 'khor gyis mtshams su dgod/ /yum bzhi ni sa'i lha mo bzhi yin pa dang/ mtshams kyi lha mo sgom dang bcas pa ni rgyud na /
- 209a
gsal/ de ltar dkyil 'khor rgyal mchog bshad nas/ las kyi rgyal mchog ni ye shes sems dpa' spyan drangs thugs ka nas nu ma'i bar du bzhugs par lta'o/ /ye shes sems dpa' gzhug pa dang/ go cha dang dbang bskur ba dang/ bdud rtsi myang ba dang/ bsgom pa'i thugs kar hUM las thugs kyi 'khor lo /nu ma'i bar du paM las ye shes kyi 'khor lo/ lkog mar A(rgyud 'grel): las gsung gi 'khor lo/ /srog dang rtsol ba/ las dbugs 'byung rngub dang bcas pa spro bsdu bsgom par bya'o/ /gtso bo lnga lnga sku gsung thug kyi 'khor lo'i steng du/ rang gi nu ma'i bar du rang gi ye shes sems dpa' / sa bon dang bcas pa bzhi bsgom par bya'o/ /dag gi gsang sngags gsungs pa ni/ rgyud na gsal lo/ /'khor kun gyi gsang sngags ni gtso bo dang 'khor gyi dpa' bo dang/ dpa' mo bzhi bzhi mkha' 'gro dang mkha' 'gro ma'i bzlas pa bya'o/ /yang na sgro bsdu mi bya bar dam tshig chen po sbyar kyi sbyor ba yis yab kyi shal nas yum gyi zhal du thabs kyi dam tshig dang shes rab kyi dam tshig mchog tu gyur pas gnyis su med pa'i sbyor bas mgal me'i 'khor lo bzhin du bzlas nas 'khor lo sgyur ba drug gi dngos grub 'thob bo/ /yang rdo rje sems dpa' i gnas su rnam snang la sogs pa'i rigs drug gang gang la dad pa'i rnal 'byor pas dbus su bzhag la gnas la sogs pas bskor bas dkyil 'khor drug tu 'gyur ro/ /zhes 'das pa'i sangs rgyas rnal 'byor ma'i bka' dang/ 'das pa'i de bzhin gshegs pa'i bla ma brgyud pas ris drug tu 'gyur gyi/ gzhan du na sngags pa rigs drug so so la dang kyang gtso bor gang bzhag pa mi 'gegs pas 'khor bar 'gyur zhing/ zhal mthong ba dang bka' i snang ba yang mi 'thob bo/ /'di la yang bstod pa dang mchod pa dang gtor ma btang ba kha bskang ngo/
- 209b
zhib mo rnam par 'thag ba'i sgrub pa'i thabs yan lag bzhi bcu rtsa brgyad dang ldan pa 'dir yang bsgom par bya'o/ /le'u nyi shu rtsa bzhi pa'i 'grel pa'o// //de ltar dkyil 'khor thams cad la phyir bzlog gis 'chi bdag gi gdung las bsrungs/ sdig bzang po'i 'khor los nyon mongs pa'i bdud las bsrungs/ go cha'i 'khor los phung po dang lha'i bu'i bdud las bsrungs nas/ mchod pa'i 'khor lo bsten par bzhed pas/ de nas gzhan yang bshad bya ba zhes bya ba gsungs so/ /rnal 'byor gyi lam mchod pa'i 'khor lo rnyed par bka' pa rnal 'byor ma yab yum sbyor ba'i rkyen gnas kyi snying po las mngal skyes kyi gnas kyi rim pa 'khor rnams skad cig gis skur 'byung/ skad cig gis phyag mtshan dang rgyan gyi mtshan ma dang ldan pa ste/ mdor bstan ba'o/ /rgyas par bshad pa ni dang bor sngon 'gro lnga dang/ 'byung ba bzhi ri rab sna tshogs rdo rje gzhal yas khang dang bdun skyed pa'i dus su rgyu'i he ru ka mngon par byang chub pa lngas rdo rje sems dpa' bskyed nas/ mngal skyes kyi mchod pa'i 'khor lo spros nas/ bde ba chen po bla na med par rgyu'i he ru ka yab yum zhu ba dang/ de la 'khor gyi lha mo dang/ de bzhin gshegs pa thams cad dang/ mkha' 'gro dang mkha' 'gro ma thams cad kyis gsol ba 'debs shing glus bskul ba ni/ khro bo bde ba dgyes pa yi/ bde ba'i longs spyod las byung ba zhes bya ba la sogs pa'i tshigs bcad drug gi glus bskul ba ni phyi nas ston to/ /thig le de yongs su gyur ba las 'bras bu'i he ru ka de'i sku mngon par byang chub pa'i rim pas skad cig gis zar ma'i me tog lta bu kha dog sngo skya 'phags pa'i lam yan lag brgyad pa'i phyag/ ye shes bzhi'i zhal zhes bya ba nas/ lte ba'i dbus su bcom ldan bzhugs zhes bya ba'i bar gtso bo yab yum bskyed pa bsnyen pa'o/ /shar gyi 'dab sogs phyogs
- 210a
tshal/ mkha' 'gro ma sogs bzhi po dgod/ ces bya ba nas/ de'i steng thod pa ni/ byang chub sems kyis rab gang ba zhes bya/ ye shes kyi 'khor lo'i sku mdog dang phyag mtshan ni go sla'o/ /phyi rol gyi 'khor lo gsum la thugs kyi 'khor lo ke ri la sogs pa brgyad dang/ gsung gi 'khor lo pi wang ma la sogs pa brgyad ni/ lag pa g.yo ba'i tshul can ni/ so'i phreng ba thogs pa'i bzhad pa ma'o/ /rdo rje dril bu'i tshul can ni sgeg mo'o/ /khar khrol gyi tshul can ni glu mkhan ma'o/ /pad+ma'i gar bskor ba'i tshul can ni gang ma'o/ /phyag lhag ma gnyis kyis thod pa dang kha TwAM ga 'dzin pa ste/ phyag bzhi'o/ /sku'i 'khor lo'i me tog ma la sogs pa brgyad zhal gcig phyag bzhi ma/ g.yas pas me tog dang bdug pa dang/ mar me dang byug pa dang/ mtshams su me long dang ro'i snod dang/ reg bya'i gos dang chos kyi dbyings gru gsum thogs pa/ phyag lhag ma gnyis kyis cang te'u dang kha TwAM ga bsnams pa'i zhal gcig phyag bzhi ma'o/ /sgo ma bzhi dang mtshams kyi lha mo ni go sla'o/ /nye ba'i bsnyen pa'o/ /sgrub pa'i lus kyi dkyil 'khor ni/ snying gar nu ma'i bar du ye shes sems dpa' lha mo bcu gnyis kyis bskor ba/ dpral bar sku'i 'khor lo dkar po/ lkog mar gsung gi 'khor lo dmar po/ /snying gar thugs kyi 'khor lo sngon po/ /dpa' bo dang dpa' mo thams cad zhal gcig phyag gnyis pa man ngag gis rjes la bsgom pa ni sgrub pa'o/ /sgrub pa chen po las kyi rgyal mchog ni/ snying ga'i pad+ma dang zla ba dang hUM gi 'od zer lcags kyu lta bus ye shes kyi 'khor lo bkug pa/ phyag 'tshal mchod pa dang bstod pa'i zhes la dbang bskur nas gcig tu gyur par bsam mo/ /de'i rjes la bsgom pa ni/ spro bsdu ye shes kyi bzlas pa srog rtsol dbugs rdub pa dang sgrogs nas/ dpral ba nas sku'i 'khor
- 210b
lo spro ba dang/ lkog ma'i A:las gsung gi 'khor lo spro ba dang/ snying ga'i hUM las thugs kyi 'khor lo spro ba dang/ nu ma'i bar gyi hUM las lha ma bcu gnyis spro ba dang/ ngag gi bzlas pa'i sngags ni go sla'o/ /bzlas pa skyo na bum pa bzhi'i bdud myangs nas bzlas pa bya'o/ /thabs nang du sbas pa'i shes rab kyi lha mo rang snang ba'i thabs dang rig pa'i lus gnyis su med pa gdul bya 'gro ba gsum po mchod pa'i 'khor lo'i gzugs byas nas dpral ba sku dang/ lkog ma gsung dang/ snying ga rtse thugs la bsgrus nas/ rgyu ba sems can dang/ mi rgyu ba snod kyi 'jig rten thams cad lha'i 'khor lor blta bar bya ba ni/ bsgom pa'i dngos gzhi'o/ /dkyil 'khor 'di mngal skyes yin pas rgyu'i he ru ka zhu ba las dam tshig can 'bras bu'i he ru ka langs pa'i dus su/ glus bskul ba ni/ khro bo'i bde ba dgyes pa'i zhes pa tshigs bcad gcig ye shes kyi lha mo zhal bzhi phyag brgyad pa'i glu yin no/ /bde chen bde ba'i gar gyis rol zhes pa nas/ a ra li ho zhes pa'i bar ri thugs kyi 'khor lo'i lha mo zhal gcig phyag bzhi ma'i glu'o/ /rab dgyes mgon po dgyes bshugs mdzod ces pa'i tshigs bcad gcig ni gsung gi 'khor lo'i pi wang ma la sogs pa bzhi'i glu'o/ /thar pa'i mtshan nyid ldan pa'i khyod ces pa'i tshigs bcad gcig ni me tog ma la sogs pa lha mo brgyad kyi glu'o/ /chags pa'i 'dam gyis khyod ma sgyur zhes pa'i tshigs bcad gcig gis dam tshig gi 'khor lo ste/ ye shes lnga stong pa'i glu yin no/ /'di yis mgon po bskul nas ni 'bras bu'i he ru ka bzhengs pas dkyil 'khor nges par 'grub po/ /snyan cing 'jam pa'i dbyangs shes pa tshigs bcad phyed dang gnyis ni mngal skyes kyi glu'i phan yon ston to/ /'dir 'chad pa'i go rim ci yin zhe na/ rnal 'byor bsgom pa'i dus su
- 211a
dbyangs yig bcu gnyis kyi cha dang ldan pa'i zla ba rdo rje la thim nas/ bsgom pa'i dus su dgyes glu 'dis bskul nas bde ba chen po la slong ba'i glu yin pas rgyu'i he ru ka slong pa dang/ zla ba rdo rje las slong ba gnyis ka zin pa'i phyir phyi nas bshad do/ /ldang ba'i tshe bsrung ba ni yi ge brgya pa ste thog ma dbang gi dus dang/ bar du bsgom pa'i dus dang/ tha mar ldang ba'i dus gsum du yi ge brgya pa zla'o/ /gnas gang du dgod ce na/ ldang ba'i tshe snying gar phyir bzlog chen mo'i 'khrul 'khor bkod la/ de'i 'dab ma bcu drug la yid kyis bris la bzlas pa byas nas/ lhag pa dang mtshangs pa bskang bas bdag nyid brtan par byed do/ /langs pa'i tshe stong gsum gzhal yas khang rang gi lhag pa'i lhar khams gsum po blta bar bya'o/ /bskyed pa'i rim pa bstan nas/ zab pa rdzogs pa'i rim pa ni/ bskyed pa'i rim pa la bstan pa thob nas srid pa'i dpa' bo zhal gcig phyag gnyis pa'i ngo bo nyid de'i srid pa bdag gir lta bas stong pa nyid rang gi lus ngag yid gsum bdag tu lta bas stong par bsgom mo/ /de ltar bdag med pa'i sems kyi stong nyid la gnas na/ bskyed pa'i rim pa 'di dka' thub la sogs pa gang yang bya min dgos/ rdo rje 'chang chen po dngos yin pas rang 'byung rangs pa'i 'dus ma byas bdag dang bdag gir lta ba dgag pa nyid kyang mi mdzad do/ /ji ltar chu la chu gzhag dang/ /ji ltar mar la mar bzhin du/ /rang gi sems kyi chos nyid ni/ /mthong ba mchod pa'ang de yin no/ /de'i rgyu mtshan can gyi rdzogs rims ni gtum mo drod sbar nas snying ga'i byang chub sems kyi thig le bzhus pas zla ba'i dkyil 'khor dga' ba bzhir rdzogs par lte ba'i dbus su babs nas gnas bsam pa dang/ yi ge gnas kyi mchog srog a ba d+hU
- 211b
tIr chud pas de'i dbus su gnas par bsams te/ de yang sku byang chub kyi sems dang/ gsung khrag gi thig le dang/ thugs srog gi rlung phyir mi 'byung bar gnas pa rdo rje can bsam gtan gyi lha'i sku yin no/ /de ltar mtshan bcas kyi rdzogs rim las mtshan ma med par bsgom pa'i gzung ba rang bzhin med pa dang/ 'dzin pa rang bzhin med pa 'du shes med pa 'am/ 'gog pa'i snyoms par 'jug pa bzhin du sems rgyun 'chad pa ma yin pa chags pas sems brtags pa ma yin chags par rgyun chad pa ma yin/ gnyi ga 'dres pa ma yin pa'i ye shes snying ga'i dbus na dmigs 'dus ma byas la gnas pa rjes dpag gi gtan tshigs ma yin pas mngon sum gyi yul phyag rgya bzhi'i bud med thams cad kyi rnal 'byor ma dang/ snyoms par 'jug pa'i thugs rdo rje kun gyi byang chub kyi sems las skyes pa'i dga' ba bzhi'i mchod pa b+ha ga zla tshes kyi steng du byang chub kyi sems kyi yul sa bon phyag rgya'i rnam par shes pa la mngon sum du snang bas mchog tu bshad pa'o/ de'i mtshungs pa de ma thag pa'i rkyen dbugs nyi khri chig stong drug brgya 'gags pas ni mi shegs pa ste/ yul phyag rgya bzhi dang dbang po bdag po'i rkyen kun rdzob byang chub kyi sems kyi bde ba dang/ mtshungs pa de ma thag pa'i rkyen srog a ba d+hU tIr chud de las sa dang po'i ye shes kyi byang chub skyes pa'i ming ni rnyog pa med pa'i gzhung mngon sum gyi lam don dam snying po yin la/ gzhung gzhan rjes dpag gis gtan la phab pa'i stong nyid ni log lta'i 'od gsal yin no/ /sogs pa'i sgras ni mu stegs can gyi don dam thams cad bsdu'o/ /shes rab dman pa dang thabs ngan pas mngon sum gyi lam la smad na mnar med par ltung ngo/ /de ltar le'u bzhi pa'i de kho na nyid kyi man ngag gi rdzogs rim dang/ le'u bcu bzhi pa'i rim pa
- 212a
bzhi bsgom pa dang/ le'u 'di'i thig le bsgom pa dang/ rgyud 'bum pa'i stong phrag gsum gyi don bsdus pas phan tshun gcig gis gcig 'grel pa yin no/ /zhes gdams ngag gis ston to/ /le'u nyi shu rtsa lnga'i 'grel ba'o// //de ltar mchod pa'i dkyil 'khor bshad nas/ bdud rtsi myang ba'i dkyil 'khor ston pas/ de nas sbyor ba bshad bya ba zhes gsungs te/ sangs rgyas thod pa'i nang du bskyed pa mchog sku/ dam pa gsung/ sbyor ba kun gyi mchog thugs/ des dngos grub thams cad gsol pa 'bras bu kun rdzob tu oM spa zhing A:gsang ba dang hUM su la yang mi bstan to/ /rnal 'byor ma thams cad kyi snying la gnas pa'i oM A:hUM gsum de nyid mchog tu gzung na sbas pa sgyu ma dang/ gsang ba 'od gsal dang zhes pa zung 'jug bla ma'i zhal nas bsgom par bya'o/ /de bsgom pa'i gnas ni tshigs bcad gcig gis bstan to/ /sngon 'gro lnga dang 'byung ba bzhi ri rab sna tshogs rdo rje gzhal yas khang dang bdun bskyed pa'i dbus su nyi zla kha sbyor gyi lte ba'i hUM de yongs su gyur pa'i spro bsdu las sangs rgyas thod pa can gyi mchog bskyed do/ /de'i rgyu'i rgyas bshad ni zla ba me long lta bu'i gnas med pa nyi ma mnyam pa nyid kyis zhi ba hUM so sor kun tu rtog pa dag pa/ spro bsdu rnam rtog spangs pa bya ba nan tan/ de lta bu'i A li kA li las byung ba'i gnyis su med pa'i ye shes kyi snang ba zhi ba zhal gcig phyag gnyis pa zhes bya ba nas/ 'jigs byed dang ni dus mtshan dang/ sred dang sdang ba zhabs kyis gnon/ zhes bya ba'i bar du go gla'o/ /de'i nu ma'i bar du ye shes sems dpa' lha mo bcu gnyis kyis bskor ba zhal gcig phyag gnyis pa'i gzugs can phu las byung ba bsgom mo/ /snying gar thugs kyi 'khor lo sngon po/ /lkog mar gsung gi 'khor lo dmar po/ /
- 212b
dpral bar sku'i 'khor lo dkar po/ /'khor la gsum pa zhal gsum phyag drug pa bsgom pa ni go sla'o/ /nu ma'i bar gyi ye shes sems dpa' la mkha' 'gro ma dang/ lA ma dang/ dum skyes ma dang/ gzugs can ma bzhi pad+ma'i phyogs la dgos pa dang/ thod pa bzhi mtshams su dgod pa dang/ phyi rol gyi pad+ma brgyad la khwa gdong ma dang/ gshin rje brtan ma la sogs pa dgod do/ /mtshams kyi lha mo bzhi phyag g.yas pa mi 'jigs pa sbyin pas me long dang/ gling bu dang dri'i snod dang chos dang ro yis gang pa'i thod pa bsnams pa/ g.yon pas thod pa dang kha TwAM ga 'dzin pa lha mo cang te'u dang gri gug bsnams pa'o/ /de ltar lus kyi nang du sa bcu'i rim pa sku gsung thugs kyi sbyor ba bsgoms nas byang chub kyi phyogs kyi chos sum cu rtsa bdun gyi rnam par dag pa bsgom mo/ /dpa' bo rnams kyi snying po ni/ oM kaM huM hUM phaT/ oM khaM huM hUM phaT/ oM gaM huM hUM phaT ces bya ba nas/ b+haM huM hUM phaT zhes bya ba'i bar dpa' bo nyi shu rtsa bzhi'i snying po yin no/ /mkha' 'gro ma rnams kyi ming nyid snying po yin no/ /sku'i brgyad la oM dang spel/ gsung gi brgyad la A(rgyud 'grel): dang spel/ thugs kyi brgyad la hUM dang spel ba ni/ dpa' bo rnams kyi snying po yin no/ /mkha' 'gro ma la sogs pa bzhi'i ni ma ning gi yi ge bzhi dang/ ming mtshan gyi dang po bzhi sngags su 'gyur ro/ /sgo ma bzhi la ya ra la wa/ mtshams kyi lha mo bzhi la sha Sha sa ha/ thog ma'i oM dang tha ma'i hUM gnyis phaT dang sbyar ba ni snying po'o/ /dbus kyi sangs rgyas thod pa ni go sla'o/ /lus kyi dkyil 'khor 'byung ba lnga sangs rgyas/ skye mched drug sems dpa' / yig 'bru las cho ga bzhin du bskyed la sbyar bar bya'o/ /las kyi rgyal mchog ye shes sems dpa' spyan drang ba dang/ go cha bskon pa dang/ dbang bskur ba dang/ gcig tu gyur par bsgoms la/ mtshams kyi lha mo bzhi'i phyag na gnas pa'i mchod pa bzhi sngags kyis mchod par bya ste/ oM ru pa badzri hUM/
- 213a
oM gand+ha badzrI hUM/ oM rA sa badzri hUM/ zhes sangs rgyas thod pa dang/ dus kyi rgyan gyi dkyil 'khor thams cad la gsang pa'i mchod pa bzhi po bzlas nas mchod par bya'o/ /bsgom pa ni 'khor lo gsum gyi spro bsdu snga ma bzhin du bya'o// bzlas pa yang snga ma bzhin no/ /bdud rtsi myang ba dang/ mchod pa dang/ gtor ma gtang ba yang snga ma bzhin no/ /sangs rgyas thod pa ni bsgoms pa'i 'bras bu ni gsum ste/ dkyil 'khor thams cad kyi dam tshig nyams pa bskang ba'i thabs ni/ gsang sngags kun gyi dam tshig ni zhes bya ba nas/ ye shes lha'i 'chi med mchog ces bya bas thod pa'i bdud rtsi myangs pas dam tshig bskang ba dang pa'o/ /yang na rang gi ming dang sngags bzlas pa gnyis pa'o/ /gsum pa dam tshig nyams pa bzhi par 'gyur zhing skal pa dang ldan pa'i rnal 'byor pas rnal 'byor ma'i 'khor lo las dbang bskur ba dus bzhi ru phyi nang gi chus khrus bya ba dang/ slar yang bla ma la gsol ba btab nas gsang ba dang shes rab ye shes kyi dbang bskur ba blangs nas nges par dngos grub can du 'gyur ro/ /le'u nyi shu rtsa drug pa'i 'grel pa'o// //de ltar sangs rgyas thod pa bshad nas/ rdo rje sems dpa' la sogs pa'i dkyil 'khor ston par bzhed pas/ de nas gzhan yang bshad bya ba zhes bya ba gsungs te sngon du 'gro ba'i rnal 'byor lnga bsgoms nas/ snod bcud thams cad stong pa nyid du bsgoms pa'i dbus su 'byung ba bzhi dang ri rab dang sna tshogs rdo rje gyur pa las/ e gru gsum gyi dbus su gzhal yas khang e gru gsum gyi dbus na gnas pa'i don bshad pa ni/ gsang ba de nyid rnyed par dka' ba bstan pa dang/ g.yo ba snod bcud kyi 'gro ba thams cad dang/ sngags kun bskyed pa'i rgyu yi ge a de'i bzhi dpa' bo dang rnal 'byor ma dang/ sangs rgyas kun gyi gnas e gru gsum chos kyi dbyings mi
- 213b
zad pa'i rang bzhin thog ma dang tha ma dbus dri ma med pas gru gsum nges bskyed pa'i gzhal yas khang gi dbus su rdo rje sems dpa' zhal gsum phyag drug pa ni go sla'o/ /nu ma gnyis kyi bar du ye shes sems dpa' rang dang 'dra ba'i lha mo bcu gnyis kyis bskor ba sku gsung thugs kyi 'khor lo gsum hUM dang/ A:dang/ oM las skyes pa'i lus kyi nang gi dkyil 'khor bsgom par bya'o/ /i las phyag rgya chen po zhal gsum phyag drug pa 'khor lo gsum gyi lte ba'i dbus su bsam mo/ /a'i las yab gsum b+ha ga'i pad+ma can bsam mo/ /de ltar dkyil 'khor rgyal mchog bshad nas/ las kyi rgyal mchog gi go cha dgong pa ni/ u las snying ka'i rdo rje sems dpa' a'u las gdan zla ba'i dkyil 'khor/ e las mgo la rnam par snang mdzad/ i las spyi gtsug du pad+mar gyi dbang phyug /oM las phrag pa gnyis su dpal he ru ka/ aau las mig gnyis su rdo rje nyi ma/ aM las ga cha'i khrab/ a:las yan lag la rta mchog /li las sangs rgyas spyan shar du/ ri las dam tshig sgrol ma byang du/ lI las gos dkar mo nub du/ rA las rin po che sgrol ma lhor/ dkar ba ljang ba dmar ba ser ba/ dbu gsum phyag drug pa/ de dag sgo'i thad ka'i pad+ma'i dbus su zla ba'i gdan la dgod do/ /grwa bzhir mchod pa'i lha mo bzhi zhal gsum phyag drug pa/ phyag dang po ral gri 'dzin pa'i don du me long dang pi wang dril bu dang bcud len gyi snod thogs pa/ g.yas kyi lhag ma gnyis na mda' dang lcags kyu/ /g.yon gsum na rin po che dang gzhu dang zhags pa 'dzin pa'o/ /lhag ma ni go sla'o/ /bsgom pa dang zlas pa'i sngon du ye shes sems dpa' spyan drangs nas/ dam tshig can gyis phyag 'tshal ba dang/ mchod pa dang/ dbang bskur ba dang/ gcig tu bsdus nas 'khor lo gsum po spro ba dang/ bsdu ba'i sbyor ba bsgom pa dang/ sngar gyi sngags bzlas la bdud rtsi myang ba dang/ gtor
- 214a
ma btang ba kha bskang ngo/ /ldang ba'i dus kyi tshe khams gsum ma lus pa rdo rje 'dzin par bsgom pa dang/ dus gsum gyi sems can sku gsum gyi go 'phang la bzhag pa ni/ ngo bo nyid kyi mthu dag gis/ /rang bzhin gyi ni de 'grub bo// zhes gsungs pas lhan cig skyes dga' dag pa'i bdag nyid yin no/ /le'u nyi shu rtsa bdun pa'i 'grel pa'o// //rdo rje sems dpa' i dkyil 'khor bshad nas/ 'jam pa'i rdo rje dpa' bo gcig pu ston par bzheng pas/ de nas cho ga gzhan bshad pa zhes bya ba gsungs te/ sngon du 'gro ba'i rnal 'byor lnga dang/ nam mkha' stong pa'i dbus su gzhal yas khang dang bcas pa 'am/ gzhal yas khang med par zla ba'i gdan la yi ge mi las 'jam pa'i rdo rje zhal gsum phyag drug pa bsgom pa ni rgyud na gsal/ de'i nu ma'i bar du rang dang 'dra ba'i 'jam pa'i rdo rje la lha mo bcu gnyis kyis bskor ba ye shes sems dpa' sku gsung thugs kyi snying po oM A:hUM gsum dpral ba lkog ma snying gar 'khor lo gsum gyi dbus su sngar bshad pa'i gnas nyi shu rtsa bzhi dpa' bo dang dpa' mos bskor nas/ rdo rje sems dpa' i dkyil 'khor bzhin du yi ge gsum gyi sngags rjes su dran nas dpa' bo dang dpa' mo'i spro bsdu rjes su bsgom mo/ /srog dang rtsol ba dbugs 'byung rngub dang 'grogs pa'i 'khor lo gsum gyi lha spros nas thun bzhir brtul zhugs chen pos gsang sngags bzlas/ thun bzhir bzlas pa zin nas snying gar bsdu/ bdud rtsi myang ba dang mchod pa dang/ bstod pa dang/ gtor ma gtang ba kha bskang ngo/ /le'u nyi shu rtsa brgyad pa'i 'grel pa'o// //de ltar 'jam pa'i rdo rje'i sgrub thabs bshad nas/ rnam par rtog pa 'joms pa'i zad byed kyi mkha' 'gro bshad par bzhed pas/ de nas gzhan yang bshad bya ba zhes bya ba gsungs te/ yi ge dgu la rak+Shi? ste
- 214b
sde tshan gyi dgu pa'o/ /k+Sha'i ye shes las byung ba ni drod gsher las skyes pa'o/ /sdug bsngal dang kun 'byung zad par byed do/ /sdug pa thams cad zad par byed pa'o/ /sdug bsngal dang kun 'byung gi rgyu bdag dang bdag gir lta ba'i rnam par rtog pa bcom par zad byed pas na/ zad byed mkha' 'gro ste/ mdor bstan to/ /rgyas par bshad pa ni sngon du 'gro ba'i rnal 'byor lnga bsgoms nas/ 'byung ba bzhi ri rab sna tshogs rdo rje gyur pa las byung ba'i gzhal yas khang nam mkha' dang mnyam pa stong pa nyid las byung ba'i rten med par nam mkha' i long spyod la gzhal yas khang gnas pas na brten med par longs spyod pa'o/ /de'i dbus su yi ge k+Sha las byung ba'i zhal lnga ye shes lnga'i rang bzhin zhal drug pa bong bu dang 'dra ba'i zhal gdong spangs pa'i phun sum tshogs pa'i snang ba'o/ /phyag bcu gnyis ni pha rol tu phyin pa bcu gnyis yum yang zhal lnga yab dang mthun pa drug pa phag rgod kyi gdong can gyi yab yum bsgom mo/ /lus kyi dkyil 'khor ni snying kar ye shes kyi mkha' 'gro yab yum la 'khor lo rtsibs brgyad kyi steng du khwa gdong ma la sogs pa bzhi dang/ gshin rje brtan ma la sogs pa bsgom mo/ /sku gsung thugs kyi 'khor lo ma bsgoms par de la ye shes sems dpa' bcug la/ go cha bskon pa dang/ dbang bskur ba byas nas thun bzhir zhag bdun gyis dus dang/ chu 'gram mam dur khrod kyi gnas su bsnyen pa byas na/ 'phrog pa dgug pa dang/ dbang du bya ba dang/ gsod pa dang/ brgyal ba la sogs pa'i las 'grub par the tshom med do/ /khwa gdong ma'i zhal gsum ni dbus ma khwa g.yas g.yon lug 'ug gdong ma'i g.yas g.yon rnga mo/ /khyi gdong ma'i g.yas g.yon rta/ phag gdong ma'i g.yas g.yon seng+ge/ gshin rje ma'i gsal sar pho nya ma'i g.yas g.yon glang/ mche ba ma'i g.yas g.yon ma he/ 'joms ma'i g.yas g.yon dred/ phyag mtshan rgyud na gsal
- 215a
yang na sems can gyi don du thugs rje'i ros rnam par myos pas sku gsung thugs kyi yi ge gsum la skyes nas rdo rje pad+ma 'khor lo'i dbus su bsgom/ nu ma'i bar du lha mo bcu gnyis kyi A li'i 'khor lo bsgom/ de la ye shes sems dpa' spyan drangs nas/ mchod bstod/ dbang bskur nas ro gcig tu gyur par bsam mo/ /gsang ba gsum gyi gnas nas 'khor lo gsum gyi spro bsdu bsgom pa dang bzlas pa ni rgyud nas gsal/ bdud rtsi myang ba dang mchod bstod kha bskang/ zhag bdun rtse gcig par bsgoms nas 'khor lo gsum gyi mkha' 'gro'i dngos grub myur du 'thob bo/ /le'u nyi shu rtsa dgu pa'i 'grel pa'o// //de ltar sgyu ma lta bu'i lha zad byed kyi mkha' 'gro bshad nas/ dgyes pa'i rdo rje ston par mdzad pas de nas gzhan yang bshad bya ba zhes bya ba ste/ snying gar lha mo bcu gnyis 'joms pas A li'i mkha' 'gro rten 'brel bcu gnyis dag par bsgom pa'o/ /dbus su gtso bo ni A li ye shes las byung bas gtso bo la A li mkha' 'gro zhes gdags so/ /de ltar mdor bstan nas/ rgyas par bshad pa ni/ sngon 'gro lnga bsgoms nas 'byung ba bzhi ri rab sna tshogs rdo rje'i steng du mngon par byang chub pa lnga rdzus skyes dgyes rdor zhal brgyad phyag bcu drug pa/ zhal brgyad rnam thar brgyad/ phyag bcu drug stong nyid bcu drug pa/ yab yum sku mdog dang phyag mtshan go sla bas 'dir ma bshad do/ /gtso bo bskyed pa bsnyen pa'o/ /lus kyi dkyil 'khor de'i snying gar 'khor lo rtsibs bcu gnyis pa de'i lte bar rang dang 'dra ba'i zhal brgyad phyag bcu drug pa'i ye shes sems dpa' de'i 'khor lo'i rtsibs bcu gnyis la rten 'brel yan lag bcu gnyis rnam par dag pa'i lha mo zhal gsum phyag drug sku lus thams cad dkar po/ g.yas sngo ba g.yon ljang ba thams cad kyang a la la'i sgra sgrogs pa go sla'o/ /oM las
- 215b
snying gar thugs kyi 'khor lo'i rdo rje phreng bas bskor ba'o/ /A:las lkog mar gsung gi 'khor lo pad+mas bskor ba'o/ /hUM las dpral bar sku'i 'khor lo 'khor lo'i phreng bas bskor ba bsgom par bya'o/ /las kyi rgyal mchog ni ye shes sems dpa' gzhug pa dang/ go cha bskon pa dang/ /dbang bskur ba dang/ 'dod pa'i khams kyi dbugs 'byung rngub srog rtsol bsdams nas ye shes kyi bzlas pa'i sbyor ba lta mo bcu gnyis bcu gsum pa rdo rje 'dzin pa'i gtso bo sku gsung thugs kyi 'khor lo gsum la yang ye shes sems dpa' bcug nas go cha bskon nas ro gcig par gyur pa'i sku gsung thugs kyi spro bsdu bsgom mo/ dag gi bzlas pa ni gtso bo'i rgyud na gsal/ 'khor rnams ni thog mar oM dang bar du sta mo'i ming dang tha mar huM hUM phaT dang ldan pa ni snying po'o/ /bdud rtsi myang ba dang mchod pa dang bstod pa dang gtor ma btang ba kha bskang ngo/ /nye bar bsdu ba rgyas par bshad pa ni/ rang gi snying ka re sngags kyi 'khor lo rim pa bdun pa sngar bshad pa bzhin du bkod la/ srid pa dang zhi ba'i chos rnams don dam par dngos po med par shes pas/ /dbyibs lha'i 'khor lo snying ga'i sngags la bsdu/ sngags sems kyi 'khor lo chos la bsdu/ sems can gyi khams kyang chos la bsdus nas rang gi lha'i sbyor bas gnas pa rkang pa brgyad pas mchod par bya'o/ /ldang ba'i cho ga ni mnyam par ma gzhag pa'i sems kyis sngags sprul pa'i 'khor lo dang/ lus lus kyi 'khor lo dang/ chos sems kyi ngo bo bskyed pa'i rim pa bsgom shing chos thams cad stong pa nyid du ro gcig pas bsgom par bya ste/ chos rnams snod bcud la bdag gir 'dzin pa dang/ de'i chos bdag gir 'dzin pa bzhi dang ming la sogs pa chos lnga'i rang bzhin gyis stong zhing kun brtags la sogs pa'i mtshan nyid gsum med par bsgom par
- 216a
par bya'o/ le'u sum cu pa'i 'grel pa'o// //de ltar dgyes pa'i rdo rje'i 'khor lo bshad nas/ bya ba'i rgyud rigs gsum la mos pa'i dbang du byas nas/ de nas sbyor ba bshad bya ba zhes bya ba gsungs te/ sna tshogs gar gyi dbang phyug ni kri ya'i rgyud kyi lha'o/ /thams cad mchog ni gtso bo/ /rnal 'byor che ni chos kyi mchog ma/ brtson 'grus chen mo rgya mtsho'i mchog ma ste mdor bstan to/ /rgyas bshad bskyed pa'i rim pa'i sbyor ba ni gong du bstan pa'i rim pas sngon du 'gro ba'i rnal 'byor lnga rdzogs nas/ 'byung ba bzhi ri rab sna tshogs rdo rje gzhal yas khang bskyed pa'i dbus su/ nyi ma'i dkyil 'khor gyi dbus su/ siM yongs su gyur pa las g.yas su rgya mtsho'i mchog ma/ oM yongs su gyur pa las sna tshogs kyi dbang phyug gsal byed gyi mkha' 'gro/ de yongs su gyur pa las chos kyi 'khor lo ma/ rigs gsum mgo'i gtso bo ni/ zhal drug ris drug gi kha dog sna tshogs 'chang ba phyag bcu gnyis kyis pha rol tu phyin pa'i phyag mtshan bsnams pa/ zhabs drug gi mu stegs can gyi lta ba lnga dang/ nyan thos dang rang rgyal gyi mya ngan las 'das pa lta ba drug gnon pa khyab 'jug gi pags pa'i sham thabs/ tshangs pa'i pags pa'i stong? g.yogs dbang phyug chen po'i mgo bo 'dzin pa/ phyag gnyis pa kha dog bcu gnyis dang ldan pa/ rgya mtsho mchog ma pi lab ste khyim dang/ g.yon du chos kyi mchog ma nye ba'i pi la ste nye ba'i khyim btsun mo gnyis ka yang zhal lnga la phyag bcu pa/ bcom ldan 'das ni 'jigs byed dang dus mtshan zhabs kyis gnon pa/ zhal drug dang ldan pa mgrin pa drug dang ldan pa yum gnyis ni zhal lnga pa mgrin pa bzhi dang ldan pa/ steng gi zhal la mgrin pa med pa'o/ /phyag mtshan bcu ni go sla'o/ /lus kyi 'khor lo bshad pa ni/ gnas gsum du sku gsung thugs kyi 'khor
- 216b
lo bsgom pa dang/ oM las ye shes kyi mkha' 'gro rigs gsum la lha mo bcu gnyis kyis bskor ba'o/ /de la las kyi rgyal mchog ye shes sems dpa' gzhug pa dang/ go cha bskon pa dang/ dbang bskur ba dang/ sngar bshad pa bzhin du 'khor lo gsum gyi spro bsdu bsgoms la/ gsang sngags kyi bzlas pa bya'o/ /sngags ni rgyud na gsal lo/ /gsang ba gsum gyi 'khor lo spros nas 'khor lo gsum gyi lha bsdu ba'i tshe b+ha ga'i dbus kyi rtsa gsum la bsdu bar bya'o/ /gal te rdzogs rim bsgoms na 'khor lo gsum gyi lha rtsa gsum la bsdus la/ rdo rje phag mo'i b+ha gar gsang ba gsum po rtsa'i rang bzhin bsgoms pa ni/ de kho na nyid sbyor ba bsgom pa zhes bya'o/ /bskyed pa'i rim pa bsgom pa'i tshe tha mal pa'i nga rgyal spangs nas thun bzhir bsgom pa dang bzlas pa bya'o/ /rtag tu dam tshig bskyang ba ni bdud rtsi myang ba ste/ 'o ma ni byang sems dkar mar ro/ /bram ze ni rnam snang ngo/ /sbrang rtsi mi bskyod pa'o/ /mahA maM sa ni sha chen no/ /sha lnga dang yang dag ldan pa de nyid oM A:hUM gis byin gyis brlabs la bza' bar bya'o/ /spros bcas kyi tshogs kyi 'khor lo 'du 'dzi med cing srid pa la mngon par zhen pa 'khor lo yongs su mi 'dzin pa'i lha mo gnyis dang/ 'dod pa'i khams kyi sems bkag pas kha na ma thob pa dang mi ldan pa'i 'bar pa med par lhun gyis grub pa'i 'dod pa'i yon tan lnga la dga' ba bzhin longs spyod bzang bar bya'o/ /btung ba yang 'bad pa med pa srog a ba d+hU tIr chud pas 'dod pa'i yon tan lnga la longs spyod cing bdud rtsi lnga btung zhing 'dod khams kyi btung ba nam yang mi btung ngo/ /nang gi bdag nyid srog a ba d+hU tIr chud pa'i sbyor ba dang ldan pas yab yum gnyis kyi spras bcas kyi 'khor lo bcom ldan 'das pa las rnal 'byor ma nye ba'i pi la'i tshigs kyi 'khor lo bya'o/ /yang na thabs nyi shu rtsa bzhi'i pi lam 'am/ shes rab nyi shu rtsa bzhi'i nye bil ste/ 'khor lo gsum gyi
- 217a
spros bcas bsgom pa/ grong khyer gyi mdza' 'khor lo gsum gyi lha bsgom pa/ grong khyer gyi mdza' bsgom pa lha mo bcu gnyis kyi spros bcas kyi 'khor lo gsum pa'o/ /zla ba dang nyi ma gtum mo drod byang chub kyis mes mnyam par sbyor ba las skad cig ma bzhis dga' ba bzhi skye ba'i 'bras bu mngon par shes pa drug gi mthu stobs dang ldan pa skye ba 'di la 'grub bo/ /spros med kyi spyod pa ni sngar bshad pa'i ba shu thams cad bza' zhing ling ga'i lha bshos dag kyang snga ma bzhin du bza' ste/ 'dus pa thams cad kyi 'khor lo glu dang gar dang bza' ba thams cad sgyu ma 'od gsal zung 'jug tu shes rnam par rtog pa thams cad spangs pa'i spros med kyi 'khor lo bya ste bskyar ba'i cho ga'o/ /le'u sum cu rtsa gcig pa'i 'grel ba'o// //de ltar rigs gsum gyi 'khor lo bshad nas/ dam tshig gi bde mchog ston par bzheng bas/ de nas gzhan yang bshad bya ba zhes bya ba gsungs te/ rigs lnga'i dngos grub kyi sbyor ba mkha' 'gro lnga dang mkha' 'gro ma lnga/ dam tshig gi sdom pa bshad pa ni mdor bstan to/ /rgyas bshad ni gong du bstan pa'i rim pas sngon 'gro lnga rdzogs nas 'byung ba bzhi dang/ ri rab sna tshogs rdo rje drug gyur pa las/ gzhal yas khang nam mkha' i dbyings kyi rdo rje'i dbus su gnas pa'i gzhal yas khang nyid rim dbus ma yab yum bcu'i dkyil 'khor lngas brgyan pa dbus su nyi ma'i gdan la mdzes pa'o/ A li'i mtshan sum cu rtsa gnyis kyi zla ba/ kA li'i dpe byad bzang po'i nyi ma/ dbus su sa bon no/ /'od zer spro bsdu gyur pa las dus mdza' i me ltar 'od zer 'bar bas rab tu 'jigs pa zhal lnga pa phyag drug pa zhal mche ba gtsigs pa yum yad zhal lnga pa phyag drug pa re mig dbus ma la dgod do/ /gtso bo bskyed pa bsnyen pa'o/ /shar du sangs rgyas mkha' 'gro mkha' 'gro ma dang 'khyud pa/ nub du pad+ma mkha' 'gro gos dkar
- 217b
mo dang 'khyud pa/ lhor rin chen mkha' 'gro gzugs can ma dang 'khyud pa/ zhal dang sku mdog dang phyag mtshan ni rgyud na gsal/ mtshams bzhi ru sangs rgyas mkha' 'gro ma pad+ma'i mkha' 'gro ma/ rin chen mkha' 'gro ma zhal gsum phyag drug ma/ de'i sgo bzhi'i shar sgor sna tshogs gzugs can ma'o/ /byang sgor gzugs bzang ma ljang gu/ nub sgor rdo rje mchu dmar po/ lho sgor 'od byed ma ser mo/ zhal gsum phyag drug ma/ shar gyi snam bu la stag gdong ma drag gdong ma/ rdo rje sna can ma/ snyan grags ma dang bzhi sngon mo/ /lho'i snam bu la rdo rje pho nya mo/ rdo rje sen mo/ gzhon nu ma/ kam po tsa dang bzhi ser mo/ nub kyi snam bu la ro langs ma/ mda' can ma/ dri ldan ma/ 'jigs byed ma dang bzhi dmar ba/ byang gi snam bu la zla ba'i spyi gtsug khro gnyer can/ sna tshogs gzugs ka ta ya na bzhi ljang ba'o/ /mtshams bzhir rdo rje lu gu rgyud ma/ lha mo sgyu 'phrul ma/ grags byed ma/ me 'bar ma dang bzhi phyogs kyi kha dog can phyi'i sgo bzhi la ser skya ma/ rdo rje 'bar ba ma/ rdo rje 'khyil bam/ rdo rje 'jigs byed ma dang bzhi phyogs kyi kha dog can no/ /sngon grub pa'i mkha' 'gro ma rab gtum ma la sogs pa sku gsung thugs dang dam tshig gi lha mo rnams yin te/ mkha' 'gro ma de dag thams cad zhal gsum pa phyag drug pa/ dang po na rdo rje gsor ba dang dril bu gnyis/ gnyis kyi g.yas na cang te'u/ g.yon na thod pa dang kha TwAM ga /gsum pa gnyis kyis lcags kyu dang/ zhags pa bsnams pa'o/ /gzhal yas khang bshad pa ni/ nang gi pho brang re mig dgu sgo bzhi dang bcas pa phyi'i lha rnams phyi'i sgo ma bzhi dang bcas pa/ rta babs bzhis brgyan pa ni go sla'o/ /'khor bskyed pa ni bsnyen pa'o/ /lus kyi dkyil 'khor bsgrub pa ni/ byang chub kyi phyogs sems kyi 'khor lo dang/ dbus kyi 'khor los bcu gsum khyams kyi lha mo nyi shu rtsa bzhi gnas dang nye ba'i
- 218a
gnas la sogs pa sa bcu'i rang bzhin du bsgom pa dang/ thugs kar ye shes kyi mkha' 'gro lha mo bcu gnyis kyis bskor ba/ phung po dang khams dang skye mched tar bskyed pa dpa' bo dang/ dpa' mo'i go cha gnyis po lus la bskod pa gsang ba gsum gsum gyi gnas su rtsibs nyi shu rtsa bzhi la sku gsung thugs kyi mkha' 'gro gsum bkod pa sgrub pa lus kyi 'khor lo'o/ /sgrub pa chen po ni ye shes kyi 'khor lo bskur nas mchod pa dang/ ye shes kyi cus dbang bskur ba dang ba spu'i bu ga thams cad las sku gsung thugs kyi gsang ba gsum spros nas/ sems can ma lus pa thams cad sku gsum gyi mkha' 'gror bskyed nas thun bzhir slar bsdu ba dang/ gnyis pa sangs rgyas la mchod pa'i phyir 'khor lo gsum pa ba spu'i bu ga nas spros nas mchod pa dang gsum pa tshar bcad pa dang phan gdags pa'i phyir rdo rje gsum gyi lha srog rtsol dang lhan cig tu spro bsdu 'brug gi sgra ltar sngags bzla ba dang/ bzhi pa dbugs phar 'gro pa dang tshur bsdu ba'i sbyor bas mi smra ba'i lha'i cha byad kyi brtul zhugs chen po zhag bdun gyis mngon par shes pa 'grub ste/ de'i rtags ni/ g.yo ba sa'i rlung 'gags pa dang/ 'dar ba chu'i rlung 'gags pa dang/ 'khrug pa me'i rlung 'gags pa dang/ 'bar ba rlung gi rlung 'gags pa dang/ 'bab pa nam mkha' i rlung 'gags pa dang ldan pa'i rtags byung na nad ldan pa tshar bcad pa dang/ nad med pa phan 'dogs pa 'grub po/ /de ltar bsgom byas nas zhes bya ba tshigs bcad phyed ni mjug bsdu ba'o/ /don lnga pa rtags byung nas srog a ba d+hU tIr chud pa'i nang gi sbyor dang ldan pas bdud rtsi lnga thos nas tshe lo stong thub na sangs rgyas kyi gnas su nges par 'jug go /snying po dang gnas ni rgyud na gsal bas ma bshad do/ /thun bzhi'i bsgom bzlas zin nas dkyil 'khor kun gcig tu byas te bsdus nas
- 218b
rnal 'byor chen po lus gzi brjid can gyi sngags khri'am 'bum bzlas na/ ji ltar 'dod pa 'grub par 'gyur ba ni phan yon no/ /gal te rang gi lus rgas ni byis pa gzhon nu ma lo brgyad pa mtshon dang rims kyis ma rag pa glo bur du shi ba'i ro rnyed na gzhan gyi lus su zhugs nas 'gro ba pa su ra bra bi sha zhes bya ste/ rdzu 'phrul dang mi snang ba dang gzugs du ma ston pa la sogs pa 'grub par 'gyur ro/ /mchod pa dang bstod pa dang gtor ma btang ba ni kha bskang ngo/ /le'u sum cu rtsa gnyis pa'i 'grel pa'o// //mngon par shes pa lnga bskyed pa dam tshig gi sdom pa bshad nas/ mngon shes bsgrub pa'i spros bcas kyi spyod pa ni/ de nas gzhan yang bshad bya ba zhes bya ba gsungs te/ gang zag skye ba snga ma nas tshul khrims goms pas sbyangs ba'i yon tan bcu gnyis bsrung ba de ni lung gi rim pas tshul khrims kyi phung po yin la lung dang bral na mu stegs can yin no/ /rnal 'byor pa dkon mchog gsum la skyabs su song nas chos kyi dbyings shes rab kyi pha rol tu phyin pa la dmigs te/ sbyangs pa'i yon tan bcu gnyis lha mo bcu gnyis su bskyed pa ni/ tshul khrims kyi phung po yin la/ dga' ba bzhi'i ting nge 'dzin thob pa'i ting nge 'dzin gyi phung po dang/ sgyu ma 'od gsal zung 'jug gis rgyas btab nas shes rab kyi phung po yin no/ / rnam par grol ba'i phung po'i dngos grub tu 'gyur ro/ /gang du bstan pa'i sbyor ba'i sngon du 'gro ba dang/ 'byung ba bzhi ri rab sna tshogs rdo rje dang pad+ma'i steng mngon par byang chub pa lnga skad cig gis rnam pa rdzus skyes kyi sbyor bas gtso bo dang 'khor thams cad cig car bskyed pa/ gtso bo zhal bzhi phyag bcu gnyis phag mo zhal gcig phyag gnyis pas 'khyud pa bsnyen pa'o/ /shar la sogs pa'i rtsibs brgyad du ma dang gi la sogs pa'i lha mo brgyad dang/ sgo bzhir khrag 'thung ma dang/ gtum me dang/
- 219a
dang drag mo dang bzhi ste/ lha mo bcu gnyis ni rab tu byung ba'i gzugs can thams cad kyang zhal gcig phyag bzhi pa ste/ bsod snyoms pa dang/ /phyis mi len pa dang/ stan gcig pa gsum ni zas la ma chags pa'o// // chos gos gsum pa dang/ phyag dar khrod pa dang/ phying pa pa ni gos la ma chags pa'o/ /cog pu pa dang gzhi ji bzhin pa ni gnas mal la ma chags pa'o/ /bla gab med pa dang/ shing drung pa dang/ dgon pa pa dang/ dur khrod pa ni gnas la ma chags pa ste/ de rnams kyi lha mo ni dkyil 'khor rgyal mchog go /las kyi rgyal mchog ni ye shes sems dpa' spyan drangs nas go cha bskon pa dang/ dbang bskur ba dang/ bdud rtsi myang ba dang/ ye shes mnyam pa'i dam tshig mchog / ro gcig par ni rnam par bsgom/ zhes pa sku gsung thugs kyi 'khor lo lus ngag yid gsum gyi spro bsdu bya ba dang/ ye shes sems dpa' nu ma'i bar ni sbyangs pa'i yon tan lha mo bcu gnyis kyi spro bsdu bsgom mo/ /snying po ni go sla'o/ /ji ltar bsgom zhe na/ shar zhi ba/ byang mche ba gtsigs pa dang/ lho bzhad pa/ nub lce bskyod pa/ shar lho zhi ba/ lho nub snying rje/ nub byang sgeg pa/ byang shar rngam pa/ sgo bzhir drag cing khro ba'i nyams can bsgom mo/ /rab tu byung ba'i chas gon nas ji ltar khro bo'i nyams yin zhe na/ sems can mos pa sna tshogs 'dul ba'i thabs 'dod yon lnga la longs spyod pa na/ stong pas rgyas btab na bla med ye shes kyi 'bras bu thob bo/ /kha zas bdud rtsi lnga byin gyis rlabs nas 'chi med bde ba'i longs spyod kyi 'bras bu rnyed do/ /sems can thams cad lhar bsgoms pas zag med kyi go 'phang mchog thob bo/ /'di ni las dang po'i spyod pa ma yin pas mchog tu gyur pa'i rnal 'byor pa'i spyod pa yin pas sngon 'gro dang dngos gzhi dang
- 219b
rjes thams cad tshar bar mi dgos so/ /le'u sum cu rtsa gsum pa'i 'grel pa'o// //de ltar spros bcas kyi spyod pa bshad nas rgyas par char dbab pa'i cho ga bshad par bzhed pas/ de nas gzhan yang bshad bya ba gsungs te/ gong gi sngon 'gro ba'i rnam pa lnga byas nas 'byung ba bzhi ri rab sna tshogs rdo rje dang gzhal yas khang gi dbus su pad+ma 'dab ma brgyad pa'i dbus su yi ge hUM las rdo rje de yongs su gyur pa las sku lus sngon po zhal bzhi pa mche ba gtsigs pa phyag brgyad kyi dang pos rdo rje mdza' yas bcings pa/ g.yon gyi dang po sdigs mdzub nor rgyas kyi zhags pa can/ g.yon gsum pa na thod pa dang kha TwAM ga la 'jog po bcings pa/ g.yas pa'i lcags kyu la pad+ma bcings pa/ g.yon pa'i mdung la pad+ma chen po bcings pa/ dbang po'i lpags pa bsnams pa'i phyag gnyis kyi gdu bu dung skyong dang stobs kyi rgyus byas pa/ g.yas pa'i cang te'u la ma dros pas brgyan pa/ slad ma ni go sla'o/ /yang na phyag bcu gnyis pa gri gug dang/ tshangs pa'i mgo bo dang rdo rje dang dril bus 'khyud pa rang snang ba'i rdo rje phag mo zhal gcig phyag gnyis pa gri gug dang ka pA la bsnams pa/ 'dzam bu chu bo'i mdog lta bu'i sngon po bsam mo/ /nam mkha' lding gi gdong can zhal lnga pa phyag brgyad pa ni yum spangs pa yin la/ phyag bcu gnyis ni yum dang ldan pa ste/ gnyi ga yang khyad par du nam mkha' lding gi gdong can yin no/ /chu lha chung ma dang bcas pa kha dog dkar po thal mo sbyar nas bka' nod par byed pa g.yas brkyang ba'i zhabs kyis mnan pa'o/ /pad+ma 'dab ma brgyad la klu brgyad mo thal mo sbyar nas chung ma dang bcas pa bka' nod par bsam/ klu rnams kyi mjug ma chu lha'i 'og du mnan par bsam mo/ /de ltar dkyil 'khor rgyal mchog bshad nas/ las kyi rgyal mchog ni ye shes sems dpa' spyan drangs/ go cha bskon/ dbang bskur nas bsgom pa'i tshe/ snying gar nu ma'i bar du ye shes kyi
- 220a
'khor lo de'i sku mdog dang phyag rgya dang zhal lnga dang ldan pa bskyed/ ye shes sems dpa' de'i thugs kar ting nge 'dzin sems dpa' i rdo rje rtse mo lnga la hUM hUM hUM dgod do/ /dpral bar sku'i 'khor lo/ /lkog mar gsung gi 'khor lo snga ma bzhin bsam/ klu brgyad kyi snying gar hUM laM hUM gsum dgod/ khams gsum sku gsung thugs kyi spro bsdu bsgom/ 'og nas 'byung pa'i gsang sngags kyi rgyal po khro bo'i tshig bzlas brjod bye ba 'am 'bum mam khri bya/ bstong pa dang mchod pa bya/ gtor mas kha bskang ngo/ /ting nge 'dzin gsum bsnyen pa'i cho ga'o/ /las la sbyor ba'i bsgrub pa'i gnas bshad pa ni/ chu bo'i 'gram mam/ rgya mtsho la sogs pa klu yod pa'i gnas su bsgom bzlas bya/ snying po ni go sla'o// nyin re zhing thun bzhir zhag bdun gyi bar du las la sbyar bas char dbab/ ma bab na bskyar ba'i cho ga ni/ 'o ma btung ba dang/ sbrang rtsi bza' zhing 'o ma dang mar dang bcas pas sbyin bsreg bya 'o mas gang ba'i bum pa brgyad kyis klu la khrus bya/ phyogs mtshams brgyad du gtor ma 'o ma dang bcas pa sbyin no/ /klu brgyad kyi sngags ni go sla'o/ /des kyang 'bab par ma gyur na/ klu brgyad kyi snying po khri tsam du bzla/ smyur ba bya/ de mi nus na 'o ma dang mar dang 'bras snying bza' / tha mal ba'i chog mi smra bar nam mkha' i lding gi gdong can bris pa'i sku gzugs rab gnas byas pa'i mdun du bcom ldan 'das kyi snying po 'bum bzla/ ring bsrel gyi snying po can gyi sku lugs ma dri chu dang/ 'o ma dang bsres pas sku khrus bya/ chu bo'i 'gram gnyis kyis la byas pa'i gzugs brnyan mgo dgu ba byas la chus dbang bskur na char 'bab par 'gyur ro/ /las la sbyar ba'i cho ga bshad nas/ da ni spyir btang ba'i cho ga 'chad pa ni/ las tshogs brgya byed pa'i dus su khro bo gzhan dang
- 220b
gzhan gyi gzugs su bsgoms pa'i tshe/ rgyud sde bzhi'i lha tha dad pa'i rjes su 'brang yang/ lha de'i snying gar nam mkha' lding gi gdong can gyi he ru ka bsgoms na/ char 'bab par 'gyur ro/ /'dis ni 'di skad ston pa yin te/ de'i snying gar phyir bzlog chen mo la sogs pa las brgya byed pa'i dus lha'i snying gar bsgoms nas las brgya byed do zhes bsdus pa las kyang gsungs so/ /gal te snying gar mi sgom na phyag mtshan gyi dbus su bsgoms nas kyang las tshegs byed pa ni/ mdung rtse gsum pa la nam mkha' lding gi gdong can gyi 'khor lo bris na ser ba gcod pa cang te'u la bris nas me rengs par byed ces bya ba nas glang po che'i pags pa la bris na/ dpag tshad stong phrag brgyar 'gro 'ong byed do/ /snying gar mi bsgom na phyag rgya drug las 'khor lo bris na mi snang ba la sogs pa'i las drug byed par 'gyur ro/ /le'u sum cu rtsa bzhi ba'i 'grel pa'o// //de ltar klu 'dul ba'i dkyil 'khor bshad nas de nas gzhan yang bshad bya ba zhes pas phur bu'i lha ston te/ rgyud sde bzhi las phur bu'i srung ba sna tshogs bshad pa/ gsang ba mchog gi rgyud 'dir mdor bsdus nas gsungs pa ni/ phur bu bsgom par 'dod pas sngon du 'gro ba lnga dang 'byung ba bzhi ri rab sna tshogs rdo rje dang gzhal yas khang bskyed la/ pad+ma'i lte bar yi ge hUM las skad cig gis rdzus skyes kyi he ru ka zhabs gcig pa bsgom pa ni dang po sbyor ba'o/ /sku mdog sngon po zhal drug pa phyag bcu gnyis pa zhabs gcig pa yum rdo rje phag mo zhabs gcig par bsgom ste go sla'o/ /'khor bshad pa ni/ shar lho mtshams su gshin rje brtan ma glang po che'i gdong can zhabs gcig pa/ nub byang mtshams su gshin rje mche ba ma ri dags kyi gdong can zhabs gcig pa/ byang shar gyi mtshams su gshin rje 'joms byed pa ma seng+ge'i gdong can zhabs gcig pa'o/ /phyogs bzhir ni phur bu'i lha'i gtso bo
- 221a
zhabs drug pa rta'i gdong can zhal nub du gzigs pa yin pas dang po khyi gdong ma'i phur bus gdab bo/ /gnyis pa byang du 'ug gdong ma'i phur bus gdab bo/ /gsum pa lhor phag gdong ma'i phur bus gdab bo/ /'di rnams la ye shes sems dpa' gzhug go cha bskon dbang bskur bdud rtsi myang bsgom pa dang bzlas pa bya/ mchod pa dang bstod pa bya/ gtor ma btang nye bar bsdu ba bshad pa ni/ sngags dang dbyibs dang chos bdag nyid/ /sna tshogs gzugs ni chen po yin/ /zhes bya ba gsungs te/ dbyibs snying ga'i sngags la bsdu/ yang na phur bu lnga bya ste/ dbus su gtsug tor 'khor lo sgyur ma/ shar du mdza' yas las khams gsum rnam par rgyal ba/ lhor rnam rgyal las 'jam dpal gshin rje gshed/ nub tu sprin sgra las rta mchog /byang du stobs po che las bdud rtsi 'khyil pa ste lnga bskyed la/ rnal 'byor gyi rgyud las grags pa bzhin du thams cad mkhyen cing thams cad mdzad pas/ ji ltar sems can 'dod pa'i sku lus phur bu'i lha lta bu yang 'chang bar mdzad pa yin no/ /de ltar rnal 'byor pa dad pas bsgom zhing yun ring ba bar chad med par rnam par bsgom na nor mchog shel bzhin du bdag nyid chen po sna tshogs par rnam par rol par 'gyur te/ rdo rje mkha' 'gro las/ yang dag yang dag ma yin pa/ /dngos po gang dang gang zhig la/ bsgom pa'i don ni rdzogs pa na/ /de gsal mi rtog blo 'bras skye/ /zhes gsungs so/ /le'u sum cu rtsa lnga pa'i 'grel pa'o// //bgegs 'ching ba'i dkyil 'khor bshad nas/ yum gyi snying po'i yi ge bcu gsum las skyes pa'i lha mo bcu gsum gyi dkyil 'khor ni/ de nas gzhan yang bshad bya ba zhes bya ba gsungs te/ sngon du 'gro ba'i rnal 'byor lnga rdzogs nas rten gyi dang po sbyor
- 221b
ba 'byung ba bzhi ri rab sna tshogs rdo rje gzhal yas khang bskyed/ mngon par byang chub pa lngas phag mo'i sku bdag nyid bsgom zhing rnam par bsgom pa ni dang po sbyor ba'o/ /dkyil 'khor rgyal mchog ni sku ni nyi ma bcu gnyis pa gzi zhes bya ba nas/ 'khor gyi phyag mtshan go rim bzhin zhes bya ba'i bar go sla'o/ /las rgyal mchog ni go cha bskon pa dang/ ye shes sems dpa' spyan drang ba dang/ dbang bskur dang/ bdud rtsi myang ba dang/ bsgom pa ni de'i snying ga'i nu ma'i bar du ye shes kyi lha mo bcu gsum dpral ba dang lkog ma dang snying gar sku gsung thugs kyi 'khor lo bsgoms la ye shes kyi 'khor lo yang de dang 'dra bar bcug nas ro gcig tu gyur par bsgoms te/ ye shes kyi bzlas pa'i spro bsdu bsgom dang/ ngag gi bzlas ba yang bya'o/ / ldang ba'i tshe rang gi lha'i rnal 'byor gyis sems can thams cad la lha'i skur brtag /stong gsum gzhal yas khang du bya'o/ /stong gsum lha'i 'khor lo'i sku/ sku gsung thugs kyi chos gsang ba gsum la gzhug go /gsang ba gsum pa yang sems kyi chos nyid bdag med pa chos dang chos ma yin pa las 'dus ma byas la gzhug go /le'u sum cu rtsa drug pa'i 'grel pa'o// //de ltar rdo rje phag mo'i dkyil 'khor bshad nas/ go cha drug gi dkyil 'khor ston pa ni/ de nas gzhan yang bshad bya ba zhes bya ba gsungs te/ sngon du 'gro ba lnga bsgoms nas 'byung ba bzhi ri rab sna tshogs rdo rje gzhal yas khang gi nang du rnal 'byor ma drug gi yig 'bru las drod gsher skyes kyi cho ga'i rim pa dang po sbyor ba'o/ /dkyil 'khor rgyal mchog ni mtshan bzhir 'gyur te/ go cha drug gi lha mo bzhi la dpa' bos 'khyud pa ni/ 'khor zhal gcig phyag bzhi pa ni dang po yin no/ /dpa' bo dang dpa' mo so sor bsgom pa'i 'khor lo/ /rdo rje sems dpa' zhal gsum phyag drug pad+ma dpa' bo lnga zhal gcig phyag
- 222a
bzhi pa ni gnyis pa yin no/ /gtso bo phyag bcu gnyis pa zhal drug pa la go cha'i lha zhal gcig phyag bzhi pa lngas bskor ba ni gsum pa yin no/ /'jam pa'i rdo rje la go cha drug gi lhas bskor ba ni bzhi pa yin no// de la dang po ni lte ba ge sar gyis khyab pa'i pad+ma 'dab ma brgyad pa bris pa'i dbus su phag mo zhal drug pa 'khor gshin rje ma la sogs pa zhal gcig phyag bzhi pa/ g.yon pa na thod pa dang kha TwAM ga /g.yas pa na cang te'u dang gri gug /phag mo rdo rje sems dpa' dang 'khyud pa/ tsaN+Di ka rta mchog dang 'khyud pa ste/ sku mdog dang phyag mtshan ni go sla'o/ /yang na rdo rje sems dpa' zhal gsum phyag drug pa phag mo dang gnyis dbus su 'khor lo rtsibs bcu la rnam par snang mdzad la sogs pa'i dpa' bo lnga dang/ gshin rje ma la sogs pa zhal gcig phyag bzhi ma so sor bsgom pa ste gnyis pa'o/ /yang na gtso bo phyag bcu gnyis pa zhal drug pa 'khor rnams zhal gcig phyag bzhi pa bsgoms pas mi'i 'khor lo sgyur ba drug thob pa dang/ yang na lha'i 'khor lo sgyur ba drug lha ma yin gyi g.yul gyis mi 'pham zhing rgyal ba 'thob pa 'am/ mchog gi dngos grub stobs chen mngon par shes pa drug dang ldan pa bdud bzhi'i pha rol gnon pa dngos grub rab thob nas/ 'gro ba drug gi sems can bsgral ba/ rdo rje 'dzin pa mtshungs pa gru gsum pa'o/ /yang na 'khor lo zur drug la go cha drug gi lha mo zhal gcig phyag gnyis pa dang/ dpa' bo zhal gcig phyag bzhi pa bkod nas/ de'i dbus su 'jam pa'i rdo rje zhal lnga pa phyag bcu pa gur gum dmar po'i mdog lta bu zhes bya ba nas/ sgra grol ba la phyogs gos can zhes pa'i bar du dkyil 'khor rgyal mchog go sla'o/ /las kyi rgyal mchog ni ye shes sems dpa' spyan drang
- 222b
pa dang/ go cha bskon pa dang/ dbang bskur ba dang/ bdud rtsi myang ba dang/ bsgom pa'i tshe snying ga'i nu ma'i bar du ye shes kyi 'khor lo sku gsung thugs kyi 'khor lo gsum go cha gnyis dang/ go cha chen po gnas nyi shu rtsa bzhi la dpa' bo dang mkha' 'gro ma rnams dgod pa ni/ lus kyi dkyil 'khor bsgrub pa'o/ /sprul pa'i 'khor lo sgo bzhi dang mtshams bzhi ru khwa gdong ma la sogs pa lha mo brgyad zhal gcig phyag bzhi pa dgod par bya'o/ /bsgom pa'i tshe spro bsdu'i sbyor bas ye shes kyi bzlas pa bya ba dang/ ngag gi bzlas pa'i tshe sprul pa'i 'khor lo'i tshogs khams gsum gyi 'gro ba sku gsung thugs kyi 'khor lo bsgoms la ngag gi bzlas pa bya ste/ sku gsung thugs kyi de nyid gsum gyi sngags ni/ dpa' bo dang mkha' 'gro ma'i ming gi mthar huM hUM phaT dang/ thog mar oM dang bcas pas lus kyi nang gi 'khor lo gsum gyi sngags kyi bzlas pa bya'o/ /sprul pa'i 'khor lo'i go cha drug gi lha dang sgo ma brgyad kyi sngags ni go sla'o/ /go cha gnyis po 'dis dkyil 'khor thams cad kyi snying kar bkod dam/ phyag mtshan la bkod dam/ lus la go char bkod na dngos grub thams cad kyi 'bras bu gsol ba ni phan yon no/ /de'i rnam dag ni pha rol tu phyin pa drug ni go cha drug go /bzhi ni khwa gdong ma la sogs pa sgo bzhi'o/ /bden pa bzhi ni gshin rje brtan ma la sogs pa bzhi'o/ /'jam pa'i rdo rje ni chos kyi dbyings kyi ye shes so/ /mchod pa dang/ bstod pa dang/ gtor ma btang ba dang nye bar bsdu ba ni kha bskang ngo/ /'di'i mtshan ni gsang ba chos kyi sku dang/ yang gsang ba longs spyod rdzogs pa'i sku dang/ mchog tu sbas pa sprul pa'i sku ste/ yab yum 'khyud par bsgom pa 'am/ so sor bsgom pa 'am/ gtso bo zhal bzhi phyag bcu gnyis pa 'am/ 'jam pa'i rdo rje dbus su bsgom pa ni/ thod rgal gyi ting nge 'dzin ces bya'o/ /yang na
- 223a
lag pa g.yon pa'i sor mo lnga dang sen mo dang drug la dpa' mo drug /g.yas pa'i sor mo lnga dang sen mo dang drug la dpa' bo drug /lag mthil du dpa' bo dang dpa' mo'i 'khor lo bsgom pa go cha gnyis pa gsal bar he ru ka 'byung ba nas gsungs pas the tshom mi bya'o/ /le'u sum cu rtsa bdun pa'i 'grel pa'o// //de ltar le'u bzhi pa nas nyi shu'i bar du dngos grub bsgrub pa'i 'khor lo dang/ nyi shu gcig pa nas sum cu rtsa bdun gyi bar du dngos grub sna tshogs kyi 'khor lo bstan nas/ da ni dngos grub kyi yan lag gi le'u bcu ston par bzheng pas/ de nas gzhan yang bshad bya ba zhes bya ba gsungs te/ spyir dkyil 'khor bdun yod pa las rnal 'byor pho mo'i 'khor lo ston pa rdzogs rim gyi spyod pa yin te de la rigs gsum yod de skye ba snga ma sa dang po nas sa bcu par du ye shes dang ldan pa las sems can gyi don du skyes rabs kyi mdo sde bzhin du/ 'dir skyes pa'i rnal 'byor pho mo la zag med kyi las las byung bas ye shes las skyes ma zhes bya'o/ / yang na bsam gtan bzhi dang/ gzugs med bzhi thob pa las mir skyes pa'i rnal 'byor pho mo tshangs pa dang khyab 'jug gi sprul pa gtan du mi g.yo ba'i las bsam gtan gyi sdom pa las 'byung ba ni zhing skyes zhes bya'o/ /tshe 'di la rdo rje slob dpon gyi stobs kyi bsam gtan dang zag med kyi sdom pa skyes pa ni sngags skyes zhes bya'o/ /de la dang po sdom pa dang ldan par shes pa'i rtags ni ngag gi brda dang lus kyi brda dang yan lag gi brda gsungs te/ de la ngag gi brda ni yi ge'i brda' dang tshig gi brda'o/ /lus kyi ni mig gi brda dang mchu'i brda'o/ /yan lag gi brda ni yan lag dang nying lag gi brda ste/ de skad du yang chos bcu pa'i mdo las/ du ba las ni mer shes te/ /chu skyar las ni chu yin te/ byang chub sems
- 223b
dpa' blo ldan gyis/ rigs ni mtshan ma rnams las shes zhes gsungs pa'o/ /de'i brda dbang ma bskur ba la mchog tu gsang ba'i brda mi shes na de 'grub par mi 'gyur la/ gang zhig brda legs par shes na dngos grub bsgrub par the tshom med pa'i phyir/ brda bstan to/ /de ltar mdor bstan nas rgyas par bshad pa ni/ da zhes bya ba'i yi ge gnas gtsang ma'i brda mtshan ma thob pa'i skyes bu nyi shu rtsa bzhi pa'o/ /de zhes bya ba dbang bskur nas mtshan ma thob pa'i bud med sum cu rtsa drug go /du zhes bya ba 'khyud pa ston/ su zhes bya ba bdud rtsi lnga'i bza' ba ston/ ma zhes bya ba rdo rje slob dpon dang dus mnyam du srog a ba d+hU tIr chud pa ston/ bi zhes bya bas rang dang dus mnyam du dbang bskur ba ston/ bu zhes bya bas slob ma dbang bskur ba ston/ lu zhes bya bas rang gi dbang bskur ba ston/ pri ni gsang dbang bskur ba'i rang 'byung gi me tog ston/ so ni gsang ba'i dbang bskur ba'i zhi ba'i btung ba ston/ pi ni sman sna brgya rtsa brgyad bskol pa'i tsA ru'i sha ston/ su zhes bya ba tshogs kyi 'khor lo'i 'dus pa ston te/ gsang ba'i dbang bskur brda yin no/ /shes rab ye shes dag byed kyi lha mo'i brda ni/ pi zhes bya ba sems 'dzin pa'i gnas dur khrod do/ pri? zhes bya ba skye ba bdun pa'i ro kha zas su bza' ba'o/ /'di ni phag mo'i rigs so/ /la ni sgrol ma'o/ /tri ni sangs rgyas spyan no/ /ku ni mA ma kI'o/ /ha ni gos dkar mo'o/ /dza ni zag med kyi lha mo rnams dang sems 'dzin pa'o/ /dpa' bo'i lha mo'i brda bshad pa ni/ thog mar phrad pa'i tshe/ /b+ha zhes bya ba phyag 'tshal ston/ /swa phyag 'tshal ba'i lan no// mi ni nya la sogs pa'o/ /ba ni bdud rtsi lnga'i bza' ba'o/ /b+hye ni bdud rtsir byin gyis ma brlabs pa'o/ /byon ni bdud rtsi lngar byin gyis brlabs pa'i btung ba dang/ byin gyis ma brlabs pa'i btung ba'o/ /ga ni dbang bskur ba la skrod pa dang/ dbang ma
- 224a
bskur ba dam tshig dang ni mi ldan pa'i rig ma bston par dga' ba dang zhes bya ba'i ltung ba byung bas skrod par mi bya'o/ /bkas gnang ba'i lha mo'i brda ni/ ka zhes bya ba rigs lnga'i lha mo so sor 'dod par bya ba'o/ /sa zhes bya ba skyes pa gzhan gyi drung du mi 'gro ba'o/ /ra ni bdag po med pa'i mchog ma'i phyag rgya'o/ /ngan par spyod pa'i brda ni/ du ni gzugs 'chong ma'o/ /su zhes bya ba sangs rgyas la dad pa'o/ /na zhes bya ba mu stegs pa la dad pa'o/ /sa zhes bya ba dbang bskur ba thob pa'o/ /A zhes bya ba dad pas 'ongs pa'o/ /na zhes pa dad pa med bas ma 'ongs pa'o/ /so ni yid du 'ongs pa'i yul dam par gyur pa'o/ /yi ge re re'i brda 'di dag tshor ba sdug bsngal btang snyoms tshor ba bde ba rtog pa med pa mngon sum gyi lam bsgom pa la sbyin par bya'i ma dad pa la mi sbyin no/ /grol ba'i lam pa yang ma yin no/ /dus nam gyi tshe sbyin zhe na/ dbang bskur ba'i dus su rnal 'byor pas ye shes babs nas brda byed pa dang/ dbang bskur ba thob nas de'i 'og tu bde ba stong pa nyid dam tshig mchog dang ldan pa gus pa la sbyin pa 'am/ dam tshig dang dbang bskur ba'i dus dang/ tshogs kyi 'khor lo'i dus su sbyin par bya'o/ /le'u sum cu rtsa brgyad pa'i 'grel pa'o// // brda shes pa'i rjes thogs la/ de nas gzhan yang mtshan nyid bshad par bya ba ni/ rnal 'byor ma'i kha dog dang dbyibs dang spyod lam dang ldan pa'i mtshan nyid gang gis shas pa tsam gyis bsgrub pa po la rgyu rkyen tshogs pas lhan cig skyes pa'i dngos grub thob par 'gyur te/ bcom pa mo lha'i bshes gnyen la nor bzangs kyi bde ba stong pa nyid kyi sems bskyed pa 'am/ tshong dpon gyi bu mo la rtag tu dus sems bskyed pa bzhin du 'am/ 'khor los bsgyur ba'i rgyal po'i gling
- 224b
bzhi dang mnyam pa'i btsun mo rin po che bde ba stong pa nyid ston pa lta bur 'gyur bas de'i kha dog gi mtshan nyid ni bud med pang rtsa ltar dkar zhing zhes pa kha dog dkar po dang/ dbyibs mig dkyus ring ba dang/ gos dkar la dga' ba dang/ tsan dan gyi dri yod pa dang/ dkon mchog gsum la dad pa ni pad+ma'i rigs te/ gsung gi 'khor lo la dgod do/ /mi gang btso ma'i gser lta bu zhes bya ba nas/ de yang bzang po'i rjes 'gror 'gyur zhes pa ni/ rin po che'i rigs te/ ye shes kyi 'khor lo la dgod do/ /thams cad utpa la ltar sngo bsangs zhes bya ba ni he ru ka'i rigs te/ dbus su dgod pa'o/ /bud med pad dkar mdog 'dra gang zhes pa tshig rkang gsum ni rdo rje'i rigs te/ thugs kyi 'khor lo la dgod do/ /dmar zhing ser pa'i bud med gang zhes pa ni phag mo'i rigs te/ dbus kyi 'khor lo la dgod do/ /ser zhing ljang ba'i bud med gang zhes bya ba ni las kyi rigs rnams kyi gnas su dgod do/ /bud med gang zhig kha dog dmar zhes pa ni/ rnam par snang mdzad kyi rigs te/ sku'i 'khor lo la dgod do/ /de ltar rnal 'byor ma bdun bde ba stong pa nyid g.yon pa'i spyod pa la dga' ba sems kyi rtags dang/ lus kyi rtags snga ma bzhin du kha dog dang dbyibs dang ldan par skyes la/ ngag gi rtags tshig gi thog mar oM ma ma hUM ngam/ h+rI:Am A(rgyud 'grel): 'don pa yin no/ /rang gis phyag rgya ma bslabs par ris drug gi phyag rgya 'ching zhing sngags brjod pa'o/ /shes rab kyi rtags g.yon las 'gro ba'i bud med gang zhes bya ba rtag tu bde ba stong pa nyid bsgom pa dang/ thabs kyi rtags bde stong pa nyid kyi ched du mchod pa dang/ bde stong gi ched du blta ba dang/ bde ba stong pa'i ched du smra ba dang/ bde stong gi ched du bud med gang gis bstan pa'i don de nyan cing gzhan la yang bde ba stong pa nyid kyi rigs kyi sa bon gzhan la ston pa'o/ /bde ba
- 225a
stong pa nyid kyi rigs mi spong zhing bde stong gi mdor bstan pa dang/ rgyas bshad mi 'dor pa dang/ bde ba stong pa nyid kyi rig pa zlo bar byed pa de ni rtag tu ngu bzhin du nyin mo dang mtshan mo yid la mi byed bde ba stong pa nyid yid la byed pa'i dam tshig dang ldan pa'o/ phyag 'tshal ba yang bde ba stong pa nyid kyi ched du 'dud pa dang/ lha mo rnams dang kun tu smra ba ni/ bde ba stong pa nyid kyi ched du rtag tu ngu bzhin du sa dang por nges par 'gro'o/ /thabs kyi rtags bshad nas mi'i lus la bsam gtan bskyed pa'i thabs bshad pa ni/ bsam gtan dang po'i dga' ba dbang po drug bde ba skyes nas/ mthe bo g.yon pas sa la ri mo 'bri ba dang/ mgo 'phrug pa dang/ mig zur gyis blta ba dang/ lag pas gar byed pa'i rtags stong pa bzhi yin no/ /mchog dga' yul drug la bde ba skyes pa dang/ rang gi rig pa yum drug chos kyi phyag rgya dran pa dang/ mkhur ba dang/ ko sko dang/ sna gsum du thal mo ston pa'o/ /rnam par shes pa drug bde ba lhan cig skyes dga' i rtags mig zur gyis blta ba dang/ a na ha'i sngags lan cig zlos pa dang/ mig mi 'dzums par rig pa thabs la blta ba ste/ sa dang po 'thob pa'i bcom pa mo lha'i gshes gnyen bzhin du/ bde bar 'gro ba'i dam tshig can yin no/ /bde ba stong pa nyid bsgom pa dag byed kyi 'khor lo'i brda yin no/ /de ltar dag byed kyi lha mo'i brda bshad nas/ dbang gi lha mo ni ye shes dang zhing dang sngags la rnyed par dka' ba'o/ /zhi gnas dang lhag mthong gi nam mkhar 'gro ba'i phyag rgya'o/ /de'i las ci yin snyam na/ bdud rtsi lnga rnams slob ma'i lce la yang dag 'byung zhing 'bebs pa'o/ /grangs du zhe na/ rgyud 'bum pa las bdun gsungs te/ ya mi ni sangs rgyas spyan/ skrag byed ma
- 225b
nye ba'i spyan/ 'od ldan ma sgrol ma/ yongs su bsgyur ma nye ba'i sgrol ma/ 'jigs gzugs ma gos dkar mo/ kun spyod ma nye ba'i gos dkar mo/ 'od ldan ma mA ma kI 'ba' zhig ste bdun yin no/ /nam mkha' dang mnyam pa'i rgyud las bshad pa/ gzugs can ma dang tsum pi ka /lA ma yongs sgyur byis can ma/ /mi ldog i hi ki lha mo/ zhes gsungs pa de'i mtshan nyid ni ye shes babs nas/ chags pas ldan pa'i mig mi 'dzums pa smin ma 'degs pa sngar khros pa las phyis 'dzum pa ni/ sangs rgyas spyan gzugs can ma'i mtshan nyid do/ /sdug pa 'am mi sdug pa la 'khyud nas 'o byed pa na nye ba'i spyan no/ /zur gyis blta ba'i smin ma bsgyur ba sdigs mdzub byed pa dbugs 'byin pa sgrol ma'i mtshan nyid do/ /phag la sogs pa'i srog chags 'jigs par byed pa nye ba'i sgrol ma'o/ /shin tu rgod pa dang/ lus dang sems gzhan du song nas phyir mi ldog pa dang/ srog a ba d+hA tIr chud nas mi rtog pa gsal bar rgod pa gos dkar mo'i mtshan nyid do/ /yid khros pas rkang pa dang lag pa la sogs pas reg pa mi 'tsho ba ni nye ba'i gos dkar mo'i rigs te/ zhi ba mi bsgrub pa/ bsgrub pa min pa mngon spyod la 'phrod ba'i/ /mkha' 'gro ma/ mA ma kI'i rigs ni mdza' yas kyang 'dir dbang bskur ba dang/ tshogs kyi 'khor lo byed pa dang/ mchod pa byed pa dang/ khams lta ba dang/ bzhir 'gyur ro/ /ma bslabs par khyim du thod pa 'bri ba gzugs can ma/ nye bas dgra sta/ sgrol mas mche ba/ nye bas ral gri/ gos dkar mos dgra sta/ nye bas rdo rje/ mkha' 'gro mas mdung ste/ phyag rgya dang ldan pa'i lha mo go cha drug gis lha bgos na nyi shu rtsa bzhir 'gyur la bdun pa ni/ rdo rje phag mo/ dbus kyi gtso mo yin no zhes rdo rje mkha' 'gro dang a ba bi d+hA na las bshad do/ /le'u sum cu rtsa dgu pa'i 'grel pa'o// //dag byed dang dbang gi lha mo bshad nas dpa' bo'i
- 226a
tshogs kyi 'khor lo'i lha mo ni/ de nas gzhan yang bshad bya ba ste/ bsam gtan bzhi dga' bde mkha' 'gro ma'i mtshan nyid rnal 'byor pa gang zhig gis shes na/ zhi gnas kyi mkha' 'gro ma bsam gtan gyi sdom pa'i dam tshig la gnas pa bsam gtan dang po'i dga' bde dang/ gnyis pa ni nang rab tu dang ba dang/ gsum pa ni yid bde ba bskyed do/ /gsung gi 'khor lo la dgod pa'i pad+ma gar dbang gi rigs so/ /kha dog dmar zhing dkar ba 'am/ gnyis pa pad+ma'i dri stong pa/ gsum pa lta stengs zhi ba/ bzhi pa mig mi 'dzums par blta ba/ lnga pa sen mo dmar ba/ drug pa mig dmar ba/ bdun pa khyim du pad+ma 'dri ba'i rtags dang ldan pa'o/ /thugs kyi 'khor lo rdo rje'i rigs kyi lha mo ni/ smin ma'i dbus su ri mo gsum yod pa lus sngo skya/ sems rdo rje'i rigs bsgom pa/ spyod lam khyim du rdo rje 'dri zhing mchod pa'o/ /las kyi rigs kyi lha mo dam tshig gi 'khor lo la dgod pa/ dpral bar ri mo gsum mam gcig snang ba mig dmar ba/ lus kyi kha dog ser ba/ lag pa dang rkang pa'i mthil dmar ba/ ra skyes dang khyim bya la dga' ba/ khyim du rdo rje 'dri zhing mchod pa ni sgrol ma'i rigs so/ /dpral ba dang lag pa la 'khor lo'i ri mo yod pa/ gos sngon po dpral bar 'ching ba/ skal chen phyug po'i rigs su skyes pa/ khyim du 'khor lo bris nas mchod pa rnam snang gi rigs sku'i 'khor la dgod do/ /sems kyi rtags ni ting nge 'dzin gyi stobs kyis dregs pa kha dog gi rtags mig sman gyi mdog 'dra ba dbyibs kyi rtags so/ /so dkar zhing mtho ba mngon spyod la sogs pa'i las la sems brtan pa/ spyod lam khrus la dga' ba mang du mi smra ba rdo rje bris nas mchod pa rdo rje phag mo'i rigs gser ri na ni stong phrag bcu gnyis yod par grags so/ /dkar zhing ser ba la sogs pa'i kha dog dang
- 226b
khyim du rdo rje 'bri zhing mchod pa gos dkar mo'i rigs so/ /sha la dga' ba la sogs pa'i kha dog dang dbyibs dang thod pa 'dri zhing mchod pa'i spyod lam dang ldan pa mA ma kI'i rigs so/ /sprin gyi mdog 'dra dgra sta bris nas mchod pa byed pa rnam par 'dren? pa sangs rgyas spyan gyi rigs so/ /mkha' 'gro ma brgyad po 'di dag he ru ka'i bsam gtan dang zag med kyi sdom pa las skyes pa sangs rgyas phal po tshe'i mtshan mo dpyid kyi lha mo bzhin du sgrub pa po la phan pa'i phyir mi'i yul du skye ba'i mtshan nyid bshad le'u bzhi bcu pa'i 'grel pa'o// //de ltar bsam gtan bskyed pa'i lha mo bshad nas/ mngon shes bskyed pa bkas gnang ba nod pa'i lha mo ni/ de nas gzhan yang bshad bya ba zhes bya ba gsungs te/ rang la mngon par shes pa med na tshogs kyi 'khor lo'i yon tan byas nas sgrol ma'i rigs kyi lha mo la mngon par shes pa skyes nas/ tshe 'di la dngos grub gang sgrub pa bris nas bka' nod pa'o/ /sgrol ma'i mtshan nyid kyang lnga ste/ yan lag cha shas med nas sgrub pa pos shes par bya ste/ rdo rje rigs kyi sgrol ma dang/ pad+ma'i rigs kyi sgrol ma dang/ las kyi rigs kyi sgrol ma dang/ sku'i rigs kyi sgrol ma dang/ phag mo'i yon tan gyi rigs kyi sgrol ma ste lnga shes par bya'o/ /de'i kha dog dang dbyibs dang spyod lam bshad pa ni/ gang zhig gzhan gyi 'khor lo ni zhes pa nas/ dpa' bo'i sring mor der shes bya ni go sla'o/ /spyan ras gzigs dbang phyug gi pad+ma'i phyag rgya byed na/ kriSh+Na sa ra ri dags kyi pags pa 'dzin pa'i phyag rgya ni lan yin no/ /lag pa g.yon pa kha spubs nas g.yas pa de'i steng du kha sbub pa ni/ rus sbal gyi phyag rgya de'i lan du bum pa spyi blugs 'dzin pa ni byams pa'i phyag rgya'i lan yin no/ /tshes bcu la ye shes babs pas khyim du pad+ma 'bri ba rdo rje'i rigs kyi lA ma thugs
- 227a
kyi 'khor lo brgyad yin no/ /gsus pa glo zhing mig dkyus ring zhes pa nas/ gtam dag la ni rab tu dga' zhes pa ni go sla'o/ /rnal 'byor pa g.yon pa'i sdigs mdzub gyi mdud gi phyag rgya bstan la/ rkang pa g.yon pa bskum pa'i gar bya/ rnal 'byor mas de'i lan du g.yon pa las bzlog pa g.yas pa'i sdigs mdzub dang g.yas pa'i rkang pa brkum pa'i lan yin no/ /bcu bzhi dang tshes brgyad la pi ti ri dang ldan pas khyim du mdung rtse bris mas mchod pa'i pad+ma'i rigs kyi lA ma gsung gi 'khor lo brgyad la gnas pa'o/ /gang gi mkhur chos dag tu ni zhes pa nas/ rtsod pa la ni dga' ba ste'i bar ni go sla'o/ /rnal 'byor pas g.yon pa'i sdigs mdzub bstan/ /rkang pa g.yon pa'i gang bya ba/ /rnal 'byor mas dril bu'i phyag rgya bya/ g.yas pa'i rkang pa bskum pa lan yin te/ khwa gdong ma la sogs pa'i gnas brgyad la dgod do/ /thung zhing byin pa sbom pa dang zhes pa nas gos kyang 'chad zhes pa ni go sla'o/ /rnal 'byor pas khu tshur gyi gung mo bsgreng pa rdo rje'i phyag rgya bstan la/ rnal 'byor pas sor mo'i rtse bcu ma ba rkang pa g.yas pa bskum pa'i gar gyi phyag rgya'i lan yin no/ /tshes bcu bzhi'i ye shes babs nas khyim du rdo rje 'bri ba de bzhin gshegs pa'i rigs yin pas sku'i 'khor lo la dgod do/ /lus kun la ni ba spu yod ces pa nas/ sprin gyi mdog can yid 'phrog pa zhes pa'i bar ni go sla'o/ /lag pa g.yas g.yon gyi sor mo brkyang pa'i phyag rgya bstan pa rnal 'byor mas sdigs mdzub kyi phyag rgya dang/ rkang pa g.yas pa bskum pa'i gar gyi phyag rgya'i lan yin no/ /phag mo'i rigs kyi lA ma ye shes kyi 'khor lo la dgod pa'o/ /tshes bcu gnyis la khyim du mche ba bris nas mchod la/ /ye shes lus la babs pa'i rtags dang ldan pa de'i tshe 'das pa dang ma 'ongs pa thams
- 227b
cad lung ston to/ /le'u bzhi bcu gcig pa'i 'grel pa'o// //de'i brda bshad pa ni/ de nas gzhan yang bshad bya ba zhes bya ba gsungs te/ ye shes babs pa'i mkha' 'gro ma'i brda dpa' bo nyi shu rtsa lnga'i spun dang rnal 'byor ma sum cu rtsa bdun gyi sring mor shes par 'gyur ba'i mdor bstan to/ /rgyas par bshad pa ni dbang gi lha mo'i rigs drug gi 'khor lo bkod pa'i tshe zag pa med pa'i ye shes babs pas sangs rgyas dang byang chub sems dpa' i brdar gyur pa gang zhig lag pa g.yon pa ston pa gsong por smra ba phyag 'tshal ba ston pa ste/ de'i lan du srin lag ston pa gnyis ka la ye shes babs par shes pa las lan du 'gyur ro/ /de ni rab gtum ma dang thod pa'i dum bu'i brda yin no/ /de nas brtsams te/ gtum mig ma dang keng rus can la sogs pa'i dpa' bo dang rnal 'byor ma nyi shu rtsa bzhi brda ston pa las thams cad rdzogs par ma tshang yang/ pho nya mo ni gang yang rung/ de dag kun gyi yang dag spyad/ /ces bshad pa'i dpa' bo nyi shu rtsa lnga dang sbyar/ rnal 'byor ma sum cu rtsa bdun gun brda 'di byed pa'i tshe gsang ba'i dbang bskur bar bya'o/ /le'u bzhi bcu rtsa gnyis pa'i 'grel pa'o// //dpa' bo lha mo'i brda bshad pa ni/ de nas yan lag phyag rgya'i zhes pa gsungs te/ yan lag ni lnga/ de'i yan lag ni sor mo nyi shu'o/ /de'i brda'i mtshan nyid ni ngas bshad par bya zhes gsungs so/ /tshogs kyi 'khor lo'i sbyar ba'i tshe ngo shes par byed pa'o/ /dngos gzhi'i ye shes babs pa'i tshe sangs rgyas kyi spyod pa ston pas tshogs kyi 'khor lo'i dngos gzhi la dpa' bo dang dpa' mo la ye shes babs nas lus kyi chos ston par nges so/ /bud med dam skyes pa gang gis spyi gtsug la reg par byed na/ /pho mo la tsa a ba d+hU tIr yod ces ston to/ /phyag rgya'i lan du mgo bo de la ston pa ni/ bde ba
- 228a
stong nyid khyod dang/ bdag rgyu rkyen tshogs pas bsgom zhes pa'o/ /gang gis dpral ba ston pa de la ma khur mtshos bstan ces pa ni/ lha mos ni lus kyi gnas nyi shu rtsa bzhi 'di na yod ces rigs ston pa dang/ de'i ting nge 'dzin bsgom pa'i yul a ba d+hU tI yod par ston to/ /lhag ma ni go sla'o/ /lha mo sum cu rtsa bdun la brda nyungs so zhe na/ bden te phyogs cig mtshon par bcom ldan 'das kyis dgongs so/ /le'u bzhi bcu rtsa gsum pa'i 'grel pa'o// // bkas gnang ba'i lha mo'i brda ni/ de nas gzhan yang bshad pa zhes bya ba gsungs te/ bkas gnang ba'i tshogs kyi 'khor lo dpa' bo dang rnal 'byor ma la ye shes babs pa'i yan lag ji lta ba bzhin du phyag rgya'i cho ga byed pas dpa' bo nyi shu rtsa bzhi'i spun gang yin pa rnal 'byor ma sum cu rtsa bdun sring mo gang yin par the tshom med do/ /de ltar mdor bstan nas rgyas par bshad pa ni sor mo gcig ston pa la phyag 'tshal ba gnyis ston pa la phyag gi lan 'di ni/ rnal 'byor ma kun dag byed dang/ dbang gi dang dpa' bo dang/ bkas gnang ba dang/ kun spyod pa lnga'i phyag 'tshal ba dang lan gyi phyag rgya bshad do/ /rnal 'byor pas ji srid 'tsho ba'i bar du lha gang bsgom zhes dris pa dang/ mdzub sor gnyis bkug mig gi rgya ji srid 'tshe'i bar du lha de dbab tu 'gyur ro zhes ston to/ /gang zhig gung mo ston byed pa/ /de la 'dzub mo bstan par bya/ /zhes phag mos gung mo bstan nas rab gtum mas srin lag ston pa nas dpral ba ston pa ni/ shing grib ma'i brda'o/ lte ba ston pa gsung dang sku'i 'khor lo kun gyi rim gyis phyag rgya bstan pas de'i rtags ni gsang ba chags lam gyi rnal 'byor ma yin pa yang dag pa'i lta ba sa bcu gcig pa'i ye shes su 'gro bar 'gyur ba'o/ /gal te lha mos bkas gnang ba
- 228b
ma byin na/ sangs rgyas mnyam sbyor las the pra ngang chu pra dang me long gi pra la sogs pa pra se na mang po gdab pa dang/ gang la me tog babs pa rigs lngar shes pa'i pra gdab po/ /le'u bzhi bcu rtsa bzhi pa'i 'grel pa'o// //de ltar dag byed pa dbang dang dpa' bo dang bkas gnad pa'i mtshan nyid bzhi dang brda bzhi bshad nas/ da ni tha mal pa'i kun tu spyod pa bstan pa'i phyir/ de nas gzhan yang bshad bya ba zhes bya ba gsungs te/ las dang po pa'i kun spyod ma'i mkha' 'gro ma'i mtshan nyid rnal 'byor pa gang gis rig nas kha dog dbyibs dang spyod lam las dpa' bo'i 'khor lo lnga'i sring mor shes par 'gyur ro/ /de ltar mdor bstan nas rgyas par bshad pa ni/ rnal 'byor pa dam tshig can ye shes babs pa'i tshe/ rnal 'byor ma gang la rjes su chags shing dga' ba de'i rigs yin no/ /tha mal pa'i bud med dang skyes pa rdzogs rim bsgom du ji ltar rung zhe na/ dpa' bo'i longs spyod sa gzhi yin zhes bya ba smos te/ bsam gtan gyi ting nge 'dzin gyi lo tog bskyed pa'i sa gzhi skyes pa dang/ bud med kyi lus yin no/ /gzhi ni sa gzhi bya ba ni dge bsnyen gyi sdom pa dang/ byang chub sems dpa' i sdom pa dang/ sngags kyi sdom pa bum pa dang gsar ba dang shes rab ye shes kyi dbang bskur bas snod du rung bar byas nas rnal 'byor pa'i lus kyi 'khor lo sdom pa mchod par bya'o/ /mnyam sbyor dang mkha' 'gro las kyang/ dga' dang bde ba kun mos pas/ ngan spyod ma la'ang 'grub par 'gyur zhes gsungs so/ /de las gzhir gyur pa ji ltar shes zhe na/ 'bras bu'i rtags kyis te/ go bzlog pa'i lta ba mig phab nas mig zur gyis blta ba dang/ bzhin dmar po rnam par 'gyur ba dang/ smin ma g.yos pa ni dga' ba skyes pa sna tshogs kyi rtags so/ /de bzhin du mkha' 'gro ma las byung ba'i rtags bzhin rnam par
- 229a
'gyur ba dang/ gdong dang mig zlum zhing 'khyil ba dang/ dpral ba'i ri mo gsum zlum por gyur pa ni/ mchog dga' i rtags sku'i rigs su shes par bya'o/ /gal te 'am brgya la rlung gyen du ldog pas srog a ba d+hU tIr chud na rngon pa gnyid log pa bzhin du sngar bshad pa'i dga' ba dang mchog dga' i rtags kyi don med kyi ting nge 'dzin skyes pas stong par 'gyur ro/ /rlung 'gags pas de'i gdong gi nyams pa 'jigs par 'gyur pa dang/ ha ha hi hi la sogs pa brgyad kyi rdo rje lta bu'i skad gsal po smra ba ni lhan cig skyes dga' i rtags yin no/ /rdo rje'i rigs so/ /gsung gi rigs ni sgra khu byug gi skad ltar gsal ba dang/ 'dod pa'i khams gyi sems 'gags pas rnam pa thams cad kyi bde ba stong pa nyid skyes pa'i shes pa gsal ba ni gsung gi rigs kyi rtags yin no/ /de'i ye shes babs pa ni rdo rje me long gi 'od can 'dri ba dang/ rin po che'i rigs ral gri me long can 'dri ba dang/ pad+ma'i rigs rgyal mtshan me long can 'dri ba dang/ sku'i rigs kyi mdung rtse gsum pa me long can 'dri ba dang/ las kyi rigs kyi me long nyis rtsegs 'dri ba de lus ngag gi mtshan ma'i gzugs kyi rtags kyis sngags skyes kyi mchog yin par shes par bya'o/ /lha mo de rnams la ye shes babs pa'i dag gi brda bstan pa ni/ dang po phrad pa'i tshe po tang gi phyag 'tshal ba/ pra ti po tang gi phyag gi lan no/ /gnas pa'i yan lag griTNa zhes pa nas/ a mri ta brda nas zhes bya bas so/ /tshogs 'khor gyi yan lag sa ga mi zhes bya ba nas/ gan d+ha pa si zhes bya ba'i bar gyis so/ /mchod pa'i yan lag kun ta ni zhes pa nas/ a ta na'i dkyil 'khor ro zhes pa'i bar gyis so/ /khams brtag pa'i yan lag sha nas zhes bya
- 229b
ba nas/ 'og tu med ces pa'i bar gyis so/ /le'u bzhi bcu rtsa lnga pa'i 'grel pa'o// //mi'i 'khor lo lnga po ma bcos pa don rang gi mtshan nyid ni lus la bsam gtan dang zag med ji ltar skye ba'i thabs rnam par thar pa'i sgo gsum yin te/ tshogs kyi 'khor lo snod gcig tu za ba zhes bya ba bsam gtan bzhi skye ba'i rnam par thar pa dang zhi ba'i btung ba bdag byin gyis rlob pa zhes pa/ sgyu ma lta bu drod rtse mo bzod pa chos mchog skye ba'i thabs dang/ 'od gsal ba pho nya'i gtsang sbra'i rnam par thar pa zhes pa sa dang po rab tu dga' ba nas bcu pa sprin gyi bar du bskyed pa dang/ sa bcu gcig pa zung du 'jug pa'i ye shes dbang bzhi pa zhes bya ba/ mi slob pa'i lam da ltar snyigs ma lnga'i dus su bla ma mnyes par byas pas rgyu rkyen gyi tshogs pa las shes pa/ de rnams bskyed pa yin te/ mkha' 'gro dang mnyam sbyor gyi rgyud las kyang/ ngo bo nyid kyi mthu dag gis/ rang bzhin gyis ni de 'grub po zhes gsungs so/ /de ston pas de nas rnal 'byor gyi rgyud 'di ru spyod pa dang/ bya ba dang gnyis ka dang rnal 'byor gyi rgyud las rnyed par dka' ba'i bsam gtan dang zag med kyi dam tshig nga yis bshad pa'o/ /skyes pa 'am bud med bde ba stong pa nyid g.yon 'gro ba 'dod pa la rgyu rkyen tshogs pa'i dngos grub ster bar 'gyur ro/ /khyim lnga ye shes kyi 'khor lo bzhi thugs dang sku dang gsung dang dam tshig la gnas pa'i kha dog dang dbyibs dang spyod pa la yul gyi bskal pa sngar ma sprad kyang da ltar de'i rtags kyis shes so/ /shes nas ci bya zhe na/ tshogs kyi 'khor lo 'dod pa'i yon tan lnga'i yul sogs a ba d+hU tIr chud nas 'dod khams kyi sems rang bzhin brgyad cu 'gags pas mtshungs pa de ma thag pa'i rkyen spyi gtsug gi byang chub sems bdag po'i rkyen skye ba snga ma'i bag chags rgyu'i rkyen de
- 230a
yod pas sngar bshad pa'i kha dog dang/ dbyibs dang spyod lam gyi rtags kyis shes so/ /de ltar tshogs kyi 'khor lo'i rnam thar bshad nas zhi ba'i bdud ba'i rnam thar ston pa ni/ dpal he ru ka'i rnal 'byor mngon sum gyi lam yin/ de bzhin du rnal 'byor pa'i lam ston pa ni/ slob dpon med de lung dang rjes dpag pa mi brten/ mngon sum gyi yul bskal pa rnam pa gsum gyi bskal ba rtag tu du'i tshong dpon gyi bu mo 'am/ nor bzangs kyis bcom pa ma lha'i bshes gnyen bzhin du/ sgyu ma lta bu'i lha sbyor ba'i lam ston pa ni/ slob dpon rnal 'byor ma nyid yin no/ /rgyu 'dir sgrub pa po 'dod pa'i khams kyi sems dang bral ba rtog bral ma 'khrul pas sgyu ma lta bur gyur pa ni legs par gyur pa yin te/ sgyu ma mngon sum gyis grub pa la lus ngag gis mi brnyas shing sems kyis mi spang/ lha ma tshad? na yang re re dang gnyis gnyis dang sgyu ma lta bu bsgom mo/ /da ltar sa dang po skye ba'i pho nya'i gtsang sbra'i rnam thar ma ni/ bdud 'byung bas bar chad kyi bgegs sel ba'i srungs pa khwa gdong ma la sogs pa brgyad kyis spros med kyi spyod pa shes rab ye shes la bde ba la log par byed/ stong pa nyid la dad par byed/ 'dus ma byas rtag pa'i dam tshig brgyad skyong ba'i rnal 'byor pa la bsrung bar byed do/ /sa dang po 'dus ma byas kyi dam tshig brgyad gar zhe na/ lha mo gzhan stong pa nyid ma mthong ba la kun tu sbyor ba yang/ rang gi 'dod chags dang gti mug la sogs pa rang bzhin brgyad cu spang/ bde ba gsal po med pa'i 'du shes med bzhin du gzung 'dzin gnyis med pa spang/ dus gsum dang khams gsum du rtog pa'i sems can gyi don la ma chags ma thogs pa'i shes pa spang/ lha mo sa dang po'i dam tshig spyad pa de la bcom pa
- 230b
ma lta'i bshes gnyen bzhin du longs spyod bud med kyi dbang phyug la rang bzhin gyis rang bzhin brgyad cu bkag nas shin tu rnal 'byor bsgom pa bde ba gsal po'i bsam gtan dang/ tshangs par spyod pa'i stong pa nyid gnyis su med pa bsgom/ sems can gyi don la khong khro ba med pa mi dmigs pa'i thugs rje'i rgyun la kun tu spyod/ 'di brgyad ni sa dang po skye ba'i chos mchog chen po'i mtshan nyid zag pa med pa'i tshul khrims kyi phung po rtag tu shes par bya'o/ /mngon sum gyi lam rgyud sde bzhi thun mong gi lam la gnod byed kyi gtan tshigs med par ltag chod kyis nyams par mi bya'o/ /rang rig ba'i stong pa nyid 'di dad pas blang bar bya'o/ /mig dang rna ba dang sna dang lce dang lus kyi lag pa kha phyir lta ba pas ni ma yin no/ /mngon sum gyi lam gyi lam gsang ba 'di sde snod gsum pa la mi bstan/ bskyed rin pa la spa/ blo ldan rdzogs rim pa a ba d+hU tIr kha sbyar nas mthe'u chung bskyod pa'i ye shes las bskyed pa'i pho nya mo rnams la ting nge 'dzin 'di yang dag par gnas so/ /gang zag su la bstan ce na/ ma dag pa bskyed rim lha mnyes par byed pa la mi bstan/ 'dres pa bskyed rdzogs gnyis ka bsgom pa la mi bstan/ rnam par dag pa srog a ba d+hU tIr chud pa'i rnal 'byor pa la bstan no/ /rgyu gang zag dang/ thabs mngon sum kyi lam dang/ 'bras bu'i bsam gtan dang zag med kyi 'bras bu mdor bstan pa'o/ /sbyor ba mchod pa/ dngos gzhi brtul zhugs rjes ni spyod pa bstan par bya ba'i phyir/ yul dang yul du pho nya yi/ gzugs dang mtshan nyid brtul zhugs so zhes bya ba ni/ le'u nyi shu rtsa bzhi zhing skyes pho nya'i kha dog dang/ dbyibs dang spyod lam gyi mtshan nyid dang ldan na skye ba snga ma'i bsam gtan dang zag med las skyes pa yin pa dus rtag tu brtul zhugs bsgom par bya'o/ /bskal pa gsum gyis ma bskal ba'i pho nya ba
- 231a
gri'i so dang 'dra zhing las dang nyon mongs pa dag par byed/ bde ba stong pa nyid kyi bsod nams 'phel bar byed/ ral gri'i sa 'dra ba 'di dpe de bzhin du pho nya dang rang bzhin brgyad cu bkag nas/ legs par 'dus nas rgyu rkyen tshogs pa sgrub pa po la bde ba stong pa nyid sa dang po'i ye shes 'thob bo/ /bskyed rim gyi bzlas pa dang mchod pa dang bsam gtan med kyang don rang gi mtshan nyid kyi rgyu rkyen tshogs pa la bskyed rim bcom pa ma'i rnal 'byor grogs su mi 'gyur/ de bas na sngags srog a ba d+hU tIr chud pa dang/ phyag rgya yul dmigs pa'i rkyen sgrub pa po bsam gtan thob pas bde stong gi mchod pa nyid rab tu brtags te/ ye shes kyi tshogs kyi mchod pa 'di las lhag pa'i mchod pa gzhan med de ltar bstan bcos don rnam par nges shing gtan la phab pa mngon sum gyi lam yin no/ /gtsang sbra gsum gyi rgyu'i tshogs pa la mchod pa zhes bya ste/ ye shes kyi tshogs kyi mchod pa rdzogs so// //dngos gzhi dang rjes ro mnyam pa'i thabs kyi spyod pa ni/ pho nya'i lam pa dga' ba'i dad pa dang/ sgrub pa'i ting nge 'dzin dang/ dngos grub la brtson 'grus yod na/ 'dod pa'i yon tan lnga'i zas la rtag tu longs spyod cing slob ma la yang sbyin par byed do/ / chos thams cad sgyu ma lta bur rig pa dang/ srog a ba d+hU tIr chud pa'i sngags dang/ mtshan nyid dang ldan pa'i phyag rgya rgyu tshogs pa dang ldan na mnyam par gzhag pa'i sgrub pa pos gzugs kyi rigs thams cad dang/ sgra dang dri dang ro dang reg bya'o rigs lnga'i lha yol longs spyod par bya zhing bza' ba ma yin pa don dam par mi brtag go /bsam gtan gyi spyod pa bstan nas/ zhi ba'i btung ba'i spyod pa ni/ pho nya mo gnyis sgyu ma dang 'od gsal ba bsgrub pa la don dam pa de nyid
- 231b
du dbyer med kyang rnam pa gnyis kyi nang nas 'dir sgyu ma lta bu'i pho nya mo kho na bsgom pa yin te/ sgyu ma lta bu sbyor ba'i lam bsgom pa 'dis 'bras bu sa dang po rab tu dga' ba dang/ mngon par shes pa lnga'i dngos grub sgrub pa po la nye bar gnas so/ pho nya gcig pu de ji lta bu zhe na/ bla ma brgyud pa'i rim gyis dbang bskur ba thob pas rlung 'gags pa dang/ bsam gtan gyi bde ba 'thob cing zag med kyi stong pa nyid rtogs pas pho nya rnams ni zag med kyi tshul khrims kyi phung po dang ldan pa yin no/ /de ltar zhi ba'i btung ba bshad nas/ pho nya'i gtsang sbra shin tu spros med kyi spyod pa ni/ dang por rnal 'byor dang rnal 'byor ma'i mtshan nyid ston te/ phyag rgya legs sbyor dang tshul can no/ /dbugs nyi khri chig stong drug brgya dang/ rang bzhin brgyad cu 'gags nas sbyor ba'o/ /sbyin pa dang tshul khrims dang/ kha dog dang dbyibs dang spyod lam gyi sgo nas ye shes kyi rgyu las skyes pa'i bzod pa dang/ yang dag par rdzogs pa'i brtson 'grus dang/ nyin mo'i sems dang snang ba dang mtshan mo'i sems snang ba mchod pa dang/ srod kyi ye shes snang ba 'thob pa dang/ nang bar gyi sems 'od gsal ba'i bsam gtan dang ldan pa des rgyud kyi rim pa lus kyi 'khor lo bzhi dang/ rtsa gsum dang/ gnas nyi shu rtsa bzhi kun shes par bya ste/ bsam gtan skye ba'i yan lag rlung me'i drod can la shA sta zhes bstan bcos kyi ming gis btags nas 'khor lo bzhi bsregs pa dang/ spyi gtsug nas byang chub sems phab nas ye shes kyi rim pa lus thams cad la gnas par bya ba dang/ gsang ba'i rim pa stong pa nyid kyis dag par byas pa'i lus ni shes rab ye shes dang po dngos yin no/ /de'i dngos rjes ro mnyam pa'i thabs ni/ rtag tu sngags brjod pa srog a ba d+hU tIr chud pa dang/ rnal 'byor gyi gnas dga' ba mchog dga' lhan
- 232a
cig skyes dga' rnam shes gsum/ sgyu ma 'od gsal zung 'jug ye shes gsum/ nges par brtag cing dbang po lnga'i mtshon cha yul las 'da' zhing bsgom par mi bya ba dang/ ye shes skyes pa dang/ zhing skyes dang/ sngags skyes gsum la khro bar mi bya ba dang/ mngon par brtson pa'i bde stong las 'da' bar mi bya ba dang/ de dang lhan cig skyes pa'i bde ba stong pa nyid bsgom pa dang drug ni dngos rjes ro mnyam pa zag med kyi ting nge 'dzin gyi phung po'o/ /zag med kyi shes rab ni grol ba'i don rnal 'byor gyi mngon sum dang de'i don mngon par shes pa drug gi chogs la spyod cing/ rtog pa dang bral zhing ma 'khrul ba'i longs spyod kyi rnal 'byor ma 'di dang lhan cig sa steng du shin tu spros med kyi spyod pa bya'o/ /de ltar spros bcas dang spros med dang shin tu spros med kyi spyod pa gsum bshad nas/ dngos gzhi brtul zhugs ni gnyis te/ phyi dang nang ngo/ /phyi'i brtul zhugs ni lha'i cha byad lus tshan rtsis byug pa'o/ /gdong brnyan gyon nas lha'i cha byang du zhugs pa'o/ /de yang nyin par gsang zhing mtshan mo nam mkha' i gos can dang yab gnag pa dang/ yum dmar bar bsgyur ba dang/ glang po che dang stag gi pags pa'i gzugs brnyan gyon pa dang/ bde ba stong pa nyid bsgoms pas bskyed pa'i rim pa'i phyag rgya drug spang ba dang/ don rang gi mtshan nyid kyi he ru kar byin gyis brlabs pas dngos su rus pa'i phyag rgya lnga dang ldan pa dang/ mngon sum gyis rgyun dus kun tu bsgom pa ni mnyam sbyor gyi rgyud las/ de ni rang 'byung bcom ldan dpal/ /rtag tu da ltar 'byung ba bzhin/ /zhes bshad do/ /rigs dang rigs ma yin pa'i blang dor mi byed/ bskyed rim gyi spyi gtsug
- 232b
bcing ba la sogs pa'i phyag rgya drug spangs/ 'khor lo lnga'i lha'i cha byad byas pa ni/ phyi'i brtul zhugs so/ /pho nya'i gtsang spra shin tu spros med ni mchog yin/ sgyu ma lta bu bsgoms pa zla ba lta bu'i spros med ni 'bring yin/ spros bcas bsam gtan gyi dga' bde bzhi bsgom pa 'khor lo lnga'i lha bsam gtan gyi snod gcig tu za ba ni gsum pa yin te/ skye ba'i rim pas tshogs kyi lam gyi dga' ba bzhi bsam gtan bsgoms nas/ sbyor ba'i lam sgyu ma lta bur bsgoms nas pho nya'i gtsang sbra sa dang po 'dus ma byas kyi ye shes skye ba gtsang sbra'i rim pa 'di dag bskyangs pas tshe gcig la gtsang ma dag pa'i rnam par thar pa'i rim pa mngon sum gyi lam gyis mthong nas dngos grub ci'i phyir 'byung bar mi 'gyur te 'byung ngo/ /mnyam sbyor gyi rgyud las/ ngo bo nyid kyi gru dag gis/ rang bzhin gyis ni de 'grub bo zhes gsungs so/ /sa dang po'i ye shes skyes na de nyid bsdus pa nas/ gsungs pa'i dngos grub dang/ bde mchog mnyam sbyor las gsungs pa dang/ gsang ba 'dus pa'i rgyud las gsung pa dang/ dpal mchog dang po las gsungs pa dang/ rdo rje 'jigs byed las gsungs pa'i dngos grub kyang rgyud 'dir bsam gtan gsum gyi gtsang sbra tsam gyis sngags pas 'grub ste phan yon dang po'o/ /las kyi phyag rgya spangs pa'i grol lam chos kyi phyag rgya bsgom pa'i rnal 'byor lam la dga' bas kyang/ gtsang sbra gsum po rtog bral ma 'khrul pa mngon sum gyi lam 'di spyad na/ grol ba'i lam gyi sa dang po 'thob pa'i bsod nams tha mal pa kha cig gis brjod par mi nus so/ /phan yon gnyis pa'o/ /dpal he ru ka'i bde ba stong pa nyid kyi ye shes rnam par dag pas dang po'i mtshan nyid kun nas bsgrub pa'i rnal 'byor pa sa bcu'i bsod nams kyi chu 'thung ba nyams pa dag /sdig pa 'jig /grol ba'i lam pa'i mig gis mthong ba dang/ rna bas
- 233a
thos pa dang/ snas bsnams pa dang/ lces myangs pa dang/ lus kyi regs pas kyang sdig pa kun las grol nas/ zag med kyi lus ngag skyon med par 'gyur ro/ /phan yon gsum pa'o/ /gang zhig spyod pa byed pa de'i tshe 'di las brtsams te skye ba thams cad du de bzhin gshegs pa dang mi 'bral zhing/ mngon par dga' ba 'am/ bde ba can du skye bar 'gyur ba phan yon bzhi pa'o/ /de ltar sa dang po thob nas 'jig rten pa'i rgyal po chen po bzhi dang phyogs skyong ba bcu la gtor ma byin nas/ sems can gyi don byed pa'i phrin las rnam pa bzhi 'chol ba'i gtor ma'i cho ga ni rdo rje mkha' 'gro nas bshad pa bzhin du bya'o/ /de ltar sa dang po rang don rdzogs nas sa gnyis pa dri ma med pa nas sa bcu pa chos kyi sprin gyi bar gyis gzhan don gyi spyod pa bslab pa ni/ zag med kyi mchod pa rnam par dag pa/ sbrul pa byung ba rnams/ yan lag drug cu sems kyis sprul nas/ bdag nyid gtso bor byas pa dang mchod pa dang/ bum pa bzhi sangs rgyas sogs kyis yum bzhi dang sras dang bcas pa dpa' bo nyi shu rtsa bzhi dang/ rnal 'byor ma sum cu rtsa drug brtan pa gzhal yas khang sbrul pa dang/ g.yo ba lha'i spun dang sdug pa dang/ dpa' bo dang dpa' mo la mchod par bya'o/ /rngul tshon dang/ gzugs brnyan dang/ lha'i cha byas pa'i dkyil 'khor gsum las 'das pa'i sgra'i tshul las nges par 'byung ba/ dam tshig spyod pa'i spyod yul can zhes bya ba sa bcu'i dbang phyug gi dkyil 'khor yin no/ /de ltar mdor bstan nas/ rgyas par bshad pa ni/ zla ba'i 'dus pa mngon sum gyi las 'dir 'jig rten pa'i spun dang/ bu la sogs pa la bstan par mi bya'o/ /sngags sgyu ma lta bu dang/ phyag rgya 'od gsal bsgom pa yang bstan par mi bya'o/ /su la bstan ce na/ dam
- 233b
tshig dang ldan pa la dag byed kyi zas tshogs 'khor dang/ sngags sgyu ma lta bu dang/ man ngag 'od gsal ba/ gnas ci rigs pa'i dbang bskur ba thob pa la sbyin par bya'o/ /blang dor gyi gang zag bshad nas/ mchod pa dngos bshad pa ni/ pho nya gsum ma gtogs pa yul gzhan dang sems bde ba stong pa ma gtogs pa 'dod chags dang gti mug la sogs pa bsgom par mi bya'o/ /thar pa sa bcu 'dod pas pho nya 'dus ma byas bsrung/ byang chub sems dpa' chos 'phags bzhin du 'dus ma byas dang/ mi 'da' ba' i longs spyod bya'o/ /pho nya ma gtogs pa gzhan su zhe na/ skye gnas dman pa bsam gtan dang zag med las ma skyes pa 'dod pa'i khams kyi lus la bsnyen bkur gyi mchod pa mi bya'o/ /bsrung ba'i pho nya gang zhe na/ 'dus ma byas thob pa'i ming dang sring mo la sogs pa'o/ /'dus ma byas de'i 'bras bu ci zhe na/ rgya che ba lha'i 'khor lo dang/ zab pa bzhin du stong pa nyid grub pa'o/ /'dod pa khams kyi skye gnas dman pa la nyes pa ci yod ce na/ bsam gtan dang zag med kyi dka' thub zad par 'gyur ro/ /bcom pa ma lha'i bshes gnyen lta bu dang/ rtag tu du'i tshong dpon gyi bu mo bzhin du lhan cig snyoms par zhugs pas 'dus ma byas kyi ye shes 'dren par byed pa de ltar rdzas rgyu rkyen tshogs pa rnam par nges pa bsam gtan la phab pa yin no/ /de ltar gzhan don gyi mchod pa bshad nas/ brtul zhugs ni rnal 'byor la rtag tu bde ba stong pa nyid kyis spyod/ rkang pa bde stong gi ched du 'dor lag pa bde stong gi ched du bsgyur g.yon pa'i phyed bde bas mchod/ lus kyi bde ba stong pa nyid du bsgom pa ni/ shin tu 'am rnam par g.yo ba zhes bya'o/ /bde stong gi ched du tshim zhing za/ bde ba stong pa nyid kyi brtul zhugs las ma nyams na brtul zhugs rdzogs pa yin no/ /sgrub pa po zag med kyi dam tshig la brtson pa dang/ zag med kyi rig la spyod pa
- 234a
dang zag med kyi 'dod pa'i yon tan lnga'i zas la spyod pa dang/ rigs lnga 'am rigs bzhi 'dus ma byas kyi rigs gcig tu bsgom pa ni/ sa thob pa ste/ de ltar grub pa'i rnal 'byor pa rnams la mchod na yul 'khor gyi bsod snyoms don yod par za ba yin no/ /stong pa nyid thob pa'i spros bcas kyi spyod pa ni/ sha lngas dkyil 'khor gru gsum la mngon spyod byed pa phyi'i sbyin sreg go /de bzhin du dpa' bo'i zas phrin las rnam bzhi sngags dang phyag rgya dang ldan pa dpal he ru ka'i lus kyi dkyil 'khor sprul la/ sbyin sreg gi bstan bcos rgya chen po pha rol gzhan las byung ba bzhin du nang gi sbyin sreg bya ba dang/ gtum mo drod rtag tu bzung bar byas nas phrin las rnam bzhi kun la gtum mo drod kyi 'khor lo bzhi bsregs nas byang chub kyi sems phab pa bsrungs na bgegs mi 'byung bas gsang pa'i sbyin sreg 'di la dngos grub gzhan du 'gyur mi srid do/ /chags pa'i lam gyi sbyin sreg ni bcom pa ma lha'i bshes gnyen lta bu'i pho nya mchog bzang po dang ting nge 'dzin brtson zhing lhan cig ldan pa yis byang chub sems dpa' rtag tu du bzhin du btsun mo'i b+ha ga thab khung gsang ba'i rdo rje dgang gsar/ byang chub sems kyi dgang blugs ma chags dga' ba'i longs spyod rdzogs pas dga' bral gyi rjes rnam par 'byed pa spong ba yin no/ /bla ma'i man ngag gis de'i don stong pa nyid du bsgrubs na bla na med pa'i sbyin sreg du 'gyur ro/ /de ltar gzhan gyi don gyi mchod pa dang bstod pa dang brtul zhugs rdzogs nas 'bras bu dbang bzhi pa bsgom pa ni/ rdo rje spun dpa' bo nyi shu rtsa bzhi spun dang/ gtso bo bde mchog pa dang/ yum dang lhan cig bde mchog ni ma dang/ yum dang lhan cig bde mchog nyid du lha'i mig gi mngon shes kyis mthong ba de'i tshe/ lce sbom zhes bya ba
- 234b
dung can ma'i mtshan nyid dang/ mig dmar ser zhes bya ba pad+ma can gyi mtshan nyid dang/ rtsub cing zhes bya ba ri dags can gyi mtshan nyid dang/ spu ni dmar ser yin zhes bya ba phreng ba can gyi mtshan nyid mi slob pa'i stong pa nyid bskyed pa'i lha mo ni rdo rje mkha' 'gro'i le'u lnga bcu rtsa dgu pa las bshad do/ /de la rnal 'byor bzhi bskyed pa skye ba'i rim pa ni/ dngos grub thams cad kyi rgyu a ba d+hU tIr chud pa'i bzlas pa dang/ bde stong gi brtul zhugs la dga' ba la dran pa'i nges pa drangs nas mngon sum gyi tshad ma dang yang dag par ldan pas gnas nyi shu rtsa bzhi 'am mkha' 'gro ma spyod pa mngon shes dang grol ba rnal 'byor gyi mngon sum gyi 'bras bu ster ba dung can ma yin no/ /rjes su rnal 'byor 'dod pa'i don dngos grub kun bsgrub na rtsa ba'i sngags srog a ba d+hU tIr chud pa zlos shing snod bcud kyi 'jig rten gsum gyi 'bras bu yid nang du chud pa'i sngags 'di las byung ba yin te/ de'i pad+ma can dang snyoms par 'jug pa yin no/ /shin tu rnal 'byor ni sgrub pa po dngos grub la brtson pa rgyu'i rkyen dang/ sngags yid nang du chud pa mtshungs pa de ma thag pa'i rkyen dang/ phyag rgya dang ldan pa dmigs pa'i rkyen las gal te/ tshogs pa tshad na yul dmigs pa'i rkyen phyag rgya ri dags can lta bu dang brol na/ yid nang du chud pa'i gsang sngags kyi lus can rnal 'byor pa la sems kyi stong nyid rtogs par byin gyis mi brlob bo/ /skye ba'i dus ni ji srid dro ba'i bya ba dag ces bya ba gtum mo drod kyis byang chub kyi sems phab pas dbang po bdag po'i rkyen dang bzhi tshogs na shin tu rnal 'byor rtogs par 'gyur ro/ /rnal 'byor pa'i 'dod pa'i don zung 'jug gi rnal 'byor chen po ni/ blo gros chen po mthong rnams kyis/ /rnam pa thams cad cig car nges bya ba 'dus byas dang 'dus ma byas thams cad mkhyen pa 'bras bu mi slob pa'i
- 235a
ye shes yin no/ /rgyud bde mchog gi lugs kyis phyag rgya bzhi mngon sum gyi lam la brten nas tshogs lam yang snod cig tu za ba dang/ sbyor lam zhi ba'i btung ba dang/ mthong lam pho nya'i gtsang sbra dang/ bsgom lam gzhan don gyi brtul zhugs dang/ mi slob pa'i lam la dung can ma dang/ ri mo can dang/ phreng ba can zhes bya ba'i rnal 'byor ma bzhi 'khor lo sgyur ba'i btsun mo rin po che dang 'dra ba'i reg bya'i stong nyid las mi slob pa'i rnal 'byor gyi mngon sum skye bar gsungs so/ /de lta bu'i lam de la gnas pa'i rnal 'byor ba la gang zhig sdang na/ khyi'i skye gnas dang/ sme sha can du 'gyur ro/ /mngon sum gyi lam bor nas lta'i 'khor lo la bsod nams kyi tshogs bsgoms kyang chu bsrubs pa las mar mi 'byung ba bzhin du nyon mongs par zad do/ /bsod nams kyi tshogs thos pa dang 'dzin pa dang/ mchod pa byed pa ni tshe 'di la mchod pa la brtson pas mchod par 'gyur ro/ /me la sbyin sreg sbyor dang ldan/ bzlas pa yis ni bag chags zad ces 'tsho ba'i rgyur gsungs so/ /rnal 'byor gzhan bsod nams kyi tshogs la brten yang ye shes kyi tshogs kyi rgyud la don med par 'gyur ro/ /de ltar nyes dmigs bshad nas/ phan yon bshad pa ni/ sems kyi stong nyid rtogs pa'i dpa' bo yul mdza' 'khob na gnas sam/ rigs ngan gla glo yin yang yul de sangs rgyas kyi zhing khams su brtags pa byang chub sems dpa' i rigs dang ldan pa'i sems can bzung ba'i phyir/ de nas bcom ldan 'das phyag g.yas pa gser gyi mdog can brkyang nas byin gyis rlob bo/ /le'u bzhi bcu rtsa drug pa'i 'grel pa'o// //de ltar rdzogs rims kyi 'khor lo bshad nas/ nye ba'i snying po'i sngags kyi las tshogs tu bshad pa ni/
- 235b
de nas gzhan yang bshad bya ba zhes bya ba gsungs te/ mkha' 'gro ma sum cu rtsa bdun dang dpa' bo nyi shu rtsa lnga kun gyi snying po 'di dran pa tsam gyis sa g.yo bar byed pa ni phan yon no/ /sngags 'di las thams cad byed pa dang/ dngos grub gsum bskyed pa ni 'bras bu'o/ /gsang sngags 'di ni gsang sngags che zhes bya ba yab kyi nye snying ngo/ /'dis kyang phrin las rnam bzhi byed 'dod pa'i dngos grub gsum sgrub par byed pa yin/ lha thams cad kyi sngags su grags pa yin pa ni phan yon no/ /'bras bu ni sa 'og la sogs pa 'jig rten gsum na gang cung zad yod pa'i dngos grub thams cad bsgrub pa'i 'bras bu'o/ /yab yum gyi snying po'i phan yin dang 'bras bu dang/ yab kyi snying po'i phan yon dang 'bras bu bzhi bshad nas dpa' bo dang mkha' 'gro ma'i gnas 'byung ba bzhi dang ri rab kyi steng du gzhal yas khang bskyed la mkha' 'gro ma bzhi dang/ lha mo bcu gnyis bcom ldan 'das yab yum bcu bzhi hUM las skyes/ dpa' bo'i mchog bum pa bzhi ha ha he he las bskyed/ oM las sku'i 'khor lo skyes/ A:las gsung gi 'khor lo skyes/ hUM las thugs kyi 'khor lo skyes/ 'khor lo'i gnas su bzhugs pa'i lha drug cu rtsa gnyis la go cha bskon/ dbang bskur/ ye shes sems dpa' gzhug /bdud rtsi myang rtag tu mchod dngos grub 'dod pas ting nge 'dzin la mnyam par bzhag dngos grub kyi rgyur sngags kyi bzlas pa bya/ yab yum gyi snying po dang nye snying gi 'khrul 'khor bya ba zhes sngon gyi sangs rgyas bye ba dang/ dpa' bo bye bas kyang gsungs so/ /lha 'di rnams da ltar dzam+bu'i gling na bzhugs sam zhe na/ khyim dang gnas nyi shu rtsa bzhi dang/ nye ba'i grong brgyad la sogs pa gnas sum cu rtsa bdun du mkha' 'gro ma re re la 'khor bye ba bye bas bskor nas bzhugs pas bskyed rim gyi bsgom pa dang
- 236a
bzlas pas kyang dngos grub kun skye bar byed pa dge zhing shis pa'i lam yin no/ /le'u bzhi bcu rtsa bdun pa'i 'grel pa'o// //dngos grub kyi yan lag gi le'u bshad nas/ thun mong gi 'khor lo le'u bcu drug bshad pa ni/ de nas gzhan yang bshad bya ba zhes bya ba gsungs so/ /de la dang po lugs su blugs pa 'am/ 'bur du brkos pa 'am/ sku gzugs mtshan dang dpe byad dang ldan pa'i ras ris sam mi'i rus pa las 'bur du brkos pa las dang po pa'i rnal 'byor pas rtag tu bcang/ mchod pa bdud rtsi lngas bya/ mi'i sha skam gyi bdug pas bdugs na bla na med pa'i dngos grub dang rgyal srid nyid kyang rnyed par 'gyur ro/ /de ltar las dang po bshad nas mtshan ma thob pa'i rnal 'byor pa phyis 'chang ba'i rnal 'byor pas glang po che'i lpags pa la sogs pa la mtshan ma thob pas zhag bdun du ras ris kyi mdun du bsgrubs na dngos grub 'grub/ gal te ma grub na yang rnal 'byor ma dang bla ma'i rgyud la gnas skyes kyi mkha' 'gro ma rnams kyis bstan nas grub par 'gyur ro/ /de ltar mdor bstan nas/ rgyas par bshad pa ni/ mkha' bsgrub glang po che'i pags pa la bya'o zhes bya ba nas/ rgyal mtshan gyi gos la bri'o zhes bya ba'i par du ras ris nyi shu rtsa gcig go sla'o/ /rengs par byed pa rdo leb la bri ba dang/ ce spyang mo'i pags pa la bri ba'i bar ni bris sku la rab gnas bya'o/ /gser dngul la sogs pa lugs ma dang rdo leb la sogs pa 'bur du brko pa dang/ shing dang rus pa la sogs pa la brko ba'i bye brag dang/ sa dkar ba dang/ ser ba dang/ dmar ba dang/ gnag pa la byas pa'i lder so la rab gnas bya'o/ /de ltar rab gnas kyi gnas bshad nas/ tshon rtsi ni/ dri chen
- 236b
chu dang zhag dang khrag ces bya ba nas cho ga bzhin du sku gzugs bri zhes bya ba go sla'o/ /mi'i skra las pir dang thig skur bya ba dang/ mi'i ro'i gnas nyi shu rtsa bzhi'i lha bshos bya ba dang/ der ni phyugs bdun dbul bar bya zhes bya ba mchod pa'i rdzas go sla'o/ /sna tshogs phyag rgya'i mchod pa yis zhes bya ba nas 'di ni go cha'i rim pa'o zhes bya ba rab gnas bsgrub pa'i tshogs kyi 'khor lo bya ba ste go sla'o/ /rab gnas pa yi dus dag tu nyis 'gyur tshogs pa bsag par bya ste zhes bya ba nas/ chun 'phyang dag gis rnam par brgyan zhes pa'i bar ni rab gnas kyi rdzas dbul ba ste go sla'o/ /don drug pa lha la dbang bskur ba'i bum pa ni/ ras kyis mgul pa bcings pa bdud rtsi lnga dang gser dang dngul dang mu btig dang byu ru dag dang/ dung ste rin po che lnga dang/ thabs kyi sman lnga shes rab kyi sman lnga ste lnga bcu dang/ ga pur dang tsan dan la sogs pa dri'i bye brag dang/ arg+ha'i snod tsU ta'i shing dang/ tsam pa ka'i yan lag dang ldan pa dang/ bum pa'i nang du thabs kyis sman aM bu tsam bu dang/ ka dam pa dang/ bi li ba dang/ pi dza pu ra dang/ ba la mo ta dang/ drug pa kyi dan dza dan dza dang/ bdun pa ge ri karni ka dang/ brgyad pa e na ra bi da dang/ dgu pa ha sa de ba dang/ bcu pa tsam pu ste/ sman rnams buM par bcug la/ sku'i sman i ma na dang/ gsung gi sman dzA ti pa la dang/ thugs kyi sman gla gor zho sha dang bcas pas sku khrus gsol ba dang dbang bskur ro/ /chu'i dbang bskur ba'i rjes la gser gyi mchod phyir thogs cod pan dang bcas pa dang phyag rgya drug gis brgyan nas/ lha la na bza' gsol te/ sgrub pa po rnams rnam par rtog pa med pa'i sems gcer bus gar byed cing stong pa nyid kyi sems kyis rab gnas byas pa'i lha la dad pa sngon du 'gro bas dus gsum du mchod pa'am/ tshes
- 237a
bcu 'am yar ngo mar ngo'i tshes bco lnga la mchod par bya'o/ /go cha bskon pa dang/ ye shes sems dpa' gzhug pa dang/ dbang bskur ba dang/ bdud rtsi myang ba dang/ spyan dbyib rna ba dang sna dang zhal dbye ba/ na bza' gsol/ yo byad dgul/ de nas mchod pa rgyas pa bya ba kha bskang ngo/ /le'u bzhi bcu rtsa brgyad pa'i 'grel pa'o// //de ltar rab gnas bshad nas/ dbang bskur ba'i 'khor lo 'chod pa ni/ de nas gzhan yang bshad bya ba zhes bya ba smos te/ dkyil 'khor thams cad du dngos grub bsgrub pa rtsa ba'i rgyud kyi le'u dang po ro mnyam gyi dkyil 'khor dam pa 'dir dbang bskur bas/ dkyil 'khor gyi snying po lha thams cad skyes pa'i le'u 'dis bsdus pa yin no// // de ltar mdor bstan nas rgyas par bshad pa ni/ shin tu mnyam gzhag sgrub pa pos zhes pa tshigs bcad gcig gis rten gyi gang zag ston to/ /sbrang rtsi mtshal dang ga bur bcas zhes bya bas gsang ba'i dbang bskur ba dngos te/ sbrang rtsi ni mi bskyod pa'o/ /mtshal ni rang 'byung ngo/ /ga pur ni byang sems so/ /tsan dan dmar ni sha chen no/ /sbyar ba ni rnam par snang mdzad dang go cha'i lha'i rigs tshogs kyi 'khor lo'i nang du bum pa bzhi'i gnas su bzhag nas/ kha zas kun gyi mchog tu bcud kyi len du 'gyur ro/ /tshogs kyi lha de rnams ji lta bu zhe na/ rdo rje kun 'khor dang mchog gtso bo mtshan ma thams cad rdo rje'i rgyan gyis brgyan pa'o/ /bcud len du ji ltar 'gyur zhe na/ oM A:hUM gsum gyis byin gyis brlabs nas grol ba'i lam pas sbom po mtheb mo dang/ mdza' ltag srin lag gi rtse mo sbyar nas rnal 'byor pa sgyu ma lta bu rigs pas btung bar bya'o/ /chags lam gyi dbang du byas nas rdo rje gdan bzhi las sbom po mdza' dag b+ha ga rtse sbyar ba a ba d+hU tIr
- 237b
phrad nas bde ba sgyu ma lta bur rig pas rtag tu spyad pa'o/ /rnal 'byor pa gnyi ga la mtshungs pa de ma thag pa'i rkyen srog a ba d+hU tIr song ba dang dbang po bdag po'i rkyen bsam gtan thob nas chags lam grol lam gnyis yul ro dang reg bya yin pas d+hU mar 'gro bar the tshom med do/ /dper na mu stags can la ri bo ba ri ra las rtsa so ma na btus nas ba ra Na si'i byA ka ra gi wang yod pa'i ba ser mo'i pags par gtums nas rig byed kyi sngags kyis byin gyis brlabs nas gang zag gang gis 'thungs pa srid pa'i ting nge 'dzin thob pa'i dpe de bzhin du/ bdud rtsi lnga myangs na dngos grub rtag pa 'dus ma byas 'thob par 'gyur ro/ /gal te sgyu ma lta bu ma rtogs na mi 'chi bar tshe ring ba dang/ nad med par 'gyur te/ 'jig rten gyi dngos grub thams cad la 'jug go /de ltar zhi ba'i btung ba sgyu ma lta bur rtogs nas sngags 'bum bzlas nas dkyil 'khor byar rung/ gnyis pa shes rab ye shes kyi dbang bskur ba mchod pa bzhi rdo rje'i rigs la stong nyid bsgom pa dang/ rin po che'i rigs la mtshan ma med pa dang/ pad+ma'i rigs la smon pa med pa dang/ las kyi rigs la 'od gsal ba'i mchod pa bzhi ye shes las skyes pa la sgom pa de bzhin du/ dpa' bo rnal 'byor pa ni las dang po pa'i ngan par spyod ma la yang dbang po gnyis kyi a ba d+hU tI'i reg bya las don dam pa'i de kho na nyid 'dus ma byas sems kyis 'dzin cing rtogs pa ni bsnyen pa yin no/ /des kyang gtso bo la 'bum pa dang me tog pog pa'i lha la 'bum/ /'khor la khri bzla'o/ /bde ba stong pa nyid de lha dang mi'i bde ba zag bcas pas zag med kyi bcu drug char yang mi phod do zhes rtsa ba'i rgyud las gsungs te/ 'dir zag med las byung ba'i dkyil 'khor la yang brtags nas bshad do/ /bsnyen pa bstan nas sa'i cho ga'i dkyil
- 238a
'khor gyi gnas bshad pa'i 'dod nas grub pa'i dur khrod la sogs par dkyil 'khor brtsam par bya zhes bya ba sa'i cho ga go sla'o/ /dkyil 'khor chen po'i tshon nyid ni gdul bya drag po 'jigs byed dur khrod du spyod pa dang/ mthun pa'i ro bsregs pa'i sol ba'i bye ma las nag po rus phye la dkar po/ /so phag tshig pa las dmar po/ ma tshig pa las ser po/ dur khrod kyi shing lo las ljang gu bya ste/ phyug na rin po che dang bse/ dbul na rin po che med pa'o// tshon gyi mtshan nyid bshad nas/ bzhi pa slob dpon gyi mtshan nyid ni/ lus ngag yid gsum thams cad zag med dang ldan pa'o/ /zag bcas kyi mtshan nyid kun spangs pa sems kyi mtshan nyid ni rgyud sde bzhi 'dus ma byas shes pa ni 'dus byas lha'i 'khor lo shes pa sngags shes pa ni dag go /khro med snying rje can gtsang ba lhung ba med pa mkhas pa de nyid bcu shes pa sbyor shes zhi gnas dang ldan pa ye shes lhag mthong gis 'khor ba'i pha rol tu 'gro ba spyi gtsug rus pa'i 'khor lo rtsibs brgyad pas brgyan pa nas/ phyag rgya drug pa thal bas byugs pa/ go cha drug gis lus brgyan pa rus pa'i phreng ba'i tshangs pa'i skud pa can rna rgyan can la sogs rus pa dang ldan pa dum bu gcig las spyi gtsug gi 'khor lo byas pa/ rus phreng gi do shal yod pa lag pa g.yon pas kha TwAM ga gzung ba/ g.yas pas cang te'u thogs pa/ gnas dang ldang ba nyid dang ni/ /'jug dang yongs su rdzogs pa dang/ /byin gyis brlabs dang dbang bskur dang/ /ting 'dzin mchod pa nye bar bsdu/ zhes bya ba'i bar gyis lta gon gyi lha bsgoms pas bdag nyid he ru kar byas nas/ de'i 'og tu dgegs nye bar zhi ba'i chog byed pas/ snying gar 'khor lo nyi shu la bcug nas bdag nyid go cha chen po lus kyi
- 238b
'khor lo la bgos te/ rab rnams phyogs bzhir dgod/ 'og tu sna tshogs rdo rje'i 'khor lo'i gzhal yas khang dang 'dra ba stod du mda'i dra ba bdag nyid la go cha drug bskon/ logs su rdo rje'i ra ba/ steng du rdo rje'i bla bre/ mi 'od kyi phreng ba phur bas gdab pa byas na sum cu rtsa gsum gyi lha'i dbang po brgya byin gyis kyang gzhig par mi nus pa phan yon no/ /da nas lha lhag gnas/ bum pa sbyin sreg /slob ma lhag gnas kha bskang/ de ltar sta gon rdzogs nas/ bdag nyid la sngags go cha drug dang/ phyag rgya drug gis brgyan pa'i lhar bskyed nas/ dkyil 'khor 'jigs pa bri bar bya zhes pa ni mdor bstan to/ /rgyas bshad ni de nas sems med ro'i sgra 'am/ rgyas pa 'am/ ro g.yogs kyi ras kyi skud pa las thig gdab pa ni go sla'o/ /de'i dbus su tshan 'gye ba ni/ pad+ma 'dab ma brgyad pa lte ba dang ge sar du bcas pa'i steng du bcom ldan 'das zhal bzhi spyan gsum phyag bcu gnyis las glang po che'i pags pa smin mtshams kyi thang du bsnams pa/ rdo rje dang dril bu dbyes bas snying gar 'khyud pa kha TwAM ga dang phyag mtshan lnga bstan pas phyag mtshan bdun le'u bcu bzhi pa ro mnyam gyi 'khor lo las shes so/ /lhag ma ni go sla'o/ /dpa' bo dang dpa' mo drug cu yang ro mnyam bzhin du sku mdog dang phyag mtshan bya'o/ /dngos grub 'dod na lha yab yum tshang ba la dbang bskur ma tshang na dngos grub mi thob bo/ /thig gdab pa dang tshon dgye ba bstan nas/ bum pa bsgrub pa ni/ rtsa ba nag po med pa mtshan nyid do/ /mu tig la sogs pa rin po che lnga'o/ /grangs shar phyogs su rgyal ba dang bkra shis/ lho phyogs su dngos grub dang rnam 'phrul/ nub tu rgyal ba dang rnam rgyal/ byang du grub pa dang bsrung ba/ rnam rgyal grub pa la gser dngul gyi phyag mtshan bris la/ mu tig gi phreng bas kha brgyan pa'o/ /de ltar bum pa bsgrub pa bshad nas/ dkyil
- 239a
'khor gyi yo byad ni/ dkyil 'khor thams cad du 'byor na rin po che gser la sogs pas bris na dngos grub thob bo/ /kun nas sgo'i bum pa las thams cad pa rnam par rgyal ba'i dri'i chus bsangs pa/ mar me zhes bya ba sems gsal bar byed pa'i sha rgyas nye bar mtshon pa'i me tog bdug pa mar me dri chab lha bshos kun rgyan yin no/ /de ltar rdzas bsags nas/ don lnga pa ye shes sems dpa' spyan drang ba ni/ /mkha' 'gro ma yid la gzhug pa dang/ sa steng gsum la gzhug pa dang/ sa 'og sku la gzhug pa dang/ ma mo bcu gnyis phyogs mtshams su gzhug pa dang/ dur khrod brgyad dang/ gzhal yas khang yang shugs kyis rtogs so/ /don drug pa mchod pa'i rdzas dbul ba ni/ dpa' bo dang rnal 'byor ma re re la dngos grub 'dod pas mchod par bya'o/ /rgyal mtshan ni go sla'o/ /dmar ba gsung dang/ ser ba ye shes kyi 'khor lo la dkar ba sku/ gnag pa thugs/ ser skya sgo bzhi la/ sna tshogs pa mtshams bzhi la mda' dang phur bu brgyad kyi srung ba dang/ bza' dang btung ba tshogs 'khor la'o/ /de ltar drug pas dkyil 'khor mchod nas/ slob mas 'dod yon lnga'i dngos po kun gyis slob dpon mnyes par byas la/ dngos grub 'dod pas ci nus kyis yon dbul lo/ /de nas slob dpon gyi bdag 'jug bya ste/ dril sbyangs lo bcu gnyis ma dang ting nge 'dzin bsgom pa dang/ sgra snyan dril bu bcu drug ma dang/ bsgom pa dang/ rnga nyi shu pa dang ting nge 'dzin bsgom pa ha brgyad kyis ye shes babs kyi bar du bsgoms la/ de nyid kyi dga' bral du mi btang bar bya'o/ /de ltar slob ma'i gdong la dar gyis bcings nas/ snyim par me tog bzhag pa phyi'i 'jug pa bdun rnam par
- 239b
dag pa dang/ sdom pa gzung ba dang/ byang chub tu sems bskyed pa dang/ lhar bskyed pa dang/ phyi rol bum pa'i chus dbang bskur ba dang/ sgo bzhi nas zhugs nas pad+ma'i gar bskor bas phyag bya ba dang/ slob ma'i sras po lha'i dam tshig bsgrag pa dang/ slob dpon gyi dam tshig bsgrag pa dang/ ye shes dbab pa dang/ snyim pa'i me tog gtor ba gang du babs pa rang gi lhar shes par bya ba'i phyir/ lan cig bskor ba byas nas shin tu mnyam par gzhag pas ye shes babs pa dang/ grong khyer mchog gi nang du gzhug pa'o/ /de nas slob mas lho phyogs su lus kyis gnas te/ sngar me tog 'phangs pa ma phog na slar yang snyim pas dor te/ gang la babs pa de'i rigs bstan/ gdong g.yogs dgrol/ dkyil 'khor bstan/ /dbab pa nye bar bsdu ba bya/ lha de'i ming gis gdags/ de ltar 'jug pa rdzogs nas/ slob dpon legs par mnyam par gzhag pas phyag rgya lha mo rnams ye shes phab nas/ bum pa dang/ cod pan dang/ rdo rje dang/ dril bu dang/ ming gi dbang bskur la/ de nas nyin zhag gnyis pa la/ sangs rgyas mnyam sbyor gyi rgyud lam bdud rtsi lnga la mtshal chen gyis ming gis brtags pa la/ oM A:hUM gsum gyis bzlas pas gnas gsum du thig le byas la lce la bdud rtsi lnga bzhag nas gsang ba'i dbang bskur bar bya'o/ /de nas nyin zhag gsum pa la slob ma'i gdong phye la lus kyi dkyil 'khor bstan nas/ bde ba stong pa nyid bskyed pa yi lha'i gnas rtsa dbu ma gang yin pa der 'dus ma byas kyi stong nyid de yang brtan par bya'o/ /de ltar shes rab ye shes kyi dbang bskur nas slob mas slob dpon la phyag bya bskor ba bya/ yon dbul ba ni go sla'o/ /de ltar bla ma mnyes pa dang dbang bskur ba nges par byas nas de'i rdzas la sgrub pa po'i
- 240a
yon dbul ba rab tu nges par bya'o/ /de ltar byas pa'i phan yon ni/ sgrub pa po de la mkha' 'gro ma kun mnyes pas sgrub pa po'i mngag gzhug byed pa dang po'i/ rnal 'byor pa la dngos grub tu 'gyur ba mi snang ba gnyis so/ /sgrub pa po rang 'dod pa tsam gyi gzugs du ma byed pa dang/ tshar gcod pa dang phan 'dogs pa gsum pa'o/ /sngags pa dkyil 'khor ma mthong bas dngos grub mi 'thob pa dang/ sku gsum gyi dkyil 'khor 'dir dbang bskur na lha la sogs pa zil gyis gnon pa dang/ de nyid bsdus pa la sogs pa las khyad par du 'gyur bar ston to/ /de ltar phan yon lnga bshad nas/ 'di'i brjod bya bshad zin pa'i don dang ma bshad pa'i don thams cad kyi brjod bya dang dpal he ru ka'i snang ba yin par ston to/ /le'u bzhi bcu rtsa dgu pa'i 'grel pa'o// //de ltar dbang bskur ba'i 'khor lo bshad nas/ bstod pa 'chad pa ni/ de nas gzhan yang bshad bya ba zhes bya ba gsungs te/ chags pa dang bcas pa dang/ chags bral gyi mtshams gang du chags bral gyi chus mi gos shing 'dod pa'i khams kyi chags pa spangs pa'i mtshams der stong pa nyid kyis rgyas btab nas/ sems can thams cad kyi srid pa 'jig par byed pa'o/ /de ltar mdor bstan nas rgyas par bshad pa ni/ gong du bstan pa'i rim pas sngon 'gro'i rnal 'byor lnga dang/ dngos gzhi 'byung ba bzhi ri rab sna tshogs rdo rje dang bcas pa bskyed nas/ he ru ka dbyangs skyong gi lha mngon par byang chub ba lnga'i rim pas rdzus skyes cig car 'byung ba snang ba bsgom mo/ /de yang dung dang kun da'i mdog kyang 'dzin ces bya ba nas/ thun bzhi ru ni bsgrub par bya zhes pa go sla'o/ /zhal gsum phyag drug pa'i sku mdog dkar po dbyangs skyong gi lha bsgoms
- 240b
nas/ dbyangs skyong gis bstod pa'i don ni rnal 'byor pas lha thams cad bsgom pa la dga' bral 'dod pa'i khams kyi sems su ma btang zhes bstod pa yin no/ /de la rdzogs rim bsgom pa ni/ dga' ba bzhi'i gnas 'khor lo bzhi dang/ a thung dang haM las bden pa bzhi dang phag mo dang khrag 'thung ba'i ming gis btags pa la rtsa 'dab drug cu rtsa bzhi dang brgyad dang bcu drug sum cu rtsa gnyis pa dag la dga' bral du mi 'gyur ba'i lam bde ba chen po stong pa nyid bsgom pa la dbyangs skyong zhes bya'o/ /de ltar rdzogs pa'i rim pa mtshams rjes su bsgrub pa'i don bskyed pa'i rim pas zhal gsum phyag drug pa'i lha'i sku bsgoms nas/ bdud rtsi lnga myangs nas dbyangs skyong gi sngags kyi mnyam par gzhag pas bzlas pa bya'o/ /de la ye shes sems dpa' gzhug pa dang/ go cha bgo ba dang/ dbang bskur ba dang/ bdud rtsi myangs nas bsgom pa dang/ bzlas pa bya bar shes so/ /de la dbyangs skyong gi 'bras bu dang po phrin las rnam bzhi kun byed pas gnyis pa dus ma yin pa'i 'chi ba las rgyal ba/ gsum pa zhi ba la sogs pa 'grub pa/ bzhi pa dus gsum shes pa/ lnga pa stong phrag gcig bzlas pas 'jig rten gsum gyi dngos grub thob pa/ drug pa zhag gsum gyis lha'i 'khor lo sgyur ba thob pa/ bdun pa mngon shes drug rig pa/ brgyad pa skye rga na 'chi spangs pa'o/ /de ltar 'bras bu bshad nas/ gal te de ma thob na bskyar ba'i cho ga ni/ 'byung po'i nyin zhag gsum la tshogs 'khor byas la ye shes sems dpa' spyan drangs/ gal te mngon sum mthong na/ phyag bya mchod yon dbul/ 'dod pa'i don la gsol ba btab nas dngos grub blang/ mngon par shes pa drug mnga' ba'i dpa' bo thams cad mkhyen pas khams gsum gyi mchog tu 'gyur ro/ /de'i phan yon ni/ 'di ni dpal
- 241a
bo chen po ste/ gnyis pa thams cad rnam par spangs/ shes pa bdag lha'i gzung 'dzin dang bral nas sa gzhi rgya mtsho dang bcas pa'i 'gro ba ris drug gi don la dbang bar 'gyur ro/ /dkyil 'khor gyi bstod pa mngon par brjod pa le'u lnga bcu'i 'grel pa'o// //de nas gzhan yang bshad pa ni/ dkyil 'khor thams cad kyi nye ba'i snying po yi ge bdun pa'i lta bsgom pa ni/ gong du bstan pa'i sngon 'gro lnga byas nas 'byung ba bzhi dang ri rab sna tshogs rdo rjer gyur pa'i rang bzhin gzhal yas khang gi dbus su yi ge hUM las byung ba'i rdo rje mkha' 'gro zhal gsum phyag drug pa'i sku mdog dang phyag mtshan go sla'o/ /lha mo drug ni oM dang phaT kyi bar du yi ge drug las bskyed do/ /ye shes sems dpa' gzhug pa dang/ go cha bskon pa dang/ dbang bskur ba dang/ /bdud rtsi myang ba dang/ byang chub yan lag bdun bsgom pa dang/ bzlas pa ni snga ma bzhin shes par bya'o/ /khro bo kun gyi gnas mchog ste/ mnyam med gsang sngags bzla bar bya zhes pa 'khor lo rtsibs drug pa bkod pa de la yi ge bdun pa bkod nas bzlas na zhag bdun gyis the tshom med par 'grub ste nA ro pas dgyes pa'i rdo rje yan lag drug gis 'chad pa'i 'grel pa mdzad nas mtshan thog thag gcig gis te lo pa'i lung bstan thob pa'i phyir te/ gdams ngag drug grub nas shAn ti pa la gsang 'dus zhus nas he badzra'i 'grel pa mdza' drug tshul bzhi pa mdzad do/ /ma grub na bskyar ba'i cho ga ni/ dbyib rna tha chungs kyi nya la tshogs kyi 'khor lo byas na/ tho rangs he ru ka dang mtshungs par 'gyur ro/ /mngon par brjod pa las le'u lnga bcu rtsa gcig pa'i 'grel pa'o// //de nas gzhan yang dkyil 'khor thams cad kyi snying po bshad pa ni/
- 241b
sngon 'gro lnga 'byung ba bzhi ri rab sna tshogs rdo rje dang gzhal yas khang bskyed la/ de'i dbus su yi ge nyi shu rtsa gcig las drong gsher skyes kyi lha sems can kun la phan 'dogs pa bskyed de/ hUM dang sh+rI gnyis gtso bo yab yum zhal brgyad phyag bcu drug zhal gcig phyag gnyis pa'o/ /pad+ma 'dab ma brgyad la/ oM shar du/ ba byang du/ dzra nub du/ he lho ru/ de las 'khor mkha' 'gro ma bzhi zhal gsum phyag drug pa'o/ /mtshams bzhi ru bum pa bzhi dang thod pa/ shar la sogs pa'i rtsibs brgyad du lha mo brgyad zhal gcig phyag bzhi pa mdog sngon po sha stag go /sgo bzhi dang mtshams bzhir lha mo brgyad/ zhal gsum phyag drug pa'o/ /sku mdog dang phyag mtshan rgyud las go sla'o/ /ye shes sems dpa' gzhug pa dang/ go cha bskon pa dang/ dbang bskur ba dang/ bdud rtsi myang ba dang/ bsgom pa'i tshe dpral bar sku'i 'khor lo/ /lkog mar gsung gi 'khor lo/ snying gar thugs kyi 'khor lo'i sbyor bas spro bsdu bsgoms la/ lha nyi shu rtsa gnyis po thams cad kyi snying po/ oM sh+rI badzra he he ru ru kaM huM hUM phaT DA ki ni dzA la sam+ba raM swAhA/ zhes pad+ma bar bya'o/ gal te rnam dag bsgom na zhal brgyad rnam thar brgyad phyag bcu drug stong nyid bcu drug /nang gi yum bzhi so sor yang dag par rig pa bzhi/ 'khor lo rtsibs kyi phyogs bzhir lha mo ston pa bzhi/ mtshams bzhi'i lha mo chos kyi mdo bzhi/ phyi rol gyi sgo bzhi dang mtshams bzhi mi 'jigs pa bzhi'o/ /dpe byad bzang po brgyad cu kA'i nyi ma las bcom ldan 'das skyes/ dbyangs yig sum cu rtsa gnyis kyi rang bzhin las yum skyes par bsgom/ mchod pa dang bstod pa dang gtor ma btang ba dang/ nye bar bsdu ba kha bskang ngo/ /le'u lnga bcu rtsa gnyis pa'i 'grel pa'o// //
- 242a
de nas gzhan yang dkyil 'khor thams cad kyi rnam dag bshad pa ni/ gsum du 'gyur te/ srog a ba d+hU tIr chud nas gtum mo drod kyis byang chub kyi sems phab pa ye shes lnga'i rang bzhin/ sku'i rang bzhin sa'i cha ni spyan du snang/ rtsa 'khor lo'i char phye ba thig skud rnam snang du snang/ khams nyi shu rtsa bzhi rdul tshon sna tshogs dang mchod pa sna tshogs su snang mgo bo pUl+lI ra ma la'i rlung lte ba'i pad+ma brgyad bu snang/ spyi gtsug dzA lan d+ha ra'i rlung thugs kyi 'khor lor snang/ sna ba g.yas pa o rgyan gyi rlung gsung gi 'khor lor snang/ ltag pa arbu ta'i rlung sku'i 'khor lor snang/ sna ba g.yon pa go dA pa ri'i rlung logs bzhir snang/ smin mtshams kyi mdzod spu'i rlung shar lho mtshams su snang/ mig de bi ko Ti'i rlung bden bral mtshams su snang/ phrag pa mA la bo'i rlung nub byang gi zur du snang/ mchan khung kA ma rU pa'i rlung dbang ldan gyi zur du snang/ nu ma o Te'i rlung shar sgor snang/ lte ba tri sha ku na'i rlung lho sgor snang/ sna rtse ko sa la'i rlung nub sgor snang/ kha ka ling+ga'i rlung byang sgor snang/ med pa lam+ba ka'i rlung shar gyi rta babs su snang/ snying ga kAny+tsi'i rlung lho'i rta babs su snang/ rgyu zhabs hi mA la'i rlung nub kyi rta babs su snang/ gsang ba'i gnas be ta pu ri'i rlung byang gi rta babs su snang/ gri ha de ba ta'i rlung lha snam du snang/ brla sau rASh+Ta'i rlung ri na chen pha gur snang/ byin pa gser gyi gling rlung dra ba dra phyed du snang/ sor mo na ga ra'i rlung rnga yab la sogs par snang/ rkang bol sind+hu'i rlung rdo rje'i thig zlum por snang/ rkang pa'i mtheb mo ma ro'i rlung sgo khyud bzhir snang ngo/ /bus mo ku lu tA'i rlung zur rnams kyi rdo rje rin po cher snang/ de ltar pad+ma
- 242b
dkar po lta bu'i gang zag cig srog a ba d+hU tIr chud nas bde ba stong pa nyid skyes pa'i snang ba'i dkyil 'khor gyi 'khor lor snang/ gsang ba sngags su bshad pa'i gsung gi rnam dag go /gtum mo drod sbar nas/ byang chub sems ni sum cu gnyis gang tshe 'dir ni yongs gang ba/ /de tshe lus kyi dkyil 'khor yin zhes gsungs pas/ utpal lta bu'i gang zag lus byang chub sems kyis gang ba'i rkang pa dang/ lag pa don yod grub pa'i snang ba dkyil 'khor gyi nang khong stong kun tu snang ngo// dpral ba'i snang ba sku'i 'khor lo/ /lkog ma'i snang ba gsung gi 'khor lo/ /snying ga'i snang ba thugs kyi 'khor lo/ /lte ba'i snang ba dbus kyi pad+ma sgo bzhi dang rta babs dang dur khrod la sogs pa rnams su snang ngo/ /lus kyi snang ba tshor ba bde ba rtog med kyi snang ba sku'i 'khor lo/ /'du shes bde ba rtog med gsung gi 'khor lo/ /'du byed bde ba rtog med thugs kyi 'khor lo/ /rnam shes bde ba rtog med nang gi pad+ma 'dab brgyad shin tu rnam par dag pas ye shes ri mo lngar snang/ khams kyi dpa' bo nyi shu rtsa bzhi'i snang ba pany+tsa rag phyogs bzhi nyi shu sa bzhi'i kha dog bzhi dang nyi shu rtsa bzhir snang ngo/ /rtsa nyi shu rtsa bzhi ni rnal 'byor ma 'khor lo'i rtsibs nyi shu rtsa bzhir snang ngo/ /lte ba khung gi thig le rdo rje phag mor snang/ snying ga'i byang chub sems kyi sa bon khrag 'thung mchog tu snang ngo/ /snying ga'i rtsa bzhi'i rang bzhin mkha' 'gro ma bzhir snang ngo/ /de ltar na dman pa dbyibs su bshad pa rtsa dang khams kyi bde ba las skyes pa'i snang ba yin te/ sems can la snang ba'i dkyil 'khor 'bras bu yin la/ de'i rgyu gsang ba sngags rlung la bde ba skyes pa'i snang ba 'am/ dman pa dbyibs rtsa la bde ba skyes pa'i snang ba bshad pa yin no/ /mthar thug chos su byang chub kyi phyogs kyi chos sum cu rtsa bdun
- 243a
rin po che lta bu'i gang zag gis mthar thug chos bsgoms pa ni/ dpa' bo dang dpa' mo ltar snang ba'o/ /lha de yang yig 'bru'i dkyil 'khor dang/ phyag mtshan gyi dkyil 'khor la sogs pa drug tu snang ste go sla'o// mthar thug chos sems dang sbyar na/ dbus kyi pad+ma sa dang po rab tu dga' ba'i snang ba nas/ rta babs chos kyi sprin gyi snang ba las dngos grub rgya che ba thob par 'gyur ba ni go sla'o/ /de ltar na rnam dag bshad nas/ de kho na nyid bzhi bshang ba'i dang po 'khor lo bde mchog gi dkyil 'khor la/ shes rab ye shes kyi dbang bskur ba'i b+ha ga'i dkyil 'khor dang/ gsang ba'i dbang bskur ba'i lus kyi dkyil 'khor dang/ dbang bzhi pa bskur pa'i rin chen sems kyi stong nyid gnyis med kha sbyar gyi dkyil 'khor dang gsum yin no/ /dang po dkyil 'khor gyi de nyid bshad nas/ gnyis pa bdag gi de nyid ni/ gtso bo'i lha'i ting nge 'dzin yin no/ /gsum pa lha'i de nyid ni 'khor gyi ting nge 'dzin yin no sngags kyi de nyid ni phyag rgya stang stabs sngags bzlos pa'o/ /de ltar na de nyid bzhi yin no/ /dkyil 'khor gyi mjug bsdu ba ni/ sgo bzhi dang mtshams bzhi dang/ rta babs bzhi la sogs pa'i yul gyi yan lag kun las 'das pa shes pa rtog bcas dang rtog med spangs pa brjod pa phyi mo thig le las 'das pa ni/ 'dus ma byas kyi dkyil 'khor de mchog yin no/ /de la lus kyi dkyil 'khor ni 'dus byas dang 'dus ma byas lus kyi rtog pa chos dge mi dge sgyu ma lta bur rnam par spyod pa/ rten dang brten pa'i dkyil 'khor thams cad rnam par dag pa khams nam mkha' i gzha' tshon dang mtshungs pa ni/ bdag byin gyis rlob pa'i dkyil 'khor ro/ /gnyis pa dkyil 'khor b+ha ga ni 'khor
- 243b
pa'i chags pa dang/ mya ngan las 'das pa'i chags med du mnyam pad+ma rA gas kha bsgyur ba'i chu bzhin du rang gi sems kyi chos nyid bde bas kha bsgyur ba bde ba stong nyid kyi dkyil 'khor gyi mchog yin no/ /gsum pa chos kyi dkyil 'khor ni/ 'dod khams gnas rigs nyi shu gzugs khams gnas rigs bcu bdun gzugs med skye mched mu bzhi las 'das pa'i dkyil 'khor te/ ming gsum ni go sla'o/ /le'u lnga bcu rtsa gsum pa'i 'grel pa'o// //dkyil 'khor thams cad la mtshan ma thob na tshogs kyi 'khor lo ji lta bu bya snyam na/ de nas gsang ba bshad bya ba zhes bya ba gsungs te/ sems can mtshan ma thob pa thams cad la phan pa'i dngos grub gsol ba A li kA li mngon par byang chub pa lnga las chos kyi dbyings kyi grong khyer dang bcas pa cig car rdzus skyes byed pa'o/ /de ltar mdor bstan bshad nas/ rgyas par bshad pa ni/ rnal 'byor pho mo tshogs nas sngon 'gro tshogs sogs pa lnga dang/ 'byung ba bzhi ri rab sna tshogs rdo rje pad+ma dang bcas pa bskyed la/ de'i lte ba'i dbus su mngon par byang chub pa lnga'i rim pas gzhal yas khang dang bcas pa dus gcig la bskyed la/ dbus su pad+ma 'dab ma brgyad la ye shes kyi 'khor lo nyi ma'i dkyil 'khor gyi steng du thugs kyi 'khor lo brgyad/ gtso bo zhal bzhi phyag brgyad pa/ lha mo yang zhal bzhi phyag brgyad pa/ /ye shes kyi lha mo bzhi dang/ thugs kyi 'khor lo brgyad sngar gang la mtshan ma thob pa'i lha'i sku mdog dang phyag mtshan de bzhin du bsgom mo/ /thugs kyi 'khor lo'i phyi rgyab du gsung gi 'khor lo shar dang/ byang du dmar po rtsibs brgyad nub dang lho ru dkar po rtsibs brgyad pa/ mtshams su gshin rje brtan ma la sogs pa/ sgor khwa
- 244a
gdong ma la sogs pa ye shes kyi lha yab yum gdong rgyan can lha mo bcu gnyis thams cad shar sngo ba/ rams sam mthid shun gyis byugs pa/ byang thams cad spangs mas byugs pa/ nub mtshal gyis byugs pa/ lhor ba blas byugs pa/ phyogs bzhi'i kha dog can de bzhin du thugs kun la rams kyis byugs pa nag po/ gsung mtshal gyis byugs pa/ sku rdo thal gyis byugs pa ji ltar 'dod pa'i khyad par rdo rje snying pos bshad pa'i gnas/ nyi shu rtsa bzhir dpa' bor mos na rnal 'byor pa nyi tshe'i bya'o/ /kha cig dpa' mo la mos na rnal 'byor ma nyi tshe bya/ sngar bshad pa'i kha dog dang dbyibs dang/ spyod lam sna tshogs pas rigs ji ltar 'dod pa bsgom/ gzhan yang zhal dang phyag mtshan dang bzhi sngar bshad pa bzhin du gnas kyi rim pas dgod do/ /de la ye shes sems dpa' gzhug pa dang/ go cha bskon pa dang/ dbang bskur ba dang/ sum cu rtsa bdun gyi rnam dag bsgom pa dang/ bzlas pa bya'o/ / A li kA li las byung pa bsgom pa dga' ba/ rnam par bsgom pa mchog dga' / bsgom pa lhan cig skyes dga' / mchog 'od gsal ba/ dga' ba bzhi bsgom par bya'o/ /chos kyi dbyings kyi grong khyer rnam par dag pa 'di ni/ rdul tshon dang lugs su blugs pa dang/ /'bur du brkos pa dang/ ri mor bris pa ma yin te/ sngar bshad pa'i mtshan nyid dang ldan pa'i sems can gyi khams rab tu bcug nas gsang ba'i tshogs kyi 'khor lo 'di su la yang mi bstan to/ /le'u lnga bcu rtsa bzhi pa'i 'grel pa'o// //de nas gzhan yang shes rab kyi tshogs 'khor bshad par bya ba ni/ b+ha ga'i pad+ma shes rab la mos pa bsgom pa rdo rje snying pos zhus pa la bka' stsal pa ni/ shes rab kyi tshogs
- 244b
kyi 'khor lo ni nges par gsang ba'o/ /rnal 'byor pho mo tshogs sngon 'gro lnga bsgom/ 'byung ba bzhi ri rab sna tshogs rdo rje pad+ma 'dab ma gsum pa bskyed/ de'i dbus su mngon par byang chub pa lnga'i rim pas/ rdo rje phag mo dang he ru ka ma'i slob dpon lte ba la bsgom/ gzhal yas khang dang bcas pa rdzus skyes kyi 'dab ma gsum la ye shes kyi lha mo mkha' 'gro ma lA ma/ dum skyes ma gsum bsgom/ bcom ldan 'das dang lha mo rnams kyi sku mdog dang phyag mtshan rgyud na gsal/ bru gsum gyi pad+ma'i phyi rol du thugs kyi 'khor lo'i lha brgyad dgod/ dbus kyi pad+ma'i logs gsum du thod pa gsum dang bum pa gsum bzhag /dkyil 'khor gyi zur gsum gyi shar gyi zur la sku'i 'khor lo brgyad nub byang gi zur la dam tshig gi 'khor lo brgyad/ lho nub mtshams su gsung gi 'khor lo brgyad/ bcom ldan 'das zhal bzhi phyag bzhi pa'i sku mdog dang/ phyag mtshan ni rgyud na gsal/ ye shes dang thugs dang gsung dang sku'i 'khor lo/ /dam tshig gi 'khor lo rnal 'byor pho mo gang mos pa'i sku mdog dang phyag mtshan can bsgoms te/ thams cad rang gi cod pan can zhes pa'i bar ni rgyud kyis gsal lo/ /dpa' bo de rnal 'byor ma de dag mkha' 'gro bla ma'i brgyud pa'i rim pas lus kyi dkyil 'khor bsgom pa dang/ go cha dgod pa dang/ ye shes sems dpa' gzhug pa dang/ sku gsung thugs lha'i 'khor lo spro bsdu dang/ rang rang gi bzlas pa ni rnal 'byor ma ye shes babs pa'i zhal brgyud pa'i rim pa la mnyam par bzhag cing rtag tu bsgom mo// 'di su la yang mi bstan/ su'i rna bar yang ma brjod na dpa' bo dang gnyis su med pas dngos grub 'thob bo/ /dam tshig rtag du bsrung bya zhing/ /bza' dang bca' ba spyad par bya/ /zhes bya ba ni/ tshogs kyi 'khor lo bya ste/ rang gi lha mo bgrod mi/
- 245a
gzhan gyi lha mo la dus bzhir gtum mo drong dang/ byang chub sems 'char nub bsten na sngags 'grub par 'gyur ro/ /le'u lnga bcu rtsa lnga pa'i 'grel pa'o/ //dkyil 'khor thams cad kyi rgyu'i rgyud kyi gang zag gi mtshan nyid can/ thabs kyi rgyud bskyed rdzogs gnyis te/ 'bras bu'i rgyud sku gsum ston bas/ de nas gzhan yang bshad bya ba zhes bya ba gsungs te/ gsang ba chos sku/ mchog longs sku/ yang mchog sprul sku/ de'i rig pa lha dang sngags phyag rgya chen po bshad pa ni mdor bstan to/ /rgyas bshad ni/ log pa'i shes pa'i lta ba la/ /cung zad ngas ni ma bstan gang zhes pa dor bya'i gang zag go /ji ltar bla ma'i rim pa bstan pa zhes tshigs bcad phyed dang gnyis skye ba sngags ma bsam gtan dang zag med las skyes pa'i skal ldan blang bya'i gang zag go /lkug cing glen la sdig ngan can zhes bya ba tshigs bcad phyed dang gsum ni/ skal med dor bya'i gang zag bshad do/ /slob dpon bdag nyid chen po yis zhes bya ba tshigs bcad gsum ni sngags skyes kyi rnal 'byor pho mo thams cad mkhyen pa'i ye shes phab pas mthong ba reg pa thos pa dran pa las kyang sdig pa las grol bar the tshom med de/ /rgyu'i rgyud bshad nas/ thabs kyi rgyud bskyed rim thams cad kyi lha bzlog ste/ bkod ba sngags bzlog ste blo ba ni/ g.yas skor dang g.yon skor gyis ming bzlog pa zhes btags te/ bskyed rim 'di ni rgyud sde bzhi thun mong du sems can yongs su ma smin pa las dang po pa la de bzhin gshegs pa'i dbugs dbyung ba gsungs pa/ bsod nams chung ba'i rnal 'byor pas kyang lha mnyes par byas pas dngos grub bskyed par 'gyur ro/ /bskyed rim bshad nas/ zab pa'i rdzogs pa'i rim pa bde ba stong nyid bsgom pa la bslang med
- 245b
bza' med ces bya ba nas mdor na sems ni mnyam nyid bya zhes bya ba ni go sla'o/ /bla ma mnyes pa la brtson 'grus yod na rnam shes dga' ba bzhi dang ye shes sgyu ma 'od gsal zung 'jug bsgoms pas mngon sum gyi lam ni tshig lung gis ma yin bstan bcos rjes dpag gis ma yin/ rnal 'byor pa'i rgyu rkyen tshogs pa'i thabs kyis sems bde ba stong pa nyid kyi mtshan nyid rang rig pa bstan pa dang/ dpa' bo rang yin par bstan pa dang/ bde stong mngon sum gyis grub na/ skad cig gis rnal 'byor phyag rgya lha kun dang/ gnas thams cad sngags kun skad cig ma gcig gis rtogs so/ /de ltar rdzogs pa'i rim pa bstan nas pus mo sa la btsugs nas sgrub pa po lag na rdo rje 'bras bu'i rgyud la gsol ba btab pa/ mya ngan las 'das pa chos sku phyag rgya chen po longs spyod rdzogs pa'i sku'i ston pa gang nas gang du gnas par gyur nas bstan pa dang/ g.yo ba sprul pa'i chos kyi rol pa bstan du gsol zhes pa dang/ lan du legs par nyon la zhes skabs phye nas don dam par chos kyi sku las gzhan na med/ rnam rtog gi gzung 'dzin gyis bsam du med/ gzhan dbang gi gzung 'dzin dang bral ba'i sems kyi rang rig pa'i chos nyid la rtag tu da ltar byung ba bzhin du bzhugs so/ /de yang thams cad bdag nyid rtag tu bzhugs zhes sngar bshad pa'i don ni/ rnal 'byor pa'i dkyil 'khor lus la brten pa'i dbus nas gtum mo drod sbar nas/ byang chub kyi sems phab pas rang rig pa'i stong nyid la nges pa drangs ba la thams cad mkhyen pa zhes bya rdo rje can de na bzhugs par byed pa 'dus ma byas dang/ cha dang bcas pa 'dus byas spangs pa'i lus ni btsun mo'i b+ha ga zhes bya bas/ lus kun la phung po lnga sangs rgyas/ dbang po drug sems dpa' / 'byung ba rnams lha mor rol pa ste/
- 246a
