Text

ff. 1b–432a · 862 folio sides

  1. 1b

    / su rgyu rgyurgyu rgyu

  2. 2a

    byed rgyal po la phyag 'tshal lo// 'di skad bdag gis bshad pa'i dus na/ 'og min gyi gnas/ chos nyid kyi mkha'/ dbyings nyid kyi klong sems nyid kyi gnas/ ye shes sgrib pa mi mnga' ba'i gzhal yas khang na/ nyid kyi rang bzhin dang / nyid kyi ngo bo dang / nyid kyi thugs rje dang / ye shes mngon du/

  3. 2b

    phyung ba'i 'khor 'di lta ste/ nyid kyi rang bzhin gyi 'khor chos kyi sku zhes bya ba'i 'khor dang / nyid kyi 'a las sgyu rdzogs pa'i zlas zhes byung ba lakho dngamyong ba'i 'khor longs spya pa'i sku chu zhes bya ba'i 'khor dang / nyid kyi ngo bo'i 'khor longs spyod rdzogs pa'i sku ma zhes bya ba'i 'khor da nyid kyi po'i 'khor longs spyod rdzogs pa'i sku rlu zhes bya ba'i 'khor dang / nyid kyi ba'i 'khor long spyod rdzogs pa'i spyanam mkha' zhes bya ba'i 'khor dang / gonan yang thugs rjes shes mngon du byung ba'i sprul pa'i

  4. 3a

    @##/ 'khor 'di lta ste/ 'dod pa'i khams kyi sems can zhes bya ba'i 'khor dang / gzugs kyi khams kyi sems can zhes bya ba'i 'khor dang / gzugs med pa'i khams kyi sems can zhes bya ba'i 'khor dang / gzhan yang nyid kyi rang bzhin la lta ba'i 'khor rnal 'byor pa bzhi 'di lta ste/ shin tu rnal 'byor zhes bya ba'i 'khor dang / yongs su rnal 'byor zhes bya ba'i 'khor dang / rnal 'byor chen po zhes bya ba'i 'khor dang / sems pa'i rnal 'byor zhes bya ba'i 'khor dang / nyid kyi rang bzhin dang / nyid kyi ngo bo dang / nyid kyi thugs rje'i rang bzhin 'byed pa mi mnga' bas thabs cig go// gzhan yang nyid kyi rang bzhin rtogs pa'i 'khor 'di lta ste/ sngar 'das pa'i sangs rgyas nyid la

  5. 3b

    gnas pa'i 'khor dang / da ltar bzhugs pa'i sangs rgyas nyid kyi don mdzad pa'i 'khor dang / slad nas 'byon pa'i sangs rgyas nyid las 'byung ba'i 'khor dang 'byed pa mi mnga' ba'i rang bzhin gyis thabs cig par bzhugs so// de nas byang chub kyi sems kun byad rgyal po des/ 'khor thams cad nyid kyi rang bzhin du byin gyis brlab pa'i phyir/ 'khor thams cad nyid kyi sems nyid kyi thugs la thim par mdzad do// rang byung gi ye shes gsal bar mdzad do// de nas thams cad chos nyid du ldan par bya ba'i phyir/ thams cad bsdus nas thig le chen po gcig tu bzhugs so// de nas sems dpa' rdo rje de nyid kyis rang bzhin thig la chen po gcig tu bzhugs pa de las byung nas/ byang chub kyi sems kun byed rgyal po'i sman sngar dga' ba'i sems kyis dang ba'i mdangs phyung ste 'khod pas// byang chub kyi sems kun byed rgyal pos/ sems dpa' rdo rje la smras pa/ sems dpa' rdo rje e.a ma ho// dga' ba'i sems skyes a ma ho// dang ba'i mdangs phyung e ma ho// nga las byung ba a ma ho// zhes gsungs pas// de nas sems dpa' rdo rjes zhus pa/ kyai ston pa'i ston

  6. 4a

    pa kun byed rgyal po lags// ston pa nyid kyang thig le spros med dam// 'khor rnams kun kyang thig le spros med dam// bstan pa kun kyang thig la spros med dam// dus dang gnas kyang thig le spros med dam// thams cad kun kyang thig la'i rang bzhin na// ston pa'i ston pas ci zhig ston par mdzad// 'khor du 'khor ba'i don ni ci la 'khor// 'khor la bstan pa ci zhig ston par byed// dus dang gnas ni gcig pa ji lta bu// zhes zhus so// de nas byang chub kyi sems kun byed rgyal po des/ sems dpa' rdo rje de la 'di skad ces gsungs so// kye/ sems dpa' chen po yid sgra la chug cig/ nges don sgraslar bshad kyis/ kye sems dpa' chen po/ sems nyid kun byed rgyal po nga nyid ni// chos rnams thams cad kun gyi snying po ste// snying po ma spros ye nas thig le yin// thig le ye nas spros pa med pa'i don// ston pa dang ni bstan pa 'khor dus gnas// nga las byung ba ye nas thig le ste// nga yi rang bzhin thig la bstan pa yin// zhes gsungs so// byang chub kyi sems kun byed rgyal po las/ gleng gzhi'i le'u ste dang po'o// // de nas byang chub kyi sam

  7. 4b

    kun byang rgyal po des/ chos thams cad nyid las byung ba'i ting nge 'dzin zhes bya ba la gnas par mdzad do// de nas 'khor gyi rang bzhin las/ sems dpa' rdo rje langs nas/ ston pa byang chub kyi sems kun byed rgyal po'i zhal du mdangs phyung ste 'khod nas zhus pa/ kye/ ston pa'i ston pa kun byed rgyal po lags// khyod kyi 'khor du bdag 'dus 'khring pa de// bong sa no 'tshal ba'i rnon ci zhig mchis// bladag 'onal don ni khyod kyis bstan du gsaso// zhes nus pa/ de nas byang chub kyi sems kun byed rgyal po des nyid kyi rang bzhin dang / nyid kyi ngo bo dang / nyid kyi thugs rje las chos thams cad bkod pa ni nyid kyi rang byung gau ye shes chen po gcig las/ rang byung gi ye shes chen po lnga phyung ba ni/ 'di lta ste/ zhe sdang rang byung ye shes chen po dang / 'dod chags rang byung ye shes chen po dang / gti mug rang byung ye shes chen po dang / phrag dog rang byung ye shes chen po dang / nga rgyal rang byung ye shes chen po dang rang byung gi ye shes lnga po des rgyan gyi rgyu chen po lnga ni phyung / 'jig cing rten pa'i khams chen po gsum ni bkod de/ rgyan gyi rgyu'i lus lnga gcig tu

  8. 5a

    blangs pa ni 'di lta ste/ rgyan gyi rgyu'i lus sa zhes bya ba'i lus dang / rgyan gyi rgyu'i lus chu zhes bya ba'i lus dang / rgyan gyi rgyu'i lus ma zhes bya ba'i lus dang / rgyan gyi rgyu'i lus rlung zhes bya ba'i lus dang / rgyan gyi rgyu'i lus nam mkha' zhes bya ba'i lus la gcig tu lus thams cad blangs/ ye shes lnga'i rigs so sor phye ste/ rang byung ye shes zhe sdang gi rigs dang / rang byung yang shes 'dod chags kyi rigs dang / rang byung yang shes gti mug gi rigs dang / rang byung ye shes phrag dog gi rigs dang / rang byung ye shes nga rgyal gyi rigs dang / rang byung ya shes lnga'i rigs lus rgyan gyi lus can gyi chos nyid bkod do// byang chub kyi sems kun byed rgyal po de nyid kyang / nyid kyi rang bzhin gyi chos nyid bkod pa de bzhin du bzhugs so// de nas sems dpa' rdo rje de byang chub kyi sems kun byed rgyal po'i spyan sngar yang 'dug nas/ kye ston pa'i ston pa kun byed rgyal po lags// nyid kyi thugs gcig rang byung ye shes las// rang byung ye shes rnam pa lnga byung nas// de las rgyan gyi rgyu lnga byung nas ni// ye shes lnga yi lus lnga blangs pa 'dis// kun byed rgyal po

  9. 5b

    dgos pa ci zhig che// zhes zhus so// de nas byang chub kyi sems kun byed rgyal po des slar gsungs pa/ kye sems dpa' chen po dgos pa ni// kun byed rgyal po byed mkhan nga las ni// ma gtogs pa yi byed mkhan gzhan med de// chos nyid byed pa yang ni nga las med// ston pa gsum yang 'god pa nga las med/ 'khor gyi tshogs rnams 'god pa nga las med// de bzhin chos nyid dgod pa nga las med// sems dpa' rdo rje khyod la nga yis ni// nga yi rang bzhin khyod la bstan par bya// nga la rang bzhin rnam pa gsum yod de// nga yi rang bzhin byang chub sems yin no// byung ba dag gi rang bzhin bstan pa ni// phun sum tshogs pa rnam gsum chos nyid byang // chub pa dag gi rang bzhin bstan pa ni// dgos pa tshogs pa rnam pa gsum gyis ni// nam mkha' bzhin du kun la khyab par gnas// sems zhes bya ba'i rang bzhin bstan pa ni// mi 'gags ma lus kun byed rgyal po ste// kun byas byang chub sems su ma lus byas// zhes gsungs so// byang chub kyi sems kun byed rgyal po las/ chos nyid mngon du phyung nas bstan pa'i le'u ste gnyis pa'o// // de nas byang chub kyi sems kun

  10. 6a

    byed rgyal po des/ chos thams cad kyi sngon rol du byed pa po nga byung ba 'di gsungs so// kye sems dpa' chen po yid rna dbang la chu ga cig/ rna dbang sgra la rtogs shig/ kye nga ni kun byed rgyal po ste// nga ni kun byed byang chub sems// nga med pa yi sngon rol na// chos rnams 'byung ba'i snying po med// med pa yi sngon rol na// chos kun byed pa'i rgyal po med// da med pa yi sngon rol na// ston pa bya ba ye nas med// nga med pa yi sngon rol na// bstan pa bya ba ye nas med// nga med pa yi sngon rol na// 'khor zhes bya ba ye nas med// sems dpa' rdo rje rtog mo skye// sems dpa' chen po khyod nyid kyang // nga yi ngo bor sprul pa yin// zhes gsungs so// de nas sems dpa' rdo rje des/ byang chub kyi sems kun byed rgyal po la zhus pa/ kye kun byed rgyal po byang chub sems// khyod ni ye nas chen po yin// ston pa dang ni bstan pa dang // 'khor la sogs pa'i chos rnams kun// byed mkhan khyod kyis byas pas na// ji ltar snang ba'i chos rnams kun// byed mkhan khyod kyis byas par snang // ston pa gcig gam rnam pa du ru snang // bstan pa gcig gam rnam pa du ru yod// 'khor

  11. 6b

    rnams gcig gam rnam pa du ru yod// ces zhus so// de nas byang chub kyi sems kun byed rgyal pos slar gsungs pa/ kye rang byung ye shes kun gyi ston par gcig/ nga yi rang bzhin rnam gsum snang ba la// ston pa'i grangs ni rnam pa gsum du byung // da ni de bzhin nyid du gcig pa las// chos rnams kun gyi chos nyid de bzhin nyid// nga nyid byang chub sems las gzhan med do// nga las byung ba'i ston pa sku gsum gyis// 'khor la bstan pa rnam pa gsum du bstan// nga yi ngo bo gcig tu phyung nas ni// nga yi rang bzhin gcig tu bstan pa'i phyir// kun byed nga yi 'khor du kun kyang gcig/ nga las byung ba'i ston pa sku gsum gyi// 'khor gyi bye brag rnam pa gsum du yod// ces gsungs so// sems dpa' rdo rjes zhus pa/ kye ston pa'i ston pa kun byed rgyal po lags// khyod las byung ba'i ston pa sku gsum la// khyod sar 'gro ba'i lam ni yod dam med// med na khyod kyi sa ru phyin mi phyin// yod na bgrod pas phyin nam ma bgrod phyin// kye sems dpa' chen po nyon cig/ nga las byung ba'i ston pa sku gsum la// nga yi sa ru bgrod pa'i lam med de// nga yi rang byung ye shes

  12. 7a

    bstan pa yin// sku gsum ston pa de yi 'khor rnams la// rnam par thar pa'i lam ni rnam lnga ste// dus gsum sangs rgyas kun gyi lam du bstan// / rang byung ye shes lnga yi lam lnga ni// 'dod chags dang ni zhe sdang gti mug dang // nga rgyal dang ni phrag dog rnam lnga ste// rang byung ye shes rnam lnga kun gyi lam// zhes gsungs so// ston pa'i ston pa kun byad rgyal po lags// rang byung ye shes lam lnga bstan pa ste// rang byung zhes ni ji ltar byung ba lags// ye shre bya ba'i gtan tshigs ci la gdags// lam zhes bya ba'i don ni gang la bgyi// 'dod chags zhe sdang gti mug nga rgyal dang // phrag dog la sogs rnam pa lnga po de// lam lnga yin pa'i don de bshad du gsol// zhes zhus so// sems dpa' chen po/ rang byung ye shes rnam pa lnga lam ni// rang byung rgyu rkyen med par byung ba yin// ye shes 'gag pa med par gsal ba yin// lam ni rgyu rkyen med pas bgrod mi dgos// mi bgrod rang byung lam lngar bshad// 'dod pa chos rnams bdag tu 'dod pa yin// chags pa bdag tu 'dod pa de la chags// zhi ba skye ba med pa'i rang bzhin la// sdang ba cho 'phrul sna tshogs de la sdang // gti mug mi rtog pa yi ting 'dzin gyis// chos nyid

  13. 7b

    rgya'am pa nyid su dbye bas la med// ba ni ma no pa'i byung chu bya sems// de bzhin nyid du la nus rgyal bar byed// thams cad de bzhin nyid du gcig pa las// yin min sgro skur 'dabs pa phrag dog byed// bgrod du med pa'i lam lngar bstan pa yin// kye sems dpa' chen po nyon cig/ ji ltar snang ba'i chos rnams thams cad kun ta ta rang byung yang zhes la ma lnga 'di las byung // 'dod pa'i khams kyang rang byung yang shas yin// gzugs kyi khams kyang radu byung yang shes yin// gzug/ med khams kyang rang byung ye shes yin// kun byed rgyal po nga yis byas pa'i phyir// ngas byas thams cad ye shes ngo bor bshad// khams gsum sems can rgyud drug thams cad kun// rang byung yang shes min par ngas ma bshad// de las ma gtogs pa yi byang chub sems// sangs rgyas kun gyi mes po ngas ma bshad// kun byed rgyal po nga yi rang bzhin la// chos nyid rnam pa gsum du bstan pa ste// ma skyes pa yi chos nyid dngos mi snang // de ni gzugs med khams su bstan pa yin/ skye ba'i cho 'phrul gzugs su snang ba ni// de ni gzugs kyi khams su bston pa yin// thugs rje ye shes ngo bo mngon phyung nas// bde sdug las de thugs

  14. 8a

    rjes zad bya'i phyir// 'dod pa'i khams de thugs rjes phyung ba yin// zhes gsungs so// byang chub kyi sems kun byeng rgyal po las/ chos thams cad kun byed rgyal pos byas pa las/ ji ltar byung ba'i khungs bstan pa'i le'u ste gsum pa'o// // de nas byang chub kyi sem kun byed rgyal po des// nyid kyi rang bzhin mtshan gyi chos nyid bshad pa 'di gsungs so// kye/ sems dpa' chen po rdo rje khyod nyon cig/ nga ni ya nas rang byung ye shes te// nga ni ye nas chos kun snying po yin// nga ni kun byed rgyal po byang chub sems// nga yi mtshan ni sems dpas rtogs par gyis// nga yi mtshan ni sems dpas rtogs gyur na// chos rnams thams cad ma lus rtogs 'gyur gyis// nga zhes bya ba snying po ste// chos rnams kun gyi snying po yin// rang byung zhes ni bya ba ni// rgyu rkyen med pa'i snying po bas// rtsol sgrub kun las 'das pa yin// ye shes zhes ni bya ba ni// 'gag pa med cing ma bsgribs pas// chos kun ma lus ston par byed/ tang ni byang chub sems la bya// ye nas bya ba'i don 'di ni// thog ma nyid nas gnas pa'i don// chos kun zhes ni bya ba ni// ston pa kun kyang chos nyid

  15. 8b

    la/ bstan pa kun kyang chos nyid yin// 'khor gnas dus kuna'ang chos nyid yin// chos nyid ma yin gcig kyang med// snying po bya ba'i chos nyid ni// thams cad 'byung ba'i snying po ste// byang chub sems kyi rang bzhin la// ston pa gsum yang de las byung // bstan pa gsum yang de las byung // 'khor gnas dus kyang de/ las byung // thams cad 'byung ba'i snying por bshad// nga ni snying po sems nyid kyis// chos rnams ma lus kun byed de// kun zhes bya ba'i chos rnams kun// chos kun gang dang gang zhe na// ston pa dang ni bstan pa dang // 'khor gnas dus ni thams cad kun// byed ces bya ba mkhan po ste// ston pa dang ni bstan pa dang // 'khor gnas dus ni kun byed pas// rang byung ye shes mkhan po yin// rgyal po zhes ni bya ba ni// snying po rang byung ye shes te// byed pa'i mkhan po kun las rgyal// chos rnams byed mkhan kun las rgyal// byang ba'i don ni 'di lta ste// snying po byang chub sems de ni// rang byung ye nas rnam dag pas// kun byed rgyal pos byas pa kun// kun bzang nyid du rnam dag pas// byang zhes bya bar bshad pa yin// chub ces bya ba 'di lta ste// snying po rang byung ye shes des// snang ba dang ni

  16. 9a

    srid pa dang // snod dang bcud kyis bsdus pa dang // dus gsum sangs rgyas thams cad dang // khams gsum rgyud drug sems can dang ta de bzhin nyid ni thams cad la// kun la chub ste khyab par gnas// des na chub ces bya bar bshad// sems kyi don ni 'di lta ste// snying po rang byung ye shes des// snang srid snod bcud thams cad la/ 'jug cing dbang sgyur gsal bar gcod// des na sems zhes bya bar bshad// rgyu rkyen med pa'i rang byung snying po des// kun la dbang sgyur thams cad byed// kye sems dpa' chen po/ nga yi rang bzhin rtogs gyur na// ston pa kun kyang rtogs 'gyur la// bstan pa kun kyang rtogs par 'gyur// 'khor gyi bsam pa rig 'gyur la// dus gnas kun kyang gcig 'gyur rig/ chos rnams thams cad nga yin pas// nga yi rang bzhin 'dri rig na/ chos rnams thams cad rig 'gyur bas// bya byed rtsol sgrub kun las 'das// mi rtsol lhun gyis grub par 'gyur// zhes gsungs so// byang chub kyi sema? kun byed rgyal po las/ nyid kyi mtshan bshad pa'i le'u ste bzhi pa'o// // de nas byang chub kyi sems kun byed rgyal pos/ sems

  17. 9b

    dpa' rdo rje la nyid kyi rang bzhin// bstan pa'i mdo 'dus pa'i don 'di bstan to// kya sems dpa' chen po nyon cig/ nga yi rang bzhin 'di lta ste// yod ni gcig las med pa ste// bstan ni rnam pa gnyis su bstan// byung ni theg pa dgu ru byung // 'dus ni rdzogs pa chen por 'dus// yin ni byang chub sems yin te// gnas ni chos nyid dbyings na gnas// gsal ni rig pa'i mkha' la gsal// khyab ni snod bcud kun la khyab// byung ni snang srid kun tu byung // bstan du mtshan ma'i dngos po med/ mthong du dmigs pa'i yul dang bral// shes su tshig tu brjod du med// rgyu las ma byung snying po 'di// sgros kyis btags pa kun dang bral// don de nges par rtogs 'dod na// dpe ni nam mkha' lta bur brtag/ don ni chos nyid skye ba med// brtags ni sems nyid 'gag pa med// nam mkha' lta bu'i chos nyid la// nam mkha' lta bu'i dpe yis mtshon// dmigs su med pa'i chos nyid la// dmigs su med par mtshon te bstan// tshig tu brjod du med pa la// brjod du med pa'i tshig brjod de// dmigs med don gyi ngo bor bstan// bsdus te bstan pa'i don 'di ni// don gyi ngo bo 'grel pa ste// 'di yis 'don rtogs par gyis// 'di yis nga don

  18. 10a

    rtogs par byed// 'di yis nga don ma rtogs na// don gyi sgra tshig ci bstan kyang // nga dang phrad par mi 'gyur te// nga las gol la nga bsgribs pas// chos kyi snying po thob mi 'gyur// zhes gsungs so// byang chub kyi sems kun byed rgyal po las/ don 'grel gyi le'u ste lnga pa'o// // de nas byang chub kyi sems kun byed rgyal po des/ chos thams cad nyid kyi rang bzhin la rdzogs pa de bstan pa'i tshig 'di gsungs so// kye sems dpa' chen po tshig 'di nyon cig kun byed rgyal po nga yis ni// nga yi chos rnams dang por bkod// nga yi chos rnams mngon du phyung // nga yi ngo bo khyod la bstan// nga yi rang bzhin bstan nas ni// tshig dang sgras kyang don mtshon na// ngo bo bstan pas khyod kyis mthong // rang bzhin bstan pas a de rig/ tshig tu brjod pas don sgrar thos// zhes gsungs nas cang mi gsung bar chos thams cad kyi ngo bor bzhugs pas/ sems dpa' rdo rje 'khor gyi nang nas langs nas/ byang chub kyi sems kun byed rgyal po'i zhal du mdangs phyung ste/ 'khod pas/ kun byed rgyal pos/ kye sems dpa' chen po/ khyod nga la mdangs kyis 'khod pa de/ khyod kyi don ci 'dod pa go sol cig ces gsungs so//

  19. 10b

    de nas sems dpa' rdo rjes zhus pa/ kye ston pa'i ston pa kun byed rgyal po lags// chos rnams thams cad khyod kyi rang bzhin na// khyod kyis ston pa bstan/ pa 'khor bkod ci zhig lags// phun sum tshogs pa'i dngos po ci zhig lags// zhes zhus so// de nas byang chub kyi sems kun byed rgyal pos 'di skad ces gsungs so// kye sems dpa' chen po nyon cig/ chos rnams phun sum tshogs par bkod pa ni// nga ni phun sum tshogs pa'i rang bzhin to// nga yi rang bzhin khyod la bstan par bya/ nga yi rang bzhin spros bral mi 'byed pas// chos dbyings gnas 'di nga yis byas pa yin// byang chub nyid las de na gzhan mi bzhugs// nga yi rang bzhin ma bsgribs kun khyab pas// gsal ba'i nam mkha' yang shes gzhal yas khang // rang byung ye shes nyid las gzhan mi bzhugs// nga ni thams cad 'byung ba'i snying po bas// chen po lnga dang khams gsum rgyud drug rnams// nga yi sku gsung thugs las gzhan med pas// nga yi rang bzhin nga yis bkod pa yin// dus gsum sangs rgyas khams gsum sems can yang // nga yi rang bzhin khyod la bstan pa yin// nga yi ngo bo ma skyes spros bral phyir// mi gnas spyod yul kun las 'das pa yin// mi snang ting 'dzin bsgom

  20. 11a

    pa'i yul las 'das// nga yi rang bzhin khyod la mi snang yang // nga yi ngo bo khyod la snang byas pas// khams gsum chen po lnga dang rgyud drug rnams// snang ba'i rang bzhin byang chub sems lnga las// rang byung snying po ye shes lnga byung bas// yang shes lnga yi yul lnga gsal phyung bas// 'dod pa lnga byung chags pa lnga byung nas// chags lnga so sor smin pa'i 'bras bu ni// 'gro ba drug gi khyad par so sor snang // 'di ltar snang ba nga yis khyod la bstan pa yin// sku gsum theg pa rnam pa drug bstan pa/ nga yis bstan na khyod kyis ma mthong ste// de re nga yi rang bzhin re re la// de re nga yi ngo bo re re ste// sku re dang ni gsung re thugs re dang // kun gyis mthong ba'i ngo bo re re'o// de yang nga yi rang bzhin bstan pa yin// yang dag kun gyi ngo bo byang chub ngas// spos med dbyings kyi ngo bo nga yin la// sangs rgyas kun gyi gnas che nang yin pas// rol pa khams gsum 'gro drug nga las shar// bde ba sdug bsngal las kyi khyad par te// yang dag ma nor nga yi thugs rje bstan// rgyu dang 'bras bu theg pa can rnams la// kun byed nga yi lung 'di bstan mi bya// nga yi lung 'di nges par bstan byas na// dge sdig las la rgyu 'bras yod zer nas// yang dag nga la sgo dang skur

  21. 11b

    btab pas// yang dag nga dang yun du phrad mi 'gyur// nga ni ston pa kun byed byang chub sems// byang chub sems ni kun byad rgyal po ste// dus gsum sangs rgyas byang chub sems kyis byas// khams gsum sems can byang chub sems kyis byas// snang srid snod bcud byang chub sems kyis byas// rgyu 'bras dpe don gtan tshigs 'thun par byas// rgyu yi dus na 'byung chen lnga byas la// 'bras bu'i dus na khams gsum sems can byas// dpe yi dus na kun dpe nam mkha' byed// don gyi dus na kun don skyo med byed// rtags kyi dus na kun byed byang chub sems// gtan tshigs dus na rang byung ye shes ston// rgyu 'bras dpe don gtan tshigs mthun par byas// byang chub sems kyis kun byas gcig ma byas// kun byas byang chub nyid kyi rang bzhin byas// gcig ma byas pa nyid la bya mi dgos// kun byed nga yi rang bzhin ma brtags par// nga yis byas pa'i chos la nges brtags pas// brkam zhing chags pa'i dbang gis snang ba grub// mi rtag sgyu ma'i rang bzhin 'jig par 'gyur// cha med dmus long lta bu'i rang bzhin no// kun byed rgyal pos byas par mi che bar// dbang po drug la yul drug snang ba la// sdug bsngal mthong nas dbang po 'gegs par

  22. 12a

    byed/ des ni kun byed byas par mi tsha bas// skye 'gag med pa'i 'bras bu de la med// nges pa gcig la bden pa gnyis byung nas// kun byed pa yis byas pa'i chos nyid la// don dam kun rdzob yin min gnyis byung bas// bden pa gnyis kyis rgyu 'bras yongs mi 'da'// rgyu 'bras 'das pa'i 'bras bu de la med// med par tshol ba'i dag pa ting 'dzin dang // mi 'byung cho 'phral yan lag bsgom mnga' bas// blang dor med pa'i 'bras bu thob pa med// don gcig ting 'dzin rnam gsum sgom byed pas// bsnyen bsgrub rnam bzhi'i ting 'dzin rim par sgom byed pas// rtsol sgrub 'das pa'i 'bras bu de la med// lhun gyis grub pa'i bya byad kun dang bral// skye mdo mtshon med gdags med de brjod pas// sgro skur bral ba'i brjod med de rig byed// chos kun byang chub sems yin de dang ni// kun dpenam mkha' lta bu'i rang bzhin du// byang chub sems kyi don yang de bzhin no// nam mkha' rlung chus me snang ba lnga// byang chub sems las rmad byung mngon sangs rgyas// srid gsum lam lnga 'gro drug snang ba yang // rnam smin las kyis mi bskyod mngon sangs rgyas// khams gsum ye nas byang chub sku gsung thugs// de bas snang srid snod bcud thams

  23. 12b

    cad kun// nam mkha'i ngang na mi gnas med pa bzhin// byang chub sems kyi klong chen yul che bas// sangs rgyas sems can snod bcud kun kyang gnas// thams cad rnam par dag pa'i chos nyid la// gnyis su med de sgro skur kun dang bral// gang gis med pa'i snying po'i sems ma mthong // bskal ba du mar don dang phrad mi 'gyur// chos kun rtsa ba byang chub sems su gcig/ sangs rgyas sems can snang srid snod bcud kun// thams cad 'byung ba'i byang chub snying po la// gcig tu med la bgrangs na brjod mi lang // sangs rgyas sku gsung sems can lus ngag kyang // byang chub sems yin ye nas gzung 'dzin bral// gzung 'dzin bral ba gang gis grub pa de// des ni kun grub chos kyi rtsa ba grub// byang chub sems kyi mdo rtsa gcig pu la// sems shing rtog la dga' bas rnam par bgrangs// gnyis dang grangs las 'das la nga yis bstan// ji bzhin rang bzhin chos nyid sems gcig la// sems la rang bzhin rnam pa gsum snang bas// rang bzhin gsum ni bkod pa'i mchog gsum ste// de ni phun sum tshogs pa'i chos nyid do// gnyis med gcig gi rang bzhin kun 'brel bas// rnal ma gcig la 'byor pa rnam pa bzhi// rnal 'byor rnam pa bzhi yi yul

  24. 13a

    du bstan// sems nyid gcig la che ba lngar bstan pa// sems kyi rang bzhin yon tan lnga ldan pas// rang bzhin lnga la che lngar ming du btags// nges pa gcig la yin min sgros byung bas// gol sgrib the tshom rtog pa bsam yas ni// kun byed rtsol sgrub rtog 'das sel bar byed// yod med sgro skur the tsom bsal ba'i phyir// / de bzhin nyid kyi byang chub mi rtog pas// ma nor nges pa'i lung des gtan la 'bebs// de nyid yid ches mngon du bstan pa'i phyir// la dor yid ches pa yi lung bcu yis// rtsol sgrub bya med don bstan de yid ches// med par bden pa'i tshig dgu smras pa ni// snying po gcig la mthong ba'i yul dgu byung // rang ra mthong ba'i bden pa'i tshig dgu smra// kun byed nga la thams cad rdzogs pa'i phyir// byang chub sems kyi don 'di che bar gyis// chos kun rtsa ba kun byed byang chub sems// ji ltar snang ba nga yi ngo bo yin// ji ltar byung ba nga yi cho 'phrul yin// sgra tshig ji ltar byung ba thams cad kun// nga yi don nyid tshig sgrar phyung ba yin// sangs rgyas sku dang yeng shes yon tan dang // sems can lus dang bag chags la sogs pa// snang srid snod bcud bsdus pa thams cad kun// byang chub sems kyi ngo bo ye nas yin// sems las ma gtogs pa yi chos rnams ni// nga las byung ba'i

  25. 13b

    sangs rgyas sngar 'das la// kun byed rgyal po nga yis lung ma bstan// da ltar bzhugs dang slad kyis 'byon pa la// kun byed rgyal po byang chub lung mi ston// zhes gsungs so// byang chub kyi sems kun byed rgyal po las/ rtsa ba gcig pa'i le'u ste drug pa'o// // de nas byang chub kyi sems kun byed rgyal pos/ nyid kyis byas pa las byung ba'i chos rnam par dbye ba'i chos 'di gsungs so// kye sems dpa' chen po/ sems ni ji bzhin pa yi ngo bo ste// ji bzhin gnyis med bde ba chen po la// rnam pa kun ldan rnam pa yongs kyis med// spros bral nam mkha' bzhin du ye gnas la// dmigs pa'i yul 'das gcig ces bgrang du med// byang chub sems la bgrang zhing mtshon du med// sems kyis byas pa'i chos la rnam grangs byung // sems kyis byas pa gang dang gang zhe na/ snang srid snod bcud sangs rgyas sems can rnams// sems kyi rang bzhin ngo bo de yis byas// byas nas mngon du phyung ste bstan pa ni// chen po lnga dang rigs drug snang ba dang // de yi don mdzad gzugs sku rnam gnyis ni// sems kyi rang bzhin dag tu phyung nas bgrangs// zhes bka' stsal to// de nas sems dpa' rdo rjes zhus pa/ kyeHkun byed rgyal po e ma ho// kun tu bzang po e ma

  26. 14a

    ho/ byang chub sems khyod e ma ho// dang por byang chub sems langs nas// rang dang chos rnams ma shes nas// kun mkhyen khyod kyi 'khor du 'dus// zhu ba'i dmigs ni mi tsha bas// kun mkhyen khyod kyis bka' stsal pa// chos rnams gcig tu 'dus par ni// byang chub sems mdo bka' stsal na// gcig la gnyis su bstan pa yi// rnam grangs don 'di ji ltar lags// zhes zhus so// de nas byang chub kyi sems kun byed rgyal pos bka' stsal pa/ kye/ nga ni ye nas lhun gyis grub// nga ni sangs rgyas thams cad kyi// lhun gyis grub pa'i snying po yin// nga ni thugs rje'i ngo bo ste// sems kyi ngo bo kun byed ston// gang la dga' ba'i dus su ni// gang dga' ba yi don bya'i phyir// nga yis byas pa'i don bstan gyis// sems dpa' rdo rje khyod nyon cig/ gcig la dga' ba de la ni// brjod med snying po gcig tu bstan// chos rnams gcig tu 'dus pa'i phyir// byang chub sems kyi ngo bo ste// sems kyi ngo bo kun byed bstan// mtshan ma grangs la dga' ba la// kun byed rgyal pos byas pa yi// sna tshogs brjod kyis mi lang bstan// de yang nga yi rang bzhin bstan// gcig ni nga yi snying po ste// gnyis byung nga yis byas pa ste//

  27. 14b

    byas pa'i chos la bgrangs pa yin// grangs kyi mdo ni gcig dang gnyis// grangs kyi mtha' ni brjod du med// brjod med chos kyi snying po yin// brjod med snying po gcig tu bstan// gcig ni kun byed byang chub sems// byas pa'i chos ni rnam pa gnyis// rgyu dang 'bras bu rnam gnyis las// don dam kun rdzob rnam gnyis kyis// dpe don rtags dang gtan tshigs su// nges lung drang lung gnyis su bshad// rgyu ni 'byung chen rnam lnga la// 'bras bu khams gsum sems can yin// khams gsum sems can rgyu byas nas// 'bras bu sangs rgyas ming btags te// rgyu 'bras dpe don de ru bstan// rgyu ni khams gsum sems can la// 'bras bu sangs rgyas lung bstan pa// de ni drang ba'i lung du bshad// rnam pa gnyis su dbye bar bya// rgyu ni 'byung chen rnam lnga yin// byas pa'i chos ni thams cad kun// sems ni mngon du phyung ba ste// de bzhin nyid du ma rtogs par// ma rig log rtog gzung 'dzin gyis// yul drug chos la nges brtags pas// 'jig pa drug la rten pa drug/ 'jig rten zhes su bshad pa yin// yul drug chags pa drug rten nas// chags drug sdug bsngal yang la// mya ngan mya ngan zhes su bshad// mya ngan mya ngan 'das zhes

  28. 15a

    pa/ yul drug chos la mi rtog pas// skye drug gnas su mi skye ste// sdug bsngal drug las 'das pa'i phyir// mya ngan 'das zhes de la bya// ji bzhin snying po byang chub las// ma btsal rang bzhin shar ba yin// 'byung ba chen po lnga po yang // rang gi mtshan nyid rang 'dzin la// thams cad snying po byang chub kyang // dmigs su med pa'i ngo bo 'dzin// mtshan nyid mtshan nyid ces su bshad// rang bzhin shar ba'i chen po lngas// chos kun bskyed pa'i snying po byed// de yis bskyed pa'i sems can rnams// rang byung yin par mi rtog par// spyod pa'i lam du rgyur bltas nas// rgyu las 'bras bu 'byung 'dod pas// rgyu zhes ming du btags pa yin// 'bras bu gang thob theg par bshad// spong 'gegs sbyong ba rnams su bstan// 'bras bu zhes su btags pa ni// snying po'i rgyu las 'bras bur bshad// snying po'i rang bzhin de la ni// skye 'jig med pa'i rang bzhin la// rdo rje zhes su bshad pa yin// rdo rje de sgrub phyi ba gnyis// sku dang gsung thugs ye shes ni// blang dor byas pa'i sgo nas ni// chu zla bzhin du grub par 'dod// blang dor med pa'i nang ba ni// rim pa gsum dang snying po yis// bdag nyid dbyings dang ye shes lta// gang la'ang

  29. 15b

    mi rten bya med 'di// kun gyi snying por gyur pas na// bya ba med pa'i 'phrin las 'das// bya med bde ba spong byed pas// mi rtsol bde ba'i lung bstan bkod// bskal pa gsum dang mi tsha bdun// zla drug lo gcig zla bcu drug/ rtsol bar byed pa'i theg pa can// bya mad ngo bo 'di bstan pas// mi rtsol lhun grub bde la gnas// 'di la ma rdzogs gang yang med// gcig rdzogs gnyis rdzogs kun rdzogs pas// bya ba phun sum tshogs par bde// gcig rdzogs byang chub sems su rdzogs// gnyis rdzogs sems kyis byas pa rdzogs// kun rdzogs phun sum tshogs par rdzogs// gcig la rdzogs pa'i lung 'di yis// sangs rgyas dgongs pa 'di yis ni// sangs rgyas dgo dra pa 'di la gnas// gnyis la rdzogs pa'i don 'di yis// cir snang sems kyi sprul par rdzogs// kun rdzogs pa yi don 'di yis// thams cad phun sum tshogs par byed// / bya med 'di la gang gnas pa// lus ni gang zag lha mi yang // dgongs pa chos nyid sangs rgyas yin// 'di yis sems can don byas na// rtsol sgrub mi byed bde bar 'gyur// zhes gsungs so// byang chub kyi sems kun byed rgyal po las/ rnam grangs bsdus pa'i le'u ste bdun po'o// // de nas byang chub kyi sems kun

  30. 16a

    byed rgyal pos/ byas pa'i chos thams cad de bzhin nyid du gcig pa las/ de bzhin nyid las rang bzhin rnam pa gsum snang bar gyur pa ste/ so sor snang ba 'di gsungs so// kye sems dpa' chen po nyon cig/ nga yi de bzhin nyid gcig ni// phun sum tshogs pa gsum du snang // de bzhin ma skyes rang bzhin ni// de bzhin nyid de yul du snang // yul de kun gyi de bzhin nyid// de la kun kyang brtags byas nas// rang bzhin nyid du lta byed pa// ma bsgribs rang byung ye shes ni// rgyu 'bras ston pa sku gsum snang // la la rgyu yi ston par snang // la la 'brel ba'i ston par snang // la la 'bras bu'i ston par snang // thugs rje mngon du byung ba yi// rang byung yang zhes rnam lnga las// byung ba'i sangs rgyas sems can rnams// bstan pa'i yul dang 'khor du snang // de lta bu yi 'khor tshogs la// rgyu 'bras ston pa sku gsum gyis// de bzhin nyid kyi yul gcig las// 'khor gyi lta ba so so bas// la lar spong 'gegs yul du bstan// la lar sbyong zhing bgrod par bstan// la lar byin rlabs dag par bstan// la lar blang dor gyis grub bstan// la lar rang rgyud dag pa ste// rtsol zhing sgrub tu yod par bstan// de ltar ston pa'i sku gsum gyis//

  31. 16b

    rgyu dang 'bras la dgongs nas bstan// rgyu dang 'bras bu rnam gnyis kyang // de bzhin nyid la g.yos pa med// kun byed nga yis lung bstan no// de bzhin nyid ni 'di lta ste// kun bya dang yang de bzhin nyid// ngas byas kun kyang de bzhin nyid// yul drug nga yis byas pa yin// dbang drug nga yis rig pa yin// rnam par shes pa'i tshogs rnams ni/ nga yi rang byung ye shes yin// 'byung chen lnga yang rgyu lnga ste// rgyan gyi rgyu lnga de bzhin nyid// thugs rje rang byung ye shes lnga// khams gsum rgyud drug phyung ba yang // de bzhin nyid kyi ngo bor bshad// de bzhin nyid kyi rang bzhin te// ngo bo gnyis su med pa de// rang bzhin gcig tu gnas pa la// rnal du bzhag pa bzhi phyung ba// rnal 'byor rnam pa bzhi las byung // kye sems dpa' chen po nyon cig/ kun gyi snying po byang chub sems 'di ni// chos rnams kun gyi rnal ma'i ngo bo ste// ji bzhin de bzhin nyid du ye nas gnas// shin tu rnal 'byor yongs su rnal 'byor dang // rnal 'byor chen po sems pa'i rnal 'byor bzhis// snying po'i don gyi rnal ma bya med la// bltas pas mthong ba'i yul ni rnam pa bzhi// sems pa'i rnal 'byor yul dang dbang pos mthong // byang chub lnga dang cho 'phrul rnam pa bzhi// byin gyis brlabla/

  32. 17a

    nas sems pa'i lha gnyis lta// snying po don gyi rnal ma mthong ba med// ma bcos de bzhin nyid du sems pa zhog/ don gyi snying po rnal ma bya med la/ tarnal 'byor chen po rnams kyis mthong ba ni// ya nas rang rgyud dag pa'i dkyil 'khor la// rgyu las 'bras bu lha yi dkyil 'khor de// bsnyen bsgrub bzhi yis yan lag rdzogs byas nas// 'phro 'du bdag nyid lhun gyis grub par blta// don gyi snying po rnal ma mthong ba med// ma bcos de bzhin nyid du chen po zhog/ don gyi snying po rnal ma bya med la// yongs su rnal 'byor rnams kyis mthong ba ni// dbyings ni snying po rnal ma'i rgyur mthong la// yeng shes chen po rnal ma'i 'bras bur mthong // snying po gcig la rgyu 'bras gnyis mthong bas// rgyu 'bras 'das pa'i rnal ma mthong ba med// ma bcos de bzhin yongs su rnal 'byor zhog/ don gyi snying po rnal ma bya med la/ nya shin tu rnal 'byor rdzogs chen lta mthong ba// byang chub sems ni kun gyi snying por mthong // de nyid ma bcos don gyi rnal mar mthong // lta ba yo nas bsgom du med par gzhag/ dam tshig ya nas bsrung du med par gzhag/ 'phrin las ye nas btsal du med par gzhag/ bzhag pas de bzhin nyid la rnal du 'byor// rnal 'byor

  33. 17b

    rnam bzhi lta ba'i bye brag ni// yul gcig re re la yang bzhi bzhir dbye// sems pa'i rnal 'byor bye brag bzhir dbye ba// yul dang dbang po rnam par mi rtog sems// des na/ sems pa'i rnal 'byor zhes su bshad// byang chub byin rlabs cho 'phral 'byin pa ni// de ni rnal 'byor chen po zhes su bshad// phyag rgya chen po bzhi dang ldan pa ni// yongs su rnal 'byor zhes su bshad pa yin// ye shes dam tshig rang bzhin med lta bas// shin tu rnal 'byor dgongs pa sems par bzhed// blang dor med pa'i rnal 'byor de ma mthong // rnal 'byor chen po bye brag bzhir dbye ba// dang po ting 'dzin rnam gsum sems pa ni// sems pa'i rnal 'byor zhes su bshad pa yin// rang rgyud dag pas ye shes lta byed pas// rnal 'byor chen po zhes su bshad pa yin// bsnyen bsgrub rnam bzhi yongs su rdzogs pa ni// yongs su rnal 'byor zhes su bshad pa yin/ thams cad bdag nyid chen por lta ba ni// shin tu rnal 'byor zhes su bshad pa yin// rtsol sgrub 'das pa'i rnal ma mthong ba min// yongs su rnal 'byor bye brag bzhir lta ba// ting 'dzin rim pas bdag skur mi bskyed par// chos nyid rang bzhin dag par sems pa'i phyir// sems pa'i rnal 'byor zhes su bshad pa yin// yab

  34. 18a

    yum thabs dang shes rab mi ltos par// snying po tsam gyis dkyil 'khor rdzogs pa'i phyir// rnal 'byor chen po'i dgongs pa bshad pa yin// snang lnga rang bzhin med pa'i chos nyid du// spyod pas yongs su rnal 'byor nyid du bshad// ji ltar snang ba'i chos rnams thams cad kun// rgyu dbyings 'bras bu yang shes lta ba'i phyir// shin tu rnal 'byor zhes su ba shad pa yin// rgyu 'bras 'das pa'i rnal ma mthong ba min// shin tu rnal 'byor bye brag rnam bzhi ni// blang dor med pa'i byang chub sems de ni// sems pa'i rnal 'byor zhes su bshad pa yin// rtsol sgrub 'das pa'i byang chub sems de ni// rnal 'byor chen po zhes su bshad pa yin// rgyu 'bras 'das pa'i byang chub sems de ni// yongs su rnal 'byor zhes su bshad pa yin// yin min sgo dang skur pa 'das pa'i chos// shin tu rnal 'byor zhes su nga yis bshad/ yongs su rnal 'byor la sogs gsum po la// rang byung yang shes che dang mi ldan pas// lam la bgrod cing sa la sbyong bar byed// dam tshig tshul srung lta ba sgom byed pas// gom pa drag dal lta spyod yod ma yin// de bas shin tu rnal 'byor lta spyod ni// ye nas kun byed nyid kyis byas pa'i phyir// lam la mi bgrod sa la sbyong mi byed// dam

  35. 18b

    tshig mi srung lta ba sgom mi byed// byang chub chen po'i lam las kun byung phyir// byang chub nyid las byang chub nyid mi bgrod// bgrod sa byang chub nyid las med pa'i phyir// byang chub nyid la byang chub nyid mi sbyong // dam tshig rang bzhin byang chub nyid yin pas// byang chub nyid la byang chub nyid mi srung // bsgom pa'i rang bzhin byang chub nyid yin pas// byang chub nyid kyis nyid la bsgom du med// lta ba'i yul ni byang chub nyid yin pas// byang chub nyid la nyid kyis bltar med phyir// shin tu rnal 'byor lta spyod bya med 'di// rang byung ye shes gom pa drag dal can// kun byed rgyal po nga yi gom pa yin// rgyu 'bras theg pa can gyi spyod yul min// zhes gsungs so// byang chub kyi sems kun byed rgyal po/ las chos kyi rang bzhin las chos nyid kyi yul kun la bkod pa'i le'u ste brgyad pa'o// // de nas byang chub kyi sems kun byed rgyal po des/ rgyu 'bras kyi theg pa bgrod lam nor bas/ rdzogs pa chen po las gol dang sgrib par gyur pa 'di gsungs so// kye sems dpa' chen po/ byang chub sems kyi rang bzhin 'di nyid ni// chos kun ma lus pa yi snying po ste// ma skyes rnam par dag pas sgrib pa med// bgrod pa'i lam dang bral bas gol sa med// ye nas lhun gyis grub pas

  36. 19a

    btsal du med// chos kun snying po byang chub sems gcig la// gcig la rnam par bgrangs pas gol sgrib byung // bgrod du med pa bgrod pas gol sa byung // dmigs med bltas pas ma mthong sgrib pa byung // de bzhin nyid du thams cad gcig pa la// rgyu spyad 'bras bu phyi mar 'dod pa ni// pha rol phyin bcus bcu thob 'dod pa// bskal pa gsum gyi bar du gol nas bsgribs// phyi nang rtog pa dag pa rnam gsum gyis// byang chub lnga dang cho 'phrul yan lag gis// dam tshig sdom pa tshul bzhin dag na yang // mi tshe bdun gyi bar du gol zhing bsgribs// rgyu la spyod cing 'bras bu lta ba ni// lta spyod so so gnyis su bltas pa yis// gnyis su med la mi tshe gsum bsgribs gol// snying po gcig la blang dor byed pa de// gcig tu ma mthong gnyis su mthong bas na// blung dor ma bral bar du gol zhing bsgribs// rang byung gcig la yin pa gsum bsgoms pas// rtsol bral yul las gol zhes lung ston cig/ ji ltar snang zhing srid pa'i chos rnams la// snying po de bzhin nyid du ma rtogs parata dbyings dang ye shes rgyu 'bras bltas pa'i phyir// rgyu yi sgros dang 'bras bu'i skur yin pas// sgro skur gnyis bral yid ches bar du bsgribs// med pa'i 'bras

  37. 19b

    bu 'dod pa rnam drug ni// rgyu la bden pa gnyis kyis thob byed dang // dag gsum spyad pas 'bras bu thob byed dang // lta spyod so so sa thob par 'dod pa dang // blang dor spyad pas thob par 'dod pa dang // rim pa gsum bsgoms thob par 'dod pa dang // rgyu 'bras dbyings nyid ye shes bltas pa yis// thob par 'dod pa'i nges thob rnam pa drug/ gol sa drug dang sgrib pa drug drug ste// byang chub sems la gol sgrib skyon yin pas// nges thob drug gi skyon ni bsal bar gsungs// rtog dpyod gnyis kyang gol sa sgrib pa la// gzung 'dzin gnyis kyang gol sa sgrib par bshad// lta spyod gnyis kyang gol sa sgrib par bshad// lta spyod blang dor rtsol sgrub rgyu 'bras rnams// mi rtsol bde ba che la kun gol bsgribs// byang chub sems ni nam mkha' lta bu ste// nam mkha' lta bu'i sems nyid chos nyid la// lta ba bsgom med dam tshig bsrung du med// rdzogs chen byang chub sems kyi lta ba'o// 'phrin las btsal med ye shes sgrib pa med// sa la sbyang med bgrod pa'i lam yang med// phra ba chos med gnyis med 'brel ba med// sems las nges lung gtan la 'bebs pa med// sgo skur 'das pas man ngag la bzlar med/ rdzogs chen byang chub sems kyi lta ba'o// lta med gcig

  38. 20a

    la bsgom med drug bsgoms pas// la gol la sgribs lta ba'i gol sgrib byung // bsrung med gcig la sdom pa drug bsrungs pas// la gol la/ sgribs dam tshig gol sgrib byung // btsal med gcig la 'phrin las drug btsal bas// la gol la sgribs 'phrin las gol sgrib byung // sgrib med gcig la ye shes drug byung bas// la gol la sgribs ye shes gol sgrib byung // sbyang med gcig la sbyangs thob drug byung bas// la gol la sgribs sa yi gol sgribs byung // bgrod med gcig la lam bgrod drug byung bas// la gol la sgribs lam gyi gol sgrib byung // gzung med gcig la 'dzin byed drug byung bas// la gol la sgribs chos kyi gol sgrib byung / ta gnyis med gcig la 'brel pa drug byung bas// la gol la sgribs 'brel ba'i gol sgrib byung // bden pa gcig la nges pa drug byung bas// la gol la sgribs lung gi gol sgrib byung // sgros med gcig la rjod byed drug byung bas// la gol la sgribs man ngag gol sgrib byung // kun gyi snying po byang chub sems 'di ni// ye nas rang gi rang bzhin lhun grub pas// rang bzhin bcu yis btsal zhing bsgrub mi dgos// nga yi rang bzhin kun dpe nam mkha' 'dra// nam mkha' dag la kun kyang rtsol mi

  39. 20b

    byed/ nam mkha' dag la kun kyang btsal bya ru// nam mkhas kun byas rtsol sgrub kun las 'das// de bzhin kun byed snying po byang chub sems// nga yi spyod yul kun las 'das pa'i phyir// nga la bltar med bsgom du ye nas med// de bzhin rang bzhin bcu po des kyang ni// 'das pa nga la bya ru yod ma yin// rgyu dang 'bras bu'i theg/ pa can rnams kyis// rang bzhin bcu yis nga la btsal byas na// nga dang nga yi rang bzhin mthong 'dod pas// mkha' la gom bor sa la ltung ba bzhin// rang bzhin bcu pos bgrod pas ltung bar 'gyur// nga yi rang bzhin nges par khungs bstan pa// nga ni spyod yul kun las 'das pa'i phyir// lta ba bsgom du med pa de bzhin du// rang bzhin bcu la de bzhin don med kyis// rang bzhin bcu la don yod ma rtogs shig/ nga ni bltas pas mthong ba'i yul med pas// lta bar ma byed de bzhin nyid du zhog/ spros bral ma skyes bral ba'i rgyu med pas// sdom pa dang ni tshul khrims bsrung mi dgos// snying po ye nas lhun gyis grub pa'i phyir// rtsol ba dang ni bsgrub pa bya mi dgos// rang byung ye shes sgrib pa med pa'i phyir// rig pa'i yeng shes gsal bar bskyed du med// thams cad nga yi sa ru gnas pa'i phyir// sbyangs nas bgrod pa'i sa ni yod ma yin//

  40. 21a

    nga yis kun la khyab par gnas pa'i phyir// nga la bgrod par bya ba'i lam yod min// nga ni ye nas gzung 'dzin bral ba'i phyir// phra ba zhes ni ming du gdags su med// nga yi gzugs kyis kun la khyab pa'i phyir// gnyis zhes bya ba ye nas yod ma yin// nga ni ye nas rang byung ye shes pas// nga la gzhan gyis gtan la dbab tu med// nga ni kun gyi byang chub snying po bas// gsang ba'i man ngag gzhan na yod ma yin// sgo dang skur pa kun las 'das pa'i phyir// chos rnams kun gyi la ni nga yis bzlas// nga med pa yi yul na gzhan med pas// lta ba bsgom du med par la yang bzlas// nga las gzhan du bsrung du med pa'i phyir// dam tshig bsrung du med par la yang bzlas// nga las gzhan du btsal du med pa'i phyir// 'phrin las bya ru med par la yang bzlas// nga las gzhan du gnas pa med pa'i phyir// sa la sbyang du med par la yang bzlas// nga la sgrib pa ye nas med pa'i phyir// rang byung ye shes yin par la yang bzlas// nga ni ma skyes chos nyid yin pa'i phyir// phra ba chos nyid yin par la yang bzlas// nga las gzhan du bgrod du med pa'i phyir// lam la bgrod du med par la yang bzlas// sangs rgyas sems can snang srid snod bcud kun// snying po byang chub pa

  41. 21b

    las byung ba'i phyir// ye nas gnyis su med par la yang bzlas// rang byung ye shes gtan la 'bebs pa'i phyir// lung chen thogs 'bebs yin par la yang bzlas// chos rnams thams cad nga las med pa'i phyir// kun byed nga ni kun gyi la bzla'o// nga ma shes pa sgrib pa'i ngo bor bshad// nga las gzhan btsal gol sa byung ba yin// las dang shes bya rnam pa gnyis su bstan// ma mthong ba ni las kyis sgrib pa yin// ma shes pa ni shes bya'i sgrib pa yin// ji ltar snang ba'i chos rnams thams cad kun/ snying po byang chub sems kyi ngo bo bas// ma rig ma shes sgrib gnyis ngo bor bshad// btsal zhing sgrub pa gol sar ngas bshad do// kyesems dpa' chen po nyon cig/ ji ltar snang ba'i chos rnams thams cad ni// rang yin gzhan min de la rang rtog na// de ni rang gis rang la bsgribs pa ste// rang gi rang bzhin de yis shes pa min// ji ltar snang ba'i chos rnams thams cad kun// sems pa nyid yin nyid las gzhan min phyir// mi rtog mnyam pa nyid du bde/ bar gnas// de la bde ba'i don ni 'di lta ste// rang bzhin chen po bcu la btsal mi dogos// rang bzhin chen po bcu la ma btsal bas// gol sa sgrib pa drug drug bcu

  42. 22a

    po yi/ sum brgya drug cu gol sgrib mtha' yas med// kye sems dpa' chen po nyon cig/ ji ltar snang ba'i chos rnams thams cad kun// rang bzhin snying po byang chub mngon phyung gis// 'di ma yin gyi chos ni gzhan ma bshad// 'di la ma rtog shig par nga lung ston// sems dpa' khyod kyis 'khor gyi tshogs rnams la// ngas bstan bzhin du tshogs la lung ston cig/ ces gsungs so// byang chub kyi sems kun byed rgyal po las/ gol sgrib skyon sel gyi le'u ste dgu pa'o// / de nas byang chub kyi sems kun byed rgyal pos/ nyid kyi rang bzhin phun sum tshogs pa 'di gsungs so// kyi sems dpa' chen po nyon cig/ kun byed nga la thams cad tshogs pa'i phyir// de phyir phun sum tshogs zhes bya bar bshad// kun byed nga yi rang bzhin rnam gsum las// ston pa bstan pa 'khor rnams byung ba'i phyir// kun byed ces ni de la btags pa yin// dang por ston pa phun sum tshogs pa ni// kun byed nga yi rang byung ye shes las/ rang bzhin rnam pa gsum du byung ba des// sku gsum ston pa gsum du bstan pa yin// chos kyi sku dang longs spyod rdzogs pa dang // sprul pa'i sku dang

  43. 22b

    rnam pa gsum du bstan// sku gsum de yi rang bzhin 'di lta ste// chos kyi sku yi rang bzhin bstan pa ni// ma skyes gzung 'dzin bral ba'i rang bzhin bzhugs// lodra/ spyod rdzogs pa'i sku yi rang bzhin ni// ji ltar 'dod pa'i longs spyod rdzogs par bzhugs// sprul pa'i sku yi rang bzhin bstan pa ni// ji ltar 'dul ba'i sku ru sprul nas bzhugs/ ta sku gsum ston pa de yi bstan pa ni// phyi nang gsang ba rnam pa gsum du bstan// ston pa chos sku'i bstan pa 'di lta ste// gsang ba gsum gyi rang bzhin bstan pa ni// gzhi ma chos nyid dag gi rang bzhin las// gsang ba bskyed dang gsang ba rdzogs pa dang // gsang ba rdzogs pa chen po'i rang bzhin gsum// kun gyi spyod yul ma yin gsang bar ba shad// med pa'i rim pa gsum bskyed gsang ston pa// de ni gsang ba bskyed pa zhes su bshad// gsang pa rdzogs pa zhes su sku bstan pa// nang ging shes rab ting 'dzin gsang mi rtog/ ji ltar snang ba'i chos rnams thams cad la// nang gi ting 'dzin shes rab snying po brjod// rang rgyud dag par ye nas lhar byas nas// rang gi lus kyi rdo rje skye mched rnams// lta spyod blang dor gnyis med bdag nyid 'dod// de ni nang gi gsang ba rdzogs par

  44. 23a

    bshad// gsang ba rdzogs pa chen por bstan pa ni// ji ltar snang ba'i chos rnams thams cad kun// ting 'dzin gsum gyis byang chub sems ma bskyed// snying po yig 'bru brjod nas rdzogs ma byas// kun byed nga ni rdzogs pa chen po ste// nga la ma rdzogs pa ni gang yang med// nga yi rang bzhin rnam gsum bstan pa ni// rdzogs chen byang chub sems gsum bstan pa yin// de ni gsang ba rdzogs pa chen por bshad// de ni ston pa chos sku'i bstan par bshad// ston pa longs spyod rdzogs sku'i bstan pa ni// bya ba byed pa'i phyi ba sde gsum ste// bya ba byed pa'i rtog can sde pa ni// dang po rnam par mi rtog ting 'dzin gyis// phyi nang rtog pa dag pa gsum bsgom pa// rtog pa'i gza' skar dus tshod sgo nas 'jug/ byang chub dang ni cho 'phrul sna tshogs kyis// bdag dang yang shes lha ni rje kho la tshul// dag pa gsum gyis mchod pa de byas nas// med par sku gsung thugs kyis dngos grub 'dod// don dam kun rdzob gnyis ka sgyu mar bshad// lta ba spyod pa gnyis su 'byed pa yi// gnyis la brten nas don gcig sgrub byed pa// yod pa'i spyod pas med pa'i don sgrub pas// rten med mkha' la spyang mo myug pa 'dra// blang dor byed

  45. 23b

    pa'i phyi ba gsang ba ni// mi rtog ting 'dzin byin brlabs cho 'phrul gyis// thams cad byin brlabs ye shes sems dpar byas// mchod pa phyi nang gsang ba gsum mchod nas// sku gsung thugs dang phyag rgya bzhi ldan pa'i// ji ltar 'dod pa'i dngos grub thob re ba// chags med re ba 'jog pa'i ting 'dzin te// lta spyod blang dor byed pas grub pa med// longs spyod rdzogs pa'i sku yi bstan par bshad// ston pa sprul pa'i sku yi bstan pa ni// nyan thos rang rgyal theg chen mdo sde gsum// phyi zhes mtshan nyid phyi ba zhes su bstan// kun byed nga yi ngo bo 'dod yon lnga// ye shes lnga yi ngo bo phyung ba la// 'dod chags zhe sdang gti mug gsum byung ste// de dag 'dul ba'i gnyen por gsungs pa ni// chos kyi sgo mo brgyad khri bzhi stong ste// 'dod pa'i yon tan rnam pa lnga byung bas// gzugs dang sgra dang dri ro reg bya las/ 'dod chags zhe sdang gti mug rnam gsum byung // de dag 'dul ba'i gnyen por sde snod gsum// 'dod chags 'dul ba'i gnyen por gsungs pa ni// 'dul ba nyi khri tshig stong gsungs pa yin// gti mug 'dul ba'i gnyen por gsungs pa ni// mdo sde'i sde snod nyi khri chig stong gsungs// zhe sdang 'dul ba'i gnyen por gsungs pa ni//

  46. 24a

    mngon pa'i sde snod nyi khri chig stong gsungs// dug gsum cha mnyam 'dul ba'i gnyen po ru// sde snod gsum las nyi khri chig stong gsungs// spyi ru brgyad khri bzhi stong gsungs pa yang // dug gsum gnyen po 'dul phyir gsungs pa yin// mtshan nyid rgyu yi theg pa rnam gsum ste// sgo ni mdo sde 'dul ba mngon pa gsum// de ni bsdus pa'i don zhes bstan pa yin// mdo sde la yang bshad lugs bcu dang gnyis// so sor dbye ba'i don du bstan pa yin// dug gsum rgyu las 'bras bu ngan song gsum/ sems can rgyu las lta spyod dge sdig gnyis// 'bras bu mtho ris ngan song rnam gnyis so// mtshan nyid rgyu las rab tu bsgrags pa yin// 'di ni sngar gsun/ da gsung phyis gsung 'gyur// 'di don brjod du med pa'i don de ni// snga ma ma gsungs da ltar mi gsung ste// sprul pa'i sku yis phyis kyang gsung mi 'gyur// de bas sprul pa'i sku yi bstan par bshad// kye sems dpa' chen po/ kun byed nga yi rang bzhin rnam gsum las// 'khor gyi dang po ston pa rnam gsum shar/ sku gsum ston pa gsum gyi 'khor bstan pa// kye sems dpa' chen po nyon cig/ ston pa chos kyi sku yi 'khor bstan pa// nga yis byas pa'i 'khor ni thams cad kun//

  47. 24b

    nga yi rang bzhin chos kyi sku 'khor yin// sangs rgyas sems can snang srid snod bcud kun// chos kyi sku yi 'khor du ma 'dus med// ces gsungs so// kye sems dpa' chen po nyon cig/ ston pa longs spyod rdzogs sku'i 'khor bstan pa// mos spyod bzhi yis las 'das pa yi// dang po rab tu dga' ba'i sa mnan nas// sa bcu chos kyi sprin gyi sa pa rnams// de ni longs spyod rdzogs pa'i 'khor du bstan// ston pa sprul pa'i sku yi 'khor bstan pa// mu stegs mu stug phyal brgyang 'phen bzhi// bla med byang chub lam las gtan gol bas// dbang po sems bsgyur thugs rjes byin brlabs nas// dge slong pho mo dge bsnyen pho mo bzhi// ston pa sprul pa'i sku yi 'khor du bstan// ces gsungs so// kye sems dpa' chen po nyon cig/ nga las byung ba'i ston pa sku gsum gyi// sku gsum so so rang re'i gnas bstan pa// ston pa chos sku'i gnas ni 'di lta ste// 'og min chos kyi dbyings kyi pho brang ste// yang dag don gyi 'og min de ru bshad// ston pa long sgra rdzogs pa'i gnas bstan pa// 'jig/ rten mtshan ma kun gyi steng gyur pa// gnas kyi 'og min khang bu brtsegs pa yi// gzhal yas khang de gnas kyi 'og min bshad// ston pa sprul pa'i sku yi gnas bstan

  48. 25a

    pa/ sprul pa'i sku ni rabs bdun shAkya thug/ gnas ni bya rgod phung po'i gnas bstan te// yang dag thugs rje'i sprul pa nges med gnas// zhes gsungs so// kye sems dpa' chen po nyon cig/ nga las byung ba'i ston pa sku gsum gyi// 'dul ba'i zhing khams khyad par bstan pa ni// chos sku ston pas 'dul ba'i zhing khams ni// chos kyi dbyings kyi mtha' yis klas pa dang // nam mkha'i khams kyis ji ltar khyab pa de// chos kyi sku yis 'dul ba'i zhing khams yin// longs spyod rdzogs skus 'dul ba'i zhing khams ni// nga las byung ba'i gzugs sgra dri ro reg/ ji ltar 'dod pa'i longs spyod spyod pas 'dul// sprul pa'i sku yis 'dul ba'i zhing khams ni// 'dzam bu gling ni bya ba phrag brgya las// rang byung ya shes thugs rjes rgyud drug 'dul// de ni mthun pa'i bye brag bstan pa yin// nga las byung ba'i ston pa sku gsum ste// rgyu mthun 'bras bu mthun la rang bzhin gcig/ rgyu ni byang chub sems su kun mthun la// 'bras bu sangs rgyas yin par kun kyang mthun// rang bzhin chos nyid ngo bo gcig par bstan// 'dul ba'i dus la snga phyi phye ba med// ces gsungs so// kye sems dpa' chen po

  49. 25b

    yang nyon cig/ kun byed rgyal po nga las byung ba yi// sku gsum ston pa de yi bshad lugs ni// ston pa chos skus byin gyis brlabs kyis bshad// longs spyod rdzogs pas rang gi ngo bos bshad// sprul pa'i sku yis tshig dang don sdebs nas// gang zag rna ba'i dbang por tshig don ston// chos sku'i byin gyis brlabs kyis bshad pa ni// kun byed nga yi rang bzhin bstan pa ste// skye ba med las skye ba'i cho 'phrul du// ji ltar snang srid snod bcud thams cad kun// ngo bo thugs rje cho 'phrul phyung ba ste// rang bzhin byin gyis brlabs kyis bshad ces bya// longs spyod rdzogs sku rang gi ngo bo ston// ji ltar snang ba'i chos rnams thams cad kun// / gzugs sgra dri ro reg bya la sogs pa'i// 'dod pa'i longs spyod thams cad rdzogs par ston// rang gi ngo bos bshad ces nga yis bstan// sprul sku'i tshig dang yi ge/ sdebs bshad pa// ji ltar snang ba'i chos rnams thams cad kun// ston pa'i ngo bor ston pa ma rig ste// ston pa zhes pa'i khyad par 'dod sprul pas// don rnams tshig dang yi ger sgrar brjod pas// tshig gi sgra des don rnams go byas nas// don de tshig sgra de yis bshad pa yin// kye sems dpa' chen po

  50. 26a

    'di nyon cig/ kun byed nga ni sku gsum ngo bo ste// mi rtog mnyam pa nyid du gnas pa de// spros bral chos kyi sku yi ngo bo yin// rang bzhin 'byung ba'i skye ba'i cho 'phrul de// 'dod pa 'byung ba'i longs spyod rdzogs sku yin// thugs rje ji ltar 'dul ba'i don mdzad pa// de ni sprul pa'i sku yi ngo bo yin// kun byed rgyal po'i rang bzhin rnam gsum gyis// gang la gang gis 'dul ba'i skur ston mdzad// bstan pa'i rang bzhin brjod du med pa'i don// gang la gang 'tsham de yis don mdzad pa// de ni bstan pa phun sum tshogs par gsungs// 'khor gyi rang bzhin gang la gang 'dus nas// de la 'dus nas de yi gdung 'tsho ba 'dzin// de la phun sum tshogs pa'i 'khor zhes bya// nga ni ston pa kun byed byang chub sems// kun byed gcig la rnam pa gsum bgrangs pa// kun byed nga dang nga yi rang bzhin dang // nga yis byas pa'i chos dang rnam pa gsum// nga ni ston pa kun byed kun gyi mes// nga yi rang bzhin rnam pa bcur bstan pa// de ni bstan pa kun gyi snying por bshad// kun byed nga yis byas pa'i chos rnams kun// dus gsum gcig na bzhugs pa'i sangs rgyas dang // khams gsum gnas pa'i 'gro ba thams cad kun// dbye

  51. 26b

    pa med pas 'khor gyi dam par byas// kun byed gcig gis phun sum tshogs byas pas// sems kyi dgos pa kun byas phun sum tshogs// gang la gang dgos dgos pa tshogs pa la// kun byed nga yis phun sum tshogs par bshad// ston pa'i rang bzhin rnam pa gsum bstan te// chos sku ye shes sku dang thugs rje'i sku/ sku gsum gang gis 'dul ba'i ston sku la// nyid dang mthun pa'i gnas 'khor phun sum tshogs// ston pa'i ston pa kun byed rgyal po ngos// nga yi rang bzhin rnam pa gsum bstan pa// 'khor gyi dang po ston pa sku gsum shar// ma skyes gzung 'dzin bral ba'i ye shes te// 'khor gyi dang po ston pa chos skur shar// skye ba'i cho 'phrul kun bzang rol pa de// 'dod spyod longs spyod rdzogs pa'i sku ru shar// sna tshogs ji ltar 'dod pa phyung nas ni// de dang mthun par kun kyang tshim byed pa// de ni sna tshogs sprul sku zhes su bshad// sku gsum ston pa grags phyogs mthong ba dang // sangs rgyas byang chub sems dpa' bzod thob gsum// gang 'thad ston ba'i sku la de 'dus nas// de dang mthun pa'i gnas dang don ston bzhugs// bstan pa'i rang bzhin yang ni de 'dra ste// sku gsum gang gis 'khor la gang ston pa//

  52. 27a

    gang la gang gis 'dul ba'i 'khor rnams la// sangs rgyas lha mi 'jig rten las dag la// bstan pa 'dul phyir phun sum tshogs zhes bshad// mi gnas chos sku dbyings na bzhugs pa yis// dus gsum sangs rgyas khams gsum sems can la// spros med byang chub sems ni chos skus bstan// ye shes 'og min longs spyod bzhugs pa yis// sa bcu pa yi byang chub sems dpa' la// byang chub sems de sku dang ye shes bshad// thugs rje sna tshogs nges med sprul pa yis/ bzod thob gang na 'dus pa'i 'khor de la// ma nges gang gis 'dul ba'i don yang bstan// smon lam las bzang rkyen gyis bar mchod// nga yi thugs rje sems dpa'i dus la bab// nges bstan 'khor gyi nang na khyod sdud dang // gnyis med don nyid nga yis bstan pa gsum// tshogs pas dus gnas rang bzhin de la tshang // phun sum tshogs pa rnam pa gsum po de// ye nas dkon pa'i dkon mchog gsum du bstan// kun byed nga yi sku gsung thugs su bshad// ston pa dkon pa'i sangs rgyas dkon mchog ni// chos sku longs spyod sku dang sbrul sku ste// bstan pa dam chos dkon pa'i gsung mchog ni// brjod du med pa'i kun byed gsung mchog gsum//

  53. 27b

    'khor gyi dge 'dun thugs mchog de la ni// gang la gang dgos gang 'tsham ston par byed// nga ni ston pa kun byed byang chub sems// sku gsum byed pa'i ston pa ngas byas nas/ bstan pa dam chos gsum du bkod pa ni// phyi dang nang dang gsang ba gsum du bkod// de la rnam pa gsum gsum dgur grags pa// sprul skus thugs rjes ji ltar 'a la gsum sgrogs// longs spyod pa byed phyi nang gsum du sgrogs// chos skus gsang ba'i mngon pa gsum sgrogs pa// phyi dang nang dang gsang ba gsum po de// lus dang ngag dang yid dang sku gsung thugs// de las 'phros pas rnam pa dgur byung ba// la dgu lung dgu lam dgu bgrod pa yis// theg gcig kun byed byang chub sa la bgrod// kun byed bya byed med par rtsol sgrub 'das// bgrod pa med par byang chub sa la phyin// ces gsungs so// byang chub kyi sems kun byed rgyal po las/ phun sum tshogs pa shin tu bkod pa'i le'u ste bcu pa'o// // de nas byang chub kyi sems kun byed rgyal pos/ chos thams cad kyi rtsa ba bsdus pa 'di gsungs so// kye sems dpa' chen po nyon cig/ chos thams cad kyi rtsa ba dang rang bzhin ni 'di lta ste/

  54. 28a

    nga ni chos kun rang bzhin yin pa ste// nga yi rang bzhin las ni chos gzhan med// ston pa sku gsum nga yi rang bzhin yin// dus gsum sangs rgyas nga yi rang bzhin yin// byang chub sems dpa' nga yi rang bzhin yin// rnal 'byor rnam bzhi nga yi rang bzhin yin// 'dod khams gzugs khams gzugs med khams gsum yang // kun byed nga yi rang bzhin bstan pa yin// 'byung chen lnga yang nga yi rang bzhin yin// rgyud drug sems can nga yi rang bzhin yin// snang ba thams cad nga yi rang bzhin yin// srid pa thams cad nga yi rang bzhin yin// snod bcud bsdus pa nga yi rang bzhin yin// nga yi rang bzhin las ni gzhan med pas// chos rnams kun gyi rtsa ba nga la 'dus// nga la ma 'dus pa ni gcig kyang med// ma skyes pa dang skye ba'i cho 'phrul dang // thugs rje'i rang bzhin rnam pa gsum byung ba// de ni ston pa gsum gyi rang bzhin yin// snga ma da ltar phyi ma dus gsum yang // nga nyid gcig tu gnas pa'i rang bzhin la// sangs rgyas thams cad gcig tu gnas pa'i phyir// de yang nga yi rang bzhin bstan pa yin// nga nyid gzung 'dzin bral bas byung ba dang // nam mkha' bzhin du kun la khyab pa dang // chos rnams kun gyi snying po

  55. 28b

    byed pa'i phyir// byang chub sems kyang nga yi rang bzhin yin// kun byed nga ni gcig tu gnas pa la// nga yi rang bzhin de bzhin rnal ma la// rnam bzhi 'byor pa rnal ma gcig tu 'byor// des na nga yi rang bzhin yin par bshad// kun byed nga yi lus ngag yid gsum las// 'byung yang nga yi rang bzhin de las 'byung // 'dus kyang nga yi/ rang bzhin de ru 'dus// yin yang nga yi ngo bo de yin pas// khams gsum nga yi rang bzhin yin par bshad// kun byed nga yi rang bzhin rnam lnga ni// nga yi ngo bo rnam lnga phyung ba ste// nam mkha' rlung chus me snang ba lnga// kun byed nga yi rang bzhin bstan pa yin// kun byed nga yi thugs rjes mngon phyung nas// rang byung ye shes rnam lnga bstan pa ni// 'gro ba rigs drug sems can snang ba yang // kun byed nga yi rang bzhin bstan pa yin// kun byed rgyal po nga yi rang bzhin las// snang srid snod bcud bsdus pa thams cad kun// thams cad ngas byas nga las byung ba'i phyir// ngar ma 'dus pa'i chos ni gcig kyang med// nga las byung ba'i ston pa sku gsum yang / kun byed nga yi rang bzhin rnam gsum ston// snga ma da ltar phyi ma dus gsum gyi// rnam gsum gcig tu gnas pa'i sangs rgyas kyang // snga phyi med par kun byed rang bzhin/

  56. 29a

    gnas// ta gzung 'dzin bral ba'i byang chub sems dpa' yang // kun byed nga yi rang bzhin sems dpar byed// rnal 'byor rnam bzhi rnal mar 'jog pa yang // kun byed nga las rnal du 'jog par byed// kun byed rgyal pos thams cad byas pa bzhin// thams cad kun byed rgyal po nyid du 'dus// zhes gsung so/ byang chub kyi sems kun byed rgyal po las/ chos thams cad kyi rtsa ba byang chub kyi sems kun byed rgyal po nyid kho nar 'dus pa'i le'u ste bcu gcig pa'o// / / de nas byang chub kyi sems kun byed rgyal po des/ chos thams cad kyi khungs kyi mdo 'di gsungs so// kye sems dpa' chen po/ nga ni kun gyi lung khungs yin pa ste// 'di ltar snang ba'i chos rnams thams cad kun// thams cad nga las byung bar shes par gyis// chos kyi spyi khungs chen po 'di nyon la// chos rnams thams cad 'di ltar lung ston cig/ kun byed rgyal po byang chub sems pa ni// lung chen kun gyi rgyal po nga yin pas// ston pa gsum yang dang por nga las byung / lung zhes bya ba ston pa'i bka' la gdags// man ngag kun gyi rtsa ba nga yin pas// sems las ma gtogs pa yi chos nyid ni// dus gsum sangs rgyas

  57. 29b

    khams gsum sems can la// kun byed nga yis yang dag bstan pa med// rgyud dang mdo sde kun gyi spyi 'grel yin// rgyud dang mdo sde ston pa'i ston pa yang // kun byed nga yi rang bzhin phyung ba yin// ston pa dang ni bstan pa gnyis ka 'grel// kun byed rgyal po byang chub sems nga ni// bstan pa kun gyi yang rtse yin par bshad// nga las byung ba'i ston pa sku gsum gyis// bstan pa'i 'dul ba mdo sde mngon pa dang // tan+ta so so'i snga ni 'bum sde dang // bskyed rdzogs gsang ba la sogs rtsol sgrub can/ kun kyang rtsol sgrub 'das pa nga la bgrod// rtsol sgrub nyid kyis 'das pa nga mi mthong // des na bstan pa kun gyi yang rtsa yin par bshad// kun byed rgyal po byang chub sems nga ni// theg pa kun gyi nying khu yin par bshad// ston pa gsum gyi gnas pa'i theg pa gsum// nges par gnas pa'i theg pa gcig las med// gcig ni kun theg byang chub sems kyi sa// de ni theg pa kun gyi nying khur bshad// kye nga ni ma rig pa yi mun bsal nas// ye shes chen po'i snang ba mchad par byed/ de yang ji lta bu zhes bstan zhe na// ji ltar snang ba'i chos rnams thams cad kun// byang chub de bzhin nyid du ma rig ste// ma rig rtog pa'i mun pas 'thibs

  58. 30a

    pa la// ji ltar snang ba'i chos rnams thams cad kun// kun byed byang chub sems kyis byas pa'i phyir// kun byed byang chub sems su rig byas nas/ ji ltar snang ba'i chos rnams thams cad kun// so sor rtog pa'i mun pa bsal nas kyang // rang byung ye shes chen po'i snang ba mched// des na ma rig mun sel snang ba mched ces bya// kye sems dpa' chen po/ rnam par rtog pa'i dra ba dral nas ni// nyon mongs pa yi 'phreng thag gcod par byed// ji ltar snang ba'i chos 'di thams cad la// rgyu dang 'bras bu'i theg pa can rnams kyis// la las dug mthong spong ba'i rtog pa byed// la las sems chags pa yi yul mthong nas// bden gnyis ma chags pa yi rtog pa byed// la las rnam dag bya ba'i yul mthong nas// dag pa gsum dang byin rlabs cho 'phrul gyis// rje dang khol po'i tshul du rtog par byed// la las rang rgyud dag pa'i rang bzhin la// bsnyen bsgrub rnam bzhis sgrub 'dod rtog byed pa// thams cad kun byed byang chub sems nga yis// sems las gzhan ma yin rtog dral nas ni// so sor rtog pa'i nyon mongs 'phreng thag gcod// ces gsungs so// kye sems dpa' chen po/ kun byed rgyal po byang

  59. 30b

    chub sems nga ni// khyod kyis nga yi rang bzhin 'di rtogs la// ji ltar snang ba'i chos rnams thams cad kun// nga las gzhan med pa ru lung ston cig/ khyod kyis nga yi lung 'di bstan gyur na// khyod la 'dus pa'i 'khor tshogs thams cad kyis// kun byed nga yi rang bzhin rtogs gyur nas// kun kyang nga yi rang bzhin nyid du 'gyur// kun kyang nga yi rang bzhin gyur pa na// ji ltar snang ba'i chos rnams thams cad la// kun kyang spong 'gegs bden gnyis sbyong mi byed// gtsang sbras dag gsum byin gyis rlob mi byed// ting 'dzin sems bskyed rtsol dang sgrub mi byed// thams cad kun byed nga ru byas zin pas// kun byed nga ru thams cad mnyam pa nyid// mnyam nyid nga yis mnyam nyid bya mi dgos// mnyam nyid bya mi dgos par sngar lung bstan// zhes gsungs so// byang chub kyi sems kun byed rgyal po las/ nges par lung khungs bstan pa'i le'u ste bcu gnyis pa'o// // de nas byang chub kyi sems kun byed rgyal po des/ lung thams cad kyi rgyal po yin pa'i phyir/ chos thams cad kyi spyi lung bshad pa'i bshad lugs 'di gsungs so// kye sems dpa' chen po nyon cig/ nga ni chos kyi spyi lung yin pa'i phyir// gtan

  60. 31a

    tshigs don gyi bshad lugs rnam lnga ni// spyi don rnam pa lnga yis bshad pa ste// lo rgyus don gyi ba shad lugs bstan pa dang // rtsa ba'i don gyi bsha lugs bstan pa dang // yo ga'i don gyi bshad lugs bstan pa dang // dgos pa'i don gyi bshad lugs bstan pa dang // tshig gi don gyi bshad lugs bstan pa'o// dang po yid ches pa yi khungs bstan phyir// lo rgyus don gyi bshad lugs bstan par bya// chos kun rtsa ba sems su 'dus pa'i phyir// de nas rtsa ba'i don de bstan par bya// theg pa'i khyad par so sor dbye ba'i phyir// yo ga'i don gyi rtsa ba bstan par bya// rtsol sgrub bya mi dgos par bstan pa'i phyir// dgos ched don gyi dgos pa de ru bstan// mi rtogs don de rtogs par bya ba'i phyir// tshig gi don de sgra ru brjod par bya// kye sems dpa' chen po nyon cig/ lo rgyus don gyi dgos pa bstan pa ni// dang por yid ches pa yi khungs bstan phyir// lo rgyus don gyi bshad lugs bstan pa ni// rang bzhin byin gyis brlabs kyi bshad lugs dang // rang gi ngo bo bstan pa'i bshad lugs dang // don gyi sgra tshig bsdebs pa'i bshad lugs so// kun byed nga yi rang bzhin rnam gsum las// nga las byung ba'i ston pa

  61. 31b

    sku gsum gyis// rang bzhin dang ni ngo bo sgra tshig gis// ji ltar byung ba'i khungs des yid kyang ches// kye sems dpa' chen po nyon cig/ rtsa ba don gyi dgos pa bstan pa ni/ snang srid snod bcud bsdus pa thams cad dang // sangs rgyas sems can bsdus pa thams cad kun// kun byed byang chub nga yis byas pa'i phyir// thams cad byang chub sems las ma gtogs pa// gzhan zhes bya ba ye nas med pa'i phyir// kun kyang byang chub sems su bstan pa'i phyir// rtsa ba'i don gyi dgos ched bstan pa yin/ kye sems dpa' chen po nyon cig/ yo ga don gyi dgos ched bstan pa ni// kun byed nga las byung ba'i sku gsum gyis// longs spyod sku dang chos sku bstan pa ni/ tan+na la sogs yo ga sde rnams las// so so'i khyad par bye brag yod kyis kyang // rgyu 'bras 'das pa nga yis bstan pa ni// rdzogs chen a ti yo ge'i don 'di ni/ theg pa shan 'byed rdzogs pa'i lung zhes bstan// des ni yo ga'i don gyi dgos pa bstan pa yin zhes bya// dgos ched don gyi dgos pa bstan pa ni// bskal pa dpag tu med pa'i sngon rol nas// kun byed byang chub ngal dad pa yi// las dang skal ldan shin tu rnal 'byor pa// lta ba bsgom med dam tshig bsrung du med//

  62. 32a

    'phrin las btsal med lam la bgrod du med// sa la sbyang med rgyu dang 'bras bu med// don dam dang ni kun rdzob rnam gnyis med// bsgom zhing bsgrub tu med par mthong ba dang // sems bskyed med cing gnyen po med mthong bas// kun byed sems kyi rang bzhin mthong ba yi// de lta bu yi dgos ched bstan pa yin// kye sems dpa' chen po nyon cig/ tshig gi don gyi dgos pa bstan pa ni// kun byed byang chub sems nga de bzhin nyid// ji ltar snang ba'i chos rnams bstan pa ni// kun byed de bzhin nyid kyi rang bzhin te// tshig dang yi ge sgra ru ma bsgrags na// gang zag yid kyi dbang po rig pa yis// de bzhin nyid kyi rang bzhin gab mi snang // des na tshig dang yi ge sgra ru bsgrags// de ni tshig gi don gyi dgos par bshad// kye sems dpa' chen po nyon cig/ gang dang gang gi lo rgyus bshad pa ni// ston pa bstan pa 'khor gyi lo rgyus te// ston pa kun byed rang bzhin rnam gsum las// 'khor gyi rang bzhin ston pa sku gsum byung // sku gsum ston pa'i bshad lugs rnam gsum ni// ston pa bstan pa gsum gyi lo rgyus yin// gang dang gang gi rtsa ba bshad pa ni// nga las byung ba'i ston pa sku gsum gyis// ji skad bstan pa'i chos rnams

  63. 32b

    thams cad kun// rtsa ba byang chub sems su bstan pa'i phyir// ston pa dang ni bstan pa 'khor rnams kyi// rtsa ba don gyi gtan tshigs bstan pa yin// nga yi rang bzhin de bzhi// nyid gcig la// rnal 'byor rnam bzhi yo ge'i bye brag ni// lta ba spyod pa dam tshig bsgrub pa dang // mi mthun khyad par so so'i bye brag ste// shin tu rnal 'byor rtsol bsgrub 'das pas 'byed// des ni yo ga'i don gyi gtan tshigs bstan// dgos ched don gyi nges tshig bstan pa ni// dgos ni khams gsum sems can thams cad kun// rang sems de bzhin nyid du mthong 'gyur na// sangs rgyas tshig gi sa la mi gnas te// da lta nyid nas shin tu rnal 'byor thob// las med skal ba chung ba rnams la ni// ma gab mngon du phyung yang mi go ste// gang zhig nor bu rin chen 'dod pa de// shing la byi dor byas pas mi 'gyur bzhin// las bzang skal ldan shin tu rnal 'byor la// lta ba dam tshig 'phrin las sa lam dang // sems bskyed rgyu 'bras bsgom bsgrub gnyen po med// don dam kun rdzob rnam gnyis med mthong ba// des ni sems kyi de bzhin nyid mthong bas// de lta bu la dgos pa'i dgos ched yin// zhes gsungs so// tshig gi don gyi dgos pa'i nges tshig ni// med pa'i don bcu med pa'i sgra dang tshig/ tshig tu brjod pas bya med

  64. 33a

    don mthong nas// bya mi dgos pa'i kun byed de thob nas// tshig gi dgos pa bstan pa yin zhes bya// zhes gsungs so// byang chub kyi sems kun byed rgyal po las/ sems kyi ba shad lugs kyi le'u ste bcu gsum pa'o// // de nas byang chub kyi sems kun byed rgyal pos/ nyid kyi gsang ba dam pa'i gdams ngag 'di gsungs so// kye sems dpa' chen po/ kun byed nga ni kun tu gsang ba'o// nga las byung ba'i sku gsum ston pa la// nga yi rang bzhin rnam gsum mi bstan gsang // nga la gnas pa'i dus gsum sangs rgyas la// nga yi rang bzhin sku gsum ston pa la// nga yi rang bzhin mi bstan gsang bar bya// nga la 'dus pa'i 'khor tshogs thams cad la// nga yi rang bzhin mi bstan gsang bar bya// nga yis byas pa'i khams gsum sems can la// nga yi rang bzhin mi bstan gsangs bya// nga yi rang bzhin ma gsang bstan byas na// sku gsum ston pa nga las 'byung mi 'gyur// sku gsum ston pa nga las ma byung na// bstan gsum theg gsum phun sum tshogs mi 'gyur// bstan gsum theg gsum phun sum ma tshogs na// sangs rgyas chos dang dge 'dun dkon mchog gsum// bla med byang chub kun gyis rig pa

  65. 33b

    med// nga las byung ba'i dus gsum sangs rgyas la// nga yi rang bzhin ma gsang bstan gyur na// sku gsum ston gsum med pa'i skyon du 'gyur// nga la 'dus pa'i dus gsum 'khor tshogs la// nga yi rang bzhin ma gsang bstan gyur na// ston gsum theg pa'i khyad par phyed mi 'gyur// nga yis byas pa'i khams gsum sems can la/ tang yi rang bzhin thugs rje bstan gyur na// ston pa gsum gyi bstan pa gnas med 'gyur// ston pa gsum gyi bstan pa gnas med na// kun byed nga yis byas pa'i chos rnams la// phun sum tshogs pa zhes ni su yis 'dogs// des na kun byed rgyal po nga yis ni// nga yi rang bzhin nga yis phyung nas ni// ngal nga yi rang bzhin nga yis bstan// nga las byung ba'i ston pa'i 'khor rnams la// bstan pa'i lung ni kun byed ngas ma phog/ shin tu rnal 'byor kun byed nga yin pas// de la nga yi rang bzhin bstan par bya// zhes gsungs so// byang chub kyi sems kun byed rgyal po las/ skal med la gsang ba'i le'u ste bcu bzhi pa'o// / / de nas byang chub kyi sems kun byed rgyal pos/ nyid kyi lung chen po mngon du phyung ba'i lung 'di bstan to// kye sems dpa' chen po nyon cig/ kun byed rgyal

  66. 34a

    po nga yis ni// mngon du phyung ba gsum bstan te// nga yi rang bzhin rnam gsum ngas bstan pa// don rnams ston pa'i ston pa dang // don rig 'dod pa'i 'khor rnams dang // ma nor nges pa'i don rnams gsum// kun byed nga yis mngon du phyung // don ston ston pa mngon du phyung ba ni// chos kyi sku dang longs spyod rdzogs// sprul pa'i sku dang rnam pa gsum// 'khor gyi dang po ston pa sku gsum ste// don ston pa yi ston pa de// gzung 'dzin bral ba'i rang bzhin dang // nga yi ngo bo bstan pa dang // thugs rje'i rang bzhin don mdzad gsum// rang bzhin gsum las mngon du phyung // ston pa gsum yang mngon phyung ba'i// don rig 'dod pa mngon phyung ba/ ston pa gsum gyi 'khor gsum ste// de bstan pa yi bye brag ni// dus gsum bzhugs pa'i sangs rgyas dang // khams gsum gnas pa'i sems can kun// mi rtog mnyam nyid gnas pa ste// kun byed nga yis mngon phyung 'khor// dbang po yul gyi rnam pa la// nyon mongs mi skye rnam mi rtog/ rang gi byang chub sems nyid la// chos dang chos nyid rtog byed pa// dang po sa nas bcu par bsgribs// sa bcu byang chub sems dpa' dang // longs spyod 'dod yon rnam pa lngar// mthong ba'i ston 'khor rnam gnyi

  67. 34b

    kyang / nga yis ngo bo mngon phyung yin// de bzhin nyid kyi rang bzhin la// rig pa yid kyi dbang po des// brtags pas mthong ba'i shes pa de// la las rtag pa nyid du mthong // la las stong pa chad par mthong // rgyu 'bras log par mthong ba yi// mu stegs rnam bzhi byin brlabs nas// rgyu dang 'bras bu lung bstan pa'i// sdig spong sems dge rnam bzhi ni// bskal pa chen po gsum par du// gnas pa'i 'khor dang ston pa yang // nga yis mngon du phyung ba yin// ye shes rig pa'i yul can la// yang dag nges bar mngon du phyung // kye sems dpa' chen po/ mngon du phyung ba zhes bya ba// gang gis gang zhig gang mngon phyung ba ni// gang gis nga yi mngon du phyung // gang zhig mngon du phyung ba ni// sems nyid de nyid mngon du phyung // gang gi don du mngon phyung na// yul la so sor lta ba yi// 'khor gyi don du mngon phyung yin// la la spong ba'i don du// phyung / la la 'gegs pa'i don du phyung // la la sbyong ba'i don du phyung // la la dag byed don du phyung // la la blang dor don du phyung // la la bdag nyid don du phyung // la las spang ba'i don du mthong // la las dgag pa'i yul du mthong // la las sbyang ba'i yul du mthong / la las dag byed yul du mthong // la las blang dor yul du

  68. 35a

    mthong // tal las dbang bsdu'i yul du mthong // rgyu dang 'bras bu'i ston pa yi// 'khor gyi tshogs kyi sa de ltar mthong // sems dpa' chen po nga yi rang bzhin mngon phyung la// 'di ni nges par lung ston cig/ nga ni khyod kyi ngo bo ste// nga yi rang bzhin phyung ba ste// khyod kyi rang bzhin phyung ba yin// khyod kyi rang bzhin phyung ba des// rang gi rang bzhin shes par gyis// rang gi ngo bo shes par gyis// rgyu 'bras 'khor la lung ston cig/ ces gsungs so// de nas sems dpa' rdo rje des/ rgyu 'bras kyi 'khor la 'di skad ces gsungs so// kye nga rgyu dang 'bras bu'i ston 'khor rnams// ston pa'i ston pa kun byed kyis// kun byas phun sum tshogs par byas// phun sum tshogs pa mngon phyung ba// nga yi rang bzhin mngon phyung bas// rang gi rang bzhin yin par rtogs// rang gi ngo bo yin par rtogs// de las gzhan yin ma rtog par// rang nyid yin par kun tu rtogs// rang nyid yin par ma rtogs te// yul de rang du ma rtogs par// yul de dgra dang cher brtags/ nas/ rang gi rang bzhin de spangs na// bskal pa brgya phrag yun rings su// chos nyid rang gi sems mi mthong // rang sems chos nyid ma mthong na// bskal pa brgya phrag

  69. 35b

    yun rings su// rang gi byang chub de spong 'gyur// bya med bde chen de mi thob// yul de rang du ma rtogs par// yul de rkyen gyis dgrar brtags nas// rang gi rang bzhin de bkag na// bskal pa brgya phrag yun rings su// chos nyid rang gi sems mi mthong // rang sems chos nyid ma mthong na// bskal pa brgya phrag yun rings su// rang gi byang chub de 'gags pas// bya med bde chen de mi thob// yul de rang du ma rtogs par// yul de sbyang ba'i yul mthong nas// rang gi rang bzhin sbyong byed na// bskal pa chen po gsum bar du// chos nyid rang gi sems mi mthong // rang sems chos nyid ma mthong ste// rang sems sbyang med gdeng dang bral// yul de byang chub rang dag la// gzung // 'dzin dri ma yod mthong nas// phyi nang rtog pa dag gsum gyi// khrus dang gtsang sgras ngag byed pa// dag pa'i rang sems ma mthong bas// rang sems dag pa de dang bral// mi yi skye ba tshe bdun du// rang sems chos nyid de mi mthong // blang dor med pa'i byang chub la// blang dang dor ba'i yul mthong nas// rang byung nyid la blang dor byas// rang gis rang la blang dor byas// bar ma chod kyi tshe gsum du// rang sems gnyis med de mi mthong // lhun gyis grub pa'i byang chub la// btsal zhing sgrub pa'i yul mthong nas// sems

  70. 36a

    bskyed ting 'dzin rnam gsum gyis// thams cad dbang sdud bdag tu byed// rang gi byang chub btsal med la// btsal bas grub par 'dod pa'i phyir// bcu drug zla bas tsha bsgrubs nas// stong dang brgya drug lo yis ni// cha lugs longs sku bzung nas ni// rang sems lhun grub bzod rtog byed// rang sems chos nyid mngon phyung 'di// rgyu dang 'bras bur rtog byed pa'i// rtsol sgrub can la phan med kyang // las dang skal bar ldan pa yi// dgos ched don du phyung ba yin// zhes sems dpa' rdo rjes gsungs so// de nas kun byed rgyal po nyid kyis lung bstan pa/ kye sems dpa' chen po/ chos nyid mngon du phyung ba rang sems yin// rgyu dang 'bras bu theg pa can rnams kyis/ rang sems mngon dung phyung ba ma rtogs te// spong zhing 'gegs pas bskal pa yun ring gnas// sbyong zhing bgrod pas bskal pa gsum du gnas// dag byed khrus dang gtsang sbras mi tshe bdun// byin brlabs blang dor can ni mi tshe gsum// dbang sdud bdag 'dod lo stong brgya drug tu// longs sku cha lugs de yis rang sems rtogs// nam rtogs dus na mi rtsol bde chen thob// kye sems dpa' chen po nyon cig/ rgyu 'bras theg chen bzhin du ma yin gyis// kun byed nga yi lung 'di nges par zung // ji ltar snang ba'i chos rnams/

  71. 36b

    thams cad dang // rang sems chos nyid ya nas gcig yin pas// rgyu 'bras lugs bzhin 'di la rtog ma byed// rang sems de bzhin nyid la brdag bya ru// rang gi byang chub ngo bo snang ba yin// 'di la ma gtogs so sos ming btags pa// kun rdzob snang la don dam mi snang 'dogs// don dam kun rdzob gnyis med bden pa gcig/ bden pa yang dag nges pa yod ma yin// yang dag 'dogs pa nga yang 'khrul pa yin// bde ba 'dod pa chags pa'i nad yin pas// 'dod pa med pas bde ba len par byed// sangs rgyas bsgrub pas grub pa ma yin te// ma btsal rang bzhin gnas pas lhun gyis grub// ma btsal rang bzhin gnas la mi rtog zhog/ sangs rgyas don gyi bla dgos ming 'di la// sangs rgyas yang dag yod par nga mi ston// gang gis sangs rgyas yod par mthong ba ni// chos nyid dbyings las sangs rgyas mi rnyed de// sangs rgyas ma lta rang sems bya med rtogs/ brtags na med de rang sems ye nas gsal// dngos su mi snang rang bzhin kun la khyab// yin pa'i ngo bo snang ba 'di yin te// 'di med snyam pa'i rgyu 'bras theg can la/ spong 'gegs sbyong ba byin rlabs sna tshogs kyis// rang sems chos nyid bya med de las gol// rang gam bzhag nas gzhan ma rgyang nas tshol// bya med bde bor

  72. 37a

    rtsol ba dang du len// tshe chad pa yi nad du de las med// ma yengs ting 'dzin 'dzin pa'i rtod phur yin// ye nas yin la yengs pa'i shor ba med/ ta ma yengs ting 'dzin re ba'i skus mkhan des// rgyu 'bras theg chen drang ba'i lung bstan yin// ye nas yin la yengs me dang shor med de// rtsol sgrub kun gyi gnyen bo 'joms byed de// rgyu 'bras ston pa'i ston pa 'khor rnams la// kun byed nga yi lung 'di bstan gyur na// rgyu las 'bras bu 'byung zhes sgro skur 'debs// sangs rgyas 'dod pa'i rnal 'byor ting 'dzin can// ting 'dzin 'dod pas ma bcos rnal 'byor spangs// ma bcos rnal ma kun gyi chos nyid yin// chos nyid las ni sangs rgyas gud na med/ sangs rgyas ming du btags pa bla dgas yin// chos nyid bya ba gzhan med rang sems te// rang sems ma bcos chos kyi sku ru bshad// ma bcos pa la ye nas sgyu med pas// skye med don la btsal zhing bsgrub tu med// btsal zhing bsgrubs pas bya med grub mi 'gyur// kye sems dpa' chen po nyon cig/ chos kyi sku dang longs spyod rdzogs sku dang // sprul pa'i sku dang ston pa rnam pa gsum// theg gcig theg gnyis theg pa rnam gsum gyi// ston pa kun byed rgyal po nga yis byung // nga ni ston

  73. 37b

    pa kun gyi 'byung gnas yin// nga yi rang bzhin rnam pa gsum las byung // spros bral skye med dga' ba'i 'khor rnams la// nga yi rang bzhin gzung 'dzin bral ba las// mi rtog mnyam pa nyid kyi chos sku phyung // chos sku'i 'khor ni phye ba med pa ste// ma skyes mnyam pa nyid kyi don ston pa// de ni lhag ma med pa'i chos su bshad// nga yi rang bzhin kun tu snang ba las// 'dod spyod dag pa'i 'khor gyi tshogs rnams la// nga yi ngo bo longs spyod rdzogs pa phyung // ngo bo de la lta spyod rdzogs byed pa// de ni thun mong min pa'i theg pa ste// nga yi rol pa'i ngo bo phyung ba yin// nga yi rang bzhin thugs rjer phyung ba la// ji ltar 'dul bar sprul nas don mdzad pa'i// sprul pa'i sku dang 'khor tshogs rnam bzhi la/ rgyu 'bras 'tsham pa'i thugs rje phyung ba yin// kye sems dpa' chen po nyon cig/ mdor na mngon du phyung ba'i lung zhes bya// nga yi rang bzhin 'di ltar bstan pa la/ mngon du phyung ba'i lung zhes bstan pa yin// kun byed nga yi rang bzhin gcig pu la// snang ba'i yul ni rnam pa gsum snang la// de las byung ba'i chos ni 'di lta ste/ sangs rgyas sems can snang srid snod bcud kun// kun byed nga yi rang bzhin mngon phyung yin// 'di las gzhan yin pa ru rtog byed pa// kun byed pa dang phrad

  74. 38a

    pa'i skal med pas// nga yi 'khor gyi dang po sku gsum gyis// rim pas sbyangs pa'i rgyu 'bras theg 'khor yin// kye sems dpa' chen po/ nga yis mngon du phyung ba chos rnams 'di// gzhan ma mngon du byung ba min// nga nyid mngon du phyung ba yin// chos nyid mngon du phyung ba yin// rang sems mngon du phyung ba yin// ma nor mngon du phyung ba yin// nges pa mngon du phyung ba yin// de bzhin mngon du phyung ba yin// kye sems dpa' chen po/ nga yi rang bzhin mngon du phyung ba 'dis// che ba lnga yi sangs rgyas phyung ba yin// che ba lnga yi sangs rgyas 'di lta ste// nga yi ngo bo mngon du byung ba yin// snang srid snod bcu dang yi chos nyid 'di// kun la snang bas mngon du byung ba yin// bya mi dgos pas ye nas sangs rgyas yin// rtsol sgrub med pas yen sa che bar bshad// mngon par sangs rgyas zhes su bshad pa yin// nga yi rang bzhin mngon du phyung ba 'di// snying por gyur pas kun gyi bdag nyid yin// bya mi dgos pas ye nas sangs rgyas yin// rtsol sgrub med pas ye nas che bar bshad // bdag nyid chen po sangs rgyas che bar bshad// ma skyes spros bral mngon du phyung ba 'di// ye nas gzung 'dzin bral bas chos kyi dbyings// bya mi dgos pas ye nas sangs rgyas yin// /

  75. 38b

    rtsol sgrub mi dgos ye nas che bar bshad// chos dbyings sangs rgyas che ba yin par bshad// nga yis nges par mngon du phyung ba ni// dpe don rtags ni rnam pa gsum bstan te/ chos nyid don la nam mkha'i dpe bstan te// byang chub sems kyi rtags kyis nges pa ru// the tshom za ba rnams la nges pa ru// dpe don rtags kyis de yin sangs rgyas bstan ta/ tang yi rang bzhin de bzhin nyid 'di ni// su la mngon du phyung yang mi snang bas// de ni ma nor ba yi rang bzhin la// bzhin ni bcos pa med pa'i rang bzhin te// nyid ni ngo bo nyid la btags pa yin// de bzhin nyid kyi rang bzhin de nyid la// dus gsum sangs rgyas yod pa'i sgros mi 'dogs// khams gsum sems can med pa'i skur mi 'debs// rtog dpyod bsam pa cir yang dgongs med pas// sangs rgyas med pa'i che bar nga yis bshad// ces gsungs so// byang chub kyi sems kun byed rgyal po las/ rang bzhin rnam pa gsum mngon du phyung ba'i le'u ste bco lnga pa'o// // de nas byang chub kyi sems kun byed rgyal po des sems dpa' rdo rje la gdams ngag phog pa 'di gsungs so// kye sems dpa' rdo rje chen po 'di nyon cig/ nga ni ye nas kun byed rgyal po yin// ston pa bstan pa

  76. 39a

    'khor dus ngas byas nas// ston pa'i ston pa yang ni nga yis byed// bstan pa nga yi rang bzhin de ston la// 'khor yang nga yi ngo bo de phyung nas// dus gnas nga yi rang bzhin de ru ni// kun byed nga yi rang bzhin bstan pa las// nga min chos ni gcig kyang bstan pa med// sems dpa' chen po rdo rje khyod nyid kyang // kun byed nga yi rang bzhin bstan pa'i phyir// khyod kyang nga las nga yis phyung ba yin// kun byed pang ni chos kyi snying por zhog/ kun byed nga ni ye nas byas zin gyis// da gdod bya dgos kun la lung ma ston// da gdod bya dgos 'khor la lung bstan na// 'khor rnams rtsol ba'i nad kyis zin par 'gyur// rang byung ye shes med pa'i skyon du 'gyur// byang chub sems la 'chos pa'i skyon du 'gyur// de bzhin nyid la 'chos pa'i skyon du 'gyur// skyon gyis yon tan khyad du gsod par 'gyur// brdzun gyis bden pa bslus pa bslad pas na// min pa'i rtsol bas bya med yin ma sgrub// sems dpa' khyod kyis kun byed nga rig gyis// nga yis byas pa'i chos rnams thams cad kun// ye nas rang byung ye shes de bzhin nyid// ston gsum nga yi rang byung ye shes yin// bstan pa gsum yang nga yi de bzhin nyid// 'khor rnams kun kyang sems dpa' rdo rje'i tshul//

  77. 39b

    dus gnas phun sum tshogs pa thams cad kun// kun byed rgyal po nga yi byang chub sems// zhes gsungs so// byang chub kyi sems kun byed rgyal po las/ sems dpa' rdo rje la gdams ngag phog pa'i le'u ste bcu drug pa'o// // de nas byang chub kyi sems kun byed rgyal po des nyid kyi sku gdung 'di zung zhig par gsungs so// kye sems dpa' chen po 'di zung zhig/ sku gdung ring bsrel rtag 'chang na// rgyal ba'i yang mes kun byed nga dang mnyam// zhes gsungs so// de nas sems dpa' rdo rjes zhus pa/ kye dus gsum sangs rgyas kun gyi yang mes po// ston pa'i ston pa kun byed rgyal po lags// sku gdung ring bsrel rtag tu zung zhig pa// sku ni rgyal ba gang dang gang gi sku// gdung ni sangs rgyas gang dang gang gi gdung // ring bsrel zhes ni ji lta bu la bgyi// zhes zhus so// kye sems dpa' chen po nyon cig/ sku ni nga sras rgyal ba gsum gyi sku// gdung ni dus gsum rgyal ba nga yi sems// dus med rtag tu sems dpa' 'di 'chang na// dus gsum sangs rgyas kun gyi mchod pa'i rten// sku gdung ring bsrel zhes ni de la bya// sems dpa' chen pos zhus pa/ kye ta ston pa'i ston pa kun byed

  78. 40a

    rgyal po lags// sku gdung ring bsrel de ltar lags na yang // de la dus gsum sangs rgyas ji ltar mchod// mchod pa la ni yon tan ci zhig mchis// zhes zhus so// kye/ sems dpa' chen po khyod nyon cig/ nga yi sku gdung ring bsrel de la ni// dus gsum sangs rgyas rtag tu sems ltas mchod// de yi yon tan mi 'bral de thob nas// chos rnams kun byed rgyal por nus par 'gyur// zhes gsungs so// byang chub kyi sems kun byed rgyal po las/ sku gdung gtad pa'i le'u ste bcu bdun pa'o// // de nas byang chub kyi sems kun byed rgyal po des/ chos thams cad kyi chos nyid nga yin pa'i lung 'di gsungs so// kye sems dpa' chen po nyon cig/ snang srid snod bcud thams cad kun// snang ni nga yi ngo bor snang // dag ni chos nyid dbyings su dag/ 'dul ba rnam pa sna tshogs ston// sku gsum sna tshogs byung nas ni// theg pa gsum gyi ngo yang ston// rgya 'bras can ni des tshim byed// 'das pa'i yul la mi ltos pas// rgyu la mi sgrub 'bras mi 'dod// 'dod pa med pa'i dgongs pa des// rang bzhin lhun gyis grub par 'gyur// ye nas yin la bya mi dgos// don rnams ji bzhin bskyod med pas// ji bzhin pa la bsgrub mi dgos//

  79. 40b

    chos kun rang bzhin lhun grub phyir// dus gsum sangs rgyas grub pas kyang // rtsol zhing sgrub pa'i lung mi 'bogs// btsal na gang btsal ting 'dzin des// mi 'grub ting 'dzin ga nang du che// kye sems dpa' chen po/ nga ni ston pa thams cad kyis// bya ba'i 'phra ni las sna tshogs dang // bsam pa'i ting 'dzin rim pa dang // 'phro ba'i 'od zer sna tshogs dang // blta ba'i yul ni cir dmigs kyang // ji bzhin pa la g.yos pa med// bya ba'i las kyis grub pa med// bsam pa'i ting 'dzin yal bar 'gyur// 'phro ba'i 'od zer zhi 'gyur na// balnga yul gang yang mthong ba med// des na btsal ba'i las ma byed// kye sems dpa' chen po// yul las btsal bas grub pa'i lung de ni/ rgyu dang 'bras bu'i theg can ston par byed// rgyu dang 'bras bu'i theg chen chos nyid ni// chos dang chos nyid rnam pa gnyis phye nas// chos kyis chos nyid tshol ba rnyed lung med// ces gsungs so// byang chub kyi sems kun byed rgyal po las/ btsal bas mi 'grub pa'i le'u ste bco brgyad pa'o// // de nas byang chub kyi sem kun byed rgyal po des/ ma btsal bas grub pa'i le'u 'di gsungs so// kye sems dpa' chen po nyon cig/ nga las byung ba'i ston pa sku gsum gyis// bstan pa'i theg

  80. 41a

    pa rnam gsum bstan pa ni// ston pa gsum gyis mi rtsol lung ma bstan// kun byed nga yis theg gcig bstan pa ni// btsal bas grub pa'i lung du ngas ma bshad// kye sems dpa' chen po nyon cig/ kun byed byang chub nga yi rang bzhin las// ma btsal rang bzhin lhun gyis grub pa ni// rgyal ba kun gyi snying po sku gsum ste// nga yi rang bzhin ma bcos chos skur grub// nga yi ngo bo ma bcos longs spyod rdzogs// nga yi thugs rje mngon phyung sprul sku gsum// btsal nas grub pa'i 'bras bu bstan pa min// zhes gsungs so// kye sems dpa' chen po nyon cig/ sku gsum kun byed nga ru bsdus pa ste// ji ltar snang ba'i chos rnams thams cad kun// rang bzhin ngo bo thugs rje ma bcos gsum/ sku gsum nga yi de bzhin nyid du bstan// nga dang nga yi de bzhin nyid las ni// sangs rgyas zhes bya'i yon tan sgros kyang med// sems can zhes bya'i skyon gyis skur pa med// mi rtog mnyam pa nyid du de bzhin gnas// 'di las ma gtogs pa ni gzhan med pas// sangs rgyas rnams kyis 'di las lhag pa yi// kun byed nga las nges lung mnos pa med// byed mkhan kun byed rgyal po nga yis kyang // mi rtog mnyam nyid de bzhin nyid 'di la// nyid la nyid kyis bstan pa rdul tsam med// ces gsungs so// byang chub kyi sems kun byed

  81. 41b

    rgyal po las/ ma btsal lhun gyis grub pa'i le'u ste bcu dgu pa'o// // de nas byang chub kyi sems kun byed rgyal po des/ chos thams cad kyi byung khungs nyid las byung ba 'di gsungs so// kye chos kun sdud pa'i rdo rje nyon// kun byed rgyal po byang chub sems// nga ni chos kun snying po ste// nga ni chos kun sa bon yin/ nga ni chos kun rgyu yang yin// nga ni chos kun sdong po ste// nga ni chos kun gzhi ma yin// nga ni chos kyi rtsa ba ste// ji ltar snang ba'i chos rnams kun// 'dus pa'i phyir na snying por bshad// ji ltar snang ba'i chos rnams kun// skye ba'i phyir na sa bon yin// ji ltar snang ba'i chos rnams kun// 'byung ba'i phyir na rgyu yang yin// ji ltar snang ba'i chos rnams kun// yan lag 'byung bas sdong po yin// ji ltar snang ba'i chos rnams kun// nga la gnas pas gzhi ma yin// ji ltar snang ba'i chos rnams kun// nga yin pas na rtsa bar bshad// kye sems dpa' chen po rdo rje nyon cig/ kun byed byang chub sems nga ni// nga yi rang bzhin ma bcos rnam gsum las// ming tsam sku gsum byung tshul bstan/ nges par sku gsum ston pa yang // de bzhin nyid las g.yos pa med// kun byed byang chub sems nga ni// ma skyes gzung 'dzin bral ba la// chos sku skye med ming

  82. 42a

    tsam byung // nges par chos sku ming tsam ste// de bzhin nyid las g.yos pa med// kun byed byang chub sems nga ni// ngo bo ming tsam mngon phyung ba// longs spyod rdzogs sku ming tsam tshul// nges par longs spyod rdzogs sku ste// de bzhin nyid las g.yos pa med// kun byed byang chub sems nga ni// thugs rje sprul sku mngon phyung ba// thugs rje ma bcos rang bzhin las// ming tsam sprul sku tshul byung ba// nges par sprul pa'i sku de yang // de bzhin nyid las g.yos pa med// de bzhin nyid kyi rang bzhin las// sku gsum g.yos pa med pa bzhin// sku gsum bstan pa chos rnams dang // sku gsum 'dus pa 'khor rnams dang // chos rnams la yang g.yos pa med// ma g.yos pa yi/ chos nyid la// rgyu dang 'bras bur btags byas nas// rtsol dang sgrub par byas nas ni// rgyu dang 'bras bu 'byung 'dod pa// kun byed nga las byas pa yi// rgyu 'bras 'das las gol ba yin// zhes gsungs so// kye/ sems dpa' chen po khyod nyon cig/ nga las byung ba'i sku gsum ston pa dang // nga las byung ba'i dus gsum sangs rgyas dang // nga las byung ba'i 'khor gnas dus la sogs// kun kyang nga yi byang chub sems yin na// sems dpa' rdo rje de la rtog mi rtog/ sems dpa' rdo rje de la ma

  83. 42b

    rtog cig/ d+ha ni ye nas kun byed byang chub sems// nga yi byas pa kun kyang byang chub sems// nga yi rang bzhin ye nas rnam dag byung // nga yis kun la ye nas khyab pas chub ta tang yi rang bzhin gsal bas ye nas sems// nga ni nam mkha' lta bu'i rang bzhin gyis// ye nas yin pa'i byang chub sems kyis ni// 'jig rten sgyu mar snang/ ba'i chos bzhin du// sku gsum ston pa dus gsum sangs rgyas rnams// bu dang tsha bo 'khor gyi tshul bzung nas// ma nor bden pa'i gdams ngag phog pa bzhin// byang chub sems ni nam mkha' bzhin bstan nas// kun byed byung tshul nam mkha' bzhin du bstan// zhes gsungs so// byang chub kyi sems kun byed rgyal po las chos thams cad byang chub kyi sems kun byed las byung ba'i khungs kyi le'u ste nying shu pa'o// // de nas byang chub kyi sems kun byed rgyal po des/ chos thams cad kyi khungs kyi rgyal po yin pa'i phyir/ nyid las byung ba'i tshig 'di gsungs so// kye sems dpa' chen po rdo rje khyed nyon cig/ nga ni chos rnams kun byed rgyal po ste// sku gsum ston pa'i pha ma nga yin la// dus gsum sangs rgyas kun gyi mes po yin// 'khor gnas dus kyi ston pa'i sgron ma byed// kun byed nga yi

  84. 43a

    rang bzhin rnam gsum las// sku gsum ston pa nga las phyung ba ni// sku gsum de yi ba shad lugs rnam gsum gyis// chos kyi bshad lugs rnam pa gsum yang bstan// de yang kun byed nga yis bstan pa yin// kun byed rgyal po nga yi rang bzhin 'di// ston pa kun las khyad par 'phags pa'i phyir// gtan tshigs don gyi bshad lugs rnam pa lngas// ma nor nges pa'i gtan tshigs khungs bstan no// kye sems dpa' chen po/ kun byed rgyal po nga ni byang chub sems// byang chub sem ni ye nas rdzogs pa che// rdzogs pa chen po ye nas rgyu 'bras 'das// rgyu 'bras 'das pa'i bshad lugs bstan pa dang // kun byed byang chub sems kyi rang bzhin las// sku gsum ston pa byung ba'i bshad lugs dang // rnam pa gnyis kyi bshad lugs bstan pa'o// kun byed byang chub sems kyi bshad lugs ni// byang chub sems ni rgyu 'bras 'das pa'i phyir// gtan tshigs don gyi ba shad lugs lnga yis bshad// sku gsum ston pa gsum gyi bshad lugs ni// phun sum tshogs pa rnam pa lnga nang du// chos kyi sku ni byin gyis brlabs kyis bshad// longs spyod rdzogs pa rang gi ngo bo ston// sprul pa'i sku ni don rnams tshig tu sdeb// sku gsum ston pa'i bshad lugs

  85. 43b

    rnam gsum ste// nga yi rang bzhin rnam gsum pa shad lugs yin// kun byed nga ni rgyu 'bras 'das pa ste// rgyu 'bras 'das pa spyod yul kun las 'das// kun las 'das pa'i chos nyid byang chub sems// byang chub sems ni kun gyi snying po yin// snying po yin pas yid ches khungs kyang bstan// byang chub sems ni chos kun rtsa ba ste// rtsa ba yin pas thams cad don yang 'dus// byang chub sems ni khyad par kun las 'phags// khyad par 'phags pas theg pa' sha na yang 'byed// byang chub sems rtog chos nyid kun sangs rgyas// des na skal ldan dgos ched bstan pa yin// sems kyi rang bzhin tshig tu brjod med de// ma brjod sems kyi rang bzhin mi snang bas// mi snang mtshon du med ces ma brjod na// kun kyang rang sems ma mthong rtsol sgrub byed// des na brjod med tshig gi don yang bshad// des na gtan tshigs don gyi bshad lugs lngas/ kun byed rgyal po byang chub sems kyi don// ma nor nges par gtan la 'bebs par byed// rgyu 'bras med par gtan la phab pa yin// thams cad byang chub sems yin yid kyang ches// byang chub sems yin ye nas yid ches pas// sems la btsal ba med par yid kyang ches// btsal du med par ya nas yid ches pas// mi

  86. 44a

    rtsol bde ba chen po'i ngang la gnas// kun byed nga yi rang bzhin de ltar gnas// kun byed nga las sangs rgyas gzhan med do// zhes gsungs so// byang chub kyi sems kun byed rgyal po las/ gtan tshigs bshad lugs kyi le'u ste nyi shu rtsa gcig pa'o// // de nas byang chub kyi kun byed rgyal po des sems rnal du gzhag pa'i phyir/ bya med rdzogs pa'i lung khungs chen po 'di gsungs so// kye sems dpa' chen po rdo rje khyod nyon cig/ kye bya med yul ni mi gnas nam mkha' 'dra// mi gnas dmigs pa'i yul med mi rtog chos kyi lam// bsngo ba'i cha shas phra ma'i yul las byung ba ste// rtog sgom chos kyi sku ni khyad par don med pas/ rang byung ye shes mi rtog kun tu ji bzhin gnas// bya bral yul la mi gnas gnyen pos bcos su med// yan lag chos kyi dbang gis snying po'i yul tshol zhing / rnam pa cir yang mi rtog thabs kyis de la rol// snying po rang bzhin 'byung bas chos sku gzhan na med// rdul phran gcig las gses shing phyogs cha kun dang bral// mi gnas don nyid legs pa'i ye shes rang byung ste// mngon sum kun tu mi rtog yangs pa'i snying po la// rnam dag lam der zhugs nas mnyam pa'i rgyal po thob// mi 'gyur 'gyur ba

  87. 44b

    med pas chags pa'i gnas med de// de bzhin gzung ba'i yul med sems kyi gnas kyang med// mngon sum thob par 'dod nas rgyu la rtag tu bsgom// bsgom chags bde ba de las mnyam pa'i don mi 'byung // sku gcig kun tu khyab pas bsnan pa'i chos med de// mtha' la thug pa med cing dbyings la bri ba med// chos kyi rol pas nyam phag lhag pa'i gnas med de// rang byung che ba'i yul la kun tu ji bzhin gnas// ngo mtshar mthong ba'i yul med de la mthong ba'i mig/ gang la thos par mi rigs bsnyad pa kun dang bral// chos dang chos min rtag tu 'dres shing mtshungs// don dam chos zhes lhag pa'i gnas zhes bshad pa'ang med// 'khrul dang ma 'khrul byang chub lam de rtog pas thob pa'ang med// rang byung ye shes nyid kyang tshig gi mtha' dang bral// ye nas rgyas pa'i bdag nyid mngon sum gnas pa la// grib ma gzugs kyi dpe bzhin de la rtog pa 'byung // med de med pa ma yin med pa'i snying po 'byung // stong ste stong pa ma yin stong pa'i yul la gnas// nam mkha'i rang bzhin de las 'byung ba'i dran pa skye// bya bral zin pa'i bde ba 'dod pa med pas len// gza' ba'i yul med de las ye shes 'byung bar rtsom// sngon gyi drang srong rjes su chags pa'i yid kyang 'jog/ rnam rtsol 'bad pa'i gdung bas kun

  88. 45a

    tu zin ta re// rang bzhin lam der zhugs pas thams cad mkhyen pa yi// ji bzhin pa zhes rnam rtog de'i phyir rtog bsgom pa// bde ba chen po 'dod pas chags pa'i nad yin te// mi g.yo mnyam par gnas pas sman chen ma byas na// mtho ris bgrod pa'i rgyu des nyon mongs zin par 'gyur// lam med lam du zhugs pa rnams kyi nad che ba// phyin par 'dod pas ri dgas smig rgyu snyeg pa 'dra// rnyed pa'i yul med 'jig rten gsum las mi 'byung zhing // sa bcur ltos pa'i gnas kyang byang chub sgrib pa yin/ shin tu myur ba'i ye shes bsam pa kun dang bral// bshes gnyen kun las 'byung ba'i nor bu rin chen bzhin// dmigs pa med cing 'gyur ba'i gnas la mi ltos pas/ rang gi rang bzhin legs pas re ba thams cad skong // brtags na med la gzhag na legs par 'byung ba che// dngos su mi snang chags pa'i cha lugs kun la ston// bdag dang gzhan du bral ba'i ston mkhan rin chen mdzod// thams cad grub pa'i yul zhes bdag med snying rjes bstan// nang nas ma g.yos nang du btsal ba'i gnas med de// yul phyir chags la yul la bsngo ba'i dmigs pa med// mi 'byung mi 'jug bdag med snying rje de yis ni// gzhan gyi nor min mi 'ong ye nas gnas pa yin// bde ba 'dod pas bde la

  89. 45b

    rgyab kyis phyogs// bde bas zin te bde bas bde ba tshol// byang chub 'khrul pa ye rngam chos la za// 'di lta'i yul can sangs rgyas mthong ba med// sangs rgyas med pas sangs rgyurgyas ming yang med// sangs rgyas ston pas ming du btags pas nor// sangs rgyas gzhan nas thob byed nor ba'i lam// gzugs med chos kun bshad pa rdul tsam med/ zin dang chags dang bral dang zhi// dngos po med dang rnam par spong // bdud rtsi chen po'i rang bzhin pas// bza' ba'i thabs la rag pa med// yangs so che'o chos chen po// chung ngu rnams kyi gnyen po yin// che la dmigs pa'i cha bsnyams na// chung che de rnams dmigs dang bral// gsungs dang rgyas dang dmigs dang snang // sgyu mkha na ri mo'i rnam pa bzhin// 'byung 'jug yeng shes rmug pa yis// de yi dbang las skye bar 'gyur// 'di ni theg pa kun gyi rgyal// gtang ngo gzhag go rang bzhin te// 'dod pa med cing len pa med/ brod pa rdul tsam mi skyed de// khyung chen nam mkha' ldings pa bzhin// spro ba med cing bsdu ba med// stor bar mi dogs bza' ba'ang med// rgya mtsho bzhin du ye gnas la/ chos rnams sna tshogs 'byung bar byed// yon tan nam mkha'i mtha' dang mnyam// bsdu ba'i gnas su nges pa med// byang chub snying por de ma thag/ ting 'dzin rgyal po

  90. 46a

    chen po 'byung // snang ba rgya mtsho chen po bzhin// mi rtog nam mkha'i mtha' ltar yangs// kun tu bzang po'i spyod yul la// skye zhing 'pho ba'i chos med de/ rgyu rkyen yan lag bcu gnyis po// skur pas btags te bshad pa yin// 'khrul pa rnams kyi sgo tsam du// mkhas pas de bzhin shes par gyis// 'gro ba rgyud drug snang ba yang // dang po'i lam du shes par bya// 'dod spyod snying rjes brlan pas na// gang du dga' bar byang chub spyod// shan pa smad 'tshong mtshams med lnga// kha na ma tho 'jig rten spong // yongs su rdzogs pas chos kyi rtsis// bde ba che las gzhan med do// yod chos thams cad de lta bas// chos kyi rang bzhin de yin pas// chos kyis chos nyid btsal ba dang // nam mkhas nam mkha' btsal ba dang // gzhan la ltos pa'i chos nyid ni// me yis me gsod dang 'dra ste// shin tu dka' ba'i las byed pa'o// rnam par mi rtog snying po 'di// yongs kyi rgyud la sbas pa med// mi len byang chub spyod rnams la// rnam pa kun tu rang bzhin gnas// zhes gsungs so// bya med rdzogs pa'i lung bcu las/ mi gnas yul gyi le'u ste nyi shu rtsa gnyis pa'o// // de nas byang chub kyi sems kun byed rgyal po des lta ba yul med

  91. 46b

    kyi lung 'di gsungs so// kye sems dpa' chen po nyon cig/ ji ltar snang ba'i chos rnams ni// rang gi byang chub sems yin pas// de la blta ba'i yul ma mchis// mi rtog pas na mnyam pa nyid// de bzhin nam mkha'i dgongs pa ste// rnal 'byor zhes ni de la bya// dbang po lnga la snang ba rnams// rang gsal de la mi rtog pas// de yang nam mkha'i / dgongs rnams te// rnal 'byor de bzhin nyid du gnas// tshig dang yi ge don brtags pas// tshig yig don la brtags med pas// rtog med mnyam pa de bzhin nyid// de yang nam mkha'i dgongs par gnas// bsam du med pa'i don 'di ni// nam mkha' bzhin du ye gnas so// zhes gsungs so// bya med rdzogs pa'i lung bcu las// lta ba yul med kyi nam mkha'i dgongs pa bstan pa'i le'u ste nyi shu rtsa gsum pa'o// // de nas byang chub kyi sems kun byed rgyal po des/ bya med rdzogs pa'i lung phyag rgya bzhugs tshul gyi le'u 'di bstan to// kye sems dpa' chen po/ sems nyid kun tu bzang po yi// bzhugs tshul bstan pa 'di lta ste// byang chub sems su bzhugs tsam na/ chos rnams kun gyi snying por bzhugs// de rtogs kun byed rgyal po yin// kun byed rgyal po 'gyur ba med// des na 'gyur ba med par bstan// chos kyi sku ru bzhugs

  92. 47a

    tsam na/ gzung 'dzin spros dang bral nas bzhugs// gzung 'dzin bral la 'gyur ba med// longs spyod rdzogs skur bzhugs tsam na// 'dod pa'i yon tan lnga ldan pas// 'dod pa phun sum tshogs par bzhugs// sprul pa'i sku ru bzhugs tsam na// gang gis 'dul ba'i dus tsam na// gang la gang dgos skur sprul nas// dgos pa phun sum tshogs par bzhugs// dus gsum 'gyur ba med par bzhugs// chos kun phyag rgya nam mkha'i mtshan nyid de// nam mkha'i mtshan nyid de bzhin nyid// sku gsum mtshan nyid de bzhin gnas// thams cad de bzhin nyid du gnas// ji ltar snang ba'i chos rnams ni// ji bzhin pa la bcos su med// btsal zhing bsgrub pa thams cad kyis// snga ma bgrod pas phyin pa gcig kyang med// snga ma byas pas zin pa gcig kyang med// bsgrubs shing btsal bas snga ma grub pa med// thams cad ji bzhin pa las 'gyur ba med// ces gsungs so// bya med rdzogs pa'i lung bcu las/ bya med rdzogs pa phyag rgya 'gyur med kyi le'u ste rtsa bzhi pa'o// // de nas byang chub kyi sems kun byed rgyal po des/ khams gsum gyi sems can la rang gi sems ston pa yin par bstan pa 'di gsungs so// kye/ khams gsum sems can

  93. 47b

    thams cad kun// rang gi byang chub sems de ni// ston pa yin par mngon bstan na// bskal pa brgya phrag stong du ni// rang sems ston pa ma mthong bas// kun byed rgyal po nga yis ni// rang sems ston pa mngon phyung bas// rang sems ston pa'i chos nyon cig/ kun byed rgyal po nga yis ni// kun rgyu byang chub sems las ni// sems kyi ngo bo 'byung chen lnga// ston pa byang chub sems lnga phyung // sku ni longs spyod rdzogs pa'i sku// chos ni rang gi ngo bos 'chad// ston ni rang gi rang bzhin ston// ston pa longs spyod rdzogs sku da/ dgongs pa nyid la nyid mi rtog/ yul chos gzhan la'ang rtog mi byed// byang chub sems kyi ston pa lngas// kun kyang chos nyid de bzhin ston// byang chub sems kyi ye shes des// ston pa sa yi skur byung nas// tshig dang yi ges mi ston te// rang gi rang bzhin ston byed pa// bdag tu mi rtog gzhan mi rtog/ mi rtog mnyam pa'i dgongs pa ston// khams gsum sems can thams cad kyis// de rtogs sangs rgyas kun dang mnyam// rtsol ba'i chos nyid ma btsal grub// byang chub sems kyi ye shes des// ston pa chu yi skur byung nas// tshig dang yi ges mi ston te// rang gi ngo bos ston byed pa// bdag tu mi rtog gzhan mi rtog/ mi rtog mnyam pa'i dgongs pa ston// khams

  94. 48a

    gsum sems can thams cad kyis// de rtogs sangs rgyas kun dang mnyam// rtsol ba'i chos ni ma btsal grub// byang chub sems kyi ye shes des// ston pa ma yi skur byung nas// tshig dang yi ges mi ston te// rang gi ngo bos chos ston pa// bdag tu mi rtog gzhan mi rtog/ mi rtog mnyam pa'i dgongs pa ston// khams gsum sems can thams cad kyis// de rtogs sangs rgyas kun dang mnyam// rtsol ba'i chos ni ma btsal grub// byang chub sems kyi ye shes des// ston pa rlung gi skur byung nas// tshig dang yi ges mi ston par// rang gi ngo bos chos ston pa// bdag gzhan gnyis su mi rtog par// mi rtog mnyam pa'i dgongs pa ston// khams gsum sems can thams cad kyis// de rtogs sangs rgyas kun dang mnyam// rtsol ba'i chos ni ma btsal grub// byang chub sems kyi ye shes des// ston pa nam mkha'i skur byung nas// tshig dang yi ges mi ston te// rang gi ngo bos chos ston pa// bdag gzhan gnyis su mi rtog par// mi 'byed pa yi dgongs pa ston// khams gsum sems can thams cad la// mngon phyung ston pa de rnams kyis// rang gi ngo bos chos 'chad pa// 'di yis kun kyang rig par gyis// kye rtsa khams gsum sems can

  95. 48b

    thams cad kun// kun byed rgyal po nga yis ni// khyed rnams nga yis byas pa'i phyir// nga yi sras yin nga dang mnyam// nga dang mi gnyis nga yin phyir// nga yis khyed la mngon/ phyung ba/ nga yi ngo bo ston pa lngas// rang bzhin rnam lnga gcig tu bstan// gcig ni kun byed nga yin gyis// de bzhin khyed kyang yid ches gyis// kye rtsa khams gsum sems can ma lus rnams// nga med tsam na khyed kyang med// khyed med tsam gyi dus tshod na// ston pa lnga yang 'byung mi 'gyur// mi rtog chos kyang ston mi 'gyur// zhes gsungs so// bya med rdzogs pa'i lung bcu las/ rang sems ston par phyung ba'i le'u ste rtsa lnga pa'o// // de nas byang chub kyi sems kun byed rgyal pos/ sems las byung ba'i chos chen po lnga ston par phyung ba'i rtags su ma skyes pa'i byang chub kyi sems ston par zhal gyis bzhes pa 'di gsungs so// kye sems dpa' chen po nyon cig/ bsam 'das brjod du med pa'i byang chub sems// ston pa'i sgron mar gyur pas gzhan gyis rab bsngags pa// chos kyi snying por gyur pas 'jam dpal gzhon nu nyid/ bya bral lhun rdzogs bde ba'i lhun la gnas// tshul khrims la sogs spyod pa rgya mtsho'i gzhir gyur pa'i// ji snyed rnam par grol ba'i lam ston pa//

  96. 49a

    bde gshegs yum gyur kun gyi mtshungs lam ste// de med mi 'byung de phyir nga ni rnam grol mchog gi lam// phra zhing shes dka' kun gyi lam ste mi rtog rtog las 'das// mi gnas mi dmigs spros med bsam pa kun dang bral// tshig gis mi phebs dbyibs dang kha dog dbang po'i spyod yul min// brtan zhing brtag par dka' la brjod du rdul tsam med// sngon gyi drang srong lam du gang zhugs pa// sgom chags lam gyi nad kyis zin ta re// ston pa'i lung bzhin tshig gi mtha' spyod lam du de mthong na// de ni rtog pa'i rgyun 'brengs smig rgyu sgeg pa 'dra// yang dag lam ni tshig gis mtshon du med// yang dag nyid du bstan pa nga yis 'khrul// dag dang ma dag gnyis med 'dres shing mtshungs// rnam pa cir yang mi 'byed ye shes gti mug nga // thogs med gsal ba'i mar me bsam pa kun dang bral// ngang gis mi g.yo rmugs shing ting 'dzin rgyal por gnas// mngon sum mthong bas mthong med mngon sumathong ba'i mig/ de phyir thams cad mkhyen pa'i spyan zhes de la bya// mtha' dang dbus med yangs pa'i rang bzhi nang shes// mi len mi 'dor mnyam pa'i rgyal por gnas// sems dang bag chags gnyis med 'dres shing mtshungs// 'dzin pas brtags shing snang ba'i chos rnams ni// /

  97. 49b

    rang gi rgyan du snang bas mi 'dor spong mi byed// cir yang mi dgongs thabs kyis de la rol// kun dang mi mthun yongs kyis spong ba'i chos// nyon mongs lnga dang mtshams med lnga po yi/ rnam dag lam der zhugs nas mnyam pa'i rgyal po thob// bud med la sogs kun kyang spong mi byed// lo rgyus don gnyis tshad ma'i blor bzhag nas// ting 'dzin gsum po brtan nas grub pa'i mtha' spyod pa// rtsol dral lung las gol zhes 'khrul pa yin// bya bral lhun rdzogs bde ba'i lhun la gnas// ye shes rang byung che ba'i snying po nyid// mi g.yo mi 'gyur ba snyad pa kun dang bral// zin pa'i bdud rtsis rtsol ba'i sdug bsngal 'joms// bya btsal zin pa'i yul la ji bzhin gnas// kye sems dpa' chen po nyon cig/ chos rnams thams cad thig le chen po byang chub sems kyi rang bzhin yin pas na/ spros pa med cing bskus pa med// skye ba med cing 'gag pa med// 'gog pa med par de bzhin gnas// rnam par mi rtog snying po 'di// nam mkha' bzhin du la gnas pas// rtog pa'i sgra bsam yul las 'das// zhes gsungs so// bya med rdzogs pa'i lung bcu las/ bya med rdzogs pa bsgom du med pa'i le'u ste rtsa drug pa'o// // de nas byang chub kyi sems kun byed rgyal po des/ nyid kyi gdarma/

  98. 50a

    ngag phog pa dang mthun pa'i lung chen po rim gyis bstan te/ kye sems dpa' chen po nyon cig/ chos rnams thams cad nga las byung bas na// ji ltar snang ba'i chos rnams thams cad kun// ya nas rnam dag dbyings kyi lung du bstan// phyi dang nang kun ye nas chos kyi dbyings// ya nas rnam par dag pa'i spyod yul la// sangs rgyas dang ni sems can gnyis su med// lam la gnyen pos bcos su ga la yod// bsgrub med rtsal spyugs smon pa med pas na// bya med lhun rdzogs snga ma de nyid don// rtog dpyod rnam dag gnyis med chos dbyings la// log rtog byis pa'i spyod pas ci zhig ba slu// gnyis med bde chen sems can kun spyod la// 'khrul pas nor ba'i lam du brtags pa yang // gong du bstan pa'i lam chen de las mi gnyis pas// mnyam par shes pas sangs rgyas kun gyi rje// nga dang bdag tu rtog pa mu stegs 'khrul pa'i lam/ byis pas bslus pas chos spyod rtog pa'i lam la btsud pa ni// phyin pa'i lam med rtogs pa'i dus med de// chos nyid chos tshol rnyed par ga la 'gyur// tshad mar ma gyur slob dpon spre'u 'dra'i lung // rten dang lam nor rtog pas zin ta re// de bas gser la nag tshur gtong ba yi// slob dpon yang dag ston pa'i rin chen mdzod// rin

  99. 50b

    thang dpag tu med pas bslu bar 'os// zhes gsungs so// bya med rdzogs pa'i lung bcu las/ bya med rnam dag dbyings kyi lung bstan pa'i le'u ste rtsa bdun pa'o// / / de nas byang chub kyi sems kun byed rgyal po des// nyid kyi rang bzhin 'gyur ba med pa 'di gsungs so// kye sems dpa' chen po nyon cig/ nga yi rang bzhin dbyings las 'gyur ba med// nga yi ye shes nam mkha' 'gyur ba med// nga yi chos nyid rang bzhin 'gyur ba med// nga sems chos kyi snying po 'gyur ba med// de bzhin thams cad 'gyur ba med pa la// nga las byung ba'i ston pa sku gsum gyis// rgyu dang 'bras bur chos la ming btags nas// sprul pas lung bstan dbang po yul spong 'gyur/ tA rang rkyen chos lnga 'chang ba'i sems can la// rang byung chos nyid yin par lung ma bstan// ngan 'gro'i sdig sgrib che zhes lung bstan nas// lus ngag yid gsum sdig spong dge bcu spyod// rang byung chos la blang dor spyad pa'i phyir// rang byung ye shes skal mang phrad mi 'gyur// kye sems dpa' chen po nyon cig/ sprul pa rang la 'dus pa'i 'khor tshogs la// rang byung ye shes lnga yi chos spangs la// ye shes lnga spong dgra lnga choms lung bstan// dgra lnga rang byung ye shes ma rtogs te// rang sems spong 'gyur/

  100. 51a

    nga yis lung ma bstan// kye sems dpa' chen po nyon cig/ rang gi sems las byung ba'i chos nyid la// don dam kun rdzob bden pa rnam gnyis kyis// / sbyangs nas rgyu las 'bras bu 'byung zer nas// bskal pa gsum gyi bar du sbyong byed pa// sdom dang pha rol phyin bcus rang mi 'gyur// sems nyid 'gyur bar nga yis lung ma bstan/ kye sems dpa' chen po nyon cig/ rang sems chos nyid ting 'dzin byin brlabs nas// dag pas chu zla bzhin du gsal byas nas// rjer ltas de la mnyes pa'i mchod phul nas// de la re 'dod dngos grub thob re ba// chu zla med pas rang sems ma rtogs pas// skye ba bdun gyi bar du rang byung gi/ ye shes med ces nga yis lung ma bstan/ kye sems dpa' chen po nyon cig/ rang sems byin rlabs chos 'phrul bsgom pa yis// ting 'dzin ye shes sems dpa' grogs mnyam des// bdag 'dod pa yis dngos grub ster re ba// rang byung chos nyid de la 'dod len med// rang sems bya med mi tshe gsum me 'phrad// kun byed nga yis lung bstan ma yin no// kye sems dpa' chen po nyon cig/ rang las byung ba'i chos nyid lhar byas nas// phyag rgya bzhi dang snying po 'phro 'du yis// mi 'gyur ba yi chos nyid rgyur sgrub byed// sems kyi ting

  101. 51b

    'dzin dbang gis thob sems pa// des kyang thob par nga yis lung ma bstan// kye sems dpa' chen po nyon cig/ gzhi ma dbyings las 'gyur ba med pa'i phyir// dbyings de 'gyur bar nga yis lung ma bstan// dbyings la dbang sgyur byed pa'i sku gsum gyis// rang 'khor zhi gnas tshol ba'i ting 'dzin bstan// des na 'dren pa'i lung du bstan pa yin/ de bzhin nam mkha' 'gyur ba med pa de// rang nyid nam mkhas nam mkha' 'grub mi 'gyur// de bzhin chos nyid 'gyur ba med pa de// de bzhin chos kyis chos nyid 'grub mi 'gyur// de bzhin sems nyid 'gyur ba med pa de// sems nyid rang gi sems nyid 'grub mi 'gyur// mi 'gyur sgyur bar byed pa'i ting 'dzin ni// dus dang smon lam re ba 'jog pa yi// dus la ltos pas ting 'dzin tshe chad 'gyur// kun byed nga yis nges lung bstan pa med// ces gsungs so// byang chub kyi sems kun byed rgyal po las bya med rdzogs pa 'gyur med btsal gyis mi rnyed pa'i le'u ste rtsa brgyad pa'o// // de nas byang chub kyi sems kun byed rgyal po des/ sems rnal du/ gzhag pa 'di gsungs so// kye sems dpa' chen po nyon cig/ nga ni kun byed byang chub sems// chos rnams thams cad nga yin te// nga yi rang bzhin thams cad ni//

  102. 52a

    ye nas rnal du gzhag pa yin// nga yi rang bzhin bstan pa ni// rnam pa lnga ru shes par bya// ston pa bstan pa 'khor gnas dus// rnam lnga'i rang bzhin rnal du gzhag/ ston pa'i rang bzhin 'di ltar gzhag/ chos sku ma bcos rnal du gzhag/ nga yi rang bzhin de gzhag yin// longs spyod ma bcos ngo bo gzhag/ nga yi rang bzhin gzhag pa yin// sprul pa ma bcos thugs rje gzhag/ nga yi rang bzhin gzhag pa ste// rang byung yang shes gzhag pa yin// gnas ni gang na gnas pa'i gnas// de yang rnal du gzhag pa yin// dus ni snga phyi gang tshigs dus// rnal gzhag dus su tshogs pa yin// kyesems dpa' chen po de nyon cig/ phun sum tshogs pa rnam pa lnga/ ta ma bcos rnal du bzhag pa las// chos zhes bya ba gzhan yod min// kye sems dpa' chen po/ phun sum tshogs par ma 'dus pa'i// chos ni gcig kyang yod ma gsungs// kye / nga ni rnal du gzhag pa yis// thams cad chos nyid grol ba yin// ston pa ma bcos chos nyid grol ba yin// bstan pa ma bcos chos nyid grol ba yin// 'khor yang ma bcos chos nyid grol ba yin// kyethams cad grol bar bzhed pas na// rang lus ma bcos lha ma sgom// smra ba'i tshig dang ngag ma 'chos//

  103. 52b

    ting 'dzin ma byed sems ma 'chos// bcos pas rnal du 'byor med pas// rnal du ma 'byor grol mi 'gyur// ma grol chos nyid mnyam mi thob// kye/ sems dpa' chen po 'di lta ste// byang chub sems kyi kun byed rgyal po ni// ye nas 'das pa'i rnal du gzhag pa las// lta ba rnams ni rnal du 'jog mi shes// rdzogs chen kun byed ye nas rnal gzhag la// nyan thos rang rgyal rnams kyis thos mthong na// dug skya zer nas rang sems spong 'gegs 'gyur// des kyang lta ba rnal du 'jog ma shes// bskal pa grangs med 'jog mi shes la gnas// theg chen mdo sdes rdzogs chen thos gyur na// rang sems de bzhin nyid du ma rtogs te// ji bzhin rnal du 'jog pa ma shes te// bgrod cing skyong bas bskal pa gsum du gnas// rjes su rnal 'byor sems dpas thos gyur na// 'di ltar snang ba'i chos rnams de bzhin la// rang sems de bzhin nyid du ma rtogs par// ji bzhin rnal du 'jog pa ma shes pas// byang chub yan lag cho 'phrul sna tshogs kyis// byin rlob sems la mi tshe bdun pa gnas// rnal 'byor chen po rnams kyis thos gyur na/ rgyu dang 'bras bu'i bdag nyid yin pas na// ye nas yin la gdod rtsol sgrub par byed// stong phrag gnyis dang brgya phrag drug dag tu// ji bzhin rnal du 'jog pa mi shes

  104. 53a

    te/ ting 'dzin gsum gyis sa la gnas par byed// yongs su rnal 'byor rnams kyis thos gyur na// ye nas yin la rgyu 'bras ming btags nas/ ji bzhin rnal du 'jog pa ma shes te// rgyu ni dag pa chos kyi dbyings su bsgrub// 'bras bu dag pa ye shes dkyil 'khor bsgrub// bar mchod kyi mi tshe gcig tu gnas// shin tu rnal 'byor rnams kyis thos gyur na// ye nas sangs rgyas sa la gnas par 'gyur// bya med bde ba chen po de yis thob// bsgrubs pa med par sangs rgyas de yis thob// lha mi sems can dang po mi mthun te// la la dbang po sbyangs pa'i 'phro can yod// la la dbang po ye nas tshig chod yod// de bas dgos ched don ces bstan pa yin// a ti yo ga/ rdzogs chen zhes bya ba// a ti zhes ni sgra yi tshig tu bstan// a ni ma skyes chos nyid rnal du gzhag/ ti ni ma btsal lhun gyis grub par bstan// yo ga shin tu rnal 'byor rdzogs chen la/ rgyu dang 'bras bu yod zer sgra byed pa// de ni rdzogs chen rtog pa'i don mi ldan// don dam kun rdzob gnyis su smra byed pa// sgro dang skur pa 'debs pa'i tshig yin te// de yis gnyis su med pa rtogs pa med// dus gsum sangs rgyas rnams kyis rtog pa yang // gnyis su ma mthong rnal gzhag gcig tu rtogs// zhes gsungs so// byang

  105. 53b

    chub kyi sems kun byed rgyal po las/ dgongs pa rnal du gzhag pa'i le'u ste rtsa dgu pa'o// // de nas byang chub kyi sems kun byed rgyal po des/ nyid kyi snying po rdo rje sems dpa' la/ sems dpa' rdo rje nyid kyi rang bzhin bya med rdzogs pa'i lung mi nub pa'i rgyal mtshan 'di gsungs so// kye sems dpa' rdo rje khyod nyon cig/ sems dpa' rdo rje khyod nyid la// nyid kyi rang bzhin bstan par bya// nyid ni kun byed nga yin te// nga ni ya nas byang chub sems// byang chub sems ni 'di lta ste// rdo// rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol phyir// mi skye mi 'gags cir mi dgongs// byams pas don nyid rnam sbyangs phyir// snying rje chen po cir mi mdzad// che bas che ba'i zab mo yi// yon tan cir yang bsngags pa med// don rnams ji bzhin mi bskyod de// bya ba med par grol bas grol/ rang byung ye shes btsal med pas// grol nas grol ba'i lam yang ston// 'byung ba chen po bcom ldan 'das// 'gro ba kun la rang bzhin gnas// byin ci log tu rnam brtags kyang // grol ba rang byung gzhan las min// che ba'i ye shes rnyed dka' ba// shes rab thabs la brten pas 'grub// ming tsam gzhan la rten 'dra yang //

  106. 54a

    mngon sum bde ba rang las 'byung // cho 'phrul chen po dka' ba min// yon tan kun dang stobs rnams kyi// ji bzhin rtogs pa phra ba yis// de ma thag tu rang las 'byung // snang ba med pa'i chos nyid 'di// ma btsal gzhag pas bsgom pa yin// de dang der ni rnam btsal na// de las de bzhin de mi 'byung // mchog tu gsang ba'i chos nyid ni// rna dbang gzhan la thos mi 'gyur// de bzhin lce yi dbang pos kyang // de la brjod du rdul tsam med// 'gro ba'i sdug bsngal byang chub sems// kun tu chub pas rnam par rol// de la bskyod pa med bzhin du// nam mkha'i mtha' ltar mnyam par gnas// khyad par cir yang mtshungs pa la// las so zhes ni rnam par brtags// ci ste las kyi dbang 'gyur na// rang byung ye shes yod ma yin// rgyu nyid rdo rje rkyen dang 'dra// ma skyes pas na 'jig pa med// gdod nas snying po byang chub la/ btsal ba'i bsam pas dbyings mi bskyod// yon tan chen po'i bsam gtan ni// bsam gtan nyid pas bsam du med// ma bsam ma sbyangs chos bzhin du// rnam rtog nyid las ye shes skye// phra ba'i sgo mor ming btags te// sems kyis dben pa'i lam tshol zhing // dgon pa'i rgyud du dben 'dzin zhing // brtags na rnam par

  107. 54b

    tog 'gyur bsgom// rgyu dang 'bras bur ming btags te// dge sdig gnyis ka rnam par sel// 'jig rten 'di las 'byung ngo zhes// glang dor brod pa mchog tu bskyed/ chags dang ma chags tshig gi lam// dbu ma bzhin te brag cha 'dra// bde dang sdug bsngal rgyu mthun zhes// 'gro ba'i mgon po sems dpas gsungs// 'dod chags zhe sdung gti mug kyang // byang chub chen po'i lam las byung // kun spyod yon tan rnam lnga yang // chos nyid dbyings kyi rgyan zhes gsungs// nam mkha'i rtog pa skye med cing / rtog pa de nyid nam mkha' 'dra// mi chags nam mkha'i bsngo ba las// rang don chen po nam mkha' 'byung // rtog med mnyam nyid chos kyi sku// gzung bas mi zin chu zla 'dra// kun tu bzang po'i rol pa yis// A li kA li zab tu bstan// 'di ni a dang mdzes pa'i ta// pa dang yan lag spros pa bzhin// 'jig rten yongs kyi spyod yul lo// sangs rgyas gsung gi zab mo 'byung // e ma'o sangs rgyas spyod yul 'di// btsal bas rnyed pa'i gnas med de// drug gi chos bzhin yul med pas// mdongs pas nam mkha' bsnyags pa bzhin// gong nas gong du tshangs pa'i lam// bya bral chos dang mthun pa med// ci ste lam la bgrod gyur na// nam mkha'i mtha' bzhin thob pa med// de ltar

  108. 55a

    de bzhin de yi phyir// de la de bstan de yang thob// de ni snying po de bas na// de las de byung ngo mtshar che// sngon gyi de dang da ltar de// de bzhin de yi gnas su che// de ltar de yi lam 'dra bar// de ni de yi rang bzhin no// de dang 'dra ba yongs kyi la// zla ba las byung rten dang bcas// kun gyi mnyam nyid yin pa la// phyogs su bltas pas 'grub pa med// da ltar bde dang phyi mar bde// mngon sum pa dang rgyab nas byung // de yang rnam pa'i skyon yin pas// de la brten par mi bya'o// dus gsum gcig ste khyad par med// sngon med phyis med gdod nas 'byung // chos skus khyab pas gcig pa'i phyir// che ba'i chen por rang bzhin gnas// srid pa gsum na sbyong ba yang // ming tsam sgyu mar snang ba ste// 'khor lo sgyur ba'i gnas chen yang // sgyu ma sbyong ba'i bsti gnas yin// rnam spyod dus la ltos pa rnams// dus der 'byung bar mi 'gyur te// ma bral smon pas spyod pas na// stong pa'i mtshan nyid gsungs pa bzhin// gcig ste rnam pa yongs kyis med// rnal 'byor nam mkha'i bya lam gnas// ma byung ma skyes snying po la// sgros btags chos kun ga la yod// phyi nang gnyis ka phyi nyid nang // zab mo'i cha shas rtogs yul med// srid pa

