Text

ff. 1a–387a · 773 folio sides

  1. 1a

    chos mngon pa mdzod kyi 'grel bshad don gsal ba zhes bya ba slob dpon rgyal po'i sras grags pa'i bshes gnyen gyis mdzad pa bzhugs/ /

  2. 1b

    mu stegs byed kyi log par rtog pas the tshom skyed pa dag /yang sems can dang zhes bya ba rgyas par 'dri ba byed de/ de la sems can sna tshogs pa ni khams dang 'gro ba dang skye gnas la sogs pa'i bye brag gis so/ /snod sna tshogs pa ni ri rab dang/ gling la sogs pa'i bye brag gis so/ /'dren mar byed pa rnams zhes bya ba ni dge ba dang mi dge ba byed pa rnams so/ /yang ci'i phyir de dag gi lus ni dga' dga' ltar 'dug pa ma yin la longs spyod rnams ni

  3. 2a

    dga' dga' ltar 'dug ce na/ de ltar na yul la nye bar longs spyod pa srid de lus dga' dga' ltar 'dug pa nyid du bya ba'i phyir 'ga' zhig gnyen por yul la nye bar spyod par 'gyur ro/ /'dren mar byed pa ma yin pa rnams zhes bya ba ni gzugs la spyod pa rnams so/ /'dod pa na spyod pa'i lha dag kyang 'dren mar byed pa ma yin pa dang 'dra ste/ lus dang yul dga' dga' ltar 'dug pa ste/ dga' dga' ltar 'dug pa nyid kyi rgyu las gnyis byas pa'i phyir ro/ /bsam pa zhes bya ba ni 'di ni 'di lta bu zhig tu bya'o snyam du'o/ /

  4. 2b

    gal te ngo bo nyid las yin na ni ngag gi las gcig pur 'gyur ro zhes bya ba ni dag nyid las yin pas ngag gi las so bya ba'i phyir ro/ /gzhan gnyis las nyid ma yin te/ lus kyi las sam lus kyi las yin pas na/ lus kyi las te yid kyi las kyang de dang 'dra bas/ ngo bo nyid kyis ni las ma yin no/ /rgyu gsum gyis zhes bya ba ni rten dang ngo bo nyid dang kun nas spong bas so/ /gsum zhes bya ba ni/ lus dang ngag dang yid kyi lus rnams so/ /rten las ni lus kyi las te/ lus la rten pa'i las ni lus kyi las zhes bya'o/ /ngo bo nyid kyi las ni ngag gi las te/ ngag nyid ngag gi las zhes bya'o/ /kun nas slong ba las ni yid kyi las te yid kyis kun nas bslang ba'i phyir ro/ /gzhan dag na re 'gro ba yin te zhes bya ba ni gnas ma'i bu'i sde pa dag go /bdag nyid du red ma thag tu 'jig pa zhes bya ba ni/ skad cig ma de ma thag tu 'jig

  5. 3a

    pa ni skad cig ma yin no zhes bya ba'i nges pa'i tshig gi tshul gyis na bdag nyid du reng ma thag tu 'jig pa ni skad cig ma zhes bya ba'i sgrar brjod do/ / rnam pa cig tu na skad cig ma ni dus kyi mdza' yin te/ rang gi gnas skabs na 'dug pa de 'di la yod pas na skad cig pa'o/ /'dus byas ni gdon mi za bar 'jig pa'i phyir ro zhes bya ba ni/ skyes ma thag tu 'jig pa'i ngo bo yin te 'dus byas yin pa'i phyir/ sems dang sems las byung ba bzhin no/ /dngos po rnams 'jig pa ni rgyu med pa las byung ba yin no zhes bya ba ni rgyu med pa las 'byung bas rgyu med pa las byung ba ste/ rgyu med pa can zhes bya ba'i tha tshig go /'di la sgrub pa ni 'jig pa ni rgyu med pa can yin te/ dngos po med pa'i ngo bo nyid yin pa'i phyir gtan med pa bzhin no/ /shing la sogs pa dag me dang 'brel pa las 'jig pa'ang mthong zhes bya ba la sogs pa

  6. 3b

    zhes bya ba'i sgras ni gzugs la sogs pa bsdu'o/ /me dang 'brel pa las 'jig ces bya ba ni/ chos kyi rang gi ngo bo las bzlog pa mngon sum gyi nas 'ongs so zhes bcas pa'i skyon ston par byed pa yin no/ /de nyid kyi phyir/ mthong ba las brnying ba'i tshad ma yang med ces bya ba smos te/ mngon sum pas brling ba'i tshad ma ni med do zhes bya ba'i tha tshig go / slob dpon gyi pha rol po dag mngon sum yin par mngon pa'i nga rgyal byed par bstan pa'i phyir/ re zhig khyod ces bya ba nas ji lta bur sems zhes bya ba'i bar smos te/ shing la sogs pa 'jig pa ni gzugs la sogs pa bzhin du mngon sum du mi dmigs so/ /skad cig ma ma yin par smra ba rnams kyis de dag yang mi snang ba'i phyir ro zhes bya ba smras te/ shing la sogs pa de dag mi snang ba'i phyir ro/ /de ltar na rjes su dpag pa'i sgo nas grub par ston par byed de/ shing la sogs pa 'jig pa ni me dang 'brel ba'i rgyu can yin te/ de yod na 'byung ba'i phyir ro/ /gang zhig gang yod na 'byung ba de ni de'i rgyu can yin te/ dper na sa bon yod na 'byung ba'i myu gu lta bu'o/ /re zhig 'di dpyad par bya ste zhes bya ba ni ma nges pa nyid brjod par byed do/ /gang zhig

  7. 4a

    yod na 'jig pa 'byung ba de ni de'i rgyu can ma yin te/ rlung dang 'brel pa yod na mar me 'jig mod kyi 'jig pa de ni rlung dang 'brel pas byas pa yang ma yin no/ /mar me ni skad cig nyid du khas blangs pa'i phyir 'jig pa rgyu med pa can du 'dod pa yin pas mar me de ni skyes nas 'jig pa'i phyir rang zhig yin la rlung dang 'brel ba'i phyir gzhan ma skyes na mi snang ba yin gyi/ des bshig pa'i ni ma yin no// de bzhin du dril bu'i skad cig mar 'dod pa yang lag pa 'brel pa yod na dril bu'i sgra 'jig mod kyi de ni des byas pa ma yin gyi/ skad cig ma yin pa'i phyir dril bu'i sgra ni rang zhig la des byas pa'i phyir gzhan ma skyes na mi snang ba yin gyi des bshig pa'i phyir ni ma yin no/ /de lta bas na don 'di ni rjes su dpag pas bsgrub par bya ba yin te/ mngon sum du ma grub po snyam du bsam pa yin no/ /de lta bas na gang zhig yod na 'ga' zhig 'jig pa gang yin pa de ni des byas pa yin no zhes bya ba dam nges pa yin no/ /'di la rjes su dpag pa gang zhe na zhes bya ba 'jig pa ni rgyu med pa can yin no zhes bya ba'i don 'di la rjes su dpag pa gang zhe na zhes bya ba yin no/ /re zhig med pa ni bya ba ma yin pa'i phyir zhes ni bshad zin to zhes bya ba ni 'jig pa ni rgyu med pa can te/ bya ba ma yin pa'i phyir nam mkha' bzhin no/ /'di yang bya ba ma yin te/ dngos po med pa'i ngo bo nyid yin pa'i

  8. 4b

    phyir gtan med pa bzhin no/ /'ga' zhig rgyu med pa las mi 'gyur zhes bya ba ni 'ga' yang rgyu med pa las 'byung bar mi 'gyur zhes bya ba'i tha tshig go /skye ba bzhin du zhes bya ba ni bzlog pa dpe yin te/ ji ltar skye ba ste bdag nyid du red pa'i mtshan nyid rgyu dang bcas pa kho na yin gyi rgyu med pa can ni ma yin pa ltar 'jig pa yang de dang 'dra bar 'gyur ba zhig na de lta yang ma yin no/ /ji lta zhe na/ skad cig ma blo dang sgra dang me lce dag 'jig pa rgyu med pa las byung ba yang mthong zhes bya ba smos te/ de ltar na chos kyi rang gi ngo bo las zlog pa rjes su dpag pa'i sgo nas 'ongs pa yin no/ /shing la sogs 'jig pa ni rgyu med pa las byung ba yin te/ 'jig pa'i ngo bo nyid yin pa'i phyir blo la sogs pa 'jig pa bzhin no/ /gang zhig ces pa ni bye brag pa'o/ /blo sngar byung ba ni blo phyis byung bas 'jig la blo cig shos ni blo sngar byung bas 'jig ste/ sgra yang de dang 'dra bar brjod par bya'o/ /smras pa/ de ni rigs ma yin no// ci'i phyir zhe na blo gnyis phrad pa med pa'i phyir ro zhes bya ba ni cig car 'byung ba med pa'i phyir ro zhes bya ba'i tha tshig ste/ gzhig par bya ba med pa ni rgyus 'jig par mi byed do/ /blo dag phrad pa med do zhes bya ba ji ltar shes she na/ de'i phyir the tshom can nges pa'i shes pa dag phrad par ni rigs pa ma yin no zhes bya ba rgyas par smos te/ gang gi tshe the tshom can gyi shes pa yod pa de'i tshe nges pa'i shes pa med la/ gang gi tshe nges pa'i shes pa yod pa de'i tshe the tshom can gyi shes pa med do/ /zhes bya ba 'di ni rang gi nyams la yod pa yin no/ /de bzhin du bde ba dang sdug bsngal dag dang/ 'dod chags dang zhe sdang dag phrad pa med pa yang sbyar bar bya'o/ /ji ltar 'gal ba dag mi phrad pa de bzhin du

  9. 5a

    shes pa mi 'gal ba dag kyang phrad pa med pa kho na yin no/ /gang tshe zhes bya ba rgyas par 'byung ba ni ji ste phrad bar gyur du zin kyang 'on kyang blo dang sgra mi gsal ba dag gi gsal ba dag 'jig par mi 'gyur te/ nyam chung ba rigs mthun pa yin pa'i phyir ro/ /nyam chung ba rigs mthun pas stobs dang ldan pas 'jig ba ni ma mthong gi mi mthun pa ni nyam chung ngus kyang 'jig par 'gyur te/ dper chus me lta bu'o/ /gang yang gnas pa'i rgyu med pa 'am zhes bya ba'i gtan tshigs 'di ni gnas brtan dbyig bshes la sogs pas gnas pa'i rgyu med pa'i phyir dngos po rnams 'jig pa yin no zhes smras pa yin no/ /de yang rigs pa ma yin te/ med pa ni rgyu yin par 'os pa ma yin pas so/ /chos dang chos ma yin pa'i dbang gis zhes zer ba ni bye brag pa'o/ /de la skye ba dang 'jig pa'i rgyu chos dang chos ma yin pa dag kyang skad cig skad cig nyid la 'jug pa thob pa dang/ gegs byed par 'os pa ma yin no zhes bya ba smos te/ skye ba dang 'jig pa'i rgyu chos dang/ skye ba dang 'jig pa'i rgyu chos ma yin pa'o/ /skad cig skad cig nyid la zhes bya ba ni skad cig ma dngos la ste/ nye bar btags pa'i skad cig ma lam yin no zhes bya ba'i tha tshig go /yang na skad cig skad cig nyid la zhes bya ba ni skad cig skad cig kho na la zhes bya ba'i tha tshig go /'jug pa thob pa dang gegs byed pa ni 'jug pa thob pa dang 'jug pa la gegs byed pa ste/ skad cig skad cig la 'gyur bar 'os pa ma yin no/ /ji lta zhe na/ me lce gang zhig byung na nag pha 'am byams pa la phan 'dogs par 'gyur ba de'i chos 'jug ba rnyed pa de bskyed par byed pas de ltar na bskyed pa'i rgyu yang yin no/ /gal te re zhig pas mun pa'i gnas skabs na de la phan 'dogs par byed na 'jig pa'i rgyu yang yin no/ /de bzhin du chos ma yin pa yang me lce gang zhig byung na 'ga' la gnod par 'gyur

  10. 5b

    na de'i chos ma yin pa 'jug pa rnyed pa ni de bskyed par byed la gal te des mun pa'i gnas skabs na de zhig pas gnod par byed na 'jig pa'i rgyu yang yin pas de gnyis kyis 'jug pa rnyed pa las me lce 'byung bar 'gyur ro zhe'o/ /de dag kho nas de dag gi 'jug pa 'gags te skad cig de nyid la de rnams 'jig par rig par ma yin pas/ skad cig skad cig la gnyis po 'jug pa rnyed pa dang gegs byed pa ni rung ba ma yin no/ /rgyu yongs su rtags pa 'di yang 'dus byas thams cad la bya bar nus zhes bya ba rgyas par 'byung ba ni chos dang chos ma yin pas 'jig go zhes rgyu yongs su brtag pa ni 'dus byas mi rtag pa rdul phran gnyis la sogs pa'i gzugs la sogs pa dang las thams cad la yang bya bar nus pas de'i phyir me dang 'brel pa las shing la sogs pa 'jig go zhes bya ba de lta bu la sogs pa 'di brjod par mi bya'o/ /de'i phyir chos dang chos ma yin pa dag ni de rnams 'jig pa'i rgyu gzhan la mi bltos pa'i phyir 'dus byas thams cad skad cig ma nyid du grub pas bcad mi dgos so/ /de nyid dam de dang 'dra ba las zhes bya ba ni gal te me dang 'brel pas bum pa'i sngon po nyid bzlog nas dmar po nyid bskyed par byed pa de kho nas dmar po nyid zlog nas ches dmar bskyed par byed do zhes bya ba rtog na rgyu nyid 'jig par byed pa yin par 'gyur ro/ /'on te me rnams ni skad cig ma yin pa'i phyir de dang 'brel pa bskyed par byed pa yang gzhan yin la 'jig par byed pa yang gzhan yin no zhes bya bar rtog na skyed par byed pa'i rgyu bye brag med par 'gyur te rigs pa ma yin no zhes bya ba thams cad brjod do/ /re zhig me rnams skad cig ma yin pa'i phyir bye brag tu smra ba rnams kyi me lce dag la skyed

  11. 6a

    par byed pa yang gzhan yin la/ 'jig par byed pa yang gzhan yin no zhes rgyu tha dad par yongs su brtag par ni bya la rag na thal ba nas sa dang 'brel pa'i bar las smin byed las skyes pa'i bye brag byung ba la brtag par bya ste/ de dag gi ltar na thal ba la sogs pa skad cig ma ma yin pas der rgyu nyid 'jig par byed pa yin par 'gyur ro/ /'o na chu gang bskol ba zhes bya ba ni gal te me dang 'brel ba dag gi chus 'jig par mi byed na 'o na ji ltar chu bskol ba rnams zad par 'gyur snyam du bsams pa yin no/ /me'i khams zhes bya ba ni de dang tha mi dad par 'dug pa 'phel bar byed do/ /de'i mthus na chu'i tshogs nyam chung zhing nyam chung bar 'gyur te zhes bya ba ni rgyu'i khyad par las 'bras bu'i khyad par du 'gyur bas nyam chung ba dang nyam chung bar 'gyur zhing/ shin tu nyam chung ba'i bar du gyur pa dang mjug tu rgyun yang rgyun chags par mi byed de 'bras bu mi bskyed kyi dngos po med pa byed pa ni ma yin no zhes bya ba'i tha tshig go/ 'jig pa'i ngang tshul can yin pa'i phyir zhes bya ba rgyas par 'byung ba ni 'jig pa'i ngang? tshul can yin pa'i phyir rang 'jig pa na gzhan gyis 'jig pa skyed pa'i ma yin pas/ byung ba tsam ste skad cig la gcig gcig rang gi bdag nyid du red nas 'jig go /rtswa'i me bzhin no zhes bya ba ni dper na rtswa'i me skad cig ma yin yang rtswa yul gzhan du bar med par byung ba la rtswa sreg par byed pa'i me 'gro'o/ /zhes mngon pa'i nga rgyal byed pa de dang 'dra'o/ /'dir sgrub pa ni gzugs la sogs pa yul gzhan du bar chad med par 'byung ba'i dngos po dag ni 'gro ba med pa yin te skad cig ma yin pa'i phyir rtswa'i

  12. 6b

    me bzhin no/ /lus kyi rnam par rig byed dbyibs yin no/ /zhes zer ba ni bye brag tu smra ba yin no/ /phyogs gcig gi sgo zhes bya ba ni 'di la phyogs cig gi sgo yod pas na phyogs cig gi sgo ste der ro/ /mang po ni phal mo che'o/ /thad kyang de dang 'dra'o zhes bya ba ni phyogs kyi sgo gyen du phal che ba la ni mthon po zhes 'dogs la/ thur du phal che ba la ni dma' ba zhes bya ste/ 'di ni phyogs yin no/ /dper na mgal me zhes bya ba ni dbyibs ni rdzas su med de de 'dzin pa kha dog 'dzin pa la ltos pa'i phyir mgal me'i 'khor lo bzhin no/ /yang na dbyibs ni rdzas su med de/ gzugs 'dzin pa la bltos pa'i phyir 'bru'i phung po bzhin no/ /zhes bya ba yin no/ /'di dbang po gnyis kyis gzung bar 'gyur zhes bshad pa dang/ bye brag tu smra ba ring po nyid la sogs pa ni lus kyi dbang pos 'dzin pa ma yin no/ /'o na ci zhe na/ reg bya'i yan lag dag kho na de ltar gnas pa la ring po la sogs par 'dzin par 'gyur te/ de bas na 'di ni gnyis kyis 'dzin par mi 'gyur ro zhes smra bar 'gyur bas de'i phyir yang na ji ltar reg bya la zhes bya ba 'di rgyas par smos so/ /don ci zhe na/ ji ltar reg bya la ring po dang thung ngu la sogs pa 'dzin mod kyi/ dbyibs ni reg bya'i skye mched kyis bsdus pa yang ma yin pa ltar/ kha dog la ring po la sogs pa 'dzin pa yang de dang 'dra bar yid ches par bya ste/ gzugs kyi skye mched kyis bsdus pa'i dbyibs don gzhan du gyur pa ni med do zhes bya ba'i tha tshig go /yang na bye brag tu smra bas/ de la ni reg bya dang lhan cig spyod pa'i phyir dran pa tsam yin gyi zhes bya bar rgyas par smras te/ dbyibs de la ni reg bya dang lhan cig spyod pa'i phyir te 'jam pa nyid la sogs pa'i reg bya dang lhan cig spyod par 'gyur ba'i phyir dran pa tsam yin gyi ring po la sogs pa'i dbyibs

  13. 7a

    mngon sum du 'dzin pa ni ma yin te dper na lhan cig spyod pa'i phyir me'i gzugs mthong nas me de'i tsha ba'i dran pa 'byung ba dang lhan cig spyod pa'i phyir me tog tsam pa ka'i dri snams nas de'i kha dog gi dran pa 'byung ba bzhin no/ /slob dpon gyis 'di la ni 'khrul pa med pa'i phyir gzhan gyis gzhan dran par rigs kyi zhes bya ba rgyas par smos te/ me la sogs pa 'di la ni tsha ba nyid dang/ kha dog 'khrul pa med pa'i phyir gzhan gyis gzhan te/ me'i gzugs kyi tsha ba nyid dang me tog gi dris de'i kha dog dran par rigs so/ /reg bya ni cung zad kyang nges pa med do zhes bya ba rgyas par 'byung ba ni gang las reg bya la reg nas ring po la sogs pa'i dbyibs 'di nges par dran par 'gyur ba 'jam pa nyid la sogs pa'i reg bya ni chung zad kyang ring po la sogs pa'i dbyibs la nges pa med pa med do/ /gang na me'i gzugs yod pa de na de'i tsha ba nyid yod la/ gang na me tog tsam pa ka'i dri yod pa de na'ang 'di'i gzugs yod kyi/ gang na 'jam pa nyid dang rtsub pa nyid yod pa de na ring ba nyid dang thung ba nyid yod pa ni ma yin no/ /de lta bas na de'i tsha ba nyid dang/ de'i gzugs dag ni gdon mi za bar dran pa rung gi dbyibs ni gdon mi za bar dran par mi 'gyur ro/ /'on te reg bya dang dbyibs dag lhan cig spyod par nges pa med kyang nges par dbyibs dran par gyur na ni kha dog kyang 'gyur te/ nges par dran par zhes bya bar sbyar te/ reg bya de kho na reg nas dran par 'gyur ro zhes bya ba'i tha tshig go /ji ste yang nges par kha dog dran par mi 'gyur na/ yang na ni kha dog bzhin du dbyibs kyang nges par mi 'gyur te/ ring po la yang thung ngur shes la/ thung ngu la yang ring por shes par 'gyur ro/ /ci'i phyir zhe na/ reg bya las kha dog ni nges par dran par mi 'gyur te/ res 'ga' dmar po la yang ser por shes la/ ser po la yang

  14. 7b

    dmar por shes so/ /de lta na yang ma yin zhes bya ba ji ltar de lta ma yin zhe na/ ji ltar kha dog nges par dran bar mi 'gyur ba de ltar dbyibs kyang nges par dran par mi 'gyur ba zhes bya'o/ /'o na ci zhe na/ kha dog nges par mi 'gyur gyi dbyibs ni nges par dran par 'gyur ro/ /de bas reg bya las dbyibs 'di dran par ni rigs pa ma yin no/ /'o na ji ltar ring po'i blo 'am thung ngu'i blo 'byung zhe na/ 'di ni phyogs cig gi sgor kha dog gam/ reg bya phal mo che 'dzin pa la ring po'i rnam par rtog pa'i blo 'byung ngo zhes bshad zin te/ de lta bu la sogs pa yin par khong du chud par bya'o/ /ri mo bkram pa la zhes bya ba rgyas par 'byung ba ni ri mo bkram pa kha dog dang dbyibs du ma rnam pa mang por snang ba ni ring po la sogs par dbyibs cig tu snang ste/ de bas na kha dog dang dbyibs su mi snang ba'i phyir dbyibs mang po yang phyogs cig tu 'gyur te/ gdan ring po nyid yod pa de nyid du thung ngu la sogs pa 'dzin pa'i phyir ro/ /de yang rigs pa ma yin te kha dog bzhin no/ /ji ltar kha dog thogs pa dang bcas pa yin pa'i phyir phyogs gcig par mi 'gyur bar ltar dbyibs kyang de dang 'dra'o// de lta yin na chos can gyi khyad par las bzlog pa'i phyir dbyibs rjes su yod de zhes bya ba'i phyogs skyong dang bcas par 'gyur ro/ /de rdul la med ces bya ba ni ji ltar sngon po la sogs pa'i gzugs rdul phran gyis rdzas brgyad la sogs pa yod pa de ltar ring po la sogs pa'i dbyibs ni rdul phra rab la med do/ /dbyibs rdul phra rab la med do zhes bya ba ji ltar shes zhe na/ dbyibs ring po 'gribs na ring po'i blo med pa'i phyir te/ dbyug ba ring po dmigs nas de nyid 'gribs na ring po'i blo ldog go /sngon po la sogs pa'i rdzas dmigs nas 'gribs na de la ser po'i blo ni mi 'byung gi /ring po'i rdzas 'gribs na ni thung ngu'i blo mi 'byung gi de'i blo mi 'byung ngo/ /dbyibs de nyid ring po la sogs pa dang thung ngu la sogs pa'i blo skyed do zhes brjod par yang mi

  15. 8a

    rigs pa ma yin te/ de lta bas na mang po de ltar gnas pa dag kho na zhes bya ba thams cad brjod par bya'o/ /'on te dbyibs kyi rdul phra rab ces bya ba rgyas par 'byung ba ni dbyibs kyi rdul phrar ba dag kho na phyogs cig gi sgo la sogs pa'i rim pas de ltar gnas pa la ring po la sogs pa'i ming 'dogs te/ de'i ngo bo nyid ma yin pa dag de ltar gnas pa la ni de'i ming 'thob par 'os pa ma yin no snyam du bsams pa yin no/ /dbyibs kyi yan lag rnams ni kha dog la sogs pa bzhin du rang gi ngo bor grub pa yang med ces bya ba ni kha dog gi yan lag rnams ni yan lag re re la sngon po la sogs pa nyid du 'dzin pa'i phyir rang gi ngo bo rab tu grub pa yin no/ /dbyibs ni rdul phra rab rnams ni de ltar yan lag re re la ring po la sogs pa nyid du yang mi 'dzin te/ de lta bas na rang gi ngo bo rab tu ma grub pa yin no/ /gal te de dag ring po la sogs pa'i ngo bo nyid ni ma yin nyid kyi gnas pa'i khyad par las ring po la sogs pa'i blo'i rgyu dag du 'gyur na go /kha dog la sogs pa'i rdul phra rab dag kho na gnas pa'i khyad par las ring po la sogs pa'i blo'i rgyu dag tu 'gyur ro zhes bya bar ci ste mi 'dod/ 'o na gang kham sa'i snod rnams kyang kha dog kyang tha mi dad ces bya ba ni gal te/ dbyibs kha dog gnas tsam zhig yin par gyur na/ don tha dad pa med pa'i phyir rdza mkhan la sogs pa'i rdzam rnams kha dog tha mi dad pa ma yin par 'gyur ro/ /ma bshad dam zhes bya ba rgyas par 'byung ba ni ji ltar gnas par 'gyur pa'i kha dog la ring po la sogs par ming 'dogs pa ste/ phyogs cig gi sgor kha dog phal cher zhes bya ba la sogs pa rgyas par bshad pa yin no/ /dper na grog ma la sogs pa zhes bya ba gyis par 'byung ba ni/ ji ltar grog ma la sogs pa kha dog dang

  16. 8b

    dbyibs gcig pa ma yin la/ de dag phreng ba ni yul la lar ni gzhan du snang la/ la lar ni gzhan du snang ba dang zlum po la sogs pa tha dad pa zhes bya ba la sogs pa yang de dang 'dra ste/ de bzhin du kha dog tha mi dad kyang dbyibs tha dad par 'gyur ro// 'o na gang mun khud dang zhes bya ba rgyas par 'byung ba ni 'o na gang mun khung na sdong du ma dang mi dang glang po che la sogs pa'i kha dog ma mthong bar ring po dang/ thung ngu dang zlum po la sogs pa mthong bar 'gyur ba de ji ltar bu zhe na/ bya ba'i tshig lhag ma yin no/ /gal te dbyibs kha dog las rigs gzhan zhig yin bar ma gyur ba ji ltar sngon po 'am/ ser po zhes bya bar mi mthong ba de bzhin du dbyibs kyang ring po nyid dam thung ngu'o zhes bya bar mthong bar yang mi 'gyur ba zhig na res 'ga' 'ang? mthong ste/ de'i phyir dbyibs ni rigs gzhan yin no/ /phreng ba dang dmag la yongs su rtog pa bzhin no zhes bya ba ni/ ji ltar mun khung na bya 'am grog ma mi gsal ba mthong nas phreng ring po zhig go zhes rtog par byed pa 'am ji ltar mun khung na glang po che la sogs pa mi gsal ba mthong nas dmag 'di ni bskyil te rnam par gnas so zhes yongs su rtog par byed pa ltar 'di yang de dang 'dra'o/ /de ni gdon mi za bar de ltar shes par bya ste zhes bya ba ni da bzod ji skad du dbyibs rigs gzhan med kyang de dag gis de kha dog kho na mi gsal ba mthong pas ri bo la sogs par yongs su rtog par byed do zhes bshad pa lta bu'o/ /gang res 'ga' zhes bya ba rgyas par 'byung ba la/ yongs su chad pa nges par mi zin pa zhes bya par ni dbyibs nges par mi zin pa'o/ /tshogs pa tsam dang mi gsal ba ste sngon po la sogs pa nyid du mi sngon par snang ba yin no/ /ji ltar kha dog dang dbyibs ma gtogs pa'i gzugs kyi skye mched kyang yod pa ma yin pas rdzas

  17. 9a

    gzhan cung zad mi rtag pa de bzhin du dbyibs kyang kha dog la ma gtogs par brtag par mi bya'o/ /mdo sde pa khyed ces bya ba ni mdo sde pa khyed cag ces bya ba'i tha tshig go /ji ltar lus kyi las su 'dogs par byed ces bya ba ni btags pa yod pa'i phyir lus kyi las su mi rung ngo snyam du bsams nas 'dri ba yin no/ /lus la brten pa zhes bya ba ni lus la dmigs pa zhes bya ba'i don to/ /gang zhig gis lus 'jug par 'gyur ba de ni lus la brten pa'i las yin te/ de'i phyir de dang der lus 'jug par byed pa'i sems pa gang yin pa'o zhes bya ba smos so/ /ci rigs par rig par bya'o zhes bya ba ni ngag la brten pa'i las ni ngag gi las so/ /yid kyi las ni yid kyi las sam yid dang mtshungs par ldan pa'i las ni yid kyi las yin te/ des na ci rigs par zhes bshad do/ /rnam par rig byed med pa'i phyir zhes bya ba rgyas par 'byung ba ni gal te rnam par rig byed med par gyur na/ 'dod pa na spyod pa'i rnam par rig byed ma yin pa ni rnam par rig byed la rag las pa yin gyi sems kyi rjes su 'jug pa ni ma yin no// //bam po sum cu pa/ /de yang de ltar med pas nyes pa chen por thal bar 'gyur te/ sdom pa dang sdom pa ma yin pa med pa'i nyes pa dang rdzas las byung ba'i bsod nams bya ba'i dngos pos bsod nams 'phel ba med pa'i nyes pa zhes bya ba de lta bu la sogs pa thal bar 'gyur ro/ /thal ba rnams la yang thal ba'i gnyen po dag yod de zhes bya ba ni de'i lan yod do zhes bya ba'i tha tshig go /lus kyi las zhes bya ba zhes bya ba ni lus la brten pa zhes bya ba'i tha tshig go /mnyam par gzhag pa'i rnam par rig byed ma yin pa bzhin du zhes bya ba ni ji ltar mnyam par gzhag pa'i rnam

  18. 9b

    par rig byed ma yin pa sems kyi rjes su 'jug pa yin pa ltar so so thar pa'i sdom pa la sogs pa'i mtshan nyid kyi rnam par rig byed ma yin pa yang de dang 'dra bar yang 'gyur ro/ /mdo sde pa rnams kyis de ltar mi 'gyur te zhes bya bar smos te/ mnyam par bzhag pa ma yin pa'i sems pa'i khyad par gyis de'i 'phen pa khyad par yod pa'i phyir sems kyi rjes su 'jug par mi 'gyur te/ mnyam par bzhag pa ma yin pa'i rnam par rig byed ma yin pa 'phangs pa'i phyir ro zhes bya ba'i tha tshig go /khyed kyi rnam par rig byed de yod cing med pa ma yin na yang rnam par rig byed ma yin pa 'phang bar bya ba ni sems pa'i stobs dang mthu la rag las pa yin te ltos pa yin no/ /de ci'i phyir zhe na/ blun pa'i phyir te mi gsal ba'i phyir ro/ /sems pa'i stobs med par ni rnam par rig byed ma yin pa de bskyed par mi nus te/ yang dag par len pa'i sems pa med na rnam par rig byed kyi na byung bas ni rnam par rig byed ma yin pa bskyed par mi byed do/ /ngag rnams rig byed ni zhes bya ba la ni zhes bya ba'i sgra ni khyad par du bya ba yin te/ ji ltar lus kyi rnam par rig byed dbyibs kyi bdag nyid yin pa ltar ngag gi rnam par rig byed ni ma yin no/ /'o na ci zhe na/ ngag gi bdag nyid kyi sgra ste yi ge'i bdag nyid kyi sgra'o zhes bya ba'i tha tshig go /rnam par rig byed ma yin pa ni sngar bshad pa kho na yin no zhes bya ba ni de dag rnam rig rnam rig min zhes bshad pa de la rnam par rig byed ni bshad zin pa yin no/ /rnam par rig byed ma yin pa brjod par bya dgos na/ de yang gong du bshad zin pa nyid de/ rnam par g.yeng sems med pa'i yang zhes 'byung ba'i phyir ro/ /de yang rdzas su med de zhes bya ba ni rnam par rig byed ma yin pa de yang rdzas su med do/ /yang zhes bya ba'i sgra ni rnam par rig byed 'ba' zhig tu ma zad kyi zhes bya ba yin no/ /khas blangs nas mi byed pa tsam yin pa'i

  19. 10a

    phyir zhes bya ba ni mdo sde pa rnams na re dus 'di nas bzung ste/ srog gcod pa la sogs pa spong ngo zhes khas blangs nas de phyin ched de dag mi byed pa tsam la rnam par rig byed ma yin pa zhes bya bar zad pas de ltar na rdzas su med do zhes zer ro/ /de dag kyang rang gi ngo bo med pa'i phyir zhes bya ba ni 'das pa'i 'byung ba chen po de dag kyang da ltar byung ba lta bur rang gi ngo bor med de/ 'di ni mdzod kyi gnas lnga pa nas kyang ston par 'gyur ro/ /med pa dag ni ji ltar na 'di'i rten yin te/ de bas na rdzas su med do/ /gzugs kyi mtshan nyid med pa'i phyir zhes bya ba ni/ gzugs kyi mtshan nyid ni gzugs su rung pa zhes bya ba yin no/ thogs pa med pa'i phyir de yang 'di la med de de lta bas na rdzas su med do/ /rnam pa gsum zhes bya ba rgyas par 'byung ba ni/ de ni rnam pa gsum dang dri ma med pa yin pas na/ rnam gsum dri med gzugs te de gsungs pa'o/ /ma byas lam zhes bya ba ni ma byas pa'i lam ste/ gzhan la byed du bcug gi bdag nyid kyi ma byas pa'i las kyi lam zhes bya ba'i tha tshig go /'di dag la gzugs rnam pa gsum dang/ dri ma med pa gsungs pa dang/ 'phel ba dang/ ma byas pa'i lam la sogs pa yod pas na rgyu 'di dag ni rnam gsum dri med gzugs gsungs dang/ 'phel dang ma byas lam yin te/ sogs pa zhes bya ba'i sgras ni dge slong chos ni zhes bya ba 'dir gzugs can ma yin pa'o zhes ma gsungs pa dang 'phags pa'i lam yan lag brgyad par gsungs pa dang/ so sor thar pa'i sdom pa dang/ chu lon du gsungs pa bsdu ba'o/ /gzugs kyis gzugs bsdus ba zhes bya ba ni/ gzugs kho nas gzugs bsdus pa yin gyi tshor ba la sogs pa gzhan dag gis ni ma yin no/ /bstan du yod la thogs pa dang bcas ba'i gzugs kyang yod ces bya ba ni mig gi rnam par shes par bya ba'i gzugs gang yin pa'o//

  20. 10b

    bstan du med la thogs pa dang bcas pa'i gzugs kyang yod ces bya ba ni mig la sogs pa gzugs can gyi skye mched gang dag yin pa'o/ /bstan du yang med la thogs pa yang med pa ni yid kyi rnam par shes pas rnam par shes par bya ba chos kyi skye mched kyis bsdus pa rnam par rig byed ma yin pa gang yin pa'o/ /rnam par rig byed ma yin pa ma gtogs par zhes bya ba rgyas par 'byung ba ni rnam par rig byed ma yin pa ma gtogs pa bstan du med la thogs pa med pa'i gzugs bsdu ba'i mdo las bshad pa gang yin pa med do/ /zag pa med pa'i gzugs kyang med de rnam par rig byed ma yin pa ma gtogs par zhes bya bar sbyar te/ lam gyi bden pa la snyoms par zhugs pa'i lus dang ngag gi rnam par rig byed kyi gzugs yin par ni rigs pa ma yin no/ /rdzas las byung ba'i bsod nams bya ba'i dngos po bdun zhes bya ba la/ rdzas ni kun dga' ra ba dang/ gtsug lag khang la sogs pa'o/ /de las byung bas na rdzas las byung ba'o/ /rdzas de med pa ni rdzas las byung ba ma yin pa'o/ /rtag tu zhes bya ba ni yang dang yang du'o/ /rgyun mi 'chad pa ni bar chad med pa'o/ /'dir mdo ni bcom ldan 'das yul kau shAm+bI na dbyangs len gyi kun dga' ra ba na bzhugs so/ /de nas tshe dang ldan pa skul byed bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal nas phyogs gcig tu 'dug ste/ bcom ldan 'das la tshe dang ldan pa sku la byed kyis 'di skad ces gsol to/ /btsun pa rdzas las byung ba'i bsod nams bgyi ba'i dngos po 'bras bu che ba phan yon che ba/ gzi brjid che ba rgya che ba gdags pa ma mchis lags sam/ bcom ldan 'das kyis de la skul byed yod do zhes bka' stsal to/ /skul byed bdun po 'di dag ni rdzas las byung ba'i bsod nams bya ba'i dngos po 'bras bu che ba nas rgya che ba'i bar dag yin te/

  21. 11a

    de dag dang ldan pa'i dad pa'i rigs kyi bu 'am/ rigs kyi bu mo ni rgyu yang rung 'dug kyang rung nyal yang rung mi nyal yang rung ste rtag tu rgyun mi 'chad bar bsod nams mngon par 'phel bar 'gyur zhing bsod nams nye bar skye ba kho nar 'gyur ro/ / bdun gang zhe na/ skul byed 'di dad pa'i rigs kyi bu 'am rigs kyi bu mo phyogs bzhi'i dge slong gi dge 'dun la kun dga' ra ba 'bul bar byed de skul byed 'di ni rdzas las byung ba'i bsod nams bya ba'i dngos po 'bras bu che ba nas rgya che ba'i bar dang po yin te/ de dang ldan pa'i dad pa'i rigs kyi bu 'am rigs kyi bu mo zhes bya ba rgyas par bsod nams nye bar skye ba kho nar 'gyur zhes bya ba'i bar yin no/ /skul byed gzhan yang dad pa'i rigs kyi bu 'am rigs kyi bu mo kun dga' ra ba de nyid du gtsug lag khang rtsig par byed de/ 'di ni rdzas las byung ba'i bsod nams bya ba'i dngos po 'bras bu che ba gnyis pa yin pa zhes bya ba nas nye bar skye ba kho nar 'gyur zhes bya ba'i bar yin no/ /skul byed gzhan yang dad pa'i rigs kyi bu 'am rigs kyi bu mo gtsug lag khang de nyid du mal cha dang stan 'di lta ste/ khri dang khri'u dang stan nang tshangs can dang la ba dang sngas dang stan gor bu dag 'bul bar byed de/ skul byed 'di ni rdzas las byung ba'i bsod nams bya ba'i dngos po gsum pa yin no zhes bya ba snga ma bzhin no/ /skul byed gzhan yang dad pa'i rigs kyi bu 'am rigs kyi bu mo gtsug lag de nyid du mchod sbyin rjes su mthun pa'i 'tsho ba nar mar 'bul bar byed de/ skul byed 'di ni rdzas las byung ba'i bsod nams bya ba'i dngos po 'bras bu che ba bzhi pa yin no zhes bya ba snga ma bzhin no/ /skul byed gzhan yang dad pa'i rigs kyi bu 'am rigs kyi bu mo slo bur du 'ongs pa dang 'gro ba la sbyin pa sbyin par byed de/ skul byed 'di ni rdzas las byung

  22. 11b

    ba'i bsod nams bya ba'i dngos po lnga pa yin no zhes bya ba snga ma bzhin no/ /skul byed gzhan yang dad pa'i rigs kyi bu 'am rigs kyi bu mo nad pa dang nad g.yog la sbyin pa sbyin par byed de/ 'di ni rdzas las byung ba'i bsod nams bya ba'i dngos po drug pa yin zhes bya ba snga ma bzhin no/ /skul byed gzhan yang dad pa'i rigs kyi bu 'am rigs kyi bu mo lhag pa 'am yul dan nam rlung mo che 'am char 'bab pa gang dag byung na lhags pa nas char 'bab pa'i bar de lta bu dag gi tshe skyo ma 'am thug pa rnam pa sna tshogs rnam pa mang po dag byas nas 'phags pa dag bdag gis 'di gsol la sku ma gsher ba dang chos gos la char gyis ma phog par bde ba la reg par bzhugs shig ces dge 'dun dag la 'bul bar byed de/ skul byed 'di ni rdzas las byung ba'i bsod nams bya ba'i dngos po 'bras bu che ba bdun pa yin zhes bya ba nas bsod nams nye bar skye ba kho nar 'gyur zhes bya ba'i bar snga ma bzhin no/ /rdzas las byung ba'i bsod nams bya ba'i dngos po bdun po 'di dag dang ldan pa'i dad pa'i rigs kyi bu 'am rigs kyi bu mo'i bsod nams ni bsod nams 'di tsam zhig go zhe 'am 'bras bu rnam par smin pa 'di tsam zhes tshad gzung du med kyi 'on kyang bsod nams che ba'i phyir bsod nams kyi phung po chen po zhes bya ba'i grangs su 'gro'o zhes bya ba de lta bu la sogs pa yin no/ /lan gnyis kyi bar du yang bcom ldan 'das la tshe dang ldan pa skul byed kyis 'di skad ces gsol to/ / btsun pa rdzas las byung ba ma lags pa'i bsod nams kyi dngos po 'bras bu che ba nas rgya che ba'i bar gdags su mchis lags sam/ bcom ldan 'das kyis de la skul byed gdags su yod do zhes bka' stsal to/ /skul byed bdun po

  23. 12a

    'di dag ni rdzas las byung ba ma yin pa'i bsod nams bya ba'i dngos po yin te/ de dag dang ldan pa'i dad pa'i rigs kyi bu 'am rigs kyi bu mo ni rgyu yang rung 'dug kyang rung zhes bya ba rgyas par bsod nams nye bar skye ba kho nar 'gyur zhes bya ba'i bar gsungs so/ /bdun gang zhe na/ skul byed la dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos grong ngam zhing che ge mo zhig na brten cing bzhugs so/ /zhes thos shing thos nas kyang yang dga' ba dang rab tu dga' ba rgya che ba de dag nges par 'byung ba dang ldan pa 'thob ste skul byed 'di ni rdzas las byung ba ma yin pa'i bsod nams bya ba'i dngos po dang po yin no/ /zhes bya ba nas bsod nams nye bar skye ba kho nar 'gyur ro zhes bya ba'i bar snga ma bzhin no/ /skul byed gzhan yang dad pa'i rigs kyi bu dang rigs kyi bu mo de bzhin gshegs pa 'am de bzhin gshegs pa'i nyan thos tshur gshegs par rtsom pa thos shing thos nas kyang yang dga' ba dang rab tu dga' ba thob ste zhes bya ba'i bar snga ma bzhin no/ /skul byed 'di ni rdzas las byung ba ma yin pa'i bsod nams bya ba'i dngos po gnyis pa yin no/ /zhes bya ba nas bsod nams nye bar skye ba kho nar 'gyur ro zhes bya ba'i bar snga ma bzhin no/ /skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos de nyid grong ngam zhing kho na'i lam du zhugs so zhes thos shing thos nas kyang yang dga' ba thob po zhes bya ba nas bsod nams nye bar skye ba kho nar 'gyur zhes bya ba'i snga ma bzhin no/ /skul byed

  24. 12b

    gzhan yang dad pa'i rigs kyi bu 'am rigs kyi bu mo de bzhin gshegs pa'am de bzhin gshegs pa'i nyan thos grong ngam zhing de nyid du phyin bar thos shing thos nas kyang yang dga' ba thob ces bya ba snga ma bzhin no/ /'di rdzas las byung ba ma yin pa'i bsod nams bya ba'i dngos po bzhi pa yin zhes bya ba nas bsod nams nye bar skye ba kho nar 'gyur zhes bya ba snga ma yin no/ /skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos nyid lta ba'i phyir 'gro zhing mthong nas kyang dga' ba thob ces bya ba snga ma bzhin no/ /skul byed 'di ni rdzas las byung ba ma yin pa bsod nams bya ba'i dngos po snga ma bzhin zhes bya ba nas bsod nams nye bar skye bar gyur zhes bya ba snga ma bzhin no/ /skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am de bzhin gshegs pa'i nyan thos de nyid las thos shing thos nas kyang yang dga' ba thob ces bya ba snga ma bzhin no/ /skul byed 'di ni rdzas las byung ba ma yin pa'i bsod nams bya ba'i dngos po drug pa yin zhes bya ba nas bsod nams nye bar skye ba kho nar 'gyur zhes bya ba'i bar snga ma bzhin no/ /skul byed gzhan yang dad pa'i rigs kyi bu 'am rigs kyi bu mo de bzhin gshegs pa 'am/ de bzhin gshegs pa'i nyan thos de nyid las chos thos shing chos thos nas kyang sangs rgyas la skyabs su 'gro /chos la skyabs su 'gro /dge 'dun la skyabs su 'gro la/ bslab pa'i gnas dag kyang 'dzin par byed de/ skul byed 'di rdzas las byung ba ma yin pa'i bsod nams bya ba'i dngos po 'bras bu che ba bdun pa yin zhes bya ba snga ma bzhin te/ gzhung mang du dogs pas thams cad ni ma zim so/ /lung bsgo ba tsam ni las kyi lam du mi rung ste/ srog gcod pa la sogs pa'i las de ma byas pa'i phyir ro/ /gal te las de byas na de

  25. 13a

    la lung bsgo ba las kyi lam du 'gyur ro snyam du sems na/ de'i phyir byas su zin kyang de'i rang gi ngo bo la khyad par med pa'i phyir zhes bya ba smos te/ gzhan gyi las de byas su zin kyang lung bsgo ba de la ni gang gis na de'i tshe las kyi lam du 'gyur ba rang gi ngo bo la khyad par cung zad kyang med do/ /de lta bas na snga ma bzhin de'i rang gi ngo bo la khyad par med pa'i phyir ji ltar gyi las kyi lam du rnam par mi gzhag pa ltar phyis kyang de kho na dang 'dra'o/ /de bas na de'i tshe las kyi lam gyis bsdus pa skya ba gang yin pa de yod do zhes bya bar khas blang bar bya dgos so/ /skye mched bcu gcig gis ma bsdus pa zhes bya ba ni chos kyi skye mched ma gtogs pa dag gis so/ /ngag dang/ las kyi mdza' dang/ 'tsho ba rnams ma rung ba'i phyir ro zhes bya ba ni 'di dag rnam par rig byed kyi ngo bo nyid ni mi srid pa'i phyir ro zhes bya ba'i tha tshig go /'o na 'di skad du gang gsungs so zhes bya ba rgyas par 'byung ba la 'di'i 'grel pa gang zhe na/ ji ste khyed gal te rnam par rig byed ma yin pa med par gyur na de na rnam par rig byed ni med pa'i phyir 'phags pa'i lam yan lag brgyad par yang mi 'gyur te/ de lta bas na rnam par rig byed ma yin pa ni yod do zhes bya bar 'dod na/ 'o na ci'i phyir 'di skad du gang gsungs so zhes bya ba nas rgyas par yang dag pa'i ting nge 'dzin ces bya ba'i rgyas par brjod nas 'di skad du 'di'i sngon yongs su dag ces bya ba thams cad brjod do/ /lam la snyoms par 'jug pa'i dus kyi sngon rol tu zhes bya ba'i tha tshig ste/ de dag ni rnam par rig byed kyi gzugs yin par gsungs so snyam du bsams pa yin no/ /bye brag tu smra? ba rnams de ni sngon 'jig rten pa'i lam gyis 'jig rten pa'i lam gyis 'dod chags dang bral bar byas pa la dgongs te gsungs pa yin no zhes lan 'debs par byed de/ de ni 'jig rten pa'i lam gyis 'dod chags dang bral ba'i gnas skabs kyi ngag la sogs pa'i ngo bo nyid

  26. 13b

    kyi rnam par rig byed kyi gzugs las dgongs nas gsungs pa yin gyi lam gyi tshe nges bsdus pa'i dag la sogs pa'i rnam par reg byed ma yin pa'i gzugs med pa'i phyir ni ma yin no/ /ting nge 'dzin gyi yul gyi gzugs zhes bya ba ni ting nge 'dzin gyi dmigs pa ste rus pa'i rus gong la sogs pa'o/ /yul la mi sgrib pa'i phyir ni thogs pa med pa yin no zhes bya ba ni gzugs gang zhig yul la sgrib par byed pa de ni thogs pa dang bcas pa yin pa la bzlog pa ni thogs pa med ces bya ba grub po/ /da ni de ji ltar gzugs yin snyam du sems na zhes bya ba ni gal te gzugs su bya bar mi nus na snyam du bsams pa yin no/ /de ni rnam par rig byed ma yin pa la'ang mtshungs te/ khyed kyi rnam par rig byed ma yin pa yang yul la mi sgrib pas 'dra'o/ /zag pa med pa'i ting nge 'dzin la zag pa med pa yin no zhes bya ba ni rnal 'byor spyod pa lam mngon du byed pas de lta bu'i bsam pa dang rten 'thob ste/ gang zhig yod na rang bzhin gyi tshul khrims la gnas par 'gyur ba yang dag pa lta ba lta bu'i zag pa med pa'i tshul khrims 'thob bo/ /yang na 'phags pa de dag zag pa med pa'i ting nge 'dzin gyi tshe gzugs de lta bu de bzhed pa yin no/ /gzhan dag na re dgra bcom pa'i gzugs dang phyi rol gang yin pa'o zhes zer ro zhes bya ba ni slob dpon gzhan dag na re dgra bcom pa'i gzugs mig gi skye mched la sogs pa dang/ phyi rol gyi rtsig pa la sogs pa gang yin pa de zag pa med pa'i gzugs yin no zhes zer ro/ /ci'i phyir zhe na/ zag pa rnams kyi rten ma yin pa'i phyir te/ dgra bcom pa'i rgyud la yod pa 'am phyi'i gzugs ni zag pa nyon mongs pa rnams kyi rten ma yin no/ /gal te de ltar yin na 'o na gang mdo las khyad par med par zag pa dang bcas pa'i chos rnams gang zhe na mig ji snyed pa dang gzugs

  27. 14a

    ji snyed pa dag yin no zhes rgyas par gsungs so zhe na/ de ni zag pa rnams kyi gnyen po ma yin pa'i phyir zag pa dang bcas par gsungs pa yin te zag pa'i gnyen po ni sems dang sems las byung pa'i khyad par dag yin no/ /'o na ni rnam grangs kyis zhes bya ba rgyas par 'byung ba ni dgra bcom pa'i 'am gzugs de nyid zag pa rnams kyi gnyen po ma yin pa'i phyir zag pa dang bcas pa yang yin la zag pa rnams kyi rten ma yin pa'i phyir zag pa med pa yang yin no zhes bya ba yin te/ de ltar na ni mtshan nyid 'tshol par 'gyur bas nyes pa yin no/ /gzugs zag pa dang bcas pa nye bar len par 'gyur ba gang dag yin pa zhes bya ba ni gzugs kyi skye mched ces bya ba'i tha tshig ste/ rgyas par chos zag pa dang bcas pa nye bar len par 'gyur ba gang dag yin pa de dag ni sems kyi tha ba dang spags pa'i gzhi yin no zhes bya ba'i bar gsungs pa'i phyir gzugs kyi skye mched zag pa med pa de dag ni yod do/ /zag pa dang bcas pa nye bar len par gyur pa de dag kyang gang zhe na/ so so'i skye bo'i gzugs gang dag yin pa ste/ zag pa rnams kyi rten yin pa'i phyir dang/ de'i gnyen po ma yin pa'i phyir ro/ /zag pa med pa dag gang zhe na/ dgra bcom pa'i dang/ phyi'i gzugs rnams te/ zag pa rnams kyi rten ma yin pa'i phyir ro/ /yon tan gyi khyad par zhes bya ba ni bsam gtan dang tshad med pa la sogs pa'i yon tan gyi khyad par ro/ /phan gtags pa'i khyad par zhes bya ba ni lus kyi kha dog dang stobs la sogs pa'i khyad par ro/ /de la dmigs pa zhes bya ba rgyas par 'byung ba ni 'di la dmigs pa len pa po de yod pas na 'di ni de la dmigs pa'i sbyin pa'i sems

  28. 14b

    pa ste/ de yongs su bsgom pa'i rgyud yongs su 'gyur ba'i khyad par phra mo 'thob par 'gyur ro/ /'di ni chos nyid yin te zhes bya ba ni chos rnams kyi nus pa thog ma med pa yin no/ /ji ltar 'gyur zhes bya ba ni rgyud ji ltar 'bras bu shin tu mang po sngon par bsgrub par 'gyur snyam du bsams pa yin te/ 'di la ni gang zhig yongs su spyad nas za ba po rnams kyi yon tan gyi khyad par dang/ phan btags pa'i khyad par gyis yid gzhan dang ldan pa'i sbyin pa po rnams la yang zhes bya ba nas rgyas par nus par 'gyur ba zhes bya ba'i bar ram/ bsod nams nye bar skye ba kho nar 'gyur zhes bya ba'i bar du 'gyur ba lta bu sbyin pa po rnams kyis sbyin par bya ba dag yongs su spyod pa ni med do/ /de la dmigs pa'i sems pa la goms pas zhes bya ba ni de bzhin gshegs pa dang de'i nyan thos la dmigs pa'i sems pa la goms pas na gang gis na tshe phyi ma la 'bras bu ches mang po mngon par bsgrub nus par 'gyur pa rgyud yongs su 'gyur pa'i khyad par phra mo 'thob par 'gyur ro/ /rgyu ba dang 'dug pa dang mi nyal pa la ni de lta bur yang rigs nyal ba la go ji ltar zhe na/ de'i phyir rmi lam dag na yang de dag rjes su 'greng bar 'gyur ro zhes bya ba smos so/ /bye brag tu smra ba rnam par rig byed ma yin par smra ba'i ltar na rdzas las byung ba ma yin pa gang la rnam par rig byed med kyi thos na dga' ba dang rab tu dga' ba dge ba thob pa 'ba' zhig tu zad pas de la ji ltar rnam par rig byed ma yin par 'gyur te nyan pa po de la ni rnam par rig byed dang ting nge 'dzin dag med pa'i phyir la rnam par rig byed ma yin pa ni rnam par rig byed dam ting nge 'dzin las skye bar 'gyur bas so/ /rdzas las byung ba dag la yang zhes bya ba rgyas par 'byung ba ni kun dga' ra ba 'bul

  29. 15a

    ba la sogs pa la yang de la dmigs pa'i sems pa la goms par 'gyur te/ sems pa 'di la dmigs pa len pa po yod pas zhes bya ba snga ma bzhin no/ /smras pa/ gal te rdzas las byung ba dag la yang de ltar yang dang yang du de la dmigs pa'i sems pa la goms pas 'gyur na 'o na mdo las gang gsungs pa zhes bya ba rgyas par smos te/ sems kyi ting nge 'dzin zhes bya ba ni byams pa la sogs pa dang mtshungs par ldan pa'o/ /sems pa'i khyad par gang zhig yin zhes bya ba ni de la dmigs pa'i sems pa med pa yang sbyin pa po la yang bsod nams kyi rgyu mthun pa yod do zhes ston par byed do/ /bya ba'i 'bras bu yongs su rdzogs na zhes bya ba la/ bya ba ni las kyi lam dngos la sbyor ba yin no/ /'bras bu ni las kyi lam dngos te yongs su rdzogs na'o/ /tshul ni 'di nyid zhes bya ba ni bdag nyid kyi sbyor bas gzhan dag la gnod pa byas pa'i khyad par las byed pa po la rgyud yongs su 'gyur ba'i khyad par skye'o zhes bya ba thams cad sbyar ro/ /'bras bu la rgyu btags pa'i phyir ro zhes bya ba ni rgyud yongs su 'gyur ba'i khyad par las kyi lam yin no zhes bya ba la rgyud yongs su 'gyur pa'i khyad par ni 'bras bu yin pa las kyi lam ni rgyu yin no/ /lus dang ngag gi sbyor ba gang yin pa de'ang sems pa'i mtshan nyid kyi las lam yin pas 'bras bu de las kyi lam mo zhes rgyu nye bar btags pa yin no/ /lus dang ngag gi ni rgyud yongs su 'gyur ba'i bye brag de dag gi bya ba'i 'bras bu yin pa'i phyir te lus dang ngag gi bya ba'i 'bras bu yin pa'i phyir ro zhes bya ba'i tha tshig go /dper na rnam par rig byed ma yin pa smra ba rnams kyis rnams par rig byed ma yin pa lta

  30. 15b

    bu'o zhes bya ba ni dper na bye brag tu smra ba rnam par rig byed ma yin par smra ba rnams kyi ltar na rnam par rig byed ma yin pa na las kyi lam zhes bya ste/ 'bras bu la rgyur btags pa'i phyir ro/ /lus kyi dang ngag gi ni de dag gi bya ba'i 'bras bu yin pa'i phyir ro zhes bya ba lta bu yin no/ /btsun pas rnam par rig byed ma yin pa rdzas ma yin no/ /zhes bya ba rnam pa gzhan gyis bstan pa'i phyir/ zin pa'i phung po dag la zhes bya ba rgyas par smos te da ltar gyi phung po sems can du 'brang ba dag la dus gsum pa'i sems srog gcod pa'i kha na ma tho bas gsod pa po la reg par 'gyur ro zhe na/ 'di gang gi tshe gsad par bya'o/ /gsod do/ /bsad do snyam du sems pa na zhes bya ba smos te de ltar na 'dir ni sems pa kho na las yin par bshad do/ /slob dpon gyis btsun pa'i gzhung lugs shes la la ni 'dod la shes la la ni mi 'dod par bstan pa'i phyir/ de tsam gyis las kyi lam yongs su rdzogs pa ma yin gyi zhes rgyas par smos te/ gal te 'ga' zhig 'di skad du nga'i ma 'di song cig ces sbyor bar byed cing gshed ma song ba dang/ de 'di snyam du kyem 'dis bdag gi ma bsod snyam du sems par gyur na bsad par mngon pa'i nga rgyal byed pa de la mtshams med pa'i las su gyur pa zhig na de ltar yang mi 'dod do/ /de lta bas na btsun pas bdag nyid kyis gsod na zhes khyad par du byas nas brjod dgos so/ /de nyid kyi phyir ro/ bdag nyid kyis gsod pa na zhes bya ba rgyas par smos te/ sems pa de snyed cig kun tu 'byung ngo zhes bya ba ni bsad par bya'o/ /gsod do/ bsad do snyam pa yin no/ /rigs pa'i ngo bo nyid yin no zhes bya ba ni kha cig na re rig pa nyid rigs pa'i ngo bo yin pas ming du

  31. 16a

    gdags pa dang 'dra bar rang gi don la ngo bo'i rkyen yin te/ dper na ming nyid la ming du gdags pa zhes bya ba lta bu yin no zhes zer ro/ /yang na rigs par shes pa ni rigs pa'i ngo bo yin pa 'am 'di la rigs pa ngo bo ste/ ngo bo nyid yod pas na rigs pa'i ngo bo/ /de kho na dang 'dra bar mi mngon pa zhes bya ba ni ji ltar rnam par rig byed ma yin pa rtogs par dka' ba ltar rgyud yongs su gyur pa'i khyad par yang de kho na dang 'dra'o zhes bya ba yin no/ /sems kyi rgyud las byung ba'i lus kyi sbyor bas zhes bya ba ni sems sngon du 'gro ba can gyi lus kyi sbyor bas zhes bya ba'i tha tshig go /de dag dang tha dad par gyur pa zhes bya ba ni lus dang sems dag dang tha dad par gyur pa'o/ /gang gis byas pa'i sbyor ba las byung ba zhes bya ba ni gang zhig gis byas pa ni gang gis byas pa'o gang gis byas pa'i sbyor ba las byung ba'i bya ba yongs su rdzogs pa ni las kyi lam yongs su rdzogs pa ste/ sbyor ba byed sems dang sems las byung ba de kho na la de'i rgyu can te/ sbyor ba de'i rgyu can gyi rgyud yongs su 'gyur ba 'byung ngo zhes bya ba ni yongs su dga' bar 'gyur te/ kho cag? ces bya ba tshig lhag ma yin no sems dang sems las byung ba'i rgyud las tshe phyi ma la 'bras bu 'byung ba'i yang phyir gyi rnam par rig byed ma yin pa las byung ba'i phyir ni ma yin te ces na yongs su dga' bar 'gyur zhes bya bar sbyar ro/ /rnam par rig byed med pa'i phyir ro zhes bya ba de lta bu la sogs pa'o zhes bya ba ni kun nas slong bar byed pa'i chos med pa'i phyir kun nas bslang bar bya ba'i chos med do zhes bya ba'i tshig go /rnam par rig byed rdzas su med do zhes bya ba de ni bsgrubs zin to/ /sogs pa zhes bya ba'i sgras ni khas blangs nas mi byed pa'i phyir dang/ 'das pa'i 'byung ba chen po

  32. 16b

    rnams la yang brten nas 'dogs pa'i phyir la de dag kyang rang gi ngo bo med pa'i phyir dang zhes bya ba de lta la sogs pa bsdu'o/ /de nyid chos kyi skye mched du gtogs pa yin no zhes bya ba ni bsam gtan pa rnams kyi ting nge 'dzin gyi mthus ting nge 'dzin gyi gzugs 'byung ba gang yin pa ste/ de ni bstan du med pa'ang yin la thogs pa'ang yin no/ /re zhig khyod smos shig ces bya ba ni mthun pa yin no zhes 'don ste ma la khyod je smros shig ces bya ba yin no/ /gzhan dag na re chur shog je smros shig ces bya ba'i tha tshig go zhes zer ro/ /de'i phyir rgyu mtshan la zhes bya ba rgyas par 'byung ba ni gang gi phyir de lta yin pa de'i phyir rgyu mtshan rnam par rig byed ma yin pa la rgyu mtshan can yang dag pa'i ngag la sogs pa nye bar btags nas rnam par rig byed ma yin pa la der bshad de yang dag pa'i ngag dang las kyi mdza' dang 'tsho ba zhes bya bar bshad do zhes bya ba'i tha tshig go /de lta bu bsam pa dang lus zhes bya ba la bsam pa ni srog gcod pa la sogs pa mi byed pa'i bsam pa 'am dad pa la sogs pa'i bsam pa'o/ /lus ni rten yongs su gyur pa'o/ /de'i phyir rgyu mtshan bsam pa 'am lus la rgyu mtshan can yang dag pa'i dag la sogs pa nye bar btags pa byas nas lam gyi yan lag brgyad rnam par bzhag go /de dag mi byed pa tsam zhes bya ba ni log pa'i ngag la sogs pa mi byed pa tsam mo/ /de gang zhe na/ 'dis 'phags pa'i lam zhes bya ba rgyas par smos so/ /gal te mi byed pa tsam yan lag yin na/ de ji ltar zag pa med pa nyid yin zhe na/ de yang zag pa med pa'i lam la brten nas 'thob pa'i phyir zag pa med pa yin no zhes bya ba smos so/ /gal te mi byed pa tsam yan lag yin na rdzas su yod pa ma yin pas ji ltar yan lag brgyad yin zhe na/ de'i phyir thams cad du rdzas su yod pa'i chos yongs su bgrang