bde bar gshegs pas ji srid gsungs pa thams cad kyi rtsa ba'i rgyud sgyu 'phrul dra ba las/ mdor na phung po lnga dag ni/ /rdzogs pa'i sangs rgyas lnga ru grags/ /khams dang skye mched mang po kun/ /byang chub sems dpa' i dkyil 'khor nyid/ /sa chu spyan dang mA ma kI/ /me rlung gos dkar sgrol ma ste/ /nam mkha' i dbyings kyi dbang phyug ma/ /srid gsum ye nas sangs rgyas zhing/ /zhes bka' stsal to/ /rang rig pa'i stong nyid rtogs pa ni/ lus la gnas kyang lus las ma skyes pa ste/ lus las dang nyon mongs pa'i snang bas ma bskyed pas na 'das zhes bya'o/ /de bzhin gshegs pa byung yang rung ma byung yang rung ba'i zag pa med pa'i sa bon byang chub kyi snying po ni glo bur gyi dri mas gos pa med do/ /'o na mya ngan las 'das pa dang 'khor bar ji ltar snang zhe na/ mes du ba la phan 'dogs pa bzhin du/ rang rig pa don dang sems can du snang bas lus kun la ni rnam par grol zhes bya'o/ /du bas me la phan mi 'dogs pa bzhin du dge mi dge zag bcas kyi lus las skyes pa ni/ chos sku dang longs sku bshad nas/ sprul pa'i sku'i snang ba 'chad pa ni/ la lar gzugs can dag tu bshad ces bya ba nas/ gang zhig thams cad bdag nyid bzhugs zhes bya ba'i bar gyis zag pa med pa'i sa bon rang rig pa gnyis med 'khor ba dang mya ngan las 'das pa thams cad kyi bdag nyid la bzhugs pa de ni sprul pa'i sku'i mtshan nyid lag na rdo rje khyod la bstan pa yin no// gsang ba mchog gi dgyes pa na/ sprul pa'i sku thams cad kyi bdag nyid bzhugs pa ni bshad zin to/ /chos kyi sku'i gsang ba mchog gi dgyes pa ni/ lha gang gi cha shas spangs pa sgyu ma sna tshogs 'di snang yang rtags bsam gyis
- 246b
ni khyab pa'i ye shes rtag tu b+ha ga chos nyid la bzhugs pa yin no/ /longs spyod rdzogs pa'i sku'i gsang ba mchog gi dgyes pa na/ thams cad bdag nyid rtag tu bzhugs pa ni/ lte ba'i dbus nas pad+ma 'dab ma brtse drug pa la yi ge dbugs 'byung rngub kyis dbugs bkag nas rtsa dang gnas pa'i rlung sbyar nas de'i dbus na sems kyi stong pa nyid sprul pa'i sku 'byin zhes pa dang sdud par byed pa 'di nyid don dam pa'i de kho na nyid 'dus ma byas kyi ye shes rang 'byung ba 'dus byas kun la khyab pas chos sku'i/ de ni sangs rgyas dngos shes sprul pa'i skur mtshan btags pa dang/ rdo rje sems dpa' bde ba'i mchog ces kyang ming mtshan btags pas thams cad mkhyen pa 'dus byas kyang kun tu 'gro zhing 'dus byas kyis mi shigs pas na rdo rje sems dpa' bde ba'i mchog rgyud kyi gleng gzhi'i 'grel pa rnal 'byor pa'i rgyud la yod pa'i mdo sde/ 'dul ba mngon pa'i sku gsum dang mi mthun pa rjes su mthun pa'i sku gsum 'bras bu'i rgyud bshad do/ /rdzogs rim 'thob pa'i rtags bshad pa ni/ skra'i rtse mo brgyar gshags pa'i cha'i tshad tsam ni a ba b+hU tI yin no/ /phra ba'i rdul ni byang chub kyi sems zla ba'i rgyun 'dzag pa yin no/ /stong pa yang ma yin zhes pa ni/ rang rig pas myong ba'o/ /dmigs su med ces pa ni/ rtog pa dang bral ba'o/ /de ni dga' ba ste dbang po drug pa de ba'o/ /yi ge med pa ni brjod bya rjod byed dang bral ba'o/ /stong ba ma yin zhes pa ni yul drug bde ba'o/ /rdul med ces pa ni tshogs drug gi 'dzin pa med pa'o/ /srog med pa ni rlung dbus ma la brten pa'i rang rigs par mngon par mi zhen pa lhan cig skyes dga' bo/ /gzugs med ces bya ba ni mtshan bzhi lnga dang
- 247a
bral ba'o/ /mtshan med rjes pa mtshan nyid gsum 'gags pa ste rnam pa thams cad kyi 'od gsal ba'o/ /rnam par shes pa'i dngos po ni dga' ba gsum de'i ye shes ni sgyu ma 'od gsal zung 'jug go /ye shes skye ba'i rtags ni sgron ma lta bu dang po dang/ mkha' snang lta bu gnyis pa dang/ dkar po'i 'od zer 'phro ba gsum pa dang/ 'dod pa'i lha'i longs spyod snang ba bzhi pa dang/ gzugs kyi lha'i bde bar snang pa lnga pa dang/ gzugs med kyi ye shes bdun pa dang/ chos kyi dbyings kyi ye shes brgyad pa dang/ rgyud sde bzhi lha dgu pa ste/ 'dus ma byas kyi ye shes kyi rtags dgu skyes nas sa bcu'i dbang phyug thob pas khams gsum po'i ye shes pa gzhan dag snying po med pa'i rtswa dang mtshungs so/ /de ltar rgyu'i rgyud skal ldan dang/ skal med gnyis dang/ thabs kyi rgyud bskyed rdzogs gnyis dang 'bras bu'i rgyud sku gsum dang/ phyir mi ldog pa'i rtags drug bstan nas/ las dang po pas rdzogs pa'i rim pa ji ltar bsgom pa dang/ bskyed pa'i rim pa ji ltar bsgom pa bshad pa ni/ de kho na nyid don dam pa'i bden pa shes pa ni rgyu rkyen tshogs pa las skye ste/ srog chags rnams kyi srog a ba d+hU tIr chud pa a na ha mi 'gyur ba zhes bya ba khyab byed kyi rlung de mtshungs pa de ma thag pa'i rkyen yin pas sems kyi 'dus ma byas zhes pa de ni sangs rgyas kyi ye shes dpal he ru kar bshad do/ /phyir rgyu ba skyes pa dang/ nang du 'jug pa bud med dang/ gnas pa bum pa'i rlung la ma ning zhes grags pa'o/ /de la sogs pa zhes pa ni dbugs nyi khri chig stong drug brgya bkag pa'i rlung dbus ma phra ba'i snying po 'dzin pa'i ye shes skye ba de la brten nas sa bcu dang/ bstan bcos mngon shes drug dang rgyud sde bzhi rig byed kyi dngos grub dang/ gang ji snyed gnas pa
- 247b
rnams/ srog a ba d+hU tIr chud pa 'di las byung ngo/ /tshe 'di dang phyi mar yang rgyu rkyen tshogs pa med na dngos grub mi 'thob pas rgyud sde bzhi rig byed grub mdza' la ye shes skye ba'i snying po gcig bu kho nas bshad do/ /yul dmigs pa'i rkyen 'dus ma byas tshogs ma bsags sgrib pa ma spangs kyang sgyu ma'i dpe brgyad las mthong bas rnyed sla/ gzhon nu ma'i lus dang yid bde ba bsam gtan gyi cha dbang po bdag po'i rkyen yang rnyed sla/ bag chags rgyu'i rkyen zag pa med pa'i sa bon byang chub kyi snying po yang rgyu yin pas rnyed sla'o/ /rkyen gsum po rnyed par sla yang/ yid nang du chud pa rlung 'gags pas 'dod pa'i khams kyi sems med pa ni/ rnyed par dka' bas man ngag gi gtso bo 'di yin no/ /de'i phyir ngo bo nyid kyi mthu dag gis/ rang bzhin gyis ni de 'grub bo/ /zhes rdzogs pa'i rim pa bshad nas bskyed pa'i rim pa thams cad kyi mdor bsdus pa'i yan lag bshad pa ni/ 'dug pa 'am gnas pa ni sngon 'gro lnga'o/ /ldang ba ni 'byung ba bzhi ri rab sna tshogs rdo rje pad+ma dang bdun no/ /'jug pa ni nyi zla kha sbyor du sems 'jug pa'o/ /rdzogs pa ni sprul pa dang lus dang sems kyi 'khor lo byin rlabs ni go cha dang ye shes sems dpa' 'jug pa gnyis so/ /dbang bskur ba ni mchod pa dang bstod nas dbang bskur ba'o/ /ting nge 'dzin ni bsgom bzlas so/ /mchod pa ni bdud rtsi myang ba dang/ rkang pa brgyad pa dang/ gtor ma gtong ba'o/ /nye bar bsdu ba ni dkyil 'khor lus la gzhug pa'o/ /spyir de ltar yin pa las skabs 'dir cho ga'i ming ni gzhan dag thabs dang shes rab kyi spro bsdu zhes bya ste/ /dbyangs yig bcu drug ni shes rab bo/ /gsal byed sum cu rtsa bzhi ni thabs so/ /de gnyis nyi zla kha sbyor gyi lha mo las lha thams cad bskyed par 'gyur ba'o/ /don dam dang
- 248a
kun rdzob ston pa'i chos kyi sgro mo brgyad khri bzhi stong yang yi ge phyi mo rnams las skyes sngags kyi spyod pa phrin las rnam bzhi thams cad kyi rgyud shes rab dang thabs A li kA li las 'gro zhing skye'o/ /thog ma'i dbyangs dang gsal byed ni zhi ba dang rgyas pa dge ba'i lha 'am/ dbang dang mngon sbyod mi dge ba'i lhas lus kyi dkyil 'khor rgyan nam ske rags lta bu yang a'e li kA li las byung ngo/ /de ltar las dang po pa'i bskyed pa'i rim pa'i rdzus skyes kyi sgrub pa'i thabs so/ /rdzogs rim gyi dbang du byas nas A li kA li khrag dang byang chub kyi thig le la sogs te/ lte ba'i khrag gi thig le gtsubs stan/ dbus ma rtsa a ba d+hU tI bsrub shing/ g.yas g.yon gyi rlung srub thag /bsrubs pa las khrag gi thig le las byung nas snying ga'i A li kA li byang chub kyi sems bzhus pas gzhon ma'i bde ba lta bu la ngal so bde ba skyes pa la sems kyi chos nyid bsam gyis mi khyab pa 'dus ma byas kyi sems myong bar mi rtag /sems de nyid don dam par bsam na 'dzin pa rdo rje 'chang thob par 'gyur ro/ /'di ni nang gi A li kA li don rang gi mtshan nyid de/ rgyud sde bzhi gsang ba lag na rdo rje khyod la bshad pa yin no/ /bsod nams kyi tshogs lha'i 'khor dang/ ye shes kyi tshogs 'dus ma byas rtogs pa gnyis ka'i rgyud bum pa so btang ba lta bu mi 'jig pa thig le bsgom pa 'di 'bad pas spa bar bya'o/ /bskyed rim gyi dpa' bo dang rnal 'byor ma thams cad kyang 'dis 'thob srid pa gsum gyi nang nas byung/ des brjod bla ma'i rgyud kyi mngon sum gyi lan gyi man ngag 'di snod min la mi bshad/ bshad na tshe 'dir sdug bsngal/ tshe phyi mar mya ngan las 'das pa'i 'bras bu mi
- 248b
'thob bo/ /bum pa rlon pa lta bu ni bskyed rim lha'i 'khor lo yun ring bor bsgoms kyang rnam rtog gi snang bas 'jig pa dang/ ye shes kyi tshogs dbu ma lta bu rjes dpag gi stong pa nyid bsgom pa yang bskal pa grangs med gcig gis dang po 'thob pas rnam rtog yun ring bas rdzogs par 'gyur la/ srog a ba d+hU tIr chud nas bde ba stong nyid bsgoms pa ni/ 'dus ma byas mngon sum gyis mthong pa'i lam bum pa so btang ba lta bu phyir mi ldog pa'i lam mi 'jig pa yin no/ /dper na bud med dang byis pa tshogs nas phan tshun kun tu sma/ rjes su yi rang bas bsten yang don med pa de bzhin du/ bskyed rim dang rjes dpag gi lam dge ba zag bcas zag med ma bshad pas 'ching bar 'gyur ba yin no/ /mi'i lus po 'jim pa lta bu bskyed rim gyi bum pa lta bur bcos/ rjes dpag gi don dam pa'i lhar bcos kyang rung/ dge ba zag bcas bum pa rlon pa dang 'dra/ srog a ba d+hU tIr chud nas bde ba stong pa mngon sum gyis grub pa'i tshe rnal 'byor ba'i lus brtan pa gzugs dang/ g.yo ba tshor ba 'du shes 'du byed rnam par shes pa kun dpal he ru ka'i sku'i yan lag bcu gnas bcur mkha' 'gro ma'i brda yis ming btags pa/ mtho ris thugs dang/ sa steng gsung dang/ sa 'og sku'i dpa' bo'i yan lag brtan g.yo thams cad he ru ka'i phyag dang zhabs dang mig can du 'gyur/ mgo bo dbur 'gyur/ byang zhal du 'gyur/ rna ba snyan du 'gyur/ 'jig rten na yod pa thams cad g.yogs pa bzhin du mngon sum du gyur nas brjod byar bzhugs so/ /A li kA li bum pa so btang ba lta bu'i thig le'i 'khor lo bde mchog bstan pa yin no/ /da ni mngal skyes kyi 'bras bu dang bcas pa bshad pa ni de nas dngos grub bsgrub bya ba zhes bya ba gsungs te/
- 249a
mngal skyes kyi bsam gtan gyi sems don bcu bzhis sa bcad pa sgrub pa po la phan pa'i phyir gsungs so/ /de nas gzhan yang mdo sde dang rgyud dag tu sbas pa'i dpa' bo dang rnal 'byor ma'i brda ni dang po/ mos stod g.yogs dang smad g.yogs dang phyag mtshan lnga cod pan dang rgyan la sogs pa ni/ lus kyi kun tu spyod pa gnyis pa'o/ /shes rab mdun du gzhag pa ni gsum pa'o/ /phur bu dang dra ba la sogs pa ni srung pa'i 'khor lo bzhi pa'o/ /A li kA li brjod pa bsod nams kyi tshogs pa lnga pa'o/ /rnam thar sgo gsum gyi rgyud la sogs pa stong pa sgom pa ye shes kyi tshogs ni drug pa'o/ /nyi zla kha sbyor du sems 'jug pa'i yig 'bru dang phyag mtshan la sogs pas lhar bskyed pa ni/ bdun pa'o/ /rgyu'i he ru ka gsungs pa ni brgyad pa'o/ /gru'i sbyor ba dang ldan pa ni dgu pa'o/ /bdud rtsi tshim byed mya ngan 'da' ye shes sems dpa' bcu pa'o/ /lag pa'i mchod pas go cha bskon pa ni bcu gcig pa'o/ /dbang bskur ba ni bcu gnyis pa'o/ /go cha chen po lus kyi dkyil 'khor dang sems kyi dkyil 'khor bsgom pa ni bcu gsum pa'o/ /sngags kyi mchod bstod gtor ma btang ba ni bcu bzhi pa'o/ /mi mchog gang zhig kun spyod pa zhes bya ba tshigs bcad phyed dang gnyis ni smon lam dang yin no/ /'bras bu ni zla ba nya la mtshan ma thob nas dngos grub blangs nas zag med kyi ye shes dang ldan pas mtho ris longs spyod lta'i 'khor lo sgyur pa dngos grub 'bring/ mi'i 'khor lo sgyur ba dngos grub tha ma/ rnal 'byor pa 'pho ba'i tshe mkha' spyod kyi gnas bde ba can nam/ mngon par dga' bar khrid nas skyes pa ni dngos grub rab go /le'u lnga bcu rtsa drug pa'i
- 249b
'grel pa'o// //dkyil 'khor thams cad kyi sngags btu ba/ de nas gzhan yang bshang bya ba zhes bya ba smos te rgyud 'dir btu ba'i thabs kyang bzhi/ 'bras bu bcu gcig yin no/ /de la rtsa ba'i rgyud las e gru gsum gyi dbus su pad+ma 'dab ma brgyad la sde tshan brgyad bkod pa ni/ btu ba'i gnas dang po'o/ /rdo rje mkha' 'gro las gzhal yas khang gi dbus su re mig bzhi bcu rtsa dgu bri ba ni btu pa'i gnas gnyis pa'o/ /rtsa ba'i rgyud le'u sum cu rtsa gcig pa nas rdza rnga'i dbyibs kyi nang du re mig bzhi bcu rtsa dgu byas nas btu ba ni gnas gsum pa'o/ /mnyam sbyor gyi rgyud phyi ma las pad+ma 'dab ma brgyad dang mtshams bzhi dang bcas pa las byung ba ni bzhi pa'o/ /btu ba'i thabs ni bzhi ste/ dbyangs dang gsal byed kyis btu ba dang/ ming gis btu ba dang/ lha'i 'khrul 'khor gyis btu ba dang/ phyed btus pa ste bzhi'o/ /'bras bu ni bcu gcig ste/ yab yum gyi snying po bzhi dang/ dbang po dang dpa' mo'i sngags gnyis dang go cha'i sngags gnyis dang/ rkang pa brgyad pa'i sngags gnyis dang/ gnod mdzes kyi sngags dang bcu gcig go /'dir sngags btu ba ni/ dben pa'i gnas su bdud rtsi lngas byugs la/ bdag nyid he ru kar bskyed nas dmar rigs kyi khrag gi thig le dang me tog dgod pa dang bdug pa dang mar me dang cang te'u dang/ glu gar gyis mchod nas phyag rgya drug dang ldan pa'i lus kyis bsrung ba'i 'khor lo byas te/ e gru gsum gyi dbus su/ A li kA li sde mtshan brgyad bsdebs la bzhi bzhi brgyad du byas nas dang por rtsa ba'i sngags kyis gsal byed btu ba'i phyis dbyangs btu ba ni go sla'o/ /rkang ba brgyad pa dang/ ka ra ka ra la sogs pa
- 250a
rtsa ba'i sngags btu ba yin no/ /de'i phan yon ni rig pa rgyal po'i gsang sngags te/ bya ba dngos grub thams cad bsgrub pa zag bcas kyi 'jig rten gsum na dpal he ru ka zag med kyi sngags zhes nas mchog yin no/ /le'u lnga bcu rtsa bdun pa'i 'grel pa'o// //de nas gzhan yang yab kyi snying po yi ge nyi shu rtsa gnyis pa lha dang sbyar nas 'khrul 'khor gyis btus/ nye pa'i snying po yang lha dang sbyar nas btus zin/ ya tshogs brgyad pa ha la dbyangs bcu gnyis dang sbyar ba ha ring po la sogs pa drug phyi la dor bar bya'o/ /ha thung ngu drug dang oM na ma swAhA bau ShaT hUM hUM phaT kyi sngags dang sbyar bas gnas drug tu go cha drug tu 'gyur ba ni go sla'o/ /de nas dbyangs yig bcu gsum pa ni o/ /yi ge gnyis pa ni ma dag dang sbyor ba ni mor 'gyur ro/ /dbyangs yig bcu gnyis pa ni e/ yi ge drug pa ni ha/ brgyan pa ni her 'gyur ro/ /dbyangs kyi bzhi pa ni a'i/ yi ge bdun pa ni ba/ sbyar ba ni bI ra 'gyur ro/ /dbyangs yig bcu gnyis pa ni e/ yi ge brgyad pa ni nga/ mkhas pas sbyar ba ni rer 'gyur ro/ /dbyangs yig gnyis pa ni A/ yi ge dgu pa ni sha/ brgyan pas ni shA ring por 'gyur ro/ /de ltar na na mo b+ha ga wa te bI re shA ya'i sngags su 'gyur ro/ /lhag ma ni go sla'o/ /yab kyi snying po dang nye ba'i snying po go bzlog nas bris pa ni mngon spyod dang dbang las bzlog pa'o/ /yum gyi snying po dang go cha'i lha mo drug gi ming dang po dang sdebs pas sngags drug tu 'gyur ro/ /go cha'i sngags gnyis ni phyed btus pa'o/ /le'u lnga bcu rtsa brgyad pa'i 'grel pa'o// //de nas gzhan yang lha mo'i snying
- 250b
po yi ge bcu gsum pa lha bskyed pa'i sa bon 'khrul 'khor gyi sngags btu ba ni/ snying po bla med bshad par bya zhes pa'o/ /sngon 'gro lnga dang/ 'byung ba bzhi dang ri rab sna tshogs rdo rje gzhal yas khang dang drug bskyed nas/ de'i dbus su drod gsher skyes kyi yum gyi snying po ni dang po sbyor pa'o/ /dkyil 'khor rgyal mchog ni pad+ma'i dbus su phag mo ha las bskyed pa dang/ 'dab ma brgyad pa gsal byed la oM las/ ba las rta gdong ma/ dzra las rdo rje ma/ bai las dpa' mo/ /ro las khro byed ma/ rtsa las gsol byed ma/ TI las khug rna ma/ ye las zung ldan ma dang brgyad do/ /hUM las shar sgor hUM mdzad ma/ hUM rings las lho sgor sreg mdzad ma/ phaT las nub sgor phaT mdzad ma/ swA las byang sgor zhi mdzad ma/ drod gsher skyes kyi 'khor los yum gyi snying po yang btus so/ /sku mdog dang phyag mtshan rgyud na gsal/ ye shes sems dpa' gzhug pa dang/ go cha bgo ba dang/ dbang bskur ba dang/ bdud rtsi rgyang pa dang/ bsgom pa dang/ lha mo bcu gnyis kyis spyi'i snying po bzlas pa dang/ mchod pa dang/ gtor ma gtang ba kha bskang ngo/ /le'u lnga bcu rtsa dgu pa'i 'grel ba'o// //de nas gzhan yang gnod mdzes kyi sngags btu ba bshad pa ni/ rdo rje rol pa rta'i 'gros dang/ yi dags srin po'i gdong dang/ gshin rje dbyig pa 'chad pa dang/ ma mo rigs ldan gyi 'khor lo gnod mdzes kyi sngags las byung bas shin tu rnyed par dka' ba ste/ 'khrul 'khor de rnams gang zhig gis shes pa tsam gyis myur du dngos grub 'thob po/ /mdor bstan nas rgyas par bshad pa ni/ sa'i cha mnyam pa la tsan dan gyis byugs nas me tog dang spos kyis mchod la/ bdag nyid
- 251a
shes rab kyi yan lag dang bcas pas phyogs bcings la/ rdza rda kha bzhi pa bri ste/ re mig bzhi bcu rtsa dgu pa la yi ge'i phyi mo bkod pa gnas de las dpa' bo suM b+ha btu'o/ /rim gyi btu ba 'am rim gyi las bzlog nas btu ba ni go sla'o/ /de nyid bsdus pa dang/ dpal mchog dang bde mchog mnyam sbyor dang/ rdo rje 'jigs byed la sogs par shar sngo ba/ lho ser ba/ nub dmar ba byang ljang ba'i khro bo bzhi dang/ mtshams su phyed gzugs kyi khro bo brgyad dang bcas pa dkyil 'khor bsrung ba'i don du steng 'og gi gdug pa kun 'dul ba'i khro bo bcu bsgom pa 'am/ yang na khro bo bzhi bsgom par bya'o/ /sha chen la sogs pa bdud rtsi lnga'i ri lus le'u bzhi pa la bshad pa bzhin du nang gi sbyin sreg byas nas/ rdo rje can brgya byin yang 'chi bar 'gyur ro/ /sngags ni go sla'o/ /dkyil 'khor ni nam mkha' i khams su pad+ma 'dab ma brgyad kyi lte ba'i dbus su yi ge hUM las hUM mdzad zhal brgyad phyag drug pa bsgos pa ni rgyud na gsal lo/ /khro bo bzhi ni shar du 'dod pa'i rdo rje sngo ba/ /byang du rdo rje sngon po ljang ba/ nub tu stobs rdo rje dmar ba/ lho ru mi g.yo rdo rje ser nag /bdud bzhi gnon pa/ shar 'khor lo dang dril bu/ lhor rin po che dang dril bu/ nub tu pad+ma dang dril bu/ byang du rgya gram dang dril bu/ rang gi mtshan ma/ dril bur bcas shes pa thams cad kyang khams gsum rnam par rgyal ba'i phyag rgya bcings pa zhal gsum phyag drug pa bsgoms la/ ye shes sems dpa' gzhug pa dang/ go cha bskon/ dbang bskur la/ dpral ba/ lkog ma/ snying gar sku gsung thugs kyi sbyor ba bsgom/ sum cu rtsa bdun gyi rnam dag yang bsgom/ sum+b+ha'i sngags bzlas/ ma
- 251b
grub na bskyar ba'i cho ga nang gi sbyin sreg khyi'i gzugs kyi ling gas zhe sdang bza' ba dang/ phag gi ling gas gti mug bza' ba dang/ khyim bya'i ling gas 'dod chags bza' ba dang/ mkha' 'gro la yang gtor ma bya ba dang/ dung dang nya phyis dang mu tig rnams srog chags kyi rgyu las byung bar khyad par med kyang mi'i thod pa bsod nams dang ye shes kyi tshogs kyi rgyu las byung bas/ dpa' bo dang rnal 'byor ma'i brgyan byas pa la smad par mi bya'o/ /tshogs kyi 'khor lo bskor ba'i tshe ga'o/ /le'u drug cu pa'i 'grel pa'o// //dkyil 'khor thams cad kyi 'gro ba 'dul ba grong khyer dgug pa'i sngags kyi 'khor lo bshad pa ni/ de nas gzhan yang bshad bya ba smos te/ slob dpon Arya de bas shar phyogs dri za'i yul du phyin nas 'gro ba mi dad pa las sde tshan brgyad kyi yi ge'i lha bkod nas sngags drag po bzlas pas rgyal po dang bcas pa/ g.yo ba dang/ sems dga' bas btul ba bzhin du sde tshan brgyad kyis bsgom pa 'byung ba bzhi dang ri rab 'gyur ba'i nam mkha' i dbyings kyi gzhal yas khang gi pad+ma'i dbus su hUM las rdo rje he ru ka drod gsher skyes zhal lnga phyag bcu gnyis yum paM las byung ba dang 'khyud pa 'jigs byed chung ma dang bcas pa zhabs kyi 'og tu mnan pa/ sku mdog dang phyag mtshan ni go sla'o/ /shar gyi 'dab ma la a las mkha' 'gro ma dkar mo/ byang du pa las mkha' 'gro ma dmar mo/ nub du tsa las mkha' 'gro ma ser mo/ lhor ka las mkha' 'gro ma sngon mo/ shar lhor Ta las mkha' 'gro ma dmar mo/ lho nub tu ta las mkha' 'gro ma dung ka /nub byang du ya las mkha' 'gro ma ljang gu/ byang shar du sha las mkha' 'gro ma ser mo/ zhal gcig phyag bzhi pa/ 'jig rten skyong ba brgyad mnan pa/ sku mdog dang phyag mtshan ni go sla'o
- 252a
yul de'i bud med rgyal mo byed na/ rdo rje phag mo dbus su bzhag /ye shes sems dpa' gzhug /go cha bskon/ dbang bskur/ bdud rtsi myang/ sku gsung thugs kyi 'khor lo nang du bsgom/ de nas rang thag gis phye 'thag pa ltar bsgoms la/ oM a ka tsa Ta ta pa ya sha hUM phaT swAhA/ zhes bya ba zlos shing/ nam mkha' stong pa e gru gsum pa'i b+ha ga'i dbus su yul gyi ming rgyal po dang bcas pa bzhag /rang gi dkyil 'khor dang bsre/ de nas 'khor lo bskor ro/ /ma grub na tshogs kyi 'khor lo byas la rta dang wa dang pha bang la sogs pa'i sha yi ge brgyad kyi dang por byas pa'i 'bras su bu btags pa'i phyi ma'i gzugs brnyan byas nas tshogs kyi 'khor lo byas na mngon par shes pa skye/ skye ba bdun pa'i mtshan nyid kyang shes nas/ de'i sha zos na myur du mkha' la 'gro bar the tshom med do/ /le'u drug cu rtsa gcig pa'i 'grel pa'o// //dkyil 'khor thams cad bsgoms pa las mtshan ma thob na mngon shes bskyed par bya ba'i dkyil 'khor ni/ de nas gzhan yang bshad bya ba zhes bya ba'o/ /mtshan ma thob nas rang dad pa'i dpa' bo dang mkha' 'gro ma cig la gsol ba btab nas 'dzam+bu'i gling gi mi rnal 'byor pa nyi shu rtsa lnga dang rnal 'byor ma sum cu rtsa bdun ye shes las skyes pa 'am/ zhing skyes khug la spyon zhes bcol la tshogs kyi 'khor lo bya ba 'am/ yang na rang gis dbang bskur ba'i rnal 'byor pa dang/ rnal 'byor srog a ba d+hU tIr chud pa sngags skyes su byas la/ gdong rgyan ye shes kyi 'khor lo'i lha lnga bong bu'i gdong rgyan bskon/ yum rdo rje phag mo phag gi gdong rgyan bskon/ sngar bshad pa'i dkyil 'khor gang la mos pa zhal gcig phyag gnyis pa 'am/ /kha cig
- 252b
phyag bzhi pa 'am/ zhal gsum phyag drug pa'i sku mdog dang phyag mtshan sngar bshad pa'i rim pa bzhin du/ thugs kyi kun nam mkha' lding gi gdong can/ gsung gi kun rma bya'i gdong can/ sku'i 'khor lo brgyad kyi lha seng ge'i gdong can/ sgo bzhi khwa la sogs pa'i gdong can/ mtshams bzhi ma he 'am ri dags kyi gdong can gyi dkyil 'khor spyan nyi ma dang zla ba dang re mig gsum 'bar bar bsgoms la/ mngon shes drug bskyed do/ /blo ldan rig 'dzin gyi rnal 'byor pa 'chi 'pho dang skye ba shes pa'i dngos grub dang/ rnal 'byor pa la mchog ster ba zag pa zad pa'i mngon shes dang/ rdo rje theg pa'i man ngag skye ba dran pa dang/ mngon shes dang ngag gi dngos grub rgyud sde bzhi 'chang shes pa lha'i rna ba shes pa dang/ ma thos pa'i chos bstan pas sems can grol ba gzhan gyi sems shes pa dang/ mi snang ba la sogs pa rdzu 'phrul gyi yul shes pa dang/ 'jig rten gsum skad cig gis mthong ba 'thob bo/ /mngon shes drug thob nas dpa' bo dang rnal 'byor ma'i sngags bzlas pa'i dngos grub gang 'dod pa rtag tu bde blag du thob par 'gyur ro/ /mngon shes ma skyes na nye ba'i snying po rnal 'byor pas bzlas nas pra sen byas na bong bu'i rnam pa'i mngon shes 'thob bo/ /mngon shes thob nas dpa' bo dang rnal 'byor ma sngags bzlas pa'i dngos grub gang 'dod pa/ ma grub na bskyar ba'i cho ga ni gdong brnyan gon nas lo gcig ma/ zla ba drug gam/ zla ba gsum mam/ khwa la sogs pa srog chags brgyad kyi sha dang/ bdud rtsi rnam pa lnga za zhing bsam gtan gyi bsgom bzlas byas na myur du dngos grub thob bo/ /rdzu 'phrul gyi yul shes pa tshangs pa dang//
- 253a
khyab 'jug gi chung ma 'am/ lha dang mi'i bu mo gang dang gnas pa bza' ba bdud rtsi lngar byin gyis ma brlabs pa dang/ bgrod pas dbang bskur ba dang/ bgrod min dbang ma bskur ba dang/ btung ba bdud rtsi'i chu dang/ bdud rtsi ma yin pas kyang 'grub par 'gyur ro/ /mkha' 'gro ma lA ma'i gzugs dang/ bu mo dang sring mo la sogs pa'i gzugs kyis rnal 'byor pa ci 'dod pa'i phyag rgya la phyag rgya chen po srog a ba d+hU tIr chud nas stong pa nyid rtogs pa 'grub po/ /rdo rje gdan bzhi las b+ha ba na mu kha zhes bya ba lte bar rlung zhugs nas stong nyid bsgom pa la ming 'dogs te/ bong bu'i mkha' 'gro bsgoms nas ni/ /bkug na myur du dngos grub 'gyur zhes bshad do/ /le'u drug cu rtsa gnyis pa'i 'grel pa'o// //de nas dkyil 'khor thams cad kyis dbang bskur ba'i 'khor lo ni/ de nas gzhan yang bshad bya ba ni/ rigs lnga'i 'khor lo rang rang gi gnas su so so'i sa bon dang phyag mtshan las skyes pa'i 'khor lo ste mdor bstan pa'o/ /rgyas par bshad pa ni sa bon gyi mchog nga nya Na na ma lnga las gtso bo bskyed pa ni sngon 'gro lnga byas nas 'byung ba bzhi ri rab dang sna tshogs rdo rje dang/ gzhal yas khang bskyed pa dang/ gdan dang sku mdog dang gtso bo dang 'khor lha'i ming dang phyag mtshan dang/ sgo ba rnams kyi ming dang sku mdog dang phyag mtshan dang/ phyi rol du yi dags kyis yongs su bskor ba bsgom par bya zhes pa dkyil 'khor rgyal mchog go sla'o/ /las kyi rgyal mchog ni thog mar oM dang bar du ming dang mthar hUM phaT dang bcas pa bzlas par bya/ de'i sngon du go cha bskon/ ye shes sems dpa' gzhug /phung po dang khams dang skye mched byin gyis brlab/ rdo rje mkha' 'gro gal te mos na zhal drug phyag bcu gnyis pa/ dbus ma sngo ba/ g.yas ser ba/
- 253b
rgyab dmar ba/ g.yon ljang gu/ lnga pa dung kha ste steng ma'o/ /de'i steng ma zhi ba dkar po'o/ /shar phyogs kyi sangs rgyas mkha' 'gro dbus dkar/ g.yas sngo rgyab ser ba/ g.yon dmar ba/ lnga pa steng ljang gu/ drug pa thal ba'i mdog can/ lho'i rin chen mkha' 'gro dbus ser/ g.yas sngo/ rgyab dkar/ g.yon dmar/ lnga pa ljang gu steng ma drug pa dmar ba'o/ /nub phyogs pad+ma'i mkha' 'gro dbus dmar ba/ g.yas dkar ba rgyab sngo ba/ g.yon ser ba steng lnga pa ljang gu/ drug pa nam mkha' i mdog can no/ /byang phyogs su las kyi mkha' 'gro dbus ljang g.yas dkar rgyab dmar g.yon sngo steng ma lnga pa ser ba/ drug pa dkar po'o/ /phyag dang po dbus rdo rje dang dril bu/ shar 'khor lo dang dril bu/ lho rin po che dang dril bu/ nub pad+ma dang dril bu/ byang rgya gram dang dril bu/ thams cad kyi g.yas g.yon gnyis pa gnyis na/ mdud rtse gsum pa dang/ lcags kyu/ gsum pa gnyis na thor pa dang kha TwAM ga/ bzhi pa gnyis na mgo bo dang cang te'u/ lnga pa gnyis na mdung dang gri gug drug pa gnyis kyis mi pags 'dzin pa'o/ 'khor rnams zhal gcig phyag bzhi pa phyag mtshan dang sku mdog ni rgyuAng gsal lo/ /yang na gtso 'khor thams cad zhal gcig phyag gnyis pa/ de la ye shes sems dpa' gzhug/ go cha bskon/ dbang bskur/ bdud rtsi myang/ bsgom pa byas/ bzlas pa bya/ mchod pa dang/ bstod pa byas la/ dkyil 'khor thams cad du dbang bskur ba ni 'dir dbang bskur thams cad kyi gsang ba dang shes rab ye shes su 'gyur ro/ /dbang bskur ba dngos bshad pa ni/ sna tshogs pa ni du ma dga' zhes bya ba sna tshogs ni dus so/ /du mar dga' ni dbang po drug gi dga' pa'o/ /rtags ni 'khyud pa btsum pa ka'o/ /rnam smin ni dus so/ /ye shes dam pa ni mchog dga' yul drug bde ba'o/ /b+ha gar ling ga sbyor ba ni rtags so/ /rnam par 'joms pa ni dus so/ /phyag rgya skyong ba ni dus so/ /shin tu dga' ba ni mtshan nyid do/ /mtshan nyid dang bral ba ni dus so/ /rang rig pa'i
- 254a
tshad mas nges par brtags pa ni rtags so/ /lhan cig skyes dga' ni mtshan nyid do/ /de ltar dga' ba dbang po drug bde ba dang/ mchog dga' yul drug pa dang/ shin tu dga' ba rnam par shes pa drug bde bar rang rig pa sgro 'dogs dang bral ba lhan cig skyes dga' 'dus ma byas la dmigs pas bla na med pa'o/ /rnal 'byor dang/ rjes su rnal 'byor dang/ shin tu rnal 'byor dang/ rnal 'byor chen po'i ye shes kyi cho ga'i rim pa'o/ /de ltar dga' ba bzhi bum pa dang/ gsang ba dang/ shes rab ye shes dang/ dbang bzhi pa'i don thig le'i rnal 'byor shes pa las kyang ste/ phra mo'i rnal 'byor las kyang thams cad mkhyen pa'i ye shes kyi nye bar len pa'i rgyu sems kyi chos kyi dbyings rtogs na myur du 'grub par 'gyur ro/ /de ltar rab gnas kyi le'u nas brtsams nas dbang bskur ba'i le'u'i bar du le'u bcu drug pa/ dang po sku'i 'khor lo bsgom pa nas le'u drug cu rtsa brgyad pa so sor 'breng ma'i bar gyi rab gnas dang/ dbang bskur dang/ bstod pa dang/ snying po nye snying dang/ rnam dag dang/ rgyud kyi don dang/ tshogs 'khor dang/ sngags btu ba dang/ dngos grub len pa dang/ srung 'khor dang/ nang gi dbang bzhi len pa ni/ le'u thams cad kyi yan lag du 'gyur ro/ /le'u drug cu rtsa gsum pa'i 'grel ba'o// //da ni dbang du bya ba lha mo bzhi zhus dang/ mngon spyod rdo rje 'jigs byed dang/ zhi ba sgyu 'phrul dra ba dang/ rgyas pa so sor 'brang ma dang/ bskyar ba'i cho ga skye ba bdun pa'i sha ste lnga bshad pa yin no/ /nang gi sems dang/ phyi rol gyi 'gro ba rigs drug dbang du bya ba ni/ de nas gzhan yang bshad bya ba zhes bya ba gsungs so/ /mngon 'gro lnga dang/ 'byung ba bzhi ri rab sna tshogs rdo rje gyur pa las/ nam mkha' i dbus su gzhal yas khang bsgoms te/ rdo rje sems dpa' thugs kyi snying po nyi zla kha sbyor gyi dbus su yi
- 254b
ge a las rdo rje sems dpa' bde ba chen po kha ba kun da shel gyi mdog lta bu zhal gsum phyag drug pa ni rdo rje sems dpa' rnam par bsgom zhes bya ba'i bar du go sla'o/ /a'i las rdo rje zla ba ma sangs rgyas spyan/ i las rdo rje sgyu 'phrul mA ma kI/ e las chos kyi rdo rje ma gos dkar mo/ /i las sna tshogs rdo rje sgyu 'phrul ma sgrol ma ste/ thams cad zhal gsum phyag drug pa kun kyang mdog dkar ba/ g.yas sngo ba/ g.yon dmar ba/ rdo rje dang dril bu gnyis/ mdung dang gri gug gnyis/ thod pa dang kha TwAM ga gnyis phyag mtshan drug 'dzin pa'o/ /gtso bo bskyed pa bsnyen pa 'khor bskyed pa nye bar bsnyen pa/ lha mo bzhi'i dbus na gsang ba'i sgron ma chos kyi dbyings kyi yum dang 'khyud pa 'khor gyi lha mo bzhi yang rang snang ba'i thabs dang kha sbyor ba'o/ /sgrub pa ni snying gar u las rdo rje sems dpa' / mgo bor o thung las rnam snang/ spyi gtsug tu oM rong pa las pad+ma gar gyi dbang phyug/ mig tu a'u rings gnyis las rdo rje nyi ma/ phrad pa gnyis su aM las he ru ka /yan lag lnga la/ a las rta mchog lus kyi nang du sku gsung thugs kyi 'khor lo gsum dang/ phyi rol gyi lus la 'khor lo gsum gyi lha bkod la bsgom pa ni sgrub pa'o/ /sgrub pa chen po ye shes sems dpa' spyan drangs la mchod pa dang/ gnyis su med par ro/ /gcig par bsgom pa dang/ bdud rtsi myangs pa'i rjes la/ nang par sangs rgyas spyan dang kha sbyar gyi dga' ba bzhi bsgom/ nyi phyed la mA ma kI dang kha sbyar ba dga' ba bzhi bsgom/ srod la gos dkar mo dang kha sbyar ba'i dga' ba bzhi bsgom/ mtshan byed na sgrol ma dang kha sbyar ba'i dga' ba bzhi bsgom/ skya rengs shar khar stong nyid kyis rgyas btab nas cha med 'dzus ma byas bsgom/ cha bcas sgyu ma lta bu rdo rje sems dpa' cha med 'dus ma byas 'od gsal ba rdzogs rim bsgoms la /bskyed rim bsgom pa ni/ ye shes kyi bzlas pa dpral bar sku'i 'khor lo/ lkog mar gsung gi 'khor lo/ snying gar thugs kyi 'khor lo/ nu ma'i bar du
- 255a
ye shes kyi 'khor lo/ /lte ba'i dam tshig gi 'khor lo/ /phyi rol gyi lus kyi dkyil 'khor dang drug gi spro bsdu bsgom/ sngags go sla'o/ /rdzogs pa'i rim pa bsgom pas ni/ sdig pa dag par byed/ bsod nams che/ dge ba zag med kyi nyes pa 'joms/ sdug bsngal 'joms/ bde ba ster/ sngags kun ston/ sangs rgyas bskyed/ mkha' 'gro ma kun 'byung/ shin tu dag pa'i sa bcu'i sems dpa' 'byung/ de'i thabs lha mo bzhi las skyes pa'i dga' ba dang/ mchog dga' bde ba rigs kyi dga' ba lhan cig skyes dga' rang 'byung bde ba chen po rdo rje sems dpa' yin no/ / le'u drug cu rtsa bzhi pa'i 'grel pa'o// //mngon spyod kyi rdo rje 'jigs byed bsgom pa ni/ /de nas rnal 'byor mchog bshad pa zhes bya ba gsungs te/ las dang nyon mongs pa'i gdug pa zad par byed pa dang phyi'i bgegs stong phrag brgyad cu nang gi nad bzhi brgya rtsa bzhi'i sdug bsngal 'joms pa dgos pa'o/ /sngon 'gro lnga dang 'byung ba bzhi ri rab sna tshogs rdo rje gyur pa las stong pa nam mkha' i dbus su gzhal yas khang de'i dbus su yi ge k+Sha yongs su gyur pa las rdo rje 'jigs byed zhal gcig phyag gnyis pa bsgom pa ni go sla'o/ /gang zag sus bsgom zhe na/ stong pa nyid kyi blo can 'jigs pa sbangs pa rnam par rtog pa bcom pa tshad med pa dang ldan pa 'du 'dzi spangs pa'i rten gyi gang zag gis sgom mo/ /gnas gang du sgom zhe na/ shin tu 'grod dka' i dur khrod ces pa go sla'o/ /yang na zhal bzhi phyag brgyad pa'i zhal dbus
- 255b
ma sngo ba/ g.yas dkar ba g.yon dmar ba/ steng ser ba/ phyag dang po rdo rje dang dril bu/ rdo rje dang thod pa/ mdung dang cang te'u/ mgo bo dang gri gug thogs pa'o/ /yang na ma he'i gdong can zhal dgu phyag sum cu rtsa bzhi pa bsgom mo/ /ma he'i gdong can ni phyag sum cu rtsa bzhis sna tshogs pa'i mtshon cha bsnams pa ma he'i zhal gyi ljags bskyod pa/ zhal lhag ma brgyad kyis ha ha hI hI hUM hUM phaT phaT brgyad sgrogs pa dang/ dpa' bo gcig pu 'od zer 'phros pas 'jigs par mdzad pa/ phyogs skyong brgyad dang chung ma/ mkha' 'gro ma brgyad gdul dka' thams cad 'dul bar mdzad pa ye shes sems dpa' bcug go cha bskon/ dbang bskur bsgom pa'i tshe/ sku gsung thugs kyi khro bo spro dam tshig gi spro bsdu byas nas bzla/ phan yon ni khams gsum gyi sdig pa za ba dang/ mtshams med pa lnga byed ba za ba dang/ sdug bsngal srid pa skyong/ bklags pas 'grub ba yin no/ /las la sbyor ba'i tshe na gdug pa can dang/ gnod pa can gyi ling ga byas la/ sangs rgyas kyi sprul pa pho nya spros nas ma rungs pa bkug nas/ ming dang bcas pa'i sngags zlo zhing sha lnga bdud rtsi lnga za zhing gcer bu skra grol ba/ lus kyi spyod pa lcags kyu dang/ zhags pa lag pas gzung nas sngags khri phrag stong bzlas na/ khams gsum po yang gsod par 'gyur ro/ /yid na mkha' 'gro ma sum cu rtsa drug 'khor gyis bskor bar bsams la/ thams cad kyi rdo rje mkha' 'gro'i khro bo dgra bo'i snying du zhugs nas/ snying dang rgyu ma la sogs pa drangs
- 256a
nas za bar byed par bsams nas/ zhag bdun gyi nyi ma phyed dang mtshan phyed na kha lhor bltas nas tsher ma can gyi me la hUM phaT raM raM zhes bya ba'i sngags zlos shing/ mar ngo'i bcu bzhi la sbyin sreg byas na rdo rje 'dzin pa brgya byin yang 'chi bar 'gyur ro/ /rang la 'bangs byed skyabs su song na 'o ma can gyi shing la zhi ba'i sbyin sreg bya ba ni go sla'o/ /le'u drug cu rtsa lnga ba'i 'grel pa'o// // gal te tshe 'di la bsnyen pa byas kyang ma grub na/ rten 'brel gyi mthu skye ba bdun pa'i shes 'grub par 'gyur te/ de nas yang dag bshad bya ba zhes bya ba smos so/ /skye ba bdun pa'i mtshan nyid ni/ lha'i gzugs can ni rtags dang po'o/ /snyan par smra ba gnyis pa/ gsum pa bder gshegs la dga' ba/ bzhi pa skra ring ba/ lnga ba mig dkyus ring ba/ drug pa mig pad+ma lta bu/ bdun pa rdul dri zhim pa dang/ brgyad pa glang po'i dri yod pa/ dgu pa ga pur gyi dri yod pa/ bcu pa bshang gci gla rtsi'i dri yod pa/ bcu gcig pa tshig 'jam pa/ bcu gnyis pa lag pa rkang pa 'jam pa/ bcu gsum pa utpa la'i dri yod pa/ bcu bzhi pa skra dkar dang gnyer ma med pa/ bco lnga pa lus mdangs dang ldan pa/ bcu drug pa srung dang klang pa na 'ge'u wang yod pa/ bcu bdun pa grib ma bdun yod pa/ bco brgyad pa dang ba'i 'gros su 'gro ba/ bcu dgu pa snying rje can/ nyi shu pa dkon mchog gsum la dad pa/ rtags nyi shu rtsa gcig pa pha rol tu phyin pa drug dang ldan pa/ de lta bu rnal 'byor pas rtogs nas/ de la phyi rtags dus ma yin par 'chi ba brgyad kyis mi
- 256b
tshugs seng ge dang stag dang spyang kyis mi za ba/ de mtshan mo mthong la nyin mo mi snang de lta bu rtogs nas khyed grongs na bdag la khyed kyi lus sbyin par mdzad du gsol zhes blang bar bya'o/ /de nas rnal 'byor pas bdud rtsi lnga lcags gsum gyis dkris pa khar bcug nas yab yum gyi snying po lhar bskyed dbang po sbyangs nas nye ba'i snying po 'bum bzlas na/ de 'chi ba'i tshe ro la gcig tu byin nas mi 'khrugs pa'i zhing khams su skye'o/ /des nas ro dben pa'i gnas su khyer nas bdud rtsi'i sgrub pa byas na dngos grub thams cad 'byung bar 'gyur ro/ /skye ba bdun pa'i skra dang dud 'gro'i spu bsres nas/ srang pu byas nas mgul du bcings na de'i gzugs su 'gyur ro/ /zhes bya ba nas/ de'i 'ge'u wang zos na lus 'di rang dang lhan cig tu khams gsum gyi rgyal por 'gyur ro zhes bya ba las tshogs lnga bcu pa yin no/ /le'u drug cu rtsa drug pa'i 'grel pa'o// //rtsa ba'i rgyud rnams las zhi khro tshang bar 'gyur ba'i phyir/ zhi ba'i lha gang dang gang yin zhes par bya ba dang/ de la mos pa'i ched du zhi ba sgyu 'phrul dra ba'i dkyil 'khor ston pa ni/ de nas gzhan yang bshad bya ba zhes bya ba smos te/ gong du bstan pa'i cho gas sngon 'gro lnga dang/ 'byung ba bzhi ri rab sna tshogs rdo rje gyur pa las gzhal yas khang gi dbus su rang gi chos kyi dbyings kyi yi ge las drod gsher skyes kyi lha bdag med pa'i chos kyi snang ba bsgom mo/ /de ltar mdor bstan nas/ rgyas par bshad pa ni/ rang gi chos kyi yi ge hUM las ye shes las skyes pa'i chos kyi lus su 'gyur/ he las ni 'bras bu'i he ru ka bsgom mo/ /hi las tshogs pa bsgom mo/ /hUM
- 257a
las srung ba'i 'khor lo'i tshe rdo rje hUM mdzad du bsgom mo/ /hUM las ni tshogs sog pa'i lha mi bskyod pa bsgom mo/ /paM las ni gtso bo rdo rje sems dpa' bsgom mo/ /shar sangs rgyas mkha' 'gro / sku gsung thugs ye shes kyi yi ge dang bzhi las skyes so/ /lho rin chen mkha' 'gro yang yi ge bzhi las skyes/ nub pad+ma'i mkha' 'gro yang yi ge bzhi las skyes/ byang gi las kyi mkha' 'gro yang sku gsung thugs ye shes bzhi las skyes so/ /yum lnga ni ming mtshan gyi dang po yi ge re re las skyes so/ /bcom ldan 'das kyi sku gsung thugs kyi yi ge he ru ka dang/ maM bzhi las skyes so/ /thod pa'i dum bu la sogs pa sgyu 'phrul dra ba dang sbyar na/ 'jam pa'i rdo rje la sogs pa'i sems dpa' i ming ni go sla'o/ /lha mo rab gtum ma la sogs pa rdo rje pho nya mo zhes bya ba nas rdo rje 'jigs pa zhes bya ba'i bar du sngon grub pa'i dpa' bo dang/ lha mo'i oM bar du ming tha mar hUM phaT swAhA dang bcas pa snying po de nyid kyi dngos grub gsol lo/ /khwa gdong ma la sogs pa brgyad ni gshin rje gshed la sogs pa'i khro bo brgyad yin te/ dkar mo la sogs pa'i lha mo brgyad dang gnyis su med pa sgo dang mtshams kha sbyar gyis bzhugs pa thog mar oM bar du ming/ tha mar hUM phaT swAhA dang bcas pa snying po'i yin no/ /mtshams kyi gzugs rdo rje mas shar lho'i bum pa gzung sgra rdo rje mas lho nub kyi bum pa gzung/ dri rdo rje mas nub byang gi bum pa gzung/ ro rdo rje mas byang shar gyi bum pa gzung/ reg rdo rje mas gtso bo rdo rje sems dpa' gzung/ yum chos kyi dbyings lngas thabs ye shes
- 257b
lnga bzung ba yin no/ /las kyi rgyal mchog ni go cha bskon/ ye shes sems dpa' gzhug /dbang bskur bdud rtsi myang/ bsgom pa dang bzlas pa bya'o/ /de'i don ni/ ye shes sems dpa' gnyis med gzhug / rnal 'byor rgyud kyi rjes 'brangs nas/ rnal 'byor ma dbang rtogs par bya zhes pa yin no/ /rgyud 'bum pa rig pa'i rgya mtsho zhes grags pa de la dpa' bo rnams rgyas par bshad pa/ rtsa ba'i rgyud 'dir bsdus pa yin no// gzhung lugs sna tshogs bzang po 'di la bshad pa'i rgyud bzhi yod de/ rdo rje mkha' 'gro dang sgyu ma bde mchog dang/ rnal 'byor ma 'byung ba'i rgyud dang/ gsang ba'i rgyud do/ /nges brjod bla ma rgyud de dag gi rtsa ba'i rgyud kyi man ngag sems can bsam pa'i khyad par gang la mos pa rjes su gzung ba'i phyir/ gzhung lugs sna tshogs kyi man ngag gis sangs rgyas kyi byang chub ster ro/ /dbus kyi 'khor lo la rigs yang gsum bcu thugs rdo rje phreng bas bskor/ gsung pad+ma'i phreng bas bskor/ sku 'khor lo'i phreng bas bskor ba'i rigs lnga dang/ byang chub sems dpa' du ma dang/ khro bo brgyad dang/ dkar mo la sogs pa brgyad kyis phyogs skyong brgyad mnan nas 'khor gyi mchog sgo dang mtshams su dgod par bya'o/ /sku mdog dang phyag mtshan rgyud na gsal bas go sla'o/ /nyan thos dang rang rgyal pa'i sangs rgyas pa dang mu stegs can la gsang ba dang/ mchod pa dang/ bstod pa gtor ma gtang ba bla ma'i zhal nas bsam/ rmi lam du rnal 'byor ma'i drin gyis bstan nas/ lha rnams kyi rnam dag sum cu
- 258a
rtsa drug bsgom pa dang/ gnas bcu sa bcu dang/ pha rol tu phyin pa bcu rtogs pa dang/ dang po sbyor ba dkyil 'khor rgyal mchog las rgyal mchog gi sbyor ba gsum rnam par dag pa'i don dri ma med pa'i mchog bsgom pa ni mjug gi sdom pa yin no/ /le'u drug cu rtsa bdun pa'i 'grel pa'o// //da ni rgyal ba'i dkyil 'khor mchog tu bshad par bya ba smos te/ bdag nyid bsgom pa'i cho ga'i rim pa zhes bya ba ni/ sngon 'gro lnga dang 'byung ba bzhi ri rab sna tshogs rdo rje gyur pa las/ gzhal yas khang de'i nang du so sor 'brang ma'i gzungs las 'byung bzhin du/ gtso bo zhal lnga pa phyag sum cu rtsa gnyis ma/ 'khor gyi lha mo mA ma kI dang/ spyan ma dang/ sgrol ma dang/ gos dkar mo dang/ 'od zer can dang/ rmugs 'dzin ma dang/ skul byed ma dang/ sa 'dzin ma dang brgyad ni zhal bzhi phyag bcu gnyis pa gtso bo rdo rje skyil mo krung/ 'khor sems dpa' i skyil mo krung gis bzhugs par bsgom mo/ /yang na rang gi ming las byung ba'i khro bo brgyad shar sngo lho ser/ nub dmar byang ljang/ shar lho gnag/ lho nub dkar/ nub byang ser/ byang shar sngo ba sna tshogs pa'i gzugs can zhal gcig phyag gnyis pa khro bo'i mchog 'byung po 'dul byed ni dbus su mig sman sngon po'i mdog can rdo rje dang sdigs mdzub na bza' sngon po stag gi pags pa'i sham thabs can sprul gyis brgyan pa mnyam par ma gzhag pa'i tshe yang zhal gcig phyag gnyis pa bsgom par bya'o/ /phra ba nang gi rdo rje can bsgom pa ni/ snying ga'i nu ma'i bar du khro bo dgu/ gnas gsum du 'khor lo gsum gyi lhas 'gro ba gsum po dag par byas pa ni/ mchod pa dang po'o// //gang gi
- 258b
rdo rje'i sbyor bas 'dong pa'i yon tan lnga'i rdo rjes mchod pa ni gnyis pa'o/ /mchod pa lnga pa me tog dang/ bdug pa la sogs pas mchod pa ni gsum pa'o/ /stong pa gnyis bzhi yum bzhi mnyam pa nyid kyi mchod pa ni bzhi pa'o/ /ye shes sems dpa' gzhug pa dang/ go cha bgo ba dang/ dbang bskur ba dang/ bdud rtsi myang ba dang/ gtor ma gtang ba ni kha bskang ngo/ /le'u drug cu rtsa brgyad pa'i 'grel pa'o// //lha'i 'khor lo sngar bshad pa rgyud 'bum pa las sngags dang de nyid rgyas par bstan/ rgyud 'dir mdor bstan pa'i lha'i 'khor lo ni don dam pa ma yin/ don dam pa shes pa skyes na ston pa po dang bstan pa'i lha'i 'khor lo yang med do/ /'o na su'i don du bstan tsa na/ 'khor ba 'di ru sgyu ma sdug bsngal can gyis skyes pa la lha nyi shu rtsa bzhi'i 'khor lo gnas dang bcas pa'i sgyu ma can bstan pa don dam pa'i bden par ni ma yin no/ /gal te don dam par med na lha'i 'khor lo 'khrul pas ci zhig bya/ 'on te don dam pa'i ye shes la rnam pa lha'i 'khor lo yod na/ 'khrul pa ci yod ce na/ gnas dang nye ba'i gnas la sogs pas/ sgyu ma sdug bsngal can spangs nas sgyu ma bde ba dri ma med par 'gyur ro/ /yang don dam pa'i bsgom pa mi nus pa 'dod pa'i yon tan lnga la bag med par spyod pa'i mi la thams cad lha'i 'khor lo byas nas gnas 'di bsgrags par bya'o/ /nga yis dkyil 'khor gyi 'khor lo du ma bshad pa ni/ sems can bsam pa sna tshogs yod pas bsam gtan gyi bde bar bsgom pa'i phyir/ lha'i 'khor lo bshad do/ /rnal 'byor pa phyi rol gyi zhing rmo ba dang/ tshong bya ba dang/ phyugs bskyang ba dang/ spyod lam rnam bzhi sdug bsngal bas khams zad par 'gyur ba la de spangs
- 259a
nas snod kyi 'jig rten gzhal yas khang 'gro ba rigs drug lha'i 'khor lo 'dod pa'i yon tan lngas mchod pa'i rol pas gnas pa'i rnal 'byor can/ de la sangs rgyas kyi spyan lngas gzigs nas ci 'dod pa'i dngos grub mdza' yas pa'i dngos grub gsol lo/ /don dam par med kyang kun rdzob tu bsod nams kyi tshogs bsgoms pa bshad nas/ brtan pa thob pa'i rnal 'byor pa des rje btsun gyi ye shes la 'bad de bsgrub par bya'o/ /ji ltar bya zhe na/ lha sna tshogs kyi mdzad pa dang ldan pa'i lus po lha'i cha byad bya/ gang yang rung ba'i kha zas bdud rtsir bsam/ nyal ba gcer bu 'am ma nyal ba gos dang bcas pa rang gi lha'i rnam pa'i nga rgyal bya/ lkugs pa bzhin du mi smra bar bzlas pa byas na zla ba drug gis lha gang 'dod pa gsal bar 'gyur ro/ /de ltar dkyil 'khor thams cad kyi spyod pa dang brtul zhugs bshad nas / phan yon gyi mngon par shes pa skyes nas pad+ma'i rdzing bu lta bu'i rnal 'byor pa la dpa' bo dang/ rnal 'byor ma rnams ngang pa'i tshogs bzhin du 'du ba dang/ mig 'phrul mkhan dang sgyu ma mkhan ltar 'gro ba'i don byed pa'i rdo rje 'dzin pa 'khor dang bcas pa mngon sum du mthong bar the tshom med do/ /phan yon bshad nas/ gdams ngag ston pa ni mngon par 'dod pa'i dkyil 'khor gyi 'khor lo 'di la nges par sna gtad nas dad pa skad cig tsam bshad pa nyan pas sems dga' bar gyis shig ces gsol ba 'debs so/ /dkyil 'khor lnga bcu rtsa drug gi thams cad dang ldan
- 259b
pa'i tshe rdo rje drag po hUM mdzad dang sbyor ba dang ldan pa'i snying gar sngags bkod pa la 'od zer lcags kyu lta bu'i sbyor bas/ lus kyi dkyil 'khor sngags la bsdus nas/ sngags chos kyi dbyings sems kyi 'khor lo chos kyi dbyings su brtag go /rang gi chos kyi yi ge go cha drug gis/ skye mched drug gi gzung 'dzin dang bral bar bsgom mo/ /ji ltar lha'i 'khor lo brtags pa'i snying kar bsdus nas/ thun mtshams su zhal gcig phyag gnyis pa gzhan gyi gzugs su bsgom par bya'o/ /sems yid gti mug pa mos pa mdza' yas pa la / gzugs sna tshogs su bstan par blta bar bya'o/ /le'u drug cu rtsa dgu pa'i 'grel pa'o// //rang bzhin med pa'i chos rnams shes pa'i tshigs bcad gcig ni rgyud ni brjod bya'o/ /rgyud rdzogs pa'i sbyor ba yin/ zhes pa tshigs bcad gcig ni rgyu'i rgyud la rjes su yi rang zhing bstod pa'o/ /sangs rgyas byang chub bka' drin mchog tshigs bcad phyed ni thabs kyi rgyud la bstod pa'o/ /sgrub pa'i bla ma'i bla ma ste/ zhes pa tshigs bcad gnyis ni 'bras bu'i rgyud la bstod pa'o/ /legs so rdo rje'i bla ma kun dang zhes pa
- 260a
[d+d1] */ /tshigs bcad gcig gis rgyud 'bum pa 'chad pa'i gtso bo dang 'khor la bstod pa'o/ /le'u bdun cu pa'i 'grel pa'o// // rtsa ba'i rgyud chen po man ngag thams cad mngon zhing nges par brjod pa'i rgyud kyi 'grel pa/ slob dpon shU raM ga badzras mdzad pa rdzogs so// // bcom ldan 'das bde mchog gi rgyud 'bum pa chen po'i gdams ngag dang/ de kho na nyid tshang bar bsdus pa man ngag thams cad kyi snying po nges par brjod pa'i rgyud bla ma'i yang bla ma zhes bya ba'i 'grel pa/ bde mchog 'bum pa'i de kho na nyid nges par byed pa de kho na nyid kyi snying po zhes bya ba/ sgra bsgyur gyi lo tsa pa chen po 'phags pa shes rab kyi dz+nyA na sh+rI mi tra'i gsung ji lta ba bzhin du bsgyur ba'o// //sarba mang+gA laM// // [d+d2]
- 260b
[blank page]
- 261a
ni zhes pa'i don to/ /he ru ka'i bya bas blta 'am zhes pa ni bong bu'i rnal 'byor gyi skye ba bdun pa blta ba'o/ /dngos grub bsgrub pa'i dkyil 'khor du zhes pa ni tshogs kyi 'khor lo la bza' bar bstan pa yin no/ /skye gnyis sngags chen po ni ne tso'o/ /gtor ma sbyin sreg bya zhes pa ni bdun pa phyis pa'o/ /'dod pa 'grub par 'gyur zhes pa ni sgrub pa po mngon par 'dod pa 'grub par 'gyur ro zhes pa'i don to/ /nag po zhes pa la sogs pa ni khyi nag po'i 'o ma 'am/ mon sran gre'u nag po dang/ 'bras nag po'i khyad par la'o/ /thug pa btsos la zhes pa'i don to/ /ro'i kha zhes bya ba la sogs pa ni man ngag ni 'di yin te/ mar ngo'i tshes brgyad dam bcu la ri'i rtse mo 'am/ dur khrod du dur khrod kyi rus pa phye mas dkyil 'khor bzhengs la sgrub pa po g.yog bzang po dang bcas pa'i lha'i rnal 'byor dang ldan pas bdud rtsi lnga dang ldan pa'i dri zhim pos ro 'khrur bcug la mar khu chen po byugs te/ yi dags kyi me tog gis yang dag par mchod la ra skyes kyi lan bdun du spangs pa'i shing ak+Sha'i bal gyi sdong bu mar khu chen po la thod par sbyar te/ dud pa blangs la de yis mig la bskus te/ dkyil 'khor gyi dbus su gan rkyal du bsnyal bar bya'o/ /phyi nas sha chen po la sogs pa rnams kyi dkyil 'khor mchod pa sngon du 'gro bas sngags pa shar du mngon par phyogs pas de'i snying gar nye bar 'dug ste bdud rtsi rnam pa lnga dang bcas pa'i sha tshan dang khrag dang tshil bu rnams kyis yongs su bkang ba'i mchod yon gyi snod g.yon ngos su bzhag go /dur khrod kyi kham phor du lo thug blugs la dag gis sum b+ha la sogs pa'i sngags brjod pa'i sbyin sreg bya ba yin no/ /'di thams cad
- 261b
dka' 'grel du go bar bya'o/ /de nas ro de langs nas ni zhes pa ni de'i rjes thogs su 'jigs byed chen po'i gzugs su mngon par stsal te/ gad mo cher sgrogs shing ldang pa'o/ /de langs nas de la sngar bstan pa'i mchod yon dbul bar bya'o/ /sgrub po dam pa de'i g.yas ngos su bzhag pa'i dril bu dkrol zhing sha chen pos rgyun ma chad par bdug par bya ba yin no/ /de ltar nges par byas pas cir 'gyur zhe na gsungs pa/ steng dang 'og tu pho nya 'grub ces bya ba la sogs pa ste/ 'khor lo gsum na gnas na de'i 'grub par 'gyur na/ 'di ltar smos kyang ci dgos te/ 'grub par 'gyur ro zhes pa'i don to/ /sgrubs thabs gzhan gsungs pa/ lci ba'i thal ba zhes bya ba la sogs pa dka' 'grel las go sla'o/ /dung chen po'i ngo bo zhes pa ni thod pa'i btung ba'o/ /mi 'dod na rus sbal gyis khog pas so/ /de gsungs pa/ yang na zhes bya ba la sogs pa'o/ /phan yon gsungs pa/ de lta'i zhes bya ba la sogs pa'o/ /yang na gzhan du bshad par bya ste/ chos kyi brda gzhan gyis lci ba'i thal ba rlung gi dkyil 'khor ro/ /lhag ma mgo skam zhes pa ni gzhan gsum ste/ me dang chu dang dbang chen gyi dkyil 'khor la mgo skam gyi sgra'i brjod bya yin no/ /de bzhin du zhes bya ba la sogs pa ni de'i rjes thogs su de'i steng du thod pa 'am rus sbal sgom zhes pa'i don to/ /de'i zhes bya ba la sogs pa ni de ltar cho ga ji lta ba bzhin du bsgom pa las dkyil 'khor 'dir dngos grub thob bo zhes dgongs pa'o/ /rtag tu zhes pa ni mngon sum du'o// dus zhes pa ni thun re re'o/ /de ltar zhes bya ba la sogs pa ni de ltar bstan pa'i rim pas bcom ldan 'das bcom pa las mngon par 'dod pa'i dngos grub thob bo/ /'di ni rim par phye ba sum cu rtsa gnyis pa'o// //da ni
- 262a
bza' ba dang bcas pa'i sun 'byin par byed pa'i nyan thos de gzhugs par bya ba'i ched du gsungs pa/ de nas mchog ces bya ba la sogs pa ste/ de nas ni bza' ba dang btung ba'o/ /mchog ni gtso bo ste thams cad du med pa'o/ /sbyor ba kun zhes pa ni rnal 'byor gzhan thams cad kyi nang nas so/ /sgrub pa po zhes pa ni sgrub pa po ste rgyu'i phyir na'o/ /bza' ba ni go ku da ha na la sogs pa rnams bza' bar bya ste zhes bya bar 'grel to/ /bza' ba 'ba' zhig las bya ba med dam zhe na gsungs pa nya zhes bya ba la sogs pa ste/ nya ni ro hi te la sogs pa'o/ /sha ni ra la sogs pa'i sgra smos pas/ /de bzhin du khu ba dang tshod ma yang zhes pa'o/ /ci nus pas zhes pas ni sbyor tshad kyi tshul dang mthun pa'o/ /dngos su med kyang zhes bya ba la sogs pa de ni dka' 'grel nyid las gsal lo/ /mtshan mo zhes bya ba la sogs pa ni re zhig nyin mo nyid do/ /nub mo ni gdon mi za bar rtag tu bya ba yin par bstan to/ /pho nya zhes bya ba la sogs pa ni bdag nyid gcig pu mi za bar 'on kyang rnal 'byor ma pho nya ma la yang bza' ba dang btung ba la sogs pa dbul bar bya'o zhes so/ /phyis ci bya zhe na/ gsungs pa/ rang gi pang par zhes bya ba la sogs pa ni pho nya mo yang logs su bzhag pa la lag pa g.yon pas 'khyud pa'o/ /dpa' bo gnyis med mchod par bya zhes pa ni dpa' bor gyur pas bdag nyid gnyis su med pa'i ye shes kyi don du mchod pa ji lta bar 'gyur de bzhin pho nya mo de la gsang ba'i mchod pa bya'o/ /zhes dgongs pa'o/ /ma zhes bya ba la sogs pa pho nya ma bstan pa yin no/ /de lta'i cho ga zhes pa ni 'dis pho nya ste cho gas rdo rje phag mor rnam par bsgom par bya'o/ /gsang ba'i
- 262b
mchod pa zhes pa tshig gi lhag ma'o/ /ci'i don du zhe na/ gsungs pa/ bcings pa legs par grol bar bya zhes pa ste/ bcings pa ni 'khor ba'i mtshan nyid kyi phyir ro/ /grol pa ni mchog gi zhes dgongs so/ de nas zhes bya ba la sogs pa ni de nas gsang ba'i mchod pa'i rjes thogs su'o/ /sngags ni 'grub 'gyur te zhes pa ni sngags 'dis 'di lhan cig skyes pa'i ye shes kyi ming rdzogs par 'gyur te/ /sgrub pa po zhes pa ni lhag ma'o/ /ji srid me chu yod bar du zhes pa ni ji srid du bstan pa yongs su zhig pa'i bar du'o/ /slob dpon zhes bya ba la sogs pa la/ mchod ces pa ni phyi dang nang gi mchod pa'o/ /bza' ba zhes pa ni bza' ba nyid bstan te go ku da ha la sogs pa'o/ /phyag rgya zhes pa ni pho nya mo'o/ /'di thams cad sgrub pa pos rdo rje 'dzin skur ba lta zhing khas 'chi ba'o zhes dgongs so/ /klu zhes bya ba la sogs pa dka' 'grel las go sla'o/ /de srid ces bya ba la sogs pas thabs dang shes rab kyi rnal 'byor las 'byung ba'i ye shes kyi che ba'i bdag nyid gsungs te go sla'o/ /de nyid gsungs pa/ /mchod par bya ba la sogs pa ste/ phyag rgya zhes bya ba ni pho nya mo mchod par 'dod pa zhes pa ni mchod pas na mchod pa ste/ sgrub pa po de rjes su gzung pa'o/ /nges par sreg ces bya ba la sogs pa ste/ pho nya mo rgyud gzhan dang thun mong du bstan par bya ba'i phyir gsungs pa/ dang po sgrub ces bya ba la sogs pa ste/ dang po zhes bya ba ni sgrub pa'o/ /dpa' bo rnams las dpa' bo nyid/ /spyad par bya zhes bya ba ni dpa' bo rnams las dpa' bo nyid ni phyag rgya chen po'i dngos grub la sogs pa bsams pa ji ltar bzhin 'grub bo zhes bya ba'i don to/ /mchod pa'i 'bras bu gsungs pa/ sa 'og ces bya ba la sogs pa ni rmongs par byed pa'i las kyi dngos grub kyi phyir mchod pa yin pas
- 263a
zhi ba la sogs pa'i las bsgrub par bya'o/ /de lta bu'i cho ga ni sgrub pa po ji skad du bstan pa'i las dka' ba med pa nyid kyis 'grub par 'gyur ba gsungs pa/ las rnams thams cad ces bya ba la sogs pa ste zhi ba la sogs pa las 'di rnams thams cad kyi nang nas gang cung zad ci yang rung ba'i las nyon mi mongs par der 'grub bo/ /dngos grub thams cad ces pa ni sa 'og la sogs pa'i dngos grub kyang de yis 'grub par 'gyur ba nyid yin no/ /'di ni rim par phye ba sum cu rtsa gsum pa'o// //nges par sbyar ba zhes pa ni gnas ji lta bar nges par sbyar te mchod par bya'o/ /'di nyid dka' 'grel las gsungs pa/ 'khor lo mchod par bya'o zhes pa yin no/ /ji ltar zhe na gsungs pa/ de zhes pa ni sgrub pa po'o/ /rtsibs char zhes pa ni dka' 'grel las rnam par bshad do/ /lte bar zhes pa ni 'dir yi ge yang blta bar bya'o/ /kun la thun mongs du'o/ /'di nye bar mtshon pa tsam ste mkha' 'gro ma la sogs pa gzhi dang/ khwa gdong ma la sogs pa brgyad dang rab tu gtum mo la sogs pa nas ji lta bar nges par dgod par bya ba yin no/ /nges par bzhag ces bya ba la sogs pa ni dpral ba la gnas pa'i rdo rje'i phreng ba'i 'od zer rnams rdzogs pa a ba d+hU tI'i gnas na gnas pa rnam pa thams cad mthong ba de'i mi bzad pa'i spyan gsum pa zhes bya ba'i sgra brjod pa dpa' bo la sogs pa 'di rnams thams cad la zhes bya ba'i don to/ /bza' ba zhes pa ni bza' ba ji ltar shes pa'o zhe'o/ /dka' 'grel las kyang ji ltar rnyed pa'i sha yis zhes bya ba la sogs pas bshad do/ /las dang rjes su mthun pas ni zhes pa ni thab khung gi nang
- 263b
du skad cig gis rdo rje sems dpa' ji skad du bshad pa'i mtshan nyid du ldan pa skyil krung du bzhugs pas blta ste/ shes rab dang bcas pa zhu bar bsgom par bya'o/ /de nas de zhu bar gyur pa rang gi sa bon las yang dag par byung ba kun du gtum par byed pa blta bar bya ste/ sku mdog nag po thung ba spyan gsum pa/ dbu skra khaM pa gyen du brdzes pa/ g.yas kyi phyag gnyis ni bgrang 'phreng dang mi 'jigs pa bsnams pa'o/ /phyag g.yon pa gnyis na thod pa'i snod dang dbyug pa/ phyag g.yas dang g.yon dag gis rang gi rig ma la 'khyud pa gdug pa'i me lha rnam par bsgom par bya'o/ /de lce la raM bltas la ba lang gi sha dang/ dug dang/ lan chwa dang/ ske cho dang/ khrag rnams myos byed kyi 'dab ma'i khu bas spags te sbyin sreg bya'o/ /zhi ba la dkar po'o/ /dbang dang dgug pa dag la dmar po'o/ /rgyas pa dang rengs pa dag la ser po rnam par bsgom par bya'o/ /sngar gyi bzhin du lce la yi ge ram bltas te/ de'i kha la bdud rtsi lnga dang bcas pa'i dri zhim po'i chus sbags pa'i ba lang gi sha'i sbyin sreg bya'o/ /zhes dgongs so/ /shin tu 'bar ba'i mer zhes pa la sogs pa ni gdug pa mdza' dag gi las la ni ma pa dang seng ldeng dang/ tsher ma sgur po dang/ bal+la ta ka'i yam shing rnams la/ yungs mar dang/ khrag dang dug gis sngags te/ sor mo bcu bcu'i tshad rnams kyis yungs mar dang/ mar dang khrag dang/ dug dang/ lan tshwa dang/ ske tshe dang/ nim pa'i lo ma dang/ thal ba dang/ rkang rjes kyi sa dang/ bong bu dang/ rnga mo'i rtug pa dang/ sbu dang/ tshil rnams sngon du 'gro bas/ khwa ta dang/ 'ug pa'i sgro dang/ chu dang/ brun dang/ mi'i rus pa dang bcas pas me sbar bar bya'o/ /zhes pa'i don to/ zhi ba dang/ rgyas pa dang/ rengs
- 264a
pa dang/ dbang dang/ dgug pa rnams la pa la sha'i shing pa lak+Sha dang/ u dum ba ra dang/ seng ldeng dang ar ka dang/ bya kri ta dang/ oM bra dang/ bi kaM ka dang/ gam pa ya dang/ a pa mar ga dang/ byang chub kyi shing gi yam shing rnams bdud rtsi rnam pa lnga dang bcas pa'i dri chus spags la mdzub mo'i mtho gang gi tshad rnams kyis zhe dang/ nas dang/ gro dang/ mon sran gre'u dang/ mon sran sde'u dang/ bcas pa rnams kyis me sbar bar bya ba yin no/ /rgyab kyi 'dab ma la gnas pa'i zhes bya ba la sogs pa ste/ las dang rjes su mthun pas zhes pa ni 'jug thogs su 'chad par 'gyur ba'i rim par phye ba gsungs pa/ rim par las ji lta ba bzhin du phyag mtshan bya zhing khaN+Da ro ha bya'o zhes spro bar dgongs so/ /brtan par bya zhes pa ni khaN+Da ro ha khyad par du byas pa ste/ khaN+Da ro ha rang gi gnas su blta bar bya'o zhes pa'i don to/ /pho nya gnyis zhes bya ba la sogs pa ni 'di thams cad kyi lam dang/ shes rab dang bcas pa'i sngags pas byed pa de yis 'grub par 'gyur gyi gzhan du ma yin no/ /'di ni rim par phye ba sum cu so bzhi pa'o// //khaN+Da ro hi zhes bya ba la sogs pa ni las kyi sgra smos pas thun mong pa'i bya ba gnyis te/ sngags bzlas pa dang/ khaN+Da ro ha'i bya ba mngon par 'dod pa'o/ /de nyid mchog ste dam pa yin pa'i phyir ro/ /rab ces pa ni shin tu thun mongs ma yin pa'o/ /ji bzhin rim gyis mtshan ma ste zhes pa ni go rims su rin gyis so/ /gang zhig sngags kyi bzlas pa rim gyis pa dang/ gang zhig 'dra ba'i khaN+Da ro ha'i bya ba'i rim gyis de dag gi phyir mtshon zhes bya ba'i don to/ /yang de las gnyis ci'i phyir bya zhe na/ gsungs pa/ mchod pa gnyis med
- 264b
sbyor ba'i bdag ces pa ste/ gsang ba'i mchod pa ste/ de'i don du thabs dang shes rab gnyis kyi ngo bo'i rnal 'byor ro/ /de'i bdag nyid kyi phyir de skad ces bya ste/ shes rab dang bcas pa zhes pa'i don to bya'o zhes pa ni tshig gi lhag ma'o/ /dang por re zhig sngags kyi bzlas brjod gsungs pa las ni so sor zhes bya ba la sogs pa ste/ las so sor zhes pa ni zhi ba la sogs pa'i las so/ /'grub par byed pa zhes pa ni 'jig rten gsum du rab tu grags pa'i phreng ba'i sngags la sogs pa'o/ /de'i dbye ba zhes pa ni las kyi bye brag las bzlas pa'i bye brag go /rim pa ji bzhin zhes pa ni rim par brgyud pa de'i rim pas bshad ces bya bar sbyar ro/ /de ltar na gsungs pa/ yi ge zhes bya ba la sogs pa ste/ yi ge ni yi ge a la sogs pa nas sha'i bar du'o/ /pho nya ma ni mkha' 'gro ma la sogs pa nas gshin rje brtan ma la thug pa'i bar gyi rnal 'byor ma'o/ /sogs pa smos pas dpa' bo rnams bcom ldan 'das phag mo dang bcas pa 'ang yongs su gzung ngo/ /'di rnams kyi sngags gang zhig so sor rang gi der go bar bya'o/ /de'i sngags mda'i shugs kyis yongs su 'khor ba ni ji ltar gzhu bkang ste mda' rgyang 'phangs pa'i shugs cher 'gro ba de bzhin du shugs kyis myur du yongs su 'khor bar zhes pa'i don to/ /sngags de ji lta bur gyur nas yongs su 'khor zhing 'gro zhe na gsungs pa phan tshun zhes bya ba la sogs pa ste/ dka' 'grel las bshad do/ /sa bon phreng ba la sogs pas gdug pa can gyi khyad par gsungs pa dka' 'grel las bshad pa nyid do/ /dgag par bya zhes pa ni rnam par 'chad pa'o/ /sngags bstan pa'i rim pa yis zhes pa ni sngags las lung bstan pa
- 265a
'jig rten pa la yang rab tu grags pa nyid kyi kha sbyor gyi zhes dgongs pa'o/ /zhi pa'i sngags kyi kha sbyor bstan nas/ /de nyid gdug pa'i las la yang rdo rje lu gu rgyud bcings la zhes bya ba la sogs pa bstan pa yin no/ /de nyid gsungs pa/ kha sbyar zhes bya ba la sogs pa'o/ /da ni khaN+Da ro ha'i bya ba bstan pa'i phyir gsungs pa dgug par zhes bya ba la sogs pa ste/ lo ma la bkod pas sngags spel zhes pa ni ji ltar la 'dab kyi shun pa dang/ de las kyang ni yang na shun pa'o/ /de bzhin du 'dir yang dang po'i sngags/ de nas bsgrub bya'i ming dang/ de nas sngags so zhes dgongs so/ /thod pa zhes bya ba la sogs pa ni thod par bdud rtsi lngas yongs su bkang bas khaN+Da ro ha'i zhal du mchod yon phul nas mtshon cha rnams kyi nges par sbyar ba la sogs pa'o zhes pa'i don to/ /sngags kyi yi ge'i phreng ba zhes bya ba la sogs pa ni sngags kyi mthar che ge mo mA ra ya zhes pas mdza' brten pa'i sngags kyi phreng ba'o/ /lhan cig mtshon cha sbyar bar bya'o/ /yang na ji ltar bzlas pa'i skabs su sngags kyi phreng ba rang gi kha'i nang du zhugs pa de bzhin du khaN+Da ro ha'i zhal gyi nang du mchod yon gyi sngags zhugs par bsgom par bya ba yin no/ /'di dag ni rim par phye ba sum cu rtsa lnga pa'o// //phyag rgya rengs zhes pa ni gzhan gyi grub pa'i mdza' la zhugs pa ni rnal 'byor ma rnams kyi rengs par byed pa'o/ /zas las zhes pa ni ji ltar gdug par bya ba'i sngags kyi brjod pa bstan pa dang/ /rdo rje yis ni gzung bar bya zhes bya ba smos pa 'dis khaN+Da ro ha'i bya ba stan to/ /de bzhin du 'di las de gnyi ga yin par dgongs so/ /'di rnams kyi don nyid ni dka' 'grel las
- 265b
kyang bstan to/ /rnal 'byor ma snyan gsan dbab pa zhes pa ni mtshan mo'i dus su me tog sbyin pa sngon du 'gro bas rnal 'byor pa mtshan mor snyan mnan no/ /dag pa'i lus zhes pa ni yun ring por bsgoms pas nyon mongs pa dang bral ba'o/ /ji ltar 'dod pa ni 'byor ba'i tshul dang mthun par 'dod tshad du bcu 'am bco lnga'am de las khyad par ro/ /rjes thogs su tshes bcu 'am brgyad la nang bar tho rang tshogs kyi bza' bar gsungs pa dpa' bo la sogs pa ni dka' 'grel las go sla'o/ /las thams cad kyi thun mongs du gang gi tshe rnal 'byor ma la bsrung bar bya'o zhes bya ba'i tshig de bzhin du bsrung zhing snyoms par 'jug par bya'o zhes pa'i don to/ /dpa' bo mchod pa ni snyoms par 'jug pa'o/ /'di dag ni rim par phye ba sum cu rtsa drug pa'o// // gal te rtag tu khros zhes pa ni bsgrub bya la khros par gyur ba de srid du las gtang bar mi bya ste/ de ni phyin ci log gi las su mi 'gyur ro zhes pa'i don to/ /bshang lam 'byung ba zhes pa ni gsang ba'i nang nas phyi rol du byung ba'o/ /'di yang lto ba'i srin bu'i khyad par ro/ /lag pa ni sna'o/ /de'i mdun du zhes bya ba ni sbyin sreg gi thabs khung gi dbus su son pa der dpal he ru ka 'khor dang bcas pa lta zhes pa'i don to/ /sngags pas gang 'dod pa de bzhin du zhes pa ni sgrub pa po 'dod pa la rag las pa tsam gyis sgrub pa yin zhes dgongs pa'o/ /dam tshig spyod pa'i mtshan nyid ces pa ni dam tshig la sbyor bas na dam tshig ste sgrub pa po'o/ /de'i spyod pa'i mtshan nyid kyi tshul rjes thogs su bshad zin to/ /sbas pa ni gsang ba'o/ /sngags zhes pa ni sngags rnams kyis so/ /'di skal ba dman pa rnams kyi yang yul du ma gyur pa/ gsungs pa/ mthong mi 'gyur zhes bya ba la sogs pa ni skal pa dman pa'i skye bo la 'di gsang bas na mi rnyed pa dang ni mthong
- 266a
par 'gyur la nga mnyes pas 'thob bo zhes par sbyar ro/ /de nyid gsungs pa/ sgrub pa pos kyang zhes bya ba la sogs pas so/ /go sla'o/ /'di ni rim par phye ba sum cu rtsa bdun pa'o// //de nas zhes bya ba la sogs pa ni rab tu grags par gyur ba nyid thams cad sngar bstan pa'i phyir ro/ /'di'i dgongs pa ni rnal 'byor rnams las brda rnams dang/ dpa' bo'i las kyi khyad par sngar bstan pa'i dam tshig rnams kyi spyod yul du bya'o 'di nyid gsungs pa/ sba bar zhes bya ba la sogs pa ni sba bar bya bas na sba ba'o/ /phyin ci log la skyon gsungs pa/ mi gdon zhes bya ba la sogs pa ste/ g.yon spyod ces pa ni rnal 'byor mnyes pa'i don du g.yon na spyod pa'i tshul lo// yang na 'dis ci bstan pa yin pas na g.yon pas so/ /gsang ba'i mtshan nyid ces pa ni gnyis pa mdza' ma phyis pa'i tshig go /mkha' 'gro ma rnams so/ /de la zhes pa ni de la'o/ /mkha' 'gro ma stong phrag ces pa ni dang po'i don gyis gsum pa'o/ /zos pa la zhes pa ni zos pa'o/ /de bzhin du thams cad kyi gnyis pa'i don gyi dang po'o/ /gsang ba zhes pa ni rnal 'byor ma rnams so/ /gyur zhes pa ni phyugs dang 'dra bas bza' bar 'os pa yin no zhes pa'i don to/ /phyin ci ma log pa las yon tan gsungs pa/ gang zhig bslu bar byed ces bya ba la sogs pa ste/ mkha' 'gro ma dang bcas zhes pa ni rdo rje phag mo la sogs pa'i dpa' bo dpa' mo kun rnams so/ /de la zhes pa ni bla ma'i zhal de'i'o/ /gsang ba zhes pa ni bsdams shing bsdams pa'o/ /dpa' bo nyid 'dod pa zhes pa ni dpa' bo nyid la gang gis som nyi yod pa de dpa' bo'i 'dod pa dang ldan pa ste drug pa'i don to/ /sngags 'di yis zhes pa ni 'og nas 'chad par 'gyur ba
- 266b
yis so/ /bstod par bya zhes pa tshig gi lhag ma'o/ /dpa' bo dang ni rnal 'byor ma/ /pho nya rnams dang lhan cig gnas zhes pa ni rdo rje rnal 'byor ma kun dang lhan cig tu'o/ /de nas zhes pa ni rgyu gang gis de dang de bsrung ba'i rgyu de yis/ thams cad du ni mkha' 'gro ma/ /kun tu zhen par blta la gnas/ zhes pa gzhan dang 'brel te/ bsod nams gzigs pa'o/ /rnal 'byor ma dang gsang ba'i mi zhes pa dam tshig yongs su bskyab bar bya ba'i phyir na'o/ /gsang ba'i mi'i bdag nyid dang mtshungs pa'i phyir ro/ /rnal 'byor ma dang mi zhes pa dang/ lhan cig tu zhes dgongs pa'o/ /'di ni rim par phye ba sum cu rtsa brgyad pa'o// //mda' zhes pa ni ka ni bde ba'o/ /sgo nga ni gnas yin te gnas bcom ldan 'das so/ /tshogs zhes pa ni bcom ldan 'das 'di zhes pa ste tshogs pa phag mo'o/ /'dir sngags dang lha ngag tha mi dad pa yin pa'i phyir bcom ldan 'das ma ni bcom ldan 'das dang bcom ldan 'das ma dag gis rtsa ba'i sngags gzung bar bya'o/ /gnyi ga zhes pa ni drug pa'i don gyi gsum pa'o/ /gnyis ka'i rtsa ba'i sngags yang dag par bsgoms pa so sor rnam pa bzhi zhes bya ba'i don to/ /de zhes pa ni sgrub pa'o/ /de de ltar na dpa' bo zhes bya ba la sogs pa dka' 'grel las bshad do/ /de nas zhes bya ba la sogs pa'i tshig gzhan no/ /grub ces pa ni nus pa skyes pa'o/ /de de ltar na rnal 'byor che/ /sngags zhes pa ni rtsa ba'i sngags gnyis so/ /dgos pa gsungs pa/ de nas zhes bya ba la sogs pa'o/ /de cir 'gyur zhe na/ gsungs pa/ 'jigs pa zhes bya ba la sogs pa'o/ /'jigs pa zhes pa ni 'jigs pa'i rgyu'o/ /'jigs pa med pa'i 'bras bu gsungs pa g.yon zhes
- 267a
bya ba la sogs pa ste/ sgrub pa po zhes pa ni sgrub pa po'i zhes pa'o/ /sngags lus can zhes pa ni drug pa'i dang po'i don to/ /'di dag ni rim par phye ba sum cu rtsa dgu pa'o// //dpa' bo rnal 'byor sngags kyi cho gas gnas zhes pa ni dpa' bo ni bcom ldan 'das so/ /rnal 'byor ni de'i rnam par bskyed pas so/ /sngags ni rkang pa brgyad pa'o/ /de'i cho ga ni byin gyis brlabs so/ /de la gnas pa ni de dbang du byed pa yin par dgongs so/ /sreg rdzas gsungs pa/ sha zhes bya ba la sogs pa ste/ dpung dang bcas pa/ zhes pa ni dpung dang lhan cig par ro/ /phyed kyis zhes pa ni brgya rtsa brgyad kyi phyed kyis so/ /nyi ma bdun gyis zhes pa ni thams cad du gzhug go /dpa' bo chen po zhes pa ni grong dpon no/ /de'i phyed kyis zhes pa ni brgya rtsa brgyad kyi phyed kyis so/ /blon po dang/ dum sa dang/ 'thab nas bzung ba'o/ /rigs rnams las khyad par du gsungs pa/ nyi shu la zhes bya ba la sogs pa'o/ /de bzhin rgyal rigs dag la bdun zhes pa ni nyi ma gnyis kyi bar du sbyin sreg cig rigs dman pa la bsreg par bya'o zhes dgongs so/ /sgrub pa po zhes pa dang po'i don to 'di nyid gsungs pa/ de ltar zhes bya ba la sogs pa'o/ /'dod pa zhes bya ba ni dbang du bya ba la 'dod pa lnga brten pa'o/ /dpa' bo zhes pa ni dang po'i mdza' ma phyis pa'o/ /cho ga dang po thob par 'gyur zhes pa ni sbyin sreg gi cho ga sngon du 'gro bas 'dod pa thob par 'gyur zhes bya ba'i don to/ /rnal 'byor ma kun gyi zhes pa ni drug pa'i don to/ /'di ni rim par phye ba bzhi bcu pa'o// //de nas zhes bya ba la sogs
- 267b
pa ni las kyi rab ces dbang du bya ba la sogs pa'o/ /mchog gi ni 'jug pa'i thabs kyi sbyor ba'o/ /gang gis zhes pa ni gang gis rnal 'byor ma rnams dran par mtshon pa'i go chas so/ /shes nas zhes pa ni bsgrubs nas te/ bshad do zhes pa lhag ma'o/ /dbang dang dgug pa zhes pa de nyid las kyi mchog tu bstan to/ /dran pa zhes bya ba la sogs pa ste/ gang gis shes nas so/ /sgrub pa po zhes pa ni gsal lo/ /dngos grub ces pa ni las kyi rab 'byam rdzogs pa'o zhes pa'i don to/ /sgrub pa po gang ci dran par bya zhe na/ gsungs pa/ thams cad bla ma zhes bya ba la sogs pa ste/ gnas 'di rnams thams cad kyi nang nas bla ma'i gnas la sogs pa'o zhes dgongs so/ /gnas la sogs pa ni gnas dang nye ba'i gnas la sogs pa rnams so/ /mkha' 'gro ma zhes pa ni rab tu gtum mo la sogs pa'o/ /thams cad khyab ces pa ni thams cad la khyad par byed par yang gnas la sogs pa rnams su nges par gnas so zhes pa'i don to/ /yul dang yul du zhes pa ni gnas la sogs pa rnams su'o/ /ye shes ldan pa zhes pa ni phyin ci ma log pa de'i de kho na nyid mnyes pa'o/ /rang skye gnas zhes pa ni sems can rjes su 'dzin par 'dod pa'i dbang gis gang cha'i sems kyi srog rang gi bdag nyid kyi 'di yin te/ tha snyad du bstan pa'i byang chub kyi sems las skye gnas su bskyed pa yin no/ /ku lu tA zhes bya ba la sogs pa la ku lu tAr dpa' bo chen po'o/ /mya ngam gyi yul du 'khor lo sgyur ba'o/ /sin d+hur stobs chen ma'o/ /nag ra'i dbang phyug tu shin tu dpa' mo'o/ /gser gyi gling du 'khor lo'i go cha ma'o/ /sau rShaSh+Tar ni chang 'tshong ma'o/ /lha'i khab tu ni dum skyes ma'o/ /yi dags grong du 'khor lo'i shugs
- 268a
can ma'o/ /kha ba can du ni bya gdong ma'o/ /kAM ci ri ni rta rna ma'o/ /laM pA kar ni shin tu bzang mo'o/ /ka ling gar ni lha mo sngo bsangs ma'o/ /ko sa lar ni chang 'thung ma'o/ /tri sha ku ner ni rlung gi shugs can ma'o/ /o Ter ni 'jigs byed chen mo'o/ /kA ma rU bar ni sa srungs ma'o/ /mA la bar ni shing grib ma'o/ /de bi ko Tir ni lang ka'i dbang phyug ma'o/ /rA me shwa rir ni mi thung ma'o/ /go dA ba rir ni dpa' bo'i glo can ma'o/ /ar bu dar ni sna chen ma'o/ /ur rgyan du ni 'od ldan ma'o/ /dza lan d+ha rar ni gtum pa'i mig can ma'o/ /pul+li ra ma ya la sogs pa smos pas ni gser ri la rab tu gtum ma'o/ /'o na bu mo gang zhes dbye ba'i tshig gis don 'di nyid ci re re yin nam zhe na gsungs pa/ dpa' bo gnyis med ces bya ba la sogs pa ste/ dpa' bo rnams kyis lhan cig tu gnyis su med par snyoms par 'jug pa zhes bya ba'i don to/ /de ci 'byung zhe na/ gsungs pa/ 'dod pa'i gzugs can gyi 'dod pa'i dbang gis gzhan dang gzhan du rnam par sprul to/ /yid kyi shugs kyis 'jug pa yin zhes pa ni sems can rjes su gzungs ba'i don du 'di las ma gtogs pa'i yang yid la 'dod pa'i mtshan nyid kyi shugs kyis myur du 'jug pa gang zhig de dang de de bzhin zhes bsdu ba'o/ /sin d+hu'i yul du lA ma zhes pa dang/ khro gnyer can dang/ mche ba can dang/ sna chen ma dang/ bya gdong ma dang/ byi la'i gdong ma dang/ glang chen lce ma dang/ ba lang sna ma dang/ ro gdong ma ste/ 'di dag ni lA ma'i yin par dgongs so/ /lam pA kar ni/ gshin rje ma dang/ skrag byed ma dang/ kA nA ni dang/ sha za ma dang/
- 268b
chang 'tshong ma dang/ dpal mo dang/ ma hA ti dang/ sdud mdzad ma yin no/ /sau rASh+Tar rigs kyi lha zhes pa ni khro bo bzhi dang/ sku brgyad do/ /gzugs can ma dang/ lhan cig ces pa ni gzugs can ma dang/ 'o byed ma dang/ lA ma dang/ gzhan 'jug ma dang/ byis can ma dang/ mi sgyur ma dang/ e hi kyang ngo/ /kha ba'i rir zhes pa ni rdo rje mkha' 'gro ma dang/ sangs rgyas mkha' 'gro ma dang/ rin chen mkha' 'gro ma dang/ pad+ma mkha' 'gro ma dang/ las kyi mkha' 'gro ma yin no/ /kany+tsi zhes bya ba la sogs par khrag 'thung ma dang/ mdangs za ma dang/ 'od za ba dang/ gsum pa yin te/ byis can ma yang ngo/ /pany+tsa la'i yul dag kyang khyim gyi lha mo zhes pa ni ltung byed ma dang/ gsong byed ma dang/ 'gugs byed ma dang/ gar gyi dbang phyug ma yin no/ /ka ling gar brtul zhugs 'dzin zhes pa ni/ gar ma dang bram ze mo dang/ chos mkhan ma dang/ gdol ba mo dang/ kun 'gro ma yin no/ /ko sa lar ni sha zan ma zhes pa ni rdo rje dkar mo dang/ sde thams cad rab tu 'joms pa dang/ gdol pa mo dang/ brdung skems ma dang/ mnyam ma dang/ nad ma dang/ mkha' 'gro ma dang/ bdud mo dang/ dgyes ma dang/ rgyal ba'i bla ma dang/ ye shes ldan dang/ spos mo dang/ gshin rje ma dang/ skrag byed ma dang/ 'ong byed ma dang/ sgra du mar kun tu 'phro ba dang/ 'khor ma dang/ rmongs byed ma dang/ klu yang dag par rdzogs pa dang/ 'gugs byed ma'o/ /yi dags grong du de bzhin du/ rdo rje mkha' 'gro zhes pa ni rdo rje mkha' 'gro ma dang/ bdud mo dang/ lcags sgrig ma dang/ a me dang/ pak+She dang/ dkyil phyed ma dang/ thod pa can dang/ drag mo dang/ 'jigs pa'i gzugs can ma dang/ lang ka'i dbang phyug ma dang/ mche ba gtsigs ma dang/ glog
- 269a
lce ma dang/ gtsigs ma dang/ 'jigs byed ma dang/ sha za ma dang/ mchu 'phyangs ma'o/ /sbom dbang phyug ces pa ni rdo rje sems dpa' dang/ rnam par snang mdzad dang/ pad+ma gar gyi dbang phyug dang he ru ka dang/ rdo rje nyi ma dang/ rta mchog go /tri sha ku ner khaN+Da ro ha zhes pa ni dum skyes ma dang/ khrag mo dang/ gtum byed ma dang/ sngo bsangs ma dang/ stobs chen mo dang/ dpag tshad ri dang/ ru ka ma ti dang/ tshig bden ma dang/ dge zhal ma dang/ pul+li ram la yar ni gser mgo ma dang/ dpal he ru ka dang/ dpal chen ma dang/ dra ba ngan bcas ma dang/ rdo rje ma dang/ thabs chen mo dang/ sdang za 'jigs byed ma ste sme sha can gyi rigs las byung ba'i bud med stong phrag nyi shu yin no/ /bya ba gzhan gsungs pa/ 'di'i dam tshig ces bya ba la sogs pa ste/ 'og nas 'chang bar 'gyur ba'i dam tshig 'di rnams gdon mi za bar bya ba yin no/ /sgom pa zhes pa ni sgom ba po'o/ /mkha' 'gro ma'i sprul pa zhes pa ni mkha' 'gro ma rnams kyis rdo rje'i dbang gis dgod ba yin no/ /dam tshig de ci zhe na/ gsungs pa/ bsam gtan zhes bya ba la sogs pa yin no/ /mtshan mo zhes pa ni dben pa'i gnas su bsam gtan la dga' ba 'dis bsam pa'i mchod pa dang bcas pa bya ba yin par dgongs so/ /phan yon gsungs pa/ skye ba 'am zhes pa la sogs pa ste/ dpa' bo 'byung zhes pa ni dngos su dpal he ru ka'i rigs so/ /rang 'byung zhes pa ni grub pa'i rnal 'byor ma rnams so/ /g.yon pa zhes pa ni rnal 'byor ma ste/ de rnams mchod pa ste/ bstan pa'i mtshan nyid de nyid kyi phyir 'gyur ro/ /rim par phye ba bzhi bcu rtsa gcig pa'o// //de ltar bya ba yin zhes pa ni de ltar bstan
- 269b
pa'i rim pa dang/ 'chang par 'gyur ba'i rim pas bya'o zhes pa'i don to/ /sngags 'dis zhes pa ni rtsa ba'i sngags sam/ yi ge bdun pa'i sngags sam/ oM sarba kA me ni sarba b+hak+Sha saM sho d+ha ya gu hya gu hyaM badzri Ni swAhA/ zhes bya ba'i sngags 'dis bya'o/ /reg pa dang bzhad pa dang zhes pa ni sgrub pa pos 'khyud de ha hA ha he ho hau hUM hUM hUM zhes bya ba 'dis bgad par bya'o/ /gang mo che bden pas tshangs par spyod pa dang zhes pa ni phyi rol gyi yan lag can gyi phyag rgya rdo rje phag mo'i bdag nyid kyi gzugs kyis te/ tha snyad kyi tshul rdo rje phag mor bsgom zhes pa'i don to/ /de'i mchi ma 'byung zhes pa'i don te/ lha mo de'i spyan nas mchi ma 'bab bo/ /snying nye de'i spu yang ldang zhes pa ni lhan cig skyes pa'i bde bas de'i ba spu ldang bar 'gyur ro/ /rdo rje zhes bya ba la sogs pas sgrub pa po'i las gsungs pa/ rdo rje ni rang gi mtshan ma'o/ /'gom mi bya zhes pa ni dngos po thams cad las lha mo'i pad+mar 'jug go /mchod ces pa ni nu ma dang 'chan khung la sogs par blta'o/ /'di ni phyag rgya tshogs kyi rim zhes pa ni 'og nas bstan par bya ba'i 'bod pa la sogs pa'o/ /byas nas ni/ phyag rgya zhes pa ni 'dir 'bod pa la sogs pa ni phyag rgya byas pa'o/ /sngags ni rjes dran byed ces 'og nas 'chang ba'i dgod pa'i rnam pa brgyad kyi sngags so/ /mched tu dga' zhes pa ni rjes su chags par byed pa'o/ /ha hA'i rnam par zhes bya ba la sogs pas ni bya ba gsungs la 'di nye bar zhes pa ni sgrub pa po'i mngon sum nyid du'o/ /rtag tu zhes pa ni ji tsam bsgrub pa po la gnas pa'i bar de tsam du zhes pa'i don to/ /dga' bar zhes pa ni rtse ba'o/ /sngags dang bsam gtan legs par sbyar zhes pa ni bsam gtan no/ /bcom ldan 'das bsgom pa sngon du 'gro bas bde ba
- 270a
la sogs pa'i phyag rgya'o/ /sngags ni rtogs pa'i mtshan nyid dang bcas pa'o/ /gtso mo la sogs pa ni slar las gzhan bstan pa yin no/ /dpa' bo rnams las khaN+Da ka pA la la sogs pa ste/ gtso mo ni rab tu gtum mo la sogs pa'i rnal 'byor ma de dang lhan cig tu ba spu ldan par 'gyur ro/ /rdo rje bsgom par mi bya zhes bya ba ni sgrub pa po'i las sngon du 'gro bas zhes pa'i don to/ /g.yon pas yongs su brtags pa yin zhes pa ni rnal 'byor ma gang gis de nges par yin par dgongs pas so/ /'di ni rim par phye ba bzhi bcu rtsa gnyis pa'o// //de nas spyan ras gzigs zhes bya ba la sogs pa ni gzigs pa ni sgrub pa po rjes su gzung bar bya ba'i don du rnal 'byor ma rnams kyis gzigs pa'o/ /de bshad do zhes bya bar 'brel to/ /dpa' bo dang ni gnyis med mi/ /gang gi zhes bya bar brtag par bya'o/ /gang gis rnam par bltas pas dpa' bo dang 'dra bar rnal 'byor ma rnams dang lhan cig gnyis su med pa'i tshul du kha sbyor du yod pa der sgrub pa po 'gro bar 'gyur zhes dgongs so/ /cir gyur nas rnal 'byor mas gzigs par 'gyur zhes gsungs pa/ gnas ni zhes bya ba la sogs pa ste/ gnas ni pul+li ram la ya la sogs pa'o/ /de rnams kyi dbye ba ni gnas la sogs ba'o/ /de'i cho ga ni sgrub pa po ste rang gi lus la gnas ji ltar nges par sbyar ro/ /de nyid ni byin gyis brlab pa'o/ /bsgom la rtag tu mngon dga' zhes pa ni bsgom la rtag tu mngon par dga' ba rtag tu mnyam par gnas pa rnams la gzigs par 'gyur ba yin no/ /zhes pa lhag ma'o/ /gang la gnas nas gzigs par 'gyur zhe na gsungs pa/ lam gyi bzhi mdo zhes bya ba la sogs pa ste/ dpa' bo'i gnas kyi gnas la sogs pa'o/ /de ni mnyes
- 270b
par bya ba bstan pa'i phyir gsungs pa/ gcer bu zhes bya ba la sogs pa ste/ rnal 'byor pa phyogs kyi gos can gyis phyag rgya'i mchod pa'i gcer bur mchod par bya'o/ /las nyid kyi ni go 'phang mchog ces pa ni de nyid mchod pa'i las te/ de'i phyir go 'phang mchog tu grol bar gyur pa yin no/ /bkab ces bya ba la sogs pa ste/ stag gi pags pa bsnams pas so/ /gzhan zhes bya ba ni phyag rgya drug go /bkab pa ni bsgom pa'i lus la bskyed pa'o/ /'dod pa rnams kyis gos mi 'gyur zhes pa ni sgrub pa po brten pa la 'jug pa la de nyid du yang dag pa'i ye shes thob pa'i bar de srid du mi gos so/ /yang na yid dga' ba la skyon thams cad kyis mi gos pa yin no/ /de bzhin zhes pa ni nye bar bsdu ba ste/ de bzhin du gcer bu skra grol bar gyur pa de las thams cad kyis mnyes par bya'o zhes dgongs so/ /rtsa ba'i sngags zhes bya ba la sogs pas ni rtsa ba'i sngags sam/ sum b+ha ni la sogs pa'i sngags bzlas pas phyogs bcing bar bya'o/ /de bzhin zhes pa ni phyogs su ra ba dang/ bla re dang/ mda'i dra ba dang/ me'i dra ba dang/ sngags so/ /mchod par gyis zhes bya ba la sogs pa ni lha rnams kyis kyang ji ltar mi mthong ba de ltar mchod par bya'o// 'dis ni shin tu gsang bar 'os pa 'dis mchod pa bstan pa'o/ /yang na rtsa ba'i sngags bzlas pa dang/ sum b+ha ni la sogs pa'i sngags bzhis phyogs su rnam par dkod pas rdo rje ra ba la sogs pa'i nang du chud par bsgom par byas na 'di ltar lha rnams kyis kyang mi mthong ngo zhes pa'i don to/ /snyim pa me tog gi zhes bya ba la sogs pa ni dka' 'grel las bshad pa nyid do/ /stong phrag gi zhes bya ba la sogs pa ni stong phrag ni nye bar mtshon pa ste/ nam
- 271a
mkha' i phyogs na gnas pa mthar thug pa med pa rnams snyim pa me tog gis dbang du byed pa yin par dgongs so/ /dbang du byed par 'gyur zhes bya ba la sogs pa ni sgrub pa po'i nus pa bstan pa yin no/ /srid pa gzhan yang dbang du byed ces pa ni khams gsum du gnas pa rnams las srid pa dbang du byed do/ /gsung gi dbang phyug ni phur bu'o/ /'di nye bar mtshon pa tsam ste/ khyab 'jug dang lha chen po dang dbyig gi snying po la sogs pa yang 'gugs par 'gyur ro/ /gsung gi dbang phyug rnams dang zhes pa ni dbyangs can ma la sogs pa dpag tu med pa'i lha dang lha'i bu mo rnams 'gugs par 'gyur ro/ /g.yo pas 'og la sogs pa gang yod dang zhes pa ni 'jig rten gsum gyi gang ci yang rung ba'i tha dad de thams cad shes par 'gyur ba'i don to/ /grong dang grong khyer du zhes bya ba la sogs pa ni gsang sngags kyi bzlas pa'i gnas bstan pa yin no/ /mi phyed ces pa ni yi ge bdun pa dang lhan cig tu dbyer mi phyed par gnas shing ma lus pa yin zhes pa rnam mgo thur du 'bog par bya'o/ /sa 'dzin rnams kyang gzhan du min zhes pa ni rim pa 'dis ri la sogs pa yod kyang the tshom med pa yin no/ /bdag gi lus la zhes bya ba la sogs pa ni rmi lam gyi cho ga ston par 'gyur te/ rang gi lus la dkyil 'khor gyi 'khor lo rim pa ji lta ba bzhin du bsgom pa'i khongs su gtogs par byas la bdud rtsi lngas byugs pa'i ku sha'i steng du nye bar 'dug ste/ yi ge bdun pa'i sngags brgya rtsa yongs su bzlas te/ de nyid du nyal du bcug pas ston par 'gyur te/ rnal 'byor mas zhes pa lhag ma'o/ /yid la 'dod pa
- 271b
ston par 'gyur te/ tshe dang zhes bya ba la sogs pa ni dka' 'grel 'dis bla ma'i man ngag gis gzhan dang gzhan du bshad do/ /sngags kyi bzlas ba zhes pa ni dus tshod ma yin pa la gzhon nu ma pos la tho rang dri zhim pos khrus byas la nye ba'i snying po'i? A gal brgya rtsa brgyad kyis mig dag la mngon par bsngags nas ras ris dang lugs ma la sogs pa mchod pa sngon du 'gro bas ral gri 'am mar me 'am me long la rgya skyegs kyis byugs te yungs mar du bkrus la de la mthe bong bstan par bya'o// de bzhin zhes bya ba la sogs pa ni shel lam chu 'am bum par ro/ /de'i rjes la ral gri la sogs pa rnams kyi mig yor gyi tshul du rjes su mthun par dge ba ston par 'gyur ro/ /dge ba dang mi dge ba ston par 'gyur zhes pa ni 'chad par 'gyur ba'i pra se na ni 'phebs par byed pa'i rjes thogs su blta bar bya/ bsam gtan zhes bya ba la sogs pa ni yang de nas dpa' bo yi ge bdun zhes pa 'di dang lhan cig tu sbyar ro/ /'di nyid dka' 'grel las bstan pa bsam gtan zhes pa la sogs pa ste/ de nas zhes bya ba la sogs pa ni dka' 'grel las gsal bar mdzad do/ /nad rnams kun las zhes pa ni dug gnyis las te/ legs par gnas par 'gyur ba zhes pa lhag ma'o/ /nad rnams kun la the tshom med ces pa ni rims la sogs pa'i nad rnams thams cad zhi bar 'gyur bar dgongs pa'o/ /gang las she na/ gsungs pa/ zla ba la sogs pa ste/ spyi bo la son pa'i 'khor lo'i nang du yi ge bdun pa gnas par bltas pas phyogs bcu skyong bar gyur pa/ gang gi phyir zhes pa'i don to/ /go mang sa zhes bya ba la sogs pa la/ mngar gsum sbags zhes pa ni mar dang sbrang rtsi dang sha kA
- 272a
ra rnams byugs pa'o/ /sbyin sreg ces pa ni/ sngar bstan pa'i cho ga yis las thams cad kyi thabs khung du sbyin sreg bya'o/ /gsang ba zhes pa ni dben par ro/ /sgrub thabs gzhan gsungs ba/ de nas zhes bya ba la sogs pa ste/ gang du zhes ni rgyal po'i pho brang la sogs par ro/ /der zhes pa ni skye ba gzhan no/ /dkar po zhes bya ba la sogs pa ni las kyi bye brag gis kha dog gi bye brag go /sbyin sreg kyang dkar po la sogs pa kun gyi khyad par bstan pa yin no/ /'khor zhes pa ni pha rol gyi dmag tshogs rnam par gshegs shing bkod ba la sogs pa'i 'khor lo'o/ /dug gis zhes pa ni brtan pa dang g.yo ba'i mtshan nyid kyi dug nges par gdon pas byas pas so/ /gsal bar 'gyur zhes pa ni slong bar gyur ba lag pa g.yon 'khor lo mig de yis brdeg go zhes pa'i don to/ /sad par zhes pa ni de rnams ji lta ba bzhin du sad bar gyur pa de bzhin du byis pa rnams slong bar 'gyur ro zhes dgongs so/ /lag pa mthong ba zhes pa ni 'khor lo bri ba dang bcas pa'i lag pa mthong ba'i phyir ro/ /khu tshur bcings zhes pa ni 'khor lo bris pa dang bcas pa'i lag pas khu tshur bcas pa'o/ /de bzhin nyid du sgrub par byed ces pa ni 'chad par 'gyur ba'i rim pas so/ /'bras bu zhes bya ba la sogs pa ni yi ge bdun pa'i mngon par rtogs pa'i me tog dang 'bras bu la sogs pa rnams kyi don to/ /de ni sngags kyi bzlas pa rim gyis btab pa gsungs pa/ lus kyi sbyor ba zhes bya ba la sogs ba ste/ grong zhes bya ba la sogs pa ni sngar bstan pa'i gnas gzhan ma'i gnas na gnas pa'o/ /dang po dpal bde mchog 'khor lo'i gzugs kyi bdag nyid du rdzogs pa'o/ /gnyis pa ni lha mo bsgom par bya'o/ /gsum pa ni mkha' 'gro
- 272b
la sogs pa nas gshin rje brtan ma la thug bar mchod pa dang/ bstod pa nas gzung ba sngon du 'gro bas rim pa ji lta ba bzhin du rdzogs par byas nas sngags kyi bzlas pa las thams cad 'grub par 'gyur ro zhes pa'i don to/ /dngos grub kyang sngags kyi las thams cad kyis 'grub par gsungs pa/ sa bzhi zhes bya ba la sogs pa ste go sla'o/ /'di ni rim par phye ba bzhi bcu rtsa gsum pa'o// //de nas pho nya zhes bya ba la sogs pa ni pho nya ni rnal 'byor ma drug go 'dir sngags dang lha dang tha mi dad pa'i phyir na pho nya'i sgras pho nya ma'i go cha'i sngags mtshon cing bstan to/ /bsdus ldan zhes pa ni cho ga ji lta ba bzhin du yang dag par bris pa'o/ /yi ge bdun par ldan 'grub pa zhes pa ni nye ba'i snying po'i sngags kyang ngo/ /gang zhig ces pa ni bsgrub par bya ba gang la'o/ /las ni yang dag rtsom zhes pa ni de'i mod la 'grub par 'gyur ro zhes pa'i don to/ /de nyid gsungs pa/ lag pa'i dbus su zhes bya ba la sogs pa'o/ /rnal 'byor ma drug ces pa ni oM baM zhes bya ba la sogs pa'i go cha'i sngags kyang ngo/ /'khor lo rnams kyi zhes pa ni lag pa g.yon pa'i mthil du pad+ma dmar po 'dab ma lnga pa bris pas so/ /g.yon pa la ni skul tshig ldan zhes pa ni g.yon gyis che ge mo khug cig ces bsgrub bya'i ldan pas so/ /'dir yang yi ge bdun pa'i sngags kyis blta bar bya'o/ /gang gis gzugs 'dzin bsams na ni gang gis bsgrub bya'i gzugs de 'dzin par bdag nyid kyi gzugs bltas nas so/ /kha nas gsang sngags rgyal po zlos zhes pa ni nye ba'i snying po'i sngags sam go cha'i sngags kha nas zlos shing lag pa gang la bstan par 'gugs par 'gyur ro/ /da ni nges par zhes pa la/ da ni go cha'i sngags 'ba' zhig gi las bya bar gsungs pa/ dmar
- 273a
bo zhes bya ba la sogs pa ste go sla'o/ /lag pa gnyis kyis mnyes nas ni/ rnal 'byor ma la sbyin sreg bya ba zhes ba ni lag pa g.yon pa dang g.yas pa gnyis la go cha'i sngags bkod pa'i rdul mnyes nas sbyin sreg gi thab khung du rdo rje phag mo la sogs pa'i rnal 'byor ma drug bsgoms pa'i zhal du sbyin sreg bya'o zhes pa'i don to/ /sme sha can gyi me 'am zhes pa ni 'am smos pas dbul bar bya'o/ /mtshan mo zhes pa ni mtshan phyed ma'o/ /de ni bsgrub bya mngon phyogs te zhes pa ni thal ba nges bsgrub bya'i gzugs brnyan byas te/ gro ga la sogs pa la sngags kyi 'khor lo bris te/ de'i snying gar bcug la/ bdag nyid dang de las mngon par phyogs par 'gyur ba ste/ sbyor ba 'di ni bsam par bya zhes pa'i rjes thogs su bstan par bya ste/ sngags kyi bzlas pa 'bum phrag gcig bya'o zhes pa'i don to/ /'gugs pa'i dgongs pa gsungs pa/ dbang du 'gyur zhes bya ba la sogs pa ni go sla'o/ /de de nyid kyi ni ces bya ba la sogs pas rnam pa gzhan gsungs pa/ dur khrod ras la gtum nas ni zhes pa ni che ge mo'i A yu(rgyud 'grel): sti b+ha ya zhes bskul tshig gi sngon du 'gro bas 'khor lo bris nas dur khrod kyi ras la gtum nas bya'o/ /lan bdun bzlas na zhes pa ni go cha'i sngags kyis lan bdun mngon par sngags so/ /brkos nas ni zhes bya ba la sogs pa ni dgra'i ming dang bcas pa'i sngags brjod pa sngon du 'gro bas song la sor brgyad thug par brkos te spa zhes pa'i don to/ /brkos pa la sogs pa'i dgongs pa gsungs pa/ brkos pas zhes ba ni sbas pas so/ /de'i tshe gnon par 'gyur ro/ /zhes bya ba ni tshe gnon pa ste/ de srid du de'i srog tu 'gyur ro zhes dgongs so/ /ba'i lo ma yis zhes pa ni nga'i
- 273b
'o mas 'khor lo de'i rdul bkru ba'o/ /zhes lhag ma'o/ /de nyid ces bya ba la sogs pas slar yang las gzhan gsungs pa/ myos byed lnga dang ldan pa ru zhes pa ni da du ras yan lag lnga dang ldan pas so/ /de ni dur khrod ras kyis bcings zhes pas ni sngar bstan ba'i ras kyi ngo bo nyid kyis bcing ngo/ /dgra'i ming yang bri bar bya zhes pa ni ras la 'khor lo bri bar ni che ge mo oM maM ti kur baM ti zhes bri bar bya'o/ /bzlas brjod lan brgya bzlas nas ni zhes pa ni dang por go cha'i sngags lan brgyar yongs su bzlas nas gnyis kar gcig tu byas te phur mar bya'o zhes pa'i don to/ /dur khrod sar ni myur sbas nas zhes pa ni sngar gyi bzhin du sngags brjod pa sngon du 'gro bas dur khrod kyis bzhir sor brgyad thug par spa bar bya'o/ /dgongs pa gsungs pa/ smyo bar zhes bya ba la sogs pa'o/ /slar gso ba gsungs pa/ bton nas zhes bya ba la sogs pa ste go sla'o/ /'di ni rim par phye pa bzhi bcu rtsa bzhi pa'o// //bzlas brjod brgya yang zhes pa ni go cha'i sngags kyis so/ /ling ga ni rang byung ngo/ /mnyam par bzhag pas nyi ma bdun zhes pa ni lha'i rnal 'byor dang ldan pas nyi ma re re 'o ma btung zhing rtag tu khrus bya'o/ /de nas nyi ma zhag bcu gcig na zhes pa ni nyi ma bdun gyi 'og tu mtshan mo gsum gtud bar gnas nyi ma bcu gcig pa la blang zhes pa'i don to/ /chu bo chen po zhes pa ni rgya mtsho las 'gro ba'o/ /gsang ba'i rgyud las 'byung ba'i zhes pa ni gsang ba'i phyir te gsang ba'i rgyud ni mngon par brjod pa 'bum pa'o/ /de las byung ba ni de las gsungs pa'i rim pa 'dis zhes pa lhag ma'o/ /rgyud gzhan las gsungs pa'i tshig 'grub ste/ rim pa gzhan gyis zhes dgongs so/ /sgrub thabs gzhan gsungs ba/ skye gnas phyag rgya bcings zhes bya ba la sogs pa nas/ /'khor lo sgyur dang bcas pa yang/ nges par
- 274a
'gugs zhes pa'i mthar te/ 'dir yang 'brel ba'i rim pas sbyar bar bya'o/ /bsgrub par bya ba'i gzugs byas la zhes bya ba la sogs pa ni sbra tshil la bsgrub bya'i gzugs byas te/ tsan dan dmar po dang bsgrub bya'i rkang rjes kyi sa dang/ /tsha ba gsum po rnams kyis byug par bya ba yin pas mi'i bdag mo 'khor dang bcas pa zhes bya ba la sogs pa'i ming brten pa zhes bya ba ni mthar ro/ /gro ga'i 'dab ma la yi dags kyi sen rtsi dang gi wang dag gis sngar bstan pa'i cho ga'i sngags kyi 'khor lo la mi'i bdag po 'khor dang bcas pa'i bsgrub bya'i ming brten te bri bar bya'o zhes pa'i don to/ /bsgrub par bya ba'i lto bar gnas zhes pa ni 'khor lo de bsgrub bya'i gzugs bsnyan gyi lto bar gzhug par bya'o zhes pa'i don to/ /sgrub pa po ni gsang gnas su/ /zangs ma'i khab kyis phug nas ni zhes pa ni gsang ba'i gnas dbang po'o/ /de'i rjes la skye gnas zhes bya ba la sogs pa ni mthos so/ / bsgrub bya'i gzugs brnyan gyi mdun du las kyi lhag ma dang lhan cig tu kha sbyar du byas la bsgrub bya'i ming brten pa'i sngags brgya rtsa brgyad bzlas par bya'o/ /zhes pa'i don to/ /de'i rjes thogs su mthe chung zhes bya ba la sogs pa ni de la yid kyi gnas zhes pa'i mthar te/ rdo rjes g.yon pa'i mthar rtsa ba'i sgrar brjod do/ /de yid kyis thun gsum du bskyed par bya'o zhes dgongs so/ /'dis ni rnal 'byor ba sgrub pa pos chags pa can gyi thams cad kyi thams cad rdzogs par 'gyur bar bstan pa yin no/ /kha sbyor du gyur pa'i sgrub pa pos sngags brgya rtsa brgyad yongs su bzlas pas gang byed par gyur pa de bstan to/ /du med ces pa la sogs
- 274b
pa ni brgya rtsa brgyad nas zhes ba ni 'di'i mthar ro/ /nyi ma bdun du thun re la gzugs brnyan du ba med pa'i seng ldeng gi me la bso zhing sngags brgya rtsa brgyad yan chad bzlas par bya'o/ /bstan pa'i don de gsal bar bya ba'i phyir gsungs pa/ mngon par phyogs te brgya bzlas nas zhes pa la sogs pa nas/ ma khu ba zhes pa'i bar du go sla'o/ /dgongs pa gsungs pa/ lan brgya zhes bya ba la sogs pa nas myur du 'gugs par byed pa yin zhes pa'i mthar te/ bzlas pa zhes pa ni nyi ma bdun du kun du rdzogs pa dang/ de dang lhan cig tu nges par bzlas pa bya ba yin par dgongs pa'o/ /de nyid kyi don bsal bar gsungs pa/ gsungs pa zhes bya ba la sogs pa nas/ 'gugs par 'gyur zhes pa nas bya ba'i mdza' go sla'o/ /nges par cir 'gyur bar gsungs pa/ bram ze gsod pa dag gis kyang/ /zhag bdun brgya byin myur par 'gugs zhes pa'o/ /sbyor ba gzhan gyis kyang mdza' dag 'gugs par bstan pa'i phyir gsungs par rkang rjes rdul zhes bya la sogs pa ste go sla'o/ /lag pa gnyis la sngar bstan pa'i 'khor lo gnyis bkod de/ /mnyes pa'i rdul gyis seng ldeng gi me mngag la sbyin sreg bya'o zhes bya ba'i don to/ /yun ji srid du gsungs pa/ ji srid par bsregs pa 'grub ces pa ni ji srid du ma grub kyi par du ji srid du sbyin sreg bya'o/ /rgyal zhes bya ba la sogs pa go sla'o/ /dud 'gro zhes bya ba la sogs pa ni dgug pa'i rim pa 'dis phyugs rnams rnal 'byor mas zos pa 'am gal te pho nya mas nye gnas byed do zhes dgongs so/ /pho nya mo'i bya ba khyad par du gsung pa de nas zhes bya ba la sogs pa ste/ de nas bya ba ni slar g.yo ba'i rjes thogs su'o/ /las kyi pho nya mo zhes bya ba la sogs pa ni las bya ba'i don gyi pho nya mo ste de'i don
- 275a
zhes bya ba'i don to/ /'dzin par 'gyur zhes pa ni de'i ming smos pa sngon du 'gro bas che ge mo yis bya ba de yis bya'o zhes gsum du brjod do zhes dgongs so/ /slar yang 'gugs pa'i phyir gsungs pa/ ka ra bI ra zhes bya ba la sogs pa ni gang la mngon par bris par 'gyur ba bsgrub bya gang la ming dang bcas pa'i sngags brjod de sgrub pa po gang gis gang la'o/ /'bar bar 'gyur ro/ /sreg me la dor zhes pa ni dur khrod kyi sol ba gang dang gang la'o/ / myur ba ni myur ba'o/ /rig pa lan bdun bzlas nas ni zhes pa ni rig pa ste go cha'i sngags kyis lan bdun bzlas pa'i lcug ma de'o/ /gang zhig bzlas te bskor na ni zhes pa ni che ge mo'i bu mo zer ba 'am/ skyes pa gzung nas myur du 'ong zhing smra ba/ bsgrub bya gang zhig bsams te/ bskor bar bya'o zhes dgongs so/ /de'i skad cig la zhes bya ba la sogs pa ni go sla'o/ /slar yang dag gi dngos grub gsungs pa/ ka ra bI ra'i me tog ces bya ba la sogs pa ste go sla'o/ /dgongs pa gsungs pa/ sgrub pa po de'i tshig gi dngos grub ces bya ba la sogs pa ste/ tshig gi dngos grub ces ba ni tshig gi dngos grub po zhes pa'i don to/ /gzhan ni go sla'o/ /dgug pa yi ni sbyor ba dag ces bya ba la sogs pa ni bshad par bya'o zhes lhag ma'o/ /me tog dmar po zhes bya ba la sogs pa ni spyir mngon par brjod pa'i ka ra bI ra zhes khyad par du bstan pa yin no/ /blangs nas zhes pa ni khros pa'i tshe yang dag par blang ngo zhes bya ba'i don to/ /gzhan go sla'o/ /rig ba lan brgya bzlas pa dag ces pa ni go cha'i sngags mngon par bsngags pa'o/ /kha sbyar zhes pa ni me tog de skye gnas kyi dbus su bcug la phyi rol gyi yan lag can dang lhan cig tu gyur pas zhes dgongs so/ /me tog de rnams las zhes
- 275b
pa ni lnga pa'i don gyi gsum pa'o/ /mngon 'gyur sems ni ldog pa ru zhes pa ni sbyor ba 'di'i mthu stobs dngos so/ /sems ni sems so/ /ldog pa ni byed pa'o/ /de de ltar na gsungs pa/ 'di ni mngon par grub pa ste zhes pa ni yid ches par mthong ba'i sbyor ba zhes pa'i don to/ /don yod ces pa ni 'bras bu don dang bcas pa'o/ /'di ni rim par phye ba bzhi bcu rtsa lnga pa'o// //de nas zhes bya ba la sogs pa ste/ yi ge ha lnga zhes pa ni ha'i yi ge lnga ste bstan par bya'o zhes lhag ma'o/ /gang zhig ces bya ba la sogs pa ni gang gis yi ge ha lnga yis zhes pa ni cho ga nan tan du byas pas lag pa'i yi ge ha lnga mnyes par bya'o/ /skul tshig dang ldan pa'i zhes pa ni bsgrub bya'i rkang rjes kyi sa dang dug dang khrag dang ske tshe rnams kyis lag pa'i mtheb du byugs te/ de'i steng du ba bla dang/ rdo rgyus dang/ yung ba dang gi'u wang rnams kyis khwa'i sgro'i smyu gus nyi ma la gnas pa'i rdo rje rtse lnga pa'i lte ba la yi ge ha lngas yang dag par bris te/ bsam gtan gyis kyang de bzhin du bltas la seng ldeng gi me mdag gam dur khrod kyi me la bsgrub bya'i ming brjod pa mngon du 'gro bas lag pa gnyis mnyes nas sbyin sreg bya ba yin par dgongs so/ /'di'i don dka' 'grel las kyang mdor bsdus te bstan par rtogs par bya'o/ /rang gi khrag ces bya ba la sogs pa ni rim pa 'dis thod pa la sogs par yi ge lnga bris la bsam gtan gyis kyang de bzhin du bltas la rang gi khrag bud med kyi khrag dang/ lhan cig tu bsres te thod par bzhag la bsgrub bya'i ming brjod pa sngon du 'gro bas mnyes par bya'o zhes pa'i don to/ /gal te zhes bya ba la sogs pa ni ci ste gnyis po med pa'i tshe khra ba dang bcas pas yi ge ha lnga bsgrub bya'i ming dang bcas pas/ bzlas na de'i tshe ji skad du bstan pa bzhin du 'grub par 'gyur ro/ /rim pa bzhin
- 276a
gyis bsad pa bstan pa ni kha cig go /sgrub thabs gsungs pa/ byi la dang zhes bya ba la sogs ba ni zla ba la gnas pa ni yi ge ha lnga'i sa bon las rdzogs pa'i byi la'i sha la sogs pa rnams kyis mkha' 'gro ma la sbyin sreg dang gtor ma dbul zhes pa'i don to/ /lag par bzlas brjod byas te zhes pa ni rang gi lag pa'i yi ge lan stong gi bar du bzlas pa'o/ /gang la sdig mdzub ces pa la sogs pa ni khros bas sngags bzlas pa'i sdigs mdzub kyis sdigs mdzub bya'o/ /slar yang 'tsho bar zhes pa ni zhi bas sngags bzlas te/ sdigs mdzub dang bral bas zhes pa'i don to/ /'di ni rim par phye ba bzhi bcu rtsa drug pa'o// //de nas zhes bya ba ni 'chang par 'gyur ba'o/ /rim par phye ba las phyin ci log tu bsdus pa'i mkha' 'gro ma'i snying po'i sngags kyi rab 'byams gsungs pa gzhan yang zhes pa ni las bzhan no/ /sngags gang gis zhing gsungs pa/ mkha' 'gro kun gyi snying po ni sngags gang gis rdo rje phag mo la sogs pa'i mkha' 'gro ma thams cad kyi snying po yin par dgongs so/ /'dis cir 'gyur zhe na/ gsungs pa/ 'dir zhes bya ba la sogs pa ni 'chad par 'gyur pa'i mkha' 'gro ma'i snying pos so/ /'jim pa las zhes pa ni rdza mkhan gyi lag pa la 'byar ba'i 'jim pa la sngags brgya rtsa brgyad mngon par bsngags pa yin no/ /sngon du bsnyen pa 'bum phrag gcig gam yi ge'i grangs kyi 'bum phrag gcig gis bya'o/ /zhes dgongs so/ /rengs pa dang 'gugs pa la'o/ /kA kaM di ka'i 'bras bu ni nag po chen po'i 'bras bu'o/ /rab tu rtogs pa'i sen mo ni dka' 'grel las shi ba yin no zhes pa'o/ /gzhan las khwa ta'i 'o/ /ri lu bcu gcig
- 276b
ba zhes pa ni cha mnyam pa'o/ /lag pa bcings te zhes pa ni de'i lag pas blangs te khu tshur bcang ngo/ /nyi ma re re zhing thun re re zhing la nyi ma bcu gnyis kyi bar du stong phrag brgyad bzlas par bya'o/ /bcu gnyis zhes pa ni nyi ma bcu gnyis kyi bya ba yongs su rdzogs par byas nas 'dag pa de rnams phyis te rang gi 'dod pas zhes dgongs pa'o/ /slar 'tsho ba ni skra bregs pas so zhes pa man ngag go/ a ru ra'i zhes bya ba ni a ru ra brgyad brgyas zhes pa'i don to/ /bya chen po zhes bya ba la sogs pas ni 'ug pa'i tshang gi shing bus nyi ma bdun gyi bar du nyi ma re re zhing sngags bzlas pa stong phrag brgyad kyi grangs sngon du 'gro bas sbyin sreg bya ba yin no/ /phub ma zhes ba ni stong phrag brgyad kyi grangs kyis so/ /gang gi ming nas smos nas zhes pa ni bsgrub bya'i ming brten pa'i sngags stong phrag brgyad kyis so/ /slar bzlas te zhes pa ni stong phrag brgyad kyis so/ /srad bu byas la mngon par bzlas te zhes pa ni srad bu lag tu blangs te/ bsgrub bya'i ming dang bcas pa ni sngags kyis lan brgyad mngon par bsngags te zhes dgongs so/ /gzhan du yang bya ba nyid do/ /'bru la mngon par bsngags la zhes pa ni nyi ma bdun gyi bar du thun re re la sngags brgyad steng gis mngon par bsngags te/ mtshan mo bdun gyis zhes pa ni mtshan mo bdun pa'i cha la sbyin pa 'di thams cad sgrub pa bos bya ste/ sngon gyi bsnyen pa'i sngags kyis 'grub par bya'o/ /'di ni rim par phye ba bzhi bcu rtsa bdun pa'o// //de nas zhes bya ba la sogs pa ste/ gzhan yang zhes bya ba ni sngags gzhan no/ /de gang zhe na gsungs pa/ mkha' 'gro kun gyi dge ba yi/ /snying po zhes pa ste/ mkha' 'gro kun gyi ni rdo rje phag mo la sogs pa bzung ngo/ /snying po ni snying po'i sngags so/ /dge ba'i zhes ni dge ba'i phyir
- 277a
'jug pa rnams las dge ba la 'jug pa'o/ /rnal 'byor ma kun gyi/ 'dod pa thams cad sgrub byed pa ni rnal 'byor ma kun rnams kyi sgrub pa po rnams kyi phun sum tshogs pa sgrub pa'i phyir nus so/ /dran pa tsam gyis zhes pa'o/ /sngar gyi bsnyen pa'i rjes thogs su bzlas pa tsam gyis sbyin sreg la sogs pa tsam la mi ltos par ro/ /rjes su dran pa tsam gyis zhes bya ba la sogs pa ni sngon gyi bsnyen pa dang po dran pa'o/ /de'i rjes su dran pa dang rjes su dran par sgrub pa'o/ de tsam gyis sngar gyi bzhin du sbyin sreg la sogs pa mi bltos par ro/ /yang dag dngos grub rim gyis so/ /zhes pa ni rnal 'byor ma rnams kyi bsnyen pa la 'jug pa'i rim pa gnas dang nye ba'i gnas la sogs pa rnams su 'phyan na nges byin gyis brlabs shing bde mchog gi bdag nyid kyis yang dag pa'i dngos grub thob par 'gyur ro zhes bya ba'i don to/ /hA swA zhes bya ba la sogs pa ni phyin ci log tu btus pa yin no/ /bklags pas 'grub ste zhes pa ni bsod nams bsags pa gang la la zhig sngar gyi bsnyen pa la sogs pa la mi bltos pas las thams cad byed do/ /gzhan gyi sngon gyi brnyan pa la sogs pa la bltos pa kho na'o zhes pa'i don to/ /de 'dir gang zhe na/ gsungs pa/ mkha' 'gro ma zhes bya ba la sogs pa ste/ mkha' 'gro ma ni mdor bstan pa'o/ /rnal 'byor ma zhes pa ni rgyas par bshad pa'o/ /de gang zhe na gsungs pa/ khaN+Da ro ha lA ma la sogs te sogs pa smos pas de rnams thams cad gzhal yas khang na bzhugs pa bzung ngo/ /de bzhin zhes bya ba la sogs pa ni de bzhin zhes gzhan dang lhan cig pa'i yang grub pa'i rnal 'byor pa rnams kyi snying po zhes dgongs so/ /che ba'i bdag nyid gsungs pa/ sa 'og ces bya ba la sogs pa ste/ /thams
- 277b
cad go sla'o/ /de'i steng du zhes bya ba la sogs pa la mkha' 'gro ma zhes pa ni mkha' 'gro ma'o/ /lA ma zhes pa ni lA ma'o/ /khaN+Da ro ha zhes pa ni khaN+Da ro ha ste/ rnal 'byor ma zhes gsum po 'di ni nye bar mtshon pa tsam ste/ rnal 'byor ma'i 'khor lo'i tshugs su gnas pa gzhan yang yid kyis bsgom par bya bas so/ /dpa' bo rnams kyi zhes pa ni dpa' mo dang ldan pa'i dpa' bo nyid ces pa ni bcom ldan 'das shes rab dang bcas pa'o/ /ha ha zhes bya ba la sogs pa ni rab tu bshad par bstan pa yin dpa' bo rnams las dpa' bo nyid ces bya ba'i tshig dang ldan pa'i rgyas par bshad pa gsungs pa/ nyi shu rtsa bzhi zhes bya ba la sogs pa ste/ dpa' bo nyi shu rtsa bzhi ni zhes pa ni gnyis pa'i don gyi drug pa'o/ /rdo rje sems dpa' zhes bya ba la sogs pa ni dpa' bo nyi shu rtsa bzhi po rnams kyi mngon par brjod pa las sku'i 'khor lo nas brtsams te bstan pa yin no/ /rim pa bzhin du ni sgrub thabs kyi cho gar gsal ba nyid do/ /thod pa'i dum bu la sogs pa zhes pa ni sogs pa smos pas 'dir rnam par gnas par ston par byed do/ /'o'i sgra'i don ni yongs su rdzogs pa ste/ bsgom par bya ba yid kyis rdo rje sems dpa' ya sogs pa khaN+Da ka pA la la thug par rnam par bzhag pa zhes pa'i don to/ /dkyil 'khor la bkod pa'i dpa' bo rnams kyi che ba'i bdag nyid gsungs pa/ /nyi shu rtsa bzhi zhes bya ba la sogs pa ste/ dpa' bo nyi shu rtsa bzhi rnams kyis zhes pa ni gsum pa'i don gyi drug pa'o/ /ci dpa' bo 'di rnams kho na dgong ngam/ gzhan dang lhan cig tu zhe na/ gsungs pa/ dpa' bo rnams kyis dpa' bo nyid ces pa'o/ /rnal 'byor ma ni zhes pa ni rnal 'byor ma ste bsgom par bya zhes pa lhag ma'o/ /de yang gang zhe na gsungs pa/ rab gtum sogs de bzhin gzhan yang ni zhes
- 278a
pa ni rab tu gtum mo la sogs pa gzhan yang de bzhin du bsgom par bya'o zhes pa'i don to/ /sngar bshad cho ga yis mchod pa zhes pa ni rim par phye ba dang po dang gsum pa las gsungs pa ni rim pas mchod par bya'o zhes pa'i don to/ /rnal 'byor ma'i zhes pa ni rnal 'byor ma rnams kyi'o/ /dngos grub kun gyi gnas de bzhin zhes pa ni mchod pa la 'jug pa'o/ /de bzhin gzhal yas khang gyi rnal 'byor ma rnams kyi mchod pa zhes pa'i don to/ /'di ni legs par gsungs zhes pa ni 'di ni mchod cing bsgom pa'i mtshan nyid do/ /legs par gsungs pa ni yang dag stan pa sangs rgyas dbye bas zhes bya ba ni rnam par snang mdzad la sogs pa'i sangs rgyas bye ba rnams kyis so/ /dpa' bo bye ba zhes bya ba ni dpal bde mchog la sogs pa'i bye ba rnams kyis kyang ngo/ /slar yang dpa' bo rnams kyi che ba'i bdag nyid gsungs pa/ re re'i zhes bya ba la sogs pa ni 'dir yang dpa' bo re de la rnal 'byor ma bstan pa so sor re re nyid do Sha don dam par na bye ba'i grangs yongs su bcad pa'i rnal 'byor ma zhes bya ba'i don to/ /da ni rnal 'byor ma'i che ba'i bdag nyid gsung ba rnal 'byor ma ni zhes bya ba la sogs pa ste go sla'o/ /'di ni rim par phye ba bzhi bcu rtsa brgyad pa'o// //de nas gzhan yang zhes bya ba la sogs pa la ji ltar cho gas phyugs kyi las zhes pa ni cho ga bzhin du bong bu'i rnal 'byor sngon du 'gro bas bltas te/ bdud rtsi myang ba'i cho gas bza' ba dang/ bca' ba dang bcas pa bsgrub pa sogs yin par dgongs so/ /gang zhig ces bya ba la sogs pa ni shes tsam gyis ni shes pa ste/ khyad par can du byin gyis brlabs pa tsam gyis so/ /dngos grub ni 'og nas 'chad par 'gyur ba'i
- 278b
mtshan nyid do/ /sU lu la sogs pa'i cho ga gsungs pa/ sA bu'i phye las bong bu'i rnam par gzugs brnyan byas te/ phyugs sna tshogs pa rnams su blta ba la sogs pa bya'o zhes dgongs so/ /de nyid dka' 'grel las gsungs pa/ de he ka bya bar gsal por bshad pa yin no/ /phyugs su zhe na/ gsungs pa/ bong bu zhes bya ba la sogs pa ste/ sogs pa smos pas khwa dang 'ug pa dang/ bya rgod la sogs pa gzung ste/ dang po'i don gyis gsum pa'o/ /sna tshogs zhes pa ni sna tshogs pa'i phyugs bzhan no/ /rim par phye ba bcu gcig pa las gsungs pa'i skye ba bdun pa'i las rdzogs par bya ba phyir gsungs pa/ 'di rnams zhes bya ba la sogs pa ste/ 'di rnams ni bstan ma thag pa rnams las gzhan mchog tu gyur pa'i skye ba bdun pa'o/ /skye ba bdun pa'i phyugs kyi las zhes dgongs so/ /mtshan nyid ji lta bar gyur pa dang zhes pa ni skye ba bdun pa'i mtshan nyid kyang bshad par bya'o zhes bya bar 'brel to/ /gcig ces bya ba la sogs pas skye ba bdun pa srid par ston pa yin no/ /phyugs gang zhe na gsungs pa gang zhig ces bya ba la sogs pa ste go sla'o/ /bsnams pa 'am zhes bya ba la sogs pa ni skye ba bdun pa ji skad du bstan pa'i mtshan nyid dang ldan pa de'i sna'i rnam par shes pas yongs su gcod do/ /lus kyi rnam par shes pas kyang rag pa zhes bya ba'i don to/ /'di ni nye bar mtshon pa ste/ mig gi rnam par shes pa la sogs pas kyang yongs su gcod par byed do zhes so sor sbyar bar bya'o/ /gang gi thig le byed pa de zhes pa ni 'chad par 'gyur pa'i rim pas snying gang gi wang gi thig le bya'o zhes dgongs so/ /thig le zhes bya ba ni sems can gyi ming gi snying po'i sngags kyis brten te mngon par
- 279a
sngags pa'i go spang gi thig les byas pa'i don to/ /slar gso bas gso zhes pa man ngag go shing zhes bya ba la sogs pa ni shing gang gis zhes bya ba la sogs pa ste/ bkrol bas thar par bya ba yin no zhes pa man ngag go /yang 'di rnams kyi dngos grub ci yin zhe na gsungs pa/ rnal 'byor zhes bya ba la sogs pa ste/ shin tu byang bar sems pa'i rnal 'byor dang sngags kyi bzlas pa'i nang du gang la la zhig gi ming de nyid kyis dngos grub 'grub par 'gyur ro zhes dgongs so/ /nyon mongs zhes bya ba la sogs pa la/ sdig la dga' zhes pa ni sdig la dga' ba rnams kyi bza' ba tsam sems kyis sbyin par dga' zhing mi nus so/ /de zhes bya ba la sogs pa ste/ gang gi phyir sdig pa'i mthu stobs kyis de rnams kyi dngos grub kyi lam 'gog par byed pa yin te/ skye ba bdun pa'i las brjod pa yin no/ /da ni phyugs gzhan rnams kyi las gsungs pa/ glang po che zhes bya ba la sogs pa ste/ 'di rnams kyi cho ga ji lta ba bzhin du zlos pa rnams kyis gzugs ngan pa la yang gzugs bzang por 'gyur zhes bya pa'i don to/ /rang dga' zhes bya ba la sogs pa ni go sla'o/ /'di ni rim par phye ba bzhi bcu rtsa dgu pa'o// //de nas zhes bya ba la sogs pas ni sbyin sreg gsungs te/ yang dag cho ga gang gi ni zhes pa ni gang gis rim par phye ba sum cu rtsa bzhi pa las gsungs pa'i rim pas zhes pa'i don to/ /dngos grub ces pa ni dbang la sogs pa'o/ /kha chu zhes pa ni mchil ma'o/ /ming smos zhes pa ni bsgrub bya gang gis ming smos pa'o/ /rang 'dod ni 'dod cing 'dun pa'o/ /rnal 'byor dbang phyug ces pa ni dpal pa de mchog gi sku'o/ /kuSh+ma NAM zhes bya ba la sogs pa na kha bcing pa gsungs pa dka' 'grel las gsal lo/ /khyam gyi ta ma la'i
- 279b
'dab ma zhes pa ni gnas 'dab ma rnams kyis sbyin sreg kyang de'i don du bya'o zhes pa'i don to/ /bstan pa'i rnam pas rnal 'byor ba'i don dbang du bya ba'i las gsungs pa/ rang 'dod ces bya ba la sogs pa ni gal te 'dod par gyur pa de'i tshe bya'o zhes dgongs so/ /de de ltar na gsungs pa/ gang dang de ru rnam par gnas zhes pa ni gang dang de ru zhes pa ni bya ba yang mi byed do/ /de nas gzhan yang bshad bya ba/ rnal 'byor ma yis gnas 'gog ces pa ni rab tu dga' ba la sogs pa'i sa bcu gnas dang nye ba'i gnas la sogs pa rnams kyis brda so zhes pa'i don to/ /rnal 'byor ma gzhan rnams kyi'o/ /gnas la sogs pa de cir 'gyur zhe na/ gsungs pa sh+rI he ru ka zhes bya ba la sogs pa ste/ sku yan lag ces pa ni yan lag dang nying lag gi rang bzhin no/ brtan g.yo ba'i bdag nyid ces pa ni 'di rnams thams cad dpa' bo rnams kyi yan lag go /brtan pa ni sa 'dzin la sogs pa'o/ /g.yo ba ni srog chags te/ de bdag nying gar la gnas pa zhes pa bsdu'o/ /rnam pa gang gi brda de la de skad bya zhe na/ gnas zhes bya ba la sogs pa ste go sla'o/ /sh+rI he ru ka lhan cig spyad do/ /'di ni nang gi bdag nyid can zhes pa ni 'di ni nang gi bdag nyid kyi sa la gnas pa la sogs pa'o/ /phyi rol gyi ni sprul pa'i sku he ru ka sprul pa'i sku dang lhan cig tu spyod cing sa la rgyu'o/ /pha rol phyin bcu'i rang bzhin sa bcu po rnams so/ /kla klo'i skad kyis rnal 'byor ma zhes pa ni rnal 'byor ma rnams kyi brda zhes bya ba'i don to/ /ji ltar dpal he ru ka'i yan lag dang nying lag gi rang bzhin de gnas la sogs pa yin zhe na gsungs pa/ mtho ris sa stengs zhes bya ba la sogs pa ste/ 'jig rten gsum po las grags pa gang zhig gis rnam pa la
- 280a
sogs pa ji ltar bstan pa'i bshad par bya ba pul+lir ma la ya sogs pa'i sgra brjod pa gang zhig nang gi bdag gi bdag nyid can du gnas pa ni dpal he ru ka'i yan lag dang nying lag la yang dag par gnas par khong du chud par bya'o/ 'di yang sgrub thabs kyi cho ga las gsal ba yin pa 'dir blta'o/ /'di nyid gsungs pa/ dpal ldan khrag 'thung rgyal po che/ /'dod pa kun gyi dbang phyug gtso/ /bsgrub par bya zhes pa gzhan dang 'brel to/ /kun tu phyag dang zhabs ldan zhing zhes bya ba la sogs pa ni lus la gnas pa kha la sogs pa gsal bar bya ba'i nang gi bdag nyid la gnas par bstan pa yin no/ /ji ltar gsal ba sgrub thabs las shes par bya'o/ /kun tu thos ldan 'jig rten ni zhes pa ni nyan cing thos par byed pa'i dngos po grub pa'i thos pa gang la yod pa de ni thos pa ste rna ba gnyis so/ /thams cad g.yogs te rnam par bzhugs zhes pa ni phung po la sogs pa yul du bya ba can gyi gnas la sogs par bzhugs so zhes bya ba'i don to/ /de nas zhes bya ba la sogs pa ni gang gi phyir de ldan de'i phyir dngos grub rdzogs pa'i bcom ldan 'das dgos pa bsgrub par bya'o/ /bsam gtan ldan pa'i sems kyis te zhes pa ni bsgom pa dang ldan pa'i yid kyis so/ /sgrub pa po zhes pa ni go sla'o/ /'di ni rim par phye ba lnga bcu pa'o// //de nas zhes bya ba la sogs pa la/ man ngag ces pa ni bsgom pa'i rim pa'o/ /spas pa yin zhes pa ni gsang ba'o/ /dpa' bo'i brda'i skad du ni zhes pa ni dpa' po sgrub pa pos rtogs par bya ba ste/ de'i brda smras pa yin no/ /gos ni stag gi pags pa'o/ /yang na gzhal yas khang ngo/ /phyag rgya lnga zhes pa ni 'khor lo la sogs pa'o/ /sogs pas ni thal ba bsdu'o/ /shes rab yan lag ces pa
- 280b
ni shes rab la 'khyud pa'o/ /phur bu gur zhes pa ni phur bu gdab pa dang/ rdo rje'i rab dang/ gur dang/ blar dang/ mnga' i dra ba dang/ rdo rje'i rang bzhin gyi gnas gzung ba'o/ /A li kA li yang dag brjod ces pa ni kun nas khor yug tu A li kA li'i phreng ba bkod pa'o/ /rgyu sogs stod pa sngon 'gro zhes pa ni chos thams cad rgyu dang bral ba'o zhes bya ba la sogs pa dang bcas pa'o/ /gzung ba nA da sogs par gnas zhes pa ni he ru ka 'jug cing bskyed pa'i rgyur yi ge gsum gyi na de'i ngo bos yongs su gzung ba'o/ /sogs pa'i sgra smos pas de nyid kyi phyir yi ge gsum las 'khor lo gsum gyi lha rnams spro ba'o/ /ji ltar bsdu ba'i sbyor ldan pa'i mchod pa zhes pa ni lha de rnams kyis 'gro ba'i don byed pa sngon du 'gro bas yi ge gsum la bsdu'o/ /bdud rtsi tshim byed ces pa ni grags par zlad do/ /mya ngan 'das zhes pa ni bsgom pa yongs su rdzogs nas rang gi lus la lha rnams yongs su gzhug par bya'o/ /lag pa'i mchod pa zhes pa ni lag pa g.yon pa la lha rnams dgod pa'o/ /dbang skur ba zhes pa ni dbang skur ba'o/ /go cha chen pos yang dag bsrung zhes pa ni go cha gnyis kyis lha dang lha mo la gnas ji lte ba bzhin du dmigs par bya'o/ /sngags rnams kun gyis mchod par bya zhes pa ni rkang pa brgyad pa'i sngags kyis bstod pa bya'o/ /gang gi kun spyod pa zhes bya ba la sogs pas bsgom pa po'i phan yon bstan pa ni ji ltar sngon sogs sdig zad pa zhes pa ni gang zhig sngon dang por sdig pa byas pa'o/ /de yis zad par 'gyur pa yin no zhes bya ba'i don to/ /kun gyi mtshan ma zhes pa ni skyes bu chen po'i mtshan rnams kyis khyad par du 'phags par gyur ba yin no/ /gang zhig 'di ni zhes bya ba la sogs pa ni slar yang gsal bar bya ba'i phyir
- 281a
'di nyid gsungs pa/ thams cad go sla'o/ /bstan pa'i rnam pa'i rnal 'byor pa brgya la 'chi na de bzhin gzhan rnams las de'i khyad par ci zhe na gsungs pa/ 'chi ba'i tshe zhes bya ba la sogs pa ste/ gzhan mchi na gshin rje'i 'jig rten du 'gro'o/ /rnal 'byor pa rnams zhes pa ni rnal 'byor pa'o/ /mkha' spyod gnas zhes pa ni bde ba can du 'khrid par byed ces bya bar sbyar ro/ /su yis shen gsungs pa/ dpal ldan khrag 'thung sogs pa rnal 'byor ces pa ste/ dpal he ru ka la sogs pa'i dpa' bo rnams dang rnal 'byor ma rnams kyis zhes bya ba'i don to/ /cir 'gyur ba rnams kyis she na/ gsungs pa/ sna tshogs zhes bya ba la sogs pa ni 'dir gnyis ka'i gsum pa'i don la dang po'o/ /'di nyid gsungs pa 'chi ba zhes bya rnam rtog 'di zhes pa ste/ 'chi ba zhes pa ni 'jig rten pa'i rnam par rtog pa'o/ /don dam par na sngon gyi gnas yongs su btang ste shin tu khyad par du 'phags pa'i gnas la brten nas rnal 'byor pa 'gro'o/ /de ltar na zhes bya ba la sogs pa ni gang gi phyir bstan pa'i rim pa kho nas sgrub pa ni khyad par du 'phags pa'i 'bras bu bcom ldan 'das rnal 'byor ma'o/ /dpa' chen zhes pa ni dpal bde mchog 'khor lo la sogs pa'i dpa' bo'o/ /rnal 'byor ma zhes pa ni rdo rje phag mo nas gzung ba thams cad rnyed par dka' o zhes pa'i don to/ /da ni gus pa dang bcas pa'i 'bras bu gsungs pa/ dpal he ru ka zhes bya ba la sogs pa ste/ /gang gis zhes nas ma gus na zhes pa ni khyad par du 'phags pa'i 'bras bu shes pa de ltar na yang gus par mi byed na zhes pa'i don to/ /dbul ba zhes bya ba la sogs pa ni go sla'o/ /bstan pa'i phan yon du gnyer bas slar bcom ldan 'das bsgom par bya ba'i phyir gsungs pa/ mgul rgyan
- 281b
zhes bya ba la sogs pa'o/ /sna tshogs pad+ma'i lte bar/ A li kA li zhes bya ba ni sna tshogs pad+ma'i steng du A yi kA li yongs su gyur pa las zla ba'i dkyil 'khor zhes bya ba'i don to/ /rdo rje dril bus sku la 'khyud ces pa ni rdo rje dril bur ldan pa'i phyag dag gis rdo rje phag mo la 'khyud pa'o/ /nyi shu bzhi phyed ldan pa'i zhes pa ni phyag bcu gnyis pa'o/ /dpa' bo rnal 'byor ma tshogs bskor zhes pa ni dpa' bo dang dpa' mos yongs su bskor ba'o/ /de lta bur yongs su gyur pa'i dpal he ru ka rgyal po cha bsgom par bya'o/ /dpa' mo kun dang rnal 'byor ma'o/ /zhes pa ni dpa' bo dang rnal 'byor ma'o/ /'khor bcas zhes pa ni mkha' 'gro ma la sogs pa nas gshin rje 'joms ma la sogs pa 'khor dang bcas pa'i bar ro/ /cir 'byung na gcig tu bsgom zhe na/ dbus su sbyor ldan pa'i zhes pa ni dkyil 'khor gyi dbus su rnam par bzhag go/ bsgom par bya bar gyur pa de gang zhe na/ /gsungs pa/ thams cad ces bya ba la sogs pa ste go sla'o/ /da ni theg pa chen po'i gsang sngags sun 'byin par byed pa dang/ rnal 'byor ma'i rgyud sun 'byin par byed pa rtogs par bya ba'i phyir gsungs pa/ mos pa du ma zhes bya ba la sogs pa ste/ 'jig rten pa rnams kyi dgos pa rnams kyi phyir yin te/ 'jig rten pa thams cad ni bde mchog la sogs pa'o/ /'di nyid gsungs pa/ bsam yas shing zhes bya ba la sogs pa'o/ /de nas sangs rgyas kyi rol pa bstan pa gsungs pa/ mdo sde ni rgya cher rol pa la sogs pa'i mdo sde bshad pa'o/ /bya ba ni dpa' bo gcig tu grub pa la sogs pa bshad pa'o/ /spyod pa rnams zhes bya ba ni 'byung po 'dul ba la sogs pa bshad pa ni spyod pa ste/ dang
- 282a
po'i don gyi drug pa'o/ /rnal 'byor gsang ba zhes pa ni thabs dang shes rab snyoms par 'jug pa las 'byung ba'i bde ba shin tu gsang ba'i sngags yin par bshad do/ /sems can 'jug pa zhes pa ni chos kyi 'khor lo bskor ba la sogs pas sems can 'jug pa'o/ /grol ba rnams zhes pa ni stong pa nyid mngon sum du byed pa'o/ /de dang de la dga' ba bzhin zhes pa ni 'di rnams la rjes thogs su bstan pa gzhan rnams kyang sangs rgyas bcom ldan 'das dgyes pa ltar gdul bya'i skye bo la thugs brtse ba'i slad du bstan par bya'o zhes pa'i don to/ /'di ni rim par phye ba lnga bcu rtsa gcig pa'o// //la lar rgyu dang la lar bshad pa 'chad pa'i skabs su 'di/ /de nyid kun tu blangs te gzhung 'di rnam par bzhag par bya/ /bla ma mkhas dang rgyal bas gsungs pa'i bka' lung la goms pa'i/ /spyir ni 'di las gzhan don dran phyir kho bos byas pa yin/ /deng nas skyes bu gzhan rnams ji snyed 'di las som nyi ru/ /'gyur mod 'on kyang 'di ni goms pas kho bos byas pa yin/ /gnyis ka'i bshad pa'i bshang sbyar las/ /'di ni dag gang cher skyes pas/ /'gro ba mdza' dag 'di rnams ni/ /'khor lo gsum gyi gtso bor shog /gnyi ga'i bshad sbyar zhes/ bya ba slob dpon chen po ta thA ga ta rak+Shi tas mdzad pa rdzogs so// //rgya gar gyi mkhan po de nyid dang/ bod kyi lo tsa ba dge slong d+harma blo gros kyis bsgyur cing zhus te gtan la phab pa'o// //lho phyogs a to be sha'i ul/ /b+hats+tsha ma yi grong khyer du/ /kA ya ta yi rigs 'khrungs pa'i/ /rje btsun ta zhes grags pa las/ /ga gA'i chu 'gram gtsug lag khang rig pa'i gter gyi
- 282b
gnas su bsgyur// // */ /dpal sdom pa'i 'grel pa zhes bya ba rdo rjes mdzad pa bzhugs so// // */ /rgya gar skad du/ shI ta twa bi Sha dA nA ma sh+rI sam+ba ra brit+ti:/ bod skad du/ dpal sgom pa'i 'grel ba dpal de kho na nyid mkhas pa zhes bya ba/ dpal 'khor lo sdom pa la phyag 'tshal lo/ /kun nas snang min dpe med nyid/ /skyon med zhi ba/ kho na dang/ /rjes med rang bzhin dag pa yi/ /byang chub sems la bdag phyag 'tshal/ /gang gis stong pa nyid kyi lce rnams kyis ni rdo rje'i chu dang bshang pa khrag rnams myangs pa dang/ /byams sogs so rnams kyis ni gdong dang lag pa rkang pa'i sha rnams zos pa nges nam mkha' 'gro ste/ mngon shes lnga yi zhal chen rnams kyis yul gyi phyugs kyi tshogs rnams zas pa des na drag po yin/ /bsod nams ye shes tshul khrims dam pas dri ma gsum bral spyan gsum gyis sdom gang yin de la 'dud/ /'dir ni legs grub rnams kyis rnam phye rdo rje theg pa'i snying po ni/ /sdom pa'i rgyud kyi rgyal po rgya cher bshad pa rgyal ba'i sras kyis byas/ /don gyi ro yi chu gter 'dus par blo gros blun po gang bdag kyang/ /nam mkha' nam mkha' lding gi lam du sbrang bu dag kyang cis mi 'gro /gser las brdungs byas 'dra zhing chu skyes rnams rgyas pa/ /bkres pas brten pa g.yos lags kha zas za ba 'dra/ /springs yig legs par phye 'dra rin chen sgrom phye 'dra/ /'dir ni rgyud bzang rnam phye dga' ba'i mchog 'dzin byed/ /bde ba sdug bsngal dngos po bral ba chos shes bya dang longs spyod rdzogs pa ston pa po/ /sprul pa sgyu ma mig 'phrul lta bur sna tshogs pa dang mkha' la rdzu 'phrul dang bcas pa/ /ngo bo nyid ni dri ma med pa sku mchog 'jig rten gsum gyis mchod la bdag btud nas/ /bsdus pa'i rgyud ni sbas pa 'grel
- 283a
bar byed pa de kho na nyid mkhas par bshad par bya/ /theg pa che las theg pa'i mchog /sngags kyi theg pa bya sla ba/ /nyan thos ma yin rang rgyal min/ /theg pa chen po'i don bsdus pa/ /mu stegs kun gyi ma myang zhing/ /pha rol phyin pa'i tshul la brten/ /gsang sngags tshul ni rnam grangs mang/ /bya ba spyod pa gnyis ka'i bdag /mdo sde rgyud dang rtog rang bzhin/ /chos kyi phung po stong phrag ni/ /brgyad cu rtsa bzhi'i grangs rnams nyid/ /sangs rgyas kun gyis bstan pa yin/ /de las ches snying po yi rgyud/ /mkha' 'gro ma yi 'khor lo sdom/ /yan lag bcu gnyis gsung la brten/ /mkha' 'gro ma yi man ngag brjod/ /rnam lnga mngon par rdzogs byang chub/ /chos dbyings bdag nyid sgrub pa'i thabs shes rab thabs ni mnyam par sbyor/ /lnga pa zung du 'jug pa'o/ /chags pa ma yin chags bral min/ /dbu mar dmigs par mi 'gyur ro/ /bud med kun gyi sgyu ma'i rgya/ /'di ni gnyis med theg pa'i mchog /snyigs ma lnga yi dus 'dir ni/ rtog pa po rnams blo zhan zhing/ /tshe thung brtson 'grus chung ba rnams/ /rgyas pa mdor bsdus ched du yang/ shes rab pha rol phyin gnyis med/ /rgyal bas dpal ldan 'bras spungs bstan/ /yang dag rdzogs pa'i sangs rgyas theg /'bras bu'i rgyud ni bla na med/ /gang du bde 'dod spro ba yis/ /dka' spyad kyis kyang sgrub par byed/ /gsal zhing gting dpag dka' ba dang/ yod dang yod pa ma yin dang/ /rten cing ma nges ma khyab pa/ /kun rdzob skyo ba can gang yin/ /des na rtog gi bral ba yi/ /bde ba chen po dbu ma pa/ /stong nyid snying rje gnyis su med/ /gang du sems ni yongs su gsal/ /skye ba 'di las sangs rgyas nyid/ /dga' dang bde ba bsgrub par bya/ /e ma mkha' 'gro ma rgyud gang/ /rgyud rnams
- 283b
kun tu mchog yin te/ /khams gsum dbang phyug ye shes ni/ /'di las gzhan pa yod ma yin/ /'di nyid gnyis med de nyid de/ /bden pa gnyis po rnam phye ba/ /gsum gyi kun rdzob rab tu brjod/ /don dam pa gang gnyis dag gis/ /rtog pa'i rnal 'byor rdo rje bzlas/ /rang byin rlabs dang 'od gsal ba/ /zung du 'jug dang rim pa lnga/ /rgyud rnams kun tu bshad pa yin/ /ri mdza' rim pa lngar shes nas/ /rgyud du mdza' drug la 'jug go /rgyud du mdor bstan rnam gsum dang/ rgyas par bshad pa rnam gsum 'gyur/ /'di yi rnam par bshad pa yang/ /rnal 'byor ma kun tu spyod pa'i rgyud du/ /ji ltar mdor bstan rab tu brjod/ /rgyas par bshad pa 'ang de bzhin no/ /so sor rgyas bshad brda dang ni/ /cho ga rgyas pa mdza' dag nyid/ /mdor bstan pa ni sprul pa yin/ /rgyas bshad longs spyod rdzogs par 'dod/ /so sor rgyas bshad mdza' dag ni/ /mya ngan 'das pa'i de nyid bstan/ /dpa' bo khyod kyis nga la bshad/ /sangs rgyas mu stegs kyis rtogs dka' / /sgra dang sgra nyams brda dang ni/ /lam 'di kho na'i rjes 'brangs nas/ /dad pa skyes nas de yang dag /rnal 'byor spyod tshul la gnas yin/ /blun po rmongs pa ngan sdig gis/ /byis pa'i shes pa'i shes pa can/ /yongs su ma smin sems can gyi/ /phyi rol bstan bcos la 'chel ba/ /de dag kun gyis kyang mi shes/ /mi shes mun pas khebs pa dang/ /mngon pa'i nga rgyal rtag dga' ba/ /nga rgyal la sogs bdun sems pa/ /de kun gyis kyang sangs rgyas kyi/ /spyod yul gsang ba mi shes so/ /gzhan duAng mdor bstan rgyas bshad ni/ /dka' 'grel tshig ni 'joms pa'o/ /so sor rgyas bshad mdor bstan che/ /don kun gsal byed rgya cher 'grel/ /de gnyis mngon shes thob rnams
- 284a
kyis/ /bya yis mkhas pas min pa nyid/ /de ltar mdza' drug rnams kyis dag /de bzhin rigs drug gis sdom pa'o/ /'bras bu sgrub pa rgyu rnams kyis/ /rgyud ni rnam pa gsum du bshad/ /de nyid bsdus pa sogs rnams ni/ /sgrub byed thabs kyi rgyud dag go /rgyud ni rgyun chags kun nas bshad/ /phyi ma snga ma las byung ba/ /de nyid gsang dang gsang chen te/ /phyi ma'i rgyud du 'dod pa yin/ /gang zhig gsang ba rnam lnga ni/ /rtsa ba'i rgyud du de brjod bya/ rigs dang dkyil 'khor rnal 'byor skyes/ /mngon par dbang bskur phyag rgya che/ /mngon brjod phyi ma la sogs dang/ /'dus pa phyi ma nyid kyang ngo/ /'bras ni rnal 'byor rgyud rnams te/ /shes rab thabs kyi ming las ni/ /'dus pa dang ni sdom pa sogs// rtsa ba dang rgyu'i rgyud rnams ni/ /rdo rje mkha' 'gro rdor phreng sogs/ /bshad pa'i thabs kyis rgyud dag go /bshad pa'i rgyud kyi rjes 'brangs nas/ /rgyan bdun gyis ni rigs pa yis/ /rgyud kyi rnam bshad rgyal ba bzhed/ /de phyi de la 'jug par bya/ /de bzhin du yang bshad rgyud ye shes rdo rje kun las btus par byang chub sems dpa' chen po rnams kyis gsol pa/ bcom ldan 'das rgyan rnam pa bdun ci ltar lags/ / bcom ldan 'das kyis bka' stsal pa/ /gleng bslang ba rnam pa lnga dang mdza' drug gi bshad pa dang/ rigs pa rnam pa bzhi dang/ bshad pa rnam pa bzhi dang/ rab tu dbye ba rnam pa gnyis dang/ gang zag rnam pa lnga'i slob ma yongs su brtag pa dang/ bden pa rnam pa gnyis kyi dgongs pa'o zhes so/ /rgyas par bshad pa yang 'dir ming dang rgyu mtshan dang byed pa po dang/ tshad dang dgos pa'o/ /dgongs pas bshad dang dgongs min dang/ /drang ba'i don dang nges pa'i don/ sgra
- 284b
ji bzhin pa dang sgra ji bzhin pa min pa'o/ /rgyud dang gleng gzhi dang/ nges pa'i tshig dang rgyu'o/ /yi ge'i don dang spyi'i don dang sbas pa dang/ mthar thug go /tshogs la bshad pa dang/ slob ma la bshad pa'o/ /rin po che dang/ tsan dan dang/ pad+ma dang pad+ma dkar po dang/ utpa la'o/ /kun rdzob kyi bden pa dang/ don dam pa'i bden pa'o/ /rigs kyi bu kun rdzob ni mi brtan pa dang g.yo ba'o/ /de'i bden pa ni chu zla lta bu'o/ /don dam pa'i bden pa ni stong pa nyid chen po bco brgyad do/ /de'i bden pa ni mdza' ste gnas kyi rim pa'o zhes so/ /rdo rje phreng ba'i rjes su 'brangs nas so sor rgyas par bshad pa brjod par bya ste/ rgyud kyi mtshan ni ming yin la/ /rgyu mtshan kyi'o chags can gyi'o/ /'di yi byed po rdo rje sems/ /tshad ni rim gyi la sogs pa'o/ /dgos par bgrangs pa la sogs ni/ /sangs rgyas nyid kyang mchog yin no/ /khyad 'phags 'dod pa'i sems can la/ /chos kyi de nyid rag gsal byed/ /chags pa ma yin chags bral min/ /zhes pa la sogs dgongs bshad do/ /dman pa de nyid gsal ston pa/ /dgongs pa min pas bshad pa ste/ /bdag med thams cad stod pa ru/ /dag go zhes sogs bstan pa'o/ /skal ngan la sbas pad+ma dang/ tsandan sogs bshad drang ba'i don/ /pad sogs btsun mo la sogs su/ /yang dag don ston nges pa'i don/ /bya ba spyod pa gnyis ka'i rgyud/ /rtog pa sogs su ji bzhin sgra/ /dkyil 'khor can sogs cho ga ni/ /skye bos gsal bar bstan pa'o/ /bshad pa gci ba la sogs sgra/ /'jig rten bstan bcos phyi rol byas/ /yul sogs rjod byed sangs rgyas kyis/ /rgyud du bstan pa sgra min pa'o/ /sgra don kho na yi ge'i don/ /spyi'i mi don gyi dbye ba gnyis/ /nyan thos 'gyod pa spong ba dang/ /bskyed pa gsal bar byed pa'o/ /sbas pa rnam pa gsum du
- 285a
bshad/ /'dod chags chos dang kun rdzob bden/ /ye shes gsum po rnam brtags pa'i/ /snying po 'dir yod phyir des de'o/ /'od gsal ba ni rab ston dang/ /zung du 'jug ba rab rtogs byed/ /mthar thug rnam pa gnyis rab brjod mdza' ni mur thug pa yi tshig /rigs lnga bskyed pa'i rgyud yin te/ /rigs gcig gyur pa gleng gzhi yin/ /rdo rje sogs zung nges pa'i tshig /sgeg pa yang ni rgyu ru 'dod/ /ji bzhin sgra dang dgongs pa dang/ /de bzhin drang don bstan pa dang/ /yi ge'i don dang spyi yi don/ /tshogs la bshad pa mngon du'o/ /ji bzhin min dang nges ston dang/ /de bzhin kho nar dgongs bshad dang/ /sbas dang mthar thug pa yang ni/ /slob ma bshad pa yin par 'dod/ /dngos po ma lus thos nas de/ / 'dzin pa la ni rnam par mkhas/ /skad cig gis ni brjed 'gyur ba/ /utpal zhes bya'i gang zag go /gzung bya lhag par mang thos nas/ /ston pa yi ni nus med pa/ /bum pa'i ras bal sa bon bzhin/ /shes bya pad dkar gang zag brjod dad dang ldan zhing snying rje shes/ /thos nas blo yi kha 'bye la/ /tshig med 'od ma bzhin 'dzag pa/ /pad+ma zhes bya'i gang zag go /thos pa nyung zhing nga rgyal ldan/ /rtsa ba med par mang du smra/ /rjes su gzung bar mi nus pa/ /tsandan zhes bya'i gang zag go /tshul khrims bzang zhing mkhas la sgrin/ /shes rab ldan zhing rgyud gcig pa/ /thos nas legs par ston pa ni/ /rin chen zhes bya'i gang blag go /gang zag bzhi po 'di rnams la/ /tshigs pa bshad pa 'ba' zhig go /rin chen gang zag rtog spyod pa/ /slob ma la bshad snod yin no/ /bshad pa'i rgyud kyi rjes 'brangs nas/ /phan don can gyi rgyud bstan bya/ /'di nyid kyis ni rgyud rnams kun/ /drang bar bya'o gzhan du min/ /zhes sogs dang ni slob ma rnams kyi
- 285b
don la the tshom gyis rab tu 'jug pa'i don du brjod bya la sogs pa brjod par bya'o/ /'dir brjod bya ni shes rab dang thabs kyi bdag nyid can bcom ldan 'das he ru ka'o/ /'di'i yang so sor rtogs par byed pa po rgyud kyi rgyal po mngon par brjod pa'o/ /de dag phan tshun brjod bya rjod byed kyi mtshan nyid ni 'brel pa'o/ /dkyil 'khor du zhugs te dbang bskur ba sbyin pa ni dgos pa'o/ /phyag rgya chen po sgrub pa ni 'dir dgos pa'i dgos pa'o/ /'di rnams mngon par gzigs nas nyan thos kyi sdom pa dang bral ba'i gdul bya rnams kyi 'dod pa lnga la nye bar longs spyod pa'i bsam pas gsang chen gyi gnas kyi dpa' bo dang/ /dpa' bo'i dbang phyug ma rnams kyis yongs su bsgom pa'i phag mos gsol ba btab pas shAkya thub pas dpal he ru ka'i ting 'dzin gyis rtsa ba'i rgyud mngon par brjod pa 'bum pa las gzhungs tshad bdun brgya pa 'jig rten dang 'jig rten las 'das pa dag las/ /'jig rten dang 'jig rten las 'das pa'i don skye ba 'di nyid la sangs rgyas nyid sbyin pa po yang dag par bstan to/ /da ni bsdus pa'i don la sogs pa brjod par bya ste/ de la thob char bzhugs pa'i gnas kyi ngo bo nyid kyis gnas pa dang/ de nas dam tshig gi spyod pa nyid kyis dang/ sten pa po dang gsol ba 'debs pa po nyid kyis dang/ rigs ldan ma'i don gyis dang/ pho nya mo mchod pa'i nyid kyis dang/ 'dod pa'i dngos grub sgom pa nyid kyis dang/ byang chub kyi sems kyis mchod pa'i don gyis dang/ sdig pa thams cad rnam par grol pa nyid kyis dang/ rnal 'byor pa nyid sgrub pa'i thabs nyid kyis dang/ dam tshig spyod pa nyid kyis dang/ dam tshig bye ba bsrung ba nyid kyis dang/ bdud rtsi lnga bza' ba nyid kyis dang/ zla ba btung ba nyid kyis dang/ dbang
- 286a