  109. 55b

    ming tsam log pa'i stobs// de bas ting 'dzin mnyam dang bral// de la tha tshig phyi dang nang // rang bzhin phung po khams bzhin gnas// dus gsum 'di dang mi 'bral bas// tha tshig ming du btags pa med// mi g.yo ba ni sku yi rgya// mi bskyod pa ni yang shes te// mi len pas na bdag med cing // mi 'dor tshig dang mnyam nyid do// gang dang gang gi gang du yang // kun 'khor kun spyod bdag las byung // 'di la skyes pa bud med ces// mnyam pa'i rgyal pos yongs ma gsungs// 'di la brtul zhugs/ drag shul gyis// gnas su bya ba'i ming med de// a dang par ni rnam ldan na// sgyu ma'i bde ba 'byung bar 'dod// rang bzhin gcig tu ma nges pas// ji ltar bltas ba de ltar snang // snang 'dod rtsol sems bde ba la// de ni de sgrib skyon chen yin// byang chub yan lag kun gyi sgo// cha lugs bsgoms pas chu zla bzhin// ma gos ma/ chags 'byung 'gyur yang // bsgoms pas byis pa'i spyod yul bzhin// dkyil 'khor khro gnyer cha lugs kyis// khro ba dag chen po'i lus bzung nas// yi ge mngon du byung na yang // zhi ba de nyid mthong ba min// nyon mongs pa yi dbang gis ni// ta la'i mgo bo bcad pa dang // sa bon me yis bsregs pa yang // de yi dbang du mi 'gyur/

  110. 56a

    ston/ rnam grangs brgya stong phrag yas pa// gang ltar spyad kyang me tog skye// mtshan ma med pa'i dbang gis na// bsti gnas de la 'byung mi 'gyur// gleng bral 'di la gang gnas pa'i// rnal 'byor de ni skal ba bzang // bdag dang gzhan don mi 'byed pas// sgyu ma lhun grub yul la rol// lhag ma med par yongs su rdzogs// 'gyur ba ma yin drang por gnas// nam mkha' bzhin du mtha' mnyam zhing // gzhan la ltos 'gyur chos ma yin// lhun gyis grub pa'i bde chen de// mtshung pa med pa'i yang shes kyi// rang gi mthu yis rig pa las// chos ni gzhan nas 'byung mi 'gyur// sla zhing dka' la sla phyir dka'// mngon sum mi gnas kun tu khyab// ming tsam 'di zhes bstan par ni// rdo rje sems dpas mtshon du med// ngo mtshar rmad byung rol pa 'di// bya bral nam mkha' bzhin du gnas// cir yang mi dmigs gti mug las// de ma thag tu rang las 'byung // 'di ni thams cad mtshungs pa'i lam// 'gro ba kun la rang bzhin gnas// bus pas bslad pas 'khrul pa'i phyir// sman nyid sman pa tshol ba bzhin// go ba'i yul na bde ba che// 'di ni rnam dag 'jig rten yin// de la phyogs kyi 'od 'dus pas// phyogs bzhi mtshams dang blo 'og 'grub//

  111. 56b

    ma nges 'ja' tshon kha dog las// rigs kyi khyad par mngon par snang // de bzhin g.yo rdul mi g.yo ba// 'byung ba lnga pas gtso chen yin// 'das dang ma 'ongs da ltar gyi// tha snyad ming la mi gnas te// skye 'gag med par rnam brtags shing // de nyid dus gsum chen por sbyor// mnyam pas rim par bkod pa med// gcig pas phyogs su bsngo dang bral// tshogs kyi rgyan rnams bkram pa yang // rang bzhin gnas pas 'grim pa med// lhun gyis gnas pas mi bsngo zhing // gdod nas dag pas bdud rtsi yin// 'du mched bcu gnyis khyad par du// lhag pa'i bsam pas gzung ba med// yid kyis bsams pas yon bdag ste// bltas pas tshogs ni bkram pa'o// mthong bar gyur pas dngos grub la// de nyid mnyam gzhag rdzogs pa'o// yud tsam gzung bas sbyor ba yin// dga' bar 'gyur bas dam tshig ste// thabs kyi gar thabs bskyod pa yis// gnyis med sbyor ba phul ba yin// mi gzung gtong bas gtor ma yin// bya ba med pa'i las rnams te// mi rtog ye shes bgegs bsal nas// mi gsung mnyam gzhag sngags tshig go/ bla ma mchod dang gtong ba dang // de bzhin bsod nams thams cad kyang // ma chags mi g.yo'i stobs med na// byas na 'ching ba

  112. 57a

    chen por 'gyur// de bas de lung de nyid la// de las de sbyar sgrib par 'gyur// de ltar de la de rtog na// de la de nyid grub pa med// ces gsungs so// byang chub kyi sems kun byed rgyal po las/ rdo rje sems dpa'i rang bzhin mi nub pa'i rgyal mtshan gyi le'u ste sum cu pa'o// // de nas byang chub kyi sems kun byed rgyal po des/ kun byed nyid kyi rang bzhin bya med rdzogs pa lhun gyis grub pa 'di gsungs so// kye sems dpa' chen po nyon cig/ sna tshogs rang bzhin mi gnyis kyang // cha shas nyid du spros dang bral// ji bzhin pa zhes mi rtog kyang // rnam par snang mdzad kun tu bzang // zin pas rtsol ba'i nad spangs te// lhun gyis grub pas gzhag pa yin// zhes gsungs so// byang chub kyi sems kun byed rgyal po las/ rdo rje tshig drug pa'i le'u ste sum cu rtsa gcig pa'o// // de nas byang chub kyi sems kun byed rgyal po des/ sems dpa' rdo rje la ma byas don grub kyi lung nges pa tshig bzhi'i le'u 'di gsungs so// kye/ sems dpa' chen po 'di ltar don rig gyis/ ji ltar snang ba de bzhin nyid du gcig/ 'di la su yang 'chos par ma byed cig/ ma bcos mnyam pa'i rgyal po de la ni// mi rtog chos sku'i dgongs pa de la gnas/

  113. 57b

    zhes gsungs so// byang chub kyi sems kun byed rgyal po las/ nges pa'i tshig bzhi'i le'u ste sum cu rtsa gnyis pa'o// // de nas byang chub kyi sems kun byed rgyal po des/ nyid las byung ba'i chos nyid de/ nyid kyi rig pa'i ye shes sems dpa' rdo rje zhes bya ba/ chos thams cad rig par byed pa'i rgyal po rang byung ba'i ye shes de la nyid kyi rang bzhin rtogs par dka' ba 'di bstan to// kye sems dpa' chen po/ yid kyi dbang pos sgra rtogs shig/ sgra yis don de rtogs rig byos// kun gyi gnas ni chos kyi dbyings yin na// dbyings kyis sgra don ji ltar rig par byed// kun gyi lha yul nam mkha'i khams 'di la// nam mkha'i sgra don ji ltar rig par byed// mngon du gsal la 'byung ba lnga yin na// mngon du snang ba'i don ni ji ltar rig/ de las byung ba'i khams gsum sems can ni// de yi don ni ji ltar rig par byed// rig pa'i rgyal pos nyid phyir nga la nyon// ces gsungs so// kye ston pa'i ston pa kun byed rgyal po lags// khyod kyi rang bzhin shin tu rtogs dka' ba// rnam bzhi bstan pa'i sgra yis bdag gis rtogs// dbyings kyi sgra yis 'byed pa med par rtogs// nam mkha'i sgra yis ma bsgribs gsal bar rtogs// 'byung ba'i sgra yis kun gyi snying por rtogs//

  114. 58a

    sems can rnams kyis sgra don de rig byed// de rig kun byed shin tu rtogs dka' rig/ kun byed nyid las gzhan zhes bstan pa med// ces zhus so// de nas kun byed rgyal pos/ rig pa'i rgyal po la slar gsungs pa/ nga yi rang bzhin rtogs dka' 'di rig na// chos kyi mdo rtsa yan lag kun rig gis// rig pa'i rgyal po zhes su mtshan yang btags// kye byed pa'i rgyal po kun byed byang chub sems// khyod kyi rang bzhin 'di ltar chos nyid 'di// sems dang ye shes chos nyid rig pa de// de yi rang bzhin/ bdag gis 'di ltar mthong // sems nyid spros bral sgra ni chos nyid sgra// sems nyid ma bsgribs sgra ni nam mkha'i khams// sems nyid ngo bo snying po 'byung ba'i sgra// rig pa so sor rtog pa sems can sems// sems kyi rang bzhin las ni gzhan med de// kun byed rgyal po sems las gzhan med do// zhes gsungs so// kye/ sems dpa' chen po rang bzhin de rig na// kun byed nga yi rang bzhin rig pa yin// nga rig gcig rig kun rig thams cad rig/ sems dpa' chen po rdo rje khyod la ni// rig pa'i rgyal po zhes su ming btags so// kye/ \u0f7frig pa'i rgyal pos de ltar rig gyur na// nga las byung ba'i ston pa sku gsum gyis// bstan pa'i theg pa rnam pa gsum byung nas// rgyu las

  115. 58b

    'bras bu 'dod pa gsum gyis ni// bya ba'i las ni lta spyod sna tshogs kyis// 'bras bu gsum ni gang dang gang bsgrub pa// rig pa'i rgyal pos chos de ji ltar rig/ ces gsung so/ rig pa'i rgyal pos slar zhus pa/ kye/ kun byed rgyal po khyod las byung ba yi// sku gsum ston pa khyod kyi ngo bo gsum// de gsum bstan pa rnam gsum khyod kyi ldem dgongs te// rig pa so so'i sems la ldem dgongs bstan// de dag gang la dgongs nas ldem par bstan// mi 'phro zhi gnas tshol la dgongs pa'i phyir// rang re gang ba thad yul la ldem du gzhug/ sku gsum ston pa drang lung ston pa des// la las sa dang lam gyi 'bras bu bstan// la las dngos med chu zla'i 'bras bu bstan// la las nyid kyis nyid sgrub 'bras bu bstan// sku gsum bstan pa ldem dgongs lung bstan te// nges par ma bstan drang ba'i lung bstan te// mi 'phro zhi gnas tshol ba'i ting 'dzin yin// rgyu 'bras theg chen drang ba'i lung du bstan// ces zhus so// kyerig pa'i rgyal po sems dpa' chen po nyon// don dam nges pa'i lung zhes bstan pa ni// rig pa'i rgyal pos rig gam bstan du med// mi gnas dmigs par bya ba'i yul ma yin// mi rtog rtog las 'das pa'i rang bzhin las// ting 'dzin mi sgom bsam pa'i yul dang bral//

  116. 59a

    'dod pa'i sems med blang ba'i 'bras bu med// mi rtog ji bzhin pa ru gnas pa des// lam la ma bgrod sangs rgyas sa ru phyin// rig pa ma sbyangs rang byung ye shes rnyed// 'phrin las ma btsal rang bzhin lhun gyis grub// dam tshig mi sdom rang bzhin rnam par dag/ yul dang dbang po de bzhin nyid du gsal// sangs rgyurgyas sems can gnyis su ma mthong ste// de bzhin nyid du thams cad gcig par mthong // de bzhin nyid la gcig dang du ma med// ma byung ma skyes pa yi snying po la// spros kyis btags pa'i tha snyad ga la yod// kye/ sems dpa' chen po rig pa'i rgyul// sangs rgyas sems can snang srid snod bcud kun// kun byed nga yi rang bzhin sgro skur bral/ nga yi rang bzhin de bzhin nyid gcig la// sku gsum ston pas so sor bstan pa yang // de bzhin nyid la drang ba'i lung bstan yin// ces gsungs so// byang chub kyi sems kun byed rgyal po las/ nges pa'i lung dang drang ba'i lung bstan pa'i le'u ste sum cu rtsa gsum pa'o// // de nas byang chub kyi sems kun byed rgyal po des/ sangs rgyas thams cad kyi dgongs pa nyid la 'dus pa'i mdo 'di gsungs so// kye rtogs pa'i rgyal po sgra nyon cig/ kun byed rgyal po nga yis

  117. 59b

    ni/ dus gsum sangs rgyas thams cad kyi// dgongs pa'i don ni nga la 'dus// nga yi rang bzhin 'di la ni// sku 'dus gsung 'dus dgongs pa 'dus// nga yi sgra nyon dgongs 'dus kyis// zhes gsungs so// kyeston pa kun byed rgyal po lags// chos kyi sku dang longs spyod rdzogs// kun bzang rdo rje sems dpa' dang // rnam gzigs gtsug tor la sogs te// rabs bdun shAkya thub pa dang // stong rtsa gnyis kyi sangs rgyas dang // lhun gyis grub dang rdul snyed kyi// dgongs pa khyod la 'dus lags sam/ zhes zhus so// de nas kun byed rgyal pos yin pa'i sgra brjod pa/ kye rtogs pa'i rgyal po de nyon cig/ ho ho yin pa'i sgra brjod de// de pe dang don dang rtags gsum gyis// dgongs pa 'dus pa'i don bstan pa// nga yi rang bzhin nam mkha' 'dra// nga yi don ni chos nyid yin// nga yi ngo bo byang chub sems// kye nga ni ma bsgribs rtogs pa med// rtogs med nam mkha' chos kyi sku// nga ni mi rtog blang dor med// blang dor med de nam mkha' 'dra// nam mkha' blang dor med pa bzhin// kun tu bzang la blang dor med// blang dor med pa la 'dus// kyi sems dpa' chen po nyon cig/ kye/ nga ni ma skyes nam mkha' 'dra// ma skyes pa yi nam mkha' bzhin// rdo rje sems la skye ba med//

  118. 60a

    skye med dgongs pa nga la 'dus// rnam gzigs rabs bdun shAkya thub// stong rtsa gnyis dang rdul snyed dang // lhun grub sangs rgyas thams cad kyang // dgongs pa nam mkha'i rang bzhin te// skye med mi rtog blang dor med// dpe yis nga la 'dus par bstan// kye sems dpa' chen po nyon cig/ kye gong bshad sangs rgyas thams cad kyi// dgongs pa don gyis 'das pa ni// kun byed rgyal po'i rang bzhin la// skye ba med par bstan pa bzhin// sangs rgyas kun la skye med pas// skye med chos nyid 'dus par bstan// gang gis 'dus par bstan pa ni// kun byed rgyal po'i rang bzhin la// chos nyid 'gag pa med pa bzhin// gong bshad sangs rgyas thams cad kyi// chos nyid la ni 'gag pa med// des na chos nyid 'dus par bstan// kye sems dpa' chen po nyon cig/ rtags kyis 'dus par bstan pa ni// rtags ni kun rtags byang chub sems// kun byed rgyal po'i sems kyis ni// chos kyi sku dang kun tu bzang // rdo rje sems dpa' la sogs pa'i// dus gsum sangs rgyas ma lus pa'i// snying po'i rtags ni sems su 'dus// des na dpe don gsum du 'dus// kun byed rgyal po nga la ni// spyi 'dus sgo 'dus dgongs pa 'dus// spyi 'dus dpe

  119. 60b

    don rtags 'dus la// sgo 'dus rnam pa lnga 'dus te// chos sku dgongs pa 'dus pa ni// mi rtog mnyam pa nyid du 'dus// mi rtog mnyam pa nyid 'dus la// mi g.yo tshe 'phrul 'byin par nus// longs spyod sku yi dgongs 'dus pa// mngon sum rang bzhin snang ba dang // 'dod pa tshogs pas sbyin pa 'dus// kun bzung dgongs pa 'dus pa ni/ ji ltar snang ba thams cad kun// bzang ngan blang dor med pa ru// kun byed mngon du phyung bar nus// rdo rje sems dgongs 'dus pa ni// mi skye mi 'gag dgongs pa 'dus// rabs bdun shAkya thub pa dang // stong rtsa gnyis dang rdul snyed dang // sku gsung thugs kyis don mdzad pa'i// byung yang sku gsung thugs las byung // sku gsu thugs kyi chos nyid la// sku gsung thugs kyi don mdzad tshul// de yang kun byed nyid du 'dus// chos kyi dbyings kyi pho brang na// nga ru ma 'dus gcig kyang med// nam mkha'i khams kyi gzhal yas na// nga ru ma 'dus gcig kyang med// ces gsungs pas// der sems dpa' rdo rje spangs te brgyal lo// der brgya la sangs nas zhus pa/ kye / 'dus pa'i rgyal po chen po khyod// byas pa'i chos dang kun 'dus na// ma byas pa yang kun 'dus sam// ma byung ba yang kun 'dus sam// chos kyi

  120. 61a

    dbyings dang nam mkha'i khams// mu stegs phyin ci log lta ba// rtag chad gnyis su lta ba yang // khyod kyi ma nor dgongs yin na// sangs rgyas sems can ci la gdags// mu stegs sangs rgyas ci la bgyi// zhes zhus so// de nas byang chub kyi sems kun byed rgyal po thams cad 'dus pa'i rgyal po des bka' sprul pa/ kye sems dpa' chen po nyon cig/ nga yi rang bzhin rtogs gyur na// kun kyang 'dus par yid ches na// sems dpa' chen po khyod kyis ni// nga yi rang bzhin rtogs mi 'dra// rtogs mi 'dra bas yid mi ches// kun byed byang chub sems rtogs shig/ kun byed byang chub sems rtogs na// rang byung byang chub sems de yis// rtag chad gnyis kyi mtha' bsal te// ma skyes gzung 'dzin bral ba yis// rtag pa'i dngos po'i mtha' bsal la// rang byung ye shes 'gyur med pas/ med pa chad pa'i mtha' yang bsal// mu zhes bya ba chos kyi dbyings// stegs zhes bya ba rtogs pa'i gnas// sangs rgyas sems can gnyis mthong ba// kun byed byang chub sems ma mthong // zhes gsungs so// byang chub kyi sems kun byed rgyal po las/ dgongs pa 'dus pa'i mdo lung gi le'u ste sum cu rtsa bzhi pa'o// /

  121. 61b

    / de nas byang chub kyi sems kun byed rgyal pos/ nyid kyi bstan pa gzhan gyi spyod yul ma yin pa/ rdzogs pa chen po'i gzhung 'di rgyu 'bras rtsol sgrub las 'das pa 'di bstan te/ kye sems dpa' chen po/ nga yi rang bzhin 'di ni dka' ba ste// sgo dang lta ba dang ni dam tshig dang // 'phrin las dang ni bgrod lam gnas sa dang / yeng shes chos nyid rnam pa brgyad po 'di// sku gsung theg pa rnam pa lnga po yi// theg pa gzhan dang lha spyod mi mthun te// sgo ni btsal du med pa'i sgo nas 'jug talta ba bsgom du med par bstan pa yin// dam tshig bsrung du med par bstan pa yin// 'phrin las btsal du med par bstan pa yin// lam la bgrod du med par bstan pa yin// gnas sa sbyang du med par bstan pa yin// ye shes mi rtog bskyod pa med pa yin// chos nyid ji bzhin bcos su med pa yin// kye sems dpa' chen po don 'di ni// rgyu 'bras theg pa can la bstan gyur na// 'jig rten rgyu dang 'bras bu'i chos bzhin du// rgyu las 'bras bu 'byung ba mi rigs zer/ rgyu ni khams gsum sems can las bsgrubs nas// 'bras bu dus gsum sangs rgyas 'byung bar 'dod// rgyu ni lta ba sgom pa byas pa yis// gang bsgoms 'bras

  122. 62a

    bu de thob 'dod pa ni// bsgom pa de yi 'bras bu thob pa med// thams cad ji bzhin pa yi chos yin pas// ji bzhin pa las 'chos par byed pa ni// brdzun gyis bden pa bslus pas sdig re che// lta sgom dam tshig la sogs rtsol sgrub kyis// dbang po yul la yengs pa phral nas ni// dben pa'i yul la thabs kyis khrid nas ni// rtog med mnyam pa thabs kyis bstan pa yin// ces gsungs so// byang chub kyi sems kun byed rgyal po las/ rdzogs pa chen po'i gzhung bstan pa'i le'u ste sum cu rtsa lnga pa'o// // de nas byang chub kyi sems kun byed rgyal po des/ chos thams cad kyi rang bzhin nyid kyi sku gsung thugs su 'dus pa 'di gsungs so// kye sems dpa' chen po/ nga yi rang bzhin 'di rtogs shig/ nga ni byang chub sems kyi rang bzhin te// byang chub sems ni kun byed rgyal po yin/ te/ ta kun byed rgyal po'i rang bzhin sku gsung thugs// sku gsung thugs kyis ma byas gcig kyang med// dus gsum sangs rgyas sku gsung thugs kyis byas// kham+ba gsum sems can lus ngag yid gsum yang // kun byed rgyal po'i sku gsung thugs kyis byas// snang srid snod bcud bsdus pa thams cad kyang // chos nyid ji bzhin

  123. 62b

    ma bcos chos nyid du// kun byed nga yi sku gsung thugs kyis byas// zhes gsungs pa dang // sems dpa' rdo rjes slar zhus pa/ kye/ kun byed rgyal po byed pa'i bdag po lags// ma rig ma rtogs don 'di ba shad du gsol// ji ltar byas pa bdag la bshad du gsol// zhes zhus pas/ kye sems dpa' chen po nyon cig/ nga yi sku gsung thugs kyi rang bzhin des// sku ni chos nyid mngon du phyung ba des// kun bzang rol pa rmad du phyung ba byas// gsung gi sgra tshig mngon du bsgrags nas ni/ don gyi chos nyid tshig gis go bar bstan// thugs ni rang byung ye shes 'gag med kyis// ston pa ye shes sgron ma byas nas ni// chos nyid don gyi ngo bo ma nor ston/ kyesems dpa' chen po don 'di rtogs par gyis// snang srid snod bcud 'di ltar snang ba las// nga las sku yi ngo bo gzhan med pas// rang gi ngo bos 'chad cing ston pa yin// sems dpa' chen po rdo rje khyod kyis kyang // ma rtogs gzhan la khyod kyis lung ston cig/ kye sems dpa' chen po nyon cig/ sa chu ma rlung nam mkha'i sgra grags dang // rgyud drug sems can rnams kyi sgra tshig 'di// kun byed nga yi gsung las gzhan med pas// tshig sgra don gyi bsdebs ba shad de la bya/ kyai/ sems

  124. 63a

    dpa' rdo rje khyod kyis kyang // ma rtogs gzhan la khyod kyis lung ston cig/ kye/ sems dpa' chen po khyod nyon cig/ khams gsum rgyud drug sems can thams cad dang // 'byung chen lnga yi mi rtog mnyam nyid dang // chos nyid mi skye mi rtog mi 'gag ste// kun byed nga yi thugs su de las med// sems dpa' chen po rdo rje khyod kyis ni// ma rtogs gzhan la khyod kyis lung ston cig/ sems dpa' chen pos 'di lung ma bstan na// nga yi rang bzhin shin tu rtogs dka' ste// ma rtogs nga dang phrad par mi 'gyur na// dus gsum sangs rgyas rnams kyi gdung 'tsho ba pa// khams gsum gnas pa'i sems can thams cad dang // la dgu lung dgu brgal ba'i sa bcu dang / tshe la dbang sgyur phyag rgya lhun gyis grub pa dang // rigs 'dzin gsum la sogs pa'i gdung 'tshob kyis// kun byed pa dang yun du 'phrad mi 'gyur// kun byed nga dang yun du ma phrad na/ te khams gsum rgyud drug gnas pa'i sems can gyis// rang gi rang bzhin rang gis ngo mi shes// sa bcu gnas pa'i byang chub sems dpa' yis// grangs med pa yi bskal pa gsum bgrangs kyang // kun byed nga dang phrad par yongs mi 'gyur// des kyang rang gi rang bzhin shes mi 'gyur// lus la dbang sgyur rigs 'dzin

  125. 63b

    gsum gyis kyang // lus kyis sangs rgyas longs spyod sku gzung nas// yid kyi dbang por rang sems mthong med blta// des kyang kun byed rgyal po nga dang ni// rang gi rang bzhin gnyis med de mi mthong // ma mthong bar du tshe tshad nad kyis zin// de bas nga yi rang bzhin lung ston cig/ ces gsungs so// byang chub kyi sems kun byed rgyal po las sku gsung thugs su 'dus pa'i le'u ste sum cu rtsa drug pa'o// // de nas byang chub kyi sems kun byed rgyal po des/ rdzogs pa chen po'i chos nyid bsgom du med pa 'di bstan to// kye sems dpa' chen po rdo rje la sogs te// rigs 'dzin gyi ni sa la gnas pa dang // sa la gnas pa'i byang chub sems dpa' dang // khams gsum sems can las dus bab pa yi// kun gyi don chen kun byed nga yin gyis// nga yi rang bzhin chos nyid byang chub sems// chos nyid sems la bsgom med rtogs par gyis// rgyu 'bras ston pa'i sku gsum ston pas ni// nga yi rang bzhin chos nyid bsgom med la// 'jig rten rgyu 'bras chos dang don mthun par// rgyu 'bras 'bras bu 'byung bar lung bstan nas// bsgom pa'i lung ni 'di ltar so sor bstan// chos nyid byang chub sems gcig ngo bo la// sdug bsngal kun 'byung bden pa rnam

  126. 64a

    pa bzhis// sdug bsngal kun 'byung ngan song rgyu zer nas// chos nyid byang chub sems de spong bar byed// de yis chos nyid mi mthong spangs pa yin// chos nyid byang chub sems kyi ngo bo la// don dam kun rdzob bden pa rnam gnyis kyis// sbyin dang tshul khrims pha rol phyin pa bcus// sa bcu lam la sbyangs te bgrod pa yis// chos nyid ma mthong sbyong ba'i sa la gnas// chos nyid byang chub sems kyi ngo bo lalo// gza' dang rgyu skar dus tshigs bzang sgo nas// byang chub lnga dang cho 'phrul chen po bzhis// 'di ltar snang ba'i chos rnams thams cad la// byin gyis brlabs nas lha yi skur bsgom pa// de yis rang sems bsgom med mthong ba min// chos gcig byang chub sems kyi ngo bo la// ting 'dzin gsum dang cho ga rnam pa lngas// rang rgyud dag pa'i rdo rje phung po la// bsnyen bsgrub rnam pa bzhi yis lha bsgoms nas// snang la rang bzhin med par byed pa ni// btsal zhing bsgrubs nas rang sems lhar bcos nas// des kyang rang sems bya med mthong ba med// rang gi chos nyid byang chub sems la ni/ kun byed rgyal po ston pa'i ston pas kyang // rang sems ye nas chos nyid grol ba la// ston pa gsum la bsgom pa'i lung ma bstan// bsgom bsgrub btsal na

  127. 64b

    rang sems spangs pa yin// zhes gsungs so// kye sems dpa' chen po rang sems grub 'dod na// 'dod pa med pas grub pa yin pa'i phyir// rtog med mnyam pa nyid la gnas mi byed// blang dor med pa'i yul la rang bzhin gnas// g.yos pa med pa'i ngang la ngang gis gnas// sems ni ji bzhin pa yi ngo bo ste// chos rnams thams cad de bzhin nyid du grub// ji bzhin pa la 'chos par ma byed cig/ ngo bo nyid las gzhan du ma sgrub cig/ rang bzhin yin gyis gzhan du ma tshol cig/ btsal na rgyal bas dbyings nas rnyed mi 'gyur// sngar byas zin pas da ni byed ma sdog/ sngar grub zin pas da grub mi byed par// mi rtog jir mi dgongs la mnyam par zhog/ kyi sems dpa' chen po nyon cig/ snga rabs 'das pa'i sangs rgyas rnams kyis kyang // rang gi sems las gzhan du chos btsal med// ji bzhin pa la 'chos pa byed ma myong / ting 'dzin rnam par rtog pa sgom ma myong // rang sems mi rtog pa yis grub pa yin// da ltar bzhugs dang slad kyis 'byon pa yang // rtog med mnyam pa nyid kyis grub par 'gyur// zhes gsungs so// byang chub kyi sems kun byed rgyal po las/ bsgom du med pa'i mdo lung gi le'u ste sum cu rtsa bdun

  128. 65a

    pa'o// ta de nas byang chub kyi sems kun byed rgyal po des/ 'khor gyi ston pa'i bstan pa gol sa dang sgrib par gyur pa 'di bstan to// kyesems dpa' chen po 'di nyon cig/ 'khor gyi ston pa rnam gsum gyi// bstan pa gsum ni gol sgrib ste// de yang ji lta bu zhe na/ nges par thob pa'i theg pa drug/ rdzogs pa chen po'i gol sar bstan// de yang ji lta bu zhe na// byang chub sems dpa'i mdo sde ni// kun tu 'od kyi sa 'dod pa// bden/ pa gnyis kyi rtog dpyod kyis// chos nyid stong pa nam mkhar 'dod// a ti yo ga'i bde chen ni// rtog dpyod 'das pa'i byang chub sems// rtog dpyod 'das la mdo sdes bsgribs// rdzogs chen rtog dang dpyod pa ni// mdo sde dag tu gol sar bshad// kr-i ya rdo rje 'dzin 'dod pa// dag pa rnam gsum sgor zhugs nas// gzung 'dzin dag ba'i yul la gnas// a ti yo ga'i bde chen ni// gzung 'dzin 'das pa'i byang chub sems// gzung 'dzin 'das la kr-i yas bsgribs// rdzogs chen gzung dang 'dzin byed pa/ kr-i ya dag tu gol bar bshad// u pa ya yi lta spyod ni// kr-i ya spyod cing yo ga bsgrub// lta spyod 'brel ba'i don med pas// gnyis su med pa'i don ma rtogs//

  129. 65b

    a ti yo ga'i bde chen ni// gnyis su med pa'i byang chub sems// gnyis su med la u pas bsgribs// rdzogs chen gnyis su byed pa ni// u pa ya ru grol bar bshad// yo gA stug po bkod 'dod pa// mtshan ma yod maud sgor zhugs nas// phyag rgya bzhi la gtsor byed de// blang dor med la 'jug ma nus// a ti yo ga'i bde chen ni// blang dor med pa'i byang chub sems// blang dor med la yo gas bsgribs// rdzogs chen blang dang dor byed pa// yo ga dag tu gol bar bshad// ma hA rdo rje 'chang 'dod pa// thabs dang shes rab sgor zhugs nas// rang rgyud dag pa'i dkyil 'khor la// bsnyen bsgrub rnam bzhes sgrub par byed// a ti yo ga'i bde chen ni// rtsol sgrub 'das pa'i byang chub sems// rtsol sgrub 'das la ma hAs bsgribs// rdzogs chen rtsol sgrub byed pa ni// ma hA yo gar gol bar bshad// a nu dbyer med sa 'dod pa// dbyings dang ye sher sgor zhugs nas// 'di ltar snang ba'i chos rnams la// rgyu ni dag pa'i dbyings lta ba// 'bras bu yang shes dkyil 'khor lta// a ti yo ga'i bde chen ni// rgyu 'bras 'das pa'i byang chub sems// rgyu 'bras 'das la a nus bsgribs// rdzogs chen rgyu 'bras gnyis lta na// a nu yo gar gol bar bshad// lta spyod gnyis

  130. 66a

    kyi gol sgrib bstan// kye sems dpa' chen po/ rdzogs pa chen po'i lha spyod ni// rgyu 'bras bsgrub dang mi 'dra ste// lta spyod byang chub sems 'di ni/ nam mkha' lta bu'i rang bzhin te// nam mkha' la ni rtog dpyod 'das// gang zhig rtogs dpyod byed pa des// byang chub nam mkha' bzhin mi 'grub// rtogs dpyod gnyis byung gol sgrib bo// lta spyod nam mkha'i rang bzhin la// gang zhig gzung dang 'dzin byed pas// nam mkha' byang chub de mi 'grub// gzung 'dzin gnyis byung gol sgrib bo// lta spyod rnam pa gnyis byung nas// nam mkha' gnyis su med pa bzhin// byang chub la ni gnyis su med// gang zhig gnyis su byed pa des// byang chub nam mkha' de mi 'grub// lta spyod gnyis byung gol sgrib bo// byang chub nam mkha'i rang bzhin te// nam mkha' la ni blang dor med// gang zhig blang dor byed pa des// byang chub nam mkha' de mi 'grub// blang dor gnyis byung gol sgrib bo// byang chub nam mkha'i rang bzhin te// nam mkha' la ni rtsol sgrub med// gang zhig rtsol sgrub byed pa des// byang chub nam mkha' de mi 'grub/ rtsol zhing sgrub pa gol sgrib bo// byang chub nam mkha'i rang bzhin te// nam mkha' la ni rgyu 'bras med// gang zhig rgyu 'bras gnyis lta bas// byang chub nam

  131. 66b

    de mi 'grub// rgyu 'bras lta ba gol sgrib bo// kye sems dpa' chen po/ chos kun nam mkha'i rang bzhin te// nam mkha' la ni rang bzhin med// nam mkha' la ni dpe yang // med/ nam mkha' la ni tshad kyang med// chos rnams thams cad ma lus pa'i// don ni 'di ltar shes par bya// kye/ sems dpa' chen po 'di rtogs shig/ theg pa rol lta ba re/ lta ba'i yul ni gzhan med de// chos nyid byang chub sems 'di la// gzhan du lta ba'i yul med pas// lta ba zhes lta nor bar ba shad// theg pa re la dam tshig re/ byang chub lam gyi skyel ma byed// byang chub gzung 'dzin bral ba'i phyir// gzhan du bsrung du med pa'i phyir// dam tshig la yang bsrung du med// dam tshig ces gsungs nor bar bshad// theg pa ro la 'phrin las re// byang chub lhun gyis grub pa'i phyir// 'phrin las btsal du med pa yin// las kyis lhun gyis grub 'gyur med// 'phrin las zhes stsol nor bar bshad// theg pa re la gnas sa re// rdzogs chen byang chub sems sa la// dus gsum sangs rgyas thams cad dang // sku gsum ston pa bzhugs pa dang // khams gsum sems can ma lus dang // snang srid snod bcud gnas pa'i phyir// sa la sbyang zhing bgrod du med// sa lam sbyang bgrod nor bar bshad//

  132. 67a

    theg pa re la chos nyid re// rdzogs chen chos nyid byang chub sems// sems las ma gtogs chos med pas// theg pa'i chos kun byang chub sem// / chos nyid ces dmigs nor bar bshad// rdzogs chen rang byung ye shes ni// yul la rtog par mi byed de// mi rtog mi bskyod ye shes so// zhes gsungs so// byang chub kyi sems kun byed rgyal po las/ lta spyod kyi gol sgrib bstan pa'i le'u ste sum cu rtsa brgyad pa'o// // de nas byang chub kyi sems kun byed rgyal po des nyid kyi rang bzhin thams cad la gol sa dang sgrib pa med pa rgyal ba'i snying po yin pa 'di gsungs so// kye sems dpa' chen po nyon cig/ nga ni kun byed byang chub sems// des na kun gyi snying por bshad// sku gsum ston pa rnam gsum dang // dus gsum sangs rgyas bzhugs pa dang // rigs 'dzin byang chub sems dpa' dang // khams gsum sems can thams cad dang // snang srid snod bcud thams cad la// 'byung ba'i snying po nga las med// de yang ji lta bu zhe na// mi rtog mnyan pa de nyid las// skye ba med pa'i chos sku byung // rang gi ngo bo de nyid las// 'dod pa longs spyod rdzogs sku byung // thugs rje byang chub chen po las// sprul pas 'gro ba'i

  133. 67b

    don mdzad byung // dus gsum sangs rgyas thams cad kyang // sngar 'das pa yi sangs rgyas kyis// rang byung ye shes sems nyid de// mi rtog rtogs nas sngar sangs rgyas/ da ltar mi rtogs ngang la bzhugs// da ltar bzhugs pa'i sangs rgyas kyang // rang byung ye shes sems nyid de// mi rtog pas ni 'gro don mdzad// slad nas 'byon pa'i sangs rgyas rnams// byang chub rang byung ye shes de// mi rtog pa yi lung bstan nas// 'gro ba'i don la 'byung bar nges// rigs 'dzin dang ni sa pa rnams// rang byung byang chub sems de ni// bltas pas mthong ba ma yin na// rang sems snying po de ru phrad// khams gsum sems can thams cad kyi// rang byung ye shes bkag med pas// dbang po yul la rig gsal ba// ma bcos pa yi byang chub sems// de nyid snying po yang dag bshad// snang srid snod bcud thams cad kyang // nga yis ma bskyed gcig kyang med// kun rgyu nga las ma byung med// des na kun gyi snying por bshad// nga ni kun las rgyal ba ste// sku gsum las kyang nga rgyal la// sangs rgyas gsum las nga rgyal lo// rigs 'dzin byang chub sems dpa' dang // khams gsum gnas pa'i sems can dang // snang srid snod bcud thams cad kun//

  134. 68a

    byed pa nga yin kun las rgyal// kun byed byang chub sems nga yis// bstan pa kun gyi sngon rol du// byang chub sems kyi bstan pa bkod// byang chub sems kyi bstan pa 'di// kun gyis dgod par mi nus te// de yang ji ltar bkod ce na// chos la bya ru med pa'i phyir// btsal ba med pa'i sgo nas 'jug/ byang chub sems las med pa'i phyir// byang chub sems kyi chos nyid la// sems kyis bsgom du med pa'i phyir// lta ba bsgom du med pa bkod// gzung 'dzin 'das pa'i chos nyid la// dam tshig bsrung du med pa bkod/ ye nas lhun gyis grub pas na// 'phrin las btsal du med pa bkod// byang chub sems la kun gnas pas// sa la sbyang du med pa bkod// byang chub sem ni bgrod pa'i gnas// sems kyis sa la bgrod med pas// lam la bgrod du med par bstan// chos nyid byang chub sems yin pas// chos nyid gzhan du lta mi byed// ye shes rang byung ye shes te// yul la rtog pa'i ye shes min// kun byed byang chub sems nga ni// lta spyod kun las rgyal ba'i phyir// byed pa'i snying po yin pa'i phyir te/ rgyal ba'i snying po zhes su bshad// ces gsungs so// byang chub kyi sems kun byed rgyal po laso// rgyal ba'i snying po'i le'u ste sum cu rtsa dgu pa'o// /

  135. 68b

    / de nas byang chub kyi sems kun byed rgyal po des/ byang chub kyi sems nyid kyi rang bzhin bstan pa 'di gsungs so// kye sems dpa' chen po nyon cig/ bdag gi bstan pa 'di bkod pas// dus gsum sangs rgyas thams cad dang // rigs 'dzin byang chub sems dpa' dang // khams gsum sems can thams cad kun// rtsol dang sgrub pa ma byas par// ye nas sangs rgyas lung bstan pas// 'khor gyi ston pa rnam gsum gyi// rtsol sgrub byed pa'i bstan pa gsum// gol sa sgrib pas zhig par 'gyur// zhes gsungs so// de nas sems dpa' rdo rjes slar zhus pa/ kyeston pa kun byed rgyal po lags// khyod kyi bstan pa byang chub sems// byang chub sems 'di sangs rgyas na// khams gsum sems can sangs rgyas sam// khams gsum sems can sangs rgyas na// khams gsum gnas su ci ste 'khor// zhes zhus so// de nas byang chub kyi sems kun byed rgyal pos slar gsungs pa/ kye sems dpa' chen po 'di nyon cig/ byang chub sems las byung ba yi// ji ltar snang ba'i chos rnams kun// chos nyid mngon du phyung ba ste// de bzhin nyid du gcig pa yi// chos nyid yul ni lnga snang la// 'dod mi 'dod ni lnga lnga las/

  136. 69a

    nyon mongs sdug bsngal skye zer nas// chos nyid yul lnga spong byed pa// rang byung ye shes snang ba de// bskal pa gsum du mi spong bas// khams gsum gnas su 'khor ba yin// de bzhin nyid du gcig pa yin// chos nyid yul ni lnga snang la// 'dod mi 'dod ni lnga lnga las// nyon mongs sdug bsngal skye zer nas// chos nyid yul lnga spong byed pa// rang byung ye shes snang ba de// bskal pa yun du mi spong bas// khams gsum gnas su 'khor ba yin// de bzhin nyid du gcig pa yin// chos nyid yul ni lnga snang la// 'dod dang mi 'dod lnga snang la// 'khor ba'i rgyu ni yin zer nas// chos nyid lnga po 'gegs par byed// rang byung ye shes snang ba de// bskal pa du mar mi khegs pas// khams gsum gnas su 'khor ba yin// de bzhin nyid du gcig pa yin// chos nyid yul ni l-I snang la// 'dod dang mi 'dod lnga yul byung // chags pa'i gnas ni yin zer nas// chos nyid lnga po sbyong bar byed// rang byung ye shes snang ba de// bskal pa yun du mi sbyong bas// khams gsum gnas su 'khor ba yin/ chos nyid mngon du phyung ba yi// de bzhin nyid du gcig pa yi// chos nyid lnga ni yul snang la// 'dod dang mi 'dod lnga byung bas// byin brlabs gnas ni yin

  137. 69b

    zer nas// phyi nang dag par byin gyis rlob// chos nyid lnga po dag par byed// rang byung ye shes snang ba de// mi tshe bdun du byin mi rlob// khams gsum gnas su 'khor ba yin/ byang chub sems las byung ba yi// chos nyid mngon du phyung ba yin// de bzhin nyid du gcig pa las// chos nyid yul ni lnga snang la// 'dod dang mi 'dod lnga phyung ste// mtho ris ngan song rgyu zer nas// de bzhin nyid la blang dor byed// rang byung ye shes snang ba de// rang gi rkyen gyis dor mi btub// mi btub dor bar byed pas 'khor// byang chub sems las byung ba yin// mngon du phyung ba'i chos nyid de// de bzhin nyid du gcig pa las// chos nyid yul ni lnga snang ste// 'dod dang mi 'dod yul lnga ste// sku gsung thugs su shes byas nas// sku gsung thugs su gdod sgrub byed// ye nus yin la sgrub byed pas// sgrub pa nyid kyis 'khor ba yin// kye sems dpa' chen po de bas na// byang chub sems spangs pha rol na// rang byung ye shis ye nas med// 'khor ba spangs pa'i pha rol na// mya ngan 'das zhes bya ba med// chos can spangs pa'i pha rol na// chos nyid bya ba ye nas med// thams cad de bzhin nyid du gcig/ de bzhin nyid du gcig pa la// de bzhin nyid la

  138. 70a

    bcos pas nor// de ni ma nor ba yi ming // bzhin ni bcos su med pa'i don// nyid ni rang gi mtshan nyid bstan// de bzhin nyid la 'chos ma byed// de bzhin nyid la 'chos byed pa// byang chub sems la 'chos pa yin// byang chub sems la su 'chos pa// des ni 'khor ba'i snying po bsgrub// ces gsungs so// byang chub kyi sems kun byed rgyal po las/ byang chub kyi sems kyi rang bzhin bstan pa'i le'u ste bzhi bcu tham pa'o// // de nas byang chub kyi sems kun byed rgyal po des/ chos thams cad kyi rang bzhin nga yin pa ni bstan to// kye/ sems dpa' dam pa rdo rje khyod// nga yi rang bzhin 'di ltar shes par gyis// nga ni ston ba'i sgron ma byang chub sems// dus gsum sangs rgyas kun gyi snying po yin// khams gsum sems can kun gyi pha dang ma// snang srid snod bcud kun gyi rgyu yang yin// nga las ma byung ba ni gcig kyang med// nga ni mi gnas kun tu khyab pa'i phyir// nga ni ye nas dus gsum sangs rgyas yin// nga ni mi rtog mnyam par gnas pa'i phyir// rtog med mnyam nyid chos sku yi sangs rgyas// nga yi ngo bo kun tu longs spyod phyir// nga nyid longs spyod rdzogs skur ye sangs rgyas// nga nyid rang byung ye shes snang ba'i phyir//

  139. 70b

    nga nyid thugs rje sprul skur mngon sangs rgyas// des na dus gsum sangs rgyas kun gyi snying por bshad// nga yi ye shes byang chub sems snang ba// rang byung ye shes lnga po rgyud drug sems// des na khams gsum sems can pha dang ma// snang srid snod bcud kun gyi ngo bo yang // nga yi ngo bor byung ba snang ba sa// nga nyid ye nas snang ba sangs rgyas yin// / nga la gnyis med gcig tu 'dus pas chu// sdud par byed pas sems nyid chu yin no// nga ni thams cad mnyam pa drod snyom me// kun la mnyam par gnas pas me sangs rgyas/ nga ni thogs med rang bzhin g.yo ba yin// thogs med g.yo bas rlung du mngon sangs rgyas// nga ni ma bsgribs kun khyab gsal ba'i phyir// nam mkha' zhes ni ming btags sangs rgyas yin// nga las ma byas pa yi sangs rgyas ni// 'byung chen srid pas bsdus pa'i chos la med// 'byung lnga nga yi rang bzhin bstan pa ni// gcig la nyi shurtsa/ lnga'i rang bzhin tshang // snang ba sa la sdud pa chu yin te// mnyam pa me la g.yo ba rlung du gsal// ma bsgribs gsal bas nam mkha'i rang bzhin te// gcig la nyi shu rtsa lnga tshang ba ni// byang chub sems kyi che ba'i yon tan bstan// chos la gnyis med byang chub sems su gcig/ gcig gis kun byas kun byed rgyal po byas// zhes gsungs

  140. 71a

    so/ byang chub kyi sems kun byed rgyal po las/ ngo bo gcig pa'i le'u ste zhe gcig pa'o// // de nas byang chub kyi sems kun byed rgyal po des/ chos thams cad byang chub kyi sems kho nar sangs rgyas pa 'di gsungs so// kye sems dpa' chen po nyon cig/ kyechos kyi sku ni byang chub sems// byang chub sems las chos kyi sku// rdul tsam sus kyang bcos su med// des na sangs rgyas sems las med// longs spyod rdzogs sku byang chub sems// byang chub sems la longs spyod sku// sems las byung ba'i gzugs rnams las// longs spyod rdzogs las sku gzhan med// sprul pa'i sku ni byang chub sems// byang chub sems kyi sprul pa las// 'gro ba'i don mdzad gzhan ma med// dus gsum sangs rgyas thams cad kyang / byang chub sems las gzhan med de// snga rabs 'das pa'i sangs rgyas rnams// rang sems ma bcos sngar mthong rtogs// da ltar bzhugs pa'i sangs rgyas rnams// ma bcos pa yi rang sems te// ma bcos ji bzhin rtogs gyur nas// da ltar 'gro ba'i don yang mdzad// slad nas 'byon pa'i sangs rgyas rnams// rang byung sems nyid 'di la ni// snga bar 'chos par lung ma bstan// da ltar ting 'dzin sems

  141. 71b

    mi 'chos// ma bcos lam du zhugs nas byon// ji ltar snang ba'i chos rnams la// byang chub sems su ma rtogs te// bcos shing bsgrubs pas 'grub mi 'gyur// ma rtogs bcos pas grub par byed// bskal pa du ma'i grangs bgrangs kyang // mi rtsol bde dang phrad mi 'gyur// kye/ sku gsum sems las ma bcos phyir// sku gsum ston pa'i mdo lung las// 'chos par byed pa'i don 'byung ba// de ni ston pa sku gsum yang // nyid kyi rang bzhin ston pa min// de bzhin 'chos par byed pa yi// ston pas bden tshul ci bstan yang // nges lung ma yin drang lung yin// ces gsungs so// byang chub kyi sems kun byed rgyal po las/ bcos su med pa'i le'u ste zhe gnyis pa'o// / / de nas byang chub kyi sems kun byed rgyal pos/ chos thams cad kyi ston pa nyid yin par zhal gyis bzhes pa 'di gsungs so// kye sems dpa' chen po nyon cig/ da ni chos rnams kun gyi ston pa ste// nga yi rang bzhin rnam pa gsum las ni// ston pa yang ni rnam pa gsum du bstan// bstan pa yang ni rnam gsum nga yis bstan// de 'dzin 'khor tshogs gsum yang nga yis bstan// ston pa gsum yang gang dang gang zhe na// chos kyi rang bzhin ston pa'i ston pa dang //

  142. 72a

    chos kyi ngo bo ston pa'i ston pa dang // don gyi sgra tshig ston pa'i ston pa'o// chos kyi rang bzhin ston pa'i ston pas ni// skye ba med las byin gyis brlabs phyung ste// ji ltar snang ba'i chos rnams thams cad kun// chos kyi de bzhin nyid du ston par byed// chos kyi ngo bo ston pa'i ston pas ni// ji ltar snang ba'i chos rnams thams cad kun// ston pa nyid kyi sku ru phyung nas ni// chos kyi ngo bor de las med par ston// chos kyi sgra tshig ston pa'i ston pas ni// chos rnams kun gyi don ni sgrar bsdus nas// ma rig mi shes khams gsum sems can la// don de sgra dang tshig gis bsdebs nas ston// des na ston pa'i rang bzhin bstan par bshad// de 'dzin 'khor ni rnam pa gsum bstan te// shin tu rnal 'byor rtsol sgrub 'das pa'i 'khor// sgror zhugs yid ches sangs rgyas sa la gnas// rigs 'dzin sa dang dang po bcu pa'i 'khor// ma thob nye reg bsgoms pa'i sa la gnas// sems bskyed mos pas spyod pa'i 'khor rnams ni// rgya dgos 'bras bu dug 'joms sa la gnas// de ni ston pa gsum gyi 'khor du bstan// kye ston pa'i ston pa kun byed rgyal po lags// ston pa gsum dang 'khor tshogs de ltar na// bstan pa rnam

  143. 72b

    gsum ji ltar bstan par bgyi// zhes zhus pas/ kye sems dpa' chen po nyon cig/ chos sku'i bstan pa de bzhin nyid bstan te// de bzhin nyid la rnam par dbye ru med// / ji ltar snang ba'i chos rnams thams cad kun// sems kyi ngo bo yin pas de bzhin nyid// de la gang su bsgom zhing 'chos byed pa// de yis chos sku bstan pa rtogs pa med// snang ba med pa'i chos nyid byang chub la// ma nor de bzhin nyid du ma rtogs te// de la gang du 'chos shing sgom byed pa// de yis rang sems bcos med de ma rig/ snang srid chos dang snang med byang chub sems// sems kyi de bzhin nyid 'byung de bzhin nyid// de bzhin nyid du ma rtogs so sor mthong // de bzhin nyid ni dbyings nas tshol byed pa// dus gsum rgyal bas btsal yang mi rnyed do// kye sems dpa' chen po nyon cig/ longs spyod rdzogs pa'i bstan pa longs spyod de// longs spyod lnga ni chos nyid longs spyod gcig gzugs la sogs pa'i longs spyod lnga la ni// gcig la'ang lnga lnga nyi shu rtsa lngar spyod// rtsa lnga longs spyod de ni sku lnga'i tshul// tshul ni chos nyid don gyis ngo bo nyid du bshad/ sangs rgyas sems can kun gyi longs spyod du// longs sku nga yi gzugs la spyod du med// rigs 'dzin sa bcu rnams la nga yis bstan// ces gsungs so// kye sems

  144. 73a

    dpa' chen po nyon cig/ sprul sku bstan pa thugs rje don 'tsham ste// khams gsum sems can bsam pa tha dad la// sku dang gsung dang thugs ni rnam gsum gyis// bsam pa tha dad sku gsung thugs rjes bzlog/ dbang po yul la zhen pa de bzlog nas// dben pa'i yul ni gang 'thad de bstan pas// des ni nga yi thugs/ rjes 'dren lung byed// kyi sems dpa' chen po nyon cig/ nga ni chos rnams kun gyi ston yin phyir// sangs rgyas la yang nga yi rang bzhin bstan// sems can la yang nga yi rang bzhin bstan// rang bzhin bstan pas ston par zhal gyis bzhes// de yi rang bzhin 'di ltar rig par gyis// ston pa dang ni bstan pa 'khor rnams dang / tang yi rang bzhin gsum las gzhan med de// ston pa rang byung yang shes 'gag med yin// bstan pa nga yi rang bzhin ma bcos yin// der 'dzin 'khor ni nga yi/ ngo bos 'dzin// ces gsungs so// byang chub kyi sems kun byed rgyal po las// ston par zhal gyis pa zhes pa'i le'u ste zhe gsum pa'o// / de nas byang chub kyi sems kun byed rgyal poso// nyid la bya ba med pa'i don 'di gsungs so// kye sems dpa' chen po nyon cig/ bya ba med pa'i don 'di ni// kun byed

  145. 73b

    nga yi rang bzhin te// nga la bya ba med pa ni// nga ni ye nas byas zin pas// bya ba med pa'i chos nyid yin// chos nyid nga yi rang bzhin pas// rang bzhin de la bya ru med// rang bzhin rang bzhin bya ba do// bcos su med pa'i rang bzhin yin// bcos med byang chub de la ni// sems dpa' rdo rje khyod ma 'chos// sems dpa' rdo rje de 'chos na/ kun byed nga la 'chos pa yin// ji ltar snang ba'i chos rnams kun// kun byed nga yi rang bzhin yin// kye/ sems dpa' chen po khyod nyon cig/ nga yi rang bzhin 'gyur med la// bsgoms na 'tshe sa shing bsgyur ba yin// nga ni ya nas lhun grub la// bsgrubs na nga la bcos pa yin// nga la bgrod pas phyin pa med// nga la btsal bas grub pa med// nga la sbyangs pas byang ba med// ngal ma lta yul med kyis// nga la ma bgrod lam med kyis// nga la ma sbyong sgrib med kyis// mi gnas dmigs pa'i yul dang bral// spros med bsom pa'i yul las 'das// 'dzin pas brtags pa'i chos rnams ni// nga yi ngo bo bstan pa yin// de la spong 'gegs su byed pa// bskal pa gsum gyi bar du ni// kun byed pa dang phrad mi 'gyur// spang bar bya ba'i chos de ni// rang gi ngo bo yin par bshad// kye sems dpa' chen

  146. 74a

    khobyang chub sems ni kun byed rgyal po ste// kun byed byang chub sems kyis byas pa ni// byang chub sems las gzhan du byas pa med// byang chub sems ni ye nas ma nor yin// ye nas yin pas ye nas nor ba med// nor ba med la bden brdzun sgros mi 'dogs// rgyu rkyen 'bras bu rtsol sgrub kun las 'das// byas zin rtsol sgrub 'das pa ma rig nas// rtsol sgrub bya byed bsgoms nas grub lta na// byang chub gegs su de las che ba med// mi gnas mi rtog cing yang dgongs med pas/ mi rtog mnyam pa'i yul la rang bzhin gnas// ye nas byas zin rtsol ba'i sems mi 'byung // bde chen de la gang su gnas pa ni// chos rnams kun gyi snying por de 'gyur ro// de yis bdag gzhan kun gyi don mi byed// gcig 'dus thams cad 'dus pa'i snying po des// ma bltas dus gsum sangs rgyas thugs kyang gsal// ma bsgribs sems can kun gyi sems kyang snang // kye sems dpa' chen po nyon cig/ kun byed nga yis sems can don byas bzhin// nga yi don byas gzhan gyis bya mi dgos// gzhan la ltos pa'i chos ni nga lung min// nga la kun rdzogs ye nas byas zin rdzogs// ya nas byas zin lta ba bsgom mi dgos// ye nas rnam dag

  147. 74b

    dam tshig bsrung mi dgos// ye nas byang chub sa la kun gnas pas// rigs 'dzin sa dang sa bcu sbyang mi dgos// ma btsal ye nas lhun gyis grub pa'i phyir// btsal ba'i 'phrin las ye nas bya mi dgos// rang byung yang shes yul la mi rtog pas// rig pa'i ye shes yul gyis gsal mi dgos// bde chen chos sku sems kyis gcig pa'i phyir// snga phyi dus gsum med de khyad par gcig/ phun sum tshogs dang dus gnas kun gcig dang // thams cad gcig phyir nga la kun rdzogs te// rdzogs pa chen po nga la kun rdzogs pas// lta spyod 'phrin las dam tshig sa lam ni// gong ba shad bzhin du btsal zhing bsgrub mi dgos// de ltar ma rig rtsol sgrub byas gyur na// rgyu 'bras 'das pa'i don dang 'gal gyur nas// bya med bde chen de dang mi phrad de// rtsol grub nad kyis ma rig de zin 'gyur// de bas rgyu 'bras 'das pa'i rdzogs chen la// skal med rnams kyi spyod yul ma yin pas// rgyu dang 'bras bu'i chos la spyad par bya// zhes gsungs so// byang chub kyi sems kun byed rgyal po las/ rdzogs pa chen// bopo skal med don med kyi le'u ste zhe bzhi pa'o// // de nas byang chub kyi sems kun byed rgyal pos rdzogs pa chen po la lta ba bsgom med kyi mdo/

  148. 75a

    lung 'di bstan to// kye sems dpa' chen po nyon cig/ rang gi lta ba bsgom med ni// kun byed nga yin nga la bsgom du med// kun byed nga ni bsgom pa'i yul ma yin// nga ni ma bcos kun la rang bzhin gnas// rang bzhin gnas pa'i bsgom du med pa de// nga las byung ba'i ston pa sku gsum gyis// nga las mngon du byung ba'i chos nyid la/ brkam chags lnga yi sdug bsngal yin zer nas// ma bcos mi 'jog brtul zhugs spong 'gegs bsgom// de lung bstan pas ma bcos don dang 'gal// mu stegs sde bzhin sprul pa'i thugs rje yin// byin brlabs 'khor du bkod nas lung bstan pas/ bya bral bde ba che nyid thob mi 'gyur// kye sems dpa' chen po/ nga las mngon du phyung ba'i chos nyid la// brkam chags lnga yi sdug bsngal skye zer nas// dang po'i sa nas bcu par sems dpa' la// bden pa rnam pa gnyis kyi rtog dpyod kyis// don dam med la kun rdzob yod pa ru// sprul pas lung bstan rtog dpyod sgom par byed// ma bcos ji bzhin pa yi don dang 'gal// kye sems dpa' chen po/ nga las mngon du phyung ba'i chos nyid de// ma bcos ji bzhin pa yi chos nyid la// longs spyod rdzogs pas 'khor la lung bstan pa// ji bzhin bcos pa med par ma rtogs te//

  149. 75b

    phyi nang snod bcud dag par byin brlabs te// byang chub yan lag cho ga kun sgo nas// bsgom pa'i yeng shes lha ni snang bar byed// skad cig mchod nas gang shegs gsol ting 'dzin pa shig/ yang bsgoms yang ba shig byis pa'i 'dag khang 'dra// ji bzhin ma bcos nga yi don dang 'gal// kye sems dpa' chen po nyon cig/ nga las byung ba'i ston pa'i lung ston gyis// nga yis phyung ba'i chos nyid mngon phyung la// ting 'dzin mtshan ma yod med sgor zhugs nas// chos nyid gcig la blang dor byas nas ni// yang shes dam tshig so sor bsgoms nas ni// grogs po dag gis dngos grub ster re ba// gcig la gnyis su bltas pa'i bsgom pa nor// ngo bo gcig lo gnyis kyis thob pa med/ kye sems dpa' chen po nyon cig/ nga yi rang bzhin mngon du phyung ba la// phung po 'byung ba rnam shes dbang po yul// rang rgyud dag pa rdo rje lhar byas te// bsnyen bsgrub rnam bzhi'i cho gas bsgom byas nas// sems kyi 'phro 'dus 'phags mchod 'gro don byed// 'phro 'du bsdus nas dngos grub thob 'char ba// rang gis rang gi dngos grub thob par bsgom// de yang sems kyi ting 'dzin tshe chad 'gyur// rdzogs chen lta ba bsgom du med pa ni// kun byed nga yi sems kyi yon tan te// byang chub sems kyi che ba'i yon

  150. 76a

    tan gyis// btsal zhing bsgrub pa'i dka' ba spyad mi dgos// rgyu rkyen med pas btsal ba'i las mi dgos// 'bras bu rang bzhin gzhan nas bsgrub/ mi dgos// chos nyid rang yin bsgom pa bya mi dgos// ma skyes pas na 'jig pa'i dngos po med// gzhan la ma ltos bsgom gnas tshol mi byed// ngal gang zhig sgom par byed pa des// bsgoms pa nyid kyang nga dang phrad mi 'gyur// chos nyid mngon du phyung ba nga yin pas// sdug bsngal mi skye rnam par spang mi dgos// rang byung yin pas skye 'jig med pa'i phyir// ma rig rten 'brel dbang po dgag mi dgos// rang byung rnam dag chos nyid sbyang mi dgos// yi nas dag pas gtsang sbra bya mi dgos// ye nas lhun grub rtsol sgrub bya mi dgos// bltas pas ma dag pa yi chos med de// de bzhin nyid dang rnam snang kun tu bzang // dbang po drug la snang ba'i chos rnams kyang // ye nas de yin de las gzhan ma med// de las gang zhig sgom dang sgrub byed pa// de ni mdongs pa nam mkha' snyeg pa 'dra// nga yi rang bzhin spyod yul kun las 'das// nga yis mngon du phyung ba'i chos rnams ni// nga yi ngo bo kun gyis mthong bya'i phyir// sna tshogs dbang po ngo la bstan pa yin// de la nga yi rang bzhin kun rtogs shig/

  151. 76b

    de la nga yi rang bzhin ma mthong na// kun byed nga yi theg pa bstan mi bya// rdzogs pa chen po'i don dang skal med pas// rgyu 'bras theg pa drang ba'i lung la gzung // nga ni ye nas spyod yul 'das pa 'di// rgyu 'bras dga' ba'i skal ba med rnams la// bstan na sgo dang skur pa 'ong ba'i phyir// bstan na rang gi sems la sgyur btab pas// drug tu skyo zhing gtan du 'khor bar gnas// kye sems dpa' chen po ngadon rtogs// nga ni spyod yul kun las 'das pa'i phyir// tshig gis mi phebs dbang po spyod yul 'das// nga yi rang bzhin bsdus te thig ler gnas// ma spros gnyis med ye nas gcig tu bstan// dam tshig bsrung ba'i bsgom pa bya mi dgos// 'phrin las btsal ba'i bsgom pa bya mi dgos// lam la mi bgrod sa la mi sbyong ste// rang las chos nyid gzhan du tshol mi byed// rang byung ye shes mi rtog g.yos pa med// gzhan gyi lung min kun byed nga yi lung // rgyu 'bras 'das pa rtsol dang sgrub mi byed// ma byung bas na dngos po sgom mi byed// ma skyes pas na 'jig pa'i dogs pa med// nga mi snang bas dmigs pa bsgom dang bral// bde chen bdal ba chen po'i klong dkyil na// mi rtog mnyam pa chen po'i rang bzhin gnas// chos nyid snang ba med pa'i rang

  152. 77a

    bzhin la// rig pas mi rtog ting 'dzin ma byed cig/ kye sems dpa' chen po/ bsgoms na gang bsgoms nga yi nad yin gyis// kun gyi snying po byang chub sems yin na// byang chub sems ni gzung 'dzin bral ba'i phyir// bsgom par bya ba rdul tsam yod ma yin// gong bshad bsgoms pas 'bras bu ma thob bzhin// da yang bsgoms pas thob par lung mi ston// kye/ sems dpa' chen po nga la ltos// nga ni kun byed byang chub sems yin te// kun byed byas pa kun byas nyid du byas/ kun ni ma lus pa yi sbyar ba shad de// byed pa'i snying po de yis thams cad byed// byang ba gzung du yod pa ma yin la// chub pa kun gyi snying pos snying por chub/ tasems ni rang byung ye shes kun tu sems// zhes gsungs so// byang chub kyi sems kun byed rgyal po las/ lta ba bsgom du med pa'i le'u ste zhe lnga pa'o// / / de nas byang chub kyi sems kun byed rgyal po des/ rdzogs pa chen po dam tshig bsrung du med pa 'di gsungs so// kye sems dpa' chen po nyon cig/ rdzogs chen dam tshig bsrung du med bstan pa// kun byed byang chub sems kyi rang bzhin ni// ma skyes spos dang bral ba'i rang bzhin gyis// skye ba'i cho 'phrul

  153. 77b

    sna tshogs yul nas byung // yul de rang gi rang bzhin yin shes byas// de la mi rtog rtog pa'i yul las 'das// yul la mi 'dzin spong dang len med pas// med pa phyal ba gcig pu lhun grub ste// bsrung bar bya ba'i sdom khrims kun dang bral// bsrung med nga las byung ba'i ston gsum gyis// mu stegs sde bzhi thugs rje byin brlabs nas// 'dul ba phog pa'i 'khor ni sde bzhi la// bsrung bar bya ba'i khrims ni 'di lta ste// rtsa ba dang ni yan lag bsrung ba'i grangs// nyis brgya lnga bcu lnga brgya lnga bcu khrims/ bsrung ba'i dus na grangs dang don mi shes// des na sdom pa mi thub bsrung thabs med// rdzogs chen ci spyod rtog pa kun las 'das// sdom pa rgya mtsho grangs mang mtha' yas pa/ lus ngag yid la bsdus pa rnam pa gsum// dbang po'i yul las sdug bsngal byung nas ni// lus kyi 'gro 'dug gom pa bor sa med// ngag gis tshig brjod don gyis bden par dka'// yid kyi bsam pa bden pa kun las 'gal// ma nor bsam pa kun kyang bsgrub tu med// lus ngag sdom pa rgya mdud dam po des// bden nyid don dang phrad pa shin tu dka'// bsrung med nyams pa med dang phrad mi 'gyur// bsrung med nyams pa med pa kun byed lung // kye sems dpa' chen po nyon cig

  154. 78a

    nga las byung ba'i ston pas lung phog pa// gza' dang rgyu skar dus tshigs bzang sgo nas// phyi nang gtsang ma'i khrus kyis dag byas te// sdom pa tshul khrims 'gro don zhal 'ches pa// gang yang dam bcas tshul bzhin mi 'grub ste// dam bcas ma grub bshags pas sems mi 'dag/ bsrung med nga dang yun du thag rings nyams// kye rdo rje gsang ba gsum gyi dam tshig ni// rtsa ba gsum dang yan lag lnga rnams te// rtsa ba gsum ni sku gsung thugs 'dus te// sku ni lha yi skur bsgoms lus kyang 'ching // ngag ni 'dzab dang ting 'dzin zhi ba min// yid kyis ting 'dzin 'phro 'dus gzung nas ni// rtsa ba mi rtog dam tshig bde dang bral// yan lag rnam pa lnga ni 'di lta ste// dang por shes par bya ba'i dam tshig ni// phung po lnga dang 'byung ba rnam pa lnga// rnam shes dbang po yul la sogs pa rnams// lha dang dkyil 'khor rang bzhin shes par bya// shes byang zhes byed med pa des ma mthong // spyad par bya ba'i dam tshig rnam lnga ni// ta na ga na ma byin blang ba dang // mi tshangs spyod dang brdzun du smra ba dang // rnam pa lnga ni thabs mkhas spyod byed pa// ma spyad nyams mthong rtog dang bcas nas spyod// de yang mi rtog mnyam dang bral ba yin//

  155. 78b

    dang du blang ba'i dam tshig rnam lnga ni// dri chen dri chu la sogs dam rdzas lngas// rgyal ba'i sku lnga 'di la grub zer nas// dpa' bo 'bru lngas 'phro 'du byas nas ni// rgyal ba'i sku lnga dang du len byed pa// dang du ma blangs sku lnga mi grub rtog/ blang dor bral ba'i rtog 'das de ma grub// mi spang ba yi dam tshig rnam lnga ni// 'dod chags zhe sdang la sogs dug lnga po// gsang ba rdo rje dam tshig chen po ru// nyon mongs lnga bsgyur ye shes rnam pa lngar// dug lnga mi spong ye shes rnam lngar len// blang dor med pa'i bde ba des ma grub// grub par bya ba'i dam tshig rnam lnga ni// phung po lnga dang 'byung ba rnam lnga dang // rnam shes yul lnga dkyil 'khor grub byed pa// ting 'dzin gsum dang cho ga lnga rdzogs nas// rgyal ba rigs lnga'i dkyil 'khor grub byed pa// ting 'dzin cho ga lnga yis sems rtsol byed// mi rtog ma btsal lhun gyis grub dang 'gal// bsgom pa'i sku ni mi rtag 'ja' tshon 'dra// cho ga bzlas brjod 'dzab kyang rtsi skya 'dra// rtsol sgrub spyod par lhun gyis grub mi 'gyur// med par bsgrubs pas shin tu grub pa med// kun byed pa la bsrung ba'i dam tshig med// rgyu rkyen med pas rtsol zhing bsgrub mi dgos// lhun gyis grub pas spyad par bya mi dgos// ye shes yin pas shes par bya mi dgos// rang

  156. 79a

    byung yin pas rgyu dang rkyen mi dgos// bzang ngan med pas blang dor bya mi dgos// dngos po med pas med pa zhes su bshad// dngos su mi spyod ye shes ma 'gags pas// de la phyul pa zhes su btags pa yin// sems su kun gcig gcig par bstan pa yin// ji ltar snang ba'i chos rnams thams cad kun// yid ches byang chub sems su rdzogs pa'i phyir// lhun gyis rdzogs pa zhes su nga yis bshad// tsha grang bkres skom blun lkugs chos nyid la// sku gsum 'khor sngangs 'bros pa'i cho ga drug/ gong bshad bzhin du btsal zhing bsgrub mi dgos// rgyu nyid rang byung ye shes yin pa'i phyir// las kyi rkyen gyi dbang du de mi 'gyur// chos nyid rang bzhin cir yang 'gyur med pas// btsal bas grub par nga yis lung ma bstan// rang byung yeng shes kun dang mtshungs med pas// rgyu rkyen las kyis rang byung de mi 'grub// bden pa gnyis kyis gtan la dbab tu med// nges pa gcig la bden pa rnam pa gnyis// ma nges the tsom can gyis lung de la// nges pa gcig tu bstan pa ga la yod// rnal 'byor gang zag chos la rlom byed ni// ston gsum rgyu 'bras lung la rten smra ba// de la bden gnyis tshad ma bzhi yang dgos// kun byed nga yis chos kun byas pa'i phyir// ngas byas chos la bden pa gnyis mi dgos//

  157. 79b

    ngas byas chos la bden pa gnyis dgos su// ngas byas thams cad byang chub sems su byas// byang chub sems la don dam kun rdzob med// ces gsungs so// byang chub kyi sems kun byed rgyal po las/ dam tshig bsrung du med pa'i le'u ste zhi drug pa'o// // de nas byang chub kyi sems kun byed rgyal po des rdzogs pa chen po las 'phrin las btsal du med pa 'di gsungs so// kye sems dpa' chen po nyon cig/ kun byed nga ni rdzogs pa cheni po ste// rdzogs pa chen po lhun gyis grub pa'i phyir/ 'phrin las ye nas btsal du med par bstan// 'phrin las btsal du yod par lung ston pa// nga las byung ba'i ston pa sku gsum gyis// rang re 'khor la btsal ba'i las phog pa// btsal ba'i las ni rang res so sor phog/ sprul pas btsal ba'i rgyu la las phog pa// lus ngag yid gsum tshad med sgor zhugs nas// lus kyi sdom pa srog gcod rku g.yem spangs// ngag gi sdom pa ngag 'khyal tshig rtsub dang // brdzun dang phra ma la sogs ngag gis spangs// yid kyis brnab sems gnod sems log lta spangs// dge bcu spyod pa'i las de rgyur bkod nas// sbyin pa tshul khrims pha rol phyin bcu las// spyad nas sa dang kun 'od thob 'dod pa// tshe chad las ni bskal pa gsum du spyod//

  158. 80a

    de yang kun byed nga yi lung phog min// longs spyod rdzogs pas 'khor la lung phog pa// rgyu dang 'bras bu'i sgo nas las phog pa// sems kyi ting 'dzin las ni 'di lta ste// khrus dang gtsang sbras phyi nang dag byas te// cho 'phrul las kyis byin gyis brlabs nas ni// ye shes sems dang dam tshig gnyis bltas nas// ting 'dzin las kyis mchod cing gshegs gsol byed// las des mi tshe bdun du tshe chad 'gyur// chos kyi sku las longs spyod skur bzhengs nas// rnal 'byor chen pos 'khor la lung phog pa// bdag nyid chen po yin par lung bstan nas// rang rgyud dag pa'i dkyil 'khor de rnams la// kha dog rigs dang sbyar ba'i lha bsgoms nas// zhi lhas zhi bar byed pa'i las byed pa// rgyas lhas rgyas par byed pa'i las byed pa// dbang lhas dbang du sdud pa'i las kyang byed// drag lhas stongs par byed pa'i las kyang byed// tshe la gnas dang phyag rgya rigs 'dzin 'grub// 'phrin las rnam bzhis tsho chad grub pa med// mi rtsol bya med las ni des mo grub// rdzogs chen rgyu 'bras ye nas 'das pa'i phyir// btsal zhing bsgrubs pas bya med grub pa med// rgyu 'bras lta ba'i ston pas lung bstan pa// 'jig rten mtshan ma'i chos la tshod btsugs nas// rgyu las btsal nas 'bras bu grub par byed/

  159. 80b

    sems la rgyu med ye nas 'bras bu med// byang chub sems la skye ba med pa'i phyir// 'jig rten skye ba'i chos la dpe blangs nas// skye las 'jig pa 'byung bar sgros mi gdags// rang byung rgyu 'bras 'das pa ma rtogs par// 'jig rten mtshan ma'i chos la tshod btsugs nas// rgyu las btsal bas 'bras bu 'byung zer ba// de ni rgyu 'bras theg pa drang lung yin te ta kye sems dpa' chen po nyon cig/ yang shes yang shes zhes su bstan pa ni// rang byung yang shes ma 'gags kun dang mtshungs// rgyu las ma byung mtshungs med yang zhes de/ thams cad bskyed pas gzhan nas chos 'byung med// 'jig rten rgyu 'bras chos la tshad btsugs nas// btsal bas med pa'i 'bras bu 'byung mi 'gyur// byang chub sems ni rgyu rkyen med mi skye// 'jig rten skye 'gag chos la tshod mi gzugs// byang chub sems ni rkyen gyis ma bskyed pas// 'jig rten rkyen bskyed chos la dpe ma len// kye sems dpa' chen po/ che ba 'dod nas sgom sgrub rtsol byed pa// sgom sgrub btsal bas che ba de mi 'grub// che ba rang byung ye nas che ba yin// bsgoms na sangs rgyas dgong+gas pa 'chos pa yin// sangs rgyas dgongs pa gang zhig 'chos byed pa// de yis sangs rgyas thams cad spangs pa yin// de yis sangs rgyas spangs pa ma yin te// de yis

  160. 81a

    rang gi byang chub sems spangs pas// rang gi rang bzhin skal par phrad mi 'gyur// kye sems dpa' chen po/ sems kyis ting 'dzin sgom par ma byed cig/ ye shes yul la rtog par ma byed cig/ ngag gis 'dzab dang snying po bzlas mi dgos// lag gis 'du byed phyag rgya bca' mi dgos// sems kyis ting 'dzin 'phro 'du las mi byed// ngang la gnas pas g.yos med lhun gyis grub// rang bzhin gnas pas sus kyang bcos su med// ma btsal ji bzhin pa ru gnas pa des// bya ba med pa las kyi mchog tu bstan// don de rtogs pas las rnams mi byed de// las ma byas pa de bzhin nyid du gnas// de bzhin nyid las gang zhig su gnas pa// de yis/ ma nor ma bcos 'grub par 'gyur// de ni ma nor bzhin ni ma bcos yin// nyid ni ma nor ngo bo nyid la bya// de bzhin nyid las sangs rgyas chos med do// zhes gsungs so/ byang chub kyi sems kun byed rgyal po las/ 'phrin las btsal du med pa'i le'u ste zhe bdun pa'o// // de nas byang chub kyi sems kun byed rgyal po des/ chos thams cad kyi gzhi ma kun byed nyid yin par zhal gyis bzhes pa 'di gsungs so// kye sems dpa' chen po nyon cig/ kun byed nga ni kun gyi

  161. 81b

    byang chub sems// byang chub sems ni chos kun gzhi ma ste// kun byed nga yi rang bzhin rnam gsum las// phun sum tshogs pa'i dgos pa kun kyang tshang // rang bzhin gsum ni 'di ltar shes par bya// skye ba med dang 'gag pa med pa dang // mi 'gag skye ba'i tshe 'phrul 'byung ba gsum// gsum ni phun sum tshogs par bstan pa yin// ma skyes skye ba med pa'i rang bzhin las// chos kyi gzhi ma bstan pa phun sum tshogs// ma bsgribs ma bkag pa yi rang bzhin las// ston pa gsum gyi rang bzhin phun sum tshogs// ma skyes skye ba'i cho 'phrul ngo bo las// 'khor gyi rang bzhin rnam gsum phun sum tshogs// kye sems dpa' chen po nyon cig/ nga yi rang bzhin chos nyid gcig pu la// nga ma 'gags pa'i ston pa rnam gsum gyis// skye ba'i cho 'phrul phyung ba'i 'khor gsum la// nga ni chos nyid de bzhin nyid gcig la// rtogs par bya ba'i thabs kyi gzhi ma drug/ lta ba chos nyid mthong ba'i gzhi ma byed// des ni mthong bar bya ba'i thabs yin te// ma skyes dmigs par bya ba'i yul med pas// bltas pas de bzhin nyid la mthong ba med// dam tshig rang skyon sel ba'i gzhi ma byed// des ni bor chad med pa'i thabs yin to// de bzhin nyid la bsrung ba'i yul med pas//

  162. 82a

    bsrungs pas de bzhin nyid la thub pa med// las ni grub par byed pa'i gzhi ma byed// btsal bas grub par byed pa'i thabs yin te// de bzhin nyid la btsal ba'i yul med pas// de bzhin nyid la las kyis grub pa med// lam gyis bgrod pas phyin pa'i gzhi ma byed// de ni gnas su phyin pa'i thabs yin te// de bzhin nyid la lam gyis bgrod med phyir// bgrod pas phyin pa'i de bzhin nyid ma yin// sa ni gnas par byed pa'i gzhi ma byed// de ni sbyang mi dgos pa'i thabs yin te// de bzhin nyid la thams cad kun gnas pas// gnas par bya ba'i sa la sbyang du med// ye shes rtogs par byed pa'i gzhi ma byed// des ni chos nyid rig pa'i thabs yin te/ de bzhin nyid la rtog pa'i yul med pas// rang byung ye shes yul la rtog pa min// kye sems dpa' chen po nyon cig/ byang chub sems ni chos kyi gzhi yin pas/ theg pa so so lta spyod drug drug gis// rgyu 'bras ltos pa'i 'khor la de bstan pas// de re rang 'thad bsam pa re re yis// lta spyod gzhi ma drug las btsal byas kyang // de bzhin nyid las btsal ba'i yul med pas// btsal bas de bzhin nyid la bcos pa'i phyir// rang sems gzhi ma bcos med de mi 'phrad//

  163. 82b

    kye sems dpa' chen po nyon cig/ lta ba bsgom du med ces bstan pa ni// chos kyi rtsa ba rang las med pa'i phyir// rang gis rang la blta ru med pa'i phyir// rang med yul ni nga yis bstan pa med// des na lta ba bsgom du med ces bstan// dam tshig bsrung du med ces bstan pa ni// bsrungs pas mi thub rang gi sems mi khegs// rang byung yang shes yin pas bsrung du med// kye/ 'phrin las btsal du med ces bstan pa ni// rdzogs chen rgyu 'bras ya nas 'das pa'i phyir// 'phrin las rgyu las bsgrubs nas 'bras bu 'dod// rdzogs chen 'bras bu 'dod pa med pa'i phyir// 'phrin las btsal med lhun gyis grub pa'i phyir// 'phrin las btsal du med ces bstan pa yin// lam la bgrod du med ces bstan pa ni// kye tadus gsum sangs rgyas khams gsum sems can dang // bgrod pa byang chub sems kyi lam la bgrod// sems su sangs rgyas sems can gnyis su med// des na sems kyis sems la lam bgrod med// sa la sbyang du med ces bstan pa ni// chos dbyings byang chub sems kyi sa 'di la// sbyangs pas thob par 'dod pa rgyu 'bras can// chos dbyings byang chub sems kyi sa 'di la// sbyang bcos byas bsgrub lung ni ngas ma bstan// ye shes yul ni mi rtog ces bstan pa//

  164. 83a

    yul de ye nas rang byung ye shes te// ye shes la ni ye shes yul ma mchis// zhes gsungs so// byang chub kyi sems kun byed rgyal po las/ chos thams cad kyi gzhi ma kun byed nyid yin par zhal gyis bzhes par bstan pa'i le'u ste zhe brgyad pa'o// // de nas byang chub kyi sems kun byed rgyal po des thams cad nga la gnas pa'i sa 'di bstan to// kye sems dpa' chen po// kun byed rgyal po nga nyid ni// kun gyi byang chub snying por gnas// byang chub sems kyi rang bzhin ni// chos kyi dbyings kyi pho brang ste// dus gsum sangs rgyas thams cad dang // khams gsum sems can thams cad kun// klong chen sems kyi gnas de/ na/ mi gnas pa ni gcig kyang med// kun gyi gnas dang sa yin te// 'du 'bral med par de na bzhugs// de la sbyang zhing bgrod mi dgos// de la sbyangs te bgrod gyur na/ rang gi sems de 'chos pa ste// bcos pas rang sems 'byongs mi 'gyur// de ni spyis kun gyi gnas// kye sems dpa' chen po nyon cig/ nga las byung ba'i sku gsum gyis// rgyu 'bras dga' ba'i 'khor rnams la// sa mdo rnam pa gsum bstan te// bskyed pa'i sa dang spyod pa'i sa// bsgrub pa'i sa dang gsum bstan te// bskyed

  165. 83b

    ba'i sa ru sems gzhi bskyed// spyod pa'i sa ru sems spyod bcus// bsgrub pa'i sa ru grub 'dod pas// de ni drang ba'i lung du bstan pa'i phyir// yang dag nges par yod par lung ma bstan// yang dag nges par nga yi lung 'di nyon// byang chub sems la rgyu rkyen med pa'i phyir// bskyed pa'i sa ru byang chub sems mi skyed// bskyed pa'i sa ru byang chub sems bskyed na// chos dbyings nam mkha' byang chub sems mi shong // dge sdig las la dran pa dbang sgyur bas// phyi yul chos nyid spangs pas ma spongs te// rang byung ye shes mi khegs bzhin du 'gegs// rang byung ye shes yul la mi rtog bzhin// gzung dang 'dzin pa yod ces 'joms par byed// des na byang chub sems la skyes pa med/ spyod pa'i sa ru byang chub bcu spyad pas// 'di ltar snang ba'i chos rnams thams cad kun// byang chub sems las g.yos pa med pa ni// nam mkha' lta bu'i chos nyid snang bar zad// nam mkha' la ni g.yos pa rdul tsam med// de bzhin byang chub sems la g.yos pa med// grub pa'i sa ru byang chub grub 'dod pa// kun tu 'od dang ma chags pad ma'i spyan// rdo rje 'dzin dang stug po bkod pa dang // 'khor lo tshogs chen rdo rje 'chang ba dang // rgyu 'bras kun bzang dbye ba med sa drug/ byang chub sgrub pa'i sa ru

  166. 84a

    ming btags pa// sems kyi rang bzhin rgyu rkyen bral ba'i phyir// bsgrub pas grub pa'i 'bras bu ngas ma bstan// sems kyi rang bzhin drug snang bstan ba yin/ sems kyi rang bzhin drug ni 'di lta ste// rang byung ye shes ma 'gags pa yi rtags// dbang po sgo lnga kun tu gsal ba la// kun tu 'od kyi sa zhes btags pa yin// yul la mi rtog chags pa med pa la// ma chags pad+ma spun du btags pa yin// skye 'jig med pa'i byang chub sems de la// rdo rje 'dzin pa zhes su nga yis btag rang gi rang bzhin chos nyid dpag med la// rang byung yang shes mi rtog mnyam par bkod// stug po bkod pa'i sa zhes btags pa yin// byang chub sems kyi rang bzhin dkyil 'khor te// rang la gnas pa'i byang chub chos rnams la// yi ge 'khor lo tshogs chen sa rnams te// sku gsung thugs la skye dang 'jig med pas// rdo rje 'chang gi sa zhes bshad pa yin// byang chub sems la rgyu 'bras gnyis med de// sems las byung ba'i chos rnams thams cad la// bzang ngan blang dor ye nas med pa'i phyir// dbye ba med pa'i sa zhes nga yis bshad// des na byang chub sems kyi chos dbyings la// dus gsum sangs rgyas khams gsum sems can kun// de las 'byung zhing de ru gnas pa'i phyir//

  167. 84b

    chos dbyings byang chub sems ni kun spyod sa zhes gsungs// sangs rgyas bsgrub pa'i sa zhes btags pa de// byang chub sems kyi rang bzhin de las ni// gong bshad bzhin du byang chub sems la gnas// zhes sbyang du med pa'i sa bstan to// byang chub kyi sems kun byed rgyal po las/ rdzogs pa chen po sa la sbyang du med pa'i le'u ste zhe dgu pa'o// tade nas byang chub kyi sems kun byed rgyal po des/ byang chub kyi sems rang byung ye shes la sgrib pa med pa 'di gsungs so// kye sems dpa' chen po nyon cig/ ye shes ye shes zhes bya ba// ye shes ye nas shes pa yin// rang byung ye shes ye nas shes// yul la rtog pa'i ye shes de// yul las byung bas rang byung min// yul med tsam na gsal mi byed// des na rang byung ye shes de// ye nas shes pa'i ye shes yin// ye shes zhes ni de la gdags// 'khor gyi ston pa'i ye shes ni// yul la btags pa'i ye shes de// gang su yul la rtog byed pa// de ni rig byed yin shes bya// de ni rig byed ye shes yin// rig par bya ba'i yul de ni// byang chub sems las byung ba'i phyir// de ni yul med byang chub sems// ye shes rang las byung ba'i phyir// de la ting 'dzin sgom mi byed// ting 'dzin/

  168. 85a

    sgom pa mi byed pas// ting 'dzin bag chags sogs mi 'gyur// bag chags med pa'i chos nyid de// dus gsum sangs rgyas dgongs par bshad// dus gsum sangs rgyas thams cad kyi// dgongs pa'i yul la mi rtog ste// mnyam pa nyid du ye nas gnas// kye sems dpa' chen po nyon cig/ dus gsum sangs rgyas thams cad kyi// rang byung ye shes thugs de la// ye nas rtog pa med pa'i phyir// sangs rgyas dgongs pa mi mdzad de// rtog pa'i yul ni kun dang bral// shin tu rnal 'byor gang zag gang // su yang rung ba de yis ni// rtog pa med la gnas gyur na// de ni sangs rgyas dgongs pa mdzad// kye sems dpa' chen po nyon cig/ rang byung ye shes sangs rgyas dgongs pa mdzad// rang byung ye shes yul la mi rtog pas// rnam par rtog pa'i bag chags gos mi 'gyur// las ni ting 'dzin brtags pa'i bag chags yin// mi rtog pa la bag chags yod ma gsungs// mi rtog pa yi rang byung ye shes lnga// sems kyi rang bzhin dbang po sgo lngar shar// rang byung ye shes de la 'gag pa med// byang chub sems kyi ngo bo mngon snang la// rang byung ye shes mi 'gag so sor snang // rang gi rkyen gyis snang ba'i ngor mi spong // ting 'dzin mi rtog bag/

  169. 85b

    chags sog mi 'gyur// 'di yang dus gsum sangs rgyas dgongs pa ste// gang du mi rtog 'di la su gnas pa// nga la mi gnas 'gro ba'i don mi gnas// chos sku byang chub sems la 'di gnas te// dus gsum sangs rgyas kun gyi dgongs pa 'dus// kyesems dpa' chen po tshig don 'dis// rig pa nyams su mngon sum rtog par gyis// rang byung ye shes yul la lngar gnas pa// ye shes lnga ni yul 'dod ma yin te// yul 'dod lnga ni ye shes lnga la snang // yul de ye nas ye shes yin pa'i phyir// yul la ye shes gnyis su ngas ma bstan// des na yul yang rang byung ye shes bshad// rang byung ye shes gcig las med pa la// nga las byung ba'i 'khor gyi ston pa yis// yul la brten nas yang shes ming btags la// rnam pa grangs kyi ye shes byung ba ni// rnam pa btags pa'i ye shes gcig gis ni// yul gcig rang bzhin so sor snang ba la// yul can la ni yul gyi ming btags pa// de ni nges pa ma yin 'khrul pas btags// kun byed nga yi rang byung ye shes min// kun byed pa yi rang bzhin gcig pu la// 'khor gyi 'dod pa rnams kyis ming btags pa// la las byang chub sems su ming btags la// la las chos kyi dbyings su ming yang

  170. 86a

    btags// la las nam mkha'i khams su ming yang btags// la las rang byung ye shes ming yang btags// la las chos kyi sku ru ming yang btags// la las longs spyod rdzogs par ming yang btags// la las sprul pa'i sku ru ming yang btags// la las sku gsung thugs su ming yang btags// la las thams cad mkhyen par ming yang btags// la las rnam pa thams cad ming yang btags// la las ye shes bzhi dang gsum du btags// la las ye shes lnga ru ming btags/ la/ rta la las dbyings dang ye shes ming btags pa// rang byung byang chub sems ni gcig la btags// rang byung nga la mthong tshad smras pa yin// zhes gsungs so// byang chub kyi sems kun byed rgyal po las/ rang byung ye shes bstan pa'i le'u ste lnga bcu pa'o// // de nas byang chub kyi sems kun byed rgyal po des rdzogs pa chen po'i lam la bgrod du med pa 'di gsungs so// kye sems dpa' chen po nyon cig/ kun byed rgyal po nga ni byang chub sems// byang chub sems ni kun gyi lam chen te// gnas dang yul dang sangs rgyas sa dang gsum// gzhan na med de 'di na rang bzhin gnas// chos kyi dbyings dang chos nyid 'di na gnas// nam

  171. 86b

    mkha'i khams dang gzhal yas 'di na gnas// sangs rgyas gnas dang yul ni byang chub sems// gzhan du bgrod pa'i lam dang gnas med de// bgrod pas nam mkha'i lam la phyin pa med// kye sems dpa' chen po nyon cig/ lam la bgrod pa yod par lung ston pa// nga las byung ba'i ston pa sku gsum gyis// bgrod pa'i lam ni lnga dang gsum bstan te// de la bgrod nas phyin par bstan pa ni// rgyu las 'bras bu thob par 'dod pa yin// rdzogs chen bgrod pa med dang mi mthun te// tshogs dang sbyor ba bsgom mthong thob pa lngas// tshogs gnyis bsags nas gzung 'dzin gnyis tshems te// bsgom pa chos mthong thos pa'i 'bras bu de// bgrod du med pa'i lam dang ma phrad pas// bde chen rtsol sgrub 'das pa ming mi grag/ 'bras bu gsang bar bstan pa'i lam gsum ni// de bzhin nyid dang kun tu snang la sogs// sku gsum lam zhes goms par bsgom pa des// rang byung chos la rgyu 'bras bsnyen bsgrub bzhis// bgrod pas rtsol sgrub 'das pa'i sar ma phyin// rang sems spros bral chos kyi/ dbyings yin pas// spros bral de na sangs rgyas thams cad bzhugs// de bas lam la bgrod par ma byed cig/ rang sems ma bsgribs nam mkha'i khams bzhin

  172. 87a

    gsal/ de na dus gsum sangs rgyas thams cad bzhugs// de bas lam la bgrod par ma byed cig/ rang sems ma bcos chos nyid ji bzhin pa/ de la dus gsum sangs rgyas lhun gyis grub// de bas lam la bgrod par ma byed cig/ gal te ma rig lam la bgrod gyur na// phyin pa'i dus med rtogs thob dus med de/ bgrod pas sangs rgyas sa ru phyin pa med// sangs rgyas rang sems rtog pa bral ba yin// bgrod pas rang sems rtog bral der mi phyin// lta ba bsgoms pas ting 'dzin yul dang phrad// ting 'dzin de yis rtog bral mnyam dang bral// dam tshig bsrungs pas ma nyams 'dzin la gnas// ma nyams 'dzin pas rtog med mnyam dang bral// 'phrin las btsal bas grub pa'i ting 'dzin byed// grub pa'i ting 'dzin mi rtog mnyam dang bral// sa la sbyangs pas gnas pa'i ting 'dzin byed// 'byongs pa'i ting 'dzin rtog med mnyam dang bral// chos nyid brtags pas gsal ba'i ting 'dzin byed// ting 'dzin gsal ba so rtog med mnyam dang bral// ye shes gsal bar rtog pa'i ting 'dzin byed// gsal bar rtogs pa'i ting 'dzin mi rtog bral// kye sems dpa' chen po nyon cig/ 'dod pa'i ting 'dzin ji ltar gsal ba des// 'dod pa med pa bde ba

  173. 87b

    grub pa med// bya bral zin pa'i bde ba chen po de// mi rtog 'dod pa med pa de yis blangs// ting 'dzin mi byed bag chags mi sog pas// rang byung ye shes las kyi dbang mi 'gyur/ rang byung ye shes chos sku snying po de// btsal bas mi 'grub rang bzhin gnas las 'grub// grub par bya ba'i don rnams kun dang bral// don zhes bya ba'i ming tsam btags pa yin// yang dag nyid du sangs rgyas ming tsam yin// sangs rgyas ming du 'dogs par byed pa ni// nges pa'i lung med drang ba'i lung du bstan// nga las byung / ba'i ston pa sku gsum gyis// chos dang sangs rgyas dge 'dun dkon mchog gsum// yod par ming btags de gnyen sgrub pa ru// nga las byung ba'i 'khor ni sems yin/ la/ bde 'o skyid do sdug bsngal der spangs nas// 'di las ma gtogs pa yi bde ba ni// gzhan med zer nas lta spyod sna tshogs pas// spyad pas grub pa'i lung 'di/ bstan pa yin// bya med kun byed nga yi lung ma yin// zhes gsungs so// byang chub kyi sems kun byed rgyal po las/ lam la bgrod du med pa'i le'u ste nga gcig pa'o// / / de nas byang chub kyi sems kun byed rgyal po des/ bya med rdzogs pa ma g.yos pa 'dod pa med pa 'di gsungs so// kye sems dpa' chen po

  174. 88a

    nyon cig/ chos rnams thams cad grub 'dod pa// 'dod pa'i sa ni ma sgrub cig/ 'dod par byed pa'i sems de ni// mi len thams cad spong ba yin te/ ta de ni rgyu 'bras 'das pa'i phyir// 'bras bu 'dod nas rgyu mi sgrub// mi rtog rang bzhin gnas pas grub// 'dod pa'i ting 'dzin thams cad spong // 'dod med thams cad len par byed// ting nge 'dzin las 'dod pa 'dzin// 'dod pa de ni yang dag min// yang dag gzung du yod ma yin// byas pa'i las ni thams cad kyis// / ma ba tsa la lhun gyis grub pa sgrub// ma btsal lhun gyis grub pa de// byas pas grub pa ma yin te// ma byas ye nas lhun gyis grub// 'dod pa thams cad kun spangs pas// grub par byed pa'i gegs su tsha// 'dod pa'i ting 'dzin bag chags des// bag chags de ni sems 'dzin yin// 'dzin pas bde ba de spong byed// mi 'dzin bde ba kun len pa/ ta ji bzhin pa yi rang bzhin no// ji bzhin bcos pa med pa de// sangs rgyas kun gyi dgongs par gcig/ bde ba che las ma gtogs pa// 'dod dang 'dzin pa ga la yod// mi gnas pa la dmigs pa med// mi rtog pa la ting 'dzin med// med pa don gyi snying po de// 'dod pa med pa thob par 'gyur// gang la 'dzin chags med

  175. 88b

    pa des/ ting nge 'dzin de 'dzin pa'i mchog/ kun 'dzin ye nas grub zin pas// gtang gzhag mi rtog grub pa'i rgyal// kye sems dpa' chen po/ sna tshogs bsgoms pas gcig mi gsal// gsal ba ting 'dzin gang byed pa// de la'ang ting 'dzin yod ma yin// de bzhin nyid du gcig pa la// sangs rgyas sems can gnyis su phye// bde dang sdug bsngal gnyis phye nas// bde ba dang du blang lung bstan// sdig pa rgyab tu bor lung bstan// ma nges nga yi lung las 'gal// kye sems dpa' chen po nyon cig gcig la gnyis su ma 'byed cig/ bde ba sdug bsngal byang chub gcig/ sangs rgyas sems can sems su gcig/ snang srid snod bcud chos nyid gcig/ bden brdzun gnyis kyang chos nyid mnyam// bde ba mi len sdug ma spong // rang bzhin gnas pas kun kyang grub// bde la chags pa sdug bsngal yin// kun gsal bde la rtog med pas// de ni rang byung ye shes yin// ye shes bag chags mi sogs pas// las kyis gos par ga la 'gyur// rgyu 'bras ye shes ting 'dzin rtog/ rtog pa'i ye shes bag chags can/ ye shes bag chags dbang sgyur bas// rtog pa'i ye shes bsgom mi bya// rtog pa'i ye shes bsgom byas pas// mi rtog mnyam dang bral bar 'gyur// ting 'dzin

  176. 89a

    rtsol ba'i nad kyis zin// kye sems dpa' chen po/ kun byed pa ni byang chub sems// thams cad byang chub sems yin la// byang chub sems las thams cad med// sems las sprul pa'i chos ni sna tshogs te// sna tshogs sprul pa ci yang snang ba ni// sems can gzugs dang dbyibs dang kha dog dang // ji ltar snang ba de la dad pa re// dad pa de yis 'thad pa'i chos ston pa// de ni ye shes thugs rje sprul par bshad// de yang rang bzhin chos las g.yos med par// sangs rgyas rang bzhin chos las g.yos med pas// dus gsum rgyal ba rnams kyi chos nyid yin// chos nyid las ni sangs rgyas gud na med// sangs rgyas las ni sems can gud na med/ sems can mi rtog sangs rgyas dgongs pa yin// byang chub sems ma byung gi bar du ni// sangs rgyas dang ni sems can gnyis ka med// de bas sangs rgyas kun pas sems nyid bsngags// sems nyid mi 'gyur 'gyur ba ye nas med// chos nyid bsgyur bas g.yos pa rdul med par// gcig pa rim pa dgu dang brgyad khri stong // 'byed pa'i ston pas gcig gi don mi rtogs// gcig ma rtogs pas kun don rtogs mi 'gyur// des na sems gcig don de rab tu dka'// zhes gsungs so// byang /

  177. 89b

    chub kyi sems kun byed rgyal po las/ ma g.yos 'dod pa med pa'i le'u steng gnyis pa'o// // de nas byang chub kyi sems kun byed rgyal po des chos thams cad g.yos pa med pa 'di gsungs so// kye sems dpa' chen po nga rtogs shig/ nga rtogs chos rtogs g.yos pa med// kun byed rgyal po ston pa nga nyid ni// byang chub sems la g.yos pa med// kun byed rgyal po ston pa nga nyid ni// byang chub sems la g.yos pa med pa de// thams cad byang chub sems las g.yos med zhi// rang byung ye shes rgyu rkyen med pa de// rgyu dang 'bras bu kun las shin tu rgyal// rgyu 'bras theg pa can la shin tu gsang // ma skyes rdo rje chos kyi dbyings na rgyal// rgyu 'bras can la mi smra shin tu gsang // sems nyid ma 'gags nam mkha'i dbyings na rgyal// rgyu 'bras can la mi smra shin tu gsang // snang srid snod bcud ma lus chos nyid rgyal// rgyu 'bras can la mi smra shin tu gsang // nam mkha' rlung chus me snang ba lnga// byang chub sems kyi ngo bor shin tu rgyal// rgyu 'bras can la mi smra shin tu gsang // khams gsum dug gsum thugs su ye shes rgyal// rgyu 'bras can la mi smra shin tu gsang // byang chub sems kyi rang bzhin kun byed la// ma yal ma zhi

  178. 90a

    rang bzhin zhi ba med// chos dbyings rang bzhin spros med zhi ba de// ma yal ma zhi rang bzhin spros pa med// rang byung yeng shes ma bsgribs gsal pa de/ ta mkha' la ma yal ma zhi zhi ba med// snang srid snod bcud chos nyid rang bzhin de// ma yal ma zhi rang bzhin zhi ba med// chos rnams thams cad ma yal ma zhi ba// rang bzhin gsal te ngo bo g.yos pa med// g.yos med chos la rgyu 'bras sgrub byed pa// de ni nga yi lung min 'dod lung yin// nga ni 'dod pa med pas kun grub ste// mi 'dod 'dod pa med pa rang bzhin grub// grub ces bya ba nga yis smras pa med// rgyu 'bras grub 'dod rnams kyi tshig tu'o// nga ni sgo dang skur pa'i dgra ru che// yod dang med dang grub dang ma grub dang // sgros dang skur pa btags pa thams cad kun// mi rtog pas ni mnyam pa nyid du gnas// mnyam pa nyid las ma gtogs dgongs pa ni// sangs rgyas kun gyi mes po ngas ma gsungs// ma gsungs dgongs pa sangs rgyas kun mi ston// gsungs pa thams cad nga yi ngo bo gsungs// ngo bo rang bzhin chos rnams thams cad yin// rang bzhin rnam dag mnyam pa'i rgyal po de// mi 'gyur rang bzhin chags pa kun dang bral// gzung ba'i yul med sems kyi gnas kyang med// de la mngon

  179. 90b

    sum thob par su 'dod pa// 'dod pa de la chags pa'i gnas yin te// de la mi rtog mnyam pa'i dgongs pa med// chos nyid ye nas rang bzhin gnas pa la// de btsal bsam pa 'dod sgrub byed pa ni// rang sems gzhan du tshol bar byed pa yin// de yis chos kyi dbyings dang nam mkha'i khams// khams gsum gnas dang srid pa'i chos bshig kyang / ta rang sems rang bzhin gnas pa de mi rnyed// rang gi sems ni nam mkha'i rang bzhin te// mtha' la thug pa med pas dbyings la bri ba med// rang sems nam mkha'i rang bzhin rnyed mi rigs// chos kyi rang bzhin kun kyang de lta ste// ji bzhin pa la kun kyang bcos pa med// chos kyi rol pa ting 'dzin ci byas kyang // ji bzhin pa la ngo bor 'gyur/ ba med/ 'gyur te lhag pa'i stobs gcig cher 'gyur na// ting 'dzin gcig gis 'khor ba lhag ma med// sgra yang ji bzhin pa la 'gyur ba med// rang bzhin che ba'i yul la rang bzhin gnas// rang bzhin ma bcos pa yi ming yin la// che ba ma bcos pa la che zhes brjod// sangs rgyas rnams kyi sku gsung thugs dang ni// sems can rnams kyi lus ngag yid gsum la// bzang ngan che chung khyad par yod ma gsungs// mi rtog chos nyid mnyam pa nyid du mnyam// mnyam pa nyid la chos dang chos min gcig kyang med//

  180. 91a

    sems can rgyu med sangs rgyas 'bras bu med// rgyu 'bras ston pa ston pa nyid lung nor// de bas nga las byung ba'i chos mnyam pas// nga las byung ba bzang ngan med mnyam gcig/ ces gsungs so// byang chub kyi sems kun byed rgyal po las/ chos thams cad rang bzhin g.yos pa med pa'i le'u ste nga gsum pa'o// / / de nas byang chub kyi sems kun byed rgyal po des/ nyid kyi rang bzhin rang byung gi ye shes yin la/ rang byung gi ye shes de don gyi ngo bo lnga dang ldan te/ de gang zhe na/ don chos thams cad 'byung ba'i snying po dang / don ma nor nges pa'i ngo bo dang / don rgyu 'bras 'das pa'i ngo bo dang / don byar med pa'i ngo bo dang / don chos thams cad gtan la 'bebs pa'i ngo bo dang lnga'o// rang byung gi ye shes de la bsdus pa'i mdo lung ni lnga/ phye ba'i mdo lung ni lnga bcu rtsa bdun po 'di gsungs so// kye sems dpa' chen po don 'di nyon cig/ kun byed rgyal po byang chub sems nga ni// rang byung ye shes chen po gcig la ni// rang byung yang shes bsdus pa lnga las ni// phye bas mdo lung lnga bcu rtsa bdun te// nga yi ngo bo lnga bcu rtsa bdun yin// de yi ngo bo ji ltar yin zhe na// ye shes ngo bo chos kyi snying po las// mngon du phyung ba'i mdo lung bcu yang bstan//

  181. 91b

    ye shes ma nor nges pa'i ngo bo las// ma nor nges pa'i mdo lung bcu yang bstan// ye shes rgyu 'bras 'das pa'i ngo bo las// rgyu 'bras 'das pa'i mdo lung bcu yang bstan// yang shes bya ba med pa'i ngo bo las// bya med rdzogs pa'i mdo lung bcu yang byung // yang shes gtan la 'bebs pa'i ngo bo las// gtan la 'bebs pa'i mdo lung bcu yang byung // sems nyid yang shes ngo bo rnam lnga las// mdo lung bcu tshan rnam pa lnga byung ni// rang bzhin ngo bo yid ches lnga bstan yin// bdun ni nges par bstan pa'i le'u bdun gyis// gcig gis gzhi bstan gcig gis gdams pa bstan// lnga yis so so dgos pa lnga yang bstan// de yi don gyi bye brag bstan pa ni// dang por chos nyid mthong bar bya ba'i phyir// mngon du phyung ba'i mdo lung bcu yang bstan// yin min yid ches rtog pa bsal ba'i phyir// ma nor nges pa'i mdo lung bcu yang bstan// kun byed rgyal po'i rang bzhin ye shes de// rgyu rkyen dag la rag ma las pa'i phyir// rgyu 'bras 'das pa'i mdo lung bcu yang bstan// kun byed rgyal po rang byung ye shes la// bya byed rtsol sgrub bya mi dgos pa'i phyir// bya med rdzogs pa'i mdo lung bcu yang bstan// kun byed rgyal po rang byung ye shes des// nyid kyi rang bzhin gtan la 'bebs pa'i

  182. 92a

    phyir/ gtan la 'bebs pa'i mdo lung bcu yang bstan// de la don gyi dgos pa lnga yod de// chos nyid mngon du phyung ba'i mdo lung la// chos nyid mngon du mthong ba'i dgos pa yod// chos nyid ma nor mngon du mthong ba des// lha spyod dam tshig lam la bgrod mi dgos// ma nor nges par ston pa'i mdo lung la// ma nor yid ches pa yi dgos pa yod// sems nyid ma nor yid ches mngon pa des// sangs rgyas bsgrub mi dgos pa'i dgos pa yod// rgyu rkyen rag ma las pa'i mdo lung la// rtsol sgrub bya/ mi dgos pa'i yon tan yod// rtsol zhing sgrub pa bya mi dgos pa des// mi rtsol ba de la gnas pa'i dgos pa yod// bya med rdzogs pa'i mdo lung bstan pa la// ma byas rang bzhin rdzogs pa'i dgos pa yod// bya med rang bzhin rdzogs pa'i dgos pa des// ye nas lhun gyis grub pa'i dgos pa yod// gtan la 'bebs pa'i mdo lung bstan pa las// dus gsum sangs rgyas khams gsum sems can dang // snang srid snod bcud bsdus pa thams cad kun// rgyu med nges par rang byung bya med par// mdo lung lnga dang mthun par gtan la 'bebs// gtan la 'bebs pa'i mdo rtsa bstan pa ni// dus gsum sangs rgyas dang por lung bstan pa// chos nyid nam mkha' lta bu'i rang bzhin la// snga phyi dus

  183. 92b

    gsum lta ba'i sems can rnams// phyi ma dran med snga ma bag chags 'gags// des na sems can nam mkha'i chos nyid mang shes mthong // sangs rgyas sangs rgyas zhes bya'i nges tshig ni// chos nyid byang chub sems kyi rang bzhin pa// spros med dbyibs dang dbang po'i spyod yul sangs// nam mkha' bzhin du kun la khyab cing rgyas// sangs rgyas ming du btags pa nga yis med// khams zhes bya ba'i gtan tshigs bstan pa ni// mang zhing rgya che ba yi mtshan nyid de// khams gsum sems can gcig gi dbang po yis// dpag/ gis mi lang bas na khams su btags// yang dag nges par ming du btags pa med// sems zhes bya ba'i nges pa bstan pa ni// rgyu rkyen med pa'i rang byung yang shes te// ma 'gags kun la dbang po sgo lngar gsal// de la sems zhes bya ba gsal bar bshad// snang srid snod bcung bsdus pa thams cad ni// skye ba med las cho 'phrul snang ba de// sna tshogs srid pas snang srid ces su btags// snod dang bcud ces bya bar bstan pa ni// 'byung lnga snod kyi nang na rgyud drug bcud// gnas pas snod bcud ces su btags pa yin/ kun zhes bya ba lhag ma ma lus pa// bsdus pas kun byed rgyal po'i rang bzhin lngar// mdo lung lnga bcu rtsa bdun phyung nas bsdus// kun byed rang bzhin lnga ru 'dus

  184. 93a

    bar bstan// snying po mngon du 'byin pa'i rang bzhin dang // ma nor nges par ston pa'i rang bzhin dang // rang byung rgyu 'bras 'das pa'i rang bzhin dang / rgyu byed col sgrub 'das pa'i rang bzhin dang // mthun par gtan la 'bebs pa'i rang bzhin pa'o// zhes gsungs so// kyai snron paskrun byed rgyal po lag/ sems dpa' rdo rje bdag gi rig pa yis// kun byed rang byung ye shes gcig ngo la// dgos pa phun sum tshogs pa lnga byung ste// rang byung ye shes chos kyi snying po las/ snang zhing srid pa'i chos rnams thams cad kun// mi snang ba la mngon du 'byin nus pas// chos kyi snying po yin par yid kyang ches// rang byung ye shes gcig gi ngo bo de/ don dam kun rdzob bden brdzun gnyis med par// ma nor nges pa'i byang chub sems ston pas// the tsom som nyi med par yid kyang ches// rang byung yang shes gcig gi ngo bo de/ rgyu la mi rten rkyen la mi sgrub pas// gzhan la rag ma lus pa'i rang bzhin gyis// rang byung ye shes yin par yid kyang ches// rang byung ye shes gcig gi ngo bo de// rgyu rkyen meng bar lhun gyis grub pa'i phyir// 'phrin las btsal zhing bya med bya mi dgos// ma btsal lhun gyis grub par yid kyang ches// rang byung ye shes gcig gi ngo bo

  185. 93b

    de/ rang byung ye shes ye nas ma bsgribs pas// ji ltar snang ba'i chos rnams thams cad gsal// chos rnams thams cad gtan la 'bebs pa'i phyir// ston pa'i sgron ma yin par yid kyang ches// zhes zhus so// byang chub kyi sems kun byed rgyal po las/ mdo lung thams cad kun byed nyid kyi rang bzhin du bsdus pa bstan pa'i le'u ste bzhi pa'o// // de nas byang chub kyi sems kun byed rgyal po des/ chos thams cad byang chub sems las gzhan med pa'i mdo 'di gsungs so// kye sems dpa' chen po 'di nyon cig/ ji ltar snang srid snod bcud bsdus pa dang // don dang tshig tu bsdus pa thams cad kun// byang chub sems yin pa ni 'di lta ste// chos kyi dbyings dang nam mkha'i khams 'di yang // ma spros ma bsgribs pa yi byang chub sems// 'di las gzhan yin bdag gis gsungs pa med// nam mkha' rlung chus me snang ba yang // byang chub sems kyi ngo bo bstan pa yin// 'dod khams gzugs khams gzugs med khams gsum yang // byang chub sems kyi ngo bo gsum snang yin/ de ston pa yi ston pa sku gsum yang // byang chub sems kyi rang bzhin rnam gsum yin// sems nyid ye shes ma 'gags 'dod khams snang // sems nyid ngo bo snang ba

  186. 94a

    gzugs kyi khams// sems kyi rang bzhin ma skyes gzugs med khams// rang bzhin ma skyes spros bral chos kyi sku// sems nyid nyid la nyid spyod// longs spyod rdzogs// sems las sems sprul sems kyis don mdzad sprul// dmyal ba la sogs 'gro ba ris drug gi/ tsha grang bkres skom blun lkugs ltung 'gyur rnams// mi rtog mnyam pas ji bzhin chos nyid grol// rang byung yang shes yul la mi rtog pas// las kyi bag chags skyon yon kun dang bral// yon tan mi len skyon rnams mi 'dor bas ta/ bde ba mi sgrub sdug bsngal spang du med// ji bzhin pa la g.yos pa ye nas med// de bzhin bsgyur bas 'gyur ba'i chos kyang med// 'dod pas len pa'i chos kyang thob pa med// chos rnams rang bzhin 'byung ba'i mtshan nyid ni// sems las rang byung ye shes 'byung ba 'dra// 'dra zhes ming gdags rang 'byung ye shes yin// rang 'byung ye shes chos nyid yul gcig la// chos gzhan mthong nas ye shes de spong byed// rang byung ye shes de dang phrad mi 'gyur// spong 'gegs yul can dag la ming mi grag don dam kun rdzob bden pa rnam gnyis kyis// sbyangs kyang bskal pa gsum gyi bar du thogs// dag gsum spyod dang mtshan med sgor zhugs nas// byang chub yan lag kun

  187. 94b

    gyi sgor zhugs nas// cho ga rdzogs pa'i ting 'dzin rim pa yis// rang byung ye shes tshe bdun bar du spangs// thabs dang shes rab gnyis med sgor zhugs nas// skye med shes rab thabs kyis bskyod gyur nas// snang la rang bzhin med par rang bsgoms nas// cho ga lnga dang yo byad yan lag dang // dam tshig tshul dang rab tu brtson gyur na// rigs/ 'dzin sa ste lo stong drug brgya ru// longs sku 'dod pa'i ting 'dzin yangs med byed// longs sku thob nas rang sems gdod tshol lha// stong phrag gcig na mi rtog mnyam gzod rnyed// kye sems dpa' chen po rdo rje khyod nyid kyang // nga lung ma nor khyod kyis de ston cig/ kye sems can lha mi rnams ni shes pa rtsing // dbang po yul la yengs pa'i rang bzhin gyis// sems can mi shes gang bstan tshim pa la// ma nor nges pa'i lung chen ma bstan par// rgyu 'bras drang lung don dam kun rdzob bstan// / bden brdzun gnyis kyis shes pa de tshim nas// bskal pa yun rings bden brdzun gnyis la gnas// de bas dang por rang sems ma nor bstan// bstan pas ma nor btsal/ med lam phrad nas// da lta nyid nas mi rtsol sa la gnas// btsal du med pa'i lam dang de phrad 'gyur// ting 'dzin bsgom mi dgos dang de phrad 'gyur// mi rtsol bde la

  188. 95a

    gnas pa de yis thob// ma nor nges par rang sems de thob pas// ma btsal lhun gyis grub pa'i yon tan ni// sems bskyed mi dgos lam la bgrod mi dgos// sa la mi sbyong lta ba bsgom mi dgos// sdom pa tshul khrims dam du gnyer mi dgos// kye sems dpa' chen po lung ston cig/ 'ojig rten mtshan ma'i chos 'di bsgrub pa bzhin// lus kyi las su bya byed lha mi bsgom// ngag gi las su sngags dang tshig mi brjod// yid kyi las su ting 'dzin gsal mi bsgom// zhes gsung so// byang chub kyi sems kun byed rgyal po las chos thams cad byang chub kyi sems las med pa'i le'u steng lnga pa'o// // de nas sems dpa' rdo rje des/ byang chub kyi sems kun byed rgyal po de chos thams cad kyi ngo bo dang byed pa po yin par/ nyid kyi 'khor thams cad la tshig bsgrags pa dang / rtogs pa phul ba 'di bsgrags so// kye ston pa'i ston pa kun byed rgyal po lags// bdag gis khyod kyi rang bzhin rtogs pa ni// chos rnams thams cad khyod kyi rang bzhin gcig/ chos nyid chos kyi dbyings kyi pho brang ste// kun byed rgyal po yin par rab tu grags// nam mkha'i khams kyi gzhal yas khang 'di yang // kun byed rgyal po

  189. 95b

    yin par rab tu grags// kye / skye med chos kyi sku yi ston pa yang // kun byed rgyal po yin par rab tu grags// 'dod spyod longs spyod rdzogs pa'i sku 'di yang // kun byed rgyal po yin par rab tu grags// thugs rje ye shes sprul pa'i sku 'di yang // kun byed rgyal po yin par rab tu grags// 'dod pa'i khams kyi 'dod chags khams 'di yang // kun byed rgyal po yin par rab tu grags// gzugs kyi khams kyi nga rgyal khams 'di yang // kun byed rgyal po yin par rab tu grags// gzugs med khams kyi yid kyi lus 'di yang / kun byed rgyal po yin par rab tu grags// snga rabs 'das pa'i sangs rgyas nyid la gnas pa yang // kun byed rgyal po yin par rab tu grags// da ltar bzhugs pa'i sangs rgyas don mdzad kyang // kun byed rgyal po yin par rab tu grags// slad kyis 'byon pa nyid las 'byung ba yang // kun byed rgyal po yin par rab tu grags// rnal 'byor rnam bzhi nyid la lta ba yang // kun byed rgyal po yin par rab tu grags// snang srid snod bcud 'byung ba lngas bsdus pa// kun byed rgyal po yin par rab tu grags// kun byed rgyal po las ni ma gtogs pa// sangs rgyas sems can snang srid snod bcud dang // chos su grags pas bsdus pa thams cad la// kun byed rgyal po las ni gzhan

  190. 96a

    mi snang // zhes sems dpa' rdo rjes bsgrags so// byang chub kyi sems kun byed rgyal po las/ sems dpa' rdo rjes kun byed rgyal po'i rang bzhin rtogs pa'i sgo nas bsgrags pa'i le'u ste lnga bcung drug pa'o// // de nas byang chub kyi sems kun byed rgyal po des/ sems dpa' rdo rje la bstan pa gtad pa'i le'u 'di gsungs so// kye sems dpa' rdo rje 'di zung cig/ khyod ni rang byung ye shes te// khyod ni nga yi snying por byung // nga yi rang bzhin 'di zung zhig/ nga yi rang bzhin rnam gsum las// sku gsum ston pa byung ba yang // de yi rang bzhin khyod kyis zung // de yi bstan pa rnam gsum yang // ston pa smra ba'i seng ge khyod kyis gyis// dus gnas 'khor la sogs pa yang // nyid kyis byas par khyod ston cig/ kun byed nga yi rang bzhin nam// kun byed nga yi mtshan bshad bzhin// khyod kyis nga yi rang bzhin zung // nga ni kun gyi rang bzhin yin// sangs rgyas mes po nga yin gyis// sangs rgyas kun gyi mes po gyis// kun byed rgyal po nga nyid ni// sku gsum ston ba'i pha ma yin// khyod kyis sku gsum pha ma gyis// dus gsum sangs rgyas mes po gyis// sems can kun gyi yang mes po// smra ba seng ge smra ba'i tshe// ji ltar snang

  191. 96b

    ba'i chos rnams kun// sems dpa' chen po nyid dang ni// kun byed rgyal po nga las ni// gzhan yin smra bar ma byed cig/ sku gsum bstan pa'i nang nas ni// rgyu dang 'bras bu rnam gnyis las// rgyu las bsgrubs nas 'bras bur 'dod// sems can sangs rgyas ming btags nas// sems kyis sangs rgyas 'bras bu sgrub// 'di ni ngami bstan pa yin// kun byed nga yi rang bzhin ni// rgyu dang 'bras bu gnyis las 'das// sems can sangs rgyas gnyis med pas// sangs rgyas sems kyis grub ma byed/ kun byed rgyal po nga nyid ni// sems nyid rang byung ye shes so// zhes gsungs so// byang chub kyi sems kun byed rgyal po las/ bstan pa gtad pa'i le'u ste mdo lung lnga bcu rtsa bdun pa'o// // rdzogs so// / bcom ldan 'das dpal rdo rje sem dpa' la phyag 'tshal lo// dus gsum rgyal ba'i sku gsung thugs kyi bcud// nam mkha'i mtha' mnyam snying po'i don can nyid// kun byed rgyal po rdzogs chen rgyud 'di la// gsang ba mchog gi mdo lung lnga bcu bdun// dang po gzhi las phye ba'i mtshan nyid ni// mngon du phyung ba mdo lung bcu dang gcig/ nges par bstan pa'i mdo lung bcu dang

  192. 97a

    gnyis/ rgyu 'bras 'das pa'i mdo lung bcu dang gsum// bya med rdzogs pa'i mdo lung bcu dang bzhi// gtan la 'bebs pa'i mdo lung bcu dang lnga'o// dang por mngon par mthong ba'i dgos pa dang // gnyis pa yid ches ston pa'i dgos pa dang // rtsol bsgrub bya mi dgos pa gsum pa ste// ma byas rang bzhin rdzogs pa bzhi pa yin// gtan la 'bebs pa'i dgos pa nyid dang lnga// gzhi dang gdams pas lnga bcu bdun du bstan// dang por kun gzhi lnga bcu bzhi par bcas// mngon du phyung ba'i mdo lung bcu pa la// dang pos rgyud 'byung ba yi rgyu bstan phyir// gleng gzhi mngon du phyung ba'i mdo dang bstan// de nyid gsal bar sems la 'dus bstan phyir// phun sum tshogs pa mngon du phyung nas bstan// de nyid chos nyid ngang du 'dus pa'i phyir// chos nyid mngon du phyung ba'i le'u bstan// / chos nyid kun byed rtsa ba byang chub sems la 'dus pa// rtsa ba kun byed mngon phyung le'u bstan// de nyid chos kun kun 'byung gzhi yin pas// thams cad byung khungs mngon// du byung ba bstan// de dag kun byed nyid las bstan pa'i phyir// kun byed las byung byung khungs mngon phyung ba stan// de nyid phun sum tshogs par rab byung bas// sku

  193. 97b

    gsum phun sum tshogs par phyung nas bstan// de nyid rang sems ston par 'das pa'i phyir// rang sems ston par sngon du phyung bar bstan// rang sems ston pas gnyis med de yi phyir// gtan tshigs mngon du phyung ba'i lung yang bstan// de yis rtsa ba sems su gcig rig pas// rtsa ba sems su gcig pa mngon phyung bstan// de ltar mngon phyung mdo lung bcu po la// gdams ngag phog pas chos nyid mthong ba'i phyir// gdams ngag phog pas dgos pa dang po bstan// mngon phyung ba yi don la nges rnyed pas// nges par bstan pa'i mdo lung bcu po la// chos kun kun byed de nyid nges rtogs phyir// mtshan nyid nges par bstan pa'i lung yang bstan// de yi rgyud dang mngon sum thabs rtogs pa// lung gnyis nges par bstan pa'i lung yang bstan// lung de nges par rtogs par bya ba'i phyir// sems nyid nges par bshad pa'i lung yang bstan// ba shad pa de nyid yid ches bya ba'i phyir// lung khungs nges par bstan pa'i lung yang bstan// de yis don nyid gtan la nges 'bebs pas// don 'grel nges par bstan pa'i lung yang bstan// don 'grel gtan phab nges pa'i gdeng rnyed pas// tshig bzhi nges par bstan pa'i lung yang bstan// nges pa sku gsung thugs su

  194. 98a

    'dus pa'i phyir// sku gsung thugs su nges pa'i lung yang bstan// sku gsum dgongs pa gcig tu brdal ba'i phyir// dgongs pa nges par bstan pa'i sung yang bstan// dgongs 'dus ngan la ma btsam rang gzhag byer// dgongs pa nges pa gzhag pa'i lung yang bstan// nges par bstan pa'i don la mi 'da' bas/ sku gsum nges 'chang lung 'di nges par bstan// nges par bstan pa'i lung bcu brjod pas ni// ma nor yid ches nges pa'i dgos yod pas// thams cad byang chub sems las med par bstan// nges par rang 'byung gcig las med pa'i phyir// rgyu 'bras gnyis kyi zhen pa bzlog pa'i phyir// rgyu 'bras 'das pa'i lung bcu bshad pa ni// nges par rang byung rig pa kun gcig pas// ngo bo gcig pas rgyu 'bras 'das par bstan// gcig la rang 'byung rdzogs par rtogs dka' ba// skal med gsang ba rgyu 'bras 'das mi rtogs// ma rtogs de nyid lta spyod gol sgrib pas// gol sgrib rgyu 'bras sgrib pa'i lung yang bstan// de nyid sems nyid la bzla rgyu 'bras 'das// rgyu 'bras gol sgrib skyon yon sel bar bstan// gol sgrib skyon med rdzogs chen sems rtog phyir// rgyu 'bras 'das pa'i rdzogs chen nges par bstan// rdzogs chen

  195. 98b

    gzhung rtogs ma btsal lhun grub pas// ma btsal lhun grub rgyu 'bras 'das par bstan// ma btsal btsal bas grub par mi 'gyur phyir// chos nyid btsal bas mi grub 'das pab bstan// btsal med rang bzhin yongs la bkod pa'i phyir// rgyu 'bras kun 'das chos nyid bkod pa bstan// chos nyid byang chub sems su bstan pa'i phyir// rgyu 'bras 'das pa'i sems kyi rang bzhin bstan// de nyid ma btsal lhun grub rgyu 'bras 'das// ma g.yos 'dod pa med pa'i rang bzhin bstan// rdzogs chen rgyu 'bras 'das pa'i lung bcu yis// rtsol bsgrub bya mi dgos pa'i dgos yod pas// rnam grangs gcig tu bsdus te btsal med bstan// btsal med rgyu 'bras 'das pa'i rang bzhin la// bya med lhun gyis rdzogs pa'i lung bcu ni// sems kyi rang bzhin mi gnas yul med pas// bya med rdzogs pa mi gnas yul med bstan/ de nyid ma 'dres yongs rdzogs kun khyab pas// mi nub rgyal mtshan bya med rdzogs pa bstan// de nyid ye shes phyag rgya mi 'da' bas// bya med rdzogs pa phyag rgya 'gyur med bstan// de nub rgyal mtshan bya med rdzogs pa bstan// de nyid btsal bas 'bras bu mi rnyed pas// bya med rdzogs pa btsa la mi rnyed pa bstan// btsal

  196. 99a

    bral byang chub sems su rnam dag pas// bya med rdzogs pa rnam dag dbyings su bstan// rnam dag dbyings la btsal ba'i nad med pas// bya med rdzogs pa rdo rje tshig drug bstan// rtsol bral ji bzhin mkha' ltar gnas pa'i phyir// bya med rdzogs pa nam mkha'i dgongs pa bstan// nam mkha'i dgongs pas dgongs pa kun las 'das// bya med rdzogs pa bsgom du med pa bstan// bsgom med sgom pas grub par mi 'gyur phyir// bya med rdzogs pa skal med don med bkod// rdzogs chen skal ldan 'bras bu rang gnas pa// kun byed rtogs bsgrags bya med rdzogs par bstan// bya med rdzogs pa'i lung bcu bstan pa la// ma byas rang bzhin rdzogs pa'i dgos yod pas// mi phyed rang bzhin rdzogs par zhal gyis bzhes// ma bcos de nyid gtan la dbab pa'i phyir// gtan la 'bebs pa'i mdo lung bcu bstan pa// chos kun gzhi ma gtan la dbab pa'i phyir// gzhi ma kun byed gtan la 'bebs par bstan// de nyid dus gsum rgyal ba'i snying po bas// rgyal ba'i snying po gtan la 'bebs par bstan// rgyal ba'i snying po bsam brjod yul las 'das// lta ba bsgom med gtan la 'bebs par bstan// ltar med bsgom bral nyid ni ma yengs/

  197. 99b

    pas/ bsgom du med par gtan la phab ste bstan// bsgom bral bde chen dbyings las mi 'da' bas// dam tshig bsrung du med par gtan la phab// mi 'da' chos nyid ma/ btsal lhun grub pas// 'phrin las btsal du med par gtan la phab// btsal med nyid la dus gcig 'jug pa'i phyir// sa la 'jug tu med par gtan la phab// ma sbyangs 'od gsal ye shes lam mchog pas// lam la bgrod du med par gtan la phab// da phyir rgyu rkyen ma btsal rang byung bas// rang byung ye shes sgrib med gtan la phab// ye shes ma btsal rang la lhun grub pas// ma g.yos 'dod med 'bras bur gtan la phab// gtan la 'bebs pa'i lung bcu bstan pa la// ma bcos gtan la 'bebs pa'i dgos yod pas// bcos su med pa'i don gyi dgos pa bstan// de rnams skal ldan don du bstan pa'i phyir// tha mas rgyud de gtad cing gdams pa bstan// dang pos rgyu bstan gnyis pas ngo bo bstan// tha mas der gnas gdams pa 'bras bu bstan// dang por lhun grub gzhi yi don nyid las// gdul bya'i dbye ba lnga bcu lnga 'byung bas// mngon du phyung ba'i lha yul thig les btab// don la nges pa'i gtan tshigs nges bskyed pas// nges par bstan pa'i mdo lung bcu ru

  198. 100a

    bstan// nges rnyed grub mtha' rgyu 'bras kun 'das pas// rgyu 'bras 'das pa'i mdo lung bcu ru bstan// de nyid ma byas rang bzhin rdzogs 'jog pas// bya med rdzogs pa sgom pa'i lung bcu bstan// rang byung gtan la 'bebs pas 'bras rdzogs pas// gtan la 'bebs pa'i 'bras bu bcu bstan to// gzhi lam 'bras bu klong dgu bstan pa bkram// gdams ngag lung gi dngos po gtan la 'bebs// ma yengs gnas pas lhun grub rang la 'char// skal ldan lung bstan rgyal sras sems la thums// kun byed rgyal po'i skabs sbyor lnga bcu rtsa bdun bshad pa rdzogs so// // de nas byang chub kyi sems kun byed rgyal po des/ rang byung ye shes skye ba med par rtogs nas cang mi gsung bar bzhugs so// de nas sems dpa' rdo rje dam pa des 'di skad ces zhus so// kyeston pa'i ston pa kun byed rgyal po lags// legs par gsungs pa'i mdo dag mthar phyin na// ston pa gsum po nyid kyis ji ltar rtogs// bstan pa gsum po nyid kyis ji ltar rtogs// 'khor gnas dus kyi rang bzhin ji ltar rtogs// nyid kyis ji ltar rtogs pa'i dgongs pa'i don// bdag cag rnams la legs par bstan du gsol//

  199. 100b

    zhes zhus so// de nas byang chub kyi sems kun byed rgyal pos/ rtogs pa bshad pa zhes bya ba'i rgyud phyi ma 'di gsungs so// kyesems dpa' rdo rje don 'di legs par nyon// ston pa'i ston pa kun byed rgyal po yis// nga las byung ba'i ston pa sku gsum gyis// so sor 'dul ba'i don du gang gsungs pa// ston pa de dang gnas dang 'khor dag dang // bstan pa sdud pa so sor gnas par rtogs// kun byed nga yis rang bzhin rtogs pa min// kyekun byed nga yi rtogs tshul bstan pa ni// nga nyid skye ba med pa'i rang bzhin te// de las byung ba'i chos ni thams cad kun// rang byung skye ba med pa'i dbyings su rtogs// kye sems dpa' chen po legs par nyon cig/ nga nyid skye ba med par ngas rtogs pas// ston pa gsum yang skye ba med par rtogs// bstan pa gsum yang skye ba med par rtogs// 'khor gnas dus kyang skye ba med par rtogs/ 'das pa'i sangs rgyas skye ba med par rtogs// da ltar byung ba'i sangs rgyas bzhugs pa yang // skye ba med pa nyid du rab tu rtogs// ma byon slad kyis 'byon pa'i sangs rgyas kyang // skye ba med pa nyid du rab tu rtogs// kye ston pa kun byed nga yis rtogs pa ltar// sems dpa' rdo rje khyod kyis rtogs par gyis// sems dpa'

  200. 101a

    rdo rjes de ltar ma rtogs na// kun byed nga yi rang bzhin rtogs mi 'gyur// nga yi rang bzhin khyod kyis ma rtogs na// snying po'i rang bzhin bcu dag rtogs mi 'gyur// rang bzhin bcu yi don la rmongs pa yis// bsgom du med pa'i lung bcu ji ltar rtogs// kye nga yis chos rnams ji ltar bstan pa ltar// sems dpa' rdo rje khyod kyis rtogs par byos// nga yi rang bzhin skye med rtogs pa ltar// kun gyi rang bzhin skye med rtogs par gyis// ston pa gsum yang skye ba med par rtogs// bstan pa gsum yang skye ba med par rtogs// 'khor gnas dus kyang skye ba med par rtogs// dus gsum sangs rgyas skye ba med par rtogs// rgyud drug sems can skye ba med par rtogs/ sa chu me rlung nam mkha' lnga po yang // skye ba med pa'i ngang du rab tu rtogs// khams gsum srid gsum skye ba med par rtogs// 'dod lnga yul lnga skye ba med par rtogs// des na chos kun byang chub sems nyid de// byang chub sems ni kun byed rgyal po nyid// kun byed rgyal po skye ba med par rtogs// chos kun rtsa ba kun byed nga nyid de// nga nyid ma skyes dbyings su rtogs pas na// kun kyang skye med dbyings su rtogs par 'gyur// zhes gsungs so// byang chub kyi sems kun byed rgyal po

  201. 101b

    las rtogs pa gleng gzhi'i le'u ste nga brgyad pa'o// // de nas byang chub kyi sems kun byed rgyal pos/ lta ba bsgom du med par rtogs pa 'di gsungs so// kye sems dpa' rdo rje legs par da rtogs shig/ chos rnams kun gyi rtsa ba kun byed la// lha dang lta bar byed pa yod ma yin// gang la ltar med snying po gang rtogs pa// kun byed nga yis rang bzhin rtogs pa yin// kye ji ltar snang ba'i chos rnams ma lus kun// kun byed skye ba med par kun gnas pa// su zhig snying po don la rtogs 'dod pas// kun byed nga yi rang bzhin rtogs par gyis// kyekun byed nga yis rang bzhin ma rtogs par// so sor bstan pa'i lung dang yid 'thad cing // sku gsum ston pa'i don la gang 'jug pa// kun byed nga yi don dang shin tu 'gal// kye/ ston pa kun byed nga nyid ma rtogs par// lta ba'i rang bzhin kun mkhyen skye med 'di// 'das dang ma 'ongs da ltar sangs rgyas kyi// ma rtogs mi rtogs rtogs par lung mi ston// ma skyes skye ba med pa'i sangs rgyas kyang // kun byed nga yi lung dang phrad nas ni// des kyang lta ba skye med rab tu rtogs// sangs rgyas kun gyi ngo bor byin gyis brlabs// kyo/ kun byed rgyal po ston pa'i lung med na// dus

  202. 102a

    gsum sangs rgyas khams gsum sems can kyang // ma skyes lam la lta ba'i rnal 'byor dang // la dgu lung dgu brgal ba'i sa bcu yis// rang rang dngos po'i don la rtog dpyod pas// ma skyes snying po'i don la sgrib pa'i phyir// rgyu 'bras bral ba'i byang chub snying po 'di// kun gyi lta ba'i don 'di rtogs pa med// kye de bas ston pa kun byed nga yis kyang // 'khor gyi dang po sems dpa' rdo rje la// sku gsum ston pa gsum gyis bshad pa'i lung // de la ma gnas shig par nga lung ston// de ltar nges pa'i lung 'di ma bstan na// dus gsum rgyal ba kun gyi yang mes po// kun byed rgyal po nga yi gdung chad nas// kun kyang 'khor ba'i lam/ la gzhol bar 'gyur// kye de phyir sems dpa' rdo rje khyod kyis kyang // lha dang mi lta yul las 'das pa la// gang ltas don la rnam rtog mched pa'i phyir// rgyu 'bras can gyi lta ba khyod ma rtogs// shin tu rnal 'byor mi gnas theg pa la// ltas shing brtags pas mthong ba'i don 'gags pas// ma bcos snying po kun byed rang bzhin la// ltas pas mthong ba med pa'i don du rtogs// kye kun byed rgyal po byang chub sems nga ni// chos rnams kun gyi lta ba'i me long ste//

  203. 102b

    gsal la rang bzhin med par kun 'char bas// ma bsdus rang bzhin gsal bar lung bstan to// ma skyes de bzhin nyid kyi yul nyid la// lta ba'i yul med mthong ba chen por rtogs// zhes gsungs so// byang chub kyi sems kun byed rgyal po las/ skye ba med pa'i le'u steng dgu pa'o// // de nas byang chub kyi sems kun byed rgyal pos/ dam tshig bsrung du med par rtogs pa 'di gsungs so// kyeston pa'i ston pa kun byed rgyal po yis// nga las byung ba'i ston pa sku gsum gyis// dbang po'i khyad par rim par lung bstan pa// kun byed bsrung du yod pa'i don du rtogs// la las sdom dang 'dul khrims dag par rtogs// la las rig 'dzin sdom pa dag par rtogs// la las grangs dang rtsa ba yan lag rtogs// ji ltar brtags kyang rtogs par lung ma bstan// kun byed rgyal po nga yi dam tshig 'di// bsrung dang mi srung phyogs ris med par bstan// gang gis bsrung dang mi srung med rtogs pa// kun byed nga yi dam tshig rtogs pa yin// kye ston pa'i ston pa kun byed rgyal po nga // rtsa ba byang chub sems su kun gcig pas// kun kyang snying po'i dam tshig yin pas na// bsrung dang mi srung don las 'das par

  204. 103a

    rtogs// kye/ kun byed rgyal po lta ba'i dam tshig ni// sgyu med nam mkha' lta bur phyogs 'das pas// gang gis de dag legs par gas da// kun drung dam tshig gas pa na/ na pa sbyin pa kun byang rgya sa// dmachog bcwang rgyu du byu brdzun pa/ tshig tu rtsi ba'i rgyud las gang thos pa// 'dis ni don de legs par rtogs pa yin// kun byed rgyal po snga mar lung bstan ltar// dus gsum chos nyid 'gyur ba med/ pa'i phyir// kun byed rgyal po nga yi dam tshig ni// dus gsum kun tu bsrung du med par ston// kye chos rnams rtsa ba sems su gcig pa ltar// dam tshig rtsa ba bsrung du med par gcig/ de yang rang sems skye med rtogs pa yin// phyal pa dang ni med pa gcig pu dang // lhun gyis grub par bsrung ba kun las 'das// kun byed rgyal po'i dam tshig rnam grangs te// skye ba med par rtogs pa'i rnam grangs yin// snying po bsrung du med par don gcig la// rtogs dang ma rtogs khyad par la dgongs nas// drang dang nges pa gnyis su rnam phye nas/ bsrung du yod dang med par lung bstan to// kye 'dis ni dam tshig bsrung med rtogs pa'i phyir//

  205. 103b

    dus gsum rgyal ba'i dgongs pa rtogs pa yin// gang gis 'di ma rtogs pa'i rnal 'byor pa// rang sems snying po'i don dang shin tu 'gal// kye kun byed nga yi dam las gang 'dasang shing // sku gsum ston pa'i dam la gnas pa dag/ bskal pa brgya phrag du ma rnams su yang // snying po'i don dang 'phrad pa shin tu dka'// de phyir kun byed nga yi lung thob pas// dam tshig bsrung du med par rtogs par byos// zhes gsungs so// byang chub kyi sems kun byed rgyal po las// bsrung med dam tshig gi le'u ste drug cu pa'o// // de nas byang chub kyi sems kun byed rgyal po des/ 'phrin las btsal du med pa 'di gsungs so// kye sems dpa' rdo rje legs par da rtogs shig/ ston pa'i ston pa kun byed rgyal po nga'i// rang bzhin las byung ston pa sku gsum gyis// so sos ji ltar 'dul ba'i skur byung nas// 'phrin las btsal bas don dang phrad par rtogs// lus kyi las su phyag rgya bca' bar rtogs// ngag gis sngags dang bzlas pa byed par rtogs// sems kyis ting 'dzin 'phro 'du bsgom par rtogs// sgo gsum yal bar gnas pas grub mi rtogs// kye/ ston pa kun byed nga yi 'phrin las ni// btsal bar bya med 'phrin

  206. 104a

    las lung bstan pa// don dang mi 'gal bsam pa mthar phyung bas// 'phrin las btsal du med par khyod kyis rtogs// kye ta ston pa kun byed pa yi 'phrin las ni// btsal bar bya med 'phrin las lung bstan pas// bdag don lhun gyis grub pas bya med rtogs// gzhan don dbyings su gcig pas btsal med rtogs// de ltar khyod kyis nges par rtogs par gyis// kye ta kun byed byang chub sems su kun byas pas// byang chub sems la bya mi dgos par rtogs// ma byas bya bral snying po byang chub la// bya dang mi bya tha snyad gang gis gdags// kye kun byed rgyal po nga yi 'phrin las ni// lus kyi las su phyag rgya bcar med rtogs// ngag gis bzlas brjod bya med snying por rtogs// sems kyis 'phro 'du bsgom dang bral bar rtogs// 'das dang ma byon da ltar bzhugs pa yang // 'phrin las bya med rtogs nas mngon sangs rgyas// dus gsum rgyal ba rtogs la rag lus pas// sems dpa' rdo rjes thos nas rtogs par gyis// kye/ nga las byung ba'i ston pa sku gsum gyis// zhi rgyas dbang dang drag pos lung bstan pa// rnam rtog mtshan ma grangs la dga' ba la// 'dul ba'i rtog pa grangs su bstan pa yin// kye/ de phyir kun byed nga yis lung

  207. 104b

    bstan pa// thos pa'i don la ma nor brtag par byos// bya btsal kun dang bral ba'i 'phrin las kyis// ma byas don kun rdzogs pa rtogs par 'char// kyesems dpa' rdo rje don 'di legs par rtogs// snying po bya btsol bral ba'i don rtogs pas// bya dang mi bya med par don rdzogs pas// kun byed rgyal po'i 'phrin las 'di rtogs shig/ kyeston pa'i rgyal po kun byed nga yis ni// byas pa thams cad mtshan ma'i lam du bstan// bya bral 'phrin las nges don 'di rtogs pas// 'gro ba kun byed rgyal po nyid du 'gyur/ snying po bya bral sgo gsum ma nor bas// bya btsal 'das pa'i don la rtogs pa ni// dus gsum rgyal ba'i dgongs pa gcig pa'i phyir// ma nor lam la rtogs ba nyid mchog yin// ces gsungs so// byang chub kyi sems kun byed rgyal po las/ sgo gsum bya btsal med par rtogs pa'i le'u ste drug cu gcig pa'o// / / de nas byang chub kyi sems kun byed rgyal pos/ dkyil 'khor bskyed du med par rtogs pa 'di gsungs so// kye/ sems dpa' rdo rje don 'di de rtogs shig/ nga las byung ba'i ston pa sku gsum gyis// mtshan ma grangs la dga' ba'i gdul bya la// tshogs dang dkyil 'khor bskyed du yod par bstan// gang zhig sku gsum

  208. 105a

    lam la brten byas nas// mtshan ma grangs kyi sgo nas rtogs byed pa// bskal pa bye ba brgya phrag yun rings su// dkyil 'khor bskyed du med pa'i don mi rtogs/ kye/ de bas ston pa kun byed rgyal po ngas// tshegs dang dkyil 'khor rang bzhin lhun rdzogs pas// ma byas rang bzhin grub pa'i chos nyid la// skyed cing bsag tu med pa'i don rtogs na// kyai/ kun byed nga yi dkyil 'khor bstan pa ni// rang las byung ba'i dkyil 'khor rdzogs pa'i lung // ma lus snying po rdzogs par skye 'bri med/ ma bskyed dus gcig rdzogs pa'i dkyil 'khor rtogs// kye/ dkyil ni ma nor don gyi snying po la// 'khor ni 'khor 'das bde chen rdzogs par ldan// de ni dkyil 'khor snying po kun gyi rtsa// dkyil 'khor ma lus 'di la 'dus par rtogs// kye/ kun byed rgyal po nga yi dkyil 'khor ni// ma lus snying por rdzogs pa'i dkyil 'khor te// gang gis de dag rdzogs par gang rtogs pa// dkyil 'khor bskyed pa med pa'i don la mkhas// kye/ ston pa'i ston pa kun byed rgyal po ngas// skye med byang chub sems kyi dkyil 'khor gyis// 'gro dang 'ong med kun gyi khyab par bdal// rtogs pas skye ba med pa'i don la 'jug/ kye/ rang byung ye shes lnga yi dkyil 'khor

  209. 105b

    ni/ rtogs dang ma rtogs don la rag lus pas// bskyed dang mi skyed gnyis su mthong ba yin// dam pa rtogs na bskyed dang mi skyed med// de phyir sems dpa' rdo rje khyod kyis kyang // sgra la ma gnas don nyid rtogs par gyis// gang gis de la rtogs pa skyes ma thag/ kun byed rgyal po don la 'byor par 'gyur// kyergyal ba ma lus 'dus pa'i snying po ste// rang bzhin khyab par gnas pa'i dkyil 'khor 'di// ma bskyed rang bzhin gnas pa'i don 'di la// rtogs pas ci bder mnos la ma rtsol cig/ kye/ rgyal ba kun gyi rang bzhin kun byed ngas// dkyil 'khor skyed du med par don rtogs nas// de yi rang bzhin sgra thos ma yin par// sems dpa' rdo rje khyod kyis rtogs par gyis// kyekun byed rgyal pos chags sdang rnam pa lnga// skyo med byang chusems su bstan pa ltar// sems dpa' rdo rje khyod kyis rtogs nas kyang // de bzhin 'khor la khyod kyis lung ston cig/ ces gsungs so// byang chub kyi sems kun byed rgyal po las/ dkyil 'khor bskyed du med par rtogs pa'i le'u ste drug cu gnyis pa'o// / / de nas byang chub kyi sems kun byed rgyal pos/ dbang la bskur du med par rtogs pa 'di gsungs so// kye sems dpa' rdo rje don 'di nges rtogs shig

  210. 106a

    nga ni ston pa kun byed rgyal po ste// nga las byung ba'i ston pa sku gsum gyis// dbang la bskur thob yod par lung phog pa// mtshan ma'i rtog pa'i lam la zhen chags pas// nga yi rang bzhin mi mthong bskal bar 'gyur// kye nga ni ston pa kun byed rgyal po ste// nga yi rang bzhin kun byed khyab rtogs pas// nga la gnyis pa'i don ni med pa'i phyir// bskur dang mi bskur don dang bral bar rtogs// gang zag mtshan ma'i grangs la dga' ba la// dbang gi grangs dang bskur ba'i rim pa bstan// ma bcos don la gnas pa'i gang zag la// ma bskur rang bzhin gnas pa'i rim par bstan// kye ta kun byed rgyal po'i rang bzhin kun khyab pa// de ltar 'jug cing rtogs pa'i rnal 'byor pa// ma bskur rang bzhin gnas pa'i don rtogs pas// dbang la bskur thob med par lung ston cig/ kye ta ston pa'i ston pa kun byed rgyal po ngas// bskur thob med par rtogs nas lung ston pa// skye med rnam dag sems kyi dbang thob nas// rang bzhin bcu yi dbang la rtsol mi 'gyur// sngags dang phyag rgya'i dbang la re mi 'jog/ rdzas dang mtshan ma'i dbang la sems mi chags// rang rgyud dag pas mtshan ma'i lha mi sgom// gza' dang rgyu skar dus tshigs rim pa med// kyeston pa'i rgyal po nga yis rtogs

  211. 106b

    ba ltar/ sku gsum ston pa gsum gyis ma rtogs pas// rang bzhin bcu yi don la sgrib pa'i phyir// kun byed nga yi rang bzhin rtogs pa med// kye ston pa'i ston pa kun byed rgyal po ngas// 'khor gyi dang po sku gsum ston pa la// rang bzhin ma bcos ji bzhin lung phog pa// mtshan ma'i 'jig rten lha la rten mi 'cha'// tshogs la mi rten dbang la rag mi lus// skye med rig pa'i dbang la kun rdzogs pas// ma btsal bde bar bzhag pas don kun rdzogs// kye tang ni ston pa kun byed rgyal po ste// sku gsum ston pa nga yis bkod pa yin// des bstan chos kyang nga yis bkod pa yin// rang nyid rang la dgod par bya mi dgos// kyede ltar kun byed rang bzhin gang rtogs pas// thams cad kun byed rang bzhin de rtogs pas// kun byed nga yis rang bzhin rtogs gyis la// mtshan 'dzin zhen pa'i dbang la ma rten cig/ ces gsungs so// byang chub kyi sems kun byeng rgyal po las/ rang 'byung rtogs pa'i dbang gi le'u ste drug cu gsum pa'o// / de nas byang chub kyi sems kun byed rgyal pos/ lam la bgrong du med par rtogs pa 'di gsungs so// kye ston pa'i ston pa kun byed rgyal po yis// rang bzhin ma skyes gcig tu gnas pa la// skye med mngon du rtogs par dka'

  212. 107a

    ba'i phyir// 'khor gyi dang po ston pa sku gsum gyis// rang rang dga' ba'i lam la gzud pa'i phyir// lam gyi khyad par bgrod du yod par bstan// blo chung rgyud nas don la 'dren pa'i phyir// drang ba'i lung du nga yis rtogs pa yin// kye tshogs dang sbyor lam mthong lam bsgom pa'i lam// mthar phyin rim pa bskal pa brgya phrag dang // tshe gsum bdun sogs dus der grub par rtogs// de yis nga yi lam 'di rtogs mi 'gyur// kyekun byed rgyal po nga yis lam bshad pa// nga nyid skye ba med pa'i rang bzhin la// 'jug dang mi 'jug tshig las shin tu 'das// de phyir lam la bgrod du med par rtogs// lam lngar snang ba rnam rtog mtshan ma'i grangs// nga nyid mtshan ma'i yul las 'das pa'i phyir// mtshan ma'i lam gyis bgrod du med par rtogs// kye/ kun byed nga yi lam la rim med de// skye med thig le chen por gcig pa'i phyir// gcig gi rang bzhin rtogs pa de yi phyir// lam la bgrod med gcig tu rtogs pa yin// kyeston pa'i ston pa kun byed rgyal po nga // ngas 'jug pa'i rim pa'i lam med de// rang byung ye shes dus gcig rdzogs pa'i phyir// ma bgrod rang bzhin gzhag pas phyin par 'gyur// de phyir sems dpa' rdo rje khyod nyid

  213. 107b

    kyis// nga la rim pa bgrod par ma byed cig/ kye nga ni mtha' bral nam mkha'i rang bzhin te// nam mkha'i mtha' la bgrod cing tshi chad ltar// nga yi rang bzhin lam gyis bgrod 'dod pa// tshe chad nang du de las che ba med// de phyir sems dpa' rdo rjes rtogs nas kyang // khyod kyis 'khor gyi nang du lung ston cig/ de ltar nga yi rang bzhin lung bstan pas// kun kyang nga yi rang bzhin nyid rtogs 'gyur// 'jig rten mtshan ma'i lam la zhen mi 'gyur// rnam grangs tshig gi lam la rtsod mi 'gyur// ma bcos bder bzhag rtogs pas pha rol phyin// kun gyi snying po'i lam dang phrad par 'gyur// kyeng ni kun byed chos kyi gzhi ma ste// lam lnga sa bcur ston pa'i sku gsum yang // nga yi rang bzhin mngon du bstan pa yin// de ltar khyod kyis legs par rtogs par gyis// ma bcos bgrod med kun byed kun gyi lam// su zhig bgrod pas byang chub don mi rtogs/ kun byed nga yi rang bzhin rtogs mi 'gyur// de bas bgrod du med pa'i don la rtogs// zhes gsungs so// byang chub kyi sems kun byed rgyal po las// lam la bgrod du med par rtogs pa'i le'u ste drug cu bzhi pa'o// // de nas byang chub kyi sems kun byed rgyal pos/ sa la sbyang du med par rtogs

  214. 108a

    pa 'di gsungs so// kye/ sems dpa' chen po don 'di legs par rtogs// ston pa'i ston pa kun byed rgyal po yis// sa la sbyang du med par bstan pa ni// kun gyi yul min brtags par rab tu dka'// kyeng las byung ba'i ston pa sku gsum gyis// sman pa'i rim par bgrod cing sbyang ba'i phyir// rnam rtog grangs la dga' ba'i gang zag la// sa yi rnam grangs bcu dang drug tu bstan// bstan pa de bzhin 'khor gyis de ltar rtogs// rnam rtog blo yi grongs la snang bar zad// kye sa drug grangs kyi rang bzhin bstan pa ni// kun tu 'od dang rdo rje 'dzin pa dang // rdo rje 'chang dang stug po bkod pa dang // pad+ma spyan dang rdo rje sems dpa'i sa// rim bgrod rnal 'byor don du gsungs pa de// lha dang ting 'dzin khyad par re re gsungs// kye ston pa kun byed rgyal pos sa bstan pa// ji ltar snang ba'i chos rnams ma lus pa/ skye med chos kyi dbyings su gcig pa'i phyir// sa yi khyad par med de gcig tu rtogs// kun byed nga yi sa la ma sbyar na// rtogs pa'i sa yi rnam grangs kun thob kyang // so so rang gi rnam rtog snang ba las// kun byed nga dang phrad par lung mi ston// kye kun byed rgyal po nga yi rang bzhin ni// ma bcos ma sbyangs rig pa lhun