  33. 17a

    ba yang ma yin zhes bya ba rgyas par smos so/ /cho ga sngon du btang ba zhes bya ba ni tshul khrims ma nod pa'i cho ga sngon du btang ba'o/ /gal te sems gzhan dang ldan na ma bsdams par 'gyur ro zhes bya ba ni gal te sems pa sdom pa yin na sems de las gzhan pa'i sems dang ldan na ma bsdams par 'gyur te/ de'i tshe sems pa gang gis lus dang ngag ngag sdom par byed pa de ni med do/ /ma yin te/ de la goms pas zhes bya ba rgyas par 'byung ba ni de ni de lta ma yin te de la goms shing sems dang sems las byung ba'i rgyun goms pas bya ba'i dus de sems pa la sogs pa'i sems nye bar gnas pa na dran pa la ste/ bdag ni srog gcod pa la sogs pa spangs pa yin no snyam pa'i dran pa nye bar gnas pa'i phyir te sems gang gis lus dang ngag ngag sdom par byed de mngon du gyur pa'i phyir ro/ /de lta bu kho na'i don tu de yang dag par len to zhes bya ba ni ci nas kyang mi bya bar dam bcas pa 'di rjes su dran nas 'chal ba'i tshul khrims mi bya'o zhes bya ba yin no/ /brjed ngas pa 'gas kyang tshul khrims 'bra la bar mi 'gyur ro zhes bya ba ni de'i tshe rnam par rig byed ma yin pa chu lon lta bu 'chal pa'i tshul khrims kyi gegs byed pa de yod pas so/ /tshogs pa de nyid 'bras bu phra mo can yang yin la 'bras bu rags pa can yang yin par ni mi rung ngo zhes bya ba ni rnam par rig byed kyi rten sa sa khams la sogs pa 'byung ba chen po rnams kyi chogs? pa de nyid 'bras bu rnam par rig byed ma yin pa bstan du med cing thogs pa med pa can yin pa'i phyir 'bras bu phra mo can yang yin la 'bras bu rnam par rig byed bstan du yod cing thogs pa dang bcas pa yin pa'i phyir 'bras bu rags pa can yang yin par mi rung ngo/ /de lta bas na rnam

  34. 17b

    par rig byed ma yin pa ni 'byung ba chen po gzhan dang gzhan dag kho na rgyur byas nas skye'o/ /gang gi tshe rnam par rig byed yod pa zhes bya ba rgyas par 'byung ba gang gi tshe rnam par rigs byed 'byung ba ni gang gi tshe rnam par rig byed ma yin pa yod pa'o/ /de ltar de'i tshe yod pa ni 'byung ba chen po ste ci rnam par rig byed ma yin pa de gang gi tshe rnam par rig byed byung ba de'i tshe byung ba kho na na 'byung ba chen po dag rgyur byas nas skye 'am zhe na thams cad ces bya ba ni rgyur byas pa'i gzugs rnam par rig byed dang/ rnam par rig byed ma yin pa dang/ bsam gtan dang zag pa med pas bsdus pa dang/ mig dang rna ba dang gzugs dang sgra la sogs pa thams cad ni de ltar dus mnyam pa'i 'byung ba chen po dag kho na rgyur byas nas 'byung ngo/ /phal cher zhes bya ba smos pa ni 'dod pa na spyod pa'i rnam par rig byed ma yin pa cung zad cig bsal ba'i phyir ro/ /de nyid kyi phyir/ da ltar dang ma 'ongs pa cung zad cig ni 'das pa'i 'byung ba chen po dag rgyur byas nas 'byung ngo zhes bya ba smos te/ rgyur byas pa'i gzugs da ltar gyi cung zad cig ni 'das pa'i 'byung ba chen po dag rgyur byas nas 'byung la/ rgyur byas pa'i gzugs ma 'ongs pa cung zad cig ni 'das pa'i 'byung ba chen po dag rgyur byas nas 'byung ngo/ /rgyur byas pa'i gzugs de lta bu de yang gang zhe na bstan pa'i phyir/ 'dod rtogs rnam rig min skad cig /phyin chad 'das pa'i 'byung las skye zhes bya ba smos te/ 'dod pa na spyod pa'i rnam par rig byed ma yin pa ni sdom pa la sogs pa mnod pa'i tshe/ lhan cig skye ba'i 'byung ba chen po dag rgyur byas 'byung la/ de bzhin du rnam par rig byed ma yin pa gzhan yang de dag kho na rgyur byas nas 'byung ngo/ /'di ltar de dag ni 'di'i gzhi'i don du 'gyur te/ ji ltar rgyur byas pa'i gzugs gzhan dag gi gzhi da ltar

  35. 18a

    byung ba'i 'byung ba chen po rnams yin pa de bzhin du de'i rten ni 'das pa rnams yin no/ /'jug pa dang rjes su 'jug pa'i rgyu yin pa'i phyir go rims bzhin zhes bya ba ni 'das pa'i 'byung ba chen po dag ni 'jug pa'i rgyu yin zhing 'phan pa'i rgyu yin pa'i phyir gzhi'i don du 'gyur ro /da ltar byung ba'i lus kyi 'byung ba chen po dag ni rjes su 'jug pa'i rgyu yin zhing brten par byed pa'i rgyu yin pa'i phyir rten gyi don du 'gyur ro/ /'khor lo bzhin zhes bya ba ni ji ltar 'khor lo lag pas 'dril ba lta bu ni 'di'i 'jug pa'i rgyu yin no/ ji ltar sa'i phyogs de lta bu ni rjes su 'jug pa'i rgyu yin no/ /dus des pa dris nas yang gang na yod pa'i zhes bya ba rgyas par sa nges par 'dri ste/ /bsam gtan bzhi pa'i sa pa'i du zhes bya ba ni gzugs med pa dag na 'byung ba dang 'byung ba las gyur pa med pa'i phyir ro/ /khams su ma gtogs pa'i phyir zhes bya ba ni zag pa med pa'i lus dang ngag gi las ni khams dang ldan pa ma yin pa'i phyir nges pa med do snyam du bsams pa yin no/ /'o na ci'i phyir zag pa med pa'i 'byung ba chen po rnams rgyur byas nas mi 'byung zhe na/ de'i phyir/ zag pa med pa rnams las 'byung ba dag med pa'i phyir zhes bya ba smos yang 'di la 'byung ba chen po dag gis byar ci yod snyam na/ de'i phyir de'i stobs kyis skye ba'i phyir ro zhes bya ba smos te 'byung ba'i stobs kyis skyed pa'i phyir ro zhes bya ba'i tha tshig go /ji ste de skye ba ci'i phyir sems kyi stobs kho nas mi 'gyur zhe na/ rgyur byas pa'i gzugs ma yin pa nyid du thal bar 'gyur ba'i phyir ro/ /rnam rig byed min ma zin dang zhes bya ba ni lus can ma yin pas sems dang sems las byung ba'i rten gyi dngos por mi rung ba'i phyir ro/ /rgyu mthun

  36. 18b

    las byung zhes bya ba ni dge ba dang mi dge ba yin pa'i phyir rnam par smin pa las skyes pa ni ma yin te/ rnam rig min lung bstan min med ces 'byung ba'i phyir ro/ /rnam par smin pa yang rnam smin lung du ma bstan chos zhes 'byung bas lung du ma bstan pa yin pa'i phyir ro/ /bsags pa med pa'i phyir rgyas pa las byung ba yang ma yin pas shugs kyis na rgyu mthun pa las byung ba yin no/ /sems can gyi rgyud du gtogs pa'i phyir sems can du ston pa yin no/ /rgyu mthun zin pa'i 'byung las skye zhes bya ba ni mthun pa dang zin pa'i 'byung ba chen po las skye ba yin te/ kun nas slong bar byed pa'i sems la ltos pa'i phyir dang/ mnyam par ma gzhag pa'i phyir sems kyi rnam par rig byed kyi skabs yin pa'i phyir nyid dang ting nge 'dzin gyis rgyas par byas pa'i 'byung ba chen po las skyes pa ma yin no/ /de nyid kyi phyir rnam par smin pa'i 'byung ba chen po las skyes pa yang ma yin no/ / ting nge 'dzin skyes zhes bya ba rgyas par 'byung ba ni bsam gtan dang zag pa med pa'i sdom pa'i rnam par rig byed ma yin pa zag pa dang bcas pa dang zag pa med pa'i ting nge 'dzin las skyes pa'i phyir ting nge 'dzin las skyes ba zhes bya'o/ /ma zin pa'i 'byung ba chen po dag rgyur byas nas zhes bya ba ni mnyam par bzhag pa'i sems kyi dbang gis lus de la sems kyi rjes su 'jug pa 'byung ba'i phyir te zin pa'i 'byung ba chen po rnams ni 'gog pa'i snyoms par 'jug pa la sogs pa'i gnas skabs dag na sems med par yang 'byung ngo/ /tshig kyal ba spong ba'i bar du zhes bya ba'i sgras ni ma byin par len pa dang 'dod pa log par g.yem pa dang/

  37. 19a

    rdzun du smra ba dang/ phra ma dang/ ngag rtsub po dang/ tshig kyal pa spong ba bsdu'o/ /sems bzhin du 'byung ba tha mi dad pa'i phyir ro zhes bya ba ni ji ltar de skyed par byed pa'i sems tha dad pa ma yin pa de bzhin du skyed par byed pa'i 'byung ba rnams kyang tha mi dad pa kho na yin no/ /'byung ba chen po dag ni rten gyi don gyis rnam par rig byed ma yin pa'i gzhir gyur pa ma yin no/ /'o na ci zhe na/ de 'jug par byed pa'i don gyis te/ de lta bas na 'byung ba tha mi dad pa las skye'o zhes smos pa 'gal ba med do/ /so sor thar pa'i sdom pa ni 'byung ba gzhan dang gzhan dag ces bya ba ni sems kyi rjes su 'jug pa ma yin pa'i phyir ro/ /rnam par rig byed ni rgyu mthun pa las byung ba ste zhes bya ba ni 'phen pa'i dbang gis rjes su 'jug pa'i phyir ro/ /lus kyi ni zin pa yin no zhes bya ba ni dag gi ni ma yin no zhes bya ba'i tha tshig ste/ lus kyis ni lus kyi 'byung ba chen po dang tha mi dad par 'jug pa'i phyir la de'i rten 'byung ba chen po rnams kyang zin pa yin pas so/ /ngag ni ma yin te/ de dag dang tha dad par 'jug pa'i phyir ro/ /'dir 'di ni bstan bcos dang 'gal ba yin te/ 'di skad du/ dge bsnyen gyi bslab pa'i gzhi gang yin pa dag las zin pa ni du/ ma zin pa ni du zhe na/ smras pa/ thams cad ma zin pa yin no zhes bshad do zhes rgol bar byed na/ de skad du bstan pa ni rnam par rig byed ma yin pa'i mtshan nyid kyi bslab pa'i gzhi las dgongs te gsungs pa'i phyir ram/ phal che ba bstan pa'i phyir nyes pa med do/ /yang rgyun chags pa'i phyir 'di bye brag tu smra

  38. 19b

    ba ma yin par 'gyur ro zhes bya ba ni dbyibs gcig skyes na dbyibs cig shos ldog pa med pa'i phyir ro/ /ji ltar zhes bya ba rgyas par dbyibs gnyis 'grub par 'gyur zhes bya ba'i bar 'byung ba ni phan tshun go skabs mi 'byed pa'i phyir ro/ /de'i 'byung ba chen po dag gis mngon par khyab pa'i phyir zhes bya ba ni rnam par rig byed kyi rten gyi 'byung ba chen po dag gi lus mngon par khyab pa'i phyir ro/ /rnam par rig byed kyi 'byung ba chen po dag gis ma khyab par 'dug go zhes brjod par mi nus pa ma yin no/ /mngon par ma khyab na ni ji ltar na yan lag zad par gyis rnam par rig par byed par 'gyur/ 'di lus kyi phyogs gcig gi rnam par rig byed kyi lus thams cad kyis ni ma yin pas lus de rnam par rig byed kyi rten gyi 'byung ba chen po dag gis ma khyab par 'dug go zhes brjod par ni nus pa ma yin no/ /lus la gseb yod pa'i phyir de dag gi go skabs yod do zhes bya ba ni mngon par khyab du zin kyang yan lag chen por mi 'gyur te/ lus la gseb yod pa yid kyis gseb gseb du zhugs pa'i phyir ro/ /'o na ni yan lag de mkhregs pa 'am lci bar 'gyur ro zhe na mi 'gyur te/ phra ba'i phyir ro/ /rnam pa gnyis dang rnam pa gsum dang rnam pa lngar bshad ces bya ba ni de ni sems pa dang des byas zhes 'byung ba'i phyir rnam pa gnyis su bshad pa yin no/ /sems pa yid kyi las yin no/ /des skyed lus ngag gi las zhes 'byung ba'i phyir rnam pa gsum du bshad pa yin no lo/ /de dag rnam rig rnam rig min zhes 'byung bas lus dang ngag gi las rnam par rig byed dang/ rnam par rig byed ma yin pa tha dad pa'i phyir dang/ lnga pa yid kyi las yin pa'i phyir rnam pa lngar bshad pa yin no/ /rnam rig min lung bstan min ces bya ba ni don gyis na rnam

  39. 20a

    par rig byed ma yin pa ni dge ba dang mi dge ba kho na yin no zhes bshad par 'gyur ro/ /las stobs dang ldan pa zhes bya ba ni/ rnam par rig byed ma yin pa'i mtshan nyid do/ /yang sgras ni 'dod pa na yang yod do zhes bya ba na yang zhes bya ba'i sgra'ang zhes bya ba'i sgra'i don yin pas ni 'dod pa'i khams na yod pa 'dren par byed do /zag pa med pa'i rnam par rig byed ma yin pa bzhin no zhes bya ba ni dper na re zhig zag pa med pa'i rnam par rig byed ma yin pa la zag pa med pa'i 'byung ba dag med mod kyi 'on kyang de ni sa gang du skyed de de skyed par byed pa de'i sa pa'i 'byung ba chen po rnams rgyur byas nas skye ba de bzhin du re zhig gzugs med na spyod pa'i 'byung ba chen po dag kyang med mod kyi 'on kyang sa gang du skyes te gzugs med pa skyed par byed pa de'i sa pa'i 'byung ba rnams rgyur byas nas gzugs med pa na spyod pa'i rnam par rig byed ma yin pa skye bar 'gyur ro zhe na ma yin te/ khams ma gtags pa'i phyir ro zhes bya ba ni de dang mi 'dra ba'i phyir ma yin te/ 'di ltar zag pa med pa'i rnam par rig byed ma yin pa ni 'dod pa dang/ gzugs dang/ gzugs med pa na spyod pa'i sred pa dag gis bdag gang? ma byas pa'i phyir khams su ma gtogs pa yin no/ /de ni khams sam sa'i sgo nas kyang rung ste/ 'byung ba chen po skal pa mnyam pa'ang med la skal pa mi mnyam pa dag kyang med pa nyid de'i phyir gang du skyed pa da na yod pa'i 'byung ba chen po rnams rgyur byas nas skye'o/ /gzugs med pa na spyod pa'i rnam par rig byed ma yin pa ni skal ba mi mnyam pa 'dod pa dang gzugs na spyod pa'i 'byung ba rgyur byas nas skye bar 'ongs pa ma yin te/ khams gsum pa'i phyir snyam du bsams pa yin no/ /gzhan yang gzugs thams cad la rgyab kyi phyogs pa'i phyir yang gzugs med pa'i snyoms par 'jug pa'i gzugs bskyed par mi nus kyi gzugs sa'i zag pa med pa'i snyoms par 'jug pas

  40. 20b

    ni gzugs bskyed par nus te/ rnam par rig byed ma yin par bskyed pa zhes bya ba'i tha tshig go /ci'i phyir zhe na/ gzugs thams cad la rgyab kyi phyogs pa'i phyir ro snyam du bsams pa yin no/ /yang ji ltar gzugs med pa'i snyams par 'jug pa gzugs thams cad la rgyab kyis phyogs pa zhe na/ de'i phyir gzugs kyi 'du shes dang bral ba'i phyir ro zhes bya ba smos te/ gzugs kyi 'du shes dang bral bar 'gyur ba'i phyir zhes bya ba'i tha tshig go /tshul khrims ni 'chal pa'i tshul khrims kyi gnyen po yin la zhes bya ba rgyas par 'byung ba ni 'dod pa na spyod pa'i 'chal pa'i tshul khrims ni mi dge ba kun nas slong pa'i phyir de'i gnyen po gzugs kyi sa pa'i tshul khrims rnam par rig byed ma yin pa'i mtshan nyid yin no zhes bya ba ni rung ngo/ /gal te gzugs med pa na spyod pa yang de dang 'dra bar 'gyur ro zhe na/ de'i phyir gzugs med pa rnams ni 'dod pa'i khams nas zhes bya ba rgyas par smos te gzugs med pa'i khams dag ni 'dod pa'i khams nas ring ba nyid bzhis ring ba bzhin no/ /ring ba'i phyir gzugs med pas bsdus pa'i tshul khrims ni 'dod pa'i khams kyi gnyen po yin par mi rung ste/ ring ba nyid bzhi ni gong du bshad zin pas yang mi bshad do/ /'di dper brjod pa ni gnyen po rang ba nyid yin no/ /rnam rig dpyod dang bcas pa dag na zhes bya ba ni spyod ba dang bcas pa'i sa kho na dag na yod zhes nges par gzung ba'i phyir brtsams pa yin te/ brtags shing dpyad nas ni tshig tu smra bas lus dang ngag gis las dag ni rtog pa dpyod pa sngon du 'gro ba can yin pa'i phyir ro/ /'dod pa na yang bsgribs pa med ces bya ba ni dpyod pa med pa'i sa dag na med pa 'ba' zhig tu ma zad kyi zhes bya bar ston te/ tshangs pa'i 'jig rten kho na yod zhes bshad pa yin no/ /de yan chad ces bya ba ni tshangs pa'i 'jig rten yan chad do/ /phyi'i 'byung ba chen po rgyur byas pa ni rlung

  41. 21a

    la sogs pa'i sgra skye mched do/ /'di ni rnam par rig byed kyi sgra dgag pa lhung bya bar smos pa yin gyi phyi'i 'byung ba chen po rgyur byas pa kho na yod pa ni ma yin te bsam gtan gnyis pa la sogs pa na ni lag pa la sogs pa yang srid do/ /de lta ma yin na bstan bcos dang 'gal bar 'gyur te/ de ltar bstan bcos las ni/ gang zhig sgra'i khams dang ldan zhe na/ smras pa/ 'dod pa dang gzugs na spyod pa'o/ /gang zhig mi ldan zhe na/ smras pa/ gzugs med pa na spyod pa'o zhes bshad de/ thob dang ma thob dang rgyud du/ gtogs pa rnams kyi zhes 'byung ba'i phyir sems can du mi 'grang ba'i phyi rol gyi dang ldan par rung ba ma yin no/ /nyes ba 'di nyid spang ba'i phyir gzhan dag na re zhes bya ba smos te/ bsam gtan gnyis pa la sogs pa na yang rnam par rig byed yod do zhes bya ba yin no/ /gang gis pa zhig yin zhe na/ bsam gtan dang po'i sa pa'i 'o/ /'di ni bye brag tu smra ba kho na'i phyogs yin pa zad kyi phyogs gzhan ni ma yin te/ grub pa'i mdza' las/ gnyis pa sogs na lus mig dang/ rna ba'i rnam shes rnam rig slong/ /gang yin de ni dang por gtogs/ /de lung ma bstan nyon mongs min zhes 'byung ba'i phyir ro/ /phyogs gzhan de bsam gtan gnyis pa la sogs pa'i sa pa yin no/ /de yang ci lung du ma bstan pa zhig gam 'on te lung du bstan pa zhig ce na/ de'i phyir ma bsgribs la lung du ma bstan pa'i rnam par rig byed ni yod kyi dge ba'ang med la nyon mongs pa can yang med do zhes bya ba smos te/ de na gnas pa phan tshun kun tu smra ba sogs pa byed nam bsgribs la lung du ma bstan pa'i rnam par rig byed 'byung ngo// //bam po sum cu so gcig

  42. 21b

    pa/ /ci'i phyir dge ba'ang med la nyon mongs pa can yang med ce na/ de dag tu skyes pa ni zhes bya ba rgyas par smos te/ bsam gtan gnyis pa la sogs par skyes pa ni sa 'og ma pa'i sems de sems gang gis dge ba 'am nyon mongs pa can gyi rnam par rig byed kun nas slong bar 'gyur ba de lta bu ste/ dge ba dang nyon mongs pa can lta bu mngon sum du mi byed do/ /ci'i phyir zhe na/ dman pa dang spangs zin pa'i phyir ro zhes bya ba smos te/ sa 'og ma pa'i dge ba ni dman pa'i phyir dang spangs pa'i phyir mngon du mi byed la/ nyon mongs pa can yang ma yin pas shugs kyis na 'di skad du sa 'og ma pa'i sems lung du ma bstan pa gang gis na de kun nas slong bar byed pa ste mngon sum du byed do zhes bshad pa yin no/ /de bas na 'di skad du sa gong ma pa'i rnam par rig byed ni sa 'og ma pa'i sems kyis slong bar byed do zhes bshad pa yin no/ /bye brag tu smra ba rnams ni de de ltar mi 'dod de rnam par rig byed de bsam gtan dang po'i sems kyis kun nas bslang ba'i phyir bsam gtan dang po'i sa pa kho na yin no zhe'o/ /de lta bas na snga ma kho na brjod do zhes bya ba smos so/ /de yang 'dod pa'i khams na med do zhes bya ba ni bsgribs la lung du ma bstan pa'i sems bsgom pas spang bar bya ba de yang 'dod pa'i khams na med de 'dod pa'i khams na ni bsgribs la lung du ma bstan pa 'jig tshogs dang/ mthar 'dzin par lta ba dang mtshungs par ldan pa kho na yod bar 'dod la/ kha nang du bltas pa yin pa'i phyir des kyang rnam par rig byed ni kun nas slong bar mi byed do/ /ngo bo nyid ces bya ba ni bdag nyid kyis so/ /mchog tu bde ba'i phyir zhes bya ba ni mi bde ba dang rjes su 'brel pa dag kyang

  43. 22a

    med pa'i phyir te/ ngo bo nyid dang mtshungs par ldan pa dang kun nas slong bar dge ba gang yin pa de ni mchog tu bde ba ma yin no zhes bshad pa yin no/ /de dag dang mtshungs par mi ldan pa rnams la dge ba nyid med pa'i phyir zhes bya ba ni dge ba'i rtsa ba la sogs pa dang mtshungs par mi ldan pa'i sems la sogs pa la dge ba nyid med pa'i phyir de dag dang mtshungs par ldan pa ni dge ba nyid yin par grub po/ /dge ba'i rtsa ba la sogs pa dang mtshungs par ldan pa'i chos de dag kho na zhes bya ba la sogs pa zhes bya ba'i sgras ni ngo tsha shes pa dang khrel yod pa dag bsdu'o/ /sman dang sbyar ba'i btung ba las byung ba'i 'o ma bzhin no/ zhes bya ba ni sman dang sbyar ba'i btung ba 'thungs pa'i ba las byung ba'i 'o ma gang yin pa de ni sman dang sbyar ba'i btung ba las byung ba'i 'o ma'o/ /skal ba mi mnyam pa'i sems kyis kun nas bslang ba'i thob pa rnams zhes bya ba rgyas par 'byung ba ni dge ba'i thob pa skal ba mi mnyam pa'i sems kyis kun nas bslang ba rnams so/ /skal ba mi mnyam pa'i sems ni dge? ba las gzhan pa yin te/ the tshom gyis dge ba'i rtsa ba'i mtshams sbyor bar byed pa na dge ba rnams kyi thob pa gang yin pa de dag re zhig yongs su mya ngan las 'das pa bzhin du dge ba nyid ma yin te/ mchog tu bde ba ma yin pa'i phyir ro/ /ma chags pa la sogs pa bzhin du ngo bo nyid kyis dge ba yang ma yin te/ de'i ngo bo nyid ma yin pa'i phyir ro/ /tshor ba la sogs pa bzhin du mtshungs par ldan pas kyang ma yin no/ /ldan pa ma yin pa yin pa'i phyir ro/ /kun nas slong ba las kyang ma yin te/ de kun nas slong

  44. 22b

    bar byed pa'i sems nyon mongs pa can yin pa'i phyir ro/ /de bzhin du yang srid par nying mtshams sbyor ba'i tshe skyes nas 'thob pa'i 'thob pa dag ji ltar dge ba nyid yin pa yang brjod par bya'o/ ji ltar dge ba nyid yin pa ni brjod dgos so zhes bya ba 'di la 'bad par bya dgos so snyam du bsams pa yin no/ /'di la dge ba'i rtsa bas kun nas bslang bar bya ba yin pa'i phyir de dag ni ma 'ongs pa'i gnas skabs nyid na dag pa yin la nyon mongs pa can gyi sems kyis ni de dag gi thob pa'i gegs sel bar byed kyi dge ba nyid du byed pa ni med do zhes lan 'debs par byed do/ /sdug bsngal thams cad 'jug pa'i bdag nyid kyis zhes bya ba ni 'di la sdug bsngal thams cad 'jug pa'i bdag nyid de ngo bo nyid yod pas sdug bsngal thams cad 'jug pa'i bdag nyid do/ /nges na 'khor ba ni don dam par mi dge ba yin no/ /lus dang ngag gi las dang skye ba la sogs pa zhes bya ba ni lus dang ngag gi las rnam par rig byed dang rnam par rig byed ma yin pa'i ngo bo nyid sdom pa yang ma yin sdom pa ma yin pa yang ma yin pas bsdus pa dang skye ba la sogs pa ste/ skye ba dang/ rga ba dang/ gnas pa dang/ mi rtag pa nyid kyi mtshan nyid dang/ rjes kyi mtshan nyid kyi ngo bo nyid rnams dang/ mi dge ba dag gi thob pa rnams so/ /nad dang mi 'phrod pa'i sman la sogs pas dper bya'o zhes bya ba ni 'khor ba'i dpe ni nad kyis bya ste/ 'khor ba ni nad dang 'dra'o zhes bya ba'i tha tshig go /chags pa la sogs pa'i dpe ni mi 'phrod pa'i sman gyis bya ste/ gzhan dang mtshungs par ldan pa dang kun bslang ba la mi bltos pa'i phyir ro/ /de dag dang mtshungs bar ldan pa'i dpe ni mi 'phrod pa'i sman dang sbyar ba'i btung bas bya'o/ /lus dang ngag gi las dang skye ba la

  45. 23a

    sogs pa dang thob pa rnams kyi dpe ni 'phrod dang sbyar ba'i btung ba las byung ba'i 'o mas bya'o/ /de lta na 'o na ni zhes bya ba ni gal te 'khor ba don dam par mi dge ba yin na zag pa dang bcas pa ni 'khor ba'i khongs su gtogs pa'i phyir zag pa dang bcas pa cung zad kyang lung du ma bstan pa 'am dge bar mi 'gyur ro zhe na/ don dam par de skad du bshad kyi zhes bya ba ni 'khor ba'i khongs su gtogs pa thams cad mi dge ba yin no zhes bya ba 'di ni khas len to/ /rnam par smin pa'i phyir zhes bya ba rgyas par 'byung ba ni gang zhig 'di ni rnam par smin pa dang bcas pa yin no zhes bya bar rnam par smin pa'i phyir lung du ma bstan pa de ni lung du ma bstan pa zhes bya'o/ /'di skad du zag pa dang bcas pa gang zhig pa de ni don dum par mi bde ba'i phyir mi dge ba mang yin la/ rnam par smin pa'i phyir lung du ma bstan pa yang ma yin no zhes bshad par 'gyur ro/ /dge ba yang de kho na bzhin du mi dge ba yang yin la rnam par smin pa yid du 'ong ba can yin pa'i phyir dge ba'ang yin no zhes bya bar khong du chud par bya'o/ /gal te kun nas slong ba'i dbang gis zhes bya ba rgyas par 'byung ba ni sems pa kho na dge ba dang mi dge ba nyid yin no snyam pa'i bsam pa 'dis lus dang ngag gi las kyi dge ba dang mi dge ba spyod pa yin no/ /ci ste 'byung ba chen po rnams la yin zhes bya ba ni dge ba dang mi dge ba nyid de/ dge ba dang mi dge ba'i sems kyis ni lus dang ngag gi las dang/ de dag gi 'byung ba chen po rnams kyang kun nas slong/ bar byed do/ / bye brag tu smra bas smras pa/ byed pa po ni las la sems pa yin gyi/ 'byung ba chen po dag bya'o snyam du 'byung ba rnams la ni ma yin no/ /'o na ci zhe na las 'di bya'o snyom du sems pa yin pas 'byung ba chen po rnams ni las las bzhin

  46. 23b

    du dge ba nyid ma yin no/ /slob dpon gyis bshad pa mnyam par gzhag pa'i rnam par rig byed ma yin pa la ni/ byed pa po la rnam par rig pa po la rnam par rig byed ma yin pa bya'o snyam du bsam pa med do/ /mnyam par ma gzhag pa'i sems ni sa'i sgo nas mnyam par gzhag pa ma yin pas skal ba mi mnyam zhing mi 'dra ba'i phyir de kun nas slong bar byed pa de lta bur sems par byed pa gang yin pa yod pa ma yin pa yod pa ma yin na ji ltar mnyam par gzhag pa'i rnam par rig byed ma yin pa de dge ba nyid yin te/ de ni 'byung ba chen po bzhin du dge ba nyid yin par mi 'gyur ro snyam du bsams pa yin no/ /yang na lha'i mig dang rna ba dag kyang dge ba nyid du thal bar 'gyur zhes bya ba ni gal te sems pa med du zin kyang rnam par rig byed ma yin pa dge ba nyid yin na zhes bya ba yin no/ /yang na 'di'i 'brel pa ni 'di yin te/ gal te skal ba mi mnyam pa dang mnyam par bzhag pa ma yin pa'i sems kyi dbang gis de dge ba yin na/ lha'i mig dang rna ba dag kyang sbyor ba'i tshe de dag la sems pa yod pa'i phyir dge ba nyid yin par thal bar 'gyur ba zhig na/ rna mig mngon par shes lung ma bstan ces 'byung ba'i phyir de gnyis la ni dge ba nyid kyang med do/ /mthong bas na stang bar bya ba ni kha nang du bltas 'jug pa'i phyir de skad du smra bas mthong bas spang bar bya ba'i sems ni rnam par rig byed kun nas slong bar byed pa ma yin no zhes gang bshad pa/ 'o na ci'i phyir bcom ldan 'das kyis gsungs zhe na zhes bya ba'i tshig gi don ni/ de ni bcom ldan 'das kyis gsungs pa dang 'gal lo zhes bya ba yin no/ /de yang gang zhe na/ log par lta ba de las ni zhes bya ba rgyas par smos te/ ji ltar log par lta ba mthong bas spang bar bya ba

  47. 24a

    las log pa'i ngag rnam par rig byed kyi ngo bo nyid dang/ log pa'i las kyi mdza' de'i ngo bo nyid kho na 'byung bar 'gyur ro zhes gsungs so/ rgyu dang ni/ de'i dus kyi slong zhes bya zhes bya ba ni rgyu'i slong ba dang de'i dus kyi slong ba ni rgyu dang de'i dus kyi slong ba'o// rgyu dang de'i dus kyi slong ba zhes ming btags pa ni rgyu dang de'i dus kyi slong ba zhes bya ba ste/ zhes bya zhes bya ba ni ming du btags pa'o/ /yang 'di la rgyu dang de'i dus kyi slong ba zhes bya ba yod pas na/ rgyu dang de'i dus kyi slong ba zhes bya ba can yin te/ rgyu dang de'i dus kyi slong ba zhes bya ste/ rgyu dang dus kyi slong ba zhes par ming du btags pa yin no/ /rgyu kun nas slong ba zhes bya ba ni 'dis kun nas slong na slong ba'o/ /de ni rgyu yin la 'di ni kun nas slong ba yang yin pas rgyu'i kun nas slong ba'o/ /de'i dus kyi kun nas slong ba zhes bya ba ni dus de ste bya ba ni dus te ste bya pa'i dus so/ /dus der kun nas slong ba ni de'i dus kyi kun nas slong pa'o/ /de'i dus kho na de yod pa'i phyir ro zhes bya ba ni bya ba'i dus kho na na de'i dus kyi kun nas slong ba yod pa'i phyir ro zhes bya ba'i tha tshig go /'phen par byed pa yin pa'i phyir zhes bya ba ni skyed par byed pa yin pa'i phyir ro/ /da ni bya ba de la de'i nus pa ci zhig yod ces bya ba ni da ni rnam par rig byed kyi bya ba de la de'i dus kyi kun nas slong bar byed pa de'i nus pa ji zhig yod na gang gis na de'i tshe de'i rjes su 'jug par byed pa yin no zhes bya bar brjod do/ /de med na zhes bya ba rgyas par 'byung ba ni/ rgyu'i kun nas slong bas 'phangs su zin cing bskyed du zin kyang de'i dus kyi kun nas slong ba de med na shi ba bzhin du rnam par rig byed de yod par mi 'gyur te/ dper na 'ga' zhig grong du 'gro bar bya'o zhes bya 'phangs nas bar ma dor shi de la rjes su 'jug par byed par sems med pa'i phyir 'gro bar mi 'gyur ba de dang 'dra'o/ /'o na sems med pa'i sdom pa skye ba la zhes bya

  48. 24b

    ba rgyas par 'byung ba ni/ gal te de'i dus nas slong ba med pa na shi ba bzhin du de yod par mi 'gyur na 'gog pa'i snyoms par 'jug pa thob pas bsnyen par rdzogs par bya ba la lus kyi rnam par rig byed byas pa 'ga' zhig de'i tshe 'gog pa'i snyoms par 'jug pa nye bar gnas pa'i phyir sems med pa'i sdom pa skye ba la de'i sdom par gtogs pa lus kyi rnam par rig byed las brjod pa'i 'jug tu byung ji ltar yod de/ de'i dus kyi kun nas slong ba med na/ ji ltar 'byung bar 'gyur zhes bya ba'i tha tshig go /de ltar 'gal bar bshad pa dang/ 'o na ni sems dang bcas pa la ches 'gal ba yin zhes bya ba lan gzhan la brten par byed de/ de'i dus kyi kun nas slong bas ni sems dang bcas pa la rnam par byed ces gsal bar 'byung bas de'i nus pa ni de yin no/ /mthong bas spang bya'i rnam shes ni/ rab tu 'jug byed yin zhes bya ba ni mthong bas spang bar bya ba ni rab tu 'jug par byed pa kho na yin no zhes nges par bzung ba yin no/ /ji ltar de rab tu 'jug par byed pa yin zhe na kun nas slong bar byed pa rtog pa dang dpyod pa dag gi gzhir gyur cing rgyur gyur ba'i phyir rnam par rig byed rab tu 'jug par byed pa yin no/ /rjes su 'jug par byed pa ni ma yin no zhes bya ba rgyas par 'byung ba ni sems kha phyir bltas pa rjes su 'jug par byed pa gang yin pa de'i rnam par rig byed kyi bya ba'i dus gang yin pa de na de med pa'i phyir ro/ /rab tu 'jug par byed pa mthong bas spang bar bya ba med pa'i phyir zhes bya ba'i tha tshig ste/ de'i phyir de ni rjes su 'jug par byed pa ma yin no/ / nyes pa gzhan des kun nas bslang ba'i gzugs zhes bya ba rgyas par 'byung ba 'di yang yod de/ gal te mthong bas spang bar bya ba de yang/ de rjes su 'jug par byed pa yin na ji ltar bsgom pas spang bar bya ba'i sems kyi kun nas bslang ba'i

  49. 25a

    lus dang ngag gi las bsgom pas spang bar bya ba yin pa ltar mthong bas spang bar bya ba de'i sems des kun nas bslang ba'i lus ngag gi rnam par rig byed kyi gzugs kyang mthong bas spang bar bya ba yin par 'gyur ro/ /cir 'gyur zhes bya ba ni rgol bar byed pa'o/ /bye brag tu smra bas chos mngon pa la gnod par 'gyur ro zhes bya ba smos te/ nyon mongs can min mthong spang min/ /gzugs min zhes 'byung ba'i phyir ro/ /gzhan yang rig pa dang ma rig pa dag dang mi 'gal ba'i phyir te/ gzugs de ni 'jig tshogs la lta ba la sogs pa bzhin no rig pa mthong ba'i lam dang mi 'gal ba'i phyir te/ ma spangs pa'i phyir zhes bya ba'i tha tshig go /de'i phyir de ni bden pa mthong ba rnams kyang de dang ldan pas gzugs ni mthong bas spang bar bya ba med do/ /ma rig pa dang 'gal ba yang med pa'i phyir te/ ji ltar zag pa med pa'i lam so so'i skye bo'i gnas skabs na de mi skye ba'i phyir la de skyes te 'phags pa'i gnas skabs na ni ma rig pa kha cig spangs pa'i phyir ma rig pa dang 'gal ba ltar gzugs ni ma rig pa dang 'gal ba med de/ nyon mongs pa can dang nyon mongs pa can ma yin pa'i gzugs kun tu 'byung ba'i gnas skabs sam/ de'i thob pa'i rgyun chags pa'i tshe yang ma rig pa mi 'byung ba ma yin la ma rig pa yod na yang mi 'byung ba ma rig pa yod na yang de ma yin pas yin no/ de lta bu yin la zag pa med pa bzhin du spang bar bya ba ma yin pa yin no/ /gal te spang bar bya ba ma yin pa yang ma yin la mthong bas spang bar bya ba yang yin na shugs kyis sgom pas spang bar bya ba yin no zhes bya ba grub po/ /cig shos kyis gzugs rig pa dang mi 'gal

  50. 25b

    lo zhes bya ba'i phyogs 'di ni bsgrub par bya ba yin no zhes bya ba smras te/ gang zhig gzugs mthong bas spang bar bya ba yin pas 'dod de ji ltar gzugs rig pa dang mi 'gal bar 'dzin par 'gyur bye brag tu smra bas 'o na ni sems mtshungs pas bslang ba'i phyir 'byung ba rnams kyang zhes bya ba rgyas par smos te/ gal te mthong bas spang bar bya ba'i sems kyis kun nas bslang ba'i gzugs mthong bas spang bar bya ba yin par gyur na 'o na ni de'i rten 'byung ba rnams kyang mthong bas spang bar 'gyur ro/ /ci'i phyir zhe na/ sems mtshungs par blangs pa'i phyir te/ mthong bas spang bar bya ba'i sems gang gis gzugs de kun nas bslang pa de nyid kyis de'i rten gyi 'byung ba rnams kyang bslang bas so/ /de dag ni de lta bu yin par yang mi 'os te/ nyon mongs pa can ma yin pa'i lung du ma bstan pa yin pa'i phyir lam mthong bas spang bar bya ngas spang ba bya ba rnams ni nyon mongs pa can yin pa'i phyir ro/ /cig shos kyis de ltar ni 'gyur te zhes bya ba smras te/ mthong bas spang bar bya ba dag tu mi 'gyur ro/ /ji lta zhe na/ smras pa/ ji ltar dge ba dang mi dge ba dag tu mi 'gyur ba bzhin te/ ji ltar dge ba dang mi dge ba'i sems gang gis dge ba dang mi dge ba'i gzugs kun nas bslang ba de nyid kyis de'i rten gyis 'byung ba rnams kyang kun nas bslang ba yin na lus dang ngag gi las kyi ngo bo nyid kyi gzugs de ni dge ba dang mi dge ba yin gyi de'i rten gyi 'byung ba rnams ni ma yin pa de dang 'dra'o/ /yang de nyid kyi zlog ste/ yang na mthong bas spang bar bya ba yin par gyur du zad mod ces bya ba smras so/ /bye brag tu smra pas de skad brjod par ni mi nus ste zhes bya ba smos te/ mthong bas spang bar bya ba dag yin par zhes bya ba tshig lhag ma yin no/ /ci'i phyir zhe na nyon mongs pa can ma

  51. 26a

    yin pa'i chos ni rig pa dang ma rig pa dag dang mi 'gal ba'i phyir te/ nyon mongs pa can ma yin pa'i chos ma bsgribs la lung du ma bstan pa dang dge ba zag pa dang bcas pa rnams ni ji ltar nyon mongs pa can gyi chos thob pa 'chad pas 'gal ba ltar rig pa zag pa med pa'i lam dang 'gal ba med do/ /de la dmigs pa'i nyon mongs pa thob pa 'chad pa'i phyir 'gal ba ni mi 'gog go /'thob pa 'chad pa dang/ de la dmigs pa'i nyon mongs pa spong ba'i tshul gyis ma rig pa dang mi 'gal la 'byung ba dag kyang nyon mongs pa can ma yin pa yin no/ /de la yang na gyur du zad mod ces smras pa de yang rigs pa ma yin te/ de ltar na 'dir sgrub pa 'byung ste/ nyon mongs pa can gyi gzugs kyi rten 'byung ba rnams ni mthong bas spang bar bya ba yin te/ nyon mongs pa can yin pa'i phyir nyon mongs pa can ma yin pa'i sems dang sems las byung ba'i chos bzhin no/ /bye brag tu smra bas de ltar mthong bas spang bar bya ba'i rnam par shes pa ni rab tu 'jug par byed pa yin no zhes klan ka dang bcas pa'i lan so sor bkod nas mjug bsdu ba'i phyir de lta bas na mdo las rgyu'i kun nas slong ba zhes bya ba rgyas par smos te/ log par lta ba las log par rtog pa nas log pa'i las kyi mdza' i bar 'byung ngo zhes bshad pa'i mdo gang yin pa de 'gal ba med do zhes bya ba yin no/ /rab tu 'jug par byed pa yang yin la rjes su 'jug par byed pa yang yin no zhes bya ba ni kha nang dang phyi rol tu bltas te 'jug pa'i phyir ro/ /lnga ni rjes su 'jug byed yin zhes bya ba ni lnga ni rjes su 'jug par byed pa kho na yin no zhes nges par gzung ba yin te rnam par mi rtog pa'i phyir ro/ /

  52. 26b

    zag pa med pa ni gnyi ga ma yin no zhes bya ba ni rab tu 'jug par byed pa yang ma yin la rjes su 'jug par byed pa yang ma yin pa ste/ mnyam par gzhag pa ni kha nang du bltas te 'jug pa'i phyir ro/ /dman par 'gyur ba ma yin zhes bya ba ni bldad? par 'gyur ba ma yin pa'o/ /dge bar rgyud gcig pa yin no zhes bya ba ni dge bar rgyud gcig pa yin no zhes bya ba'i tha tshig go /sangs rgyas bcom ldan 'das ni mdo las glang po che yin par gsungs so/ /ji lta zhe na/ 'char byed de bzhin gshegs pa ni lha dang bcas shing bdud dang bcas pa'i 'jig rten na zhes bya ba rgyas par gsungs nas sku dang gsung dang thugs kyis ngan pa mi mdzad de de lta bas na glang po chen po zhes bya'o gsungs te/ ngan pa mi mdzad ces bya ba ni nyes pa mi mdzad ces bya ba'i tha tshig go /'di'i thugs mi bzhed pas zhes bya ba ni sangs rgyas 'di'i thugs mi bzhed pas mi 'gro ba'i phyir te/ yul dag la mi 'gro ba'i phyir de skad du gshegs na'ang mnyam par bzhag ces bya ba la sogs pa rgyas par gsungs par zad de/ de ni spyod lam bzhi car du bzhud na bzhud do snyam pa nas/ bzhugs na'ang bzhugs so snyam pa'i bar gyi dgongs pa nye bar gnas pa'i phyir rtag tu mnyam par bzhag pa zhes bya'o/ /mngon par 'du bya ba med par 'jug pa nyid kyi phyir zhes bya ba ni mngon par 'du bya zhing 'bad pa med pa ste/ mngon par 'du bya ba med par 'jug pas na mngon par 'jug pa'o/ /de'i ngo bo ni nyid de de'i phyir ro/ /yang na mthong bas spong bar bya ba thams cad mi 'jug par byed pa ma yin zhes bya ba ni gal te mthong bas spang bar bya ba thams cad rab tu 'jug par byed pa yin par 'dod na ni de de ltar yang 'gyur ba zhig na thams cad na ma yin no/ /'o na ci zhe na/ log par lta ba la sogs pa kho na rnam par rig byed rab tu 'jug par byed pa yin gyi 'jig tshogs la

  53. 27a

    lta ba ni ma yin no/ /de'i phyir thams cad ni rab tu 'jug par byed pa ma yin no zhes bya ba smos te/ 'di lta bu ni rab tu 'jug par byed pa yin no/ /'di lta bu ni ma yin no zhes khyad par du brjod dgos so// sems mi dge ba dang lung ma bstan pa can gyi zhes bya ba ni bsnyen par rdzogs par bya ba'i ste/ ji zhig dang ldan pas sems mi dge ba dang lung du ma bstan pa can gyi so sor thar pa'i sdom pa thal mo sbyor ba la sogs pa'i rnam par rig byed dge ba yin par mi 'gyur te/ de'i rjes su 'jug par byed pa mi dge ba dang lung du bstan pa yin pa'i phyir ro/ /rab tu 'jug par byed pa ji lta bar zhes bya bar rgyas par 'byung ba ni rab tu 'jug pa'i byed pa'i sems bsgom pas spang bar bya ji lta bar rnam par rig byed kyang de dang 'dra bar rnam par gzhag mod kyi rab tu 'jug par byed pa mthong bas spang bar bya ba yin pa ji lta ba de lta bur rnam par bzhag pa ni ma yin no/ /ci'i phyir zhe na/ sgom pas spang bar bya bas bar du ched pa'i phyir te 'di ltar rab tu 'jug par byed pa mthong bas spang bar bya ba de ni rab tu 'jug par byed pa sgom pas spang bar bya bas par du chod pa yin no/ /ji lta bu zhe na/ dper na sngar sems la bdag gis gzhan dag la bdag yod ces bstan par bya'o snyam du de ltar nges par bzung nas de'i 'og tu dag bskyed par byed pa'i sems kha phyir bltas pa la 'jug pa bsgom pas spang bar bya bar rtog pa dang bcas shing dpyod pa dang bcas bdag yod ces tshig tu smra bar byed pa de lta bu la sogs pa yin no/ /de'i phyir rab tu 'jug par byed pa ji lta bar zhes bya ba rgyas par smos pa yin te/ de ltar na rab tu 'jug par byed pa mthong bas spang bar bya ba'i 'og tu gdon mi za bar rab tu 'jug par byed pa sgom pas spang bar bya ba dge

  54. 27b

    ba 'am mi dge ba 'am lung du ma bstan pa kho na 'byung la/ de'i dbang gis na rnam par rig byed dge ba la sogs pa nyid yin no/ /'di skad du brjod par bya'o zhes bya ba rgyas par 'byung ba ni 'di skad du gzhan gyis chod pa ste/ bsgom pas spang bar bya bas chod pa'i rgyu'i kun nas slong ba las dgongs nas gsungs so zhes brjod par bya dgos te/ rgyu'i kun nas slong ba brgyud pa las dgongs zhes bya ba'i tha tshig go /rnam rig min rnam gsum zhes bya/ zhes bya ba rgyas par 'byung ba ni rnam gsum zhes mdor bstan nas/ sdom dang sdom pa min dang gzhan/ zhes rnam par 'grel par byed pa yin te/ de ni sdom pa dang de ni sdom pa ma yin pa yin pas sdom pa dang sdom pa ma yin pa'o/ /de ni sdom pa dang sdom pa ma yin pa dang de ni gzhan pas sdom dang sdom pa min dang gzhan no zhes bya bar tshig bsdu'o/ /mtshan nyid so so nges pa'i phyir zhes bya ba ni dge slong gi sdom pa'i mtshan nyid kyang gzhan min pa nas de bzhin du bsnyen gnas pa'i sdom pa'i mtshan nyid kyi bar du yang gzhan pa yin te/ 'di skad du/ spang bya lnga brgyad cu dang ni/ thams cad spong ba mnos pa las/ /dge bsnyen dang ni bsnyen gnas dang/ /dge tshul ched dang dge slong nyid/ /ces 'chad par 'gyur ro/ /rnam pa brgyad nyid yin na ni/ /dge slong gi sdom pa gang yin pa de nyid dge slong ma'i sdom pa yin no zhes bya ba la sogs pa 'chol bar 'gyur ro/ /dge tshul ma dang dge slob ma yang zhes bya ba ni dge tshul ma yang mtshan 'gyur na dge tshul yin dge slob ma yang mtshan 'gyur na dge tshul kho na yin no/ /ji ste 'di ltar dge slong mtshan 'gyur na dge slong gi sdom pa ni 'dod na dge slong ma'i sdom pa ni 'thob bo zhes bya bar mi 'dod ce na de'i phyir mtshan 'gyur ba la sngon gyi sdom pa btong rgyu yang yod ma yin zhes bya ba smos te/ dge slong la dge slong ma'i mtshan byung na 'gyur

  55. 28a

    gtong ba'i rgyu bslab pa phul dang shi 'phos dang/ mtshan gnyis dag ni byung ba dang/ /rtsa ba chad dang mtshan 'das las/ /so sor thar pa'i 'dul ba gtong/ zhes rgyu bshad pa gang yin pa de las mi 'byung ngo/ / sngon med pa'i sdom pa 'thob pa'i yang ma yin no zhes bya ba ni rgyu yod pa zhes bya bar sbyar ro/ /'di ltar so sor thar ces pa/ /gzhan gyi rnam rig byed sogs kyis zhes bshad pas/ de'i phyir dge slong gi sdom pa las dge slong ma'i sdom pa gzhan ma yin no zhes bya bar shes par 'gyur te de bzhin du dge tshul la sogs pa'i yang shes par bya'o/ /de ltar bas na dge slong ma dang/ dge slob ma dang/ dge tshul ma dang/ dge bsnyen ma'i sdom pa bzhi po de dag ni dge slong dang dge tshul dang/ dge bsnyen gyi sdom pa gsum po las rang bzhin tha mi dad do/ /ci spong ba'i 'phel ba dang ldan pa'i phyir sdom pa de dag ces bya ba rgyas par 'byung ba ni/ dper na grangs lnga la gzhan lngas bsnan na lnga 'phel pa dang ldan pa'i phyir bcur 'gyur la grangs bco lnga las gzhan lngas bsnan na nyi shur 'gyur ba lta bu dang/ dong tshe gcig dang gnyis zhes bya ba bzhin du ste/ dper na dong tshe snga ma gcig gnyis pa dang bcas na gnyis su 'gyur ba lta bu ste/ 'di ltar 'jig rten na smra ba po la la dong tshe gcig gi rin gyis dong tshe gnyis pa 'am dong tshe gnyis pa'i rin khugs na dong tshe snga ma des khe phyin par mthong nas bdag gis dong tshe gnyis rnyed do zhes smra bar 'gyur te/ bdag gis dong tshe gnyis rnyed ces bya pa'i don to/ /ci de bzhin du dge bsnyen dang dge tshul dang dge slong gi sdom pa 'di dag kyang spong ba'i 'phel ba dang ldan pa'i phyir srog gcod pa la sogs pa'i de kho na bzhin du so la gnas la/ gar dang glu dang rol mo spong la sogs pa'i sdom pa sngon

  56. 28b

    med pa dag 'phel ba dang ldan pa'i phyir dge bsnyen gyi sdom pa las kyang dge tshul gyi sdom pa gzhan yin la/ dge tshul gyi sdom pa gzhan la/ dge tshul gyi sdom pa las kyang dge slong gi sdom pa gzhan yin no zhes gzhan yang gzhan zhes bya 'am/ phyogs gcig khyad par du gyur pa dang ldan pa'i phyir gzhan dang gzhan nyid du rnam par 'jog gam zhes bya ba'i tha tshig go /'on te dge bsnyen gyi srog gcod pa spong ba la sogs pa yang gzhan yin la/ dge tshul gyi yang de las gzhan yin/ dge slong gi yang de las gzhan no zhes bya ba lta bur de dge slong thams cad tha dad pa nyid gcig tu skye ste/ dge slong gi rgyud gcig la srog gcod pa spong ba gsum yod la/ ma byin par len pa spong bar yang de dang 'dra'o zhes bya ba de lta bu la sogs pa zhig yin nam/ lhag ma rnams kyang de dang 'dra'o zhes bya ba ni gar dang glu dang rol mo spong ba la sogs pa'o/ /srog gcod pa la sogs pa'i gzhi ches mang po dag las ... ... ldog par 'gyur zhes bya ba ni dge bsnyen pas dge tshul srog gcod pa la sogs pa'i gzhi ches mang po dag las ldog pa yin te/ dper na dus ma yin pa'i zas srog gcod pa'i gzhir 'gyur la de las ni dge tshul ldog gi dge bsnyen ni ma yin no zhes bya ba de lta bu la sogs pa sbyar bar bya'o/ /de ltar ma yin na zhes bya ba ni gal te de lta bu zhig yin par ma gyur na zhes bya ba'i tha tshig ste/ dge bsnyen dang dge tshul gyi sdom pa gnyi ga yang dge slong gi sdom pa der 'dus pa'i phyir dge slong gi sdom pa gtang zhing bor bas dge bsnyen gyi sngon pa la sogs pa gsum char yang gtang bar 'gyur ro/ /spong ba yang dag par blangs pas zhes bya ba spong ba ni rnam par rig byed dang rnam par rig byed ma yin no zhes

  57. 29a

    'chad par 'gyur ro/ /yang dag par 'jog par byed pas zhes bya ba ni so sor yang dag par 'god par byed pa zhes bya ba'i tha tshig ste/ sdig pa'i las rnams ni sems can dag la mi mnyam par 'jug par byed do/ /de yang rnam par rig byed dang sems dag gis byed pas na zhes bya ba ni so sor thar pa'i sdom pas bsdus pa'i rnam par rig byed ma yin pas ni rnam par rig byed kyis byed la/ bsam gtan dang/ zag pa med pa'i sdom pas bsdus pa'i rnam par rig byed ma yin pa de ni sems kyis byed de ting nge 'dzin gyis byed do zhes bya ba'i tha tshig go /de ltar na bya ba yin zhes bya ba ni lus su sgrub pa yin no/ /bya ba rgyu yin pa zhes bya ba ni bya ba'i rgyu yin pa'i phyir te sdom pa la gnas na ni sdom pa kun tu bsrung ba'i phyir rnam par rig byed kyi mtshan nyid kyi bya ba rtsom mo/ /bya ba'i 'bras bu yin pa'i phyir zhes bya ba ni rnam par rig byed kyi mtshan nyid kyi 'bras bu yin pa'i phyir ro zhes bya ba'i tha tshig go /ting nge 'dzin las byung ba ji ltar bya ba yin de yang ting nge 'dzin las skyes pa'i sems pa'i 'bras bu yin pa'i phyir bya ba yin no/ /yang na so sor thar pa'i sdom pa'i skabs yin pa'i phyir ro/ /de ltar re zhig bye brag med par so so'i thar pa'i sdom pa yang dag par bstan to zhes bya ba ni skad cig ma dang po dang skad cig ma gnyis pa la sogs pa yang so sor thar pa'i sdom pa yin no zhes brjod pa yin no/ /so sor thar pa ni skad cig ma dang po kho na yin pas de'i phyir yang/ dang po'i rnam rig rnam rig min so sor thar ces bya'o zhes bya ba smos so/ /des sdig pa las so sor thar pa'i phyir zhes bya ba ni skad cig ma dang po kho nas sdig gi las so sor thar par 'gyur ro/ /

  58. 29b

    spang ba'i phyir zhes bya ba ni bong pa'i tha tshig go /so sor thar pa'i sdom pa zhes kyang bya zhes bya ba ni 'di ni so sor thar pa yang yin la lus dang ngag dang sdom pa'i phyir sdom pa yang yin no zhes bya ba'i tha tshig go /las kyi lam zhes bya'o zhes bya ba ni las kyi lam dngos shes bya ba'i tha tshig go /skad cig ma gnyis pa la sogs pa la ni so sor thar pa'i sdom pa'i sdom pa kho na yin te/ so sor thar pa dang 'dra ba 'am so sor thar pa las skyes pa'i sdom pa ni so sor thar pa'i sdom pa'o/ /so sor thar pa ni ma yin te/ 'di ltar skad cig ma dang po kho nas thar par byas zin pa'i phyir nges sdig pa las so sor thar par mi byed pas so/ /ris brgyad kho nar zad do zhes nges par gzung ba dang yang phyi rol pa rnams la zhes bya ba rgyas par 'dri bar byed de/ yang dag par blangs pa'i tshul khrims zhes khyad par du byas pa ni tshul khrims rnam pa gnyis yod pa'i phyir ro/ /tshul khrims ni rnam pa gnyis te/ yang dag par blangs pa'i tshul khrims dang chos nyid kyis thob pa'o/ /de la yang dag par blangs pa'i tshul khrims ni 'di mi bya'o zhes mnos pa gang yin pa'o/ /chos nyid kyi thob pa ni bsam gtan gyi sdom pa dang zag pa med pa'i sdom pa'o/ /srid pa la brten pa'i phyir zhes bya ba ni de dag thar pa don du gnyer du zin kyang log par lta ba la sogs pas nyams pa'i phyir dang/ de dag kha cig srid pa'i khyad par kho na la thar pa yin par sems pas srid pa la brten pa'i tshul khrims kho na yin no/ /de'i phyir de dag la yang dag par blangs pa'i tshul khrims yod kyi/ so sor thar pa'i sdom pa ni ma yin no/ /'dir nyer bsdogs kyang bsam gtan du brjod nas bstan te zhes bya ba ni gang zhig phyir nyer bsdogs nas yang bsam gtan gyi sdom pa dang zag pa med pa'i

  59. 30a

    sdom pa yod par 'dod pa de'i phyir 'dir ni bsam gtan gyi nyer bsdogs kyang bsam gtan zhes bya ba'i sgrar brjod pa yin no/ /kyang shes bya ba'i sgras ni dngos gzhi yang bsdu bar bya ba kho na yin no/ /lhan cig 'byung ba'i rkyen bshad par zhes bya ba ni/ sems pa ni sdom pa gnyis dang/ de dge gi ni zhes bya ba dor ro/ /gsum po 'di dag las zhes bya ba ni so sor thar pa'i sdom pa dang/ bsam gtan gyi sdom pa dang/ zag pa med pa'i sdom pa rnams las so/ /sems gzhan dang ldan pa dag sems med pa'ang rjes su 'jug pa'i phyir ro zhes bya ba rnam par g.yeng sems med pa'i yang zhes 'byung ba'i phyir ro/ /mi lcogs pa med la zhes bya ba smos pa ni 'dod pa na dpyod pa'i 'chal ba'i tshul khrims kho na las so sor thar pa'i phyir ro/ /bar chad med pa'i lam dgu dag tu zhes bya ba ni de dag spong ba'i lam yin pa'i phyir ro/ /de kun nas slong bar byed pa zhes bya ba ni 'chal ba'i tshul khrims kun nas slong bar byed pa'o/ /de nyid kyi phyir zhes bya ba ni gang gi phyir mi lcogs pa med pa'i bar chad med pa'i lam dag la de rnam par gzhag pa de'i phyir mu bzhir bya ste/ mu dang po ni mi lcogs pa med pa'i lam la gtogs pa zag pa dang bcas pa'i bsam gtan gyi sdom pa ste mi lcogs pa med pa'i sa pa'i rnam par grol ba dang/ sbyor ba dang khyad par gyi lam dag la yod pa dang bsam gtan dang po la sogs pa bsam gtan bzhi pa'i bar dngos gzhi'i bar chad med pa dang/ rnam par grol pa dang sbyor ba dang khyad par gyi lam dag la bsam gtan gyi sdom la yod pa gang yin pa ni bsam gtan gyi sdom pa yin gyi spong ba'i sdom

  60. 30b

    pa ni ma yin te des 'chal pa'i tshul khrims dang/ de kun nas slong bar byed pa'i nyon mongs pa rnams ni mi spong ba'i phyir ro/ /gnyis pa ni mi lcogs pa med pa'i bar chad med pa'i lam dgu dag tu zag pa med pa ste/ 'di ni de lta bu kho nas 'chal ba'i tshul khrims la sogs pa spong ba'i phyir spong ba'i sdom pa yin gyi bsam gtan gyi sdom pa ni ma yin te zag pa med pa yin pa'i phyir ro/ /gsum pa ni mi lcogs pa med pa'i bar chad med pa'i lam dag tu zag pa dang bcas pa ste/ 'di ni nges 'chal ba'i tshul khrims la sogs pa spong ba'i phyir spong ba'i sdom pa yang yin la/ bsam gtan gyi sdom pa yang yin te/ zag pa dang bcas pa'i ting nge 'dzin las skyes pa'i phyir ro/ /bzhi pa ni mi lcogs pa med pa'i bar chad med pa'i lam ma gtogs par zag pa med pa'i sdom pa ste/ 'di ni zag pa med pa yin pa'i phyir bsam gtan gyi sdom pa yang ma yin la spong ba'i sdom pa yang ma yin te/ des 'chal pa'i tshul khrims la sogs pa mi spong ba'i phyir ro/ /de yang de kho na bzhin du mi lcog pa med pa'i rnam par grol ba dang/ sbyor ba dang/ khyad par gyi lam dag la yod pa nas rgyas par zag pa med pa'i sdom pa gang yin pa'o/ /sdom pa nges par bya ba'i phyir de skad du bshad do/ /de lta ma yin na chos gzhan dag kyang chos brjod dgos par 'gyur ro/ /de bzhin du zag pa med pa'i sdom pa yin la spong ba'i sdom pa ma yin pa yang yod ces bya ba mu bzhi ste/ mu dang po ni mi lcogs pa med pa'i bar chad med pa'i lam ma gtogs pa zag pa med pa'i sdom pa'o/ /yid kyi sdom pa yang drin pa dang shes bzhin gyi ngo bo nyid yin la/ dbang po'i sdom pa yang dran pa dang shes bzhin gyi ngo bo nyid yin pas gnyis kyi ngo bo nyid yin