po gnyis kyis snyoms par 'jug pa nyid kyis dang/ lha'i bde ba nyid bsngags pa nyid kyis dang/ lha dang mi'i bde ba nyid bsngags pa nyid kyis gnas pa ste le'u dang po la'o/ /de nas ri la sogs pa'i gnas kyi ngo bo nyid kyis gsung so/ de bzhin du gzhan dag kyang phyag na rdo rje zhabs kyis rgya cher bshad pa'i rjes su 'brangs nas rgyud ji snyed par rtogs par bya ste mangs pa nyid kyi phyir 'dir ma brjod do/ /da ni rtogs sla ba nyid kyis bsdus pa'i don mdor ba stan nas tshig gi don bshad pa'i don du/ de nas 'di las zhes pa la sogs pas rgyud rnam par dbye bar bya'o/ /rgyud kyi rgyal po thams cad du 'di skad bdag gi zhes pa la sogs nges par bstan par ma yin nam/ 'dir de nas 'di las zhes pa la sogs pas ci ltar yin/ 'di ni rgyal bas gsungs pa ma yin no/ /zhe na 'di ni brjod par bya ba ma yin te gang gi phyir gsungs pa don la so sor rton gyis sgra ji lta ba de bzhin du 'gyur bar bya ba ni ma yin no zhes so/ /'dir yi ge'i tshogs mir rnams kyis dngos po dang dngos po med pa so sor rtogs par byed do/ /'dir dngos po dang dngos po med pa gcig la yang ming du mar 'gyur la de rnams kyi gcig gtso bor yang ma yin te/ thams cad kyi dngos po gcig rtogs par byed pa'i phyir ro/ /dper na bud med dang mi mo la sogs pa rnams kyi lang tsho ma'i dngos po rjod par byed pa nyid kyi phyir dang/ nam mkha' i me tog dang/ nam mkha' i me tog gis dngos po med pa rtogs pa nyid kyi phyir ro/ /de bzhin du 'dir a yig ni de bzhin nyid rjod par byed pa'o/ /de bzhin du yang mchog gi dang po'i rgyud du a yig ni chos thams cad kyi sgo ste/ gdod ma nas ma skyes pa nyid kyi phyir ro zhes so/ /de'i phyir bdun pa'i mthas e yig
- 286b
tu 'gyur te don nyid las dang po'o/ /rten dang brten pa dag tu brtags pa nyid lta bur nges par bstan pa ma yin no/ /de ltar yang rtog pa thams cad kun las btus pa'i rnal 'byor gyi rgyud du/ de nas rgyal po rdo rje 'dzin/ /thams cad sa yi dbang phyug mchog /ces pa la sogs pas bzhugs pa'i gnas so/ /rnal 'byor ma'i rgyud du yang/ /nam mkha' bems min dang ba dang zhes pa la sogs pas so/ /de bzhin du zung du 'jug pa la rten dang brten par brtags nas thams cad du gsungs so/ /des na gang du 'di skad bdag gis yod pa de ni rgyal ba'i bka' yin la gang du med pa de ni ma yin no zhes sangs rgyas pa rnams kyis brjod par mi bya'o/ /gsungs pa yang legs par gzung ba'i chos la sngon rangs kyi/ /mkhas par rlom pas 'jig rten 'di cir 'gyur/ /sgra 'du byed 'dom mi sgras sbyar bya yi/ /don la gal te sdong po'i sgras dang de'o/ /mis dang sdong po'i sgra yis ni/ /tha dad don rtogs bya min te/ /kha cig tu ni mang po'i sgras/ /don gcig so sor rtogs par byed/ /kha cig tu ni sgra gcig gis/ /sna tshogs don rnams so sor rtogs/ /e dang b+ha ga pad+ma dang/ bde ba'i gnas dang bde ldan dang/ /seng ge'i khri dang dmigs pa med/ /de bzhin nyid dang phar phyin 'dod/ /dper na sems can lta ba'i sgras/ /ral gri lan tshwa ne tso rnams// de bzhin he ru ka yi sgras/ /mkha' 'gro ye shes bde thub pa zhes so/ /'dir log pa'i thos pa'i mngon pa'i nga rgyal can rnams kyis grub pa'i mdza' la smod pa ltung ba drug par gsungs so/ /mngon par brjod pa 'bum par yang/ /stong nyid snying rje gcig nyid du/ /rgyud gang du ni rab tu bstan/ /'jig rten mgon po sgrub byed pa/ /rgyud de sangs rgyas bstan pa'o zhes so/ /'dis bsdus pa'i don dang/ /tshig gi don rjes su mtshams sbyar bar rgol ba'i lan gsungs so/ /kye'i rdo rjes
- 287a
ni 'khor lo sdom pa 'di ni shes par bya bar rgyal ba rnams kyis bstan/ /kye'i rdo rje ni de bzhin 'dus pa'i tshig la shes par bya'o/ /de dag rgyud la'o/ /de nyid phyir na 'dus pa'i rgyud kyi cho gas rgyud ni shin tu gsal bar byed pa'i phyir// rgyud shes don du rnam par sgom pa lnga yi bdag nyid mthong ba rab tu bya zhes so/ /de nas 'di las zhes pa la sogs pa nas gnas zhes pa'i mthar thug pa bzhugs pa'i gnas bshad pa rnam pa bzhis rnam par rgyas par bya ste/ de nas te rdo rje 'jigs byed kyi ting nge 'dzin gyi bar ma chad par ro/ /dpal he ru ka'i ting nge 'dzin la gnas pas rdo rje phag mo la bos par gyur pa kye rdo rje phag mo rtsa ba'i rgyud du rnal 'byor la sogs pa 'ang nges par brjod pa de nyid gsang chen bdun bshad par bya'i nyon cig /gzhung bsdus pas ni mdor bsdus pa'o/ /rgyas pa las ni min gzhung bsdus pa 'dod pa la de kho na'i don du ji ltar bstan pa zhes pa'i don no/ /na'i yi ge rnam par brtags pa la'o/ /de'i rgyu ci yin zhe na/ rtsa ba mngon par brjod pa 'bum pa ru gsungs pa yang/ snyigs ma lnga'i dus su 'dzam bu'i gling pa'i mi rnams dang/ khyad par 'phags pa'i yul du tshe thung zhing shes rab dman pa 'byung bar 'gyur te rdo rje slob dpon gang yin pa de dag rtsa ba'i ltung ba la 'jug pa 'byung bar 'gyur/ dge slong rnams mi dge ba bcu byed pa 'byung bar 'gyur/ khyim na gnas pa rnams dkon mchog gsum gyi rdzas nye bar longs spyod par byed pa 'byung bar 'gyur/ /mkhas pa rnams ma thos pa'i rgyud 'chad pa 'byung bar 'gyur/ mkhas pa'i mngon pa'i nga rgyal gyis rgyud kyi dka' 'grel dang rgya cher 'grel byed pa 'byung bar 'gyur ro/ /rgyud don phyin ci log tu bstan nas dmyal bar 'gro ba 'byung bar 'gyur ro/ /gang zhig sangs rgyas pa rmongs pa de rnams dad pa blun pa nyid kyi khyim na gnas pa'i slob dpon la bsnyen bkur byed par 'gyur ro/ /thams cad
- 287b
cad mkhyen pa'i rgyal mtshan 'dzin pa rnams la sun 'byin par 'gyur ro/ /slob ma gang yin pa de rnams bla ma dam pa la skyon tshol ba 'byung bar 'gyur ro/ /bla ma dam pa ma yin pa bza' ba dang gnyis su med pa rnams la bstod pa dang mchod pa byed pa 'byung bar 'gyur ro/ /bla ma mnyes par bya bar gsungs pa gsungs bzhin mi byed par 'gyur ro/ /chos ston pa po rnams mi dge ba bcu la 'jug pa 'byung bar 'gyur ro/ /bud med rnams 'dod pa la shin tu brkam pa 'byung bar 'gyur ro/ /zhes pa 'di'i phyir thams cad du rgyas par bstan pa ni ma yin no/ /dpal he ru ka mnyam par sbyor zhes pa ni phag mo dang lhan cig 'dus pa'i he ru ka'i 'o/ /'dod pa'i don kun sgrub byed pa ni mngon par 'dod pa thams cad ster ba po nyid kyi phyir ro/ /de nyid bla ma las zhes pa ni 'dod pa dang gzugs dang/ gzugs med par kun tu spyod pa rnams kyi bde ba'i rgyu ni bla ma ste bde ba chen po'o/ /kyang ni yang dag par 'byung bar byed pa la'o/ /bla ma ni rgyud do/ /mchog gi dang por yang/ rgyud 'di rgyun chags zhes bya ste/ /phyi ma snga ma las byung ba/ /de nyid gsang ba gsang chen te/ /phyi ma dang bcas rgyud du 'dod ces so/ /mkha' 'gro ma yi dra ba sdom ni 'khor ro/ /gsungs pa yang/ /dad ldan 'jug pa'i yan lag tu/ /ston pa dbang po 'khor dang ni/ /yul dang dus kyang nges bstan pa/ /rang nyid tshad mar rab bsgrub phyir zhes so/ /yi ge'i don to/ /de nas zhes pa shes rab ma'i shin tu dga' ba'i bar ma chad pa'o/ /gsang chen ni gsang ba'o/ /mdor bsdus pa las rgyas pa min ni phag mo dang 'dus pa las so/ /dpal he ru ka ni rdo rje'o/ /mnyam par sbyor ni bdag nyid dang de'i b+ha ga lhan cig pa'o/ /kun ni zhi ba la sogs pa rnams so/ /bla ma las kyang ni/ /'dod pa dang gzugs kyi yul gyi bde ba grub pa'o/ /bla
- 288a
ma ni sangs rgyas nyid kyi bde ba'o/ /mkha' 'gro ma yi dra ba sdom ni/ rtsa sum cu rtsa drug kun nas bsdus pa'o/ /gsang chen ni sa'i khams so/ /mchog gi ni de bzhin du chu'o/ /dgyes pa me'o/ /khya ni rlung ngo/ /thams cad bdag gi dang ni gnas pa rtag tu gnas ni 'di'o/ /sangs rgyas kun bdag sdom pa ste/ /zhes kha sbyor 'byung ba'i rgyud du gsungs so/ /gsungs pa yang/ /bzhugs pa rdo rje 'dzin pa der/ thig le'i gzugs kyis gnas pa'o zhes so/ /rgyud gzhan du yang thig le bzla ba khu ba sku/ /rnam par bcad pa rdul nyi gsung/ /a yig mun can thugs rab brjod/ /mkha' khams e la rnam par gnas/ /zhes pa ci'i don te/ tshogs pa la bshad pa yang ngo/ /de nas 'di las zhes pa la sogs pa la gsang chen ni shes rab ma'i gsang ba'i gnas so/ /dpal he ru ka ni khu ba'o/ /mnyam par sbyor ni gtum mos lhan cig gcig nyid do/ /bla ma las ni dga' ba gnyis las so/ /bla ma ni khyad par dga' ba'o/ /de mkha' 'gro ma yi dra ba sdom ste rang bzhin can rnams kyi tshogs/ bdag byin gyis brlab pa'o/ /gsang chen ni rdo rje lha mo'i gnas so/ /mchog gi de sbas pa'o dpe spangs pa'o/ /dgyes ni shes rab ma'i shin tu bde ba'o/ /thams cad bdag nyid ni rgyal ba'i rang bzhin no/ /rtag tu gnas ni btsun mo'i 'khor du 'jug bzhin pa la'o/ /sbas pa'o de nas 'di las zhes bya ba la sogs pa ni bskyed pa'i rim pa'i bar ma chad pa'o/ /gsang chen ni thams cad stong pa'o/ /mdor bsdus las ni rnam par mi rtog pa las so/ /rgyas pa min las ni gzugs la sogs pa'i rtogs pa las so/ /dpal he ru ka mnyam par sbyor ni kun rdzob dang don dam pa'i bden pa dag snang ba med par sbyor ba'o/ /bla ma las ni shes rab kyi pha rol tu phyin pa'i lam las so/ /bla ma ni shes rab
- 288b
dang thabs kyi de nyid do/ /mkha' 'gro ma yi dra ba sdom ni chos kyi sku'o/ /gsang chen ni thams cad 'dus pa'o/ /mchog gam ni chos kyi dbyings so/ /dgyes pa ni stong pa chen po la'o/ /thams cad bdag nyid ci shin tu stong pa la'o/ /rtag tu gnas ni stong par la ste thabs shes rab kyi gzugs kyis dus gsum du 'khor ba'i bar du gnas te rten dang rten pa dag gcig dag nyid kyis so/ /gsungs pa yang chos rnams kun gyi dbang phyug lus/ /thams cad gzugs kyi rnam par rgyan zhes so/ /de bzhin du rtag tu gnas ni bcom ldan 'das ma sgyu 'phrul chen mo dka' bar spyod ma stong pa nam mkha' dang mnyam pa nyid ni dngos po dang dngos po med pa rnam par spangs pa'o zhes so/ /mthar thug pa'o/ /da ni dam tshig gi spyod pa nus pa nan tan du byed pa'i don du gsungs pa/ /sems dpa' pho nya kun rang bzhin/ /rdo rje sems dpa' bde ba'i mchog /'di ni rang byung bcom ldan 'das/ /mkha' 'gro ma yi dra ba sdom/ /sgra yi tshul las rnam nges 'byung/ /dam tshig spyod pa'i spyod yul lo/ /zhes te pho nya mo ni byang chub kyi phyogs kyi chos rnams thams cad do/ /de'i rang bzhin ni chos kyi sku ste dag pa'i ye shes dang rnam par shes pa'i mtshan nyid gzhan gyi don byed pa po'o/ /sems dpa' ni khams gsum pa'i mtshan nyid de bshad pa'i rgyud du yang sems can dag ni g.yo bar bshad/ /snod ni brtan pa la sogs pa'o zhes so/ /rdo rje sems dpa' ni rdo rje chen po'i rang bzhin gyi sems dpa' ni rdo rje sems dpa' zhes bshad/ /de kho na bde ba'i mchog ste lhan cig skyes pa'i skur shes rab dang thabs rang gi don byed pa'o/ /ma 'dres pa la sogs pa chos sum cu rtsa gnyis kyi bdag nyid do/ /lhan cig skyes pa'i chos 'di dag gi rnal 'byor pa ni rdo rje sems dpa' ste yang dag par sbyor ba'o/ /'di ni rang 'byung bcom ldan ni de kho na tshangs pa sku'i rdo rje 'dzin te sprul pa'i sku'o/ /gzugs kun nas gsal ba'i phyir bcom ldan te gzugs phun sum
- 289a
tshogs pa la sogs pa dang ldan pa nyid kyi phyir te gsungs pa yang/ phun tshogs gzugs dang dbang phyug nyid/ /de bzhin brtson dang grags pa ste/ 'bras bu 'di bzhi ston pa yi/ /bsod nams phung po'i mthu las so/ /mkha' 'gro ma yi dra ba sdom ni de kho na rnam pa'i mchog thams cad dang ldan pa nyid kyi phyir/ dbang bskur ba'i sangs rgyas su blta bar bya'o/ /sgra'i tshul ni sngags kyi sku ste 'di las gsum yang dag par sbyor ba las longs spyod rdzogs pa'i sku gzhon du med pa'i sgra'o/ /pha rol tu phyin pa'i tshul du yang/ dper na rnga las ma brdungs pa/ /sgra ni kun tu 'byung bar 'gyur/ /de bzhin rgyal ba'ang lhun grub tu/ /ston par byed pa nyid du 'byung/ rnam nges 'byung ni sngags kyi lha nyid de yang 'jig rten gsum po nyid du nges par byung ste gdul bya rnams la sgra kun du gsal ba'i phyir ro/ /dam tshig spyod pa'i spyod yul ni lus 'di nyid dam tshig gi spyod pa'i yul du rtogs par 'gyur ba'i phyir rnal 'byor ma'o/ /dam tshig gi spyod pa ni 'chad bzhin par brjod par bya'o/ /gsungs pa lnga gzhan la thabs kyis byed pa ni/ /de bzhin kho na 'gro ba'i gnyen/ go 'phang 'phags pa'i spyod yul thob/ /byis pa'i spyod yul blta bar bya zhes so/ /dgongs pa'o/ /ston pa po dang gsol ba 'debs pa po brjod par bya ste/ 'jig rten gsum du rnyed par dka' / /thog ma dbus mdza' yang dag gnas/ /bsrub bya srub byed sbyor ba las/ /sngags bzlas bsam gtan la sogs ldan/ /'di ni ye shes dang/ thugs dang/ gsung dang/ sku gcig tu 'dres par gyur pa gtsang zhing dag pa'i gzugs rang bzhin dang/ chos dang longs spyod rdzogs pa dang/ sprul pa rnams kyis tha dad du 'jug pa can thams cad stong pa dbyings kyi ngo bo can no/ /'jig rten gsum
- 289b
du rnyed par dka' ni bsod nams dman pa rnams kyi'o/ /thog ma dbus mdza' yang dag gnas ni chos thams cad la dus gsum du yang dag gnas pa yang ngo/ /de bzhin du yang ye shes kyi tshogs dang bral ba rnams kyi yul ma yin pa'o/ /dgongs pa ma yin pa'o/ /bsrub bya srub byed sbyor ba las ni rdo rje mkha' 'gror yang/ /bsrub bya chos 'byung du bshad do/ /srub byed rdo rjer brjod par bya/ /sbyor ba dbyings dang ye shes yin/ /bdud rtsi lta bur mchog tu byung dngos su sangs rgyas nyid du byed ces gsungs so/ /bsam gtan la sogs kyi sgra dag las/ /bsam gtan gyi sogs kyis kyang/ 'di nyid du nges par ston pa'i bzlas pa dang/ sbyin sreg dang/ gtor ma dang/ bsam gtan dang/ bza' ba dang btung ba rnams kyis bsgrubs pa'o/ /sgra ji bzhin pa'o/ /rnal 'byor nyid cho ga ye shes/ rgyud du gsungs pas mnyan par gyis shes pa'i rnal 'byor ni gsungs pa yang/ thabs dang shes rab snyoms 'jug pa/ rnal 'byor zhes par mngon brjod bya/ /gang zhig dngos med shes rab ste/ /thabs ni dngos po'i mtshan nyid do zhes so/ /dgongs pa'o/ /'jig rten pa'i cho ga'i ye shes kyi dngos grub de dam tshig la sogs pa'i dngos grub nyid kyi phyir ro/ /nyid kyi sgra las cho ga'i ye shes yang ngo/ /rgyud du gsungs pa gang mngon par brjod pa 'bum par te/ de nyung ngu'i rgyud du da ni rdo rje phag mo la ches snying por gyur ba'i rgyud ji lta ba bzhin bstan par bya'i/ /nyon zhes pa'o/ /sgra ji bzhin pa'o/ /ston pa po dang/ gsol ba 'debs pa po'i 'brel pa mngon par brjod par byed pa dang/ mngon par brjod par bya ba'i 'brel pas gsungs so/ /da ni rigs ldan ma'i mchod pa brjod par bya ste/ dbu ma mchog gi dbugs dang ni/ /dri dang chu dang ldan pas kyang//
- 290a
rtag tu rigs ldan ma mchod bya zhes pa ni/ dbu ma dang/ mchog gnyis gzung bar bya'o/ /tha ma lo bcu lon pa ni yang dag par spang bar bya'o/ /dbugs kyis ni rdo rjer kun tu bstan pas so/ /dri dang chu dang ldan pas ni/ ni'i yi ge las nye bar spyod pa lngas dri dang me tog rigs rnams yang dag par sbyin no/ /rig ldan ma ste rigs kyi gzhon nu ma rnams mchod par bya'o ni mnyes par bya'o/ /rtag tu ni nyi ma so so'o/ /bshad pa'i rgyud rdo rje a rel+la? ru yang/ sbas dang skye bo bral ba'i phyogs/ /rang gi khyim mam gzhan rnams su 'ang/ /bcu gnyis lo ma 'am de bzhin du 'ang/ /bcu drug lo ma mchod par bya/ /bshad pa'i rgyud bshad pa'i he ru ka mngon par 'byung ba ru yang/ he ru ka dpal rnal 'byor che/ /bdag gis gzung bar byas nas ni/ /gang zhig 'khrig pa mi bsten pa/ /shi nas du 'bod 'gro bar 'gyur/ /de yi skyob pa yod ma yin zhes so/ /drang ba'i don to dbu ma ni dbu ma tsam du nye bar dmigs pa med pa'i ngo bo nyid kyi phyir/ /rdzogs pa'i byang chub pa bzhi pa'o/ /mchog gi dbugs kyis ni dbu ma'i lhan cig skyes pa'i rlung gis so/ /dri dang chu dang ldan pas ni lte bar gtum mo 'bar bas phung po la sogs pa bsregs pa dpral par zla ba zhu ba'i bdud rtsi 'pho ba med pa gzung ba dang 'dzin pa spangs pa/ 'gyur ba dang 'dzag pa'i rgyud dang bral pa mi 'dzag pa'i rgyu rdzogs par gyur pa lhan cig skyes pa'i dga' ba'i rang bzhin/ mchog tu mi 'gyur bar 'gyur ba lhan cig skyes pa'i sku/ A li kA li dang hUM phaT kyi yi ge dang bral ba gzugs la sogs pa dang bsam gtan la sogs pa dang phyag rgyas byin gyis brlabs pa bla ma'i bka' i kun tu spyod pa dang bral pa/ stong pa nyid dang snying rje tha dad med pas rtag tu
- 290b
rigs ldan ma de la mchod par bya'o/ /rigs ni phung po zhes brjod la/ /de la gnas pa'i rdo rje phag mo ni a ba d+hU tIr mngon par brjod de/ mi shes pa rnams kyi byang chub kyi sems zad par byed pa mo yin la rnal 'byor pa rnams kyi ni bzhugs bde par byed ma'o/ /de bzhin nyid ni pad+ma zhes brjod par bya ste/ de kho na mA ma kI ste rang gi sems kyi so sor snang ba bsgom par bya'o/ /rtag tu ni spyod lam bzhi po rnams su gtsang ba 'am mi gtsang bar ro/ /don dam pa'i bden pas zung 'jug bsgom par bya'o/ /zhes pa'o/ nges pa'i don no/ /da ni 'jig rten pa'i don du pho nya mo'i mchod pa brjod par bya ste/ dus khyad par gyis pho nya mo zhes pa'o/ /dus ni lo so so dang/ nyi ma so so rnam pa gnyis so/ /de'i bye brag ni dus kyi khyad par te/ nyi ma dang/ phyogs dang/ zla ba dang/ dus drug dang/ dus gsum dang/ dus bzhi dang bgrod pa'o zhes so/ /de bzhin du lo gcig gi dus la nyi ma rab tu rgyu bas des pho nya mo rdo rje mkha' 'gro ma la sogs pa nas gshin rje 'joms ma'i mthar thug pa rnal 'byor ma sum cu rtsa drug po de rnams sgrub pa dang/ tshogs kyi 'khor lor kha na ma tho ba med pa'i dam tshig rnams kyis dang nye bar spyod pa lnga rnams kyis kyang mchod par bya'o/ /drang ba'i don to/ /dus ni nang gi bdag nyid kyi khyim gyi 'khor lo dus sbyor bcu gnyis kyi bdag nyid do/ /de'i khyad par ni slar yang dbugs dang chu srang dang chu tshod dang/ yud tsam dang/ dus sbyor phyed pa dang/ thun dang/ thun mtshams dang/ nyin mo dang/ mtshan mo ste srog rgyu bas pho nya mo'i kun du spyod pa ye shes dang thugs dang gsung dang/ sku'i 'khor lo la pho nya mo rnams kun du spyod pas longs spyod pa dang thim pa dang/ dbang byed pa dang/ bdag po nyid pho nya mo sum cu rtsa drug rnams
- 291a
rim pa bzhin no/ /de bzhin du longs spyod pa'i dus la rnal 'byor ma rnams mchod par bya'o/ /ji ltar pho nya mo rnams mchod pa de ltar du dpa' bo rnams mchod par bya'o zhes 'di las gsungs pa/ pho nya lhan cig skyes grub rnams/ tha ma 'bring dang mchog rnams te zhes pa lhan cig skyes ni lhan cig bsres nas skyes so zhes pa dpa' bo sku dang gsung dang thugs dang 'khor lo rnams nyi shu rtsa bzhir grub pa de rnams kyang dus kyi khyad par gyis mchod par bya'o/ /tha ma 'bring dang mchog rnams ni/ sa 'og dang sa steng dang/ mkha' la spyod pa'i dngos grub ster ba po nyid kyi phyir ro/ /de bzhin du rigs ldan ma rnams phyag rgya chen mo mi 'gyur ba'i bde ba chen po'i skad cig gis so/ /'jig rten pa'i don du pho nya mo dpa' bo dang bcas pa mchod par bya'o/ /'dir dus kyi khyad par ni gdan bzhi la sogs par shes par bya ste/ rgyud ni rgyud gzhan gyis shes par bya'o zhes bcom ldan 'das kyis gsungs pa'i phyir ro/ /dang po re zhig gdan bzhir chu srin la sogs pa'i dus sbyor rnams kyi 'joms dang ldan pa ni ro hi ta la sogs pa'i rtsa bcu gnyis dang/ de bzhin du rgyal dang mchu la sogs pa'i zla ba bcu gnyis po de rnams ni ma rig pa la sogs pa'i yan lag rnams so/ /dus sbyor re re ni dbyu gu lnga'i bdag nyid do/ /rtsa ba'i rgyud du dbyu gu ni chu srang drug cu'i bdag nyid do/ /chu srang ni dgugs drug gi bdag nyid do/ /de bzhin nyin dang mtshan mo yis/ /nyi khri brgyad gnyis brgya yi dbugs shes so/ /rdo rje mkha' 'gror yang ro hi ta dang po'o/ /gnyis pa la mo hi ta'o/ /gsum pa la bzang po'o/ /bzhi pa la khyu mchog go /lnga pa la ru sbal lo/ /drug pa la chu srin no/ /bdun pa la khyo med ma'o/ /brgyad pa la mi ki ra'o/ /dgu pa la b+hi dri ka'o/ /bcu pa la byA ku li'o/ /bcu gcig pa la mi pri ka'o/ /bcu gnyis pa la sa'i dbang
- 291b
phyug go /zhes so/ gdan bzhi'i bshad pa'i rgyud du yang gsum pas ro hi ta dang chu srin dag /bzhi pa gti mug dang ni rus sbal dag /bzang po khyu mchog dag kyang lnga pa ste/ khyo med 'dod pa dag kyang lnga pa'o/ /b+hi dri byA ku le dag drug pa yin/ /mi ki ra dgra rmi lam bdun pa'o/ zhes te/ dbyu gu drug cu'o/ /bsdus pa'i rgyud du yang mdor bstan pas gsungs pa ste rgyud gzhan gyis rgyas par bshad par rtogs par bya'o/ /bcom ldan 'das rdo rje snying pos gsungs pa/ kye rdor gyis ni 'khor lo sdom pa dang/ gdan bzhi par yang shes par byed pa yin/ /bsdus pa'i 'khor lo sdom pa'i tshig rnams kyis/ /de bzhin gdan bzhi pa dang kye rdo rje/ /gdan bzhi pas ni kye rdo rje dang ni/ /bsdus pa'i 'khor lo sdom tshig shes par bya/ /dang po'i sangs rgyas nges don tshig gis kyang/ /slar yang sdom pa chen po shes par bya zhes so/ /de bzhin du 'bum phrag lnga pa'i kye'i rdo rjer dbugs drug gi chu srang ngo/ /chu srang drug bcus chu tshod do/ /chu tshod gnyis kyis yud tsam cig go /chu tshod lnga rnams kyis dus sbyor du 'gyur ro zhes pa la sogs pa rgyas par ro/ /'di ltar dus sbyor phyed pa'i dbye bas nyi shu rtsa bzhi mchod par bya'o/ /de bzhin du thun mtshams kyi dbye bas bzhi'o/ /thun gyi dbye bas brgyad mchod par bya'o zhes so/ /gang gi phyir phyi rol gyi gnas la sogs par dkyil 'khor du dang/ tshogs kyi 'khor lor de rnams kun du spyod par byed pa'i phyir ro/ /bcom ldan 'das kyis gsungs pa'i gnas la sogs pa de rnams su/ de bzhin gshegs pa'i phung po dang khams dang skye mched la sogs pa rnam par dag pa khams rnams lha'i gzugs kyis 'byon pa 'am gshegs pa ni 'das pa'i dus su byung ngo/ /da ltar 'byung ngo/ /ma 'ongs pa na 'byung bar 'gyur ro/ /zhes dri ma med pa'i 'ong du'o/ /kha sbyor gyi rgyud
- 292a
du gsum nges par bstan te/ dbang byed pa dang/ longs spyod pa dang/ thim pa skye ba dang/ gnas pa dang 'jigs pa'i ngo bo'o zhes so/ /rdo rje'i tshig tu da ltar ba'i dus la longs spyod do/ /ma 'ongs pa'i dus su thim mo/ /'das pa'i dus su dbang byed do zhes so/ /de bzhin du longs spyod pa da ltar ba la sogs pas ma 'ongs pa rnams kun rdzob pas slar yang longs spyod pa dang dbang byed pa dang/ bdag po nyid thim pa'i gnas skabs bzhi'o/ /slar yang bcom ldan 'das phyag na rdo rjes gsungs pa byis ba'i dus su longs spyod do/ /lang tsho'i dus la dbang byed pa dang/ rgan pa'i dus la bdag po nyid dang/ 'chi ba'i dus na thim pa ste/ thim pa las slar yang skye ba ni byis pa zhes brjod par bya'o/ /snga ma 'gog pa dang byi ma skye bas/ kha ton dang mar me la sogs pa'i dpe bzhin/ 'dir yang 'chi ba'i mthar skye ba'i cha shas can gyi chos su shes par bya'o/ /de'i phyir yang na longs spyod pa dang/ /thim pa rnam pa gnyis so zhes so/ /gsungs pa yang dbang byed pa ni gnas pa'o/ /de nyid longs spyod pa ste bdag po nyid kyang ngo/ /thim pa zhes pa ni 'gro bar bya ba'i gnas la'o/ /da ltar pa la longs spyod pa'o/ /'byung bar 'gyur pa'i dus la thim pa'o zhes grub po/ /de bzhin du phyi rol du phyogs kyi 'khor lo dang tshogs kyi 'khor lor/ /chod par bya'o zhes so/ /rigs ldan ma rnams dus thams cad du mchod par bya'o/ /chu srin gyi 'pho ba la shar gyi zhal 'byung ba ni/ ji skad gsungs pa'i gnas su/ rdul tshon rnam kyis dkyil 'khor bris te bsad pa'i don du mkha' 'gro ma la mchod yon byin nas me tog la sogs pas mchod par bya'o/ /de bzhin du sa ga can la sogs pa la dbang du bya ba'i don du nyi ma gung la lA ma'o/ /kar ka Ta la sogs pa la rengs pa'i don du phye ma reng dum skyes ma
- 292b
la'o/ /srang la sogs pa la zhi ba'i don du mtshan mo phyed na gzugs can ma la mchod par bya'o/ /slar yang mchu can la sogs pa la skrod pa'i don du khwa gdong ma la'o/ /bum pa'i phyed kyi nyin zhag la dgug pa'i don du 'ug gdong ma la'o/ /lug? gi 'kho ba la phur bus gdab pa'i don du khyi gdong ma la'o/ /snron can gyi phyed la rgyas pa'i don du phag gdong ma la'o/ /chu stod can la sogs pa la dug gzhil ba'i don du gshin rje sreg ma la'o/ /khrums can gyi phyed la rmongs pa'i don du gshin rje pho nya ma la'o/ /smin drug can la sogs pa la rengs pa'i ched du gshin rje mche ba ma la'o/ /mgo can gyi phyed la rnam par dbye ba'i don du gshin rje 'joms ma la ste zla ba phyed pa dang zla ba dang/ ji srid thun brgyad kyi dbye/ bas ji skad gsungs pa'i cho gas mchod par bya'o/ /ji ltar thun mtshams bzhir mkha' 'gro ma la sogs pa mchod pa de bzhin du rab tu gtum mo la sogs pa nyi shu rtsa bzhi pa rnams phyogs kyi dbye bas mchod do zhes rtogs par bya'o/ de bzhin du tshogs kyi 'khor lor yang ming gi sngags kyis mchod nas rnal 'byor ma rnams kyi kun du spyod pa bya ste shes rab dang thabs kyi dbye bas longs spyod pa'i dus la bza' ba dang/ btung ba dang/ 'khrig pa dang myang bas rnal 'byor ma mchod par bya'o/ /'dir gang dang gang du 'gro ba der lhag ma la sogs pa za bas de dang de'i rigs su 'gyur te tshur 'ong gi bar du'o/ /dper na rgyas pa la sogs pa'i rigs kha ton la sogs pas bram zer 'gyur ro/ /bram ze'i rigs rnams pa lang gi sha za bas rigs ma yin par 'gyur ro/ /de bzhin du rnal 'byor ma rnams kyang rigs me yin pa rnams rigs dang rigs kyang rigs ma yin pa zhes gsungs te gang du bzhi yod pa der thun mtshams
- 293a
kyi dbye bas rnal 'byor ma'i kun tu spyod pa'o/ /rnal 'byor gyi rgyud du yang rnal 'byor pa'o zhes bcom ldan 'das kyis kyang gsungs te shes rab kyi rgyud kyi dgongs pas rnal 'byor gyi rgyud rtogs par bya'o/ /rtsa pa'i 'khor lo rnam par dag pa'i don to/ /de bzhin du rnal 'byor rgyud du gsungs pa/ rnal 'byor ma'i rgyud du dam tshig shes par bya'o/ /de bzhin du gang du brgyad yin pa der thun gyi dbye pas nyi ma'i cha la mtshan mo phyed nas nyi ma gung ji srid par bzhi'o/ /de bzhin du zla ba'i cha la yang bzhi'o/ /'di ltar mtshan mo dang nyi mo mnyam pa'i thun mtshams las so/ /gang du bcu drug yod pa der thun phyed pa dbye bas so/ /gang du sum cu rtsa gnyis yod pa der yud tsam gyi dbye bas so zhes bya ba la sogs pa rtogs par bya'o/ /zhes pa drang ba'i don to/ /dus khyad par gyis zhes pa gang du srog dbang du byed cing byin gyis brlabs pa der de'i dkyil 'khor gyi lha dang ldan pa phreng ba la sogs pa'i sngags srog la bab pas mchod par bya zhing/ bsgrub par bya'o zhes pa nges pa'i don to/ /de bzhin du sku'i 'khor lo la gnas pa brgyad ni sa 'og gi dngos grub ster ba bo nyid yin pa'i phyir tha ma'o/ /khwa gdong ma la sogs pa rnams kyang yi dags dang dud 'gro'i dngos grub ster ba'i phyir ro// de bzhin du sa la spyod pa brgyad ni rgyal srid la sogs pa'i dngos grub ster bas 'bring ngo/ /de bzhin du mkha' la spyod pa brgyad ni 'dod pa na spyod pa'i dngos grub ster bas mchog ste/ mkha' 'gro ma la sogs pa rnams kyang gzugs na spyod pa'i dngos grub ster ro/ /'di ltar 'jig rten pa'i bden pas bsgrub par bya ba gang yin pa de thams cad 'jig rten pa'i 'bras bu de ci zhe na/ des bsgrubs pas sangs rgyas nyid du mi 'gyur ro/ /'di'i phyir gsungs pa/
- 293b
yid ni nang du chud pa yis/ /'dod pa'i dngos grub de bsgom bya/ /zhes pa phyag rgya chen mo'i don du'o/ /'di'i tshig snga ma la sogs pa ni dpal 'dus pa stong phrag nyi shu rtsa lnga par gsungs pa/ /rdo rje skyil krung gis sems ni/ /nor bu'i nang du chu dang lha/ rgyu mthun la sogs bde ba rdzogs/ /dri med nyid par kho nar de'o zhes so/ /des na rdo rje skyil krung ni b+ha gar ling+ga bzhag nas byang chub kyi sems rdo rje nor bu'i nang du chud pa ni yid ni nang du chud pa'o/ /lhan cig skyes pa'i sems nang du chud pa des/ 'dod pa'i dngos grub phyag rgya chen mo rnam pa'i mchog dang thams cad dang ldan pa'i stong pa nyid dang/ snying rje'i snying po can bde ba chen po'i thabs kyis gcig tu 'dres par gyur pa bsgom par bya'o/ /nyi ma'i snang ba ye shes kyi phyag rgya la dmigs pa zung du 'jug pa'i rnal 'byor pa zhes pa'o/ /ji srid du nor bu'i rtse mo nas spyi bor dri ma med pa nyid thob par gyur pa de srid du mi 'gyur pa'i bde ba de bsgo par bya'o/ /de las rnal 'byor pa brtson 'grus dang ldan pa rnams kyis skye ba 'di nyid la sangs rgyas nyid do zhes so/ /dbang mdor bstan par yang las kyi phyag rgya'i snyoms 'jug dang/ ye shes phyag rgya sogs dmigs dang/ phyag rgya chen po gcig sbyor bas/ mi 'gyur ba de 'phel bar byed/ /ces so/ /ji srid byang chub sems 'dor ba/ /skye gnas las thob rgyun mchod/ /de srid du ni rnal 'byor pas/ /mi bya kun tu dga' ba mchog /bde ba'i rang bzhin de nyid kyis/ /ldan pa'i sangs rgyas gzugs brnyan ni/ /ji srid khu ba brtan gyur pa/ /bdag nyid rtag tu bsgom par bya/ /lte bar rgyu mthun nyid du brjod/ /snying gar rnam par smin par dran/ /mgrin par skyes bu byed pa nyid/ /spyi bor dri med nyid rab gsal zhes gsungs so/ /skya reng 'char pa'i dus dag tu/ /zla ba nya la des bsgrub bya zhes so/ /'dir 'dor pa ni dmigs pa med pa'i snying rje chen po'o/ /dngos grub
- 294a
ni dmigs pa dang bcas pa'i stong pa nyid chen po rnal 'byor ba'i rang rig par bya ba nyid kyi phyir ro zhes gsungs so/ /'gyur ba dang g.yo ba'i dngos grub dag dang/ mchog gi dngos grub phyag rgya chen mo sangs rgyas kyi yon tan ma lus par ster ba sangs rgyas kyi gzugs brnyan sna tshogs pa'i mtshan nyid bsgom par bya'o zhes so/ /yang na phyi'i yan lag med pa la lag pa'i phyag rgya gsor bas ye shes kyi phyag rgya dang lhan cig gzugs gcig tu gyur pa thams cad stong pa sangs rgyas kyi gzugs brnyan nye bar bstan pa ji lta ba bzhin du bsgom par bya'o/ /gsungs pa yang skyon dang bcas pa'i phyag rgya yongs su spangs par bya'o/ /phyag rgya bzang mo bde ba bsgom pa'i don du gzung bar bya'o/ /de ni med pa lag pa'i sbyor ba'i phyag rgya dang la rag las pa sems kyi nor bu spangs pa yi zhes so/ /rang gi lag gis rdo rje mchog/ yang dang yang du gsor byed pa zhes kun spangs rnams la gsungs so/ /yang na las kyi phyag rgya med na ye shes kyi phyag rgyas rnam par rtog pas snyoms par zhugs pa phyag rgya chen mo rnam par mi rtog pa la dmigs par bya'o/ /skye dgu'i bdag po 'am rnal 'byor pas so/ /de bzhin du las dang ye shes kyi phyag rgya ni rab tu chags pas mchog gi dga' ba'i gnas skabs 'phags pas ci yang mi smra ba'i dngos pos bsgom par bya'o zhes pa dgongs pa'o/ /da ni bde ba chen po'i mchod pa brjod par bya ste/ rang rdzas thig les sangs rgyas dang byang chub sems dpa' mchod par bya zhes pa ni/ rtog pa'i rnal 'byor pas sgrub ba chen po'i rnal 'byor dbang bskur bas rnam par bsgom par bya ba phyag rgya la rjes su chags par byed pa'i yid byin gyis brlab pa'i don du rang rdzas thig le rnams kyi ro myong bas mchod par bya'o/ /mchod pa'i rdo rje
- 294b
la sogs pa ni sangs rgyas la sogs pa'o/ /phyi rol du sangs rgyas gzi brjid ni dkyil 'khor la sogs par gnas pa'i sems kyi thig le rnam kyis ming med kyis ji srid du gsang par 'phangs pa la'o/ /rang rdzas thig le 'pho ba med pa'i ye shes rnams kyi de bzhin du nor bu'i bu gar phaT yig gis 'pho ba med pa'i ye shes kun du gnas pas sangs rgyas rnams mnyes par byed do/ /mkha' 'gro ma rdo rje gur du rab tu gsungs pa lus la/ rang rdzas mdzes pa nyid kyi rdzas/ /stong dang shin tu stong pa dang/ /stong pa chen po'i rgyud de yis/ /thams cad stong pa mngon sum du/ /byas las bde chen skad cig gis/ /mchod par bya phyir rdzogs par bya zhes so/ /mthar thug pa'o/ /thig le'i mchod pa'o/ /da ni 'di yi 'bras bu gsungs pa/ mthong ba dang ni reg pa dang/ /thos pa dang ni dran pas kyang/ /sdig pa kun las grol bar 'gyur/ /de ltar the tshom med pa nyid ces te/ mthong ba ni nu ma dang skra dang ldan ma'o/ /reg pa ni ye shes kyi phyag rgya lha'i gzugs kyis rtog pa'i de'i 'o/ /de la 'di la snyoms par 'jug pa'i rim pa ji ltar gsungs pas/ phag mo de rnam par bsgoms nas sngags kyis byin gyis brlab par bya'o/ /oM A:hUM ho haM k+Sha(rgyud 'grel): sku dang gsung dang thugs dang lte ba dang gtsug tor dang gsang ba rnams su dgod par bya'o/ /de nas go cha gnyis kyis byin gyis brlabs nas/ pad+ma dang rdo rje dag la oM baM bsgom par bya/ yan lag la dgod par byas pas dpag tu med pa zil gyis mnan nas hUM phaT bya zhing dga' ba brtsam par bya'o/ /thos pa ni zab mo'i chos so/ /dran pa ni gnas so/ /dran pa'i don no/ /mthong ba zhes pa la sogs pa ni dag pa'i chos kyi rang bzhin lhan cig skyes pa yi'o/ /de las rgyu mthun pa'i bde ba la reg pa'o/ /de nyid thos pas te shin tu dga' ba'i sgra dang bla ma'i zhal snga nas thos pas so/ /kyang yig las rdzogs pa drug gi bsnyen pa dang
- 295a
sbyin pa la sogs pas rtsa ba'i ltung ba las grol zhing mi dge ba spangs pas grol bar 'gyur ro/ /mtshams med pa la sogs byas pa'i sdig pa las grol bar 'gyur ro/ /nges pa'i don no/ /sdig pa grol ba bsod nams/ /skyed pa'i cho ga'o/ /de las cir 'gyur zhe na gsungs pa/ rnal 'byor pa nyid bsod nams mchog /dag byed sdig pa 'jig byad pa'o/ /sngags bzlas pa dang bsam gtan dang/ /bde ba yis kyang bsgrub par bya zhes sgrub thabs gsungs so/ /rnal 'byor pa nyid ni mngon par shes pa lnga dang dkyil 'khor gyi 'khor lo grub pa/ sa bdun pa'i dbang po nyid/ de nas sa brgyad pa'i dbang po nyid de/ spyod dus su yang/ de bzhin du gsung rdo rje'i ting nge 'dzin la gnas pa'i sngags pas brgyad pa'i dbang phyug ces so/ /yang na sa bcu pa'i dbang po nyid de rang byin gyis brlab pa'i ye shes la skyes pa sangs rgyas kyi zhing nas sangs rgyas kyi zhing du 'gro ba la sogs pa'i rnal 'byor pa nyid kyang sgrub par byed do zhes pa'i don ni sgrub pa'i phyir zhes pa'i don no/ /sngags kyi bzlas pas ni sngags rnams gsungs te/ sngags kyi sgo nas oM sum b+ha ni sum b+ha huM hUM phaT/ oM grih+Na grih+Na huM hUM phaT/ oM grih+Na ba ya grih+Na pa ya huM hUM phaT/ oM A na ya ho(rgyud 'grel): b+ha ga wAn badzra huM hUM phaT zhes pa zhal bzhi pa'i sngags so/ /oM na mo b+ha ga ba te bI re shA ya/ ma hA kalbAgni sin+na b+hA ya/ dza Ta mu ku Totka TA ya/ daMSh+Ta ka rA lo gra b+hI Sha Na mu khA ya/ sa ha su b+hu dza b+hu su rA ya/ pa ra shu pA sho dya ta shU pa khaTwA ga d+hA ri Ni/ byagrI dza nA mA ra d+ha rA ya/ mahA d+hund+hA nd+ha kA ra pa pu ShA ya/ zhes pa rkang pa brgyad pa'i sngags so/ /oM ka ra ka ra ku ru ku ru ban d+ha ban d+ha trA sa ya tA sa ya k+Sho b+ha ya k+Sho b+ha ya/ h+roM h+roM h+ri:dra:pheM pheM phaT phaT da ha da ha/ pa tsa pa tsa/ b+hak+Sha b+hak+Sha/ ba sa ru d+hi rAn+ta mA lA pa la lam+bi ni/ grih+Na grih+Na sapta pA tA la ga ta b+hu dza dgaM sarbaM bA ta rdza ya ta rdza ya/ A kaDDhya A kaDDhya/ treM? treM?/ dz+nyai dz+nyai k+Sh+mAM k+Sh+mAM/
- 295b
hAM hAM hIM hIM hUM hUM hUM/ ki li ki li si li si li hi li hi li d+hi li d+hi li huM hUM phaT/ zhes pa rkang pa nyi shu rtsa bzhi pa'i sngags so/ /yi ge'i grangs steng du ni dgu bcu rtsa bdun no/ /phyi ma la yang brgya'o/ /oM yig la sogs pa nas huM hUM phaT kyi yi ge'i mthar thug pa rtsa ba'i sngags/ /de bzhin du yang snying po la sogs pa'i sngags kyang shes rab dang thabs la sogs pa rnams kyis rtogs par bya'o/ /'di rnams kyi rab tu brjod pa'i bzlas pas so/ /bsam gtan gyis kyang ni dkyil 'khor gyi 'khor lo la sogs pa rnam par rtog pa'i bsam gtan gyis so/ /kyang yig las phyi rol gyi sbyin sreg dang/ tshogs kyi 'khor lo dang gtor ma sbyin pas kyang ngo/ /bde ba yis kyang ni las kyi phyag rgya dang/ ye shes kyis phyag rgya'i 'gyur ba dang g.yo ba'i bde bas so/ /kyang yig las dam tshig brkyang bas 'og min gyi srid pa'i mthar thug pa'i bdag po lo bcu gnyis rnams kyis 'di nyid kho nar 'grub par byed do/ /zhes pa drang pa'i don to/ /rnal 'byor pa nyid ni rdo rje 'chang nyid do/ /de nyid kho na mchog ste gnyis su med pa yang dag par rdzogs pa'i sangs rgyas nyid do/ /bsod nams ni bsod nams kyi tshogs rdzogs pa nyid kyi phyir ro/ /dag byed ni ye shes kyi tshogs pa nyid kyi phyir ro/ /sdig pa 'jig byed pa ni tshul khrims kyi tshogs yongs su rdzogs pa nyid kyi phyir ro/ /sngags bzlas pa dang zhes bya ba la sogs pas rim pa min pas gsungs pa'i yan lag gsum gyis yan lag drug po rnams rtogs par bya ste/ de rnams kyis kyang bsgrub par bya'o/ /byis pa las dang po pa rnams kyis 'dod pa'i dngos grub sgrub pa la yang gsungs pa/ 'dod pa nye bar longs spyod pas yan lag drug gi sgrub thabs so/ /'dir phyag rgya chen mo'i sgo nas yan lag drug brjod par bya'o/ /dpal 'dus pa phyi mar
- 296a
yang mchog gi yan lag drug rnams kyis shes so/ /de nyid du gsungs pa/ sor sdud de bzhin bsam gtan dang/ /srog rtsol de nas 'dzin pa dang/ rjes su dran dang ting nge 'dzin/ /rnal 'byor yan lag drug tu 'dod/ /dpal dus kyi 'khor lor yang nges par bstan pa/ so sor sdud pas lus la yul dang yul can bcu po rnams ni rab tu 'jug pa med pa'o/ /bsam gtan dag kyang shes rab rtog dang dpyod pa dga' dang g.yo med bde ba rtse gcig sems pa'o/ /srog gi rtsol ba dag kyang lam ni gnyis po bsgyel zhing dbu mar srog ni zhugs pa dag tu 'gyur/ /thig ler srog ni rab tu zhugs shing gnyis ka'i bgrod pa bcom ste rtse gcig sems pa 'dzin pa'o/ /gtum mo'i snang bar gang zhig gyur pa nges par lus dang nam mkha' la yang rjes su dran par 'gyur/ /shes rab thabs kyi bdag nyid kyis ni 'gyur med bde ba'i dbang gis ye shes gzugs la ting nge 'dzin zhes so/ /'di'i rgyas par bshad pa gsungs pa/ 'dir so sor sdud pa zhes bya ba ni lus la yul dang yul can bcu po rnams kyi 'brel pas rnam par shes pa rab tu 'jug pa med pa ste/ stong pa'i gzugs kyi yul rnams la gzhan mig la sogs pa rnams pa lnga po rnams kyi rab tu 'jug pa'o/ sha la sogs pa'i mig rnams kyis stong pa nyid la dmigs par 'gyur ro zhes pa'i don no/ /de nas de nyid la blta ba ni shes rab bo/ /rtog pa ni sems kyi dngos po 'dzin pa'o/ /dpyod pa ni de'i don nges pa'o/ /dga' ba ni gzugs la chags pa'o/ /g.yo med bde ba ni stong pa nyid dang lhan cig sems gcig tu byed pa g.yo med bde ba mchog las bsgom pa zhes pa bsam gtan yan lag lnga'o/ /de nas srog gi rtsol ba zhes pa g.yon pa
- 296b
dang/ g.yas pa'i lam bsgyel bas gcig car nyid du 'bab pa ste sems kyi bzlas pa'o/ /de nas 'dzin pa zhes pa thig ler te dpral bar srog ni rab tu zhugs shing phyi rol du rgyu ba med par yang dag par sdom pa'o/ /de nas rjes su dran pa zhes bya ba rang gi 'dod pa'i lha mthong ba rnam par rtog pa dang bral ba'o/ /de nas ting nge 'dzin zhes bya ba shes rab rang gi sems kyis so sor snang ba des lhan cig pa'i mi 'gyur ba'i bde ba'i go 'phang thob pa sgrib pa thams cad dang bral ba'i phyir gzung ba dang 'dzin pa dang bral ba'i sems zhi ba'i bde ba chen po zhes pa yan lag drug gi sgrub thabs so/ /'bras bu ni dpal dus kyi 'khor lor gsungs pa/ /so sor sdud pas rnal 'byor pa ni yul dang rnam par bral ba sngags rnams kun gyis byin gyis rlob/ mngon par shes pa lnga ni thob 'gyur mi yi bdag po bsam gtan sbyor bas dag pa'o/ /srog gi rtsol bas dag pa ri bong can dang nyi ma dang bral byang chub sems dpa' rnams kyis mchod/ /bdud dang nyon mongs la sogs nyams shing stobs bcu 'jug par 'gyur te 'dzin pa'i stobs kyis so/ /rjes su dran pa'i legs par dag pa dri med 'od kyi dkyil 'khor dag kyang ye shes gzugs las so/ /de nas ting nge 'dzin gyis dag pa nyin zhag 'ga' zhig dag gis ye shes lus ni 'grub par 'gyur zhes so/ /lha'i rnal 'byor dang ldan pa phyag rgya chen po bsgom pa so sor sdud pas bcu drug las yongs su rdzogs pa 'am/ gang gi tshe lo phyed kyis gzung bya sems dang/ 'dzin pa po'i sems brtan par gyur pa de'i tshe tshig gi mchog sbyin par byed do sha'i mig tu yang 'gyur ro/ /gang gi tshe bsam gtan dag pa de'i tshe mig mi 'dzum pa lha'i mig dang lha'i rna par 'gyur ro/ /gang gi tshe rtag tu dbu mar 'bab pa de'i tshe byang chub sems dpa' rnams
- 297a
kyi rab tu bsngags par 'gyur ro/ /rlung bcu 'gags pa las sems thig ler gnas pa 'gro ba dang 'ong ba dang gral pa stong pa nyid rab tu thob pa de'i tshe bdud la sogs pa nyams par byed do/ /gang gi tshe stong pa nyid la chags pa stobs bcu nyid thob pa sgrib pa med pa'i sems 'dod pa'i gnas skabs bcu thob pa de'i tshe 'od zer lnga dang ldan par 'gyur ro/ /ting nge 'dzin gyi bde ba de gang gi chog go gsum dang phyogs gsum gyis gtsug tor du phyin pa dri ma med pa thob pa de'i tshe ye shes kyi lus te dus deng rin po che la sogs pa de'i char 'bab par 'gyur ro/ /mkha' 'gro ma rdo rje gur du 'bras bu ni/ 'jig rten khams rnams thams cad du/ /ji srid rdo rje'i lus dang ldan/ /khams gsum rgyu dang mi rgyu ba/ /ma lus lus pa med par 'grub/ /blo dang ldan pa ye shes ldan/ /de yi rjes su thams cad 'brang zhes so/ /don dam pa la sogs pa 'di'i lam sgom pa'i nye bar bstan pa rgyud rnams su bcom ldan 'das kyis gsungs so/ /du ba la sogs mtshan ma dag dang ni/ /srog rtsol gyis ni dbu mar 'bab pa dang/ /rig ma'i brtul zhugs dag gis rdo rje ni/ /ltung ma ni steng du khu ba'i lam 'dis ni/ /sangs rgyas kun bde rnal 'byor pas thob 'gyur zhes dang/ slar yang de bzhin sems kyi 'od gsal rtog pa yi/ /sgom pa'i thabs rnams dag gis mi mthong ste/ /de nyid du ni rkyang ma dag dang ni/ ro ma gcig tu sbyar bas mthong bar 'gyur zhes te nges pa'i don no/ /da ni dam tshig brkyang ba brjod par bya ste/ legs par mnyam gzhag sgrub pa pos/ /rtag tu dam tshig bskyang bar bya/ zhes pa 'dis dam tshig dpal 'dus par brjod pa rnams dang/ rdo rje mkha' 'gro la sogs pa'i sgrub thabs su mu stegs pa
- 297b
rnams kyi rnam pa sna tshogs pa dang zhi ba nyid dang drag po rnams kyi bya ba de rnams 'jig rten gyi rab tu 'jug pa las bsod nams kyi tshogs kyi don du sdom pa dang ldan pa'i rnal 'byor pas bskyang bar bya'o/ /dpal 'dus par yang ngo bo nyid kyis kun 'byung ba/ /khams gsum dag na rnam par spyod/ /sems can kun la phan 'dod pas/ /dam tshig mdza' dag spyad par bya zhes so/ /rang gi bdag po nyid kho nas dang po'i dus can gyi tshangs pa la sogs pa'i rdzu 'phrul chen po rnams snod rnams kyis lhan cig skyes rang bzhin sna tshogs kyi 'jug pas sems can gyi don du 'gyur ba gang yin pa de'i phyir/ /'jig rten pa rnams kyi dam tshig thams cad kun du spyod par bya'o zhes pa 'di'i don no/ /gur gyi rgyud du yang/ rang bzhin chos ni sun mi 'byung zhes so/ /rnal 'byor gyi rgyud du yang/ pha rol smra ba gang yang rung/ /mtshan ma'i dbye bas rnam par gnas/ /de 'dir bsnyas par mi bya ste/ /rdo rje sems dpa' i rnam 'phrul yin zhes pa dang/ tshangs pa sku yi rdo rje 'dzin/ zhes pa la sogs pa 'di las bya'o/ /sgra ji bzhin pa'o/ /dam tshig bye bas dkyil 'khor du/ /'dod pa'i dngos grub thob mi 'gyur/ zhes pa dam tshig bye ba'i nyes pa brjod par bya ste gsungs pa yang/ dkyil 'khor des sdom dus dang ni/ /brda dang sngags dang phyag rgya dag /lha rnams dang ni grub 'tha' la/ rgyal ba rnams kyi dam tshig bsgrags zhes so/ /de'i dbye ba gsungs pa/ srid pa de phyin ci log tu gyur pa des mngon par 'dod pa'i don du mi 'gyur ro// dam tshig yang dag par bsrungs pa las dngos grub po zhes so/ /de bzhin du yang/ lha rnams srin po'i gzugs can gyis/ /dam tshig las ni nyams par byed/ /ba byung la sogs sar mthong nas/ /srin po rnams ni ring du 'gro//
- 298a
lha rnams bshad ba sogs mthong nas/ rang gi gnas ni rnam par 'dor zhes so/ /'di las dam tshig rnams dkyil 'khor la sogs par bsnyen pa bya'o/ /gang gi tshe sangs rgyas la sogs pa lha zhi ba rnams kyi byang ni mkha' 'gro la sogs pa drag po srin po'i dam tshig gis byas pa de'i tshe 'grub par mi 'gyur te/ gsungs pa yang dam tshig gzhan dang bya ba gzhan gyis 'grub par mi 'gyur te sgrub pa po rnams 'chi bar 'gyur ro zhes so/ /mchog gi dang po'i sangs rgyas su yang gsungs pa/ mi phyed lam la gnas pa yis dam tshig bzhi po bsrung bar bya/ /go ku la sogs rtag tu bza' / /dam tshig 'di ni 'da' dka' ba'o/ /dam tshig bzhi ni chang btung ba dang/ bdud rtsi lnga dang/ sgo na ma bza' dang/ bud med dang 'grogs pas khu ba myang ba yang ngo/ /sngags kyi spyod pa la brten nas/ rtag tu bza' bar bya'o/ /rigs su 'dzin pa gzhen pa'i phyir du lha rnams tshim par bya'o/ /khyim pa rnams kyi yul dang rigs kyi tha snyad kyis so/ /dge tshul la sogs pa rnams kyis bza' bar mi bya'o/ /sgra ji bzhin pa'o/ /de nas gzhan yang rab 'chad byed/ /phyi rol bdud rtsi lnga mdzes pa/ /sbrang rtsi khrag dang ga pur bcas/ /tsan dan dmar po dang sbyar ba/ /tshogs kyi dbus su rab zhugs na/ /thams cad rdor mtshan mtshan ma 'dzin/ zhes pa bdud rtsi lnga bza' ba nges par bstan no/ /sbrang rtsi ni kang ngo/ /khrag ni rdul lo/ /ga du ra ni khu ba'o/ /tsan dan dmar po ni bshad pa'o/ /tshogs kyi dbus su rab zhugs ni gci ba'o/ /bshad pa'i rgyud rdo rje mkha' 'gror gsungs pa/ dbang po thams cad rnam grol ba/ /tshogs kyi dbang por gang zhig 'gyur/ /zhen pa zhes dgongs so sbyar ba ni sgron ma lnga sbrang rtsi la sogs pa rnams
- 298b
kyis so/ /thams cad rdor mtshan mtshan ma 'dzin ni h+ra ti yig bkod pa'i sngags pas bza' bar bya'o/ /sbyor ba ni rgya cher 'grel du gsungs pa'i ril bu'i cho ga brjod pa thog mar rang gi bdud rtsi rnams dang/ gi ku la sogs pa rnams kyi na ji ltar rnyed pa gzung nas de gnyis zos pa'i zla ba'am dus gzhan la bu ma skyes pa'i gzhon nu ma'i dbang po gzung ba la dga' ba byas nas hUM phaT zhes pas byang chub kyi sems phyung nas pad+ma'i snod du rdo rjes gzung bar bya'o/ /gnyis pa la ro la mchod pa byas nas rkang gsum pa la lo bcu gnyis ma la mchod pa byas nas rdul lo/ /bzhi pa rang gi gci ba'o/ /lnga pa la bshad pa gzung bar bya'o/ /nam mkha' la sogs pa'i 'phel bas ma sha ka bco lnga'o/ /de bzhin du drug pa la sogs pa'i tshes lnga lam dang/ rta dang glang po che dang/ khyi dang ba glang gi sha rnams gzung bar bya ste/ ma sha bzhi'i bdag nyid kyi cha gcig la sogs pa 'phel bas ma sha ka drug cu'o/ /bcu gcig pa la zas ma zos pa la chang 'thung te skyug par byas nas des ma sha ka bdun cu rtsa lnga'i bdud rtsi dang/ sbrang rtsi bco lnga rnams kyis lhan cig tu btags nas ce spyang gi pags par bcug nas thod pa kha sbyor du byas te mtshan mo shi ba dang ma shi ba lhan cig bsregs par khru gang gru gsum pa'i dong 'brus nas dar bcug ste mchod par bya'o/ /oM badzra kro d+he shwa ri sarba dra byA Ni sho d+ha ya hUM phaT/ zhes pas gtor ma sbyin par bya'o/ /de nas gshegs su gsol zhes bya ba la sogs pa dang/ oM sh+ri he ru ka zhes bya ba la sogs pa dang/ oM sum b+hi zhes bya ba la sogs pas gtor ma byin nas bdud rtsi sngags brgya rtsa brgyad kyis bsngags pa'i ral gri bzhag nas mchod par bya'o/ /yi ge bcu pas bsrung ba byas nas lha'i sngags kyis rang gi khyim du bcu
- 299a
gnyis pa la thun bzhir zhal bzhi pa'i sngags dang/ bcu gsum pa la rkang pa brgyad pa dang/ bcu bzhi pa la ka ra ka ra la sogs pa bzlas par bya'o/ /de nas nyi ma gzas gzung ba dang bton nas mi'i zhag gis yon tan? sde'u'i tshad tsam gyi ril bur bya'o/ /gang gis nye bar bstan pa longs spyod bsang gtor byas nas bzhag par bya ste de yis thams cad du dag pa'o/ /dam tshig gi ril bu'i cho ga'o/ /da ni tshogs kyi 'khor lor zhi pa'i btud ba rgyas par 'chad do/ zhes ming med mthe bong gdor dag gis/ /rnal 'byor rig pas bza' bar bya/ /zhi ba'i btung ba bzhin myangs pas/ /dngos grub rtag pa thob par 'gyur zhes sbyangs pa'i chang gis gtso bo la drug skyes kyi sngags kyis yang dag par tshim par bya zhing bdag nyid tshim par bya'o/ /bshad pa'i rgyud du yang/ dang por bla ma la phul nas/ /de ma thag tu sangs rgyas rnams/ /de mthar phyag rgya la byin nas/ /zhi ba'i btung ba bzhin du myang zhes so/ /zhi ba'i btung ba yang bcom ldan 'das kyis gsungs pa mu stegs pa rnams kyi sgrub pa'i phyogs rnams la 'gyur te/ /khrag dang bcas pa'i ba lang gi pags par so ma ba'i zhes pa bzhin du nya bar 'jal ba la ji ltar zhi ba'i btung ba sdig pa 'joms shing dag par byed pa de bzhin du 'dir chang 'thungs pa'o zhes pa'i don no/ /mu stegs pa rnams kyi de nyid mchog tu gzi brjid can nyid las so/ /dngos grub ni rdo rje lta bu'i ting nge 'dzin las skyes pa'i byang chub mchog go/ rnal 'byor gyi rgyud rdo rje rtse mor yang/ rdo rje lta bu'i rnam 'gyur can/ /byang chub sems ni mchog gyur pa/ /sku gsum yongs su mthar thug pa byang chub mchog tu rjod par bya zhes
- 299b
so/ /byang chub kyi sems yang dag pa gnyis su med pa nges par brtan par bya ba'i ro myang ba'i dam tshig rgyas par bstan pa ni/ 'di ni bdud rtsi lnga ru 'gyur/ /dngos grub thams cad rab 'jug pa'o/ zhes pa ni spyi bo'i zla ba'i bdud rtsi gang yin pa b+ha ga'i rdul la son pa dga' ba thams cad kyi rang bzhin 'di ni zhes pa dgongs pa'o/ /bdud rtsi khu ba de nyid g.yo bas lnga nyid du 'gyur ba'i phyir bdud rtsi lnga'o/ /'di ni rnal 'byor pas gcig pur bkod nas dang phyag rgya mas bslabs pa de las kyang bsnyen pa bya'o/ /dngos grub thams cad rab 'jug pa ni rnal 'byor po nyid du 'gyur ro/ /mchod bzhi de bzhin rnal 'byor ma/ dpa' bo gnyis med snyoms par 'jug/ snyoms par zhugs la de nyid 'dzin/ zhes pas dam tshig bzhi rgyas par bstan te/ kun tu spyod pa'i rgyud yang/ me long la sogs bzhi rnams ni/ /mchod bzhi rjes su brjod par bya/ /mkha' 'gro ma sogs pad+mar gnas/ /mA ma kI sogs bzang ma yin zhes so/ /dgongs pa'o// gzugs la sogs pa'i yul dam pa bzhi rnams su/ /phyag rgya ma lnga rnams kyis lhan cig snyoms par 'jug pa byas nas snyoms par 'jug pa'i mdza' la dga' ba bzhi'i dga' ba la thun mtshams bzhir nan tan bya'o/ /lte ba dang snying ga dang/ nu ma'i bar dang lce'i rtsa ba dang/ /spyi bo'i steng du dga' ba dang/ mchog tu dga' ba dang/ khyad par dga' ba dang/ lhan cig skyes pa de nam mkha' zhes rgyud phyi mar ro/ /dpal 'dus par yang gal te 'dod de rdo rje 'chang zhes so/ /yang yig ni 'dir 'gro ba'i don to/ gang gi tshe 'dor ba de'i tshe gdon mi za bar lces myang par bya'o/ /dpal 'dus par yang rdzas kyang lhag par dbrog par bya zhes so/ /'bras bu ni dpal dus kyi 'khor lor/
- 300a
rgyal po ri bong 'dzin pa gcig pu 'chi ba'i 'jigs pa 'phrog pa thams cad dus su bsten par bya/ /shes rab chos 'byung dag la gnas pa'i nyin mor byed dang lhan cig rnal 'byor ldan pas smos ci dgos zhes so/ /lha dang mi'i bde ba nyid/ bsdus byas nas ni kun nas so/ /rdo rje mchog gi cha yis ni/ /bcu drug char yang mi phod do/ zhes pas ni bde ba chen po rgyas par 'chad de/ /lha dang ste lha rnams kyi dang/ mi rnams kyi bde ba bsdus par byas nas te gal te mtshungs par bya ba de bzhin du yang stong nyid dang snying rje gnyis su med pa shes rab dang thabs lhan cig skyes pa la 'jig rten pa'i rgod pa la sogs pa'i bde ba de rnams kyis bcu drug gi char yang mi phong dper yang mi 'gro'o/ /de dag gi bde ba ni bshad pa'i rgyud du yang/ sa bon mngar bas bsgos gyur pa/ /mngar bas rjes su bsten pa dang/ /gang las mngar bas 'phel 'gyur ba/ /de yi ro ni mdar bar bshad/ /de bzhin chos kyi bdud rtsi 'byung/ /bde las skyes pa bde ba thob/ /sa gsum po ni gang na yang/ /de yi dpe ni yod ma yin/ zhes dang/ slar yang rdo rje mkha' 'gro ru/ /byang chub sems de'i bdag nyid can/ /rdo rje'i rang bzhin can gyi cha/ /phra mo spro ba rab brjod pa/ /phra mo'i rdul du yang dag bstan/ /ngo bo nyid las mthu stobs kyis/ /rang bzhin kho nar de grub po/ /'di yi rang bzhin brjod pa ni/ /zhal mchog ma ni khyod la bshad ces so/ /dgongs pa'o/ /bsdus pa'i don gyis yongs su bcad pa ste dang po'o// //de ni bde ba chen po bsgrub par bya ba'i gnas rgyas par gsungs pa/ /ri bo tshang tshing sman ljongs dang/ /rgya mtsho chen po'i 'gram dag dang/ /gdod nas grub dang dur
- 300b
khrod du/ /der ni dkyil 'khor bri bar bya zhes so/ /'dir ni ri bo ru rengs pa la sogs pa dang gter gyi dngos grub bsgrub par bya'o/ /de bzhin du tshang tshing ste/ shing 'khrigs par dkyil 'khor bris nas dbang la sogs pa dang rin po che'i dngos grub po/ /sman ljongs te 'khri shing gis g.yogs par zhi ba la sogs pa dang bcud len gyis dngos grub bo/ /rgya mtsho chen po'i 'gram du ma rungs pa'i las dang/ ral gri'i dngos grub po/ /dang yag las sa'i khyim mam phub tu 'jig rten gsum nyid dang/ ye shes kyi dngos grub po/ /gdod nas grub pa ni grub pa'i gnas so/ /der las kyi phyag rgya'o/ /dur khrod du yang mig sman la sogs pa dang rengs pa la sogs pa'o/ /drang ba'i don no/ /ri bo ni nu ma rgyas pa la sogs pa dang ldan pa'i rab tu mos ma'o/ /tshang tshing ni skye bo gzhon nu ma'o/ /sman ljongs ni rgyas pa'i rked pa la'o/ /rgya mtsho chen po'i 'gram ni rje rigs la sogs pa'i skye bo'o/ /dur khrod du ni gtum po la sogs pa'i gnas so/ /yang yig las gang dang ci yin pa yang ngo/ /gdod nas grub pa ni pad+ma can la sogs pa lhan cig skyes pa'o/ /der dkyil 'khor ni rdo rje dang pad+ma 'dus pa dag bya'o/ /nges pa'i don no/ /chu dang ba byung glangs nas ni/ /bdud rtsi lnga dang yang dag ldan/ /dur khrod kyi ni sol bar ldan de yi sa la rab tu byug/ ces pa la chu ste ba lang gi gcin dang/ /ba byung yang dag par blangs nas dkyil 'khor gyi gnas la nye bar byug par bya ste/ phyi dang nang gi bdag nyid can gyi bdud rtsi lnga la sogs pas kyang nye bar byug go/ de nas sngags pas dkyil 'khor bzang po bri bar bya zhes pa ni dri bzang pos kyang nye bar byugs te slob dpon las kyi cho ga mthong bas rang gi dkyil 'khor brtsam par bya'o zhes pa drang ba'i don no/ /ba byung ni dbang po thams cad kyi byang chub
- 301a
kyi sems kyi ye shes so/ /dur khrod ni rlung ngo/ /thal ba ni 'od gsal lo/ /chu yis ni de yi bgrod pa so/ /sa gzhi ni gsang bar khyab par bya'o/ /nye bar byugs nas ni bskyod nas so/ /dkyil 'khor ni dga' ba'o/ /bri bar bya ni sems kun du rdzogs par bsgom par bya ba ste nges pa'i don no/ /ro bsregs sol ba ni rus pa'i phye ma dag go /dur khrod so phag ni ba bla rnams kyis so/ /spyod par byed du 'jug pa po dang ldan pas slob dpon dge ba'i mtshan nyid can zhes pas rdul tshon gsungs te sgra ji bzhin pa'o/ /yang dag shes shing rgyud shes pa ni rigs pa'o/ /he ru ka yi gsang sngags rig/ khro med gtsang la mkhas pa dang/ /sbyor shes ye shes pha rol 'gro /zhes pas slob dpon gyi mtshan nyid gsungs so/ /yan lag dur khrod thal bas byugs/ /phyi mo chen pos rnam par brgyan/ /rus pa'i phreng ba 'phyang ba dang/ /ba TwAM ga ni lag na gnas shes pas 'di'i spyod lam gsungs pa sgra ji bzhin pa'o/ /bdag nyid he ru kar byas nas/ /de 'og he ru ka dran bya/ /mkha' la rdo rje'i gur bsam nas/ /rdo rje chu skyes der dgod bya/ /'khor lo'i dbus su bdag nyid dang/ steng du mda' yi dra ba dang/ /rdo rje'i ra ba yang dag ldan/ /'og tu mtshon cha dgod par bya/ /phyogs dang phyogs bral rnams su yang/ /bdud rnams kun gyis mi phyed pa'i/ /go cha gnyis pa bgos pa ni/ gdug spyod rnams kyis mi phyed do/ /zhes pa gsum po 'di rnams kyis bsrung pa'i 'khor lo gsungs so/ /bdag nyid ces pa ni dang por re zhig/ oM sh+rI he ru ko haM zhes brjod la zhe sdang rdo rje zhal gcig phyag gnyis pa rdo rje dang dril bu 'dzin pa shes rab dang bcas par bdag nyid bsgom par bya'o/ /de nas dpal he ru ka'i ye shes 'khor lo dran par bya'o/ /'od zer gyis bkug nas gsol ba gdab par bya ste
- 301b
khrod du/ /der ni dkyil 'khor bri bar bya zhes so/ /'dir ri bo ru rengs pa la sogs pa dang gter gyi dngos grub bsgrub par bya'o/ /de bzhin du tshang tshing ste/ shing 'khrigs par dkyil 'khor bris nas dbang la sogs pa dang rin po che'i dngos grub po/ /sman ljongs te 'khri shing gis g.yogs par zhi ba la sogs pa dang btsud len gyis dngos grub bo/ /rgya mtsho chen po'i 'gram du ma rungs pa'i las dang/ ral gri'i dngos grub po/ /dang yag las sa'i khyim mam phub tu 'jig rten gsum nyid dang/ ye shes kyi dngos grub po/ /gdod nas grub pa ni grub pa'i gnas so/ /der las kyi phyag rgya'o/ /dur khrod du yang mig sman la sogs pa dang rengs pa la sogs pa'o/ /drang ba'i don no/ /ri bo ni nu ma rgyas pa la sogs pa dang ldan pa'i rab tu myos ma'o/ /tshang tshing ni skye bo gzhon nu ma'o/ /sman ljongs ni rgyas pa'i rkeng pa la'o/ /rgya mtsho chen po'i 'gram ni rdza rigs la sogs pa'i skye ba'o/ /dur khrod du ni gtum po la sogs pa'i gnas so/ /yang yig las gang dang ci yin pa yang ngo/ /gdod nas grub pa ni pad+ma can la sogs pa lhan cig skyes pa'o/ /der dkyil 'khor ni rdo rje dang pad+ma 'dus pa dag bya'o/ /nges pa'i don no/ /chu dang ba byung blangs nas ni/ /bdud rtsi lnga dang yang dag ldan/ /dur khrod kyi ni sol bar ldan/ /de yi sa la rab tu byug /ces pa la chu ste ba lang gi gcin dang/ /ba byung yang dag par blangs nas dkyil 'khor gyi gnas la nye bar byug par bya ste/ phyi dang nang gi bdag nyid can gyi bdud rtsi lnga la sogs pas kyang nye bar byug go /de nas sngags pas dkyil 'khor bzang po bri bar bya zhes pa ni dri bzang pos kyang nye bar byugs te slob dpon las kyi cho ga mthong bas rang gi dkyil 'khor brtsam par bya'o zhes pa drang ba'i don no/ /ba byung ni dbang po thams cad kyi byang chub
- 302a
badzra kI la badzra d+ha ra madz+nyA pa ya ti kA wAk+tsit+ta badzra kI la ya hUM phaT/ 'khyil bas brdung bar bya ste/ oM badzra hUM badzra mung+ga ra badzra kI la A ko Ta ya hUM phaT/ dgegs mdza' dag med par bltas nas de'i 'og tu thams cad brtsam par bya'o/ /drang ba'i don no/ /mchog dang por yang gsungs pa/ rang nyid sdug bsngal med bar bas/ /bdag nyid brtan par 'gyur bar gyis/ /gang zhig myur du mchog gi don/ /rtog par bya zhing bsgrub par bya/ res pa'i don te dngos grub chen po rab ster byed/ /dkyil 'khor 'jigs chen bri bar bya/ /zhes pa ni thod le kor gyi thig gdab pa gsungs te/ /dang por sa gzhi dag pa dang/ slob ma yongs su gzung ba byas nas thod le kor gyis thig gdab par bya'o/ /dang por khrag ni chen po yis/ /sbags pa'i ro yi srad bu yis/ /he ru ka dpal grong khyer mchog /dkyil 'khor bzang po'i thig gdab bya/ zhes pas ye shes kyi thig gdab pa gsungs so/ /khru gang ba dang khru bzhi pa/ /ji srid khru ni stong phrag par/ /gru bzhi pa la sgo bzhi pa/ zhes pas 'khor lo sdom pa chung ba gsungs so/ /shin tu zlum po sgo brgyad pa zhes pas 'khor lo sdom pa chen po gsungs so/ /de yi dbus su pad+ma ni/ /'dab bcas ge sar ldan pa bri// lte bar dgong bya dpa' bo che/ /'jigs byed 'jigs su rung ba ste/ /thod pa'i phreng ba'i rgyan dang ldan/ /zhal bzhi pa la spyan gsum pa/ /glang po'i pags pa rnam par bgos/ /smin ma bzang po rdo rje dbyes/ /phyag na kha TwAM ga byas pa/ /mgo bo'i phreng bas rnam par brgyan/ /de bdun lha mo mdzes ma ni/ /rdo rje phag mo bri bar bya/ /he ru ka la mngon phyogs byas/ /spyan gsum drag pa'i gzugs can ma/ /thong ba rgyu mas gang ba dang/ /zhal nas khrag ni 'dzag pa mo/
- 302b
dbang bskur ba la sogs pa'i don du bdud bskrad par bya'o/ /ra las skyes pa'i nyi ma la hUM las skyes pa'i sna tshogs rdo rje de las skyes pa'i rdo rje gur dang rdo rje'i mda'i dra ba la sogs pa bsam la dbus su k+Sha yig las skyes pa'i 'khor lo rtsibs bcu pa bsgom par bya'o/ /rdo rje chu skyes la gnas pa'i rdo rje sems dpa' mngon brjod bla mar bshad pas bsam par bya'o/ /yang na nyi ma'i dkyil 'khor dbus gnas pa'i/ /rdo rje sems dpa' rnams bsgom bya/ /zhal gsum phyag drug zhi pa ste/ /dag pa'i shel dang zla ba'i 'od/ /phyag rgya chen pos snyoms par zhugs/ /shes rab skyil krung la gnas pa/ thod pa'i phreng ba'i cod pan can/ /mi bskyod pas ni dbu rgyan byas/ /rgyan rnams thams cad yang dag rdzogs// mtshan rnams thams cad kyis mtshan cing/ /dpe byad rnams kyis yang dag brgyan/ /kha TwAM ga dang thod pa 'dzin/ /rdo rje dril bus kun 'khyud pa/ /dpa' bo lcags kyu zhags pa 'dzin/ /bde ba chen po'i go 'phang gnas/ /rnam par 'gyur ba'i zhabs gnyis po/ /ser dang dkar po ljang gu'o zhes so/ /yang na zhal gcig pa phyag gnyis pa'i rnam par bsgoms nas de bzhin du gyur pa'i rdo rje hUM mdzad rnam par gtsigs pa drag po g.yas brkyang gi stabs kyis gnas pa mgo bo'i phreng ba can shes rab dang bcas pa nyi ma la gnas pa bsgom par bya'o/ /gnod mdzes la sogs pa'i khro bo bcu po spros nas sngags kyis bka' bsgos pas rdo rje sa 'og gi khro bo rnams kyis bkug pa rnams zhal gcig phyag gnyis rdo rje dang dril bu 'dzin pa la yang dag par gtang de bgegs kyi gtso bo rnams la phur bus gdab par bya'o/ /oM g+ha(rgyud 'grel): g+ha(rgyud 'grel): g+ha ta ya g+ha'a ta ya sarba duSh+TAM bi g+h+nA hUM phaT/ kI la ya kI la ya sarba pA paM hUM phaT/
- 303a
zung 'jug gi dkyil 'khor ba'i gtso bo ni ras ris la sogs par ji ltar rigs par zung 'jug tu bri bar bya'o zhes gsungs pa/ de la las kyi rjes 'brangs nas/ /sems ni mkha' 'gro la sogs phyag /gnyis bzhi drug brgyad bcu bcu gnyis/ /zhal gcig gnyis gsum lnga sogs pa'am/ nag po la sogs kha dog rnams/ /dkyil 'khor yang de bzhin shes zhes so/ /nga ni mngon par brjod pa bla mar gsungs pa'i rdo rje mkha' 'gro zhal gcig phyag gnyis pa'i dkyil 'khor bsdus pa sum cu rtsa bdun gyi bdag nyid can brjod par bya ste/ de bzhin du yang rdo rje snying pos gsungs pa/ phyag gnyis pa la zhal gcig pa/ /spyan gsum rnam par 'gyur ba'i zhal/ /'jigs byed dang ni dus mtshan mo/ /g.yas brkyang pa yis mgo bo mnan/ /sna tshogs rdo rje phyag rgya drug /zla ba phyed pas nye bar mdzes/ /stag gi pags pa'i sham thabs can/ /mgo bo'i phreng bas rnam par brgyan/ /thod pa kha TwAM ga 'dzin cing/ /rdo rje gsor bar mdzad la brtson/ /kun nas 'khyud pa'i phag mo ni/ /de yi kha dog phyag dang dbyibs/ /byin pa gnyis kyis mnyam par khyud/ /thod pa rdo rje sdigs mdzub mdzad/ /phyogs kyi gos can skra ni grol/ /dum bus brgyan pa'i 'og dpag can/ /'khor dang bcas pa'i dkyil 'khor pa/ /de dag zhal gcig phyag gnyis pa/ /phyag rgya lnga dang yang dag ldan/ /spyan gsum drag po'i gzugs can te/ /thams cad yi dags gdan la bzhugs/ /bla ma sgom byed kyis bsgom bya/ / dbus su rdo rje he ru ka /kha dog sngon po bde ba che/ /de bzhin mkha' 'gro ma sogs ser/ /thugs 'khor gnas pa'i dpa' bo gnag /rab gtum ma la sogs pa dkar/ /gsung 'khor dmar por dpa' bo dmar/ /dpa' mo rnams
- 303b
phyogs rnams kun gyi lhar bcas pa'o/ /lha min mi rnams bsdigs par byed/ ces pas lha dgong pa gsungs so/ /de'i zhes pa ni grub bzhi dang zlum po dag gis 'khor lo gsum dang 'khor lo drug gi bdag nyid can gyi dkyil 'khor dag gi snying por ro/ /bri bar bya zhes pa ni rdul tshon rnams kyis so/ /dpa' bo ni dpa' bo'i nyams dang ldan pa'i gtso bo'o/ /spyan gsum zhes pa ni zhal so so rnams la'o/ /glang po'i pags pa rnam par bgos pa ni pus mo'i mthar thug par ro/ /rdo rje dbye zhes pa ni sna tshogs rdo rjes phyed pa ste sna dang spyan gsum yang ngo/ /mdun du rdo rje phag mo ni shes rab kyi rigs kyi dbye bas phye ba'o/ /g.yon ma dkar mo dag pa'o/ /bri bar bya ni dgos par bya'o zhes pa'o/ /drang ba'i don no/ /rgyud gzhan du yang gang tshe sems ni stong pa mkha' / /mnyam par skyes par gyur pa yang/ /de tshe sngags dang phyag rgya dang/ /lha rnams kyang ni brtags pa'o zhes so/ /nges pa'i don no/ /mkha' 'gro ma ni nyi shu bzhi/ /phag mo'i rigs las yang dag byung/ /phyogs dang phyogs bral rnams su yang/ 'khor lo gsum du de mchod bya/ /dpa' bo rnams dang ma mo nyid/ /dur khong rnams suAng mchod par bya zhes pas dkyil 'khor ba dgod pa gsungs te/ dpa' bo rnams dang zhes pa nyi shu rtsa bzhi'o/ /ma mo rnams dang zhes pa bya rog gdong ma la sogs pa brgyad do/ /de bzhin du mkha' 'gro ma bzhi rnams so/ /dur khrod rnams su zhes pa ni/ /me dang rlung gi 'khor yug gi dbus su dur khrod do/ /zhes pa rgya cher bshad pa las 'byung ngo/ /yang na nam mkha' der gnas pa brgyad do/ /yang yig las snying por thod pa rnams so/ /'dir gang gi tshe rdul tshon gyi dkyil 'khor la sogs par lha rnams 'bri ba de'i tshe/ thabs dang shes rab tha dad pas bya ba ni skal ba dang mi ldan pas blta bar bya ba nyid las gsang nas/
- 304a
'dug pa'o/ dpa' bo gcig pu 'am zur gsum du gnas pa yang na'o/ /phyag bzhi pa la sogs pa'ang ji skad du gsungs pa/ dkyil 'khor pa dang ldan pa dgod ces gsungs pas so// //de ni mngon pa brjod pa 'bum par gsungs pa'i sa bon dgod pas brjod dang bya ste/ de la ye shes kyi 'khor lo la/ a A aM a(rgyud 'grel): mdun dang rgyab dang/ g.yon dang g.yas kyi dbye bas nye bar bstan pa las so/ /de bzhin du thugs la ni i laM ri u phyogs rnams su'o/ /dbang ldan la sogs pa'i phyogs bral rnams su a'u lI rI a'i'o/ /de bzhin du gsung gi 'khor lo la/ /e ar al o phyogs rnams su'o/ /oM Al Ar i phyogs bral rnams su'o/ /de bzhin du sku la/ ya ra la wa phyogs rnams su'o/ /wA lA rA yA phyogs bral rnams su'o/ /dam tshig la a A oM a(rgyud 'grel): phyogs rnams su'o/ /ha hA haM ha(rgyud 'grel): snying po bzhin no/ /dbus zla ba la hUM rin chen dang dur khrod gyi sa bon bcu gnyis nyi ma la'o/ /nyi shu rtsa bzhi ni zla ba ni ste/ ji skad du gsum pa yi ge dgod par bya'o zhes so/ /yang na mngon par brjod par gsungs pa rtogs par bya ste/ gsungs pa yang/ sdom pa sna tshogs shes nas ni/ /sgrub pa'i cho ga bsnyen pa ste/ /'dod dang 'dod pa ma shes nas/ /gcig ni 'bad pas gzung bar bya zhes so/ /de nas bum pa bya ba ni/ /rtsa ba nag po la sogs spang/ /bzang ba kun gyis legs bkang ba'i/ /thod pa steng du bzhag par bya/ /mgrin pa srad bus dkri bya zhing/ /kha ni yal 'dab kyis brgyan cing/ /gos zung gis ni legs dkris pa/ /brgyad ni sge ru dgod par bya/ /gos zung gis ni legs dkris pa'i/ /bum pa dgu pa dbus su'o/ /rin chen lnga dang yang dag ldan/ /sman lnga la sogs yang dag ldan/ /gser ram dngul lam rin po che/ /mu tig
- 304b
rnams kyis mdzes par bya/ /dkyil 'khor kun du dgram par bya/ /de nas grong mchog mchod par bya zhes so/ /rdul tshon gdab pa'i bar ma chad par bum pa dgod pa'o/ /mchod pa yang gsungs pa/ /bza' ba kun gyis shes pa ni/ /dam tshig gi ril bu rnams kyis so/ /srad bu yis ni zhes pa tshon sna lnga pas so/ /yal 'dab ni a mra la sogs pa rnams so/ /bla mar yang oM bu dzam+bu ka dampa/ /dpal 'bras sa bon gang bas so/ /ba lA mo TA thal mo byas/ /gI ri karti ga rnams dang/ dpl gcig lha dang bcas pa yang/ /lnga po 'di rnams sman du bshad ces so/ /sgo ru zhes pa ni/ /sgor dgod pa dang/ gra dang dbus su yang ngo/ /shar dang nub kyi bum pa dag gi bar du/ rgyal ba dang rnam par rgyal ba'i bum pa yang ngo/ /la sogs pa'i sgra las lo thog lnga dang/ dri bzang po'i me tog lnga rnams kyang ngo/ /dri yi chu yis legs par gdab/ /bdag nyid kun nas zhal la ni zhes pa ni 'phags pa'i khrus gsungs pa'i/ /kun nas zhal zhes pa ni/ oM sum+b+ha zhes pa la sogs pa'i sngags 'don cing/ shar dang byang la sogs pa'i phyogs su/ /mthe bong dang sdigs mdzub kyi se gol gtog par bya'o/ /oM me di ni badzra'i b+ha ba badzra band+hu hUM/ oM badzra prA kA ra hUM baM hUM/ oM badzra pany+tsa ra hUM baM hUM/ oM badzra bi tA na tUM khaM hUM/ oM badzra shar dzA la trAM saM trAM zhes bsrung bar bya'o/ /de nas yan lag dri bzang gtsang/ /ji ltar yod pa'i rgyan mchog 'chang/ /hI hI bsgrags nas rab 'jug byed ces so/ /gal te dngos grub mchog 'dod na/ /mar me brgya yang dbul bar bya zhes pa mchod pa brjod pa gsungs pa'o/ /sgra ji bzhin pa'o/ /nam mkha' i mkha' 'gro ma rnams gang/ /thugs kyi 'khor lo de bgod bya/ /sa steng mkha' 'gro ma gang yin/ /gsung gi 'khor lo rnams dgod bya/ /sa
- 305a
'og mkha' 'gro ma gang yin/ /sku yi 'khor lo la dgod bya/ /ma mo brgyad po phyogs rnams dang/ /phyogs bral rnams su dgod par bya/ zhes te/ thugs kyi 'khor lo la'o/ /bla mar yang/ rlung gi dkyil 'khor la gnas pa'i/ /sku yi dkyil 'khor rnams bsgom bya/ /mkhas pas chu la gnas pa yi/ /gsung gi dkyil 'khor bsgom par bya/ /me yi dkyil 'khor la gnas pa'i/ /thugs kyi 'khor lo bde ba che/ /dbang chen dkyil 'khor la gnas pa'i/ / dam tshig gi ni dkyil 'khor mchog /slar yang 'khor lo pad rdo rje'i/ /phreng bas 'khor lo gsum bskor bya/ /cho ga ji bzhin dam 'khor lo/ /sna tshogs rdo rje'i phreng bas bskor/ /rtsibs rnams dkar dmar sngo snying po'i/ /phyi yi mtshan sogs sna tshogs mdog /de bzhin me tog spos mar mes/ /dpa' bo rnal 'byor ma mchod bya/ /rgyal mtshan mar dang de bzhin ser/ /dkar dang nag dang ser skya dang/ /me tog phreng dang sna tshogs phye/ /bla re yol ba sna tshogs dang/ /bza' ba dang ni btung ba yis/ /rab mnyam gzhag pas mchod par bya/ /mchod pa nges par bstan pa ste/ /sgra ji bzhin pa'o/ /dkyil 'khor du 'jug pa'i cho ga'o// //de nas sgrub pos dngos po kun gyis ni/ /dang por slob dpon mnyes par bya/ /grub 'dod shin tu mnyam gzhag pas/ /gus pas bla ma bzang mchod bya/ zhes pa ni/ bla ma mchod pa brjod par bya ste/ slob dpon rgyud bzhi'i kun tu spyod pa shes pa nyid las so/ /mngon brjod bla mar yang/ dpal he ru ka'i rigs 'byung ba'i/ /kun brjod mdzes pa bslab par bya/ /slob dpon kun spyod bslab pa dang/ /yul gyi kun spyod khyad par las/ /rnal 'byor ma rgyud kun spyod dang/ /rnal 'byor rgyud rnams rgyas pa dang/ /bya ba'i dbye
- 305b
ba'i rim nyid kyis/ /rgyud kun mngon par shes pa nyid ces so/ /gdu bu dang ni lag rgyan nyid/ /dpung rgyan gos kyis rnam par brgyan/ /lag sor la yang dag phyed gcig /de bzhin yo byad lham dang ni/ /mgo'i gtsug tor dang ni gdugs bla ma 'di rnams kyis mchod bya/ /sgra ji bzhin pa'o/ /sgrub po yang na rnga can nam/ /dbyangs snyan pa'i dril bu dkrol/ /cho ga bzhin du dkyil 'khor mchod/ /ha ha zhes kyang brjod par bya/ zhes te dkyil 'khor rab tu gnas pa brjod par bya'o/ /rnga can ni cang te'u'o/ /cho ga bzhin ye shes kyi 'khor lor rab tu bcug nas/ rdul tshon gyi dkyil 'khor gyi mdun du/ dkyil 'khor byas nas slob dpon gyis mchod yon la sogs pa sngon du 'gro bas mchod par bya'o/ /drang ba'i don no/ /dril bu ni shes rab bo dbyangs snyan ni rdo rje can ma'o/ /rnga can ni pad+ma can ma'o/ /nam gyi sgras rin chen dang las dang/ /de bzhin gshegs pa rnams so/ /yang gi sgra las skal ba dang ldan ma gzhan rnams kyang brten par bya'o/ /ha ha zhes kyang bya ba ni bde ba nyams su myong ba gzhan la de/ thig les dkyil 'khor du gtor bar bya zhing/ /rnam par rtog pa la yang ngo/ /de nas dkyil 'khor bsang gtor byed pa'o/ /nges pa'i don no/ /mkha' 'gro ma yi dra ba sdom/ /sngags pas yang na nyis 'gyur bzlas/ /'dab ma 'khor lo dur khrod dang/ /sgo rnams nges par nyis 'gyur ro/ zhes pa 'khor lo drug gi dkyil 'khor nges par ston par byed do/ /de la sdom pa chen po'i 'khor lo sgyur ba la/ /snying por chu skyes 'dab ma bcu drug pa'o/ /sa dang chu dang me dang rlung dang nam mkha' i 'khor lo rnams lnga'o/ /dur khrod rnams ni bcu drug go /sgo rnams ni brgyad do/ /dbus su gtso bo dpal he ru ka
- 306a
phyag nyi shu rtsa bzhi pa/ mgo bo brgya'i phreng ba can mkha' 'gro ma yi dra ba sngo la dpal dus kyi 'khor lo zhes pa'o/ /dkyil 'khor ba'i rnam par bzhag pa ni mang ba nyid kyi phyir ma brjod do zhes pa drang ba'i don no/ /nyis 'gyur ni stong pa nyid dang snying rjer dbyer med pa'o/ /mkha' 'gro ma yi dra ba sdom ni/ byang chub kyi sems so/ /bzlas par bya ni shes par bya ba'o/ /yang na'i sgra las bsgom par bya ba yang ngo/ /'dab ma zhes pa chos kyi dbyings su'o/ /nyis 'gyur ni shes rab dang thabs kyi bdag nyid can gyi 'khor lo lnga ste/ dngos su na snying rjer 'gyur ro/ /sa 'og gi dur khrod brgyad kyi mthar thug par 'phro bar byed pa'o/ /nges pa ni gdon mi za ba'o zhes pa nges pa'i don no/ /shing lnga u dum ba ra yi/ /so shing rab tu sbyin par bya/ /dkyil 'khor du mgo gang du lhung/ /de yi las ni sgrub par byed ces pa so shing brjod pa'o/ /lnga zhes pa phaT dang/ a shwa tha dang u dum ba ra dang/ park+ka TA dang/ tsu'ta rnams so/ /oM badzra ha sa zhes pas bza' bar bya'o/ /sgra ji bzhin pa'o/ /slob ma'i mig dang gdong pa la/ /ser po'i gos kyis g.yogs nas su/ /de nas skor ba byas nas ni/ /sgrub pa po da bla mes dbul/ /lho phyogs kha bltas me tog de/ /dkyil 'khor du ni dor bar bya/ /gang du me tog de lhung ba/ /de ni sngags pa de yi rigs shes so/ /dkyil 'khor du ni dgu'i bdag nyid du'o/ /bla mar yang/ sdang rmongs de bzhin nga rgyal dang/ /chags dang phrag dog de bzhin nyid/ /'di rnams rigs ni lnga por des/ /'dod dang thar pa'i 'bras rab ster/ /glang po seng ge myur 'gro dang/ de bzhin rma bya nam mkha' lding/ /khyab 'jug tshangs pa de bzhin nyid/ /dbang phyug che dang dbang po nyid/ /grwa bzhir ma mo bsam par bya/ /
- 306b
zhes so/ rmongs pa la sogs pa ni ma mo rnam so/ /gos ser po ni rgyas pa'i don no/ /oM tsak+Shu ban d+ha ba ra mA Na ye/ zhes pas bcing bar bya'o/ /bla mas dbul ni sngags kyis byin gyis brlabs pa'i me tog cig gam/ las kyi rdo rje skor ba byed du bcug nas/ /dkyil 'khor gyi lho sgor khrid de/ /oM pra tI ts+tsha ho zhes pas me tog de yi ge gsum gyis byin gyis brlabs la dor bar bya'o/ /sgra ji bzhin pa'o/ /bcud dang bcud len nad med dang/ /nor dang 'bru rnams rab stsol byed/ /rtag tu dpal g.yang zhi ba ster/ /dkyil 'khor gyi ni lho sgor ro/ zhes bshad pa'i rgyud du'o/ /nyi ma gnyis par khrag gis ni/ /thig le de la bya ba'o/ /zhes pa ni lhag par gnas pa brjod pa ste/ bsrung pa'i don du slob ma la thig le bya ba'o/ slob dpon shin du mnyam gzhag pas/ /slob ma yi ni gdong phye la/ /lha gang gi ni gnas gang yin/ /de dang de nyid rab bstan bya/ zhes te/ oM de byen+d+ra yaN+yA da g+ha TA ya swAhA/ zhes pas mig dar dgrol bar bya'o/ /lha nyid ni rnam par snang mdzad la sogs dang mkha' 'gro ma la sogs pa dang/ /'dir mkha' 'gro ma dang/ lA ma dang/ dum skyes ma dang/ gzugs can ma rnams sa la sogs pa dag pa'o/ /slar yang g.yon nas brtsams pa yis/ /de nas bskor ba byas nas ni/ /sgrub pos bla ma la btud nas/ /yon gyi mchog ni dbul bar bya zhes pas yon gsungs pa/ kye rdo rje la dkyil 'khor mchog /de bzhin me long rtag pa la// bzang pos shos ni rta mgrin la'o/ /rdo rje nyi mas gser mchog dang/ /rta mchog la yang rta nyid de/ /rtag tu yon gyi mchog yin no/ /zhes mkha' 'gro ma rdo rje gur gyi rgyud du'o/ /rin chen lcags zangs ba lang rta/ /
- 307a
glang chen bu mo nor 'dzin bran/ /bran mo 'dod pa'i chung ma sogs/ /rna rgyan gdu bu la sogs pa/ /bdag nyid dngos po kun gyis ni/ /blo dang ldan pas dbul bar bya/ /de nas brtsams te bran du bdag /bdag gis bdag nyid yang dag dbul/ /dpal ldan bla ma khyed zhabs kyi/ /yang dag rdzogs pa'i byang chub brnyes/ /de bzhin dpa' dbang mkha' 'gro ma/ /rnal 'byor ma mo rnams gnyis 'gyur/ /de ltar rnal 'byor grub gyur na/ /'jig rten gsum du mi bzlog go /zhes pa bla ma mnyes par byed pa brjod pa'o/ /sgra ji bzhin pa'o/ /sngags pa dkyil 'khor ma mthong bar/ /gang zhig rnal 'byor pa nyid 'dod/ /mkha' la khu tshur gyis bsnun dang/ /smig rgyu'i chu ni mthung bar byed/ /gang zhig dkyil 'khor 'dir dbang bskur/ /rgyud rnams thams cad sgrub pa pos/ /lha dang lha min mi rnams ni/ /zil gyis gnon par 'gyur pa yin/ /zhes pa dkyil 'khor du zhugs pa'i phan yon brjod pa'o/ /dkyil 'khor zhes pa ni/ /mngon brjod du gsungs pa'i mkha' 'gro lnga'i dkyil 'khor 'dus pa dang mtshungs par ro/ /sgra ji bzhin pa'o/ /yang dag par mchod nas/ de nas slob dpon la phyag rgya mo dbul bar bya'o/ /des dgod pa'i dbang bskur ba sbyin par bla ma la bus gsol ba gdab par bya'o/ /zhes pa dbang mdor bstan pa ste/ phyag rgya ma lo bcu gnyis ma dang por byas nas/ ji srid lo nyi shu'i mthar thug pa gzung bar bya'o/ /de ltar yang bcom ldan 'das kyis gsungs pa/ gang zhig bcu gnyis lo lon bu mo dkar sham dang/ gzhan bde bzhin skye gnas nyi shu'i lo lon pa/ gzung nas bu ma skyes pa dam tshig la zhugs pa/ bla mas dbang bskur don gyi rgyu ru nges par rtag
- 307b
ces so/ /gos dang rgyan la sogs pas yang dag par mchod nas/ /bus yang dag par dbul bar bya'o/ /yang dag par rab tu sbyin pas sbyin par bya'o/ /sgra ji bzhin pa'o/ /rgod pa dang/ blta ba dang/ kun tu reg pa dang/ 'khyud pa dang/ 'go ba 'dzin pa dang/ gnyis gnyis sbyor bas phyag rgya ma'i dbang bskur ba rnam pa drug dang/ rnam pa gsum mo/ /'di rnams kyis slob dpon dang gsang ba la sogs pa rnams kyi dbang bskur bar 'gyur ro/ /slob dpon gsang ba shes rab dang/ bzhi pa de slar de bzhin no zhes so/ /dbang bskur ba la sogs nges par bstan pa 'di la rgyud sna tshogs su dbang bskur ba du ma gsungs te/ mdor bsdus pas rnal 'byor dang rnal 'byor ma'i rgyud du bzhi gsungs so/ /bya ba'i rgyud du ni shes rab mas rgod pas bde ba nyams su myong ba rgod pa'i dbang bskur ba'o/ /spyod pa'i rgyud du shes rab ma la blta ba bde ba las blta ba'i dbang bskur ba'o/ /rnal 'byor bla ma'i rgyud du ni shes rab ma'i nu ma gnyis la reg pa las gyur pa'i bde ba ni nu ma la reg pa'i 'o/ /rnal 'byor bla na med pa'i rgyud du shes rab ma'i lag pa 'dzin pas bde ba ni lag pa 'dzin pa'i dbang bskur ba'o/ /'dus pa la sogs pa rnal 'byor gyi rgyud du 'khyud pa'i bde ba las/ /'khyud pa'i dbang bskur ba'o/ /rnal 'byor ma'i rgyud du yang gnyis gnyis bskyod pa las gnyis ga'i bde ba las gnyis gnyis kyi dbang bskur ba'o/ /bcu drug gi ngo bo can bzhi 'dod pa na spyod pa'i mi rnams kyi gnyis la rnam pa gsum mo zhes pa mdor bsdus nas dbang bskur ba'o/ /bum pa dang gsang ba dang shes rab kyi mtshan nyid las gsum mo/ /slob dpon la sogs pa'i dbang bskur ba la/ 'dir 'jig rten dang 'jig
- 308a
rten las 'das pa'i dbye bas rnam pa gnyis so/ /zhi ba yang rnam pa gnyis te/ bden pa bdag gi rnam par 'jug pas bzhi pa'i ming dang 'gyur ba dang/ 'gyur ba med pa shin tu dbyer med pa bde ba chen po thams cad stong pa rgyu dang 'bras bu 'gog pas 'gyur ro/ /de ni kak+ko lar gnas pa'i hUM phaT yi ge'i mtshan nyid gsum par 'gyur bar 'os pa ma yin no/ /'di ltar yang/ bo lar gnas pa dbang bzhi pa de kho na nyid kyi dbang rab tu gsal bar byed do/ /zhes pa 'jig rten pa'i dbang ni de kho na nyid tshul gnyis su med pa dang bral ba ste/ de ni 'dir stong pa nyid dang snying rje tha mi dad pa 'pho ba med pa'o zhes pa'o/ /thams cad gsang ba'i rgyud du yang/ /rgyu yi de nyid mnyam sbyor las/ /'bras bu'i de nyid bstan par bya/ /'bras bu'i de nyid mnyam 'jug pa/ /rgyu yi de nyid the tshom med/ /rang bzhin so sor sgrub byed la 'ang/ /rab tu bya dang byed pa'o zhes gsungs so/ /'bras bu bstan pa'i phyir yang/ de bzhin du bcom ldan 'das kyis gsungs pa/ 'dir bzhi pa'i mngon par dbang bskur bas mngon par dbang bskur na sangs rgyas gnyis pa nyid do zhes so/ /'phags pa'i zhabs kyis kyang gsungs pa/ dang po las kyi sbyor ba yis/ /sa brgyad pa ni thob par 'gyur/ /snang ba gsum po mthong ba dang/ sa bcu la ni rab tu gnas/ /mngon par byang chub legs thob nas/ /gtsang ma'i gnas su nye bar 'gro zhes so/ /gsang ba dang/ shes rab dang bzhi pa ni 'bras bu zhes brjod do/ /de'i phyir mya ngan las 'das pa'i bde ba nyid/ 'pho ba med pa yang lhan cig skyes pa mi 'gyur ba nges par bzhi par brjod do zhes pa zung du 'jug pa grub pa'o/ /bum pas mngon par dbang bskur ba ni slob dpon gyi dbang bskur pa'o/ /gsang ba blta bas dang/
- 308b
bdud rtsi myang bas gsang ba'i dbang bskur ba'o/ /las kyi phyag rgya gtad pas dang/ /dbang po nyid kyi bde ba rtogs pas shes rab ye shes kyi dbang bskur ba'o/ /nor bu'i nang du chud pa'i byang chub kyi sems kyi bde ba rtogs pas bzhi ba'o/ drang ba'i don no/ /'dir bum pa'i sgras nu ma brjod de/ /de la reg pa las 'gyur ba'i bde ba gang yin pa de ni bum pa'i dbang bskur ba'o/ /gsang bar rdo rjes reg pa las 'gyur ba'i bde ba gang yin pa de gsang ba'i dbang bskur ba'o/ /dbang po gnyis kyis snyoms par 'jug pa las/ /g.yo ba'i bde ba gang yin pa shes rab ye shes kyi dbang bskur ba'o/ /phyag rgya chen po la rjes su chags pas 'gyur ba med pa'i bde ba gang yin pa de ni bzhi pa de slar de bzhin gyi mngon par dbang bskur ba don dam pa'o zhes pa nges pa'i don no/ /de nyid bsdus pa dpal dang yang/ /gsang ba'i rdo rje 'jigs byed de/ /dkyil 'khor rgyas pa'i dbang po 'di/ /ma byung 'byung bar mi 'gyur ro/ /zhes pa dkyil 'khor gyi phan yon no/ /sgra ji bzhin pa'o/ /chu dang cod pan la sogs pa'i dbang mdor bsdus nas bstan pa'i tshul lo/ /bshad dang ma bshad gang ci 'ang rung/ de kun dpal he ru kar gnas shes pa ni/ /dbang mang po rgyud phan tshun du 'brel pa de yang brjod do/ /sgyu 'phrul dra bar yang gsungs pa/ /chu sogs mngon par dbang bskur bdun/ /mkhas pas tha dad rtogs par bya zhes so/ /phreng ba chu dang rdzogs sangs rgyas/ /rdo rje dril bu me long dang/ /ming dang slob dpon rjes gnang ste/ /'di ni mngon par dbang bskur rim zhes rnal 'byor gyi rgyud du'o/ /'khor lo sdom pa nyid du ma bshad pa chu dang cod pan la sogs pa'i dbang gang yin pa de thams cad dpal he ru ka las te/ 'bum phrag lnga pa nyung du'i
- 309a
rgyud du dang/ mkha' 'gro ma rdo rje gur la sogs par yang rgyas bar shes par bya'o/ /de'i dag pa yang 'bum phrag lnga par gsungs pa/ byis pa skyes pa ma yis ni/ /chu yis khrus byed dbang bskur ro/ /de yi gtsug dud rab bzhag pa/ /cod pan du ni yongs su btags/ /de yi rna ba 'bugs la sogs/ /dar dpyangs dbang zhes bya bar bshad/ /de yi rgod dang smra ba nyid/ /rdo rje dril bu'i dbang bskur ro/ /lnga la longs spyod brtul zhugs so/ /ming ni ming gi dbang bskur ro/ /pha yis rtag tu klog la sogs/ /ster bar byed pa rjes gnang yin/ /de lta rnam pa bdun gyis ni/ /dbang bskur bdun du rab tu bsgrags/ /de yi bag ma byed pa ni/ /gong ma'i dbang du brjod par bya/ /de la shes rab gtad pa ni/ /lag pa 'dzin par brjod par bya zhes so/ /mkha' 'gro ma rdo rje gur du yang/ /dang po bum pa'i dbang yin no/ /gnyis pa gsang bar 'dod pa yin/ /shes rab ye shes gsum pa ni/ /ji ltar de bzhin gshegs de min zhes so// gzhan des mi 'gyur ba'i bde ba stong pa shes rab la bdag skyes pa ni bzhi par brjod de/ 'jig rten 'das pa'i dbang gang mchog gi rgyal ba'i bdag po'i phyag rgya mchog la rjes su sbyor ba'o/ /zhes gsungs so/ /bzhi pa mngon par byang chub pa'i rim par gang gi sems kyi snang ba dngos po med pa'i mtshan nyid dag gi thams cad stong pa de bzhin gshegs pa'i phyag rgya chen mo 'gyur ba med par rtogs par bya'o zhes pa sgra ji bzhin pa ste/ dbang gi cho ga'o/ /da ni mkha' 'gro ma rnams dgod pa gsungs pa/ mkha' 'gro ma rnams gnas rnams su/ kun nas rnam par rol bar byed/ ces dang por lus rnams dben pa'i don du/ rnam par rol par byed pa ni/ pul+li ra la sogs pa'i gnas//
- 309b
nyi shu rtsa bzhir khyab par byed pa'o/ /mkha' 'gro ma rnams ni rdo rje rnal 'byor ma rnams so/ /bshad pa'i rgyud du yang/ Dai nam mkha' 'gro byed la/ /dbyings su 'dir ni btags pa'o/ /nam mkha' kun du rgyu grub pas/ /mkha' 'gro ma zhes rab grub byed ces so/ /dgongs pa'o/ /kun nas shes pa ni gling thams cad kho nar ta gal te pul+lir la sogs pa tsam nyid ni pho nya ma rnams khyab par byed pa nyid du mi 'gyur ro/ /rgyud gzhan du yang gsungs ba/ gnas ni shar gyi lus 'phags 'gyur ro/ lho yi 'dzam bu'i gling dang ni/ /nub kyi ba lang spyod rnams dang/ /byang du byang gi sgra mi snyan/ /nye ba'i gnas ni sa steng du/ /phyogs bral nye ba'i gling du 'gyur/ /de bzhin zhing la sogs pa kun/ rgya mtsho'i 'khor yug la sogs su'o zhes so 'di'i phyir rtul po rnams kyi don du pul+li ra la sogs pa nyi shu rtsa bzhi nges par bstan no/ /phyi rol du mkha' 'gro ma sum cu rtsa drug ni/ /lus la mgo bo la sogs pa'i gnas rnams su khyab par 'gro byed pa'i rtsa rnams so/ /mkha' 'gro ma ni byang chub kyi phyogs kyi chos sum cu rtsa bdun no/ /rnam par rol par byed pa ni gzhan du chos kyi dbyings su 'du bar byed pa'o/ /lugs las bzlog pas brtson 'grus chen mo dang/ 'khor lo sgyur ma dang/ stobs chen ma dang/ shin tu dpa' mo dang lnga pa 'khor lo'i go cham dang/ chang 'tsheng ma dang/ dum skyes ma dang/ 'khor lo'i shugs ma zhes brgyad ni/ sku'i 'khor lo la gnas pa'o/ /mkha' 'gro gdong ma dang rta rnam dang shin tu bzang mo dang/ sngo bsangs lha mo dang/ de bzhin kho nar bcu gsum pa chang 'thung ma dang/ rlung shugs ma dang/ 'jigs byed ma dang/ sa srungs ma ste brgyad ni gsung gi 'khor lo la gnas pa'o/ /shing grib ma dang/ lang ka'i dbang phyug ma dang/ mi'u thung ma dang/ de bzhin du dpa'
- 310a
ba'i blo gros ma dang/ sna chen ma dang/ de bzhin kho nar 'od ldan ma dang/ gtum pa'i mig ma dang/ rab gtum ma dngos grub sbyin zhing dngos grub bsgrub par byed pa yin no/ zhes pa brgyad ni thugs kyi 'khor lo la gnas pa'o/ /dpa' bo bzang po nyi shu bzhi/ /'di dag gtso bor grub pa yin zhes pa ni/ 'khor lo gsum la gnas pa'i dpa' bo rnams kyang mdor bstan no/ /lugs las bzlog pas rim pa las 'das pa dang/ rim pa dang mthun par rtogs par bya'o/ /'di rnams kyi kha dog la sogs pa ni 'chad par 'gyur bar brjod par bya'o/ /sgra ji bzhin pa'o/ /rang ming brjod pa'i gsang sngags la/ /hUM phaT yi ge sbyar bar bya/ /oM yig kun la gsal byed de/ las rnams kun dang dngos grub sbyin/ zhes pa ni dkyil 'khor pa'i shes rab dang/ thabs dag gis sngags mdor bstan pa ste/ /'di'i don 'di yin te/ oM pra tsaN+De hUM phaT/ de bzhin du gzhan rnams kyang rtogs par bya'o/ /oM khaN+Da ka pA li ni hUM phaT/ de bzhin du dpa' bo gzhan rnams kyang ngo/ /dpa' bo nyid gyur grub pa ni/ /khyim gyi dkyil 'khor mthong ba yin zhes pa 'di nang gi dkyil 'khor gsungs te/ dkyil 'khor ba'i lha rnams lus la rtsa'i gzugs su tha dad pas gnas te/ dpa' bo nyid so la sogs pa nyid du gnas pas slar yang dngos grub rdzogs par 'gyur ro/ /de bzhin du yang gsung pa/ rtsa rnams mkha' 'gro ma rab brjod/ /dpa' bo so dang sen mo sogs zhes so/ /bla mar yang so dang sen mo dag rab gtum ma'o/ /skra dang spu dag gtum mig ma'o/ /pags pa dang dri ma dag 'od ldan ma'o/ /sha la sna chen ma'o/ /rgyus pa ni dpa' ba' i blo gros ma'o/ /rus pa ni mi'u thung ba'o/ /mchin pa la lang ka'i dbang phyug
- 310b
ma'o/ /snying la shing grib ma'o/ /mig las srungs ma'o/ /mkhris pa la 'jigs byed chen mo'o/ /glo ba la rlung shugs ma'o/ /rgyu ma la chang 'thung ma'o/ /sta zur gyi rgyus pa la sngo bsangs lta mo'o/ /lto ba la shin tu bzang mo'o/ /keng rus la rta rna ma'o/ /mtshams mdza' la mkha' 'gro 'ong ma'o/ /bad kan yang 'khor lo'i shugs ma'o/ /rnag ni dum skyes ma'o/ /khrag ni chang 'tshong ma'o/ /rdul ni 'khor lo'i go cha ma'o/ /tshil ni shin tu dpa' mo'o/ /mchi ma stobs chen ma'o/ /mchil ma 'khor los sgyur ma'o/ /snabs ni brtson 'grus chen mo'o/ /zhes pa drang ba'i don no/ /sam+bu Ta'i rgyud du yang/ /he ru ka dpal dpa' bo 'di/ /dpyid kyi thig ler 'dod pa ste/ /dpyid thob pas ni chog shes pa/ /snyoms par 'jug pa mnyam par gnas shes pa nges pa'i don no/ /rnal 'byor mchog rab mthong ba ni/ me ste gzhan dag sog ma bzhin/ /zhes pa ni gnyis su med pa dgod par brjod pa ste/ stong pa nyid dang 'dus pa'i rnal 'byor de nyid byang chub phyogs kyi rang bzhin rnams kyang mthong ba ste/ bla ma'i man ngag las shes shing lhag par rtogs nas so/ /gsungs pa yang/ gnas ni dpal rnal 'byor pa rnams kyi rdo rje nor bur sbas pa'o zhes so/ /gzhan yul sna tshogs dkyil 'khor du 'dus pa ni bsgrub par bya ba ma yin no/ /me ni mkhas pa'o/ /phyi rol la mngon par zhen pa spang bar bya'o/ /zhes pa sam+bu Ti'i rgyud du yang/ dper na mar 'dod dar ba yi/ /snying po blang nas 'dor de bzhin/ /chos kyi bdud rtsi lnga thob nas/ /rtog pa ma lus dor bar bya/ /sngags bzlas med cing dka' thub med cing sbyin bsreg med/ /dkyil 'khor pa yang yod min dkyil 'khor yod ma yin/ sngags kyi bzlas pa de yin dka' thub sbyin sreg de/ de ni dkyil 'khor pa dang dkyil
- 311a
'khor dag kyang de/ /mdor na sems de 'dus pa'i tshul can no zhes kun du spyod pa'i rgyud du'o/ /bla mar yang/ bdag gis 'di dag gang mdzad pa/ /sems can bsam pa'i sbyor ba la'ang// bsam gtan las gzhan bde med phyir/ /de phyir bsam gtan mchog tu 'gyur/ /phyi rol khyams las rnal 'byor pa/ /de rnams khams rnams zad par 'gyur/ /de bas phyi rol dor byas nas/ /rnal 'byor rol pas gnas bar bya rdo rje rnal 'byor ma rnams kyis/ /rnam dag ye shes spyan gyis gzigs/ /dpal ldan rdo rje rnal 'byor ma'i/ /snying rje 'khrugs pa'i sems kyis ni/ /de rnams mnyes pas dngos grub mchog /ji ltar 'dod bzhin stsol bar byed/ / de yis rje btsun ye shes ni/ /rab tu 'bar pas bsgrub par bya zhes so/ /mchog gnyis su med pa dgod pa/ rdo rje gsum tha mi dad pa/ dad ba lhun gyis grub pas lhan cig skye ba thams cad stong pa ste/ /dgongs pa'o/ /gnyis su med pa dgod pa'i cho ga'o/ /da ni ngag rnam par dbyen pa'i don du sngags btu ba brjod par bya ste/ /thams cad chos 'byung bar/ /sna tshogs lte bar mi shigs dge /sngags pas cho ga bzhin du bri/ /chos kun gcig tu bsdu bar bya/ zhes te chos thams cad ni/ thams cad mkhyen pa'i chos stobs bcu dang mi 'jigs pa bzhi dang/ ma 'dres pa bco brgyad pa de rnams 'byung ba gang yin pa de bzhin no/ /mi shigs pa ni thams cad stong pa'o/ /dge ba ni lhan cig skyes pa'i dga' ba'o/ /lte bar ni de bzhin nyid du'o/ /sna tshogs ni rgyu can no/ /chos kun gcig tu bsdu ba ni sku gsung thugs nye bar bsdus pa nyid do/ zhes pa nges pa'i don no/ /gru gsum gyi rnam pa/ lnga bcur gcig gis
- 311b
dman pa'i bdag nyid can gyi re mig bris nas/ 'dab ma brgyad la sngags btu bar bya'o/ /A li kA li mnyam byas nas/ /sde mtshan las ni yongs sdom pa/ /der gnas dpa' bo btu bar bya/ /'dod don thams cad sgrub byed yin/ zhes pa nges par bstan pa gsungs pa/ A li kA li zhes pa ni/ lnga bcur dman pa bris pa de nyid du/ sde tshan brgyad kyi bdag nyid bris nas/ dpa' bo he ru ka sngags kyi bdag nyid can dgod par bya'o/ zhes pa drang ba'i don no/ /A li kA li mnyam pa ni stong pa nyid dang/ snying rje tha mi dad pa/ lhan cig skyes pa stong pa longs spyod rdzogs pa/ shes rab dang thabs bsgom par bya'o/ /phung po dang khams dag ji ltar 'dres par 'gyur ba'o/ /de nas zung 'jug gi sku gdul bya'i bsam pa yongs su rdzogs par byed par 'gyur/ zhes pa nges pa'i don no/ /bzhi pa'i lnga pa gang yin dang/ zhes bya ba la sogs pa nas/ dpa' bo'i dbang po btu bar bya/ zhes pa'i mthar thug pas rkang pa brgyad pa'i gsal byed gsungs so/ /de nas de la dbyangs kyis yang dag sbyar zhes bya ba la sogs pa nas 'di ni rtsa ba'i sngags su bshad ces pa'i mthar thug pas dbyangs sbyar ba'i yi ge gsungs so/ /'dir 'di dag gi snga ma dang phyi ma'i gzhung dag las/ sngags btu ba brjod par bya ste/ de la dang por dri bzangs kyis ngas la sogs pa la chos 'byung bris la ji ltar nye bar bstan pa bzhin du bya'o/ /steng du bcu gsum/ de nas drag po/ de nas dgu /de nas bdun/ de nas 'dod pa/ de nas gsum/ de nas gcig ces so/ /de la lugs dang mthun pas A li dang kA li gnyis rim pas bris nas so/ /'og gi cha las zhes kha cig go /me tog la sogs pa'i rab tu byed pa sbyin par bya zhing/ chang dang sha dang bdug spos kyis bdug par bya'o zhes so/ /dang por oM
- 312a
yig byin nas te/ dang por bri bar bya'o/ /bzhi pa'i lnga pa gang yin ni na'o/ /lnga pa yi yang lnga pa la oM yig ldan pa ni ma'o/ /lnga pa'i bzhi pa ni b+ha yig go /dang po'i gsum pa ga yig go /de bzhin nyi shu dgu pa wa yig go / bzhi pa'i dang po'i mdza' ta la e yig ldan pa'o/ /mthar gnas pa'i bzhi pa a'i yig ring por ldan pa wI'o/ /de'i 'ang gnyis pa e yig ldan pa re'o/ /sum cu pa yang dag par blangs nas/ /A yig ring po ldan pa shA'o/ /nyi shu drug pa gang yin nyid kyi mdza' i ni ya'o/ /de nas brgya'i phyed phyed gzung nas ni ma'o/ /slar yang sum cu gsum pa A yig ring po ldan pa ni hUM ngo/ /dang po yi yang dang po ni ka'o/ /mthar gnas pa'i gsum pa la 'og tu pa yig lhan cig pa a yig ldan pa ni wA'o/ /dang po'i gsum pa gang yin pa 'og tu na yig i yig thung ndu dad pa ldan pa ni gi'o/ /sum cu rts gnyis gang yin nyid rjes su nga ro dang ldan pa ni saMO/ /bzhi pa'i lnga pa gang yin pa i yig thung ngu dang ldan pa ni ni'o/ /lnga pa'i bzhi pa gang yin A yig ring po dang ldan pa ni b+hA'o/ /mthar gnas pa'i dang po gang yin pa ni ra yig gi dang po ya'o/ /gnyis pa'i gsum pa ni dza'o/ /gsum pa'i dang po A yig ring po ldan pa ni TA'o/ /lnga pa yi yang lnga pa ma'o/ /dang po'i dang po nyid u yig thung ngu ldan pa ni ku'o/ /de bzhin bcu gcig pa gang yin o yig ldan pa ni To'o/ /bcu drug pa yang dag par blangs nas 'og tu ka yig ldan pa ni tka'o/ /gsum pa'i dang po A yig ring po dang ldan pa ni TA'o/ /nyi shu drug pa yang dag blang ni ya'o/ /bzhi pa'i gsum pa rjes su nga ro dang ldan pa ni daMO/ /dro ba'i gnyis pa 'og tu Tra/ a yig ring po dang/
- 312b
ldan pa ni TrA'o/ /dang po'i dang po gang yin ni ka'o/ /nyi shu bdun pa yang dag gzung/ A yig ring po dang ldan pa ni rA'o/ /nyi shu brgyad pa ldan pa las o yig ldan pa ni lo'o/ /dang po'i gsum pa gang yin ni 'og tu ra yig ldan pa ni gra'o/ /lnga pa'i bzhi pa gang yin pa a'i yig ring po dang ldan pa ni b+hI'o/ /sum cu rtsa gcig pa gzung nas ni Sha'o/ /de nas slar yang bco lnga pa Na'o/ /nyi shu rtsa lnga pa nyid ni a yig thung ngu dang ldan pa ni mu'o/ /dang po'i gnyis pa gang yin pa A yig ring po ldan pa ni khA'o/ /nyi shu drug pa yang dag blang ni ya'o/ /de nas yig ge so gnyis pa ni sa'o/ /dro ba'i tha ma yang dag blang ni ha'o/ /sum cu gnyis pa nyid 'og tu ra yig ldan pa ni sra'o/ /lnga pa'i bzhi pa gang yin pa u yig thung ngu ldan pa ni b+hu'o/ /gnyis pa'i gsum pa ni dza'o/ /lnga pa'i bzhi pa gang yin pa A yig ring po dang ldan pa ni b+hA'o/ /dro ba'i gsum pa u yig thung ngu dang ldan pa ni su'o/ /nyi shu bdun pa nyid dang A yig ring po dang ldan pa ni rA'o/ /mthar gnas rnams ni dang po ya'o/ /nyi shu rtsa gcig pa nyid ni pa'o/ /mthar gnas rnams kyi gnyis pa ni ra'o/ /de nas sum cu pa nyid ni u yig thung ngu dang ldan pa ni shu'o/ /lnga pa'i dang po gang yin pa A yig ring po dang ldan pa ni pA'o/ /dro ba'i dang po gang yin pa o yig ldan pa ni sho'o/ /hyA yig ni de ni de nas mchog tu gsal lo/ /bzhi pa'i dang po gang yin no ta'o/ /de nas dro ba'i dang po u yig ring po dang ldan pa ni shU'o/ /de las nyi shu brgyad ni la'o// dang po'i gnyis pa kha'o/ /gsum pa'i dang po 'og tu wa yig dang a yig dang thig le ldan pa ni TwA'o/ /dang po'i gsum pa gang yin pa ga'o/ /bzhi pa'i bzhi pa gang yin pa A yig ring po dang ldan pa ni d+hA'o/ /mthar gnas
- 313a
rnams kyi gnyis pa i yig thung ngu dang ldan pa ni ri'o/ /gsum pa'i lnga pa gang yin pa e yig ldan pa ni Ne'o/ /de nas bya yig sbyar ba bya ba ni gsal lo/ /dang po'i bzhi pa gang yin pa 'og tu ma yig dang ldan pa ni g+h+ra'o/ /de nas yi ge brgyad pa e yig thung ngu dang ldan pa ni ji'o/ /bzhi pa'i lnga pa gang yin pa A yig ring po dang ldan pa ni nA'o/ /lnga pa yi yang lnga pa/ 'og tu ba yig ldan pa ni m+ba'o/ /nyi shu bdun pa yang dag blang ni ra'o/ /bzhi pa yi yang bzhi pa ni b+ha'o/ /de nas nyi shu rtsa bdun pa A yig ring po dang ldan pa ni rA'o/ /nyi shu rtsa drug pa nyid dang ya'o/ /de nas nyi shu lnga pa nyid ma'o/ /de nas gsum pa A yig ring po dang ldan pa ni hA'o// bzhi pa'i bzhi pa gang yin pa a'u yig ring bo dang ldan pa ni d+hU'o/ /lnga pa yi yang lnga pa 'og tu ra yig dang a yig dang ldan pa ni mra'o/ /bzhi pa'i lnga pa gang yin pa 'og tu d+ha yig ldan pa ni nd+ha'o/ /dang po'i dang po yang A yig ring po dang ldan pa ni kA'o/ /de las nyi shu rtsa bdun pa ni ro'o/ /mthar gnas rnams kyi bzhi pa ni wa'o/ /de nas nyi shu rtsa gcig u yig thung ngu dang ldan pa ni bu'o/ /dro ba'i gnyis pa a yig dang po dang ldan pa ni ShA'o nyi shu rtsa drug pa nyid mthar ya yig go /dpa' bo'i dbang po btu bar bya zhes pas/ /rkang pa brgyad pa'o// //de la dbyangs kyis yang dag sbyar/ /'dir gsal byed brjod par bya'o/ /bcu gsum pa yis yang dag ldan dang/ gnyis pa dang/ drug pa dang ldan pa las zhes pa bcu gsum pa zhes pa dbyangs rnams kyi nang nas so/ /gnyis pa zhes pa gsal byed rnams la bltos nas so/ /de bzhin du gzhan rnams kyang shes par bya'o/ /bcu gcig pa yi yang dag ldan/ /bzhi pa
- 313b
kyi bdun pa la/ /bcu gcig pa yi yang dag ldan pa ni brgyad pa la'o/ /de nas dbyangs kyi gnyis pa yang dag ldan ni dgu pa la'o/ /dbyangs yig gnyis pa yang dag ldan/ /de bzhin nyid du bcu gnyis ba/ /'og tu ba yig yang dag ldan/ /gnyis pas bcu bzhi pa la'o/ /'og tu na yig yang dag ldan/ /gsum pas gsum lnga pa la'o/ /bcu drug pa la thig le ldan/ /de las pha rol gsum pas so/ /bco brgyad pa la gnyis pas so/ /de bzhin nyi shu rtsa gcig pa'o/ /de nas nyi shu rtsa gsum pa/ /lnga pa yang dag ldan pa'o/ /de nas nyi shu rtsa bzhi pa/ /bcu gsum pa yis yang dag ldan/ /'og tu ka yig yang dag ldan/ /nyi shu rtsa lnga par 'gyur ro/ /nyi shu drug pa gnyis pas so/ /nyi shu brgyad pa thig ler bcas/ / 'og tu TA yig yang dag ldan/ /gnyis pas nyi shu dag pa la'o/ /sum cu gcig pa gnyis pas so/ /sum cu rtsa gnyis gang yin nyid/ /dbyangs kyi bcu gsum pa dang ldan/ /'og tu ma dang yang dag ldan/ /sum cu rtsa gsum par 'gyur ro zhes pa'i me ni me'i sa bon ra yig go /sum cu rtsa bzhi pa bzhi pas so/ /sum cu rtsa bdun pa'ang lnga pas so/ /sum cu brgyad pa gnyis pas so/ /mkha' 'gro ma rnams sgrub byed bshad/ /'og tu me dang yang dag ldan/ /bzhi bcu rtsa gnyis par 'gyur ro zhes pa'i me ni ra yig go/ lnga pas yang dag ldan pa ni/ /bzhi bcu rtsa gsum pa ru 'gyur/ /bzhi bcu rtsa lnga pa nyid ni/ /dbyangs kyi gnyis pa sbyar bar bya/ /bzhi bcu drug pa u yig gis de yi pha rol gnyis pas so/ /lnga bcu gcig pa lnga pas so/ /de las pha rol gnyis pas so/ /lnga bcu gsum pa bcu gsum pas /lnga bcu drug pa drug pas so/ /wa yig thig la yang dag ldan/ /gnyis pas lnga bcu rtsa dgu pa'o/ /gnyis pas drug cu rtsa gcig bshad/ /de la
- 314a
pha rol gsum pas so/ /drug cu gsum pa nyid gang yin/ /bcu gcig ba yis yang dag ldan/ /drug cu rtsa lnga pa nyid kyang/ /gnyis pas me dang yang dag ldan/ /drug cu drug pa gsum pas so/ /de las pha rol gnyis pas so/ /de las pha rol gsum pas so/ /'og tu yi ge ba dang ldan/ /yi ge drug cu rtsa brgyad pa'o/ /bdun cu rtsa gcig yang dag blang/ /dbyangs kyi gnyis pas sbyar bar bya/ /bdun cu bzhi pa nyid kyang ngo/ /de las pha rol drug pas kyang/ / de las pha rol gnyis pa yis/ /'og tu nyi ma yang dag ldan zhes pa'i nyi ma ni 'dir ra yig go/ /de las bdun cu rtsa bdun pa/ /'og tu d+ha yig yang dag ldan/ /'di las pha rol gnyis pa yis/ /yi ge brgyad cu rtsa gcig gang/ dbyangs kyi lnga par yang dag ldan/ /de las pha rol gnyis pa yis/ /oM yig gis kyang yang dag ldan/ /yi ge brgyad cu rtsa bzhi'i bdag/ chos kyi phung po stong phrag rnams/ /'di ni rtsa ba'i sngags su bshad ces so /sngar gsungs pa nyid las 'dir rab tu rgyas par bya'o/ /chos kyi phung po stong phrag brgyad cu rtsa bzhi ni/ theg pa chen po'i sde snod yang dag par bzung nas/ mdo sde dang rgyud dang/ rtog pa'i tshul gyi bdag nyid can no/ /sngags kyi tshul yang dag par gzung nas/ /mngon par brjod pa bla mar yang/ /brgyad cu rtsa bzhi theg pa che/ /sngags kyi spyod pa'i tshul la gnas zhes so/ /'dir de kho na nyid kyi mdo sde gsal ba'i phyir/ rtog pa las rtog pa nyid dang/ sngags las bye brag tu rtogs par byed phyir rgyud dang rgyud kyi ming yang 'dod de 'dir sngags kyi theg pa las gzhan/ lha'i theg pa dang rdo rje'i theg pa dang/ mdo sde dang/ chos mngon pa dang/ 'dul ba'i bdag nyid can no/ /'dir phung po'i chos rnams la mngon du phyogs
- 314b
bar byed do/ /zhes pa chos mngon pa ste/ phung po la sogs nges par bstan pa'i phyir ro/ /rtsa ba dang sdom po'i ltung ba nges par bstan pa'i phyir 'dul ba nyid do/ /dngos grub thams cad kyi ni gzhi/ /mkha' 'gro rnams kyi snying nye byed/ /dpal he ru ka'i lha yi ni/ /dngos grub gdon mi za bar sbyin/ /'bras bu nges par bstan pa'o/ /rkang ba kun la dang por oM/ /ma mo rnams kyi ming dang ldan/ /re re'i mdza' mar hUM phaT yig /dngos grub thams cad rab sbyin byed/ ces pa bla ma'i dgongs pa gsungs bla mar yang/ gnas dang bla ma'i rgyud rims 'brangs/ /rnal 'byor ma rnams kha cig 'dod/ /oM yig dang po zhes pa'o/ /ma mo bya rog gdong ma la sogs pa'i ming dang lhan cig badzra sngon ma'i hUM hUM phaT kyi yi ge dang lhan cig pa ni bzlas par bya ba'o/ /de bzhin du yang gsungs pa/ na mo b+ha ga wa te bI re shA ya badzra k+Sha kA sye hUM hUM phaT/ 'di lta bur gzhan rnams kyang rtogs par bya'o/ /sgra ji bzhin pa'o/ /rkang pa brgyad pa'i sngags so/ /de nas snying po'i snga/ su gang 'gyur ba ni/ yi ge nyi shu gnyis zhes pas gnas las skyes pa'i gsang sngags nges par ston bar byed pa ste/ de bzhin du yang gsungs pa/ oM sh+rI badzra he he ru ru ka hUM hUM phaT b+hA ki nI jA la sam+ba ra swAhA/ mngon par brjod pa 'bum par ni yi ge drug bar gsungs te/ oM h+rAM h+rAM h+raM hUM phaT zhes so/ /de'i nye ba'i snying po rab tu gsungs pa/ yi ge bdun pa'i gsang sngags mchod/ ces pas nye ba'i snying po'i gsang sngags gsungs pas rtsa ba'i rgyud du yang oM h+rI ha(rgyud 'grel): ha:huM hUM phaT/ sa yig brgyad pa'i sa bon dang/ phyi mo bcu gnyis mngon par ldan/ /yi ge bar ma dor byas nas/ /yan lag drug ste he ru ka'i/ zhes pas yan lag drug tu gsungs te/ brgyad pa ni ha yig go /dbyangs bcu gnyis dang lhan cig pa'o/ /yi ge bar ma ni/ bar gyi re re dbye bar bya'o/ /
- 315a
dpa' bo'i phyogs la dper na ha hi hu he ho haM/ lha mo rnams ni hA hI hUM he hau ha/ dpa' bo drug ni mnyam sbyor ba ni rim pa kho nar yig la gnas pa'o zhes so/ /baM b+h+raM AM h+rAM hAM hUM/ na ma:swAhA dang bau ShaTa/ hUM bau? Sha phaT yi ge sbyar/ /dang po snying gar shes par bya/ /gnyis pa spyi bor ru ni bshad/ /gsum pa gtsug tor du rab brjod/ /bzhi pa go char 'gyur ba yin/ /lnga pa mig tu 'gyur ba yin/ /drug pa mchon char brjod par bya/ /oM yig dang por yang dag ldan/ /snying ga sogs su rnam par dgod/ /ces yan lag dgod par gsungs so/ /'di lta ste/ oM haM baM h+ri ba yA ya na ma:aoM haM b+h+raM shir se swAhA/ oM huM AM shi khA ye bau ShaT/ oM heM hi ka ba tsa ya hUM/ oM heM haM hAM ne tra yA ba ShaT oM haM hAM astrA ya phaT/ ji ltar nye bar bstan pa las phyag rgya bzang pos snying ga la sogs pa bzhir reg par bya'o/ /lag pa gnyis ka dag dang/ /yan lag thams cad la reg nas go char bya'o/ /dge ba la g.yon pa dang/ mi dge pa la g.yas pa'i sdigs mdzub kyis se gol gyis phyogs thams cad du bsrung bar bya'o/ /rnal 'byor ma kun mnyam par sbyor/ /hA yig drug pa sngon ma can/ /oM yig dang po ming thog mthar/ /sngar bzhin yongs su 'gyur bar bya zhes te lha mo'i yan lag sa dgod pa gsungs pa/ oM hAM b+ha h+ri da yA ya na ma:aoM hAM yoM shi ra se swAhA/ oM h+riM moM shi khA ya bau Sha Ta/ oM h+reM h+rI ka pa tsa hUM/ oM ho hUM ne tra ya pa ShaT/ oM h+ra:phaT yan lag thams cad la mtshon cha'o/ /de kho na bzhin du bya'o/ /gang gi tshe na bzlas pa bya ba ni shes rab dang thabs kyi sa bon gnyis ming dang por ldan pa o yig dang por shes par bya'o/ /lha mo rnams kyi kha dog la sogs pa ni las kyi rjes su 'brang bas so/ /bla mar yang
- 315b
gsungs pa/ rnal 'byor ma drug gi gsang sngags ni/ waM yig dang yoM yig dang/ moM yig dang/ hUM yig dang/ traM yig dang phaT yig nyid dang zhes so/ /bzlas par bya ba'i gsang sngags kyang/ oM sh+rI pAM baM hUM hUM phaT swAhA/ 'di lta bur gzhan yang rtogs par bya'o/ /sgra ji bzhin pa'o/ /snying po la sogs pa'i sngags so// //de nas 'di las gsang sngags kyi/ /las kyi sbyor ba bshad par byed/ /gsang sngags 'bum du bzlas pa yis/ /'dod pa'i dngos grub 'byung bar 'gyur/ /zhes pas bzlas pa dang mchod pas so/ /mngon 'byung du yang/ dkyil 'khor gru gsum nyid du yang/ /gal te rdul gyis mchod par bya/ /de phyir da ni rtag gnas nas/ /des ni sems can rjes su gzung zhes so/ /drang ba'i don gyis gsal lo/ /rtsa ba'i sngags kyi ni zung 'jug gi so? /'bum bzlas pas ni rtag tu bsgom pas so/ /sngags kyi ni thams cad stong pa yi'o/ /dngos grub ni phyag rgya chen po'i mtshan nyid du 'gyur ro/ /nges pa'i don no/ /sgrub po gsang sngags 'di yis ni/ 'jig rten gsum na gang ci yod/ /de kun skad cig gis sgrub cing/ /las de thams cad byed par 'gyur/ /drang ba'i don gyis gsal lo/ /gsang sngags ni ye shes kyis/ /de bzhin du yang gsungs pa/ gsang sngags ye shes brjod par bya/ /sgrub pa po ni zung 'jug shes pa'o/ /kun byed lar 'gyur ni sgyu ma'i lus kyis so/ /'bum phrag lnga par yang gsungs pa/ /ye shes gcig pus las rnams kun/ /byed do ye shes smra ba rnams shes so/ /lha dang lha ma yin la sogs pa dang/ gnod sbyin la sogs pa rnams 'di dran pa tsam gyis gsod par byed do/ /thog ltung ba dang/ char 'bebs par byed pa dang/ zlog par byed do/ /rgya mtsho rnams skems par byed do/ /chu klung zlog phyogs su 'bab par byed do//
- 316a
sa gzhi ri dang bcas pa g.yo bar byed do/ /dbang po ste rdo rje zlog par byed do/ /shing la 'dzegs te sgrub pa po gang du 'dod pa der 'gro bar byed do/ /'di ni sngags dang phyag rgya rnams thams cad dang/ dngos grub thams cad 'phrog par byed do/ /khrag 'dren par byed do/ /myur ba kho nar slar yang gtong bar byed do/ /gzugs stong phrag rnams su byed do/ /'dod na snang bar byed do/ /yang na ma yin no/ /'di khang bzangs kyi rtse mo la sogs pa dang/ ro la sogs pa rnams phye mar byed do/ /bdud rtsi dug tu byed do/ /dug bdud rtsir byed do/ /zla ba chu dang chu zla ba dang dri ngan pa dri bzang por ro zhes te/ zla ba ni chang ngo/ /dgongs pa'o/ /dri 'phrog par byed do// gang du 'dod pa de kho nar 'pho bar byed do/ /sgra ji bzhin pa'o/ /gdong du nam mkha' lding 'gro bas 'dus pa la zla ba 'byin par byed pa 'dzin pa'o/ /bud med rnams kyi kun du spyod pa myur ba gang yin pa de ni dngos grub kyi 'bras bur 'gyur zhes rdzogs pa'i rim pa'i mchod pa gsungs so/ /longs spyod rdzogs pa'i bdag nyid shes rab ma dag pa'i khrag gi skal ba can gyi b+ha gar ling+ga rab tu bcug nas bde stong bsgom par bya'o/ /nam zhig myur par gyur pa na/ gdong ste skye gnas su nam mkha' lding zhes pa nam mkha' lding gi phyag rgyas 'gro pas gdong gi ste kha yis byas nas/ /'dus pa la ste dga' ba la'o/ /zla ba 'byin ba 'chang ba thig le bzhi 'chang ba'o/ /dgongs pa'o/ /me skyed par byed do/ /'di sa 'og la sogs pa zlog par byed do/ /drang ba las glog skyed par byed do/ /'di rtags gar byed du 'jug go/ bsgrub bya'i ming gzung nas bzlas pa byas na skad cig le de 'chi bar byed do/ /
- 316b
bsgrub ba po sa ma lus pa rnams la longs spyod par 'gyur ro/ /zhes pa 'jig rten pa'i dngos grub ste/ sgra ji bzhin pa'o/ /brtul zhugs mi dgos so/ /dka' thub dang longs spyod pa mi dgos/ smyung bar gnas pa mi dgos te/ rtog pa'i bya ba'i cho ga 'dis ji ltar 'dod pa'i las rnams bya'o/ /zhes pa sdom pa'i rtog pa nyid nges par ston par byed de/ rtog pa zhes pa sdom pa'i rgyud do/ /rnal 'byor gyi rgyud du yang/ rtogs par byed pa'i phyir rtogs par brjod par bya ste/ 'di'i nye bar spyod pa bsam gtan tsam gyis so zhes so/ /dgongs pa'o/ /bsgrub par bya bas khros pas lan cig zlos na bye ba rnam par 'joms par byed/ gal te nges par 'tsho ba la g.yon pas bzlas na 'tsho bar byed do/ /g.yon pas shes pa la lag pa g.yon pa'i sdigs mdzub bo/ /dur khrod kyi sol ba nyid kyis lan cig bzlas pas gang la bsnun pa de ltung bar byed do ni/ /myur du sa'i cha las shes pa ste/ de nas mi 'am/ lha ma yin nam/ dud 'gror ro/ /dur khrod gyi thal bas bsnun pa de sha zas 'dzin par byed do/ /rtsig pa'am spang leb la mtshan mo gang gis ming ro bsregs pa'i sel ba la sngags bzlas pas bris pa de gdon chen pas gzung bar 'gyur ro/ /a ti mugta ka'i lcug ma la bzlas nas gang la bsnun pa de nges par myur du gsod par 'gyur te/ gang rtag tu gsang sngags bsgrubs pas so/ /gang gseg ma la bzlas nas bsnun pa de rengs par 'gyur ro/ /gu gul la la lan cig bzlas te/ gang gi bdug par nges par sbyor ba byed pa de la myur du skad cig gis 'bebs par byed do/ /gdon chen bos zos shing kun tu zos par 'gyur ro/ /gang gis lag pa g.yon pa la bzlas nas khar zos pa la sbyin par byas pa de/ slong bar byed de ste/ myur du dug med par byed/
- 317a
zhes pa sgra ji bzhin pa'o/ /mkha' 'gros rgyas btab pa la/ chu la lan cig bzlas pas rgya rnams 'jom par byed cing/ myur du mkha' 'gro ma rnams zlog par byed do/ /mkha' 'gro mas rgyas btab pa ni 'jig rten pa'i mkha' 'gro ma sems can thams cad la gnod par byed pa des phyogs bcings pa'o/ /ka ra bI ri'i lcug ma des gang la bsnun pa'i sprum ma de'i mngal gang du 'dod pa kho nar 'pho bar 'gyur ro/ /'di rnams kyi slar gso ba yang lag pa g.yon pas bya'o/ /g.yas pa'i las de lag pa g.yon pas zhi bar bya'o zhes so/ /rten cing 'brel par 'byung zhing 'khrul ba med/ /nor bu sngags dang sman ni bsam mi khyab/ /sems stobs yongs 'gyur de la bya ba 'grub ces so/ /sgra ji bzhin pa'o/ /he ru ka sngags mi shes par/ /rnal 'byor gang zhig mngon 'dod pa/ /de ni phub ma brdung ba ste/ /gsang sngags 'dis ni spangs pa yin/ /gsang sngags 'di ni mi shes pa/ /rnal 'byor pa gang mngon 'dod pa/ /de ni ngal ba don med do// de yi 'bras bu thob mi 'gyur/ zhes pa yang dag pa'i ye shes bsngags pa'o/ /he ru ka ni rgyu dang gzugs dang byed pa'o/ /spangs pa ni don dam pa'i bden pa thams cad stong pa'o/ /sngags ni zung 'jug gi dpal 'dus pa phyi mar yang/ gang gang dbang po yul rnams kyis/ /brten nas bskyed pa gang yin pa/ /yid de ma na zhes su bshad/ /tra yig skyob par byed pa'i don zhes so/ /dgongs pa'o/ /mdo sde rgyud dang rtog pa la/ /ngal ba don med 'bras bu med/ /lha mo bzhis yongs su zhus par yang/ thub pa chen po chos phung po/ /stong phrag brgyad cu rtsa bzhi las/ /gang gis de nyid mi shes pa/ /de rnams thams cad 'bras med nyid ces so/ /'bras bu shes pa ni/ /chos rnams thams cad kyi nye bar bgrod par
- 317b
bya ba rdo rje 'chang chen po'i go 'phang ngo/ /sgra ji bzhin pa'o/ /gsang sngags 'di ni 'dod spyod pa'i/ /dngos grub thams cad rab sbyin byed/ /bzlas dang sbyin sreg gtor ma dang/ bsam gtan bza' btung gis kyang sgrub ces pa 'dis sgrub thabs gsungs so// 'dod pa na spyod pa ni bde ba dang/ dga' bas kyang sgrub po/ /sngags nyid ni ma ning gi bzlas pas so/ /de kho na nyid kyi sbyin sreg gis dang/ kun tu rtog pa'i rnal 'byor gtor mas dang/ lhan cig skyes pa'i bsam gtan gyis dang/ tshogs kyis 'khor lo'i byed pas kyang bsgrub pas bya'o zhes pa nges pa'i don no/ /drang ba'i don gyis go sla'o/ /mkha' 'gro ma ni rig pa che/ /rdo rje rnam snang mdzad mar 'dod/ /sa steng na ni rin chen bzhi/ /phreng ba'i sngags ni ji bzhin mchog ces so/ /phag mo'i phreng ba'i sngags kyang he ru ka mngon byung du gsungs pa/ 'di lta ste/ oM na mo b+ha ga ba ti badzra pA rA hI/ zhes pa la sogs pa nas/ pro taM ge ha na prA NAM kingki ni zhes pa la sogs pa nas phaT swA hA'i mthar thug pa'o/ /oM badzra bai ro tsa nI ye huM hUM phaT/ rig pa'i rgyal mo zhes pa zhal bzhi pa'i sngags so/ /nyi shu bzhi yi sngags kyis sbyor/ /phreng ba'i sngags su yongs su bsgrags shes pa ni/ rkang pa nyi shu rtsa bzhi pas gsungs te/ dpal he ru ka mngon par brjod par yang/ oM ka ra ka ra zhes pa la sogs pa nas/ huM hUM phaT zhes pa'i mthar thug par ro/ /mkha' 'gro ma rnams rig pa che/ /pho nya mo kun rang bzhin gnyis/ /lha mo'i snying po dang nye ba'i snying po gsungs te/ oM badzra par+Na ni ye hUM hUM phaT/ snying po gzhan no/ /de bzhin du nye ba'i snying po ni/ oM sarba bud d+ha DA ki nI ye/ badzra par+Na nI ye huM hUM phaT swAhA/ pho nya mo bzhi yang dag ldan/ /rig pa'i rgyal po rab tu bsgrags/ /zhe bzlas pa gsungs pa/ rdo rje zhabs kyi rgya cher bshad par gsungs pa/ oM sum+b+ha ni sum+b+ha badzra DA ki nI ye huM hUM
- 318a
phaT zhes pa de bzhin du gzhan duAng rtogs par bya'o/ /ma mo brgyad dang yang dag ldan/ /dpa' dbang he ru ka ruAng bshad ces pa rkang pa brgyad pa gsungs so/ /mi yis cho gas bsgrubs gyur na/ /las rnams thams cad byed par 'gyur/ /snying po nye ba'i snying po dang/ /cho ga bshad pa lnga po 'di/ /rab tu 'bar pas bsgrub par bya/ /dngos grub thams cad rab sbyin byed/ ces pa nges par 'dzin par byed pa'i sngags so/ /rgya cher 'grel pa dri ma med pa'i 'od du yang gsungs pa/ ming gi sngags ni thams cad du snying po'o zhes so/ /h+rI:yig la sogs pa yan lag drug ni nye ba'i snying po'o/ /go cha'i sngags ni shes rab dang thabs te/ oM baM yaM maM hUM hUM phaT/ bzhad pa lnga pa zhes pa ni/ hoM hoM huM heM hoM swAhA yang na'o/ /de bzhin du rigs gsum gyi sngags ni/ oM A:hUM swAhA/ de bzhin du rigs drug kyang oM A:hUM ho haM k+Sha(rgyud 'grel): swAhA/ de bzhin du dgug pa la sogs pa can yang/ dza(rgyud 'grel): hUM baM ho(rgyud 'grel): zhes so/ /mngon par brjod pa bla mar yang/ he yig rnam pa yang dag byung/ /he ru ka ni rnam bsgom bya/ hI yig rnam pa yang dag byung/ /rdo rje mkha' 'gro rnam bsgom bya/ /hUM yig ye shes kyis rdzogs pa/ /rdo rje hUM mdzad bsgom pa las/ /hUM yig rnam pa yang dag byung/ /mi skyod rnam pa sgom par byed baM yig ye shes kyis rdzogs pa/ /rdo rje sems dpa' rnam sgom byed/ /oM b+h+ruM a'uM buM rnam pa rdzogs/ /sangs rgyas mkha' 'gro rnam sgom byed/ /aM h+rAM rAM swA rnam pas rdzogs/ /rin chen mkha' 'gro rnam sgom byed/ /h+rIM h+rIM:a'a yig gis rdzogs pa/ pad+ma mkha' 'gro rnam sgom byed/ khaM ho(rgyud 'grel): ha yig gis rdzogs pa/ /sna tshogs mkha' 'gro rnam sgom byed/ /DAM yig mkha' 'gro ma nyid kyang/ /yaM yig rnal 'byor ma de bzhin/ /b+h+ruM yig sa spyod lha mo'o/ /khaM ni
- 318b
mkha' 'gro de bzhin no/ /zhes so/ /de bzhin du oM badzra DA ki nI ye hUM phaT/ de bzhin du gzhan no/ /oM kA kA sye hUM phaT/ de bzhin du gzhan no/ /oM ka ra ka ra badzra pra tsaN+De badzra/ baN+Da ka pA li ni hUM hUM phaT/ zhes rgya cher 'brel par ro/ /'bum phrag lnga bur yang gsungs pa sku ni rtsa ba'i sngags su 'gyur/ /gsung gis rang bzhin snying por brjod/ /thugs kyi gsang sngags dper brjod pa/ /nye ba'i snying po kho nar 'gyur/ /ye shes sa bon zhes bshad pa/ /ye shes sngags dang lhan cig brjod/ /sa bon nye ba'i snying po nyid/ /snying po rtsa ba'i gsang sngags las/ /ji srid de grub sbyin 'gyur ba/ /bskal ldan rab tu 'bad pas bzlas shes so/ /gsungs pa yang/ rtsa ba'i sngags la sogs pa'i sngags so sor re la las kyi rjes su mthun pas mthar hUM phaT kyi rnam pa'i yi ge'i gnas su lha bong pa la swA hA mthar bya'o/ /de bzhin du zhing can la sogs pa'i sbyin sreg dang/ rgyas pa la yang ngo/ /mchod pa la yang zhi ba la 'ang nam(rgyud 'grel): li mdza' o/ /dgug pa la po Sha Ta mdza' o dbang lang Sha Ta mdza' o rnam par sngag pa la sogs pa dang rengs pa la sogs pa 'ang huM phaT yi ge mdza' o/ /sbyin sreg la'ang/ /bzlog pas thams cad rdzogs pa'o/ /de bzhin du yang/ 'bum phrag lnga pa'i kye'i rdo rjer gsungs pa/ rigs gzhan dang ni bya ba gzhan/ /dus dang de bzhin sngags kyi rigs/ /gnas dang phyogs dang rten gzhan gyi/ /las rnams kun la 'bras bu med/ /gal te glegs baM las rnyed na/ /man ngag ces bya de ni ci/ /ji ltar dris pa glegs baM ni/ /drang ba'i don gyis rab bstan to/ /glegs baM dag la bklags pa'i sngags/ /man ngag rnam par spangs rnams kyis/ /sgrub pa rab tu byed pa'i mi/ /gang de sa la nyon mongs 'gyur/ /zhes pa sgra ji bzhin pa'o/ /de nas sku gsum bshad par bya/ /he ru ka dpal gnyis med sbyor/ /gang gis rnam par shes
- 319a
tsam gyis/ /sgrub pos sa la bsgrub par bya zhes pas sems rnam par dben pa gsungs te/ rnal 'byor ma'i rgyud du yang/ /bsam gtan rdo rje ting 'dzin ni/ /sems kyi rin chen rab sgrub pa/ /he ru ka dang gnyis med sbyar/ /rdo rje phreng ba'i rgyud du yang/ /sku gsum dag ni tha dad pa/ /skye ba yis ni yang dag ldan/ /rdzogs pa'i rim pa'i phyogs las ni/ /rnam gcig tu yang 'gyur ba yin/ /sgra ji bzhin pa'o/ /chos kyi sku yi las can du/ /gang tshe sgrub pa por 'gyur pa/ /de tshe de yi snod shes nas/ /de ni ye shes nga rab smra zhes pa sems la rag las pa nyid du gsungs so/ /chos kyi sku ni thugs rdo rje mi bskyod pa ste/ drang ba'i don no/ /chos kyi sku ni don dam pa'i bden pa dang zung 'jug go/ pha rol tu phyin pa'i tshul du yang/ chos sku rnams gnyis shes bya ste/ /chos dbyings shin tu dri med dang zhes pa nges pa'i don no/ /snod ni slob ma rin po che'i gang zag gi snod de/ rgyud gzhan du yang/ zab cing rgya che la sems bla ma'i nges pa la dga' gtong ba'i dang tshul dang ldan yon tan shes/ /thar pa don gnyer rgyud la gus shing g.yo ba min pa'i sems ldan de nyid thob pa shin tu sbed/ /gdug pa rnams kyi grogs nyams slob ma de nyid bla ma shin tu mkhas pa rnams kyi bsdu bya ba/ /shes rab dbang la sogs pa'i rgyur te gzhan zhes bya ba slar yang 'bring po bsod nams dag gi rgyur zhes so/ /ye shes ni shes pa khong du chud pas brtag pa ste/ legs par rtogs pas bems po ma yin pa'i bde ba'o zhes te nges pa'i don no/ /rab tu smra ba ni/ dbang bskur nas de nyid rab tu gsal bar byed pa'o/ /de bzhin du yang/ ji skad gsungs pa'i cho gas dbang bskur byin nas ni/ /slob ma'i lhag mar
- 319b
mos pa yid kyis kun bltas te/ /zab cing rgya che'i tshul la lhag par mos pa las/ /mngon par dbang bskur rin chen tshig kho nas byin cig ces so/ /longs spyod rdzogs sku'i lus can du/ /gang tshe sgrub pa po 'gyur ba/ /de tshe de yi snod shes nas/ /de ni ye shes pa rab smra/ longs spyod rdzogs sku ni 'od dpag med de yi snod du ni de'i rigs can no/ /de la gus pa yang ngo/ /da ni dpal he ru ka'o/ /drang ba'i don no/ /longs spyod rdzogs pa ni kun rdzob kyi bden pa sgrub pa po'i don du gnyer ba'o/ /rdo rje a ral+li ru yang/ brtan zhing dul ba blo gros ldan/ /bzod ldan drang la g.yo sgyu med/ /bla ma la gus snying rjer ldan/ /de la rgyud ni rab bstan bya zhes so/ /ye shes ni 'dod pa bdag byin gyis brlab pa'o/ /nges pa'i don no/ sprul ba sku yi lus can du/ /gang tshe sgrub pa po 'gyur ba/ /de tshe de yi snod shes nas/ de ni ye shes rab smra/ sprul pa ni 'dir rnam par snang mdzad de/ mngon par dbang bskur ba bdun gyis dbang bskur ba'i sgrub pa po'o/ rnam par yang/ dus dang tshong ni rnam par grol// gtsang sbra'i kun du spyod pa spangs/ /rang gi sgyu dang sngags sbyor ba/ /sems can kun gyi don la brtson/ /ye shes ni de'i sgrub thabs so/ /drang ba'i don no/ /sprul pa ni phra mo'i rnal 'byor sgrub pa pos bdun gyi dbang phyug go/ ye shes ni rdo rje bzlas pa'i mtshan nyid do/ /nga ni dpal bla ma'o/ /grub pa pad+ma badzra zhabs kyang gsungs pa/ kun nas dri med rang bzhin med pa yi/ /yid bzhin nor bu rdo rje bum pa ltar bshad pa/ /so so'i bdag nyid rig blo cho ga bzhin rig mas rgyal ba rnams kyi sku ni don dam dag pa'o/ /de la sems ni rnam par rtog bcas dogs shing sems par 'gyur/ /zla ba'i rnam pa sangs rgyas kyi sna tshogs longs spyod pa can gyi sa sku bde ba'i rang bzhin kun rdzob byang chub kyi sems de brjod par
- 320a
bya'o/ /gang yang gnas skabs der khyad par dga' ba'i ming skad cig 'char ba b+ha ga'i dbus su son pa de/ yungs kar ming du rnam par bzhag pa/ brten pa sprul pa'i sku zhes de las sangs rgyas rnams kyis gsungs/ / chos dang longs spyod rdzogs sprul pa/ /thob par 'gyur bar the tshom med/ /dpal he ru kar sbyor las bdag/ 'grub 'gyur 'di la the tshom med ces rdzogs pa'i 'bras bur gsungs so/ /chos ni chos kyi sku'o/ /de bzhin du yang bcom ldan 'das kyis mngon par rtogs pa'i rgyan du gsung pa/ thub pa kho na'i bco brgyad pa'o/ /chos kyi sku zhes brjod pa yin/ /theg chen nye bar longs spyod phyir/ /longs spyod rdzogs pa'i sku ru 'dod/ gang gis srid pa ji srid par/ /'gro la phan pa sna tshogs dag /mnyam du mdzad pa'i sku de ni/ /thub pa'i sprul sku rgyun mi 'chad/ /bla mar yang/ gnyis ni gzungs med pa ste bcom ldan 'das dpal he ru ka ni rnam par shes pa'o/ /phag mo ni nam mkha' o/ /dpe byad brgyad cu ni bcom ldan 'das dpal he ru ka rdo rje'o/ /mtshan sum cu rtsa gnyis gang yin pa de/ shes rab ma bcom ldan 'das ma/ 'phags ma rdo rje phag mo'o/ /bcom ldan 'das sngon po dang/ dmar po dang/ phag mo dmar mo dang sngon mo can no/ zhes pa sku gsum mdor bstan pa ste/ sgra ji bzhin pa'o/ /dpal he ru ka sbyor las bdag /bdag ni zung 'jug shes pa ste/ /stong pa lhan cig skyes pa bsgom pa po'o/ /dgongs pa ma yin pa'o/ /da ni bshad pa'i rgyud du gsungs pa'i mdo brjod par bya'o/ /dang por phung po la sogs pa yongs su dag pa'o/ /de nas thugs ka'i lha'i sa bon no/ /de nas mchod pa dang/ smon lam gdab pa dang tshangs pa'i gnas bzhi'o/ /de nas rang bzhin dag pa la sogs pa nas/ /ji
- 320b
srid pa'i dkyil 'khor ro/ /de nas gung bcing pa la sogs pa dang/ phur bus gdab pa dang brdung ba la sogs pa'o/ /de'i steng du lhun po la sogs pa lha'i 'khor lo bsgom pa'o/ /phyi nas go chas kun tu bsrung ba dang phyag rgya dang sngags kyis dgug pa dang/ dpa' bo dang dpa' mo rnams kun tu tshim nas/ /ye shes kyi 'khor lo rab tu bzhug pa dang/ mngon par dbang bskur ba dang/ de bzhin du mchod pa dang/ bstong pa dang/ thams cad rnam par dag pa yang ngo zhes pa'o/ /da ni mngal skyes kyi rim pas rab tu 'jug pa'i sgrub thabs mdor bstan par bya ste/ thog mar re zhig bsrung ba'i 'khor lo dang/ mchod pa dang/ rnam par thar pa dag pa byas nas stong pa nyid bsgoms te/ ha ya ra wa la las skyes pa'i nam mkha' la sogs pa'i dkyil 'khor ro/ /de'i steng du su las skyes pa'i lhun po la rtag pa khang pa brtsegs pa dur khrod dang ldan pa la sna tshogs chu skyes dang nyi ma'i gang na blta bar bya'o/ /der rnam pa lngas mngon par rdzogs par byang chub pa'i bcom ldan 'das dang po'i mgon po/ ji skad gsungs pa'i mtshan nyid can shes rab dang lhan cig zhu bar gyur par bsgom par bya'o/ /de'i 'od zer gyi lha mo'i glus dpa' bo rab tu sang cing bslang ste/ dkyil 'khor pa dang bcas pa bsgoms nas/ ye shes kyi 'khor lo gzhug cing/ mngon par dbang bskur te/ mi bskyod bcod pan du bsgom par bya zhing/ rnam par dag pa'i mthar thug pa'o/ /yang na sgong skyes kyi rim pas rnam pa lnga las skyes pa'i dpa' bo/ /sna tshogs chu skyes dang nyi ma la gnas pa/ 'khor lo dang bcas pa bsgoms nas ye shes kyi 'khor lo dang mngon par dbang bskur ba gzung zhing bsgom par bya'o/ /de nas thig le'i rnal 'byor dang/ mchod pa dang bstod pa dang/ sku'i dkyil 'khor pa rnam par phyung nas
- 321a
gtor ma byin te/ bdag nyid tshim par bya'o zhes so/ /de nas rin chen dbang po'i sbyor bas sbyang bar bya ba dang/ rtogs par bya ba dang/ rab tu 'bar ba dang/ bdud rtsir byas nas bza' ba lto ba'i me la sbyin sreg bya'o// de nas nyi ma gung la yang/ ji skad gsungs pas bsgoms nas/ lag pa g.yon pas myur ba dang bul ba ma yin pa dang phyi mo dman pa ma yin pa kun tu rtog pa spangs pas sngags brjod cing bzlas par bya'o/ /yang na nye bar dmigs pa'i bzlas pa bya'o/ /de nas ji ltar bde bas gnas nas phyi rol kyang yang dag par blangs pa byas nas/ de bzhin du rnam par snang mdzad kyi sbyor ba byas lag drug dgod pa byas gnyid log par bya'o/ /de nas mtshan mo phyed la yang de bzhin du bsgoms nas rmi lam dge ba blta bar bya'o/ /chu tshod lnga pa'i thun mtshams kyi bdag nyid la yang ngo/ /de nas snga dro'i thun mtshams la rdo rje phag mo bsgoms nas mngon par brjod pa gsungs pa sngar bzhin du thams cad bya'o/ /shin tu dga' ba la'ang 'od dpag med bsgoms nas yan lag dgod pa byas te/ shin tu dga' ba'i mthar don yod pa'i bdag nyid myang bar bya'o/ /lhag ma las thams cad ni mi bskyod pa'i sbyor bas bya'o/ /de ltar sdom pa lnga pa sbom po'i ltung ba dang/ phas phaM pa spangs te bzung nas bsgom par bya'o// de las nam mkha' la 'gro ba'i dngos grub tu 'gyur ro/ /da ni rdzogs pa'i rim pas sangs rgyas nyid ched du nges par 'jug pa'i sgrub thabs brjod par bya ste/ bshad pa'i rgyud du yang gsungs pa/ 'di rtag nges par 'dzin byed pa// chos kun rtogs par byed pa yin/ /A li kA li mdun bsams nas/ /rnal 'byor chen pos ngal bso bya zhes pa 'di mdor bstan pa dang rgyas par bshad pa gsungs pa de nyid du rnal 'byor pa dang por brjod/ /de nyid he ru ka gnyis
- 321b
med/ a A i a'i u a'u ri rI li lI e i o aau aM a(rgyud 'grel): ka kha ga g+ha nga/ tsa tsha dza dzha nya/ Ta Tha Da Dha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha(rgyud 'grel): zhes so/ /so sor rgyas par bshad pa yang kun spyod du/ zla ba'i dkyil 'khor legs rdzogs pa/ /lte ba'i rtsa ba gnas pa sgom/ /de yi dbus son bsam pa ni/ /yi ge dam pa'i go 'phang ste/ /sku gsung thugs kyi rdo rje can/ /lha yi gzugs su bsgom par bya/ /gong bu las 'das bsgom pa de/ /sems nyid du ni ma bsgom mo/ /bdag gi rnal 'byor pa yi sbyor/ /rjes su chags pa'i spyod pa yis// rab zhugs pa ni mnyam par 'gyur/ /kun dga' ldan pa'i gnyis nyid ni/ /shin tu dga' ba'i gnas su 'gyur/ /chos dbyings dag pa'i grong khyer du/ /sems can khams ni rab 'jug byed/ /'di ni ches gsang shes par bya/ /gang du yang ni ma bstan te/ /rnal 'byor kun la mchog gyur pa/ /phyag rgya che las gzhan med do/ /rgyud rnams kun tu gang bsang ba/ /mya ngan 'das pa'i de nyid bstan/ /rgyu 'di yis ni rnal 'byor pa/ /bden pa gnyis la yang dag brten/ /bsam pa thams cad gsal nas ni/ /longs spyod kun la long spyod byed/ /gnyis med ye shes sems ldan pas/ /mi bya cung zad yod ma yin/ /rnam par mi rtog sems gcig bdag /'dod pa'i yon tan lnga rnams sbyang/ /gang zhig rtag tu 'di bsgom pa/ /sa la 'dod pa kun dbang phyug /mtho ris longs spyod thob par 'gyur/ /yang na 'khor lo sgyur pa nyid ces/ /'di'i don kun spyid du yang/ /de nyid chos kyi rang bzhin ni mya ngan 'das pa 'ba' zhig 'dod ces so/ /thog ma med pa nas gnas pa'i haM yig gi 'od zer gyis 'jig rten gsum gyi gzugs dang ldan par bsgom par bya'o/ /'di ltar ngag rnam par dge ba'i sngags pa'i lte ba stong par dkar zhing dmar bar gsal ba'i shes rab dang thabs kyi bdag nyid can phyag gnyis phan tshun 'khyud pa/ sna tshogs pad+ma dang zla ba'i gdan la gnas pa/ /'od zer lnga'i rang bzhin bde ba chen po'i skur bsgom par bya'o/ /'di ltar sku rnam par dag pa'i rnal
- 322a
'byor pa rdo rje dang pad+ma mnyam par sbyor ba las/ sku gnyis bde ba chen por bsgoms nas brtan pa dang g.yo ba thams cad de bzhin nyid kyi gnas su rab tu bcug ste/ ji ltar nye bar bstan pa'i bde bas zung 'jug nyid bsgom par bya'o/ /rdzogs pa'i rnal 'byor ro/ /sku gsum gyi cho ga'o/ /de nas snying po'i gsang sngags kyi/ /las rnams bshad bya de nyid cig /gsang sngags 'bum du bzlas pa yis/ /dpag tshad bye bar de lding 'gyur zhes pa ni/ sngon du bya ba sgrub par byed pas/ sngags grub pa'i sngon du bsnyen pa 'bum bzlas par bya ba 'am/ rab tu sbyor ba'i dus su 'bum bzlas pas sam/ /yang na bklags pas grub pa'i 'bum bzlas pa 'am/ / /yang na skye ba snga ma las/ bsgrubs pas so/ /zhes pa sgra ji bzhin pa'o/ /'gro zhing 'ong bar 'gyur ba myur du'o/ /gzugs rnam pa du mar byed do/ /'di khang bzang dang shing la 'jogs te/ dpag tshad bye bar 'gro ba'o/ /rnal 'byor pa rnams dang yang dag par ldan pas/ nam mkha' la 'gro ba dang 'ong bar byed do/ /'dod na snang bar byed de/ ma yin pa kho nar zhes te rnal 'byor dang ldan pa skabs gsum par yang ngo/ /'dod na sgrub pa po byis pa dang rgan po dang dar la bab pa'i mi mor 'gyur ro sgrub pa po mkha' la spyod pa dang sa la spyod pa 'am/ /byol song du yang 'gyur ro/ /dbang po rnams 'phrog par byed do/ /'di rnams skye bo rnams kyi lag pa g.yas pas so/ /g.yon pas myur du slar gso ba'i mchog tu byed do/ /nyi ma dmar po dang khu ba gnyis la gal te lan cig bzlas na/ skye bo thams cad kyi lus dang ngag dang sems dang dbang po rnams rengs par byed do/ /sgra ji bzhin pa'o/ /de nas gzhan yang 'dir bshad bya/ dam tshig
- 322b
chen po'i mchog gyur pa/ /gang gis thos pa tsam gyis ni/ /myur du dngos grub rab 'jug pa'o/ /gang gi sa lus sam/ kha la yang pad+ma dang gla rtsi dang/ ga pur dang ma li ka la sogs pa'i dri bro ba/ rtag tu mig mi 'dzum pa grib ma dman pa/ khro ba med pa ni/ skye ba lan bdun pa'o/ /de zos pa tsam gyis rnal 'byor pa mkha' la spyod par 'gro'o/ /de'i snying ga na ro tsa na yod de/ snying po brgya bzlas pas thig le byas na/ dpag tshad bye ba brgyar 'gro bar 'gyur ro/ dpal he ru ka'i snying po gang zhig shes pa yang shin tu gdon mi za bar bzang ba'i lus dang/ 'dod pa yang ji ltar 'dod bzhin thob par 'gyur ro/ /sgra ji bzhin pa'o/ /snying po'i las so// //de nas nye ba'i snying po'o/ /dngos grub thams cad rab grub byed/ /'jig rten gsum gyur gang cung zad/ /de kun skad cig gis 'grub bshad/ /gsang sngags 'bum bzlas pas 'jig rten gsum yang g.yo bar byed do/ /mkha' 'gro ma thams cad sgrub pa po'i mngag gzhug byed par the tshom med do/ /'di kho nas chu la bzlas te/ des mig bkrus nas skye ba bdun pa la sogs pa'am/ 'tsho ba dang 'chi ba yang mthong bar 'gyur ro/ /mig dag la bzlas nas bltas pa gang yin pa de skad cig gis gnon par byed do/ /dpa' bo shi ba'i rkang thil gyi pags pa blangs nas 'bad pas btags par bya'o/ /mi'i khrag gis rna ba'i mig sman gyi dbus su bcug la zlum skor gyi rnam par bya'o/ /de'i phyi rol tu ldong ros dang gi'u wang dang/ bud med kyi me tog dang/ gur gum gyi de bsgo par bya zhing/ slar yang grib bskams byas nas lcags gsum gyis dkris ste/ /de nas lhag par gnas pa byas te/ /skar ma rgyal la rnal 'byor pas he ru ka'i khar bcug la/ lag pa g.yon pas bkab nas gsang sngags brgya rtsa brgyad bzlas par bya'o/ /ji srid du ril bu gzugs brnyan gyis nas 'dzags
- 323a
te sbyin par byed de/ sgrub pa po de yis de grub par 'gyur bar the tshom med do/ /de khar bcug pas rnal 'byor pa lha rnams kyis kyang mi mthong ngo/ kha nas bton na ni mthong bar 'gyur ro/ /ril bu'i rig pa 'dzin par 'gyur ro/ /ril bu 'di ni mkha' spyod grub par dpa' bo rang nyid kyis gsungs so/ /thod pa blangs nas/ sgrub pa po'i sdigs mdzub kyi rtse mos gang gis ming nas smos te mnyes na de'i khrag skems par byed do/ /g.yon pa'i ming med kyis mnyes na slar yang de nyid du 'dren no/ /mngon par bsngags pa brjod de/ gang gis ming nas smos te thod pa la bsnun pa byin na/ de'i klad pa 'gags par 'gyur ro/ /thod pa de ba'i 'o mas bkang na nye bar zhi bar 'gyur ro/ /ro co nas thig le byas na gang la bltas pa de rgyas btab par 'gyur ro/ /sdig mdzub kyis bsdigs par byas na de skad cig gis sa la ltung bar 'gyur ro/ /gang gis ming nas smos te/ sa la rkang pas bsnun na de 'chi bar 'gyur ro/ /slar gso ba la chu la sngon par bsngags nas sa la mngon par gtor bar bya'o/ /mngon par bsngags pa'i sdig mdzub kyis stong pa la yang bsdigs par bya'o/ /tshig gis grol ba ni/ de rnams de ltar gnas par the tshom med do/ /sgrub pa pos gtum po'i thal ba la lan brgya bzlas nas bsnun na/ sems can gang dang gang rjes su dran pa de dang de'i gzugs 'dzin par yang 'gyur ro/ /sbyin sreg gi thal bas bsnun na/ de bzhin du lha rnams kyis kyang mi mthong ngo/ /chu la lan brgyar bzlas nas bsnun na slar yang mthong ngo/ /spyod pa kha sbyar gyi phyag rgya bcings nas khros par gyur pas gal te/ gang gi ming nas smos te/ dbugs mi 'byin par bzlas pa de rtag tu smyo bar 'gyur ro/ /phyag rgya zhes pa mche ba'i phyag rgya'o/ /khros pa ni mche ba gtsigs pa'o/ /yid kyis grol
- 323b
ba ni/ phyag rgya bcings bde gshegs pa'o/ /sgrub pa po'i gtsug pud la mngon par bsngags te/ gang gi ming nas smos te bcings na/ sgrub pa po gang na yod pa der/ mkha' 'gro ma de rnams myur du 'ong bar 'gyur ro/ /sgrub pa po'i gtsug pud la lan brgya bzlas nas bcings ni ma snang bar 'gyur ro/ /gseg ma la lan bdun mngon par bsngags te/ phyogs su gtor na 'chi bar byed do/ /lha la sogs pa rnams dang ma mo rnams kyi sbyor ba 'phrog par byed do/ /skyes pa dang bud med 'khrig par byed pa na khyi bzhin du myur du 'byar bar 'gyur ro/ /gseg ma la bzlas nas chu klung la gtor na chu klung rgyun las bzlog phyogs su 'bab par 'gyur ro/ /mkhas pas gseg ma de nyid kyi sba rlabs gnon bar byed do/ /steng du bltas bzhin du stong phrag gcig bzlas pa byas na char chen po zlog par byed do/ /yid kyis bcings pa grol bar byed do/ /gal te pha rol gyi dpung la mngon du phyogs par gyur pas stong phrag gcig bzlas pa byas nas/ g.yul gyi nang du rab tu zhugs pa'i lus la mtshon gyi tshad par mi 'gyur ro/ /lan 'bum bzlas pa'i cho gas so/ /nye ba'i snying po'i sgrub pa'o// //de nas 'di las cho ga'i las/ /'jig rten gsum na gang yod pa/ /'bad pas 'bum phrag bzlas pa yis/ /bsgrub bya'i las 'di bshad par bya/ /zlas bzhin lam du 'gro ba na/ /chom rkun rnams kyis mthong mi 'gyur/ /sa bdag khyim du rab zhugs nas/ /gang 'dod blangs nas 'gro bar 'gyur/ /bzlas bzhin gang gang la reg pa/ /bod skad cig la rengs byed/ /gsang sngags bzlas pas rkang pa yis/ /bsnun na de tshe grol bar 'gyur/ /lan gsum bzlas pa'i rang bkra shis/ /thig le ?