  215. 108b

    grubs// sbyangs shing bgrod kyung don dang mi 'brad kyi// rang bzhin rtogs pas dus gcig rdzogs par byed// kye/ theg gcig kun byed byang chub sems kyis// skye med khyab pas rtogs pa'i rang bzhin ni// gang ltar bgrod pa nam mkha'i mtha' tshol 'dra// ma bgrod rang bzhin gzhag pas grol bar ston// kye/ ston pa'i ston pa kun byed rgyal po nga// sa yi ngo bor nga nyid shar ba'i phyir// nga yi sa la mtho dman rim pa med// kun byed nga yi sa 'di rtogs par gyis// nga nyid kun gyi mdun du mngon phyung yang // sku gsum 'khor gyi rnam rtog grangs su rtogs// kun byed rgyal po'i dgongs pa zab mo yang // gang ltar ltas pas mthong bar lung mi ston// kye nga yi 'khor gyi dang po sku gsum gyis// rang rang mos pa'i 'khor la chos bstan pa// sku gsung thugs dang theg pa re re dang // sa re lam re 'bras bu re re bstan// kun byed nga yi sa lam ma rtogs na// rnam grangs sa des nges pa'i lam mi rnyed// des na sems nyid kun theg sems kyis// rtsa ba'i sa la bstan pas rtogs par gyis// sa yi rang bzhin sbyang med 'di rtogs na// kun byed byang chub sems kyi sa la gnas// zhes gsungs so// byang chub kyi sems kun byed rgyal po las/ sa la sbyang du med par rtogs pa'i

  216. 109a

    le'u ste drug cu lnga pa'o// // de nas byang chub kyi sems kun byed rgyal pos/ spyod pa blang dor med par rtogs pa 'di gsung/ so/ kye nga ni ston pa kun byed rgyal po ste// nga las byung ba'i ston pa sku gsum gyis// la las dge dpyad sdig pa dor bar rtog so// la las gtsang sbra blang dor gnyis su rtogs// la las gtsang sme gnyis ka dpyad par rtogs// dpyad dang ma dpyad med pa'i don ma rtogs// gang dag spyod pa 'di la gnas pa ni// rang rang gnyen po'i rtog pa byang ba yis// dmigs pa yid la sbyangs pa rtogs par 'gyur// blang dor med pa'i spyod pa rtogs mi 'gyur// kyekun byed rgyal po'i spyod pa bstan pa ni// dge sdig blang dor gtsang sme che chung kun// skye med byang chub sems su kun gcig pas// blang dang dor ba med pa'i don du rtogs// gtsang dang mi gtsang med pa nyid du rtogs// dpyad dang mi dpyad gnyis su med par rtogs// mtha' dang dbus su 'byed pa med par rtogs// gzhi rtsa skye med byang chub sems su rtogs// kye/ kun byed rgyal po'i spyod pa bstan pa ni/ gang ltar dpyad pa de ltar mi 'gal te// byas dang ma byas gnyis ka skye med par// shes pas gang ltar dpyad kyang skye med don// kye kun byed rgyal po nga mi

  217. 109b

    spyod pa la// mkha' ltar gnas pas grangs ltar tshad gzungs med// gnyis su med pa yin min phyogs las 'das// kun byed byang chub sems kyi spyod par bstan// 'dod pa lnga yang sems kyi spyod par rtogs// chags sdang lnga yang sems kyi spyod par rtogs// rgyan gyi rgyu lnga sems kyi spyod par rtogs// khams gsum srid gsum sems kyi spyod par rtogs// skye med ma rtogs pa yi spyod pa ni// rgyal ba kun gyi meso po ngas ma bshad// kye de phyir sems dpa' rdo rje khyod kyis ni// kun byed nga yi spyod pa 'di rtogs pa// blang dor med pa kun gyis rtogs pa'i phyir// nga yi 'khor gyi nang du lung ston cig/ kun byed nga yi spyod pa ma gtogs par// sku gsum ston pa'i 'khor la gang zhen pas// 'jig rten log pa'i lta spyod la 'chel nas// blang dor med pa'i spyod pa rtogs mi byed// kye ston pa'i ston pa kun byed rgyal po yis// 'khor gyi nang du spyod pa'i lung bstan pa// ma chags blang dor med pa'i spyod pa yis// thams cad skye med mnyam par rtogs lung bstan// sems dpa' rdo rjes 'khor la lung bstan pas// 'khor kyang blang dor med par rtogs par 'gyur// 'khor dang mya ngan 'das pa'i chos rnams ni// skye ba med pa nam mkha'i rang bzhin ltar// nga dang khyod kyis rtogs pa ji lta

  218. 110a

    bar/ khyod kyis 'khor gyi nang du lung ston cig/ snga mar lung bstan thob pa la brten nas// rtogs pas kun byed nyid la gnas par 'gyur// zhes gsungs so// byang chub kyi sems kun byed rgyal po las/ spyod pa blang dor med par rtogs pa'i le'u ste drug cu drug pa'o// / de nas byang chub kyi sems kun byed rgyal pos/ ye shes rang la sgrib pa med par rtogs pa 'di gsungs so// kye/ ston pa'i ston pa kun byed rgyal po ngas// ji ltar 'dul ba'i thabs su bstan bapa'i phyir// nga las byung ba'i ston pa sku gsum gyis// sgrib pa bsal zhing ye shes bsgrub par rtogs// sku gsum ston pas 'khor la de ltar bstan// 'khor gyis go zhing rtogs pas de bzhin te// rang rang mos pa'i don la zhen pa'i phyir// kun byed nga yi 'khor du 'du mi byed// kye/ kun byed rgyal pos 'khor la lung phog pa// ji ltar snang / grags gnas pa'i chos rnams kun// ma skyes de bzhin nyid du kun gcig phyir// sgrib dang mi sgrib chos la gnas mi byed// de phyir ye shes sgrib par ngas mi byed// sgrib dang mi sgrib chos su ris mi lta// mtha' thug med pa'i don la grangs mi bgrang // rgyu dang 'bras bu snying po'i don mi skyed// kye ston pa kun byed rgyal po nga yi bka'/

  219. 110b

    sku gsum ston pa'i lung dang mi mthun pas// skye med gcig la mtshan ma'i grangs mi bgrang // yul bshes mi lta gnyen po'i tshogs mi rten// rig dang ma rig sgyu med dbyings gcig pas// gcig la gnyis 'dzin log pa'i grangs mi 'debs// rnam par mi rtog 'du shes nang mi 'jog/ res 'jog ma yin dus gcig kun mkhyen pa// de ltar sems dpa' rdo rjes rtogs par gyis// kye/ ston pa kun byed nga yi ye shes 'di// bgrang du med la bgrangs na mtha' las 'das// che ba re la ye shes grangs bstan pa// brjod bas de dag mi rdzogs lung bstan to// kyekun byed rgyal po nga yi ye shes ni// rnam par mi rtog spros pa kun dang bral// rab zhi rdul med mkha' ltar gnas pa ste// skye ba med pa zhes su bstan pa yin// rang byung ye shes gcig las ma g.yos kyang // rnam pa'i khyad par ma bcos so sor gsal// de ltar gang gis rig cing rtogs pa nyid// kun byed rgyal po'i sras su lung bstan to// nga yis ye shes skye med rtogs pa ji lta bar// sems dpa' rdo rjes de ltar rtogs par gyis// kye nga ni ye shes kun byed rgyal po ste/ ma rig pa yi lta ba sel bar byed// sgrib pa'i dra ba ma lus gcod byed cing // ye shes snang ba rgyas pa mched par byed// kun byed nga ni rang byung ye shes te//

  220. 111a

    nga las ma byung rang byung ye shes gcig med pas// ye shes ma byung nga yis bkod pas na// nga ni ye shes kun byed rgyal po zhes su bshad// nyon mongs ye shes gsal bar mched 'dod na// kun byed nga yi lung 'di rtogs par gyis// zhes gsungs so// byang chub kyi sems kun byed rgyal po las/ ye shes sgrib pa med par rtogs pa'i le'u ste drug cu bdun pa'o// // de nas byang chub kyi sems kun byed rgyal pos/ g+hun grub btsal du med par rtogs pa 'di gsungs so// kye nga ni ston pa kun byed rgyal po ste// nga ni lhun grub btsal du med pa yin// nga yi rang bzhin khyod la bstan par bya// khyod kyis nga yi don la legs rtogs shig/ kye nga ni ston pa kun byed rgyal po ste// nga las byung ba'i ston pa sku gsum gyis// nga yi rang bzhin shin tu rtogs dka' bas// so so'i thabs kyis btsal du yod par bstan// de yang ji ltar nges par bstan zhe na// la la bden pa bzhi yi lam zhugs nas// nyon mongs ye shes spong len rtsol bar bstan// la la rten 'brel lam la zhen pa yis// nyon mongs ye shes dgag sgrub rtsol bar bstan// la la bden gnyis lam la 'jug byas nas// sbyang zhing rtsol bas 'bras bu thob

  221. 111b

    par bstan// la la gzung 'dzin bya ba'i rtsol ba yis// grub pa lhas gsal tshul du gnas par 'dod// la la las dang ting 'dzin rtsol ba yis// blang dor sgo nas 'bras bu thob par 'dod// la la ting 'dzin rnam gsum rtsol ba yis// blang dor byas pas 'bras bu thob par 'dod// la la ting 'dzin 'phro 'du'i rtsol sgrub kyis// blang dor med pa'i 'bras bu thob par 'dod// la la rgyu 'bras ting 'dzin rtsol ba yis// sku gsum rdo rje sems dpa'i 'bras bu thob// kye 'di dag btsal zhing bsgrubs pa'i 'bras bu yis/ kun byed nga yi rang bzhin rtogs mi 'gyur// kye kun byed rgyal po nga yi rang bzhin ni// kun la khyab kyang mi rtog mchog tu gsang // nga yi rang bzhin ma mthong gsang ba'i phyir// rtsol sgrub can gyi theg pas skur btab pas// bskal pa bye ba khrag khrig yun rings su// ngan 'gro tha ma'i gnas su skyes nas kyang // bde ba bral zhing dbang po ma tshang zhing // snying po don dang bral zhing bskal par 'gyur// kye nga ni ston pa kun byed byang chub sems// nga ni mkha' ltar yongs su khyab pa'i phyir// kun dang 'brel zhing yongs kyi don byed pas// btsal zhing bsgrub tu yod par lung mi ston// nga yi don 'di khyod la bstan pa yis// btsal zhing bsgrub tu med par nges par rtogs/

  222. 112a

    sems dpa' rdo rjes ji ltar rtogs pa de// nga yi 'khor la khyod kyis lung ston cig/ kyaitang ni ma btsal lhun gyis grub pa'i phyir// ji ltar rtogs pa khyod la lung bstan pas// khyod kyis chos kun da ltar rtogs par 'gyur// de nas rtsol sgrub med par dbugs phyin pas// kun byed rgyal po nyid du lung bstan to// de bas sems dpa' rdo rje dam pa yis// ma bcos bskal par sbyangs pa'i skyes bu la// 'bad rtsol med par sa la gzhag pa'i phyir// rtsol bsgrub med par rtogs par lung ston cig/ ces gsungs so// byang chub kyi sems kun byed rgyal po las/ lhun grub btsal du med par rtogs pa'i le'u ste drug cu brgyud pa'o// // de nas byang chub kyi sems kun byed rgyal po la/ sems dpa' rdo rjes 'di skad ces bsgrags so// kye takhyod ni kun byed rgyal po ste// ji ltar snang ba'i chos rnams kun// byed pa'i rgyal po khyod kyis byas// ma lus khyod kyis kun byas kyang // byed pa'i rgyal po khyod nyid la// bya mi dgos te gdod nas grub// dus gsum sangs rgyas khyod kyis byas// khams gsum sems can khyod kyis byas// rgyud drug lam lnga khyod kyis byas// skye bzhi 'gro lnga khyod kyis byas// ston pa gsum yang khyod kyis bkod// bstan pa

  223. 112b

    gsum yang khyod kyis bkod// sdud pa gsum yang khyod kyis bkod// dus gsum 'khor yang khyod kyis byas// rang byung lnga yang khyod las byung // rgyan gyi rgyu lnga khyod kyis bkod/ rang bzhin bcu yang khyed kyis bstan// kun byed rgyal po byang chub sems// mdo lung kun gyi ngo bo khyod// bstan pa'i me long mun sel sgron// 'khor gyi mun pa sel mdzad pa// khyod ni rgyal ba kun gyi mes// rang 'byung thabs 'jog kun gyi yab// 'byung gnas shes rab kun gyi yum// spros pa med cing zhi ba med// ngag las 'das shing snying po med// mkha' ltar dag cing spyod yul 'das// kun gyis rtogs par bya ba'i yul// sgro skur 'das pa chos kyi dbyings// thog ma tha ma dbus las 'das// 'khor lo kun 'byung snying po can// rin chen pad+ma'i snying po ltar// yid 'phrog tshim pa med pa'i sku// theg pa'i snying po ngag gis brgyan// sku gsung thugs la mtshan med de// bdag gis rtogs dka'i don rtogs pas// rgyal ba kun gyi yang mes po// kun byed rgyal po khyod la 'dud// ces bstod cing bsgrags so// de nas byang chub kyi sems kun byed rgyal pos/ sems dpa' rdo rje la 'di skad ces bsgrags pa mdzad do// e ma ho sems dpa' rdo rje'i sku// rgyal

  224. 113a

    ba kun gyi sku gsung thugs// gsang ba'i mdzod la mnga' brnyes shing // smra ba'i seng ge bla na med// dam pa'i gsang ba rtogs pa'i thugs// gsang ba rgya mtsho sgrog pa'i gsung // yon tan lhun grub rdzogs pa'i sku// khyod ni rgyal ba'i sras po ste// kun byed rgyal po nga nyid ltar// rgyal ba kun gyi mes po gyis// sa khams kun gyi mun sel gyis// rnal 'byor rnams kyi bla ma gyis// gsang ba kun gyi rgyal po ste// bstan pa phyi ma gsang ba 'di// rnal 'byor pa la lung ston cig/ ces gsungs so// byang chub kyi sems kun byed rgyal po las/ rtogs pa bsgrags shing bstod pa'i le'u ste drug cu rtsa dgu pa'o// // rgyud phyi ma zhes bya ba mdo lung bcu gnyis pa rdzogs so// // de nas byang chub kyi sems kun byed rgyal pos/ chos thams cad skye ba med par mnyam pa la gzigs shing dgongs nas cang mi gsung bar bzhugs so// de'i tshe sems dpa' rdo rje de nyid kyang ston pa de ltar gyur par yang rig/ chos thams cad skye ba med par rtogs pa la dgongs nas cang mi smra bar 'khod do// de nas phyogs bcu nas lhags shing 'khod pa'i 'dus pa phal mo che dag gis de ltar rtogs nas/ sems dpa' rdo

  225. 113b

    rjel 'di skad ces bskul to// yang dag par bskul to// nges pa dam par bskul to// e ma ho// sems dpa' rdo rje chen po/ bdag cag la sman gdags pa'i slad durtogs pa'i don la ji ltar sgom pa de/ ston pa la zhu ba'i dus la bab bo// nges par dus la bab bo zhes bskul bas/ sems dpa' rdo rje de dga' ba'i mdangs dang bcas te/ dang zhing mos pa'i mdangs phyung nas stan las langs te/ ston pa'i mdun du 'di skad ces zhus so// kye ston pa'i ston pa kun byed rgyal po lags// khyod kyi 'khor du bdag 'dus 'khod pa de// bdag la 'tshal ba'i don ni ci zhig mchis// bdag 'tshal don ni khyod kyis bstan du gsol// zhes zhus pa dang byang chub kyi sems kun byed rgyal po nyid ci yang mi gsung bar bzhugs te/ sems dpa' rdo rjes 'di skad ces zhus so// kyeston pa'i ston pa kun byed rgyal po lags// chos kun skye med thig le'i rang bzhin la// ston pa gsum po nyid kyis ji ltar bsgom// bstan pa gsum du nyid kyis ji ltar bsgom// sdud pa gsum du nyid kyis ji ltar bsgom// 'khor gnas dus kyi rang bzhin ji ltar bsgom// chos rnams kun gyi don la ji ltar bsgom// bsgom pa'i lung bcu bdag la bstan du gsol

  226. 114a

    zhes zhus so// de nas byang chub kyi sems kun byed rgyal pos 'di skad ces gsungs so// kye sems dpa' rdo rje don la da sgoms shig/ rang sems skye med thig le nyag gcig ni// rtogs pa'i don la nam yang ma yengs shig/ bsgom du med pa'i chos nyid byang chub la// sgom dang bsgom par bya ba gnyis med na// ma bsgoms rang bzhin gzhag na sgom pa yin// don ni kun don skye ba med pa ste// rnam rtog mtshan ma de bzhin rig byas nas// dran bsam yid la 'gyur bam lus pan// skye ba med pa'i dngams mi yengs pa// ga gyur byasems kyang ba sgom pa yin shes na// ma bsgoms ga ltar gaunag kyang sangs pa med/ las byung ba'i ston pa sku gsum gyis// mtshan ma bsgom du dga' ba'i gang zag la// rang rang gang ltar 'thad pa'i lung bzhin du// bsgom du yod ces kun la lung du bstan// kye/ nga ni ston pa kun byed rgyal po la// ston pa rang byung rig pa'i ye shes las// ma bsdus ston pa gsum yang de la 'dus// ston pa de la bsgom du med par bstan// bstan pa brjod bral rig pa mtshan 'das la// bstan pa gsum yang de la 'dus te gnas// ma bcos rig pa'i gzhal yas 'og min na// gzhal yas gsum yang de

  227. 114b

    la 'dus par bshad// ji ltar snang ba'i chos rnams thams cad kun// snying po byang chub sems la kun 'dus pas// 'khor gsum dus kyang kun tu 'dus par bshad// ma 'dus rang bzhin 'du ba'i ye shes ni// bsdus pa de las gzhan pa yod ma yin// ma bsgoms rang bzhin gzhag pa'i lung 'di la// bsgom du yod dang med pa'i lung mi ston/ re dogs sgro skur 'dzin pa'i sems mi 'jog/ ces gsungs so// byang chub kyi sems kun byed rgyal po las/ bsgom du yod med bstan pa'i le'u ste bdun cu pa'o// / ta de nas byang chub kyi sems kun byed rgyal pos/ don gcig pa lta ba bsgom med kyi dgongs pa 'di gsungs so// kye nga ni ston pa kun byed rgyal po ste// nga las byung ba'i ston pa sku gsum gyis// mtshan ma rtogs pas 'dul ba'i gang zag la// mtshan ma rtogs pa'i ting 'dzin grangs su bstan// la las zhi ba'i ting 'dzin sgom par byed// la las zab mo'i ting 'dzin sgom par byed// la las zhi gnas lhag mthong 'brel pa yi// bdag med ting nge 'dzin la gnas par byed/ la las mtshan ma dag pa la brten nas// mtshan ma rje dang 'bangs su dmigs par byed// la las lta spyod 'brel med la brten nas// 'brel ba'i ting nge 'dzin

  228. 115a

    la gnas par byed// la las mtshan med don la brten byas shing // mtshan ma'i ting nge 'dzin la gnas par byed// la las rang rgyud dag pa la brten nas/ rnam gsum 'phro 'du'i don la gnas par byed// la las rgyu 'bras dag pa gtsang byas nas// 'od kyi ting nge 'dzin la gnas par byed// 'di dag mtshan ma grang kyi ting 'dzin te// ston pa kun byed rgyal pos lung ma bstan// kye ta ston pa kun byed nga yis lung bstan pa// ma lus skye med rnam dag ting 'dzin te// bsgom dang mi sgom rkyen la rag ma lus// bsgom bya ji ltar snang ba'i chos rnams kun// gang du ji ltar gzhag pa'i tshul med par// mau btsal rang sar gzhag pas bsgom pa yin// kye bsgom du med pa'i man ngag 'di dag la// tshig dang sgra las 'das pa'i don yin phyir// snga rabs kun byed rgyal pos lung ma bstan// phyi rabs kun byed rgyal pos lung mi ston// da ltar kun byed rgyal pos lung bstan med// kye ston pa'i ston pa kun byed rgyal po yis// ma nor dgongs pa'i don la lung ston pa// sgro skur// 'das pa don gyi snying po la// bsgom dang mi sgom mkha' la rtsod pa 'dra// rtogs pa'i don la ma yengs dgongs pa de// dngos po ma yin dngos po med ma yin//

  229. 115b

    phyogs med phyogs las 'das pa ma yin par// bsgom dang mi sgom phyogs la gnas mi byed// kye ta ston pa'i ston pa kun byed rgyal po ngas// bsgom dang mi sgom mtshon/ par mi nus ltar// snying po don la gnas pa'i rnal 'byor dang // sems dpa' rdo rje de la gnas par bya// kyedus gsum ston pa kun byed rgyal po yis// skye med byang chub sems kyi dgongs pa la// ming dang tha snyad tshig tu 'di'o zhes// ma bstan mi ston bstan par mi mdzad do// lta ba bsgom du med par don rtogs nas// bsgom dang mi sgom res 'jog log pa'i lam// dam pa'i dgongs pa skye med thugs su chud// dam pa de la log dang ma log med// kye kun byed rgyal po nga yis lung phog ltar// ma bsgoms sgom du med par rtogs goms nas// skal ldan rnal 'byor gang zag su yang rung // kun byed rgyal po nyid du lung bstan to// zhes gsungs so// byang chub kyi sems kun byed rgyal po las/ lha dgongs dbyer med pa'i le'u ste bdun cu gcig pa'o// // de nas byang chub kyi sems kun byed rgyal bos bsrung du med pa'i de bzhin nyid du gnas pa 'di gsungs so// kye ston pa'i ston pa kun byed rgyal po yis// nga las byung ba'i ston pa sku gsum gyis//

  230. 116a

    rnam rtog mtshan ma'i lam la gnas pa'i bar// bsrung dang mi bsrung khyad par gnyis mthong bas// rtsa ba yan lag bcas pa bsrung bar bstan// kye kun byed pa ni ye nas de bzhin nyid// de bzhin nyid la gzung 'dzin med pa'i phyir// chos rnams de ltar gang gis rtogs pa la// bsrung dang mi bsrung 'du shes 'jug pa med// kying ni ma bcos kun byed byang chub sems// gnyen po mi rten yul la 'jug mi byed// rang byung spun grub rig pa'i dam tshig la// 'da' nyams med pas ched du bsrung ba med/ rang rig ma nor blo yi tshad ma yis// ma bcos snying po'i don la 'jug par byed// sgyu med thugs su chos sku ro gcig pas// 'jug dang mi 'jug mtha' lang mi gnas// kye/ sems dpa' rdo rje don la goms par gyis// dgongs don gsang ba'i rig pa mang shar na// tshig dang sgra la 'dzin cing goms pa dag/ kun bye dang yi lung dang phrad mi 'gyur// bsrung du med pa'i dam pa'i dgongs pa 'di// kun tu ye nas ma bsrungs gnas pa la// kun byed nga yi dgongs pa ma goms na// ji ltar bsrung ba tshe chad nang du 'gyur// kye kun byed nga yi dgongs pa'i dam tshig ni// ma yengs dran pas dngos po ye shes su// ma bcos sus kyang ma byas rang

  231. 116b

    byung ste/ rig pa dbang sgyur bsrung dang mi bsrung med// ji ltar snang ba'i chos rnams thams cad kun// rang byung snying por gsal bas dbang sgyur bas// kun byed rgyal pos byas pa'i chos rnams kun// rig dang ma rig gnyis ka'i yul las 'das// kyeston pa'i ston pa kun byed rgyal po yis// bsrung dang mi bsrung yul las 'das pa ltar/ sems dpa' rdo rjes don la goms byas nas// nga yi 'khor la de ltar lung ston cig/ nga yi 'khor la de ltar lung bstan na// bya ba'i 'du shes lam las grol bar 'gyur// skye ba med pas kun kyang zhi bar 'gyur// kun byed rgyal po nga yi thugs su 'gyur// kye nga ni kun byed rgyal po byang chub sems// nga la sgo dang skur ba'i yul med pas// gang la sems par ma byed sgom ma byed// sgo gsum bcos par ma byed lhug par gzhag/ gza' dang rgyu skar tshes grangs dus tshod med// yid la ma byed sngags dang phyag rgya bral// de bas kun byed byang chub sems nyid la// bsrung dang mi bsrungs mtshams med par bshad// ces gsungs so// byang chub kyi sems kun byed rgyal po las/ lha sgom 'dar med pa'i le'u ste bdun cu gnyis pa'o// // de nas byang chub kyi sems kun byed rgyal pos/ bya med

  232. 117a

    btsal ba dang bral bar rtogs pa 'dri gsungs so// kye nga ni kun byed rgyal po ste// kun byed rgyal po nga yi dgongs pa ni// bsam pa'i yul las 'das pas bsgom du med// kye sems ni ji bzhin pa yi ngo bo ste// ji bzhin sa las 'chos pa med par rmongs// rang byung nga la rgyu rkyen kun dang bral// sgo gsum btsal med lhug pa nyid du zhog/ gang zhig bya btsal mtshan ma'i bral ba'i rjes 'brangs la// kun byed nga dang 'phrad par mi 'gyur ro// kyeston pa kun byed nga yi 'phrin las ni/ bya ba med pas rtsol ba'i las mi byed// dmigs pa med pas sgom pa'i 'du shes bral// 'du 'bral med pas ma brjed yid la zhog/ byung tshor skye ba med par gsal gyur nas// gang yang byas pa med par las kun grub// kye nga ni ston pa kun byed rgyal po ste// rgyal ba kun gyi 'phrin las ngas byas kyang // rang byung ye shes bya med rdzogs pa'i phyir// ji bzhin pa yi las la byed ma myong // ma btsal ji bzhin nyid du sems bzhog/ ji bzhin ma bcos rgyal ba'i dgongs pa la// sems dang sems las byung ba ci skyes kyang // de nyid skye med nyid du gnas shes na// bya btsal mtshan ma'i 'du shes kun dang bral// kye sems dpa' rdo rje ji bzhin nyid sgoms shig

  233. 117b

    rtogs pa rang sar grol ba'i lta ba la// ma yangs rang bzhin gzhag pas bya btsal med// kun kyang rang byung yeng shes rang sar grol ba yin// kye sems dpa' rdo rje ji bzhin nyid sgoms shig/ rang lus mi bcos dbang po mi brtul te// ngag kyang mi bsdam bya btsal byar yang med// sems kyang gar gtang mi g.yo'i ngang la gzhag/ bya ba med pa'i 'phrin las 'di bsgoms pas// byas pa med par don kun rdzogs par 'gyur// kyeji bzhin btsal bral bde ba chen po la// sgo gsum mi rtsol bcosang zhing dmigs mi byed/ yid la mi byed mtshan ma'i rjes mi 'brangs// rang byung ye shes bde ba'i don la gzhag/ 'di ni rang byung 'od gsal dgongs pa ste// kun byed rgyal po'i dgongs pa'i 'phrin las so// kyeHsems dpa' rdo rje ji bzhin nyid sgoms shig/ ma bcos ji bzhin nyid la 'jug pa la// tshad ma mi dgos gnyen pos bcos mi dgos// rtogs/ pa'i don la ma bcos de bzhin zhog/ kyebya ba med pa'i rang bzhin las 'di la// sgo gsum rtsol ba byas pas zin mi 'gyur// kun byed rgyal po'i dgongs pa la gnas pas// nga yi dgongs pa 'phrin las lhun gyis grub// ces gsungs so// byang chub kyi sems kun byed rgyal po las/ ji bzhin pa la bya ba tsal dang bral bar gnas pa'i le'u ste bdun

  234. 118a

    cu gsum pa'o// // de nas byang chub kyi sems kun byed rgyal pos/ snying po 'du 'bral med par gnas pa 'di gsungs so// kyeji bzhin pa la sems dpa' rdo rje sgoms// ston pa'i ston pa kun byed rgyal po yis// snying po bgrod du med pa bstan pa ni// ji bzhin gtso 'khor med pa'i don du bstan// kye rig pa'i rgyal po gsal bar dbang sgyur bas// snying po rtsol sgrub 'das pa'i bdag nyid de// rtogs pa yang shes mchog gis len par byed// 'di ni kun byed rgyal po'i dkyil 'khor yin// kye ston pa'i ston pa kun byed rgyal po yis// snying po sku yi dkyil 'khor bkod pa ni// ji ltar snang zhing gnas pa'i chos rnams kun// skye ba med pa'i chos dbyings ngang la bkod// snying po'i don la blang dor med pa'i phyir// de yang kun byed nga yis bkod pa yin// kye ston pa'i ston pa kun byed rgyal po yis// snying po gsung gi dkyil 'khor bkod pa ni// ji ltar grags shing gnas pa'i chos rnams kun// skye ba med pa'i dbyings las tshig gi gsung du bkod// snying por brjod du med pa'i gsung la 'dus// de yang kun byed rgyal pos bkod pa yin// kye ston pa'i ston pa kun byed rgyal po yis// snying po rig pa'i dkyil 'khor bkod pa ni// ji ltar dran

  235. 118b

    rig rtog pa thams cad kun// ma skyes kun byed nyid kyi don du rig/ kun byed nga yi sku gsung thugs nyid ni// ma bcos rnal du bzhag pa'i dkyil 'khor gsum// ma bkod dus gcig rdzogs pa'i don rtogs pas// lhun grub snying po'i don la 'jug par byed// kye sems dpa' rdo rje ji bzhin nyid sgoms shig/ rang byung snying po mchog gi dkyil 'khor la// sgo gsum lhug pas ji bzhin dang gzhag na// kun byed nga yi dgongs pa gnas pa yin// snga rabs 'das pa'i kun byed rgyal pos kyang // dgongs pa rnal du bzhag pas don rdzogs la// ma byon dus kyi kun byang rgyal pos kyang // ma bcos rnal du gzhag pas don rdzogs 'gyur// da ltar bzhugs pa'i kun byed rgyal pos kyang // dgongs pa rnal du gzhag pas gnas pa yin// kye tasems dpa' rdo rje chen po khyod sgoms shig/ nga yi 'khor du rtogs pa'i rnal 'byor la// kun byed rgyal po'i dgongs pa 'di nyid la/ tam btsal rnal du gzhag par lung ston cig/ dgongs pa rnal du 'jog pa'i don 'di ni// kun gyis spyod yul min pas mi shes shing // mnyam par gzhag pas rtogs pa'i yul las 'das// kun byed rgyal po de la gnas par byed// ces gsungs so// byang chub kyi sems kun byed rgyal po las/ snying po don la gnas pa'i le'u ste bdun

  236. 119a

    cu bzhi pa'o// // de nas byang chub kyi sems kun byed rgyal pos/ rig pa dbang sgyur la gnas pa'i don 'di gsungs so// kye sems dpa' rdo rje ji bzhin nyid sgoms shig/ rig pa'i rgyal po gsal bar dbang sgyur nas// mtshan ma'i bde ba'i dbang la rag mi lus// rtogs nas mi rtogs don la ji bzhin 'jog/ kye kun byed rgyal po dbang thob rig pa nas// dngos po ma bcos ji bzhin rtag tu shar// rgyu dang rkyen med zhi ba mchog gi lam// gzhi gzhag gang ltar gzhag kyang de nyid dang // kun byed rgyal po thabs chen rtogs pa'i dbang // kun kyang ji bzhin yul la 'jug pa na// skyon dang yon tan gnyis ka mnyam shes pas/ 'jug dang mi 'jug tshig las shin tu 'das// kyeHkun byed rig pas dbang sgyur dgongs pa 'di// ngag gi smrar med dmigs pa'i yul las 'das// dran bzhi zhing spros pa med pa ste// mkha' ltar khyab cing phyogs cha yongs kyis med// kyesems dpa' rdo rje de bzhin nyid sgoms shig/ bsgom dang mi sgom yul las 'das pa la// gnyis ka 'byung 'jug re dogs med pa yis// mnyam par mi 'jug don la sgom mi byed// dbang dang dngos grub mi len bcos su med// kun byed rgyal

  237. 119b

    bo nyid la gus par gnas// kye ta ston pa kun byed rgyal po nga nyid ni// rang byung bsgom du med pa'i snying po ste// ye shes gsal la bsgrub pa med pa yin// dbang ni rtogs bas re dog dpyad pa yin// 'di la nges par 'jug pa'i rnal 'byor pa// shin tu rnal 'byor rgyu 'bras 'das pa'i lung // ma bcos ye shes kun byed rgyal po la// gang ltar 'di ltar 'jog ces lung mi ston// snga mar ma gsungs phyi mar mi gsung zhing // da ltar byung bas gsung bar mi mdzad do// kye ston pa'i ngo bo kun byed rgyal po yis// bsgom zhing bsam du med pa'i chos nyid la// ma bsams yal bar gnas pa 'khor ba nyid// btsal zhing bsgoms pas rtog pa'i mtshan ma'i lam// de bas re dogs bcas pa'i ting 'dzin ni// gnas pas grol bar kun byed lung mi ston// kyeston pa'i ston pa kun byed rgyal po yis// rtogs pas gnyis ka'i 'ching ba rab bcad nas// mi 'gal mnyam pa'i don la gnas byas pas// kun byed nga yi dgongs pa lhun gyis grub// kye/ gang gis 'ching ba de rtog bcad byas shing // grol bar mi 'jug mya ngan 'das mi len// snying po'i don la phyogs ris dmigs mi 'dzin// don la mi sgom snying rje yul mi 'jug/ kye/ kun byang rgyal po nga yis gang bstan pa//

  238. 120a

    sems dpa' rdo rje don la goms par gyis// ye shes dran pas dbang sgyur rig pa'i ngang // 'di ni kun byed rgyal por nges lung bstan// ces gsung so// byang chub kyi sems kun byed rgyal po las/ rig pa dbang sgyur la gnas pa'i le'u ste bdun cu lnga pa'o// // de nas byang chub kyi sems kun byed rgyal pos/ snying po don gyi lam 'di gsungs so// kye sems dpa' rdo rje/ rang sems skye med thig le nyag gcig rtogs pa'i don la ma yengs par da sgoms shig/ snying po mi rtog don gyi lam 'di la// nam mkha'i mtha' ltar gnas pas ma khyab med// skye med min pa med pas mi sgom med// rtogs spyod yul las 'das pas dmigs su med// snying po mtshan ma 'das pa'i yul 'di la// 'gro ba'i yul las 'das pas bgrod mi byed// lam la mi bgrod sa la mi sbyong zhing // mi rtog pa de la gnas pas lhun gyis grub// kye/ kun byed rgyal po nga yi lam 'di ni// chos kyi dbyings su gcig pas bgrod du med// snying po nga dang 'grogs pas yengs pa med// thig le gcig tu 'dus pas gar mi 'gro// kye/ de yi don la sems dpa' rdo rje sgoms// sgom du med pa'i don la ma bsgoms na// mtshan ma'i grangs la bskal pa

  239. 120b

    brgyar bsgoms kyang // kun byed nga yi dgongs pa rtogs mi 'gyur// rnam rtog yul la mtshan ma'i grangs las 'das// kun byed bya mi dgos la bya btsal byar yang med// bya ba mtshan ma'i rnal 'byor rjes zhugs shing // bya bas mi zin rtogs pas rtogs pa 'jil// chu las rnyog ma bzhin te byis pas bslus// kye sems dpa' rdo rje don la legs par sgoms// nga ni ston pa kun byed rgyal po ste// dus gsum rgyal ba kun gyi lam 'dren pas// khyod kyang nga yi lam la legs par zhugs// 'das pa'i sangs rgyas skye med lam du zhugs// ma byon sangs rgyas skye med lam la 'jug par 'gyur// da ltar sangs rgyas skye med nyid la gnas// des na kun byed rgyal po kun gyi lam/ kye skye med lam 'dir 'jug cing sgom pa'i rnal 'byor pa// da lta nyid nas rgyal ba'i sa la gnas// dgongs pa mi 'dzin phyogs ris gzung du med// snying po'i lam la 'jug dang mi 'jug 'das// kyernal 'byor dus gcig 'jug pa'i skal ldan la// kun byed rgyal po'i dgongs pa bstan byas nas// rtog pa'i rlung la dran zhing 'dris pa las/ sgom zhing 'jug tu med par lung ston cig/ kye nga ni ston pa kun byed byang chub sems// ma lus kun byas byang chub sems su byas// sems nyid skye ba med

  240. 121a

    pa'i lam du byas// skye med bde ba'i lam la 'jug tu med// skal ldan rgyal slas dam par nges pa la// kun byed nga yi lam 'di goms byas nas// bgrod med btsal med snying po'i don rtogs nas// kun byed rgyal po nyid du the tshom med// ces gsungs so// byang chub kyi sems kun byed rgyal po las/ snying po lam la gnas pa'i le'u ste bdun cu drug pa'o// // de nas byang chub kyi sems kun byed rgyal pos/ don la sbyang du med pa 'di gsungs so// kye sems dpa' rdo rje rtogs pa'i don la ma yengs par sgoms/ ston pa'i ston pa kun byed rgyal po yis// bsam gyis mi khyab nges pa'i dus bstan pa// snying po rtogs pa'i sa zhes bshad pa yin// bde chen nges pa'i dus su gang bstan pa// de ni goms pa'i sa zhes bshad pa yin// gzhan dag rtsol zhing spyod pa'i khyad par dag/ khams gsum 'khor ba'i snying po sgrib pa'i sa// sa zhes bya ba gnas pa'i khyad par te// gang la gang gnas de ni sa yin no// kye/ sku gsum ston pa'i sa la grangs bgrangs kyang // kun byed rgyal po'i sa la rim pa med// sa dang sa yi sgrib pa'i khyad par yod ces pa// sku gsum ston pas 'khor la bstan pa yin// kye ston pa'i ston pa kun byed rgyal po yis/

  241. 121b

    mnyam nyid skye ba med pa'i rang bzhin la// thabs dang snying po rtogs pa'i gang zag gis// sgrib dang sa yi khyad par med par bstan// kun byad rgyal po nga yi rang bzhin ni// dus gsum 'byung 'jug mi byed yid la byed pa med// ris su mi lta mtshan ma'i yul ma tshol// kun byed rgyal po'i dgongs pa'i lung du bstan// kye kun byed rgyal po nga yi dgongs pa ni// tshig dang yi gas mtshon pas mi rnyed de// sgra dang tshad mas gtan la dbab tu med// skye ba med pas 'gag pa med pa yin// 'phel ba med cing yongs su 'grib mi byed// mtshan ma min zhing de nyid min pa'ang yin// kye/ ston pa'i ston pa kun byed rgyal po ngas// ji ltar snang ba'i chos rnams thams cad kun// skye ba med pa'i ngo bor byin brlabs pas// rtogs pas de nyid ngang du ldog par 'gyur// kyekun byed rgyal po nga yi byin brlabs kyis// sems dpa' rdo rjes ji ltar rtogs pa ltar// phyir bas kun byed lung la dad pa la// dngos po skye ba med par byin rlobs shig/ de ltar bsgom du med pa'i snying po la// ma yengs dran pas gzung ba man ngag yin// kun byed rgyal po byang chub sems 'di la// bshad pas ma yin tshigs su bcad pas min// bsgoms pas ma yin ma bsgoms pas kyang min// snying po sngags dang phyag rgya kun las

  242. 122a

    'das/ kyekun byed rgyal po nga yis bstan pa'i sa// ma lus 'di la brten pas spong len med// phyogs cha med par khyab pas che chung med// chos kyi dbyings su gnas pas rtogs dang mi rtogs med// de phyir dus gcig gnas pa'i sa 'di la// sems dpa' rdo rje legs par gnas par gyis// zhes gsungs so// byang chub kyi sems kun byed rgyal po las/ don la sbyang med kyi le'u ste bdun cu bdun pa'o// // de nas byang chub kyi sems kun byed rgyal pos/ mnyam pa la blung dor med pa'i dgongs pa 'di gsungs so// ston pa'i ston pa kun byed rgyal po yis// skye med byang chub sems kyi rang bzhin las/ ji bzhin ma bcos gnas pa'i dgongs pa la// blang dang dor ba yod par lung ma bstan// skye med rang bzhin sgro skur bral ba ste// blang dang dor ba sgro skur don du bstan// su zhig snying po'i don la zhugs pa yi// sgro skur 'das pa snying po'i don du bstan// gang yang bsam pa kun las 'das byed pa// blang dor med par rtogs par lung bstan to// kye/ sems dpa' rdo rje snying po'i don la bsgoms// nga ni ma nor don gyi snying po la// blang dor rnam rtog bcos pa'i yul med de// rang bzhin bde ba mchog/

  243. 122b

    gis goms par byed// kun byed rtogs na snying po kun gnas pas// snying po'i don la blang dor lung ma bstan// skye zhing 'jig pa'i chos su'ang lung ma bstan// bzang ngan gtsang sme'i chos su'ang lung ma bstan// des na rtogs spyod bsam pa'i yul las 'das par bstan// kye sems dpa' rdo rje nges par da sgoms shig/ sgom dang bsgom par bya ba'i yul nyid ni// ma bcos kun byed sems kyi rang bzhin la// bsgom dang mi sgom blo yi yul las 'das// kye/ kun byed rgyal po byang chub sems nga ni/ nga yi 'khor du 'dus pa'i tshogs rnams la// blang dor med pa'i chos nyid mi ston cing // gcig la gnyis su dbye ba'i chos mi ston// rtogs dpyod 'das la rtogs dpyod bsam mi byed// ma bcos ji bzhin pa la 'chos ma byed// bya ba gang gtang ci snang chos nyid la// ma bsams rang bzhin gzhag pas grol bar ston// kye tasama? dpa' rdo rje chen po legs par da sgoms shig/ blang dor med pa'i chos nyid byang chub la// mkha' ltar gnas pas lus sems bcos su med// 'du shes zhe 'dzin med par bsgom du med// mkha' ltar rab zhi rnyog pa kun dang bral// yul la mi 'jug dgongs pa'i dmigs 'jug bral// kye sems dpa' rdo rje legs par da sgoms

  244. 123a

    shig/ dbang po yul la ma rtogs sems mi sdud// gnyen po mi rten 'dus sems rgyud ma sbyong // lus sems ma bcos snying po'i don du rtogs/ kye kun byed rgyal po nga yi spyod pa ni// ma btsal lhug par gnas pas don kun rdzogs// snying po'i don du 'dus pas blang dor med// re dogs rnam par chad pas mya ngan 'das mi sgom// kun byed nga yi spyod pa gang rtogs pa// dus gsum skye med don du mnyam pa la// 'jug dang mi 'jug tshig las shin tu 'das// 'di ni blang dor med par lung bstan to// zhes gsungs so// byang chub kyi sems kun byed rgyal po las/ mnyam pa la blang dor med par bstan pa'i le'u ste bdun cu brgyad pa'o// tade nas byang chub kyi sems kun byed rgyal pos/ rang 'byung snying po'i don la sgrib pa bsal du med pa'i dgongs pa 'di gsungs so// / kye ston pa'i ston pa kun byed rgyal po yis// snying po sgrib med dgongs par lung bstan pas// ji ltar snang ba'i chos rnams ma lus pa// skye med chos kyi dbyings su kun gcig pas// skye med snying por thugs kyi rang bzhin la// sgrib dang mi sgrib khyad par bstan pa med// kye sems dpa' rdo rje legs par da sgoms shig/ skye

  245. 123b

    med chos kyi dbyings su gcig pa la// sgrib dang mi sgrib spong len gang 'dod pa// dam pa'i snying po'i don dang 'gal bar 'gyur// kun byed byang chub sems kyi lung bstan pa/ skye med bsgoms pas skye ba snying por gsal// mkha' ltar rtogs spyod la ni gang gnas pa// sgrib dang mi sgrib byang chub sems su gnas// kye/ kun byed rgyal pos 'khor la lung bstan pa// ye shes sgrib med gsal ba'i don du bshad// rang 'byung rgyu rkyen med pa'i snying por gnas// rtogs pas sgro skur 'das pa'i dgongs pa yin// kye de phyir sems dpa' rdo rje da sgoms shig/ rang byung ye shes dmigs pa kun las 'das// rtogs pas dmigs pa'i don du gzhog mi byed/ yul las 'das pas rnam shes srung mi byed// dngos po snying por gsal bas sgom mi byed// rnam pa snying por gsal bas re dogs med// kye ston pa'i ston pa kun byed rgyal po yis// ma bcos 'khor gyi nang du lung bstan pa// ma bcos snying po chos kun rtsa ba la// ji ltar snang bas gtan la 'bebs par byed// snying po rang bzhin gcig gi don rtogs na// kun gyi rang bzhin kun byed nyid du 'dus// des na kun byed nga yi don mkhas la// bsam gyis mi khyab chos la mkhas

  246. 124a

    par 'gyur// kun byed nga yi don goms gyur pa na// kun byed don la gnas shing goms pa yin// kyesems dpa' rdo rje legs par da sgoms shig/ ji ltar snang grags chos rnams thams cad la// snying po rtogs goms don nyid gcig las med// snying po mngon du phyung nas gang bstan pa// rang bzhin skye ba med pa'i don du rtogs// ma yengs re dogs med pas dgongs pa yin// kye sems dpa' rdo rje/ rtogs pa'i don la legs par da sgoms shig/ ji ltar snang ba'i chos la gang bstan pa// kun byed rgyal po mtshon pa'i thabs su bstan// thabs de'i lung dang 'gal bar ma byed cig/ kun byed nga yi sras su zhugs rnams kyi/ kun kyang skye med don du rtogs 'gyur na// 'khor dang mya ngan 'das par mi sems te// snying po rang bzhin rtogs dpyod bral bar bstan// ces gsungs so// byang chub kyi sems kun byed rgyal po las/ mi sgrib pa'i le'u ste bdun cu dgu pa'o// // de nas byang chub kyi sems kun byed rgyal pos/ lhun grub ra ngogs las 'das pa'i dgongs pa 'di gsungs so// kye sems dpa' rdo rje legs par da sgoms shig/ nga ni ston pa kun byed rgyal po ste// ji ltar snang ba'i chos

  247. 124b

    rnams ma lus pa// skye med sems kyi rang bzhin nyid du bstan// kye/ sems kyi rang bzhin lhun gyis grub pa'i phyir// grub dang ma grub gnyis su lung mi ston// bde dang sdug bsngal gnyis su rtog mi byed// 'khor dang mya ngan 'das par re dogs bral// lhun grub sems kyi rang bzhin cir snang bas// ma byung stong pa'i don du smra mi byed// / gzhi rtsa snying po rtog spyod las 'das pas// grub cing bstan pa'i phyogs su zhen mi byed// kye sems dpa' rdo rje legs par da sgoms shig/ lhun grub rtog spyod 'das pa'i snying po la// grub dang ma grub don la rtogs mi byed// de phyir khyod kyang rtogs par ma byed cig/ kye lhun grub bya btsal 'das pa'i snying po la// gang gi phyogs ldog med pa'i zhen pa ni// ji ltar bus pa mkha' la rtsod pa ltar// kun byed nga yi rang bzhin mthong mi 'gyur// gang gis gang spangs ldog par 'dod pa ni// re dogs 'jigs pa'i sems dang ma bral bas// mtha' bral mtha' la zhen pa'i gang zag gis// lhun grub snying po'i don la ji ltar reg/ kye sems dpa' rdo rje legs par da sgoms shig/ ma skyes rnam par dag pa'i don snang bas// snang ba dngos por mi lta 'jig mi byed// snang ba skye ba med par rang grol bas// stong pa mi sgom ji bzhin rtogs

  248. 125a

    pas grol// kye/ ston pa'i ston pa kun byed rgyal po ngas// ji ltar snang ba'i chos ni thams cad kun// ma skyes rnam par dag pas lung bstan pas// ji ltar skye ba snying po nyid du rtogs// kye/ nga las byung ba'i ston pa sku gsum la// sems nyid skye ba med par kun smra zhing // rang bzhin med pa'i don la kun rtsod kyang // skye med mngon du kun gyis rtogs pa med// de phyir kun byed rgyal po'i lung 'di la// shes nas ma yongs don la gnas pa las// rtsol bas mi 'jug gnyen pos sems mi sbyong // yul la mi 'jug dran pa'i sems mi sdud// gang ltar 'byung ba de nyid don yin pas// kun byed nga yi don la 'jug par gyis// kyeston pa'i ston pa gun byed rgyal po yis// / ma bcos sems kyi 'khor la lung phog pa// ma lus skye med rtogs pa'i rnal 'byor pa// rang bzhin bcu las rtsol bar ma byed cig/ kun byed byang chub sems kyi rang bzhin la// shes pa gzung 'dzin mi shes spangs med pas// rtogs pas dbang sgyur don la gnas pa yis// kun byed rgyal po'i dgongs pa lhun gyis grub// ces gsungs so/ byang chub kyi sems kun byed rgyal po las/ lhun grub re dogs bcad pa'i le'u ste brgyad cu pa'o// // de nas byang chub kyi sems kun

  249. 125b

    byad rgyal po la/ sems dpa' rdo rjes 'di skad ces zhus so// kye ston pa'i ston pa kun byed rgyal po lags// ji ltar snang ba'i chos ni khyod kyis byas// bstan pa'i dam chos ma lus khyod kyis bkod// dam pa'i rang bzhin khyod kyis bstan pas na// khyod kyi rang bzhin rtogs na chos kun rtogs// de bas kun byed nyid kyi rang bzhin 'di// 'dus pa'i tshogs kyis gsal bar ma rig pas// don du ji ltar gnas pa bshad du gsol// zhes zhus so// de nas byang chub kyi sems kun byed rgyal pos/ mdo lung rgyud la bsdu ba 'di gsungs so// kye sems dpa' rdo rje legs par nan tan gyis// ston pa'i ston pa kun byed rgyal po yis// 'khor la mdo lung bsdus pa 'di phog pa// legs par bstan pa'i don la nan tan gyis// kye rlung yi rang bzhin skye med don gcig la// rgyud kyi rang bzhin rnam pa gsum du bstan// gdams pa rnam pa gsum gyi rim pa yis// rgyud ni rtsa ba'i rgyud dang phyi ma dang // phyi ma'i phyi mas don rdzogs bstan pa yin// kyertsa ba thos pa'i rang bzhin bstan pa ni/ nga yi rang bzhin lnga bcu rtsa bdun gyis// dngos po don kun gtan la phab pa ste// sems dpa' rdo rje legs par nan tan gyis// kye nga yi rang bzhin lnga bcu

  250. 126a

    rtsa bdun ni// mngon du phyung ba'i mdo lung bcu po dang // nges par bstan pa'i mdo lung bcu po dang // rgyu 'bras 'das pa'i mdo lung bcu po dang // bya med rdzogs pa'i mdo lung bcu po dang // gtan la 'bebs pa'i mdo lung bcu dag dang // dgos ched so sor bstan pa lnga bcu lnga// gcig gis gzhi bstan gcig gis gdams pa bstan// kye ston pa'i ston pa kun byed rgyal po yis// mngon du phyung ba'i mdo lung bcu bstan pa// dang po dang ni bcu dang gnyis pa dang // bcu gcig pa dang gsum dang nyi shu pa// bco lnga pa dang nyi shu lnga pa dang // nyi shu rtsa gcig drug pas rdzogs pa yin// gdams ngag phog pas mngon phyung mthong ba'i phyir// bcu drug pa yis mngon phyung dgos pa bstan// kyeston pa'i ston pa kun byed rgyal po yis// nges par bstan pa'i mdo lung bcu bstan pa// bzhi pa sum cu gsum pa bcu gsum pa/ bcu gnyis pa dang lnga dang sum cu gnyis// sum cu drug dang sum cu bzhi pa dang // nyi shu dgu dang bcu bdun pa yis rdzogs// nges par bstan pa'i dgongs pa yid ches dag/ lnga bcu rtsa lnga pa yis bstan pa yin// kye ston pa'i ston pa kun byed rgyal po yis// rgyu 'bras 'das pa'i mdo lung bcu bstan pa// bzhi bcu gcig pa bcu

  251. 126b

    bzhi sum cu brgyad// dgu pa dang ni so lnga bcu dgu pa// bco brgyad pa dang brgyad dang bzhi bcu dang // lnga bcu rtsa gnyis pa yis bstan pa yin// rgyu 'bras 'das pas rtsol sgrub bya mi dgos// bdun pa nyid du nges par bstan pa yin// kye ston pa'i ston pa kun byed rgyal po yis// bya med rdzogs pa'i lung bcu bstan pa ni// nyi shu gnyis dang sum cu pa dag dang // nyi shu bzhi dang nyer brgyad nyi shu bdun// sum cu gcig dang nyer gsum nyi shu drug/ zhe bzhi pa dang lnga bcu drug pas bstan// ma byas rang bzhin rdzogs par bstan pa'i phyir// bzhi bcu gsum pas de yi dgos pa bstan// kye ston pa'i ston pa kun byed rgyal po yis// gtan la 'bebs pa'i lung bcu bstan pa ni// zhe brgyad pa dang sum cu dgu pa dang // bzhi bcu lnga dang so bdun zhe drug pa// zhe bdun pa dang zhe dgu nga gcig pa// lnga bcu pa dang lnga bcu gsum pas rdzogs/ gtan la phebs na ma bcos bcos med pas// bzhi bcu gnyis pas dgos pa bstan pa yin// lnga bcu bzhi pas rtsa ba'i gzhi bstan nas// lnga bcu bdun pas gtad cing gdams pa ste// rtsa ba'i rgyud de thos par gces pa yin// kye ston pa'i ston pa kun byed rgyal po ngas// bsam pas gtan la phab ste bstan pa

  252. 127a

    ni/ rtsa ba'i rgyud du gsungs pa'i don rnams kyang // rdzogs pa'i rang bzhin bcu ru bstan pa yin// rtogs pa'i mdo lung bcu ru bstan pa yin// kye/ ston pa'i ston pa kun byed rgyal po yis// sgom pa nges par 'byin par bshad pa ni// rang bzhin bcu ru dgongs pas bshad pa ni// skye ba med pa'i don du bsdus te bstan// skye med rtogs pa'i don las ma yengs pas// bsgoms pa mdo lung bcu ru bsdus te bstan// 'di las 'phros shing thams cad 'dir 'dus pas// kun gyi rtsa ba don gyi 'grel pa'i lung // kun byed dang yi sras su gyur pa la// ming gis don mtshon skye me rtag sa phyir bstan// kye/ sems dpa' rdo rje legs par nan tan gyis// theg pa'i rtsa ba byang chub sems kyi lung / kun byed rgyal po bsdus pa'i rtsa ba 'di// sems dpa' rdo rjes legs par rtogs gyur na// rgyal ba'i rgyal ba kun byed rgyal por 'gyur// de phyir kun byed nga yi 'khor rnams la/ sems dpa' rdo rjes don 'di lung ston cig/ skye med byang chub sems su lung ston cig/ 'khor 'das dbyings su gcig par lung ston cig/ rgyu 'bras dus gcig rdzogs par lung ston cig/ ces gsungs so// byang chub kyi sems kun byed rgyal po las/ dgongs don lde mig gau le'u ste brgyad cu rtsa gcig pa'o// /

  253. 127b

    de nas byang chub kyi sems kun byed rgyal po la/ sems dpa' rdo rjes gus pa'i tshul gyis bstod pa/ kye/ ston pa'i ston pa kun byed rgyal po khyod// dus gsum rgyal ba'i rang bzhin chos kyi dbyings// 'khor ba mi spong thugs rje phyogs ris med // ston pa kun byed rgyal po khyod la 'dud// kye ston pa'i ston pa kun byed rgyal po khyod// 'das pa'i sangs rgyas kun byed khyod kyis byas// ma byon pa dang da ltar byed cing mdzad// ston pa kun byed rgyal po khyod la 'dud// kye ston pa'i ston pa kun byed rgyal po khyod// khams gsum srid gsum byed mkhan khyod kyis byas// rang byung lnga dang rgyan gyi rgyu lnga dang // ye shes lnga byas kun byed khyod la 'dud// kye ston pa'i ston pa kun byed rgyal po khyod// sku gsum ston pa gsum yang khyod kyis byas// sku gsung thugs gsum ma lus kun byas pas// ston pa kun byed rgyal po khyod la 'dud// kye/ ston pa'i ston pa kun byed rgyal po khyod// sku gsum bzhugs pa'i gnas kyang khyod kyis byas// 'khor gyi dang po bsdus pa'ang nyid las byung // ston pa kun byed rgyal po khyod la 'dud// kye/ ston pa'i ston pa kun byed rgyal po khyod// 'dus pa'i 'khor yang nges par khyod kyis byas// bstan pa gsum yang nges par khyod kyis

  254. 128a

    byas/ kun byed rgyal po nyid la phyag 'tshal 'dud// kyeston pa'i ston pa kun byed rgyal po khyod// zag med shes rab rtogs pa gsum bstan pas// 'khor gyi mun pa'i dkyil 'khor snang mdzad pa// kun byed rgyal po nyid la phyag 'tshal 'dud// kye ston pa'i ston pa kun byed rgyal po khyod// nyid kyi thugs gcig rang byung ye shes las// 'byung zhing sdud pa'i rtsa ba khyod nyid pas// chos kyi snying po khyod la phyag 'tshal 'dud// kye/ ston pa'i ston pa kun byed rgyal po khyod// ma rig pa mi lam ni bsal nas kyang // yeng shes snang ba kun tu mched par byed// ston pa kun byed rgyal po khyod la 'dud// kyeji ltar snang ba'i chos rnams thams cad kun// rang byung nyid pas rgyu rkyen kun dang bral// ma bcos snying po ji bzhin gsal bas na// rang byung ye shes kun byed rgyal po nyid// ji ltar brtags kyang gting mtha' dbus med kyi// kun gyi 'byung gnas bsam pa'i yul las 'das// skye 'gag dmigs 'jug las 'das rnam par zhi// su zhig 'jug cing dmigs dang dad pa dag/ 'di la sman dang dam par dmigs med pas// mi rtsol ba de la gnas shing dbugs 'byin 'gyur// chos kyi rtsa ba kun byed rgyal po las// ji ltar gnas pa rtsol sgrub kun dang bral// zhes

  255. 128b

    gsungs so// byang chub kyi sems kun byed rgyal po las/ rjes su bstod pa'i le'u ste brgyad cu rtsa gnyis pa'o// // de nas byang chub kyi sem kun byed rgyal po la/ sems dpa' rdo rjes legs par 'dun nas zhus pa/ kye/ ston pa'i ston pa kun byed rgyal po lags// ji ltar snang zhing grags pa'i chos rnams kun / rang byung yang shes gcig tu bstan pa'i mdo// chos kyi rtsa ba kun byed rgyal po'i rgyud// phyi rabs rnal 'byor gang dang gang dag la// bstan cing gdams pa legs par bshad du gsol// zhes zhus so// de nas byang chub kyi sems kun byed rgyal pos/ skal ldan la gdams pa'i don 'di gsungs so// kye sems dpa' rdo rje legs par da nyon cig/ ston pa'i ston pa kun byed rgyal po ngas// ji ltar snang zhing grags pa'i chos rnams kun// ngas byas byed dang byed 'gyur snying po'i don// gzhi rtsa kun 'das snying po byang chub rgyud// dgongs pa mngon du phyung ba'i mdo lung 'di// dad dang dam tshig brtson 'grus che ba dang // snying rje yi rang skyo dang yid ldog med// lus dang bu dang chung ma bran dang nor// gang la'ang ma chags dad dang dga' bas 'bul// 'di dag dad dang dam tshig rtags yin pas// snying po'i don dang ldan pas sbyin par

  256. 129a

    bya// grags pa spangs shing nga rgyal bral ba dang // dam pa snying po'i don phyir lus srog 'phangs pa med// bka' las mi 'da' rtags dang ldan pa la// / snying po don dang skya med bstan pa sbyin// gang gis snying po'i bstan pa dag thob na// 'jig rten mtshan mas bdag la ci bgyi ste// thob na bdag gis dka' bas bsgrub bo zhes/ tadam bco la legs par gnas nas bstan pa sbyin// ji srid bdag dang slob dpon 'tsho ba'i bar// lus dang srog gi 'brel pa ma mchis par// khyod kyi bka' bzhin bsgrub ces mna' bor la// bstan pa'i snying po kun byed rgyal po sbyin// mdor na lus dang srog kyang dbul bya zhing // rdzas dang zhing yul rkang 'gros smros ci dgos// gal te bdag la dgos par ma gyur kyang // dam pas blangs te dkon mchog gsum la 'bul// kye ston pa'i ston pa kun byed rgyal po yis// snod min log pa'i gang zag bstan pa ni// grags dang 'jig rten chos la dga' ba dang // nga rgyal dam pa mi bkur yid thung ldog/ 'phyar zhing rdzas dang dad par mi ldan te// rang tshong nyams len btsan thabs 'dod pa dang // bstan pa yongs la 'phel zhing mi mthun zhing // sgro skur bdag gzhan gnod sems bsgom pa min// 'di la ma bstan

  257. 129b

    mchog tu gsang bar bya// sngon du rtags dang dad pa brtag bya'i phyir// rin chen dbyig dang chas pa gung nod kyis// chags sems nga rgyal gzhan sems ma nges la// de la kun byed rgyal po bstan mi bya// bstan pa'i don la blang dor mi gnas kyang // mi ma yin dang 'byung pos par chod cing // mkha' 'gro grub pa can gyis gnyis ka la// dus min 'chi dang 'jigs pa'i dbang gyur nas// sgro skur dbang gis snying po'i theg pa bsgrubs// de bas rigs ngan gang zag spang bar bya// 'jig rten zhen pa dpral phyir rgyud brtag phyir// lus dang longs spyod bla mas kun blangs la// nus dang mi nus khyad par brtag ldan nas// snying po don ldan kun byed rgyal po sbyin// zhes gsungs so// byang chub kyi sems kun byed rgyal po las/ bstan pa gang la gzhag pa'i le'u ste brgyad cu rtsa gsum pa'o// // de nas byang chub kyi sems kun byed rgyal po la/ sems dpa' rdo rjes legs par mdangs phyung nas 'dun nas zhus pa/ kyeHston pa'i ston pa kun byed rgyal po lags// nyid kyi thugs gcig rang byung ye shes las// skal ldan dus gcig grol bar mdzad pa'i mdo// mtshan gyi khyad par bdag la bshad du gsol// zhes zhus so// de nas byang chub

  258. 130a

    kyi sems kun byed rgyal pos/ mtshan gyi rnam grangs rnam par phye ba 'di gsungs so// kya ston pa'i ston pa kun byed rgyal po yis// mtshan gyi khyad par phye ste bshad pa ni// ji ltar snang ba'i chos rnams thams cad kun// ma lus kun byas byed cing byed 'gyur te// nyid la bya mi dgos te lhun grub pas// kun byed rgyal po zhes su bstan pa yin// kye snying po ngang la dri ma med pa dang // ma btsal lhun gyis grub pa'i don ldan pas// 'di la btsal zhing bsgrub pa mi mnga' ste// byang chub sems zhes nges par bstan pa yin// kyeHma byas gdod nas grub pa'i chos nyid la// rgyu dang rkyen med btsal med snying po ni// ma bsgribs kun la phyogs ris med gsal bas// rang byung ye shes zhes su bstan pa yin// kye ji ltar snang ba'i chos rnams thams cad kun// ma bcos ji bzhin nga la kun snang bas// phyogs ris gnyis su chad pa'i don med de// bka' yi 'grel pa chos kyi me long yin// kye ji bzhin ma bcos snying po rnal ma la// 'khor dang mya ngan 'das pa 'byung sdud pas// blang dor 'dzin chags rgya las rnam grol te// snying po don gyi theg par bstan pa yin// kye 'das dang ma byon da ltar rgyal ba la// skye med 'di la ma gzigs mi dgongs

  259. 130b

    pas/ ma bcos thig le gzung 'dzin las 'das pas// lta ba'i me long zhes su bstan pa yin// kye nga ni ma bcos ji bzhin snying po la// sgro 'dogs skur 'debs don las kun 'das te// dus gsum rgyal ba nga las byung bas na// rgyal ba'i yum zhes nges par bstan pa yin// kye ma bcos skye med kun byed rgyal po la// ma btsal dgongs pa'i yon tan tshangs rdzogs pas// btsal zhing bsgrub pa kun las 'das pas na// rgyud kyi rgyal po zhes su bstan pa yin// kye ma bcos don la ma nor blo 'jog pas// snying po'i don la sgo dang skur pa bral// gnyis ka mi 'gal don du gang ston pa// ma bcos don gyi lung du bstan pa yin// kye ston pa kun byed rgyal pos lung bstan pa// skye med byang chub sems dang ldan pa'i don// gnyis med snying por ro gcig gnas pa la// kun gyi mdo ni mdo ru bstan pa yin// kye ma rig pa yi mun pa sel ba yin// ye shes snang ba mched par byed pa yin// sdug bsngal rgya mtsho gcod par byed pa yin// snying po don la goms par byed pa yin// kye ngas ni ma rig pa yi/ mig bsal nas// skye med byang chub sems ni mngon bstan na// skal ldan rnal 'byor dmigs dang ldan pa dag/ bya ba med par rang bzhin grol bar 'gyur// theg pa'i//

  260. 131a

    yang snying bka' yi rdzogs chen 'di// man ngag snying po'i lung dang ldan rnams kyis// rang bzhin bde bar gnas na gsal bar 'grub// ma bcos mi 'gyur 'jug cing rtsol bar med// kye nga ni ston pa kun byed rgyal po ste// theg pa'i rtsa ba chos kyi snying po'i lung // sku gsum ston pas ma gsungs rgya che ba// skye ba med par ston pa'i sems rgyud 'di// dus gsum rgyal ba snga mas ma gsungs te// phyi ma mi gsung da ltar ston mi mdzad// kun byed rgyal po 'pho 'gyur mi mnga' bas// snga mas gsungs shing phyis kyang gsung 'gyur la// da ltar byung bas gsungs pas skal ldan la// nges par bstan pas 'bad med grol ba'i lung // mdo lung mngon du bstan/ pa'i bka' rgyud 'di// mi 'phel mi nub snying po 'dzin pa la// kun byed rgyal po nges par khyod la gtad// ces gsungs so// byang chub kyi sems kun byed rgyal po las mtshan gyi rnam grangs bstan pa'i le'u ste brgyad cu rtsa bzhi pa'o// // byang chub kyi sems kun byed rgyal po/ lta ba nam mkha' ltar mtha' dbus med pa'i rgyud/ nam mkha' snying po mchog gi don/ gsang ba mchog gi mdo lung brgyad cu rtsa bzhi pa rdzogs so// // rgya gar gyi mkhan

  261. 131b

    po dpal gyi seng ge dang / dge slong bai ro tsa nas bsgyur cing zhus te gtan la phab pa'o// / la zlo gsang ba'i 'khor lo zhes bya ba'i rgyud/ de nas sems dpa' chen po la/ byang chub kyi sems kun byed rgyal pos/ chos thams cad la nges pa dang dmigs su med par dgongs nas/ la zlo gsang ba'i 'khor lo 'di gsungs so// de yang ji ltar gsungs pa yin zhe na/ ston pa dang ni bstan pa 'khor dus gnas// rang byung chos kyi dbyings su la bzlas pas/ rang byung ngo bo mngon du phyung ba la// phun sum tshogs pa rnam pa lnga po yang // rang la rdzogs shing rang la tshang bar ston// rang la dmigs su med pa dbyings su la bzla yin// ston pa'i ston pa kun byed rgyal po lags// rnam lnga rang la ji ltar tshang bar ston// rang la dmigs su med pas la bzla ci yi phyir// zhes zhus so// kye sems dpa' chen po khyod dgongs shig/ mig gi dbang po ston pa'i ngo bor byung // lce yi dbang po bstan pa'i ngo bor byung // rna ba'i dbang po 'khor gyi ngo bor byung // sna yi dbang po dus kyi ngo bor byung // lus kyi dbang po gnas kyi ngo bor byung // de yang ji ltar byung ba'i gtan tshigs bstan pa ni// mig gi/

  262. 132a

    dbang pos gzugs rnams cir yang ston// kun byed rgyal po'i sku ru bstan pa yin// de las gzhan pa'i ston pa dmigs su med// de las ston pa rang la tshang zhes gsungs// lces ni snang srid tshig dang yi ger brjod// sgra rnams bsgrags pa ston pa'i gsung yin pas// bstan pa'i chos zhes kun la grags pa yin te/ rna bas sgra rnams ji ltar gsan pa yang // kun byed rgyal po'i sgra bsgrags gsan pa las// de las gzhan pa'i sgra ni thos pa med// de thos 'khor gyi dam par byung ba yin// dri rnams sna tshogs ji ltar byung ba yang // sna yi dbang po gcig las ma 'das pas// dbyer med dus gsum gcig tu bstan pa yin// mig dang rna ba sna dang lce la sogs// thams cad lus la gnas pas gnas su bstan// lus gnas pa la kun kyang gnas pa las// lus mi gnas la su yang gnas pa med// de bas lus 'di gnas su bstan pa yin// kye sems dpa' chen po de dgongs shig/ thams cad rang la ye nas btsal bas na// ston pa gzhan du rtogs par ma byed cig/ gdung brgyud bzang dang rigs brgyud btsun pa la// sems dpa' rdo rje ltos pa ma 'jog cig/ mig gis mthong ba ston pa'i gzugs mthong yin// de

  263. 132b

    las lhag pa'i lung ni ngas ma bstan// de bzhin pa la gzhan du rtog ma byed// dus dang gnas dang 'khor la sogs pa yang // gzhan du ma rtog rang du bstan par zad// bden tshig gzhan la rtog par ma byed cig/ sgra ni ji bzhin ma yin brjod mi lang // 'khor yang bkrol bas mi khrol dgrol mi lang // dad mos bkur sti can la dmigs ma byad/ dus kyang dus bzang 'di zhes dmigs ma byed// ye nas dbyer med dus su tshogs pa yin// gnas kyang bla gab gzhan la ma ltos shig/ ye nas gnas pas gzhan gyi rang bzhin yin// de bas rang la rdzogs par bstan pa yin// rang la dmigs su med par la bzlas yin// kye sems dpa' chen po ji ltar dgo// ston pa la sogs chos lnga snang ba yang // sems dpas bsgom par bya ba yod ma yin// bsgoms na gang ltar bsgoms kyang la ma zlos// rang la rang gis dmigs su med pas na// mi sgom zhes kyang gzhag pa'i gnas ma yin// bsgoms na gang bsgoms gang gis ji ltar sgom// mi sgom gang gis gang la ci mi sgom// de bas bsgom dang mi sgom tha snyad ni// rtsis gdab kun las 'das pas gzhan du 'os ma yin// lces smras rna bas thos pas thos pa'i shes rab yin// rna thos yid kyis

  264. 133a

    bsams pas bsam pa'i shes rab yin// yid la dmigs su med pas sgom pa'i shes rab yin// shes rab rnam gsum sems kyi rang bzhin/ la/ sems la 'di zhes brjod du yod ma yin// ma brjod snyan gyis de la gsan du med// de bzhin yid kyi bsam pa kun dang bral// zhes phun sum tshogs pa lnga rang du la bzla ba'i le'u ste dang po'o// // de nas lta sgom dam tshig la bzla ba'i dgongs pa 'di gsungs so// kye sems dpa' chen po de dgongs shig/ sems nyid ngo bo mngon du phyung ba yi// snang srid lta ba'i cho 'phrul shar ba la// yid 'jog sems kyis bsgom par ma byed cig/ rang byung bsgom pa rdzogs par ma bsgoms na// bsgoms pas snang srid bsgom gyis mi lang zhing // bsgoms dang ma bsgoms yon tan mnyam pa la// 'og ma pa bzhin dmigs pa'i bsgoms pa yis// gang bsgoms rtsol ba'i nad kyis zin pa las// chos nyid don du 'gyur ba gcig kyang med// ma bsgoms ngan du song ba'i rgyu med pas// bsgoms dang mi sgom dgongs pa ma len cig/ gnas pa gzhi tshe 'byung ba rgyu phyug pas// sna tshogs mi 'char gang yang med pa yin// ci byung rang shar chos nyid ngo bor snang // gang zag blo yis de la

  265. 133b

    ji ltar bsgom// 'di yin nges pa med pas bsgom du yod ma yin// bsgom du med par 'jog pa'i bdag po yang // rdul tsam yod par kun byed ngas ma gsungs// de bas rtsis med phyogs las 'das pa la// sems dpa' rdo rje lta sgom yul mtshol// rtogs dang ma rtogs blo yi yul las 'das// bsgom dang mi sgom dmigs pa'i cha dang bral// sna tshogs snang zhing bdag po ma nges pas// nor dang ma nor sems dpa' ma dgongs shig/ gang la dgongs par bya ba'i sems 'di zhes// sems dpa' rdo rjes gzhan la lung ma bstan// dgongs pa 'di zhes gzhan la lung bstan na// 'khor rnams dgongs pa'i yul la dmigs pa yis// blo chos 'dzin pa'i mtha' las mi grol bas// de bas dgongs su med pa'i dgongs pa ston// kye/ sems dpa' chen po de dgongs shig/ skye med rang yin gzhan du ma sgom zhig/ rang la blta ba'i yul med lta ba'i la yang zlos// dam tshig rang yin gzhan du ma srung zhig/ bsrungs pas rang byung chos la phrag dog byas// rang byung chos rnam ci byung ci shar yang // phrag dog med par rang sar rang gzhag nas// bsrung du med pa'i dam tshig kun bsrungs na// bdag med dam tshig med par la yang bzlas// gang

  266. 134a

    gis mtshams med lnga yi las spyad kyang // rang byung gnyis su med pa'i don rtogs nas// zhum pa med pa'i gdeng dang ldan gyur nas// kun byed pa yi dam tshig la 'das yin// rtsa ba yan lag dam tshig gzhung bsrungs kyang // re dogs 'jigs pa'i sems dang ma bral na// dam tshig la gnas dam tshig la mi zlos// bsrung dang ma bsrung dam tshig yul las 'das// nyams dang ma nyams blo yis blangs pa med// mtshams med bsrung mtshams rtsis gdab kun las 'das// de ltar dgodra shing dgongs pa'i yul med na// dam tshig kun gyi la yang zlos pa yin// lta ba bsgom du med cing dam tshig bsrung du med par la bzla ba'i le'u ste gnyis pa'o// / / de nas byang chub kyi sems kun byed rgyal pos/ skye shi las 'das pa'i dgongs pa 'di gsungs so// kye sems dpa' chen po de dgongs shig/ skye shi med pa'i byang chub sems 'di ni// kun la gnas te nges par dgongs par dka'// lus ni 'byung ba bzhi yi rang bzhin te// sha ni sa yi ngo bo 'dzin pa yin// mi 'gyur ba yi rang bzhin bstan pa yin// khrag ni chu yi ngo bo 'dzin pa yin// rlan zhing sdud pa'i rang bzhin bstan pa yin// drod ni ma yi ngo bo 'dzin pa yin// mi 'drul

  267. 134b

    smin pa'i rang bzhin bstan pa yin// dbugs ni rlung gi ngo bo 'dzin pa yin// yang zhing g.yo ba'i rang bzhin bstan pa yin// de ltar kun lus 'byung ba bzhi po yang // rang gis mtshan nyid rang gis 'dzin pas na// lus la skye 'jig yod par yongs ma gsungs// sems ni nam mkha'i mtshan nyid 'dzin pa yin// de yang dmigs med rang bzhin bstan pa yin// dran pa ci skyes rang bzhin nyid du ston// sems la skye 'chi yod par ngas ma gsungs// nga yi lung 'di ma thos gang zag gi/ lus kyi rigs byed dran pas gzung byas nas// 'byung ba'i dar rgud skye 'jig byung ba la// skye shi yin zhes mya ngan 'byung ba yin// byang chub sems la skye shi yod ma myong // dper na nam mkha' skye 'chi med pa bzhin// de bzhin sems la skye 'chi med pa yin// 'byung ba sa chu me rlung bzhi la yang // skye shi'i tha snyad ye nas med pa bzhin// de bzhin lus la skye shi yod ma yin// kye sems dpa' chen po de dgongs shig/ 'di las lhag pa'i chos la ma rtog cig/ brtags na snying po'i don la sgrib pa yin// lus ngag rtsol ba dang du ma len cig/ blangs na rtsol ba'i nad kyis gol ba yin// gol sa sgrib pa rang sa ma 'dzin cig/ gang gis rang sa gzung ba de yis ni// lhun

  268. 135a

    grub snying po'i don la la mi zlos// la zlos chos su gsungs pa de la ni// bdag dang gzhan du grub pa gnyis med pas// rtsis med rtsis las 'das par nga yis bstan// rang la lhun gyis grub pa nga yis bstan// rang la lhun gyis grub pas bsgrub mi dgos// dmigs pa'i yul las 'das pas bsgom mi dgos// mtshon pa'i tshig las 'das pas shes mi dgos// yid kyis byas pa kun dang bral bas na// gzhungs pa'i yid kyis de la bsam du med// rgyu med rkyen las byung ba ma yin pas// bsod nams tshogs kun nges par bsag tu med// ya nas nga yis byas pa'i chos yin pas// 'bras bu dus la ltos pa'i re ba bca' mi dgos/ rig stong rtsa ba ye nas med pa la// shi nas skye ba'i dgongs bsam ma byed cig/ rang gi sems 'di skye ba med sems nas// pha rol mi 'byung snyam sems ma 'cha' zhig/ thos dang bsam dang dgongs pa'i chos rnams ni// byis chos rtsed mo tsam du dgongs mdzod la// dmigs med phyogs bral phyogs las 'das par mdzod/ phyogs cha bral ba'i gang zag su yang rung // 'khor bar mi gnas mya ngan 'das mi g.yo// yul sems gnyis med dran pa'i rgyu 'grul ni// bdag tu

  269. 135b

    'dzin pa'i shes rgyud 'chad par nges// skya 'chi la bzla ba'i le'u ste gsum pa'o// // de nas byang chub kyi sems kun byed rgyal pos/ sangs rgyas logs na med par la bzla ba 'di gsungs so// kye/ sems dpa' chen po de dgongs shig/ sangs rgyas zhes ni ming du btags pa ni// sku gsum ston pa drang ba'i lung bstan yin// mi shes byis pa lta bu'i 'bring bkol yin// sems nyid skye med dbyings la chos sku byas// bsgrubs pas rnam gcig thob par brod pa bskyed// sems kyi rang bzhin cir yang snang ba la// rnam par snang mdzad ces bya'i bsam bsgoms pas// longs spyod rdzogs pa'i sku ru bstan pa yang // de bzhin nyid du nam zhig 'gyur ro zhes// de bstan de yang drang ba'i lung bstan yin// nges par 'byung ba smin pa'i shAka thub la// sprul pa'i sku yin tshogs rdzogs las byung zhes// de bzhin nyid du tshogs la 'god pa yang // ma rtogs byis pa lta bu'i drang lung yin// sems dpa' de ltar dgongs par ma byed cig/ chos sku thig la sems las 'das pa yin// re zhig tsam du mtshon par gsungs pa la// bsgrub par bya ba'i dngos po ye nas med// kun gyi gzhi yin grub pa rdul tsam med// ming du btags pa tsam yang nor ba

  270. 136a

    la// zhe 'dod dmigs pa bcug na shin tu nor// chos sku gti mug chen por la zlos shig/ 'jig rten chags 'jig 'byung ba'i longs spyod rang bzhin las// rnam snang lhag par bsgrubs pas grub pa med// kun kyang rnam snang rang bzhin longs spyod yin// sems dpa' de la bsgrub par ma sems zhig/ rnam snang ming du btags pa'ang ngas nor na// nges par gzhan du bsgrub na shin tu nar// srang srong sprul par mi gyur me nas med// gni med gcig las sna ba ning srid pas na/ sprul pa yin par sems dpas rtogs par rigs// kun kyang sprul pa'i rang bzhin ma yin na// shAka thub mi bzhugs 'gro don su yis byed// de bas sprul par ma gyur gcig kyang med// sprul pas shAka thub nges par brjod pas nor// kye sems dpa' chen po de dgongs shig/ phyogs cha zhen pa'i mtha' las ma grol na// zhe 'dod bsgrub pa 'khor ba'i gting rdo yin// phyogs 'dod nges pa med pa'i don la dgongs// snang ba ma nges ston pa'i dbyings na 'byam// stong pa phyogs bzlog snang ba rang sa 'dzin// sems dpa' rdo rje de la ji ltar dgongs// chos sku'i mchog ni gti mug chen por gsungs// dus gsum sangs rgyas na rag gnas na 'byam// dmyal khams

  271. 136b

    bco brgyad skye med btsan sa zin// yi dgas bkres skom bdud rtsi'i klong na byed// ngan skyugs mthong na lha rnams bdud rtsi gsol// mnar med dmyal ba'i tshe la dpag med kyang // se gol gtogs pa tsam gyi yun la rdzogs// stong gsum chen po'i klong yangs khog pa na// sems can phra mo 'gyur ldog byas pa med// bskal par bsgoms pa'i bsgom chen gnas ngan len// dug lnga grogs su rnyed pa'i shes bya yul spangs nas// sgom chen rnams la snying rje lhug par bskyed// rtag tu byams pa bsgoms pas tha ma bdud kyi 'khor// zhe sdang lhug par skyes pas mtshan ma rang sar grol// e ma ho khe be la lta bu'i dgongs pa 'di// sems dpa' rdo rje da ni dgongs lags sam/ sangs rgyas logs nas ma tshol cig/ rang la yod pa gzhan du ltar mi rung // ma tshol ma lta dmigs la sgom ma byed// ma spyod ma sgrub 'dzin med lhug par zhog/ sangs rgyas logs na med par la bzla ba'i le'u ste bzhi pa'o// // de nas byang chub kyi sems kun byed rgyal pos/ rgyu rkyen med par la bzla ba'i dgongs pa 'di gsungs so// kye sems dpa' chen po de dgongs shig/ byang chub sems la rgyu ma mchis pas na// de bzhin rkyen yang yod pa ma yin pas// rgyu rkyen byas pa'i

  272. 137a

    chos la ma dgongs shig/ byang chub sems la rgyu rkyen med pas na// sa chu me rlung byang chub rang bzhin te// sa la rgyu rkyen med par rang byung bas// de bzhin byang chub sems la rgyu rkyen med// chu dang me dang rlung la rgyu med par// 'byung ba ma 'gags cir yang 'char ba ltar// byang chub sems kyang byas pa med par grub/ tshogs bsags las kyi don la sbyar ba med// yul med don la mthong bas ya nas med// ma mthong gang la gang gis ji ltar bsgom// ye nas don du gcig pas par chad yongs kyis med// lam lnga rgyu ru byas nas chos nyid gang bsgom pa// 'bras bu sprul sku thob par 'dod pa'i chos// rgyu 'bras gnyis med sems su la zlos shig/ sa lam 'og ma rgyu yi chos byas nas// gong ma gong ma 'bras bur 'dod pa yang // sems la gong 'og med pas rgyu 'bras med// don la snga phyi med pas rgyu 'bras med// rgyu 'bras gnyis su med par la zlos shig/ phyi ba thub pa'i rgyud du gsungs pa yi// lha la grogs po jo bo sogs mthong nas// dngos grub rab bsgrubs bzhin du 'dod pa yang / sgrub pa rgyu la grub pa 'bras bu 'dod pa na// rgyu 'bras gnyis med rtogs pa'i lta ba min// sgrub dang grub pa don la dbyer med pas// gnyis 'dzin rtog pa

  273. 137b

    med par la zlos shig/ nang pa thabs la mkhas pa'i rnal 'byor yang // ting 'dzin rnam gsum bsgom pa'i yan lag gis// thabs dang shes rab gnyis med don bltas nas te rdo rje 'chang gi 'bras bu bsgrub pa yang // rgyu 'bras gnyis su med pa'i lta ba min// thabs dang shes rab ting 'dzin rnam gsum yang // skye med byang chub medas la dbyer med pas// gnyis med rgyu 'bras 'das par la zlos shig/ bskyed pa a nu yo ga'i dgongs pa yang // dbyings ni rgyu la ye shes 'bras bur 'dod// yul sems bsam pa'i mtha' dang ma bral bas// rgyu 'bras gnyis su med pa'i lta ba min// dbyings dang ye shes thig ler dbyer med pas// bdag med thig le'i ngang du la zlos shig/ a ti'i chos la phyogs cha ma mchis pas// phyogs med gang ltar spyad kyang 'gal ba med// 'dod yon lnga la spyad kyang byang chub lam// gal med yal bar bsdad kyang yangs pa med// sangs rgyas bsgrub pa med kyang skye med dbyings// kyesems dpa' chen po de dgongs shig/ gang la 'gris par ma byed yengs par bzhugs// kun gyi sgrub gnas skye med chos la yang // sems dpa' rdo rjes 'gris par ma byed cig/ 'gres na gang la 'gris kyang la mi zlos// la bzla'i chos ni

  274. 138a

    'gris pa kun las 'das// skye med chos la'ang 'gris par mi byed na// dngos po'i chos kun 'gris par lta ci smos// gang la 'gris med srog dang bral bas cho ga/ 'gris med bag chags bral bas sangs rgyas sa la gnas// rgyu rkyen med par la bzla ba'i le'u ste lnga pa'o// // de nas byang chub kyi sems kun byed rgyal pos/ bcos su med par la bzla ba'i dgongs pa 'di gsungs so// chos nyid dbyings su rang bzhin skyed byed pas// 'das dang ma 'ongs da ltar sangs rgyas kyis// sngar yang ma bcos da ltar chos pa med// phyis kyang 'chos par mi 'gyur bcos med dbyings// mig la gzugs su shar ba'i snang ba yang // ming yang ched du gzung ba med pa'i ngang // ma gzung snang ba cir shar kun byed sku// rna bar sgra ru grags pa'i chos rnams kyang // snyan dang mi snyan byung tshor ci byung yang // ma bcos mi bcos bcos pa med par gzhag/ rang la lhan gyis gnas pas bcos mi dgos// bcos na bcos pas 'dzin pa'i la mi zlos// dri dang ro dang reg bya la sogs pa// gang la bcos par mi bya mi bcos par yang min// gang la gnyen po ma zhugs bcos med mchog/ bsam pa ci skyes rang byung ye shes la// de las lhag pa 'dod na

  275. 138b

    rtsol ba'i nad// rang shar 'dod med chos kyi la bzlas na// 'di la 'dod par mi bya dor mi bya// phyi mar 'dod par mi bya dus gsum 'dod dang bral// 'dod dang bral na bcos med dbyings na gnas// chos kyi dbyings la snga phyi 'gyur ba med// gang zag blo yis de la bcos su med// 'khor ba'i lus ngag yid ni bcos pa la// la bzla ba ni rang byung shar bas bzlas// lus la ma bcos sku yi la bzla yin// ngag ma bcos pa gsung gi la bzla yin// dran pa ma bcos thugs kyi la bzla yin// sangs rgyas 'dod bral sangs rgyas la bzla yin// dngos po spangs med stong pa'i la bzla yin// sdug bsngal dor med bde ba'i la bzla yin// chos nyid yul las 'das pa lta ba'i la bzla yin// dmigs su rdul tsam med pas sgom pa'i la bzla yin// lus ngag rtsol ba med pas spyod pa'i la bzla yin// sangs la rgyas med pas 'bras bu la bzla yin// gzhan du btsal du med pas lam gyi la bzla yin// bcos su med par sems dpas dgongs par gyis// bcos su med par la bzla ba'i le'u ste drug pa'o// / / de nas byang chub kyi sems kun byed rgyal pos/ dgongs pa nam mkha' ltar kun la khyab pa 'di gsungs so// kyesems dpa' chen po de

  276. 139a

    dgongs shig/ chos nyid byang chub sems ni nam mkha' 'dra// nam mkha' kun khyab bdag tu 'dzin pa med// chos nyid byang chub sems kyang kun gyi rang bzhin te// bdag dang bdag tu grub pa rdul tsam min// nam mkha'i ngang na sna tshogs kun khyab gnas// bdag kyang nam mkha' dag dang dbyer med do// chos nyid ngang nas sna tshogs kun kyang gnas// 'khor dang myang 'das chos nyid dbyer mi phyed// sna tshogs ji ltar shar yang nam mkha'i ngang du rdzogs// dran rtog bde dang sdug bsngal chos rnams kyang // sems nyid skye med dbyings su ma rdzogs med// sangs rgyas rang la rdzogs pas sangs rgyas sa// sangs rgyas 'dod sgrub med pas la bzla rang du bzla// 'khor ba rang la rdzogs pas ltung ba'i g.yang sa med// bde sdug sems su rdzogs pas la bzla rang du bzla// gnyis med rang la rdzogs pas tha dad/ 'du shes bral// nyag gcig sems su rdzogs pa sa la bzla rang du bzla// theg pa rang du rdzogs pas grub mtha'i kha 'dzin bral// lta sgom sems su rdzogs pas la bzla rang du bzla// kye sems dpa' chen po de dgongs shig/ nam mkha' mtha' dbus dmigs su ma mchis pas// don la dmigs su med par la zlos shig/

  277. 139b

    nam mkha' kun la gtsang sme ma mchis pas// gtsang sme med par sems dpas la zlos shig/ nam mkha'i ngang la nyin mtshan ma mchis pas// nyin mtshan gsal 'grib med par la zlos shig/ nam mkha' dag la skye 'chi ma mchis pas// skye shi'i 'du shes med par la zlos shig/ nam mkha' dag la sangs rgyas ma mchis pas// sangs rgyas 'du shes med par la zlos shig/ nam mkha' dag la sems can ma mchis pas// sems can 'du shes med par la zlos shig/ nam mkha' dag la re dogs ma mchis pas// re dogs 'du shes med par la zlos shig/ nam mkha' dag la mtho dman ma mchis pas// mtho dman 'du shes med par la zlos shig/ nam mkha' dag la rtsis gdab ma mchis pas// rtsis gdab 'du shes med par la zlos shig/ nam mkha' dag la shes rtog ma mchis pas// shes rtog 'du shes med par la zlos shig/ nam mkha' dag la rlom sems ma mchis pas// gang la'ang rlom sems med par la bzla'o// ji mi snyam du dgongs pa dgongs su med pa ni/ kun byed nga yi dgongs pa blangs pa yin// dgongs bzhi kun dang bral ba'i dgongs pa ni// dus gsum sangs rgyas kun gyi ldem dgongs yin// 'khor

  278. 140a

    pa spang du med pa'i dgongs pa ni// myang 'das gzhan na med pa'i ldem dgongs yin// byang chub bsgrub tu med pa'i dgongs pa ni// skye med rang la gnas pa'i ldem dgongs yin// dran snang dgag tu med pa'i dgongs pa ni// de nyid rang grol yin pa'i ldem dgongs yin// rtog med bsgom du med pa'i dgongs pa ni// chos nyid 'du 'bral med pa'i ldem dgongs so// tshogs gnyis bsag tu med pa'i dgongs pa ni// chos nyid rgyu rkyen med pa'i ldem dgongs so// cir yang nges pa med pa'i dgongs pa ni// 'dzin med chos sku yin pa'i ldem dgongs yin// kye sems dpa' chen po de nyon cig/ nges med phyogs log dgongs pa ma lon na// ji ltar bsgoms kyang 'ching la ma bsgoms na yang 'ching // ldem dgongs bstan yang dgongs pa zhe gzhag na// ldem pa nyid kyi sems dpa' 'ching bar 'gyur// ji mi dgongs kyi rtogs pa ma shar na// 'khor ba'i sgrog las grol bar mi 'gyur ro// dgongs pa nam mkha' ltar la bzla ba'i le'u ste bdun pa'o// // de nas byang chub kyi sems kun byed rgyal pos/ rgya mtsho lta bu'i dgongs pa 'di gsungs so// kye sems dpa' chen po de nyon cig/ chos nyid rgya mtsho lta bur gting dpag dka' ba'i chos//

  279. 140b

    sus kyang 'di la dgongs pa rdul tsam med pa ste// rgya mtsho chen po'i chu la kha gting dbye ru yod ma yin// de bzhin chos nyid byang chub sems la sgo phugs med// rba dang rlabs dang chu bur rgya mtsho chen por gcig/ de bzhin 'khor dang myang 'das rtog dang mi rtog kyang // chos dbyings klong na dbyer med gcig tu rdzogs pa yin// phyogs bzhi mtshams brgyad chu bran thams cad 'byung ba yang // rgya mtsho nyid las byung zhing rgya mtsho nyid du 'du ba ltar// brgyad khri bzhi stong chos rnams thams cad 'byung ba yang // chos nyid dbyings las byung zhing chos nyid dbyings su gcig/ mtsho yi 'jing la g.yo 'gul ye nas med pa bzhin// skye med don la dus gsum 'pho dang 'gyur ba med// rba dang rlabs la ye nas 'gag pa med pa bzhin// skyon dang yon tan mi 'gag cir yang 'char bar nges// shar yang skye med dbyings las ma 'das dgongs mdzod la// ma rtogs sems can gzhan la legs par lung ston cig/ kye ma 'khor dang myang 'das dbyer med dbyings su stor// snang stong dbyer med rtsa bral phyogs las 'das pa yin// srog dang ma bral 'byung ba rang rang rang sa 'dzin// skye med byang chub sems la dmigs pa gnyis dang bral// zhe 'dod re dogs mtha' ni nges pa med par grol// sems can nyid ni ye nas

  280. 141a

    sangs rgyas dgongs pa 'dzin// chos nyid byang chub sems ni rang bzhin skye med de// 'byung ba lnga ru grol bas bar do'i 'du shes bral// theg gcig byang chub sems la kun kyang gnas pa yin// rang byung ye shes rtogs la rig pa nam yang med// ma rig 'khrul pa rnams kyang skye med dbyings na 'byam// zug rngu byung ba chos nyid rang ma tshor// mi srid srid par shar ba sems dpas ji ltar dgongs// chos nyid don gyi gnas lugs skye med bde chen de// yongs la rdzogs par shes nas smon pa su la 'bul// rgya mtsho'i chu yis chu la smon pa med pa bzhin// byang chub sems kyis sems la smon du med pa yin// smon pa gzhan du 'bul na rang gi don rtogs min// de bzhin dogs pa byed pa'ang de dang mtshungs pa yin// yul la dmigs pa bcug na re dogs nam yang 'byung // sems kyi rang bzhin skye med yin par dgongs nas ni/ re dogs dmigs pa rdul tsam med par shi bas chog/ kun tu bzang po'i rang bzhin nyid du de 'gyur ro// bdag dang bcas pa'i yul la 'jug pa'i rgyu ma mchis// bdag med sku gsung thugs kyis 'gro don rdzogs par byed// rtag dang chad pa'i rtsis gdab blo yis ma len cig/ blos blangs thams cad re dogs mthar lhung 'ching ba'i rgyu//

  281. 141b

    rtogs pa'i sems la 'ching bya 'ching byed gnyis las grol// snang ba tsam me lam me 'di las lhag pa med// dbang po 'gags na der 'dzin snang ba grol bar 'gyur// sems nyid byang chub sems la 'pho 'gyur ye nas med// sems dpa' chen pos de ltar dgongs pa long mdzod cig/ chos nyid rgya mtsho ltar la bzla ba'i le'u ste brgyad pa'o// / / de nas byang chub kyi sems kun byed rgyal pos/ khyung chen rtsa la rdzogs lta bu'i dgongs pa 'di gsungs so// kye sems dpa' chen po da dgongs shig/ khyung chen rtsal rdzogs mkha' la lding bas spro bsdu med// sems nyid skye med ye nas rtsal rdzogs bya btsal bral// mi spro mi bsdu rang bzhin gzhag pas lhun gyis grub// mya ngan 'das pa mi spro 'khor ba las mi bsdu// yon tan sems su mnyam pas spro bsdu bya mi dgos// rnal 'byor chos la mi spro rnam rtog bsdu mi bya// sems dpa' chen po de dgongs shig/ khyung phrug sgo nga'i rgya las grol bas ma dang mnyam// rtsal dang gshog rdzogs mkha' la dbang sgyur ltar// byang chub sem kyi rgya ni rnam pa gsum yin te// snang ba kho nar 'dzin pa'i rgya dang lus rgya dang // bdag tu 'dzin pa'i rgya yis yongs su zin pa gsum// rnal 'byor rgya ru gsungs pa nga

  282. 142a

    yis smras// snang ba nges med dbang po 'gags pas snang ba grol// 'byung bzhi rang sar dengs pas rnal 'byor lus rgya grol// yul med dran pa 'gags pas bdag 'dzin rgya las grol// snang ba nges med rtogs pas snang ba'i sgo nga rgya chag/ 'byung ba rang sa zin pas lus kyi sgong rgya chag/ dmigs pa rdul tsam med pas bdag 'dzin sgong rgya chag/ sgo nga rnam gsum chag pas gnas lugs ma bu mjal// gnas lugs bzhi nas snang srid kha lo sgyur bar byed// sgyur yang bdag 'dzin ma gnas rtsal gyi 'char lugs yin// de ni kun bzang sku yi ngo bor la bzla yin// ma bu dbyer med kun la gnas pa yin// dpe ni nyi zla kha sbyor dgongs pas bstan pa yin// nyi ma ma la zla ba bu yi tshul du byung ba yin// de bzhin skye med ma la ye shes bu yi tshul du bstan pa yin// skye med nyi ma'i klong du zla ba lta bu'i ye shes zil gyis mnan tanyi ma phyed na zla ba gsal dang mi gsal rtsis gdab med// skye med dbyings na gnas pa rtogs dang ma rtogs med// zla ba gsal la nyi ma nye ba ma yin de dgongs sam/ 'du shes gsal la skye med nye ba ma yin ring // skye med ye shes nyid kyi ye shes rgyang du 'phang // 'du shes dran pa'i chos la dgongs pa ma len cig/ 'du byed

  283. 142b

    nga yis chos la 'du shes ma 'jug cig/ byang chub sems kyi ro la myang bar ma byed cig/ dmigs su med pa'i chos la dmigs pa ma 'jug cig/ bla dgas tsam gyi chos la rtsol bas ma sgrub cig/ chos nyid byang chub sems kyi rang bzhin chen po la// nges med rtsol bral sngon nas kun la khyab par shar// nga lung thos pas nges med dgongs pa da ltar shar/ phung po bor bas zhi ba mchog la phyin par 'gyur// lta ba khyung chen ldings pa'i dgongs pa la bzla ba'i le'u ste dgu pa'o// // de nas byang chub kyi sems/ kun byed rgyal pos/ khams gsum yongs grol gyi dgongs pa 'di gsungs so// 'dod khams gzugs khams gzugs med khams su bstan pa yang // chos nyid byang chub sems kyi ngo bor byung ba yin// gzugs med khams la gzugs ma mchis pa ngo bos stong // 'dzin med chos kyi sku ru ye nas bzhugs pa yin// 'dod pa'i khams ni longs spyod sku ru bzhugs pa yin// nyid kyis nyid la longs spyod sems dpas dgongs lags sam// sems kyi longs spyod min pa ye nas yod mi srid// snga ma'i rgyags zad phyi ma'i rgyags la longs spyod bzhin// snga ma grol zhing phyi ma'i 'dod yon longs spyod yin// des na 'dod khams longs spyod sku ru bstan pa yin// snang

  284. 143a

    srid gzugs su shar ba byang chub sems kyi gzugs// gzugs la nges pa med pas sna tshogs sprul pa'i sku// sems nyid skye med gcig las sna tshogs 'byung bas na// med bzhin sna tshogs 'byung bas sprul sku yin par gsungs// sprul sku yin min dran pa brtags par rigs so ang // 'khor dang myang 'das gnyis ka sprul pa 'dra ba la// 'og ma rnams ni myang 'das sprul pas gsungs pa yin// skye med rtogs na sprul pa yon tan mnyam par gsungs// de bas khams gsum sku gsum dbyings su grol ba yin// gcig la ma yin kun la grol bas yongs grol yin// yang na nam mkha'i khams su sprin dang na bun grol ba bzhin// skye med dbyings su khams gsum ngang gis grol ba yin// pha shi bu skyes pha la bu yis rtsis med bzhin// snga gros phyis srid snga mas phyi ma'i gnyer sus byed// de bas srid gsum rnam dag mtshan ma rang sar dag/ snga phyi re dogs mi byed kun byed bka' la gnas// 'dod chags zhe sdang gti mug gtan nas brlag/ yul la 'das par go na yul snang rang du rdzogs// dgongs pa'i mthar thug dgongs pa kun las 'das pa yin// khams gsum yongs grol du la bzla ba'i le'u ste bcu pa'o// /

  285. 143b

    / de nas byang chub kyi sems kun byed rgyal pos/ blo thag bcad cing bstan pa gtad pa 'di gsungs so// kyesems dpa' chen po de nyon cig/ chos nyid byang chub sems kyi rang bzhin spros pa bcad pa ni// byang chub sems ni blo yin blo yis bsams pa med// bsams shing brtags pa'i chos ni rig byed ye shes yin te rang byung yang shes rang shar de la med pa na// blo yis bsams shing bsgoms pa'i chos la re ma 'jog/ chos rnams kun gyi thag ni byang chub sems su bcad/ tam bltas ma bsgoms bsams pa med pas thag chod na// de la rang byung ye shes shar bas thag der bcad// chos sku dmigs su med par sems dpas blo thag chod// 'dod yon longs sku yin par sems dpas blo thag chod// phan sems sprul sku yin par sems dpas blo thag chod// snang ba rang sems yin par sems dpas blo thag chod// sems la gnyis su med pas bag chags sbyang du med// yul med rang gsal yin par sems dpas blo thag chod// thig le nyag gcig sems kyi rang bzhin yin mod kyang // nyag gcig cir yang 'byung bas spong dang sgrub ma byed// kun kyang yon tan mnyam par sems dpas blo thag chod// da ltar snang

  286. 144a

    ba'i sgyu lus 'di kun sems dpas ji ltar dgongs// 'byung ba'i cho 'phrul tsam du sems dpas dgongs mdzod la// sems ni bla med nam mkha'/ lta bur blo zag chod// sems dpa' chen po da dgongs shig/ rtsa rgyud le'u lnga bcu rtsa bdun gsungs pa yang // rang byung ye shes tshig tu bstan pa'i mdo lung yin// sems las rang byung ye shes gcig tu la zlos shig/ phyi ma le'u bcu dang gnyis su gsungs pa yang // rang byung ye shes bsam pas brtags pa yin// de yang rang byung gcig tu sems dpas la zlos shig/ phyi ma'i phyi ma le'u bcu dang lnga ru gsungs pa yang // rang byung ye shes rnal du 'jog par dgongs pa yin// sems dpas rang byung ye shes gcig tu la zlos shig/ thos pas ston pa'i lde mig dang // bsam pas grol ba'i lde mig dang // bsgoms pas 'byin pa'i lde mig gis// nges par gtan la phab pas na// sems dpas legs par thag chod cig/ kye sems dpa' chen po de dgongs shig/ la zlo gsang ba'i 'khor lo 'khor ba'i srog gcod 'di// sems dpa' rdo rje khyod la 'di gtad do// blo ldan skal ba can la 'di gsungs shig/ dam med gsong sdom chu sgyur gdungs pa dang // srin po rak+Sha 'dre brdung mthu

  287. 144b

    ngom dang // rtag tu grong kha yug pa'i glang rgan la// rdzogs ldan 'di 'dra'i dgongs pa mi bstan no// rgyud chen la zlo gsang ba'i 'khor lo zhes bya ba/ dgongs pa klong nas shar ba'i mun sel rdzogs so// // 'di thos sangs rgyas dgongs pa yin// 'di bsgoms sangs rgyas dgongs pa thob// 'di bsgoms sangs rgyas dgongs la gnas// e ma ho/ bsam dgongs med par la bzla ba'o// // skr-i/ bcom ldan 'das dpal kun tu bzang po la phyag 'tshal lo// rgyud gsum nges par bshad pa/ de nas de'i tshe de'i dus na chos nyid kyi mkha' dbyings nyid kyi glong / sems nyid kyi gnas der byang chub kyi sems kun byed rgyal po nyid chos thams cad skye ba med pa'i ngang la dgongs nas/ chos nyid mnyams nyid kyi ngang la ci'ang mi gsung bar bzhugs so// de'i tshe sems dpa' rdo rje nyid kyang chos thams cad skye ba med pa la dgongs nas cang mi gsung bar bzhugs so// de nas rigs lnga'i 'khor la sogs pa phyogs bcu nas lhags shing 'dus pa rnams kyis sems dpa' rdo rje la 'di skad ces bskul lo// yang dag par bskul lo// nges par bskul lo// e ma ho sems dpa' rdo rje che// bdag cag rnams la phan

  288. 145a

    gdags phyir// sngar gsungs rtsa ba'i rgyud nyid la// gong 'og 'khrugs su bstan pa de// shes bya sgro 'dogs ji ltar gcad// phyi rgyud gnyis su gsungs pa la// shes bya'i sgro 'dogs rim pa gang // shes bya'i sgro 'dogs thams cad kun// zhu ba'i dus la rab tu bab// nges par zhu ba'i dus la bab// ces rnam par bskul lo// de nas sems dpa' rdo rje des// dga' ba'i mdangs ni rab tu phyung // rang gi stan las rab langs nas// ston pa'i mdun du rab zhus pa// e ma byang sems kun tu bzang // khyod kyi mdun du bdag 'khod pa// bdag la 'tshal ba'i don cig mchis// bdag 'tshal khyod kyis bshad du gsol// zhes zhus pas/ ston pa byang sems kun bzang nyid// chos nyid ngang la cang mi gsung // de nas sems dpa' rdo rje yis// nan tan nyid du rab zhus pa// kye ston pa'i ston pa byang sems kun tu bzang // rgyud gsum nges pa sngar du gsungs pa la// shes bya 'khrugs pa'i mtha' ni ji ltar gcad// phyi rgyud gnyis su rang bzhin bcur bstan pa// shes bya go rims dgongs pa ji ltar lags// shes bya sgro 'dogs mtha' ni ji ltar gcad// nges par bdag cag 'khor la bstan du gsol// de nas ston pa kun

  289. 145b

    bzang gis// nges pa nyid du rab gsungs pa// kye ma sems dpa' chen po legs par nyon cig/ shin tu legs par nyon cig dang / ngas de dag yongs su bshad par bya'o// zhes gsung bar zhal gyis bzhes so// byang chub kyi sems shes bya mtha' gcod kyi rgyud las/ gleng gzhi gleng slang gi le'u sna dang po'o// / / de nas byang chub kyi sems kun tu bzang pos/ rtsa rgyud 'khrugs pa'i dgongs pa 'di gsungs so// kye sems dpa' rdo rje chen po rab tu nyon cig/ rgyud de dkrugs/ pa'i dgongs pa 'di ltar yin// ra gcod gzu lums can gyi gang zag la// rgyud dkrugs lung bcus man ngag gab nas bstan// rdzogs chen skal ldan rang bzhin lhun grub la/ bsnol mtshams 'phen sdud don gyi khrigs su bstan// dang po chos nyid mthong bar bya ba'i phyir// sngon du phyung ba'i mdo lung bcu bstan pa// dang po rgyud 'di 'byung ba'i rgyu bstan phyir// gleng gzhi sngon du phyung ba dang por bstan// de nyid gsal ba rgyas pa bstan bya'i phyir// phun sum tshogs pa bkod pa bcu par bstan// de las chos nyid mngon du phyung ba'i phyir// chos nyid mngon du phyung ba gnyis par bstan// chos nyid rtsa ba kun byed sems 'dus pas// sems nyid kho na 'dus pa bcu

  290. 146a

    gcig pa// de nyid chos kun gzhi ma yin pa'i phyir// thams cad 'byung khungs gsum pa dag tu bstan// de kun kun byed nyid las byung ba'i phyir// kun byed las byung nyi shu pa yis bstan// de gnyis phun sum tshogs pa gsum byung bas// sku gsum phun tshogs bco lnga pa yis bstan// de nyid sems nyid ston par 'dus pa ni// rang sems ston pa rtsa lnga pa yis bstan// rang sems ston pa gnyis med bshad pa'i phyir// gtan tshigs bshad pa nyer gcig pa yis bstan// de yi rtsa ba sems su gcig rig pas// rtsa ba sems su gcig pa drug pa bstan// chos nyid mngon phyung snang ba rang sar grol// bcu drug pa yis mngon phyung dgongs pa bstan// tam nor nges pa'i mdo lung bcu bstan pa// chos nyid de nyid kun byed nges rtogs phyir// mtshan bshad nges par bstan pa bzhi pas bstan// de nyid rgyud dang dngos su ma thabs rtogs pas// lung gnyis nges par bstan pa so gsum pa// lung de nges par rtogs par bya ba'i phyir// sems nyid nges par bshad pa bcu gsum pa/ bshad pa'i de nyid yid ches bya ba'i phyir// lung khungs nges par bstan pa bcu gnyis pa// de yi don nyid gtan la nges 'bebs pa// don 'grel nges par bstan

  291. 146b

    pa lnga pa bstan// don 'grel gtan phab nges pa'i gdeng rnyed pas// tshig gzhi nges par bstan pa so gnyis pa// nges rnyed sku gsung thugs su 'dus pa'i phyir// sku gsung thugs su 'dus pa so drug pa// sku gsum dgongs pa gcig tu brdal ba'i phyir// dgongs pa 'dus pa nges par bstan pa so bzhi pa// dgongs 'dus don la ma btsal rang gzhag phyir// dgongs pa nges par bzhag pa nyer dgu pa// nges par bzhag pa'i don las mi 'da' bas// sku gsum nges 'chang nges bstan bcu bdun pa// nges par bstan pas yid ches dgongs pa dag/ lnga bcu rtsa lnga pa yis bstan pa yin// rgyu 'brel log pa'i zhen pa bzlog pa'i phyir// rgyu 'bras 'das pa'i mdo lung bcu bstan pa// nges par rang byung rig par kun gcig pas// ngo bo gcig pa rgyu 'bras 'das pa zhe gcig pa// ngo bo gcig rlang byung rdzogs pa rtogs dka' bas// skal med mi rtogs gsang ba bcu bzhi pam rtogs de nyid lta spyod gol sgrib pas// lta spyod gol sgrib bstan pa so brgyad pa// de nyid sems nyid la 'das rgyu 'bras 'das// gol sgrib skyon sel dgu pa dag gis bstan// gol sgrib skyon med rdzogs chen nges rtogs phyir// rgyu 'bras 'das pa'i rdzogs chen so lnga pa// rgyu 'bras 'das rtogs ma btsal lhun grub pas// ma btsal

  292. 147a

    lhun grub bstan pa lnga bcu pa// btsal med btsal bas grub par mi 'gyur bas// btsal bas mi 'grub bstan pa bco brgyad pa// btsal med chos nyid yongs la bkod pa'i phyir// chos nyid yongs la bkod pa brgyad pas bstan// chos nyid byang chub sems su bstan pa'i phyir// sems kyi rang bzhin bstan pa bzhi bcu pata sems nyid ma btsal lhun grub rgyu 'bras 'das// ma g.yos 'dod med bstan pa nga gnyis pa// rgyu 'bras 'das pa rtsol sgrub bya mi dgos// bdun pa nyid du dgos pa bstan pa yin// byar med rdzogs pa'i mdo lung bcu bstan pa// sems kyi rang bzhin mi gnas yul med pas// byar med rdzogs pas bstan pa nyer gnyis pa// / de nyid ma 'dres yongs rdzogs kun khyab pas// mi nub rgyal mtshan rdzogs pa sum cu pa// de nyid yeng shes phyag rgya 'gyur med pas// byar med rdzogs pa'i phyag rgya rtsa bzhi pa/ de nyid btsal bas 'bras bu mi rnyed pas// byar med btsal bas mi rnyed nyer brgyad pa// btsal med byang chub sems su rnam dag pas// byar med rnam dag dbyings rdzogs nyer bdun pa// rnam dag dbyings las rtsol bas nad med pas// byar med rdo rje tshig drug so gcig pa// rtsol med ji bzhin mkha' ltar gnas pa'i phyir//

  293. 147b

    byar med mkha' yi dgos pa rtsa gsum pa// nam mkha'i dgongs pa bsgom pa kun las 'das// byar med rdzogs pas bsgom med rtsa drug la// bsgom med bsgom pas thob par mi 'gyur bas// byar med skal med don med zhe bzhi pa// rdzogs chen skal ldan 'bras bur rang gnas pa// byar med bsgrags pas rdzogs pa nga drug pa// ma byas rang bzhin rdzogs par bstan pa'i phyir// zhe gsum pa yis byar med dgongs pa bstan// gtan la phab pa'i mdo lung bcu bstan pa// chos kun gzhi ma gtan la dbab pa'i phyir// gzhi ma kun byed gtan phab zhe brgyad pa// de nyid dus gsum rgyal ba'i snying po bas// rgyal ba'i snying po gtan dbab so bdun pa// rgyal ba'i snying po bsam brjod yul las 'das// lta ba bsgom med gtan dbab zhe lnga pa// bltar med bsgom bral nyid ni ma spangs pas// bsgom du med par bstan pa so bdun pa/ bsgom med bde chen dbyings las mi 'da' bas// dam tshig bsrung med gtan dbab zhe drug pa// mi 'da' chos nyid ma btsal lhun grub pas// 'phrin las btsal med gtan dbab zhe bdun pa// btsal med nyid la cig car 'jug pas na// sa la sbyang med gtan dbab zhe dgu pa// ma sbyangs 'od gsal ye shes lam rdzogs pas//

  294. 148a

    lam la bgrod med gtan dbab nga gcig pa// de phyir rgyu rkyen ma skyed rang byung bas// rang byung ye shes gtan dbab lnga bcu pa// ye shes ma btsal lhun grub rang gnas pas// rang bzhin ma g.yos gtan dbab nga gsum pa// gtan la 'bebs na ma bcos bcos med pas// zhe gnyis pas ni gtan dbab dgongs pa bstan// lnga bcu rtsa lnga'i dgongs pa mdor bsdus phyir// lnga bcu bzhi pas rtsa rgyud bzhi bsdus bstan// rtsa rgyud 'khor la gtad cing gdams pa'i phyir// lnga bcu bdun/ pas gtad cing gdams pa bstan// ces gsungs so// byang chub kyi sems shes bya mtha' gcod kyi rgyud las/ rtsa rgyud dkrugs pa'i dgongs pa bstan pa'i le'u ste gnyis pa'o// // de nas byang chub kyi sems kun byed rgyal pos rang bzhin bcu'i rim pa 'di gsungs so// thos pa'i rgyud ni bsams pas rtogs bya'i phyir// rtogs 'byung gleng gzhi bstan pa nga brgyad po// dang po lta sgom rlabs chod phyir// lha sgom med par bstan pa nga dgu pa// bsgom med don la bsrung mtshams rtsis gdab bral// des na dam tshig bsrung med drug cu pa// bsrung bya med pas 'phrin las bya btsal brel// des na 'phrin las btsal med re gcig pa// 'phrin las

  295. 148b

    btsal med chos nyid gzung 'dzin bral// des na dkyil 'khor bskyed de re gnyis pa// dkyil 'khor rtsol bral lung chen thog 'bebs pas// des na sku dbang rtsol bral re gsum pa// bskur dbang rtsol bral rjes kyang lam bral bas// des na lam la bgrod med re bzhi pa// lam bgrod med pas sa lam sbyang du med// des na sa lam sbyang du med pa re lnga pa// sa sbyang med pas gnyis med blang dor bral// des na gnyis med spyod pa re drug pa// blang dor gnyis med ye shes sgrib pa med// des na ye shes sgrib med re bdun pa// yeng she btsal med lhun grub rang gnas pas// des na lhun grub btsal med re brgyad pa// de ltar rtogs par bya ba bsgrags pa'i phyir// rtog pa rab tu bsgrags pa re dgu pa// de ltar rtogs pa'i ngang las ma yengs pas// ngang bsgom rtog pa'i gleng gzhi bdun cu pa// blta med ngang la bsgom med dang gnas pas// des na bsgom med dang gnas don gcig pa// bsgom med ngang la dam tshig bsrung med pas// dam tshig bsrung med dang gnas don gnyis pa// bsrung med de la 'phrin las btsal med pas// 'phrin las btsal med dang gnas don gsum pa// 'phrin las btsal med dkyil 'khor bskyed mi dgos// dkyil 'khor bskyed med dang gnas don bzhi pa// dkyil 'khor rtsol bral

  296. 149a

    dbang la bskur mi dgos// dbang la bskur med ngang gnas don lnga pa// bskur dbang rtsol bral rjes kyang lam bgrod med// lam la bgrod med ngang gnas don bzhi pa// lam bgrod med pas sa la sbyang du med// sa la sbyang med dang gnas don bdun pa// sa sbyang med pas spyod pa blang dor med// blang dor gnyis med dang gnas don brgyad pa// blang dor gnyis med ye shes sgrib med pas// yeng shes sgrib med ngang gnas don dgu pa// ye shes btsal med lhun grub rang gnas pas// lhun grub btsal med dang gnas brgyad cu pa'o// rgyud kyi skabs sbyar don 'khrigs bstan pa'i phyir// de yi lde mig brgyad cu gcig pas bstan// ngo mtshar skyes nas bstod pa bstan pa'i phyir/ don gyi bstod pa brgyad cu gnyis pas bstan// de la snod bcud bye brag bstan pa'i phyir// gdams ngag snod la gzhag pa gya gsum pa// mtshan gyi che ba bstan cing gtad pa'i phyir// 'khor la rgyud gtad brgyad cu bzhi pas bstan// sems dpa' rdo rje chen po khyod nyon cig/ de dag dang ni de ltar shes par gyis// thos pas sgro 'dogs chod pas shes bya gzhi// bsams pas nges shes skyes pas shes bya lam// bsgom pa rang gnas rang sar grol bas 'bras// ye nas lhun grub rnal 'byor bzhi ru gnas//

  297. 149b

    de nyid gsal byas rnal 'byor rgyan du snang // khyad par sngon grol rnal 'byor 'bras bu nyid// ma 'dres yongs su rdzogs pa gnyis med kyis// thams cad ma lus rab tu grol bar byed// gzhan yang sems dpa' chen po rab nyon cig/ yon tan bcu dang ldan pa'i dam pa la// snod skyon bzhi rnams spang ba'i snod ldan gyis// rgyud don bslab pa'i mtha' bcur shes par gyis// zhes gsungs so// byang chub kyi sems shes bya mtha' gcod pa las/ rang bzhin bcu'i rim pa bstan pa'i le'u ste gsum pa'o// / / de nas yang sems dpa' rdo rjes rab tu zhus pa/ kye/ ston pa'i ston pa kun tu bzang po lags// dam pa snod kyi bye brag ji ltar lags// rgyud don brlabs pa'i mtha' bcu ji ltar bsdu// byang chub sems dpa' kun bzang khyod kyis rab tu shod// de nas byang chub sems dpa' kun bzang gis// 'dus pa'i tshogs rnams kun la bka' stsal pa// zhus pa'i don rnams legs par bshad kyis nyon// dngos grub kun gyi bdag po dam pa ni// dbang rdzogs nus thob theg chen don la mkhas// nges pa'i don rtogs thugs rje che ba dang // 'gro ba'i don brtson don mkhas tshul shis dang // rdzas la sred chung yang dag don la dga'// de dag bcud dang ldan pa bla ma yin/

  298. 150a

    snod ldan skyon bzhi rab tu spangs pa ni// bcud len yangs dang brtan dang dag pa dang // kha bub gzhogs ral zhabs rdol dug can spangs// snod chen bzhir ldan slob ma'i gang zag des// sngon la nges le'i gdams ngag zhu ba'i tshe// gsang ste dben pa'i gnas su mchod sogs dgram// de yis de la rgyal ba'i 'du shes bskyed// yid 'thad ces pa phul te gus phyag 'tshal// rdzogs chen dkyil 'khor chen por 'jug pa dang // lha sgrom spyod pa bslab pa'i mtha' bcu rnams// thabs chen gcig gis thams cad 'grub par zhu// de yis de la rgyal ba'i sras dgongs nas// ljags kyi sbubs nas rgyud pa'i gdams pa 'di// rgyud lung man ngag nges don 'brel par bstan// zhes gsungs so// byang chub kyi sems shes bya mtha' gcod pa las/ gdams pa zhus pa'i rim pa bstan pa'i le'u ste bzhi pa'o// / / de nas byang chub kyi sems kun tu bzang pos// dang po dbang gi rim pa nges par gsungs pa/ ye nas lhun rdzogs kun khyab dkyil 'khor du// thob med dbang bskur phyir mi dbye ba ni// ye nas dkar po ma mthong dmus long la// dkar po ji snyed brjod kyang shes mi rung // lhun rdzogs dkyil 'khor ma mthong bu de la// ye shes ma

  299. 150b

    bskyed brjod pas shes mi rung // mig phyed dkar po brjod pas shes pa ltar// de la rgyal ba'i yang shes spyan dbye ba// shes rab yeng shes spun chen mi rtog pa// ya nas de bzhin ma mthong phyogs su 'dra// shes mtshan bzhin te 'dres dang de las med// 'dres pasal la mi rtog mnyam par zhog/ mtha' dbus kun khyab lhun rdzogs dkyil 'khor der// rnam thar bzhi dang ye shes lnga sogs 'dus// kun gzhi ma bcos de la mi g.yo gsal// dus gsum rgyal ba rnams kyi chos sku yin// de shes rgyal ba rnams kyi ye shes yin// de ru thams cad gcig shes bcug pa yis// byang chub sems des chos skur dbang bskur bas// de don shes pa'i rig pa rang dbang bskur// bum dbang gsang dbang ye shes skye ba dang // kun gyi man ngag de nyid dbang bzhi rdzogs// rnam rtog sdug bsngal rang grol dbugs dbyung ste// kun gyi rgyal po chos skur lung bstan to// 'di la sgrib pa kun med rang sar dag/ tshogs kun ldan pas ma bsags sa non dag/ sa rnams mi bgrod sa rnams zil gyis non// rgyu dang 'bras med lhun grub 'bras bu mchog/ 'og ma gzhug phyir bstan gyis rdzogs chen la// dbang rim thob dang ma thob tha snyad med// med dang phyal pa gcig pu lhun gyis grub// lta ba gza'

  300. 151a

    gtad bral bas blta ru med// spyod pa blang dor bral bas spyad du med// dam tshig gnyis 'dzin bral bas bsrung du med// ting 'dzin dmigs med/ had de phyal le ba// theg dgur phye la thig le gcig tu bsngo// rig pa'i rgyal po rang dbang lhun gyis grub// gcig shes kun mkhas mkhas pa lhun gyis grub// brjod med/ brjod bral thos pa lhun gyis grub// byar med bya bral man ngag lhun gyis grub// mi len mi bsrung 'dzin med dam tshig mchog/ ma 'das mi 'jig 'das na gzhung rnams 'jig/ ces gsungs so// byang chub kyi sems shes bya mtha' gcod las/ dbang dang dam tshig bstan pa'i le'u ste lnga pa'o// // de nas byang chub kyi sems ston pa kun tu bzang pos/ lha sgom spyod pa'i rim pa 'di gsungs so// sems dpa' rdo rje chen po legs par nyon// 'khor ba'i nyer len rnam rtog ma rig yin// mya ngan 'das pa dbyings dang ye shes nyid// don du mi gnyis kun mkhyen thugs chud pa// de las byung ba'i snang ba rang dag 'dod// ma rig tha mal chags sdang spyad pas 'khor// mnyam pa'i don rig blang dor med pas bral// 'khor ba dor ba'i thabs ni de thob pas// de yi bka' dang bla ma'i zhal las byung //

  301. 151b

    'khor ba myang ngan 'das dang dge sdig kun// thams cad rmi lam sgyu 'dra rang bzhin med// smig rgyu sgra yis smig rgyu tsam yang med// thams cad 'khrul 'dod de min yang dag yin// 'khrul gzhi med par 'khrul pa 'byor mi srid// mdor na yang dag med pas de mi 'byung // de phyir med las med 'byung ngo mtshar che// de nyid med las thob med gnas pa med// de nyid yin pas dor med kun dang ldan// gang la mi rtog bltar med lta ba'i mchog/ lta ba de ltar shes na thams cad chud mi za// thams cad bdag nyid gsal ba mi rtog pa// de nyid zin pas rtsol ba'i nad spangs te// de la ma btsal gzhag na bsgom pa'i mchog/ de ni kun gzhi ma bcos 'gyur med gsal// glang chen 'dam bying / rgod rgyug 'dra na// gzhan ltar de rjes mi gcad pa la gzhag/ glang chen chen sgo dbye phur la gzhag/ rta rgod cher rgyug sgo dgag phur la brtod// de yi ngang la thun mtshams gnas pa dang // goms shing sgo dbye phur ba gtang bar bya// de yi ngang la thun mtshams mi gnas na// glang chen rta yis rkyen nas bcol cing gnas// dbye dgag rkyen dang phur rnams bcos pa'i tshe// thig le byang chub sems las nyams mi bya// ched du mi spang ngang la gzhag pas bral// spangs dang nyes med byang chub sems kyi ngang //

  302. 152a

    bcos cing spang zla nges lta 'dzin phur can// rkyen du goms par gar brgyugs skyon med par// rdzogs chen rtogs cing goms pa'i rnal 'byor pas// gang ltar spyad kyang mi nyams thig le'i ngang // rdzogs chen goms shing rtogs pa'i bsgom pa yin// chos rnams ji snyed brjod pa thams cad kun// kun gzhi brdal ba chen po'i ngang // chos kun ma bcos byang chub sems gyur pas// ci spyad ma bcos byang chub sems su gcig/ kun gzhi ma bcos ngang la de spyod pas// chos rnams kun la ma spyad gang yang med// gang la mi gnas mi rtog mi spyod pa// spyod med a ti yo ga'i spyod pa yin// zhes gsungs so// byang chub kyi sems shes bya mtha' gcod las/ lta sgom spyod pa gsum bstan pa'i le'u ste drug pa'o// // de nas byang chub kyi sems ston pa kun tu bzang pos/ mkhas shing rgyud dgrol sgor bsdu 'di gsungs so// sems dpa' rdo rje chen po legs par nyon cig/ chos rnams thams cad mtshan nyid ji ltar bstan// chos rnams kun rdzob don dam mtshan nyid de// kun rdzob mtshan ma'i chos la rnam pa gsum// 'khor ba'i chos dang mya ngan 'das pa'i chos// mya ngan 'das pa chen po'i chos dang gsum// mya ngan

  303. 152b

    'das pa'i chos la bzhi// gnyis po gegs te gnyis po chos dang ldan// 'das chen 'khor ba gnyis po re re 'gegs// don dam chos de kun dang bral// shes bya thabs kyi mtshan nyid 'di ltar bstan// rang ngo shes bya'i mchog shes shes rab ste// kun cha rdzun par 'dren pa thabs zhes bya// de re la'ang thabs dang shes rab gnyis// lta ba rang re'i shes bya chog shes pa// de ni shes rab kyi ni shes rab yin// spyod pas de don nyams len shes rab thabs// lta bas theg pa rang re'i don shes pa// de ni thabs/ kyi shes rab yin par bshad// de bzhin rjes su spyod pa thabs kyis thabs// de phyir theg pa'i 'jug sgo thams cad kun// thabs dang shes rab lta spyod 'brel nas 'grub/ theg pa so so'i dri ma 'di ltar bkru// dkar nag brjes te nag po dor bar byed// nag po mi spang nag po dbang du byed// dkar nag kun yong 'bras bu 'phral la sbyor// rnyog chu ma bskud khad kyis 'dag pa 'dra// de rnams mi 'bral dri ma khad kyis dag/ de rnams rnam dag mi spang thabs kyis cig car bral// nor bu chu dngas rnyog tshur bcug dang 'dra// theg pa chen po'i tshogs rnams 'di ltar bsag/ ji snyed chos kun bsod nams ye shes gnyis// shes rab ye shes mchog rtogs ye shes nyid// /

  304. 153a

    bsod nams tshogs gsog theg pa gsum// de nyid du ma bsags pas tshogs zhes bya// 'bras la tshogs gsog gsang sngags theg pa bzhi// / bsod nams tshogs dang ye shes 'brel par 'dod// 'bras gnas ye shes gcig sog theg pa gcig/ tshogs kun mi sog ye rdzogs tshogs kyi mchog/ theg pa so so'i sa rnams 'di ltar non// mos spyod sa sbyar dang po'i sa dang sbyor// bcu pa'i tha ma rdo rje lta bu'i sa// thams cad dag par byed pa'i des mthar phyin// gang la mi sbyor tha snyad sa dang bral// rgyal ba'i cho 'phrul thugs rje 'di ltar 'byung // tshogs mchog tsam na zag med sa bon bral// 'bad med 'byung ba chu yi dkyil 'khor 'dra// chos sku dri med me long lta bu las// gdul bya snang la snang tshul byed bzhin 'char// snang med sa bon bral ba'i byin rlabs las// snang ba kun 'byung yid bzhin nor bu 'dra// theg pa'i bye brag so sor gang gsungs pa// lta spyod 'di lta bu yi sgo nas btags// thabs dang shes rab 'brel btags theg pa gsum// thabs chen dag la btags pa theg pa bzhi// shes rab gcig pos btags pa'i theg pa gcig/ thabs dang shes rab 'brel pas des cho ga theg/ theg mchog dam pa 'di ni shes gyur na// rtsol

  305. 153b

    byas theg pa gzhan la rag ma lus// nges don gcig pu 'di don shes gyur na// thos pa mang po'i mchog de grol ba'i mchog/ des na thos pas sgro 'dogs chod par byas// 'di don mi brtson thos pa mi sog pa// ma rig rnam rtog bral ba'i bdud mi grol// 'di don mi rdzogs las lam mi 'dzem pa// 'di don mi 'grub phyi mar ngan song lhung // rdzogs chan ji tsam cig gis rdzogs bstan pa// 'dir zhugs sgo kun zhugs rdzogs 'gyur ba de// kun gzhi mnyam pa'i ngang la gnas tsa na// 'khor 'das kun dang gnyis med de la rdzogs// 'phags pa'i bden bzhi nyan thos lam la rdzogs// rten 'brel don yang rang rgyal lam la rdzogs// byang chub sems dpa'i sems bskyed de la rdzogs// pha rol phyin bcu lam lnga de la rdzogs// gcig la gnas pa'i bgrod pa sa rnams rdzogs// dkyil 'khor kun zhugs rig pa'i dbang chen rdzogs// lha yi dkyil 'khor spyan drangs bstim pa de la rdzogs// 'phags pa mnyes byed mchod pa la sogs rdzogs// khrims dang sdom pa dam tshig de la rdzogs// nyes pa bshags pa'i 'gyod tshangs de la rdzogs// legs par smin pa'i smon lam de la rdzogs// nyan thos rang rgyal byang sems 'bras bu rdzogs// rgyal ba'i sku lnga thob dka' de la rdzogs//

  306. 154a

    thams cad mkhyen pa'i ye shes de la rdzogs// 'bras bu spyod phyir rgyu yod med kyang rung // de phyir chos kun rdzogs pas rdzogs chen yin// 'og ma gzhug par bya phyir rdzogs chen gces// rdzogs dang ma rdzogs tha snyad tsam yang med// ces gsungs so// byang chub kyi sems shes bya mtha' gcod las// mkhas shing rgyud dgrol ba dang sgo bsdus pa'i le'u ste bdun pa'o// // de nas byang sems kun bzang gis/ don man ngag gis bsgrub cing mdo don bsdus pa 'di gsungs so// kye sems dpa' rdo rje legs par nyon cig/ chos nyid goms shing rtogs pa'i rtags bstan pa// zhen pa chung zhing gang la'ang 'dzin pa med// ma nor don gyi kun gzhi 'gyur med gsal// rtags chen de yod rtags gzhan khar ma lus// mngon shes rdzu 'phrul stobs dang lung ston pa// 'byung ste de la nges med gzhan gyi bya// mnyam pa'i tshul gyis gol sgrib 'di ltar spang // gar yang mi 'gro 'dug pa mi bzhin du// mi lta mi sgom mi spyod mi srung bas// a ti spros med ngang la gnas tsa na// 'og min lta sogs gnas lugs gol mi 'gyur// mnyam pa'i tshul gyis bdud rnams 'di ltar 'dul// khyim bdag dpa' bos bsrungs

  307. 154b

    pa'i bud med ltar// mnyam pa'i gter la yid ches ma bral na// bdud bzhi bar chad sprul pa ji snyed pa// klan ka mi tshol btsal yang thugs pa med// ci phyir rdzogs chen spong len med bstan pa// thams cad dag par gnas pa'i spong len med// rdzogs chen ma spangs bral ba'i thabs bstan pa// thig le gcig la rdzogs pas sgrubs pa med/ btsal na 'khrul cing ma btsal gzhag na don// mi sgrub mi spong thabs kyis rdzogs shing bral// rang bzhin med shes 'bras bu 'byin mi nus// mi rtsol thabs kyis zin pas ngang gis bral// a ti mi sgrub rdzogs pa'i thabs bstan pa// rang bzhin med par shes pas mi 'grub cing // thabs kyis gcig la gnas pas 'grub par 'gyur// dper na rnga ma'i snying po gzung dang 'dra// de phyir rdzogs chen bya btsal med pa nyid// pa na se yi 'bras bu smin pa las// sman par bya phyir rtsol ba mi byed ltar// man ngag de ltar shes na don kun 'grub// bstab pa'i mtha' bcu thig le nyag gcig ste// thig ni chos kun gtso ste de bzhin nyid// de nyid ma nor nges pas le zhes brjod// thig le 'bras bu'i sgra yis thams cad sdud// 'dus pa'i don rnams gcig pa'i thig le nyid// thig le gcig tsam mi 'dzin grub pa'i mtha'// sems dpa' rdo rje da

  308. 155a

    yang rab tu nyon// bslab pa'i mtha' bcu byang chub sems nyid de// byang chub sems las bslab pa'i mtha' bcur shar// de yang sems la ldog tshul bzhi ru bstan// byang sems gnas lugs ye grub chen po'i klong // de la grub tu med pas nam mkha' 'dra// bya btsal bral bas gzhan la rag ma lus// shar lugs/ nyi zla'i 'od ltar dgag tu med// ye shes mthong gsal theg pa'i shan phye nas// gol sa shugs la chod pas g.yang sa dbyings su chod// yin lugs dmigs med chos nyid klong brdal nas// go bzlog dngos yin lta ba la bzla ste// ye yin tshig stong lta ba'i yul las 'das// byang chub sems kyi grol lugs rgyun chad med// rgyun chad med pas dus gsum mnyam nyid klong // thams cad ye sangs rgyas pas skye shi brlag/ sems dpa' rdo rje dade yang rab tu nyon// byang chub sems kyi gnas lugs gnyis su// med/ lta ba phyogs chen klong chen yin par bshad// byang chub sems kyi shar lugs cir yang shar// spyod pa nges med klong chen yin par bshad// byang chub sems kyi yin lugs cir yang yin// sgom pa klong chen dmigs med yin par bshad// byang chub sems kyi grol lugs nyid du grol// 'bras bu mnyam nyid klong chen yin

  309. 155b

    par bshad// des na sems nyid kun gyi bdag nyid do// zhes gsungs so// byang chub kyi sems shes bya mtha' gcod las/ man ngag bstan pa'i mdo don bsdus pa'i le'u ste brgyad pa'o// // de nas rdo rje sems dpa' yis// kun tu bka' la yang zhus pa// ston pa'i ston pa kun tu bzang // 'khor 'das thams cad thig le gcig/ thig le nyid du grol lags sam// kun bzang ston pas bka' stsal pa// sems dpa' rdo rje rab tu nyon// thig le nyag gcig de nyid kyis// 'gro ba kun la rang bzhin gnas// gnas kyang de nyid don ma rtogs// gnas dang ma shes par de la// thig le ngo yi sprad pa ni// dwa phrug ma dang phrad pa 'dra// de nyid ngang la ting nge 'dzin// gnas dang mi gsal bar do la// mi gsal gsal bar byed pa ni// sgeg mo me long lta ba bzhin// gnas dang rjes kyi shes pa ni// rjes dang rmi lam bar do la// bag chags dag gis mtshams sbyar ba// chu yi rgyun bzhin rgyun du gnas// gal te phung po 'dor ba na// skye shi gnyis kyi bar do la// nyams myong dag gis 'phro 'thud pas// rkong chad pa la wa 'dzugs 'dra// de nas srid pa bar ma do// stobs kyi rta zhon bde la gnas// rig pa'i rgyal po rang sa zin// yang rab don du de lta

  310. 156a

    min// sems dpa' rdo rje de yang nyon// de don gsal bar bstan par ni// rang bzhin gnas pa'i bar do la// gtan tshogs chen po rnam bzhi yi/ phyi nang kun gyi sgro 'dogs chod// gnas lugs dgongs pa gtan la dbab// ting nge 'dzin gyi bar do ru// gnas lugs 'od gsal ngang la gzhag/ rang rig rgyal po 'od gsal 'di// bsgoms pas rnyed pa ma yin te// ma bsgoms pas kyang rnyed mi 'gyur// bsgom dang mi sgom tshig las 'das// bsgom du rdul tsam med pa la// yongs su skad cig med bsams na// rang rig rgyal po 'od gsal 'di// gnyid log rmi lam par do la// goms pa'i ngang la gnyid log ste// phyi yi sgo lnga mi gsal yang // nang gi rig pa rang gsal te// bum pa'i nang gi mar me bzhin// ngo bo'i don las g.yos pa med// 'od gsal don du bzhugs zhes bya// gal te sna tshogs rmi na yang // rkyen rtog ngan pas bar mi gcad// gdams ngag dran pas rig pa gsal// rmi lam sgyu lus zhes kyang bya// de las ma g.yos brtan pa thob// des na skye shi bar ma dor// gnyen po med pas 'jig pa med// 'gyur med skye shi bral ba'o// de nas srid pa bar ma dor// gong ma'i don las ma g.yos pas// dper na me bdu ni chu gcig gis//

  311. 156b

    snang ba 'di rnams bshig gyur kyang // nam mkha' g.yos pa med bzhin du// 'byung ba las grub lus bshig kyang // rig pa'i rgyal po sems nyid la// de la g.yos pa ci yang med// dper na nam mkha' nyi zla shar ba bzhin// rang rig rang shar mngon du gyur// zhes gsungs so// byang chub kyi sems shes bya mtha' gcod las/ bar do lnga bstan pa'i le'u ste dgu pa'o// // de nas sems dpa' rdo rjes yang zhus pa/ kyeston pa'i ston pa byang sems kun tu bzang // gtan tshigs bzhi yi bye brag ji ltar lags// de nas byang sems kun bzang gis// de nyid legs ldan sems dpa' rdo rje nyon// gtan tshigs don la rnam pa bzhi// rang bzhin skye med gtan tshigs kyis// chos kun skye ba med par bstan// rol pa 'gag med gtan tshigs kyis// chos kun 'gag pa med par bstan// mtshan nyid/ gnyis med gtan tshigs kyis// chos kun gnyis su med par bstan// ngo bo rang grol gtan tshigs kyis// bya btsal med par rang sar grol// de yang rdo rje sems dpa' nyon// de yang bye brag bzhi ru bstan// phyi nang sgro 'dogs bcad pa na// gtan tshigs dag ni bzhi po la// gzhan sel don gnyer gnyis gnyis bstan// rang

  312. 157a

    gi don la 'jal ba na// sems nyid don la 'jal tshul bzhi// sems nyid gnad du phab pa'o// tshig re don re mtshon tsan// re re'i phyogs las 'thas pa yis te/ gtan tshigs bzhi po gcig gis dang // don ni mtha' dag mtshon tsan// thun mong ma yin gtan tshigs bzhi// gcig la bzhi rdzogs dag tu bstan// des na bye brag rnam bzhir bstan// rdo rje sems dpa' da yang nyon// de la ma 'dres yongs rdzogs ni// de yang de bzhin bye brag bzhi// ma 'dres pa yi lta ba ni// 'khor ba dang ni 'das pa'i chos// ma 'dres yongs su rdzogs pa'i mdangs// rdzogs pa chen po'i man ngag ni// chu yi gnyer ma lta bur bshad// yongs su rdzogs pa'i lta ba ni/ ji ltar snang ba'i chos rnams kun// ye nas skye med stong pa'i ngang // rdzogs pa chen po'i man ngag ni// nyi shar rgyal po lta bur bshad// ma 'dres yongs su rdzogs pa yi/ dbyer med pa yi lta ba ni// snang ba dang ni stong pa'i chos// yaM nas dbyer med rang grol nyid// rdzogs pa chen po'i man ngag ni// chu zla gser gling lta bur bshad// / ma 'dres yongs su rdzogs pa yis// thams cad rab tu grol bar byed// rgyan gyi cho 'phrul rnam bkod pa// kun tu bzang po'i rol pa'o// rang bzhin kun tu bzang

  313. 157b

    mo'i ngang // dngos med byang chub sems kyi dbyings// zung 'jug sems kyi mtshan nyid do// thams cad rang grol ye shes che// rgyu rkyen 'bras bur mi byed pas// bdag nyid chen po'i sangs rgyas sku// zhes gsungs so// byang chub kyi sems shes bya mtha' gcod las/ gtan tshigs bzhi bstan pa'i le'u ste bcu pa'o// / / de nas sems dpa' rdo rje chen po la bka' stsal pa/ de yang sems dpa' rdo rje rab tu nyon// shes bya phyogs su mthas par 'dzin pa la// shes bya bzlog zu go badz+ra na// don bamar ban yis gtan la pa'i ste bstan// kha dang bcu mi nin b+h+yo bzlog pa dang // gzhi 'dzin drug gis gan nyid gabyung ba dang / skor bskor gyi lta ba gtan la dbab// bzhi tsho bzhi yis lta ba thag gcad la// dgos pa lnga yis gzer chen gdab pa dang // nad ka drug gi the tshom spros pa gcad// rtogs pa'i gdeng drug gdams gsum la bzla ba// ngo sprod gsum las nges tshul bdun brgyas gdab// gzhan mos bskyed pa'i chos bzhi ni rgyun yang gdags// brjod bya bzhi la tshig gi klong du bskyal// spyi don dang po kha bstan bcu bstan pa// slob pa lobs pa bzhi dag slob ma dag/ blo dngos gnyis 'dod rtogs pas chog par

  314. 158a

    bshad// a ti za ba dang gang zag du ma yin// dkar po mjug rings nag po mjug 'thung dang // zhe 'dod bcas dang thams cad chos nyid 'dod// bzhi 'dzin du ni gzhi 'dzin rigs pa dang // ma khegs ye shes mi slong chos nyid dang // 'gyur med rang so rkyen gyi dbang mi 'gyur// rtogs na ye shes rang grol chen po yin// spyi don gsum pa sde skor bdun bstan pa// rang gzhan bzhi zhes ngo bo lhun gyis grub// dam bcas nges med gtan tshigs go bzlog gces dus gsum mtshan nyid gnas kyi gdams ngag dang // rgyu zad rkyen zad gdams ngag tshig gcig gces// spyi don bzhi pa bzhi tshe bzhi bstan pa// chings bzhi tshul/ bzhi chos bzhi ro snyoms bzhi// khams gsum rang grol rang grol chen po'i chings// sangs rgyas med pas dge la mi ltos chings// skad rigs du ma gzhi nyid mi 'gyur chings// khams gsum srog bcad bag chags mi sgribs chings// snang tshul tha dad yin tshul nges pa med// grol tshul so so'i gnas tshul dbyings gcig po// gnas pa bzhi che 'byung ba rgyu che'o// khyab pa thugs rje grol ba dgongs pa che// bzhi tshe tha ma ro snyoms bzhi bstan pa// sems nyid sangs rgyas nyid pas mchod pa

  315. 158b

    med/ spangs thob gnyis med sa lam bgrod pa med// sems las sku med snying po bsgrangs sa med// gnyis 'dzin de rnams gnyis med ro snyoms gces// spri/ don lnga pa dgos pa'i gzer lnga ni// rang byung chen po lta ba'i gzer chen la// 'gyur ba med pa'i dgos pa de la yod// tshogs drug lhug pa gdams ngag gzer che na// la/ bsgom mi dgos pa'i dgos pa de la yod// snang srid bzhi pa zhes rang grol gzer chen la// bsgrub mi dgos pa'i dgos pa de la yod// 'gyu ba chod pa gnad kyi gzer chen la// rang sa zin pa'i dgos pa de la yod// brtsis gdab bral ba dam tshig gzer chen la// bsrung mtshams med pa'i dgos pa de la yod// spyi don drug pa nang dka' drug bstan pa// yar la sangs mi rgya ba'i nad dka' dang // bar du snang la mi ltos mar mi skye// rig pa gcig la ye shes du ma 'phro// sangs rgyas mi mang sems can nyung mi 'gro// spyi don bdun pa sde bdun gdams ngag gsum// 'phags pa thugs rje mi re zla mi dgos// bag chags dbang du mi 'gyur/ rig mi bcud// 'gro drug g.yang sa chod pas bdud bzhi tshems// des ni gsang ba'i dgra gsum chod pa'o// mthu khongs dang ni khyim khongs sdig khongs gsum//

  316. 159a

    thams cad sems nyid rang grol sangs rgyas so// brgyad pa ngo sprod gsum las sangs tshul bdun// dang po lta ba stong pa 'byung ba chos nyid dang // rig pa rang grol nyid du ngo sprad do// stong pa gsal sangs 'byung ba chos nyid sangs// rig pa rang grol nyid du sangs pa dang // rang bzhin bzhi sangs bag chags rgyu sangs dang / 'gyu ba dang sangs rnam rtog ngo bo sangs// dgu pa gzhan mos bskyed pa'i chos bzhi ni// chos nyid bsam du med la longs spyod dang // 'dus byas dge ba'i rtsa ba rgyun mi gcod// skye shi gnyis su med pa'i don rtogs dang // sems can sbom phra kun la srog mi gcod// bzang ngan gnyis su med pa'i don rtogs dang // bla ma dkon/ mchog gsum la sri zhu bskyed// bdag gzhan gnyis su med pa'i don rtogs kyang // sems can kun la g.yo sgyu zol khram spongs// spyi don bcu pa brjod bya du ma rnams// brjod bya mang dang tshig gcig klong du bskyal// skye med ngang la lhun gyis grub pa'i dbyangs// byar med klong la 'dzin med rig pa nyid// phyogs med shar te spyod yul rig pa nyid// lta ba thod rgal lhun grub chen po'o// sems dpa' rdo rje chen po de yang nyon// gza' gtad med pa'i lta ba la// de nyid du yang lta ba med// snang ba med pa'i chos nyid la//

  317. 159b

    ma btsal bzhag na bsgom pa yin// ngo bo nyid ni dmigs su med// ji srid cir snang spyod pa kun// bdag nyid chen po'i mdzad spyod pas// de la spyod dang mi spyod med// da yang sems dpa' rdo rje nyon// 'gro don ma lus rgyun du rdzogs// ma sbyangs sgrib pa ka nas dag/ ma bsags tshogs chen ye nas rdzogs// ma bsgral khams gsum gnas/ su stobs// ma phul mchod pa gnas su thim// ma blangs dngos grub rang la shar// ma bskur rig pa rang dbang thob// ma bltas lta ba kun tu gsal// ma bsgoms ting 'dzin yangs pa med// ma 'gags spyod pa shugs la shar// ma bcom rtog pa'i rgyu 'grul bral// ma sbyangs dus gsum 'du 'bral med// ma bsrungs dam tshig/ nyams pa med// ma bsgrubs 'bras bu bdag nyid che// ma gzung thugs rje kun la snyoms// des na bya zin bya mi dgos// de ltar sus rtogs byas mi 'gal// zhes gsungs so// byang chub kyi sems shes bya mtha' gcod las/ shes bya go bzlog pa dang la bzla ba'i le'u ste bcu gcig pa'o// // de nas sems dpa' rdo rjes yang zhus pa/ kye ston pa byang sems kun tu bzang // rdzogs chen bya bral klong chen la// bdud bzhi'i 'jigs pa ji ltar lags// bdud bzhi

  318. 160a

    rtogs na ji ltar lags// kun bzang ston pas bka' stsal pa// sems dpa' rdo rje rab tu nyon// bdud kyi rtsa ba nyon mongs bdud// de la phung po'i bdud du byung // de las lha bdud gzung dang 'dzin// de las skye shi 'chi bdag bdud// bdud rnams rang gi sems shes na// bdud kyi nyams len sems la phan// de yang sems dpa' rdo rje nyon// gti mug mun pa med pas na// chos sku mkha' khyab don mi rnyed// de bas gti mug chos sku nyid// zhe sdang ngo bo med pa la// chos sku'i mkhyen tshang su yis rtogs// 'dod chags chu bo med pas na// thugs rje 'gag med rgyun chad med// nga rgyal brag chen med pas na// sangs rgyas che ba su yis mtshon// phrag dog rlung chen med pa na// thugs rje mkhyen pa'i ye shes dang // lhag mthong ye shes 'char ba med// des na dug lnga bdud ma yin// sems nyid rang byung/ ye shes kyi// yon tan chen po 'char ba yin// gzugs la sogs pa lnga med na// sangs rgyas chad pa'i skyon du 'gyur// gzugs ni snang mdzad chos kyi sku// tshor ba rin 'byung longs spyod sku// 'du byed don grub sprul pa'i sku// rnam shes mi bskyod rdo rje'i sku// 'du shes mtha' yas ngo bo'i sku// des na phung po'i bdud ma yin// ya nas

  319. 160b

    sems nyid sku lngar grol// byang chub sems kyi rang bzhin ni// snang ba ma 'gags rang byung la// zhen pa ma bcos ye shes te// thams cad ma bcos de kho na// thams cad gnyis med bde chen la// des na lha bdud sems su grol// byang chub sems kyi rang bzhin la// pha zhes bya ba'i rgyu yang med// ma zhes bya ba'i rkyen yang med// rgyu rkyen med pas skye ba med// skye ba med pa'i sems nyid la// dus gsum sangs rgyas dgrar langs kyang // de la zin cing sod pa med// des ni sems nyid skye shi bral// zhes gsungs so// byang chub kyi sems shes bya mtha' gcod las/ bdud bzhi rang grol ba'i le'u ste bcu gnyis pa'o// // de nas yang sems dpa' rdo rjes zhus pa/ kye ston pa byang sems kun tu bzang po lags// a ti bya bral klong chen dgongs pa yi// 'gro drug g.yang sa sems su ji ltar grol// gsang ba'i dgra gsum sems su ji ltar grol// de nas ston pa kun tu bzang po yis// sems dpa' rdo rje mchog la bka' stsal pa// a ti bya bral klong chen dgongs pa ni// bya byed theg pa gzhan la bltos ma yin// a ti cig car grol ba'i mchongs po che// thams cad yebs kyis chod pa'i rlabs po che// snang srid gsal bar byed pa'i 'od po che//

  320. 161a

    don dang bral ba med pas brtson 'grus che// mnyam pa'i ngang la gnas pa'i rnga bo che// skye med ngang la gnas pa'i bsam gtan che// 'gran zla gang yang med pa'i rdzogs pa che// 'gro drug sems su grol ba'i stobs po che// shes rab pha rol phyin pa'i don po che// che ba dgu dang ldan pa'i a ti 'di// theg pa dgu yi nang nas mchog tu bsngags// gnyis su med pa'i chos nyid byang chub sems// 'gyur ba med pa'i bde chen lhan gyis grab// mtha' dang dbus med mkha' ltar kun la khyab// rang byung dbyings nas rig pa 'di shar bas// 'gro drug ma lus kun tu bzang po'i ngang // sems nyid kun bzang med pas 'gro drug med// sems dpa' rdo rje chen po yang nyon cig/ rang bzhin lhun grub bdag nyid mngon sangs rgyas// de phyir sangs rgyas chos la mi brten te// chos na sems can rnams kyi// lta ba yin// lam pas mtshon pas byang chub ma yin kyang // thog ma nyid nas mgon po dri med nyid// de nyid chos la brten pa ma yin te// ye nas mi bskyod dbyings su rang byung ba'o// de phyir byas pa'i chos kyis 'tshang mi rgya// chos ni tshig phyir 'brang zhing tshig mtha' yas// rang byung ye shes nyid ni tshig mtha' bral// de phyir de nyid