  61. 31a

    par bstan pa'i phyir ro/ /yang gnyis zhes bya ba smos te/ gnyis kyi tshig tu bsten pa kho nas gnyis nyid 'grub pas so/ /'di dag de lta bu'i ngo bo nyid yin no zhes bya ba ji ltar shes zhe na/ lung las te/ lha zhig gis dge slong dbang po yul dag la rgyu ba zhig la 'di skad ces smras so/ /dge slong rma 'byin par ma byed cig /dge slong gis smras pa lha dgag par bya'o/ /lhas smras pa/ dge slong rma rdza ma tsam byung nas ji zhig gis dgag par byed/ dge slong gis smras pa/ lha dran pa dang shes bzhin gyi dgag par bya'o zhes smras so zhes grag go /de ni ji srid du rnam par rig byed ma yin pa de mi gtong ba zhes bya ba ni bslab pa phul ba la sogs pa'o/ /skad cig ma dang po phyin chad 'das pa dang zhes bya ba skad cig ma dang po la ni da ltar gyi kho na dang ldan pa yin no zhes bshad par 'gyur ro/ /bsam gtan sdom dang ldan pa ni// rtag tu 'das dang ma 'ongs dang zhes bya ba bsam gtan gyi sdom pa ldan pa ci so so'i skye bo 'am/ 'on te 'phags pa zhig yin na zhes smras pa khyad par du ma byas pa'i phyir gnyi ga yin te/ de ni 'das pa dang ma 'ongs pa'i rnam par rig byed ma yin pa dang ldan no/ /mtshan nyid ji lta bu zhig dang zhe na/ bsam gtan gyi skabs yin pa'i phyir bsam gtan gyi sdom pa mtshan nyid dang zhes bya bar mdon no/ /des ni skad cig ma dang po la yang tshe rabs gzhan dag tu btad pa zhes bya ba 'di ni dper brjod pas rab tu bstan pa yin pas tshe 'di la btang ba yang bsdu'o/ /'phags ni dang po 'das dang min zhes bya ba ni/ 'phags pa ni rtag tu 'das pa dang ma 'ongs pa'i rnam par

  62. 31b

    rig byed ma yin pa dang ldan no/ /mtshan nyid ji lta bu zhig dang zhe na/ 'phags pa'i skabs yin pa'i phyir zag pa med pa dang zhes bya bar mngon no/ /de nyid kyi phyir 'phags pa'i gang zag kyang zag pa med pa dang de bzhin du ldan no zhes bya ba smos so/ /'di ni khyad par yin te zhes bya ba ni 'di zhes bya ba'i sgra don ston to/ /de yang rim pa gzhan du bstan pa yin te/ skad cig ma dang po sdug bsngal la chos shes pa'i bzod pa'i skad cig ma dang po la ni 'das pa'i rnam par rig byed ma yin pa dang mi ldan no zhes bya ba'i tha tshig go /ci'i zhe na/ thog ma med pa can gyi 'khor ba na/ las sngon ma skyed pa'i phyir ro/ /'bras bu thob pa'i dus sam dbang po 'pho ba'i dus na yang lam snga ma btang na 'das pa'i rnam par rig byed ma yin pa dang mi ldan pa kho nar 'dod pa ma yin nam zhe na/ de lta na 'o na ni 'bras bu'i lam de yang skad cig ma dang po yin la/ /'bras bu'i lam sngon ma bskyed pa'i phyir de la 'das pa'i rnam par rig byed ma yin pa dang mi ldan no zhes bshad par bya ba yin no/ /slob dpon dbyig bshes ni klan ka 'di'i lan gdab pa'i phyir 'di skad ces 'chad de 'dir ni zag pa med pa'i sdom pa'i skabs yin la/ de yang sdug bsngal pa chos shes pa'i bzod pa'i dus nyid na thob pas de'i phyir skad cig ma dang po la 'das pa dang mi ldan no/ /gnyis pa la sogs pa la ni 'das dang ma 'ongs pa dang ldan no/ /gong du 'am lam gzhan thob pa gang yin pa de la ni zag pa med pa'i sdom pa 'dra ba nyid yod pas de ni mi brjod do zhes zer ro/ /'di la 'dra ba de yod do snyam ni mi mdzad de/ ci zag pa dang bcas pa'i sdom pa yod do zhes bya ba la ltos nas brjod dam/ 'on te zag pa med pa yod do zhes bya ba bltos nas yin/ gal te zag pa dang bcas pa yod do zhes bya ba la bltos

  63. 32a

    pa yin par 'dod na ni de sdug bsngal la chos shes pa'i bzod pa'i dus na yang yod pas 'das pa dang ldan no zhes dgag pa 'thad pa yin no/ /'on te 'bras bu thob pa'i tshe zag pa med pa'i sdom pa yod do zhes bya ba bltos pa yin par 'dod na ni nyams pa ji ltar yod do zhes brjod par nus te/ de bas na 'dod pa bsam par bya ba yin no mnyam bzhag 'phags lam gnas de gnyis zhes bya ba ni mnyam par bzhag pa'i lam la gnas pa ste/ 'jig rten pa'i mnyam par bzhag pa'i lam la gnas pa dang 'phags pa'i lam la gnas pa ni mnyam zhag 'phags lam gnas pa dag ste/ bsam gtan zag pa med pa'i sdom pa dag ces bya ba'i tha tshig go /'dir 'phags pa'i lam'la gnas pa ni grur'zhugs pa'i tshul du 'phags pa'i lam la zhugs pa yin te/ dper na gang zhig grur'zhugs pa ste gru la gnas pa yin pa de bzhin du gang zhig 'phags pa'i lam la zhugs shing snyoms par zhugs pa de ni 'phags pa'i lam la gnas pa yin no/ /de lta ma yin na 'phags pa'i lam dang ldan pa yang 'phags pa'i lam la gnas pa yin tha mal par 'dug pa'i 'phags pa yang da ltar gyi zag pa med pa'i sdom pa dang ldan par 'gyur ro/ /yang gzhan ni de lta bu'i nyes pa spang ba'i phyir 'di skad du 'chad par byed de/ 'dir ni gcig lhag mar byas te mnyam par bzhag pa dang mnyam par ma gzhag pa'i 'phags pa ni mnyam par bzhag pa dang 'phags pa dag go /de gnyis kyi lam dag ste/ de dag la gnas pa ni/ mnyam bzhag 'phags pa'i lam gnas de gnyis yin te/ go rims bzhin du da ltar gyi bsam gtan gyi sdom pa'i rnam par rig byed ma yin pa dang zag pa med pa'i

  64. 32b

    sdom pa'i rnam par rig byed ma yin pa dang ldan no/ /langs pa dag ni ma yin no zhes bya ba ni lam de las langs pa dag ni da ltar gyi de dang ldan pa ma yin te/ de na sems kyi rjes su 'jug pa yin pa'i phyir ro/ /de ltar rnam par bshad na/ slob dpon 'dul bzangs gi glengs pa 'phags pa'i lam la gnas pa smos pa kho nas da ltar byung ba'i rnam par rig byed ma yin pa ni de la snyoms par zhugs pa 'di kho na'i yin par ji ltar 'gyur te/ de dang ldan pa smos par thal bar mi 'gyur ba yang ma yin no zhe na/ ma yin te/ bsam gtan gyi skabs yin pa'i phyir dang/ de la rnam par rig byed ma yin pa med pa'i yang phyir ro/ /gang sdom pa yang ma yin sdom pa ma yin pa med pa'i yang phyir ro/ /gang sdom pa yang ma yin sdom pa ma yin pa yang ma yin pa la gnas pa ste/ zhes bya ba ni dge slong la sogs pa yang ma yin la/ nya la sogs pa yang ma yin de ni bar ma la gnas pa'o/ /'chal ba'i tshul khrims dang tshul khrims kyi yan lag la sogs pas bsdus pa zhes bya ba la 'chal ba'i tshul khrims ni srog gcod pa la sogs pa'o/ /tshul khrims kyi yan lag ni srog gcod pa spong ba la sogs pa'o/ /sdom pa dang sdom pa ma yin pas ma bsdus pa gang yin pa ste/ sogs pa zhes bya ba'i sgras ni mchod rten la phyag 'tshal ba dang/ lcags dbyug dang thal lcag la sogs pa bsdu'o/ /sdom pa ma yin pa la gnas pa'i gang zag ni mi dge ba dang dge ba la gnas pa dag yin pas 'di gnyis la bzlog pa mi srid do snyam nas ci res 'ga' sdom pa ma yin pa gnas pa zhes bya ba rgyas par 'dri ste/ de gnyis ji srid du rjes su 'greng ba zhes bya ba ni rab tu dang ba dang nyon mongs pa dag gi shugs dag go /gzhan dag tu 'das pa dang yang ldan no zhes bya ba'i skad cig ma gnyis la sogs pa'o/ /ma btang bar du ska

  65. 33a

    cig ma/ phyin chad 'das ldan zhes bya ba ni gang zhig ji srid du ma btang ba gang yin pa de srid du 'das pa'i rnam par rig byed dang ldan no/ /ji ltar zhe na re zhig sdom pa ni mtshan nyid kyi rnam par rig byed de ji srid du bslab pa phul ba la sogs pas ma btang ba de srid du 'das pa'i rnam par rig byed dang ldan no/ /sdom pa ma yin pa'i mtshan nyid ni ji srid du yang dag par len pa la sogs pas ma btang ba de srid du 'das pa dang ldan no/ /sdom pa yang ma yin sdom pa ma yin pa yang ma yin pa'i mtshan nyid ni ji srid du rab tu dang ba dang/ nyon mongs pa'i shugs chad pas ma btang ba de srid du 'das pa dang ldan te/ gang zhig sdom pa la sogs pa'i rnam par rig byed dang ldan pa de ni/ gdon mi za bar skad cig ma dang? ba phyin chad 'das pa'i rnam par rig byed las kyi lam dngos kyi ngo bo dang nyid dang ldan no/ /ma 'ongs pa'i rnam par rig byed dang ni su yang mi ldan no zhes bya ba ni sems kyi rjes su 'jug pa ma yin pa'i phyir ro/ /sems kyi dang yang zhes bya ba ni 'o na ni bsgribs la lung du ma bstan pa'i sems kyi thob pa yang rjes su mi 'brel bar 'gyur ro/ /de ni de lta ma yin te zhes bya ba ni/ sems kyi thob pa yang rjes su ma 'brel bar 'gyur ro zhes gang smra ba'o/ /ci'i phyir zhe na smras pa/ rnam par rig byed ni dmigs pa med pa'i phyir blun pa yang yin la sems la rag las pa'i phyir gzhan gyi dbang yang yin no/ /sems ni de lta ma yin zhes bya ba ni blun pa yang ma yin pa gzhan gyi dbang yang ma yin no zhes bya ba'i tha tshig go /ci'i phyir zhe na/ de las bzlog pa yin pa'i phyir ro/ /bsgribs la lung du ma bstan pa'i sems nyam chung ngus bslang ba de ni ches nyam chung bar 'gyur ba yin no// //bam po sum cu rtsa gnyis pa/ /dngos kyi bsdus

  66. 33b

    pa'i phyir las kyi lam yin no zhes bya ba ni sems ni de'i ched yin pa'i phyir ro/ /bar ma dor gnas sems zhan pas/ /byed pa rnam rig nyid dang ldan zhes bya ba la/ bar ma dor gnas zhes bya ba smos pa sdom pa dang sdom pa ma yin pa la gnas pa bsal ba'i phyir te/ sdom pa dang sdom pa ma yin pa la gnas pa ni gdon mi za bar rnam par rig byed ma yin pa dag dang ldan no/ /sems zhan pa zhes bya ba smos pa ni sems drag po bsal ba'i phyir te/ sems drag pos ni rnam par rig byed byed pa na rnam par rig byed ma yin pa kun nas slong bar byed do/ /lung du ma bstan pa lta smos kyang ci dgos zhes bya ba smos pa ni sems zhan pas lung du ma bstan pa byed pa na lta smos kyang ci dgos te/ gong du sdom pa yang ma yin sdom pa ma yin pa yang ma yin pa la gnas pa sems zhan pas dge ba 'am mi dge ba byed na yang rnam par rig byed ma yin pa mi skyed pa'i phyir rnam par rig byed kho na dang ldan par 'gyur na lung du ma bstan pa byed na lta ci zhig smos te/ 'di rnam par rig byed ma yin pa bskyed par dogs pa med pa'i phyir shin tu yang rnam par rig byed kho na dang ldan gyi/ rnam par rig byed ma yin pa dang ni ma yin no/ /ma gtogs so zhes bya ba rgyas par smos pa ni/ rdzas las byung ba bsod nams bya ba'i dngos po bdun dang srog gcod pa la sogs pa'i las kyi lam ni gtogs te/ de la ni lung du bstan pa byed na yang rig byed ma yin pa dang ldan par 'gyur te mdo las rgyu yang rung 'dug kyang rung zhes bya ba rtag tu rgyun mi 'chad par zhes bya ba nas bsod nams nye bar skye ba kho nar 'gyur zhes bya ba'i bar 'byung ba'i phyir ro/ /srog gcod pa la sogs pa'i las kyi lam yang sems zhan pas byed pa na yang rnam par rig byed ma yin pa dang ldan par 'gyur ro/ /

  67. 34a

    'phags pa'i gang zag gang zhig ces bya ba rgyas par 'byung ba ni gang gi tshe 'phags pa'i gang zag tshe rjes nur nur bor la sogs pa'i gnas skabs dang gzugs med pa'i khams su skyes pa na/ da dung rnam par rig byed ma byung ba 'am/ rnam par rig byed rnam par nyams na te/ lung du ma bstan pa'i sems kyis bslang ba'i rnam par nyams na yang de'i thob pa rjes su 'brel bar mi 'gyur ro/ /yang na mchod rten la sogs pa byas pa'i dngos po de chad pas de'i tshe de rnam par rig byed ma yin pa yang yongs su tshor na rnam par rig byed lta smos kyang ci dgos/ de bas na 'phags pa'i gang zag tshe gzhan du brjes pa ni gnas skabs dag tu tshe rabs gzhan na thob pa'i zag pa med pa'i rnam par rig byed ma yin pa kho na ldan gyi rnam par rig byed dang ni ma yin no/ /so so'i skye bo la yang tshul 'di srid pa ma yin nam zhe na/ srid pa kho na yin te/ so so'i skye bo ni gdon mi za ba ma yin pa'i phyir ma bshad de/ bsam gtan thob pa che brjes pa gang zhig gzugs kyi khams su rnam par rig byed ma byas pa 'am/ rnam par rig byed byas nas rnam par rig byed med par gyur pa de kho na lta bur 'gyur gyis gzhan ni ma yin no/ /yang na 'dod pa na spyod pa'i sems can las bsams nas smras pa yin no/ /yang na 'phags pa'i gang zag ni dper brjod pa'i tshul du bshad pa yin pas des na so so'i skye bo yang de dang 'dra bar bzung bar bya'o/ /de nyid kyi phyir bar ma dor gnas sems zhan pas byed na rnam rig nyid dang ldan zhes bya ba rdzas las byung ba'i bsod nams bya ba'i dngos po dang las kyi lam dag ni ma gtogs so zhes bshad de/ tshig 'di lhag dang bcas pa yin pa'i phyir ro/ /de ltar na mu dang po gnyis pa ni mdor byas

  68. 34b

    pa yin no/ /gsum pa dang bzhi pa ni sbyar bar bya ba yin te/ gsum pa ni sdom pa dang sdom pa ma yin pa la gnas pa dang/ bar ma dor gnas pa sems drag pos dge ba 'am mi dge ba byed pa dag go /bzhi pa ni so so'i skye bo gang ba gang zhig tshe gzhan du brjes nas da dung du rnam par rig byed ma byung ba 'am rnam par rig byed nyams pa'o/ /lhan cig 'byung ba yin pa'i phyir ro zhes bya ba ni 'di ltar bsam gtan gyi sdom pa ni bsam gtan gyi sems dang lhan cig 'byung ngo/ /gzhan gyi rnam par rig byed ces bya ba ni go bar byed pa'o/ /gzhan dag ni gang zag las so zhes bya ba ni dge tshul dang/ dge tshul ma dang/ dge bsnyen dang dge bsnyen ma dang/ bsnyen gnas pa'i sdom pa dag go /nges par 'jug pas zhes bya ba ni 'phags pa'i lam la 'jug pas so/ /rten lnga po ni kun shes kauN+DI N+ya la sogs pa'o/ /dge slong tshur shog ces byas pas zhes bya ba ni bcom ldan 'das kyis dge slong tshur shog /tshangs par spyad pa spyod cig ces bka' stsal pas te/ bder gshegs skyob pas tshur shog ces gsungs pas/ mgo yang bya zhing chos gos gyon bar gyur ces 'byung ba lta bu yin no/ /ston par khas blangs pa ni 'od srungs chen po zhes bya ba ni 'od srungs chen po de ni mthu che ba'i phyir lha'i gzugs gang dang gang la phyag byas pa de dang de 'gas so/ /de bcom ldan 'das kyis gzugs zhig? par gyur na mi rung ngo snyam nas phyag ma byas pa dang/ bcom ldan 'das kyis de'i bsam pa thugs su chud nas/ 'od srungs khyod de bzhin gshegs pa la phyag 'tshol cig ces glengs so de nas bcom ldan 'das la phyag byas pa dang/ de nas bcom ldan 'das kyis gzugs ma 'gyur bar mthong nas/ bcom ldan 'das 'di ni bdag gi ston pa yin no zhes khas blangs te/ de khas blangs pas

  69. 35a

    'di bsnyen par rdzogs par gyur to zhes grag go /dris pas mnyes pas ni legs sbyin no zhes bya ba ni legs sbyin gyis smras pa'i lan btab pas bcom ldan 'das mnyes par gyur te/ mnyes pa des na 'di bsnyen par rdzogs par gyur to/ /bla ma'i chos khas blangs pas zhes bya ba ni bla ma'i chos brgyad po dge slong ma bsnyen par rdzogs nas lo brgya lon pas kyang dge slong bsnyen par rdzogs ma thag pa la phyag bya ba dang/ dge slong mas gang du yang dge slong gi skyon gleng bar mi bya zhes bya ba de lta bu la sogs pa ste/ de dag khas blangs pas de bsnyen par rdzogs par gyur to/ /'di skad du dge slong las bsnyen par rdzogs shing dge slong ma'i dngos por bya ba dang/ zla ba phyed cing dge slong la gdams ngag nod par bya ba dang/ dbyar dge slong med pa'i gnas su 'gro bar mi bya ba dang/ dgag dbye'i tshe gnyi ga'i dge 'dun la gnas gsum gyis dgag dbye bya ba dang dge slong gi ltung ba gleng bar mi bya ba dang/ ltung ba byung ba la khro bar bya ba dang/ bla ma'i chos kyi ltung ba byung ba na zla ba phyed du mnyes par bya spyad par bya ba dang/ bsnyen par rdzogs na lo brgya lon pas dge slong gsar bu la phyag bya ba brgyad yin no zhes 'chad do/ /pho nyas ni chos sbyin no zhes bya bas ni des btsun mo'i 'khor gyi nang na 'dug bzhin du rab tu 'byung bar bya ba'i phyir bcom ldan 'das kyi spyan sngar pho nya btang ngo zhes grag go /'dul ba 'dzin pa gtogs par lngas zhes bya ba ni dge slong gi dge 'dun bzhi ste/ de la yul mdza' 'khob dag tu ni gsol ba brjod pa gtogs pa lngas bsnyen par rdzogs par 'gyur ro/ /yul dbus dag tu ni gsol ba brjod pa gtogs par bcus bsnyen par rdzogs par 'gyur ro/ /sde bzang drug cu'i tshogs kyis

  70. 35b

    bsnyen par rdzogs par byas pa rnams zhes bya ba ni 'di la sde bzang po yod pas na rigs kyi bu sde bzang po drug cu zhes bya ba yin te/ de dag gi tshogs te mtshan gyis bsnyen bar rdzogs par byas pa rnams so/ /skyabs su 'gro ba lan gsum bzlas pas te sangs rgyas la skyabs su 'gro'o zhes bya ba lan gsum brjod pas bsnyen par 'gyur to/ /de dag gi so sor thar pa'i sdom pa ni gdon mi za bar rnam par rig byed la rag las pa yin no zhes bya ba ni 'dul ba 'dzin pa de dag gi 'dod pa 'di ltar na so sor thar pa'i sdom pa thob pa rnam par rig byed la rag las bar nges pa med de/ sangs rgyas la sogs pa rnam par rig byed la rag ma las pa'i phyir ro/ /yang na de dag gi zhes bya ba ni gang dag gi ltar na bsnyen par rdzogs par bya ba la rnam par rig byed med pa'i ltar na'o/ /sdom pa zhes bya ba ni bsdam par bya'o/ /kha cig dus zhes bya ba brtag pa'i dngos po zhig yod do zhes zer bas de las bsams nas dus shes pa'i dus de ji zhig yin zhes dri bar byed de dus shes brjod pa'i brjod par bya ba ji zhig yin zhes bya ba'i tha tshig go /de ni 'du byed yongs su ston pa'i tshig bla dags yin zhes bya ba ni 'das pa dang ma 'ongs pa dang da ltar byung ba'i 'du byed rnams ston par byed pa'i ming yin no zhes bya ba ste/ 'di lta ste 'das pa'i dus nas de ltar byung zhes pa'i bar lta bu 'du byed dus gsum pa kho na yin par go 'byed do/ /des kyang der sbyor ba byas pa'i phyir zhes bya ba ni skal ba mi 'dra ba'i lus des yang dag par blangs pa der sbyor ba ma byas pa'i phyir ro/ /mi dran pa'i phyir zhes bya ba ni/ 'di ltar lus de yang dag par blangs pa de mi dran no/ /bye brag tu smra bas smras pa/ de ji skad bshad ma thag pas de ltar brtag gang la nus slob dpon gyis phyin chad sdom pa skye ba la yang rigs dang 'gal ba ni med pa'i phyir zhes bya ba smos te 'di la ni ji ltar yang dag par blangs pa yod kyang shi

  71. 36a

    ba'i 'og tu lus bskal pa mi 'dra ba'i phyir sdom pa skye bar rigs pa dang 'gal lo zhes bya ba la sogs pa lta bu dad rigs par 'gal ba med do/ /sdom pa ma yin pa yang rnam par rig byed ma yin pa bzhin du rdzas su ni med ces bya ba na ji ltar rnam par rig byed ma yin pa rdzas su med do zhes bsgrubs pa de bzhin du sdom pa ma yin pa yang sems la ma gtogs pa rdzas su med do snyam du bsams pa yin no/ /sdig pa byas pa'i bsam pa zhes bya ba ni sdig pa bya bar 'dod pa'i tha tshig go /rjes su 'brel ba dang bcas pa zhes bya ba ni bag chags dang bcas pa zhes bya ba'i don te/ sdom pa yin pa ni bag chags dang bcas pa'i sems pa'i khyad par yin no zhes bya ba'i tha tshig go /rjes su 'brel pa des na de ma spangs pa'i phyir ro zhes bya ba ni bsam pa rjes su 'brel pa dang bcas pa spangs pa'i phyir te/ de dang 'gal ba'i sems pas ma bcos pa'i phyir zhes bya ba'i tha tshig go /thal mo bsnol ba zhes bya ba ni mthe bo ma gtogs pa'i sor mo gzhi lag pa gcig shos mtheb mo dang 'dzub mo'i bar du bkod pa'i phyir thal mo bsnol ba yin no/ /de dang ldan zhing sdom pa ma yin pa dang ldan pa zhes bya ste sdom pa ma yin pa can zhes bya ba'i tha tshig go /des ni zan zos kyang gnod par bya'o zhes bya ba ni sdom pa ni slong bar byed pa yang dag par len par des pa'i sems yin pa'i phyir nyi ma 'char ba'i tshe kho na skye'o/ /zan zos nas mnod pa ni bsal ba'i phyir ro/ /tshul khrims ni phas pham pa med pa dang/ dge 'dun gyi lhag ma la sogs pa med pa'o/ /brtul zhugs zhes bya ba ni nges pa'o/ /de med na zhes bya ba ni dus su za ba med na'o gnyi ga yang med do zhes bya ba ni dran pa dang skye ba'o/ /de dag nyid yang dag pa'i lta ba la sogs pa de dag nyid kyi yan lag tu rung ba ni ma yin no zhes bya ba rgyas par 'byung ba ni slob dpon bye brag tu smra ba'i gzhung lugs rigs pa dang

  72. 36b

    'gal bar ston pa yin te/ yang dag pa'i lta ba la sogs pa de dag nyid yang dag pa la sogs pa ste/ yang dag pa'i lta ba dang/ chos rnam par 'byed pa yang dag byang chub kyi yan lag dang/ ting nge 'dzin rnams kyi yan lag nyid du rung ba ni ma yin te/ mi rung ngo zhes bya ba'i tha tshig go /ci'i phyir zhe na/ rigs pa dang 'gal ba'i phyir te gal te yang dag pa'i lta ba la sogs pa snga ma rnams phyi ma rnams kyi yan lag tu 'gyur ro zhes bya bar rnam par 'jog na ni de lta na yang rtog pa 'di la skad cig ma dang po la skyes pa'i 'phags pa'i lam yan lag brgyad par mi 'gyur te/ de la yang dag par lta ba yan lag sngar skyes pa med pas yan lag bdun par 'gyur ro/ /byang chub kyi yan lag dag la yang skad cig ma phyi ma byang chub kyi yan lag ma yin par 'gyur te/ 'og rol tu gang zhig de'i yan lag du 'gyur ba byang chub kyi yan lag gzhan ni yod pa ma yin no/ /'on te ma 'ongs pa'i byang chub de'i yan lag yin no zhes bya bar 'dod na ni ma 'ongs pa byang chub kyi yan lag ma yin par 'gyur te/ de bzhin du ting nge 'dzin la yang sbyar bar bya'o/ /mi shes pa ni ma gtogs so zhes bya ba ni 'bogs par byed pa 'am mnod par byed pa brjed pa dad ma byang ba ste the tshom za ba dang log par zhugs pa'i bsam pa can ma gus sngon du 'gro bas skyabs su mi 'gro ba la ni sdom pa mi skye'o/ /khyim pa zhes bya ba ni bstan pa'i tshig yin no/ /gos dkar po bgos zhes bya ba ni bshad pa'i tshig yin te/ skyes pa zhes bya ba ni bstan pa yin no/ /pho'i dbang po dang ldan pa zhes bya ba ni bshad pa'i tshig yin te/ gal te sdom pa med par dge bsnyen ma yin na 'o na mdo las bshad pa 'di tsam gyis dge bsnyen du 'gyur ro zhes gsungs pa gang yin pa de ji lta bu zhes bya ba tshig lhag ma yin no/ /'di la 'gal ba med do zhes bya ba smos

  73. 37a

    pa 'di ni ming chen gyi mdo'o/ /bstan pa dge slong bzhin zhes bya ba ni dge bsnyen gyi bslab pa'i gzhi bstan pa ni dge slong gi dang 'dra ste/ ji ltar dge slong gsol ba dang bzhi'i las kyis sdom pa thob zin kyang khyod cis kyang phas pham pa la sogs pa 'di dang 'di lta bu bsdam mo zhes bslab pa'i gzhi rnams tshe? long du 'dzin du bcug cing shes par byed la tshangs par spyod pa gzhan dag kyang khyod la ston par 'gyur ro zhes brjod pa lta bu yin no/ /dge sbyong ci zhe na/ bslab pa'i gzhi dag 'dzin du 'jug ba lta bu ste/ sngar gang gi tshe des bdag ming 'di zhes bgyi ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa shAkya seng ge /shAkya'i rgyal po chen po de rab tu byung ba'i rjes su rab tu 'byung ste/ khyim pa'i rtags ni rab tu spong ngo/ /rab tu byung ba'i rtags ni yang dag par len to/ /bdag dge sbyong lags par gzung du gsol/ de skad du lan gsum gyi bar du brjod do zhes khas blangs pa nyid na sdom pa thob zin mod kyi/ bslab pa'i gzhi rnams 'dzin du 'jug go de bzhin du dge bsnyen yang sangs rgyas la skyabs su mchi'o zhes bya ba nas dge 'dun la skyabs su mchi'o zhes bya ba lan gnyis lan gsum du yang zhes bya ba'i bar 'dis sdom pa thob zin mod kyi yang srog gcod pa spangs te srog gcod pa las slar ldog go zhes bya ba la sogs pa rgyas par bslab pa'i gzhi rnams 'dzin du 'jug pa yin no/ /sna gcig spyod pa ni gang zhig bslab pa'i gzhi gcig bsrung ba'o/ /phyogs gcig spyod pa ni gang zhig bsrung ba'o/ /phal cher spyod pa ni gang zhig gsum 'am bzhi srung ba'o/ /yongs su rdzogs par spyod pa ni gang zhig lnga car srung ba'o/ /de ni de spyod pa zhes gsungs par zad kyi zhes bya ba ni sna gcig spyod pa nas yongs su rdzogs par

  74. 37b

    spyod pa'i bar zhes bya ba'i tha tshig go /mdo'i tshig ni de lta ma yin no zhes bya ba ni ming chen gyi mdo las ni 'di skad du ji srid 'tsho'i bar du srog gcod pa spong ngo zhes mi 'byung do zhes bya ba yin no/ /ji ltar ming chen gyi mdo las gsungs pa las byung ba bzhin te zhes bya ba ni btsun pa ji tsam gyis na dge bsnyen du 'gyur lags/ ming chen 'di ltar khyim pa zhes bya ba rgyas par bdag la dge bsnyen du bzung du gsol zhes tshig tu yang smra na 'di tsam gyi dge bsnyen du 'gyur ro zhes bya ba'i bar 'byung ba yin no/ / gang las 'di skad du 'byung ba zhes bya ba ni mdo'i khyad par gang las 'di skad nam 'tsho'i bar du srog dang sngo ba la skyabs su song ba mngon rab tu dang pa zhes 'byung ba der ni bden pa mthong ba'i gang zag de dag bdag gis ni chos 'di btang du mi rung ngo zhes shes nas dad pa'i rgyus te shes nas dad pa'i rgyu las 'byung bas srog gi phyir yang srog la bab kyang dam ba'i chos la khas 'che bar ston pa yin no/ /de sdom pa'i mtshan nyid ston pa ba ni ma yin no zhes bya ba ni mdo 'dis sdom pa'i mtshan nyid ston pa ni ma yin no/ / zhes bya ba'i tha tshig go /srog gcod spong ba zhes bya ba ni gang nas kyang mi 'byung zhes bya ba ni ming chen gyi mdo las kyang mi 'byung la bden pa mthong ba'i mdo las kyang mi 'byung ngo/ /su zhig yongs su mi gsal ba'i don 'di 'don par byed ces bya ba ni bar gyi tshig mi mngon par byas pa yin par rtog pa'i phyir ci srog spong ba srog dag gis bor ba zhig gam srog las spangs pa zhig yin nam 'on te srog spong ba srog gcod pa la sogs pa spong ba zhig yin zhes bya ba mi shes par 'gyur ro/ /zhu ba nyid kyang mi 'thad na zhes bya ba ni btsun pa ji tsam gyis na dge bsnyen sna gcig spyod par 'gyur ba lags zhes bya ba nas yongs su rdzogs par spyod pa lags zhes bya ba'i bar gyi zhu ba gang yin pa'i zhu ba de mi 'chad do/ /lan lta smos kyang ci dgos med chen 'di na dge bsnyen

  75. 38a

    srog gcod spangs nas srog gcod las slar log pa yin te/ ming chen 'di tsam gyis dge bsnyen bslab pa las sna gcig spyod pa yin no zhes bya ba rgyas par bslab pa'i gzhi gnyis kyis spangs pa ni phyogs gcig spyod pa yin no/ /gsum mam bzhi spangs pa ni phal cher spyod pa yin no/ /lnga spangs pa ni yongs su rdzogs par spyod pa yin no zhes bya ba'i lan 'di ltar shin tu yang mi rung ngo/ /de tsam du bzad pa la ni zhu ba 'di rung ngo zhes bya ba ni bslab pa'i gzhi gcig gam gnyis sam de yan chad bzod pa la'o/ /dge bsnyen ni sdom pa med par yang btags kyi zhes bya ba ni ming chen gyi mdo las ming chen 'di ltar khyim pa gos dkar po bgos pa zhes bya ba de lta bu la sogs pa'o/ /dgra bcom pa yang so sor thar pa'i sdom pa chung ngu yod la zhes bya ba na gal te 'di'i kun nas slong bar byed pa'i sems chung ngu zhig yin par gyur na'o/ /so so'i skye bo la yang chen po yod par 'gyur ro zhes bya ba ni gal te 'di'i sems chen po yin na'o/ /mi shes par ma gtogs so zhes bya ba ni 'bogs par byed pa dang nod par byed pa'o/ /ma gus pa ni skyabs su 'gro ba med pa dge bsnyen du mi 'gyur ro/ /sangs rgyas su byed pa zhes bya ba ni sangs rgyas su gdags pa'i rgyu dag go /de nyid kyi phyir gang dag gtso bor gyur pas sku de sangs rgyas zhes brjod ces bya ba smos te/ yon tan gzhan dag kyang gtso bo ma yin par brten pa ni yod de/ gang dag brnyes pas zhes bya ba dang zad pa shes pa la sogs pa 'khor dang bcas pa la sogs pa zhes bya ba'i sgras ni mi skye ba shes pa dang mi slob pa'i yang dag pa'i lta ba bsdu'o/ /'khor dang bcas pa zhes bya ba smos pas ni zag pa med pa'i phung po lnga bsdu ba'o/ /gzugs kyi sku ni snga ma dang phyi mar yang bye brag med pa'i phyir zhes bya ba ci zhe na gzugs kyi

  76. 38b

    sku la skyabs su mi 'gro'o zhes bya bar sbyar te/ gzugs kyi sku ni byang chub sems dpa' i gnas skabs na ci 'dra ba phyis kyang de dang 'dra bas so/ /mtshan nyid kyi sgo nas ni sangs rgyas thams cad la ste zhes bya ba ni zhal nas gsungs pa'i sgo nas ni ma yin no snyam du bsams pa yin no/ /lam mtshan nyid mi 'dra ba med pa'i phyir ro zhes bya ba ni 'jig pa'i lam bsod nams dang ye shes kyi tshogs mtshan nyid dang 'jig rten las 'das pa zad pa mkhyen pa la sogs pa'i mtshan nyid mi 'dra ba med cing 'dra ba'i phyir sangs rgyas thams cad mtshan nyid 'dra'o zhes bya ba'o/ /sku tshe dang rigs la sogs pa mtshan nyid mi 'dra ba med pa'i phyir ni ma yin no/ /mi phyed pa'i phyir dge 'dun du 'gyur pa zhes bya ba ni lha dang bcas pa'i 'jig rten gyis kyang lam las ma phyed pa'i phyir dge 'dun du 'gyur ba ste/ tshogs pa'i ngo bor 'gyur ba zhes bya ba'i tha tshig go /mtshan nyid kyi sgo nas ni zhes bya ba ni snga ma bzhin du rnam par bshad par bya'o/ /gang yang ma 'ongs pa'i dus na dge 'dun zhes bya ba 'byung ba zhes bya ba rgyas par 'byung ba ni de na bcom ldan 'das kyi tshong ba tra pu sa dang/ ba li ka la bka' stsal pa/ khyed gnyis tshur sheg sangs rgyas dang chos la skyabs su song shig /gang yang ma 'ongs pa'i dus na dge 'dun zhes bya ba 'byung bar 'gyur ba de la yang skyabs su song shig ces gsungs pa yin te/ gang gi tshe dge 'dun med pa de'i tshe ma 'ongs pa'i dge 'dun kho na'i dbang du mdzad nas de skad bka' stsal na/ de ji ltar dge 'dun thams cad la skyabs su 'gro'o? zhes bya ba 'di dang 'gal bar mi 'gyur/ de dag gi mngon sum du gyur pa zhes bya ba ni dge 'dun gang zhig chos kyi 'khor lo bskor ba'i 'og tu tra phu sa dang ba li ka de gnyis kyi mngon sum du 'gyur ba de brjod pa'i phyir te/ de lta na des

  77. 39a

    yon tan gyi sgo nas khas blangs bar 'gyur ro zhes rab tu bstan pa'i phyir ro/ /sdug bsngal zhi bar mtshan nyid gcig pa'i phyir zhes bya ba ni 'di la bdag dang gzhan gyi rgyud kyi nyon mongs pa rnams dang/ sdug bsngal zhi ba gang yin pa de yod pas na zhi bar mtshan nyid gcig pa ste/ mya ngan las 'das pa yin no/ /de'i ngo bo nyid de'i phyir 'di mya ngan las 'das pa thams cad la skyabs su 'gro'o/ /rten la gnod pa byas pas zhes bya ba ni mi slob pa de dag gi rten gzugs kyi phung po gang yin pa de la gnod pa byas shing nyams par byas pas de dag gi rten can sangs rgyas byed pa'i chos de dag la yang gnod pa byas ba yin no/ /bstan bcos las ni de skad du mi 'byung ngo zhes bya ba rgyas par 'byung ba ni chos mngon pa'i bstan bcos las de skad du mi 'byung ba ste/ 'di skad du mi slob pa'i chos dag kho na sangs rgyas yin no zhes ni mi ston te/ 'o na ji skad du 'byung zhe na/ sangs rgyas su byed pa'i chos shes 'byung ste/ don ci zhe na/ sangs rgyas su byed pa gang dag yin pa ste/ sangs rgyas nyid dang sangs rgyas su gdags pa'i rgyu 'jig rten pa dang/ 'jig rten las 'das pa'i chos gang dag yin pa de dag ni sangs rgyas yin no zhes bya ba yin no/ /de'i phyir de dag gi rten 'jig rten pa'i phung po lnga'i mtshan nyid sangs rgyas nyid du ma bkag pas gal te mi slob pa'i chos dag kho na sangs rgyas yin na/ ji ltar de bzhin gshegs pa la ngan sems kyi khrag phyud bas mtshams med par 'gyur zhes gang smras pa de ni blan? ga mi rung ba nyid do/ /de lta ma yin na zhes bya ba rgyas par 'byung ba ni gal te sangs rgyas kyang mi slob pa'i chos dag kho na yin la dge

  78. 39b

    'dun yang mi slob pa dang mi slob pa'i chos dag kho na yin na/ 'jig rten pa'i sems la gnas pa sangs rgyas kyang ma yin par 'gyur dgra bcom pa yang ma yin par 'gyur ro/ /de ci'i phyir zhe na/ 'jig rten pa'i sems la ni mi slob pa'i chos dag dang/ slob pa dang/ mi slob pa'i chos med do gal te sangs rgyas su byed pa'i chos mi slob pa kho na sangs rgyas yin gyi rten gyi ma yin na sdom pa zhes bya ba dge slong du byed pa'i tshul khrims kho na yang dge slong du 'gyur gyi rten ni ma yin par 'gyur ro/ /smras pa gal te rten sangs rgyas nyid yin na ci'i phyir bstan bcos las 'di skad du/ gang zhig sangs rgyas la skyabs su 'gro ba ni mi slob pa sangs rgyas la skyabs su 'gro ba de ni mi slob pa'i sangs rgyas su byed pa'i chos dag la skyabs su 'gro'o zhes mi slob pa'i chos dag kho na la nges par bzung/ bye brag tu smra bas de skad ces smras pa dang slob dpon gyi dpes lan ji ltar gang zhig dge slong mchod pa byed pa zhes bya ba rgyas par smos te/ ji ltar gang zhig dge slong mchod par byed pa de ni tshul khrims kyi sgo nas dge slong du byed pa'i tshul khrims mchod par byed pa yin no zhes bya ba dge slong ni tshul khrims kho na yin par yang ma zad pa de bzhin du gang zhig sangs rgyas la skyabs su 'gro ba de yang mi slob pa'i sgo nas mi slob pa sangs rgyas su byed pa'i chos dag la skyabs su 'gro ba yin gyi sangs rgyas ni rang gi rgyud kyi mi slob pa'i chos dag kho na yin par ni ma zad do/ /de lta bas na gang zhig sangs rgyas la skyabs su byed pa'i chos dag la skyabs su 'gro ba yin no zhes bya ba de nyes pa med do/ / de ni sangs rgyas kyi chos ma 'dres pa bco brgyad la zhes bya ba ni de dag gi thun mong ma yin pa'i phyir ro snyam du bsams pa yin no/ /dag gi rnam par rig byed kyi ngo bo nyid dag yin no zhes bya ba ni nod pa'i dus kyi dbang du byas pa yin no/ /mchod gnas kyi

  79. 40a

    ljon shing zhes bya ba ni mchod gnas su byas pa'i shing ni mchod gnas kyi ljon shing ste/ de dag la'o/ /de nyid phyir zhes bya ba ni gang gi phyir skyabs de la rten nas kyang/ sdug bsngal kun las grol bar 'gyur ba'i de'i phyir sdom pa yang dag par blang thams cad la ste/ dge bsnyen la sogs pa'i sdom pa yang dag par blang ba dag la sgor gyur pa yin no zhes bya ba'i tha tshig go /ngan song ba'i rgyu yin pa'i phyir zhes bya pa ni 'di ltar 'dod pa log par g.yem pa ni gcig tu ngan song ba'i rgyu ste/ ngan song du 'gyur ba yin gyi mi tshangs par spyod pa ni de lta ma yin no/ /mi byed par nges pa ni mi byed pa'i sgom pa ma yin pa zhes bya ba'i tha tshig go /de yang mdo sde pa'i lugs kyis ni gnas skabs kyi khyad par kho na yin no/ /bye brag tu smra ba'i lugs kyis ni tshul khrims kyi lan lag rnam par rig byed ma yin no zhe'o/ /gang dag dge bsnyen yin bzhin du zhes bya ba rgyas par 'byung ba dag bslab pa'i gnas lnga ma nos pa bzhin du/ chung ma len par byed cing bag ma len par byed na/ ci dge bsnyen de dag gis bud med de da glas kyang bsdams pa thob bam zhes bya ba ni sngon thob pa 'am zhes bya ba'i tha tshig go /'on te ma yin zhes bya ba ni thob pa zhes bya bar skabs dang sbyar ro/ /bye brag tu smra bas thob bo zhes bya ba smos te/ nyi tshe ba'i sdom pa thob par 'gyur du 'ong bas zhes bya ba ni 'grod par bya ba ma yin pa thams cad spangs pa'i phyir ro/ /'dod pa log par g.yem pa spong ngo zhes bya ba ni bgrod par bya ba ma yin pa nyid spyod pa spong zhes bya ba yin gyi 'di la rgyud bgrod par bya ba nyid spyod pa spong zhes bya ba ni ma yin no zhes bya ba'i tha tshig go /de nyid kyi phyir rgyud 'di la zhes bya ba rgyas par smos so/ /bcas pa'i kha na ma tho ba

  80. 40b

    zhes bya ba ni bkag pa'i kha na ma tho ba'o/ /bcom ldan 'das kyis bkag pa'i las spyod pa ni sdig par 'gyur te/ bcom ldan 'das kyis bstan pa la ma gus pa'i phyir ro/ /chos mngon pa bas gang myos par mi 'gyur ba'i drod rigs? nas 'thung ba de ni nyon mongs pa can ma yin no zhes bshad pa dang/ 'dul ba 'dzin pa rnams myos par 'gyur ba 'thung ba ni rang bzhin gyi kha na ma tho ba yin zhes bya ba sgrub par byed do/ /nye bar 'khor rang bzhin gyis kha na ma tho ba ma gtogs pa zhes bya ba rang bzhin gyis kha na ma tho ba'i las kyis gso bar mi bya'i bcas pa'i kha na ma tho bas ni gso bar bya'o snyam du dgongs pa yin no/ /shAkya nad pa rnams la yang myos par 'gyur ba 'thung bar ma gnang ste/ de'i phyir de ni rang bzhin gyis kha na ma tho ba yin par mngon no/ /gal te de bcas pa'i kha na ma tho ba zhig yin par gyur na/ de shAkya nad pa'i gsos su yang gnad par 'gyur ba zhig na gnad ba yang ma yin te/ de'i phyir de ni rang bzhin gyis kha na ma tho ba yin no/ /de las 'di skad du nga ston pa yin par smra ba ste shAkya thub pa ni bdag gi ston pa yin no zhes smra ba rnams kyis myos par 'gyur ba rtswa'i rtse mos kyang btung bar mi bya'o zhes kyang gsungs te de bas na de rang bzhin gyi kha na ma tho ba yin pas bcom ldan 'das kyis bkag gi myos par 'gyur ro snyam du dgongs nas ni ma yin te/ rtsa mchog tsam gyis blangs pa'i chang gis ni myos par mi 'gyur ba'i phyir ro/ /'phags pa rnams zhes bya ba rgyas par 'byung ba ni chad 'thung ba ni rang bzhin gyi kha na ma tho ba yin te/ 'phags pa rnams tshe 'phos kyang mi spyod pa'i ephyir srog gcod pa la sogs pa bzhin no zhes bya ba ni sgrub pa yin no/ /lus kyi nyes par spyod pa zhes kyang 'byung ba'i phyir

  81. 41a

    zhes bya ba ni sgrub pa gzhan yin te/ chang 'thung ba ni rang bzhin gyi kha na ma tho ba yin te/ lus kyi nyes par spyod pa yin par 'byung ba'i phyir srog gcod pa la sogs pa bzhin no/ /dga' byed la sogs pa'i mdo las/ lus kyi nyes par spyod pa srog gcod pa dang/ ma byin par len pa dang/ 'dod pas g.yem pa dang/ 'bru'i chad dang/ sbyar ba'i mos par gyur pa/ bag med pa'i gnas rnam pa bzhi bshad do// spyir bstan mod kyi zhes bya ba rgyas par 'byung bas 'dis ni bcom ldan 'das kyis bka' la phyi 'gal ba spong bar byed do/ /ji lta zhe na/ btsun pa ji ltar zhes rgyas par chang 'thung ba spyir smos pa ni spyir bstan pa yin no/ / shAkya nad pa rnams la chang 'thung ngu ma gnang ba zhes bya ba ni dmigs kyis bstan pa yin pas/ na ba'i gnas skabs na yang chang 'thung du ma gnang ngo zhes bya bar mngon no/ /dmigs kyis bstan pa yang thal bar 'gyur ba yongs su spang ba'i phyir te/ chang ni lan cig 'thungs pas kyang chags par 'gyur ro/ /bcom ldan 'das kyis kyang gnas gsum po chang dang mi tshangs par spyod pa dang rmugs pa dang gnyid bsten pa ni ngoms pa 'am chog pa 'am tshim pa med do zhes gsungs so/ /ci'i phyir thal bar 'gyur ba 'di spangs zhe na myos par 'gyur ba'i drod ma nges pas zhes bya ba smos te/ de tsam kho na rdzas dang dus dang rang bzhin dang lus kyi gnas skabs la bltos nas myos par 'gyur ba yang yin la myos par mi 'gyur ba yang yin no/ /de nyid kyi phyir tshwa'i? rtse mos 'thung ba bkag pa yin no zhes bya ba ni 'dor ba'i tshig yin no/ /de ltar bcom ldan 'das kyis thugs la rang bzhin gyis sdig yin no snyam du dgongs nas de yongs su spang bar gsungs

  82. 41b

    pa yin no/ /'o na ci zhe na thal ba'i nyes par 'gyur ba'i phyir zhes bstan pa yin no/ /'phags pa rnams mi spyod pa ni ngo tsha dang ldan pa'i phyir zhes bya ba ni mdo las slob pa'i stobs lnga 'byung ste/ lnga gang zhe na/ dad pa'i stobs dang/ brtson 'grus kyi stobs dang/ nga tsha shes pa'i stobs dang/ khrel yod pa'i stobs dang shes rab kyi stobs zhes bya ba yin no/ /de bas na ngo tsha dang ldan pa'i phyir mi 'thung bar zad kyi rang bzhin gyi kha na ma tho ba yin pa'i phyir ni ma yin no/ /gal te ngo tsha dang ldan pa'i phyir de mi spyod na ci'i phyir chu la sogs pa bzhin du ma shas te yang mi 'thung zhe na de'i phyir des kyang dran pa nyams par byed pa'i phyir zhes bya ba smos te/ chang 'thungs na bya ba dang bya ba ma yin pa'i phyir dran pa nyams bar 'gyur ro/ /gal te de ltar ji tsam gyis dran pa nyams par mi 'gyur ba cung zad cig 'thung la rag mod ce na/ de'i phyir cung zad kyang mi gsol te zhes bya ba smos te/ dug bzhin du ma nges pa'i phyir ro zhes bya ba ni dper na dug chung ngu yang dus dang rang bzhin dang mthu dang ldan pas res 'ga' 'chi bar byed pa de bzhin du chang yang myos par byed do/ /nyes par spyod pa zhes 'byung ba ni bag med gnas yin pa'i phyir zhes bya ba ni myos pas mi dge ba mi spong ba'i phyir dang dge ba mi byed pa'i phyir ro/ / 'di la bag med pa'i gnas zhes smos kyis gzhan dag la ni ma yin te zhes bya ba ni 'bru'i chang dang sbyar ba'i chang bag med pa'i gnas spangs te/ 'bru'i chang dang sbyar ba'i chang bag med pa'i gnas las slar ldog go zhes 'byung bas bslab pa'i gzhi 'di yon la bag med pa'i gnas zhes smos kyi/ bslab pa'i gzhi gzhan srog gcod pa spong ba la sogs pa la ni bag med pa'i gnas ma smos te/ srog gcod pa bag med pa'i gnas spangs nas srog gcod med pa'i gnas las slar

  83. 42a

    ldog go zhes bya bar bag med pa'i gnas mi 'byung ngo/ /'o na ci lta zhe na/ srog gcod pa spangs nas srog gcod pa las slar ldog go zhes 'byung ste/ de bzhin du ma byin par len pa la sogs pa la yang sbyar bar bya'o/ /ci'i phyir zhe na/ de dag ni rang bzhin gyi kha na ma tho ba yin pa'i phyir ro zhes bya ba smos te/ srog gcod pa spong ba la sogs pa'i bslab pa'i gzhi de dag ni rang bzhin gyis kha na ma tho ba yin pa'i phyir ro/ /'di skad du 'di ni bag med pa'i gnas yin pas chang 'thung bar? ldog par bya'i 'di rang bzhin gyi kha na ma tho ba yin pa'i phyir ni ma yin no zhes bshad pa yin no/ /ha cang kun tu bsten pas zhes bya ba rgyas par 'byung ba ni dga' byed kyi mdo las 'bru'i chang dang sbyar ba'i chang bag med pa'i gnas kun tu bsten cing goms par byas lan mang du byas pas lus zhig nas dmyal ba dag tu skye'o zhes 'byung ba'i phyir chang 'thung ba ha cang kun tu bsten pas ngan 'gror 'gro bar gsungs pa ni de'i zhar la ste/ chang 'thung ba'i zhar la mi dge ba'i rgyun yang dang yang du rtag tu 'jug pa ste/ mi dge ba rnams kyi rgyun de 'jug pas na song ba'i las na song ba'i 'bras bu can gyi las sngon med pa ni 'phen cing kun 'phen pa 'am 'jug pa thob pa ste/ 'chi ba'i gnas skabs na sngon gas gam? pa'i las 'bras bu 'byin par bya ba la 'jug pa thob pa'o/ /'phen pa 'am mjug pa 'thob pa de'i phyir ngan song du 'gro bar gsung bar zad do zhes bya bar sbyar ro/ /zas las byung ba'i btung ba'o zhes bya ba ni 'bras thug po che las byas pa'o/ /rdzas las sbyar ba'i btung ba'o zhes bya ba ni bu ram shing gi khu ba la sogs pa las byas pa'o/ /de dag kyang zhes bya ba rgyas par 'byung ba ni 'bru'i chang dang sbyar ba'i chang de dag kyang res 'ga' myos par 'gyur ba'i dngos por ma reng pa ste gang gi tshe bzhon nu 'dug pa na'o/ /res 'ga' ni myos par 'gyur ba'i dngos po las thal bar

  84. 42b

    'gyur te gang gi che ha cang brnyings par 'gyur ba na'o/ /de'i phyir myos par 'gyur ba zhes smos te/ gal te myos par gyur na de'i phyir nyes pa yin no snyam du dgongs pa yin no/ /gla gor zho sha dang khre rgod la sogs pa yang zhes bya ba la sogs pa zhes bya pa'i sgras ni 'bru ni spa ba la sogs pa yang bsdu ste/ 'bru'i chang dang sbyar ba'i chang ma yin pas myos pa nyid du gyur du zin kyang nyes pa med kyi 'bru'i chang dang sbyar ba'i chang gi ngo bo nyid kyi chang 'thung na de'i phyir nyes pa yin no zhes bya ba'i tha tshig go / bag med pa thams cad kyi gnas su gyur pas zhes bya ba chang 'thung ba ni bag med pa thams cad de/ srog gcod pa la sogs pa mi dge ba rnams kyi rgyur gyur pa dran pa nyams pa thams cad kyi gnas dang gzhi dang rten pa yin pas bag med pa'i gnas yin no/ /gang las cig 'thob pa zhes bya ba ni dngos gzhi la sogs pa dang sems can dang sems can ma yin par ston pa la gang so sor thar pa'i sdom pa 'thob pa de las lhag ma bsam gtan dang zag pa med pa'i sdom pa dag thob pa ma zhes bya ba yin no// sbyor ba dang dngos dang mjug las so zhes bya ba ni mi dge ba'i las kyi sbyor ba dang/ dngos dang/ mjug dag las go rim bzhin du gnyen por gyur pa so sor thar pa'i sdom pa zhes bya ba rnam par rig byed dang rnam par rig byed ma yin pa sbyor ba dang/ dngos dang/ mjug gi ngo bo nyid gsum thob par 'gyur ro/ /sems can dang sems can ma yin pa ston pa'i bzhi srog chags dang nags tshal gyi mtshan dang rang bzhin dang bcas pa'i kha na ma tho ba srog gcod pa dang nags tshal 'joms pa la sogs pa'i mtshan nyid kyi las dag las so/ /de ltar na 'di gnyis ni gnyi ga'i rten can yin te/ rang bzhin gyi kha na ma tho ba yang sems can rten can dang/ sems can ma yin pa'i rten can yin la/ bcas pa'i kha na ma tho ba yang sems can gyi rten can gyi 'di ltar rang

  85. 43a

    bzhin gyi kha na ma tho ba ni sems can gyi rten can yin la/ bcas pa'i kha na ma tho ba ni sems can ma yin pa'i rten can yin no zhes bya bar ni mi bzung ngo/ /de la re zhig rang bzhin gyi kha na ma tho ba sems can gyi rten can ni srog chags gsod pa la sogs pa'o/ /bcas pa'i kha na ma tho ba sems can gyi rten can yang dge slong bud med kyi lag pa la sogs pa nas 'dzin pa dang/ khyim na lhan cig nyal ba la sogs pa'o/ /rang bzhin gyi kha na ma tho ba sems can ma yin pa'i rten can ni gser la sogs pa rku ba'o/ /bcas pa'i kha na ma tho ba sems can ma yin pa'i rten can ni dge slong shing lo ma gcod pa dang 'dul ba las zas la sogs pa'i btung ba bshad pa lta bu'o/ /sems can gyi rten la 'jug pa'i phyir zhes bya ba ni sems can du gdags pa'i rten la 'jug pa'i phyir ro snyam du bsams pa yin no/ /da ltar gyi chos rnams kho na sems can du gdags pa'i rten yin gyi 'das pa dang ma 'ongs pa rnams ni ma yin te/ de dag ni med pa dang 'dra ba'i phyir ro/ /de nyid kyi phyir 'das pa dang ma 'ongs pa'i dag las ni ma yin te/ de dag ni sems can du mi bgrang ba'i phyir ra? zhes bya ba smos so/ /sems can dang sems can ma yin par ston pa dag las 'thob po zhes bya ba 'byung pa'i phyir sems can ma yin par gdags pa'i rten la zhugs pa yang so sor thar ba'i sdom pa yin par 'gyur ba ma yin nam zhe na/ da ni de lta bu 'gog par byed pa ma yin no/ /ji ltar da ltar gyi sems can du sngon pa kho na las thob par 'gyur zhes bshad pa de bzhin du da ltar gyi sems can ma yin par ston pa kho na las kyang 'thob par 'gyur ro zhes brjod par bya dgos te/ tshig 'dis ni da ltar gyi rten can kho na yin par 'dod pa yin no/ /de nyid kyi phyir zhes bya ba ni gang gi phyir

  86. 43b

    sdom pa 'di dag ji skad rgyas par bshad pa de ltar 'thob par 'gyur ba de'i phyir mu bzhir bya'o/ /rgyas par zhes bya ba la rgyas par zhes bya ba'i don ni gang dag las bsam gtan dang zag pa med pa'i sdom pa dag thob la/ so sor thar pa'i sdom pa ma yin pa'i phung po dang khams dang skye mched de dag kyang yod/ gang dag las so sor thar pa'i sdom pa 'thob la bsam gtan dang zag pa med pa'i sdom pa ma yin pa de dag kyang yod/ gang dag las gnyi ga 'thob pa de dag kyang yod gang dag las gnyi ga ma 'thob pa de dag kyang yod ces bya ba yin no/ /mu dang po ni de ltar srog gcod pa la sogs pa'i las kyi lam gyi sbyor ba dang 'jug dag dang shing gcod pa la sogs pa'i bcas pa'i kha na ma tho ba las 'thob pa'i sdom pa gang yin pa'i so sor thar ba'i sdom pa de yin te/ 'dod rtogs thams cad gnyi ga dang zhes 'byung ba'i phyir ro/ /gnyis pa ni 'das pa dang ma 'ongs pa'i las kyi lam dngos su srog gcod pa spong ba la sogs lus dang ngag gi bdun las 'thob pa'i sdom pa gang yin pa ste/ de ni dngos dang dus ni thams cad las 'byung ba'i phyir bsam gtan dang zag pa med pa'i sdom pa dag yin la so sor thar pa'i sdom pa ni ma yin te/ 'das pa dang ma 'ongs pa yin pa'i phyir ro/ /gsum pa ni da ltar byung ba'i las kyi lam dngos dag las so zhes bya ba ni da ltar byung ba'i las kyi lam yin pa'i phyir so sor thar pa'i sdom pa yang yin la las kyi lam gyi dngos yin pa'i phyir bsam gtan dang zag pa med pa'i sdom pa dag kyang yin no/ /bzhi pa ni 'das pa dang ma 'ongs pa'i nyer bsdogs dang 'jug dag las so zhes bya ba ni 'das pa dang ma 'ongs pa yin pa'i phyir so sor thar pa'i sdom pa yang ma yin la nyer bsdogs dang mjug yin pa'i phyir bsam gtan dang zag pa med pa'i sdom pa dag kyang ma yin no/ /slob dpon

  87. 44a

    gyis rang gi rgyud la da ltar gyi las kyi lam dag las sdom pa rung ba ma yin par mthong nas sdom pa tho pa'i tshe na da ltar gyi las kyi lam med pas da ltar gyi bzhi can gyis las kyi lam dag las zhes brjod par bya ba smos nas slob par byed pa yin te/ dngos po gang zhig las ldog pa de ni da ltar gyi nyid yin par mi srid pa'i phyir ro/ /'das pa dang da ltar gyi rnams la ni ma yin no zhes bya ba la/ slob dpon gyi bsam pa ni 'di dag ni byung zin pa'i bsdam par yang rung ba ma yin la/ da ltar byung ba rnams ni mi skye bar yang mi nus kyi ma 'ongs pa rnams la nus pas de dag kho na bsdam par rung ngo snyam pa yin no/ /de skad du smos pa la bye brag tu smra ba rnams kyis bsam pa ni 'di yin par mngon te/ so sor thar ba'i sdom pa'i sbyor ba dang/ dngos dang mjug dag ni go nga mi bzhin du srog gcod pa la sogs pa'i sbyor ba dang/ dngos dang mjug 'di dag 'jug par ma gyur cig ces sdom par byed pa yin te/ shugs nyid kyis ni gnyen por gyur pa de dag ni mi mthun par gyur pa de dag la gags byed pa lta bur skye ste/ sbyor ba yang sbyor ba la 'di skad du khyod ngas bsdams kyis khyod ma 'byung zhig ces smras la/ de bzhin du 'jug la de skad du smra'o zhes bya ba'i bar du sbyar bar bya'o/ /de bzhin du da ltar gyid? phung po dang khams dang skye mched las kyi lam gyi sbyor ba dang/ dngos dang mjug gi ngo bo nyid dag 'gag pa na da ltar gyi de dag las so sor thar ba'i sdom pa thob po zhes bshad pa yin pas de bas na de skad du ni brjod par mi bya'o zhes bya ba yin no/ /la la ni thams cad las 'thob pa ste zhes bya ba rgyas par 'byung ba ni dge slong gi sdom pa ni las kyi lam thams cad las thob ste/ las kyi lam thams cad spong bar byed pa yin no zhes bya ba'i tha tshig go /la la ni bzhi las te/ de dag las gzhan pa'o zhes bya ba ni

  88. 44b

    dge slong gi sdom/ dge tshul la sogs pa'i sdom pa ni yan lag bzhi kho na las 'thob ste/ lus kyi srog gcod pa la sogs pa gsum dang/ ngag gi rdzun du smra ba las so/ /gal te ma chags pa dang zhe sdang med pa dang gti mug med pa de'i rgyur 'dod na'o zhes bya ba ni sdom pa'i rgyu rnam pa gnyis su 'dod de ma chags pa dang zhe sdang med pa la dang gti mug med pa dag dang sems chung ngu dang 'bring dang chen po dag ces bya ba yin no/ /gal te rnam grangs dang po yin par 'dod na ni sdom pa ma chags pa la sogs pa'i ngo bo nyid kyis lam thams cad kyis 'thob ste/ kun nas slong bar byed pa'i sems dge ba la de rnams cig car 'byung ba'i phyir ro/ /gal te sems chung ngu dang 'bring dang chen po dag rgyur 'dod pa na ni rgyu gcig gis 'thob ste/ de dag cig car 'byung ba med pa'i phyir ro/ /rnam grangs tha ma zhes bya ni chung ngu la sogs pa rgyu yin pa'i phyogs so/ /sdom pa la gnas pa sems can thams cad la bsdams pa/ yan lag thams cad rgyu thams cad kyis ma yin pa yang/ yod ces bya ba rgyas par 'byung ba ni sems can thams cad kyi rjes su song ba'i bsam pa dge ba can la sdom pa skye ba'i phyir sems can thams cad la bsdams pa yin la dge bsnyen la sogs pa'i sdom pa ni yan lag thams cad spangs pa ma yin pa'i phyir yan lag thams cad kyis yang ma yin la/ rgyu thams cad kyis kyang ma yin te chung ngu la sogs pa rgyu nyid du cig car 'byung ba mi srid pa'i phyir ro/ dge slong gi sdom pa ni yan lag thams cad kyis kyang yin te/ yan lag thams cad spangs pa'i phyir ro/ /gang zhig sems rnam pa gsum gyis sdom pa rnam pa gsum yang dag par len pa'o zhes bya ba ni 'di lta ste/ sems chung ngus ni dge bsnyen gyi sdom pa yang dag par len la/ 'bring gis ni dge tshul gyi sdom pa len