- 324a
nas gang dag gi /lhan cig mthong ba'am smra ba de/ /de yi khrag ni 'dren par byed/ /khros pas khyim gang du zhugs te/ /zlas na de la rims kyi 'debs/ /chu la lan bdun mngon bsngags pas/ / gtor na slar ni 'tsho bar 'gyur/ /gang gi gdong la blta zhing bzlas/ /de yi ngag kyang 'phrog par byed/ /stong phrag gcig ni bzlas byas nas/ /chu yi steng du 'gro bar 'gyur/ /chu la ji bzhin thang la yang/ /de bzhin 'dod zhing 'gro bzhin gnas/ /gang gi lag pa dril phyis byas/ /rtag tu stong phrag bzlas brjod bya/ /'jig rten gsum du rnam gnas pa'i/ /rnal 'byor ma rnams dbang du 'gyur/ /skar ma rgyal gyi sbyor bas ras byas nas/ de gyon te gsang sngags stong phrag bcur bzlas pa'i ming de nas 'di 'grub par 'gyur te/ de gyon pa tsam gyis mi snang bar 'gyur zhing mkha' la spyod par 'gyur ro/ /dbang po gang dang gang lam nyid/ /de dang de yi rang bzhin las/ /mchog tu mnyam gzhag sbyor ba yis/ /sangs rgyas kun gyi rang bzhin 'gyur zhes so/ /de ltar nan tan byed pa gsungs pa/ dbang po'i lam nyid ces pa/ mig la sogs pa rnams kyi yul nyid do/ /sangs rgyas rang bzhin ni/ /shes rab gsungs so rdo rje mkha' 'gro ba yang/ /thams cad tshe na las rnams kun/ /rnam par mi rtog ngo bo yis/ /dogs pa med par kun du spyad/ /de dang de dag 'da' bar dka' zhes so/ /shes rab gsal ba'i rang bzhin gyis/ /rnam par mi rtog sems dpa' yis/ /dogs med spyod pa kun tu spyad/ /brtul zhugs de rnams bdag nyid che/ /thabs shes cho ga las gzhan du/ /gal te sems mi 'pho mi bya/ /nges par kun tu brtan pa ste/ /byang chub chen po rab
- 324b
sbyin byed/ /des na la lar gnas pa dang/ /gang du mngon zhen 'gyur ba med/ /bde ba yongs su 'gyur pa'i tshul/ /'bras bu ci zhig thob 'gyur bar/ /de yi tshe na cis mi 'dod/ /brtan dang g.yo pa'i dngos 'di med/ /'on kyang snang ba tsam mtshan nyid/ /gal te khyad 'phags bsgom pa 'di/ /goms pa'i stobs las khyad 'phags bde/ yid bde la som las bskyed nas/ /bla med 'bras bu thob pa la/ /rgyu yi dngos po sgrub pa'i tshe/ /bcom ldan lha mo skyon ci'ang med/ /de bas 'bad pa thams cad kyis/ /kun tu 'gro ma mchod par bya'o/ /bya dka' i sdom pa mi bzad pas/ /sdug bsngal gyis gdungs lus skams byed/ /sdug bsngal las sems rnam g.yeng 'gyur/ /g.yengs las dngos grub gzhan du'o/ /yid kyi lus ni brtan pa'i phyir/ /thams cad bde nyid brtan par 'gyur/ /sdug bsngal nyid kyis g.yo bar 'gyur/ /'gog pa yang ni lhag par 'gro/ lus dang ngag sems bde gnas nyid/ /thob nas byang chub thob par 'gyur zhes so/ /dpal 'dus pa phyi ma ru/ mnyam par ma bzhag rnal 'byor gyis/ /rtag pa kho nar mnyam par bzhag /thams cad sems su gang spyod pa/ /kun tu spyod par zhes bsgrags so/ /lhan skyes sems la sgro btags nas de ni bde las g.yeng mi bya/ /'di la rnam g.yeng kun rtogs nas/ /de ni bde la slar yang bsdu/ /sgom pa gong nas gong du yang/ /sems ni so sor rang la bsdu/ /de las yon tan mthong ba'i phyir/ /ting nge 'dzin la sems dga' bya/ /rnam g.yeng nyes pa mthong ba'i phyir/ /de la mi dga' zhi bar bya/ /brnab sems yid mi bde la sogs/ /langs pa de bzhin zhi bar bya/ /de la sems la mngon 'du byed/ /rang gi rang gis 'byung ba thob/ /de goms pa las 'du
- 325a
mi byed/ /de nas de yi lus dang sems/ /shin tu sbyangs pa phra mo thob/ /slar yang de ni rnam 'phel bas/ /dam pa'i tshigs su rnam shes bya/ /'phel ba ring du 'gro ba yis/ /dngos gzhi'i gnas pa de thob po/ /de sbyangs pa las mngon par shes/ /sems ni las rung mchog tu 'gyur/ /da ni 'di'i so sor sgrub pa'i don du tshangs pa'i skud pa la sogs pa'i sngags brjod par bya ste/ dpa' ba' i sngags yi ge nyi shu rtsa gnyis pas tshangs pa'i skud pa byin gyis brlab pa'o/ /oM h+rAM h+rIM h+riM hUM phaT/ zhes pa 'dis brgya phyed mgo bo'i phreng ba rnams so/ /oM hUM hUM hUM hUM hUM hUM phaT/ zhes pas mthe bong gi rdo rje byin gyis brlab bo/ /oM badzra bA rA hI hUM phaT zhes pas mgul rgyan no/ /oM sarba bud d+ha DA ki nI ye hUM phaT/ zhes pas pags pa'i gos so/ /nye ba'i snying pos gsol bar brgyan no/ /oM hAM hIM heM haM phaT zhes pas 'og phag go /phreng ba'i sngags kyis thod pa'o/ /oM badzra bai ro tsa nI ye swAhA zhes pas mgo bo'i phreng ba'o/ /thod pa'i dum bu la sogs pa'i sngags kyis sen mo dang so byin gyis brlab par bya ste/ gnas par byed pa'i dus kyis dang por ro/ /de bzhin du kha TwAM ga la oM he he ru ru kaM hUM hUM phaT zhes pas byin gyis brlab par bya'o/ /oM badzra bA rA hI huM hUM phaT zhes pas cang te'u'o/ /de ltar go cha gnyis dang zhal bzhi bas bdag nyid go bgos nas gnas par bya'o/ /yang na phyag rgya lnga po sngags dang bral ba nyid kyis byin gyis brlab par byas nas/ /go cha gsum po bgos te/ /rkang pa brgyad pa'i sngags kyis brgyan te/ /nges par 'jigs pa dang/ gtso bor byed pa de'i don du kun nas spyad par bya'o/ /shing gi khu ba la mgon po rnam pa stong du bzlas pas/ /gang la thig le byas pa de shing
- 325b
dang 'dra bar 'gyur ro/ /glang po che la sogs pa'i rkang pa'i rdul gyis bsnun na de'i gzugs 'dzin par 'gyur ro/ /lan gsum bzlas pa'i chus gtor na slar 'tsho bar 'gyur ro/ /sgra ji bzhin pa ma yin pa'o/ /skye ba bdun pa'i cho ga'o/ /de nas 'di las bsgrub pa bshad/ /sgrub po gang gis 'grub 'gyur ba/ /bong bu'i rnam pa'i rnal 'byor bdag /yid kyi shugs ni bzlog bya'i phyir zhes pa he ru kar byed pa gsungs pa/ /bong bu'i rnam pa ni/ bong bu'i sgrub pa'o/ /sdom pa'i yid kyi shugs sha? yid kyi shugs 'dod pa ci nyid kyis bya ba'i dngos grub po/ /drang ba'i don no/ /bong bu'i rnam pa'i rnal 'byor bdag gang yin pa de/ de bzhin no/ de'i rang bzhin brgyad cu ldog pa'i ched du mngon par rtog pa'o zhes pa nges pa'i don no/ /bong bu yi ni mkha' 'gro ma rnam pa zhal nas khrag 'dzag pa gri gug dang/ tho ba dang kha TwAM ga dang/ rtse gsum lag na gnas pa'o/ /dkyil 'khor pa rnams gsungs pa/ ji skad gsungs pa bzhin du kun du gnas pa'i dpa' bo dang/ dpa' mo dang mkha' 'gro ma la sogs pa rnams kyang/ zhal nas khrag 'dzag pa/ de dag zhal dmar po phag mo rdo rje sdigs mdzub dang/ ka pA la'i phyag can mkha' 'gro ma la sogs pa rnams lang tsho rgyas pa/ mngon spyod bla mar gsung par rtogs par bya'o zhes pa sgra ji bzhin pa'o/ /rtag tu bdag nyis bong bu yis/ byas na rnal 'byor ldan pas mthong zhes pa ni rtag pa'i rnal 'byor gsungs te/ /gsungs pa yang sangs rgyas rnal 'byor ma bral bas/ rnal 'byor sangs rgyas bdag nyid 'gyur/ zhes so/ /tshe thung ba dang/ tshe ring ba dang/ skya ba bdun pa'i phyugs dang/ mi dang sems can gang dang gang yin pa'i gzugs/ /rda'i gzugs su sgom pa por 'gyur ro/ zhes phan yon gsungs so/ /
- 326a
skye ba bdun pa'i skyes bu grib ma bdun par de mthong bar 'gyur te/ bsgoms pa'i stobs las so/ /gzhan rnams kyang ngo/ /sgra ji bzhin pa'o/ /des shes gtor ma sbyin sreg ni/ /thun mtshams gsum du rtag tu bya/ /bza' ba yang ngo mtshan phyed la/ /'grub 'gyur 'di ni the tshom med ces so/ /dri bzang po'i lus de rang nyid shi ba bsgrub par bya ste/ nam mkha' la 'gro bar 'gyur ro/ sgra ji bzhin pa'o/ /mkha' 'gro rnams la tsA ru spyid/ bdun du 'jug par the tshom med ces pa de rnams kyi ched du tsA ru dbul bar bya ste/ bdun du 'jug pa ni bar ma chad pas skye ba bdun du mir skyes pa'o/ /drang ba'i don no/ /'bum phrag lnga bzlas par yang gsungs so/ /skye ba bdun pa'i phyugs nyid kyang/ /mkha' spyod dngos grub sbyin par byed/ /phung po khams ni 'khogs pa dang/ nad dang rgyal ba sel bar byed/ /'chi med nyid kyi rjes 'brangs pa/ /'chi med grub pa ster bar byed/ /bsad bsreg pa yi rjes 'brang ba/ /sangs rgyas nyid kyang myur du sbyin/ /phyi ru skyes pa ji ltar bcings/ /de bzhin ye shes ro nyid kyang/ /ji srid rnam par yongs rdzogs pa'i/ /tshe ni rgya chen ster bar byed/ /ces pa nges pa'i don no/ /gsang ba'i rgyud ni thams cad du/ /sngags kyi snying po dam pa ni/ /de nyid gang gis shes pa de/ /'dir ni 'grub 'gyur the tshom med/ /ces pa ni gsang ba ni byis pa'i skye bo la spra bar bya'o/ /rgyud rnams thams cad ni/ rgyud rnams drug po rnams so/ /sngags ni yi ge bdun pa'i gsang sngags so/ /snying po ni bong bu'i sgom pa'o/ /de nyid kyis ni zung 'jug gi mtshan nyid kyis so/ /shes par byed pa ni/ /dpal bla ma'i zhal las so/ /de 'grub par 'gyur ni sgra ji bzhin pa'o/ /brtags pa'i rnal
- 326b
'byor ro/ /de nas 'di las rab 'chad byed/ /yi ge re re'i brdar 'gyur ba/ gang gis smos pa ces kyis ni/ /pho nya mo rnams dbugs dbyung byed/ /ces bya ba la sogs pas brda'i skad gsungs pa/ bar ni lus dang ngag gi bza' / skal ngan gyis yongs su mi shes pa'i ched du/ /dam tshig la sogs par rnal 'byor pa dang rnal 'byor ma rnams kyi'o/ /DA skyes khur bshad/ DI bud med/ pU man pa/ sum zab mA ma'o/ zhes pa yang ngo/ yo chung ma b+hI sring mo/ /bI gro gam de bzhin du sh+rI khrag /lu bu mo/ /si zhi pa'i gtung ba/ yi btung ba/ hI sha b+ha bza' ba yang ngo/ /b+hu 'dus pa can nyid kyang ngo/ /gA 'gro ba'o zhes bshad do/ /si dur khrod kyang ngo/ /b+hu shi ba'o/ /DI rnal 'byor ma'o/ /gA lA ma'o/ /sti gzugs can ma kun mkha' 'gro ma/ /hA de bzhin du dum skyes ma'o/ /dza byin pa gnyis su 'gyur ro/ /b+ha gsong por smra pa/ ka lag pa dag go su'i sgra ni legs par 'ong ba'i bya ba'o/ /gzhan mang po snams kyang ming yig dang po las shes par bya ste/ 'jig rten gsum na brtan pa dang/ g.yo ba'i chos gang dag bshad pa de rnams so/ yang zhes pa ni/ de bzhin du bla mar yang ma'i zhes pa 'dus pa'o/ b+ha zhes pa za ba'o b+hyo zhes pa mi za ba'o/ /sya zhes pa btung bya dang btung bya ma yin pa'o/ /ga zhes pa bgrod bya dang bgrong bya ma yin pa'o/ /slu zhes pa 'dod bya'o/ ming gi dang po zhes pa mngon brjod du yang/ zhes pa dam ma'o/ /ra zhes pa khyo med pa'o/ /du zhes pa spyod ngan ma'o/ /su zhes pa skal bzangs ma'o/ /sa zhes pa dam tshig can ma'o/ /ma zhes pa 'ongs pa'o/ ra zhes ma 'ongs pa'o/ /sa zhes pa skye bud pa'o/ dbang bskur ba'i dus su dam tshig gi don la lhag par mos pa rnams la slob dpon gyis 'di dag sbyin par
- 327a
bya'o/ /zhes pa sgra ji bzhin pa'o/ /de nas skad gzhan rab brjod pa'i/ /brda ni nga yis rab 'chad byed/ /gang gis spun dang sring mos kyang/ /the tshom med par shes par 'gyur zhes pas brda gzhan gsungs te/ skad gzhan ni ri khrod pa dang/ kla klo la sogs pa'i skad mdza' yas pa'i sgra'o/ /shes nas nga yis rab tu 'chad par byed ni bden pa'i ngag go /po taM gI ni gsong por smra ba'o/ /pra ti bo taM gA ni gsong por smra ba'i lan no/ /ga mu 'gro bar nges par ston pa nyid do/ /lum pa rnal 'byor pa 'ong ngo zhes pa'o/ /gsong por smra ba ni phyag 'tshal ba'o/ /taM gI sngon ma'o/ /pra ti rtog pas brtags nas so/ /ga mu zhes brjod pa la 'gro'i zhes brjod par 'gyur ro/ /rnal 'byor ma rnams kyi yang ngo/ /dam tshig la sogs par ngag gis kla klo'i skad do/ /kra Tu kaM ni zur cig ces brjod pa'o/ /ma ra NaM ni sgra ngan du bshad do/ /shi ro ni brdzun no/ /kar+Ni ka ni dril bu'o/ /bI ra Na sting ngo/ /ka ra Na ni phag pa'i ze bar 'gyur ro/ /sh+ra ba Na ni rna par rab tu bsgrags so/ /man+tha ni ni bdud rtsi'i gnas so/ /A li kA li mkha' 'gror bshad/ /na ra ka ni dkyil 'khor brjod/ /a nu kaM ni dur khrod bshad/ ka khi la ni sgo zhes brjod pa'o/ /shwa sa naM ni braM zer bshad/ /pa ri Dhi ni rgyal rigs so/ /ba ra ti ni rje rigs so/ /ku ra ni dmangs rigs so/ /an tas+tha nyid gtum po'o/ /pU shu li ka khyim du bshad/ /b+ha gi nI mkha' 'gro ma rab brjod/ de bzhin med ka ni chu/ gri hi NI phyag rgyas 'debs pa'o/ /lces so la reg pa ni ltogs pa'o/ /reg pa ni zos so zhes pa'o/ /triSh+Ni dri yis bsgos pa'o/ /ka ra Na ni me tog go /hA syaM ni lto ba 'phyang bar bshad do/ /dan+ta ni char 'gog pa zhes bshad do/ /tripta zhu ba zhes brjod par bya'o/ de haM grong khyer zhes brjod
- 327b
d+hu rmu phyi rol zhes bshad do/ /d+hu ma pri yA ni sprin no/ /sA nu ni ri'o/ /sa ri ta ni 'bab chu/ a da ni ni so'o/ /paM kAM rgyal mtshan no/ /tshan do ni 'phreng ba'o/ /NaN+Ta ni phyugs so/ /sa saM ni bzhi mdor rab tu brjod phalgu ShaM ni skye bor brjod/ /sa ma yaM ni re chen shes par bya/ /ma hAk+Sha raM bdun du 'jug pa phyugs chen po'o/ /gang la sogs pa yi ge re re'i ming gis so/ /h+rI ni ngo tsha byed pa rnams zhes pa 'khrig pa smas par 'gyur ro/ /hA rnam grangs so zhes pa yul khaM cig tu'o/ /ho rnam grangs shes par bshad ces pa yul kha cig tu'o/ /bod dang ti nu dang/ kar+NA Ta la sogs par ro/ /de bzhin du yang gsungs pa/ /kar+NA Ta ru kar+Na'i sgras rdo dang rkang pa brjod pa yin/ /la lar 'on pa rab tu brjod/ /de bzhin rgyud du bstan pa rnam shes pa sgra ji bzhin pa'o/ /'jig rten dang 'jig rten las 'das pa'i bstan bcos su rab tu grags pa'i rang gi brda dang/ kla klo'i skad do/ /de nas gzhan yang rab tu bshad/ /ji ltar mkha' 'gro ma mtshan nyid// gang gis rnam par shes tsam gyis/ /sgrub pos dngos grub thob 'gyur ro/ zhes pa ni las kyi phyag rgya'i dngos grub chen po ni/ las kyi phyag rgya dang lhan cig pa'i dngos grub chen po ste/ mkha' 'gro ma rdo rje gur du yang/ /rang rig mA ma kI phyung ste/ /pad+mar rdo rje can bcug nas/ /des ni dngos grub thabs cig 'gyur/ /phyag rgya chen po zhes bsgrags so/ /phyag rgya che la rnam rol te/ /dgongs pa mngon sum nyid du gyur/ /thams cad rig cing nges rnams grol/ /skye ba 'di nyid la 'grub 'gyur zhes so/ /pad+ma'i 'dab ltar dkyus ring mig /dkar mo gos dkar la dga' ba/ /tsan dan sar pa'i dri dang ldan/ /rtag tu bde gshegs 'dus la dga' / /rnam par snang mdzad rigs las
- 328a
skyes/ de rigs dus skyes shes par bya/ /bud med gang btso ma'i gser dang 'dra/ /rtag tu dmar ser gos la dga' / /dzA ti tsam pa ka dri ldan/ /de yang rin chen rigs las rgyud/ /bud med gang zhig kha dog dmar/ /dmar po'i gos ni rjes su 'chang/ /ma le ke dang chu skyes dri/ /de 'od dpag med rigs can bshad/ /gang zhig utpal ltar sngo bsangs/ /rtag tu sngon po'i gos la dga' / /bud med utpal sngon po'i dri/ /de yang don yod rigs las byung/ /bud med gang zhig kha dog nag /nag dang sngon po'i gos la dga' / /lte ba ke tak yi dri/ /de ni mi skyod rigs las 'byung/ /lte ba zhes pa gla rtsi'o/ /dpal bzang po yi rigs su gsal zhes so/ /dmar zhing dkar ba'i bud med gang/ /dmar zhing dkar ba'i gos la dga' / /rtag tu ga pur dri dang ldan/ /de yang rdor sems rigs las byung/ /rnal 'byor ma yi rigs dag ni/ /drug po 'di dag ngas bshad do/ zhes pa ni bram ze mo dang/ gar mkhan mo dang gtum mo dang/ rje rigs mo dang/ dmangs rigs mo dang/ g.yung mo zhes pa drug go /spyan ma dang/ dkar mo dang/ shes rab kyi pha rol tu phyin ma dang/ mA ma kI dang/ sgrol ma dang/ rdo rje dbyings kyi dbang phyug ma'o/ /'di rnams kyi dri yang/ lus dang b+ha ga la yang rtag tu 'gyur te/ zhes ji skad gsungs pa'o/ /sgra ji bzhin pa'o/ /g.yon pa'i kun spyod la rtag dga' i/ /rigs kyi rig pa'i yi ge zlos/ /rang gi phyag rgya'i 'ching ba dang/ /rang rigs las byung tshig rnams smra zhes pa ni g.yon ma ni bud med do/ /rigs kyi rig pa'i yi ge ni rnam par snang mdzad la sogs pa'i sngags so/ /rang gi phyag rgya ni rigs gang yin pa so so'i 'ching ba de'i rigs kyi phyag rgya'o/ /tshig rnams ni tshig go /g.yon
- 328b
bas 'gro ba'i bud med gang ni/ bud med rnams so/ /rnal 'byor ma rnams rtag tu skad chen po rab tu smra ba dang/ g.yon pa'i lta bas kun tu blta ba'o/ /bud med ni mi mo rnams la gsol ba 'dabs par byed pa dang/ /rigs kyi sa bon lag tu smra ba rigs kyi bya ba mi 'dor ba nyid kyis/ rang gi bstan bcos su gsungs pa/ mi 'dor zhing rang gi rigs kyi rig bzlos/ /de ni dam tshig ldan par brjod/ /phyag 'tshal ba ni gang 'ching ba/ /g.yon pa'i yan lag rtag tu 'dud/ /bud med rnams dang kun smra byed/ /de nyid dam pa'i dngos por 'gro/ /zhes pa ni lhan cig spyod pa'i skabs nyid las lhan cig spyod pa gsungs pa dam pa'i dngos po ni rang gi ngo bo'o/ /'gro ba ni ston par byed pa'o/ /dam tshig can de'i mthe bos sa la ri mo 'dri ba ni/ /rkang pa dang lag pa g.yon pas so/ /mgo bo 'brug par byed pa dang/ de bzhin rang gi dran pa'o/ /mkhur ba 'am kos ko dag dang ni/ /sna dag tu ni sor mo ston/ /zur gyis blta zhing lan cig sngags/ /zlos shing rig pa nges par blta/ dam pa'i dngos 'gro rnal 'byor ma/ /gang yang dam tshig can rnal 'byor zhes so/ /sa la ri mo 'dri ba nyid ni bla ma dang skye bo bdag gi rang gi rjes su chags pa gsal bar byed pa'o/ /mgo bo 'phrug par byed pas rang nyid gzhan dbang du 'gyur bar smra bar byed do/ /sna dag la sor mo ston zhes pa 'dis bdag bsrungs bas khyod kyi ma lta bur rjes chags pas 'jigs par byed do/ /zur gyis blta bas ni/ 'ong ba'i yan lag blta bde blta bar byed de/ /sgra ji bzhin 'o/ /chags pa'i sems so/ /rnyed dka' mkha' 'gro ma rnams dang/ /de bzhin kho na ma rnams kyang/ /bdud rtsi lnga rnams dam pa'i dngos/ /rang gi mtshan nyid 'dir brjod bya zhes pa ni/ /gzugs yongs su
- 329a
bsgyur ba'i mtshan ma dang phyag rgya gsungs te/ bdud rtsi lnga ni rigs lnga ste dgongs pa'o/ gzugs can mdang 'o byed ma/ /lA ma yongs gyur byis bcas ma/ /mi ldog 'di pa med lha mo/ /mkha' 'gro ma ni rnam bdun bshad ces pa mdor bstan pa'o/ /bram ze dang/ gtum po dang/ gar mkhan dang/ tshes mkhan dang/ g.yung po dang/ rgyal rigs dang/ dmad rigs te/ de dag gi rigs las yang dag par byung ba 'di dag kyang bdun nod gang zhig smin ma 'degs byed cing/ /mden par zhen pas blta ba dang/ /sngon gyi gzugs ni sdud byed cing/ /phyi nas 'jig par byed pa nyid/ /de ni gzugs can mar shes bya/ dpa' bo gnyis med bstan pa'o/ zhes pa rgyas par bshad pa'o/ /gsungs pa yang/ de yis gang byin pa'i dam tshig gi rdzas de bza' bar bya'o/ /ji srid du lan bdun bzlas la dbang du byas te de nas mkha' 'gro la spyod pa nyid do zhes so/ /sngon ni dang po pa'i gzugs so/ /'jig pa ni yongs su bsgyur ba'i gzugs rang gi gzugs kyis gnas par byed do zhes pa'i don no/ /'dod pa 'am gal te mi 'dod rung/ /byis pa 'khyud cing 'o byed pa/ /de ni 'o byed mar shes bya/ /mkha' 'gro sdig pa 'joms byed ma'o/ /zur blta gdong la khro gnyer can/ /rdo rje smin bsgyur sngags mdzub dang/ /dbugs 'byin 'jigs par byed gang yin/ /de ni lA mar rnam nges bstan/ /'jigs par byed pa ni/ /hUM yig la sogs pa'i bdag nyid dang chags pa'i bdag nyid do/ /phag dang ri bong can byi la/ /ce spyang ra dang rta sogs kyis/ /gzugs kyis kun tu skrag cing 'jigs/ /de ni yongs 'gyur ma zhes bshad ces so/ /phag ni phag go /byi la ni byi
- 329b
dgra'o/ /ra ni ra'o/ /sgra ji bzhin pa'o/ /gang zhig kun tu dga' bas dgod/ /song nas slar yang mi bzlog pa/ /rjes su chags pas gsal bar dgod/ /des ni byis bcas mar shes bya/ rjes su chags pa ni rab tu dad pa'i bzhin no/ /sgra ji bzhin pa'o/ /yid ni skyo bas lag pas sam/ /bod pas sam ni rkang pa yis/ /gos sam shing gis reg pa dang/ /de yis reg pas 'tsho mi 'gyur/ /de ni mi ldog mar shes bya/ /bsgrub bya min par yongs su bsgrags zhes so/ /mtshon cha la sogs pas reg pa dang/ /lag pa la sogs pas rmas pa ni mi 'tsho bar the tshom med pa'o/ /de'i phyir rang bzhin rjes su chags par bya'o/ /zhes rtogs par bya'o/ /khrus sam/ za ba dang btung 'gro ba dang/ khros pa'i lta bas kun tu blta bar byed pa ni/ /rnam par 'gyur bar ston par byed pa'o/ phyi nas mkha' 'gro ma ste 'di dpa' mor bshad ces pa'o/ /phyi na ni/ nges mthong ba dang/ bza' ba la sogs pa zos par gyur pa la'o/ /sgra ji bzhin pa'o/ /mkha' 'gro rnams kyi lag par phyag rgya 'am/ khyim du gnas pas mtshon par byed pa ni/ /thod pa dgra sta mche ba dang/ /'khor lo nyid dang rgyal mtshan mnyam/ /rdo rje dang ni ral gyi grags/ /bdun po rigs kyi phyag rgyar grags/ /khyim du ni rnams mchod par byed/ /rigs kyi rig pa zlos par byed ces pa la khyim du ni chos 'byung du'o/ /rigs kyi rigs ni rigs so sor bcings pa gang yin pa de'i rigs kyi lha nyid sgom par byed pa yang ngo/ /dgongs pa'o/ /mkha' 'gro ma'i mtshan nyid do// //de nas gzhan yang mkha' 'gro ma'i/ /mtshan nyid ji bzhin rab 'chang byed/ /mkha' 'gro'i dam tshig la gnas pa/ /sgrub po gang gis shes par byed ces pa ni dpal he ru ka'i rigs kyi mkha' 'gro ma'i kha
- 330a
dog gi mtshan nyid dang mtshan ma gsungs pa/ sgrub pa po ni/ he ru ka'i dam tshig la gnas pa'i dam tshig can rnams so/ /sgra ji bzhin pa'o/ /bud med gang yang kha dog dmar/ /pad+ma'i dri ni rnam par gtong/ /khyim du pad+ma ra bri ba yang/ /pad+ma gar dbang rigs byung yin zhes te/ pad+ma gar dbang ni 'od dpag med de/ /dgongs pa'o/ /rang gi khyim du dpal rdo rje/ /bris pa rtag tu mchod byed gang/ /lus ni gnag dang sngo bsangs ma/ /de ni rdo rje'i rigs 'byung yin/ /gang gis dpral ba 'am lag par ni/ /'khor lo yang ni rab snang ba/ /ser zhing skal bzang phun sum tshogs/ /rtag tu mchog tu ches legs pa/ /rang khyim 'khor lo bris pa ni/ /thun mtshams bzhi ru mchod par byed/ /rnam par snang mdzad rigs las skyes/ /mkha' 'gro ma yi stobs kyi dregs shes pa ni/ /'khor lo ni gser las gzhan gyis gnas pa'o/ /legs pa can ni bag mar btang pa g.yo ba gsal ba'o/ /sngo bsangs so mtho ma rungs pa/ /g.yo zhing mang du mi smra mo/ /rang khyim ral gri mchod byed pa/ /don yod grub pa'i rigs byung ba'o/ /ser zhing gseng du snang ba dang/ /mig mi g.yo zhing kha spu ser/ /rin chen dpral bar snang ba 'am/ /lag par yang rung khyim du 'ang rung/ /rtag tu rgyal srid gnas pa gang/ /bsnyems shing bden par smra ba dang/ ma li tsampa ka dri yang/ /de ni rin chen rigs las byung zhes so/ /lam gyi sgra ni dkar po dang ba lang tsho dang ldan pa dang/ rgyal ba dang/ /ma rgyal ba dang ldan pa ni go sla'o/ /mdog nag ma rungs sha la dga' / /rtag tu ma rungs las la dga' / /rtse gsum 'am ni thod pa 'ang rung/ /dpral ba'am lag pa khyim duAng
- 330b
rung/ /bris pa rtag tu mchod byed pa/ /de ni 'jigs byed rigs las byung zhes te/ 'jigs byed ni rgyal rigs so/ /zhes grub thob la ba'i na bza' can gyi zhabs so/ /sprin gyi kha dog dang 'dra zhing/ /so ni mi mnyam par gnas pa/ /rtag tu ma rungs las la dga' / /g.yon gyi mche ba gtsigs pa gang/ /rtag tu dgra sta mchod byed pa/ /rnam par 'dren pa'i rigs las byung zhes pa/ rnam par 'dren pa ni sgrub thabs kyi cho ga la yang dmangs rig so zhes so/ /sgra ji bzhin pa'o// gzugs yongs su bsgyur ba'i mtshan ma'o// //de nas 'di las lA ma yi/ mtshan nyid ji bzhin rab 'chad byed/ /gang gis rnam par shes tsam gyis/ /sgrub pos dngos grub thob 'gyur ba'o/ /zhes bya ba la sogs pas phyag rgya rgyas par bshad pa gsungs te/ /lA ma rnams ni yid 'phrog ma rnams so/ /dngos grub ni rnam pa thams cad shes pa nyid dang/ lam shes pa nyid dang/ rnam pa thams cad mngon par rdzogs par byang chub pa'i mtshan nyid phyag rgya chen po mchog gi don rab tu sgrub pa po gsal lo/ /gang gi na chud kun mthong ba/ /gdong ba yongs su zlum pa dang/ /kha la sma ra can nyid dang/ /spu dang smin ma ring ba dang/ /gos bzang gtsang la zhi ba dang/ mi g.yo bden par smra ba dang/ /rtag tu dam pa'i chos la dga' / /pad+ma'i dri ni rnam par gtong/ /de ni bcu pa'i tshigs mtshams la/ /khyim du pad+ma bris pa yang/ /pad+ma las byung lA ma yi/ /mtshan nyid gyur pa 'di dag yin/ /pad+ma'i phyag rgya sbyin par bya// yang na rus sbal phyag rgya yang/ /pags dang ril ba spyi lugs nyid/ /phyag rgya'i lam du brjod par bya/ /pad+ma'i phyag rgya ni lag par gnyis ka dag gi sor mo thams cad bskum ste pad+ma kha 'bus pa'i rnam par 'gyur ro/ /rus sbal gyi
- 331a
phyag rgya ni g.yon pa'i steng du lag pa g.yas pas pags pa'i phyag rgya ni glang po che'i pags pa 'dzin pa nyid do/ /ril ba spyi lugs kyi phyag rgya ni de bzhin du gsal lo/ /mchu ni glo zhing mig dkyus ring/ /mig ni dmar zhing ser skya ste/ /phyug cing skal bzang dpal yon can/ /dkar zhing tsampa ka yi dri/ /ring dang ring min lag nyid dang/ /rnam pa sna tshogs gos la dga' / /dpral bar ri mo gsum pa nyid/ /mtshams ni gyen du bstan pa nyid dgod cing dga' ba nyid dag dang/ lam ni rnam par gnon cing gnas/ /g.yul du shi ba rnams kyi ni/ /gtam la rtag tu shin tu dga' / /de yi bcu bzhi dang brgyad pa/ de yis dus tshigs yin par bshad/ /khyim du rtse gsum bris pa la/ /rtag tu de ni mchod par byed/ /'jig rten dbang phyug lA ma yi/ /mtshan nyid gyur pa 'di dag go /'di 'dra'i rab myos ma mthong nas/ /mdung gi phyag rgya rab bstan bya/ /rkang pa g.yon pa bskum byas nas/ /gar ni de la rab bstan bya/ /g.yon pas yongs su bskor ba yang/ /phyag rgya'i lan ni yin par bshad/ /mthe chung mthe bo mnan nas ser mo gsum pa rnams brkyang ba las rtse gsum gyi phyag rgya'o/ /gar ni g.yas brkyang du gsal lo/ /gang gi mkhur ba mkhur tshos la/ /khung bur snang ba gnas pa dang/ /rtag tu mngar zhing ser la gtsang/ /mi ni ljang dang ser skya dang/ /gang gi dpral ba 'am lag pa la/ /ri mo gcig pa snang ba dang/ mgrin ring skra ni 'khyil pa dang/ /rtag tu gos dmar la dga' ba/ /dgod cing glu ni len pa yang/ /blo bur nyid du rab khro byed/ /sems ni g.yo zhing khang par du/ /'thab mo la yang zhen pa ste/ /de ni nya yi dus tshigs su/ /khyim du dril bu bris pa yang/ /shes rab pha rol phyin byung
- 331b
ba'i/ /lA ma'i mtshan nyid yin par bshad/ /'di 'dra'i rab myos mthong nas ni/ /dril bu'i phyag rgya rab bstan bya/ /gnyis pa mdung thung phyag rgya yang/ /sgrub bo shin tu mnyam gzhag pas/ /g.yon nas yongs su bskor ba yis/ /phyag rgya'i lan ni yin par bshad/ /dril bu dkrol ba'i sbyor ba yang/ /lag pa g.yon pas rab bstan bya zhes so/ /shes rab kyi pha rol tu phyin pa las byung ba ni gtum po'i rigs so/ /mdung thung gi phyag rgya ni lag pa gnyis kha sbyar la/ /sdigs mdzub gnyis bskum ste/ gung mo'i tshigs gsum pa'i glor bzhag nas/ de bzhin du mthe bo gnyis tshigs par mar bzhag pa las so/ /sgra ji bzhin pas so/ /gang zhig thung zhi 'byin pa sbom/ /rtag tu ser po'i gos la dga' / /de ni bcu bzhi'i dus tshigs la khyim du rin chen bris pa yang/ /'di 'dra'i rab myos mthong nas ni/ /rin chen phyag rgya rab bstan bya/ /gnyis pa dung gi phyag rgya yang/ /rab tu 'bang pas sbyin par bya/ /g.yon nas yongs su bskor ba yi/ /phyag rgya'i lan ni yin par bshad// rin dbang las byung lA ma yi/ /mtshan nyid gyur ba 'di dag yin/ /gdung gi phyag rgya ni lag pa g.yas pa bkan la mthe bong nang du bcug pa'i khu tshur la sdigs mdzub rab tu brkyang bar bya ba las so/ /lus kun la ni ba spu yod/ /mig ni nag cing ser skya dang/ /sbom zhing rnam 'gyur mi bzang pa/ /gsus pa glo zhing sna ni nyams/ /gang zhig gnag cing mig zlum ma/ /rtag tu glu dang gar la dga' / /de yi bcu gcig tshigs mtshams la/ /khyim du mche ba blas? ba yang/ /'di 'dri'i rab myos mthong nas ni/ /klu yi phyag rgya rab bstan bya/ /sgrub pa dngos grub brtson pa yis/ /gnyis pa mdung 'thung phyag rgya nyid/ /g.yon nas yongs su bskor ba yis/ /phyag rgya'i lan ni yin par bshad/ /klu dbang rigs kyi lA ma
- 332a
yi/ /mtshan nyid 'di 'drar 'gyur ba yin zhes so/ /klu'i dbang po ni nam mkha' lding ngo/ /de yi bdag po ni don yod de dgongs pa'o/ /lag pa g.yon pa'i steng du g.yas pa'i khu tshur bzhag la/ lag pa'i mthe bong dang mthe chung brkyang nas sor mo gsum gdengs ka'i rnam pa ni/ /mig sman gyi klu'i phyag rgya'o zhes pa sgra ji bzhin pa'o/ /de nas 'di las lag g.yon gyi/ /brda gzhan rab tu 'chad par byed/ /gang gi sa spun nam srin mor yang/ /yang dag par ni rnam shes byed ces bya ba la sogs pas brda gsungs so/ /gsong bor sma zhes brjod pa yin no/ lag pa g.yon pas gsong por smra ba las so/ /ming med ston pa nyid las ni/ /gsong por smra ba'i lan du brjod/ /gang zhig lto brdebs pa ni/ /bkres par rab tu gsal bar byed/ /gang zhig dpral bston pa ni/ /de nyid gang 'ongs zhes pa 'dri/ /khar ni sor mo rab 'jug pa/ /khyod kyis zos pa rab gsal byed/ /gang zhig lce ni skyod par byed/ /bza' bar bya zhes rab gsal byed/ /gang zhig pus mo la reg pa/ /ngal so zhes ni brjod pa yin/ /gang zhig sor mo'i rtse reg pa/ /ngal ni sos par rab gsal byed/ /gang zhig so ni 'cha' byed pa/ /khyod kyi sha ni bza' bya'o/ /gang zhig khro gnyer ston byed pa/ /bcings so zhes ni brjod pa yin/ /gang zhig mkha' lding ston byed pa/ /sgrub po bdag gis grol pa'o/ /lag par lag pas brdebs pa ni/ gtor ma bza' zhes brjod pa yin/ /lag pa g.yas pa ston byed pa/ de ltar gyis zhes rab tu brjod/ /gang zhig rna ba la reg pa/ /bdag ni ngal bso gnas par bya/ /gang zhig sen mos sen mo reg /shi ba dur khrod du khyer cig /gang zhig sa la rnam par 'gri /dkyil 'khor du ni rab 'jug
- 332b
byed/ gang zhig ko sko la reg pa/ bde bas nyal bar byed do zhes/ zhes pas 'phongs ni bshang lam ste gsal lo// //de nas gzhan pa phyag rgya la/ /phyag rgya'i lan ni rab 'chang byed/ /gang gi rnam par shes tsam gyis/ /pho mo rnams dbugs dbyung 'gyur/ /gang zhig khu tshur ston byed pa/ /de la lag pa rab bstan bya/ /gang zhig sgra yang ston byed pa/ /rtag tu kha TwAM ga bstan bya/ /gang zhig yan lag rnam par bskyod/ /de la mche ba rab bstan bya/ zhes so/ /bud med gang zhig spyi gtsug ston byed pa/ /de la mgo bo rab bstan bya/ /gang zhig dpral ba ston byed pa/ /de la mkhur chos rab bstan bya/ /gang zhig so rnams ston byed pa/ /de la lce ni rab bstan bya/ /gang zhig mchu ni ston byed pa/ de la ko sko rab bstan bya/ /gang zhig mgrin par kun nas reg/ de la lto ba rab bstan bya/ /gang zhig lag pa ston byed pa/ /de la dpung pa rab bstan bya/ /gang zhig ltag pa ston byed pa/ /de la rgyab ni rab bstan bya/ /gang zhig nu ma ston byed pa/ /de la 'o ni rab bstan bya/ /gang zhig lto ba ston byed pa/ /de la lta ba rab bstan bya/ /gang zhig gsang ba ston byed pa/ /de la rtags ni rab bstan bya/ /gang zhig brla ni ston byed pa/ /de la 'phongs ni bstan par bya/ /gang zhig pus mo ston byed pa/ /de la byin pa rab bstan bya/ /gang zhig rkang pa ston byed pa/ /de la rang gi rkang mthil lo/ /gang zhig sor mo ston byed pa/ /de la sen mo rab bstan bya/ /gang zhig sa ni ston byed pa/ /de la nam mkha' rab bstan bya/ /gang zhig nam mkha' ston byed pa/ /de la nyi ma rab bstan bya/ /gang zhig chu klung ston byed pa/ de la rgya mtsho bstan par bya/ /gang zhig gung mo ston byed pa/ /de la sdigs mdzub rab bstan bya/ /gang zhig ming med ston byed pa/ /de la lce ni rab bstan bya/ /gang zhig paTTi
- 333a
sa ston pa de la mdung ni rab bstan bya/ /gang zhig mgo bor bston byed/ /de la mtshams ni rab bstan bya/ /gang zhig ngos ni ston byed pa/ /de la kha ni rab bstan bya/ /gang zhig khro gnyer ston mdzad pa/ /de la gtsug bud rab bstan bya/ /gang zhig so ni ston byed pa/ /de la mchu ni rab bstan bya/ /gang zhig mgrin pa ston byed pa/ /de la kha ni rab bstan bya/ /gang zhig dpral ba ston byed pa/ /de la mig ni rab bstan bya/ /sor mo gcig ni rab ston byed/ /sngags pas legs par 'ongs sam brjod/ /gnyis kyis legs par 'ongs brjod 'gyur/ /mthe bong btsir las dge ba'o/ /sdigs mdzub mthe bong sbyor ba yis/ /mig gis phyag rgyar rab tu grags/ /de ltar phyag rgya so so ni/ /rab tu 'bad pas bstan par bya/ /ji srid 'tsho bar rnal 'byor ma/ /dbang du 'gyur bar the tshom med/ /zhes pa ni lag pa g.yas pa'o/ /lo ni kosko'o/ /chu klung ni sor mo kyog pa'i rnams pas nam mkha' la ri mo bris pa las so/ /rgya mtsho ni dug can pas te/ /de bzhin du lag pa gnyis kyi ri mo las so/ /lce na ni mthe chung ngo/ /mtshams bstan par bya zhes pa ni sdigs mdzub dang mthe bo'i sbyor bas so/ /gsungs pa yang/ sdigs mdzub dang mthe bo'i se gol sgrog par byed pa ni/ /'dir sngags pa gtso nyid du nges pa'o zhes so/ /phyag rgya gang yin pa de la kun du smra ba bzhi po 'di dag go zhes so/ /rang gi skal pa nyid yongs su shes pa'i don du phyag rgya'i lan bstan par bya'o/ /'ga' zhig dang rtsod pa mngon par 'dod pas ni ma yin te/ gang nus pa med pas rnal 'byor ma zhing skyes grub pa rnams khros pa de las rtsod pa'i dus su lag pa g.yon pa snying gar bzhag ste phyag bya'o/ /rgyud gzhan du yang/ rnal 'byor pa rnams ji srid ting nge 'dzin dang mngon par shes pa ma skyes pa de srid du/ 'jig rten pa dang rtsod pa'i don du phyag rgya'i lan bstan
- 333b
par mi bya'o zhes so/ /kAm+bo dzI kI ched du brda'o// //de nas gzhan yang mkha' 'gro ma'i mtshan nyid ji bzhin rab 'chad byed/ /sgrub po gang gis mkha' 'gro ma/ /'di ni ring yang shes par bya/ /rjes su chags pa'i mtshan nyid gsal bar gsungs pa/ dam tshig can gang rjes chags pa/ /dpa' bo'i longs spyod sa gzhi yin/ /gzhi ni sa bzhir byas nas su/ /rnal 'byor pa yi sdom pa mchod/ /ces pa ni rjes su chags pa ni khol mo bzhin du dbang gyur cing/ ma bzhin du phan par 'dod pa/ sring mo bzhin du mnyes bshin pa zhes brjod pa ni dam tshig can du lung nyid las so/ /bud med kyi rtags la slar yang rtags nyid do/ /gang gi na rnal 'byor pa yi'o/ /dpa' bo zhes pa ni lung las gang gi tshe nges par rnam par bab po ni dpal po/ de'i longs spyad bya ni dbyig 'dzin te/ dbyig ni rin po che/ 'dzin par byed do ste byas nas so/ /gzhi ni gnas te sa gzhi'o/ /de las gnas su byas nas/ yang dag la yang dag pa'i rnam pas bsgom par bya'o/ /rang gi sems la gnas pa'i rnal 'byor dang ldan pa rnal 'byor ro/ /sdom pa ni dri ma med pa'i 'od du yang/ /lhan cig skyes pa'i sku gsung thugs/ /ye shes gcig sbyor sdom pa dang/ zhes so/ /spros pa med pa'i dbyig gnyen zhabs kyis kyang gsungs pa/ de nyid zag pa med pa'i dbyings/ /bsam gyis mi khyab dge dang brtan/ /bde ba rnam grol sku 'di ni/ /thub pa chen po'i chos zhes bshad ces so/ /rdo rje gur du yang/ /'gro gnyis dngos po mthong nas pa/ /shes rab thabs kyi bdag nyid do/ /shin tu kha sbyor rnal 'byor gyis/ /mA ma kI med mi bskyod med/ /dgongs pa'o/ /lugs bzlog pa yi blta ba dang/ /bzhin ni rnam par 'gyur pa nyid/ /gdong ni rtag par smin ma g.yo/ /mkha' 'gro rnams su the tshom med ces pa mkha' 'gro ma thams cad rjes su chags pa gsungs
- 334a
te/ lugs bzlog pas ni/ g.yon pa'i yan lag gis blta ba dang rnam par 'gyur ba'o/ /bdud rtsi dang bcas pa zhu bar ldan pa zhes pa dpal mo'i lha'o/ /rtag pa ni rab tu dang ba'o/ /'dod pa'i bstan bcos su yang/ bzhin ni rab dang mig kyang dri ma med/ /gtam ni rgyun chags snyan par yang smra zhing/ /yang dang yang du nges par blta ba yang/ /skye bo dngos la rjes chags mtshan ma'o/ /zhes so/ /sgra ji bzhin pa'o/ /rnam 'gyur skor ba zhes byas te/ /ri mo gsum pa yongs su zlum/ /glo bur du ni zlog par byed/ /'gro zhing gdong ni 'jigs pa nyid/ /ces pa ni ri mo gsum ni dbus ma'o/ /rnam 'gyur bskor ba mdzes pa ste/ /yongs su zlum pa'i rnam pas so/ /yang na yongs su zlum pa nyid ni 'bru'i rnam pa ste/ nu ma de gnyis po ston par byed do/ /blo bur du zlog par byed pa ni bya ba bral bas so/ /gdong 'jig pa nyid kyang brjod pa'i tshig rnam par gtang nas gzhan nyid smra bar byed do/ /sgra ji bzhin pa'o/ /de rnams kyis khyim du rang rang gi mtshan ma rdo rje'i rnam pa me longs dang bcas pa dang/ 'khor lo dang/ rin po che dang/ chu skyes dang/ ral gri dang/ bde bar gshegs pa rnams kyi me long dang bcas pa zhes pa 'o/ /rang gi mtshan ma ni rigs kyi mtshan ma'o/ /de bris pa ni me long ste/ me long gnas pa rdo rje rnal 'byor ma rnams kyi'o/ /sgra ji bzhin pa'o/ /nam mkha' la skyes pa gang yin pa rnams kyi rgyal mtshan dang/ mdung thung kha sbyor ro/ /dgra sta dang/ mdung rtse gsum yang dag par ldan pa de ma mo'i rigs las skyes pa rnams kyir shes par bya'o/ /'dir snga ma phyed kyis rnal 'byor ma rnams rtogs la/ phyi ma phyed kyis ma mo bdun pa'o gzugs so/ /rgyal mtshan dang mdung thung kha sbyar ni rdo rje pad+ma sbyor ba'o/ /mkha' la 'gro ba ni/ /me long rnams las te/ de bzhin
- 334b
du dgra sta dang yang dag par ldan pa'i me long ngo/ /sgra ji bzhin pa'o/ /de nas 'di las gsang mchod kyi/ /go cha'i rim pa rab 'tshed byed/ /gang gis rnam par shes tsam gyis/ /rnal 'byor pa rnams dngos grub 'gyur/ zhes rang byin gyis brlabs pa gsungs te/ rang byin brlab pa'i go 'phang dga' / /sangs rgyas mu stegs can la gsang/ /'di ni gsal bar bya min gsang/ /zhes bla mar ro/ /lugs 'byung lugs las bzlog pa yi/ /pho nya rnams ni yang dag gnas/ /rtag tu 'og stang dngos grub ster/ /bdag dang pho nya mo kun nas/ /lha mo mthong dang reg pas kyang/ /pho nya mo de dngos grub ster/ /gang zhig nyin mtshan du bsten pa/ /de ni 'grub 'gyur the tshom med/ /ces pas 'jig rten dang 'jig rten las 'das pa'i sgrub thabs gsungs so/ /pho nya mo rnams ni nu ma dang skrar ldan pa/ zhi ba la sogs pa'i mngon par dbang bskur pa/ dngos grub sbyin pa ni 'jig rten pa'i gzugs yongs su bsgyur ba gsum sbyin pa'o/ /bdag dang pho nya mo ni mngon par dbang bskur ba/ de kho na nyid shes pa nyid kyis las kyi phyag rgya pho nya mo nges par 'joms pa'o/ /chos kyi phyag rgya dang/ phyag rgya chen po'i rgyur gyur pa'i ye shes zhes bshad pa'i dngos grub ster ba dang/ /phyag rgya chen mo dang dam tshig gi phyag rgya'i rgyur gyur pa ston kha'i nam mkha' dang mtshungs pa'i lnga mo gsum po rnams kyi sku rnams kyis rtse bar byed pa dam tshig gi phyag rgya bsgom par bya zhing shes par bya'o/ /nyin dang mtshan mor ni shes rab dang/ thabs dpal bla ma'i zhal las so/ /'grub 'gyur ni sangs rgyas nyid du nye bar 'gro ba'o/ /pha rol tu phyin pa'i tshul du yang/ /dngos med dngos kyi med pa'ang/ /des kyang sangs rgyas nyid du brjod ces so/ /sgra ji bzhin pa'o/ /rigs sum cu rtsa drug gi pho nya mo gang yin pa de rnams 'o byed pa dang/
- 335a
'khyud pas rab tu 'bad pas bsgrub par bya'o/ /rnal 'byor gnas kyi khyad par las/ zhes pa ni rigs gsum cu rtsa drug po rnams kyi rigs ldan ma ni sum cu rtsa bdun pa'o/ /de bzhin du rtsa ba'i rgyud du yang/ / 'dir rdo rje phag mo ni rigs ldan ma'o/ /rigs med ma ni g.yung mo'o/ /mkha' 'gro ma ni/ dmangs rigs ma'o/ /lA ma ni rgyal rigs ma'o/ /dum skyes ma ni rje rigs ma'o/ /gzugs can ma ni bram ze'o/ /bya rog gdong ma ni kla klo/ ma'o/ /'ug gdong ma ni phyag brdar mkhan ma'o/ /khyi gdong ma ni gdol pa mo'o/ /phag gdong ma ni stag gzig ma'o/ /gshin rje bsreg ma ni ri khrod ma'o/ /gshin rje pho nya mo ni b+hil+li'o/ /gshin rje mche ba mo ni spos mo'o/ /gshin rje 'joms ma ni smyon thabs ma'o/ /rab tu gtum mo ni mda' mkhan ma'o/ /gtum mig ma ni chang 'tshong ma'o/ /'od ldan ma ni phreng mkhan ma'o/ /sna chen ma ni gser mgar mkhan ma'o/ /dpa' bo'i blo gros ma ni khron pa mkhan ma'o/ /mi'u thung ma ni 'od ma'i gar mkhan ma'o/ /lang ka'i dbang phyug ma ni 'khar ba mkhan ma'o/ /shing grib ma ni nor bu mkhan ma'o/ /sa srungs ma lcags mkhan ma'o/ /'jigs byed ma ni rgya skyegs mkhan ma'o/ /rlung shugs ma ni srin bal mkhan ma'o/ /chang 'thung ma ni til mar mkhan ma'o/ /sngo bsangs lha mo ni 'breg mkhan ma'o/ /shin tu bzang mo ni ko lpags mkhan ma'o/ /rta rnam ni shing mkhan ma'o/ /bya gdong ma ni gling bu mkhan ma'o/ /'khor lo'i shugs ma ni shan pa ma'o/ /dum skyes ma ni mkhur mkhan ma'o/ /chang 'tshong ma ni tshem bu ma'o/ /'khor lo'i go cha ma ni gar mkhan ma'o/ /shin tu dpa' mo ni btso blag mkhan
- 335b
ma'o/ /stobs chen ma ni nyal ma'o/ /'khor lo sgyur ma ni rdza mkhan ma'o/ /brtson 'grus chen mo smad 'tshong ma'o/ /zhes so/ /'di rnams kyi khyim yang gnas la sogs pa'i ming du rig par bya'o/ /de'i phyir grong khyer chen mo gcig nyid na ? te/ de rnams mchod par bya'o/ /de'i phyir yang de don du gnyer ba bos yul skor bar mi bya'o/ /mngon brjod du yang/ nyi shu rtsa bzhi'i dbye ba yis/ /gnas gang 'di sa bon gnas/ /de phyir skor ba de nyid kyis/ /skye bo'i bya ba don mi gnyer// gal te de nyid dman gyur na/ /de rnams bskor bas ci zhig bya/ /ci ste de nyid ldan gyur na/ /de rnams skor bas ci zhig bya/ zhes so/ /lo dang 'khyud pas zhes pa ni/ bla mar yang de bzhin lo dang 'khyud pa yis/ /rnam pa sna tshogs dga' pa rnams/ / b+ha gar ling ka rab sbyor bas/ /rnam par smin pa'i ye shes mchog /rnam nyid phyag rgya nye bar byed/ /mtshan bral nges par mtshon par bya/ /dang po dga' ba'i ye shes te/ /mchog tu dga' ba yang dag ldan/ /rab dga' i dga' ba dngos grub che// lhan cig skyes pa'i dga' ba mchog ces dgongs pa'o/ /rab tu 'bad pas ni 'dod pa'i bstan bcos su gsungs pas so/ /rgyud gzhan du yang/ mchod pa'i don du 'dod pa'i bstan bcos yon tan mang po'i gnas ni rnal 'byor pa yis rig par bya/ /shin tu dga' bar gyur kyang rnal 'byor ma rnams rnal 'byor pa la mchi ma dngos grub sbyin mi 'gyur/ zhes so/ /rnal 'byor gnas su ni/ gsang bar te khyad par las so/ /rdo rje bdud rtsir yang/ byed pa bcing ba'i sbyor ba yis/ /sa gsum po ni bsgrub par bya/ /khyogs dang grub mo yis kyang ni/ /de bzhin shin tu rab brgyad nyid ces so/ /rdo rje a ral+li rgyud du/ ji srid mi 'dzag de srid du/ /pad+mar rdo rje gzhug bya min zhes so/ /pad+ma chen po der phyin nas rdo rje gzhug
- 336a
par bya'o/ zhes pa dgongs pa'o/ /ji srid rnal 'byor tshogs pa nyid/ /dngos grub thams cad byed par bshad/ /ji srid rdo rje mkha' 'gro rnams/ rnal 'byor pas ni bsgrub par bya zhes so/ /sbyor dang kun sbyor de rjes so// yang dag gzung nas tshogs pa nyid/ /'dod khams gnas pa'i bud med/ ces pa'i don no/ /de bzhin du lha mo dang klu mo dang/ de bzhin 'dab chags mo dang lha min mo dang mi yang ste/ rgyud gzhan du yang/ sbre mo dang ni khyi mo yang/ bod mo de bzhin rnga mo skyes/ /ri dags mo dang ra ma nyid/ /pag mo ba men las byung ba/ /bdag nyid he ru ka kho nas/ /'dod par bya'o zla drug gis/ /'grub 'gyur 'dir ni the tshom med/ /sgra ji bzhin pa'o/ /rdo rje mkha' 'gro ma rnams ni/ rgyud sna tshogs su gsungs pa'i lha mo rnams so/ /sgra ji bzhin pa'o/ /ma dang sring mo bu mo dang/ chung ma pho nya mo can gnas zhes so/ /thams cad bsten pa gsungs pa/ shes rab kyi pha rol tu phyin pa ni rdo rje dbyings kyi dbang phyug ma'o/ /rdo rje mkha' 'gro ma ni reg bya rdo rje ma'o/ /dgongs pa'o/ /pho nya mo de dbang gyur las kyi phyag rgyar 'gyur zhing gsang ba'i mi mo gzhan gyi bud med dam tshig ste/ rang dbang chos kyi phyag rgya yul ni mang po la dga' rang gi chung ma ye shes phyag rgya'o/ /don dam pa'i bsnyen par yang/ de bzhin 'dir ni ldan khyod med pa brten par bya/ /ji ltar chags pas mngal ni 'dzin par mi byed de/ /mngal nas 'dod min skye ba'o kha na ma thor 'gyur/ /skye bo'i kha na ma thos 'jig rten pha rol nyams zhes so/ /gang gi sngags 'di sbyin byed pa/ /gang yang de yi cho gar 'gyur zhes pa ni bsten pa'i 'bras bu gsungs pa'o/ /gang la sngags gang yod pa de shin tu chags pa las de'i ye shes dga' bar ston
- 336b
par byed do/ /de'i ni sgrub pa po'i dngos grub kyi cho ga de nyid du 'gyur ro/ /gsal lo/ /de nas rnal 'byor rgyud du ni/ /rnyed dka' i dam tshig nga yis bshad/ /he ru ka dpal rnal 'byor mchog/ ma byung 'byung bar mi 'gyur ro/ /zhes so/ /rnal 'byor rgyud rnams su ni sangs rgyas thod pa'i rgyud du yang/ rnal 'byor gyi rgyud ni nges par bye ba phrag drug go /rnal 'byor ma'i rgyud ni bye ba phrag bcu drug go zhes so/ /dpal he ru ka ni gnyis su med pa'i ye shes nye bar bstan pa'o/ /bla mar yang/ rdo rje theg par nyer bstan pa'i/ /dag de dngos grub go 'phang nyid ma thos pa yi chos bstan pas/ /sems can srid las grol bar 'gyur/ /bstan bya bla med ston byed pa/ /mi snang la sogs grub par byed/ /'jig rten gsum na gang cung zad/ /de kun skad cig las grub 'gyur zhes so/ /rnal 'byor ni/ ye shes kyi sku ste sku bzhi 'chang ba'o/ /gzugs brnyan gyi chos kyi gzugs nyid kyis/ byams pa la sogs pa rnams kyis blta bar bya ba'o/ /longs spyod rdzogs pas gzugs can rnams dang/ mkha' la rgyal ba'i sras sogs dgra bcom rnams la chos sku yis zhes pa chos kyi rang bzhin gyi sku rnams kyi ye shes kyi 'od zer spro bar byed do zhes pa'o/ /de'i phyir longs spyod rdzogs pa nyid ni/ nyan thos dang lha dag gi blta bar bya ba ste/ 'og min la sogs par ro/ /de bzhin du sprul pa ni mi rnams kyi blta bar bya ste/ rdo rje btsun mo'i b+ha gar sems can rnams smin pa'i don du'o/ zhes gsungs so/ /dgongs pa'o/ /rtag par dngos grub rnams kyi rgyu/ /dam tshig rnams kyang smyong ba dang/ pho nya mo gzhan rigs byung ba/ /'dod la chags pa 'dod mi bya/ /gnyis su med dang thogs pa med/ /dam tshig rnams ni spyod pa dang/ /mi mo'i spyod pa legs par srub/ /tshangs par spyod pa'i de bzhin zhal/ /'dren
- 337a
pa'i rtsa yi kun spyod de/ /'di brgyad dam tshig yin par bshad/ /rnal 'byor pa gang de srung byed/ /myur du dngos grub de thob 'gyur zhes so/ /dngos grub rnams ni 'dod pa dang/ gzugs dang phyag rgya chen po'i dngos grub rnams te 'dzag pa dang/ g.yo ba dang/ mi g.yo ba'i bde ba'i mtshan nyid rnams te/ /'dod pa lnga la nye bar longs spyod pa'i skye bo rnams kyi rgyu'i byang chub kyi sems rtag tu sangs rgyas nyid kyi rgyu zung 'jug ma nyams pa'o/ /zhes pa'i don no dgongs pa'o/ /dam tshig ni khu ba'i thig le bzhi rnams so/ /de rnams shes rab la chags pas 'ongs pa rnams gsang bar srung bar byed pa'o pho nya mo ni rigs ldan ma dor nas/ /phyi rol gyi don du mkha' 'gro ma la sogs pa rnams bsgom par mi bya'o zhes so/ /'dod la rnam par rmongs pa yis/ /pho nya mo rnams gzhan kun sbyor 'gro zhes klog pa ni gzhan no/ /gnyis su med pa ni thig le bzhi po rnams nya'i mthar gnyis su med pa'i rnam par byed pa'o/ /thogs pa med pa'i dam tshig rnams kyi spyod pa ni// dga' ba bcu drug gi rang bzhin 'gyur ba med par rab tu zhugs pa'o/ /mi mo'i spyod pa legs par srub pa ni/ shes rab kyi pha rol phyin ma kun du bzang mo ni/ mi mo'i de'i spyod pa bzhi ste/ gsungs pa yang/ bstan pa rnams kyi spyod pa bzhi zhes te/ byang chub sems dpa' so so rnams kyis sems can gyi don du/ de rnams la rtag tu bde ba'i sems so zhes so/ /brtse bdag gzhan gyi don brtson ldan/ /gnas med gnas la dga' ba nyid/ ces mdo sde rgyun du'o/ /zhal ni rdo rje'i sgo ru'o/ /tshangs par spyod pa ni rtag tu mi 'pho ba'i tshul khrims so/ /'og tu son pa bzhi po rnams kyi rtsa'i kun spyod ni/ mkha' 'gro gdong gi kun spyod la ste/ rdo rje nor bu las bkug nas khu ba steng du 'gro ba zhes pa nges pa'i
- 337b
don no/ /'og min gyi sring pa'i mthar thug pa'i dngos grub kyi rgyu rtag tu smon pa dang 'jug pa'i byang chub kyi sems bskyed pa'o/ /dam tshig ni myos byed dang go ku la sogs pa dang/ rigs ma yin pa la sogs pa la 'gro ba de rnams yul dang rigs kyi tha snyad kyis srung bar byed pa'o/ /rigs gzhan zhi ba la sogs pa'i mngon par dbang bskur ba de sangs rgyas pa'i dam tshig sun 'byin pa gzhan gyi dam tshig spyod pa rnams 'jig rten pa'i dngos grub kyi don du 'dod par mi bya'o/ /gnyis su med pa ni pho nya mo dang dpa' bo dag gi dus gcig tu bde ba byang chub sems kyi ro myang ba'o/ /thogs pa med pa ni bsten pa rnams dang dam tshig rnams kyi spyod pa sngags la sogs pa spro bar byed pa'i lnga la sogs pas gzhom par mi nus pa'o/ /mi mo'i spyod pa legs par srub ni/ /rigs thams cad la skyes pa de rnams la 'khrig ba byed pa'i rgyu'o/ /tshangs par spyod pa ni bde ba de bzhin zhes pa srub pa zhal rdo rje'i khar rtogs par bya'o/ /'dren pa mi byang chub kyi sems 'dzin pa ste/ rgas pa la sogs pa 'joms pa'i ched du'o/ /dam tshig brgyad po 'di rnams ni/ /'jig rten bya ba spangs nas ni/ /shin tu mnyam bzhag brkyang bar bya/ /myur du dngos grub thob par 'gyur/ zhes pa de bzhin gshegs pa'i nges pa'o/ /sgrub pa yang dag rnam gnas pas/ /sgrub pos rtag tu shes par bya/ /zhes klog ba ni gzhan no/ /drang ba'i don no/ /thun mong rgyud rnams thams cad du/ /gtan tshigs des ni gzhom mi bya/ /dad pa tsam gyis blang bya yi/ /mig dang lag par ma yin no/ zhes pa bsnyen pa la don smod par byed pa 'dis ci zhig ces rigs pa rnams kyis gzhan du ma yin no/ /gsungs pa yang/ rdzas kyi nus pa bsam mi khyab ces gsungs so/ /de phyir sangs rgyas nyid thob par 'gyur zhes so/ /bdud rtsi lces blang bar gsal lo/ /dag dang ma dag rnam dga'
- 338a
sgrub po rnam pa gsum du gnas/ /mnyes byed rnam par dag pa dang/ /gsal byed yon tan ldan pa'i mi zhes pas slob ma rnam pa gsum gyi mtshan nyid gsungs te/ dag pa ni thar pa don du gnyer ba rang gi lus la sogs pa gtong ba'o/ /ma dag pa ni rang lhag par gnas pa'i don du gnyer ba'o/ /rnam par dag pa ni phyag rgya dang dkyil 'khor la sogs pa don du gnyer ba de nyid bla ma mnyes par byed pa'o/ /gsal byed ni dbang po 'bring pa'o/ /yon tan ldan pa ni rin po che'i gang zag bden pa don du gnyer bar gsal lo/ /sgrub pos gsum po 'di rnams la/ /mchod pa bya phyir brnyas mi bya/ /sgrub pa po rnams brnyas mi bya/ /mchod par bya zhing gus par bya zhes so/ zhes pas bla ma dang sems can dag mnyes par byed pa gsungs so/ /slob dpon ni 'jig rten las 'das pa'i kun du spyod pa shes pa nyid kyi phyir ro/ /bla mar yang kun spyod rnal 'byor ma rnams dang/ /de bzhin nyid du mkha' 'gro ma/ /ma mo phyi yi phyag rgya rnams/ /phag mo'i rigs las yang dag byung/ /lung dang grub pa'i bstan bcos rnams/ /de bzhin med yi mthar skyes rnams/ /bla med go 'phang kun du spyod/ /shes rab pha rol phyin 'byung ba zhes so/ /slob mas phyir brnyas par mi bya ba/ mchog dang po'i brtag par yang/ /gal te slob ma phyir zhing de/ /slob dpon la ni gang brnyas pa/ /des ni sangs rgyas kun brnyas pas/ /rtag tu sdug bsngal thob par 'gyur zhes so/ /gur gyi rgyud du yang bla ma'i grib mchung ma dang/ mchil lham stan dang sngas rnams la/ rmongs chen gang zhig 'gom byed na/ /mi de rnams ni spu gri'i so/ /gang tsha dbang bskur mchog thob pa'i/ /slob ma bla ma'i bka' 'goms pa'ang/ /'jig rten 'di ru sdug bsngal 'gyur/ /'jig rten pha rol dmyal bar gnas/ /sgyu dang
- 338b
g.yo yi rab sbyor gyis/ /gus pa log par gsal byas nas/ zag byed mdze dang nad chen dang/ dmyal ba la sogs rnams su skye/ /de ltar shes nas slob ma des/ /bla ma la gus mchog tu gzhol/ /bla ma'i bka' ni rab skyod byed/ /dngos grub rgya chen 'grub par 'gyur/ /'dir rnal 'byor ma'i rgyud rdo rje gur du yang/ /shes rab pha rol phyin pa'i thabs/ /'di ni rnal 'byor mar brjod de/ /phyag rgya chen po rab sbyor bas/ /gang phyir de nyid rgyud du byed ces so/ /sgrub pa po legs pa rnams mchod par bya yis rnam par 'tshe bar mi bya'o/ /de bzhin du yang gsungs pa/ /sems can kho na rdzogs sangs rgyas/ /sangs rgyas pa yi 'dod pa'i lha/ /gsal lo/ dam tshig dang slob ma yongs su brtag pa'i cho ga'o// //de nas rnal 'byor dngos grub rnams// sgrub pa'i mtshan nyid dbye shes nas/ /myur du dngos grub rab 'jug pa'i/ /spyod pa'i brtul zhugs bshad par bya zhes pa ni spros pa dang bcas pa dang/ spros pa med pa dang/ shin tu spros pa med pa'i dbye bas rnam pa gsum lus dang sems kyi gsang sngags kyi sgo'i spyad pa spyod pa po rnams kyi'o/ /de'i spyod pa'i brtul zhugs ni 'jug pa'i bye brag go /dngos grub ni 'di nyid du mkha' la spyod pa'o/ /mtshan nyid dang dbye ba ni rnal 'byor ma'i brda dang/ rigs dang kun tu spyod pa la sogs pa'o/ /grong dang grong du de song nas/ /pho nya kun tu rnam par gnas/ /pho nya ral gri'i so bstan dang/ /dag byed sdig pa 'jig byed pa/ /rtag tu rab myos mar gsungs pa/ /rnal 'byor pa grong dang grong khyer la sogs par song ba ste kun spyod du yang ji ltar he ru ka dpal shes/ /ji ltar 'dod bzhin yongs su rgyu zhes so/ /rnal 'byor ma de'i mchod pa dang hUM gi gzugs dang/ brda dang brda can dang/ khyim lnga la sogs pa'i grong du gnas pa nyid kyi 'khor lo'i rnal 'byor
- 339a
ma rnams bsgrub par bya ste/ gang las thams cad du g.yon ma'i 'jug par 'gyur ba lhur len pa'o/ /ral gri'i so ni rnam par 'joms pa'i mtshan nyid do/ /gang las mchod par byas pa dang mchod par 'dod pa nges par sreg par byed do/ /nges par rlom pa'i zhes pa'i don no/ /sgra ji bzhin pa'o/ /pho nya mo 'khrig pas legs par 'grogs pa las sgrub pa pos dngos grub thob par 'gyur/ /bzlas brjod bsam gtan sogs bral bas/ /yun mi ring bar nyid grub byed/ /rnal 'byor pa rnams sngags phyag rgya/ /sna tshogs mchod pa rab 'jug pa/ /rdo rje mchod pa las gzhan med/ /spyod pa'i brtul zhugs bla na med ces so/ /bsten pa'i 'bras bu gsungs pa dngos grub skad cig gcig gis rdzogs par byang chub pa'o/ /bla mar yang/ rnal 'byor bzang mo'i spyod pa yis/ /gnyis med ye shes sems ldan pas/ skad cig gcig gis rdzogs byang chub/ /mchog tu rtag pa thob par 'gyur zhes so/ /yun mi ring ba ni skad cig gcig gis sgrub par byed pa ste/ mthar thug pa'i rten yongs su gyur pa'i sangs rgyas nyid rdo rje'i mchod pa bud med dang 'grogs pa'o/ /bcom ldan 'das kyis kyang gsungs pa/ phyag rgya rab tu 'grogs las shin tu rnam dag bde ba nyid/ /yang dag thob ste dmyal ba'i sdug bsngal 'jig par byed/ /skye ba 'di nyid la yang rang gi lus kyis ni/ /bdud ni bcom pa de dang 'di la ngo mtshar ro/ /bud med skye gnas 'grogs las ma nyams bde ba ni/ /skal ldan rnams kyis de thabs sbyor bas glang bar gyis zhes so/ /pho nya'i lam la dga' ba ni dag pa'o/ /sgrub pa po ni dngos grub brtson/ /tsA ru rtag tu bza' bar bya/ /rig mas lhan cig de nyid 'chang zhes so/ /kha sbyor 'byung
- 339b
pa'i rgyud du yang/ /mi khyi'i skyugs pa bsres dang sha/ rdo rje'i chu dang sbrang rtsir ldan/ /rnam snang mdzad dang kun du bsres/ /rnal 'byor pas ni rtag tu bza' zhes so/ /de nyid 'chang ni de'i de nyid stong pa nyid dang snying rje tha mi dad pa de 'chang ba'o/ / dgongs pa ma yin pa'o/ /dag pa'i spyod pa'o/ /rigs rnams kun la spyad par bya/ /bza' min par ni mi brtag go /dbyer med pho nya mo de yi/ /de nyid las kun rnam par gnas zhes bya ba la sogs pa'i spros pa med pa'i spyod pa gsungs te/ rigs kun la ni rigs lnga po rnams la'o/ /dbyer med ni rnam par rtog pa med pa'o/ /de nyid las ni rang bzhin las so/ /kun du rnam par gnas pa ni mthong ba'o/ /sgrub pa rnam pa gnyis rab brjod/ /pho nya mo gcig po 'di las gzhan sna tshogs gzugs dang/ /pho nya mo de bskul ba'i dngos grub yang dag par gnas pa'o/ /'di yang pho nya mo gcig mtshan nyid thams cad dang ldan pa las gzhan sgrub pa po la gus pa sna tshogs gzugs dang/ /gnyis pa phyag rgya chen mo'o/ /gsungs pa yang/ byang chub sems dpa' shes rab kyang/ /yang dang yang du bsten bzhin pa/ rnal 'byor gdon mi za bar skyes zhes so/ /dngos grub yang dag par gnas pa la ni dngos grub la rgyu mtshan gnyis 'dir gsungs pa/ bla ma brgyud rims las thob pas/ mngon par dbang bskur sngags legs ldan/ /phyag rgya kun sbyor las tshul khrims/ /yongs rdzogs ye shes lus la skye/ /zhes pa tshogs gsum nges par ston par byed de/ bla ma brgyud pa dang drug rdzogs pa dang 'khor lo skyes pa'i bsod nams so/ /rim pas thob pas ni bsod nams kyis so/ /mngon par dbang bskur ni bzhi pa thob pa'o/ /legs sngags ldan ni rgyu dang 'bras bu gnyis su med pa 'dis so/ /bla ma rnams
- 340a
kyi rjes su zhes pa 'dis bsod nams dang ye shes kyi tshogs gsungs so/ /tshul khrims ni tshul khrims kyi tshogs te tshul khrims kyi spyod pa'o/ /gsungs pa yang tshul khrims spyod pa dri med yongs rdzogs pa/ rtag tu med pas? skyon med spyod pa ni zhes so/ /gsungs pa yang tshul khrims kyi tshogs kyi don du bud med rnams kyi mkha' i pad+mar smad par mi bya'o zhes so/ /yongs su rdzogs pa'i tshogs gsum po rnams kyi ye shes lus skye ste thams cad mkhyen pa nyid do/ / gsungs pa yang/ /tshogs gnyis yongs su rdzogs pa ni/ /byang chub sems dpa' rab tu brjod/ /tshogs gsum yongs su rdzogs pa ni/ /ston pa thams cad mkhyen par brjod ces te sgra ji bzhin pa'o/ /nang par sngar langs sems bdag nyid// lus la ma lus byas nas ni/ /yan lag las 'das mtshon cha rnams/ /lus la gnas pa kun tu spyod ces pas dpa' bo'i rim pas spyod pa gsungs te/ sems bdag ni rdo rje mkha' 'gror gsungs pa'i dgongs su gsol zhes bya ba la sogs pas rdo rje sems dpa' i sdom pa gzung ba'o/ /rdo rje rtse mo'i rgyud du yang gsungs pa/ sems ni ma skyes pa la yang/ /dngos grub 'da' yang thob mi 'gyur/ /dpal 'dus par yang 'di lta ste/ dngos po thams cad dang bral ba phung po thams? dang skye mched dang/ /gzung bya 'dzin pa po spangs pa/ /chos bdag med pa mnyam nyid pa/ rang sems gdod nas ma skyes pa/ /stong pa nyid kyi rang bzhin no zhes so/ /lus pa ni dum bu'o/ /ma lus pa ni lus pa med pa ste/ byas nas na so sor byin gyis brlabs pa'o/ /'di lta ste kun spyod du gzugs kyi phung po la rnam par snang mdzad do/ /tshor ba'i phung po la rdo rje nyi ma'o/ /'du shes kyi phung po la pad+ma gar gyi dbang phyug go /'du byed kyi phung po la rdo rje rgyal po'o/ /rnam par
- 340b
shes pa'i phung po la rdo rje sems dpa' o/ /de bzhin gshegs pa thams cad nyid la dpal he ru ka rdo rje'o/ /mig dag la gti mug rdo rje'o/ /rna ba dag la zhe sdang rdo rje'o/ /sna dag la phrag dog rdo rje'o/ /kha la 'dod chags rdo rje'o/ /rig la ser sna rdo rjes skye mched thams cad la dbang phyug rdo rje'o/ /sa'i khams la ltung byed ma'o/ /chu'i khams la gsong byed ma'o/ /me'i khams la 'gugs byed ma'o/ /rlung gi khams la gar gyi dbang phyug ma'o/ /nam mkha' i khams la pad+ma'i dra ba can ma'o/ /de ltar phung po dang khams dang skye mched rnams la lha'i nga rgyal bskyed par bya ste thams cad la'o/ /bla mar yang/ lung dang bral ba'i rnal 'byor pa/ /sangs rgyas rigs can 'byung bar 'gyur/ /lung ni dor bar mi bya shing/ /dkon mchog gsum shes dor mi bya/ /thogs med lus la gnas pa ni/ /bstan bcos bshad pa mthong ba'i phyir/ /ril bu kha ru gzhug par bya/ /lus kyi dag byed byas nas ni/ /de nas phyag rgya kun du spyad ces so/ /dag byed byas nas ni rang gi lhag pa'i lha'i rnal 'byor gyis so/ /yang na dang por gsang sngags brjod par ste/ /oM swa b+hA ba shud+d+ha(rgyud 'grel): sarba d+harmma(rgyud 'grel): swa b+hA shud+d+ho haM zhes bsam par bya'o/ /rang gi snying gar ra yig bskal pa'i me ltar bsgom par bya'o/ /de las byung ba'i rdo rje nyi ma 'bar ba'i phreng bas 'khrugs pa/ de'i steng du hUM chen po 'jig pa'i me dang mtshungs par 'gyur ro/ /rdo rje des slar yang rdo rje las byung ba'i he ru kar bsam par bya'o/ zhes bshad pa'i rgyud du'o/ /phyag rgya kha cig la sogs pa/ /rnal 'byor gnas rnams nges bstan bya/ /mtshon char brjod la bgos mi bya/ /dam tshig gnas gang smad mi bya/ /mngon par brtson las 'da' mi bya/ /de yis lhan cig bde ba bya/ /grol ba'i don du bde ba gzung zhes te/ mngon par brtson pa
- 341a
ni sgrub pa dang ldan pa'o/ /de yis ni mkha' 'gro ma rnams kyis so/ /bde ba gzung bar bya'o/ /grol ba'i don ni skye ba 'di kho na la bde ba byang chub kyi sems te/ rnal 'byor gyi rgyud du yang gsungs pa/ /dngos grub kun gyi gtor gyur ba/ /byang chub sems ni lhung gyur na/ /phung po rnam shes brgyal gyur la/ /dngos grub smad med ga la yin zhes so/ /da ni dur khrod la sogs par mtshon mo rgyu ba gsungs pa/ de nas dam tshig sbyor byas nas/ /slar yang rnam 'khrul sems dpa' nyid/ /mtshan mo gcer bur yongs su rgyu/ /rtag tu gnag dang dmar bar 'gyur zhes bya ba la sogs pas thog mar rang gi khyim du mnyam par gzhag pas dam tshig gi spyod pa spyad par bya'o/ /kun spyod du yang dang por mnyam gzhag rnal 'byor pas/ /'bad de nus pa bskyed par bya/ /nus pa bskyed pa'i rjes thogs la/ /yid la 'dod pa'i brtul zhugs spyad/ /sems can rjes su gzung ba'i rgyur/ /dpa' bo chen po rgyu bar byed ces so/ /rnam 'khrul sems can thams cad ni/ /rnal bar 'khrul pa'i gnas skabs kyi lus kyi bya ba'o/ slar yang bsam gtan las nus pa bskyed nas/ /phyi nas spyod pa kun du brtsam mo/ /rang sems bskul ba'i don gyi phyir/ /yid ni brtan nam g.yo 'am ci nag po dmar po ni/ /nag po he ru ka/ dmar po phag mo'i dngos por 'gyur ro zhes pa drang pa'i don no/ /nag po 'jigs pa'i phung por gnas pa de'i tshe ma chags pa thams cad steng pa bsgom pa ba'o/ /nges pa'i don no/ /mgul rgyan gtsug phud dpung rgyan dang/ /rna rgyan tshangs pa'i skud pa can/ mgrin par mgo bo'i phreng ba 'phyang/ /'og pag sil sil sgra sgrogs pa/ ral pa'i cod pan dar dpyangs dang/ sgra sogs phyin ci log gis brgyan/ /rdo rje pad+ma kha TwAM bcas so//
- 341b
cang ti'u hUM gi sgra sgrogs pa zhes so/ /dpal ldan rgyal gu gzhon nu'i brtul zhugs kyi lam gsungs pa/ rdo rje pad+ma bcas pa ni/ rdo rje a ral+lir yang/ shing las byung ba'i rdo rje byas/ /de bzhin shing byung dril bu ni/ /gzung nas rtag tu yongs su rgyu/ /he ru ka nyid rab sgrub ched/ /mi yi rus pa'i mgu ba'i rgyan/ /sogs byas ral pa'i cod pan sogs/ /phyin log re'i skra las skyes zhes so/ /dpa' bo kun dang rnal 'byor ma/ /go cha gsum gyis brgyan pa dang/ srog chags yan lag pags pa gyon/ /bde ba don gnyer bde bskyed bya/ /mchod phyir thogs pa spangs nas ni/ he ru ka dpal gtsang sbrar gnas/ /phyag rgya lnga dang yang dag ldan/ /sgrub pa po ni dngos grub brtson zhes so/ /dpa' bo zhes pa ni dpa' bo nyi shu bzhi rnams kyis lus kyi khams la lhag par gnas par bya'o/ /gsungs pa yang/ thod pa'i dum bu la sogs kun/ /lus kyi khams la brtags pa'o/ /go cha gsum ni shes rab dang thabs dag gi go cha gnyis so/ /dpa' mo rnams kyis yang spyi bo la sogs par rab gtum ma rnams so/ /zhes 'di nyid du 'chad par byed do/ /de bzhin du yang spyi bor rab gtum ma'o/ /spyi gtsug tu gtum pa'i mig can ma'o zhes pa la sogs pa'i nga rgyal brjod la bsam par bya'o/ /rgyud du lhag par gnas pa las gzhan dpa' bo drug shes rab dang thabs su gsungs so/ /dpa' bo rnams brjod par bya ste/ de bzhin du bla mar yang san mo dang so dag la thod pa'i dum bu'o/ /skra dang spu dag la keng rus chen po'o/ /pags pa dang dri ma la rkeng rus so zhes bya ba la sogs pa lha mo rnams dgod pa bzhin du rtogs par bya'o/ /de ltar bdag nyid rnams bsams nas/ /tsham ngam sngags kyis legs par bsrung/ /rkang pa brgyad pa'i sdangs nyid ldan/ /tshangs par spyod pas rtag
- 342a
tu bza' zhes gsungs so/ /srog chags ni stag go /bskyod par bya ba ni 'gro ba'o/ /bde ba ni ji lta ba bzhin 'gyur ro/ /drang ba'i don no/ /rnal 'byor bde ldan sdug bsngal bral zhes so/ /mchod phyir thogs skad pa las skyes pa yang dag par spangs nas/ skra las skyes pa bcing bar bya'o/ /gtsang sbrar 'di dag dpal he ru ka'i rgyud du rnam pa gsum du gnas so/ /thal ba dang ni mchod phyir thogs/ /dus kun du ni rnam par gnas/ /rigs dang rigs min por mi blta/ /gtsug tor 'ching bar byed pa spang/ /zhes pa'i rigs ni bram ze la sogs pa'o/ /rigs ma yin pa ni gtum mo la sogs pa'o/ /gtsug tor la sogs pa 'ching bar byed pa'o/ /rigs dang rigs ma yin pa rang bzhin gcig pa dang gcer bu dang skra grol ba yang ngo/ /sgra ji bzhin pa'o/ /pho nya gtsang sbra dang po ste/ /gnyis pa zla ba yin par 'dod/ /gsum pa rnal 'byor ma lhan cig /zas gcig tu ni za ba yin/ /zhes pho nya mo nyid kyis lhan cig pa'o/ /rdo rje a ral+li ru yang/ gzugs dang lang tsho phun sum tshogs/ /tshul khrims kun spyod yon tan ldan/ /phrag dog rmongs chags la sogs spang/ /de bzhin sgrin zhing ngo cha shes/ /bla mar yang/ rang nyid gsang sngags rig pa ste/ /thabs gcig rig pa'i brtul zhugs spyad ces so/ /zla ba ni myos byed do/ /kun spyod du yang/ zla ba 'thungs nas rtag pa yis/ dngos grub go 'phang mchog tu 'gyur zhes so/ /bla mar yang/ bshad pa sha chen zos nas ni/ /dga' ba lhan cig myos byas 'thung/ /sems gnas 'chi med khang pa ru/ /'dren pa dpa' bo bsgom par bya/ /sgrub po gtsang sbra 'dri yis ni/ /dngos grub rtag pa thob par 'gyur/ /gtsang sbra 'di tsam nyid kyis ni/ /rnal 'byor pa rnams kun
- 342b
du 'gro zhes so/ /yan lag dang/ mgo bo dang/ yid 'dis dngos grub dri ma gsum dang bral ba'o/ /chu la sogs pa gzhan gyis ni ma yin no/ /bshad pa'i rgyud du yang zla ba nya dang 'phos pa dang/ /tshes dang chos la brtag par bya/ /rnal 'byor dri pa bsal pa'i khrus/ /bya'am yang na mi bya'o zhes so/ /bya ba gzhan la sogs pa yang gsungs pa brjod pa bzlas pas kun du bshad/ /yan lag bskyed sogs phyag rgya ste/ /lha yi rnal 'byor dmigs nas ni/ /gang phyir rtag tu gnas par bya/ /nang du brjod pas ci zhig bya/ /'jig rten bya ba gang la gnas/ /rdor sems go 'phang thob don du/ /phyin ci log gis gnas par bya/ /rigs bzhi la ni slongs mo spyad/ /mkhas pas bru ba chag par ni/ /bza' bya chu klung 'gram du ni/ / rang sems rab tu gsal bar bya/ /byi la'i rkang pa tsam gyis ni/ /bsod snyoms gzung nas bla bzangs ldan/ /blangs pa nyid bcas bza' bya zhing/ /ma byin rtag tu blang bar bya/ /mi yig yon nas bskor bya zhing/ /rab myos skye ba'i g.yas nas so// ma nges pa yi khyim du gnas/ /'grub 'gyur 'dir ni the tshom med/ /de nas 'dir ni lha mchod pa/ /chu klung 'gram dang nags yul du/ /bdag gi lha nyid mchod par bya/ /bdag gi gsang sngags yang dag brjod/ /me tog la sogs lhag gnas bya/ /mi gang phyag rgya 'gom mi bya/ /'jug bya mngon par dga' mi bya/ /'grong bya'i gzhon nu ma rtag btang/ /blo ldan bgrong bya min pa bsten/ /de bzhin nyan thos skal dan la/ /yid brtan pa nyid mi bya'o/ /zad byed pa dang thod can nyid de bzhin re la pa 'chang nyid lang zhes so/ /gding ba'i dam tshig ni pags pa'o/ /'phangs kyi dam tshig ni gang zag rnams kyis so/ /stan gyi dam tshig ni/ srog chags khyi gzhom par mi bya'o/ /brjod par bya ba ni brdzun tshig ma yin pa'o/ /ma byin
- 343a
pa ni gzung pa ma yin pa kho na la ste/ gzhan gyi chung ma bsten par mi bya'o/ /nyin mo gnyid log mtshan dus su/ /gang las shin tu mnyam par bzhag/ sha chen po ni za bar byed/ /chu chen rab tu 'thung byed dang zhes so/ /sgra ji bzhin pa'o/ /de nyid bsdus las gang rab gsungs/ /mchog gi dang po 'phrog byed rgyud/ /gsang ba'i rgyud du yang dag bshad/ /rdo rje 'jigs byed kyi rdo rjer/ brtul zhugs bya ba spyod bzlas pas/ /dngos grub nyid sgrub brtul zhugs can/ /de 'dir bsam gtan tsam gyis ni/ /sngags pas skad cig las bsgrub bya zhes pa ni/ /de nyid bsdus pa zhes pa gnyis ka'i rgyud do/ /mchog gi dang po ni rtog pa du'o/ /'phrog byed rgyud du ni rta mgrin gyi rgyud du 'am gsang pa'i rgyud du 'am thun mong ma yin pa'i gsang ba ru'o/ /bsam gtan gyis ni 'dir spyod pa la sogs pa dang bral bas thams cad 'byung par 'gyur ro zhes brjod do/ /'dis rgyud kyi bdag nyid che ba nyid smos so/ /sgra ji bzhin pa'o/ /shin tu spros pa med pa'i spyod pa'o/ /da ni rang byin gyis brlab pa shin tu dag pa'i rim pas spyod pa brjod par bya ste/ rnal 'byor lam dga' i rnal 'byor pa/ /gtsang sbra 'di ni kun du spyad/ /gtsang sbra'i bsod nams gang 'gyur ba/ /de na smra bar nus ma yin/ zhes bya ba la sogs pas/ /'dir brjod pa gsum dang/ 'chad bzhin pa yi bzhi pa'o/ /he ru ka dpal ye shes che/ rnam dag dngos grub thams cad sbyin/ /bde ba'i chu 'thungs pa nyid las/ /sgrub pa gnyis med rnal 'byor ldan zhes pa la dpal he ru ka ni dmigs pa dang bcas pa'i stong pa nyid do/ /ye shes che ni dmigs pa med pa'i snying rje'o/ /rnam dag ni de gnyis 'od gsal ba'o/ /dngos grub thams cad
- 343b
sbyin ba de'i chu ni bde ba nyid kho na chu ste/ /khu ba'i gzugs dang ba nyid las so/ /'thungs pa las ni snang ba med par byed pa las so/ /gnyis med ni gnyis ma yin pa la der brjod do/ /de bzhin du yang gsungs pa/ dam tshig zla bo bdud rtsi de za ba ni 'pho med yin/ /dgongs pa ma yin pa'o/ /byang chub sems ni gang srung ba/ /ngag byed sdig pa 'jig byed pa'o/ /sdig pa thams cad rnam nges grol/ /dag pa'i lus ni nad med pa zhes pas zung 'jug gsungs so/ /byang chub kyi sems ni lha'i rnal 'byor ro/ /phyi rol du 'gyur ba med pa'i don no/ /byang chub kyi sems ni rlung gi yan lag bsdus pa'o/ /byang chub kyi sems ni zla bar 'gyur ro/ /sbas? pa'o/ /byang chub kyi sems ni mchog gi de kho na nyid stong nyid do zhes pa yang mthar thug pa'o/ /bsrung par bya ba ni bskyed par bya ba ste slob dpon gyi zhabs kyis kyang gsungs pa/ shin tu mnyam gzhag byang chub sems/ /'bad pas bskyed par bya ba yin/ /'khor bar bya ba rab sgrub phyir/ /thabs gzhan long pa ma yin no/ /skyes gang skad cig gcig nyid la/ /byang chub sems ni rab bsgom pa/ /de yid bsod nams phung po ni/ /bgrang bar nus pa ma yin no/ /dag pa'i lus ni rnam par dag pa'i lus dang/ ngag dang/ yid dang/ ye shes dang ldan pa'o/ /gsungs pa yang/ rgyu dang 'bras bu 'gag pa las/ /rgyal ba'i lus dang dbang po gzhan/ /gsung dang thugs dang bde ba 'ang gzhan/ /phung po'i tshogs pa gzhan pa'o/ /dgongs pa ma yin pa'o/ /de nas pho nya mo rnams gang/ /reg dwang smra bas kun du spyod/ /nyon mongs thams cad rnam dag bdag /bde bar gshegs pa'i sa thob byed/ /rgyal ba'i dbang po skye 'gyur zhing/ /chos ldan rgyal po'i rigs su 'gyur/ /rdo rje rtag tu mchod byas nas/ rang
- 344a
nyid gus par gtor ma sbyin zhes pa ni/ /reg pa nges par rtog pa dang/ kun tu smra ba thob pa nyid ni pho nya mo ni rigs ldan mo'o/ /rtsa ba'i rgyud du yang/ khrag ni shes rab zla rtag tu/ /thabs de nyi ma nyin mo'o/ / gnyis ka la gzhan stong pa nyid/ /rigs ldan ma zhes nges par brjod/ /rtag tu 'jig rten bde ba che/ /dgongs pa'o/ /kun du spyod par bya ba ni dmigs pa med pas bsgom par bya ba'o/ /'phags pa'i zhabs kyis kyang gsungs pa/ skye ba mang cing dmigs med dang/ /stong nyid gang zhig bsgom par byed/ /zhan pa'i bdag nyid de bsgom pa/ /'di ni dmigs pa med pa'i sems/ /gnas pa nam mkha' i mtshan nyid do zhes/ /nyon mongs thams cad ni nyon mongs pa dang/ nye ba'i nyon mongs pa rnams so/ /bde bar gshegs pa ni bcu gsum pa sangs rgyas kyis kun tu bzang po la sogs pa'o/ /gsungs pa yang/ rdo rje 'dzin pa dge ba'i sa/ /bcu gsum par yang rnam par bshad/ /gru gsum rnam pa'i chos 'byung ba/ /de ni b+ha gar brjod par bya/ /skye ba ni de nas thob pa'o/ /rgyal ba'i dbang po rnams ni thub pa rnams so/ /rgyal po ni 'khor lo sgyur ba'o/ /rgyud gzhan du yang gsungs pa/ rnal 'byor dbang po rab tu g.yo ba'i yid kyis rnal 'byor ma thob nam zhig 'chi bar gyur pa na/ /dpal ldan mi yi 'jig rten du ni rab mchog grub pa'i rigs su rnal 'byor ldan par skye bar 'gyur zhes so/ /chos dang ldan pa ni mi dge ba bcu dang bral ba'o/ /rdo rje mchod pa ri myos byed dang bsam gtan no/ /dpal 'dus pa phyi mar yang/ /myos byed rigs ni dbyer med pa/ /rig ma 'am pad+ma'i phyag rgya'o zhes so/ /dpal rdo rje mkha' 'gror nges par bstan pa/ chang ni zla ba zhes su grags/ /rdul ni nyi ma zhes bshad do/ /rab 'jug ro mnyam dngos por
- 344b
ro/ /byin gyis brlab pa go 'phang sgyur ces gyi mar ro/ /gtor ma ni bgegs kun rnam par 'joms byed pa zhes so/ /bla mar yang/ rkang pa g.yas brkyang sbyar ba yis/ /'bar ba'i phyag rgya bcings par bya/ /kha ni dam tshig gis bkang nas/ 'di lta'i gsang sngags rjes dran bya/ /oM a ral+li ho(rgyud 'grel): dza(rgyud 'grel): hUM baM ho(rgyud 'grel): badzra DA ki n+ya(rgyud 'grel): sa ma ya stwaM h+ri sh+ya ho(rgyud 'grel): de ltar lan gsum bzhi 'am lngar/ /yang nas yang du brjod par bya/ /lugs mthun lugs dang mi mthun pas/ /thod par sbyin par bya ba'o/ /gtsang sbra'o/ /rdo rje thal mo gyen phye la/ sngags 'di bzlas par bya'o/ /oM kha kha khA hi khA hi sarba yak+Sha rAk+Sha sa b+hu ta pre ta paM shA tsa unma da/ a pasma ra TA ki n+ya da ya(rgyud 'grel): i maM ba li grih+Nan+tu sa maM ya rak+Shan+tu ma ma sid+d+hi mme pra ye ts+tshan+tu ya the wa/ ya theSh+Ta/ b+huny+dza tha/ paM ba tha/ dzi g+htra tha/ mA ti kra ma tha/ ma ma sarba kA ra ta yA sata su kha be brid+d+ha ye sa ha yi kA b+ha ban+tu hUM hUM phaT swAhA/ de ltar cho ga 'di yas ni/ /thun mtshams bzhi ru sbyin par bya zhes pa drang ba'i don to/ /gtor ma sbyin par bya'o/ /bza' bar bya'o/ /de nyid du sha bza' bar bya ba'i don du mdza' gcig tu bde bar kun tu gnas te mnyam par bzhag pa'i sbyor ba ni thams cad kho nas bza' bar bya'o zhes pa nges pa'i don no/ /rang rang las la gang gsungs bzhin/ /cho ga sbyar la sbyin par bya/ /nag po'i phyogs kyi bcu bzhi pa'am/ /dkar po 'am de nas pho nya mo/ /myur du dngos grub phyed pa ni/ /rab tu 'bad pas mchod par bya/ /rdo rje mchod pa'i cho ga yis/ /de bzhin myos byed sha sogs kyis zhes pas rnal 'byor ma'i mchod pa gsungs te/ /rang rang las shes pa so so'i las kyi rjes su 'brangs nas gtor ma sbyin par bya'o/ /bcu pa la sogs pa rdzogs pa drug gzung bar bya'o/ /kun spyod du yang nag po'i phyogs kyi bcu pa dang/ /
- 345a
de bzhin dkar po'i phyogs la'ang 'gyur/ /de nas kyi smra las rgyal can gyi bcu pa gzung bar bya ste/ kun spyod du yang/ rgyal gyi zla ba sogs brtsams nas/ /bcu pa la ni gus pas mchod/ /dam pa'i skye bo kun 'dus la/ /dngos po dam pa thams cad dbye'o?/ /der ni tsA ruAng bza' bya zhing/ /snod gnyis ma lus kun du gnas/ /de yi lag tu 'ongs pa'i dpal/ /su yis kyang ni gzhom mi nus shes te sgra ji bzhin pa'o/ /pur+Na la sogs par gtso bo bzang/ /mkha' 'gro ma brgyad kho na de ltar gnas pa yang/ /rdo rje lha mo myos byed rnams dang sha yis kyang/ /dpal gsang mchod pa la sogs rnams kyis phyogs gcig tu/ skye bo gus pa ldan pas de rnams mchod byas pa/ /he ru ka dpal mngon par mnyes gyur pa/ /rang gi pho nya mchog dang rnal 'byor pa rnams la/ /mgu ba'i sems kyis mchog ni stsol bar 'gyur zhes so/ /de rnams du zhig na sum cu rtsa bdun no/ /pho nya mchog 'ba' zhig tu ma zad kyis rnal 'byor pa la mchog stsol bar 'gyur zhes so/ /mtshan mo skra grol gcer bur 'gyur/ /brtul zhugs can gyis gtor ma sbyin/ /phyag rgya he ru kar sbyor bas/ /de ni ma mo rnams gnyis 'gyur zhes so/ /brtul zhugs ni rig ma'i brtul zhugs gzung pa'o/ /phyag rgya ni 'bar ba'i phyag rgya'o/ /sbyor bas ni las kyi rjes su 'brang ngo/ /slar yang/ gnas ni mthon por rnal 'byor pas/ /gcer bu skra grol gyur nas ni/ /lho phyogs kha bltas 'dug pa yis/ ji lta'i las kyi rjes 'brang bas/ /de nyid gsum gyis mngon bsngags te/ /mtshan phyed du su gtor ma sbyin zhes so/ /da ni rdo rje'i sdom pa brjod par bya ste/ de bzhin du yang rdo rje mkha' 'gror gsungs pa/ sangs rgyas
- 345b
chos dang dge 'dun la/ /rtag par bdag ni skyabs su mchi/ /sangs rgyas byang chub sems dpa' kun/ /bdag la dgongs par mdzad du gsol/ /bdag ming che ge zhes bgyi bas/ /dus 'di nas gzung ji srid du/ /byang chub snying por gnas kyi bar/ /ji ltar dus gsum mgon po rnams/ /rdzogs byang chub tu nges mdzad pa/ /byang chub sems ni bla na med/ /dam pa bdag gis bskyed par bgyi/ /rnam gsum tshul khrims bslab pa yang/ /dge dang chos ni sdud pa dang/ /sems can don bya'i tshul khrims dang/ /bdag gis brtan por so sor gzung/ /sangs rgyas chos dang dge 'dun te/ /dkon mchog mchog gsum bla na med/ /sangs rgyas rnal 'byor las skyes sdom/ /deng nas brtsams te gzung bar gyi/ /rdo rje chen po'i rigs bsdus la/ /rdo rje dril bu dang phyag rgya/ /de nyid las ni so sor gzung/ /slob dpon yang ni gzung bar bgyi/ /rin chen chen po'i rigs rung ba/ /dam tshig yid du 'ong ba la/ /nyi ma nyi mar drug byas nas/ /sbyin pa bzhi ni rab sbyin bgyi/ /byang chub chen po las byung pa'i/ /pad+ma'i rigs chen dag pa la/ /phyi dang gsang ba theg pa gsum/ /dam chos so sor gzung bar bgyi/ /las chen po yi rigs bsdus la/ /sdom pa thams cad yang dag ldan/ /de nyid las ni so sor gzung/ /mchod pa'i las ni ci nus bzhin/ /byang chub sems ni bla na med/ /dam pa bdag gis bskyed bgyis nas/ /sems can kun gyi don gyi phyir/ /sdom pa mdza' dag gzung ba dang/ ma bsgral ba rnams bsgral bar bgyi ma grol ba rnams bdag gis dgrol/ /dbugs ma phyin pa dbugs dbyung zhing/ /sems can mya ngan 'das la dgod/ /de la dang por bde bas nye bar zhugs te/ lce la ma las skyes pa'i zla ba la hUM las skyes pa'i
- 346a
rdo rje dkar po rnam par bsams nas/ rdo rje thal mo spyi bor bcings te/ /oM swa byA ba shUd+d+ha(rgyud 'grel): sarba d+harmA(rgyud 'grel): swA b+hA ba shud+d+he haM/ zhes brjod nas sdom pa gzung bar bya'o/ /de nas ras ris la sogs pa la gnas pa'am/ /mnga' bdag yang dag par mchod nas/ /thog ma bar dang tha mar ni/ /gsang sngags yi ge brgya pa bzlas/ /de bzhin du yang bla mar gsungs pa/ /oM badzra he ru ka sa ma ya ma nu pA la ya/ he ru ka twe no pa tiSh+Tha dri Dho me b+ha ba su to Sh+yo me b+ha ba a nu rak+to me b+ha ba su po Sh+yo me b+ha ba sarba sid+hi mme pra yats+tsha sarba karma su tsa me tsit+taM sh+re ya(rgyud 'grel): ku ru hUM ha ha ha ha ho(rgyud 'grel): b+ha ga ban badzra he ru ka mA me muny+tsa he ru ka b+ha ba mahA sa ma ya satwa a(rgyud 'grel): hUM phaT/ de ltar kun la khyab pa yi/ /bcom ldan yi ge brgya pa'o zhes so/ /de nas ting nge 'dzin gsum gyis/ /brtags pa'i rnal 'byor bsgom par bya'o/ /rdo rje phag mo'i rang bzhin nyid kyis sin d+hu ra bsgrub par bya'o/ /grub pa shA ba ra la sogs pas sbyar ba'i cho gas 'dzin pa'i dus su shin tu phyis pa'i me long gi mthil du sin d+hu ra btab nas gser gyi thur mas zur drug pa bris pa'i dbus su gsang sngags bris nas phyi rol gyi zur du dga' ba 'khyil pa'i phyag rgya bri bar bya'o/ /nye bar spyod pa lnga la sogs pas mchod nas bzlas te gshegs su gsol bar bya'o/ /sin d+hu ra de zangs kyi snod du bzhag par bya'o/ /de nas lArga le'i sbubs kyi dbus su bcug na ji skad gsungs pa'i dam tshig gis yang dag par mchod nas phyag rgya chen po'i dngos grub bdag la byin cig ces phyag 'tshal bar bya'o/ /de ltar zla ba drug tu nyi ma so sor byas nas mthar rnal 'byor ma rnams bza' ba dang btung bas kun tu tshim par bya'o/ /spyod pa la 'jug pa'i gnang ba dang dngos grub kyang gsol bar bya'o/ /de smyon pa'i spyod
- 346b
pa spyad par bya ste/ thod pa gzung nas de sin d+hu ras dga' ba 'khyil pa'i thig le byas te srad bu thogs la tshod dus dang/ khron ba dang nye bar bud med rnams rnam pa mang pos g.yon nas bskor bas bskor bar bya'o/ /sngags kyang gnas par bya'o/ /gang la thig le'i mnan pa mthong ba de mnyes par byed do/ /zla ba drug gis mtshams med pa lnga byas pas kyang 'grub par 'gyur ro/ /mnyam par ma bzhag pa'i sbyor bas bsgom par bya'o/ zhes pa ni sgom par byed pa na gcer buAm gal te gcer bum yin pa rung ste/ gang du ji ltar gsungs pa de ltar der ro/ /gtor ma'i cho ga'o// //nang gi gtor ma gsungs pa/ rdo rje mchod pa rnam mi dag bdag/ ri bong can zhu thig le 'chang/ /mya ngan 'das byung dpa' bo ni/ /de nas bdag nyid mchod par bya/ zhes pa ni dag pa ni chags pa dang chags pa ma yin pa las dag pa dag yod pa ma yin no zhes brjod do/ /chags pa zhen pa zhes so/ /mya ngan 'das byung ni gsal bar he ru kar yang dag par byung ba'o/ /kun spyod du yang he ru ka dpal myang 'das byung/ /drug pa sems kyi sprul pa yin/ /dag pa'i chos kyi sprul pa ni/ /phag mo'i gzugs su bstan pa yin zhes so/ /dpa' bo sngon po 'am/ /dgongs pa'o/ /sangs rgyas sogs rnams dpa' kun rnams/ /rnal 'byor ma rigs 'dren pa mo/ /zla ba 'dus pa legs gnas pa'i/ /spyod pa'i spun ni mchod par bya/ /spyod pa'i spun ni rdo rje spun rnams so/ /zla ba 'dus pa legs gnas pa ni dam tshig can du gsal lo/ /spun rnams kyis dang rang gi bu rnams kyis lhan cig tu bde ba dang sdug bsngal rjod par byed kyis de rnams la sngags dang phyag rgya la sogs pa dang sangs rgyas kyi ye shes rab tu gsal bar bya ba ni ma yin no zhes so/ /de rnams kyi pha ma dang 'brel ba de rnams la gsang sngags sbyin pa mi bya'o/ /rnal
- 347a
'byor gyi rgyud du yang/ lha mo spas pa de gzung bya/ /pha dang bu yis yid bstan min/ /sgra ji bzhin pa'o/ /de rnams kyis lhan cig tu tsA ru bza' bar mi bya'o/ /dam tshig spyod pa sun 'byin pa 'di rnams la sngags la sogs pa sbyin par mi bya'o/ /nye bar bsten pa nyams mi bya zhes te 'brel par gyur pa de rnams kyis dang slob dpon gyi bu dang ba med pa rnams dam tshig gi spyod pa sun zhes la ba'i na bza' can gyi zhabs kyis so/ /dam tshig ces pa ni bsrung bar bya ba dang bza' bar bya ba'i mtshan nyid do/ /de rnams kyang sbyin par mi bya zhing/ /de rnams la de kho na nyid kyang ngo/ /sgra ji bzhin pa'o/ /dam tshig la gnas pa rnams la don ji lta ba bzhin du nye bar bstan pa la sogs pa sbyin par bya'o// pho nya ma gtogs gzhan dag la/ /'dod pas rmongs pas 'gro mi bya zhes pa ni nye bar bstan pa la sogs pa ni kun rdzob kyi bden pa dang/ /don dam pa'i bden pa zung 'jug go /la sogs pa'i sgra las rdo rje bzlas pa dang phra mo'i rnal 'byor ro/ dam tshig gnas pa ni dam tshig gcig pa'i slob ma bzang po rnams la'o/ /rdo rje bdud rtsi'i rgyud du yang/ /g.yo can la min rgyan po rnams la min/ /dam tshig sdang la yod pa ma yin no/ /bla ma la gus rnam par dul ba dang/ phrag dog chags pa rnam par spangs pa dang/ dkyil 'khor rab zhugs slob ma bzang po la/ /rdo rje theg pa'i 'dren pa po la ni/ /de la rgya chen mchog 'di ni/ /de nyid mchog ni bstan par bya/ /rgyud gzhan du yang/ gang yang rgas pa'i dngos por gnas/ /gang yang rtog ge dga' ba'i mi/ /dge slong dngos por gnas pa gang/ /de la de nyid bstan mi bya zhes so/ /pho nya mo ni phyag rgya rnams so/ /drang pa'i don no/ /pho nya mo ni rnam pa thams cad kyi mchog dang lan pa'o nges pa'i don
- 347b
no/ /gzhan ni dam tshig dang bral pa'o/ /sgra ji bzhin pa'o/ /pho nya mo la zhan pa ni grub pa'o/ /pho nya ma gtogs ni zad par gyur pa'o/ /gang rim pa las 'da' bar byed pa ni skye gnas dman la dga' bas gnas pa la legs pa'i rnam pa la sbyin par mi bya'o/ /tha mal pa'i rnal 'byor pa de rnams kyi ma 'am sring mo bu mo dang/ /chung ma 'am pho nya mo nyid gnas zhes pa la/ /pho nya mo ni bud med de/ /rnal 'byor sdom pa'i rgyud du yang/ /sgyu ma dag ni thams cad las/ /bud med sgyu ma khyad par 'phags/ /yang dag rdzogs sangs rgyas grub 'gyur/ /zad par gyur pa ni dman pa'i theg pa la rten pa'o/ /rnal 'byor gyi rgyud du gsungs pa yang/ 'di de sangs rgyas thams cad kyi/ /rig ma'i brtul zhugs bla na med/ /blun po gang zhig 'da' byed pa/ /de la mchog gi dngos grub med ces so/ /dpal he ru ka mngon par brjod par yang/ pho nya ma rtag zhen thar la/ /'da' ba yis kyang longs spyod bya/ /skye gnas dman la dga' bar gnas/ /bsnyen bkur nyid ni bya ba min zhes so/ /'ang gi sgra las mthar skyes mo sten nam du yang shin tu bzod cing khyad par 'phags pas bsten par bya'o/ /dam tshig la sogs pa can no/ /sgra ji bzhin pa'o// de yis dka' thub med par 'gyur/ /'khor lo 'am mchog tu grub pa rnams/ /'di rnams khu ba 'gugs par byed/ /lhan cig rdzas kyis the tshom med ces pas ma bsten pa'i nyes dmigs gsungs te/ 'dod pa can de rnams kyis ma bsten pa las khros pa rnams kyis dka' thub ste/ brtul zhugs la sogs pa nyams par 'gyur ro/ /sbyin pa'i bdag po'i 'khor lo las skyes pa'i bsod nams dang/ phyag rgya chen po'i dngos grub dang
- 348a
rdzas rnams kyis lhan cig pa'i chos la sogs pa de las kyang gdon mi za bar ro/ /nya la rnal 'byor ma bsten bya/ /tshogs kyi 'khor lo 'am brgyad pa gnyis/ /bcu bzhi pa dang nye la yang/ /de yi tshes la rnal 'byor ma/ /da sngags pas btung bas mchod par bya/ /bde bas kyang ngo/ /sbyin bdag gi 'khor lo la yang gdon mi za bar 'dod pa sbyin pas phyag rgya sbyin par bya'o/ /gsungs pa yang/ nor gyis nor rnyed 'gag pa med pa'i smad 'tshong ma/ bsod nams mang po'i rgyu ru de rnams rab sbyin bya/ /rtag pa'i dngos grub rgyu ru gsang ba'i yan lag ni/ /slob dpon chen po'i go 'phang rgyu ru dbul bar bya/ /rnam pa gzhan du bsod nams phyin ci log tu 'gyur/ /bza' pa yon tan brgyad 'gyur mar me'i 'bras bu gter/ /mar me'i brgyad 'gyur shin tu rnam par dag pa'i char/ /chang gi brgyad 'gyur na chung ma la rab sbyor te/ /de phyir 'dod pa'i sbyin pa nges par khyad par 'phags/ /rgyud gzhan du yang/ 'dod pa'i sbyin pa thams cad du ni bde mnyam 'bras ster 'khor lo'i dus su smos ci dgos/ /yid 'ong chung ma sring mo skal bzang bu mo rnams kyang gsang ba'i sbyin pa la ni rab sbyin bya/ /bu mo rgan mo dar ma rnams dang lus ni dri ma dang bcas bram ze mo dang rgyal rigs mo/ /rje mo dmangs mo mthar skyes rnams sam mig dang lag pa dang bral rnam chu sna ni chad ma rnams/ /mdza' dag byang chub rgyu ru thabs dang shes rab thabs kyis mchod par bya ste rgyal po slob dpon snying rje che ba dang/ /bcas pa'i thugs ldan dri ma dag dang rnam par bral zhing byang chub spyod la rjes su zhen pas so/ /rnal 'byor pa rtag g.yon nas spyod/ /rkang pa g.yon pa sngon du 'dor/ /lag pa
- 348b
g.yon pa rab tu bsgyur/ /g.yon pa steng du so sor mchod/ /pho nya g.yon pa kun du sped/ /g.yon pa tshim byed za bar byed/ /brtul zhugs med 'joms brtul zhugs rdzogs/ /sgrub pa po ni de nyid brtson zhes pa'o/ /g.yon pa tshim pa de za bar byed ces pa ni g.yon pa'i ming med kyi tshim par byed pa la sogs par bya'o/ /tshim par byed pa brjod par bya ste sngags pa'i lag pa la dgod par byas la myos byed lag pa g.yon pa dang oM yig gis sbyang bar bya'o/ /g.yas pa dang A(rgyud 'grel): yig gis rtogs par bya'o/ /thal mo bkab nas hUM yig gis 'bar bar bya'o/ /nam mkha' lding gi phyag rgya dang ho(rgyud 'grel): yig gis bdud rtsir byas nas ye shes kyi nyi ma lta bu bltas te de nas myos byed kyi thig le g.yon pa'i ming med kyi rtse mos sa la chos byung gru gsum du byas nas dbus su zlum po dmar po/ /der ye shes kyi 'khor lo gsal bar bltas la de tshim par bya'o/ /haM dang rdo rje'i phyag rgyas phyi rol rnams spyan drang/ 'dir oM A(rgyud 'grel): hUM ho haM k+Sha a A/ i a'i/ ri rI/ u a'u/ li lI/ a A/ e i/ ar Ar/ o aau/ al Al/ ha hA/ ya yA/ ra rA/ wa wA/ la lA/ ka kA/ kha khA/ ga gA/ nga ngA/ tsa tsA/ tsha tshA/ dza dzA/ dzha dzhA/ nya nyA/ Ta TA/ Tha ThA/ Da DA/ Dha DhA/ Na NA/ pa pA/ pha phA/ ba bA/ b+ha b+hA/ ma mA/ ta tA/ tha thA/ da dA/ d+ha d+hA/ na nA/ sa sA/ nya nyA/ Sha ShA/ sha shA/ th+ka th+kA/ la lA/ wa wA/ ra rA/ ya yA/ ha hA/ k+Sha k+ShA/ zhes shes rab dang thabs sum cu rtsa drug tshim par bya'o/ /k+Sha yig dang lag pa g.yon pa'i rgyab kyis gshegs su gsol lo/ /yul gyi bdag po gtor mas tshims pa yang gsungs pa'i cho ga nyid las so/ /'dir rgyas par bya ba ma yin no/ /zhes bcom ldan 'das kyis gsungs pa'i tshim par byed pa'i cho?
- 349a
ga'o/ /brtul zhugs med 'joms ni brtul zhugs ngan pa ni brtul zhugs med pa ste/ mu stegs pa rnams kyi khyi la sogs pa'i brtul zhugs te/ de 'joms pa yang do/ /rnal 'byor pa'i brtul zhugs kyis rdzogs pa ni bde bar gshegs pa'i rig ma'i brtul zhugs ldan pa nyid kyi phyir ro/ /sgra ji bzhin pa'o/ /rang gi dam tshig rigs kun spyod/ /gcig tu tsA ru bza' bor bya/ /rigs lnga rnam par kun tu spyod/ /rigs bzhir yang ni grags pa yin rang gi dam tshig ni rgyud mtshungs pa nyid do/ /rigs kyi kun du spyod pa zhes pa ni yul dang rigs kyi tha snyad kyis rigs dang ldan pa rnams kyis bya ba'o/ /rigs lnga mnyam par kun du spyod ni 'jig rten las 'das pa kun spangs rnams kyis so/ /rigs bzhi kun du spyod pa ni spros pa med pa bstan pa rnams kyis so/ /zhes pa ni sgra ji bzhin pa'o/ /rigs gcig mnyam par kun du spyod/ /rnal 'byor dngos grub rab ster byed/ /ces pa ni gcig tu smyon pa'i brtul zhugs 'dzin pa rnams kyis/ /rnal 'byor gyi rgyud du yang gsungs pa/ /ji ltar 'dod bzhin bsgrub bya sgrub/ /de yi phyi nas ji 'dod pas/ /'dod pa'i bya ba 'am ji 'dod bzhin/ /kun tha de bzhin thams cad byed// dbang po gang dang gang lam nyid/ /gang gang de de'i rang bzhin las/ /mnyam par ma gzhag sbyor ba yis/ /rang ltag lha nyid kun du spyad/ /de nyid sbyor ba 'di yis ni/ /thams cad myur ba kho na 'grub/ /ngan zos ngan byas thams cad kyis/ /kun mchog nyid phyir nyes pa med/ /ces pa mnyam par ma bzhag pa'i rnal 'byor pa yi spyod pa'o/ /ba lang sha dang rta sha dang/ /mi khyi glang po sna tshogs rnams/ /sngags dang phyag rgyar yang
- 349b
dag ldan/ /dpa' bo rnams kyi zas su bshad ces so/ /gsungs pa yang ba lang ni mig go/ rta ni lce'o mi ni lus so/ /khyi ni rna ba'o glang po che ni sna'o/ /sna tshogs ni sbrang bu ste yid do/ /'di rnams kyi sha ni gzugs la sogs pa'i yul lo/ /za ba ni snang ba med par byed pa'o/ /sgra ji bzhin pa ma yin pa'o/ /phyag rgya ni rdo rje la sogs pa'o/ /sngags ni yi ge gsum la sogs pa'o/ /bla mar yang rlung dang me'i dkyil 'khor gyi steng du A(rgyud 'grel): yig las skyes pa'i thod pa ye shes lnga'i bdud rtsis yongs su gang ba cha bcu drug pa hUM yig gis byin gyis brlabs pa/ /yi ge gsum las byung ba spros pa'i 'khor lo gsum bsgom par bya'o/ /sa ma ya shud d+ha:sarba d+harmA:sa ma ya shud+d+ho haM zhes so/ /de nas rdo rje'i lces bza' bar bya'o/ /rdo rje bdud rtsi'i chu btung bar bya'o/ /oM badzra a mri ta u da ka Tha tha hUM tha tha trAM A:khaM hUM zhes pa drang ba'i don to/ /rang gi lhag pa'i lha nyid kyi sbyor bas bdud rtsir byas nas bza' bar bya'o zhes pa nges pa'i don no// nang gi gtor ma'o/ /he ru ka dpal gyi sprul pa/ /nyer spyod bstan bcos mtshan nyid do zhes pa ni he ru ka'i rgyud 'di nyid kyi cho ga bstan bcos te/ nye bar bstan pa'i bstan bcos theg pa chen po yang dag par gzung ba thams cad kyi mchog nyid yin pa'i phyir rnam par mtshon par byed pa sprul pa'o/ /gsungs pa yang/ don gcig nyid phyir ma rmongs phyir/ /thabs mang phyir dang dka' med phyir/ /dbang po snon pos dbang byas phyir/ /sngags kyi bstan bcos khyad par 'phags shes te sgra ji bzhin pa'o/ /gnyis su med pa'i ye shes mchog/ rnal 'byor rtag tu gzung bar bya/ /bgegs med ji bzhin dngos grub de'o/ /gzhan du lags kyang rab 'grub min zhes pa ni 'di kho na khyad par
- 350a
du 'phags pa'i zung 'jug gsungs pa'o/ /gzung bar bya ni rnal 'byor bsgom par bya'o/ /gsungs pa yang/ sngags dang dbyibs dang chos bdag nyid/ /rnal 'byor rnam pa gsum du 'dod ces so/ /khrag ni shes rab bo/ /dkar po ni thabs so/ /gnyis po gnyis ma min pa ni gnyis med de gcig tu 'dres bar gyur pa las ye shes so/ /thams cad gsang ba'i rgyud du yang/ sku gsung thugs kyi phyag rgya yis/ /rgyas gdag ye shes brjod bya ste/ mchog gzhan theg pa thun mong ni/ /sems med sems ni bde ba ches zhes so/ /dgongs pa ma yin pa'o/ /bgegs med ni gang de lta bur bgrod par bya ba'i phyir dang/ bdud rnams kyis dbyer mi phyed pa'i phyir ro/ /ji bzhin dngos grub ni mngon par 'dod pa'i dngos grub dang de'i bsrung pa yang thams cad sbyin par 'gyur/ /gzhan du sems can lags kyang de'i don du rab tu sgrub pa ste/ rab tu 'jug pa ma yin no/ /de kho nas don thams cad sgrub pa ni stong pa nyid kyi rnal 'byor dang ldan pa'o/ /de yi pho nya mo mchog bzang/ /lhan cig brtson bar ldan pa yin/ /gang chags dga' ba'i legs sbyor las/ /rnal 'byor rdzas kyi rnam dbye las/ /snyoms par 'jug pa sems 'dzin pa/ byang chub mchog ni bsgrub par bya/ /bla ma'i nye bstan la kun zhen/ /de yi don gyis nor spyin mtshungs shes pas 'bras bu gsungs te/ gang de lta bur gyur pa'i sgrub pa po de'i ral gri dang nag tsha dang tshong la sogs pa brten pa'i chos spangs pa de'i bya ba thams cad byed pa ni pho nya mo shes rab ma'o/ /gsungs pa yang byang chub sems dpa' ni zol pa kho na shes rab kyi pha rol tu phyin pa de yang bcos mar byed do/ /mchog tu legs par bslabs pa'i lha
- 350b
mo gzhan la chags pa ma yin pa la mchog tu brtson pa ni de'i bya ba la rang bde ba chen po bsgrub pa la yang ngo/ /de'i mtshan nyid thams cad dang ldan pa'i bshes gnyen can gang 'di la chags pa ni bde ba chen po'i ting nge 'dzin sems nges par chags pa'i rnal 'byor pa'o/ /bla mar yang/ 'jigs pa nges bcom yongs su dag pa'i blo/ /spros pa'i rnam rtog ma lus bcom byas pa/ /byams dang snying rje'i rgyan gyis brgyan pa'i lus/ /rnal 'byor pa bdag ma chags bde bar gnas zhes so/ /dga' ba legs sbyor las ni mi 'pho ba rdzogs par longs spyod pa las so/ /byang chub mchog ni yang dag par rdzogs pa'i byang chub kyi bdag nyid gdul bya rnams la rtogs par byed do zhes pas byang chub ste gzhan gyi don byed pa po'o/ / snyoms 'jug la ni las dang ye shes kyi phyag rgya dag gsungs pa yang/ las kyi phyag rgya'i snyoms 'jug dang/ ye shes phyag rgya rjes chogs la/ /bde ba chen po byang chub sems/ /brtul zhugs bston pos bsrung bar bya zhes so/ /sems ni sangs rgyas thams cad kyi yon tan rnams kyis bsags pa nyid kyi phyir sems so/ /dag pa mchog tu mi 'gyur ba de 'dzin par byed do/ /zhes pas 'dzin pa'o/ /dgongs pa'o/ /bla mas nye bar bstan zhes pa dgongs pa'i skad la sogs pa dang bshad pa'i rgyud du gsungs pa'o/ /des kun nas zhen pa ni de mngon par shes pa'o/ /bshad pa'i rgyud du yang nye bar bstan pa gsungs pa 'di lta ste/ zla ba'i dkyil 'khor rdzogs pa ni/ lte ba'i dbus su bsgom par bya/ /mchog mi 'gyur go 'phang na/ /de yi dbus son bsam par bya/ /sku dang gsung thugs 'dres pa yi/ /lha yi gzugs su bsgom par bya/ /gong bu las 'das de bsgom bya/ /sems nyid du yang bsgom pa min/ /chags pa ma yin chags bral
- 351a
min/ /'dod chags bral zhes rigs par ldan/ /bla mas nyer bstan lam gyis na/ /mchog tu 'bad pas bsams pa las/ /de ltar ngal sos pa la gnas/ /'jig rten du mas mi shes so/ /rnal 'byor rnal 'byor bral mi bya myang 'das go 'phang 'ba' zhig pa/ /de lta'i byang chub 'gyur rnyed dka' / /rnam gzhan 'bras bu med par 'dod/ /rnam gzhan mu stegs ngan pa la/ /'od gsal la sogs yod ma yin/ /kun spyod du yang/ ldog pa ji skad mdor bstan pa/ /bshad bya sgrub pa po rnams nyan/ /shI yig gnyis med ye shes te/ he zhes rgyu sogs stong pa nyid/ /du yig bkod pa dang bral ba/ /ka zhes gang du 'ang mi gnas pa'o/ /'di rnams rang bzhin las stong pa/ /kun 'gro gzhom du med pa'o/ /mdor bsdus nas ni bsgom byas na/ / 'dod pa'i dngos grub thob par 'gyur zhes so/ /de'i don gyis ni de'i rnam par 'byor pas so/ /nor sbyin te lus ngan po dang mnyam par nam zhig 'gyur te nam mkha' mdzad nyid las so/ /nor rgyun ma'i rtog par yang gsungs pa/ /gang shin tu yun ring por chos legs par yang dag par spros shing/ rab tu rtogs pa ni mi rnams kyi dbul ba'i sdug bsngal gyi nyes pa zhi ste gzhan du de'i lag tu dpal son to/ /zhes te sgra ji bzhin pa'o/ /stong phrag nyi shu rtsa gcig dang/ de bzhin kho nar drug brgya yis/ /sreg rnams rnal 'byor bsangs pa bya/ /a ba d+hU tI'i zhabs la gnas shes pas 'od gsal gsungs so/ /a ba d+hU tI ni ma rig pa'o/ /de'i zhabs ni 'od gsal te rtog pa las rnam par grol pa'o/ /bsad par bya ba ni bde ba chen po nyid kyi tshul du bya'o/ /nges pa'i don no/ /stong phrag nyi shu rtsa gcig dang brgya phrag drug lhag pa'i dbugs nyin dang mtshan mos la la nA dang/ ra sa nA dang/ dbu ma nas so/ /de la dus sbyor bcu gnyis 'pho
- 351b
ba rnams su bdun cu rtsa lnga lhag pa'i drug brgya'i grangs nyin zhag so sor dbu ma nas so/ /lhag ma la la nA dang gar sa nA nas/ rab tu 'bab pa dus sbyor bcu gnyis po de rnams su so sor re rer lug la sogs pa mi mnyam pa'i dul sbyor gyis brgya phrag bco brgyad kyi dbugs so/ /de bzhin du ra sa nA nas rab tu 'bab pa so so re rer glang la sogs pa mnyam pa'i dus sbyor gyis so/ /so so re rer 'pho ba'i dus su sgra gcan a ba d+hu tIr rkang pa dang bcas pa'i lnga bcu rtsa drug gi grangs so/ /de rnams su dkyil 'khor re re 'bab pa ni g.yon pa dang g.yas pa dag la drug cu lhag pa'i sum brgya'i grangs te rkang pa dang bcas pa'i bcu gcig gi dbugs rnams dkyil 'khor so so'i dbus nas so sor bcings pas dman pa'o/ /'dir dkyil 'khor nam mkha' la sogs pa lnga la la nA nas so/ /sa la sogs pa ni ra sa nA nas so/ /g.yon dang g.yas su yang ngo/ /'dir lte ba'i pad+ma chu srin la sogs pa 'dab ma drug cu'i rten la grangs ji lta ba bzhin du 'dab ma'i dbus dang/ shar dang/ g.yas dang/ g.yon dang/ nub tu stong pa dang/ rlung dang/ me dang chu dang/ sa'i dkyil 'khor rnams 'dab ma rnams su dang/ sna'i bu gang bus la dang/ steng dang g.yas dang g.yon dang/ 'og tu 'dab bya ste bcu gnyis kyi mthar nam mkha' la sogs pa dang/ sa la sogs pa'i dbye bas 'byin pa dang/ sdud pa'i rim pas 'od dpag med dang/ don yod pa'i rang bzhin gyis so/ /rnam par snang mdzad kyi rlung yang lus/ la rjes su 'gro bar rtogs par bya'o/ /drug pa ye shes kyi dkyil 'khor ni lte ba'i ze 'bru la steng gi bu gar cig car nyid kyis so/ /dkyil 'khor lnga'i dbugs kyi bdag nyid ces pa rlung gi de nyid do/ /'di rnams kyi g.yas pa dang
- 352a
g.yas min gyi dbugs rtsa'i kun tu spyod pa'i stobs kyis srog dang thur sel gyis dbu mar rgyun tu rab tu zhugs pas thun mong pa'i 'chi ltas kyis 'chi ba blu bar 'gyur ro/ /dbu ma yi yang dbugs rnam pa gsum ste tha ma dang 'bring dang/ mchog gi dbye bas so/ /de la tha ma ni 'gyur ba'i rang bzhin 'chi ba ster bar byed pa'o/ /'bring ni 'chi ltas 'joms pa ste lhan cig skyes pa'i dbugs kyi 'khor lo'i grangs rengs pa dkar po mi bskyod pa'o/ /mchog ni sangs rgyas nyid ster ba byed pa po ste rdo rje bzlas par ji ltar nye bar bstan pa las rab tu 'byung ba dang 'jug pa nyid kyis srog dbu mar rab tu gzhug par bya ste nyi khri brgyad gnyis brgya'i grangs ji srid par ro zhes so/ /gsungs pa yang/ rnal 'byor pa'i dbu/ 'byung rdub/ sbyor gzhi gcig pa la brtson pa/ /shes rab thabs kyi gzhir gnas te/ sngags kyi yan lag ma nyams bzlas/ /de la brtul zhugs bshad pa med/ /bgrang phreng med cing sngags rnams med/ /gzungs dang sbyin sreg las rnams kun/ /gcig nas gcig tu bzlog par 'gyur/ /'di sems kyi bsam pa thob par 'gyur te 'dir yang rang bzhin brgyad cu 'phro ba las sems rnam par dben par rtogs par bya ste/ snang ba gsum gyis rlung 'bab pa'i phyir ro/ /'phags pa'i zhabs kyis gsungs pa yang/ /rlung ni gang du der gnas pa/ /rang bzhin de dang de 'byung 'gyur/ /ji srid rlung ni mi rgyu dang/ snang ba mi g.yo ba'i 'gyur ro/ /rlung rnams phra ba'i gzugs kyis ni/ /shes dang yang dag 'dres gyur te/ /dbang po'i lam nas byung nas ni/ /yul rnams la ni dmigs par byed/ /dgongs pa lung ston du yang/ ji srid 'jig rten brda dang ni/ /de bzhin
- 352b
rnam pa sna tshogs brtags/ /rnam rtogs rlung las rtag tu ni/ /byang chub sems su 'gyur ba yin zhes so/ /de la snang ba'i sum cu rtsa gsum snang ba mchod pa'i bzhi bcu tham pa'o/ /snang ba nye bar thob pa'i bdun no/ /'di dag kyang sbyor bsdus la sogs par rtogs par bya'o/ /bzlas pa 'di'i phan yon gsungs pa/ dgra dang seng ge glang chen dbang po me dang lto 'phye'i bdag po tshom rkun zhags pas 'ching ba dang/ chu gter 'khrugs pa dang ni sha za 'chi ba'i 'jigs byed nang dang dbang po nye bar 'tshe ba dang/ dbul dang bud med 'bral dang mi bdag 'khrugs pa'i 'jigs pa dang ni rdo rje ltung dang don nyams pa/ gang zhig rnal 'byor ma rnams zhabs ni gsal bar yang ni dran byed de la rab tu nyams par 'gyur/ /bla mar yang/ rtags ni gnyis gnyis sbyor bas so/ /dngos grub ched du gsang sngags bzlas/ /'khor lo sgyur drug 'grub par byed/ /nges par zla drug gis gzhan min zhes so/ /rdo rje bzlas pa 'dis bsnyen pa byas nas sgyu ma lta bu'i ting nge 'dzin gyis las rnams thams cad cho ga ji lta ba bzhin du bsgrub par bya'o/ /sngags kyi de nyid gsal ba 'di/ /gsung gi rdo rje'i sgrub thabs so/ /rnal 'byor byis pa'i rtogs bya min/ /rtog ge pa yis mi shes so/ /ye shes gsum gyi dbye pa yis/ sems tsam la ni nges par sbyor/ /sems rnams dben pa zhes bshad pa/ /rim 'di sangs rgyas spyod yul lo zhes so/ /drang ba'i don no/ 'od gsal ba'i rim pa'o// // de nas pho nya'i mtshan nyid mchog/ gzhan pa yang dag mdor bstan pa/ /gang gis yang dag rnam shes byed/ /mkha' 'gro'i dam tshig la gnas pa'o/ /ming po dang ni pha nyid dang/ /rje bo skad cig las mthong byed/ /lce
- 353a
sbom mig ni dmar ser la/ /skra ni dmar ser de nas rtsub/ /thun mong dngos grub thams cad dang/ /bzlas dang brtul zhugs la rtag dga' zhes pas pho nya mo'i rang gi ngo bo gsungs so/ /rje bo ni bdag po nyid du kun du spyod par byed de 'dod pa'i brgyad 'gyur nyid kyi phyir ro/ /de'i phyir de rnams bsten par bya ste ji ltar sus kyang mi tshor par bya'o/ /sgra ji bzhin pa'o/ /mkha' 'gro ma ni nyi shu bzhi/ /spyod dang grol ba'i 'bras rab ster/ /zhes pa gsal lo/ /dran pas yang dag ldan pa yi/ /pho nya zhes bya'i go 'phang ldan/ /phreng ba'i sngags ni rtag tu zlos/ /'dod pa'i don kun grub byed pa zhes te/ dran pas ni lha'i bsam gtan no/ /gzhan du rtogs par sla'o/ /dpa' bo'i dbang po sgrub par byed pa de bzhin du'o/ /rnal 'byor rol pa 'bras rab ster/ /sgyu dang mi sgyu'i 'jig rten gsum/ /gdon mi za bar blo bur 'byung zhes pa ni dpa' bo'i dbang po'i rkang pa brgyad pa dang de bzhin du lha'i rnams pa'i rnal 'byor las so/ /mkha' 'gro ma la sogs pa ni bya rog gdong ma la sogs pa dang ldan pa'i 'jig rten gsum sgrub par byed do/ /sngags dang phyag rgyar yang dag ldan/ /sgrub pa po yi the tshom med/ /phyag rgya dman pa'i gsang sngags rnams/ /lus can rnams kyis 'grub mi 'gyur zhes pa ni gsang sngags zhal bzhi pa'o/ /phyag rgya mkha' 'gro ma la sogs pa rnams te drad pa'i don no/ /gsang sngags shes pa'o/ /phyag rgya shes bya ste zung du 'jug pa'o zhes pa nges pa'i don no/ /sngags pas dro ba'i bya ba dag /mngon par brtson pas rtogs par bya/ /'dod pa'i don kun sgrub byed pa'i/ /rnal 'byor chen po sun 'byin gang/ /khyi yi skye gnas brgyar sod nas/ /gtum po ru yang
- 353b
skye par 'gyur/ /dam tshig gi spyod pa sun 'byin pa de rnams rmongs pa dang ngan 'gror 'gro bar 'gyur ro/ gtum mo'i rnal 'byor chen po la mngon par brtson pas so/ /gsungs pa yang/ /ji ltar g.yo ba de yang sman sogs kyi/ /stobs kyis me dang yang dag phrad pas 'ching/ /de bzhin khu ba shin tu rnal 'byor gyis/ /shes rab ma dang yang dag phrad ma pas zhes so/ /dro ba'i bya ba ni gtum mo'i me'i ri mo'o/ /bshad pa'i rgyud du yang/ /A li kA lI mnyam byas nas/ /ri mo de la nges par sbyar/ /steng du 'bar ba'i ri mo las/ /'og tu 'jig par byed pa'o/ /drang ba'i don no/ /dro ba'i bya ba ni 'dod pa'i 'dod chags rab tu gsal ba dbang po gnyis kyi sbyor bas ji ltar 'gyur bya de ltar bsgom par bya'o/ /bla mar yang/ bdud rtsi thig le'i gzugs can ni/ khu ba'i gzugs kyis 'dzag par byed/ /bsrub bya srub byed sbyor ba las/ /ye shes me ste 'di yi las shes so/ /nges pa'i don to/ /rnal 'byor chen po ni kun spyod du/ longs spyod rdzogs par shes par bya/ rnal 'byor chen por rnam par gnas/ /bla mar yang/ snying la gnas par nges bstan pa/ /thig le gcig ni 'gyur pa med/ /de sgom byed pa'i skyes bu la/ /rang gi shes skye bar 'gyur zhes te drang ba'i don no/ /rnal 'byor chen po ni/ /rdo rje'i rnal 'byor bla na med ces gsungs pa'o/ /rgyas par bstan pa yang bla mar/ chos bdag med pa'i lam gyis ni/ /dkyil 'khor mchog tu rab zhugs nas/ /shes rab pha rol phyin sbyor la/ /de bzhin rnal 'byor par las so/ /zhes te nges pa'i don no/ /khyi ni khyi rnams so/ /dper na kha cig mar 'dod pas/ /dad pas chu la srub par byed/ /de la mar sar mi 'byung yang/
- 354a
lus nyon mongs pa kho nar zad/ /ces pa nges par bstan pa gsungs pa gsal lo/ /bzang por 'dzin dang mchod dang btung/ /'tsho ba'i thabs kyi rgyu nyid phyir/ /rnal 'byor gzhan la brtan pa dang/ bzlas pa gzhan ni don med do/ zhes pas sngags pa gsungs te/ /shes rab ma nus ma'i zla ba can dbyer med pa'i chos can gyi phyag rgya chen mo'i skabs las gzhan pa'i lha dang sngags la sogs pa mchod pa don med do gsungs pa yang thub pa 'gro ba 'jigs med ldan/ /phyag rgya dkyil 'khor sngags la sogs/ /zab cing rgya che'i chos rnams la/ /skal pa bral ba'i bdag nyid la'o/ /bzang po ni dpal bzang po'i rigs nyid kyi phyir kun rdzob dang don dam dag gis bzang ba nyid kyi phyir bzang po 'tsho ba'i thabs shes pa ni 'tsho ba'i don no/ /dgongs pa lung ston pa rnal 'byor gyi rgyud du yang/ /sngags dang phyag rgya'i sbyor ba yis/ /de rnams 'tsho ba rtog par phyed/ /de rnams 'dus pa mi shes te gang de 'ang dman pa'i lam du ltung/ sgra ji bzhin pa'o/ /rnal 'byor che 'dzin dpa' bo ni/ /yul phyogs gang du gnas gyur te/ /gtum po kla klos gang ba yang/ /yul de yongs su brtags pa yin zhes te/ /rnal 'byor chen po ni cha dang bcas pa rdo rje sems dpa' zhes brjod pa ste drang ba'i don no/ /rnal 'byor chen po ni shes rab ma cha med par snang pa'i rjes su 'gro ba thams cad kyi mchog rnal 'byor chen po zhes brjod pa ste nges pa'i don no/ /yul de ni yul de kho na bzang po zhes gnas te de'i phyir gtum mo'i rnal 'byor bsgom par bya'o/ /lus med rdo rje'i zhabs kyis kyang gsungs pa/ gtum mo'i rnal 'byor bsam pa sogs/ /gal te nyon mongs mi 'joms/ /bskal pa bye ba stong gis ni/ /nyon mongs
- 354b
ci yis ldog par byed/ /sgra ji bzhin pa'o/ /phyi rol gnyis gnyis las rnams grol/ /yang dag lam ni ston byed gang/ /sems can rjes su bzung ba'i rgyur/ /de rung ni rtag par gnas zhes pa ni/ /gnyis gnyis ni rnam par rtog pa'o/ yang dag pa'i lam ni gnyis las rnam par grol ba byang chub sems dpa' rnams kyis mdor bsdus pa'i lam ste/ 'di lta ste thabs dang shes rab kyang ngo zhes smos par zung 'jug ces bshad pa de bzhin nyid gnyis su med par sbyor ba las shes gsungs pa la'o/ /dri ma med pa'i 'od kyi rgya cher 'grel par yang/ sna tshogs rnams rtog la sogs lam gyis ni/ /bcu drug bzhi yi rab tu dbye ba can/ de nyid de bzhin gshegs pas gang gsungs pa/ /lam dang bral bas thob pa ma yin no zhes so/ /da ni 'gro ba'i don byed pa'i ched du de rnams kyi gzugs kyis gnas so/ /kun rdzob pa'i gzugs la brten nas ngas par yang dag pa'i lus kyis ston to/ /sgra ji bzhin pa'o/ /shes rab dang nus pa'i cho ga'o/ /de nas gzhan yang bshad bya ba/ /shin tu rnyed dka' dgad pa yis/ /gang gis rnam par shes tsam gyis/ /sgrub pos myur du 'grub par byed/ /ces bya ba la sogs pas zhal bzhi pa'i sngags btu ba gsungs so/ /sa yi cha mnyam yid 'ong bar/ /tsan dan gyis ni nye bar byugs/ /me tog sil ma gcal du bkram/ /dri bzang dri ldan sa le ni/ /bdag nyid cha bcas byas nas ni/ /phyogs bcing bar ni bya ba'o/ /de nas rdza rnga bcing byas nas/ /ri mo dgu pa shin tu zlum/ /bcu drug sum cu rtsa gsum pa'i/ /yi ge'i phyi mo mnyam bsgribs nas/ /der gnas dpa' bo btu bar bya/ /'dod pa'i de na kun sgrub byed pa
- 355a
lugs 'byung lugs las bzlog pa yis/ /sgrub pos dbyangs dang yi ge yis/ /de rnams gcig dman lnga bcu yis/ /thub pa'i srangs kyi nang chud par zhes te/ /rdza rnga bcing ba ni ngos gnyis nas ri mo brgyad rnams kyis gcig gis dman pa'i lnga bcu'i bdag nyid kyi re mig rdza rnga'i rnam par bya'o/ /steng 'og gnyis su zlum po'i rnam pas ri mo bzhi bcu rtsa dgu ste sgra ji bzhin pa'o/ /re mig sum cu gnyis pa gzung ngo/ /lnga pa'i dbyangs kyis phye ba la/ /brgya phyed phyed pa yang dag blang/ /nyi shu bzhi pas 'og tu'o zhes pa ni sum cu gnyis pa so las byung ba'i sa yig go/ /lnga pa u yig go /brgya phyed phyed pa gsal byed do/ /nyi shu bzhi pa b+ha yig go/ de nas sum cu drug pa gzung/ gsum pa'i dbyangs kyis sbyor ba'o/ /de nas sum cu gnyis pa gzung/ /lnga pa'i dbyangs dang yang dag ldan/ /nyi shu lnga pa yang dag gzung/ /nyi shu bzhi pa 'og tu'o/ sum cu gsum pa yang dag blang/ /spyi bor bco lnga pa dang ldan zhes pa la sum cu drug pa la dbyangs gsum pa sbyar ba ni ni'o/ /sum cu gsum pa ha'o/ /bco lnga pa thig le'o/ /lnga pa yis ni yang dag ldan ni hUM do?/ lnga pa yis ni yang dag ldan/ /yi ge mchog tu mdzes pa'o/ /nyi shu gnyis pa yang dag ldan/ /nyi shu bdun pa yang dag ldan/ /phyag 'tshal dang por yang dag ldan/ /rkang pa dang por yang dag 'dod/ /ces pa nyi shu gnyis pa pha'o/ /nyi shu bdun pa Ta'o/ /phyag 'tshal dang po ni rkang pa'i dang por oM yig go /nyi shur gcig gis dman pa gzung/ /me yi bu yis yang dag ldan/ /gsum po'i dbyangs dang yang dag
- 355b
ldan/ /de nas ya yig brgyad pa la/ /sum cu drug par yang dag ldan/ /rkang pa gnyis par brjod par bya zhes pa la/ nyi shur gcig gis dman pa la me'i bu yis ni 'og tu ra yig gis so/ /gsum pa'i dbyangs dang yang dag ldan ni gri'o/ /brgyad pa ni ha'o/ /sum cu drug pas 'og tu ste ha'o/ /slar yang tshig 'di sbyin par bya/ /'dod pa'i don kun sgrub byed yin gsal lo/ /de nas rang byung gzung nas ni/ /lnga pa'i dbyangs dang yang dag ldan/ /steng du cig las brgyan pa ni/ /rkang pa gsum par brjod bya ste/ nyi shu gnyis pa yang dag ldan/ /nyi shu bdun pa yang dag ldan zhes pa gsal lo/ /nyi shur gcig gis dman pa nyid/ /nyi shu bdun pas yang dag ldan/ /gsum pa'i dbyangs dang yang dag ldan/ /de nas sum cu gsum pa'i sngags/ gnyis pa'i sngags dang yang dag ldan/ /yi ge nyi shu pa dang ldan/ /nyi shu rtsa gcig re mig gnas/ /de bzhin nyi shu drug gnas pa zhes pa la nyi shu pa ni kA li la ltos nas so/ / nyi shu rtsa gcig pa ni pa'o/ /nyi shu rtsa drug pa ni ya'o/ /lan gnyis bzlas pa'i tshig 'di yang/ /sgrub pa mchog ni btu bar bya zhes pa la 'di ni nyis 'gyur ro/ /de nas lugs las bzlog pa gzung/ /re mig dang po'i yi ge ni/ /bzhi pa mdza' yis yang dag sbyar/ /spyi bor bco lnga pas spras pa/ /de nas nyi shu gnyis pa nyid/ /de nas nyi shu bdun pa'o/ /chos don 'dod dang thar pa rnams/ /rkang pa gsum par brjod par bya/ /bzhi pa'i mdza' ni u yig go/ bco lnga pa ni thig le'o/ /re mig gnyis pa'i sa bon gang/ /de nas sum cu drug pa nyid/ /nyi shu drug pa so gsum pa/ /bcu gsum pa yi dbyangs kyis spras/ /re mig las ni bcu pa nyid/ /sgrub pa pos ni lugs bzlog pas/ /nyi
- 356a
shur gcig gis dman pa nyid/ /de nas nyi shu gsum pa'o/ /zhes pa ni gnyis pa A'o/ /sum cu drug pa na'o/ /nyi shu drug pa ya'o/ /bcu gsum pa'i dbyangs kyis spras pa ho'o/ /bcu pa b+ha ste lugs las bzlog pa ha la sogs pa nas so/ /nyi shur gcig gis dman pa ga'o/ /nyi shu gsum pa ba'o/ /gnyis pa'i dbyangs dang yang dag ldan/ /thig les spyi bor brgyan pa'o/ /gcig dman sum cu pa gzung nas/ /slar yang re mig brgyad pa la/ /me yi bu ni yang dag ldan/ /hUM phaT yi ge mthar sbyar ba/ /'jig rten gsum las rnam rgyal sngags/ /rkang pa bzhi yis rnam par brgyan zhes te/ gcig gis dman pa'i sum cu pa ni wa ste/ /kA li la bltos nas so/ /brgyad pa ni dza ste lhag ma sgra ji bzhin par ro/ /rkang pa kun gyi dang por oM/ /mkha' 'gro ma sogs yang dag ldan/ /hUM phaT yi ge mthar sbyar ba/ /dngos grub kun gyi 'bras rab ster zhes pas bzlas pa'i nges pa gsungs te gsal lo/ /rig pa'i rgyal po'i sngags 'di ni/ /ma byung 'byung bar mi 'gyur ro/ /rgyud rnams kun la thun mong du/ /bya ba thams cad sgrub par byed ces pa ni rgyud rnams kun la ni bya ba dang/ spyod pa dang/ gnyis ka'i rgyud rnams su'o/ /khro bo bzhi dang yang dag ldan/ /sku brgyad yang dag ldan pa ni/ /dkyil 'khor nyid ni bsrung don dang/ /sems can rnams kyang khyad par las/ /'dis ni grub pa tsam gyis kyang/ /bdud kyang skad cig la 'chi'o/ zhes te/ khro bo bzhi ni gnod mdzes kyi sngags 'di'o/ /sku brgyad ni rkang pa brgyad de gsal lo/ /rdo rje bzlas pas bsgrub bya ba/ /dngos grub kun gyi 'bras bu 'byung/ /chags pa kun
- 356b
las rnam par grol/ /gzhan du nam yang ma yin no zhes pas rdo rje bzlas pa gsungs so/ /gsungs pa yang/ don gyi rjes 'gro'i bzlas pa yis/ /rang bzhin med pas mdzes pa yin/ /dus gsum sangs rgyas kyis brtags pa/ /rdo rje bzlas par de brjod bya zhes dang don gyi rjes 'gro'i bzlas pa yis/ /rang bzhin med pas mdzes pa yin/ /ma ning dag gis gnas zhugs pa/ /sngags kyi yan lag ma nyams bzlas shes 'bum phrag lnga par yang ngo/ /tha dad yi ge slongs mo ste/ de 'don pa ni za pa yin/ /gang zhig zlas par dga' ba de/ /'di rnams slong mo za 'dod min/ /dgongs pa lung ston du yang/ dang po'i yi ge'i sbyor ba yis/ /rtag tu dbugs ni brdub par bya/ /brgyad pa'i mdza' yis yang dag ldan// u yig gis ni thig les brgyan/ /rnal 'byor pa yi dbugs gtong byed/ /mdzes pa'i bzlas par 'di brjod bya/ /dgongs pa'o/ /dngos grub thams cad ni zhib can la sogs pa'i dngos grub ste/ sa la sogs pa'i dkyil 'khor du/ srog 'bab pas las kyi dngos grub po/ /chags pa kun nas rnam par grol ni b+hu su ku'i spyod pa la gnas so/ /sgra ji bzhin pa'o/ /rig pa'i rgyal po'i sngags btu ba'i cho ga'o// //ma rungs pa kun 'joms byed pa'i/ / gsang sngags mi bzang pa 'di ni/ /sha chen gyis kun 'joms byed pa/ /rdo rje las skyes yin par bshad ces pas gnod mdzes rgyal po'i sngags kyi las gsungs te/ zhal bzhi pa'i sngags 'di ni rdo rje las skyes te zhe sdang gi ting nge 'dzin las skyes pa'o/ /dgongs pa'o/ /khyi rta glang po zangs gtsug can/ /de bzhin ba lang rnga mo phab/ gnyor ma sbyin sreg bya ba rnams thams cad rnam dpyod med par bya ma lus lus pa med 'grub cing/ /rgyal srid
- 357a
kun yang sgrub par byed/ /gsang sngags sbyin sreg 'bum gyis ni/ /sgrub pa po yis the tshom med pas te khyi ni khyi'o/ /rta ni rta'o/ /glang po ni lag ldan no/ /zangs kyi gtsug phud can ni khyim bya'o/ /rnal 'byor med par ni gdon mi za bar ro/ /zin sbyin par bya ba ma yin pa kho na'o/ /med na bag zan la sogs pa la byas pa srog song ba'i phyugs kyi sha'o/ /sgra ji bzhin par ro/ /dung dang nya phyis phyag rgya sogs/ /thams cad srog chags yan lag chos/ /chos kyi sku yi lus can gyi/ /thod pa la ni su zhig smod ces pa ni dung dang nya phyis la phyag rgya'i rgyan 'jig rten du bstan la chos kyi sku yi mtshams kyi tshu rol sems can rnams kyi thod pa la rgyu ci nyi phyir mi rigs zhes dgongs so/ /'di kho na mchog yin pa de'i phyir yang 'od zer gyis kun du 'gengs pa bkra shis pa thob par byed pa nyid kyi phyir dung la sogs pa 'ba' zhig bkra shis pa nyid ma yin no/ /de'i mgul rgyan logs bstan pa gsungs pa/ /dpa' bo thod pa'i phreng ba can/ /zla ba phyed pas cod pan byas/ /phyi mo lnga dang yang dag ldan/ /bsod nams kun gyi rgya mtsho che/ /zhes te 'di'i don 'di ltar yang dag par sangs rgyas ni seng ge dang 'phrog byed la sogs pa rnams kyis yang gtso bo ste/ gsungs pa yang/ bkra shis kun gyi bkra shis pa/ grags pa bkra shis snyan grags dge/ dbugs 'byin chen po dga' ston che/ /kun dga' chen po dga' ba che zhes so/ /de'i phyir yang rnal 'byor med par yid 'phrog pa ni tha snyad du rnal 'byor pas rig par bya'o/ /sgra ji bzhin pa'o/ /phyag rgya thod pa kha TwAM ga/ dpal rnams dpal las skyes par bshad/ /dpa' las skyes pa ni rdo rje
- 357b
rigs la sogs pa las skyes pa'o/ /bshad ni sangs rgyas rnams kyis bstan pa'o/ /rgyud mdor bstan par bcom ldan 'das kyis gsungs pa yang/ /byang chub la gnas byang chub che/ /bya rgod phung po'i ri chen por/ /ston pa po gnas nges pa ru/ /shes rab pha rol phyin pa'i tshul/ /sangs rgyas gsang sngags rang bzhin dag /dpal ldan 'bras dpung ston par 'gyur zhes so/ /sgra ji bzhin pa'o/ /gnod mdzes kyi las kyi cho ga'o/ /nga ni lag pa la dgod pa gsungs pa/ /sgrub pa po yi lag g.yon gyis/ /brda ni lnga po bstan par bya/ /'di ni dpa' bo'i gsung la ste/ /brda rnams kyi ni rab 'jug pa'o/ /zhes bya ba la sogs pas sor mo lnga ste/ sgra ji bzhin pa'o/ /'gro kun g.yon las byung ba yi/ /g.yon pa'i kun spyod rnam par gnas/ /mthe bong la ni rnam snang gnas/ /sdigs mdzub rin chen 'byung ldan gnas/ /gung mo'i yan lag 'od dpag med/ /ming med ral gri 'chad par gnas/ /mthe chung dpal ldan mi bskyod pa/ /lag pa'i dbus su rgyal pa'i bdag/ de ltar dpa' bo dgod pa ni/ g.yon pa 'byung ba'i rgyu yin no/ /lag pa'i rgyab tu rtag tu sbyar/ /dpa' bo thams cad mnyam par 'gro/ /'di ni lag pa dgod par 'gyur/ /g.yon pa'i cho ga bsgrub pa las zhes so/ /g.yon pa ni kun rdzob las 'od gsal ba'o/ /dgongs pa'o/ /lag pa dgod pas tshim pa la sogs pa bya'o/ /'di rnams zung 'jug gi sa bon rnams kyis so/ /de bzhin du kun spyod du oM baM haM yaM h+rIM mi tri tIM hUM hUM phaT phaT zhes pa'i pAM paM hAM yAM b+hA mo triM trIM hUM hUM phaT phaT/ dkar po dang/ dmar po dang/ ser po dang/ sngon mo dang/ dmar po dang/ dkar mo dang/ sngon mo dang/ ser mo dang/ ser po dang/ ljang mo dang/ sngo bsangs dang dung khal zhes pa lag pa'i mchod
- 358a
pa la gcig tu mthe chung la sogs par gang gi tshe lag pa dag phung po dang khams la sogs pas dbye bas de'i tshe g.yon pa'i 'jig pas dgod pa nye bar bstan pas dbus su rdo rje sems dpa' dang/ /phag mo la? gsungs so/ /de bzhin du gshin rje ma dang rnam par snang mdzad/ /rmongs byed ma dang 'od dpag med/ skyong byed ma dang he ru ka/ skrag byed ma dang rin chen dbang po gtum mo dang rta mchog mi bskyod pa la sogs pa g.yon du dgod par bya'o/ /mngon brjod du gsungs pa'i sa bon rnams ni ho:h+rAM(rgyud 'grel): oM b+h+ruM/ mthe chung la sogs pa'i nang du baM mo/ /de bzhin du g.yas la mthe bong la sogs pa la lAM mAM pAM tAM khaM/ nang du waM de ser po dang sngon po dang/ dmar po dang/ du ba dang/ cher ser ba rnams g.yas la'o/ /sngon po dang/ ljang gu dang/ dmar po dang/ ser po dang/ dkar po rnams kyang ngo/ /sa ni sbyin mar bshad pa ste/ chu yi khams ni mA ma ki/ me ni dkar mo zhes bshad do/ /rlung ni sgrol mar rab tu bsgrags/ /stong pa rdo rje dbyings phyug ma/ /'gyur med shes rab pha rol phyin/ /mthe bong la sogs thams cad du/ /sngon bzhin rim mthar ma lus brjod/ /gsang ba 'di ni mi bshad cing/ /rab tu 'bang pas sba bar bya/ /'dis ni dpa' bo brda bya zhing/ /gcig tu tsA ru bza' bar bya/ /zhes pa shes rab kyi pha rol tu phyin ma phag mo'i gsang brnyed dka' ba'i phyir ro/ /kun spyod du yang rnal 'byor ma drug sngar ji bzhin/ /rdo rje sems sogs bcu gnyis dag /dpa' bo chen pos sbyar bar bya/ lag mchod shin tu rnyed par dka' / /rnal 'byor pa yi lag mchod kyis/ /dbul pos 'dod pa'i don bzhin 'gyur/ /sems ni gzhan du gyur pa nyid/ /
- 358b
bza' btung gos sogs thob par 'gyur/ /rtag tu mchod pa phyed pa ni/ /de yi bsam pa sgrub par byed/ /bla mar yang/ mtshan ma drug po rtag tu mchod/ /mngon par bsngags nas bsgrubs pa las/ /rnal 'byor rgyal po mchog gis mchog/ de yis ring por mi thogs 'grub/ /ces te sgra ji bzhin pa'o/ /lag pa mchod pa'i cho ga'o// //de nas gzhan ni rab 'chad byed/ /bza' bya'i ston mo ma lus pa/ /yang dag cho ga gang gis ni/ / myur du dngos grub rab 'jug pa'o/ /zhes zhal bzhi pa gsungs so/ /sgrub pos rtag tu sngar brjod pa'i/ /phyugs rnams 'gugs par mi bya ba'o/ /mdor bsdus pa las phyugs rnams lnga/ /rgyas par sum cu rtsa bdun te/ dngos grub yan lag skye bdun pa/ /dngos grub bsgrub la 'dus pa ni/ /dang por mi yi rigs rnams kyis/ /rigs rnams kyi ni rigs las phyugs/ /rkang bzhi rnams kyi lag ldan te/ /'dab chags rnams kyi dang pa nyid/ /chu spyod rnams kyi 'ang nus sbal te/ /lha rnams kyi ni kha g.yo ba/ /dngos grub sgrub pa'i dkyil 'khor du/ /'di rnams phyugs su kun du bshad/ /'di rnams sbyin sreg gtor sogs kyis/ /'dod pa'i dngos grub 'gyur ba yin zhes so/ /de dgug pa ni 'gug par mi bya'o/ /gsungs pa yang/ gdug pa la 'jug par cho ga thams cad kyi gtso bo las so sor sgrub par byed do/ /zhes pa skye ba bdun pa bdun du 'jug pa ste gsungs pa yang/ /skye ba bdun pa'i phyugs nyid kyang/ /mkha' yi spyod dngos ster bar byed/ /bza' dang btung ba gang cung zad/ /zos dang 'thungs pa rnam drug po/ /smin pa las ni bcud 'gyur te/ /de tshe dang po'i skye ba'o/ /
- 359a
phyi nas khrag nyid du 'gyur ba/ /gnyis par gsol bar 'gyur ba yin/ /gsum pa ru ni sha nyid 'gyur/ /bzhi par pags pa nyid du 'gro/ /lnga par rtsa nyid du ni 'gro/ /drug par rus pa nyid du 'gro/ / bdun par rkang nyid du 'gro'o/ /bdun du 'jug pa de yin te/ zhes so/ /bsngags pa las ni yon tan las so/ /phyugs ni bram ze'o/ /kha g.yo ba nir skyes so/ /sgra ji bzhin pa'o/ /khyi nag mo'i 'o mas sbyar/ /ma sha nag po 'bras dang bcas/ /bcu bzhi pa'am brgyad pa'i mtshan mo'i ro'i khar dogs pa med pa brgya rtsa brgyad du sgrub pa pos ji srid du cha dang bcas par byas nas/ /de nas yi dags langs nas naM/ /ci bgyi zhes kyang smra bar byed/ /sa 'og gnas pa dang ral gri tshar bcad rjes su gzung la sogs/ /ril bu mig sman gter rnams sam/ /rkang pa byugs dang bcud kyis len/ /sgrub po'i yid la gnas pa ni/ /cig byin nas ni yi dags 'gro/ zhes te sgra ji bzhin pa'o/ /'og dang steng du pho nya 'grub/ /rgyud 'dir the tshom med pa yin zhes pas yongs su dag pa'i rnal 'byor gsungs te sgra ji bzhin pa'o/ /ro langs bsgrub pa'o/ /da ni bskyed pa'i khyad par gsungs pa/ ba langs gnas dang steng lding nyid/ /lhag ma mi skam rtsa de nas/ /dus chen po yi rang bzhin bya/ /yang na rus sbal gnas pa'o/ /zhes pa ni/ ba lang gnas steng du lding pa ni/ /rlung gi dkyil 'khor ro/ /lhag ma me'o/ /mi skam pa chu'o/ /rtsa ni sa'o/ /dung chen po'i ri ni dang po'i mgon po las yang dag par 'byung ba'i he ru kar bsgom par bya'o/ /zhes pa dgongs pa'o/ /bla ma bshad pa'i rgyud du
- 359b
yang/ mngal skyes kyis rim pa 'di nges par bstan pa 'di lta ste/ mngal skyes glu yi sbyor ba yis/ /bsgom pa yongs su brtag par bya/ /sgong skyes glu ni spangs pa ste/ /sgra dang sgra min rnam spangs pa zhes so/ /slar yang mngal skyes kyi tha dad pa'i dbye ba/ /glu yi sgra la sogs bcas pa/ /gnyid log sad par byed pa'i glu/ /mkhas la rmongs pas smad mi bya/ /sems can don rgyus rtogs bya ba/ /ma rtogs pa ni rtogs par byed/ ces so/ yang rda ni phyogs gzhan du ste rus sbal gnas zhes pa sgong skyes kyi rim pas myur du bsgom par bya'o/ /rgyud gzhan du yang sgong skyes dang mngal skyes srid pa bskyed pa'i rim pas rnam pa gnyis te/ tshangs pa'i sgo nga sgong las skyes pa brjod pa 'jig rten gyi khams 'byung ba'o/ /mngal ni gnyis gnyis sbyor bud med kyi mngal nas slar yang byung ba'o zhes so/ /bla mar yang/ sgong skyes rim pa'i sbyor ba yis/ /rnam sgom byed las bsgom par bya/ /lnga po 'dus pa bsam pa las/ /sgong skyes mchog ni bsgom pa'i phyir/ /'khor lo'i dbye bas dbye ba yis/ /ji lta'i rnal 'byor rnam sgom byed/ /bsam pa'i bye brag ni lta bas/ /ji ltar 'dod bzhin sgom par byed/ /bdag po la sogs dbye ba yis/ /rigs kyi dbye ba rnam bsgom byed/ /lha mo nyid dbye'i dbye ba yis/ /bdag po la sogs sgom par byed/ /drang ba'i don to/ /cha med glu ni spangs pa las/ /sgong skyes la cha spangs pa'o/ /gnyis gnyis thams cad rnam par grol/ /sgong skyes 'gyur ba mchog yin no/ /nges pa'i don to/ /bshad pa'i rgyud las/ mngon par rtogs pa brjod par bya ste/ nam mkha' i dbyings su yaM las skyes pa'i rlung gi dkyil 'khor sngon po gzhu'i rnam pa rgyal mtshan gyis mtshan
- 360a
pa'o/ /der raM las skyes pa'i me'i dkyil 'khor zur gsum pa tsan dmar po rdo rjes mtshan pa'o/ /paM las skyes pa'i chu'i dkyil 'khor zla ba dkar po'i 'od zer gyis phreng ba can no/ /la? las skyes pa'i sa'i dkyil 'khor ser po gru bzhi pa /rdo rje mtshan pa 'od ser po 'khrugs pa'o/ /der suM las skyes pa'i lhan po zur bzhi pa rin po che sna bzhi'i rang bzhin dbus su b+h+ruM las byung ba'i rnam par sna mdzad de las skyes pa'i khang pa brtsegs pa gru bzhi ba sgo bzhi pa rta babs bzhis brgyan pa mdung gis 'bugs pa dang/ ro bsreg pa dang/ rul pa'i dri dang/ rnag gi dri dang/ byis pa shi ba dang/ sbrul gyis zos pa dang/ mi bzad pa'i g.yul dang lhag ma za pa ste dur khrod brgyad kyis rnam par brgyan pa bsams nas/ /rnam pa lngas dang po mgon po rnam par bsgoms te/ zhu bar gyur pa la lha mo'i glus rab tu sad par byas pa'i mkha' 'gro lnga po 'khor dang bcas pa g.yas brkyang dang g.yon brkyang gis gnas pa'i shes rab dang/ thabs kyi rnam par bsgoms nas/ khams dang phung po dang skye mched byin gyis brlab par bya'o/ /ye shes kyi 'khor lo rab tu bcug nas mngon par dbang bskur te bzlas pa la sogs pa bya'o// mngal skyes sku ni bsgrub bya ste/ mkha' spyod nyid du the tshom med ces gsungs so/ /phag mos lhan cig dpa' bo ni/ /he ru ka'i dngos grub sbyin zhes pas sangs rgyas nyid bsgrub pa gsungs te/ lhan cig pa ni ro nyams du gyur ba'o/ /he ru ka ni shes rab ye shes te phyag rgya chen po'i don du bsgom par bya'o/ /'jig rten pa'i dngos grub kyi don du ni dpa' bo gcig pa yang na ste/ bla mar yang/ de nas dpa' bo'i 'khor lo ni/ /rang gi phyag rgya
- 360b
'khyud pa bsam/ /rang rang gi ni rnal 'byor ma/ /snying gar sbas pa rnam bsgom bya'o zhes so/ /rnal 'byor ma rnams kha cig 'dod/ /rnal 'byor pa kha cig mi 'dod/ /he ru ka dpal gcig pa yi/ /kha dog ji bzhin phag mo ni/ /rnal 'byor ma yi bdag por bsam/ /tha dad dbye bas dbye ba yi/ /ji ltar he ru ka rdo rje/ /de bzhin lha mo dbus su ni/ /sangs rgyas mkha' 'gro ma sbyor bas/ rnal 'byor ma'i 'khor gyis bskor/ /dpa' bo sku yi rdo rje ni/ /b+ha gra'i dbus su rnam sgom byed/ /de bzhin 'khor lo gsum sbyor bas/ /ji ltar bsam gtan rim pa las/ /tha dad 'khor lo rnam pa lnga/ /tha dad dbye bas bsgom par bya zhes pa gsal lo/ /phyag gnyis pa la grogs nas brtsams nas ji srid phyag ni 'bum du ? ces pa la sogs pa'i sgro las/ /gcig la sogs pa mdza' yas pa'i zhal dang phyag dang zhabs mang po dang du ma'i kha dog tu rtogs par bya'o/ /bshad pa'i rgyud du yang/ /ji ltar gnas pa rgyud pa'i rim pa mngon par brjod pa 'bum pa'i rjes su 'brangs nas rnal 'byor ma'i dkyil 'khor gyi le'ur rdo rje sems dpa' gsungs pa dang/ gzhan yang rdo rje mkha' 'gro ma mngon par brjod pa gsungs so zhes so/ /de nyid /du ji ltar bla ma'i dka' 'dod bzhin/ / gnas kyi gzhung lugs de bzhin no/ /ji ltar bsam pa'i bye brag gis/ /rnal 'byor ma yi dkyil 'khor bsgom/ zhes pa gsal lo/ /lus dkar 'jigs byed rnam pa ste/ /mgo bo phreng bas rnam par brgyan/ /rdo rje phag mo la gzigs pa/ /de yis kha dog mtshon cha 'chang/ /dpa' bo thod pa'i phreng ba can phyag rgya lA yis rnam par brgyan/ /ral pa'i cod pan dang dbyangs dang/ /mdung dang rdo rje bsnams pa'o/ /cung zad mche ba gtsigs pa'i zhes?/ /yi dags chen
- 361a
po gdan du byas/ /rnal 'byor cho ga bzhin bshad nas/ /dus kun du ni bsgom par bya/ /zhes pas phyag bzhi pa bsgom pa gsungs so/ /cho ga bzhin zhes pa ni bshad pa'i rgyud du gsungs pa 'di lta ste/ zla ba'i kha dog dang? pa/ /de bzhin dmar po 'bar bas 'khrugs/ sangs rgyas phreng bas rnam par spras/ /rgyan kun gyis ni brgyan pa'o/ /zhal bzhi pa la phyag bzhi pa zhes so/ /klu'i blo'i zhabs kyis kyang gsungs pa/ zhal gcig pa la phyag gnyis ni/ /yud tsam nyid kyis rang gi lha/ /pad+ma zla pa mnyam pa'i gdan/ /'od kyi dkyil 'khor gyis mdzes pa zhes so/ /dang po'i mgon po de bzhin du/ /zhal gsum phyag drug bzhi pa ste/ spyan gsum thugs rje yi ni gnas/ sna tshogs chu skyes zla dbus gnas/ /stong nyid ye shes yang dag 'byung/ /ral pa bcings pa zla phyed dang/ /thod pa'i cod pan dbu rgyan can/ /rgyan rnams thams cad yongs su rdzogs/ /rdo rje skyil krung gis legs gnas rang snang rigs pa'i lus sbyor gnas/ /thugs rje chags pas shin du bde/ /dkar po sngon po'i dmar po'i zhal/ /rnam thar gsum gyi rang bzhin skyes/ /rdo rje dril bu snyoms 'jug pa/ /lha mo'i nu ma 'chir bar byed/ rdo rje'i mdung dang thod pa dang/ /kha TwAM ga dang mgo po 'chang zhes so/ /phyag gnyis sems dpa' i skyil krung can/ /rgyan rnams kun gyis brgyan pa'o zhes pa ni/ /kha sbyor du zhal bzhi pa/ /phyag bcu gnyis pa sa? bon? ste rnam ba'o/ /de bzhin du yang bla mar/ de yi nang du 'khor lo ni/ /rtsi bas brgyad dkar po'i kha dog can/ /de'i dbus su pad+ma che/ kha dog sna tshogs 'dab brgyad pa/ /ze 'grur ge sar gyis bsrungs? pa/ /zla ba'i dkyil 'khor
- 361b
dbus gnas pa'i/ /rdo rje sems dpa' rigs bcas skyes/ /dkar dang ser dang de bzhin dmar/ /ljang gu zhal bzhi zhi ba dang/ /rgod dang drag po rnam par gtsigs/ /mchog tu gtsigs pas 'jigs par byed/ /rdo rje dril bu snyoms 'jug pa/ /mdung dang dgra sta cang te'u/ /gri gug thod pa kha TwAM ga/ /tshangs pa'i pags pa gos su gyon/ /zhags pa tshangs pa'i mgo bo nyid/ /bcu gnyis phyag gis de bzhin no/ /sems dpa' i skyil krung gis gnas pa/ /thod pa'i cod pan dbu rgyan can/ /rgyan rnams thams cad yang dag rdzogs/ /mtshan dang dpe byad dang ldan pas/ /thugs kar ye shes dam tshig ste/ cod pan rdo rje 'dzin pa'o/ /ji ltar thabs bzhin shes rab 'dra'o/ /phyag rgya lnga yis byin gyis brlabs/ /rigs kyi dbye bas phye ba yis/ /rdo rje dbyings dbang phyug ma mchog /bde chen thabs kyi sbyor ba yis/ /sku gnyis su bar gyur pa dang/ /de ma thag tu bzhengs pa yi/ /sku yi mkha' 'gro 'khor dang bcas zhes so dpa' bo rnal 'byor ma lhan cig /g.yas brkyang ba dang g.yon brkyang gnas/ /dkar sngo ser dang dmar ba'i zhal/ /rdo rje dril bus 'khyud pa'i phyag/ sngar gyi zhal sogs rim pa yis/ /phyag ni mtshan ma 'dzin pa'o zhes so/ / de bzhin du gsung gi 'khor lo mkha' 'gro ma la sogs pa rnams kyang rtogs par bya'o/ /sgra ji bzhin pa'o/ /de nas rnal 'byor chos mchog ni/ /sngags pa'i rnal 'byor kun du min/ zhes pa ni che ba gsungs pa ste sgra bzhin no/ /bskyed pa'i bye brag gi cho ga'o// //bza' bya nya sha la sogs kyis/ /de bzhin sgron ma lnga sogs kyis/ /mtshan ma la ni rtag tu bya/ /sgrub po ston mo'i dngos grub ni zhes te/ /sgron ma la sogs pa ni gro gu?