  321. 161b

    don la yi ge med// ye shes rgyal po tshig las 'das pa ste// smra ba'i khyu mchog gzhan gyis dring mi 'jog/ rang rig rgyal po tshig las 'das rtogs na// phyi nang snod bcud bdag nyid chen por ldan// rang rig ye shes skye med dbyings nyid nas// dus gsum 'du 'bral med par bzhugs pa la// gnas la dben dang mi dben gnyis su med/ tachos sku bde ba chen po'i ngang nyid nas// ye shes mo 'gags so sor gsal ba ni// rgya mtshor gza' skar shar ba lta bu'o// don la gnyis med gnyug mar lhun gyis grub// gnyug ma nyid la dus gsum rtog bral bas// des na gsang ba'i dgra gsum sems su grol// sems dpa' rdo rje chen po de yang nyin// bzhi ni lhun grub phyogs med la// phyogs med shar nas zang thal yin// gza' gtad med pas lta ba yin// dper na bya rgyal khyung chen ltar// rtsol ba med par mkha' la rlom// 'bar ba med par dgung mtha' yan// 'og ma'i g.yang la ya mi nga // ri klungs thams cad khobs 'og chud// chos dbyings yangs pa'i glong du sleb/ yang shes phyogs med zang thal te// rnam rtog ma sbyangs rang sar grol// 'khor ba'i snang ba rang sar dag/ ye nas phyi dang nang med pas// thag le yangs pa'i klong chen

  322. 162a

    de/ rang rig thugs kyi nyi ma shar// khyab brdal ye shes ye nas brdal// phyi nang gsang gsum mnyam par gnas// nyag gcig rtogs med rtog mtha' bral// bar do med par tshig gcod de// rnam par shes pa chos dbyings 'das// zhes gsungs so// byang chub kyi sems shes bya mtha' gcod las// 'gro drug dang rtog gsum rang grol gyi le'u ste bcu gsum pa'o// // de nas yang sems dpa' rdo rjes zhus/ kye ston pa byang sems kun tu bzang / mdo lung chen po 'di nyid kyi// mdo yi grangs ni du ru nges// de la spros pa'i grangs ni du// de yi dmigs gzung gang ltar lags// rang bzhin chen po bcur gsungs pa// de la grangs ni du ru nges// de yis dmigs gzung gang ltar lags// zhes zhus pas// de nas byang sems kun bzang gis// sems dpa' mchog la bka' stsal pa// nyon cig sems dpa' rdo rje che// mdo lung chen po bcu ru 'dus// bye brag lnga bcu rtsa lngar bshad// gcig mdo byang chub sems kyi mdo// chos kun byang chub sems su 'dus// nga gnyis bcu gcig bcu par bstan// gnyis mdo rnam par grang ba'i mdo// 'khor 'das gnyis su ma 'gags pa// bdun pa'i

  323. 162b

    nang du de don bstan// gsum mdo phun sum tshogs pa'i mdo// ston pa bstan pa 'dus pa'i 'khor// bco lnga'i bstod la sogs par bstan// bzhi mdo bye brag 'byed pa'i ma/ rnal 'byor rnam bzhi'i bye brag ni// brgyad pa'i nang du de nyid bstan// lnga mdo chu ba lnga yi mdo// khyad par 'phags pa'i tshe lha ni// bco lnga pa yis smad nas bstan/ drug mdo gol sgrib bstan pa'i mdo// yang na drug gi gol sgrib ste// dgu pa'i nang du de nyid bstan// bdun mdo gtan la 'bebs pa'i mdo// 'khor 'das gtan la phab pa ni// nga bzhi pa yi nang du bstan// brgyad med nges par bstan pa'i mdo// rang bzhin brgyad pa nges bstan brgyad// so lnga so dgu de dag bstan// dgu mdo theg pa yas phubs mdo// sems nyid rdzogs pa gtan la dbab// bcu pa'i nang du don bstan// bcu mdo yongs su rdzogs pa'i mdo// rang bzhin bcu yi don nyid de// dgu'am phul nas bstan gyis kyang // lU bcur kun tu shes par bya// brjod bya ma 'du phal bstan kyang // don gyi gtso bo lnga bcur bshad/ sems dpa' rdo rje nga yang nyon// rang bzhin bcu yi bye brag ni// mdo lung lnga bcu'i nang du ni// lnga bcu dag tu dmigs bzung ba// dang po dang ni bcu pa ru// dam tshig 'phrin

  324. 163a

    las gtso bor bstan// gnyis pa dang ni bcu gcig par// dbang dang sa la sbyang med bstan// gsum pa dang ni nyi shu par// lam la bgrod du med par bstan// bco lnga pa dang rtsa lnga par// lta ba bsgom med ye shes bstan// rtsa gcig pa dang drug pa ru// 'brel pa gnyis med lhun grub bstan// mngon du byung ba'i mdo lung bcu// mngon par sangs rgyas che bar bshad// bzhi pa dang ni so gsum par// 'phrin las yeng shes sgrib med bstan// bcu gsum pa dang bcu gnyis par// lta ba dam tshig bsrung med bstan// lnga pa dang ni so gnyis par// lhun grub lam bgrod med par bstan// so drug pa dang so bzhi par// lung chen sa sbyang med par bstan// rtsa dgu pa dang bcu bdun par// dkyil 'khor 'bres pa gnyis med bstan// ma nor nges pa'i mdo lung bcu// chos dbyings sangs rgyas che bar bshad// zhe gcig pa dang bcu bzhi pa// sa sbyang dam tshig bsrung med bstan// so brgyad pa dang dgu pa ru// ye shes dang ni lta ba bstan// so lnga pa dang bcu dgu par// lam bgrod med dang phra ba bstan/ bco brgyad pa dang brgyad pa ru// 'phrin las gnyis med 'brel pa bstan// bzhi bcu pa dang nga gnyis par// lung chen thog 'bebs lhun grub bstan//

  325. 163b

    rgyu 'bras 'das pa'i mdo lung bcu// bdag nyid sangs rgyas che bar bshad// rtsa gnyis pa dang sum cu par// lta ba'i ye shes sgrib med bstan// rtsa bzhi pa dang rtsa brgyad par/ sa sbyang med dang rang byung bstan// so bdun pa dang so gcig par// 'phrin las btsal med gnyis med bstan// rtsa gsum pa dang rtsa drug par// dam tshig bsrung med phra ba bstan// zhe bzhi pa dang nga drug par// lam bgrod med dang lhun grub bstan// bya bral rdzogs pa'i mdo lung bcu// de yin sangs rgyas che bar bshad// zhe brgyad pa dang so dgu par// 'brel pa gnyis med lung chen bstan// zhe lnga pa dang so bdun par// lta ba dang ni phra ba bstan// zhe drug pa dang zhe bdun par// dam tshig dang ni 'phrin las bstan// zhe dgu pa dang nga gcig par// sa sbyang med lung lam med bstan// lnga bcu pa dang nga gsum par// ye shes sgrib med lhun grub bstan// gtan la phab pa'i mdo lung bcu// sangs rgyas med pa'i che bar bshad// ces gsungs so// byang chub kyi sems shes bya mtha' gcod kyi rgyud las/ mdo lung lnga bcu/ bstan pa'i le'u ste bcu bzhi pa'o// // sems dpa' rdo rjes yang zhus pa/ kye/ ston pa byang sems kun tu bzang // mdo lung chen po 'di

  326. 164a

    nyid la/ rgyud kyi dngos po mi 'tshal lam// de yi dngos po ji ltar lags// zhes zhus pas/ de nas byang sems kun bzang gis/ sems dpa' rdo rje la bka' stsal pa/ nyon cig sems dpa' rdo rje che// lta spyod dkyil 'khor dbang dam tshig/ 'phrin sgrub ting 'dzin mchod sngags kyis// rgyud kyi dngos po gtan la dab ba// rdzogs pa chen po bden gnyis las// rtog pa gsum la mi gnas shing // de nyid ma nor don mthong yin// mtha' bral ye shes phyogs cha bral// spyod pa rnam pa bzhi yin te// rtsis gdab med pa smyon pa 'dra// 'dzin chags med pa rlung dang 'dra// nyam nga med pa seng ge 'dra// mtshan ma rang grol sprin dang 'dra// rang rig mtha' dbus med pa'i dkyil// rang byung ma 'gags shar bas grol// rang rig rang gsal dkyil 'khor la// de nas dkyil 'khor bskyed du med// rang byung ye shes rang shar bas/ rig pa'i rgyal po rang dbang thob// rang sems bla ma ngo mtshar che// mtshan ma'i dbang la rag ma lus// ye stong ye bral stong pa nyid// rtsis gdab med pas phyal pa la// bla ma grub pas gcig pu nyid// bsrung mtshams gnyis med lhun gyis grub// rgyal ba'i zhal nas gsungs pa'i 'phrin// de la thos bsam byed pa las//

  327. 164b

    zug rngu zhi la rang rig rgyas// mtshan ma dbang 'dus nga bdag chod// sems nyid ye sangs rgyas pas bsnyen// bla mas bstan pas nye bsnyen yin// de nyid dang gnas bsgrub pa'i mchog/ re dogs chod pas sgrub chen po// skye ba med pas ye nas ting // 'gag pa med pas de zhes bya// skye 'gag gnyis med ting nge 'dzin// de nas lam la bgrod mi dgos// sa lam mtho dman med pas na// bla na med pa'i mchod pa yin// gnas lugs ngang la rab gnas pas// rgyal ba sras bcas mnyes pa'i mchog/ gnyis med bde chen gsang sngags don// de nyid rtogs pa rig sngags yin// rtogs pa'i rang gnas gzungs sngags la// brjod med brjod bral ye shes mchog/ sngags dang phyag rgya tshul gcig dang // mi g.yo ba ni sku yi rgya// mi bskyod pa ni ye shes te// mi zhen pas na bdag med cing // thams cad mnyam nyid bde ba che/ 'dren dang 'dre na bcas rgyud kyi dngos// zhes gsungs so// shes bya mtha' gcod kyi rgyud las/ rgyud kyi dngos po bstan pa'i le'u/ bco lnga pa'o// / / de nas sems dpa' rdo rjes yang zhus pa/ kye/ ston pa byang sems kun tu bzang // mdo lung chen po 'di nyid la// 'dren thabs rnam pa du zhig mchis//

  328. 165a

    'dren pa mchog gis bshad du gsol// zhes zhus pas/ kun bzang 'dren gyis bka' stsal pa// nyon cig sems dpa' rdo rje che// ma 'ongs skal ldan don gyi phyir// 'dren pa'i thabs ni rnam pa bcu// spyi don bsdus dang rnam par dbye// rang rkyen gnyer dang rang bzhin lta// ldem dgongs brgyad dang 'brel par sbyor/ gtar kha gags sel bsnol mtshams 'phen srung dang // mtshan pa dpe dang tshod ma bka' gzhung ngo // de la spyi don sdud pa ni// seng ge'i mchog po ji bzhin du// chos nyid khog don bstan pa ni// bcu gsum rtsa gcig pa ru bstan// de la rnam par 'byed pa ni// byA g+hu'i mchongs pa ji bzhin du// gzhung 'di'i don rnams thabs su bcad// lnga bcu bzhi pa'i nang du bstan// rang rkyen gnyer gyi bshad pa ni// ru sbal snar 'gros ji bzhin du// 'bru stong mi gzhag gzer bus gdab// bzhi pa lta bur kun la sbyar// de la rang bzhin lta ba ni// khyung chen nam mkhar lding ba bzhin// chos kun spyi rgya rlabs kyis gcod// bzhi bcu la sogs kun nas gsal// de la ldem dgongs brgyad bstan pa// sna phrug brag la 'gro 'dzeg ltar// mi 'tsham 'tsham par bstan pa ni// so gsum la sogs phal du bstan// de la 'brel bar sbyor

  329. 165b

    ba ni/ dang mo'i dal 'gros ji bzhin du// don gyis 'brel du bstan pa ni// so gnyis pa la sogs par bstan// de la gtar kha gags sel ni// glag mo gzan gyi chos nyid ltar// gol bsgrib brdar sha gcod pa ni// so gsum nyid dang dgu pa la// sogs phal du bstan// de la bsnol 'tshams 'phen bsdus ni// mi 'jigs phrug gu rtsal sbyong ltar// gong 'og 'khrug rnams don sdeb pa// lnga bcu bzhi pa ji bzhin no// de la mtshon dang bstan pa ni// me long dag la bzhin gsal bzhin// chos nyid mtshan par byed pa'i dpe// so brgyad pa la sogs par bstan// de la tshad ma bka' gzhung ni// dus kyi 'brug char ji bzhin du// chos kun gtan la phab pa ste/ lnga pa la sogs phal nas bstan// 'dren pa'i thabs bcu 'di dag ni// rgyal ba kun gyi dgongs pa yin// bstan pa kun gyi me long yin// 'di mi shes par chos bshad ni// dmus long mkha' la mthos 'jal 'dra// mdo lung chen po 'di nyid kyang // 'dren pa'i thabs bcur 'dres pa'i yin// zhes gsungs so// byang chub kyi sems shes bya mtha' gcod 'dren pa'i thabs bcur bstan pa'i le'u ste bcu drug pa'o// // de nas yang sems dpa' rdo rjes zhus pa

  330. 166a

    kye ston pa byang sems kun tu bzang // sems nyid rdzogs pa chen po ru// theg dgu'i dbye ba ji ltar rdzogs// theg dgu sems su ji ltar rdzogs/ zhes zhus pas/ de nas ston pa kun bzang gis// sems dpa' che la bka' stsal pa// nyon cig sems dpa' rdo rje che// sems las byung ba'i chos nyid la/ bden pa bzhi ru 'byung bas na// sems nyid nyan thos dag tu bstan// sems las byung ba'i chos nyid las// rten 'brel bcu gnyis byung bas na// sems nyid rang rgyal dag tu bshad// sems las byung ba'i chos nyid la// bden pa gnyis su byung bas na// sems nyid theg pa chen por bshad// sems las byung ba'i chos nyid la/ dag pa rnam gsum byung bas na// sems nyid kri ya'i theg par bshad// sems las byung ba'i chos nyid la// de nyid bzhi ru byung bas na// sems nyid u ru ya ru bshad// sems las byung ba'i chos nyid la// mngon par byang chub lnga byung bas// sems nyid yo ga dag tu bshad// sems las byung ba'i chos nyid las// thabs dang shes rab gnyis med pas// sems nyid ma hA yo gar bshad// sems las byung ba'i chos nyid las// dbyings dang ye shes gnyis med pas// sems

  331. 166b

    nyid a nu yo gar bshad// sems las byung ba'i chos nyid las// rig stong gnyis su med pa la// sems nyid a ti yo gar bshad// theg pa dgu ni yas phub ste// sems nyid rdzogs pas gtan la phab// theg pa rim dgu byang chub sems// rang byung ye shes rol par shar// shar bzhin chos nyid byang chub sems// nges par theg pa gcig las med// sems nyid rdzogs pa'i theg pa'o// da yang sems dpa' chen po nyon// dbang rnams kun gyi mtshan nyid dang // gzugs snang sku yi dkyil 'khor nyid// ye nas kun bzang sems nyid sku// bum pa'i dbang mchog logs na med// sgra grags gsung gi dkyil 'khor nyid// ya nas sems dpa' kun bzang gsung // gsang ba'i dbang mchog logs na med// dran rig thugs kyi dkyil 'khor nyid// ye nas sems nyid kun bzang thugs// thugs kyi dbang mchog logs na med// spro ba'i mtshan ma thams cad kun// ye nas skye med 'od gsal nyid// bzhi pa'i dbang mchog logs na med// rig pa'i rgyal po nga dbang med// ye nas dbang gi ngo bor chub// bskur ba'i dbang la rag ma lus// lta ba gza' gtang bral ba la// dbang la rag na gza' gtad yin// bsgom pa dmigs gtad bral/

  332. 167a

    ba la// dbang la rag na dmigs gtad yin// spyod pa shugs byung rang grol la// dbang la rag na 'dzin chags yin// dam tshig bsrung mtshams bral ba la// dbang la rag na rtsis gdab yin// 'bras bu lhun grub chen po la// ye nas skye med 'od gsal bas// dbang la rag na mtshan bcas yin// zhes gsungs so// shes bya mtha' gcod kyi rgyud las/ theg pa dgu dbang bzhi rang la rdzogs pa'i le'u ste bcu bdun pa'o// // de nas sems dpa' rdo rjes yang zhus pa/ e ma ho/ ston pa byang sems kun tu bzang // sems nyid rdzogs pa chen po ru// pha rol phyin bcu lam lnga dang // sngags kyi tshe/ ga ji ltar rdzogs// de nas ston pa kun bzang gis// sems dpa' che la bka' stsal pa// nyon cig sems dpa' rdo rje che// byang chub sems kyi rang bzhin las// bying dang rgod pa gnyis med pas// zhi gnas bde ba legs na med// rang byung ye shes rang gsal bas// sems nyid lhag mthong logs na med// sems nyid chos nyid brdal khyab pas// sems la sbyin pa logs na med// sems nyid ma skyes gzung 'dzin bral// sems las tshul khrims logs na med// byang chub sems

  333. 167b

    su kun shod pas// sems las bzod pa logs na med// sems nyid brdal bar thub chub pas// sems las brtson 'grus logs na med// byang chub sems la g.yos med pas// sems las bsam gtan logs na med// byang chub sems las 'khrul med pas// sems las shes rab logs na med// snang ba gang yang mi 'gog pas// sems las thabs nyid logs na med// sems las gzhan du smon med pas// sems las smon lam logs na med// snang grags sems su rang grol bas// sems las stobs nyid logs na med// ma btsal ye shes lhun grub pas// sems las ye shes logs na med// des na pha rol phyin bcu sems// da yang sems dpa' rdo rje nyon// tshogs kun mi sog ye rdzogs pas// sems las tshogs lam logs na med// sems nyid chos nyid rang bzhin pas// sems las sbyor lam logs na med// chos nyid mngon du rang shar bas// sems las mthong lam logs na med// de nyid rang la rang gnas pas// sems las bsgom lam logs na med// de nyid rdzogs pa spyir chibs pas// sems las thar lam logs na med// des na lam lnga byang chub sems// da yang

  334. 168a

    sems dpa' rdo rje nyon// 'gro drug ye nas sangs rgyas pas// sems las bskyed pa logs na med// mi rtog ye shes bgegs bsal bas// sems las 'tshams gcad logs na med// sems nyid byin chen rang bzhin logs na med// thams cad bdud rtsi'i rang bzhin las// sems las byin brlabs logs na med// chos kun sems nyid rnam dag pas// sems las rnam rtog logs na med// snying rje chen po cir mi mdzad// sems las tshad med logs na med// sku gsung thugs dang rab ldan pas// ting 'dzin rnam gsum logs na med// sems nyid 'byung lnga bcom ldan 'das// sems las dbang chen logs na med// yangs pa/ chos dbyings sems nyid gnas// sems las gzhal yas logs na med// rang rig rang gsal ye nas lha// sems las lha bskyed logs na med// rang byung ye shes lung thog phebs// de la dbang bskur logs na med// sangs rgyas sems can gnyis med pas// spyan drang bstim pa logs na mid// sems nyid ye nas 'gyur med pas// brtan par bzhugs pa logs na med// ye nas bde chen gnyis med la// phyag dang mchod sogs logs na med// skul bskyod thams cad phyag rgya

  335. 168b

    bas/ phyag rgya'i mchod pa logs na med// mi gsung mnyam gzhag sngags tshig pas// bsgom dang bzlas brjod logs na med// bya ba med pas las rnams te// sems las 'phrin las logs na med// mi gzung ye shes chen po la// gtor ma gtang ba logs na med// sna tshogs snod bcud gnyis med pas// sems las lhag bstan logs na med// thig le gcig tu kun 'dus pas// dkyil 'khor bsdu ba logs na med// yeng shes lhun grub go ldan pas// ska nan lus bsrungs logs na med// yon tan thams cad lhun grub pas// smon lam gdab pa logs na med// sku gsum rang la lhun grub pas// mthar phyin 'bras bu logs na med// ces gsungs so// byang chub kyi sems shes bya mtha' gcod las/ pha rol phyin bcu lam lnga sngags kyi cho ga rang la lhun gyis grub pa'i le'u ste bco brgyad pa'o// / de nas sems dpa' rdo rjes yang zhus pa/ kye taston pa kun tu bzang // khyim dang sdig pa mthu khongs nas// mngon par sangs rgyas ji ltar lags// krulnga su gsum bye brag gang // de nas sbyin pa kun payang gis// sems dpe'i 'khor la bka' stsal pa// sems dpa' rdo rje legs par nyon// nga nyid cig pasal

  336. 169a

    bzla na// 'dod chags zhe sdang gti mug kyang // spang du med de byang chub lam// ye nas rang byung ye shes yin// lus la pho mo yod gyur phyir// byang chub sems la pho mo med// chags pa spyad pas bde ba'i mchog/ gsol 'debs snying po chos sku nyid// de tshe bde ba'i chos nyid brgyan// 'ching bar mi 'gyur grol bar nges// byang chub sems la skye shi med// dkar po'i phyogs dang sdig la sogs// byang chub sems la gnyis su med// zhing bcu dbyings su bsgral gyur na// de tshe bsgral ba'i chos nyid brgyan// 'khor ba chos nyid ngang du brlag/ sems nyid ya nas 'od gsal phyir// ngo mtshar rmad byung rol pa mthu// bya bral nam mkha' ji bzhin te// mi dmigs gti mug chos kyi sku// gnyis su med pas shes rab gsal// de ltar rtogs pas ye shes nyid// 'bras bu gzhan nas btsal mi dgos// gdod nas rang byung ngo bo nyid// 'bras bu la yang mi ltos par// sems dang bral bas kun bzang thugs// lus dang bral bas kun bzang sku// ngag dang bral bas kun bzang gsung // thugs ni skye med chos sku'i thugs// sku ni longs spyod rdzogs pa'i sku// gsung ni sangs rgyas sprul pa'i gsung // da yang sems

  337. 169b

    dpa' rdo rje nyon// sku gsum sku lnga'i bye brag ni// sku gsum don la so sor dbye// chos sku la yang rnam pa gsum// ma ni skye med dpag tu med// chos kyi sku yi chos sku/ nyid/ rigs lnga drug pa dpa' bo rnams// chos kyi sku yi longs spyod sku// sems dpa' sems ma'i sprul tshogs rnams// chos kyi sku yi sprul pa'i sku// longs/ spyod rdzogs la'ang gsum du nges// rdo rje chen po rdo rje dbyings// longs spyod rdzogs pa'i chos kyi sku// rigs lnga rigs gsum la sogs pa// longs spyod rdzogs pa'i longs spyod sku// sems dpa' la sogs sprul 'khor rnams// longs spyod rdzogs pa'i sprul pa'i sku// sprul sku la yang gsum du nges// smra bsam brjod med shes rab don// sprul pa sku yi chos kyi sku// rnam dag sku lnga gzugs bzang ba// sprul pa sku yi longs spyad sku// sras dang mdzad pa sna tshogs rnams// sprul pa sku yi sprul pa'i sku/ sku gsum snang tshul dgur bstan kyang // byang chub sems la 'du 'bral med// de ni dbyer med rdo rje'i sku// de lta bu yi sku nyid la// zag med bde chen mngon byang sku/ nges par sku ni gcig las med// gcig ni byang chub chos kyi sku// zhes gsungs so// byang chub kyi sems shes bya mtha' gcod las/ dug gsum

  338. 170a

    gyi grol tshul dang sku gsum sku lnga bstan pa'i le'u ste bcu dgu pa'o// // de nas sems dpa' rdo rjes yang zhus pa/ e ma hoston pa byang sems kun tu bzang // rang byung ye shes don ni gang // man ngag gces pa'i don ni gang // de nas ston pa kun bzang gis// 'khor rnams kun la bka' stsal pa// nyon cig sems dpa' rdo rje che// dang po rgyu las ma byung rang // pha zhes bya ba'i rgyu yang med// bar du rkyen las ma byung rang // ma zhes bya ba'i rkyen yang med// tha ma gnyen pos mi 'jig rang // yul gzhan 'gyur ba'i gnyen po med// 'gag pa med pas rang nyid byung // sgrib pa med pas rang nyid byung // ngo bo sna tshogs snang bas byung // ye ni ye nas gnas pa yin// ye nas 'gyur ba med pa yin// ye nas dngos med dngos ma grub// ye ni des na brjod ma grub// ye ni rang byung shugs las 'char// rig pa rang gsal rang du shes// rig pa ma 'gags gsal bar shes// rig pa bde chen gnyis med shes// rig pa ma bcos gnyug mar shes// rig pa rang grol mnyam nyid grol// da yang sems dpa' rdo rje nyon// rang byung ye shes rgyal po 'di// mi 'gyur 'gyur med ye nas gnas// ma 'gags shes pa'i

  339. 170b

    phyir na rig/ rig pa don la mi 'gyur wal// ngo bo don las ma yengs gsal// skye med thugs su chud pas si// de yi don las mi yengs pa// gang gis rtogs na kun tu bzang // rtog par gyur pa gang yin pa// de ni man ngag kun gyi mchog/ ma rtogs rtsol ba'i tshe tshad yin// des na rtogs pa gtso bor bshad// sems dpa' rdo rje de yang nyon// man ngag ces su bya ba yang // man ni snying po'i byang chub sku// ngag ni rig pa sa le ba// man ni stong rig ye shes sku// ngag ni brjod/ pa'i sgra las 'das// man ni thugs kyi sgron me phye// ngag ni mgur gyi bum par dril// man ni rig pa sa le ba// ngag ni ljags la bkrum pa'o// man ni rang rig chos kyi sku/ ngag ni mgur nas byung ba'o// man ni rang rig rgyal po yin// ngag ni rang byung ye shes gsal// tshegs chung bas na man ngag yin// go sla bas na man ngag yin// bya ba tsal bral bas na man ngag yin// yon tan lhun grub man ngag yin// sems dpa' rdo rje rab tu nyon la zung // snod ldan kun la de bzhin ston// rab tu gsungs so// byang chub kyi sems shes bya mtha' gcod kyi rgyud las/ rang byung ye shes dang man ngag bstan pa'i le'u ste nyi shu pa'o// // de nas yang sems

  340. 171a

    dpa' rdo rje nan tan zhus pa/ e ma ho/ byang sems kun tu bzang // sngar du bshad pa'i rang bzhin bcu po dang // shes bya bslab pa'i mtha' bcur gsung ba nyid// tha dad lags sam don khrigs ji ltar lags// byang sems kun tu bzang pos bshad du gsol// byang sems kun tu bzang pos bka' stsal pa/ sems dpa' rdo rje de nyid rab tu nyon// de ltar bshad pa'i rang bzhin bcu po nyid// shes bya bslab pa'i mtha' bcu nyid du 'dus// bslab pa'i mtha' bcu'i don khrigs ji ltar nges// rang byung ye shes ye nas rang shar bas// dbang bskur mchog nyid ye nas bskur du med// dam tshig ye nas gnyis 'dzin bral bas na// dam tshig mchog nyid ye nas bsrung du med// lta ba ye nas gza' gtad bral bas na// lta ba'i mchog nyid ye nas blta ru med// phra bas ye nas dmigs gtad bral bas na// bsgom pa'i mchog nyid ye nas lhar mi bskyed// spyod pa ye nas blang dor bral bas na// spyod pa'i mchog nyid ye nas spyad du med// lam la ye nas bgrod/ med pas na// mkhas la ye nas gnas lugs dgongs pa ni// sa la ye nas bgrang du med pa'i phyir// thos pa'i mchog nyid yo nas brjod dang bral// ye shes ye/

  341. 171b

    nas sgrib pa med pas na// sgo bskur mchog nyid ye nas theg gcig sems// 'phrin las ye nas btsal du med pas na// man ngag mchog nyid ye nas bya bral klong // lhun grub ye nas bya btsal bral bas na// mdo bsdus mchog nyid ye nas thig le gcig/ rang bzhin bcu ni bslab pa'i mtha' bcu nyid// sems nyid rdzogs pas de ltar gtan la phab// bslab pa'i mtha' bcu bcu phrag bcu bstan pa// lhun grub bcu dang gnyis 'dzin bral bas bcu// gza' gtad bral ba bcu dang ngang la gnas pa bcu// blang dor med pa bcu dang don la mkhas pa bcu'o// brjod bral bcu dang theg gcig byang sems bcu// bya bral bcu dang thig le nyid 'dus bcu// rig pa'i rgyal po rang dbang bcu ru lhun gyis grub// dam tshig rgyal po 'dzin med lhun gyis grub// lta ba gza' gtad med par lhun gyis grub// sgom pa dmigs gtad med par lhun gyis grub// spyod pa blang dor med par lhun gyis grub// mkhas pa gnas lugs nyid du lhun gyis grub// thos pa brjod bral nyid du lhun gyis grub// sgo bsdur theg gcig sems nyid lhun gyis grub// man ngag bya bral klong du lhun gyis grub// mdo bsdus thig le nyid du spun gyis grub/ dbang po rgyal po rang dbang snyun grub yin// rig pa'i rgyal po rang dbang nyid mi 'da'// dam tshig rgyal po 'dzin

  342. 172a

    med nyid mi 'da'// lta ba gza' gtad bral ba nyid mi 'da'// sgom pa dmigs gtad bral ba nyid mi 'da'// spyod pa blang dor bral ba nyid mi 'da'// mkhas pa'i gnas lugs dgos pa nyid mi 'da'// thos pa brjod bral dgongs pa nyid mi 'da'// sgo bsdur theg pa'i sems nyid don mi 'da'// man ngag bya bral klong/ chen nyid mi 'da'// mdo bsdu thig le nyag gcig nyid mi 'da'// dam tshig rgyal po 'dzin pa bral ba yin// rig pa'i rgyal po rang dbang gza' gtad bral// dam tshig rgyal po 'dzin med gza' gtad bral// lta ba lta ru med pas gza' gtad bral// sgom pa dmigs gtad med pas gza' gtad bral// spyod pa blang dor med pas gza' gtad bral/ mkhas pa gnas lugs dgongs pas gza' gtad bral// thos pa brjod bral dgongs pas gza' gtad bral// sgo bsdur theg gcig sems nyid gza' gtad bral// man ngag bya bral nyid pas gza' gtad bral// mdo bsdus thig le nyid pas gza' gtad bral// lta ba'i rgyal po gza' gtad bral bas ni// rig pa'i rgyal po rang dbang ngang la gnas// dam tshig rgyal po 'dzin med ngang la gnas// lta ba gza' gtad bral ba'i ngang la gnas// bsgom pa dmigs gtad bral ba'i ngang la gnas// spyod pa blang dor

  343. 172b

    bral ba'i ngang la gnas// mkhas pa'i gnas lugs dgongs pa'i ngang la gnas// thos pa brjod bral nyid kyi ngang la gnas// sgo bsdur theg gcig sems nyid ngang la gnas// / man ngag bya bral glong chen dang la gnas// mdo bsdu thig le nyid kyi ngang la gnas// bsgom pa rgyal po dmigs gtad med pa yin// rig pa'i rgyal po rang dbang blang dor bral// dam tshig rgyal po 'dzin med blang dor med// lta ba gza' gtad bral bas blang dor med// sgom pa dmigs gtad bral bas blang dor med// spyod pa bzang ngan med pas blang dor med// mkhas pa gnas lugs nyid las blang dor med// thos pa brjod bral nyid la blang dor med// sgo bskur theg gcig sems nyid blang dor med// thos pa brjod bral nyid la blang dor med// man ngag bya bral nyid la blang dor med// mdor bsdus thig le nyid la blang dor med// spyod pa'i rgyal po blang dor med pa yin// rig pa'i rgyal po rang dbang don la mkhas// dam tshig rgyal po 'dzin med don la mkhas// lta ba gza' gtad bral bas don la mkhas// sgom pa dmigs gtad bral ba'i don la mkhas// spyod pa blang dor med pa'i don la mkhas// mkhas pa gnas lugs dgongs pa'i don la mkhas// thos pa brjod dang bral ba'i don la mkhas// sgo bsdur theg gcig sems

  344. 173a

    nyid don la mkhas// man ngag bya bral klong chen don la mkhas// mdor bsdus thig le nyag gcig don la mkhas// mkhas pa'i rgyal po gnas lugs dgongs pa yin// rig pa'i rgyal po rang dbang brjod pa bral// dam tshig rgyal po 'dzin med brjed dang bral// lta ba gza' gtad bral bas brjod dang bral// sgom pa dmigs gtad bral bas brjod dang bral// spyod pa blang dor med pas brjod dang bral// mkhas pa gnas lugs nyid pas brjod dang bral// thos pa brjod du med pas brjod dang bral/ sgo bsdur theg gcig sems nyid brjod dang bral// man ngag bya bral klong chen brjod dang bral// mdo bsdu thig le nyid pa brjod dang bral// thos pa'i rgyal po brjod dang bral ba yin// rig pa'i rgyal po rang dbang theg gcig sems// dam tshig rgyal po 'dzin med theg gcig sems// lta ba gza' gtad bral ba'i theg gcig sems// sgom pa dmigs gtad bral ba'i theg gcig sems// spyod pa blang dor med pa'i theg gcig sems// mkhas pa gnas lugs nyid pas theg gcig sems// thos pa brjod dang bral bas theg gcig sems// sgo bsdur byang sems nyid pas theg gcig sems// man ngag bya bral klong chen theg gcig sems// mdor bsdu thig le nyid

  345. 173b

    pas theg gcig sems// sgo bsdur rgyal po de nyid theg gcig sems// rig pa'i rgyal po rang dbang bya bral klong // dam tshig rgyal po 'dzin med bya bral klong // lta ba gza' gtad bral bas bya bral klong // bsgom pa dmigs gtad bral ba'i bya bral klong // spyod pa blang dor med pas bya bral klong // mkhas pa gnas lugs nyid pas bya/ bral klong // thos pa brjod dang bral bas bya bral klong // sgo bsdur theg gcig sems nyid bye bral klong // man ngag bya btsal bral bas bya bral klong // mdor bsdu thig le nyid pas bya bral klong // man ngag rgyal po bya bral klong chen yin// rig pa'i rgyal po rang dbang thig le nyid// dam tshig rgyal po 'dzin med thig le nyid// lta ba gza' gtad med pas thig le nyid// bsgom pa dmigs gtad med pas thig le nyid// spyod pa blang dor med pas thig le nyid// mkhas pa gnas lugs nyid pas thig le nyid// thos pa brjod dang bral bas thig le nyid// sgo bsdur theg gcig sems nyid thig le nyid// man ngag bya bral klong chen thig le nyid// mdor bsdus thub bsdus thig le nyid du 'dus// mdor bsdus rgyal po thig le nyag gcig yin// de ltar btsal du med pa'i rang bzhin bcu// gang zhig de las rtsol bar byed pas rko// bye chung lcogs nam mkha'i mtha' btsal

  346. 174a

    kyang // mtha' mi rnyed cing rang nyid dub pa ltar// de bzhin bya byud phal gyi lam btsal kyang // lam mi rnyed cing tshi chad nad kyis 'dzin// des na bslab pa'i mtha' bcu rtsol ba ma byed cig/ rtsol ba de ni tshe chad 'dzin pa'i nad// de nyid ma rtogs ji snyed kha rgyud kyang // bya bral lhun rdzogs nyid lam mi rnyed do// zhes gsungs so// byang chub kyi sems shes bya mtha' gcod las/ bslab pa'i mtha' bcu bstan pa'i le'u ste nyi shu gcig pa'o// // de nas sems dpa' rdo rjes yang zhus pa kye ho ston pa byang sems kun tu bzang // bsod nams chos spyod bcu rnams ji ltar rdzogs// de yi don la ji ltar gnas par bgyi// byang sems kun tu bzang pos bka' stsal pa// sems dpa' rdo rje du yang legs par nyon// byang chub sems nyid shes bya bstan pa ni// sems kyi rang bzhin dmigs su med pa la// dmigs su med pa de nyid rab dbye na// bltas te mthong ba med na mthong ba yin// sems nyid rang bzhin mthong ba 'dra ba yin// sems nyid rang bzhin dmigs su med pa la// de rig de nyid klong du gyur pa ni// de bas de nyid gnyis par mi 'gyur te// gnyis med klong du gyur pa mchod pa yin// sems kyi rang bzhin dmigs su med pa las// kha dog dbyibs med tshon

  347. 174b

    las 'das pa ste// gdod nas ma byung ma skyes de nyid las// sna tshogs 'dod dgu 'byung bas sbyin pa yin// sems kyi rang bzhin dmigs su med pa las// gsung gi/ klong nas rigs nyid shar ba de// sna tshogs sems nyid shes pa nyan pa yin// sems kyi rang bzhin dmigs su med pa la// sems nyid dmigs su med de snying po'i mchog/ thig le chen po yongs kyis mkha' klong de// de bzhin 'gyur med gnas pa klog pa yin// sems kyi rang bzhin dmigs su med pa la// 'khor ba'i mun nyid gdod nas ye sangs rgyas// gdod nas gnyis med sems nyid lhun gyis grub// rig pa de bzhin gnas pa 'dzin pa yin// sems kyi rang bzhin dmigs pa med pa la// dus gsum dus med brjod dang bral ba yin// brjod dang bral ba'i don ni de nyid la// dmigs cing gang gis bzlos pa 'don pa yin// sems kyi rang bzhin dmigs su med pa yin// mtshon par byed pa'i tshig ni ston byed cing // dmigs su med pa dmigs su bya ba'i don// mya ngan 'das pa smra bar bshad pa yin// sems kyi rang bzhin dmigs su med pa la// dmigs pa'i dngos po gang yang mi sems shing // dmigs par bya ba'i chos ni rdul tsam med// dmigs pa dngos po gang yang mi sems te// dmigs byed

  348. 175a

    don la sems pa sems dpa' yin// sems kyi rang bzhin dmigs su med pa la// sems de ye sangs rgyas par thag chod do// mi skye mi 'gags/ dmigs su med pa la// dmigs med dmigs su med pa sgom pa yin// sngar 'das rgyal ba sras dang bcas pa dang // da ltar phyi ma'i rgyal ba sras bcas rnams// chos spyod 'di bcu rtogs pas 'grub pa'i phyir// bcu po 'di ni rgyal ba kun gyi yum// zhes gsungs so// byang chub kyi sems shes bya mtha' gcod las/ chos spyod bcu bstan/ pa'i le'u ste nyi shu rtsa gnyis pa'o// // de nas sems dpa' rdo rjes yang gsol po// ston pa'i ston pa byang sems kun tu bzang // gang la mi rten lha med lta mchog la// de nyid ma btsal bzhag pa'i sgom pa de// byang sems kun tu bzang po nyid kyis rab tu shod// byang sems kun tu bzang pos bka' stsal pa// kun gyi rang bzhin ye nas phyi mo nyid// dpe las 'das pas mtshon pa'i don dang bral// tshig las 'das pas brjod pa'i ngag dang bral// sgra las 'das pas thos pa'i yul dang bral/ rgyu dang bral bas thob pa'i 'bras bu med// rang bzhin med pas bcos pa'i mtha' dang bral// kha dog med pas dmigs pa'i yul dang bral// ci yang min pas

  349. 175b

    phyogs ris yongs dang bral// btsal du med pas lta ba gza' gtad bral// cir yang mi dgongs cir yang mi g.yo dang // cir yang mi bsam cir yang spyad mi bya// gang la'ang ma 'dres bsgom du ming yang med// ci yang mi mthong cir yang ltar med de// de lta bu yi ngang la gang gnas pa// tha snyad tsam du bsgom zhes de la bya// rig pa cir yang 'du shes med na bsam// ji bzhin rang bzhin gzhag na bsgom pa yin// bya bral dang du gnas na bsgom pa yin// gsal ba dmigs su med na bsgom pa yin// ji lta bur yang ma mthong bsgom pa yin// ma bcos mnyam par gzhag na bsgom pa yin// bsgom du med pa'i don la ma yengs na// bsgom du med pa'i bsgom pa mchog nyid yin/ zhes gsungs so// byang chub kyi sems shes bya mtha' gcod las/ lha sgom bye brag khyad par bstan pa'i le'u ste rtsa gsum pa'o// // de nas sems dpa' rdo rjes yang zhus pa// ston pa'i ston pa byung sems kun tu bzang // dus gsum rgyal ba'i rang bzhin chos kyi dbyings// spang blang med pa mnyam pa nyid kyi ngang // rang rig kun tu bzang po nyid la 'dus// chos rnams shes bya bslab pa'i mtha' bcur 'dus// de lta bu yi bya bral rgyud chen 'di// snod kyi rim pa gang la gdams shing

  350. 176a

    gtad// kun bzang mchog gis bka' stsal pa// nyon cig sems dpa' rdo rje che// phyi ma dus kyi snod med rnams// bla ma'i sku smod mos pa chung // mched la mi gdung gzhogs kyis smod// rdzas la shin tu chags sems che// dad chung nyams len g.yel ba dang // shes nas mi bsrung dam med dang // tshig tu zhi ba la don la rtsing // le lo che la spyod lam rtsing // dregs pa che la rang bzhin gong // gzu lum ras chod byed pa la// de lta bu la 'di bstan na// srid gsum sems can gsad dang mtshungs// rgyal 'bang bya khas len cing // yul dang bud med 'bul zer dang // de la bstan par ma gsungs so// gal te de la bstan gyur na// nyi tshe ba yi dmyal bar skye// de bas rta shi'i kha bzhin sdoms// sems dpa' rdo rje legs par nyon// a ti bya bral rgyud rnams kun// shes bya bslab pa'i mtha' bcur 'dus// snod la gdams shing gtad pa ni// bla ma lha ltar mchod cing gus// mched la gdung zhing shin tu byams// rdzas la zhen chags chung ba dang // dam tshig mig ltar 'tsho ba dang // shes bzhin nyams su len pa dang // 'khor ba 'dam ltar shes pa dang // bka' yi don la dam par blta// shes rab che la gtad pa thub//

  351. 176b

    dad pa che la ser sna chung // dka' ba sngos nas dang du len// shes bzhin che la bag dang ldan// lus srog mi lta chos la mos// grong khyer med cing dman cha 'dzin// de lta bu yi slob ma la// a ti bya bral rgyud 'di bstan// sems dpa' rdo rje yid la zhog/ sems la gab na shin tu mchog/ ces gsungs nas sems dpa' rdo rje la rgyud gdam shing gtad do// byang chub kyi sems shes bya mtha' gcod kyi rgyud las/ gdams shing gtad pa'i le'u ste rtsa bzhi pa'o// // byang chub kyi sems shes bya mtha' gcod kyi rgyud ces bya ba rdzogs so// // rgya gar skad du/ sar+b+ba d+har+m+maHsan+ni ma hA bo d+hi tsit+ta sU tra bod skad du/ chos thams cad rdzogs pa chen po byang chub kyi sems su 'dus pa'i mdo/ bcom ldan 'das dpal kun tu bzang po la phyag 'tshal lo// sde phyi med par 'di skad bshad pa'i dus na/ bcom ldan 'das de bzhin gshegs pa chos thams cad kyi snying po/ rdo rje rdzogs pa chen po'i bdag nyid chen po de/ 'og min chos nyid kyi mkha' dbyings nyid kyi klong / sems nyid kyi gnas/ rang byung ma bsgribs pa'i gzhal yas khang na/ dus gsum gcig pa'i sangs rgyas dang / mi skye lam la lta ba'i rnal

  352. 177a

    'byor pa rnams dang / sa la gnas pa'i byang chub sems dpa' rnams dang / nges pa ma thob pa rnams dang / snying pos bsdus pa'i srid pa gsum yan chad dbye ba mi mnga' ba'i thugs rje'i dbang gis thabs cig go// de nas bcom ldan 'das dpal kun tu bzang po de la/ 'khor rnams kyis yong su 'dun to// de nas bcom ldan 'das dpal kun tu bzang po des/ 'khor rnams yongs su 'dun pa de gzigs nas/ yongs su kun tu snang ba zhes bya ba'i chos nyid la nyid gnas par mdzad do// mdzad pas 'khor rnams yongs su rtog pa skyes nas sems yongs su 'drogs so// yongs su sems 'drogs par gzigs nas/ nas bcom ldan 'das dpal kun tu bzang po des// 'khor rnams la nyid kyi rang bzhin 'di bstan to// e ma ho/ byang chub sems ni kun tu bzang // rgyu rkyen med pa'i rang byung sems// thams cad 'byung ba'i snying po des// mga' mgu rangs par kun 'dod na// 'dun pa ma skyes sems 'drogs pas// nga yi rang bzhin ma mthong ste// nga ni kun gyi rang bzhin te// chos kun snying po mthong ba med// ces gsungs so// de nas 'khor de rnams kyang sems kyi bsam pa so sor mthong ste/

  353. 177b

    la la ni nyid kyi rang bzhin tu gyur to// la la ni ye shes skyes so// la la ni dga' bas 'dun to// la la ni mos pas 'dun to// la la ni ma dad pa'i sems byung ngo // la la ni dga' bar gyur na yang 'byed pa mi mnga' ba'i thugs rjes thabs cig go// de nas sems dpa' rdo rje nyid kyi rang bzhin des/ kun tu bzang po la 'di skad ces gsol to// e ma ho rdo rje snying po khyod// byang chub sems ni kun tu bzang // yin par thag bcad yongs su rtogs// rgyu rkyen med par 'byung mi sems// zhes zhus so// nas kun tu bzang po de nyid kyis mi dmigs pa'i don la zhugs nas thugs rje rang byung gi ye shes kyis 'od zer bskul ba spros pas/ dus gsum gyi de bzhin gshegs pa thams cad mnyes nas/ sems dpa' rdo rje la/ dus gsum gyi de bzhin gshegs pa thams cad kyis/ 'od zer bsdus te bskul bar mdzad do// don gyi tshig gis kyang 'di skad ces bskul lo// rdo rje snying po sems dpa' khyod// kun gyi rang bzhin khyod yin pas// sems nyid kun tu bzang po 'di// khyod kyis kun la bstan du gsol// ces bskul lo// de nas rdo rje sems dpa' des/ bde bar gshegs pa kun gyis bskul bar rig nas/ mi rtog pa'i ting nge 'dzin gyi sgo nas 'od zer phyogs

  354. 178a

    bcur bkye nas slar bsdus te/ nyid kyi sems kyi sku bzhengs nas kun la snang bar mdzad do// kun gyi rang bzhin du yang bzhugs so// rang bzhin de kun la yang snang ngo // sems kyi rang bzhin yang snang bar mdzad do// de nas 'dus pa'i tshogs kyis/ sems dpa'i rang bzhin kun tu rdo rje la zhus pa e ma ho rdo rje snying po khyod// byang chub sems ni kun tu bzang // nyon mongs lnga yi sdug bsngal gang // khams gsum gnas pa'i sdug bsngal gang / rgyud drug 'khor ba'i sdug bsngal gang // mtho ris ngan song bde sdug gang // zhes zhus so// de nas sems dpa' rang bzhin kun tu rdo rjes/ 'dus pa'i tshigs la chos thams cad rtsa ba gcig las byung ba'i don bsdus pa 'di gsungs so// chos kun rtsa ba sems su gcig/ rtsa ba gcig la don gsum ni// bde dang sdug bsngal theg pa gsum/ phun sum rnam pa gsum tshogs pas// yo ga bzhi yi bye brag dbye// khyad par 'phags pa'i che lnga ston// gol sgrib drug drug skyon yon sel// gtan la rnam pa bdun gyis 'bebs// nges pa'i man ngag brgyad du ston// bden pa'i tshig dgus 'thun smras na// yongs su rdzogs pa'i mdo bcus ni// gcig gi rang bzhin

  355. 178b

    ston par med// gcig dang gnyis dang gsum dang bzhi// lnga dang drug dang bdun dang brgyud// dgu dang bcu yi bar du ni// gcig don yongs su rdzogs par ston// ces gsungs so// byang chub sems kyi 'grel pa rdzogs pa chen po mdo bcu las/ gleng gzhi'i le'u dang po'o// // de nas 'dus pa'i tshogs thams cad sems dpa' rdo rje'i 'khor du 'khod nas/ dang ba'i sems kyi 'dun pas/ sems dpa' rdo rjes rtsa ba gcig pa'i don gsungs shig par rig nas bka' stsal pa/ kye 'dus pa'i tshogs chen de nyon cig/ byang chub sems kyi mdo 'di las// gcig ni kun gyi rang bzhin te// chos kyi dbyings sam byang chub sems// yin pas rtsa ba'i don du gzhag/ gcig pa'i don ni 'di lta ste// sangs rgyas sku dang ye shes dang // sems can lus dang bag chags dang // snang dang srid pa'i chos rnams kun// byung chub sems dang dbyings su 'dus// rgyu ru gcig la 'bras bur gcig/ dpe ru gcig la don du gcig/ rtsa bar byang chub sems su gcig/ rtags dang gtan tshigs 'thun par gcig/ spros pa med pa'i don du bstan// rgyu gcig byang chub sems 'di ni// dus gsum sangs rgyas thams cad kyi// mtshan mar mi gnas/

  356. 179a

    chos skur gcig/ gsung de 'gags pa med par gcig/ ma bsgribs ye shes thugs su gcig/ spros pa med pa'i don du gcig/ sems can lus dang bag chags kyang // rgyu gcig byang chub sems las byung // rgyu dang rgyu yi rnam pa gnyis// rgyu ni 'byung chen rnam pa lnga// 'byung lnga'i rgyu ni byang chub sems// 'gro ba'i sdug bsngal byang chub sems// sems las rang rgyud grub byed pa// brkam chags lnga las 'byung lnga drug/ 'byung ba lnga las rang byung skyes// snang ba'i chos dang srid pa'i chos// mi rtog pa yi rgyu rkyen gyis// bskyed nas ji ltar 'byung ba yang // don dam skye ba med pas na// spros pa med pa'i don du bstan// 'bras bus gcig pa'i don 'di yang // rgyu gcig pa yi tshul bzhin du// chos rnams kun gyi 'bras bur gcig/ de yang ji lta bu zhe na// dper na phyi nang chos rnams kun// gang rgyu de las grub pa'i rgyu// 'bras bu gcig pa'i don 'di yang // 'gro ba'i sems kyi phyin ci log/ brkam chags lnga yi sdug bsngal rgyus// 'bras bu gsal byed/ ltar 'khor// de la 'bras bu ming mi gdags// sdug bsngal kun 'byung 'gog pa lam// spong dang 'gegs dang sbyor ba dang // lam la mngon du byed pa dang //

  357. 179b

    mongs lnga bcom 'bras bu de// mi skye mi 'gag 'bras bu min// bden pa gnyis kyi rtogs brjod kyis// mi rtag sdug bsngal stong bdag med// mdo chen bzhi yi don brtags te// chos nyid stong pa'i 'bras bu de// rgyu 'bras 'das pa'i 'bras bu min// phyi yi tan+t+ra sde gsum yang // byang chub yan lag kun sgo nas// rdo rje 'dzin dang / stug po bkod// thob pa rdo rje'i 'bras bu de// blang dor med pa'i 'bras bu min// nang pa bskyed dang rdzogs pa ni// rnam pa gsum gyi don sbyar nas// rang rgyud dag pa'i/ dkyil 'khor la// bsnyen bsgrub bzhi yi cho ga yis// bdag nyid lhun gyis grub byed pa// rtsol sgrub 'das pa'i 'bras bu min// ma skyes pa yi chos nyid ni// mi skye mi 'gag 'bras bu yin// 'byung ba lnga la rag ma las// sems nyid rang byung ye shes yin// sku gsung thugs la ma brten pas// rgyu 'bras 'das pa'i 'bras bu yin// ma bsgribs rang byung ye shes kyis// gang yang spang ba med par spyod// gzung 'dzin rnam rtog mi mnga' bas// blang dor med pa'i 'bras bu yin// sems nyid rang byung ye shes la// ye nas btsal zhing bsgrub med pas// rtsol sgrub gnyis kyi sgros dang bral// lhun gyis grub pa'i 'bras bu yin// sgro skur bral ba'i byang chub sems//

  358. 180a

    spros pa med pa'i don gyis na// kun gyi snying po sangs rgyas sku// ma bsgribs ye shes chos kyi dbyings// mi 'gag dbyings kyi byang chub gsung // mi skye mi 'gag ye shes thugs// rgyu dang 'bras bu gnyis ma mchis// rtsa ba gcig pa'i byang chub sems// thams cad kun gyi rgyu ru snang // rgyu nyid rang byung skye med pas/ ming tsam spro mtshon 'bras bur gcig/ 'bras bu zhes ni btags pa med// btags pa de ni mtshon pa ste// mtshon pa'i don gyis gdags med mtshon// de yang mtshon pa'i bya ba'i don// mtshon du med pa'i don de yang // ma mtshon go bar mi 'gyur te// mtshon du med pa'i don tshig gis// mtshon te mtshon med go bar bya// thams cad chos ni skye ba med// ma skyes pa yi chos de ni// skye 'gag med pa'i byang chub sems// byang chub sems la skye ba med// ma mtshon skye med de mi mthong // skye ba med pa'i don tshig gis// skye me de mtshon mthong bar bya// thams cad chos ni sgro skur bral// sgro skur bral ba'i chos nyid ni// brjod du med pa'i byang chub sems// byang chub sems la brjod med par// ma brjod rig par mi 'gyur te// brjod du med pa'i don tshig gis// brjod de brjod med rig par bya// thams cad chos la skye 'gag med//

  359. 180b

    skye 'gag med pa'i chos nyid la// mtshon du yod par ma gsungs te// mtshon du med pas sgro skur bral// sgro skur bral ba'i byang chub sems// byang chub sems la mtshon du med/ tabarjod du med pa'i chos nyid la// sus kyang brjod par mi nus so// zhes gsungs so// rdzogs pa chen po byang chub kyi sems kyi mdo las/ rgyu 'bras gcig pa'i le'u ste gnyis pa'o// // de nas yang 'dus pa'i tshogs de dag thams cad/ sems dpa' rdo rje'i 'khor du dang ba'i sems kyis 'khor de 'dun pas/ sems dpa' rdo rjes rtsa ba gcig pa'i dpe dang don la 'thun par rig nas/ yang gsungs pa/ kye/ sems dpa'i tshogs chen de nyon cig/ rtsa ba gcig pa'i chos nyid la// dpe yang gcig la don kyang gcig/ dngos med 'dra ba dpe ru bstan// chos kun dpe ni nam mkha' 'dra// nam mkha' dag las thams cad byung // chos kun snying po byang chub sems// thams cad 'byung bas nam mkha' 'dra// rgyu med pa yi byang chub sems// ma skyes pas na nam mkha' 'dra// rkyen med pa yi byang chub sems// mi 'jig pas na nam mkha' 'dra// gnyen po med pa'i byang chub sems// thams cad 'joms pas nam mkha' 'dra// mtshon du med pa'i

  360. 181a

    byang chub sems// bstan du med pas nam mkha' 'dra// ma bsgribs pa yi byang chub sems// kun tu gsal bas nam mkha' 'dra// thams cad bskyed pa'i byang chub sems// snang srid bskyed pas nam mkha' 'dra// rang byung zab ma'i don gzhig na// don dam ma skyes nam mkha' 'dra// snang dang srid dang yod pa dang // ta brtags shing chags pa'i chos rnams kun// don dam rang bzhin ma skyes pas// skye med dpe ni nam mkha' 'dra// nam mkha' lta bur chos kun brtags// dpe de 'dra ba'i don chos ni// yin pa dag la don zhes gdags// don ni skye ba med pa yin// skye ba med pa'i rang bzhin ni// rgyu med pa la skye ba med// sems la rgyu med skye ba med// srid pa'i chos la rgyus bskyed kyang // sems nyid dbyings la rgyu med pas// skye ba med pa'i don yin no// thams cad chos ni skye ba med/ teskye med byang chub mngon sangs rgyas// snang ba'i chos dang srid pa'i chos// de yang snang ba'i 'byung chen lnga// nam mkha' snang byed khyab pa de// sems nyid ma bsgribs kun la khyab// de bas nam mkha' byang chub sems// snang byed khyab pas mngon sangs rgyas// 'degs par byed pa'i 'byung ba rlung // byang chub sems kyi

  361. 181b

    ye shes rlung // ya shes rlung gis kun 'degs pas// byang chub sems su mngon sangs rgyas// thams cad sdud pa'i 'byung ba chu// ye shes thugs rje rlan gyis sdud/ de bas byang chub sems kyi chu// byang chub sems su mngon sangs rgyas// mngon sum snang ba sra byed sa// thams cad bskyed pa'i byang chub sems// de bas sems kyi sa de las// byang chub sems su mngon sangs rgyas// thams cad drod snyoms tsha ba'i me// pad+ma rnam dag ye shes de// de bas sems nyid rnam dag pas// byang chub sems su mngon sangs rgyas// 'byung chen lnga yi sangs rgyas lnga// byang chub sems su mngon sangs rgyas// srid gsum lam lnga'i chos lnga yang // byang chub sems su mngon sangs rgyas// de yang ji lta bu zhe na// brkam chags lnga yi rnam smin gyis// lam sgo lnga ru zhugs phyin na// mi bde sdug bsngal lnga la spyod// zhe sdang lam gyi sgor zhugs pas// dmyal ba'i gnas na tsha grang spyod// snga phyi dran pa'i chos yod kyang // snga ma las kyi rnam smin gyis// tsha dang grang ba'i nyams myong ste// snying po byang chub sems de la// tsha grang nyams des bskyod pa med// de bas zhe sdang mi gnas stong // byang chub sems su mngon sangs rgyas// 'dod chags lam gyi sgor

  362. 182a

    zhugs pas// yi dgas gnas der bkres skom spyod// bsngos pas tshim pa'i chos yod kyang // snga ma las kyi rnam smin gyis// bkres dang skom pa'i nyams myong ste// snying po byang chub sems de la// bkres dang skom pas bskyod pa med// de bas 'dod chags mi gnas stong // byang chub sems su mngon sangs rgyas// gti mug lam gyi sgor zhugs pas// byol song gnas der blun lkugs spyod// rig pa phra mo'i chos yod kyang // snga ma las kyi rnam smin gyis// blun zhing lkugs pa'i nyams myong ste// snying po byang chub sems de la// blun lkugs nyams des bskyod pa med// de bas gti mug mi gnas stong // byang chub sems su mngon sangs rgyas// phrag dog lam gyi sgor zhugs pas// mi yi gnas su dge sdig spyod// dge sdig las kyi chos yod kyang // 'di dge shas chung rnam smin gyis// mi rtag 'gyur ba'i nyams myong ste// snying po byang chub sems de la// mi rtag nyams des bskyod pa med// de bas phrag dog mi gnas stong // byang chub sems su mngon sangs rgyas// nga rgyal lam gyi sgor zhugs pas// lha yi gnas der longs spyod kyis// ma rig lhung ba'i sdug bsngal spyod// bsams pas grub pa'i chos yod kyang // ma rig le lo'i rnam smin gyis// lhung ba'i sdug bsngal

  363. 182b

    nyams myong ste// snying po byang chub sems de la// ltung ba'i nyams kyis mi bskyod de// de bas nga rgyal mi gnas stong // byang chub sems su mngon sangs rgyas// snang srid chos ni de bas ni// khams gsum gnas kyang de 'dra ste// 'dod pa'i khams ni ma rig pa// skye ba med par kun la rmongs// mi rtog gti mug chos kyi sku// gzugs kyi khams ni chags pa'i gnas// nga rgyal chags pa mngon grub pas// gzugs la nga rgyal lha mi ngoms// ltung bas chags med ye shes gsung // gzugs med khams ni dngos ma grub// yid yul chos la mu bzhir blta// gzung 'dzin med pa'i rig pa'i chos// ming dang mtshan ma'i yul 'das thugs// de bas snang srid snod bcud kun// byang chub sku gsung thugs su 'dus// 'das pa'i dpe ni nam mkha' 'dra// nam mkha' 'das pa kun gyi gnas// snang ba'i chos dang srid pa'i chos// 'das pa'i ngang la mi gnas med// snang ba sa chu me rlung bzhi// 'das pa nam mkha'i ngang la gnas// de yang snang ba 'byung ba'i rlung // nam mkha'i dang na yang zhing g.yo// rang gi mtshan nyid rdo rje rtsal// rtsal chen de yis 'byung chen chu// 'das la mi ltung 'deg par byed// de yang nam mkha'i dngon gnas// 'byung chen snang ba'i sdud byed chu// nam mkha'i ngang na rang bzhin

  364. 183a

    brlan/ tarang gi mtshan nyid rdo rje rtsal// rtsal chen de yis 'byung chen sa// 'das la mi ltung 'degs par byed// de yang nam mkha'i ngang la gnas// 'byung chen snang ba'i cha snyoms ma// nam mkha'i ngang na rang bzhin tsha// rang gi mtshan nyid rdo rje rtsal// rtsal can de yis 'byung chen bzhi// 'das la mi 'jig smin par byed// de yang nam mkha'i ngang na gnas// ma 'das 'byung chen snang ba bzhi// 'das pa nam mkha'i ngang na gnas// srid pa'i rgyud drug snang ba yang // 'das pa nam mkha'i ngang la gnas// nam mkha' 'das pa'i dpe de bzhin// snang ba 'byung chen bzhi po yang // sems nyid 'das pa'i ngang na spyod// srid pa'i rgyu drug snang ba yang // 'das pa sems kyi ngang na spyod// snang srid snod bcud thams cad kun// sems nyid dbyings kyi yul che bas// thams cad sems yul de na gnas// nam mkha' bzhin du mi gnas med// de bas kun gyi gnas chen ni// byang chub sems kyi klong chen yin// 'das pa sems kyi klong chen yin// snang dang srid pa thams cad dang // snod dang bcud kyis bsdus pa dang // sangs rgyas sems can thams cad dang // bde dang sdug bsngal thams cad dang // phyi nang smos pa'i chos rnams kun// byang chub sems kyi

  365. 183b

    bde chen pas// rnam par dag pa'i chos nyid la// snang dang srid pa gnyis su med// snod dang bcud kyang gnyis su med// sangs rgyas sems can gnyis su med// bde dang sdug bsngal gnyis kyang med// / na smos pa'i chos kun med// med pa'i don gyi snying po la// yod pa'i sgro skur gdab mi bya// gang zhig yod pa'i don mi bya// gang zhig med pa'i don ma mthong // 'di la yod pa'i sgro 'dogs pa// don gyi snying po ma shes pas// med pa bde ba'i yul ma mthong // de ni ma skyes chos ma rtogs// de yis dbyings kyi lam ma mthong // de ni gcig pu mun 'thoms nas// sgros med gnas ni thob mi 'gyur// byang chub sems kyi rang bzhin ni// sgro dang skur pa kun dang bral// gang gis sems de ma mthong bas// bskal pa du mar grangs bgrangs kyang // snying po rang sems ma mthong bas// bde ba'i don dang phrad mi 'gyur// zhes gsungs so// byang chub sems kyi mdo las/ dpe don gcig pa'i le'u ste gsum pa'o// // de nas yang 'dus pa'i tshogs de dag thams cad/ sems dpa' rdo rje'i 'khor du dang ba'i sem kyis 'khod de mos pas 'dun to// de nas sems dpa' rdo rje des/ 'khor 'dun pa de rtsa ba byang chub sems su gcig pa dang / rtags dang gtan tshigs la 'dun par

  366. 184a

    rig nas/ yang gsungs pa/ kya ta 'dus pa'i tshogs chen da nyon cig/ rtsa ba gcig pa'i chos 'di ni// byang chub sems kyi rang bzhin te// chos rnams kun gyi rtsa ba yin// thams cad 'dus pa'i snying po yin// dus gsum sangs rgyas thams cad la// sku gsung thugs su gdags med kyang // gdags na snying po 'di la 'das// snang dang srid par smos pa'i chos// thams cad mngon du snang ba yang // thams cad 'byung ba 'di la 'dus// 'di ni snang srid snying po yin// snying po byang chub sems 'di la// thams cad 'dus shing 'byung bas na// de phyir snying po byang chub sems// byang chub sems kyi rnam grangs ni// gcig tu yod la bgrangs du med// bgrangs na mtha' yas brjod mi lang // gcig la rnam pa bgrang du med// gcig gis kun gyi rnam pa 'dzin// thams cad 'dus pa'i snying po yin// de phyir snying po byang chub sems// thams cad 'byung bas rgyu ru snang // de na rgyu gcig byang chub sems// thams cad byang chub sems las spros// 'dus kyang byang chub sems su 'dus// gnas kyang byang chub sems la gnas// bskyed kyang byang chub sems las bskyed// sangs rgyas sku dang ye shes kyang // sems nyid

  367. 184b

    gzung 'dzin bral ba yin// des na byang chub sems kyi sku// sems can lus dang bag chags kyang // sems kyi brkam chags lnga las byung // des na 'byung ba'i byang chub sems// byang chub sems ni gzung 'dzin bral// byang chub sems ni spros dang bral// byang chub sems ni rnam par dag/ byang chub sems la dbyibs ma mchis// byang chub sems la kha dog med// byang chub sems la sgro skur bral// thams cad spangs pa'i byang chub sems// chos rnams kun gyi rtsa ba ru// gcig pas chos kun rtsa ba yin// rtsa ba byang chub sems 'di ni// kun gyi rang bzhin 'di byas pas// thams cad byed pa'i rgyal po yin// byed pa'i rgyal pos kun byas pas// dngos su grub pa gang yang med// gang zhig dngos su grub 'dod pas// de yi chos kun gang mi 'grub// de bas dngos med kun gyis grub// dngos med gang gis grub pa de// des ni rtsa ba sems grub ste// chos rnams kun gyi rtsa ba grub// byed pa'i rgyal po grub pa yin// de bas su gang grub pa des// dngos med gang gis mngon gsal na// des ni thams cad kun grub pas// mi gnas dngos med rgyal po 'grub// 'di yis thams cad byed pa 'grub// de yis thams cad byed par 'gyur// de las thams cad

  368. 185a

    'byung bar 'gyur// de las 'byung ba thams cad 'byung // de las srid pa thams cad 'byung // snang ba'i chos kyang de las 'byung // thams cad thams cad kun 'byung bas// de phyir snying po byang chub sems// chos rnams kun gyi rtsa ba'o// zhes byang chub sems kyi mdo las/ rtsa ba byang chub sems kyi le'u ste bzhi pa'o// // de nas 'dus pa'i tshogs de dag thams cad ston pa kun tu bzang po'i spyan sngar rab tu shin tu 'dun pa'i sgo nas 'khod de/ thams cad mgrin gcig pa'i sgo nas zhus pa/ ston pa kun tu bzang po yis// chos rnams kun tu snang bar mdzad// ston pa rdo rje sems dpa' yis// don de rtsa ba gcig tu bstan/ rtsa ba gcig gi don bstan pa// chos rnams kun gyi rtsa ba rtogs// zhes zhus so// de nas sems dpa' rdo rje des/ chos thams cad rtsa ba gcig pa'i mdo dang 'grel pa 'di gsungs so// chos kun rtsu ba gcig pa 'di lta ste// dam chos sems nyid gcig tu bstan pa la// grangs dang rnam pa yongs kyis bgrang du med// ma bcos ji bzhin rtogs pa'i rnal 'byor pas// ti bya nam mkha'i lam la mkhas pa bzhin// mi rtog nam mkha' lta bur gnas par bya// rgyu med ma byung rkyen med ma skyes

  369. 185b

    pa'i/ thams cad 'byung ba'i snying po byang chub la// yod pa'i sgo dang med pa'i skur ba dang // yin min sgo skur brtags pa ga la yod// ces gsungs so// byang chub kyi sems kyi mdo dang 'grel pa rdzogs so// // de nas 'dus pa chen po'i tshogs la/ sems dpa' rdo rje des rtsa ba gcig la don gnyis 'byung ba'i rnam pa bgrang ba'i mdo 'di gsungs so// kye'adus pa'i tshogs chen de nyon cig/ gnyis ni rnam pa'i bye brag ste// theg pa rnam pa gnyis su bstan// 'jig rten pa yi theg pa dang // mya ngan 'das pa'i theg pa gnyis// 'jig rten pa yi theg pa ni// rgyud drug gnas pa'i sems can kun// khams gsum 'khor ba'i gnas gzung nas// / brkam chags lnga yi sbyor ba yis// khams gsum 'khor ba'i tshogs sog ste// bde ba'i don med stong par 'gyur// de la don 'di bstan par bya// mu stegs rtag dang chad pa gnyis// dge sdig las kyi chos rnams la// 'bras bu yod par ma rtogs te// chad pa'i mtha' ru lhung ba ste// rdzogs chen 'di yi byin rlabs kyis// snying po byang chub sems chen la// gzung 'dzin mtshan ma mi mnga' bas// chad pa'i mtha' ru lhung mi 'gyur// rtag par lta ba'i sems rnams kyis// yod pa rnams la gzhi mthong

  370. 186a

    ste/ dA na gtsang skyid rtag gzhi mthong nas// blang dor med pa'i don ma shes// skye ba med pa'i chos ma mthong // rtag pa'i mtha' ru ltung ba ste// rdzogs chen 'di yi byin rlabs kyis// snying po byang chub sems chen la// gzung 'dzin mtshan ma mi mnga' bas// rtag pa'i mtha' ru ltung mi 'gyur// zhes rnam par bgrang ba'i mdo las 'jig rten pa'i theg pa bstan pa'i le'u ste dang po'o// // de nas 'dus pa'i tshogs rnams la/ 'jig rten las 'das pa'i theg pa 'di bstan to// mya ngan 'das pa'i theg pa la// rnam pa gnyis su dbye bar bya// mtshan nyid rgyu yi theg pa dang // 'bras bu rdo rje'i theg pa'o// mtshan nyid rgyu la rnam pa gsum// sdug bsngal spong ba'i nyan thos dang // shes pa 'gogs pa'i rang rgyal dang // rnam rtog sbyong ba'i mdo sde gsum// sdug bsngal spong ba'i nyan thos ni// brtul zhugs dag gis spong bar byed// shes pa 'gegs pa'i rang rgyal ni// ma rig rten 'brel bcu gnyis 'gegs// rnam rtog sbyong ba'i snga pa ni// chos nyid stong pa nam mkha' ste// ji ltar dmigs pa bzhin grub pas// sgyu ma'i depe brgyad lta bur 'dod// 'bras bu'i theg pa la yang gsum// bya ba'i sde dang gnyis ka'i sde// rnal 'byor rgyud dang rnam pa

  371. 186b

    gsum// bya ba byed pa'i kri ya ni// yan lag bcu gnyis cho ga yis// rgyal ba'i sku gsung ye shes 'dod// gnyis ka spyod pa'i u pa ya// kra ya spyod pa'i yo ga bsgrub// 'brel med sgo nas grub par 'dod// rnal 'byor pa la rnam pa gnyis// phyi ba dang ni nang pa gnyis// phyi ba thub pa'i yo ga ni// byang chub lnga dang cho 'phrul bzhis// chu zla bzhin du grub par 'dod// nang ba'i rnal 'byor rnam pa gsum// bskyed dang rdzogs dang rdzogs chen gyis// bskyed pa ma hA yo ga ni// rnam pa gsum ni rim bskyed de// yo byad ma nyams 'jug brtson na// rgyal ba'i sku gsung ye shes 'dod// rdzogs pa a nu yo ga ni// rgyu rkyen dag pa'i rang bzhin gyis// snying po tsam la rag las pas// brjod pas ye shes dkyil 'khor rdzogs// rdzogs chen a ti yo ga ni// rgyu rkyen dag la rag ma las// rtsol ba bdag gis bsgrub mi byed// rdzogs chen gang la ma rten 'dis/ rnam pa bgrang ba'i chos rnams kun// yongs su byin gyis rlob par byed// kun kyang bde ba spong byed pas// yongs su byin gyis rlob par byed// de yang ji lta bu zhe na// sdug bsngal spong ba'i nyan thos de// bden pa bzhi yi sgor zhugs nas// ye shes yul med bcu drug gis// gang zag mtshan ma'i chos 'di la// bdag

  372. 187a

    rtag bya ba med par lta// chos la med pa'i don ma rtog/ snying po byang chub sems de ni// spros dang bral ba'i bdag nyid yin// bdag yod mtha' ru ltung mi 'gyur// shes pa 'gegs pa'i rang rgyal ni// rten 'brel bcu gnyis sgor zhugs nas// chos ni rnam pa bco lnga la// gcig la bdag yod mi rtog ste// gzhan la bdag med yong ma rtogs// snying po byang chub sems de ni// thams cad med pa'i snying po yin// yod pa'i mtha' ru ltung mi 'gyur// rnam rtog sbyong ba'i mdo sde ni// bden pa gnyis kyi rtog spyod kyis// chos nyid spros dang bral ba de// rang bzhin med par rtogs pa dang // chos dang gang zag gnyis ka la// bdag med pa ru rtogs pa yis// bden dang nges pa'i sa ni thob// rtog spyod 'das pa'i sa 'di la// bskal gsum bar du rtog cing spyod// bya ba rgyud kyi kri ya ni// gza' dang rgyu skar dus tshigs dang // dag pa rnam gsum sgor zhugs nas// gzung dang 'dzin pa'i ting 'dzin gyis// rdo rje 'dzin dang rigs kyi sa// ma mnyam tshul du lam zhugs nas// mi tshe bdun gyi rigs 'dzin sa// gzung 'dzin 'das pa'i sa 'di la// mi tshe bdun gyi ting 'dzin sbyong // gnyis ka spyod pa'i u pa ya//

  373. 187b

    kri ya spyod cing yo ga bsgrub// rnam pa gnyis kyi don spyod pas// rigs dang kha dog khyad par ni// ji ltar 'dod pa gsal 'gyur yang // gnyis su med pa'i ngang 'di la// ma nor lam gyi tshul zhugs kyang // mi tshe bdun du lta spyod sbyong // phyi ba thub pa'i yo ga ni// byang chub lnga dang cho 'phrul bzhis// sku dang ye shes 'dod pa'i phyir// yan lag rdzogs par sgom byed pa// phyag rgya bzhi la gtsor byas te// lha yi skra dang thugs mtshan dang // dam tshig 'phrin las rnam pa bzhis// sems dang ting 'dzin dbang sgyur te// mtshan ma yod med gnyis spyod pas// blang dor 'das pa'i sar ma phyin// blang dor 'das pa'i sa 'di la// ma nor tshul gyis lam zhugs kyang / mi tshe bdun du mtshan ma sbyong // nang pa ma hA yo ga ni// thabs dang shes rab sgor zhugs nas// bdag nyid chen po'i dkyil 'khor du// phyi nang gsang bas bsdus pa dang // srid pa sems kyis bsdus pa kun// dbang po spyod yul gyur pa dang // dus gsum ma nges rnam bzhi dang // spyod pa'i 'phrin las thams cad ni// bdag nyid chen por gcig bsdus kyang // ya nas yin la 'dod sgrub rtsol// rtsol sgrub 'das pa'i sa 'di la// ma nor tshul gyis lam zhugs kyang // zhag

  374. 188a

    ni bcu pa gsum phrag drug/ bcu pa sum phrag bcu drug tu// rtsol zhing sgrub la ting 'dzin sbyong // rdzogs pa a nu yo ga ni// dbying dang ye shes sgor zhugs nas// bsnyen bsgrub bzhi yi las spyod pa// snang ba'i chos ni dag pa'i rgyu// bsod nams tshogs su sgrub par byed// sems dang sems byung thams cad kun// ye shes tshogs su sgrub par byed// rang rgyud dag pa'i lha bsnyen nas// ltos pa'i tshig ni rjod par byed// ting 'dzin ye shes rtsal chen ni// ye shes tshogs su 'gyur mod kyis// bsam pa'i ye shes thams cad kun// rtsol sgrub 'das pas bde don spongs// rtsol sgrub 'das pa'i sa 'di la// ma nor tshul lam zhugs nas kyang // yid ches mngon du gyur pa ru// ltos pa'i chos la gnas shing rtsol// des na bde chen spong zhes bya// rdzogs pa chen po'i rang bzhin no// rtsol sgrub 'das pas bde ba che// 'di yi don gyi rang bzhin las// rtogs nas byin rlabs 'byung ba ni// rdzogs pa chen po'i rang bzhin ni// sangs ma mams ca man mas // di dang tsun gyimamanyis med rnams// ga pa rnams ma ma mas

  375. 188b

    yod pa'i mtha' rdzogs med mtha' rdzogs// gcig rdzogs kun rdzogs thams cad rdzogs// yongs su rdzogs pa'i mdo 'di ni// dus gsum sangs rgyas thams cad kyi/ sngar bsgrubs dgongs pa 'di yis grub// da ltar bzhugs pa'i rnal 'byor pa// mi g.yengs dgongs pa 'di la gnas// smad nas 'byon pa'i gdung 'tsho ba rnams// dgongs pa'i lung ni 'di yis mdzad// gang su 'di la gnas pa ni// de ni rnal 'byor chen po yin// lus ni gang zag 'jig rten yang // sems dgongs rdzogs chen sangs rgyas yin// 'di yis sems can don byas kyang // don la nor pa nges mi 'byung // yin pa dag la nor pa med// nges pa dag la the tshom med// rdzogs pa/ chen po'i lung 'di la// yin min tshig dang ma nges pa'i// don la bzlas pa mi mnga' bas// brjod pa'i tshig la lta mi mnga'// zhes rnam par bgrangs pa'i mdo las// 'jig rten las 'das pa'i le'u ste gnyis pa'o// // de nas sems dpa' rdo rje des/ 'dus pa'i tshogs la rnam pa gnyis su bgrang ba'i don gyi mdo'i 'grel pa 'di gsungs so// kye/ 'dus pa'i tshogs chen da nyon cig/ phyi nang snod bcud gnyis ka snang bas phyi// don dam ma yin log pa'i stobs su snang // des na phyi/

  376. 189a

    nang rtogs pa'i ting 'dzin ni// cha shas rtogs pa'i yul med mnyam dang bral// ting 'dzin spros dang bral ba'i chos nyid la// tha tshig phyi dang nang du bgrang du med// chos nyid bgrang du med pa'i phung po ni// nam mkha' bgrang du med pa'i khams bzhin gnas// snga ma da lta phyi ma dus gsum du// nam mkha' lta bu 'di dang mi 'bral bas// phyi ni 'di yin nang ni 'di yin zhes// kun rdzob ming tsam nges par btags pa med// ces rnam par bgrang ba'i mdo las/ don gyi 'grel pa'i le'u ste gsum pa'o// // rdzogs so// / / de nas sems dpa' chen po des/ 'dus pa'i tshogs la phun sum tshogs pa la gnas nas bshad pa'i phyir/ phun sum tshogs pa'i mdo 'di bshad do// kye'adus pa'i tshegs chen de nyon cig/ kun bzang rgyal ba mchog gi lha// byang chub sems kyi snying po yin// kun gyi ston pa byang chub sems// ston pa bstan pa 'khor tshogs pas// dus dang gnas ni rang bzhin 'dus// ston pa byang chub snying po 'di// chos nyid dbyings kyi gnas chen du// sangs rgyas sems can 'khor tshogs nas// snga phyi med pa'i bstan pa ni// rang byung ye shes rig pa rgyal// rang bzhin rnam pa gsum snang ste// mi gnas sems kyi rang bzhin dang // rang

  377. 189b

    byung ye shes rang bzhin dang // thugs rje sprul pa'i rang bzhin no// byang chub sems kyi rang bzhin ni// mi gnas chos kyi sku ru bzhugs// rang byung ye shes rang bzhin ni// rdzogs pa longs spyod sku ru bzhugs// thugs rje sprul pa'i rang bzhin ni// rnam pa cir yang sprul te bzhugs// mi gnas chos skur bzhugs tsa na// 'khor yang byang chub sems su bzhugs// byang chub sems kyi 'khor rnams la// spros pa med pa'i don yang ston// longs spyod rdzogs skur bzhugs tsa na// 'khor yang byang chub sems dpa'i 'khor// byang chub sems dpa'i 'khor rnams la// sku dang ye shes rdzogs par ston// sna tshogs sprul skur bzhugs can// 'khor yang rgyud drug sems can 'khor// rgyud drug sems can 'khor rnams la// yid bzhin dbang por gang 'thad ston// ces phun sum tshogs pa'i mdo las// ston pa phun sum tshogs pa'o// / de nas sems dpa' chen po des/ 'dus pa'i tshogs la 'khor phun sum tshogs pa'i rang bzhin 'di bstan to// kye/ 'dus pa'i tshogs chen de nyon cig/ gang la 'du zhing 'phel ba la// de la 'khor zhes btags pa yin// dper na srid pa'i chos la yang // 'khor dang ston pa'i rang bzhin tshang // nam mkha'i lta bu'i ston pa la// 'byung chen

  378. 190a

    bzhi dang snang srid 'khor// rang bzhin chos kyis 'brel bas na// des na srid 'khor phun sum tshogs// dper na chos nyid kun bzang la// 'khor dang ston pa rang bzhin tshang // chos nyid rdzogs pa chen po la// brgyad khri bzhi stong theg pa'i 'khor// rgyu dang 'bras bur 'brel bas na// des na theg 'khor phun sum tshogs// dper na byang chub sems nyid la// 'khor dang ston pa rang bzhin tshang // byang chub sems kyi snying po la// rnam shes tshogs dang skye mched 'khor// yul dang dbang po 'dus pas na/ des na khams dang skye mched 'khor// de 'khor phun sum tshogs pa bzhin// ston pa'i 'khor yang de 'dra ste// ston pa chos kyi sku 'khor ni// dus gsum sangs rgyas sku 'khor dang // khams gsum rgyud drug sems can de// 'phags pa'i thugs rjes sems can la// 'brel pa phun sum tshogs par bshad// ston pa longs spyod sku 'khor ni// mi rtog ting 'dzin bcu sbyong ba'i// nyon mongs mi gnas shes bya sbyong // ye shes tshogs dang thugs rjer 'brel// des na phun sum tshogs zhes bya// ston pa sprul pa'i sku 'khor ni// sbrul sgo thugs rje drug snang bas// 'khor yang rgyud drug sems can ni// las dang thugs rjes 'brel bas na// 'khor

  379. 190b

    ni phun sum tshogs zhes bya// sku gsum 'khor lo gcig rdzogs pa// yongs su rdzogs pa'i 'khor du gsungs// yongs su rdzogs pa'i 'khor bstan pa'o// / de nas sems dpa' chen po des/ 'dus pa'i tshogs la bstan pa phun sum tshogs pa 'di bstan to// kye/ 'dus pa'i tshogs chen de nyon cig/ dus gsum ston pa gang gis kyang // bstan pa'i rang bzhin 'di yin zhes// tshig dang yi ger brjod pa med// ma gsungs mi gsung gsung mi 'gyur// khyad kyi rang bzhin bstan pa'o// / ye shes thugs kyi rig pa yis// rang gis rang bzhin ngo bstan te// de mthong bstan pas de 'dus pas// de la de bstan de yang mthong // de bzhin bstan pa zhes su bshad/ ston pa chos kyi sku yis ni// rang bzhin gzung 'dzin bral ba bstan// byang chub sems kyi 'khor rnams dang // dus gsum sangs rgyas thams cad kyis/ spros pa med pa'i don du rtogs// rgyud drug gnas pa'i sems can gyis// rang gi rang bzhin mthong ba med// sgrib pa thag ring rtsol mi byed// ston pas theg pa rnam pa gsum// bstan pa gsang ba rnam gsum ni// spros pa med pa'i rdo rje ste// gsang ba rang rgyud dag pa yang // spros pa med pa'i rdo rjer bshad// gsang

  380. 191a

    ba rgyu 'bras dag pa yang // spros med ye shes chen por bshad// rdzogs pa chen po'i gsang ba yang // spros bral rtsol sgrub bral bar bshad// ston pa longs spyod rdzogs pa yang // ye shes sku yi rang bzhin gyis// chu zla snang shel me long bzhin// ma bsgribs ston pa'i ngo bo la// snang ba'i sku mthong yang na gsum/ tagazung 'dzin blang dang dor byed pa// phye ba rnam pa gsum du bstan// bya ba dag gi kri ya ni// phyi nang rtog pa gsum dag par// gzung 'dzin rdo rje 'dzin du bstan// gnyis ka bya ba'i lta spyod ni// gnyis su med par bsgrub 'dod la// nges pa med pas khe ba la 'dra// dang du mi len phyi ba ni// mtshan ma med pa'i gtan tshigs dang / gzhung chen phyag rgya bzhi gsal nas// rigs chen bzhi dang stug por bshad// ston pa sprul skur bzhugs tsa nA// sems can 'dod pa'i rang bzhin gyis// ji ltar 'dod pa'i thugs rje 'byung // brkam chags lnga yi rnam smin te// rgyud drug gnas su nges par ston// lha dang lha min gnas rigs su// che ba'i nga rgyal 'joms par bstan/ shes pa mi yi gnas rigs su// dge sdig rgyu 'bras sde snod bshad// gti mug byol song gnas rigs su// rig pa shes pa'i chos kyang bstan//

  381. 191b

    ser sna yi dgas gnas rigs su// bag chags tshim pa'i chos kyang bshad// sdug bsngal dmyal ba'i gnas rigs su// snga phyi dran pas zhen pa zlog/ ji ltar mos pa'i 'dod pa sbyin// des na bstan pa phun sum tshogs// de nas ston pa rdo rje des// 'dus pa'i tshogs kyi 'khor rnams la// gnas kyi rang bzhin bstan pa ni// sems dpa' bdag gis brjod par bya// ston pa chos skur bzhugs tsa na// nam mkha'i mtha' klas chos kyi dbyings// mtha' dang dbus med gnas kyi mchog/ spros med gnas kyis kun tu khyab// kun bzang chos sku'i gnas chen no// ston pa longs spyod gnas chen ni// 'og min 'og min gnas 'og min// rin chen gzhal yas bkod pa ni// rin chen khang bu brtsegs gnas so// ston pa sprul sku'i gnas chen ni// rgyud lnga'i lam dang 'gro drug nas// khams gsum thugs rje'i sprul pa'i gnas// thugs rje nam mkha'i mtha' dang mnyam// gnas la 'di zhes nges pa med// ces bstan// // de nas 'dus pa'i tshogs rnams la// dus kyi rang bzhin 'di bstan to// snga ma phyi ma da lta gsum// khyad par med pa'i don 'di bstan// dus gsum med de khyad par med// kun bzang ye shes mchog thugs la//

  382. 192a

    snga ma mi 'gag phyi mi 'grib// rnam pa'i khyad par dus gcig tu// ye shes so sor gsal khyab med// skye 'gag med par khyad par gcig/ dus gsum yod par lta ba ni// ma byang sgrib pa'i sems can rnams// sems ni sgrib pa bag chags te// med pa'i yul la rnam rtog pas// snga ma 'gags la da mi gnas// phyi ma ma byung ba sgribs mi mthong // dus gcig pa la gsum du mthong // 'das dang ma byon da lta zhes// med pa'i yul la rnam par rtog/ tha snyad ming la nges pa med// ces phun sum tshogs pa'i mdo las/ dus phun sum tshogs pa'i le'u'o// // de nas sems dpa' chen po des/ 'dus pa'i tshogs la phun sum tshogs pa nges pa'i mdo'i don gyi 'grel pa 'di bshad do// skye med rdo rje 'gyur med sems dpa' de// ma bsgribs kun la khyab pas nam mkha' 'dra// rang byung ye shes gnyen po med/ pas che// blang dor med pa'i chos nyid kun bzang ni// bkag pa med pa'i mdzad spyod bag yangs kyis// thams cad 'du zhing 'byung ba'i dbyings na spyod// yangs pa thams cad 'dra zhing tshogs nas spyod// thams cad 'du zhing 'byung ba chos kyi dbyings// chos dbyings rnam dag rlung lam chen po der// sangs rgyas sems can khams gsum kun bsgral

  383. 192b

    bas/ byang chub sems la dngos po yul mi skye// rang byung ye shes de la 'gag pa med// skye 'gag ting 'dzin cir yang dgongs pa med// ces bstan// ston pa kun bzang bstan pa byang chub sems// rdzogs chen dag la lhag ma med par bstan// byang chub sems ni kun gyi snying po ste// chos kun lhag ma med par yongs su rdzogs// gnyen po med pas gzhan gyi dbang mi 'gyur// 'gyur ba med pa'i rang bzhin drang por gnas// dpe ni nam mkha' bzhin du kun la khyab// rgyu rkyen med pas gzhan la rag ma lus/ ta zhes bstan// kun bzang rdo rje nga yi 'khor 'dus pa// gang zhig su yang rung ba de yis ni// sems nyid sangs rgyas yin par go ba'o// rig pa'i yul na sems nyid bde ba che// gang gi 'di ltar rig cing rtog pa ni// rnam par dag pa'i 'jig rten yin par bshad// gang du rig cing rtogs pa de la ni// chos rnams thams cad rig cing mdo 'dus pas// phyogs bzhi mtshams brgyad bla 'og 'grub pa ni// snang srid chos kun lha dang sems su 'grub// ces phun sum tshogs pa'i mdo dang don 'grel pa gsum rdzogs so// // de nas sems dpa' chen po des/ yongs su 'dus pa'i tshogs la rdzogs pa chen po'i don yo ga bzhir 'dus

  384. 193a

    pa'i phyir/ bye brag 'byed pa'i mdo 'di gsungs so// kye'adus pa'i tshogs chen de nyon cig/ chos kun yo ga bzhir 'dus te// yo ga ma hA yo ga dang / a nu yo ga a ti bzhi// re re la yang bzhi bzhir dbye// de yang gang dang gang zhe na// yo ga yi ni yo ga dang // yo ga'i ma hA yo ga dang // yo ga'i a nu yo ga dang // yau ga'i a ti yo ga bzhi'o// ma hA yo ga la yang bzhir dbye ste// ma hA yo ga'i yo ga dang // mahA yo ga'i ma hA dang // ma hA yo ga'i a nu dang // ma hA yo ga'i a ti bzhi'o// a nu la yang bzhir dbye ste// a nu yo ga'i yo ga dang // a nu yo ga'i ma hA dang // a nu yo ga'i a nu dang // a nu yo ga'i a ti bzhi'o// a ti la yang bzhir dbye ste/ a ti yau ga'i yo ga dang // a ti yo ga'i ma hA dang // a ti yo ga'i a nu dang // a ti yo ga'i a ti bzhi'o// de yang gang gis 'byed ce na// yo go rnam pa re re la// che ba rnam pa lnga lnga ste// che ba nyi shur phye ba ni// yo ga bzhi las phye ba yin// de yang ji ltar bstan zhe na// sangs rgyas med pa'i che ba bzhi/ yo ga bzhi'i sa la bzlas pa'o// mngon par sangs rgyas che ba bzhi// yo ge bzhi yi a ti bzhi// chos dbyings sangs rgyas che ba ni// yo ga bzhi yi a nu bzhi//

  385. 193b

    bdag nyid sangs rgyas che bzhi yi// yo ga bzhi yi mahA bzhi// de yin sangs rgyas che bzhi ni// yo ga bzhi yi yo ga bzhi// che ba rnam lnga spyir bstan pa// bzhi ni rang kha 'dzin par byed/ sangs rgyas med pa'i che ba ni// yo ga bzhi po la bzlas pa'o// yo ga bzhi yi bye brag ni// a ti yo ga'i a ti ni// 'dus ma byas pa'i chos nyid de// skye ba med pa'i rang bzhin gyis// mtshan ma'i yul dang bral ba'o// a ti yo ga'i a nu ni// rang bzhin ma bcos chos nyid de// bsgrib pa med pa'i rang bzhin gyis// dbyi// dang ye shes rang byung ba'o// e ti yo ga'i ma hA ni// 'byung chen lnga yi chos nyid de// kun la khyab pa'i rang bzhin gyis// thabs dang shes rab rang byung ba'o// a ti yo ga'i yo ga ni// ma btsal grub pa'i chos nyid de// zab mo rtogs pa'i rang bzhin gyis// yul dang dbang po rang byung ba'o// a ti yo ga'i la bzlas ni// brjod du med pa'i chos nyid de/ sgro skur bral ba'i rang bzhin gyis// bde ba chen po rang byung ba'o// a nu yo ga'i a ti ni// byang chub sems kyi chos nyid de// rgyu rkyen bral ba'i rang bzhin gyis// gsang ba'i ye shes rang byung ba'o// a nu yo ga'i a nu ni// dbyings dang ye shes chos nyid de// thams cad 'byung ba'i rang bzhin gyis// chos kun ye

  386. 194a

    shes rang byung ba'o// a nu yo ga'i ma hA ni// thabs dang shes rab chos nyid de// 'du 'bral med pa'i rang bzhin gyis// gnyis med bde ba rang byung ba'o// a nu yo ga'i yo ga ni// sems la rdzogs pa'i chos nyid de// blang dor med pa'i rang bzhin gyis// lung chen ston par rang byung ba'o// a nu yo ga'i la bzlas ni// 'du 'bral med pa'i chos nyid de// gzung 'dzin bral ba'i rang bzhin gyis// chos nyid zab mo rang byung ba'o// ma hA yo ga'i a ti ni// chags pa med pa'i chos nyid de// gzung 'dzin bral ba'i rang bzhin gyis// bde ba'i ye shes rang byung ba'o// ma hA yo ga'i a nu ni// dus gsum gcig pa'i chos nyid de// chos sku gcig/ pa'i rang bzhin gyis// che ba'i bde ba rang byung ba'o// ma hA yo ga'i ma hA ni// blang dor bral ba'i chos nyid de// mi g.yo mi bskyod rang bzhin gyis// mnyam pa'i bde ba rang byung ba'o// ma hA yo ga'i yo ga ni// gcig tu 'dus pa'i chos nyid de// ma byung ma skyes rang bzhin gyis// sgro skur bral ba'i rang byung ba'o// ma hA yo ga'i la bzlas ni// srid gsum sangs rgyas chos nyid de// sgyu mar snang ba'i chos nyid kyis// chos nyid dag tu rang byung ba'o// yo ga'i a ti yo ga ni// mtshan ma'i bde ba'i

  387. 194b

    chos nyid nga // mtshan ma med pa'i rang bzhin gyi// mi rtog 'bras bu rang byung ba'o// yo ga'i a nu yo ga ni// yongs su rdzogs pa'i chos nyid de// lhun gyis grub pa'i chos nyid kyis// bde chen chos nyid rang byung ba'o// yo ga'i ma hA yo ga ni// rmad du byung ba'i chos nyid de// nam mkha' lta bu'i chos nyid kyis// rlud byung rol pa'i rang byung ba'o// yo ga nyid kyi yo ga ni// kun kyang sangs rgyas chos nyid de// snying po gcig pa'i rang bzhin gyis// rnam par dag pa rang byung ba'o// yo ga bzhi'i yo ga la bzlas pa// rtsol dang bral ba'i chos nyid de// bsgrub tu med pa'i rang bzhin gyis// sgyu ma lhun grub rang byung ba'o// zhes gsungs so// bye brag 'byed pa'i mdo las/ yo ga bzhi'i bye brag phye ba'i le'u'o// // de nas yang sems dpa' chen po des/ 'dus pa'i tshogs la yo ga rnam bzhi la/ don mdo'i 'grel pa 'di gsung so so/ kye 'dus pa'i tshogs chen da nyon cig/ yo ga rnam pa bzhi po las// rdzogs chen a ti yo ga la// don gyi 'grel pa 'di gsungs so// rdzogs chen a ti yo ga'i chos nyid 'di/ ya nas lhun gyis grub pa'i chos nyid de// gzhan la rag ma lus pa'i byang chub sems// dngos po mtshan ma gar yang mtshungs med pa'i// rgyu rkyen bral ba'i rang

  388. 195a

    byung ye shes kyis// sngon du gyur pa'i mthu yi rig pa las// bde chen chos ni gzhan nas 'byung mi 'gyur// ces bstan// rdzogs pa a nu yo ga'i chos nyid ni// rdo rje skye mched 'byung ba'i chos nyid de// nam mkha'i rtog pa sprin dang khu rlangs 'dra// rtogs pa de la mtshan ma skye med cing // sems rtog mtshan ma med pa de nyid ni// dus gsum rtog pa sku gsum nam mkha' 'dra// 'dod yon lnga la mi chags nam mkhar bsngo// nam mkha' chags med lta bur bsngos pa'o// chos nyid nam mkha' lta bar kun bsams na// rang don nam mkhar lta bur 'byung bar nges// zhes bya/ bskyed ma ma snam ga'i chus nyi ni// sems kyi dkyi la rnam shes 'khor gyis bskor// lha yi sku yi khro gnyer cha lugs bzhin// thams cad 'joms pa'i khro bo chen po yis// gtso bo khro bdag ci 'dra'i lus bsgoms shing / yang nas yang du bsgoms pas mngon gyur nas// bag chags rtas pa'i yi ge hUM byung nas// ma bcos nyid ni zhi ba dam pa ste// dbang po mngon sum dag gis mthong ba min// nas sa mo ga phyi ma chos nyid bstan pa ni// byang chub bo sgrub pa'i yan lag bcu gcig dgus// kun gyi sgo nas zhugs nas bsgoms pa yang // klu

  389. 195b

    mdog phyag mtshan phyag rgya rdzogs pa ru// sku yi cha lugs yid la ting 'dzin bsgoms// chu zla bzhin du yid la gsal ba yis// gzung 'dzin mtshan ma dag gis tshur ma gos// ye shes sems dpa' dag la bdag ma chags// chags pa med pa ji ltar 'byung 'gyur yang // dper na byis pas 'dag khang brtsigs pa bzhin// yang bsgoms yang bshig/ bdag khang brtsigs pa 'dra// zhes bye brag 'byed pa'i mdo las/ yo ga rnam pa bzhi'i don gyi 'grel pa bye brag 'byed pa'i mdo bzhi pa'o// / rdzogs so// // de nas yang sems dpa' chen po das/ 'dus pa'i tshogs la khyad par 'phags pa'i mdo 'di bstan to// kye'adus pa'i tshogs chen de nyon cig/ khyad par 'phags pa'i mdo 'di las// khyad par 'phags pa'i tshe lnga ru// chos rnams thams cad 'dus par bshad// khyad par 'phags pa'i che lnga ni/ mngon par sangs rgyas che ba dang // chos dbyings sangs rgyas che ba dang // bdag nyid sangs rgyas che ba dang // de yin sangs rgyas che ba dang // thams cad sangs rgyas med pa'i che ba lnga'o// de yang ji ltar 'phags she na// che ba lnga yi byang chub sems// sems nyid che ba lngas 'phags te// mngon par sangs rgyas

  390. 196a

    che ba ni// 'dus ma byas pa'i byang chub sems// snang srid kun las khyad par 'phags// a ti yo ga'i che bar bshad// chos dbyings sangs rgyas che ba ni// thams cad 'byung ba'i byang chub sems// 'byung gnas kun las khyad par 'phags// a nu yo ga'i che bar bshad// bdag nyid sangs rgyas che ba ni// lhun gyis grub pa'i byang chub sems// rtsol zhing sgrub las khyad par 'phags// ma hA yo ga'i che bar bshad// de yin sangs rgyas che ba ni// ma nor ba yi byang chub sama?/ gtan tshigs kun las khyad par 'phags// yo ga dag gi che bar bshad// thams cad sangs rgyas che ba ni// sgro skur 'debs pa'i byang chub sems// bsam brjod kun las khyad par 'phags// la zlo ba yi che bar bshad// khyad par 'phags pa rnam pa lngas// che ba rnam pa lnga bstan te// mngon pa'i sangs rgyas che ba ni// ston pa bstan pa 'khor gnas dus// phun sum tshogs pa rnam pa lngas// skye 'gag med pa'i khyad par gyis// snang srid kun las khyad par 'phags// mngon pa'i sangs rgyas yin par bshad// chos dbyings sangs rgyas che ba ni// byang chub sems lnga'i 'byung chen lnga// nam mkha' sa chu ma rlung sems// thams cad 'byung ba'i rang bzhin

  391. 196b

    gyis// ta 'byung gnas kun las khyad par 'phags// chos dbyings sangs rgyas yin par bshad// bdag nyid sangs rgyas che ba ni// phung po 'byung ba rnam shes yul// rang las byung ba'i chos yin te// gzhan la mi ltos rang bzhin gyis// rtsol sgrub kun las khyad par 'phags// bdag nyid sangs rgyas che bar bshad// de yin sangs rgyas che ba ni// dpe dang don dang rtags dang ni// nges pa dang ni gtan tshigs lngas// ma nor ba yi rang bzhin gyis// gtan tshigs kun las khyad par 'phags// de yin pa yi che bar bshad/ thams cad sangs rgyas che ba ni// 'dus ma byas dang dmigs su med// bsam du med dang spros dang bral// mtshon du med pa'i byang chub lnga// gzung 'dzin bral ba'i rang bzhin gyis// bsam spyod kun las khyad par 'phags// thams cad sangs rgyas che bar bshad// mngon par sangs rgyas che ba ni// phun sum tshogs pa rnam lnga ste// ston pa kun tu bzang po ni// sangs rgyas kun gyi spyi mes po// blang dor med pa'i rang bzhin gyis// ston pa kun las khyad par 'phags// des na mngon par che bar bshad// sdud pa sems dpa' chen po ni// sangs rgyas sems can 'khor gnyis las// skye 'jig med pas khyad par 'khor// sdud pa kun

  392. 197a

    las khyad par 'phags// 'khor de mngon par che bar bshad// bstan pa lta ba rdzogs chen 'di// chos nyid kun gyi snying po ste// thams cad kun gyi rang bzhin gyis// theg pa kun las khyad par 'phags// des na bstan pa mngon par che// dus ni dus gsum khyad par gcig/ dus la skye 'gag med pas na// gcig tu gsal ba'i rang bzhin gyis// snga phyi kun las khyad par 'phags// dus de mngon par che bar bshad// yangs pa chos dbyings kun bzang nas// thams cad 'dus ba'i gnas chen 'di// mtha' dbus med pa'i rang bzhin gyis// bzhugs gnas kun las khyad par 'phags// gnas de mngon par che bar bshad// des na phun sum tshogs pa lnga// mngon par sangs rgyas che bar bshad// chos dbyings sangs rgyas che ba ni// byang chub sems lnga 'byung chen lnga// chos nyid lnga ru sangs rgyas te/ nam mkha' snang byed khyab pa'i dbyings// ma bsgribs pa yi byang chub sems// sgrib pa med pa'i khyad par gyis// kun la khyab pa'i chos nyid do// sa ni sra ste rdo rje dbyings// skye ba med pa'i byang chub sems// 'jig pa med pa'i khyad par gyis// 'gyur ba med pa'i chos nyid do// chu ni rin chen gter gyi dbyings// thams

  393. 197b

    cad sdud pa'i byang chub sems// thams cad sdud pa'i khyad par gyis// 'byed pa med pa'i chos nyid do// me ni pad+ma rnam dag dbyings// gzung 'dzin dag pa'i byang chub sems// / rnam par dag pa'i khyad par gyis// skyon dang bral ba'i chos nyid do// rlung ni brtson 'grus yangs pa'i dbyings// thogs pa med pa'i byang chub sems// yang zhing g.yo ba'i khyad par gyis// 'gag pa med pa'i chos nyid do// sa chu me rlung nam mkha' lngas// thams cad skyed par byed pas na// 'byung gnas kun las khyad par 'phags// des na chos dbyings che bar bstan// bdag nyid sangs rgyas che ba ni// bdag nyid lnga ru shes par bya// phung po 'byung ba rnam shes yul// rang las byung ba'i chos yin pas// rtsol sgrub 'das te rang la rdzogs// 'byung ba lnga yi sangs rgyas ni// chos nyid rang gi byang chub sems// gzung 'dzin bral ba'i khyad par gyis// btsal du med pas bdag nyid che// phung po lnga ni rigs lnga ru// rtsol sgrub 'das te rang la rdzogs// lhun gyis grub pa'i khyad par gyis// btsal du med pas bdag nyid che// rnam shes brgyad ni sems dpa' ru// rtsol sgrub 'das te rang la rdzogs// sems su 'dus pas dam pa ste// btsal du med pa'i khyad par gyis// bsgrub tu med pas bdag nyid che'o//

  394. 198a

    rnam shes brgyad kyi yul brgyad ni// sems ma brgyad du rang la rdzogs// rtog dang bral ba'i khyad par gyis// sbyang du med pas bdag nyid che// rang las byung ba'i chos rnams ni// dmigs pa med pa'i byang chub sems// mi dmigs pa yi khyad par gyis// bgrod du med pas bdag nyid che// des na bdag nyid che bar bshad// de yin sangs rgyas che ba ni// dpe dang don dang rtags dang ni// nges pa dang ni gtan tshigs lnga// khyad par lnga yis yin pa lnga'o// chos rnams thams cad ma lus pa'i// depe ni nam mkha' yin pa ste// nam mkha' spyod yul kun las 'das// mtshon du med pa'i khyad par gyis// nam mkha'i dpe ni khyad par che// don ni chos nyid yin pa ste// chos nyid don ni skye med las// skye ba'i tshe 'phrul sangs rgyas kyis// don ni chos nyid de yin che// rtags ni sems nyid 'gag med yin// 'gag pa med pa'i byang chub sems// mi 'gag gsal ba'i khyad par gyis// rtags ni che ba yin par bshad// nges pa dag la rnam pa gsum// dpe ni nam mkha' yin par nges// don ni chos nyid yin par nges// rtags ni sems nyid min par nges// nges pa dag gis che bar bshad// gtan tshigs dag gi che ba ni/

  395. 198b

    rnam pa lnga ru shes par bya// phun sum tshogs pa rnam pa lnga// mngon par che ba'i gtan tshigs so// 'byung chen lnga dang byang chub sems// chos nyid che ba'i gtan tshigs so// phung po 'byung ba rnam shos yul// gzhan la rag ma las pa yin// bdag nyid che ba'i gtan tshigs so// dpe don rtags dang nges pa ni// yin pa dag gi gtan tshigs so// bsam med dmigs med spros pa med// 'dus med dmigs mad spros pa med// thams cad sangs rgyas gtan tshigs so// gtan tshigs che ba yin par bshad// thams cad sangs rgyas che ba yang // bsam med dmigs med spros pa med// mtshon du med dang 'dus pa med// rnam pa lnga ru shes par bya// chos nyid byung chub sems de la// gzung 'dzin med pas bsam du med// bsam med khyad par 'phags te che// chos nyid byang chub sems de la// yul ma mchis pas dmigs su med// dmigs med khyad par 'phags te che// chos nyid byang chub sems de la// mtshan ma med pas spros pa med// spros med khyad par 'phags te che// chos nyid byang chub sems de la/ dpe ma mchis pas mtshon du med// mtshon med khyad par 'phags te che// chos nyid byang chub sems de la// gnyis su med pas 'dus byas med// 'dus

  396. 199a

    med khyad par 'phags te che// thams cad sangs rgyas che bar bshad// ces khyad par 'phags pa'i mdo las/ khyad par 'phags pa'i che ba lnga bstan pa'i le'u'o// // de nas yang 'dus pa'i tshogs la khyad par 'phags pa'i mdo'i 'grel pa 'di bstan to// kye 'dus pa'i tshogs chen da nyon cig/ rdo rje sems dpa' mngon par sangs rgyas che// sems kyis kun la khyab pas byams pa yis// chos nyid skye ba med par sbyangs pa'i phyir// thugs rje rang bzhin chos nyid ston pa'i bka'// 'gro la dmigs nas thugs rje don mi mdzad// rang byung ye shes gnyen po med pas che// che ba'i zab mo gzung 'dzin bral bas zab// zab mo dmigs su med pa de la ni// skyon la dor du med la yon tan bsngags su med// ces so// rdo rje sems dpa' chos nyid byang chub sems// byang chub sems kyi dug gsum sku gsung thugs// snying po byang chub sems kyi lam las byung // dus gsum sangs rgyas khams gsum sems can kun// 'dod pa'i yon tan lnga la ku ni spyod kyang // sangs rgyas sku dang ye shes lnga ru spyod// sems can chags sdang lnga la rang gar spyod// chos nyid dbyings kyi rgyan ni 'dod spyod lnga//

  397. 199b

    byang chub sems kyi rgyan du sems dpas gsungs// des na chos nyid dbyings su che bar bshad// byang chub sems kyi rang bzhin bdag nyid che// sangs rgyas sems can mtho ris ngan song gang // gang gi las skyes gang gi gnas skyes nas// rgyud drug 'khor zhing las drug spyod pa de// bdag nyid byang chub sems las byung bar nges// / kun gyi snying po byang chub sems 'di la// 'di ni skyes pa yin la 'di ni bud med ces// kun bzang mnyam pa'i rgyal pos yongs ma gsungs// des na bdag nyid che ba yin par bshad// byang chub sems ni yin pa'i che ba ste// sgro skur 'das pa'i chos nyid byang chub sems// brjod med gleng bral 'di la gang gnas pa// ma bcos/ chos nyid rtogs pa'i rnal 'byor de// las dang thugs rje 'dus pas skal ba bzang // gleng bral brjod med don la gnas pa yis// skye ba med pas bdag don bya mi dgos// brjod du med pas gzhan don mi byed cing // chos nyid sgyu ma ma btsal lhan grub pas// rang bzhin gnas pa'i chos nyid yul la rol// des na de yin che ba'i gtan tshigs so// sangs rgyas zhes kyang med pa'i che ba ni// dus gsum sangs rgyas khams gsum sems can la// ma bstan mchog tu gsang ba'i byang chub sem/

  398. 200a

    bde gshegs ye shes snyan gyis sngar ma gsan// sems can rna ba'i dbang pos phyis ma thos// de bzhin ston pa'i ljags kyi dbang pos kyang // bde gshegs rnams la gsung gis bsgrags pa med// de bzhin gang zag lce yi dbang pos kyang // sems can rnams la tshig tu brjod pa med// des na sangs rgyas med pa'i che bar bshad// ces khyad par 'phags pa'i mdo las/ don gyi 'grel pa bstan pa ste/ khyad par 'phags pa'i mdo rdzogs so// / lnga pa'o// ta nas yang sems dpa' chen po des/ 'dus pa'i 'khor tshogs rnams la/ rdzogs pa chen po'i don ma thos pa rnams kyi skyon yon gsal ba'i phyir gol sgrib ston pa'i mdo 'di gsungs so// kye 'dus pa'i tshogs chen de nyon cig/ nges pa thob pa'i theg pa drug/ rdzogs pa chen po'i gol sa ste// rdzogs chen nges thob sgrib par bshad// mdo sde dang ni kri ya dang // u pa ya dang yo ga dang // ma hA yo ga a nu drug/ rdzogs pa chen po'i gol sa ste// de yang ji ltar gol zhe na// mdo sde byang chub sems dpa' ni// kun tu 'od kyis 'dod pa/ bden pa gnyis kyi rtog spyod kyis// chos nyid stong pa nam mkhar rtog/ a ti

  399. 200b

    yo ga bde chen ni// rtog dpyod 'das pa'i byang chub sems// rtog spyod 'das la mdo sdes bsgribs// rdzogs chen rtog dang spyod pa ni// mdo sde dag tu gol bar bshad// kri ya rdo rje 'dzin 'dod pa// dag pa rnam gsum sgor zhugs nas// chos nyid dag pa 'dzin pa ste// gzung 'dzin dag pa'i yul la gnas// a ti yo ga'i bde chen ni// gzung 'dzin 'das pa'i byang chub sems// gzung 'dzin 'das la kri yas bsgribs// rdzogs chen gzung dang 'dzin byed pa// kri ya dag tu gol bar bshad// u pa ya yi lta spyod ni// kri ya spyod cing yo ga bsgrub// lta spyod 'brel ba'i don med pas// gnyis su med pa'i don ma rtogs// a ti yo ga'i bde chen ni/ gnyis su med pa'i byang chub sems// gnyis su med la u pas bsgribs// rdzogs chen gnyis su med pa ni// u pa ya ru gol bar bshad// yo ga stug po bkod 'dod pa// mtshan ma yod med sgor zhugs nas// phyag rgya bzhi la gtsor byed pa// blang dor med la 'jug ma nus// a ti yo ga'i bde chen ni// blang dor med pa'i byang chub sems// blang dor med la yo gas bsgribs// rdzogs chen blang dang dor byed pa// yo ga dag tu gol bar bshad// ma hA rdo rje 'chang

  400. 201a

    'dod pa// ting 'dzin rnam gsum sgor zhugs nas// rang rgyud dag pa'i dkyil 'khor la// bsnyen sgrub rnam bzhir sgrub par byed// a ti yo ga'i bde chen ni// rtsol sgrub 'das pa'i byang chub sems// rtsol sgrub 'das la ma hAs bsgribs// rdzogs chen rtsol sgrub byed pa ni// ma hA yo gar gol bar bshad/ a nu dbyer med sa 'dod pa// dbyings dang ye shes sgor zhugs nas// rgyu ni dag pa'i dbyings su lta// 'bras bu ye shes dkyil 'khor lta// a ti yo ga'i bde chen ni// rgyu 'bras dag pa'i byang chub sems// rgyu 'bras 'das la a nus bsgribs// rdzogs chen rgyu 'bras gnyis lta na// a nu yo gar gol bar bshad// / theg pa dag gi gol sgrib bo// theg pa gcig gi lta ba la// gol sa sgrib pa bcu yod de// lta ba dag gi gol sgrib dang // dam tshig dag gi gol sgrib dang / 'phrin las dag gi gol sgrib dang // ye shes dag gi gol sgrib dang // sa dang pha rol gol sgrib dang // lam la gnas pa'i gol sgrib dang // phra ba dag gi gol sgrib dang / rgyud kyi gol sa sgrib pa dang // lung gi gol sa sgrib pa dang // man ngag gol sa sgrib pa bcu'o// de yang gang dang gang zhe na// lta ba dag gi rang bzhin ni//

  401. 201b

    bsgom du med de sangs rgyas lnga// bsgom med sangs rgyas ma rig na// lta ba dag gi sgrib par bshad// ye nas sangs rgyas yin pa la// sangs rgyas yin par mi lta ste// bsgoms nas sangs rgyas blta ba ni// lta ba dag gi gol sa yin// dam tshig dag ni bsrung du med// bsrung du med pa'i dam tshig la// bsrung du med par ma rig na// dam tshig sgrib pa yin par bshad// bsrung du med pa'i dam tshig la// bsrung du med par ma shes na// phyogs mtshams dam tshig bsrung ba ni// dam tshig gol sa yin par bshad/ 'phrin las rang bzhin btsal du med// rtsol sgrub 'das pa'i 'phrin las la// btsal du med par ma rig na// 'phrin las sgrib pa yin par bshad// btsal du med pa'i rang bzhin la// btsal du med pa ma rtogs te// 'phrin las rtsol ba byed pa ni// 'phrin las gol sa yin par bshad// ye shes dag gi rang bzhin ni// ye nas sgrib pa med par gsal// ye nas sgrib pa med pa la// sgrib pa med par ma rig na// ye shes dag gi sgrib par bshad// sgrib pa med pa'i ye shes la// sgrib pa med par ma rtogs te// mi bskyod gsal bar ma shes na// ye shes chen po'i gol sar bshad// sa dang pha rol rang bzhin ni// sbyang zhing bgrod du med pa la// sbyang

  402. 202a

    bgrod med par ma rig na// sa dang pha rol sgrib par bshad// sbyang bgrod mi dgos sa lam la// sbyang bgrod mi dgos ma rtogs te// sbyong zhing bgrod par byed pa ni// sa dang pha rol gol sar bshad// phra ba dag gi rang bzhin ni// gzung 'dzin bral ba'i chos nyid yin// gzung 'dzin bral bar ma rig na// phra ba dag gi sgrib par bshad// gzung 'dzin bral ba'i phra ba la// gzung 'dzin bral bar ma rig ste// phra rab rdul du yod lta na// phra ba'i gol sa yin par bshad// rgyud kyi rang bzhin bstan pa ni// sems chos gnyis su med par 'brel// gnyis med 'brel bar ma rig na// rgyud kyi sgrib pa yin par bshad// gnyis su med pa'i 'brel ba la// gnyis med 'brel bar ma rtogs te// sems chos gnyis su mthong ba ni// rgyud kyi gol sa yin par bshad// lung gi rang bzhin bstan pa ni// gtan la 'bebs zhing nges par ston// gtan la 'bebs par ma shes na// lung gi sgrib pa yin par bshad// gtan la 'bebs pa'i lung de la// thog tu phebs par ma rtogs te// gtan la mi phebs zer ba ni// lung gi gol sa yin par bshad// man ngag rang bzhin bstan pa ni// spros pa med par la bzlas pa'o// spros pa med par ma rig na// man ngag

  403. 202b

    dag gi sgrib par ba shad// sgro skur bral ba'i man ngag la// spros pa med par ma rtogs te// sgo skur yod par 'dogs pa ni// man ngag dag gi gol sar bshad// gol sa sgrib pa sum cu ni// yo ga bzhi yi rang bzhin la// gong 'og lta ba'i khyad par gyis// gol sgrib sum cu 'byung ba ni// sgrib pa sgrib pa zhes bya ba/ rig ces bya ba'i yul de la// ma rig ma shes ma rtogs pas// sgrib pa sgrib pa zhes su bshad// gol sa gol sa zhes bya ba// dper na don yod lam zhugs pa// shar gyi don bsgrub nub lam phyin// nub phyin shar gyi don mi 'grub// spros pa med pa'i don shor bas// mtshan ma dag gi lam la bgrod// sgro skur bral ba'i chos nyid la/ tshig dang yi ger brjod pas gol// brjod yod rtog pas sgrib pa yin// snang ba dang ni srid pa'i chos// snang srid rgyud drug dbang po las// sems 'thad yang na rim pa dgu// mi mthun lta spyod so sor bshad// des na gol sa sgrib pa byung // chos nyid ji bzhin byang chub sems// byang chub sems kyi theg pa la// gcig dang gnyis su bgrang du med// bgrangs na mtha' yas brjod mi lang // theg gcig byang chub snying po la// bzang ngan blang dor ma mchis pas// gol sa sgrib pa

  404. 203a

    dbyer ma mchis// bde dang sdug bsngal gnyis ma mchis// sgro skur bral ba'i snying po sems// gol sgrib nyid ni byang chub lung // thams cad lung ni byang chub sems// sems kyi lung las thams cad bstan// sems kyi rang bzhin rnam bzhi la// rnal 'byor rnam pa bzhi bstan te// sems nyid rdzogs pa chen po ni// shin tu rnal 'byor don du bstan// sems nyid rdzogs pa'i rang bzhin ni// yongs su rnal 'byor don du bstan// sems nyid bskyed pa'i rnam pa ni// rnal 'byor chen po'i don du bstan// sems kyi phyi nang rim pa de// sems pa'i rnal 'byor don du bstan// rnal 'byor rnam bzhi'i don de la// gcig la'ang gol sgrib bcu yod de// lta ba dang ni dam tshig dang // 'phrin las dang ni ye shes dang // sa dang lam gyi rim pa dang // phra ba dang ni rgyud dang ni// lung dang man ngag rnam pa bcu'o// re re la'ang bcu bcu ste// gol sa sgrib pa gnyis yod pas// gol sa bcu pa bzhi bstan la// sgrib pa bcu tshan rnam pa gsum// rdzogs chen shin tu rnal 'byor la// sgrib pa yod par ngas ma gsungs// rnal 'byor rnam pa gsum po la// gol sa sgrib pa gnyis gnyis yod// des na lta ba'i gol

  405. 203b

    sgrib ni/ bdun cu tham par bgrang bar bya// rdzogs chen shin tu rnal 'byor la// sgrib pa dag gis yong ma gos// rnal 'byor rnam pa drug po yis// sama? nyid rdzogs chen sgor ltas pas// sgrib pa dang ni gol sa byung // ston pa'i lung la gol sgrib med// gang zag blo la gol sgrib byung // sems kyi rang bzhin 'di lta ste// lung chen rnam pa bcur snang ste// rdzogs che na shin tu rnal 'byor gyi// lta ba bsgom du med pa yin// dam tshig bsrung du med pa yin// 'phrin las btsal du med pa yin// ye shes rang byung sgrib med yin// sa la sbyang du med pa yin// lam la bgrod du med pa yin// phra ba gzung 'dzin bral ba yin// rgyud kyi rang bzhin 'brel ba yin// lung gis ye nas thog tu 'bebs// man ngag dag gis la yang zlos// rdzogs chen shin tu rnal 'byor gyi// rang bzhin bcu ni de ltar ro// rdzogs pa yongs su rnal 'byor gyi// rang bzhin bcu ni 'di lta ste// rgyu ni dag pa'i dbyings la lta// 'bras bu ye shes dkyil 'khor lta// dam tshig dag gi rang bzhin ni// chos yul snying po sku gsung thugs// sbyor ba rnam pa bzhi ru bsrung // 'phrin las dag gi rang bzhin ni// zhi rgyas dbang dang mngon spyod bzhi// ye shes dag gi rang

  406. 204a

    bzhin ni// gnyis su med pa'i rang bzhin yin// sa yi rang bzhin bstan pa ni// kun bzang 'byed pa med pa'i sa// lam gyi rang bzhin bstan pa ni/ dbyings dang ye shes gnyis med lam// phra ba zab mo'i rang bzhin ni// snang la rang bzhin med pa yin// 'brel ba rgyud kyi rang bzhin ni// rgyu dang 'bras bu gnyis med 'brel// lung gi rang bzhin bstan pa ni// dbyings ni rgyu yi lung yin la// ye shes 'bras bu'i lung du bstan// man ngag dag gi rang bzhin ni// rgyu ni dbyidra su dag par 'das// 'bras bu ye shes la yang bzlas// rnal 'byor chen po'i bskyed pa ni// rang bzhin bcu ni 'di lta ste// lta ba dag gi rang bzhin ni// rang rgyud dag pa'i ngo bo ste// bdag nyid chen po dkyil 'khor lta// dam tshig dag gi rang bzhin ni// rtsa ba gsum dang yan lag lnga// 'phrin las dag gi rang bzhin ni// ta na dang ni ga na dang // dam rdzas lnga yang spyod par byed// ye shes dag gi rang bzhin ni// dug lnga gnas dag ye shes lnga// sa yi rang bzhin bstan pa ni// lus dang ngag dang yid dang gsum// sku gsum rdo rje 'chang gi sa// lam gyi rang bzhin bstan pa ni// thabs dang shes rab lam sgo nas// ting 'dzin rnam gsum sku gsum lam//

  407. 204b

    phra ba chos kyi rang bzhin ni// thabs dang shes rab ma skyes pas// skye ba med pa'i phra bar bshad// 'brel ba'i rang bzhin bstan pa ni// yab yum thabs dang shes rab gnyis// bdag nyid chen po'i gzungs kyis 'brel// lung chen thog tu 'bebs pa ni// phung po lnga dang 'byung ba lnga// khams dang skye mched sems chos rnams// bdag nyid chen po'i thog tu 'bebs// la zlo ba yi man ngag ni// snang zhing srid pa'i chos rnams ni// bdag yin gzhan du rag ma lus// ltos pa ma mchis la bzlas pa'o// ya na sems pa'i rnal 'byor gyi// rang bzhin bcu ni 'di lta ste// lta ba dag gi rang bzhin ni// byin rlabs dag las byung ba yis// chos la mtshan ma med par lta ta rang dang 'dra ba'i lha nyid do// dam tshig dag gi rang bzhin ni// rtsa ba bdun dang dge sdig bcu// spang zhing dang du blang bar byed// 'phrin las dag gi rang bzhin ni/ sems dang ting 'dzin las la spyod// ye shes dag gi rang bzhin ni// rigs chen dag gi ye shes bzhi// sa yi rang bzhin bstan pa ni// chos dbyings sdug po bkod pa'i sa// bgrod pa lam gyi rang bzhin ni// mtshan ma med pa'i lam du 'jug/ phra ba chos nyid zab mo ni// mtshan ma med pa'i chos kyi dbyings// 'brel ba rgyud

  408. 205a

    kyi rang bzhin ni// yul dang dbang po gnyis su 'brel// lung chen thog tu 'bebs pa ni// chags pa med par thog tu 'bebs// man ngag dag gi la zlos pa// chu zla lta bu'i rang bzhin du// gzung du med pas la zlos pa'o// ya na gnyis ka'i rgyud 'di la// rang bzhin bcu ni 'di lta ste// lta ba dag gi rang bzhin no// dmigs pa dag gi ting 'dzin gyis// rang bzhin chos las ltar byas nas// lha dpon bdag g.yog lta bar byed// dam tshig dag gi rang bzhin ni/ rtsa ba bdun gyi yan lag ste// nyams pa med par srung bar byed// 'phrin las dag gi rang bzhin ni// las su khrus dang mchod pa byed// ye shes dag gi rang bzhin ni// rigs bzhi phyag rgya bzhi ru gsal// sa yi rang bzhin bstan pa ni// lha spyod so sor spyod pa'i sa// bde bgrod lam gyi rang bzhin ni// dag pa gsum gyi lam la bgrod// phra ba chos nyid rang bzhin ni// rnam par mi rtog stong par phra// 'brel ba rgyud kyi rang bzhin ni// gnyis ka spyod pa'i 'brel ba las// gnyis su med pa'i 'brel ba med// thog tu 'bebs pa'i lung chen ni// nges pa med par bstan pa ni// la bzlas pa yi man ngag ni// 'dir spyod nges pa ma mchis pas// sems dpa'

  409. 205b

    nga yis lung ma bstan// bya ba kri ya'i ya na ni// rang bzhin bcu ni 'di lta ste// lta ba dag gi rang bzhin ni// rnam par mi rtog ting 'dzin gyis// dmigs gsum yan lag rnam bzhi ste// rje dang khol du lta bar byed// dam tshig dag gi rang bzhin ni// rtsa ba lnga dang yan lag bdun// ma nyams bsrung ba'i dam tshig go/ 'phrin las dag gi rang bzhin no// dus gsum khrus dang gtsang sgra spyod// yang shes rang bzhin bstan pa ni// so sor rtog pa'i yang shes ni// rigs gsum so sor 'byed par byed/ sa yi rang bzhin bstan pa ni// thugs ni ye shes lnga ldan pa'i// ting 'dzin rdo rje 'dzin pa'i sa// lam gyi rang bzhin bstan pa ni// gza' skar dus tshigs bzang sgo nas// dag pa rnam gsum lam du lta// phra ba chos kyi rang bzhin ni// chos nyid rnam par mi rtog la// gzung 'dzin shin tu phra bar lta// 'brel ba rgyud kyi rang bzhin ni// yan lag bcu gcig rim par 'brel// lung chen thog tu 'bebs pa ni// ting 'dzin gzung 'dzin byed pa'i sa// thog tu phebs par ngas ma bstan// la zlo ba yi man ngag ni// chos la gzung dang 'dzin byed pa// ting 'dzin rtog pa'i la zlos pa'o// mtshan nyid byang chub sems dpa' yi// rang bzhin bcu ni

  410. 206a

    'di lta ste// lta ba'i rang bzhin bstan pa ni// bden pa gnyis kyi rtog spyod kyis// chos kyi rang bzhin stong par lta// dam tshig rang bzhin sdom pa de/ spyod la 'jug dang sdom pa ni// grangs mtha' yas te rgya mtsho 'dra// spyod pa'i 'phrin las rnam grangs ni// pha rol phyin pa bcu la spyod// ye shes dag gi rang bzhin ni// brgyad khri bzhi stong rnam grangs dang // thams cad mkhyen pa'i ye shes so// sa yi rang bzhin bstan pa ni// dang po sa dang rim pa bcu// kun tu 'od kyis/ la gnas// lam gyi rang bzhin nges 'byung ba// tshogs dang sbyor ba mthong ba dang // sa bcu bsgom pa rnam pa lnga'o// chos kyi rang bzhin phra ba ni// chos sku gzung 'dzin phra ba ni// chos sku gzung 'dzin 'bral bar 'dzin// 'brel ba'i rang bzhin bstan pa ni// las dang thugs rje bden gnyis 'brel// lung chen thog tu phebs pa ni// don dam kun rdzob bden pas 'bebs// man ngag dag gi la bzlas su// 'bras bu lam gyi sgor ma zhugs// spong zhing 'geg pa rnam gnyis la// rang bzhin 'di bcu'i ming ma bstan// nges thos ming grangs rnam gsum ni// rnal 'byor bzhi yi gol sar ston// rnal 'byor bzhi yi rim pa la// la la gol sa grangs mang

  411. 206b

    la/ la la gol sgrib grangs su mnyam// ya na bzhi yi rnal 'byor la// gol sgrib grangs su 'byed pa ni// gol sa brgya dang brgyad cu la// sgrib pa bcu pa drug tu dbye// rang bzhin bcu yi gol sgrib ni// rnal 'byor bzhi las phye ba ni// nyis brgya bzhi bcur grangs su 'byung // ya na bdun gyis phye ba'i tshe// rang bzhin rnam pa bcu po la// bzhi brgya dang ni bcu tshan gnyis// rang bzhin bcu po'i ngo bo ni// snying po byang chub sems yin te// ya na bdun gyi go skabs su// rang gi rang bzhin ma shes na// sgrib pa sgrib pa zhes su bshad// rang gi rang bzhin ma shes nas// 'og ma 'og mar yin smra na// gol sa gol sa zhes su bshad// rang bzhin bcu yi rang bzhin ni// snying po byang chub sems yin te// snying po byang chub rang bzhin la// gzhan du lta ba'i yul med pas// lta ba bsgom du med pa yin// snying po byang chub sems 'di la// gzung 'dzin med pa'i rang bzhin gyis// dam tshig bsrung du med pa yin// snying po byang chub sems 'di ni// lhun gyis grub pa'i rang bzhin gyis// 'phrin las btsal du med pa yin// snying po byang chub sems 'di la// sgrib pa med pa'i rang bzhin gyiso// ye nas rang byung ye shes yin// snying po byang chub sems

  412. 207a

    'di la// thams cad 'di la gnas pa'i phyir// sa zhes bya ba sbyang du med// snying po byang chub sems 'di la// gzhan du bgrod du med pa'i phyir// lam la bgrod du med pa yin// snying po byang chub sems 'di ni// ye nas chos nyid yin pa'i phyir// phra ba dag gi rang bzhin yin// snying po byang chub sems 'di la// sangs rgyas sems can gnyis snang bas// 'brel ba rgyud kyi rang bzhin yin// rang byung ye shes snying po 'dis// chos kun gtan la 'bebs pa'i phyir// lung gis thog/ tu 'bebs pa yin// rang byung ye shes snying po 'di// sgro skur kun dang bral ba'i phyir// la zlos pa yi man ngag yin// byang chub sems kyi rang bzhin ni// ye nas rang byung ye shes sku// ye nas kun bzang ye shes sku// ye nas skye med rdo rje sku// sku tshad 'das pa'i byang chub sems// 'das pa kun gyi snying po la// rang bzhin ma bcos bcu bgrangs pa// bgrangs pa ma yin ngo bor gcig/ ngo bo gcig la rang bzhin bcu// byang chub sems kyi che bar grags// yon tan bcu ru snang mod kyi// snying po byang chub sems 'di la// dus gsum bzhugs pa'i sangs rgyas kyi// snga rabs 'das pas sngar ma bgrangs// da ltar bzhugs pas grangs mi 'byed// slad kyis

  413. 207b

    'byon pa'i sangs rgyas rnams// sems nyid 'di la grangs mi 'byed// grangs med sems kyi rang bzhin la// gcig ste rnam pa bgrang du med// bgrang du med pa'i snying po la/ gol sa sgrib pa gnyis med de// sems la bgrang du medo pa'o// sems la bgrangs pas gol sgrib byung // bgrang du med na gol sgrib med// bgrangs te ma shes sgrib pa yin// bgrangs yod mthong ba gol sa yin// sems gcig byang chub snying po la// lta ba'i khyad par dgu grangs nor// dam tshig phyogs mtshams bsrungs pas nyams// 'phrin las rtsol bas grub pa med// ye shes bltas pas yul ma mthong // sa zhes sbyangs pas gnas ma rnyed// bgrod pa'i lam la phyin pa med// phra ba gzung 'dzin chos nyid bral// 'brel ba gcig la gnyis su mthong // lung chen rgyud las 'byung 'dod pa// de lung nges pa yod ma yin// la bzlas pa yi man ngag ni// tshig dang yi ge sgro skur btags// gdags su med la ming btags pas// ming btags yod pa'i sgros byung la// med ces brjod pas skur pa btab// yod med brjod pas sgribs shing gol// med ces don la sgribs pa yin// yod ces gang du brjod pa de// brjod yod tshig dang yi ger gol// des na sgro skur gol sgrib

  414. 208a

    'di// yod rtog gang zag blo la snang // rtog 'das ting 'dzin bsam bral la// gol sgrib yod par ma gsungs so// zhes gol sgrib bstan pa'i mdo'i le'u'o// // de nas yang sems dpa' rdo rje des/ 'dus pa'i tshogs la gol sgrib ston pa'i don gyi 'grel pa 'di dag gsungs so// kye 'dus pa'i tshogs chen de nyon cig/ rdzogs pa chen po'i rnal 'byor lam 'di la// sangs rgyas lam la gong 'og rim pa med// ma rtogs bgrod pas 'jig rten tshangs pa'i lam// ma btsal lhun gyis grub dang mthun pa med// chos nyid lhun gyis grub la bgrod gyur na// nam mkha'i mtha' la thug pa med pa bzhin// bgrod med lam la bgrod pa thug pa med// des na lam gyi gol sa zhes su bshad// rdzogs pa chen po'i rtsol sgrub las gol ba// sangs rgyas spyod yul sku dang ye shes 'di// btsal bas mi rnyed rang byung ye shes yin// dbang po drug la yul drug yod pa bzhin// sku dang ye shes rang byung rgyu med pas// btsal na long bas nam mkha' brlab pa 'dra// de yang lam gyi gol sar nga yis bshad// rdzogs chen 'phrin las btsal du med pa las// bla ma gsum mchod 'gro la sbyin gtong dang // de bzhin tshogs gnyis 'dod pa'i bsod

  415. 208b

    nams kyang // ting 'dzin ma chags mi g.yo'i stobs med na// yul la chags shing ting 'dzin g.yo ba yis// mchod pa sbyin byas 'ching ba chen por 'gyur// de yang las kyis gol sa yin par bshad// rdzogs chen lta spyod rgyu 'bras 'das pa la// rgyu las 'bras bu 'byung bar ming btags nas// dge ba'i rgyu yi 'bras bu mtho ris la/ sdig pa'i rgyu yi 'bras bu ngan song du// 'jig rten 'di la spyad pas 'byung ngo zhes// dge ba dang lan sdig pa bor bar 'dod// 'bras bu mthong zer brod pa mchog tu bskyed// de yang lta spyod rgyu 'bras gol sar bshad// rdzogs chen gzung 'dzin bral ba'i phra ba la// gzung 'dzin byed pa'i shes pa de dag gis// byang chub sems ni chos kyi sgo mo la// phra ba rdul gyi sgo mor ming btags te// sems kyi dben pa'i lam btsal dgon pa'i gnas// yul dben sems dben phra mo'i ting 'dzin sgom/ rig pa mngon du gyur pas rab brtags na// phra mo gsum sgom rnam par rtog gyur sgom// phra ba chos kyi gol sar nga yis bshad// rdzogs chen skyon yon bral ba'i sgom pa ste// gzung 'dzin rnam rtog bral ba'i chos nyid la// yon tan bcu yi bsam gtan sgom pa ni// bsam gtan bcu ni sgrib pa bcu yin pas// yon tan

  416. 209a

    bcu po dag la bsam med do// spros pa med pa'i chos nyid ma bsams la// gzung 'dzin bral ba'i rig pa ma sbyangs pas// nyon med brtson mer dag gis chos nyid bzhin// rang gi rnam rtog de nyid ye shes 'dod// bsam gtan sgom pa'i gol sa rang yis bshad// yon tan bcu ni sgrib pa bcu yin te// sgrib pa bcu ni gang dang gang zhe na// mi g.yo ba dang gsal ba dang // thim pa dang ni bde ba dang // lhan ne ba dang lhang nge ba// sems la ye shes skye ba dang // gzhan gyi lta ba khyad gsod dang // rang gi lta ba ngom skyen dang // mngon par shes dang ldan du re// 'di ni bla med yin zer nas// chog shes 'dzin pa 'di bcu ni// gol sa sgrib pa yin par bshad// yon tan brgyad ni gang zhe na// 'gro dang sdod dang 'dug dang nyal// spyod lam bzhi la nyams pa med// gnas gcig g.yos pa med pa dang // sangs rgyas spyod pa mngon gyur kyang // de la re ba mi 'jog dang // phyogs bcu'i zhing khams thams cad kun// skyu ru ra bzhin mngon gsal yang // de la gzung 'dzin med pa dang / bdud kyi rgyal pos mi 'jigs dang // lha mo rnams la ma chags dang // yang dag chos las ma nyams dang // chos nyid dbyings ni mngon rtogs kyang // 'dus

  417. 209b

    byas dge rtsa rgyun mi gcod// yon tan chen po 'di brgyad ni// bsam gtan nyid kyi yon tan no// zhes gol sgrib bstan pa'i mdo rdzogs so// drug pa'o// // de nas sems dpa' chen po rdo rje'i zhal du/ 'dus pa'i tshogs thams cad kyis ltas te kun gyis zhus pa/ kye/ kun bzang snying po rdo rje khyod// khyod ni gsung gi seng ge ste// rdzogs chen don 'di ma thos na// gol sa sgrib pa skyon yin ces// gsung gis seng ge bstan pa de// 'dus pa nged kyis ma rig pas// gsung gi seng ge khyod kyis ni// nges par gtan la dbab tu gsol// ces zhus so// de nas sems dpa' rdo rje des chos thams cad gtan la dbab pa'i phyir/ gtan la 'bebs pa'i mdo 'di gsungs so// kye 'dus pa'i tshogs chen de nyon cig/ lung gsum man ngag bzhi bdun gyis// nges par gtan la 'bebs par bstan// de yang lung gsum gang zhe na// snyan khung brgyud pa'i lung dang gcig/ mngon du phyung ba'i lung dang gnyis// gtan la 'bebs pa'i lung gsum mo// man ngag bzhi ni gang zhe na// nges pa bzhi yi man ngag dang // mi rigs rigs par bshad dang gsum// skabs dang phyag rgya'i man ngag

  418. 210a

    gnyis// de nyid lam gyi man ngag go// snyan khung brgyud pa'i lung la yang // rnam pa gnyis su dbye bar bya// 'phags pas ye shes snyan khung brgyud// gang zag rna ba'i dbang por brgyud// 'phags pa ye shes snyan brgyud pa// rang bzhin chos nyid gzhal yas su// ston pa kun tu bzang po yis// tshig gi rdo rje dang nyid la// chos nyid rang bzhin sems nyid de// sems nyid rdzogs pa chen po'i lung // rdo rje ye shes dang snyan brgyud// gang zag na bar brgyud pa ni// nga las sprul pa rabs bdun dang // yang sprul gang zag thugs sras kyis// 'khor gyi gang zag dbang po la// 'dzam gling rdo rje gdan stengs su// sde snod gsum dang rim pa drug/ gang zag blo la 'thad phyogs su// 'dul ba'i dbang gis bstan pa yang // de yang nga yis bstan pa yin// gang zag rna ba'i dbang por brgyud// snyan khung brgyud pa'i lung 'di la// lo rgyus don ces bstan pa yin// lo rgyus don la rnam gsum ste// byin gyis brlabs kyis bshad pa dang / rang gi ngo bos bshad pa dang // tshig sdebs legs par bshad pa'o// byin gyis brlabs kyis bshad pa ni// rang bzhin chos kyi gzhal yas

  419. 210b

    na/ ston pa kun tu bzang po yang // mtshan ma'i sku gsung mi mnga' yang // chos nyid skye ba med pa de// bzang ngan blang dor med pa ru// kun bzang nyid du byin brlabs nas// / rdo rje sems dpa'i thugs la brgyud// byin gyis brlabs kyis bshad ces bya// rang gi ngo bos bshad pa ni// skye med dbyings kyi pho brang na// ston pa rdo rje sem dpa' yang // mtshan ma'i sku gsum mi mnga' bas// chos nyid skye ba med pa de// skye 'jig med pa'i ngo bo dang // rdo rje sku nga'i ngo bo ru// sprul pa gang zag skal ldan la// rig pa 'og min gnas su bshad// rang gi ngo bos bshad ces bya// tshig sdebs legs par bshad pa ni// 'dzam gling rgyud drug gnas 'di na// sprul pa gang zag skal ldan de// chos nyid skye ba med pa de// skye ba med pa'i tshig brjod pas// skye ba med pa'i don rtags su// rin chen gser gyi glegs bam la// bai DUr zhun ma rang nan gyis// tshig dang yi ger bris sdebs nas// phyi rabs rnams kyi don du bshad// tshigs sdebs legs par bshad ces bya'o// des na sran khung brgyud pa'i lung zhes bya'o// mngon du byung ba'i lung la yang // rnam pa gnyis su dbye bar bya// de yang gang dang gang zhe na// drang ba'i lung dang nges pa'i lung /

  420. 211a

    drang ba'i lung ni gang zhe na// rnam pa bdun du shes par bya// mos spyod bzod thob sar 'dren dang // 'od zer 'phro ba'i sar 'dren dang // rdo rje 'dzin pa'i sar 'dren dang // stug po chos nyid sar 'dren dang // sku gsum rdo rje sar 'dren dang // dbyer med sa ru 'dren pa'i lung // rtsol sgrub 'das pa'i 'dren pa lung // rnam pa bdun du shes par bya// de yi don ni 'di lta ste// mos spyod sa ru 'dren lung ni// bden pa bzhi yi lam drangs nas// spong dang 'gegs pa'i lung bstan te// bzod thob dang po sa ru 'dren// 'od zer 'phro bar 'dren lung ni// sa bcu dag gi lam drang nas// pha rol phyin bcu lung bstan te// rtogs 'das kun tu 'od sar 'dren// rdo rje 'dzin par 'dren lung ni// dag pa gsum gyi lam drangs nas// yan lag bcu gcig lung bstan te// rdo rje 'dzin pa'i sa ru 'dren// stug po sa ru 'dre na lung ni// mtshan ma med pa'i lam drangs nas// phyag rgya bzhi yi lung bstan te// stug po chos nyid sa ru 'dren// sku gsum rdo rje 'dren lung ni// ting 'dzin rnam gsum la ma dngas nas// rang rgyud dag par lung bsnun te// ska gsum rdo rje'i sa ru 'den// dper me da sa ru 'dren lung ni// dbyings dang eng she sa lam drangs nas//

  421. 211b

    snang la rang bzhin lung bstan te// dbye ba med pa'i sa ru 'dren// rtsol sgrub 'das pa'i 'dren lung ni// dbye ba med pa'i lam drangs nas// ye shes lhun grub lung bstan te// rtsil sgrub 'das pa'i sa ru 'dren// rim pa dgu yi don ston ni// tshig dang yi ger don bstan pas// drang ba'i lung zhes nga yis bshad// nges pa'i lung gi don 'di ni// byang chub sems kyi chos nyid la// rdo rje sems dpa' nga yis kyang // yang dag nges pa 'di yin zhes// tshig dang yi ges mtshon du med// sgra dang tha snyad rim las 'das// sgro dang skur pa kun dang bral// kun las 'das pa'i don 'di la// 'di yin mtshon du med pas na// nges pa'i lung zhes ming tsam btags// nges par gdags su yod pa med// ces gsungs so// gtan la 'bebs pa'i lung 'di la// bye brag gnyis su dbye bar bya// sems can dbang po rim dgu la/ sems 'thad theg pa'i rim pa dgu// gtan la phab ste bstan pa yang // sems dang chos la dbyer med de// thams cad sems su gcig pa'i phyir// dgu yis gtan la phebs pa med// thams cad sems su 'dus pa'i phyir// sems nyid rdzogs par gtan la 'bebs// sems 'thad ya na rim pa dgus//

  422. 212a

    gtan la phebs pa med pa ni// nyan thos dang ni rang rgyal gnyis// bden pa bzhi yi gtan tshigs kyis// rang las byung zhing chos nyid la// spong zhing 'gegs pas gtan la 'bebs// rang las byung ba spong 'gegs pas// gtan la phebs par ma gsungs so// theg chen byang chub sems dpa' ni// bden pa gnyis kyi gtan tshigs kyis// rang las byung ba'i chos nyid ni// mi rtag sdug bsngal stong bdag med// sbyang zhing bgrod pas gtan la 'bebs// rang las byung ba'i chos sbyong bas// gtan la phebs par yongs ma gsungs// 'bras bu nges thob bya ba ni// dag pa gsum gyi gtan tshigs kyis// rang las byung ba'i chos nyid ni// gzugs sgra dri ro reg la sogs// spong dang bsrung dang dag pa yis// chos de gtan la 'bebs par byed// rang chos srung bar byed pas na// gtan la phebs par yongs ma gsung // phyi ba thub pa'i sems dpa' ni// mtshan ma med pa'i gtan tshigs kyis// rang las byung ba'i chos nyid ni// dam rdzas lnga la spong len gyis// sems dpa' gtan la 'be bra/ 'dod pa// rang las byung ba'i chos lnga la// spong len byed pa'i rang bzhin gyis// gtan la phebs par yongs ma gsungs// bskyed pa'i rnal 'byor chen po ni// thabs

  423. 212b

    dang shes rab gtan tshigs kyis// rang las byung ba'i chos nyid ni// phung po 'byung ba rnam shes yul// dus gsum kun la sgrub byed pa// rnal 'byor gtan la 'bebs byed pa// rang byung chos la sgrub byed pas// gtan la phebs par yongs ma gsungs// rdzogs pa'i rnal 'byor chen po ni// dbyings dang ye shes gtan tshigs kyis// rang las byung ba'i chos nyid ni// sems dang chos dang rig pa la// rgyu dang 'bras bu gnyis 'byed pas// chos de gtan la 'bebs par byed// rang las byung ba'i sems rig la/ rgyu dang 'bras bu 'byed pa yis// gtan la phebs par yongs ma gsungs// gtan la phebs par gsungs pa ni// sems nyid rdzogs pa chen po la/ te chos kun 'dus shing gsal ba yis// thams cad gtan la phebs par bstan// de yang ji lta bu zhe na// sems nyid rdzogs pa chen po yis// chos kun yongs su byas pa'i phyir// gtan la 'bebs pa'i ngo bo ste// chos kun gtan la phebs par bshad// sems nyid rdzogs pa'i snying po yis// rang las byung ba'i chos rnams ni// sems nyid gcig gi rang bzhin gyis// sems la gtan la dbab tu med// so sor gtan la 'bebs pa ni// ma rtogs ya na dgu las byung // sems las

  424. 213a

    byung ba'i chos nyid la// sdug bsngal kun 'byung yin zer bas// gtan la phebs pa'i chos ma yin// sdug bsngal bde ba'i chos nyid du// sems nyid rdzogs pas gtan la dbab// spong zhing 'gegs pas yongs ma rtogs// sems las byung ba'i chos nyid la// mi rtag sdug bsngal yin zer bas// mdo sngas gtan la phebs pa min// mi rtag sdug bsngal chos nyid de// 'gyur med bde chen chos nyid du// sems nyid rdzogs pas gtan la dbab// sems las byung ba'i chos nyid la// mtshan ma gzung 'dzin yin zer bas// kri yas gtan la phebs pa min// 'gegs spong dri ro chos nyid de// ye nas dag pa'i chos nyid du// sems nyid rdzogs pas gtan la dbab// sems las byung ba'i chos nyid la// dam rdzas gtsang btsog yin zer bas// yo gas gtan la mi phebs te// dam rdzas lnga yi chos nyid de// rang rgyud dag pa'i chos nyid du// sems nyid rdzogs pas gtan la dbab// sems las 'byung ba'i chos nyid ni// phung po 'byung ba rnam shes la// btsal zhing bsgrub dgos yin zer bta tam hAs gtan la phebs pa min// phung po rnam shes chos nyid de// ma 'gags pa yi ye shes su// sems nyid rdzogs pas gtan la dbab// sems las

  425. 213b

    byung ba'i chos nyid ni// sems rig rgyu 'bras yin zer bas// a nus gtan la phebs pa min// dbyings dang yeng shes chos nyid de// rtsol sgrub 'das pa'i chos nyid du// sems nyid rdzogs pas gtan la dbab// sems nyid rdzogs pa chen po 'dis// thams cad gtan la phebs pa ni// chos kun sems su 'dus pas na// sems kyi rang bzhin bstan pa yin// sems kyi rang bzhin bstan pa la// chos kun gtan la phebs ces bya// gtan la phebs pa'i lung bstan to// / man ngag bzhi ni gang zhe na// rnam pa gnyis su dbye bar bya// de yang gang dang gang zhe na// bzhi pa gnyis kyi rnam pa ste// nges pa bzhi yi man ngag dang // mi rigs rigs par bshad dang gsum// skabs dang phyag rgya'i man ngag gnyis// de nyid lam gyi man ngag go// nges pa bzhi ni gang zhe na// ye shes spong len med par nges// snying rje phyogs ris med par nges// 'byung lnga ye nas sangs rgyas nges// sems la gnyen po med par nges// mi rigs rigs par bshad gsum ni// sems las ma byung sangs rgyas kyang // mi rigs rigs par bshad pa dang // rgyu las ma byung 'bras bu yang // mi rigs rigs par bshad pa dang // lung las ma

  426. 214a

    byung man ngag kyang // mi rigs rigs par bshad pa yin// skabs dang phyag rgya'i man ngag ni// skabs ni bcu gnyis bdun bstan la/ phyag rgya bcu gnyis lnga yis bstan// de nyid lam gyi man ngag ni// chos nyid sems de sus mthong ba// nges pa lam gyi man ngag go// rnam gcig man ngag rnam bzhi'i ni// ngo bo bzhi la bstan pa ste// byang chub sems kyi man ngag dang // sbyor ba med pa'i man ngag dang // dus gsum gtan tshigs man ngag dang / lung chen khungs kyi man ngag go// ye shes spong len med pa ni// sems nyid rdzogs pa'i ye shes te// ye nas rang byung ye shes la// chos la dus gsum sgrib med pas// spong dang len pa mi mnga' ste// rang byung ye shes 'gyur med la// spong dang 'gegs pa yong mi mnga'// sbyang zhing bgrod pa yong mi mnga'// gzung zhing 'dzin pa yong mi mnga'// blang zhing dor ba yong mi mnga'// btsal zhing bsgrub pa yong mi mnga'// rgyu dang 'bras bu yong mi mnga'// des na rang byung ye shes la/ spong len med par bstan pa yin// ya na rnam pa brgyad po la// rang byung ye shes yod ma yin// so sor rtog pa'i ye shes kyis// ya na so sor rtogs par

  427. 214b

    byed// des na ye shes grangs su byung // grangs kyi ye shes rnam pa ni// shes dang chos shes rjes su shes// ji bzhin mi mnyam pa'i shes pa ni// bden pa bzhi po gcig la yang // rnam pa bzhi bzhir dbye ba la// grangs kyi ye shes bcu drug ni// bden pa bzhi las byung ba yin// des kyang spong zhing 'gegs pa ni// spong len med pa'i ye shes min// mi rtag pa dang sdug bsngal dang // stong pa dang ni bdag med pa// thams cad mkhyen pa'i ye shes ni// don dam kun rdzob shes pa ste// des kyang sbyang zhing bgrod pa ni// sbyang bgrod med pa'i ye shes min// dag pa gsum gyi ting 'dzin gyis// dri ro spong zhing rigs gsum rtog/ des kyang gzung zhing 'dzin pa ni// gzung 'dzin 'das pa'i ye shes min// phyag rgya bzhi 'dzin reg pa yis// rang rgyud dag pa'i chos lnga la// rtog pas blang zhing dor byed pa// blang dor med pa'i ye shes min// thabs dang shes rab chos nyid la// sku gsung rigs dang kha dog gsal// rang rgyud dag la sgrub byed pa// rtsol sgrub 'das pa'i ye shes min// dbyings dang ye shes chos nyid la// rgyu 'bras dag pa'i rig pa yis// des kyang btsal zhing sgrub byed pas// rgyu 'bras 'das pa'i ye shes min// rang byung ye shes sku gcig/

  428. 215a

    la/ ta ya na grangs kyi ye shes kyis// gsal ba skyed par mi nus so// sems nyid rdzogs pa chen po yi// 'gyur med rang byung ye shes la// ye nas sgrib pa mi mnga' bas// spong len med pa'i ye shes so// de bas spong len med par nges// zhes bstan// snying rje phyogs ris med pa ni// rnam pa gsum du shes par bya// cir mi mdzad pa'i snying rje dang // kun la khyab pa'i snying rje dang // phyogs mtshams 'dzin pa'i snying rje'o// gnyis la phyogs ris med pa ste// phyogs mtshams 'dzin la phyogs yod de// de yang gang dang gang zhe na// rnam pa gsum du shes par bya// cir mi mdzad pa'i snying rje ni// sems nyid rdzogs pa'i byang chub sems// spros dang bral ba'i rang bzhin gyis// dngos po mtshan ma cir mi mdzad// des na snying rje phyogs ris med// kun la khyab pa'i snying rje ni// sems nyid rdzogs pa'i byang chub sems// blang dor med pa'i rang bzhin gyi// sangs rgyas sems can kun la khyab// des na snying rje phyogs ris med// phyogs mtshams 'dzin pa'i snying rje ni// ya na brgyad kyi chos nyid de// rgyu dang 'bras bur phyogs mtshams 'dzin// rtsol sgrub yod par phyogs mtshams 'dzin// lha dang bdag