  89. 45a

    chen pos ni dge slong gi sdom pa len ces bya ba yin no/ /rgyu thams cad kyis bsdams la yan lag thams cad kyis kyang ma yin pa yang yod zhes bya ba ni dge bsnyen la sogs pa'i sdom pa rnams re re'i rgyu chung ngu la sogs pa re re zhig yin pa'i phyir ro// //bam po sum cu rtsa gsum pa/ /de ltar mnos na zhes bya ba ni nges pa lnga byed pas mnos na'o/ /ji ltar na mi nus pa dag las sdom pa thob ces bya ba ni gang dag bsad par mi nus pa'i sems can mi nus pa de dag las sdom pa ji ltar 'thob rten 'di la slob dpon gyis lan du sems can thams cad kyi srog la mi gnod pa'i bsam pas khas blangs pa'i phyir ro zhes bya ba smos te/ sems can thams cad kyi srog de la gnod pa mi bya ba'i bsam pas sdom pa khas len pa'i phyir ro/ /bye brag tu smra bas kyang dri ba 'di nyid kyi lan du gal te nus pa dag kho na las zhes bya ba rgyas par smos te/ lha la sogs pa yang mi la sogs par 'pho la mi la sogs pa yang lta la sogs par 'pho bas/ nus pa dang mi nus pa mi la sogs pa dang lha la sogs pa ni/ phan tshun 'pho bas 'phel ba dang 'grib pa dang ldan par 'gyur te/ sems can nus pa dag tu gyur na ni sdom pa 'phel bar 'gyur la/ mi nus pa dag tu gyur na ni 'grib par 'gyur ro/ /slob dpon gyi bye brag tu smra ba'i lan 'di blags pa dang bcas par mthong nas de ltar ni mi 'gyur te zhes bya ba smos te/ de ltar sdom pa 'phel ba dang 'grib pa dang ldan par ni mi 'gyur ro/ /ji ltar zhe na ji ltar sngon med pa'i rtswa la sogs pa skyes sam/ rtswa la sogs pa snyams na rtswa la sogs pa de dag las sdom pa 'thob par 'gyur mod kyi 'on kyang sdom pa 'phel ba dang 'grib par mi 'gyur ba

  90. 45b

    de bzhin du nus pa dang/ mi nus pa 'phos su zin kyang 'tshal zhing 'grib pa dag tu mi 'gyur te/ rgyas pa dang 'grib pa dag tu zhes bya ba'i tha tshig go de lta bas na nus pa dag kho na las kyang sdom pa 'thob la nyes pa dang yang mi 'gyur ro/ /zhes bya ba min no/ /bye brag tu smra bas ma yin te/ sems can rnams ni zhes bya ba rgyas par smos te/ ji ltar sngon med pa'i rtswa la sogs skyes sam zhes bya ba rgyas par gang smras pa de ni da lta ma yin no/ /de ci'i phyir zhe na/ sems can rnams ni 'pho ba'i sngon rol par phyis kyang yod pa'i phyir la rtswa la sogs pa ni med pa'i phyir te/ rtsa dang gal pa dang lcag ma la sogs pa ni sngon rol? phyis kyang med pa'i phyir ro/ /de'i phyir rtswa la sogs pa'i dpes 'phel ba dang 'grib pa'i nyes pa mi zlogs so/ /da ltar chos mi mthun pa tsam zhig smras kyi bsgrub par bya ba dang/ sgrub pa'i don ni ma yin pas slob dpon gyis yang yongs su mya ngan las 'das nas zhes bya ba rgyas par smos so/ /de lta bas na gtan tshigs snga ma nyid bzang ngo zhes bya ba ni sems can thams cad kyi srog la ma gnod pa'i bsam pas khas blangs pa'i phyir ro zhes bya ba yin te/ de'i phyir nus pa dag las sdom pa 'thob po zhes bya bar grub po/ /gal te de ltar sems can thams cad las so sor thar pa'i sdom pa 'thob na/ 'o na ni sngon gyi sems can sangs rgyas su gyur nas yongs su mya ngan las 'das pa rnams las de ma 'thob pa'i phyir tshul khrims nyung par 'gyur ro zhe na/ slob dpon gyis bshad pa/ sangs rgyas thams cad kyis te phyis 'byung ba rnams kyis kyang khyad par med par sems can thams cad las thob pa'i phyir te/ gal te de dag yongs su mya ngan las 'das par ma gyur na de'i tshe/ de rnams kyis de dag las kyang 'thob par 'gyur ro/ /las kyi lam thams cad las zhes bya ba dag ni lus dang ngag gi las so/ /sdom pa ma yin pa ma tshang ba'i sdom pa ma yin pa can ni med do zhes bya ba ni srog gcod

  91. 46a

    pa kho na yin gyi ma byin par len pas ni ma yin no zhes bya ba de lta bu la sogs pa yin no/ /sdom pa ma yin pa ni zhan pa kho na dang ldan la zhes bya ba ni sngar thob zin pa'i phyir ro/ /srog gcod pa'i rnam par rig byed chen po dang zhes bya ba ci zhe na ldan no zhes bya bar sbyar te/ rnam par smin pa'i 'bras bu la ni khyad par med do/ /de bzhin du k'bring dang drag po la yang sbyar bar bya'o zhes bya ba ni gang zhig sems 'bring gis sdom pa ma yin pa thob pa de sems drag pos srog chags kyi srog gcod par byed na yang sdom pa ma yin pa ni 'bring kho na dang ldan la zhes bya ba dang/ de bzhin du gang zhig sems drag pos zhes bya ba nas sdom pa ma yin pa yang chen po kho na dang ldan la srog gcod pa'i rnam par rig byed kyang chen po dang ldan no zhes bya ba dang/ gang ba zhig sems chen pos sdom pa yin pa thob de sems chung ngus srog chags kyi srog gcod par byed na yang sdom pa ma yin pa ni chen po kho na dang ldan la/ srog gcod pa'i rnam par rig byed ni chung ngu dang ldan no zhes bya ba'i bar sbyar ba ma yin no/ /ba gu ri 'chor ba rnams zhes bya ba ni srog chags kyi rigs pa ma pa zhes bya ba ba gu ri zhes grags pa zhig yod de de gsod pas na gu ri 'chor ba rnams so/ /don gyis na sdom pa ma yin pa can yin no zhes bya ba ni rgyal po dang/ blon po rnams kyang chad pas gcod par byed pa yin pa'i phyir de las mi 'byung yang sdom pa ma yin pa can kho na blta'o/ /gzhan la yang de bzhin du sbyar ro zhes bya ba ni bya gag rnams gsod pas na bya gag gsod pa rnams so zhes bya ba de lta bu la sogs pa'o// re shig rigs na zhes bya ba rgyas par brjod nas/ ji ltar sems can thams cad las sdom pa ma yin pa ma thob bar rung zhes bya ba'i par dris pa dang bye brag tu smra ba lan du de dag ni ma la sogs pa zhes bya ba rgyas par smras so/ /slob dpon gyis re shig

  92. 46b

    de dag nyid de dag yin par shes nas mi gsod do zhes bya ba smos te/ ma la sogs pa de dag yin zhes bya bar shes pa rnams ni mi gsod pas ji ltar bsad par bya ba yin pa de dag las kyang/ sdom pa ma yin pa thob par rung gzhan yang 'phags par gyur pa de dag lug la sogs par skye mi srid pa'i phyir yang phyugs su 'gyur ba'i go skabs med na ji ltar de dag las sdom pa yin pa thob par 'gyur/ gal te lugs la sogs par 'gyur ro zhes ma 'ongs pa'i lus la bltos te da ltar gyi ma la sogs pa'i lus las sdom pa ma yin pa zhig tu gyur na ni/ shen pa de dag che phyi ma la lug bur gyur pa rnams kyang gtan mi gsod pas lug de dag las sdom pa ma yin par mi 'gyur ro/ /bye brag tu smra bas ji ltar na gsod par 'dod bzhin du zhes bya ba rgyas par smras pa dang/ slob dpon gyis de ni ma la sogs pa la yang mtshungs te zhes bya ba rgya cher smos te/ ji ltar na shen pa la sogs pa ma la sogs par gyur pa gsod par mi 'dod bzhin du ma la sogs pa de dag la sdom pa ma yin par 'gyur/ ma tshang ba ni las kyi yan lag gi sgo nas nyi tshe ba yang yod de sems can dang yul dang dus dang tshe nges par byed pa dang ldan pas phyogs cig ma spangs pa'i phyir ro/ /sngar bshad pa so sor thar pa'i sdom pa rnam pa brgyad ma gtogs pa yang de bzhin du chad pa yang yod la nyi tshe ba yang yod do/ /ci'i phyir zhen tshul khrims dang 'chal ba'i tshul khrims de tsam gyi gegs byed pa'i phyir ro zhes bya ba smos te/ sdom pa yin pa yang tshul khrims de tsam gyi gegs byed la sdom pa yang 'chal ba'i tshul khrims de tsam gyi gegs byed do zhes bya ba yin no/ /de'i rigs su skyes pa zhes bya ba ni sdom pa yin pa'i rigs su skyes pa rnams so/ /zhing dang/ len pa dang/ gus par byed pas

  93. 47a

    'thob ces bya ba la gus par byed pa ni bya ba rtsom pa'o/ /zhing dang len pa dang gus par byed par zhes bya bar tshig bsdu ste/ de las rnam par rig byed ma yin pa skye'o/ /tshes zhes bya ba rgyas par 'byung ba ni tshes la zas sbyin pas nas zla ba phyed kyi bar du zas sbyin par bya'o zhes bya ba'i don yin par shes so/ /sogs pa zhes bya ba'i sgras ni dkyil 'khor byed pa la sogs pa bsdu ba'o/ /de lta bu'i gus pas shes bya ba ni nyon mongs pa drag po dang rab tu dang ba drag pos zhes bya ba'i tha tshig go /yang dag par blangs pa dang 'gal ba'i rnam par rig byed bskyed pa dang zhes bya ba ni ji srid 'tsho'i bar du srog gcod pa la sogs pa spong ngo zhes yang dag par blangs pa gang yin pa dang 'gal ba'i rnam par rig byed bskyed pa'i phyir te/ de ltar na rgyu dang pos so sor thar pa'i sdom pa gtong ba yin no/ /rten por ba dang zhes bya ba ni rten gang gi sdom pa blangs pa de bor zhing shi ba'i phyir te/ de ltar na rgyu gnyis pas de btang ba yin no/ /rten nyams zhes bya ba ni rten ji lta bus sdom pa blangs pa de lta bu yin par nyams pa'i phyir te/ de ltar rgyu gsum pas de btang ba yin no/ /gzhi chad pa dang zhes bya ba la gzhi ni dge ba'i rtsa ba rnams te de chad pa'i phyir rgyu bzhi pas de btang ba yin no/ /de srid du 'phangs pa'i phyir ro zhes bya ba ni bsnyen gnas pa'i sdom pa ni nyin mtshan gcig tu 'phangs pa yin pas bsnyen gnas pa'i sdom pa de ni sngar bshad pa'i rgyu bzhi dang rgyu lnga pas gtong ba yin no/ /ltung bar 'gyur las zhes bya ba ni ji skad bshad pa'i rgyu lnga po de dag dang ltung bar 'gyur bas yin no zhes zer ro/ /'dis ltung bar 'gyur bas na ltung bar 'gyur ba'o/ /de yang rnam pa bzhi ste/ mi tshang par spyod pa dang/ ji skad bshad pa'i tshad ma byin par len pa

  94. 47b

    dang/ mi gsod pa dang/ mi'i chos bla ma brdzun du smra ba zhes bya'o/ /kha che rnams ni 'byung ba la/ /bu lon nor bzhin gnyis su 'dod ces bya ba ni lung dang rigs pas te/ de la lung ni 'dul ba las/ gal te dge slong tshul khrims 'chal ba zhig dge slong ma la rjes su ston na dge 'dun gyi lhag mar 'gyur ro zhes gsungs pa 'di yin te/ dge slong tshul khrims 'chal ba ni phas pham par 'byung ba yin par bzhed kyi phas pham pa byung ba ni ma yin te/ rang bzhin du gnas pa'i tshul khrims dang ldan pa zhes bzlog ste 'byung ba'i phyir ro/ /de'i phyir tshul khrims 'chal pa de la yang dge slong gi dngos po yod par mngon te/ 'di ltar dge 'dun gyi lhag mar 'gyur ro zhes bshad pa'i phyir ro/ /rigs pa yang gcig nyams par sdom pa zad par gtong bar ni mi rigs so zhes bya ba yin no/ /rtsa ba'i ltung ba la yang zhes bya ba ni ltung bar 'gyur ba'i ltung ba byung ba la yang zhes bya ba'i tha tshig go /ltung ba gzhan byung ba la yang tshul khrims 'chal pa med do zhes bya ba ni dge 'dun lhag ma la sogs pa'o/ /bshags na zhes bya ba ni bshags pa byas nas so/ /'o na bcom ldan 'das kyis zhes bya ba rgyas par pham par 'gyur zhes gang gsungs pa zhes bya ba'i bar 'byung ba ni ji lta bu yin zhes bya ba'i tshig kho nas 'byung ngo/ /de ni don dam pa'i dge slong nyid las dgongs te gsungs pa yin no zhes bya ba ni ltung bar 'gyur ba byung ba de ni bden pa mthong ba'i skal pa med kyis don dam pa'i dge slong nyid du ma gyur pa'i phyir ro/ /nyon mongs pa mang po rnams la zhes bya ba ni dga' bo la sogs pa la te/ tshig gi don ni rtsa ba'i ltung bas kyang dge slong nyid nyams par mi 'gyur ro snyam du rig nas de dag yang byed par 'gyur ro zhes bya ba yin no/ /

  95. 48a

    ming gi dge slong zhes bya ba ni bsnyen par ma rdzogs pa gang zhig la dge slong zhes ming du btags pa'o/ /khas 'che ba'i dge slong zhes bya ba ni tshul khrims 'chal pa mi tshangs par spyod pa la sogs pa la zhugs pa yin no/ /slong bas na dge slong zhes bya ba ni slong bar byed pa'o/ /nyon mongs pa bcom pas na dge slong zhes bya ba ni dgra bcom pa'o/ /don 'di la ni zhes bya ba ni bcom ldan 'das kyis dge slong ma yin dge sbyong ma yin zhes bya ba rgyas par bshad pa'i don gang yin pa 'di la ni ji skad bshad pa'i dge slong bzhi las gzhan pa lnga pa/ gsol ba dang bzhi'i las kyis bsnyen par rdzogs pa kho na yin no/ /zhes bya ba yin no/ /gang yang de ni don dam pa'i dge slong nyid las dgongs te gsungs pa yin zhes smras pa de la bshad pa/ de la sngon don dam pa'i dge slong du gyur la/ dge slong ma yin/ dge sbyong ma yin zhes 'byung ba gang gis ni phyis dge slong ma yin par 'gyur ba ni ma yin no zhes bya ba dper mdzad nas zhes bya ba ni ston pa nyid kyis shing ta la'i mgo bcad pa dper mdzad pa lan btab pa yin no zhes bya bar sbyar te/ 'dri ba'i lan btab pa yin no zhes bya ba'i tshig go /zhal zas la kham gcig longs spyad pa dang/ gtsug lag khang la gom pa gcig 'dor ba'i phyogs longs spyad pa zhes bya bar sbyar ro/ /ston pas dge slong gi longs spyod las kyang bkar to zhes bya ba na bcom ldan 'das kyis dge slong rnams dang lhan cig longs spyod pa gral cig tu zas bra ba la sogs pa thams cad las bskrad pa yin no/ /sred bsal bar gyis zhes bya ba la sre da ni nas 'dra ba zhig ste de dang 'dra ba gzhan rtswa'i khyad par gang zhig nas ma rung bar byed pa la bya ba ltar dge slong ma yin pa la dge sbyong gi sha tshugs can

  96. 48b

    zhes bya ba 'di yang de kho na dang 'dra'o/ /shing rul zhes bya ba ni shing rul pa ste/ dge slong rul par gyur pa 'di yang de dang 'dra'o/ /de ni bcom ldan 'das kyis dge slong rnams la khyed kyis tshul khrims dang ldan pa'i dge 'dun gyi nang nas skrod cig ces bka' stsal to/ /snying po med pa dor bar gyis zhes bya ba la snying po med pa zhes bya ba ni 'bru'i nang nas 'bru khong na snying po med pa kho na ste/ dge slong gi sha tshugs tshul khrims kyi snying po med pa yang de dang 'dra ste/ de dor bar bya zhing dbyung bar gyis shig ces bya ba'i tha tshig go /lam gyis rgyal zhes bya ba ni slob pa dang mi slob pa'o/ /lam ston pa ni sangs rgyas so/ /lam phyir 'tshol ba ni dge slong tshul khrims dang ldan pas te lam gyi ched du 'tsho ba'o/ /lam sun 'byin pa ni tshul khrims 'chal ba ste/ 'dir dper brjod pa ni 'di yin no/ /shing tshig pa zhes bya ba rgyas par 'byung ba ni dper na shing tshig pa 'di ni shing ma yin na lhag ma sngon gyis shing gi dbyibs tsam zhig 'dra pa'i phyir de la shig tshig pa zhes bya ba dang/ mtshe'u skams pa la yang mtshe'u zhes bya ba dang ne tso'i mchu ni gzugs mkhan gyi khyim la sogs pa'i nang du byas te/ ne tso'i sna dang dbyibs 'dra ba'i phyir ne tso'i sna zhes bya ba de bzhin du 'di yang dge slong gi dbyibs spyi tsam zhig lus pa'i phyir dge sbyong zhes gsungs par zad do/ /sa bon rul pa ni myu gu skyed par byed pa ma yin pa'i phyir sa bon ma yin mod kyi de'i dbyibs tsam zhig lus pa'i phyir sa bon bya'o/ /mgal ma'i 'khor lo yang 'khor lo dang 'dra ba'i phyir 'khor lo zhes bya'o/ /sems can shi ba yang sems can gyi shi tshugs tsam zhig lus pa'i phyir sems can zhes bya ba ltar 'di yang de dang 'dra bar lta bar bya'o/ /bslab pa sbyin pa zhes bya ba ni dge slong ni 'dod chags chen

  97. 49a

    pos bud med dang mi tshangs par spyad nas de'i mjug thogs kho nar bdag gis phung ba byas so zhes skyo ba shes shing bcab pa'i sems gcig kyang ma skyes par dge slong gi dge 'dun gyi thad du song nas bdag gis sdigs byas so zhes 'chags par byed la/ 'phags pa'i dge 'dun gyi bkas dge slong thams cad pas gzhon rabs nyid yin par bya ba la sogs pa chad pa'i las byed du bcug pa de ni bslab pa sbyin pa zhes bya'o/ /de la gal te 'chal pa'i tshul gyis dge slong ma yin pa kho nar 'gyur na ni de yang med par 'gyur te/ de ni yang bsnyen par rdzogs par yang mi byed la/ dge slong du yang rnam par 'jog go /de lta bas na 'chal ba'i tshul khrims las ni dge slong nyid ma yin pa ma yin no/ /mi zer gyi zhes bya ba rgyas par 'byung ba ni kho bo cag ni thams cad mi tshangs par spyod pa'i ltung ba byung ba'i mod kho na la phas pham pa yin no/ /mi zer gyi 'o na ci zhe na/ 'chab pa'i sems kyis yin no/ /ci ste yang rab tu mi 'byung zhes bya ba ni bslab pa btang na zhes bya ba kho nas dbyung ngo/ /rgyud khrel med pa shas chen pos nyams par byas pas zhes bya ba ni 'di'i rgyud khrel med shas chen po nyams par byas pa yin te/ rgyud de nyams par byas pas sdom pa'i skal ba med pa nyid de de'i phyir yang rab tu mi dbyung ngo zhes bya bar skabs dang sbyar ro/ /dge slong gi dngos po las bltos te ni ma yin no zhes bya ba ni de la dge slong gi dngos po yod do zhes bya ba las bltos te rab tu mi dbyung ba yin no/ /'di ltar phas pham pa can de ni bslab pa btang yang rab tu mi dbyung ste/ rgyud khrel med pa shas chen pos nyams par byas pa'i phyir ro/ /bsam gtan gtogs pa zhes bya ba ni gzugs can gyi ngo bo nyid dang gzugs can ma yin pa'i ngo bo nyid kyi dge ba yin par bsams pa ste/ de nyid kyi phyir dge ba thams cad ni zhes bya ba smos pa yin no/ /rgyu gnyis kyis zhes bya ba na skye ba las sam/ nyams

  98. 49b

    pa las de de'i phyir/ skye ba ste zhes bya ba rgyas par smos so/ /gong du skyes na ni 'og ma gtong la 'og tu skyes na ni sa gong ma gtong ngo zhes bya ba yin no/ /snyoms par 'jug pa las yongs su nyams pa las ni snyoms par 'jug pa des bsdus pa'i dge ba 'tshor ro/ /ris mthun pa btang ba las kyang chung zad gtor bar 'gyur ro zhes bya ba ni so so'i skye bo'i gnas skabs na nges par byed pa'i cha dang mthun pa bzod pa'i bar skyed pa gang yin pa de ni sa 'pho ba med kyang gang gi tshe 'dod pa'i khams su shi nas de nyid du skye ba ni ris mthun pa btang bas gtong bar 'gyur te/ ji skad du/ 'phags pas de dag sa bor bas/ /gtong 'gyur 'phags min 'chi 'pho bas zhes 'byung ba lta bu'o/ /lam snga ma zhes bya ba ni rgyun du zhugs pa'i lam sbyor ba dang/ bar chad med pa dang rnam par grol ba'i lam gyi rang bzhin no/ /'bras bu 'am 'bras bu khyad pa can zhes bya ba ni lam gong ma zhes bya bar sbyar te/ 'di lta ste/ phyir mi 'ong ba la gal te phyir mi 'ong ba'i 'bras bu las/ yongs su nyams na lam gong ma phyir mi 'ong ba'i 'bras bu gtong ngo/ /gal te phyir mi 'ong ba bsam gtan gnyis pa thob la/ de las kyang yongs su nyams na de'i lam 'bras bu khyad par can bsam gtan gnyis pa'i sa pa de gtong ngo/ /rgyu dang rkyen gyi stobs kyis zhes bya ba ni skal ba mnyam pa'i rgyu'i stobs dang/ gzhan gyi smra ba'i stobs kyis zhes bya ba'i tha tshig go bsam gtan gyi sdom pa thob na zhes bya ba ni zag pa med pa'i sdom pa thob na zhes ni mi brjod de/ bsam gtan gyi sdom pa sngar bskyed pa kho nas de bor zin pa'i phyir ro/ /mi bya ba'i bsam pa thag pa nas zhes bya ba ni mtshon dang rgya'i las 'di mi bya'o snyam pa'i bsam pa thag pas bor du zin kyang sdom pa mnod pa med par sdom pa ma yin pa 'chad par mi 'gyur ro/ /dper na nang kyi gzhi yongs su spangs kyang nad rnying de sman med

  99. 50a

    par mi zlog pa de dang 'dra ste/ 'di skad du sdom pa ma yin pa 'dor bar 'dod na sdom pa mnod pa med par bya'i gzhan du ni ma yin no zhes bshad pa yin no/ /de 'thob pa ni zhes bya ba ni sdom pa ma yin pa 'thob pa'o/ / rnam par rig byed ma yin pa ji ltar gtong zhes bya ba ni rnam par rig byed kyang zhes brjod dgos te/ de nyid kyi tshe na rang kun nas slong ba'i rnam par rig byed 'das pa thob pa 'chad pa'i phyir ro/ /bar ma shugs blangs bya ba dang/ /don che rtsa ba chad pa las zhes ni pho'i rtags su brjod par bya dgos te/ sdom pa yang ma yin sdom pa ma yin pa yang ma yin zhes bya ba'i tha tshig go /'on te yang rnam par rig byed ma yin pa 'ba' zhig brjod par bya ba kho na yin no zhe na/ rnam par rig byed ma smos pa de la gtan tshigs brjod dgos so zhe na/ bshad pa rnam rig byed kyi go skabs med pa'i phyir te 'di skad du/ mi dge drug ni rnam rig min/ /gcig ni rnam pa gnyis shes 'chad par 'gyur pas rnam par rig byed ma yin pa smos pas rnam par rig byed smos pa 'grub pa'i phyir dam smos pa yin no/ /gzhan dag na re sdom pa yang ma yin sdom pa ma yin pa yang ma yin pas bsdus pa'i rnam par rig byed 'gags pa'i thob pa'i rjes su 'brel pa med de/ de nyid kyi phyir rnam par rig byed ma yin pa kho na'i gtong ba'i rgyu brjod do zhes zer ro/ /rdza mkhan gyi 'khor lo dang mda'i 'gros bzhin no zhes bya ba ni rdza mkhan gyi 'khor lo dang mda'i 'gros 'du byed kyi khyad par rgyu gang gis 'phangs pa yin par de chad pas yang 'chad pa de dang 'dra'o/ /yang dag par blangs pa 'dis chog go zhes bya ba ni 'dor ba'i tshig gis so/ /ji ltar blangs pa bzhin ma byas pa'i zhes bya ba ni 'di lta ste/ sangs rgyas la phyag ma byas shing dkyil 'khor ma byas par zas

  100. 50b

    mi za'o zhes bya ba de dag ma byas par zas za ba'i bar rnam par rig byed ma yin pa de 'chad do/ /gdos dang rgya la sogs pa zhes bya ba la sogs zhes bya ba'i sgras ni mtshon dang dug la sogs pa bsdu'o/ /dge ba'i rtsa ba rnams kun tu gcod par brtsom pa na'o zhes bya ba ni dge ba'i rtsa ba kun tu gcod par rtsom pa'i gnas skabs kho na na 'chad kyi kun tu 'chad pa'i gnas skabs na ni ma yin no zhes ston par byed do/ /dge ba'i gzugs min zhes bya ba la gzugs min zhes bya ba smos pa ni gzugs can gyi 'chad pa ni bshad pa'i phyir ro/ /rtswa chad gong du skyes pa las zhes pa 'dir 'dod chags dang bral ba las kyang chung zad cig gtong ngo zhes brjod dogs te/ dper na yid mi bde ba'i dbang po dge ba lta bu'o/ /thams cad sa bya ba ni 'dod pa dang gzugs dang gzugs med pa na spyod pa'o/ /spong ba'i lam gang yin pa zhes bya ba ni ci rigs par mthong ba'i lam dang bsgom pa'i lam 'am/ 'jig rten pa dang 'jig rten las 'das pa'i lam mo/ /'di 'khor dang bcas pa zhes bya ba ni nye ba'i nyon mongs pa'i rnam pa 'di de dang lhan cig 'byung ba 'thob pa la sogs pa rjes su 'brang ba dang bcas pa'o/ /nye ba'i nyon mongs pa'i rnam pa zhes smos pa ni nyon mongs pa yang nye ba'i nyon mongs pa nyid yin pas thams cad bsdu ba'i phyir te/ 'di ltar bstan chos las re zhig nyon mongs pa gang dag yin pa de dag ni nye ba'i nyon mongs pa yang yin te/ nye ba'i nyon mongs pa yin la nyon mongs pa ma yin pa yang yod do zhes bshad do/ /rten gnyi ga'i nyon mongs pa zhes bya ba rgyas par 'byung ba ni skyes pa dang bud med kyi rten can gyi nyon mongs pa shas che ba'i phyir dang/ de'i gnyen po bsgom pa'i mtshan nyid kyi so sor rtog pa mi bzod pa'i phyir dang ngo tsha shes pa dang/ khrel yod pa shas chen po med pa'i phyir de dag la sdom pa med do/ /gnyen por gyur pa'i phyir zhes bya ba ni gang gi phyir/ sdom pa ni sdom pa ma yin pa'i

  101. 51a

    gnyen por gyur pa de'i phyir gang la sdom pa yod pa de kho na la sdom pa ma yin pa yod do/ /'di ni za ma la sogs pa la sdom pa ma yin pa med pa'i gtan tshigs gnyis pa yin no/ /yang dag par len pa dang ting nge 'dzin med pa'i phyir zhes bya ba ni yang dag par len pa med pa'i phyir so sor thar pa'i sdom pa med la/ ting nge 'dzin med pa'i phyir bsam gtan dang zag pa med pa'i sdom pa med do/ /de med pa ni dge ba dag la zhen pas mi skye ba'i phyir ro/ /sdig pa bya ba'i bsam pa med pa'i phyir sdom pa ma yin pa med do/ /gang dang ldan pa dang gang med pas zhes bya ba ni ngan song ba rnams la ngo tsha zhes pa shes pa dang khrel yod pa gang dang ldan pa dang/ ngo tsha shes pa dang khrel yod pa gang med pas go rims bzhin du sdom pa dang sdom pa ma yin pa dag tu 'gyur pa'i ngo tsha shes pa dang khrel yod pa shas chen po de med pas so/ /gal te ngan song ba rnams la sdom pa dang sdom pa ma yin pa dag med na/ 'o na mdo las gang gsungs pa zhes bya ba de ji lta bu zhe na zhes bya ba la sogs pa'o/ /dus re zhig dang gtan du zhes bya ba ni 'bras bu yid du 'ong ba can gang yin pa de ni dus re zhig sdug bsngal las yongs su skyob pa'i phyir bde ba yin la/ mya ngan las 'das pa thob pa gang yin pa de ni gtan du sdug bsngal las yongs su skyob pa'i phyir bde ba yin te/ yongs su mya ngan las 'das pa la ni rtag tu sdug bsngal med do/ /bcom ldan 'das kyis 'di la rnam par brtags pa dang rnam par dpyad pa gang yin pa 'di ni 'dir 'phags pa rnams kyi g.yo ba'o zhes gsungs so zhes bya ba de lta bu la sogs pa bsam gtan gsum po g.yo ba dang bcas par gsungs pa ma yin nam zhes bya ba la sogs pa zhes bya ba'i sgras ni bsam gtan gnyis pa la 'di la dga' ba dang bral ba gang yin pa 'di ni 'dir 'phags pa rnams kyis g.yo ba'o zhes gsungs so/ /bshad pa dang gsum pa la yang 'di la bde'o

  102. 51b

    bde'o snyam du sems kyi gtod pa gang yin pa 'di ni ded 'phags pa rnams kyi g.yo ba'i zhes gsungs so zhes bshad pa bsdu'o/ /yang ci'i phyir 'dir gzugs dang gzugs med pa na spyod pa'i las dge ba thams cad mi g.yo ba nyid ces bya zhe na ni g.yo ba dang mthun par 'gro ba'i lam zhes bya ba smos te/ mi g.yo ba dang rjes su mthun par 'phro ba'i lam las brtsams te zhes bya ba'i tha tshig go /yang ci'i phyir ting nge 'dzin gyi skyon dang bcas pa nyid kyi g.yo ba dang bcas pa kho na gzhan du mi g.yo bar gsungs zhes na gang phyir sa ni de dag du/ las rnams smin phyir mi g.yo phyir zhes bya ba smos so/ /longs spyod la sogs par 'gyur zhes bya ba longs spyod pa ni nor phun sum tshogs pa'o/ /sogs pa zhes bya ba'i sgras ni gzugs bzang ba dang skad snyan pa la sogs pa bsdu'o/ /de nyid ces bya ba rgyas par 'byung ba ni lha dag gi nang du rnam par smin par gyur pa gang yin pa de nyid res 'ga' rkyen gzhan gyi dbang gis te/ nyon mongs pa la sogs pa'i rkyen gzhan tshogs pa de'i dbang gis mi dang dud 'gro dang yi dags kyi nang du rnam par smin par 'gyur te/ 'di lta ste/ 'di ni la la sbyin pa po yin zhing sbyin bdag yin la de yang shin tu srog gcod pa yin zhes bya ba rgyas par de glang po cher gyur na glang po che'i rgyan rnam pa sna tshogs dag thob par 'gyur ro zhes bya ba la sogs pa'i bar gsungs pa dang/ yang 'di lta ste/ 'di ni la la sbyin pa las byung ba'i bsod nams bya ba'i dngos po dang/ de bzhin du tshul khrims la 'byung ba dang/ bsgom pa las byung sa chung ngu kun tu bsten cing bsgom pa dang lan mang du byas pa yin la/ de 'di snyam du bdag lha bzang po rnams sam/ mi bzang po rnams dang skal ba mnyam par skye bar gyur na ci ma rung snyam du sems na zhes bya ba nas de ni der skye'o zhes bya ba'i bar gsungs so/ /'dod pa'i khams dang bsam gtan gsum mo zhes bya ba ni 'dod pa'i khams dang bsam gtan dang po dag na ni bde ba'i

  103. 52a

    tshor ba lus kyi bde ba dang sems kyi yid bde ba yin no/ /bsam gtan gnyis pa na ni bde ba'i tshor ba yid bde ba yin no/ /gsum pa na ni sems kyi bde ba yin no/ /de yod par bstan pa'i phyir ro zhes bya ba la/ de zhes bya ba'i sgra mi sdug bsngal dang sbyar te/ sdug bsngal de 'dod pa'i khams kho na ni yod pa nyid du shes par bya ba'i phyir 'di'i zhes bya ba smos so/ /tshogs dang bcas pa yin no zhes bya ba ni 'dis tshogs par byed cing bskyed par byed pas na tshogs de dbang po dang yul dang rten gyi mtshan nyid do/ /de'i phyir 'bras bu ni tshor ba tshogs pa dang bcas pa yin no/ /bsam gtan khyad par rnam smin las zhes bya ba ni bsam gtan khyad par can gyi las kyi rnam par smin pa'i tshor ba ni bsam gtan khyad par can du skye ba na yod par bya dgos la/ de na yang bde ba 'am sdug bsngal gyi tshor ba med de/ da lta bas na 'di'i rnam par smin pa bde ba yang ma yin sdug bsngal yang ma yin pa'i tshor ba yin pas bsam gtan bzhi pa man chad na yang bde ba yang ma yin sdug bsngal yang ma yin pa myong bar 'gyur ba'i las yod dbye bar mngon no/ /las gzhan gang gis kyang bsam gtan khyad par can du tshor ba rnam par smin par mi 'gyur zhing mi srid de/ bsam gtan khyad par can la yod pa de ni dngos gzhi bsam gtan dang po'i sa pa'i las bde ba myong bar 'gyur ba'i rnam par smin par 'gyur ba yin zhes brjod par rung ba ma yin te/ dngos gzhi ni rtogs pa dang bcas pa nyid kyis bsam gtan khyad par can pas dman pa'i phyir ro/ /'dod pa na spyod pa'i las sdug bsngal myong bar 'gyur ba yang ma yin ste/ sa tha dad pa'i phyir ro/ /de nyid kyi phyir dang de las 'dod chags dang bral ba'i phyir bsam gtan bzhi pa la sogs pa'i yang ma yin no/ /nyes pa 'di yongs su spangs par 'dod nas kha cig na re bsam gtan khyad par

  104. 52b

    can gyi las kyi rnam par smin pa ni bsam gtan gyi bde ba'i dbang po kho na yin no zhes zer zhing smra'o/ /gzhan dag na re de'i rnam par smin pa'i tshor ba med pa nyid do/ /'o na ci zhe na gzugs la sogs pa yin no zhes zer ro/ /ci de dag gi ltar na bsam gtan khyad par can du skyes pa la tshor ba med dam zhe na/ yod mod kyi de rnam par smin pa'i ngo bo nyid ni ma yin no/ /'o na ci zhe na/ rgyu mthun pa las byung ba ma yin no zhes zer ro/ /slob dpon gyis 'di ni bstan bcos dang 'gal ba yin zhes bya ba smos te/ bsam gtan khyad par can gyi las kyi rnam par smin pa bsam gtan gyi dbang po kho na yin zhes smras pa gang yin pa dang/ de'i rnam par smin pa tshor ba med pa nyid do zhes smras pa gang yin pa de gnyi ga yang bstan bcos dang 'gal ba yin te de bstan pa'i phyir bstan bcos las 'byung ngo zhes bya ba rgyas par smos te/ rtog pa med pa'i las zhes bya ba ni bsam gtan khyad par can gyi las bya ba'i tha tshig go /de'i phyir rtog pa med pa'i las dge ba'i rnam par smin pa'i sems kyi tshor ba kho na rnam par smin par 'gyur ro zhes nges par bzung ba'i phyir las de'i rnam par smin pa ni bsam gtan gyi bde ba'i dbang po kho na yang yin la tshor ba las gzhan yang ma yin no zhes bya bar mngon te/ rnam par rtog pa med pa'i las ni bsam gtan khyad par can nas gzung ba yan chad na yod do/ /snga phyi med ces bya ba ni sngar yang ma yin la phyis kyang ma yin la cig car zhes bya ba'i tha tshig go /bde ba myong bar 'gyur ba ni gzugs so zhes bya ba ni mig la sogs pa'o/ /sdug bsngal myong bar 'gyur ba ni sems dang sems las byung ba'i chos rnams so zhes bya ba ni rnam par shes pa'i tshogs lnga ste/ yid mi bde ba ni rnam par smin pa ma yin pa'i phyir ro/ /bde ba yang ma yin sdug bsngal yang ma yin pa myong bar 'gyur ba ni ldan pa tsam yin ste zhes bya ba ni srog

  105. 53a

    gi dbang po la sogs pa'o/ /'dod pa'i khams las gzhan na ni med do zhes bya ba ni gzhan na sdug bsngal myong bar 'gyur ba'i las med pa'i phyir ro/ /da ni ci las de zhes bya ba ni bde ba yang ma yin sdug bsngal ba yang ma yin pa myong bar 'gyur ba'o/ /de lta na ni 'o na zhes bya ba rgyas par 'byung ba ni gal te bsam gtan bzhi pa man chad na yang bde ba yang ma yin sdug bsngal ba yang ma yin pa myong bar 'gyur ba las dge ba yod na/ bsam gtan gsum pa'i bar dge ba/ bde ba myong 'gyur zhes bya ba 'di dang 'gal te bsam gtan gsum pa'i bar na bde ba myong bar 'gyur ba'i las dge ba yod pa 'ba' zhig tu ni ma zad do/ /'o na ci zhe na/ bde ba yang ma yin sdug bsngal ba yang ma yin pa myong bar 'gyur ba'ang yod de/ rnam par smin pa yid du 'ong ba ni dge ba yin no zhes bya ba 'di dang yang 'gal te/ rnam par smin pa yid du 'ong ba can 'ba' zhig dge ba yin par ma zad kyi rnam par smin pa yid du 'ong ba dang yid du mi 'ong ba las bzlog pa can gyi dge ba yang yod pas so/ /de na phal che ba bstan pa yin zhes bya ba ni bsam gtan gsum pa'i bar dge ba/ bde ba myong 'gyur zhes bya ba dang rnam par smin pa yid du 'ong ba ni dge ba yin no zhes bya ba ni/ phal che bas de skad du bstan par zad do zhes bya ba'i tha tshig go /ji ltar na tshor ba'i rang bzhin ma yin pa'i la zhes bya ba ni bde ba nyams su myong bar 'gyur gyi las ni ma yin pa'i don 'di yin par brtags nas 'dri ba yin no/ /bde ba myong bar 'gyur ba dang mthun pa zhes bya ba ni bde ba'i tshor ba skye ba dang mthun pa zhes bya ba'i tha tshig go /'di'i bde ba myong bar bya ba yin pas zhes bya ba yin pas zhes bya ba ni 'di'i rnam par smin pa bde ba nyams su myong bar bya ba yin par zhes bya ba'i don to/ /'khrul bar byed pa'i

  106. 53b

    'dag pa'i chal bzhin no zhes bya ba ni dper na gang gis 'khru bar byed pa'i 'dag pa'i chal yin pa de bzhin du gang gis bde ba'i rnam par smin pa myong bar byed pa'i las de ni byad pa myong bar 'gyur ba ste/ bde ba'i rnam par smin pa myong bar 'gyur ba'i las ni bde ba myong bar 'gyur ba'o/ /sdug bsngal myong bar 'gyur ba yang de bzhin du blta bar bya'o zhes bya ba ni sdug bsngal myong bar gyur pa dang mthun pa ni sdug bsngal myong bar 'gyur ba'o/ /zhes bya ba rgyas par snga ma bzhin du sbyar te/ bde ba yang ma yin sdug bsngal ba yang ma yin pa myong bar 'gyur ba yang de dang 'dra'o/ /ngo bo nyid kyis myong bar 'gyur zhes bya ba ni nyams su myong ba'i mtshan nyid kyi ngo bo nyid kyis myong bar gyur pa ni ngo bo nyid kyis myong bar 'gyur te/ de bzhin du mngon sum du gyur pas myong bar 'gyur ba ni zhes bya ba'i bar du sbyar ro/ /bde ba myong bar 'gyur ba'i reg pa zhes bya ba ni bde ba'i tshor ba dang mthun pa'am 'di la bde ba myong bar 'gyur ba yod pas na bde ba myong bar 'gyur ba'i rig pa'o/ /dmigs pa myong bar 'gyur ba zhes bya ba ni myong bar bya ba'i yul de dmigs par bya ba'i tha tshig go/ gzugs so sor yang dag par myong bar 'gyur gyi gzugs la 'dod chags so sor yang dag par myang ba ni ma yin no zhes bya ba ni gzugs so sor nyams su myong bar 'gyur gyi gzugs kyi 'dod chags so sor nyams su myong ba ni ma yin no zhes bya ba'i don to/ /yang na 'dod chags kyi gzugs so sor nyams su myong zhing dmigs pa ni ma yin no zhes bya ba yin no/ /mthong ba'i chos la myong bar 'gyur zhes bya ba ni 'di la mthong ba'i tshe la myong bar 'gyur ba'i rnam par smin pa'i mtshan nyid yod pas na mthong ba'i chos la myong bar 'gyur ba'i las zhes bya ba rgyas par 'gyur ba yin no/ /gang gi tshe zhes bya ba rgyas par 'byung ba ni gang gi tshe bde ba'i rong? ba myong bar byed pa'i nyams su? myong bar byed pa de'i tshe de'i tshor ba gnyis po sdug bsngal ba dang bde ba yang yin sdug bsngal ba yang ma yin

  107. 54a

    pa 'gag par 'gyur ro/ /rtsom pa'i dbang gis zhes bya ba ni mthong ba'i chos kho na la rnam par smin pa'i mgo zug ces bya ba'i tha tshig go/ ming de rnam par bzhag go zhes bya ba ni mthong ba'i chos la myong bar 'gyur ba zhes de skad du ni rnam par gzhag go zhes bya ba'i don to/ /las yang yod ces bya ba rgyas par 'byung ba la 'bras bu nye ba can gyi dpe ni lcam pa la sogs pa'o/ /'bras bu ring pa can gyi ni nas dang gro la sogs pa'o/ /dpes ston pa rnams ni mdo sde pa rnams te/ de ltar mu dang po dang gnyis pa dang/ rjod par byad pa de dag gi ltar na las rnam pa brgyad de/ rnam par smin pa'i phyir mthong ba'i chos la myong bar 'gyur bar nges pa dang ma nges pa'o/ /myong bar 'gyur bar ma nges pa'i bar du yang de 'dra'o zhes bya ba ni rnam par smin pa'i phyir skyes nas myong bar 'gyur ba nges pa dang/ /ma nges pa dang/ lan grangs gzhan la myong bar 'gyur bar nges ba dang ma nges par ngan? spyod? par 'gyur par ma nges pa mthong ba'i chos la sogs pa myong bar 'gyur ba ma nges pa gang yin pa de yang nges pa dang ma nges pa ste rnam pa brgyad yin no/ /las rnam pa bzhi 'phen par 'gyur ba zhes bya ba ni mthong ba'i chos la myong bar 'gyur ba la sogs pa'i las rnam pa bzhi 'phen par 'gyur ba zhes bya ba'i tha tshig go /ji lta zhe na smras pa/ yod de/ pha rol po srog gcod pa dang ma byin pa len pa dang brdzun du smra ba gsum sbyar nas bdag nyid rang 'dod pas log par g.yem pa la zhugs te/ las de dag cig car mthar phyin par gyur na ste/ gcig ni mthong ba'i chos la myong bar 'gyur ba yin la/ gcig ni skyes nas myong bar 'gyur ba yin/ gcig ni lan grangs gzhan la myong bar 'gyur ba yin/ gcig gis ni myong bar 'gyur ba ma nges pa yin na'o/ /dge ba dang mi dge ba rnams ci rigs par zhes bya ba ni gang ni mi dge ba srid pa ste/ 'dod pa'i khams kho na yod kyi gzhan na ni med do/ /'gro ba thams cad na zhes bya ba spyir bstan

  108. 54b

    pa 'di dmigs kyis bstan pa ni 'di yin te/ dmyal ba ni dge ba gsum zhes bya ba ste rnam pa gsum mo zhes nges par gzung ba yin no/ /dmyal ba dag na ni las dge ba rnam pa gsum kho na'i 'phen pa yod kyi rnam pa bzhi'i ni ma yin te/ dmyal ba de na rnam par smin pa yid du 'ong ba med pa'i phyir mthong ba'i chos la myong bar 'gyur ba ni ma gtogs so/ /dge ba zhes bya ba smos ba ni mi dge ba bsal ba'i phyir te dmyal ba dag na mi dge ba ni rnam pa bzhi char gyi 'phen pa yang srid do/ /gang las 'dod chags bral rten pa'i zhes bya ba ni gang zhig las 'dod chags dang bral ba ni gang las 'dod chags dang bral ba'o zhes bya bar tshig bsdu'o/ /bstan pa zhes bya ba smos pa ni yongs su nyams pa'i chos can bsal ba'i phyir te/ de la ni sa der skyes nas myong bar 'gyur ba'i las srid do/ /byis pa zhes bya ba smos pa ni 'phags pa gsal ba'i phyir te 'phags pa la ni der skyes nas myong bar 'gyur ba mi srid do/ phyir mi 'ong ba yin pa'i phyir ro/ /gzhan duAng myong mi byed ces bya ba ni lan grangs gzhan la myong bar 'gyur ba yang mi byed la/ skyes nas myong bar 'gyur ba yang mi byed do/ /zhes bya ba'i tha tshig go/ de la rigs pa bstan pa'i phyir/ 'di ni yang sa 'og mar 'od bar rung ba ma yin no zhes bya ba smos te/ 'phags pa yongs su mi nyams pa'i chos can 'di ni gang las 'dod chags dang bral ba de'i 'og na yod pa'i sar 'ong bar rung ba ma yin no/ /yongs su nyams pa'i chos can ni rung ste/ 'di lta ste 'phags pa srid pa'i rtse mo thob pa yongs su nyams pa'i chos can de las yongs su nyams nas gzugs kyis khams su skye bar 'gyur ba gang yin pa de la ni skyes nas myong bar 'gyur ba dang lan grangs gzhan la myong bar 'gyur ba yang srid de 'chang byed kyi mdo las/ ji skad byung ba lta bu'o/ /ma nges pa ni byed do zhes bya ba ni 'phags pa yongs su mi nyams pa'i chos can ni gang du skyes pa der myong bar

  109. 55a

    'gyur bar ma nges pa dang mthong ba'i chos la myong bar byed do/ /'dod pa'i khams sam srid pa'i rtse mo las 'dod chags dang bral ba zhes bya ba la/ 'dod pa'i khams las 'dod chags dang bral ba'i phyir mi 'ong ba'o/ /srid pa'i rtse mo las 'dod chags dang bral ba ni dgra bcom pa'o/ /de dag tu zhes bya ba ni 'dod pa'i khams dang srid pa'i rtse mo dag tu'o/ /'og nas bshad par bya ba'o zhes bya ba ni 'bras bu las nyams 'chi ba med ces bya ba med ces bya ba der ro/ /srid pa bar ma myong bar 'gyur ba'i bar du zhes bya ba ci zhe na/ nges pa dang ma nges pa zhes bya ba ma yin no/ /nges pa rnam pa bcu gcig ces bya ba ni mthong ba'i chos la myong bar 'gyur bar nges pa nas srid pa bar ma myong bar nges pa'i bar ro/ /de'i rgyu las byung ba gnas skabs bcu'o? zhes bya ba ni srid pa bar ma sngon du 'gro ba can zhes bya ba'i tha tshig go /de nyid kyi phyir srid pa bar ma myong bar 'gyur ba'i las gzhan ma bshad de zhes bya ba ni las rnam pa bzhi ste/ mthong ba'i chos la myong bar 'gyur ba dang/ skyes nas myong bar 'gyur ba dang/ lan grangs gzhan la myong bar 'gyur ba dang/ myong bar 'gyur bar ma nges pa'o zhes bya ba der ma bshad de srid pa bar ma der ni skyes nas myong bar 'gyur ba kho nas 'phangs pa'i phyir ro/ /las nges pa bar ma nges pa zhes bshad bas de'i phyir yang nges pa'i las ci 'dra ba zhes bya ba rgyas par smos te/ 'bras bu khyad par can thob pa zhes bya ba la/ 'bras bu khyad par can thob pa'i mthong ba'i lam 'bras bu thob pa dang/ dgra bcom pa nyid kyi 'bras bu thob pa yin par 'dod do/ /khyad par zhes bya ba smos pa ni zag pa med pa'i lam gyi thob pa'i 'bras bu yin par bzung ba'i phyir ro/ /snyoms par 'jug pa khyad par can thob pa zhes bya ba ni 'gog pa dang/ nyon mongs pa med pa dang/ byams pa'i snyoms par 'jug pa thob pa'o/ /'dir yang khyad par zhes bya

  110. 55b

    ba smos pa ni 'jig rten pa'i snyoms par 'jug pa gzhan las khyad par du bya ba'i phyir ro/ /ci 'dra yang rung ste/ zhes bya ba na gal te bsod nams yin pa'i blos sam/ gal te zhe sdang gis kyang rung ste/ bar srid gang zhig bsod nams yin pa'i blos pha 'am ma bsad pa'i las mi dge ba de ni mtshams med par nges par 'gyur ro/ gzhan ni ma yin no zhes bya ba ni 'di la bzlog pa'i nyon mongs pa dang rab tu dar ba chud dus byas pa zhes bya ba la sogs pa gang yin pa'o/ /dge 'dun la bud med do zhes thal mo brgal? ba las zhes bya ba ni dge slong shag kyis pham pa gcig cig gis dge 'dun la khyed par ni bud med du zad do zhes kha byas pa dang/ da mthong ba'i chos kho na la skyes pa'i mtshan mi snang bar gyur nas bud med kyi mtshan byung ngo zhes grag ste/ 'di ni zhing gi khyad par las mthong ba'i chos la myong bar gyur ba kho na yin no/ /bsam pa'i khyad par las ni zhes bya ba ni nyung rum zhig gis glad dag cig rlig pa 'byin pa mthong nas bdag kyang 'di 'dra bar rlig pa phyung bas sdug bsngal bar gyur to snyam nas bsam pa drag pos glang de dag rlig par 'byung ba las gtang ba las/ de mthong ba'i chos kho nas skyes pa'i dbang po byung zhes grag ste/ 'di ni bsam pa'i khyad par las mthong ba chos la myong bar 'gyur ba'i las su gyur pa yin no/ /de las gtan du 'dod chags dang bral ba yin pa'i phyir zhes bya ba ni de la gtan du 'dod chags dang bral ba'i phyir ro mthong ba'i chos la myong bar 'gyur ba ma yin pa'i las kyang mthong chos la myong bar 'gyur ro/ /gnas skabs su yang ma yin zhes bya ba ni mthong ba'i chos la sogs pa'i gnas su ma nges pa gang yin pa dang rnam par smin par nges pa'i? phyir ma nges pa yang ma yin pa de kho na mthong ba'i chos la myong bar 'gyur ro/ /de nyid kyi phyir bshad pa mthong ba'i chos la sogs pa'i gnas skabs gzhan du nges pa gang yin pa de ni nyid ni rnam par smin par

  111. 56a

    'gyur ro/ /de dang ldan bzhin du gtan du 'dod chags dang bral ba mi srid pas zhes bya ba ni de ltar gnas skabs nges pa'i rnam par smin pa can gyi las de dang ldan pa'i gang zag ni sa de las gtan du 'dod chags dang bral mi srid pa'i phyir zhes bya ba'i tha tshig go /zhing gi khyad par zhes bshad pas/ de'i phyir zhing de ji lta bu zhig ces 'dri bar byed de nyon mongs pa med pa las langs pa'i zhes bya ba rgyas par 'byung ba ni rgyud sems can tshad med pa la nyon mongs pa med pa dang ldan pa'i lhag pa'i bsam pa ste/ bsam pa de dang rjes su 'brel ba dang shin tu gsal zhing? rno ba'i bsod nams tshad med pas yongs su bsgos pa dang rjes su 'brel ba yin no/ /nyon mongs pa med pa ni 'go nas/ nyon mongs med dang smon nas shes zhes bya ba der bshad par bya'o/ /byams pa las langs pa'i zhes bya ba rgyas par 'byung ba ni sems tshad med pa dag la bde ba skye bar gyur cig snyam pa'i lhag pa'i bsam pa dang rjes su 'brel ba yin no/ /shin tu gsal ba zhes bya ba thams cad ni snga ma bzhin no/ /gnas yongs su gyur pa sar pa yin pas dri ma med pa yin zhes bya ba ni langs nas ring por lon pa'i phyir rgyud gnas lugs yongs su gyur ba gsar ba yin zhing gsar pa yin pas na dri ma med pa yin no/ /kham po sum cu rtsa bzhi pa/ /gang zag de dag la phan pa dang gnod pa byas pa rnams te/ phan btags pa dang gnod pa byas pas dag ba dang mi dge ba rnams kyi 'bras bu mthong ba'i chos kho na la thob par 'gyur ro zhes 'phral gyi don ston par byed de 'phral dang 'dra ba'i phyir ro/ //lhag ma bsgom pa'i lam zhes bya ba rgyas par 'byung ba ni lhag ma bsgom pa'i lam lan cig phyir 'ong ba dang phyir mi 'ong ba'i 'bras bu thob par byed pa ste/ 'di la rang bzhin dang 'bras bu yongs su ma rdzogs pa yod pas na rang bzhin dang 'bras bu yongs su rdzogs can no/ /de'i ngo bo

  112. 56b

    ni nyid de/ rang bzhin dang 'bras bu yongs su rdzogs pa can nyid de'i phyir ro/ /yang de'i rang bzhin yongs su ma rdzogs pa nyid dang/ 'bras bu yongs su ma rdzogs pa nyid gang yin zhe na/ rang bzhin yongs su rdzogs pa ni dgra bcom pa nyid yin na lam de ni gang gis dgra bcom pa nyid thob par 'gyur ba ste/ slob pa'i rang bzhin no/ /'bras bu yongs su rdzogs pa yang dgra bcom pa nyid thob pa yin na lam de ni 'bras bu gsum gyis 'bras bu dang ldan pa yin no/ /yang na rang bzhin dang 'bras bu yongs su rdzogs pa ni zad pa shes pas bsdus pa'i lam yin te/ 'di ltar rang bzhin yongs su rdzogs pa ni mi slob pa'i lam yin pas so/ /'bras bu rdzogs pa ni lus pa med pa'i 'bras bu yin pa'i phyir ro/ /de las langs pa rnams zhes bya ba ni lhag ma sgom pa'i lam las langs pa rnams te de las langs pa de dag ni ji ltar dgra bcom pa las langs pa de ltar bsod nams kyi zhing ma yin na/ 'jig rten pa'i lam las langs pa rnams lta smos kyang ci dgos te/ khyad par 'di ni bsgom pas spang bar bya ba'i nyon mongs pa rnams lhag ma dang bcas pa dang/ lhag ma ma lus par spangs pa'i sgo nas bshad do zhes bya bar khong du chud par bya'o/ /de ni gdon mi za bar rtog ba dang dpyod pa dang bcas pa yin pa'i phyir ro zhes bya ba ni rnam par shes pa'i khams lnga ni/ rtog pa dang dpyod pa dang bcas pa yin zhes bya bar nges par phyir ro/ /rtog pa dang dpyod pa dag kyang bsam gtan khyad par can la sogs pa med pa'i phyir te/ rtog pa med pa'i las kyi rnam par smin pas 'og ma rtog pa dang dpyod pa dang bcas pa yin par yang rung ba ma yin no/ /de'i rnam par smin pa ni sdug bsngal gyi tshor ba yin la zhes bya ba rgyas par 'byung ba ni mi dge ba de'i rnam par smin pa ni sdug bsngal gyi tshor ba yin par 'dod de/ de'i 'bras bu ni yid du mi

  113. 57a

    'ong ba ma yin pa'i phyir ro/ /sems kyi sdug bsngal gyi tshor ba ni yid mi bde ba yin te gzhan ni med na yid mi bde ba na rnam par smin pa ma yin no zhes de ni dbang po bstan par srog gi rnam smin bcu gnyis gnyis/ tha ma brgyad dang yid mi bde ma gtogs zhes bshad zin to/ /yid mi bde ba rnam par smin pa ma yin no zhes bya ba 'di mi bzod pas 'o na sems can rnams kyi zhes bya ba rgyas par smras te/ gal te yid mi bde ba rnam par smin pa ma yin na/ 'o na sems can rnams kyi sems g.yengs par 'gyur ba gang yin pa de sems ni gang zhig la gnas pa yin/ rgyu ni ji zhig gis 'gyur/ de'i bsam pa ni sems g.yengs pa ni rnam par shes pa'i tshogs lnga la gnas pa ni ma yin te/ de dag ni rnam par rtog pa med pa'i phyir la/ de yang mi dge ba'i rgyu can gyi yid du mi 'ong ba yin pa'i phyir te/ de bas na yid mi bde ba ni rnam par smin pa yin par 'gyur ro snyam pa yin no/ /rnam par mi rtog pa yin pa'i phyir ro zhes bya ba ni rnam par shes pa'i tshogs lnga ni nges par rtog pa dang rjes su dran pa'i rnam par rtog pa dag gis rnam par mi rtog pa yin pa'i phyir la sems g.yengs pa ni rnam par rtog pa ngan pa'i mtshan nyid yin pa'i phyir ro/ /nags mes gtong ba 'am zhes bya ba la/ nags ni rtswa la sogs pa tshang tshing dang ldan pa'i phyogs kyi khyad par ro/ /gzhan gang yang rung bas zhes bya ba ni mi 'dod pa'i na tshar 'gyur bas so/ /gnas byed kyi bu la sogs pa zhes bya ba ni bcom ldan 'das mi thi la na mi thi la'i a mra'i tshal na bzhugs so/ /yang de'i tshe gnas byed dang rus mthun pa'i bram ze mo zhig gi bu drug shi ba dang/ de de dag shi bas sems g.yengs shing smyos nas gcer bur phyung ste/ de dang der rgyu zhing mi thi la'i a mra'i tshal ga la ba der song ngo/ /de'i tshe bcom ldan 'das dge slong gi 'khor rgya phrag du ma'i gung la bzhugs shing chos ston to/ /gnas byed dang rus

  114. 57b

    mthun pa'i bram ze mos bcom ldan 'das rgyang nas mthong ste/ mthong nas kyang ngo cha nas sgum sgum por 'dug ste/ dran pa rnyed par gyur to/ /bcom ldan 'das kyis gnas byed kyi bu dang rus mthun pa'i bram ze mo thag ring po nas gzigs te/ gzigs nas kyang tshe dang ldan pa kun dga' bo la bka' stsal pa/ gnas byed kyi bu dang rus mthun pa'i bram ze mo la bla gos byin cig dang de la chos bshad par bya'o/ /tshe dang ldan pa kun dga' bos gnas byed kyi bu dang rus mthun pa'i bram ze mo la bla gos byin pa dang da gnas byed kyi bu dang rus mthun pa'i bram ze mos bla gos bgos nas bcom ldan 'das ga la ba der song sta phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go /phyo bas gcig tu 'dug pa dang gnas byed kyi bu dang rus mthun pa'i bram ze mo la chos kyi gtam gyis kun tu ston par mdzad/ yang dag par len du bcug /yang dag par gzengs bstod nas/ yang dag par rab tu dga' bar mdzad ces bya ba de lta bu la sogs pa ste/ gzhung mangs kyis dogs nas thams cad ni ma bris so/ /'di la don ni 'di yin te/ bcom ldan 'das kyis de la sbyin pa la sogs pa'i gtam mdzad nas 'phags pa'i bden pa bzhi bstan pa nas nges rgyun du zhugs pa'i 'bras bu'i bar du thob ste/ thob nas kyang bcom ldan 'das kyis thad nas song ngo/ /dus gzhan zhig na de'i bu bdun pa shi ba dang de de shi bas mya ngan mi byed par gyur to/ /de mya ngan mi byed pa dang rang khyos smras pa khyod sngon bu shi bas yongs su gdung bar byed la da? ni yongs su gdung ba med pa dang sbyar na bud khyad de? phyod kyis zos gor ma chag rten des ni yongs su gdung bar mi byed do/ /des de la phyir smras pa bram ze ngas ni yun rings nas/ bu dang tsha bo stong phrag dang/ /gnyen mang brgya phrag dag zos te/ khyod kyis kyang ni de dang 'dra/ /skye ba de dang de dag tu/ /bu dang tsha bo stong phrag dag /gcig la gcig ni za

  115. 58a

    rnams kyi/ /tshad ni yod pa ma yin no/ /'jig rten na ni skye ba dang/ /'chi las nges 'byung shes nas ni/ /su zhig mya ngan yongs gdung ba 'am/ /smre sngags 'don par byed par 'gyur/ /bdag gis sangs rgyas bsten byas te/ /skye ba dang ni 'chi ba las/ /nges par 'byung ba'ang shes pas na/ /mya ngan mi byed gdung ba med/ /ces bya ba de lta bu la sogs pa yin no/ /ji ltar sems kyi tshor ba rnam par smin pa ma yin par 'gyur zhes bya ba ni las mi dge ba de'i zhes bya ba tshig lha ma yin no/ /'byung ba chen po rnams 'khrugs pa gang yin pa de rnam par smin pa yin la/ zhes bya ba ni rnam par smin pa ni rnam par smin pa'o/ /sems ni de las skyes pas de'i phyir rnam par smin pa las skyes pa yin te/ de nyid kyi phyir de ni las kyi rnam par smin pa las skyes pa zhes bshad kyi/ de ni las las skyes pa zhes ni ma bshad do/ /de ltar na 'di ni zhes bya ba rgyas par 'byung ba ni gang gi phyir las las skyes pa zhes bya ba nas dran pa nyams par 'gyur zhes bya ba'i bar yin de'i phyir mu bzhi pa 'di rung ste/ 'dir dper brjod pa ni gnyi ga ni sems g.yengs pa'i nyon mongs pa yin no zhes bya ba 'di yin no/ /sems nyon mongs pa can rnam par smin pa yin par mi rung ste/ rnam smin lung du ma bstan chos zhes 'byung ba'i phyir ro/ /mngon par nyen pa zhes bya ba ni mngon par gnod? par gyur pa'o/ /dmyal ba rnams sems g.yengs pa yin no zhes bya ba yin na zhes bya ba 'dir kyi hud? sems zhes smre sngags 'don pa'i dmyal ba dper bya'o/ /sangs rgyas ma gtogs pa zhes bya ba ni sangs rgyas ni bsod nams kyi tshogs che ba'i phyir 'byung ba nyams pas kyang thugs g.yengs pa mi mnga' o/ /las kyi ni ma yin te zhes bya ba ci zhe na/ 'phags ba rnams sems g.yengs pa ste/ 'byung ba ma nyams pas ni ma gtogs pa nyid do/ /ci'i phyir zhe na/ nges pa ni sdun so so'i skye bo'i