- 362a
da ha na rnams te dgongs pa'o/ /de nas pho nya mo sbyin bya/ /pang du mgo bo mngon byas nas/ /ma'o sring mo la bu mo yis/ /dpa' bo gnyis med mchod byas te/ /zhes te mgo bo ni thod pa'o/ /yang par sbrang rtsis bkang pa thogs nas shes rab ma la sbyin par bya'o/ /sngar gsungs pa yi cho ga yi/ /bcings pa legs par grol bar bya/ /de nas sngags 'dis 'grub 'gyur te/ /ji srid sdud g.yeng yod par du/ / zhes te/ /'ching ba ni rjes su 'brel ba ste shes rab ma la'o/ /legs par grol ba ni sangs rgyas pa'i grol ba'o/ /bud med thams cad rigs gcig par bgegs byed pa yin pa dang/ de rnams kyi rtogs bya dang rtogs pa nyid yod pa'i phyag rgya rnams kyi dngos grub po/ /de nas ji ltar rang gis nus pa la gshegs pa rnams kyis dang/ /gnas pa rnams kyis kyang spang par bya ba ma yin pa/ /rang gi bu rnams kyis rnam zhig chags pa gang kho nas sems can rnams ltung bar byed pa de kho nas rnal 'byor pa srid pa'i pha rol tu 'gro'o zhes so/ /sdud cing kun du g.yeng pa ni 'khor bas de gsal lo/ /slob dpon lus su gnas pa'i ches/ /sngags pa rnams kyi mchod pa len/ /dpa' bo rnams kyis gdan nyid dang/ /phyag rgya de la the tshom med/ ces te slob dpon ni sgrub pa pa'o/ /de'i lus te bdag kho na dpa' bo rnams kyi stan dang phyag rgya yin pa de'i phyir yang mchod par bya ba nyid do/ /dgongs pa'o/ /sgrub po legs par mnyam gzhag pas/ /glu dang gar la sogs pa bya/ /ji srid lus can thams cad kyang/ /rnal 'byor shes par ma gyur pa/ /de srid 'khor bar 'khyam byed cing/ /sdug
- 362b
bsngal mya ngan gyis g.yengs 'gyur zhes pas rol pa gsungs te/ bla mar yang/ rnal 'byor ma rnams mnyes byed pa'i/ /blu la mkhas pas smad mi bya zhes so/ /rnal 'byor zhes pa ni rnal 'byor rang gi stong pa nyid dang snying rje tha dad med pa'o/ /shes par byed pa ma yin pa'o zhes so/ /gsungs pa yang rang gi sems yongs su shes pa kho na byang chub po dgongs pa'o/ /sgrub pos dngos po thams cad kyi/ /phyag rgya nus pas mchod par bya/ /mchod pas mchod par yos ba ste/ /brnyas pas nges par sreg par byed/ /phyag rgya mo ci yang ngo/ /drang ba'i don no/ /phyag rgya mchod pa ni dag cing gsal ba ston ka'i dri ma med pa'i nam mkhar snang ba bsgom par bya'o/ /dngos po thams cad kyis ni rang bzhin med pa'i srid pa bsgom par byed pas so/ /nges par sreg par byed ni rdo rje rnal 'byor ma rnams shes pa la 'jigs pa dang/ smyo ba la sogs pas gzir bar byed do/ /nges pa'i don no/ /rnal 'byor rgyud du mi rnams kyis/ /phyag rgya chen po dang po 'grub/ /rab tu 'bad pas mchod par bya/ /phyi nas dpa' nyid kun du dpyad/ ces pas bsngags pa gsungs so/ /dang po 'grub pa ni thog ma med pa'i srid par 'grub pa ni phyag rgya chen po dang las kyi phyag rgya thams cad rdzogs pa'o drang ba'i don no/ /dang po ni lhan cig skyes pa/ nges 'grub pa ni rdzogs pa'o/ /phyag rgya chen mo ni shes rab ma'o/ /nges pa'i don no/ /rnal 'byor rgyud rnams su ni 'dus pa la sogs pa rnams su'o/ /sku gsung thugs ni yang dag 'grub/ /sangs rgyas gzugs ni 'chang ba'i mchog /dzam+bu nA da'i 'od bzhin du/ /dman pa'i dngos grub yang dag bsten/ zhes so/ /dpal 'dus par gzugs sna tshogs dang
- 363a
sgra sna tshogs dang/ /bsam pa sna tshogs pa'i don thob pa ni sangs rgyas mkha' 'gro ma rnams so/ /de rnams kyi gzugs tsam 'chang ba dman pa 'jig rten pa'i mkha' 'gro ma rnams so/ /zhes pa'i don no/ /de ltar mchod pa'i tshogs zhi ba la sogs pa gang yang/ /nyon mi mongs pa kho nas 'grub/ sgrub pa po yis the tshom med/ /ces te mchod pa ni rdo rje'i mchod pa ste sngon du 'gro ba can gyi las kyi bya ba de don du gnyer bas so zhes pa sgra ji bzhin pa'o/ /gsang ba'i mchod pa'i cho ga'o// //de nas 'di las mkha' 'gro ma'i dra ba'i 'khor lo'i cho ga rgyas bshad/ /gang du las rnams myur bar ni/ /sgrub pa po'i the tshom med/ /ces pas sngags kyi gzugs brnyan gyi bsam gtan gsungs te rgyas par nga yis 'chad par byed ces rtogs par bya'o/ /'dir rtsa ba'i rgyud kyi rjes su 'brangs nas chos kyi phyag rgya sngags dgod par rtogs par bya'o/ /dpa' bo kun dang phag mo ni/ /pad+ma'i lte par nges par sbyar/ /'dab ma bzhi la mkha' 'gro ma/ /phyogs gral rnams su bdud rtsi'i snod ces te/ /dpa' bo thams cad ni de bzhin gshegs pa lnga'i bdag nyid can hUM yig go /phag mo ni steng gi nA da'i bdag nyid can no/ /mkha' 'gro ma ni bzhi ste/ /de rnams kyi ming gi dang por gnas pa'i sa bon yang na'o/ /bdud rtsi'i snod ni khu ba la sogs pas yongs su gang ba'i thod pa yang na'o/ /bla mar yang oM AM iM a'iM uM a'uM eM iM oM aauM aM a(rgyud 'grel): lus kyi dbus su'o/ /ri rI/ li lI/ phyogs shal rnams su'o/ /kaM khaM gaM g+haM ngaM/ tsaM tshaM dza(rgyud 'grel): dzhaM nyaM/ TaM ThaM DaM DhaM NaM/ taM thaM daM d+haM naM/ paM phaM baM b+haM maM/ yaM raM laM waM/ shaM ShaM saM haM thugs la sogs pa ste/
- 363b
thugs kyi 'khor lo rnams su kha dog dkar po ste/ 'di kun mchog tu gsang chen te/ gang su la yang bshad mi bya'o/ /zhes pa drang ba'i don no/ /dpa' bo thams cad ni lhan cig ces pa/ phag mo ni stong pa nyid/ pad+ma'i lte ba ni chos kyi dbyings su nges par sbyar bar bya ni de dag zung du 'jug pa'i mtshan nyid du shes par bya'o/ /nges pa'i don no/ /'bar 'phreng rgya mtshor blta bar bya/ /kun nas sgo yi 'khor lo ste/ /dpa' bo'i dbang po zhal bzhi pa/ /dpa' bo dpa' mo gnas de bzhin zhes pas de kho na nyid kyi bsam gtan gsungs te/ /'bar 'phreng rgya mtsho ni 'od zer lngas yongs su dkris pa'o/ /de'i 'khor lo ni phung po la sogs pa rgyal ba'i tshogs lus kho nar blta bar bya'o/ /nam mkha' dbyings ni de dngos su byed pa'i phyir kun nas sgo ste kun nas khyab pa'o/ /ye shes kyi sku ni zhal bzhi pa ste/ sku bzhi'i bdag nyid can no/ /dpa' bo'i dbang po ni/ /rdo rje sems dpa' la sogs pa rnams kyi gtso bo'o/ /dpa' bo'i spyan la sogs pa nams kyis mtshon pa dpa' bo'i gnas te rnam par dag pa'i so dang sen mo la sogs pa thod pa'i dum bu la sogs pa shes rab dang bcas pa mtshon pa'o/ /gsungs pa yang/ lus ni rdo rje'i ba spu can/ /rdo rje'i spu ni gcig pu'i lus/ /sen mo skyes pa rdo rje'i rtse/ rdo rje snying po pags pa mkhregs/ /dpal 'dus par yang gsungs pa/ /rin chen chen po kha dog lnga/ /yungs kar gyi ni 'bru tshod tsam/ /sna yi rtse mor nan tan du/ /rnal 'byor rigs pas rtag tu bsgom zhes mthar drug tu gdon mi za ba'i don no/ /'od zer lnga dang ldan pa ni sgyu ma'i lus kun rdzob kyi bden pa'i rang bzhin can gyi gzugs so/ /thams cad stong pa 'di rang gi lus su rab tu gzhug par bya zhing/ gcig tu 'dres par gyur pa las nyin dang mtshan mor de la
- 364a
rim pas brtan par gyur ba la srid pa dang zhi ba'i bdag nyid rgyal bar 'gyur ro/ /zhes pa dgongs pa'o/ /sngags kyi de nyid bshad pa la'o/ /da ni 'jig rten las 'das pa'i sbyin sreg gsungs pa/ /smin ma'i dbus su gzhug par bya/ /oM ba d+hU ti'i gnas de bzhin/ /dpa' bo 'chol ba'i zhal gyis mer/ /sbyar bya nam yang gzhan du min zhes bya ba la sogs pas so/ /rgyud du yang smin dbus zla ba pad+ma yi/ /bcu drug gis ni de bskor ba'o/ /dang po'i dbyangs yig yang dag ldan/ /bsams nas skad cig de la 'bar zhes so/ /hoM A(rgyud 'grel): hUM sku gsung thugs rnams su bsgom nas lte bar nA da dmar po rnam par bsgoms te de'i 'od zer gyis zhu ba'i bde ba bsgom par bya'o zhes pa 'di'i don no/ /dpa' bo'i zhabs 'dod pa la lte bar nyi ma dang zla ba la thig le'i ri mos dbyangs kyi yi ge gsum gyis dkris nas/ /dkar po phyed dang/ dga' ba phyed kyi mthar ro zhes pa drang ba'i don no/ /gzhug par bya zhes pa ni dpral ba'i thig ler srog rtsol gyis srog rab tu gzhug pa'o/ /a ba d+hU tI'i gnas ni gtum mo can du zhugs pa de las 'gyur ro/ /dpa' bo 'chol ba'o zhal gyis mer sbyar bya gzhan du min ni phung po la sogs pa rnams so// gzhan du min no ba lang sha dang khrag phreng sogs/ /bsreg bya lnga dag rab tu sbyin/ /phyi nas sreg za 'bar ba la/ /sreg blugs dgu ni sbyin par bya zhes pa'i sreg blugs dgu ni yul dang dbang po zad pa las phung po dang khams dag go / de'i phyi nas 'bar ba la ni la la nA dang ra sa nA gcig tu sbyor ba las so/ /gsungs pa yang 'dzin pa'i mthar gtum mo'i rnal 'byor bsgom par bya'o zhes pas/ nye bar bstan pa de las lte bar bum pa can byas nas g.yo ba
- 364b
med par bya'o zhes pa'o/ /sreg za ni 'od gsal ba'i me bde ba chen po'i ting nge 'dzin gyis lus dang ngag dang sems rang bzhin med par bya'o zhes pa nges pa'i don no/ /'di dag sbyin sreg mdor bstan pa ste/ dngos grub thams cad rab sgrub byed/ /mkha' 'gro ma gzhan sbyor ba yis/ /'grub 'gyur 'dir ni the tshom med ces pa 'dis phan yon gsungs so/ /sbyin sreg gi de kho na nyid do/ /dgongs pa'o/ /de bzhin du yang lte ba'i pad+ma'i thabs chen po la las kyi rlung gis sbar ba'i gtum mo shes rab kyi me de la the rtsom med par sbyin sreg bya'o/ /de kho na nyid kyi sbyin sreg go /'dod pa thams cad byed pa ni/ /ji ltar lha 'khor rnams su mtshon/ /mchod pa gnyis med sbyor ba yis/ /las rnams so sor legs sbyar ba/ /gang 'dir dngos byed pa yi sngags/ /de rnams dbye ba nga yis bshad/ /kha dog pho nya sogs gang sngags/ /mda' yi shugs kyis yongs su 'khor/ /phan tshun sbyar ba'i gsang sngags ni/ /rnam snang gis ni phye ba nyid/ /sa bon phreng ba spel ba ni/ /hUM yig mthar ni rab tu gnas/ /ces pa 'di rnams kyis bzlas pa gzhan gsungs so/ /thams cad ces pa zhal gcig pa la sogs pa'i sngags so/ /gnyis med sbyar ba yis ni shes rab mas lhan cig bas dpa' bo'i sngags dang spel ba la sogs pa dang lhan cig pa las kyi rjes su 'brang bas so/ /zhes pa sgra ji bzhin pa'o/ sngags ni phreng ba'i sngags rkang pa nyi shu rtsa bzhi pa'o/ /dbye ba ni yongs su phye ba bshad bar bya'o/ /kha dog ni dkar po la sogs pa'o/ /pho nya mo la sogs pa ni rab gtum ma la sogs pa dang lhan cig pa'o/ /mda'i shugs ni rlung gi shugs kyis so/ /yongs su 'khor ni 'bab pa'i dbang gis mtshon par bya'o//
- 365a
rnam par ldang bas ni ma rungs pa'i las rnams so/ /sa bon phreng ba ni shes rab dang thabs kyis sngags kyi phreng ba'o/ /hUM yig ni mthar bzlas par bya'o/ /ni yig ni ma brjod pa bsdu ba la ste/ de na oM yig dang por dang phaT yig la sogs pa mthar shes par bya'o/ /sngon po la sogs pa'i kha dog kyang ngo/ /gsungs pa yang de ltar phreng ba'i sngags kyi rkang pa so so dbugs kyi 'khor lo'i grangs so/ /'dir bgrang phreng med cing sngags brjod pa med de dbugs 'jug pa dang 'byung ba dag dang lhan cig sngags kyi yi ge rnams rab tu 'jug pa dang 'byung ba me tog gi phreng ba bzhin du zla ba dang nyi ma'i rang bzhin lugs dang mthun pa dang lugs dang mi mthun pas blta bar bya'o/ /de ltar nyin zhag brgya phrag bco lnga rnams kyis dbugs g.yo ba med pa bum pa can gyi gnas skabs su 'gyur ro/ /de nas mngon par shes pa lngar 'gyur ro/ /zhes pa dgongs pa'o/ /bsgrub bya 'gog pas 'gyur ba ni/ /gom pa gcig kyang mi 'gro'o/ /kha sbyor kha sbyor can dngos po/ /rdo rje lu gu rgyud bcings pa/ /zhes pas phan yon gsungs so/ /'gog pas ni dkyil 'khor bcu po rnams su'o/ /bsgrub par bya ba ni rlung ste/ dga' bar gnas pa gsang bar phyin pa'o/ /mi 'gro'o ni ze 'bru las gzhan du ste/ bde ba nyi mar rab tu zhugs par 'gyur te 'dzin pa'i yan lag gis so/ /bla mar yang/ srog gi rtsol ba'i 'khrul 'khor nyid/ / bsams nas skad cig de las 'bar zhes so/ /kha sbyor can ni kha sbyor ma yin pa kha sbyor can du gyur pa ste/ /bu ba dang rdul dag go /rdo rje mkha' 'gror yang shes rab thabs ni mnyam par sbyor/ /kha sbyor can zhes mngon
- 365b
brjod bya/ /lag pa dag gis kun du 'khyud/ /rdo rje lu gu rgyud du brjod zhes te/ dgongs pa'o/ /'di rnams rdo rjes dbye bya zhing/ /de nas bung ba 'khor bar bya/ /de la lcags kyu 'gugs byed pa/ /de bzhin gtun shing skyed byed la/ /za la rdo rje kho nar brjod/ /'gugs la mda' ni kho na dang/ /dus min 'chi ba slu ba la/ /nu mar kha TwAM ga sbyar bya/ /zhes pas dus su 'chi ba slu ba gsungs so/ /rdo rje ste po dbang gis bud med kyi pad+ma dbye bar bya'o/ /bshad pa'i rgyud du yang rdo rjes pad+ma dbye bar bya/ /bung ba sbrang rtsir 'dod pa yin/ /'khor ba g.yo bar bya ba'o/ /bde ba'i thabs te thams cad rig ces so/ /'gugs byed la ste byang chub kyi sems kyi shin tu bde ba la lcags kyu ste sdigs mdzub lcags kyu'i rnam pas so/ / bskyod pa la ste gtun shing 'di'i rdo rje rab tu gzhugs pa'o/ /za ba la ste bag chags rnams kyi rdo rje ste khu ba'o/ /'bugs pa la ste stong pa nyid kyi mangs rnam par 'joms par 'gyur ro/ /de nyid kyi dgongs pa'o/ /kha TwAMng+ga ni shes rab ma'i khu bas 'gro pa'o/ /bshad pa'i rgyud du yang shes rab kha TwAMng+ga gzugs can zhes so/ /nu ma la sbyar ba ni bcom ldan 'das kyis nges par bstan pa'i ched du ste gsungs pa yang/ /'di ni 'chi ltas slu ba la/ /rnal 'byor rnams kyis dga' bar 'gyur zhes so/ /dgongs pa'o/ /thod pa'i mchod yon snod du ni/ /zhal du mtshon cha nges par sbyor/ /sku gsung thugs kyi gsang sngags ni/ /dbang po gnyis la dgod par bsgrags shes pa ni tshogs pa la sogs pa'i mtshon tshe rnam par bzhag pa ni 'od zer ro zhes so/ /gnas kyi 'jug pa drang pa'i don no/ /thod pa ni kaM bde ba spyod par byed do zhes pa'o/ /rdo rje mkha' 'gror yang/ /lha mo dus 'chi slu ba la/ /yan lag kha TwAng+ga dang sbyar/ /thod pa'i mchod yon
- 366a
snod du ni/ zhal du mtshon cha nges par sbyar/ /zhes te nges pa'i don no/ /dbang po gnyis mnyam par sbyar bas bsgrub par bya'o/ /zhes pa sgra ji bzhin pa'o/ /phan tshun rol pa'i gsang sngags ni/ /gcig tu mkha' 'gro ma dang sbyar/ /lha dang lha min mar bcas rnams/ /'di yis myur du bsgrub par bya zhes pa sgra ji bzhin pa'o/ /'chi ba blu ba'o// //de nas dbang du byed pa'i mchog /gzhan ni yang ni rab 'chad byed/ /bza' bya zos pa min pa la/ /bzlas pa'i mthar ni slar yang skyug /bza' dang btung ba rnams la sbyar/ /'di ni mtshan mo bdun gyis ni/ /ji srid 'tsho bar bud med rnams/ /dbang du 'gyur bar the tshom med ces pas dbang du bya ba gsungs so/ /skyug pa ni bza' bya skyug pa'o/ /de nyid slar yang bkrus nas bzlas pa'i mthar nye ba'i snying po'i dbang du bya ba'i cho ga las ji ltar gsungs pa der 'gyur ro zhes so/ /ser skya'i mar ni 'thungs nas su/ /de nas bzlas mthar skyug par bya/ /bdag gi gdong pa de nyid kyis/ /byugs te khros pas blta bar bya/ /gzhon nu ma de mthong ba yis/ /dbang du 'gyur bar the tshom med ces pa gsal lo/ /til mar sA lu btags pa ni/ /ldan pas lus ni bskul nas ni/ /sngags pas snam mkhur byas nas ni/ /bza' ba la ni de sbyar bya/ /gal te las 'di ma btang na/ /rtag tu mi mo dbang du 'gyur/ /snum 'khung ni 'khur ba'i bye brag go /bza' ba la lan bdun bzlas pa ma btang na ji srid 'tsho'i bar du'o/ /til nag rnams ni zos nas su/ /skyugs pa skye tshe dang lhan cig /ru rta bshang lam las grol ba/ /lag skyes lto ba'i srin bu ni/ /rang gi khrag gis btag par bya/ /khu ba nyid kyis sbyar bar bya/ /bza' ba btung ba mig sman dang/ /gos la byug ras
- 366b
sbyar bar bya/ /de ltar ji srid 'tsho bar du/ /dbang du byed par the tshom seng ces te/ ru rta ni bshang bar dgongs so/ /lag skyes ni ming med kyi sen mo'o/ /srin bu ni 'bu'o/ /khrag ni ming med las byung ba'o/ /gsal lo/ /sngar brjod pa'i lha nyid ? nas de sngon du 'gro bas las bya'o/ /ba langs sha bsreg sbyin sreg la/ khrag gis bskus na lha rnams dang/ ma mo dbang du 'gyur ba yin/ /gal te ma 'ongs 'chi bar 'gyur/ /sngags pas sbyin sreg 'di yis ni/ /zhag bdun gyis ni 'grub par 'gyur/ /sbyin sreg mthar ni gtor ma sbyin/ /'gro ba dgug bya brtul zhugs can zhes te/ lha rnams ni shes rab dang thabs kyi bdag nyid can nam las kyi rjes su 'brang bas bya'o/ /khrag gis skyugs pa la'o/ /sbyin sreg gi mdza' ru dbang du bya ba'i cho gas ji skad gsungs pa bzhin 'gyur ro zhes pa sgra ji bzhin pa'o/ /dbang du byed pa'i cho ga'o// //brda ni mkha' 'gro ma rnams kyi/ /lus nyid kyi ni mtshan nyid dang/ sngags pas dpa' dbang ma klog cing/ /g.yon gyis kun du spyod pa spas/ /zhes pas gsang chen gsungs te rgyud kyi mtshan nyid dpa' bo'i dbang po'i yan lag gi dbye ba dang dpa' bo'i dbang po bum pa la sogs pa'i dbang bskur ba ma yin pa'i byis pa rnams rgyur du sbas so/ /sgra ji bzhin pa'o/ /da ni rnam pa lngas phyag drug pa'i sgrub thabs brjod par bya ste/ dbang po rnon po rnams kyis 'dir A li kA li lugs dang mthun pa dang/ /lugs bzlog pas nyis 'gyur byas nas hUM yig la sogs pas byin gyis brlabs pa/ /rdo rje la sogs pa'i mtshan ma las skyes pa'i dpa' bo dkyil 'khor ba dang bcas pa'i rang dam tshigs sems dpar bskyed nas ye shes sems dpa' rab tu gzhug par
- 367a
bya'o/ /de bzhin du mngon par brjod pa'i bla mar gsungs pa/ /snying gar zla ba'i dkyil 'khor gyi/ /dbus su ye shes sems dpa' ni/ /de mdog phyag mtshan bltas nas ni/ /zla ba rdo rje'i sa bon can zhes so/ /de nas mgo bo la sogs par dgod par byas nas ye shes kyi 'khor lo rab tu gzhug par bya'o/ /rang gi snying ga'i lcags kyu'i sbyor bas dpa' bo dang dpa' mo'i tshogs rnams nam mkhar bltas yang dag par mnyes pa'i rjes su gsol ba gdab par bya'o// oM a b+hi Shiny+tsan+tu mAM sarba ta thA ga ta zhes so/ /de nas he ru ka'i gzugs can gyi sangs rgyas de rnams kyis/ /oM sarba ta thA ga ta a b+hi She ka sa ma ya sh+ri ye hUM hUM zhes pa mngon par dbang bskur bar bya'o/ /mngon par dbang bskur ba'i cod pan du rang gi rigs kyi dbang po he ru kar 'gyur ro/ /snying po'i 'khor lo la gnas pa rnams kyi rin chen dbang po thugs la sogs pa'i 'khor lo la gnas pa rnams kyi thugs dang gsung dang sku'i mkha' 'gro dur khrod na gnas pa rnams kyi dam tshig gi dpa' bo yang ngo zhes pa'o/ /shes rab la rjes su chags pa dang phra mo'i rnal 'byor rnam par bsgoms te/ dam tshig gi 'khor dag par byas nas rdo rjes bzlas pa la sogs pa bya'o/ /dam tshig kun spyod yang dag ldan/ /sngags pas mnyam bzhag bzlas par bya/ /srog gi rtsol ba'i 'khrul 'khor nas/ /phyag 'tshal hUM yig brjod par bya/ /mdzes pa'i bzlas pa'am/ dag gi bzlas pa byas nas smon lam gdab pa dang/ gtor ma sbyin par bya'o dpa' bo'i zer gyis bkug pa de rnams rang la rab tu btsug nas gshegs su gsol bar bya'o/ /mngon par brjod pa bla mar yang/ /mgon po zhal gsum phyag drug pa/ /spyan gsum rnam par 'gyur ba'i zhal/ /dmar po dkar po sngon
- 367b
po'i zhal/ /rdo rje dril bu snyoms par zhugs/ /phyag na kha TwAng+ga ral gri/ cang te'u dang mgo bo'i zhes so/ /de nas phyag bzhi pa brjod par bya ste dbang po 'bring po rnams kyi'o/ /de bzhin du yang/ phyag bzhi pa la zhal bzhi pa/ /spyan gsum drag po 'jigs par byed/ /g.yas brkyang zhabs kyis gnas pa ste/ dus mtshan 'jigs byed mgo bo mnan/ /dkar sngon ljang dang dmar po'i zhal/ /rdo rje dang ni dril bu dang/ thod pa kha TwAM cang te'u can/ /bcom ldan ji 'dra de bzhin du/ /bcom ldan 'das ma'ang de 'dra'o/ /yang na zla ba rdo rje'i rim pas bsgom par bya ste de bzhin du/ de yis dbus 'gyur stong par ni/ /zla ba hUM gi yi ge mchog /de yongs 'gyur las rdo rje bzang/ /rdo rje sems dpa' rnams bsgom bya zhes so/ /de nas ho(rgyud 'grel): yig gnyis dang bcas pa la/ sngar grub pa rnams dran par bya'o/ /gnyis ka kun du dga' 'gyur pas/ /shin tu dga' bas zhu bar gyur/ /de ma thag tu dpa' bo dang rnal 'byor ma rnams langs te cang te'u grag pa'i sgras bskul bar gyur to/ /de nas sa bon dang mtshan ma las skyes pa'i dpa' bo bsgom par bya'o/ /zhes pa'o/ /de nas zhal gcig phyag gnyis pa'i cho ga dbang po rtul po rnams kyis rang byin gyis brlabs pas bsgom par bya ste zla ba dang sa bon zhes pa'am/ yang na yud kyis te/ de bzhin du bla mar yang yud kyi rnam pas rdzogs pa yi/ /rnal 'byor rnal 'byor mchog gi mchog ces so/ /rdzogs pa'i rim pa 'di yang mkha' 'gro ma rnams kyi brdal sogs pa ste/ gang gzhan gyi drung du 'don byed na/ /ngan pa'i bdag nyid rmongs can de/ byugs kyis mchog yin mkha' 'gro ma 'am/ /pho nya rnams kyis zos gyur kyang/ /de dag la ni skyob mi byed/ /sangs rgyas 'jig rten las ltung zhing/ /bla ma 'khu ba'i sdig pa byed/ /dam tshig skyong bar
- 368a
mi byed dang brda la sogs rnams rab sbed byed/ /de 'dir nga ni rjes su 'dzin/ /mkha' 'gro ma nyid dge ba'i zhal zhes te/ /gzhan gyi ni dam tshig rig pa las gzhan no/ /drung du 'don par byed pa ni sems par byed pa dang 'bri bar byed pa'o/ /da ni khyod la srung bar mi byed do/ /sangs rgyas 'jig rten las ni chos kyi dbyings las so/ /bla ma ni bla ma'i dam tshig ste/ gsal lo/ sngags pas rtsa ba'i gsang sngags tshig /lan bdun bar du rjes dran bya/ /de 'di'i thugs kar phag mo ni/ /srung ba byed par the tshom med/ /chu klung chu gter lteng ka dang/ /ri bo dang ni bzhi mdo rung/ /dur khrod nags tshal 'jigs rung pa/ /seng ge glang chen 'jigs brgyad la/ dpa' bo rnams dang pho nya mos/ / lhan cig sgrub po rtag tu rol/ /ri bo tshang tshing sman ljongs dang/ /mtsho dang gsang ba'i sa yi mthil/ /zhes pas gnas gsungs so/ /dpa' bo rnams dang pho nya mos/ /lhan cig mnga' bdag rtag tu rol/ /kye gang gi phyir don gang las rol par byed pa de'i phyir/ /'dir sgrub pa po yang dga' bar byed do/ /gsal lo/ /dpa' bo dang dpa' mo rnams kyi gsang ba'i gnas kyi cho ga'o// //de nas grub pa'i rnal 'byor ches/ /rnam brgyad sngags kyis bshad par bya/ /de yis mkha' 'gro ma mthong ba/ /rab tu stsol 'gyur the tshom med ces bzhad pa brgyad gsungs so/ /de ltar dang po snying gar bzhad pa'i rtsa ba'i sngags la sogs pa bzlas par bya'o zhes pa sgra ji bzhin pa'o/ /ha hA hi hI hu hU he hai 'jigs par byed pa'i bzhad pa 'di rnams kyis de rnams rnam par 'byed par byed cing 'khrul pas 'jigs shing 'bros par byed do/ /sgrub pa po yang mkha' spyod de dngos grub rgya chen po ster bar byed do/ /bde ba can ni pho nya mo rnams kyis lhan
- 368b
cig sgrub po rtsa bar byed do zhes sngags gsungs so/ /dngos grub ni bcu gsum pa 'bras bu'i bdag nyid ster ro/ /bcom ldan 'das kyis kyang rgyud mdor bstan par gsungs pa/ stong nyid snying rje'i bdag nyid sku/ /ye shes lnga dang sku gsum pa/ /bcu gsum 'bras bu thob pa po/ /dpal ldan dus 'khor la phyag 'tshal zhes so/ /bde ba can bcos ma ma yin pa rab tu zhi ba'i bde ba'o zhes pa sgra ji bzhin pa'o/ /rnal 'byor ma rnams mthong ba dang/ bzhad pa brgyad kyi cho ga'o// //da ni yang dag rab 'chad byed/ /gang gis mi rnams dbang du 'gyur/ /sngags dang rnal 'byor cho ga las/ /dpa' bo'i zla bas bsgrub par bya/ /zhes pas phyi rol gyis dbang du bya ba gsungs te/ /mi rnams ni rigs lnga po rnams so/ /rnal 'byor cho ga las ni las so so'i rjes su mthun pas so/ /sgra ji bzhin pa'o/ /zla bas ni sbyin sreg gis so/ /sgrub pa po yang dpa' bo yang dpa' bo'i dbang po nyi ma bdun las so/ /dngos grub rgya chen stsol bar byed/ /bdag nyid mtshan mo sbyin sreg byas/ /brgya rtsa brgyad ldan nyid kyis ni/ /thun gsum du ni bsgrubs par gyur na/ /rgyal po dpung dang bcas nyid kyang/ /nyi ma bdun gyis dbang du 'gyur/ /phyed kyis bu ni chen po ste/ /de byed kyis ni blon po'o/ /las sgrub pa la sreg blugs ni/ /rgyal phran so gnyis sbyin sreg bya/ /bram ze rnams la 'ang nyi shu ste/ /nyi ma bdun du sbyin sreg bya/ /rgyal rigs thun mong pa la bdun/ /rje rigs rnams la sbyin sreg lnga/ /dmangs la sbyin sreg gsum bya'o/ /mdza' skyes de bzhin gcig sbyar bya/ /de ltar dpa' bos rigs rim las/ /zla ba gcig gis bsgrubs gyur pa/ /sgrub pos gsang sngags 'di yis ni/ /'gro ba mdza' dag 'gugs par byed ces te/ /phyed ni lnga bcu rtsa bzhi'o/ /bu chen po ni rgyal po'i bu'o/ /de'i phyir gyis ni nyi shu rtsa bdun
- 369a
kyis so/ /thams cad du thun mtshams gsum du rtogs par bya zhing sbyar bar bya'o/ /sha dang nya dang ldan par ni dbang gi thabs tu'o/ /lha dmar po'i sbyor bas so zhes so/ /da ni bcom ldan 'das kyis gsungs pa'i rnal 'byor brjod par bya ste/ dpa' bo gcig pa 'am shes rab dang thabs kyi bdag nyid kyang rung ste/ zhal la sogs pa'i dbye bas zhi ba la sogs pa'i las byed do/ /gang gi tshe zhi ba la sogs pa la sku'i zhal gtso bor byas nas dkar por 'gyur te zla ba'i dkyil 'khor gyis dbus su gnas pa'o/ /de bzhin du gsung rdo rje zhes pa la sogs pas dbang la sogs pa la 'di ltar ma mo'i gsal ba'i pad+mar rnam pa lngas waM yig las skyes pa'i chu skyes chu skyes pas skyes pa'i lha zhal cig phyag gnyis pa dkar pos srungs la zhon pa pad+ma dkar po dang mi 'jigs pa'i phyogs dkar po la sogs pa dang ldan pa rab tu bzhed pa 'am lha mo utpal dkar po'i phyag pa sgrub par bya ba'i khyim du mngag par bya'o/ /'di ltar dbang du bya ba la h+ri(rgyud 'grel): yig las skyes pa dmar po mda' gzhu can bsgom par bya'o/ /dgug pa la ni 'gan zhags pa dang lcags kyu thogs pa'o zhes pa khyad par ro/ /sgra ji bzhin pa'o// //sa steng 'dod pa'i dbang phyug bzhin/ /dpal ldan skal bzang por 'gyur/ /dbang dang dgug dang rnam par sdang/ /de bzhin bsad dang bskrad pa dang/ /rmugs dang rengs pa nyid dang ni/ /rmongs dang de bzhin bskyod pa dang/ lkugs dang 'on dang long ba nyid/ /ma ning nyid du byed pa dang/ /las rnams 'di dag thams cad ni/ /sgrub po nyid kyis 'grub par 'gyur shes pas phan yon gsungs so/ /'dod pa'i dbang phyug ces pa bud med skal pa bzang po'i mdza' yas
- 369b
pa'o/ /dpal 'dus par yang gsungs pa ri rab sum cu rtsa drug gi /rdul phran ji snyed yod gyur pa/ /de yi btsun mo de snyed pa/ /yon tan gnas ni 'byung bar 'gyur zhes so/ /sgra ji bzhin pa'o/ /sgrub pa po rnam par rtog pa med pa/ /blo dang ldan pa mkhas shing nges pa kha cig 'jig rten pa dang 'jig rten las 'das pa'i dngos grub rnams de kho na nyid lhag par rtogs pa nyid kyis gdon mi za bar sgrub par byed do zhes the tshom med do/ /zhes pa sgra ji bzhin pa'o/ /dbye ba bco brgyad kyis tha dad pa'i rigs lnga dbang du bya ba'i cho ga'o// //de nas 'di las rab 'chad byed/ /pho nya mo yi gnas kyi mchog /yul dang yul dus skyes 'gyur te/ /ye shes ldan pa skye bar byed ces pas gnas la sogs pa'i sa bcu gnas nyi shu rtsa bzhi nges par bstan pa gsungs te/ /de rnams mkha' 'gro ma ru bshad/ /rdo rje'i dkyil 'khor gtso mo yin/ /dngos grub brtson pa'i sgrub pa pos/ /lugs las bzlog pa yongs shes bya/ /ku lu tA dang mya ngam dang/ /sin d+hu na ga ra gser gling// sau rA Sh+Ta dang lha yi khyim/ /yi dags grong dang kha pa'i gnas/ /kAny+tsi lam+bA ka yi yul/ /ka ling ga dang ko sha la/ /de bzhin dge mtshan gsum o Te/ kA ma rU pa mA la wa/ lha mo'i mkhar dang dga' dbang phyug /go dA ba ri ar bu dang/ o Ti yA na dzA lar grags/ /pul+li ra ma la de bzhin/ /yul 'di rnams kyi bu mo gang/ /dpa' bo gnyis med bstan pa nyid/ /de kun 'dod pa'i gzugs can te/ /yid kyi shugs kyis rdzu 'phrul che zhes te/ /lta'i khyim ni gong ka na 'o/ /yi dags grong ni rin po che'i gling ngo/ /dzA lar grags ni dzA lan d+ha ra'o/ /pul+li ra ma la ya ni pur+NA gi ri'o/ /dgongs pa'o/ /'di rnams su zhes pa nye bar mtshon pa khyim lnga la sogs pa'i grong du rgyun du'o/ /thams cad rdo rje'i dkyil
- 370a
'khor gtso mo ste dpal he ru ka'i btsun mo'o zhes pa sgra ji bzhin pa'o/ /da ni mdor bsdus pas thun mong pa'i ming nyid kyis rnam par 'chad de/ /rnal 'byor mar bshad ku lu tA ra/ /mya ngam yul du ma mo lte/ de bzhin lA ma sin d+ha'i yul/ /rigs kyi gtso mo na ga rar/ zhes pa la sogs pas rnal 'byor ma'i ming dang gnas dang grangs te rdo rje rnal 'byor ma rnams so/ /de bzhin du mya ngam gyi yul la sogs par rtogs par bya'o zhes so/ /na ga ra ni skya bo'i bu'o/ /rdo rje mkha' 'gror yang ro langs shes bya'i rig mche/ /dpa' bo kun gyi mchog btab ster/ /snga zhing khung bur gnas byed ma/ /gnas der gnas pa'i bzang po ni/ /byin pa'i spu zhes bya bar grags/ /zhing skyong gtsigs pa chen po'o/ /rgan byad ma zhes rnam par grags/ /lha mo lam khar shing 'phel gnas shes te/ sgra ji bzhin pa'o/ /gser gling du ni chu can brjod/ /sau rASh+Ta ru rigs kyi lha/ /khyim gyi lha ru mkha' 'gro ma/ yi dags grong du bu mo can/ /kha ba'i ri ru gzugs can bshad kAny+tsi nyid puAng byis bcas ma/ khyim gyi lha dang lam+ba ka/ /ka ling ga ru brtul zhugs 'dzin/ /ko sha la ru sha za mo/ /dge mtshan gsum par dum skyes ma/ /o Ter dpal dbang bskur mar brjod de/ /kA ma rU par dkar mo dang/ /lha mo'i mkhar duAng sbas ma dang/ /g.yo can de bzhin dga' dbang phyug /go dA wa rir pho nya che/ ar bu da ru lum+bIr bshad/ /o Di ya nar yan lag ma/ /dzA lar grags par dra 'then ma/ /gtum mo'i bu mo can gyi rigs/ /pul+lir ma la yar gnas shes so/ /lha mo mkhar duAng zhes pa'i 'ang yig gis phyogs gzhan du thabs kyang ngo/ /rdo rje mkha' 'gror yang/ /lha mo'i mkhar du rna nyams ma/ /stobs
- 370b
chen po yi rigs las byung/ /mdung gi lag gi lha mo ste/ rnal 'byor kun dbang phyug mchog /gnas der gnas pa'i drag mo ni/ /pa Ta'i shing la yang dag brten/ /zhing skyong lus po chen po ni/ /sgyu can mchog gi dbang phyug go zhes so/ /de bzhin drag tu rgod par gnas/ /rdul bral lha mo yang dag byung/ /zla ba'i gdong zhes rnam par grags/ /rdo rje'i mtshon cha 'dzin pa ste/ /nags der gnas pa'i lha mo ni/ /ka dam pa la rim pas brten/ /dril bu chen po zhes grags te/ /zhing skyong stobs ni chen po'o/ /ko wa gi ri'i bkra shis de/ /gtsigs pa'i skye gnas yang dag byung zhes so/ /de bzhin du tsa ri tra ni lag skyes gnas/ /gtsigs pa nus pa yang dag byung/ /lag skyes gnas pa bshad pa ni/ /phyag rgya shAk+ti 'chang ba mo/ /zhing der gnas pa'i dril bu che/ /zhing skyong stobs ni chen po'o/ /gyen du skra ni gdengs kar ldan/ /gdug pa thams cad 'jigs byed pa'o zhes pa'o/ /slar yang bod kyi yul du lhan skyes bshad/ /chu srin rgyal mtshan 'dzin pa'o/ zhes so/ /zhing 'di rnams kyis bu mo glang/ /dpa' bo rnams kyis dngos grub ster/ /mtshan mo 'du bar byed pa dang/ /yongs su rgyu zhing rtag pa ru/ /dngos grub rgya chen ster bar byed/ /mkha' spyod rnams su rnyed dka' ba'i/ /las rnams thams cad sgrub po yis/ /'grub par 'gyur te the tshom med ces te sgra ji bzhin pa'o/ /phyag rgya drug gis lhag pa yi/ /gzhan yang stong phrag nyi shu gcig /lus dang yul du pho nya rnams/ /brgya phrag dgu yi rigs rnams ni// dbugs rnams grangs ni ji snyed ma/ /pho nya mo rnams de rnyed la bshad/ /nyi shu rtsa bzhi'i rnal 'byor ma/ /'khor lo gsum rigs gtso mo'o/ /zhes pa 'di rnams kyi bsdus pa gsungs so/ /nyi shu rtsa bzhi po de rnams kho na gzung
- 371a
ste/ de rnams kyang 'khor lo gsum gyis bsdus so/ /gsum po rnams kyang gcig gis gcig kyang ste gnyis su med do zhes gsal lo/ /sbas pa'i yi ge dang/ dkyil 'khor dgod pa'i cho ga'o// // da ni rnal 'byor ma'i gzugs kyi sgyu ma rgyas par 'chad de/ /dpa' bo me tog chu 'thungs nas/ /dpa' bo'i gsang sngags rjes dran bya/ /phyag rgya lhan cig sgrub pa po/ /rtag tu 'khrig pa bya ba'o/ /zhes pa la sogs pas me tog gi rdul yang na'o/ /dgongs pa'o/ /mtshan mo sha ni bza' bya yang/ /sbyang bya rtogs bya bde ba thob/ /brda dang 'khyud pa 'am de nas ni/ /reg dang rgod dang rigs chen mo zhes so/ /bza' bya za ba la sogs pa la rnam pa drug ste/ bla mar yang bza' bar bya ba'i don du ni/ /lan gsum mngon par bsngags nas bza' zhes so/ /bde ba thob pa ji lta ba bzhin du 'gyur bar ma zad/ /mi rgas pa'i rgyur yang gsal lo/ /phyag rgya legs par mthong nas bzhad/ bden pas tshangs par spyod pa dang/ /'di ni bzhad pa dag tu bya/ /lta ba bsnyems pa grags ldan ma zhes pas sgeg pa'i sems dpa' gsungs so/ /tshangs par spyod pa ni mi 'pho ba'i tshul khrims so/ /legs par bshad pa ni 'od can 'gags pa po chu shel du bya'o/ /lta ba bsnyems pa ni dga' ba'i bstan bcos su yang/ ku mu di can lhan cig spyod pa mthong ba rab dga' mdzod spur smin ma gar byed dus su yang/ /de yi rkang pa bkod pa skad cig la ni mnyam du 'jig cing 'jug rnams dran pa smra bar byed/ /dga' bas rnam par myos pa rnam par brgyug pa de dag rtsod pa'i gnas ni bud med rnam par 'gyur ba cig /sa yi sbrang gis myos pa phal cher myos pa spro byed gzugs dang dpal ni
- 371b
gang yin de rnams nyon/ /lha mo ji ltar gnas pa'i gar dang glu dang mchi ma 'dzag dang rgod dang byung ba za bar byed ces gzugs kyi dbyibs ni ji 'dra ba/ /sdug pa mthong nas byed pa'o/ /rnam pa sna tshogs sdug pa'i las shes so/ /'dod pa'i bstan bcos su yang skra chas bcings pa grol dang zlum por bkod pa'i thig le ma lus 'chang ba dang ni mdza' cig tu/ /mig sman nag po brang la g.yer kha'i sgra ldan rin chen gser skud phrag par gcig dang do shal dang/ rim par lag pa cha dang bcas pa sprad pa cig tu 'dzin pa'i 'dod ma de rnams rnam g.yeng pa/ /zhes pa la sogs kyang ni mthong nas cung zad stan dang 'gog pa'i brla yi gos ni 'phrog par byed/ /'chi ma 'dzag ces pa ni de bzhin du spyod par byed pa'i bstan bcos su 'jigs pa med la gdon mi za bar du ste 'jigs pa rgyas mi byed/ /khros kyang gar byed 'jug cing de yi skad cig nyid la rgod/ /do shal 'chang ba'i stobs med ma ni cir 'gyur zhes kyang grag/ /kye ma bsod nams ldan pa'i mthar gnas ma ni rnam par dpyod par byed/ /sgra ji bzhin pa'o/ /rdo rje mi 'gom gcer bu dang lag pa g.yon pas mchod par byed/ /dbugs 'byin bum pa can dang dgod/ de bzhin ngo mtshar gar rnams kyis shes te/ /mi 'gom pa ni rang nyid kho nas 'khyud par byed pa'o/ /dga' ba'i bstan bcos su yang kun nas 'grogs pas rang nyid 'o byed bya ba dang ni cho ga shes rab bral bas 'khyud pa dang/ mal gyi mthar ni rkang pa yis kyang lam du 'dod pa'i rnam grangs dang ni pus mo ni/ /khros pas g.yo zhing nyug par byed pa'i rjes su 'gro ba'i bud med dran pas brtse ba yis/ /'phel ba la gnas mngon par dga' ba'i snying gis rol pa'i stobs kyis 'jug par byed shes so/ /dbugs 'byin gyis ni ring du dbugs
- 372a
'byin pas so/ /gar gyis ni gar rnams kyis te gsang ba'i nor bur thig le'i rgyun la de'i gar gyis mnyes par bya'o/ /de nyid thams cad ro gcig des sngags pas bkug nas brla zung gi bar du gnas par bya'o zhes so// ngo mtshar ni ya tshan dang bcos pa'i rnam pa shin tu dga' ba rnams kyis sgra yang byed de rdo rje bdud rtsi'i rgyud du yang/ /de nas mnyes pa'i lha mo che/ /pad+ma rgyas pa'i mA ma kI/ /dam du 'khyud pa byas nas ni/ /dbang po kun la bya'o/ /me mchu dang pos 'o byas nas/ /shing yig gdon par bya ba'o/ /zhes pa sgra ji bzhin pa'o/ /ha hA hi la sogs pa bzhad pa rnam pa brgyad rnal 'byor pa'i spyod pa mchog tu dga' ba rdo rje pho nya mo rnams thams cad kyi mtshan nyid 'di dag tu 'gyur ro zhes pa rnal 'byor gyi spyod pa gsungs pa shin du dga' ba la mi mo'i spyod pa sngags dang bsam gtan pa sogs pa can nyid kyis mchog tu dga' bar 'gyur ro/ /de'i phyir rnal 'byor ma rnams mnyes pa'i ched du 'dod pa'i bstan bcos shes par bya'o gsungs pa yang/ /dpa' bo rnams kyis slar yang spu ldang pa la sogs pa ni lhan cig skyes pa can yin gyi gzhan ma yin no zhes so/ /dpal he ru ka mngon par brjod par gsungs pa/ /gtso mo rnams dang dpa' bo ni/ spu ldang lhan gcig skyes bde gang/ /rdo rje 'goms par mi bya'o/ /g.yon pas yongs su brtags pa yin zhes so/ /da ni myos byed 'byung ba brjod par bya ste/ rgyud du gsungs pas byang chub kyi sems dkar po'i phyogs la g.yon pa'i mthe bo nas tshes gcig la sogs pa'i dbye bas gtsug tor du 'gro'o/ /'di lta ste dang po'i tshes la dang po'i sor mo'i tshigs la'o/ /de bzhin du gnyis pa dang gsum pa la'o/ /rkang pa'i tshigs dang pus mo dang/ /rked pa dang lag pa'i sor mo'i tshigs dang po dang/ /tshigs
- 372b
bar ma dang/ gsum pa'i tshigs dang/ /lag pa'i tshigs dang/ dpung pa'i tshigs dang/ phrag pa dang dpung pa'i tshigs dang/ /snying ga dang/ mgrin pa dang dpral ba dang/ gtsug tor du gnyis pa la sogs pa rnams song nas slar yang nag po la dpral ba dang mgrin pa la sogs par tshes gcig la sogs par 'gro'o/ /de la cha rnams kyi dmar por snang ba nyid bsgom par bya'o/ /mngon par brjod pa bla mar yang gsungs pa/ oM sh+rI he ru kA ya bidma he bidyA dA dzI ba d+hi ma he ta to pa ri:- pra tso da yA A(rgyud 'grel): hUM/ mi smra bar ni rtag tu bsgom/ /dbyangs skyong mchog ni bzlas par bya zhes te sgra ji bzhin pa'o/ /rnal 'byor ma'i bzhad pa dang gzugs kyi sgyu ma'i cho ga'o// //de nas lta ba bshang bya ste/ /sgrub po gang zhig pho nya mo'i/ / gnas kyi dbye ba'i cho ga shes nas/ sgom pa rtag tu mngon dga' ba zhes pa la sogs pas lta ba gsungs so/ /gnas kyi dbye ba'i cho ga ni dpa' bo dang dpa' mo dag gis ri bo la sogs pa'i gnas te drang ba'i don no/ /mgo bo la sogs pa rnams su pu yig la sogs pa rnams dgong par bya'o/ /de bzhin du bla mar yang/ /pu dzA o a go rA de mA kA o tri ko ka la kA hi pre gri sau su na si ma ku/ zhes so/ brda la sogs pa yang shis nas sngags dang bsam gtan la sogs pa bya'o/ /sgra ji bzhin pa'o/ /lam gyi bzhi mdo 'am khyim du yang/ /dpa' bo gnas pa'i ri bor yang/ /mkha' 'gro dam tshig la gnas la/ /ring po nas kyang gzigs par 'gyur zhes pa sgrub pa de kho na sngon du byed pa nyid do/ /sgra ji bzhin pa'o/ /mtshan mo skra grol gyur nas ni/ /mchod pa'i las rnams yang dag brtsam/ /mchog gzhan rab tu bcug pa 'am/ /phyogs bcing ba la sogs pa nyid/ /lha dang lha yi tshogs kyis kyang/ /ma mthong bar yang mchod par gyis shes pas rdo rje'i mchod
- 373a
pa gsungs te/ /rab tu bcug nas ni bkug nas so/ /gzhan ni rgyan la sogs pa can no/ /skye bo dang bral bar phyogs bcing ba la sogs pas gnas la sogs pa srung ba byas nas bud med myos pa dang lhan cig nye bar sprod pa lnga la sogs pa nyid kyis mchod pa byas nas de'i chu skyes su rdo rje rab tu gzhug go /kyang gi sgra las mi la sogs pa rnams kyis te bram ze la sogs pa rnams dang nyan thos la sogs pa rnams kyis mthong bar bya ba ma yin no/ /rang gi sgra las mthong yang kha na ma tho ba med pa rnams ni yon tan gzhal du med pa dang ldan pa phyag rgya chen po grub pa'o/ /gsungs pa yang/ gang khyod nyes med lus rnams kun/ /kha na ma tho ba med pas gzigs/ /shes rab pha rol phyin ba khyod/ /rnam par me tog khyod la 'dud/ /de bzhin gzugs med gzugs dang ldan pa'i mchog /sna tshogs gzugs can yid las skyes/ /gzugs rnams thams cad snang ba'i dpal/ /gzugs brnyan ma lus 'chang ba po zhes so/ /mchod par gyis shes pa ni don dam pa'i bden pas phyag rgya ma dang 'grogs pas zung 'jug sgom par byed pa'o/ /de nas nyi shu rtsa lhag pa'i brgya phrag bcu gcig gi nyi ma rnams kyis dri ma med pa nyid du 'gyur ro zhes pa nges pa'o/ /dgongs pa/ /rtsa ba'i sngags dang yang na gzhan yang sngags pas grub par 'gyur ro/ /gang che me tog snyim pa bkang/ /mkha' 'gro la gtor ma ma mthong na zhes pa la sogs pas rtsa ba'i sngags la sogs pa gsungs te/ me tog btsigs la ltung ba de'i tshe pho nya mo rnams 'grub par byed de dag gi dbang phyug dang ngag gi dbang phyug gi ma me rnams 'gugs par byed pa ste dbang du byang bar 'gyur ro/ /lha la sogs pa'i gnas mdza' yas
- 373b
par gnas shes so/ /'dir sngags ni bshad pa'i rgyud la gsungs pa'o/ /de bzhin du yang gsungs pa/ oM he ru kaM hUM hUM phaT zhes so/ /yang na oM dzwa la dzwa le b+hyo(rgyud 'grel): hUM phaT swAhA/ zhes pa phyag gnyis pa'o/ /oM sh+rI he ru ka hUM hUM phaT swAhA/ zhes pa phyag bzhi pa'i 'o/ /badzra wA rA hI huM hUM phaT swAhA zhes so/ /skar ma'i rgyu ba shes par 'gyur/ /sa 'og sogs su gang 'gyur dang/ /snying po nye snying gang yin ni/ /bsgrub bya de ni mi mthong ngo/ /zhes te/ rgyu ba rnal 'byor ma rnams kyi shes par byed pa mi mtho ste/ rnal 'byor pa de nam mkha' la 'gro ba'i phyir ro/ /me'i gong bu bzhin du nam mkha' la mi snang bar byed do/ /sgra ji bzhin pa'o/ /grong dang grong du de bzhin dgon/ /grong khyer dang ni bzhi mdo dang/ /dpa' bo'i khyim dang shing gcig dang/ ri rtse dang ni mtshan ma mtshungs/ /shing rtser kha dog dmar bsams nas/ /yi ge bdun gyi bdag nyid can/ /mi phyed myur du ltung bar 'gyur/ /sa spyod rnams kyang ltung bar 'gyur/ /bdag gi lus la rnam bkod de/ /sa la ku sha'i stan la nyal/ yi ge bdun gyi bdag nyid can/ /ji srid brgya rtsa brgyad par bzlas rmi lam du ni bya ba kun/ /ston par 'gyur te the tshom med ces bya ba ni/ /rnal 'byor ma rnams oM h+rI(rgyud 'grel): zhes bya ba la sogs pas 'khor lo bsgom pa dang bzlas pas thams cad byed do/ /sgra ji bzhin pa'o/ /bu mo'i lus kyis tshogs sngags kyis bgrang phreng la mngon par bsngags par bya'o/ /ral gri dang mar me dang mthe bong dang/ /me long la bltas pas pra phab pa mthong ste dge ba dang mi dge ba/ gang cung zad yod pa 'dir ston par byed do zhes pas rdo rje'i skar ma'i ma snang ba gsungs so/ /dpal kye'i rdo rje la sogs par gsungs pa'i cho gas shes par bya'o zhes pa sgra ji bzhin pa'o/ /de nas yi ge bdun pa'i sngags
- 374a
rnam bkod 'khor lo'i dbye ba las/ /lag g.yas nyi ma'i dbus su ni/ /stong phrag gcig tu mngon bsngags nas/ /gang gis lag pa ston byed pa/ /de ni nges par 'gugs par byed/ 'khor lo zla ba'i dkyil 'khor du/ /rnam bkod lag pa g.yon pas de/ /shel gyi snam pa'i 'od zer gyis/ /phyogs bcur rnam par 'byer bar byed ces pa ni 'byung po la sogs pa 'bros par byed pa'o/ /sgra ji bzhin pa'o/ /gang gi lag pa ston par byed pa de nad la sogs pas gzir ba de rnams kyi nad thams cad las grol bar 'gyur te the tshom med do/ /dug dang gdon dang rims dang gzer dang mdze la sogs pa yang 'joms par byed do/ /zhes pa sgra ji bzhin pa'o/ /ba lang sha ni mngar gsum btags/ /gal te sngags rig gcer bu gang/ /mtshan mo gsang ba ru ni gnas/ /stong phrag brgyad du sbyin sreg bya/ /sngags pas nad par dus su ni/ /gser srang stong ni rnyed par 'gyur/ /sbyin sreg stong phrag bcu rnams kyis/ yul 'khor dam pa rnyed par 'gyur zhes pas sbyin sreg gsungs so/ /mngar gsum ni sbrang rtsi dang 'o ma dang ka ra'o/ /sgra ji bzhin pa'o/ /yang na gsang sngags rgyal po che/ /gnas ni gang du bsam par bya/ /sbyin sreg 'bum gyi gnas de ru/ /rgyal srid 'gyur ba the tshom med pa ces pa sgra ji bzhin pa'o/ /dkar po yis ni zhi bar byed/ /dmar pos dbang du 'gyur par byed/ /nag pos myur du gsod par byed/ /ser pos nges par gnon par byed/ ces pa kha dog gsungs te sgra ji bzhin pa'o/ /lag pa g.yon dang g.yas pa la/ /zla nyi mun pa can dang me/ /spyi bor bcings pa mthong ba dang/ /byed par 'gyur te gzhan du min/ /ji srid khu tshur ma bkrol ba/ /mtshon cha myur
- 374b
du gnon par byed/ /gru dang shing rta 'khrul 'khor dang/ /dud 'gro la sogs pa yi gzhi zhes te/ /g.yas pa la ni lag pa g.yas pa khu tshur bcings nas sngags bzlas pas mi la sogs pa'i 'khrul 'khor la sogs pa gnon par 'gyur ro/ /sgra ji bzhin pa'o/ /yang na bya ba thams cad ni/ /sgrub par gyur pa bsgrub par bya/ /dri bzangs me tog 'bras bu dang/ /bdug pa so rtsi bzang po'i zas/ /zhes pa ni gsal lo/ /lus kyi sbyor ba dang por 'gyur/ /sbyor ba gnyis pa nus pa ste/ /gsum pa rgyal srid longs spyod nyid/ /bzhi pa mtho ris gnas pa yin/ /sum cu rtsa drug pho nya mo/ /de 'grub 'dir ni the tshom med/ /khams gsum rgyu dang mi rgyu bcas/ /dmod 'debs rjes 'dzin byed pa yin/ /zhes pa phan yon te/ 'dir sngags pa'i lus kyi longs spyod ni lus mdzes par 'gyur ro/ /bsam gtan grub pa la nus pa zhes so/ /ngag gi 'jal ba rgyal srid ces te yid la mngon par 'dod pa'o/ /bzhi pa ni bud med bzang mo'i bde ba'o/ /sgra ji bzhin pa'o// //yang na rnal 'byor ma drug sngags/ 'khor lo lag pa g.yon par gnas/ /gang gi lag pa de bstan pa/ /de ni nges par 'gugs par byed/ /'khor lo'i yi ge la sogs pa ni dmar por gsal lo/ /tsandan dmar po'i rdul dang ni/ /de bzhin skye tshe lan tshwa dang/ /sgrub par bya ba'i rkang rjes rdul/ /gcig tu byas nas btab par bya/ /rnal 'byor ma rnams sngags dang ni/ /lag pas mnye ba byas nas ni/ /de nas mtshan mo gdol pa'i med/ /ro bsregs me la phye ma bsregs/ /bsgrub byar mngon phyogs gyur nas ni// sbyor ba 'di ni brtsam par bya/ /ji srid cig brgyar sbyin sreg bya/ /de srid nges par 'gugs par byed ces pa sngags brjod pas bsgrub bya cha shing rmugs par gyur pa rlung dang me'i dkyil 'khor la gnas pa phyag gi zhags pa dang lcags kyu
- 375a
dang lha rnams kyi 'od zer gyis snying phug nas/ /de nas bud med de'i skye gnas lcags kyus phug nas zhags pas mgrin pa bcings nas gcer bur mngon du phyogs nas zhabs kyi 'og tu lhung bar gyur par bsam par bya'o zhes pa sgra ji bzhin pa'o/ /sa yi mgon po bdag nyid dang/ /nor yang dbang du 'gyur ba yin/ /rdul de nyid ni yang dag blang/ /lcags kyi phye ma rnam par bsre/ /dur khrod ras mas gtums nas ni/ /lan bdun bzlas te bzhi mdor ru/ /sor mo brgyad du sa brkos nas/ /dgra yi ming dang yang dag ldan/ /gang gi ming smos sbas pa de/ /myur du bsgrub bya de gnon gyur/ /ba yi 'o mas grol don du/ /de nas phyi ma de bkru bya zhes te/ de zhes pa bsgrub bya'i rkang rjes kyi'o/ /de la gnas pa'i yang na'o// sgra ji bzhin pa'o/ /phye ma de nyid blang nas ni/ /smyo byed lnga dang yang dag ldan/ /yi dags gis su de gtums nas/ /dag yi ming yang kun tu bri/ /gcig tu byas nas brgyar bzlas te dur khrod du ni de sba bya/ /bsgrub bya 'phral du smyo bar 'gyur 'o mas bkrus na bde ba'o/ /zhes te rang gi gnas su 'gyur ba'o/ /lnga zhes pa ni la du ra yi rtsa dang/ sdong bu dang 'dab ma dang me tog dang 'bras bu'o/ /yi dags ni shi ba'o/ /sgra ji bzhin pa'o/ /zla mtshan dang ldan pa'i khrag gis grog la ming kun du bri bar bya'o/ /sum mdor bzlas pa byas te mthe bos mnan na/ dbang du 'gyur ro/ /rang zhes pa ming med mthe bos mnan pa'o/ /rkang pa mnan par byas nas ming med kyis bzlas par bya'o zhes pa sgra ji bzhin pa'o// //de nas las mchog bshad par bya/ /ngag gis dngos grub rab bsgrub pa'o/ /ka ra bI ra'i me tog dmar/ /ba yi 'o mar ldan pas kyang/ /nyin zhag so sor sngags bzlas pas/ /zhi ba'i ling ga'i spyi bor bsnun/ /nyi ma bdun du mnyam
- 375b
gzhag pas/ /brgya rtsa brgyad pa nyid kyis so/ /de nas nyi ma brgyad pa la/ /me tog de rnams blangs nas su/ /chu klung chen po'i chur zhugs nas/ /de dag re re dor bar bya/ /mthar gyis kyang ni thams cad rnams/ /gsang sngags bzlas nas dor bar bya/ /chu klung dor ba'i me tog gang/ /rgyun las ldog na sgrub pa pos/ /de ni chu dang ldan pa blang/ /sos ma reg pa de 'thungs na/ /sgrub pa po de'i ngag gis ni/ /dngos grub 'gyur par the tshom med ces te sgra ji bzhin pa'o/ /lag pa skyes gnas phyag rgya bcings/ /brgya rtsa brgyad du bzlas par bya/ /sngags pa bsgrub byar mngon phyogs nas/ /bsgrub bya yi yang lto bar gnas/ /blo ldan do yid la gnas pa/ /thun gsum mthe chung bskyod par bya/ /mtshan mo bdun gyis rgyal po sogs/ /brgya byin sogs rnams nges par 'gugs/ /zhes te mthe chung ni lce'o/ /dgongs pa'o/ /tsandan dmar po'i rdul gyis ni/ /bsgrub par bya ba'i gzugs byas nas/ /tsha ba gsum gyis rnam par byugs/ /spra chil gyis ni rab byug bya/ /sgrub pos de yi gsang gnas su/ /zangs ma'i khabs kyis de phug nas/ /seng ldeng mdag me du med la/ /nyi ma bdun du nges par gdung/ /sngags kyis lan cig bzlas pa yis/ /bsgrub bya myur du 'gugs par byed/ /bsgrub bya'i ming ni sngags spel ba/ gi wang ro yi sen rtsi yis/ /gro ga'i 'dab ma la bri bya/ /rgyal po'i gnas dang sde nyid bcas/ /spra tshil gyis ni 'dab ma dkri/ /seng ldeng me yis gdung bar bya/ /ji srid spra tshil ma zhu ba/ /de srid bar du gdung par bya/ /rgyal po nges par myur du 'gugs/ / bsgrub par bya ba'i rkang rjes rdul/ /tsan dan dmar po dang bsres pa/ /dur khrod thal ba dang lhag ma/ /gcig tu byas nas sgrub pos ni/ /seng ldeng mdag me du med la/ /rdul de lag pa gnyis kyis ni/ /mnyes nas de nas sbyin sreg bya/ /ji srid de ni
- 376a
bsregs pas 'grub/ /brgyal zhing sems dang bral ba dang/ /rnam par rmongs shing nyon mongs pas/ /phyugs dang de bzhin pho nya mo/ /rlung gi shugs kyis 'od par 'gyur/ /ka rA bI ra'i lcug ma ni/ /rlun? bcas dpyad pa'i tshad tsam ni/ /blangs nas de la sngags bris te/ /ro bsregs me ru de gzhug bya/ /ji srid de ni ma tshig pa/ /de nas myur bas blangs nas ni/ /rigs pas len bdun bzlas byas nas/ /bsgrub bya'i ming nas de bskor bya/ /bud med mchog gang rdzas dran nas/ /rlung gi shugs kyis de 'gugs byed/ /g.yon gyi 'jug pas de slar yang/ /bskor bas zhi bar byed pa yin/ /ka ra bI ra mar me tog /rgyal la gi wang gis byugs te/ /chu klung chen por zhugs nas ni/ /lte ba tsam du chu ru gnas/ /lag pa kha sbyor dbus gnas pa/ /de nas stong phrag gcig tu bzlas/ /lag pa gnyis kyis phye mar brlags/ /chu yis lhan cig btud par bya/ /rnal 'byor pa ni tshig grub pa/ /de nas de yi dngos grub 'gyur/ /rgyal po rgyal po'i btsun mo yang/ /yid kyis nges par 'gugs par 'gyur/ /lha dang lha min mir bcas rnams/ /khros pa'i tshig gis gsod par byed/ /tshar bcad rjes 'dzin la sogs pa/ /thams cad tshig gis byed pa yin zhes pa las sna tshogs gsungs te sgra ji bzhin pa'o/ /de nas gzhan ni rab 'chad byed/ /bud med kun tu rmongs byed pa/ /ka ra bI ra'i me tog ni/ /rigs pas lan bdun bzlas pa rnams/ /de rnams kha sbyor byas nas ni/ /skye gnas dbus su nges par sbyar/ / gnyis med ye shes rnal 'byor ldan/ /gsang sngags brgya phrag gcig bzlas bya/ /bsgrubs pa de dag rnams kyi ni/ /gcig ni sgrub pos blang nas su/ /de yis mi mo gang la bsnun/ /de ni mod la dbang du 'gyur/ zhes te/ rig pas
- 376b
zhes pa ni rnal 'byor ma thams cad kyi sngags kyis so/ kha sbyor byas pa ni mig btsums pa'i dga' ba med pa'o/ /dmar po ni ka ra bI rI me gtog go /gnyis med ces pa bud med dang skyes pa'i dbang po gnyis gcig pa nyid do/ /dgongs pa'o/ /de nas yi ge ha lnga yi/ /las ni 'chad byed de nyid las/ /gang gis rnam par shes tsam gyis/ /myur du dngos grub rab 'jug byed/ /ces pa sgra ji bzhin pa'o/ /hIM hIM hUM haM ha(rgyud 'grel): zhes pa sngags bstan pa'o/ /shes rab dag pa tsam gyis yon tan phyed do/ / sgra ji bzhin pa'o/ /'di dag dgod par bya ba ni rnal 'byor pa'i lag pa dag brtan par mnye bar bya'o/ /bsgrub bya la mngon du phyogs par gyur pas de'i ming nas bskul ba dang ldan pas de'i khrag 'gugs par byed de dgra bo mod la mchi bar 'gyur ro/ /'di dag ni ha yig dbus mar byas nas gzhan gyi ming dang ldan pa bkod pas kha nas khrag 'dzag par bsam par bya'o/ /sdigs mdzub dang ming med kyis thod par gnas pa'i khrag rab tu mnye bar bya ste ji srid dang khams bzhin par 'gyur gyi bar du'o/ /de nas sgrub bya de rnams 'jig go /g.yon pa'i ming med kyi rtse mo nas mnyes na de nas 'tsho'o/ /chang 'thungs nas gal te khros pas mig dmar por gyur pas bzlas par bya ste rgyal por sde ? dpung dang mkhon? pa dang bcas pa yang myur du 'gugs par byed do/ /myos byed ni chang la sogs pa'o/ /de bzhin du shun pa dang bu ram dang bcas pas so/ /gang cung zad bya ba de sbrang rtsis mchog tu btags ni sa chu rnams kyis byar ba yang mkhas bas? chad rnam pa gsum du shes par bya'o/ /bu ram so ba bcos pa'i chang/ /mkhas pas d+hA tA kI la gnas/ /mnye bya zos shing 'thungs pa gang/ /de de myos byed ces bshad do/ /sgra ji bzhin pa'o/ /de nas rnam pa sna tshogs shas/ /mkha' 'gro ma la
- 377a
gtor ma sbyin/ /sgrub po dngos grub la brtson pas/ /gsang sngags bzlas pa rab tu bya zhes pas bsnyen pa gsungs so/ /bzlas pa zhes pa nye bar mtshon pa ste sbyin sreg la sogs pa 'dis nye bar bsdus so/ /ri bong la sogs pa'i sbu'i skud pa la stong phrag mngon par bsngags nas gang gi mgul pa la bcings na mi re de dang 'dra bar 'gyur ro/ /ka rA bI ra'i me tog la/ /stong phrag gcig tu mngon bsngags nas/ /de yis sbrum ma la reg na/ /mngal ni gzhan du 'pho bar 'gyur sdigs mdzub la mngon bar bsngags te sdigs mdzub byas na de rnam par 'joms par byed do/ /sgrub pa po'i g.yon pa'i ming med kyis reg na 'tsho bar byed do/ /sgra ji bzhin pa'o// //de nas 'di las 'bad pa yis/ / rdo rje mkha' 'gro'i snying po 'chad/ /gang gis bsgrubs pa tsam gyis ni/ /dngos grub kyi ni 'bras bu 'byung zhes pas las gsungs so/ /mkha' 'gro rnams kyis rig pa chen po bzlas par bya bzhin pa ni rnal 'byor pas 'bum bzlas pas bsgrubs pas 'byung po rnams dbang du byed do zhes pa sngon du bsnyen pa gsungs pa phag mo'i sngags 'bum bzlas pas so/ /da ni mngon par brjod pa bla mar gsungs pa'i rdo rje phag mo'i sgrub thabs brjod par bya ste/ stong par bsgoms nas rang gi snying gar zla ba la gnas pa'i sna tshogs chu skyes kyi steng du/ A li kA li'i dbus su yAM las skyes pa'i phag mo rdo rje rnal 'byor ma dmar mo phyag gnyis ma zhal gcig pa spyan gsum pa mche ba gtsigs pa skyil krung phyed pas gar byed bzhin pas gnas pa shin tu mdzes pa phyogs g.yon gyis mthar skra grol ba sna tshogs pad+ma la rnam par bzhugs pa zhal mche ba gtsigs pa/ /zla ba phyed pas nye bar mdzes pa cod pan
- 377b
la sogs rdo rjes mtshan pa dngos grub thams cad rab tu sbyin par byed pa drag po thod pa'i phreng ba can/ /dpral bar rdo rje phreng ba can/ /g.yon du thod pa khrag dang bcas/ /g.yas su rdo rje sdigs mdzub byed/ /bskal pa'i me ltar kun tu 'bar/ /khrag la dgyes shing 'dzag pa'o?// spyan dmar 'od zer dmar po ste/ /sangs rgyas lnga yis rgyan du byas/ /yang na pad+ma dmar po yi/ /dbus su sems pa'i skyil krung can/ /thod pa'i phreng ba'i cod pan can/ /rgyan rnams kun gyis brgyan pa'o/ /rdo rje dril bu snyoms par 'jug/ thabs ni 'tshar zhing 'dzin pa'o/ /yang na g.yas brkyang dmar por bcas/ /skra ni gyen du bcings shing brdzes/ /'jigs byed dang ni dus mtshan gnas/ /rgan byang mar gnas shin tu rmugs/ /de ltar lha mo sna tshogs mtshon/ sna tshogs dbyibs dang kha dog ste/ /snying la ye shes ting 'dzin sems/ /bsams nas sems ni mtshon par bya/ /ji ltar 'khor lo lnga bdag nyid/ /b+ha ga'i dbus su bsgom par bya/ /de nas 'khor lo bzhi bdag nyid/ / da ltar bu sogs mthar thug pa'o/ /yang na yud kyi sbyor ba yis/ /brjod pa'i sa bon sogs dran bya/ /sa bon 'od zer spros pa yis/ /'gro ba'i don ni bsgrub pa dang/ /bar ma gsal byed ye shes dang/ rnam shes mchog gi lus can rnams/ /thun mtshams bzhi ru bsgoms pa las/ /sa 'og sa steng kun blta bya/ /bdag po rnam gnyis de ji srid/ /mthong bar sa la rnam par spyad/ /nges par sbyor ba 'di yis ni/ /dngos grub myur du thob par 'gyur /go cha chen pos yang dag bsrung/ /'bum phrag bzlas nas las bya'o/ /sgra ji bzhin pa'o/ /mi yi rus pa'i phur pa sor drug pa byas nas/ /brgya rtsa brgyad bzlas te dgra'i sgor gzugs par bya ste de'i rigs rgyud zad par 'gyur ro/
- 378a
ba lang gi zhing ngam ma he dang glang po che dang rta'i ra bar sba bar bya ste/ gang dang gang gi rus pa phur bu byas pa de'i rigs rgyud nyams par byed do zhes pa'o/ /rigs rgyud ni rigs so/ /brgyad lhag pa'i brgya bzlas pa las// sgra ji bzhin pa'o/ /de nas rgyal po dbang du bya bar 'dod par 'gyur na sgrub pa pos sa'i rang bzhin gyi gzugs brnyan byas nas sor brgyad kyis ru gzhug par bya'o/ /nyi ma dang po la ma tu lung ga'i me tog gsum dang me tog bsres la sbyin sreg bya zhing nyis 'gyur du 'phel bar bya'o/ /stong phrag brgyad de ji srid mi bdag dbang du gyur gyi bar sbyin sreg bya'o/ /sngags kyi rgyal po 'di nyid kyis/ /rmugs dang de bzhin rengs pa dang/ /rmongs dang skems pa nyid kyang ni/ /'grub 'gyur 'dir ni the tshom med ces te sa la ni rgyal po'i sgo ru'o/ /me tog ni rdul le/ /dgongs pa'o/ /sha dang ldan pa'i sbyin reg gis/ /'grub par gyur te gzhan du min/ /skyes pa bud med du bya bar 'dod pas/ /skyes pa'i zhes pa de nyid kyi'o/ /rkang pa'i pags pa dang sen mo ni 'dir cha mnyam par bya'o/ /rkang pa ni ltogs pa de nyid kyi'o/ /kaN Da ka ri'i me tog dang 'bras bu gnyis cha mnyam pa byas la ri bong gis khrag gis btags par bya'o/ / nyi ma bcu gcig ji srid par grib mas skam par bya'o/ /nyi ma bcu gnyis pa la gang gis mgo bor phye ma byin pa'i skyes pa de nges par bud med du 'gyur te yang dag par 'o mas bkrus pas grol bar 'gyur ro/ /ltogs pa ni bya rog chen po'o/ /khrag rnams zhes spangs pa gsum pa'i don no/ /mgo la zhes pa mgo zhes thob po/ /sgra ji bzhin pa'o/ /yang na khyi ru bya bar 'dod pas rgyal gyis lcags ne le'i mgo bor bzhag nas zhag bdun du sngags stong phrag brgyad
- 378b
bzlas par bya'o/ /nyi ma brgyad pa la slar yang gur kum gyis mnyam par byas nas sbyin sreg brgya rtsa brgyad bya'o/ /de nas gang gi mgo bor de'i thal ba byin pa'i skyes pa de khyir 'gyur ro/ /slar gso ba la mtshan mo mkha' 'gro ma rnams gtor ma sbyin par bya'o zhes so/ /rgyal ni skar ma rgyal la lcags kyi dri ma'o/ /brgyad ces pa brgyad lhag pa'i stong phrag go /khyi ni khyi'o/ /sgra ji bzhin pa'o/ /rdzas nyid 'dir rdzas ma yin par bya bar 'dod na gser shing gi 'bras bu'i sbyin sreg brgya rtsa brgyad byas na gang gi che/ /mi de'i rdzas ma yin par 'gyur ro/ /slar gso ba la ni sngags dang a ru ra'i sbyin sreg byas na de bzhin du 'gyur ro/ /gser shing ni smyo byed do/ /ltas byung bar bya bar 'dod pas gang bya chen po'i tshang gis sbyin sreg byas na nyi ma bdun pa la 'dir lhas su byung bar 'gyur te sa la'o/ /slar gso ba la ni ? ma'i sbyin sreg byas na nges par ltas ngan zhi bar 'gyur ro/ /spel tshig gi dbye bas brgyad lhag pa rnams/ bzlas pas zhi'i zhes pa sgra ji bzhin pa'o/ /zla ba gzas zin pa na byi la'i spu rnams ro bsregs pa'i mer sbyin sreg bya'o/ /gang gis ming nas smos pa sngags kyis mi de byi lar 'gyur ro/ /thal ba mgo bor blugs pa de 'o mas bkrus na zhi'o bya rog gi rgyus pas srang bu byas nas sngags kyis mngon par bsngags te mgul bar bcings pa'i mi de bya rog tu 'gyur ro/ /sems can gang dang gang nyid kyi skud pa mgul pa la bcings te brgya rtsa brgyad bzlas na mi de de dang 'dra bar 'gyur ro/ /mgul pa'i skud pa bkrol bas kyang grol bar 'gyur ro/ /rang gi so ba la mngon par bsngags nas pha rol gyis so ba rnams su bzhag par bya'o/ /so ba phyed kyis kyang bdag nyid la mngon par dbang bskur nas mtshan
- 379a
mo bdun du sngags bzlas pa byas te de nas so ba 'gugs par byed do/ /rang gi so ba la lan bdun bzlas nas so/ /sgra ji bzhin pa'o/ /sna tshogs pa'i las rab 'byams kyi cho ga'o/ /de nas gzhan ni rab 'chad byed/ /mkha' 'gro ma yi gnas chen po/ /rin chen lnga yi rang bzhin dge/ ri bo bzang pos bris nas ni/ /de yi steng du rtag bzlas bya/ /mkha' 'gro ma yi dra bsdom zhes bya ba la sogs pa phyi rol gyi mchod pa gsungs so// ri bo ni sum las skyes pa'i lhun po'o/ /lnga zhes pa nam mkha' la sogs pa'i dbyings su gnas bar bsam par bya'o/ /bshad pa'i rgyud du yang/ /rten dang rten pa'i rang bzhin gyis/ /b+hai ram+ba la sogs par gnas/ /bla ma rgyud rims ji lta bar/ de ltar shes nas cho ga shes pas ri yi mgo dang ge sar dang/ /sna tshogs 'dab ma 'jam pa la/ /de yi dbus gnas dpa' bo ni/ /'dod don thams cad sgrag pa po/ /zhes pa drang ba'i don no/ /gtsug tor la sogs pa'i pad+ma ni lnga'o bzang po ni gsang ba'i pad+ma gcig pu'o/ /sna tshogs chu skyes 'dab ma brgyad pa rdo rje nor bur gnas pa la sogs pa brgyad pa ze'u 'bru dang bcas pa la nyi ma'i dkyil 'khor dus kyi me'o/ /u mA ra dang de rang dbang phyug chen po dag rdul dang khu pa'o/ /'dir he ru ka ni lhan cig skyes pa'i dga' ba'o/ de dag 'gags pa ni gang ba'o/ /rdo rje phag mo ni de la snang ba thams cad mkhyen pa nyid de zla ba 'am/ /zla ba can gyi dbye ba med pa'i chos can mo sgom par byed pas skye bo zhes pa nges pa'i don no/ /mkha' 'gro de bzhin lA ma dang/ dum skyes ma dang gzugs can ma/ /rab gtum la sogs nyi shu bzhi/ /bya rog gdang sogs ma mo brgyad ces pa 'dis byang chub kyi phyogs kyi
- 379b
dag pa gsungs so/ /kun spyod du yang lus rjes su dran pa nye bar bzhag pa ni mkha' 'gro ma'o/ /de bzhin du gzhan/ yang rtogs par bya'o/ /rdo rje sems sogs dpa' bo ni/ /lugs las bzlog pas rab tu bstan zhes pas 'khor lo? lngas bsdus ba'i dkyil 'khor gsungs so/ /mkha' 'gro ma nyi shu bzhi zhes pa le'u bzhi par gsungs so/ /rnal 'byor ma'i rgyud nyid kyi phyir ro/ /drang ba'i don gyis go sla'o/ /nges pa'i don gyis mkha' 'gro ma la sogs pa rnams lte ba la sogs pa'i 'khor lor sa la sogs pa 'bab pa'o/ /rab gtum la sogs pa rnams rtsa nyi shu rtsa bzhi'i sen mo dang so la sogs pa 'bab pa'o/ /bya rog gdong la sogs pa rnams sgo'i rtsa rnams te/ kha'i dri ma la sogs pa 'bab pa'o// dpa' bo rnams kyang so dang sen mo la sogs pa 'bab pa'o zhes so/ /dang por rdo rje sems dpa' ste/ /de nas dpa' bo rnam snang mdzad/ /pad+ma gar gyi dbang phyug nyid/ /de bzhin he ru ka dpal che/ /nam mkha' i snying po rta mgrin dang/ de bzhin rin chen rdo rje mchog/ stobs po che zhes brgyad po ni/ /sku yi 'khor lor gnas pa ste/ /lugs las bzlog par gsungs pa'o/ /mig ngan rdo rje 'jigs byed nyid/ /rdo rje bzang dang shin tu bzang/ /rdo rje hUM mdzad nyid dang yang/ /dpa' chen rdo rje ral pa dang/ /myu gu can zhes bya ba ste/ /brgyad po gsung gi 'khor lor gnas/ /rdo rje'i lus dang rdo rje'i 'od/ /'od dpag med dang lha dgra dang/ /de bzhin nyid du mche rnam gtsigs/ /keng rus keng rus chen po mchog /thod pa'i dum bu can rnams ni/ /dpa' bo nyi shu rtsa bzhir bshad/ /brgyad po thugs kyi rdo rjer gnas/ /dpa' bo gcig pu'i don du ni/ /ji skad gsungs bzhin kha dog dbyibs/ /bsgom par bya
- 380a
zhing mchod par bya zhes te sgra ji bzhin pa'o/ /nyi shu rtsa bzhi'i dpa' bo rnams/ /dpa' mo che sogs pho nya mo zhes pas shes ba dang thabs nyid du gsungs so/ /de la gshin rje sreg ma la sogs pa bong bu dang rnga mo dang/ ra dang byi la'i gdong can zhes brjod do/ /pho nya mo sum cu rtsa drug ni mtshan ma la chags pa dang cung zad rgod pa yongs su 'khyud pa gcer bu nyid dang skra grol ba spu langs pa yang ngo zhes te sgra ji bzhin pa'o/ /sngar brjod pa'i cho ga yis/ /mkha' 'gro ma yi dra ba sdom/ /dngos po kun gyis mchod par bya/ /dngos grub kun byed dge ba yin zhes te/ /sngar brjod pa ni rtsa ba dang bshad pa'i rgyud du brjod pas so/ /rdo rje mkha' 'gror yang tho rangs rang gi snying gar zla ba'i dbus su a yig gis zla ba'i dkyil 'khor rnam par bsams nas de'i steng du hUM yig rnam par bsgom par bya'o/ /de nas byams pa'i sems byas nas/ /phyi nas dkyil 'khor bri bar bya'o zhes pa'i cho gas mkha' 'gro ma la sogs pa'i gnas bkod pas so/ /de bzhin du kun spyod du/ /mkha' 'gro de bzhin lA ma dang/ dum skyes ma dang gzugs can ma/ /pad+ma'i phyogs kyi gnas la dgod/ /dngos grub thams cad sgrub byed ma/ /zhal gcig ma la phyag gnyis ma/ /sna tshogs gzugs can rnam sgeg ma/ /phyogs bral gyis ni bzhi po la/ /lnga yis gang ba'i thod pa nyid/ /suM yig la sogs yang dag sbyar/ /yul dang yul du rnam gnas pa/ /drangs pa 'khor lo'i snying por gnas/ / rnal 'byor rig pas rtag tu mchod ces so/ /da ni mngon par brjod pa bla mar gsungs pa'i dam tshig gi mkha' 'gro la sogs pa bsgom pa brjod par bya ste 'di lta ste/ dkyil 'khor snga ma'i dbus su ni/ /pad+ma 'dab brgyad bri
- 380b
bar bya/ /sna tshogs kha dog ge sar ldan/ /'dod pa'i 'bras bu kun rab sbyin/ de la dbus su hUM yig ni/ /rdo rje sems dpa' rnam bsgom bya/ /bcom ldan zhal bzhi sngo dang ser/ /dmar dang ljang zhal spyan gsum pa/ /bcu gnyis phyag ste g.yas brkyang gnas/ /'jigs byed che dang dus mtshan mo/ /zhabs kyi mthil gyis kun tu mnan/ /dam tshig rdo rje phag mos khyud/ /phyag gnyis rdo rje dril bu'o/ /zhes so/ /de nas gzhan ni rab 'chang byed/ /gsung gi dkyil 'khor sgom pa'o/ /dkyil 'khor snga ma'i dbus su ni/ /gsung gi 'khor lo yongs bsgom bya/ rtsibs brgyad kha dog dmar po la/ /pad+ma snga ma de bzhin nang/ /rdo rje sems dpa' yongs bsgyur bas/ /gsung gi rdo rje yongs su bsgom/ /zhal bzhi phyag ni bcu gnyis pa zhes pa la sogs pa rgyas par ro/ /de nas mchog sgrub pa'i cho gar 'gyur te/ /pad+ma 'dab brgyad yid 'ong ba/ /kha dog sna tshogs yid 'phrog par/ /nyi ma'i dkyil 'khor gyi dbus su/ /pad+ma'i rgyal po rnam par bsam/ /zhal bzhi pa phyag bcu gnyis pa rdo rje phag mos 'khyud pa/ /phyag gnyis kyi rtse mo lnga gdengs pa'i rdo rje pad+ma dang dril bu'o/ /phyag gzhan gnyis kyis tshogs bdag gi lpags pa'i na bza' 'chang ba g.yas kyi phyag rnams su mdung dang lcags kyu dang gri gug dang cang te'u g.yon rnams su kha TwAM ga dang zhags pa dang tshangs pa'i mgo bo dang sgra sta rnams so/ /kha TwAM ga yang mchod phyir thogs kyi tshul gyis steng du rdo rje rtse mo lnga pa dang/ /dril bu rab tu 'chang ba ba dan gsum pas mtshan pa dbus su sna tshogs rdo rjes mtshan pa 'og tu rdo rje rtse gcig pa'o/ /rgyu ma'i thod pa phyag du gnas pa'o/ /sngon po dang ser po dang dmar po dang ljang gu'i zhal phag mo dmar mos 'khyud pa/ /
- 381a
dkyil 'khor phyi ru rnam pa lnga'i/ /yi dags rnams kyis de bzhin bskor/ /phyi ru dur khrod mi bzad pa/ /kha dog sna tshogs gi mchog gi mchog /shing mchog sna tshogs kyis yid 'ong/ /lce spyang bcas pas shin du 'jigs/ /bya rog 'ug pa bya dkar rgod/ /lce spyang de bzhin ro bsregs dang/ /keng rus dang ni mdung gis phug/ 'phyang dang phyed tshig pa dang mgo/ mgo thod dang ni rje ngar dang/ /mgo med lag dang mgo bo dang/ /sbrul ni sna tshogs yid 'ong dang/ /mig sna de bzhin rnga bo che/ /seng ge phag dang stag rnams dang/ /ra dang lug dang de bzhin du/ /glang chen rta bong ba lang dang/ /rnga mo sna tshogs dam tshig mchog /myos byed rnam pa sna tshogs nyid/ /de bzhin chang gi gtung ba mchog /dpa' bo 'dus pa bzang mo yi/ /rnal 'byor ma rnams sna tshogs mchog /thod pa kha TwAM ga 'dzin cing/ /gri gug dang ni cang te'u mchog /lha yi rol mo sna tshogs dang/ /bza' dang bca' ba ro yi mchog /rnam pa sna tshogs 'o byed 'khyud/ /bzhib bya bldag bya mchog dam pa/ /rnam pa de lta'i dur khrod du/ /gnod sbyin ro langs srin po rnams zhes so/ /cha brgyad dkyil 'khor yid 'ong ba/ /'bar ba dang bcas nyi ma mtshungs/ /dkyil 'khor rdo rje rin chen gyis/ /shin tu dga' ba thug med sgrub ces so/ /da ni gnas brjod pa sgrub thabs brjod par bya ste/ /'di la bsnyen pa dang nye bar sgrub pa dang sgrub pa dang sgrub pa chen po ste yan lag bzhi gnas so/ /rnal 'byor dang rjes su rnal 'byor dang shin tu rnal 'byor dang rnal 'byor chen po ste/ bzhi'o/ /mngon par brjod pa bla mar yang/ /de nyid kyi ni snying gar bsgom/ /bsnyen pa rnal 'byor rab tu brtag /mkha' 'gro ma tshogs dkyil 'khor
- 381b
nyid/ /nye bsnyen rjes su rnal 'byor gyis/ /dpa' bo'i yan lag dgod pa yis/ /rnal 'byor gyis ni sgrub pa rtsam/ /dag pa'i bzlas pa grub chen gyis/ /yan lag rnal 'byor chen po'o zhes so/ /'di'i don 'di yin te/ dang po'i mgon po'i ye shes sems dpa' i thugs kar gnas pa ting nge 'dzin sems dpa' la dmigs pa rnal 'byor bsgoms nas sprul pa rnams kyis blang ba'i dpa' bo nyi shu rtsa bzhi'i sa bon yan lag dgod par byas nas thig le'i rnal 'byor dang phra mo'i rnal 'byor dang byang chub kyi ? kyi chos kyi dag pa dang bzlas pa rnams so/ /gtor ma sbyin nas bdag nyid go ba go bar bya'o/ /'dir nye bar sgrub pa'i yan lag la ji ltar gsungs pa ni bcom ldan 'das zhal gcig pa phyag gnyis pa la sogs pa bsgoms nas mkha' 'gro ma'i tshogs kyi dkyil 'khor bsgom par bya'o/ /de nas mtshan ma bcu gnyis kyi dkyil 'khor brjod par bya ste bla mar yang mkha' 'gro ma ni rdo rje la'o/ /lA ma ni dril bu la'o/ /dum skyes ma dang gzugs can ma ni glang po che'i pags pa'i khu tshur la'o/ /de bzhin du bya rog gdong ma la sogs pa rnams ni mdung dang lcags kyu dang cang te'u dang kha TwAM ga dang zhags pa dang tshangs pa'i mgo bo dang dgra sta dang sna tshogs rdo rje ste mtshan mo brgyad la'o/ /slob dpon b+ha bas kyang gsungs pa mkha' 'gro ma bcu po rnams ni bzhi dang drug ni dgra sta dang zhags pa dang mdung dang kha TwAM ga dang rdo rje dang sna tshogs rdo rje rnams so zhes pa'o/ /ji srid ltog pa'i spyod yul du gyur gyi bar du phyi'i dkyil 'khor la bsod nams kyi tshogs kyi don du me tog la sogs pas mchod par bya'o/ /g.yon nas bskor ba'i 'jug pas phyag 'tshal ba dang po ming dang lhan cig swAhA'i mdza' ye shes rgyas pa'i don du'o/ /kun spyod du yang gnyis med rdzas ni me tog sogs/ /me tog re re nas dbul bya zhes so/ /mngon
- 382a
par brjod pa bla mar yang/ /ye shes lnga yi bdud rtsi yis/ /sa gzhi kun nas byug par bya/ /bzod pa'i pha rol phyin me tog /'bad pas gtor te dbul bar bya/ /sna tshogs phyag bya yid 'ong gdan/ /rgya chen shin tu mnyam gzhag pas zhes so/ /rgyud mdor bstan par yang shing skyes rdo 'am ras la yang/ /gru bzhi khru yi tshad du ni/ /skra dang srog chags phra brtags nas/ /sa la dkyil 'khor bri bar bya zhes te sgra ji bzhin pa'o/ /dngos po kun gyis zhes pa ni mkha' spyod la sogs pa gzugs yongs su bsgyur ba gnas pa rnams so/ /rgya cher bshad pa sum cu rtsa drug par yang grub 'dod shin tu mnyam gzhag pa'i/ /rnal 'byor pas ni thun gsum sgom/ /gtor ma dang ni sbyin sreg bya/ /sgrub chen dus kyi khyad par las zhes so/ /bsgom par bya ni rnam pa lngas mngon par byang chub pas sam/ /yan lag bzhis thun mtshams bzhir ro/ /yang yig las bzlas pa dang dam tshig btung ba yang bya'o/ /drang pa'i don no/ thun mtshams gsum ni kun tu sbyong ba gsum gyi lus shes rab dang thabs su bsgom par bya'o/ /snyoms par 'jug pa ni gcig tu 'dres pa'i dngos por bya'o/ /sbyin sreg ni phung po rnams so/ /dus ni mi 'gyur ba'i bde ba yin no/ /zhes pa nges pa'i don no/ /da ni rgyun du gsungs pa'i mchod pa brjod par bya ste/ snga bar mal nas langs nas bshad pa dang kha bshal ba bya'o/ /rang bzhin gyi kha dag pa'i don du ril bu khar gzhug par bya'o/ /bdun du dkyil 'khor byas nas bdud rtsi lnga dang bcas pa'i ba byung gis so/ /ji skad gsungs pa'i cho gas ming med dang mthe bong kha sbyar ba dag gis 'khor lo'i dbus su bcom ldan 'das phag mo dang lhan cig pa mchod par bya'o/ /
- 382b
de nas shar dang byang dang nub dang lhor gnas pa rnams la'o/ /me dang bden bral dang/ /rlung dbang du gnas pa rnams la'o/ /yang na phyogs gsum g.yas su bskor ba dang/ /phyogs bral rnams su g.yon pas 'khor lo mdza' dag yang dag par ldan pa'o// yi ge brgya pa bton nas btung ba tsam gyis mdzod sdur phyag byas nas dkyil 'khor gyi re khA dbyi bar bya'o/ /mchod pa'i cho ga mdor bsdus pa'o// //de nas gzhan yang bshad bya ba/ /phyugs kyi las kyi cho ga mchog /gang gi rnam par shes tsam gyis/ /myur du dngos grub rab 'jug pa'o/ /zhes bya ba la sogs pas yi ge bdun pa'i las gsungs te sgra ji bzhin pa'o/ /sngags pas cho ga ldan byas nas/ /sA li btags pa las byung phyugs/ /bong bu mi dang rus sbal dang/ /rnga mo ce spyang rta la sogs/ /kun du sna tshogs phag dag ni/ /dngos grub ster ba'i phyugs su bshad ces te phyugs kyi skye ba bdun pa so sor 'dun pa can no/ /bong bu ni bong bu'o/ /sna tshogs phag ni grong gi phag pa'o/ /sgra'i ji bzhin pa'o/ /des zos pa 'dis skye ba bdun pa shes pa dang rnyed par 'gyur ro/ /zhes pa phan yon gsungs pa'o/ /sgra ji bzhin pa'o/ /mtshan nyid ji ltar 'gyur ba dang/ /de rnams las ni rab 'chad byed/ /nyon cig lha mo skal ba che/ /rnal 'byor pa yi mnyes gshin ma/ /skye ba gcig dang skye ba gnyis/ /gsum bzhi lnga dang skye ba drug /skye ba bdun du gyur pa yang/ /de rnams phyugs su the tshom med ces te/ /phyugs ni bong bu la sogs pa ste drang ba'i don to/ /de 'gro ba ma yin pa lam bdun no/ /nges pa'i don no// gang gi dbugs ni dri zhim zhing/ /mig mi 'dzum par nges par blta/ /bden par smra ba'i mi de rnams/ /rtag tu dam pa'i chos la dga' / bdag gi skye ba shes pa dang/ /rtag tu lus kyi dri ni zhim/ /mtshan nyid de rnams ldan pa de//
- 383a
skye ba bdun du gyur pa'i phyugs zhes so/ /'di rnams bshad pa'i rgyud du gsungs pa ni bla mar yang/ /'di 'dra rnal 'byor pas mtshon bya/ /'chi ba'i mi rung mi 'tshig cing/ /srog chags gdug pa sna tshogs kyis/ /nam yang za bar mi 'gyur ro/ /sgra ji bzhin pa'o/ /dbang po gnyis kyi sbyor pa yis/ /nye snying 'bum du bzlas pas kyang/ /de nyid kyi ni lag par dbul/ /sbyin pa 'di ni bdag la stsol zhes so/ /de ni zos pa tsam gyis kyang/ /lha yi gzugs ni 'chang par 'gyur/ /snying ga'i ro tsa na blangs nas/ /gang la thig le byed 'gyur pa/ /sems can gang dang gang nyid kyi/ /de dang de yi gzugs 'dzin 'gyur/ /skra 'am spu 'am rgyu ma yis/ /skud pa byas nas mgrin pa la/ /bcings na sems gang yin de'i/ /mi de de 'drar 'gyur ba yin/ /de ltar thams cad yongs shes nas/ /sngar brjod pa yi las rnams sgrub ces so/ /des na de ni rang shi ba yi'o/ /rab tu zos pa ni zos pa'o/ /sngar brjod pa mngon par brjod par gsungs pa'i las rnams bya ba'o/ /zhes pa sgra ji bzhin pa'o/ /mkhas pa shing lo'i khu ba ni/ /ro tsa nar bcas blangs nas su/ /dpral bar thig le byas na ni/ /de gzugs 'gyur bar the tshom med ces te shing ni 'byung po'i skra'o/ /sgra ji bzhin pa'o/ /phyugs rnams nyid kyi bu rnams ni/ /lag dang spyi bor bcing par bya/ /ljon shing yan lag lnga dang ldan/ /ming de yi gzugs su 'gyur zhes te ljon shing ni skye ba bdun pa'o/ /de'i yan lag lnga rnams su'o// dgongs pa'o/ /rnal 'byor gom shing bzlas par ldan/ /mi ni nus par ldan yin yang/ /dka' dang sdig pa la dga' de/ /dngos grub lam ni 'gog pa yin zhes pas sgrub pa po gsungs so/ /rnal 'byor ni gnyis su med pa'o/ /gsungs
- 383b
pa yang shes rab thabs ni snyoms zhugs pa/ /mi phyed rdo rje gsum gyis mtshan/ /shes dang shes bya rdzogs gcig nyid/ /stong nyid snying rje gnyis su med/ /dgongs pa'o/ /dka' ba ni dam tshig nyams pa'o/ /sdig pa la dga' ba ni mi dge ba bcu dang rtsa ba dang sbom po'i ltung ba la sogs pa la rab tu 'jug pa'o/ /rtsa ba'i ltung ba rnams kyang gshin rje bshed nag po'i rgyud du gsungs pa/ /slob dpon smad par mi bya ste/ /bde gshegs bka' las 'da' mi bya/ /de bzhin khros nas spun rnams la/ /nyes pa brjod par mi bya'o/ /sems can rnams la byams pa'i sems/ /nam yang nges par btang mi bya/ /byang chub sems ni dor mi bya/ /rang gzhan chos la smad mi bya/ /yongs su ma smin sems can la/ /gsang ba nyid ni bstan mi bya/ bdag nyid phung po smad mi bya/ /chos rnams ngo bo sun mi dbyung/ /gdug pa'i byams pa rtag tu spang/ /chos rnams nyid ni bstan mi bya/ /dad ldan sems can bslu mi bya/ /rtag tu dam tshig bsten par bya/ /shes rab rang bzhin bud med la/ /skyon nyid kyis ni sun mi dbyung/ /zhes so/ /sbom po'i ltung ba yang grub pa'i slob dpon pad+ma myu gu'i zhabs kyis/ /sbom po'i ltung ba stobs nyid las/ /rdo rje btsun mo la zhen dang/ /stobs las de yi byang chub sems// dbang byed bdud rtsi'i cho ga dang/ /shin tu gsang ba mi sbed nyid/ /tshogs kyi 'dus par rtsod pa dang/ /dad pa che las gsang ba'i chos/ /phyin ci log tu ston pa dang/ nyan thos lhan cig nyin zhag bdun/ rgyun mi 'chad par 'grogs pa dang/ /rnal 'byor mi shes rnal 'byor rgyags/ /dad pa med la dam chos ston zhes so/ /de zhes pa rtsa ba'i ltung ba bcu bzhi dang/ /sbom po'i ltung ba rnam pa dgu'o/ /ni ni gang gi phyir gyi don te/ dngos grub kyi lam 'gog par byed pa de'i
- 384a
phyir spang bar bya'o/ /gsungs pa yang dmyal ba yi dags dud 'gro ru/ /kun nas ltung bar byed pa gang/ /de'i phyir ltung ba rnam bu bshad/ /mkhas pas de rnams yongs su spang/ /ltung ba las slong bar byed pa'i sngags kyang gsungs pa/ bshad pa'i rgyud du yang/ oM sh+rI bud d+ha ka pA li kaM bu A hUM DA ki ni dzA la sampa ra hUM phaT swAhA/ yang na rang gi ming bzlas pa yang stong phrag sum cu rtsa drug tu bzlas par bya'o/ /'khor lo byas nas ji lta bu'i rnal 'byor gsungs pa las bla ma dam pa'i mdun du phyag byas nas ltung ba thams cad nges par 'dul bar byed pa'i gsang sngags gdon par bya'o/ /slar yang bla ma la gsol btab pas/ /dam tshig sdom pa blang bar bya'o/ /bdag ni mi shes rmongs pa ste/ /dam tshig las ni 'gal zhing nyams/ /bla ma mgon pos bdag skyabs mdzod/ /gtso bo rdo rje 'dzin pas te/ /thugs rje chen po'i bdag nyid can/ /'gro ba'i gtso la bdag skyabs 'chi/ /zhes pa the tshom med byas nas/ /nges par dngos grub can du 'gyur zhes so/ /bla ma'i rgyud du slar yang/ /zhi bar 'gyur zhing skal bzangs nyid/ /rnal 'byor ma yi dbang yang bskur/ /thun bzhi'i go rim bzhin du ni/ /phyi dang gsang ba'i chus bkru'o/ /zhes so/ /ltung ba las slong bar byed pa'i cho ga'o/ /glang po rta dang rus sbal dang/ /rnga mo phag sogs ce spyang dang/ /bya rog 'ug sogs bya rgod sogs/ /khrung khrung bzhad dang khra rnams dang/ /gzugs bzang gzugs ngan rnams kyis kyang/ /lha yi gzugs su de 'gyur ro/ /rnal 'byor chen po rang 'dod gzugs/ /skye 'gyur 'di la the tshom med/ /'di las che mchog dngos grub ni/ /'jig rten gsum na yod ma yin/ /'jig rten pa can gyur pa dang/ /'og min gnas
- 384b
kyi mthar thug pa/ /phyag rgya dkyil 'khor bsgom pa'o zhes pas phan yon gsungs so/ /'og min ni gzugs na spyad pa'i mdza' ste de'i mthar thug pa'i bdag po nyid du 'gyur ro/ /sa bdun gyi dbang phyug yang 'jig rten pa can sgrub pa nyid las so/ /phyag rgya dkyil 'khor bsgoms pas ni dkyil 'khor mngon sum du byas pas kyang 'jig rten pa thams cad 'grub par byed do/ /zhes pa'o/ /bcom ldan 'das kyis dang po mchog gi sangs rgyas su gsungs pa 'dod par spyod pa'i dngos grub ni/ /las kyi phyag rgyas bsgrub par bya/ /ye shes phyag rgyas 'og min gyi/ /gnas kyi mthar thug bdag po nyid/ /gzugs shes bya'o/ kun mkhyen nyid/ /rnal 'byor chen po'i phyag rgya che/ /ma nyams bsgoms pas bsgrub par bya/ /'gyur ba med pa'i bde ba nyid/ /skye ba 'di las sangs rgyas nyid ces so/ /de nas rdzogs pa'i rim pa nyid kyis phag mo yud kyis bsam par bya'o/ /zung 'jug mnyam par sbyor ba las/ /snang ba gsal ba'i las bde pa'i/ /go 'phang rtag tu mthong ba ni/ /de ni rgyal bas mchod par 'dod/ /nyer spyod lnga yi sbyor ba yis/ /myur du sangs rgyas thob par 'gyur/ /'dir ni dpal ldan rdo rje 'chang/ /mngon sum 'gyur te the tshom med/ /dbang po'i dra lha'i 'jig rten du sems can kun don byed pa po/ /rus sbal lus ni skyong ba ci/ /bsam gyis mi khyab sangs rgyas chos/ /lung ni lhag par rtogs pas 'grub/ /phyi yi bstan bcos kyis ma bsgrubs/ /de nyid phyir na 'gro ba'i mgon/ /bde ba che la yang dag brten/ /med pa'i chos can la ni chos/ /skye ba 'di ni rab tu mthong/ /yid bzhin nor ltar ma lus pa'i/ /sems can bsam pa yongs rdzogs byed/ /shes rab thabs gnyis snyoms
- 385a
'jug pas/ /chos dbyings kun tu dmigs pa la/ /thams cad stong pa rab 'byung ba/ /ye shes dag pa'i ye shes nyid/ /gang des rdzogs pa'i byang chub nyid/ /skad cig gcig la rnyed par 'gyur/ /brgya phrag bco brgyad dbugs rnams kyis/ /'gyur med skad cig gis zos pas/ /bde gshegs sa ni kun 'od 'gyur/ /zung 'jug rnam par sgom pa po/ /de ltar nyi khri'i brgya gnyis brgyas/ /rdzogs pa'i bde stong skad cig gis/ /bcu gnyis pa ni de nas 'grub/ /nges par sras po chen po yis/ /thog ma tha ma med zhi ba/ /so so rang rig mi g.yo ba/ /yang dag rdzogs pa'i sangs rgyas tshul/ /bde ba chen po rang don ldan/ /gzhan don byed phyir sangs rgyas te/ /rtag tu snying rje can gyi stobs// chos kyi dbyings la rtag tu gnas/ /skal ldan che ge zhes mthong ngo/ /sngon gyi 'phen pa'i dbang dang ni/ /rnam rtog thams cad bral las te/ /'gro ba nam mkha' i mthar thug bar/ /sems can don la rab tu 'jug /mthong pa'i yul la khyab pa ni/ /sprul pa'i ye shes su bshad do/ /lus dang ngag yid gsang ba yi/ /lhan skyes bsgoms pa rnams kyis thob/ /ji ltar rgyal ba sangs rgyas kyis/ rgya byin gzugs brnyan sogs brjod pa/ /dgu byas ngas par ston pa ni/ /chos kyi dbyings ni nges par gsungs/ /ji ltar bai DUr sa gzhi gtsang ma la/ /lha dbang lus kyi gzugs brnyan snang ba ltar/ /de bzhin 'gro ba'i sems gzhi gtsang ma la/ /thub pa'i dbang po sku yi gzugs brnyan 'char/ /ji ltar rnga pa che las ni/ /ma brdungs par yang sgra 'byung 'gyur/ /de bzhin rgyal ba bzo med par/ /ston par byed pa yang dag 'byung/ /ji ltar 'jig rten dge ba'i lam 'jug na/ /rlung skyes chu char
- 385b
sprin gyis 'bebs pa ltar/ /de bzhin brtse rlung 'gro dge mngon spel phyir/ /sangs rgyas sprin las dam chos char pa 'bebs/ /tshangs bzhin zag med gnas las ma bskyod pa/ /gang tshe sprul pa rnam pa du ma ston/ /rtag tu nyi bzhin ye shes snang ba spro/ /rnam dag rin chen yid bzhin nor bu'i thugs/ /rgyal ba rnams kyi gsung 'di ni/ /brag cha bzhin du yi ge med/ /sku ni nam mkha' lta bu ste/ /bya ba dang gzugs med rtag pa med/ /sa bzhin 'gro ba'i dkar po yi/ /chos kyi sman ni ma lus pa'i// rnam pa kun tu gzhir gyur pa/ /'di ni sangs rgyas sa yin no/ /brgya byin snga bzhin sprin dang tshangs pa nyi ma nor bu rin chen bzhin/ khrag ca lta bu nam mkha' dang ni sa gzhi lta bur de bzhin gshegs zhes so/ /skye ba bdun pa'i gzugs yongs su bsgyur pa'i cho ga'o// //de nas sbyin sreg cho ga bshad/ 'jig rten gsum po dbang du 'gyur/ gang gi yang dag cho ga yis/ /myur du dngos grub rab 'jug pa/ ba lang sha dang chang bsres nas/ /lag pa g.yon pas sbyin sreg bya/ /sangs rgyas kyang ni dbang 'gyur na/ /phran tshegs mi ni smos ci dgos zhes te/ chang ni bu ram las byung ba sbrang rtsi las byung ba dang rgun 'brum gyi shing las skyes pa'i btags pa las byung ba'o/ /sangs rgyas ni mkhas pa'o/ /sgra ji bzhin pa'o/ /kha chu so shing dag dang ni/ /de bzhin rang gi lus mnyas pa/ /ming dang myos byed sbyin sreg gis/ /'jig rten gsum yang dbang du byed ces te/ /kha chu ni skyug pa'i mchil ma'o/ /myos byed ni rtsa ba bcu pa la sogs pa'i rtsa ba mo'o/ /sgra ji bzhin pa'o/ /zla mtshan ldan pa'i khrag dang ni/ /zos nas skyugs pa dag dang ni/ /mi yi skra dang ldan pa yi/ /sbyin sreg gi ni 'gugs par 'gyur/ /sgra ji bzhin pa'o/ /rang gi lus las zos pa skyugs
- 386a
nim pa'i shing la me sbar nas/ /mkhas pas rang skra'i sbyin sreg bya/ mod pa mchog tu sdang bar gyur zhes te rang gi lus ni khyi'o/ /skra ni sgrub bya yi'o/ /mkhas pa ni las rab 'byam shes pa'o/ /sgra ji bzhin pa'o/ /smyo byed me la brgyad brgyar ni/ /tsha ba'i til mar gyis bsres pas/ /bya rog gshog pas sbyin sreg bya/ /nges par 'phral du skrod par 'gyur/ /mi yi sha ni khrag dang ldan/ /ra can dug dang mnyam ldan pa/ /mtshan mo dur khrod sbyin sreg bya/ /dags po myur du gsod par 'gyur/ /zhes te mtshan mo ni thun tshod gnyis pa la'o/ /gsungs pa la yang zhe ba can ni srong la bya/ /de nas tho rangs rgyas pa can/ /nyi ma gung dang mtshan phyed la/ /dbang dang bskrad pa la sogs so/ dkon mchog gsum la sogs pa la/ /gnod pa byed pa'i dgra bo la ste nyes pa phyung dus mi bya ste/ dngos grub nyams par 'gyur ro/ /sgra ji bzhin pa'o/ /ce spyang sha yi sreg blugs brgya/ /yang dag sbyin sreg byed pa'i mi/ /de ni ji srid 'tsho par du/ /lag tu dpal 'ong the tshom med/ /ces te mi ni shar du mngon par phyogs pa'o/ /yang dag pa ni rgyas pa can gyis cho gas so/ /brgya ni brgyad lhag pa dang bcas pa'o/ /sgra ji bzhin pa'o/ /'ga' zhig myos byed dang ldan pa'i/ /sha chen dag gis sbyin sreg byed/ /sgrub po mchog ni thun gsum du/ /ji srid brgya rtsa brgyad kyi bar/ /ji srid 'tsho bar sa kun la/ /spyod par 'gyur bar the tshom med/ /de bzhin zla ba gsum steng du/ /skad cig nyid la dbul ba 'jig ces te ji srid ces pa ni rtag tu 'o/ /spyod par 'gyur zhes pa ni rnam par rgyas pa dang ldan par 'gyur ro/ /skad cig las ni stong thob pa la'o/ /sgra ji bzhin pa'o/ /gsang sngags dus kun zlos byed pa/ /de la bdud ni
- 386b
yong ma yin/ /lha rnams thams cad bsgoms nas ni/ /thun tshod gnyis su sbyin sreg bya/ /de la mkha' 'gro ma rgyal srid/ /stsol 'gyur 'dir ni the tshom med/ /rang gi lus ni 'di nyid kyis/ mkha' la spyod pa'i 'go 'phang thob/ /ces pa ni phan yon gsungs pa'o/ /dus kun ni spyod lam bzhi po thams cad du bzlas par bya zhing mchod par bya'o/ /sngags ni gang la la zhig go/ lha ni mkha' 'gro lnga la sogs pa'i sngags te mngon brjod du gsungs pa rtogs par bya'o/ /oM badzra DA ka daM hUM phaT oM bud+d+ha DA kA nya huM phaT/ oM ratA DA ka NaM huM phaT/ oM pad+ma DA ka naM huM phaT/ oM bi shwa DA ka maM hUM phaT nye ba'i snying po lnga ste thams cad gcig kho na'o zhes so/ /rgyal srid ni 'byor pa'o/ /gsungs pa yang mchod la brtson pas mchod par 'gyur/ /bzlas la brtson pas rnam par dag/ me la sbyin sreg brtson pas 'byor/ /bsam gtan brtson pas thar pa thob ces so/ /rang gi lus ni mchog tu bde ba lus med pa 'od gsal ba'o/ /'di nyid kyis ni skye ba 'di nyid do/ /mkha' spyod nam mkha' la 'gro ba'o/ /go 'phang ni sangs rgyas nyid rtag pa'o/ /gsungs pa yang go 'phang rtag pa 'gro gsum du/ /mi rtag go 'phang kun tu'o/ /thob par 'gyur ni las kyi lus can no/ /sgra ji bzhin pa'o/ /ce spyang sha dang myos byad kyis/ /phyi dang nang gi sbyin sreg gis/ /las rnams thams cad bsgrub par bya/ /sgrub pas rgyud du brjod pa yi zhes te/ /tsa spyad mi rtag go 'phang kun du'o/ /thob bar 'gyur ni las kyi lus can no/ /sgra ji bzhin pa'o/ /ce spyang sha dang myos byed kyis/ /phyi dang nang gi sbyin sreg gis/ /sgrub pas rgyud du brjod pa yi/ /las rnams thams cad bsgrub par bya zhes pa ste ce spyang ni ce spyang ngo/ las rnams thams cad ni zhib ?khra
- 387a
can la sogs pa brgyad dang dngos grub chen po rnams so/ /sbyin sreg gis ni thab tu dong lta bar yang blugs gzang la sogs pas dang lag pas kyang bsgrub par bya'o zhes pa nges pa'i don no/ /go zhes pa dbang po rnams so/ /sha ni gsungs pa yang mAM zhes mA ma kir rab brjod/ /sa zhes rdzogs pa'i byang chub gsal/ /dgongs pa'o/ /myos byed ni lhan cig skyes dga' o/ /sogs pa'i sgra las dga' ba gsum po rgyur gyur pa'o/ /sbyin sreg gis ni lhan cig skyes pa stong par bsgoms pas so/ /nang gi zhes pa thams cad stong pa bde ba la'o/ /phyi dang zhes pa kun rdzob kyi bden pas so/ /las rnams thams cad ces pa 'gro ba'i don byed pa sangs rgyas nyid do/ /gsungs pa yang sangs rgyas nyid ni ye shes dang thugs rje dang nus par ldan pa don gnyis mkhyen pa'o zhes te nges pa'i don no/ /rgyud du ni shes rab dang thabs dag gis gzhung yang dag par spel ba rnams su ste der rgyal bas gsal bar byed pa rnams ni 'dus pa phyi ma la sogs pa rnal 'byor gyi rgyud nyi shu rtsa bzhi dang rnal 'byor ma'i rgyud rnams kyang ste dpal he ru ka mngon par 'byung ba dang/ mngon par brjod pa bla ma dang/ nam mkha' dang mnyam pa dang/ kun spyod dang rdo rje mkha' 'gro dang ri gi a ral+li dang rdo rje a ral+li dang dpal he ru ka mngon par brjod pa dang/ rig pa rgya mtsho dang gsang ba rgya mtsho dang/ ral pa gyen brdzes phyi ma dang/ kha sbyor 'byung ba'i rgyud rnams su rtogs par bya'o zhes pa sgra ji bzhin pa'o/ /de ni thabs gsungs pa/ zhi la thab khung zlum po ru/ /sgrub pos sbyin sreg bya ba yin no zhes bya ba la sogs pas so/ /rdo rje a ral+lir yang nges par sten pa/ khru gang ba yi tshad tsam la/ /sngags pas khru phyed brko bar bya/ /mkhas pas
- 387b
shin tu dkar ba yi/ /rdul tshon ldan pas thab khung bya/ /der ni sha la sogs pa dang/ /gsungs pa'i sngags kyis sbyin sreg bya/ /me ni rang gi lha yi gzugs/ /'dod don thams cad sgrub byed yin zhes so/ /'dir thams cad du thab khung gi phyed kyi tshad brko bar bya'o/ /thab khung gi drug cha ni kha khyer te thab khung gi rnam pa'o/ /thab khung gi bcu gnyis cha ni mchu ste thad gar 'byung ba'o/ /shang gi tshe na rdul tshon du gyur ba de'i tshe na dpangs nges pa med do/ /sgra ji bzhin pa'o/ /rgyas pa'i sbyin sreg gru bzhi ru/ /gsal la gzhu yi rnam pa ru/ /zur lngar yang dag bshad pa la/ /slar yang rnam par ldang dang bskrad/ /dbang la zur gsum pa yi thab/ /dgug pa la ni zur bdun du/ rmongs pa'i sbyin sreg zur drug tu/ /rengs pa la yang zur brgyad la/ /thab khung mtshan nyid shes nas ni/ /de nas me la sbyin sreg phyir zhes so/ /'dir thams cad du me tog dang gos la sogs pa las kyi rjes su 'brangs pas dkar po la sogs par shes par bya'o/ /sngags ni mchog tu gsang chen la yang brjod pa nyid ma yin pa'i phyir 'dir mi brjod do/ /'dir zhi ba la dkar po'i zhal 'dzum pa dang bcas sngon ma gtso bo'o/ /thun mang po la'o/ /dpa' bo gcig pa yang rung/ rgyas pa la dkar po dang ser po mtshungs pa gnyis pa la 'gyur ro/ /de bzhin du rengs ba la ser po rengs pa gsum pa la'o/ /de bzhin du rmongs pa la ser po dang dmar por 'gyur ro/ /de bzhin du dgug pa la chags pa dang bcas pa dmar po lnga ba la 'gyur ro/ /de bzhin du dbang la dmar po dang nag po drug pa lA'o/ /de bzhin du gsang ba la nag po'i zhal bdun pa la'o/ /skrod par byed pa ni dkar po dang nag po brgyad pa la'o/ /bsgrub par bya'o zhes pa khro ba dang bcas pa'o/ /yang na thun phyed pa'i
- 388a
dbye bas bya'o/ /yang na thun mtshams bzhi'i dbye bas las rnams te snga ma'i thun mtshams la zhi ba'o/ /nyi ma gung la rengs pa'o/ /nub par gyur ba la dgug pa'o/ /mtshan mo phyed la bsad pa'o/ /sgra ji bzhin pa'o// dpal 'bras pa lA sha dang ni/ /u dum+ba ra 'am a shwa tha ni yam shing ngo/ /de nas gsang sngags grub par 'gyur zhes pas sreg rdzas gsungs so/ /gsungs pa yang gsang sngags bzlas pas 'grub par 'gyur/ /tshogs bcu cha'i sbyin sreg las zhes so/ /'dir thams cad du dang por sngags bsgrub pa'i ched du yi ge gsum gyis gsang sngags kyi bdag po bzlas pa dang sbyin sreg la sogs pa bsgrub par bya'o/ /de bzhin du lhan cig skyes pa'i bsam gtan dang bsam gtan gzhan bsgrub pa'i ched du dang por bstan par bya'o/ /rnam pa gzhan du dngos grub med do/ /dpal dus kyi 'khor lo'i yang gsungs pa/ /sngags dang gzugs brnyan ma grub par ni srid gsum gnas su ci yang 'grub par 'gyur ba nyid ma yin// de phyir rgyal po rang sems di ma rnam par bral ba dag la sngags dang gzugs ni bsgrub par bya zhes so/ /de bzhin du srog gi rlung rdo rje bzlas pa'am ma ning gi bzlas pas so srog rtsol la sogs pas las rab 'byam gyis don du dbu mar rab tu gzhug par bya'o/ /srog gis bsgrubs pa las rnam pa gzhan du las grub pa med do zhes pa nges pa'o/ /gsal lo sbyin sreg gi cho ga'o/ /de nas 'di las ye shes kyi/ /'khor lo dgug pa mchog 'chang byed/ /phyag rgya bcing dang lag par dgod/ /de nas yan lag dgod pa sogs/ /dpa' drug mnyam par sbyor ba yis/ /mkha' 'gro ma yi dra ba sdom zhes pa la sogs pas ye shes dgug pa la sogs pa mdor ston te dam tshig sems dpa' rdzogs nas ye shes kyi 'khor
- 388b
lo dza:hUM baM ho(rgyud 'grel): zhes pa la sogs pas rab tu gzhug par bya'o/ /zhes pa yang na 'o drang ba'i don no/ /ye shes sems dpa' ni gzhon nu ma dang rab tu 'grogs pa'i khu ba ste/ de'i dgug pa ni srog la sogs pa'i rlung gi tshogs kyis byed do/ /spyi bor byang chub kyi sems yongs su rdzogs par byed do zhes pa'i don no/ /de mes zhu bar gyur nas thig le'i gzugs kyis mgrin pa dang snying ga dang lte ba dang gsang bar rab tu 'jug par byed do/ /sa ni de'i bcing ba byed do/ /chu'i khams ni lus la bsil ba nyid du byed do/ /slar yang gnas de nas steng du bgrod pa'i don du rgyu mthun pa'i bde ba nyid do/ /spyan ma la sogs pas rdo rje'i glu rnams kyis rab tu rtogs par byed do/ /lte ba la sogs pa nas de lta bu la sogs pa rnams kyis bslangs nas bde ba chen po dri ma med pa nyid du gyur pas phung po la sogs pa sgrib pa med par byed do/ /de nas rnal 'byor pa rnams thams cad mkhyen pa'i go 'phang du 'gyur ro/ /zhes pa nges pa'i don no/ /phyag rgya ste dra ba'i phyag rgya dang sdom pa 'chad par byed do/ /zhes pa rnal 'byor ro/ /sgra ji bzhin pa'o/ /sdong po la ni rdo rje sems/ /lcug mar rnam par snang mdzad gnas/ /pad+ma gan dbang gung mo la/ /he ru ka ni ming med gnas/ /mdza' la nam mkha' i snying po yang/ rta mgrin lag pa'i mthil du 'o/ /dpa' mo tsha sogs pho nya mo/ /lag pa g.yon par ji bzhin nyid/ /zhes te lag pa la dgod pa gzhan rgyas par 'chad do/ /lag pa g.yas pa la ste sgra ji bzhin pa'o/ /mdzub mo lcags sgrog lta bur sbrel/ /'og tu mthe bong nges par sbyar/ gung mo dag ni khab ltar bya/ /ming med la sogs rab tu brkyang/ /'bar ba'i phyag rgya mgor bzhag nas/ /rkang pa cig mnan gyen du blta/ /kun du bskor zhing rnam
- 389a
bskor bas/ /de nas pheM yig bsgrag par bya/ /ye shes 'khor lo mnyam bkug nas/ /dam tshig 'khor lo rab gzhug bya/ /zhes pas phyag rgya rgyas par bstan no/ /dam tshig de nyid ni rnal 'byor dang rjes su rnal 'byor dang shin tu rnal 'byor dang rnal 'byor chen po gang yang rung bas rdzogs pa ste phyi rol du byis pa skyes pa tsam ni dam tshig gi 'khor lo zhes su brjod par bya'o/ /dpa' drug mnyam par sbyor ba yi/ /yan lag drug tu ji bzhin rim zhes pa ni dang por yan lag dgod pa gsungs te gsal lo/ /'byung mo drug mnyam sbyor ba yis/ /go cha gnyis par bshad pa yin/ /phag mo pho nya gshin rje ma/ /de bzhin rmongs byed skyong byed ma/ /sgag byed gtum mo pho nya mo/ /yan lag drug tu ji bzhin rim zhes pas go cha gnyis pa gsungs te gsal lo/ /mgo bo sogs la rab gtum sogs/ /pho nya mo ni nyi shu bzhi/ /go cha gsum par bshad pa yin/ /sgrub pa'i phyir du rnal 'byor bdag ces so/ /go cha zhal gyis dgod pa gsungs pa rnal 'byor pa chung ngu dang/ 'brib dang/ chen po rnams kyis brtags pa u yig gis rdzogs par bsgom pa rnams kyi kun rdzob dang don dam pa'i bden pa dag gis so// de'i phyir yan lag bzhis he ru ka bsgom par bya'o/ /de bzhin du yang gsungs pa ji ltar mngal du lus rdzogs pa de bzhin du lha bskyed pa la dkyil 'khor rgyal po mchog bsnyen pa'i yan lag go /de bzhin du las rgyal po mchog nye bar sgrub pa'o/ /thig le'i rnal 'byor ni sgrub pa'o/ /phrag mo'i rnal 'byor ni sgrub pa chen po ste ngag dang khu ba'i bde ba rdzogs pa'o zhes so/ /de ni nang gi pu yig la sogs pa nyi shu rtsa bzhi pa
- 389b
rnams kyi shes rab dang thabs dag gis gnas la sogs pa rnams kyi yi ge rnams gzhom du med pa dang zla ba dang thig les brgyan pa dag gi/ /dgod pa brjod par bya ste/ /mgo bor puM brtags pa rnal 'byor pas dgong par bya'o/ /de bzhin du gtsug tor du dzAM mo rna ba g.yas pa'i steng du oM mo mgrin pa'i rgyu ba du oM mo/ /rna ba g.yon pa'i steng du goM ngo/ /smin ma'i dbus su rAM ngo/ /mig gnyis la de ni/ /phrag pa dag la mAM mo zhes pa gnas dang nye ba'i gnas su'o/ /mchan khung gnyis su kAM ngo/ /nu ma gnyis su oM mo/ /lte bar tiM mo stsa'i rtse mor kong/ /zhes pa zhing dang nye ba'i zhing gnyis su'o/ /kha la kaM ro mgrin par lam mo/ /snying kar gaM ngo rlig par hiM mo/ /'dun rtog dang nye ba'i 'dun rtog dag la'o// rtags la broM mo/ /bshang lam du gring ngo/ /brla dag las ngo/ /byin pa dag la suM mo rkang pa'i sor mo rnams la ni mo rkang pa'i rgyab dag la si mo/ /rkang pa'i mthe bong dag la maM mo/ /pus mo dag la kuM mo/ /zhes pa 'dus pa can dang nye ba'i 'dus pa can dang/ dur khrod dang nye ba'i dur khrod de bzhin no/ zhes pa drang ba'i don no/ /nyi shu rtsa bzhi ni kun spyod du lus kyi khams ni nyi shu bzhi/ /dpa' bo rnams su brtags pa'o zhes te nges pa'i don no/ /mgo bo la sogs par dgong pa'i cho ga'o/ /de nas sa dang pha rol du phyin pa bcu rnams rnam par spyad par bya ste de bzhin zhes bya ba la sogs pas sa bcu gsungs pa gnas ni rab tu dga' pa'i sa/ /de bzhin nye gnas dri ma med/ /zhing ni 'od byed shes par bya// nye ba'i zhing ni 'od 'phror bshad/ /'dun rtog shin tu rgyal dka' ba/ /nye ba'i 'dun rtog mngon gyur nyid/ /'dus ba can yang ring du song/ /nye ba'i 'dus can mi g.yo ba/ /dur khrod legs pa'i blo gros so/ /nye ba'i dur khrod
- 390a
chos kyi sprin zhes te/ gnas zhes pa phyi rol du gling bzhi'o/ /nye ba'i gnas ni nye ba'i gling bzhi po rnams so/ /gzhan sngar gsungs pas shes par bya'o/ /rab tu dga' ba ni byang chub sems dpa' i sa'o/ /phyi rol du lus la spu la sogs pa gzhan la sbyin pa'i pha rol tu phyin pa'o/ /de bzhin du lus la pags pa dang sha ni dri ma med pa'o/ /ro dang chu rus pa dang rkang rtsa dang srog dus kyi ma dang chags pa'i khams te ring du song ba sgra gcan dang nyi ma dang zla ba zhes pa'o/ /de ltar spu dang skra la sogs pa nas zla ba'i mthar thug pa sgrib pa med pa rnams sa bcur gsungs pa rnams so/ /gsungs pa yang mgon po sa bcu'i dbang phyug ni/ /'di rnams kyis rol gzhan ni gsungs de bzhin du/ dgongs pas pha rol phyin pa bcu/ /rnal 'byor ma yi kla klo'i skad/ /he ru ka dpal rnal 'byor che/ /dpa' bo'i yan lag brtan g.yo'i bdag ces te/ /brtan g.yo ni khams bcur gsungs pa de nyid sgrib pa med pa las dpal he ru ka'i yan lag tu 'gyur ro/ /bcom ldan 'das kyis kyang gsungs pa lus las ma gtogs gang zhig khyab byed thar pa ster ba'i sangs rgyas gzhan ni 'ga' yang yod ma yin zhes te dgongs pa'o/ /kun nas phyag dang zhabs kyi mdza' / /kun nas spyan dang dbu dang zhal/ /kun nas thos ldan ting 'dzin na/ thams cad g.yogs te gnas par byed/ /de nas dngos grub bsgrub bya ba/ /rnal 'byor ldan pa'i sems kyis so/ /sgrub po rnams la phan don du/ /de nyid 'di ru dper brjod do zhes pas sgom pa gsungs so/ /dang zhing gsal ba'i rnal 'byor gyis/ /gzi brjid gzugs 'chad bsgom par bya zhes brjod do/ /
- 390b
de nyid mi blu ba sogs pa de/ /he ru ka dpal rab tu bstan/ /bshad pa'i brgyud kyis rjes 'brangs nas/ bla ma'i zhal las rtogs par bya/ /bla ma yang/ /rang gi lhag pa'i lhar dmigs nas/ /de nyid gcig pu rnam bsam bya/ /zla drug tsam na nges par ni/ /lkugs pa'i dngos por thal bar 'gyur zhes te dgongs pa'o/ /sa nges par bstan pa'i le'u'o// //de nas gzhan ni rab 'chad byed/ /'dir ni de nyid bcu bzhi'o/ /zhes pas bskyed pa'i rim pas sgrub pa'i thabs kyi mdo gsungs so/ /gzhan las 'di gsal dang zung du 'jug pa las so/ /'dir he ru ka'i rgyud du de nyid rnams ni dbang bskur pa rnams te ye shes kyi ched du'o/ /sgra ji bzhin pa'o/ /gdan dang phyag rgya can dgod pa/ /shes rab yan lag gdug phur bu/ /ra ba dang ni gur dgod pa/ /de bzhin rgyu sogs stong pa nyid/ /'jug pa dang ni sgra tsam mo/ /A li kA li sogs bsdus pa/ /dgug pa ye shes sems pa yis/ /gcig tu shes rab rjes chags pa bdud rtsi tshim par byed nyid dang/ /'khor lo chen po gshegs su gsol/ /de nyid rnams ni bcu bzhi ste/ /mdor bsdus pa nyid bsten pa yin zhes rgyas par bshad pa gsungs so/ /gang na ni gnas la sogs pa las la gsungs pa'i khyim du 'am dge ba'i yul du sngar gsungs pa'i gdan la rdo rje skyil mo krung gis nye bar 'dug ste bsgrub par bya'o/ /bum pa la sogs mdun du'o zhes pa'i don no/ /phyag rgya can ni 'khor lo can la sogs pa de rnams dgod pa'o/ /shes rab ni shing la sogs pa byas pa'i rdo rje dril bu 'am kha TwAM ga la sogs pa dgod pa'o/ /bla mar yang rtag tu mchog gi phyag rgya lnga cod pan
- 391a
thogs pa las byas pa/ /thod pa dang ni kha TwAM 'dzin/ /lus ni thal ba'i rdul dang ldan zhes so/ /yan lag ni der phung po la sogs pa dgod par bya'o/ /dam tshig gi ril bu khang gzhug par bya'o/ /rang bzhin dag pa'i sngags brjod pa'i de ma thag tu gdug pa la phur bus gdab par bya'o/ /phyi rol gyi dkyil 'khor la sogs pa sngon du 'gro bas phyi dang nang gi bdag nyid can stong par bltas nas hUM yig las skyes pa'i 'od zer gyis gdug pa rnams bsregs nas bskrad par bya'o/ /yang na gnod mdzes la sogs pas phur bus gdab par bya'o/ /de nas rab dang de'i 'od zer gyis gur dgod pa dang rdo rje'i sa gzhi yang bsgom par bya'o bla mar yang phyogs bcur srid rtsi'i bar du ni// 'od zer phreng ba spros par bya/ /des nas 'od des bltas nas ni/ /ra ba gur ni bde bzhin no zhes so/ /rgyu sogs stong pa nyid ni don dam pas bsrungs pa tshigs su bcad pas bsgom par bya'o/ /bla mar yang/ chos ni nam mkha' lta bu ste// chos min chos nyid kyang ma yin/ /nam mkha' lta bur gos pa med/ /rang bzhin med cing gnas med pa'o zhes so/ /de nas 'jug pa sgra tsam ni yid las byung ba'i mchod pa'i bar ma chad par sems tsam gyi don la gnas par bya zhing nA da tsam du rnam par brtag par bya'o/ /de nas stong pa'i sngags brjod nas bsgom par bya'o/ /A li kA li la sogs bsdus pa ni rlung la sogs pa'i dkyil 'khor sngon du 'gro bas khang pa brtsegs pa bsgoms nas rnam pa lnga las skyes pa'i dang po'i mgon po rnam par bsgoms te shes rab kyi chags pas zhu bar gyur pa lha mo'i glus rab tu bas dpar byas te sku la sogs pa'i mkha' 'gro'i gzugs su rdzogs pa sems dpa' gsum gyi bdag nyid can
- 391b
du bsgom par bya'o/ /rdo rje mkha' 'gror yang glur gsungs pa/ oM mahA mu kha badzra satwa dza(rgyud 'grel): hUM baM ho(rgyud 'grel): su rastwaM zhes so/ /de nas dgug pa ye shes sems dpa' yis ni snying ga'i sa bon gyi 'od zer gyis ye shes kyi 'khor lo bkug nas rab tu gzhug par bya'o/ /de nas dbang bskur ni dbang bskur ba'i spyi bor rang gi rigs kyi dbang po bsgom par bya'o/ /he ru ka'i rnam pa la shes rab rjes su chags pa ni rang gi dbang bskur ba'i shes rab ma'i 'dod pa lngas mchod nas phung po la sogs pa dgod pa byas te rjes su chags pa'i ting nge 'dzin gyis rjes su chags par bya'o/ /bdud rtsis tshim byed ni dam tshig skyong ba dang bstod pa la sogs byas nas/ gshegs su gsol zhes pa ni de dag bsdu bar bya'o zhes pa ste/ drang ba'i don to/ gdan ni 'dod pa lnga nye bar brten par byed pa'o/ /phyag rgya can dgod pa ni srog chags gsod pa la sogs pa'i sbyor ba'o/ /gdu bu srog chags gsod pa spangs zhes so/ /shes rab ni shes rab kyi lhan cig pa'o/ /gdug pa'i phur pa ni sbyor ba ste rgyud du yang/ /gdug pa thams cad 'dul ba ni/ /nu ma mchan khung gnyis 'chir ba'o/ /ra ba gur ni dgod pa bde ba chen po'i ting nge 'dzin gyis so/ /rgyu sogs stong pa nyid ni sh+rI yig gnyis su med pa'i ye shes lhan cig skyes pa bsgom pa'o/ /'jug pa sgra tsam ni dkar dmar thabs shes rab sbyor ba la shin tu dga' ba'i sgra thos pa'o/ /A li kA li sogs bsdus pa ni de dag 'gags pa'o/ /dgug pa ye shes sems dpa' yis ni ye shes 'dod pa de'i dgug par byed pa'o/ /dbang bskur ni bde ba'i sems des bsil ba nyid gsang bar ngo mtshar bsil ba thob ces gsungs so/ /shes rab rjes chags ni mi 'pho ba'i bde ba sems par byed pa'o/ /bdud rtsis tshim byed ni gnas
- 392a
nas dpral bar 'gro ba'o/ /'khor lo chen po ni nyi khri brgyad gnyis brgya'i dbugs kyi tshogs so/ /de'i gshegs su gsol ba ni bde ba chen po'i go 'phang ste/ de nas rdo rje 'chang gis bcu gnyis pa'i 'byung gnas thob par 'gyur te dus gsum shes pa yang ngo/ /gsungs pa yang bden don rnam pa bcu gnyis ldan/ /de nyid rnam pa bcu drug rig /rnam pa nyi shus byang chub pa/ /rnam par sangs rgyas kun rig mchog /bcom ldan 'das kyis gsungs pa'i sa rnams kyang dri ma med pa'i 'od du 'di lta ste/ kun tu 'od dang/ bdud rtsi 'od dang nam mkha' i 'od dang/ rdo rje'i 'od dang rin po che'i 'od dang/ /pad+ma'i 'od dang/ las kyi 'od dang/ dpe med dang/ des pa'i dpe dang/ shes rab 'od bcu par bzhed pa dang/ thams cad mkhyen pa'i 'od kyi sa chen po dang so sor bdag nyid rig pa bcu gnyis pa'o/ /zhes te rnal 'byor pa rnams kyi dus sbyor 'gags pa las grub par 'gyur ro/ /zhes pa nges pa'i don to/ /slob dpon rnams kyi bcu po gang/ /dkyil 'khor bri ba'i las rnams so/ /zhes pas de nyid bcu gsungs te/ /dkyil 'khor dang ni ting 'dzin dang/ phyag rgya stang stabs 'dug stangs dang/ /gtor ma sbyin sreg rab gnas dang/ /spyan drang gshegs su gsol ba'o/ zhes so/ /rgyas par ston pa ni de nyid bcu rab tu gsal bar shin tu rgyas pas rtogs par bya'o/ /'khor lo 'khyil pa mgul rgyan dang/ /gdu bu re bzhin 'og pag dang/ /thal bas lhan cig pa drug po/ /dpa' bo rnams kyi phyag rgyar bshad ces pas phyag rgya can rgyas par bshad de bsal lo/ /thal ba spangs pa lnga po ni/ /mkha' 'gro ma yis rab tu bsgrags/ /zhes te sgra ji bzhin pa'o/ /rdo rje thabs kyi ngo bo yis/ /dril
- 392b
bu shes rab rang bzhin la/ /zhes te sogs kyi sgras mtshon cha la sogs pa'i dag pa gsungs so/ /de bzhin g.yas su Da ma ru/ /g.yon du kha TwAM ga brjod bya/ /brgya byed mgo bo'i phreng ba yis/ /mkha' 'gro ma dang dpa' bor mnyam/ /mi shes gcod byed gri gug ste/ bdud rnams gsod byed thod pa'o/ /der rnams gcer bu'i nyid gar byed/ /sgrib pa med pa'i stong pa nyid/ /myos byed btung pa rtag tu dga' / /bde ba chen pa'i go 'phang gnas/ /rdo rje'i glu ni glu chen pa/ /chos kyi 'khor lor rab 'jug byed/ /dbang po rnams ni 'gog pa gang/ /go ku la sogs lnga za ba'o/ /phung po'i sgrib pa zad pa'i ming/ /bdud rtsi lnga po za pa'o/ /dur khrod du ni rol par gang/ /sems can lus la chen por gnas/ /rnal 'byor dngos grub 'dod pa yis/ /de ltar thams cad yongs shes bya zhes te/ sgra ji bzhin pa'o/ /chos kyi 'khor lo bskor ba'i cho ga'o/ /rlung me chu dang sa gzhi ri/ pad+ma'i nyi ma'i dkyil 'khor du/ /dbus su dkyil 'khor gtso bor u ma dbang phyug mnyam mnan nas zhes pa la sogs pas sprul ba'i sku rgyas par 'chad de de'i u ma dbang phyug ni g.yon du dbang phyug chen po'o/ /g.yas su dkar mo'o/ /bla mar yang/ dbang phyug chen mo'i mgo bo mnan/ /u ma'i nu ma rgyas pa mnan zhes so/ /rdo rje mkha' 'gror yang dkar po zhal gcig pa phyag bzhi rnams su dgra ste dang thod pa dang thal mo sbyar ba'o/ /rgan byad ma nag mo zhal gcig pa phyag bzhi rnams su skyong pa dang kha TwAM ya dang ral gri dang cang te'u can no/ /sgra ji bzhin pa'o/ /ye shes 'khor lo'i pad+ma 'dab la/ /bdud rtsi yi ni thod pa rnams/ /nag po dmar po dkar po'i lta/ /'khor lo gsum du rim bzhin gnas/ /mkha' 'gro ma sogs rim ji bzhin/ /bya rog gdong sogs
- 393a
bzhin nyid/ /phyogs su ji ltar de bzhin zung/ /sgrub bos rtag tu shes par bya/ /zhes te ye shes 'khor lo ni snying po'i 'dab ma la'o/ /bdud rtsi ni bshang ba dang gci ba dang sha dang khrag bcud rnams ni dbang ldan la sogs pa'i phyogs bral rnams su'o/ /de nyid du nag po ni thugs kyi 'khor lo la'o/ /de bzhin du dmar po ni gsungs gi 'khor lo la'o/ /dkar po ni sku'i 'khor lo la'o/ /mkha' 'gro ma la sogs pa rnams nag mo dang sngo bsangs ma dang dmar mo dang ser mo rnams shar dang byang la sogs te bya rog gdong la sogs pa rnams kyang ngo/ /zung du gshin rje sreg ma la sogs pa rnams kyang ngo/ /sgra ji bzhin pa'o/ /yang na zhal gyi kha dog gis de rnams phyogs bzhir bskor bar shes par bya'o/ /nag po dmar po gser du gnang/ /kha ba kun da zla ba mtshungs zhes gtso bo'i zhal gyi kha dog gi dbye bas rnal 'byor ma dgu po de rnams nag mo'o/ /g.yas su dmar po dgu ser mo rgyab tu gnas pa'o/ /byang du gnas pa dkar mo'o/ /sgra ji bzhin pa'o/ /kun spyod du yang gshin rje sreg ma sogs/ /gzugs gnyis ldan zhing yid 'phrog ma/ /sgra ji bzhin pa'o/ /he ru ka dpal rgyal po che/ /go 'phang mchog ni bsgom par bya/ /sems dpa' dpa' bo pho nya mo/ /dngos po kun gyi rnal 'byor ldan zhes so/ /longs spyod rdzogs pa gsungs pa/ gsung pa yang longs spyod rdzogs pa nyid 'khor lo sgyur ba bzhin du slar yang khams thams cad du rdzogs par longs spyod pa nyid tha dad ma yin par yongs su 'dzin pa'o zhes so/ /de yang mchog gi dang po la sogs par rtogs par bya'o/ /sgra ji bzhin pa'o/ /klu yi dbang po rus pa'i rgya/ /stag
- 393b
lpags glang po'i pags pa dang/ bdud dang nyon mongs snyoms 'jug dang/ /shes bya'i sgrib pa rnams kyang ngo/ /zhes pas chos gsungs so/ /gsungs pa yang 'khor gsum rnam par rtog pa gang/ /de ni shes bya'i sgrib par 'dod/ /ser sna la sogs rnams rtog gang/ /de ni nyon mongs sgrib par 'dod ces so/ /bdud kyi sgrib pa rnam par dag pas klu'i dbang po'o/ /nyon mongs dag pas rus pa'i phyag rgya'o/ /snyoms 'jug dag pas stag gi pags pa'o/ /shes bya yongs su dag pas glang po che'i pags pa yang ngo/ /sgra ji bzhin pa'o/ /u ma dbang phyug che de bzhin/ /thod pa tshangs pa'i mgo bo dang/ /thod pa'i phreng ba de bzhin te/ /thal bcas tshang ba'i skud pa dang/ /mgo bo'i phreng ba yang dag ldan/ /de dag rnam dag shes par bya/ /khro bo'i dbang dang byang chub sems/ /sgrib pa cung zad dang ldan no zhes te cung zad ces pa nyon mongs pa bzhi pa'o/ /gsungs pa yang/ /nyung du'i ye shes kyis byas pa/ /nyon mongs bzhi po nges bsreg min/ /zhes te sgra ji bzhin pa'o/ /u ma dang dbang phyug chen po ni rdul dang khu ba'o/ /ri gi al+li ru yang/ /mgo bo yang ni nyon mongs bdud/ /thod pa nam mkha' rnam dag pa zhes so/ /A li kA li'i dag pa sgra ji bzhin pa'o/ /sems can mos pa sna tshogs pas/ /spyod pa sna tshogs kun tu gnas/ /sna tshogs tshul gyi cho ga yis/ /sna tshogs pa yi thabs bstan no/ /zhes te lhag par mos pa tha dad pa nyid kyi sems can gang yin pa de la tha dad pa'i tshul dang thabs bstan no/ /lhag par mos pa sna tshogs pa ni nyan thos la sogs pa'i sems so/ /spyod pa dang tshul rnam pa gsum ni bye brag tu smra ba la sogs pa'i 'dod pa rnams so/ /thabs ni lam sgom par
- 394a
byed pa'o/ /de la gang zag tu smra ba rnams la gang zag mi rtag par sgom pa la sogs pa gsungs so/ /don smra ba rnams las la sogs pa'i zad par sgom pa'o/ /rnam par shes pa rnams la brtags pa tsam nyid kyi ting nge 'dzin no/ /dbu ma pa rnams la rmi lam lta bu dang 'gyur pa med pa gnyis su med pa'i ye shes sgom pa gsungs te sems can gyi bsam pas ston pa rnams kyang de bzhin te khur khur ba'i gang zag yod de rtag par yang mi smra mi rtag par yang mi smra'o/ /rdul phra rab tshogs pa'i bdag nyid kyi tha ma'i lus mtshan la sogs pa dang ldan pa yang yod do/ /kye rgyal ba'i sras dag 'di lta ste/ khams gsum pa ni rnam pa shes pa tsam mo zhes so/ /rgyud gzhan du yang sgyu 'phrul chen mo drag chen mo/ /'byung dang sdud par byed pa mo/ /kun rdzob kyis so/ /shes rab pha rol phyin byed ma/ /byed po sangs rgyas lus can min/ /zhes te ldog pas mya ngan las 'das pa nyan thos dang rang sangs rgyas rnams kyi phung po lhag ma dang bcas pa dang/ theg pa chen po pa rnams kyi phung po lhag ma med pa'o/ /stong pa nyid gnyis su med pa smra ba po rnams kyi rab tu mi gnas pa shin tu gnyid log pa dang sang ba dang bral ba bzhi pa dang rmi lam lta bu ni 'bras bu'o/ /shes rab kyi pha rol du byin pa'i tshul du bstan pa la gang sems ma yin pa'o zhes gsungs pa chos thams cad dngos po ma yin pa'i rang bzhin gyi ting nge 'dzin gyis zhes so/ bcom ldan 'das kyis kyang gsungs pa/ /nam mkha' dang ni 'gog pa gnyis/ /'dus ma byas gsum rtag pa ste/ /'dus byas thams cad skad cig ma/ /bdag gis stong zhing byed po med/ /dbang skyes blo
- 394b
ni rnam med kyis/ /phra rab bsags pa dngos su rig/ kha che'i gzhung gi chu gter gyi/ /bye brag smra ba'i gzhung 'dod 'gyur/ /shes pa rnam bcas skyes byed ni/ /dbang po'i spyod yul snang ba min/ /nam mkha' mo sham bu dang mtshungs/ /'gog pa dag ni nam mkha' bzhin/ /'du byed bems po yod ma yin/ /dus gsum rjes 'gro dog kyang med/ /thogs pa med pa'i gzugs yod min/ /zhes pa mdo sde pa yi rig/ yan lag can zhes bya ba med/ /phra rab rdul rnams yod ma yin/ /sgyu ma rmi lam mthong pa yis/ /dmigs pa med pa rab tu gsal/ /gzung dang 'dzin pa las grol pa'i/ /rnam par shes pa don dam yod/ /rnal 'byor spyod gzhung rgya mtsho yis/ /pha rol phyir rnams de skad sgrogs/ /rnam par shes pa don dam yod/ /de yang mkhas rnams mi 'dod do/ /gcig dang du ma'i rang bzhin dang/ pral phyir nam mkha' i padmo bzhin/ /yod dang med dang yod med dang/ /gnyis ka'i bdag nyid min pa'ang min/ /mdza' bzhi rnam par grol ba yi de nyid dbu ma pa yi rig/ de bzhin du 'ang/ /bdag med 'byung ba yod cing dge ba mi dge'i 'bras bu yod de byed pa po yis rnam par dman/ /'gro ba po med ma lus thar pa'i slad du 'gro ba yod cing 'ching ba yod de bcings pa med/ /dngos po dngos med dag kyang yod de skad cig rnam bral rang bzhin med pa dag gi srid pa yod/ /'di dag bdag gi bden pa'i tshig ste lha dang gdengs can rnams kyi gdon bcas tshig gis/ /'joms mi 'gyur/ /sgra ji bzhin pa'o/ /zab mo'i chos ni ston pa la/ /gal te mos par ma gyur kyang/ /smod pa dag tu mi bya ste/ chos nyid bsam mi khyab dran bya zhes pas dag pa'i sku gsungs so/ /zab mo ni rtog ge'i
- 395a
yul ma yin pa'o/ /gang gis 'dir bdag yul min/ /bdag gis chos nyid mi shes te/ /dus gsum bzhugs pa'i rdzogs sangs rgyas/ /bdag nyid chen po rnams kyis mkhyen/ /sgrib pa kun las rnam par grol/ /gang gis khams gsum rgyas gdab pa/ /khro bo'i dbang dang byang chub sems/ /dkyil 'khor kun gyi gtso bo'o/ /zhes te bdag nyid chen po ni sku lnga'o/ /rdzogs sangs rgyas ni sa bcu gsum gyi dbang po'o/ /dus gsum bzhugs pa ni tshogs gsum mo/ /khro bo'i dbang po ni gshin rje mthar byed la sogs pa'o/ /byang chub sems dpa' ni byams pa la sogs pa'o/ /dang yig las spyan ma la sogs pa'o/ /thams cad ni mkha' 'gro lnga la sogs pa rnams kyis mkhyen no zhes pa ste sgra ji bzhin pa'o/ /sku bzhi'i cho ga'o/ /de ltar gang zhig sgom pa dang/ /gsang sngags bzlas pa byed pa ni/ /skye dang skye bar chos ldan pa'i/ /rgyal po'i go 'phang 'gyur ba yin/ /zhes pas rjes su 'gro ba gsungs so/ /de ltar de kho na nyid kyi rnal 'byor mtshan ma dang bcas pa'i gzugs sam/ /'khor lo sgyur ba'i rgyal po yang na'o/ /sgra ji bzhin pa'o/ /dper na mar gyis gang pa'i snod/ /me yi dbus su legs bzhag pa/ /de la mar ni zhu 'gyur te/ /snod kyi dri ma gnas par byed ces pas las kyi lus gtong pa don du gnyer pa la dpe gsungs pa/ /dper na mar me med pa bzhin du lus gnas pa rnam par shes pa med pa'o/ /dang po'i sangs rgyas su yang/ /phung po med kyang rnal 'byor pa ni bde ba'i go 'phang 'gro ste 'on kyang 'jig rten du ni grags pa min zhes te dgongs pa'o/ /rnal 'byor pa rnams 'tsha tshe'am/ /rnal 'byor ma rnams thugs dgyes pas/ /lag na me tog sna tshogs
- 395b
thogs/ /sna tshogs rgyal mtshan yang dag ldan/ /sna tshogs rol mo'i sgra rnams dang/ /sna tshogs glu dang mched pa yis/ /'chi ba zhes 'di rnam rtog ste/ mkha' spyod gnas su 'khrid par byed ces pa ste nye ba mthar phyin pa gsungs so 'am gyi sgra las skye ba 'di nyid kho na la'o/ /phyag rgya chen po dang bcas pa grub pa'i dngos grub kyi dus su'o/ /de bzhin du yang dus kyi 'khor lor khro bo sangs rgyas lha mo dang bcas nges par ro yi rdo rje rnams dang sa yi snying po sogs rab tu dga' ba'i thugs rnams rnal 'byor pa la grub pa'i dus su nam mkha' la ni mngon sum 'gyur/ /de yi 'dod pa'i dngos grub ri bong can gyi zhag gi tho rangs nas ni mtshan mo phyed la 'gyur/ /rin po che 'am me tog char ni mchog gyur dus kyi sbyor bas sa yi steng du 'bab par 'gyur zhes te rnal 'byor ma rnams gur kum la sogs pa'i char 'bebs par byed do/ /rnal 'byor ma'i rgyud nyid kyi phyir ro/ /phyi rol du yang rdo rje slob ma rnams kyis byed de de'i phyir ro zhes so/ /'di rnam rtog ni mi shes pa rnams kyi 'chi ba'o/ /zhes phung po bde ba mchog gi bde ba zhes pa rjod pa la'o/ /phyag rgya'i dngos grub mnyam pa 'di'o/ /phyag rgya'i dngos grub kyang dpal dus kyi 'khor lor gsungs pa/ /mchog gi bde ba la gnas rdo rje ma 'khums nyid kyi bar du chu skyas las ni dbyung mi bya/ /gang tshe 'dod pa grub pa de yi cha na 'di ni sangs rgyas byin gyis brlabs par rab tu 'gyur/ /rdo rje chu skyes dag nas gzhug bya rang gi rdo rje'i snying gar ye shes 'khor lo rab bcug ste/ 'di yi 'od zer rnams kyis gnyis ka'i lus ni gang bar byas nas rnam pa thams cad nyid du byed ces so/ /'khrid par byed ni de rnams kyis
- 396a
sam de rnams kyi mkha' spyod gnas su ste gnyis su med pa'i go 'phangs su 'khrid par byed do/ /dgongs pa'o/ /sangs rgyas rnams ni byung gyur ram/ /ma byung na yang rnam kun tu/ /bsam gyis mi khyab chos nyid ni/ /'phel 'grib spangs pas gnas pa yi zhes pas stong pa nyid dang snying rje tha mi dad pa gsungs so/ /sangs rgyas rnams ni sangs rgyas sprul pa sku gsum po rnams so/ /de bzhin du yang bcom ldan 'das kyis gsungs pa chos dang longs spyod rdzogs sprul pa/ dag pa'i sku las spros par byed ces so/ /sgra ji bzhin pa'o/ /zhes pa de ltar gzhag nas ni/ /'jig rten pa kun smad mi bya/ /de rnams rtogs pa bsam mi khyab/ /sangs rgyas gar mkhan bsam mi khyab ces te/ /gzhal nas ni de ltar brjod pa'i rim pas rtogs par byas nas so/ /'jig rten pa kun ni lha rnams so/ /smad par mi bya'o zhes pa ni gsungs pa yang dag gang las don gang la bsam par bya ba thams cad stong par bgrod ba mthar thug pa ni thams cad 'od gsal ba mthar thug pa'i phyir ro/ /dgongs pa ma yin pa'o/ /bsam gyis mi khyab pa ni rtog ge'i rtogs bya ma yin pa'o/ /sangs rgyas gar mkhan ni sangs rgyas kyi rnam par 'phrul pa'o/ /pha rol du phyin pa'i tshul du gsungs pa yang sangs rgyas khams dang sangs rgyas byang chub dang/ sangs rgyas chos dang sangs rgyas mdzad pa ste 'di ni 'dren pa rnams kyi spyod yul te/ dag pa'i sems can gyis kyang bsam mi khyab// gsungs pa yang /gal te sangs rgyas khams med na/ /lus can kun la myang 'das med/ /byang chub kyang gsungs pa 'phel 'grib spangs pa'i zhes pa la sogs pas 'dir ro/ /chos kyang gsungs pa mi 'jigs pa la sogs
- 396b
pa rnams te chos thams cad mngon par rdzogs par byang chub pa la dang/ /nges par 'ching ba'i bgegs byed pa la dang/ /lam kun bshad pa la dang/ /'gogs pa thob pa la mi 'jigs pa rnam pa bzhi'o/ /'di yang nub par gyur pa'i de kho na nyid kyi bya bar/ rdo rje a ral+li'i rgyud du gsungs pa yang de nas byang chub sems dpa' de rnams thams cad go 'phang mchog nyid thob nas sangs rgyas kyi gar ston par byed de kha cig tu rdzogs par byang chub par byed/ /kha gcig tu dka' ba spyod pa dang/ lha las babs pa dang mya ngan las 'das pa dang/ de bzhin du khab nas nges par 'byung ba zhes so/ /sgra ji bzhin pa'o/ /mdo sde bya ba spyod pa rnams/ /rnal 'byor gsang mdza' i dbye ba las/ sems can 'jug la tshul khrims ni/ /de dang de la rab tu bstan/ /zhes pas sde snod gsum bsdus pa gsungs te tshul khrims ni mi dge ba spang pa bag med pa rnams kyi don du rab tu bstan pa'o/ /de la mdo sde dang chos mngon pa dang 'dul ba nyan thos kyi sde snod du'o/ /de la byang chub sems dpa' i sde snod du gsang ba rnams zhes pa ste bya ba dang spyod pa dang gnyis ka'i rtog pa rnams kyis so/ /theg pa chen por yang thun mong du gsungs pa dang byis pa rnams la gsungs pa yang/ rnam pa gang dang gang dag gis/ /sems can rnams ni yongs yin byed/ /rnam pa de dang de dag gis/ /chos ni bstan par bya ba yin zhes so/ /rgyud des na dang por yang dag pa'i ye shes ma bstan to/ /zhes pa sgra ji bzhin pa'o/ /gal te rgyud gzhan thams cad du rdzogs pa'i sangs rgyas nyid ma gsungs na de dag la rigs shes dogs pa la gsungs pa/ /mngon par brjod pa 'bum pa yi/ /rgyud las phyung ba snying po bsdus/ /bdun brgya'i gzhung gis yang dag rdzogs//
- 397a
sangs rgyas rtogs phyir lha mo skye/ /zhes pas rgyud bla mar gsungs so/ /rgyud ni 'bras bu'i rgyud do/ /phyung ba ni rtsa ba'i rgyud las so/ /snying po ni rdo rje ste dbyings thams cad/ rtogs par byed pa'i ye shes so// bsdus pa ni bden pa gnyis kyi bdag nyid can no/ /lha mo ni kye rdo rje phag mo'o/ /gang dag gis dam bcas pa de dang de rab tu bstan no/ /skye ba 'di kho na la sangs rgyas nyid sbyin par skyed pa bde ba'i thabs ni rgyas min pa/ /sangs rgyas kun gyis mngon par mchod/ /da ni de la mchod pa sogs/ /yid 'ong rnam par rgyas bas gyis zhes so/ /rdo rje a ral+li ru yang/ /gang zhig rgyud 'di klog par byed/ /gang zhig dad par byed pa 'am/ /gang zhig lhag par mos par byed/ /skye bo gang zhig mchod pa 'ang/ /de rnams thams cad sangs rgyas 'gyur/ /srid pa'i longs spyod gnas longs spyod ces so/ /yang dag par rdzogs pa'i sangs rgyas ni dpal rdo rje sems dpa' ste 'dir phyag rgya chen po grub pa'o/ /phyag rgya chen po ba yang bcas kyis gsungs pa/ /phyag rgya sgyu ma'i rjes su mthun pa yid dang nam mkha' la ni me long dag la gzugs bzhin te/ /'jig rten gsum po snang bar byed cing dri med glog dang mtshungs pa'i 'od zer du ma 'phro bar byed/ /phyi dang lus la dbyer med yul dang rnam par bral ba snang ba tsam ni mkha' la gnas pa yis/ /sems dang sems byung la ni bdag gis 'khyud de 'gro ba du ma'i gzugs kyis de ni gcig bu'o/ /dgongs pa'o/ /zhes pa dpal rgyud kyi rgyal po rdzogs so/ /zhes pa ni dpal he ru ka bde ba chen po phyi ma dang bcas pa'i rgyud mthar thug pa'o/ /de bzhin du yang bcom ldan 'das kyis gsungs pa/ /srid gsum phra rab gzugs min 'dir ni rnam par shes pa de bzhin
- 397b
rnam par shes pa nyid med do/ /sangs rgyas shes rab gang du 'ang gnas pa ma yin ces pa'i tshig ni sangs rgyas pa rnams ston par 'gyur/ /gang gis 'gyur med dang bral mi rnams kyis ni stong pa nyid de gzung nas/ /stong par lta byed pa// des na gtso bos gang zhig 'pho med lhan skyes lus kyi bde ba dag ni sngags kyi theg par bstan zhes so/ /rgyud kyi rgyal po ni mdo sde dang rgyud dang/ rtog pa rnams ni rgyud rnams so/ /rgyal po ni gnyis su med pas pog pa byed pa nyid kyi phyir ro/ /rdzogs ni yang dag par thob pa ste sems can thams cad kyi zung 'jug gi de nyid do zhes sgra ji bzhin pa'o/ /da ni chos rnams gang dag rgyu la rab tu 'byung/ /rgyud dang zhes bya ba la sogs pas rgyud rab tu gnas pa'i don du grub pa'i mdza' gsungs so/ /gsungs pa yang bye brag tu smra ba dang mdo sde'i mdza' ba dang rnal 'byor spyod pa dang dbu ma pa'i grub pa'i mdza' la sangs rgyas rnams kyis chos rnam gang dag la sogs pa'i tshigs su bcad pas rgyas btab po zhes so/ /chos rnams gang dag rgyu la rab tu 'byung ni lnga dang bdun du rab tu grags pa rnams so/ /ma rig pa la sogs pa'i lcags sgrog gis bsdams pa'i 'khor lo rgyu dang 'bras bu'i bdag nyid can no/ /de rnams nyon mongs pa dang las dang sdug bsngal te/ yan lag gsum dang gnyis dang bdun kun rdzob tu ste thog ma med pa nas byung ba dang tha ma dang ldan pa ste ma rig pa 'gags pa las rnam par sangs rgyas pa nyid do gsungs pa yang ma rig pa dang 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang nye bar len pa dang srid pa dang skye ba dang rga shi ste bcu gnyis rnams so/ /'dod chags dang zhe sdang dang gti mug gi bdag nyid ni ma rig
- 398a
pa'o/ 'du byed ni sngon gyis las rnams so/ /rnam par shes pa ni mngal du 'jug pa'o/ /ming dang gzugs ni nur nur po la sogs pa lnga'o/ /skye mched drug ni mig la sogs pa rdzogs pa'o/ /reg pa ni yul dang dbang po'i rnam par shes pa phrad pa'o/ /tshor ba ni bde ba la sogs pa'i bdag nyid do/ /sred pa ni 'khrig pa'i 'dod chags so/ /nye bar len pa ni 'dod pa'i yul 'dzin pa'o/ /srid pa ni 'byung 'gyur gyi srid pa 'bras bu'o/ /las kyis skye ba ni slar yang phung po nying mtshams sbyor ba'o/ /rga shi ni gsal lo/ /dang po brgyad pa dgu nyon mongs/ /gnyis pa bcu pa las yin te/ /lhag ma bdun ni sdug bsngal yin/ /gsum du 'dus phyir bcu gnyis ni/ /chos gsum gsum las byung ba ni/ /gnyis gnyis gnyis las rab byung ba/ /bdun te bdun las gsum 'byung ngo/ /slar yang de nyid de rnams 'khor/ /srid pa'i 'khor lo rgyu 'bras kyang/ /'gro kun nyid yin sems can gzhan/ /'ga' zhig 'dir ni yod ma yin/ /stong pa kho na stong pa'i chos/ /rab tu 'byung 'gyur chos rnams las/ /kha ton mar me brgya la sogs zhes so/ /rgyu la rab tu 'byung gi don no/ /rgyu de rnams ni de bzhin gshegs pas gsungs zhes pa ni ji ltar kun tu rtogs pa de bzhin du gsung bar byed do zhes pas nge'o/ /gzhan mi gsung ba nyid kyi phyir ro/ /rgyu ni rkyen no/ /'khor bar brjod pa dang ldan pa'o/ /de rnams kyang ni 'gog pa gang yin pa zhes pa ni kyang yig las srid pa rgyu dang bcas pa brjod pa 'ba' zhig tu ma zad kyi sangs rgyas rnams kyi mya ngan las 'das pa yang rgyu dang bcas pa ste yan lag bcu gnyis 'gog pa'i mtshan nyid zung du 'jug pa'i bde ba ma rtags pa nam mkha' i me
- 398b
tog sems med pa bems po ma yin pa'i gzugs so/ /de skad gsung pa'i tshul can dge sbyong che ni zung 'jug gsungs pa yang dag par rdzogs pa'i sangs rgyas te brdzun mi gsung pa tshangs pa la sogs pa'o/ /sbyin par bya ba'i chos rab mchog 'di ni zhes pa chos kyi sbyin pa thar pa thob pa'o/ /sprin pa'i bdag po dang lhan cig ces pa rtogs par sla'o/ /dag gi skyon tsam dang bral ma lus go 'phang ni/ /dpal sdom bdag gis nyung ngur rnam phye mdza' drug ldan/ / kun phan mngal bdag ci yin rab tu gsal bar bris/ /de nyid kyis ni sems can kun zhi bde ba thob par byed/ /gang dag legs par gsungs pa'i dag /de kun ni bde gshegs pa'o zhes kyang gang phyir rgyal pas gsungs/ / de phyir mkhas pas de mi smad/ /gang phyir ston pa cig pur rgyal bas mdor bstan pas/ /rnam par g.yeng ba med pa'i yid rnams kyis bshad pa/ /mthar pa thob pa'i tshogs dang rjes mthun pa/ /de yang drang srong bka' bzhin spyi bos med/ oM ka li ka li blo gros ches/ /byin zhabs zla ba sngon ma can/ /de rnams kyis bstan de nyid ni/ /'jigs med dga' ba can zhes yul/ /dpal ldan rnam gnod grong yid dga' / /dag pa'i gnas ni rgyal ba'i gzhi gzi brjid stong ngang tshul khrims byung/ /'byor pa'i don gyis nor sbyin mtshungs/ /rgyal chen lhag pa'i rgyal po byed la/ /rgyal ba dga' ba can zhes grags/ /bkod pa chen po bdag po mchog de yi dpon po mang thos gang/ /de nyid kyis 'dir rgyal bas bstan/ /don mang 'khor lo sdom pa la/ /dga' bas cho ga bdun gyis ni/ /tshig don rnams ni brjod pa las/ /bsod nams dkar ba thob pa gang/ /de nyid kyis ni zung 'jug pa'i/ /de
- 399a