  429. 215b

    tu phyogs mtshams 'dzin// yul dang dbang por phyogs mtshams 'dzin// kun rdzob don dam phyogs mtshams 'dzin// phyogs mtshams 'dzin pa'i snying rje de// snying rje chen po ma yin te// snying rje chung ngu yin par bshad// sems nyid rdzogs pa'i byang chub sems// thams cad rdzogs pa'i rang bzhin gyis// snying rje phyogs ris med par nges// zhes bstan// 'byung lnga ye nas sangs rgyas ni// zab mo lnga yi sangs rgyas te// de yang gang dang gang zhe na// sa chu me rlung nam mkha' lnga// gcig la rang bzhin lnga lnga ste// nyi shu rtsa lngar 'byung ba'o// de yang rang bzhin rnam lnga ste// sra ba sa yi rang bzhin la// sdud pa chu yi rang bzhin yin// yang ba rlung gi rang bzhin yin// snyoms pa me yi rang bzhin la// gsal ba nam mkha'i rang bzhin yin// de yang ye nas sangs rgyas te// sa ni sra byed rdo rje dbyings// skye 'jig med pa'i sangs rgyas so// chu ni rin chen gter gyi dbyings// thams cad sdud pa'i sangs rgyas so// me ni pad+ma rnam dag dbyings// gzung 'dzin sreg pa'i sangs rgyas so// rlung ni yang zhing g.yo ba'i dbyings// kun tu bskyod pa'i sangs rgyas so// nam mkha' snang byed khyab pa'i dbyings// mi sgrib gsal ba'i sangs rgyas

  430. 216a

    so// des na 'byung chen rnam pa lnga// ye nas sangs rgyas yin pa ru// sems nyid rdzogs pa'i lung gis bshad// ces bstan// sems la gnyen po med nges ni// rnam pa gsum gyi gtan tshigs kyis// gnyen po med par bstan pa yin// de yang gang dang gang zhe na// dpe la gnyen po med pa dang // don la gnyen po med pa dang // rtags la gnyen po med pa'o// dpe la gnyen po med pa ni// nam mkha'i dpe la rang bzhin med// don la gnyen po med pa ni// chos nyid don la gnyen po med// rtags la gnyen po med pa ni// byang chub sems la gnyen po med// de yang ji lta bu zhe na// dpe dang don rtags gsum po la// rgyu dang sa bon ma mchis pas// rkyen dang gnyen po kun dang bral// des na sems nyid rdzogs pa la// gnyen po med pa zhes bya'o// nges pa bzhi yi man ngag go// / mi rigs rigs par bshad gsum ni// sems las ma byung sangs rgyas ni// mi rigs rigs par bshad pa yin// rgyu las ma byung 'bras bu yang // mi rigs rigs par bshad pa yin// lung las ma byung man ngag kyang // mi rigs rigs par bshad pa yin// de yang ji lta bu zhe na/

  431. 216b

    sems las ma byung sangs rgyas ni// chos nyid mkha' la sems nyid klong // sems las ma byung sangs rgyas yin// rgyu las ma byung 'bras bu ni// byang chub sems kyi 'bras bu ste// rgyu las ma byung 'bras bu yin// lung las ma byung man ngag ni// chos nyid byang chub sems kyi don// sprul pa gang zag skal ldan gyis// ji ltar rtogs shing rig pa de// lung las ma byung man ngag yin// mi rigs rigs pa 'di gsum yang / man ngag dag gis rigs par bshad// mi rigs rigs par bshad pa'o// / skabs dang phyag rgya'i man ngag ni// rnam pa gnyis su dbye bar bya// skabs ni bcu pa gnyis dang bdun// phyag rgya bcu gnyis lnga las med/ gnyis ni rtsol zhing sgrub par byed// skabs zhes bya ba'i nges pa ni// sems nyid rdzogs pa'i snying po de// sgrib med rang byung ye shes las// chos kun dus gsum sgrib med pas// chos nyid don la 'gags pa med// so so dag gis go skabs 'byed// des na skabs zhes bstan pa yin// phyag rgya dag gi nges pa ni// sems nyid rdzogs pa'i snying po de// ye nas byang chub sku yin pas// skye ba med cing 'gyur ba med// ye nas ye shes chen po'i sku// 'gyur ba med pa'i rang bzhin la//

  432. 217a

    phyag rgya zhes ni bstan pa yin// sems nyid rdzogs pa chen po la// ye shes don gyi bye brag ni// skabs dang phyag rgya nyi shu lngas// so so dag gis skabs phye nas// yo ga bzhi yi don phyung ste// che ba lnga yi khyad par gyis// rim pa dgu dang 'jig rten pa// rang re dag gis bden pa des// nges par gtan la ma phebs pas// long ba dmigs bu zin pa ltar// ye shes don gyi bye brag 'dis// nges par gtan la 'bebs par byed// de yang ji lta bu zhe na// ji ltar snang ba'i chos rnams kun// ye nas 'dus byas ma yin pas// chos nyid dag tu gnas pa ni// chos nyid skabs zhes bstan pa yin// 'dus ma byas pa'i chos nyid de// 'gro ba rnams la rang bzhin gyis// ye nas ma phye gnas pa'i phyir// rang bzhin gnas pa'i skabs zhes bya// 'dus ma byas pa'i chos nyid de// ma bcos ngang la gnas pa yis// sangs rgyas che ba thob pa'i phyir// rang bzhin che ba'i skabs kyis bstan// 'dus ma byas pa'i chos nyid de// btsal ba med pas 'grub pa'i phyir// btsal dang bral ba'i skabs kyis bstan// 'dus ma byas pa'i chos nyid de// tshig dang yi ger brjod med phyir// brjod dang bral ba'i skabs kyis bstan// 'dus ma byas pa'i

  433. 217b

    chos nyid de// skye ba med pa'i rang bzhin gyis// khams gsum dag tu mi 'khor bar// las kyis 'khol ba'i skabs zhes bya// 'dus ma byas pa'i chos nyid de// byang chub sems su gcig pa'i phyir// gnyis med skyon bral skabs zhes bya// chos kun rang gi sems la 'dus// sems kyi rtogs pa bshad pa'i phyir// ye shes rang byung skabs zhes bya// chos kun rang gi sems la 'dus// sems la 'du 'bral med pa'i phyir// gzungs kyi sbyor thabs skabs zhes bya// chos kun rang gi sems la 'dus// / sems la chos kun rdzogs pa'i phyir// yongs su rdzogs pa'i skabs zhes bya// chos kun rang gi sems la 'dus// sems la gzung 'dzin med pa'i phyir// chags dang bral ba'i skabs zhes bya// chos kun byang chub sems su 'dus// sems nyid ye nas che ba'i phyir// gdod nas che ba'i skabs zhes bya// chos kun byang chub sems su 'dus// tasems la skyon yon med pa'i phyir// smon lam bral ba'i skabs zhes bya// chos kun byang chub sems su 'dus// sems la thams cad 'dus pa'i phyir// lung chen ston pa'i skabs zhes bya// chos kun byang chub sems la 'dus// sems la bzang ngan med pa'i phyir// mnyam pa nyid kyi skabs zhes bya// chos kun byang chub

  434. 218a

    sems 'dus kyang // blang dor med pa ma rtogs phyir// bde ba spong ba'i skabs zhes bya// chos kun byang chub sems su 'dus// sems la btsal du med pa'i phyir// btsal dang bral ba'i skabs zhes bya// chos kun byang chub sems su 'dus// sems la 'gyur ba med pa'i phyir// chos nyid mi 'gyur skabs zhes bya/ chos kun byang chub sems la 'dus// sems la gnyen po med pa'i phyir// rgyu rkyen bral ba'i skabs zhes bya// chos kun byang chub sems su gcig/ rgyud drug snying po sems gcig phyir// 'gro kun sangs rgyas skabs zhes bya// chos kun byang chub sems la 'dus// sems la tshegs kun rdzogs pa'i phyir// ye nas dag pa'i tshogs chen pas// tshogs chen dbul ba'i skabs zhes bya// chos kun byang chub sems su 'dus// sems de ye shes shar ba'i phyir// tshogs rgyan lhun gyis grub pa'i/ skabs// chos kun byang chub sems su 'dus// sems nyid lhun gyis grub pa'i phyir// lhun gyis grub pa'i skabs zhes bya// chos kun byang chub sems su 'das// sems la rtsol sgrub med pa'i phyir// 'phrin las rgya mtsho'i skabs zhes bya// chos kun byang chub sems su 'dus// sems nyid chos kyi khung yin phyir// lung chen 'bres

  435. 218b

    ba'i skabs zhes bya// chos kun byang chub sems su 'dus// sems nyid btsal ba med pa la// btsal ba'i gol sgrib bstan pa'i phyir// btsal dang ma bral skabs zhes bya// chos kun byang chub sems 'dus la// sems nyid chags shing g.yos med la// ma chags mi g.yo'i sems med pas// 'ching ba chen po'i skabs zhes bya// samra nyid chos nyid de rnams la// ma 'gags pas na skabs zhes bshad// phyag rgya nyi shu rtsa lnga ni// yi ge A li kA li gnyis// gcig tu bsdus te nyi shu lngar/ bgrang ba'i don ni 'di lta ste// rgyud drug sems can thams cad kun// snying po byang chub zhing yin pas// chos nyid don de shes pa dang // don de yid ches bya ba'i phyir// nyi shu rtsa lngar bgrangs mod kyis// yang dag byang chub sems la ni// tshig tu bgrangs na mtha' yas te// nges par sems la bgrang du med// nyi shu rtsa lnga 'di lta ste/ mtshan ma'i yul la mi gnas na// ye shes chen po'i phyag rgya yin// thabs dang shes rab gnyis med pa// ye shes chen po'i phyag rgya yin// dbyings dang ye shes gnyis med pa// ye shes chen po'i phyag rgya yin// yul dang dbang po gnyis med pa// ye shes chen po'i phyag rgya yin// sems nyid bde ba chen po de// ye shes

  436. 219a

    chen po'i phyag rgya yin// chos nyid gsang ba'i byang chub sems// ye shes chen po'i phyag rgya yin// thabs dang shes rab 'du 'bral med// ye shes chen po'i phyag rgya yin// chos nyid dag las ye shes byung // ye shes chen po'i phyag rgya yin// rkun po rkun mo gnyis med pa// ye shes chen po'i phyag rgya yin// thams cad rang la rdzogs pa yang // ye shes chen po'i phyag rgya yin// chos nyid dag la rol pa de// ye shes chen po'i phyag rgya yin// sems la dus gsum med pa'i phyir// ye shes chen po'i phyag rgya yin// sems nyid 'du 'bral med pa de// ye shes chen po'i phyag rgya yin// thams cad gcig tu 'dus pa ni// ye shes chen po'i phyag rgya yin// byang chub sems la g.yos pa med// ye shes chen po'i phyag rgya yin// chos nyid dag la 'gyur ba med// ye shes chen po'i phyag rgya yin// brjod du med pa'i yul la rol// ye shes chen po'i phyag rgya yin// dbyings dang ye shes 'du 'bral med// ye shes chen pa'i phyag rgya yin// byang chub sems las kun sprul pas// yeng shes chen po'i phyag rgyurgya yin// gang gis chos nyid rig pa de// ye shes chen po'i phyag rgya yin// chos nyid rgyun du rig pa de// ye shes chen po'i phyag rgya yin// ji ltar rtogs pa'i rig pa

  437. 219b

    de// ye shes chen po'i phyag rgya yin// thams cad sangs rgyas shes pa de// ye shes chen po'i phyag rgya yin// 'phrin las lhun gyis grub pa de// ye shes chen po'i phyag rgya yin// nges par gtan la 'bebs pa yang // ye shes chen po'i phyag rgya yin// phyag rgya nyi shu rtsa lnga 'dis// ltos pa'i chos ni thams cad kun// long bas dmigs bu zin pa ltar// bstan pa rgyud kyi spyi 'grel zhes// rdzogs pa nga yis bshad pa yin// phyag rgya 'di yi rang bzhin ni// rnam pa gsum du shes par bya// ming dang rang bzhin dpe gsum ste// ming gi phyag rgyar bshad pa yin// rang bzhin 'gyur ba med pa ste// rdo rje sems la 'gyur ba med// dpe ni nam mkha' lta bu ste// nam mkha'i dpe la mtshon du med// ces bstan/ skabs dang phyag rgya'i man ngag go// / de nyid lam gyi man ngag ni// rnam pa bcu dang drug tu bgrang // de yang gang dang gang zhe na// yo ga rnam bzhi re re la// de nyid rnam pa bzhi bzhi ste// rnam pa bcu dang drug tu bgrang // de nyid rnam pa bcu drug ni// byang chub sems kyi de nyid// de/ sems dang chos dang ye shes dang // ngo bo dag gi de nyid do// sngon dang da ltar phyi ma dang // de dang 'dra ba kun gyi'o// shin tu rnal 'byor de nyid ni//

  438. 220a

    rnam pa bzhi ru bgrang bar bya// sangs rgyas sems can rgyud drug kun// ma bcos sems kyi de nyid do// snang srid snod bcud thams cad kun// ma byas chos kyi de nyid do// dus gsum bskyod pa med pa ni// ma bsgribs ye shes de nyid do// thams cad yongs su rdzogs pa ni// ngo bo dag gi de nyid do// kun tu rnal 'byor de nyid ni// rnam pa bzhi ru bgrang bar bya// chos dbyings ji ltar rig pa de// de ni sems kyi de nyid yin// dbyings nyid cir yang bcos med pas// de ni chos kyi de nyid yin// dbyings dang ye shes gsal ba ni// de ni ye shes de nyid yin// dbyings dang ye shes gnyis med pa// de ni ngo bo'i de nyid yin// rnal 'byor chen po'i de nyid kyang // rnam pa bzhi ru shes par bya// yi ge hUM la sogs pas ni// de la thams cad bskyed pa ni// sems kyi de nyid yin par bshad// phung po 'byung ba rnam shes yul// snang la rang bzhin med pa ni// ye nas chos kyi de nyid yin// de ltar ma bsgribs gsal ba ni// ye shes dag gi de nyid yin// bdag nyid chen po grub pa ni// ngo bo dag gi de nyid do// sems dpa'i rnal 'byor de nyid kyang // rnam pa bzhi ru bgrang bar bya// gang zhig ting 'dzin sdom gnas nas// sdom de yid la gang 'dzin pa//

  439. 220b

    sems kyi de nyid yin par bshad// ting 'dzin chags pa med pa ni// chos kyi de nyid yin par ba shad// rigs dang kha dog so sor gsal// ye shes dag gi de nyid yin// rigs bzhi phyag rgya chen po bzhi// ngo bo dag gi de nyid yin// de nyid rnam pa bcu drug ni// lam gyi lung du shes par bya// zhes bya// ngo bo bzhi yi man ngag la/ byang chub sems kyi man ngag ni// dus gsum sangs rgyas thams cad dang // khams gsum sems can thams cad kun// byang chub sems las kun byung ste// sangs rgyas sku dang ye shes dang // sems can lus dang bag chags dang // snang zhing srid pa thams cad kun// byang chub sems kyi blang dor med// sangs rgyas ye shes thugs rjes kyang // dbri skol blang dor yongs mi mnga'// sems can 'gro ba'i sdug bsngal yang // byang chub sems kyi rang bzhin te// snang srid snod bcud kun la khyab// gnyen po dag gis bskyod du med// nam mkha'i mtha' ltar mnyam par gnas// des na snying po byang chub de// gzung 'dzin spros pa kun dang bral// sgra dang tha snyad rigs las 'das// tshig dang yi ges brjod dang bral// bstan du mtshan ma'i dngos po med// mngon du dmigs pa'i yul dang bral// rgyu las ma byung snying po 'di// sgros kyi

  440. 221a

    btags pa kun dang bral// zhes bstan// sbyor ba byar med man ngag ni// byang chub sems kyi sku mchog 'dis// chos kun yongs su khyab pa'i phyir// gcig dang gnyis su byar med pas// de la gnyis kyi sbyor ba med// chos kun sems las byung ba'i phyir// chos sems gnyis su sbyar du med/ rgyu las 'bras bu btsal med pas// rgyu 'bras gnyis su sbyar du med// thabs dang shes rab yul byung bas// thabs dang shes rab sbyar du med// ye shes rigs la dbyings gsal bas// dbyings la ye shes sbyar du med// dbang po dag la yul snang bas// yul dang dbang po sbyar du med// chos kun sems su gcig/ pa'i phyir// gcig la gnyis sbyar med par gsungs// zhes bya// dus gsum gtan tshigs man ngag ni// sems nyid rdzogs pa chen po 'dis// skye dang 'gag pa med pas na// dus gsum med pa'i gtan tshigs te// 'das dang ma 'ongs da ltar gyi// tha snyad ming la mi gnas te// 'das pa'i dus na 'gag pa med// ma 'ongs dus la skye ba med// da ltar dus zhes gnas med pas// dus gsum gcig pa'i man ngag go/ zhes bstan// lung chen khungs kyi man ngag

  441. 221b

    ni/ sems nyid rdzogs pa chen po 'dis// chos kun gtan la 'bebs pa'i phyir// lung chen khungs kyi man ngag go/ zhes lung gsum man ngag bzhis gtan la dbab pa'i mdo le'u'o// // de nas yang sems dpa' chen po des/ 'dus pa'i tshogs la lung gsum man ngag bzhis gtan la 'bebs pa'i mdo'i don gyi 'grel pa 'di gsungs so// kye/ 'das pa'i tshogs chen de nyon cig/ snyan khung brgyud pa'i lung 'di ni// gang gis ji ltar sman khung gang brgyud pa// kun bzang rdo rje chos nyid bgrod med de// bgrod du med pa'i don ni de ltar la// de bzhin chos nyid gcig tu gnas pa'i phyir// gang zhig su gang rung ba de la ni// chos nyid bgrod med de bstan de yang 'thob// byang chub sems kyi snying po de nyid ni// chos kun 'byung ba'i snying po yin pas na// spros dang bral ba'i snying po de las ni// chos nyid spros bral de 'byung ngo mtshar che// zhes snyan khung brgyud do// gang gis mngon du ji ltar phyung zhe na// chos nyid sems nyid mngon du bstan pa ni// a dang mdzes paba'i ta ste chos skur bshad// snying po byang chub sems ni chos sku las// cho 'phrul phung po lnga yi rnam pa ni// rnam shes brgyad kyi yan lag spros pa bzhin// khams

  442. 222a

    gsum 'jig rten yongs kyi spyod yul ni// nyon mongs lnga yi 'dod yon rnam pa lnga// dus gsum sangs rgyas gsung gi zab mo ni// skye ba med pa'i chos nyid gzugs sgra dri// skye ba med pas zab mo sangs rgyas gsung // zhes bstan// de bzhin gtan la 'bebs pa'i man ngag ni// sangs rgyas sems can kun gyi don rnams ni// ji bzhin mi bskyod pa yi chos nyid de// bya ba med pas grol ba'i rdzogs chen la// bya byed rtsol sgrub med pas grol bar bshad// rgyu rkyen med pa'i rang byung ye shes des// ma btsal rang bzhin gnas pas bdag grol la// btsal du med pas grol bas gzhan la ston// ces bstan// bzhin man ngag rnam bzhi ni// byang chub sems kyi man ngag ni// 'gro ba rigs drug sdug bsngal nyon mongs lnga// snying po byang chub sems kyi rang bzhin yin// sangs rgyas rnams kyi sku gsung thugs la chub// sems can rnams kyi lus ngag yid la khyab// dus gsum sangs rgyas sku dang ye shes rol// khams gsum sems can dug lnga rang khar spyod// byang chub sems kyi snying po 'di la ni// dngos po mtshan mar bskyod pa med bzhin du// dpe ni nam mkha' lta bu'i rang bzhin du// kun la khyab pas nam mkha'i

  443. 222b

    mtha' ltar gnas// zhes bya/ byang chub sems kyi man ngag go// de bzhin sbyor ba dag pa'i man ngag ni// chos nyid skad cig gnyis med gzung ba ni// gnyis su med pa'i sbyor ba chen po yin// rgyu rkyen med pas bde zhing dga' ba de// skye ba med pa'i dam tshig yin par bshad// shes rab yul de reg pas mngon gyur nas/ ta thabs kyi gar thabs rig pas bskyod pa yis// chos rnams ma skyes bdag dang gnyis med sbyor// skye ba med pa'i mchod pa phul ba yin// ces bya/ sbyor ba dag pa'i man ngag bstan no// dus gsum gtan tshigs man ngag ni// snga ma 'das dang da ltar dang // phyi ma ma 'ongs dus gsum tha snyad 'di// gsum du mi gnas snga phyi tha snyad yin// da ltar mi gnas snga phyi skye 'gag med// dus gsum skye 'gag med pa'i don 'di ni// snga phyi med pas dus gsum chen por sbyor// zhes bya/ dus gsum gtan tshigs kyi man ngag bstan no// lung chen khungs kyi man ngag ni// btsal na 'ching bar 'gyur bas de bas na// thams cad yodra su rdzogs pa'i lung 'di la// btsal du med pa de las btsal gyur na// tshe chad pa yi nad de sgrib par 'gyur// bya ru med pa de la de rtogs na// chos nyid la ni chos nyid

  444. 223a

    grub pa med// ces gsungs so// gtan la 'bebs pa'i mdo dang don gyi 'grel pa bstan pa'i le'u ste bdun pa'o// / de nas yang sems dpa' chen po des/ 'dus pa'i tshogs rnams la nges par ston pa'i mdo 'di bstan to// blo nges par gzhag go// kye'adus pa'i tshogs chen danyon cig/ nges par ston pa'i mdo 'di las// med pa'i man ngag rnam pa brgyud// nges pa lnga dang ma nges gsum// brgyad pa gnyis kyi man ngag gis// khyed blo nges par gzhag par bya// de yang gang dang gang zhe na// sems la skye 'jig med pa dang // don la sgom du med pa dang // spyod pa blang dor med pa dang // lam la bgrod du med pa dang // rnam pa bgrang du med pa dang // sems la ngo bo med pa dang // chos nyid mtshon du med pa dang // sgo skur gdags su med pa brgyad// nges pa lnga ni gang zhe na// dus la khyad par med par nges// bla ma mchod dang mnyam par nges// mchod pa bsngo ru med par nges// dka' sla mtshon du med par nges// bde dang sdug bsngal rgyu 'thun nges// ma nges gsum ni gang zhe na// chos kyi rang bzhin ma nges dang // blo yi rang bzhin ma nges dang // ye shes rang bzhin ma nges gsum//

  445. 223b

    sems la skye 'jig med pa ni// snying po byang chub sems 'di la// pha zhes bya ba'i rgyu ma mchis// ma zhes bya ba'i rkyen ma mchis// rgyu ma mchis pas skye ba med// rkyen ma mchis pas 'jig pa med// des na skye 'jig med ces bya// don la bsgom du med pa ni// don ni chos nyid skye med de// dpe yis bsgom du med pa dang / don gyis bsgom du med pa dang // rtags kyis bsgom du med pa'o// de yang ji lta bu zhe na// dpe yis bsgom du med pa ni// chos kun dpe ni nam mkha' ste// nam mkha' stong zhing bdag med pas// de bzhin dpal bsgom du med// don gyis bsgom du med pa ni// chos kun don ni bsgom du med// skye ba med pa'i chos nyid la// bsgom du yod par ma gsungs so// rtags kyis bsgom du med pa ni// rang byung yeng shes 'gag med de// ye nas ye shes rang gsal bas// mtshan ma'i yul la mi gnas pas// bsgom du yod par ma gsungs so// // spyod pa blang dor med pa ni// sems nyid rdzogs pa chen po la// snang ba'i chos dang srid pa'i / chos/ thams cad byang chub sems yin pas// sems nyid ye shes spyod pa la// 'di blang 'di dor ma mchis pas// spyod pa blang dor med pa'o// /

  446. 224a

    lam la bgrod du med pa ni// lam la rnam pa gnyis yod de// don gyi lam dang tshig lam mo// gang zag blo yi rim pa la// theg pa rnam grangs dgur bstan pa// theg pa 'og ma'i rnam grangs la// lam la bgrod du yod par bstan// de yang ji ltar bgrod ce na// nyan thos dang ni rang rgyal gnyis// spong zhing 'gegs pas lam la bgrod// byang chub sems dpa'i mdo sde yis// sbyang zhing bgrod pa sa la ma la bgrod// bya ba rnam gsum yo ga yis// gzung 'dzin dag pa'i sgo nas bgrod// rnal 'byor chen po rnam gnyis ni// ting 'dzin rnam gsumo rang bzhin gyis// sku gsung thugs kyi lam la bgrod// sems nyid rdzogs pa chen po ni// rdzogs pa chen po'i rang bzhin gyis// chos sku sems la bsgrub med phyir// sems nyid lam la bgrod med pas// bgrod du med pa'i lam zhes bya// rnam pa bgrang du med pa ni// chos kun rtsa ba gcig 'dus phyir// rnam pa bgrang du yongs kyis med// gang zag dbang po rim dgu la// yul dgu byung bas rnam par bgrangs// sems nyid rdzogs pa chen po la// yul zhes bya ba sems yin te// sems dang yul gnyis dbye ru med// chos kun sems su 'das pa'i

  447. 224b

    phyir/ sems nyid snying po gcig pa ste// 'dus ma byas pa'i snying po la// rnam pa bgrang du ga la yod// // sems la ngo bo med pa ni// dus gsum sangs rgyas thams cad kyis// sems kyi ngo bo 'di yin zhes// che chung mtshan ma'i ngo bo dang // dbyibs dang kha dog spyod yul du// ston pa nga yis bstan pa med// ngo bo yod/ par nges ma mthong // des na ngo bo med ces bya// chos nyid mtshon du med pa ni// chos nyid rang bzhin sems nyid la// sems nyid rang bzhin chos nyid la// sems nyid bcos pa med pa ni// de la cho so zhes btags pa yin// bcos pa med par rang rig pas// de la sems zhes btags pa yin// de bzhin sems la dngos med bzhin// chos nyid de yang sems yin pas// de bzhin chos la mtshon med do// sgro skur gdags su med pa ni// sems nyid rdzogs pa chen po yi// med pa bdun gyi rang bzhin gyis// chos kun sgo dang skur bral te// yod pa'i sgo dang med pa'i skur// tshig dang yi ge brjod dang bral// de la sgo skar bral zhes bya// / nges pa lnga ni gang zhe na// dus la khyad par med pa ni// 'das dang ma 'ongs da ltar la// skye 'gag med pa'i gtan tshigs kyis// dus la khyad par med par

  448. 225a

    nges/ bla ma mchod dang mnyam pa ni// blang dor med pa'i sems nyid kyis// thams cad chos nyid gcig pa'i phyir// mnyam pas gong 'og rim pa med// gcig la gnyis su dbye ru med// sems la blang dor bya ru med// sangs rgyas sems can gnyis med pas// bla ma mchod pa gnyis med mnyam// des na bla ma mchod pa mnyam// mchod pa bsngo ru med nges ni// sems nyid rdzogs pa chen po la// thams cad lhun gyis grub pa'i phyir// bsngo bar bya ba yod ma yin// ye nas bdud rtsi'i rang bzhin pas// ting 'dzin dbang pos sbyang du med// dka' sla mtshon du med pa ni// chos nyid byang chub sems 'di la// ngo bo ye nas med pa'i phyir// ming tsam 'di zhes bstan pa ni// dus gsum sangs rgyas thams cad dang // rdo rje sems dpa' mtshon du med// bde dang sdug bsngal rgyu 'thun ni// snying po byang chub sems 'dis ni// rgyu gnyis ye nas byas pa'i phyir// bde dang sdug bsngal rgyu 'thun nges// zhes bstan// nges pa lnga zhes bya bar bshad// / / ma nges pa ni rnam gsum ste// de yang gang dang gang zhe na// chos kyi rang bzhin gcig la yang // ji ltar bstan pa der snang bas// 'di la 'di min

  449. 225b

    nges pa med// byis pa'i blo la nges med pas// rang sems gzhan du tshol bar byed// des na nges pa med pa yin// ye shes rang bzhin ma nges pa/ ta ya na rnam pa re re la// grangs dang rnam pa'i ye shes kyis// sems gcig yul la so sor rtog/ des na ye shes nges pa med// ces gsungs so// nges par ston pa'i mdo bstan pa'i le'u'o// // de nas yang sems dpa' rdo rje des 'dus pa'i tshogs rnams la nges par ston pa'i mdo'i don gyi 'grel pa 'di gsungs so// kye'adus pa'i tshogs chen da nyon cig/ sems la skye 'jig med pas na// don la sgom du ma mchis te// snying po byang chub sems 'di/ la/ tating 'dzin bsam pa'i yul las 'das// brjod med pa yi ngang la gnas// de ltar snying po byang chub sems// ston pa'i sgron mar gyur pas na// sangs rgyas kun gyis rab tu bsngags// chos rnams kun gyi snying po bas// mkhyen rab 'jam dpal gzhon nu nyid// bya byed rtsol sgrub mi mnga' bar// bde chen klong na ji bzhin gnas// tshul khrims sdom pa dam tshig dang // spyod pa rgya mtsho'i gzhir gyur pa// ji snyed rnam par grol ba'i lam// de ni bde bar gshegs pa'i yum// 'gro ba kun dang mtshungs

  450. 226a

    pa'i lam// tshul khrims sdom pa de med pas// bde gshegs yum yang yod ma yin// de phyir rnam grol mchog gi lam// tshul khrims sdom pa med par bshad// sems la ngo bo med pa ni// phra zhing shes dka' kun gyi lam// ma rtog de ni rtog las 'das// dngos po mtshan mar dmigs su med// spros med bsam pa kun dang bral// tshig gis gtan la mi phebs te// dbyibs dang dbang po'i spyod yul med// brtan cing rtag par rab tu dka' ba la// de la brjod du rdul tsam med// sngon gyi drang srong bsgrub lam der// da ltar gang du 'jug pa ni// sgom chags lam gyi nad kyis zin// ston pa'i lung gi tshig rnams la// lam du de mthong 'jug pa ni// rtog pa'i lam zhugs smig rgyu snyeg/ yang dag lam ni 'di yin zhes// tshig dang yi ges mtshon du med// yang dag 'di yin ston pa ni// sems dpa' rdo rje nga nyid 'khrul// dag pa dang ni ma dag pa// ye nas gnyis med 'dres shing mtshungs// sems nyid kun gyi gnas su'o// dag ma dag gi rnam pa ni// dbyer med ye shes gti mug dang // thogs pa med pa'i ye shes ni// bsam pa kun dang bral ba yin// ngang gi mi g.yo rmugs pa de// ting 'dzin dag gi rgyal por gnas// ting 'dzin ye shes mngon sum spyan//

  451. 226b

    mthong bas dmigs pa'i yul dang bral// thams cad mkhyen pa'i spyan zhes bya// mtha' dang dbus med spangs pa ni// rang bzhin chos kyi gzhal yas so// sgo skar gdags su med pa ni// blang dor med pa'i rgyal po ni// thams cad snying po byang chub sems// sems dang bag chags 'dres shing mtshungs// sems kyi dbang po sgo lnga yi// snang ba'i chos ni rnam pa lnga// dbang po sgo lnga rang rkyen gyis// spong zhing dor bar yong mi byed// cir yang mi dgongs thabs kyis rol// kun dang mi mthun yongs kyis spong ba'i chos// nyon mongs lnga dang mtshams med lnga// de ni rnam dag chen po ste// gang zhugs mnyam pa'i rgyal po thob// bud med la sogs chags pa'i gnas// kun kyang spong bar mi byed do// lo rgyus tshad ma'i blor gzhag nas// ting 'dzin rnam pa gsum po de// bstan pa grub pa'i mtha' spyod pa// rtsol bral lung las gol zhes bshad// bya bral bde ba'i lhun la gnas// bcos pa med par ji bzhin gnas// ye nas byas zin bdud rtsi yis// rtsol ba dag gi sdug bsngal 'joms// ye nas mi g.yo mi 'gyur te// 'gyur med bsnyad pa kun dang bral// bya bral zin pa'i yul de la// bcos pa med par ji bzhin gnas// btags pas chos ni thams cad kun// thig le chen po'i

  452. 227a

    rang bzhin pas// spro ba med cing bsdu ba med// skye ba med cing 'gag pa med// 'gag pa med par de bzhin gnas// rnam par mi rtog ngo bo 'di// dngos med mtshan ma cir mi gnas// nam mkha' bzhin du ye gnas pas// rtog pa'i sgra bsam yul las 'das// kun las 'das pa'i thig le drug/ sgro dang skur pa kun dang bral// skye 'jig med pa'i rang bzhin gyis// bsgom du med pa'i don bstan to// // de nas yang sems dpa' chen po des spyod pa blang dor med pa 'di bstan to// kye 'dus pa'i tshogs chen de nyon cig/ snang ba'i chos ni sna tshogs te// chos nyid dag la mi gnyis kyang // snying po byang chub chas gzhig pas// mtshon du med de spros dang bral// ma bcos pa yi chos nyid du// ji bzhin pa zhes mi rtog kyang // sna tshogs rnam par snang mdzad la// blang dor med pa'i kun tu bzang // ye nas rtsol sgrub 'das pas na// byas zin rtsol ba'i las spangs te// lhun gyis gnas pas gzhag pa yin// ces bstan// // kye 'dus pa'i tshogs chen da nyon cig/ lam la bgrod du med pa dang // rnam pa bgrang du med pa ni// byang chub sems sam chos nyid la// rnam pa bgrang du ga la yod// phyi dang nang gi chos nyid

  453. 227b

    'di/ ta 'byung chen lnga dang snang srid phyi// byang chub sems dang chos nyid nang // dbye ba med par chos kyi dbyings// ya nas rnam dag spyod yul la// sems can sangs rgyas gnyis med pas// de la rnam pa bgrang du med// ye nas rdzogs pa'i byang chub la// bsgrub tu med la smon du med// ye nas lhun rdzogs bya ru med// snga ma bzhin te rtsol sgrub 'das// rtog pa dang ni spyod pa dang // gzung 'dzin rnam par dag pa gnyis// ye nas gnyis med chos dbyings las// log rtog byis pa bslu ba med// 'khrul pas nor ba'i lam du bstan pa yang // gong gi chos dbyings lam de gnyis// ye nas gnyis med gcig yin te// lam gnyis mnyam par shes pa ni// dus gsum sangs rgyas kun gyi rje// nga dang bdag tu gang ston pa// de ni mu stegs 'khrul pa'i lam// cha med byis pa bslus pa ni// rtogs pa'i chos la btsud pa ste// bgrod pas phyin pa'i dus med la// brtags pas rtogs pa'i dus med pas// chos nyid chos tshol rnyed par ga la 'gyur// sems nyid mngon du ma mthong ba'i// tshad mar ma gyur spre'u 'dra yis// ston pas lung bstan bka' nor bas// lam nor rtog pas zin ta re// sems nyid mngon gyur mthong ba yi// phyi rabs nges lung ston pa yi// gser la

  454. 228a

    nag tshur gtong bas na// de la dpag med yon gyis blu bar 'os// zhes bstan// // de nas sems dpa' chen po des// 'dus pa'i tshogs la bka' stsal pa// kye 'dus pa'i tshogs chen de nyon cig/ sems la ngo bo med pa dang // lam la bgrod du med pa dang // chos nyid mtshon du med pa dang / sgro skur gdags su med pa ni// byang chub sems sam chos dbyings rnam dag la// cir yang mi gnas gzung 'dzin dmigs pa'i yul med pas// rnam par mi rtog chos nyid bgrang du med pa'i lam// gzhan du bsngo ba'i gzung 'dzin cha shas phra mo bral// yul med rtog las 'das pas rang nyid 'byung ba ste// rnam rtog sgom pa'i chos sku khyad par bcas pa'i don med pas// rang byung ye shes rnam par mi rtog dus kun rang bzhin gnas// rtsol ba'i bya bral chos nyid yul la mi gnas pas// gnyen po gzhan la ltos shing bcos su med// rten 'brel yan lag chos kyi dbang nyid kyis// byang chub snying po chos nyid yul tshol zhing // chos nyid rnam pa cir yang rtog bral bas// thabs chen zab mo'i ngang la bdag nyid rol// byang chub snying po ma bcos rang bzhin 'byung bas na// chos sku btsal med gzhan nas thob pa med// rdul

  455. 228b

    phran don dam rang bzhin gcig pa la// tha dad gses shing phyogs cha rnams dang bral// gar mi gnas pa'i don nyid ye shes legs pa che// 'dus ma byas pa'i ye shes rang las 'byung ba ste// mngon sum rnam par mi rtog yangs pa'i snying po 'byung // rnam par dag pa'i lam chen 'dir zhugs pas// chos nyid mnyam pa'i rgyal po btsal ba med pas thob// mi 'gyur 'gyur ba med pas ye nas med// de bas chags pa'i gnas la zhen med de// de bzhin nyid la gzung ba'i yul ni ye nas med// sems kyi gnas nyid ye nas med kyang bla// rang rig mngon sum lam gyis thob 'dod na// rgyu yi lam la rtag tu gnas shing bsgom par bya// bsgom pa'i ro la chags pa'i ngang ni bde ba'i nang / de lta bu la mnyam pa'i don chen ye mi 'byung // byang chub sems kyi sku gcig kun tu khyab gnas pas// gzhan nas bsnan pa'i chos sku ye nas med// rang byung ye shes mtha' la thug pa med pas na// chos kyi dbyings la bri dang 'phel ba med// chos nyid bde ba'i rol pas nyams bag 'phel ba med// de bas lhag pa'i bde bas gan/ pa'i bde ba rten med la// rang byung ye shes che ba'i yul la ma bcos pas// dus gsum kun tu ji bzhin ye nas lhan ni gnas// ngo mtshar mthong ba'i yul med de la lhag

  456. 229a

    bar chags dang bral// deng 'dir mthong bar bya ba'i mig med do// gang la'ang thos par mi rigs de nyid yin pas so// brjod pa'i tha snyad spros pa kun dang bral// chos ni snang ba chos min de nyid min// rtag tu 'dres pas dbyer med ces ni brjod pa la// don dam stong pa'i chos zhes lhag par smra ba de// gang ltar bshad pa ltar ni dbyings la grub pa med// 'khrul par gyur pa'i byang chub lam des ni// rtog par gyur pas 'bras bu thob pa med// rang byung rgyu rkyen ma bskyed sems nyid kyang / tshig gis brjod pas mi phebs mtha' dang bral// ye nas bya btsal bral ba'i bdag nyid la// rang rig mngon sum rang gis btsal med gnas phyir ro// grib ma las byung gzugs kyi dpe bzhin du// mi rtog ye shes de las rtog pa byung bar zad// med de zhes te med pa'i mthar ma yin// mthar ma yin zhes med pa'i snying po 'byung // stong pa nyid de stong pa'i mthar ma yin// stong pa'i yul zhes snang ba'i srog la gnas// dper na nam mkha'i rang bzhin de nyid las// nam mkha' de las yin no zhes pa'i dran pa skyed// rtsol ba'i bya bral ye nas zin pa'i bde ba de// dang du 'dod pa med pa'i tshul gyis len par byed// gza' gtad bral ba'i ye shes yul med

  457. 229b

    de/ de nyid las ni ye shes gsal bar 'byung ba rtsom// sngon du 'byung ba'i drang srong lta ba'i rjes su dmigs// de la bsgom pa dmigs pa'i yid kyang 'jog par byed// de ni rang bzhin lam du ma gtogs de 'khrul bas// thams cad mkhyen pa'i ye shes spong len ngang gis med// ji bzhin pa la yin zhes rnam rtog byed pa de// phyir zhing rtog pa 'phel te bsgom pa med// bde ba chen po zhes ni gzhan nas tshol 'dod pas// de nyid chags pa'i gcong snying nad yin te// mi g.yo ba yi rang bzhin btsal med gnas pas na/ de nyid sman chen zhes ni rtogs par ma byas na// mtho ris lha mi tsam du bgrod pa'i dge bcu rgyu des ni// nyon mongs gcong snying zin pas phyin par mi 'gyur ro// de bas bgrod pa'i lam des phyin pa med pas na// lam de nyid du 'jug pa gang zag rnams kyi nad du che bas na// de nyid mya ngan 'das par phyin par 'dod pa des// ri dgas smig rgyu chu ru 'du shes snyeg pa 'dra// de las gang yang bsnyeg par 'gyur ba'i yul med de// de bzhin gang ltar bgrod kyang khams gsum de las yongs mi 'byung // sa bcu gong nas gong du ltos pa'i rten bcas kyang // byang chub chen po dag la bsgrib par 'gyur ba yin// de bas shin tu thogs med myur ba'i ye shes la// bsam pa'i rnam

  458. 230a

    rtog brjod pa kun dang bral// de phyir bshes gnyen yon tan kun gyi 'byung gnas te// nor bu rin chen bzhin du spyi bor gtsug gis bkur// chos nyid dmigs par bya ba'i yul du mi byed cing // rang bzhin 'gyur ba med pa'i gnas la mi ltos par// rig pa nang nas rang bzhin legs par 'char// re ba thams cad bral te de nyid skong ba'o// brtags na 'di 'dra med cing gzhag na sna tshogs 'byung ba yi// yon tan sna tshogs 'byung ba'i legs pa chen po 'di// dngos su mi snang ba ltar chags pa'i cha lugs 'chang // theg chen snod 'gyur kun la de ltar ston cing rtog/ bdag gzhan gzung 'dzin bral ba'i ston pa de// mkhan po zhes ni rin chen mdzod dang 'dra// bdag don thams cad grub pa'i bla ma yul yin zhes// bdag 'dzin bral ba'i snying rjes theg chen bstan// nang nas phyi mo nyid na ma g.yos pas// nang du 'di'o zhes ni btsal ba'i gnas med do// dmigs pa'i yul phyir chags shing yul ma 'dzin// de phyir gzhan du bsngo bar bya ba'i dmigs pa med// mnyam pa de las mi 'byung de la mi 'jug cing // de nyid bdag nyid chen po'i snying po de yin na// gzhan nas btsal na 'phags pa'i nor med mi 'ong bas// ye nas bdag nyid la ni gnas pa yin zhes

  459. 230b

    bstan/ bde ba thob par 'dod pas re ba dag dang bcas// de phyir 'di yi bde la rgyab kyis phyogs par 'dod// bde la chags pa'i nad kyis zin te bde bas bde ba rtsol/ byang chub logs nas 'dod pas 'khrul pa'i 'dam la gnas// des na ye rngam chos la za zhing 'chel// de lta bu yi yul can gzung 'dzin bcas pas na// sangs rgyas zhes ni logs nas mthong ba min// sangs rgyas zhes ni ngang gis gnas pa med// de phyir sangs rgyas ming du smos pa'ang bral// sangs rgyas zhes ni ston pas ming btags nor// sangs rgyas zhes ni gzhan nas thob byed pa// de nyid smig rgyu bzhin te nor ba'i lam// kha dog dbyibs kyi gzugs ni yod min pas// chos kun bshad pa rdul cha tsam yang med// zin pa'i nad dang chags pa'i sdug bsngal ye nas zhi// dngos po med la zhen pa ye nas spangs// gnyis med bdud rtsi chen po'i rang bzhin las// gza' ba'i thabs la ye nas rag pa med// thams cad ma bkag yangs pas che// de bas 'og ma rnams kyi gnyen po yin// gnyis med ngang la mi dmigs mnyam pa'i ngang // che/ chung 'du shes dmigs pa 'du dang bral// lung las gsungs shing man ngag dag gis rgyas// dper na sgyu mkhan ri mo'i rnam pa 'dra// mnyam la 'byung 'jug ye shes bying

  460. 231a

    rmugs bral// de yi dbang las ye shes skye bar 'gyur// rten dang bral bas gtang zhing mnyam pa'i ngang la gnas// bde ba chen po dag la brod pa rdul mi skye// dper na nam mkha' g.yang sa dag la mkha' lding nyam mi nga // de phyir spro bsdu med cing mnyam pa'i ngang la gnas// de ltar stong par mi ltung gza' gtad bral// gza' ba'i yul bral re dogs med// rgya mtsho bzhin te thams cad mnyam par gnas// chos rnams sna tshogs ngang gis 'byung bar byed// yon tan tshad ni nam mkha'i mtha' dang mnyam/ bsdu ba'i gnas ni 'di zhes nges pa med// byang chub snying por rtog pa de ma thag/ ting nge 'dzin gyi rgyal po chen po 'byung // dper na nam mkha' 'am rgya mtsho chen po bzhin// mi rtog mnyam pa'i ngang ste mkha' ltar yangs// kun tu bzang po mnyam pa'i spyod yul la// skye shi bral bas 'pho 'gyur ye nas med// 'khor ba de nyid rgyu rkyen bcu gnyis yin// med pas skur ba yin te snang bas btags pa yin// 'khrul bar snang ba zhugs pa'i sgo tsam du// de nyid rtog pa'i mkhas pa sar shes par gyis// 'gro ba rigs drug 'khrul pa snang ba yang // dang po'i las can dag tu shes par bya// 'dod yon lta spyod gzhan la thugs rjes brlan// des na gang ltar spyad kyang byang

  461. 231b

    chub spyod pa yin// shan pa smad 'tshong mtshams med byed pa de// 'jig rten kha na ma tho spong ba yin// de nyid yongs su rdzogs pa'i bdag nyid de// bde ba chen po nyid/ dang dbyer med phyir// rnam par mi rtog snying po zhes kyang bya// de ni thams cad rgyud la sbas pa med// blang dor med pa nyid du spyod rnams la// ye nyid btsal ba med pa nyid du rang bzhin gnas// yul nyid chos la 'jug pa'i bsam gtan 'di// rnam par mi rtog chos rnams snying po yin// sems nyid rtog pa rnams la rgyud// ces bstan to// ta kye 'dus pa'i tshogs chen de nyon cig/ dus la khyad par med nges pa// snga ma da ltar phyi ma dus gsum 'di// bde gshegs ye shes thugs la gcig tu gsal// sems can bag chags bsags pas dus gsum gnas// gcig pas snga phyi med par gdod nas byung // chos ska dus gsum gcig tu khyab pa'i phyir// che ba'i chos nyid chen po ye shes ni// ma bcos bde ba chen por rang bzhin gnas// des na dus la khyad par med par nges// zhes bya// bla ma mchod dang mnyam par nges pa ni// tshogs dang ye shes gang zag rnam pa gsum// snga phyi mnyam pas rim pa bkod pa med// chos kun yongs su gcig pa'i

  462. 232a

    gtan tshigs kyis// tshogs dang sangs rgyas gcig pas dngos dang bral// tshogs kyi rgyan ni 'dod yon rnam pa lnga// bkod pa med par rang bzhin bkram pa yang // ye nas rang bzhin gnas pas 'grim pa med// ces bya// mchod pa bsngo ru med par nges pa ni// ye nas rang bzhin gnas pa'i tshogs chen de/ taye nas lhun gyis grub pas mi sngo zhing // gzung 'dzin gdod nas dag pas bdud rtsi yin// dbang po drug sdud rnam shes drug la mched// dbang po rnam shes bcu gnyis khyad par du// lhag pa'i ting 'dzin dag gis bsam pa yis// byin gyis brlabs shing shes pas gzung du med// ces bstan// dka' sla mtshon du med par nges pa ni// byang chub sems la rgyu rkyen mi dgos sla// mtshon du med pas shin tu rtog par dka'// rgyu las ma byung bas ni sla ba'i phyir// dmig/ pa'i yul du ma gyur dka' bar bshad// byang chub sems ni mngon sum yul mi gnas// snang srid kun la khyab pas nam mkha' 'dra// sems la ming dang tshig gis mtshon par ni// rdo rje sems dpa' ngas kyang mtshon du med// ces bstan// bde dang sdug bsngal rgyu 'thun nges pa ni// dbang po drug gi yul la

  463. 232b

    chags pa ste// yul la rang bzhin med pas chags pa med// gnyis kar ma yin tshig gi lam la gnas// brtags na ji ltar brtags par 'byung ba ni// dbu ma bzhin te brag cha'i sgra dang 'dra// bde ba chos nyid sdug bsngal nyon mongs lnga// snying po byang chub sems su rgyu 'thun zhes// 'gro ba'i mgon po rdo rje sems dpas gsungs// zhes bstan// // de nas ma nges rnam gsum bstan pa ni// chos kyi rang bzhin ma nges ni// mdo sde'i chos la nges pa med pa ni// sgyu ma lta bu brgyad du snang ba ni// ji ltar bltas pas de ltar snang ba ni// sems kyi bag chags su yang nges med par// snang ba de 'dod rtsol sems byed pa ni// de la sems nyid bde ba yod ma yin// snang bar 'dod cing rtsol sems byed pa ni// de ni ma rtog sgrib dang gol skyon yin// zhes bstan// blo la nges pa med pa ni// byang chub sems ni rgyud drug kun dang mtshungs// sems rtogs chos nyid sa la 'gro ba'i lam// 'gro ba rigs drug kun gyi lam yin pas// byis pa'i blo la nges pa ma mchis te// ma rig ma/ rtogs bslad pas 'khrul pa'i phyir// rang sems sman gyi slob dpon sman pa tshol// rang sems sangs rgyas ma rtogs gzhan du tshol// zhes bstan//

  464. 233a

    shas nges pa med par bstan pa ni// da ltar bde ba mdun gyi ye shes lta// phyi mar bde ba rgyab nas ye shes 'dod// snang ba mngon sum dag gi ye shes dang // rgyab nas byung ba'i ye shes grang byung bas// de yang ye shes rnam pa'i skyon yin pas// rang byung ye shes de la sten mi bya// zhes bya'o// nges par ston pa'i mdo las/ man ngag brgyad pa dang don gyi 'grel pa bstan pa rdzogs so// // brgyad pa'o// // de nas yang sems dpa' chen po des/ 'dus pa'i 'khor de rnams la/ chos thams cad rdzogs pa chen po'i byin gyis brlabs las byung ba'i phyir/ theg pa yas phubs theg pa dgu'i mdo 'di gsungs so// kye 'dus pa'i tshogs chen de nyon cig/ chos nyid rang bzhin sems nyid de// sems nyid rang bzhin rdzogs pa che// rdzogs chen chos sku skye med pas// skye ba'i cho 'phrul byung ba ni// longs spyod rdzogs sku sprul pa'i sku// sum rgyud dgu phrugs rnam 'phrul ba'i// tshig dang yi ge dgur grags te// ya ni rnam pa dgu ru bstan// de yang gang dang gang zhe na// nyan thos rang rgyal theg chen gsum// sprul pa'i sku yi gsung du grags// kri ya yo

  465. 233b

    ga phyi nang gsum// longs spyod rdzogs sku'i bstan par grags// bskyed dang rdzogs dang rdzogs chen gsum// chos kyi sku yi gsung du bstan// sku gsum ya na rnam pa dgu/ rdzogs pa chen pos byin gyis brlabs// de yang ji lta bu zhe na// sems nyid sku gsung thugs 'di yis// sku gcig sku gsung thugs ston te/ de yang gang dang gang zhe na// sprul pa sku yi rang bzhin ni// bden pa bzhi yi chos nyid la// dbu zlum zhabs rjen brtul zhugs kyis// 'dul ba'i dgra bcom shAkya thub// sprul pa'i sku yi rang bzhin no// sprul pa'i gsung gi rang bzhin ni// brgyad khri bzhi stong rang bzhin gsungs pa dang // dbye ba sdu rgyu 'bras gnyen po las// dgongs te sde snod gsum gsungs pa// sprul pa'i gsung gi rang bzhin no// sprul pa'i thugs kyi rang bzhin ni// chos nyid stong pa bden gnyis kyis// rtog pa kun tu 'od kyis// mi dmigs yang shes mngon pa'i thugs// sprul pa'i thugs kyi rang bzhin no// longs spyod rdzogs sku'i rang bzhin ni// gza' skar dus tshigs bzang sgo nas// dag pa gsum spyod rigs gsum bsgrub// rgyan dang cha lugs rigs gsum 'dzin// longs spyod rdzogs sku'i rang bzhin no// longs spyod

  466. 234a

    gsung gi rang bzhin ni// kri ya yo ga phyi nang gsum// dam tshig bsgrub dang grub pa yi// tan+t+ra sde gsum gsungs pa ni// longs spyod gsung gi rang bzhin no// longs spyod thugs kyi rang bzhin ni// mtshan med sgo nas stug po bkod// phyag rgya bzhi ldan dpal po'u ni// longs spyod thugs kyi rang bzhin no// chos nyid sku yi rang bzhin ni// sku gsum sa yi lam sbyangs nas// snang zhing srid pa'i chos rnams kun// bdag nyid chen po'i chos skur 'dod// chos nyid sku yi rang bzhin no// chos nyid gsung gi rang bzhin ni// bskyed dang rdzogs dang rdzogs chen gsum// sku dang gsung dang thugs kyi rgyud// chos nyid gsung gi rang bzhin no// chos nyid thugs kyi rang bzhin ni// gzung 'dzin med pa'i byang chub sems// sgro skur bral ba'i ye shes thugs// ye nas rang byung ye shes so// chos sku'i thugs kyi rang bzhin no// chos sku'i rang bzhin byang chub sems// byang chub sems kyi 'byung gnas 'di// theg pa dgu yi snying po ste// nga las ma byung gcig kyang med// nga ni kun gyi rang bzhin ston// thams cad nga yis shes par bya// sems nyid rdzogs pa chen po ni// thams cad 'byung ba'i snying po ste// rang

  467. 234b

    las byung ba'i chos nyid ni// rgyu yang dag la 'bras bur dag/ rgyu 'bras dag pa'i chos nyid de// dbyings dang ye shes yin pa'i phyir// a nu yo gar bkod pa yin// sems las byung ba'i chos nyid ni// phung po khams dang skye mched de// ye nas rang rgyud dag pas na// bdag nyid chen po yin pa'i phyir// ma hA yo gar bkod pa yin// sems las byung ba'i chos nyid ni// nang rdzas lnga spong phyi rdzas spyod// mtshan med ma gos ma chags kyang // ye shes grogs su lta ba'i phyir// yo ga zhes su bshad pa yin// sems las byung ba'i chos nyid ni// yul dang dbang po phyi spangs te// yang dri spong dag gsum gyis// ye shes sems dpa' rje lta'i phyir// kri ya zhes su bkod pa yin// sems las byung ba'i chos nyid ni// mi rtag sdug bsngal stong bdag med// don dam kun rdzob bden pa yis// sbyang bgrod rnam pa bcu spyod phyir// byang chub sems dpa'i mdo sder bkod// sems las byung ba'i chos nyid ni// sdug bsngal kun 'byung 'gog lam ste// spong zhing 'geg pa'i shes pa yos// bzod/ pas gzung 'dzin spong 'joms phyir// nyan thos rang rgyal zhes su bkod// sems las byung ba'i chos nyid las// che ba'i ye shes 'byung ba'i

  468. 235a

    phyir// sems nyid a nu yo gar bshad// sems las byung ba'i chos nyid las// sangs rgyas lnga ru 'byung ba'i phyir// sems nyid ma hA yo gar bshad// sems las byung ba'i chos nyid las// phyag rgya bzhi po 'byung ba'i phyir// sems nyid rnal 'byor rgyud ces bshad// sems las byung ba'i chos nyid las/ sku gsum rigs gsum 'byung ba'i phyir// sems nyid bya ba'i rgyud ces bshad// sems las byung ba'i chos nyid las// chos kyi sku ru 'byung ba'i phyir// sems nyid rdzogs pa chen por bshad// sems las byung ba'i chos nyid las// dgra lnga 'joms par 'byung ba'i phyir// sems nyid nyan thos rang rgyal bshad// des na sems nyid rdzogs chen 'dis// theg pa dgu ni yas phub ste// rdzogs pas rdzogs pa chen por bshad// ces gsungs so// mdo 'grel chen po bcu las theg pa yas phub kyi mdo ste dgu pa'o// // de nas 'dus pa'i tshogs rnams la/ sems dpa' chen po rdo rjes des theg pa yas phub pa'i mdo'i don gyi 'grel pa 'di gsungs so// kye 'dus pa'i tshogs chen de nyon cig/ theg pa dgu yi snying po 'di// sems nyid rdzogs pa chen po ste// sems kyis

  469. 235b

    ma byas chos med de// thams cad sems kyis byas par bstan// gnyen po med pa'i rang byung ye shes ni// dmigs su med pas shin tu rnyed dka' bas// shes rab chos nyid rig pa'i thabs kyis rtogs// chos nyid rigs pa gnyis su med par 'grub// don dam ma yin btags pa'i ming tsam du// thabs dang shes rab gnyis la rten 'dra yang // che ba'i ye shes mngon sum bde ba che// rgyu rkyen med pa'i byang chub sems las byung // rdzogs chen dag gis yongs su rnal 'byor bstan// thams cad bskyed pa'i sangs rgyas lnga po 'dis// rgyud drug gnas pa'i sems can kun la khyab// de la gzung 'dzin log par rnam brtags kyang // sangs rgyas lnga ru grol ba gzhan las min// rang rgyud dag pa yin par rdzogs chen gyis// rnal 'byor chen po dag tu bshad pa yin// ma skyes skye ba'i cho 'phrul 'byung ba yang // skye med rtogs na cho 'phrul dka' ba min// sku dang ye shes stobs dang mi 'jigs pa// dus gsum sangs rgyas che ba'i yon tan ni// chos nyid ma bcos ji bzhin rtog pa las// thogs med dka' ba med par thams cad 'byung // sems dpa'i rnal 'byor de la rdzogs par bshad// snang srid rig pas mi 'dzin yongs su gtong // gzung 'dzin

  470. 236a

    med pas gtor ma yin par bshad// rdzogs chen rtsol sgrub 'das pa'i las 'di yis// mtshams kyi rgyal po mi rtog ye shes kyis// bgegs kyi rgyal po rang gis rtog bsal nas// bya ba med pa'i las kyi rgyal po 'dis// mi brjod ting 'dzin mnyam gzhag sngags tshig go/ bya byed 'dzin pa'i rdo rje kri ya la// rtsol sgrub 'das pa'i sems nyid rdzogs par bshad// gcig tu ma nges kha dog rigs lnga ni// sems kyi bye brag kha dog rnam lnga las// rigs lnga rnam shes khyad par snang ba yang // de bzhin sems nyid rdul yang g.yo ba med// rang byung ye shes chen po snang bas na// 'di ni 'byung ba lnga las gtso chen yin// ma nges gnyis ka'i sde la rdzogs par bshad// rim pa dgu dang brgyad khri bzhi stong ni// sems can sangs rgyas sa la 'gro ba'i lam// gang nas spyad kyang rang rang 'bras bu skye// chos nyid rdzogs chen mtshan med dbang gis na// 'jig rten bde ba 'dod pa'i bsti gnas ni// chos nyid mtshan ma med pas 'byung mi 'gyur// sems nyid rdzogs pa dag gis phub ste bshad// sangs rgyas bde ba chen po'i ye shes dang // sems can nyon mongs sdug bsngal rnam pa lnga// snying po byang chub sems su mtshungs pa la// las kyi

  471. 236b

    dbang gis khyad par 'byung ngo zhes// nges med blo yis rnam par brtags pa las// ci ste las de'i dbang du gyur pas na// rkyen med rang byung ye shes yod ma yin// zhes so// rdzogs pa las kyi dbang du mi 'gyur bstan// byang chub sems ni kun gyi rgyu yin te// thams cad 'joms pa'i rdo rje rkyen dang 'dra// rgyu dang sa bon med pas ma skyes la// rkyen dang gnyen po med pas 'jigs pa med// gdod nas ma skyes snying po byang chub la// da btsal bsam pas byang chub sems mi bskyod// rdzogs pas gnyen po'i dbang du mi 'gyur bstan// nyon mongs brkam chags lnga yi dbang gis ni// nyan thos rang rgyal theg chen mdo sde gsum// 'dul khrims sdom pa ma thub nyams pa yis// ta la'i mgo bcad ljon shing mi skye dang // rdo rje theg pa'i dam tshig nyams pa yis// sa bon mes bsregs 'bras bu gtan tshig kyang // rdzogs chen bsrung du med pa'i dam tshig gis// gzhan dbang mi gtong 'bras bu yod par ston// rdzogs pas nyams pa'i dbang du mi 'gyur bstan// zhes gsungs so// byang chub sems kyi mdo don gyi 'grel pa chen po bcu las/ theg pa yas phub kyi mdo dang don gyi 'grel pa bstan pa'i le'u ste dgu pa'o// // de nas sems dpa' chen po des/ 'dus

  472. 237a

    pa'i tshogs thams cad la chos thams cad ni byang chub sems rdzogs pa chen po kho nar rdzogs pa'i phyir/ yongs su rdzogs pa'i mdo 'di gsungs so// kye 'dus pa'i tshogs chen de nyon cig/ ji ltar snang ba'i chos rnams ni// byang chub sems la rdzogs pa'i phyir// byang chub sems 'di shes par gyis// byang chub sems 'di shes pa dang // chos kun rang la rdzogs shes pas// rang las byung ba'i chos rnams kun// rang byung ye shes sems su shes// rang byung byang chub sems 'di la// ma yin pa yi chos med pas// sems ma yin pa'i chos yod min// zhes gsungs pas// 'dus pa'i tshogs rnams rab tu yi rangs te/ 'dus pa'i tshogs kun gyis zhus pa/ e ma ho/ sems dpa' rdo rje kun tu bzang // 'di ltar snang ba'i chos rnams kun// sems yin sems min chos med na// bdag cag 'dus tshogs sems su yang // chos kun rab tu 'dus lags sam// zhes zhus so// de nas sems dpa' rdo rje des don 'di gsungs so// kye 'dus pa'i tshogs chen 'di rtogs la// 'di yis don kun rig par gyis// snang chos rgyu ni 'byung chen lnga// 'byung lnga'i rgyu ni byang chub sems//

  473. 237b

    sems kyis chos kun snang bar skye// sems mi snang la chos mi snang // des na chos kun sems su 'dus// sems la gcig las yod ma yin// sems gcig kun tu khyab pa'i phyir// sangs rgyas ye shes thugs kyang sems// sems can bag chags yid kyang sems// sems rgyas nyid la mi rtog rgyas// sems can rang rtog bag chags sgrib// rang 'byung sems ni mi gnyis gcig/ gcig phyir dus gsum sangs rgyas dang // 'dus tshogs khyod sems dbyer med pas// sems nyid rdzogs pa chen po ni// yongs su rdzogs pa'i mdo zhes bya// kye 'dus pa'i tshogs chen de nyon cig/ yongs su rdzogs pa'i mdo 'di la// don ni rnam pa gnyis rdzogs te// 'jig rten yongs su rdzogs pa dang // 'das pa yongs su rdzogs pa'o// 'jig rten yongs su rdzogs pa ni// srid gsum 'khor ba'i sems can rnams// brkam chags lnga yi lam sbyor zhing // khams gsum 'khor ba'i tshogs skyed de// bde ba'i don med stong par 'gyur// kye'adus pa'i tshogs chen de nyon cig/ 'das pa yongs su rdzogs pa la// man ngag bcu tshan gsum bstan te// mdo dgu sems nyid rdzogs dang bcu// lung dgu man

  474. 238a

    ngag bsdus dang bcu// tshig dgu byang chub sems dang bcu'o// de yang mdo dgu gang zhe na// gcig gi mdo dang gnyis kyi mdo// gsum gyi mdo dang bzhi yi mdo// lnga mdo dang ni drug gi mdo// bdun gyi mdo dang brgyad kyi mdo// dgu yi mdo dang bcu yi mdos// thams cad rdzogs par bstan pa ni/ gcig dang gnyis dang bcu bar du// grangs la 'thun pa'i grangs kyis bstan// de yang ji ltar bstan zhe na// gcig la gcig bstan gnyis la gnyis// gsum la gsum bstan bzhi la bzhi// lnga la lnga bstan drug la drug/ bdun la bdun bstan brgyad la brgyad// dgu la dgu bstan bcu la bcu// lnga bcu rtsa lnga'i bye brag 'dis// kun bzang rdo rje sems dpa'i dka'// mdo yi tshig bzhi lnga bcu lngas// 'khor ba mya ngan 'das pa'i chos// thams can yongs su rdzogs par bstan// mdo dgu sems nyid rdzogs dang bcu// de yang gang dang gang zhe na// gcig modo byang chub sems kyi mdo// gnyis mdo rnam par bgrang pa'i mdo// gsum mdo phun sum tshogs pa'i mdo// bzhi mdo bye brag 'byed pa'i mdo// lnga mdo khyad par 'phags pa'i mdo// drug mdo gol sgrib bstan pa'i mdo// /

  475. 238b

    bdun mdo gtan la 'bebs pa'i mdo// brgyad mdo ngos par bstan pa'i mdo// dgu mdo theg pa yas phub mdo// bcu mdo sems nyid rdzogs pa 'dis// lnga bcu rtsa lnga'i bye brag stan// de yang ji lta bu zhe na// gcig ni byang chub sems yin te// byang chub sems la bgrang du med// rtsa ba'i don du shes par bya// gnyis ni rnam par bgrangs pa ste// byang chub sems la gnyis bgrangs pas// 'khor ba mya ngan 'das pa ste// sangs rgyas sems can gnyis su bgrangs// gsum la don gsum bstan pa ni// ston pa bstan pa 'khor tshogs na// dus dang gnas ni rang bzhin tshang // phun sum tshogs pa gsum du bstan// bzhi pa'i mdo la don bzhi ste/ yo ga bzhi yi rnam pa la// re re la yang bzhi bzhi ste// yo ga bzhi yi bye brag 'byed// lnga yi mdo la don lnga ste// khyad par 'phags pa'i mdo dag las// khyad par 'phags pa'i che lnga ston// drug gi mdo la don drug ste// gol sgrib ston pa'i mdo dag las// nges pa thob pa'i theg pa drug/ rdzogs pa chen po'i gol sar bstan// gol sa drug dang sgrib pa drug/ bdun pa'i mdo la don bdun te// gtan la 'bebs pa'i mdo dag las// lung chen gsum dang man ngag bzhi// rnam pa bdun gyis

  476. 239a

    gtan la 'bebs// brgyad pa'i mngal don brgyud de// nges par ston pa'i mdo dag las// nges pa dag ni rnam brgyad kyis// med pa brgyad nga des bya m+b+ha// ma des rnam pa gsum dang brgyad// brgyad pa gnyis kyi rnam pa bstan// dgu pa'i mdo la don dgu ste// theg pa las phub mad dag las// bden pa dgu yi chog dgus ni// yas phub theg pa dgu ru bstan// bcu pa'i mad la don bcu ste// yongs su rdzogs pa'i mdo dag las// mdo dgu sems nyid rdzogs pa bcu// lung dgu man ngag bsdus dang bcu// tshig dgu byang chub sems dang bcur// sems dpa'ang yis bshad pa yin// lus dgu man ngag bsdus dang bcu'o// de don gang dung gang zhe na// rtsa ba bzhi yi rtsis mag dang // sdud par byed pa'i thig le dang // 'gyur ba med pa'i phyag rgya dang // bgrang lam nor ba'i grol sa dang // ma shes pa yi sgrib pa dang // 'brel pa rgyud du bstan pa dang // gtan mo 'bebs pa'i lung chen dang // la bzlas pa yi man ngag dang / nges pa dag gi yin pa dang // don bsdus gtan tshigs dang bcun/ de yang gang dang gang zhe na// rtsa ba bzhi mi rtsis mgo ni// byang chub sems

  477. 239b

    rang bzhin ni// ston pa rdo rje nga yin te// ston pa rdo rje sems dpa' la// ming dang don dang dpe dang ni// rang bzhin dag gis che ba bstan// de yang ji lta bu zhe na// ming ni rdo rje sems dpa' la// don ni rang bzhi ni skye ba med// dpe ni nam mkha' lta bu ste// che ba lnga ni khyad par 'phags// de yang rtsa ba bzhi zhes bya// sdud par byed pa'i thig le ni// byang chub sems kyi ngo bo ni// spros pa med pas rang bzhin gyis// sdud par byed pa'i thig le ste// spros med thig le chen po drug/ che ba'i yon tan rnam grangs te// chos nyid byang chub sems dang grangs// de yang ji lta bu zhe na// spros med chos nyid thig le ni// ma bcos pa yi byang chub sems// rang bzhin gnas pa'i thig ler sdud// byang chub sems kyi che ba yin// spros med dbyings kyi thig le ni// thams cad sdud pa'i byang chub sems// 'byed pa med pa'i thig ler sdud// / byang chub sems kyi che ba yin// dbyings nyid rnam dag thig le ni// gzung 'dzin dag pa'i byang chub sems// spros pa med pa'i thig ler sdud// byang chub sems kyi tshe// ba yin// ye shes chen po'i thig le ni// ma bsgribs pa yi byang chub sems// 'gag pa med pa'i thig ler sdud// byang chub sems kyi che ba yin// spros med kun

  478. 240a

    bzang thig le ni// blang dor med pa'i byang chub sems// mnyam pa chen po'i thig ler sdud// byang chub sems kyi che ba yin// spros med lhun gnas thig le ni// rtsol sgrub 'das pa'i byang chub sems// ma g.yos pa yi thig ler sdud// byang chub sems kyi che ba yin// thig le thig le zhes bya ba// spros pa med pa'i don yin te// byang chub sems kyi rang bzhin yin// 'gyur ba med pa'i phyag rgya ni// rang byung ye shes bskyod med pas// bcu gnyis lnga ru shes bya ste/ yang shes don gyi bye brag ni// gtan la 'bebs pa'i mdo yis bstan// bgrod lam nor ba'i gol sa dang // ma shes pa yi sgrib pa gnyis// rang bzhin 'di bcu ma shes pas// gol sa dang ni sgrib par 'gyur// rang bzhin bcu ni 'di lta ste// lta ba dang ni dam tshig dang // 'phrin las dang ni ye shes dang // sa dang lam gyi rim pa dang // phra ba chos nyid rang bzhin dang // 'brel ba rgyud kyi rang bzhin dang // thog tu 'bebs pa'i lung chen dang // la zla zlos pa'i man ngag go/ nges pa thob pa'i theg pa drug/ sems nyid rdzogs pa chen po la// rang bzhin 'di bcu khyab pa'i phyir// rang bzhin 'di bcur shes par bya// de yang gang dang gang

  479. 240b

    zhe na/ lta ba bdun dang dam tshig bdun// 'phrin las bdun dang ye shes bdun// sa bdun dang ni bgrod lam bdun// phra ba chos bdun rgyud 'brel bdun// thog tu 'bebs pa'i lung dang bdun// la zlos pa yi man ngag bdun// bcu tshan bdun gyi rang bzhin 'di// ya na bdun gyi ngo bo yis// gong ma ma shes sgrib par bshad// 'og/ mar lam nor gol sa ste// gol sa bcu tshan drug dang ni// sgrib pa bcu tshan drag yod de// sum brgya drug cu'i gol sgrib bgrangs// de yang gang zag blo la snang // rnal 'byor bzhi las che ba yi// gol sa brgyan brgyad cu la// sgrib pa sum cu bcu gnyis bcu// nyis brgya bzhi bcu'i gol sgrib bgrangs// sum cu tham par bgrangs pa ni// rnal 'byor bzhi las bgrangs pa ste// rang bzhin bcu yi go la sgrib la// gang gol gang sgrib nges ma gzung // 'di gol 'di sgrib bstan pa med// 'di gol 'di sgrib bstan pa ni/ rang bzhin bcu po gcig la yang // la la gol sa la la sgrib// ya na bdun gyi ngo la snang // des na gol sgrib bcu gnyis so// rang bzhin bcu po gcig la yang // ya na bdun gyi gol bgrangs na// gol sa bcu dang sgrib pa bcu// gcig la sgrib pa mi gnas la// gcig la gol sa yod ma yin// de yang ji lta bu zhe na// rdzogs

  480. 241a

    chen a ti yo ga la// sgrib pa bcu yis bsgribs pa med// gol sa drug cu tham pa yod// theg che na byang chub sems dpa' la// gol sa bcu po bgrang du med// sgrib pa drug cu tham pa yod// rdzogs chen shin tu rnal 'byor la// gol sa bstan pa de bzhin du// yongs su rdzogs pa'i rnal 'byor la// sgrib pa rnam pa bcu bstan te// rang bzhin bcu yi sgrib pa'o// gol sa bcu tshan lnga bstan te// rang bzhin bcu po'i gol sa'o// rnal 'byor chen po bskyed pa la// sgrib pa bcu tshan gnyis bstan la// gol sa bcu tshan bzhis bstan te// rang bzhin bcu yi gol sgrib bo// sems dpa' chen po'i rnal 'byor la// gol sgrib bcu tshan gsum gsum ste/ de yang rang bzhin gol sgrib bo// gnyis kar spyod pa'i u pa yang // sgrib pa bcu tshan bzhis bsgribs la// gol sgrib bcu tshan gnyis su bstan// de yang rang bzhin bcu las bstan// bya ba dag gi kri ya la// sgrib pa bcu tshan lngas bsgribs la// gol sa bcu tshan gcig gis bstan// des na sum brgya drug cur bshad// ya na rnam pa drug po yis// rang gis rang bzhin ma shes na// gol sgrib gong du bstan pa 'byung // rnal 'byor rnam pa bzhi po la// gol sgrib nyis brgya bzhi bcu 'byung //

  481. 241b

    gol sgrib grangs te 'byung ba ni// ya na rnam pa bdun po la// lta ba re dang dam tshig re// 'phrin las re dang ye shes re// sa re lam re pra ba re// rgyud re lung re man ngag re/ ya na re las dgas pa'i phyir// des na gol sgrib grangs su 'byung // 'di ru mdo tsam bstan pa yin// gol sgrib ston pa'i mdo yis bshad// 'brel ba rgyud kyi rang bzhin ni// rnam pa bcu ru shes par bya// snang ba 'di ni srid par 'brel// snod dang bcud du ye nas 'brel// 'khor ba myang 'das ye nas 'brel// rgyu dang 'bras bur ye nas 'brel// yul dang dbang por ye nas 'brel// thabs dang shes rab ya nas 'brel// dbyings dang ye shes ye nas 'brel// don dam kun rdzob ye nas 'brel// sems dang chos su ye nas 'brel// des na sangs rgyas sems can 'brel// rgyud kyi rang bzhin 'brel par bshad// de yang ji lta bu zhe na/ ji ltar snang ba'i chos rnams ni// srid par snang ba 'byung ba'i phyir// 'brel pa zhes su bshad pa yin// snod na ye nas bcud gnas te// snod ces bya ba bcud kyi snod// des na snod bcud ye nas 'brel// rgyud drug 'khor ba'i sems can rnams// ye nas mya ngan 'das pa'i rgyu// des na ye nas rgyu yis 'brel// gang rgyu

  482. 242a

    sa bon de las ni// gang gis 'bras bu de byung bas// rgyu dang 'bras bu ye nas 'brel// dbang po dag la yul gsal bas// ma 'gags rang rkyen dag gis gsal// des na yul dang dbang por 'brel// gang zhig skye med yul de ni// rig pa thabs kyi rgyal pos rtogs// des na thabs dang shes rab 'brel// spros dang bral ba'i chos dbyings de// ma bsgribs gsal ba'i ya shes yin// des na dbyings dang ye shes 'brel// kun rdzob tshig dang yi ge yis// don dam brjod du med par rtogs// des ni don dam kun rdzob 'brel// chos dang sems su 'brel ba ni// sems de chos kyi yul la gnas// chos yul sems su ye gsal bas// des na sems dang chos su 'brel// sangs rgyas sems can 'brel ba ni// sangs rgyas thugs rje sems can la// smon lam gcig pa 'brel bas na// des na 'brel pa bcu zhes bshad// gtan la 'bebs pa'i lung chen ni// dper na blun pos gtam smras pa// bka' lung zhes ni sgrog pa med// rgyal po dag gis bka' stsal na// de la bka' lung zhes su grags// de bzhin gang zag don ston yang // lung zhes bya bar ming mi 'dogs// de bzhin ston pa rnam gsum gyis//

  483. 242b

    gang zag dbang po rim dgu la// bden pa'i tshig dgu smras pa ni// ston pa'i lung dgu zhes su grags// la zla zlos pa'i man ngag ni// rnam pa bcu ru shre par bya// de yang gang dang gang zhe na// lta ba dang ni dam tshig dang // 'phrin las dang ni ye shes dang // sa dang lam gyi rim pa dang // phra ba chos dang rgyud dang lung // man ngag rang bzhin bcu po ste// sems nyid rdzogs pas bstan pa bzhin// man ngag tu ni shes par bya// nges pa dag gi yin pa ni// rnam pa drug tu shes par bya// byang chub sems kyi rang bzhin te// ye nas yin pa'i don bshad de// kun tu bzang po yin pa dang // kun tu bzang mo yin pa dang // gnyis su med pa yin pa dang // rgyud yin lung yin man ngag yin// rnam pa drug tu shes par bya// chos nyid byang chub sems de la// bzang ngan blang dor med pa'i phyir// kun tu bzang po yin par bshad// chos nyid byang chub sems de la// thams cad 'dus shing 'byung ba'i phyir// kun tu bzang mo yin par bshad// chos nyid byang chub sems de la/ gzung 'dzin spros pa med pa'i phyir// gnyis su med pa yin par bshad// rgyud lung man ngag gsum yin pa// chos nyid byang chub sems 'di la// thams

  484. 243a

    cad 'dus shing tshogs pa'i phyir// phun sum tshogs pa'i rgyud ces bya// chos nyid byang chub sems de yis// chos kun gtan la 'bebs pa'i phyir// lung chen gtan la 'bebs par bshad// byang chub sems kyi lung zhes bshad// sems nyid rdzogs pa chen po 'dis// man dag rang bzhin bcu po 'di// sgro skur 'das par la zlos phyir// man ngag kyang ni yin par bshad// don bsdus pa yi gtan tshigs ni// rnam pa lnga ru shes par bya// dgos don lnga dang man ngag brgyad// rnal 'byor srog bzhi dam tshig dang // lnga gcig gsum gyis 'phags pa dang // gdags su yod med bstan pa'o// dgos don lnga ni gang zhe na// byang chub sems kyi rang bzhin dang // sems kyi rdo rje skye mched dang // btsal du med pa'i chos nyid dang // kun bzang rol pa 'byung ba'i phyir// ting 'dzin bskyed rdzogs mi dogs dang // ji ltar byas pa'i mdzad spyod ni// min ngag dam pa yin par bshad// man ngag brgyad ni gang zhe na// sa dang lam dang dkyil 'khor dang // las dang sbyor ba dag pa dang // 'byed pa med dang sgrol ba dang // rdzogs pa chen po'i man ngag go// de yang ji lta bu zhe na//

  485. 243b

    sa la sbyang du med pa yin// lam la bgrod du med pa yin// dkyil 'khor mtha' dbus med pa yin// las la btsal du med pa yin// sbyor ba gnyis su med pa yin// gcig la dbye ru med pa yin// rgyu rkyen ma byas skye med bsgral// rdzogs pa chen po'i man ngag ni// sems nyid rdzogs pa chen po ru// chos kun 'di ru rdzogs par bshad// ta srog bzhi man ngag gang zhe na// rnal 'byor srog ni dam tshig bzhi// dam tshig bzhi ni gang zhe na// bsrung du med pa rnam bzhi ste// med pa dang ni phyal ba dang // gcig pu dang ni lhun grub pa'o// dam tshig srog ni lta ba yin// lta ba'i srog ni ston pa'i lung // lung gi sreg ni man ngag yin// man ngag srog ni gsang ba'o// lnga gcig gsum gyis 'phags pa ni// de yang gang dang gang zhe na// khyad par 'phags pa'i mdo dag las// khyad par 'phags pa'i che lngas 'phags// gsum 'phags phun sum tshogs mdo las// phun sum tshogs pa gsum gyis 'phags// gcig 'phags byang chub sems mdos 'phags// des na theg pa kun las 'phags// gdags su yod med bstan pa ni// gdags su yod par bstan pa dang // gdags su med par bstan pa'o//

  486. 244a

    gdags su yod par bstan pa ni// rnam par bgrangs pa'i mdo dag las// theg pa yas phug mdo dag la// bden pa'i tshig dgu gdags su yod// tshig dgu ston pa'i ston pa yang // gdags su yod par bshad pa yin// gdags su med par bstan pa ni// nges pa bstan pa'i mdo dag las// gdags su med pa brgyad bstan pa// byang chub sems kyi mdo dag las// byang chub sems la mtshon du med// de na gdags su med ces bya// don bsdus pa yi gtan tshigs so// // de nas sems dpa' chen po des/ 'dus pa'i tshogs la chos thams cad tshig dgur 'dus la/ tshig dgu byang chub sem gcig la smras pa/ byang chub sems ni sems dpa' nga nyid yin par smras pa 'di gsungs so// kye/ 'dus pa'i tshogs chen de nyon cig/ tshig dgu byang chub sems bcu ni/ tshig dgu smras pa sems kyi smras// sems de bstan phyir tshig dgu byung // nga ni sems kyi chos nyid de// sems nyid ye nas 'dus ma byas// nga ni sems dpa' rdo rje zhes// kun bzang byang chub sems kyis btags// byang chub sems kyi chos nyid la// rang byung ye shes rgyu med pas// rang byung ye shes gnyen po med//

  487. 244b

    btsal du med pa'i byang chub sems// sbyang du med pa'i byang chub sems// bsam du med pa'i byang chub sems// dngos po bral ba'i byang chub sems// bstan du med pa'i byang chub sems// spros pa med pa'i byang chub sems// brtags su med pa'i byang chub sems// sgro skur 'das pa'i byang chub sems// kun las 'das pa'i sems 'dir ni// chos kun ye nas 'dus shing gnas// sems nyid nam mkha' lta bur gnas// nam mkha' ci la'ang mi gnas bzhin// sems nyid ci la'ang gnas pa med// sems dpa' chen po nga yis ni// nga yis rang bzhin bstan pa dgu// khyad la tshig dgu bstan pa 'dis// nga yi rang bzhin shes par gyis// nga yi rang bzhin 'di shes na// khyed kyang nga yi rang bzhin yin// nga yi chos rnams thams cad kyang // spyod yul kun las 'das pa'i phyir// sgro skur kun dang nga nyid bral// zhes gsungs so// yongs su rdzogs pa'i mdo'o// // de nas sems dpa' chen po des/ 'dus pa'i tshogs la yongs su rdzogs pa'i mdo las/ don gyi 'grel pa bcu po 'di gsungs so// kye 'dus pa'i tshogs chen de nyon cig/ yongs su rdzogs pa'i mdo 'di ni//

  488. 245a

    rdzogs pa rnam pa gnyis su rdzogs// 'jig rten yongs su rdzogs pa dang // 'das pa yongs su rdzogs pa'o// 'jig rten rnam pa gnyis bstan la// 'das pa rnam pa brgyad kyis bstan// 'jig rten las dang bsam pa gnyis// 'jig rten khams gsum las kyis sbyor ba yang / don dam skye ba med pa'i rgyu ru snang ba ste// don dam ma yin tshig tsam snang ba ste// 'jig rten 'di na bsod nams tshogs pa yis// 'khor ba'i 'khor lo sgyur ba'i gnas thob kyang // mi rtag sgyu ma 'dra ba'i bsti gnas yin// 'jig rten 'di yi bsam pa 'di lta ste// sna tshogs spyod cing med pa'i dus la ltos/ las kyi dus der 'byung bar mi 'gyur te// chags dang ma bral smon lam 'debs pas na// 'bras bu med par stong par gsungs pa yin// des ni 'jig rten lta ba bstan pa yin// zhes gsungs so// // 'das pa yongs su rdzogs pa la brgyad de// nyan thos dag gis rang bzhin dang // rdzogs pa chen po'i rol pa dang // lam bstan pa dang lam gyi dpe// yid la ma bsags tshogs chen dang // sku dang ye shes bstan pa dang // bsgom du med par bstan pa dang // rol pa rang las 'byung bar

  489. 245b

    bstan pa'o// de la nyan thos bstan pa ni// btsal du med pa'i chos nyid de la ni// dbang po drug brtul 'dul ba'i khrims zhugs tshol// sdug bsngal lus kyi// spyod pa drag shul gyis// spyad kyang nges pa'i gnas ni ming med de// lung gi a dang ston pa'i sar ldan na// skad cig sgyu ma'i bde ba 'byung bar 'dod// ces bstan// rdzogs pa chen po'i rol pa bstan pa ni// chos nyid byang chub sems ni nam mkha' 'ang // sems la rtog pa med pas chos kyi sku// dngos po mtshan ma med pas gzung mi zin// dpe ni chu zla snang ba'i zla ba 'dra// chos sku ma skyes kun tu bzang po las// rol pa skye ba'i cho 'phrul 'byung ba ni// snang srid mngon du byung ba'i chos nyid de// don dam skye ba med pas A lir bshad// rig pa mngon du gyur pa'i sems nyid ni// chos la 'gag pa med pas kA lir bshad// de ni rdzogs pa chen po'i rol par bshad// te chos nyid lam gyi rang bzhin bstan pa ni// sngon gyi lam yang chos nyid byang chub sems// da ltar lam yang chos nyid chos kyi dbyings// snga ma rnams kyi lam gyi dpe bzhin du// chos nyid de ni phyi lam gnas su che// da ltar sangs rgyas snga ma'i lam bzhin du// chos nyid skye ba med pa de nyid ni// phyi ma kun

  490. 246a

    gyi lam gyi rang bzhin no// kun gyi lam nyid yin par bstan pa ni// gong ma kun gyi lam dang 'dra bar ni// 'gro ba yongs kyi lam ni chos nyid do// chos nyid nam mkha'i zla ba 'dra ba la// tshig brjod mdzub mo'i rten dang bcas pa 'dra// sangs rgyas sems can kun gyi mnyam nyid ni// chos nyid bde ba chen po de yin la// snang ba med pa'i chos nyid de la ni// dbang pos bltas pas chos nyid grub pa med// ces bstan// yid kyis tshogs chen bstan pa ni// snang srid yid kyi tshogs bsngos yon bdag ste// dbang pos bltas pas 'dod yon bkram pa'o// dbang pos dmigs kyi tshogs su mthong ba ni// 'dod yon lnga ru gsal bas dngos grub bo// de la ting 'dzin mnyam par gzhag pa ni// rgyu dang ye shes tshogs gnyis rdzogs pa'o// zhes bstan// sku dang ye shes bstan pa ni// byang chub sems ni dngos po cir mi g.yo// gzung 'dzin mi mnga' chos sku phyag rgya yin// ting 'dzin mi bskyod rang byung ye shes te// chos nyid mtshan mar mi len bdag med cing // sems kyi gang yang ma spangs dor ba med// mi g.yo mi bskyod mi len mi 'dor bas// 'di zhes brjod med tshig bral mnyam

  491. 246b

    nyid do// zhes bstan// bsgom du med par bstan pa ni// srid pa 'byung ba snang ba yod pa'i chos// chos nyid byang chub sems la snang ba med// ma btsal rang bzhin gzhag pas sgom pa'i mchog/ btsal med chos la yod par rnam btsal na// nam mkha' dag la khang pa 'bubs pa 'dra// med par yod pa'i 'bras bu yongs mi 'byung // zhes bstan// rol pa rang las byung bar bstan pa ni// rgyu med byang chub sems ni ngo mtshar che// de la rkyen med rang byung ye shes rmad byung 'dis// 'gags pa med par spyod pa rol pa 'di// bya byed rtsol sgrub mi mnga' nam mkha' bzhini// dngos po cir yang mi dmigs gti mug la// thogs med rmad du byung ba de ma thag/ rgyu med rang 'byung ye shes rol pa 'byung // zhes gsungs so// byang chub sems ni kun gyi snying po ste// chos kun lhag ma med par yongs su rdzogs// gnyen pa med pas gzhan gyi dbang mi 'gyur// 'gyur ba med pa'i rang bzhin drang por gnas// dpe ni nam mkha' bzhin te mtha' yas kun la khyab// rgyu rkyen med pas gzhan la rag ma lus// zhes bstan/ byang chub sems kyi mdo'i 'grel pa las/ yongs su rdzogs pa'i mdo dang don gyi

  492. 247a

    'grel pa'i le'u ste bcu pa'o// // de nas sems dpa' chen po des 'dus pa'i tshogs la chos thams cad tshig dang yi ger gtan la dbab tu med pa de la/ tshig dang yi ge 'brel ba'i sgo nas gang zag gi blo yis rtogs par bya ba'i phyir don gyi 'grel pa lnga po 'di gsungs so// kye 'dus pa'i tshogs chen de nyon cig/ snga rabs 'das pa'i sangs rgyas kyang // don gyi 'grel pa lnga po 'dis// rtogs nas skye me sa la gshegs// da ltar bzhugs/ pa'i rnal 'byor kyang // don gyi 'grel pa lnga po 'dis// nga yi lung chen 'di rtogs nas// dgongs pa 'di yis gnas par byed// slad nas 'byon pa'i gdung 'tshe ba rnams// don gyi 'grel pa lnga po 'dis// gtan la phab nas rtogs par 'gyur// 'grel lnga gang dang gang zhin// tshogs par 'bru yi 'grel pa dang / dpe don rgyu 'bras 'grel pa dang // gtan tshigs don gyi 'grel pa dang // 'byed par byed pa'i 'grel pa dang // sdud par byed pa'i 'grel pa'o// tsheg par 'bru yi 'grel pa ni// yi ge'i don dang rang bzhin dang // tshig dang yig shugs yan lag brtags// de yang ji lta bu zhe na// yi ge 'bru gcig lus po

  493. 247b

    la// dgos pa'i yan lag bdun tshang ste// mgo dang yan lag tshegs shad bdun// mgo ni ma nor lam 'dren la// tshig mig lta zhing shad rta zhon// yan lag shugs kyis 'gro bar byed// yan lag shugs kyis 'gros bslangs nas// mgo ni don gyi lam du zhugs// tshags gis shes rab ming du smra// shad kyis sde pa tshigs su gcod// yi ge'i don dang rang bzhin no// tshig par 'bru yi tshig don ni// thabs dang shes rab 'brel pa dang // bya ba kun ldan bya med bya// stong pa chen po rnam kun bcas// dmigs med lus dang bcas pa'i tshig/ tshig par tshig gis bcad pa ni// ston pa'i gsung du nges par gsungs// tshig don zlog ste sbyor ba 'khrug lkug par shar ba sil 'bru rnams// skabs kyi don dang ma 'brel bas// 'dres pa gang zag mi yi tshig/ nga yis gsungs pa'i don la smra// tsheg par 'bru yi tshig don no// tsheg par 'bru yi yig shugs ni// gong ma'i shugs dang 'og ma'i shugs// bar ma 'brel ba rta shugs kyis// gang yin pa ni brtag par bya// tshetshig par 'bru yi yan lag ni// yig 'bru gcig la yan lag bdun// sgra yis 'bod pa lnga gnyis gcig/ yan lag shugs kyis yig 'bru de// yig 'bru

  494. 248a

    gar 'dod yan lag dbang // yan lag 'gros de brtag par bya// tsheg par 'bru yi 'grel par ba shad// dpe don rgyu 'bras 'grel pa ni// don gyi tshig dang dpe yi tshig/ rgyu yi tshig dang 'bras bu'i tshig/ gang yin 'bru la brtag bya ste// yan lag 'bru yis ston par byed// de 'dra de lta de bzhin gsum// dpe ru bstan pa'i 'grel pa'o// de bas de phyir des na gsum// gang yin don de de mthong na// gtan tshigs bstan pa'i 'grel pa'o// de nas de yang de las gsum// rgyu 'bras bstan pa'i 'grel pa'o// de yin de min yid ches na// don gyi 'grel pa yin par bshad// 'bru dang yan lag gcig la yang // dpe don de ltar yod pas na// de bzhin 'bru lag kun la brtag/ de pe don rgyu 'bras 'grel par bshad// gtan tshigs don gyi 'grel pa ni// ya na gang gi don 'byung ba// tshig 'bru las ni don 'byung bya// rgyu yi tshig gam 'bras bu'i tshig/ dpe yi tshig gam don gyi tshig/ rtags sam gtan tshigs gang yin tshig/ rtags de don de dbyung bar bya// gtan tshigs dag gi 'grel par bshad// 'byed par byed pa'i 'grel pa ni// so so dag gi ngo/

  495. 248b

    bstan nas// sde dang mtshan ma ris su phyed// 'byed par byed pa'i 'grel pa yin// chos kyi rtsa ba gcig bsdus nas// spros pa med pa'i don ston na// / sdud par byed pa'i 'grel pa yin// // tshig dang 'bru yi don 'di ni// tsheg par 'bru yi 'grel par bshad// 'dra dang yin min don 'di ni// dpe don rgyu 'bras 'grel par bshad// brtags te gtan tshigs don 'byin na// gtan tshigs dag gi 'grel par bshad// so so'i sde tshan ris 'byed na// sa gcod pa yi 'grel par bshad// rtsa ba gcig tu don ston na// sdud par byed pa'i 'grel par bshad// / tsheg par 'bru yi 'grel pa yis// tshig dang 'bru dang tshig mi ltas// 'bru la lhag ma mi lus te// 'bru 'joms pa yi 'grel par bshad// dpe don rgyu 'bras 'grel pa 'dis// 'dra dang yin min don bsta/ nas/ chos de la ni ming du 'dogs// ngo bo bstan pa'i 'grel par bshad// gtan tshigs don gyi 'grel pa ni// ma nor ba yi snying po 'byin// nges par/ gtan la 'bebs pas na// don 'byin pa yi 'grel par ba shad// 'byed par byed pa'i 'grel pa ni// so so dag gi ngo bstan nas// sde dang tshan dang ris

  496. 249a

    'byed pas// sa gcod pa yi 'grel par bshad// sdud par byed pa'i 'grel pa ni// chos kun rtsa ba gcig bsdus nas// spros pa med pa'i don du ston// don sdud pa yi 'grel par bshad// // don gyi 'grel pa lnga po 'dis// ma bshad skyon yang lnga yod de// tsheg par 'bru yi 'grel med na// tsheg par 'bru des tshig mi sdebs// 'bru mi tshems pa'i skyon du 'gyur// dpe don rgyu 'bras 'brel med na// chos la ming gis mi thogs te// mtshon du med pa'i skyon du 'gyur// gtan tshigs dag gi 'grel med na// don gyi rtsa ba mi rnyed de// de na mi phyin pa'i skyon du 'gyur// 'byed par byed pa'i 'grel med na// tha dad 'dzin blo de skyes te// so so'i bye brag mi phyed de// sa mi chod pa'i skyon du 'gyur// sdud par byed pa'i 'grel med na// rtsa ba gcig tu mi 'gyur te// mtha' yas pa yi skyon du 'gyur// des na 'grel pa lnga po 'dis// dus gsum bzhugs pa'i sangs rgyas kyi// gsung gi tshig tu ngas smras pas/ 'dus pa'i 'khor tshogs khyed rnams kyis// kun bzang rdo rje nga yi lung // byang chub sems kyi rang bzhin 'di// rtogs phyir 'grel pa lnga 'di la//

  497. 249b

    nga yis khyed la bstan pa yin// zhes gsungs so// yongs su gcod pa'i mdo dang don gyi 'grel pa lnga pa'o// // rdzogs so// / / de nas sems dpa' chen po des/ byang chub sems kyi bstan pa gtad pa 'di gsungs so// kye 'dus pa'i tshogs chen 'di zung zhig/ byang chub sems kyi mdo bcu 'di// snang srid snod bcud thams cad dang // 'khor 'das sangs rgyas sems can dang // ston pa kun bzang byang chub dang // bstan pa sems nyid rdzogs chen la// ye nas gnyis med gcig pa'i phyir// gcig la gnyis su bgrang du med// bgrang du med pa'i bden tshig dgu// gcig don spros pa med pa 'di// nga yis khyed la bstan pa yang // spong 'gegs sbyang zhing bgrod pa dang // gzung 'dzin blang dor bya ba dang // lta spyod rtsol bsgrub byar med do// lam dang gnyen pos bcos med par// byang sems kun bzang rang bzhin du// nga yis bstan pa'i don 'di ni// byang chub sems kyi lung chen yin// rgyud dang mdo sde'i spyi 'grel yin// man ngag kun gyi rtsa ba yin// gsung rabs kun gyi snying po yin// bstan pa kun gyi snying po yin// bstan pa kun gyi yang rtse yin// theg

  498. 250a

    pa kun gyi nying khu yin// ma rig pa yi mun sel yin// rtog pa'i dra ba 'di yis sel// nyon mongs 'phreng thag 'di yis gcod// ye shre chen po'i snang ba 'dis// lhag ma med pa'i rdzogs chen te// snang srid snod bcud thams cad dang // sangs rgyas sems can thams cad dang // bstan pa'i theg pa thams cad kun// sems nyid rdzogs chen 'di la 'dus// 'di la gnas shing 'di don ston// de ni kun bzang nga yin te// sangs rgyas kun gyi ston pa yin/ 'dus pa'i tshogs la 'di gtad do// zhes gsungs so// bstan pa yongs su gtad pa'i le'u'o// // byang chub sems kyi mdo theg pa kun gyi 'grel pa 'bum sde bzhugs pa las// byang chub sems kyi mdo 'grel chen po bcu dang / don gyi 'grel pa lnga bstan pa rdzogs so// rgya gar skad du/ sr-isti shrIH/ bod skad du/ bkra shis pa'i dpal/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ dus gsum gyi de bzhin gshegs pa bcom ldan 'das thams cad kyi thugs/ bcom

  499. 250b

    ldan 'das chen po'i ye shes dang yang mi mnyam pa'i gsang sngags theg pa chen po'i yang theg pa chen po/ dus gsum gyi de bzhin gshegs pa thams cad kyi sku gsu thugs rdo rje ltar dbyer mi phyed pa'i bdag nyid// gzhi rtsa med pa'i snying po chos thams cad kyi rgyu yod pa dang med pa'i tshig zad pa/ srid pa'i sa bon ma spangs par zad nas dag pa/ kha dog dang / dbyibs dang / mtshan ma med pa/ rigs brgyud dang bral ba/ gang gi gnas su ma gyur cing thams cad kyi gzhir gyur pa ming dang tshig gi rnam pa dag cing / snang ba'i spyod pa thams cad dang bral zhing bden pa gnyis mnyam du dril ba/ ye shes snying po che ba thams cad kyi bla/ chos thams cad ni tshul bzhin gnas la/ chos thams cad tshul bzhin du mi gnas pa'i mchog/ gang bsam du med pa'i mi gnas pa'i ngo bo nyid med pa la mi sems par sems shing 'dun pa med par ldan pa/ nang dang nang gi phyi rol med cing mi ldan pa med par tha dad pa/ rdo rje chen po dgyes par kun sdud cing 'dus nas grub pa/ bde ba chen po'i tshal mi brjod par thams cad thams cad dang gnyis su med par gyur pa/ chos kyi sku ni 'du byed kyi chos ma yin pa/ mtshan ma tha dad pa gang yang

  500. 251a

    min pa chos thams cad kyi rang bzhin dang gzhir gyur pa'i phyir/ nam mkha' ji lta ba bzhin pas de ni rtag pa bzhin no// chos kyi de bzhin nyid dang / ye shes kyi de bzhin nyid de/ gnyis kyi de bzhin nyid ni gcig pa'ang ma yin/ tha dad pa'ang ma yin pas/ dbyibs dang kha dog las 'das pa'i chos kyi sku de ni ye shes rnam par dag pa dang spang ba rnam pa gnyis kyi phyir/ lhan cig grub pa'i chos kyi sku ni rnam par dag pa phun sum tshogs pa zhes bya'o// dus gsum gyi de bzhin nyid kyi de bzhin nyid dang / chos thams cad kyi de bzhin nyid/ de bzhin nyid dngos po med par ro gcig pa'i phyir dang / theg pa rmad du byung ba dang rin po che tshad med pa sel ba dag ste/ sangs rgyas thams cad la dgongs pa'o// dpa' bo rtags par dgongs pa yi// mtshan ma thams cad las 'das shing // mtshan mas mi dgos sgor med pa// rnam par mi rtog chos kyi sku// rtag pa'ang ma yin chad pa'ang min// de ni dbu ma'i lam po che// sku gsum// lhun grub de bzhin las// sangs rgyas tshad med grangs med pa'i// rgyal dang mgon rnams mngon 'byung 'gyur// yang dag par rdzogs pa'i rdzogs par langs

  501. 251b

    spyod pa'i sku/ thugs rje chen po de ni rtag pa dang mi rtag pa gnyis 'dzin pa'i phyir na/ rtag pa dang mi rtag pa chen po zhes bya ste/ de ni sbyangs pas thob par bstan no// yang dag bstan te mngon par snang // sangs rgyas rnams dang dgongs pa mthun// gcig la gnyis la spyod phyir gcig/ de ni longs spyod mtshan dang ldan// smon/ lam ldan pa'i skal chen la// rgyu rkyen 'dus las gsal bar snang // sprul pa'i sku ni mdzad pa'i don la sprul par mdzad cing / khro ba dang / 'dzum pa dang / rgyan can dang / rgyan med par 'khrul ba'i phyir sprul pa'i sku'o// mi rtag rtag par sprul ldan zhing // sbyangs pas mchog 'gyur kun gsung 'gyur// mtshungs pas spyod dang ston mang po// theg pa bzhi ni ston par 'gyur// rang bzhin ye shes ting 'dzin ni// dag pa sku gsum pi wang tshul// de gsum rnam par dag pa ni// de bzhin de bzhin de bzhin phyir// sangs rgyas rnams kun tha mi dad // de phyir sangs rgyas thams cad kyis// ye shes chen por rab gsal bas// yang dag dbyings la mnyam sbyar bso// chos rnams ngo bo nyid kyi zhing // mi skye mi dgag mi dgongs phyir// de la rtag chang tha mi chags// ye shes rig pas don rig

  502. 252a

    pas// nyams su blang med rang rig nyid// ye shes rang rig 'di 'dra zhes// rdo rje sems dpas bstan du med// kun rdzob brjod yod ma rtogs pa// yang dag bden pa nyid du ni// 'khor ba mya ngan 'das pa'i chos// rang bzhin med pas ye nas zhi// gcig pas du ma med par gyur// gcig pas mnyam nyid phyogs bral bas// de dag rang bzhin mi dmigs phyir// thams cad de bzhin nyid du gzhag/ rang byung rang zhir mnyam gzhag pas// mtshan ma'i 'gog par ltung mi srid// de ltar don la reg gyur na// ci la gnas shing gang la chags// gang zhig 'gag cing ci zhig blang // ma spangs lhun grub kun tu bzang // sku gsum ldan pas pho brang mchog/ lhun grub bya yi dbyibs 'dra la// rtsi shing nags tshal sna tshogs ldan// gcan gzan ri dgas sems can rnams// tha dad bsam gyis mi khyab gnas// rdo rje 'khor lo 'dzin sogs kyi// bla med gnas sogs las kyis mthong // rtogs nas rang skal ldan pa'i chos// so sor go ba bsam mi khyab// de nas dpal rdo rje sems dpas/ bcom ldan 'das kun tu bzang po zhes shin tu 'dzum pa bstan nas/ e ma'o rab tu

  503. 252b

    gsang ba'i mchog/ gang las byung nas ci zhig byed// gang du 'gro la su la 'tshal// yangs pa chen pos ba shad du gsol// zhes ched du glengs so// de nas bcom ldan 'das dpal kun tu bzang pos bka' stsal pa/ rnam dag pa dang mya ngan 'das// chos sku dngos yod rnam dag nyid// gzhan las ma byung rang la gnas// sna tshogs rang bzhin mi gnyis te// cha shas nyid du spros dang bral// theg pa sna tshogs yin par bshad// mchog gi dam pa snying po ni// lung gi dam pa byang chub sems// 'gro ba kun la rang bzhin gnas// de nas bcom ldan 'das dpal kun tu bzang pos ched du glengs pa/ so so'i skye bos mi shes pas/ shes pa gsum po ma spangs phyir// sku gsum las ni rang du 'gyur// sku gsum yeng shes che brten 'byung // zin pas rtsol ba'i na spangs te// lhun gyis gnas pas gzhag pa yin// de nas bcom ldan 'das dpal kun tu bzang pos/ rab tu gsang ba'i chos bsam par bya ba rab tu glengs pa/ bsam ba bsam par mi bya ste// mi bsam pa'ang mi bsam mo// gang la'ang rnam par mi sems pa// de ni de bzhin mnyam nyid do// rnam mi rtog tu kun 'dus

  504. 253a

    phyir/ te tshor bar sgom na ci zhig nad// ji bzhin pa zhes bstan pa nyid// rang gi rig pa tshangs pa yin// bkra shis rig pa khu byug gi dngos po gleng gzhi'i le'u ste dang po'o// // de nas bcom ldan 'das dpal rdo rje sems dpas mchod pa rnam pa gnyis mchod de/ phyag btsal te shin tu 'dzum pa dang bcas pa'i ngag gis/ bcom ldan 'das chen po/ bde bar gshegs pa chen po/ mtha' dag dbus su lta ba ji ltar lags/ phyi rol yul la ji ltar 'tshal/ rdo rje sems dpa' 'gro ba dang / chos thams cad kyi rang bzhin pa dang / rigs lnga ye shes lngar bstan pa ji ltar lags/ gsang sngag rig sngags zhes bya ba ni gang / rdo rje theg pa chen po'i yang chen po'i sgo nas 'jug pa dang / mdo sde'i sgo nas 'jug pa gnyis/ sems mnyam par 'jog pa'i dus na tshul ji ltar 'jog/ de nas bcom ldan 'das dpal kun tu bzang pos bka' stsal pa/ mtha' spangs dbus rtogs pa la shes yul dbye// 'gro ba'i yid du kun gcig rdo rje sems dpa'i ngang // ye shes dbyings gsal skye med thabs chen gyis// byin rlabs khyad 'phags rgyal ba rigs lngar snang //

  505. 253b

    don dam gsang ba gsang sngags rgyal po che// rnam grol dag pa rig sngags bla med gsungs// 'jug 'jog mthar zad bla med lhun grub lam// stong smon mtshan 'dzin lam mchog bde ba sgrub// zhi dang gnas dang lhag mthong dag dang ni// kun gzhi'i rnam shes yod pa'i dngos nyid dang // 'jig rten lta ba rnam bzhi 'das pa'i lta// khams gsum las 'das nor bu rin po che// phung po lnga po mi g.yo byang chub lam// 'dod chags zhe sdang gti mug phra dog rgyal// bde ba bde la gnas pas bde ba'i mchog/ rnal 'byor cig car 'jug pa'i lam 'di ni// 'jug par mi rung zhes ni skur 'debs pa// dbang po rtul po ma rabs tha mal pa// gnas ngan len pa'i bag chags sbyang rung ste/ gnyis med don dam kun rdzob bden gnyis gcig/ gnyis su mi lta snying po byang chub nyid// zhi gnas lhag mthong stangs pas brgya byin la sogs bral// dben pa'i grong dang grong khyer ri sul dang // dgon pa dben pa'i nags gse ba dur khrod rnams// rten par byed cing bdag bstod gzhan smod cing // rnyed dang bkur sti dag la gang chags pa// mkhas pa ma yin shin tu'ang dran pa nyams// chos lnga ldan pas byang chub thob par gsungs// skye ba dag la mos pa'i nyon mongs 'di//

  506. 254a

    sems can tshul khrims nyams te zhig pa yin// de nas bcom ldan 'das dpal kun tu bzang po la/ rdo rje sems dpas zhus pa bcom ldan 'das thugs rje chen po'i bdag nyid dang ldan pa/ the tsom gyi sgrib pa dag par bgyi ba'i slad du zhu ba'i spobs pa bgyid pa'o// gzugs brnyan rang bzhin ting 'dzin dkyil 'khor gsum// gcig gam 'on te tha dad bstan pa dang // lha yi dkyil 'khor nye bar bsgrub pa'i tshe// las gzhan phra mo rtsom pas sgrib mi sgrib// zhi khro'i dkyil 'khor so sor mchis ma mchis// lha gcig bsgoms pas gzhan dbang 'gyur ram ci// rnal 'byor mi rtog ting 'dzin gsal gyur na// ting 'dzin gzhan la snyoms par 'jug mi 'jug/ sngags la 'jug pa'i rnal 'byor dbang phyug gis// mdo sde bsgoms nas gtan tshigs rtsal na kho// 'phags pa dag dang mi mnyam skyon ci lags// bsgom du med par gzhag tu rung mi rung // lung dang slob dpon mkhas pas sems bcos na// sngags kyi 'phro 'du med par don thob bam// dge ba gzhan gyis rnam smin phyi mar 'byung // sngags spyod tshe 'dir 'grub bam ci las 'gyur// nges pa'i dbang ma thob pa'i slob dpon gyis//

  507. 254b

    gzhan la dbang bskur dbang thob phan mi phan// zhes zhus pas/ ched du glengs pa/ ting nge 'dzin gyis goms pa'i mthur ldan na// rang bzhin gzugs brnyan bye brag cung zad med// thams cad sku gsung thugs su 'od gsal na// stobs ldan gud na med pas sgrib mi nus// chos skur ro gcig 'gro don byed snyam ste// mos pa'i blo la so so nyid du gas la// ye shes dbyings su phyag rgya kun gcig phyir// bde gshegs gcig bsgoms rgyal ba kun gyi ngang // ting 'dzin snying po mi rtog goms gyur na/ ting 'dzin gzhan phra de la sbyar mi dgos// cig car 'jug pa goms pa mngon gyur na// tshe 'di 'grub pa gdon mi za bar brtag/ ma rig bdag tu bzung nas lta nyes pas// sangs rgyas sems can 'byed pa srid pa'i rtsa// don dam skye med dngos po med bden pas// bsgom du med par 'dzeg pa dam pa nyid// yang dag ma nor gdengs chen ldan pas gang // blo yi gting du shin tu ngoms byas nas// btsal mi dgos pa'i nor bu rin po che// dge sdig gnyis kyi 'bras bu so sor nges// theg dman gnyis ka'i rgyu la zhugs phyir yod// zhe sdang la sogs ngan song rgyu// de nyid da lta dag pa'i phyir// tshe 'di'i 'bras bu thob pa de nyid mod// dus gsum rgyal

  508. 255a

    ba'i gsang chen nges pa'i dbang // byin nam bstan nam mthong bar ma byas na// rdo rje rgyal po yon tan dbang med pas// nor bu rgyal sa bskos pa ji bzhin du// dbang bskur byas pas bdag gzhan brlag par 'gyur// bkra shis pa rig pa khu byug gi rgyud las/ mdor bsdus pa mdo sde'i dgongs pa dang zhus pa'i// lan dang bcas pa'i le'u ste gnyis pa'o// // de nas bcom ldan 'das dpal kun tu bzang pos btsal ba med pa'i ting nge 'dzin la snyoms par zhugs nas ched du brjod pa 'di brjod do// rdo rjer sems na bsrung 'grong sbyang ba ma lus de dbang sgyur// rdo rjer 'du 'bral med de bde la gnas pas rdo rje'i dbang // rdo rje de ni skye dang 'gag pa med de yangs shing zab// de phyir rdo rje zab mo yangs shing zab pa'i gting ni lta ba rdo rje yin// rdo rje nam mkha' lta bu de ni thams cad bskyed pa'i rgyu ste/ gzhi ma yin pas che// de phyir rdo rje kun 'byung snying po de la ma btsal gzhag nas bsgoms// sems kyi ngang nyid kha dog dngos med ji bzhin te// gang nas ma byon phyi rol nang rol gnyis ka min// shes rab tshogs kyi snying rje'i brlan dang ma bral thams cad glengs// log rtog mtshan ma'i 'du shes thams cad de las 'byung // sbyin pa la sogs

  509. 255b

    pha rol phyin pa bcur yang rang bzhin rdzogs// lam 'dus rim pa sa dang 'jug lta thams cad grub pa yin// spong len med pa'i chos 'di sgyu mar gnas pas na// lus ngag yid gsum yongs dag pa nyid ye nas shes pa yin// sangs rgyas chos la gus shing brnyes 'dod dran pa shes rab yin// gtong dang tshul khrims chos sems pa la byang chub ring ste gnam sa bzhin// thams cad kun tu bzang po'i ngang du gcig par shes par bya// mtha' yas rab tu mtha' yas pa yi sems can thams cad kun// rang byung rnam dag/ sku gsung thugs kyi dkyil 'khor du// sangs rgyas la sogs phyag rgya 'bar ba nyid du don 'di snang bas min// snang srid lhun gyis rdzogs par shes pas thabs kyi thabs// med pa'i rgyu las yod pa'i dngos por 'od gsal ba// gdod nas dag pa'i dkyil 'khor la sogs pa yi tshogs// snang yang dngos po med pa'i tshul yin na// de la ji ltar brtags kyang dngos po ci zhig yod// dpe dang tshad ma gtan tshigs rjes su dpag pa yis// ya mtshan rmad kyi chos 'di rtogs par nus pa ma yin te// rtag par kun rdzob rnam par snang mdzad sku// yid bzhin nor ltar dgos dgu 'byung ba'i gzhi// de bas gsang sngags bdag nyid chen po 'di// dngos grub byin rlabs gtams pa'i thabs

  510. 256a

    shes can// bsam yas gting dpag dka' ba rgyal po 'dra// khams gsum las 'das byang chub rin po che// stong pas btsal kyang rnyed par ga la 'gyur// thig le chen po kun tu chub gnas pa'i// thabs dang shes rab rnam ldan ye shes snying po nyid// zla gsang thig le skye 'gag bdag tu rdzogs// skyes chen thugs la rtag tu gsal ba'i sku// thams cad ye sangs rgyas pa'i rdzogs chen 'di// ma bkag ci bder gnas pas thabs po che// mi sgrib gsal bar gnas pas pad+ma can// gnyis med thig ler 'dus shing brjod las 'das// bkra shis pa rig pa khu byug gi rgyud las/ thabs dang shes rab gnyis su med pa'i le'u ste gsum pa'o// ta de nas bcom ldan 'das dpal kun tu bzang pos gsang ba khyad par du bstan pa'i ched du brjod pa 'di ched du brjod do// phung po lnga ni de bzhin gshegs pa'i rgyal ba'i tshe// dkar mthing ser po le brgan ljang khu'i mdog/ gsal ba sra dang mnyen pa dro ba dang // gnyis med 'khril ba gzhon tshul chags par zhugs// mthong thos snom pa myong ba dag pa'i dbang // mthong bya mnyan bya ba snam bya myong bya rnams// mthong byed thos byed snom byed myong byed dang // 'das dang da ltar byung

  511. 256b

    dang ma byon tshogs// gnyis med 'khril ba rgyal ba yab yum tshul// thar byed reg dang reg byed reg shes dang // rtag chad bdag dang mtshan mar ma yin rnams// gdod nas dag pas yab yum dkyil 'khor rdzogs// yang dag bden pa'i 'bras bu kun rdzob rgya// 'jig rten pa dang 'jig rten 'das pa'i zhing // dkyil 'khor spyod yul dkyil 'khor gsum du 'dus// 'bras bu smin pa'i rgyu rkyen 'dus pa'i mthu// rdo rje sems dpa' klong chen lam gyi mchog/ gdod nas mi skye mi 'chi dgongs pa dag/ kun tu khyab gdal ye shes chen pos bsdums// snying rje'i rtsal chad rtser med kun sangs rgyas// bde chen bdag rnams mtshan ma rnam par spangs// che ba'i yang che mtsho ltar/ zab pa'i phyir// ji bzhin mi skyon bya med rnam par grol// rang byung ye shes 'byung ba 'byung ba'i mchog/ gzhan nas ma yin 'gro ba kun la gnas// thun mong bde ba byang chub rnyed dka' ba// zhi dang spyod yul yongs su 'khrul pa min// snang med nam mkha' lta bur rab 'byor pas// de la mi rtsod de bzhin rnam par gzhag/ mchog gi mchog tu gyur pa'i theg pa mchog/ thig le gcig tu bzlums kyang brjod du med// de nas bcom ldan 'das bde ba chen pos snying po 'byin pa'i ting nge

  512. 257a

    'dzin la snyoms par zhugs nas/ rigs lnga sku dang / gsung dang / thugs rdo rje las gton to// bton nas ye shes chen po 'od 'bar ba'i sku lngar gyur to// de nas bcom ldan 'das bdag po mnyes par byed pa zhes bya ba'i ting nge 'dzin la snyoms par zhugs nas/ btsun mo'i tshogs 'di nyid kyi sku dang / gsung dang / thugs rdo rje las/ d+hA tu shwa ri/ te shwa ra ti/ mo ha ra ni/ ra ga ra ti/ badz+ra ra ti/ rnams byung nas mnyes pa chen po'i btsun mo lngar gyur to// de nas bcom ldan 'das rnam par 'joms pa zhes bya ba'i ting nge 'dzin la snyoms zhugs nas/ ta krid bzhi sku dang / gsung dang / thugs rdo rje las byung ngo // de byung ma thag tu sgo ba 'bar ba bzhir gyur te/ de nas bcom ldan 'das kyis de nyid mi snang bar bya ba'i phyir/ bla med ye nas khyab pas mi 'dzin gtor// thig le btsal thag chad pas las rnams rdzogs// mi rtog mnyam las 'das pas bgegs rnams zhi// mnyam rdzogs brjod du med pas snying po'i gtso// mkha' ltar mi g.yo rang bzhin btab pa'i rgya// cis kyang khyod nyid ye shes gsal ba'i ngang // mi 'dor tshig bral lhun rdzogs mnyam pa nyid// dkyil 'khor chen po'i rang bzhin gnas pa'i rgya// thams cad ye nas dag pas lhag ma med//

  513. 257b

    mi 'gyur snying por gyur pas drang po'i mchog/ mtha' las mkha' bzhin gnas pas mi mnyam med// btsal ba med pas gzhan la ltos ma yin// lhun gnas bde chen mtshungs pa'i rgyal po 'di// ming tsam tshig tu 'di zhes btags nas ni// bstan du rdo rje sems dpa' ngas ma bstan// thabs dang shes rab rnam par ldan byas nas// snying rje sgyu ma'i phyag rgya 'dzin 'dod gang // de la 'dzin pa yod phyir skyon yin te// snying po'i rang bzhin gcig tu ma nges pas// ji ltar 'dod pa dpung mi dgos par snang // snang rong phyag rgyar rtsol bas bde 'dod pa// bla med theg pa'i sgrib shing skyon chen yin// yig 'brus bskyed pa'i phyag rgya bzhi ldan sku// cha lugs gsal bar chu zla bzhin snang ste// snang stong ngo bo nyid du bsgom 'gyur yang // sgom pa nyid kyis spre'u'i spyod yul 'dra// dkyil 'khor chen po rnam gsum 'od 'bar bas// dbang po mngon du gsal bar gyur na yang / theg mchog 'di la reg pa yong ma yin// bkra shis pa rig pa khu byug gi rgyud las/ ma hA yo ga rdo rje theg pa chen po'i gol sa yin par bstan pa'i le'u ste bzhi pa'o// tade nas bcom ldan 'das dpal kun tu bzang pos ched du brjod pa 'di ched du brjod do// tshogs sbyor sgom pa mthong ba mthar phyin lam//

  514. 258a

    tshad med bzhis ni kun kyang skye bar nus pa yin// sku gsung thugs las bral bas tshogs rdzogs che ba'i mchog/ lam med pas na lam la mi btsal bde ba'i lhun// rgyu 'bras mi phyed 'dus pa'i rdo rje yin// ma skyes ye nas gnas pas 'jig pa med// gdod nas byang chub snying po'i rang bzhin la// btsal ba'i bsam pa yod pas don mi rnyed// kun tu khyab pas rtag pa byams pa'i sku// phyag rgya'i 'byung 'jug med kyang mnyam pa med// 'gro ba'i sdug bsngal sems kyi 'byung 'jug yin// chos sku ye khyab kun khyab kun chub rnam par rol// bskyod med nam mkha'i dbyings ltar mnyam par gnas// khyad par cir yang mtshungs par byams pa'i mchog/ de nas de bzhin gshegs pa thams cad la/ bcom ldan 'das kyis bka' stsal pa/ spang du med pa'i lam lnga po// de bzhin gshegs pa kun gyi thar pa'i mdzod// spyad par bya ba rnam thar lnga nyid kyang // de bzhin gshegs pa kun gyi sku yi gsoso// 'dod yon rnam lnga de bzhin gshegs pa'i rgyan// sangs rgyas dang ni slob dpon phyag rgya sngags// lcam la tshul du lha rnams yan lag bsam// 'di yang byang chub thob pa'i lam po che// ye shes kyis ni tshogs chen bsgoms pa ni// lam gyi mchog ste nye lam nye rdzogs lam// bsod

  515. 258b

    nams tshogs kyang mi sbyor mi rung min// ye shes dam pa thob pa'i tshogs kyang rung // bsam gtan rab tu gnas pas sangs rgyas nyid dang mtshungs// mang du thob pas byang chub la reg kyang // mi dmigs mi gnas tshad med stong pa nyid// pha rol phyin drug lam gyi gter du gsungs// gdod 'jus rim gyis sbyor ba don thob ldan// dge bcu spyod med chos nyid dbyings kyi rgyan// bkra shis pa rig pa khu byug gi rgyud las/ byang chub kyi lam mngon du bstan pa'i le'u ste lnga pa'o// // de nas bcom ldan 'das dpal kun tu bzang pos nyid kyi nga rgyal bskyed pa'i phyir/ ched du brjod pa 'di ched du brjod do// e ma'o// ye nas rnam par rgyal bas ye shes dbyings las 'das// ye shes rnam par dag pas gcig pa'i phyir// grol ba'i las kyi mtshan nyid yod pa min// gcig dang du ma'i mtha' las 'das pas na// chos kyi dbyings kyi mi mnyam rnam par spangs// gzugs kyi mtshan nyid gang min sangs rgyas pa// thos bsags smon lam btab pas don mi rnyed// chos sku gcig pa'i dam pa ma mthong na// 'ja' tshon sgyu mar 'phags pa'i sku spyad pas// bsod nams rdzogs pa'i sangs rgyas mthong ba min// mtshan nyid med pa'i chos nyid chen po 'di//

  516. 259a

    chos kyi dbyings las sgyu ma'i mtshan nyid min// chos kyi dbyings las sgyu mar gang bsgrubs kyang // sgyu rtsal rgyal po'i lam du yongs ma bsngags// mi gnas chos sku brjod med las 'das pa// dbu mar brjod du med de don dang bral// sgyu ma'i rang bzhin sbyong ba bral ba nad// mkha' bzhin mtha' kun med de phyogs dang bral// zhi dang ma zhi med de chos rnams med// re dang dogs med mnyam pa'i rgyal po che// mtshan med dgongs pa dag pas sgom mi dgos// byar med lam las 'das pas lam mi rtsol// rmad byung sku mchog nyid las skur mi sgom// re dogs kun bral zhi bas rgyas btab pas// phyag rgya bzhi ni sku mchog nyid kyi nad// sku gsum rdzogs pa'i dkyil 'khor chen po ste// rang byung ye nas ldan pas chos kyi sku// 'gyur med lhun gyis rdzogs pas bsod nams sku// 'byung 'jug ci yang snang bas sprul pa'i sku// byed spyod kun rdzogs rdzogs longs spyod pa'i sku// btsal med snying po byang chub rdzogs pa'i sku// thams cad lhun gyis bdag nyid yin pas na/ zin rtsol ngal bas byang chub mchog tshol ba// rnyed pa'i dus med srin las ba la skyes tshul// rgyal bar rtag par zhugs pa nga nyid pas// rtag tu bde

  517. 259b

    'gro thar pa'i lam 'dod na// grol ba'i lam chen nga la lta bar byos// grol ba'i lam zhugs drang po 'khor sa med// ma phyin 'gro sar phyin pa nye lam mchog/ rtag tu rgyal nyid mchod na rgyal ba mnyes// sangs rgyas zhing sbyong mi dgos thams cad rgyas// khyab sku ye nas brdal bas kun gyi lam// ye shes sna tshogs rgyan bkram sbyin btang bas// 'khor los sgyur rgyal nor ltar mtsho thigs 'dra// ye shes chos dbyings rgyan pa'i sbyin pa ni// zad pa'i dus med nam mkha' chen po'i tshul// nor btang gling gcig byur bur bltams gyur nas// rgyal la sogs pa kun la phul byas pa'ang // chu thigs ltar gyis blangs bzhin zad par 'gyur// khu byug dus bsrung gzhan gyis mi 'gyur ltar// dbang phyug mnga' brnyes gzhan la rag mi lus// khu byug ngag gis gzhan gyi yid sdud ltar// kun rdzogs mchog gi sku yis thams cad sdud/ sangs rgyas kun gyi bdag nyid mes chen po// zhing khams dag pa'i sangs rgyas kun gyi lha// dkyil 'khor chen po 'khor lo rdzogs pa'i sku// rgyal kun mchod par 'dod na bdag nyid mchod// dkon mchog gsum mchod 'du shes med pa mthong // bdag la gnas pas dbang lnga thob// rdo rje theg pa'i dam tshig mi 'dor ba//

  518. 260a

    nyon mongs lnga po'i las kun spyod pa dang // sems can kun la snying brtse med pa dang // ma byin len dang mi tshangs spyod pa dang // phyag rgyar mi stsol gzhan la mi rtsol ba// rtag par rgyal ba mi 'di'i dam tshig mchog/ rdo rje theg pa'i ting 'dzin bstan pa ni// de bzhin nyid kyi de bzhin dam pa nyid// nam mkha'i khams// bzhin rang bzhin mnyam gnas pa// sems la dmigs pa'i bdag nyid med par bsam// lha yi phyag rgya gsal ba'i ting nge 'dzin// ngo bo nyid kyis dmigs su med pa yin/ rdo rje theg pa'i spyod pa dag pa ni// dka' thub mi bsngags gtsang sbrar mi rtog cing // brtul zhugs gsum ldan sems can thams cad gsod// zas mchog bshang gci za zhing rnal 'byor don la brtson// nyon mongs lnga spyod byang chub chen po 'chang // mtshams med lnga spyod ye shes rol pa rtogs// rdo rje theg pa'i lha ba'i ngo la blta// shes rab 'bar ba'i me chen 'od gsal bas// dbyings dang ye shes gnyis kyang mi 'od bsregs// dkyil 'khor gsum du mi lta de bzhin nyid mi gdab/ snang stong phyag rgyar mi 'dod mnyam nyid ting 'dzin 'das// gang la'ang mi rten gang la'ang grub pa med// gdod nas mtha' dag de bzhin de bzhin nyid// de

  519. 260b

    yi tshig 'das sangs rgyas ye sangs rgyas// rdo rje theg pa chen po'i 'bras bu bstan pa'o// ma btsal ma bsgrubs rang bzhin gnas pa'i sa// sa rdzogs pad+ma can dang / kun tu 'od las 'das// 'bras bu lhun grub ye nas dag pa'i sa// rdo rje theg pa'i lta ba dang / dam tshig dang / spyod pa dang / sgom pa dang / rang bzhin dang 'bras bu kun gcig yin par bstan/ lta spyod ting 'dzin rgyu 'bras gcig gi ngang // gang la spyad kyang 'jug lta 'bras bu rdzogs// rdo rje theg pa'i 'bras bu thob nas/ yon tan ci 'byung ba bstan pa/ gab tshe'i nor ltar thams cad kun 'dus shing // nam mkha' bzhin du ma g.yos ngang gis 'char// bkra shis pa rig pa khu byug gi rgyud las rdo rje theg pa'i nga rgyal bstan pa dang / rdo rje theg pa'i dbye ba bstan pa'i le'u ste drug pa'o// // de nas bcom ldan 'das dpal rdo rje sems dpas rgyud kyi bdag po la bstod pa/ kye bcom ldan 'das/ bcom ldan 'das/ chen po'i chen po mchog tu gyur pa'i chen po khyod ni che ba'o// bzang po'i bzang po bdag med phyogs bral dam par gyur pa khyod ni lta'o// kun mkhyen kun gzugs kyi ye mkhyen rang rig nyid de sangs rgyas kun gyi thugs so// kun sdud kun rdzogs

  520. 261a

    kun gyi 'bras bu khyod la mi 'bral rtag phyag 'tshal// sku yi sku ste sna tshogs 'dul ba'i chos sku dpag med rtag phyag 'tshal// gsung gi gsung ni sna tshogs 'dus pa'i gsung mchog kun tu grags pa khyod la'ang rtag phyag 'tshal// thugs kyi thugs te sna tshogs 'dus pa'i de bzhin nyid de de la'ang rtag tu bdag phyag 'tshal// mi 'da' 'da' bar mi mdzad dam tshig rdo rje can gyi skra khyod ma yang rtag phyag 'tshal// kun byas dbang phyag kun gyi sna tshogs kun gyi dpal mgon khyod la'ang rtag tu bdag phyag 'tshal// dkyil 'khor snying po dkyil 'khor ldan pa'i dkyil 'khor chen po khyod la mchod pa 'bul// khyod kyis rang bzhin bskum gyis ma g.yogs gang yang med pas khyod ni byams pa'i mchog/ yangs pa chen po khyod kyi sgo nas 'jug pa'i dpa' bo 'jug mkhan de la'ang rtag phyag 'tshal// snying po'i snying por blta ba snying can de la'ang gzhan phyag 'tshal// kye bcom ldan 'das/ bcom ldan 'das/ re mdzes dbang phyug khyod ni zhar mi gtong bar 'dud// rdo rje mchog 'dzin dag gis gzhan phyag 'tshal/ de bzhin sems pa rnams kyang rtag phyag 'tshal bar shog/ yang dam khyod la phyag 'tshal ba ni bkra shis mchog bkra shis// zhes rgyud kyi bdag po la

  521. 261b

    bstod nas/ mchog tu lan gsum du phyag 'tshal nas/ yang bstod pa/ rgyud kyi bdag po che mchog la// gting du thal mo gzung nas phyag 'tshal te// sems pa dag pas khyod la phyag 'tshal bstod// bstod pa'i rgyal po rab tu bstod pas bstod// de ltar bstod pas mchog khyod grags nas ni// sangs rgyas kun gyi bstod pa de ldan shog/ ces rgyud kyi rgyal po la bstod pas// de nas bcom ldan 'das dpal kun tu bzang pos/ rdo rje 'dzin la rgyud gtad pa/ kye rdo rje sems pa rdo rje 'chang ba po// rgyal ba kun gyi thugs te thugs kyi bdag/ rgyal bar bstod pa'i lha yi lha khyod la// thugs rje che yi thugs kyi gter chen mdzod// rdo rje theg pa theg pa'i blar gyur pa// bstan pa chen po rdo rje 'dzin la bstod// rdo rje 'dzin pa khyod ni bsngags pa'i phyir// rgyud mchog rgyal po bstan pa gzung du gsol// skyes bu thatha la mkhas pa'i dpal ldan la// rgyal ba skye ba'i gsang mchog gtad do gtad// ces rdo rje 'dzin pa bos nas/ rgyud kyi bdag po chen pos gtad do// de nas rdo rje 'dzin pa chen pos pus mo g.yas pa'i lha nga sa la btsugs nas/ gdong du thal mo gzung nas/ kye bcom ldan 'das legs so legs so// bde bar gshegs

  522. 262a

    pa legs so legs so// yongs su gtad pa'i rgyud kyi rgyal po 'di// chud ma zos par gsang bar btang bas na// legs par bzung la brten par bya ba ni/ rdo rje 'chang ba min na gsang bar bgyi ba'am// rdo rje mchog 'dzin pa 'di su la gtad ce na// bcom ldan 'das chen po la zhus pa/ bcom ldan 'das kye bcom ldan 'das/ rdo rje khyod bzhin 'dzin ldan zhing // gsang ba'i rdo rjes 'gro don 'dod// khyod la gtad pa ji bzhin du// de bzhin de bzhin gtad par bya// rdo rje 'dzin pa ma yin yang // skyes bu seng ge'i sems yod cing // rab tu gces dang yid 'thad pa'i// nor gyi dbyig tu gar 'gyur dang // rin chen nor bus gang bkang nas// rin chen nor bu theg pa 'di// gang zhig gtod pa'i slob dpon nyid// rdo rje 'dzin par bsam pa la// 'bul bar byed pa la yang gtad// nor gyi dbyig gis gang 'jungs shing // de bzhin wa yi sems yod cing // ming gang spyod pa dag pa yis// rgyud 'di 'dzin par byed pa la// 'phral du nor dbyig mi ster na// de la seng ge'i sems med pas// de ni sgyu mkhan dmyal sogs mkhan// 'di yi dngos grub des mi thob// de la 'di yi dbang yang med// bdud

  523. 262b

    kyis bslus pa'i mi de ni// kha gsag g.yo sgyus 'dir gzung bas// rdo rje 'dzin min bdud kyi bu// 'di la 'dod pa'i bar chad nas// tshe 'di'i bsam pa kun yal te/ te 'di yis bag chags ci byas kyang // sgyu mkhan yi dgas gnas su skye// de phyir rgyud mchog 'di gtod na// nga yis khyod la gtad pa bzhin// rim gyis de bzhin gtad par bya'o// dus ngan smin par gyur pa yang // 'phral du nor dbyig mi gter na// ma rabs de la 'di snod med// gtod dang 'dzin pa gnyis ka ni// rul myags tshig nas dmyal bar 'gro// bkra shis pa rig pa khu byug gi rgyud las/ rgyud kyi rgyal po la bstod pa dang / rgyud gtad pa dang / phyis ji ltar gtad pa bstan pa'i le'u ste bdun pa'o// // bkra shis pa'i rgyud rdzogs so// // rgya gar gyi mkhan po shrI sing+ga dang / bod kyi lo tsa ba bai ro tsa nas bsgyur ba'o// / rgya gar skad du/ bo d+hi tsit+ta ma hA puSh+Ta tan+t+ra/ bod skad du/ byang chub kyi sems rtsal chen gyi rgyud/ dpal kun tu bzang po la phyag 'tshal lo// 'di skad bdag gis thos pa dus gcig na/ de bzhin gshegs pa yang dag par rdzogs

  524. 263a

    pa'i rtag pa chen po ngo bo nyid kyi bzhugs pa/ thams cad kyi de kho na nyid la longs spyod pa/ kun gyi rang bzhin rnam par dag pa gcig pu lhun gyis grub pa'i dam tshig yang so so ma yin tha mi dad dbyer med pa'i rang bzhin te/ skyed pa chen po byang chub kyi snying po gang ba na rtag par de bzhin no// nas longs spyod chen po la rdzogs par spyod pa ni/ nor bu rin po che'i gzhal yas rab tu gsal ba/ khang pa bzang po na me long bzhin 'dzin cing spyod pa thams cad la mnga' mdzad pa'i mchog tu byung ba ni/ gtso bo khab na nor bu rin po che'i tshul du 'dug nas thams cad kyi bsam pa sdud par byed do// de nas bcom ldan 'das dpal rdo rje sems dpa' chen po pad+ma can rigs la sogs pa rigs lnga rnams kyis/ bdug pa dang sgeg mo la sogs pa rnams kyis mchod pa rgyas par mchod nas shin tu snyan pa'i dbyangs kyis bstod do// de nas g.yas phyogs su lan gsum bskor ba byas nas/ bcom ldan 'das dpal kun tu bzang po spyod pa thams cad la mnga' brnyes pa'i spyan sngar mdun du pus mo sa la btsugs nas 'dug go// 'dug nas bcom ldan 'das dpal kun tu bzang po cang mi gsung bar 'dzum pa mdzad

  525. 263b

    do// bcom ldan 'das dpal kun tu bzang po bde ba chen po'i spyan snga nas langs nas/ bcom ldan 'das la chos thams cad kyi de kho na nyid rang bzhin gyis dben pa'i don zhu ba'i phyir 'di skad ces gsol to// byar med rtsal spug bdag med lam gyi 'bras// ma bcos rang bzhin gsal ba'i rang bzhin nyid// gnyis med rtsal sbugs lta spyod rnam dag nyid// bcom ldan 'das kyis bshad du gsol lags so// zhes gsol to// de nas bcom ldan 'das dpal kun tu bzang pos rdo rje sems dpa' la sogs pa dang / mchod pa rnams dang bcas pa nyid kyi sku la bstim mo// de nas bcom ldan 'das dpal kun tu bzang pos gnyi su med par dag pa'i ting nge 'dzin la snyoms par zhugs so// zhugs ma thag tu 'khor lnga sku las bton to// de nas de rnams dbang bskur bar bya ba'i phyir/ bcom ldan 'das kyis bka' stsal pa/ phyi dang nang med thams cad chos kyi dbyings// rnam par dag pa'i spyod yul gnyis med la// sangs rgyas sems can yong kyis med pa ste// bsgrub med rtsal sprugs smon pa med pa yi// ma nor dam pa'i lam chen lhun rdzogs pa// tsit+ta'i dkyil du rab tu bstim par bya'o//

  526. 264a

    de nas bcom ldan 'das dpal kun tu bzang pos zhu ba'i don thugs su chud nas bka' stsal pa/ kun gyi rang bzhin bla med zhi ba'i chos// bsgrub med rtsal sprugs smon pa med pa yis// rgyal ba'i lam mchog rje btsan dam pa nyid// gnyis med bde chen yongs kyi gdam pa la// rgyal sogs lta spyod 'dzin sdom de bzhi ni gnas/ zhes bka' stsal pas/ bcom ldan 'das dpal rdo rje sems dpa' la sogs pa yid rab tu mgu bar gyur nas/ mchog gsum lhan gyis rdzogs pa sangs rgyas nyid de rgyal po che// rtog spyod rnam dag gnyis med chos kyi dbyings// bstan pa'i lam chen de la gnyis med gnas// mnyam par shes phyir phyag kyang rab tu 'tshal// de nas bcom ldan 'das dpal kun tu bzang po nyid kyis ched du brjod par bya ba brjod pa/ sgro skur bcings grol dag pa'i chos dbyings la// blo rtog byis pa'i spyod pas ci zhig slu/ rgyu 'bras dbyer med sangs rgyas sems can zhing // kun gyi spyod yul gzhi rtsa med pa la// 'khrul pas nor ba'i lam du btags pa yang // bstan pa'i lam chen de las gzhan med pas// mnyam par shes na sangs rgyas kun gyi rje// nga dang bdag tu btags pa rab zhi ba'i// mchog tu rmad byung phyi dang nang kun dbyings//

  527. 264b

    ya nas rnam par dag pa'i spyod yul la// sems can sangs rgyas dbyer med skal can dbang // bdag gzhan btags pas mu stegs 'khrul pa'i lam// byis pas bslus pa'i chos spyod lam la btsud// phyin pa'i yul med rtogs pa'i dus med pas// gnyis med chos ni rnyed par ga la 'gyur// byang chub kyi sems rtsal chen sprugs pa'i rgyud las/ gleng gzhi'i le'u ste dang po'o// // de nas bcom ldan 'das dpal rdo rje sems dpas yang phyag btsal nas/ bcom ldan 'das chen po/ bdag med gnyis med rnam par dag pa'i lam// gang la'ang brten te ci la'ang bsgrub par bya// yang dag pa yi gtso bos bshad du gsol/ ces bcom ldan 'das la zhus pas/ bcom ldan 'das dpal kun tu bzang pos don thugs su chud pa'i phyir bka' sprul pa/ dam pa'i dge ba shes la brten dang sems bskyed// rgyu lam de bgrod rim zhugs 'bras rnyed tshe// gnyis med bde sar phyin phyir de bzhin no// mi g.yo rang bzhin gnas pa'i chos nyid 'di// stong pa nyid de stong pa yul la gnas// brtags na mngon sum mi gnas rnyed mtha' med// lam la ltos pa'i gnas med bsam dang bral// rang bzhin nyid la yid mi 'jog/

  528. 265a

    pa nyid// bdag med sman chen gtong ba'i slob dpon des// dge ba shes kun las 'byung ba'i rin po che// bdag dang gzhan du bral ba'i ston mkhan nyid// gzhan nas ma byung rang rig byang chub sems// dpe'am tshad mas gzhig tu yod ma yin// ye shes 'byung 'jug zad pa'i rmugs pa nyid// dad pa'i dad par sems bskyed yin par ni// dri med de bzhin gshegs pa rnams kyis gsungs// nyid kyis brjod par bya ba nyid brjod pa// rgyud drug 'gro ba rnams su snang ba yang // bdag gzhan 'khrul pa'i rtog pa dag la snang // dad pa'i lam las gud na yod pa min// mtshams med mi dge sdig sogs sna tshogs pa// kha na mtho 'jig rten 'di spong ste// gnyis med yongs su grub pa'i chos kyi rtsi// byang chub rdzogs chen chos las gzhan min no// dngos med chos kyi rang bzhin yin pas na// gzugs sgra dri ro reg bya la sogs kyang // byar med lhun rdzogs snga ma de bzhin pas// gud na yod pa ma yin bdag nyid che// snying po byang chub mchog ste rtag par bzhugs// byang chub kyi sems rtsal chen sprugs pa'i rgyud las/ chos thams cad de kho na nyid rtogs par bya ba las rim gyis rtogs par

  529. 265b

    bya ba dang / de nyid kyi don la cig car 'jug pa gnyis kyi le'u ste gnyis pa'o// // de nas bcom ldan 'das dpal kun tu bzang pos brjod par bya ba ched du brjod pa/ bya ba'i don la mi gnas gnyen pos bcos su med// rang byung mi rtog kun tu ji bzhin gnas// gzung ba'i yul med sems kyi gnas kyang med// gnyis med bde tshe na sangs rgyas kun spyod la// theg gsum 'khrul par brtags pas ci zhig bsnyad// ye shes gzhir gyur mi rtog ting 'dzin 'das// rnam pa cir mi rtog pa byang chub snying po la// zhugs pas gnyis med ting 'dzin rgyal po thob// mi dmigs dmigs pa med pas chags gnas med// mngon sum nyid du brtag med de bzhin nyid// sangs rgyas sems can gnyis med rgyu 'bras med// lam gyis bcos su 'di la ga la yod// thams cad mnyam gnas snying po rang bzhin las// gza' gtad yul la drang srong sgom yid 'jog/ sgom lam mi 'khrul rang bzhin rtsal chen sprugs// byang chub kyi sems rtsal chen sprugs pa'i rgyud las don blo la gzhag pa'i thabs bstan pa'i le'u ste gsum pa'o// // de nas bcom ldan 'das dpal kun tu bzang pos brjod par bya

  530. 266a

    ba'i don gyis brjod pa/ bdag med ma bcos phyi nang rnam par dag/ ji bzhin mi bskyod mi 'gag 'gag pa med// dmigs pa'i yul bral bsngo ba'i dmigs pa dag/ sangs rgyas ming yang med pas sangs rgyas med// sdom 'dul dam tshig chags pa'i nad yin te// 'da' dang mi 'da'i dam tshig las 'das med/ bsrungs kyang bde ba rgyab phyogs nyams pa ni// sa bum gab tsher bcug kyang mthar 'jig tshul// phyogs bcur brtse ba'i rgya chags blang dor med// mi 'gyur yangs pa'i snying po kun la khyab// ye khyab gnas pas sman chen ma byas na// mtho ris bgrod pa'i don des zin pa ni// thar pa'i dus med mchil pas nya zi na 'dra// ltos pa'i chos bral bdag med gcig pu la// mi len mi spong kun tu rang bzhin gnas// btsal bas rnyed pa'i yul med stong pa'i snying // rtsol 'dod ra dgas smi rgyu snyeg pa 'dra// lhun rdzogs rang byung che ba'i lam la gnas// med pa ma yin med pa'i snying po 'byung // gnyis med gnyis kyang tshig gi mtha' dang bral// spyod lam 'das pas sdom rtsol kun las 'phags// byang chub kyi sems rtsal chen gyi rgyud las/ lhun gyi gnas pa'i dam tshig gi le'u ste bzhi pa'o// /

  531. 266b

    de nas bcom ldan 'das dpal kun tu bzang pos ting nge 'dzin gyi don brjod par bya ba brjod pa/ bsams 'das bsams med don la bsam par bya// mdzub mos zla chos mtshon mthong ji bzhin du// med pa'i snying po las ni yod pa 'byung // 'du shes bcom pa snyoms pa'i sa nyid do// byis pa'i spyod pa phyag rgyar 'dzin pa las// bsam pa'i ting 'dzin bcom pa'i ting 'dzin 'phags// nyid kyis nyid la brjod par bya ba ni// rang byung che ba'i sku nyid ji bzhin gnas// kun tu khyab pas bsnam pa'i chos med de// ye shes lhun rdzogs dbyings nyid dpag tu med// brtags kyang mthong med ye nas rnam par dag/ gtsang sme med pas za dang sdig sogs spyod// dug gsum dug lnga'i snying po 'bar byed pa// ltos med rtsal chen 'di yi dam tshig mchog/ dmigs med rtsal bya las ni 'das pa yi// ting 'dzin der mi gzhag ste/ 'dre bar bya// ma 'thungs chu yis skom la mi phan zhing // lce yi tshig de don du ma shes na// nad gang phan pa'i sman dang sman pa dang // 'grogs kyang khong du ma gtang mi 'tsho 'dra// byang chub kyi sems rtsal chen sprugs pa'i rgyud las/ bsam gtan gyi ting nge 'dzin dang / rdzogs pa'i rang bzhin dang / de shes par

  532. 267a

    bya dgos pa'i le'u ste lnga pa'o// // de nas dpal rdo rje sems dpas/ bcom ldan 'das dpal kun tu bzang po la thal mo gdong du gzung nas cang mi smra bar spyan sngar 'dug pas/ bcom ldan 'das dpal kun tu bzang pos nyid la nyid brjod pa/ ngo bo nyid kyi gzhi rtog ma nor lam/ ci yang mi dgos pa yi chos spyad na// bdag dang gzhan med pa yi 'bras thob ste// rtag tu bdag gzhan med pa'i 'bras bu thob// bdag gzhan thams cad ci yang / mi mthong ngo // dud pas mo mtshon bzhin du de yang 'grub// bden pa bzhin du rnam shes mi g.yo zhing // sems rgyud skye ba med pa'i theg chen po// mi bden pa nyid ma skyes par shes na// mi bden rgyun chad bden pa nyid la gnas// sems la sems med par ni shes gyur na// sems de la ni gcad du ci yang med// de ltar gyi na rnam shes mi skye zhing // sems la sems med par ni shes 'gyur te// chos la chos min par yang shes pa ni// sangs rgyas thams cad dam pa de gsum spyod// snying po 'byung bas chos sku gzhan na med// spyad med spyad las 'das pa spyod pa'i mchog/ de la snying po 'byung ste chos kyi sku// gzhan du don smra mu

  533. 267b

    stegs 'khrul pa'i lam// skom pa chus gdungs smig rgyu snyeg pa 'dra// byang chub kyi sems rtsal chen gyi rgyud las/ spyod pa'i rnam grangs so sor bstan pa'i le'u ste drug pa'o// // de nas bcom ldan 'das dpal kun tu bzang po nyid kyis ched du brjod pa 'di brjod do// mi gnas mi dmigs mi 'gyur byang chub sems// mngon sum mi gnas thabs kyis de la rol// ston pas bshad pa'i don rnyed rung ma yin// thos pas mi rig mnyan pa'i tha snyad bral// chos dang chos min 'dres pa'i thig le 'di// lhag pa'i don yin pas na bshad du med// ji ltar grib ma gzung du 'dod pas kyang // lcags kyus gzung ngam gnod du byas nas kyang // gzugs brnyan grib ma gzugs la dag pa bzhin// sku yi phyag rgya spro bsdu gsal 'gyur ba// ting 'dzin gsal bas ji ltar gzung gyur kyang / chos kyi dbyings la ye nas rnam par dag/ rtog dpyod byis pa'i spyod lam 'dzin pa de// 'khrul te byang chub rtogs pas thob pa med// sangs rgyas ston pas chos rnams bshad pa ni// so so'i don rnams ji ltar 'dzin gyur kyang // de nyid mi thob don chen nyid la dag/ de phyir don 'di rnyed par ma gyur na// ston pas bshad pa

  534. 268a

    'di yis gting mi rnyed// kun tu 'od sa mi non sangs mi rgya// sgyu ma mkhan gyis sgyu ma sprul byas kyang // skad cig tsam yang yod par mi myong ltar// ston gsungs tshig las sangs rgyas mi 'byung yang // sgyu bzhin skad cig tsam yang 'grub mi srid// byang chub don las 'khrul pa de dag ni// don med tshig gsungs chos la ye rngam za// blo 'chal tshig sgron lce la 'od 'bar bas// bde ba chen po'i don 'di ga la dpogs// ye shes snying po mthong bya'i stegs tsam du/ byang chub kyi sems rtsal chen gyi rgyud las/ rang bzhin ngo bo kho na nyid ma mthong na sangs rgyas par bya ba'i thabs med par bstan pa'i le'u ste bdun pa'o// / / de nas bcom ldan 'das dpal kun tu bzang pos nyid kyis nyid la ched du brjod pa/ e ma'o// chos chen po lngar rang dag pa'i chos// bdag gzhan mi 'byed rgyu 'bras yongs kyis rdzogs// tshig gi don gser nor bu rin po che// gzhan nas btsal bas mi rnyed rang la gnas// yangs so che 'o chos rnams kun gyi rtsi// bzang ngo zhi'o sems nyid rnam par dag/ theg pa'i 'bras bu nyid de rtsa ba'ang yin// bsnan med chos kyis ma zin gang yang med// blang dor bzang

  535. 268b

    na mi 'byed bzang ba'i mchog/ dmyal rgyu'i skyon gyis ma gos pad+ma'i sku// sdig spyad byang chub chen po'i lhun la dag/ tshogs chen gnyis rol bsod nams rgyas pa'i sku/ 'di ma mthong bar sangs rgyas 'dod pa ni// dmigs bu med pas long ba don bgrod kyang // gnas su mi son ngam grog 'chi bzhin no// byang chub kyi sems rtsal chen gyi rgyud las/ nyid kyis bshad pa'i rgyud kyi dngos po la dam pa'i le'u ste brgyad pa'o// // de nas bcom ldan 'das dpal kun tu bzang po nyid cang mi gsung bar bzhugs pa la/ rdo rje 'dzin pas bstod pa/ bcom ldan 'das kyi snying po dpe med sku// rnam grol zag pa med pa zla gsal 'dra// mgon po mchog nyid dpa' bo'i don ston pa'i// dpe med don 'dzin khyod la phyag kyang 'tshal// lam med lam dang bral ba'i snying po mchog/ ye nas dag pa'i chos la phyag kyang 'tshal// 'di don gus pa'i sangs rgyas sras rnams la'ang // don 'dzin dpa' bo bzhin te phyag kyang 'tshal// chos la'ang de bzhin bsal ba bzhin phyag 'tshal// 'chad dang 'dri dang kha ton don bsgom zhing // 'dus shing 'dzin pa la'ang bzhin phyag 'tshal// de nas dpa' bos rgyud gtad pa yi don//

  536. 269a

    bdag dang dbyer med rgyal ba kun gyi thugs// de bzhin mchog gi sa la bzhugs pa la// snying po sangs rgyas thams cad bskyed mdzad pa'i// gsang ba'i thig pa 'di ni bsag bya'i phyir// de bzhin mchog gi snod chen bze bar mdzod// byang chub kyi sems rtsal chen gyi rgyud las/ rgyud kyi bdag po la bstod pa dang / rgyud la bstod pa dang / gtad pa'i le'u ste dgu pa'o// // byang chub kyi sems thig pa ltar spyod/ dam tshig ting nge 'dzin rtsal sprugs pa'i rtsel chen rdzogs so// // mtshan la rgya gar gyi skad smos pa bong du bsgyur ba/ byang chub kyi sems rtsal chen gyi rgyud ces bya ste spyir zhabs su bsgyur ro// rgya gar gyi mkhan po shrI sid+ha dang / bod kyi lo tsa ba chen po bai ro tsa nas bsgyur ba'o// / de nas bcom ldan 'das dpal rdo rje sems dpa' la sogs pa rnams kyis shin tu gus pas phyag 'tshal nas/ bcom ldan 'das dpal kun tu bzang pos rnam par grol ba'i lam la zhugs so// bde bar gshegs so// bstod cing mi smra bar 'khor lnga 'khod 'dug go// de nas bcom ldan 'das dpal kun tu bzang po nyid kyis nyid