  116. 58b

    gnas kho na na nan rnam par smin pa zin pa'i phyir ro/ /ma des pa ni 'phags pa'i gnas skabs na rnam par mi smin pa'i phyir te/ de nyid kyi phyir 'di ni ma nges pa zhes bya ba'o/ /'jigs pa lnga las yang dag par 'das pa'i phyir ro zhes bya ba 'jigs pa lnga ni kun tu 'tsho ba med pa 'jigs pa dang/ tshigs su bcad pa med pa'i 'jigs pa dang/ 'khor gyi nang du skrag pa'i 'jigs pa dang/ 'chi ba'i 'jigs pa dang/ ngan 'gro'i 'jigs pa'o/ /de la tshigs su bcad pa med pa'i 'jigs pa ni grags pas 'jigs pa'o/ /'khor gyi nang du skrag pa'i 'jigs pa ni tshogs pa'i nang du bag 'khums pa'o/ /mi mdzes pa zhes bya ba ni mi mdzes par 'gyur ba'i las so/ /chos nyid mngon par shes pa'i phyir ro zhes bya ba ni zag pa dang bcas pa thams cad ni sdug bsngal pa'o/ /'du byed thams cad ni mi rtag pa'o/ /chos thams cad ni bdag med pa'o zhes bya bar ngo bo nyid mngon par shes pa'i phyir ro/ /gya gyu'i rgyu las byung ba'i phyir zhes bya ba ni gya gyu'i rgyu can yin pa'i phyir te/ gya gyu rgyu yin no/ /chags pa'i rgyu las byung ba yin pa'i phyir zhes bya ba ni dper na tshon? rtsi ni 'dzin? pa'i rgyu yin pa ltar 'dod chags kyang de dang 'dra ste/ de'i phyir de dang chos mthun pas de skad du bshad do/ /'dod gtogs zhes bya ba 'dis ni dge ba khyad par du byed kyi mi dge ba ni ma yin te/ de ni gdon mi za bar yod pa can yin pa'i phyir ro/ /de ci'i phyir gzugs med par gtogs pa ma bshad ce na zhes bya ba ni de yang mi dge ba dang ma 'dres shing 'dren mar mi 'jug go zhes bya ba'i tha tshig go /gang na zhes bya ba rgyas par 'byung ba ni gang srid pa bar na yod pa'i rnam par smin pa dang skye ba'i srid pa yang de dang 'dra'o/ /lus dang ngag dang yid kyi las rnam pa gsum char gyi rnam par smin pa yod pa ste/ bsam gtan gyi sdom pas bsdus pa'i lus dang ngag gi las dag bsam gtan gnyis la sogs pa yang yod pa'i phyir de kho nar dkar la rnam par smin pa dkar

  117. 59a

    ba zhes bshad do zhes grag ste/ grag ces bya ba'i sgra ni gzhan gyi gzhung lugs yin no/ /mdo gzhan las de yang bshad do zhes bya ba ni gzugs med par gtogs pa de yang las dkar la rnam par smin pa dkar ba yang yod de/ 'di lta ste bsam gtan dang po dang de bzhin du srid pa'i rtse mo'i bar yin no zhes bshad de/ 'dis ni rang gi bsam pa gang gis na grag ces bya ba'i sgra rab tu sgyar ba ston par byed do/ /'di ni rgyud kyi sgo nas rnam par bzhag go zhes bya ba ni rgyud gcig la dge ba dang mi dge ba kun tu 'byung bas dge ba dang mi 'dre bar 'gyur ro/ /phan tshun 'gal ba'i phyir ro zhes bya ba ni dge ba yang mi dge ba dang 'gal la mi dge ba yang dge ba dang 'gal ba gnyis kyi ngo bo nyid du rung ba ma yin no/ /mi dge ba gdon mi za bar dge ba dang 'dre ba ni ma yin te zhes bya ba rgyas par 'byung ba ni 'dre mod kyi gdon mi za ba ni ma yin no/ /ci'i phyir zhe na/ 'dod pa'i khams na gnyen por gyur pa ting nge 'dzin med pa'i phyir mi dge ba stobs dang ldan pa nyid yin no/ de nyid kyi phyir dge ba stobs chung ba'i phyir te/ 'di ltar 'dod pa'i khams na ni log pas lta bas dge ba'i rtsa ba kun 'chad par 'gyur gyi yang dag pa'i lta bas log par lta ba kun tu 'chad par mi 'gyur ro/ /mi dkar zhes bya ba'i sgra 'di ni dgongs pa can yin te/ zhes bya ba ni rnam par smin pa dkar ba nyid med pa'i phyir mi dkar ba yin gyi/ dkar po ma yin pa nyid ni ma yin pa'o zhes bya ba'i tha tshig go /'on kyang dkar po nyid du bshad pa gang yin pa de ma yin pas na dkar po'o/ /stong pa chen po'i mdo las zhes bya ba ni stong pa chen po'i don gyi mdo las so/ /ma sgribs pa lung du ma bstan pa rnams kyang nyon mongs pa can ma yin pa'i phyir dkar po yin no/ /khams su gtogs pa'i phyir rnam par smin pa med pa

  118. 59b

    yin no zhes bya ba ni zag pa med pa'i chos rnams ni khams su ma gtogs pa yin la/ rnam par smin pa ni khams su gtogs pa yin pas de'i phyir zag pa med pa'i chos rnams ni rnam par smin pa med pa yin no/ /ci'i phyir zhe na/ 'jug pa dang 'gal bas zhes bya ba smos so/ /zag pa med pa'i las ni khams su gtogs pa'i chos rnams kyi 'jug pa 'gog par byed pa yin gyi skyed par byed pa ni ma yin pas rnam par smin pa med pa yin no/ /las dang las zad par byed pa yin zhes bya ba la las gnyis smos pa ni las de yod do zhes bstan pa gang yin pa yod cing med pa ma yin la ma nyams pa'i ngo bo nyid ni las zad par byed pa yin no zhes las bzhi pa 'di bstan pa'i ched yin no/ /yang na 'di ni zlos pa'i sbyor ba yin te/ las dang las zad par byed pa yin no zhes bya ba'i tha tshig go /bzod pa zhe ba dang zhes bya ba rgyas par 'byung ba la/ chos shes pa'i bzod pa zhes smos pa dang/ 'dod pa las 'dod chags dang bral ba la bar chad med pa'i lam zhes smos pa ni 'dod pa na spyod pa'i las nag po spong ba'i lam yin pa'i phyir ro/ /'dir zag pa med pa'i lam gyi skabs yin pa'i phyir 'jig rten pa'i bar chad med pa'i lam dag ni de spong bar 'gyur ba yin yang mi gzung ngo/ /dkar po bsam gtan chogs? bral la zhes bya ba ni de nag po med pa'i phyir dge ba kho na zhes bya ba nges par gzung ste/ nyon mongs pa can gyi 'du byed ni brgyad kyis spong ba la dgu pas ni dge ba yang spong ngo/ /de'i rang gi ngo bo ni spong ba ma yin te/ zhes bya ba ni thob pa chad pa'i spong ba ste/ dge ba ni spangs kyang mngon sum du byed pa'i phyir ro/ /de la dmigs pa'i nyon mongs pa spangs pa'i phyir te zhes bya ba ni de la dmigs pa'i nyon mongs pa spangs pas dge ba de spangs pa yin no/ /des dmigs pa'i nyon mongs pa spong ba des dmigs pa'i rnam pa dgu spang na spangs pa yin pas bar chad med pa'i lam dgu pa'i sems pa kho na las nag

  119. 60a

    po dang dkar po zad par byed pa yin te/ de'i tshe nyon mongs pa'i rnam pa dgu pa'i thob pa chad na phral ba'i thob pa skye zhing las nag po dang dkar po de dang zag pa dang bcas pa'i las gzhan ma bsgribs pa lung du ma bstan pa'i bral ba thob pa yang skye'o zhes brjod do/ /de bzhin du bsam gtan bzhi la 'dod chags dang bral ba yang rig par bya'o/ /de'i phyir de myong bar 'gyur ba zhes bya ba ni 'gro ba nges pa'i rgyu de'i phyir de myong bar 'gyur ba ste/ dmyal ba myong bar 'gyur ba zhes bya ba rgyas par 'byung ba ni dmyal ba'i 'gro ba de las gzhan pa'i 'dod pa'i khams mi la sogs pa'i 'gro ba na ni dge ba dang mi dge ba'i rnam par smin pa yod pas 'gro ba nges pa'i rgyu de'i phyir de myong bar 'gyur ba ste/ de las gzhan pa'i 'dod pa'i khams myong bar 'gyur ba ni gnyi ga yang bye brag ma phye bar sres nas dkar nag ces bya bar bshad kyi 'di ltar dge ba yang dkar nag yin la de bzhin du mi dge ba yang dkar nag yin no zhes bya bar gzung bar bya ba ma yin no/ /dge ba dang ma 'dre ba'i phyir zhes bya ba ni nyon mongs can min mthong spang min/ /zhes bya bar nges pa'i phyir mthong bas spong bar bya ba'i dge ba ni med do/ /'dir 'gal ba mthong bas spang bar bya ba 'dod pa na spyod pa nag po yin no zhes khyad par du byas nas brjod dgos so/ /de lta ma yin na mthong bas spang bar bya ba gzugs dang gzugs med pa na spyod pa yang gnag la rnam par smin pa gnag pa yin par bshad par thal bar 'gyur ba yin no zhe na/ brjod par mi dgos te 'dod pa las skyes gzhan dkar gnag ces bya ba'i 'dod pa las skyes pa zhes bya ba 'dis mthong bas spang bar bya ba 'dod pa nas skyes pa ni nag po yin la 'dod pa

  120. 60b

    nas skyes pa gzhan ni dkar nag yin no gnyi ga khyad par du bya ba'i phyir ro/ /de ni zhes bya ba rgyas par 'byung ba ni bsgom pas spang bar bya bar 'dod na spyod pa de ni dge ba yang srid la mi dge ba yang srid pas bsres te gnyi ga yang dkar nag yin no zhes bshad kyi so sor ni ma yin no/ /thub pa'i ni gsum zhes bya ba ni thub pa'i dngos po'i thub pa'i las ni thub pa yin te spre'u'i zhes bya ba lta bu'o/ /thub pa'i gsum zhes bya ba ni thub pa yin pas na thub pa'i'o/ /mi slob pa'i zhes bya ba rgyas par 'byung ba ni mi slob pa'i lus kyi las rnam par rig byed ma yin pa'i ngo bo nyid ni lus kyi thub pa'i yin te ngag dang yid kyi thub pa'i ngag kyang de dang 'dra'o/ /yang ci'i phyir rnam par rig byed ma yin pa kho na yin par gzung gi /rnam par rig byed kyang ni ma yin zhe na/ rnam par rig byed ni zag pa dang bcas pa nyid kyis mi slob pa nyid yin par mi srid pa'i phyir ro/ /yid kho na yid kyi thub pa yin te zhes bya ba ni rang gi don du rgyas par byas pa yin pa'i phyir ro/ /sems ni dam par thub pa yin la zhes bya ba ni nyon mongs pa'i brjod pa thams cad med pa zhes gtan tshigs 'chad par 'gyur ro/ /de ni mi slob pa yin no zhes bya bar lus dang ngag gi sgo nas rjes su dpag par bya ba yin no zhes grag go /ji ltar na de bzhin gshegs pa rjes su dpag par bya zhe na mdo las/ sku'i 'phrin las rab tu zhi ba dang/ gsung gi 'phrin las rab tu zhi bas zhes 'byung ba'i phyir ro/ /grag ces bya ba'i sgra kho nas bye brag tu smra ba'i gzhung lugs bstan nas slob dpon bdag nyid kyi gzhung lugs gzhan yang zhes bya ba rgyas par smos te/ sems la rnam par rig byed ma yin pa med pa'i phyir zhes bya ba ni gang gi phyir sems la rnam par rig byed ma yin pa med pa de'i phyir yid kyi las ni spong ba'i rang bzhin ma yin no/ /thub pa'i yang spong ba'i don gyis don gyi yin te zhes bya ba la spong ba ni spong bar byed pa ste/ mi dge ba thams cad spong ba'i don

  121. 61a

    gyis na thub pa yin no snyam du bsam pa yin no/ /de'i phyir yid nyid mi dge ba thams cad spong pa la thub pa zhes bya'o/ /nyon mongs pa'i brjod pa thams cad med pas te/ nyon mongs pa rnams ni log pa'i dmigs pa la brjod pa'i phyir brjod pa'o zhes bya'o/ /de dag kyang dgra bcom pa la med pas dgra bcom pa de ni don dam par thub pa yin no/ /gtsang byed ces bya ba ni gtsang ba'i dngos po ni gtsang byed de/ gtsang sgra zhes bya ba'i tha tshig go /thams cad ces bya ba smos pa ni legs par spyad pa zag pa dang bcas pa dang zag pa med pa thams cad bsdu ba'i phyir ro/ /dus re zhig dang gtan du zhes bya ba ni legs par spyad pa zag pa dang bcas pas ni dus re zhig nyes par spyod pa'i dri ma spong la zag pa med pas ni gtan du ste/ mdo las dge slong dag 'phags pa'i shes rab kyis spangs pa gang yin pa de ni spangs pa yin no zhes 'byung ba'i phyir ro/ /log pa'i thub pa dang gtsang sgra la mos pa rnams dgar ba'i phyir ro zhes bya ba la log pa'i thub pa la mos pa ni mi smra bar 'dug pa tsam gyis 'dug par lta ba rnams so/ /log pa'i gtsang sgra la mos pa ni lus kyi dri ma med par byed pa tsam gyis 'dag par lta ba rnams so/ /de rnams dgar bar ni lta ba de dang bral ba ste 'di dag ni de'i ched yin no/ /ched du bsam par bya ba'i mdo las gsungs pa'i phyir zhes bya ba ni dge slong dag ched du bsams par bya ba'i las byas shing bsags pas dmyal ba dag gi nang du skye bar 'gyur ro/ / ji ltar ched du bsam par bya ba'i las byas shing bsags pa yin zhe na/ dge slong dag 'di na la la ched du bsams nas lus kyi las rnam pa gsum byed cing sogs pa yin la/ ngag gi rnam pa bzhi dang/ yid kyi rnam pa gsum zhes bya ba rgyas par

  122. 61b

    gsungs nas bka' stsal pa/ dge slong dag ji ltar yid kyi ched du bsam par bya ba'i las rnam pa gsum byas shing bsags pa yin zhe na/ 'di lta ste/ 'di na dge slong la la brnab sems dang ldan pa yin/ gnod sems can gyi sems su gyur pa yin/ log par lta ba yin zhes bya ba nas dge slong dag yang 'di na la la phyin ci log tu lta ba yin zhes bya ba'i bar rgyas par 'byung ba yin te/ dpes ston par rnams na re de las brnab sems la sogs pa la ma gtogs pa yid kyi las gzhan ma bshad pas brnabs sems la sogs pa yid kyi las yin no zhes bshad de/ mdo sde ba'i khyad par rnams na re zhes bya ba'i tha tshig go /de lta na ni las dang nyon mongs pa dag gcig tu 'gyur ro zhes bya ba ni nyon mongs pa brnab sems dang gnod sems dang/ log par lta ba de rnams las yin pas de dag gcig pa nyid du 'gyur ro/ /nyon mongs pa 'ga' zhig las su gyur na yang zhes bya ba de ni med de/ sems pa'i las dang bsam pa'i las shes 'byung ba'i phyir ro/ /gal te de lta na ched du bsam par bya ba'i mdo ji ltar drang zhe na/ mdo las ni zhes bya ba rgyas par smos to/ mdo las ni brnabs sems la sogs pa de'i sgo nas sems bzhugs pa phyir brnab sems la sogs pa de dag gis dge slong dag brnab sems dang ldan pa yid zhes bya ba rgyas par sems pa de ston par byed do/ /de lta ma yin te/ las dang nyon mongs dag gcig gcig pa nyid yin na dge slong dag nga ni sems pa dang bsams pa'i las zhes smra'o zhes gsungs pa de dang yang 'gal bar 'gyur la/ chos mngon pa dang yang 'gal bar 'gyur ro/ /pha rol la phan 'dogs pa dang gnod pa bya ba'i bsam pa med par zhes bya ba rgyas par 'byung ba ni gzhan dag la phan gdags pa dang gnod pa bya ba dag gi bsam pa med par ji ltar na go rims bzhin

  123. 62a

    du yang dag pa'i lta ba dang log pa'i lta ba dag dge ba dang mi dge ba dag nyid yin zhe na/ de'i phyir de'i rtsa ba yin pa'i phyir ro zhes bya ba smos te/ yang dag pa'i lta ba dang log pa'i lta ba dag ni phan gdags pa'i bsam pa dang gnod par bya ba'i bsam pa'i rtsa ba yin te/ rgyu yin no zhes bya ba'i tha tshig go /de'i phyir de gnyis dge ba dang mi dge ba nyid yin no/ /ci rigs par zhes bya ba ni ji ltar srid par ro/ /ji lta zhe na dge ba rnams ni legs par spyad pa dag las so/ /mi dge ba rnams ni nyes par spyad pa dag las so zhes bya ba smos so/ /nyon mongs pa can gzhan yang zhes bya ba ni brdegs pa dang 'chid ba la sogs pa'o/ /shin tu rags pa ma yin pa'i phyir ro zhes bya ba ni sbyor ba dang 'jug tu gyur pa dang/ gzhan de yang shin tu rags pa ma yin pa'i phyir ro/ /yid kyi nyes par spyod pa'i phyogs sems pa yang ma bsdus so zhes bya bar sbyar ro/ /myos par 'gyur ba la sogs pa spang ba dang sbyin pa dang/ mchod sbyin pa la sogs pa zhes bya ba la sogs pa zhes bya ba'i sgra sde mas ni rdeg pa dang 'chid ba la sogs pa bsdu ba'o/ /gnyis pas kyang khrus byed pa dang lus bskud pa dang nyams pa nas 'dren pa la sogs pa bsdu'o/ /snyan par smra ba la sogs pa zhes bya ba la sogs pa zhes bya ba'i sgra ni chos ston pa dang lam ston pa la sogs pa bsdu'o/ /yid kyi legs par spyad pa yang sems pa ma bsdus so zhes bya bar sbyar ro/ /drug ni rnam smin zhes bya ba ni drug ni gdon mi za bar rnam par rig byed ma yin pa yin gyi rnam par rig byed ma yin pa kho na drug go zhes bya bar nges par gzung ba ni ma yin no/ /dngos kyi rnam par rig byed med pa'i phyir ro zhes bya ba ni 'di ltar bye brag tu smra ba'i grub pa'i mdza' ni dngos kyi lam gyis bsdus pa'i rnam par rig byed ni med kyi sgo bar byed pa'i

  124. 62b

    rnam par rig byed sbyor bas bsdu ba yod do zhes bya ba yin no/ /gcig rnam gnyis so zhes bya ba ni gcig ni rnam pa gnyis kho na yin no zhes nges par gzung ba'i phyir brtsams pa yin no/ /dus de'i tshe shin zhes bya ba ni rnam par rig byed kyi cha shin ste/ dus gzhan zhig na shin ni rnam par rig byed ma yin pa kho na yin no/ /dge ba bdun rnams gnyis zhes bya ba ni rnam pa gnyis kho na'o zhes nges par gzung ba yin no/ /yang dag par blangs pa'i tshul khrims ni rnam par rig byed la rag lus pa'i phyir zhes bya ba na tshul khrims ni rnam pa gnyis te/ yang dag par blangs pa'i tshul khrims ni so sor thar pa'i sdom pa'o/ /chos nyid kyi tshul khrims ni bsam gtan dang zag pa med pa'i sdom pa dag go /de la yang dag par blangs pa'i tshul khrims ni rnam par rig byed la rag lus pa yin te/ de ni gzhan las nod par byed pa yin no/ /chos nyid kyi tshul khrims ni rnam par rig byed la rag pa ma yin te/ sems tsam rag las pa'i phyir/ ting nge 'dzin las skyes rnam rig min zhes bya ba smos so/ /nyer bsdogs rnams ni rnam rig byed ces bya ba ni 'dod pa na spyod pa'i las kyi lam gyi sbyor ba ni gdon mi za bar rnam par rig byed yin gyi/ rnam par rig byed ma yin pa yin par ni ma nges te/ de nyid kyi phyir rnam par rig byed min 'gyur ba 'am/ ma yin zhes bya ba smos so/ /kun nas dkris pa zhes bya ba ni ngo tsha med pa la sogs pa'o/ /lhur len pa chen po zhes bya ba ni shugs drag pos so/ /de'i rjes su mthun pa'i chos spyod na ni zhes bya ba ni las kyi lam de dang rjes su mthun pa'i chos ni 'dra ba'i las te/ dper na srog chags shi nas kyang yang bsnun par byed pa dang/ ngan par byed pa dang/ sha gcod pa zhes bya ba de lta bu la sogs pa lta bu'o/ /ngan byed pa zhes bya ba'i sgra ni gnyis te 'og ma shos ni pags 'chu ba zhes bya ba'i tha tshig go /gong ma ni don gzhan zhig yin par lta bar bya'o/ /'bras bu yongs su rdzogs pas so zhes bya ba ni sbyor ba'i 'bras bu las kyi lam dngos yongs su rdzogs pa ste/ gang zhig sbyor bar byed kyi las kyi lam

  125. 63a

    dngos skyed par mi byed pa de la ni sbyor ba kho na yod kyi 'bras bu yongs su rdzogs pa ni med do/ /de bzhin du gzhan drug la yang ci rigs par sbyar bar bya'o zhes bya ba ni 'di ltar 'di na kha cig gzhan gyi nor rku bar 'dod la khri las ldang bar byed mtshon cha len par byed gzhan gyi khyim du 'gro bar byed gnyid log gam 'on te ma log ces nyan par byed gzhan gyi nor la nom par byed byed pa nas ji srid gnas nas ma spags pa de srid du sbyor ba yin no/ /skad cig ma gang la gnas nas srog par byed pa de'i tshe'i rnam par rig byed dang/ de'i skad cig gi rnam par rig byed ma yin pa gang yin pa de na las kyi lam dngos yin no/ /rgyu gnyis kyis na ma byin par len pa kha na ma tho bas reg par 'gyur te/ sbyor ba dang/ 'bras bu yongs su rdzogs pas so/ /de phyin chad kyi rnam par rig byed ma yin pa'i skad cig ma rnams kyang 'jug pa yin no/ /ji srid du gzhan gyi nor de 'ged pa 'am/ 'tshong ba 'am/ sped pa 'am/ rjes su sgrogs pa de srid du ni de'i rnam par rig byed kyi skad cig ma dag kyang 'jug yin no/ /de bzhin du gzhan lnga la yang ci rigs par sbyar bar bya'o/ /grub pa'i mthar las ni de skad du mi 'byung ngo zhes bya ba ni grub pa'i mdza' las snga dang mnyam du shi ba la/ dngos med lus gzhan skyes phyir zhes 'byung ba'i phyir ro/ /de brjod par mi bya'o zhes bya ba ni srog gcod par byed pa zhes bya ba ste/ skabs su bab pa'i gnas skabs dang mi 'byor pa'i phyir ro/ /'di skad du srog chags shi ba'i tshe rnam par rig byed dang/ de'i skad cig gi rnam par rig byed ma yin pa gang yin pa de ni las kyi lam yin no zhes brjod dgos par 'gyur ro/ /gang yang bstan bcos las 'di skad du zhes bya ba rgyas par 'byung ba ni bye brag tu smra ba rnams kyis ni bstan bcos kyi tshig 'di'i don 'di skad du bstan bcos kyi phyogs 'dir ni mjug sbyor ba'i sgrar gsungs so zhes bya ba rnam par bshad de/ sbyor ba dang 'dra bas na sbyor ba ste/ sbyor ba dang mtshungs pa'i las zhes bya ba'i tha tshig go /don 'di ni 'gal lo/ /

  126. 63b

    ci'i phyir zhe na/ de'i tshe dngos kho na ma 'gags pa'i phyir te/ ci'i phyir zhe na/ srog chags shi nas las kyi lam dngos su rnam par 'jog pa'i phyir ro snyam bsams pa yin no/ /bye brag tu smra bas ji ltar nyes pa med pa de lta bu yin no zhes bya ba smras so/ /slob dpon gyis ji ltar na nyes med ces brjod pa dang/ yang bye brag tu smra bas der dngos kho na sbyor ba'i sgrar gsungs zhes bya'o zhes bya ba smras te/ gang du gsungs zhes na/ srog chags bsad la srog gcod pa ma 'gags pa yod dam zhes 'dri ba gang yin pa der ro/ /ci mjug sbyor ba'i sgrar gsungs so zhes bya ba'i phyogs 'di bor ram zhe na/ de yang ma bor ba nyid do/ /gnyi ga yang srid de/ gal te 'che ba sred pa'i mjug thogs kyi skad cig ma la srog chags shi bar gyur na ni der dngos sbyor ba'i sgrar gsungs so zhes bya bar 'dod la/ de phan chad cig tu shin tu shin ni mjug yin no zhes bya bar 'dod do/ /slob dpon gyis 'o na de'i tshe rnam par rig byed ji ltar las kyi lam dngos su 'gyur zhes bya ba smos te srog chags shi zin pa la rnam par rig byed du cung zad kyang mi byed de/ bsnun pa'i rnam par rig byed de shi zin pa la yang gsod pa ni med do snyam du bsams nas 'di 'dri bar byed pa yin no/ /ci'i phyir rnam par rig byed ma yin pa mi 'dri zhe na/ 'di ltar de ni bstan du med pa'i phyir dang thogs pa med pa'i phyir bsnun pa zhes bya ba ma yin no/ /bye brag tu smra bas ji ltar na mi 'gyur zhes bya ba smras pa dang/ slob dpon gyis rang gi bsam pa dbrol ba'i phyir mi nus pa'i phyir ro zhes bya ba smos te/ srog chags shi zin pa la ni de'i nus pa ma mthong ngo/ /bye brag tu smra bas smras pa/ de ni nus pa med na rnam par rig byed ma yin pa ji ltar las kyi lam dngos zhes bya bar 'gyur gang gi phyir de ltar rnam par rig byed ma yin pa nus pa med du zin kyang las kyi lam dngos yin pa'i phyir sbyor ba'i 'bras bu yongs su rdzogs pa'i tshe ste/ las kyi lam dngos yongs su rdzogs shing srog chags shi ba'i gnas skabs na rnam par rig byed dang rnam par rig byed ma yin pa zhes bya ba de gnyi ga

  127. 64a

    las kyi lam yin te/ rung ngo zhes bya ba'i tha tshig go /de bzhin du gzhan dag la yang ci rig par sbyar bar bya'o zhes bya ba ni dper na gzhan gyi nor rku bar 'dod pa na'o/ /de ni grub par bya ba'i phyir gzhan gyi nor phrog na phyugs des gtor ma byed pa dang de nyid kyis de phrog tu gzhug pa'i phyir de'i chung ma la nyal po byed pa dang de la gang dag yongs su skyob par 'gyur ba'i de'i mdza' bo la rdzun dang phra ma dang/ tshig rtsub po dang/ tshig kyal pa dag gi dbyen byed pa dang/ de'i nor la brnabs sems byed pa dang/ nor de'i bdag po la gnod sems byed pa dang/ log par lta ba 'phel bar byed pa lta bu'o/ /de bzhin du 'dod pas log par g.yem pa la sogs pa la yang ci rigs par sbyar bar bya ste/ 'di ni phyogs yin no/ /'di la las kyi lam thams cad chags pa la sogs pas mthar phyin par byed pa ni ma yin te/ zhes bya ba ni thams cad chags pas mthar phyin par byed pa yang ma yin no/ /'o na ci zhe na/ 'dod pa log par g.yen pa la sogs pa kha cig kho na'o/ /thams cad gnod sems kyis kyang ma yin no/ /'o na ci zhe na/ srog gcod pa la sogs pa kha cig kho na'o/ /de bzhin du thams cad gti mug gis kyang ma yin no/ /'o na ci zhe na/ log par lta ba la sogs pa kho na'o zhes bya ba yin no/ /sbrang bu trai ma bu ga ni sbrang bu ba ra ta rnams so/ /sogs pa zhes bya ba'i sgras ni stag la sogs pa bsdu'o/ /gang yang log par lta bas rab tu bcug pa zhes bya ba ni 'jig rten pha rol med do snyam nas 'dzem par med pa bsod de/ de yang gti mug las skyes pa yin no/ /gzhan gyis rnyed pa 'am bkur sti 'am grags pa'i phyir zhes bya ba ni gzhan gyis rnyed pa'i phyir/ pha rol po'i nor brku ba ste/ dper na rkun lag skye ba lta bu'o/ /bkur sti 'am grags pa'i phyir brku ba'i ma byin len pa de yang chags pa las skyes pa yin no/ /gang

  128. 64b

    yang log par bltas pas rab tu bcug pa'i ma byin pa len pa de yang gti mug las skyes pa yin te/ de la gti mug gtso bo yin pa'i phyir ro/ /cho ga can zhes bya ba ni mchod sbyin byed pa'o/ /ma'i gan du nyal po la 'gro ba ni mi tshangs par spyod pa'i don du'o/ /srid mo'i gan du zhes bya ba ni 'gro ba'o zhes bya bar sbyar te/ srid mo ste bu srid gan du 'gro'o zhes bya ba'i tha tshig go /rus pa gcig pa'i gan du 'gro'o zhes bya ba ni rus mthun pa'i gan du 'gro'o zhes bya ba'i tha tshig go /gang dag zer ba lta bu'o zhes bya ba rgyas par 'byung ba ni bud med ni gtun la sogs pa dang 'dra ste ji ltar gtun la sogs pa longs spyad pa'i sgo nas thun mong yin pa ltar bud med kyang de dang 'dra ste/ de lta bas na nyal po la 'gro ba rnams la nyes pa med do zhes bya ba yin no/ brdzun du smra ba la sogs pa chags pa las skyes pa dang zhe sdang las skyes pa la sogs pa ni snga ma bzhin no zhes bya ba ni brdzun du smra ba dang/ phra ma dang/ tshig rtsub po dang/ tshig kyal pa la chags pa skyes pa ni gzhan gyi rnyed pa 'am bkur sti 'am/ grags pa'i phyir ram/ bdag gam mdza' bos yongs su bskyab pa'i phyir ro/ /zhe sdang las skyes pa ni de kho na tshar phyin bya ba'i phyir ro/ /gzhad gang ldan zhes bya ba ni ku re dang ldan pa'o/ /log par lta bas rab tu bcug pa zhes bya ba ni 'jig rten pha rol med do zhes mtshams bzung du med pa'i brdzun du smra ba gang yin pa de yang gti mug las skyes pa yin no/ /phra ma la sogs pa ste/ phra ma dang/ tshig rtsub po dang/ ma klas pa'i tshig kyal pa ni brdzun du smra ba bzhin du gti mug las skyes pa yin no/ /gang yang zhes bya ba rgyas par 'byung ba ni rig byed dang grangs can gyi dang/ bye brag pa la sogs pa'i bstan bcos ngan brtol ba'i tshig kyal pa de yang gti mug las skyes pa yin no/ /de yang zhes bya ba ni dge ba'i sems de'o/ /gnas sna tshogs par 'jug par byed ces bya ba ni

  129. 65a

    dkyil 'khor du 'jug par byed ces bya ba'i tha tshig ste/ mtshams chen po'i dkyil 'khor de na ni gnas sna tshogs pa yod do/ /las gsum pa brjod pa na zhes bya ba ni dge tshul ni gsol ba dang bzhi'i las kyis bsnyen par rdzogs par byed de/ de la gsol bas ni ming 'di zhes bgyi ba dge 'dun gyis bsnyen par rdzogs par mdzad du gsol zhes gsol ba 'debs pa'i don brjod pa yin no/ /las brjod pas ni 'di dge 'dun gyis bsnyen par rdzogs par mdzad na zhes bya ba'i don brjod pa yin no/ /las brjod pa de yang lan gsum pa yongs su ma rdzogs pa'i bar ni las kyi lam gyi sbyor ba yin par khong du chud par bya'o/ /de ni mjug gi rnam par rig byed de'i skad cig gi rnam par rig byed ma yin pa gang yin pa de'i las kyi dngos yin no/ /de'i 'og tu ji srid du gnas bsgo ba dang zhes bya ba ni gnas ni bzhi po chos gos dang/ bsod snyoms dang/ gnas mal dang/ na ba'i rkyen sman gyi yo byad kyi mtshan nyid ji skad bshad pa'i cho gas bsnyen par rdzogs pa de la sgo ba dang/ de'i rten rnam par rig par byed pa dang/ gnas kyi rten rnam par rig par byed pa zhes bya ba'i tha tshig go /ji srid du rnam par rig byed ma yin pa rjes su 'breng ba zhes bya ba ni ji srid du sdom pa ma gtang ba zhes bya ba'i tha tshig go /'di ni 'jug yin no/ /srog gcod pa dang gnod sems dang/ tshig rtsub po dang/ 'di dag ni zhe sdang gis mthar phyin par byed de/ zhes bya ba ni zhe sdang kho nas shes par bya bar nges par bzung ba yin no/ /yongs su 'dor ba dang/ rtsub pa'i sems mngon du gyur pa'i phyir ro/ /zhes bya ba ni yongs su 'dor ba'i sems mngon du gyur pa'i phyir/ zhe sdang gi srog gcod pa mthar phyin par byed la rtsub pa'i sems mngon du gyur pa'i phyir gnod sems dang tshig rtsub

  130. 65b

    pos mthar phyin par byed de zhes bya ba ni zhe sdang kho nas zhes bya bar nges par gzung ba yin no/ /yongs su 'dor ba dang rtsub pa'i sems mngon du gyur pa'i phyir ro zhes bya ba ni yongs su 'dor ba'i sems mngon du gyur pa'i phyir zhe sdang gis srog gcod pa mthar phyin par byed la rtsub pa'i sems mngon du gyur pa'i phyir gnod sems dang tshig rtsub po dag mthar phyin par byed do/ /cha bzhir bshad pa zhes bya ba ni tshan bzhir bshad pa ste/ srog gcod pa dang/ gnod sems dang/ tshig rtsub po ni zhe sdang gis mthar phyin par byed ces bya ba ni cha dang po yin no/ /'dod pas log par g.yem pa dang/ brnab sems dang/ ma byin par len pa rnams ni chags pa rdzogs par byed ces bya ba ni gnyis pa'o/ /log par lta ba gti mug gis zhes bya ba ni gsum pa'o/ /lhag ma gsum gyis rdzogs par 'dod ces bya ba ni cha bzhi pa yin no/ /gzhi ni longs spyod yin no zhes bya ba ni gzhi yul yin pa'o/ /gzhi ni ming dang gzugs yin no zhes bya ba ni gzhi phung po lnga yin no zhes bya ba'i tha tshig go /ming ni tshor ba la sogs pa'i phung po'o/ /gzugs ni/ gzugs kyi phung po'o/ /gzhi dang rten dang yul zhes bya ba ni don tha mi dad do/ /brdzun du smra ba la sogs pa'i gzhi ni ming gi tshogs yin no zhes bya ba ni dag ni ming la 'jug go zhes bya ba'i phyir ro/ /dngos med ces bkag pa'i phyir 'jug kyang med do zhes bya bar mngon te 'jug ni dngos sngon du 'gro ba can yin pa'i phyir ro/ /srog gcod pa'i kha na ma tho bas reg par mi 'gyur ba zhes bya ba ni dngos kyis reg par mi 'gyur ba zhes bya bar bsams pa yin no/ /lus gzhan skyes pa'i phyir zhes bya ba ni skal pa mi mnyam pa'i lus skyes pa'i phyir ro zhes bya ba'i tha tshig go /de dag ni don gyis na phan tshun sbyor bar byed pa yin no zhes bya ba ni dngos su tshig gis phan tshun sbyor bar byed pa ma yin no/ /'o na ci zhe na/ srog gcod par bya bar khas blangs pa'i shugs kyis

  131. 66a

    so zhes bya bar sngon par byed do don gcig pa'i phyir ro/ /bsams nas zhes bya ba ni yongs su bsams nas zhes bya ba'i don to/ /gzhan dang ma nor bar zhes bya ba ni nor te gzhan gsod par mi byed na zhes bya ba'i tha tshig go /phung po skad cig ma rnams la zhes bya ba ni rang gi dang kho nas 'jig pa'i phung po 'di dag ji ltar gzhan gyis 'gag par byed snyam du bsams pa yin no/ /srog ces bya ba ni lus dang sems la brten nas 'jug pa'i rlung yin zhes bya ji ltar sems la brten nas 'jug na sems la rag las shing 'jug pa'i phyir te/ 'di ltar 'gog pa dang/ 'du shes med pa'i snyoms par 'jug pa snyoms par zhugs pa dang shi ba la mi 'byung ba'i phyir ro/ /bstan bcos las kyang dbugs rdub pa dang dbugs dbyung ba gang yin pa de dag ci lus la brten nas 'jug pa zhes brjod par bya 'am/ sems la brten nas 'jug pa zhes bya ba'am/ lus dang sems la mi brten pa kho nar 'jug pa zhes pa brjod par bya/ smras pa/ lus dang sems la brten nas 'jug pa zhes brjod par bya'o zhes bya ba rgyas par bshad do/ /de gcod par byed do zhes bya ba ni srog de gcod par byed do zhes bya ba'i tha tshig go /skyes pa nas rang gi dang gis 'gag pa'i phyir ma 'ongs pa skye ba la 'gags byed pa ni 'gag par byed pa yin no zhes brjod par bya ste/ dper na skad cig ma yin yang mar me 'am dril bu'i skad 'gag par byed pa dang 'dra'o/ /ji ltar 'gag par byed ce na/ ma 'ongs pa la gags byed pa'i phyir ro/ /yang na srog gi dbang po srog yin te zhes bya ba ni 'di sems dang ldan pa ma yin pa'i 'du byed yin par ston te/ de med pas gang zhig 'chi bar 'gyur ba'i srog de gang gi yin zhes bya ba sangs rgyas pa rnams kyi ltar na bdag med par smra ba'i phyir srog med pas srog chags gang

  132. 66b

    zhig 'chi bar 'gyur ba de med de de'i phyir de skad 'dri ba yin no/ /gang gi zhes bya ba'i drug pa ni gang zag tu smra ba dgag pa'i rab tu byed par bdag med na dran pa 'di gang gi yin ci'i phyir na 'di drug pa yin pa zhes bya ba'i phyogs 'dir bsam par bya ste/ gtad pa 'di ni re zhig bzhig go snyam du bsam pa yin no/ /de lta bas na dbang po dang bcas pa'i lus ni gson po zhes bya ba ni srog de ni dbang po dang bcas pa'i lus kho na'i yin gyi bdag gi ni ma yin no zhes ston par byed de de nyid dbang po med pa ni shi ba zhes bya'o/ /blo sngar ma btang pa'i zhes bya ba rgyas par 'gyur ba ni gcer bu ba sgren mor rgyu ba rnams na re ched du ma bsams par byas pa'i srog gcod pas kyang byed pa po chos ma yin pa dang ldan par 'gyur te/ dper na blo sngon du ma btang zhing ched du bsams nas ma byas pa'i me dang reg pa las tshig par 'gyur ba bzhin no zhes zer ro/ /gcer bu ba de skad smra ba de dag gi ltar na blo sngon du ma btang bar gzhan gyi chung ma mthong ba dang reg pa la yang de ltar thal bar 'gyur/ dpe med yin pa'i phyir sdig par thal bar 'gyur ro zhes bya ba'i tha tshig go /gcer bu pa skra 'bal ba ste/ gcer bu pa mgo'i skra 'thog pa na yang sdug bsngal skyed pa chos ma yin pa 'gyur ba'i phyir ro/ /de dag gsung de shin yang ste/ gcer bu pa rnams gsung de ma zhu bas shi na yang zas sbyin sbyin pa'i sbyin pa po la chos ma yin pa thal bar 'gyur te/ blo sngon du ma btang ba'i srog bcad pa yang chos ma yin pa'i rgyur 'gyur ba zas sbyin pas kyang 'chi ba'i rgyur 'gyur ba'i phyir ro/ /ma dang bu lto na yod pa dang ste/ ma dang bu lto na yod pa phan tshun sdug bsngal gyi rgyu mtshan du gyur pa'i phyir chos ma yin par thal bar 'gyur te/ me'i de nyid kyi phyir ro/ /bsad par bya ba yang de'i bya ba dang 'brel ba'i phyir te/ srog gcod

  133. 67a

    pa'i bya ba dang 'brel ba'i phyir chos ma yin pa dang ldan par thal bar 'gyur te/ bsad par bya ba yod na gsod par byed pa'i srog gcod pa'i bya ba 'byung ngo/ /mes rang gi rten bsreg pa bzhin no zhes bya ba ni mes gzhan du bud shing sreg par byed pa 'ba' zhig tu ma zad do/ /'o na ci zhe na/ rang gi bdag nyid kyi rten yang sreg par byed do zhes bya ba de dang 'dra ste/ de dag gi ltar na sems dpa' i khyad par la bltos pa ni med do/ /gzhan la srog gcod pa la sogs pa byed du 'jug pa la yang chos ma yin par thal bar 'gyur te/ gzhan me la reg du 'jug pa me nges mi 'tshig pa bzhin te/ me'i chos khas blangs pa'i phyir ro/ /khyim rdib na de ni nang na 'dug pa'i srog chags dag 'chi ba'i phyir shing la sogs pa sems med pa'i ste/ shing dang so phag dang smig ma la sogs pa yang sdig pa dang ldan par thal bar 'gyur te/ de dag gi blo'i khyad par ni tshad mar mi byed pas so/ /yang na dpe gtan tshigs med pa tsam gyis ni don 'grub par mi 'gyur ro zhes bya ba yin no/ /gzhan du 'du shes kyang ma 'khrul na zhes bya ba ni gal te lhas byin gyi nor brku'o snyam du bsams pa las mchod sbyin gyi nor brkus par gyur na ma byin par len par mi 'gyur ro snyam du bsams pa yin no/ /yongs su mya ngan las 'da' ba' i tshe de dag thams cad yongs su bzung ba'i phyir ro zhes bya ba ni sbyin pa po'i skye bo la bsod nams kyis phan gdags pa'i phyir te/ yongs su ma bzung na ni len pa med pa'i phyir mchod rten la phul bas 'bras bu med par 'gyur ro/ /shi ba'i nor ni dge slong shi ba'i nor chos gos la sogs pa'o/ /las byas pa zhig yin na ni zhes bya ba ni gsol ba'i las so/ /sbrum ma la nyal po byas na lto na bu 'dug pa la gnod par 'gyur ro/ /nu zho 'thung ba'i gnas skabs bu yod pa'i bud med la mi tshangs par spyad na de'i nu zho skam pa'am/ de'i nu zho bu la mi bsod par

  134. 67b

    'gyur bas so/ /srog gcod pa bzhin no zhes bya ba ni gzhan dag na re dper na lhas byin bsad do snyam du bsam pa las mchod sbyin bsad pa na srog gcod pa ma yin pa de bzhin du 'dir yang dngos po gzhan la sbyor ba bya bar 'dod pa las dngos po gzhan yongs su spyad pas 'dod pa log par g.yem par mi 'gyur ro zhes zer ro/ /tha na rgyal po las so zhes bya ba ni gal te srungs ma gzhan 'ga' yang med na chung du rgyal po las kyang 'dod pas log pa g.yem par 'gyur te/ de ni mi bzod par bya ba yin no// 'on te mngon par go bar nus pa zhig yin zhes bya ba ni gang zhig don mngon par go bar nus pa de yang don mngon par go bar nus pa zhes brjod par nus te/ don mngon par go bar 'gyur zhes bya ba skabs su bab pa'i gnas skabs yin par 'dod pa'i phyir ro// // bam po sum cu rtsa lnga pa/ /tshig gi tshon yid kyi rnam par shes pa'i yul yin pa'i phyir ro zhes bya ba ni 'di lhas byin med do zhes smras na/ sgra'i rna ba'i rnam par shes pas 'gyur la tshig gi don ming la sogs pa'i tshogs lhas byin ni de'i rjes la rnam par rtog par byed pa'i yid kyi rnam par shes pas rnam par shes par 'gyur te/ de'i phyir dag gi rnam par rig byed ni rna ba'i rnam par shes pa dang lhan cig 'gags pas rnam par rig byed ma yin pa kho na las kyi lam du 'gyur ba zhig na las kyi lam dngos ni rnam par rig byed dang rnam par rig byed ma yin pa ngo bo nyid dag yin par yang 'dod do/ /shi ba dang 'dra ste/ de'i phyir de dag la ni rtog pa zhes bya'o zhes bya ba ni bye brag tu smra bas nges pa'i tshig gi tshul la 'jus nas smras pa yin te/ slob dpon 'dul bzad na re ni rang gi dbang po dag dang ni phrad na rtogs pa yin no zhes zer ro/ /rgyas par yid kyis chos rnams rnam par ma shes te/ zhes bya ba nas zhes bya ba ni dri gang dag khyed kyi snas ma bsnams te zhes bya ba dang ro gang dag lces ma myangs te zhes bya ba dang reg bya gang dag lus kyis ma reg ste/

  135. 68a

    zhes bya ba nas chos ni gang dag khyod kyis yid kyis rnam par ma shes te zhes bya ba'i bar yin no/ /yul gsum po gzugs dang sgra dang chos dag la go rims bzhin du mthong ba dang thos pa dang/ rnam par shes pa'i sgra bstan pa'i phyir dri la sogs pa gang dag rtogs pa zhes bya ba'i sgrar brjod pa ste/ dri dang ro dang reg bya dag la rtogs pa zhes bya bar go'o/ /de ltar mi 'dod na ste/ dri la sogs pa la rtogs pa zhes bya bar mi 'dod na dri la sogs pa mthong ba la sogs pa dngos po'i nang du ma gtogs pa'i phyir te/ gzugs kyi mtshan nyid ma yin pa nyid kyis mthong ba'i dngos po'i nang du ma gtogs pa'i phyir dang/ sgra dang chos kyi skye mched kyi mtshan nyid kyi thos pa dang rnam par shes pa'i dngos po'i nang du ma gtogs pa'i phyir dri la sogs pa la mthong ba zhes bya ba 'am rnam par shes pa zhes bya ba'i bar gyi tha snyad 'dogs par yang mi 'gyur te/ 'di ni de dag la rtogs pa zhes bya ba'i rigs pa yin no/ /slob dpon gyis re zhig mdo 'di ni zhes bya ba rgyas par smos te/ don gzhan yin pa'i phyir zhes bya ba ni 'di ltar mdo'i don ni gzhan kho na yin no/ /mdo'i don bshad pa khyod gzugs la sogs pa'i yul rnam pa drug po 'di la ni mthong ba la sogs pa'i tha snyad bzhi ste/ mthong ba dang thos pa dang/ rtogs pa dang/ rnam par shes pa'i tha snyad dag la mthong ba la sogs pa'i tha snyad tsam du gyur te gzugs mthong na mthong zhes bya ba nas rnam par shes so zhes bya ba'i bar du tha snyad 'bogs par 'gyur zhing sgra la sogs pa yang de dang 'dra'o/ /mdo'i tshig de ni mchod byed kyi ma can khyod kyi yul drug mthong na yang mthang ba tsam du 'gyur la yul drug thos pa dang/ yul drug rtogs pa dang/ rnam par shes na yang rnam par shes pa tsam du 'gyur ro zhes bya ba yin no zhes te skad du rnam par bshad par bya'o snyam bsams pa yin te mdo'i don ni khyod sdug pa dang

  136. 68b

    mi sdug pa'i mtshan mar sgro 'dogs pa ma yin no zhes bya ba yin no/ /gzugs gang dag khyod kyi mig gis ma mthong ste zhes bya ba kho na gsungs kyi ma thos te zhes bya ba yang ma yin pa yin pa nas/ rnam par ma shes te zhes bya ba'i bar du yang ma gsungs shing de bzhin du sgra gang dag ma thos te zhes bya ba kho na gsungs kyi ma mthong ste zhes bya ba yang ma yin pa nas rnam par ma shes te zhes bya ba'i bar du yang ma gsungs la/ de bzhin du chos gang dag rnam par ma shes zhes bya ba kho na gsungs kyi ma mthong ste zhes bya ba yang ma yin pa nas ma reg ste zhes bya ba'i bar du yang ma gsungs pa ma yin nam zhe na/ de nyid ni nyes pa med de/ 'di ni bcom ldan 'das kyis dper brjod pa'i ngo bor bshad pa yin pas ji ltar gzugs gang dag ma mthong ste zhes bya ba bshad pa de bzhin du ma thos te zhes bya ba nas rnam par ma shes te zhes bya ba'i bar du brjod dgos so/ /de bzhin du sgra la sogs pa la yang brjod par bya ste/ des na mtshan nyid ni de skad du brjod do/ /dbang po lngas mngon sum du byas pa gang yin pa zhes bya ba rgyas par 'byung ba ni/ dbang po lngas gzugs la sogs pa mngon sum du byas pa gang yin pa de ni mthong ba'o/ /yul drug car yang pha rol la sogs pa gang yin pa de ni thos pa'o/ /bdag nyid kyi rigs pas rjes su dpag pa'i sgo nas 'dod cing bsam pa gang yin pa de ni rtogs pa'o/ /rigs pas rjes su dpag pa zhes bya ba ni mi 'khrul pa'i rjes su dpag pa ste de spyod yul yang yul drug yin no/ /drug pa la ni mthong ba ma gtogs te zhes bya ba ni yul drug pa ni chos rnams yin te/ de ni mthong ba'i tha snyad ma gtogs pa thos pa la sogs pa'i tha snyad gsum gyi tha snyad 'dogs par byed do/ /de'i phyir dri ba sogs pa la tha snyad 'dogs pa med par thal bar 'gyur ba yang med de lta bas na bye brag tu smra ba rnams kyi

  137. 69a

    de ltar mi 'dod na zhes bya ba de lta bu la sogs pa smras pa yin pa'i rigs pa de yang rigs pa ma yin te/ 'di ltar gzhan du 'dri ba la sogs pa la tha snyad 'dogs par 'gyur bas so/ /mig gis mngon sum du byas pa gang yin pa zhes bya ba ni dbang po lngas ma yin pa'o/ /rna bas thos pa dang pha rol las 'ongs pa gang yin pa zhes bya ba ni gnyi ga yang yin par 'dod pa'o/ /bdag nyid kyis so so yang dag par rig pa ni mnyam par bzhag pa ma yin pa'i sems kyi bde ba la sogs pa'o/ /rtogs pa zhes bya ba ni 'jig rten pa'i mnyam par bzhag pa kho na yin gyi/ 'jig rten las 'das pas ni ma yin te/ 'jig rten pa'i tha snyad kyi skabs yin pa'i phyir ro/ /de ltar na rnal 'byor spyod pa pa'i lugs kyis kyang yul drug car so sor ci rigs par mthong ba zhes bya ba 'am/ thos pa 'am/ rtogs pa 'am rnam par shes pa zhes bya bar tha snyad 'dogs te/ de'i phyir dri la sogs pa la tha snyad 'dogs pa med par thal bar 'gyur ba med do/ /gang zhig lus kyis don gzhan go bar byed na zhes bya ba ni gang zhig lus kyi brdas don go bar byed pa de'i yang brdzun du smra ba yin nam zhes bya'o/ /mi byed na zhes bya ba ni mi rtsol na'o/ /ngag gi byed par 'gyur na'o zhes bya ba ni tshig gis gzhan gsod par byed na'o zhes bya ba'i tha tshig go /'di la ni srog gcod pa lus kyi yin pa'i phyir dngos kyis bsdus pa'i rnam par rig byed ma yin pa lus kho na yin gyi ngag gis ni ma yin no/ /'di la lus kyi rnam par rig byed kyang ni med do/ /yod de lus kyis byed par 'gyur na'o zhes bya ba 'dir yang brdzun du smra ba ni ngag gi yin pa'i phyir dngos kyis bsdus pa'i rnam par rig byed ma yin pa dag kho na'i yin no zhes bya bar khong du chud par bya'o/ /kha na ma tho

  138. 69b

    ba gnyi gas zhes bya ba ni lus dang ngag gi kha na ma tho bas so/ /'dir drang srong rnams yid rab tu khros pas ni lus kyi kha na ma tho ba dang ldan par 'gyur ro/ /gso sbyong dper bya'o zhes bya ba ni dag gi kha na ma tho ba dang ldan par 'gyur ba ste/ dge slong gi gso sbyong la 'dul ba 'dzin pas ci yongs su dag gam zhes bsgrags pa las gal te dge slong 'ga' zhig ltung ba 'byung ba yin bzhin du 'chags par mi byed kyi cang mi zer bar 'dug par byed na rdzun du smra bar 'gyur ro ji ltar na de gnyis kyi las kyi lam tu 'grub ces bya ba ni ji ltar na drang srong dang dge slong lus dang ngag gis mi byed pa de gnyis kyi srog gcod ba dang rdzun du smra ba go rims bzhin du las kyi lam du 'grub ste/ bye brag du smra ba rnams kyis 'di la 'bad par bya ste lan gang ba dgos so zhes bya ba'i tha tshig go /'di la slob dpon 'dul bzang gis lan smras pa/ drang srong dag gis lan smras pa/ drang srong dag ni don gyis na rnam par rig byed byed pa yin te/ mi ma yin pa rnams kyis de dag gis sdig pa'i bsam pa sems can yongs su ma dor bar zhugs pa yin par rtogs nas de dag la dad pa rnams gang gi na drang srong de dag las kyi lam skye bar 'gyur ba lus kyis byed do/ /ji ltar na gzhan gyi rnam par rig byed kyis 'gyur zhe na/ de lta bu la ni gdon mi za bar lus dang ngag 'gyur ba yang 'byung ngo/ /gzhan yang de dag ni lta dmod pa ma dor la de la yang gdon mi za bar lus dang ngag gi g.yo ba yod par 'gyur ro zhes zer ro/ /'dod pa'i khams kyi rnam par rig byed ma yin pa ni thams cad rnam par rig byed la rag las par nges pa yang ma yin te/ rten lnga po lnga la sogs pa 'bras bu thob pa'i mod la so sor thar pa'i sdom pa skye ba srid pa'i phyir ro/ /de lta bas na mi dge ba yang de lta bu 'gal zhing rnam par rig byed med par yang 'gyur ro/ /de dag gi sngon rnam par rig byer byas so zhe na/ cig shos la

  139. 70a

    yang gdon mi za bar 'byung bar ni 'gyur ro zhe'o/ /re shig drang srong rnams kyi ni bshad zin to/ /gso sbyong ni brdzun smra ba la gal te yongs su ma dag pa zhig dge 'dun gyi nang na 'jug par byed cing 'dug par byed rang gi spyod lam ston par byed la de dang 'brel pa cung zad cig kyang smra bar byed na de ni 'di'i sngon gyi rnam par rig byed yin no zhes zer ro/ /nyon mongs pa can gyi tshig thams cad tshig kyal pa yin no zhes bya ba ni nyon mongs pa can gzhan yin pa 'ba' zhig tu ma zad kyi/ brdzun du smra ba la sogs pa gsum yin no/ /de dang ldan pa ste tshig kyal pa dang ldan pa'i gang zag de ni tshig kyal pa can yin no/ /rdzun du smra ba la sogs pa gsum las gzhan pa'i nyon mongs pa can gyi tshig gang yin pa ni tshig kyal pa yin no zhes bshad pa'i dper brjod par bstan pa'i phyir/ kha gsag glu dang zlos gar bzhin/ /bstan bcos ngan bzhin ces bya ba smos te/ kha gsag byed pa zhes bya ba ni rnyed pa dang grags pa dang bkur sti 'dod pa nyid kyis de dag brjod par byed pa'i tshig 'don par byed pa zhes bya ba'i tha tshig go /smre sngags 'don pa dang/ 'du 'dzi'i gtam la sogs pa zhes bya ba'i sgra ni smra sngags 'don pa dang 'du 'dzi dag las gzhan pa nyon mongs pa can gyi sems dang ldan pa'i gang cung zad smra ba'o/ /bag ma len pa dang/ bag mar gtong ba la sogs pa'i mngon par brjod pa yod pas zhes bya ba la/ bag ma len pa ni bu mo khye'u'i khyim du 'gro ba'o/ /bag mar gtong ba ni khye'u bu mo'i khyim du 'gro ba'o/ /gzhan dag na re bag ma len pa ni kha 'dus pa'o/ /bag ma gtong ba ni cho ga byas te len pa'o zhes zer ro/ /sogs pa zhes bya ba'i sgras ni sems chags pa dang ldan pa rnams kyi kun tu brjod pa bsdu'o/ /log pa mi rigs pas zhes bya ba ni

  140. 70b

    bstan pa dang bshad pa'i ngo bo'i rnam grangs dag yin no/ /'di ltar zhes bya ba rgyas par 'byung ba ni gang gi phyir sgrib pa lnga'i skabs su 'dod pa la 'dun pa ste/ 'dod pa'i srid pa'i ngo bo nyid kyi dbang du mdzad nas/ de 'jig rten na brnab sems spangs te brnab sems dang bral pa'i sems kyis lan mang du gnas shing 'jig rten na gnod sems dang rmugs pa dang gnyid dang rgod pa dang 'gyod pa dang the tshom spangs te dogs pa las brgal zhing the tshom las brgal cing the tshom las brgal nas chos dge ba rnams la nem nur med par gyur pa yin no/ /de sgrib pa lnga spangs nas zhes bya ba de lta bu la sogs pa gsungs pa de'i phyir 'dod pa na spyod pa'i srid pa thams cad brnab sems yin no zhes bya bar shes so/ /'khor los sgyur ba rnams dang byang gi sgra mi snyan pa rnams la yang brnab sems kyi las kyi lam yod par 'gyur du 'ong bas zhes bya ba ni de na 'dod pa na spyod pa'i sred pa med pa yang ma yin la/ de na mi dge ba'i lam yod par yang mi 'dod do nyes par spyod pa che long bsdus pa'i bar zhes bya ba la/ gzhan dag gi bsam pa ni mi dge ba'i las kyi lam bcu dag tu nye bar spyod pa che long bar dag yin pa de bsdus kyi thams cad ni ma yin no/ /dge ba dag la yang de dang 'dra ste/ de'i phyir brnab sems thams cad ni las kyi lam ma yin no// 'o na ci zhe na/ gzhan gyi nor la log pas chags pa gang yin pa de ni las kyi lam yin no snyam pa yin no/ /las dang 'bras bu dang 'phags pa la skur pa 'debs pa 'di ni ril gyis log par lta ba yin no zhes bya ba ni 'di skad du sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes bar spyad pa med do/ /legs par spyad pa dang nyes par spyad pa'i lam rnams kyi 'bras bu rnam par smin pa med do/ /'jig rten 'di med do/ /'jig rten pha rol med do/ /ma med do//

  141. 71a

    pa med do/ /sems can brdzus te skye ba med do/ /'jig rten na dgra bcom pa med do zhes bya ba yin no zhes 'byung ste/ de la sbyin pa med do zhes bya ba nas nyes par spyod pa med do zhes bya ba'i bar ni las la skur ba 'debs pa yin no/ /de bzhin du ma med do pha med do zhes bya ba yang las la skur pa 'debs pa kho na yin no/ /legs par spyad pa dang nyes par spyad pa'i las kyi 'bras bu rnam par smin pa med do/ /'jig rten 'di med do// 'jig rten pha rol med do zhes bya ba dang/ de bzhin du sems can rdzus te skye ba med do zhes bya ba ni 'bras bu la skur pa 'debs pa yin no/ /'jig rten na dgra bcom pa dag med do zhes bya ba ni 'phags pa la skur ba 'debs pa yin no/ /tshigs su bcad pa ni dad tsam zhig bstan par zad do zhes bya ba ni dge dang mi dge med pa lta ba zhes bya ba dper brjod pa tsam du zad pa'i phyir ro/ /las kyi lam yin pas zhes bya ba ni sems pa zhes bya ba'i las kyi lam yin pas so/ /ji lta zhe na smras pa de dag dang mtshungs par ldan pa can gyi sems pa ste/ brnab sems la sogs pa dang mtshungs par ldan pa can ni brnab sems la sogs pa de dag gi rgyu bas te 'gros kyi rgyu ste 'gro'o zhes bya ba'i tha tshig go /de dag gi dbang gis de bzhin du mngon par 'du byed pa'i phyir te/ 'di ltar rgyu brnab sems la sogs pa go rims bzhin du chags pa dang mi mthun pa log par lta ba rnams kyi dbang gis de dag dang mthun par mngon par 'du byed cing sems par byed do zhes bya ba'i tha tshig ste de'i phyir de dag gis rgyu bas rgyu ba yin no/ /lus dang ngag gi las yin pa'i phyir las kyang yin la sems pa zhes pa'i las kyi lam yin no/ /de dag kun nas

  142. 71b

    slong ba'i sems pa ste/ lus dang ngag gi las kyi sems pa ni de dag la/ rten nas te srog gcod pa la sogs pa de dag la brten nas 'jug pa'i phyir ro/ /mi 'dra ba rnams la yang gcig lus par grub pa'i phyir ro zhes bya ba ni sgra 'dra ba rnams sam don 'dra ba rnams la ni gcig lus par 'dod de/ 'di ltar shing dang shing ni shing dag go zhes bya ba dang/ yon po dang khyor po ni khyor po dag go zhes bya ba lta bu yin na 'di la ni las dang las kyi lam ni zhes bya ba las zhes bya ba'i sgra dang las kyi lam zhes bya ba'i sgra'i sgo nas kyang 'dra ba ma yin la las kyi don dang las kyi lam gyi don tha dad pa'i phyir don gyi sgo nas kyang 'dra ba ma yin pas gcig lus par mi 'gyur ro zhe na 'di ltar ril gyis mi 'dra zhing phyogs gcig gis 'dra ba rnams las yang gcig lus par 'grub ste/ 'dod ces bya ba'i tha tshig go /'di lta ste gang dang gang mi mngon pa dag ni yon tan yin no zhes bya ba la sogs pa lta bu gang dang gang mngon pa dag ste/ de gnyis ni zhes bya ba yin no/ /gang dang mi mngon pa ni gang mi mngon pa dag go zhes brjod par yang mi nus te/ 'di ni mi mngon pa mi 'dod pa'i phyir ro/ /phyogs gcig 'dra ba'i phyir te/ gang zhes bya ba dang/ gang mi mngon pa zhes bya ba'i phyogs gcig po gang zhes bya ba 'dra ba'i phyir ni gang mi mngon pa dag ces gcig lus par 'grub bo/ /gzhung 'di na las dang las kyi lam dag ni las kyi lam mo zhes pa 'di yang 'grub par 'gyur ro/ /phyis ni brnab sems la sogs pa yang las kyi lam yin la srog gcod pa la sogs pa yang las kyi lam yin pas las kyi lam mo zhes gcig lus pa yin no/ /yang na 'di ltar sbyar te/ las kyi lam ni las? kyi lam mo/ /de dag ni las kyang yin la las kyi lam dag kyang yin pas las dang las kyi lam dag ste/ brnab sems la sogs pa las kyi lam yin la srog gcod pa la sogs pa las