nyid mkhas pa'i 'grel pa yi/ /dpal ni spyi bor gnas pa dang/ /sems can rnams kyang bde chen gyis/ /bde ldan dngos grub mchog thob gyur/ /dpal de kho na nyid mkhas pa zhes bya ba dpal sdom pa'i 'grel pa rdzogs so// //dga' byed bdag po'i slob dam pa/ /de nyid bzhi po rtogs pa las/ /rtag pa'i rdo rje de yis byas/ /'jig med dga' byed ces bya'o/ /dpal 'khor lo sdom pa'i 'grel pa dpal de kho na nyid mkhas pa zhes bya ba 'di kun ldan gyi lo cho 'phrul chen po rta'i zla ba'i yar ngo'i tshes brgyad la shAkya'i dge slong rin chen grub kyis bsgyur cing zhus te gtan la phab pa'o// //rgya gar skad du/ la g+hu saM ba ra tan+t+ra pa ta ya a b+hi san+ti/ bod skad du/ sdom pa'i rgyud chung ngu'i mtshams sbyor/ /dpal rdo rje mkha' 'gro la phyag 'tshal lo/ /sdom pa'i rgyud chung ngu'i mtshams sbyor brjod par bya'o/ /dang por re zhig bskyed pa dang/ rdzogs pa'i rim pa gnyis kyi bsdus pa'i don thams cad le'u dang por bstan nas gnyis pa nas lnga bcu pa'i bar gyis ni rgyas par bstan te/ /kun gyi tha ma'i le'u yis ni de rnams gcig tu mdzad do/ /bcom ldan 'das kyis bsdus pa'i rgyud chung ngu 'di'i kha sbyor gsum pa'i bshad pa 'di ni nA ro ta ba'i dgongs pa'o/ /de la dbang bskur nas ni de nyid bstan ces pa'i tshig gis theg pa chen po gsang sngags la dbang bskur ba'o/ /dkyil 'khor sngon du 'gro bas le'u gnyis pas ni dkyil 'khor ro/ /gsum pas ni dbang bskur ba'o/ /bzhi bas ni dbang bskur ba'i don gyi ngo bo de kho na nyid de/ /de ltar le'u gsum po de yang gsang ba zhes bya ba nas mnyan par gyis zhes bya ba'i bar gyis bshad pa'o/ /'dis ni de ltar 'chad par 'gyur pa'i
- 399b
ba lang gnas dang lding pa nyid ces bya ba la sogs pa sngon du 'gro bas sgoms pa'i dkyil 'khor rgyas par bshad pa yang 'di nyid kyis zin pa yin pas de las logs shig tu ma brjod do/ /de nas gsang sngags zlos pa'i zlas brjod dang/ /bsam gtan gyis kyang 'grub po/ /zhes rnam par bshad pa'i 'grel pa las lnga pa sna brgyad pa'i bar gyi le'u bzhi dang nyi shu lnga pa dang sum cu pas ni go rim 'chol bas bzlas pa'i sngags pa tu ba bstan te/ rgyud la slob dpon med par sngags kyi bzlas pa dag pa'i don yin par rtogs par bya'o/ /'di ltar bzlas pa'i dngos grub mchog dang/ /pha ma'i mtshan nyid las 'jig rten pa'i dngos grub bstan pa ni dgu nas bcu bzhi'i bar mthar thug pa dang/ bzhi bcu rtsa gsum pa las le'u lnga bcu pa'i bar du shes par bya'o/ /gang du dbang bskur nas 'jig rten las 'das pa'i dngos grub bstan to/ /de ltar 'jig rten las 'das pa'i dngos grub ni rnal 'byor ma'i bka' drin las 'gyur ba 'dir bstan pa'i don du bco lnga pa nas nyi shu rtsa bzhi pa'i bar gyis pho nya lhan cig skyes grub ma zhes bya ba la sogs pa rnam par 'grel te/ /'dis rnal 'byor ma'i dbye ba shes par bya ba'i phyir yi ge brda dang/ rigs drug gi dbye ba dang/ /ming gi rnam grangs dang/ mkha' 'gro ma'i rigs dang/ /lA ma'i rigs kyi mtshan nyid dang/ /lag pa'i brda dang/ ston pa'i phyag rgya dang/ /yan lag gi phyag rgya dang/ /mtshan ma'i phyag rgya dang/ dag gi brdas rab tu shes par 'gyur pa'i bye brag bcus pho nya'i mtshan nyid le'u bcur go rim ji lta ba bzhin bstan to/ /de'i rjes la dam tshig rtag tu brgyad par bya/ /zhes pa la sogs pa'i don rdzogs par byed pa las nyi shu rtsa drug pas ni yongs su shes pa'i pho nya mnyes par byed pa'i bsrung ba'i dam
- 400a
tshig bstan to/ /nyi shu rtsa bdun pas ni thob pa'i phyag rgya mnyes pas de'i bka' spyod pa bya ste/ rnal 'byor pa nyid ces bya ba la sogs pa'i mtshan nyid kyi don rdzogs par byas pas spros bcas kyi spyod pa bstan to/ /nyi shu rtsa brgyad pa dang nyi shu dgu pas ni spros bcas kyi spyod pa bstan te/ /de nas sbrang rtsi 'tshal dang ga pur bcas/ /zhes bya ba la sogs pa'i bshad pa ni sum cu rtsa gcig pa la sogs pa'i le'u gsum gyis spyod pa thams cad la mkho ba bza' ba'i dam tshig bstan to/ /de la yang lag pa'i mchod pa dang/ rdzas kyi khyad par gyi ming dang/ kha zas kyi cho ga dbye ba gsum du shes par bya'o/ /de'i rjes la mchod bzhi dpa' bo che/ /zhes bya ba la sogs pa rnam par 'grel pa ni sum cu rtsa bzhi sogs le'u bzhi ste/ /phyag rgya chen po dang/ chos kyi phyag rgya dang/ las kyi phyag rgya dang las kyi phyag rgya dbang du bya ba go rim ji lta ba bzhin du rtogs par bya'o/ /dam tshig gi phyag rgya ni sngar gyi dkyil 'khor gyi 'khor lo bsgom pa'i mtshan nyid gzhan du bstan pas 'dir de las logs shig tu rgyas par ma bstan to/ /de nas sum cu rtsa brgyad pas ni rnal 'byor pa nyid ces bya ba la sogs pa'i spros med dang/ shin tu spros med kyi spyod pa rgyas pa bstan to/ /de la rnal 'byor ma gsum gyi thun mong du gyur pa'i dngos grub kyi mtshan nyid sum cu rtsa dgu pa nas bzhi bcu rtsa gnyis pa'i bar du ston to/ /de ltar mdo dang rgyas par bstan pa'i sgo nas le'u lnga bcu rtsa gcig tu bsdus nas bstan to/ /zhes bla ma'i man ngag go /sdom pa'i rgyud chung ngu'i mtshams sbyor dpal nA ro ta pa'i rjes su 'brangs bas 'dab su ma ti kIrti'i zhal snga nas mdzad pa rdzogs so// //
- 400b
rgya gar gyi mkhan po de nyid dang/ 'o tsa ba dge slong grags mchog shes rab kyis bsgyur to// //*/ /bde mchog rtsa rgyud kyi rgya cher bshad pa tshig don rab tu gsal ba bzhugs// //*/ /dpal bde mchog gi rgya cher bshad pa tshig don rab tu gsal ba zhes bya ba/ /dpal bde mchog mkha' 'gro la phyag 'tshal lo/ /kun 'gro kun snying nam mkha' i dbus gyur mchog zhi ba/ /he ru ka dpal mchog tu mya ngan 'das pa de nyid dngos/ /thabs dang shes rab las byung rab gsal nye bar 'bar ba'i 'od/ /nyin gzhan phun tshogs bde mchog zhabs btud de nyid bshad par bya/ /'grel pa dag gis rgyud rgyal ni/ /ma lus rnam par ma bkrol zhes/ /rtsa ba'i rgyud las bdag gis ni/ gtam du dris pa bzhin du thos/ /bdag ni zhib tu blo dman yang/ /bla mas byin gyis brlabs pa dang/ /bshad rgyud yang dag rtogs pa yi/ /de don rtsom phyir nyes pa med/ /rgyud kyi brjod par bya ba ni gang/ dgos pa'i dgos pa ni gang zhig /de nas zhes bya ba nas bka' stsal to/ /zhes bya ba'i bar gyis rjod par byed pa'i rgyud yin la/ /de nas brjod par bya ba ni rgyu'i rgyud dang 'bras bu'i rgyud do/ /de la rgyu'i rgyud ni le'u nyi shu rtsa drug pa las ston pa'i gang zag rnam pa gsum mo/ /thabs kyi rgyud ni bskyed rdzogs gnyis so/ /'bras bu'i rgyud ni sku gsum mo/ /de la gtso bor thabs kyi rgyud gsungs pa nas de brjod par bya ste/ /de la le'u dang po'i tshigs bcad gcig gis rgyud kyi dgos pa bstan to/ /tshigs bcad phyed kyis mtshan bstan to/ /tshigs bcad phyed dang gnyis kyis ni rgyud kyi gleng gzhi ston to/ /tshigs bcad gnyis kyis lus mdor gzhag bstan/ le'u dang po'i lhag mas ni tshogs
- 401a
kyi 'khor lo dang zhi ba'i btung ba dang pho nya'i gtsang sbra gnas dang bcas pa mdor bstan pa'o/ /le'u gnyis pas dkyil 'khor gyi 'khor lo bstan to/ /le'u gsum pas slob ma dbang bskur ba bstan to/ /le'u bzhi pas lha dgod pa bstan/ /de ltar le'u gsum gyis bskyed pa'i rim pa bsgom pa gsungs so/ /le'u lnga pas rkang pa brgyad pa'i gsal byed btu ba bstan/ /le'u drug pas dpa' bo drug gi sngags btu ba bstan/ /le'u bdun pas rkang pa brgyad pa'i dbyangs yig btu ba bstan/ /le'u brgyad pas snying po bzhi dang go cha'i lha mo drug gi sngags btu ba bstan/ /le'u dgu pas rtsa ba'i sngags kyi phrin las lnga bcu bstan/ /le'u bcu pas snying po sngags kyi mchog dang 'jig rten pa'i sngags grub pa bstan/ /le'u bcu gcig pas dngos grub kyi kha zas skye ba bdun pa bstan/ /le'u bcu gnyis pas nye ba'i snying po'i phrin las bstan/ /le'u bcu gsum pas go cha'i sngags kyi phrin las bstan/ /de ltar le'u lnga pa nas bcu gsum pa'i bar gyis bskyed pa'i rim pa'i bzlas pa bstan to/ /le'u bcu bzhi pas dngos grub kyi dkyil 'khor tshogs kyi 'khor lo bstan/ /le'u bco lnga pa nas nyi shu rtsa lnga'i bar gyis tshogs kyi 'khor lo'i yan lag bstan to/ /le'u bco lnga pas dag byed kyi lha mo'i brda bstan/ bcu drug pas dag byed kyi lha mo'i brda'i mtshan nyid bstan/ /bcu bdun pas dbang gi lha mo'i mtshan nyid bstan/ /bco brgyad pas dpa' bo'i lha mo'i mtshan nyid bstan/ /bcu dgu pas bka' bsgo ba'i mtshan nyid bstan/ /nyi shu pas dbang gi lha mo'i brda bstan/ /nyi shu rtsa gcig pas dpa' bo'i lha mo'i mtshan nyid dang/ rtsa gnyis pa las bkas gnang ba'i lha mo'i brda dang/ rtsa gsum pa las kun spyod ma'i mtshan nyid dang/ rtsa
- 401b
bzhi pa las de'i brda dang/ rtsa lnga pa las lha mo lnga'i lus la dpa' bo dang dpa' mo dgod pa'i sngags so/ /le'u nyi shu rtsa drug pa nas rtsa dgu'i bar gyis le'u dang po'i rdzogs rim rgyas par bshad pa las/ /rtsa drug pas rgyu de'i thabs dang 'bras bu gsum bstan/ /rtsa bdun pas sbyor ba dang dngos bzhi dang rjes gsum bstan/ /rtsa brgyad pas rdzogs pa'i rim pa'i gzhan don bstan/ /rtsa dgu pas dbang bzhi pa bstan/ /le'u sum cu pas bskyed pa'i rim pa bsrung ba'i 'khor lo bstan to/ /sum cu rtsa gcig nas bzhi bcu pa'i bar gyis dngos grub len pa'i rgyu ba dang mi rgyu ba'i 'khor lo bstan/ /bzhi bcu rtsa gcig pa nas lnga bcu'i bar gyis dngos grub len pa'i gsang sngags kyi 'khor lo bstan to/ /le'u nga gcig pas bskyed pa'i rim pa sgom pa'i thabs bstan to/ /de ltar na le'u lnga ni rdzogs pa'i rim pa yin la/ le'u bcu gsum ni bskyed pa'i rim pa yin la/ le'u bcu gnyis ni gnyis ka'i yan lag tshogs kyi 'khor lo yin la/ /mtshan ma thob nas dngos grub len pa ni le'u nyi shu yin la/ /thabs kyi kha skong ba ni le'u nga gcig pa yin no/ /de ltar na thabs 'bras bu dang bcas pa ni brjod par bya ba yin la/ thos bsam bsgom gsum gyis khong du chud pa ni dgos pa yin la/ mtshan ma thob nas dngos grub gsum bskyed pa ni dgos pa'i yang dgos pa yin no/ /'brel ba ni de'i bdag nyid dang thabs dang thabs las 'byung ba'o/ /de'i bsdus pa'i don ni thabs dang bskyar ba'i cho ga dang dngos grub len pa'i kha bskang ba'o/ /bskyed rdzogs gnyis ni thabs yin la/ /tshogs kyi 'khor lo ni bskyar ba'i cho ga yin la/ /rgyu ba dang mi rgyu ba'i 'khor lo ni 'bras bu dngos
- 402a
grub len pa yin la/ le'u nga gcig pa ni kha bskang pa'i man ngag goc /da ni yan lag gi don brjod par bya ste/ rtsa ba'i rgyud le'u 'bum pa dang rgyud phyi ma shlo ka 'bum pa rdzogs pa'i rjes la le'u nga gcig pa ston par bzhes nas de nas zhes bya ba la sogs pa gsungs pa yin no/ /de yang dpa' bo dang dpa' mo brjod kyis mi lang bas phyag 'tshal nas bdud rtsi rnam pa lngas mchod de bstod nas gsol ba btab pa'i rjes thogs la/ /de nas zhes bya ba gsungs pa yin no/ /de yang thog mar rgyud kyi brjod bya ston par bzheng nas/ /gsang ba bshad bya ba zhes pa gsungs te/ gsang ba'i don ni gnyis te/ bskyed pa'i rim pa dang/ rdzogs pa'i rim pa'o/ bskyed pa'i rim pa'i gsang ba ni gnyis te/ dpa' bo gcig pu bsgom pa dang/ dkyil 'khor gyi 'khor lo bsgom pa'o/ /de ci'i phyir gsang ba yin zhe na/ /dpal mchog dang po las ye shes sems dpa' snying gar bcug pas na gsang ba gsungs pa'i phyir ro/ /rgyud rdo rje rtse mo las kyang/ gsang chen theg pa 'di ru ni/ zhugs pas gang dang gang yin pa/ /rgyal ba'i gnas kyis thob 'gyur zhes gsungs so/ /rdzogs pa'i rim pa ni phyag rgya bzhi dang thabs bzhi dang ldan pas gsang ba'o/ /ci'i phyir gsang ba yin zhe na/ tshangs pa dang khyab 'jug dang dbang phyug chen po dang nyan thos dang rang rgyal ba rnams kyis ma goms par bde ba stong pa nyid mi rtogs pa'i phyir ro/ /de yang 'di nyid las/ lha dang mi yi bde ba ni/ /bsdus byas rdo rje 'dzin pa yi/ /bcu drug char yang mi phod do zhes gsungs pa dang/ kha sbyor las kyang sangs rgyas dang byang chub sems dpa' thams cad kyi spyod
- 402b
yul yin pas na gsang ba zhes gsungs so/ /bshad bya ba zhes bya ba ni sgra'i dgos pa bstan pa ste/ sngon dpa' bo dang dpa' mo rnams kyis khong du chud pa yin yang/ /da ltar rnal 'byor pa rnams kyis rtog pa'o/ /de'i rjod par byed pa ji ltar yin zhe na mdor bsdus pa ste rgyas par min zhes bya ba gsungs te/ rgyud le'u 'bum pa las 'dir bsdus pa dang/ /shlo ka 'bum pa las mdor bsdus pas na rgyas par min pa ste ltos sa gnyis nas phyi ma'i phyi ma yin no zhes bya ba'i don to/ /brjod pas bya ba de nyid gsal bar bstan pa ni he ru ka dpal yang dag sbyor zhes bya ba gsungs te/ mtshan nyid pa sku gsum gyi rang bzhin yin yang de'i rgyu bskyed rdzogs kyi thabs la dpal he ru zhes bya ba sangs rgyas dang byang chub sems dpas brda btags pa yin no/ /yang dag sbyor zhes bya ba ni shes rab ston te/ dngos kyi yum sa bcu gcig pa'i stong pa nyid shes rab yin la/ /de'i rgyu'i bskyed rdzogs gnyis kyi shes rab la btsun mo zhes brda btags pa yin no/ /thabs ni du shes rab ni du zhe na/ bskyed pa'i rim pa'i dpa' bo gcig pu dang/ /dkyil 'khor lo rdzogs pa'i thabs dang shes rab dang/ /rdzogs pa'i rim pa'i las kyi phyag rgya dang/ chos kyi phyag rgya dang/ /dam tshig gi phyag rgya dang/ phyag rgya chen po'i thabs dang shes rab bo/ /de'i mtshan nyid phyis bshad par bya'o/ /yang dag sbyor zhes bya ba ni mnyam par sbyor ba'i don yin te/ /ji ltar na mnyam par sbyor pa'i don yin/ /rnam par rtogs pa'i rang bzhin brgyad cu dang bral ba'i bde ba rtogs pa mngon sum du skye ba dang/ chos kyi dbyings stong pa nyid phyag rgya chen po mngon sum du mthong bas yul ji lta ba bzhin gyi rnam par shes pa skyes pas mnyam par sbyor zhes bya'o/ /sa bcu gcig pa'i ye shes kyi
- 403a
chos kyi dbyings stong pa nyid dang mnyam par sbyor ba ni 'dir ma yin no/ /dgos pa'i dgos pa gang zhe na/ /'dod pa'i don kun sgrub byed pa zhes bya ba gsungs te/ rnal 'byor pa rnams kyi 'dod pa'i don ni 'jig rten pa'i dngos grub 'dod pa'i khams kyi yon tan dang/ thun mongs gi dngos grub bsam gtan dang/ gzugs med kyi ting nge 'dzin dang/ mchog gi dngos grub sangs rgyas dang byang chub sems dpa' i ye shes so/ /sangs rgyas kyi gzhan don sku gnyis kyi mdzad pa ni 'dir rgyu'i skabs yin pas brjod pa mi bya'o/ /dgos pa de bla na med pa'i rgyud thams cad kyi thun mongs yin na bde bar gshegs pas da ltar gyi rgyud gang zhig gsungs pa snyam du byang chub sems dpa' rnams rtog pa la/ phyi ma las kyang phyi ma ste/ mkha' 'gro ma yi dra bsdom zhes mtshan gsungs pa yin no/ /mtshan ni rdo rje'i tshig yin pas brjod bya rnam pa gsum du gyur pa yin te/ /byang chub sems dpa' sa'i snying pos dbyibs su rtogs pa dang/ spyan ras gzigs kyis sngags su rtogs pa'o/ /de la dbyibs ni rtsa'i 'khor lo la byang chub sems phab? pas dga' ba bzhi sdom pa'o/ /sngags ni dbugs 'byung rdub gyis 'khor lo srog a ba d+hU tIr bcug pas mi rtog pa'i sdom pa'o/ /chos nyid stong pa nyid la sgyu ma'i ye shes skyes pas bde ba chen por sdom pa'o/ /ci'i phyir phyi ma'i phyi ma yin zhe na/ le'u 'bum pa ni rtsa ba'i rgyud yin la/ /shlo ka 'bum pa nam mkha' dang mnyam pa'i phyi ma'ang le'u lnga bcu rtsa gcig pa ni phyi ma'i phyi ma yin pas so/ /sprul pa'i sku ci'i phyir bde mchog ma yin zhe na/ de ni brjod par byed pa ma yin te/ /la la gzugs kyi rnam par rtog pas
- 403b
chos ston pa dang/ la la sgra'i rnam par rtog pas chos ston pa'i phyir ro/ /de la gzugs kyi rnam par rtog pa la mos pa la lha'i sku bsgom pa dang/ sgra'i rnam par rtog pa la mos pas sngags zlos pas bcos ma yin te/ rdo rje mkha' 'gro las/ rang bzhin rtog pa'i phyir/ phyi rol bcos ma rab tu sbyar zhes gsungs pas so/ /ston pa ni su zhig /gnas ni gang du/ dus ni nam gyis che 'khor ni su dag dang/ chos ni ci zhig bstan snyam pa la bcom ldan 'das nyid kyis gleng gzhi gsungs pa ni gsang ba mchog gi dgyes pa na zhes pa nas mkha' 'gro dra ba'i sdom pa yin zhes bya ba'i bar gyis gsungs so/ /de la gsang ba ni dga' ba'i gnas so/ /mchog ni mchog dga' i gnas so/ /dgyes pa ni lhan cig skyes dga' i gnas so/ /dzam+bu'i gling gru gsum na bzhugs pa'o/ /thams cad bdag nyid ni gcig ste/ gdul bya'i 'khor drag po 'jigs byed dang/ nyan pa'i 'khor sangs rgyas dang byang chub sems dpa' dang/ /sprul pa'i 'khor rigs lnga'i dpa' bo dpa' mo dang/ sdud pa po'i 'khor lcang lo can gyi bdag po'o/ /rtag tu bzhugs zhes bya ba gnyis ldan gyi dus su drag po 'jigs byed btul ba'i che'o/ /bzhugs zhes bya ba ni gnas dang sbyar na sangs rgyas kyi zhing du ston pa yin la/ /ston pa dang sbyar na dbang byas pa dang longs spyod pa'i mdzad pa rnams dang ldan par ston pa yin no/ /mkha' 'gro kun dngos sems dpa' ni zhes bya ba ni sprul pa'i sku ste 'bras bu'i he ru ka zhes bya ba'i don to/ /mkha' 'gro ni gnyis rtog pa med pa'i zhi gnas kyi nam mkha' bsam gtan bzhi dang gzugs med par 'gro ba dang gzung 'dzin dang bral ba'i lhag ma thong stong pa nyid kyi nam mkha' ste sa bcu gcig tu 'gro ba'o/ /kun zhes bya ba ni bsam
- 404a
gtan dang gzugs med pa'i ting nge 'dzin thob pa ni 'jig rten gyis mkha' 'gro dur khrod brgyad na gnas pa kun nas/ sa bcu gcig rtogs pa'i 'jig rten las 'das pa'i sangs rgyas dang byang chub sems dpa' i 'khor lo'i dbus na bdag po 'bras bu he ru ka ni gtso bo yin pas dngos zhes bya'o/ /sems ni snying rje'i dbang gis rgya che ba'i sems can la dmigs pa'am/ shes rab kyi dbang gis zab pa'i chos nyid la gtsigs pas na sems dpa' o/ /rdo rje sems dpa' bde ba'i mchog ces bya ba ni longs spyod rdzogs pa'i sku ste/ rgyu'i he ru ka'o/ /rdo rje ni sa bcu gcig pa'i stong pa nyid de de la sems dpa' ni dag pa'i 'jig rten pa'i ye shes te nyon mongs pa dang shes bya'i sgrib pa dang bral bas na dpa' ba' o/ /sgyu ma lta bu dang stong pa nyid ro gcig pas na bde mchog ni ji snyed pa'am ji lta ba mkhyen pa'i ye shes so/ /'di ni rang 'byung bcom ldan dpa' zhes bya ba ni chos kyi sku ste bde ba chen po'i ye shes so/ /rang 'byung ni sems rang rig 'od gsal nyams su myong ba'i rgyu rkyen la skyes pa yin gyi blo bur gyi rgyu rkyen las ma skyes pas na rang 'byung ngo/ /bdud bzhi bcom pas na bcom ldan 'das so/ /nyon mongs dang shes bya'i sgrib pa'i bag la nyal spangs pas na dpa' bo'o/ /mkha' 'gro dra ba'i sdom pa yin zhes bya ba ni bshad pa'i chos te sprul pa'i sku dpa' bo dang dpa' mo'i dra ba'i sdom pa 'am dbyibs dang sngags dang chos kyi bde mchog yin pas na sdom pa'o/ /phun sum tshogs pa lnga'i gleng gzhi byang chub sems dpa' rnams kyis mngon sum du grub pa bcom ldan 'das kyis gsungs pa la dgos pa ci yod ce na 'di ni dgongs
- 404b
pas bshad pa yin te/ sa'i snying pos dbyibs su go ba dang/ spyan ras gzigs kyis sngags su go ba dang/ 'jam dpal gyis chos su go ba'o/ /de la dbyibs ni las kyis phyag rgya dkyil 'khor b+ha ga ni gnas yin la de yang ? nyid gsum ste/ dga' ba 'byung bas gsang ba dang/ mchog dga' 'byung bas mchog dang/ lhan cig skyes dga' 'byung bas na dgyes pa'o/ /thams cad bdag nyid 'khor lo ste rtsa drug cu rtsa bzhi'o/ /rtag tu bzhugs ni dga' ba bzhi'i dus so/ /sku gsum ni lkog ma dang snying ga dang lte bar phyin pa'i bde ba'o/ /ston pa des bshad pa'i 'khor lo bzhi khyab pa ni 'khor ro/ /sngags ni dkyil 'khor gyi lus kyi gnas na dbugs 'byung rdub gsum gyi mtshan nyid dang ldan pas gsang ba mchog gi dgyes pa na'o/ /thams cad bdag nyid ni dbugs nyi khri chig stong drug brgya'o/ /rtag tu bzhugs ni rlung gnyis 'gog pa'i dus ni sreg a ba d+hU tIr chud pa'o/ /ston pa po ni rtsa gsum gyi rlung dbus su chud pa'i mi rtog pa skyes pa'o/ /de bshad pa'i chos ni dbugs nyi khri chig stong drug brgya'i dra ba sdom pa las skyes pa'o/ /de la chos kyi dbang du byas na phyag rgya chen po'i chos kyi dbyings kyi gnas so/ /de yang stong pa nyid dang mtshan ma med pa dang smon pa med pa'i mtshan nyid dang ldan pas gsang ba mchog gi dgyes pa na'o/ /thams cad bdag nyid ni byang chub kyi phyogs kyi chos sum cu rtsa bdun no/ /rtag tu bzhugs ni bsam gyis mi khyab pa'i dus te/ /shes rab ye shes yul gyi stong pa nyid dang dbang bzhi pa yul can gyi stong pa nyid mthong ba'i dus so/ /rtag tu bzhugs ni sems 'od gsal ba'i rang bzhin gyis gnas pa'o/ /ston pa ni rnam par mi rtog
- 405a
pa'i ye shes te gong bu'i gzugs las 'das bsgyur ba sprul pa'i sku dang dngos po med pa yin zhes gsungs pas longs spyod rdzogs pa'i sku dang/ de yang bsam gyis mi khyab pa zhes gsungs pas gnyis su med pa'i bde ba chen po chos kyi sku'i ston pa des bshad pa'i sems kyi bde mchog gi dra ba sdom pa'o/ /de lta bas na ston pa'i gleng gzhi bshad pa las kyi phyag rgya tshogs lam bsgom pa dang/ dam tshig gi phyag rgya grol ba'i lam bstan pa dang/ phyag rgya chen po bsgom pa rang lhag par gnas pa'i lam bstan pa'o/ /bshad pa'i rgyud rdo rje mkha' 'gro dang kha sbyor thig le las dkyil 'khor b+ha ga'i dbang du byas nas 'byung ba bzhi'i rtsi'i dbus su nam mkha' i rtsa gnas su bshad pas 'byung ba lnga dang sbyar ba/ /dkyil 'khor lus kyi dbang du byas nas rlung lnga ston pa dang/ dkyil 'khor chos kyi dbyings kyi dbang du mdzad nas yi ge bcu drug gis kun brtags pa dang gzhan dbang gi snang ba spangs pa'i yongs su grub pa'i 'od gsal ba'i snang ba bshad pas stong pa nyid bcu drug mtshon pa yin pas bshad pa'i rgyud kyi don la rmongs par mi bya'o/ /de ltar gleng gzhi bshad nas rgyud kyi lus mdor bzhag par bzhed pa ni sgra'i tshul la nges 'byung rnams zhes bya ba la sogs pa gsungs te/ sgra ni rlung dbus ma las 'byung ba'i yi ge hUM ngo/ /de las byung ba ni lha drug cu rtsa gnyis te/ sprul pa las 'byung dpa' bo rnams/ /yan lag drug cu sems kyis sprul/ /dag pa'i chos kyi sprul pa ni/ /phag mo'i gzugs su bstan pa yin/ /zhes gsungs pa'i phyir ro/ /dam tshig spyod pa ni rten gyi gang zag rnal 'byor pa'o/ /spyod yul ni
- 405b
lha'i 'khor lo'o/ /de yang ji lta bu bsgom par bya zhe na/ thog ma dbus mthar rnam par bzhes zhes bya bar gsungs te/ thog ma ni gnas pa'i rnal 'byor pa tshad med byin gyis brlabs pa dang tshogs bsags pa dang/ stong pa nyid la gnas pa'i rnal 'byor ro/ /dbus ni ldang ba 'jug pa yongs su rdzogs pa byin gyis brlabs pa dang dbang bskur ba dang mchod pa'i rnal 'byor te ting nge 'dzin te rnam pa gsum mo/ /mthar nye bar bsdu ba dang kun du spyod pa ste ldang ba'i rnal 'byor re/ /rnam par gnas zhes bya ba ni rnal 'byor rgyud la sbyor ba dang dngos gzhi rjes 'jug dge bar gnas pa'o/ /de'i phan yon ci zhig ce na/ /'jig rten gsum du rnyed dka' zhes bya ba gsungs te/ sa bla dang sa 'og dang sa steng gsum du ye shes sems dpa' lus la 'jug pa dang 'ching ba'i tshe ye shes sems dpa' la phar 'jug pa rnyed pa dka' ba'o/ /bshad pa'i rgyud rdo rje mkha' 'gro las zab mo'i rdzogs pa'i rim pa'i dbang du mdzad nas sgra ni/ a ba d+hU tI'i rlung yin la/ 'byung ba ni dga' ba bzhi'i shes pa yin la/ dam tshig spyod pa ni mched bcu gnyis bde bas khyab pa yin la/ spyod yul ni bdag byin gyis rlob pa'i lam las thams cad bde bas khyab par rtags pa yin no/ /rang rig 'od gsal gyi bde ba de dus thams cad du gnas pas na thog ma dbus mthar yang dag gnas zhes gsungs pa yin no/ /de la dbang bzhi pa'i dus kyi tshe mngon sum du rtogs pa ni 'jig rten gsum du rnyed par dka' ba yin no/ /de yang thabs gang gis rtogs par bya zhe na/ shes rab thabs kyis sbyor ci bzhin zhes pas phyag rgya bzhi las bde ba stong pa nyid du rtogs par bya'o/ /zhes gsungs pas bshad pa'i rgyud
- 406a
la rmongs par mi bya'o/ /rdzogs pa'i rim pa'i dbang du mdzad nas/ thabs dang shes rab sbyor ba bzhin/ /sngags bzlas bsam gtan la sogs ldan/ /zhes bya ba gsungs te/ bde ba rtog pa med pa lhan cig skyes pa dang/ bde ba stong pa nyid du shes pa don gyi lhan cig skyes pa gnyis grub par byed pa'i thabs ni shes rab phyag rgya bzhi dang thabs bzhi ste/ de yang phyag rgya bzhi ni las kyi phyag rgya ni lo brgyad nas nyi shu rtsa bzhi'i bar gyi bud med kyi a ba d+hU tI'i nam mkha' i rtsa'i reg bya'o/ /chos kyi phyag rgya ni 'dod pa'i yon tan lnga yid du mi 'ong ba dang/ bar ma spangs pa'i gzugs sdug pa dang sgra snyan pa dang dri zhim pa dang reg bya rnams kyi yid du 'ong ba'o/ /dam tshig gi phyag rgya ni sa dang chu dang rlung spangs pa'i rlung me'i drod can no/ /phyag rgya chen po ni rjes su dpag pa dang lung gis bstan pa dang lkog tu gyur pa ma yin pa chos nyid mngon sum gyis rtogs pa'o/ /thabs ni 'khrul 'khor gyis byang chub kyi sems 'dzin par nus pa'i rnal 'byor pa'i phyi'i lus kyi dbang po mngon sum las kyi phyag rgya'i thabs so/ /chos kyi thabs ni yul lnga yid du 'ong ba las skyes pa'i bde ba yid kyi mngon sum mo/ /dam tshig phyag rgya'i thabs ni nang gi reg bya bde ba skyes pa'i lus kyi dbang po mngon sum mo/ /phyag rgya chen po'i thabs ni rang rig pa'i mngon sum gyis chos nyid mthong ba'i rnal 'byor pa'i mngon sum mo/ /sbyor ji bzhin ni dga' ba gsum la rang bzhin brgyad cu dang bral nas rtog pa med pa'i rnam par shes pa dang/ bde ba stong pa nyid shes pa'i 'od gsal ba'i ye shes so/ /yul ji lta ba bzhin du mngon sum gyi lam gyis rtogs pas na sbyor ci bzhin no/ /sngags bzlas ni dbugs dbyung rngub a ba d+hU tI'i bcug
- 406b
pa'o/ /bsam gtan ni rtog med kyis mthong ba'i stong pa nyid de snang ba'o/ /sogs ni bla na med pa'i sbyin sreg dang mchod sbyin dang slob dpon no/ /de yang kha sbyor las 'byung rngub 'khor bas bzlas pa yin/ /sgom pa so sor snang ba na/ slob dpon sems kyi rgyal po yin/ /e paM la sogs gang gsungs pa'o/ /zhes gsungs so/ /sbyor nyid cho ga'i ye shes ni mtshan nyid kyi theg pa ltar goms pa lam du byed pa ma yin pa phyag rgya bzhi'i rgyu rkyen bsags pa las byung ba'i ye shes bla ma'i man ngag mngon sum gyis gzhan don gyis skyes pas na cho ga'i ye shes so/ /rgyud las gsungs pa zhes pa ni le'u 'bum pa dang shlo ka 'bum pa las so/ /mnyam par gyis zhes bya ba ni sdud pa po lag na rdo rje la sems rtse gcig pas nyon cig pa'o// de ltar tshigs su bcad pa gnyis kyis le'u lnga brgya rtsa gcig gi lus mdor bzhag gsungs nas/ /da ni le'u dang po rdzogs pa'i rim pa'i 'dor bstan gnas dang bcas pa rgyas par bshad nas/ /dbugs 'byung bar ma mchog dang dri'i zhes bya ba gsungs te/ dang po snod gcig tu za ba tshogs kyi 'khor lo bsten pa'i rdzas dang/ /dbugs 'byung byang chub kyi sems dang/ bar ma rang 'byung gi khrag dang/ mchog sha chen po dang/ dri ni bshang ba dang dri chu ni gci ba dang/ bcas pa'i rta dang glang po dang/ khyi dang/ ba lang dang mi ste lnga'o/ /de oM A(rgyud 'grel): hUM gsum gyis byin gyis brlabs nas rigs lnga'i rang bzhin can gyis ro rdo rje mar bskyed pa'o/ /rnal 'byor pas dus rtag tu khyad par rigs ldan rnams ni mchod par bya'o// zhes bya ba ni thun bzhi 'am dus drug du tshogs kyi 'khor lo'i lha mchod par bya'o/ /rnal 'byor pa ni rten gyi gang zag go /dus rtag tu zhes pa ni rgyun mi 'chad par dus drug go /khyad par ni rtog pa med pa'i shes rab myong ba'i rigs lnga ni
- 407a
lha drug cu rtsa gnyis su bskyed pa'o/ /mchod pa ni nang du 'khor lo bzhi pa la dkyil 'khor bzhi bsgom pa dang/ lus kyi dkyil 'khor dang lnga la nang gi sbyin sreg dbul pa'o/ /tshogs kyi 'khor lo de yang gnyis su gyur te bdud rtsi lnga'i ro rdo rje ma la yid nang du chud pa yis bde ba rtogs med kyi 'dod pa'i dngos grub sgom pa 'am/ gal te yid phyir byung na dus drug tu rigs ldan dkyil 'khor la sbyin sreg gi mchod pa'o/ /ro 'ba' zhig gis tshogs kyi 'khor lo bya ba 'am zhe na/ pho nya lhan cig skyes dngos grub/ /mchog dang 'bring dang tha ma ste zhes bya ba gsungs te/ pho nya ni mtshan nyid dang ldan pa'i bud med dge bsnyen ma'i sdom pa dang/ byang chub sems dpa' i sdom pa dang sngags kyi dbang bskur thob pa'o/ /de bzhin ni sa bzhir byas nas rnal 'byor pa'i longs spyod bya zhes gsungs so/ /lhan cig skyes pa'i dngos grub ni/ /goms pa las byung ma yin pa/ /bde ba rtogs med rgyu rkyen tshogs pa las skyes pa'i dga' ba bzhi ni lhan cig skyes pa'i dngos grub bo/ /mchog ni las la skyes pa ste skye ba snga mar gsang sngags kyi sgom pa goms pa'i tshogs lam dang sbyor lam mthong lam sgom lam thob pa'i byang chub sems ma'o/ /'bring ni zhing skyes te gnas nyi shu rtsa bzhi dang yul dbus su skyes pa dang dbang po cher ba dang las kyi mdza' ma log pas dge bas 'jug pa dang/ sngags kyi bstan pa la dad pa dang/ bstan pa dang brad pa ste bdag gi 'byor pa lnga dang ldan pa'o/ /thabs ni sngags las skyes ma ste rdo rje slob dpon gyi phyag rgyar gyur pas ma dang/ rang dang lhan cig dbang bskur ba'i sring mo dang/ rang gis dbang bskur ba'i bu mo dang/ slob mas dbang bskur ba'i tsha mo dang/ rang gi sgom pa'i yan lag tu gyur pa pho nya ma'o/ /de
- 407b
rnams ni reg bya rdo rje ma yin la de la gzugs dang sgra dang dri dang ro dang reg bya dang ldan pas tshogs kyi 'khor lo'i yul ni 'dod pa'i yon tan lnga yin no/ zhes bstan to/ /yid ni nang du chud pa yis/ /'dod pa'i dngos grub bsgrub par bya zhes bya ba la yid ni rnam par rtog pa'o/ /nang du chud pa ni srog a ba d+hU tIr chud pas 'dod yon lnga la shes pa rtog pa med par skyes pa'o/ /'dod pa'i dngos grub ni bde ba rtog pa med pa bsam gtan gyi sdom pa mi g.yo ba'i las so/ /gal te rtog pa skye bar gyur na ji ltar bya zhe na/ rang rdzas thig les sangs rgyas dang/ byang chub sems dpa' mchod par bya zhes bya ba gsungs te dga' bral du song ba'i byang chub kyi sems kyis phung po lnga'i sangs rgyas dang/ dbang po drug gi byang chub sems dpa' dang/ 'byung ba lnga'i yul la mchod par bya'o/ /yul la mchod par bya'o/ /de bzhin du gzugs dang sgra dang dri dang ro rnams la dga' bral du song na gzugs rdo rje ma la sogs pas phyi dang nang gi dkyil 'khor la mchod par bya'o/ /de skad du yang mnyam sbyor las/ /lha la dmigs pa byed pa dag /rnal 'byor gzugs brnyan rang bzhin te/ /rang gi dam tshig bdag sbyor ba mi 'gyur dam pa grub par 'gyur/ /gzugs brnyan lugs ma la sogs pa/ /rnal 'byor 'byung bar mi 'gyur kyang/ /byang chub sems pa rab brtson na de las rnal 'byor lhar 'gyur ro/ /zhes gsungs so/ /las kyi phyag rgya spangs pa yi/ /'gro ba'i lam la ji ltar yid/ /nang du chud par bya zhe na/ mthong ba dang ni reg pa dang/ thos pa dang ni dran pa yis/ /zhes bya ba gsungs te/ mthong ba gzugs rdo rje ma nas reg bya rdo rje ma'i bar du thos pas sgra rdo rje dang/ dran pa chos kyi rdo rje ma las rmongs pa dran pa 'du byed sngon nyams su myong ba'i don to/ /de la yid nang du chud pa rtog pa med pa skyes pas rtog pa las grol bar 'gyur ba
- 408a
'am/ yid phyir byung nas rtog pa skyes na dang ba'i dad pas gzugs rdo rje ma la sogs pas sangs rgyas dang byang chub sems dpa' mchod pa byed pa/ de ltar grol ba'i lam 'di la yang the tshom med par mchod par 'gyur ro/ /de'i phan yon gsungs pa ni yid nang du chud pas rnal 'byor pa nyid bsod nams mchog /dag byed sdigs pa 'jig byed pa/ /bsod nams mchog ni rtog pa med pa'i ye shes kyi tshogs dgu'o/ /dag byed ni rgyu kun 'byung dag pa'o/ /sdig pa 'jig pa ni sdug bsngal gyi bden pa zad pa'o/ /gal te yid phyir 'byung ba la bsod nams kyi tshogs su gyur pa ni/ gsang sngags zlos pa'i bzlas brjod dang/ bsam gtan gyis kyang 'grub par 'gyur/ zhes bya ba gsungs te/ gsang sngags zlos pa'i dus drug tu ris drug gi bzlas pa zlos pa'o/ /bzlas brjod ni dbugs 'byung rngub kyi bzlas pa'o/ /bsam gtan ni rdo rje sems dpa' dang rnam snang dang pad+ma gar dbang dang/ he ru ka dang rdo rje nyi ma dang rta mchog gi ting nge 'dzin bsgoms nas dus drug tu bdud rtsi rnams drug myangs na grub par 'gyur ro/ /kyang zhes pa yid nang du chud pa las phyir 'byung ba yang bsod nams kyi tshogs su 'gyur pa'o/ /de skad du yang rdo rje mkha' 'gro mas/ /tho rang dgun smad gyur pa na/ /dpyid dang dbyar ni nyin cha gnyis/ /nyin phyed mkhas pas sogs ka sbyar/ /srod ni de bzhin ston ka ste/ /dgun stod mtshan phyed cha yin no zhes gsungs so/ /rdo rje 'di rnams kyi rang bzhin shes par byas la rdo rje sems dpa' la sogs pa dang/ sbyar bar bya ste/ rdo rje sems dpa' dgun smad te/ rnam par snang mdzad thub pa spyod/ /de bzhin rta mchog so ga ste/ /dgun ni sbyar na he ru ka /rdo rje nyi ma ston ka la/ /pad+ma gar dbang dgun stod do/ /sog mar me bza' bya ste/ de bzhin du ni dbyar
- 408b
ka cu/ ston gyi dus su mar khu ste/ de bzhin dgun stod me tog go /kye ho dgun smad ga pur te/ /de bzhin dpyid ni gzhi mnyam mo/ /de rnams sman ni chen po ste/ dus drug tu ni yongs shes bya'o/ /dus mchog 'di dang mnyam med de/ /sbyor ba kun gyi dam pa yin/ /rang bzhin de rnams rdzogs par ni/ /nam zhig rnal 'byor pa gyur na/ /rnal 'byor ma rnams mnyes 'gyur te/ /rnal 'byor mkha' 'gro ma sdud pa'o zhes gsungs pas so/ /so ga dang dbyar dang ston ka dang dgun stod dang dgun smad dang dus drug ni ris drag gi 'dod pa'i lha kun gsal bar byas la/ /'dod pa'i yon tan lngas dran pa'i bde ba dang ldan pa las phyir 'phros pa'i bsod nams kyi tshogs bsags par bya'o/ /dngos grub kyi rgyu gang zhe na/ shin tu mnyam gzhag sgrub pa pos// dam tshig rtag tu brkyang bar bya zhes bya ba gsungs te/ shin tu mnyam gzhag ni rnal 'byor pa sems rtse gcig pa'o/ /dam tshig ni reg pa'i dbang bskur ba'i rigs lnga'i dam tshig bcu bzhi dang phyir mi ldog pa'i dbang gi sdom pa rdo rje slob dpon smod pa nas shes rab bud med smod pa'i bar du bcug gzhi dang gsang ba'i bzhi dang shes rab ye shes kyi sdom pa brgyad de/ /bzhi bcu dus drug tu dran pas rtag tu bskyab par bya'o/ /bzhi bcu de kho na skyong ngam zhe na/ /byang chub kyi sems kyi srung pa yin te/ kun rdzob byang chub kyi sems bde ba rtog med bsam gtan gyi sdom pa dang/ don dam pa byang chub sems bde ba stong pa nyid shes pa zag med kyi sdom pa'o/ /dran pas ni dam tshig bsrung ba yin la/ /dam tshig gis ni byang chub kyi sems bsrung pa yin no/ /gal te nyams ni ci zhe na/ /dam tshig nyams pa dkyil 'khor du/ /dbang bskur dngos grub thob mi 'gyur zhes bya ba gsungs te/ dam tshig bsrung ba'i sems med pas nyams na dbang bskur ni mi thob pa dang/ nyon mongs
- 409a
pa'i dbang gis dam tshig nyams na dngos grub thob par mi 'gyur ba'o/ /'di skad ston pa yin te/ dri'i thig le dang me tog gi tshom bu dang yig 'bru dang phyag mtshan dang lag pa'i phyag rgya chen po gzugs brnyan gyi dkyil 'khor bzhag nas rnal 'byor ma sum cu rtsa bdun dang/ rnal 'byor pa nyi shu rtsa lnga'i rang bzhin du bskyed nas rang rang gi gnas su rang rang gi phyag rgya dang/ sgom pa dang bzlas pa dang ngag gi brda dang lus kyi brda dang bcas pas 'dod pa'i yon tan lnga la rgyu rkyen tshogs pa las lus bde ba dang yid bde ba'i bsam gtan gyi ting nge 'dzin bskyed pa'am/ gal te rtog pa bya ngan dad pa dang ba'i sems kyis lha'i 'khor lo la nang gi sbyin sreg dbul bar bya'o/ /yang na mkha' 'gro las byung ba ltar go cha drug gi lhor bskyed par bya'o/ /yang na rgyud bla ma nas byung ba bzhin/ mkha' spyod bya yi gzugs can gyis/ /thugs kyi 'khor lo bsgrub pa dang/ /sa spyod mi yi gzugs can gyis/ /gsung gi 'khor lo sgrub pa dang/ /sa 'og dud 'gro'i gzugs can gyi bong bu'i rnam pas sku'i grub pa bsgrub par bya'o/ /'jig rten pa'i lus dang ngag gi spyod lam dor nas lus ngag gi brda bya ba yin te/ de skad du yang mnyam sbyor las/ /de nas khrus byas dri zhim lus/ /ci 'dod pa yi gos dang rgyan// sna tshogs gos ni bsgoms nas kyang/ /me tog phreng ldan kha dri zhim/ /gang gis lha dang 'dra ba yi/ /bud med dag ni legs bsgrubs la/ /skal bzang dag ni phyag rgyas mtshan/ /tshogs kyi 'khor lo brtags par bya zhes gsungs so/ /de ltar tshogs kyi 'khor lo bshad nas zhi ba'i btung ba bshad par byas te/ gtsang sbra mtshan dang ga pur bcas/ tsan dan mang du sbyar ba ni zhes bya ba gsungs te/ gsang ba'i dbang bskur ba'i yul rdo rje mar ston pa yin no/ /de yang gang zhe na sbrang rtsi ste gci ba dang mtshal?
- 409b
te rang byung dang/ ga bur te byang chub sems dang/ mar te sha chen po dang tsan dan te bshad pa dang/ sbyar ba'i sha lnga dang bsres nas ro mnyam par byas pa'o/ /de gang du gzhag ce na/ /tshogs kyi nang du bzhag par bya zhes gsungs te/ lha drug cu rtsa gnyis kyi dbus thod pa bzhi'i gnas su'o/ /lha de rnams ji lta bu zhe na/ thams cad rdo rje mtshan ma 'dzin zhes bya ba gsungs te/ dpral bar rdo rje phreng bas rgyan pa'o/ /de ji ltar myang bar bya zhe na/ sbom po mdza' ltag rtse sbyar bas zhes bya ba gsungs te/ mthe bong dang srin lag gnyis kyis lce'i steng du ro bzhag par bya'o/ /de ji ltar shes pas zhi ba'i btung bar 'gyur zhe na/ rnal 'byor rig pas rtag tu dpyad ces bya ba gsungs te/ rnal 'byor bsam gtan gyi bde ba'o/ /rig pa ni lce'i dbang po mngon sum gyis dga' ba bzhi'i bye brag rtogs pa dang/ de yang bdud rtsi lnga'i ro la dang por skyes pa'i bde ba'i rang bzhin dga' ba dang/ mchog dga' yid bde ba lhan cig skyes dga' skyes pa'i rjes la bla ma'i mngon sum gyi gzhan don gyi ro'i stong pa nyid rtogs pa rnal 'byor gyi mngon sum skyes pa ni rtag tu dpyad ces bya ba yin te/ kha sbyor las kyang rnam shes dang ni ye shes kyi/ /yul gyi rig pa rtag tu dpyad ces bya ba gsungs so/ /de ltar na lce'i dbang po'i mngon sum dang/ rnal 'byor gyi mngon sum gyi rang bzhin brgyad cu dang bral ba'i ro'i stong pa nyid nyams su myong ba ni zhi ba'i btung ba zhes bya'o/ /gdan bzhi las cho gas kyi dbus ni lus kyi dkyil 'khor yin la rdo rje'i mtshams 'dzin pa ni kha sbyar ba yin la/ /sbom po ni gsang ba'i rdo rje srin lag gi pad+ma de sbyar ba las 'byung ba'i byang chub kyi sems rnal 'byor pas rig pa ni zhi pa'i btung ba yin no zhes gsungs te/ gzhan gyi don slob ma dbang bskur ba'i don du gsungs pas bshad pa'i rgyud la rmongs par mi bya'o/ /de ltar
- 410a
shes pa rtog pa med par gyur pas zhi ba'i btung ba myangs na dngos grub rtag pa thob par 'gyur zhes gsungs te/ zhi ba'i btung ba ni ri bong 'dzin las rtsa ba zhi ba zhes grags pas skyes pa skar ma rgyal dang gza' phur bu la btus nas ba ra Na si'i rig byed kyi gnas su bar gi can gyi pags pa la sngags stong rtsa brgyad bzlas na brdungs te de'i chu 'thungs na bsam gtan dang po'i ting nge 'dzin thob bo zhes rig byed kyi gzhung nas byung bas/ /dpe de bzhin du bdud rtsi lnga'i ro las shes pa rtog med skyes nas chos kyi sku thob par 'gyur ro/ /gal te shes pa rtog med skyes nas de bsod nams kyi tshogs su gyur pa ni/ /'di ni ma'i 'chi bcu phyed gyur/ /dngos grub thams cad 'jug byed yin zhes bya ba gsungs te/ ma'i 'chi bcu phyed ni bdud rtsi lnga'i dri ma med pa'i de kho na nyid dang/ 'dod pa'i dbang phyug gi de kho na nyid dang/ tshe 'phel ba'i de kho na nyid du grub pas na dngos grub thams cad grub ces bshad do/ /de ltar 'chi ba'i btung ba bshad nas da ni 'pho ba'i gtsang sbra bshad par byas te mchod bzhi de bzhin rnal 'byor ma/ /dbang gnyis snyoms par 'jug pa yi zhes bya ba gsungs te/ mchod bzhi ni dpes ston pa yin te/ dung can ma dang pad+ma can la sogs pa'i las kyi phyag rgya dang/ yid du 'ong ba'i yul chos kyi phyag rgya dang/ sbyor ba legs pa'i gtum mo me drod can dang/ mngon sum gyis mthong ba'i stong pa nyid kyi phyag rgya chen po las bde ba zag pa med pa de bzhin du tha mal pa las kyi phyag rgya'i rnal 'byor ma las yang bsnyen sgrub bzhis sbyangs pa'i sa bcu gnyis kyi pha rol me rlung gnyis kyi tshu rol na dbus ma nam mkha' i rlung dang kha sbyar nas bde ba rtog pa med pa ni rgyu rkyen gyi tshogs pa las skyes la bla ma'i gdams ngag mngon sum gyi gzhan don la ni reg bya stong pa nyid du rtogs pas rnal 'byor
- 410b
pa'i mngon sum skye ste/ de nyid zag pa med pa'i bde ba shes rab ye shes yin pas/ dbang gnyis snyoms par 'jug pa yi/ /snyoms par 'jug pa'ang de nyid 'dzin/ zhes bya ba gsungs te/ snyoms par 'jug pa dang pos ni rtog pa med pa zhi gnas skyes la/ snyoms par 'jug pa gnyis pas ni reg bya yul gyi stong pa'i de kho na nyid 'dzin cing rtogs pa'o/ /'byung ba bzhi yi dbus ma nam mkha' i rtsa dang sprad pa las ji ltar bde ba skyes zhe na/ mnyam sbyor las/ sgyu ma dag ni thams cad las/ /bud med sgyu ma khyad par 'phags zhes gsungs te/ de la stong pa nyid ji ltar rtogs she na/ bla mas slob ma'i rna drung du/ /rab tu 'bad de bklag par bya zhes gsungs pas/ /bla ma'i tshig gis stong pa nyid las dran pa'i nges pa drangs nas a sa ma sa ma zhes byas te nges pa'i shes pa mngon sum gyi blos gar byed pa ni man ngag yin no/ /de'i phan yon ni lha dang mi yi bde ba ni/ /bsdus byas rdo rje 'dzin pa yi/ /bcu drug char yang mi phod do zhes gsungs te/ lha tshangs pa dang brgya byin la sogs pa'o/ /bsam gtan gyi bde ba yi ni mkhas pa rnams kyis rjes dbang gi stong pa nyid rtogs pa'i yid bde ba bsdus kyang mngon sum gyi bde ba zag pa med pa 'di nyid kyi bcu drug char yang mi 'phod pa'o/ /de yang rdo rje mkha' 'gro las rtsa bcu drug pa ston pa'i khams drug /gtum mo drod kyis bzhu nas bde ba zag pa med pa cig tu byas shes pas bsgril ba ni rtsa'i skud pa gcig gis bde ba stong pa nyid rtogs pa'i char yang mi phod pa'o/ /de ltar tshogs kyi 'khor lo dang zhi ba'i btung ba dang pho nya'i gtsang sbra bshad nas/ ri sul tshang tshing phug rnams dang/ /chu bo ngag gi dogs dag dang/ gdod nas grub pa'i dur khrod du/ /der ni dkyil 'khor bri bar bya/ /zhes bya ba gsungs te/ sgra ji bzhin pa'i gnas bzhi ni bum pa'i dbang bskur bas gzugs brnyan gyi dkyil 'khor gyi rten yin no/ /dbyibs kyi dbang
- 411a
du byas na ri sul ni bde ba chen po'i 'khor lo/ /tshang tshing phug ni longs spyod kyi 'khor lo/ /chu bo'i ngogs ni chos kyi 'khor lo/ /dur khrod ni sprul pa'i 'khor lo ste lus kyi dkyil 'khor ro/ /sngags kyi dbang du byas na ri ni lo bcu gnyis ma tshang tshing phug ni bcu drug ma dang/ chu bo'i ngogs ni nyi shu ma dang/ dur khrod ni rtsa bzhi ma ste b+ha ga'i dkyil 'khor ro chos kyi dbang du byas nas ri bo ni stong pa nyid dang/ phug ni mtshan ma med pa dang/ chu bo'i ngogs ni smon pa med pa'o/ /dur khrod ni 'od gsal te/ chos kyi dbyings kyi dkyil 'khor ro/ /de skad du yang rgyud bla ma las/ /dkyil 'khor lus zhes bya ba dang/ dkyil 'khor b+ha ga zhes su bshad/ /dkyil 'khor chos kyi dbyings yin te/ rnam pa gsum du nges pa yin/ zhes gsungs so/ /le'u dang po'i rnam par bshad pa'o// //de ltar rdzogs pa'i rim pa bshad nas bskyed pa'i rim pa'i 'khor lo gsungs pa ni/ /de nas lci ba ma lhung ba zhes bya ba la sogs pas bstan te/ de la le'u gnyis pas ni slob dpon gyis las bshad pa dang le'u gsum pas slob ma'i las bshad pa dang/ /le'u bzhi pas lha dgod pa bshad nas bskyed pa'i rim par gyur pa yin no/ /de la thog mar gtsang sbra gsum gyis rdzogs pa'i rim pa ni bsnyen pa byas nas yang na phyis 'chad par 'byung ba'i bsnyen pa la bltos nas bskyed rim gyis brnyen pa ma gsungs so/ /de yang rgyud bla ma las gtsang sbra gsum gyi bsnyen pa byas nas dkyil 'khor bri zhes gsungs so/ /sa'i cho ga ci'i phyir ma gsungs zhe na/ bshad pa'i rgyud la bltos pa 'am spyang mi dgos pa'i dbang du mdzad pa yin no/ /bsnyen pa dang sa'i cho ga'i rjes la dkyil 'khor gyi mtshan nyid bshad par bzhed nas ba yi lci ba ltung bas/ /dkyil 'khor sa ni legs par byug ces
- 411b
gsungs te/ ba'i rnam pa lngas byugs pa'i rgyud sde bzhi'i thun mong yin no/ /khyad par du rnal 'byor ma'i rgyud la dur khrod kyi thal ba dang bdud rtsi rnam pa lngas byugs nas dkyil 'khor rtsom par bstan to/ /dur khrod kyi thal ba dang mi gtsang bas ci zhig byed ce na/ shi ba dang ma shi ba dang gtsang ba dang mi gtsang bar ro mnyam par ston par byed pa yin no/ /dkyil 'khor gyi mtshan nyid bshad nas/ /tshon gyi mtshan nyid bshad par bzhed nas/ /dur khrod du ni kun spyod pa zhes bya ba la sogs pa gsungs te/ /kun spyod pa ni mnyam par spyod pa ste rin po che dang tshon rtsi dang dur khrod kyi rdzas la dbye ba med pa'o/ /ro bsregs pa'i sol ba'i phye ma dang zhes bya ba ni rus pa'i phye ma dkar po dang/ sol ba'i phye ma nag po dur khrod so phag ldan pa'i zhes bya bas ma tshos pa las ser po dang/ tshos pa la dmar po'o/ /ljang gu'i rus pa dang tshon ljang gu bsres pa'o/ /dkyil 'khor bzang po bri bar bya zhes bya ba ni drag po 'jigs byed zhe sdang chen pos 'dul bas na bzang po'o/ /snying stobs rdul dang mun pas kyang/ /gang phyir sems can don 'gyur bas/ /des na 'di ni bzang po ste/ byang chub spyod pa'i rjes 'jug pa'i zhes gsungs pa'i phyir ro/ /de ltar tshon gyi mtshan nyid bstan nas/ /slob dpon gyi mtshan nyid ston pa ni/ /slob dpon mtshan nyid thams cad pa/ yang dag shes shing rgyud shes pa zhes bya ba la sogs pa gsungs te/ /mtshan nyid thams cad ni rang dang gzhan gyi don phun sum tshogs pa'o/ /yang dag shes ni rgyud sde bzhi'i lta ba shes pa'o/ /rgyud shes pa ni rgyud sde bzhi'i spyod pa shes pa'o/ /ngag gi mtshan nyid ni dpal ldan khrag 'thung gsang sngags/ shes bya ba gsungs te/ sngags ni snying po nas gnod mdzes kyi bar gyi sngags bcu gcig go /sems kyi mtshan nyid ni khro med snying rje can/ /gtsang zhing ltung bas ma gos pa dang/ mkhas pa de
- 412a
nyid bcu shes pa sbyor shes zhig nas shes pa dang ye shes lhag mthong shes pa dang/ pha rol 'gro zhes bskyed rim gyi rtags gsum dang rdzogs rim gyi rtags lnga dang ldan pa'o/ /lus kyi mtshan nyid ni thod pa lngas spyi bor brgyan pa na/ /thal bas byugs pa'i bar gyis phyag rgya drug dang ldan pa dang/ go cha drug bkod pas gug skyed kyis brgyan pa dang/ rus pa'i phreng ba tshangs pa'i skud pa dang/ dum bu gcig pa la byas pa spyi gtsug gi nor bu dang/ rus pa'i phreng ba'i do shal dang/ lag pa g.yon pas kha TwAM ga snams pa ste/ slob dpon gyi mtshan nyid bcu drug po 'di dag gis nye bar mtshon pa yin no/ /de ltar slob dpon gyi mtshan nyid bshad nas dkyil 'khor bsgrub pa bstan pa ni bdag nyid dpal he ru ka zhes bya ba la sogs pa smos te/ dang po bskyed rim gyi bsnyen pa bsam gtan gyi 'khor lo bshad par bzhed nas bdag nyid dpal he ru kar byas nas de'i 'og tu ni dpal he ru ka dran zhes bya ba gsungs te ji ltar he ru kar bya zhe na/ le'u lnga bcu rtsa gcig pa nas byung ba ltar de nyid bcu bzhi'i tshul gyis bskyed pa 'am yang na/ gnas dang ldang ba nyid dang ni/ /'jug dang yongs su rdzogs pa dang/ /byin gyis brlabs dang dbang bskur dang/ /ting 'dzin mchod pa nye bar bsdu zhes gsungs pas/ /lha bskyed nas de'i 'og tu dpal he ru ka dran par sgom pa dang/ sgom pas skyon thun bzhir snying gar 'khor lo bkod pa nye bar bsdu ba dang/ tsham ngam gyi sngags kyis srung la ldang bar bya'o/ /de lta bus mtshan ma dang grangs dang dus kyi bsnyen pa byas nas sa'i cho ga zin pa'i rjes la/ sta gon gyi cho ga bshad pa ni de ltar bdag nyid go bgos nas/ /ra ba rnams ni phyogs su dgod ces bya ba gsungs te/ de ltar zhes bya ba ni snga ma bsnyen pa'i cho ga ltar sngon
- 412b
'gro'i rnal 'byor lnga dang/ dngos gzhi ting nge 'dzin gsum gyi rnal 'byor byas nas sa'i lha mo'i chog byas nas sprul pa'i 'khor lo snying gar bkod de mig dang rkang pa byin gyis brlabs nas khri'i bstod pas bstod cing bgegs la bka' bsgos nas bgegs nye bar zhi ba'i cho ga bya ba ni de bdag nyid ces bya ba sgra'i don yin no/ /go bgos nas zhes bya ba ni bgegs nye bar zhi ba'i thog mar go cha bgo bar bya'o/ /dpa' bo dang dpa' mo stangs stabs byas pa'i rjes la/ badzra dzwa ra hUM zhes bya bas rab nam mkha' i phyogs su dgod pa dang/ badzra ma di ban d+ha hUM zhes pas sna tshogs rdo rje'i tshon cha bya ba dang/ badzra prA kA ra hoM zhes bya bas 'khor lo ltar zlum po bdag nyid kyi rdo rje rab tshon cha mnyam por dgod pa dang sha rA dzA le hUM hUM hUM zhes pas steng du rdo rje bla re'o/ /'og tu mda'i dra ba bya ba dang/ oM badzra dzra la a rka lAn hUM zhes pas me 'od kyi phreng ba bskor ba'i dbus na mtshon cha'i dra ba byas pas bskor ba'i de'i phan yon ni de ltar go cha dgos pa la sum cu rtsa gsum pa'i lha'i dbang po brgya byin gyis kyang gzhig par mi nus pa'o/ /de'i rjes la dril thig le byas nas lha lhag gnas bya ba dang/ des brjod las byung ba bzhin du bum pa lhag par gnas pa dang/ phyi dang nang gi sbyin bsreg lhag par gnas pa dang/ gtor ma lhag par gnas pa dang/ slob ma lhag par gnas pa ni rdo rje mkha' 'gro las kha bskang bar shes par bya'o/ /de'i don ni 'di skad ston pa yin te skar ma rgyal dang gza' phur bu'i zhal snga bstan pa'i gnas yid dang mthun par dbang thob pa'i rnal 'byor pas sgrub pa'i grogs po dang bcas pas bdud rtsi rnam pa lnga'i ri lu khar bcug nas bsngon du bsnyan pa byas pa yin te/ de yang thog mar mchod pa rnam pa lnga byin gyis brlabs nas rdo rje dril bu bzung nas
- 413a
cod pan dang rgyan btags nas stod g.yogs dang smad g.yogs bgo ste tshad med pa'i rnal 'byor dang/ byin gyis rlob pa'i rnal 'byor dang/ bsrung ba'i rnal 'byor dang/ cho gas sogs pa'i rnal 'byor dang/ stong pa nyid kyi rnal 'byor te sbyor ba lnga dang/ dngos gzhi'i ting nge 'dzin rnam pa gsum dang/ lnga pa'i rnal 'byor gyi nye bar bsdu ba dang/ kun du spyod pa byed cing mtshan ma dang dus dang grangs kyi bsnyen pa bya'o/ /de'i rjes la rdo rje mkha' 'gro dang nges par brjod pa las byung ba bzhin du sa'i cho ga bya'o/ /gnyug mar gnas pa sa'i char snga ma bzhin du sbyor ba dang/ dngos gzhi rjes bsgoms la dkyil 'khor ma gtogs pa'i sngon du bsgrub pa'i grogs po'i mtshan brgya rtsa brgyad pas bstod cing rang nyid khro bo'i nga rgyal bsgoms la/ sa'i lha mo'i cho ga rnam snang sgyu dra nas 'byung ba bzhin du bya zhing rdo rje mkha' 'gro ma bzhin du dkyil 'khor nam mkha' la 'degs pa 'am rtsa ba'i rgyud 'di nyid bzhin du dkyil 'khor snying gar dgod par bya'o de'i rjes la dkyil 'khor gyi steng du 'dug la phyogs bcu'i sangs rgyas la phyag bya ba dang/ khro bo'i bstod pa bya ba dang/ bgegs la bka' bsgo ba bya ba dang/ lhag pa dang ma tshang ba kha bskang pa'i phyir bskor ba lan bdun bya ba dang/ lta bas bgegs bsal ba dang/ dpa' bo dang dpa' mo'i stangs stabs bya ba dang/ gnod mdzes kyi 'khor los bsrung ba'i 'khor lo bya ba dang/ phur bus btab nas dri'i thig le bya ba dang/ lha lhag par gnas par bya ba dang rtsa ba'i rgyud nas bshad pa'i rnam pa dgu 'am/ /bshad pa'i rgyud nas byung ba'i bum pa drug la lhag par gnas pa bya 'am/ nang gi sbyin sreg tshogs kyi 'khor lo dang/ phyi rol gyi sbyin sreg gang yang rung bas lhag par gnas par bya ba dang/ kha sbyor dang
- 413b
mkha' 'gro ltar gtor ma lhag par gnas par bya ba dang/ /de nyid bsdus pa'i rgyud dang/ rdo rje mkha' 'gro ltar slob ma lhag par gnas pa'i cho ga bya'o/ /'di'i cho ga rgya cher ni yid 'ong phreng ba blta bar bya'o/ /de ltar lhag par gnas pa byas nas phyi de ? par nyi ma 'chang kar dkyil 'khor nam mkhar btag la thig gdab par bya'o/ /de ltar bdag nyid rab srungs shing/ /sngags dang phyag rgyas rnam brgyan nas/ /dngos grub thams cad rab ster ba'i/ /dkyil 'khor 'jigs pa bri bar bya/ zhes bya ba ni dkyil 'khor chen po'i slob dpon gyi las mdor bstan pa yin no/ /de ltar bdag nyid rab bsrungs zhes bya ba ni sta gon gyi cho ga rdzogs nas dpyid de na bar chad med pa'i rnal 'byor dang/ byin gyis brlabs pa'i rnal 'byor dang/ bsrung ba'i rnal 'byor dang/ tshogs sog pa'i rnal 'byor dang/ stong pa nyid kyi rnal 'byor byas nas dang po sbyor ba'i dang dkyil 'khor rgyal mchog gi lhar bskyed de las kyi phyag rgya mchog gi dus su go cha drug gi sngags kyis ltar bskyed pa dang/ ye shes sems dpa' gzhug pa dang dbang bskur zhing ting nge 'dzin bsgoms nas phyag rgya drug gis rnam par brgyan pas dngos grub thams cad ster ba'i dkyil 'khor thig gdab cing bri bar bya'o/ /de nas sems med srad bu zhes bya ba ni ? ris kyi skud pa las byas pa'i srad bu'o/ /ru ti ra chen po zhes bya ba ni mtshon pa yin te/ bdud rtsi lnga dang ldan pa'i tshon gyis kha bsgyur bar bya'o/ /dpal ldan khrag 'thung grong khyer mchog /dkyil 'khor 'jigs pa'i thig gdab bya/ zhes bya ba ni thig gdab pa'i cho ga mdor bstan pa'o/ /khru bzhi pa 'am khru brgyad pa zhes bya ba ni thog ma dang tha ma'i tshad de bar ma khru drug pa yang gzung bar bya'o/ /de nyid nye bar mtshon pa yin pas ci nus par bya zhes bya ba'i don to/ /zur bzhi sgo bzhi pa rta babs bzhis rnam par brgyan pa go
- 414a
sla'o/ /sngags pas nyis 'gyur rnam dpyod cing zhes bya ba ni phyi'i dkyil 'khor nyis 'gyur gyi tshad do/ /mkha' 'gro dra ba'i bde mchog mchod ces bya ba ni thig gdab pa'i rten gyi dkyil 'khor la mchod pa'am thig gi dam tshig sems dpa' la ye shes sems dpas mchod pa'o/ /de'i dbus su pad+ma ni/ /'dab bcas lte ba 'bar dang bcas/ /ge sar yang dag ldan par bzhag ces bya ba ni ye shes kyi 'khor lo'i rten bri ba bstan te pad+ma 'dab ma brgyad pa'i sa bzhi ni ser po'o/ /shar gyi pad+ma 'dab ma sngon po lho ser po nub dmar po byang ljang gu mtshams ni phyed kyi mdog can no/ /rin po che'i phreng bas bskor ba'o/ /thugs kyi 'khor lo nag po rtsibs brgyad pa ka ba brgyad dang ldan pa rdo rje'i phreng bas bskor ba'o/ /gsung gi 'khor lo rtsibs brgyad dmar po ka ba brgyad dang ldan pa pad+ma'i phreng bas bskor ba'o/ /sku'i 'khor lo rtsibs brgyad dkar po ka ba brgyad dang ldan pa 'khor lo'i phreng bas yongs su bskor ba'o/ /dam tshig gi 'khor lo ni sgo bzhi dang ldan pa rin po che lnga'i rtsig pa kha khyer rta babs dang bcas pa dur khrod brgyad gyis brgyan pa rdo rje dra ba dang me 'od kyis bskor ba'o/ /de ltar rten gyi dkyil 'khor bstan nas brten pa lha dgod pa ni/ /lte bar dgod byed dpa' bo ni/ zhes bya ba gsungs te/ lugs su blugs pa 'am 'bur du brkos pa 'am ri mor bris pa'am ci rigs pas dgod par bya'o/ /dpa' bo ni bdud bzhi las rgyal ba'i 'bras bu'i he ru ka'o/ 'jigs byed drag po'i gzugs can zhes bya ba ni gar gyi nyams dgu dang ldan pa'o/ /de yang zhi ba'i sku ni mtshan dang dpe byad dang ldan pa'o/ rgyas pa'i sku ni rgyan thams cad kyis rnam par brgyan pa'o/ /dbang gi sku ni 'od zer dmar po 'phro ba'o/ /mngon spyod kyi sku ni sgeg pa dang dpa' bo dang 'jigs
- 414b
su rung ba sku'i nyams dang/ rgod pa dang gshe ba dang rngam pa gsung gi nyams dang/ snying rje dang zhi ba dang ngo mtshar thugs kyi nyams te de dang ldan pa'i 'jigs byed chen po'i gzugs can no/ /de'i mtshan nyid phyis rgyas par bshad par bya'o/ mdangs dang ldan zhing rab tu 'bar zhes bya ba ni bskal pa'i me ltar gzi brjid che pa'o/ /ha ha zhes bya sgra cher bzhad ces bya ba ni zhal g.yas pa tshangs pa 'dul bas bzhad pa dang rgyab mas tshogs bdag 'dul bas mche ba gtsigs pas gshe ba dang/ zhal g.yon pas lha ma yin gyi rgyal po sgra gcan 'dzin 'dul bas tshangs pa'i mgo bo zhal du stobs cing rnga ba pa'o/ /zhal bdun ma ni sgeg pa'i nyams can yum rdo rje phag mo la 'khyud pa'o/ /thod pa'i phreng ba rgyan dang ldan zhes bya ba ni sangs rgyas lnga'i cod pan can la thod pa lngas mdzes par byas pa'o/ /bzang po'i spyan gsum ni smin ma'i dbus na spyan mnga' ba gsum mo/ /zhal bzhi mnga' ba ni bshad zin pa'i nyams bzhi dang ldan pa/ sngon po dang ser ba dang dmar ba dang ljang gu dang zhal bzhi pa phyag bcu gnyis ston par bzhed nas pa gnyis kyis glang po che dkar po'i lpags pa bsnams pa dang/ phyag dang po gnyis kyis rdo rje dang dril bus 'khyud pa dang/ smin ma bzang po rdo rje 'byes zhes bya ba ni smin ma rdo rje'i 'khyog pa dang 'dra ba yod pa'o/ /phyag dang po rdo rje bsnams pas ni g.yas kyi phyag mtshan lhag ma bzhi nye bar mtshon pa yin te/ cang te'u dang gri gug dang dgra ste dang rtse gsum pa bsnams pa'o/ /phyag na kha TwAM ga bsnams shing zhes bya ba ni g.yon pa'i dbus ma kha TwAM ga bsnams pas bzhi nye bar mtshen pa yin te/ dril bu dang ka pA la dang zhags pa dang tshangs pa'i mgo bo bsnams pa'o/ /brgya byed phreng bas rnam par brgyan zhes pas ni mi mgo lnga bcu'i do shal can no/ /g.yas pa
- 415a
brkyang ba'i rnam pas gzhugs shing 'jigs byed dang dus mtshan mnan pa'i le'u lnga bcu rtsa gcig par bshad pas go bar dgongs nas ma gsungs pa yin no/ /de ltar bcom ldan 'das bshad nas de'i yum gyi mtshan nyid bshad pa ni/ /de mdun gnas pa'i lha mo ni rdo rje phag mo zhes bya ba gsungs te/ mdun nas 'khyud pa'i tshul gyis bzhugs pa'i sku mdog dmar mo lha mo rdo rje dbyings kyi dbang phyug ma yin yang drag po 'jigs byed la rdo rje phag mo zhes grags so/ /rab 'jigs zhes bya ba ni zhal cung zad mche ba gtsigs pa'o/ /rab 'jigs 'jigs byed che la phyogs zhes bya ba ni 'jigs byed dus mtshan 'dul ba'i bcom ldan 'das la 'khyud pa'o/ /spyan gsum drag po'i gzugs can zhes bya ba ni sku mdog dmar mo spyan gsum pa g.yon brkyang pa'i drag po'i gzugs can no/ /de'i phyag g.yon pa ni kA pa la khrag gis bkang ba bsnams pa'o/ /zhal nas ru ti ra 'dzag pa ni gsung rab yan lag bcu gnyis gsung pa'i rtags so/ /lha dang lha min mi bcas pa zhes bya ba ni phyag g.yas gri gug bsnams pas lha dang dri za dang gnod sbyin dang srin po dang klu dang lha ma yin dang mi 'am ci brgyad dang bcas pa 'joms pa'i phyir sdigs mdzub mdzad pa'o mkha' 'gro ma ni nyi shu bzhi zhes bya ba ni thugs kyi 'khor lo zhal cig phyag gnyis pa sku mdog sngon mo brgyad dang/ gsungs gi 'khor lo dmar mo brgyad dang/ sku'i 'khor lo dkar mo brgyad de gri gug dang ka pA la bsnams pa phyag gnyis pa phyag rgya lngas brgyan pa'o/ /rdo rje phag mo'i rigs las 'byung zhes bya ba ni nyi shu rtsa bzhis mtshon pa'o/ /phyogs dang phyogs kyi mtshams dang zhes bya ba ni phyogs ni nang gi ye shes kyi lha mo bzhi dang sgom bzhi'o/
- 415b
mtshams ni gshin rje brtan ma la sogs pa'o/ /'khor lo lte bar mchod pa bya zhes bya ba ni gzhal yas khang gi dbus dkyil 'khor gyi 'khor lo la bya ba yin no/ /de bzhin 'dir ni dpa' bo yang zhes bya ba ni thugs dang gsung dang sku'i dpa' bo nag pa dang dmar po dang dkar po ste zhal gcig pa phyag bzhi pa rdo rje dang dril bu cang te'u dang kha TwAM ga bsnams pa'o/ /sgrub po gal te dngos grub 'dod ces bya ba ni dngos grub len pa'i tshe las kyi phyag rgya dang snyoms par zhugs pas gnyis med dpa' bo mchod par bya zhes bya'o/ /'di ni rjes 'jug rnal 'byor pa'i dbang du mdzad nas gzugs brnyan bri ba gsungs pa yin no/ /sngon nas sangs rgyas kyis sprul pa'i 'khor los sku'i sgo nas chos ston par mdzad pa'i che ni byang chub sems dpa' sa'i snying pos thod pa'i phreng ba'i sangs rgyas lnga ni 'byung ba lnga'o/ /spyi gtsug gi rtsa lnga dang spyan gsum gyi rtsa gsum dang zhal bzhi lkog ma'i longs spyod kyi 'khor lo'i rtsa bzhi dang/ phyag bcu gnyis kyi bcu gnyis dang/ phyag drug gis dbang po drug gi rtsa dang/ g.yas brkyang bas bshang gci gnyis kyi rtsa mtshon pas ma 'ongs pa'i rnal 'byor pas rtsa ba'i 'khor lo bsgom mo zhes ston pa yin no/ /spyan ras gzigs dbang phyug gi dbang du byas na thod pa lnga'i spyi gtsug gi 'khor lo'i rlung lnga mtshon pa dang/ spyan gsum rlung gsum dang/ zhal bzhi ni lkog ma'i rlung bzhi dang/ phyag bcu gnyis kyis lkog ma'i rlung gnyis dang/ phyag rgya drug ni dbang po drug gi rlung dang/ zhabs gnyis kyis bshang gci gnyis kyi rlung 'gog pa'o/ /byang chub sems dpa' 'jam dpal gyi dbang du byas na thod pa lnga ni ye shes lnga dang/ zhal bzhi ni ye shes bzhi dang/ spyan gsum rnam par thar pa'i sgo gsum dang/ phyag bcu gnyis pha
- 416a
rol du phyin pa bcu gnyis dang/ phyag drug pha rol du phyin pa drug dang/ /zhabs gnyis srid pa dang zhi ba la mi gnas pa dang/ stag gi pags pa nyon mongs pa dang shes bya'i sgrib pa dang bral ba dang/ mi mgo lnga bcu rtsa gcig ni 'du byed lnga bcu rtsa gcig rnam par dag pa'o/ /de skad du yang kha sbyor las bshad pas the tshom mi bya'o/ /bum pa bzhi ni ye shes bzhi dang stong pa nyid bzhi dang/ chos kyi dbyings kyi snang ba dang/ so sor rtog pa'i ye shes gsungs gi 'khor lo snang ba dang/ me long lta bu sku'i 'khor lo snang ba dang/ phrin las kyi 'khor lo bya ba nan tan gyi 'khor lo dang/ rtsig pa lnga ye shes lngar snang ba sgo bzhi bsam gtan bzhir snang zhing rta babs bzhir snang ba dang/ dur khrod brgyad ni sangs rgyas kyi zhing khams brgyad du snang ba dang/ shing brgyad byang chub kyi shing brgyad dang/ klu brgyad yon gyi bdag po brgyad dang/ phyogs skyong brgyad rnam par gzigs la sogs pa'i sangs rgyas brgyad dang/ pho nya brgyad nyan thos brgyad dang/ sprin brgyad mya ngan 'das pa'i tshul ston pa'i rang rgyal ba brgyad dang/ tshig pa dang ma tshig pa la sogs pa sangs rgyas kyi zhing brgyad de/ de ltar rnam par gzigs la sogs pa'i mtshan nyid kyi theg pa'i chos kyi 'khor lo brgyad kyis mdza' bskor ba'i dbus na 'khor lo bde mchog bzhugs pa ni bstan pa'i snying po mngon sum gyi lam yin pas sa bcu gcig pa la thams cad kyang mngon sum gyi lam 'khor lo bde mchog tu sangs rgyas so zhes bya ba'i don yin no/ /rdo rje ra ba ni theg pa'i chos kyis 'khor lo bskor ba dang/ me 'od ni nyon mongs pa dang shes bya'i
- 416b
sgrib pa bsreg go zhes bya ba'i tha tshig go /de ltar lha dgod pa'i cho ga bstan nas dkyil 'khor bteg nas sta gon gyi lha dbab pa dang bsres te/ rdo rje dril bu dkrol zhing lan bdun skor ba byas na lhag pa dang ma tshang ba bskang bya'o/ /zhes bya ba ni lhag ma'o/ /da ni bum pa bzhug pa bya ba yin/ /de nas bum pa bya ba ni zhes bya ba la sogs pa gsungs te/ bum pa'i rgyu rin po che 'am sa la byas pa kha phyed pa gsus pa 'dir ba mgrin pa phra ba mchu 'phyang ba cho ga bya zhes bya ba'i don to/ /rtsa ba la sogs nag nog med ces bya// ni legs par bkrus nas dris byugs pa'o/ /mu tig gser dang rin chen dang/ byi ru dngul dang bzangs ma ste/ zhes bya ba ni rin po che lnga dang 'bru lnga dang sman lnga dang ldan pa'i bum pa'i steng du bza' ba kun bkang pa'o/ /snod ni steng du bzhag par bya/ /zhes bya ba ni bdud rtsi rnam pa lnga dang ldan pa'i thod pa'i steng du bzhag go /mgrin pa srang bus dkris pa dang zhes bya ba ni tshon sna lnga'i skud pa btags pa'o/ /kha ni 'dab mas brgyan par bya/ /zhes bya ba ni 'bras bu dang ldan pas kha brgyan pa'o/ /gos zung gis ni legs dkris pa zhes bya ba ni bum pa brgyad la thabs dang shes rab gos zung res dkris pa'o/ /brgyad ni sgo ru rnam par dgod ces bya ba ni rgyal ba dang bkra shis dang dngos grub dang rdzu 'phrul dang rgyal ba dang rnam par rgyal ba dang grub pa dang bsrung ba brgyad sgo bzhi dang mtshams bzhir dgod pa'i gos zung gis ni legs dkris pa'i/ /bum pa dgu pa dbus su bzhag ces bya ba ni gos dmar po dang nag pos dkri bar bya'o/ /rnam par rgyal ba'i bum pa'o/ /gser ram dngul lam rin chen nam/ /mu tig rnams kyis mdzes par bya zhes pani bum pa rin po che rnams yis phra bkod pa dang ldan pa'o/ /bum pa gcig pu rin po ches bya 'am zhe na/ dkyil 'khor kun du rin chen dang/ gser rnams kyis ni legs par spras zhes bya ba ni dkyil 'khor gyi
- 417a
lha rnams kyi mtshan ma yang rin po ches mdzes par byas pa'o/ /de lta bu'i 'khor lo bde mchog gi grong khyer mchog yid du 'ong ba bum pas mchod na dngos grub tu gyur pa la the tshom med do/ /de ltar buM pa bshad nas da ni mchod pa'i rdzas byin gyis brlab pa ni bdag nyid kun nas sgo'i dri'i chu yis legs par gdab ces bya ba ni hUM mdzad zhal bzhi pa'i sngags ni kun nas sgo ste des mchod pa rnams bsangs par bya'o/ /gal te dngos grub 'dod pas me tog dang bdug pa dang mar me dang dri chab dang mar me brgya ni dbul bar bya zhes bya ba ni dbang po lnga'i sha'i snod brgya lha mor bskyed cing dbul ba'o/ /de ltar bsags shing byin gyis brlabs nas thod phreng gi phyag rgya dang bcas pas ye shes sems dpa' spyan drangs la bar snang du byon pa la mkha' 'gro ma'i snying po rdo rje mkha' 'gro nas 'byung ba'i mtshan brgya rtsa brgyad pas stod cing mkha' 'gro rgyud nas 'byung ba bzhin du mchod yon dbul bar bya'o/ /skye gnas kyi phyag rgya bcings la thugs kyi 'khor steng mkha' spyod kyi gnas su bzhugs pa dang sa steng gi mkha' 'gro ma gsung la bzhugs pa dang/ ma mo bcu gnyis phyogs dang mtshams su bzhugs pa'o/ /de nas dbang bskur ba'i gsol ba btab la me long gi ngos la dri'i thig le dang me tog gi tshom bu bkod la sku khrus gsol zhing bdag la dbang bskur bar bya'o/ /de nas dkyil 'khor mchod par bya ba ni/ gal te dngos grub mchog 'dod na zhes bya ba la sogs pa gsungs te/ dri la sogs pa grangs brgya snyed kyis dpal ldan khrag 'thung gi dkyil 'khor gyi dpa' bo dang dpa' mo drug cu rtsa gnyis la mchod par bya'o/ /de nas bsod nams kyi rjes gzugs sdug gu dang sgra snyan pa la sogs pa ro dang reg bya 'bul bar bya ba las tha mar reg bya bshad pa ni/ /rgyal mtshan dmar dang de bzhin ser zhes bya ba
- 417b
ste/ rgyal mtshan ni ro'i gos sam bdud rtsi lnga dang dur khrod kyi thal ba'i thig le byas pa'o/ /dmar ba ni gsung dang/ ser ba ni ye shes kyi mkha' 'gro ma dang/ dkar ba ni sku dang/ nag po ni thugs dang/ ser skya ni sgo ma rnams dang/ sna tshogs pa'i mtshams kyi lha mo rnams la dbul bar bya'o/ /dkyil 'khor gyi rdzas ni me tog gi phreng ba shar sngo ba dang/ lho ser ba dang/ nub dmar ba dang/ byang ljang ba du ma dang/ bla re dang/ rdo rje rin po che dang pad+ma dang sna tshogs rdo rje mtshan pa'o/ /bsrung ba'i rdzas ni dang? bcas pa'i mnga' shin tu mdzes pa dang/ phur bu bzhi dang yungs kar dang gu gul dang bcas pa'o/ /nang gi sbyin sreg gi rdzas ni de bzhin bza' ba btung ba yis zhes bya ba gsungs te/ kha zas ro brgya pa dang rgun chang la sogs pa'o/ /mnyam par bzhag ste mchod par bya zhes bya ba ni sgrub pa'i grogs po dang bcas pa tshogs kyi 'khor lo'i lhar bskyed la lag pa g.yas g.yon dgang gzar dang blugs gzar gyis lus kyi 'khor lo'i lha la mchod par bya'o/ /de'i don 'di skad ston pa yin te dang por re zhig nyi ma 'char kar dkyil 'khor nam mkhar bteg la nas bal gyi skud pa la dur khrod kyi thal bas byugs la legs par bsgril la dkyil 'khor gyi nyis 'gyur gyi tshad dang ldan pa la sboms su sgo'i nyi shu'i cha dang ldan pa'i tshon sna lngar kha bsgyur ba la hUM aM traM h+raM oM zhes bya ba bkod la zhal gcig phyag gnyis pa bskyed la mig dang thig gi 'od zer gyis ye shes sems dpa' bcug la mchod pa lngas mchod la/ gser la sogs pa'i snod du bzhag la/ oM badzra su tra mA ti kra ma hUM zhes bya bas sngags brgya rtsa brgyad bzlas par bya'o/ /lha thams cad kyi sngags bzlas pa'i dri'i chus byugs pa'i dkyil 'khor gyi 'khor lo yi ge dza(rgyud 'grel): ser po mig la bkod pa'i nyi ma dang zla ba so sor snang bas dbus dang sgo nas gang du 'ong ba bltas la/ sgrub pa'i grogs mchog yi ge hUM dang sna'i dbus kyis
- 418a
brdubs na gsang ba'i rdo rje'i lam nas phyang la rdo rje hUM mdzad kyi gzugs kyis bzhag go /de'i lag par dza:dza:zhes bya bas thig skud gtad la slob dpon shar du kha bltas te slob mas drangs la nub tu kha bltas pas tshangs pa'i thig dang por gdab par bya'o/ /slob dpon byang du bltas te tshangs pa'i thig gnyis pa gdab par bya'o/ /slob dpon me ru gnas nas byang du bltas te shar gyi thig gdab par bya'o/ /slob dpon nub tu gnas nas lhor bltas te nub phyogs kyi thig gdab par bya'o/ /yang bskor nas de nyid du 'dug la shar du bltas nas byang du thig gdab par bya'o/ /me'i phyogs su 'dug ste nub tu bltas te lo'i thig gdab par bya'o/ /de bzhin du kha khyer dang mtshams kyi thig gdab par bya'o/ /tshangs pa'i thig nas brtsams te cha bcu bdun pa pany+tsa rA ga'i thig dang/ nyi shu pa la sgo 'gram gyi rtsig pa dang/ rtsa gsum pa lam? phubs kyi rtsig pa dang rtsa bzhi pa la bcu gcig rdo rje dang sum cu rtsa gnyis kyi bar gyis rta babs gdugs dang bcas pa rdzogs par bya'o/ /sgo 'khor lo'i brgyad chal sgo'i dbus na sa brtsams nas gsum pa dang lnga pa la sgo khyud dang logs kyi rtsig pa bya'o/ /de ltar zur bzhi pa'i thig rdzogs nas bdud rtsi 'khyil pa'i phur bu stod khro bo la smad rdo rje rtse gcig pa dbus su btab la de la srad bu nyis ltab tu btags nas tshangs pa'i thig nas brtsams te cha gsum ni pad+ma cha gcig ni gri gug gam rin po ches bskor ba'o/ de'i phyi rol du cha gsum ni 'khor lo cha gcig rdo rje phreng bas bskor ba'o/ /de'i phyi rol du gsung gi 'khor lo cha gsum ni pad+mas bskor la/ de'i phyi rol du sku'i 'khor lo cha gsum ni 'khor lo'i phreng bas bskor ba'o/ /de'i phyi rol du rdo rje ra ba me 'od rim pa gnyis thams cad kyi mdza' nas bskor bar bya'o/ de ltar thig btab nas bar chad kyi bgegs bzlog pa'i
- 418b
phyir phyogs skyong la phur bus btab la tshon dgye bar bya'o/ /yod cing 'byor na gser la sogs pa'i rin po che lam yang na bsres pa 'am tshon rtsi las byas pa dur khrod du rus pa'i phye ma la dkar po'o/ /thal ba las nag po dang so phag chos pa dang ma tshos ba las dmar po dang ser po mi rus dang bsres pa'i ljang gu la rigs lnga'i sa bon bkod nas lhar bskyed de ye shes sems dpa' bcug ste mchod pa lngas mchod de/ oM badzra tsi tra sa ma ye hUM zhes bya bas sngags brgya rtsa brgyad bzlas pas yi ge h+rI(rgyud 'grel): dang bcas pas gzi brjid skyed par bya'o/ /de nas thog mar slob dpon gyis sgo rnams phye la 'khor lo bris nas dbus kyi phur bu bu ga bkang la dbang ldan gyi mtshams su cho na gyi pra brtags nas slob mas kyang ci bde bar bri bar bya'o/ /sngar bshad pa bzhin du 'khor lo lnga bkod la lha'i yig 'bru 'am phyag mtshan nam sku phyag rgya chen por bkod de tshon sna lnga'i ras sngon po dang ser po dang dmar po dang ljang gu dang dkar po'i rim par bris la 'dod yon gyi sa dmar po'o/ /rin chen la gu dkar po'o/ /dra ba dra phyed kyis nag po/ shar du rta babs rdo rjes mtshan ba/ lhor rin po che/ nub tu pad+ma/ byang du sna tshogs mtshon pa'i rta babs bri bar bya'o/ /de'i logs brgyad du sngar bstan pa bzhin du dur khrod brgyad bri bar bya'o/ /de nas dgongs ka'i dus su dkyil 'khor gyi sa gzhi kun du dri nye bar byugs la bum pa la sogs pa'i rdzas thams cad bsags te/ phur bu dang mnga' la sogs pa'i bsrung ba'i rdzas rnams kyang bris te/ rdo rje slob pa'i phyag rgyas dkyil 'khor sogs la so so'i snying pos lha rnams phab ste/ dkyil 'khor bu zhugs nas de bzhin gshegs pa la phyag bya zhing khro bo'i bstod pas bstod de/ bdud rtsi 'khyil pa'i sngags kyis bgegs bsal nas lhag pa dang ma tshang ba skang ba'i phyir yi ge bdun pa zlos shing lan bdun skor ba byas la/ sngar ji skad bshad pa bzhin du gnas
- 419a
dang ldang ba nyid dang ni/ /'jug dang yongs su rdzogs pa dang/ /byin gyis brlabs dang dbang bskur dang/ ting 'dzin mchod pa zhes bya ba'i bar du byas la/ mchod pa rgyas pa thams cad kyis yang dag par mchod nas sbyin sreg pa gtor ma yang bya'o/ /rgyas par ni yid 'ong phreng bar blta bar bya'o/ /le'u gnyis pa'i rnam par bshad pa'o// //de ltar slob dpon gyi las rnams rdzogs nas/ da ni slob ma 'jug pa dang/ dbang bskur ba'i cho ga bshad par bya ste/ de nas sgrub bos dngos kun gyis/ /zhes bya ba ni sgrub pa po ni lhag par gnas par byas pa'i slob ma'o/ /dngos kun gyis zhes bya ba ni 'dod pa'i yon tan lnga'o/ /dang por slob dpon mnyes par bya zhes bya ba ni slob dpon dang sgrub pa'i grogs po la 'dod pa'i yon tan lngas tshogs kyi 'khor lo bya'o/ /grub 'dod shin tu mnyam gzhag pas/ zhes bya ba ni slob ma sems rtse gcig pa dang bcas pa'o/ /ci nus pas ni bla ma mchod/ /ces bya ba ni 'dod pa'i yon tan lngas ci 'byor pa'i tshogs kyis mchod par bya'o// de ltar thog mar slob dpon mnyes par byas nas slob dpon gyis sgrub pa'i cho ga bya ba yin te/ dkyil 'khor bris pa'i nu mo de nyid gzugs rdo rje ma dang/ sgra rdo rje ma dang dri dang ro dang/ reg bya rdo rje ma rnams kyi dkyil 'khor mchod par byas nas slob ma dbang bskur bar bya'o/ /de yang ji ltar bya zhe na/ dril sbyangs me tog spos kyis brgyan/ /zhes bya ba la sogs pa 'dod pa'i yon tan lnga'i gzugs kyi mchod pa bya ba 'am/ yang na snga de nyin slob dpon gyi las nas phyi de nyin slob ma 'jug par 'dod pas gos dang phyag rgya lnga la sogs shes rab yan lag phur bu dra ba zhes bya ba gsungs pas/ /shes rab kyi yan lag dang bcas pas bsgrub par bya ste/ bcu gnyis ma dang bcu drug ma dang/ nyi shu ma'i las kyi phyag rgya dang bcas pas
- 419b
tshad med pa dang/ byin gyis brlabs pa dang/ bsrung ba dang stod pa nyid kyi rnal 'byor dang dang por sbyor ba dang dkyil 'khor rgyal mchog dang las rgyal mchog bsgoms pa slob ma dbang bskur bar bya'o/ /de yang ji ltar bya zhe na/ dril sbyangs zhes bya ba ste dge gnyen gyi sdom pa dang/ /byang chub sems dpa' i sdom pa byin nas sngags kyi lhar bskyed pa ni sbyangs pa'i lus lha mo bcu drug gi gnas su dri'i thig le byas te/ me tog sum cu rtsa drug bkod la spos kyis bdugs shing lus kyi 'khor lo'i lha yis brgyan par bya'o/ /shin tu sgra snyan zhes bya ba ni lo bcu drug ma ste gzugs yid du 'od ba sgra snyan pa dri zhim po dang ro dang reg bya yid du 'ongs pa dang ldan pas nye bar mtshon pas na sgra snyan zhes bya'o/ /dril bu dkrol zhes bya ba ni a ba d+hU tI'i ba'i ming yin no/ /sgrub pa po yis rnga brdung zhing/ zhes bya ba ni nyi shu ma ste longs spyod pa'i gzhir gyur pa'o/ /de rnams dang bsam gtan gyi bde ba dang zag med kyi bde ba skye bar bya'o/ /bying rmugs dang rgod pa byung na gnyen pos bzlog pa bzhin du dga' bral du gyur na/ ha ha zhes ni brjod par bya/ zhes bya ba ste rlung gi 'khrul 'khor gyis gyen du bzlog pa'i thabs yin no/ /de nas cho ga bzhin dkyil 'khor zhes bya ba ni de ltar bsgrubs zin pa'i rdzas la slob ma 'jug pa'i cho ga bstan pa ni de ltar cho ga bzhin dkyil 'khor zhes bya ba gsungs te/ cho ga bzhin du lha drug cu rtsa gnyis bsgom pa'o/ /dkyil 'khor la 'dod pa'i yon tan kun dang ldan pas dkyil 'khor la mchod par bya'o// rdo rje slob dpon dkyil 'khor gyi nang na gnas bzhin du las kyi slob dpon gyis slob ma yol ba'i rgyab tu yi ge bdun pa bzlas pa'i smad g.yogs dang/ hUM mdzad bzlas pa'i stod g.yogs dang/ rdo rje gtsug tor bzlas pa'i ze ka
- 420a
bcings la snyim pa me tog gis bkang nas yol ba'i nang du bcug ste ka staM b+ho zhes dri bar bya'o/ /slob mas skal ba dang ldan pa bdag la gso zhes brjod par bya'o/ /de nas bdun rnam par dog pa byas la sdom pa bzung nas snying gar rdo rje bzhag nas byang chub tu sems bskyed de dpa' bo gcig pu'i lhar bskyed nas mchod de phyi rol gyi bum pa'i chus dbang bskur bar bya'o/ /de nas skor ba byas nas kyang/ zhes pas nang gi 'jug pa ston te lag na rdo rje thogs pa'i slob mas kA kA sye hUM dza(rgyud 'grel): zhes bya bas shar phyogs kyi sgo nas 'jug pa dang/ de nas bskor ba byang phyogs kyi sgo nas u lu kA sye hUM zhes pas gzhug pa dang/ de nas bskor la nub phyogs kyi sgo nas/ /oM shwA nA sye baM zhes pas bcing ba dang/ de nas bskor te lho phyogs kyi sgo nas oM su ka rA sye ho(rgyud 'grel): zhes pas dbang du bya ba'o/ /de nas yang shar phyogs kyi sgo nas bcug la A/ paM bI ra ho zhes smras nas slob ma nam mkha' dang mnyam pa'i dkyil 'khor du bzhugs so/ /zhes brjod du gzhug go de nas lha'i dam tshig bsgrags pa dang slob dpon gyi dam tshig bsgrags pa ni kyang zhes bya ba'i don yin no/ /de'i rjes la ye shes dbab pa ni/ /slob dpon shin tu mnyam gzhag pas zhes bya ba smos te/ slob dpon shin du sems rtse gcig pas sgo dbye ba'i phyag rgyas slob ma'i snying ga dang rang gi snying ga phye nas rang gi snying ga'i zag pa med pa'i rdo rje bslob ma'i snying gar bcug la/ lus kyi 'khrul 'khor dang ngag dang sems kyi 'khrul 'khor dang/ rdzas kyi 'khrul 'khor gyis dbab par bya'o/ /ma babs na dbang bskur bar mi bya'o// grong khyer dam pa der gzhug bya/ zhes bya ba ni sprul pa'i sku'i ye shes kyi lha de mthong bar gzhug pa'o/ /ye shes babs nas sprul pa'i dkyil 'khor dam pa mthong bar gyur pa yin no/ /de ltar gsang ba'i dkyil 'khor du 'jug pa ston pa ni/ /lho'i phyogs su
- 420b
bsten nas su/ zhes bya ba ni slob dpon gyi g.yon ngos nas 'jug pa yin no/ /de la snyim pa me tog dor zhes bya ba ni pra tIts+tsha ho zhes bya bas dor bar bya'o/ /gang gi steng du babs pa de blangs la pra ti gri h+na stwaM i maM satwa ma hA ba la zhes bya bas bcings par bya'o/ /de nas gdong g.yogs bkrol zhing de la rang gi rigs kyi dkyil 'khor gyi lha bstan par bya'o/ /de ltar phyi'i 'jug pa lnga dang nang gi 'jug pa brgyad byas nas de'i rjes la dbang bskur bar bya'o/ /de nas slob dpon legs par ni/ /mnyam par bzhag ste phyag rgya mchod ces pa ni oM sarba ta thA ga ta a nu rA ga na badzra swa b+hA At+ma konyahaM zhes bya bas rjes su chags pa'i ting nge 'dzin bsgoms te rdo rje dang pad+ma byin gyis brlabs nas slob ma'i kha nas bcug nas slob ma yum gyi mkha' gsang nas bton nas dpa' bo gcig pu yab yum du bskyed de ye shes sems dpa' bcug nas go cha bskon nas chu dang cod pan dang rdo rje dang bdag po dang ming dang rdo rje brtul zhugs dang sngags kyi brtul zhugs dang mchod pa lnga'i brtul zhugs sbyin par bya'o/ /de nas slob ma phyir mi ldog pa'i dbang bskur bar bya'o/ /gsol ba 'debs su bcug la/ rdo rje slob dpon smod pa dang/ zhes bya ba bcu la sogs pa phas pham pa bcu bzhi byin nas seng+ge'i khri la bzhugs te/ lha drug cu rtsa gnyis lus la bskyed de ye shes sems dpa' bcug pa dang go cha bskon la phyir mi ldog pa'i rnam par rgyal ba'i bum pas snga ma bzhin du chu dang cod pan dang rdo rje dang/ bdag po dang ming dbye ba spangs pa dang me long bstan pa dang ye shes dang mda' gzhu gtad pas sprul sku 'gyed pa'i sku dang dril bu gsung dang/ me long bstan pas thugs dang/ rgyud thams cad kyi rjes su gnang ba rnam pa lnga dang/ sku gsung thugs kyi rdo rje brtul zhugs dang/ lung bstan pa dang/ gzengs bstod pa dang/ dbugs dbyung ba dang/ rjes su gnang ba dang/ yan lag
- 421a
bcu dang ldan pa ste/ gzugs brnyan gyi dkyil 'khor la bum pa'i dbang bskur ba ni mnyam par bzhag pa ste/ phyag rgya cher zhes bya ba ni mdor bshad pa yin no/ /nga ni lus kyi dkyil 'khor la gsang ba'i dbang bskur ba ni/ de nas bla ma phyi de nyin/ zhes bya ba smos te rdul tshon gyi lha gshegs su gsol nas tshogs kyi 'khor lo la dbye ste/ gsang ba'i dbang bskur ba'i gsol ba slob mas btab nas/ khyod kyis srog chags gsad par bya/ zhes bya ba'i sdom pa bzhi phog nas rgyud kyi rim pa dang sngags kyi rim pa dang ye shes kyi rim pa sgom du bcug nas/ mtshal chen lan gsum bzlas pa yi/ de la thig le bya ba yin/ /zhes bya ba ni gnas gsum du bdud rtsi lnga'i dri'i thig le byas la/ /mtshal chen dang ldan pa'i byang chub kyi sems slob mas rdo rje'i rtse mo las sam pad+ma'i rtse mo las sam srin lag gis sam dung chos las blang bar bya'o/ /slob dpon gyis phyogs bcu'i sangs rgyas kyi zhal nas zhu ba'i thig le slob ma'i lce la phab nas rdo rje ma la dga' ba gsum gyi ting nge 'dzin bskyed pas bsam gtan gyi sdom pa dang/ bzhi pa'i ro'i stong pa nyid shes pas zag pa med pa'i sdom pa bskyed nas ngo mtshar bde ba che zhes ched du brjod pa ched du brjod gzhug /de nas/ de'i phyir de'i tshogs kyi 'khor lo byas la dkyil 'khor b+ha ga la shes rab ye shes kyi dbang bskur bar bya'o/ /pha ma'i thabs dang shes rab las sgyu ma lta bu'i lhar bskyed pas zla ba bcu sa bcu dang/ a ho 'don pa sngags dang/ khru ma chos gos dang thal mo sbyar ba'i phyag rgya dang/ rgyu rkyen gyi tshogs pa las lhang bskyed do/ /zhes me long gi gzugs brnyan bstan nas shes rab kyi dbang bskur ba'i gsol ba 'debs su bcug la/ bla ma dang shes rab kyi zhabs la phyag 'tshal nas sdom pa
- 421b
brgyad mnos te/ de yang bsnyen sgrub bzhis sbyangs pa'i rdzas dang me tog gi thig les brgyan pa'i las kyi phyag rgya dang snyoms par 'jug pa'i ched du gtad la 'byung ba bzhi'i dbus ma nam mkha' i rtsa dang reg par gyur pa reg bya stong pa nyid kyi ting nge 'dzin rtogs pa ni gdong phyed dkyil 'khor bstan zhes bya ba yin no/ /gang gi lha gnas gang yin pa/ zhes bya ba ni bde ba stong nyid zag med ni lha yin la/ /de'i gnas ni dung can ma dang pad+ma can no/ /der de yang dag bstan par bya/ zhes bya ba ni slob ma de bar bstod pa nyid kyi tshogs pa de slob dpon gyi mngon sum gyi gzhan don gyi man ngag gis slob ma la nges pa skyes pa ni yang dag par bstan pa'o/ /slob mas ye shes kyi dbang bskur ba'i rjes la zhi gnas kyi sgo mo brgyad khri bzhi stong gi sgo nas lhag mthong stong pa nyid brgyad khri bzhi stong gi mngon sum gyi lam ston cing zhes brjod du gnang ba sbyin par bya'o/ /de nas nyi ma 'char kang? slob dpon la yon dbul bar bya'o/ /de nas phyag 'tshal ba dang skor ba byas la dkyil 'khor b+ha ga dang bla ma slob dpon la sngags dang phyag? rgya'i? cho gas phyag bya'o/ /de nas bla ma dag la yon/ zhes bya ba ni go sla'o/ /ji ltar nges par bya ba ni/ /sgrub pa po yis rab mnyes bya zhes pa dbang bskur ba nges par mthong ba'i rjes thogs la nges par yon dbul bar bya'o de nas dbang bskur ba'i phan yon bstan pa ni/ de nas de la mkha' 'gro ma zhes bya ba la sogs pa gsungs te/ mkha' 'gro ma sum cu rtsa gnyis dang/ mkha' 'gro ma la sogs pa ye shes kyi lha mo bzhi dang/ sgrub pa po lhan cig tu dga' ba bzhi'i ting nge 'dzin spyod pas 'gro ba thams cad zil gyis gnon par 'gyur ro/ /phan yon gnyis pa ni dbang bskur ba khyad par can 'di grub na 'jig rten gsum po thams cad kyi bar chad bya bar mi bzlog shing mi snang ba dang/ sa
- 422a
'og tu 'gro ba dang nam mkha' la rgyu ba dang rkang mgyogs dang bcud len la sogs pa rnal 'byor pa tsam gyis dus thams cad du bskyod par mi nus so/ /phan yon gsum pa ni gzugs su ma phye ba dang/ nam mkha' la song nas mkha' 'gro ma rnams la bka' sgo zhing chad pas bcad pa dang/ phan 'dod dag kyang bltas pa tsam gyis skad cig gis skyed par byed do/ /gal te dbang ma thob na de ci zhig tu 'gyur zhe na/ sngags pas dkyil 'khor ma mthong ba zhes bya ba smos te/ dbang ma thob bzhin du bsgom bzlas byas kyang grub par mi 'gyur ba'i dpe gsungs pa ni/ sgra snyan pa myur du re bas nam mkha' la khu tshur brdeg pa dang smig rgyu'i chu 'byung ba bzhin no/ /rgyud thams cad las khyad par 'gyur bar bstan pa ni/ rnal 'byor 'di ni mchog rab dang/ zhes bya ba gsungs te/ 'khor lo bde mchog tu dbang thob na rgyud sde bzhi'i slob dpon du gyur pa dang/ rgyud sde bzhi'i dngos grub tu rung ba yin te/ de yang lha la sogs pa drag po 'jigs byed nyi shu rtsa bzhi zil gyi gnon pas rgod pa dang blta ba dang lag bcangs dang 'khyud pa la sogs pa ni 'dir dbang bskur bar gyur pas thams cad kyi bdag por 'gyur ro/ /gzhan du dbang bskur bas bde mchog gi slob dpon du ci'i phyir mi 'gyur zhe na/ mngon sum gyi lam ston pa'i dkyil 'khor gyi cho ga 'di ni sangs rgyas 'od srungs la sogs pa la yang ma byung la/ ma byon pa'i rgyal ba byams pa la sogs pa yang 'byung bar mi 'gyur ro/ /de ltar na rgyud thams cad kyi don la bde mchog gi rgyud kyi don gyis khyab bam zhe na/ bshad dang ma bshad gang ci yang rung/ de kun dpal ldan khrag 'thung gnas zhes bya ba gsungs te rgyud sde bzhi bshad pa dang ma bshad pa'i 'khor lo bde mchog gi rgyud kyi don thams cad kyis brjod par bya ba ni sku gsung gi rang bzhin dpal he ru ka brjod
- 422b
byar bstan pa yin no/ /le'u gsum pa'i rnam par bshad pa'o// //de ltar dbang bskur ba bshad nas/ da ni lha dgod pa bshad par bya ba ni/ /de nas rnal 'byor ma rnams kyis/ sa la rnam par rol pa ste zhes bya ba gsungs te/ rnal 'byor ma rnams ni sum cu rtsa bdun no/ /sa la rnam par rol pa ni dbang byas pa dang longs spyod pa dang thim pa gsum gyis gdul bya 'dul ba'o/ /ci'i phyir lha dgod pa dbang bskur ba'i rjes la bshad ce na/ rdul tshon gyi dkyil 'khor dang lus kyi dkyil 'khor dang b+ha ga'i dkyil 'khor gsum la thun mong du lha dgod pa bshad pa yin/ de rnams kyi mtshan nyid slob ma 'jug pa'i rim pa dang sbyar nas sku'i 'khor lo nas brtsams te thugs kyi 'khor lo'i bar du bstan pa yin/ sku dang thugs kyi dbus su gnas pa ni/ phyi rol ji ltar de bzhin nang/ zhes bya ba smos te/ phyi rol ni gzugs brnyan dang/ nang gi lus dang/ gsang ba ni b+ha ga'o/ /mkha' 'gro ma ni nyi shu bzhi zhes bya'o/ /sku gsung thugs kyi 'khor lo la gtso bor bstan pa yin no/ /'di dag sngon nyid grub pa yin/ zhes bya ba ni dkyil 'khor gsum du dgod pa'i lha ni sngon nyid nas grub pa'i lha yin no zhes bya ba'i don to/ /de ltar lha dgod pa bstan nas de'i sngags bstan pa ni/ rang ming brjod pa'i sngags la ni/ /mthar ni huM hUM phaT dang sbyar zhes bya ba smos te/ dkyil 'khor gsum la lha dgod pa bzlas pa'i sngags so/ /rnal 'byor mchog ni 'di mthong na zhes bya ba ni dpa' bo dang dpa' mo'i sngags 'di ni/ gzhan dag snying po med rtsar mtshungs zhes bya ba gsungs te/ 'bras bu 'dod pas phub ma brdung ba bzhin no/ /oM ni thams cad gsal byed de/ grub pa 'dod pa thams cad ster/ zhes bya ba yin te/ dngos grub gsum ster zhes bya ba'i tha tshig go/ de ltar lta dgod pa'i bzlas pa dag gi phan yon gsungs pa ni/ dpa' bo nyid 'gyur grub pa
- 423a
ni zhes bya ba gsungs te/ mtshan ma thob pa'i bsnyen pa grub pa'o/ /khyim du dkyil 'khor mthong ba yin/ zhes bya ba ni gzugs brnyan dang b+ha ga gsum rang gi gnas su mthong ba'o/ /de shes nas mngon sum gyi las gyis rtag tu sgom pa ni gdon mi za bar 'grub par 'gyur ro zhes de bzhin gshegs pas gsungs so/ /'di ni shugs la dpa' bo rnams kyi sngags btu ba yang bstan pa yin te/ yab yum gyi snying po dang nye ba'i snying po bzhi dang/ dpa' bo dang dpa' mo'i sngags dang/ go cha'i sngags gnyis dang/ rkang pa brgyad pa gnyis dang/ gnod ma sems dang bcu gcig la sngags btu ba'i thabs rnam pa bzhi min te/ ming mtshan gyi dang po 'khrul 'khor gyi sgo nas btu ba dang ming gi sgo nas btu ba dang/ dbyangs dang gsal byed kyi sgo nas btu ba dang/ phyed btus pa'o/ /rtsa ba'i rgyud 'dir ni dpa' mo rnams kyi sngags ming gis btus pa dang/ rkang pa brgyad pa'i sngags dbyangs dang gsal byed kyis btus pa dang/ go cha gnyis phyed btus pa ste bzhi 'dir btu ba bstan pa yin no/ /de la re zhig dang por dpa' bo rnams kyi sngags ming gis btu ba shugs la bstan to/ /le'u bzhi pa'i rnam par bshad pa'o// //de ltar le'u gsum gyis lha bsgoms pa bshad nas/ bzlas pa'i sngags btu ba bstan pa ni dang por rtsa ba'i sngags btu ba bstan pa yin no/ /de la sngags btu ba'i bzhi ni/ /de nas thams cad chos 'byung bar/ /sna tshogs lte bar mi shigs dge/ zhes bya ba gsungs te/ sa'i phyogs mnyam par ba'i rnam lnga bdud rtsi lnga byugs la me tog sil ma bkram ste/ chos 'byung gru gsum gyi dbus su pad+ma 'dab ma brgyad pa bris la de'i lte ba la mi shigs pa'i yi ge a dge ba bri bar bya'o/ /bris nas cho ga bzhin du sngags/ chos kun gcig tu 'dus par bya//
- 423b
zhes bya ba ni yi ge thams cad kyi phyi ma dbyangs yig dang/ gsal byed lnga bcu gsung gi chos gcig tu bsdus pa bri bar bya'o/ /btu ba'i don bstan pa ni 'dir sngags tshig ni 'di yin te/ A li kA li mnyam byas nas/ zhes bya ba gsungs te/ pad+ma 'dab brgyad la A li gcig dang A li bdun bkod pas mnyam par 'gyur ro/ /bzhi bzhi ru ni shes byas la/ zhes pa ni bzhi mnyam pa'i sde tshan brgyad de de btus pas ci zhig ce na/ 'dir don thams cad grub par byed pa ste/ sngags btu ba 'di la brten nas 'jig rten dang thun mong dang mchog gi dngos grub gsum bskyed par mdzad de/ de yang rdzogs pa'i rim pa lus kyi 'khor lo dang sbyang na sgra brnyan gyi mtshan nyid bskyed pa'i rgyu lte ba sprul pa'i 'khor lo gru gsum gyi dbus na rtsa drug cu rtsa bzhi'i ? lte ba 'dab ma brgyad pa de la A li'i nang du 'jug pa dang/ kA li phyir rgyu ba'i rlung gis brgyan pa'i gnas de la slob dpon sems kyi rgyal po sgra rkan dang lkog ma la sogs pa gnas brgyad nas sngags kyi tshul du 'byung ba yin/ chos 'byung gru gsum de yang lus kyi dkyil 'khor gyi dbus yin no/ /rkang pa rlung dang lte ba me dang lta ba chu dang snying ga sa dang mgo bo nam mkha' i dkyil 'khor gyi dbus na yan lag brgyad kyi rkang pa dang ldan pa'i dbus na sgo bzhi par mtshon pa'i dkyil 'khor la sngags btu bar bya'o/ /zhes bya ba shugs kyis ston pa yin no/ /de la btu ba'i thabs ni lnga pa'i lnga pa ni ma'o/ /lnga pa'i bzhi pa ni ba'o/ /dang po'i gsum pa ni ga'o/ /nyi shu rtsa dgu pa ni wa'o/ /bzhi pa'i dang po ni ta'o/ /mthar gnas pa yi bzhi pa ni wa'o mthar gnas pa'i gnyis pa ni ra'o/ /sum cu pa ni sha'o/ /nyi shu drug pa ni ya'o/ /brgya'i phyed kyi phyed ni ma'o/ /sum cu rtsa gsum pa ni nya'o/ /dang po'i dang po ni ka'o/ /mthar gnas pa'i gsum pa ni la'o/ /dang po'i gsum pa ni ga'o/ /sum cu rtsa gnyis
- 424a
pa ni sa'o/ /bzhi pa'i lnga pa ni na'o/ /lnga pa'i bzhi pa ni b+ha'o/ /mthar gnas pa'i dang po ni ya'o/ /gnyis pa'i gsum pa ni dza'o/ /gsum pa'i dang po ni Ta'o/ /lnga pa'i lnga pa ni ma'o/ /dang po'i dang po ni ka'o/ /bcu gcig pa ni na Ta'o?/ /yi ge drug pa ni Ta'o/ /gsum pa'i dang po ni Ta'o/ /dang po'i dang po ni ka'o/ /gsum pa'i dang po ni Ta'o/ /nyi shu rtsa drug pa ni ya'o/ /bzhi pa'i gsum pa ni da'o/ /uSh+ma? Sha'i gnyis pa ni Sha'o/ /doM thTA dang po'i dang po ni ka'o/ /rtsa bdun pa ni ra'o/ dang po'i gsum pa ni ga'o/ /rtsa brgyad pa ni la'o/ /lnga pa yi yang bzhi pa b+ha dang/ sum cu rtsa gcig pa ni Sha'o/ /bco lnga pa ni Na'o/ /nyi shu rtsa lnga pa ni ma'o/ /dang po'i gnyis pa ni kha'o/ /nyi shu rtsa drug pa ni ya'o/ /sum cu rtsa gnyis pa ni sa'o/ /uSh+ma Sha'i mdza' ma ni ha'o/ /sum cu rtsa gnyis pa ni sa'o/ /lnga pa'i bzhi pa ni b+ha'o/ /gnyis pa'i gsum pa ni dza'o/ /lnga pa'i bzhi pa ni b+ha'o/ /uSh+ma Sha'i gsum pa ni sa'o/ /nyi shu rtsa bdun pa ni ra'o/ /aM tas+tha'i dang po ni ya'o/ /nyi shu rtsa gcig pa ni pa'o/ /oM ta s+tha'i gnyis pa ni ra'o/ /sum cu rtsa gsum pa ni sa'o/ /de bzhin yi ge d+hyA nyid dang zhes bya ba ni rang gi gzugs nyid bstan pa bcom ldan 'das kyi phyag rgya'i sa bon gsungs pa yin no/ /bzhi pa'i dang po ni ta'o/ /uSh+ma Sha'i dang po ni sha'o/ /nyi shu rtsa brgyad pa ni la'o/ /dang po'i gnyis pa ni kha'o/ /bzhi pa'i bzhi pa ni d+ha'o/ /oM tas+tha'i gnyis pa ni ra'o/ /gsum pa'i lnga pa ni Na'o/ /de'i 'og tu yi ge byA ni dpa' bo bshad pa'o/ /dang po'i bzhi pa ni g+ha'o/ /de nas de bzhin zhes bya ba ni dang po'o/ /nyid kyi sgras ni nges par gzung ba ste/ dang po'i sde mtshan brgyad pa ni dza'o/ /yang na de bzhin du yang brgyad pa'o/ /zhes gzhan du bshad do/ /bzhi pa'i lnga pa ni na'o/ /lnga pa'i lnga pa ni ma'o/ /nyi shu rtsa bdun pa ni ba'o
- 424b
bzhi pa'i bzhi pa ni d+ha'o/ /nyi shu rtsa bdun pa ni ra'o/ /rtsa drug pa ni ya'o/ /rtsa lnga pa ni ma'o/ /sum cu rtsa gsum pa ha'o/ /bzhi pa'i bzhi pa ni d+ha'o/ /lnga pa'i lnga pa ni ma'o/ /bzhi pa'i bzhi pa ni d+ha'o/ /dang po'i dang po ni ka'o/ /rtsa bdun pa ni ra'o/ /mthar gnas pa'i bzhi pa ni wa'o/ /rtsa gcig pa ni pa'o/ /uSh+ma Sha'i gnyis pa ni Sha'o/ /nyi shu rtsa drug pa ya'o/ /de dag dpal he ru ka'i gsang sngags kyi rgyal po'o/ /ka ra ka ra zhes bya ba la sogs pa'i dpa' bo'i sngags ni nges brjod bla mar btu bar dgongs te/ 'dir ma gsungs sngags 'di ni kha sbyor gyi rgyud las rigs lnga'i he ru ka'i nang nas don yod par grub pa'i he ru ka'i sngags yin te/ der sprul pa'i sku dpa' bo nyi shu rtsa bzhi char bgos nas sngags su byas pa yin gyi rang rang gi sde sngags su byas pas ni khaN+Da la sogs pa yin no/ /rkang pa brgyad pa dang sngags 'di bsdoms pa la rtsa ba'i sngags su 'dogs te/ de la yang rkang pa brgyad pa cha brgyad du ma bgos shing sngags 'di tshan nyi shu rtsa bzhi ma bgos pa'i thog ma oM gcig mdza' mar hUM hUM phaT gcig dang bcas pa las thams cad byed ces pa'i rtsa ba'i sngags yin la/ /rkang pa brgyad pa cha brgyad du bgos nas oM brgyad dang/ hUM phaT brgyad dang bcas pa ni a ra pa man tra zhes bya ste mchod pa sprul pa'i sngags yin no/ /sngags 'di cha nyi shu rtsa bzhir bgos pa ni bstod pa dang bzlas pa'i sngags yin no/ /rig pa'i rgyal po'i gsang sngags te zhes bya bas ni phan yon ston pa'o/ /'jig rten dang mchog gi dngos grub thams cad grub par yod pa dang/ bya ba rnal 'byor gyi rgyud sngags 'dis 'di mchog tu gyur pa gzhan na med pa'o/ /gzhan dag snying po med rtswar mtshungs zhes bya ba ni zag pa med pa'i ye shes 'bebs pas na sems 'od gsal ba'i snang ba
- 425a
yin no zhes bya ba'i tha tshig go /le'u lnga ba'i rnam par bshad pa'o// /de ltar le'u lnga pas rtsa ba'i sngags btu ba bshad/ go cha'i sngags btu pa bstan pa ni/ /gzhan yang yi ge nyi shu zhes bya ba smos te/ rgyud bla mar lha nyi shu rtsa gnyis kyi ming mtshan gyi dang po 'khrul 'khor gyi yi ge btu pa la dgongs nas 'dir ming tsam las ma gsungs so/ /snying po yi ge bdun nye snying zhes bya ba la snying po chos kyi sku ston pa yin la/ nye ba'i snying po ni longs spyod rdzogs pa'i sku yin no/ /rtsa ba'i sngags kyi yi ge sprul pa'i sku ston pa yin no/ /nye ba'i snying po ni rgyud bla mas lha bdun gyi yi ge btu ba'i 'khrul 'khor gyis bstan pas 'dir ming tsam las ma bstan pa yin no/ /go cha'i sngags phyir btu bar bya pa ni/ ya cho gas brgyad pa'i sa bon dang zhes bya ba gsungs te/ ya nas bgrangs pa'i sde mtshan brgyad pa ni ha'o/ /gug skyed bcu gnyis zhes pa ni dbyangs yig bcu gnyis dang sbyar bas ha bcu gnyis su 'gyur ro// yi ge bar mdor byas pa ni ring po drug phyi ma'o/ /yan lag drug ni he ru ka zhes bya ba ni he ru ka drug gis sa bon ha thung du drug tu gyur pa la bya'o/ /dpa' bo drug dang mnyam sbyor pa/ zhes bya ba ni sngags dang mnyam par sbyor ba ste/ de yang ji ltar yin zhe na/ oM ha snying gar na ma(rgyud 'grel): hi mgo bor swAhA hu spyi gtsug tu boM ShaT he phrag par hUM hUM ho mig tu phan haM yan lag lnga la bkod pas dpa' bo drug gi snying por gyur las na yi ge gcig tu yang dag gnas zhes bya ba ni sngags drug po dang sbyar bas na yang dag ldan zhes bya ba yin no/ /sgrub pos snying por shes par bya/ zhes bya ba ni go cha'i snyod par gyur pa'o/ /de yang las la sbyar ba'i tshe thams cad gsum du 'gyur te/ bskyed pa'i rim pa
- 425b
lha'i skur bsgoms snying ga nas yan lag gi bar du go cha bgos nas bzlas ba bya ba ni man+t+ra ste sngags zhes bya'o/ /'khor lo rtsibs lnga pa la bkod nas 'khrul 'khor bcing ba ni yan tra ste 'khrul 'khor zhes bya ba thob par bskyed pa'i dpon dang sman a ga ta la sogs pa'i mtshon bzlos cing bsrung ba'i go cha'i las byed pas tran+t+ra ste sman 'gyur yin no/ /le'u drug pa'i rnam par bshad pa'o// //de ltar go cha'i sngags kyi phyed btu ba bshad nas/ rkang pa brgyad pa'i dbyangs dang sbyar bas bshad pa ni/ /de nas dpyangs yig bcu gsum pa zhes bya ba la sogs pa gsungs so/ /de la dbyangs yig bcu gsum pa ni o'o/ /yi ge gnyis pa ni ma'o/ /dbyangs de yi ge dang sbyar bar bya ste/ de bzhin du sbyar bar bya'o/ /dbyangs kyi bcu gcig pa ni ta'o/ /dbyangs yig bzhi pa ni a'i'o/ /yi ge bdun pa ni kha'o/ /dbyangs yig bcu gcig pa ni e'o/ /brgyad pa ni ra'o/ /dbyangs yig gnyis pa A'o/ /yi ge dgu pa ni sha'o/ /dbyangs yig gnyis pa ni A'o/ /bcu gnyis pa ni ha'o/ /yi ge nyi shu gsum pa ni gsal byed rtsa gsum pa ste 'di nyid du btus pa'o/ /de la dbyangs kyi yi ge gnyis pa ni A'o/ /de dang ldan pa ni bcu bzhi pa ste yi ge la sbyar bar bya'o/ /yi ge bco lnga pa ni ga ste gsal byed bco lnga pa'o/ /yi ge nyi shu pa ni na dang ldan pa ste dbyangs yig gsum pa a dang sbyar bar bya'o/ /dbyangs yig bco lnga pa ni e'o/ /bcu drug pa ni sa'o/ /yi ge oM gis mdzes pa ni sa mo/ /dbyangs yig gsum ma o dang ldan pa ni bcu bdun pa ste na'o/ /dbyangs yig gnyis pa ni A ste/ des gtso bo brgyad pa b+ha dang sbyar ba'o/ /dbyangs yig gnyis pa A dang ldan pa'i yi ge nyi shu rtsa gcig pa ni ta'o/ /dbyangs yig lnga pa ni
- 426a
u'o/ /de dang ldan pa ni yi ge nyi shu rtsa gnyis pa ni ma'o/ /dbyangs yig cu gsum pa ni o'o/ /de dang ldan pa'i rtsa bzhi pa ni ta'o/ /sde tshan dang po ga'o/ /de blangs nas nyi shu lnga pa ni ha dang sbyar bar bya'o/ /sde tshan gsum pa'i dang po ni ta ste de la dbyangs yig gnyis pa ni dbye bar bya'o/ /nyi shu rtsa brgyad pa ni da'o/ /de bco lnga pa ste oM gyis mgor sbyar bar bya'o/ /gsum pa'i dang po ste 'og tu ra dang bcas pa dbyangs yig gnyis pa A dang ldan pa la yi ge nyi shu pa Sha dang sbyar ba'o/ /sum cu rtsa gcig pa ni ra ste dbyangs yig gnyis pa A dang sbyar bar bya'o/ /yi ge sum cu rtsa gnyis pa ni la'o/ /bcu gsum pa ni o ste de dang ldan par bya'o/ /yi ge sum cu rtsa gsum pa ste ga ni nyi ma dang baM de dang ldan par bya'o/ /phyi mo bzhi pa ni a'i ste yi ge nyi shu rtsa bzhi pa b+ha dang ldan par bya'o/ /phyi mo lnga pa ni u'o/ /sum cu rtsa bdun pa ni ma ste de dang sbyar ba'o/ /sum cu rtsa brgyad pa ni kha ste dbyangs yig gnyis pa A dang sbyar bar bya'o/ /bzhi bcu rtsa gnyis pa ni sa ste sa 'og tu sbyar bar bya'o/ /bzhi bcu rtsa gsum pa ni b+ha ste yi ge lnga pa u dang sbyar bar bya'o/ /bzhi bcu rtsa lnga pa ni ba ste dbyangs yig gnyis pa A dang sbyar bar bya'o/ /dbyangs yig lnga pa ni u ste bzhi cu rtsa dgu pa sa dang sbyar bar bya'o/ /bzhi bcu rtsa bdun par ste dbyangs yig gnyis pa A dang sbyar bar bya'o/ /lnga bcu rtsa gcig pa ni sha ste dbyangs yig drug pa A dang sbyar bar bya'o/ /lnga bcu rtsa gnyis pa ba ste dbyangs yig gnyis pa A dang sbyar bar bya'o/ /lnga bcu rtsa gsum pa ni sha ste dbyangs yig bcu gsum pa o dang sbyar bar bya'o/ /lnga bcu rtsa dgu pa ni sha ste dbyangs yig drug pa a'u dang sbyar bar bya'o/ /mthar gnas pa'i bzhi pa ni wa ste dbyangs yig gnyis pa A dang dbyangs yig gtso bo lnga pa e
- 426b
dang ldan zhing lnga bcu rtsa dgu pa dang sbyar bar bya'o/ /drug cu rtsa gnyis pa ni d+ha ste dbyangs yig gnyis pa A dang ldan par bya'o/ /drug cu rtsa gnyis pa ni ra ste dbyangs yig gsum pa i dang sbyar bar bya'o/ /drug cu rtsa drug pa ni na ste dbyangs yig bcu gcig pa e dang sbyar bar bya'o/ /drug cu rtsa bdun pa ni pa ste dbyangs yig a dang sbyar bar bya'o/ /drug cu rtsa lnga pa ni g+ha'o/ /rdo rje sems dpa' ni ra ste de dang ldan par bya'o/ /drug cu rtsa drug pa ni dza ste dbyangs yig gsum pa dang sbyar bar bya'o/ /drug cu rtsa bdun pa ni na ste dbyangs yig gnyis pa A dang sbyar bar bya'o/ /yi ge drug cu rtsa brgyad pa ni ma ste de ba dang sbyar par bya'o/ /bdun cu rtsa gcig ni sa'o/ /bdun cu rtsa gnyis pa ni ha ste gnyis ka la dbyangs yig gnyis pa ste A dang sbyar bar bya'o/ /bdun cu rtsa lnga pa ni de ste dbyangs yig u dang sbyar bar bya'o/ /bdun cu rtsa dgu pa ni ma ste dbyangs yig gnyis pa dang ldan zhing ra dang ldan par bya'o/ /bdun cu rtsa bdun pa ni na ste/ ta dang ldan par bya'o/ /bdun cu rtsa brgyad pa ni ka ste dbyangs yig gnyis dang ldan par bya'o// yi ge brgyad cu rtsa bzhi pa ni ma ste dbyangs yig bzhi pa'i mdza' dang sbyar bar bya'o/ /brgyad cu rtsa gnyis pa ni sha ste dbyangs yig gnyis pa dang sbyar bar bya'o/ /tshig re re la yang oM dang tha mar huM hUM phaT dang sbyar pa ni rtsa ba'i sngags su gyur pas mkhas pas shes par bya'o/ /dngos grub kun gyi gnas yin zhing zhes bya ba ni gang zag 'ba' zhig bsgom pa dang bzlas pa'i sgo nas dngos grub tu 'gyur ba dang/ 'khrul 'khor gyi sgo nas dngos grub tu 'gyur ba dang/ sman gyi tshogs pas dngos grub tu 'gyur bas na gnas yin zhing zhes bya'o/ /mkha' 'gro'i snying ni 'joms pa yin/ zhes bya ba nas sngags brjod nas bka' bsgo ba tsam gyis ji skad smras pa bzhin du byed pas ni snying 'joms pa'o/ /dpal ldan khrag 'thung lha'i ri rgyal bklangs pas grub pa don yod pa zhes bya ba ni ye
- 427a
shes babs pa la slob dpon gyi sngags kyis gnang ba byin nas bzlas mi dgos pas dngos grub yin no/ /oM dang por sbyar zhing hUM phaT tha mar sbyar ba ni go sla'o/ /'di ni rtsa ba'i sngags te/ sgrub po thams cad sgrub byed yin// zhes bya ba ni gang dang gang sgrug pa'i cho ga the tshom med par gyur par brnag nas sgrub byed yin bya'o/ /bsnan pa'i don ni 'di lta ste/ klung ni rgyun las bzlog kyang sbid la/ nyi ma dang zla bas la ltung yang srid de gsang sngags 'di yis mi 'grub par yang ye mi srid do/ /le'u bdun pa'i rnam par bshad pa'o// //de ltar rtsa ba'i sngags btu ba bstan nas/ da ni go cha'i mkha' 'gro ma'i sngags btu ba bstan par bya'o/ /de nas rang gi bdag nyid kyi/ /zhes bya ba ni bcom ldan 'das kyi sku gsungs thugs kyi snying po yin pas na rang gi bdag nyid kyang ngo/ /dpa' bo thams cad mnyam sbyor ba/ /mkha' 'gro ma'i dra pa yi/ /'khor lo bde mchog yin par 'dod/ /ces bya ba ni sku rtsa ba'i dra ba'i bde mchog dang/ gsung rlung gi dra ba'i bde mchog dang/ thugs sgyu ma lta bu dang stong pa nyid kyi bde mchog gsum ston par byed pa po'i snying po ni dbang dang mngon spyod la bzlog nas bzlas pa dang zhi ba dang rgyas pa la lugs su 'byung ba ltar bzlos pa'i snying po dang po'i yi ge oM ni rtsa'i 'khor lo'i sku'o/ /sh+rI ni rtsa ba'i 'khor lo'i gsung ngo/ /badzra ni rtsa ba'i 'khor lo'i thugs so/ /he he ni gsung gi 'khor lo'i sku'o/ /ru ru ni gsung gi 'khor lo'i gsung ngo/ /koM ni rtsa rlung gi 'khor lo thugs ? huM ni thugs kyi sku'o/ /hUM ni thugs kyi gsung ngo// // phan ni thugs kyi thugs so/ /tshig lhag ma ni bde mchog ston pa yin no/ /ma byung 'byung bar mi 'gyur ro/ /zhes bya ba ni 'og min gyis pho brang na sangs rgyas dang byang chub sems dpa' rnams la dus thams cad du ston pa yin yang dzam+bu'i gling du
- 427b
sngar ma byung zhing phyis 'byung bar mi 'gyur ba'o/ /nye ba'i snying po yi ge bdun ni sa bcu gcig pa'i yan lag bdun gyis chos kyi 'khor lo bskor bar ston to/ /yum gyi nye ba'i snying po gnyis pa 'di dang rnal 'byor ma drug gi ming gi yi ge dang po dang sbyar nas rnal 'byor ma drug gi go cha'i sngags su 'gyur ro/ /de la sngags kyi yi ge oM dang phag mo'i ming mtshan gyi dang po ba dang/ yi ge gnyis pa ha dang gshin rje ma'i ming mtshan dang po yoM dang yi ge gnyis pa h+ri dang/ rmongs byed ma'i ming gi dang po muM dang yi ge bzhi pa h+ri dang skyong byed ma'i ming gi dang po h+riM dang/ sngags kyi lnga pa hUM dang/ skrag byed ma'i ming gi dang po hUM dang sngags kyi phaT dang/ gtum mo'i ming gi dang po phaT dang/ sngags kyi drug pa phaT dang sbyar pa ni rnal 'byor ma drug gi sngags so/ /de ltar na yum gyi nye ba'i snying po gnyis pa rnal 'byor ma'i ming drug gi phyed btus pa yin no/ /rnal 'byor ma'i snying po yi ge cu gsum pa ni rang don chos kyi sku ston pa yin la/ nye ba'i snying po ni gzhan don gzugs kyi sku ston pa yin no/ /ma byung 'byung bar mi 'gyur ro/ /zhes bya ba ni sngar bshad zin to/ /sa steng na ni rin chen bzhi/ zhes sbyar ba ni yab yum gyi snying po dang nye ba'i snying po bzhi ste rang dang gzhan gyi don rdzogs pas rin po che dang 'dra ba'i phyir ro/ /he ru ka 'byung ba las sangs rgyas dkon mchog gi snying po chos dkon mchog yin pas na rin po che zhes gsungs so/ /phreng ba'i sngags kyi dam pa zhes bya ba ni sngags bzlas nas bsgrub bo zhes bya ba'i tha tshig go /rigs pa'i rgyal po he ru ka zhes bya ba'i gsungs sems 'od gsal ba'i rang bzhin gyi sngags yin no zhes ston pa yin te/ 'dus pa'i rgyud phyi ma las/ ye shes lnga yi ngo bo nyid 'byung pa lnga yi rang bzhin dbugs/ zhes gsungs pa'i phyir ro/ /le'u brgyad pa'i rnam par bshad pa'o// //de ltar bsngags btus pas yi ge kun tshogs par gyur nas bzlas pa mtshan ma thob pa dang/ sngar bshad pa'i dkyil 'khor nyid la
- 428a
dngos grub bsgrubs pa 'am/ rkang pa brgyad la 'khrul 'khor bris nas bsgrubs pa 'am/ sman gyi tshogs las bsgrub pa yin pas de nas rtsa ba'i sngags kyis zhes bya ba la sogs pa gsungs te/ lam mchog rim pa bzhin du zhes bya ba ni 'jig rten dang thun mongs dang mchog gi rim pa'o/ /de ni rnam par bshad par bya/ zhes bya ba'i las lnga bcu par phye nas so/ /'jig rten gsum gang yod pa rnams/ zhes bya ba ni dngos grub gsum mo/ /thams cad skad cig gis grub 'gyur/ /zhes bya ba ni man+t+ra dang tan+t+ra dang yan+t+ras myur du grub par 'gyur ba'o/ /las rnams thams cad byed pa po/ zhes bya ba ni gzhan gyi don du phrin las byed pa'o/ /de ltar mdor bstan nas rgyas par bshad pa ni/ lha thams cad dang zhes bya ba la sogs pa smos pa ste/ sngon bcom ldan 'das kyi gnod sbyin dang klu dang srin po dang lha ma yin dang dbang 'byor ba dang longs spyod pa dang thim pa bzhin du lha thams cad ma bsgoms pa dang bzlas pas bka' bsgo nas zhi rgyas dbang dang mngon spyod kyi phrin las byed pa 'am/ gang zag 'ba' zhig 'khrul 'khor dang gnyis ka dbye ba 'am/ gang zag la las sman dang gsum kas byed pa 'am so sor grub pa yang de srid do/ /de la lha thams cad dran pa tsam gyis gsod pa ni rkang pa brgyad pa'i sngags kyi tha mar mo rA ya phaT/ ces bya ba 'am mtshan thog thag bzlas pas so/ /klu la sogs pa thams cad kyang de bzhin du 'gyur pa yin no/ /gnod sbyin dang dri za rnams la yang de nyid kyis 'gyur ro/ /gal te thams cad la thugs kyi 'khor lo'i bdag po bsgoms na? rkang pa brgyad pa bzlas pas so/ /gnod sbyin srin po thams cad la gsungs gi 'khor lo dang rkang pa brgyad pa bzlas pas so/ /klu dang lha ma yin thams cad la sku'i 'khor lo nam mkha' lding gi gdong can bsgoms nas rkang pa brgyad pa
- 428b
bzlas pas so/ /sprin thams cad dran pa tsam gyis brlag par byed ces bya'o/ /rgyud bla ma las gsungs pa'i klu brgyad 'dul ba'i cho ga ste chu bo dang/ rgya mtsho dang/ khron pa dang rdzing bu'i 'gram rnams su klu brgyad kyi dkyil 'khor bri bar bya ste/ pad+ma 'dab ma brgyad pa bris pa shar gyis 'dab ma la mdza' yas/ byang du nor rgyas/ nub tu 'jog po/ lhor pad+ma/ dbang ldan du pad+ma chen po/ me mtshams su dung skyong bden bral du stobs kyi rgyu/ rlung gi mtshams su ma dres pa/ dkar ba dang/ sngo ba dang/ dmar ba dang/ ljang ba? dang/ ser ba dang/ dung kha dang/ ljang ba dang ser skya de dag kyang rin po che'i cod pan dang sbrul gyi mgo gdengs kar dang ldan pa'o/ /klu brgyad thal mo sbyar ro/ /de'i lte ba'i dbus su bcom ldan 'das nam mkha' lding gi gdong can zhal mche ba gtsigs shing zhal bzhi pa phyag brgyad pa lnga pa bya khyung gi zhal ni dmar po nyi ma bcu gnyis kyi gzi brjid can phyag dang po gnyis kyis rdo rje bsnams shing sdigs mdzub mdzad pa/ gzhan gnyis kyis klu'i dbang po'i pags pa bsnams pa/ gsum pa gnyis kyis lcags kyu dang kha TwAM ga bsnams pa/ bzhi pa gnyis kyis mdung dang cang te'u 'dzin pa'o/ /zhabs bzhis chu lha khyo shugs dang klu brgyad kyi mjug ma gnon pa bris la de'i mdun du rnal 'byor pa blo gros chen pos de dang 'dra ba'i bcom ldan 'das bya khyung chen po bsgom la bris pa'i dkyil 'khor gyi mdun du bsnyen pa 'bum bya'o/ /des mtshan ma byung ba dang las la sbyar ba'i phyir 'o ma'i sbyin sreg 'bum phul bas sprin thams cad 'jigs par byed cing char 'bebs par byed pa dang char zlog par yang byed do// yang na rkang pa brgyad pa'i 'khrul 'khor bya ste/ sngar bshad pa'i klu brgyad dkyil 'khor gro ga 'am ras dkar po la bris la phyi rol nas 'khor lo gsum gyis bskor zhing dug dang lan tshwa dang ske tshe dang che ba gsum dang dur khrod kyi sogs
- 429a
snag tsha byas nas dpa' bo dang dpa' mo thams cad kyi sngags bris la klu brgyad kyi snying gar hUM nAM hUM zhes bya ba dang/ lte bar bcom ldan 'das kyi sbyin par huM nAM hUM sarba nA ga ba ra Sha ma na yaSh+Thi shAM g+h+raM phaT ces bya ba spros pas 'khrul 'khor ? mkhar gyi sa dang ba'i rnam lnga bsres pa las nor rgyas kyi gzugs gdengs ka bdun dang ldan pa mtho gang gi tshad tsam byas la de'i snying gar bcug ste/ dgug pa la sogs pa'i cho ga byas nas ka ra bI ra'i lcugs mas bkab ste gu gul gyi dud pas bdug cing rgyun mi 'chad par chus khrus bya'o/ /de ltar byas na char 'bab par 'gyur ba dang ma babs na nyi ma bdun pa la lus dum bur byas bum par bcug nas chu bor bskyur na char 'bab par 'gyur ro/ /zlog par byed na snga ma bzhin du 'khrul 'khor bris nor rgyas kyi gzugs brnyan gyi snying gar bcug ste yungs kar gyis brdegs pa 'am/ yang na rdo rje 'dzin pa la phul ba'i me tog rnying pa gu gul dang bsreg pa'i bdug pas rtsa ba'i sngags zlos shing nam mkha' la bdugs na zlog par byed do/ /rgya mtsho skems par byed do/ /zhes bya ba klu brgyad gnon pa'i zhal lnga la mkha' lding he ru ka bsgoms na mtshon ma 'byung ba dang rgya mtsho chen po'i dbus su 'dug par bsams la nyi ma bcu gnyis kyi gzi brjid dang ldan pa gdon mi za bar skems par byed do/ /ba dang ka'i thod pa la pad+ma 'dab ma brgyad pa re re zhing rkang pa brgyad pa'i sngags bris la chu bo la kha TwAM gas bsnun na rgyun phyogs las zlog par byed do/ /dpa' bo zlog par byed do/ zhes bya ba ni thog babs pa ste lag pa g.yon pa'i mthil du rkang pa'i 'khrul 'khor bsgoms sdigs mdzub byas na rdo rje'i thog zlog par byed do/ /sa g.yo ba zhes bya ba ni bcom ldan 'das zhal bzhi phyag bcu gnyis pa bsgoms nas tri shul rtse gsum pa sa la bsnun nas g.yo bar byed do/ /shing la 'jigs te gang du 'dod pa der 'gro bar
- 429b
'gyur ro/ /zhes bya ba ni sngon du bsnyen pa mtshan ma thob pa dang rkang pa brgyad pa'i 'khrul 'khor rkang pa gnyis la bsgoms te/ nam mkha' la skas ldang gi phreng ba yod par bsgoms nas 'jigs nas gar 'dod pa der 'gro'o/ /sngags 'phro bar byed ces pa ni rang la byed byed pa'i sngags kyi 'khrul 'khor gyi steng du rkang pa brgyad pa'i 'khrul 'khor dug dang khrag dang lan tshwa dang ske tshes bris la mnan nas ri rab dang gser gyi sa gzhis kyang mnan na sngags 'phrog par byed do/ /dngos grub thams cad 'phrog pa ni sngar bsten pa 'bum byas la mtshan ma thob pa dang/ dngos grub 'dod pa'i gzugs brnyan byas la de'i snying gar rkang pa brgyad pa'i 'khrul 'khor bcug nas sbyin sreg bya ba 'am chu bor dor ba 'am sa 'og tu gzhug par bya'o/ /khrag 'dren par byed na zhes bya ba ni spra tshil gyi ling ga sor brgyad pa byas la de'i snying gar rkang pa brgyad pa'i 'khrul 'khor khrag dang bcas pa gzhug par bya zhing gsang ba'i gnas su zangs ma'i khab btsugs na khrag 'dren par byed do/ /slar 'o mas krus na 'tsho bar 'gyur/ /gzugs brgya stong phrag du mar bya'o/ /zhes bya ba'i mkha' 'gro las sman gyi rgyud bshad par bya ste/ mi'i thod par e raN+Ta dang smyo byed kyi sa bon btab la bkang ste bskyed nas smin pa dang mar gyi ro li nyi shu dgu la dmangs kyi bud med kyi khrag dang bdud rtsi lngas de'i 'bras bu smin pa na bsgoms te srog chags gang yang rung ba'i spu dang skud pa byas la srog chags de'i mgul du btags na de'i gzugs su 'gyur ro/ /'dod na snang bar 'gyur zhing mi 'dod na snang bar mi 'gyur ro/ /zhes bya ba ni gser shing gi sa bon blangs pa nyi shu dgu la khri'i thod pa'i nang du sbrul nag po'i zhag gis bsgos te bskyed la smin pa dang blangs la gang gi mgul du bcings shing de mi snang bar 'gyur zhing bkrol na snang bar 'gyur ro/ /khang bzang dang shing gi rtse mo la sogs pa phye mar byed do/ zhes bya ba ni zhal bzhi phyag bcu gnyis
- 430a
pa'i bde mchog bsgoms nas dgra sta la yi ge rkang pa brgyad pa'i 'khrul 'khor bris te bsnun na phye mar 'gyur ro/ /dug bdud rtsir byed pa ni lag pa g.yon pa'i thil du zla ba'i dkyil 'khor gyi steng du rkang pa brgyad pa'i 'khor lo bkod nas sna bug g.yon pa'i klung gis reg na dug bdud rtsir byed do/ /bdud rtsi dug tu byed pa ni bskul ba'i kha ba'i sa bon blangs la sbrul nag po zhag gi byugs te gza' mig dmar gyi zhag lam gyi bzhi mdor sbrul gyi thod pa yang bkang ste bskyed la de'i khu bas dpral bar thig le byas na bza' btung la bltas pa tsam gyis dug tu 'gyur ro/ /zla ba chur byed pa ni sman arka'i me sbar la pad+ma'i sna la ma'i phye ma dang 'o mas lan mang du byugs te sbyin sreg phul ba'i thal bas tsi tra ka'i khu ba dang sbrus te ri lu grib ma la bskams te sogs ma'i nang du bcug la chang gis snod bkrus na 'o ma lta bu'i kha dog tu 'gyur ro/ /ku su ma'i phye ma dang dzam+bu ri 'bras bu'i chu ba dang 'o ma'i nang du blugs na chang 'dra bar 'gyur ro/ /ro 'phrog pa ni tsher ma dang bcas pa'i shing ka rany+dza'i phye ma dang na dang ka'i shun pa'i phye ma dang bsres pa'i phye mas bdugs na dri 'phrogs par byed do/ /gang du 'dod pa der thob par byed do zhes bya ba ni gany+dza dang nang rang ga'i phye mas gu gul dang bsres pas gla rtsi la bdugs na gu gul gyi dri bro bar 'gyur ro/ /gla rtsi dang bsreg pas gu gul bdugs na gla rtsi'i bro ba 'phro bar 'gyur ro/ /nam mkha' lding gi mdog gis 'gro bar 'byin par byed ces bya ba ni yan+t+ra dang tan+t+ra spangs pa'i ting nge 'dzin thams cad brtan pa yin te nam mkha' lding gi mdog ni gsang ba'i rdo rje'o/ /'gro ba 'byin pa ni khu ba gyen du bzlog pa'o/ /shi ba'i dus kyi lha mo dang kun spyod ces bya ba ni byang chub kyi sems mi mnyam pa'i bde ba thob pa'o/ /de ltar bsam gtan
- 430b
gyi bde ba'i ting nge 'dzin thob na mi'i mchog de'i dngos grub snga ma thams cad kyi dpal bsdus kyang 'phrog par mi nus so/ /rnam pa de lta bu dang ldan pa'i dngos grub ces bya ba ni byang chub kyi sems dga' bral tu mi gtong ba'i ting nge 'dzin yod na dngos grub thams cad 'bras bu dang bcas par 'gyur ro/ /dran pa tsam gyis gsod par byed de zhes bya ba ni ras sam shing shun la nyi ma'i dkyil 'khor gyi dbus su rkang pa brgyad pa'i 'khrul 'khor bris la dur khrod kyi thal ba dang sol ba las gzugs brnyan byas te/ snying gar bcug ste bsgrub bya bkug nas mi rus kyi phur bus snying gar btab nas chu tshan glugs te dur khrod kyi sar sbas na nyi ma bdun gyis gsod par byed do/ /spra tshil gyi dbus su zi dang ye shes bcug la tshon sna lnga'i skud pas dkris te lan stong phrag gcig tu brkos nas 'phangs na gnas der mi bskyed par byed do/ /sa bon rnam par 'joms pa zhes bya ba ni til gyi mar gyis bskus la rdo rje rtse gcig pa la rkang pa brgyad pa stod du brgyad bzlas nas bsnun 'joms par byed do/ /ser ba 'bebs pa ni sgra gcan 'dzin rgyu ba'i dus su rkang pa brgyad pa stong rtsa brgyad bzlas pa'i khrag gi thod pa me la blugs na ser ba 'bebs so/ /mdung rtse gsum pa stong rtsa brgyad bzlas nas spyi bo la bskor na ser bzlog par byed do/ /lha thams cad kyi gzugs brnyan gar byed du gzhug pa ni rkang pa brgyad pa'i 'khrul 'khor lha rnams kyi snying gar bcug la 'od ma gzhu la ka ra bI ra'i mnga' mtshal chen gyis bskus la thugs kar 'phangs na lha'i gzugs brnyan gar byed par 'gyur ro/ /thod pa sha med par btogs pa ni srin lag g.yon pa'i khrag gis gzugs brnyan bris la gang gis ming dang spel ba'i de'i snying gar 'khrul 'khor bris la ming nas gzung ste lan re zhing rkang pa brgyad pa dang spel nas bzlas shing khrag dang
- 431a
mnyes na mod la 'chi bar 'gyur ro/ /sa ma lus pa rnams la longs spyod ces bya ba ni ba lang gi sha dang bcas la rkang pa brgyad pa'i sngags stong rtsa brgyad zlos shing sbyin sreg byas na rgyal srid thob par 'gyur ro/ /'dod na 'dud par 'gyur zhes bya ba ni 'dod pa'i longs spyod kyis skyon zhi ba'i sbyin sreg gis rgyal srid kyi g.yeng ba sdud par 'gyur ro/ /de la spyod pa ji lta bus bya zhe na/ bcom ldan 'das la rkang pa brgyad pa 'di zlos pa'i tshe brtul zhugs mi dges sbyong pa dang/ smyung ba mi dgos chos thams cad ci bde ba las byas na grub par 'gyur ro/ /gal te khros pas lan cig bzlas pas 'tsho bar 'gyur ro/ /zhes bya ba ni dur khrod kyi ras la mi rus kyi smyu gus dug dang dur khrod kyi sol ba'i khu bas 'khrul 'khor bris la dbus su mar mar phaT ces bya ba bri bar bya'o/ /de nas bsnyen pa 'bum byas la dug dang khrag dang ske tshe dang lan tshwa dang yungs kar dang rkang rjes dang bsres pa las byas pa'i ling ga'i snying gar bcug nas las la sbyar ba'i tshe lan gcig bzlas na 'chi bar 'gyur zhing/ 'o mas bkrus na 'tsho bar 'gyur ro/ /dur khrod kyi sol ba la lan cig bzlas pa zhes bya ba ni nyi shu rtsa bzhi dang dgu la ro bsregs pa'i me la shing arka bsregs la d+ha tu ra'i khu bas me bsad la dug dang lan tshwa dang bcas pa'i sol ba'i khu ba mi rus kyi smyu gus nyi ma'i dkyil 'khor gyi dbus su rkang pa brgyad pa'i 'khrul 'khor bris la dur khrod kyi thal ba las byas pa'i gzugs brnyan sor brgyad pa'i snying gar me dang spel ba'i 'khrul 'khor bcug nas dgug pa la sogs pa byas nas gu gul gyis bdug cing dur khrod kyi sol ba'i sta ri byas te ling ga gtubs na de'i mod la ltung bar 'gyur zhing 'chi bar 'gyur ro/ /dur khrod kyi thal ba la sngags bzlas te bsnun na de'i mod
- 431b
la sha zas gzung bar 'gyur ro/ /dur khrod kyi sol ba la sngags lan cig bzlas nas zhes bya ba ni sngar bstan pa'i shing arga'i thal ba nyi shu rtsa dgu'i mtshan mo spang leb bam rtsig pa la gza' chen po brgyad bris la snying ga'i dbus su bsgrub bya'i ming spel ba'i 'khrul 'khor bcug la bdud rtsi lnga'i dud pas bdug cing sngags bzlas na gza' chen po brgyad kyis gdon mi za bar gzung bar 'gyur ro/ /'o mas bkrus na 'tsho bar 'gyur ro/ /a ti muk+ta ka'i lcug ma la lan cig bzlas pa zhes bya ba ni tsan dan dmar po'i ri lu byas pa'i bsgrub bya'i gzugs brnyan gyi snying gar dur khrod kyi ras la ro'i sen rtsi dang 'gi wang gi zla ba'i dkyil 'khor gyi dbus su 'khrul 'khor bris la bcug nas dgug pa la sogs pa byas te/ dri'i chus sku khrus gsol zhing a ti muk+ta'i lcug ma la sngags lan bdun bzlas te bsnun par bya'o/ /bsnun pa'i tshe bsgom bsgrub bya ba'i gcer bu skra grol ba byang chub kyi sems 'bab cing kha dog nyams shing 'jigs pas brgyal ba rlung gi dkyil 'khor gyi steng du rnga mo la bskyon nas rang gi rkang pa'i drung du ltung bar bsams par bya'o// gseg ma la lan cig bzlas te zhes bya ba ni mi'i thod pa'i dum bu la ba bla dang yung bas nyi ma'i dkyil 'khor la gnas pa'i 'khrul 'khor ming dang spel ba bris te dur khrod dang lam gyi bzhi mdor khru gang tsam bskos te sba zhing kha spub la gseg ma la sngags bzlas shing gang la 'debs pa de rengs par 'gyur ro/ /gang du lding ba der 'gro bar 'gyur ro/ /zhes bya ba ni tshub mas khyer ba'i shing lo la mchil ma dang khwa'i khrag gis bya rog gi sgro'i smyu gu byas la 'khrul 'khor bris te tshub ma chen po gyen du ldang ba la bskur na bskrad pa'i gnas der 'gro bar 'gyur ro/ /gu gul chen pos bdugs na zhes bya ba ni ra thug gi rwa dang rmig pa bzhi dang mi'i tshe la dad bshang ba cha mnyam la chang gis sbrus te a bdugs na sems can thams cad la
- 432a
mkha' 'gro ma 'bebs par 'gyur ro/ /lag pa g.yon pas chang bkab la g.yon pa'i srin khar bcug nas tshigs gsum gyi gnas su lces reg cing bzhi bas na dus su zin pa'i dug gso bar byed do/ /mkha' 'gro mas rgyas btab pa la zhes bya ba dur khrod kyi ras la shing a ti muk+ta'i smyu gus sngar bshad pa'i 'khrul 'khor bris te lte ba'i dbus su a gru gsum bris la zur gsum du a a hUM gsum dang dbus su rak+Sha zhes bya ba bzhi ming dang spel ba bris te bsgrub bya'i mgul tu btags la ba tshal du rkang pa brgyad pa bzlas shing gdon gyi gzugs brnyan byas pa'i snying gar gdon gyi ming bcug la chus yang dang yang du bsnun zhing slar gdon rengs par 'gyur ro/ /ka ra bI ra'i lcug ma zhes bya ba ni dur khrod kyi ras la bsgrub bya'i ming dang spel ba'i 'khrul 'khor bris la bud med kyi ro bsregs pa'i thal pa dang tsan dan dmar po'i rdul dang bsres pa'i bsgrub bya'i gzugs brnyan gyi snying gar bcug ste ka ra bI ra'i lcug ma khru do yod pa dur khrod kyi me la gdungs nas slar yang blangs te spyi bo la bsgor zhing snga ma'i gzugs brnyan gyi lte bar bsnun nam la gang du 'dod pa der 'pho bar 'gyur ro/ /de la 'phrul 'khor ni 'di yin te e gru gsum gyi dbus su zla ba'i dkyil 'khor bris la de'i steng du 'khor lo gsum bri lte bar sna tshogs rdo rje ro'i lte bar pad+ma 'dab ma brgyad pa de'i lte bar bcom ldan 'das kyi hUM baM dang yum gyi sa bon baM pad+ma 'dab ma brgyad la rkang pa brgyad pa'i sngags bris la 'khor lo gsum la rang gi lha'i snying po bris la rdo rje dang pad+ma dang 'khor los bskor ba dang sgo dang mtshams su mkha' 'gro ma'i snying po dang dur khrod brgyad kyi gnas su rkang pa brgyad pa'i sngags dang rdo rje ra ba dang me 'od kyi bar du ka ra bI ra'i sngags bri bar bya'o/ dbus su bsgrub bya'i ming zhi ba dang rgyas
- 432b
ba la sogs pa dang spel ba'i ming la las bcu gnyis byed par 'gyur ro/ /pad+ma 'dab ma brgyad pa re mig brgyad du byas shing rdo rje rol pa rta'i 'gros sam gshin rje dbyug pa 'chang ba 'am yi dags srin po'i gdong dam mo rigs ldan ma'i 'khor lo dgod bya'o zhes mkha' 'gro las gsungs so/ /de ltar las lnga bcu bshad nas phan yon ston pa'i dpal ldan khrag 'thung zhes bya ba la sogs pa gsungs te/ rkang pa brgyad pa'i sngags mi shes pa 'dod gu? 'dod pa rmongs pa 'bras 'dod pa phub ma brdungs pa dang mtshungs so gsang sngags 'di med par 'jig rten dang thun mong gi dngos grub gsum mi'i rnal 'byor pas thob par mi 'gyur ro/ /gsang sngags 'di mi shes na zhig nas dang lhag mthong gi rnal 'byor yang ral ba don med cing/ zhi gnas dang lhag mthong gi 'bras bu yang thob par mi 'gyur ro/ /ci'i phyir mi 'gyur snyam na sprul pa'i sku'i rkang pa brgyad pa yin gzhan gyi don yongs su rdzogs pa yin no zhes dgongs so/ /gsang sngags 'dod pa'i yon tan lnga la spyod cing bde bar gshegs pas rgyud sde bzhir gsungs pa'i gsang sngags kyi dngos grub rkang pa brgyad pa'i sngags dang phyag rgya'i dngos grub de lta bu'i 'bras bu ma grub na ji ltar bya zhe na bza' btung ba la sogs pa zhes smos te tshogs kyi 'khor los bskyar ba'i cho ga byas nas bsgrub na zas kyi mchog bcud kyis len dang bcud la sogs pa dngos grub thams cad ster bar 'gyur te/ le'u dgu pa'i rnam par bshad pa'o// //rtsa ba'i sngags kyi dngos grub dang las bshad nas snying po'i dngos grub dang las bshad pa ni de nas he ru ka gnyis med ces bya ba smos te/ /he ru ka ni rnam pa gsum ste sems kyi 'khor lo dang/ lus kyi 'khor lo dang/ sprul pa'i 'khor lo'o/ /de dang gnyis su med pa'i sbyor ba gang gi shes pa tsam gyis sku gsum gyi 'bras bu'i dngos
- 433a
dang na 'jig rten gyi dngos grub the tshom med pas na re shig dang por sku gsum bshad par bya'o/ /de ltar mdor bstan nas bya bar gang ba ni chos kyi sku yi du can du zhes bya ba gsungs te/ gang gi sems kyis 'khor lo bde mchog bsgoms pa'i sgrub pa po dngos grub brgyad thob par gyur pa na/ ye shes kyi sku grub pa yin no/ /gang gi tshe longs spyod rdzogs pa'i sku lus kyi dkyil 'khor sgrub pa pos bsgoms na grub par 'gyur ba de'i tshe rgyu'i he ru ka longs spyod rdzogs pa'i sku thob bo/ /gang gi tshe sprul pa'i 'khor lo bde mchog sprul pa'i sku'i rang bzhin du sgrub pa pos bsgoms nas sprul pa'i sku thob par 'gyur ba yin no/ /yang na rdzogs pa'i rim pa'i dbang du byas nas dbang bzhi pa thob nas rim kyis stong pa nyid rtogs pas chos thams cad kyi stong pa nyid rtogs te bde ba chen po'i rgyas btab nas bsam gyis mi khyab par bsgoms pa de'i tshe chos kyi sku thob par 'gyur ro/ /shes rab ye shes kyi dbang bskur ba thob nas las kyi phyag rgya la bde stong reg bya'i stong pa rtogs nas bzung ba rang bzhin med par shes par 'od gsal ba'i stong pa nyid bsgoms na de'i tshe longs spyod rdzogs pa'i skur 'gyur ro/ /gsang ba'i dbang thob nas ro rdo rje ma la sgyu ma la sgyu ma lta bur rtogs pas chos kyi phyag rgya la rten nas sgyu ma lta bu'i rang bzhin bdag byin gyis rlob pa'i lam bsgoms nas sprul pa'i sku'i rang bzhin thob par 'gyur ro zhes slob dpon klu sgrub kyis bshad do/ /yang na rtse'i 'khor lo bsgoms pas sprul pa'i sku dang/ rlung gi 'khor lo bsgom pa sa longs spyod rdzogs pa'i sku dang sems kyi 'khor lo bsgoms pas chos kyi sku thob po zhes kha sbyor las gsungs so/ /bdag nyid he ru kar 'grub gyur 'di la the tshom med ces bya ba ni rtsa gsum gyi he ru kar gyur pa la the
- 433b
tshom med pa'o/ /snying po'i dbus su ji ltar 'gyur zhe na/ bskyed rdzogs gnyis bsgom pa la snying po'i sngags bzlas pas sku gsum grub par 'gyur ro zhes bya ba'i tha tshig go /de ltar mchog gis dngos grub bshad nas 'jig rten gyi dngos grub gsungs pa ni gsang sngags kyi snying po 'di 'bras bu bshad nas sgrub po nyon zhes bya ba ni dngos grub dang las kyi tshogs nyon cig pa'o/ /snying po bzlas pas dpag tshad bye bar 'phags par 'gyur zhing 'gro ba dang 'ong bar 'gyur ro zhes bya ba 'di'i don no/ /rdo rje mkha' 'gro las yungs kar la bgegs bskrad pa'i ro'i khrag dang zhag gis bskur ba la nyi shu bzhi'i zhag skar ma rgyal dang gza' nyi ma 'dzom pa'i dus su dur khrod kyi sa la khrag dang zhag gis spras te mi'i thod bar yungs kar bskyed la smin pa'i tshes la ma ltung bar dmangs rigs kyi bu mo'i lag par bzhag nas de'i mar khu btsir la mi'i thod par spas la bsrung bar bya'o/ /de nas 'gags pa'i ro btsal la dkyil 'khor steng du ro bzhag nas de'i snying gar dur khrod brgyad kyi mkha' 'gro bcug nas sha dang khrag dang ldan pa'i gtong ma byin la skye gnas kyi phyag rgya bcings te dur khrod brgyad kyi bgegs spyan drang bar bya'o/ /de'i tshe ro'i lus las sna tshogs kyi bgegs 'byung ba dang/ he ru ka phyag 'bum pa bsgoms la bdud rtsi lnga chang dang ldan pa de'i lce la bzhag nas/ rdo rje 'di ni rdo rje che/ sangs rgyas kun gyis byin gyis brlabs/ /dam tshig 'di las 'das na mi rigs rnams myur du thal bar rlog /oM ha na ha na sa ma ya hUM phaT ces bya ba dang bcas pas ro'i khar blugs la sngar bshad pa'i mar khus rang gi lus po la byugs ro'i steng du zhon nas mkha' spyod kyi gnas su khyer cig ces byas na 'gro ba dang 'ong ba thams cad kyi bka' bzhin byed par ???