  537. 269b

    che ba'i lhun la bzhugs te brjod pa/ dmigs pa'i yul med mi rtog chos kyi lam// mi gnas thig le ji bzhin nyid kyi lam// rang byung ye shes kun tu ji bzhin gnas// yul med mi gnas gnyen pos bcos su med// spyod bzhis don rtsol khyad par don med pas// gzugs med chos sku bsgom pa ga la yod// sems ni gzhi ste chos rnams sna tshogs lam// mchog tu stong pa de bzhin chos la gnas// gnas dang mi gnas rang bzhin nyid kyi lam// ji bzhin nyid du bsgoms pas rnyed mi 'gyur// chags pas grol bar 'di la 'dod pa min// dbang po rno rtul chos lam 'dzin pas kyang // rnyed pa'i yul med snying po mi 'byung zhing // dpag cing gzhal bas 'di la dpog pa min// nam mkha'i mtha' bzhin gang yang mthong ba med// stong pa'i stong pa nor bu rin chen bzhin// dmigs pa med cing 'gyur bar mi byed par// rang bzhin gnas pas re ba thams cad skong // brtags med gzhag na legs pa'i 'byung ba che// dran dang zhi ba 'bad med snying rjes bstan// bla med byang chub snying po 'gro ba'i lam// de lta'i yul can sangs rgyas mthong ba med// sangs rgyas med pas sangs rgyas ming yang med// sangs rgyas ston pas ming du brtags pas nor// sangs

  538. 270a

    rgyas gzhan nas thob byed nor ba'i lam// rang rig byang chub sems nyid sangs rgyas sku// gzhan gyi nor min ye nas gnas pa yin// bde ba 'dod pas bde la rgyab kyis phyogs// ma g.yos nang du btsal ba'i gnas med de// yul phyir chags la bsngo ba'i dmigs pa med// khyung chen nam mkhar ldings te 'gro pab bzhin// rang bzhin spro ba med cing bsdu ba med// rgya mtsho chen po bzhin du ye gnas la// chos rnams sna tshogs ma lus 'byung bar byed// kun tu bzang po'i spyod/ yul dag pa la// skye zhing 'pho ba'i gnas med de bzhin nyid// bshad pa bzhin du rtag pa'i chos kun la// rnyed par mi 'gyur nang gi sems la btsal// 'khrul pa/ rnams kyi sgo tsam nyid du ni// tshig dang yi ger ston pas bshad pa yin// rang rig byang chub snying po chos kyi dbyings// chos dbyings gzhan nas mi rnyed de bzhin nyid// mkhas pa rnams kyis de bzhin shes par gyis// byang chub kyi sems khyung chen gyi rgyud las/ sems las ma gtogs pa'i chos gud nas bstan du med pa'i le'u ste dang po'o// de nas bcom ldan 'das dpal kun tu bzang pos nyid la nyid brjod pa/ mi gnas dmigs pa'i yul med mi rtog chos kyi lam/

  539. 270b

    bsngo ba'i cha shas phra ba'i yul las byung ba te// rtog sgro ma chos kyi sku ni khyad par don med pas// rang byung ye shes mi rtog kun tu ji bzhin gnas// bya bral yul la mi gnas gnyen pos bcos su med// lhag pa'i don med 'di yi rang bzhin las/ snying po'i rang bzhin 'byung ba chos sku gzhan na med// mngon sum kun tu mi rtog yangs pa'i snying po la/ rtag tu 'dug par 'dod pa drang srong nyid// rnam dag lam der zhugs pas mnyam pa'i rgyal po thob// gang la thob par mi rigs bsnyad pa kun dang bral// chos dang chos min rtag tu 'dris shing dbyer med la// don dam chos de lhag pa'i gnas zhes bshad pa'ang med// 'khrul dang ma 'khrul byang chub lam de rtogs pas thob pa med// byang chub lam chen tshig gi mtha' las 'das// 'di dang sangs rgyas 'dra ste thams cad mkhyen// mi phyed rtag par bzhugs phyir bsam pa kun dang bral// de nyid de bzhin nyid la rtag tu bzhugs pa yin// lam med lam du 'jug pa 'khrul pas lam chen de// btsal bar 'dod pas ri dgas smig rgyu sgeg pa 'dra// rnyed pa'i yul med btsal bos de ni mi 'byung zhing // gang la ma chags ye shes dbyings 'das phyir// sa bcur ltos pa'i gnas kyang byang chub sgrib pa yin// de phyir byang chub nyid la rtag tu

  540. 271a

    gzhol bar bya// mi gtang rang bzhin nyid kyi dran pa shin tu bskyed// mi g.yo rang bzhin gnas pas sman chen ma byas na// mtho ris bgrod pa'i rgyu des nyon mongs zin par 'gyur// lam med lam du 'jug pas yul 'di mi rnyed de// chus gdungs glang chen smig rgyu snyeg pa 'dra// bskal par bgrod kyang rnyed par rab tu dka'// byang chub kyi sems khyung chen gyi rgyud las/ yang dag pa'i don 'dis ma zin na/ sangs rgyas par bya ba'i thabs med pa'i le'u ste gnyis pa'o// / de nas yang bcom ldan 'das dpal kun tu bzang pos ched du brjod pa/ dkyil 'khor snying po 'di ni sku rnam bzhi// phyag rgya'i dkyil 'khor sku la ye nas rol// thams cad ma lus rdzogs pa'i klong chen 'di// lta ba'i yul med bya bral mya ngan 'das// nam mkha' la ni sa chu me rlung rdzogs// yang shes snying po 'di la chos rnams ma lus rdzogs// sku dang yeng shes yon ta na shar ba rnams// nyid las byung ba'i gzugs brnyan yin pas de// blo la gang snang snying po'i gol sar gsungs// bla med mchog la rang rig de bzhin pa// mi bsam mi g.yengs mi dmigs de bzhin nyid// dam par mi gzung de bzhin de bzhin gzhag/ brjod pasam rtog pa yin pas bsam mi khyab// grub

  541. 271b

    mtha' mi spyod de bzhin de bzhin nyid// mtha' med yang dag mtha' ste mtha' las 'das// yul du mi lta de bzhin de bzhin gzhag/ gzhag pa'i sems kyang mi gtang btang snyoms gzhag/ phyag rgyar stong zhing sgom pa bsgom pa yin// mi gnas gnas pa'i yul med phyag rgya mchog/ yul med ji bzhin ngang la brtson par gnas// blun pa'i tshul du ci yang bsam pa med// kun tu bzang po'i snying po dkyil 'khor nyid// thams cad ma lus sbyor ba'i thig le che// rgyal po'i tshul du che ba'i ngang la gnas/ gzhan gyi 'khor ldan kun rdzogs 'du 'bral med// rgya mtsho'i tshul du sdud 'byung gting dpag dka'// mya ngan 'das 'khor lhun rdzogs ngang gis 'byung // dpe med dpag tu med de shin tu zab// rdo rje tshul du mi 'jig 'du 'bral med// ye shes dkyil 'khor kun dang de bzhin gnas// bskal pa'i me yi tshul du gcig pur gnas// snang srid ye rgyas btab nas gcig pur bzhugs// lhun rdzogs thabs mkhas 'khor ba'i lto ba can// khyung dang seng ge'i bu dang rgyal po'i bu// mngal gnas gnyen po'i tshul du gzhan zil gnon// gnyen por ma bsgrubs ye nyid gnyen po ltar// mi gnas gnas med dmigs pa med pa'i lam// rgyu 'bras mi 'byed mnyam pa'i snying

  542. 272a

    bo nyid/ 'khor ba mya ngan 'das pa'i snying po yin// gnyen por ma bsgrubs ye nas gnyen po ltar// 'phur skyes bya ni slong chag mkha' la 'phya/ lung la mi ltos yi ga mtshon med pa'i// nye lom bde rdzogs bya lam lhan grub nyid// 'jug sgo lam la mi ltos ya rgyas yin// khyung chen gshog rgyas mkha' la mi chags ltar/ theg pa kun rgyas bla med yangs pa'i sa// ye rgyas sa la mi chags bde ba lhun gyis rdzogs// khyung phrug sgo nga'i nang nas lus rgyas ltar// skye med de bzhin nyid kyi rang bzhin nyid// de bzhin thig le klong nas de bzhin rgyas// bya byed med pa'i chos 'di ma mthong nas// kun tu 'od sa bskal par mthong mi srid// byang chub kyi sems khyung chen gyi rgyud las/ sgom pa'i thabs rang bzhin dang / mtshan nyid dang / mtshan nyid bstan pa'i le'u ste gsum pa'o// // de nas bcom ldan 'das dpal kun tu bzang po nyid kyis nyid la brjod pa/ khyung chen nam mkhar mi gnas sa la mi gnas ltar// kun 'dus kun slong kun gyi yid bzhin no// mi dmigs mi skye ma 'gags snang ba med// 'dod yon nyon mongs spangs pas byang mi chub// sangs rgyas tshol bar mi byed de bzhin nyid// thams cad lhun gyis

  543. 272b

    grub pas bya med bral// sa bcu mthar phyin pa nyid 'dzin dang de rtogs pas// de la'ang mi gnas gnas pa'i sa dang bral// lam med lam du 'dod pas 'gro ba 'khrul// 'bras bu thob re 'jog pas don mi mthong // yang dag mtha' la bsnyegs pas lung dang bral// de bzhin dbyings su 'dod pa'i bde mi rnyed// 'dod yon nyon mongs spangs/ pas byang mi chub// 'khor ba rgyab phyogs mya ngan yongs mi 'da'// sa dang pha rol phyin lam zad mtha' med// snang srid phyag rgyar bsgoms pas sangs mi rgya// byang chub sems lung yang dag dam pa'i lung // lung gi rgyal po gtan la ma phab na// tshig 'chal mu cor smra bas don mi rnyed// gang la'ang mi gnas mi gnas nyid kyang 'das// smig rgyu chu ru bsnyegs pas chu mi rnyed// bden pa gnyis 'dzin yi ges don mi rnyed// 'phur skyes bya 'am rgyal po'i phrug gu ltar// gzhan gyis mi rnyed ye nas de bzhin pas// tshad mas mi gzhig lung gi tshad ma yin// 'khrul pa'i tshad gsum rtog pa'i tshig la phab// byis pas bslus pa'i chos la de yod pas// bla med lam 'di mi dgos tshad med lung // shes rab chung ba 'di la dpog cing lam bgrod byed// 'di 'dod pa la 'di mi gnas te rtog pa'i lung // yang dag

  544. 273a

    mi srid byang chub gting nas med// kun khyab ye sangs rgyas de sgo phugs med// tshig gi phebs par mi 'gyur 'bras thob min// khyung chen lus che 'dab ga shog rdzogs pa de// gzhan nas ma btsa la ye nas rdzogs pa ltar// rdo rje skye 'jig med pa de kho na// 'jug lta bsrung 'dzin phyi ma sogs rdzogs shing / phyag rgya'i dkyil 'khor sku rnams rdzogs pa yang // rang bzhin nyid kyis ye nas rdzogs pa las// btsal nas bsdus te rdzogs pa ma yin pa// lhun rdzogs tha snyad med pa'i byang chub ste// gzugs su ji ltar snang yang rang bzhin rdzogs// kun rdzogs snying po 'di ni nor bu'i tshul// 'di ma mthong ba rgya mtsho gang+gA yi// 'gram na 'dug pa'i bskams re rare shi bzhin no// rnam par mi rtog ye shes snying po 'di// theg pa yongs kyi chos la ma sbas shing // sangs rgyas gsung gi rgyud las sbas pa med// bgrod rtsol lam la sbyangs pas rnyed mi 'gyur// mi len mi spyod byang chub spyod rnams la// rnam pa kun tu rang bzhin ji bzhin gnas// mi rtog ye shes dbyings las 'das pa na// kun mnyam dbyer med rang bzhin snying po la// sku dang ye shes ting 'dzin brtag mi bya// dmigs pa'i gza' gtad zhi ba'i

  545. 273b

    byang chub la// yang shes rol pas chos nyid bsgom mi bya// ting 'dzin ro la chags med thig ler dag/ gar thabs rol mo sna tshogs bsgyur ba yang // lus la ma bkod gzhan gyi yid sdud ltar// thabs kyi rgyal po lung gi snying po 'di// ngo bo nyid las ma g.yos kun gyi 'bras// bsgrubs pas grub pa'i 'bras bu kun yid tshi ma// byang chub kyi sems khyung chen gyi rgyud las/ ngo bo bstan pa dang / tshad mas gzhig tu mi rung bar bstan pa dang / lhun gyis rdzogs par bstan pa dang / brtag tu med par bstan pa dang / kun gyi 'bras bu bstan pa'i le'u ste bzhi pa'o// // de nas bcom ldan 'das dpal kun tu bzang pos/ nyid dang dbyer med pa'i 'khor rnams rmad du byung ba la nyid kyis brjod pa/ sgrib pa gnod dang chos spong las kyi phra rag/ rten cing 'brel bar 'byung ba 'di yi gting mi rnyed// mtshan nyid gsum gyi chos tshogs dag par 'gyur// bdag med rnam pa gnyis kyi tshig gnyis ye nas zhi// snying rje'i rgyun can sems can ma mthong sems can med// thams cad mnyam nyid rdo rje sems dpa' nyid kyi sku// gnyis med de bzhin nyid du gcig pa'i chos nyid yin// gdol pa can gyi chos min gnyen pos bcos su med// ting 'dzin bstan

  546. 274a

    pas gzung yul bsgom yul bral// shes rab gsum gyis 'di la sbyang du ga la yod// thams cad mnyam pa'i dkyil 'khor kun gyi rang bzhin la/ rang byung yeng shes de la 'phyo ba yin pa ni// so so ma yin gcig gi ngang ste rgyu 'bras rnam par dag/ thugs rje'i zhing du byang chub rlabs chen nyid 'gyur bas// thams cad byang chub chen po'i mchog tu ma gyur med// sdom rtsol 'dul dang dam tshig bsam yas pa// mi shes byis pas bslad pas 'khrul pa yin pa'i phyir// ci yang mi dgos bsrung ba ci dgos bsgom mi dgos// 'di la dpyad pa mi dgos 'di la gzhan mi dgos// stong nyid bdag med ye mkhyen rang rig thugs nyid de// thams cad nad gso mdzad pa'i sman pa'i rgyal po yin// mtho ris bgrod pa'i rgyu des byang chub lam mi rnyed// dug gsum dug lnga ye nas dag pa'i sman chen po// ji bzhin rang bzhin gnas pas sman chen ma byas na// 'khrul rtog lam la gnas pa'i theg dman rnams// dug gsum dug lnga'i nad kyis 'tsho ba'i glags yod med// ye nas sa rdzogs lam gyi 'gro sa ye nas dag/ gdod nas thob zin thob par bya ba ci yang med// tshig gis mi phebs dbyibs dang kha dog spyod yul min// bstan cing brtag par

  547. 274b

    dka' la brjod du rdul tsam med// mi dmigs mi gnas bsam pa kun dang bral ba yin// 'di zhes bstan pa'i lam la gcig dang du ma med// bdag gzhan bral ba'i ston mkhan rin chen mdzod// gcig pu lhun gyis grub pa'i dbang phyug rdo rje nyid// dkyil 'khor kun gyi bdag nyid dbang phyug gtso bo 'di// rlabs chen khams gsum 'gul ba kun bsad kyang // rang byung mkha' klong dag pa'i dbyings su rnam par dag/ srog med srog gcad dbyings kyi nam mkhar gcig pas na// nam mkha' dbye la dbyibs nyid rol pa mdzad// khams gsum kun bsad mi bskyod zhing du dag pa yin// srog dang sdig tu mthong ba'i chos lam gang spyod pa// chos lam de yis byung chub bskal pa'i mthar yang ni// rnyed par mi 'gyur bya rjes tshol ba 'dra ba yin// byang chub kyi sems khyung chen gyi rgyud las/ ci'ang thob par byar med pa'i le'u ste/ lnga pa'o// de nas yang bcom ldan 'das dpal rdo rje sems dpa' la sogs pas/ bcom ldan 'das kun tu bzang po nyid la spyan gzigs te cang mi smra bar bzhugs pas/ bcom ldan 'das dpal kun tu bzang po nyid kyis nyid la brjod pa/ sku yi dkyil 'khor dkyil 'khor mchog tu gyur//

  548. 275a

    de bzhin nyid du 'dus sam ngo bo nyid// mchod bstod spyan drangs phyag rgya bzlas pa dang // phyag rgya'i skur ni 'di la bsgom mi dgos// sgyu 'dra'i gzugs brnyan 'di las 'byung bas na// lo ma mi bsnyen shel las 'bras thob min// rgyu 'dra'i phyag rgya lugs ma'i phyag rgya las// 'bras bu rnam par grol mi gnas mi gnas// de yi rnam grol dag pa'i lam chen rnyed 'gyur na// mthong thos la sogs phyag rgya'i ngo bor gnas// chags yod phyir na gnas pa yod pa min// lhun/ grub sangs rgyas kun dang rgyas btab pas// thams cad ma lus kun tu bzang po'i dang // ye shes snying po'i phyag rgya thams cad bzung // blang dor med pa'i skyes mchog bla med sa// 'di 'dra'i don nyid byis pas mi shes phyir// cir yang mi dmigs gti mug dang nyid 'di// 'khrul pa'i chos lam dag lo yangs mi gnas// zangs la gser rtsis gser du 'gyur rung zhing // zangs rtsis gser du 'gyur du yod pa min// 'di yis rtsi yis gzhan gyi 'bras rung gis// gzhan gyi don gyis 'di yi don mi rung // 'di ni gang dag bskrun du yod pa ma yin pas// byang chub bde chen rgyal ba'i yum zhes bya// rin chen sgrom bu mtheb rgyas btab pa bzhin// rang

  549. 275b

    bzhin gnas pa 'di ni bstan pa dka'// srid gsum dbang sgyur de bzhin nyid du gnas// 'du byed lhag par gnas pa'i dbang yang rdzogs// dka' thub mi dgos snying por de ma thag pa nyid// sdug bsngal des ni sangs rgyas lam mi rnyed// sdom sogs la sogs rtsol bas byang chub ring // gang yang ma yin rang rig de kho yi// dka' thub spyod ba yis ni don 'tshol ba// glang po zhon nas glang rjes 'tshol ba 'dra'o// nang nas mi btsal nang gi rang bzhin nyid// phyi nas mi btsal phyi yi rang bzhin nyid// gnyis kar mi gnas gnas med gnas la gnas// gnas mchog rgyal ba'i dkyil 'khor de nyid ni// byang chub snying po'i ri bor thams cad gcig/ gang du'ang ma song gar yang mi 'gro zhing / yul la mi gnas phyogs nas ma yin te// 'di ltar bstan du med pa'i rang rig de// byang chub snying po nyid na de bzhin nyid// gang la ma song rang la rab tu gnas// bya bral nam mkha' ji bzhin lhun gnas pas// kha dog dbyibs kyi mtshon du ga la yod// yi ge'i rgyud med bsgom du med pa yin// byang chub kyi sems khyung chen gyi rgyud las/ byang chub kyi sems kyi btsal thabs kyi le'u ste drug pa'o// // de nas bcom ldan 'das dpal kun tu bzang pos nyid kyi nyid la brjod pa/

  550. 276a

    bzhi bcu rtsa gnyis 'od 'bar dngos 'byung bas// thams cad kun g.yos stong gsum la sogs grags// 'byung ba lnga brtsegs thams cad kun tu g.yo/ gsum shar gsum gyis sna tshogs ma lus bsdus// dkyil 'khor 'od 'bar gsum du bsam yas te// yi ge'i 'khor los dkyil 'khor phyag rgyar bstan// sna tshogs 'od gsal mchog tu rmad grub pa// byed pa ston pa bor dmigs de la 'dud// me la yod par btags pas rtog pa'i rgyun// bskal par byang chub thob dka' 'khrul pa'i lam// byis pa'i lam bzhis 'bras bur gyur pa dka'// mtshan ma'i rgyu la chags pas yang dag don// rnyed pa'i yul med chags phyir chags la gnas// snang med byang chub sems kyi thig le 'di// cis kyang gzhig tu med pa'i rdo rje'i sku// 'khor lo rab bskor thig le gcig tu zlum// gang yang mi 'byed mnyam pa chen po'i ngang // mnyam nyid snying po rtogs pa las 'das pas// sku gsung thugs kyi snying po rtogs mi byed// rang bzhin 'od gsal yi ge rnam par zhi// dbyings la dbyings kyi 'od rnam gsal ba bas// yi ge'i ming tshig las 'das yi ge mchog/ stong gsum rgya chad stong nyid rnam par dag/ gang la'ang mi gnas stong gsum rgya chad nyid// gzhan

  551. 276b

    nas thob med snying po de bzhin nyid// de ltar de ltar gnas pa grol ba'i lam// ye sangs rgyas pas sangs rgyas bsgrub mi dgos// gdod nas byas zin btsal ba'i las mi dgos// lhun rdzogs bde ba nyid la ye bzhugs pas// 'bras bu'i sa thob mi ltos rang bzhin sa// mnyam nyid snying po ngang gi ji bzhin la// bskyed pa'i phyag rgya mi dgos bskyed mi dgos// mi gsungs mnyam par gsang sngags bzlas pa'i gsung // ma chags pa la shin tu chags pa dang // chags pa nyid na de la chags med pa/ tade ni chags pa rgyal po chen po ste// shin tu chags pa chen po yin par grags// ci la'ang mi gnas bsam pa las 'das pas// ting 'dzin bde ba'i ro la chags pa min// gzhi rtsa med pa'i byang chub sems nyid ni// chos rnams ma lus kun gyi rtsa ba yin// kha dog dbyibs med mtshan med rigs brgyud med// yod med mtha' 'das dbu ma yod ma yin// pho mo ma yin ma ni nga nyid kyang min// gang yang ma yin gang gi mthar mi gnas// mthar yang mi gnas yang dag mtha' las 'das/ khyung chen mkha' lding bya lam rjes med 'dra// khyung chen gshog rgyas mkha' la mi chags tshul// bsod nams rdzogs pa'i thig ler rgyu 'bras med// rang

  552. 277a

    bzhin lhun grub dkyil 'khor 'od gsal bas// rigs kyi phyag rgya gsal bar bsgom mi dgos// mchog gsum chos sku'i dkyil 'khor bdag yin pas// sangs rgyas sras tshogs bcas la phyag mi 'tshal// shes rab 'bar ba'i hom khung bdag gi khar// khams gsum srid gsum ma lus kun bsregs pas/ 'phrin las rnam bzhis bsreg pa'i las mi dgos// skye med thig les 'khor ba kun bsad de// yeng shes snying pos thams cad kun sbyar nas// rgyu 'bras med pa'i ngang du ro gcig pas// gnyis med sbyar ba 'di la phyag mi dgos// phyogs bcu'i rgya chad stong khams ye nas dben// srid gsum ma lus ye nas dag pa'i zhing // ji bzhin btsan pa'i ye rgyas kun la btab// kun bza' brdal ba'i zhal bzang yangs pa yin// khams gsum snod bcud ma lus dus gcig gsol// 'khor ba ming med dpe med chen pos bsgral// sangs rgyas sems can byang chub chen por 'khyil// thams cad kun bsgral grol ba'i lam gnas pas// gnas sbyangs sbyor sgrol 'phrin las 'di la bya mi dgos// byang chub kyi sems khyung chen gyi rgyud las/ ma hA yo ga'i rtsol sgrub kyi las tshi chad de bya mi dgos par bstan

  553. 277b

    pa'i le'u ste bdun pa'o// // de nas bcom ldan 'das dpal rdo rje sems dpas/ bcom ldan 'das dpal kun tu bzang po la/ e mtsho de bzhin gshegs pa'i gtso// the tsom thams cad gcod mdzad che ba'i mchog/ chos kyi chos nyid de bzhin nyid// bcom ldan 'das kyis bshad du gsol/ de nas bcom ldan 'das dpal kun tu bzang po nyid kyis/ nyid dang dbyer med pa'i ngo bo rdo rje 'dzin pa la bka' stsal pa/ gang yang shes par ma gyur ci yang shes med pa// rnam pa'i de bzhin ma yin de yi de ma yin// gzhan nas yod 'ongs ma yod de yi de bzhin nyid// ye shes mi gnas gnas pa'ang de nyid yul yang med/ rtag mtha' mi rtag mtha' gnyis 'jig pa'i lam// mtha' med mtha' la spyod pas dbus mi mthong // bsam gtan bsam gtan nyid la 'jug pa yang // 'byung 'jug lam sgo gzhan zad cig car 'jug/ dbang po rtul po ma rabs rim gyis 'jug/ dam pa cig car de bzhin nyid gnas pa// rim gyis gnas pa sgrib pa chen por gsungs// dug gi rigs shes pas ni dug mthong na// za bar mi byed de yis skrag par byed// khong du mi gtong lhan cig gnas mi byed//

  554. 278a

    lta ngan la spyod zhi ba'i theg dman dang // sa bcu pha rol phyin bcu'i lam spyod pas// rgyu 'bras lhun grub mnyam nyid mchog gi lam// ye grol mnyam gnas sgro dang skur zhi ba'i// ye nas byar med 'di yi don mthong na// 'jug par mi nus 'di yis skrag gyur nas// chud par mi byed lhan cig 'grogs mi byed// 'di la lta ba bzang ste ye khyab kun la brdal// spyod pa bzang ste chus gdungs glang chen bzhin// ci la'ang mi spyod de bzhin bde bar gnas// phyi dang nang med ye shes yangs pa'i mkha'// dus gsum dus med gcig ste khyad par med// sngon med phyis med gdod nas dag pa yin// lta bas ltar med lta ba'i tshig las 'das// yid kyis 'jog med sgom pa chen po'i klung // gdod nas dag pa'i bdang rtsi de ltar gnas// rnam rtog 'khor ba bcad pa de yi las// rgyu 'bras ro gcig mnyam gnas mchog tu gsungs// gang na mi gnas byang chub sems la gnas// rgyu dang rkyen las ma byung skye shi med// rang bzhin 'od gsal bdud rtsi chen por gsungs// mchog gi dngos la mchog gyur gar gnas pa// rgyal mchog lhun gyis grub pa'i dngos grub pas// lha klu mthu chen rnams kyis dbrog tu med// 'jig

  555. 278b

    rten 'das dang 'jig rten 'di nyid kyis// bsgom pa thams cad 'di las 'byung bar 'gyur// 'jig rten dngos grub la sogs ci rung rung // dngos po gzhan las bdud rtsi med par grags// ston pa thabs la mkhas pas bshad pas kyang // dngos grub 'di ni ster bar ston mi spyod// sangs rgyas nyid la'ang 'di ni mnga' ba med// de phyir sangs rgyas nyid kyis kyang ni ster mi spyod// bsam gtan brjod med mchog gi bdud rtsi 'di// phal gyis mi thob ris su chad med de// rnam pa can la shin tu// gsang bar 'gyur// lta ba mi dgos lta ba mchog tu grags// ci spyad mi rtog skye ba 'di yi don// nyam nga'i rkyen gyis mi sgrib chen po 'di// su yis rtogs pa dngos grub 'di yi lam// gtsang sme'i blo rtog bor bas don la snyeg/ ma sring kun sbyar mtshams med lnga spyod cing // cha shas phra ba'ang ma rigs mnyan pos ni// shin tu bsad pa 'di yi dam tshig mchog/ chu srin rdzas 'dzin tshul gyis mi gtong na// khyad par gyur pa'i bdud rtsi mchog nyid 'grub// byas zin bde ba lhun gyis grub pa yi// nye lam bde rdzogs lhun gyis grub pa'i sa// blo 'chal 'di lta'i don la mi spyod pa// mching bu byi dor byas kyang rin chen min// sol ba bsgrags par

  556. 279a

    byas kyang tsan dan min// seng ge'i skad kyis gzhan zil gnon pa dang // nam mkha'i khams nas thams cad 'byung ba bzhin// ma mnan ma byung ngang gis rang bzhin 'byung // byang chub kyi sems khyung chen gyi rgyud las/ theg pa chen po la 'jug pa'i thabs dang / zhugs pa skyon med pa dang / bdud rtsi bstan pa'i le'u ste brgyad pa'o// // de nas bcom ldan 'das dpal kun tu bzang po nyid kyis nyid la brjod pa/ skye bo rmongs pa'i nyon mongs de nyid ni// sems kyi tshul khrims min par nga smra zhing // chos rnams kyi ni chos nyid kyang ni de nyid min// gzhan na med de de nyid de lta'i ngang // sems can sangs rgyas gnyis kyi ngo bo nyid// gcig min tha dad min te brtag par dka'// nyon mongs lnga nyid byang chub chen po'i lam// gzhan gyis ma bslad de nyid de ltar min// shes rab thabs med shes rab thabs bsam yas// ci yang ma yin thams cad kun gyi sku// ngo mtshar rmad byung e ma khyad par can// nyid la nyid kyis yang dag don bshad pa// sems can don du ma gsungs sangs rgyas cir bstan to// e ma'o sangs rgyas dam pa nyid la rol pas kyang // ngo mtshar rmad kyi chos 'di gtang mi

  557. 279b

    dgos// rtag pa chen po rtag par rol pa che// 'di la gnas pa'i skal ldan legs pa che// 'di la spyod pa'i skal ldan legs pa bzang // 'di la lta ba'i skal ldan lta ba bzang // 'di la gnas pa'i skal ldan 'dug sa bzang // lam 'dir 'gro ba rnams kyis sa rnams rdzogs// pha rol phyin bcu sa bcu ye nas dag/ 'dug sar 'dug pas sangs rgyas sa la gnas// gang du'ang ma phyin de bzhin nyid kyi ngang // nye lam 'di las bde ba'i nye lam med// gang yang ma bsgrubs 'bras bu'i ngo bo nyid// rab mdzes ngo mtshar che ba'i gsang chen 'di// bdag nyid chen po skal ldan nyag gcig las// sus kyang 'di nyid rig par dka' ba'i phyir// nyid la nyid kyis bstan pa ngo mtshar che// rgyud kyi rgyal po chen po rgyas pa'i sgo// byang chub kyi sems khyung chen gyi rgyud las/ chos nyid kyi don brtag par dka' ba dang nyid dam pa'i le'u ste dgu pa'o// // de nas yang bcom ldan 'das chen pos rgyud kyi don bshad pas mnyes par gyur to// mnyes nas rgyud kyi bdag po la bstod pa/ dpal gyi sku mnga' bcom ldan nyag gcig gtso// bzang po bla med chen po don mdzad pa// don chen khyad par 'phags pa rgyud kyi don//

  558. 280a

    nyid kyis nyid la bshad byas reg mdzes mchog/ yang dag nyid kyis yang dag nyid gsungs pa// yang dag nyid la snang ba mchog gi don// rgyal ba snum mdzad khyod la phyag kyang 'tshal// dpa' bo thar lam ston mdzad khyod nyid la// yang nas yang du bdud cing phyag kyang 'tshal// e ma'o rab mdzes ngo mtshar che ba'i don// sangs rgyas kyis gsungs ma yin bdag nyid chos// rgyu 'bras gnyis zad rnam grol dag pa'i sku// zla rgyas sku 'dra'i sku la bstod par bgyid// dam chos bdag med rnam par dag pa'i chos// dpal gyi thugs las gsung du grags pa yin// dri med gsung mchog khyod la phyag kyang 'tshal// 'di 'chang klog dang kha ton rab sems pa'i// rgyal sras 'khor bcas gang yang 'di 'dzin pa'i// skal ldan nyag gcig de la bzhin phyag 'tshal// de rjes lta zhing de bzhi gang 'chang ba'i// ma rabs tha mal pa la sangs rgyas su// lta zhing lta zhing de bzhin bzhin phyag 'tshal// 'di la gang mos khra dang khyi la sogs// de yang sangs rgyas nyid de kun las 'phags// 'phags rgyas khyod rnams la'ang de bzhin bzhin phyag 'tshal// mchog gsum mchog tu gyur pa'i rgyal po la// khyad

  559. 280b

    par bstod pa rab mdzes don dang ldan// de nas rgyud kyi bdag pos gtad pa/ chos 'phags chos rgyal bla med snying po 'di// yongs la khyab par mdzes pas na// thugs rje'i gzer khyod dam pa rnams kyi don// yang dag bden pa de la ye nas gnas// sangs rgyas sa la rtag par bzhugs pa yi// lhun grub mchog la 'di yis gzhag par bya'o// byang chub sems kyi ga'u klong chen du// sangs rgyas sems can ma lus bsres te shog/ byang chub kyi sems khyung chen gyi rgyud las/ bdag po la bstod pa dang / chos la bstod pa dang / de 'dzin pa la mchog gsum gyi tshul du bstod pa dang / rgyud gtad pa'i le'u ste bcu pa'o// / ta rgyas pa chen po sha bu rgyas pa'i sgo bkag ste/ rgyas pa bag yangs bde bar gzhag pa'i khyung chen gyi rgyud rgyas pa chen po'i mtha' rdzogs so// // rgya gar gyi mkhan po shrI sid+ha dang / bod kyi lo tsa ba bai ro tsa nas bsgyur ba'o// // rgya gar skad du/ bo d+hi tsit+ta sa mA d+hi/ bod skad du/ byang chub sems bsgom pa/ bcom ldan 'das dbyings gsum rnam par dag pa'i ngangal

  560. 281a

    phyag 'tshal lo// bdag med gnyis nyid bde gshegs mi rtog ye shes chos dbyings sku brnyes pa// kun gyi rang bzhin zhi ba 'di la gsal zhing bla med lam mchog ste// mi ldog sa la sogs te dbang bcu rgyal ba kun dang gcig brnyes pa// gnas gsum mnyam nyid de la mtshan med yid kyis rab tu dad pas mos// ston pa 'jig rten sgron mar gyur pa kun gyis mtshungs par gyur po rab bsngags pa// chos la chos kyi snying por gyur pas 'jam dpal gzhon nu'i snying po yin// bde gshegs ma lus yum du gyur pas rgyal ba kun gyi lam gcig go// tshul khrims la sogs pha rol phyin lam spyod pa rgya mtsho'i gzhir gyur pa// rnam dag byang chub sems kyi ngang tshul bsgoms dang yon tan khyad par ni// blo ldan nam zhig sems kyi dam pa de ni mngon du gyur pas na// de la sku gsum mchog tu gyur pas chos kyi sku zhes rgyal bas gsungs// shes byed dam par gyur pas shes rab spyan zhes kyang ni de la bya// rdo rje rtse mo mchog nyid mi rtog ye shes de yang de nyid do// ji snyed 'phags pa'i rnal grol chos su bsnyad pa de dag kyang // byang chub sems nyid rdzogs las de yi yon tan de dag de las 'byung // 'phags pa'i rigs chen 'chi med byang chub

  561. 281b

    sems dpa' de dag thams cad kyang // de med mi 'byung de phyir de ni rnam grol mchog gi lam nyid do// de na kun tu rdo rje sems dpa' ci 'drar bsgom par bya bar 'gyur// phra zhing shes dka' drang srong chen po'i lam 'di'i mi rtog rtog las 'das// brtag par dka' zhing bstan par dka' la brjod pa'i tha snyad rnams dang bral// tshig gis mi phebs gzhan dang byis pa kun gyi spyod yul ma yin yang // ston pa nges pa'i lung dang bla ma rnams kyi man ngag don 'dir lta// mngon sum la sogs rgyu yis dngos po 'jig cing grub pa'i mtha' spyod pa// de nyid rtogs pa'i rgyun 'brangs spyod yul tshad mar gzhag nas blo yis 'jig byed de// rtog mtha' med phyir dpyod mtha' med de snying po med na tshad ma gang // de phyir 'jig rten brtags pa'i tha snyad rnal 'byor lam 'dir mi dgos so// dngos po mtha' yi rgyu ni lo rgyus dag las lam 'dir brtag par bya// skye bo kun gyi sems la mngon snang phyi nang grags pa'i chos 'di ni// 'dzin pa drug gis ji ltar mthong zhing brtags pa de ltar ma yin 'khrul// rang gi rtog pas myos shing gzung ba de bzhin bden gyur na// de dag dngos po med rtogs dgra bcom 'dra bar grol bar 'gyur bar rigs// de dag dus dgras 'joms dang //

  562. 282a

    sdug bsngal nyen las des 'khrul mngon par 'gyur// gzhan du skye mched sgo nas rig pa de dag tshad mar gyur na ni// de dag tshad mar gyur pas 'phags pa'i lam de su la'ang dgos mi 'gyur// lam de rnam grol lam du bstan cing dbang po'i shes pas mi thar te// sdug bsngal 'ga' yang mi 'jil rnam rig shre te nyon mongs 'byung ba'i gnas// de phyir skye bos mthong ba de dag 'khrul par mngon zhes rgyal bas gsungs// de na de la 'di dag 'khrul pa'i dbang gis ji ltar snang bar 'gyur zhe na// kun tu rtog can yang dag ma yin kun tu rtog pas bcom med nyams// blo gros phyin ci log tu gyur cing ma rig rkyen gyi dbang song bas// sems dang sems las byung ba de nyid lus gsum don du snang ba yin// 'du byed sna tshogs bdag gis bag chags bsags las gang goms mthu rtas tshe// sems nyid yul dang // yul 'drar snang ba rus pas gang ba bzhin du snang // bag chags bsags pa'i rgyun las dmigs skyes yid la brtags pa'i bdag ni med// 'du byed mthu yis bsgribs/ shing phra ba ma mthong de las rnam rig skye// rgyun dang bcas pa'i sems kyi mthu ni ma rtogs rtog pa'i rjes 'brangs nas// de las zag bcas rang bzhin rtogs pas bdag

  563. 282b

    dang chos rnams rgyas par byed// ldan par 'byung ba shin tu phra bar rgyu ba de ni ma mthong bas// bdag tu lta la sogs pa mu stegs lta ba sna tshogs skye zhing thar par rtog sems 'di las rnams mtha' yas gnas gyur bag chags mtha' med nges pa med// bag chags ltas shing sad par byed pa'i rkyen yang rnam pa sna tshogs te// rkyen 'gas bag chags 'ga' zhig smin nas mi yi rgyud kyi lus snang la// rkyen ga zhan dag gis bag chags ga zhan sad byas tshe 'gyur ba'i mthu mthong nas// dbang phyug la sogs byed par 'dod pas lam des mi zhe grol mi 'gyur// rnal 'byor lam bslad the tsom rgyu yang rgyun 'di phra ba ma rtogs skyes// bdag tu brtags pas bsgribs te 'phags pa'i rigs dang rnam par bral// chos su brtags pas sdug bsngal sna tshogs 'byung zhing ngan song srid par 'gyur// rnam shes de yang 'du byed rgyun las mtshan/ ma tha dad 'dzin pas na// las kyi khyad par dag gis brgyad du snang gi rigs la du ma med// de phyir sems kyi skad cig dang po de la lus dang chos kun gnas// de la bsam pa zhen phyir phyi ma des 'byung de la snang // rang sems rgyun las 'phags pa skye bo'i chos ni gzhan na yod ma yin// rgyud drug rigs las de yang sna tshogs de dag

  564. 283a

    rang gis ting 'dzin to// sems rgyun de ni phyogs kyang cung zad med pas de'ang rten med de// de la phyogs med phyir na mtha' yas zhing rnams bdag gi lus// bdag gis lus ni mtha' yas zhing dang skye bo'i lus su rab snang yang // sems dang bag chags gcig min tha dad ma yin brtag par rab tu dka'// 'di kun rten cing 'brel 'byung tshul te skye dang 'gag par 'gyur zhes pa// tshig pa'i sa bon bzhin du med las med pa mi 'byung rgyu 'bras med// dngos por zhen cing rgyu dang 'bras bur rtog pa'i sems nyid ni// rgyu dang rkyen du snang ste gnyis su med phyir skye dang 'jig pa med// skye 'jig med phyir bdag gzhan med de 'chi 'pho med phyir rtag chad med// des na 'khrul 'khor med cing mya ngan 'das pa'ang med pa nyid du mngon// gnas kyi skad cig nam yang mi 'bral de tshe mnyam 'gyur de med med// yang dag ma yin rtog pas bskyed phyir bag chags yod pa ma yin dang // spyod yul med phyir kun gzhi med cing rnam rig de yang med pa yin// phyogs rnams med phyir dmigs dang gnas med rnam shes rig pa ji ltar skye// de phyir semaso 'di yod med mtha' las 'das shing gcig dang du mar bral// bde gang shegs byang chub

  565. 283b

    med phyir de yi rdzu 'phrul sgyu 'drar 'khrul la snang // de bzhin dag pa'i ye shes de dag dge ba'i rgyu nyid dang // chos kyi dbyings nyid la ni de dag dmigs shing skye bar brtags pa yang // rdo rje'i gnas med phyir na mnyam gnas rang bzhin 'drar 'gyur dang // chos dbyings rdo rje rtse mo de dag phyogs nyid med pas skad cig min// dag pa'i dge rtsa gzugs brnyan med pas 'jig rten ye shes yod mi 'gyur// de phyir byang chub ma chub mtshan nyid med par gcig pas blang dor med// don de'i tshul gyis don dam rnam grangs skye 'gag med dang mnyam nyid dang // gnyis med bsam 'das stong nyid chos dbyings brjod dang tha snyad bral la sogs// bstan pa de kun tha snyad yin te don dam med cing kun sgrib med// don dam tshul gyis lam nyid 'di 'dra zhes pa de nyid kun sgrib yin// the tsom yod med chos ni gang la'ang spong zhing gnas par mi byed do// bsgom pa dang ni chos dbyings med phyir som nyi med la dam par lta ba'ang med// de ltar dngos po'i mtha' rnams brtags dang rang bzhin sgyu ma med 'gyur phyir/ yod las ltos pa'i med pa med de med pa'ang med// mtha' rnams med phyir dbus med dbus la'ang gnas par mi byed do// gang la'ang 'jig rten dbang

  566. 284a

    phyug pad+ma kun kyang mi spong 'dra mnyam gnas// chos la 'khrul par mthong ba de nyid 'khrul pa yin par rab rtogs te// drug gi bstan pa bdud kyi las kyang mi 'dor ngan du mi rtog go// shes rab thabs kyi spyod pa mi gnas phyir na bdud kyi 'dra bar spyod// rang gi shes pa dam par bya ste kun las rgyal te de snyems nata 'dod chags zhe sdang skyes nas rtsod 'byung gti mug yin te don mi mthong // ji srid yid kyi g.yo ba de srid bdud kyi yul te phra ba'i lam// g.yo dang mi g.yo tha snyad mi gnas gnas la'ang gnas par mi byed de// snang med dbu ma'i lam de byang chub sems zhes bde gshegs gsungs// gzugs dang mtshan ma smon par 'dzin pa rab tu spangs nas su// rnam thar gsum po bsgom pa'ang bdud kyi las te gzugs nyid stong pa'o// 'khor ba'i lam gsum spong zhing mya ngan 'das lam sgom byed pa'ang bdud nyid de// de nyid rang bzhin ma zhi rang bzhin rtsal spangs gar mi gnas// 'phags pa kun gyi yul dang gnas kyang 'das sogs lam nyid gzhan na med/ ldang dang mi ldang ched du mi spong sems rten mi 'cha' mngon du min// 'jam dpal ma yin rdul tsam g.yo ba de nyid de yin der mi gnas// bsgoms

  567. 284b

    ba'i sa mi rnyed phyir bsgoms pas rnyed par mi 'gyur te// sems kyi spyod yul shes pa de dag chos rnams kyi ni chos nyid yin// rnam bral gang la'ang mchog dang tha ma med par lam mchog 'di bsgom mo// 'du byed ma skyes chos kun 'byung med shin tu chos rnams mya ngan 'das// dngos med de tshe kun kyang chos kyi dbyings shes dgra bcom rab 'byor yin// nam mkha' mi dmigs ming tsam dge dang mi dge 'byed med skye ba'ang med// rtsol ba yid la mi byed gang la'ang sems med shes dang mi shes bral// dran dang 'byed med gang la'ang spong len dga' dang mtshungs med mi dmigs shing // mnyam gnas gnyis su brtag med brjod bral bya dang mi bya med de srog bri med// ched du rtsol bar yid la mi byed cis kyang mi 'khrugs mnyam shes dang // gang la'ang chags dang yul gyi myos skrag med de mi 'bral mi gnas shing // mi 'phrogs mnyam shes bzhi po phyogs dang pha rol phyin rnams der shes te// sems kyi dbyings su bsgom pas lam 'di gzhan du bsgoms pas 'od gsal mi 'gyur ro// brda can yang dag len pa'ang byang chub chen po yin zhes ston pas rab gsungs phyir// de la 'di ni byang chub sems nyid bskyed cing bsgom pa'i gnas yin te// ting 'dzin gsum po

  568. 285a

    brtan par byas nas rtags kyi mtshan ma phyag rgya gsum bcings nas// chos kyi phyag rgya chen por sems nyid bskyed de snying po brjod cing bsgom pa'i gnas/ rdo rje sems dpa' bsgoms pas ma nor lam kun ma nor bsgoms pa yin// kun tu bzang mo'i spyod pas ma zin dge ba'i chos ni gang yang rung // kun tu bzang po'i spyod pa'ang bdud kyi las te zad cing mthar thug 'gyur// de dang ldan pa'i las ni bdud kyi las kyang byang chub spyod par gsungs// don 'dir mos pa de yang byang chub chen po yin zhes rgyal bas rab tu bsngags// gnas 'dir bskyed pa tsam gyis 'jig rten gsum po bla mar bcas pa yis// mchod gnas nyan thos bdud kyi sde rnams zil gyis non zhes rgyal bas gsungs// thabs chen byang chub sems dpa'i gsang ba'i spyod pa'ang 'di nyid de// 'di min rgyal ba rnam par snang mdzad theg pa gsum ston mi srid do// skad cig tsam du dad pa'i shugs bskyed de yang myur du 'jam dpal gzhon nur 'gyur// dkyil 'khor gsang bar zhugs shing theg chen dam tshig mchog kyang bsrungs pa yin// tshul khrims sdom pa kun kyang bsrungs shing sbyin gnas dam par rab tu bsngags// de phyir byang chub sems kyi bsod nams de la gzugs yod

  569. 285b

    na/ tanam mkha' bar snang 'di yang snod du chung zhes rgyal bas mtshungs par gsungs// skye bo skye ba sna tshogs dag las skyes shing skye dang skye 'gyur skye ba'i rgyun gyis dbang song bas// rtog mtha' mi shes rtog pas bslus shing rtog pa'i rgyun 'grangs 'khrul pa'i phyir bzlog med 'gyur ba// sgyu ma'i sgyu shes dag gis sgyu ma'i glang po 'dra bar sgyu mas rmongs pa'i sgyu ma rnams// rmi lam gyis bslad bzhin du rmi yis bden pa'ang nyams shing rmi lam dbang du song ba'i rmi lam pa// lam 'di spong zhing mtha' dang lam gzhan lam du bltas nas ma nor lam zhes ston pa de// de dag rdo la gser bzhin thugs rjer rung zhing thugs rje'i thugs rjes kye ma'o phrogs pa yin// shin tu ma sbyangs dus kyis mnar ba'i skye bo lnga brgya tha ma la// gsung rabs dri med rtogs dka' dag la sgra bzhin spyod dang tshul bzhin min// rang gi blo gros stobs bzhin 'jug la sogs pa lta ba sna tshogs dag mi shes chu bos g.yengs shing gsung gi nying khu bdud rtsi rnal 'byor bral// de phyir rgyal bas gsungs pa'i thugs kyi gsang ba dam pa 'di// kun tu rgyal ba rnams kyi spyod yul thun mong ma yin yang // goms pa'i mthu yis mi 'gal tshul du tshad ma dag las rab bsgrubs te// 'gro ba'i don du mi gnyis lam mchog 'di ni rab bgyis pa// skye bo skye

  570. 286a

    gnas thams cad du yang skad cig tu// mi mthun phyogs kyis mi nyams rgyal ba kun gyi thugs 'di rab rgyas shog/ sems pasgom rdos gsar rkun rdzogs so// rgya gar skad du/ bo d+ha tsit+ta badz+ra pra d+hA tan d+hu nA ma/ bad skad du/ byang chub sems rlo na 'od 'gro rgyud kyi rim pa zhes bya ba/ bcom ldan 'das dpal gyi dpal smra bsam brjod pa las 'das pa la phyag 'tshal mo// 'di skad bdag gis zas pa'i dus bcom ldan 'das dpal rdo rje sems dpa' nyid/ kun tu bzang ba 'og min gyi gnas/ rig pa'i pho brang / bsam gyis mi khyab pa'i dbyangs/ byin rlabs tshe 'phrul rnam par 'phrul ba zhes bya ba na/ byang chub sems dpa' rdo rje sems dpa' la sogs pa ril dang thabs gcig / de'i tshe rdo rje sems dpas/ bcom ldan 'das dpal kun tu bzang po la 'di skad ces gsol to// dam tshig nyams par gyur pa la// gso ba'i thabs shig sbrul du gsol// zhes zhus pas/ bcom ldan 'das chos kyi rjes bka' stsal pa/ sems dpa' chen po de nyon cig/ shin tu rnal 'byor lnga yi wa// rnal 'byor las kyang rnal 'byor mchog/ 'phags pa las kyang 'phags

  571. 286b

    pas na/ rdo rje rgyal ba kun gyi mes// rje btsan dam pa kun tu bzang // rdo rje 'chang rgyal 'jigs pa'i skyabs// nyams pa'i chad pa byung ba la// mgon btsun de las gzhan med do// dam tshig sems nyid yin pa ru// 'gro ba'i mgon pos yang dag gsungs// sems nyid dngos po med pa la// mnyam pa'i chad pas ci zhig gcad// gang las nyams te ci zhig nyams// gang las nyams te ji ltar nyams// nyams par sems pa de nyid yin// ltung bar 'dzin pa de nyid yin// sems nyid dag pa'i chus bkras na// dag par ma 'gyur gang yang med// stong nyid dben pa'i don rtogs na// bde dang sdug bsngal ming yang med// bde dang sdug bsngal sngag mi sdug/ bdag dang bdag med stong mi stong // de bzhin nyid du 'dzin pa yang // de nyid yin pas dngos po med// de la tha snyad ci btags kyang // thog tu phebs par ga la 'gyur// ma bcos rang bzhag rig pas mtshon// ji ltar nam mkha' zhig gyur na// de tshe chad pa 'byung bar 'gyur// chos nyid mthong bar gyur pa yang // ji ltar rang gi mdzub rtse la// rang gis reg pa'i dus byung na// de tshe chos nyid mthong bar 'gyur// zhes gsungs so// byang chub sems rje btsan dam pa rdo rje 'od 'phro

  572. 287a

    pa'i rgyud las/ nyams pa chad pa mi 'byung ba'i le'u ste dang po'o// // kye sems dpa' chen po/ nyams pa zhes ni gang la bya// chad pa zhes ni ci la bya// nyams dang chad par 'dzin pa yang // de nyid yin te de mi 'byung // 'bras bu sgrub dang grub pa ru// 'dod pa des kyang mi rnyed de// long bas nam mkha' snyeg pa bzhin// byang chub sems kyi rang bzhin 'di// rtag dka' brjod du rdul tsam med// drug gi yul bzhin med pas na// so so skye bo'i blos ma reg/ byang chub gang yin sems ni gang // kun gzhi rang byung yeng shes la// ngang gis spros med chen po la// che ba'i yon tan btsal du med// de nyid sems yin byang chub sems// ji ltar me yi rtse mo yis// rdzas kyi dngos po kun sreg kyang // rang gi dngos po sreg mi nus// de bzhin byang chub sems kyis kyang // kun shes rang rig mang shes te// shes pa nyid ni ma shes pa'o// 'di la rtsol sgrub byar yang med// dag dang ma dag gnyis med de// rang byung dag pa chen po la// med ces bya ba brtags pa nyid// brtags pa nyid la ma gnas na// byang chub sems la gnas pa yin// gnas pa nyid na gnas med pas// gnas zhes tha snyad mi gdags

  573. 287b

    so// dus gsum sangs rgyas sems las byung // sems la tha snyad yod ce'am// sems las kun 'byung thams cad sems// sems ni skye med de bzhin nyid// rang gsal thams cad sal le mkhyen// mkhyen pa nyid kyang sems yin par// sems dpa' chen pos rig par gyis// byang chub sems rje btsan dam pa rdo rje 'od 'phro ba'i rgyud las/ thams cad sems su bstan pa'i le'u ste gnyis pa'o// // kye sems dpa' chen po/ sems la 'khor ba thams cad byung / mya ngan 'das pa de bzhin te// byung ba yin te de nyid yin// yin zhes bya ba mtshon pa tsam// yang dag nyid la yin pa med// kun yin gang yang min pa'i phyir/ ngas kyang yang dag rig pa bzhin// skal ldan rnams kyis shes par bya'o// rdo rje sems dpa' gzhan yang ni// nyon mongs pa nyid byang chub lam// phyin ci log nyid byang chub ste// yang dag pa nyid phyin ci log/ thams cad sems kyis byas pa yin// sems nyid rang la yod pas na// rang byung ye shes rang la yod// gal te rang la med na ni// de ni rang byung yang shes min// gzhan la btsal zhing sgrub dgos pas// rgyu rkyen gnyis la rag lus pas// de la rang byung ye shes med//

  574. 288a

    rgyu dang rkyen la rag ma lus// rang gsal nyag gcig dri ma med// rgyu rkyen ma bskyed rang byung ste// ma bsgribs gsal bas ye shes so// gdod nas snying po byang chub la// btsal ba'i bsam pas dbyings mi bskyod// 'di bstan de la brten nas ni// snum pa'i thabs kyis bskyang ba'i phyir// 'tsham par mdzad pa'i skyes bu la// rig pa'i don ni bstan par bya// gal te don 'di ma shes shing // byang chub sems kyi chu med na// rgyal ba rnams kyang skyems par 'gyur// gal te gzhan la rtsol ba ni// 'o ma 'dod pa'i btsun mo zhig/ rwa la 'jo ba'i btsun mo des// rA la 'o ma rnyed mi 'gyur// 'di las kun byung 'di la son// 'di las ma byung gcig kyang med// byang chub sems rje btsan dam pa rdo rje 'od 'phro ba'i rgyud las/ thams cad sems las byung bar bstan pa'i le'u ste gsum pa'o// / de nas rdo rje sems dpas gsol pa/ kye bcom ldan 'das sems kyi ngo bo gang lags/ bcom ldan 'das kyis bka' stsal pa/ sems dpa' chen po sems kyi rang gi ngo bo ni// ci yang min las ci yang snang // dpag med brjod bral bsam mi khyab// 'di zhes mtshon du med pa ni// sems kyi ngo bor de

  575. 288b

    gsungs so// 'gro ba'i sdug bsngal snang ba yang // rang yin gzhan las de mi 'byung // bde dang thar dang longs spyod kyang // chos nyid dbyings las ma rtogs pa// rdul cha tsam yang med par gsungs// sku dang rgyan gyi 'khor lo yang // rang gi sems yin gzhan na med// sangs rgyas chos dang dge 'dun yang // rang yin de las gzhan na med// de phyir bkur ba'i yul yang med// bsrung med sgrub med rtsol ba med// kha dog dbyibs dang gnas rigs med// bde dang sdug bsngal rgyu 'bras med// med pa ma yin kun bdag nyid// yod pa ma yin brjod du med// bdag med gzhan med 'chi 'pho med// med pa ma yin thams cad 'byung // 'byung ba ma yin de nyid yin// kun gcig ye shes khyab pa'i ngang // nam mkha'i ro yi chu 'thung bzhin// dbye gsal med pa'i don du gcig/ 'di ni rang rig byang chub sems// 'di zhes bstan du med pa'o// ci yang med las cir yang snang // rang byung snying po mchog gi don// snang ba nyid na snang med pas// snang ba med pa'i tshul gyis snang // med ces bya ba 'dzin pa tsam// de nyid la yang gnas mi bya// gal te gnas na gol sa yin// gang zhig gol te ci zhig gol// gang du gol te ji ltar gol// gol bar snang ba

  576. 289a

    de nyid yin// de nyid dngos po med pas na// de phyir de la gnas mi bya// gal te gnas na 'dzin pa yin// zhes gsungs pas/ rdo rje sems/ dpa' nyid la gnas par gyur to// byang chub sems rje btsan dam pa rdo rje 'od 'phro ba'i rgyud las/ sems kyi ngo bo bstan pa'i le'u ste bzhi pa'o// / / kye sems dpa' chen po/ sems kyi yon tan ngas bshad kyis// sems dpa' khyod kyis nyan par byos// sems kyi yon tan chen po ni// stong gsum rdul snyed sangs rgyas kyis// bskal pa bye bar brjod byas kyang // de la brjod par mi nus te// de ni ma bsgribs kun tu gsal// de ni kun gyi snying po nyid// sdug bsngal bye bas gdungs pa yang // de la g.yos pa rdul tsam med// bde dang sdug bsngal thams cad kun// de yi longs spyod chen po ste// de yi dus na de mi 'dzin// ci yang mi dmigs chos kyi sku// cho 'phrul rang bzhin de la 'gyed// 'gyed pa ma yin de nyid yin// spro med bsdu med yi ge med// rtsis las 'das pas lhun grub sku// der gzhol der ni mchod pa'i sprin// klung du gnas pas sgrub thabs so// ngang gis mi ldog dngos grub pas// don du phyag rgya rdzogs pa yin// 'di yi don rtogs skyes bu

  577. 289b

    ni// bkur ba med cing bzlas brjod med// mchod pa med cing sgom pa med// bsrung ba med cing rtog pa med// spang med blang med byang chub sems// spang du bya med thams cad rdzogs// 'di ni rang byung rgyal po yin// sangs rgyas kun gyi bdag nyid yin// 'bras bu kun gyi bcud 'dus yin// rang bzhin gsal bas mun pa med// de ltar snang ba ma lus kun// 'di las byung zhing 'di la 'dus// skyon dang yon tan gnyis med de// blang med dor med 'pho 'gyur med// byas pa med par thams cad grub// phyin pa med par thams cad ston// bstan pa med par kun la go/ 'di ni sems kyi yon tan zhes// bcom ldan kun tu bzang pos gsungs// byang chub sems rje btsan dam pa 'od 'phro ba'i rgyud las/ sems kyi yon tan bstan pa'i le'u ste lnga pa'o// // de nas rdo rje sems dpas/ kyi bcom ldan 'das 'di nyams su blang ba'i thabs bshad du gsol/ ston pas bka' stsal pa/ kye sems dpa' chen po/ nyams su blang du med pas na// blang du med pa'i tshul gyis blang // snang ba mi spong rtog pa med// rtog pa med la gnas mi bya// rnam par mi rtog sa le ba// sa le bar yang rtog pa med// ma brtags ngo bo

  578. 290a

    nyid kyi gzhi// rig pa ji bzhin klungs su bzhugs// 'od gsal rtog bral rig pa'i klong // ji bzhin nyid du ye gsal khyab// bsam med dran med mi g.yo ba// yon tan chen po bsam gtan ni// bsam gtan nyid pas bsam du med// med pa nyid la mi gnas shing // rtog pa nyid las mi 'gog pa// 'di ni rtog pa'i rgyal po zhes// rgyal ba rnams kyis yang dag bshad// mi bsam mi dpyad de bzhin nyid// chu la chu ltar shes par bya// mi gnas pa la gnas pa ni/ 'di ni gnas pa chen po zhes// kun bzang sems dpas yang dag bshad// bshad du med pa'i don 'di ni// rgyal ba rnams kyis ma bshad de// rgyal ba phyis kyang gsung mi 'gyur// da ltar nyid kyang ma bshad do// byang chub kyi sems rje btsan dam pa 'od 'phro ba'i rgyud las/ bsam med nyams su blang du med pa'i le'u ste/ drug pa'o// // de nas yang rdo rje sems dpas gsol pa/ kye bcom ldan 'das byang chub kyi sems gang lags/ bka' stsal pa/ sems dpa' chen po nyen cig/ byang chub sems kyi mtshan nyid ni// kun yin gang yang ma yin no// 'byung chen bzhi dang lnga po yang // byang chub sems nyid yin par

  579. 290b

    bshad// phyi dang nang dang phyogs dang ris// 'khor ba mya ngan 'das pa dang // rgyu dang 'bras bur snang ba dang // sangs rgyas sems can pho mo dang // kha dog dbyi bra/ dang gnas dang rigs// rgyud dang mi na mtshan nyid dang // mtshan mar ci snang ci 'dug pa// de nyid byang chub sems nyid de// gzhan nas 'ongs dang btsal ba med// de rnams yin pa'i ngo bo la// de rnams ril du ma nges pas// du ma'ang yin par ma gsungs so// thams cad ma 'gags par snang bas// gcig kyang yin par ma bshad de// gcig dang du ma las grol ba// mtshan nyid gang du ma nges pa// de nyid byang chub chos kyi sku// thams cad ngo bo lhun gyis grub// btsal ba med par ye sangs rgyas// phyin pa med par kun la son// sdud pa med par thams cad 'dus// ma spangs sgrib pa kun dang bral// 'khor dang mya ngan 'das pa dang // sangs rgyas sems can 'gro ba drug/ byang chub lam du snang ba yang // de las de byung 'bum phrag yas// mtshon pa'i ngo bor kun 'dug kyang // mtshon du med de de nyid yin// yin zhes bya ba mtshon pa tsam// mtshon zhes tshig tu brjod pa yang // mtshon bya mtshon byed med pas na// mtshon pa med pa'i tshul gyis mtshon// de nyid mtshon pa chen po

  580. 291a

    yin// de yi don kun rig shes na// 'khor dang sdug bsngal 'khrul 'khor kun// byang chub sems nyid yin zhes bshad// byang chub sems rje btsan dam pa 'od 'phro ba'i rgyud las/ byang chub sems kyi rang bzhin gang yin bstan pa'i le'u ste bdun pa'o// // de nas bcom ldan dgyes pa chen pos/ 'khor la tshig tu bka' stsal pa/ kye sems dpa' chen po/ gang zhig mnyam nyid rtog pa la// skyon dang yon tan gnyis ka sgrib// bde chags sdug bsngal spong 'dod pa// dmus long mkha' la mdud 'dor 'dra// don nyid ma bcos mnyam pa'i don// ma 'dres gsal bar ma rtogs na// stong gsum rgyal ba skus bkang yang // phan med ma bkang gnod mi 'gyur// byang chub nyon mongs gnyis med de// kun gzhi yangs pa'i ngang du gcig/ de phyir blang dang dor med de// de nyid ma grub rang snang phyir// bying dang rgod dang re dogs dang // gsal dang mi gsal 'byung 'jug klong // myong dang rtog dang 'gag 'chos dang // mtshan ma byung tshor mtha' yas pa// ye nas gsal med ngang gis zhi// brtags med ye nas chos sku nyid// ma spangs rol pas bdag nyid rgyan// bdag nyid ma mthong dmus long

  581. 291b

    nyid// mi rnyed don la blang dor med// skyon nyid mnyam par don rtogs na// kun tu bzang zhes de la bya// ji ltar mkha' gsal stong nyid la// sprin dang khu rlangs 'ja' dang glog/ skar dang nyi zla ma 'dres gsal// mkha' gsal ngo bor ya nas gcig/ rnal 'byor sems kyi mkha' klong la// skyon yon snang yang blang dor med// theg pa'i bye brag ma lus pa// ma 'dres yongs rdzogs spang blang bral// gsal med mi rtog kun mkhyen pa// ngo bo nyid ni dmigs su med// byang chub sems rje btsan dam pa 'od 'phro ba'i rgyud las/ gegs sel ba zhes bya ba'i le'u ste brgyad pa'o// // de nas de bzhin gshegs pa nyid// mi gsung rnam dag chen po la// ting nge 'dzin la snyoms par zhugs// rdo rje sems dpa' bcom ldan 'das// mi gsung gzhag pa don gang zhig/ bdag la ji ltar bka' stsal mdzod// kye sems dpa' chen po/ kun snang dus gcig dgongs pas mkhyen// gang la ci yang ma spros te// snying po'i don las g.yo ba med// gsung med don 'di mi shes par// gang zhig thams cad mnyam rtog pa// de ni long ba'i tshogs yin zhes// bcom ldan de bzhin gshegs pas gsungs// gang yang ma 'dres ma bkag gsal// bsdus

  582. 292a

    pas snying po byang chub nyid// de nyid rtog med blang dor bral// kun khyab ye da la ma lus gzhig/ ming tshig brda yis mtshon du med// mtshon med ye shes sku yi mchog/ yi ge med gsal go ba'i gsung // rtog med 'od gsal thugs kyi mchog/ ma btsal lhun grub ye nas gnas// 'di ni tshigs med don po che// don nyid ci yang ma yin pas// shes pa gang la'ang bsam med bsam gyis mi khyab par// de ltar bsam pa bsamachen yin// ka la bing+ka ji lta bur// btsal med bsam pa kun grub phyir// ma btsal lhun gnas don gyi mchog/ byang chub sems rje btsan dam pa 'od 'phro ba'i rgyud las/ mnyam par gzhag pa'i le'u ste dgu pa'o// / / kye sems dpa' chen po/ med pa dang ni phyal ba dang // gcig pu dang ni lhun gyis rdzogs// bdag la 'dus dang ris med dang // bdag snang bdag tu lhun grub pas// btsal med ye bsrungs dam tshig mchog/ ye nas bsrungs pas bsrung du med// ma bsrungs thub pas dam tshig mchog/ thams cad bdag nyid chen po bas// gzhan la btsal ba ci yang med// rtog med bsam med gang mi 'gog/ de ltar spyod lam spong len bral// mnyam nyid ngang las mi 'da' ba//

  583. 292b

    rdzogs chen dam tshig gcig pur bshad// bya bsam med pas don grub pa// lhun gyis grub pa'i dam tshig yin// lag dang mnyan bsam sgom pa dang // mchod dang dbyangs len sbyin gtong ba// ma chags rdzogs chen stobs med na// byas na thams cad 'ching ba'i rgyu// gang yang dang du ma blangs na// spyod pa spyod med chen po yin// nyid la nyid spyod nyid dbang sgyur// rig pa'i rgyal po smra bsam 'das// gang gis su'ang bstan du med// byang chub sems rje btsan dam pa 'od 'phro ba'i rgyud las// spyod lam bstan pa'i le'u ste bcu pa'o// // kye sems dpa' chen po/ rang byung ye shes byang chub sems// bdag nyid chen po chos sku mchog sgo skur gnyis zhi mnyam nyid don// dus kun brtags chen rdo rje'i sku// rang bzhin de nyid rtag mi nus// ye shes rgyud du ga la rung // tshig tu rtag rgyun gang brjod kyang // rig pa'i rgyal po nga nyid la// 'pho 'gyur rtag mi rtag dang bral// thun mong ye shes skye 'gag can// don byed nus pa ma yin phyir// blang dor med na don gyis bral// 'das dang ma 'ongs da lta nyid// rtag par mi nus de lta'i phyir// ngo bo yi rtag brjod 'das pas// sus kyang rtag par rung ma yin// 'das dang ma 'ongs da ltar du// 'byung

  584. 293a

    bar ma nges dus gcig la// skad cig ma 'dres gsal mkhyen pa// rtag cing mkhyen par brjod pa yin// de lta mod kyang 'dzin rtog bral// de nyid dus gsum ye gnas la// mun khang sbrul dang 'khrul mi ltar// thog med dus nas gnas 'gyur yang // ma spangs dag pas sangs rgyas sa// bya med don mdzad 'phrin las mchog/ byang chub sems rje btsa na dam pa 'od 'phro ba'i rgyud las/ sku gsung thugs rtag pa chen po'i le'u ste bcu gcig pa'o// / / de nas stong pa'i ngang las ma bsgrags par 'di skad grag par 'gyur ro// e ma ho ye shes kun bzang bgrigs pa po// kun 'byung re skong dpag bas ma nor bu'i sku// rtog med kun mkhyen bya med 'phrin las mdzad// rnam dag byang chub sems la phyag 'tshal lo// e ma ma btsal lhun gyis grub pas bdag la 'dus// ngo bo bstan du med pas 'dus ma byas// tshig las 'das pas snying po byang chub sems// smra bsam tshig las 'das la phyag 'tshal lo// e ma ho/ rtag med bdud bcom cho 'phrul bdag/ sku gsung thugs kyi mdzad pa cir yang ston// thams cad nyid la 'dus pas bdag nyid che// mdzad pa cir yang snang la

  585. 293b

    phyag 'tshal lo// a ho/ de nas de bzhin gshegs pa yis// rdo rje 'dzin la bka' stsal pa// kye sgro skur bral la don gyi bcud// don ston rtog med me long bzhin/ spang blang med ston theg pa'i mchog/ thams cad mnga' mdzad rgyal po nyid// rtag tu rtog med thugs kyi dkyil// mi nub mi spros bcu pa// don ldan / skrag med mchog sbyangs pa// mchog ldan theg chen yang rtse'i don// dbang po dang sa ma der bstim ste// 'khor lo rgyun du bskor bar bya// zhes gsungs te/ rdo rje 'dzin pa dang / 'khor byang chub sems dpa' chen po grangs med pa dang / gzhal yas la sogs pa sku la 'dus te/ sku nyid kyang snying po byang chub la dmigs te mi snang bar gyur to// byang chub sems rje btsan dam pa 'od 'phro ba'i rgyud las/ bstod cing gtad pa'i le'u ste bcu gnyis pa'o// // rgyud kyi rgyal po mi nub rgyal mtshan rje btsan dam pa rdo rje 'od 'phro ba'i rgyud rdzogs so// / rdo rje sems dpa' nam mkha' rgyas pa'i yi ge med pa'i rgyud/ rgyal po'i rgyud du gsungs pa/ yi ge med pa 'di gsungs pa'i tshe na/ nyid dang tha mi dad pa rnams sngon ma thos pa 'di thos pas skrag

  586. 294a

    par d+ha // de nas rngo 'dzin pa la sogs pa 'dun pa rnams dang / sems dpa' dang / sems ma dang / oM b+had d+ha/ sgom dam paras srungs gshin rje gshed po la sogs pa dang / bcom ldan 'das dpal mi bskyod pa la sogs pa dang / btsun mo rnams dang / dper na til gyi gang bu bzhin du khyab par gnas so// de nas 'khor rnams kyis zhu ba zhus pa/ de bzhin gshegs pa nyag gcig gi/ thugs su chud pa'i don mchog de// gzu bo chen pos bshad du gsol// mtshan ma rnams ni spangs pa yi// thabs mchog dam pa bshad du gsol// yi ge med pa bshad du gsol// yi ge med pa las gleng gzhi'i le'u ste dang po'o// tade nas bdag po'i mchog rnam par snang mdzad kyi skur byung nas/ bkag par ma mdzad/ 'dzum par mdzad/ 'khor gyi don de thugs chud nas/ rigs kyi bu khyed ces gsungs te/ khyed rnams legs par nyan 'dod na// rgyud 'di shin tu brtag dka' ste// mtshan ma kun dang bral bas so// dpa' bo chen po 'joms pa ni// shin tu bzlog par dka' na yang // red pa'i tshul gyis rnam par sbyang // 'dun pa dang po skyes pa yang // shin tu bzlog par rab tu dka'//

  587. 294b

    de nas 'khor rnams kyis mgrin gcig tu don zhus pa/ bde bar gshegs pa'i don rtogs pa// mtshan ma med pa don gyi mchog/ yi ge med pa'i don ma 'tshal// bde bar gshegs pa yi ge med// gang zag nongs pa'i yi ge can// bdag cag mtshan ma las ldog lags// rtags rnams lnga las grol bar 'tshal// de nas thams cad mkhyen pa de// bka' yi don dam yi ge med// gsungs pa las ni ma log pa// dang po'i rgyud la blo sbyangs pa// bar du bsam pa thag chod pa// yang na yang rab blo yi rtsal// don dag mgo smos go ba dang // thabs ma nor bar bslabs pa dang // de la ta kyi nyid du snang // kha gsal bla blo tshogs la'o// don dam rig pa slob ma la// grol ba bdag nyid rin chen rigs// bdag po rab tu mnyes pa ste le'u gnyis pa'o// // de nas bdag po'i mchog gis ye shes kyi rim pa gsungs pa ye shes ma bskyed dbyings ma bskyed// rang sems rang gis mthong ba ni// mtshan ma yin te don dam min// bkag pa tha ma byung ba de// sems bcos thabs ni de la rig/ spyod pa chos dbyings zad mi shes// sde snod gsum yang ma bkag ste// chos gcig ngo bo de la med// gal te mtshan ma snang ba las// ting nge 'dzin

  588. 295a

    de rnyed na ni// ma rig pa dang thar pa thob// byang chub lam dang dmigs pa gnyis// ting nge 'dzin gyi khyad par ro// bde gshegs yi ge med pa las/ ye shes rim pa'i le'u ste gsum pa'o// // de nas bdag po'i mchog la/ bde bar gshegs pa'i 'khor gyis zhus pa/ kye ma bde bar gshegs pa'i gtso// dam pa yi ge med pa 'di// nam yang ma khums de ring khums// dog sa rnams kyang cher g.yos pa// 'khor rnams sngon ma thos pas dngangs// yi ge med pa 'di yi don// shes rab khyad par ji ltar lags// gtso bo dam pas bka' stsal pa// yi ge med pa'i shes rab ni// dmigs pa med pa'i shes rab ste// chos dbyings zang ma ma bcos la// ye shes spyi blugs skad cig mas// rang byung rig pa de yis gcad// dbyings dang ye shes ngo ti phrad/ de bzhin gshegs pa thams cad kyi rang bzhin yi ge med pa'i rgyud mchog las/ shes rab dmigs pa med par bstan pa'i le'u ste bzhi pa'o// / / de nas khyad par du zhus pa// brjod med rnam par mi rtog pa// yi ge med pa'i gsung mchog 'di// sgra yig rnam par spang slad du// bcom ldan

  589. 295b

    'das kyis bka' stsal 'tshal// yang ched du brjod pa bka' stsal pa/ rang bzhin gnas pa'i mtshan nyid de// zhi ba blang dor bral ba'o// chos kyi rang bzhin stong pa ste/ sangs rgyas kyis kyang ma gzigs te// mngon sum mthong ba ga la yin// gang yang mthong ba med pa ni// de ni mthong ba chen po'o// kA ya dag pa chos dbyings so// chos kyi 'khor lo bskor ba yang // skad cig tsam yang byas pa med// de don rtogs pa dmigs med do// yi ge med pa'i rgyud mchog 'di// dper na rgyal po lta bu ste// rgyud rgyal yi ge med pa las/ rang bzhin gnas pa'i le'u ste lnga pa'o// // de nas yi ge med pa'i gtso mchog des// 'khor gyi zhu ba thugs chud nas// theg chen 'di ni sbyin pa'i gnas// byang chub snying po che yis kyang // rin chen rigs su gang ldan pas// bla ma'i kha nas shes par bya'o// lam gyi nang nas nye lam ste// thabs kyi mchog tu gyur pas na// yi ge med par grags pa'o// rnam pa dang ni rmad grags pa// theg pa kun las 'das pa de/ yi ge med par grags pa'o// 'di yi tshul ni ma shes na// yi ge med par dbye ba med// 'di yi don dang gang ldan pa// de yis theg chen 'bras bu

  590. 296a

    thob/ ta rgyas pa chen po yi ge med pa las/ bdag po mnyes pa'i le'u ste drug pa'o// // de nas bdag pa'i mchog la/ byang chub sems dpa' dgyes pa la sogs pa'i 'khor rnams kyis mgrin gcig tu zhus pa/ dpa' chen 'khrul pa'i rnam rtog 'joms// rmongs pa'i bdud las thar pa'i mchog/ nyag gcig thugs chud don dam de// khyed kyis bla med pa shad du gsol// de nas sems dpa' dgos pa la sogs pa'i rnam par rtog pa mkhyen nas bka' stsal pa khyed cag legs par nyan 'dod na// nyag gcig thugs kyi dgongs pa de// bshad kyis sems nyid ldan par gyis// dbyer med pa yi nam mkha' de// dang po'i tshe na nam mkha' kun// bsam pa yin chod rung ba'o// tha ma la ni mi dmigs las// nam mkha' gzhan ni bkag pa'o// don dam dbyer med nam mkha' de/ gang la bkag pa med pa ste// bkag pa med pa'i gtan tshigs so// de na yod na bkag par 'gro// med pas nam mkha'i me tog tshul// dgongs pa'i mtha' ni bkag med do// yi ge med pa'i rgyud las/ rnal 'byor mthong du med pa'i le'u ste bdun pa'o// // de nas bdag po'i mchog la yang zhus pa/

  591. 296b

    mtshan ma 'di ni ming du yang // smon pa de yang 'gal lags sam// mnga' bdag khyod kyis mkhyen pa ru// blo rnams sbyangs phyir bka' stsal 'tshal// khyed cag bsam pa dman pa la// zab mo rgyud rgyal yi ge med// gus dang bcas pas mnyan par gyis// zo rangs chen gcad par bya// de nas red cing goms pa ni/ yi ge med pa'i yan lag yin// mdzad spyod gtad rgyu dang bcas pa// rin chen rigs ni 'dam byas la// bka' yi snod ni shes pa la// rgyud ni rim pa bzhin du sbyin/ yi ge med pa rgyas pa chen po las// 'khor la gtad pa'i le'u ste brgyad pa'o// // de nas 'khor la gdams ngag tu gnang ba/ bsgom bsgrub kun dang bral ba yi// ting 'dzin 'di ni btsal dang bral// dang po'i 'du ba chud mi zos// bar du bsam pa thag chod pa// tha mar sems 'chos shes pa ste/ mi dmigs pa la gang gnas pa// de ni rtsal dang bral ba'o// bde bar gshegs pas gtad rgya dang bcas pa rdzogs so// / bod kyi dge slong bai ro tsa na dang / rgya gar gyi mkhan po dz+nyA na gar b+has bsgyur cing zhus te gtan la phab pa'o// / rgya gar

  592. 297a

    skad du/ tsa ra sha a ra thA/ bod skad du/ rje btsa na dam pa/ bcom ldan 'das dpal kun tu bzang po la phyag 'tshal lo// shin tu rnal 'byor lha yi lha/ rnal 'byor las kyang rnal 'byor mchog/ 'phags pa las kyang 'phags pa ni// rdo rje rgyal ba kun gyi mes// rje btsan dam pa kun tu bzang // rje 'chang rgyal 'jigs pa'i skyabs// nyams pa'i chad pa byung ba la// mgon btsun de las gzhan med do// der gzhol ba ni mchod pa'i sprin// kun tu gnas pas sgrub thabs so// ngang gis mi ldog dngos grub pas// don kun phyag rgyar rdzogs pa yin// bde chen lhun gyis rdzogs pa yang // 'di dag kun gyi bla ma ste// mngon sum sangs rgyas yin pa na// 'dra bar dang ba'i mchog bskyed do// nges pa'i lung ston dpa' bo yis// lung chen de dag la bstan nas// mkhas pas lung bzhin rgyud pa yis// snum pa'i dam tshig bskang ba yin// thugs rje thabs dang ldan pa yis// phan par bzhed pa'i skye bo la// cha shas tshang bar mdor bsdus nas/ 'jug pa tsam zhig skabs 'dir dbye'o// lung dang man ngag gi don yi ge nyung yang don rgya chen bsdus te/ ma lus 'grel cing theg pa mtha' dag gi don bkod

  593. 297b

    pa byang chub kyi sems bsam gtan nges pa'i rgyal po/ rje btsan dam pa rdzogs so// // bcom ldan 'das dpal bde ba chen po'i snying po la phyag 'tshal lo// byang chub sems ni nges pa las// yang dag snying po gsal ba ni// thams cad ma lus gdal ba dang // kun nas yongs su zlum pa ni// phyi dang nang gi chos rnams kun// rgyu 'bras khyad par brdal ba yang // bya byed yul las 'das pa yi// yang dag snying po bde ba'i klong // bdag gzhan phyogs las 'das pa'i phyir// bstan cing thos pa'i yul med de// tha snyad med pa'i byang chub sems// snying po yang dag thig le ho// snang dang srid dang chos rnams kun/ yang dag bcos su med pa ni// dus gsum rtog pa med pa'i phyir// kun bzang thig le bde ba'i phyir// ma skyes dag pas bde ba'i dbyings// ma 'gags gsal ba'i bdag nyid klong // 'du 'bral med pa'i thig le'i klong // nges pas gzhan du mi rtsol ba'o// mi 'du ye nas dag pa la// mi 'bral mngon du gsal ba ni// thams cad khyab pas brdal ba yang // mi g.yo nges pa'i thig le dbyings// den dam bden pa'i thig le ni// dngos po phyogs las 'das pa'i

  594. 298a

    phyir/ gzung du med pa'i byang chub la// lhag par gnas par mi byed do// mi rtog rtog las 'das pa la// mi 'gyur gsal bar gnas pa nita tam bcos ji bzhin bde ba ste// kun bzang thig le chen po'i dbyings// dus gsum srid gsum sgo gsum po// rnam shes rtsa ba gsum po yang // sku gsum rang dbang lhun grub pas// mngon sum thig le bde ba'i dbyings// kha dog dbyibs la mi gnas shis// 'byung 'jug thabs la gnas pa ni// las dang dus kyis mi bcos te// yang dag thig le bde ba'i klong // thams cad ngang gis dag pa la// yid kyi rnam shes 'od 'bar ba// dus gsum phyi nang med pa'i phyir/ rang byung bde ba'i thig le yin// sangs rgyas kun gyi rgyal po yin// de nyid yin par nges pa'i phyir// snying po nges pa'i thig le las// gzhan du rgyal bas chos mi btsal// 'di las gzhan pa'i chos med pas// smon par bya ba'i yul med de// gang zhig blo la gsal ba ni// kun tu bzang po'i 'bras bu'i dod// dran pa'i gzhi dang brtags pa'i lha// ma lus 'di na rdzogs pa la// gong gis bcos su med pa ni// byang chub chen por nges pas tig/ las dang sdug bsngal

  595. 298b

    mang po yis// bde ba'i don las nyams pa la// snying po'i don las 'od byung ste// mngon sum thig le bde bas che// bgrod du med pa'i thig le ni// yang dag nges pa'i lam du bang // dmigs su med pa'i snying po ni// ji bzhin gsal bas thig le che// gza' gtad phyogs las 'das pa ni// bsgom du med pa'i byang chub sems// mngon sum thig la bde ba la// bsgoms pas rnyed par ga la 'gyur// ma rig dug gsum rmongs pa yis// rgyu 'bras phyogs las 'das pa yang // yang dag lta bar bral ba ni// phyal bar gzhag pa ma yin zhing // bkag ste zhi bas nus pa dang // gzhig ste stong pas spong ba dang // stong pa'i yul la 'dzin pa yis// / bsam gtan chad pa'i mi gnas te// dag pas dag pa btsal ba'i phyir// lha la lha yi dmigs pa yang // 'gyur ba med pa'i thig le la// gza' gtad phyogs su mi gnas pa'o// 'bras bus 'bras bu rnyed 'dod pas// shes rab thabs su rol pa yang // 'gyur ba med pa'i thig le la// rtsol sgrub phyogs su mi gnas pa'o// nam mkha' nam mkha' mthong 'dod pas// dbyings dang ye shes rol pa yang // gsal ba'i thig le'i ngo bo nyid// tha snyad phyogs su mi gnas pas//

  596. 299a

    kun tu bzang mo'i mkha' dbyings las// kun bzang rol pa'i byed pa pos// sangs rgyas dkyil 'khor ma lus pa// bya ba med par gsal ba po// ma skyes chos nyid thig le ni// ma 'gags dbyings kyi thig ler bde// mngon par dag pa'i thig le ni// gsal bas ye shes thig ler bde// rol pa kun bzang thig le ni// mi rtsol lhun gyis grub pas bde// thig le drug gi mkha' klong na// thig le dgu yi 'od gsal zhing // thig phran sum cu rtsa drug gis// thams cad gsal bar bkra ba yang // dus gsum 'gyur ba med pa'i dbyings// man ngag rgyal po dgongs pa ste// mngon sum sangs rgyas che ba'i gzer// bdag nyid che bas btab pa'o// chos nyid gzhan na med pa'i gzer// byang chub sems kyis btab pa'o// dus gsum 'bad rtsol med pa'i gzer// lhun gyis grub pas btab pa'o// che ba lnga yi mdzod brtol nas// sbas pa gsum gyi gter rnyed nas// mngon sum rang dbang thob pa yis// thams cad zil gyis gnon pa yang // gzer bu nyi shu rtsa lnga ste// mi 'gyur mngon du shar ba yang // kun la khyab cing thams cad snum// ngo bo nyid ni dbyer med kyang // 'khrul pa rnams la mi snang bas//

  597. 299b

    yang gsang thugs kyi gter chen 'di// phal la spro bar ma gsungs so// byang chub kyi sems mi 'gyur ba'i thig le tig rdzogs so// / rgya gar skad du/ a yo tsakra/ bod skad du/ srog gi 'khor lo/ bcom ldan 'das te ma lus kun gyi dpal// thugs rje thabs kyis 'gro don mthar phyin pa// bde ba thams cad mkhyen pa nyid kyi dang // sku gsung thugs kyi rang bzhin chos kyi dbyings// byang chub sems ni srog gi 'khor lo bas// mnyam nyid 'dus pa'i gter la phyag 'tshal lo// lus ngag yid gsum sku gsung thugs sbyor bas// rgyal ba rnams kyi gsang chen 'khor bzlog pa// mya ngan 'das pa'i dam tshig lu gu rgyud// chos dbyings rnal 'byor yongs kyi gter chen pas// rna brgyud thugs kyi gter chen skal ldan la// mi nub yongs kyi btsas su bzhag pa yin// sku gsung thugs las bsdus pa'i snying po 'dis// dus gsum rgyal ba'i chos dbyings sku gsung thugs// mnyam nyid 'gro don man ngag kun gyi gter// skal ldan tshad ma rang rig dbang phyug gis// de yi rjes 'tsho ba thugs kyi sras mchog la// tsit+ta'i dkyil 'khor yangs par gsal gyur cig/ tshes dbyings skye med mi gnas

  598. 300a

    mya ngan 'das med bdag/ mi skye mi 'gag 'khor ba spong len med// nga med bdag dang bral ba rgyal ba'i thugs// rnal 'byor gsang ba'i snying po mtha' yas pa// rin chen gter 'dus rgyal bas brjod mi lang // ma spangs ma bsgrubs nam mkha'i ngang du gnas// khams gsum brtags na 'khor ba mya ngan med// phyogs char 'char ba rtses na bde gshegs snying po yin// kun gyi rang bzhin 'ja' tshon snang bzhin med// de la med bzhin 'byung ba rgya mtsho 'dra// chos dbyings skye ba med pa yum gyi mkha'// rgyal ba'i phyag rgya skye ba'i cho 'phrul can// 'khor ba mya ngan 'das la dgod pa'i phyir// rang byung ye shes dbyings las ma g.yos kyang // stong khams yongs la snyoms pa'i thugs rje 'byung // nga med bdag dang bral ba'i snying po rdzogs// don dam ye shes dbyings 'di rdzogs pa che/ snying po nyi ma bzhin te 'od kyi mchog/ skye 'gro phyi nang gzugs rnams thams cad ni// sku mchog mi zad rgyan gyi 'khor lo yang // sgra skad rab 'bring tha ma ma lus pa// gsung mchog mi zad rgyan gyi 'khor lor rdzogs// dbyer med don dam dbyings su ro gcig pas// thugs mchog mi zad rgyan gyi 'khor ldan yongs

  599. 300b

    su rdzogs// thams cad sku gsung thugs te dbyer med pas// skye med nam mkha'i klong yangs rgya mtsho bzhin// 'du 'bral med pa'i dbyings mchog rab 'byams na// chen po bzhi yi cho 'phrul grangs med pas// brtags sam rtogs na 'byung ba'i 'bras bur 'dus// 'chi ba med pa'i sman chen bdud rtsi 'di// ye nas rdzogs pas ye nas btsal mi dgos// kun kyang rgyu gcig chos dbyings ngang du mnyam// gzhan nas 'ong med gang du'ang 'gro mi srid// thams cad rang bzhin byang chub sems su gsal// snang srid thabs kyi rang bzhin rgyal ba'i yab// de la rang bzhin med pa yum gyi dbyings// thabs dang shes rab ldan par ma 'dus med// thabs dang shes rab 'brel ba'i rang bzhin las// sku gsung thugs kyi phyag rgya bsam mi khyab// chos dbyings rgyu gcig rang bzhin cir yang snang // byang chub rnam gnyis ngang du thams cad 'dus// mkha' dbyings rnam dag yangs pa'i rgya mtsho la// 'byung ba'i skar tshogs mang po bsam mi khyab// de bzhin mkha' mnyam dbang phyug chen po'i thugs// yon tan rgya mtsho sangs rgyas kun gyi ngang // bdag med phyogs bral chos dbyings mkha' dang mnyam// sems can kun 'dren byang chub dbyings la

  600. 301a

    dgod// sde snod rgyud dang gal po thugs la rdzogs// mtho dman phyogs mtshams byang chub sems dang ldan// chos dbyings dri med rgya mtsho dngas pa 'dra// srid gsum 'gran bla mi mnga' dbang phyug che// yongs kyi srog 'dus chos kyi 'khor lo 'di// rang rig dbang phyug rdo rje legs rdul gyis// rnal 'byor yongs kyi don du bsgrags pa dag/ gnyis med man ngag srog gi 'khor lo zhes// thugs las phyung nas 'gro ba yongs la bsngo// srog gi 'khor lo rdzogs so/ bcom ldan 'das dpal kun tu bzang po la phyag 'tshal lo// nam mkha'i rgyal po ye shes chos kyi sku/ sems nyid chos su 'gyur bas bde ba ste// chos nyid bsam du med pas nam mkha' che// nam mkha' bsam du med pas rgyal ba'i bdag/ bsam du med pa'i rnam mkha' de nyid las// mi dmigs rgyal ba'i dgongs pa rang la shar// nam mkha' mtshan nyid kun las 'das pa ni// nam mkha' la yang nam mkha' brjod du/ med/ nam mkha' de nyid bsgom du med pa ni// mi brjod bsam du med pa bsgom pa ste// brjod dang bsam pa kun las 'das pa ni// dus gsum rgyal ba'i

  601. 301b

    dgongs pa de nyid yin// nam mkha' lus med nam mkha' sems dang bral// mnyam dang mi mnyam nam mkhar brjod las 'das// nam mkha' med pas nam mkha' khyab pa'ang med// de nyid mtshan ma 'di zhes mi nus so// tshig med kun khyab brjod pa'i sgra dang bral// dge sdig dbus mtha' snying po ga la yod// yul dang dbang po'i spyod yul med pa la// rgyu 'bras sgyu ma'i spyod pas rang rig 'khrul// tshig med tshig phyir 'brang ba'i don med pas// gang dag sgyu ma'i 'gro den spyod pa yang // cha shas rim par rtogs pa skyed pa ni// 'go nas gong du rtsol ba g.yang sa che// tshig bral de la rtag dang chad med pas// ting 'dzin che ba'i lung ste nges pa'i don// ma skyes mi 'gag ye nas mnyam pa la// mtshon du med pa'i thig le rgyal ba'i thugs// de la mtshon phyir rgyal bas gang gsungs pa// mtshon cing rtogs par byed pa de nyid kyang / tshad mar gzung zhing rtogs pa skye mod kyang // de bas mtshon med sems ni rgyud kha 'khor// ting 'dzin bde ba'i ro la chags pa yang // yod med rgyu la mi ltos chos nyid ni// zhi ba'i gnas la mya ngan mi 'da' zhing // spyod yul snang ba 'gegs pa g.yang sa che// rang sems ma bcos ye nas chos nyid la// ting 'dzin

  602. 302a

    sgyu ma'i sbyong ba rtsol ba'i gnad// rang byung ye shes dbang la mi brten pas// re zhing dogs pa'i mtshan ma rnam par zhi// nam mkha'i mtha' ltar kun la khyab pa na// byang chub lta ba'i yon tan de nyid de// mthong thos phyogs las 'das pa'i nam mkha' ni// zhi ba'i gnas la rtag chad ye nas med// kun la khyab pas rtag pa'i ngo bor bral// gcig pas dbyer med tha snyad chad pa med// skye 'jig med phyir rtag mtha' ye nas med// sku gsum thugs las 'das pas che ba'i mchog/ tha tshigs yul las 'das pas nyams pa med// sngags dang phyag rgya bral bas 'gyur ba med// sgo phugs yang sa dog med pas rgya chen nang pa nyid// phyi nang kun las 'das pas gsang ba'i snying po nyid// bde dang sdug bsngal med pas mnyam pa'i snying po nyid// 'byung 'jug 'jigs pa med pas yangs pas klong // 'du 'bral dus las 'das pas yangs dog sbyin pa'i gzungs// sems nyid chos kyi dbyings pas thams cad nam mkha'i sku// rnam rtog grangs las 'das pas ye shes chen po'i zhal// gdod nas zhi bas 'od gsal lhun gyis grub pa la// snying po byang chub don la cis kyang bcos su med// 'gyur med chags pa'i yul las

  603. 302b

    'das pa la// sangs rgyas ye shes ngo bor mtshon du med// 'byung 'jug med pas dbang po yul las 'das// mtshan ma 'jil ba'i sku ni mi gnas ye nas dag/ bza' ba'i yul med btsal ba'i dbang pos stong // thams cad ro gcig dbyer med bde ba'i dbyings// dus gsum mnyam pa nyid la 'byung 'jug med// mi len 'dzin dang ye nas bral ba la// kun gyi bdag nyid dus gsum dbyings mi g.yo// kun nas phyogs cha med par gnas pa ni// dus gsum bdag nyid rdo rje sems dpa' che// lta ba 'di med spyod pa sgyu mas bcings// phyin ci log dang ma log byang chub ste// rnam rtog gnyis kyi mtha' las 'das pa ni// bsam dang bral ba'i byang chub sems chen po/ nam mkha' lta bu'i byang chub sems nyid ni// yod med dbu mar mi dmigs brjod du med// nam mkha' tsam du'ang brjod du med pa la// tshig dang nam mkha' su yis tshig tu brjod// sems dang tshig las 'das pa'i sbyor ba ni// mngon sum mi gnas ye nas stong pas dben// ye shes de nyid kun tu gsal ba na// thams cad rnam par dag par gcig pa'i phyir// las dang mtshan nyid so sor ma nges pas// gcig dang du ma'i mtha' las 'das pa'o// chos kyi dbyings nyid yul

  604. 303a

    las 'das mod kyang // 'dzin pa med pa'i mtshan nyid kun la bkra// gzugs kyi mtshan nyid ye nas mthong ba gang // rtog pa'i mtshan nyid med na dmigs pa gang // gzha' tshon sgyu mas 'phags pa'i sku bskyed de// bsti gnas sgyu mas re ba'i rtsol ba yang // rnam dag lam chen lhun gyis grub pa la// bsod nams med kyang 'grub ces rgyal bas gsungs// chos kyi dbyings ni mi bskyod gnas che ba// kun la khyab pas sgra med tshig las 'das// sprul pa mang po rgya mtsho'i tshogs chen gyis// bya med don las rdul tsam bskyod mi nus// zhi la phra ste mngon du rnyed pa dka' 'o// rtog ge spyod yul 'khrul las shes mi nus// bskyod dang mi bskyod rtog pa med pa ni// mtshan nyid nam mkha' las kyang 'das pa'o// ye nas lhun gyis grub pa'i thabs chen la// rgyu bcos rtog pas grub par mi 'gyur te// spyod pa'i sgo dang mtha' las 'das pa la// log rtog 'khrul pas bsrung du ga la yod// mtshan nyid med pa'i thig le chen po ni// sprul pa sgyu ma tsam du snang ba yang / chos nyid dbyings las dbye bsal mi 'jug pas// sgyu ma'i lam du rgyal bas yongs ma bsngags// mi gnas chos sku brjod las 'das pa ni// dbu ma tsam du'ang

  605. 303b

    ye nas mi gnas pas// de bzhin bde ba'i ye shes mtha' klags kyang // snang dang brjod pa'i mtha' las 'das pa'o// byang chub sems nam mkha'i rgyal po rdzogs so// bcom ldan 'das dpal bde ba chen po kun tu bzang po la phyag 'tshal lo// bcom ldan 'das dpal bde ba thams cad mkhyen pa'i thugs// sna tshogs kun tu bzang po rdo rje sems// dbyings dang ye shes 'du 'bral med pa'i gsung // rnam dag byang chub sems la phyag 'tshal lo// sngon tshe 'das pa'i bskal pa mtha' ring nas// 'khrul 'khor blun rmongs mdongs pa'i 'gro ba rnams// nga dang bdag bcas mtshan mas bcings pa yis// khams gsum rgyud la 'khor ba'i 'gro don du// snying po don las 'dams pa'i gapung brjod 'di// rgyal sras gang 'dod dbang phyug skal ldan la// thugs rjes 'khor lo rmad byung bsam yas pas// rang rig blo la snang ba shar ba'i phyir// rnal 'byor phyi rabs don du gsungs pa yin// skal bzang snod ldan rnal 'byor don// lhun grub byang chub rdzogs pa'i dbang dam can// bla ma'i man ngag snyan khung thugs brgyud 'di// dad can rgyal rigs thugs dang 'dra na khyed// sku dang gsung thugs yon tan 'phrin las dang //

  606. 304a

    thugs kyi dkyil 'khor rin chen sgo phye nas// bde gshegs dpal gyi mgur nas gsung bsgrags pa// gsang sngags dbang phyug rnal 'byor rgyal po yin// ta mnyam sbyor kun tu bzang po nyid kyi dbyings// rnam dag lam chen kun sgrol dgongs pa'i thugs// bgrod med rnam grol rdzogs pa chen po'i lam// byar med lhun rdzogs skye med chos kyi dbyings// theg pa'i rnam grangs gral thabs cha bsnyams pas// ma 'dres chos rnams yongs su rdzogs pa'i rgyan// klung yangs rgya mtsho/ chu bo'i 'phro 'du bzhin// rgyal thabs spyi blugs dbang phyug rnams kyi mdzod// shes bya shes byed kun gyi gzhir gyur pa// kun gzhi gnas gyur rdzogs pa'i dkyil 'khor ni// rnam shes gdengs ka nam mkha'i rgyas mnyam pas// rtse mo byung rgyal bde ba chen pa'i dbyings// sde rgyud ya thog bla na med pa'i sa// kun tu bzang po rang byung bcom ldan 'das// gcig pu rab tu che mchog chos gu'o// lhun rdzogs sku gsung thugs kyi phyag rgya che// bdag dang gzhan du 'byed pa med pa'i phyir// bla na med/ pa'i go 'phang mchog la gnas// chos dbyings ma skye sems can med pa'i phyir// sred pa'i chos rnams ya nas lhun gyis grub// de rgyu lhun rdzogs byang chub sems kyi

  607. 304b

    dbyings// mi gnas mya ngan 'das pa'i 'bras bur gnas// zla rgyas bzhin du spros pa mi mnga' bar// ye nas rgya mtsho 'khyil ba'i dbyings dang mtshungs// spros kyang de bzhin bsdus kyang de bzhin pa// bsod nams ye shes sku gsung thugs la rdzogs// lta ba nam mkha'i rgyal pos 'phangs gcod pas// btang snyoms chen po sku gsung chos kyi dbyings// ma skyes mi gnas nam mkha'i rang bzhin la// thugs rje'i chos 'phrul ya mtshan chen por ston// khyung chen gshog rdzogs mkha' la lding ba bzhin// chu rlung ri rab kyin 'thur nyam ming // bar snang nam mkha'i khams kun lam bde ba// gang du dmigs pa'i sa kun gcod par byed// de bzhin ye nas blo sbyangs rnal 'byor thugs// byang chub snying por 'gro ba'i skal ldan pa'o// sangs rgyas mngon du grub pa'i man ngag can// byang chub sems rtogs yon tan khyad par 'phags// bdag dang gzhan don lhun grub ma spangs pa// spyod pa rgya mtsho sna tshogs ci bder spyod// pad+ma skye ba'i rgyu ni 'dam yin te// pad+ma la ni 'dam gyis gos pa med// chos nyid chags nyid chags pa med par rtogs 'gyur na// ye shes chags med nyams pa rdul tsam med// thugs rje'i spyod pa bsam yas ji snyed pa//

  608. 305a

    rnal 'byor thabs kyi spyod pa de bzhin spyod// rnam rtog spros bral gzung 'dzin mi mnga' yang // mkha' mnyam rgyal po 'dod dgu re ba skong // skye med dbyings nas skye ba'i cho 'phrul rnams// rnam dag byang chub sems kyi dbyings ngas spro// mkha' dbyings rnam dag yangs pa'i dkyil 'khor ni// lhun grub yid bzhin rin chen gzhal yas khang // phyogs dus kun nas 'khyil ba'i rgyal ba'i mchog/ rgyal ba nyid las rgyal ba'i sku ston pa// rgyal tshogs rdo rje dbyings kyi dkyil 'khor rnams// 'gro don rgyal ba'i dkyil 'khor bstan pa'i phyir// 'gro 'dul rdo rje dbyings kyi dkyil 'khor spros// sprin med mkha' la skar tshogs rgyas pa bzhin// bkra gsal longs spyod rdzogs pa'i 'khor dang bcas// kun bzang rdo rje sems dpa' dang sbyor ba// shes rab dbyings nas thabs kyi phyag rgyar gsal// sang nge sal le mnyam la ma 'dres pa// phung po khams dang skye mched rnal 'byor tshogs// kun tu bzang po rang byung bcom ldan 'das// gcig pu rab tu che mchog chos kyi sku// lhun rdzogs sku gsung thugs kyi phyag rgya che// ye nas lhun grub byang chub snying po ni// bla med rgyal ba'i go 'phang mchog la zhugs// bdag dang gzhan du rtogs pa mi mnga'

  609. 305b

    yang / 'jig rten rdo rje nyi ma shar ba bzhin// stan ne l+h+wam mer ldan pa'i dkyil 'khor can// rnam par thar pa'i zhal gsum phyag drug ni// sku gsum ye shes drug dang chos kyi dbyings// ji ltar skar tshogs bzhin du ma spros bzhin// nyi ma'i dkyil 'khor 'bar ba'i zil gyis gnon// de bzhin kun bzang rdo rje sems dpa' yang / nyi ma'i stong gi gzi chen 'bar bas brjid// rgyal ba'i tshogs chen 'dus pa'i gtso bo ste// phyi nang gsang ba'i dkyil 'khor 'dus pa'i bdag/ rnam bar shes pa'i gtso bo kun gyi gzhi// rang byung ye shes dbyings las ma g.yos kyang // stong khams yongs su khyab pa'i thugs rje can// 'gro ba'i dpal mgon snga tshogs kun tu bzang // dbye bas la blang dor gnyis med de ni du gcig/ phyi dang nang gi thams cad chos kyi dbyings// rnam par dag pa'i spyod yul thams cad ni/ sangs rgyas sems can blang dor gnyis med de// lam gyis bcos su ya~M nas ga la yod// bsgrub med rtsal sprugs smon pa med pa yi// bya med lhun rdzogs bde gshegs de bzhin te// rtog spyod rnam dag tshis med chos dbyings la// log rtog 'khrul pa'i dbang du ga la 'gyur// rtog dang mi rtog ye shes chos kyi sku//

  610. 306a

    mtha' la thug pa med cing dbyings la bri ba med// skye med dbyings nas skye ba'i cho 'phrul rnams// gang yang ma yin sna tshogs chos kyi dbyings// khams rnams ma dag ma byung ma skyes na// dbus mtha' mi gzigs rnam par rtog las 'das// rnam rtog gnyen por rnam par mi rtog pa// mi rtog 'dod pas rtog pa chen po yin// chos kyi dbyings nyid mi rtog rtog 'das pa// rtog dang mi rtog gnyis ka tshig gi mtha'// rnam rtog spros med byang chub snying po yin// kun gzhi rnam ngag ye shes rnam par dag/ ye shes rnam dag chos dbyings rnam par dag/ dam tshig rnam dag lha rnams rnam par dag/ bdag nyid rnam dag gzhan yang rnam par dag/ sems can rnam dag sangs rgyas rnam par dag/ rgyu rnams rnam dag 'bras bu rnam par dag/ rten 'byung rnam dag 'brel pa rnam par dag/ bdag med gnyis med byang chub snying po las// dbyings dang ye shes mnyam sbyor ma rtogs pa// chos nyid tshes tshol rnyed rnams gzhan na med// rgyu 'bras don rtogs thabs dang shes rab ste// mkhyen ldan mun sel byang chub sems dang mnyam// dkyil 'khor byang chub sems las rang byung ba// skye med 'gag med cho 'phrul sna tshogs 'byung // /

  611. 306b

    mthun 'jug 'tshal ba'i spyod pa rgya mtsho ni// bdag dang gzhan don ye nas lhun grub kyang // thugs rje chen pos 'gro ba'i rdzob par mdzad// ming tshogs mas don dag gi gser mtshon pas// tshig ni rnam grangs gsung gi 'khor lo can// yod med mtha' las 'das pas kun gzhi ni// ming tshogs tshig gi rnam grangs bsdus pa'i ba dag/ yod kyang ma yin de bzhin med ma yin// rtag par ma yin chad pa'i mthar ma yin// bdag tu ma yin mtshan ma 'dzin pa med// ji bzhin mngon sum snang ba med pa las// phyi nang gzung 'dzin dngos por gang rtog pa// mi mkhas rmongs pas mu stegs dag la zhe na// sna tshogs rang bzhin med par gang gsungs pa/ med pa mthong ba mu stegs chad pa'i lam// rtag chad gnyis kar gang gi blo zhen pa// don gyi snying po bzhed las goms par gsungs// gang yin ma yin sna tshogs chos dbyings su// shes pa'i khyad par byang chub snying po ni// gnyis med don rtogs rdzogs chen rnal 'byor pa// ye shes rnam dag lhun sbyor grub pa'i mtha'// re dogs med pas dbyings nas dbyings nyid gsal// sangs rgyas gzhan nas tshol ba grub mtha' med// kun gzhi rnam par shes pa yi nas chos kyi dbyings// yaM

  612. 307a

    nas lhun grub sangs rgyas mngon sum na// gang nas su la sangs rgyas gsol ba 'debs// 'khrul 'khor nyam thag ri dgas smig rgyu snyeg pa 'dra// sangs rgyas nyid kyis sangs rgyas nyid 'tshol ba// rgya mtsho'i dbyings nas smig rgyu snyeg pa bzhin// thig le dbyings nas rgyal ba'i dgongs pa rnyed// de lta bas na sangs rgyas thob 'dod na// ting 'dzin rgyal po byang chub sems la tsam// rtogs na bdag nyid sangs rgyas mngon sum ste// mnyam pa'i rgyal po gnyis med chos kyi sku// gsang dang gsang chen dkyil 'khor zhes bya ba// sangs rgyas dkyil 'khor rtogs pa nyid la rdzogs// 'khor ldan bsod nams ye shes mtshon nas so// mngon sum mtshan dang dpe byad ldan pa yin// chos nyid yul dang snying rje chen po yi// dbang phyug rdzogs pa chen po'i dam tshig la// ye nas rnam dag byang chub sems po na// rgyal ba'i dkyil 'khor mnyam dang mi mnyam gcig/ mnyes ldan dngos grub blangs na thob par nges// 'jig rten gsal byed nyi ma'i dkyil 'khor bzhin// grags ldan stong khams yongs su 'byung bar 'gyur// rgya mtsho u dum ba ra'i dpe bzhin du// byang chub sems ldan brgya lam lan gcig na// mi gtong 'dzin goms bsgoms na 'grub par 'gyur//

  613. 307b

    gal te chags sdang blang dor blo skyes te// 'khrul sems skad cig rkyen gyis 'khros 'gyur na// bla med byang chub don las 'gal ba'i phyir// skad cig ma la 'grub 'gyur/ sems 'di la// log rtog gsog zhugs 'khrul pa'i dbang gis brlag/ 'ban thag chod 'gyur nye bar 'grub mi 'gyur// blo ldan nam zhig 'gyed pa drag skyes nas// rang sems spang du btsugs nas mi gtong ba// gzhan nas btsal zhing sgrub kyang mi dgos te// byang chub sems mchog blo la shar ba yin// bskal par bsags pa'i mun nag 'thibs po yang // rig pa'i rgyal po ye shes nyi zer gyis// gnyen pos mi mthun spang la mi ltos par// skad cig yud tsam nyid la gsal bar 'gyur// mi shes blun rmongs skal med skye bo rnams// bdag dang gzhan du 'dzin pa'i sems rgyud kun// rang bzhin rgyal ba'i chos skur gcig pa las// 'khrul pas so sor brtags te 'khung ba nor// ye shes sgyu ma rgyal ba rgya mtsho la// log rtog sgyu ma rgyud lnga'i sems can rnams// kun rdzob sgyu ma'i khyad par bsam yas kyang // don dam dbyings su rang bzhin yongs kyis mnyam// chos rnams thams cad ye nas stong pa'i phyir// de tsam nyid na mi gnas mya ngan 'das// sems can thams cad

  614. 308a

    byang chub snying po la// rang rig sems nyid sangs rgyas mngon sum na// gzhan nas bsgrubs zer rgyal ba rdul tsam med// 'gro ba skal ldan rnams kyi don tsam du// bsgom zhing bsgrubs pa'i tha snyad lung du bstan// de lta bas na mi 'grub gang yang med// de ltar de bzhin chos kyi dbyings rig na// ma rig rnams la snying rje chen po skye// snying rje skyes nas sgyu ma'i ting 'dzin gyi// 'gro don thabs kyis spyod pa sna tshogs ston// bdag dang gzhan du rtog pa med pa'i phyir// ye nas gnyis med don gcig chos kyi sku// chos sku skye med rtags nas 'gro don du// skye ba'i cho 'phrul yang nas yang du ston// mdzad pa bcu gnyis 'gro don mthar/ phyin pa/ cir yang 'gyur ba'i gzugs can sprul pa'i sku// thugs rje'i cho 'phrul sna tshogs cir yang gsal// sems can sangs rgyas yin par lung du bstan// thugs rje sprul pas gdul bya kun 'dul yang // sgyu ma'i blo ldan rlom sems rdul tsam med// sangs rgyas rnams kyi dgongs rgyud ji lta bu// rang gi mtshan nyid ma bcos de bzhin nyid// chos rnams sgyu mar mngon sum gsal ba'i phyir// ting 'dzin sgyu ma'i cho 'phrul sna tshogs rnams// cir yang mi dmigs gar yang nges pa med//

  615. 308b

    rang 'byung rmad grags byang chub snying po 'di// gang du bstan par shi le na le 'dra// skye 'gro phyi nang gzugs rnams thams cad ni// sku mchog mi zad rgyan gyi 'khor lor rdzogs/ tasgra skad rab 'bring tha ma ma lus pa// gsung dbyangs ma lus rgyan gyi 'khor lor zab// thams cad ma lus dbyings su ro gcig phyir// thugs mchog mi 'dzad rgyan gyi 'khor lor 'dus// mnyam sbyor tshim 'gyur gsal nas mngon pa yi// chos kyi sku mchog byang chub snying por thim// gsang sngags dbang phyug go 'phang chen po 'dir// phyi nang gsang ba'i don dang mi ldan par// la la mkhas 'dod dregs pa'i nga rgyal can// rang gi lta ba ya rabs mtho 'dod de// gti mug dbang gis bag zon ma chags par// drang rdod yas bzhag btsan thabs dregs pa yis// bdag las gzhan med dpe zla 'phags 'dod pa// gzhan la bsnyad 'dod bdag nyid lhar bsgoms kyis// mnyam pa'i rgyal po'i don las 'gal ba'i phyir// lta spyod ya cha bdud kyi las su 'gyur// mngon dman rlom sems dbang 'gyur mnyam pa'i gcugs// nga'o snyam pa'i nga rgyal rang bzhin te// mkhas pa'i blo can bla ma'i lung bzhin du// skyon spongs dge rtsa 'phags gral khyad par can// tshig la mnyam sbyor

  616. 309a

    mkhas pa'i zla med kyang // dam tshig chal por byang chub sems yangs nas// rdo rje lta bur 'grub 'gyur tshe 'di la// log 'dren srog can bden tshig ci smras kyang // 'khrul pa'i sems nyid log 'dren dbang du 'gyur// gsang sngags rgya mtsho sgo 'di yangs pa ru// 'jug 'dod rgyal ba'i sku bslus slar log pa// bdud rtsi myong nas dug tu 'khrul pa gang // bdud rtsi de las gzhan nas mi rnyed cing // badz+ra yak+Sha drag pa'i snying la gnas// lus srog sgyu ma rdul du brlag nas kyang // dmyal bar nges 'gro gtan du snying re rje// gnam lcags mkha' las 'dam du bying ba bzhin// ri dgas mi yul so mtshams 'das dang 'dra// rgyud kyi don las slob pas lung zhes bya// thams cad byang chub sems dpas rtse mo ste// mkhas pas thugs las brgyud pas byung rgyal nyid// byung rgyal nyid na rtse mor shar ba yang rnam grangs rgyan du bkod pas 'phreng ba ste// dbye bsal blang dor med pas dam pa'o// dam tshig bzhi dang ldan pas rnal 'byor pa// bdag dang gzhan don bsgrub par brtson pa'i sems// sbyor sgrol dus ldan snying rje'i gnas rnams la// sems drod lung nod 'khor dang rdzas la sogs// phun sum tshogs ldan rgyan pa'i thugs

  617. 309b

    rje can// dmigs pa'i don du rtse gcig mthur ldan lnga// rnal 'byor che mchog grub pa'i rig 'dzin thob// snying rje med pa'i las kyi gzhi rnams ni// kun tu bzang po'i tshig tsam smra 'dra yang // snying po don las 'gal 'gyur 'grub mi 'gyur// kun tu bzang por sbyar ldan dngos grub can// rnal 'byor grub pa'i 'phrin las rgya mtsho rnams// skye med don dam kun rdzob rnam par spangs// thag chen spyi blugs rang bzhini rnal 'byor don// lhun grub rdzogs chen sa rnams kun gyi bla// de ltar shes ldan bdud bzhi rnam par spangs// kun la yangs pa'i sdig 'dzem snying rje bskyed// khyad par 'phags pa'i bsod nams khri phrag yas// lta ba dgongs pa'i 'bras bu mthar phyin yang // lung dang man ngag nges don gsal bar bya// byang chub sems rtse mo byung rgyal zhes bya ba bsam gtan rdzogs so// // rgya gar skad du/ many+dzu su kha/ bod skad du/ bde bya ma/ bcom ldan 'das rdo rje bde ba chen po la phyag 'tshal lo// bde 'jam dbyings phyug sdug bsngal b+ha ga la/ dbyer med lhun rdzogs thig le dbyings nyid che// bskyod pa mi mnga' ye nas rin po che// bya ba med par lhun rdzogs thig le che// thams cad ma bkag

  618. 310a

    dbyer med bdag nyid che// skye med dbyings las thams cad ma 'gags shing // dus gsum 'du 'bral med pa'i gsal ba yang // don dam klong du gyur pas sems dpa' che// rgyu las bsgrub tu med pas ye nas gnas// btsal du med pas bod pa mngon sum dbyings// smon du med pas thams cad rang la rdzogs// ta tha snyad med pas rnal 'byor chen po'i bdag/ go 'phang med pas lta ba kun gyi dbyings// 'dul ba'i las rnams thams cad ci spyad kyang // rol pa nyid las ma nyams shin tu bde// thig le nyid pas spang du med pa'i phyir// rtsa ba'i 'dod chags zhe sdang gti mug kyang // spang du med pas byang chub chen po'i lam/ bsam du med pa'i ye shes gsal ba ni// rnam grangs med pas dbyings nyid bdag po'i klong // gzugs rnams med pas byang chub snying po'i sku// rnam rtog zhi bas khyad par ye shes che// gdod nas ma bskyed pa ni dngos grub ste// 'chi ba med pas bdud rtsi'i dbyings// thig le ye nas gsal ba'i dam tshig la// tha tshig ming du btags pa med// ri rab rtse nas nyi ma stong shar bas// ye shes thugs kyi nyi ma gcig shar dro// rang la thams cad shar ba'i 'od zer ni// shar ba nyid na

  619. 310b

    dus gsum nub pa med// mi gnas dmigs su med pas gsal ba ni// bsgom du med nyid bsgom du med pas bde// ye nas ma bsgoms ji bzhin gsal ba yang / bsgoms pas gzhan nas rgyal ba'i chos mi rnyed// rdo rje nyi ma dbyings nas shar ba yis// thams cad kun kyang de bzhin nyid du gsal// 'gyur ba med/ pas lta ba bal nag ste// cir yang 'gyur bas thugs rje ba la dkar bzhin// brtags na thams cad bal nag nyid kyi dbyings// lhun gyi gnas pas lta ba'i go 'phang gcod/ gdod nas dag pas srid pa'i pad+ma bzhin// 'gyur ba med pas thig le'i dbyings na bde// bya ba med pas thams cad kun la 'jam// dus gsum med pas thig le nyid du 'byam// ye nas snying po btsal du med pa la// btsal ba'i bsam pas don dam dbyings mi bskyod// dra ba nyid pas mu khyud phyogs bcur bde/ thig le nyid pas thig phran dgu la bde// rtse rgyal rtogs na grub pa'i gnas chen bde// thig le yai nas bde ba'i rdo rje'i dbyings// thogs med yongs su sbyangs pa'i b+ha ga la// dbyer med lhun rdzogs thig le dbyings nyid che// sku gsung thugs shar mu khyud dkyil 'khor ba de// rnam par dag pas bde ba'i byang chub

  620. 311a

    sku/ 'gro ba'i lam chen mkha' dbyings dag pa la// thig le ye nas bde ba rdo rje'i dbyings// rdo rje nyi ma dus gsum 'du 'bral med// de bas thig le thams cad rdo rje'i dbyings// brdal ba nyid na dus gsum 'du 'bral med// byang chub sems ni ye nas gsal ba'i phyir// klong gi dkyil 'khor chen po bde 'jam rdzogs so// rgya gar skad du/ su kha pra ka te/ bod skad du/ bde ba phra bkod/ bcom ldan 'das dpal kun tu bzang po la phyag 'tshal lo// sems la mtha' dang dbus med pas// phyi dang nang med ye shes ma bral te// sems la spong len med pas bde ba phra bkod pa'o// ma btsal lhun gyis grub pa'i don de la// skye med ngang la gnas pas bde ba phra bkod pa'o// skye ba med pa'i byang chub sems chen la// rdzogs pa'i yang rdzogs bde ba'i klong na 'phyo// rten pa'i gnas medo chags pa'i yul dang bral// 'khor ba med pa'i don de phra bkod pa'o// bsgrub tu med pas 'bras bu lhun gyis grub/ bsgrub tu med pas lha rnams mya ngan 'das// mtshon du med pas yi ge bkri ru meng // gdags skyed kun dang bral bas bde ba rang la snang // mi skye gdeng du chud pas

  621. 311b

    'du 'bral ye nas med// mtha' dang dbus med brdal ba'i phra bkod pa'o// gnyis su med pa'i rang bzhin phra bkod pa'o// snang med rig pa shar bas dngos po kun dang bral// skye med dbyings su thug pas spro ru med pa yin// ma bcos lhun gyis grub pas rig pa rang la shar// rten pa'i dbyings su 'byung ba lnga nyid chos// grub pa'i sku mchog chos sku gdal ba che// yin pa'i rtags su chags sdang bral bas na// 'opho 'gyur med pas snying rjeg deng du chud// 'bras bu mngon sangs rgyas pa'i bde ba phra bkod pa'o// 'gog pa'i lam nyid mthar phyin lam bgrod pa// gnyis med mnyam pa'i klong du mthar phyin pas// gzhag pa'i gzhi med skye med byang chub sems la gnas// dug lnga spong ba sku lnga phra bkod pa'o// spyod pa spyad du med de chags srung yul las 'das// bsgrubs pas bsgrub tu med de lha la rten mi 'cha'// bsgoms pas bsgom du med de dmigs pa'i yul dang bral// bsrung ba'i tshul khrims bya ba ye med de// ye bsrung gdeng dang ldan na sangs rgyas 'grub pa yin// 'phrin las btsal du med de 'khor ba mya ngan 'das// sems la skye shi med pas bde ba phra bkod pa'o// ma g.yos dbyings na gnas pas gar yang 'gyur ba med// snang

  622. 312a

    srid kun la khyab pas mtha' dang dbus med yin// gang yang bkag pa med pas gsang ba phra bkod pa'o// bde ba'i klong na gnas pas sdug bsngag bral ba yin// 'bras bu chos skur grub pas mtshon pa mya ngan 'das// ye la 'bras bu chos skur lhun gyis grub// lta bas bstan pas ye nas gol sa med// snang ba rang la shar bas sems la nub pa med// mi nub rgyal mtshan rtse ru phyin na ltung sa med// dmigs pa'i yul med rten med gnas dang bral// chags sdang med na sdug bsngal bral ba yin// mi 'gyur lhun gyis grub pas bde ba'i klong na gnas// mnyam nyid don du rtogs pas phra bkod pa'o// bsgom bsgrub mtha' las 'das pas mnyam pa'i klong na gnas// rang bzhin lhun gyis grub pas rgyu dang 'bras bu med// snang ba rang lang shar bas nyin dang mtshan mo med// ma bkag kun la khyab pas ye brdul phra bkod pa'o// skye med dbyings na rig pa rang la shar// don dam nges par rtogs na mnyam pa'i klong na 'phyo// mnyam pa'i ngang la gzhag na dus gsum gcig tu nges// byung tshor bying rmugs thar lam mi thob pa// bsgom du med pa'i don la gnyis par bzhag pa'o// skye med dbyings nas rig pa'i bcud shar/

  623. 312b

    ba'o// dngos po kun dang bral bas snang ba rang shar ba'o// gzung 'dzin rnam rtog bral bas bde ba rang la shar// chags sdang bral bas rtogs pa'i mthar thug pa// sems la bsgom du med pas tshig gi mtha' las 'das// bsgrub tu med pas yi ge'i sgra dang bral// bsrung du med de yi bsrungs phra bkod pa'o// byang chub sems bde ba phra bkod pa rdzogs so// / rgya gar skad du/ sarba a ta/ bod skad du/ kun 'dus/ bcom ldan 'das bya bral bde ba'i ngang la phyag 'tshal lo// chos sku ye nas rnam par rab dben pa'i// rnam rtog bla dgas yul las 'das pa'i phyir// yod med stong pa'i mtha' ni dbyings su gcig/ dbyings nyid gcig la lta ba'i khyad par dgur snang ste// snang 'dod rtsol ba'i sems ni sdug bsngal nad// chos nyid dang gi gnas pa'i rang bzhin las// thugs rje chen po'i mkha' ltar khyab pa ni// thabs kyis rol pas 'dod dgur bsgyur ba'i dpal// chos rnams sna tshogs ji bzhin snang ba las// tha snyad thams cad byang chub mchog gi lam// snying po byang chub mchog tu nges pa las// gzung 'dzin bgrod pa'i yul ni ga la yod// tha snyad tsam du 'du shes bya mod kyi//

  624. 313a

    dam du bcas pa'i yul yang rdul tsam med// dam du bcas pa'i yul med gsal ba na// dam du bcas kyang yul med nam mkha' 'dra// 'dod// dgur sgyur ba'i snying rje thabs chen la/ bsam dgu lhun gyis grub par byed pa yang // ye shes klong du shar ba'i rnal 'byor pas// sa mchog 'di ni ma bsgrubs lhun gyis grub// bag la nyal ba'i skyon rnams ma lus kun// ye shes 'od gsal rang la shar ba'i phyir// theg tshon 'di ni mkha' la nyi shar bzhin// mtha' yi mun pa med par ye nas gsal// bsgom pa'i yul la 'dzin pa'i gnas med pas// bsgom bcas de dag 'dzin pa'i sdug bsngal yin// bsgom pa'i gnas med rig pa rang dbang na// bsgoms kyang skyon med thams cad nam mkha'i klong // gang yang ma bkol kun gyi re ba klong // mnyam pa nyid kyi man ngag gter chen gyis/ kun la khyab cing thams cad rang la rdzogs// de la cha shas rim pas bza' ba med// ye nas bdud rtsi chen po yin pa la// gzhan nas btsal bas 'grub par mi 'gyur zhing // ma btsal lhun gyis grub pa'i dbyings 'gyur la// rnam pa kun tu che bas byang chub lam// thams cad dgongs spyod ye nas dag pa la//

  625. 313b

    'khrul dang ma 'khrul cis kyang nyams pa med// thams cad 'dus te cir yang mi snang bas// dus gsum rgyal ba'i dgongs pa de na gsal// byang chub kyi sems kun 'dus rdzogs so// / bcom ldan 'das rdo rje bskal pa'i bdag po la phyag 'tshal lo// srid par bcas pa'i 'jig rten dang // thugs rjer bcas pa'i pho brang kun// sprul pa'i 'khor lo 'od 'bar ba'ang // mngon sum sangs rgyas mkha' la shar// phyogs bcu'i 'jig rten mang po nas// spyan drangs la sogs rtsol ba'i nad// bde ba gsal ba'i thig le las// sangs rgyas gzhan du mi rtsol lo// sems dang chos las sangs rgyas gzhan na med// mnyam nyid nam mkha' lta bu'i rang bzhin las// sna tshogs mtshan ma rdul du brlag pa'i phyir// phyag rgya'i tshogs kyang bskal pa'i me ltar 'bar// ye nas lhun gyis grub pa'i rang bzhin las// rtsol ba'i sdug bsngal rgya mtsho'i rlabs dang 'dra// chos so cog gi ngo bo nyid// ma ba tsa la gzhag pas rdul du brlag thams cing bdag nyid rang gi sa// dkyil 'kho kun tu zhugs pa la// dus gsum mnyam sbyor 'thung 'jug med// ma btsal lhun gyis grub par 'gyur/

  626. 314a

    nang spyod yul ma lus pa// mnyam dag lhun gyis grub pa la// dus gsum mnyam par gzhag pa ni// bcing du med pa'i phyag rgya yin// mi phyed thig ler gcig pa la// dus gsum 'byung 'jug med pa ni// sangs rgyas kun dang mnyam pa'i phyir// bsrung du med pa'i dam tshig mchog/ khams gsum ngo bo rang rig dbyings// phyogs bcu rgyu dang bral ba yi// bcos pa med pa'i 'khor lo la// ma bkod shar ba'i dkyil 'khor mchog/ thams cad mngon sum shar ba yang // byin rlabs mthu la mi ltos par// yid bzhin lhun gyis grub pa ni// bsngo dang bral bas mchod pa'i mchog/ rtog pa'i rgyal mtshan shar ba'i phyir// thams cad ngo bo bdag nyid sku// don la rim pas mi 'grub pas// thogs pa med pa dbang gi mchog/ phyogs bcu'i 'jig rten rab 'byams na// g.yo zhing bskyod pa'i chos rnams kun// rang byung sprul pa bsam yas kyis// bya byed med pa'i 'phrin las phul// mi dmigs byams pa chen po ste// mtha' yas thugs rje chen po yin// rab 'byams bde la dga' ba ste// stong nyid gsal ba btang snyoms so// gsang sngags chen po'i khyad par ni// rang rig

  627. 314b

    rgyal ba'i thugs rje yis// bag chags rdul du rlog pa dang // mtshan ma zil gyis gnon pa ni// khyud chen mkha' la thogs med pas// steng 'og rim gyis mi bgrod de/ snang ba dus gcig gsal ba ni// skye 'gro 'dul ba'i gnyen po yin// seng ge'i skad la 'jigs med pa// gcan gzan rim gyis mi 'dul te// gzhan gyis rtsol bas mi chud pas// dud 'gro 'dul ba'i gnyen po yin// rang bzhin gsal ba'i byang chub sems// rgyu 'bras rim gyis mi bgrod de// bde chen mkha' la thogs med pas// rnam rtog sgrol ba'i gnyen po yin// byang chub sems mi 'gyur ba'i rdo rje thugs rje chen po'i 'od/ gnam spar 'debs rdzogs so// / rgya gar skad du/ bo d+hi tsit+ta su kha bin du he tsu/ bod skad du/ byang chub kyi sems bde ba'i myu gu/ bcom ldan 'das dpal kun tu bzang po la phyag 'tshal lo// lha dang bcas pa'i 'jig rten na// srid pa dus kyi 'gro ba rnams// rnam rtog nyon mongs las la sogs// sdug bsngal tshogs kyi gzir ba la// dgongs pa dag pa'i pho brang na// tshangs dang lha dbang 'khor gyis bskor// thugs rjer bcas pa'i 'phrin las kyis// phyogs bcu dus gsum

  628. 315a

    khyab par gsal// gzugs can lus la 'dzin pa la// sku dang phyag rgyar 'dzin mod kyi// bsrung dang mi nyams spyod pa'i tshogs// bsgrub cing thob par byed pa ste// khyad par dkon mchog gsum po dang // mngon sum rdo rje slob dpon dang // ngo bo nyid ni yi dam lha// bdag nyid byang chub sems chen de// khams gsum rim par mi bgrod cing // mya ngan 'das par mi gnas te// 'di ni sbyong ba'i yul med pas// gzhan nas thob par mi byed do// bde chen nam mkha' lta bu ni// dag pas thams cad gsal ba dang // yangs pas kun la khyab pa yang // bdag nyid chen po yin par gsungs// dus gsum srid gsum ngan song gsum// bcos pa med pa'i ngo bo nyid// dkon mchog gsum dang sku gsung thugs// dmigs su med par gsal ba la// dus kyi lung la mi rten cing // thos pa'i dbang la mi ltos par/ rang dbang klung du gyur pa na// bde bas bdag nyid chen po yin// phyi dang nang gi chos rnams kun// bcos pa med par gsal ba ni// sku dang ye shes mchog gi sa// gzhan du btsal bas ma gsungs so// 'byung ba lnga dang 'gro ba lnga// rdo rje skye mched mang po'i tshogs// rang bzhin dkyil 'khor lhun gyis grub// sku dang ye shes

  629. 315b

    mchog gi sa// zlos byed gsung la mi ltos shing // skyed byed phyag rgya mi rten pas// rang byung bde ba'i dkyil 'khor te// gzhan du 'bras bu'i chos mi btsal// phyi nang nyon mongs rtog pa rnams// sbyangs dang dmigs pa med pa las// ji bzhin mngon sum gsal ba ni// 'bras bu bla ma nyid kyis// de bzhin nyid las ma bcos shing // kun tu snang bas mi sgrib ste// rang dbang mngon sum 'bras bu la// gzhan du btsal bar ma gsungs so// de phyir ma lus bde bas snying po'i sku// thams cad nyid pas bde ba'i gnas// ma 'gags rol pas bde ba'i sgo// ngo mtshar thig le yin par gsungs// bya byed yul las 'das pa ni// ye nas stong zhing dben pa la// bde ldan don nyid mngon sum pas// ngo mtshar thig le yin par gsungs// ma skyes 'gags pa med pa la// mi gnas dmigs su med pa ni// bgrod du med pas bde ba'i ngang // lhun gyis grub pas che ba la// thams cad bde gshegs snying po las// rnam rtog las kyis 'khrul pa la// rig pa'i byin rlabla sna tshogs kyis// cho 'phrul cir yang snang bar mdzad// ming tshig sgra yi yi ge yis// dbyibs dang kha dog mtshan mar bcas// dmigs med sna tshogs gsal

  630. 316a

    ba yang // dbyings las dbyings kyis 'khrul pa yin// mngon sum 'bar bar gyur pa la// bya dang byed pa'i las rnams kun// kun bzang rol pa'i phyag rgya las// mi 'da' 'gyur ba med pa'i phyir// bcings med thig le bde ba'i dbyings// thugs kyi thig le dam pa ste// gzung 'dzin dmigs las 'das pa'i phyir// phyogs bcu thams cad sangs rgyas zhing // byang chub sems kyi thig ler bde// lus ngag sems dang srid pa gsum// nam mkha' la ni nam mkha' bsgom// dus gsum sangs rgyas ma lus pa// 'di las gsal ba'i nges don med// ma lus bsam gyis mi khyab pa// sku lnga lhun gyis rdzogs pa yang // dbang sgyur thabs kyi rgyal po ste// ngo mtshar thig le bde ba'i dbyings// srid gsum 'gro ba ma lus kun// phyogs bcu dus bzhi mngon rdzogs pa// rang byung bde ba'i ye shes te// ngo mtshar thig le bde ba'i dbyings// bde ba'i thig le gsal ba'i dbyings// rang dbang thabs kyi rgyal po ste// thams cad kun gyi byed pa po// longs spyod tshogs kyi bdag por 'gyur// ngag dang ma dag kun la dbang byed cing // rig dang ma rig phyogs su mi gnas te// gcig pas gnyis

  631. 316b

    med thig le ni// lhun gyis grub pas bya btsal med par gnas// ye nas bde ba'i thig le ni// bsnyen bsgrub lam la mi gnas te// rig 'dzin rim gyis mi 'grub cing / sa gsum nyid du mi gnas to// ma mthong rmongs la mtshon pa'i phyir// sangs rgyas tsam du brjod pa yang // rang sems byang chub bde ba las// gzhan du btsal bar yongs ma gsungs// thams cad bdag nyid bde ba las// lha dman 'gro ba ma lus pa// thugs rje chen po'i byin rlabs kyis// zhi bas gsal bar byed pa yang // yig 'bru gnyer dang tshe gang shugs dang // dpe brda'i don dang zab mo'i don// khong nas ga ba sbas don 'byin pa// ston pa rdo rje'i thugs la gnas// mngon sum sangs rgyas mnyes bya'i phyir// 'byung ba lnga dang 'dod yon lnga// sprul pa'i longs spyod ji snyed dbyig/ phul bas yang dag sras su dgongs// dus gsum/ sangs rgyas nges pa'i lung // man ngag rim par brgyud pa yis// mngon sum thig le rang las 'byung // yid bzhin lhun gyis grub par 'gyur// thos bsam bsgom las 'das pa yi// rig dang gsal dang rlung du 'gyur// bsgom dang mi bsgom med pa'i phyir// ma le ti le lhang nge ba'o// phyogs bcu'i 'jig rten

  632. 317a

    mtha' yas na// las rnams bya ba mtha' yas pa// kun bzang rol pa'i dkyil 'khor ni// skad cig yud la lhun gyis grub// srid dang mi srid chos rnams dang // rig dang ma rig ma lus kun// bde bas nam mkha' lta bu'i rgyud// bsgrubs pas btsal du med pa'o// 'di don de ltar gang rig ste// bya ba med par gnas pa ni// lhun gyis rdzogs pa'i ngo bo nyid// sangs rgyas nyid dang skal ba mnyam// sku gsung thugs kyi thig le ni// rang dbang lhun gyis rdzogs pa'i phyir// bdag nyid chen po'i sangs rgyas te// ston pa gzhan na med pa'o// bdag nyid chen po'i ngo bo ni// sgro skur ma lus zhi ba'i phyir// ma bcos lhun gyis grub pa ni// sangs rgyas med pa'i sangs rgyas yin// snang ba med pa'i nam mkha' ni// snang srid kun gyi rtsa ba ste// bdud rtsir gyur pas sdug bsngal sbyong // yid bzhin rin chen lhun gyis grub// dus gsum rgyal bas thugs chud pa'i// dngos grub dam pa'i snying po ni// dngos med dngos nyid yid bzhin mdzod// dbang sgyur mchog nyid rang la shar// nam mkha' lta bu'i byang chub sems// rigs dang kha dog ma yin kyang // de bzhin nyid kyi rol pa ni// kun bzang phyag rgya chen po'i mchog/

  633. 317b

    'jig rten drug gi phyogs bcu na// snang ba'i chos rnams ma lus kun// rang byung dkyil 'khor chen po ste// ma bsams ye nas lhun gyis grub// yab yum sras dang bcas pa yang // gsal la 'byung 'jug lhan ne bos// phyogs bcu kun tu brdal ba yang // rang 'byung phyag rgya chen po'i mchog/ bdag dang gzhan la snang ba yi/ ta/ ta rnam rtog mtshan ma zhi ba'i phyir// spyod yul kun tu maN+Da la// mtshan dang dpe byad tshogs rdzogs te// rang 'byung thig le bde ba'i dbyings// zhi bas las kyi rgyal po las// drag shul spyod pas mi byed de// 'da' ka'i gdams ngag rgyal po'i bdud rtsi 'di// rang dbang sems kyi bcud du brtags pa las// rmongs shing 'phyar ba'i gang zag phal po la// bsgrags shing brjod na rang srog lta ba nyams// byang chub kyi sems bde ba chen po'i myu gu rdzogs so// / bcom ldan 'das bde chen rdzogs pa'i klong la phyag 'tshal lo// byang chub sems ni kun tu bzang // bdag dang gzhan don gnas med pas// lhun gyi rdzogs pa'i ngang nyid la// skye dang 'chi med 'gyur ba'i chos med do// dag pas bdud rtsi chen po yang // mi 'gyur gsal bas gser bzhin

  634. 318a

    te// dge sdig so sor bcings pa yis// rnam grol thar pa bcings pa ha// gang gis de ltar ma rig ste// don med sgra phyir 'brangs pa yang / dge sdig gnyis ka'i phyogs 'dzin pas// dmigs med ldongs nas 'gro ba ha// dkar bas dkar ba'i nyi ma med// ga nag pas gnag pa'i mun pa med/ zhi bas gsal ba'i thig le la// lhag pa'i lha yang yod ma yin// mu med brdal bar gnas pa'i phyir// thams cad du ni gcig pu nyid// nam mkha' lta bu'i bdag nyid la// sems can med cing sangs rgyas med// rig pa med cing sangs rgyas med// bri ba med cing 'phel ba med// dus gsum thig le bde ba'i phyir/ su la phan med gnod mi 'gyur// rnam par dag pa'i snying po la// mngon sum lhun gyis grub pa ha// mi snang 'gyur ba med pa ni// shes rab thabs las 'das pa'i phyir// lam dang byang chub med pa ste// med pa'i snying po shar ba ha// skal ldan gang zhig 'byung ba yi// don du gsungs pa'i dgongs spyod kyang // 'di don gdengs dang ldan pa yis// gang ltar spyad kyang me tog skye// yang dag nges pa'i lung 'di yang // rang rig klung du khrol 'dod pas// sems kyi klung du

  635. 318b

    brnag pa las// phal la spro bar mi bya'o// rdzogs pa spyi gcod ces bya ba rdzogs so// / bcom ldan 'das dpal kun tu bzang po la phyag 'tshal lo// khams gsum las 'das yid bzhin nor bu rin po che// bgrod med rnam par grol ba'i lam ston pa// gzhan nas btsal bar rnyed par mi 'gyur to// thig le chen po kun la khyab par gnas// rang byung ye shes ma bcos 'od gsal ba// bde chen btsal du med pas snying po'i don// snang mdzad nyid ni rtag par kun tu bzang // gnyis med bde ba'i ngang ste lhun gyis grub// g.yung drung chen po'i klong du shar ba yis// bde ba chen po'i longs spyod rdzogs pa yang / rtog dpyod mtshan ma kun las 'das pa'i phyir// drang srong chen po nyid kyi spyod yul yin// thams cad sku gsung thugs kyi dkyil 'khor la// shes te rtog pa'i klong du mnyam gzhag nas// grub pa'i khyad par mngon du shar ba'i tshe// khams gsum kun kyang bdag gi zhabs la 'dud// byang chub kyi sems khams gsum sgron ma rdzogs/ so// rgya gar skad du/ bo d+hi tsit+ta a ba ya tan tra/ bod skad du/ byang chub sems bsgom pa'i rgyud/ bcom

  636. 319a

    ldan 'das dpal kun tu bzang po la phyag 'tshal lo// 'di skad bshad pa'i dus gcig na/ bcom ldan 'das de bzhin gshegs pa yang dag par rdzogs pa'i sangs rgyas bcom ldan 'das de bzhin gshegs pa thams cad kyi bdag po khyad par du gyur pa'i snying po nyid ma lus mi lus lus pa med pa dang dbyer med pa'o// / mkha' dag pa'i gzhal yas khang yon tan gyi me 'od 'bar ba na brtag pa ni/ kun tu zhal rgyas par gsol lo// kun gyi rang bzhin gyi thugs rje chen po'i mthu las/ longs spyod chen po'i sku dang 'thun par snang ba'i sku la sogs pa bsam yas pa rmad byung bar grags so// de bzhin gshegs pa thams cad kyi rang bzhin bdag nyid chen po'i sku la/ gang yang ma lus par ya nas 'dus pa de gnyis su med par rtog pas/ de nas gnyis su med pa'i bdag nyid chen pos nyid kyis nyid la ched du brjod do// kun gyi rang bzhin zhi ba 'di la gsal zhing bla med las mchog ste// mya ngan 'das dang 'khor ba gnyis med yang dag nyid// chos kyi snying po phyi nang ma lus ches rnams kun gyi gzhi// bde gshegs kun gyi yum gyur gsang ba'i dbyings phyug ma// de bzhin nyid kyi ngang btsan bde ba chen po'i rgya mchog nyid// thams cad rang byung

  637. 319b

    dkyil 'khor 'dir ni rnam par dag/ bde dang mi bde gnyis med ye nas rdzogs pa'i chos// mi skye ci 'gag cir yang mi dgongs dmigs su med// byang chub kyi sems bsgom pa'i rgyud las/ don dam pa'i gleng gzhi'i le'u ste dang po'o// // de nas bdag nyid chen pos ngo mtshar ba'i tshig 'di nyid la nyid kyis ched du brjod pas/ e e e ma'o ngo mtshar gsang ba rmad du byung ba'i chos chen po// sus kyang ma bcos ma gsungs ma bcos ngang gis gsal// skye ba med las thams cad skyes kyang skye ba med// ming dang tha snyad 'dzin pa thams cad ye nas sangs rgyas yin// de nas ngo mtshar ba'i rmad du byung ba ste ma rtogs pa la ngo mtshar ba'i tshig 'di brjod do// ma rig log 'khrul rtog pa'i gzung 'dzin gyis// med la yod brtags rten 'brel gnyis su 'khor// bya byed las 'phags rang bzhin nyid la nyams pa med// bdag med gnyis med bden pa ma mthong bas// sgyu ma la sogs dngos por 'dzin pas yang dag nyams// blun po gang zhig mkha' la mdud por 'dra// / de nas bdag nyid chen po gzhi dang rtsa ba med pa nyid la nyid kyis brjod pa/ rgyu 'bras mi 'byed gzhi dang rtsa ba med pa'i chos chen po// mi dmigs dmigs pa med las

  638. 320a

    dmigs pa sna tshogs 'byung // bsgrub tu med cing grub par bya ba 'di la ci yang med// ji bzhin nyid kyi ngang nyid yin pas btsan par gnas pa ste// dmigs dang dmigs med rtsol ba'i nad dang bral bas na// gnyen pos bcos su rdul tsam med pa yin// shin tu rtag dka' gting dpag bsam yas pa// rgyu dang 'bras bur 'dogs pa'i spyod yul min// byang chub sems bsgom pa'i rgyud las/ rdzogs pa chen po la ngo mtshar ba'i tshig bstan pa dang / de ma rtogs pa la ngo mtshar ba dang don dam pa'i rang bzhin bstan pa'i le'u ste gnyis pa'o// // de nas don dam pa'i rang bzhin de rtogs shing shes par bya ba/ gnyis su med pa'i bdag nyid chen po des nyid kyi nyid la brjod pa// sems kyi rang bzhin kun gyi mchog ste blang dor med pa'i rgyal po yum// mi ldog sa la sogs pa dbang bcu rgyal ba kun dang cig mnyes pa// gnas gsum mnyam nyid de la mtshan med yid kyis rab tu de la dad pas mos// ston pa 'jig rten sgron mar gyur gyis mtshungs par rab bsngags pa/ ta chos la chos nyid snying por gyur pa 'jam dpal gzhon nu'i snying po nyid// bde gshegs ma lus yum du gyur pas rgyal ba kun gyi yum gcig pu// tshul khrims

  639. 320b

    la sogs pha rol phyin lam sprod pa rgya mtsho'i gzhir gyur pa// rnam dag byang chub sems kyi ngang tshul bsgoms dang yon tan khyad par ni// blo ldan nam zhig sems kyi dam pa de// ni mngon du gyur pa na// de la sku gsum mchog tu gyur pa chos kyi sku zhes rgyal bas gsungs// shes byed dam par gyur pa shes rab spyan zhes kyang ni de la bya// rdo rje rtse mo'i mchog nyid mi rtog ye shes de yang de nyid do// ji snyed 'phags pa'i rnam grol chos su bstan pa de dag thams cad kyang // byang chub sems nyid rdzogs la ma de yi yon// tan de dag de las 'byung // 'phags pa'i rigs chen 'chi med byang chub sems dpa' de dag thams cad kyang // de med mi 'byung de phyir de ni rnam grol mchog gi lam nyid do// bla med rang bzhin mchog gi mchog nyid 'di ni kun gyi mchog/ gzhi rtsa med pa'i sems nyid rin chen nor 'dra la// mtshon du med pas gang yang med de rigs rgyud yod ma yin// cis kyang gzhig tu med phyir rdo rje nyid// mi 'gyur bde ba'i klung na de bzhin de gnas pa'i// byang chub snying po'i chos 'di mi dmigs byang chub sems mi dmigs// 'di ni yang dag nyid de drang srong rnams kyi lam gyi mchog/ sems kyis sems nyid de ltar mthong na bde ba'i mchog/ rang bzhin med pa'i sems la rang rig de bzhin bzhag

  640. 321a

    ma bsams ma btsal de bzhin gnas pa bsgom pa yin// de na kun tu rdo rje sems dpa' ci 'dra bar bsgom par bya bar 'gyur// phra zhing shes dka' drang srong chen po'i lam 'di mi rtog rtog las 'das// brtag par dka' zhing bstan par dka' la brjod pa'i tha snyad rnams dang bral// tshig gis mi phebs gzhan dang byis pa kun gyi spyod yul ma yin kyang // ston pa nges pa'i lung dang bla ma rnams kyi man ngag de nyid don 'dir blta// mngon sum la sogs rgyu yis dngos po 'jig cing grub pa'i mtha' spyod pa// de nyid rtogs pa'i rgyun 'brangs spyod yul tshad mar bzhag nas blo yis 'jig byed de// rtog mtha' med de phyir spyod mtha' med de snying po med na tshad mar gang // de phyir 'jig rten tha snyad brtag pa rnal 'byor lam 'dir mi dgos so// phyogs su mnyam nyid rnam par dag pa ye nas yin pas na// sna tshogs chos rnams kun la ji ltar 'dod dbang sgyur// 'jig rten 'das dang 'jig rten ma 'das thams cad kun// yang dag shes pas rab tu brtags nas rtogs 'gyur na// rang bzhin mnyam pa med las cir yang snang zhing 'byung // ji ltar snang ba nyid na'ang dbyings kyi rang bzhin de bzhin nyid yin te// de ltar rtogs par gyur pa'i rang byung ye

  641. 321b

    shes snying po ni// sna tshogs chos rnams kun la dbang yang sgyur bas mi nyams med// de phyir tshad bzhi rgyu 'bras 'dod pa'i tha snyad pas na tshad mar 'jog mod kyi// rgyu yi 'bras bu dam pa'i yul 'di tshad mas gzhig tu ga la yod de med// dpe dang tshad mas bsnyad min gsang sngags rgya mtsho chen po 'dis// yongs snrums kun skyed snying por gnas te 'bras bu'ang yin// byang chub kyi sems bsgom pa'i rgyud las/ don dam pa'i rang bzhin rtogs par bya ba'i thabs bstan pa dang / tshad mas gzhig tu med par bstan pa'i le'u ste gsum pa'o// // de nas de bzhin gshegs pa thams cad kyi bdag po chen po des/ nyid la nyid kyis bsgom du med pa'i don brjod pa/ yangs so che yi shin tu phra ba'i chos nyid 'di// rgyu 'bras mi 'byed dang gis btsan pas de bzhin nyid// rang bzhin gnas pas bya med bde ba'i klung chen po/ rna bas gzhan nas thos par mi rung tshig las 'das// lces kyang brjod du mi rung snod bcud ye nas rnam par dag/ blang dor med pa'i rdo rje'i sku ste rdzogs pa'i sku// drang srong bden par bzhugs pa rnams kyis brtag mi bya// don 'di brtags pas mi rtog klung las nyams// chos kyi snying po 'di la bsgom du cir yang grub pa

  642. 322a

    med/ gang yang dmigs na mtshan med mtshan ma 'dra ste rtog/ mi rtog pa nyid rtog pa'i rlung ste ye shes skye// gang yang snang ba med pa'i chos nyid lam mchog la// ma btsal bsam dang bral na bsgom pa'i klung // btsal zhing brtags na lam mchog de las gol// de las de bzhin bde ba mi 'byung rgyu 'bras bcas// bsgom du med bzhin dmigs par byed pa smig rgyu chu byed 'dra// byang chub sems bsgom pa'i rgyud las/ bsgom pa'i thabs bstan pa'i le'u ste bzhi po'o// / / de nas gnyis su med pa'i bdag nyid chen pos theg pa chen po'i don dang mtshan nyid la nyid kyis brjod pa/ sems ni rdo shing 'dra ste dge dang mi dge ba'i las mi spyod pa dam pa'i sems yin no// don dam nyid la ming dang mtshan ma med de sems kyis dmigs par nus pa ma yin ngag gis bshad par nus ma yin// sems g.yos no mtshan ma nyid de mtshan ma'i rgyu la ming btags pa de ming dang mtshan ma zhes bya'o// rnam par rtog pa gang yang len cing chags na ming sgyu ma mi bde ba'i 'du shes yin// ming dang mtshan ma gang na'ang med par rtogs shing shes de ming yang dag pa'i ye shes so// ming dang mtshan ma ci yang rang rig yid las ma skyes pa ni de bzhin nyid ces bshad//

  643. 322b

    theg pa chen po gang na bden pa bzhin du rnam par shes pa mi g.yo zhing ni sems kyi rgyud nyid skye ba med pa'o// rnam par rtog pa med pa gang na da ltar gyi ni rnam par shes pa mi skye ba'o// sangs rgyas spyod pa ji lta bu na sems med par shes chos la chos med par shes pa'o// sems gzugs med la shes pa yod pa gang na sems la shes pa med la chos la gzugs med chos la gzugs med pa de shes dang mi shes pa'o// pho mo khyim pa rab tu byung dang sems can sangs rgyas la sogs mthong ba de dag ma g.yos pa na/ yang dag pa bzhin chos lam spyod pa yin// sems de shes par bya phyir bsgom pa'i mis ni sus kyang bsnyen par mi rigs te// brten pa'i mi rnams mi rgod sems dang chas shing khe spogs ci thob tshol ba yin pas bsgom la gnod phyir ro// sems rtogs bsgom pa'i mis ni 'grus par gsang ba nyin mtshan le lo mi byed pa'o// chos rnams thams cad btag pa yod phyir brdzun te bden med nges pa med par shes pas 'chi tshe 'jigs med la// bag chags de mthus dmyal ba'i bag tsha med de sangs rgyas nyid las dmyal tshogs ming yang med// chos rnams thams cad ngo bo nyid kyis stong pa de ni sangs rgyas rnams kyi yang dag pa yi lam yin no// de ltar rtog nas thob pa na de nyid sang

  644. 323a

    rgyas yin par sangs rgyas gsung // de 'dra yi ni chos 'di rtogs nas gzhan la 'chad pa de ni 'khor ba'i sems can sgrol la mkhas pa yin// dus gsum sangs rgyas kyis kyang 'di bzhin rtogs shing thob las byung nas mtshan dpe dod// ngo bo nyid kyis stong pa 'di ma rtogs par gzhan na chos dbyings med cing 'bras bu sangs rgyas med// ngo bo nyid stong spyod pa stong pa'i ngo bo nyid la'ang mi chags pa na de nyid mya ngan 'das pa'o// yang dag don ni tshig gis bshad du mi rung tshig dang bshad pas sleslob par nus ma yin// byang chub sems bsgom pa'i rgyud las/ theg pa chen po'i mdo sde'i don dang mtshan nyid bstan pa'i le'u ste lnga pa'o// / de nas gnyis su med pa'i bdag nyid chen pos snying po'i don nyid nyid kyis nyid la brjod pa 'di ched du brjod do// byang chub sems ni yon tan thams cad 'byin pa'i nor bu nyid de theg pa'i mchog/ khyad par mchog tu gyur cing kun gyis rab tu bsngags pas rdzogs chen yin// kun gyi rang bzhin bya bral yangs pa'i snying po 'di ni bsgom du rdul tsam med// de ni skye med byang chub sems kyi rang bzhin dngos med dmigs su med pas so// byang chub sems ni de bzhin nyid las ngang gis 'da' mi byed// de ltar de bzhin 'di la de bzhin