  143. 72a

    dang las kyi lam dag yin pas las dang las kyi lam dag ces bya'o/ /brnab sems med pa la sogs pa dang srog gcod pa spong bo la sogs pa yang de bzhin du zhes bya ba rgyas par 'byung ba ni dge ba'i las kyi lam dag kyang de bzhin du sbyar bar bya ba yin te/ brnab sems med pa la sogs pa ni las kyi lam kho na yin la/ srog gcod pa spong ba la sogs pa ni las kyang yin la las kyi lam yang yin pas shes pa yin no/ /'di ltar de dag ni de'i don dang zhes bya ba rgyas par 'byung ba ni gang gi phyir de'i phyir de'i sbyor ba de dag las kyi lam dngos kyi don du 'jug pa yin pa dang/ gang gi phyir de'i 'jug de dag las kyi lam dngos kyi rtsa ba can du 'jug pa yin pa'i phyir de dag ni las kyi lam ma yin no/ /las kyi lam yang las kyi lam gyi sbyor ba yin par ni bshad mod kyi/ de ni dngos yin pa'i phyir las kyi lam gyi sbyor ba dang mjug tu gyur pa'i phyir ni ma yin no/ /sngar yang che long bsdus pa'i phyir zhes bshad pa yin no zhes bya ba ni de las che long bsdus nas ni/ dge dang mi dge ci rigs par/ las kyi lam ni bcur gsungs so zhes 'byung ba'i phyir sbyor ba dang mjug gang dag yin pa de dag ma bsdus so/ /'jig rten na gang dag ces bya ba rgyas par 'byung ba ni 'jig rten na gang 'phel ba dang 'grib pas phyi nang gi dngos po rnams 'phel ba dang 'grib pa yin gyi sbyor ba dang mjug dag ni ma yin pas de dag kho na las kyi lam yin te/ thams cad bdag po rgyu mthun dang/ /rnam smin 'bras bu byin par 'dod ces bya ba 'dir de dag 'phel ba dang 'grib pas de rnams 'phel ba dang 'grib par 'chad par 'gyur ro/ /de'i phyir sbyor ba dang mjug de dag ni las kyi lam ma yin no/ /de dag gi ltar na de dag gi ji ltar las kyi lam yin zhes bya ba ni de dag gi ltar na brnab sems la sogs pa de dag las gang zhig gi lam yin pas na

  144. 72b

    las kyi lam du 'gyur ba brnab sems la sogs pa ma gtogs pa yid kyi las sems pa ni med do/ /de dag nyid la dris shig ces bya ba ni gang dag de ltar sems pa de dag kho nas lan gdab dgos so/ /de lta mod kyis brjod par ni nus te zhes bya ba rgyas par 'byung ba ni rang gi gzhung lugs kyis phyogs de gzhung 'dzugs par byed pa yin no/ /yang na gcig gis gcig 'dren pas na zhes bya ba ci zhe na brnab sems la sogs pa de dag las kyi lam yin no zhes bya bar skabs dang sbyar te/ brnab sems kyis kyang gnod sems dang log par lta ba dag 'dren par byed la de dag gis kyang de dag 'dren par byed do/ /de dag ni las kyang yin la de dag gi nang nas las gang yang rung ba zhig gi lam yang yin pas las kyi lam mo/ / dge ba'i rtsa ba ni log par lta bas kun tu gcod do zhes bya ba'i don 'di brjod par 'dod nas de dag thams cad kyang dge ba'i chos rnams zhes bya ba rgyas par gleng slong bar byed do/ /chen po yongs su rdzogs pa'i zhes bya ba ni chen po'i chen po zhes bya ba'i tha tshig go /'o na ci'i phyir bstan bcos las bshad ces bya ba ni gal te log par lta bas dge ba'i rtsa ba kun tu gcod kyi mi dge ba'i rtsa ba rnams kyis ni ma yin na bstan bcos las mi dge ba'i rtsa ba gang dag yis dge ba'i rtsa ba gcod par byed pa zhes bshad pa yin pa de ji ltar dran ste/ de dag chags pa la sogs pa'i ngo bo nyid yin gyi log par lta ba'i ngo bo nyid ni ma yin no zhes bya ba'i tha tshig go /mi dge ba'i rtsa bas drangs pa'i phyir zhes bya ba ni mi dge ba'i rtsa ba chags pa la sogs pa chen pos log par lta ba drangs shing bskyed pa yin te/ de lta bas na mi dge ba'i rtsa bas log par lta ba drangs pa'i phyir de dag kho na la las kyi lam de bstan par mdzad de/ mi dge ba'i rtsa ba de dag kho na la log par lta ba'i dge ba'i rtsa ba kun tu gcod par byed pa'i las

  145. 73a

    gang yin pa bstan to/ /gal te 'dod pa na spyod pa'i dge ba'i rtsa ba rnams kun tu 'chad par 'gyur te/ gzugs dang gzugs med pa dag na spyod pa dag dang mi ldan pa'i phyir ro zhes brjod na/ 'o na btags pa las bshad pa ji ltar drang/ de ni de'i thob pa thag bsrid par byed pa zhes bya ba ni gang zag de'i gzugs dang gzugs med pa na spyod pa'i thob pa thag bsrid bar byed pa las dgos nas 'di skad du/ khams gsum pa'i rtsa ba rnams kun tu gcod pa yin no zhes bshad pa yin no// // yang ji ltar nges thob pa thag bsrid bar byed ce na/ rgyud de'i snod ma yin pa nyid kyi phyir te/ gang gi phyir de'i rgyud sngon de dag gi thob pa rnams kyi snod du gyur pa las dge ba'i rtsa ba kun tu chad nas de'i tshe de dag gi thob pa rnams kyi snod ma yin pa nyid du byas pa de'i phyir de'i thob pa thag bsrid bar byas pa yin no/ /sbyor ba las byung ba dag las ni sngar yongs su nyams zin pa'i phyir ro zhes bya ba ni sbyor ba las byung ba thos pa dang bsam pa dang bsgom pa las byung ba de dag las ni sngar chung ngu'i chung ngu'i gnas skabs nyid na yongs su ma nyams te/ de'i tshe nyid na de'i thob pa chad zin to zhes bya ba'i tha tshig go /bar chad med pa'i lam dang rnam par grol ba'i lam lta bu yin no zhes bya ba ni kha cig gi phyogs ni rgyu la skur pa 'debs pa ni bar chad med pa'i lam lta bu yin la/ 'bras bu la skur pa 'debs pa ni rnam par grol ba'i lam lta bu yin te/ 'di skad du dge ba'i rtsa ba kun tu bcad par bya ba la log par lta ba rgyu dang 'bras bu la skur pa 'debs pa 'di gnyi ga yang las byed kyi gcig kho na ni ma yin no zhes bshad pa yin no/ /zag pa dang bcas pa la dmigs pa kho nas yin gyi zhes bya ba ni sdug bsngal dang kun 'byung ba la dmigs pas yin gyi zag pa med pa la dmigs pas ni ma yin de 'gog pa dang lam

  146. 73b

    la dmigs pas ma yin no zhes bya ba'i tha tshig go /skal ba mnyam pa'i khams la dmigs pa kho nas yin gyis zhes bya ba ni 'dod pa'i khams la dmigs pa kho nas dge ba'i rtsa ba rnams kun tu gcod pa yin gyi skal ba mi mnyam pa'i khams la dmigs pas ni ma yin te/ gang gzugs dang gzugs med pa'i khams la dmigs pas ni ma yin no zhes bya bar skabs dang sbyar ro/ /ci'i phyir zhe na/ mtshungs par ldan pa tsam gyi sgo nas rgyas pas nyam chung ba'i phyir ro zhes smras te/ leg par lta ba zag pa med pa la dmigs pa dang skal ba mi mnyam pa'i khams la dmigs pa gang yin pa de ni mtshungs par ldan pa tsam gyi sgo nas mtshungs par ldan pa'i chos rnams la rgyas par 'gyur gyi dmigs pa'i sgo nas ni ma yin te de lta bas na 'di ni stobs chung bar yin no/ /de'i phyir des kun tu gcod bar mi 'gyur ro/ /bye brag tu smra ba rnams ni 'di skad du brjod do/ /kun gyis zhes bya ba ni rgyu la skur pa 'debs pa gang yin pa dang/ 'bras bu la skur pa 'debs pa gang yin pa dang skal pa mnyam pa'i khams la dmigs pa gang yin pa dang skal pa mi mnyam pa'i khams la dmigs pa gang yin pa dang/ zag pa dang bcas pa la dmigs pa gang yin pa dang/ zag pa med pa la dmigs pa gang yin pa de thams cad kyis kun tu gcod par 'gyur te nyon mongs pa bzhin no/ /mthong bas spang bar bya ba dag bzhin no zhes bya ba ni kha cig na re ji ltar sdug bsngal la sogs pa mthong bas spang bar bya ba'i nyon mongs pa rnam pa dgu char yang sdug bsngal gyi bden pa la sogs pa mthong bas cig car spong? bar 'gyur de bzhin du dge ba'i rtsa ba rnam pa dgu car yang cig car kun tu 'chad do zhes zer ro/ /sgom pas spang bar bya ba'i nyon mongs pa bzhin zhes bya ba ni ji ltar lam chung ngu'i chung ngus nyon mongs pa'i rnam pa chen po'i chen po spong ba

  147. 74a

    nas chen po'i chen pos chung ngu'i chung ngu spong ba'i par lam rnam pa dgus nyon mongs pa rnam pa dgu spong ba de bzhin du log par lta ba chung ngu'i chung ngus dge ba'i rtsa ba'i rnam pa chen po'i chen po kun tu gcod pa nas chen po'i chen pos dge pa'i rtsa ba'i rnam pa chung ngu'i chung ngu kun tu gcod pa'i bar log par lta ba rnam pa dgus kyang dge ba'i rtsa ba rnam pa dgu kun tu gcod par 'gyur ro/ /de ltar na gzhung 'di bskyabs pa yin no zhes bya ba ni gal te de dag ji skad bshad pa ltar bsgom pas spang bar bya ba'i nyon mongs pa bzhin du kun tu 'chad na'o/ /phra mo dang lhan cig tu gyur pa zhes bya ba ni chung ngu'i chung ngu'o/ /dge ba'i rtsa ba rnams kun tu gcod par byed pa'o zhes bya ba ni mi dge / ba'i rtsa ba chen po'i chen pos dag gis dge ba'i rtsa ba kun tu gcod par bshad kyi chung ngu'i chung ngu la sogs pas ni ma yin no snyam du dgongs pa yin no/ /de ni rdzogs pa las dgongs te gsungs pa yin zhes bya ba ni dge ba'i rtsa ba kun tu 'chad pa rdzogs pa las dgongs te/ 'di skad du mi dge pa'i rtsa ba chen po gang dag yin zhe na zhes bya ba rgyas par bshad pa yin te chung ngu'i chung ngu la sogs pa kun tu 'chad pa ni mi smos kyang gzung bar bya'o/ /de lta bas na de dag gis ma lus pa gcod pa'i phyir de ni rdzogs pa kho na la dgongs nas bshad pa yin te/ 'di ltar log pa yin pa rnam pa dgus dge ba'i rtsa ba rnams ma lus par gcod par 'gyur ro/ /de dag las rnam pa cig ste/ rnam pa dgu pa chung ngu'i chung ngu ma chad na yang rnam pa dgu po thams cad yang skye ba'i rgyur 'gyur ro/ /de'i phyir 'di ni rdzogs pa las dgongs te gsungs pa yin no/ /gnyi gar gcod par byed do zhes bya ba 'di ni langs na yang gcod par byed ma langs na yang gcod par byed do/ /de btang

  148. 74b

    bas de yang gtong ngo zhes bya ba ni sems chung ngu'i chung ngus sdom pa de yang dag par blangs par gyur pa'i sems chung ngu'i chung ngu dang mtshungs par ldan pa btang zhing kun tu chad na sdom pa yang btang bar 'gyur ba nas de bzhin du gang zhig rgyu mtshan chen po'i chen po'i sdom pa yang dag par blangs pa de btang bas de yang gtong ba'i bar du 'gyur ro/ /las kyi 'bras bu mngon sum du gyur pa'i phyir ro zhes bya ba ni lha'i bu skyes nas ring ba ma lon pa na bdag gang nas 'chi ba 'phos te gang du skyes gang zhig gis skyes snyam pa'i sems gsum kun tu 'byung ste/ de ltar las dang 'bras bu mngon sum du gyur pa'i phyir lha dag gi nang na dge ba'i rtsa ba kun tu 'chad pa med do/ /'dzam bu'i gling kho na na yod do zhes bya ba ni de na khyad par du rtog ge pa nyid yod pa'i phyir ro snyam du bsam pa yin no/ /thams cad pas nyung na dbang po brgyad dang ldan pa yin te/ dge ba'i rtsa ba kun tu chad pa kho na tshor ba'i dbang po lnga dang lus dang srog dang yid kyi dbang po dang ldan no/ /de'i dad pa la sogs pa'i dbang po kun tu 'chad do/ /so so'i skye bo yin pa'i phyir mi shes pa kun shes par byed pa'i dbang po la sogs pa yang med do/ /mig dag la sogs pa'i dbang po yang ma tshang ba'i tshul lam rim gyis 'chi ba'i gnas skabs na med do/ /shar gyi lus 'phags po dang nub kyi ba lang spyod pa yang de dang 'dra'o zhes mthun par bsgres pa'i phyir de dag na yang dge ba'i rtsa ba kun tu 'chad pa yod do zhes bya bar ston par byed do/ /skyes pa bud med kyis gcod do zhes bya ba ni skyes pa dang bud med kyis zhes bya ba yin te/ dang zhes bya ba'i sgra mi mngon par bstan pa yin no/ /gang mo'i dbang po dang ldan pa de gdon mi za bar dbang po brgyad dang ldan te/ tshor ba'i dbang po bzhi dang lus dang srog dang

  149. 75a

    yid kyi gsum dang brgyad pa mo'i dbang po dang ldan no/ /dad pa la sogs pa ni ma yin te/ dge ba'i rtsa ba kun tu chad pa'i gnas skabs na 'khrul lo snyam du bsams pa yin no/ /mig la sogs pa yang snga ma bzhin du 'khrul par 'gyur te/ 'dir ni don 'di kho na dang 'gal bar 'gyur ro/ /de dag las kyang zhes bya ba ni kun tu gcod par byed pa ji skad bshad pa de dag las kyang sred pa spyad pa ni kun tu gcod par byed do/ /sdig pa'i bsam pa gtan pa dang mkhyud pa can yin pa'i phyir ro zhes bya ba ni 'di la sdig pa'i bsam pa sems sred brtan pa yod pas zhes byar tshig bsdu ba ste/ stan pa ni sran la sgre ba'o/ /sdig pa mi dge pa mkhyud pa ni 'chab pa'o/ /sred pa spyad pa'i phyogs dang mthun pa'i phyir zhes bya ba ni sred pa spyad? pa dang 'dra ba'i phyir zhes bya ba'i tha tshig ste ji ltar sred pa spyad pa bsam pa g.yo pa yin pa ltar ma ning la sogs pa la yang de dang 'dra'o/ /ngan song ba bzhin no zhes bya ba ni ji ltar ngan song ba rnams shes rab nyon mongs pa can dang nyon mongs pa ma yin pa dag mi brtan pa'i phyir dge ba'i rtsa ba rnams kun tu mi gcod pa ltar ma ning la sogs pa yang de dang 'dra'o/ /nying mtshams sbyor ces bya ba ni nying mtshams sbyor ba bya ba'o/ /nad med nas stobs rnyed pa bzhin no zhes bya ba ni ji ltar sngar nad med par 'gyur la rims kyis stobs rnyed par 'gyur ba de dag 'dra'o/ /mtshams med byed pa'i 'di min zhes bya ba ni mtshams med pa byed pa kho na'i 'di la nying mtshams sbyor bar mi 'gyur ro zhes bshad pas don gyis na 'di skad du mtshams med pa ni 'di la nying mtshams sbyor bar 'gyur ro zhes bshad pa yin no/ /srid pa bar ma la gnas pa zhes bya ba ni dmyal bar 'gro bar 'gyur ba'i srid pa bar ma la gnas pa'o/ /'chi 'pho ba mngon du phyogs pa zhes bya ba

  150. 75b

    ni dmyal ba nas 'chi 'pho ba mngon du phyogs pa'o/ /rgyu'i stobs kyis zhes bya ba ni 'di ltar gang dag skal ba mnyam pa'i stobs kyi bdag nyid log par lta bar 'dod pa'o/ /rkyen gyi stobs kyis zhes bya ba ni 'di ltar gang dag gzhan gyis sgra'i stobs kyis log par lta bar 'dod pa ste/ rgyu'i stobs ni snying po dang ldan pa'i phyir ro/ rang gi stobs kyis gcod pa gang yin pa dang/ gzhan gyi stobs kyis gcod pa gang yin pa yang de dang 'dra'o zhes bya ba ni gang zhig rang gi rtog ge'i stobs kyis bcad pa de ni 'chi 'pho ba na nying mtshams sbyor bar 'gyur la gang zhig gi gzhan gyis stobs kyis te gzhan las thos pa tsam gyi stobs kyis gcod pa de ni skye ba na'o/ /bsam pa nyams pa zhes bya ba ni log par lta ba mngon du gyur pas nyams shing ma rung ba ste/ de ni mthong ba'i chos kho na nying mtshams sbyor bar 'gyur ro/ /gang zhig bsam pa dang spyod ba nyams pa zhes bya ba ni gang zhig log par lta ba mngon du gyur pa dang mtshams med pa log pa'i las kyis nyams pa ste/ de ni lus zhig nas nying mtshams sbyor bar 'gyur ro// 'dir rang gi stobs kyis gcod pa gang yin pa dang gzhan gyi stobs kyis bcad pa yin pa 'di yang gong du bshad pa kho na'i rnam grangs yin la/ de bzhin du lta ba nyams pa gang yin pa dang lta ba gang tshul khrims nyams pa gang yin pa zhes bya ba 'di yang/ bshad ma thag ba kho na'i rnam grangs yin no zhes bya bar khong du chud par bya'o/ /rdzogs par byed pa la sogs pa'o zhes bya ba la sogs pa'o zhes bya ba la sogs pa zhes bya ba'i sgras ni ston pa drug po 'di lta ste/ 'od srungs rdzogs byed dang kun tu rgyu gnag ltas? kyi bu dang/ smra 'dod kyi bu mo'i bu yang dag rgyal ba can dang/ mi pham pa skri'i la ba can dang/ gatya'i bu nog can dang/ /gcer bu pa gnyen gyi bu zhes bya ba bsdu ste/ de dag ni med par lta ba yin pa'i phyir dge ba'i rtsa ba kun tu chad pa ni yin la mtshams

  151. 76a

    med pa byed pa ma yin pa'i phyir log pa nyid du nges pa ma yin te/ mtshams med pa byed pa log pa nyid du nges pas so/ /ma skyes dag ni mtshams med pa byed pa yin pa'i phyir log pa nyid du nges pa yin la yang dag pa'i lta pa can yin pa'i phyir dge ba'i rtsa ba kun tu chad pa ni ma yin no/ /lhas byin ni dge 'dun gyi dbye na byed pa yin pa'i phyir dang/ de bzhin gshegs pa la ngan sems kyi khrag 'byin par byed pa yin pa'i phyir/ dge ba'i rtsa ba kun tu chad pa yang yin la log pa nyid du nges pa yang yin no/ /bzhi pa ni rnam pa de dag ma gtogs pa'o zhes bya ba ni bdag cag la sogs pa'o/ /gzhan med par brnab sems la sogs mngon du gyur pa zhes bya ba ni srog gcod pa la sogs pa las kyi lam gzhan med par brnab sems la sogs pa'i nang nas gang yang rung ba zhig mngon du gyur na sems pa las kyi lam brnab sems sam gnod sems sam log par lta ba gcig dang lhan cig 'byung ngo/ /sems pa nyon mongs pa can ma yin pa can zhes bya ba dge ba dang lung du ma bstan pa'i sems dang ldan pa sbyor ba po de'i sbyor bas srog gcod pa la sogs pa 'dod pas log par g.yem pa ma gtogs pa gzugs can rnams las gang yang rung ba zhig mthar phyin par byed na sems pa gcig po de dang lhan cig 'byung ngo/ /brnab sems la sogs pa ma gtogs pa'i nyon mongs pa can gyi sems dang ldan pa zhes brjod par bya ste/ tshul 'di ni de la yang srid do/ /gnod sems su gyur pa srog gcod pa zhes bya ba rgyas par 'byung pa ni gnod sems dang srog gcod pa dang gnyis lhan cig 'byung ngo/ /'dod pas log par g.yem pa 'am tshig kyal pa smra na gnyis dang lhan cig 'byung ba ste/ brnab sems dang 'dod pa log par g.yem pa gnyis dang/ tshig kyal pa dang/ brnab sems la sogs pas ni nang nas gang yang rung ba zhig dang

  152. 76b

    gnyis kho na dang lhan cig 'byung ngo/ /'di gleng bar bya ste/ gnod sems su gyur pa srog gcod pa zhes bya ba dang/ brnab sems dang ldan pa ma byin par len pa zhes bya ba 'di ci rang byed pa la bya ba 'am 'on te gzhan du 'jug pa zhig yin/ gal te rang byed pa yin na ni srog gcod pa la gnod sems gdon mi za bar yod pa'i phyir la/ ma byin par len pa yang brnab sems gdon mi za bar yod pa'i phyir gnod sems su gyur pa zhes bya ba dang brnab sems dang ldan pa zhes bya ba'i khyad par du bya rung ba ma yin te/ 'khrul pa la ni khyad par du bya ba 'dod do/ /'on te gzhan byed du bcug pa zhig yin na ni brnab sems dang gnod sems dang ltog par lta ba rnams las gang yang rung ba zhig dang ldan pa srog gcod pa dang ma byin par len pa dang 'dod pas log par g.yem pa dang/ tshig kyal pa smra na'o zhes brjod dgos so zhe na smras pa rang byed pa yin no/ /khyad par du bya ba mi rung ngo zhes bshad pa ma yin nam zhe na de ni nyes pa med de/ 'di ni khyad par du bya ba brjod pa ma yin no/ /'o na ci zhe na 'di ni de la gnyis par gyur pa gnod sems dang brnab sems yod pa nyid du bstan to zhes rang gi ngo bo de la bsnyed bar thang ngo/ /de lta na yang brnab sems la sogs pa'i nang nas sems gang yang rung ba zhig dang ldan pa srog gcod pa la sogs pa de dag byed du bcug pa'i sems pa gnyis dang lhan cig 'byung ba srid pas de yang brjod dgos par 'gyur ro zhe na/ brjod dgos pa ni bden na de skad du bshad pa de na dper brjod pa tsam du zad pa nyes pa med do/ /gnod sems dang ldan pa cig car du gzhan gyi srog chags bsad pas phrog na'o zhes bya ni yang gsad pa kho nas dbrog par gub pa gang yin pa ste/ gang la gnod sems dang srog chags gsod pa dang ma byin par len pa'i las kyi lam cig car 'byung ba'o/ /'o na ni mi 'grub pa ma yin nam zhes bya ba rgyas par 'byung ba ni gal te

  153. 77a

    gzhan gyi nor 'phrog pa'i tshe sems yod na de ma byin par len pa na chags pa kho nas mthar phyin par byed do zhes bya ba 'grub par mi 'gyur te/ chags pa dang zhe sdang dag cig char mi 'byung ba'i phyir ro/ /sems gzhan dang mi ldan pa'i zhes bya ba rgyas par 'byung ba ni/ log g.yem brnab sems ma byin len/ /chags pa yis ni rdzogs par byed/ ces bya ba ni nges pa de ni 'phrog pa'i sems dang ldan pa kho na'i de la rdzogs pa la ste/ ma byin par len pa rdzogs pa la shes par bya'i nges pa 'di sems gzhan dang ldan pa ste/ gsod pa'i sems dang ldan pa ni ma yin no/ /dbyen bya ba'i bsam pa dang ldan pa brdzun gyi tshig ces bya ba ni dbyen bya ba'i bsam pa ldan pa'i phyir brdzun de nyid phra ma yang yin la grub pa'i mdza' las/ nyon mongs can kun kyal ba nyid ces 'byung ba'i phyir de nyid tshig kyal pa yang yin no/ /de bzhin dbyen bya ba'i bsam pa dang ldan pa'i phyir tshig rtsub po nyid kyang phra ma yin la de bzhin du tshig kyal pa yang yin pas bzhi dang lhan cig 'byung ngo/ /ji ltar zhe na de la ni yid kyi gcig yin la dag gi gsum yin no zhes bya ba smos te/ brdzun du smra na yang brnab sems gnod sems gcig dang dag gi gsum ste/ brdzun du smra ba dang phra ma dang tshig kyal pa bdag go /tshig rtsub po smra na yang yid kyi gcig ste gnod sems dang/ ngag gi gsum ste/ tshig rtsub po dang phra ma dang tshig kyal pa dag go /ming gi sgo nas de ltar gsum gyi ngo bo nyid kyi sgo nas ni ma yin te/ brdzun du smra ba de nyid la phra ma dang/ tshig kyal pa zhes kyang bya'i ngo bo nyid gsum yod pa ni ma yin no/ /de bzhin tshig rtsub pa la yang ming gsum pa yin no zhes bya bar sbyar bar bya'o/ /gzhan dag na re ngo bo nyid kyi khyad par yang yod de brdzun du smra ba dang phra ma dang tshig kyal pa'i rnam par rig byed ma yin pas bdag kyang tha dad pa de bzhin du tshig rtsub po phra ma dang tshig kyal pa rnam par rig byed ma yin pa dag kyang tha dad do zhes zer ro/ /yang na

  154. 77b

    brnab sems log par gyur pa zhes bya ba rgyas par 'byung ba na yang brnab sems la sogs pa dang ldan pa bzhi dang lhan cig 'byung ste de la ni yid kyi gcig ste/ brnab sems la sogs pa'i nang nas gang yang rung ba zhig yod pa dang/ de'i sbyor bas te brnab sems la sogs pa dang ldan pa'i sbyor bas srog gcod pa la sogs pa las kyi lam gang yang rung ba gsum mthar phyin par byed cing rdzogs pa'i tshe'o/ /sems pa lnga pa dang drug pa dang bdun dang yang de bzhin du sbyar bar bya'o/ /ji ltar zhe na re zhig lnga dang lhan cig 'byung ba ni brnab sems la sogs pa dang ldan pa de'i sbyor bas gzhan bzhi mthar phyin par byed na'o/ /de bzhin du brnab sems la sogs pa dang ldan pa gzhan lnga dang drug mthar phyin par byed na yang drug dang bdun dang lhan cig 'byung ngo/ /brgyad dang lhan cig 'byung ba ni brnab sems la sogs pa dang ldan pa srog gcod pa la sogs pa drug la sbyor ba byas nas 'dod pas log par g.yem pa bdag nyid kyis byed la mnyam du mthar phyin par 'gyur na'o/ /dgu dang bcu dang lhan cig 'byung ngo zhes bya ba 'di ni med de/ yid kyi las kyi lam rnams cig car 'byung ba med pa'i phyir ro/ /gcig dang brgyad dang lnga dang min/ zhes bya ba ni yid kyis gcig kho na dang ni ma yin te/ sems pa dge ba la brnab sems med pa dang gnod sems med pa dag gdon mi za par yod pa'i phyir ro/ /sems pa las kyi lam gzugs can sdom pas bsdus pa gcig dang lhan cig 'byung ba yang ma yin te/ dge bsnyen gyi sdom pa la sogs pa nyon mongs pa can dang lung du ma bstan pa'i sems kyi gnas skabs na yang srog gcod pa dang ma byin par len pa dang 'dod pa log par g.yem pa dang brdzun du smra ba spong ba dag gdon mi za bar lhan cig 'byung ba'i phyir ro/ /lnga kho na la yang ma yin te/ sems pa dge ba la ni brnab sems med pa dang gnod sems med pa dag kyang gdon mi za bar lhan cig 'byung ba'i phyir la/ srog gcod pa

  155. 78a

    spong ba la sogs pa sdom pas bsdus pa bzhi po 'di dag kyang gdon mi za bar lhan cig 'byung ba'i phyir ro/ /brgyad pa kho na dang yang ma yin te/ dge slong gi sdom pas bsdus pa'i lus dang ngag gi las lam kyi rnams ni nyon mongs pa can dang lung du ma bstan pa'i sems kyi gnas skabs na yang bdun car yod pa'i phyir la/ dge ba'i sems kyi gnas skabs na ni dgu 'am bcu yod pa'i phyir te/ shugs kyis na gnyis la sogs pa dang lhan cig 'byung ngo zhes bshad pa yin no/ /de la gnyis dang lhan cig 'byung ba zhes bya ba rgyas par 'byung ba ni gnyis dang lhan cig 'byung ba ni dge ba'i rnam par shes pa lnga la gnas pa la ni brnab sems med pa dang gnod sems med pa dag yod kyi grub pa'i mdza' las/ rnams shes lnga dang mtshungs skyes? blo/ /nges rtogs med phyir lta ma yin/ zhes 'byung ba'i phyir yang dag pa'i lta ba ni med do/ /de'i phyir 'di la ni brnab sems med pa dang gnod sems med pa dag kho na dang lhan cig 'byung ngo/ /gzugs med pa'i snyoms par 'jug pa'i nad pa dang mi skye ba shes pa la gnas pa'o zhes bya ba ni gzugs med pa'i snyoms par 'jug pas bsdus pa'i zad pa dang mi skye pa shes pa dag las gnas pa'i yang 'di gnyis kho na dang lhan cig 'byung ste/ zad dang mi skye blo lta min zhes 'byung bas de ni yang dag pa'i lta ba med pa'i phyir ro/ /gzugs med pa'i snyoms par 'jug pa smos pa'i bsam gtan gyi snyoms par 'jug pas bsdus pa'i zad pa dang mi skye ba shes pa dag la gnas pa la lus dang ngag gi las kyi lam zag pa med pa'i sdom pa'i rang bzhin rnam pa bdun yod pa zlog pa'i phyir ro/ /zad pa dang mi skye ba shes pa smos pa ni yang dag pa'i lta ba gsal ba'i phyir te zad pa dang mi skye ba shes pa dag ni yang dag pa'i lta ba'i ngo bo nyid ma yin pa'i phyir ro/ /gsum dang lhan cig 'byung ba ni yang dag pa'i lta ba mtshungs par

  156. 78b

    ldan pa'i yid kyi rnam par shes pa la gnas pa'o zhes bya ba ni las kyi lam gzugs can med pa la zhes bya ba'i lhag ma yin te/ de la ni las kyi lam brnab sems med pa dang gnod sems med pa dang yang dag lta ba gsum kho na yin no/ /bzhi dang lhan cig 'byung ba zhes bya ba rgyas par 'byung ba la/ mi dge ba 'am lung du ma bstan sems dang ldan pa zhes khyad par du bya ba'i phyir/ yid kyi ni med do bstan pa yin no/ /dge bsnyen dang dge tshul gyi sdom pa yang dag par len pa na yang las kyi lam srog gcod pa dang/ ma byin par len pa dang/ 'dod pa log par g.yem pa dang/ brdzun du smra ba spong ba'i mtshan nyid bzhi kho na yod de/ myos par gyur pa 'thung ba spong ba la sogs pa ni las kyi lam bcu'i nang du ma gtogs pa'i phyir la/ tshig rtsub po spong ba la sogs pa yang dge bsnyen dang dge tshul gyi sdom pas ma bsdus pa'i phyir ro/ /dge tshul gyi sdom pa yang dag par len pa smos pas ni dge bsnyen gyi sdom pa yang dag par len pa yang bshad pa'i ngo bor khong du chud par bya ste/ dge tshul gyi sdom pa yang dag par len pa na ni/ las kyi lam bzhi mi tshangs par spyod pa spong ba yin la/ 'dod pas log par g.yem pa spong pa yang de'i nang du 'dus pa kho na yin no/ /drug pa dang lhan cig 'byung ba ni dge pa'i rnam par shes pa lnga la gnas pa yang dag par len pa na'o? zhes bya ba ni ji skad bshad pa bzhi po de dag dang/ brnab sems med pa dang/ gnod sems med pa dang drug dang lhan cig 'byung ste/ rnam par shes pa lnga la yang dge pa'i lnga ba med pa'i phyir ro/ /bdun pa lhan cig 'byung ba ni dge ba'i yid kyi rnam par shes pa la gnas te da kho na yang dag par len to/ /dge bsnyen dang dge tshul gyi sdom pa kho na yang dag par len pa na ji skad bshad pa de dag kho na dang las lam bdun pa ni yang dag pa'i lta ba dang lhan cig 'byung ste/ dge ba'i yid kyi rnam par shes pa la ni yang dag

  157. 79a

    pa'i lta ba yod pas so// //bam po sum cu rtsa drug pa/ /mi dge ba dang lung du ma bstan pa'i sems dang ldan pa kho na dge slong gi sdom pa yang dag par len pa na gzugs can bdun kho na dang lhan cig 'byung ste mi dge ba dang lung du ma bstan pa'i sems dang ldan pa'i phyir yid kyi dag dang ni ma yin no/ /dgu dang lhan cig 'byung ba ni dge ba'i rnam par shes pa lnga la gnas pa de yang dag par len pa ste/ dge slong gi sdom pa yang dag par len pa ste/ yang dag pa'i lta ba kho na med pa'i phyir ro/ /zad pa dang/ mi skye ba shes pa dang/ mtshungs par ldan pa'i yid kyi rnam par shes pa la gnas pa'i yang dgu po de dag kho na dang lhan cig 'byung ste/ de la yang dag pa'i lta ba med pa'i phyir ro/ /de dag nyid bsam gtan gyis bsdus pa la gnas pa'o zhes bya ba ni zad pa dang mi skye ba shes pa dang/ mtshungs par ldan pa'i rnam par shes pa de nyid bsam gtan gyis bsdus pa la gnas pa'i yang gzugs can bsam gtan gyi sdom pas bsdus pa bdun dang/ brnab sems med pa dang/ gnod sems med pa dag dang/ dgu dang lhan cig 'byung ngo/ /bcu dang lhan cig 'byung bas ni de las gzhan pa'i zhes bya ba ni zad pa dang/ mi skye ba shes pa las gzhan pa'i yid kyi rnam par shes pa la gnas pa dge slong gi sdom pa yang dag par len pa kho na'o thams cad yin zhes bya ba rgyas par 'byung ba ni bsam gtan dang/ zag pa med pa'i sdom pa dang lhan cig 'byung ba'i sems pa zad pa dang/ mi skye ba shes pa dang mtshungs par ldan pa ma yin pa thams cad kyang lus dang ngag gi bsam gtan dang/ zag pa med pas bsdus pa bdun dang/ yid kyi gsum dang/ bcu dang lhan cig 'byung ngo/ /sems pa sdom pas bsdus pa'i las kyi lam rnams

  158. 79b

    dang ni da ltar lhan cig 'byung ngo zhes bstan pa yin no/ /sdom pa ma gtogs par te/ sdom pa rnam pa brgyad ma gtogs par ni gcig dang lhan cig 'byung ba yod do/ /ji ltar zhe na/ sems gzhan dang ldan pa zhes bya ba smos te/ de dag gi sdom pa la ma gtogs pa'i dge ba'i las kyi lam kun nas slong bar byed pa'i sems las gzhan pa'i sems dang ldan pa ste/ nyon mongs pa can dang/ lung du ma bstan pa'i sems dang ldan pa zhes bya ba'i tha tshig go /spong ba'i yan lag gcig yang dag par len na'o zhes bya ba ni srog gcod pa'i yan lag spong ba 'am/ ma byin par len pa spong ba yang dag par len pa na las kyi lam de gcig dang lhan cig 'byung ngo/ /lnga dang/ brgyad dang lhan cig 'byung ba yang yod de zhes bya ba ni dge ba'i yid kyi rnam par shes pa dang ldan pa'i gang zag gcig car du yan lag gnyis yang dag par len pa na yid kyi gsum dang/ gzugs can gnyis dang/ lnga dang lhan cig 'byung ngo/ /cig car yan lag lnga yang dag par yin pa na gzugs can lnga po de dag dang yid kyi gsum dang/ brgyad dang lhan cig 'byung ngo/ /'di ni dper brjod pa'i ngo bor bshad pa yin pas de las gzhan du yang brjod par nus te/ nyon mongs pa can dang/ lung du ma bstan pa'i sems dang ldan pa sdom pas bsdus pa'i yan lag lnga yang dag par len pa na yang lnga dang lhan cig 'byung ngo/ /chags par bya ba'i dngos po med pa'i zhes bya ba ni dmyal ba na chags par bya ba'i dngos po med pa'i phyir brnab sems mngon sum du gyur pa'i sgo nas med do/ /las kyi 'bras bu mngon sum du gyur pa'i phyir log par lta ba med do/ /de nyid kyi phyir dang zhes bya ba ni dgos pa med pa'i phyir dang/ phan tshun snying du sdug pa la sogs pa med pas rtag tu bye zin pa'i phyir phra ma med do/ /nga yir 'dzin pa med pa'i phyir sgra mi

  159. 80a

    snyan brnab sems kyi las kyi lam mngon sum du gyur pa'i sgo nas med do/ /rgyud 'jam pa'i phyir dang/ kun nas mnar sems kyi dngos po med pa'i phyir gnod sems med do/ /sdig pa can gyi bsam pa ma yin pa'i phyir log par lta ba med cing/ brnab sems la sogs pa de sum chad yang med do/ /dngos su yang zhes bya ba ni mngon sum du gyur pas zhes bshad pa yin no/ /sdig pa can gyi bsam pa ma yin pa'i phyir srog gcod pa la sogs pa drug car yang mngon sum du gyur pa'i sgo nas med do/ /tshe nges pa'i phyir srog gcod pa med do/ /rdzas dang bud med yongs su bzung ba med pa'i phyir go rims bzhin du ma byin par len pa dang/ 'dod pas log par g.yem pa med do/ /dgos pa med pa'i phyir brdzun du smra ba dang/ phra ma dang/ tshig rtsub po dag med do/ /gal te yongs su bzung ba med na ji ltar 'di dag mi tshangs par spyod pa yin zhe na zhes 'dri bar byed do/ /sdom pa ma yin pa ma gtogs so zhes bya ba ni sdom pa yang ma yin sdom pa ma yin pa yang ma yin pas bsdus pa zhes bya ba'i tha tshig go / 'gro ba gzhan dag na gnas pa ni gsod par byed do zhes bya ba ni yi dags la sogs pa'i 'gro ba na gnas pa'o/ /mgo dang rkeng pa bcad na 'chi'o zhes bya ba ni lha dag kyang mgo bcad pa dang/ rkeng pa bcad na 'chi bar 'gyur ro/ /lhas lha mi gsod ces bshad pa ni lha dag mi song ngo zhes bya bar 'dod pa yin no/ /lha rnams kyi yan lag dang nying lag bcad cing bcad kyang phyir skye bar 'gyur te/ de lta yin mod kyi 'on kyang mgo dang rkeng pa bcad na ste/ mgo bcad pa dang/ rkeng pa bcad na yang slar 'byod pa med pas lha rnams kyang gsong ngo? snyam du bsam pa yin no/ /sa gang la brten pa can gyi zhes bya ba rgyas par 'byung ba la/ sa ni bsam gtan bzhi pa'i bar lnga'o/ /'di la sa gang la brten pa yod pas na gang na brten pa can no/ /'phags pas zag pa med pa'i tshul khrims bskyed do//

  160. 80b

    'gags pas zhes bya ba la/ bskyed pa ni da ltar gyi dus su phyin par byas pa'o/ /'gags pa ni 'das pa'i dus su phyin par byas pa ste/ gzugs med pa dag nas gcig la brten pa can nas sa bzhi pa la brten pa can gyi bar gyi 'das pa de dang ldan no/ 'dod pa la spyod pa la brten pa can nas bsam gtan bzhi pa'i bar la brten pa can gyi bar sa lnga char la brten pa can dang ni ma 'ongs pa dang ldan te/ der skyes kyang rung der ma skyes kyang rung ste/ de la brten pa can dang ldan no/ /dmyal ba dang/ byang gi sgra mi snyan pa dag ma gtogs pa zhes bya ba ni de na yang dag par blangs pa'i tshul khrims med pa'i phyir ro/ /gzhan dag na ni gnyi ga yod dam zhes bya ba ni lha dang/ byang gi sgra mi snyan pa ma gtogs pa dag na ni sdom par ma gtogs pa dang/ sdom pas bsdus pa gnyi ga yod de/ sdom pa rnam pa gsum po so sor thar pa'i sdom pa dang/ bsam gtan gyi sdom pa dang/ zag pa med pa'i sdom pa ci rigs par bzung bar bya'o/ /kun tu brten pa dang/ goms par byas pa dang lan mang du byas pa zhes bya ba ni sbyor ba dang/ dngos dang/ mjug gi gnas skabs dag tu'o/ /'o na ci zhe na/ tshe thung ngur 'gyur ba zhes bya ba ni tshe thung ba nyid rgyu mthun pa'i 'bras bu yin no zhes bya bar ston to/ /phyi'i dngos po rnams ni sman dang/ sa la sogs pa'o/ /gzi mthu chung ba ni mthu chung ba'o/ /ser ba dang/ chad pa med pa zhes bya ba la/ ser ba ni ser drag go /char pa ni rdul 'bab pa 'am btsa''byung ba ste/ gang gis na 'bru la sogs pa ma rungs par 'gyur ba'o/ /rdul gyis 'khrigs par 'gyur zhes bya ba ni rdul gyi khebs par 'gyur ba'o/ /mtho dman can du 'gyur ro zhes bya ba ni thag thug can du 'gyur ro/ /tsha rgo can dang dgon dung ni tsha sgo can dang dgon dung do/ /de dag kyang gang zhe na/ phyi'i dngos po zhes bya bar skabs dang sbyar te/ de lta bu'i sang 'gyur de snyam du bsams pa yin no/ /'chad ni smad pa yin no/ /dus log pa can zhes bya ba ni 'di dag la dus log pa yod pas na dus log pa can te/

  161. 81a

    'bru la sogs pa'i sman dag yin te/ gang du char pa 'bab pa'i rgyu der ni char ba mi 'bab? cing/ gong du grang ba'i rgyu der ni mi grang la/ gang du dro ba'i rgyu der ni mi dro zhes bya bar sbyar ro/ /de ni rnam par smin pa'i 'bras bu yin la zhes bya ba ni sems can gyi rgyud la yod pa'o/ /'di ni rgyu mthun pa'i 'bras bu yin no zhes bya ba ni phyi'i dngos po yin pas rnam par smin pa'i 'bras bu ni ma yin no/ /der ni sbyor bas yin la zhes bya ba rgyas par 'byung ba ni srog gcod pa'i sbyor ba ni dmyal bar sdug bsngal mi bzad pa nyams su myong bar 'gyur te/ srog gcod pa'i sbyor ba byed pa na bsad par bya ba'i srog chags shin tu sdug bsngal bar 'gyur ro/ 'dir ni dngos kyis tshe thung bar 'gyur te/ ji ltar bsad par bya ba'i srog chags de'i srog bcad pa ltar/ 'dir yang de dang 'dra ba kho na yin no/ / las kyi lam dngos ni skad cig ma gcig kho na yin la/ de na yang sdug bsngal gyi tshor ba med pas 'dir ni dngos kyi yin te zhes brjod par rigs so/ /smras pa/ gal te der ni sbyor bas yin la/ 'dir ni dngos kyis yin na ci'i phyir 'di skad du srog gcod pa kun tu brten pa dang/ goms par byas pa dang/ lan mang du byas pas dmyal ba dag gi nang du skye bar 'gyur ro zhes gsungs te/ mdo'i don ni srog gcod pa dngos kyi zhes bya ba yin no zhes bya bar mthong nas de skad du 'dri ba yin no/ /'khor dang bcas pa smos pa'i phyir zhes bya ba ni srog gcod pa ni dngos kho na yin no/ /de'i 'khor ni sbyor ba yin te/ sbyor ba de la srog gcod pa nye bar gdags pa mdzad nas 'di skad du/ srog gcod pas zhes bya ba rgyas par bshad pa yin no/ /gnyis po 'di las mi 'da' i zhes bya ba ni rnam par smin pa'i 'bras bu dang/ bdag po'i 'bras bu zhes bya ba ste/ rang gi rgyu la yod pa ni rnam par smin pa'i 'bras bu yin la/ gzhan la yod pa ni bdag po'i 'bras bu yin pa'i phyir ro/ /dra ba'i khyad par las de skad du bshad pa zad do zhes bya ba srog yid du 'ongs pa

  162. 81b

    'chad pa dang/ longs spyod kyis phongs pa la sogs pa'i khyad par las de skad du/ brgya la 'di lta bur mi rnams dang skal pa mnyam par 'od na yang srog gcod pas ni tshe thung bar 'gyur la/ ma byin par len pas ni longs spyod kyis phongs par 'gyur ro zhes rgyas par bshad par zad de/ 'di la ni rgyu dang 'bras bu dag 'dra ba nyid yin no/ /de bzhin du dge ba dag la yang rgyu mthun pa'i 'bras bu ni rnam par smin pa'i 'bras bu dang/ bdag po'i 'bras bu las mi 'di'i 'dra ba'i khyad par las de skad du/ brgya la 'di lta bur mi rnams dang skal ba mnyam par 'ong na yang srog gcod pa spong bas ni tshe ring por 'gyur ro zhes bshad par zad do zhes bya bar rgyas par brjod par bya'o/ /gzhan dag la yang de bzhin du sbyor bar bya'o zhes bya ba ni ma byin par len pas ni rdzas kyi bdag po sdug bsngal bskyed pa dang/ longs spyod kyis phongs par bya ba dang/ gzi byin med par byas pa yin te/ de'i phyir 'di sdug bsngal bar byas pa dang/ longs spyod por bar byas pa dang/ gzi byin med par byas pa'i phyir 'bras bu rnam pa gsum du 'gyur ro/ /ji ltar gzi byin med par byas she na/ de'i rgyu med par byas pas longs kyis phongs par byas pas de la gnod pa'i phyir ro/ /de nyid phyir ma byin par len pas ni ser ba dang/ char ba mangs par 'gyur ro zhes bya ste/ des de'i gzi byin la gnod pa dang bcas par 'gyur bas so/ /de bzhin du gzhan gyi bud med la nyal po byed pas ni gzhan sdug bsngal bskyed pa dang chung ma sgra dang bcas par byas pa ni/ 'jig rten na gzhi byin gang gis gzi dang bcas pa'o zhes nges par brjod pa'i gzi byin med par byas pa yin te/ de nyid kyi phyir 'dod pas log par g.yem pas ni rdul gyis 'khrigs par 'gyur ro zhes bshad de/ de bzhin du gzhan dag la yang sbyar bar bya ste/ 'di ni phyogs yin no/ /thams cad mi dge ba las bzlog ste sbyar bar bya'o zhes bya ba ji lta zhe na/ ma byin par len pa spong ba kun tu bsten pa

  163. 82a

    dang/ goms par byas pa dang/ lan mang du byas pas lha dag gi nang du skye bar 'gyur ro/ /brgya la 'di lta bur mi rnams dang skal ba mnyam par 'ong na yang longs spyod kyis mi phongs par 'gyur ro/ /de bzhin du 'dod pas log par g.yem pa spong ba kun tu brten pa dang/ goms par byas pa dang zhes bya ba rgyas par brjod nas/ mi rnams dang skal pa mnyam par 'ong na yang skud pa nyung bar 'gyur ro zhes bya ba'i bar brjod do/ /phyogs 'dis thams cad sbyar bar bya'o// lta ba sna tshogs pa'i zhes bya ba ni ngo mtshar dang/ bkra shis dang/ chos grangs dang/ yud tsam dang/ rgyu skar la sogs pa'i lta ba can gyi'o/ /gzhan la 'tsho ba rag lus pa'i zhes bya ba ni bsod snyoms la brten nas shes 'byung pa'i phyir ro/ /gzhan la 'tsho ba rag las pa'i dge slong de'i 'tsho ba ni 'tshul 'chos pa dang/ kha? gsag dang/ gzhog slong dang/ 'thob kyis 'jal ba dang/ rnyed pas rnyed par byed 'dod pas log par 'gyur te/ 'tsho ba'i tshul de dag ni spyod dka' ba yin no/ /tshul khrims kyi phung po'i mdo las zhes bya ba ni tshul khrims kyi phung po zhes bya ba'i le'u ste/ de las dbyu gsum pa de la 'di lta ste/ dge sbyong ngam/ bram ze kha cig dang pas byin pa yongs su spyad nas ltang mo sna tshogs 'di lta ste/ glang po che thab pa dang/ rta 'thab pa dang/ shing rta 'thab pa dang/ rkang thang 'thab pa dang/ dbyug pas 'thab pa dang/ khu tshur gyis 'thab pa dang/ stobs 'gyed pa dang/ khyu mchog 'thab pa dang/ ma he 'thab pa dang/ ra 'thab pa dang/ lug 'thab pa dang/ khyim bya 'thab pa dang/ bye'u brta? ka 'thab pa dang/ phag 'thab pa dang/ bud med 'thab pa dang/ skyes pa 'thab pa dang/ gzhon nu 'thab pa dang/ gzhon nu ma 'thab pa dang/ dgra gang nas 'thab pa dang/ spang stobs 'thab pa dang/ rgyal mtshan gyi rtse mo dang/ dbung

  164. 82b

    dang/ dmag gi tshogs dang/ dmag byin po ston pa la lta bar rtsom pa'i brtson pa dang ldan par gnas pa 'am/ 'dus pa chen po nyams su myong bar byed de/ dge sbyong ni de lta bu'i ltad mo sna tshogs lta bar rtsom par brtson pa spong ba yin no/ /dbyu gu gsum pa de la 'di lta ste/ dge sbyong ngam bram ze kha cig dad pas byin pa yongs su longs spyad nas/ sgra sna tshogs 'di lta ste/ glang po che'i sgra dang/ shing rta'i sgra dang/ rkang thang gi sgra dang/ dung gi sgra dang/ rnga bo che'i sgra dang/ rnga a raM ba ra'i sgra dang/ gar gyi sgra dang/ glu'i sgra dang/ se gol gyi sgra dang/ lag pa'i sgra dang/ rdza ma'i sgra mnyan par rtsom pa la brtson pa dang ldan par gnas shing/ kha cig ni snyan ngag yi ge sna tshogs pa dang/ 'jig rten rgyang pan pa dang ldan pa'i tshig dang/ yi ge sna tshogs bsnyad par nyan par 'dod de/ dge sbyong ni sgra sna tshogs pa de lta bu mnyan par brtsom pa'i brtson pa spong ba yin no zhes bya ba de lta bu la sogs pa bshad pa yin no/ /log pa'i yul la yongs su longs spyod pa'i phyir ro zhes bya ba ni yang dag pa ma yin pa'i yul la yongs su longs spyod pa'i phyir ro/ /gong du 'bras bu lnga bshad pa gang dag yin pa zhes bya ba ni bdag po'i 'bras bu dang/ skyes bu byed pa'i 'bras bu dang/ rgyu mthun pa'i 'bras bu dang/ rnam par smin pa'i 'bras bu dang/ bral ba'i 'bras bu'o/ /spong ba'i phyir lam yin pa zhes bya ba ni ngo bor sgrub pa yin te/ spong ba'i ched kyi lam ni spong ba'i lam zhes bya'o/ /'dis nyon mongs pa spong bar byed pas zhes bya bas ni byed par sgrub pa yin te/ spong ba yang yin la lam zhes bya ba yang yin pas zhes bya bar tshig rnam par sbyor ro/ /ting nge 'dzin las skyes pa'i chos 'dra ba phyi ma rnams so zhes bya ba la/ ting nge 'dzin las skyes pa zhes bya ba smos pa ni mnyam par bzhag pa ma yin pa bsal ba'i phyir ro/ /'dra ba smos pa ni

  165. 83a

    zag pa med pa dang/ lung du ma bstan pa bsal ba'i phyir ro/ /lhan cig 'byung ba zhes bya ba ni de la yod pa mtshungs par ldan pa tshor ba la sogs pa dang ldan pa ma yin pa skye ba la sogs pa'o/ /gang yang ma 'ongs pa thob pa zhes bya ba ni de'i stobs kyis chos ma 'ongs pa 'thob pa gang yin pa de'i skyes bu byed pa'i 'bras bu yin no/ /de nyid kyi phyir spangs pa de yang skyes bu byed pa'i 'bras bu rnam par gzhag gi bral ba'i 'bras bu 'ba' zhig tu ni ma yin no/ /sngar byung ba rnams ma gtogs zhes bya ba ni sngar byung ba ni 'bras bur mi rung ba'i phyir te/ 'di ltar sngar byung ma yin 'dus byas ni/ 'dus byas kho na'i bdag po'i 'bras zhes 'byung bas so/ /rnam par smin pa'i 'bras bu ma gtogs so zhes bya ba ni zag pa med pa la rnam par smin pa med pa'i phyir ro/ /de'i rgyu mthun pa'i 'bras bu ni ting nge 'dzin las skyes pa'i chos 'dra ba phyi ma rnams so/ /bral ba'i 'bras bu ni bral ba kho na yin te/ spangs pa gang yin pa de yin no/ / skyes bu byed pa'i 'bras bu ni des drangs pa'i chos 'di lta ste/ rnam par grol ba'i lam dang/ de dang lhan cig 'byung ba dang/ gang yang ma 'ongs pa 'thob pa dang/ spangs pa de yang yin no/ /bdag pa'i 'bras bu ni sngar byung ba ma gtogs pa rang gi ngo bo las gzhan pa'i 'du byed thams cad do/ /dge ba dang mi dge gang yin pa'ang/ zhes bya ba'i spong ba'i lam las gzhan pa zag pa dang bcas pa'i las mnyam par bzhag pa dang/ mnyam par ma bzhag pa gang yin pa de yang bral ba'i 'bras bu ma gtogs pa 'bras bu bzhis 'bras bu dang bcas pa yin te/ spong ba'i lam ma yin pa'i phyir bral ba'i 'bras bu ni med do/ /de'i rnam par smin pa'i 'bras bu ni rang gi ser gtogs pa'i rnam par smin pa yid du 'ong ba 'am/ yid du mi 'ong

  166. 83b

    ba yin no/ /rgyu mthun pa'i 'bras bu ni ting nge 'dzin las skyes pa'i ches 'dra ba phyi ma rnams so/ /skyes bu byed pa'i 'bras bu ni des drangs pa'i chos lhan cig 'byung ba 'am/ mjug thogs su 'byung ba rnams so/ /lhag ma bdag po'i 'bras bu ni snga ma bzhin no/ /zag pa med pa lhag ma dang zhes bya ba la/ lhag ma zhes smos pa ni song ba'i lam bsal ba'i phyir ro/ /de yang sbyor ba dang/ rnam par grol ba dang/ khyad par gyi lam dag la yod pa gang yin pa ste/ de ni spong ba'i lam ma yin pa'i phyir bral ba'i 'bras bu yang med la/ zag pa med pa yin pa'i phyir rnam par smin pa'i 'bras bu yang med do/ /lhag ma ni snga ma bzhin du yod do/ /lung du ma bstan pa'i las gang yin pa ste/ bsgribs la lung ma bstan pa dang/ ma bsgribs la lung du ma bstan pa de yang gsum gyi 'bras bu dang bcas pa yin te/ spong ba'i lam ma yin pa'i phyir de la bral ba'i 'bras bu yang med la/ lung du ma bstan pa yin pa'i phyir rnam par smin pa'i 'bras bu yang med do/ /lhag ma ni snga ma bzhin du yod pa kho na'o/ /dge ba'i dge ba la sogs pa ni/ gzhi gang gnyis dang de bzhin gsum zhes bya ba'i ni go rim ji lta ba bzhin te/ ji lta zhe na/ dge ba'i 'bras bu chos dge ba ni bzhi'o/ /de nyid kyi 'bras bu mi dge ba ni gnyis so/ /de nyid kyi 'bras bu lung du ma bstan pa ni gsum mo zhes bya ba yin no/ /rnam par smin pa'i 'bras bu ma gtogs so zhes bya ba ni rnam par smin pa ni lung du bstan pa ma yin pa'i phyir ro/ /mi dge ba gnyis te zhes bya ba ni skyes bu byed pa dang/ bdag po'i 'bras bu dag go /rgyu mthun pa'i 'bras bu ni med de/ 'di ltar dge ba rnams kyi skal la mnyam pa'i rgyu ni chos dge ba rnams yin pas so/ /rnam par smin pa'i 'bras bu med de/ 'di ltar rnam par smin pa ni lung ma bstan pa yin pa'i phyir la/ mi dge ba dag ni rnam par smin pa'i phyir lung du ma bstan pa yin pas so/ /bral pa'i 'bras

  167. 84a

    bu yang med do/ /mi dge ba yin pa'i phyir ro/ /shugs kyis na skyes bu byed pa dang/ bdag po'i 'bras bu dag yin te/ de dag ni snga ma bzhin du bshad par bya'o/ /lung du ma bstan pa ni bzhi ste/ zhes bya ba ji ltar mi dge ba'i rgyu mthun pa'i 'bras bu lung du ma bstan pa'i chos dag yin zhe na/ ji ltar yin par mi 'gyur/ mi 'dra ba'i phyir te/ rnam par smin pa dang bcas pa dang/ rnam par smin pa mod pa yin pa'i phyir te/ mi dge ba ni lung du ma bstan pa'i chos dag dang mi 'dra'o zhe na/ de ni nyes pa med de/ mi dge ba dang lung du ma bstan pa'i chos rnams ni nyon mongs pa can du 'dra ba nyid kyis 'dra ba yod do/ /de lta bas na bsgribs la lung du ma bstan pa rnams kyang mi dge ba dag gi rgyu mthun pa'i 'bras bur rung la/ mi dge ba rnams kyang bsgribs la lung du ma bstan dag gi rgyu mthun pa'i 'bras bu rung ngo/ /de'i phyir lung du ma bstan pa zhes bya ba rgyas par smos te/ 'jig tshogs dang/ mthar 'dzin par lta ba dag ni mi dge ba kun tu 'gro ba sdug bsngal dang/ kun 'byung ba mthong bas spang bar bya ba rnams dang/ sdug bsngal mthong bas spang bar bya ba 'dod chags la sogs pa'i rgyu mthun pa'i 'bras bu yin te/ skal mnyam kun tu 'gro ba yi/ /'bras bu rgyu mthun zhes 'byung ba'i phyir ro/ /mi dge ba rnams ni zhes rgyas par 'byung ba ni/ sdug bsngal la sogs pa mthong bas spang bar bya ba'i mi dge ba ris lnga pa rnams ni lung du ma bstan pa'i 'jig tshogs dang/ mthar 'dzin pa lta ba gnyis kyi 'bras bu yin no/ de dag kho na yin zhes bya ba ni smin pa dang/ bral ba'i 'bras bu ma gtogs pa gsum mo 'das pa'i las kyi 'bras bu dus gsum pa 'das pa dang/ ma 'ongs pa dang/ da ltar byung ba'i chos ni bzhi'o/ /bral ba'i 'bras bu ni ma gtogs zhes bya ba ni khams su ma gtogs pa'i phyir ro/ /ji ltar byas pas she na/ 'das pa'i las kyi rnam par smin pa'i 'bras bu ni de'i rnam par smin pa 'das pa phyi ma yin no/ /

  168. 84b

    skyes bu byed pa'i 'bras bu ni des drangs pa 'das pa lhan cig skyes pa 'am/ phyis mjug thogs su 'das pa yin no/ /bdag po'i 'bras bu ni 'das pa de dang lhan cig 'byung ba rang gi ngo bo ma gtogs pa rnams dang/ phyis 'byung ba'i chos rnams yin no/ /rgyu mthun pa'i 'bras bu ni phyis byung ba'i chos 'dra ba rnams yin no/ /'das pa'i rnam par smin pa'i 'bras bu ma 'ongs pa ni de'i rnam par smin pa yin no/ /skyes bu byed pa'i 'bras bu ni gang gi stobs kyis chos ma 'ongs pa 'thob pa de yin no/ /bdag po'i 'bras bu ni de'i 'bras bu ma 'ongs pa gang yin pa'o/ /rgyu mthun pa'i 'bras bu ni de dang 'dra ba ma 'ongs pa yin no/ /de ltar byung ba dag kyang de dang 'dra ste/ 'das pa de'i 'bras bu bzhi sbyar bar bya'o/ /bar ma yi ni ma 'ongs pa'ang/ zhes bya ba ni da ltar byung ba'i 'bras bu chos ma 'ongs pa yang bzhi'o/ /de dag nyid do zhes bya ba ni bral ba'i 'bras bu ma gtogs pa zhes bya ba'i tha tshig ste/ de dag kyang de kho na bzhin du sbyar bar bya'o/ /de ltar byung ba'i 'bras bu da ltar byung ba'i chos ni gnyis te zhes bya ba ni de dang lhan cig byung ba ni de'i stobs las skyes pa yin pas skyes bu byed pa'i 'bras bu dang/ bdag po'i 'bras bu kho na yin gyi/ bral ba'i rang bzhin ma yin pa'i phyir bral ba'i 'bras bu yang med cing snga phyi nyid med pa'i phyir rgyu mthun pa'i 'bras bu yang med la/ rnam par smin pa ni rgyun la bltos pa'i phyir da ltar gyi rnam par smin pa'i 'bras bu da ltar byung ba yang med do/ /rgyu mthun pa dang bral ba'i 'bras bu dag ma gtogs so zhes bya ba ni ma 'ongs pa'i rgyu mthun pa'i 'bras bu ma 'ongs pa ni med de/ 'di ltar ma 'ongs pa'i skal pa mnyam pa dang/ kun tu 'gro ba'i rgyu dag med de/ de na 'tshol bar 'dug pa'i phyir dang/ 'dra ba nyid kyi phyir 'di'i 'bras bu 'di'o zhes yongs su bcad par mi nus pa'i phyir ro/ /bral ba'i 'bras bu yang med de/ 'di ltar bral ba ni ma 'ongs pa yang ma yin no/ /mi dge ba'i dge ba zag pa dang bcas pa ma 'ongs pa'i rnam par smin pa'i 'bras bu ma 'ongs pa ni phyis skye bar 'gyur ba yin no/ /skyes bu byed