- 434a
ni yungs kar gyi sa bon la byi tang ka'i khu ba dang khrag gis byugs la nya phyis kyi snod du dur khrod kyi sas bkang la/ bsrung ba byas te btsugs nas yongs su smin pa'i dus su 'bras bu mi gzhon nu ma'i lag par sa la ma lhung bar bzhag la snying po'i sngags bzlas shing khar bcug na bya'i gzugs 'dzin par 'gyur ro/ /de bzhin du khA dang ce spyang dang rma bya dang dad pa dang khyim bya dang rta dang ba lang dang bong bu dang khyi dang phag dang/ lug la sogs pa'i thod par sa bon bskyed nas bsrung ba byas te sa la ma lhung bar dmangs rigs kyi bu mo'i lag par bzhag nas snying po bzlas shing bdag nyid kyi khar bcug na de dang de'i gzugs su 'gyur ro/ /kha nas bton na snga ma bzhin du 'gyur ro/ /khang bzang dang shing dang khyim rnams la 'jigs te zhes bya ba ni zla ba yar gyi ngo'i tshes dgu la skar ma rgyal dang gza' nyi ma 'dzom pa'i zhag byol ba 'am/ /ma du lung ga gang yang rung ba'i sa bon blangs la mi'i thod par dur khrod kyi sas bkang la bskyed de/ /rkang pa thal bas byugs te bskyed la snod? bcud can gyis rkang pa brgyad pa bzlas pa'i chus bcu zhing gshin rje gshed dang/ bgegs mthar byed kyi gtor ma byin spyan gyi sngags kyis gtsugs la/ mA ma kI'i sngags kyis chu blugs/ sgrol mas bu ram gsal la/ gos dkar mo'i sngags kyis bsrungs ba'i 'bras bu de smin pa'i tshe sa bon blangs la lcags gsum gyis dkris te ri lu byas nas khar bcug na rnal 'byor ma dang lhan cig dpag tshad bye bar 'gro ba dang nam mkha' la 'gro zhing 'ong ba dang kha nas bton nas snang bar 'gyur zhing ma bton na mi snang bar 'gyur ro/ /byis pa dang rgan po dang dar la bab pa'i thod par bkyed na da'i gzugs 'dzin par 'gyur ro zhes gsungs so/ /'dod na byis pa
- 434b
dang rgan dang dar la bab pa zhes bya ba ni tshogs kyi 'khor lo ston pa yin te sa spyod gsung ga dngos grub sgrub pa'i tshe gsung gi 'khor lo'i lha dgu byas pa 'am rgan po 'am dar la bab pa'i gzugs su bsgom ste tshogs kyi 'khor lor byas na de'i gzugs 'dzin par 'gyur ro/ /'dod na glang po che dang zhes bya bas 'og tu mkha' spyod sku'i 'khor lo sgrub par 'dod pa de'i tshe sku'i 'khor lo'i lha dgu glang po che la sogs pa'i gzugs su bsgoms te tshod kyi 'khor lo de'i gzugs 'dzin par 'gyur ro// 'dod na rma bya dang zhes bya bas mkha' spyod thugs kyi dngos grub gis mtshe rma bya dang khyim bya dang/ la sogs pa gzugs su bsgoms na de'i gzugs 'dzin par 'gyur ro/ /gang 'dod pa'i gzugs su byed do zhes bya ba ni sangs rgyas dang byang chub sems dpa' la sogs pa'i gzugs su sgom na de'i gzugs su 'gyur ro/ /tshig 'phrog pa dang zhes bya ba ni mi rus las byas pa'i sor brgyad pa'i phur bu la oM badzra kI li kI la ya sarba band+ha band+ha hUM phaT ces bya ba'i sngags 'bum bzlas te tsan dan dmar po'i rgyu la byas pa'i bsgrub bya'i gzugs brnyan gyi snying gar dur khrod kyi ras la rgya skyegs kyi khu pas 'khrul 'khor bri bar bya ste/ 'khrul 'khor ni sgo khyud dang ldan pa'i dbus su 'dab ma brgyad dang bcu drug rim pa gnyis mu bkod la lte bar bsgrub bya'i ming dar spel ba'i yab yum gyi snying po haM hi dgod par bya'o/ /nang ma'i 'dab ma brgyad la/ oM he he ru bzhi dang bum pa bzhi dgod par bya'o/ /phyi rol gyi bcu sgrug la ru ki badzra DA ki nI dzA la saM ba ra huM hUM phaT swA hA zhes bya ba bkod la/ /bsgrub bya'i snying gar bcug nas skye gnas kyi phyag rgya bcings la dgug pa la sogs pa byas na sngar bshad pa'i phur bu lkog mar btab na tshig 'phrog pa dang/ mig tu btang
- 435a
na mthong ba 'phrog pa dang/ rnam par btab na thos pa 'phrog pa dang/ sna la pha ta ba na dri 'phrog dang/ lce la btab na ro 'phrog par byed do/ /gang 'dod pa der khrag 'dren pa zhes bya ba ni tsan dan dmar po'i rgyu la byas pa'i lte bar 'khrul 'khor bcug la bud med yin na sta ga nas skud pa 'dod pa'o/ /skyes pa yin na sna bug nas skud pa bton nas skud pa 'tshon zhing thabs dang shes rab gnyis su med par bsgoms te snying po'i sngags kyis bzlas pa bya'o/ /de nas tsha bo gsum dang sbra tshil gyis byugs la seng ldeng gi me mdag la bdug la bdugs na nges par khrag 'dren par 'gyur ro/ /gnod par byed ces bya ba ni snga ma bzhin du snying po'i 'khrul 'khor bris la sgrub bya'i rkang rjes dang tsan dan dmar po'i rgyu la dur khrod kyi zas kyi lhag ma dang gcig tu byas pa'i ling ga'i snying gar 'khrul 'khor bcug la sbyin sreg byas na yang khrag 'dren par byed do/ /gnon par yang byed do/ /le'u bcu pa'i rnam par bshad pa'o// //de ltar snying po dang sngags kyi dngos grub dang las bshad nas/ /da ni dngos grub kyi yan lag gi rdzas bshad par bya ste/ de nas gzhan yang sgrub pa po/ gang zhig bsten pa can gyis ni/ zhes bya ba ni dngos grub grub pa'i kha zas bshad pa yin te/ gang zhig bsten pa tsam gyis dngos grub la 'jug cing dngos grub thob pa ni skye ba bdun pa'i 'gro ba sha la sogs pa yin pas de'i thabs bshad par bya'o/ /de ltar mdor bstan nas rgyas par bshad pa ni skyes bu gang zhig ces bya ba la sogs pa gsungs te/ rdul dri zhim po ni skye ba dang po'i rtags so/ bden par smra ba gnyis pa'i rtags so/ /mig mi 'dzum pa gsum pa'o/ /khro ba med pa bzhi pa'o/ /kha'i dbugs dri zhim pa ni lnga pa'o/ /nges brjod las gsungs pa'i
- 435b
grib ma bdun no/ /bdun pa dad pa'i 'gros can rnams te skye ba bdun pa'i rtags de rnams shes nas de ji srid 'tsho'i bar du bsnyen bkur gyis bsten pa dang/ 'chi ba'i dus kyi tshe khyed kyi dngos grub bdag la gsol cig ces gsal ba gang bar bya'o/ /de la kha na ma thob med par nye pa dang/ de'i snying ga na 'gi bang yod pa blangs la dpal he ru ka'i snying po 'am nye ba'i snying po la sogs pa gang yang rung bar rgya bzlas nas dpral bar thig le byas na nam mkha' la ldang bar 'gyur zhing dpag tshad bye bar 'gro bar 'gyur ro/ /snying gar thig le byas na gzhan gyi sems shes pa dang/ mig tu thig le byas na lha'i mig thob pa dang/ rna bar thig le byas na lha'i rna ba 'byung ba dang/ rkang par thig le byas na rkang mgyogs kyi dngos grub 'byung ba la sogs pa na rgyud bla ma las blta bar bya'o/ /de ltar ston pa tsam gyis zhes bya ba ni 'jig rten gsum gyi ye shes dang ldan pa'i sangs rgyas su 'gyur ro/ /dpag tshad ces bya ba ni skye ba bdun pa'i sha zos na dpag tshad lnga bcur 'gro ba dang 'ong bar nus par 'gyur ro/ /de ni 'jig rten gyi dngos grub bo/ /de'i snying zos na bsam gtan dang gzugs med kyi lus thob par 'gyur ro/ /thun mong dngos grub bo/ /dpal he ru ka'i snying po dang nye ba'i snying po gang gis shes pa'i phyis 'chad par 'gyur ba las bcu gnyis po gang dang gang 'dod pa de thams cad sa thob par 'gyur ro/ /spyod par bya ba dang gnyi ga rang rnal 'byor gyi rgyud la ni smyung bar gnas pas dngos grub thob pa yin la/ /'dir ni sman bcud kyis len nam bdud rtsi lnga 'am skye ba bdun pa'i sha zos nas dngos grub bsgrub par bya'o/ /ci skye ba bdun pa'i sha 'ba' zhig zos par thob bam zhe na/ skye ba bdun pa'i sha dang thod pa srubs med dang/ yid bzhin nor bu bsam 'phel dang/ sman bcud kyi len dang/ las kyi phyag rgya dung can ma dang/ pad+ma can dang/ ri
- 436a
dags kyis kyang bsam gtan gyi dngos grub thob par 'gyur ro/ /le'u bcu gcig pa'i rnam par bshad pa'o// /de ltar dngos grub kyi rdzas bshad na/ da ni nye ba'i snying po bshad par bya ste/ de nas nye ba'i snying po ni zhes bya ba la sogs pa gsungs pa la/ nye ba'i snying po ni chos kyi sku dang nye ba'i snying po'o/ /dngos grub gsum nges par thob pa'o/ /'jig rten gsum na gang zag ces bya ba ni khams gsum gyi yon tan thams cad do/ /de kun skad cig gis sgrub bshad ces bya ba ni man+t+ra dang tan+ta dang yan+t+ra gsum dang ldan pas dngos po yin no/ /oM h+rI:ha ha huM hUM phaT ces bya ba ni bzlas pa dang/ 'khrul 'khor ston pa yin te/ bzlas pa zhal bzhi phyag bcu gnyis pa bsgoms nas bzlas pa bya'o/ /yi ge bdun pa rang gi lha bsgoms nas zlo ba'o/ /'khrul 'khor ni dur khrod kyi ras la zla ba'i dkyil 'khor gyi steng du pad+ma 'dab ma drug pa bris la dbus su hUM lhag ma 'dab ma drug la bkod de mdza' nas rdo rje phreng bas bskor/ dur khrod kyi sen rtsi dang 'gi wang dang rang gi khu ba dang bcas pa bri bar bya'o/ /bris nas gsang sngags bcu bzlas pas 'jig rten gsum gyi sa g.yo bar byed pa'i rtags 'byung bar 'gyur ro/ /de ltar mtshan ma byung nas las la sbyar ba'i tshe tsan dan dmar po'i rdul dang ske che dang chu bo phar 'gri tshur 'gram gyis blangs la lha la sogs pa'i gzugs brnyan byas te/ de'i snying gar 'khrul 'khor bcug la sngags bzlas na lha nas brtsams nas mi 'am ci'i bar du thams cad 'gugs par byed do/ /rgya mtsho dang chu bo dang rdzing la sogs pa skems shing zhes bya ba ni sngar bshad pa bzhin du klu brgyad kyi dbus su mkha' lding gi gdong can gyi he ru ka bsgoms nas ba spu'i bu ga thams cad du yi ge bdun pa'i 'khrul 'khor rtsigs drug la
- 436b
bkod la/ bskal pa'i me 'bar ba lta bu'i 'od zer gyi phung po dang ldan pa bskoms nas rgya mtsho dang chu bor zhug nas skems par bsgom par bya'o/ /gang du bzlas pa'i gnas der zhes bya ba ni gnas gang du yi ge bdun pa'i 'khrul 'khor bsgom pa der mkha' 'gro ma'i gzugs byas la mkha' 'gro ma dgug pa la sogs pa byas nas de'i mig dang lag pa g.yon pa'i srin lag btsugs nas 'gugs par gang 'pho ba dang/ 'gul bar 'gyur ba dang/ bka' bsgo na bsgrub pa po ni mngag gzhug byed par 'gyur ro/ /'di chu la yongs su bzlas te zhes bya ba ni bum pa'i dbus su yi ge bdun pa'i 'khrul 'khor bkang la sngags bzlas la mchod pa byas nas chur zhu bar 'gyur ba las rang gi mig bkrus na skye ba bdun shes bar 'gyur ro/ /tshe zad cing nges pa ni dus ji tsam na 'tsho ba dang/ srog dang bcas pa 'tsho bar 'gyur ro/ /lag pa g.yon pa'i srin lag la yi ge bdun pa'i 'khrul 'khor bkod nas any+dza na'i phye ma dang/ dur khrod kyi ras kyi sdang bu zad pa'i bdud rtsi lnga dang bsres pa'i yig la mngon par bsngags te gang la bltas pa de mthong bar 'gyur ro/ /mi'i ro zhes bya ba ni mi'i ro'i rkang mthil gyi pags pa dang/ mi'i khrag dang mnyam du btags la 'ug pa'i sgro rkang gi nang du lig bu mig dang ldong ros dang 'gi wang dang gur gum dang rang gi khrag dang bsres te ri lu byas la gser dang dngul dang zangs ma gsum gyis dkris te yang lhag par gnas par byas la zhes bya ba ni oM A:hUM gsum gyis byin gyis brlabs shing yi ge bdun pa stong rtsa brgyad bzlas la skar ma rgyal dang gza' bu'i dus su dur khrod kyi gnas su dpal he ru ka'i gzugs brnyan bris la/ /de'i gnas su gu gul gyi dud pas bdug mchod pa phul nas dang dpal he ru kar bsgoms pa'i gnas su bcug la lag pa
- 437a
g.yon pas kha bkab la rjes thogs la yang yi ge bdun pa rgya rtsa brgyad bzlas nas spyod pa rnams mi snang bar 'gyur zhing/ sa spyod pa rnams la grib ma yang mi snang bar 'gyur zhing/ mkha' 'gro lha rnams kyis kyang mthong bar mi 'gyur ro/ /kha nas bton na snang ba 'gyur ro// le'u 'di ni rgyud 'dir yum phag mo ma zhu bar dpa' bo nyid kyi thugs rje dbang gis gsungs pa yin no/ /'gro ba'i thod pa sha med par byas la dgra bo'i gzugs brnyan bris te de'i snying gar yi ge bdun pa'i 'khrul 'khor bkod pa snying po dang nye ba'i snying pos zlas te rang gi srin lag dang mnyes na de'i khrag 'dren par 'gyur ro/ /'gi wang la bzlas te zhes bya ba ni 'gi wang la yi ge bdun pa bzlas nas dpral bar thig le byas te mig gnyis la yi ge bdun pa'i 'khrul 'khor bkod la gang la blta ba de rgyus btab ste 'gugs par 'gyur ro/ /mdzub mo la zhes bya ba ni lag pa g.yon par nyi ma'i dkyil 'khor bkod la/ /de'i dbus su yi ge bdun pa'i 'khrul 'khor bsams te/ lag pa'i ser mo rnams 'od zer du byas la gang la sdigs mdzub byas na de'i mod la ltung bar 'gyur ro/ /sngags bzlas na zhes bya ba ni nyi ma phyed na sems khro ba dang bcas pas dur khrod kyi ras sam shing arka'i 'dang ma la mi rus kyi smyu gus dug dang khrag dang dur khrod kyi sol ba la sogs pas 'khrul 'khor bris la/ dur khrod kyi thal ba las byas pa'i gzugs brnyan gyi snying gar ske tshe byugs la yang dang yang du gso ba byas na lus tsha bas btab ste sa la brgyal bar 'gyur ro/ /de dur khrod kyi thab kyi 'og tu sbas nas mi rus kyi phur bus snying gar btab nas snying gar chu tshan blugs shing yungs kar dang rke tshe la sngags bzlas shing bsnun na de'i mod la 'chi bar 'gyur ro/ /chu la bzlas te btab na slar 'tsho bar 'gyur ro/ /sngags bzlas nas zhes bya ba ni dur khrod kyi ras la yung ba dang ldong ngos
- 437b
kyi 'khrul 'khor bris la tsan dan dmar po'i rdul dang ske che dang lan tsha dang bsgrub bya'i rkang rjes kyis dang lcags phye dang bsres nas dgra bo'i gzugs brnyan byas la lam gyi bzhi mdor sbas na dgra bo stong yang gnon par 'gyur ro/ /tshig gis 'grol bar 'gyur ro/ zhes bya ba ni bton la 'o mas bkrus na dgrol bar 'gyur ro/ /sme sha can gyi thal ba la/ /zhes pa ni sme sha can gyi ro bsregs pa'i thal ba la bsgrub par bya ba'i gzugs brnyan byas la/ gang gi ming dang bcas pa'i 'khrul 'khor snying gar bcug nas sems can de pa lnga khyi la sogs par bsgyur cig ces bya ba nas thal ba la byugs na de dang de la gzugs 'dzin par 'gyur ro/ /sbyin sreg gi me'i thal bas zhes pa ni shing arka bsregs pa'i thal ba la byas pa'i gzugs brnyan gyi snying gar 'khrul 'khor bcug nas bzlas brjod byas na lha nyid kyis kyang mi mthong ngo/ /chu la lan bdun bzlas te gtor na snang bar 'gyur ro/ /thod pa'i phyag rgya kha sbyar zhes bya ba khyi smyon pa'i thod pa kha sbyar ba'i nang du smyo? byed lnga dang ldan pa'i khu bas 'khrul 'khor bris la tshon sna lnga'i skud bas bcings la dur khrod kyi sar sbas na smyo par 'gyur ro/ /skye po stong la byas kyang smyo bar 'gyur ro/ /khang stong du gnas te me'i thod par bskyed pa'i yungs kar khar bcug cing gtsug khung la bcings te mdud nas sngags bzlas nam mkha' 'gro ma thams cad bcings par 'gyur ro/ /khang stong du song ste thod par bskyed pa'i yungs kar spyi bor bcings la mig tu bkod de yi ge bdun pa bzlas pa de'i srad bu mi snang bar 'gyur ro/ /thod pa dang bcas pa la zhes bya ba ni thod pa'i 'bras bu 'khrul 'khor bris la sngar bshad pa'i yungs kar steng dang 'og dang phyogs bcur gtor na lha dang dri za mkha' sbyod dang gnod sbyin dang srin po sa spyod dang klu dang lha ma yin sa 'og tu spyod pa rnams bcing bar
- 438a
'gyur ro/ /thod pa dang bcas pa la zhes bya ba ni thod pa'i nang du 'khrul 'khor bris la chu bo'i snar zug par bcug na bzlog par 'gyur zhing bton na 'bab par 'gyur ro/ /rba rlabs gnon zhes bya ba ni rgya mtsho gru la 'gro ba de'i tshe thod pa la 'khrul 'khor bris te kha sbyar na rba rlabs gnon par 'gyur ro/ /kha phyen ldog par 'gyur ro/ /steng du bltas te zhes bya ba ni nam mkha' la 'khrul 'khor bsams te sngags stong bzlas na char chen po gcod par 'gyur ro/ /gzhan gyi dpung mngon du phyogs pa na zhes bya ba ni lag pa g.yon pa'i mthil du ldong res sam yung bas 'khrul 'khor bris nye khu rkyar bcangs nas g.yul 'gyed pa'i phyogs su bstan na rengs par 'gyur ba dang/ g.yul du zhugs na tshon cha brgyas bsnun kyang gnod pa'i tshor ba mi 'byung ngo/ /mtshon gyis gcod par mi 'gyur ro/ /zhes bya ba ni rdo rje mkha' 'gro las lag pa 'phan pa'i mtshon cha'i 'khor lo dang/ mi 'phen par ral gri dang 'khrul 'khor gyis 'phen pa mnga' dang/ 'phangs nas gzhung la zhags pa dang/ stobs 'gyed pa rnams la sman legs mthong ce spyang gis bskus na 'khor los mi tshugs pa dang/ sman sa tas lus la bskus na mangs mi tshugs pa dang/ daN+Da utpa las lus la bskus na zhags pas mi zin pa dang/ gzhan gyis mi thub pa dkar pos lus la bskus na lag stobs kyis mi thub pa dang/ smyo byed kyis lus la bskus na ral gri la sogs pas mi tshugs par 'gyur ro/ /sman de'i khyad par ji lta bu zhe na/ bram ze'i thod par ro bsregs pa'i sas bkang pa la sman de rnams kyis sa bon bdud rtsi lnga dang/ sme sha can gyi bu mo'i khrag gis gdugs na nyi shu brgyad dang/ nyi shu dgu'i dus su sa bon btab na mA ma kI'i sngags kyis chu blugs la/ sgrol ma'i sngags kyis gtor
- 438b
ma la sogs pa byin la skar ma rgyal dang gza' nyi ma la mig gi 'bras bu sa lam lhung bar blangs te/ sman gyi thum bu de mgul du btags pa 'am mgo la bcings pa 'am lto sman gyi khu bas lus la bskus na mtshon gyis tshugs par mi 'gyur ro/ /bin d+ha rA ga zhes bya ba'i sman dang/ /a ko ka zhes bya ba'i sman dang/ pe ta ro zhes bya ba'i sman gsum gyis kyang mtshon chas mi tshugs par 'gyur ro/ /gzhan yang nag po chen po zhes bya ba'i sman dang khyu mchog gi rwa la chags pa zhes bya ba dang bsres nas lus la bskus kyang mtshon gyis chod par mi 'gyur ro/ /rdo rje'i lus can du 'gyur ro zhes bya ba ni nags kyi ras bal bu mo gzhon nu mas skud pa bsgril yi ge bdun pa bzlas pa'i mdud pa bdun por te/ /lus sam mgul du btags na mtshon chas mi chod par rdo rje'i lus su 'gyur ro/ /le'u bcu gnyis pa'i rnam par bshad pa'o// //de ltar nye ba'i snying po dngos grub dang las bshad nas/ /da ni go cha'i las bshad par bya ba ni/ de nas do cha'i las rnams ni zhes bya ba la sogs pa gsungs te/ go cha'i las ni bdag dang gzhan bsrung ba'o/ /de yang go cha'i lhar sgom pa'am lha gang yang rung ba la go chas bsrung ba'i ting nge 'dzin nam 'khrul 'khor ram sman gyi rgyud do/ /de la 'khrul 'khor ni zla pa 'am nyi ma gang yang rung ba'i dbus su pad+ma 'am 'khor lo rtsibs drug pa gur kum dang sen rtsi dang khrag dang 'gi wang gi gro ga la bris te skar ma rgyal dang gza' nyi ma'i dus su sku bris nas 'bar ba 'am sngar bstan ba rnams kyis lus la bsku ba'o/ /'jig rten gsum na gang yod pa/ zhes bya ba ni sa 'og dang sa bla dang sa steng na yod pa'i yon tan ni yid la 'dod pa kun byed pa zhes bya ba'i phyis 'chad par gyur pa'i las bcu gnyis so/ /go rim bzhin du bshad par bya ba ni 'khrul 'khor dang dngos grub dang las rnams rgyu 'bras yin bas go rim bzhin
- 439a
du rtogs par bya'o zhes bya ba'i tha tshig go /de la go cha zlos bzhin du zhes bya ba ni sngar bshad pa'i 'khor lo rtsibs drug pa dpa' bo drug gi sa bon bkod la/ dbus su 'jam pa'i dbyangs kyi sa bon bkod nas 'khrul 'khor gyi mdza' ma la bdud nas lam du zhugs na seng ge dang glang po dang sbrul dang me dang rkun mdang chu bo dang rgyal po'i chad pa dang yi dags kyi 'jigs pa la sogs pa mi 'byung zhing mi snang bar 'gyur ro/ /go cha zlos bzhin du rgyal po'i pho brang du zhes pa ni snga ma'i 'khrul 'khor snying ga dang lag pa g.yon par bris la sdigs mdzub byas nas slas kyi nang du zhugs na gang 'dod pa der byung nas 'gro bar 'gyur ro/ /lha rnams kyis kyang mi mthong zhes pa ni n+ya gro d+ha'i 'bras bu go bos zos pa'i bya thal blangs la mi'i thod par ro bsregs pa'i sas bkang ste skar ma rgyal gyi zhag spyan gyis sngags bzlas shing sa bon btsugs la mA ma kI'i sngags bzlas shing bdud rtsi lngas bcus la 'dab ma gnyis tsam thod pa'i tshe gos dkar mo'i sngags kyis bsrung zhing sgrol ma'i sngags kyis blangs la lcags gsum gyis dkris nas mchod pa chen po byas te go cha'i sngags bzlas na khar bcug na lha rnams kyis kyang mi mthong bar 'gyur ro/ /go cha'i sngags zlos pa'i lag pas zhes pa ni dur khrod kyi ras la sman pa ri tsi ti ka'i khu bas blangs la ldong ros dang yung ba'i khu bas a sho ka'i smyu gus go cha'i 'khrul 'khor bris nas bsgrub bya'i rkang rjes kyi rdul dang dur khrod kyi thal bas gzugs brnyan byas la 'khor lo snying gar bcug la me tog ser pos gtor zhing lag pa g.yon pas mnan la brgya rtsa brgyad bzlas te gang zhig ming nas gzung ba de'i snying gar lag pa reg na gdung bzhin du rengs par 'gyur ro/ /zhing sum cu rtsa gsum pas kyang bskyod par mi nus so/ /sngags
- 439b
bzlas shing rkang pas bsnun na thar bar 'gyur ro/ /zhes bya ba ni 'o mas bskus shing rkang pa'i mthil du 'khrul 'khor gyi sngags bzlas te bkod na de reg nas thar bar 'gyur ro/ /rang gi khrag gis zhes bya ba ni rang srin lag gi khrag gis mi rus kyi smyu gu dang thod pa sha? med par btogs la gzugs brnyan bris pa'i snying gar 'khrul 'khor bkod nas khrag gis mnyes na khrag 'don par byed do/ /gang gi khyim du zhes bya ba ni dur khrod kyi gnas su dgra bo'i khang pa dang mthun par bris la dgra bo'i 'khor dang bcas pa thams cad kyi gzugs brnyan 'khor dang bcas pa'i khang pa'i nang du bris nas thams cad snying gar 'khrul 'khor bkod de rang nyid dang dpal he ru kar bsams la go cha'i sngags zlos shing stang stabs stong gis dgra bo'i gzugs brnyan thams cad mnyes na thams cad rims kyis btab par 'gyur ro/ /chu la lan bdun bzlas te/ zhes bya ba ni go cha'i sngags bzlas shing 'o mas dkrus na 'tsho bar 'gyur ro/ /gang gis gdong la bltas te zhes bya ba ni dgra bo'i rkang rjes la byas pa'i gzugs brnyan las byas pa'i khar dur khrod kyi ras la dug gis bris pa'i 'khrul 'khor bcug nas khro bo'i lta bas bltas shing de'i sngags bzlas na tshig 'phrog pa dang 'gugs par 'gyur ro/ /chu bo dang rdzing bur gnas te zhes bya ba ni chu lha'i gzugs brnyan byas la de'i snying gar 'khrul 'khor bcu gnas chu lha'i cod pan de bzhin gshegs pa lnga'i gzugs su bsams nas chu'i steng du chags na thad la ji lta bzhin du chu la yang 'gro bar 'gyur ro/ /chu la yang zhugs na chu bo g.yo ba med pa'i rgya mtsho bzhin du brtan par 'gyur ro/ /lag pa gnyis kyi mthil du zla ba'i dkyil 'khor gyi dbus su 'khrul 'khor bris la 'khrul 'khor gyi dbus su bud med cho ge mo wa shi ma ra ya swAhA zhes bya ba bris la lag pa gnyis nyid bzhin du lan stong bzlas na rnal 'byor ma rnams dbang du 'gyur ro/ /rnal 'byor ma sna tshogs zhes
- 440a
bya ba ni ye shes kyi lha mo sum cu rtsa bdun gang yang rung ba wa sha ma ra ya he zhes ming dang spel nas dbus su bris nas lag pa gnyis mnyes na thams cad de'i dbang du 'gyur ro/ /skar ma rgyal zhes bya ba ni rdo rje mkha' 'gro las sprul gyi rgyal po bsten nas sbrul dkar nag gi ri mo mtshon rnon pos so sor phye nas bcad la ras bal gyi sa bon las bskus te ras bal gyi zhing sar skar ma rgyal gyi nyin par spyan gyi sngags kyis btsugs pa dang/ de bzhin du nag po yang zla ba mar gyi ngo'i skar ma rgyal la spyan gyi sngags kyis ras bal gyi sa bon bskyed pa dang mA ma kI'i sngags bzlas pa'i dkar mo'i zhag dang sha'o/ /yar ngo bskyed pa bcu bzhi nag po'i sha dang khrag gis mar ngo la bskyed pa bcus bcal/ gos dkar mo'i sngags kyis bsrungs pa smin pa'i tshe 'bras bu gnyis blangs la dkar po bskyed pa ni rgyal rigs kyi bu mo dkar mo 'thag tu gzhug pa dang/ mar ngo la bskyed pa'i dmangs rigs kyi bu mo sngon mos 'thag tu gzhug pa dang/ ras yug grub pa'i tshe gu gul dang sbrul dkar nag gi sha'i dud pas bdug cing stong phrag bcu bzlas nas stong g.yogs dang smad g.yogs byas te/ de gyon pa'i lus dpag tshad stong du song na lam khar dgun ma la mi snang bar 'gyur pa dang/ rgya mtsho'i mthar thug par song na 'dzam bu'i gling pa rnams kyis mthong bar mi 'gyur ba dang/ /rig 'dzin gyi dngos grub thob nas ras de lus la gyon na 'og min gyi mthar thug par steng du 'gro bar 'gyur ro/ /de ltar 'jig rten gyi dngos grub bshad nas/ /dngos grub bstan pas ting nge 'dzin gang dang gang ldan pas 'grub par 'gyur zhe na/ dpa' bo gang dang gang lam gyur/ /de dang de yi ngo bor bya/ /mchog tu mnyam gzhag sbyor ba yis/ /thams cad sangs rgyas par bzhin 'gyur//
- 440b
zhes bya ba gsungs te/ dbang thob pa'i rnal 'byor gsum gyi dbang du byas nas ting nge 'dzin gsum du 'gyur te/ de la bskyed pa'i rim pa dbang thob nas dpa' bo drug sems dpa' drug tu bskyed na gang dang gang lam du gyur pa'i gzugs la sogs pa nas de dang de'i ngo bor te gzugs rdo rje ma la sogs pa lha mo rnams kyi ngo bor bya'o/ /mnyam par bzhag pa'i gnas skabs na yang gzugs rdo rje ma la sogs pa mchod par bsgom pa ni mchog tu mnyam par bzhag pa'i sbyor bas 'gyur te/ /dngos rjes ro nyams pa'i phyir thams cad sangs rgyas kyi rang bzhin du 'gyur ro/ /gsang ba'i dbang bskur ba thob pa'i dbang du byas nas mig gi dbang po la sogs pa gang dang gang shes ba rtog pa med par skyes pa de'i lam du gyur ba'i yul gzugs la sogs pa rnams dga' ba dang mchog dang lhan cig skyes dga' i ngo bo bde ba de'i ngo bor byas te/ mnyam par bzhag pa'i gnas skabs na yang gzugs la rang bzhin brgyad cu dang bral ba ni de bzhin du sgra dang dri dang ro dang reg bya rnams la yang dga' ba gsum gyi ngo bor mchog tu mnyam par bzhag pa'i sbyor ba yin ci'i phyir zhe na/ dngos rjes mnyam pa'i phyir ro/ /de na rnal 'byor pa thams cad sangs rgyas kyi rang bzhin du 'gyur ro/ /shes rab ye shes kyi dbang thob pas mig la sogs pa'i dbang po gang dang gang yin pa stong par shes nas lam du gyur pa'i yul rnams stong pa nyid de dang de'i ngo bo byas te/ thams cad der dga' ba'i rang bzhin bde ba chen po'i bdag nyid rgyas btab pa'i mnyam par bzhag pa'i tshe yang bde ba chen po'i rang bzhin du shes pa ni mchog tu mnyam par bzhag pa'i sbyor ba yin te/ dngos rjes bde ba chen por ro mnyam pa'i phyir ro/ /de nas dngos po thams cad sangs rgyas kyi rang bzhin du rtogs par 'gyur ro/ /de skad du yang bde bar gshegs pa rtag tu skye med chos/ chos rnams thams cad de bzhin gshegs dang 'dra zhes gsungs pa'i
- 441a
phyir ro/ /'gro ba 'di kun sangs rgyas lnga bdag nyid/ /gar mkhan bzang dang ri mo mkhan bzang ltar/ /gang du bde ba zhes bya gcig pu nyid/ /gcig pu'i nyams kyis du ma'i gar mdzad de zhes gsungs pa dang/ klung nyid dang ? 'gyur ba la/ /nya dag myur du 'phar ba ltar/ /de bzhin stong gsal rang rig las/ /sgyu 'phrul dra ba 'byung bar 'gyur zhes gsungs so/ /des na nam gyi tshe go cha'i las kyi cho ga rnams bya zhe na/ shing yod 'du'i khu bcud blangs la zhes bya ba gsungs te phyis 'chad par 'gyur ba'i las kyi phyag rgya dang snyoms par zhugs shing yongs su zhes bya ba rtsa a ba d+hU ti'i khu bcud kyis gyen du bzlog pa'i phyir yi ge hUM gis rlung gis gyen du bzlos pa'i bzlas brjod stong byas gang la byang chub sems kyi thig ler byas pa'i byang chub kyi sems mi ltung bar shing bzhin du gnas par 'gyur ro/ /de'i tshe bsam gtan dang po'i bde ba thob pa yin pas na las gang byas kyang grub par 'gyur/ /chu la bzlas te gtor na/ zhes bya ba ni dga' bral du gyur pa'i tha tshig go/ 'di dang glang po'i rkang rjes zhes bya ba ni las kyi phyag rgya'i rtsa a ba dU ti'i dga' bral du byang chub sems ni rdul te/ rlung gyen du bzlog pa'i phyir yi ge hUM gis rlung 'dren pa'i bzlas brjod stong byas la las kyi phyag rgya a ba d+hU tI'i nam mkha' i rtsa ba snun pa de glang po che ltar byang chub kyi sems dga' bral du mi 'gyur ro/ /dus de'i tshe las gang byas pa thams cad 'grub par 'gyur ro/ /le'u bcu gsum pa'i rnam par bshad pa'o// //de ltar bskyed pa'i rim pa le'u bcu gsum pa'i rnam par bshad pa/ bskyed pa'i rim pa dang/ rdzogs pa'i rim pa sgrub pa'i yan lag mtshan ma 'byin pa'i dngos grub len pa dang nyams pa gso ba dang/ gsum gyi don phyir tshogs kyi 'khor lo bshad par byas te de nas rnal 'byor
- 441b
bong bu'i bdag ces bya ba gsungs te/ dri'i thig le dang me tog bkod pa dang yig 'bru dang phyag mtshan dgod pa'i phyag rgya dang spu? phyag rgya chen po dgod pa'i dkyil 'khor la ma gtogs pa'i mi'i rnal 'byor pa dang/ rnal 'byor ma lta'i rgyan dang kha dog dang cha byad du byas nas sgrub pa ni tshogs kyi 'khor lo zhes bya'o/ /de skad du yang mnyam sbyor las zhes gsungs so/ /de yang ji ltar bya zhe na/ bong bu'i rnal 'byor bdag/ ces bya ba ni sa 'og tu spyod pa 'dul ba'i phyir bong bu'i he ru ka dud 'gro'i gzugs kyis rnam par snang mdzad sprul pa'i sku gzugs brnyan gyi 'khor lo'i cha byad du bya'o/ /gal te sa spyod 'dul na mi'i gzugs kyi cha byad can gyi sprul pa'i sku'i gzugs brnyan bya'o/ /mkha' spyod 'dul na mkha' lding gi gzugs can gyi sprul ba'i sku'i gzugs can gyi tshogs kyi 'khor lo bya'o zhes kun spyod las gsungs pa'i phyir 'di la the tshom mi bya'o/ /yid kyi gzugs pa 'jug pa'i phyir zhes bya ba ni rnal 'byor pa'i yid kyis shugs kyi sprul pa'i sku'i cha byad la 'jug par bya ba'i phyir ro/ /dus nam gyi tshe gang gis sgrub pa po 'grub pa'i zhes bya ba smos te/ sgrub pa po bong bu'i he ru ka la sogs pa mthong pa'i tshe dang don phun sum tshogs pa dang gzhan don phun sum tshogs pa'i 'phrin las grub par 'gyur ro/ /sgrub pa de ni bshad par bya zhes bya ba ni zhi gnas mngon sum du bskyed pa'i thabs kyi 'khor lo ni sgrub pa'i thabs bshad par bya'o/ /de ltar mdor bstan nas rgyas par bshad pa ni/ rnal 'byor ma ni lnga ma'i gzugs/ /de bzhin du ni mkha' 'gro ma/ kha Na Da ro ha'i gzugs can zhes bya ba ni mkha' 'gro ma ni bong bu'i gdong can dang lnga ma ni seng+ge'i gdong can dang/ khaN Ta ro ha ni glang po'i gdong can dang/ gzugs can ma ni mkha' lding gdong can no/ /thod pa dang mdung rtse gsum pa dang kha TwAM ga bsnams pa phyag bzhi pa ro'i gdan la
- 442a
bzhugs pa sgo bzhi dang mtshan mo dang rgyan dang gos dang cha byad ji lta ba bzhin du bya'o/ /thugs kyi 'khor lo ji ltar bya zhe na/ dpa' bo dang dpa' mo thams cad rdo rje dang dril bu bsnams pa mkha' lding gi gdong can no/ /gsung gi 'khor lo thams cad pad+ma dang dril bu bsnams pa rma bya'i gdong can no/ /sku'i 'khor lo thams cad 'khor lo dang dril bu bsnams pa seng ge'i gdong can no/ /gshin rje bstan ma la sogs pa bzhi ni ma he'i gdong dang sha ba dang stag dang gzig gi gdong can no/ /sgo ma khwa gdong la sogs pa nyid yin no/ /sku mdog ni phrin las bcu gnyis kyi dbang gis gdong bcu gnyis su 'gyur ba'am/ /yang nam mkha' spyod sgrub pa'i tshe thams cad nag pos spyod kyi tshe thams cad dmar po sa spyod sgrub pa'i tshe thams cad dkar por bya'o/ /mkha' 'gro ma brgyad gri gug dang ka pA la de bcang te'u dang kha TwA gi bsnams pa'i phyag bzhi ma'i gtso bo he ru ka ji lta zhe na/ dpa' bo rnams khrag gi mkha' 'gro rtse gsum lag na thogs zhes bya ba smos te/ rdo rje dang dril bu dang rtse gsum dang kha TwAM ga bsnams pa phyag bzhi bsgom pa'am yang na zhal bzhi phyag bcu gnyis pa zhal gsum bong bu'i gdong par snang bar sgom bar bya'o/ /de yang cho ga gang gis bsgrub par bya zhe na/ de yang gos dang phyag rgya lnga la sogs/ /shes rab yan lag phur bu dra/ sgra sogs stong pa sngon 'gro ba/ /zhes bya ba la sogs pa de nyid bcu bzhi'i tshul gyis bsgom par bya'o/ /de ltar 'dod pa'i yon tan lnga sogs kyi 'khor lo'i rnal 'byor gyi bsam gtan gyi ting nge 'dzin thob nas 'bras bu mngon par shes pa skye bar 'gyur ba ni tshe zad pa dang tshe ring ba sgrub pa nyid la snang ba yin zhes bya ba smos te 'chi 'pho ba dang skye ba 'phos pas yin no/ /sngon gyi gnas rjes su dran pa 'di ni bong 'dra rnal 'byor pa 'di ni bong bu 'dra bar blta zhes bya ba ni nye bar mtshon pa yin te/ /'gro ba ris drug gi gnas gang dang gang nas 'chi bar gos?
- 442b
pa de dang de'i gzugs su da ltar snang bar 'gyur ro/ /da ltar gyi rtags 'di las skye ba snga ma dpag pa yin na skye ba snga ma glang po che las 'phos kyang glang po che'i gzugs su mthong ba yin no/ /gang dang gang gis skye ba ni zhes bya ba la sogs pa ni 'gro ba ris drug gi gzugs su snang ba 'gro ba ris drug gis dpog pa'o/ /'di ni grub pa'i skyes bur 'gyur/ /zhes bya ba ni mngon par shes pa dang ldan pa ste lha'i mig dang rna ba dang gzhan gyi sems shes pa dang zag bzang pa'i mngon par shes pa dang ldan pa'o skye ba bdun gyi rim pa yis zhes bya ni bskyar ba'i cho ga dang skye ba bdun pa'i sha kha na ma thob med pa de yis gtor ma dang tshogs kyi 'khor lo bya'o/ /de ma byas pa cir 'gyur zhe na/ sgrub pa po ni 'grub par 'gyur zhes bya ba gsungs te/ 'jig rten dang 'jig rten las 'das pa'i dngos grub kyang bskyed pa'i de bzhin dpag tshad stong phrag ni zhes bya ba ni rdzu 'phrul gyi yul shes pa'i mngon par shes pas dpag tshad stong gi steng du skad cig la myur bar 'gro bar 'gyur ro/ /rnal 'byor sngags mchog dam pa ste zhes bya ba ni rdzogs pa'i bong bu'i he ru ka ston pa yin te/ de skad du yang gdan bzhi las/ g.yas dang g.yon gyi ngos gnyis ni/ /nyi ma zla ba rab tu bshad/ /chu shing me tog lta bu ni/ /lte ba'i dbus nas grol bar gnas// ba lang rmig rjes pad+ma ni/ /bong bu'i rnam par shes par bya zhes gsungs pas/ g.yas par sa nA dang g.yon par la la nA ni rtsa srub thag yin zhing dbus ma a ba d+hA tI bsrub shing yin te/ lte ba khrag gi thig le gtsubs gtan yin pas mi rigs? pa nam mkha' i rlung g.yas g.yon gyi rlung gis bslubs na rlung me'i drod tsam du gyur pa yin no/ /des na g.yas g.yon gyi rlung ma sngags mchog dam pa ste zhes bya ba/ mkha' 'gro ma ni spyir sgrub byed ces bya ba ni mgo bo nam mkha' i dkyil 'khor
- 443a
du 'gro bas lte ba'i gtum mo dod la mkha' 'gro ma zhes bya'o/ /sbyor sgrub byed ces bya ba ni g.yas g.yon gyi rlung bsrubs pa'o/ /rnal 'byor mtshan ma gang zlos na zhes bya ba ni sa chu la thim pas du ba lta bu dang/ chu me la thim pas smig sgyu lta bu dang/ me rlung la thim pas srin bu me khyer lta bu dang/ rlung rnam par shes pa la thim pas sgron me lta bu'o/ /rnam par shes pa nam mkha' la thim pas nam mkha' lta bu'i rtags mthong nas gang zlos pa zhes pa ni srog a ba d+hU tIr chud pa'o/ /zla ba gcig gis ni grub par 'gyur zhes bya ba ni gtum mo bsrubs shing 'khor lo bsrubs pa'i thabs kyis so/ /gsang ba'i rgyud ni 'di'o/ /snying po shin tu dga' ba yin/ zhes bya ba ni g.yas g.yon gyi rtsa'i sna ba lang gi rmig rjes lta bu'i rtsi'i nang nas srog dang rtsol ba gnyis a pa d+hU tIr chud pa ni gsang ba rgyud ces bya'o/ /de las byang chub kyi sems phab pas dga' bo dang mchog dga' dang lhan cig skyes dga' i rtog pa med pa skyes pa ni shin du dge ba'o/ /gang zhig de nas shes pa ni zhes bya ba la sogs pa rtsa gsum gyi rlung a ba d+hU tIr bcug pas rnam par rtog pa'i rkyen ma tshang bas rlung a ba d+hU tIr chud pa'i tshe rtog med skyes pa de'i tshe sgrib pa rnam par spangs nas 'das pa dang ma 'ongs pa la sogs pa dus gsum du shes par 'gyur ro/ /de yang gdan bzhi las mi g.yo rnam par mi 'khor ba/ /rnam par mi 'byung gang yang med/ /slob pa lnga ni rnam spangs pa rang nyid he ru kar gsal 'gyur zhes gsungs so/ /de 'dir rnal 'byor pa nyid du/ med ces bya ba ni lte bar sbrul pa'i 'khor lo'i dbus su rgod ma'i kha zhes bya ba ba lang gi rmig rjes lta bu'i rlung bcug na byang chub kyi sems bde ba rtog med skye ba la the tshom med do/ /'di nyid ni mkha' 'gro dra ba'i bde mchog yin zhes bya ba ni dngos grub sgrub pa'i tshogs kyi 'khor
- 443b
lo bde mchog yin no/ /le'u bcu bzhi pa'i rnam par bshad pa'o// //de ltar tshogs kyi 'khor lo bshad nas/ da ni sgrub pa'i yan lag las kyi phyag rgya ston pa ni/ de nas sdom pa thams cad la/ zhes bya ba la sogs pa smos te sku gsung thugs kyi 'khor thams cad sgrub pa'i yan lag ye shes las skyes pa dang/ gnas las skyes pa dang/ sngags las skyes pa gsum gyis sgrub par bya ba yin te/ pho nyas lhan cig skyes dngos grub/ /mchog dang 'bring dang tha ma ste/ zhes bya ba gsungs so/ /de yang 'dzam+bu'i gling gnas nyi shu rtsa bzhi nas sprul pa'i sku rgyun mi chad par zhugs pa rnal 'byor pa gdul bya dus la bab par gzigs na ye shes las skyes pa'i sangs rgyas dang byang chub sems dpa' bud med kyi gzugs su byon nas zhi gnas dang lhag mthong dga' ba bzhi'i ting nge 'dzin ston par mdzad pa 'am/ yang na gnas nyi shu rtsa bzhir skyes pa dbang po tshang ba la sogs pa bdag gi 'byor pa dang ldan pas bde ba'i ting nge 'dzin sgrub par 'gyur ba 'am/ dbang bskur ba thob pa sngags kyi rnal 'byor mas lus kyi 'khrul 'khor gyi a d+hU tIr sad nas bsam gtan dang gzugs med kyi bde ba skyes par gyur pas na dang po kha dog dang dbyibs dang spyod lam gyi mtshan nyid shes nas yan lag dang nying lag gi brda dang/ yi ge dang tshig gi brda dang mig dang mchu'i brdas sgrub pa'i yan lag gi byang chub sems dpa' de shes par bya'o/ /de yang du ba las ni mer shes shing/ chu bskyur las ni chu yin te/ /byang chub sems dang blo ldan gyis/ /rigs ni mtshan ma rnams las shes/ /zhes gsungs so/ /rgyu mtshan de bas/ gang zhig brdar ni shes 'gyur te/ rda drug shes pas de nyid kyis/ /de grub pa ni zhes bya ba ste brda dang spyod lam shes pa des thugs rje chen po dang ldan pa'i sprul sku'i rnal 'byor ma rnyed nas las
- 444a
kyi phyag rgya'i rgyu rkyen tshogs pa de las ting nge 'dzin sgrub par the tshom med par shes par bya'o/ /de ltar mdor bstan nas rgyas par bshad pa ni/ da zhes bya ba skyes bur bshad ces bya ba gsungs te/ le'u lnga bcu pa ni ngas byed kyi rda yin la bcu drug pa ni rab byed kyi lha mo'i mtshan nyid do/ /de las dang por dag byed kyi lha mo'i brda ston pa la dbang dang dpa' mo dang bkas gnang ba dang kun gyi spyod brda lnga bstan pa yin no/ /ci'i phyir brda lnga ston ce na/ dag byed kyi lha mo ni dung can ma dang ri dags can yin pas sems gzung ba dang dbang bskur ba dang tshogs kyi 'khor lo dang bkas gnang ba dang khams btang ba kun du spyod pa yin no/ /de la dang por dbang bskur ba'i rda ston te/ dang zhes bya ba ni dbang bskur ba'i skyes bu'i phyag rgya'o/ /de zhes bya ba dbang bskur ba'i bud med kyi phyag rgya'o/ /slu zhes bya ba 'khyud par ston pa'o/ /su zhes bya ba dbang bskur ba'i bza' ba ston pa'o/ /ma zhes bya ba rdo rje slob dpon dbang ba ston pa'o/ /las zhes bya bas rang gi las kyi phyag rgya'o/ /pi zhes bya ba rang dang dus mnyam du dbang bskur ba'o/ /lu ni rang gis dbang bskur ba'o/ /sri ni gsang ba'i dbang bskur ba'o/ /rang byung ni khrag go /sngon ni gsang ba'i dbang bskur ba'i zhi ba'i btung ba'o/ /pi zhes bya ba sman sna brgya rtsa brgyad du bskol pa'i thug pa'o/ /hi zhes bya ba sha lnga'o/ /b+ha zhes bya ba dbang bskur ba'i tshe kha zas 'bras chan la sogs pa'o/ /nu zhes bya ba shes rab ye shes kyi dbang bskur ba'o/ /'di tsam gyis ni brda bstan to/ /ngag byed kyi lha mo'i brda ston to/ /pi zhes bya ba ni sems 'dzin pa'i gnas su khrid pa'o/ /du zhes bya ba ni skye ba bdun pa'i ro kha zas su za ba'o/ /di zhes bya ba yum rdo rje phag mo'i rigs so/ /nga zhes bya ba sgrol ma'i'o/ /h+ri zhes bya ba sangs rgyas spyan/ ku zhes bya ba mA na/ k+Shi ha zhes
- 444b
bya ba gos dkar ma/ /dza zhes bya ba ye shes kyi lha mo gnyis dang byin pa gnyis kyis 'khyud pa'i sems 'dzin pa'o/ /da ni dpa' bo lha mo'i bshad par bya ste/ thog ma phrad pa'i che ba zhes bya ba phyag 'tshal ston la so zhes bya ba phyag 'tshal ba'i lan no/ /de zhes bya ba sha la sogs pa'i bza' ba'o/ /bya zhes bya ba bdud rtsi sngar byin gyis brlabs nas bza' ba'o/ /b+hi zhes bya ba rdo rje chung byin gyis brlabs pa'o/ /ge zhes bya ba dbang bskur ba la bgrod par bya ba yin gyi ma bskur ba la dam tshig dang res ma ston par dga' ba dang zhes bya ba'i mnyes par byung bas bgrod par mi bya'o/ /da ni bkas gnang ba'i lha mo'i mchod pa'i lha mo ston te/ ka zhes bya ba ni rigs lnga'i lha mo so sor 'dod par bya'o/ /sa zhes bya ba skyes pa gzhan gyi gam du mi 'gro ba'i/ /nga zhes bya ba ni bdag po med pa dang mchod pa'i phyag rgya'o/ /da ni kun spyod ma ste/ du zhes bya ba ni gzugs 'tshor ba'o/ /su zhes bya ba ni rgyas pa la dad pa'o/ /na zhes bya ba ni mu stegs pa la dad pa'o/ /sa zhes bya ba dbang bskur ba thob pa'o/ /a zhes bya ba ni dad bas nges pa'o/ /nu zhes bya ba ni dad pa med pas ma 'ongs pa'o/ /so zhes bya ba ni yid du 'ong ba'i yul du gyur pa'o/ /yi ge re re'i brda 'di dag tshor ba sdug bsngal btang snyoms pa nas tshor ba bde ba sgom zhing rtog pa med pa mngon sum gyi lam la dad pa la sbyin par bya'o ma dad pa la mi sbyin pa dang/ grol ba'i lam pa la yang ma yin no zhes shes par bya'o/ /le'u bco lnga pa'i rnam par bshad pa'o// //da ni sems 'dzin pa'i dag byed kyi lha mo'i mtshan nyid bshad par bya ste/ de nas bza' dang bza' min bya/ zhes bya ba ni las kyi phyag rgya yid du 'ong ba gzugs sdug kun mig gis bza' bar bya'o/ /sgra snyan pa rna ba'i dang/ dri zhim po sna dang/ ro zhim po lce'i dang/ nam mkha' i rtsa'i dang rig pa lus kyi bza' par bya'o/ /longs spyod par bya'o/ /bza' bar mi bya'o/
- 445a
ni yid du mi 'ong ba'o/ /de rab tu bshad par bya zhes bya ba ni dag byed kyi lha mo bshad par zhes pa'o/ /mi thub zla ba dang 'bar ba'i zhal snga nas bza' bar bya ba ni gnas nyi shu rtsa bzhi na gnas pa'i sangs rgyas dang byang chub sems dpa' i sprul pa'i sku dang/ de rnams la 'dod pa'i yon tan gyi gzugs kyi zhi gnas dang lhag mthong gi chos ston pas bzhugs pa la las dang po ba'i rnal 'byor pas mtshan nyid ma rtogs pas mtshan nyid brtags nas sprul pa'i sku'i lha ye shes kyi lha mo de dang snyoms par zhugs pas me long gi gzugs brnyan la de nyid mthong ba bzhin du 'dod pa'i yon tan lnga char stong pa nyid mthong bar gyur pas de'i mtshan bstan pa yin no zhe'o/ /rin chen rdo rje'i zhal snga nas/ /pho nyas lhan cig skyes dngos grub/ mchog dang 'bring dang tha ma zhes gsungs pas/ mchog sangs rgyas dang byang chub sems dpa' i sprul pa'i sku'i ye shes kyi lha mo yang yin la gnas nyi shu rtsa bzhir skyes pa dbang po tshang ba las kyi mdza' ma log pa ni 'bring po yin no/ /sdom pa gsum la gnas shing dbang bskur ba thob pa ni sngags las skyes pa ste tha ma yin no/ /de dag gsung rab mtshan nyid sdom nas ston pa ni ye shes kyi lha mo kho na yin zhes mi bya'o/ /de gsum char las kyang zhig nas rtog pa med pa dang/ lhag mthong stong pa nyid kyi ye shes skye'o/ /sgrub pa mchog tu dam tshig la gnas pa zhes bya ba ni chags pa'i lam bsgom pa'i rten gyi gang zag go/ /bza' bya rjes gnang phan spyod pa zhes bya ba ni mtshan dang ldan pa'i las kyi phyag rgya de slob dpon gyis rjes su gnang nas zhi gnas dang lhag mthong gi shes pa skye ba la phan 'dogs par byang chub sems dpa' rtag tu du dang chos 'phags bzhin du bsam gtan dang zag med kyi ting nge 'dzin skye ba'i phyag rgya de rab tu sbyin par bya'o/ /de dang rnal
- 445b
'byor pas ci zhig bya zhe na/ yul lnga dang dbang po'i shes pas las kyi phyag rgya'i yul dang gnyis su med par bya ba'i rnal 'byor pa de blang bya dang dor bya'i rigs kyi bye brag shes par bya'o/ /des cir 'gyur zhe na gang gis shes pa tsam gyis ni zhes bya ba gsungs te/ 'chos pa mo bshas gnyen la byang chub sems dpa' chos 'phags kyis byang chub sems dpa' la sems bskyed pa bzhin du sgrub po rnams kyis snyoms par zhugs pa las dngos grub thob par 'gyur ro/ /de bas na de thob pa'i thabs kyi tsha bshad bar bya'o/ /de yang ji lta bu zhe na/ bud med pad+ma rtsa lhar dkar zhing zhes bya ba gsungs te/ ye shes las skyes pa dang zhing skyes dang sngags skyes kyi dag byed kyi lha mo mtshan nyid sdom nas bshad pa yin te de la mtshan nyid gsum ste/ kha dog dbyibs kyi sbyor lam gyi mtshan nyid do/ /kha dog ni dkar ba dang/ dbyibs ni mig dkyus ring ba dang/ gos dkar po la dga' ba dang/ /tsan dan sar dri yod dang/ dkon mchog gsum la dad pa ni rin po che'i rigs kyi bud med do/ /bud med gang zhig kha dog ser ba dang/ dmar ser gyi gos la dga' ba dang/ dzA ti tsam bka' i dri yod pa dang/ de yang dkon mchog gsum bstan pa bzang pa'i rjes su 'gro ba ni pad+ma'i rigs so/ /bud med gang zhig kha dog sngo bsangs ni gos sngon po/ /dga' ba utpa la'i dri yod pa dpa' bo byang chub sems dpa' i rjes su 'breng ba'i he ru ka'i rigs so/ /bud med gang zhig mdog dkar pa spyod lam pad+ma'i rtsa'i dri yod pa thugs kyi 'khor lo'i dpa' bo bla ma ste mi bskyod pa'i rigs so/ /bud med gang zhig kha dog dmar ba/ gos dmar po la dga' ba ma li ka dang utpa la'i dri yod pa de ni rdo rje phag mo'i rigs so/ /bud med gang zhig kha dog ljang ser gos dkar po la dga' ba mgo la pad+ma'i dri yod pa ni don yod grub pa'i rigs so/ /bud med gang zhig kha dog
- 446a
dmar zhing gos dmar ba la dga' ba ga bur gyi dri dang ldan pa ni rnam par snang mdzad kyi rigs so/ /de ltar na rnal 'byor pa bdun po de dag ni g.yon pa la spyod pa bde ba lam du byed pa la rtag tu dga' ni rnal 'byor ma bdun gyi rtags ji lta bu zhe na/ rtags bdun gyi kha dog can no/ /'di rnams kyi ston pa'i yi ge rnams kyang kha dog drug tu dbye ba yin no/ /rang gi phyag rgya'i mtsho bzhes bya ba ni ris drug gis phyag rgya rdo rje dang 'khor lo la sogs pa'i phyag rgya 'chang pa'o cha rigs bdun pa chos kyi dbyings phag mo yin pas khyab par bstan to/ /dag gi rtags ji lta bu zhe na/ rang rigs las byung tshig tu smra/ zhes bya ba gsungs te/ ris drug gi sa bon gyi yi ge dang mthun pa'i skad 'byin/ g.yon las 'gro ba'i bud med gang zhes bya ba ni dbang ma bskur ba'i tshe bde ba la mos pa'o/ /rnal 'byor ma yang g.yon pa rtags/ zhes bya ba ni dbang bskur ba'i rnal 'byor mar gyur nas bde ba sgom pa ste sems kyi rtags so/ /de ltar thun mong gi rtags bshad nas thabs kyi mtshan nyid ni lag pa g.yon gyis shes rab ma la mchod pa dang/ mig g.yon las shes rab la blta ba dang/ bde ba bskyed pa'i gtam smra ba de ni las kyi phyag rgya'i dam tshig dang ldan par bshad do/ /de ci'i sgom zhe na/ rigs kyi sa bon rab tu bsgom/ zhes bya ba smos te/ shes rab kyi sa bon sgom pa'i rigs kyi bya ba der mi bya ba ni tsum pa na dang tsu shan la sogs pa'i bya ba dang ldan pa'i rang rtags gsungs pa/ spong ba min zhes bya ba ni thabs kyi ting 'dzin mi spong ba'o/ /rang gi mtshan nyid ji lta bu zhe na/ rang gi rigs kyi rig pa bzlas/ zhes bya ba smos te/ lha mo rigs bzlos pa'o/ /lus kyi mtshan nyid ji lta bu zhe na/ shes rab la 'dud pa dang/ lha mo la phyag 'tshal ba'i sgra kun tu
- 446b
smra ba de ni nges par rnam par shes pa dang/ ye shes kyi mthar phyin pa'i bde bar 'gro ba'o/ /rnal 'byor pa'i mtshan nyid bshad pa ni dga' ba dang po sna tshogs kyi dus su mthe bong sa la ri mo 'bri ba dang/ 'dir 'jug pa dang zur gyis blta zhing lag pa ston pa'o/ /mchog dga' rnam par smin pa'i dus su rang gi rig pa'i thabs dran pa dang/ khur ba'am ko sko 'am snar thal mo ston pa'o/ /lhan cig skye dga' mtshan nyid dang bral ba'i dus su zur gyis blta zhing a na ha'i sngags zlos pa dang/ /rig pa la blta zhing nges cing 'gyur zhe na/ bden par smra ba'i rnal 'byor pa zhes bya ba ste/ don dam pa'i bden pa ston pa'i rnal 'byor ma'o/ /le'u bcu drug pa'i rnam par bshad pa'o/ //de ltar dag byed kyi lha mo bshad nas dbang gi lha mo bshad pa ni/ de nas rnyed dka' i rnal 'byor ma zhes bya ba gsungs te/ ye shes dang gnas dang sngags las skyes pa'i lha mo byang chub kyi sems dus mnyam du 'byin pa ni rnyed par dka' ba'o/ /de bzhin mkha' 'gro ma rnams kyi zhes bya ba ni gnas kyi nam mkha' dang lhag mthong gi nam mkhar 'gro ba'i phyag rgya'o/ /de ltar ci zhig byed ce na/ bdud rtsi lnga rnams yang dag 'byung zhes bya ba smos te/ slob ma'i khar byang chub sems kyi bdud rtsi 'bebs pa'o/ /de yang du yin zhe na/ rgyud 'bum pa las bdun du gsungs te/ sangs rgyas spyan dang nye ba'i sngags phyag rgyas spyan drang sgrol ma dang nye ba'i sgrol ma dang/ gos dkar mo dang/ nye ba'i gos dkar mo dang/ mA ma kI 'ba' zhig dang bdun te/ de rnams la zhi ba'i gzugs su bshad pas/ ya mi ni dang skrag byed ma/ 'od ldan ma dang 'jigs gzugs can/ /kun spyod tshe za ba su ra/ /mkha' 'gro ma ni rnam pa bdun/ zhes gsungs so/ /de mdor bsdus pa'i mtshan nyid rgyud phyi ma dang nam mkha' dang mnyam pa'i rgyud du bshad pa ni/ gzugs
- 447a
can ma dang tsum bi ka/ lA ma yongs gyur gyis bcas ma/ /mi ldog lha mo e hi ka/ zhes bya ba gsungs te/ cung zhig khro bo'i cha byad ston pa ni gzugs can ma dang/ nye ba'i gzugs can ma dang/ lA ma dang nye ba'i lA sa dang khaN Da ro ha dang nye bar khaN Da ro ha dang mkha' 'gro ma 'ba' zhig go /don las kyi mtshan nyid le'u lnga bcu rtsa gcig 'dir bshad pa ni rnal 'byor pa la mngon par zhen pas blta ba dang/ smin ma 'degs shing gar byed pa dang/ sngar bzhin khro ba las gyis de zhig nas 'dzum pa dang/ gzugs can ma ste sangs rgyas spyan gyi mtshan nyid do/ /dpa' bo dang gnyis su med pa la dga' ba dang/ byis pa sdug kyang rung mi sdug kyang rung byin pas 'khyud cing 'o byed pa ni tsum bi ka ste nye ba'i gzugs can ma ste/ rgyal rigs gnyis so/ /zur gyis blta zhing khro gnyer dang smin ma bsgyur zhing sdigs mdzub byed pa dang/ ma rungs pas dbugs mi 'byin pa ltar byed pa ni lA ma ste rje'u'i rigs so/ /phag la sogs pa'i srog chags rnams 'jigs par byed pa ni nye ba'i lA ma ste rigs gnyis yin no/ /shin du rgod pa dang slar gnas nas song nas phyir mi ldog pa khaN Da ro ha ste bram ze'i rigs so/ /yid kyis kun du sbyor bas snyoms par 'jug pa dang/ rkang pa mA ma kI sa ra gan mi 'tsho ba ni khaN Da ro ha dang nye ba'i khaN Da'i rigs so/ /mkha' 'gro ma ni 'dir shes pa ni dmangs rigs mdza' yas yin mtshan nyid rgya cher ma bshad do/ /des ci zhig byed snyam na/ dbang po'i dbang sogs yin par 'dod/ /ces bya ba ni dbang bskur ba dang tshogs byed pa dang/ mchod pa byed pa dang/ khams lta ba dang bzhi kar btus pa'i de dag ni khyim du ci zhig 'gro zhe na/ gzugs can mas thod pa nye ba'i gzugs can mos dgra sta/ lA mas mche ba nye ba'i lA mas ral
- 447b
gri/ gos dkar mos dgra ste/ nye ba'i gos dkar mos rdo rje/ mkha' 'gro mas ni 'gro ba yin na mi thub zla ba dang 'ba' ba ma'i zhal snga nas ni sku'i 'khor lo'i brtson 'grus chen mo nas brtsams nas thugs kyi 'khor lo'i bde rab gtum ma'i bar du nyi shu rtsa bzhi yod pa la/ ris drug dang sbyang na rdo rje sems dpa' la bzhi/ nye ba'i gzugs can ma la rnam par snang mdzad la bzhi/ tsum bi ka dang pad+ma gar gyi dbang phyug la bzhi/ lA ma dang dpal he ru ka'i bzhi la yongs 'gyur ma dang/ rdo rje nyi ma'i bzhi la byis bcas ma dang/ rta mchog gi bzhi la mi ldog pa bzhis byas te/ de ltar nyi shu rtsa bzhi yin la e hi ka ni rdo rje phag mo'i rigs yin no zer ro/ /ye shes kyi lha mo kho na bshad pa ni ma yin gyi zhing skyes dang sngags skyes kyang bshad pa yin te/ mi ldog pa ni zhes bya ste/ sgrub min bar ni de bshad do/ /zhes gsungs pa'o/ /las dang po'i rnal 'byor ma'i bye brag kyang bshad pa yin no/ /le'u bcu bdun pa'i rnam par bshad pa'o// /de ltar dbang gi lha mo bshad nas/ da ni tshogs kyi 'khor lo bshad par bya ste/ de nas gzhan yang bshad bya ba zhes bya ba gsungs pa la tshogs kyi 'khor lo byed pa'i yan lag ni dbang bskur ba las gzhan no/ /mkha' 'gro ma rnams kyi mtshan nyid ces bya ba ni phyis mchod pa'i lha mo brgyad kyi mtshan nyid do/ /de rnams kyi mtshan nyid shes nas mkha' 'gro ma'i dam tshig la gnas pas bde ba brnyed par 'gyur ro/ /de ltar mdor bstan nas rgyas par bshad pa ni/ dmar zhing ser ba'i bud med gang zhes bya ba smos te kha dog dmar zhing ser ba dang/ spyod lam pad+ma'i dri gtong dang/ /dbyibs kyi lha lhar zhi ba dang/ /rnal 'byor pa zhen pas blta ba la sogs pa'i mtshan nyid can ni gsung snang ba mdza' yis kyi rigs can no/ /smin ma spungs na brtse gsum yod ces bya ba ni ri mo
- 448a
gsum pa'i dbyibs la kha dog sngo skya la sogs pa'i mtshan nyid can no/ /thugs mi bskyod pa'i rigs so/ /gang gi dpral bar rtse gsum pa/ zhes bya ba ni dpral bar rtse gsum pa'i dbyibs dang/ kha dog dmar ser la sogs pa'i mtshan nyid dang ldan pa ni sgrol ma ste he ru ka'i lA ma'i rigs so/ /'khor lo gang gis dpral ba 'am/ zhes bya ba ni dbyibs dang kha dog sngon po dang 'dra ba'i mtshan nyid dang ldan pa ni rnam par snang mdzad kyi rigs so/ /gang zhig mig sman nags ltar zhing zhes bya ba'i kha dog lngas ni dkar zhing mthong ba dang/ zhes bya ba ni dbyibs la sogs pa'i mtshan nyid dang ldan pa ni yum rdo rje phag mo'i rigs so/ /ser zhing ser ba'i kha dog 'dra bar snang zhes bya ba'i kha dog dang/ mig mi g.yo la sogs pa'i dbyibs dang ldan pa'i khaN Da ro ha'i rigs so/ /gang zhig rtag par sha la dga' zhes bya ba spyod lam dang mig sman la sogs pa'i mtshan nyid dang ldan pa ni mkha' 'gro ma'i rigs so/ /sprin gyi mdog 'dre'i bud med gang zhes bya ba'i kha dog dang/ so ni mi mnyam par gnas shing zhes bya ba'i dbyibs dang/ rtag gdug pa yi las la dga' / /zhes bya ba la sogs pa'i spyod lam dang ldan pa ni gzugs can ma'i rigs so/ /mkha' 'gro ma yi tshogs 'di dag /ces bya ba rigs gsum yab yum lnga'i tshogs so/ /zhes bya ba ci'i phyir gsungs she na/ sgrub pa po la phan pa'i phyir zhes bya ba la sogs pa gsungs te/ tshogs kyi 'khor lo la phan pa'i phyir ro/ /le'u bco brgyad pa'i rnam par bshad pa'o// //tshogs kyi 'khor lo'i lha mo bshad nas mchod pa'i lha mo bshad pa ni/ /de nas gzhan yang bshad bya ba/ /zhes bya ba gsungs te/ dpa' bos lha mo las gzhan yang bka' stsal gnang
- 448b
pas mchod pa byed pa'i lha mo bshad par bya'o/ /rnam par snang mdzad la sogs pa'i rigs can gyi lha mo de'i rigs kyi rnal 'byor pa la mchod pa'i yan lag tu bkas gnang ba yin no/ /sgrub pa po yis lA ma yin/ /zhes bya ba ni mchod pa'i phrin las byed pa'i sgrol ma'i rigs kyi lha mo ni lA ma'o/ /de yang rigs kyi bye brag gis lnga yod pas mtshan nyid kyi ni khyad par dang/ zhes bya ba smos te/ de yang kha dog gi mtshan nyid kyi khyad par dang/ dbyibs kyi mtshan nyid kyi khyad par dang/ spyod lam gyi khyad par dang/ zla mtshan 'byung ba'i khyad par dang bcas pa'i phyag rgya dang phyag rgya'i yan lag gi khyad par gyis yan lag gi tshig shes par bya'o/ /de ltar mdor bstan nas rgyas par bshad pa ni/ /bud med gang zhig bzhin zlum zhing smra ra dang/ smin ma ring ba dbyibs kyi mtshan nyid do/ /gos gtsang 'dod sems bzhi pa dang/ bden par smra ba dang dam pa'i chos la dga' ba ni spyod lam gyi mtshan nyid do/ /de'i yan lag gi phyag rgya ni rnal 'byor pas mthe chung dang/ mthe bo gnyis so sor gzhibs la sor mo rnams brgyad pa ni pad+ma'i phyag rgya'o/ /lag pa g.yon pas kha sbub tu byas pa la g.yas pa de'i stengs du kha sbub nas g.yon pa'i sor mo'i yang du g.yas pa'i sor mo bzhag pa ni rus spal gyi phyag rgya'o/ /de'i lan du rnal 'byor pas pad+ma'i lan ri dags kyi 'dzin pa spyan ras gzigs dbang phyug gi phyag rgya ste/ g.yon pa'i khu tshur nu ma g.yon pa'i steng du bzhag pa ni rus sbal gyi lan du rdo rje khu tshur bus mo'i steng du bzhag pa ni byams pa'i phyag rgya'o/ /tshes bcu la zla mtshan 'byung ba dang/ spyod lam khyim du pad+ma bri ba'o/ /de ltar rdo rje rigs kyi lA ma bshad pa ni mchu ring zhing mig dkyus ring pa ni dbyibs so/ /dmar ser ni kha dog go/ phyug pa la sogs pa ni yon tan no/ /ring min phung min ni dbyibs so/ /sna tshogs pa'i gos la dka'
- 449a
ba ni spyod lam mo/ /dpral bar ri mo gsum yod pa dang/ skra mtshams gyen du bltas pa ni dbyibs so/ /rgod cing dga' ba la sogs pa ni spyod lam mo/ /de la rnal 'byor pas mdzub mo g.yon pa bsgreng ba mdung gi phyag rgya bstan pa dang rkang pa g.yon pa bskum pa'i phar bstan nas rnal 'byor mas lan du bstan pa g.yon pa'i mdung ni phyag rgya byed pa dang/ g.yon pa bskor nas 'gro ba ni phyag rgya'i lan no/ /bcu bzhi dang tshes brgyad ni zla mtshan gyi dus so/ /khyim du mdung rtse gsum pa bri ba ni sbyor lam mo/ /'jig rten dbang phyug gi lA ma ston pa nas las kyi rigs kyi lA ma ston pa'i par mkhur tshos dus su khung bu snang ba ni dbyibs so/ /dmar ser ni kha dog go /skra 'khyil ba ni dbyibs so/ /dpral ba ngar rgyal bcings pa ni spyod lam mo/ /dpral bar ri mo gcig yod pa/ mgrin pa ring ba ni dbyibs so/ /gos dmar po la dga' ba ni spyod lam mo/ /g.yas pa'i khu tshur gyi mdzub mo bsgreng nas mdung gi phyag rgya bya ba dang g.yon pa'i bus mo'i thad kar kha thur du bya ba ni dril bu'i phyag rgya bstan pa'o/ /rnal 'byor pas g.yon nas ldog pa ni lan yin no/ /las kyi lam bstan nas he ru ka'i lam bstan pa ni thung zhing byin pa sbom pa ni dbyibs so/ /gos ser la dga' ba ni spyod lam mo/ /bud med de g.yas pa'i khu tshur gyi gung mo bsgreng ba ni rdo rje'i phyag rgya'o/ /gnyis pa dus kyi phyag rgya ni sor mo thams cad kyi rtse mo bcum pa'o/ /rnal 'byor mas g.yon nas yongs su ldog pa ni phyag rgya'i lan no/ /bcu bzhi ni zla mtshan 'byung ba'i dus so/ /khyim du rdo rje 'bri ba ni spyod lam mo/ /he ru ka'i lam la ni lus kun la spu yod pa ni dbyibs so/ /mig na gcing ser ba ni kha dog go /spom pa la sogs pa ni dbyibs so/ /glu mkhas pa ni spyod lam mo/ /sprin gyi mdog can ni de rnal 'byor
- 449b
pas lag pa'i sor mo bcu brkyang nas glu'i phyag rgya bstan pa ni khu tshur g.yon nas mdzub mo bsgreng ba mdung gi phyag rgya bstan par bya'o/ /rnal 'byor mas g.yon nas ldog pa ni phyag rgya'i lan no/ /tshes bcu gcig ni zla mtshan 'byung ba'i dus so/ /khyim du rdo rje 'bri ba ni spyod lam mo/ /le'u bcu dgu pa'i rnam par bshad pa'o// //de ltar lha mo gsum gyi brda'i mtshan nyid bstan nas/ de ni lha mo gsum gyi brda bstan pa ni/ de nas gzhan yang bshad bya ba/ zhes bya ba gsungs te/ de la dang po dbang gi lha mo'i brda bstan te/ mkha' 'gro g.yon gyi grwa rnams te/ zhes bya ba ni ye shes dang gnas dang sngags las skyes pas so/ /g.yon gyi bde ba ni zhi gnas kyi bde ba dang/ lhag mthong stong pa nyid sgom pa brda'o/ /thod pa ci yin zhe na/ /spun dang sring mor shes pa'o/ /kha sbyor dang mnyam sbyor las brda 'di rnams ni sangs rgyas dang byang chub sems dpa' yin pas tha mal pa'i spyod lam bzhag nas zag pa med pa'i spyod lam la 'jug pa yin no/ /zhes gsungs so/ /rgyud 'dir sbyor ba'i dus su spun dang sring mor shes par bya ba brda dang/ rdo rjes bzhi tshe de bzhin gshegs pa'i brda byed pa dang gnyis ka yin par shes par bya'o/ /de ltar mdor bstan nas rgyas par bshad pa ni lag pa g.yon pa'i ston pa phyag 'tshal ba'i srin lag ston pas phyag 'tshal ba la sogs pa'i lan du ston pa ni sbyor pa'i che na'o/ /ngo shes par byed pa dang/ /dngos gzhi zag bcas kyi spyod pa brtul nas zag pa med kyi spyod pa la 'jug pa yin no/ /lhag ma ni go sla bas ma bshad do/ /le'u nyi shu pa'i rnam par bshad pa'o// de ltar dbang gi lha mo'i brda bstan nas/ tshogs kyi 'khor lo dpa' bo'i lha mo'i brda bshad pa ni/ de nas yang dag phyag rgya yi/ /mtshan nyid nga yis bshad par bya/ /zhes bya ba smos te/ lag pa'i phyag rgya'i mtshan nyid ni sbyor pa'i tshe na ngo shes par byed pa
- 450a
'am dngos gzhi'i tshe sangs rgyas kyi spyod lam ston pa'o/ /dngos gzhi de ltar byas kyang ci zhig thob par 'gyur zhe na/ gsang ba 'am ni don chen la/ /phyag rgya 'di ni sbyar bar bya/ zhes gsungs pas/ dngos grub lha las len pa 'am rnal 'byor ma las len pa gnyis su shes par byas te/ dngos grub lha las len pa ni lha'i snying gar bcug pas rnal 'byor mngon gsum bskyed pa'i byin rlabs kyis lam ston pa yin la/ /rnal 'byor ma las dngos grub len pa ni stong nyid kyi lam mngon sum du rtogs pas mngon sum gyi lam yin no/ /de ltar mdor bstan nas rgyas par bshad pa ni/ /bud gar spyi gtsug la reg pa zhes bya ba smos te/ bud med gang zhig ye shes dang zhing dang sngags las skyes pas so/ /de spyi gtsug la reg pa'i kho mo rtse a ba d+hU tIr nam mkha' i rtsa yod bas ston pa yin no/ /phyag rgya'i lan du mgo bo de la bstan par bya/ zhes bya ba ni kho bo'i bde ba ni stong pa nyid rtogs par 'dod ces smra ba yin no/ /de lta bu gang zhig dpral bar ston pa la sogs pa thams cad ni nam mkha' i rtsa ston par nus so zhes ston pa yin la/ rtsa lus chos ston pa la sogs pa lan gyi phyag rgya thams cad ni bde ba stong pa nyid mngon sum du sgom zhes ston pa yin no/ /brda mi 'dra ba mang po ni tshogs kyi 'khor lo'i rnal 'byor ma sum cu rtsa bdun gyi khyad par ro/ /le'u nyi shu rtsa gcig pa'i rnam par bshad pa'o// //de ltar dpa' bo'i brda bstan nas/ bkas gnang ba mchod pa'i lha mo'i brda bshad pa ni/ de nas gzhan yang bshad bya ba zhes bya ba gsungs te/ yan lag ji bzhin cho ga bzhin/ /zhes bya ba ni nyid lag gi sor mo'i brda'o/ /dgos pa ci zhig ce na/ spun dang sring mor shes par 'gyur ba'o/ /de ltar mdor bstan nas rgyas par bshad pa ni/ sor mo gcig ston pa ni phyag 'tshal ba'o/ /de
- 450b
gnyis ston pa ni phyag 'tshal ba'i lan no/ /'di ni rnal 'byor kun gyi zhes bya ba ni dag byed kyi dbang gi lha mo dang dpa' bo'i lha mo bka' bsgo pa skyed/ de 'og ma lus kun spyod lam zhes bya ba ni rigs lnga'o/ /thun mong gi phyag 'tshal ba dang de'i lan yin no// sor gnyis bkug mig gi rgya zhes pa ni a ba d+hU tIr kha 'byed zhes sam zhes dris pa yin no/ /sngags pas gang la de bstan te/ /zhes bya ba ni mchod pa'i lha mo sum cu rtsa bdun pa'o/ /de'i phyag rgya'i lan sum cu sor gnyis bzhug nas de nas brtsams te ji srid 'tsho'i bar du bstan pa ni bde ba mi nyams pa la dbang thob par the tshom med do/ /rdo rje phag mo lta bu gang zhig gung mo ston par byed na rnal 'byor pas mdzub mo bstan par bya'o/ /gang zhig srin lag ston pa ni rab gtum mo/ /de nas brtsam te gang zhig dpral ba ston pa zhes bya ba tha mar bstan pa ni shing grib ma'i brda'o/ /de'i lan lce nas brtsams te lte ba'i bar du bstan pa ni dpa' mo'i brda ste/ thugs kyi 'khor lo la bstan pa bzhin du sku dang gsung la sogs pa las ston pa yin no zhes bsgo bar bya ba'i phyir 'di ni rnal 'byor ma kun gyi rim bzhin yan lag phyag rgya yi zhes bya ba smos te/ thugs kyi ji lta ba bzhin du gsung dang sku dang dam tshig gi mkha' 'gro ma las kyang go rim bzhin du yan lag phyag rgya'i yin no/ /'di dag rtags bstan gsang ba pa zhes bya ba ni chags pa'i lam gsang ba pa rnal 'byor ma'i brda'i rtags shes nas yang dag lta ba grub par 'gyur zhes bya ste/ sa bcu gcig gi ye shes kyi dngos grub thob par 'gyur ro/ /rnal 'byor pa kha dog dang dbyibs kyi mtshan nyid dang brda yang mi shes pa rnal 'byor ma dbang bskur ba thob kyang mi shes na ji ltar ris drug gi bdag nyid du shes par bya zhe na/ rdo rje'i mkha' 'gro las lha'i 'khor lo bris la me tog 'phreng ba 'am lag pas reg pa 'am/ yi ge'i sde tshan lngar byas la la
- 451a
reg pa 'am/ me tog 'phangs na de'i rigs su shes par 'gyur ro/ /yi ge de yang gang zhes/ a ring thung gnyis dang sde tshan lnga'i dang po la rdo rje yi ge bdun gyi de bzhin gshegs pa'i rigs so/ /i a'i gnyis dang sde tshan gyi? dang? po? 'og gnyis dang/ mthar gyi dang/ 'og gnyis dang dgu ni rin po che'i rigs so/ /u a'u dang sde tshan gyi gsum pa mthar gnas kyi gnyis dang dbu ni pad+ma'i rigs so/ /e i gnyis dang sde tshan gyi bzhi pa la dang por dang mthar gnas kyi tha ma gnyis ni ? rigs so/ /o aau dang oM a:dang tha dbyangs bzhi dang sde tshan gyi tha ma lnga ni thar gnas kyi dang po gnyis pa bdun ni rdo rje'i rigs so/ /las dang po pas gzhin rtogs pa'o/ /le'u nyi shu rtsa gnyis pa'i rnam par bshad pa'o// //de ltar dag byed dang? dpa' bo dang/ gnang ba'i mtshan nyid kyi le'u bzhi dang brda'i le'u bzhi bstan nas kun spyod kyi mtshan nyid bstan par bya ba ni/ de nas gzhan yang bshad bya ba/ zhes bya ba gsungs te mkha' 'gro ma yi mtshan nyid de/ /zhes bya ba gsungs te/ mkha' 'gro ma'i kun spyod ma'i rigs te lnga'o/ /gang gis reg na pho nya mo zhes bya ba ni kha dog dang dbyibs kyi mtshan nyid shes nas pho nya mo'i las kyi phyag rgya bsgrub pa'o/ /dpa' bo'i sring mor shes par 'gyur ba'o/ /de ltar mdor bstan nas rgyas par bshad pa ni/ dam tshig can gang nas chags pas zhes bya ba smos te/ rnal 'byor ma bsgrub pa'i cho ga ston pa yin no/ /rnal 'byor pa dam tshig can gang rnal 'byor ma can gang yid du 'ong ba la rjes su chags pa'o/ /de ji ltar sgrub ce na/ rnal 'byor lo brgyad pa bzhi zhes bya ba smos te/ bsam gtan gyi ting 'dzin gyi lo rtog bskyed pa'i sa zhes byas nas rnal 'byor pa'i lus kyi 'khor lo sdom pa mchod par bya'o/ /gsang ba
- 451b
'dus pa kha sbyor las/ mi'i bud med ma nyid nam mkha' i brda stong pa'i phyir dud 'gro ston par bya'o zhes gsungs pa ste sgra'i mkha' las grangs nas 'khor ba'i 'gram las pha rol tu rgal par byed pa'i lam gyi phyag rgya kun sbyor ma 'di la bshad pa yin/ /de ci'i phyir zhe na/ de yang rdo rje nyid du 'gro ste zhes gsungs pa'i phyir kun spyod ma la byol song gi lam zhes bya'o/ sgrub pa bshad nas thun mong gi rtags bstan pa ni go bzlas pa ni zhes bya ba smos te/ mig phab nas zur mig blta ba'o// bzhin rnam par 'gyur pa ni chags pas khyab pas bde ba'o/ /rtag tu bzhin gyi smin ma ga-yo/ /sna tshogs myur du shes bya ba zhes bya ba ni dga' ba'i dus mtshon pa yin no/ /rnam par smin pa dang rnam par spyod pa dang mtshan nyid dang bral ba'i ? kyis go bar 'gyur ro/ /de bzhin mkha' 'gro 'gyur ba'o/ /zhes bya ba ni gar gyi lha mo bzhin du 'di yang mkha' 'gro ma'i rigs su 'gyur par shes par bya'o/ /de ltar sgra'i rigs bshad pa ni rnam 'gyur 'khor ba zhes byas te/ zhes bya ba gsungs te/ bzhin bsgyur ? gi? dkyil 'khor bskul ba dang/ ri mo gsum dang dpral ba na yod pa ni sku'i rigs su nges par grol ba la'o/ /thugs kyi mkha' 'gro ma gal te ldog par gyur na/ zhes bya ba la gal te bsam par gyur na/ sngar bshad pa'i rtog med bskyed pa'i ting nge 'dzin la spong pa gtong pas de'i rnam par 'jig pa ji bzhin par 'gyur ba ste rdo rje lta bu'i skad gsal bor smra ba yin no/ /gsung gi rigs ni sgra khu byug ltar gsal ba yin no/ /de kun spyod pa la rigs lnga ston pa ni khyim du rdo rje me long 'bri na nam mkha' i rtsa yod pa sa snyoms par 'jug pa sngar ston pas thugs kyi rigs pa dang/ ral gri me longs bcas pas rin po che'i rigs dang/ rgyal mtshan me long dang bcas pas pad+ma'i rigs dang/
- 452a
mdung me long dang bcas pas sku'i rigs dang/ me long kha sbyor 'dra ba'i mtshan nyid 'di dag dang ldan pa'i mkha' 'gro ma kun spyod ma rnams kyi nang nas mchog yin par shes par bya'o/ /le'u nyi shu rtsa gsum pa'i rnam par bshad pa'o// //de ltar kun spyod ma'i mtshan nyid bshad nas de'i brda bshad pa ni/ de nas yang dag par bshad bya ba/ /zhes bya ba gsungs te/ sgrub pa po'i brda rnams byas pas spun dang sring mor shes par 'gyur ba ni zhes pa'o/ /de ltar mdor bstan nas rgyas par bshad pa ni po btang gi zhes bya ba la sogs pas gsungs pa yin no/ /kha sbyor las dngos grub sgrub pa'i tshe bza' ba dang bcas pa'i spyod pa btul nas sangs rgyas dang byang chub sems dpa' i brdar gyur pa'i spyod pa la zhugs pa dang dngos grub len pa'i thabs su gsungs so/ /ci'i phyir thabs yin zhe na/ zag pa med pa'i brda yin pa'i phyir ro/ /thog mar phyag 'tshal nas gamu(rgyud 'grel): dang lum pA zhes 'gro'i ston pa dang/ de hi zhes bya ba nas brtsams te a mri ta na'i bar gyis dbang bskur pa'i rtags dang/ sag mo nas zhes bya ba'i bar gyis tshogs kyi 'khor lo yan lag gi brda'o/ /ku ta zhes bya ba nas a na ta zhes bya ba'i bar gyis mchod pa'i yan lag go/ sha nas zhes bya ba nas brla li ba zhes bya ba'i bar gyis khams ldang ba'i yan lag go /le'u nyi shu rtsa bzhi pa'i rnam par bshad pa'o// //de ltar le'u lngas lha mo'i brda bshad nas/ lha mo dang rnal 'byor pa'i lus la lha dgod nas mchod pa bya ba ni/ /de nas don kun 'dod pa zhes bya ba la sogs pa smos te/ dngos grub kyi don thams cad skyes pa'i rtsa ba'i sngags so/ /bya byed pa ni yi ge btu ba'i tshe mi gsal ba/ rnal 'byor pa mos pa dman pa'i sems can rmongs shing mi shes dang tshul pas rtsa ba'i gsang sngags gsal bar gsungs pa'o/
- 452b
de ltar mdor brtan nas rgyas par bshad pa ni dpa' bo dang/ rnal 'byor ma'i lus la dgod pa'i sngags yi ge btu ba'i tshe mi gsal gsungs pa ni 'di yin te/ na mo b+ha ga wa te zhes bya ba la sogs pa'o/ /rkang pa brgyad po des bdud rtsi lnga dang cang te'u dang ched dang 'khyud pa'i lha mo dang brgyad kyis mchod pa yin no/ /ka ra ka ra zhes bya ba la sogs pa dang dpa' bo nyi shu rtsa bzhi dgod pa dang sku gsung thugs kyi dpa' mo sum cu rtsa bdun dgod par bya'o/ /hUM dang phaT kyi mtshams ma phye ba'i rtsa ba'i sngags 'di ni rnal 'byor ma la ye shes 'bebs pas na gsang ba'i tshig gi le'u zhes bya bar gsungs te/ rnal 'byor ma bsgrub pa'i cho ga'o/ /le'u nyi shu rtsa lnga pa'i rnam par bshad pa'o// //de ltar tshogs kyi 'khor lo le'u bcu gnyis bshad nas/ /le'u dang po rdzogs pa'i rim pa'i rgyas par bshad pa bstan pa ni/ de nas zhes bya ba la sogs pa gsungs pa yin no/ gzhan yang 'jig rten ni gsum po dag na yod min pa'i zhes bya ba ni bskyed pa'i rim pa las gzhan pa tshogs kyi 'khor lo dang zhi ba'i btung ba dang pho nya'i gtsang sbra ni sa 'og dang sa steng dang sa bla gsum na rnyed par dka' ba'o/ /yang na 'dod pa dang gzugs dang gzugs med par rnyed par dka' bas na yod min pa zhes bya'o/ /sh+rI he ru ka'i sngags shes na zhes bya ba ni yid skyob par byed pa'i gsang sngags te/ gtsang sbra rnam pa gsum mo/ /gsang sngags thams cad yongs dor ba/ zhes bya ba ni sbyong pa dang bya ba dang gnyis ka dang rnal 'byor gyi rgyud kyi sngags thams cad yongs su 'dor ba'o/ /de ltar mdor bstan nas rgyas par bshad pa ni/ rim dang rim min bzlog pa yis/ /zhes bya ba la sogs pa gsungs so/ /rim dang rim las bzlog pa gang zhig yin zhe na/ pho nya ni phyag rgya bzhi ste/ las dang
- 453a
chos dang dam tshig gi phyag rgya chen po'o/ /de dag gang mtshan nyid ni rim dang rim las bzlog pa'o/ /chags pa'i lam pa'i las kyi phyag rgya'i dbang du byas na g.yas skor dang g.yon skor gyis dkod pa'o ni rim dang rim las bzlog pa'o/ /grol ba'i lam pa'i dbang du byas pa'i chos dang dam tshig gi phyag rgya ni dbugs phyir rgyu ba dang nang du 'jug pa'i rim dang rim las bzlog pa'o/ /rang lhag par gnas pa'i lam pa'i dbang du byas nas sgyu ma lta bu dang stong pa nyid ni rim las bzlog pa'o/ /mtshan nyid de dag dang ldan pa'i pho nya mo rnams ni zhi gnas dang lhag mthong mngon sum du skye ba'i rgyur yang dag gnas zhes bya'o/ /des 'bras bu cir 'gyur zhe na/ 'og dang steng grub rtag tu ster zhes bya ba smos te/ /'go'i sku'i dngos grub bo/ /steng ni thugs kyi dngos grub bo// //steng ni sgras 'phangs pas spyod gsum gyi dngos grub kyang 'grub pa'o/ /rtag tu steng zhes bya ba ni phyag rgya bzhi rgyu nus pa thogs med yin pas 'bras bu skye bar gdon mi za'o/ /dngos grub thams cad ji ltar ster bar 'gyur zhe na/ bdag gi pho nya mo kun 'gro zhes gsungs te/ dngos grub gsum la khyab pas na/ kun 'gro'o/ /pho nya mo de kun grub ste zhes bya ba ni khyab pa'i rgyu yin pa des na dngos grub gsum ster bar 'gyur ro/ /de ltar bsgrubs pa'i 'bras bu bshad nas dang ba'i 'bras bu ni mthong dang de bzhin reg pa dang zhes bya ba smos te/ grol lam pa'i byang chub sems dpa' yid du 'ong ba'i gzugs mthong ba nas brtsams te/ sgra thos pa dang dri bsnams pa dang ro myangs pa dang yid du 'ong ba'i reg bya'i bar du'o/ /de yang chags pa'i lam pa'i dbang du byas nas tsum pa na dang rtag tu 'khyud ces bya ba smos te/ kha la khas reg pa dang 'khyud pa dang snyoms par zhugs pa la sogs pas nam mkha' i rtsi'i reg bya yul du byas pa'o/ /rnal 'byor gnas pa'i khyad par nyid ces bya ba ni/ /pho nya'i lam pa'i rnal 'byor
- 453b
dang grol ba'i lam dang rang lhag par gnas pa'i rnal 'byor pa'o/ /sngags kyi khyad par ni phyag rgya'i dbye bas gsal ba bzhir byed pa'o/ /ji srid rnal 'byor tshogs rnams ni zhes bya ba ni chags pa'i lam dang/ grol ma'i lam dang rang lhag par gnas pa'o/ /thams cad dngos grub byed par bshad ces bya ba ni phyag rgya gsum gyis bsam gtan gyi ting nge 'dzin mngon gsum du bskyed pa dang phyag rgya chen po zag pa med pa lhag mthong thob pas na thams cad dngos grub byed par bshad ces gsungs so/ /de ltar grub pa'i 'bras bu dang dad pa'i 'bras bu gnyis bshad nas/ da ni rgyu ston pa yin te/ bde ba kun la sbyin bya yin/ zhes bya ba ni zhi gnas bde ba dang lhag mthong stong pa nyid mngon sum du byed par sbyin par bya zhes sa bon ston pa yin no/ /gzhan du nam yang ma yin no/ /zhes bya ba ni rnam bcad ston pa yin te/ gzhan ni rnam pa bdun te sde snod gsum la gnas pa'i goms pa lam du byed pa dang/ rgyud sde bzhi la bskyed pa'i rim pa'i dbang thob pa rnams la nam yang sbyin par bya'o/ /bde can kun zhes bya ba gang yin zhe na ma dang zhes bya ba slob dpon dang dbang dus gcig tu bskur ba dang/ sring mo ni rang dang lhan cig tu dbang bskur ba'o/ /bu mo ni rang gis dbang bskur ba'o/ /chung ma ni bla mas gnang ba'o/ /de rnams shugs kyis rdo rje slob dpon dang bdag nyid dang rang gis dbang bskur ba'i slob ma dang/ rnal 'byor ma la ltos te rnal 'byor pa rnams kyang mtshon pa yin no/ /gang zhig rtag tu sngags sbyin pa zhes bya ba ni yang skyob par byed pa de'i sngags de'i dbang byin pa rnal 'byor pa de rnams kyi gtsang sbra gsum po de nyid mngon sum gyi lam gyi cho gar bshad do/ /de ltar rten gyi gang zag bshad nas/ da ni thabs ston pa ni de nas rnal 'byor rgyud du ni zhes bya ba la sogs pa gsungs te/ rnal 'byor rgyud ni phyi ma'i phyi ma 'di nyid yin te/ thabs kyi rgyud lnga dang shes rab kyi rgyud bzhi las gos dkar mo'i rgyud yin pa'i phyir ro/ /rnyed dga' i dam
- 454a
tshig nga yis bshad ces bya ba ni bsam gtan dang po'i ting nge 'dzin dngos su bskyed pa'i thabs ni tshogs kyi 'khor lo yin pas ngas bshad pa yin no/ /skyes pa bud med g.yon nas 'gro zhes bya ba ni zhi gnas bde ba dang lhag mthong mngon sum mo/ /'dod pa'i dngos grub ster bar byed/ ces bya ba ni zhi gnas dang bde ba mngon sum du bskyed pa'o/ /rigs ldan rnams ni mchod par bya zhes le'u dang po rang du gsungs pa bshad par bzhed nas/ khyim dang zhing du rnam gnas pa/ zhes bya ba ni khyim ye shes kyi 'khor lo ni khyim mo/ /sku gsung thugs kyi 'khor lo ni zhing ngo/ /de skad du yang kun spyod las/ khyim lnga dang ni yul rnams dang/ zhes gsungs so/ /shin du ring yang shes par 'gyur/ /zhes bya ba ni kha dog dang dbyibs dang spyod lam dang brda rnams gsum gyi gnas nyi shu rtsa bzhir skyes kyang phan tshun rnal 'byor par shes par 'gyur ro/ /de ltar tshogs kyi 'khor lo bshad nas zhi ba'i btung ba bshad pa ni/ he ru ka las sbyor gzhan med ces bya ba gsungs te/ ro rdo rje ma la sgyu ma lta bur rtogs pa ni he ru ka la sbyor ba'o/ /gzhan med ces bya ba zhi ba'i btung ba las gzhan med pa'o/ /slob dpon rnal 'byor ma nyid yin zhes bya ba ni zhi ba'i btung ba'i rgyu tshogs pa yin pas na slob dpon zhes rtog pa yin no/ /rgyud 'di rnams su bsgrub pa po/ zhes bya ba ni zhi ba'i btung ba bsgom pa'i rnal 'byor pa'o/ /legs par gyur pa nyid yin te/ zhes bya ba ni rang bzhin brgyad cu dang bral ba'o/ /brnyas mi bya zhing spang mi bya zhes bya ba ni bde ba sgyu ma lta bur rtogs pa'i rgyu yin pas lus ngag gis brnyas par mi bya zhing sems kyis spangs par mi bya'o/ /thos pa yis ni mchod par bya zhes bya ba ni sbyor ba'i tshe na 'dod pa'i yon tan lngas mnyes par bya'o/ /de bzhin zhi ba'i btung ba bshad
- 454b
nas pho nya'i gtsang sbra bshad pa ni/ /kA ka la sogs brgyad po ni zhes bya ba gsungs te/ pho nya'i gtsang sbra'i thog mar zag pa med pa'i sdom pa bsrungs la kA ka la sogs pa lha mo brgyad kyi srung bar byed pa yin no/ /kA ka la sogs pa brgyad ni rnam rgyal la sogs pa brgyad yin pas des bsrung ba yin te de yang rgyud bla ma las/ rnam rgyal la sogs khro bo rnams/ kA ka la sogs yang dag sbrul/ /zhes gsungs so/ /mos dang dad pa 'phel byed pa zhes bya ba ni rnam shes la mos pa 'phel ba dang ye shes la dad pa 'phel ba'o/ /rtags par dngos grub rnams kyi rgyu/ zhes bya ba ni phyis 'byung ba'i dam tshig brgyad do/ /dam tshig rnams kyang sbyong ba'o/ /zhes bya ba ni dam tshig srung ba la mkha' 'gro ma brgyad kyi bsrung ba'o/ /de lta bu'i bdud 'joms pa'i mkha' 'gro ma brgyad bshad nas shes rab ye shes kyi dam tshig bshad pa ni lha mo gzhan dang kun sbyor ba/ /zhes bya ba smos te/ dang po rnam bcad kyi dam tshig bzhi smos pa ni lha mo gzhan dbang ma bskur ba'o/ /de dag dang kun du sbyor ba ni brnyen sgrub ma byas par sbyor ba'o/ /dam tshig dang ni mi ldan par/ /rig ma bsten par dga' ba dang/ zhes bshad pas dbang bskur ba dang snyoms par mi sbyar ba dang/ 'dod la chags par 'gyur ba dang/ zhes bya ba ni dbang bskur ba yin yang rang bzhin brgyad cu dang ldan pa'o/ /gnyis med ces bya ba ni gzung 'dzin gnyis dang bral ba'i gnyis med du ma shes pa'o/ /gzugs med ces bya ba ni dga' bral du song ba'o/ /de las bzlog pa yongs gcod bshad pa ni dam tshig spyod pa spyad pa dang zhes bya ba ni dam tshig dang ldan pa la spyod pa ni snyoms par 'jug pa'o/ /bud med dbang phyug shin du sbyor/ zhes bya ba ni rang bzhin brgyad cu dang bral ba'o/ /tshangs par spyod dang de bzhin bzhi/ /
- 455a
zhes bya ba ni gzung 'dzin bral ba'o/ /gsal ba zag pa med pa bsrung bas na bzhi'o/ /khro med rgyun gyis kun spyod pa zhes bya ba ni dga' bral du mi 'gro ba'i bsrung ba'i kun du spyod pa'o/ /'di brgyad dam tshig kun spyod yin zhes bya ba ni shes rab ye shes kyi dbang bskur ba'i dam tshig go /de sgrub pa la gnas pa rnams kyis dam tshig tu shes par bya'o/ /de ltar dam tshig bshad nas rgyud rnams kun gyi thun mong ste zhes bya ba ni pho nya'i gtsang sbra dngos bshad pa yin no/ /stong pa nyid mngon sum rtog pa 'di spyod pa dang bya ba dang gnyis ka'i rnal 'byor pa rnams kyi mngon sum du thun mong du gnang ba yin pas gnod pa byed pa'i gtan tshigs med par gzhom par mi bya zhing gdags par mi bya ba'o// de ji ltar bsgom zhe na/ dad pa nyid kyis blang bya yi/ /zhes bya bas te nam mkha' i rgyu dang tshogs pa las bde ba rtog pa med pa'i nges pa'i shes pa 'dren pas gus par blang ba'o/ /mig gis mthong ba dang rna ba dang sna dang lce dang lag pas ma yin no/ gsang ba 'di ni ma bstan cing/ zhes bya ba 'di ni grol ba'i lam pa la mi gnas lus kyi bar gyis chos kyi phyag rgya las dbang thob pa yang yin yang/ reg bya rdo rje ma'i gsang ba 'di ma bstan cing rab tu sbas pa yin na ci'i phyir grol pa'i lam pa la mi bstan zhe na/ blo ldan mthe'u chung bskyod par ni/ zhes bya ba smos te/ blo ldan ni chags pa'i lam pa'o/ /mthe'u chung bskyod pa ni rtsa ba ma'i sgro sprad pa'o/ /pho nya mo rnams yang dag gnas/ zhes bya ba ni dung can dang pad+ma can dang ri dags can rnams las kyi phyag rgyar yang dag par gnas pa'o/ /de ltar thabs bshad nas zhar la bskyed rdzogs gnyis ka'i rgyu'i rgyud bshad pa ni dag dang ma dag 'dres ba ste zhe bya ba gsungs te/ dag pa ni bskyed pa'i rim pa bsgom pa'o/
- 455b
ma dag pa ni bdud rtsi rnam pa lnga la longs spyod pa'i rdzogs pa'i rim pa bsgom pa'o/ /'dres pa ni bskyed rdzogs gnyis ka bsgom pa'o/ /mnyes byed rnam par dag pa dang gsal byed ces bya ba gsungs te/ yon tan dang ldan pa'i mi gsum mo/ /le'u nyi shu rtsa drug pa'i rnam par bshad pa'o// //de ltar le'u dang po'i 'bras bu dang rgyud dang thabs rnam pa gsum gyi sgo nas bshad nas/ nga ni sbyor ba dang/ dngos gzhi dang/ mjug rnam pa gsum gyi sgo nas bshad par bzheng nas/ de nas rnal 'byor spyod pa brtul zhugs zhes bya ba la sogs pa gsungs te/ rnal 'byor pa ni gtsang sbra gsum bsgom pa'o/ /spyod pa ni gtsang sbra rnam pa gsum gyis so/ /brtul zhugs ni gtsang sbra gsum ni dngos gzhi'o/ /sbyor ba ni mchod par shes par bya'o/ /bskyed pa'i rim pa la yang mchod pa dang brtul zhugs yod na rdzogs pa'i rim pa dang khyad par ci yod ce na/ pho nya mo rnams rab sgrub byed ces bya ba gsungs te/ phyag rgya bzhi dang byang chub sems bcas pa'i bde ba'i dbang po dang/ bde ba bskyed pa'i bag chags rgyu'i rkyen dang/ slob dpon gyi gdams ngag dran par byed pa mtshungs pa de ma thag pa'i rkyen las bsam gtan gyi sdom pa rnam shes dang zag pa med pa'i sdom pa ye shes pas rab sgrub byed ces bya'o/ /myur du 'grub ces bya ba ni mngon sum du rtogs par byed pa min te/ 'bras bu yod ces byed pa yid ces gsungs pa'i phyir ro/ /pho nya rnams kyis tshigs thams cad shes par bya'o/ /zhes bya ba ni gtsang sbra gsum la sbyor ba dang/ dngos gzhi dang mjug gsum du phye ba ni tshig thams cad do/ /de ltar mdor bstan nas rgyas par bshad pa la dang po mchod pa bstan nas yul dang yul du nye bar song zhes bya ba smos te/ gnas nyi shu rtsa bzhir rnal 'byor pa de rab tu song zhing sgrub pa'o/ /kha cig ni rgyud bla ma las bshad pa'i sbyangs pa'i yon tan gyi 'khor lo spyod par sgom pa yin la/ de'i yan lag tu gnas nyi
- 456a
shu rtsa bzhir bsgyur zhing rnal 'byor ma 'tshol ba yin no zhes zer ro/ /de ni rigs pa ma yin te/ /rdzogs pa'i rim pa'i ting nge 'dzin las langs pa'i tshe phyogs las rnam par rgyal ba dang pha rol tu phyin pa'i spyod pa bya'o/ zhes kha sbyor las gsungs pa dang 'gal ba dang/ rdo rje mkha' 'gro las kyang/ bcos ma'i sgom pa spang bar bya/ bcos ma'i bzlas pa spang bar bya/ /de la sogs pa'i bcos ma kun/ /rnal ma'i sbyor ba'i tshul la ma ni zhes gsung pas sbyor ba'i yon tan gyi lhar bskyed pa'i don med do/ /'o na yul der ci'i phyir rgyu snyam na/ pho nya'i gzugs su mtshon pa yin zhes gsungs te/ kha dog dang dbyibs dang spyod lam gyis mtshon pa dang brda gsum gyis mtshon pa'o// de shes pas 'bras bu ci 'grub ce na/ /pho nya ral gri ri so 'dra zhing/ /dag byed bsod nams 'phel byed yin/ zhes gsungs te/ dag byed ni rang bzhin brgyad cu dang bral ba'o/ /bsod nams 'phel ba ni lhag mthong ye shes skyes pa'o/ /de bzhin pho nyar legs 'dres pas zhes bya ba ni de bzhin dpe bral gyi so 'dra ba la bsnyegs so/ /ral gri dra ba spu zhe na/ lags 'dres pas zhes bya ba smos te/ thams cad las ni sems bsdus nas/ nang gi bdag nyid dbye byed pas/ /gnas pa'i lus kyi reg bya ni/ /thog ma'i blo ni lhan skyes yin/ /zhes bshad pas rang bzhin brgyad cu dang bral ba legs par 'dres pa'o/ /sgrub pa po yis dngos grub thob ces bya ba ni phyag rgya bzhi dang sbyor ba las dngos grub gsum thob pa'o/ /goms pa mi dgos sam zhe na/ bzlas brjod bsam gtan med par yang/ myur ba nyid du grub par 'gyur/ /zhes bya ba smos te/ /dper na bkru sman gyi tshogs pa las nad 'byin pa bzhin du bzlas
- 456b
brjod dang bsam gtan med rnam shes dang ye shes ni rgyu tshogs pa las skye'o/ /de ltar shes pa'i 'bras bu dang/ sgrub pa'i 'bras bu dang/ myur ba'i 'bras bu gsum bshad nas/ /thabs bshad nas sngags dang phyag rgyas bsgrub pa'o// mchod pa nyid la rab tu 'jug ces bya ba gsungs te/ sngags ni bskyed pa'i rim pa'i lhas lha dgod pa dang/ rdzogs pa'i rim pa'i dbugs 'byung 'jug 'khor ba'o/ /phyag rgya ni bskyed pa'i phyag rgya mtshan dang/ rdzogs pa'i rim pa'i phyag rgya bzhi'o/ mchod pa ni gtsang sbra gsum gyi sbyor bas rnam pa sna tshogs dang rnam par smin pa la 'jug pa'o/ /de las gzhan pa'i mchod med de/ zhes bya ba ni zhi gnas dang lhag mthong sgrub pa'i mchod pa'o/ /de ltar bstan bcos ni nga yin zhes bya ba ni mjug bsdu ba ste mngon sum gyi lam bstan pa'i snying po yin no/ /rgyal po ni mi la khur gyis dge slong seng ge ma bsad kyi bar mtshan nyid kyi theg pa la yang mngon sum gyi lam yod pa yin pa las bsad nas bstan pa'i snying po nub pa yin no/ / gsang sngags kyi theg pa la ni zhi gnas dang lhag mthong gi lam mngon sum yod pas bstan pa'i snying po ma nub pa yin no/ /'o na bstan pa'i snying po yod pa yin na gsang ba 'dus pa'i le'u bcu bdun pa las mar me mdzad nas 'od srungs kyi bar du ma gsungs so/ /zhes bya ba'i don ci yin zhe na/ las dang po rnal 'byor ma rtogs pa la dgongs pa yin no/ sangs rgyas dang byang chub sems dpa' rnams la ni dus thams cad mngon sum gyi lam gyi chos kyi rdzogs par longs spyod cing nyams su myong ba'i phyir dge slong ma seng ge'i rnam pa las byang chub sems dpa' la phyag na rdo rje mthu'o che rdo rje rgyan zhes bya ba rdo rje theg pa'i chos kyi 'khor lo bskor ro/ /zhes gsungs so/ /pho nya dang sbyar ba'i mchod pa bshad nas/ rnams
- 457a
par nyed pa dga' bral phyi gnyen por spyod pa bstan pa ni pho nya'i lam la dga' bas kyang zhes bya ba gsungs te/ chags pa'i lam pa'i sgrub pa po ni dngos grub brtson zhes bya ba ni dga' bral du 'bro ba'i dgos pa'i ro mnyam gyi spyod pa sgom pa'o/ /de yang gang yin zhe na/ tshogs kyi 'khor lo spyod pa ste/ rig sngags phyag rgyar yang dag ldan/ zhes bya ba nas zhi ba dang rgyas pa la sogs pa'i sngags dang lag pa g.yas g.yon dgang gzar dang blugs gzar du byas pa'i phyag rgya dang ldan pa'i bdud rtsi lnga'i kha zas la rtag tu spyad par bya'o/ /kha zas 'ba' zhig dang tshogs kyi 'khor lo byed dam zhe na/ /sgrub pa po ni legs pa ru/ /mnyam par bzhag pas rigs rnams ni/ kun la nye bar spyang bya zhing/ zhes bya ba gsungs te/ legs par mnyam par bzhag pa ni rang bzhin brgyad cu dang bral ba'o/ /rigs rnams kun ni gzugs nas reg bya'i bar du yul lnga la dga' ba bzhi nye bar longs spyod cing rtog pa med pa'i shes pa skyes pa'i dus su bza' ba ma yin blang dor du mi rtag go /de ltar tshogs kyi spyod pa bshad nas/ zhi ba'i btung ba bshad pa ni don dam du ni dbyer med ces bya ba gsungs te/ don dam pa de ba rtog pa med pa sgyu ma lta bu shes pa ni dbyer med pa'o/ /pho nya mo gnyis grub par zhes bya ba ni gsang ba dang shes rab ye shes kyi sgrub pa'o/ /dngos grub cho ga la spyod pa ni gsang ba'i dbang bskur ba'i dus su pho nya gcig pu kho na yin zhes bya ba ni bdud rtsi lnga 'byin pa'i yum mo/ /rab bdag nyid ces bya ba ni/ /mchog gi dngos grub dang po yi/ dngos grub ni sgrub pa dag kyang nye pa dang zhes bya ba ni 'jig rten gyi dngos grub dang nye ba'o/ /bla ma'i brgyud pas thob pa'i dbang bskur ba dang/ yid skyob par byed pa'i sngags kyi ting nge 'dzin dang ldan pa/ pho nya rnam gsum yang dag
- 457b
bshad ces bya'o/ /de ltar gsang ba'i dbang bskud ba'i spyod ba bshad nas pho nya'i gtsang sbra'i spyod pa bshad pa ni dang po'i pho nya'i rnal 'byor pa'i mtshan nyid bstan to/ /phyag rgya legs sbyor dang tshul ni zhes bya ba ni rang bzhin brgyad cu dang bral ba'i rtog pa med pa'i dang tshul can no/ /chags med stong dang zhes bya ba ni chags med ni bde ba'i ro myang ba'o/ /tshul khrims dang ldan zhes bya ba ni sdom pa gsum la gnas pa'o/ /ye shes rgyu skyes yang dag rdzogs zhes bya ba ni skye ba lnga ma goms par byas pa'o/ /rdzogs pa'i rim pa'i spyod rim sgom pa ma yin zhing/ bskyed pa'i rim pa la thun bzhir lha'i skur bsgom pa ni dngos gzhi yin pas 'brel pa med pa ma yin no/ /de ltar rten gyi gang zag bshad nas thabs bstan pa'i lus kyi bya ba kun byas nas ni rgyud kyi rim pa 'khor bzhi dang rtsa gsum mdzad pa yin no/ /lus las shin tu mtshon cha zhes bya ba ni sngags kyi rim pa rlung me'i drod can nyi shu rtsa bzhi bsregs pas na mtshon cha'o/ /lus la gnas pa kun du spyad ces bya ba ni ye shes kyi rim pa 'khor lo bzhi la byang chub kyi sems bab pa'o/ /dag byed byas pa'i lus kyang ni zhes bya ba ni gsang ba'i rim pa dga' ba dang mchog dga' dang lhan cig skyes pa dga' ba las 'das pa'i dag byed reg bya'i stong pa nyid sgom pa'o/ /rtag tu sngags ni brjod pa bya zhes bya ba ni srog a ba d+hU tIr chud pas ngag byed kyi lus brtan par gyur pa'o/ /rnal 'byor sngags rnams nges bsten zhing zhes bya ba ni tshogs drug gi rlung a na ha'i nang du gsungs pa'o/ /mtshon cha rnams ni bsgom mi bya/ zhes pa ni dbang po drug gi rtsa la byang chub kyi sems phab nas bde pa rtog med skyes pa ni mtshon cha yin la/ /de la goms par mi bya ba ni lus dang yid bde ba dga' bral du mi 'gyur ba'o/ /bram ze sa ra pa'i lugs kyis thig le gnyis shor ba dang gnyis lus pa'i mtshams su bde ba stong pa nyid rtogs pa'i nges pa'i shes pa bskyed
- 458a
par 'dod mod kyi mtshon cha rnams ni bsgom mi bya zhes gsungs pas mchog gi rgyud dang 'gal ba yin no/ /dam tshig can la khro mi bya zhes bya ba ni shes rab ye shes kyi dbang thob nas bde ba rtog pa zag med kyi rten yin par shes bzhin du nyan thos kyi theg pa'i rjes su 'brangs nas mi gtsang ba'i rdzas yin par smod pa dang/ 'jig rten pa'i rjes su 'brangs nas mi tshangs par spyod pa yin no/ /zhes sems pa'i blos las kyi phyag rgya la smod par mi bya'o/ /mngon par brtson las 'da' mi bya'o/ /zhes bya ba ni kha sbyor las gsungs pa bzhin du rgyu'i tshogs pa brten pa'o/ /de dang lhan cig bde bar bya/ zhes bya ba ni tshogs kyi 'khor lo'i lha ma bde ba dang bsam gtan gyi bde ba sgom pa'o/ /grol ba'i don dang zhes bya ba ni dag byed kyi lha mo dang zag med kyi bde ba sgom pa'o/ /de'i don dang zhes bya ba ni bde dang grol ba'i dam tshig spyad pa'o/ /'di dang cig sbyang bya zhes bya ba ni gzhan 'phrul dbang byed ltar lus po tsam gyis ma yin pa dang/ 'phrul dga' ltar rgod pa dang/ dga' ldan ltar lag bcangs dang/ mtshe ma ltar 'khyud pas ni yin pa'i sa la sum cu rtsa gsum pa'i bzhin du bsam gtan gyi rgyu'i tshogs pa bskyed par bya'o zhes bya ba'i don to/ de ltar rnam par nyed pa dga' bral gyi gnyen po spyod pa bshad nas/ /dngos gzhi la mtshan nyid dang bral ba'i dus su phyi'i lus ngag gi brtul zhugs bshad pa ni/ mtshan mo rtag par nam mkha' i gos zhes smos te/ rtog pa dang bral ba'o/ /gnag dang dmar bar rtag gyur bya/ zhes bya ba'i 'bras bu'i he ru ka yum rdo rje phag mo'i kha dog go /srog chags yan lag las byung gyon/ zhes bya ba ni glang po che dang stag gi pags pa'i gzugs brnyan bgos pa'o/ /bde ba 'dod pas bde thob 'gyur/ /zhes bya ba ni bsam gtan gyi bde ba lus bde ba 'dod pa dang/ phyi'i brtul zhugs he ru ka'i cha byad kyis bde ba grub par 'gyur ro/ /mchod
- 458b
phyir thogs ni yengs slangs gtsang/ zhes bya ba ni bskyed pa'i rims pa'i phyag rgya mnga' bas gcig med kyang lus ngag yid gsum gyi zhen pa spongs ni yongs spangs gtsang ba'o/ /sh+rI he ru ka'i byin gyis brlabs/ /zhes bya ba ni sh+rI ni gnyis su med pa'i ye shes so/ /he ni rgyu dang bral bas na lus stong bar byin gyis brlabs pa'o/ /ru ni bkod pa dang bral bas na ngag mtshan ma med par byin gyis brlabs pa'o/ /ka ni gang du mi gnas pas ni sems smon pa med par byin gyis brlabs pa'o/ /bskyed pa'i rim pa'i mchod phyir thogs spangs nas phyi'i brtul zhugs la rgyan pa yin nam zhen phyag rgya lnga dang yang dag ldan zhes bya ba smos te/ spyi gtsug gi nor bu dang/ rna rgyan dang/ mgul rgyan dang/ lag gdub dang/ tshangs skud rnams ni rus pa'i rgyan dang ldan pa'o/ /dus kun du ni yang dag spyad/ /ces bya ba ni bskyed pa'i rim pa ltar dngos gzhi la ting nge 'dzin bsgoms nas ldang ba'i tshe sdud pa ma yin pa dngos dang rjes kyi spyod lam thams cad du phyag rgya lnga'i rgyan dang ldan pa'o/ /phyag rgya lnga gang zhe na/ /mgul rgyan gdu bu rna rgyan dang/ /spyi bo nor bus rnam par brgyan/ /mchod phyir thogs dang rnam pa lnga'o/ /thal ba dang drug go dus kun du ni rnam par gnas/ zhes bya ba ni dpa' bo gcig pu dang rgyal mtshan gyi spyod pa'i spyod lam rnam pa bzhi'i dus thams cad du rnam par gnas pa ste/ tshogs drug gi rtog pa med pa mtshon par byed pa'i phyag rgya drug rnam par gnas pa'o/ /las dang po bas ji ltar bya zhe na/ mtshan mo brtan par gsal bya zhing/ /nyin mo gsang ba nyid du bya/ zhes bya ba smos te/ mtshan mo'i tshogs kyi 'khor lo'i dus su gsal bar bya zhing/ nyin par 'jig rten pa la gsang ba'i sba bar bya ba yin no/ /de ltar tshogs kyi 'khor lo dang zhi ba'i btud ba dang pho nya'i gtsang sbra gsum gyi
- 459a
lus dang ngag gi phyi'i brtul zhugs bshad nas gtsang sbra gsum gyi sems kyi gsang ba'i brtul zhugs ni/ tha dad ye shes shin tu dams zhes bya ba ni tshogs kyi 'khor lo la ma dang par shes pas 'dod pa'i yon tan lnga la tha dad par snang ba dang/ zhi ba'i gtud ba la gzung 'dzin gyi gnyis su snang ba dang/ pho nya'i gtsang sbra la gzung 'dzin gnyis su tha dad par snang ba'i shes pa nub par byas pa ni sbas pa'o/ /rab tu zhi zhing dbang po dul/ zhes bya ba ni nam shes la rang bzhin brgyad cu dang bral bas na bzhi pa'o/ /ye shes la gzung 'dzin gnyis dang bral bas na ral pa thul ba'o/ /gtsang sbra gsum du bya zhing zhes bya ba ni nyon mongs pa dang shes bya'i sgrib pa dag pas na gtsang sbra ste/ de yang zhi gnas stong pas dben pa dang/ sgyu ma lta bu dang dngos po 'dzin pas dben pa dang/ stong pa'i ye shes gnyis su snang bas dben pas na rnam gsum mo/ /rang gi rgyun bzhin rnam par gnas zhes bya ba nas ni rang ni shes pa rtog pa med pa'o/ /rgyun ni dang po rtog pa med pa bzhin phyis kyang rgyun yang rnam par gnas pa na rgyan bzhin rnam par gnas zhes bya'o/ /de skad du yang/ don dam snying po las/ mngon sum rgyun ni bsrings pa las/ /sgom pa zhes ni bshad pa yin zhes bshad do/ /rigs dang rigs min ngor mi blta zhes bya ba ni shes pa rtog pa med pa skyes pa'i tshe'o/ /sems pa'i rnam par rtog pa dang bas rigs yid du 'ong ba dang/ rigs min yid du mi 'ong ba dang btang snyoms su mi 'dzin pas na ngor mi blta zhes bya'o/ /shes pa rtog pa med pa gsang pa'i brtul zhugs la phyag rgya rnam pa lngar 'dzin pa yod dam zhe na/ spyi gtsug bcings pa yang zhes gsungs te/ gos dang phyag rgya lnga la sogs pa'i blang dor gyi rnam par rtog pa yang med do/ /de ltar na phyag rgya ni rnam pa gsum du 'gyur te/ /rigs drug
- 459b
gi rang bzhin can du phyag rgya drug bsgoms pa bskyed pa'i rim pa dang mtshan bcas kyi rdzogs rim gyi dus su cho gas drug gi shes pa rtog pa med par dran pa'i phyag rgya drug dang dngos gzhi mtshan med kyi rdzogs rim gsang ba'i brtul zhugs kyi tshe phyag rgya drug rnam par bsgom pa yin no/ /de yang mkha' 'gro las rnal ma'i lam ni brten nas ni/ /thams cad byas kyang rnam par grol/ zhes gsungs so/ /gtsang sbra gsum po de yang gang zhe na/ pho nya dang zla ba dang snod gcig tu za ba'o/ /reg bya rdo rje ma la stong pa nyid mngon sum gyis bsgoms pas na dang po yin no/ /zla ba la ni brdar rdo rje ma la sgyu ma lta bur rtogs pas na bar ma yin no/ /snod gcig tu za ba ni zhi gnas kyi ting nge 'dzin skyes pas na tha ma yin no/ /de la in dra b+hu ti'i zhal snga nas zla ba lta bu'i man ngag dang/ skar khung lta bu'i man ngag dang seng ge phru gu lta bu'i man ngag dang zhes gsungs pa yin no/ /de yang zla ba tshes pa ni 'dod pa'i yon tan lnga la tshogs kyi 'khor lo byed pa'i tshe bde bar mtshon nas tshes bco lnga'i zla ba bzhin du chos thams cad la bsam gtan gyi bde ba rgyas par byed pa yin no/ /skar khung lta bu ni ro rdo rje ma la sgyu ma lta bu'i gsang ba rtol nas phyi rol gyi nam mkha' bzhin du chos thams cad la sgyu ma lta bu bzhin du rtogs pa yin no/ /seng ge phru gu lta bu ni reg bya rdo rje ma la stong pa nyid mngon sum du rtogs nas seng ge'i yan lag la smad pas ri dags thams cad skrag par byed pa bzhin du chos thams cad kyi stong nyid rtogs par 'gyur ba yin no/ /de yang rgyal po'i yul las reg bya'i stong pa nyid rtogs na chos thams cad gyi stong nyid rtogs par 'gyur ro/ /lha mo dang dpa' mo'i zhal nas gtsang sbra gsum lcags kyu lta bu'i man ngag yin te/ de yang khams gsum 'khor ba'i rgya mtsho lta bu yin la/ /bde ba rtog pa med
- 460a
pa ni nya lta bu yin la/ gtsang sbra rnam pa gsum gyi lcags kyus bzung nas bde ba chen po'i skams la 'byin pa yin no/ /zhes bshad do/ /pad+ma rdo rje'i zhabs snga nas/ gtsang sbra gsum ni nam mkha' lta bu min te/ rtsa gsum gyi sna gsang ba'i rdo rje nor bu b+ha gar bstod pa la/ g.yon pa la la nA'i rlung gis ni dga' bral gyi bde ba nyams nas khams gsum 'khor ba'i rnam par rtog pa bskyed pa dang/ g.yas pas ra sa nA'i rlung gis gyen du bzlog pa'i tshe byang chub kyi sems ra sa nA ra bcus pas 'dod pa'i dbang phyug 'am twat+ta dang/ tshe 'phel ba be sha twat+ta dang zhes bya bar 'gyur ro/ /dbus ma a ba d+hu tI'i rlung gis byang chub kyi sems a ba d+hu tIr chud pa'i tshe mi zad ba bsam gtan gyi bde ba ni rany+dza na twat+ta zhes bya bar 'gyur ro/ /de la stong pa nyid kyi rgyas btab pas zag pa med pa'i bde ba bar ma twat+ta zhes bya bar 'gyur ro/ /de yang dkar dmar gos ni bsal nas kyang/ sreg ni nam mkhar chud 'gyur ni/ /bde ba mi zad rtog pa med/ /bde ba chen por skye bar 'gyur/ /zhes bshad do/ /dka' dmar gos ni g.yas g.yon gyi rtsa ba byang chub kyi sems gnas pa'i chags pas chags bral spangs pa'i bsam gtan gyi bde ba skyed nas bde ba chen po'i rgyas btab nas dbus ma yang 'dor ba yin no/ /de yang mnyam sbyor las/ chags pa ma yin chags bral min/ /dbus ma yang ni mi dmigs so/ /zhes gsungs so/ /rin chen rdo rje'i zhal snga nas/ /a sa ma sa ma zhes bya ba ste mi mnyam pa dang mnyam pa nyid kyi man ngag yin gyi de yang mngon sum gyi shes pa la nges par 'dren pa bla ma'i man ngag gis byas nas mngon sum gzhan las nges par 'gyur te/ /gang la rtog pa med pa skyes kyang snang la nges pas na so sor brtags min yin no/ /gzung dang 'dzin par nges par ltag pa ni chos dang gang zag bdag gi rang bzhin gzung ba dang
- 460b
'dzin pa'i rang bzhin yin no/ /mngon sum bde ba rtog pa med par skyes pa la nges pa'i shes pa'i 'dren nus pa ni mngon sum rang las nges yin la/ gang la ma nges pa de yis gtsang sbra rnam pa gsum gyi rgyu'i tshogs bas bde ba rtog pa med pa'i nges par 'dren pa'am/ bla ma'i mngon sum gyis nges par 'dren pa ni mngon sum gzhan las nges pa yin no/ /de yang bde ba rtog med rang dang gzhan las nges pa'i bsam gtan gyi ting nge 'dzin la stong pa nyid rang dang gzhan las nges pa 'dren pa ni sa dang po'i ye shes yin no/ de ltar na gtsang sbra 'di dag tu bskyangs pas gtsang ma dag pa'i rim thob nas zhes bya ste zhig nas da ltar mthong mngon sum du skyes pa'o/ /dngos grub gang las 'byung mi 'gyur/ /zhes bya ba ni ci'i phyir 'byung bar mi 'gyur te/ gdon mi za bar 'byung bar 'gyur ro/ /de ltar gsang ba'i brtul zhugs dang phan yon dang po bstan nas phan yon gnyis pa rgyud thams cad kyi dngos grub 'grub pa ni de nyid bsdus pa dang bde mchog dang thams cad gsang ba dang dpal mchog dang po dang rdo rje 'jigs byed la gsungs pa'i bzlas pa dang brtul zhugs dang yod pa la sogs pas grub pa ni 'dir gtsang sbra gsum gyi bsam gtan gyi ting nge 'dzin gyis skad cig grub par 'gyur ro/ /de ltar phan yon gnyis pa bshad nas/ grol pa'i lam pa'i phan yon gsungs pa ni rnal 'byor lam pa dga' bas kyang/ zhes bya ba gsungs te/ rnal 'byor lam chos dang dam tshig gi phyag rgya bsgom pa grol ba'i lam yin pas phyag rgya de nyid la brten nas gtsang sgra 'di yang dag par spyod pa'o/ /grol ba'i lam pa de'i bsod nams ji lta bu zhe na/ gtsang sbra las byung ba'i yon tan rgya mtsho chen po de ni gang zag stong phrag du mas kha stong phrag du ma'i sgo nas yon tan brjod kyi mi lang ba'o/ /yon tan gsum pa bshad nas/
- 461a
mchod pa'i yon tan ni/ dpal ldan khrag 'thung ye shes che/ zhes smos te/ dpal bde mchog gi rnam shes dang ye shes kyi rang bzhin no/ /rnam dag mtshan nyid dang ni kun sgrub pa la ni rang bzhin brgyad cu dang gral ba'o// bde ba bsod nams chu 'thungs pa'i/ /zhes pa mi byang chub kyi sems bzlog pa'o/ /ngag byed sdig pa 'jig byed yin zhes pa ni rnam shes kyi bsam gtan gyi sdig pa dag cing sems kyis nyon mongs pa dang shes bya'i sgrib pa 'dag pa'o// de ltar chags pa'i lam pa'i phan yon bzhi pa bstan nas/ lnga pa chos kyi phyag rgya'i phan yon bstan pa ni/ reg pa dang ni smras pas kyang/ sdig pa kun las grol bar 'gyur/ /zhes bya ba gsungs te/ smra ba rna bas thos pa na sreg pa lus kyis myong ba'i bar gyis chos kyi phyag rgya la dmigs na sdig pa grol bar 'gyur zhing mig gi yul gzugs su dag cing skyon med pa'o/ /gzugs la rtog pa dang bral ba'i bde ba skyes nas gang zhig spyod pa'o zhes bya ba smos te/ mchog gi dngos grub bde bar gshegs pa'i sa bcu gcig pa'i bde bar gshegs pa thob pa dang/ rigs su skyes pa'i lha'i rgyal por 'gyur te/ dngos grub 'bring dang mi'i rgyal por gyur pa'i dngos grub tha ma yin no/ /de ltar brtul zhugs phan yon dang bcas pa bshad nas/ tshogs kyi 'khor lo'i gtong ma bshad pa ni/ /de ltar rtag tu mchod byas nas zhes bya ba smos te/ mchod pa ni gtsang sbra gsum gyi mchod pa'o/ /dad pa yis ni mchod pa sbyin/ /zhes bya ba ni dkon mchog gsum la mos pa yid kyi dad pa dang/ de'i bstan pa bsrung ba la dad pas 'khor gsum dag pa'i gtor ma btang bar bya'o/ /ji bzhin cho ga'i sbyor ba yis/ /zhes bya ba ni tshogs kyi 'khor lo'i dus su bdag nyid
- 461b
rnal 'byor ba bzhis lhar bskyed pa dang ci 'byor pa'i rdzas la yaM las rlung gi dkyil 'khor dang/ raM las me'i dkyil 'khor dang/ de'i steng du suM las bskyed pa'i thod pa'i sgyed bu dang/ yi ge kaM las bskyed pa'i thod pa stong gsum tshang tsam bsams la bdud rtsi lnga'i gong bu yi ge lnga dang/ oM A(rgyud 'grel): hUM gsum gyis byin gyis brlabs la/ tha mal ba'i kha zas dag cing lha'i kha zas su zhu ba dang/ ye shes kyi bdud rtsis gang bar bya la brten par byed pa'i sngags 'dis/ oM A kA ro mu khaM sarba d+harmmA NI adya nutpan+na twAta ces bya ba lan lnga'i bar du byin gyis brlabs la/ de'i mdun du a gru gsum gyi dbus su buM las gzhal yas khang bskyed la/ /dbus su bcom ldan 'das 'byung po thams cad 'dul bar byed pa'i phyag tu bum pa bsams la/ de'i shar du nag po/ /byang du ru pra chen po/ /nub tu lhas byin/ lhor nag po/ /dbang ldan du gtsigs pa/ me'i mtshams su mi bsrun pa/ bden bral du dga' ba las 'das/ rlung du log 'dren te thams cad kyang zhal gcig pa spyan gsum pa/ phyag bzhi pa/ gri gug dang thod pa/ kha TwAM ga dang mdud rtse gsum pa bsnams pa'o/ /gnag pa dang ser ba dang dmar ba dang dkar ba'i mdog can/ mtshams na gnas pa yid 'phrog pa'i gzugs gnyis pa shar phyogs kyi nag po chen po la tsa muN+Ti dang/ drag mo dang/ mi sdug pa dang/ dka' bzlog pa bzhis bskor ba'o/ /byang gi ru dral rgyal ba dang/ rnam rgyal dang/ mi thub ma dang/ gzhan gyis mi thub mas bskor ba'o/ /nub kyi lhas byin la bzang mo dang/ nag tsom ma/ nag sbom ma dang/ rnal 'byor ma rnams kyis bskor ba'o/ /lhor nag po la dbang mo dang/ zla ba mo dang/ drag mo dang/ sdang ba mo rnams kyis bskor ba'o/ /dbang ldan du gtsigs pa la 'phyang ma dang/ /dbang phyug ma dang/ skem po che dang mar me ma rnams
- 462a
kyis bskor ba'o/ /me mtshams kyi mi bsrun mo la 'joms ma dang/ grong khyer dang gzugs drag mo dang/ gzugs chen ma bzhis bskor ba'o/ /bden bral du dga' ba las 'das pa la mche ba can dang/ gtsigs pa? dang/ thod 'phreng ma dang/ kha TwA can rnams kyis bskor ba'o/ /rlung du 'og 'dren la ral gri can dang/ dgra sta can dang/ rdo rje can ma dang/ gzhu can ma rnams kyis bskor ba'o de'i phyi rol du dur khrod brgyad kyis bskor ba la phyogs skyong brgyad dang/ pho nya brgyad dang klu brgyad dang sprin brgyad dang/ mkha' 'gro brgyad dang/ ma ma brgyad kyis bskor bar bsams ^zhi ba la thams cad dkar po/ /rgyas pa thams cad ser po/ /dbang thams cad kyang dmar po/ /mngon spyod thams cad nag mo/ lha mo sum cu rtsa gnyis ni thams cad kyang gri gug dang ka pA la bsnams pa/ dur khrod brgyad kyi phyogs skyong ba ni shar du rdo rje/ lhor ral gri/ byang du dbyug pa thogs pa dang/ mtshams bzhi rdo rje rtse gsum pa dang/ gri dang/ ba dan dang/ mdud rtse gsum pa thogs pa/ phrin las bzhi'i mdog can no/ /a ral+li ho zhes bya ba'i sngags dang skye gnas kyi phyag rgyas spyan drangs pa la mchod pa 'bul lo/ /de lta bu'i mgron pa sams nas dus nam gyi che mchod ce na/ mar gyi ngo tshes bcu dang/ zla ba yar ngor ma gyur pa/ myur du 'bad pas mchod bya ste/ zhes bya ba gsung te tshes cu ni zhag dang po la gnas kyi lha mo dang/ gnyis pa la nye ba'i gnas kyi snying pa dang/ gsum pa la zhing dang/ bzhi pa la nye ba'i zhing dang/ lnga pa la mtshan do ha dang/ drug pa la nye ba'i do ha dang/ bdun pa la 'dus dang/ brgyad pa la nye ba'i 'dus dang/ dgu pa la dur khrod kyi dang/ bcu pa la nye ba'i dur khrod kyi lha mo tshang bar gyur pa'i tshe mchod par bya'o zhes mchod par bya zhe na/ rdo rje lha mo myos shas/ /zhes bya ba smos te/ lo bcu drug ma lha mo dang/ sha dang chang gis so/ /su zhig la zhe na/ skye bo dad pas mchod bya zhed/ /zhes bya ba ste tshogs kyi 'khor lo lha mo la'o/ /ci
- 462b
zhig sgom zhing zhe na/ he ru ka dpal lo/ /ting nge 'dzin ji lta bu zhe na/ mngon par dga' ba zhi gnas dang/ gus pa'i sems lhag mthong gi ting nge 'dzin gyis so/ /de rnams lag nas mchog mi 'phrog zhes bya ba ni tshogs kyi 'khor lo dang gtor ma byas nas dngos grub gzhan gyis 'phrog par mi nus pa'o/ /spyod lam ji lta bu zhe na/ mtshan mo'i brtul zhugs can gtor ma skra grol gtser pur gyur pas sbyin pa zhes bya ba gsungs so/ /phan yon ji lta bu zhe na/ /sh+rI he ru ka bdag nyid sbyor bas rnal 'byor ma mo mnyes par 'gyur/ zhes bya ba gsungs te/ dpal he ru ka'i sbyor ba dang ldan pas rdo rje thal mo gyen du kha phye la oM kha kha khA hi zhes bya ba nas sa hA yi kA b+ha ban+tu zhes bya ba'i bar du bsngo zhing mgron rnams kyi lce la rdo rje rtse lnga pa'i sbu gus gtor ma 'thung bar bsam par bya'o/ /le'u nyi shu rtsa bdun pa'i rnam par bshad pa'o// //de ltar rang don phun sum tshogs pa bstan nas gzhan don phun sum tshogs pa ston pa ni/ de nas mchod pa rnam dag pa/ ces bya ba la sogs pa smos te/ mchod pa'i sgrub pa'i mchod pa ste gtsang sbra rnam pa gsum mo/ /rnam dag pa zhes bya ba ni rang bzhin brgyad cu dang bral ba'o/ /sprul ba las 'byung dpa' bo rnams/ zhes bya ba ni mchod pa'i yul lha mo drug cu'o/ /de bzhin du bdag nyid dpal he ru ka yab yum la yang mchod pa'o/ /sangs rgyas kun sogs zhes bya ba ni rnam par snang mdzad dang rin chen 'byung ldan dang snang ba mdza' yas dang don yod grub pa bum pa'i gzugs su snang ba'o/ /sogs zhes bya ba ni mkha' 'gro ma dang lA ma dang du ma skyes ma dang gzugs can ma'o/ /sras bcas zhes bya ba la sras ni dpa' bo nyi shu rtsa bzhi'o/ /bcas zhes bya ba ni mkha' 'gro ma sum cu rtsa drug go /dpa' bo kun dang rnal 'byor ma/ zhes bya ba ni sngar sras bcas zhes bya ba'i rgyas par bshad pa'o/ /brtan pa dang g.yo ba zhes bya ba ni brtan pa ni gzhal yas khang ngo/ /g.yo ba ni brten pa lha'i 'khor lo'o/ /zla ba 'dus pa la
- 463a
gnas pas/ zhes bya ba ni mchod pa'i yul de rnams la gtsang sbra gsum gyis mchod pa'o/ /mchod pa'i yul gyi lha de ji lta bu yin zhe na/ spun dang sdug pa mchod pa yi/ /zhes bya ba smos te/ dri'i thig le dang me tog gi tshom bu dang yig 'bru dang phyag mtshan lag pa'i phyag rgya dang sku phyag rgya chen po bkod pa rnams spangs nas dpa' bo dang dpa' mor lhar bsgom pa'i lha'i 'khor lo ste spun ni dpa' bo nyi shu rtsa bzhi dang sdug pa ni lha mo sum cu rtsa drug go de ltar mdor bstan nas rgyas par bshad pa ni/ /thog mar rten gyi gang zag ston pa las de yang dngos por dor bya'i gang zag bstan pa ni spun dang bu dang lhan cig tu zhes bya ba smos te/ spun ni 'jig rten du grags pa'o/ /bu ni rigs rgyud bsrung ba'o/ /de dang lhan cig tu 'jig rten pa'i bde ba dang/ 'jig rten pa'i sdug bsngal gsum dang brgyad kyi bdag nyid 'byung bas rang la brnyas par 'gyur ba'i phyir sngags te tshogs kyi 'khor lo dang/ de bzhin du phyag rgya ni zhi ba'i btung ba dang/ ye shes ni pho nya'i gtsang sbra ste de rnams la bstan par mi bya'o/ /su la bstan par bya zhe na/ dag byed zas la spyod pa ni/ /rtag tu dam tshig spyad byas 'gyur/ zhes bya ba smos te/ dag byed zas ni tshogs kyi 'khor lo 'dod pa'i yon tan lnga'o/ /rtag tu dam tshig byed pa ni/ gza' bar byed pa'i dam tshig ste rang bzhin brgyad cu dang bral bas 'dod pa'i yon tan lnga la spyod pa'o/ /gsang sngags su la'ang bstan mi bya zhes bya ba ni zhi ba'i btung ba mi bstan pa'o/ /man ngag rnams ni nyams mi bya/ zhes bya ba ni shes rab ye shes kyi dbang bskur ba'i man ngag go /gtsang sbra gsum po de sbyin par byas pa'i gnas ji lta bu zhe na/ dam tshig rnams la ci rigs par zhes bya ba smos te/ rig pa'i dbang bskur ba la dpa' bo gcig pu sbyin pa dang/ phyir mi ldog pa'i dbang bskur ba la dkyil 'khor gyi 'khor lo sbyin pa dang/ gsang
- 463b
ba'i dbang bskur ba thob pa la mi zab pa'i rdzogs pa'i rim pa bstan pa dang/ shes rab ye shes kyi dbang bskur ba thob pa la zab pa'i rdzogs pa'i rim pa ni ci rigs pa zhes bya ba'o/ /man ngag sbyin par bya zhes bya ba ni mngon sum gyi gzhan don gyi bde ba stong pa nyid la nges par 'dren pa'i thabs/ bla mas slob ma rna drung du/ rab tu 'bad de bshad par bya zhes bya ba gsungs pa yin no/ /de ltar blang bya dang dor bya'i rten gyi gang zag bstan na sbyor ba'i mchod pa gzhan las bshad pa ni/ pho nya ma rtogs gzhan dag la zhes bya ba smos te/ /dbang ma skur ba dang brnyen sgrub bzhis ma sbyangs pa'o/ /'dod la rmongs pas bgrod mi bya zhes bya ba ni 'dod pa'i rnam par shes pa la zhen pa'o/ /rmongs pa ni ye shes la rmongs pa'o/ /bgrod mi bya ni rnam shes dang ye shes la'o/ /sems pa'i rnam par rtog pa mi bya'o/ /de ltar dor bya'i pho nya bsgrub pa mdor bstan nas sbyang bya mdor bstan pa'o/ /pho nya mo zhen rtag thar pa/ /lnga pa yis kyang longs spyod bya/ /zhes bya ba la pho nya las rtag tu zhen pa las grol ba dang byang chub sems dpa' chos 'phags bzhin du gzung 'dzin gnyis las 'das pa'i longs spyod bya ba'o/ /blang bya'i mdor bstan nas/ dor bya'i rgyas par bshad pa ni/ skye gnas dman la mi gnas la/ bsnyen bkur nyid ni bya ba min/ zhes bya ba smos te/ skye gnas dman pa ni dbang bskur ba thob pa dang/ bsnyen sgrub bzhis ma sbyangs pa'o/ /mi gnas pa'i 'dod chags kyi zhen pa med pa'o/ /bsnyen bkur bya ba ma yin pa ni rmongs par phyag 'tshal ba la sogs pa gus pas mi bya ba'o/ /blang bar bya ba'i rgyas par bshad pa ni/ ma dang sring mo bu mo dang/ chung ma pho nya mo nyid gnas zhes bya ba smos te/ sngar bstan pa'i sngags skyes rnams so/ /gnas zhes bya ba de dang gtsang sbra rnam pa gsum spyod pa la gnas pa'o/ /pho nya ma rtogs pa la
- 464a
brten pas nyes pa cir 'gyur snyam na/ dka' thub nyes pas zad par 'gyur zhes bya ba gsungs te/ bsam gtan dang gzung 'dzin gyi dka' thub gzung 'dzin gyi rnam par rtog pa skyed pa bzad par 'gyur ro/ /blang bar bya bas 'bras bu ji ltar 'gyur ba ni/ 'khor lo'am de bzhin grub pa yi/ zhes bya ba smos te/ dkyil 'khor gyi 'khor lo tshogs kyi dngos grub bam/ de bzhin du 'jig rten dang mchog gi dngos grub po/ mchog dang tha ma lhan cig gus zhes bya ste/ mchog ye shes las skyes pa'o/ /tha ma ni sngags las skyes pa'o/ /shugs kyi bar ma gnas la skyes pa yang bsdu'o/ /lhan cig 'gugs zhes bya ba ni/ /srog a ba d+hU tIr chud pa'o/ /de ltar rdzas rnams nges pa min zhes pa ni byang chub kyi sems dga' bral ma btang bas bde brtog pa med pa bsam gtan gyis sdom par nges pa'o/ /yid ni nang du chud pa yis/ /'dod pa'i dngos grub bsgrub par bya zhes bya ba bshad pa yin no/ /de ltar sbyor pas mchod pa bshad nas/ dngos gzhi brtul zhugs bshad pa ni/ /'jig rten la rtag g.yon nas spyod/ /ces bya ba smos te/ pad+ma rdo rje'i zhal snga nas 'jig rten ni mchod du gyur pa'i 'jig rten gyi tshogs kyi 'khor lo g.yon nas spyod pa ni dga' ba gsum gyi ting nge 'dzin bsgom pa'o/ /rkang pa g.yon pa sngon du dor zhes bya ba ni shes rab la la nA las byang chub kyi sems phab pa'o/ /lag pa g.yon pa yongs su bsgyur/ zhes bya ba ni thabs kyi la la nA las byang chub kyi sems 'bebs pa'o/ /g.yon gyi phyed la rab mchod byed/ /ces bya ba ni lha mo sum cu rtsa drug dkyil 'khor gyi phyed yin pas dga' ba bzhis mchod pa'o/ /lus kyi g.yon ni rnam par g.yon/ zhes bya ba ni g.yon pa la la nA'i byang chub kyi sems phab nas 'khor lo bzhi la khyab pa'o/ /g.yon gyi yis ni tshim dang za/ /zhes bya ba ni g.yon
- 464b
pa la la nA nas phab nas/ g.yas par sa nA'i rlung gis bzlog nas za ba ni 'dod pa'i dbang phyug gi dngos grub dang ba ? kyis len gyi dngos grub tu 'gyur ro/ /brtul zhugs ma nyams brtul zhugs rdzogs/ ces bya ba ni dbus ma a ba d+hU ti'i rlung dang sgrogs nas byang chub kyi sems gyen du bzlog pas bsam gtan dang zas kyi sdom pa'i brtul zhugs rdzogs pa'o/ /sgrub pa pos ni dam tshig brtson zhes bya ba ni sgrub pa po brtul zhugs spyod pa'i tshe ye shes las skyes pa dang/ zhing las skyes pa dang sngags las skyes pa'i dam tshig bsgrub pa la sogs pa'o/ /dam tshig rigs las spyod pa dang/ zhes bya ba ni dud can dang pad+ma can dang ri dags can dang/ lhan cig tu zas la spyod par byed/ ces bya ba ni mchog dga' i dus yin te dga' ba thabs kyi rang bzhin te/ mchog dga' shes rab rang bzhin no/ /zhes gsungs pa'i phyir ro/ /rigs lnga ru ni kun spyod pa/ zhes bya ba ni bskyang pa'i rim par lha'i 'khor lor gnas pa'o/ /rigs ni rnam pa bzhi ru bsgrags/ zhes bya ba ni rgyal rigs la sogs pa bzhi'o/ /de ltar bstan bcos las grags pa'i rigs lnga dang/ 'jig rten ba las grags pa'i rigs rnam pa bzhi'o/ /gtsang sbra gsum la gnas pa bde ba chen po'i rigs gcig la gnas pa'o/ /rnal 'byor sgrub phyir rtag tu bskyed/ ces bya ba ni gtsang sbra gsum gyi dngos grub gyi brtul zhugs la spyod pa'o/ /de ltar brtul zhugs bshad nas/ rjes kyi spyod pa bshad pa ni/ ba lang sha dang rta sha dang/ mi dang khyi sha sna tshogs pa zhes bya ba ni bdud rtsi lnga dang dpa' bo lnga'i sreg rdzas so/ /dkyil 'khor gru gsum byas nas ni/ zhes bya ba ni me lha lhar bskyed pa dang/ ye shes sems dpa' bskyed la sbyin sreg gis mchod nas sangs rgyas kyang nges par 'jig par 'gyur ro/ /de ltar phyi'i sbyin sreg bshad nas/ /de
- 465a
bzhin dpa' bo rnams kyi zas/ zhes bya ba ni nang gi sbyin sreg bstan pa yin te/ lus kyi dkyil 'khor dang nang gi 'khor lo bzhi'i gnas su lha'i 'khor lo bkod la zhi rgyas la sogs pa'i sngags dang/ lag pa g.yas g.yon dang dgang gzar dang blugs gzar gyi mtshan du yang dag par ldan pas sh+rI he ru ka sprul pa'i 'khor lnga dang sprul pa yin no/ /bstan bcos kun rnams mtshon/ zhes bya ba ni gzhi dang thabs dang 'bras bu gsum rgyud gzhan las kha bkang la rtogs par bya ba yin no/ /de ltar nang gi sbyin sreg bshad nas/ gzungs ni rtag tu bsrung bya zhing/ zhes bya ba ni grol ba'i lam pa'i gsang ba'i sbyin sreg ste/ gzungs ni rlung me'i drod can no/ /rtag tu srung ba'i 'khor lo bzhi la byang chub kyi sems 'dzin pa'o/ /las rnams dag ni thams cad la/ zhes bya ba bzhi ba la sogs pa'i las rnams la'o/ /bgegs me ji bzhin 'grub 'gyur ba zhes bya ba ni bar chad med pas 'di dag gzhan dag tu 'gyur ba yin pa ste/ rlung ni rgyun las bzlog pa srid/ nyi zla thang la ltung yang srid de thabs 'di ni dngos grub gzhan du mi 'gyur ba'o/ /de ltar grol lam gyi gsang ba'i sbyin sreg bya ba bshad nas chags pa'i lam pa'i sbyin sreg bshad pa ni/ 'di ni pho nya gzhan bzang po/ /brtson zhing lhan cig ldan pa yin/ zhes bya ba ni las kyi phyag rgya'i b+ha ga'i dkyil 'khor du gsang ba'i rdo rje dgang gzar gyi dang/ byang chub kyi sems kyi blugs gzar gyis byang chub sems dpa' chos 'phags bzhin du ma chags pa'i longs spyod rdzogs par 'gyur ro/ /rnal 'byor rdzas ni rnams byed yin zhes bya ba ni rang bzhin brgyad cu las rnam par phye nas dga' ba gsum gyi rang bzhin rtog pa yin no/ /de yang mnyam sbyor las/ /sgyu ma dag ni thams cad las/ /ye shes sgyu ma khyad par 'phags/ /ye shes dbye ba ni gsal bar de las
- 465b
mtshon par 'gyur ro/ /chags lam gyi sbyin sreg bshad nas bla na med pa'i sbyin sreg ni bla ma'i man ngag la dga' zhing/ /de yi don mchog mtshungs pa'o/ /zhes bya ba gsungs so/ /dbang bzhi ba sems kyi stong nyid rtogs pa na/ bla ma'i man ngag la dga' zhing de'i don sems kyi stong nyid kyi mchog yang dag par rdzogs pa'i sangs rgyas dang mtshungs pa'o/ /de yang bde bar gshegs pa rtag tu skye med chos/ /chos rnams thams cad de bzhin gshegs dang 'dra/ zhes gsungs so/ /klu sgrub kyi zhal nas kyang/ 'gro ba'i chos kun rnam shes kyi/ /me yi bud shing yin par 'dod/ /de dag ji bzhin rnam byed ba/ /me yi bsregs na myur zhing 'gyur/ zhes gsungs so/ /phyi'i sbyin sreg ni rdo rje mkha' 'gro dang kha sbyor las blta bar bya'o/ /gsang ba dang bla na med pa'i sbyin sreg kyang kha sbyor gyi le'u drug par bshad pas 'dir rgya cher ma bshad do/ /le'u nyi shu rtsa brgyad pa'i rnam par bshad pa'o// //de ltar le'u dang po'i rgyas par bshad pa'i le'u gsum bshad nas/ dbang bzhi pa bsam gyis mi khyab pa'i lam bshad pa ni de nas gzhan yang bstan pa ni zhes bya ba gsungs te/ gtsang sbra gsum gyi rjes la dbang bzhi pa ston pa na gzhan yang ngo/ /pho nya'i mtshan nyid rigs rnams te/ zhes bya ba ni ye shes las skyes pa'i lha mo pad+ma can dang dung can ma dang ri dags can me long gi gzugs brnyan bzhin du reg bya'i stong pa nyid ston par nus pa'o/ /de'i mtshan nyid 'og nas bshad par bya'o/ /dam tshig la gnas mkha' 'gro ma/ zhes bya ba ni dam tshig ni gnyis te/ bsam gtan gyi sdom pa dang/ zag pa med pa'i sdom pa'o/ /mkha' 'gro ma ni gnyis te/ rtog med bsam gtan gyis nam mkhar 'gro ba dang/ gnyis med lhag mthong gi mkha' 'gro'o/ /gang gis yang dag shes 'gyur ba/ zhes bya ba ni sangs rgyas
- 466a
kyi sprul pa dang byang chub sems dpa' gang gis mtshan nyid dang brda la sna shes pa'o/ /de ltar mdor bstan nas rgyas par bshad pa ni ye shes las bskyed pa'i lha mo'i mtshan nyid ston pa ni/ /spun dang yang na pha dang ni/ zhes bya ba la sogs pa smos te/ rnal 'byor pas sring mor shes pa dang/ rnal 'byor mas med por shes pas na spun no/ /yang na rnal 'byor mas phar shes pa dang/ rnal 'byor mas bu mor shes pa'o/ /yang na rnal 'byor mas bdag por shes pa dang/ rnal 'byor pas phyag rgyar shes pa'o/ /lam du mar goms par bya zhe na/ skad cig gis mthong zhes bya ba gsungs te/ dbang bzhi ba'i dus su so sor rang rang gis rang rig pa'i mngon sum gyis sems kyi chos nyid rtogs pa'o/ /de yang kha sbyor las/ pha ni bde ba gang thob pa/ /bde de rang gis longs spyod bya/ /'chi ba'i bde ba gang yin pa/ /de 'dir bsam gtan zhes byar brjod/ /ces gsungs so/ /de ltar mthong ba'i mtshan nyid ji lta bu zhe na/ lce sbom mig ni dmar ser la/ /zhes bya ba smos te/ de yang mkha' 'gro las glang chen ma ni bzhin 'phel che zhing bu rgyas pa/ lus po thung zhing skra yang thung/ skye nas pad+ma'i dri dang ldan/ /pad+ma glang chen ma zhes grags/ /ri dags can ni mig dang lta stangs ri dags 'dra/ /rigs brgyad po yi rked pa can/ /skal bzang pad+ma'i dri dang ldan/ /mig ni dmar ser la zhes bya ba ni/ /dmar zhing cung zad ser ba ste/ /ma la ka yi rang byung bzhi/ /bder gshegs lus pa nyid dga' ba/ /bud med dngos grub ster bar byed/ /rtsub ces bya ba ni/ rtsub cing yan lag rtsub pa dang/ le lo ldan zhing mtshan nyid dan/ /skra ni 'khyil ba'i kham par gnas/ /mdog ngan yan lag rtsub pa'o/ /de ltar glang chen ma dang/ ri dags can dang pad+ma can
- 466b
dang dung can ma'i mtshan nyid dang ldan pa'o/ /des dngos grub ci zhig bskyed ce na/ /thog mar dga' ba'i stong pa nyid la sems zin pa ni dngos grub kun gyi thun mong du ste/ 'jig rten dang mthun mong dang mchog gi dngos grub bskyed pa yin no/ bzlas dang brtul zhugs la rtag dga' zhes bya ba ni bzlas pa srog a bi d+hU tIr bcug na brtul zhugs rnam pa sna tshogs kyi dus su dga' ba'i stong pa nyid rtogs nas de la rgyun mi 'chad ci brtan pa dang yang dag pa dang ldan pa zhes bya'o// de phan yon ci zhig 'grub ce na/ pho nya mo la sogs gnas dang bcas zhes gsungs pa ste/ mkha' 'gro ma bcu gnyis dang gnas nyi shu rtsa bzhi na gnas pa dang bcas pa ni sku gsung thugs kyi mkha' 'gro ma nyi shu rtsa bzhi'o/ /de dag dang bcas pa'i lha mo sum cu rtsa bdun gyi sbyor pa 'jig rten gyi dngos grub dang/ grol ba mchog gi dngos grub ster bar 'gyur ro/ /de ltar dga' ba stong pa nyid rnal 'byor bshad nas mchog dga' i stong pa nyid rjes su rnal 'byor bshad pa ni/ /'dod pa'i dngos kun sgrub byed ba zhes bya ba smos te/ /dngos grub gsum sgrub par byed pa'o/ /rtsa ba'i sngags sogs rtag tu bzlas zhes bya ba ni mchog dga' rnam par smin pa'i dus su srog a ba d+hU tIr chud pa'o/ /des 'bras bu ci 'grub ce na/ rgyu dang mi rgyu 'jig rten gsum/ /rnal 'byor 'bras bu rab tu ster/ /zhes bya ba gsungs te/ rgyu ba sems can mi rgyu ba snod kyi 'jig rten no/ /snod bdun gyi 'jig rten gsum po de dag mchog dga' bde ba'i rang bzhin gyis shin tu stong pa'i rnal 'byor gyi 'bras bu ster ba'o/ /de dag las 'byung ba yin zhe na/ gsang sngags 'di las 'byung ba yin zhes bya ba gsungs te/ srog a ba d+hU tI'i bcug nas mchog dga' shin tu stong pa 'di las snang srid bde ba can gyi rang bzhin du shes pa'o/ /mchog dga' shin tu stong pa
- 467a
rjes su rnal 'byor bshad nas lhan cig skyes dga' tshe stong pa chen po shin tu rnal 'byor bshad pas ni/ sgrub pa ni dngos grub rtsom/ /zhes bya ba ni yid bde ba lhan cig skyes pa'i stong pa chen po la rtsom pa'o/ /sngags dang phyag rgyar yang dag ldan/ zhes bya ba ni srog a ba d+hU tIr chud pa dang/ phyag rgya chen po yid bde ba nyid dang yang dag par ldan pa'o/ /phyag rgya dang bral gsang sngags ni/ /lus can rnams la byin mi rlob/ ces bya ba gsungs te/ /sems kyi stong nyid kyi phyag rgya dang bral na gsang sngags srog a ba d+hU tIr chud kyang rnal 'byor pa la phyag rgya chen po bsam gyis mi khyab pas byin gyis mi rlob bo/ /stong pa chen po skyes pa'i rtags ji lta bu zhe na/ ji srid 'gro ba'i khyab bdag/ ces bya ba smos te/ gzung ba bkag nas drod kyi ye shes skyes pa dang stong pa chen po'i rang bzhin bsam gtan dang po'i bde ba las stong nyid kyis rgyas btab pa yin par shes par bya'o/ /de yang ji ltar zhe na/ mnyam sbyor las/ sku gsung thugs la bde bas na/ /shes rab phyag rgya rjes su brjod/ ces gsungs pa dang/ kun sbyong las sku gsungs thugs kyi rdo rje can/ lha yi sku ni bsgom par bya/ zhes gsungs so/ /nye ba'i rtags de ji lta bu zhe na/ gang na bzhi las dang por shes rab dro ba yin/ gnyis pa du mar ldan pa yin/ /gsum pa 'di ni 'khyug pa dang/ /bzhi pa mar me 'bar ba ste/ lnga ba sprin med nam mkha' dang/ zhes gsungs so/ /de ltar lhan cig skyes dga' stong pa chen po shin tu rnal 'byor bshad nas sems 'od gsal dang nyams su myong ba ro gcig gi zung 'jug gi ngo bo rnal 'byor chen po bstan pa ni/ rnam pa thams cad kyi stong pa nyid rang bzhin sems 'od gsal ba'i stong pa nyid du rtogs pa ni stong pa chen po'i rang bzhin zhes bya'o/ /rgyu des 'dod pa'i don kun sgrub par byed pa yin no/ /sems kyi bde ba chen po dbang bzhi pa thob pa smad par mi bya bar
- 467b
bstan pa ni/ rnal 'byor chen la gang zhig sdang/ /khyi yi skye gnas brgyar skye ste/ /sme sha can du skye bar 'gyur zhes gsungs so/ /slob dpon ye shes zhabs kyi bzhed pa ltar lha'i sku'i 'khor lo sgyu ma lta bur bsgom pas/ mchog gi dngos grub tu 'gyur zhe na/ dper na la la mar ni 'dod pa yis/ /'bad pas chu ni bsrubs gyur kyang/ /mar sar 'byung bar mi 'gyur gyi/ lus nyon mongs pa kho nar zad ces gsungs so/ /'o na bcos ma'i rnal 'byor mas ci zhig thob par 'gyur zhe na/ 'dzin cing mchod par byed pa ni/ zhes bya ba smos te/ lhar bskyed cing mchod pa byed pa na tshe 'di la 'tsho ba'i thabs kyi rgyur gyur pa dang/ tshe phyi ma lha dang mir skye ba'i rnal 'byor gzhan du rten pa des ni gzhan du mchog gi dngos grub sgrub pa dang/ de ni sgyu ma yin pas don med par 'gyur ro/ /ci'i phyir zhe na/ stong pa nyid mngon sum gyis ma bsgoms pa'i phyir ro/ /de rnams kyi don ni 'di skad du ston pa yin te/ ye shes kyi lha mo phyag rgyar rnyed nas lus bde ba'i dga' ba dang mchog dga' skyes nas yid bde ba lhan cig skyes dga' de'i rjes thogs la skyes pa yin la dbang bzhi pa'i dus su dga' ba dang mchog dga' dang lhan cig skyes dga' stong pa dang shin tu stong pa dang stong pa chen po'i rgyas btab nas gzung 'dzin gnyis dang bral ba'i rang bzhin sems 'od gsal ba'i bdag nyid dbang bzhi pa'i ngo bor thob pa yin no/ /dga' ba gsum gyi dus su rang bzhin brgyad cu'i rtog pa dang bral ba yin la/ dga' ba gsum stong par shes pa'i dus su bde bar snang ba'i gzung 'dzin nyid nub pa yin no// de ltar rnam par rtog pa gnyis su snang ba nyid nub na ci zhig tu 'gyur zhe na/ bzhi pa rnal 'byor chen po 'od gsal ba'i rang bzhin du 'gyur ro/ /de la rang bzhin brgyad cu ni dga' ba'i tshe sum cu rtsa gsum dang/ mchog dga' chen mo bzhi bcu tham pa
- 468a
dang/ lhan cig skyes dga' i tshe rnam pa bdun dang bral bas na rtog pa med pa'o/ /de yang stong pa nyid bdun cu pa'i 'grel pa las 'dod chags dang bral ba dang/ 'dod chags dang bral ba bar ma dang/ 'dod chags dang bral ba dag yid kyis rang 'gro ba dang/ 'ong ba dang/ mya ngan dang/ mya ngan bar ma dang/ shin tu mya ngan du gyur pa dang/ zhi ba dang/ rnam par rtog pa dang/ 'jigs pa dang/ 'jigs pa bar ma dang/ shin tu 'jigs pa dang/ sred pa dang/ sred pa bar ma dang/ shin tu sred pa dang/ nye bar len pa dang/ mi dge ba dang/ bkres pa dang/ skom pa dang/ tshor ba dang/ tshor ba bar ma dang/ shin tu tshor ba dang/ rig pa po dang/ 'dzin pa'i bzhi pa dang/ so sor rtog pa dang/ ngo tsha shes pa dang/ snying rje dang/ brtse ba dang/ dgongs pa dang bcas pa dang/ sdud pa dang/ phrag dog ste/ mtshan nyid sum cu rtsa gsum mo/ /thabs kyi rang bzhin ni chags pa dang/ chags pa bar ma dang/ kun tu chags pa dang/ dga' ba dang/ dga' ba bar ma dang/ shin tu dga' dang/ rangs pa dang/ rab tu mgu pa dang/ ngo mtshar ba dang/ rgod pa dang/ chim pa dang/ 'khyud pa dang/ 'o byed pa dang/ 'jig pa dang/ brtag pa dang/ brtsog pa dang/ khangs pa dang/ khyab dang/ 'phrog pa dang/ stong pa dang/ 'phro ba dang/ dga' ba sbyor ba dang/ shin tu dga' ba la sbyor ba dang drag pa dang rnam par sgreg pa dang/ 'gras pa dang/ 'gyed ba dang/ tshig gsal ba dang/ bden pa dang/ mi bden pa dang/ nges pa dang nye bar mi len pa dang/ sbyin pa po dang/ bskul ba po dang/ dga' ba dang/ ngo tsha med pa dang/ sgrin pa dang/ gdug pa dang/ mi bsrun pa dang/ gya gyu che ba dang mtshan nyid bzhi bcu tham pa'o/ /snang ba thob pa dang/ ye shes kyi rang bzhin ni 'di lta ste/ chags pa bar ma dang/ brjed ngas pa dang/ 'khrul ba dang/ mi smra ba dang/ smyo ba dang/ le lo dang the tshom dang bcas pas te 'di ni
- 468b
rang bzhin bdun po de dag go /rang bzhin brgyad cu po de dag gzung bar snang mtshan mo'i sems dang/ 'dzin par snang ba nyin mo'i sems kyis phye nas rang bzhin brgya drug cur 'gyur ba yin no/ /de yang shes rab pha rol byin pa las phyi'i sems la sems zhes bya bar rab tu shes so/ /nang gi sems la sems zhes bya bar rab tu shes so zhes gsungs so/ /de ltar rnam par rtog pa'i gzung 'dzin gnyis nub nas gnyis su dga' ba gsum stong pa gsum gyis bkab nas blo bur gyi dri ma dang bral ba'i rang bzhin 'od gsal ba rtogs pa ni sa dang po yin no/ /de'i phan yon gsungs pa ni/ rnal 'byor che mchog dpa' mo'o/ /yul phyogs gang na gnas gyur pa'i/ /rigs ngan kla klo yin na yang/ /yul de yongs su brtags pa yin/ zhes bya ba gsungs te/ rnal 'byor pa mchog tu gyur pa sems kyi stong nyid rtogs pa'i dpa' bo ni yul gang na gnas kyang rdo rje'i gdan yin la rigs ni kla klor skyes kyang sprul pa'i sku dngos yin no/ /rnal 'byor pa sems kyi stong nyid zhes nas de bzhin gshegs pa gzhan dag gis byin gyis rlob par 'gyur ram zhe na/ sems can yongs su gzung ba'i rgyur/ de ru nga ni rtag tu gnas zhes bya ba gsungs pa dang/ 'das pa dang da ltar gyi sangs rgyas bcom ldan 'das rnams kyang sngon gyi lam rtogs pa'i rnal 'byor pa de rjes su gzung ba'i phyir yul dang rtag tu bzhugs pa yin no/ /de yang pad+ma rdo rje'i zhal snga nas/ cig car phyag rgya chen po bsgom pa gsungs pa dang/ de dang rjes su mthun par ni kha sbyor thig le las sems kyi stong nyid mngon sum gyis rtogs pa stan to/ /'dir ni bshad pa'i rgyud kun spyod dang/ rjes su mthun par dga' ba bzhi la rim gyi stong pa nyid rtog pa'i tshul gyis bshad pa yin no/ /de yang las kyi phyag rgya la brten nas dga' ba gsum gyi ting nge 'dzin bskyed pa yin la/
- 469a
phyag rgya chen po la brten nas dga' pa gsum gyi stong pa nyid 'od gsal ba'i rang bzhin du 'gyur ba yin no/ /le'u nyi shu rtsa dgu pa'i rnam par bshad pa yin no// //de ltar rdzogs pa'i rim pa'i rgyas par bshad pa'i le'u lnga bshad nas bskyed pa'i rim pa'i sngon du 'gro ba'i srung 'khor lo bstan pa ni/ /de nas gzhan yang bshad bya ba zhes bya ba smos te/ shin tu rnyed dga' dgod pa ste/ zhes bya ba la sogs pa gsungs te/ gnod mdzes kyi yi ge btu ba'i 'khor lo dgod pa'o/ /gang zhig shes pa tsam gyis ni/ zhes bya ba smos te/ btus pa'i 'khrul 'khor shes pa'o/ /de yang bshad pa'i rgyud rdo rje mkha' 'gro las sgra gcan 'dzin gyi rgyu ba rdo rje rol pa rta'i 'gros dang/ phur bu rgyu ba yi dags srin po'i gdong dang/ spen pa'i rgyu ba gshin rje dbyug pa 'chang ba dang/ 'jug rings rgyu ba ma mo'i rigs ldan ma'i 'khor lo bkod pa bshes pa tsam gyis las bcu gnyis kyi dngos grub myur du sgrub par byed do/ /rgyud bla ma'i le'u bzhi pa las gnod mdzes kyi sngags btu ba shes pa tsam gyis srung pa'i 'khor lo byas pas bar chad kyi bgegs med par byas nas dngos grub sgrub pa'i 'khor lo sum cu rtsa bzhi myur du sgrub par byed pa yin no/ /bshad pa'i rgyud gnyis kyi dgongs pa dang ldan pa'i yi ge btu ba'i gnas bshad pa ni/ sa yi cha mnyam yid 'ong ba/ zhes bya ba la sogs pa gsungs te/ yi ge btu ba'i gnas dang/ yi ge btu ba'i bzhi'i 'khor lo dang/ btu ba'i thabs dang/ sgrub pa po'i cho ga bshad pa yin no/ de nas gnas cha mnyam zhing yid du 'ong ba la tsan dan dang ga pur la sogs pas byugs pa'i dri bzang po dang ldan pa'o/ /sa ba'i ko ba tsam gtugs pa la me tog gi sil ma tsam bkram zhing phyogs bzhir bzhag pa'i dris nyams