  645. 323b

    gshegs pa kun gnas 'di la dgongs// de bzhin gshegs pa'i thugs nyid de de bzhin de las de mi 'byung // de ni rnam dag chos sku dri med 'od gsal bde chen lhun grub sa'ang yin/ tamakha' dbyings gzhal yas kun tu 'od sa 'das pa'i bla med theg chen 'di// theg pa kun gyi nad gos mdzad pa'i sman pa'i rgyal po ste// 'di las zab pa'i chos ni gang na'ang med pa yin te shin tu phra// 'di ma mthong bar gang+gA'i bye snyed sangs rgyas mthong yang yang dag byang chub med// theg gzhan blo yi gting du snang zhing ye shes chen pos lam sbyangs byas kyang rtog pa'i klung // blo'i rim pas yuni rings yun du bsgrubs na grub mtha' 'dzin pa kho na de nyid do// theg gzhan grub mtha' 'di ni cir yang dmigs su med de kun gyi rang bzhin yin// 'di la sa ya mtshan 'phrul gyi ye shes 'od 'bar de ni kun la khyab par gsal// 'dir ma 'khyil pa'i chos ni gang na'ang med de thig le dag pa'i sku 'di ni dmigs shing sgom du med de bsgom pa'i tha snyad 'das// lam du bgrod du med de lam mchog lam gyi phugs te de bzhin lam phugs nyid// 'di la rtog par byar med kun sangs rgyas pa ye nas yin// 'khor ba mya ngan 'das pa gnyis med mnyam pa'i rgyal po blang dor med// de bzhin nyid ma rtogs pa'i chos rnams gud/

  646. 324a

    na yod pa yin// chos 'di snang ba thams cad 'du byed rgyun dang bcas pa mthu nyid snang ba ste// rgyun rtog bag chags rgyun du rgyun ma chad par snang ba yin pas snang ba'i dngos po brtag mi bya// de dag sems kyi 'byung 'jug rgyun bcas yin phyir ye sangs rgyas pa las// gzhan du mi bsam de bzhin de bzhin gyi nar de bzhin nyid// sems kyi phur pa de bzhin gting du btab nas bzhag pa de las dbyung mi bya// 'gul zhing g.yo ba'i tshe na cing zhing 'byung du gzhug par yongs mi bya// byang chub sems bsgom pa'i rgyud las/ don gyi snying po'i rang bzhin yon tan dang bcas pa'i le'u ste drug pa'o// // de nas yang gnyis su med pa'i bdag nyid chen pos/ kun nas nyon mongs pa'i mtshan nyid nyid la nyid kyis brjod pa/ dngos po mtha' yi rgyu ni lo rgyus dgal ba lam 'di brtag par bya// skye bo kun gyi sems la mngon snang phyi nang grags pa'i chos 'di ni// 'dzin pa drug gis ji ltar mthong zhing brtag pa de lta ma yin 'khrul// rang gi rtog pas myos pa de bzhin bzung ba bden gyur na// de dag dngos po med rtogs dgra bcom 'dra bar 'gyur ba'i rigs// de dag dus dgras 'joms dang sdug bsngal nyen las des 'khrul mngon par 'gyur// gzhan du skye

  647. 324b

    mched sgo nas rig pa de dag tshad mar gyur nas ni// de nyid tshad mar gyur pa 'phags pa'i lam de su la'ang dgos mi 'gyur// lam de rnam grol lam du bstan cing dbang po'i shes pas mi ba / drug bsdul 'ga' mngam 'dis rnam rig shis nyan mangs skye ba'i gnas/ dpyir skyi bas mthong ba de dge 'phru bur me ni nang du rgyas pag sa de las 'khrul pa'i dbang gis ji ltar snang bar 'gyur// kun tu rtog cing yang dag ma yin kun tu rtog pas bcom med nyams// blo gros phyin ci log tu gyur cing ma rig rkyen gyi dbang song bas// sems dang sems las byung ba de nyid lus gsum don du snang ba yin// 'du byed sna tshogs dag gi bag chags bsags las gang goms mthu rtas tshe/ tasems nyid yul dang lus 'drar snang ba rus pas gang ba bzhin du snang // bag chags bsogs pa'i rgyun la dmigs skyes yid las btags pa'i bdag med te 'du byed mthu yis bsgribs shing phra ba ma mthong de las rnam rig skye// rgyun dang bcas pa'i sems kyi mthu ni ma rtogs rtogs pa'i rjes 'brangs nas// de las zag bcas rang bzhin rtogs pas bdag gi chos rnams rgyas par byed// ldan par 'byung ba shin tu rgyu ba de ni ma mthong las// bdag tu sogs pa lta ba sna

  648. 325a

    tshogs skye zhing thar pa rtogs// sems 'di las rnams sna tshogs gnas 'gyur bag chags mtha' med nges pa med// bag chags rtas shing sad par byed pa'i rkyen yang rnam pa sna tshogs te// rkyen 'gas bag chags 'ga' zhig smin nas mi yi rgyud kyi lus snang la// rkyen gzhan dag gis bag chags gzhan sad byas tshe 'gyur ba'i mthu mthong nas// dbang phyug la sogs byed par 'dod de lam des mi zhi grol mi 'gyur// rnal 'byor lam slad the tsom rgyu yang rgyun 'di phra ba ma rtogs rkye// bdag tu brtag pas bsgribs te 'phags pa'i rig dang rnam par bral// chos su brtag pas sdug bsngal sna tshogs 'byung zhing ngan song srid par 'gyur// rnam shes de yang 'du byed rgyun las mtshan ma tha dad 'dzin pas na// las kyi khyad par dag gis brgyad du snang gi rigs la du ma med// shes shing rig pa'i rigs su gcig ste rigs la du ma med// de phyir sems kyi skad cig dang po de la lus dang chos kun gnas// de la bsam pa zhe na phyir phyi ma des 'byung de la snang // rang sems rgyun las 'phags pa skye bo'i chos ni gzhan na yod pa min// rgyud drug rigs lam de la'ang sna tshogs de dag rang gi ting 'dzin no// sems rgyun de ni phyogs

  649. 325b

    kyang cung zad med pas gcig la brten med do// de la phyogs med phyir na mtha' yas zhing rnams bdag gi lus// bdag gi lus ni mtha' yas zhing dang skye bo'i lus su rab snang yang // sems dang bag chags tha dad ma yin gcig min brtag pa rab tu dka'// 'di kun brten cing 'brel 'byung tshul te skye dang 'gag 'gyur zhes pa ni// tshig pa'i sa bon bzhin du med las med pa mi 'byung rgyu 'bras med// dngos por zhen cing rgyu dang 'bras bur ston pa'i sems nyid ni// rgyu dang rkyen du snang ste de gnyis med phyir skye dang 'jig pa med// skye 'chi med phyir bdag gzhan med de 'chi 'pho med phyir rtag chad med// des na 'khrul 'khor med cing mya ngan 'das pa med par mngon// gnas kyi skad cig nam yang mi 'bral mnyam 'gyur de med med// yang dag ma yin rtog pas bskyed phyir bag chags yod pa ma yin dang // spyod yul med phyir kun gzhi med cing rnam rig de yang med pa yin// phyogs rnams med phyir dmigs dang gnas med rnam shes rig pa ji ltar skye// de phyir sems 'di yod med mtha' las 'das shing gcig dang du ma bral// sems ni nang na mi gnas phyi rol mi gnas par na gnas pa min// thams cad kun la mnyam gnas de nyid dang las g.yos pa med/

  650. 326a

    rnam dag lam chen sems nyid rdo rje 'di ni shes bya nyid de thams cad skye// cir yang mi dmigs kun tu 'od gas la snying po'i tshul de ya na lag rgyas// ye nas gnas pa'i de bzhin nyid ni rang rig rnam par dag pa ste// ye nyid yum gyi mkha' ste mi 'gyur de bzhin gnas pas sems zhes bya// sems ni mtshan mar ma yin thams cad 'byung bas dbyings kyang yin// mtha' dang dbus med mi rtog rtog las 'das pas chos skur ba shad// de nyid 'phags pa'i tshogs su ye nas gsal bas ye shes tshogs chen po// cis kyang mi sgrib ming shigs mi snang ba las thams cad snang bas kun gyi gzhi yang yin// sems kyi gting 'di mthong na sems las ma gtogs chos rnams gang yang med// mchog tu rmad byung ngo mtshar khyad par yul 'di kun gyi rmad chen yin// shes bya de bzhin nyid la rang rig rig byed rang zhir 'gro ru gzhug/ rang rig de yang de las byung nas de la gnas pa yin pas gnas sa de kar bzhag/ lam gzhan ji ltar bgrod kyang grub mtha' de nyid yin// de phyir kun gyi byung khungs de ni grub mtha' 'bras bu yin// thams cad ngang gis 'char bas nam mkha'i tshul la'ang gnas// 'di ni kun gyi dmigs bu yin te gzhan lo khrid par byed// thams cad

  651. 326b

    mnyam pa'i rgyal po bya ba yin pas spyod las 'das pa yin// de ltar ye nas gnas pa de la su'ang mi 'chos ngo bo de nyid de bzhin 'jog pa byang chub che// de kho kun rdzogs rang bzhin chos kyi snying po lta spyod rdzogs pa yin// chos kyi snying po 'di lta lta zhing spyod de sgrub par byed pa de la snying po ring // de yis snying po ma mthong spyod dang bcas pas snying po nyams// 'di ni rtsol dang ya nas bral bas btsal du ye nas med phyir snying po'i mchog/ dus gsum rgyal bas kyang ni ma bsgrubs ma sbyangs ma btsal bzhag pas mthong // mthong ma thag tu sbyang btsal 'gyod de sbyang ma dgos par rtogs// rtogs pa'i ngang de la ni dus gsum rgyal ba'i sangs rgyas rdul snyed gnas// sangs rgyas bgrod phyir rtsol ba'i lam kun bor bas gdod sangs rgyas// rtsol bgrod lam la gnas tshe 'phags pa'i sar tshud tsam// de phyir nye lam bde rdzogs sku gsum rdo rje 'chang ba'i sa zhes snying po 'di la bya// ma bgrod gnas su phyin par rang rgyud dag pas phyin pa'i sa yang yin// phyi nang sems kyi spyod yul bag chags rgyun dang bcas par lta ba sems tsam yin// sems rgyun bag chags rtog pa de la snying po 'di nyid med// de phyir yul dang lus su lta ba de nyid rtog pa'i rgyun nyid do// mi sgom mi sgrub mi srung

  652. 327a

    de bzhin nyid la rang blo de bzhin bzhag/ de kha bzhag sa 'gro sa 'dug sa kun gyis bgrod sar phyin pa yin pas nye lam mo// byang chub sems bsgom pa'i rgyud las/ sems tsam gyi lta ba 'bras bu yon tan dang bcas pa a tir la bzlas pa'i le'u ste bdun pa'o// // de nas bcom ldan 'das gnyis su med pa'i bde ba chen pos yang dag pa ma grub pas/ de'i rdzu 'phrul 'khrul pa rnams la snang bar bsnun pa 'di nyid la nyid kyis ched du brjod do// bde ga shegra byang chub med phyir de'i rdzu 'phrul sgyu 'dra 'khrul la snang // de bzhin gshegs pa'i ye shes de dag shin tu dge ba'i rgyun nyid dang // rdo rje gnas med phyir na mnyam gnas rang bzhin 'drar gyur nas// chos dbyings rdo rje'i rtse mo de dag phyogs nyid med pas skad cig min// dag pa'i dag pa gzugs brnyan med pas 'jig rten yod mi 'gyur// de phyir byang chub ma chub mtshan nyid med par gcig pas blang dor med// don de'i tshul gyi don dam rnam grangs skye 'gag med dang mnyam nyid dang // gnyis med pasam 'das stong nyid chos dbyings brjod dang bral ba lag sogs// bstan pa de kun tha snyad yin de don med cing kun sgrib med// don dam tshul gyis lam nyid 'di

  653. 327b

    'dra zhes pa de nyid kun sgrib yin// the tsom yod med chos ni gang la'ang spong zhing gnas par mi byed do// bsgom pa dang ni chos dbyings med phyir som nyi med la'ang dam par lta ba med// de ltar dngos po'i mtha' rnams brtags deng de bzhin sgyu ma med 'gyur phyir// yod la ltos pa'i med pa'ang med de yod pa'ang med// mtha' rnams med phyir dbus med dbus la'ang med par mi byed do// gang la'ang 'jig rten dbang phyug pad+mo kun kyang mi spong 'drar mnyam gnas// chos la 'khrul par mthong ba de nyid 'khrul pa yin par rab rtogs te// drug gis bstan pa'i bdud kyis las kyang mi 'dor ngan du mi rtog go// shes rab thabs kyi spyod pa la'ang mi gnas phyir na bdud kyi dra bar spyod// rang gi shes pa dam par byas shing kun las rgyal te snyems nas// 'dod chags zhe sdang skyes nas rtsod 'byung gti mug yin te don mi mthong // g.yo dang mi g.yo tha snyad mi gnas gnas pa la'ang gnas pa med// snang med dus su ma'i lam de byang chub sems zhes bde ga shegs gsungs// de phyir gang yang mi 'byed zag med de bzhin nyid kyi ther thams cad gcig pa yin// 'di las gzhan med rgyu yin 'bras bu nyid de snying po yang yin// 'di ma mthong na gang la bsnyad kyang rtog pa'i

  654. 328a

    klung na gnas// gzugs dang mtshan mar 'dzin par smon pa rab spangs nas// rnam par thar pa gsum po bsgom pa'ang bdud kyi las yin gzugs nyid stong pa'o// 'khor ba'i lam gsum spong zhing mya ngan las 'das lam bsgom pa'i// de nyid rang bzhin ma zhi rang bzhin rtsal spang gar mi gnas// 'phags pa kun gyi yun la gnas dang 'das sogs lam nyid gzhan na med// byang chub sems bsgom pa'i rgyud las// ma ngan las 'das pa'i lam mthar gtugs pa'i le'u ste brgyad pa'o// / de nas bcom ldan 'das bde ba chen po'i yang dag po'i don mdzub tshugs su dgongs pa sangs rgyas nyid kyi nyid la ched du brjod do// lha dang mi ldang ched du mi spong sems rten mi 'cha' mngon du min// 'jam dpal ma yin rdul tsam g.yo ba de nyid de yin der mi gnas// bsgom pa'i sa mi rnyed phyir bsgoms pas rnyed par mi 'gyur te// rnam bral gang la'ang mchog 'di bsgom mo// bya byed bya bral ye nas de bzhin nyid 'di de bzhin de bzhin rang bzhin gnas// de la 'khor ba mya ngan 'das med gang la yang ni med min thams cad ldan// byang chub sems bsgom pa'i rgyud las/ rdzogs pa chen po mdor bsdus te bsgom pa'i lam gyi mchog gi/

  655. 328b

    le'u ste dgu pa'o// // de nas yang bde ba chen por rang bzhin gyi nyid la nyid kyis ched du brjod pa 'di ched du brjod do// 'du byed ma skyes mchog kun 'byung me dang shin tu chos rnams mya ngan 'das// dngos med de tshe kun kyang chos kyi dbyings zhes dgra bcom rab 'byor yin// nam mkha' mi dmigs ming tsam dag dang mi dger dbyer med skye ba med// rtsol bar yid la mi byed gang la sems med shes dang ming shes bral// dran dang dbyer med spong len gang la'ang chags dang mtshungs med mi dmigs shing // mnyam gnas gnyis su brtag med brjod bral bya dang mi bya med de gang bri med// ched du rtsol bral yid la mi byed cis kyang mi 'khrugs mnyam shes dang // gang la'ang chags dang yul gyis myos skrag med de mi 'bral mi gnas zhing // mi 'phrogs mnyam shes bzhi po phyogs dang pha rol phyin rnams der shes te// sems kyi dbyings su sgom pas lam gyi phugs nas 'dug pa yin gyi// gzhan du bsgoms pas 'od gsal don nyid rig par mi 'gyur ro// brda can yang dag len pa'ang byang chub yin zhes ston pas rab tu gsus ba'i phyir// de la byang chub sems nyid bskyed cing bsgom pa'i gnas yin te// ting 'dzin gsum po brtan par byas shing rtags kyi phyag rgya gsum bcings nas//

  656. 329a

    chos kyi phyag rgya chen por sems nyid bskyed de snying po brjod cing bsgom// rdo rje sems dpa' bsgoms pa sa lam kun ma nor bsgoms pa yin// kun tu bzang mo'i spyod pas ma zin dge ba'i chos gang yang rung // kun tu bzang po'i spyod pa bdud kyi las de zad cing mthar thug 'gyur// de dang ldan pa'i las ni bdud kyi las kyang byang chub tshon por spyod par gsungs// don der mos pa de yang byang chub chen por yin zhes rgyal bas rab tu bsngags// gnas 'dir skyes pa tsam gyi 'jig rten gsum po bla mar bcas pa yin// chos gnas nyan thos bdud kyi sde rnams zil gyis gnon par sangs rgyas gsungs// thabs chen byang chub sems dpa' gsang ba'i spyad pa'ang 'di nyid do// 'di med rgyal ba rnam par snang mdzad theg pa gsum ston mi srid do// skad cig tsam du dad pa'i shugs skyes de yang myur du 'jam dpal gzhon nur/ gyur pa/ dkyil 'khor gsang bar zhugs shing theg chen dam tshig mchog kyang srung ba yin// tshul khrims sdom pa kun kyang bsrungs shing sbyin gnas dam par rab tu bsngags// de phyir byang chub sems kyi bsod nams de la gzugs yod na// nam mkha' bar snang de yang snod du chung zhes rgyal bas mtshungs par gsungs//

  657. 329b

    yang dag bde gshegs ma lus byang chub sems la gnas// byang chub sems dang lam du ma mtshungs chos gang med// rgyal bas sems kyi dngos po phra ba mthong bas rgyas// bdud dang des zil mnan te dbyings kyi ngang // 'di la dbyings dang 'gag pa med de 'du 'bral ci yang med// ye shes dbyings med mya ngan 'das pa'ang min// chos zhes ming du gdags dgos 'brel thams cad rdzogs// mtshan ma rab zhi mtshan med med pa med// rang bzhin med pa'i med pa'ang med las 'das te gzhan la spyod la 'das pas 'phags// stong pa mi dmigs rang bzhin med dang ji bzhin de bzhin nyid// gdags pa'i sgrub par byed pa'i lam ste 'jug pa'i gnas// 'di la 'jug dang zhugs dang ma zhugs ya na rgya chad pas theg pa'i bla// spyod med tshig las 'das pas kun la khyab phyir rgya mchog nyid// ming tshig bzlas pa rnams bral gsang sngags mchog chen yin// ye nas de las mi 'gyur du rung ba yin par nga byung nyid// 'di ltar rtogs nas 'di la blo gros gnas pa blo gros mchog/ de ni 'jam dpal dpal ldan gzhon nu nyid ces bya// dus gsum sangs rgyas kun kyang der gtsug khung du chung zhing rdul rnyed sangs rgyas de dang mtshungs// ye nas de las yas ma btsal bar ma

  658. 330a

    bsgoms rang bzhin gnas las 'byung ba'i phyir// chos gzhan mi 'dogs yon tan rgyal ba'i theg chen 'di las chos gzhan med// de phyir chos lam 'jug dang zhugs nas 'bras thob 'dod pa khron sbal 'dra// byang chub kyi sems sgom pa'i rgyud las/ rdzogs pa chen po rang bzhin nga rgyal dang bcas pa'i le'u ste bcu pa'o// // de nas bcom ldan 'das bde ba chen pos don mdor bstan pa'i nyid kyis nyid la ched du brjod pa 'di brjod do// skye bo skye ba sna tshogs dag nas skyes shing skye 'gyur skye ba'i bdud kyi dbang song ba// rtog mtha' mi shes rtog pas bslus shing rtog pa'i rgyu 'bras 'khrul pa'i rtog las phyir// ldog med 'gyur ba sgyu ma'i sgyu shes dag gis sgyu ma'i grang po 'dra bar sgyu ma rnams// rmi lam rmi ba bzhin du rmi yis bde ba nyams shing rmi lam dbang du song ba'i rmi lam sa// lam 'di spong zhing mtha' dang lam gzhan lam du bltas pas ma nir lam du ston pa de// de dag rdol gser bzhin thugs rjes thugs rje kye ma phrog pa yin// mchog tu shes rab sbyangs pa rnams kyi spyod yul 'di yin gyis// skal med shes rab ma sbyangs pa la gsung gi nying khu 'di mi snang // rgyal ba rnams kyis bsnyen pa bdud rtsi lam

  659. 330b

    mchog 'di// rgyal ba rnyed pa don chen rnyed pa'i mchog yin no// de lha'i don bdag dang phrad nas bdag gi lhogs gyur cig/ smon cing de la tha mal wa khyi la sogs gang 'dun kyang // des kyang byang chub chen po'i bde ba bsnyags pa'i phyir// de ni 'phags pa'i khong na gnas pa'i nang na btsun zhing che// rtog nas 'di spyod pa la lta ci smos te/ yang sangs rgyas pa yin// sems can las kyi 'di la mi 'phrogs shing // 'phags pa'i thugs rjes 'di la bzung du med// don gyi don de sgom rtsol med pa'i don dam rgyal po yin// sangs rgyas thugs kyi nying khu sbas pa zab mo'i gsung // dri med rgya mtsho'i snying po byang chub rgya chen po// theg pa'i rtsa ba 'bras bu theg pa yongs kyi mchog ye nas gnas pa'i de nyid de ltar shes pa de ni bsgom pa yang yin te sangs rgyas so// lta bas zin pa'i ye shes zang thal de bzhin dkyil po che// chos sku 'od dpag med pas don 'di bshad pa las// rgyal ba'i gsung gi bsgrag pa 'di ltar snang ngam zhes// de bzhin gshegs pa'i chos sku dpag med khyod la 'dun par gyis// chos sku'i gsung mchog rgya mtsho 'di la'ang de bzhin lta// sa bcu pa la 'di gnas phyin na de la'ang gtad// 'di blo su la gnas pa byang chub sems dpa' rnams grub pa'i mchog/

  660. 331a

    sa yang don 'di blo la skad cig gnas pa de la rdzogs par chos skus gsungs// de'i byin rlabs rgyal ba kun kyang gsung bar 'gyur te de skad gsungs// don 'di gzugs sku mtshan dpe dad pas bstan pas rtogs mi rung // mi rtog phyir na kha lces bshad pa min phyir chos skus gsungs// chos sku bya bral 'di ltar snang ba kun la snang phyir gsungs zhes rgyal bas gsungs// byang chub sems bsgom pa'i rgyud las/ theg pa'i mchog nyid dang / de nyid la de nyid kyi bstod pa dang / gdams pa bshad pa'i le'u ste bcu gcig pa'o// // byang chub kyi sems sgom pa'i rgyud las/ theg pa'i snying po rdzogs so// / rgya gar skad du/ sar+b+ba d+har+m+ma/ ma hA san+ni bo d+hi tsit+ta saM sa ra mU la tshe da A kA sha sa ma na ak+Sha tan+t+ra/ bod skad du/ chos thams cad byang chub kyi sema? rdzogs pa chen po 'khor ba rtsad nas gcod pa nam mkha' dang mnyam pa yi ge med pa'i rgyud/ bcom ldan 'das kun rig rgyal po la phyag 'tshal lo// 'di skad rtogs pa'i dus gcig na// mkha' klong rnam dag chos kyi dbyings// kun bzang yangs pa skye med klong // ye shes lnga sogs 'od zer 'phro// rdo rje sems dpa' 'dus ma byas//

  661. 331b

    e ma ngo mtshar rmad byung gtsug/ de nas sems dpa' rdo rje yis// bcom ldan 'das la 'di skad gsol// kun gzhi rtsad nas ji ltar gcad// shes bya'i gras thag gcad pa ci// rig pa'i gnad ni gang du bsdu// bcom ldan 'das kyis bka' stsal pa// gdod nas ma skyes snying po a// 'gro ba kun la rang bzhin gnas// ma rig las dang rlung gis 'khor// rtogs na rdzogs sangs rgyas su nges// e.a ma rdo rje sems dpa' nyon// lta bas phyi rgya rlabs kyis gcad// ting nge 'dzin la 'byung 'jug med// gnyis med rdzogs na yangs pa'i rgyu// kun tu bzang po bde chen sa// e ma sems dpa' rdo rje che// thams cad rang rig byang chub sems// nam mkha bzhin du spros dang bral// sna tshogs rang bzhin mi gnyis che// thig ler rdzogs pas mtshan du med// e ma kun bzang bcom ldan che// skye ba med pa'i chos nyid la// skye ba'i tshe 'phrul ci ste 'ong // kun la de bzhin nyid yod na// 'bad pa med par grol bapar rigs// 'khrul pas 'khor ba ji lta bu// rtogs pa'i thabs su gang tshe lags// lho sgom spyod 'bras bye brag gang // thams cad sems nyid shar ba la// bar de'i shes pa yod dam med// rig pa spos dang bral ba la// bsgom du yod pa yin nam

  662. 332a

    min// sna tshogs rang bzhin gnyis med la// 'bras bu thob tu yod dam med// mtshon med thig le'i ye shes la// thugs rje 'byung ngam mi 'byung // lags/ nam mkha' dang mnyam pa yi ge med pa'i rgyud las/ gleng gzhi'i le'u ste dang po'o// // de nas bcom ldan bka' stsal pa/ skye ba med las thams cad skyes// skyes tsam nyid na dngos po stong // de nyid skye med snying po yin// gdod nas ma skyes tshig las 'das// spros bral brjod med kho ni nyid// mtha' bral gnyis med don dam klong // dgag bya ba sgrub bya rnam par dag/ ma skyes rdo rje gnyis med ngango // yid la mi byed bya btsal bral// ma bcos spros med chos kyi dbyings// mtha' bral mi dmigs rang bzhin dge/ bgrod med lhun grub yongs pa che// kun grol nyag gcig bde ba che// dmigs med ye shes rang snang ngang // khyab gad la mkha' gsal dag pa'i chos// spros med byang chub snying po'i rdzong // bsam 'das brjod med rang sar grol// mi 'gyur mnyam med dpe dang bral// dpe bral ye shes mtshon du med// gnyis med rdzogs pas mtha' bral rdzong // mi skye mi 'gag cir mi dgongs// 'gag med A li kA li ra rol//

  663. 332b

    dgag bsgrub med pa'i ye shes ni// rgyu yis ma bskyed rkyen dang bral// stong gsal dbyer med ye shes can// nam mkha' dang mnyam pa yi ge med pa'i rgyud las/ skye med rnam par dag pa'i le'u ste gnyis pa'o// // de nas bcom ldan bka' stsal pa// rnam par mi rtog snying po 'di// yongs kyi rgyud la spros pa med// don dam chos nyid snying po 'di// kun la til mar bzhin du khyab// za me tog gi nor bu bzhin// lhun gyis grub cing tshang ba'o// mi 'gyur kun rdzogs nam mkha' che// khyab gdal 'ub chub thig le gcig/ brjod bral rang grol gnas su dag/ rgyal ba rnams kyi thugs dang ni// sems can rnams kyi rgyud la yang / snying po ye shes yongs la khyab// ma lus ye shes chen por gnas// ye shes chen po gang 'dod pa// rang gi sems la btsal bar bgyi// sems kyi chos nyid skye ba med// chos can thams cad ngo bos stong // ma rtogs par du shes mi 'gyur// yang dag bden pa'i snying po 'di// rtogs ldan 'ga' yi spyod yul yin// sems nyid ye nas rnam par dag/ e ma rang la gnas bzhin du// gzhan nas thob 'dod nor ba'i lam// rtogs par gyur na de bzhin nyid// ma

  664. 333a

    rtog mun pa'i mtsho la spyod// nam mkha' dang mnyam pa yi ge med pa'i rgyud las/ kun khyab yangs pa'i le'u ste gsum pa'o// / / de nas bcom ldan bka' stsal pa// 'khor ba thog mtha' med pa nas// lhan cig skyes pa'i ma rig pas// kun nas slong ba'i sa bon byas// las dang nyon mongs rkyen byas nas// kun brtags ma rig pa yis 'khor// grib ma gzugs kyi dpe bzhin no// skyod byed las kyi rlung gi rlabs// zhe sdang dmyal ba tsha grang 'khor/ ser sna bkres skom yi dgas 'khor// gti mug blun lkugs byol song 'khor// phrag dog 'gyur ba mi ru 'khor// nga rgyal 'thad rtsod lha min 'khor// 'dod chags ltung ba lha ru 'khor// 'khor ba zo chu'i khyud mo 'dra// lha mi gtsang ma'i lus thob kyang // ma rtogs bar du 'khor bar 'khyams// thog mtha' med kyang rtogs na yod// e ma kun bzang bde ba che// gzhi dang 'khrul pa gang las byung // gcig pa yin nam tha dad yin// sangs rgyas sems can gang snga lags// kun rig rgyal pos bka' stsal pa// rkyen snang ga pur sman dug tshul// gser gyi nya mo bag la nyal// nam mkha' sprin gyi dpe yis mtshon// nam mkha' dang

  665. 333b

    mnyam pa yi ge med pa'i rgyud las/ 'khrul tshul gnad kyi le'u sde bzhi pa'o// / de nas bcom ldan bka' stsal pa// chos nyid rnam par dag pa la/ ma rig 'khrul pa'i grib mas bsgribs// bsgribs kyang chos nyid spros dang bral// khyab gdal don 'di su yi rtogs// rgyal sras bzhin du dbul ba sangs// 'du 'bral gnyis med kun tu bzang // mtshan ma ma spangs rang sar grol// 'khor ba ma bkag gnas su dag/ 'khrul pa ma bsal rtsad nas chod// dug lnga ma bsgyur chos nyid klong // rtsol sgrub med par ye sangs rgyas// yin pa'i don la yin par shes// dper na gser la gser mthong bzhin// yid kyi rnam rtog zad pa'o// nam mkha' chen po'i klong chen bzhin// khyab gdal mi 'gyur kun rdzogs grol// nyi ma sprin med snying po bzhin// dus gsum 'grib med de bzhin nyid// brgya byin gtsug gi nor bu bzhin// 'dod dgu 'byung la 'gran zla med// ma ki ta yi sman bzhin du// gang la reg pa sman du 'gyur// dgra bcom rgyal sras mi lus mchog/ rtogs na khyad par yod pa'o// rtogs pa'i thabs su thams cad shar// nam mkha' dang mnyam pa yi ge med pa'i rgyud las/ rtogs ldan mchog gi le'u ste

  666. 334a

    lnga pa'o// de nas bcom ldan bka' stsal pa// chos rnams rang bzhin 'od gsal la// sgro skur lta ba kun dang bral// thams cad gcig gi rang bzhin la// spong 'gegs byis pas bslad pa med// dbyer med ye shes lnga ldan la// sbyong bgrod gnyis lta rang sar grol// skye 'gag gnyis su med pa la// bsgyur dang spyod lnga rnam par dag/ dag pa'i klong na bsrung mtshams med// mnyam pas rim pa bkod pa med// rtogs pas lta ba'i yul las 'das// gsal bas bsam gtan spros dang bral// yul las 'das pas spyad du med// lhun gyis grub pas rtsol sgrub med// ma yang sa dran pas spros dang bral// sngags/ dang phyag rgya rnam par dag/ stong nyid ngang la mchod bshags med// 'khor 'das khyab gdal chen po la// 'phrin las rnam bzhi gdod nas rdzogs// 'gro ba mu stegs rim dgu rdzogs// lam lnga pha rol phyin bcu rdzogs// 'khor 'das byang chub sems su rdzogs// snang srid thig le gcig tu rdzogs// dran pa bzhi ba zhengs yongs su rdzogs// rgya chad phyogs lhung med pa'o// nam mkha' dang mnyam pa yi ge med pa'i rgyud las/ nam mkha' mdzod kyi le'u ste drug pa'o// /

  667. 334b

    / de nas bcom ldan bka' stsal pa// rang rig bde ba chen po la// bsgom yod bsgom med gnyis su med// tshig tsam don dam bde chen dang // ma bcos ma yengs rang sar grol// dran pa rang grol bde chen klong // so ma lhug pa gyi 'da' tsam// ming tsam bsgom zhes de la bya// dran rig shes pa ma 'gag la// 'dzin rig yul las rnam par grol// ma byung ma skyes g.yos pa med// spros bral bsam 'das brjod med rdzong // mnyam nyid rnam dag bdal ba'i klong // mkha' 'dra ye shes lhun gyis grub// ma btsal rang gzhag rnyog ma med// lhun grub rtog pas bya btsal bral// ye nas rang byung ye shes la// 'khrul dang ma 'khrul rtog las 'das// rtog 'das don gyi ye shes la// bsgom bya chos nyid gud na med// bsgom pa ming du btags pas nor// ci ste smra bas ma brjod las 'das// rnam rtog gnyen por mi rtog sgom// de ka rtog pa chen po yin// mthong tshor de nyid klong du shar// yid la mi byed bde ba che// nam mkha' dang mnyam pa yi ge med pa'i rgyud las/ bde chen gsal ba'i le'u ste bdun pa'o// // de nas bcom ldan bka' stsal pa// blang dor med pa'i ye shes ni// skye med 'gag med chos nyid klong //

  668. 335a

    bya bral lhun rdzogs blo las 'das// e ma rang la gnas bzhin du// spyad pas thob 'dod e ma 'khrul// spyod byed bral ba'i ye shes la// sangs rgyas sems can gnyis med de// lam gyis bcos su ga la yod// ci phyir dgag bsgrub med pa la// rtsal smug smon chags ro dogos med// ngo mtshar rmad byung rol pa 'di// rtag na bde ba chen por rtag/ chad na 'khor ba rtsad nas chad// bying na chos nyid dbyings su bying // rgod na ye shes rol par rgod// mnyam na mi mnyam mnyam nyid klong // thim na 'khrul snang chos nyid thim// skye med don de yi ge gcig/ bya bral mkha' ltar yi ge med// yi ge med pa rgyud kun mchog/ e ma rnam dag bya btsal bral// bya bral dang las rnam par rol// ci spyod don las ma g.yos shing // thug phrad rang grol rtsis zin na// ming tsam spyod ces de la bya// nam mkha' dang mnyam pa yi ge med pa'i rgyud las/ rnam rtog ye shes su 'bar ba'i le'u ste brgyad pa'o// // de nas bcom ldan bka' stsal pa/ gdod nas ma skyes don gyi sa'o// thob bsgrub kun gyi yul las 'das// re dogs blo las rnam par grol// gol ba'i yul na bde ba che// ngang dang rang bzhin bdag

  669. 335b

    nyid klong // rang bzhin rnam par dag pa la// rol pa 'gag pa med par shar// mtshan nyid dbyer med chen po la// blo rtog chos nyid dbyings su grol// rtog med mnyam nyid chos kyi sku// bde ba chen po longs spyod sku// rtsal du shar ba sprul pa'i sku// 'du 'bral med pa rdo rje'i sku// tshig gi tha snyad ma lags sam// gdod nas snying po byang chub la// btsal ba'i bsam pas dbyings mi bskyod// sku dang ye shes tshig las grol// grol nas grol ba'i lam yang ston// snying po klong nas grol ba la// mngon sum rjes dpag log par rtog/ rtog ge'i spyod yul ma yin no// ci ste bya btsal bral ba'i phyir// skyes pa skye med blo las 'das// sgra dang tshig gis mtha' las grol// stongs sa/ gis gyi ma na// nam mkha' dang mnyam pa yi ge med pa'i rgyud las/ de kho na nyid kyi le'u ste dgu pa'o// / de nas bcom ldan bka' stsal pa/ thams cad byang chub sems yin te// 'dzin pa'i shes par yod pa'i phyir// tshor ba nyams su myong ba'o// snang ba sems nyid rgyan shar bas// snang ba'i bar do stong rgyas thebs// bsam gtan gnyid gnyis ro mnyam phyir// rmi lam par do rnam par dag/ skye shi med pa'i don rtogs pas// 'chi kha bar do bde chen klong //

  670. 336a

    phyi ma bde ba mchog thob pas// srid pa'i bar do lus mi len// lus med lus te lus kyi mchog/ sprul pa'i sku ste rnam par dag/ ma rtogs mos pa'i rnal 'byor kyang // ci ste las kyi dbang gyur na// bde ba mchog gi las 'phro 'thung// las las grol na thar pa'i mchog/ ji tsam pa yi tshig brjod kyang // sems las gud na yod ma yin// pho mo ma yin ma ning min// kha dog dbyibs dang mtshan ma med// 'das dang ma 'ongs da ltar med// gcig dang tha dad las grol bas// dran pa dngos med rig pa'i rgyun// rlung la rten cing rgyun mi 'chad// nam mkha' dang mnyam pa yi ge med pa'i rgyud las/ byang chub sems kyi le'u ste bcu pa'o// / / de nas bcom ldan bka' stsal pa// chos rnams thams cad stong pa nyid// gzhigs kyang rang bzhin rnam par dag/ rnam par mi rtog spros bral mkha'// ngo bo gzugs med tshor ba med// 'du shes 'du byed rnam shes stong // dbang po lnga dang yul yang stong // skye mched khams dang rten 'brel stong // bden bzhi gsal dang spos bral stong // wa dang phyag rgya sngags kyang med// thabs dang shes rab bang ba stong // dbus mtha' gnyis med tshig kyang med// med de med pa'i snying po can//

  671. 336b

    yod de rtag pa'i mtha' las 'das// mtha' bral don gyi chos sku 'di// phyogs med rkyen rnams kun dang bral// rang snang thabs kyi ye shes rol// shes pa shes byar rnam par dag/ spros bral bsam 'das smra ru med// mtha' bral tshig gis mi phebs la// bsgom yod blo yi rtog pa yin// bsgom med skur 'debs lta ba la// des na gnyis med bde chen klong // spang bya blang bya gnyis med rdzong // btang snyoms mngon gyur med pa nyid// mi rtogs nam mkha'i mtha' ltar yangs// nam mkha' dang // mnyam pa yi ge med pa'i rgyud las/ chos nyid stong pa nyid kyi le'u ste bcu gcig pa'o// // de nas bcom ldan bka' stsal pa// chos rnams 'od gsal gnyis med la// bdag tu mi rtog gzhan mi rtog/ mi rtog rtog las rnam par grol// gnyis med bde ba chen po la// dper na glang chen lcags kyu bzhin// ma yengs dran pas rang sar grol// gser bum til gyi sgron me bzhin// 'gyur med rig pa nang na gsal// rdzogs chen rtogs kyi rnal 'byor ni// gser gling ba dal ba'i klong chen bzhin// gang bltas rdzogs pa chen po'i klong // dug sbrul 'bar ba'i mdud pa bzhin// rtsol sgrub med par rang sar grol// gnyis med gnyis su med pa'i

  672. 337a

    phyir// sku gsung thugs la rten mi 'cha'// 'byung ba lnga la rag ma lus// srid gsum ye nas rnam par dag/ 'dod yon ye shes lnga ru grol/ dug lnga sku lnga'i ngang du thim// sdug bsngal chos nyid dbyings kyi rgyan// rnam rtog ye shes chen por 'bar// 'khrul pa'i 'gro 'ong zad pa dang // 'bras bu thob ces re ba med/ med na don med ma yin te// longs sku gnyis med thams cad rdzogs// nam mkha' dang mnyam pa yi ge med pa'i rgyud las/ 'od gsal gnyis med kyi le'u ste bcu gnyis pa'o// // de nas bcom ldan bka' stsal pa// ming tshig sgra las 'das pas che// ma bslabs kun las grol bas mkhas// ma bsams skye ba med pas a// ma bsgoms dbyings su thim pas te// yo ga rdzogs chen chos kyi rtsi// shin tu rnal 'byor lha yi lha// rdzong bzhi gnyis med tshig gcig lha// 'phrang bzhin dbyer med tshig chod lha// klong bzhin zung 'jug 'da' ka'i lha// dbul mo gter phrad sku bzhi'i gdeng // rdzogs pa chen po sa gcig pa// gang gis de rtog de yis// yongs su rdzogs pas chos kyi rtsi// bde ba che las gzhan med do// smra bsam brjod med chos nyid sku// gnyis med bde ba chen po'i

  673. 337b

    klong / sprul pa rgyan dang rol par shar// sku lnga ye shes thig ler rdzogs// ma skyes pa yi dbyings nyid du// ma g.yos pa ru yid gnas pa// ma bsgrubs pa ru 'bras bu gter// ma bsams pa ru re ba skong // ye shes chen po'i ros gang bas// mtshon du yod pa ma yin te// ye shes rol pas 'gro don rdzogs// nam mkha' dang mnyam pa yi ge med pa'i rgyud las/ sku gsum thig ler rdzogs pa'i le'u ste bcu gsum pa'o// // de nas bcom ldan 'di skad gsungs// cir snang de bzhin nyid du gcig/ 'di la bcos slad ma byed cig/ ma bcos mnyam pa'i rgyal po de// mi rtog chos sku'i dgongs par gnas// skye med lta ba stong pa nyid// kun khyab sgom pa gnyis su med// 'khrul spyod sems kyi rgyan du rol// rtog pa'i 'bras bu thig ler gcig/ dus gsum gcig ste khyad par med/ gtan tshigs bzhi ru gcig pa'i phyir// nga la byung zhing nga ru thim// nga yi rang bzhin 'od gsal lo// e ma sems dpa' rdo rje che// nam mkha'i mtha' ltar longs spyod pas// chos dbyings dam pa zad mi shes// bdud rtsi thig pa lce la zhog/ rgyal po btson du gzung ba dang // gangs ri rtse nas snyil ba ste// shing rta'i

  674. 338a

    gzer mgo gcad par bya// mkha' ltar yi ge med pa'i rgyud// rang rig sems kyi dkyil du chongs// thugs rje ye shes rol par 'char// e ma kun bzang rgyal ba'i yab// ma 'dres yongs rdzogs zab cing yangs// nam mkha' lta bu'i rgyud bstan pa// ming tshig yi ge med pa la// bstan du 'ong ba ci yi phyir/ bcom ldan kun bzang bka' stsal pa// mtshon du med pa'i chos nyid la// mtshon du med pa'i tshig brjod nas// mtshon pa'i tshig las rnam par grol// logs so sems dpa' rdo rje che// don dam yi ge med pa'i rgyud// khyod la gtad do bde ba che// rang byung ye shes rgyas thob la// thig le nyag gcig dpal zheg kun tu bzang po bde ba che// thig le chen po yi ge mad// bya ba med pas rnam par grol// grol nas grol ba'i lam yang shar// kun rig sems la mngon par bstod// chos thams cad nam mkha'i mtha' dang mnyam pa yi ge med pa'i rgyud/ bcom ldan 'das kun rig rgyal pos gsungs pa rdzogs so// / rgya gar gyi mkhan thi shrI sing ha dang / bod kyil tshab bo ro tsa nas 'asgyur ba'o// rgya gar skad du/ sarba d+ha mam/

  675. 338b

    san+ni bo d+hi tsit+ta saM sa ra mU la tshe d+ha sa mu dra sa man+ta na b+hi la tan+t+ra/ bod skad du/ chos thams cad byang chub kyi sems rdzogs pa chen po 'khor ba rtsad nas gcod pa rgya mtsho dang mnyam pa rnyog ma med pa'i rgyud/ bcom ldan 'das kun rag rgyal po la phyag 'tshal lo// 'di skad ston pas gnas 'khor dus// sangs rgyas rin chen za ma tog/ rnyog med rgya mtsho lta bu'i klong // 'khor ba'i rgya mtsho rtsad nas gcad// kun bzang thugs kyi byin rlabs kyis// zhal gyi pad+ma 'dzum pa las// ljags kyi 'od zer phyogs bcur 'phros// 'jig rten khams 'di drug tu g.yos// de nas sems dpa' rdo rje yis// bcom ldan 'das la 'di skad gsol// 'das pa kun gyi sngon rol nas// phyogs bcu sangs rgyas kun gyi yab// bde ba thams cad 'byung ba'i gnas// rdo rje 'chang la phyag 'tshal bstod// kun gzhi rtsad nas gcad pa dang // shes bya gras thag chod pa yis// rig pa rang sar grol ba ni// ston pas bdag la bshad du gsol// bcom ldan 'das kyis bka' stsal pa// kun gzhi phyogs ris med pa'i a// mtshon pa'i tshig tu gtan tshigs bzhi// thams cad 'byung ba'i rgya mtsho klong // shes bya sna tshogs snang ba yis// ma rig 'khor ba'i rgya mtsho

  676. 339a

    'di/ lta sgom spyod 'bras rnam pa bzhis// gtan la phab ste rtsad nas gcad// dngos med rtag pa rig pa'i rgyun// rlung gis bskyod pas cir yang 'char// 'di yi rang bzhin rtogs gyur na// chos nyid rgya mtsho nyid du grol// sems dpa' rdo rjes yang zhus pa// le rtsa bcu gsum rdo rje rtse// zab mo bcu gsum rmad du byung // lnga tshogs lnga la bsdus rgyas lha// 'gro drug 'khor ba'i g.yang sa gcad// bzhi sbyor gsum la gtan tshigs pa ni// bdud rtsi lta bu bzhi dang sbyar/ rgyas par bdag la bshad du gsol// rgya mtsho dang mnyam pa rnyog ma med pa'i rgyud las/ gleng gzhi'i le'u ste dang po'o// // de nas bcom ldan bka' stsal pa// sna tshogs cha shas ji bzhin bzang // zin pas lhun gyis bzhag pa yin// chos dang sems ni bstan du med// chos dang sems ni mi bsgom mo// rnam par rtog pa chos kyi dbyings// de la de ltar nyid las su// thugs rje sems can bsgom don ni// byang chub rtog pa'i rnam dag yin// phyi nang rnam dag sangs rgyas lam/ bsgrub med bya med chos dbyings la// log rtog gnyis med 'khrul pa yang // gong bstan mnyam par shes pas rje// nga bdag byis pa rnam rtog phyin//

  677. 339b

    chos nyid ma gyur rtogs pas zin// de bas slob dpon mkhas pa slu// mi gnas spros med bde chen 'byung // zin pas bdud rtsi bza' yod yin// che chung gsungs pa 'byung 'gyur rnams// 'dod pa brod pa mi skye zhing // khyung bzhin spro bsdu dogs pa med// rgya mtsho chos rnams yon tan mnyam// byang chub ting 'dzin rgya mtsho 'byung // rgya mtsho mi rtog kun tu skye// rgyu rkyen skur pa sgo tsam du// mkhas pas 'gro ba'i lam shes bya// 'dod spyod gang du shan pa sogs// kha na yongs rdzogs bde ba che// yod ni de ltar chos yon te// chos kyi chos btsal nam mkha' tshol// ltos pa me 'dra rnyed dka' 'o// snying po yongs kyi byang chub gnas// rdo rje kun bzang rnam dag phyir/ mi skye byams pas snying rje che// yon tan don rnams bya ba med// rang 'byung grol nas lam yang ston// 'byung ba 'gro ba phyin cis kyang // rang byung ye shes grub yang 'byung // cho 'phrul yon tan ji bzhin de// snang ba mi btsal btsal na min// chos nyid rna dbang lce brjod med// 'gro kun de la gnas pa la// las so tsa ste rang 'byung bral// ma skyes gdod nas btsal mi bskyod// yon tan bsam gtan ma bsams skye// phra zhing bsgom zhing sel zhes bskyed// lam 'dra zhes

  678. 340a

    gsungs gti mug kyang // byang chub kun spyod chos nyid rgyan// nam mkha' rtog pa mi chags 'byung // rtog med bzung bas kun tu a// de ni pa dang 'jig rten sangs// 'di btsal yul med nam mkha' bzhin// tshangs lam 'thun min bgrod pa med// de ltar de bstan de bas de// sngon gyi de bzhin de ltar rang // de la kun bltas grub pa med// bde 'byung de yang mi bya'o// dus gsum gdod nas chos skur ba de// srid ming 'khor rgyu bsti gnas yin// rnam dpyod/ 'byung mi smon pas bzhin// ci skye nam mkha' ma skyes chos// phyi nang zab mo srid pa de// de la rang bzhin dus gsum med// g.yo bskyod len dor mnyam nyid do// gang du kun 'khor bdag la 'byung // 'di mnyam 'di gnas a bde bzhin// snang ste byang chub chu zla ba zhin// ma bsgoms dkyil 'khor yi ge med// rnam grangs gang ltar me tog skye// mtshan mar mi 'gyur gnas pa bzang // mi byed rol par gnas mnyam zhing // ma yin gnas pas ye shes dang // mi 'gyur mi gnas bstan du med// rmad byung bya bral ci yang 'byung // 'di 'gro 'khrul pas sman pas tshol// go ba de nyid de la phyogs// ma nges rigs kyi de bzhin 'byung // 'das

  679. 340b

    dang ma 'ongs tha snyad de// skye 'gag de nyid mnyam pas gcig/ tshogs kyi rang bzhin lhun gyis dag/ 'du byed lhag pa yud kyis bltas// mthong ba de ni yud tsam yin// dam tshig sbyor ba gtor ma las// bgegs bsal sngags tshig mchod dang gting // thams cad rtog med chen por 'gyur// nyid la sgrib par rtog na med/ rgya mtsho dang mnyam pa rnyog ma med pa'i rgyud las/ lhun gyis grub pa'i le'u ste gnyis pa'o// // de nas bcom ldan bka' stsal pa// gdod nas ma skyes sgro skur bral// spong 'gegs sbyor ba rang sar grol// bsgyur dang spyod lnga rnam par dag/ 'di ni 'gro kun byang chub sems// rnam dag nam mkha' bzhin du gas lo// skye 'gag yod med mtha' las 'das// dngos bral rig gsal phyogs ma lhung // spang blang btang snyoms mngon gyur med// brjod bral ma bcos lhun gyis grub// don dam bde chen mtha' las 'das// dus gsum yang dag a ti ni// 'du 'bral rtog med lhun gyis grub// mi 'gyur ba yi lta ba la// g.yos pa med pa'i rtsi yis zung // g.yos pa med pa'i ting 'dzin la// ma 'gag pa yi rtsi yis zung // ma 'gag pa yi spyod pa la// lhun gyis grub pa'i rtsi yis zung //

  680. 341a

    don gyi rtsi bzhi gang gnas pa// lta ba'i don la gnas pa yin// des na srid gsum rnam par dag/ 'byung ba dug lnga 'dod yon lnga// thams cad mi 'gyur lta bar sangs// lta ba mi zad nor bu bzhin// lhun grub kun rdzogs nam mkha' che// thig le brjod bral mtshon du med// gnyis su med pa'i snying po a// ma bkag ma spangs rang sar grol// ma gsal ma bsgyur rtsol sgrub med// yin pa'i don la yin par shes// zab mo mdzod bzhin don rnams 'byung // snying po kun khyab sus rtog pa// rgyal sras bzhin du dbul ba sangs// mkha' klong kun bzang ye shes 'od// rdo rje sems dpa' dag pa'i klong // bsrungs mtshams rim par bkod pa med// lta ba bsam gtan spros dang bral// spyad du med pas bsgrub tu med// rang grol sngags dang phyag rgya dag/ mchod bshags 'phrin las gdod nas rdzogs/ lam lnga pha rol phyin bcu rdzogs// 'gro ba mu stegs rim dgu rdzogs// snang srid 'khor 'das thams cad rdzogs// ngang dang rang bzhin bdag nyid gsum/ dbyings dang klong dang rdzong chen no// gzhi dang lam dang 'bras bu gsum// ma skyes ma 'gags lhun gyis grub// lhun grub ma nor dag pa'i rdzong // phyogs

  681. 341b

    med rang grol dong sbugs dbyings// gsal khyab gnyis med bde chen klong // sku gsum lhun grub snying po a// rgya mtsho dang mnyam pa rnyog ma med pa'i rgyud las/ ba'i le'u ste gsum pa'o// // de nas bcom ldan bka' stsal pa// gdod nas gsal bas bying rgod bral// bsgom bya chos nyid gud na med// 'di ni don dam bde chen dang // ma bcos ma yengs rang sar grol// dran pa rang grol don dam dbyings// so na lhug pa gyi na tsam// ming tsam bsgom zhes de la bya// dran 'dzin ma skyes spros bral dang // mnyam nyid mkha' 'dra rnyog ma med// lhun grub rtogs pas bya btsal bral// dang po zhi gnas dus su ni// dran pa shes bzhin rtsi yis gzung // dper na glang chen lcags kyu bzhin// ma yengs dran pas rang sar grol// gnyis pa mnyam gzhag dus su ni// shes bya chos nyid bum par gzhug/ gser bum til gyi sgron me bzhin// 'gyur med rig pa nang na gsal// gsum pa rjes thob dus su ni// dbang po mi dgag rang ya na gzhag/ gser gling brdal ba'i klong chen bzhin// gang bltas rdzogs pa chen po'i klong // tha ma lhag mthong dus su ni// mtshan ma rang grol blos ma reg/ dug sbrul 'bar ba'i mdud pa

  682. 342a

    bzhin// rtsol sgrub med par rang sar grol// de ltar dus bzhi bsgoms pa la// bying ba brgyad dang rgod pa lnga// bying rgod skyon du gtang mi bya// bying na gseng la rgod na bsdu// de ltar zla ba drug bsgoms na// g.yo dang goms dang tho ba dang bstan// gsal ba nam mkha' lta bu 'byung // nam mkha' dang sa pa'i zla ba bzhin// kun la snyoms la rtogs sgrib med// kha skom zas dang bral byas kyang // mdangs dang dbang po gting nas gsal// bzod thob chos brgyad spong len med// 'dod yon lnga las rnam par grol// nyon mongs zher 'dzin rtog pa zad// lus ni shing bal lta bur yang // dbugs ni 'byung 'jug med pa'i nyams// grub pa'i rtags rnams 'char ba dang // mngon shes la sogs mtshan ma mthong // mkha' 'gro lung bstan la sogs 'byung // de la dga' brod mi bya zhing // med kyang ji mi snyam pa'i nyams// gnyis med gsal khyab khyung chen rgyas// kun gzhi skye med snying po la// bsgom dang mi sgom rtog las 'das// rtog 'das don gyi ye shes la/ bsgom bya chos nyid gud na med// bsgom pa ming du btags pas nor// ci phyir brjod pa kun dang bral// rnam rtog gnyen por mi rtog bsgom// de

  683. 342b

    ka rtog pa chen po yin// rtog pa'i mtshan ma ci skyes kyang // de nyid chos nyid yi nang shes na// dug la sman dung zhes pa bzhin// chos nyid gzhan nas btsal mi dgos// gsal la rtog med ting 'dzin la// bsgom bya bsgom byed gnyis med dang // rtag chad gzung 'dzin kun rdzob don// blang dor dbyings dang ye shes rdzogs// 'gyur ba ma yin drang por gsal// lhun gyis gnas pas bde ba che// rang byung ye shes rgyu rkyen bral// rang gi mthu yis rtogs pa las// chos nyid gzhan nas mi 'byung ngongo/ tshig tu gzhan la rten 'dra yang // dngos su bde chen rang la shar// rgya mtsho dang mnyam pa rnyog ma med pa'i rgyud las/ bsgom pa'i le'u ste bzhi pa'o// / / de nas bcom ldan bka' stsal pa// gdod nas blang dor kun dang bral// skye med don dam chos nyid klong // spyod pa'i dam pa kho na'o// 'gro 'chag nyal dang 'dug pa rnams// ci spyod don las ma g.yos shing // don dam bde ba'i rtsis zin na// spyod pa zhes ni de la bya// phyi nang gsang ba kho na nyid// phyi rtog nang du bsdu ba dang // nang rtog gsang bar bstim pa ste// gsang rtog kho na nyid du grol// lus ngag yid gsum spyod pa ni// lus ni 'byung lnga 'dus pa'i

  684. 343a

    lus/ sku lnga ye shes rol pa yis// rtogs med brtul zhugs rgyan du rol// 'jigs pa med pa'i seng ge bzhin// 'bar ba chen po sprul pa'i sku/ ngag ni sngags dang sgra dbyangs sgra// 'jig rten 'khyal tshig sna tshogs kyang // dper na bin d+ha skad bzhin du// 'gag med grags stong rol par snang // snang ba rang rig gnyis med rdzogs// sems ni ye nas rnam pa ro dag// nyin mongs lnga yi spyan dang bral// e ma rang la gnas bzhin du// spyad pa thob 'dod am 'khrul// spyod byed bral ba'i rgya mtsho ni// dran rtog med pa'i ye shes la// thob par bya ba'i sangs rgyas dang // spang bar bya ba'i sems can gnyis// byang chub sems su ro gcig paso// lam pas bcos su ga la yod// ci phyir dgag bsgrub med pa la// rtsal sprugs re dog yul las 'das// mtho ris 'dren pa'i dge ba dang // 'khor bar ltung ba'i sdig pa gnyis// chos kyi dbyings su yongs mnyam pas// rdzogs chen ris med chos chen po// thod rgal blo yi bdud rtsi 'di// skal med rmongs ba'i bdud du 'gyur// dper na dug gi rang bzhin la// rma bya dag la rgyan gyis mdzes// gzhan rnams la ni dug gis 'jigs// thams cad rdzogs pa'i bde chen

  685. 343b

    po/ skye 'gag med par lhun gyis grub// khyab gang la ma bcos ye sangs rgyas// spros bral gnyis med kho na'o// don 'di nges par rtogs na ni// rgyal ba rnams dang mnyam pa yin// sems nyid don gyi yang shes la// spyad par bya ba'i gnas dang bral// bya bral ngang la rnam par rol// ming tsam spyod ces de la bya// 'da' kha ma yi spyod pa ni// cir snang byang chub sems su spyad// sems nyid chos kyi sku ru spyad// sku nyid spyang bya spyod byed bral// bya bral dang lo gang gnas pa// skye mad don gyi rnal 'byor ro// rgya mtsho dang mnyam pa rnyog mi med pa'i rgyud las/ spyod pa'i le'u ste lnga pa'o// // de nas bcom ldan bka' stsal pa// gdod nas ma skyes thob bsgrub 'das// re dogs blo las rnam par grol// skye med brjod med kho na nyid// mtha' bral gnyis med don dam klong // dgag bya ba sgrub bya rnam par dag/ ma skyes bya bral chos nyid klong // cir yang mi dmigs khyab brdal sa// bgrod du med par lhun gyis grub// skye med gnyis med spros dang bral// sku lnga ye shes lnga yi dang // rtog bral dmigs med khyab gdal klong // spros med byang chub snying po'i dbyings// 'bras bu lta sgom spyod pas gtan// rang snang myug/

  686. 344a

    ma lam las grol// khyab gdal 'ub chub sa chen non// rgyal po btson du bzung ba dang // bdud rtsi thig pa lce la bzhag/ gangs ri rtse nas snyil ba ste// shing rta'i gzer mgo gcad par bya// rtog med mnyam nyid chos kyi sku// cir yang ma 'gags sprul pa'i sku// gnyis su med pas rdzogs pa'i sku// / sku gsum rdzogs pas thig ler gcig/ bsam 'das brjod med rang sar grol// kun bzang dbyer med skye mad sa// thob bsgrub med par thams cad rdzogs// snang srid byang chub sems su rdzogs// 'khor 'das chos kyi dbyings su rdzogs// sku gsum thog le gcig tu rdzogs// lhag ma med par yongs su rdzogs// mi 'gyur mnyam nyid dpe dang bral// dpe bral ye shes mtshon du med// ci phyir bsam brjod dmigs pa med// dmigs med blo 'das rang sar grol// mi skye mi 'gag lhun gyis grub// go ba'i yul na bgrod du med// bgrod du med pas so lam rdzogs// gnyis med rdzogs pas mtha' bral rdzong // dmigs med ma skyes de nyid dang // 'gag med A li kA lir rol// dbyer med ma btsal lhun gyis grub// smra ba sa ma brjod med tshig las 'das// dngos su mi snang kun la khyab//

  687. 344b

    khyab gdal ma bcos ye sangs rgyas// rang bzhin 'od gsal rnam par dag/ dgag bsgrub med pa'i ye shes ni// rgyu yis ma bskyed rkyen dang bral// stong gsal dbyer med ye shes can// skye 'gag med par rnam par dag/ khyab brdal gnyis med ye brdal klong // kun rdzogs bla med theg kun gtso// sa rnams kun gyi ngo bo'o// khyab brda la yangs pa nam mkha'i klong // rgya mtsho bde chen kun rdzogs grol// nyi ma dus gsum de bzhin nyid// nor bu 'dod 'byung 'gran zla med// skye med rtog med lhun gyis grub// 'gyur med rang sar rnam par dag/ mtha' bral rang grol mtshon du med// de nyid shes kyi na rtogs na grol// rgyal sras bzhin du re dogs med// rgya mtsho dang mnyam pa rnyog ma med pa'i rgyud las/ 'bras bu'i le'u ste drug pa'o// // de nas bcom ldan bka' stsal pa// nga ni skye med mngon sangs rgyas// gzugs nas thams cad nga las byung // 'jam dpal pad+ma yang dag rtsi// phur bu yum sngags 'jig rten rdzogs// rmad byung theg chen sna tshogs ston// bden bzhi yan lag rnam rig don// bden gnyis gsum rig de nyid bzhi// sku lnga thig le chos dbyings shes// lhun grub rmad

  688. 345a

    byung nyid sangs rgyas// ngo mtshar sku lnga ye shes rdzogs// gnyis med dbyings su 'bras bu klong // mi skye don la rdzogs pa bde// don dam rang bzhin 'gyur ba med// rmongs pa sangs rgyas thig le klong // byang chub rig pa bde chen rdzogs// 'byung bzhi sangs rgyas yongs rdzogs sems// snying po nam mkha' rdzogs pa'i theg/ 'khor ba ma lus don la sems// rang 'byung 'di rtogs dmigs dang bral// sems can rnal 'byor thugs rjes bsgral// ma ba tsa la don dam grub pa'i klong // srid gsum dbang po thams cad gsal// thams cad ye brda la spro bsdu zhing // bla med srid pa'i 'chi bdag med// dngos bde rig pa logs na med// gzhi rtsa bral bas skye med snang // rgyu lung sems ni mi nub smra// snang srid sangs rgyas mi nub dang // srid gsum skye 'gro bde ba nyid// rje btsan ngas bshad skyon med mchog/ 'gro kun mi 'gyur ngang gnas snang // srid gsum skye 'gro bde ba nyid// bde chen ya mtshan smra bsam 'das// dmigs med snang ba'i g.yos pa med// rtog pa nyams te bde chen sems// 'khor ba ji ltar chos kyi sku// nam mkha' kun skye dran med ni// rtse mo de nyid 'bras bu smra// ma song

  689. 345b

    'bral med dus gsum bsrung // dam tshig spyod pa ma spangs grub// rig pa gang yang gdags don snang // 'du 'bral kun la snang srid rgyu// tshogs mchod bsod nams dus gsum mnyam// 'du 'a bral med pa'i sa du rtag/ sna tshogs 'byung bar nam mkhar rig/ kun 'dus lta ba'i theg brgyad 'dus// yid la ma lus rtsa bral gnas// mi 'gyur yang dag rgyu la bde// 'bras bu snang srid 'khor ba chod// dpal ldan sangs rgyas skye med grol// thams cad gcig pas ye shes rje// lta ba 'gro drug thams cad khyab// yi nas byas nas ma bsgrubs te// gnas la ma byas kun la gsal// ma lus rag lus gzhan bcos med// sprul pa'i rgya mtsho ngang du 'dus// ma bcos 'di la kun nas srog/ dus gsum 'pho 'gyur srog gi klong // 'di ru sangs rgyas skye 'gag med// 'gro rnams 'chi med skye shi srid// srog gi yul la sems kyi 'dzin// skye med dus gsum snang srid 'phags// dus gsum gang yang bsam du med// brjod du med pa'i chags med klong // ma yengs kun la 'gyur med grub// smra bas ma chags med spros bral srog/ rgyu rkyen myu gu ma bcos gnas// spros med rin chen rgyu la med// rkyen gyi skye 'gag

  690. 346a

    dmigs med sems// yul sems sbyor ba de las sems// ma spros bsrung med ya bsrung bsgom// ma yengs rtog med gzung 'dzin med// bla med byang chub rkyen bral 'byung // snang srid byang chub thams cad rgyu// rkyen med sgrib med zab mo de// dus gsum rtsa gcod 'khor ba bsgral// rin chen lam ston mi 'gyur gnas// ya gsal snying po kun bzang grub// rtag chen bde la longs spyod rdzogs// 'di zhes drang srong spyod yul gsungs// bde ba 'gro ba'i byang chub ste// klong rdzogs khyab pas sngags pas zung // gzhal yas ye shes skye 'gag dang // don du nam mkha' ba de sangs rgyas// byang chub shin tu bde don klong // theg pa sgri gcod 'di la ni// spyi gcod rtsal gsum rdzogs pa'i spyod// btsos kyang mi mnyam yo ga gsum// ji ltar spyad kyang rgyu la rtsol// a ti yongs la rtsol sgrub bral// rin chen byang chub rang sems po// 'og mas chos spyod 'bras bu ring // seng rdzogs don la na tso 'gal// ma bcos 'gyur med chos nyid tig/ byang chub dus gsum a ti snang // 'khor ba dug gsum ma bsgribs 'das// ye shes lnga ru gsal ba'i thugs// byang chub ma gol theg kun chos// gsum rgya rtsol bral lung las go la//

  691. 346b

    yo ga rnam gsum byis rtsed 'dra// gyur med a ti mnyam nyid tig/ khams gsum mun se la rang byung shar// lhun grub snying po ye nas gsal// don dam ba tsal du ji bzhin klong // rnam dag klong rtogs chos kyi sku// longs sku ye shes sprul pas sprul// thugs rje ma g.yos rang bzhin mkhas// bde chen sgron mas thugs rje rdzogs// rgya mtsho dang mnyam pa rnyog ma med pa'i rgyud las/ chos nyid 'gyur ba med pa'i le'u ste bdun pa'o// // de nas bcom ldan 'di skad gsungs/ e ma ho sangs rgyas thams cad kyi// chos kyi dbyings ni yi ge med// rang bzhin 'od gsal yongs su dag/ nam mkha'i dbyings bzhin dri ma med// bdud rtsi dri med brgyad ldan mtsho// mkha' la nyi shar 'od zer lnga// dbus na nam mkha' bzhi yi mthongs// gting nas rin chen bcu gsum gter// bde gshegs mi mchod rang sems mchod// rang sems sangs rgyas yin pa las// sangs rgyas gzhan du mi btsal te// rig pa rang grol bya btsal bral// rang snang 'khor ba'i rgya mtsho 'di// dper na rmi lam lta bu ste// rmi lam bde sdug sna tshogs yang // gnyid sad dus na chos kyi sku// tshangs pa khyab 'jug la sogs bsgomi// log pa'i lam du zhum/

  692. 347a

    pa'o// nam mkha' lta bur sems 'gag pa// nyi tshe ba yi stong par ltung // mi gtsang keng rus la sogs bsgom// phyi yi sgrib pa can dang mtshud// 'gog pa'i snyoms 'jug sgom byed pa// skye mched bzhi las thar lam med// phung po gtan tshigs gzhigs nas bsgom// de ka rtog par shes par gyis// lha dang dkyil 'khor zhal phyag bsgomaso// med par sgro yis btags pa yin// rtsa rlung thig ler bde ba 'dzin// ro myang mngal gyi srin bu mtshungs// skad cig snang srid lha ru gsal// 'di ni rtsol ba'i nad du 'gyur// zhi gnas thibs po sgom byed pa// ma he glang dang khyad par med// gsal ba phyi nang med par sems// rnam rig pas kyang shing du gsog/ kun yin gang ma yin sog pa// a tir khas 'tshos mu stegs 'chos// rdzogs chen ris med byu btsal bral// rgya chang phyogs lhung med pa'i phyir/ re zhig rdzogs chen rol par mtshon// sems dpa' rdo rje khyod la gtad// sems dpa' chen po 'di lta ste// slob dpon snying ston gdams ngag thob// mtshams med gsum gyis rdzogs sangs rgyas// pha ma bsad pas 'bras bu gter// lha bas dmyal ba shin tu che// snang ba thams cad brdzun lam khyer// ci spyod mo ga sham bu

  693. 347b

    bzhin spyod// 'khor ba'i chos la chags pa skyed// bya lam khams su gcig pur gdod// 'gro drug ma gtogs sems can gnyis// sprul sku dmyal ba'i gnas su 'gro ta ga ng+gA'i chu dang sin d+hA'i mtsho// khyod kyis rtag tu bsres la 'thung // yum gyi b+ha ga rtag tu ltos// btsun mo des kyang me long ston// ldem po dgongs pa ma go bar/ sgra bzhin spyad na log pa'i lam// rdo rje sems dpa' dpa' bo che// 'das pa'i dus na sngon byung dang // dus gsum 'byung ba'i sangs rgyas rnams// ting 'dzin rgya mtsho 'di las byung // rba rlabs med pa'i mnyam nyid mtsho// rnyog ma med pa'i dri med chu// gdod nas dag pa'i bdud rtsi 'dis// khams gsum 'khor ba'i dri ma khrus// de nas sems dpa' rdo rje yis// ched du bstod pa 'di brjod do// kun rig thugs kyi dpal be'u nas// zab mo bdud rtsi lta bu'i chos// chos nyid byin chub rol pa yis// rnyog med rgya mtsho'i klong ston pa// mnyam nyid rgya mtsho lta bu yi// kun tu bzang la mngon par bstod// chos thams cad rgya mtsho mtha' dang mnyam pa rnyog ma med pa'i rgyud las/ bcom ldan 'das kun rig rgyal pos gsungs pa rdzogs so// // rgya gar gyi mkhan po shrI sid+ha dang / bod kyi lo

  694. 348a

    tsa ba bai ro tsa nas bsgyur ba'o// rgya gar skad du/ sar+b+ba d+har+m+maHma hA san+d+hi bo d+hi tsit+ta saM sa ra mU la ts+tshed sUr+ya tsan+d+ra sa man+ta a ma la tan+t+ra/ bod skad du/ chos thams cad byang chub kyi sems rdzogs pa chen po 'khor ba rtsad nas gcod pa nyi zla dang mnyam pa dri ma med pa'i rgyud// bcom ldan 'das kun rig rgyal po la phyag 'tshal lo// 'di skad bshad pa'i dus gcig na/ chos nyid mkha'/ dbyings nyid kyi klong / ye shes dri ma med par dag pa/ chos kyi dbyings kyi pho brang na/ bcom ldan 'das dpal kun tu bzang po/ yangs pa nam mkha' lta bu/ skye med bya btsal bral ba/ spros bral ye shes kyi klong du bzhugs so// nyid kyi rang snang rig pa'i 'khor ni/ sku gsum dang / ye shes lnga dang / khams gsum dang / 'byung ba lnga dang / dus gsum dang / nyin mongs pa lnga dang / snang tshul bcu bdun la sogs te/ gzugs nas thams cad mkhyen pa'i bar thams cad 'khor ro// de nas sems dpa' rdo rjes gsol pa/ e ma hi bcom ldan 'das// ye shes nyi zla'i snying po la// 'khor ba'i dri ma yod dam med// gzung 'dzin blo yi dra ba 'di// rtsad nas gcad na

  695. 348b

    ji ltar gcad// sna tshogs snang ba'i chos rnams kun// bsdu na rnam pa du ru 'dus// bcom ldan 'das kyis bka' sprul pa// nyon cig sems dpa'/ rdo rje nyon// nam mkha' nyi zla ga bur shel// ris med kun gyi dngos gzhi las// rgyu rkyen dbang gis snang ba 'di// gdod nas dri med rnam par dag/ rtogs shig rdo rje sems dpa' rtogs// tshig drug don drug rtsal drug ste// che ba drug dang thig le drug/ 'gro drug 'khor ba'i dra ba gcad// sgoms shig rdo rje sems dpa' sgoms// chos can sna tshogs snang ba kun// chos nyid dang du ro gcig pas// khyab brdal 'ub chub thig ler 'dus// sems dpa' rdo rjes slar gsol pa// e ma bcom ldan kun byed che// thog mtha' gcad pa de yis 'tshal// bsdus dang rgyas dang rnam par rgyas// shin tu rgyas dang yongs su rgyas// drug tshan lnga yi bshad pa ni// thugs rje thabs kyi rol pa las// ston pas bdag la bshad du gsol// nyi zla dang mnyam pa dri ma med pa'i rgyud las// gleng gzhi'i le'u ste dang po'o// de nas bcom ldan bka' stsal pa// sna tshogs rang bzhin mi gnyis kyang // cha shas nyid du spros dang bral// ji bzhin pa zhes

  696. 349a

    mi rtog kyang // rnam par snang mdzad kun tu bzang // zin pas rtsol ba'i nad spangs te// lhun gyis gnas pas bzhag pa yin// nyi zla dang mnyam pa dri ma med pa'i rgyud las/ rdo rje tshig drug gi le'u ste gnyis pa'o// // de nas bcom ldan bka' stsal pa// chos dang sems ni ye nas gnyis su med// sems kyi rang bzhin btsal yang mi rnyed na// gzhan la 'di 'dra zhes ni bstan du med// sems dang chos ni ci yang ma yin pas// bsgoms pa'i tshe na ci yang mi bsgom mo// rnam par rtog pa'i mtshan ma ci yang 'byung // rtog pa de nyid chos nyid yin shes na// chos kyi dbyings nyid gzhan nas btsal mi dgos// de la gnyen pos bcos shing dgag tu med// de ltar dus gsum rnam pa thams cad du// nyid las ma yengs pa ni chos kyi sgo// stobs su gyur na 'jig rten rang bzhin med// thugs rje sprul pas kun la khyab mdzad cing // sems can rnams la byams pa 'cher chen 'bebs// bsgom dang bsgom par bya ba gnyis med na// don dam ngang la bde bar gnas pa ni// byang chub sems bsgom zhes kyang de la bya// rtog pa'i rlung chen ma yangs don ldan na// rnam dag byang chub sems kyi bsgom pa

  697. 349b

    yan/ nyi zla dang mnyam pa dri ma med pa'i rgyud las/ zab mo don drug gi le'u ste gsum pa'o// // de nas bcom ldan bka' stsal pa// phyi dang nang kun chos kyi dbyings// rnam par dag pa'i spyod yul la// sangs rgyas sems can gnyis med de// lam gyis bcos su ga la yod// sgrub med rtsal skyugs/ smon pa med pa yi// byar med lhun rdzogs snga ma do nyid do// rtog spyod rnam dag gnyis med chos dbyings la// log rtog byis pa'i spyod pas ci zhig bslus// gnyis med bde chen sems can kun spyod la// 'khrul pas nor ba'i lam du bstan pa yang // gong bstan lam chen de las mi gnyis par// mnyam par shes pas sangs rgyas kun gyi rje// nga bdag 'dzin pas mu stegs 'khrul pa'i lam// byis pas bslus pa'i chos nyid spyod pa yang // rnam par rtog pa'i lam du btsud pa ni// phyin pa'i lam med rtogs dus med pa'o// chos nyid chos tshol rnyed par ga la 'gyur// slob dpon tshad mar mi gyur spre'u 'dra'i lung // rten dang lam nor rtog pas zin ta re/ de bas gser la nag tshur gtong ba'i tshe// slob dpon rin chen lta bu'i mkhas pa de// rin thang dpag tu med pa'i rin gyis bsla'o// nyi zla dang mnyam pa dri

  698. 350a

    ma med pa'i rgyud las/ rtsol bral rtsal drug gi le'u ste bzhi pa'o// // de nas bcom ldan bka' stsal pa// mi gnas dmigs med chos kyi sku// spros med byang chub snying po'i don// bde chen sprul pa gnyis su med// gzhan nas mi btsal rang las byung // zin dang chags dang bral dang ni// dngos po med pas rnam par spong // bdud rtsi chen po'i rang bzhin la// bza' ba'i thabs la rag pa med// yangs so che'o chos chen po// chung ngu rnams kyi gnyen po yin// che la dmigs pa'i cha mnyam nas// chung ngu de rnams dmigs dang bral// gsungs dang rgyas dang dmigs dang snang // sgyu mkhan ri mo'i rnam pa bzhin// 'byung 'jug ye shes bying rmugs dag/ de yi dbang las skye bar 'gyur// gtang ngo gzhag go rang bzhin gnas// 'dod pa med cing len pa med// brod pa rdul tsam mi skye zhing // khyung chen nam mkhar lding ba bzhin// spro ba med cing bsdu ba med// stor bar mi dogs bza' ba med// bza' ba'i yul bral re dogs med// rgya mtsho 'dra bar ye gnas la// chos rnams sna tshogs 'byung bar byed// yon tan nam mkha'i mtha' dang mnyam// bsdu

  699. 350b

    ba'i gnas su nges pa med// byang chub snying por de ma thag/ ting 'dzin rgya mtsho chen po 'byung // snang ba rgya mtsho chen po bzhin// mi rtog nam mkha'i mtha' ltar yadra// kun tu bzang po'i spyod yul la// skye zhing 'pho ba'i gnas med de// rgyu rkyen yan lag bcu gnyis kyang // skur pa btags te bshad pa yin// 'khrul pa rnams kyi sgo tsam du// mkhas pas de bzhin shes par gyis// 'gro ba'i rgyud drug bstan pa yang // dad pa'i lam du shes par bya// 'dod spyod snying rjes brlan pas na/ gang du dga' bar byang chub spyod// shan pa smad 'tshong mtshams med lnga// kha na mtho 'jig rten spong // yongs su rdzogs pa chos kyi rtsi// bde ba che las gzhan med do// yong ni chos rnams de ltar na// chos kyi rang bzhin de yin te// chos kyi chos nyid btsal ba dang // nam mkhas nam mkha' tshol ba ni// ltos pa'i chos la brten pa ni// me yis me ni bsad 'dra ste// shin tu rnyed par dka' ba'o// rnam par mi rtog snying po 'di// yongs kyi rgyud la sbas pa med// mi len byang chub spyod rnams la// snang ba kun tu ji bzhin gnas// nyi zla dang mnyam pa dri ma med pa'i rgyud las// yangs pa che ba drug gi le'u ste lnga pa'o// /

  700. 351a

    de nas bcom ldan bka' stsal pa// rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun grol phyir// mi skye mi 'gag cir mi dgongs// byams pas don nyid rnam sbyang phyir// snying rje chen po cir mi mdzad// che bas che ba zab mo yis// yon tan cir yang bsngags pa med// don rnams ji bzhin mi bskyod de// bya ba med pas grol bas grol// rang byung ye shes btsal med pas// grol nas grol ba'i lam yang ston// / nyi zla dang mnyam pa dri ma med pa'i rgyud las/ chos nyid gnyis su med pa'i thig le'i le'u ste drug pa'o// // de nas bcom ldan bka' stsal pa/ 'byung ba chen po bcom ldan 'das// 'gro ba kun la rang bzhin gnas// phyin ci log tu rnam btags kyang // grol ba rang 'byung gzhan las min// che ba'i ye shes rnyed dka' ba// shes rab thabs la brten pas 'grub// ming tsam gzhan la brten 'dra yang // mngon sum bde ba rang las byung // cho 'phrul chen po dka' ba med/ yon tan kun dang stobs kyi rnams// ji bzhin rtogs pa phra ba las// de ma thag tu rang las byung // snang ba med pa'i chos nyid ni// mi btsal

  701. 351b

    gzhag na bsgom pa yin// de dang der ni rnam btsal na// de las de bzhin de mi 'byung // mchog tu gsang ba'i chos nyid ni// rna dbang gzhan las thos mi 'gyur// de bzhin lce yi dbang pos kyang // de la brjod du rdul tsam med// nyi zla dang mnyam pa dri ma med pa'i rgyud las/ chos kyi dbyings kyi thig le'i le'u ste bdun pa'o// / / de nas bcom ldan bka' stsal pa// 'gro ba'i sdug bsngal byang chub sems// kun tu chub pas rnam par rol// de la bskyod pa med bzhin du/ nam mkha'i mtha' ltar mnyam par gnas// khyad par ci yang mtshungs pa la// laso so zhes ni rnam par btags// ci ste las kyi dbang gyur na// rang byung ye shes yod ma yin// rgyu nyid rdo rje rkyen dang bral// ma skyes pas na 'jig pa med// gdod nas snying po byang chub la// btsal ba'i bsam pas dbyings mi bskyod// yon tan chen po'i bsam gtan ni// bsam gtan nyid pas bsam du med// ma bsams ma sbyangs chos bzhin du// rnam rtog nyid las ye shes skye// phra ba'i sgo mor ming btags nas// sems kyis dben pa'i lam tshol zhing // dgon pa'i rgyud du dben 'dzin pas// brtags na rnam par rtog 'gyur bsgom// rgyu dang 'bras bur

  702. 352a

    ming btags shing // dge sdig gnyis ka rnam par sel// 'jig rten 'di las 'byung ngo zhes// blang dor brod pa mchog tu skyed// chags dang ma chags tshig gi lam// dbu ma bzhin te brag cha 'dra// bde dang sdug bsngal rgyu 'thun zhes// 'gro ba'i mgon po sems dpas gsungs// 'dod chags zhe sdang gti mug kyang // byang chub chen po'i lam las byung // kun spyod yon tan rnam lnga yang // chos nyid dbyings kyi rgyan ces gsungs// nam mkha' rtog pa skye med cing // rtog pa de nyid nam mkha' 'dra// mi chags nam mkha' bsngo ba las// rang don chen po'i nam mkha' 'byung // nyi zla dang mnyam pa dri ma med pa'i rgyud las// rnam par rtog pa dag pa'i le'u ste brgyad pa'o// // de nas bcom ldan bka' stsal pa// rtog med mnyam nyid chos kyi sku// gzung bas mi zin chu zla 'dra// kun tu bzang po'i rol pa yis// A li kA li zab tu bstan// de ni a dang mdzes pa'i ta// sa dang ya na lag spros pa bzhin// 'jig rten yongs kyi spyod yul la/ sangs rgyas gsung gi zab mo 'byung // e ma ho sangs rgyas spyod yul 'di// btsal bas rnyed pa'i gnas med de// drug gi chos bzhin yul med pas// ldongs pas

  703. 352b

    nam mkha' brlabs pa bzhin// gong nas gong du tshangs pa'i lam// bya bral chos dang 'thun pa min// ci ste lam la bgrod gyur na// nam mkha'i mtha' ltar thug pa med// / de ltar de bzhin de yi phyir// de la de bstan de yang thob// de ni snying po de bas na// de las de byung ngo mtshar che// sngon gyi de dang da lta'i de// de bzhin de yi gnas su che// de ltar de yi lam 'dra ba// de ni de yi rang bzhin no// de dang de 'dra yongs kyi lam// zla ba las byung rten dang bcas// kun gyi mnyam nyid yin pa la// phyogs su bltas pas grub pa med// da lta'i bde dang phyi ma'i bde// mngon sum pa dang rgyab nas byung // de yang rnam pa'i skyon yin pas// de la brten par mi bya'o// dus gsum gcig ste khyad par med// sngon med phyis med gdod nas 'byung // chos sku khyab pas gcig pa'i phyir// bde ba chen por rang bzhin gnas// srid pa gsum na sbyong ba yang // ming tsam sgyu mar snang ba ste// 'khor lo sgyur ba'i gnas chen yang // sgyu ma sbyong ba'i bsti gnas yin// rnam spyod dus la ltos pa'i gnas// de dus der ni 'byung mi 'gyur// ma bral smon pas spyod pas na// stong pa'i mtshan nyid gsungs pa bzhin// gcig ste rnam pa yongs kyis med//

  704. 353a

    rnal 'byor nam mkha'i bya lam gnas// ma byung ma skyes snying po la// sgro btags chos kun ga la yod// phyi nang gnyis ka phyi nyid nang // zab mo'i cha shas rtog yul med// srid pa ming tsom log pa'i stobs// de bas ting 'dzin mnyam dang bral// de la tha tshig phyi dang nang // rang bzhin phung po khams bzhin gnas/ dus gsum de dang mi 'bral bas// tha tshig ming du gdags pa med// nyi zla dang mnyam pa dri ma med pa'i rgyud las/ chos sku kun tu bzang po'i thig le'i le'u ste dgu pa'o// // de nas bcom ldan bka' stsal pa// mi g.yo ba ni sku yi rgya// mi bskyod pa ni ye shes te// mi len pas na bde med cing // mi 'dor tshig bral mnyam nyid do// gang dang gang gi gang du yang // kun 'khor kun spyod bdag las 'byung // 'di la skyes pa bud med ces// mnyam pa'i rgyal pos yong ma gsungs// 'di la brtul zhugs drag shul gyis// gnas su bya ba'i ming med de// a dang bar ni rnam ldan na// sgyu ma'i bde ba 'byung bar 'dod/ rang bzhin gcig tu ma nges pas// ji ltar bltas pa de ltar snang // snang 'dod rtsol sems bde ba yang // de ni de sgrib skyon chen yin// byang chub

  705. 353b

    yan lag kun gyi sgo// cha lugs bsgoms pas chu zla bzhin// ma gos ma chags 'byung 'gyur yang // bsgoms pas byis pa'i spyod yul bzhin// dkyil 'khor khro gnyer cha lugs kyis// khro bdag chen po'i lus bzung nas// yi ge mngon du phyung na yang // zhi ba de nyid mthong ba min// rnam grangs brgya stong phrag yas pa// gang ltar spyad kyang me tog skye// mtshan ma med pa'i dbang gis na// bsti gnas 'di las 'byung mi 'gyur// gleng bral 'di la gang gnas pa'i// rnal 'byor de ni skal ba bzod// bdag dang gzhan don mi byed kyang // rgyu ma rdzun sgrub yul la rol// lhag ma med par yongs su rdzogs// 'gyur ba ma yin drang por gnas// nam mkha' bzhin te mtha' mnyam zhing // gzhan la ltos 'gyur chos ma yin// lhun gyis gnas pas bde ba che// mtshungs pa med pa'i ye shes kyis// rang gi mthu yi rig pa las// chos ni gzhan nas 'byung mi 'gyur// sla zhing dka' la sla phyir dka'// mngon sum mi gnas kun la khyab// ming tsam 'di zhes bstan par ni// sems dpa' rdo rjes mtshon du med// ngo mtshar rmad byung rol pa 'di// bya bral nam mkha' ji bzhin te// cir yang mi dmigs gti mug las// de ma thag tu rang

  706. 354a

    las 'byung // 'di ni thams cad mtshungs pa'i lam// 'gro ba kun la rang bzhin gnas// byis pas bslad pas 'khrul pa yi// sman nyid sman pa 'tshol ba bzhin// go ba'i yul na bde ba che// de nyid rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grub// ma nges 'ja' tshon kha dog las// rigs kyi khyad par mngon par snang // de bzhin g.yo rdul mi g.yo ba// 'byung ba lnga dang gtso chen yin// nyi zla dang mnyam pa dri ma med pa'i rgyud las/ thugs rje'i ye shes thig le'i le'u ste bcu pa'o// // de nas bcom ldan bka' stsal pa// 'das dang ma 'ongs da ltar gyi// tha snyad ming la mi gnas te// skye 'gag med par rnam brtags shing // de nyid dus gsum chen por sbyor// mnyam pas rim pa bkod pa med// gcig pas phyogs su bsngo/ dang bral// tshogs kyi rgyan rnams bkram pa yang // rang bzhin gnas pas sgrib pa med// lhun gyis gnas pas mi bsngo zhing // gdod nas dag pas bdud rtsi yin// 'du mched bcu gnyis khyad par du// lhag pa'i bsams pas gzung du med// yud kyis bsams pas yongs dag ste// bltas pa'i stobs ni bkram pa'o// mthong bar

  707. 354b

    gyur pas dngos grub la// de ni mnyam gzhag rdzogs pa'o// yud tsam bzung bas sbyor ba yin// dga' bar gyur pas dam tshig ste// thabs kyi gar thabs bskyod pa yis/ gnyis med sbyor ba phul ba yin// ma gzung gtor bas gtor ma ste// bya ba med pas las rnams so// mi rtog ye shes bgegs bsal nas// mi gsung ma nyam gzhag sngags tshig go/ bla ma mchod dang gtong ba dang // de bzhin bsod nams thams cad kyang // ma chags mi g.yo'i stobs med na// byas na 'ching ba chen por 'gyur// de bas de lung de nyid la// de la de sbyar sgrib par 'gyur// de ltar de la de rtog na// de la de nyid grub pa med// nyi zla dang mnyam pa dri ma med pa'i rgyud las lhun grub thig le'i le'u ste bcu gcig pa'o// // de nas bcom ldan 'di skad gsung // nam mkha' klong yang brdal ba'i dbyings// ye shes nyi zla 'khor ba gcod// mdo rgyas lha sgom spyod 'bras dang // thugs rje chen po lhun gyis grub// rig pa mtha' dang mnyam pa'i rgyud// nyi zla lta bur dri ma med// sgron ma 'bar bas gti mug sel// drug gis 'gro drug g.yangs gcang// ston pa bstan pa gnas 'khor dus// rang snang sems la smras pa yin// lha sgom spyad

  708. 355a

    'bras bzhi yi rgyud// gdul bya'i skabs dang sbyar bar bya// mkha' gsal nyi zla lta bu yi// don dam dri ma med pa'i rgyud// rgyud do cog gi rgyal po 'di/ sems dpa' rdo rje khyod la gtad// de nas sems dpa' rdo rje yis// bcom ldan 'das la 'di skad bstod// mnyam pa'i rgyal po lha yi lha// skye med rang byung chen po'i ngang // mkha' 'dra ye shes brdal ba'i klong // dus gsum rgyal ba kun gyi yab// thams cad mkhyen la phyag 'tshal bstod// de nas sems dpa' rdo rje dang / sku gsum ye shes lnga la sogs pa/ rang snang rig pa'i 'khor thams cad dga' zhing mgu nas rjes su yi rang ste/ bcom ldan 'das kyis gsungs pa la mngon par bstod do// chos thams cad rig pa nyi zla mtha' dang mnyam pa dri ma med pa'i rgyud// bcom ldan 'das kun rig rgyal pos gsungs pa rdzogs so// / / rgya gar gyi mkhan po shri sid+ha dang / bod kyi lo tsa ba bai ro tsa nas bsgyur ba'o// // rgya gar skad du sarba d+harmAHma hA sats+tsha bo d+hi tsit+ta sa~M sar mU la ts+tshed ma hA rat+na sa man+ta a nud pa to tan+t+ra/ bod skad du/ chos thams cad byang chub kyi sems rdzogs pa chen

  709. 355b

    'khor ba rtsad nas gcod pa rin po che dang mnyam pa skye ba med pa'i rgyud bcom ldan 'das kun rig rgyal po la phyag 'tshal lo// 'di skad bdag gis thos pa dus gcig na bcom ldan 'das kun tu bzang po 'og min chos kyi dbyings kyi pho brang na/ rigs lnga'i sangs rgyas la sogs pa/ byang chub sems dpa' brgya stong du ma dang thab gcig tu bzhugs te// de'i tshe sangs rgyas rdo rje sems dpas gnyis med mchog gi mchod pa phul nas/ phyogs gcig tu 'khod de zhus pa'o// e ma ho bcom ldan kun tu bzang // rang snang rig pa'i ye shes la// sna tshogs snang ba'i chos rnams kun// 'di yi mtshan nyid ji ltar lags// bcom ldan 'das kyis bka' stsal pa// rang rig blo yi snang ba la// snang tshul bcu bdun snang ba 'di// 'di yi mtshan nyid blo bur ba// rgyu rkyen dbang gis snang ba yin// dper na ga pubur sman dug tshul// sems dpa' rdo rjes yang gsol pa// e ma he bcom ldan kun rig lags// 'khor bar 'khrul pa'i snang ba 'di// rtsad nas gcad na ji ltar gcad/ bcom ldan 'das kyis bka' stsal pa// khams gsum 'khor ba'i 'khrul snang 'di// rmad byung bde 'byams nam mkha' nyid// rje btsan rtse mo kun

  710. 356a

    'dus la// srog dang myu gu rin po che// bde ba spyi gcod sems kyi tig/ rin chen lta bu'i sgron me yis// 'khor ba rtsad nas gcad par bya// de skad gsungs pa'i tshig rjes la// sems dpa' rdo rjes yang zhus pa// kye ma bcom ldan bde gshegs yab// 'khor ba rtsad nas gcad pa'i phyir// rmad byung bcu gsum rin po che// yang dag rgyas par bshad du gsol// rin po che dang mnyam pa skye ba med pa'i rgyud las/ gleng gzhi'i le'u ste dang po'o// / de nas bcom ldan bka' stsal pa// nga ni rmad byung rin chen mdzod// skye me dang las thams cad byung // nga med pa yi sngon rol na// sangs rgyas sems can gnyis med de/ gzugs nas thams cad mkhyen pa'i bar// thams cad nga las byung ba yin// 'jam dpal ye shes rdo rje'i sku// nyon mongs drug por rnam par sgo// pad+ma dkar po dri ma med// 'di don rtogs pa sems kyi dbang // yang dag grub pa thig ler gcig/ 'di ni rnal 'byor bde ba'i mchog/ gdod nas dri med bdud rtsi che// sdug bsngal nad kyi zug rngu 'jil// rmad byung rdo rjes zhe sdang 'joms// ye shes phur bus bdud bzhi bsgral// thams cad yum gyi b+ha ga'i klong // nga las byung zhing

  711. 356b

    nga ru zhi/ tang ni srid las skyobs pa'i sngags// nga nyid las su rung ba na// 'jig rten gsum yang nga ru rdzogs// gtsug tor chen po rmad byung gtsug/ theg pa sna tshogs ston pa po// bden pa bzhi ni ston pa la// yan lag bcu gnyis srid rtsar ston// rnam rig sna tshogs gzugs don can// bden pa gnyis kyi tshul la gnas// gsum rig gtsang ma dag pa ste// de nyid rnam pa bzhi yi tshul// sangs rgyas sku lnga'i bdag nyid can// bcu drug phyed phyed thig le can// chos dbyings dam pa zad mi shre// rnam rtog rtog med lhun gyis grub// rmad byung rdo rje 'di rtogs na// rdo rje sems dpa' nyid kyang ni// rdo rje gdan la yang sangs rgyas// ngo mtshar rmad byung kun gyi gtsug/ sku lnga ye shes thig le rdzogs// rmang byung thugs rjes 'gro don rdzogs// rin po che dang mnyam pa skye ba med pa'i rgyud las/ byang chub kyi sems rmad du byung ba'i le'u ste gnyis pa'o// // de nas bcom ldan bka' stsal pa// gnyis su med pas bde ba che// dbyings su thim pas kun la byams// 'bras bu med pas bde ba'i sku// ngang du grol bas bde ba'i klong // mi dmigs rdzogs chen 'khor ba sgrol// skye 'gag med pas gdod nas dag/ don la ma btsal dam pa

  712. 357a

    bde/ rdzogs pa rdzogs phyir rang bzhin gnas// bde 'byam nam mkha' lta bu la// don dam nyid du spros dang bral// rang bzhin las ni gud na med// 'gyur ba med pas bde chen rdzogs// rmongs pa'i mun pa sel ba'i don// sangs rgyas 'byung ba'i bde 'byam yin// thig le bde khyab rdzogs chen po// thig le rang byung don dam klong // byang chub sems chen bde 'byam 'di// rig pa spros med rgyal po rdzogs// rig pa'i rgyal po bde chen po// mnyam pa'i ngang la thabs kyi rdzogs// rin po che dang mnyam pa skye ba med pa'i rgyud las/ bde 'byam yangs pa'i le'u ste gsum po'o// // de nas bcom ldan bka' stsal pa/ 'byung bzhi las rgyal nam mkha' bzhin// sangs rgyas kun rgyal snying po thugs// yongs pas rgyal ba'i lha chen ni// rdzogs pa'i don du bzhag pa yin// sems nyid nam mkha' chen po la// snying po 'khor ba las sgrol bas// nam mkha'i rgyal po yin par bya// rdzogs pa'i rdzogs chen a ti ni// theg pa kun rdzogs nam mkha'i ngang // 'khor ba gcod pa'i rgyal po 'di// ma lus ye sangs rgyas par gsal// don la rtsal med rgyal po yin// sems la dogs med kun gyi bla// rang

  713. 357b

    'byung gdod nas rnam par dag/ 'di rtogs mnyam pa'i rgyal po thob// dmigs dang bral bas bsgom pa yin// las las byung ba'i sems can de// dus la bab pa'i rnal 'byor pas// las nyid thugs rjer shes par bya// thugs rje chen po'i thabs kyis bsgral// ma btsal dbyings su thim pa yi// don dam spros bral nam mkha' de// gzhan las mi 'byung thabs kyis 'grub// thams cad mi dmigs bde ba'i klung // srid gsum non pas dug gsum chod// dbang po yul las 'phros pa rnams// thams cad gcig gi ngang du gsal// thams cad ye brdal chen po la// spro ba slu byed pa 'ching ba'i rgyu// bla med byang chub yongs la khyab// srid pa'i ba dar sha gcad pa yin// 'chi bdag bdud las rnam par thar// bdud bzhi bcom pas 'khor ba med// dngos nyid dag pas rang byung ste/ bde ba gzhan du mi tshol zhing // rig pa gsal la gsal 'debs te// logs nas 'byung ba'i rgyu med do// gzhi rtsa med pa'i nam mkha' ni// gdags dang bral bas spros med klong // skye shi med pa'i byang chub sems// nam mkha'i rgyal por ye nas snang // rgyu las ma byung 'bras bu dang // lung las ma byung man ngag ste//

  714. 358a

    sems las ma byung chos nyid ni// mi nub nam mkha'i rgyal por smra// snang srid kun khyab ma lus gnas// sangs rgyas kun rgyal kun gyi yab// mi nub gter mdzod dus gsum khyab// ngang dang rang bzhin lhun gyis rdzogs// srid gsum ma lus nam mkhar rdzogs// skye 'gro sems kyi sprul par rdzogs// ji ltar snang ba bde ba nyid// rin po che dang mnyam pa skye ba med pa'i rgyud las/ nam mkha'i rgyal po'i le'u ste bzhi pa'o// // de nas bcom ldan bka' stsal pa// byang chub sems mchog rje btsan dam// nga yi thugs nas bton te bshad// skyon gyis sgor med gdod nas dag/ ma btsal gzhag na bsgom pa'i mchog/ 'gro kun gnas pa'i byang chub sems// mi 'gyur rje btsan chos kyi sku// ngang gnas mi nub rdo rje'o// snang dang mi snang gnyis med de// bde chen yongs rdzogs rje btsan sku// ya mtshan mkha' la rig pa'i thugs// smra bsam yul las shin tu 'das// dmigs med don rtog chos kyi rje// snang ba'i yul la gang gnas kyang // rje btsan sku la g.yos pa med// yi ge 'bru la rtog pa rnams// rje btsan don las nyams te dman// phyi nang gnyis ka bde chen po// rje btsa na dam pa'i

  715. 358b

    byang chub sems// 'khor ba mya ngan gnyis med de// ji ltar bltas pas byang chub sems// ye sangs rgyas pas chos kyi sku// rin po che dang mnyam pa skye ba med pa'i rgyud las/ rje btsan dam pa'i le'u ste lnga pa'o// // de nas bcom ldan bka' stsal pa// nam mkha' 'byung ba kun gyi rtse// kun bzang chos rnams kun gyi rtse// skye 'gag med pa 'khor ba'i rtse// dran rtog med pa bsgom pa'i rtse// thams cad yongs las rgyal ba ni// rtse mo byung rgyal zhes bshad do// de nyid byang chub sems yin to// 'bras bu rang la rdzogs pa'i phyir// rtse mo byung rgyal nga nyid smra// ma song gnas phyin lam gyi rtse// 'du 'bral med pa'i ngang nyid la// dus gsum mi 'da' ba ru gnas// bsrung mtshams kun las rgyal bas na// dam tshig kun gyi rtse mor bshad// blang dor med pa'i spyod pa ni// rgyal chen gang yang ma spangs rtse// mi 'gyur lhun grub lta ba ni// rig pa spros bral mnyam pa'i rgyal// gang yang 'byed pa med pas na// gdags pa'i tha snyad kun las 'das// don la dbyer med lta ba'i rtsa// snang srid gsal ba'i byang chub sems// 'du 'bral med pas yongs su khyab// kun la gsal bas bkag pa med// snang srid ma

  716. 359a

    'gags ye shes rtse// rgyu 'bras gnyis med phyi ba yi// tshogs mchog dam pa chen po de// bsod nams dam pa'i gzhir 'gyur ro// dus gsum rgyal ba thams cad kun// mnyam pa'i dbyings su bkod pas na// 'du 'bral med pa'i ngang la gnas// ma lus sangs rgyas sa ru brtag/ rin po che dang mnyam pa skye ba med pa'i rgyud las/ rtse mo byung rgyal gyi le'u ste drug pa'o// // de nas bcom ldan bka' stsal pa// sna tshogs gcig tu 'dus pa'i ngang // 'byung ba bzhi nyid nam mkhar 'dus// nam mkha' dper bstan byang chub sems// rig pa rang la rdzogs pas na// kun 'dus rgyal por nga smra'o// lta ba'i klong tshogs a ti las// theg pa so so'i don brjod nas// grub pa gcig tu nges pas 'dus// yid la ma yangs brjed med gzhag/ ma lus sangs rgyas sems su 'dus// rtsa ba bral ba'i sems nyid de// sus kyang ma byas ye nas gnas// mi 'gyur lhun gyis grub pa yi// yang dag chos nyid dbyings kyi bla// rgyu la rag ma lus pa'i sems// bde chen 'du 'bral med pa'i lam// 'bras bu rang la rdzogs pas su// snang srid thams cad ye sangs rgyas// bdag dang

  717. 359b

    bral bas 'khor ba chod// dpal ldan sku gsum rang byung ba de// sangs rgyas ma lus dbyings su gcig/ skye med don la thabs kyis 'dus// ma spros ngang du grol bas na/ thams cad thugs rje thabs kyis btul// gcig las med pa'i rin chen 'di// gzung 'dzin spangs pas mnyam pa'i rgyal// ye shes rol pas gcig tu gsal/ snying brtse med cing gsod pa dang // lta ba med par za ba yi// 'gro drug ye nas sangs rgyas te// thams cad lhag ma med par bsgral// ji ltar snang ba kun tu khyab// ye nas gcig gi ngang du 'dus// byas na 'ching ba'i lam yin no// ma bsgrubs 'du 'bral med par bstan// ye nas yin pa'i bde chen de// gnas la chags pa med pas na// 'dus las ma byas snang ba de// kun la khyab pas spro bsdu med// gang yang ma 'gags so sor gsal// ma lus 'dus pa'i rgyan du che// rag ma lus pa'i rgya mdud do// gzhon gyis bcos su ye nas med// sprul pa'i rgya mtsho thams cad kun// gzhi rtsa med pa'i ngang du bzhag/ sus kyang ma byas nyid la 'dus// rin po che dang mnyam pa skye ba med pa'i rgyud las/ kun 'dus rig pa'i le'u ste bdun pa'o// // de nas bcom

  718. 360a

    ldan bka' stsal pa// ma bcos bde ba chen po'i don// 'di la skye shi med pas srog/ kun nas ma bsgribs byang chub sems// snang srid 'du 'bral med pas srog/ dus gsum ma bsgribs byang chub sems// 'pho 'gyur gnyis su med pa'i srog/ srog gi 'khor le srid gsum bskor// 'byung lnga yum gyi b+ha ga klong // 'di ru snang srid rdzogs sangs rgyas// sangs rgyas nyid la skyeng shi med// skye 'gag med pas srog ces bya// 'gyur ba med pa'i a ti ru// 'gro srid pa'i rgyal mo mu kha le ma zhes kyang bya/ kun tu bzang mo zhes kyang bya/ shes rab kyi pha rol tu phyin pa zhes kyang bya/ don chos nyid stong pa nyid de gsungs/ rnams skye shi med par bsgral// de phyir 'chi med srog ces bya/ ta skye shi med pa'i sems nyid srog/ srid gsum 'khor lo bskor bas na// srog gi 'khor lo zhes su grags// yul la nges pa med pas na// sems kyi re dog rnam par med// 'dzin chags med pas 'ching ba med// skye med de la srog ces bya// dus gsum rdo rje 'dus ma byas// snang srid ye sangs rgyas pas srog/ 'phags/ pa'i don la dbye ba med// dus gsum 'gyur ba med pas na// gar yang 'pho ba med pa'i srog/ bsam du med pa'i chos nyid la// brjod du med pa'i rig pa gzhag/

  719. 360b

    chags med 'du 'bral med pa'i srog/ skye shi bral ba'i rang 'byung klong // ma yengs bsal bas srog gi don// kun la khyab pas byang chub sems// 'gyur med lhun gyis grub pas na// smra bsam yul las 'das pa'o// gang la chags med byang chub lam// spros bral srog gi 'khor lo'o// rin po che dang mnyam pa skye ba med pa'i rgyud las srog gi 'khor lo'i le'u ste brgyad pa'o// // de nas bcom ldan bka' stsal pa// rgyu rkyen tshogs pa'i sdong bu las// myu gu don gyis 'byung ba ltar// ma bcos dang la rang bzhin gnas// gnas pas dmigs med myu gu 'byung // spros med byang chub sems nyid las// rin chen sangs rgyas myu gu 'byung // rgyu la ltos pa med pa'i phyir// rkyen gyis gzhig tu med pa'o// skye 'gag med pa'i myu gu de// yul la dmigs pa med pas na// sems la 'pho 'gyur ga la yod// lus sems 'du 'bral med pas na// sbyor ba'i myu gu 'byung bar nges// de la 'gog med sgrol bar brtag/ dus gsum 'gyur med byang chub sems// ma spros lhun grub ye sangs rgyas// bsrung med dam tshig chen po la// ye bsrung gdeng chod myu gu 'byung // bsgom med dmigs pa chen po la// ma yengs mnyam pa chen

  720. 361a

    por gzhag/ rtog med spros bral byang chub sems// gzung 'dzin med pa'i ngang nyid las// bla na med pa'i myu gu 'byung // rgyu la rag med byang chub sems/ rkyen bral yon tan myu gu 'byung // 'byung lnga ye sangs rgyas pa la// snang srid lha da la myu gu 'byung // byang chub sems chen rgyal po 'di// thams cad ya sadra rgyas pa yi// rgyud drug gnas su rnam dag pas// btsal ba'i bsam pa bskyod pa med// lung las sgrib pa med pas na// zab mo don gyi myu gu yin// de la dogs meng kun gyi gzhi// dus gsum rtsad gcod byang chub sems// 'khor ba thams cad bsgral ba'o// rin po che dang mnyam pa skye ba med pa'i rgyud las/ byang chub sems myu gu'i le'u ste dgu pa'o// // de nas bcom ldan bka' stsal pa// khams gsum las 'das rin chen dag/ bgrod med rnam grol lam ston pa/ gzhan nas rnyed par mi 'gyur te// thig le chen po kun khyab gnas// rang 'byung ma bcos ye gnas gsal// btsal bas btsal med snying po'i don// rnam snang rtag par kun tu bzang // gnyis med bde mchog lhun gyis grub// rtag chen bde la rtag spyod pa// bde chen longs spyod rdzogs pa ni// 'di shes rnal 'byor spyod yul te// drang

  721. 361b

    srong chen po rnams kyi ni// spyod yul yin zhes nges par gsungs// rin po che dang mnyam pa skye ba med pa'i rgyud las/ yid bzhin nor bu'i le'u ste bcu pa'o// / / de nas bcom ldan bka' stsal pa// bde ba chen po'i byang chub sems// 'gro ba'i don du phra bkod pas// ma skyes bde ba'i byang chub la// nyon mongs skyon gyis ma gos te// tshogs rnams ma bsags skye med klong // bde chen phra bkod lhun gyis rdzogs// nam mkha' bzhin du kun la khyab// sems la dmigs pa'i yul med pas// lta ba ting 'dzin gsang ba'i sngags// ngo bo nyid kyi phra bkod pas// dpal chen thugs rjes 'khor ba zung // gzhal yas khang chen de dag gis// ye shes rang la 'od gsal de// skye 'gag gnyis med me dang 'dra// dag pa'i sangs rgyas lam thob pas// don du sangs rgyas nyid la gnas// nam mkha' lta bur chags pa med// bde ba nyid du yang dag pa// phung po lnga nyid mngon sangs rgyas// byang chub sems chen bde ba'i klongango // shin tu phra la rab sbyangs pa'i// bde chen don la bkod pa ste// yang dag don gyi bla ma yi// bde ba phra bkod thig le'i klong // rin po che dang mnyam pa skye ba med pa'i rgyud las/ bde ba phra bkod kyi le'u ste bcu

  722. 362a

    gcig go// / de nas bcom ldan bka' stsal pa// theg pa kun la khyab pa yin// spyi gcod rgyal po rdzogs pa'i mchog/ 'di la btsal du gdod nas med// gcan gzan yongs kyi khro bo ni// spyi gcod seng ge rgyal po ste// rtsal gsum rdzogs pa'i rgyal po ltar// rdzogs pa'i spyi gcod a ti ni/ ta 'khor ba rtsad gcod gzung 'dzin 'das// wa spre seng ger bcos kyang ni// kun nas mi mnyam spri gcod che// yo ga rnam gsum theg 'og rnams// ji ltar de ltar bltas spyad kyang // rgyu las rtsol bar mi nus so// rdzogs pa spyi gcod a ti ni// nam mkha'i klong ltar yongs la khyab// rtsol zhing sgrub pa'i yul med pas/ bsgom par bya ba'i tshig dang bral// rin chen nor ltar dgos dgu 'byung // byang chub sems gdal yangs pa'i klong // rang sems mi nub rin chen gter// spo zis 'phags gcad spen tshe kha// 'og mas ji bzhin don brjod kyang // chos spyod bcu la zhen pa'i phyir// 'bras bu'i don la ring bar 'gyur// seng ge gcig pur gnas pa bzhin// rdzogs pa spyi gcod yin par smra// don la mi gnas bsrung tshog bral// ne tsos smras kyang don med ltar// rang gzhung smra theg brgyad po yang //

  723. 362b

    spyi gcod rdzogs che na nga las 'gal// rin po che dang mnyam pa skye ba med pa'i rgyud las/ theg pa spyi gcod kyi le'u ste bcu gnyis pa'o// // de nas bcom ldan bka' stsal pa// ma bcos rang bzhin gsal bas na// 'gyur med lhun gyis grub pa'i tig/ chos nyid bde chen klong yangs gdal// rang 'byung 'gyur med spros bral tig/ byang chub sems chen kun tu bzang // dus gsum gcig tu gnas pa'i tig/ 'khor ba yongs bsgral a ti la// snang srid kun sangs rgyas pa'i tig/ 'khor ba kun rgyal byang sems mchog/ dug gsum gnas tshems sku gsum tig/ dug lnga ma bsgribs mya ngan 'das// ye shes lnga ru gsal ba'i tig thugs la brtol ba bstan pa yin// byang chub sems mchog bde chen 'di// ma gol lung las ci bstan tig/ thig kun gcig gsal a ti la// chos rnams dbyer med skye med tig/ nyan thos mdo sde kri ya gsum// rgyu las 'bras bu tshol ba'i phyir// rtsol bral lung las gol bar bstan// yo ga rnam gsum rtsol bas dpog byis rtsed 'dra ste don las gol// dus gsum 'gyur med byang chub sems// sgrib pa kun med a ti ni// dug gsum rtsad gcod mnyam nyid tig/ rin po che dang

  724. 363a

    mnyam pa skye ba med pa'i rgyud las/ skye med tig gi le'u ste bcu gsum pa'o// // de nas bcom ldan bka' stsal pa/ khams gsum sgron ma rkyen dang bral// ma rig mun sel blos ma reg/ gzhan nas btsal bar rnyed mi 'gyur// thig le gdal ba'i rang 'byung ba de// rig pa rang shar bcos su med// lhun grub btsal du gdod nas med// snying po'i snying po gnyis med mchog/ ye nas tha snyad kun dang bral// ji bzhin gsal la rtog med do// don dam spros med yang dag dbyings// btsal du med pas sgom tshig 'das// ji bzhin klong du gyur pas na// rnam dag don la mkhas pa yin// gdod nas ma skyes gdal ba'i klong // don dmi rtogs pas chos kyi sku// longs spyod bde chen rgyal po'i sku// ye shes rol pas sprul pas sprul// thugs rje byang chub sems dpa'i lam/ tam g.yos rtogs med chos kyi lam// rang bzhin gnas pas bde ba'i klong // khams gsum gsal byed sgron ma'i mchog/ bde chen rang 'byung thugs rje/ gsal/ rin chen sgrol mas thugs rje rdzogs// rin po che dang mnyam pa skye ba med pa'i rgyud las/ khamos gsum sgron ma'i le'u ste bcu bzhi pa'o//

  725. 363b

    / de nas bcom ldan 'di skad gsung // e ma rdo rje sems dpa' che// rmad byung bcu gsum skye med don// 'khor ba rtsad nas gcod pa'i chos/ 'di ma shes pa ngal ba'i lam// 'di don rtogs pa'i rnal 'byor pa// gang ltar spyad kyang bde chen klong // rdzogs chen a ti bstan pa 'di// mi nub nub par mi 'gyur ro// don la 'gyur ba med pa'i phyir// yid bzhin nor bu rgyal mtshan rtse// rmad byung rin chen za ma tog/ don dam skye ba med pa'i rgyud// rigs lnga bde gshegs byang chub sems// rdo rje sems dpa' mchog gi lam// kun bzang thugs kyi bcud gtigs pa// sems dpa' rdo rje khyod la gtad// blo yi pad+ma kha phye la/ snying gi dkyil du sgom par gyis// de nas sems dpa' rdo rje dang // rigs lnga'i sangs rgyas byang chub sems// mgon po tshogs dang bcas pa yI// ma skyes spros bral kun tu bzang // rin chen sgrol ma sa gti mug sel// rmang byung rgyal ba kun gyi yab// rdo rje 'chang chen rigs lnga'i gtso// kun rig rgyal po thams cad mkhyen// mnyam pa'i rgyal po phyag 'tshal bstod// de bzhin nyid la rtag tu 'dud// ye shes rgyal por mngon par bstod// chos thams cad rin

  726. 364a

    po che dang mnyam pa skye ba med pa'i rgyud/ bcom ldan 'das kun rig rgyal pos gsungs pa rdzogs so// / rgya gar gyi mkhan po shrI sid+ha dang / bod kyi lo tsa bi bai ro tsa nas bsgyur ba'o// snga 'gyur lnga dang phyi 'gyur bcu gsum gyi rgyud la gnyi ba'i ban chung nyi ma rdo rjes byas pa// rgya gar skad du/ dz+nyA na gu h+ya nA ma tan tra/ bod skad du/ ye shes gsang ba zhes bya ba'i rgyud/ ye shes gsang ba thugs kyi rang bzhin la phyag 'tshal lo// 'di skad bshad pa'i dus gcig ni/ ye shes gsang ba'i gnas chos nyid kyi mkha'/ mtha' dbus med pa'i gzhal yas khang na bcom ldan 'das rdzogs pa chen po la bzhugs te/ rang bzhin gyi 'khor dang / rang bzhin lta ba'i 'khor dang / rang bzhin rtogs pa'i 'khor 'di lta ste/ sa dang / chu dang me dang / rlung dang / nam mkha' dang / snang ba thams cad dang / yongs su rnal 'byor ces bya ba dang / rnal 'byor chen po zhes bya ba dang / sems dpa' rnal 'byor zhes bya ba dang / shin tu rnal 'byor zhes bya ba dang / 'das pa'i sangs rgyas dang / ma 'ongs pa'i sangs rgyas dang / da ltar byung ba'i

  727. 364b

    sangs rgyas dang / 'byed pa mi mnga' thugs rjes thabs gcig go// de nas lha'i dbang pos phyogs bcu'i sangs rgyas thams cad la 'di skad ces bskul lo// gsung gi mnga' bdag thams cad kyis// rtsol ba'i theg pa mthar ston nas// rtsol med theg pa mi gsung ba// thugs rje chen po yal lam ci// skal ldan gdul bya mchis pas na// lhun grub theg pa gsung du gsol// zhes bskul lo// de nas phyogs bcu'i sangs rgyas thams cad kyis mgrin gcig tu/ rdo rje sems dpa' la 'di skad ces bka' stsal to// dus gsum sangs rgyas thams cad kyi// thugs rje'i rang bzhin khyod yin pas// sangs rgyas kun gyi mdzad par shar// gsung gi mnga' bdag thams cad kyi// ye shes rang bzhin khyod yin pas// thams cad byang chub sems su gsal// bde gshegs ma lus thams cad kyi/ sku yi ngo bo dang ldan pas// rmad byung rol pa'i sku ru shar// gsung gi mnga' bdag thams cad kyi// gsung gi bdag nyid rig pa'i gsung // rmang byung rol pa'i gsung du shar// tshig gcig don kun rdzogs pa'i bdag/ rin chen 'phrul gyi snying po'i sgo// skal ldan rnams la bstan du gsol// rin chen 'phrul gyi thabs

  728. 365a

    ldan pas// gang 'dod 'thun pa'i sgro de nas// rtsol med dbyig dang phrad par gyis// byang chub sems kyi dngos po la// brjod pa'i tha snyad kun dral yang // ma rtogs blo la tshig sgo nas// gsung gi sgron ma gsal bar gyiso// zhes gsungs so// de nas rdo rje sems dpa' phyag na rdo rje'i thugs ka nas phyung nas/ rin po che rang 'bar gyi 'khor lo lag tu gtad nas 'di skad ces gsungs so// gnyis med ye shes gsang ba'i bdag/ bya med mi rtsol ye sangs rgyas/ dbu ma chen po drang ba'i lam// 'dus pa'i tshogs la bstan par gyis// zhes gsungs so// de nas sems dpa' rdo rjes rdo rje sems dpa' la 'di skad ces zhus so// rdo rje sems dpa' nam mkha' che// tshig gi spyod yul ma yin pas// bdag gis dgrol bar shin tu dka'// ma rtogs pa la tshig sgo nas/ mtshon nas rtogs par bya ba'i phyir// ci rigs par ni rnam par 'grol// zhes zhus so// de nas sems dpa' rdo rjes/ shar phyogs rdo rje rnam par gnon pa'i zhing khams na/ de bzhin gshegs pa rdo rje gsang ba zhes bya ba mi phyed pa'i 'khor dang bcas pa la 'di skad ces gsol to// sems dpa'

  729. 365b

    rdo rje lta byul// skye 'gag 'byung ba ji ltar lags// zhes gsol ba dang / de nas de bzhin gshegs pa yang dag par rdzogs pa'i rdo rje gsang bas bka' stsal pa/ sems nyid mi 'gyur rdo rje la// skye dang 'gag pa yod ma yin// rnam rtog blo la skye 'gag 'byung // zhes gsungs so// de nas lho phyogs kyi 'jig rten gyi khams rin bo che snang ba zhes bya ba na/ de bzhin gshegs pa rin chen zhabs zhes bya ba rang 'bar snang ba'i khril bzhugs te/ nyid kyi 'khor la sngags kyi don de kho na nyid ston cing bzhugs pa la/ sems dpa' rdo rjes 'di skad ces gsol to// byang chub sems kyi rang bzhin la// rgyu rkyen rtsol bas ma bsgrubs par// yon tan 'bras bu ji ltar 'char// zhes gsol pa dang / de nas de bzhin gshegs pa rin chen zhabs kyis bka' stsal pa/ rtag sha ka yi rgyan bzhin du// rgyu 'bras mthar phyin gzhi nas rdzogs// thams cad rang 'byung snying po'i mchog/ gsang ba'i thabs kyis rtogs 'gyur na// nyi ma'i 'od ltar 'bras bur 'char// zhes gsungs so// de nas yang nub phyogs pad+ma brtsegs pa zhes bya ba'i zhing khams na/ bcom ldan 'das pad+ma'i 'od ces bya ba dri ma med pa'i pad+ma'i gdan la bzhugs te/ nyid kyi 'khor la

  730. 366a

    gsang sngags kyi de kho na nyid ston cing bzhugs pa la/ sems dpa' rdo rjes 'di skad ces gsol to// sems nyid pad+ma ltar dag la// gzung 'dzin dri ma ji ltar 'byung // zhes gsol pa dang / bcom ldan 'das pad+ma'i 'od kyis bka' stsal pa/ pad+ma 'dam na gnas bzhin du// 'dam gyi skyon gyis gos pa med/ byang chub sems kyi ngo bo ni// 'khor ba'i rtog par mi 'gyur te// rnam rtog blo la 'khor ba 'byung // zhes gsungs so// de nas byang phyogs rnam dag grub pa zhes bya ba'i 'jig rten na/ de bzhin gshegs pa grub pa snang ba zhes bya ba rang bzhin snang ba'i gdan la bzhugs te/ nyid kyi 'khor la gsang sngags kyi de kho na nyid ston cing bzhugs pa la/ sems dpa' rdo rjes 'di skad ces gsol to// rang byung ye shes rtogs 'gyur na// mdzad pa byin rlabs rang las 'char// zhes gsungs so// de nas de bzhin gshegs pa rnam par snang mdzad kyis bka' stsal pa/ btsal med sems kyi rang bzhin la// 'gro don mdzad pa ji ltar 'byung / zhes gsol pa dang / de bzhin gshegs pa grub par snang bas bka' stsal pa/ 'dus pa'i 'khor tshogs khyed rnams kyis// rgyal ba kun gyi thugs kyi

  731. 366b

    bcud / ye shes gsang ba rtogs par gyis// zhes gsungs pa dang / de nas sems dpa' rdo rje stan las langs te/ de bzhin gshegs pa rnam par snang mdzad la zhus pa/ khyod ni gsung gi seng ge ste// ye shes gsang ba ma rtogs na// bil wa ma ra'i 'bru bzhin du// smin dang 'bras bu mi 'byung bas// ye shes gsang ba rtogs par gyis// thugs rje'i mnga' bdag khyed kyis bstan// de dag bdag gis ma rig pas// ye shes gsang ba bstan du gsol// zhes zhus pa dang / de nas de bzhin gshegs pa rnam par snang mdzad kyis bka' stsal pa/ sems dpa' chen po de nyon cig/ ye shes gsang ba'i rang bzhin ni// sangs rgyas sems can gnyis su med// nam mkha' bzhin du kun la khyab// ma rig ye shes tha dad med// ma rtogs pa yi lam du gcig/ ye shes gsang ba'i mtshan nyid ni// rang rig 'od gsal rnam par dag/ rnam rtog ye shes nyid du gnas// zhi gzhag rang lugs rin chen mdzod// rang 'byung ma btsal gdod nas gnas// ye shes gsang ba'i rnam pa ni// sna tshogs snang la ngos zung med// mi dmigs sgyu ma lhun grub cing // rtag tu gsal na lta ba yin// zhes

  732. 367a

    gsungs so// ye shes gsang ba'i rgyud las/ gleng gzhi'i le'u ste dang po'o// // de nas de bzhin gshegs pa rnam par snang mdzad la/ sems dpa' rdo rjes 'di skad ces gsol to// gang dag ji ltar gang rnams la// thabs nyid gang gis rnam par dbye// zhes zhus pas/ de bzhin gshegs pa rnam par snang mdzad kyis bka' stsal pa/ byang chub sems kyi rang bzhin ni// snang srid snod bcud kun la khyab// chos rnams kun gyi ngo bor shar/ sangs rgyas sku gsung ye shes thugs// sems can lus ngag yid la khyab// thams cad dbyer med byang chub sem so// de ltar dag pa'i don rig na/ thams cad sku gsung thugs yin no// rang 'byung lnga ru snang ba la// rang byung nyid du ma rig pas// zhen pa lnga ru phyin ci log/ 'bras bu khams gsum sems can 'byung // dpe ni nam mkha' lta bu ste// mtha' dang dbus med gdod nas dag/ rgyu yis ma bsgrubs ye nas grub// rkyen gyis mi shigs 'gyur ba med// phyi nang med pas ye gsal khyab// 'byung ba bzhi po thams cad kun// nam mkha'i ngang du 'dus pa bzhin// rnam pa'i chos rnams ma lus kun// rang bzhin med de

  733. 367b

    gdod nas 'das// 'khor ba'i nyon mongs chags sdang kun// ma btsal rang 'byung rgyal por shar// cis kyang mtshon 'das byang chub sems// mi 'gyur lhun rdzogs bde chen sku// yangs so che'o bde chen sku// gdod nas dag go chos kyi sku// bsam du med do bsgom dang bral// mi bas mi rang bzhin lhug par gzhag/ mi bsdu mi spro gyi nar gzhag/ ma lus bsdus pa'i snying po'i don// rgyu yis ma skyed rkyen dang bral// bden bzhis rtogs pa'i rgyu dang bral// gdod nas yod pas gnyis mi sog/ ya nas dag pas sgrib mi sbyong // dag pa gsum la rag ma lus// rgyu yis yan lag bsgrub mi byed// ye nas sangs rgyas lhun gyis grub// gnyis med sems kyi rang bzhin la// des med dag gis bsgrub mi byed// rigs bzhi 'dod pa'i rtsol dang bral// mtshan med sems kyi ngo bo la// shes rab thabs kyis mtshon du med// rgyu 'bras bral ba'i rig pa la// dbyings dang ye shes rgyu 'bras med// 'byung ba lnga la rag ma las// sku gsung thugs la rten mi 'cha'// rig pa'i blo yis ma dpyad na// rang bzhin thog tu phebs par 'gyur// gdod nas ma thos shin tu dge/ bsam dang bral bas de bzhin zhog/ sems kyi rig pas

  734. 368a

    rtogs gyur na// sems kyi rtogs pas bsam mi khyab// rgyud dgrol tshig gis ma grol bar// gtan tshigs rig pas 'byin mi nus// thos pa bsam pa sgom pa gsum// rtogs pa zla dkar nyi ma bzhin// byang chub sems kyi ngo bo ni// dman pa'i sems kyis mi rtogs te// gtan tshogs gsum gyis bre par bya// ngang ni rig pa gsal ba ste// rang bzhin rig pa cir yang snang // bdag nyid snang stong tha dad med// bsgrub bya dag gi rang bzhin ni// 'khrul pa byang chub sems su shes// bdag nyid chen po gtan tshigs kyis// thams cad byang chub sems su shes// gang ltar gnas pa chos nyid do// dbyings dang ye shes gtan tshigs ni// dbyings ni dag pa'i rgyu yin te// ye shes 'bras bu nyid du gsal// gcig tu 'dus pas gzung 'dzin med// rang bzhin dpe dang don dang ni// gtan tshigs bzhi ru shes par bya// zhes gsungs so// ye shes gsang ba'i rgyud las/ byang chub sems kyi le'u ste gnyis pa'o// // de nas sems dpa' rdo rjes de bzhin gshegs pa rnam par snang mdzad la 'di skad ces zhus so// khyod ni smra ba'i seng ge ste// rtsol bral bstan pa thugs la rdzogs//

  735. 368b

    byams mgon thugs rje chen po yis// skal ldan 'dus pa'i 'khor tshogs la// byang chub sems kyi rang bzhin ni// gang la gsang ba bstan du gsol// zhes gsol pa dang / de bzhin gshegs pa rnam par snang mdzad kyis bka' stsal pa/ ston pa gsum dang rim pa brgyad// phyin ci log gsum 'gro drug la// ye shes gsang ba nyid du bstan// snang ba ma bcos chos kyi sku// rig pa ma sbyangs longs spyod rdzogs// thugs rje sprul pa'i sku ru shar// chos sku nam mkha'i khams su khyab// zhing khams snang srid thams cad yin// dus gsum sangs rgyas thams cad dang // khams gsum sems can thams cad ni// chos sku ma bcos 'khor du 'dus// rig pa gsum gyis bstan pa sgrogs// gsang sngags gter gyi mdzod 'dzin cing // mi rtog brda 'jal go zhing rtog/ spros med byang chub sems su shar/ tade las 'dus shing 'phel ba'i bzhir// thams cad de yi 'khor du bshad// chos sku dag la 'gyur ba med// ma bcos rang 'byung rtag pa yin// chos skur rang byung spros med pas// ye shes sku la spros med gsal// des na byin gyis brlabs kyis bshad// longs spyod rang rig nyid yin te// gzugs

  736. 369a

    su snang ba rnam pa yin// 'dod pa'i bde ba thams cad dang // rgyud kun ma lus thun mong gi/ bde ba dngos 'dzin rang rig kyang // rig pa nyid nas gdod nas rdzogs// bsam gtan bzhi pa'i bde ba yang // gzugs khams lha yi longs spyod de// sems kyi bde ba rang bzhin tshang // skye mched mu bzhi'i ting 'dzin bde// rang byung byang chub sems la rdzogs// 'dzin gnyis ldan pa'i bde ba dang // tshogs gnyis ldan pa'i mthar phyin dang // ma bsgrubs bde ba'i rang bzhin rdzogs// dag pa gsum dang gnyis su blta// brgyud pas byin brlabs bde ba yang // sems nyid rtogs pas nyid la gnas// gsal bya rim pas don 'dzin cing / 'dod pa'i stobs kyis nye bar bsgrub// bgrod pa rim gyis thob par 'gyur// bde ba thabs dang shes rab kyang // rang rig kun mkhyen nyid la rdzogs// dbyings dang ye shes lta ba yang // ting 'dzin shes rab rtsal chen gyi// rgyu ni dbyings su rdzogs pa ste// 'bras bu ye shes dkyil 'khor bde// rgyu 'bras gnyis med sems la rdzogs// des na longs spyod rdzogs pa yin// mi gnas sems kyi rang bzhin ni// ma bcos chos skur bzhugs tsam na// gnas ni yang dag

  737. 369b

    'og min te// 'khor ni byang chub sems kyi 'khor// spros med byin pas phyogs bcur gsal// bstan pa phyi nang gsang ba gsum// rang byung ye shes cha 'thun pas/ ma bcos rang byung rtag pa yin// chos sku rang byung spros med pas// chos kyi sku yi bstan par shar// sangs rgyas sems can thams cad dang // snang srid snod bcud ma lus pa// chos nyid ngang las ma g.yos pas// sems nyid chos sku'i zhing khams yin// longs spyod rdzogs sku'i zhing khams ni// 'dod pa'i longs spyod thams cad de// spyod kyang ma chags longs spyod yin// bzod gnas ma thob 'khor de la// dgongs pa sku dang ye shes bshad// ting 'dzin rig pa'i gdong gis go/ mtshan mo'i sku gsung mi mnga' bar// bstan pa phyi ba'i gsang sngags gsum// snang ba cha 'thun yod pas na// longs spyod rdzogs pa'i bstan par bshad// gnas ni 'og min rig pa'i gnas// rig pa'i sa bcu thob rnams la// rang gi ngo bo gsal bar ston// longs spyod rdzogs sku'i mdzad pa ni/ bstan pa phyi ba rgyud sde gsum// rang 'dod 'bras bu mthar thug kyang // ma bcos pa la ma reg pas// longs spyod rdzogs sku'i mdzad par shar//

  738. 370a

    gdul bya dman pa'i 'khor de la// rgyal thabs spyi blugs dbang bskur nas// thob med byang chub sems dang sprod// ma bgrod rtog pa'i 'jim las bsgral// bde ba phrag brgya'i don thob nas// zhing khams thamaso cad bde bar spyod// rgyal thabs spyi blugs ma thob par// rang sa thob kyang mthar ma phyin// de nas lung ldan bla ma yis// rgyal sras slob ma skal ldan la// sgra khrid sems kyi don ldan pas// semaso nyid rin chen gnyis med la// skur pa'i cha gnyis mi rtog kyang // brda don spyod pa'i man ngag sbyin// thugs rje'i rang bzhin sprul par shar// sna tshogs gdul bya'i bsam pa bzhin// lam gnyis thob kyang 'gro drug 'khor// bstan pa sde snod gsum du bston// zhing khams stong gsum 'jig rten khams// thugs rje'i gnas la nges pa med// ma bcos rang byung ye shes ni// rang byung ye shes lngar snang la// phyin ci log gi bsam pa yis// ye shes nyid du ma rtogs te// yang dag zhen pa lnga ru mthong // zhen pa lnga yi 'bras bu ni/ khams gsum sems can nyid du shar// ngo bo sems la 'gyur ba med// 'dod chags las kyi rnam smin gyis// lha yi gnas su skyes nas kyang //

  739. 370b

    ltung ba'i sdug bsngal dag myong yang // 'dod chags dngos la ma grub pas// 'dod chags ye shes nyid du dag/ byang chub sems la bskyod pa med// nga rgyal las kyi rnam smin gyis// lha min gnas su skyes nas kyang // 'thad rtsod sdug bsngal dngos myong kyang // nga rgyal ngo bo shes pas na// nga rgyal ma spangs gnas su dag/ de nas nga rgyal mi gnas stong // phra dog las kyi rnam smin gyis// mi yi gnas su skyes gyur nas// sdug bsngal sna tshogs myong gyur kyang // phrag dog chos kyi dbying yin pas// phrag dog ma spangs gdod nas dag/ de bas byang chub sems mi bskyod// ser sna'i las kyi rnam smin gyis// yi dgas bkres skom gnas su skyes// bkres skom sdug bsngal myong gyur kyang // ser snas ma bcos byang chub sems// des na dbyings la 'gyur ba med// gti mug las kyi rnam smin gyis// dud 'gro'i/ gnas su blun lkugs myong // rig pa phra mo'i chos yod kyang // gti mug ma bcos byang chub sems// yul yang de ltar rig pas na// gti mug ma spangs gnas su dag/ zhe sdang las kyi rnam smin gyis// dmyal ba'i gnas su tsha grang myong // zhe sdang me long ye shes nyid// thams cad de ltar shes pas na// ci yang min

  740. 371a

    par chos rnams shes// thams cad mkhyen pa'i spyan gyi mchog/ snying po'i don gyis chos rnams gsal// bstan pa rgyu 'bras theg pa gsum// gdul mdzad ston pa drug snang ste// lha yi dbang po rdo rje 'dzin// lha min ston pa srid thub 'dzin// mi yi ston pa thub dbang po// dud 'gro'i ston pa gsal byed 'bar// yi dgas ston pa stobs kyi bdag/ dmyal ba'i ston pa chos kyi rgyal// zil byed 'bar ba'i thugs rje'i bdag/ gdul bya'i 'gro ba drug yod pas// ye shes rnam pa drug tu shar// gang zag blo rnol 'tsho phyogs su// gang dag 'thun pa'i sgo nas ston// zhes gsungs so// ye shes gsang ba'i rgyud las/ sku gsum bstan/ pa'i le'u ste gsum pa'o// // de nas sems dpa' rdo rjes/ de bzhin gshegs pa rnam par snang mdzad la 'di skad ces gsol to// khyab bdag dkyil 'khor ma bcos lhun grub sku// rtsol med gnas pas mngon sangs rgyas// phyogs ris mi mnga' nyi zla ltar// ye shes 'od zer phyogs bcur bdal// snying rjes don mdzad lhun gyis grub// phyogs ris mi mnga' sku mchog gis// rim pa brgyad la gsang ba'i don// 'dus pa'i tshogs la bstan du gsol// zhes

  741. 371b

    gsol pa dang / de bzhin gshegs pa rnam par snang mdzad kyis bka' stsal pa/ gsum la ngos zung mi mnga' ste// brgyad kyis rang 'od gnyis kyi log/ gcig gris ma rig khas mi len// drug gis lnga yi 'bras bu myong // de nas ye shes gsang ba yin// chos sku gdod nas rnam dag la// brtags pa'i gzung 'dzin dang/ gis med// de nas chos nyid gsang ba yin// longs spyod rig pa dag pa la// phyi nang med pas sems nyid gsang // chos can ma yin chos nyid yin// ci yang ma yin gyi nar zhog/ sprul pa sna tshogs cir yang ston// zhen pa'i bsam pa ma rtogs par// yang dag dngos po grub pa med// dper na thag pa sbrul mthong yang // thag pa'i mtshan nyid sbrul ma yin// snang ba rtags par zhen mod kyang // ma bcos snang ba brtags pa min// rol pa sgyu ma lhun grub ste// rtsol ba sgyu ma ba de mchog yin// mi 'byung rdo rje ba tsan pa yin// ma bcos lhun grub chen po la// nges pa med par gsang ba ra shar// man ngag gnyis mthong ba yis nita gzugs la phra rab rdul du mthong // sems la rdul mthong phyin ci log/ bdag med dngos bzung chos nyid gsang // gang zhig cha 'thun nang pas ni//

  742. 372a

    bcu drug chos la gcig ma rtogs// rten 'brel chos la nges brtags pas// rgyu rkyen chos nyid don ma mthong // gnyis med sku yi ngo bo la// bde na gnyis lta bar rnam phyed de// don dam stong pa dngos med la// rigs bzhi gtan tshigs dag gis tshol// don gyis ngo bo rtogs nas ni// zhi gnas gang zag 'dod pas bsgoms// lhag mthong 'phel ba'i skabs gsum 'dod// lam gnyis sbyor ba'i rim pa ste// don mthong rags pa'i rtogs pa sbyangs// phra ba'i rim pa bcu yi bar// shin tu phra ba'i sgrib pa la// mthar thug pa yi sbyor bas gcod// rang 'dod rtogs pa'i mthar thug yin// des na bosti gnas drang ba'i sa/ bgrod mod bgrod pa ye shes gsang // btsal med btsal bas bsgrub pa med// bdag dang mi mthun log pa bzhin// des na 'dus pa'i 'khor tshogs khyed// btsal med chos la btsal mi bya// bgrod med chos la rang bzhin zhog/ rgyal rtags phyi bas mthong ba ni// mtho 'jam dma' rtsub rigs su 'dod// dag ba gsum gyi sgor zhugs nas// don dom dam tshig ye shes rje 'bangs ltar// rtogs pas rdo rje 'dzin pa yis// nges par mthong ngam bcos ma'i sa// sa thob

  743. 372b

    rang skyon me long tshul// rims sam cig car rim gyis 'jug/ rgyal thabs spyi blugs tshangs pa'i dbang // skad cig nyid kyis rdzogs sangs rgyas// gang rtogs dus gsum rnam pa thams cad du// de nyid tshod du ldan pa yin// gzhi nas 'bras bu yin pa'i don// dam tshig ye shes grogs po yin// mtshan ma'i dngos po chu zla'i tshul// mthong bas dgongs pa'i ngo bo dang // de nyid mtshan ma med bsgoms pas// stong nyid la sogs ye shes 'grub// gcig la'ang sku lnga 'byung ba ste// lnga dang de gnyis de bzhin no// de nyid grangs 'thun sprul pa ste// de rgyud la'ang byin rlabs te// de las sprul pa bsam ma khyab// sbrul ldan gnyis kyi sems la snang // yo ga drang don bsam pa yis// mthar thug 'bras bu yin 'dod kyang // de dag rtsol ba'i 'bras bu yin// ma bcos ji bzhin ma rtogs par// rang snang ma bcos yul byas nas// 'jug pa'i rim gyis lnga pas bzhin// brda don spras pas rgyal gral bzhag/ bya ba'i spyod pa dag gis gnas// byin rlabs rgyud pa'i lta bar 'dod// rtsol bas 'jug dang gnyis kas len// yo ga'i spyod la gang gnas pa// 'bras bu'i lam du 'jug pa ste// rang 'dod rtogs pa'i sa yin yang //

  744. 373a

    ma bcos tha ma'i sa ma rtogs// smin dang 'bras bu mi 'byung ste// bi la wa ra li 'bras bzhin no// bskyed pa ma hA yo ga ni// gzhi nas 'bras bu de bzhin te// tha ma rtsang sme lam du 'dod// gzhi nas 'bras bu yin pa'i don// skyed pa'i rim pas rtsol ba dang // rdzogs pa'i rim pas 'grub pa yin// lam gnyis grol dang thabs yin te// re re bskyed dang rdzogs pa ste// grol ba'i lam la bzhi yin te// thabs lam nang dang gsang ba gnyis// gnyis bzhi brgyad du ldan pa ste/ bcu gnyis dag tu shes par bya// lta spyod dkyil 'khor dbang dam dang // bsgrub pa 'phrin las rim pa ni// phyi dang nang dang gsang ba ste// rang bzhin gnas dang rtsol bas 'jug/ rgyud kyi ngo bo gsum du bstan// dang po bskyed pa'i ting 'dzin sgom// bskyed pa'i rdzogs dang rdzogs pa'i bskyed// skabs dang sbyar nas de bzhin bsgom// dngos grub rgya mtsho lta bu ni// grol ba'i dkyil 'khor yongs rdzogs pas// de ma thag tu lhun grub kyi// nang gi lam la gang 'jug pa// bskyed pas dkyil 'khor lnga la 'jug/ de nyid rdzogs pas de nyid bde// gsang ba'i pho brang rtsa mdud gsum// gru gsum dkyil 'khor nyams dga' ba// byang chub sems kyi dkyil

  745. 373b

    'khor yin// sprul pa drug cu de dang ldan// dbus su a yi rang bzhin te// phyi rim bzhi dang brgyad du ldan// chos kyi 'khor lo dag la brgyad// de dkyil dngas ma gsum dag ste// lnga dbus thig le byang chub sems// chos nyid gsum dang ye shes gcig/ rang rgyud gang du shes par bya// de nyid ci 'dra sems pa na// chos nyid rtsal la 'od zer te// dbyibs ni zlum po dngul bzo bzhin// sa bon su dri snying po oM// de dag gsum gyi kha dog ni// za 'og gur phub lta bur gnas// ye shes rtsa la 'od mthong dag/ zhags pa shel sgong brgyus pa 'dra// sa bon snying po a nr-i hUM// sa bon snying po pri du aM// ma rtogs sa bon a la sogs// rtogs pas ye shes sku gsung thugs// gnyis su med pas bsres pa yin// bye brag bzhi ru gnas pa ni// rnam shes brgyad kyi rten ma ste// ru ma bzhi yis shes par bya// snyigs ma gsum la gnyis su rgyu// rnam shes drug gi tshul dang 'thun// gang gis gang byed de bzhin no// de yi ngang la rtag gnas ni// bde ba'i rtags rnams 'byung bar 'gyur// g.yo zhing 'phar na rtsol ba led// nam zhig de ltar gsal 'gyur na// snying po gsum dang sa bon drug/ ye shes rang bzhin 'od du 'bar//

  746. 374a

    thig le rang bzhin med par thim// rgyu ba rim gyis 'phar la gnas// dbugs sogs rang bzhin med 'gyur nas// rtsa dbugs nam mkha' ltar snang la// ye shes khyab gdal kun tu bzang // chos dbyings gsal ba'i go skabs 'byed// gsang ba'i ye shes thig le'i dbyings// gnyis dang drug cu dkyil na bzhugs// shes rab thabs la snyoms par 'jug/ thams cad rgyab btab dkyil 'khor yin// lnga yi rang bzhin nyid du lta// 'phro dang 'phar ba steng 'og tu/ steng gi snying po bskul byas na// bde ba chen po'i mchod pa yin// de 'og thig le mnyam sbyor ba// drug dang bcu yi steng du ste// dgyes pa chen po'i rang bzhin ni// bde ba chen po stob par byed// shes bya 'byung zad bsod nams kyis// yul rnams sgyu mar rab snang ba// rol mo'i bde ba mtha' dag gis// bde ba chen po'i 'phrin las 'phro// sum cu rtsa gnyis dkyil 'khor na// thig le de yang mnyam pa'i dbyings// kun gyi dngos yin kun gyi gtso// bcu dang bzhi ni/ mngon rdzogs pa// gsum dang gnyis su yang dag gnas// kun gyi dngos por bdag nyid gnas// gsang ba'i lam la gang gnas pa// mtshon byed rig pa'i

  747. 374b

    bde ba yis// lhan cig skyes pa'i dga' ba rtogs// bde ba gsal ba mi rtog pa// rdo rje 'dzin pa'i sa pa yang // de yis don rnams mi thob ste// rgyal dang de yi cha bzhin no// shes pa dbang pos blo bur bas// rang gnas ye shes mi rtogs te// 'dzin pa rang rig mi rtogs bzhin// dngos 'dzin zhen pa'i rang rig gis// lhun grub rang rig don mi mthong // rang sa thob nas bcol ma'i sa// snga ma bzhin te 'jug pa 'dra// mthar phyin a nu yo ga yang // rang bzhin dbyings dang ye shes la/ 'khrul pas 'khor dang rang rgyud pa// bde gshegs chos dbyings ma bcos gsal// rang bzhin snang ba zhir gnas pas// bde gshegs snang ba 'bras/ bu yin// 'khor gyi snang ba lam pa ste// lam sa phyi nang gsang ba gsum// cig car rim pa de bzhin no// rim par 'jug pa'i tshul gyis ni// bskyed la bstan par gyur nas ni// rdzogs pa'i don du 'jug par bya// mos pas nang yang de bzhin te// gsang ba'i don la dran pas sgom// 'bras bu dbyings dang ye shes sa/ rang 'dod 'bras bu thob mod kyang // mthar phyin 'bras bu yod ma yin// e ma ho ye shes gsang ba'i sa// rtsol ba'i lam gyis thogs pa med// 'gro

  748. 375a

    drug zhen pa'i rang 'thad kyang // mu stegs rang bas ma log pa dang // brgyad kyis rang 'dod dbyings la bltas// phyi nang med la spro bsdu byas// ngo bo med la dmigs 'dzin byas// rang 'byung nyid la rgyu yis btsal// ma bcos ci yang ma yin la// cir yang 'dzin pa'i bsam pas brtags// bgrod mod 'bras bus lhun grub la// lam brgyad bgrod pas bgrod med bslad// de nas ma bcos dngos po la// log sred 'dzin pa'i blo yis ni// ji ltar spyad kyang ma yin pas// ma spyad rang bzhin gzhag pas go/ dpyad sems la ni spyad pas na// ma yin log ste gzhan lta bzhin// zhes gsungs so// ye shes gsang ba'i rgyud las gang la gsang ba bstan pa'i le'u ste bzhi pa'o// // de nas yang sems dpa' rdo rjes/ de bzhin gshegs pa rnam par snang mdzad la 'di skad ces gsol to// thugs rje'i bdag pos gsungs pas na// 'dus pa'i tshogs kyis rtogs pas ni// sems kyi rang bzhin ye gnas pa// zhe na drug log gsum rtsol brgyad kyis// de nyid rang bzhin gsal bar gsungs// gsum la ngos zung med pas gsang // thams cad kun la gsang bas na// de nyid gang gis shes

  749. 375b

    par 'gyur// gsung gi mnga' bdag khyed kyis ni// kun la gsang ba ji ltar rtogs// zhes gsol pa dang / de nas de bzhin gshegs pa rnam par snang mdzad kyis bka' stsal pa/ theg chen sems kyi rang bzhin la// sgra dang tha snyad kun las 'das// snod ldan rtogs par 'dod pa yis// gtan tshigs tshad ma gsum gyis ni// de rgyud rtogs pa'i thabs su bshad// bya bral rdzogs lung rig pa'i nyams// dran tshigs chung ba'i man ngag gsum// yang shes rtogs pa'i rig pa'i mchog/ thabs chen rgyud dang bye brag rdzogs// mkha' khyab byang chub sems lung gis// snang srid sems su gtan la 'bebs// ye shes gsang ba'i ngo bo ston// bdag nyid gsang ba'i dkyil 'khor ston// lung gsum snang ba ston pa'i bka'// yin pas nga yi bka' dang 'thun// rig pas nyams su lon pas na// yid ches rig pas gtan tshigs so// rnam gsum lung gi ngo bo ni// sems nyid rig pa'i chos yin no// thams cad sems su 'dus pas na// sems ma yin pa'i chos mi snang // ji ltar snang ba'i chos rnams ni// sems la snang phyir sems yin te// sems nyid rig pa ma yin na// de nyid ji ltar snang bar 'gyur// tha dad mthong ba brtags

  750. 376a

    pa ste/ bag chags log pas 'khrul tsam na// med par log par snang ba ste// dung la ser por mthong ba bzhin// dung nyid ser po ma yin na// ji ltar de la ser por mthong // des na ser po'ang yin 'dod nas// dung la ser por yod pas na// ma 'khrul shes pas ci mi mthong // zhe na rtogs 'dzin pa'i dbang gis na// brtags pas sna tshogs gang du snang // dang po mtshan ma'i rang rig ste// gnyis pa med pas rang rig yin// gnyis par gnyis ka med pa ste/ mtshan gzhi med pa'i mtshan nyid ni// mi srid me med tsha ba bzhin// gsum pa zhen pa'i rang rig ste// bde ba'i don la rtag tu zhe na// zhen pas ma bcos don mi mthong // bzhi pa ma bcos rang rig ni// ngos zung med pas gang yang min// ye shes rol pa'i rang snang la// bla ma'i zhal nas shes par bya// rol pa'i yang shes rang snang dang // rtogs pa'i zhen pa sna tshogs pa// bye brag mang shes gti mug blo// byang chub sems kyi lung gis ni// thams cad sems su gtan la 'bebs// des na byang chub sems kyi lam// ma bcos sems kyi rang bzhin la// byang chub sems kyi rang rig ni// byang chub snying por de ma thag/ rig

  751. 376b

    pa'i tshad ma nyid kyi shes// rig pa'i tshad ma ma skyes na// sgra yi tshad ma ci bstan kyang // sgra yi don dang de 'phrad nas// sgra'i don rjes su rdzogs par 'gyur// spyi ma rtogs pa de gnas kyang // rang gi mtshan nyid de ma yin// rig pa'i tshad mas don mthong na// de nyid rig pa'i don ldan pas// lung sogs tshad ma rnams mi dgos// da ltar de ni de bzhin no// slob tshul rim pa ma yin te// ma bgrod cig car 'jug pa yis// de bzhin gzhi las ma g.yos pas// mthar phyin gzhi la the tsom med// rdzogs pa'i sems kyi rang bzhin ni// brda don sprad pas mthar phyin kyang // 'dzin pa drug la zhen pa yis// rtog pa sems su shes pa la// blo yi bye brag bas ma mi khyab// shes pa skye ba gsum yin la// mthong ba sna tshogs rig pa'i nyams// dang po gnas pa'i ting 'dzin ni// chu drag 'dra ba'i dpe yis bstan// myur dang dal bas 'bab chu 'dra// gnyis pa la ni mi g.yo ba// rgya mtsho'i gting bzhin mi g.yo ba// gsum pa bzhi pa 'bras bu'i nyams// mnyam nyid ye shes lhun gyis grub// snang ba rnam rtog cir mi lta// dran pa kun spangs ye shes nyid// zin pa'i rtsol ba'i nad spangs te// lhun gyis gnas pas

  752. 377a

    bzhag pa yin// rin chen rgyud pas shes pa yang // slob dpon slob ma'i bye brag dang // sngon du 'gro dang tshod ldan dang // bstan pa'i don la gzhag tshul lo// de yi yon tan dbye ba dang // 'phrin las dam tshig don yin no// rgyud dang mdo sde thugs la rdzogs// bka' gzhung rig pa'i don la mkhas// dma' ba'i blo spangs khyad par kun mkhyen yang // rig pa'i shes rab ting 'dzin nyid la gnas// rdzas dang 'brel ngor mi gtong chu srin sder mo bzhin// thugs rje phyogs ris mi mdzad kun la snyoms// dman pa'i sangs rgyas re thag las pa'i sa// slob dpon rnam pa gnyis su bstan// brda don sprod pa'i slob dpon ni// rang rgyud rnam dag ma bcos pa// don dang 'brel ba'i sgra tshig gis// ye shes rig pa'i ngo bo ston// skye ba med pa'i brda don spyod// de ltar ma yin brda do na da bral// mo nor nges pa'i slob dpon gyis// tha dad ma yin slob ma la// sgra dang tshad ma mi mnga' bar// ji bzhin rig pa'i ngo bo ston// mi rtog brda 'jal go zhing rtogs// bde gshegs kun gyi ngo bo la// sems can kun gyi dngos gzhi yin/ de yi stobs kyis de gsal zhing // de nyid ngang du de gnas na// don rnams rig pa'i phyag rgya can/