  169. 85a

    pa'i 'bras bu ni ma 'ongs pa lhan cig skyes pa dang/ ma 'ongs pa mjug thogs su 'byung ba yin no/ bdag po'i 'bras bu ni ma rtogs par bla bas yang mi brjod de/ /bral ba ni sa'i rang bzhin ma yin pa'i phyir bral ba'i 'bras bu rang gi sa pa'i chos ni med do/ /gal te gzhan gyi sa pa'i chos bdag med pa zhig yin na ni 'bras bu gsum ste/ zhes bya ba'i mdza' las/ sa dgu pa'i lam ni phan tshun du/ zhes 'byung bas gsum pa rgyu mthun pa'i 'bras bu srid pa'i phyir ro/ /slob pa ni las kyi 'bras bu slob pa'i chos gsum ste/ 'di ltar rnam par smin pa yang slob pa yin la/ bral pa yang slob pa ma yin pas so/ /slob pa yang ma yin mi slob pa yang ma yin pa yang gsum ste/ zhes bye ba ni slob pa la rnam par smin pa med pa'i phyi rnam par smin pa'i 'bras bu yang med la slob pa ni slob pa yang ma yin mi slob pa yang ma yin pa dang mi 'dra ba'i phyir rgyu mthun pa'i 'bras bu yang med do/ /bral ba'i 'bras bu ni 'gyur te/ bral ba ni slob pa yang ma yin mi slob pa yang ma yin pa'i rang bzhin yin pa'i phyir ro/ /skyes bu byed pa'i 'bras bu yang yod de/ slob pas slob pa yang ma yin/ mi slob pa yang ma yin pa 'thob par srid pa'i phyir ro/ /bdag po'i 'bras bu yang yod pa kho na yin te/ de ltar na gsum srid do/ /mi slob las kyi 'bras bu ni/ zhes bya ba rgyas par 'byung ba ni mi slob pa'i las kyi 'bras bu slob pa'i chos ni gcig ste/ bdag po'i 'bras bu'o/ /dman pa yin pa'i phyir rgyu mthun pa'i 'bras bu ni med de/ mnyam dang khyad par can gyi yin/ zhes 'byung ba'i phyir ro/ /lhan cig dang mjug thogs su skye ba med pa'i phyir skyes bu byed pa'i 'bras bu yad med do/ /mi slob pa'i mjug thogs su slob pa ni mi 'byung ste yongs su nyams pa'i tshe na yang nyon mongs pa kun tu 'byung bas par du chod pa'i phyir ro/ /rnam par smin pa'i 'bras bu dang bral ba'i 'bras bu yang slob pa yang ma yin mi slob pa yang ma

  170. 85b

    yin pa'i phyir la/ mi slob pa la yang rnam par smin pa med pas de'i phyir rnam par smin pa'i 'bras bu yang med do/ /mi slob pa ni gsum ste zhes bya ba ni skyes bu byed pa dang/ bdag po dang/ rgyu mthun pa'i 'bras bu rnams so/ /rnam par smin pa'i 'bras bu dang/ bral ba dag ni med de gnyis ni slob pa yang ma yin mi slob pa yang ma yin pa'i rang bzhin yin pa'i phyir la/ 'dir ni mi slob pa'i ngo bo nyid gang yin pa de bsam par bya ba yin pas so/ /slob pa yang ma yin mi slob pa yang ma yin pa ni gnyis te/ skyes bu byed pa dang bdag po'i 'bras bu dge zhes bya ba la/ skyes bu byed pa'i 'bras bu ni 'di lta ste/ des drangs pa'i chos 'jug thogs su 'byung ba rnams yin no/ /bdag po'i 'bras bu ni snga ma bzhin no/ /ji skad bshad pa'i gtan tshigs kyis na 'bras bu gsum ni med do/ /mi slob pa yang de dang 'dra'o zhes bya ba ni gnyis te/ skyes bu byed pa dang/ bdag po'i 'bras bu'o zhes bya ba'i tha tshig go /de la sogs pa zhes bya ba ni mthong bas spang bar bya ba la sogs pa'o/ /de dag ces bya ba ni mthong bas spang bar bya ba la sogs pa'o/ rol pas spang bar bya ba ni gnyis te zhes bya ba la/ skyes bu byed pa'i 'bras bu ni zag pa med pa'i lam las langs pa'i tshe dge ba bsgom pas spang par bya ba rnams yin no/ /thog ma dang tha ma bzhin zhes bya ba rgyas par 'byung ba ni thog ma dang/ tha ma dag lta bur te/ yang go rims bzhin zhes smos pa ni dbus su yang thog ma dang/ tha ma bzhin shes par bya ba'i phyir ro/ /ji lta zhe na/ thog mar ni go rims bzhin gyi don rim bzhin zhes bya ba'i sgrar sbyar ba yin te/ mi dge'i dge sogs gnyis dang ni/ gsum pa bzhi ste go rim bzhin zhes 'byung ba'i phyir ro/ /tha mar yang spang bya min pa'i de dag gcig /gnyis dang bzhi ste go rim bzhin/ zhes sbyar pa yin te/ ji ltar de ltar thog ma dang tha ma dag tu go rim bzhin gyi don bshad pa

  171. 86a

    ltar dbus su yang de dang 'dra bar khong du chud par bya'o/ /de ni mthun par sbyar ba'i chos yin no zhes bya ba de ni mdor bsdu ba'i tshul yin no/ /de lta ma yin na/ lung bstan min gyi dge la sogs/ de dag gnyis dang gsum dang gsum zhes bya ba de lta bu la sogs pa thams cad go rim bzhin no zhes bya ba brjod dgos so/ /tshul bzhin ma yin pa yid la byed pa las byung ba nyid kyi phyir ro zhes bya ba ni yid la byed pa gang zhig tshul bzhin ma yin zhing rigs pa ma yin la/ nyon mongs pa dang ldan par zhugs pa gang yin pa de las byung ba'o/ /de'i ngo bo nyid de'i phyir ro/ /gang gis ji ltar 'gro bar bya ba ste/ gang zag gang zhig gi 'gro bar bya ba de ltar mi 'gro bas 'di'i las ni rigs pa ma yin pas bskyed pa yin no/ /cho ga nyams pa yang yin no zhes bya ba la/ yang zhes bya ba'i sgras ni nyon mongs pa can yang yin no zhes bya bar bsdu pa yin no/ /de gnyis la gzhan pa ni gnyi ga ma yin pa'o zhes bya ba ni rigs pas bskyed pa yang ma yin la/ rig pa ma yin pas bskyed pa ma yin pa'o/ /gzhan de yang gang zhig yin zhe na/ lung du ma bstan pa'i las dang/ cho ga nyams pa dang cho ga nyams pa ma yin pa dag las gzhan pa'i lung du ma bstan pa'o/ /skye ba zhes bya ba ni ris mthun pa la bya ste zhes bya ba ni sems dang ldan pa ma yin pa'i 'du byed yin gyi mtshan nyid kyi skye ba ni ma yin no snyam du bsam pa yin no 'o na gnas brtan ma 'gags pas zhes bya ba la/ tshig gi don ni gal te las gcig kho nas skye ba gcig kho na 'phen na gnas brtan ma 'gags pas bdag ni bsod snyoms gcig pos de'i zhes bya ba rgyas par smras pa gang yin pa de ji ltar mi 'gal zhes bya ba yin te/ des ni tshe rabs gzhan rab sangs rgyas spyi gtsug me tog ta gar lta bu la

  172. 86b

    bsod snyoms phul te/ des na 'di skad du bdag ni bsod snyoms gcig po de'i zhes bya ba rgyas par smras so/ /bsgyur te zhes bya ba ni bsgrubs te zhes bya ba'i tha tshig go /mir 'dra ba la la la ni dbang po tshang ba yin la/ la la ni dbang po ma tshang ba rdzogs par byed pa'i las tha dad pa las gyur te zhes bya bar mi 'thad do/ /dbang po drug 'phen par byed pas mig la sogs pa ni 'phen par byed pa'i las kyi 'bras bu yin pa'i phyir ro/ /kha dog la sogs pa ni rdzogs par byed pa'i las kyi 'bras bu yin pas/ mir 'dra ba la la la ni kha dog bzang la/ la la ni ma yin no zhes brjod par ni rigs so zhe na/ de dag 'byung ba dang 'gal ba'i rten spang bar bya ba la rdzogs par byed pa'i las kyi nus pa yod pas 'gal ba med do/ /de lta ma yin na skye pa 'phen pa yod phan chad 'gal yang dbang po ma tshang bar mi 'gyur ro/ /rnam par smin pa dang bcas pa gzhan yang yin no zhes bya ba ni tshong ba la sogs pa'o/ /las dang lhan cig mi 'byung ba'i phyir ro zhes bya ba ni 'di ltar snyoms par 'jug pa de dag ni sems pa zhes bya ba'i las dang lhan cig mi 'byung la/ sems med pa yin pa'i phyir lus dang ngag gi las ngag dang yang lhan cig mi 'byung ngo/ /rnam par smin pa dang bcas pa thob pa rnams kyis kyang 'phen pa ma yin te/ las dang 'bras bu mi gcig pa'i phyir ro/ /thob pa rnams ni de 'phen par byed pa'i las dang lhan cig pa yin mod kyi/ de dang 'bras bu gcig pa ni ma yin te/ thob pa rnams ni shing ni phyi shun lta bur phyi rol na gnas pa yin pas so/ /las kyi sgrib pa zhes bya ba ni las nyid sgrib pa yin zhing/ nyon mongs pa nyid sgrib pa yin la/ rnam par smin pa nyid sgrib pa yin pas so/ /'phags pa'i lam la sbyor bar byed pa'i dge ba'i rtsa ba rnams zhes bya ba ni dro bar gyur pa la sogs pa'o/ /ngan song la sogs par

  173. 87a

    nges par 'gyur ba zhes bya ba ni dmyal ba dang/ dud 'gro dang yi dags su nges par 'gyur ba dag go /sogs pa zhes bya ba'i sgras ni 'du shes med pa'i snyoms par 'jug pa dang/ tshangs pa chen por 'gyur bar nges pa'i las kyang bsdu la/ za ma dang/ ma ning dang/ mtshan gnyis par 'gyur ba yang brjod par bya'o/ /de bzhin du sgo nga las skye bar 'gyur ba dang/ drod gsher las skye bar 'gyur ba dang/ bud med nyid du 'gyur ba dang/ srid pa brgyad par nges par 'gyur ba'i las dag kyang brjod par bya ste/ 'phags pa ni dmyal ba la sogs par yang mi skye zhing/ sgo nga las skyes pa dang/ drod gsher las skye ba'i skye gnas su yang mi skye la/ bud med nyid dang/ srid pa brgyad pa yang 'grub par mi byed de/ de ltar thogs na srid pa lan bdun pa yin pa'i phyir ro/ /bstan par sla zhing zhes bya ba ni gzhan dag la bstan sla bas na bstan par sla ba ste/ bstan pa sla ba nyid bstan par slo ba dag yin no/ /de bzhin du bdag nyid kyis gdags sla bas na gdags sla ba'o/ /gdags sla ba nyid gdags par sla ba dag yin no/ /bstan par sla ba dang/ gdags par sla ba zhes bya ba 'di gnyis ni rnam grangs kyang yin no/ /bzhi zhes bya ba ni las kyi lam gyi gzhi ste/ mtshams med pa gsum gyi gzhi ni srog gcod pa'i las kyi lam yin no/ /gcig gi gzhi ni rdzun du smra ba'i las kyi lam yin no/ /snga ba'i gzhi ni srog gcod par sbyor ba yin te/ de ltar na gzhi las bstan par sla zhing gdags par lta ba dag yin no/ /'bras bu ni thams cad kyi 'bras bu yid du 'ong ba yin pa'i phyir ro/ /'gro ba ni dmyal ba'i 'gro ba thob par byed pa yin no/ /skye ba ni skyes nas myong bar 'gyur pa yin pa'i phyir ro/ /gang zag ni nyon mongs pa chen po kun tu spyod pa'i phyir gang zag 'di ni pha gsod par byed pa yin no zhes bya ba nas/ 'di ni de bzhin gshegs pa'i sku la ngan

  174. 87b

    sems kyis khrag 'byin par byed pa yin no zhes bya ba'i bar yin no/ /gzhan dag na re bzhi ni snga ma bzhin no/ /'bras bu ni 'bras bu dmyal ba can yin pa'i phyir ro/ /'gro ba ni mi'i 'gro ba na byed pa'i phyir te/ mtshams med gling gsum dag na yod/ ces 'byung bas so/ /skye bo ni de kho na dang 'dra bar skyes nas myong bar 'gyur ba yin pas so/ /gang zag ni skyes pa dang bud med yin gyi/ za ma dang/ ma ning dag ni ma yin te/ de ltar na rgyud bstan par sla zhing gdags par sla bdag yin gyi/ ngan song la sogs par rang nges par 'gyur ba'i las de dag ni rgyu lngas bstan par sla zhing/ gdags par sla ba ma yin pas de dag ma bshad do zhes zer ro/ /phyi ma phyi ma 'dren pa'i phyir ro zhes bya ba ni 'di ltar nyon mongs pa'i sgrib pas ni las kyi sgrib pa 'dren par byed la/ las kyi sgrib pas kyang ngan song du rnam par smin pa mi 'dod pa 'dren par byed pas nyon mongs pa'i sgrib pa ni thams cad pas sdig can no/ /las kyi sgrib pa ni de bas yang ngo/ /de nas rnam par smin pa'i sgrib pa ste/ rnam par smin pa'i sgrib pa ni mthong ba'i chos kho na la bya ba byed kyi/ gnyis pa la ni ma yin no/ / pha gsod pa la sogs pa'i chos gang dang ldan pa'i phyir de bar chad med pa yin pa de brjod par bya ba dang/ mtshams med pa nyid do zhes ngo bo'i rkyen yin te/ dge slong nyid bzhin no/ /dper na zag pa med pa'i lam gang dang ldan pas dge sbyong yin pa de brjod par bya la/ dge sbyong nyid ni dri med lam/ zhes ngo bo'i rkyen yin pa de dang 'dra'o/ /byang gi sgra mi snyan na med ces bya ba ni rang bzhin gyi tshul khrims dang ldan pa'i phyir dang/ de na bstan pa med pa'i phyir ro/ /sdom pa med pa'i gtan tshigs gang yin pa de nyid kyi phyir ro zhes bya ba ni sngag pa dag la yang bsam pa mi bstan pa'i phyir dang/ gang la sdom pa yod pa de la sdom pa ma yin pa yang yod de/ gnyen por gyur pa'i phyir ro/ /de lta bas na za ma la sogs pa la sdom pa ma yin pa med do zhes bshad pa gang yin pa'o//

  175. 88a

    gang dag med par byas pas zhes bya ba ni de dag kyang pha ma la ngo tsha dang/ khrel gang zhig med par byas shing nyams par byas pas za ma la sogs pa mtshams med pa'i kha na ma tho bas reg par 'gyur ba shas chen por mi 'gyur te/ de'i phyir de dag gi mtshams med pa yin par mi 'dod do/ /gal te lus ma tshang ba'i rgyu yin pa'i phyir phan pa chung ba nyid yin te/ de'i phyir de dag gi mtshams med pa yin par mi 'dod na/ skyes pa dang bud med long ba la sogs pa yang/ ma la sogs pa bsad pas mtshams med par mi 'gyur ro zhe na ma yin te/ rtogs pa'i chos dang 'gal ba'i lus ma tshang ba brjod par 'dod pa'i phyir ro/ /ma tshang ba rtogs pa'i chos dang 'gal ba gang yin pa de'i dbang du byas pa yin te/ nges ni de kho nas byams pa chung ba nyid kyang yin gyi long ba la sogs pa'i ma tshang ba la ni ma yin no/ /de nyid kyi phyir yi dags dang/ dud 'gro rnams la yang mi 'dod de/ phan pa dang ngo tsha chung ba nyid kyi phyir ro/ /rta cang shes bzhin no zhes bya ba ni yi dags dang/ dud 'gro rnams kyang blo gsal ba rnams kyis mtshams med par 'gyur ro zhes bya bar skabs dang sbyar te/ rta cang shes zhes bya ba ni dper na rta can shes shig ma la mi rgal ba las gdod gos kyis g.yogs te/ ma la rgal? du bcug pa dang/ nges phyis shes nas rang gi pho mtshan bcad do zhes grag ste/ de ltar na rta cang shes de blo ga mal ba yin te/ de la mtshams med par 'gyur snyam du bsams pa yin no/ /mi'i yang pha ma mi ma yin pa bsad na mtshams med par mi 'gyur ro zhes bya ba mtshams med par mi 'gyur pa kho na'o zhes bya ba'i tha tshig go /ji ltar zhe na/ phan pa dang ngo tsha chung ba kho na'i phyir te/ mi ma yin pas kyang mi dang mtshams pa'i pham par bya bar mi nus

  176. 88b

    la/ mi de yang pha ma mi ma yin pa dag la ngo tsha dang khrel shas chen po yang dag pa mi gnas te/ 'gro ba mi mthun pa nyid kyis byams pa chung ba'i phyir ro/ /bzhi ni lus kyi las yin slob zhes bya ba ni ma gsong ba la sogs pa'o/ /gcig dag gi las yin te zhes bya ba ni dge 'dun gyi dbyen no/ /gsum ni srog gcod pa yin no zhes bya ba ni mi gsod pa la sogs pa'o/ /gcig ni rdzun du smra ba yin zhes bya ba ni dge 'dun gyi dbyen no/ /gcig ni srog gcod pa'i sbyor ba ste zhes bya ba ni de bzhin gshegs pa'i sku la ngan sems kyis khrag 'byin pa'o/ /ci'i phyir srog gcad pa ma yin zhe na/ de bzhin gshegs pa rnams ni nye bar mi brdzi ba'i chos can yin no zhes bya ba ni grangs su med pa'i chos can yin no zhes bya ba'i tha tshig go /rgyu la 'bras bu btags pa 'am zhes bya ba ni dge 'dun gyis sems dbyen sems dang ldan pa ma yin pa'i mtshan nyid kyi rgyu ni brdzun du smra ba yin no/ /rgyu de la 'bras bu nye bar btags pa ste/ dge 'dun gyi dbyen bya bar 'bras bu sems dang ldan pa ma yin pa'i chos nye bar 'dogs pa yin no 'dis 'byed par byed pas na zhes bya ba ni byed par sgrub pa yongs su bzung nas brdzun du smra ba la dge 'dun gyi dbyen zhes brjod de/ rdzun du smra bas ni dge 'dun 'byed par 'gyur ro/ /dge 'dun gyi dbye na ni dge 'dun bye ba yin no zhes ngo bo bsgrub par yongs su bzung ba ni ma yin no/ /dge 'dun dbyen ni mi 'phrod pa'i zhes bya ba ni bye brag tu smra ba rnams kyis ltar na dngos kyi tshul du rdzas su yod pa yin no/ /de'i phyir rang bzhin ldan pa ma yin chos/ /nyon mongs can min lung bstan min/ zhes bya ba smos so/ /de ji ltar mtshams med par 'gyur zhes bya ba ni de lta bu'i mtshan nyid can de ni mtshams med par mi 'gyur pa kho na'o zhes bya ba'i tha tshig go /ldan pa ma yin pa'i chos deng 'byed pa bor yang mi ldan pa kho na yin te/ des na 'di mtshams med pa ma yin no snyam du

  177. 89a

    bsams pa yin no/ /dge 'dun gyi dbye na dang lhan cig skyes pa ni ldan pa ma yin pa'i chos dang lhan cig skyes pa ste/ dag gi rnam par rig byed dang/ rnam par rig byed ma yin pa'i ngo bo nyid dag go zhes bya ba'i tha tshig go / dge slong gis 'byed kyis zhes bya ba ni sangs rgyas ni dge slong yin pa'i phyir la/ 'byed pa po yang de la sngo ba yin pa'i phyir ro/ /de yang lta ba spyod pas kho nas 'byed kyi zhes bya ba ni 'jig tshogs la lta ba la sogs pa lnga la spyad cing zhugs pas na lta ba spyad pa'o/ /yang na 'di la lta ba spyad pa yod pas na lta ba spyad pa ste nges ni brtag cing sel nus pa'i phyir ston pa'i khyed par dang lam gyi khyad par gzhan bzung bar nus kyi/ sred pa spyad pa ni ma yin no/ /bzod par dka' ba'i phyir zhes bya ba ni zil gyis mnan par dka' ba'i phyir ro/ /chos mngon sum du gyur pa'i phyir ro zhes bya ba ni lung dang/ rtogs pa'i chos dag mngon sum du gyur pa'i phyir ro zhes bya ba'i tha tshig go /bzod pa thob pa rnams ni ma yin no zhes bya ba ni nges par 'byed ba'i cha dang mthun pa bzod pa thob pa rnams ni ma yin no zhes bya ba'i tha tshig ste/ bden pa mthong ba dang 'dra ba'i phyir ro/ /de ni mi gnas so zhes bya ba ni de'i mtshan mo rangs par mi gnas so zhes bya ba'i tha tshig go /phye ba yin te zhes bya ba ni ji ltar phye ba yin zhe na/ lam 'jug pa'i gags su gyur pa'i phyir zhes bya ba smos te/ lam 'jug pa'i gags byas pa'i phyir ro zhes bya ba'i tha tshig go /ji srid du dge 'dun 'dums par ma gyur pa de srid du lam 'jug pa 'gags pa yin te/ 'ga' i rgyud la yang 'phags pa'i lam mngon du mi 'gyur ro zhes bya ba'i tha tshig go /dge 'dun gyi dbye na ni 'khor lo'i dbyen gyi rgyu mtshan du gyur pa'i phyir ro/ /'khor lo'i dbye na zhes kyang bya'o/ /gdon mi za bar dge 'dun phyogs gnyis su gnas par 'gyur ba zhes bya ba ni sangs rgyas kyi

  178. 89b

    phyogs dang/ 'byed pa po'i phyogs la gnas par 'gyur ro zhes bya ba'i tha tshig go /dge 'dun ni dge slong bzhi yin la/ dge 'dun gnyis pa yang yod par 'gyur bas de ltar na dbye bar bya ba'i dge slong brgyad dang/ dgu pa 'byed pa po yod par 'gyur ro/ /dge 'dun gyi dbye na gzhan zhes bya ba ni 'khor lo'i dbyen las gzhan pa ni 'dir mtshams med pa ma yin no snyam du bsams pa yin te/ 'di ltar de ni las kyi dbyen las 'gyur ro/ /mi mthun pas zhes bya ba ni blo gros tha dad pas so// las dag ces bya ba ni dge 'dun gyi las gso sbyong la sogs pa'o/ /de ni brgyad dag yan chad kyis zhes bya ba ni 'di la yang dge 'dun gnyis yod par 'gyur te/ 'byed pa po ston par mngon pa'i nga rgyal byed pa ni med pas dge slong brgyad kho na yod par 'gyur gyi/ dgu la sogs pa ni ma yin no/ /sha gcig pa yin no zhes bya ba ni mi mthun pa med de/ blo gros gcig pa yin no zhes bya ba'i tha tshig go /gnas skabs snga mar ni dga' ba dang rab tu dga' ba skyes pa yin la/ phyi mar ni mi rtag pa yid la byed pas sems skyo ba kun tu skyes pa yin no/ /skyon ma byung ba'i sngon rol tu zhes bya ba/ skyon ni nyes pa ste/ lta ba'i skyon ni ma/ tshul khrims kyi skyon no/ /de la lta ba'i skyon ni ji skad du/ bdag gis bcom ldan 'das kyis bshad pa'i don 'tshal ba ltar na/ bcom ldan 'das kyis 'dod pa gang dag bar du gcod par bgyid par bka' stsal pa de dag ni bsten na bar du gcod par bgyid par mi 'gyur lags so zhes bya ba dang/ de bzhin du sems de nyid kun tu rgyug cing 'khor bar 'gyur lags so bya ba la sogs pa bshad pa lta bu'o/ /tshul khrims kyi skyon ni 'tshal pa'i tshul khrims so/ /des phyir bsdum par 'gyur ba'i phyir ro zhes bya ba ni 'di ltar nyan thos zung nges phyir bsdum dgos pas zhes bya ba'i tha tshig go/

  179. 90a

    sangs rgyas thams cad la nyan thos zung gdon mi za bar yod de/ gcig ni shes rab ldan pa rnams kyi mchog go /gnyis pa ni rdzu 'phrul dang ldan pa rnams kyi mchog go /bcom ldan 'das shAkya thub pa 'di'i shes rab dang ldan pa rnams kyi mchog ni 'phags pa shA ri'i bu'o/ /rdzu 'phrul dang ldan pa rnams kyi mchog ni 'phags pa maung+gal gyi bu'o/ /'gran zla med pa'i phyir ro zhes bya ba ni 'di ltar bcom ldan 'das yongs su mya ngan las 'das na/ 'byed pa po de'i 'gran zlar gyur pa med do// //bam po sum cu rtsa bdun pa/ /mtshams ma bcad pa dag tu yang zhes bya ba ni dkyil 'khor gyi mtshams de mtshams gcig gi nang du las tha dad par byed pas ni dge 'dun de rnam pa gnyis su 'gyur ro/ /rang bzhin gyi mtshams grong dang grong khyer yod pa ma yin nam zhe na/ yod bden mod kyi/ bcad pa'i mtshams yod na rang bzhin gyis mtshams der rnam par bzhag pas de yang bcad par rnam par bzhag pa kho na yin no zhes bya bar rig par bya'o/ /las la rag lus pa'i phyir zhes bya ba ni gang gi slob ma dge 'dun 'bye? bar 'gyur ba'i las byas pa ste kho na'i de 'bye bar 'gyur gyi/ gzhan gyis ni ma yin no/ /bcom ldan 'das shAkya thub pas kyang byang chub sems dpa' i gnas skabs na drang srong mngon par shes pa lnga dang ldan pa zhig gi 'khor gyi dbyen byas par gyur te/ des na 'di'i dge 'dun lhas byin gyis phye'o zhes grag go /gzhan ni ma yin zhe na zhes bya ba ni bud med phal po bsad pa la sogs pa'o/ /phan 'dogs pa dang yon tan zhing/ /spangs dang med par byas phyir ro zhes bya ba ni pha bsad pa la sogs pa na phan 'dogs pa'i zhing ngam/ yon tan gyi zhing spangs shing yongs su

  180. 90b

    bor ba'i phyir yang mtshams med pa yin la/ de med par byas shing nyams par byas pa'i phyir yang mtshams med pa yin no/ /de bzhin gshegs pa'i sku la ngan sems kyis khrag phyung ba dang/ dge 'dun gyi dbyen byed pa gang yin pa de yang de nyams par byas pa yin no/ /'di skad du phan 'dogs pa'i zhing yin pa'i phyir dang/ yon tan gyi zhing yin pa'i phyir de spangs pa dang/ med par byas pas ma gsod pa la sogs pa kho na mtshams med pa yin gyi/ gzhan gyi ni ma yin no zhes bshad pa yin no/ /yon tan gyi zhing yin pa'i phyir zhes bya ba ni yon tan rnams kyi rten yin pa'i phyir zhes bya ba'i tha tshig go /yang na yon tan rnams kyi zhing yin pa ni yon tan gyi zhing ste/ yon tan dang ldan pas bsod nams kyi zhing yin no/ /dper na zhing la sa bon btab na 'bras bu mang por 'gyur ba de bzhin du bsod nams kyi zhing la sa bon btab na 'bras bu mang por 'gyur ro/ /gal te pha 'am ma mtshan gyur na zhes bya ba na mtshan gyur pas de ma nyid yin pa dang/ de pha nyid yin par yang mi 'dod pas ma bsad pa med pa'i phyir ram/ pha bsad pa med pa'i phyir mtshams med par mi 'gyur ro snyam nas de med par dogs pas 'dri ba yin no/ /gang gis zla mtshan las byung ma/ zhes bya ba ni 'di la gang gi zla mtshan las byung ba yod pas na gang gi zla mtshan las byung ba'o/ /bya ba thams cad zhu bar bya ba yin zhes bya ba ni ma la zhu dgos ba'i bya ba thams cad dri bar bya ba yin no snyam du bsams pa yin te/ ma dang 'dra ba'i phyir ro/ /nu zho ldung ba ni bar na 'tsho bar byed pa'o/ /gso bar byed pa ni nu zho ldung bar byed pa'o/ /skyed par byed pa ni zas rags pa la sogs pas bsnyed par byed pa'o/ /gzhan dag na re nu zho ldung ba ni nu zho mthun par byed pa zhes bya ba'i tha tshig go /gso bar byed pa ni zas rags pa goms

  181. 91a

    par byed pa'o/ /skyed par byed pa ni khrus dang/ lus mnye ba dang/ yang ba yongs su spong bar byed pa zhes bya ba'i tha tshig go /ma khri'u'i 'og na 'dug pa zhes bya ba ni bus khri'u'i steng na gos yod pa dang sbyar na 'di na mi zhig nyal lo snyam du bsams nas der mtshon gyis btab pa dang/ mtshon btab pa des ma khri'u'i 'og na 'dug pa bsad do zhes bya ba dang/ khrus pa gtso blag mkhan gyi bus sbrang bu bsad do snyam pa'i sbyor bas pha bsod pa zhes bya ba brjod par bya'o/ /rnam par rig byed ma yin pa gnyis yin la/ zhes bya ba ni mtshams med pa'i rnam par rig byed ma yin pa dang srog gcod pa 'ba' zhig gi rnam par rig byed ma yin pa'o/ /rnam par rig byed ni mtshams med pa kho na yin te/ de ni des bsdus pa kho na yin gyi gzhan ni ma yin no zhes bya ba'i tha tshig go /de la mtshams med pa ni gcig kho nar 'gyur te/ zhes bya ba ni dgra bcom pa bsad pa zhes bya ba'o/ /song la skra can la khyod kyis ni mtshams med pa gnyis byas te/ pha bsad pa gang yin pa dang/ gang yang dgra bcom pa gsod pa'o zhes smos shig ces bya ba ni grong khyer ro ru ka zhes bya ba na rgyal po u tra yan zhes bya bas skra can zhes bya ba dbang bskur nas rab tu byung ngo/ /rab tu byung nas kyang dgra bcom pa nyid thob par gyur te de ro ru ka dang nye ba zhig tu 'ongs pa dang/ yang rgyal srid 'dod do snyam nas blon pos sbran pa dang/ rgyal po skra can des rang gi pha de bsad do/ /nges bsad par bya ba'i gnas skabs na gshed ma'i mi de la sod la/ skra can la smos shig ces bya ba de lta bu la sogs pa rgyas par smras so/ /rgyu gnyis kyis zhes brjod par bya'o zhes bya ba ni nges song la/ skra can la khyod kyis ni mtshams med pa'i rgyu gnyis kyi mtshams med pa byas so zhes smros shig ces brjod par bya ba yin no/ /sgo gnyis nas spyod pa yin no zhes bya ba ni mtshams

  182. 91b

    med pa sgo gnyis dang ldan pa'i phyir gnyis nyid du nye bar btags so snyam du bsams pa yin te/ mtshams med pa de ni rgyu gnyis dang ldan pa'i phyir shin tu lci ba yin no/ /rten de dang shin tu 'gal ba'i phyir ro zhes bya ba ni 'phags pa'i lam skyes pa'i rten ni las kyi lam de dag dang shin tu 'gal ba'i phyir ro/ /'dir gtsen ma'i rtogs pa brjod pa dper brjod de/ shAkya'i mi gtsen ma zhes bya ba zhig 'phags skyes pos skrag nas gangs khrod kyi nags tshal gyi phyogs shig na 'khras shing 'tsho ba rngon gyis tshol tshol ba las/ bcom ldan 'das sum cu rtsa gsum pa'i nang du zla ba gsum lon nas de nas babs te/ gtsen ma 'khor dang bcas pa kho na chos bstan pa dang/ de dang de'i bu rnams kyis rgyun tu zhugs pa'i 'bras bu thob bo zhes grags te/ de dag ni 'bras bu thob pa'i sngon rol tu ri dags dag gi gdos dang/ rgya la sogs pa bshams la/ de dag gis sbyor bas kyang ri dags dag gsad par byas mod kyi/ 'bras bu thob pas mi dge ba'i las kyi lam de dag gis ma reg go /lnga pa dang/ gsum pa dang/ dang po rnams ches lci ba yin zhes bya ba la/ mtshams med pa 'don pa'i go rim ni ma gsod pa dang/ pha gsod pa dang/ dgra bcom pa gsod pa dang/ dge 'dun gyi dbyen byed pa dang/ de bzhin gshegs pa la ngan sems kyi khrag 'byin pa zhes bya ba 'di yin no/ /de la lnga pa ngan sems kyi khrag 'byin pa de ni dge 'dun gyi dbyen byed pa las gzhan pa lhag ma bzhi'i nang nas ches lci ba yin no/ /gsum pa dgra bcom pa gsod pa de ni ma dang pha gsod pa dag pas ches lci ba yin no/ /dang po ma gsod pa de ni pha gsod pa bas ches lci ba yin te/ de'i phyir/ pha gsod pa ni thams cad kyi nad na yang ba yin no zhes bya ba smos so/ /nges par mdzad nas zhes bya ba ni de kho na nges par bzung nas zhes bya ba'i tha tshig go /rnam par smin pa rgya che ba'i dbang du mdzad nas ni dge 'dun gyi dbyen byed pa kha na ma tho ba

  183. 92a

    che bar gsungs te/ rnam par smin pa bar gyi bskal par 'byin pa'i phyir ro/ /skye bo phal po che 'chi ba'i dbang du mdzad nas ni yid kyi nyes pa ste/ danda ka'i dgon pa la sogs pa stongs pa'i rgyu yin pa'i phyir ro/ / gzhan lus kyi las sam dag gi las kyis ni skye bo phal pa de snyed 'chi mi srid do/ /dge ba'i rtsa ba kun tu gcod pa'i dpang du mdzad nas ni log par lta ba kha na ma tho ba chen por gsungs te/ gzhan mi dge ba'i rtsa ba ni kun tu 'byung ba tsam dang 'gal ba'i phyir dge ba'i rtsa ba rnams kun tu gcod pa ma yin no/ /par chad med pa kho nar ni ma yin no zhes bya ba la/ gzhan dag gi bsam pa ni de dag ni gdon mi za bar dmyal bar skye bas de dang 'dra ba'i phyir de dang cha 'dra ba dag ces bya'o/ /der bar chad med par skyes pas ni ma yin no/ /de lta ma yin na mtshams med pa dag kho na yin par 'gyur ro snyam pa yin no/ /phyogs snga ma bdag gi lan ni de dag bar chad med par 'byung pa nyid can yin yang mtshams med pa kho na ni ma yin te/ dus dang rnam par smin pa mi 'dra ba yin no zhes bya ba yin no/ /ma dgra bcom pa sun byas dang/ zhes bya ba ni ma bsad pa'i mtshams med pa dang cha 'dra ba yin no/ /nges par gtogs pa'i byang chub sems dpa' bsad pa ni pha bsad pa'i mtshams med pa dang cha 'dra ba yin no/ /slob pa bsad pa ni dgra bcom pa bsad pa'i mtshams med pa dang cha 'dra ba yin no/ /dge 'dun gyi 'du ba'i sgo 'phrog pa ni dge 'dun gyi dbyen byed pa'i mtshams med pa dang cha 'dra ba yin no/ /mchod rten 'jig pa ni de bzhin gshegs pa la ngan sems kyis khrag 'byin pa'i mtshams med pa dang cha 'dra ba yin no/ /slob dpon dbyig ba shes na re dge 'dun gyi

  184. 92b

    'du pa'i sgo 'phrog pa ni nar mar 'du ba 'brog pa yin no zhes zer ro/ /'di skad du dge 'dun gyi zhal du 'du ba'i sgo 'phrog pa'o/ /zhes brjod de/ gang zhig gis dge 'dun 'tsho bar byed pa zhal du gsol ba gang yin pa de 'phrog pa yin no/ / de'i rnam par smin pa'i sa las 'da' ba' i phyir zhes bya ba ni/ bzod thob ngan song mi 'gro'o zhes 'byung bas ngan song gi sa las 'da' ba' i phyir ro/ /de bzhin du zhes bya ba ni de'i rnam par smin pa'i sa las 'da' ba' i phyir 'dod pa na spyod pa'i las rnams gegs bya ba'i phyir nye bar gnas te/ dper na mi zhig yul 'dor bar byed pa la bu lon pa dag ldang ba bzhin no zhes bya ba de kho na bzhin du zhes bya ba'i tha tshig go/ rigs shing sA la chen po lta bur skye ba zhes bya ba ni rigs chen po dang ldan par skye ba zhes bya ba'i tha tshig go/ rgyal rigs shing sA la chen po lta bur skye ba zhes bya ba nas/ khyim bdag gi rigs sna la chen po lta bur skye ba yin no zhes bya ba'i bar ni khyim bdag gi rigs chen por skye ba yin no zhes bya ba'i tha tshig go/ brnyas gnod ni brnyas pa'i gnas skabs sngon du btang ba'i rnam par mtho 'tsham pa'o/ /lus dang ngag gi 'jug pas gzhan la sdug bsngal dang yid mi bde ba dag 'byung ba de la bltos nas de sdom pa nam nags pa zhes bya ba'o/ /bskal pa dgu bcu rtsa gcig gi par du zhes bya ba ni dgu bcu rtsa gcig du tshangs pa'i bskal pa ni dgu bcu rtsa gcig go /de'i par du ste/ grong dpon dge sbyong gcer bu pa ral gri thog pa zhig gis/ bcom ldan 'das la kyi dge slong gau ta ma gang khyod lo nyes pa 'di rta ru'i nang na dge slong gi dge 'dun 'di snyed cig dang thabs cig ser ba bzhin du ma rungs pa byed cing slongs mo la rgyu ba ji ste khyim rnams phung bar bya ba'i phyir zhugs zhes smras pa dang/ bcom ldan 'das kyis de la grong dpon ngas 'di nas bzung ste/ bskal pa dgu bcu rtsa gcig gi bar du zhes bya ba

  185. 93a

    rgyas par bka' stsal to/ /skyon bzhi po 'di dag ni zlog par byed la zhes bya ba ni ngan 'gro'i skyon dang/ rigs dma' ba nyid kyi skyon dang/ dbang po ma tshang ba nyid kyi skyon dang/ bud med kyi dngos po'i skyon no/ /yon tan gnyis ni 'thob bo zhes bya ba ni tshe rags dran pa nyid kyi yon tan dang/ phyir mi ldog pa nyid kyi yon tan no/ /byang chub sems dpa' nye ba ma gtogs pa zhes bya ba ni mtshan gyi rnam par smin pa can gyi las byed pa gang yin pa'o/ /stong gsum 'chags pa zhes bya ba ni sems can gyi las kyi dbang gang gis stong gsum gyi stong chen po 'byung ba de'i tshad gang yin pa ste/ tshad ltar bcas pa de dag brgya skyes bu chen po'i mtshan cig 'grub pa nas sum cu gnyis pa'i bar du yang de dang 'dra'o/ /kha cig na re sangs rgyas rnams kyi sku rnam pa gnyis te/ skye ba'i sku dang/ chos kyi sku'o/ /de la skye ba'i sku ni skyes bu chen po'i mtshan sum cu rtsa gnyis kyi mtshan nyid do/ /chos kyi sku ni sangs rgyas kyi chos ma 'dres pa bco brgyad do/ /de la sangs rgyas la dmigs pa'i yid la byed pa mngon sum du gyur pa las sems pa lnga bcu 'byung la/ bdag kyang 'di 'dra bar gyur cig snyam pa'i las kyang gzhan lnga bcu 'byung ste/ de ltar na bsod nams brgya yin no zhes zer ro/ /gzhan dag na re 'dod pa'i khams gnas nyi shu dang/ gzugs kyi khams bcu drug dang/ gzugs med pa bzhi dang/ grang ba'i dmyal ba brgyad de/ de ltar na khams gsum pa ni khyad par bzhi bcu rtsa brgyad yin la/ de la dmigs pa'i byang chub sems dpa' la snying rje'i sems skye ste/ de'i phyir de dang mtshungs par ldan pa'i sems pa bzhi bcu rtsa brgyad 'byung ngo/ /de'i rjes la ji ltar 'dis khams gsum pa 'di las sems can dag bkrol ba lta snyam pa de lta bu'i sems pa sangs rgyas la dmigs pa'i sems pa 'byung ngo/ /de'i rjes la bdag kyang de dang 'dra bar 'grol bar byed par gyur cig snyam pa bdag la dmigs pa'i sems pa

  186. 93b

    gnyis pa 'byung bas sems pa lnga bcu 'byung ngo/ /yang de dag lan gnyis su mngon du gyur pas sems pa brgyar 'gyur ba yin no zhes zer ro/ /gzhan dag na re sangs rgyas bcom ldan 'das ni rgyu lngas srog gcod pa spong ba dang ldan pa yin te/ rgyu lnga ni las kyi lam dngos yongs su dag pa dang nyer bsdogs yongs su dag pa dang/ rnam par rtog pas ma smras pa dang/ dran pas yongs su zin pa nyid dang/ mya ngan las 'das par bsdos pa nyid de/ de la dmigs pa'i sems pa yang lnga 'byung ngo/ /las kyi lam bcu char dmigs pa de dang 'dra ste/ sems pa lnga phrag bcu ni sems pa lnga bcu yin no/ /yang ji ltar bcom ldan 'das de dge ba'i las kyi lam ma 'dres pa bcu las nges par skyes pa ltar bdag kyang de dang 'dra bar shog cig snyam du de dag lan gnyis su mngon du gyur pas sems pa brgyar 'gyur ba yin no zhes zer ro/ /de ltar na re re yang bsod nams brgya las skyes so zhes bya ba 'di 'grub po/ /bsnyen bkur byas so zhes bya ba ni bsnyen bkur byas par gyur to zhes bya ba'i tha tshig go gang la bcom ldan 'das zhes bya ba rgyas par 'byung ba ni rdza mkhan snang byed ces bya bar gyur pas dang por smon lam btab pa'o/ /de'i tshe 'di'i tshul khrims dang bzod pa'i pha rol tu phyin pa dag yongs su rdzogs pa yin no zhes bya ba ni re zhig sems ma 'khrugs pa'i phyir bzod pa'i pha rol tu phyin pa yongs su rdzogs so/ /lus dang ngag dag gis nyes par spyod pa mi byed pa'i phyir tshul khrims kyi pha rol tu phyin pa yongs su rdzogs so/ /lha yul sa na med ces bya ba rgyas par 'byung ba la/ lha yul sa zhes bya ba ni bstan pa'i tshig gi tshul du bshad pa yin no/ /'jig rten 'di na'ang yod pa ma yin la/ rnam thos bu'i gnas na'ang yod ma yin/ lha'i pho brang gnas mchog na yang yod min/ zhes bya ba ni de gsal bar bya ba'i phyir bstan pa'i tshig yin te/ 'jig rten 'di na zhes bya ba ni mi'i 'jig

  187. 94a

    rten na'o/ /rnam thos bu'i gnas na zhes bya ba ni rgyal po chen po bzhi'i gnas na'o/ /lha'i pho brang zhes bya ba ni lha'i gnas te/ sum cu rtsa gsum pa'i gnas na zhes bya ba'i tha tshig go /gnas mchog dag na zhes bya ba ni 'thab bral la sogs pa'i gnas dag na'o/ /'jig rten gyi khams gzhan dag na yang khyod 'dra ba med par shes par bya ba'i phyir/ phyogs dang phyogs mtshams dag na'ang med ces bya ba smos so/ /'on te yid mi ches na 'ga' zhig gi ri rnams dang nags dag tu bcas pa'i ri dang nags su bcas pa'i sa steng rgyas pa sems can mang po gnas pa 'ang kun tu yul cig bdag nyid chol cig ces bya bar bsams pa yin no/ /bskal pa dgu yang bsdums so zhes bya ba ni brtson 'grus brtsams pa des bskal pa dgu bcu rtsa gcig gis brtson 'grus kyi pha rol tu phyin pa yongs su rdzogs pa'i phyir ro/ /de nyid kyi phyir bskal pa dgu bcu rtsa gcig lus pa'i tshe 'phangs so zhes bshad do/ /byang chub pa'i sngon rol gyi de ma thag ces bya ba ni zad pa dang mi skye ba shes pa'i mtshan nyid kyi byang chub kyi sngon rol gyi de ma thag go /de ci'i phyir zhe na/ pha rol tu phyin pa yongs su rdzogs pas byang chub 'thob kyi/ pha rol tu phyin pa yongs su ma rdzogs pas ni ma yin no/ /ci rigs par zhes bya ba ni la la ni bsod nams kyang yin/ bya ba yang yin gzhi yang yin la la ni bsod nams kyang yin/ bya ba yang yin/ la la ni bsod nams kyang yin/ bzhi yang yin/ la la ni bsod nams kho na yin pas so/ /ji lta zhe na/ dper na zhes bya ba la sogs pa smos te/ srog gcod pa la sogs pa las kyi lam bdun po de dag ni las kyi rang bzhin yin pa'i phyir dang/ sems pa'i lam yin pa'i phyir las kyang yin/ lam yang yin la/ brnab sems la sogs pa gsum ni sems pa zhes

  188. 94b

    bya ba las kyi lam kho na yin pas las kyi lam mo/ /lus dang ngag gi las kyi rnams gsum char yin no/ /zhes bya ba ni re zhig rnam par smin pa yid du 'ong ba'i phyir bsod nams kyang phyin la/ las kyi ngo bo nyid yin pa'i phyir bya ba yang yin no/ /de dag kun nas slong bar byed pa'i sems pa ni de dag la rten nas 'jug pa'i phyir gzhi yang yin no/ /de kun nas slong bar byed pa'i sems pa ni lus dang ngag gi las kun nas slong bar byed pa yin te/ rnam par smin pa yid du 'ong ba'i phyir bsod nams kyang yin la/ yid kyi las yin pa'i phyir bya ba yang yin no/ gzhi ni ma yin te/ bya ba'i rten ma yin pa'i phyir ro/ /de dang lhan cig 'byung ba chor? ba la sogs pa ni rnam par smin pa yid du 'ong ba'i phyir bsod nams kho na yin gyi/ bya ba 'am gzhi ni ma yin te/ de dag gi mtshan nyid med pa'i phyir ro/ tshul khrims las byung ba zhes bya ba ni rnam pa gsum snga ma bzhin du sbyar bar bya'o/ /byams pa ni bsod nams kyang yin zhes bya ba yang snga ma bzhin du sbyar bar bya'o/ /bya ba'i gzhi yang yin te/ byams pa'i sgo nas byams pa'i dbang gis de dang mtshungs par ldan ste/ byams pa dang mtshungs par ldan pa'i sems pa mngon par 'du byed cing/ sems par byed pa'i phyir ro/ /de dang lhan cig 'byung ba ste/ byams pa dang lhan cig 'byung ba'i sems pa dang/ tshul khrims ni bsod nams kyang yin la bya ba yang yin te/ snga ma bzhin no/ sems pa ni bsam gtan gyi sdom pa 'jug par bya'o snyam du brten nas 'jug pa ma yin te/ de'i phyir de bya ba'i gzhi ni ma yin no/ /de dang lhan cig 'byung ba tshor ba la sogs pa gzhan ni bsod nams kho na yin te/ snga ma bzhin no/ /de ltar na sbyin pa las 'byung ba'i bsod nams kyang yin/ bya ba yang yin/ gzhi yang yin pa dang/ bsod nams kyang yin/ bya ba yang yin pa dang/ bsod nams yin pas bsod nams bya ba'i gzhi'o/ /tshul khrims la sogs pa ni/ bsod nams kyang yin

  189. 95a

    bya ba yang yin/ gzhi yang yin pas bsod nams bya ba'i gzhi'o/ /bsgom pa las byung ba ni bsod nams kyang yin/ bya ba'i gzhi yang yin pa dang/ bsod nams kyang yin/ bya ba yang yin pa dang/ bsod nams yin pas bsod nams bya ba'i gzhi'o/ /mi mthun pa rnams la yang gcig bsdus par 'dod de/ dper na gang mi mngon pa dag ni yon tan no/ zhes bya ba de lta bu'i/ /gang sbyin par bya ba de yang sbyin pa yin mod kyi zhes bya ba ni sbyin par bya ba'i dngos po ste/ las su sgrub pa yin no/ /gang gis sbyin byed de sbyin pa/ zhes bya ba ni 'dir sbyin pa dge ba yin par 'dod de/ sbyin par bya ba gos la sogs pa ni lung du ma bstan pa nyid yin no/ /'dod chags la sogs pas zhes bya ba la sogs pa zhes bya ba'i sgras ni khro pa dang/ phrag dog la sogs pa bsdu'o/ /tshogs gang gis shes bya ba ni sems dang sems las byung ba'i tshogs so/ /phung po rnams zhes bya ba ni phung po lnga'o/ /yang na lus dang ngag gi rnam par rig byed kyang gzugs kyi phung po yin par blta'o/ /byung ba zhes bya ba 'di ni rang bzhin yin zhes bya ba ni gyur pa la sogs pa ma yin pa'o/ /dper na rtswa las byung ba'i khyim zhes bya ba ni rtswa las gyur pa med kyi/ de dag ma gyur pa kho nas de byas pa yin pas de'i phyir rtswa las byung ba de ni rtswa'i ngo bo nyid yin no zhes bya bar shes te/ de gyur pa nyid yin par yongs su brtags nas byung ba zhes bya'o snyam du bsams pa yin no/ /yang na de'i rang bzhin yin par brjod par bya ba'i phyir byung ba zhes bya ba'i mtshan nyid 'dis byung ba zhes brjod do/ /de bzhin du lo ma las byung ba'i snod ces bya ba 'di yang brjod par bya'o/ /mthong ba'i chos la myong bar 'gyur ba ma gtogs zhes bya ba ni de gnyi ga'i don yin pa'i phyir ma gtogs so/ /de'i rnam par smin

  190. 95b

    pa'i sa las yang dag par 'da' ba' i phyir/ zhes bya ba 'dod pa'i khams las shin tu yang dag par 'das pa'i phyir zhes bya ba'i tha tshig ste/ 'dod pa'i khams ni sbyin pa'i rnam par smin pa'i sa yin pas so/ /thos pa la sogs pa'i yon tan dang ldan pa zhes bya ba la sogs pa zhes bya ba'i sgras ni gtong ba dang/ shes rab dang/ 'dod chen chung ba la sogs pa'i yon tan dang ldan pa bsdu'o/ /gus la sogs pas sbyin par byed/ ces bya ba ni 'di la gus pa la sogs pa yod pas na gus la sogs te/ 'di ni bya ba'i khyad par yin no/ /go rim bzhin du khyad par bzhir 'gyur ro zhes bya ba ni gus par byin pas ni bkur sti rnyed par 'gyur ro/ /rang gi lag nas sbyin pas ni longs spyod rgyu chen po la dad pa rnyed par 'gyur ro// dus su byin pas ni gang gis longs spyod longs spyad par nus pa'i dus las mi yol bar dus su rnyed par 'gyur ro/ /gzhan la mi gnod par byin pas ni longs spyod par chad med par rnyed par 'gyur ro/ /'di'i dus su reg na bde ba'i las su 'gyur ro zhes bya ba ni grang ba'i tshe ni dro la/ dro ba'i tshe ni grang zhing tha mal pa'i tshe ni tha mal par 'dug pa'o/ /grang ba la sogs par zhes bya ba la sogs pa zhes bya ba'i sgras ni yul ngan dang/ char 'bab pa la sogs pa bsdu ste/ de ni mdo las ji skad 'byung ba bzhin no/ /'di lta ste pha ma zhes bya ba ni phan 'dogs pa'i khyad par las te/ de gnyis la phan pa dang gnod pa byas pas 'bras bu chen po dag tu 'gyur ro zhes bya ba'i don du khong du chud par bya'o/ /dom dang ri dags la sogs pa'i skyes pa'i rabs dper bya'o zhes bya ba ni dom dang ri dags kyi phug tu bcug nas lus kyi drod kyis bsros pa dang/ chus khyer ba las bsgral bas phan 'dogs 'dogs pa dag la gnod pa byas pas 'phral la lag pa chad pa lta

  191. 96a

    bu'o/ /sogs pa zhes bya ba'i sgras ni spre'u'i skyes pa'i rabs la sogs pa dper brjod par bya'o/ /tshul khrims dang ldan pa la byin na rnam par smin pa 'bum 'gyur zhes bya ba de lta bu la sogs pa'o zhes bya ba la sogs pa zhes bya ba'i sgras ni rgyun du zhugs pa'i 'bras bu la 'jug pa la byin na rnam par smin pa tshad med do/ /de bas kyang rgyun du zhugs pa la byin na ches tshad med do zhes bya ba la sogs pa bsdu'o/ /de ma gtogs pa zhes bya ba ni byang chub sems dpa' i sbyin pa bshad ma thag pa ste/ de ni yang dag par rdzogs pa'i byang chub kyi don dang/ sems can thams cad kyi don du byin pa yin no/ /lhag ma ni go sla bas rnam par ma phye'o zhes bya ba ni bdag la byin pas sbyin pa zhes bya ba de lta bu la sogs pa'o/ /bdag la byin pas sbyin pa zhes bya ba ni 'dis sdun bdag la byin no snyam nas sbyin pa ste/ gsum pa yin no/ /bdag la sbyin par 'gyur bas sbyin pa zhes bya ba ni bzhi pa yin no/ /sdun bdag gi pha dang mes po dag gis sbyin pa byin pas/ sbyin pa byin pa zhes bya ba ni lnga pa yin no/ /mtho ris kyi don du sbyin pa ni drug pa yin no/ /grags pa'i don du sbyin pa zhes bya ba ni bdun pa yin no/ /sems kyi rgyan gyi don zhes bya ba nas don gyi mchog thob par bya ba'i phyir sbyin pa zhes bya ba'i bar ni brgyad pa yin no/ /sems kyi rgyan gyi don ni rdzu 'phrul gyi don no/ /sems kyi yo byad kyi don ni sems kyi yo byad brgyad de/ 'phags pa'i lam yan lag brgyad pa'o/ /rnal 'byor gyi tshogs kyi don ni rnal 'byor gyi rgyu'i don no/ /don gyi mchog thob pa ni dgra bcom pa nyid dam/ mya ngan las 'das pa thob pa ste/ de'i phyir sbyin pa'o/ brgyad pa ni khyad par bzhi yin yang de dag ni mya ngan las 'das pa thob par byed pa kho na yin pa'i phyir gcig yin pas slob dpon gyis go

  192. 96b

    slo'o zhes bshad do/ /zhing gi khyad par rnam pa bzhi zhes bya ba ni 'grol ba dang/ sdug bsngal dang/ phan 'dogs pa dang/ yon tan gyi zhing ngo/ /phyogs gang du gtogs par bya zhes bya ba ni gang gi phyir de 'gro ba'i zhing nyid dang/ yon tan gyi zhing nyid du yang mi rung ba de'i phyir 'dri ba yin no/ /mthun pa dang mi mthun pa rab tu ston par byed pa ni zhes bya ba ni chos dang chos ma yin pa'o/ /rnam par smin pa nges par gnas pa'i phyir zhes bya ba ni rnam par smin pa 'byin par nges par gnas pa'i phyir zhes bya ba'i tha tshig go /la la ni zhing gi dbang kho nas so zhes bya ba ni dper na mi phal pa bsad pa bas pha bsad pa lta bu'o/ /de nyid la gzhi'i dbang gis zhes bya ba ni las kyi lam gyi dbang gis so/ /ji ltar zhe na/ smras pa/ pha dang ma la srogs ma pas las lci ba ltar ma byin len blangs pa la sogs pas ni de ltar lci ba ma yin no/ /pha dang ma dag gi nor rku ba'i las ni de dang 'dra bar lci ba ma yin te/ de dag bsad pa ni mtshams med pa'i ngo bo nyid yin pa'i phyir ro/ /sogs pa zhes bya ba'i sgras ni rdzun du smra ba dang/ phra ma la sogs pa bsdu'o/ /de bzhin du gzhan la yang sbyar bar bya'o zhes bya ba ni la la ni sbyor ba'i khyad par gyis lci bar 'gyur te/ rnam par smin pa nges par gnas pa'i phyir ro/ /la la ni sems pa'i khyad par gyis so/ /la la ni bsam pa'i khyad par gyis so/ /blo sngon du ma btang pa yang ma yin la/ bab col du byas pa yang ma yin no zhes bya ba la/ rnam pa gcig tu na blo sngon du ma gtang bar byas pa ni 'di bya'o snyam du ched du bsams nas byas pa ma yin pa'o/ /de ni bsags pa ma yin gyi/ las de ni lung du ma bstan pa yin no/ /bab col du byas pa ma yin pa zhes bya ba ni blo sngon du btang du zin kyang byung rgyal du byas pa ma yin pa ste/ goms te kha lang du red pas brdzun du smra ba la sogs pa mi dge ba gang yin pa de ni byas

  193. 97a

    pa yin gyi bsags pa ma yin no/ /gsum gyi bar gyi zhes bya ba ni lus dang ngag dang/ yid kyis nyes par spyad pa dag gis so/ /gnyen po med pa yin no zhes bya ba ni phyir 'chags pa la sogs pa'i gnyen po med pa'i phyir ro/ /mi dge ba la 'khor yang mi dge ba yin zhes bya ba ni gang zhig byas nas kyang rjes su yi rang bar byed pa'o/ /rnam par smin pa 'byin par nges pa yin no zhes bya ba ni mi dge ba'i mtshan nyid rgyas par bskyed pa'i phyir ro/ /de bzhin du dge ba la yang sbyar bar bya'o zhes bya ba ni bsams bzhin las ji lta bu zhe na/ ched du bsams nas byas pa yin gyi/ blo sngon du ma gtang bar byas pa ma yin pa ste/ dper na lung du ma bstan pa'i sems kyis rdo sbyin no snyam pa las gser gyi gong bu byin par gyur pa lta bu'o/ /de ni byas pa yin gyi/ bsags pa ni ma yin te/ las de ni lung du ma bstan pa yin no/ /bab col du byas pa ma yin pa ni dper na kha goms pas bden pa smra ba lta bu ste/ de ni byas pa yin gyi mi dge ba yang ma yin la/ bsags pa yang ma yin no/ /rdzogs pas ji lta bu zhe na/ kha cig ni legs par spyad pa gcig gis mtho ris su 'gro la/ kha cig ni gsum gyi bar gyi 'gro ba dang/ kha cig ni las kyi lam gcig gis mtho ris su 'gro la/ kha cig ni bcu'i bar gyis 'gro ba de la gang zhig gis ji tsam gyis der 'gro bar 'gyur ba rdzogs par ma byas na las de byas pa yin gyi/ bsags pa ma yin no/ /rdzogs na ni bsags pa yin no/ /de bzhin du rnam par smin pa dbyin par byed pa zhes bya ba'i bar ci rigs par sbyar bar bya'o/ /'dod chags dang bcas pas mchod rten la sbyin pa byin pa ni bdag gi don du'o zhes bya ba ni bdag gzhan don phyir gnyis don phyir zhes bya ba der ro/ /gtong ba'i rgyu las byung ba kho na bsod nams yin no zhes bya bar mi bzod nas/ su la'ang phan btags pa med pa'i phyir ro zhes bya ba smos so/ /len par byed pa yod na ni gtong ba'i rgyu las byung ba'i bsod nams rung ste/ de la ni dga'

  194. 97b

    ba dang phan btags pa yin pas blangs so zhes bya bar rung ngo/ /len med byams sogs bzhin zhes bya ba ni byams pa la sogs pa dang 'dra bas na byams sogs bzhin te/ len par byed pas len pa med kyang rung ngo/ /pha rol po la phan btags pa med kyang rung/ dge ba'i rtse ba la sogs pa'i stobs bskyed pas bsod nams su 'gyur ba de bzhin du de bzhin gshegs pa la sogs pa yon tan dang ldan pa 'das kyang de la dad pas byas pa ste/ mchod rten la phul ba bsod nams su 'gyur ro/ /'o na ni sbyin pa dang mchod pa bya ba don med par 'gyur ro zhes bya ba ni gal te rang gi sems kho na las bsod nams su 'gyur na/ sems 'ba' zhig sbyin pa dang mchod pa dag bya dgos te/ de kho na las bsod nams 'thob pa'i phyir ro/ /ma yin te las de kun nas slong bar byed pa'i dad pa ni ches mchog yin pa'i phyir zhes bya ba ni de ni de lta ma yin no/ /ci'i phyir zhe na/ 'di ltar bcom ldan 'das la sems tsam gyis sbyin pa dang/ mchod pa dag sems par byed pa'i dad pa gang yin pa de bas ni sbyin pa dang/ mchod pa dag dngos su byed pa'i dad pa 'di ches mchog yin te/ lus dang ngag gi las dag kyang 'jug par byed pa'i phyir ro/ /sems tsam gyi sems par byed pa'i dad pa ni lus dang ngag gi las ngag 'jug par mi byed do/ /ji ltar zhes bya ba rgyas par 'byung ba ni ji ltar dgra bsad do snyam du bsams pa'i bsam pa can 'ga' zhig des kun nas bslang ba'i lus dang/ ngag gi las de shi bzhin du dgra'i 'du shes kyis te/ dgra 'di da dung ma shi'o snyam pa'i 'du shes 'dis byed na/ sems pa'i rgyun chags pa'i phyir bsod nams ma yin pa ches mang du skye bar 'gyur gyi/ bsam pa tsam bya bas stong pa ma yin pa de bzhin du bcom ldan 'das yongs su mya ngan las 'das pas 'das kyang de la dad pas kun nas bslang ba ste/ ston pa la dad pas kun nas bslang ba'i sbyin pa dang/ mchod pa bya ba 'jug tu gyur pa ji lta bu byed na bsod nams ches mang du 'gyur gyi/ dad pa tsam bya bas stong pas ni ma yin no/ /'o na ni zhing ngan