- 469b
dga' bar gyur pa'i dkyil 'khor de'i shar phyogs kyi char bdag nyid 'dug la/ gos dang phyag rgya lnga dang shes rab kyi yan lag dang/ bdag nyid rdo rje hUM mdzad kyi bskyed pa'i bya ba kun byas shing/ /khro bo bcus phyogs bcing ba byas nas phur bus btab cing ra ba dang dra ba dang me 'od kyi phreng ba'i mthar thug pa'i bar du srung ba'i 'khor lo bya'o/ /de nas ba yi rnam lnga bcings byas te/ zhes bya ba ni dngos su rdza rnga rnyed na re mig la dgod pa 'am/ sa la rdza rnga'i dbyibs bris la re'u mig bzhi bcu rtsa dgu tsha mnyam la rdza rnga kha bzhi pa ri mo dgu pas yongs su bskor ba bris la rdza rnga'i phyogs nas brtsams la yi ge'i phyi mo rim pa bzhin du re mig dang mnyam par bya ba'i bsam pas rnal 'byor shin tu mnyam par bzhag pa'i bsam pas dgod par bya'o// de yang yi ge phyi mo dbyangs dang gsal byed dgod par byas te/ yi ge byung khungs kyi gnas de las dpa' bo zhal bzhi pa'i sngags dngos grub gsum gyi 'dod pa'i don bsgrub pa btu bar bya'o/ /rim bzhin 'byung dang rim bzlog pa zhes bya ba ni rim pa bzhin ni a nas brtsams pa'o/ /rim las bzlog pa ni ha nas brtsams pa'i dbyangs dang gsal byed kyi yi ge btu ba'i gnas kyi 'khor lo las bsgrub pa las rnal 'byor pa thub pa'i dbang phyug gis yi ge btu bar bya'o/ /de ltar re mig bzhi cu rtsa dgu'i grangs dang ldan pa la thog mar re'u mig sum cu gnyis pa blang zhes bya ba smos te/ re'u mig sum cu gnyis pa ni re'u mig la gnas pa'i yi ge sa'o/ /lnga pa'i dbye ba zhes bya ba ni gnas ji lta bu'i yi ge u dang sbyar bar bya'o/ /brgya phyed phyed pa zhes bya ni nyi shu rtsa lnga pa ste ma'o/ /nyi shu rtsa bzhi pa yis dbye zhes bya ba ni thub pa de nyid kyi nyi shu rtsa bzhi pa b+ha ste des phye ba dang ldan pa'o/ /re mig sum cu drug pa blang zhes bya ba ni A li nas brtsam pa'i sum cu rtsa drug pa ste na'o/ /re mig gsum pa ste i
- 470a
dang de yang dag par ldan pa'o/ /sum cu rtsa gnyis blang zhes bya ba ni sa'o/ /lnga pas dbye zhes bya ba ni u dang yang dag par ldan pa'o/ /de nas nyi shu lnga pa gzung zhes bya ba ni ma'o/ /nyi shu bzhi pa dag dang sbyar zhes bya ba ni lha ste de dang ldan pa'o/ /sum cu gsum pa yang dag blang zhes bya ba ni ha'o/ /re mig bco lnga pa dang ldan/ zhes bya ba ni i dang ldan pa'o/ /lnga pa dang ni yang dag bcas zhes bya ba ni us brgyan pa'o/ /dang po'i tshig ni yang dag gsungs/ zhes bya ba ni rkang pa dang po'i yi ge btu ba'o/ /re'u mig ni bcu dgu pa zhes bya ba ni ga'o/ /me'u bu ni ra ste de dang ldan pa'o/ /re mig sum cus rnam par phye/ zhes bya ba ni i dang ldan pa'o/ /ya mtshan brgyad pa'i sa bon zhes bya ba ni ha'o/ /re mig sum cu drug pa ni na dang yang dag par ldan pa'o/ /slar yang yi ge de dag nyid ces bya ba ni tshig de nyid lan gnyis brjod pa'o/ /de nas rang 'byung blangs nas ni ha'o/ /lnga pas dbye ba ni u dang yang dag par ldan pa'o/ /thig les spyi bos rnam par brgyan/ /zhes bya ba ni rjes su 'jug pa'i dbyangs dang ldan par byas te rkang pa gnyis pa btus pa'o/ /re mig bcu dgu pa nyid la zhes bya ba ni ga'o/ /nyi shu rtsa bdun pa ni phye/ zhes bya ba ni ra ldan pa'o/ /gsum pa dang ni yang dag ldan/ /zhes bya ba ni i dang ldan pa'o/ /sum cu gsum pa legs blangs la zhes bya ba ni ha'o/ /re mig gnyis ni dbyangs yig gnyis dang ldan pa'o/ /yi ge nyi shu pa dang ldan zhes bya ba ni na dang ldan pa'o/ /re mig nyi shu gcig pa ni pa'o/ /nyi shu lnga pa ni ya'o/ /tshig ni lan gnyis bzlas pa nyid/ ces bya ba ni bzlas te dgod pa'o// go rim bzhin bzlas pa las bzlog pa bstan pa'i phyir/ de nas go rims bzlog pa gzung/ zhes bya ba smos te/ re mig dang po ni ha'o/ /bzhi pa'i mdza' dang yang dag ldan zhes bya ba ni u dang ldan pa'o/ /bco lnga pa yis mchod pa ni aM dang ldan pa ste//
- 470b
rkang pa gsum btu ba'o/ /re mig gnyis pa'i sa bon zhes bya ba ni dbyangs yig A'o/ /sum cu rtsa drug pa ni na'o/ /de bzhin drug pa ni ya'o/ /sum cu gsum pa ni ha'o/ /re mig bcu pa bcu mchod/ ces pa ni o dang ldan pa'o/ /re mig bcu gnyis pa nyid ces bya ba ni bzlog pa'i bcu pa ste b+ha'o/ /bcu dgu pa zhes bya ba ni ga'o// //nyi shu gsum pa nyid ces bya ba ni pa'o/ /re mig gnyis pa yang dag ldan/ /zhes bya ba ni A dang yang dag par ldan pa'o/ /steng du thig les brgyan pa ni rjes su 'jug pa'i dbyangs dang ldan pa'o/ /de nas chu yi sa bon gzungs zhes bya ba ni pa'o/ /brgyad pa tha zhes bya ba ni dza'o/ /me'i bu zhes bya ba ni ra dang ldan pa'o/ /huM hUM phaT dang mthar sbyar zhes bya ba ni mthar huM hUM phaT dang sbyar ba'o/ /rkang pa bzhi pa'i sngags 'di 'jig rten gsum las rnam par rgyal ba'i tshul dang ldan pa'i phyir khams gsum rnam par rgyal ba'o/ /oM ni gsal bya kun la yin/ zhes bya ba ni dang por oM gyis gsal bar byas shing yi ge hUM phaT kyi tshogs kyi khyad par gang la yod pa de la de skad ces bya'o/ /sngags 'di dag gang yin zhe na/ rig pa'i rgyal po 'khor lo sgyur zhes gsungs te/ bgegs bzlog pa'i 'khor gnod mdzes yin la/ de'i sngags ni srung ba'i 'khor lo'i sngags so/ /ma byung ba ni mar me mdzad nas 'od srungs kyi bar dang 'byung mi 'gyur ni byams pa nas mos pa'i bar du mi 'byung ba'o/ /de ltar 'byung ba yin yang rgyud de nyid bsdus pa dang/ dpal mchog dang po dang rnal 'byor bde mchog dang rdo rje 'jigs byed rnams su khro bo bzhi dang ldan zhing phur bu brgyad dang ldan pas dkyil 'khor bsang ba byas na gdug pa thams cad sngags 'di rnyed pa tsam gyis brdung mi dgos par grub par 'gyur ro/ /de'i 'di skad ston pa yin te/ bshad pa'i rgyud glangs pa las rang gi snying gar ram
- 471a
las byung ba'i nyi ma'i dkyil 'khor/ de'i steng du yi ge hUM las byung ba'i rdo rje/ de yongs su gyur pa las/ rdo rje hUM mdzad zhal bzhi pa phyag brgyad pa zhal dang po sngo ba/ g.yas pa ser ba/ rgyab dmar ba/ g.yon ljang ba/ dpa' bo dang ni sdug pa dang/ ljags 'gril ba dang/ tshems gtsigs pa dang/ phyag dang po gnyis na rdo rje dang dril bu/ phyag lhag ma drug na lcags kyu dang/ zhags pa dang/ ral gri dang/ kha TwAM ga dang/ tri shU la dang/ thod pa snams pa'o/ /sangs rgyas lnga'i bcod pan rus pa'i rgyan gyis brgyan pa/ g.yas brkyang ba'i gnas pas 'jigs byed chen po dang dus mtshan mnan pas/ /de'i thugs ka'i yi ge hUM las khro bo bcu skad cig mas sprul la shar du rdo rje gtum po/ /byang du rdo rje nyi ma/ nub tu rdo rje gtsug tor/ /lhor rdo rje 'khyil ba/ shar lho mtshams su rdo rje gnod sbyin/ /lho nub tu rdo rje nag po/ /nub byang du rdo rje stobs po che/ /byang shar du rdo rje 'jigs byed de/ rdo rje gtsug tor/ 'og tu rdo rje gnod mdzes de rnams ni zhal gsum pa phyag drug pa/ shar phyogs sngo ba/ g.yas ser ba/ g.yon ljang ba'o/ /nub dmar ba ni g.yas dkar ba dang g.yon ljang ba'o/ /lho ljang ba ni g.yas dkar ba dang/ g.yon ser ba'o/ /shar phyogs du ba'i mdog can ni shar dang 'dra ba'o/ /bden bral nag po yang shar dang 'dra ba'o/ /rlung gi sngo ba yang shar dang 'dra ba'o/ /byang shar yang shar 'dra ba'o/ /steng dkar po yang sngo ba dang g.yon ljang ba'o/ /'og kyang shar phyogs dang 'dra ba'o/ /shar rdo rje dang/ byang sna tshogs rdo rje dang/ nub pad+ma dang/ lho rin po che dril bu bcas pas 'khyud pa'o/ /phyag lhag ma rnams kyis lcags kyu dang kha TwAM ga dang/ tri shU la dang thod pa bsnams pa'o/ /steng gi 'khor lo sgyur ba'i 'khor lo dang dril bus 'khyud cing 'og gi gnod mdzes ni rdo rje dang dril bus 'khyud pa/
- 471b
phyag lhag ma ni snga ma rnams dang mtshungs pa'o/ /de lta bu'i khro bo bcu spros pas blo bur gyi bgegs rnams bskrad nas/ bsdus pas phyogs skyong ba bcu bdun gdan du bting zhing bgegs gzhom pa'i phyir stong khro bo smad phur bu rdo rje rtse gcig gcig pa lta bu/ oM g+ha:g+ha:g+hA ta ya g+hA ta ya sarba duSh+TAM huM hUM phaT/ kI li kI li ya sarba pA paM huM hUM phaT/ hUM hUM hUM badzra kI la ya phaT/ badzra d+ha ra Adz+nya pa ya ti kA ya wa ka tsit+ta badzra kI la ya huM hUM phaT ces bya bas khro bo bcu bskyed la bgegs kyi snying gar gdab par bya'o/ /oM badzra mud ga ra A ka TA ya hUM phaT ces brdung bar bya'o/ /de nas hUM las rdo rje sa gzhi dang/ de'i 'od zer gyis ra ba dang steng du rdo rje bla re dang/ mda'i dra ba dang/ phyi rol kun nas me 'od kyi phreng ba bsam par bya'o/ /des na khro bo bzhi dang yang dag ldan/ lha brgyad dang ni yang dag ldan/ /zhes bya ba gnod mdzes kyi spro ba'i sngags bzhi las khro bo bcu bskyed pa dang yang dag par ldan pa dang/ phur bu'i sku brgyad bskyed pa dang bcas pa ste/ de lta bu bsgoms pas rgyud thams cad du thun mong du brjod pa'i sngags 'di dang/ bsgom pa'i khro bo'i 'khor lo dang bcas pas bcu gnyis kyi 'bras bu bskyed pa yin no/ /btus pa'o/ /btus pa'i sngags 'di nyid gang zhe na/ oM sum+b+ha ni zhes pa la sogs pa ste sum+b+ha ni gnod mdzes la bod pa'o/ /grih+Na zhes bya ba ni khro bo bcu la phyogs skyong bzungs ? pa'o/ /grih+Na pa ya zhes bya ba ni sprul pa'i 'khor gyis rtsa cig pa'o/ /A na ye ho zhes bya ba ni khug cig pa'o/ /gal te ma khugs ni ji ltar bya zhe na b+ha ga wa badzra rA dza zhes bya ba smos te/ bcom ldan 'das rdo rje rgyal po'i bkas khug cig pa'o/ /le'u sum cu pa'i rnam par bshad pa'o// //de ltar gnod mdzes kyi 'khor bshad nas/ /dngos grub sgrub pa'i le'u nyi shu bzhi pa las dang
- 472a
por re zhig rgyu ba dang mi rgyu ba'i 'khor le'u nyi shu gsungs pa ni/ de nas sha chen 'di dag kun zhes bya ba la sogs pa gsungs te/ sha chen ni 'chad par gyur pa'i sreg rdzas so/ /'jigs byed ni nyon mongs pa dang sdug bsngal 'joms pas so/ /rdo rje skyes yin zhes bya ba ni mngon spyod kyi rdzas rdo rje'i rigs dang mthun pa'o/ /'di ni bdug pa thams cad 'jigs par byed mngon spyod mi zad sbyin sreg 'di gsungs pa yin no/ /de ltar mdor bstan nas rgyas par bshad pa ni de bzhin zhes bya ba la sogs pa gsungs te/ khyi ni zhe sdang 'joms pa'o/ /phag ni gti mug 'joms pa'o/ /zangs kyi gtsug phud can ni khyim bya ste 'dod chags 'joms pa'o/ /gang gi dkyil 'khor la zhes pa la mngon spyod kyi ni bya ba gsungs so/ /des bya ba ste/ bza' ba ste/ nang gi sbyin sreg dang/ sbyin sreg ste phyi rol gyi sbyin sreg dang/ gtor ma rnams bya'o/ /ma lus lus la me 'grub bo/ /zhes bya ba ni las bcu gnyis grub pa'o/ /rgyal srid thams cad bya ba ni nye bar mtshon ba'o/ /de ltar sreg rdzas bshad nas de'i snod bshad pa ni dung dang nya phyis mu tig ste zhes bya ba smos te/ dung la sogs pa gsum char yang las dang nyon mongs pa dang khu khrag gi rgyu las byung ba yin no/ /bsod nams kyi las kyi rgyu rkyen las 'byung ba'i chos kyi ye shes kyi lus can mi'i thod pas sreg rdzas kyi snod du byas kyang mkhas pa'i rtog pa dang ldan pa rnams su yang smod par mi 'gyur ro/ /de ltar snod pa bshad nas bdag nyid lhar bskyed pa ji lta bu zhe na/ dpa' bo thod pa'i phreng ba can zhes bya ba ni smos te/ sangs rgyas lha'i rang bzhin gyi bde ba can zla ba phyed pa rgyan du byas zhes bya ba ni zla ba phyed pa'i rtags can no/ /dpa' bo dbang phyug yin par bshad ces bya ba ni mkha' 'gro ma kun spyod las/ /sprul pa las byung dpa' bo rnams/ /yan lag drug cus sems kyis sprul/ /dag pa'i chos kyi sprul pa rnams/
- 472b
phag mo'i gzugs su bstan pa yin/ /zhes bshad pas dpal he ru ka las byung ba'i dkyil 'khor gyi 'khor lo dang bcas pa bsgom par bya'o/ /phyag rgya bshad pa ni/ brda lnga po ni bstan pa'o/ /ces bya ba ni sor mo g.yon pa lnga thabs lngar bsgom pa dang/ g.yas pa lnga lha mo lngar bsgom pa'i brda lnga'o/ /de yang ji ltar dgong snyam na/ /bsgrub pa po yi lag g.yon gyi/ /zhes bya ba la lag pa g.yon pa'i sgra ni dpa' bo drug gi gnas yin te/ shes rab dang thabs ro gcig tu byas nas brda rnams la 'jug par bya'o/ /brda de yang tshogs kyi 'khor lo dang gtor ma dang phyi nang gi sbyin sreg dang dbang bskur ba'i dus su lha'i rang bzhin du bskyed nas brda ba zhes bya ba lus kyi tha snyad de/ lag pa'i phyag rgya'i bya ba la rab tu 'jug pa'o/ /ci'i phyir g.yon pa la gtso bo dang dgod snyam pa la/ khams gsum rgyu dang mi rgyu ba/ 'gro kun g.yon pas byung ba yin/ /zhes bya ba gsungs te/ lus po phyed ni shes rab chos kyi dbyings las 'byung ba yin la/ g.yas pa ni thabs las 'byung ba yin no/ /ci'i phyir na g.yon pa shes rab yin zhe na/ sangs rgyas dang byang chub sems dpa' brdar gyur du yin te/ shes rab thams cad thabs dang shes rab gnyis su 'dus par ston pa yin no/ /des na g.yon pa'i chos kyi dbyings la snod bcud thams cad 'byung ba yin no/ de yang ji ltar lha dgod par bya zhe na/ mthe bong la rdo rje sems dpa' / mdzub mo la rnam par snang mdzad/ /gung mo la pad+ma gar gyi dbang phyug /srin lag la dpal he ru ka /mthe'u chung la nam mkha' i snying po/ sen mo'i ngos la rta mchog bsgoms la lag pa g.yon pa bsgyur byas nas/ /dpa' bo 'di rnams 'byung ngo/ /lag pa'i mthil sh+rI he ru ka/ /phag mo kun 'dus dag byed yin/ /zhes bya ba gsungs te/ lag mthil g.yas g.yon du thabs rnam pa drug dang/ shes rab rnam pa drug go/
- 473a
nas thal mo sbyar bas lus kun dag byed ces bya ba'i phyag rgyar 'gyur ba yin no/ /rgyab tu rdo rje mkha' 'gro ma zhes bya ba ni g.yon pa'i lag pa'i thil du pad+ma 'dab ma lnga pa'i 'dab ma la mkha' 'gro ma lnga dang/ lte ba la gtum mo dgod par bya'o/ /de bzhin du lag pa g.yon pa la dpa' bo rnams bkod pa ni/ mdza' ba thams cad 'dus pa'o/ /rin chen rdo rje'i zhal snga nas rgyab tu rdo rje mkha' 'gro ma zhes bya ba ni sen mo'i ngos la tsaN+Ti ka bkod la sor mo thams cad kyi mdza' ba 'dus pa zhes gsungs so/ /cho ga des ci zhig byed ce na/ de lta'i cho ga'i sbyor ba yis/ /dpa' bo thams cad mchod par bya/ /zhes gsungs te/ nang gi sbyin sreg dang phyi'i sbyin sreg dang/ gtor mas mchod par bya'o/ /sor mo rnams lha'i rang bzhin du bskyed nas 'byung ba rnams ji ltar bya zhe na/ /sa ni spyan zhes bya bar bshad ces bya ba la sogs pa 'byung ba lnga lha mo lnga yin par ston zhing/ lha mo rnams gang du gshegs su gsol zhes bya ba gsungs te/ lag pa gzhal yas khang du bya ba la mkhas pas gzhal yas khang gi steng rgyab tu gshegs su gsol/ /gsang ba 'di ni mi bshad cing zhes bya ba ni lag pa'i phyag rgya gsang ba 'di dbang ma bskur ba la mi bshad cing rdo rje spun ma yin no/ /'o na dus ni dus nam gyi tshe bya zhe na/ de ltar bdag gis dpa' bo rnams/ /lhan cig zas la spyod pa brtsam zhes bya ba gsungs te/ tshogs kyi 'khor lo bya ba'o/ /dpa' bo thams cad mnyam sbyor ba/ mkha' 'gro dra ba'i bde mchog yin/ /zhes bya ba ni lag pa'i phyag rgya mnyam sbyor ba'i bde mchog go /le'u sum cu rtsa gcig pa'i rnam par bshad pa'o// //de ltar mi rgyu ba'i sbyin sreg 'khor lo bshad nas/ da ni yi dags srog song gi 'khor lo bshad pa ni/ de nas gzhan
- 473b
yang bshad bya ste/ zhes bya ba la phogs pa gsungs te/ gzhan yang ni ro langs kyi sbyin sreg go /phyi'i sbyin sreg gi sbyor ba dang/ nang gi sbyin sreg gi 'dus pa/ de yang dag pa'i sbyin sreg cho ga bzhi dkyil 'khor dang/ mchod rdzas dang/ thab lhar bskyed pa/ mchod pa dang/ 'bras bu dngos grub blang ba dang/ gshegs su gsol ba'o/ /rnam pa gang gis mchog de shes na myur du dngos grub thob par 'gyur pa'o/ /de ltar mdor bstan nas rgyas par bshad pa ni/ /sgrub pos sngar bstan rim pa yis/ zhes bya ba gsungs te/ le'u sum cu rtsa gcig pa sreg rdzas dang/ snod dang lhar bskyed pa'i phyag rgya'i rim pa'o/ /phyugs rnams kyi na 'gugs pa nyid/ ces bya ba ni sngar bstan pas bco lngar gyur pas na mchog go /rkang bzhi pa las glang po mchog dang/ 'dab chags las dang pa dang/ chu la gnas pa dud 'gro las rus sbal dang/ 'gi wang dang bcas pa'i sha la lha rnams gsol bar bzhed pas chu g.yo ba'o/ de rnams ni dngos grub sgrub pa'i yan lag tu sangs rgyas dang byang chub sems dpa' i lha mo'i mngon par shes pa rnams la grags pa yin no/ /khwa dang chu skyar dang bzhad dang gnyis skyes te khu byug dang/ khrung khrung dang/ sngags chen po dang/ sa ra sa dang/ ka dam pa la sogs pa kha na ma tho ba med pa'i sha dang/ nang gi sbyin sreg bza' ba dang/ gtor ma dang phyi rol tu sbyin sreg byas na 'dod pa'i dngos grub thams cad grub par 'gyur ro/ /de ltar phyi nang gi thun mong gi sbyin sreg bstan nas ro langs kyi khyad par gyi sbyin sreg gi sreg rdzas bshad pa ni/ kriSh+NA shwA na zhes bya ba ni khyi mo shin tu gnag pa lus gang la yang spu dkar po med pa'o/ /mdang ma sha'i 'bras nag po phye mar byas pa dang ldan pa'i thug pa sbyar tshes bco lnga'i dus su skar ma rgyal dang gza' phur bu 'dzom pa'i dus su rgyal rigs sam rje'u rigs sam bram ze'i rigs sha dkar la sma ra
- 474a
ser ba shing puN+Ta rI ka 'am a sho tha la 'gegs nas shi ba'i ro blangs la dkyil 'khor gyi dbus su bzhag ste/ dur khrod mkha' 'gro gang yang rung ba la dgug pa dang gzhug pa dang bcing ba dang dbang du byas la 'jig rten gyi dngos grub sgrub pa dang/ zhing skyong brgyad la gang yang rung bcug nas bsam gtan gzugs med thun mongs gi dngos grub sgrub pa dang/ rigs lnga'i ye shes kyi mkha' 'gro ma bcug nas mchog gi dngos grub 'grub par 'gyur ro/ /de las dang po dur khrod kyi 'khor bcug pa 'jig rten gyi dngos grub kyi dbang du mdzad nas mdzes pa med pa ro'i khar sbyin sreg brgya rtsa brgyad du bya zhes gsungs te/ dang por bsnyen pa'i dus su du ba dang 'bar ba dang 'phar ba mthong nas ro'i lte ba'i dbus su me'i dkyil 'khor bskyed nas rkang pa rlung gis g.yabs te lte ba nas 'phar bas mig me'i sgo nas dro ba'i rtags 'byung ba dang/ rna ba rlung gi sgo nas 'phar ba dang/ sna sa'i sgo nas du ba dang/ kha chu'i sgo nas smra ba dang/ 'phar ba'i rtags 'byung bar 'gyur ro/ /de'i tshe me lha thugs kar bzhag la sbyin sreg brgya rtsa brgyad bya'o/ /de nas dur khrod kyi mkha' 'gro bkug la 'jom dang bag tsha ba med pas ro'i khar sbyin sreg brgya rtsa brgyad bya'o/ /de nas ro de langs la ci bgyi zhes smra bar 'gyur ro/ /de la lha ma yin gyi bu mo'i don sa 'og tu 'gro ba la sogs pa dang/ dngos grub gang yang rung ba cig byin cig ces brjod par bya'o/ /de nas 'jig rten gyi mkha' 'gro des sum cu rtsa gnyis kyi bu ga nas bzhugs te/ rdo rje snying gis ma zin par lha ma yin gyi bu mo'i gnas su 'gro ba 'am/ g.yul las rgyal ba'i dngos grub bam/ mngon spyod kyi cho gas tshar bcad pa'am/ zhi ba dang rgyas pas phan 'dogs pa 'am/ mig sman gyis bcud len gyi sman rnyed pa 'am/
- 474b
sa 'og gi gter ram/ dpag tshad tshun chad kyi rkang mgyogs sam/ lo stong la sogs pa thub pa'i bcud kyis len gang yang rung ba cig byin nas rang gis gnas su 'gro ba yin gyi gzhan du ma yin zhes bya ba ni nyi ma zla ba ni sa la lhung yang srid/ klung ni rgyun las bzlog kyang srid/ ro langs kyi dngos grub ni gzhan du ma yin no/ /steng dang sa 'og pho nyas grub zhes bya ba ni sku dang gsung dang thugs kyi dngos grub tu 'gyur ro/ /rgyud 'dir the tshom med kyang rung zhes bya ba ni gdon mi za bar 'grub bo zhes pa'i don to/ de ltar ro langs kyi dkyil 'khor bsgrub pa bshad nas/ ro langs sgrub pa'i tshe rnal 'byor pa bdag nyid lhar ji ltar bskyed par bya zhe na/ gnas pa'i rnal 'byor sngon du 'gro bas dang por rten gyi dkyil 'khor sgom pa ni gdul bya drag po 'jigs byed kyi rda'i dbang du byas nas yaM las rlung gi dkyil 'khor bskyed pa ni lci ba'o/ /raM las me'i dkyil 'khor bskyed pa ni thal ba zhes bya'o/ /baM las chu'i dkyil 'khor la lhag ma zhes bya ste/ mngon par brjod las kyang lhag ma rngams su 'bum phrag brgyad ces gsungs pa'i phyir ro/ /laM las sa'i dkyil 'khor la ni mgo bo skam po zhes bya'o/ /de'i steng du ri rab bskyed pa'i sa bon du chen po 'am yang na gser gyi rus sbal gyi gzugs bya'o/ /he ru ka 'bum pa las ni yang na rus sbal dag gi'o/ /zhes bya ba brten pa'i dkyil 'khor ston te/ dpa' bo dpal 'byung yin par bshad/ ces bya ba rdzus skyes la bstos nas yang na rus sbal dag gi mgo /zhes bya ba ni sgong skyes kyi he ru ka ston pa yin no/ /myur du dngos grub sbyin par 'gyur ro/ /zhes bya ba ni brdzus skyes kyis thabs kyis grub par 'gyur ro/ /des skyes pa'i lha ji lta bu zhe na/ nges brjod bla ma las 'byung ba bzhin du zhal gcig pa phyag bzhi pa rdo rje dang dril bu dang cang te'u dang kha TwAM ga bsnams pa sngon po 'am
- 475a
zhal gcig phyag gnyis pa yum rdo rje phag mo la 'khyud pa'am/ /phyag 'bum pa zhal stong dang ldan na rdo rje phag mo kun gzugs zhes bya ba zhal nyi shu rtsa gcig dang phyag rgya lnga las 'khyud pa/ rdo rje phag mo yang de dang 'dra ba sku mdog dkar po snod bcud thams cad kyi phyag mtshan 'chang ba dang/ thod pa'i phreng ba can thal ba'i rdul gyis byugs pa/ phyag rgya drug gi brgyan pa/ cod pan gyi bar nas me tog gi phreng ba 'chang ba/ phyag dang po gnyis kyis rdo rje dang dril bu bzung nas phag mo la 'khyud pa/ g.yas kyi gnyis pa mdung bsnams pa/ zhal mche ba gtsigs pa/ ro yi dags chen po'i gdan la bzhugs pa'o/ /de yang ji ltar bsgom par bya snyam na/ de nas rtag tu sgrub pa pos/ rang gi lha ni shes nas sgom/ zhes bya ba smos te/ mi 'jigs na zhal gcig phyag bzhi pa dang/ 'jigs na zhal bzhi phyag bcu gnyis pa dang/ ches 'jigs na phyag 'bum pa bsgom par bya ba de lta bu'i yon tan gyi khyad par shes pas sgrub pa pos dngos grub sgrub par 'gyur ro/ /le'u sum cu rtsa gnyis pa'i rnam par bshad pa'o// //de ltar ro langs kyi sbyin sreg bshad nas/ da ni rnal 'byor ma'i lus la sbyin sreg bya ba bshad pa ni/ de nas sgrub po rnams kyis zhes bya ba la sogs pa smos te/ chags pa'i lam sgrub pa pos rnams kyis ye shes las skyes pa dang/ sngags skyes kyi rnal 'byor ma bsnyen sgrub bzhis sbyangs nas ye shes phab pa la 'gro ba dang/ du ba dang 'bar ba dang 'phar ba'i tshe nang gi sbyin sreg bya ba ni/ /sbyor ba kun las med par bshad/ ces bya ste/ rgyud gzhan du ma bstan pa'o/ /sreg rdzas ni bza' ba dang bca' ba dang nya sha dang chang la sogs pa tsA rus sbyin sreg bya'o/ /de ltar mdor bstan nas rgyas par bshad pa ni/ med par gyur kyang gza' ba
- 475b
ni zhes bya ba smos te/ bza' ba dang bca' ba la sogs pa bdud rtsi lngar bskyed la mchod par bya'o/ /de ltar rdzas bsags nas de nas ci zhig bya snyam na/ de nas pho nya rab sbyin zhing/ zhes bya ba bsnyen sgrub bzhis sbyangs nas lte ba dang snying ga dang lkog ma dang spyi gtsug tu 'khor lo brtseg ma bzhi bkod de ye shes 'bebs pa pho nya la rang gi lag pa dgang gzar dang blug gzar gyi sbyin sreg bya'o/ /rang gi pang par mgo bzhag la/ dpa' bo gnyis med mchod par bya/ zhes bya ba ni yum rdo rje phag mo bskyed nas mchod par bya'o zhes bya ni dbang bskur ba'i phyag rgyar byas pa'o/ /de yang ma dang sring mo dang bu mo dang chung ma ste dbang thob pa'i sngags skyes rnam par 'dod pa'i yon tan lngas mchod pa'i cho ga 'di 'dra ba'i sbyor bas gnyis su med pa dang ldan par byed/ /de'i phan yon ci zhe na/ de nas sngags ni grub 'gyur te/ zhes bya ba la sogs pa gsungs te srog a ba d+hU tir chud pa'i sngags grub pa'i sbyor bas ji srid 'byung ba ma zhig pa'i bar du gnas par 'gyur ro/ /phan yon gnyis pa ni ye shes kyi mkha' 'gro ma nyi shu rtsa bzhi slob dpon gyi lus su gnas nas sgrub pa po las mchod pa len zhing las bcu gnyis mdzad par 'gyur ro/ /des bsam gtan gyi dngos grub mi thob bam zhe na/ dpa' bo rnams kyi stan dag dang/ phyag rgya nyid du the tshom med/ ces bya ba smos te/ stan ni btsun mo yum gyi b+ha ga nas zhugs zhes bya'o/ /phyag rgya ni las kyi phyag rgyar gyur pas bsam gtan gyi bde ba bskyed pa'o/ /de yang thabs ji lta bu zhe na/ sgrub po shin tu mnyam gzhag pas/ /glu dang gar la sogs pa bya/ /zhes bya'o gzugs sdug gu dang/ glu snyan ba dang/ dri zhim pa dang/ ro yid du 'ong ba dang/ reg bya 'khyud pa la sogs pas mchod par bya'o/ /mchog ni dngos grub ji ltar thob zhe na lus can thams cad ji snyed du/ /rnal 'byor ye shes lA ma zhen zhes bya ba
- 476a
smos te/ rang bzhin brgyad cu dang bral ba'i sems 'od gsal ba'i sems skyes pa de gang zag ji lta bus thob snyam na 'khor ba las skyo ba dang mya ngan las 'das pa la dad pa ste/ ji srid 'khor ber 'khor 'gyur zhing/ /mya ngan sdug bsngal gyis g.yengs 'di zhes bya ba 'khor ba las skyo ba'o/ /kun nas dad pas sgrub pa pos/ /phyag rgya thams cad mchod par bya/ zhes bya ba ni lha dang lha mor bsgoms pas dad pa dang ldan zhing/ /sgyu ma lta bur mos pas phyag rgyar mchod par bya'o// de ltar bsod nams dang ye shes kyi tshogs chen pos ma 'ongs pa ni 'khor los sgyur ba la rgyu ba'i rgyal po dang lha'i rgyal por gyur pas mchod par gyur pa dang/ dad pa dang ba dang sgyu ma lta bu'i shes pas med pas mi gtsang ba'i rjes yin no// zhes smad na ma 'ongs pa ngan song gsum du 'gro bar 'gyur ro/ /drang srong rgyas pa dang/ ser skya lta bu bsam gtan thob pas dngos grub ji lta bu zhes thob par 'gyur zhe na/ rnal 'byor rgyud la gus rnams kyi/ phyag rgya chen po dang por 'grub ces bya ba smos te/ zhi gnas dang lhag mthong zung du 'jug pa'i rnal 'byor gyi rgyud la phyag rgya chen po ste/ rnam par ma rtag pa'i ye shes dang por 'grub par 'gyur ro/ /gal te srog a ba d+hU tIr ma chud pas stong nyid kyis rgyas ma thebs na ji ltar bya snyam na/ de bzhin rab tu 'bad pa dang/ kun nas dang pas mchod par bya zhes bya ba gsungs te/ bsod nams kyi tshogs bde ba bsgom par bya'o/ /de nas le'u dang po las/ /yid ni nang du chud pa yis/ /'dod pa'i dngos grub bsgom par bya/ /rang rdzas thig les sangs rgyas dang/ /byang chub sems dpa' mchod par bya/ zhes gsungs so/ /de yi 'og tu dpa' bo yis/ /dpa' bo kun du mchod par bya zhes bya ba ni phyag rgya chen po bsgom pa de'i 'og tu dpa' bo kun tu spyod pa kha sbyor
- 476b
las gsungs pa bzhin du dpa' bo gcig pu dang/ rgyal tshab dang/ phyogs las rgyal ba pha rol tu phyin pa dang/ shin tu spros pa med pa'i spyod pas dngos rjes ro mnyam par bya'o/ /de ci zhig sgrub snyam na/ de ltar mchod byas de nas ni zhes bya ba la sogs pa smos te/ sa 'og tu 'gro ba la sogs pa'i las bcu gcig sgrub pa pos dka' ba med cing nyon mi mongs pas 'grub par 'gyur ba las gdon mi za'o/ /le'u sum cu rtsa gsum pa'i rnam par bshad pa'o// //de ltar rnal 'byor pa'i sbyin sreg bshad na thun mong gi sbyin sreg bshad pa ni/ de nas rnal 'byor ma yi dra ba yi/ zhes bya ba la sogs pa smos te/ bsnyen sgrub bzhis sbyangs pa'i dpa' bo dang/ rnal 'byor ma'i lus po la phyi rol tu lha'i 'khor lo dgod pa dang/ nang lha drug cu rtsa bzhi'i 'khor lo bzhi la rim pa bzhin du bkod pa'i 'khor lo'i cho ga rgyas par byas nas dpa' bo dang rnal 'byor ma nang gi la sbyin sreg byed pa'i tshe/ oM shAM ti ku ru swAhA zhes bya ba la sogs pas dpa' bo dang/ rnal 'byor ma'i sngags dang spel nas kun tu brjod cing sbyin sreg byas na 'grub pa la the tshom med do/ /de ltar mdor bstan nas rgyas par bshad pa ni/ /dpa' bo nyi shu rtsa lnga dang/ rnal 'byor ma sum cu rtsa bdun 'khor lo bzhi'i pad+ma'i lte bar bkod la a ba d+hU tI'i gnas su he ru ka yab yum de bzhin du bkod par bya ste/ smin mtshams kyi mdzod pu'i bar du dpa' bo yab yum nges par bzhag par bya'o/ /de ltar lha dgod pa bstan nas me'i mtshan nyid bstan pa ni/ dpa' bo 'tshal ba zhal gyi mer zhes bya ba smos te/ lte ba nas rked pa rlung me'i drod can no/ /sreg rdzas ni myos chang dang/ ba lang gi sha dang khrag tu bcas pas nang du sbyin sreg bya'o/ /gang la sbyin sreg bya snyam na/ de nas 'bad ba'i na/
- 477a
la ni/ sreg bya dgu ni bya ba yin zhes bya ba/ smos te/ rigs lnga re re zhing yang sreg bya lnga lnga dbul bar bya'o/ /de nas gtum mo drod 'phel ba/ /rtsa rnams bsreg par byed pa ni/ /de nas 'bar phreng rgya mtsho yi/ /kun nas sgo yi 'khor lo bsams/ /zhes bya ba yin no/ /kun nas sgo ni bu ga'i sgo rnams nas me'i 'od zer 'byung ba'o/ /'khor lo bzhi'i dbus su ji lta bu bsam zhe na/ /dpa' bo dpa' mo zhal bzhi pa zhes bya ba smos te/ bcom ldan 'das zhal bzhi pa phyag bcu gnyis pa/ yum zhal gcig phyag gnyis pa mkha' 'gro ma dang/ lA ma dang dum skyes ma dang/ gzugs can ma bzhi ni phyogs kyi pad+ma la'o/ /dpa' kun gnyis su med par bad/ /zhes bya ba ni sku gsung thugs kyi 'khor lo khaN+Ta ro ha phyi rol sbyangs zhes bya ba ni kun kyang zhal shar du gzigs pas khaN+Ta ro ha rgyab tu bzhag pa'o/ /rang gi gzugs su mngon zhen pa zhes bya ba ni mi 'am ci 'dul ba'i phyir khwa gdong ma la sogs pa'i gzugs brgyad do/ /'khor lo'i dbus su bstan par bya/ /zhes bya ba ni gzhal yas khang gi nang du dgod pa'o/ /dpa' bo dang rnal 'byor ma 'di dag gi 'khor lo bstan pas dngos grub thams cad sgrub par byed de/ /de gang las btus pa yin snyam na/ rig pa'i rgya mtsho las/ /dpa' bo mdor bsdus nas ni gsungs pa yin/ zhes bya ba ma smos te/ rgyud 'bum pa le'u dang po tshogs kyi 'khor lo sgrub nas rnal 'byor ma'i sbyin sreg 'di rgyas pa la mdor bsdus pa gsungs pa yin no/ /thabs gang gis grub ce na/ pho nya gnyis med sbyor ba'i bdag /'grub 'gyur 'di la the tshom med/ ces bya ba gsungs te/ dga' ba bzhi'i ting nge 'dzin gyis/ le'u sum cu rtsa bzhi pa'i rnam par bshad pa'o// //de ltar dpa' bo rnal 'byor ma gnyis ka'i sbyin sreg bshad nas/ 'chi bdag 'joms pa bshad pa ni/ de nas las kyi mchog rab ni zhes bya ba la sogs pa gsungs
- 477b
te la'o/ las kyi mchog rab tshe 'phel ba'i thabs so/ /ji bzhin rim gyis mchod pa ste/ zhes bya ba ni thabs dang shes rab bsnyen bsgrub bzhis sbyangs nas rnam pa sna tshogs pa dang/ rnam par smin pa dang/ rnam par nyed pa dang/ mtshan nyid dang bral ba'i rim gyis dga' bzhi'i ting nge 'dzin gyis mchod pa'o/ mchod pa gnyis med sbyor bdag nyid/ ces bya ba smos te/ mchod pa gnyis med sbyor bdag nyid ni rang bzhin brgyad cu dang bral ba'i bde ba stong pa nyid du ro gcig pa'i gnyis med sbyor ba'o/ /las ni so sor sbyar bar bya/ zhes bya ba ni las bcu gnyis las bsgom pa dang bzlas pas sor sbyar par bya'o/ /da ltar mdor bstan nas brgyas par bshad pa ni/ /kar yang sgrub pa byed pa'i sngags/ de yi dbye ba rim ji bzhin/ zhes bya ba ni de la zhes bya ba'i don yin no/ /tshogs bshad gcig gis las bcu gnyis kyi dor bstan pa yin la/ 'ching dag 'joms pa bshad pas na/ gang yang sgrub par byed pa'i sngags/ zhes bya ba gsungs te/ sngags ni lus kyi 'khor lo dbugs 'byung rngub kyi rlung dang sbyar ro/ /phrin las bzhi'i sngags de'i dbye bas rim pa ji lta bu bzhin du zhig la dkar po/ /rgyas pa la ser po/ dbang la dmar po/ /mngon spyod la nag po'i seng ge'i kha dog dang/ zhi ba la rgya rigs rgyas pa rje'i rigs dbang la bram ze'i rigs mngon sbyor la dmangs rigs kyi pho nya'i bye brag dang/ sogs zhes bya ba ni zhi ba la chu'i dkyil 'khor nas rgyu ba dang/ rgyas pa las dang/ dbang la me dang/ mngon spyod la rlung gi dkyil 'khor las rgyu ba'o/ /sngags ji ltar bzlas snyam na/ mnga' i shugs bzhin yongs su 'khor zhes bya ba smos te/ zhi ba dang rgyas pa la yum gyi zhal nas yab kyi zhal du zhugs shing yab kyi ste ba nas yum gyi lte bar zhugs pas 'khor ba dang/ dbang nang mngon sbyod la yab kyi zhal nas yum gyi zhal dang/ yum gyi lte ba nas yab kyi lte bar 'jug cing 'khor ba'i phan tshun sbyor ba'i sngags kyis 'jug cing 'khor pas phreng ba nyid yin no/ /zhi ba'i bsteng ba ste/ /zhes bya ba ni sngags kyi bzlas pas so dang mchu sbyar na lce rtsa cung zad tsam bskul ba'o//
- 478a
rlung gi rgyu ba'i sa dang chu dal bar rgyu ba'o/ /drag cing rtsub pa ma yin no/ /zhes bya ba ni dbang dang mngon sbyod la dag gi bzlas pa mnyam sbyor nas 'byung ba bzhin du khur ba dang/ dbugs kyi rlung 'byin srin po dang skad kyis zlo ba dang/ med rlung gi dkyil 'khor la drag cing rtsub par zlos pa ltar zhi ba dang rgyas pa la ma yin no/ /rang rang gi ni phyogs gnas nas/ cho ga'i dbye ba bstan pa'o/ /zhes bya ba ni g.yas nas me'i rlung rgyu ba dang/ g.yon nas rlung gi rgyu ba dang/ ngal bar rgyu ba chu'i rlung ni dkyil 'khor bzhi'i rang rang gi phyogs kyi dbye ba bstan to/ /sa bon phreng de nas zin zhes bya ba ni sa bon phreng ba snying po dang nye ba'i snying po'o/ /de nas zin zhes bya ba ni thog mar yi ge oM nas gzung pa'o/ /hUM ni mdza' ru gnas pa yin zhes bya ba ni mthar hUM phaT swAhA dang bcas pa'o/ /de ltar bsgoms pa dang bzlas pa byas nas bskyed pa'i rim pa'i las la sbyor ba'i tshe ji ltar sbyar bar bya zhe na/ sgrub par 'gog par gyur na ni/ gom pa gcig kyang mi 'gro'o/ /zhes bya ba ni 'chi bdag gi gzugs byas la dur khrod kyi ras la rkang pa brgyad pa'i 'phrul 'khor dag dang khrag gis bris la dbus kyi 'chi bdag gi bdud kyi mid mA ra ya dang bcas pa bris te 'khrul 'khor ling gar bcug nas sngags kyi 'od zer brgyad kyis bcug na gom pa gcig kyang 'gro bar mi nus par 'chi bar 'gyur ro/ /'od zer brgyad gang zhe na kha sbyor bar gyur pa dang zhes bya ba rdo rje phra mo'i 'od zer dkar dmar thogs ba 'phros pas gom pa gcig kyang mi 'gro ba'i dang po'o/ /'od zer gyi lha mo rnams kyir log nas dus ma yin par 'chi ba las rgyal ba'i thabs phyag g.yon pa kha TwAM ga bzung nas phyag g.yas pas bdud rtsi lngas mchod pa'i mchod pa bsnams pas rang gi zhal du mchod yon gyi bdud rtsi'i nges par sbyar bas dus ma yin par 'chi ba bzlog nas tshe 'phel
- 478b
par byed do/ /de bzhin du rdo rje lu gu rgyud bcings pa'i lha mo brgyad 'phros nas 'chi bdag bcings pas dus ma yin par 'chi ba las rgyal nas kha TwAM ga bsnams shing bdud rtsi'i mchod pa zhal du sbyor ba ni gnyis pa yin no/ /rdo rjes phye ba nyid dang ni zhes bya ba ni rdo rje thogs pa'i lha mo spros nas 'chi bdag bcom ste slar log pas dus ma yin pa'i 'chi bdag las rgyal nas kha TwAM ga bsnams pas bdud rtsi'i mchod yon zhal du 'dren ba ni gsum pa'o/ /de bzhin du rdo rje kha dog lnga pa'i sgro'i chun po spres nas bsgrub bya 'gog pa ni bzhi pa'o/ /lcags kyu bsnams pa'i lha mos dgug pa ni lnga pa'o/ /gtun shing bsnams nas dkrug pa ni drug pa'o/ /rdo rje kha yis za pa ni bdun pa'o/ /mda' yis bcings pa spro ba ni brgyad pa'o/ /de ltar phyag mtshan brgyad dang bcas pa'i lhan no/ spros nas dus ma yin par 'chi bdag las rgyal ba ni phrin las mdzad nas slar bsdus pa'i tshe phyag g.yon pa'i lag nas kha TwAM ga bsnams shing phyag g.yon pa thod pa'i bdud rtsi lnga'i mchod yon rang gi zhal du rdo rje rtse lnga pa dkar po bsam la bdud rtsi lnga'i mchod yon 'thungs pa ni nges par sbyar ba'o/ /'di skad stan pa yin te thabs dang shes rab snyoms par zhugs pa las lha mo brgyad spros pa ni 'chi ba dag gi bdud 'gog cing gom pa gcig kyang mi 'gro bas dus ma yin par 'chi ba las rgyal ba'i phrin las mdzad nas slar sdud pa'i tshe lha mo brgyad kyi phyag g.yon pas kha TwAM ga bsnams shing g.yas pas bdud rtsi'i thod pa bsnams nas tshe 'phel ba'i phyir rang la 'dren par byed pa yin no/ /de ltar bskyed pa'i dbang du byas ma gshad nas rdo rje mkha' 'gro las rab? sbyor na nyi ma dang zla ba ste/ 'ba' san til ka'o/ /rdo rje lu gu rgyud ni las kyi phyag rgya dang 'khyud pa'o/ /rdo rje dbyes pa'i a ba d+hU tI dang 'khyud pa'o/ /sgro'i chun pos bskor ba ni hUM phaT kyis bskor ba'o/ lcags kyu 'gugs pa ni bdud rtsi lnga'i thig la ? du
- 479a
bzlog pa'o/ /gtun shing gis dkrugs pa ni sa chu me rlung bzhi'i rtse bzhag nas a na ha'i rtses grub pa'o/ /rdo rje kha'i bza' ba ni bde ba stong nyid kyis rgyas btab nas shing las skyes pa'i srin bu bzhin du za ba'o/ /dbyug pa mda' dang sbyor? ba ni reg bya ba stong pa nyid kyi steng du stong pa nyid la nges pa'i shes pa 'dren pa'o/ /dus min 'chi las rgyal ba ni g.yas pa ra sa nA nas gyen du bzlog pa ni wa sha tat twa zhes byas te bcud kyis len du 'gyur ba'o/ /kha TwAM ga ni lha'i sku bde ba stong par rtogs pa'i lus so/ /thod pa'i mchod yon ni btsun mo yum gyi b+ha ga'i byang chub sems so/ /zhal du mchod a ba d+hU tI'i zhal du byang chub kyi sems 'jug pa yin zhes gsungs so/ /le'u sum cu rtsa lnga pa'i rnam par bshad pa'o// //de ltar 'chi bdag 'joms pa bshad nas da ni chags pa'i lam pa'i gsang ba'i sbyin sreg bshad pa ni/ de nas phyag rgya'i mchod pa chen po dang zhes bya ba la sogs pa smos te dpa' bo dang rnal 'byor ma bsgrub bzhis sbyangs nas btsun mo yum gyi b+ha ga'i thab khung du gsang ba'i rdo rje'i dgang gzar gyis byang chub sems kyi dgang blugs byed pa ni phyag rgya'i mchod chen zhes bya'o/ /byang chub sems dag dga' bral du song na bde ba'i ting nge 'dzin nyams nas sngags dgod pa bzlog pa ste/ /nang gi sbyin sreg gi phyag rgya'i mchod pa 'di dag ni las bcu gnyis myur du grub par byed pa yin no/ /de ltar mdor bstan nas rgyas par bshad pa ni mtshan nyid gnyis las sngags sbyang ba zhes bya ba smos te/ gsang ba'i rdo rje dang b+ha ga'i dbus yi ge brgya dang bya zhes bya ba gnyis kyi sngags kyis byang chub sems bzlogs par bya'o zhes kun sbyor las gsungs so/ /dpa' bo mkha' 'gro gnyis med pa/ /blo ldan rnal 'byor ma bsgrub bya/ /zhes bya ba ni b+ha ga'i dkyil 'khor du byang chub sems kyi dkyil 'khor bsgom pa'o/ /rnal 'byor dri med
- 479b
lus ni zhes bya ba ni rang bzhin brgyad cu dang bral ba'i shes pa rtog pa med pa skyes pa'i lus ni dri ma med lus so/ /pad+ma'i phyag rgya gnon pa'i lus rnams ni rnam pa sna tshogs kyi dga' ba dang/ rnam par smin pa'i mchog dga' dang/ mtshan nyid dang bral ba'i dus su/ de bzhin mtshon cha nyid de dang sbyar zhes bya ba smos te/ dga' ba'i dus kyi tshe yi ge 'khrul 'khor gyi mtshon cha dang sbyar ba dang/ de bzhin du mchog dga' i tshe rlung gi 'khrul 'khor gyi mtshon cha dang sbyar ba de bzhin du lhan cig skyes dga' i dus su gzung 'dzin 'gog pa'i a sam sa ma zhes bya ba nges pa'i shes pa drangs pas rnam par rtog pa las bzlog pa'i mtshon cha dang sbyar bar bya'o/ /ci'i phyir mtshon cha yin zhe na/ kha sbyor las dbang po'i shes pa rnams yul gyi bde ba la dga' bral mi 'gro ba'i phyir na mtshon cha zhes gsungs so/ /sngags pas mkha' 'gro ma'i sbyor ba'i snying po rnams kyis de bzhin bya zhes bya ba ni dpa' bo dang dpa' mo'i snying pos kyang byang chub sems bzlog pa de bzhin du bya'o/ /dpa' bo mchod pa'i cho ga shes/ las kyi 'bad pa nyid kyis bya/ zhes bya ba ni de kho na nyid mchod pa'i rjes la dkrug pa la sogs ba'i las bcu gnyis bya ba gsungs pa yin no/ /mkhas pa chen po dz+nyAn sh+rI'i zhal snga nas rlung gi dkyil 'khor gyis byang chub sems bzlog pa yin no/ /zhes gsungs so/ /rnal 'byor dang dga' i sngags las ni zhes bya ba ni phrin las bzhi'i rnam par dbye bas rnal 'byor ba rang dga' ba'i sngags kyis dbang dang mngon spyod la yab kyi zhal dang sbyar bas tshar gcod pa dang/ zhib dang rgyas pa la yum gyi zhal nas yab kyi zhal du bzlog nas sbyar bas ni phan 'dogs par byed do/ /de ltar na las kyi dngos grub bcu gnyis la rnam par bsgom pa'i thabs de'i dbye ba bcu gnyis kyis phye ba'i sngags kyi phreng ba'i rtsa'i lam du sbyar bar bya'o/ /sbyor ba yi ni don rnams la/ /'di yis rab tu bsgrub par bya/ zhes bya ba ni lus kyi dkyil 'khor la las bcu gnyis kyi 'bras bu'i
- 480a
don rnams sgom pa dang bzlas pa'i dbye ba 'di yis bsgom par bya'o/ /lha dang lha min rnams dang ni/ /mi dang bcas pas bsgrub par bya zhes bya ba ni 'gro ba ris drug dbang du byed pa la sogs pa 'grub pa'o/ /le'u sum cu rtsa drug pa'i rnam par bshad pa'o// //de ltar gsang ba'i sbyin sreg bya bshad nas/ /nang gi sreg phyir bzlog pa bstan pa ni/ de nas gzhan yang bshad bya ba zhes bya ba la sogs pa gsungs te/ gzugs gnon pa'i cho ga ste/ zhes bya ba ni bsnyen sgrub bzhis sbyangs pa'i las kyi phyag rgya dang snyoms par zhugs pa'am grol ba'i lam pa'i dam tshig gi phyag rgya gzugs gnon ba'i cho ga'o/ /phan tshun sbyor pa'i gsang sngags ni/ mkha' 'gro ma dang gcig tu sbyar/ zhes bya ba ni zhi ba dang rgyas pa la tshur 'khor ba dang/ dbang dang mngon spyod la phar 'khor bas gsang sngags sbyar zhing nang gi sbyin sreg bzlog nas hUM gi sgras dbugs byung ba ni ngal so ba'o/ /bzlas pa'i mthar skyug par bya'o/ zhes bya ba ni ngal so ba'i rjes la bskyugs pa'o/ /mtshan mo bdun ni rdzogs pa dang/ bza' dang btung ba dag la sbyar zhes bya ba ni bskyugs pa'i kha zas ni sbyin sreg gi thal ba yin pas thod pa kha sbyor gyi nang du bzhag la/ tshon sna lnga'i skud pas dkris te mtshan mo bdun sngags bzlas nas gang dbang du byas pas 'dod kha zas la sbyar na 'di yis ji srid 'tsho'i bar du dbang du gyur pa'i gdon mi za ba yin no/ /de ltar mdor bstan nas rgyas par bshad pa ni/ ser skya'i mar ni 'thungs nas kyang/ zhes bya ba la sogs pa gsungs te/ lte ba dang snying ga dang lkog ma dang spyi gtsug tu lha drug cu rtsa gnyis tshang pa'i 'khor lo bskyed la/ lag pa g.yas g.yon dgang gzar dang blugs gzar byas te/ ba ser skya'i mar sreg rdzas su byas te mthar pa shiM ku ru ho zhes bya ba'i sngags dang spel la lan brgya rtsa brgyad sreg blugs byas nas mthar bo son cha btub
- 480b
pa bskyugs nas rang gi gdong la bskus la zhal bzhi phyag bcu gnyis pa bsams te/ sbyod lam rnam bzhi'i dus thams cad du khros par gyur na rgyal rigs dang rde'u rigs dang bram ze'i rigs dang dmangs rigs la bltas pa tsam gyis 'grub par 'gyur ro/ /las dang po ba'ang? nas gnyis pa ni las gnyis pa bshad pa ni sngar gyi bskyugs pa'i steng du til mar dang 'bras sA lu btags pa dang ldan pas lus la bskus la dris nas 'bras kyi phye ma dang bsres nas khrus byas nas mar la btsos la bsnun khung du byas te/ rigs bzhi gang yang rung ba'i bza' ba la sbyar na rdo rje slob dpon gyi las 'di bsam pa ma btang ba'i bar du dbang du 'gyur ro/ /las bcu pa ni til nag po'i cha na? nang gi sbyin sreg gi sreg blugs brgya rtsa brgyad byas nas ske tshe dang bcas pa'i ru rta dang sbyar nas btung bar byas la skyugs pa dang/ lag pa'i sen mo dang/ lto ba'i srin bu dang/ rang gi srin lag g.yon pa'i khrag dang/ rang gi ru rta dang bcas pa sbyar te rnam pa bzhi'i bza' ba dang/ btung ba dang/ mig sman dang gos la byug par rab tu sbyar na ji srid 'tsho'i bar du dbang du 'gyur ro/ las bzhi pa ni ba lang gi sha dang ba lang gi khrag dang nang gi sbyin sreg brgya rtsa brgyad byas na 'jig rten dang 'jig rten las 'das pa'i lha rnams de'i mod la dbang du 'gyur ba 'am/ gal te lha rnams dbang du ma gyur na/ sdum bu 'u su'i mdog bzhin du mgo bo 'gas par 'gyur ro/ /'ongs na ci zhig byed snyam na/ bdag nyid de yi mdun du ni/ zhes bya ba smos te/ de'i mdun du bkug la rnal 'byor pa bdag nyid de'i mdun du 'dug la mkhas pas sbyin sreg byas pa dang/ 'jig rten la gtor ma byin nas khams gsum pa khug cig ces bka' bsgo na mtshon bdun gyi grub par 'gyur ro/ /de ltar sbyin sreg phyir skyug pa ni 'jig rten gsum na rnyed par dka' ba yin te/ sngags sgrub pa'i thal pas gyur pa yin pas 'og sgo nas 'gyur ba'i rnam pa
- 481a
snang mdzad dang/ mi bskyod pa'i thal ba bzhin du steng gi sgo'i thal bas kyang dbang du gyur pa'i las byed pa bzhin du las bcu gnyis byed pa yin no/ /de ltar dam tshig spyod pa'i mtshan nyid kyi rnal 'byor pas rtag tu las bcu gnyis kyi sngags nang gi sbyin sreg phyir bzlog pa'i sbyor ba ni sba zhing rab tu 'bad de sba par bya'o/ /dor bya'i gang zag ni nang gi sbyin sreg phyir skyugs pa la yid mi phyed pas sbas pa'i don rnyed par mi 'gyur zhing skye ba snga mar sbyangs pa'i skal pa dman las kyang grub par mi 'gyur ro/ /blang bar bya ba'i gang zag ni skye ba snga mar sbyin pa ma btang bas bsod nams chung ba yin yang sgrub pa po nang gi sbyin sreg la yid ches pas mnyes par byas na grub par 'gyur ro/ /zhes gsungs pas dpal he ru ka nang gi sbyin sreg gi mnyas par bya'o/ /le'u sum cu rtsa bdun pa'i rnam par bshad pa'o// //de ltar rgyu ba dang mi rgyu ba'i sbyin sreg bshad nas/ de rnams kyi gnas bshad pa ni/ de nas brda dang mkha' 'gro ma'i/ zhes bya ba la sogs pa gsungs te snod du gyur pa'i rnal 'byor ba rnal 'byor ni brda dang kha dog dang dbyibs kyi lus kyi mtshan nyid gang yin pa dang/ snod du rung ba dang mi rung ba'i dpa' bo'i yan lag gi dbye ba bshad par bya'o/ /de ltar mdor bstan nas rgyas par bshad pa na/ dpa' bo'i dbang phyug mi bri zhing/ zhes bya ba sogs pa smos te/ thabs dang shes rab 'khyud pa'i dpa' bo'i dbang phyug ri mor bri zhing bris su zin kyang dbang ma bskur pa gang gi thad du yang mi gdon pa dang/ nyan thos kyi rigs can gyi mdun du g.yon pa'i spyod pa mi bstan par bya'o/ /gal te sgrub pa rnyed pa dang bskur sti'i ched du gsang ba'i mtshan nyid can gyi sku bri zhing mkha' 'gro'i sngags bag med par 'don cing lha'i sku ston na/ de la da ni mi lta de zhes gsungs pas bcom ldan
- 481b
'das kyis byin gyis rlob cing dur khrod brgyad kyi mkha' 'gro ma stong phrag du mas ngan pa'i bdag nyid can de za bar 'gyur ro/ /gal te bram ze'i sdom pa dang ldan pa 'am nyan thos kyi sdom pa dang ldan na mkha' 'gro ma'i gnod do snyam na/ bram ze gsod pas the tshom med ces gsungs so/ /sdig med rmongs pa'i bdag nyid ces bya ba ni rnyed pa dang bskur sti'i phyir lha'i sku ston cing gsang sngags 'don bde bar gshegs pa bslus par gyur pas ngan pa'i bdag nyid can de za bar 'gyur ro/ /de la nga ni skyo ba mi byed ces bya ba ni nyes pa byas kyang phyis 'gyod pa'i sems mi skye ba de la mi skyob bo/ /de ni gsang ba ste rnal 'byor pa'i nang nas sgrub pa'o/ /dam tshig bsrung bar mi nus pa de sreg rdzas kyi phyugs dang 'dra ba yin no/ /'jig rten pha rol gnon pa ni/ zla ma la 'khu dam tshig nyams/ /mtho ris 'jig rten las de ltung/ zhes gsungs pa yin no/ /dor bya'i gang zag bstan nas blang bya'i gang zag bstan pa ni/ he ru ka dpal lta dka' i sngags zhes bya ba la sogs pa gsungs te/ yid skyob par byed pas na sngags te lha'i sku phyag rgya chen po dang de'i sngags so/ /de dag gang zhig bsrung bar byed pa la mkha' 'gro ma sum cu rtsa drug dang bcas pa'i phag mo dge ba'i gdong can dpal he ru ka dpa' bo nyi shu rtsa bzhi dang bcas pa phan 'dogs par mdzad do// mtshan nyid dang po bla ma la gus pa ni bla ma rnams ni brnyen bkur brjod/ ces bya ba la sogs pa gsungs so/ /mtshan nyid gnyis pa dam tshig bsrung ba ni gsang ba bsrung ba'i sgrub pa zhes bya ba gsungs so/ /mtshan nyid gsum pa ni bde ba'i lam la mos pa ni/ mkha' 'gro ma la rtag dga' bas/ de la dngos grub 'byung bar 'gyur zhes gsungs so/ /mtshan nyid bzhi ba sems pa ni bsgrub pa po bdag nyid 'gyur/ /khams gsum pa la bya ba'i bdag /ces bya ba gsungs so/ /mtshan nyid lnga pa mchod par 'gyur pa ni/ sgrub po
- 482a
dpa' bo nyid 'dod pa/ /thams cad du ni mchod par 'gyur/ zhes gsungs so/ /mtshan nyid drug bsgom pa dang ldan pa ni/ /de ni rnal 'byor la 'jug dga' / /yang dag khro ba rigs par 'gyur zhes gsungs so/ /mtshan nyid bdun pa brtul zhugs dang ldan pa ni/ /he ru ka'i brtul zhugs 'dzin/ /slob dpon dpa' bo thob gyur pa/ zhes bya ba gsungs so/ /brgyad pa 'dzin par byed pa'i rnal 'byor pa gang zhig las bcu gnyis la sbyor ba na oM la sogs pa khyad par dbye zhes bya ba la sogs pa gsungs te/ rgyas pa la o zhi ba la swAhA/ dbang la ho/ mngon spyod la phaT ces bya ba la sogs pa'i khyad par gyis dbye ba'o/ /de rnams 'bad de phyag bya zhing zhes bya ba ni phrin las bcu gnyis byed pa'i lha de rnams la gus par 'bad de phyag bya zhing zhes bya ba ni sangs rgyas dang byang chub sems dpa' de rnams la zhi ba dang rgyas pa la sogs pa'i sgo nas mchod pa byas na rtag tu las bcu gnyis byed pa'o/ /dbang po chen po de rnams dang lhan cig rol pa dang ldan pas bka' bsgo ba nyan pa the tshom med do/ /de ltar las bcu gnyis dang ldan pa'i ltar ji ltar bskyed snyam na/ de yi thugs ka nas phag mo zhes bya ba la sogs pa smos te/ thugs ka'i chos kyi dbyings la yum rdo rje phag mo sprul ba de dang snyoms par zhugs pa las dpa' bo nyi shu rtsa bzhi dang dpa' mo sum cu rtsa gnyis dang bcas pa sprul nas las bcu gnyis bya'o/ /de yang kun spyod las/ sprul pa las byung dpa' bo rnams/ /yan lag bcu drug sems kyis sprul/ /dag pa'i chos kyi sprul pa ni/ /phag mo'i gzugs su bstan pa yin zhes gsungs so/ /mtshan nyid brgyad dang ldan pa'i rnal 'byor bas sngags bcu gnyis zlos shing dkyil 'khor bcu gnyis ni 'dra bsgom pa la phan yon ci zhig yod ce na/ de dang gang zhig legs skyes pa/ /srog chags bsod nams mthong ba yin/ zhes bya ba gsungs te/ phyi dang nang gi sbyin sreg pa'i rnal 'byor pa lha'i sku bsgom pa de dang de ni 'phags pa'i rigs su legs par skye shing dngos
- 482b
grub legs pa mthong ba'i srog chags de yang bsod nams can yin no/ /de'i phan yon gnyis pa mkha' 'gro rnams kyi bsrung ba gsungs pa ni/ /gsang ba 'dus pa ltar dngos grub len pa la bar chad kyi bgegs bzlog pa'i bdud rtsi 'khyil ba'i 'khor lo mi dgos par chu'i dang? du 'dug kyang rung rgya mtsho 'am ri dang ri bo la sogs par mkha' 'gro ma thams cad kyi bug cig pa ltar zhen pa'i thugs kyis blta zhing gzigs par gnas pa yin no/ de nyid bsdus pa ltar gnod mdzes kyi sngags kyis bsrung ba med par 'jigs pa chen po'i dur khrod la sogs par mkha' 'gro dang ro langs la sogs pa du ma de dang lhan cig tu rnal 'byor pa dpa' bo chen po bka' ji ltar bsgo ba ltar bde bar rol cing rgyu bar mdzad pa yin no/ /rnam par snang mdzad sgyu 'phrul dra ba ltar lus ngag yid gsum la bsrung ba mi dgos pa'i rnal 'byor par re sul dang tshang tshing na gnas lus la mkha' 'gro ma rnams kyis gsang ba dang ngag la gsang ba'i drang srong rnams kyis bsrung ba dang/ yid la rnal 'byor ma rnams kyis sbas pa'i phyir phyogs de dang de dag tu sgrub ba po 'gro ba'i tshe mkha' 'gro ma rnams dang sa steng su rol pa yin no// le'u sum cu rtsa brgyad pa'i rnam par bshad pa'o// //de ltar gnas bshad pa ni de nas sgrub pa'i rnal 'byor che zhes bya ba la sogs pa gsungs te/ dngos grub len pa'i dus su phyi rol gzugs brnyan gyi 'khor lo 'am/ nang gi tshogs kyi 'khor lo byed pa'i tshe bzhad pa rnam pa brgyad pa dgod/ ces bya ba gsungs te/ dkyil 'khor gyi lha la ha brgyad kyis sgra grag pa'i thos pa'i mtshan ma 'byung na de'i rjes thogs la rtags 'di yang dag par mthong bas dngos grub stsal bar gdon mi za ba yin no/ /de ltar mdor bstan nas rgyas par bshad pa ni/ 'jigs pa'i sgra ni rnam mang po zhes bya ba smos te/ rgyud bla ma nas 'byung ba ltar/ ha ha dang hi hi dang phaT phaT dang hUM phaT ces bya ba'i sgra mi bzad pa mkha' 'gro drug cu rtsa gnyis kyis 'jigs pa'i sgra sgros pa'i tshe dpa' bo nyid stobs dang
- 483a
ldan ma shin tu 'jigs pa'i phyag 'bum pa bsgoms pas de rnams skrag cing rnam par dbye bar 'gyur ro/ /gal te dpa' bo mi 'jigs na lag pa g.yon pa nas gzung la gnas nyi shu rtsa bzhir rang rang gnas su khyer nas mkha' 'gro ma de rnams dang lhan cig rtse bar byed cing snang ba mdza' yas kyi bde ba can dang 'dra bar 'gyur ro/ /'og min du 'gro bar 'dod na dpal he ru ka'i nus pas 'dod pa'i rnal 'byor pa de mkha' la 'gro ba'i gnas su khyer bar byed do/ /gnas der khyer na yang bzhed pa brgyad kyi sgra thos pa'i sgrub pa po bsngags kyi lus can de 'khor ba'i rgas pa dang 'chi ba rnams bsam gyis mi khyab pa yongs su 'gyur ba thob nas mkha' 'gro thams cad dbang du bsdud par 'gyur ro/ /rdzogs pa'i rim pa dang sbyar na 'di skad ston pa yin te thabs dang shes rab snyoms par zhugs pa'i tshe rlung gi 'khor lo ha brgyad kyis gyan du bzlog pa dang/ dga' ba la sogs pa'i dus su dbugs rgod pa dang/ rdam ba 'byung ba la sogs pa'i rnam pa mang po mi bzad par 'gyur ro/ de dpa' bo 'jigs pa med par srog a ba d+hU tIr bcug na lag pa g.yon pa zhes bya ba'i brdas btangs pa byang chub kyi sems kyi rang bzhin gyi gnas spyi gtsug tu khyer nas rtsa sum cu rtsa gnyis kyi mkha' 'gro ma dang/ rtag tu bde bas mngon par rtsa zhing spyir btsug dzA landa ra'i gnas dang 'dra bar 'gyur ro/ /de ltar dpa' he ru ka'i nus pa 'dod pas mgo nam mkha' i dkyil 'khor gyi gnas su khyer nas sgrub pa po rlung bzlog pa'i ri sngags kyi lus can skye rga na 'chi'i chu bo bzhi las brgal bar 'gyur ro// le'u sum cu rtsa dgu pa'i rnam par bshad pa'o// //de ltar dngos grub kyi dus bshad nas dbang du bya ba'i sbyin sreg bshad pa ni/ de nas zhi ba bshad bya ba/ zhes bya ba la sogs pa gsungs te/ de ni thabs gang gis rgyal rigs pa'i
- 483b
sogs pa'i mi rnams dbang du 'gyur ba ni rnal 'byor dang sngags dang sbyin sreg gi tshogs la gnas pa'i dpa' bos bzlas pa gcig gis grub par 'gyur ro/ /de ltar mdor bstan nas rgyas par bshad pa ni/ sgron ma myos byed bcas pa dang/ /nya yi sha dang ldan par ni/ zhes bya bas sreg rdzas bstan te/ sgron ma sha chen lnga'o/ /myos byed ni 'chang ngo/ /nya sha dang ldan pa ni nya sha dang bcas pa'i khrag dang ldan pa'o/ /dpa' dbang gnas skabs thams cad du zhes bya ba ni lhar sgom pa ste/ dpa' bo ni rnal 'byor pa'o/ /dpa' bo'i dbang po ni dpal he ru kar bsgoms pa'o gnas skabs thams cad ni mthun bzhir ro/ /nyi ma bdun gyis sgrub byed cing zhes bya ba ni mthun bzhir ting nge 'dzin dang ldan pas phyi rol gyi sbyin sreg bya ba'am/ /mtshan mo sbyin sreg byed la gzhol zhes bya ba ni tshogs kyi 'khor lo byed pa'i dus su mtshan mo phyag rgya lnga la sogs pa'i btul zhugs dang ldan pas nang gi sbyin sreg byas nas dbang du byed pa la sogs pa dngos grub rgya chen po bcu gnyis gsol bar 'gyur ro/ /rgyal rigs la phyi dang nang gi sbyin sreg grangs du dang ldan par bya zhe na/ brgya rtsa brgyad dang ldan nyid kyis zhes bya ba smos te/ grangs brgya rtsa brgyad dang ldan pas thun gsum du phyi dang nang gi sbyin sreg rgya byed la rgyal po'i dpung gi tshogs yan lag bzhi dang bcas pa zhag bdun gyi dbang du 'gyur ro/ /de'i phyed lnga bcu rtsa bzhis nyi ma bdun sbyin sreg byas na dpa' bo chen po ste/ rgyal tshab dbang du 'gyur ro/ /de'i phyad zhag nyi shu rtsa bdun sbyin sreg byas na slob dpon dbang du 'gyur ro/ /rgyal phran rnams la ni grangs sum cu rtsa gnyis kyis nyi ma bdun gyis dbang du 'gyur ro/ /grangs nyi shu rtsa bzhi bram ze rnams la nyi ma bdun sbyin sreg byas na dbang du 'gyur ro/ /de bzhin du rgyal rigs dag la bdun gyis dbang du 'gyur ba dang/ rde'u rigs la lnga dang/ dmangs rigs la
- 484a
gsum dang/ tha ma ste gdol pa can rnams la rdzas re re zhing sbyin sreg zhag bdun byas na dbang du 'gyur ro/ /de ltar dpa' bo'i rigs rim gyis/ /zla ba gcig ni yang dag spyad/ /ces bya ba na gal te zhag bdun gyis ma grub na zla ba gcig gis bskyar ba'i cho gas bskyar bar byas na dbang du 'gyur ro/ /sngags dang ldan pas sgrub pa pos ba shiM ku ru ho/ /zhes bya ba'i sngags dang ldan pa'i sgrub pa pos rgyal rigs la sogs pa'i 'gro ba thams cad dbang du 'gyur ba yin no/ /dpa' bo'i cho ga 'di yis ni/ /'dod pa brten nas grub bar 'gyur ro/ /zhes bya ba ni phan yon ston pa yin te/ dbang du bya ba'i cho ga 'di bzhin du las bcu gnyis gdod pa la phyi dang nang gi sbyin sreg 'di brten grub par 'gyur ro/ /sa steng 'dod pa'i dbang phyug bzhin zhes bya ba ni mi'i 'khor lo sgyur ba thob pa 'am/ dpal ldan skal ba bzang por 'gyur/ /zhes bya ba ni brgya byin la sogs pa lha'i 'khor lo sgyur bar gyur ba 'am/ sgrub pa po mkha' 'gro ma sum cu rtsa drug gi yid du 'ong ba la dpal 'khor lo bde mchog gi dngos grub tu 'gyur ro/ /le'u bzhi cu pa'i rnam par bshad pa'o// //de ltar rgyu ba dang mi rgyu ba'i 'khor lo bcu dngos grub bsgrub pa bshad nas gsang sngags kyi 'khrul 'khor le'u bcu ston pa las dang por re zhig dpa' bo dang dpa' mo thams cad kyi sngags dgod par ston pa ni/ de nas las kyi mchog rab ni/ /zhes bya ba la sogs pa smos te/ las kyi mchog ni yi ge 'khrul 'khor rnal 'byor pa gang gis shes nas dang por bskyed pa'i rim pa la brten nas mthong ba dang reg pa dang thos pa'i mtshan ma thob pa'i sgrub pa pos dngos grub len pa'i tshe dbang du bya ba'i las bcu gnyis phyed pa 'am yang na rdzogs pa'i rim pa bsgom pa'i rnal 'byor pas sa chu la thim pas du ba lta bu chu me la
- 484b
thim pas smig rgyu lta bu dang/ me rlung la thim pas srin bu me khyer lta bu dang/ rlung rnam par shes pa la thim pas sgron ma lta bu dang/ rnam par shes pa nam mkha' la thim pas nam mkha' stong pa lta bu thim pa'i rtags 'byung ba'i tshe/ 'o na 'byung ba'i sngags kyi 'khrul 'khor 'di rnams byas na 'grub par 'gyur ro/ /de la rang gi mtshan ma thob pa de las dang po ba'i rnal 'byor pa yin la/ mtshan ma thob pa ni ye shes cung zad tsam la dbang ba yin no/ /mtshan ma thob pa'i rjes la 'jig rten gyi dngos grub bcu gnyis 'grub pa ni phrin las kyi ye shes kyi dbang ba yin no/ /las bcu gnyis kyis 'gro ba btul nas mchog gi dngos grub ni tshogs kyi 'khor lo stong gcig tu za ba'i gtsang sbra dang/ zhi ba'i btung ba gsang ba'i dbang bskur gyi gtsang sbra dang/ shes rab dang ye shes pho nya'i gtsang sbras zhi gnas dang lhag mthong mngon sum du bskyed nas phyag rgya chen po chos kyi dbyings la sems kyi stong nyid bsgoms pas mchog gi dngos grub thob pa ni ye shes la yang dag par dbang ba'o/ /de yang rgyud bla ma las/ skye pa stong phrag du ma ru/ /rgyu phrul ye shes kyis bskul ba sngags dang phyag rgya'i legs sbyor bas/ /ye shes la ni dbang thob yin zhes gsungs so/ /de ltar na gzhan don phun sum tshogs pa bcu gnyis ni dbang gnyis pa dgug pa dang/ gsum pa dbye ba dang bzhi pa bsang ba dang/ lnga pa bskrad pa dang/ drug pa rmugs pa dang/ bdun pa rengs pa dang/ brgyad pa rmongs shing phur bus gdab pa dang/ dgu pa tshig 'phrag cing dgug pa dang/ bcu pa 'on long du bya ba dang/ bcu gcig pa ma ning nyid du bya ba dang/ /bcu gnyis la gzugs sna tshogs su gyur pa ste/ las bcu gnyis po 'di dag bskyed rdzogs la mtshan ma thob pa'i sgrub pa po la 'khrul 'khor dran pa tsam gyis grub par 'gyur bar gdon mi za'o/ /de yang rdo rje mkha' 'gro las gnod mdzes kyi 'khrul 'khor
- 485a
dang sbyar nas las bcu gnyis 'grub par 'gyur gsung/ /gnod mdzes kyi 'khor lo ji ltar dgod ce na/ 'jig rten gyi 'khrul 'khor gyi mkhan po bza' chen po brgyad yin la/ des gza'i rgyu ba'i 'khrul 'khor bcings nas las bcu gnyis byed pas de nyid bsdus pa'i rgyud las khro bo zhes ming du btags so/ /rig pa mchog las gdon gyi gtso bo 'khrul 'khor gyi mtshon cha zhes bshad do/ /rdo rje mkha' 'gro las bcom ldan 'das gnod mdzes kyi sngags 'di sgra gcan ji ltar rdo rje rol pa rta'i 'gros kyis dgod pa'am/ sngon ba ltar yi dags srin po gdon gyis dgod pa'am/ mig dmar ltar gshin rje dbyug pa 'chad pa dgod pa'am/ mjug rings ltar ma mo rigs ldan ma'i 'khor los dgod pa gsungs pa bzhi po re re la yang 'khrul 'khor bri ba'i gnas su mi 'dra ba bcu gnyis dang/ ? ba'i snag tsha dang/ smyu gu mi 'dra ba bcu gnyis dang/ ming dang spel ba'i sngags mi 'dra ba bcu gnyis dang/ ling ga'i bye brag mi 'dra ba bcu gnyis kyis 'khrul 'khor re res las bcu gnyis byed pas bzhi bcu rtsa gnyis su 'gyur ro zhes gsungs pa'o/ /rgyud bla ma dang he ru ka 'byung ba dang sbyar nas yab kyi snying po dang nye ba'i snying po'i 'khrul 'khor dang yum gyi snying po dang nye ba'i snying po dang dpa' bo'i sngags dang dpa' mo'i sngags dang/ dpa' bo'i go cha'i sngags dang/ dpa' mo'i go cha'i sngags dang/ dpa' bo rkang pa brgyad pa dang/ dpa' mo'i rkang pa brgyad pa'i 'khrul 'khor te/ 'khrul 'khor bcu la dbus kyi ni mi 'dra ba ming dang spel ba bcu gnyis bkod pa'i dbye bas phye ba yin na 'khrul 'khor brgya nyi shur 'gyur ro/ /de ltar dngos grub kyi 'bras bu bshad nas da ni de'i thabs gsungs pa ni/ shar dang byang gi gnas sogs la/ mkha' 'gro ma ni thams cad khyab ces bya ba gsungs te/ dngos grub sgrub
- 485b
ba'i tshe gnas nyi shu rtsa bzhi na gnas pa'i las kyi phyag rgya dung can ma dang/ ri dags can dang/ pad+ma can dang/ ri dags can dngos grub gyi yan lag tu bsten par gsungs pa yin no/ /ye shes ldan par rang skye gnas/ zhes bya ba ni ye shes las skyes pa'i byang chub sems ma'o/ /yul dang yul du mngon par skyes zhes bya ba ni rdo rje gdan nyi shu rtsa bzhir skyes pa'i zhing skyes so/ /rdo rje'i dkyil 'khor gtso mo ste zhes bya ba ni bsnyen sgrub bzhis yum rdo rje phag mor bskyed pa'i sngags skyes so/ /de na mkha' 'gro ma ru bshad/ ces bya ba ni zhi gnas dang lhag mthong gi nam mkha' 'gro bas mkha' 'gro ma ste/ las bcu gnyis byed pa'i dngos grub sgrub pa'i yan lag tu 'gyur ba'o/ /gnas nyi shu rtsa bzhi po de dag gang yin zhe na/ sku'i 'khor lo ku lu tA nas thugs kyi 'khor phul la ri ma la yar thug pa'i gnas nyi shu rtsa bzhi'o/ /sogs zhes bya ba ni khyim lnga pi la pa dang/ nye ba'i ra li dang/ grong mdza' dang/ nye ba'i grong mdza' rnams gzung bar bya'o/ /yul de rnam kyi bu mo gang zhes bya ba ni zhing skyes kyi bu mo ste dpa' bo dang gnyis su med par 'gyur ba'i dngos grub gyi yan lag gi rnal 'byor ma'o/ /de kun 'dod pa'i gzugs can te/ zhes bya ba ni gnas nyi shu rtsa bzhir skyes pa'i ye shes kyi rnal 'byor ma rnams yin la 'dod pa'i gzugs sna tshogs su bsgyur nas yid mgyogs kyi ting nge 'dzin thob pas rnal 'byor pa'i bsam pa rdzogs par byed pa yin no/ /dag byed dbang gis lha mo dang/ /dpa' bo'i lha mo bka' bsgo skyes/ /de 'og ma lus kun spyod ma/ /zhes bya ba ni rnal 'byor ma rnams bshad pa dang/ 'di la khyad par ci yod ce na/ sngar ni thun du bsgrub pa dang/ dngos grub dang bsgrub pa thams cad kyi yan lag tu gsungs pa yin la/ le'u nyi shu rtsa drug dang rtsa bdun dang rtsa brgyad dang rtsa dgu pa ni dngos grub gyi yan lag tu
- 486a
gsungs pa yin te/ le'u gsum pa nas lnga bcu'i bar gyis le'u nyi shus ni las rnams kyi lha mo gsungs pa yin no/ /de la bsgrub pa'i yan lag ni las dang po pa la mtshan ma ma thob kyi bar du phyag rgyar gyur pa'o// mtshan ma thob nas mchog gi dngos grub pa'i yan lag dang/ gzhan gyi don du brin las bcu gnyis byed pa'i phyag rgya ni 'jig rten gyi dngos grub kyi yan lag go /dngos grub bsgrub pa'i lha mo ci zhig dgos she na/ dngos grub grub pa'i yan lag ste/ 'khor lo sgyur pa'i btsun mo rin po che bzhin du reg bya khyad par can gyi sgo nas bsam gtan gyi lus dang/ yid kyi bde ba bskyed pa dang/ tshong dpon gyi bu nor bzangs kyi dge ba'i bshes gnyen bcom pa mo lha'i bshes gnyen bzhin du reg bya'i stong pa nyid rtogs pa byed pa yin no/ /de ltar dngos grub gyi yan lag gi reg bya'i khyad par can las kyi phyag rgya dang/ ro khyad par can skye ba bdun pa'i sha dang/ dri khyad par bdud rtsi lnga'i dri dang/ sgra khyad par can yi ge dang ngag gi brda dang/ gzugs khyad par can las kyi phyag rgya'i yan lag dang/ nying lag gi brda dang ldan pas dngos grub bsgrub par bya'o/ /zhes kha sbyor las gsungs so/ /sngon bcom ldan 'das 'dzam+bu'i gling du byon pa'i tshe ye shes kyi lha mo du zhig yod snyam na rnal 'byor ma drug bya ba gsungs te/ mdor bsdu na go cha'i lha'i rigs drug gi bdag nyid do/ /de yang sku'i 'khor lo tha ma ku lu tra dang ma ro gnyis dang brtson chen ma 'khor lo sgyur ma ni ma me rnams zhes brdas btags so/ /sin d+hu dang na ga ra stobs chen ma dang shin tu dpa' mo ni rigs rnams kyi gtso mo zhes bya ba'i brdas btags te/ rta mchog gi btsun mo tsaN+Di ka'i rigs bzhi yin no/ /gser gling dang so'u rASh+Ta ra ni 'khor lo'i go cha ma dang gos rings ma ni rigs kyi lha mo'i brdas
- 486b
btags so/ /gri ha de pa dang pre ta pu rir ni dum skyes ma dang 'khor lo'i shugs can ma la stobs chen ma zhes bya ste/ nam mkha' i snying po'i btsun mo skrag byed ma'i rigs bzhi'o/ /hi mA la yar dang kAny+tsi ni bya gdong ma dang rta rnam la gzugs can ma zhes bya ba'i btags so/ /lam pA ka dang ka ling gar shin tu bzang mo dang sngo bsangs ma ni khyim gyi lha mo brtul zhugs 'dzin ma zhes bya ba'i brdas btags pa'i he ru ka'i btsun mo bskyod ma'i rigs bzhi'o/ /ko sa la dang tri sha ku nir ni chang 'thung ma dang rlung shugs ma la sha zan zhes bya ba'i brdas btags so/ /kA ma ru pa dang o Ter ni 'jigs byed chen mo dang sa srungs ma la rdo rje mkha' 'gro ma dang gtso mo dbang phyug ces bya ste/ pad+ma gar gyi dbang phyug gi btsun mo rmongs byed ma'i rigs bzhi'o/ /mA la ba dang de bi ko Tir shing grib ma dang langka'i dbang phyug ma la khaM Da ro ha zhes brdas btags so/ /rA me shwa ri dang gi dA rir mi thung ma dang dpa' bo'i blo gros ma la mkha' 'gro ma zhes bya ba'i brdas btags/ te/ rnam par snang mdzad kyi btsun mo gshin rje ma'i rigs bzhi yin no/ /ar bu ba dang sna chen ma u rgyan du sna chen ma dang 'od ldan ma sme sha can zhes bya ba'i brdas btags so/ /dzA land+ha ra dang pul+li ra ma yar gtum mig ma dang rab gtum ma bud med ces bya ba'i brdas btags te/ rdo rje sems pa'i btsun mo rdo rje phag mo'i rigs bzhi yin no/ /de ltar rdo rje mkha' 'gro ma las rigs drug dang sbyar bar bshad kyang rtsa ba'i rgyud la ni pul+li ra ma la ya dzA land+ha ra gser gling zhes bya ba'i ming gis btags nas thugs kyi 'khor lo la stong phrag nyi shu rtsa gcig yod pa yin no zhes bshad pas thugs kyi 'khor lo'i gnas gnyis las drug ni gsal ba med do/ /lhag ma gzhan dag ji snyed pa zhes bya ba ni ris drug gis bsdus pa'i gtso mo nyi shu rtsa bzhi las ?gnas
- 487a
pa lha mo bcu gnyis kyi rigs ni dpal he ru ka'i 'khor lo'i rnal 'byor ma yin no/ /mkha' 'gro ma sum cu rtsa drug po 'di dag ci'i phyir gtso mo yin zhe na/ sh+rI he ru ka sbyor ba/ /de yi dkyil 'khor gtso mo yin/ /zhes gsungs pa'i phyir ye shes kyi lha mo sprul pa'i sku yin no/ /mkha' 'gro nyi shu rtsa bzhi 'dis/ /rgyu dang mi rgyu 'gre ba khyab/ /ces bya ba ni rgyu ba 'gro ba ris drug gi gdul bya 'dul dang mi rgyu ba snod kyi 'jig rten sangs rgyas kyi khams su byas nas 'gro ba khyab pas gnas pas na sgrub pa po la dngos grub gsol ba yin no/ /de ltar ye shes las grub pa'i lha mo bshad nas mchog tu gyur pa'i rnal 'byor ba'i sgrub pa'i yan lag bshad pa ni/ mkha' 'gro 'di yi dam tshig ni zhes bya ba la sogs pa gsungs te/ las bcu gnyis byed ba'i 'khrul 'khor 'chi ba'i sgrub pa po'i de'i dam tshig ni sprul pa'i 'khor lo bsgom pa yin la/ de yang bsam gtan dang bzlas pa dang sbyin sreg la sogs pa byas nas ster 'di ru las bcu gnyis kyi spyod pa rdzogs par 'gyur ro/ /bsam gtan de yang ji lta bu yin zhe na/ rgyas par bshad pa ni/ sngags pa rtag tu mnyam gzhag pas mtshan mo nam mkha' i gos can bya/ zhes bya ba gsungs te/ dpal he ru ka dang yum rdo rje phag mo'i tsha byad du bya'o/ /skyes pa'am zhes bya ba ni dpa' bo nyi shu rtsa lngar bsgom pa'o/ /g.yon pa kun zhes bya ba ni lha mo sum cu rtsa bdun bsgoms pa'o/ /rnal 'byor ma dang dpa' bo mnyes/ zhes bya ba ni srog a ba d+hU tIr bcug nas dga' ba bzhi'i ting nge 'dzin bsgoms pa'o/ /de yang des brjod las/ yid ni nang du chud pa yis/ /'dod pa'i dngos grub bsgrub par bya zhes gsungs so/ /phyag rgya gar gyis mchod pa yis/ /rang 'byung rtag tu mchod na ni/ zhes bya ba dga' bral du song na phung po dang khams dang skye mched kyi lha mchod pa'o/ /de yang rang rdzas thig les sangs rgyas dang byang chub sems dpa' mchod par bya zhes gsungs so/ mchod pa'i 'bras bu ci zhig yin zhe nas lus
- 487b
lus pa med grub cing g.yon pa mchod la rab tu 'jug ces bya ba gsungs te/ dgar bral du song yang/ 'jig rten gyi dngos grub ma lus pa 'grub par 'gyur ba yin no/ /de'i don 'di skad ston pa yin te/ srog a ba d+hU tIr chud nas mi rtog pa skyes nas mchog gi dngos grub bam dga' bral du song yang las bcu gnyis kyi 'khrul 'khor dang ldan pas 'jig rten gyi dngos grub grub po/ /de la 'khrul 'khor ni 'di yin te zhing la gro ga'am shing shun la/ rgyas pa la ras sam spang leb la/ dbang la bud med kyi smad sham la/ mngon spyod la dur khrod kyi ras ya 'gi wang la sogs pas bris nas lha drug cu rtsa gnyis kyi 'khor lo la sngags drug cu rtsa gnyis bris te lha bskyed la ye shes sems dpa' gzhug pa dang go cha bgo ba dang dbang bskur ba dang/ bdud rtsi myang ba dang/ bsgom pa dang/ bzlas pa dang/ mchod pa dang/ bstod pa dang/ bzlas pa byas nas slar yi ge zhu ba'i 'khrul 'khor bsgrub bya'i ming dang spel ba/ zhi ba la grog mkhar gyi sa la byas pa'i gzugs brnyan nam/ rgyas pa la kham pa la byas pa'i gzugs brnyan nam/ /dbang la tsan dan las byas pa'i gzugs brnyan nam/ mngon spyod las la byas pa'i gzugs bsnyan gyi snying gar bcug pa las bcu gnyis byas na 'grub par 'gyur ro/ /le'u bzhi bcu rtsa gcig pa'i rnam par bshad pa'o// // de ltar dpa' bo dang rnal 'byor ma'i sngags 'khor lo bshad nas nye ba'i sngags kyi 'khor lo bshad pa ni/ de nas dpa' bo'i me tog chu zhes bya ba la sogs pa gsungs te/ gro ga'am ras sam smad sham mam dur khrod kyi ras la gzhal yas khang dang bcas pa'i lha drug cu rtsa gnyis kyi 'khrul 'khor bkod nas snying po re re'i shar phyogs su ha gnyis/ byang phyogs su hi gnyis/ nub phyogs su hUM gnyis/ lho phyogs kyi he gnyis kyi dpa' bo dang dpa' mo thams cad la ha brgyad kyis bskor ba ni dpa' bo dang
- 488a
dpa' mo'i nya ba'i sngags kyi 'khor lo ste le'u bcu gnyis byed par 'gyur ro/ /'khrul 'khor de byed pa'i tshe ling ga'i snying gar 'khrul 'khor de bcug nas bdag nyid rdzogs pa'i rim pa'i ting nge 'dzin bsgom par bya'o/ /ji ltar bsgom par bya snyam na/ dpa' bo dang rnal 'byor ma bsnyen sgrub bzhis sbyangs la me tog dang chu ni rak+ta dang shu kra ste a ba d+hU tI'i sgor phyin pa 'thung nas zhes bya ba gyen du bzlog pa la ting nge 'dzin bsgom par bya'o/ /bzlog pa'i thabs gang yin zhe na/ 'thungs nas sngags ni rjes dran bya zhes bya ba smos te/ ha ha rnam pa brgyad kyi sngags kyis so/ /dus nam gyi tshe zhe na/ phyag rgya lan cig sgrub pa pos/ /mtshan mo rtag tu ro mchog sbyar/ /ces bya ba gsungs te/ thabs dang shes rab snyoms par 'jug pa'i rlung nang du 'jug pa'i tshe ni mtshan mo yin la/ /rlung gyen du bzlog na byang chub kyi sems kyi ro myang bar bya'o/ /sngags gsum byang 'di nyid kyi zhes bya ba ni dga' ba dang mchog dga' dang lhan cig skyes dga' ni yid skyob par byed pa'i sngags yin la dga' ba gsum po de nyid kyi tshe kun rdzob byang chub kyi sems kyi chu'i lus bde ba dang yid bde ba thob par 'gyur ro/ /de ltar mdor bstan nas rgyas par bshad pa ni/ 'thungs dang de bzhin sbyin pa dang zhes bya ba la sogs pa gsungs te/ dpa' mo'i me tog dang dpa' bo byang chub sems gyen du bzlog pa 'thungs pa yin la sbyin pa ni dga' bral du 'gyur pa'o/ /de'i rgyu gang yin zhe na/ rig dang lhan cig nag mo che zhes bya ba smos te/ rig pa ni a ba d+hU tI'i phreng bas dga' ba'o/ /lhan cig nag mo ni yum rdo rje phag mo bsgom pa'i shes rab lte bas khyab pas khyab pa ni mchog dga' o/ /bde bas tshangs par spyod 'gyur ba ni yid bde ba lhan cig skyes dga' la bde ba'i rgyas btab pas tshangs par spyod pa'o/ /bzhad pa'i phyag rgyas bsgrub bya ba zhes bya ba ni gal te dga' phral du song na rnam pa brgyad kyis bzhad pa'i phyag rgyas rlung
- 488b
gyen du bzlog pa'o/ /lto ba'i bsnyems pas grags ldan pas zhes bya ba ni mig gi phyag rgyas mig btsum par bya'o/ /ngag dang mig gi phyag rgyas dus nam gyi tshe bya zhe na/ mtshan mo 'am de bzhin nyin mo 'am/ /'dis ni bzhad pa dag tu bya/ /zhes bya ba ni mtshan ma dbugs rngub par ? nyin mo dbugs 'byung ba'i dus su gnyi gar yang rlung gi 'khrul 'khor bzhad pa dag gi phyag rgya dang lus kyi 'khrul 'khor bya ba yin no/ /de ltar rgyas par bshad nas shin tu rgyas par bshad pa ni/ /gzugs dang las kyi gsang ba gang/ ji ltar gnas pa'i dpa' bo nyon/ /zhes bya ba gsungs te/ dga' ba bzhi bsnyes pa'i gzugs kyi rtog pa dang/ byang chub sems bzlog pa'i gsang ba'i thabs gang yin pa ji ltar gnas pa'i lag na rdo rje dpa' bo khyod nyon cig ces pas so/ /rtag tu de yis mchil ma 'byung zhes bya ba ni dga' ba'i dus su rdul 'byung ba dang/ spu langs pa dang/ dga' ba'i rdo rje las byang chub sems bsgom zhing 'da' bar mi byed pa dang/ phyogs kyi gos kyis mchod par bya'o/ /de la gzugs kyi rtags bshad pa ni/ g.yon pa'i dbang phyug thams cad kyi zhes bya ba gsungs te/ ye shes dang zhing dang sngags las skyes pa rnams so/ /thams cad du phyag rgya'i tshogs de dag la rim gyis dbugs 'byin pa dang sdud pa dang ldan pa ni dga' ba'i rtags so/ /rgod pa ni mchog dga' i rtags so/ /sgeg pa ni lhan cig skyes pa'i rtags so/ /dpa' bo'i ngo mtshar ba ni dga' bral gyi rtags so/ /de yang dga' ba bzhi'i dus kyi dbang du mdzad nas so/ /sna tshogs dang por byas nas ni zhes bya ba gsungs te/ dang po rnam pa sna tshogs so/ /gnyis pa ni rnam par smin pa'i dus so/ /gsum pa ni mtshan nyid dang bral ba'i dus so/ /bzhi pa ni rnam par nyed pa'i dus so/ /phyag rgya dang mnyam par sbyar ba'i tshe dga' bral du gyur na sngags rjes su dran par bya'o/ /de ltar gzugs kyi rtags bshad nas las kyi gsang ba gsungs pa/ ha ha he he rnam pa brgyad ces bya ba gsungs so
- 489a
ha ha dang ho ho hUM hUM he he brgyad do/ /de dus nam gyi tshe nye bar brtag ces/ sna tshogs dang dbang mchog dga' zhes bya ba gsungs te/ rnam pa sna tshogs dang/ rgod pa rnam par smin pa dang/ dbang mchog gi mtshan nyid dang bral ba dang/ dga' ba ni rnam par spyod pa'o/ /dus de'i tshe ha brgyad kyis nye bar brtags par bya'o/ /lta ba'i bsnyems pas mig gi'o/ /phyag rgya ji ltar zhe na/ grub par byed pa rab tu bsngags zhes bya ba smos te/ mig btsum pa'i phyag rgya'o/ /des cir 'gyur zhe na/ de nyid kyi dga' bar 'gyur te zhes bya ba smos te/ bsam gtan gyi bde ba mi nyams par gyur pa'i sngags dang/ phyag rgya legs par sbyar zhes bya ba ni rang bzhin brgya dang bral ba'i yid kyis sngags skyo bar byed pas na rtog pa dang bral ba'o/ gnas skabs gang gi tshe zhe na gtso bo rnams dang dpa' bo yi/ /yum dang lhan cig 'byung bde ba/ zhes bya ba gsungs te/ dpa' bo nyi shu rtsa bzhi dang dpa' mo nyi shu rtsa bzhi tshogs kyi 'khor lo byed pa'i gnas su dga' ba rnam pa gsum gyi lhan cig 'byung ba'i bde ba'o/ /rdo rje goms par bya ba zhes bya ba ni dga' bral du ma gyur pa g.yon pa'i rnal 'byor pas yongs su brtags pa'i bde ba'i ting nge 'dzin bsgoms nas 'khrul 'khor gyi las bcu gnyis bya'o/ /le'u bzhi cu rtsa gnyis pa'i rnam par bshad pa'o// //de ltar ha brgyad kyi 'khrul 'khor bshad nas dpa' bo'i nye ba'i 'khrul 'khor gyi las bshad pa ni/ /de nas lta ba bshad bya ba zhes bya ba la sogs pa smos te/ bskyed rdzogs kyi mtshan ma thob pa'i rnam pa la yi ge bdun pa'i 'khrul 'khor la sbyar ba'i tshe dpa' bo dang dpa' mo rnams kyi spyan gyis gzigs nas byin gyis rlob par 'gyur ro/ /dpa' bo dang ni gnyis med mi/ zhes bya ba ni thabs dang shes rab gnyis su med par bsgoms pa'i rnal 'byor pa'o/ /gnas kyi dbye ba cho ga zhes bya ba ni lus
- 489b
kyi dkyil 'khor bsgom shes pa'o/ /sgom pa rtag tu mngon dga' ba/ zhes bya ba ni go cha bsgom pa'o/ /ye shes sems dpa' gzhug pa dang dbang bskur ba dang ting nge 'dzin bsgom pa la dga' ba'o/ /de ltar mdor bstan nas rgyas par bshad pa ni lam gyi bzhi mdo 'am khyim mam ri bo 'am gnas gang yang rung bar rnal 'byor pa gnas pa'i tshe mkha' 'gro ma sum cu rtsa bdun gyis ring por gnas kyang gzigs shing byin gyis rlob par 'gyur ro/ /thabs ji lta bu dang ldan par gzigs she na/ phyag rgya gcer bus mchod pa yin/ /phyag rgya dang gnyis su med pa'i rnal 'byor pa ste/ mchod pa'i las de nyid kyis grol bar 'gyur ro/ /cha byad ji lta bu zhe na gos gzhan dag gis bkab nas su/ /zhes bya ba gsungs te/ /nam mkha' i gos kyis bkab nas las kyi phyag rgya de dang yang dag par reg cing lus dang yid bde ba'i 'dod pa la spyad par bya'o/ /de bzhin skra ni grol 'gyur bas zhes bya ba ni dpa' bo dang dpa' mo skra grol ba'i go cha drug gis rgyas btab pa'o/ /las rnams thams cad brtsam par bya'o/ /zhes bya ba ni yi ge bdun pa'i 'khrul 'khor dang/ las bcu gnyis brtsam par bya'o/ /de ltar rgyas par bshad nas shin tu rgyas par bshad pa na/ rtsa ba'i sngags dang de bzhin gzhan/ zhes bya ba la sogs pa gsungs te/ sngon du las bcu gnyis kyi bsnyen pa bshad pa bzhed nas rtsa ba'i sngags kyi 'khrul 'khor dang de bzhin du bsdus pa dang/ yum gyi nye ba'i snying po bzhi dang go cha'i sngags gnyis dang gnod mdzes kyi sngags gnyis ni gzhan zhes bya'o/ /'khrul 'khor de rnams 'ching bas na thog ma phyogs bcings pa dang srung ba'i 'khor lo byas la lha'i yul sum cu rtsa gsum pa dang skar ma la sogs pa lha'i tshogs rnams kyis mthong bar mi 'gyur gyi 'khrul 'khor gyi lha mchod par bya'o/ /bsnyen pa'i lha la mthong ba dang/ reg pa dang/ thos pa'i mtshan ma thob nas snyim pa me tog
- 490a
gis bkang ste/ sa la ltung bar ma mthong ba de'i tshe gnas dang nye ba'i gnas na gnas pa'i thugs kyi 'khor lo'i mkha' 'gro ma stong phrag gi gnas mkha' spyod la gnas par 'gyur ro/ /lha'i sku gsung gi thad kar gnas bcings la mi ltung na gsung gi dbang phyug tshe 'grub par 'gyur ro/ /sa la mi snang na 'og gi dngos grub lha dang lha ma yin gyi gtam shes shing sa 'og gi rlung la sogs pa dang skar ma rgyu ba shes par 'gyur ro/ /mtshan ma thob pa'i rnal 'byor pa de yul dang dgon pa dang grong dang bzhi mdo dang gcig dang dpa' bo khyim la sogs pa rnams su yi ge bdun pa'i 'khrul 'khor lag pa g.yon pa'i mthil du bris na lha dang mi sus kyang mthong bar mi 'gyur ro/ /de bas na yul phyogs de dag tu sgrub pa brtag tu gnas kyang 'jigs pa dang bcas par mi 'gyur ro/ /shing drung kha dog dmar bsams na/ /zhes bya ba ni rnal 'byor pa'i lus kha dog dmar po bsam na snying ga yi ge bdun pa'i 'khrul 'khor bkod na mngon par shes par 'gyur ro/ /mi phyed par 'gyur myur bar zhes bya ba ni bdug dang bar chad rnams kyis byed par mi 'gyur ro/ /zhing myur du 'grub par 'gyur ro/ /sa 'dzin rnams kyang gzhan du min zhes bya ba klung ni rgyun las bzlog kyang srid/ /nyi me dang zla ba ni sa la ltung yang srid kyi sang 'dzin rdo rje 'chang rnams kyi bka' ni gzhan du 'gyur ba ma yin no/ /snying gar yi ge bdun pa'i 'khrul 'khor bkod la bden pa bdar nas sa la ku sha'i stan la nyal te sngags brgya rtsa brgyad bzlas na lhas bstan pa'i rmi lam mthong bar 'gyur ro/ /de yang dus ma yin par 'chi ba dang gzhan gyi gnod pas 'chi ba dang/ nad kyis btab pa dang/ rnyed pa dang bkur sti la sogs pa'i bya bkad yang rung pa rnam pa sna tshogs rmi lam du ston par 'gyur ro/ /de bzhin du sngags bzlas na ral gri la yi ge bdun pa'i 'khrul 'khor
- 490b
bkod pa 'am mthe bong la bkod pa'am mar me dang me long la bkod nas pra phab na pra se na gsal bar 'bebs par 'gyur ro/ /byis pa gzhon nu ma'i mig la yi ge bdun pa'i 'khrul 'khor bkod nas sngags lan bdun bzlas na dge ba dang mi dge ba ston par 'gyur ro/ /de ltar las gnyis bshad nas las gsum pa ni/ de nas dpa' bo yi ge bdun zhes bya ba la sogs pa smos te/ lag pa'i thil du nyi ma'i dkyil 'khor gyi dbus su yi ge bdun pa'i 'khrul 'khor bkod nas yi ge shel gyi phreng ba lta bu 'od zer bsams nas snying gar yi ge kaM las nad kyi gzugs pa gnag pa/ skra zed pa bsams la/ /oM badzra ra di nA sha ya phaT ces bya bas nad mthe bong tsam du bsam par bya'o/ /las bzhi pa ni lag pa'i mthil du zla ba'i dkyil 'khor gyi dbus su yi ge 'khrul 'khor gyi shel gyi rnam pa lta bu bkod nas rims dang gdon dang bdug gis zin pa la sogs pa'i sdug bsngal bcur 'phel bar 'gyur ro/ /las lnga pa ni mtshan ma gsang ba'i gnas su rgyas pa'i sbyin sreg gi thab khung byas la me'i lha'i thugs kar yi ge bdun pa'i 'khrul 'khor gyi lha bkod la/ ba lang gi sha mar dang bsres brgya rtsa brgyad sbyin sreg byas na gser srang stong rnyed par 'gyur ro/ /las drug pa'i rgyas pa'i thab khung de nyid la dpa' bo lnga dang/ bdud rtsi lnga'i sreg blugs stong byas na yul 'khor rnyed par 'gyur ro/ /las bdun pa ni zhi ba dang dbang dang mngon spyod gang rung ba'i thab khung du gsang sngags yi ge bdun pa'i 'khrul 'khor bkod de lha dang mir skye ba gang dang gang gsungs pa der skye bar 'gyur ro/ las brgyad pa ni/ dkar po yis ni zhi bar 'gyur ro/ /nag po yis ni nges par bsod/ ces bya ba gsungs so/ /zhi ba la dkar po bzlum po dang/ mngon spyod la nag po gru gsum dang/ dbang la dmar po gzhu lta bu dang/ rengs pa la kha dog ser po phye'i dbyibs lta bu dang/ dpung
- 491a
gnon pa la dbang chen sa'i dkyil 'khor ser skya dang/ 'chi ba slong ba la kha dog dkar po 'khor lo rtsibs brgyad pa lta bu dang/ sbrul gyis zin pa la lag mthil du zla ba'i dkyil 'khor gyi steng yi ge phreng ba bkod pas 'chi ba slong bar 'gyur ro/ /las dgu pa'i dug gis brgyal bar gyur pa la lag pa la yi ge bdun pa'i 'khrul 'khor bkod de srin lag gi tshigs gsum la 'khrul 'khor bkod nas khas bzhi pa dug las thar bar 'gyur ro/ /rims dang gdon la sogs pa yang lag pa mthong bas 'jigs par 'gyur ro/ /las bcu pa ni lag pa g.yon pa'i mthil du 'khrul 'khor bkod la g.yul 'gyed pa'i tshe khu tshur bcangs na mtshon gyis tshugs par mi 'gyur ro/ /las bcu gcig pa dbang du gyur pa ni 'bras bu dang me tog dang so rtsi dang zas la sogs pa nang gi sbyin sreg spyi blugs pa'i rdzas la yi ge bdun pa bzlas na dbang du gyur pa 'am yid kyi 'khrul 'khor bcings nas dbus su ming dang spel ba bris na dbang du 'gyur ro/ /de bzhin du ngag gis brjod cing bzlas pas kyang 'dzam bu'i gling gi sa bzhi shing dang bcas shing rgya mtsho'i ske rags kyis mdza' bskor ba dbang du 'gyur zhing khams gsum pa'i rgyu ba dang mi rgyu ba thams cad tshar bcad pa dang phan 'dogs par 'gyur ro/ /le'u bzhi bcu rtsa gsum pa'i rnam par bshad pa'o// //de ltar yi ge bdun pa'i 'khrul 'khor bshad nas/ da ni go cha'i lha mo drug gi 'khrul 'khor bshad pa ni/ de nas pho nya mo rnams yi ge bdun yang ldan 'grub pa zhes bya ba smos te/ yi ge bdun pa'i 'khrul 'khor gyi rtsibs la go cha'i lha mo drug gi sngags bkod na las bcu gnyis gang 'dod pa la brtson 'grus bskyed na myur du grub par 'gyur ro/ /de ltar mdor
- 491b
bsten nas rgyas par bshad pa ni/ de bzhin du ni yi ge bdun zhes bya ba smos te/ lag pa'i dbus su yi ge bdun pa'i 'khrul 'khor bkod la 'khor lo rtsib drug la rnal 'byor ma drug gi sngags dang sbel na dbang du bya bar 'dod pa'i gzugs brnyan byas la sngags zlos shing gzugs brnyan snying gar mnan nas lag pa g.yon pa de la bstan na de myur du 'gugs par 'gyur ro/ /lag pa gnyis pa ni tsan dan dmar po'i rdul dang rke tshe dang lan tshwa dang sgrub pa'i rkang rjes kyi sa rnams la gcig tu byas te/ mtshan mo'i dus su sme sha can gyi mi 'am dmangs rigs kyi mi 'am dur khrod kyi mi'i nang du gzugs brnyan phye mar byas nas lwan brgya bsregs par byas na 'gugs par 'gyur ro/ /las gsum pa na rdul de nyid lcags kyi phye ma dang sres nas dur khrod kyi ras la gtum de lam gyi mdor sor nyi shu rtsa bzhi brkos nas dgra'i ming dang bcas te sbas na myur du gnon par 'gyur ro/ /las bzhi pa gzugs brnyan de nyid nas bton la 'o mas bkrus na slar 'tsho bar 'gyur ro/ las lnga pa sngar gyi phye ma de nyid kyi steng du myos byed lnga po dang rgya'i lang te dang/ khyed dang gser shing dang sbyang dug dang lnga sbyar ba dur khrod kyi ras la dgra bo'i ming rus dang bcas pa sngags brgya rtsa brgyad du bzlas shing sbas nas 'phral du gnon par 'gyur ro/ /las drug pa ni de nyid bstan nas 'o mas bkrus na slar 'tsho bar 'gyur ro/ /le'u bzhi bcu rtsa bzhi pa'i rnam par bshad pa'o// //de ltar mkha' 'gro ma drug gi 'khor lo bshad nas/ /mkha' 'gro ma drug gi nye ba'i sngags kyi 'khrul 'khor bshad pa ni/ de nas las kyi mchog rab ni/ ngag gi dngos grub byed pa'o/ /zhes bya ba la sogs pa gsungs te/ las kyi mchog rab ni 'og nas bshad pa'i las bcu gcig go /ngag gi dngos grub ni brnyen pa'i mtshan ma thob nas ngag gis dngos grub bsgrubs nas las gang yang rung
- 492a
ba bsgrub par bya'o/ /de ltar mdor bstan nas rgyas par bshad pa ni/ /ka ra bI ri'i me tog dmar zhes bya ba la sogs pa gsungs te/ spra tshil las byas pa'i ling ga'i snying gar mkha' 'gro ma drug gi snying po'i 'khrul 'khor bris nas dbus su ming byang bris ling ga'i spyi bor kar bI ra'i me tog la sngags brgya rtsa brgyad bzlas te ling ga'i spyi bor bsnun pa dang pa'i 'o ma dang bzlas brjod byas pa'i mchod yon brgya rtsa brgyad 'bul shin tu mnyam par bzhag pas zhag bdun du mchod par byas na nyin zhag brgyad pa la cho ga bya zhing nyin zhag dgu pa la sta gon byas la nyin zhag bcu pa la dkyil 'khor bris te ling ga'i spyi bor me tog brgya rtsa brgyad bsnun nas nyin zhag bcu gcig pa la me tog blangs la chu bo chen por song nas sngags re re zhing bzlas pa la me tog chu bor dor na gal te me tog chu bo'i rgyun las bzlog ste 'ong ba mthong na chu dang bcas pa'i snyim pas bcus la sos ma reng par ming na gsang ba'i rgyud 'di las gsungs pa'i tshig gi dngos grub grub par 'gyur ro/ /las dang po bshad nas/ /las gnyis pa ni skye gnas kyi phyag rgya bcings pa sngags brgya rtsa brgyad bzlas shing sngags pas bsgrub par bya ba'i gzugs brnyan gyi snying gar 'khrul 'khor bris la bsgrub par bya ba'i kha lho phyogs su bstan pa la de'i snying gar bsgrub par bya ba dgug pa dang gzhug pa dang dbang du bya ba ste bsgrub par bya ba la dngos su phyogs shing de'i snying gi pad+ma'i rtsa ba nas drangs te/ gzugs brnyan gyi gsang ba'i gnas nas khab kyis dug la 'khrul 'khor gyi srad bu drangs nas yid ting nge 'dzin la gnas bzhin du thun gsum du skud pa nas drang zhing ma thob mos bskyod la che ge mo mA ra ya hUM phaT ces byas na bram ze yang gsod par 'gyur ro/ zhag gsum du che ge mo A karSha ya hUM phaT ces byas na brgya byin dgug par 'gyur ro/ las gsum pas ni tsan dan dmar po'i rdul byas pa'i gzugs la tsha ba gsum gyi chus
- 492b
bskur zhing gsang ba'i gnas su zangs ma'i khab kyis phug nas khrag 'dzag par bsams te seng ldeng gi mdog ma du ba med pa la sngags lan bdun bdun bzlas te bsros na rgyal po 'khor dang bcas pa 'gugs par 'gyur ro/ /las bzhi pa ni mi'i bdag po 'khor dang/ bcas pa'i gzugs brnyan byas la gro ga'i 'dab ma la bri ba 'am dur khrod kyi ras la rgya skyegs dang gi wang gis bris la ming dang spel ba'i 'khrul 'khor snying gar bcug nas che ba gsum gyis byugs spra tshil gyis g.yogs nas dur khrod kyi mal gdungs shing spra tshil ma zhu bar du bsros na 'khor lo sgyur ba'i rgyal po dang bcas nas bar du 'gyur ro/ /las lnga pa'i bsgrub bya'i rkang rjes kyi sa dang/ tsan dan dmar po'i rdul dang dur khrod kyi thal ba dang bsres pa las bsgrub par bya ba'i gzugs brnyan byas la mkha' 'gro ma drug gi 'khrul 'khor snying gar bcug na seng ldeng gi me du ba med pa la bsgrub bya'i gzugs brnyan de la lag pa gnyis kyis mnyes nas sbyin sreg byas na 'chi bar 'gyur ro/ /las drug pa'i rdul de las byas pa'i ling ga blangs nas yi ge hUM byas pas dbugs mi 'byin par bzlos shing dur khrod yi ras ling ga mchod rten nag po'i dkyil du bcug la sbyin gyen du bzhag nas mchod rten dkar pos mnan na skyes pa'am bud med kyang rung rgyal zhing sems dang rlung gi shugs kyis 'ong nas sgrub pa bo'i gnas kyi steng du lhung bar 'gyur ro/ /gal te las kyi phyag rgya 'gugs par 'dod na dud 'gro 'am yang na pho nya mo zhes bya ba la dud 'gro ni kun spyod mo/ pho nya mo ni dag byed dang dbang dang dpa' mo dang bkas gnang ba'i lha mo kha dog dang dbyibs kyi mtshan nyid shes nas brda byas kyang dbang du ma gyur na tsan dan gyi rdul dang rkang rjes kyi sa dang/ dug dang khrag dang ske tshe dang lan tsha dang yungs kar dang dur khrod kyi thal ba dang bsres te/ gzugs brnyan byas te 'khrul 'khor bya ste snying gar mkha' 'gro ma drug gi 'khrul 'khor bcug la mchod rten nag po kha thur du bzhag pa dang/ dkar po kha gyen du bstan
- 493a
pa'i bar du bcug na/ ji srid 'tsho'i bar du las kyi phyag rgya'i bya ba byed cing phyag rgya'i mtshan nyid 'dzin par 'gyur ro/ /las bdun pa ni ka ra bI ra'i lcug ma rlon pa dpung pa'i tshad dang mnyam bar skar ma rgyal gyi nyin mo bram zeg dkar ba slar ser po shi ba'i ro sregs pa'i me la bor la ji srid ma tshig pa de srid kyi tshe myur du song ste blangs la mkha' 'gro ma drug gi sngags kyi tha mar che ge mo'i bu mo ba shiM ku ro ho zhes zlos shing mgo la yang dang yang du bskor na gzugs mdzes pa'i bu rang dbang med par 'dzin par 'gyur ro/ /las brgyad pa ni skar ma rgyal dus su bsgrub bya'i gzugs brnyan snga ma'i rjes de rnams la byas la mkha' 'gro ma drug gi 'khrul 'khor bris la snying gar bcug ste bsgrub bya'i mgo bor ka ra bI ra'i me tog brgya rtsa brgyad bzlas pa'i skar ma rgyal gyi zhag me tog rnams blangs te sgrub pa pos gi wang gi me tog byugs pa sngags re re bzlas shing chu bo chen por dor te me tog kyang chus mi khyer bar gnas pa de'i tshe chu bo chen por lte ba man chad zhugs te rig pa stod zlos shing lag pa gnyis kyis me tog phye mar byas la chu dang bcas te btang par bya'o/ /des dag gi dngos grub thob par 'gyur ro/ /las bcu pa ni rgyal po'i btsun mo dang bcas pa'i spyi bor che ge mo ba shiM ku ru ho zhes bya ba dang bcas pas ka ra bI ra'i me tog bsnun na rgyal po btsun mo dang bcas pa 'gugs par 'gyur pa 'am/ /lha dang lha ma yin gyi gzugs brnyan byas la ka ra bI ri yI me tog gi wang gis byugs pa bsnun na myur du dbang byed par 'gyur ro/ /las bcu gcig pa ni mngon spyod kyi 'khrul 'khor byas la de'i lte bar che ge mo mA ra ya hUM phaT ces bya ba dang bcas pa bris te/ ka ra bI ra'i me tog bsnun na bsod bar 'gyur zhing dbye ba'i sngags bris nas me tog bsnun na phye bar 'gyur ba dang/ bskrad pa'i sngags bris na bskrad par 'gyur
- 493b
ba dang/ /rmongs pa la sogs pa tshar gcod par 'gyur ba dang/ tshig tsam gyis chu bo brti la sogs pa thams cad gnon par 'gyur ba dang/ yid la bsams pa'i las cu gnyis po gang dang gang 'dod pa'i tshig gis thams cad byed par 'gyur ro// 'khrul 'khor bcu gnyis la ka ra bI ra'i me tog gis bsnun cing sngags zlos zhes bya ba ni lhag ma'o/ /las bcu gcig pa las kyi phyag rgya dbang du byed pa'i tshe na 'khor gyi dpa' bo dbye ba gzhan zhal nas rgyud gsum la gsungs pa'o/ /de bdag gis le'u la bcu rtsa gcig pa de bshad par bya'o/ /rgyal rigs kyi bud med bsnyen bsgrub bzhis sbyangs la ka ra bI ra'i me tog dmar po blangs te me tog gnyis kha sbyar la skye gnas kyi dbus su bcug nas gnyis su med pa'i snyoms par 'jug pa bzhi'i ye shes kyi rnal 'byor dang ldan pas mkha' 'gro ma drug gi sngags kyi mthar rgyal rigs kyi bu mo ba shiM ku ru ho zhes bya ba zlos shing snyoms par 'jug pa'i rjes la skye gnas kyi dbus kyi me tog blangs te me tog gang dbang du bya bar 'dod pa la bsnun na de'i mod la dbang du gyur pa dang/ brgya la dbang du ma gyur na yang brgyal dang smyos par 'gyur ro/ /de nas de'i mod du byas la bsnyen bsgrub bzhis sbyangs la smyo ba dang sems log na tha mal pa'i tshe skad cig gis dbang du 'gyur ro/ /'khrul 'khor 'di ni gang mngon sum bsgrub pa de la 'khrul 'khor bcings na don yod cing dbang du byed pa yin no/ /le'u bzhi bcu rtsa lnga pa'i rnam par bshad pa'o// //de ltar mkha' 'gro ma drug gi 'khor lo bshad nas/ /de ni bcom ldan 'das snying po'i 'phrin las dkyil 'khor gyi 'khor lo bshad pa ni/ /de nas yi ge lnga ni zhes bya ba la sogs pa smos te/ zhi ba ni gro ga 'am/ rgyas pa la ras sam/ dbang la bud med kyi smad sham mam/ mngon spyod la dur khrod kyi ras la dkyil 'khor gyi 'khor
- 494a
lo gru bzhi dang bcas pa bris la dbus su yi ge hUM/ shar phyogs su ha lho phyogs su hi/ nub phyogs su he/ byang phyogs su hUM bkod la/ sgrub bya'i ming dang spel te 'khrul 'khor bris na las bcu gnyis thams cad grub par byed de/ nang gi shes pa tsam gyis ni/ myur du dngos grub thob par byed/ ces bshad pa yin no/ /de ltar mdor bstan nas rgyas par bshad pa la 'khrul 'khor sngags ni ha hi hUM hau/ dgra bo'i rkang rjes kyi sa dang dug dang khrag dang ske tshe dang lan tsha dang bcas dgra bo'i gzugs brnyan byas la che ge mol mA ra ya hUM phaT ces bya ba dang bcas pas 'khrul 'khor snying gar bcug la tsher ma'i me la ling ga lag pas mnyes nas sbyin sreg byas na kha nas khrag 'dzag cing 'chi bar 'gyur ro/ /las gnyis pa ni rang gi srin lag gis khrag gis skyes pa'i thod pa sha med par brtogs pa'i spyi bor dgra bo'i gzugs brnyan bris la snying gar 'khrul 'khor la dgug pa dang gzhug pa dang dbang du byas srin lag gi khrag dang bcas pas thod pa mnyes na de srid skar kyi bar du thun bzhir sngags brgya rtsa brgyad 'das shing mnyes nas sa'i bdag po yang 'chi bar 'gyur ro/ /las gsum pa ni dgra bo'i gzugs brnyan gyi snying gar 'khrul 'khor bcug nas dur khrod kyi gnas su sbas la khro ba dang bcas shing 'gar gsig pa dang/ lus gsig pa dang/ rkang pa 'degs pa dang bcas pas ling ga mnan cing mig gnyis su ma dang Ta las nyi ma dang zla ba bskyed la mig 'bras su hUM las 'od dmar po 'bar bas sngags brgya rtsa brgyad bzlas shing thun bzhir mnan na dgra bo'i tshogs dang bcas pa rgyal pos 'pham par byed do/ /las bzhi pa ni bya la sogs pa'i sha dang mkha' 'gro ma'i tshogs la gtor ma chen po bya ste che ge mo mnon cig ces byas na gzhan dag rangs par 'gyur ro/ las lnga pa ni
- 494b
gzugs yongs su brje pa ni ri bo la sogs pa'i yungs kar du bskyed la sangs rgyas spyan gyi sa bon gzugs pa dang mA ma kI'i sngags kyis bcug pa dang/ gos dkar mo'i sngags kyis bsrung ba dang/ sgrol ma'i sngags kyis rtsa ba gsal bar bya'o/ /dmangs rigs kyi bu mo'i lag par sprul la srog chags gang gi thod par bskyed la de'i spu'i srad bu la sngags stong rtsa brgyad bzlas te yungs kar thun bu gang gi mgul du bcings pa de srog chags de dag dang 'dra bar 'gyur ro/ sbrum ma'i gzugs brnyan byas pa snying gar 'khrul 'khor bcug nas lag pa gnyis la 'khrul 'khor bkod do sngon du brnyen pa bzlas brjod stong byas nas ka ra bI ra'i me tog la bsngags shing sbrum ma'i gzugs brnyan la brdeg pa dang/ lag pa mnyes na mngal 'jig par 'gyur ro/ las bdun pa ni 'o mas bkrus na 'phang bar 'gyur ro/ las brgyad pa ni sngar bstan pa'i rjes las byas pa'i gzugs brnyan gyi snying gar 'khrul 'khor bcug la dur khrod kyi sar sbas la mtshan med na yi ge bdun pa phyag 'bum du bsgoms la rtsa ba'i sngags nas sdigs mdzub byas na 'chi ba dang 'o mas bkrus na 'tsho bar 'gyur ro/ le'u bzhi bcu rtsa drug pa'i rnam par bshad pa'o/ /de nas yab kyi phrin las kyi 'khor lo bshad nas yum gyi snying po'i 'khrul 'khor bshad pa ni/ de nas yang dag bshad bya ba/ zhes bya ba la sogs pa smos te/ mkha' 'gro kun gyi snying po ste zhes bya ba la sogs pa smos te/ mkha' 'gro ma kun ni sum cu rtsa bdun no/ /snying po yi ge bcu gsum po/ 'di ni dran pa tsam gyis kyang/ /zhes bya ba la sogs pa'i 'khrul 'khor gyi gzhil 'khor lo rtsibs brgyad pa bris te/ dbus kyi lte ba la ho/ /shar phyogs su oM dang/ byang phyogs su ba dang/ nub phyogs su dzra dang/ lho phyogs su bai dang/ shar lhor ro/ lho nub tu ca/ nub byang du nI/ byang shar du ye sgro bzhi ru hUM gnyis dang phaT dang swAhA dang bcas pas g.yon skor gyi
- 495a
dgod par bya'o/ /de nas ling ga'i snying gar bcug la sngags brjod pa tsam gyis dngos grub bcu gnyis skyed par byed pa yin no/ /de ltar mdor bstan nas/ rgyas par bshad pa ni mkha' 'gro ma'i rig pa chen po zlos shing rigs lnga'i snying gar dbang gi 'khrul 'khor bcug na dbang du 'gyur ro/ /las gnyis pa brgyad pa'i 'khrul 'khor byas na dpal chen po skye bar 'gyur ro/ /las gsum pa ni rkang las byas pa'i phur bu dgus snying po'i 'khrul 'khor bcug nas sngags brgya rtsa brgyad bzlas te/ gang gi sgor sbas pa de skrod par 'gyur ro/ /las bzhi pa ni zhing dang ra ba dang ma he la sogs pa'i gnas su mngon spyod kyi 'khrul 'khor sbas na bsrag par 'gyur ro/ /las lnga pa ni dbang du bya ba'i 'khrul 'khor rgyal po dang/ blon po la sogs pa'i sgor sbas na 'khrul 'khor gnyis pa rgyal po la sogs pa'i gzugs brnyan gyis snying gar bcug lam du lum ga'i me tog dang/ le brgan rtsi'i me tog dang bsres te dbang gi me lha'i thugs kar che ge mo ba shiM ku ru ho/ zhes bya ba'i sngags sbyin sreg stong byas na dbang du 'gyur/ /las drug pa ni yum gyi yi ge bcu gsum pa 'di yum gyi 'khrul 'khor bris la drug pa'i sngags k+Sho b+ha ya hUM zhes bya ba dang/ gnon pa'i 'khor lo la ste/ hUM zhes bya ba dang/ rmongs pa'i 'khor lo la mo ha ya hUM zhes bya ba dang/ skems pa'i 'khor lo la sho Sha ya hUM zhes bya ba dang/ tshig 'phrog pa'i 'khor lo la mu kaM hUM zhes bya ba dang/ long pa'i 'khor lo la A da ka ra hUM zhes bya ba dang/ slar gso ba'i 'khor lo la shAM tiM ku ru swAhA zhes bya ba dang/ dbus su bris pa 'khrul 'khor bcing bar bya'o/ /las bdun pa ni skyes pa bud med bya ba ni tan+t+ra sman gyi tshogs kyi bya ba yin te ro'i khrag dang bya rog gi sgo nga dang/ bya rog gi sen mo dang/ ro'i rkang thil gyi bags pa dang/ ri bong gi khrag dang bcas pa srang la bkar nas cha bsnyams te/
- 495b
ri lu bcu gcig byas la skar ma rgyal gyi zhag re'i lag pa la bcings nas nyi ma bcur tshogs kyi 'khor lo snga ma bzhin du byas shing bsrungs nas tshes bcu'i dgongs mo blangs te skyes pa gang gi spyi bor bzhag pa bud med du 'gyur ro/ /las brgyad pa na skyes pa khyir bya bar 'dod na thog 'bab pa'i lcags ze mo bzung ba'i spyi bor bzhag la mtshan mo bdun yum gyi snying po'i sngags brgya stong bzlas te/ nyin zhag brgyad pa la lcags kyi phye ma/ dar ba dang gur kum gyi phye ma dang mnyam por byas te sbyin sreg brgya rtsa brgyad byas pa'i thal ba gang gi spyi bor bzhag pa khyir 'gyur ro/ /las dgu pa gso ba ni tshogs kyi 'khor lo dang gtor ma sbyin nas bdud rtsi lnga'i chus khrus byas na rnal mar 'gyur ro/ /las bcu pa ni gser gyi rdzas kha dog skya bor bya bar 'dod na gser shing gi 'bras bu'i sbyin sreg byas pa'i thal ba dang/ zho nya dkar po ba dar ba'i chus byugs na gser zho nyer 'gyur ro/ /las bcu gcig pa ni a ru ra'i sbyin sreg gi thal ba bdud rtsi lnga'i chu dang btsag dang skyur rtsi'i khrus bas bkrus na rnal mar 'gyur ro/ /las bcu gnyis pa ni dgra bo'i khyim du blo bur du ltas ngan bskyed par 'dod na khwa dang 'ug ba'i gnas kyi shing gis sbyin sreg byas nas thal ba dgra bo'i khyim du pho na mtshan mo bya rog dang 'ug pa'i sgra 'byin par 'gyur ro/ /las bcu gsum pa ni slar log bgu sha'i sbyin sreg gi thal bas dgra bo'i khyim du gtong na zhi bar 'gyur ro/ /las bcu bzhi pa ni byi la'i thod par snga ma bzhin du bskyed pa'i yungs kar dang zla ba gzas zin pa'i tsha byi la'i spu'i srad bu byas la gang gi mgul bar btags pa byi bar 'gyur ro/ /las bco lnga pa ni bkrol na rnal mar 'gyur ro/ /las bcu drug pa ni bya khra'i thad par bskyed pa'i yungs kar khwa'i spu'i srad bus mgul pa nas 'chings bas khwar 'gyur ro/ /las bcu bdun ni khwa dang byi ba la sogs pa'i thod par bskyed pa'i yungs kar zla ba gzan
- 496a
zin pa'i tshe de'i rgyus pa'i skud pas gang gi mgul du bcings pa'i gzugs su 'gyur ro/ /las bco brgyad pa ni ba lang gi thod par bskyed pa'i yungs kar dang spu'i srad bus kyang de bzhin du 'gyur ro/ /las bcu dgu pa bkrol/ tha mal par 'gyur ro/ /las nyi shu pa ni lcags kyi byi ba'i gzugs byas la yum gyi snying po bzlas pa 'bras bus bkang nas 'bru'i bar bar bcug na 'bru 'phel ba dang/ lhag ma bdag nyid kyi spyi bor bcings la mtshan mo bdun yum gyi snying po bzlas shing yum gyi snying po'i tha mar che ge mo'i bang mdzod kyis tha b+ha hUM bris te A karSha ya dza(rgyud 'grel): zhes bya bas ni 'bru thams cad 'gugs par 'gyur ro/ /le'u bzhi bcu rtsa bdun pa'i rnam par bshad pa'o// //de ltar snying po sngags kyi 'khor lo bshad nas da ni nye ba'i sngags kyi 'khor lo gsungs pa ste/ mkha' 'gro kun gyi dgyes pa yi/ zhes bya ba ni mkha' 'gro ma sum cu rtsa bdun gyi dngos grub bsgrub pa'i nye ba'i snying po'i rnal 'byor ma sum cu rtsa bdun gyi las thams cad sgrub par byed pa'o de ltar mdor bstan nas rgyas par bshad pa ni/ /gang gis dran pa tsam gyis ni zhes bya ba smos te/ gang gis dran pa tsam gyis ni/ 'jig rten gsum gyi dran pa nyi shu rtsa bzhi dbang byas pa dang long spyad pa dang/ thim par byas pas g.yo byed cing zhes bya'o/ /de ltar gdul bya btul ba dang/ dngos grub bskyed pa gsungs pas ni/ rjes su dran pa tsam gyis kyang/ /zhes bya ba gsungs te/ nye ba'i snying po'i sngags dran pa tsam gyis sa 'og dang sa steng gi dngos grub rim gyis steng bar 'gyur ro/ 'bras bu de lta bu dang ldan pa'i sngags gang yin snyam na/ oM nas swAhA'i bar gyis yi ge nyi shu rtsa gcig pa'i mtshan mo thob pa'i rjes la sngags 'di blangs pa tsam gyis las bcu gnyis byed pa yin no/ /de ltar phan yon dang
- 496b
po bstan nas gnyis pa ni mkha' 'gro rnal 'byor ma rnams dang/ zhes bya ba smos te/ mkha' 'gro ma dang lA ma dang/ khaN+Ta ro ha dang dum skyes ma la sogs pa sum cu rtsa bdun gyi mthun mong gi sngags yin par gsungs pa dang/ sa 'og sku dang/ mtho ris thugs dang/ mi yul gsung gi las gang dag yod pa de rnams sngags 'dis sgrub par byed do/ /phan yon gsum pa ni/ 'di las mchog tu mchog gyur gang/ zhes bya ba smos te/ 'di las mchog tu 'gyur ba gang yang med pas bla na med pa zag med pa'i dngos grub dang/ dag pa 'jig rten pa'i ye shes mngon par shes pa drug gi phrin las thams cad sgrub par byed pa yin no/ /phan yon de lta bu dang ldan pa'i 'khrul 'khor de gang yin snyam na/ gro ga'am ras sam smad sham mam dur khrod kyi ras la sgo bzhi sgo khyud dang rdo rje ra ba dang me 'od kyis bskor ba'i dkyil 'khor bris la/ dbus su pad+ma 'dab ma la oM dang sarba dang nub phyogs su g.yon bskor gyis bgod pa dang/ me ru dang/ bden bral du ta/ dbang ldan du ni/ de'i phyi rol du 'khor lo rtsibs brgyad la/ ye byang du/ ba nub tu/ dzi lhor/ shar du wa/ me ru ni/ bden bral du ye/ rlung du he/ dbang ldan du hUM/ sgo bzhir hUM/ phaT phaT swAhA/ zhes bya bar bgod par bya'o/ /de la snga ma bzhin du lhar bskyed la ye shes sems dpa' gzhug pa dang/ go cha bgo ba dang/ dbang bskur ba dang/ bdud rtsi myang ba dang/ mchod pa dang/ bstod pa byas la yi ger zhu bar bsam par bya'o/ /de ltar 'khrul 'khor bkod nas bdag nyid bsgom pa la bshad pa ni/ /mkha' 'gro ma ni kun gyi gnas zhes bya ba gsungs te/ gnas ni 'og nas bshad pa'i rten gyi dkyil 'khor ro/ /mdor bsdus rgyas par ma yin no/ /zhes bya ba ni brjod bya mdor bsdus pa rjod byed rgyas pa ma yin no/ /de lta bu'i gnas de gang yin zhe na/ me tog 'bras bu sna tshogs kyi/ /ri bo sna tshogs dri bya zhing/ zhes bya ba
- 497a
smos te/ bsrung ba bzhi'i dkyil 'khor gyi steng du gser gyi ri bdun me tog dang 'bras bu sna tshogs pa dang ldan pas bskor ba'i ri'i rgyal po ri rab bri bar bya'o/ /de'i steng du rnal 'byor pa dpal he ru ka'i skur bsgom pa'o/ /de'i phyogs gcig mkha' 'gro ma bzhi'i dpa' bo rnams kyi dpa' bo nyid ces bya ba la/ dpa' bo rnams ni rnam snang dang/ rin chen 'byung ldan dang/ snang ba mdza' yas dang/ don yod grub pa dang/ de'i sa bon ni ha ha he he zhes bya ba ste/ bum pa'i gzungs su bskyod nas dpa' bo 'di ces bya'o/ /gzhan yang 'khor lo gsum gyi dpa' bo nyi shu rtsa bzhi dang/ mkha' 'gro ma sum cu rtsa drug gis bskor ba ni mkha' 'gro ma dra ba'i bde mchog go/ 'gro ba 'di dag khyab ces bya ba ni sa 'og tu sa blang ba ste sa las su khyab pa'o/ /dpa' bo nyi shu rtsa bzhi dang/ mkha' 'gro ma nyi shu rtsa bzhi dang rnal 'byor ma bcu gnyis te/ rab gtum ma la sogs pa sum cu rtsa drug gis bskor nas las bcu gnyis kyi bya ba kun la sgrub pa po 'khor lor bzhugs par blta'o/ /dngos grub 'dod pa'i rnal 'byor ba shin tu mnyam par gzhag pas 'khor lo'i bdag nyid 'di shin tu bsgom par bya'o/ /bzlas pa gang zhig bya snyam na/ sngar bshad pa'i yum gyi nye ba'i snying po bzlas par bya'o/ /sngar bshad pa'i 'khor lo thams cad la yang lha drug cu rtsa gnyis pa'i rtsa ba'i 'khor lo 'di bsgom par bya'o 'khor lo chen po kun gyi gnas/ zhes bya ba gsungs te/ snying po dang nya ba'i snying po la sogs pa'o/ /dkyil 'khor mi 'dra ba gang 'ching yang rnal 'byor pa bdag nyid rtsa ba'i dkyil 'khor 'di bsgom par bya'o/ /'di'i phan yon ston pa ni/ 'di ni sangs rgyas bye ba dang byang chub sems dpa' bye bas sngags kyi 'khor lo 'di legs par gsungs pa yin no/ /rnal 'byor ma yum rdo rje phag mo nas phag gdong ma'i bar du 'khor bye ba sum cu rtsa bdun gyis bskor ba yin pas dngos grub thams cad la bar chad med cing dge ba grub pa yin
- 497b
no/ le'u bzhi bcu rtsa brgyad pa'i rnam par bshad pa'o// //de ltar sngags kyi 'khrul 'khor bshad nas/ nga ni dngos grub sgrub pa'i rdzas tan+t+ra gsungs pa ni/ de nas gzhan yang bshad bya ba/ zhes bya ba gsungs so/ /bsgrub bya ji bzhin cho ga ste/ zhes bya ba ni skye ba bdun pa bsgrub pa'o/ /de'i 'bras bu ni gang zhig skye ba bdun la de shes pa tsam gyis sgrub pa'i dngos grub rnams myur du 'grub par 'gyur ro/ /thog ma skye ba bdun pa grub pa'i thabs kyi tshogs kyi 'khor lo byas la 'bras kyi phye ma skye ba bdun pa'i grangs dang mnyam pa'i phyugs kyi gzugs bya ste/ /mi dang rus sbal rta dang rnga mo dang bong bu dang ce spyang dang phag dang bdun gyi gzugs byas la khong pa'i nang khag gis bkang nas gtor ma dang sbyin sreg dang bza' ba dang/ de ltar tshogs kyi 'khor lo byas pas mkha' 'gro ma rnams mnyes nas skye ba gcig nas skye ba bdun pa'i bar du brgyud pa shes par gdon mi ze'o/ /de'i rtags ni skye ba dang po la kha dri zhim pa dang/ gnyis pa'i tags mig mi 'dzum par blta ba dang/ gsum pa bden par smra ba dang/ bzhi pa mthong na dga' ba dang/ lnga pa'i rtags ni chos la dga' ba dang/ drug pa rang gi skye ba shes pa dang/ bdun pa'i rtags lus kyi dri zhim pa'o/ /de rten pa tsam gyis de'i snying na go ro tsa na yod pa blangs nas zos na lha'i gzugs 'dzin par 'gyur ro/ /de'i go ro ci na bsnams pa'am reg pa tsam gyis gzugs sna tshogs 'dzin par 'gyur ba dang/ thig le byas pas mi snang ba dang dga' ba'i gzugs 'dzin par 'gyur ro/ /de'i rgyas par bshad pa ni/ /de'i snying na go ro tsa na zhes bya ba smos te/ skye ba bdun pa kha na ma thob med par shi ba'i sha len pas na mkhas pa zhes bya'o/ /de la blangs nas sngar bstan pa'i 'khrul 'khor brgyad kyi sngags bzlas la go ro tsa nas dpral bar thig le byas na de dang de'i gzugs 'dzin par 'gyur ro/ /lha'i gzugs 'dzin pa dang gzugs sna tshogs 'dzin pa gnyis bshad nas gsum pa shing gang yang rung ba'i khu ba dang go ro tsa na bsres pas dpral bar thig le byas na
- 498a
de shing gi gzugs su 'gyur ro/ /phyugs gang yang rung ba'i spu dang bsres pa lag pa dang spyi bor bcings na de srog chags de'i gzugs su 'gyur ro/ /rgyas par rgyud bla ma nas bshad pas rgyud bla mar blto bya'o// gal te tan+t+ra yan+t+ra'i thabs yin na thams cad kyis ci'i phyir grub snyam na/ rnal 'byor bsgom pa ni zlos zhes bya ba smos te/ rnal 'byor 'ba' zhig bsgom pa dang bzlas pa la dga' ba tan+t+ra dang yan+t+ra'i nus pa dang ldan pa yin yang/ bskal pa grangs med gsum du dga' ba'i goms pa'i lam la dga' ba dang bskyed pa'i rim pa bcom pa'i rnal 'byor nyon mongs pa'o lam la dga' bas yan+t+ra 'khrul 'khor gyi thabs dang/ tan+t+ra smad kyi spyod pa'i thabs kyi dngos grub kyi dngos grub kyi lam 'gog cing smod pa yin no/ /glang po rta dang bong bu dang zhes bya ba ni srog chags gang dang gang gi thod par bskyed pa'i yungs kar dang skye ba bdun pa'i snying ga'i go ro tsa na dang bsres na lha'i gzugs dang rang rgyal ba'i gzugs su 'gyur ro/ /de ltar bsgoms pa'i ting nge 'dzin dang dag las pa med pa'i skye ba bdun pa'i sha rnyed pa tsam gyis grub par 'gyur ba de las shin tu mchog tu gyur pa'i sa 'og dang sa bla dang mtho ris kyi 'jig rten gsum na yod pa ma yin no/ /le'u bzhi bcu rtsa dgu pa'i rnam par bshad pa'o// //de ltar bsgrub pa'i yan lag gi rdzas bshad nas bskyang ba'i sbyin sreg gi cho ga bshad pa ni/ de nas sbyin sreg cho ga ni/ /zhes bya ba la sogs pa smos te/ sbyin sreg gi cho ga las bcu gnyis nges par dbang du byed par 'gyur ro/ /gang gis mtshan ma thob nas sbyin sreg gi cho ga gang zhig shes pa tsam gyis myur du dngos grub grub par 'gyur ro/ de ltar mdor bstan nas rgyas par bshad pa ni go pa'am? dang myos byed bsres/ zhes bya ba
- 498b
smos te/ go mIs? ni ba lang gi sha ste sha lnga la mtshon par byed pa'o/ /myos byed ces bya ba ni chang gi bye brag mtshon pa ste sreg rdzas/ /lag pa g.yon pa'i dpa' bo lnga dgod pa'i phyag rgya'o/ /de nas dbang gi dkyil 'khor gzhu'i dbyibs lta bu la 'dor ba'i me bskyod nas de la bdud rtsi lnga dang dpa' bo lnga khyad par gyi rdzas dang mchod pa'i rdzas dang longs spyod kyi rdzas dang yo byad kyi rdzas dang 'tsho ba'i rdzas dang bcas pa'i sbyin sreg byas la de 'od du zhu ba'i thugs kar dpa' bo cig bu dang dkyil 'khor gyi 'khor lo bskor ba zhag bdun sbyin sreg brgya rtsa brgyad byas na brgya byin la sogs pa dbang du 'gyur ro/ /las gnyis pa'i dkyil 'khor snga ma de nyid las kha chu dang so shing dang rang gi lus nyes pa'i dri ma dang dbang du byas pa'i ming dang myos byed dang gtugs pa'i sbyin sreg byas sa 'og sa blangs sang gsum du 'gyur/ las gsum pa ni rang gi khrag dang zhag gi sbyin sreg phyir skyugs pa'i thal ba dang ma'i spu dang ldan pas cho ga mo ArSha ya zhes zlos shing sbyin sreg byas na rigs gang yang rung ba 'gugs par 'gyur ro las bzhi pa ni skrod pa'i dkyil 'khor bris la mngon spyod kyi me bskyed nang gi sbyin sreg phyir skyugs pa dang rang gi skra dang ni ma pa'i shing dang sbyar bas sbyin sreg byas na skrod par 'gyur ro/ /las lnga pa ni rang nyid dpal he ru ka'i skur mnyam par gzhag na rgya'i lang thal me sbar ba dug dang khrag dang ske tshe dang yungs kar khwa'i gshog pa yungs mar la bsgres pas sbyin sreg byas na 'tsho ba'am skrad par 'gyur ro/ /las drug pa ni rgyas pa'i dkyil 'khor bris la 'jigs byed kyi mo'i snying gar bde mchog gi 'khor lo bkang nas dpa' bo wa dang bdud rtsi dang mu tig ser po dang tsan dan dmar po'i bri dang yung ba byugs pa dang sbyin sreg byas na'ang spyod dang ldan par 'gyur ba'am/ rang gi lus la 'khor lo bzhi'i gnas su dkyil 'khor gyi 'khor lo bzhi bkod nas kha dog ser po bsam te/ gnyid log pa'am ma log pa'am bzang ba 'gro ba'am 'chag pa la sogs pa'i du su sngags pas rtag tu yab yum gyi snying po'i mdza' ru puSh+TI ku ru dus nges pa med par zlos shing dbang gi sbyin sreg gis sreg blugs brgya byas na zla
- 499a
ba gsum gyi rjes la dbul bas 'jigs par 'gyur ro/ /las bdun pa ni dbang gi dkyil 'khor la sha chen po la sogs pa'i bdud rtsi lnga dang myos byed ldan pas thun gsum du sbyin sreg brgya rtsa brgyad byas na steng gi 'gro ba thams cad dbang du 'gyur ro/ /las brgyad pa ni snga ma bzhin du tshogs kyi lha 'khor lo'i lha bsgoms nas zla ba drug gi bar du nyin mo'i thun gnyis la nang gi sbyin sreg byas na rang gi lus de nyid kyis nam mkha' la 'gro bar 'gyur ro/ /las dgu pa ni lce'i sha dang myos byed du bsres pas mngon spyod kyi dkyil 'khor la sbyin sreg dang gtor ma byas na yul 'khor dang bcas pa 'jig par 'gyur ro/ /las bcu pa ni rgyas pa'i dkyil 'khor bil ba dang/ pa la sha dang u du mA ra'i bud shing la me spar la de nyid kyi yam shing gis sbyin sreg 'bum byas na nor gyi bdag po rnam thos sras dang mnyam par 'gyur ro/ /las bcu gcig pa ni go mIs dang myos byed dang bcas pa la rgyal srid 'dod pas sbyin sreg byas na rgyal srid thob par 'gyur ro/ /las bcu gnyis pa ni wa'i sha dang bdud rtsi lnga dang dpa' bo lngas sbyin sreg byas na ci bde bar rgyal srid thob par 'gyur ro/ /wa'i sha dang bcas pa'i bdud rtsi lngas nang gi sbyin sreg byas na myur du nor gyi bdag po ji b+ha la dang mnyam par 'gyur ro/ /gang gis sbyin sreg de la brtul zhugs dang gtsang sbra med na yang rgyas pa'i dngos grub thob par 'gyur ro/ /las bcu bzhi pa ni lhag par tshe 'phel bar 'dod na ku sman dang zhes bya ba sran ma sngon po dang sran ma sngo zhes bya ba kha dog ljang ba dang tsan ka zhes bya ba 'bru phra mo dang sbrang rtsi'i rtsigs ma zhes bya ba spra tshil dang ske tshe dang tA la'i 'dab ma blangs nas dgra bo'i gzugs brnyan byas la/ phyis kyi nang du bcug nas steng g.yogs la mchod rten nag po dang kha thur du bstan pa'i dbus su bcug la mchod rten nag pos steng nas mnan na/ rnal 'byor ji ltar 'dod pa bzhin du gnas par 'gyur ro/ /de ltar sbyin sreg bshad nas rgyu
- 499b
ba dang mi rgyu pa'i 'khor lo bcu dang/ gsang sngags kyi 'khor lo bcu dang/ dkyil 'khor gang la bya snyam na/ de nas gzhan yang bshad bya ba zhes bya ba smos te/ dkyil 'khor nyi shu'i gnas ni snod bcud thams cad dpal he ru ka'i rang bzhin yin pas phyi dang nang gang yang rung bar sbyin sreg dang 'khrul 'khor byas kyang dngos grub thams cad grub par gdon mi za ba yin no/ /de bas na rnal 'byor ma'i sa dang gnas he ru ka'i sku'i yan lag ces bya ba gsungs te/ rnal 'byor ma'i sa ni dag pa'i sa bcu'o/ /gnas ni ma dag pa'i sa bcu'o/ /dag pa dang ma dag pa gnyis ka yang dpal he ru ka'i sku'i yan lag ste/ sku kun brtan pa rang g.yo ba'i bdag nyid can yin no/ /de ltar rnal 'byor ma'i lus kyi ma dag pa'i sa bcu'i bdag nyid la dpal he ru ka'i gzhung lugs la spyod pa'i lus kyi dkyil 'khor sa bcu dang/ pha rol tu phyin pa bcu pa rnal 'byor ma rnams brda'i skad kyi gnas dang nye ba'i gnas la sogs pa'i ming gis brtags pa yin no/ /gang gi brda yin zhe na/ lha dang dri za rnams kyi brdas gnas dang nye ba'i gnas zhes bya bar gnod sbyin dang srin po'i brdas zhing dang tshan do ha zhes bya ba dang/ klu dang lha ma yin gyi brdas 'dus dang dur khrod ces bya ba dang/ rnal 'byor ma rnams kyi brdas brtags pa yin no/ /mtho ris thugs dang sa steng gsum dang sa 'og sku'i dkyil 'khor rnams ni sems 'od gsal ba'i snang ba yin pas dpa' bo yan lag brtan g.yo'i bdag ces bya ba ji ltar na 'od gsal snod btud snang ba zhe na/ thog med dus su gang bstan pa/ phyi nang bdag nyid can du gnas zhes bya ba gsungs te/ thog ma med pa'i dus nas de bzhin gshegs pa rnams 'byung yang rung ma byung yid rung sems 'od gsal ba'i rang bzhin du gnas pas gang yin pa de ni phyi snod kyi 'jig rten dang nang bcud kyi chos kyi dbyings kyi bdag nyid du gnas pa yin no/ /de yang chu khams ser dang nam mkha' bzhin dag pa bzhin du dag par 'dod gsungs so/ /klung nyid dangs par gyur pa las/ /nya dag myur du 'phar ba ltar/ de bzhin stong gsal ye shes las/ /sgyu 'phrul dra ba 'byung bar 'gyur zhes
- 500a
gsungs so/ /thog mdza' med pa'i sems dpa' ni/ /rdo rje sems dpa' dga' ba che/ zhes gsungs pa yin no/ /dpal ldan khrag 'thung rgyal po che/ /'dod pa kun gyi dbang phyug gtse/ /zhes bya ba ni rnam par snang mdzad chen po'i rang bzhin sems rig pa 'od gsal tsho kyi sku la dgongs pa yin no/ /kun phyag dang zhabs ldan zhing/ /kun tu bcom ldan 'jig rten na/ thams cad g.yogs nas rnam par bzhugs/ /zhes bya ba ni de nyid bsdus pa las gsungs pa'i rnam par snang mdzad chen po'i rang bzhin dag pa dang ma dag pa'i gnas skabs gnyis ka'i ngo bo sems dang rig pa 'od gsal ba'i ngo bo chos kyi dbyings gsungs pa yin no/ /de ltar chos kyi sku'i ngo bo thams cad la khyab pa de bas na rgyu ba dang mi rgyu ba'i sbyin sreg gi 'khor lo dang gsang sngags kyi 'khor los dngos grub bsgrub par bya ba yin no/ /de yang ji lta bu la gsung zhe na/ /bsam gtan ldan pa'i sems kyis ni/ zhes bya ba gsungs te/ bskyed pa'i rim pa'i mtshan ma gsum mam rdzogs pa'i rim pa'i mtshan ma lnga thob pa'i sgrub pa pos bsnyen pa byas pa la phan gdags pa'i phyir gsang ba'i dngos grub sgrub pa'i le'u nyi shu gnas dang bcas pas? gsungs pa yin no/ /le'u lnga bcu pa'i rnam par bshad pa'o/ //de ltar dngos grub sgrub pa'i thabs bshad nas/ bskyed rim bsgoms pa'i man ngag gi le'u gsungs pa ni/ de nas yang dag bshad bya ba/ /zhes bya ba la sogs pa gsungs so/ /shin tu rnyed dka' zhes bya ba ni man ngag bskyed pa'i rim pa sgom pa'i de nyid bcu bzhi ni shin tu rnyed par dka' ba ni gang zag gi rnam par rtogs pas sbyar ba ma yin pa bcom ldan 'das kyis gsungs pa'i nges pa don gyi mdo sde sgom pa'i rim pa'i bsgrigs par rnyed par dka' ba'o/ /dpa' bo'i brda'i skad du ni zhes bya ba ni sangs rgyas dang byang chub sems dpa' thams cad kyi brdar gyur pa bcom ldan 'das kyis ni rgyud 'di ru mi'i skad du sbas pa gsungs pa yin no/ /de ltar mdor bstan nas rgyas par bshad pa ni/ gos dang phyag rgya lnga la sogs
- 500b
zhes bya la sogs pa gsungs so/ /gos ni stong g.yogs dang smad g.yogs glang po che'i pags pa dang/ stag gi pags par bsam mo/ /phyag rgya lnga'i thal ba'i rdul ma gtogs pa zhes bya ba ni go cha drug bgos shing rdo rje dang dril bu bzung ba'i de nyid dang por bstan nas de nyid gnyis pa ni shes rab yan lag ste/ khyim pa'i byang chub sems dpa' la las kyi phyag rgya 'am grol ba'i lam pa chos kyi phyag rgya 'am dam tshig gi phyag rgya'o/ /de nyid gsum pa ni thog ma rdo rje'i brda' bya ba dang/ mthar phur bus gdab pa ste/ bgegs bskrad nas dra ba dang ra ba dang mda'i bla re dang rdo rje'i bla re dang me 'od kyi dra bas byas nas phur bus gdab pa yin no/ /de nyid bzhi pa A li kA li zhes brjod pa ste/ snying gar zla ba dang nyi ma'i dkyil 'khor bsgoms la/ de'i dbus kyi yi ge hUM la bskad pa brgyad pa'i sngags brjod nas mchod pa dang dpa' bo dpa' mo'i sngags kyis bstod pa ni zhes brjod pa ste/ /a ste zhes bya ba lnga pa'i sgra yin pas A li kA li'i rjes la brjod ces bya ba'i don du 'gyur ro/ /de nyid lnga pa rgyu sogs stong pa sngon 'gro yin/ /zhes bya ba ni dpral bar he dang/ lkog mar ru dang snying gar ka skod pas/ he ni rgyu tshogs spangs pa ste/ ru ni bkod pa dang bral ba/ ka ni gang du mi gnas pa/ zhes bya ba ni he ru ka'i don la mos pa'i rnam par thar pa'i sgo gsum la yi ge gsum la yig gsum sngon du 'gro ba yin no/ de'i rjes la 'byung ba bzhi ri rab dang bcas pa bsgoms nas gzhal yas khang gi dbus su pad+ma'i steng du nyi zla kha sbyor gyi dbus su yi ge hUM gnas pa la rang gi rnam par shes pa 'jug pas na/ sgra la sogs pa nas zhes bya ba gsungs so/ /sgra ni yi ge hUM dang baM mo/ sogs pa ni rdo rje dang gri gug dang 'od zer spro bsdu rgyu'i he ru ka yab yum du gyur pa'o/ /de yang zla ba me long lta bu ste/ nyi ma mnyam nyid ye shes yin/ /yig 'bru phyag mtshan so sor rtog 'od
- 501a
zer spro bsdu bya nan tan/ sku rdzogs chos dbyings ye shes so zhes gsungs so/ /de nyid bsdus pa'i sbyor ldan nyid ces bya ba ni phyogs bcu'i sangs rgyas bsdus nas rgyu'i he ru ka yab yum gyi mngal du zhugs nas mngal skyes kyi 'khor lo bskyed nas rgyu'i he ru ka yab yum zhu bas thig ler bsdus pa la 'khor lo lnga'i lha mo'i glus bskul ba'i sbyor ba dang ldan pa nyid kyi thig ler zhu ba dang glu dang bcas pa zhes bya ba'i he'i tshig gi de nyid brgyad pa bdud rtsi tshim byed ces bya ba gsungs te/ lha mo rnams rgyu'i he ru ka zhu ba'i thabs dang bral ba la 'chi bdag gi bdud 'joms pa'o/ /'bras bu'i he ru ka lha mo rnams yid tshim par byed pas na bdud rtsi 'tshim byed do/ /de nyid dgu pa mya ngan las 'das pa zhes bya ba ni ye shes sems dpa' gzhug pa'o/ /de nyid bcu pa la lag pa'i mchod pa zhes bya ba ni dpa' bo dang dpa' mo drug gis go cha bskon pa'o/ /de nyid bcu gcig pa dbang bskur ni chu dang gsang ba dang shes rab ye shes kyi dbang bskur ba'o/ /de nyid bcu gnyis pa go cha chen pos yang dag bsrungs zhes bya ba ni lus kyi 'khor lo dang/ sems kyi 'khor lo rnams dag bsgom pa'o/ /de nyid bcu gsum pa sngags rnams zhes bya ba ni gtso bo dang 'khor gyi sngags bzlas pa'o/ /de nyid bcu bzhi pa mchod pa yin zhes bya ba ni bdud rtsi lngas mchod pa dang bstod pa dang/ gtor ma byin pa'o/ /nye bar bsdus pa ni ma gsungs kyi smon lam btab nas dkyil 'khor nye bar bsdu ba rgyud bla ma las go bar 'gyur ro/ /zhes dgongs pa yin no/ /de ltar de nyid bcu bzhi pa bshad nas rnam par dag pa'i 'khor lo la smon lam gdab pa ni/ /mi mchog gang zhig kun spyod pa/ zhes bya ba ni sa la 'dod pa'i dbang phyug gshog
- 501b
ces bya ba ste dngos grub bde bar gshegs pa'i sa thob pa dang/ dngos grub gnyis pa chos dang ldan pa'i 'khor lo sgyur ba'i rgyal por 'gyur ba dang/ dngos grub gsum pa sa la 'dod pa'i dbang phyugs lha'i dbang phyug lha'i dbang po brgya byin lta bur 'gyur ro/ /de ltar bskyed rim gyi thabs bshad nas bskyed rdzogs gnyis ka'i phan yon gsungs pa ni/ dper na mar gyis gang ba'i snod ces bya ba la sogs pa gsungs te/ mar lta bu'i bskyed rdzogs gnyis so/ /gang ba'i snod ni bskal ba dang mnyam pa'i gang zag go/ ma'i dbus bzhag pa ni byin rlabs dang mngon sum gyi lam yang dang yang ? ba'o/ mar sar nyid du zhu ba ni/ bskyed rdzogs kyi mtshan ma thob pa lha'i sku mthong ba'o/ /snod kyi rim pa 'jig pa ni tha mal pa'i lus ngag yid gsum nub par 'gyur ba'o/ /phan yon gnyis pa dpal he ru ka'i mtshan bzung nas bzlas pa'am bsgom pa 'am bsam pa 'am thos pa'i shes rab kyi glegs bam bris pa yis mtho ris kyi lha'i rgyal po 'am mi'i 'khor lo sbyor bar 'gyur ba'o/ /phan yon gsum pa ni 'chi ba'i tshe na phaT phaT kyi phyag rgya dang bcas pas spyan drang la skyes gnas kyi phyag rgya thugs kar bcug na dpal he ru ka la sogs pa lha mo'i 'khor lo dang bcas pas glu dang rol mo'i sgra sgrags nas mkha' spyod pa 'og min gyi gnas su khyer bar byed do/ /las bzhi pa nyes dmigs ni de 'dra'i dpa' bo chen por bsgoms pa'i rnal 'byor pa dang/ des gsungs pa'i rgyud chen po lam dad par gyur na mngon par mthong bar dbul zhing phongs pa'i ngan song gsum dang/ nges par legs pa'i dbul ba'i khams gsum 'khor ba'i sdug bsngal kyis gdungs par 'gyur ro/ /de ltar phan yon dang nyes dmigs bshad nas don gsum pa'i sku bsgom pa'i rgyas par bshad pa ni mgul rgyan la sogs pa'i phyag rgya drug dang/ gsung rab yan lag bcu gsungs pa'i ska rags sil sil sgra sgrogs pa'o/ /de nas nga du sgom snyam na/ ri dang sna tshogs pad+ma lte bar ro/ /rgyu gang gis bskyed snyam na/ /A li kA li skyes zhe bya ba mngon par byang chub pa lngas bsdus pa'o/ /da gang zhig 'dul snyan na/ u ma'i bdag po rnam par gnon zhes bya ba gsungs so/ /de shes rab dang ldan pa yin snyam na/ rdo rje dang dril bus sku la 'khyud pas
- 502a
bya ba gsungs so/ /phyag du dang ldan snyam na nyi shu rtsa bzhi phyed ldan pa zhes bya ba smros te/ phyag bcu gnyis dang ldan pa'o/ /'khor ji lta bus bskor zhe na/ dpa' bo rnal 'byor ma tshogs zhes bya ba gsungs te/ dpa' bo nyi shu rtsa bzhi dang dpa' mo sum cu so drug gis bskor ba'o/ /ji lta bu'i blos? ? snyam na/ dpal ldan he ru ka rgyal che/ /go 'phang mchog gi bsdom par bya/ zhes bya ba gsungs so/ /sprul pa'i sku ji lta bu zhig yin snyam na/ rnal 'byor kun dang rnal 'byor ma'i/ 'khor bcas dbus su sbyor ldan pa/ thams cad dgyes shing gnyis med 'gyur/ /'byin dang sdud par mdzad pa yin zhes gsungs te/ sprul pa'i sku ji lta bu zhig yin snyam na/ dbus kyi gtso bo 'khor dang bcas pa thams cad kyang yab yum gnyis su med cing sems can gyi don du spro zhing mdzad pa rdzogs nas sdud pa yin no/ /de'i don 'di skad ston pa yin te/ ma 'ongs pa'i gsang sngags kyi sgo'i spyad pa spyod pa rnams kyis dpa' bo dang dpa' mo gnyis su med pa'i 'khor lo bsgom nas thun bzhir spro bsdu bya ba yin no/ zhes bya ba'i tha tshig go /don lnga bskyed pa'i rim pa kha sbyor bsgom zhing rdzogs pa'i rim pa mngon sum du bsgom nas spyod pa dgos mi dgos pa'i man+t+ra tan+t+ra yan+t+ra gsum gyi rgyu tshogs pas dngos grub rnams 'gyur zhing gsang sngags kyi sgo la mos pa skal pa dang ldan pa'i son rnams la'o/ /spyod pa sna tshogs ston mdzod pa ni man+ta tan+ta yan+t+ra'o/ /sna tshogs tshul gyis dul bya ba ni/ rgod dang blta dang lag bcangs dang/ 'khyud pas 'dul ba'i thabs ni sna tshogs ston pa yin zhes bya ba ni byin rlabs dang mngon sum gyi lam gsungs pa'o/ de ltar 'dul ba'i thabs bstan nas don lnga pa cig char 'jug pa'i thabs ston pa ni/ zab mo'i chos ni ston pa la gal te mos par ma gyur kyang zhes bya ba gsungs te/ las la dbang bzhi las bsgos skal spyod pa dang/ zhi ba nas dang lhag mthong gom pa las byung ba dang mi mthun pa 'khad? smod pa tu mi bya ste/ las kyi rgyu rkyen tshogs pa'i rten 'brel gyi tshogs pa dpag tu med pa bsam gyis mi khyab pa bzhin du sngags kyi rten 'brel gyi tshogs pa bsam gyis mi khyab pa dang/ 'khrul 'khor gyi rten 'brel gyi tshogs pa bsam gyis mi khyab pa dang/ sman dang nor bu'i mthu bsam gyis mi khyab pa dang/ mdo sde las
- 502b
gsungs pa'i chos nyid dran par byas nas smad par mi bya'o/ /mngon sum dang byin rlabs kyi lam 'dis sangs rgyas dang de'i sras rnams kyi mchog tu gyur pa'i rnal 'byor 'bras bu lam du byed pa'i sngags kyi lam 'di yin pas sangs rgyas rnams 'byung yang rung mi 'byung yang rung chos kyi dbyings kyi rang bzhin ni sgrib pa spangs pas 'phel ba 'am/ sgrib pa dang bcas pas 'bri ba med pas gzugs brnyan la sogs pa'i sgyu ma'i dpe brgyad la gang du stong pa nyid kyi nges pa drangs nas mthong bzhin du shes rab ye shes dang dbang bzhi pa chos nyid mngon sum du mthong pas gnas pa yin no/ /de ltar na byin rlabs dang mngon sum gyi lam bsgom pa'i rnal 'byor pa 'jig rten la mi smod cing mngon sum mthong ba'i bgrod pa'i lam cig car 'jug pa'i rnam par thar pa kun bzang sangs rgyas kyi rol pa bsam gyis mi khyab pa bde ba chen po'i lam yin no shes par bya'o/ /gal te cig car 'jug pa la mi mos pa'i ji lta bu'i lam yin snyam na ji srid kri ya sogs spyod nas/ /rnal 'byor gsang mdza' i dbye ba nyid ces bya ba gsungs te/ bya ba'i rgyud dang/ spyod pa'i rgyud dang/ gnyis ka'i rgyud dang/ rnal 'byor gyi rgyud dang/ gsang ba'i mdza' i rnal 'byor ma'i rgyud kyi rim gyis sems can mos pas 'jug pa rnams la de dang de'i rnam par thar pa la dga' ba la chu bo rgya mtsho chen por 'bab pa bzhin du bde mchog gi lam la rim gyis 'jug par bya'o/ /dgyes pa'i rdo rje las kyang tha mar dgyes dor gar bstan par bya zhes gsungs so/ /rgyu ni byin rlabs dang mngon sum gyi lam ston pa yin no/ rgyal bo ni mngon sum gyi lam gsal zhing mdzes pa dang 'bad pas na rgyal po'o/ /'bum pa'i nang nas kyang 'bum pa dang blo ka 'bum pa las phyung ba'i phyi ma'i phyi ma'o/ /dngos grub gyi chog ni rgyu ba dang mi rgyu ba'i sbyin sreg dang 'khrul 'khor gyi cho ga'o/ /shin tu mdo du 'byung ba'i bsgom mi dgod man+t+ra dang yan+t+ra'i rten 'brel lo/ /bstan bcos thams cad pa ni 'jig rten dang thun mongs dang mchog gi dngos grub kyi thabs rgyas pa'o/ /bklags pas grub pa'i rgyal po inda b+hu ti bzhin du sngags brjod tsam gyis bdud bzhi tshar gcod pa'o/ /gdod ma nas grub pa ni 'das pa'i sangs rgyas thams cad kyis gsungs pa'o/ /de yang 'das pa'i sangs rgyas rnams kyi gsungs ma 'ongs rnams kyang gsung 'gyur la/ da ltar byung ba'i rdzogs sangs rgyas zhes gsungs pa'i phyir ro
- 503a
le'u lnga bcu rtsa gnyis yod kyang le'u lnga bcu pa la gcig tu bsdoms nas grangs shis pas mdzad pa yin no/ /rdzogs so/ zhes bya ba ni rgyud mthar thug pa'i tshig go/ bstod pas mnyes med smad pas mi dgyes med/ /'gro ba kun la bu gcig ltar dgongs la/ /gang gis gnod pa byas kyang 'di mdzad pa'i/ /rje btsun bar mchog sku yi zhabs btus nas/ /sangs rgyas sras dang bcas pa'i spyod yul gyi/ rtogs dka' bde mchog bshad rgyud la brten nas/ bla ma dam pa'i bdud rtsi gdams ngag gis/ rgya cher bshad pa 'gro rnams rtogs gyur shog /dkyil 'khor bde mchog gi rgya cher bshad pa'i tshig don rab tu gsal ba zhes bya ba slob dpon chen po rdo rjes mdzad pa rdzogs so// //bla ma dri med thugs rje'i shugs las byung/ /'bangs kyi smon lam grub ba mi 'gags chos/ /'bangs dang grogs kyi don zhus rjes gnang ba/ /mchog dga' i bsams la grogs la 'phel bar smon/ /rgya gar gyi paN+Di ta pa ra he ta dang/ zhu chen gyi lo tsa ba dge slong 'phags pa shes rab kyis bsgyur zhing gtan la phab pa'o// sarba mang+gA lam// dge'o//