  753. 377b

    mi g.yo rnam dag sman chen gyis// gcong rong ye shes nyid du sbyar// 'khor ba rnam par dag pa ste// thams cad mkhyen pa'i ye shes kyis// dug che na sman du btul ba ltar/ 'khor ba ye shes nyid du gzigs// snying po don gyi de nyid ni// gang ltar ci yang ma yin pas// thams cad mkhyen pa'i dgongs pa la// bden par gzigs pa mi mnga' la// de bzhin brdzun par mkhyen pa min// thams cad gang yang mkhyen pas na// snying po don gyi ngo bo mkhyen// ma bcos thugs kyi 'phrin las can// cis kyang ma bcos cis mi g.yo// gdod nas dag pa'i chos nyid la// dran pa rkyen gyis de bzhin gnas// lhun grub sems la rtsol ba med// rang byung yang shes rgyu/ rkyen med// mi gnas thugs la phyi nang med// stong pa'i ye shes dngos po med// me long lta bu'i ye shes ni// shes bya kun la mngon phyogs med// mnyam nyid ye shes che chung med// so sor rtogs pa ma 'dres gsal// bya ba nan tan thugs rje'i dngos// rang byung ye shes nyag gcig la// yon tan cha re ru mar bgrangs// rang rig nyid la yul med pas// yul gyi bskyed pas ye shes min// rang byung nyid la rgyu med pas// rgyu yis bskyed pa yang shes min// lhun grub nyid la rtsol med

  754. 378a

    pas/ rtsol bas bskyed pa ye shes min// nam mkha' lta bu'i ye shes la// phyogs ris med par ye brdal ba// lhun gyis grub pa'i 'phrin las yin// rnam dag dbyings la gnas bzhin du// yong la snyoms pa'i thugs rje 'byung // 'gro ba gang gi ngo dag tu// gang la 'tshams pa'i thugs rje 'byung te skal ldan gdul bya gnas pa na// thugs rje gdul bya bzhin du 'byung // gdul bya gang yang mi gnas na// thugs rje'i mdzad pa gang la 'char// gang gi skal ldan gdul byal// thugs rje gzhan zhig 'dod pa ni// rang nyid thugs rjer ma rtogs te// gzung 'dzin 'khrul pa'i blo yis brtags// thugs rje gzhan la 'char ba na// sdug bsngal drag pa'i 'khor ba la// skyob pa'i thugs rje yal lam ci// nam zhig rang rgyud dag tsan+da// thugs rje gzhan gyis ci zhig bya// rtogs pa phra rag gdul bya la// ye shes rig pa'i thugs rje 'chararo// 'gro 'dul thugs rje'i 'phrin las so// dam tshig yid bzhin rin po che// rgya mtsho'i pha rol sgrol ba'i sa/ tamo bcos rig pa'i chos nyid la// mi 'gyur ye shes gsal bar gnas// rtsol bral rig pa'i dam tshig go// dam tshig mi ldan rdo rje ni// bka' mi

  755. 378b

    rgyu la mkhas gsal yang // sbrel ma g.yang du 'dril ba bzhin// bdag gzhan rdo rje'i khab tu 'gro// des na dam tshig gzhung ldan ni// 'jig rten grags ngor chos mi gtong / 'brel pa rdzas kyi ched ma yin// bdag gzhan gnod pa'i las mi byed// kun la snyoms pa'i thugs kyis gnas// 'jig rten 'brel ba'i ched mi byed// ma bcos dbyings la mi 'gyur bstan// ye shes gdeng gis mi zin par// tshogs sdang zhen pa'i las mi byed// sems nyid rdo rje rnam dag la// gnang bkag chos yod ma yin yang // zhen pa ye shes ma rtogs par// lha yi spyod pa gtso cher 'dzin// de nyid don ldan legs pa che// slob ma bye brag gnyis dag la// bdag don spyod pa'i chos nyid la// snod ldan dam tshig gces su 'dzin// sems nyid dag pa'i gdengs byas na// dam tshig mi bsrung tha mal sems// rang rgyud ngan pas dregs pa dang / thos pa chung ba'i blo sgyum dang // man ngag bcud chen 'dzag pa dang // ye nas blo 'phang dma' ba dang // 'jig rten bya ba'i rgyud 'grub dang // mu tso smra zhing mkhas 'dod dang // slob dpon srog tu mi 'dzin dang // man ngag bsgrub byar mi sems pa// rdzogs chen rna brgyud bstan byas na// dam shod gling gi dur

  756. 379a

    khrod du// mkha' 'gro'i rnam nyan 'du ba bzhin// 'chi ba'i dus kyi sngon rol du// sha khrag mngon du za bar byed// gzhung dang mi ldan slob ma ni/ grib bzhin 'khor yang spang bar bya// lus srog bral yang khar dbyung min// 'du 'bral byung yang las kyis byung // yon tan de ldan slob ma ni// stong gsum btsal kyang gcig 'ga' dkon// mang yang gsum las 'da' mi bya// man ngag rgyal 'theb gcig la bstan// bskal pa grangs med sngo la rol nas// rdzogs chen don la sbyangs sbyangs pa// ye shes gsang ba'i snod du bsngags// sgo nga'i nang gi khyung phrug ltar// 'khor ba nyid du ya sangs rgyas// sgong chag mkha' la khyung 'phur ltar// rtogs pas ma bcos bla ma'i sa// rgya mtsho'i bcud 'dus bdud rtsi bzhin// bka' yi bcud sdud rdzogs chen 'di// snod ldan ngang tshul bzang la bstan// dbang dang snod brtag cho ga dang // gsol ba gdab dang gnang ba sbyin// sngon du 'gro ba'i rim pa'o// bde gshegs ma lus gsang ba'i thugs// srid pa gsum la gdod nas gnas// gang gis de rig rtogs gyur na// dbang rnams kun gyi mchog yin no// srid pa gsum nas ye dbang bskur// rang dbang

  757. 379b

    dam pas snod du byas// gzhi nas dbang thob bskur mi dgos// rtogs thabs sgra khrid thabs kyis shes// bcos ma'i sbyor ba'i rnal ma nyid// gang mos mthun pa'i sgo nas bstan// thabs sbyor bcos ma'i sgo nas ni// 'phrul gyi ma long bzhin du bstan// rtog don rnal ma'i don du bya// don rtogs bcos ma'i sbyor ba spang // tshig don khyad par bstan pa ste// dgongs don gong ma'i don la 'jug/ sgra brjod thams cad sems su bstan// rnal ma ma bcos gzhi nyid bzhin// lhun grub gsum gyi don la 'jug/ rim par 'jug pa'i bzhi yis so// bya ba med pa'i dkyil 'khor gsum// gdod nas rtsol med lhun gyis grub// ye shes nyi ma'i snying po ra shar// rang gsal mun pa'i ye nas dag/ ma lus thig le chen po nyid// mi g.yo rnam dag yul 'das la// rgyu dang 'bras bur rtogs 'dzin cing // mi shes sgyu ma'i blo yis bcings// rang snang ma bcos nyi ma dag/ ma ba tsa la ji bzhin snang bas na// snying po'i sems la gol ba med// thams cad gsal ba'i snying por 'bar/ log rtog blo yi dbang gis na// snang srid 'khor ba'i kha rgyud kyang // ye shes dbyings la g.yos pa med// sangs rgyas rnams kyi ye shes ni//

  758. 380a

    bdag tu rtog pa nyid las byung // rtog pa'i blo la mtshan mar snang // mi rtog ye shes grol ba'i thugs// ye shes mi rtog me long gsal/ mkha' la 'ja' tshon bzhin du snang // rang snang ye shes ngo bo la// rol pa'i khyad par snang ba ni// snang la ngos zung ma yin te// chu yi zla ba lta bur snang // gar yang ye shes rol pa la// gang yang ma yin ji bzhin pa// rang 'byung ma bcos de bzhin nyid// dngos nyid mi g.yo bde chen dang // btsal zhing g.yo ba ci yang med/ dbyings dang ye shes tha snyad de// de nyid ma yin zhen pa'i gnas// rmad byung gzhal yas spros bral na// 'bar ba'i ye shes bde gang shegs gsum// thug phrad nyid du gzhag pa ste// bla ma'i zhal nas shes par bya// spyod pa'i sgo nas sna tshogs pa// lung ldan bla mas shes par bya// 'phrul tshig sgra yis shes ba rtag/ gang la bdag gi de yin na// de nyid ye shes rig pa 'char// ma yin de nyid log pa na// rig dang ma mthun rang bzhin log/ rlung dang mkhris pa'i chos bzhin no// spyod pas phyag stong bye brag shes// de yi drag dal nyug pa'i don// de nas rdo rje slob ma yis// rig don 'dod pa'i gsol ba gdag

  759. 380b

    gnang na de nyid rgyal tshab bya// rtsol bral zin dang ma gzung bar// gsang ba'i 'khor lo ye shes gter// gsang sngags gter gyi mdzod 'dzin cing // rig pa'i bstan pa sgrogs pa'i bdag/ gzhi cha'i rig pa rang gsal te// dus gsum bde gshegs snying po yin// gsum ldan 'khor ba'i rang bzhin no// dus tshod bla ma'i zhal nas shes// gzhan du'ang de bzhin kho na yin// shes rab gsang ba'i dkyil 'khor ni// dgu rum nas sa dag yin yang // gsal byed sgron ma de yis mthong // ye shes gsal ba'i phyogs med brdal// phyi nang med par kun la gsal// 'khor ba rag pa'i cha yis ni// de nyid phra ba'i don mi mthong // bde don mthong bas 'ching ba grol// rdzogs pa'i ye shes de nyid go/ nyams blangs goms pas mthar thug ste// ji ltar 'dzin pas bzung ba'i blo// ma lus par ni zad 'gyur na// mi rtog ye shes gsal mthar phyin// 'gyur med sems kyi g.yung drung la// ye shes rang snang gyi nar gzhag/ dran pa rkyen gyis ma shor te// de nyid tshod du lhug par zhog/ ma nor sems kyi slob dpon la// lung nod dran pas thag gcad bzhin// bsam med dran pa mi g.yo la// mi spyad legs pa'i don mi zung //

  760. 381a

    bsdu bar ma yin spro bar yin// mi rtogs gsal ba ma bcos pa// rdul ma yin ni 'jam pa'i ngang // rig pa de nyid ngang la gnas// sems nyid rang gzhag lhug pa'o// glang chen lta bu'i sems la ni// ma bskyod rang lugs nyid du bde// btsal na glang chen myos 'drar 'gyur// nam mkha'i ngo bo ma bcos pa/ sems nyid rang bzhin ma bcos bde// khyung chen mkha' la lding ba bzhin// mi btsal rang bzhin gyi na bde// thams cad gtang bas 'dzin pa med// bya ba med phyir rtogs pa'i ngang // sems kyis bsgrib par mi bya zhing // lus dang ngag dang btsal mi bya// shes pa mi bsdu yan du khyed// snang ba dgag dang zhe na mi bya/ mtshan ma'i spros pa 'phel ba na// sna tshogs rtogs pa'i sel byung na// lus sems glod la gzer chen gdab// shin tu dran pas g.yo ba na// stong nyid bde ba'i man ngag sbyin// ye shes gsang ba'i dgongs pa la// gang yang ma yin de ltar yin// zhes gsungs so// ye shes gsang ba'i rgyud las/ ngang gis gsal ba'i le'u ste lnga pa'o// // de nas rdo rje sems dpa' des/ de bzhin gshegs pa rnam par snang mdzad la 'di skad ces gsol

  761. 381b

    to// rin chen 'khor lo gsang ba'i thugs// 'phrul tshig rig pa'i sgron ma yis// dgu rdum sbas pa'i don gsal na// de nyid rang gis gsal bar gyis// zhes gsol pa dang / de nas de bzhin gangashegs pa rnam par snang mdzad kyis bka' stsal pa// sems dpa' chen po tshur nyon cig/ man ngag de bzhin gsang ba ni/ bka' rgyud ma lus mtha' dag gis// brjod bya'i snying po de yin te// mi tshig rnam grangs sdud pa'i bdag/ kun brjod gsung gi 'khor lo can// dus mtha'i skad cig nyid la ni// klong dgu bam po nyi khri nyid// rin chen gsal bya'i ched du gsungs// de nyid dgu ldan sems kyi gzhi// rin chen lam gyis nyams su blang // ma bsgrubs 'bras bu lhun gyis grub// lta ba sems la blang dor med// mtha' dbus med pa'i snying po len// yeng shes ma 'gag gsal bar snang // gnang bkag med par spyod pa'i rgyun// mi bsam mi yangs dgongs pa'i klong // rgyal thabs spyi blugs rdzogs pa'i dbang // bgrod med mthar phyin sems kyi lam// bcos med dam chog gdod nas dag/ rang snang 'bras bu lhun grub klong // chos nyid ma btsos rnal ma'i gzhi// don dang nges tshig de yis bstan// gzhi don lhun grub

  762. 382a

    rnam gsum la// rnam pa rang bzhin mtshan nyid rnams// bde ba chen por lhun grub pa// dus gsum bde gshegs yang shes dang // 'gro drug sems kyis ma bcos pa// tha dad ma yin rang bzhin gcig/ rnam pa lhun grub sgyu ma ni// rol par snang la ngos zung med// rang rig mtshan nyid lhun grub la// gzung 'dzin brtags pa ngang gis med// de nyid de yi rang bzhin ni// ma lus don gyi snying po bzhi// ma shes rtogs pa'i rang bzhin te// rtog tsam nyid na mi rtog pa// thams cad rol pas 'khor yang yin// 'dzin rtag med pas sangs rgyas yin// 'ching ba bral bas lta ba yin// rang 'bar gsang ba'i dkyil 'khor dag/ ma lus 'dus pa'i lus chen po// gcig ni kun gyi rang bzhin te// lhag ma med par yongs su rdzogs// rig pa'i 'khor lo 'bum phrag yas// bzhi mtshan dpe yi rang bzhin no// mun pa chu dang nyi ma bstan// sems nyid rig pa kwa dag la// zhen pas brtag pa'i snang med pas// smag gi mun rum lta bur bshad// dngos med rig pa rang snang la// ye shes rol pa mi dgag pas// chu yi gnyer ma lta bur bshad// ma bcos sems nyid mtshan nyid la// rtsol bas bkag pa ma yin yang

  763. 382b

    gdod nas dag la dri med la// nyi ma shar ba lta bur ba shad// tha dad rtag par 'dzin pa dang // rol pa'i snang ba bkag pas chad// 'tha' bral dbu ma'i don 'dzin pas ta mtha' gsum gsal ba'i dgongs pa'o// rang snang lhun grub ye gnas na// bgrod pa'i lam gyis btsal ma dgos// mtha' med nam mkha' lta bu la// bgrod pas phyin par ga la 'gyur// sems la bgrod pas phyin 'dod na// mkha' la tshad kyis mjal ba 'dra// lam bstan pa dang lam gyi dpe// nges pa'i don ldan de nyid yin// don gyi lam dang tshig gi lam// don ni thug phrad gsum yin la// de yi brda phrad tshig gi lam// ye shes bgrong med rdzogs pa'i lam// rnam grol 'bras bu gyi na rgyu// ye shes gsang ba'i don rtogs na// mi g.yo sems kyi dkyil 'khor nas// theg pa kun gyi 'bras bur 'char// des na kun sgrol dgongs pa'i thugs// lam la rim med cig car 'jug/ rnam rtog phra rags rigs kyi shes// tshig lam rkyen gyis ma mtshon na// ma bcos sems kyi don ming shes// tshig gi lam gyi don la sbyor// gsang don mthong bas bde ba'i sa// 'dzin pa rags pa'i rtog pa dag/ rang byung ye shes nyid du gsal// mi rtsol bde ba'i sems

  764. 383a

    la gnas// mi 'gyur spros bral chos nyid la// 'dzin bral btang snyoms rnal 'byor gyis// skyon nyid byang chub sems su mthong // gnyis med 'od gsal chen po la// skyon dang yon tan blang dor med// bsam pa ma lus sems su shes// mthor phyin byang chub sems kyi lam// mar me 'am pad+ma'am 'bab chu sogs/ tshig dang don la skabs kyis sbyar// lus dang ngag gi rtsol ba dang // ting 'dzin sems kyi rim med par// thabs kyis sgrol bas rdzogs pa'i lam// rig pa'i gnas su rtogs pa'i phyir// des na mthar phyin 'bras bu'i lam// ye nas yod med rnam rtog lam// skyon yon rnam rtog kun tu bzang // dbyer med thams cad mtshungs lam yin// byang chub sems la rgyu med pas// rgyu yis sgrub pa'i 'bras bu min// dngos po ye shes rgyu med pas// rang gsal nyag gcig/ dri ma med// rtsol med nam mkha' bzhin du gnas// sangs rgyas sems can kun la khyab// de nyid rtogs pas 'bras bu'i sa// 'das dang ma 'ongs da ltar yang / rtog pa snga phyi'i khyad par las// dus gsum gcig ste khyad par med// ma bcos thugs kyi rig pa la// sngon med phyis med gnyis ka gsal//

  765. 383b

    rang byung 'od gsal gdod nas sprod// rgyu med 'bras bus byang chub sems// 'bras bus kun gyi bdag nyid yin// chos sku 'bras bu rang la gsal// rin chen 'bar ba lhun grub ltar// thugs rje'i byin rlabs 'dod dgur 'char// skal ldan rang rkyen nyi ma bzhin// sems can dus na skabs kyis 'thun// lhun grub dus na phyogs ris med// 'od gsal reg pa'i dkyil 'khor las// rang snang 'bras bus rgya mtshor 'khyil// gsal 'bar 'bras bu bdag gzhan med// bdag gzhan 'bras bu rang snang ba// dngos dang bsam pa skabs kyis shes// gsal 'bar rig pa'i byin rlabs ni// chos nyid rig pa'i gzhi la rdzogs// snying po don gyi gzhi rtog na// rang bzhin tshogs rdzogs sgrib pa med// gnyis kyis mi sgrub spangs pa med// spong med thig le nyid kyi dbyings// mtshon med sems kyi 'bras bu ni// rig pa'i bde sa la mtshon du med// 'od gsal rgyu 'bras gnyis med la// rgyu 'bras gnyis su rtog pas min// gsal bar rdzogs pa'i 'bras bu ni// 'byung ba lnga la rag ma las// sku gsung thugs la rten mi 'cha'// zhes gsungs so// ye shes gsang ba'i rgyud las/ rin chen gsal bar byed pa'i le'u ste drug pa'o// /

  766. 384a

    de nas sems dpa' rdo rjes de bzhin gshegs pa rnam par snang mdzad la 'di skad ces gsol to// 'od gsal thugs rje lhun grub khyod// rol pa'i mdzad pa 'bum phrag pas// 'od gsal dbyings la bzhugs bzhin du// thugs rje'i mdzad pa phyogs bcur bdal// 'gro ba'i bsam bzhin re ba skong // yid bzhin nor bu lta bur shar// khyod ni snang gas la sgron ma ste// ma rig mun pa dngas par byed// sman chen bdud rtsi byams mgon gyis// rdzogs chen sems kyi rang bzhin la/ bkag med spyod pa ji ltar bgyi// zhes gsol to// de nas de bzhin gshegs pa rnam par snang mdzad kyis bka' stsal pa/ sngags kyi spyod pa spyod pa'i mchog/ sems kyi 'phro 'du'i las mi byed// rang gsal klong la ye gnas pas// nam mkha' rdo rje ma bcos sems// sgo gsum rdo rje ma btsal ba// lus kyi phyag rgyu'i lam mi byed// tha mal lus spyod de bzhin no// ngag gi snying po bzlas brjod med// ma bcos gsung gi spyod pa la// zhen pa'i ngag sogs gang yang min// sems kyi 'phro 'dra'i las mi byed// rang gsal klong la ye gnas pas// dran pasam rgyu ba gang yang min// spros bral nam mkha' lta bu la// rang gsal ye shes ma bcos

  767. 384b

    pa/ rtsol med rang bzhin lhug pa'o// gang du'ang ma gzhag 'od gsal mkha'// dus gsum dran pa rkyen gyis zung // tha snyad mtshan mas g.yos gyur na// nam mkha' rdo rje'i spyod pa la// 'od gsal lhag pa'i ye shes kyis// rnam rtog dran pas g.yos pa na// rin chen 'phrul gyi snying po bsgom// dran pa rkyen gyi gzung bar bya// lus ngag gtso ru 'jog byed na// de yang spyod nyid spyod pa min// spyod med rig pa'i spyod pa la// rtsol spyod 'bras bu lhun gyis grub// bcos ma'i sems kyi rang bzhin la/ tabacos ma'i spyod pa phyin ci log/ dngos bral rig pa bdag med la// brtags pa'i brda bzhin log pa bzhin// 'od gsal rig pa lhun grub la// rtsol ba'i spyod pas sems mi mthong // bsam gyis mi khyab 'od gsal sems// 'gyur med dbyings las ma g.yos kyang // rang snang lhun grub byin rlabs las// skal ldan bsam pa ji bzhin du// 'gro 'dul thabs kyi spyod pa mdzad// rang sems pad+ma ltar dag nas// gzhan dag ji ltar mos bzhin mdzad// g.yem par 'dod la g.yem pa nyid/ rang sems gang 'thad sgo dang bstun// zhe sdang mnar sems nga rgyal nyid// thabs nyid gsang ba'i lam du bstan// nyan thos pa sogs 'jug pa'i sgo//

  768. 385a

    gang mos 'thun pa'i thabs kyis bstan// gsang don rtogs na gang yang rung // rang byung ye shes nyag gcig la// gsang ba'i dkyil 'khor gradra med pa/ ta mthun 'jug thabs su bstan pa yin// ci yang yin no gang yang rung // su zhig thugs kyi dkyil 'khor du// rgyan dang ldan no khyad par can// ma bkag sems rtogs khyad par las// sgrib par 'gyur ba gang zhig yod// ma bkag ci bder rtogs par spyod// snang gsal rig pa'i gdeng ldan na// gdul bya mos pa'i ngo dag tu// sna tshogs mos pa rgya mtsho yin// gang yang ma bkag kun tu bzang // mthar phyin dus gsum sangs rgyas kyi// dug lnga rtogs pa'i spyod pa yin// bya btsal kun bral lhun gyis grub// dus gsum sangs rgyas gang la yang // spyod pa 'di las yongs mi mnga'// rnam dag sems kyi spyod rtogs na// rtsol ba'i spyod pa log pa'i chos// lhag pa'i spyod pa 'od gsal thugs// bsam gyis mi khyab ye shes thugs// gang la sems nyid lhag spyod kyang // lhag pa'i spyod pa mos pos 'jug/ skal ldan lhag pa'i don 'dzin kyang // tshe la dmigs pa'i cha mnyam la// gong 'og dmigs pa'i sems dang bral// rang bzhin nam mkha'i rdo rje dang //

  769. 385b

    mthun 'jug 'gro 'dul thabs kyis spyod// ces gsungs so// ye shes gsang ba'i rgyud las/ bya ba dang bral ba spyod pa bstan pa'i le'u ste bdun pa'o// / de nas sems dpa' rdo rjes de bzhin gshegs pa rnam par snang mdzad la 'di skad ces gsol to// gsang 'dzin thugs rje'i rgyal po khyod/ rol pa'i 'khor lor gsung gi bdag/ sku yi 'khor lor mkha' ltar khyab// snying po'i don kun mkhyen pa'i thugs// sngags kyi bdud rtsi skyob pa la// 'dus pa'i 'khor tshogs mos pa yis// dam tshig gsang ba'i don zhus pa// gsang ba'i dam tshig bshad du gsol// zhes gsol pa dang / de bzhin gshegs pa rnam par snang mdzad kyis bka' stsal pa/ lhun grub ye shes gsal ba la// sgrub cing rtsol ba'i dam tshig med// rig pa gsang ba'i dam tshig ni// rin chen 'bar ba sgrol ba'i gru// rdo rje nyi ma lta bur gsal// lhun grub phyogs gcig ma yin pas// sdom dang tshul khrims phyogs mtshams dang // phyi nang gsang ba'i dam tshig ni// ma bcos gsang ba'i dam tshig ni// med pa phyal ba gcig pu dang // lhun gyis grub pa'i dam tshig go/ rang rig gdod nas lhun grub pa// gzung 'dzin mtshan ma'i chos med pas//

  770. 386a

    brjod du med pa'i sems nyid kyis// bsrung du med pa'i ngang du bsdams// de yang bsrung du med na bde// gnyis med sems kyi dam tshig la// 'da' med srog gi gnas gyur na// ma bcos rgyal ba'i dam tshig yin// nam mkha' lta bur gsal khyab la// mtha' dang dbus med ma bcos pas// 'di yin 'di min phyogs dang bral// phyogs bral skyes bu chen po des// phyogs gcig spangs shing bsgrub pa med// gtad med 'dzin bral chen po la// phyogs mtshams nges pa'i chos ma yin// bde gshegs sems can thams cad la// ma bcos sems kyis rig pa gcig/ rgyu yis ma bskyed ye nas byung // rkyen gyis ma sbyangs gdod nas dag/ rang bzhin 'od gsal rig pa la// ma lus dgongs pa thams cad 'dus// dus gsum sangs rgyas dgongs pa la// rang bzhin dgongs pa gcig las med// rang snang mi 'gyur chos nyid la// rang bzhin rig pa mi 'da' na// sems ni gcig pu'i dam tshig ste// dus gsum sangs rgyas thams cad la// dam tshig 'di la yong mi mnga'// rnam dag rang 'byung 'od gsal la// lus dang ngag la bya btsal med// ting 'dzin sems kyi rin btsal med// 'di ni tshigs chen

  771. 386b

    bral ba ste// gyi na lhun grub dam tshig yin// lhun grub dam tshig rtsol bral la// rtsol ba'i dam tshig ye nas med// sel med rin chen gling bzhin du// rnam dag yeng shes rang byung la// skyon gyi rang bzhin ngang gis dag/ gzhi rtsa med pa'i sems nyid la// brtags pa'i 'dzin pa rnam par dag/ lhun grub 'od gsal dag pa la// rnam rtog brtag pa'i sems grub na// mu stegs sangs rgyas ci la rtsod// sangs rgyas zhes ni ci la gdags// rtogs pa dngos la ma grub na// rin chen 'phrul gyi lde mig gis// tha mal zhen pa ji ltar rdzogs// lhun grub dam tshig bya btsal med// lhun grub rin chen snying po stor// gcig rdzogs rang gsal dag par rdzogs// kun rdzogs rang 'byung sems su rdzogs// thams cad lhun grub rnam par rdzogs// des na lhun grub rdzogs pa che// zhes gsungs so// yeng shes gsang ba'i rgyud las/ rdzogs pa chen po'i dam tshig bstan pa'i le'u ste brgyad pa'o// // de nas sems dpa' rdo rjes/ de bzhin gang shegs pa rnam par snang mdzad la 'di skad ces gsol to// bdag cag 'dus pa'i 'khor tshogs rnams// thog med dus na rin chen bral// bsam med khams gsum 'khor

  772. 387a

    bar 'khyams// dus 'dir thugs rje'i byin rlabs kyis// kun mkhyen nyid kyi 'khor du 'dus// rtog pa sems su shes pa yin// kun mkhyen khyod kyis gsung du gsol// zhes gsol ba dang / de nas de bzhin gshegs pa rnam par snang mdzad kyis bka' stsal pa/ rol pa'i sgra la sems gtod cing // rang byung ye shes sems kyis// brjod pa'i tha snyad kun dang bral// dman pa'i sgo'i rtog bya ba'i phyir// rang rig gsung gi sgo nas bstan// ma bcos rang snang bla ma'i sa/ sbyangs pas ma yin ye nas grub// rang bzhin rnam dag kun bzangs// dbyer med che mchog chos kyi sku// rgyud dang mdo sde bla med sa// kun tu 'od dang rdo rje 'dzin// 'chang dang pad+ma stug po bkod// tshogs chen mo ge'i 'khor lo dang // kun tu dbye ba med pa'i sa// so drug sems la bgrangs pa yang // ma bcos rdzogs pa chen po'i sa// rtog pa'i yon tan drug tu bstan// ma bcos sa la sbyangs pa med// 'od gsal lhun rdzogs chen po la// sa yi rim pa gang yang med// rang 'byung rim pa rtogs 'gyur na// nor bu rin chen lhun grub ltar// thams cad sems las byung ba'i phyir// rang snang byang chub sems kyi sa// 'gyur med sems

  773. 387b

    kyi ngo bo ni// rtogs pa ma yin mi rtogs min// gang la'ang gnas pa ma yin pa// gnas med 'dzin med rig pa'i gnas// ma spangs kun bral 'od gsal gnas/ mi gnas gnas pa'i chos nyid sa// sbrul ldan dang po 'jug pa nas// mthar phyin sa la khyad par med// dag pa thugs rje'i rang bzhin te// rtogs pa'i rang bzhin sems su gcig/ 'dzin pa'i blo yis g.yos gyur kyang // rang 'byung 'od gsal 'gyur ba med// 'gyur med ngang las rang gzhag ste// ma spyad sems ni gyi nar gnas// dbang po'i yul la gang snang ba// ye shes 'od du kun la gsal// bkra gsal gzugs kyi dkyil 'khor la// 'od gsal rang 'byung ngo mtshar che// brjod bral sgra yi dkyil 'khor la// rna ba'i ye shes rang bzhin gsal// rang bzhin sna tshogs dri dag la// ye shes gsal ba rang 'byung sems// mu kha'i ro yi dkyil 'khor nas// lce yi ye shes ngo mtshar che// gsal ba reg bya'i rang bzhin la// shes rab lus kyi rang bzhin gnas// kun 'dus chos kyi dkyil 'khor la// ye shes thugs kyi rig pa gsal// rang bzhin bde chen dkyil 'khor drug/ gnyis med rdo rje 'gyur med pas// ye shes mi 'bral 'dzin pa'i sa// 'dzin pa'i

  774. 388a

    yul la ma chags shing // kun mkhyen dri ma dang bral bas// ma chags pad+ma can gyis// rang nyid gsal la kun 'dus pas// tshogs chen dkyil 'khor yi ge'i sa// mi phyed sems la stug po bkod// byang chub sems kyi rang bzhin la// dbyings dang ye shes dbyer med pas// kun bzang dbye ba med pa'i sa/ tam sbyangs sems kyi sa dog la// sa rnams ma lus thams cad 'dus// sbyangs pa'i sa rnams thams cad ni// sbyangs med sa la sbyangs pas na// bsam pas gzhag ste rang bzhin log/ mthar thug ma yin rang 'dod sa// zhes gsungs so// ye shes gsang ba'i rgyud las/ sa bstan pa'i le'u ste dgu pa'o// / / de nas sems dpa' rdo rjes de bzhin gshegs pa rnam par snang mdzad la 'di skad ces gsol to// thugs rje'i mnga' bdag skyob pa'i sa// bsam gyis mi khyab chen po'i sa// gsang ba'i theg pa gsungs pa 'di// ma 'ongs dus na ji ltar 'byung // zhes gsol pa dang / de nas de bzhin gshegs pa rnam par snang mdzad kyis bka' stsal pa/ rtsol bral gsang ba'i theg pa 'di// lha gnas gsum du grags gyur nas// yang sprul gang zag thugs sras kyis// 'dzam gling

  775. 388b

    dbus su rgyas par byed// rgyal sras gsang ba'i snod ldan la// rna brgyud rig pa sngags kyi don// 'phrul tshig rig pa'i sgo nas ston// gsang 'dzin rig pa'i snod ldan rnams/ tam bcos gsang ba'i don go nas// rnam grol 'bras bu thob par 'gyur// de nas gsang ba dam pa 'di// mtha' 'khob yul du rgyas par 'gyur// der yang gsang ba dam pa 'dis// skal ldan gdul bya'i ngo dag tu// rig pa'i sgron ma byed par 'gyur// de nas thugs rje skal med pas// gsang ba dam pa nub par 'gyur// gsang ba'i theg pa dam pa 'di// gzhon gyis bsgrub par mi 'gyur te// dri med bdud rtsi rtogs dka' bas// rna brgyud 'phrul tshig mi ldan par// sgra bzhin dpyad nas smra ba dka'// lha log spyod pa'i nga rgyal can// ma bcos rang snang rol pa la// rnam rtog zhen pa'i nga rgyal ba// bye brag ma phyed rmongs pa'i blo// rdo la gser du 'dzin pa bzhin// 'od gsal lhun grub rang snang la// brtag pa'i zhen pa bsres nas smra// ma bcos rig pa'i gdeng med par// rang lta ya rabs mtho ston nas// bab col 'dod lnga spyad pas log/ de yi dus kyi gang zag rnams// sbrel ba g.yang du ltung ba bzhin// rdo rje khab tu ltung 'gyur nas// byang chub

  776. 389a

    sems kyi rigs dang bral// mgyogs 'gro so 'tshams 'das dang 'dra// de nas lho phyogs rgyud du rgyas// skal ldan 'brel ba'ang 'byung bar 'gyur// de nas 'dzam gling dbus su nub// sprul pa tha ma'i bstan pa la// ma 'ongs dus na 'byung bar 'gyur// der yang rang bzhin rig can dag/ rdzogs chen 'bras bu'i sgor zhugs nas// rnam grol sa la 'gro bar 'gyur// bsgom dang spyod pa'i tshul ma nor// mnyam pa'i don la mnyam gzhag na// de ma thag tu rig pa 'char// gsang ba'i don ldan gang zag gcig/ de yi dus na 'byung bar 'gyur// bstan pa bcud kyi mdzod 'dzin cing // gsang sngags ma lus sgrog pa'i bdag/ dgongs spyod zab mo'i don dang ldan// 'dzin pa log pa gang zag gis// gsang ba'i theg pa sgrogs par 'gyur// 'das pa'i dus na theg pa 'di// skal ldan mngon rdzogs rgyal po yis// thugs kyi sras bdun rnams la bstan// de nas rim par mthar phyin nas// de bzhin rtsol bral chos la bkod// rdo rje 'dzin pa'i sde dpon gyis// sems nyid theg pa'i rig pa sbubs// zhes gsungs so// ye shes gsang ba'i rgyud las/ lung bstan pa'i le'u ste

  777. 389b

    bcu pa'o// // de nas de bzhin gshegs pa rnam par snang mdzad kyis/ sems dpa' rdo rje la 'di skad ces bka' stsal to// byang chub sems 'di kun tu bzang // ma lus 'dus pa'i snying po mchog/ theg pa mkha' 'dra lta ba'i klong // rgya chen yangs pa bde ba che// kun 'dus ye shes dag pa'i 'od// phyogs mtshams kun tu gsal bar 'phro// ye shes me long thams cad gsal// ma bcos gzugs brnyan snang bas na// ye shes me long dag tu bshad// rang rig ye shes 'od gsal la// mthon dman rlom sems che chung med// bdag gzhan gnyis med rang rig pas// 'dzin pa kun bral 'ang gsal dag/ dbyer med nam mkha' lta bur khyab// snang srid byang chub sems su mnyam// mnyam pa rang gsal phyogs bcur brdal// 'od gsal rig pa mnyam par bshad// bcos med dbyings kyi rang bzhin la// 'dzin rtog rig pa'i chos med pas// mi 'gyur ye shes rang 'byung la// bden par mi 'dzin brdzun pa min// 'dzin med rig pa gnyis bral la// gang yang mi snang kun tu bzang // chos nyid sems la dngos med gsal// stong pa kun mkhyen ye shes

  778. 390a

    thugs// dngos med kun ldan stong chen pos// 'dzin pa rig pa 'od gsal bas// stong nyid ye shes dag tu bshad// ji ltar snang ba'i chos rnams kun// gnyis med rig pa ka dag la// ye shes rol pa ma 'dres gsal// kun bzang chos nyid spros med la// rol pa'i 'khor lo bsam mi khyab// 'dra zhing 'phro ba rgya mtsho bzhin// 'bar ba'i ye shes rmad po che// rang gsal rig pa kun mkhyen thugs// mnyam la ma 'dres kun tu bzang // ma 'dres gsal ba'i ye shes so// mi 'da' phyag rgya chen po la// rang 'byung mdzad pa ci yang 'gyur// lhun grub mdzad pa phyogs ris med// kun gyi snying por rang byung la// thugs rje lhun grub shar gyur nas// gdul bya'i bya ba kun mdzad gsal// des na bya ba nan tan no// rang gsal ye shes ma bcos pa// don de shes pas ye shes yin// chos nyid ka dag 'od gsal sems// don de shes pas ye shes yin// ma 'gags rang rig rgyu med gsal// rang byang ye shes 'gyur med sems// don de shes na ye shes yin// 'od gsal bsam gyis mi khyab pa// kun bzang rol pa mtha' dbus med// mi rtsol mtha' dbus dbu ma'i sems// mtshon 'das rang

  779. 390b

    rig zhen rtog med// gnyis med rang rig yul dang bral// rig pa'i ye shes thig le drug/ lta spyod dgongs pa'i rang bzhin no// ma 'phros lta ba'i dkyil 'khor ltar// mi g.yos sems nyid ma 'phros pa// thig le spros bral ye sangs rgyas// byang chub sems kyi khyad par che// mngon par sangs rgyas che ba la// ye shes thig le kun tu gsal// rnam gsum thig le kun bzang nyid// chos nyid dbyings su sangs rgyas che// kun bzang thig le byang chub sems// thams cad yin pa'i che ba nyid// rtsol bral lhun grub thig le ni// bdag nyid che ba'i sangs rgyas yin// mtha' dral 'od gsal chen po ni// sangs rgyas med pa'i che bar bshad// mi 'gyur brdal khyab pho brang na// cis kyang mi bskyod sems nyid che// 'du 'bral gnyis med rdo rje nyid// phyi nang med pa'i gsal khyab la// phyi nang gsang ba'i sgo phug med// yul dang dbang po gdod nas dag/ sku med rdo rje sems dpa' che// ye shes mkha' gsal kun tu bzang // bsam med mkha' gsal ya sangs rgyas// cir yang mi dgongs chos nyid dang // mi 'da' phyag rgya 'gyur med sems// mi rtsol mtha' bral dbu ma'i lam// mkha' ltar khyab pa'i bde chen po// rgyu 'bras

  780. 391a

    gnyis med pa nas rdzogs// zhes gsungs so// ye shes gsang ba'i rgyud las/ ye shes bstan pa'i le'u ste bcu gcig pa'o// / / de nas sems dpa' rdo rjes/ de bzhin gshegs pa rnam par snang mdzad la 'di skad ces gsol to// kun tu bzang po'i ye shes thugs// bde mchog gsung gi 'khor lo bdag/ bya med ye shes rol pa'i sku// dbyer med rdo rje mchog gyur pa// 'dus pa'i 'khor tshogs mos pas 'dud// rtsol bral ye shes gsang ba'i rgyud// chos nyid gsang ba'i ched du gsungs// bdag cag 'dus pa'i 'khor tshogs kyi// mtshan gyi rnam grangs ji ltar gzung // zhes gsol pa dang de nas de bzhin gshegs pa rnam par snang mdzad kyis bka' stsal pa/ gsang rgyud theg pa'i snying po 'di// nyon mongs zhen pa'i 'phreng zag gcod// chos rnams gsal ba'i ye shes sgron// kun tu bzang po rig pa'i thugs// bde chen mdzes pa'i ye shes rgyan// gsal ba'i ye shes gsang ba'i rgyud// 'di la mtha' dbus med pas na// nam mkha'i mtha' dang mnyam pa'i rgyud// kun 'dus mnyam pa chen po yin// gsang ba kun 'dus rig pa'i gter// rang 'byung

  781. 391b

    'od gsal chen po la// zhen pa'i brtags pa gdod nas med// ma bcos rang snang rtogs pas na// nyon mongs zhen pa'i 'phreng thag gcod// thams cad sems su 'dus pas na// sems nyid rang gsal ye shes sgron// mi 'gyur lhun grub rang byung 'di// ji ltar gnas kyang kun tu bzang // zhen cing 'khrul pa cir gyur kyang / rang gsal ye shes kun tu bzang // rig pa bsam bral rgyal ba'i thugs// phyogs med btang snyoms chen po la// rtsol ba'i sdug bsngal bral bas bde// bde chen mtshan nyid kun las 'das// kun gyi 'byung gnas lhun grub che// rang gsal ye shes dkyil 'khor 'di// sku gsung thugs ni mdzes pa'i rgyun// rang gsal ye shes bde ba nyid// rnal 'byor dgyes pa'i rgyan ces bya// bsam med nam mkha'i mtha' ltar bral// byang chub sems la mtha' dbus med// mi 'gyur nam mkha' rtag pa ltar// sems nyid ye gsal g.yung drung ngo // thams cad byang chub sems su brtags// thams cad kun 'dus lhun gyis rdzogs/ rang gsal ye shes kun tu bzang // snang srid 'khor ba'i ngo bo dang // gnyis med rgyud pa'i dgongs pa dag/ 'od gsal btang snyoms chen por mnyam//

  782. 392a

    bstun pa'i bcud 'dus gsang ba'i thabs// gsang mdzod rig pa thugs kyi gter// bstan pa spyi 'grel gsang rgyud 'di// gu lang gdung gi gser po ru// seng ge'i 'o ma blugs pa bzhin// snying gi dkyil du bcang bar gyis// srog dang bral ba'i kha bzhin bsdam// bstan pa yang snying lta bur zung / gnas ni brag dang tshu la bzhag/ ces gsungs so// ye shes gsang ba'i rgyud las/ mtshan gyi rnam grangs bstan pa'i le'u ste bcu gnyis pa'o// / ye shes gsang ba'i rgyud chen po/ theg pa yang rtse'i don dgos don man ngag tu byung ba shin tu gsang / mi spel lo// rdzogs so// / / san+ni ma hA dzA g+hA h+ya nA ma tan+t+ra/ rgya gar gyi mkhan po shrI sing ha dang / bod kyi lo tsa ba pa gor bai ro tsa nas/ yul d+ha ho na'i 'du khang du bsgyur cing zhus te gtan la phab pa'o// rgya gar skad du/ bo d+hi tsit+ta a ti dz+nyA na san+d+hi tan+t+ra nA ma/ bod skad du/ byang chub kyi sems ye shes rdzogs pa'i rgyud ces bya ba/ byang chub kyi sems ye shes rdzogs pa la phyag 'tshal lo// 'di skad bdag gis bshad pa'i dus gcig na/ 'og min gyi gnas sems nyid

  783. 392b

    brdal ba chen po'i zhing khams na/ rang byung rdzogs pa'i bcom ldan 'das dgongs pa rang 'byung gi don la bzhugs so// yang de'i tshe smin pa chen po'i 'khor 'di lta ste/ rang bzhin gyis gnas pa dang / rang bzhin la lta ba dang / rang bzhin gyis rtogs pa chen po dang / rang bzhin gyis rdzogs pa'i don la mngon par dga' ba 'ba' zhig 'dus so// de nas rig pa'i rgyal pos sna tshogs bsam bral gyi ting nge 'dzin la snyoms par zhugs so// de'i tshe 'dus pa'i 'khor gyis thams cad rang byung du mthong bar gyur to// de nas bcom ldan 'das rig pa'i rgyal pos 'di skad ces gsungs so// rang byung dag pas ye sangs rgyas// chos dang chos nyid sna tshogs pa// rig pa nyid yin rnam par dag/ smin pa'i 'khor tshogs rang sems kyis// sna tshogs rang byung nyid la ltos// zhes gsungs pa dang / smin pa chen po'i nang nas sems dpa' rdo rje byung ste 'di skad ces gsol to// rig pa rnam dag bcom ldan 'das// sku gsum rdzogs pa'i ye shes che// mdzad pa phyogs bcur mu mtha' med// thugs rje rang snang phyogs ris med// btang snyoms chen po kun tu bzang // rig pa mchog gi dkyil 'khor nas// rdzogs pa'i ye shes thabs chen gyis// gsang

  784. 393a

    ba'i ye shes sgo phye nas// dpal gyi mgur nas gsung bsgrags pas// 'dus pa'i tshogs la gsal bar gsungs// zhes zhus so// de nas/ rig pa'i rgyal pos/ sems dpa' rdo rje la 'di skad ces bka' stsal to// ye shes rdzogs pa bde ba che// mtha' yas 'gro ba kun la ldan// rig pa dbyer med kun tu bzang // gang yang ma yin rig par gsal// rtsol ba'i sems bral mngon sangs rgyas// rgyu 'bras gnyis med 'gyur ba bral// rnam byang shes pa rang gnas pa// shes pa gang gis mthong bar gyis// shes pa'i rnam grangs gang skyes kyang // rnam byang nyid las gzhan ma yin// bsam gyis mi khyab dus na shes// 'khor ba'i/ shes pa blo bur ba// rang bzhin ma yin rkyen gyis snang // brjod pa brnyan ma nyid dang mtshungs// rnam par rtog pa'i sems nyid ni// gang ltar brtags pa bzhin du mthong / dus ma rigs kyi rtog pa dag/ sgo rnams kun tu rgyu ba ste// me gcig skar khung du ma bzhin// don gyi rnam pa du ma med// rig pa dbyer med dkyil 'khor 'di/ mtha' bral lta ba don ldan gyis// rang gzhan dgongs pas gsal bar bya// rang 'byung thugs rje g.yos med kyis// 'gro don ma lus rdzogs par mdzad//

  785. 393b

    sgra gsum lhun grub 'bras bu ni// gzhan ma yin te ye shes rdzogs// ris drug dbang po che chod dam// sbyangs pa'i 'phro chen gang yang rung // sems kyi rnam grangs ga s+ho/ spyi bru dbang la gnas byas te// rna brgyad gdams ngaganod par bya// bgrod med lam la gnas byas la// sbyang med pa yi yon tan spel// rim med cig car 'jug pa'i so// rang byung ye shes bla ma'i sa// rang 'byung che mchog chos kyi sku// rtsol med rtogs pas mngon sangs rgyas// 'gro ba'i rim pa gang dag la// bsam bral nyid/ du 'dus par bya// shes pa rang lugs thal byung ba// dus gsum mi g.yo gnas gyur na// rgyal ba'i ye shes gsal mthar phyin// zhes gsungs so// ye shes rdzogs pa'i rgyud las gleng gzhi'i le'u ste dang po'o// // de nas rig pa'i rgyal pos/ sems dpa' rdo rje la 'di skad ces bka' stsal to// sna tshogs 'khor ba'i rtog pa dang // rdzogs pa'i ye shes rang bzhin gcig/ rdzogs pa'i ye shes rtog pa nyid// rtog pa nyid kyang ye shes nyid// tha dad yod pa ma yin te// ye shes pa yi rang bzhin ni// kun spangs kun gyi dngos gzhi can// 'dzin pa du ma'i rtog pa 'di// byang chub sems su brjod pa yin// brjod med

  786. 394a

    sems kyi rang bzhin la// ma brjod go bar mi 'gyur bas// brjod med don gyi mtshon par bya// kun bzang sems nyid rnam par dag/ mtshon bya mtshon byed gang yang med// btsal med rang bzhin nyid kyis mtshon// tha mal snang ba'i shes pa dag/ bka' ye shes pas grangs byas te// gtang 'dzin med pa'i nga la gzhag/ yid la mi byed bya ba gtang // blo yis mi spyad rang bzhin gsal// 'dzin pa'i rgyu 'bras gang yang med// 'bras bu nyid kyis 'bras bu 'grub// re 'dod rtsol ba'i mtha' ru 'gyur// 'dzin med rang bzhin sman tshon gyis// 'khor ba'i gcong snying kun dang bral// rnam rtog ye shes 'od la nyid// rang gnas ye shes ye nas dag/ rin chen dag pa'i gling bzhin du// sems kyi ye shes ye nas dag/ rim med sems kyi rang bzhin la// bgrod pa'i lam gyis thob pa med// rnam bral 'bras bu rang 'byung nyid// bgrod med lam grol rdzogs pa'i lam// gdod nas rtsol med lhun gyis grub// ye shes snying po'i nyi ma shar// ma lus thig le chen po nyid// gzung 'dzin gnyis med mi g.yo ba// rgyud dang 'bras bur rtog 'dzin cing // mi shes sgyu ma 'dzin pas bcings// sems nyid mkha' 'dra lta ba'i klong // /

  787. 394b

    ye shes yangs pas brdal ba che// blang dor gnyis med rtsol ba bral// byang chub sems kyis lta thag bcad// ting 'dzin zhi bas nyams su blang // byang chub sems kyis lta ba ni// gang ltar ci yang ma yin pas// rang byung ye shes mtshan nyid gsal// mi bsam gyi nar gzhag pa'o// bsam gyis mi khyab ye shes mthong // rang 'byung rdzogs pa'i lta ba ni// mtha' gsum bral lo yi sangs rgyas// rtsol bral dbu ma drang ba'i lam// 'ching bral lta ba gza' gtad med// rin chen 'khor lo kun bzang 'di// rang sems gnyis med rtogs par gyis// btang snyoms lta ba blang dor med// khyung chen nam mkhar lding ba bzhin// spro bsdu gnyis med gtang/ gzhag bral// rang bzhin gnas pas re dogs bral// spyod yul ma lus sems su shes// sna tshogs 'khor ba'i rang bzhin dang // ye nas rang rig gnyis su med// nyid las gzhan sems grub pa med// rig pa ci yang ma yin pas// 'dod pa'i bsam pa kun dang bral// shes pa mtha' bral stong pa nyid// ye shes 'od gsal rang gnas pa// yid la 'dzin med ye shes gsal// rol par snang yang grub pa med// sgyu ma'i ye shes btsal du med// ma bcos sgyu ma lhun grub

  788. 395a

    la/ 'dzin pa'i sems la ngos zung med// ye shes rgyal po rnam par dag/ 'dzin pa'i sems bral rig par gsal// sems nyid nam mkha' lta bu la// nam mkha' lta bur bsam du med// nam mkha' mtha' dbus med pa bzhin// ye shes bsam du med pa yin// cir yang mi dgongs rang gzhag pa// dus gsum rgyal ba'i lta ba yin// ltar med rang gzhag lta ba ni// dus gsum gang yang ma yin te// 'gyur med dbyings kyi lta ba yin// 'dod pa'i bya ba gang yang min// ngo bo nyid la yangs dog med// sems nyid dri ma kar dag la// 'gyur med rin chen gser bzhin no// 'dzin pa'i rlung gis g.yos gyur kyang // ta rig pa'i ngo bo 'gyur ba med// rgya mtsho snang ba chen po bzhin// phyi nang mi mnga' ye shes gsal// mtha' dbus mi mnga' phyogs dang bral// ye shes sems nyid lta ba la// rgyu dang rkyen gyis rtsol ba med// rdo rje nyid 'dra rin chen 'bar ba ltar// rang gsal rnam par rtog dang bral// 'khor ba nyid na ye sangs rgyas// rang sems rig pa gang yang rung // bsam pa dang bral ye shes nyid// chos can chos nyid gang yang min// mtha' bral ye shes rdzogs pa 'di// rtag pa ma yin

  789. 395b

    mi rtag min// shes pa mi dgag 'dod pa med// bya med mi rtsol rang bzhin dag/ dbu ma chen po drang po'i sems// phyogs kyi yul du 'jug pa med// sems kyi yul la gang 'jug pa// 'dzin pa'i phyogs bcas 'dod pa nyid// dbu ma'i sems dang mi ldan pa// bag chags 'dzin pa'i sems kyis dkrugs// bsam med rig pa'i brjod med 'di// tha snyad ming la mi gnas te// gdul bya dman pa'i sems dag la// tha snyad sgra yi kho bos bstan// snang srid snang ba sna tshogs pa// sku gsung thugs las ma g.yos te// dran rtog ting 'dzin rig pa'i thugs// nam mkha' lta bur mi zad pa// bden med rig pa sems kyi rgyan// rnam par rtog pa'i sgro 'dogs gcod// 'od gsal rig pa'i 'khor lo yin// lus can rnams kyi sgra rnams ni// sngags kyi gsung du grags pa yin// snang stong gnyis med rig pa'i gsung / kha dog dbyibs su gang snang ba// sku mdog rgyan gyi 'khor lo zab// rdo rje lta bu dbyer med la// sems kyi rang bzhin kun tu bzang // sku gsum rdzogs pa'i bde ba che// bsam med rang gzhag nyid kyis go/ rig pa mchog ldan kun tu bzang // bka' yi 'khor lo 'bug phrag yas// ting 'dzin mi rtog rang bzhin gsal//

  790. 396a

    rang rig rdo rje 'gyur med lung // ye shes rdzogs pa'i lung gis ni// thams cad ye shes ngo bor gsal// zhen pa'i sgrosgo skur ma lus pa// ye shes rig pa'i 'khor los gcod// rang gsal rig pa'i snang ba la// gang ldan gsal ba'i rig pas mthong // ldan pa de nyid tsam du zad// rang rig rdzogs pa'i ye shes la/ ngo bor grub pa gang yang med// rtog pa'i mthu yis ci yang mthong // me long dang ba'i gzugs brnyan ltar// rdo rje gsang ba'i gdams pa yis// rig pa'i ye shes kun tu bzang // yi ge med pa'i don du mthong // rang gsal rjes su rang gzhag na// ye shes rdzogs pa rjes su dpag/ rang rig 'brel ba nyid las gsal// / ye gsal rig pa'i 'khor lo la// 'dod pa'i blo yis gang rtsol ba// rang gsal 'khor ba'i don dang 'gal// 'dod rgyus gsal ba'i ye shes kyang // rtsol ba nyid nas ye shes min// rdzogs pa'i ye shes bde chen ni// rang gzhag rig pa'i 'khor lo dag/ rnam dag rang 'byung 'od gsal la// blo bur sgrib pa ngang gis med// rang bzhin ma yin rkyen gyis snang // rang bzhin ngo bo gang dag ni// blo bur rkyen la rag las min// rang gsal rig pa'i rang bzhin dang // 'khor ba'i rtog pa'i rang

  791. 396b

    bzhin gcig/ gang yang spang bya ma yin te// gang gis rnam pa de gang gzhan// de bzhin 'gyur ba de nyid de// sems ni ji bzhin mnyam pa nyid// sangs rgyas thugs kyi rnal 'byor to// yang dag tsam la yi ge med// snying po nyid du bdag 'jug pas// thob pa med cing spung ba med// rig pa'i thugs la gsal bas gsang // byang chub sems kyi yang shes ni// rnam shes dmigs pa'i yul las 'das// rig pa 'od gsal gzung 'dzin med// byang chub snying por zhugs pa'i tshe// ngo bo nyid/ dmigs su med// ye shes kun bzang rnam par dag/ 'bar ba'i ting 'dzin ngo mtshar che// rang gsal rig pa cir mi dgongs// bde gshegs 'khor lo'i ngo bo nyid ta/ mi 'gyur 'joms pa'i rdo rje ni// kun 'byung rin chen lta bu'i 'od// skyon med pad+ma rang bzhin dag/ 'du byed las kyi rdo rje 'chang // 'dul mdzad ting 'dzin 'bum phrag yas// bsam bral ting 'dzin 'od gsal sems// thabs 'jug bsgrub par ma lus yin// ma yo thog le byang chub sems// rang byung yongs rdzogs ston pa'i ngo bo nyid// rang rig rdzogs pa mchog gi sku// sna tshogs rnam pa mchog gi sku// rang 'byung sems la ngo bo gcig/ rig pa mchog gi bstan pa 'di//

  792. 397a

    brjod med kun la rang bzhin ston// rnam dag rin chen lta bur gsungs// mi g.yo thig le nyid du gsal// yi ge tha snyad kun dang bral// ma 'gags rang snang don du shar// sna tshogs snang ba'i rang bzhin dag/ rang rig nges don nyid du bstan// rnam bshad rang 'byung bstan pa'i mchog/ rang snang gsal ba'i rang bzhin gyis// de 'khor bsam pa ji bzhin bstan// bstan pa'i yan lag 'bum phrag yas// rang 'byung dag pa'i shugs kyis byung // 'dod rtsol blo la drang ba dang // thugs kyi dgongs pa nges pa'i don// gdul bya rab 'bring don du bshad// nges pa'i snying po gsang ba 'di// drang ba'i don med rang 'byung bshad// chos sku rang 'byung ston pa'i mchog/ der 'dus 'khor dang bstan pa dag/ nyid las mi zhan rang 'byung nyid// rig pa mchog gi sbyor ba la/ so so ma yin brjod pa gcig/ tha snyad lam gyi sgron ma gang // kun bzang rig pa'i gter don ston// brjod don sman pa'i sku yis bstan// rang 'byung rig pa mchog gi sku/ rang 'byung mchog gi sku gsum rdzogs// ma bcos rang 'byung snying po la// 'dod pa rnam pa gang yang med// bsgrub bya ma lus kun gyi bdag/ ye

  793. 397b

    shes nyi ma grub pas gsal// snang ba rang lus rang 'byung sems// rig pa mchog ldan pa de gshegs bka'// rang 'byung tshad mas dngos su gsal// 'khor ba'i rtog pa gcong snying dag/ ye shes rang rig nyid du 'bar// spyi blugs tshangs pa'i thabs kyis gsal// gsang ba'i don myong 'di gsal lung // gzer chen man ngag theg pa'i sgras// rig pa'i brda 'jal tshogs dang bral// mngon sum ye shes gsal ba yis// rjes su rang gzhog ye nas 'phags// zhes gsung so// ye shes rin po che 'khor lo rdzogs pa'i rgyud las 'khor ba ye shes su bstan pa'i le'u ste gnyis pa'o// // de nas rig pa'i rgyal po des/ sems dpa' rdo rje la bka' stsal pa/ rang 'byung rdzogs pa lta ba'i klong // mnyam nyid ye shes rig pa'i sems// snang med ye shes rdzogs pa nyid// nam mkha' rdo rje lta ba'i mchog/ lta med rang 'byung lam la lta// btsal med rig pa'i rnal 'byor yin// 'jug pa gnyis med rig pa'i klong // ye shes mkha' mnyam sgro don nyid// rang gsal yul la mi rtogs pas// ye shes thig le nyi ma shar// snang med ma 'gags cir mi dgongs// snang ba'i

  794. 398a

    rig pa thig ler bsdus// sdug bsngal bde ba'i ngang du gnas// re 'dod kun bral thob pa med// rang 'byung bde ba'i sems nyid la// snang ba nyid du grub pa med// bde chen rig pa'i mtsho ltar zag// ye shes rol pa mkha' dang mnyam// dngos grub rin chen 'od ltar 'byung // zhes gsungs so// byang chub kyi sems ye shes rdzogs pa'i rgyud las/ lta ba bstun pa'i le'u ste gsum pa'o// // de nas rig pa'i rgyal pos rang gzhag rig pa'i don gsungs pa/ rig pa'i sems nyid snang med la// ting 'dzin mi g.yo 'jug pa med// rtsol med rig pa bsam dang bral// ye shes rdzogs pa'i 'khor lo la// thig le bde chen bsam mi khyab/ rol ba bde ldan chu rlabs bzhin// ye shes ji bzhin mi bskyod pa// se nas yin phyir bya mi dgos// ye shes gsang ba'i phyag rgya yis/ mtshan ma'i ye shes 'khor lo bskor// 'dzin pa'i rang bzhin kun dang bral// rang 'byung snying po g.yo med na// dbang sgyur rgyal po'i thugs dang mnyam// ting 'dzin rang gzhag nam mkha' 'dra// mi 'gyur ye shes mkha' ltar khyab// rtsol bral rig pa'i ye shes la// yengs pa med par rang bzhin gzhag/ dbang

  795. 398b

    bopo'i ngo la gang snang ba// mi rtog rang bzhin rig par gsal// ye shes kun bzang 'phro 'du med// gang la mi 'dzin rang 'byung sems// mtshan ma spyod pa 'gyur bas na/ brda sgo 'jug pa'i gdams ngag byin// ting 'dzin 'khor la sgo skur gcod// ye shes 'khor lo mtha' dbus med// rang rig 'khor lo gzung 'dzin bral// shes rig ye shes nyid du 'char// 'dzin pa'i rim 'jug khyab par gyis// ngos bzung rtog dang dmigs byed pa// 'dod 'dzin ma lus de dag stong // rang rig stong nyid rnam bcos pas// bde chen lhun grub rang rig gsal// ye shes rig pa'i 'khor lo la// gang yang yin no rnam kun bcas// ye shes rang shar ma bsgrubs gsal// rnam dag rang snang ye shes la// zhen pa'i rtog pa zlogs su med// lhun grub 'bras bu btsal mi dgos// kun bzang 'bar ba'i ye shes la// gzung 'dzin gnyen po rten mi dgos// thogs med rang 'byung phyogs dang bral// byang chub rang sems kho na las// lam gyis ma bcos ye sangs rgyas// gang snang rnam pa cir rtog kyang / rang rig bde chen mngon sum gsal// 'dod pa'i skabs bral gang mthong tshor// rang gzhag ye shes rdzogs pa mthong // rtsol med rang 'byung rdo rje'i

  796. 399a

    bdag/ skye med rdo rje mi 'gyur 'chang // lhun 'grub rin chen 'bar ba'i 'od// dri med pad+ma rang byung ba dag/ rtsol med lam gyi 'dzin dang bral// rin chen 'khor lo 'bar ba'i sku// dus gsum nyid du 'da' ba med// ces gsungs so// rin chen 'khor lo ye shes rdzogs pa'i rgyud las/ ting nge 'dzin ye shes su bstan pa'i le'u ste bzhi pa'o// // de nas rig pa'i rgyal pos/ yang sems nyid phun sume tshogs pa'i don gsal bar bya ba ched du gsungs pa/ rang 'byung rnam dag ye shes sku// brjod med rig pa'i stan la bkram// rang snang rig pa smin pa'i 'khor// ye shes rdzogs pa'i rig pa shar// rang byung 'od gsal gcig la rdzogs// rtsol bas sman pa'i 'du 'khor la// blo dang thun nang bstan par grags// zhes gsungs pa dang / de nas sems dpa' rdo rjes 'di skad ces zhus so// ye shes kun bzang ston pa'i thugs// dbyer med rang 'byung ngo bo nyid// bde chen lhun grub chos kyi dbyings// rnam rtog phyi nang ji snyed pa// rang 'byung gsal ba'i don la 'dus// rnam dag rdzogs pa de nyid kyang // rang gzhag log pa rmongs pas bcings// snang mdo rig 'byung ba de chen lo// sna tshogs dngos por rab

  797. 399b

    sems 'khrul// bde chen dbyings las ma g.yos kyang // 'khrul rtog sdug bsngal sna tshogs myong // ma gzhag mi g.yo thugs rjes bshad du gsol/ zhes zhus pa dang rig pa'i rgyal pos bka' stsal pa// ye shes rang 'byung chos kyi sku// kun bzang ye shes ston pa'i mchog/ ma lus bstan pa ji snyed pa// bya med rang 'byung sems su shar// de nyid gang la de dag de// gang la bshad pa mthar thug go// snang dang srid pa'i chos rnams kun// rang 'byung sems la ma g.yos pas// rang rig rdzogs pa shugs kyis gsal// gang la gang gsal ngo bor bstan// shugs kyis rgyu med bde ba mthong // rang 'byung nyi ma'i 'od kyi mchog/ ma bcos gsal ba'i 'khor le lo// 'dzin pa'i dri ma kun gyis dben// me shel 'od ltar rig par 'char// bde chen rig pa'i 'khor lo bshad// brda sgo gang la rgyud don rtogs/ rig pa'i gdeng ldan ye shes klong du bshad// gsal ba'i ye shes dgongs pa la// thugs rje rin chen 'od ltar 'phro// tshig gi don bral ye shes rdzogs pa che/ brda sgo lam gyi zhen pa gang zlog pa// brda dang tha snyad rig pa'i snying por 'char// rang 'byung rtsa ba ma lus gcig tu rtogs// sbyor ldan lam gyi rtogs pa

  798. 400a

    ma lus 'dus// dngos grub rang 'byung dgos che bsam mi khyab// sgron ma gser bzhin yi ge'i don du bshad// brda bral stong nyid rang la bzlog par bya// de nyid bzhin te thams cad kun la'ang yin// rang 'byung ba de chen 'khor lo la// ye shes don du rang gsal shing // 'dzin med rig pa'i nam mkha' gzhag/ rgyu ba med pa'i ye shes bskyed// rang bzhin gsal ba'i 'od la bzhugs// sku gsum gsal ba'i 'od ldan pa// lhun grub ye shes thig ler bshad// / tha snyad sgra yi rnam pa kun// ye shes 'dres pa mtshon pa'i bdag/ don la brjod bral ye shes rdzogs// rig pa brda sgo don gsal ba// nges med sbyor ldan blo bzhin no// bde chen rig pa'i rgyal po la// 'od gsal rig pa'i 'khor lo bskor// yi ge med pa'i rang gsal ba// ye shes srog gi phur pa 'debs// zhes gsungs so// rin chen 'khor lo ye shes rdzogs pa'i rgyud las/ gtan la dbab pa'i le'u ste lnga pa'o// // de nas rig pa'i rgyal pos rang rig pa'i phun sum tshogs pa 'di gsungs so// yeng shes khyab bdag rig pa'i sku// rang 'byung rig pa ma 'gags gsal// brjod med sems kyi de kho na// rang byung

  799. 400b

    ston pa'i thugs rje'i bdag/ 'gro drug sems can thams cad kyis// rang sems ston par ma shes na// rang 'byung mthong bar yong mi 'gyur// de nas ye shes rdzogs pa'i don// rang rig bde ba'i shes rab kyis// rang 'byung rgyal po ston pa'i mchog/ ye shes ma 'gag cir yang gsal// rig pa'i klong gi 'khor du rdzogs// rang sems de la kun rdzogs pas// bstan pa'i rgya mtsho rig pa'i klong // rnam dag rang sems skye med pas// 'gyur med 'khor lo rig pa'i gnas// ye shes rtsol med gnas kyi mchog/ rang 'byung ston pa 'od gsal thugs// 'dzin med rig pa'i nyi ma shar// me shel 'od ltar byin rlabs 'khrigs// 'od gsal rig pa'i bstan pa sgrogs// rang 'byung rkyen dang bral ba gnas kyi mchog/ rang byung ye shes bde chen rol pa'i sku// yi ge zla bral ye shes rig pa'i gsung // tshig gi lam chad ye shes sgron ma 'bar// len med 'dzin dang bral bas bde mchog gsang ba'i lam// brda yi 'jug pas gsang ba'i don mi gsal// ming dang don med rang byung ye shes gsal// rig pa'i thig le gsal ba'i gsung // brjod med ye shes 'khor lo dag/ tha snyad kun bral brjod bya dag/ brda med rang byung ye shes nyid//

  800. 401a

    rig pa'i 'khor lo bdag la 'char// rin chen 'od 'bar thig le mtha'// rang 'byung gzer chen rang la 'debs// rang 'byung 'khor lo rang la gcod/ tarig pa'i phyag rgya 'gyur ba med// ces gsungs so// rin chen 'khor lo ye shes rdzogs pa'i rgyud las/ phun sum tshogs pa'i de kho na nyid bstan pa'i le'u ste drug pa'o// // de nas rig pa'i rgyal pos rtsol ba med pa la chos can dang chos nyid mi dmigs pa 'di gsungs so// rtsol med rang gzhag ye sangs rgyas// rnam dag rang 'byung snying po la// thams cad ye shes snying por gsal// ye shes 'khor lo snang ba med// ye shes rin chen rtsol ba bral// rang 'byung mi 'gyur kun tu bzang // sems nyid byang chub rig bdag la// lus ngag yid kyi rtsol med pas// ting 'dzin mi g.yo 'jug pa bral// rang 'byung 'khor lo rol par rol// ye shes spyod pa pad+ma ltar// spyod sbyin ma chags ye nas dag/ bsam dang bral ba'i chos nyid la// ye shes 'khor lo rang gzhag ste// dus gsum g.yo ba med par gnas// rtogs pa'i dngos po gang snang yang // rang 'byung rig pa'i 'khor lo gcod// rig pa rgya mtsho gting ltar zab// mngon sum snang ba'i ye

  801. 401b

    shes la// sangs rgyas sems can khyad med kyang // rang dbang sems la mi gnas na// sems nyid bde bar spyod mi nus// 'dzin sems dag gi cog sgrub yang // goms pa'i bag chags bcings pa 'dra// ye shes 'khor lo rang dbang can// ji ltar gnas kyang bya btsal med// rig pa mtha' med dkyil 'khor la// lus kyi btsal med chos skur gsal// rang snang rig pa 'od gsal la// ngag gi btsal med rig pa'i gsung // mi 'gyur kun bzang ye shes la// thugs kyi btsal med bsam dang bral// snang ba gzugs kyi rnam pa kun// mnyam nyid chos kyi sku ru thim// grags pa'i sgra yi rnam pa kun// mtshon pa'i rang rtags gsung du thim// shes rig ma lus ji snyed pa// thugs kyi mtshon pa'i rang rtags te// ye shes rig pa'i thugs su thim// rig pa 'gyur med rdo rje ltar// dbyer med ye shes bya ba tsal bral/ zhes gsungs so// de nas sems dpa' rdo rjes 'di skad ces zhus so// rnam dag ye shes dkyil 'khor nas// 'gro drug ye nas sangs rgyas kyang // lam stobs drag pos bdag zhugs te// rang rkyen log pa'i shugs kyis dkrugs// rang bzhin rin chen nor bral bas// rigs drug 'khor ba'i

  802. 402a

    gnas su 'khyams// dus 'dir thugs rje byin rlabs kyis// rdzogs pa'i sems la mos bskyed la// de tshe rtsol bcas 'bras bu yod// rnam rtog g.yo ba cir 'gyur ba// rig pa don la gang gis bstan// nges pa'i gsang don gang gis mthong // zhes zhus pa dang / rig pa'i rgyal pos slar gsungs pa/ te ye shes rdzogs pa'i sems bskyed zung // spro ba'i sems ldan don la sbyor// rang bzhag rig pa ma yin pa// brda sgo rtogs pa'i rjes ma 'brang // bde chen gsang ba'i dkyil 'khor la// gnyis su med pa'i rang bzhin yin// chos can chos nyid gang du'ang med// 'dod pa'i blo yis gang sbyor ba// blo dman sems la bstan par zad// bsam bral ye shes 'khor lo la// chos can chos nyid gang rtogs pa// rang 'byung gsang ba'i sems ma shes// bde mchog 'khor lo'i don ma rnyed// mi 'gyur gsal ba'i sems dang bral// ye shes rin chen 'od dang nub// 'khor lo'i lcags las thar pa med// sna tshogs 'khor lo'i rang bzhin las/ rmongs pa'i blo yis blang dor byed// gnyis med rang 'byung 'od gsal ba// sgro dang skur pas rang sems spangs// zhes gsungs so// rin po che

  803. 402b

    'khor lo ye shes rdzogs pa'i rgyud las/ bya ba dang bral ba las chos can chos nyid ma grub par bstan pa'i le'u ste bdun pa'o// // de nas yang rig pa'i rgyal pos ye shes rig pa'i spyod pa 'di gsungs so// ye shes bde mchog kun tu bzang // rang 'byung nam mkha' rdo rje nyid// ci la spyod kyang chags pa med// sgo gsum bag yang lhug pa nyid// snang med rang byung ye shes gsal// rang gzhag ye shes spyod pa la// blang dor gnyis med bde chen po// mkha' mnyam ye shes rang 'byung la// dus gsum 'da' ba med par gnas// rang byung ye shes dkyil 'khor nas// dngos grub rin chen 'od ltar 'byung // ye shes rgya mtsho mu mtha' med// 'od gsal rig pa'i gdeng ldan la// mtshon pa'i lam gyi rgyu dang bral// rang 'byung lung gi don mthong ba// lung chen tshad ma kun gyi bdag/ rig pa'i ye shes brjod bral bas// brjod pa lung la sems mi 'jug/ sems nyid rig pa'i sgron ma yis// rin chen me shel ltar gsal bas// rin chen man ngag kun gyi bdag/ kun gsal me long mthong thob pas// rna ba rgyud sgra la rag ma las// chos nyid nam mkha' lta bu la// rang 'byung gsal ba'i nyi ma shar// bsam sbyor blo yi dri ma dag/ 'dod

  804. 403a

    'jug rim rtsol kun dang bral// bsam med rang gzhag spyod par gnas// sku gsum rig pa'i dkyil 'khor nas// thugs rje nyi ma'i zer shar nas// 'gro 'dul spyod pa ji snyed spyod// thabs kyi rig pa ra shar nas// ye shes gsal bas 'gro don mdzad// ye shes rang bzhin 'dren skur shar// sna tshogs sprul sku rin chen 'phro// gang dge sman pa'i 'khor dag la// blo dang 'thun pa bstan pa bkod// 'dod pa'i blo yis dpag med kyang // thig le gcig las 'da' ba med// sbyor ldan blo yi theg pa med// ye shes thugs rje'i sku byung nas// rang 'byung gcig la bstan par zad// rim 'jug blo yi khyad par rnams// 'dren pa'i sku yi drang don bstan// nges pa'i theg chen snying po la// 'dod pa'i yan lag kun dang bral// ma lus bstan pa'i rnam pa kun// yeng shes rig pa'i mkha' la rdzogs// zhes gsungs so// rin chen 'khor lo ye shes rdzogs pa'i rgyud las/ spyod pa bstan pa'i le'u ste brgyad pa'o// // de nas rig pa'i rgyal pos rang 'byung rdzogs pa'i dkyil 'khor 'di gsungs so// sems nyid rang 'byung dkyil 'khor 'di// ma bcos rig pa lhun grub ste// mtha' dbus med pa'i

  805. 403b

    gzhal yas na// rab 'bar ye shes rdzogs sangs rgyas// rang 'byung rig pa'i 'khor mtha' med// lhun grub pho brang chen por ni// spyan drangs ma yin ye sangs rgyas/ rang 'byung gsang ba'i sngags ldan pas// lha yi snying po dbul mi dgos// bde chen gsal ba'i don ldan pas// ye shes gsang ba'i dkyil 'khor mnyes// rang 'byung sems nyid kun gyi lha// dus gsum 'da' med thugs dam mo// rnam dag rig pa ka dag la// nyes pa'i dri ma dang bral bas// ye shes dam tshig rnam par dag/ brjod med rig pa'i don mthong na// rang 'byung gsang ba'i dam tshig thob// rang gzhag sems las mi 'da' na// mi rtog dam tshig nyid yin pas// rang bzhin dam tshig rnam par dag/ mi rtog 'dzin bral ye shes la// bsod nams ye shes lhun gyis grub// rdo rje gsang ba'i dkyil 'khor ni// 'gyur med rang 'byung kun tu bzang // ye shes gsang ba'i dkyil 'khor ro// mtha' dbus med pa'i snying po la// spong len bral ba'i sems mi 'jug/ rang bzhin rnam ngag dbye ba med// lhun grub rang bzhin ye sangs rgyas// rang rig 'od gsal rnam par dag/ ye shes gang mtshon mtshan nyid gsal// lhun 'grub rang rig kun

  806. 404a

    tu bzang // ye shes rdzogs pa'i dkyil 'khor lta// gzung 'dzin dang bral dri ma med// ye shes sgyu ma kun tu bzang // rang 'byung sgyu ma ngos bzung med// rnam dag rang 'byung dkyil 'khor gsum// ma bskyed lhun 'grub bya ba med// don la gang 'jug sbyor ldan rnams// yi ge brda med gnyis med gsal// sgyu ma dang bral rig pas rtogs// rang snang rig pa'i 'od la bzhugs// bsam med rang gzhag sa le ba// ci yang ma yin gyi na ba// rang gsal ye shes nyi ma'i 'ong // kun bzang rgyal ba'i thugs dam mo// zhes gsungs pa dang / de nas sems dpa' rdo rjes 'di skad ces zhus so// snang med bde chen rang snang la// brtags pa'i snang bas gnyis su mthong // rang bzhin rnam dag gser bzhin yang // thogs med dus nas don ma mthong // dus 'dir sbyor 'jug gang dag ni// gsang ba'i don la nges par 'jug/ gsal byed rin chen sgron ma gang // 'dzin pa'i dri ma gang gis dag/ bde chen gsang ba/ dkyil 'khor mnyes// zhes zhus pa dang / rig pa'i rgyal pos bka' stsal pa// bsam gyis mi khyab dus gang la// gang ldan rig pa'i lde mig gis//

  807. 404b

    rin chen sems 'di khong du chud// snang ba'i rnam pa cir 'gyur yang // yid la mi byed rang gzhag na// dri ma'i 'dzin pa rnam par dag/ ces gsungs so// rin chen 'khor lo ye shes rdzogs pa'i rgyud las/ dkyil 'khor gsang ba'i le'u ste dgu pa'o// // de nas rig pa'i rgyal pos/ sems dpa' rdo rje la 'di skad ces gsungs so// sems nyid gsal ba sngags kyi lha// rang bzhin dag pas sbyang mi dgos// rang gnas ye shes 'od gsal bas// spyan drangs ma yin ye nas gnas// ye shes kun bzang 'pho 'gyur med// lhun grub rig pa rtsal med pas// spro dang bsdu ba ngang gis zhi// rang 'byung khyad par lamatshan ni// blang dor gnyis med rig pa'i ngang // ye shes dbu ma mtha' bral ba// bgrod pa'i lam med ye sangs rgyas// rim pa kun bral chos nyid la// rang gsal 'dod pa gang gnas pas// rim par ma yin cir mi dgongs// ye shes kun bzang lam chen la// blo yi stobs kyis gang 'jug pa// sbyor ldan kun gyi lam dang bral// btsal med rang 'byung ba de chen ni// 'dod pa'i rtsol bas gang 'phangs pa'i// rim 'jug rgyu 'bras ma lus stong // kun bzang rang rig

  808. 405a

    'od gsal ba// 'dod pa'i sbyor bas gang 'jug pa// phyogs bral rang 'byung don dang bral// rtsa ba rnam dag mkha' ltar khyab// rnam rtog 'dzin pa'i spyod yul min// sgra med stong pa'i thig le ni// rnam pa med dang gsang ba'i sems// rtag pa sna tshogs ngo bo la// mi g.yo rang bzhin dkyil 'khor nas// ye shes nyi mas kun mthong yang // shin tu 'byor ldan rnal 'byor la// rtag pa'i rnam pa gang mthong med// bsam gyis mi khyab gang mthong na// 'od gsal ye shes 'od snang yang // gang mthong sna tshogs sems dang bral// rang 'byung dag pa'i 'khor lo la// rang bzhin rig pa kun rtogs dang // sbyor 'dod sna tshogs mthong ba med// gsang ba'i 'khor lo rdzogs pa 'dir// rgyu med mthar 'gyur rang gnas pa// dri med snying por rang gsal bas// rgyu rkyen 'dod pa'i ngo bos stong // gang zhig rgyu 'bras ngo bo nyid// des na ri bo rang bzhin no// rgyu med rgyus skyed de dang 'dra// rang gnas ye shes song nas grub// gang dag pa yi 'khor lo la// sbyor 'dod sgyu rtsal gang gis na// mthun pa nyid na ma mthun pa// thug pa med de gang la 'thad// khyad par ma grub 'od gsal nyid// bcos med rang gzhag nyid

  809. 405b

    du bde/ bcos med dogs pa ci yang yin// gzhan la de la de bzhin pa// shes pa du ma gang la nges// rang 'od nyid la de ltar 'gyur// rtsol 'jug gang 'dod de 'don la// mthar 'gyur de bzhin de la 'byung // de nas gnas pa'i don yin na// bde ldan rig pa'i sangs rgyas la// rtog pa'i rnam pa kun med pas// gang gi 'bras bu ji ltar 'thad// sbyor ldan don la yin pas na// de bzhin thams cad dag la 'gyur// zhes gsungs so// rin chen 'khor lo ye shes rdzogs pa'i rgyud las/ rig pa rgyu rkyen gyis bskyed pa dang bral bar bstan pa'i le'u ste bcu pa'o// // rin chen 'khor lo ye shes rdzogs pa'i rgyud don man ngag tu bya ba mthar thug pa rdzogs so// // rgya gar gyi mkhan po shrI sid+ha dang / bod kyi lo tsa ba bai ro tsa na sa d+ha he na'i 'du khang du bsgyur ba'o// / rgya gar skad du/ dz+nyA na gu h+ye ri ba ma rat+na u pa de sha tan+t+ra nA ma/ bod skad du/ ye shes gsang ba sgron ma rin po che man ngag gi rgyud ces bya ba/ bcom ldan 'das dpal rdo rje sems dpa' la phyag 'tshal lo// 'di skad bdag gis zos pa'i dus gcig na/ de bzhin gshegs pa

  810. 406a

    thams cad kyi sku dang / gsung dang / thugs ye shes snying po/ bcom ldan 'das rdo rje 'chang gsang ba mchog gi bdag po de/ mkha' spyod 'og min gyi gnas chos kyi dbyings kyi pho brang mkha' klong yangs pa'i gnas mchog na/ gtang gzhag med pa'i ting nge 'dzin la snyoms par bzhugs pa'i dus na/ de'i tshe na 'khor sangs rgyas dang / lha dang / mi dang / lha ma yin dang / sha za dang / srin po dang / gnod sbyin la sogs pa rnams kyi nang nas/ rdo rje sems dpas pus mo g.yas pa'i lha nga sa la btsugs nas/ dad pa'i sems kyis bcom ldan 'das kyi drung du lus btud de 'di skad ces gsol to// kye bcom ldan 'das rdo rje 'chang gsang ba'i bdag po lags/ chos nyid byang chub sems kyi don// bdag cag rnams la bshad du gsol// ces gsol to// rdo rje 'chang gsang ba'i bdag po des gsungs pa/ kye sems dpa' chen po nyon cig/ chos nyid don gyi rnal ma de// ma bcos ma bslad rang 'byung la// tshig dang yi ge brjod las 'das/ yid la ma byas mtshon dang bral// brda 'am thabs kyis bstan pa la// ngag tu brjod pa chos nyid min// don dam de la brjod med kyang // bla ma'i thabs kyis ma

  811. 406b

    mtshon na// gnas pa de ni rtogs mi 'gyur// chos rnams thams cad brda yis bstan// brda la goms pa'i rnal 'byor pas// brda yi don la sgrol bar nus// ye shes gsang ba sgron ma rin po che'i rgyud las/ gleng gzhi'i le'u ste dang po'o// // de nas yang rdo rje sems dpas 'di skad ces gsol to// kye gsang ba'i bdag po lags// chos nyid mtshon par rtogs 'dod pas// slob dpon slob ma'i mtshan nyid ni// gsang ba'i bdag pos par shad du gsol// zhes gsol to// gsang ba'i bdag pos bka' stsal pa/ kye sems dpa' chen po nyon cig/ slob dpon slob ma'i snod bcud de// legs par bshad kyis yid la zung // dka' ba ma spyad skyongs chung // gzhi rtsa stong pa nyid du shes// rgyud la mkhas shing man ngag che// thugs rje che la 'dod pa chung // brgyud par ldan la mtshon pa mkhas// dbang rnams thob la ting 'dzin gsal// de rnams ldan pa'i bla ma la// bcud dang ldan par ngas bshad do// bla ma la gus gtong phod che// da par ldan la brtson 'grus che// bla ma mi gsa' shes rab ldan// sems bzang go cho 'thug pa dang // rgyud 'jam zhe sdang chung ba dang // 'jig rten 'brel bas

  812. 407a

    skyabs chen min// bla ma 'khor ba'i gnyen gcig pu// skye shi la sogs sdug bsngal gyis// mthong nas de las grol 'dod pa// de rnams ldan pa'i slob ma la// snod dang ldan par shes par gyis// ye shes gsang ba sgron ma man ngag gi rgyud las/ slob dpon slob ma'i mtshan nyid bstan pa'i le'u ste gnyis pa'o// // de nas yang rdo rje sems dpas 'di skad ces gsol to// kye gsang ba'i bdag po lags/ snod ldan smin par bya ba'i phyir// dbang gi rim pa bshad du gsol// zhes gsol pa dang / gsang ba'i bdag pos gsungs pa/ kye sems dpa' chen po nyon cig/ gsang sngags rgyud las smos 'dod na// smin par bya phyir dbang bskur bya// lha dbang lus la bskur ba dang // zag bcas lha yi dbang bskur na// thun mong dngos grub phra mo 'byung // 'jig rten chos la dbang sgyur bas// rang lus lha sku phyag rgyar shes// skye med rig pa'i dbang bskur bas// rang lus ma skyes dngos gzhi med// sems kyi dkyil 'khor 'od gsal bas// rdul tshon 'dzab la rag ma lus// dbang thob byin rlabs rtags rnams 'byung // rang sems mthong bas ting 'dzin

  813. 407b

    gsal/ byin rlabs dgug gzhug bya mi dgos// thabs dang shes rab zung du 'brel// bde chen chos skur shes pas na// mtshan ma'i blo yang rang sar grol// gzung 'dzin thag pa de ru chod// rig pa stong gsal dbyer med la// gab pa mngon du phyung bas na// rang byung yeng shes ngo bo nyid// rig pa 'dzin med thang la phebs// rig ma la sogs btsal mi dgos// bdag dang bdag gir 'dzin pa zad// 'dzin med sems la bcos bslad med// yang shes gsang ba sgron ma'i rgyud las rig pa rtsal gyi dbang gi le'u ste gsum pa'o// // de nas yang rdo rje sems dpas 'di skad ces gsol to// kye gsang ba'i bdag po lags rang 'byung rig pa'i dbang bskur nas// bsgom pa'i rim pa bar shad du gsol// gsang ba'i bdag pos bka' stsal pa// kye sems dpa' chen po nyon cig/ nges pa'i don la mos pa yi// rnal 'byor pa yi don ched du// sems kyi gzhag thabs 'di ltar lags// depe don rtags dang ting 'dzin nyams// rgyud la btsal thabs bcos pa'i thabs// yon tan rnam pa gsum du bstan// rnam pa bdun du rig par bya// dpe yis mtshon pa 'di ltar yin// bram ze gtsang ma khrus gsol te//

  814. 408a

    rgyal srid kun la dbang sgyur zhing // ma lus sems can thams cad la// byang chub snying po rang bzhin gnas// de don rtogs par bya thabs ni// dmigs pa dag la brten nas su// mi dmigs pa ni rab tu skye// mi dmigs pa ni goms byas na// dmigs med ngo bo nyid du 'grub// ma zin zin phyir ga nad bzhi bsgoms// zin pa brtan la goms par bya// 'dzin med rang gsal brten mi 'cha'o// zang thal rig pa rjen par gzhag/ lta ba'i bogs dbyung la bzlas pas/ rang sems dag pa chos sku yin// rang byung ye shes las 'das pa// zhi gnas lhag mthong zung du 'brel// rig pa yul gyis mi gnod pas// dper na dngul chu bo ba 'dra// rtags ni lus ngag yid gsum la// lus ni 'dar zhing sprug pa dang // 'phag dang rgyug pa'i las rnams byed// ngag ni rgod cing ngu ba dang / kha nas sgra skad sna tshogs 'don// sems ni 'dzin med btang dka' bas// phyi nas shes pa mi rgyu zhing // dper na sbyin phor mdzub btsugs bzhin// ting 'dzin goms par bya ba'i phyir// rgyu dang snang dang de bzhin nyid// nyams ni ming du ma thogs shing // shes pa khong nas dga' ba 'byung // sngar ma thos pa'i

  815. 408b

    chos skad 'byung // rtog med yul lam zhen na// 'dzin med sems dang ma bral bas// spyod lam rnam bzhi gang byed kyang // sems kyi rtsi yis zin pa na// 'di ni gzhag thabs dam pa ste// dgongs pa sangs rgyas thugs dang mnyam// de don rgyud la btsal ba ni// rtsis gdab 'dzin pa'i rtog pa med// dper na ti bya tshad 'jug bzhin// ma yengs lam du khyer dgos pas// dper na dmu rgod rta 'dul zhing // ma yengs par ni gzhag par bya// de la sems ni 'phros gyur na// dper na nam mkha'i sprin bzhin du// byung yang gzhi la gnod med ltar// de bzhin byang sems stong pa la// byung yang rang zhi gnod pa med// rtog pas mi sgrib bcos mi dgos// gsal la mi rtog kye ma ho// mi bskyod rgya mtsho'i gting dang 'dra// byang chub sems kyi rig pa ni// gnyug mar gnas pa chos kyi sku// snga phyir rjes 'brangs 'khrul pa'i lam// shes pa mi 'gyur bkrir ma btub// shes pa rgod par gyur pa'i tshe// mkhas pas 'di ltar shes par bya// 'gyu ba'i dus su bde ba ni// rjes nas bcug pas rang sar ldog/ dper na rkun mo tshor ma thag/ ma bskrad rang bzhin deng ba bzhin// sems kyi rang bzhin chos nyid la// rang bzhin gsal ba

  816. 409a

    ngang gis zhog/ de ltar rtogs pa'i rnal 'byor nyams// shing bal lta bu'i nyams 'byung bas// dbugs ni phyi nang rgyu mi tshor// chos nyid bde gsal chen po'i nyams// yon tan tshang lugs 'di ltar 'byung // mtha' dbus med pa nam mkha' 'dra// 'jig 'dral med pas rdo rje 'dra// chags zhen med pa 'byung ba 'dra// rang byung ye shes ngo bo nyid// ye shes gsang ba sgron ma'i rgyud las/ sems kyi gzhag thabs bstan pa'i le'u ste bzhi pa'o// / de nas yang rdo rje sems dpas zhus pa/ kye gsang ba'i bdag po legs/ skyon mi mnga' la yon tan rdzogs// bdud dang chos su dbye ba'i phyir// bdud kyi ngos gzung bstan du gsol// gsang ba'i bdag pos bka' stsal pa// kye sems dpa' chen po nyon cig/ bdud dang chos su dbye ba la// rnam pa bco brgyad 'dir bshad do// gzugs ni phung po'i bdud du gsungs// bu sogs lha yi bdud du sprul// de la 'dzin pa nyon mongs bdud// 'khrul pa'i sems ni 'chi bdag bdud// dgongs pa'i nor bas bdud yin pas// gnod sbyin lha yang de dang 'dra// stong pa phyal chad lta ba'i bdud// hang po bogs med sgom pa'i bdud// stong med rang kha spyod pa'i

  817. 409b

    bdud// rta thugs med 'dod pa 'bras bu'i bdud// phra mo chog shes thos pa'i bdud// rtsa rlung 'khrug pa thig le'i bdud// grub mtha' log pa chos kyi bdud// mi thub dam bca' sdom pa'i bdud// 'du 'dzi longs spyod g.yeng ba'i bdud// las ngan 'brel pa grogs kyi bdud// the tshom skyes pa nyams kyi bdud// thabs kyis ma zi nang shes rab bdud// bar chod bgegs rnams sems shes pas// bdud kyi gegs sel nyams la phan// ye shes gsang ba sgron mo'i rgyud las bdu dngos bzung ba'i le'u ste lnga pa'o// // de nas yang rdo rje sems dpas zhus pa/ kye gsang ba'i bdag po lags/ bdud kyi 'jigs pa sel ba'i phyir// 'jigs med skyabs gcig bshad du gsol// rdo rje 'chang gis bka' stsal pa// kye sems dpa' chen po nyon cig/ rang sems ma rtog bdud du shar// yod pa ngo shes skyabs yin pas// de mtshon ngo sprod 'di ltar lags// snang ba sems su shes par gyis// sems kyi rang bzhin stong pa yin/ stong pa'i rang bzhin bsam du med// bsam med mtha' bral chos sku yin// zin pas rtsol ba'i nad dang bral// lhun gyis gnas pas rtogs pas

  818. 410a

    na/ de dang ma bral rnal 'byor rgyan// gzhan nas btsal bas skyabs mi rnyed// rang byung ye shes kha drag skyel ma 'dra// rang sems rtog pas 'jigs pa'i nad dang phral// ye shes gsang ba sgron ma'i rgyud las/ bdud kyi 'jigs pa sel ba'i le'u ste drug pa'o// // de nas yang rdo rjes sems dpas zhus pa/ kye gsang ba'i bdag po lags/ ma rig ling rtog sel ba la// nges don bdud rtsi lta bu'i sman// khyed kyis bdag la gsung du gsol// gsang ba'i bdag pos bka' stsal pa/ kye sems dpa' chen po nyon cig/ rgyud kyi rjes su smos pa la// dang por dbang bskur legs byas te// de nas yang dag bshad bya ste// ji bzhin pa yi chos nyid la// ma yengs gsal bar bsgom par bya// sems rtog med cing ye shes gsal// gnas lugs ngal ma g.yos pas// dper na gser gling phyin pa 'dra// dgongs pa rdo rje 'chang dang mnyam// de nyid gsal la ma zhen na// yang dag don la gnas pa yin// chags dang gti mug dbang gis na// rgod cing bying ba byung ba'i tshe// phyi nang gsang ba gsum po la// sems gtod na ni zhi bar 'gyur// khams bde thun ni

  819. 410b

    ring bar bya// mi bde thun bzhi bsgom par bya// de nas lta bas thag gcad de// mtha' gnyis dmigs pa'i yul las grol// dmigs pa med pa byang chub sem// gzung 'dzin med pa ye shes la// chos kun byang chub sems su gcig/ sems ni nam mkha'i mtshan nyid ltar// mtshan ma med par ro gcig pas// skye med rnams rol bdud rtsi'i zas// dngos po lha yi bdud 'joms pas// byang chub sems kyi lam chen 'di// dngos po stong pa nyid las grol// gdags su med pa'i chos nyid la// mtshan mar brtags na blo yi ni pas// chos nyid blo las 'das pa yin// blo yis blo grol ngo mtshar che// de ni blo grol dam pa'i rgyud// ci phyir yod med gnyis ma zhe na// yang dag byang chub sems nyid la// yod par sgros mi 'dogs pa dang // med par skur pa mi 'debs pas// rtag dang chad pa'i mtha' las 'das// 'byung ba zhi rgyu ba'i rtsa mig can// rlung sems rang khar ma yan na// phyi nang rgyu ba med pa bzhin// mi snang bzhin du rgyu bar zad// dper na nam mkha'i sprin bzhin du// sprin tshogs nam yang gnod mi nus// de bzhin byang chub sems nyid la// rtog pas sgrib par yongs mi nus// rang sems

  820. 411a

    dag pa chos nyid la// ma btsal lhun gyis grub pa ste// gang ltar bsgoms kyang thig le'i ngang // dper na til gyi mar me bzhin// phyi nang gsal la rig pa dngas// rang sems rtogs pas sangs rgyas pa// 'og ma'i lam lnga sa mi bgrod// gsang sngags thabs lam skad cig gis// sgrib paba'i phung po sel bar byed// dga' bde sdug bsngal ci byung tshe// lta sgrom chen po'i ngang gzhag pas// nges don bdud rtsi'i sman chen 'dis// nyon mongs nad rnams zhi bar mdzad// gsang ba sgron ma'i rgyud las/ ma rig pa'i nad rnams bsal ba'i le'u ste bdun pa'o// // de nas yang sems dpa' rdo rjes zhus pa/ kye gsang ba'i bdag po lags/ rnam par rtog pa gcad pa'i phyir// spu gri lta bu'i gdams ngag cig/ bdag cag rnams la bshad du gsol// gsang ba chen po kun tu bzang pos bka' stsal pa/ kye sems dpa' chen po nyon cig/ rnam dag kun grol lam chen 'di// rgyud kyi rjes su mos pa la/ rang sems sangs rgyas rtsa bstan pas// dngos grub tshe 'dir thogs med thob// dang po'i sangs rgyas sgrub thabs kyang // ma bsams lhun gyis grub

  821. 411b

    pa'o// de ltar ma shes sems can rnams// rang re'i blo yis bcings pa la// thabs rnams du ma gsungs gyur kyang // yang dag gdams ngag rgyal po 'di// bka' rgyud spu gri lta bu ste// gang zag 'bum las 'ga' yi don// 'byung ba sems la gnas par bya// gang la mi ltos ma na ngag rgyud// zung du 'jug pa'i ye shes ni/ rang lugs bzhin du shes par bya// rgyu dang rkyen la rag ma lus// thug phra dang shugs kyi lkug pa'o// sku gsum 'bras bu rang chas pas// ye shes rang chas zang ka ma// 'di ni rang la byin gyis brlabs// rnam shes 'du ba'i gnas dag tu// bag phab lus sems glod par bya// rtags pas blo yi zhen pa log/ mi gnas pa ni mnyam pa nyid// dge ba 'phel ba'i gnas drag tu// phra rags yul la blo mi gzung // rang sems thabs kyis mthong bya ste// dngos po lta ba yul las 'das// yang dag shes rab mig phye nas// rang sems dri med rjen par mthong // thang la phebs pa ting 'dzin yin// de ltar khong chud pa na// skyes bu phun sum tshogs pa yin// mthong ba'i chos la blo mi gzhag/ stong pa nyid kyang de bzhin no// sems nyid drang po gzung du med// nges

  822. 412a

    par nga rang zhen pa 'ching // 'di la chags pa 'ga' yod na// rang sems bcings pa'i srin bu bzhin// 'bras bu de dag brlag par 'gyur// de bas sangs rgyas thob 'dod pa// rang gi sems kyi rtsad gcad de// bsam med ye shes sna tshogs yin// des na chos kyi rtsa ba 'di// sems nyid yin par shes par bya// ye shes gsang ba sgron ma'i rgyud las/ spu gri lta bu'i le'u ste brgyad pa'o// // de nas yang sems dpa' rdo rjes 'di skad ces gsol to// kye gsang ba'i bdag po lags/ 'gro ba'i skyabs mdzad thugs rje can// bdag cag rmongs par gyur pa la// ye shes ngos gzung bshad du gsol// gsang ba'i bdag pos gsungs pa/ kye sems dpa' chen po nyon cig/ de nyid gzung dang spyi blugs dang // tshogs drug lcug dang thug phrad dang / gnas pa'i thabs dang lnga ru bshad// dang po ye shes ngos gzung ni// sman pa mkhas pa lta bu ste// de yis nad dang nad pa'i nyams// rtsa dang chu yi sgo nas rtog/ nad ngos zin nas ming 'dogs bzhin// de bzhin bde bar gshegs pa'i rgyud// bla ma mkhas pa'i man ngag dang // rang gi nyams kyi bye brag gis// tshad ma gsum

  823. 412b

    la brten nas su// ye nas mkha' ltar khyab pa la// ngos zin na ni de dang phrad// yeng shes spyi blugs dgos pa ni// 'phrul gyi me long sum thug bzhin// de bzhin gnas lugs rtogs pa'i mi// 'di dang phyi ma gnyis su med// de nyid don la gnas pa'o// tshogs drug lhug pa'i man ngag ni// skyes bu nad kyis gzir ba ltar// ma sring ngo tsha rtog med bzhin// de bzhin sems nyid rtog pa'i mi// bdag gzhan 'dzin pa'i nyams rtog med// rtog med lam du khyer dgos pa'o// ye shes thug phrad gdams ngag ni// dper na dar rgya sman bzhin no// reg pas nad rnams zhi bar byed// de bzhin lta ba'i bdud rtsis zin// sems can lus la sangs rgyas thugs// sems can gnas pa'i man ngag ni// ru sbal mkhar gzhong gzhag pa bzhin// yan lag 'khums pas gzung med ltar// de bzhin rnal 'byor rnam rtog chung // rnal 'byor sems la dbang sgyur bas// 'khrul pa'i shes pas khugs mi nus// ye shes gsang ba sgron ma'i rgyud las// ye shes ngos gzung ba'i le'u ste dgu pa'o// // de nas yang sems dpa' rdo rjes zhus pa kye gsang ba'i bdag po lags/ rang byung ye shes ngo bo de// rang

  824. 413a

    la 'char lugs ji ltar lags// bdag cag rnams la bshad du gsol// gsang ba'i bdag pos gsungs pa/ kye sems dpa' chen po nyon cig/ rang byung ye shes chen po de// 'char ba'i thabs ni 'di lta ste// rang sems gnyug mar gnas pa na// bla ma'i man ngag thabs kyis ni// gnas pa'i don de ma shes pas// de las 'das pa'i gong ma gcad// bla na yod pa chen po yin// de ltar ma shes blo chung bas// dang po dben par lus bsdad nas// bya rgod mkha' la 'phur ba bzhin// dmigs gtad bcas pa'i rig pa gtad// rlung sems gcig tu 'dus byas te// bla mas gsungs pa ji bzhin du// rtsol ba drag la thun du gzhug/ mda' mkhan skyug ma srong ba bzhin// dmigs pa rtsol ba drag tu bsgrims// thun tshad rab 'bring gsum du gcad// khams bde thun la brtson 'grus skyed/ ta zhan na rtsol ba glod la gzhag/ nyams kyi 'char lugs rnam pa gsum// thod rgal cig car rim gyis dang // bye brag mang por shes par bya// zin pa'i rtogs ni phyi ru 'byung // lus 'dar yan lag sprug pa dang // mkhar la 'phar zhing rgyug pa dang // bkrag dang ldan la 'byung ba snyoms// brtan zhing 'gul du mi btub

  825. 413b

    dang / gzung ba sla la gtang dka' ba'o// shes pa de dang 'grogs 'dod na// khams dang 'thun pa'i spyod lam bya// thun chen goms pa'i rnal 'byor bya// slob ma'i ting 'dzin zhan gyur na// bar du bsgrims la tha mar glod// dang por glod la tha mar bsgrims// ting 'dzin rab tu gyur pa na// ma bcos so ma lkug par gzhag/ 'dzin rab sbyin por mdzub btsugs 'dra// 'dzin 'bring 'dag pardo brgya 'dra// tha ma rtsol ba drag na gnas// sgo yi tsher mas mi gnod pas// ting 'dzin nyin mtshan bsre bar nus// bstan pa yongs su rdzogs byed pa// lus sems khong glod gnyug ma'i ngang // byang sems bde ba che dang phrad// mkha' ltar mtha' dbus sems la med/ lus ni yod du mi tshor dang // shing bal 'dab ma yang ba ltar// dbugs ni phyi na rgyu mi tshor// sems ni mkha' ltar phyogs rigs med// ye shes khong shar bde chen 'bar// ye shes gsang ba sgron ma'i rgyud las/ rang byung ye shes gtan la 'bebs pa'i le'u ste bcu pa'o// // de nas yang sems dpa' rdo rjes zhus pa/ kye gsang ba'i bdag bo lags/ byang chub sems ni gzung dka' bas// sems kyi gzhag thabs gsung du gsol// gsang ba'i

  826. 414a

    bdag pos bka' stsal pa/ kye sems dpa' chen po nyon cig/ gzhag thabs btsal thabs bcos thabs tshad// drod dang skye tshul 'bras bur bstan/ gzhag thabs rnam pa gsum yin te// mkha' la khyung lding gzhag pa dang // ti bya tshang du 'jug pa dang // bya ba btang ba'i skyes bu bzhin// mkha' la khyung lding gzhag/ pa ni/ rtagashog pa thang gcad lding ba dang // rtsol sgrub med par lding ba dang // 'og ma'i don mthong lding ba dang // yon tan rdzogs par lding ba dang // nang du gshog gru rgyas pa ltar// rnal 'byor mi rtog sgom pa'i tshe// shes bzung bcad mnyam par gzhag/ rtsol sgrub med par mnyam par gzhag/ 'og ma'i don mthong mnyam par gzhag/ yon tan yang ldan tshul du gzhag/ rnal 'byor lus rgya'i tshul du gzhag/ ti bya tshang du 'jug pa ltar// de bzhin the tsom med par gzhag/ bya btang skyes bu/ ngal pa ltar// ji ltar gnas pas sdug bsngal med// btsal thabs rnam pa gsum du bstan// dmu rgod rta ltar btsal ba dang // rin chen gter ltar btsal ba dang // rgyal po'i btsun mo lta bur btsal// dmu rgod 'dul ba ma yengs ltar// de bzhin sgom pa ma yengs gzhag/ rtog pa'i don la gnas par gyis// rin chen gter

  827. 414b

    ltar btsal ba ni// thems yig gzhan la ma shor bas// gzhan gyi choms rkun mi tshugs bzhin// de bzhin rnal 'byor sgom pa'i tshe// gdams ngag rtsi yis zin pa ni/ tarnam par rtog pas mi tshugs pa'o// btsun mo lta bur btsal ba ni// rgyal po mnga' dar btsun mo la// gzhan gyi gnod pas mi tshugs ltar// de bzhin gdams ngag ldan pa'i mi// chos rnams sems su shes pa la// dngos po'i dug gis tshugs mi srid// bcos thabs rnam pa gsum du bstan// nam mkha'i sprin ltar bcos pa dang // khang stong rkun po lta bu dang // dug la sngags kyis btab pa bzhin// tshad la rnam pa gsum du bstan// gsal ba'i tshad ni mar me ltar// mi g.yo ba ni rgya mtsho ltar// yang shing 'jam pa shing bal ltar// drod rtags rnam pa gsum du bstan// phyi rtags lus ni yod mi tshor// nang rtags dbugs ni rgyu mi tshor// gsang rtags dngos po'i zhen pa chod// skyes tshul rnam pa gsum yin te// rnam par rtog las ye shes skye// stong pa nyid las snying rje skye// zhi ga nas bsgoms pas lhag mthong skye// 'bras bu sku dang ye shes 'char// ye shes gsang ba sgron ma'i rgyud las// byang chub sems gtan la dbab pa'i le'u ste/

  828. 415a

    bcu gcig pa'o// // de nas yang rdo rje sems dpas 'di skad ces gsol to// kye gsang ba'i bdag po lags lha sgom spyod pa ji ltar lags// 'dus pa'i 'khor la bstan du gsol/ gsang ba'i bdag pos bka' stsal pa/ kye sems dpa' chen po nyon cig dang po lta bas thag bcad la// bar du sgom pas nyams su blang // tha ma spyod pas la dor ro// dang po lta bas thag bcad ni// rig pa rgyun chags thog mtha' med// sems nyid rgyu rkyen gnyis las 'das// mtshan ma'i rnam rtog skyon dang bral// rgya che ba dal khyab nyid du gnas// mtha' dang dbus su mi rtog na// lta ba'i gol sa mi ltung ngo // yin pa gsum gyis thag gcad la// sku gsung thugs la yid ches skyes// rin po che yi gser gling du// phyin pas thams cad gser du snang // 'khor 'das bzang ngan med par shes// ce spyang e na'i mig bzhin du// gnyis su med par thag gcad do// sgom pa nyams su blang ba ni// 'das pa'i shes pa rjes mi gcad// ma 'ongs pa yi sngon mi bsu// da ltar shes pa ma bslang ba// dngos po'i rjes su mi 'breng na// gnyug ma'i sems ni yin par

  829. 415b

    nges// dbang po sgo lnga'i rjes 'brang nas// sems can rnams ni yul la chags// bung ba bcud la chags pa ltar// mi rtog pa la zhugs pa'i tshe// sngon pas ma lus thams cad tshor// nyan thos pa yi mi rtog pa// thams cad ma lus tshor bas na// yul dang yul can gnyis su rtog/ ci yang yid la ma byas na// rjes su mi 'brang mi rtog na// 'gro bar 'dod pa lam gyi mchog/ ci yang ma skyes ma bcos pas// shes pa so ma gcig tu slong // de bzhin gshegs pa'i dgongs pa yin// tha ma spyod pas la dor ni// nya mo chu las mi 'da' bzhin// dkar po'i chos dang 'bral thabs med// dngos po'i chos la zhen nas 'khor// yang na ri dgas sgra nyan ltar// yang na glang po mtsho phrad ltar// nam mkha'i mdung bskor 'dra ba ste// gang la'ang thogs pa med par bya// ral gri so mangs lta bu ste// gdong du ci byung gcod par byed// ye shes gsang ba sgron ma'i rgyud las// lta sgom spyod pa ma 'dres yongs su rdzogs pa'i le'u ste bcu gnyis pa'o// // de nas yang rdo rje sems dpas 'di skad ces gsol to// kye gsang ba'i bdag po lags/ thams cad mkhyen

  830. 416a

    pa'i gsang sgo nas// kun gzhi ma skyes stong pa la// phyi nang chos rnams ji ltar rdzogs// mos pa'i 'khor la bshad du gsol// gsang ba'i bdag pos bka' stsal pa// kye sems dpa' chen po nyon cig/ kun gzhi skye med ma bcos stong pa nyid// de rtog rnal 'byor gang gis mi gnod pa// skyes bu goms pas gar yang ltung med ltar// skye med rtogs pas 'dris pa'i rnal 'byor pas// gang ltar spyad kyang mnyam pa'i thig le'i ngang // ched du mi spong ngang la gzhag pas 'bral// ma spangs lhun grub byang chub chen por spyod// kun gzhi ma bcos brdal ba chen po nyid// chos kun ma 'dres byang chub sems su gcig kun gzhi ma bcos dang la bde spyod pa// chos rnams kun la ma spyad gang yang med// gang la mi gnas mi rtag mi spyod na// spyod pa gnas lugs rtog pa'i spyod pa yin// chos nyid spyod pa'i rtags ni 'di ltar lags// gang la zhen pa med cing chags pa chung // ma nor don lnga kun gzhi 'gyur med gsal// rtag chen de yod gzhan gyi khar ma lhung // mngon shes stobs su rdzu 'phrul lung ston 'byung // de la rlom sems med pas nga rgyal ri ba slang // de yis spong len mi byed mnyam

  831. 416b

    ba nyid du gsal// thig le gcig tu rdzogs pas tha dad 'dzin dang bral// gzhan nas ma btsal rang la spyod pa ngo mtshar che// rang bzhin med par shes pas 'bras bu 'byin mi nus// ma nor thabs kyis zin pas nyon mongs rtsa ba bral// dper na snga ma'i snying po zin dang mtshungs// skyes bu de la bya ba tsal med pa ste// pa na se yi 'bras bu smin pa ltar// smin par bya ba'i rtsol ba mi phyed dang // byas pa'i rtsol ba de ni smin pa'i grogs su 'gyur// kun gzhi mnyam pa'i ngang la gnas pa ni/ 'khor ba'i chos kun mi spong de dag la// 'phags pa'i bden pa'i lam yang de la rdzogs// rang rgyal rten 'brel lam yang de la rdzogs/ khyang chub smon 'jug lam yang de la rdzogs// byang chub sum cu rtsa bdun de la rdzogs// bcu yis bgrod pa'i lam yang de la rdzogs// dkyil 'khor rim pa'i dbang yang de la rdzogs// lha dang 'das pa'i 'phrin las phyag rgya de la rdzogs// 'phags pa mnyes byed mchod pa de la rdzogs// sdom pa gsum gyi bsrung bya de la rdzogs/ tag nongs shing 'gyod pa'i bshags pa de la rdzogs// legs pa'i smon lam bsngo ba de la rdzogs// thams cad mkhyen pa'i yon tan de la rdzogs//

  832. 417a

    kun gzhi ma bcos thig le nyag gcig de la rdzogs// yon tan thams cad rdzogs pa'i zhing sa bzhin// thig ni mi 'gyur rang sems skye med yin// ta le ni bdal ba mnyam pa bde ba nyid du gsal// nyag ni phra bas skal med spyod yul min// gcig ni tha dad 'dzin pa kun dang bral// mnyam pa'i tshul gyis gol sgrib ji ltar spong // mi lta mi sgom mi spyod dbyer med na// 'og ma'i lta spyod rnam gsum gol mi 'gyur// gar yang mi 'gro 'dug pa'i mi dang 'dra// mnyam pa'i tshul gyis bdud rnams ji ltar 'dul// mnyam pa'i gdeng la yid ches mi 'bral na// bdud kyi bar chad sprul pa ci byung yang // thams cad sems su shes pas bdud kyis glags mi tshugs// khyim bdag dpa' bos bsrung ba'i bud med 'dra// gza' gtad med pa'i lta ba mtha' dang bral// 'dzin pa med pa'i sgom pa ngang gis gsal// blang dor med pa'i spyod pa gang la'ang bzang ngan med// 'bras bu spang thob med pas sku dang ye shes gsal// de ltar rtogs pa'i rnal 'byor pa la 'ching ba med// ye shes gsang ba sgron ma'i rgyud las/ yon tan yar ldan gyi le'u ste bcu gsum pa'o// // de nas

  833. 417b

    yang sems dpa' rdo rjes zhus pa/ kye gsang ba'i bdag po lags/ khyod ni 'gro ba'i lam ston pa// mkha' spyod gnas su 'gro ba'i phyir// 'phags pa'i lam gcig bstan du gsol// gsang ba'i bdag pos bka' stsal pa/ kye sems dpa' chen po nyon cig/ mkha' spyod gnas su 'ong 'dod na// dang po thos pa'i shes rab kyis// phyi nang chos la sgro 'dogs chod// bar du bsams pa'i shes rab kyis// de don rgyud la goms par bya// tha ma sgom pa'i shes rab kyis// bdag tu 'dzin pa'i nyon mongs zhi// tshogs lam bla ma mtshan ldan la// mnyes pa gsum gyi mchod pa dbul// sbyor lam bla ma'i gdams ngag gris/ zhi gnas lhag mthong rgyud la sbyangs// mthong lam spyan mnga' dag pa yis// rang sems skye med mthong bar bya// sgom lam ting 'dzin rnam gsum gyis/ nyug ma yid la goms par bya// mthar phyin nyes pa gnyis zad pas// chos rnams zad sar bskyal bar bya// nga ni thabs kyi lam mkhan te// thar lam tshol ba lam 'dir shog/ 'jal dang thos dang rtogs dang goms// phul du phyin dang bya rtsol bral// chod dang ming dang mdzad dang 'jig/ thabs kyis

  834. 418a

    de yi ngang la 'jog/ ye shes gsang ba sgron ma'i rgyud las/ 'phags lam bstan pa'i le'u ste bcu bzhi pa'o// / de nas yang sems dpa' rdo rjes 'di skad ces gsol to// kye gsang ba'i bdag po lags/ khyod ni ye shes spyan dang ldan// bdag cag mos pa'i 'khor rnams la// rgyud kyi yon tan bstan du gsol// gsang ba'i bdag pos bka' stsal pa/ kye sems dpa' chen po nyin cig/ rgyud rnams kun gyi don bsdus pa/ ye shes gsang ba'i rgyud la 'dus// ci ste sgron mas don mthong ba// yon tan 'byung bas rin chen yin// yon tan bsam gyis mi khyab pas// ming dang brjod pa stobs dang ldan// dag par byed cing skyon sel bas// dngos grub nye bar 'byung ba'o// bdud kyi dpung rnams 'joms par byed// sha khrag lus las grol gyur nas// 'dod khams zhen pa med par 'char// srid pa'i gnas su mi 'jug pas// ye shes lus la the tsom med// mun pa sel byed sgron ma'i rgyud// de thos mya ngan rnam gsum bral// rgyud ni rgyun chags zhes bya ste// 'khor ba rgyud du brjod pa yin// 'brel dang ma tshang med pa dang // dgos pa

  835. 418b

    tshang bas rgyud ces bya// ye shes gsang ba sgron ma'i rgyud las/ rgyud kyi yon tan bstan pa'i le'u ste bco lnga pa'o// // de nas yang sems dpa' rdo rjes 'di skad ces gsol to// kye gsang ba'i bdag po lags/ dus gsum mkhyen pa'i rdo rje 'chang // 'khor rnams rmongs par gyur pa la// rgyud kyi gtang rgya gsung du gsol// ces gsol to// rdo rje 'chang gis bka' stsal pa/ kye sems dpa' chen po nyon cig/ 'khor gyi nang nas dam pa ste// khyod ni nus pa'i stobs dang ldan// nyid las mi zhan 'khor yin pas// man ngag rgyal po bstan pa yin// ye shes gsang ba sgron ma'i rgyud// thugs la chongs la gces par gyis// lan cig snyigs ma lnga dus na// nyi zla bzhin du dar zhing rgyas// byang chub srog dang do ba'i dad pa dang // chos nyid gtan la 'bebs pa'i shes rab dang // slob dpon mgo ltar 'khur ba'i mos pa dang // rgyud la shin tu mos pa'i slob ma skal ldan la// ma thub gsum gyi dus su snod ldan de la gtod// mos dang nyan dang kha ton klog/ bshad dang sgom dang byed pa yi// bar chad med par skye shi gnyis las grol// ye shes gsang ba sgron ma rin po che'i rgyud las/

  836. 419a

    rgyud gtad rgyu bstan pa'i le'u ste bcu drug pa'o// // ye shes gsang ba sgron ma rin po che'i rgyud ces bya ba rdzogs so// / pan+di ta shrI si d+ha dang / zhu chen gyi lo tsa ba bai ro tsa nas man ngag gi rgyud gtan la phab pa'o// // shu b+haM/ rgya gar skad du/ rat+na Ar+ya ba thA da ri tan+t+ra nA ma/ bod skad du/ rin po che 'phags lam bkod pa'i rgyud ces bya ba/ bcom ldan 'das kun rig ston pa la phyag 'tshal lo// 'di skad bdag gis thos pa dus gcig na/ bcom ldan 'das shes rig gi rgyal po da/ 'og min gyi gnas rgya yongs su ma chad pa rgyan ma bkod par snang ba zhes bya ba na/ nyid las mi zhan pa'i 'khor rnams dang / mkha' 'gro ma'i tshogs rnams la bstan pa'i snying po 'chad pa'i dus 'khor de rnams kyi nang nas rdo rje sems dpa' gnas pa rang gi stan las langs te/ kun rig ston pa chos rje la// rig pa'i yid kyis 'di skad zhus// rang snang rnam dag rang bzhin la// sna tshogs 'byung ba ji ltar lags// bstan pa'i snying po gsung du gsol// kun rig ston pas bka' stsal pa

  837. 419b

    rigs kyi bu legs par nyon cig/ rang snang rnam dag rang bzhin la// sna tshogs snang ba sems kyi yul// bstan pa'i snying po bdag med bstan// ngo bo nyid la gzung 'dzin med// 'dzin pa'i spyod yul ma yin pas// bdag med mya ngan 'das pa'i lam// zhe 'dod gnyis kyi mtha' dang bral// rgyu rkyen med pa'i rang 'byung ni// 'byung ba bzhi yi mtha' las gro la// phyogs 'dzin med pa'i mnyam pa nyid// rnam rtog med pas chos kyi sku// sa le mkhyen pas ye shes yin// zhes gsungs so// rdo rje sems dpas yang zhus pa// kun rig ston pa chos rje lags// khyed ni smra ba'i seng ge ste// rtsol med theg pa gsung du gsol// kun rig ston pas bka' stsal pa// rdo rje sems dpa' la sogs nyon// rtsol med theg pa'i snying po 'di// blo dman go ba shin tu dka'// 'dzin pa'i spyod yul ma yin pas// theg pa'i yang snying bla med 'di// sems dpa' rdo rje thugs la chongs// phyi rabs blo ldan rigs kyi bu// bstan pa'i yang snying de la bstan// ces gsungs so// rdo rje sems dpas yang zhus pa// gsang ba'i bdag po mthu stobs can// rtsol bral theg pa'i yang rab de/

  838. 420a

    de yi rtog tshul ji ltar lags// kun bzang ston pas bka' stsal pa// rtsol bral theg pa'i rtogs tshul de// rang bzhin dbang po rnon po la// 'dzin med rang 'byung dri ma med// ma 'gag gzung ba'i yul ltar snang // sna tshogs snang ba rab snang la// bzang ngan med pa'i ngo bor rtogs// rgyu 'bras med pa'i chos nyid la// dngos po'i rgyu 'bras gang yang med// don dam rgyu 'bras med par rtogs// sna tshogs rgyu 'bras dgag mi nus// zhes gsungs so// rdo rje sems dpas yang zhus pa// nges don theg pa'i yang snying de// bslab pa'i yul ni ji ltar lags// bslab pa'i yul min ji ltar lags/ te slob pa'i lugs ni ji ltar lags// thams cad mkhyen pas gsung du gsol// kun rig ston pas bka' stsal pa// bslab pa'i yul ni rnam pa gsum// dad pas yang la yang zhu dang // skyabs med skyabs su gsol ba dang // sdug bsngal drag pos nyen pa'o// bslab pa'i yul min rnam gsum ni// shed med stobs dang bral ba dang // bslab nyes don la dred pa dang // lang tsho dri mas phog pa'o// slob pa'i lugs ni rnam gsum ste// gdams

  839. 420b

    ba nyams bsdur slob lugs dang // sbyor ba btsan thabs slob lugs dang // mngon sum grwa slob slob lugs so// slob lugs de yis mtshon byas nas// ma bcos snying po'i gnas lugs ni// khyab can gzugs can ma yin dang // thams cad du ni 'gro 'ong med// sangs rgyas thog ma tha med pas// brda 'am thabs kyis de rtogs pas// nyon mongs nad rnams zhi bar byed// zhen med rang 'byung sman chen gyis// 'dzin pa 'khor ba'i nad rnams sel// rin po na/ 'phags lam bkod pa'i rgyud las/ gleng gzhi'i le'u ste dang po'o// // rdo rje sems dpas yang zhus pa// kun rig ston pa chos rje lags/ ta mnyam pa'i rgyal po thams cad mkhyen// rang gi sems ni 'drer langs nas// byang chub srog rtsa gcod pa la// de yi 'dul thabs gsung du gsol// ta kun bzang ston pas bka' stsal pa// 'dus pa'i 'khor rnams nga la nyon// yid kyi dbang po rna bar chug/ rna ba'i dbang po sgra la nyon// byang chub srog rtsa bcad pas na// de 'dra'i gnod pa gzhan mi byed// de yi 'dul thabs bshad pa ni// ma zin zin par byed pa la// lag tu blang ba'i rim pa ni//

  840. 421a

    lus kyi 'khrul 'khor bca' ba dang // phyi nang dbugs rnams mnyam pa dang // dmigs pa mdun du gzhag pa dang // de la dmigs sems gtad pa na// 'dod yon rjes su 'brang ba med// 'gro la sems rgyud gnyis mi tshang // de la mi gnas gzhan 'phro na// gnyis sgrim gong la drag tu gtad// des ni rang sems zin par 'gyur// gnas mnyam 'chor mnyam byed pa na// rnam par rtog pa shas che bas// rlung la bslab pa shes par bya// 'og rlung 'jam par gzung ba dang // steng rlung drag par gzung ba ni// rig pa'i ngar ni rlung gis gdags// lus kyi 'khrul 'khor gong bzhin bya// rngan rtags byin la nang du bstim// rtsol ba bskyed la thun du gzhug/ thun tshad rab 'bring gsum du bshad// khug pa drug cu bzhi bcu dang // nyi shu dag ni zin gyur na// rtsal skyong bya zhing rtsol ba bskyed// sems ni gnas su zin par 'gyur// pho dang mo dang ma ni nga ni// thod rgal la sogs byung gyur na// tshad ni bla ma mkhas pa ste// rtsol ba mi bya ba shig la gzhag/ rjes shes gnyen po rten mi dgos// rang sar gzhag pas gnas su dengs// mi sgom nyams long ngo sprad pas// rig pa rjen

  841. 421b

    pa mtha' dang bral// mtha' bral chos kyi sku ru bshad// ces gsungs so// rdo rje sems dpas zhus pa/ mnyam pa med pa'i rdo rje 'chang // khyed kyis gsungs pa'i lag len la// mos pa rjes su yi rang nas// gus pa'i tshul gyis khyed la 'dud// yang dag don la yang zhus pa// mi mthun gegs rnams bsal dgos pas// de yi bye brag bshad du gsol// gsang ba'i bdag pos bka' stsal pa// khyod kyis zhus pa'i don de la// legs par lan ni gdab par bya// gus pa'i sems kyis mnyan par mdzod// bsam gtan glegs ni rnam bzhi ste// bying dang rgod dang rlung log dang // sgom na the tsom za ba ni/ bsam gtan gegs su thub pas gsungs// bying ba'i sems la rnam pa bzhi// ngo bo rgyu dang dbye ba dang // bcos pa'i thabs su shes par bya// ngo bo shes pa mi gsal zhing // yon tan phyogs la blo 'gag pa'o// rgyu ni sa shas che ba dang // bad ka na dag gis bskyed pa'o// dbye ba rnam pa gsum yin pas/ ched du byas dang rkyen gyis bying // rang bzhi nang shugs las bying ba'o// bcos pa'i thabs ni bsam yas kyang // gzhung lugs 'di la gnyis yin

  842. 422a

    te/ rlung gi gnad dang dmigs pa'i gnad// spyod lam gnad kyis shes par bya// rgod pa la yang de bzhin te// ngo bo rgyu dang dbye ba dang // bcos pa'i thabs dang bzhi ru ba sha da// ngo bo yul rkyen rjes su 'brang // rgyu ni rlung shas che ba dang // 'dod pa dag gis bskyed pa'o// dbye ba'i tshul gyis rnam pa gsum// ched du byas dang rkyen gyis rgod// rang bzhin shugs kyis rgod pa'o// bcos pa'i thabs ni mang yod kyang // bstan pa'i snying po gsum du 'dod// dang po 'jug pa'i sgo yang dgag/ bar du 'gro ba'i lam yang gcad// tha ma gnas pa'i phubs stobs pa'o// rlung log la yang rnam pa bzhi// rgyu rkyen skyon dang dbye ba dang // bcos pa'i thabs ni shes par bya// rgyu ni bsod nams ma bsags pas// lus dang khams ni ngan pa'o// rkyen ni dka' thub drag po dang // 'byung ba 'khrug par shes par bya// lus kyi skyon ni mgo gzhug na// 'das ni tshe yi 'du byed byed/ sems skyon ting 'dzin mi gsal zhing // snying rlung la sogs 'jug par 'gyur// log par dbyen gsum du 'dus// phyi rlung lus la log pa dang // nang

  843. 422b

    rlung rtsa la log pa dang // gsang rlung sems la log pa'o// phyi rlung lus la log pa'i rtags// lus po khol bur na ba dang // grang zhing lus po lci ba dang // sha mus skrangs shing na bar 'gyur// nang rlung rtsa la log pa'i rtags// rtsa yi nang du rlung rnams rgyas// rtsa rnams thams cad na zhing 'brab// 'khrug cing nga ro 'byin par byed// gsang rlung sems la log pa'i rtags// lus rengs snying yang 'chu zhing sprug/ mdun rgyab gzer zhing gnyid kyang 'chag// shes pa 'phro zhing snying mi dga'// skabs su ngag tu shu yang 'don// res 'ga' ngu zhing res 'ga' rgod// kha nas cal col mang po smra// bcos thabs phyi nang gsang ba gsum// phyi yi rlung log bcos thabs ni// rang gi dri chu dron mos bkru// gdugs la sreg cing chang gi sa bkru// nyungs kar mar khu lo lon gyis/ lus la byug cing gong bzhin bskam// de nas ba spu'i sgo yang dbye// zhun chen dag gis de la byug/ phyis te phyed kyi gdugs la bsreg/ nad kyi brgya ngas pa thon gyur nas// rlung log dus su zhi bar 'gyur// nang gi rlung log bcos thabs ni// dang po lus la sku mnye bya// de nas lus kyi 'khrul

  844. 423a

    'khor bca'// seng ge rnam grol phyag rgya yis// dbang po'i sgo rnams dgag par bya// lus kyi rgya dang ngag gi sgra// btun la btang ba'i yan// lag bya/ thun gsum dag gis nges par sel// gsang ba'i rlung log bcos thabs ni// rang bas mtho ba'i sa stengs su// rgya long g.ya' dag gcig gzhag la/ bltas pas rang gi gzugs brnyan 'char// de yi mdzod spur shes pa gtad// rin chen mchod rten spyi bor bsam// drin can bla ma de thog tu// dmigs pa gsal bas zhi bar 'gyur// des kyang zhi ba bag dka' na// bu ga mang po'i sbyor ba dang // rab tu dam pa'i ting 'dzin dang // rten 'brel gzhan yang shes par bya// de yis mi zhi mi srid do// sgom snang the tsom za ba ni// skyon dang yon tan shes par bya// lus la rtsa yig sna tshogs gnas// rtsa yig gnas su rlung sems 'dus// rigs drug snang ba dag kyang mthong // srin po shi zla la sogs la// mi sdug 'jigs pa'i snang ba mthong // nang gi rten 'brel ma shes pas// bar chad bdud kyi las yin pas// bsam gtan dor ba'i 'phreng yin gsung // gdams ngag snag ma log pas// nang gi rten 'brel shes

  845. 423b

    bar bya// phyi rol 'jigs pa ngo shes pas// bar chad dngos grub dag tu len// rin po che 'phags lam bkod pa'i rgyud las/ rig pa rtsal gyi dbang bskur ba'i le'u ste gnyis pa'o// // rdo rje sems dpas yang zhus pa// ston pa gsang ba'i bdag po la// dus gsum mkhyen pa rdo rje 'chang // the tsom gcad phyir 'di skad gsol// phyi rabs rnams la phan gdags phyir// lta ba dang ni sgom pa dang // gcig pa lags sam tha dad lags// 'dus pa'i 'khor la bstan du gsol// kun rig ston pas bka' stsal pa// gtan la 'bebs pa'i dus nyid du// ming gis mtshon pa tha dad kyang // gtan la 'bebs pa'i gang zag la// rtog pa'i dus na dbye ba med// zung 'jug rab tu mi gnas pa// zin pa brtan par byed pa las// bla ma mkhas pa'i man ngag ni// nyid gsum gcig tu bsre ba dang // / bem rig gcig tu bsre ba dang // bdag gzhan gcig tu bsre ba dang // 'khor 'das gcig tu bsre ba'o// bsre ba'i thabs dang 'dres pa'i tshad// 'dres pa'i dgos pa shes par bya// yig 'bru gsum gyi rang bzhin ni// dbyings kyi yi ge stong pa nyid// gsal ba'i stobs kyi yi ge yin// chos kyi sku la yi ge med//

  846. 424a

    rig pa'i yi ge gsal ba yin// nyams su myong bas yi ge yin// longs spyod rdzogs pas yi ge yin// rtsal gyi yi ge gnyis su med// 'gro don byed pas yi ge yin// sprul pa'i sku yi yi ge yin// sku gsum dbyer med yi ge ni// yi ge a ni skye ba med// skye ba med pas thams cad skyes// skyes tsam nyid na skye ba med// ma yis yon tan 'gag pa med// 'gags pa med las thams cad 'gags// 'gag tsam nyid na 'gag pa med// ha yis bri dang gang ba med// bri gang med las gang bri byung // byung tsam nyid nas bri ba med// rdo rje sems dpas yang zhus pa// kun rig ston pa chos rje lags// lta ba spyod pa sgom pa gsum// mthun pa'i dpe dang mi mthun dpe// nyams su myong ba ji ltar lags// kun rig ston pas bka' stsal pa// lta ba gdeng dang bcas pa'i dpe// mkha' las khyung lding yang med// dogs pa'i bag tsha kun dang bral// de bzhin stong nyid rtogs pa'i mi// gol dang dogs pa'i yang med// lta ba gdeng med mi mthun dpe// bya sgo rlung gis khyer ba bzhin// de bzhin stong nyid ma rtogs mi// rang dbang med par rkyen gyis 'phrogs// 'jug sgo lam gyi 'thun pa'i dpe//

  847. 424b

    sbrang ma gar sbyin chags pa bzhin// shes pa chos nyid yul la chags// 'jug sgo lam med mi mthun dpe// lag rdum brag la 'dzegs pa ni// steng du mi thon mar la ltung // de bzhin lam khyer med pa'i mi// kha stong lta bas grol mi 'gyur// spyod pa grogs kyi mthun pa'i dpe// bi sho kar ma'i bzo bzhin du// thabs la mkhas pa'i skyes bu ni// mthun sdebs gzhan gyi rgyan du 'gyur// spyod pa grogs med mi mthun dpe// dmus long byang thang bor ba bzhin// blo chung shes pa rang dgar byed// bdag la brten nas gzhan sdig sogs// shes pa gnyid kyi rjes 'brangs nas// srog med pa yi sems can dang // sdig med pa yi snying rje dang // dbugs med pa yi 'gyu ba dang // gnas med pa yi 'dzam gling dang // bsrung du med pa'i dam tshig dang // yi ge med pa'i sems can dang // kye ser lta bu'i man ngag dang // chu rgyun lta bu'i gdams ngag dang // 'dam skyes lta bu'i gdams ngag dang // myu gu lta bu'i gdams ngag dang // sman pa lta bu'i gdams ngag dang // gser 'gyur lta bu'i man ngag go// glang chen lta bu'i spyod pa dang // seng ge lta bu'i spyod pa dang // dge slong lta bu'i spyod pa dang // ri dgas lta bu'i spyod

  848. 425a

    pa dang / khung ba lta bu'i spyod pa dang // sngags pa lta bu'i spyod pa dang // bag ma lta bu'i spyod pa dang // lta ba sgom pa spyod pa gsum// gcig la gcig sten gcig gi ngang // stong nyid rtogs pa lta ba yin// rtogs pa lam khyer sgom pa yin// grogs su shar bas spyod pa'o// rin po che 'phags lam bkod pa'i rgyud las/ lha sgom zung du 'jug pa'i le'u ste gsum pa'o// // rdo rje sems dpas yang zhus pa/ kun rig chos kyis rgyal po la// rig pa yid kyis 'di skad gsol// 'dus pa'i 'khor gyi don ched du// sangs rgyas dang ni sems can gnyis// gcig pa lags sam tha dad lags// de skad zhus pa'i don gsan nas// kun rig ston pas 'di skad gsungs// zhus pa'i don la lan 'debs pas// 'dus pa'i 'khor rnams legs par nyon// gdod nas dag pa'i gzhi nyid la// sangs rgyas dang ni sems can gnyis// gnyis su yod pa ma yin te// gzhi nyid rtogs pa'i sangs rgyas ni// sku dang ye shes nyid du gnas// / de ma rtogs pa'i sems can ni// lus dang bag chags nyid du gnas// de yi sangs rgyas sems can gnyis// gzhi rtog pa la tha dad med// lam pa'i dus na

  849. 425b

    so sor snang // dper na ga bur sman bzhin du// gtong shes sman gyi mchog yin no// ma shes na ni srog gi bdud// de bzhin kun gzhi stong gsal yang // rtogs na sangs rgyas dngos yin te// ma rtogs na ni 'khor ba'i rgyu// don gyi ngo bo 'khrul med kyang // rkyen bzhi 'dzom pas 'khrul pa byung // dper na dung gi ngo bo la// ser po la sogs 'khrul med kyang // mig skyon can la ser por snang // rtogs pa'i sangs rgyas chos rnams ni// ma 'dres bco brgyad sgo nas 'jug/ drug tshan dang po'i chos rnams la// gnas lugs de ni 'dus ma byas// 'bras bu sku gsum mtha' ru thug/ rgyu 'bras gnyis la mi ltos dang // byas pa'i chos kyi sangs mi rgya/ ta ye nas gnas pa'i don rtogs na// ma byas chos kyis sangs rgyas dang // cig car 'jug pa'i lam yin pas// nges don phyin ci ma log pa'o// drug tshan gnyis pa'i chos rnams ni// rgyu las ma byung 'bras bu dang // lung las mi rten man ngag dang // sems la mi ltos sangs rgyas dang // 'byung ba bzhi la rag ma lus// 'bras bu gzhan la re ba med// dus gsum sangs rgyas kho bo rang // drug tshan tha ma'i chos rnams ni// stong pa thun mong ma yin dang // gsapa

  850. 426a

    ba thun mong ma yin dang // bde ba thun mong ma yin dang // stong pa tshad du phyin pa dang // gsal ba tshad du phyin pa dang // bde ba tshad du phyin pa dang // ji lta bu dang ji snyed mkhyen// mi mthun phyogs rnams sangs pa dang // mthun pa'i yon tan rgyas pas na// thams cad mkhyen pa'i sangs rgyas yin// ma rtogs sems can chos rnams ni// rgyu 'bras chos la ltos pa dang // bag chags goms las byung ba dang // byas pa'i chos kyis sangs rgyas pa// rim gyis pa yi 'dod pa grub// drang don chos la yid ches skyes// de ltar byas pas 'khor ba stongs// 'khor ba stongs pa'i rgyu mtshan ni// 'jug sgo gsum dang btsal ba gnyis// btsal thabs gnyis dang gsum gyis zlog/ phyi yi sgro dang nang gi sgo'o// gsang ba'i sgo ru shes par bya// so ru btsal dang lkug par btsal// stong pa'i so dang rig pa'i so// gsal ba'i so dang rigs pa'i so// tha dad ma yin ngo bo gcig/ lhug par btsal ba rnam gsum ste// phyi ru rnam shes yul la bsdu// nang du sems kyi bsdu la gcod// gsal ba 'dzin med ngang la gzhag/ shes rab thabs kyis btsal ba dang // thabs la shes rab rtsi yis zung // zung du 'jug pas sangs rgyas pas// stong gsal

  851. 426b

    rig pa chos kyi sku// logs na yod pa ma yin pas// rang gi sems ni stong gsal yin// dbang med gsum gyis 'khor ba stongs// snang ba rang du shes tsa na// sha khrag lus ni stongs par 'gyur// shar ba rang du shes tsa na// nyon mongs sems ni stong par 'gyur// rlung yang rang gi rtsal du shes// lus sems gnyis su tshogs rgyu med// de ltar gsum la rten nas ni// stong gsal rig pa sangs rgyas so// de ltar ma shes blo chung rnams// dbang med drug gis 'khor bar 'khyams// snang ba rang snang mang shes pas/ lus su mi 'gro rang dbang med// shar ba rang shar ma shes na// sems su mi 'gro rang dbang med// rlung rtsal rang du mang shes na// lus sems mi 'du rang dbang med// bsdus nas mi skye rang dbang med// skyes nas mi rgas rang dbang med// rgas nas min rang dbang med// na nas mi 'chi rang dbang med// shi nas khams gsum 'khor bar 'khyams// 'khor 'das mtshan nyid bzhi ru 'dus// mi rtag sdug bsngal stong bdag med// snod kyi 'jig rten ri rab gling khams kyang // 'jig pa'i dus tshe bskal pa'i mo byung bas// thal ba'i lhag ma tsam yang mi lus so// chu dang rlung gis 'jig pa de bzhin no// bcud kyi sems can tshe 'di mi rtag pas// lus

  852. 427a

    dang longs spyod la sogs 'dor bar nges// rigs drug sdug bsngal mang po bsam mi khyab// srid pa stong par rtogs pas zhi ba'i mchog/ bdag med ma rtogs yang dag thar pa'i la mo// 'khrul pa nyid kyang byang chub lam// rtag tu gegs byed ma yin te// nyan thos dang ni rang sangs rgyas// sangs rgyas sa la gegs byed rdo rje sems dpas yang zhus pa// kun rig ston pa chos rje lags// khyed ni 'dren pa'i lam mkhan te// gzhi lam 'bras bu bstan du gsol/ kun rig ston pas bka' stsal pa// gzhi ni ma bcos snying po'i don// 'khor dang myang 'das ro gcig pas// sangs rgyas sems can 'byung gnas pas// kun gzhi spyi yin yin par bshad// gsal la 'dzin med rtogs pas lam// zhi gnas lhag mthong zung du 'brel// nyams myong sna tshogs 'byung ba'i gnas// 'bras bu lam du byed par bshad// yongs su rdzogs pas 'bras bu yin// khams gsum sku gsum tha mi dad// bdag don gzhan don 'byung ba'i gnas// 'bras bu ye nas smin par bshad// ces gsungs so// rin po che 'phags lam bkod pa'i rgyud las/ gzhi lam 'bras bu bstan pa dang / sangs rgyas dang sems can gnyis mnyam par

  853. 427b

    shes nas khyad par bstan pa'i le'u ste bzhi pa'o// // rdo rje sems dpas yang zhus pa// 'dus pa'i 'khor la phan gdags phyir// kun rig ston ba chos rje lags// rgyud kyi ldang tshad bshad du gsol// kun rig ston pas bka' stsal pa// 'dus pa'i 'khor rnams nga la nyon// rgyud kyi don rnams ngas bshad pas/ gus par nyon la yid la zung // rgyu yi rgyud dang lam gyi rgyud// 'bras bu'i rgyud dang gsum du 'dus// gsang sngags rgyud kyi dbye ba yin// 'brel dang ma tshad med pa dang // phun sum tshogs rgyud ces bya ba// rgyud ni rgyun chags zhes bya ste// 'khor ba yang ni rgyud du 'dod// gsang sngags rgyud kyi dngos po ni// yongs su shes pa brgyad kyis bstan// lta ba spyod pa dkyil 'khor dbang // dam tshig dang ni 'phrin las dang // bsgrub pa mchod pa bya bar bshad// ces gsungs so// rdo rje sems dpas yang zhus pa// mkhyen pa khyod kyi thugs khrol la// phyi rabs rnams la phan gdags phyir// de don rgyas par bshad du gsol// kun rig ston pas bka' stsal pa// lta ba log dang smon pa dang // shes par bya ba'i lta ba ni// mtha' bral ye shes phyogs cha bral// gzung 'dzin rtog pa ka nas dag/ yang

  854. 428a

    ngag nyid la yang dag lta// yang dag mthong na rnam par grol// spyod pa'i don la rnam gsum ste// 'jig rten phan dang mi mthun spyod// lta dman blo dang mi mthun spyod// yongs su shes pa'i spyod pa ni// sna tshogs thug phrad zhen pa med// rang rig mtha' dbus med pa'i dkyil// de nyid nyams su myong bas 'khorate/ rang rig rang la bkra bas dkyil 'khor yin// rdul tshen dkyil 'khor dag la rag ma lus// chos dbang sems la bskur bas ni// rig pa'i rtsal dbang thob par 'gyur// ting 'dzin las su rung bas rang gis theb// rang sems bla mar rtogs pas byin rlabs dbab mi dgos// rang byung yang shes stong pa'i lha// 'dzab dang snying po dbul mi 'tshal// sangs rgyas kun gyi gsang ba'i thugs// mi rtog ye shes rang gis rtogs// de nyid gzhan la phan byed pa// srid pa gsum na de dbang bskur// cig car rig pa don yin pas// cig car rig pa stobs kyi bdag/ thun mong thun mong ma yin pas// mi 'da' bas na dam tshig yin// thun mong dam tshig bstan pa ni// lta ba spyi bor mi 'don dang // nyams myong mu cor mi sgra dang // byang chub ngo dgar mi gtang dang // gsang sgo yal bar dor mi bya/

  855. 428b

    thun mong ma yin dam tshig ni// ye nas ma skyes ma byung dang // ye nas mi gnas ye nas stong // med pa dang ni phyal ba dang // gcig pu lhun gyis gnas pa'o// dam tshig med pa'i sngags pa ni// me tog rtsa ba bskams pa bzhin// 'bras bu smin par mi 'gyur ro// sangs rgyas rang la bsgrub pa'i sgrub thabs yin// sangs rgyas rang la yod pa bsnyen pa yin// de mtshon bla ma bsten pas nye bsnyen no// des gsungs don du gnyer bas bsgrub pa yin// bde sdug rtsa ba bral bas bsgrub chen po// bde gshegs gong mas gsungs pas 'phrin zhes bya// de la thos bsam byed pas las zhes bya// sems kyi zug rngu zhi bas zhi ba yin// de nyid lam du khyer bas rgyas pa yin// rang sems bskol du sgrub pas dbang zhes bya// 'khor ba'i rtsa ba chod pas drag po'o// mchod pa'i bye brag mang po ji snyed kyang // phyi dang nang gi mchod pa dang // gsang mchod bla na med pa'o// bla med mchod pa bstan pa ni// mkhas pas byang chub sems bsgoms pas// rgyal dang de yi sras rnams la// mchod pa yi ni dam bste// 'di yis skyon rnams mi rtog yin// thams cad ring por mi thogs par// rgyal mchog sangs rgyas nyid du 'gyur// zhes gsungs so// rdo rje

  856. 429a

    sems dpas yang zhus pa// kun rig ston pa chos rje lags// gnad la dbab pa gsung du gsol// kun rig ston pas bka' stsal pa// dad pas dam chos gnad la dbab// dad pa med pa'i mi rnams la// dkar po'i chos rnams ga la 'byung // sa bon me yis tshig pa la// myu gu sngon po ga la 'byung // mos pas bla ma gnad la dbab// bla ma med pa'i sngon rol nas// sangs rgyas bya ba'i ming yang med// bla ma sangs rgyas kun gyi rje// sngon 'gro rang lus gnad la dbab/ ta mi yi gru la rten nas ni// sdug bsngal chu bo che sgral nas// mya ngan 'das pa'i skam sar 'don// gdams pas rang sems gnad la dbab// rang sem sangs rgyas rtsa ba ste// rang sems rang gi zin pas na// de las lhag pa'i chos gzhan med// ces gsungs so// rin po che 'phags lam bkod pa'i rgyud las/ yongs su shes pa rgyud kyi dngos po dang gnad la dbab pa'i le'u ste lnga pa'o// / rdo rje sems dpas yang zhus pa// rig pa'i rgyal po thams cad mkhyen/ 'khrul pa'i snang ba 'gags pa la// bar de'i snang ba bstan du gsol// kun rig ston pas bka' stsal pa// 'di ltar snang ba 'gags 'gyur bas/

  857. 429b

    pha rol snang ba shes pa la// bar do'i snang ba 'di ltar lags// sngon 'byung srid pa'i sha gzugs can// dbang po kun tu thogs med de// yar dang mar gyi sgrib pas// ming log de ni dri za'o// ye shes rang snang 'dam gyi pad+ma 'dra// srid pa'i skye gnas gzhal med khang chen 'dra// dus kyi snyigs ma lam gyi kha drag 'dra// skye shi gnyis ni zo chu khyud mo 'dra// nyug gis byung nas yal gyi gsal// de la 'dzin pa skyes pas hrib kyis 'gribs// rtogs pa'i dbang gis zhag lnga bde dang ldan// 'gyu mi 'gyu las yid tsam 'gyu// sna tshogs gzugs can yid las skyes// myug gis byung nas sal gyis gsal// cer gyis mthong nas thig gis rig/ shig gis grol nas yal gyis yal// de yi bye brag bshad pa ni// rnam pa drug tu shes par bya// rang bzhin gnas pa'i bar do dang // ting nge 'dzin gyi bar do dang // skye shi gnyis kyi bar do dang // de bzhin srid pa'i bar do dang // rmi lam gnyid kyi bar do dang // chos nyid gsal ba'i bar do'o// zhes gsungs so// rdo rje sems dpas yang zhus pa// kun rig ston pa chos rje lags// de don shes pa shin tu dka'// dpe don bcas la gsung du gsol// de skad zhus pa'i

  858. 430a

    don gsan nas// kun rig ston pas bka' stsal pa// rang bzhin gnas pa'i bar do la// ma shes pa ni shes par byed// do phrug ma da phrad pa bzhin// ma ni stong la bu ni gsal// ma bu shes pa'i skyes bu ni// snyam byed de las grol bar 'gyur// ting nge 'dzin gyi bar do la// mi gsal ba ni gsal byed la// sgeg mo mo long lta ba bzhin// sems kyi sems la bltas pas ni// gnyis 'dzin rtog pa zad par 'gyur// skye shi gnyis kyi bar do la// ye shes ngo yis 'dzin mdzad na// mun khung sgron me bteg pa bzhin// mtshon pa'i tshig gis don rtogs pas// rten 'brel 'dzom pa'i ye shes kyis// rmongs pa'i mun pa sangs par 'gyur// mi srid srid pa'i bar do la// bzang ngan las kyi 'phro 'thud ni// kong chad yur la wa btsugs bzhin// gnyen po rten pa'i dka' thub kyis// 'dod pa'i 'bras bu thob par 'gyur// gnyid log rmi lam par do la// cir snang sems su shes pa ni// bram ze'i gling du gzhan tshol bzhin// thams cad sems su rtogs pa la// bzang ngan phan gnod med par 'gyur// chos nyid gsal ba'i bar do la// ye shes zang thal 'char ba ni// skar mnga' thang la rgyug pa

  859. 430b

    bzhin/ phyir mi ldog pa'i rig pa ni// 'byung ba rang sar thim byas nas// rnam shes 'od la thim pa'i dus// bag chags lus las grol bar 'gyur// zhes gsungs so// rdo rje sems dpas yang zhus pa// kun rig ston pa chos rje lags// de bzhin gshegs pa'i sku gsung las// phyi nang sprul pa ji ltar 'gyed// gdul bya'i ston pa gang la bgyi// kun rig ston pas bka' stsal pa// rgyal ba'i sku gsung thugs las ni// sprul pa bsam gyis mi khyab pas// phyogs bcu dus gsum ma lus pa'i// bud+d+ha ji snyed bzhugs pa kun// kun rig nga yi sprul pa las// gzhan nas sangs rgyas rdul tsam med// phyi dang nang du snang ba ni// kun rig yin par shes par gyis// rgyal ba'i sku yi sprul pa las// mar me mdzad la sogs pa yi// bud+d+ha rabs bdun 'byung ba ni// 'das pa'i dus kyang nga nyid do// rgyal ba'i gsung gi sprul pa las// bskal bzang byang chub skyong la sogs// byang chub sems dpa' 'bum sde ni// kun rig ston pa nyid do// bde gshegs thugs kyi sprul pa las// zho khro'i sangs rgyas la sogs pa// rigs lnga yab yum nga nyid do// nga med pa yi sngon ral na// sangs rgyas bya ba'i ming yang med//

  860. 431a

    sems can bya ba'i skye gnas med// thams cad nga yi sprul pa yin// nga nyid gzhi yi sangs rgyas so// nang gi sprul pa rnam gsum ni// bde gshegs sku yi sprul pa las// 'og min gnas kyi gnas mchog na// bcom ldan rnam par snang mdzad byung // phyi nang rigs gsum mgon po dang // sa bcu'i byang chub sems dpa' la// gsung gi chos rnams mi ston par// sku yi chos rnams 'jal bar ston// bde gshegs gsung gi sprul pa las// 'dzam gling rdo rje gdan stengs na// shAka thub lha mi'i ston pa byung // mdo sde 'dul ba mngon pa'i chos// drang don nges don mang po gsungs// kun rig thugs kyi sprul pa las/ rgyud bdag phyag na rdo rje byung // bud+d+ha'i lha tshogs rnams dang ni// dga' rab rdo rje la sogs pa// gsang sngags nges don rgyud chen gsungs// rin po che 'phags lam bkod pa'i rgyud las bar de'i bye brag dang sprul pa bkye ba'i le'u ste drug pa'o// // rdo rje sems dpas yang zhus pa// kun rig ston pa chos rje lags// khyed ni mnyam pa'i rgyal po ste// thugs rjes 'gro ba'i skyabs mdzad pa// che chung rim pa'i blo yod pas//

  861. 431b

    rgyud kyi gtad rgyu gsung du gsol// de skad zhus pa'i don mkhyen nas// ston pa shes rig rgyal po yis// phyi rabs rnams la phan gdags phyir// 'dus pa'i 'khor la rgyud gtad pas// gsang sngags nges don rgyud chen 'di// bstan pa'i snying po yin par nges// snyigs ma lnga yi dus su dar// dper na mar me 'chi ka ru// 'od ni gsal bar 'byung bar 'gyur// de bzhin nga yi nges don rgyud// nub kar zab mo'i chos dar 'gyur// bstan pa nub par gyur tsam na// 'di las lhag pa'i mgon skyabs med// skal ldan rnams kyi lam du gyis// rgyud dag khyed kyi thugs la tshangs// 'dus pa'i 'khor rnams ngal nyon// rang bzo byed cing bla ma smod// dad pa chung la 'dod pa che// dam tshig med la slob dpon gsang // bka' bzhin mi sgrub zong du byed// de 'dra'i gang zag log sred can// rgyud kyi ming yang bstan mi bya// mkha' 'gro rnams kyis srog kyang 'phrog/ ya nga ba mi nod kyang 'byung // shi nas rdo rje dmyal bar skye// de yang 'dus pa'i 'khor rnams nyon// dang ldan rgyud la mos pa dang // bsgrub la shin tu brtson

  862. 432a

    @##/ pa la// dngos grub myur du 'byung bar 'gyur// snying po don gyi yang snying 'di// bde gshegs rnams kyi thugs dam yin// grub thob rnams kyi gshegs shul yin// skal ldan rnams kyi mgo 'dren yin// 'gro ba rnams la thugs brtse'i phyir// phyir mi ldog pa'i lam bstan pa// rgyal ba nyid kyis thugs bskyed nas// bla med byang chub thob par shog rin po che 'phags lam bkod pa'i rgyud las rgyud kyi gtang rgya bstan pa'i le'u ste bdun pa'o// // rin po che 'phags lam bkod pa'i rgyud ces bya ba rdzogs so// // rgya gar gyi baN+Di ta shrI sing+ga dang / bod kyi lo tsa ba chen po bai ro tsa nas bsgyur cing gtan la phab pa'o// // ya gnyis su