  195. 98a

    pa la byin pa 'bras bu yid du mi 'ong bar 'gyur ro zhes bya ba ni gcer bu ba dag chom rkun pa la sogs pa la byin na 'bras bu yid du mi 'ong bar 'gyur ro zer ba ltar na/ zhing bzang po la ni 'bras bu yid du 'ong bar 'gyur la/ zhing ngan pa la ni zlog pa yin pas de'i phyir smra bar byed do/ /rgyu las 'bras bu mi 'khrul phyir/ /ngan pa'i zhing las 'bras yid 'ong/ zhes bya ba ni zhing gi khyad par las 'bras bu yid du 'ong bar 'gyur ro zhes ni mi zer ro/ /'o na ci zhe na/ khyad par du 'phags par 'gyur ro zhes zer te/ zhing bzang po la srog bcad pa la sogs pa'i sa bon gyi 'bras bu ni yid du 'ong bar mi 'gyur ro/ /zhing ngan pa la yang sa bon las te rgyun gyi sa bon las 'bras bu rgyun gyis 'bras bu 'bras bu mi 'khrul ba mthong ste/ rgyun gyi 'bras bu kho na mngar bar mthong gi ni ma pa'i 'bras bu ni ma yin no zhes bya ba'i tha tshig go /de bzhin du ni ma pa'i sa bon las na nim pa'i 'bras bu kha ba kho na skye ste/ rgyun gyi sa bon ni dge ba'i dper brjod pa yin no/ /nim pa'i sa bon ni mi dge ba'i dper brjod pa yin no/ /'chal ba'i tshul khrims mi dge'i gzugs zhes bya ba ni 'chal ba'i tshul khrims ni srog gcod pa la sogs pa'i mtshan nyid rang bzhin gyi kha na ma tho ba'i gzugs yin no/ /sangs rgyas kyis ni bcad pa yang zhes bya ba ni bcad pa'i kha na ma tho ba'o/ /bslab pa mnos pas de dag spyad na 'chal pa'i tshul khrims su 'gyur ro zhes bya ba ni de dag spong ba mnos pa bcom ldan 'das kyis bka' la gus pa'i phyir 'chal pa'i tshul khrims su 'gyur te/ shugs kyis na tshul khrims ma mnos pa'i ni 'chal pa'i tshul khrims ma yin no zhes bshad pa yin no/ /rnam dag yon tan bzhi ldan no zhes bya ba ni 'di la yon tan bzhi yod pas na yon tan bzhi ldan no/ /'chal pa'i tshul khrims kyis phan ma byung ba ni ji skad bshad pas zhes bya ba ni 'chal pa'i tshul khrims mi dge ba'i gzugs shes bya ba 'di lta

  196. 98b

    bus so/ /chags pa la sogs pa zhes bya ba ni 'chal ba'i tshul khrims kyi rgyu de dag kun tu spyod pa dang ldan pas ni 'phan 'byung bar 'gyur ro/ /'chal pa'i tshul khrims kyis gnyen po la brten pa zhes bya ba bstan pa'i phyir/ dran pa nye bar gzhag pa la brten pa'i phyir ro zhes bya ba smos so/ /las kyi lam dngos kyi rnam par dag pa zhes bya ba ni srog gcod pa la sogs pa dngos kyis nyams par ma byas pa zhes bya ba'i tha tshig go /nyer bsdogs ngag gis rnam par dag pa zhes bya ba ni srog gcod pa la sogs pa'i sbyor ba dag gis sun ma phyung ba zhes bya ba'i don no/ /rnam par rtog pa rnams kyis zhes bya ba ni 'dod pa'i rnam par rtog pa la sogs pas so/ /dran pas yongs su bzung ba zhes bya ba ni/ lus dran pa nye bar gzhag pa dag gis brtan por byas pa 'am/ tshul khrims dran pas yongs su gzung pa'o/ /legs su smon pa'i tshul khrims zhes bya ba la/ legs su smon pa ni don du gnyer ba'o/ /srid pa dang/ longs spyod dang/ bkur sti la chags nas bsrung ba gang yin pa'o zhes bya ba ni srid pa dang/ longs spyod dang/ bkur sti la sred pa des mnos pa zhes bya ba'i tha tshig go /yang dag pa'i lta ba can rnams zhes bya ba ni sangs rgyas kyi bstan pa la zhugs pa rnams te/ gzhan mu stegs can rnams kyi ni yang dag pa'i lta ba can ma yin pa'i phyir ro/ /byang chub kyi yan lag gi rjes su 'jug pa ma yin no/ /mnyam par gzhag pa'i dge ba ni/ zhes bya ba la/ mnyam par bzhag pa zhes bya ba smos pa ni mnyam par gzhag pa ma yin pa bzlog pa'i phyir ro/ /dge ba zhes bya ba smos pa ni snyoms par 'jug pa'i ro myang ba dang mtshungs par ldan pa'i bsam gtan nyon mongs pa can bsal ba'i phyir te/ de yang mnyam par gzhag pa'i dge ba dang 'dra ba ni 'byung ngo/ /ting nge 'dzin gyi rang bzhin dang/ de dang lhan cig 'byung ba gang yin pa'o/ /zhes bya ba ni ting nge 'dzin gyi ngo bo nyid dang/ de dang lhan cig 'byung ba gang yin pa'o zhes bya ba'i tha tshig go /mnyam par bzhag pa'i dge ba

  197. 99a

    de ni zhes bya ba rgyas par 'byung ba ni mnyam par gzhag pa'i dge ba de ni sems la shin tu bsgo bar byed cing/ goms par byed de/ mnyam par bzhag pa ma yin pa yang bsgo bar byed mod kyi/ de ltar shin tu ma yin no zhes ston par byed de/ /ji lta zhe na/ rgyud yon tan rnams kyis de'i bdag nyid du byed pa'i phyir zhes bya ba smos te/ 'di ltar rgyud ting nge 'dzin gyi yon tan rnams kyi de'i bdag nyid du byed pas so/ /'dir dpe me tog rnams kyis til la bsgos pa bzhin no zhes bya ba smos te/ dper na me tog rnams kyis me tog gi dri'i bdag nyid du byed pa'i phyir til la bsgo bar byed pa de dang 'dra ste 'di skad du/ bsgom pa las byung ba ni/ sgom pa'i bag chags de'i ngo bo nyid kyi bsod nams yin no zhes bshad par 'gyur ro/ /yang tshul khrims dang bsgom pas cir 'gyur zhes bya ba'i tshig lhag ma'i bsgo nas don dri ba yin no/ /mtho ris don du tshul khrims gtso phyir zhes bya ba ni mtho ris kyi don du tshul khrims gtso bo yin gyi/ gzhan ni mtho ris kyi don du ma yin no/ /gzhan yang gang zhig ce na sbyin pa'o/ /sbyin pa yang mtho ris kyi don du 'gyur la/ zhi gnas dang/ lhag mthong ngag ni tshul khrims la brten pa'i phyir tshul khrims kyis kyang 'bral bar ni 'gyur mod kyi/ dngos su bral ba 'thob par byed pa'i phyir ram/ spong ba'i las kyis bsdus pa yin pa'i phyir 'bral bar bya ba la bsgom pa ni gtso bo yin pa'i phyir ro/ /bsod nams bya ba'i gzhi'i zhar la/ mdo las zhes bya ba ni 'di rgyas par 'god de/ mdo las gang zag bzhi ni tshangs pa'i bsod nams bskyed de/ ma byas pa'i sa phyogs su de bzhin gshegs pa'i sku gdung gi mchod rten byed pa 'di ni gang zag tshangs pa'i bsod nams bskyed pa dang po yin no/ /phyogs bzhi'i dge 'dun la kun dga' rab 'bul zhing/ kun dga' i ra ba de nyid du gtsug

  198. 99b

    lag khang rtsig par byed pa 'di ni/ gang zag tshangs pa'i bsod nams bskyed pa gnyis pa yin no/ /de bzhin gshegs pa'i nyan thos bye ba sdums byed pa 'di ni gang zag tshangs pa'i bsod nams bskyed pa gsum pa yin no/ /byams pa'i sems kho na med pa 'gran zla med pa/ gnod pa med pa/ yangs pa chen por gyur pa/ mi gnyis pa/ tshad med pa shin tu bsgoms pas phyogs gcig tu mos te khyab par byas nas rdzogs par byas te gnas so/ de bzhin du gnyis pa dang/ de bzhin du gsum pa dang/ de bzhin du bzhi pa dang/ bla dang/ 'og dang/ thad kar rnam pa thams cad du thams cad dang ldan pa'i 'jig rten 'di khyab par byas nas rdzogs par byas te gnas pa 'di ni gang zag tshangs pa'i bsod nams bskyed pa bzhi pa yin no zhes bshad do/ /mtshan rnams par smin pa can gyi las kyi tshad shes par bya ba'i phyir bshad pa gang yin pa'o zhes bya ba ni byang chub sems dpa' nye ba ma gtogs pa sems can thams cad kyi longs spyod kyi 'bras bu can zhes bya ba de lta bu la sogs pa bshad pa gang yin pa'o/ / tshangs pa'i bsod nams zhes bya ni 'di tshangs pa rnams kyi yin pas na tshangs pa'i'o/ /'dir ni tshangs pa'i mdun na 'don rnams kyang tshangs pa'i zhes bya ba'i sgrar 'dod de/ 'di ltar tshangs pa'i mdun na 'don pa rnams kyi tshe bskal par thub pa'i phyir te/ tshangs pa'i mdun na 'dron rnams kyi tshe yang bskal par thub par bshad la/ las 'dis kyang mtho ris dag tu bskal par dga' bar 'gyur bas so/ /sde ba gzhan gyi gzhung las/ tshangs pa'i bsod nams skyed pa ni/ bskal par mtho ris dga' bar gnas zhes 'byung bas de dang chos mthun pa'i phyir 'di tshangs pa'i bsod nams zhes bya'o/ /'dod pa'i khams na las dge ba'i rnam par smin pa bskal par thub pa med pa ma yin nam zhe na/ gcig gi ni med pa bden na shi 'phos nas de nyid du skyes pa'i phyir

  199. 100a

    de nyid du skye ba'i nying mtshams sbyor ba'i phyir gang dag gi mtho ris kyi 'bras bu rim gyis bskal pa'i tshad tsam du thub pa mngon par 'grub par gyur pa'i sems pa/ rten cig pa dag ni mang po zhig 'byung ngo/ /kha cig na re tshangs pa'i bsod nams ni bsod nams chen po yin no zhes zer ro/ /mdo sogs zhes bya ba la sogs pa zhes bya ba'i sgras ni bstan pa'i yan lag bcu gnyis bsdu ste/ mdo'i sde dang/ dbyangs kyis bsnyad pa'i sde dang/ lung du bstan pa'i sde dang/ tshigs su bcad pa'i sde dang/ ched du brjod pa'i sde dang/ gleng gzhi'i sde dang/ rtogs pa brjod pa'i sde dang/ de lta bu byung ba'i sde dang/ skyes pa rabs kyi sde dang/ shin tu rgyas pa'i sde dang/ rmad du byung ba'i sde dang/ gtan la bab par bstan pa'i sde zhes bya ba'i yan lag rnams so/ /nyon mongs pa can ma yin pas zhes bya ba ni nyon mongs pa can gyi sems kyis kun nas ma bslang ba zhes bya ba'i tha tshig go /bsod nams chen po nyams par byed pa zhes bya ba ni bsod nams ma rung par byed pa'o// bsod nams kyi cha dang mthun pa zhes bya ba ni bsod nams kyi cha thob pa yin pas na bsod nams kyi cha ste/ bsod nams kyi 'bras bu thob pa zhes bya ba'i tha tshig go /de dang mthun pa ni bsod nams kyi cha dang mthun pa'o/ /de nyid kyi phyir rnam par smin pa yid du 'ong ba can gang yin pa'o zhes bya ba smos so/ /rnam pa gcig tu na cha ni gsum ste/ bsod nams kyi cha dang/ bsod nams ma yin pa'i cha dang/ mi g.yo ba'i cha'o/ /de las de dang mthun pa'i cha ni bsod nams kyi cha dang mthun pa'o/ /yang na bsod nams la bsten pas na bsod nams kyi cha'o/ /bsod nams nyid bsod nams kyi cha dang mthun pa yin te/ rang gi don gyi rkyen gyi dbang du byas pa yin no/ /thar pa'i cha dang mthun pa yang de dang 'dra'o/ /yang na cha ni gnyis te/ 'khor ba'i cha dang thar pa'i cha'o/

  200. 100b

    de las thar pa'i cha dang mthun pa gang yin pa de ni thar pa'i cha dang mthun pa'o/ /yang na thar pa'i cha ni thar pa thob pa'o/ /de'i phyir de dang mthun pa de ni de'i thob pa dang mthun pa yin pas thar pa'i cha dang mthun pa ste/ de'i mtshan nyid ni 'og nas 'chad do/ /nges par 'byed pa'i cha dang mthun pa yang de bzhin du sbyar bar bya'o/ /'og nas bshad par bya'o zhes bya ba ni/ de las dro bar gyur pa skye zhes bya bder ro/ /las kyi skabs su las kyi rang bzhin gyi mtshan nyid 'jig rten na yig 'bru zhes bya ba la sogs pa 'di brjod de/ kun nas slong ba dang bcas pa/ zhes bya ba ni sems dang sems las byung ba'i tshogs dang bcas pa ste/ gang gis lus kyi las slong bar byed pa'o/ /lus kyi las kun nas slong ba dang/ bcas pa rigs pas rab tu bcug pa de ni yi ge 'bru dang rgya yin no// //bam po sum cu rtsa brgyad pa/ /rgyu la 'bras bu btags pa'i phyir te/ bstan bcos las ni lus kyi las gang gis yig 'bru 'bri zhing rgya brko bar byed pa ste/ yig 'bru dang rgya yin par bzhed kyi/ 'jig rten na ji skad grags pa lta bu ni ma yin te/ 'jig rten na'i yig 'bru ni glegs bam la sogs pa na yod pa'i yi ge'i mtshan ma yin no/ /rgya ni yi ge dang yi ge ma yin pa'i mtshan ma yin no zhes bya bar 'dod do/ /bgrang ba dang snyan dngags ni ngag gi las rigs pas rab tu bcug pa kun nas slong ba dang bcas pa yin no zhes bya bar sbyar ro/ /phung po lnga'i rang bzhin no zhes bya ba ni yig 'bru dang rgya dag gi gzugs kyi phung po ni lus kyi las so/ /bgrang ba dang snyan dngags dag gi gzugs kyi phung po ni ngag gi las so/ /gnyis ka la yang kun nas slong bar gyur ba tshor pa la sogs pa phung po bzhi yod pas de dag ni phung po lnga'i rang bzhin no/ /yid kyi chos rnams sdom par byed pa gang yin pa'o zhes bya ba ni gcig gnyis/ gsum zhes bya ba la sogs pa'i grangs so/ /chos mngon par rnams

  201. 101a

    na re yang na gang la yid kyis bgrang par byed pa yin no zhes zer ro/ /grangs 'di yang 'khor dang bcas pas bzung pa'i phyir phung po bzhi'i rang bzhin no/ /yig 'bru la sogs pa'i mtshan nyid bstan pa'i zhar? la kha na ma tho ba dang bcas pa la sogs pa'i chos rnams kyi mtshan nyid bstan pa yang nye bar 'god par byed do/ /'brel pa gzhan yang rnam grangs 'di dag ni chos kyi phung po'i rnam par bshad pa las bstan la/ 'di yang de mdor bsdus pa yin pas rnam grangs 'di dag nye bar 'god do zhes bya ba yin no/ /nyon mongs pa'i mtshan nyid kyi kha na ma tho ba dang lhan cig 'jug pas na kha na ma tho ba dang bcas pa'o/ /nyon mongs pas bkab pa'i phyid bsgribs pa ste/ nyon mongs pa rnams kyang mtshungs par ldan pa'i nyon mongs pa gzhan gyi bsgribs pa yin no/ /gnag pa'i phyir ram/ 'phags pa rnams kyis bor pa'i phyir ngan pa ste/ gnag pa ni nyon mongs pa dang ldan pa'i sgo nas khong du chud par bya'o/ /dri mang dge zhes bya ba ni dge ba zag pa med pa de dag ni dag pa'i rab kyi mthar phyin pa'i phyir gya nom pa yin no/ /ngan pa dang gya nom pa dag las gzhan pa ni bar ma zhes bya bar grub pa yin no zhes bya ba ni nyon mongs pa dag kho na ngan pa yin la/ dge ba dri ma med pa dag kho na nges par gya nom pa yin no zhes bya bar nges par bzung ba'i phyir ro/ /de las gzhan pa dag ni ngan pa yang ma yin la/ gya nom pha yang ma yin pas bar ma yin par grub po/ /'dus byas dge bsten bya/ zhes bya ba ni zag pa dang bcas pa'ang rung zag pa med pa yang rung ste/ khyad par med par bstan par bya zhing rgyud la bskyed pa'i sgo nas gus par bya ba yin no/ /lhag ma ni bsten par bya ba ma yin pa zhes bya ba lhag ma gang zhe na 'dus ma byas dang/ mi dge ba dang/ nyon mongs pa can gang dag

  202. 101b

    yin pa ste/ bsgribs la lung du ma bstan pa zhes bya ba'i tha tshig go /goms par byar mi rung ba'i phyir ro zhes bya ba ni yang dang yang du byar mi rung ba'i phyir ro zhes bya ba'i tha tshig go /gzhan dag na re bskyed du mi rung ba'i phyir ro zhes zer ro/ /'bras bu yang med pa'i phyir ro zhes bya ba ni/ 'dus byas la ni rgyu 'bras dag 'dus ma byas la de dag med ces 'byung bas so/ /bla ma dang bcas pa zhes bya ba ni phul du phyin pa dang bcas pa ste/ mi dge ba rnams ni bsgribs la lung du ma bstan pa rnams kyis bla ma dang bcas pa yin te/ sgribs la lung du ma bstan pa rnams la rnam par smin pa yid du mi 'ong ba med pa'i phyir ro/ /bsgribs la lung du ma bstan pa rnams ni 'dus byas ma bsgribs la lung du ma bstan pa rnams kyis bla ma dang bcas pa yin te/ /de dag nyon mongs pa can ma yin pa'i phyir ro/ /de rnams kyang dge ba zag pa dang bcas pa rnams kyis bla ma dang bcas pa yin te/ dge ba zag pa dang bcas pa'i 'bras bu ni yid du 'ong ba yin pa'i phyir ro/ /de rnams kyang zag pa med pa rnams kyis bla ma dang bcas pa yin te/ nyon mongs pa med pa'i phyir ro/ /zag pa med pa'i 'dus byas rnams kyang 'dus ma byas rnams kyis bla ma dang bcas pa yin te/ 'dus ma byas rnams te rtag pa'i phyir ro/ /'dus ma byas nam mkha' dang/ so sor brtan ma yin pas 'gog pa dag kyang so sor brtags pas 'gog pas bla ma dang bcas pa yin te/ so sor brtags pas 'gog pa ni dge ba rtag pa yin pa'i phyir ro/ /thar pa bla na med pa yin/ mya ngan las 'das pa las lhag par khyad par du 'phags pa ni med de/ 'di ltar dge slong dag chos 'dus byas sam/ 'dus ma byas ji snyad pa de dag gi nang na mchog ni 'dod chags dang bral ba yin par brjod do zhes brjod do/ /so sor brtags pas 'gog pa ni rtag pa'i phyir dang/ dge ba'i phyir 'dus byas thams cad dang 'dus ma byas nam mkha' dang so sor brtags pa ma yin pas 'gog pa dag pas

  203. 102a

    kyang ches mchog yin no/ /chos mngon pa'i mdzod kyi 'grel bshad don gsal zhes bya ba slob dpon rgyal po'i sras grags pa'i bshes gnyen gyis mdzad pa las/ las bstan pa zhes bya ba ste mdzod kyi gnas gzhi pa rdzogs so// // las las 'jig rten sna tshogs skyes/ zhes bshad pa/ zhes bya ba ni bzhi pa'i dang por bshad pa yin te/ de'i phyir 'brel pa 'dis na phra rgyas nye bar 'god do zhes 'bres pa ston par byed do/ /ji skad du bshad pa'i mtshan nyid kyi las rab tu dbye ba de dag kyang phra rgyas kyi dbang gis bsags par 'gyur zhing rnam par smin par nges par gnas te/ rnam par smin pa 'byin par nges par 'gyur ro zhes bya ba'i tha tshig go /phra rgyas med par te/ phra rgyas dag med par ni las dge ba 'am mi dge ba dag srid pa ste/ skye ba mngon par 'grub cing bskyed par ma nus te/ dgra bcom pa la yang srid pa'i las ma nges pa dag ni med pa ma yin mod kyi/ phra rgyas med pa'i phyir yang srid pa mngon par 'grub par mi nus so/ /de nyid kyi phyir de dag ma nges pa nyid du 'grub po zhes bya ba 'di ni gang gi phyir zhes bya ba'i don du ston pa yin te/ gang gi phyir phra rgyas dag med par srid pa mngon par 'grub par mi nus pa de'i phyir/ phra rgyas kyi dbang gis bsags par 'gyur ro zhes bya bar bsam pa yin no/ /gzhan dag ni tshig 'di gnyis la 'di skad du 'chad de/ las de dag kyang phra rgyas kyi dbang gis bsags par 'gyur zhes bya ba ni las ma byas pa gang dag yin pa de dag phra rgyas kyi dbang gis yang srid pa mngon par 'grub par sogs par 'gyur ro zhes bya ba'i tha tshig ste/ dgra bcom pa dag ni yang srid pa mngon par 'grub par bya ba'i phyir las rnams sogs par mi bya'o/ /phra rgyas med par ni srid pa mngon par 'grub par mi nus zhes bya ba ni byas pa gang dag yin pa de dag kyang phra rgyas rnams med par srid pa mngon par 'grub par mi nus te/ dgra bcom pa dag la so so'i skye bo'i gnas skabs na byas pa/

  204. 102b

    yang srid pa pa'i las dge ba 'am/ mi dge ba ma nges pa dag ni med pa ma yin mod kyi/ phra rgyas med pa'i phyir de dag gis srid pa mngon par 'grub par mi nus so/ /de lta bas na de ltar don tha dad par brjod pas ni zhes bya ba ni bsdu ba'i don yin no zhe'o/ /srid pa'i rtsa ba phra rgyas zhes bya ba ni yang srid pa 'am/ las kyi srid pa'i rtsa ba ni phra rgyas rnams yin te/ de sogs pa dang/ kun nas slong ba'i rgyu yin pa'i phyir ro snyam du bsams pa yin no/ /rtsa ba brten par byed do zhes bya ba la rtsa ba ni 'dir thob pa yin te/ de rgyun mi 'chad pa'i don gyis brtan por byed do zhes bya pa'i tha tshig go /rgyud gnas par byed do zhes bya ba ni nyon mongs pa'i rgyun brgyud pas gnas par byed do zhes bya ba'i don no/ /zhing du sgrub par byed do zhes bya ba ni las bdag nyid skye ba dang mthun par byed do zhes bya ba'i tha tshig go /rgyu mthun pa sgrub par byed do zhes bya ba ni rang gi rgyu mthun pa nye ba'i nyon mongs pa skyed par byed pa ste/ dper na 'dod chags kyis ni ngo tsha med pa dang/ rgod pa dang/ ser sna dag skye bar byed la zhe sdang gis ni khro ba dang/ phrag dog skyed par byed do zhes bya ba la sogs pa lta bu'o/ /las kyi srid pa mngon par sgrub par byed do zhes bya ba ni las nyid srid pa yin pas las kyi srid pa'o/ /de yang srid pa mngon par 'grub par bya ba'i phyir skyed par byed do zhes bya ba'i don te/ 'di ni srid pa'i rtsa ba phra rgyas zhes bya ba 'dis don bstan pa yin no/ /rang gi tshogs yongs su 'dzin par byed do zhes bya ba la/ rang gi tshogs ni nyon mongs pa'i tshul bzhin ma yin pa yid la byed pa'o/ de yongs su 'dzin pa ste/ de ma 'ongs pa'i rgyu'i ngo bor gnas par byed do zhes bya ba'i tha tshig go /dmigs pa las kun tu rmongs par byed do zhes bya ba ni yang dag ba ji lta ba bzhin mi 'dzin pa'i phyir ram/ blo nyams par byed pa'i phyir kun tu rmongs par byed pa yin no/ /rnam par shes pa'i rgyun 'khrid par byed do zhes bya ba ni rnam par shes pa'i

  205. 103a

    rgyun dmigs pa 'am/ yang srid par 'khrid par byed pa ste/ gal te srid pa'i rtsa ba phra rgyas zhes bya ba yang srid pa yin par bzung na ni 'di de'i dper brjod pa yin no/ /dge ba'i phyogs las g.yo bar byed do zhes bya ba ni dge ba'i phyogs las yongs su nyams par byed pa'o/ /'chid pa'i don du khyab par byed do zhes bya ba ni 'chid ba'i ched du khyab par byed cing 'ched par byed do zhes bya ba'i tha tshig go /ji lta zhe na/ khams las mi 'da' ba' i tshul gyis shes bya ba smos te/ khams las mi 'da' ba'i rnam pas zhes bya ba'i don no/ /de ni 'di skad du nyon mongs pa gang zhig khams gang du gtogs pa des ni khams de las mi 'da' bar byed do zhes bshad pa yin no/ /'dod chags kyis dbang gis gzhan dag ces bya ba ni dmigs pa gang la 'dod chags yod pa de la ni khong khro ba la sogs pa gzhan dag kyang rgyas par 'gyur te/ de nyid kyi phyir 'dod chags kyi phra rgyas med pas zag pa med pa dang/ skal pa mi nyams pa'i khams dag la nyon mongs pa rgyas par mi 'gyur ro/ /de ni 'og nas bshad par bya'o zhes bya ba ni dngos po gang zhig bdag tu lta ba dang sred pa dag gis bdag gir byas pa la ni phra rgyas gzhan dag kyang rgyas par 'gyur te/ ras yug gsher ba la rdul dag chags par nus pa lta bu'o zhes de skad du bstan par bya'o/ /'on te 'dod pa'i 'dod chags kyi phra rgyas yin pas zhes bya ba la/ bye brag tu smra ba'i lugs kyis ni phra rgyas kun nas dkris pa yin no/ /gnas ma'i bu'i sde pa rnams kyi ltar na ni phra rgyas thob pa yin no/ /mdo sde pa'i lugs kyis ni sa bon yin no/ /phyis nges par 'byung ba zhes bya ba ni mjug tu nges par 'byung ba zhes bya ba'i tha tshig go /mthus yang dag par shin tu kun nas 'joms pa ni mtshan gyis yang dag par legs par 'joms shes bya ba'i don no/ /'dir dper brjod pa ni/ phra rgyas dang bcas par spong

  206. 103b

    bar byed do zhes bya ba 'di yin no/ /'di la 'gal ba ni 'di yin te/ bcas pa dang ldan pa'i tshig bsdu ba la ni gzhan nyid du mthong ste/ dper na lhas byin bu dang bcas pa zhes bya ba lta bu'o/ /de lta yin na ni mdo dang 'gal lo/ /chos mngon pa dang 'gal lo zhes bya ba ni 'dod pa'i 'dod chags kyi phra rgyas ni dbang po gsum dang mtshungs par ldan pa yin no/ /gsum gang zhe na/ bde ba dang/ yid bde ba dang/ btang snyoms kyi dbang po dag dang mtshungs par ldan no zhes 'byung ba 'di la ldan pa ma yin pa thob pa'i mtshan nyid/ dbang po gsum po de dag dang mtshungs par ldan par thal bar 'gyur bas bstan bcos dang 'gal ba yin no/ /phra rgyas dang bcas pa ni rjes su 'brel pa dang bcas pa zhes bya ba'i don yin pa'i phyir ro zhes bya ba ni 'dod chags kyi rjes su 'brel pa ni phra rgyas kyi sgrar gsungs te/ rjes su 'brel pa yang nyon mongs pa gzhan skye ba dang mthun par gnas pa yin no/ /yang na phra rgyas rang rjes su 'jug pa yin te/ phra rgyas dang bcas par spong bar byed pa ni nyon mongs pa de yang rjes su mi 'jug par byed ces bya ba'i don no/ /yang na mdo las phra rgyas zhes bya ba'i sgra 'byung ba ni thob pa la nye bar btags pa yin te/ zhes bya ba ni nye bar btags pa la yod pa ni nye bar btags pa pa'o/ /gang la nye bar btags pa yin zhe na/ de'i phyir thob pa la zhes smos so/ /phra rgyas zhes bya ba'i sgra dngos su ni kun nas dkris pa la 'jug go /nye bar gdags pas ni thob pa la 'jug ste/ de ni phra rgyas kyi rgyur gyur pa'i phyir ro/ dper na sdug bsngal gyi tshor ba'i rgyu yin pa'i phyir med du sdug bsngal zhes bya ba de dang 'dra'o/ /chos mngon pa las phra rgyas zhes bya ba'i sgra 'byung ba ni nyon mongs pa kho na mtshan nyid pa yin te zhes bya ba ni mtshan nyid la yod pa 'am/ mtshan nyid kyis rtsen

  207. 104a

    pa ni mtshan nyid pa'o/ /mtshan nyid pa gang la yin zhe na/ de'i phyir/ nyon mongs pa kho na la zhes bya ba smos so/ /dmigs pa dang mtshungs par ldan pa'i sgo nas rgyas par 'gyur bas de lta bas na phra rgyas rnams ni mtshungs par ldan pa kho na yin no/ /don 'di la ni/ sems ni nyon mongs med phyir dang/ /sgrib phyir dge dang 'gal phyir dang/ /dge ba'ang dmigs pa'i phyir na 'di'i/ /phra rgyas ldan pa ma yin min/ /zhes bya ba'i tshigs su bcad pa dper brjod par byed de/ sems ni nyon mongs byed phyir zhes bya ba 'di'i 'grel pa ni/ gang gi phyir phra rgyas rnams kyis sems nyon mongs pa can du 'gyur zhes bya ba 'di yin te/ ldan pa ma yin pa rnams kyis ni sems nyon mongs pa can du 'gyur mi srid do/ / sgrib phyir zhes bya'i tshig 'di'i 'grel pa ni/ sngon med pa'i dge ba mi skye ba zhes bya ba yin te/ phra rgyas dang bcas pa'i sems la ni sngon med pa'i dge ba mi skye'o/ /dge dang 'gal phyir zhes bya ba'i tshig 'di'i 'grel pa ni/ skyes pa las kyang yongs su nyams par 'gyur zhes bya ba yin no/ /phra rgyas rnams ni dge ba dag dang 'gal te/ gang gi phyir dge ba skyes pa las yongs su nyams par 'gyur ba de'i phyir phra rgyas rnams ni dge ba dag dang 'gal lo/ /de'i phyir ldan pa ma yin pa ma yin no zhes bya ba ni gang gi phyir sems la de dag med par ni ji skad bshad pa'i nyon mongs pa can la sogs pa mi srid la/ mtshungs par ldan pa dag gis ni de thams cad rung bar 'gyur pas so/ /'on te ldan pa ma yin pa rnams kyis kyang de ltar 'gyur na ni zhes bya ba ni ldan pa ma yin pa rnams kyis kyang sems nyon mongs pa can du 'gyur ba dang/ sngon med pa'i dge ba mi skye ba dang/ skyes pa las kyang yongs su nyams par 'gyur na'o/ /gal te de lta na ni ldan pa ma yin pa de dag rtag tu

  208. 104b

    nye ba'i phyir dge ba rnams kyang dmigs par mi 'gyur ba zhig ste/ 'di ltar ldan pa ma yin pa de dag ni nyon mongs pa can gyi gnas skabs dang/ gzhan gyi gnas skabs na yang yod do/ /dge ba ni dmigs kyang dmigs te/ de bas na/ dge ba'ang dmigs pa'i phyir na 'dir/ phra rgyas ldan pa ma yin min/ /zhes bya ba ni gnas pa yin no/ /slob dpon gyi bye brag tu smra ba rnams kyis/ sems can? ni nyon mongs byed phyir dang/ zhes bya ba la sogs pa smras pa gang yin pa 'di gtan tshigs su mi rung ste zhes bya ba smras so/ /gang zhig phra rgyas ldan pa ma yin par 'dod pa zhes bya ba ni gnas ma'i bu'i sde pa'o/ /'di thams cad ces bya ba ni sems nyon mongs pa can la sogs pa'o/ /nyon mongs pas byas pa kho nar 'dod do zhes bya ba ni kun nas dkris pas byas pa kho nar zhes bya ba'i tha tshig ste/ kun nas dkris pa ni rtag tu nye ba ma yin pas dge ba dmigs pa 'grub bo/ /'dod pa'i 'dod chags kyi phra rgyas ni zhes bya ba'i phyogs yongs su bzung na phra rgyas dang bcas par spong bar byed do zhes bya ba'i mdo dang ni 'gal pa med mod kyi/ 'on kyang phra rgyas ldan pa ma yin pa yin no zhes bya bar 'gyur bas de'i phyir phra rgyas ni mtshungs par ldan pa yang ma yin la/ ldan pa ma yin pa yang ma yin no zhes bya ba smos so/ /ji ltar zhe na/ de rdzas gzhan ma yin pa'i phyir zhes bya ba smos te/ nus pa'i ngo bo'i sa bon ni 'dod chags la sogs pa las don gzhan ma yin pa'i phyir ro// //lus de rten gyi nyon mongs pa las skyes pa nyon mongs pa sngar byung bas bskyed pa nyon mongs pa bskyed pa'i mthu yin te/ nyon mongs pa

  209. 105a

    skyed par byed pa'i mthu yin no/ /dper na nyams su myong ba'i shes pa las skyes pa dran pa skyed pa'i mthu rdzas gzhan du gyur pa ma yin pa de dang 'dra'o/ /la la dran pa skyed pa'i rgyu ldan pa ma yin pa rdzas gzhan zhig yin par 'dod pas dogs nas/ yang dper na myu gu la sogs pa'i zhes bya ba rgyas pa dpe gzhan nye bar 'dod de/ dper na myu gu la sogs pa'i sA lu'i 'bras bu sngar byung ba las skyes pa sA lu'i 'bras bu gzhan skyed par byed pa'i mthu rdzas gzhan du gyur pa ma yin pa de dang 'dra'o/ /gang zhig ces bya ba ni gnas ma'i bu'i sde pa'o/ /gal te nyon mongs pa'i phra rgyas zhes bya bar 'dod na 'o na mdo las nyon mongs pa nyid phra rgyas su gang gsungs pa de ji lta bu ste/ drug mtshan drug pa'i mdo las/ gang zag 'di'i 'di'i 'dod chags de bde ba'i tshor ba la rgyas par 'gyur ro zhes gsungs so/ /'dod chags kho na phra rgyas yin te/ bde ba'i tshor ba'i gnas skabs na 'dod chags kun tu 'byung ba la de skad du gsungs kyi/ de'i sa bon ni ma yin no snyam du bsams pa yin no/ /'gyur ro zhes gsungs pa'i phyir de kho na na ni phra rgyas pa ma yin no zhes bya ba ni 'gyur ro zhes 'byung bas de ni 'dod chags kyi phra rgyas kho na yin gyi/ 'dod chags ni ma yin no/ /gnas skabs de na 'dod chags de'i phra rgyas skye bar 'gyur bas sa bon skye bar 'gyur ba yin gyi/ skyes pa ma yin pas der ni sa bon 'byung bar 'gyur ba'i gnas skabs brjod pa yin no snyam du bsams pa'o/ /'o na nam 'gyur zhe na zhes bya ba ni nam zhig phra rgyas yod ces bya ba'i tha tshig go /gang gi tshe nyal ba na 'gyur ro zhes bya bar gang gi tshe rig? pa na 'gyur ro zhes bya ba'i don no/ /yang na 'di ni rgyu la nye bar btags pa yin zhes bya ba ni rgyu 'dod chags la phra rgyas nye bar btags pa yin no/ /'dod chags ni 'dod chags kyi phra rgyas kyi rgyu yin te/ 'di

  210. 105b

    ltar 'dod chags skyed pa'i nus pa 'dod chags las skyes pa la 'dod chags kyi phra rgyas zhes bshad do/ /de ni 'di skad du phra rgyas zhes bya ba'i sgra kha cig tu ni sa bon la bya la/ kha cig tu ni kun nas dkris pa la bya'o zhes bshad pa yin no/ / de dag ni phal cher snyoms par 'jug pa la 'dod chags pa yin la zhes bya ba ni de dag phal cher ro myang pa dang mtshungs par ldan pa'i bsam gtan la 'dod chags pa yin no/ /gzhal med khang la sogs pa la 'dod chags pa yang yod pas de'i phyir phal cher zhes bya ba smos so/ /de yang kha nang du bltas pa yin te/ mnyam par gzhag pa'i ngo bo yin pa'i phyir ro/ /de ltar yin na thar par 'du shes nye bar gnas par 'gyur bas/ bcom ldan 'das kyis de la 'dun pa bzlog pa'i phyir 'dod pa'i 'dod chags dang/ srid pa'i 'dod chags zhes bya ba de lta bu la sogs pa bstan to/ /de ni srid pa la 'dod chags pa yin gyi/ de thar pa la ni ma yin te/ thar pa la ni dge ba'i chos la 'dun pa yin no/ /lus kho na srid pa yin zhes bya ba ni slob dpon gyi gzhung lugs yin no/ /snyoms par 'jug pa rten dang bcas pa zhes bya ba ni snyoms par 'jug pa lus dang bcas pa'o/ /ro myang bar byed pa ni 'dod pa'i 'dod chags dang bral ba'i phyir lus kho na ro myang bar byed pa yin gyi/ 'dod pa yon tan dag ni ma yin no/ /de'i phyir 'dod chags de ni srid pa'i 'dod chags shes bshad kyis 'dod pa'i 'dod chags shes ni ma yin no zhes ston par byed do/ /chos mngon pa las zhes bya ba ni mdo las ni ma yin no snyam du bsams pa yin no/ /kun 'byung ba mthong bas spang bar bya ba bdun zhes bya ba ni 'jig tshogs la lta ba ni 'bras bur gyur pa nye bar len pa'i phung po lnga la dmigs par byed pa yin pas sdug bsngal mthong bas spang bar bya ba kho na yin no/ /de bzhin du mthar 'dzin par lta ba yang phung

  211. 106a

    po de dag nyid la rtag pa dang chad pa'i mthar 'dzin pa'i phyir la/ tshul khrims dang brtul zhugs mchog tu 'dzin pa yang phung po de dag nyid la 'dag pa dang grol ba dang nges par 'byung bar dmigs par byed pa yin pas na kun 'byung ba mthong bas spang ba'i bya ba ma yin te/ de bzhin du 'gog pa mthong ba spang bar bya ba la yang sbyar bar bya'o/ /lam mthong bas spang bar bya ba ni brgyad de zhes bya ba ni tshul khrims dang brtul zhugs mchog tu 'dzin pas bsnan te/ lam gyi 'dag par 'gyur ba de bor nas gzhan tshul khrims dang brtul zhugs kyis 'dag 'dag par yid che pas log par zhugs pa'i phyir lam mthong bas spang bar bya ba yin no/ /nyon mongs pa gang zhig bden pa gang la skur pa 'debs par zhugs pa de ni de mthong na spong bar 'gyur te/ thag par mthong bas sprul du 'khrul pa bzhin no/ /bden pa rnams mthong ba tsam gyis spong ba'i phyir ro zhes bya ba ni goms pas spong ba ma yin pa'i phyir ro snyam du bsams pa yin no/ /bden pa mthong ba phyis lam goms par byas pas spong ba'i phyir ci zhe na/ de dag ni sgom pas spang bar bya ba yin no zhes bya bar skabs dang sbyar ro/ /de ltar na sgom pa ni goms pa yin te/ yang dang yang du skyed par byed pa zhes bya ba'i tha tshig go /de dag ni ji lta bu yin zhes bya ba ni 'dod chags la sogs pa nyon mongs pa bzhi la brtag pa yin te/ 'dod chags dang/ khong khro ba dang/ nga rgyal dang/ ma rig pa de dag ni bshad ma thag pa yin la/ de dag kyang 'di dag ni mthong bas spang bar bya ba'o/ /'di dag ni bsgom pas spang bar bya ba'o zhes bya bar yongs su bcad par dga' bas so/ /'jig tshogs la sogs pa la sems par byed pas ni ma yin te/ gang dag sdug bsngal gyi bden pa la log par zhugs pa de dag ni sdug bsngal gyi bden pa mthong bas spang bar bya ba yin la/ de bzhin du gang dag lam la log par zhugs pa de dag ni lam mthong bas spang bar bya ba yin no/ /zhes bya ba'i bar du de lta

  212. 106b

    bur yongs su bcad bla ba'i phyir ro/ /de la gang dag ces bya ba ni 'dod chags la sogs pa'o/ /gang zhig mthong ba ni bden pa gang zhig mthong ba ste/ 'di dag la gang zhig mthong bas spang bar bya ba'i dmigs pa yod pas de dag ni gang zhig mthong bas spang bar bya ba'i dmigs pa can yin no/ /de dag ni de mthong bas spang bar bya ba yin zhes bya ba ni 'dod chags la sogs pa de dag go /de mthong ba ni bden pa de mthong ba'o/ /de mthong bas spang bar bya ba ni de mthong bas spang bar bya ba yin te/ 'di skad du 'dod chags la sogs pa gang dag sdug bsngal mthong bas spang bar bya ba nas lam mthong bas spang bar bya ba'i bar gyi nyon mongs pa la dmigs par byed pa de dag ni de mthong bas spang bar bya ba yin no zhes bshad pa yin no/ /ma rig pa'i phra rgyas ni 'phags pa'i bden pa bzhi car la yang dmigs pa can yang yin pas gang zhig gi dmigs pa can dang/ gang zhig mthong bas spang bar bya ba'i dmigs pa can zhes brjod dgos zhe na/ gcig bsdus pa'i tshul gyis 'grub pa'i phyir brjod par bya mi dgos te/ 'di dag la bden pa gang zhig dang gang zhig mthong bas spang bar bya ba'i nyon mongs pa la dmigs pa yod pas 'di dag ni gang zhig mthong bas spang bar bya ba'i dmigs pa can te/ de dag ni de mthong bas spang bar bya ba yin no// ma rig pa'i phra rgyas kun tu 'gro ba kun 'byung ba mthong bas spang bar bya ba yang ris lnga char la dmigs pa yin pa'i phyir sdug bsngal dang 'gog pa la sogs pa'i bden pa mthong bas spang bar bya ba la sogs pa la yang dmigs pa ma yin nam/ de'i phyir 'di sdug bsngal dang 'gog pa la sogs pa'i bden pa mthong bas spang bar bya ba nyid du thal bar 'gyur ro zhe na/ de ni nyes pa med de/ ris lnga char la dmigs pa yin mod kyi/ ris de rnams la kun 'byung ba'i ngo bo'i rnam par dmigs par byed

  213. 107a

    pas/ des na de ltar dmigs pa'i phyir de ni kun 'byung ba mthong bas spang bar bya ba kho na yin no/ /de bzhin du sdug bsngal mthong bas spang bar bya ba la yang sbyar bar bya'o/ /de lta yin na gang dag /gang dag gang zhig spang bar bya ba'i dmigs pa can zhes bya ba ni mthong bas spang bar bya ba thams cad kyi dbang du byas pa yin gyi/ 'dod chags la sogs pa 'ba' zhig tu ma zad do/ /zhes 'chad par byed pa de dag gi rnam par bshad pa la yang brgal ba'i lan ni de gnyis kho na brjod dgos so/ /de ltar na chos mngon pa pa dag ni phra rgyas drug po de dag ces bya ba rgyas par 'byung ba la/ rnam pa dang bye brag dang khams kyi dbye bas zhes bya ba ni phra rgyas bcu la/ rnam pa'i dbye ba ni/ bdag dang bdag gi rtag chad dang/ med? dang dman la mchog lta dang zhes bya ba de lta bu la sogs pa'o/ /bye brag gi dbye ba ni sdug bsngal mthong bas spang bar bya ba'i ris nas sgom pas spang bar bya ba'i bar yin no/ /khams kyi dbye ba ni 'dod pa na spyod pa dang/ gzugs na spyod pa dang/ gzugs med pa na spyod pa dang/ de la 'dod chags kyi phra rgyas ni bye brag dang khams kyi dbye ba dag gis rnam pa bco lnga yin no/ /de la phan tshun rnam pa tha dad pa ni med do/ /'dod chags ni thams cad chags pa'i rnam pa yin pas so/ /de lta bas na rnam pa'i dbye bas ni rnam par mi bzhag go /khong khro ba'i phra rgyas ni bye brag gi dbye bas rnam pa lnga yin no/ /phan tshun rnam par tha dad pa ni med de/ thams cad khong khro ba'i rnam pa yin pa'i phyir ro/ /khams kyi dbye ba yang med de/ gzugs dang gzugs med pa'i khams dag na de med pa'i phyir dang/ /nga rgyal gyi phra rgyas ni bye brag dang khams kyi dbye ba dag gis rnam pa bco lnga yin no/ /rnam pa'i dbye ba ni med de/ thams cad khengs pa'i rnam pa yin pa'i phyir ro/ /de bzhin du ma rig pa'i phra rgyas dag kyang de dag

  214. 107b

    kho nas rnam pa bco lnga yin no/ /rnam pa'i dbye ba ni med de thams cad mi gsal ba'i rnam pa yin pa'i phyir ro/ /de dag nyid kyis the tshom rnam pa bcu gnyis yin no/ /rnam pa'i dbye ba ni med de thams cad the tshom za ba'i rnam pa yin pa'i phyir ro/ /lta ba'i phra rgyas ni rnam pa dang/ bye brag dang khams kyi dbye bas rnam pa sum cu rtsa drug yin no/ /srid rtse las skyes bzod pa yis/ gzhom bya zhes bya ba la/ bzod pa yis gzhom bya zhes bya ba smos pa ni sgom pas spang bar bya ba bzlog pa'i phyir ro/ /srid rtse las skyes shes smos pa ni gzhan gyi sa pa las khyad par bya ba'i phyir te/ 'jig rten pa'i sgom pa'i yam srid pa'i rtse mo'i gnyen por gyur pa ni med do/ /sa lhag ma dag na zhes bya ba ni 'dod pa'i khams nas ci yang med pa'i skye mched kyi bar gyi sa dag na'o/ /ci rigs par zhes bya ba ni 'dod pa'i khams na ni chos shes pa'i bzod pas spang bar bya ba yin la/ de yan chad sa lhag ma dag na ni rjes su shes pa'i bzod pas spang bar bya ba yin te/ de dag 'phags pa rnams kyi ni mthong bas spang par bya ba yin la/ de dag nyid so so'i skye bo rnams kyi ni sgom pas spang bar bya ba dag yin no/ /bsgom pa'i lam? ni 'jig rten pa dang/ 'jig rten las 'das pa dang rnam pa gnyis te/ 'di ltar bstan bcos las bcom ldan 'das kyi nyan thos ni mthong ba'i lam gyis spong la so so'i skye bo ni bsgom pa'i lam gyis spong ngo zhes gsungs so/ /bzod pas gzhom min bsgom kho nas/ shes bya ba la/ bzod pas gzhom min zhes bya ba smos pa ni bsgom pas spang bar bya ba nye bar 'bad pa'i phyir te/ 'dod pa'i khams nas srid pa'i rtse mo'i bar gyis thams cad na ci rigs par 'dod chags dang/ khong khro ba dang/ nga rgyal dang/ ma rig pa'i phra rgyas gang dag bzod pas gzhom par bya ba ma yin gyi/ shes pas

  215. 108a

    gzhom par bya ba yod pa de dag ni 'phags pa dang/ so so'i skye'o gnyi ga'i yang rtag tu bsgom pa'i lam 'jig rten pa 'am 'jig rten las 'das pas bsgom pas spang bar bya ba kho na yin no/ /srid pa'i rtse mo'i ni 'jig rten las 'das pa kho nas yin te/ 'jig rten pa'i lam sa gong ma pa med pa'i phyir/ phyi rol pa rnams kyi mthong bas spang bar bya ba rnams mi spong ba kho na ste zhes bya ba ni de dag gis bsgom pas spang bar bya ba kho na rnam par gnon par byed kyi mthong bas spang bar bya ba rnams ni sa thams cad na 'jig rten las 'das pa'i lam gyis gzhom par bya ba kho na yin no/ /'di ltar las rnam par 'byed pa chen po'i mdo las/ 'dod chags dang bral ba rnams la 'dod pa'i khams la dmigs pa'i lta ba kun tu 'byung bar gsungs te/ kun dga' bo la la 'di la srog gcod pa spong ba nas log par lta ba spong ba'i bar du yin la/ 'di la yang mi dga' zhing so sor mi dga' la/ lus zhig nas shi ba'i 'og tu ngan song ngan 'gro log par ltung ba dmyal ba dag gi nang du skye bar 'gyur ro/ /de phyi rol gyi mu stegs pa dge sbyong ngam bram ze yang rung/ rdzu 'phrul dang ldan pa/ lha'i mig dang ldan pa gzhan gyi sems shes pa gang zhig gis mthong na de 'di snyam du lus kyis legs par spyad pa yang med la/ lus kyi legs par spyad pa'i rnam par smin pa yang med do/ /ngag dang yid kyis legs par spyod pa yang med la/ ngag dang yid kyis legs par spyad pa'i 'bras bu rnam par smin pa yang med do snyam sems so zhes bya ba rgyas par 'byung ngo/ /log par lta ba 'di ni 'dod pa'i khams can? la dmigs pa can yin te/ las de 'dod pa na spyod pa yin pa'i phyir dang/ dmyal ba yang de kho na ni srid pa'i phyir ro/ /sngon gyi mdza' la rtog pa rnams las rtag par smra ba

  216. 108b

    rnams shes bya ba ni tshangs pa'i dra ba'i mdo las 'dod chags dang bral ba rnams la 'dod pa'i khams la dmigs pa'i lta ba kun tu 'byung bar gsungs pa yin te/ gang dag tshe snga ma mthong ba'i rjes su 'brangs te de lta bu'i lta ba skyes pa de dag ni sngon gyi mdza' la rtog pa yin no/ /de las rtag par sma ba mang po zhig gsungs pa de dag gi nang nas dper brjod pa gcig cig bstan par bya ste/ 'di na dge sbyong ngam bram ze la la dgon pa na 'dug kyang rung/ /shing drung ma 'dug kyang rung/ shing khang stong na 'dug kyang rung ste/ kun tu sbyangs pa'i rgyu dang spong ba'i rgyu dang/ bsgom pa'i rgyu dang/ lan mang du byas pa'i rgyu dang/ legs par yid la byas pa'i rgyus sems mnyam par bzhag pa ji lta bus 'jig pa dang 'chags pa'i bsal pa nyi shu yang dag par rjes su dran par 'gyur ba de lta bu'i sems kyi ting nge 'dzin zhi ba la reg par 'gyur zhing/ de 'di snyam du bdag dang 'jig rten 'di ni rtag pa yin snyam du sems par 'gyur ro zhes 'byung ngo/ /de ltar sngon gyi mdza' la rtog brtag par lta ba de dag ni rtag par smra ba nges bdag dang 'jig rten la dmigs pa na 'dod pa'i khams la dmigs par byed pa yin te/ de ltar 'dod pa'i khams la dmigs pa'i lta ba bdag kun tu 'byung ba gsungs pa yin no/ /de bzhin du chings pa'i dra ba'i mdo de nyid las sngon gyi mdza' la rtog pa rnams las la la la rtag par smra ba 'dod chags dang bral ba rnams la 'dod pa'i khams la dmigs pa'i lta ba kun tu 'byung ba gsungs pa yin no/ /ji lta zhe na/ dge slong dag 'jig rten 'jig cing 'jig rten zhig na sems can phal cher 'od gsal gyi lha'i ris su skye bar 'gyur zhing/ der gzugs bzang ba yid las byung ba dbang po ma tshang ba ming cing dman pa ma yin pa/ yan lag dang nying lag thams cad dang ldan pa/ kha dog bzang po la gnas

  217. 109a

    ba/ rang gi 'od dang ldan pa/ nam mkha' la 'gro ba/ dga' ba za zhing zas su dga' ba za ba/ tshe ring ba/ dus ring por gnas par 'gyur ba/ gang yin pa'i dus de lta bu yang yod do/ /dge slong dag 'jig rten 'chags shing 'jig rten chags na nam mkha' la tshangs pa'i gzhal med khang stong pa mngon par 'grub par 'gyur la/ de nas sems can gang yang rung ba zhig tshe zad cing bsod nams zad la las zad pas 'od gsal gyi lha'i ris nas shi 'phos nas tshangs pa'i gzhal med khang stong par skye bar 'gyur zhing de de na gcig pu zla med cing g.yog med par tshe ring por dus ring po gnas so/ /de nas sems can de dus ring mo zhig 'das pa dang mi dga' bar gyur nas sems can gzhan dag 'dir bdag dang skal ba mnyam par skyes kyang ci ma rung snyam du sred pa skyes so/ /sems can de yang sems la de ltar smon la/ sems can gzhan dag kyang tshe zad cing bsod nams zad la las zad pas 'od gsal gyi lha'i ris nas shi 'phos nas sems can de dang skal ba mnyam par skyes so/ /de na sems can de 'di snyam du bdag gcig pu zla med cing g.yog med par tshe ring po zhes bya ba nas sems can gzhan dag kyang 'dir bdag dang skal ba mnyam par skyes kyang ci ma rung snyam du sred pa skyes la zhes bya ba'i bar du ste/ sems la yang de ltar smon la/ sems can 'di dag kyang 'dir bdag dang skal ba mnyam par skyes pas sems can 'di dag ni bdag gis sprul te/ bdag ni sems can 'di dag gi dbang phyug dang/ byed pa po dang/ sprul pa po dang/ 'byin pa po dang/ 'byin byed dang/ dngos po rnams kyi phar gyur pa yin no snyam du sems par 'gyur ro/ /sems can de dag kyang 'di snyam du bdag cag gi sems can 'di gcig

  218. 109b

    bu zla med cing g.yog med par tshe ring po dus ring por gnas pa mthong ste/ sems can de dus ring mo zhig 'das pa dang/ mi dga' bar gyur nas sems can gzhan dag kyang 'dir bdag dang skal ba mnyam par skyes kyang ci ma rung mnyam du sred pa skyes so/ /sems can 'di'i sems la yang de ltar smon la/ bdag cag kyang 'dir sems can 'di dang skal ba mnyam par skyes pas bdag cag ni sems can 'dis sprul pa ste/ sems can 'di ni bdag cag gi dbang phyug nas dngos po rnams kyis phar gyur pa'i bar yin no snyam du sems par 'gyur ro/ /de nas de dag gi nang nas sems can gang rung ba zhig tshe zad cing bsod nams zad la las zad pas gnas de nas shi 'phos te/ de lta bur mi rnams dang skal ba mnyam par skye bar 'gyur te/ de rims kyi nar son te/ dbang po rnams yongs su smin nas skra dang la thu/ du? bregs te/ gos kha dog bsgyur ba gyon nas dad pas yang dag par khyim nas khyim med par rab tu 'byung zhing/ de dgon pa na 'dug kyang rung/ shing drung na 'dug kyang rung zhes bya ba nas rgyas par sems mnyam par gzhag pa ji lta bus sngon gyi lus rjes su dran par 'gyur ba de lta bu'i sems kyi ting nge 'dzin zhi ba la reg par 'gyur zhes bya ba'i bar du ste/ de 'di snyam du gang gis bdag cag sprul pa'i tshangs pa gang yin pa 'di ni rtag pa brtan pa ther zug pa mi 'gyur ba'i chos can yin no/ /bdag cag gang dag tshangs pa nges sprul pa de dag ni mi rtag mi brtan pa ther zug ma yin par 'gyur ba'i chos can yin no snyam du sems par 'gyur ba gang yin pa de lta bu'i dus kyang yod do zhes gsungs to/ /de ltar na mthar 'dzin par lta ba nges 'dod pa'i khams la yang dmigs pa yin te/ de'i phyir 'dod pa'i khams la dmigs pa'i lta ba dag kun tu 'byung bar gsungs

  219. 110a

    pa yin no/ /de bzhin du tshangs pa'i dra ba'i med de nyid las/ rgya med pa las kun tu 'byung bar smra ba ste/ sngon gyi mdza' las rtog pa rnams las zhes bya ba skabs dang sbyar ro/ /'dod chags dang bral ba rnams la 'dod pa'i khams la dmigs pa'i lta ba kun tu 'byung bar gsungs te/ ji lta zhe na/ gzugs kyi khams na 'du shes med pa zhes bya ba'i lha dag yod de/ sems can de dag 'du shes bskyed pas gnas de nas shi bar 'gyur ro/ /de nas sems can gang yang dung? ba zhig gnas de nas shi 'phos nas 'di lta bur mi rnams dang skal ba mnyam par 'ong bar 'gyur zhes bya ba nas sngon gyi lus rjes su dran par 'gyur zhes bya ba'i bar snga ma bzhin no/ /'di snyam du bdag dang 'jig rten 'di ni rgyu med pa las kun tu 'byung ba yin no snyam du sems par 'gyur ro zhes gsungs so/ /de bas na bdag dang 'jig rten ni rgyu med pa las kun tu 'byung ba yin no zhes bya ba 'dis ni 'di snyam du bdag sngon ma byung ba las da bdag 'byung ba las na bdag dang 'jig rten ni rgyu med pa las byung ba yin snyam du sems pa yin no/ /de ltar na bdag dang 'jig rten la dmigs pa na log par lta ba nges 'dod pa'i khams la yang dmigs pa yin pas de rnams la 'dod pa'i khams la dmigs pa'i lta ba dag kun tu 'byung bar gsungs pa yin no/ /yang ji ltar na de rnams bdag dang 'jig rten rgyu med pa las kun tu 'byung ba yin no snyam du sems pa de log par lta ba yin zhe na/ bdag dang 'jig rten gyi rgyu sngon byas pa dge ba zag pa dang bcas pa lam mi dge ba ma yin no snyam du de ltar yid kyis skur pa 'debs par byed pa'i phyir ro/ /'dod pa'i khams las 'dod chags dang bral ba de rnams la gzugs na spyod pa'i lta ba de dag 'byung bar 'gyur ro zhes bya ba'i tshig gi skabs las bsam nas gzugs na spyod pa'i nyon mongs pa rnams 'dod pa'i khams la dmigs pa ni ma yin te/ 'dod chags dang bral ba'i

  220. 110b

    phyir ro zhes bya ba smos so/ /kha cig ni de dag 'dod pa na spyod pa'i lta ba ma yin gyi/ de dag ni log pa'i shes pa yin no zhes lan 'debs par byed do/ /de dag ni lta ba'i ngo bo nyid yin pa'i phyir de dag gi ltar ni rigs pa ma yin no/ /bye brag tu smra ba na re yongs su nyams pa'i phyir te/ lhas byin bzhin no zhes zer ro/ /dper na lhas byin gyis dge slong gi dge 'dun 'khor du bya ba'i phyir bcom ldan 'das thugs las chung ngur bzhugs par gsol nas sdig pa'i bsam pa skyed pas rdzu 'phrul las yongs su nyams pa lta bu ste mdo las 'byung ba'i phyir ro// mdo las ni 'di skad du de nas lhas byin rnyed pa dang bkur sti zil gyis non te/ kye ma bcom ldan 'das kyi dge slong gi dge 'dun bdag la byin kyang ci ma rung/ dge slong gi dge 'dun ni bdag gi 'khor du byas la/ bcom ldan 'das ni mthong ba'i chos la bde bar gnas pa dang ldan zhing thugs las chung ngur gnas par gsol lo snyam pa de lta bu'i sdig pa'i bsam pa'i rnam pa de skyes so/ /lhas byin gyis sems de bskyed ma thag rdzu 'phrul de las nyams so zhes bya ba rgyas par 'gyur ste/ de bzhin du de dag kyang lta ba bskyed par dus mnyam du yongs su nyams pa yin no zhe'o/ /de dag la bdag tu 'dzin pa ni de dag sngon du 'gro ba can yin no zhes bya ba ni rtag pa dang ril por 'du shes pa sngon du 'gro ba can no/ /'jig tshogs la lta ba la sogs pa log par zhugs pa'i lta ba thams cad log par lta ba yin te/ log par rtog pa'i phyir ro/ /gzhan dag ni sgro 'dogs par byed pa yin no zhes bya ba ji ltar chad par lta ba sgro 'dogs par byed pa yin zhe na/ brtan pa 'di ni ming brtsan par byas pa yin no/ /'phags pa rnams kyis spang ba'i phyir ro zhes bya ba ni bor ba'i phyir ro/ /sogs pa'i sgra mi mngon par byas so zhes bya ba ni lta ba la sogs pa nye bar len pa'i phung po rnams la mchog dang/ gtso bor 'dzin pa ni lta ba mchog tu 'dzin pa zhes bya'o/ /slob dpon 'dul bzang na re mchog tu zhes bya ba'i sgra sbyar bas kyang khyad par

  221. 111a

    gyi don 'dir 'gyur ro zhes zer ro/ /rgyu ma yin la rgyur lta ba'i phyir sdug bsngal mthong bas spang bar bya ba zhes bya'o/ /lam ma yin pa la lam du lta ba'i phyir lam mthong bas spang bar bya ba yin no/ /tshul khrims dang brtul zhugs tsam zhes bya ba ni tshul khrims dang brtul zhugs ni sangs rgyas pa rnams kyi ltar na yang thar pa thob par byed pa yin mod kyi/ de de tsam du ni ma zad pas de'i phyir de las gzhan pa dag gi lta ba yin no/ /'dir yang sogs pa'i sgra mi mngon par byas so zhes grag go zhes bya ba ni tshul khrims dang brtul zhugs la sogs pa mchog tu 'dzin pa ni tshul khrims dang brtul zhugs mchog tu 'dzin pa yin no/ /de ci'i phyir zhe na/ tshul khrims dang brtul zhugs ni gzugs kyi phung pos bsdus pa yin no/ /de'i phyir phung po gzhan bsdu ba'i don du sogs pa zhes bya ba'i sgra smos dgos so/ /ci'i phyir kun 'byung mthong bas spang bar bya ba ma yin zhe na zhes bya ba ni rgyu la log par zhugs pa'i phyir ro snyam du bsam pa yin no/ /des byas pa'i rgyur mngon par zhan pa yang zhes bya ba ni bdag rtag pa byed pa po/ gcig pus byas pa yang zhes bya ba'i tha tshig go /de nyid kyis spong bar 'gyur ro zhes bya ba ni sdug bsngal mthong ba kho nas spong bar 'gyur ro/ /'o na gang me dang chur 'jug pa la sogs pas mtho ris su skye ba 'am/ tshul khrims dang brtul zhugs kyis 'dag par lta ba ji lta bu yin zhes bya ba ni rgyur mngon par zhen pa 'di ni des byas pa ma yin na/ ji ltar sdug bsngal mthong bas spang bar 'gyur/ de lta bas na 'di ni kun 'byung mthong bas spang bar bya ba kho na yin par 'gyur ro snyam du bsams pa yin no/ /bye brag tu smra bas/ de yang sdug bsngal mthong bas spang bar bya ba yin te/ zhes bya ba rgyas par smos so/ /sdug bsngal la log par zhugs pa'i phyir ro zhes zer ba ni bye brag tu smra ba rnams te/ ji ltar sdug bsngal la log par zhugs pa yin

  222. 111b

    zhe na des mtho ris su 'bro ba 'am 'dag par lta ba'i phyir ro/ /slob dpon gyis ha cang thal bar 'gyur ro zhes bya ba rgyas par smos te/ zag pa dang bcas pa'i dngos po thams cad sdug bsngal yin pas/ zag pa dang bcas pa sdug bsngal la sogs pa mthong bas spang bya ba sta ba'i ngo bo nyid dam/ lta ba'i ngo bo nyid ma yin yang rung/ thams cad sdug bsngal la log par zhugs pa yin pa'i phyir sdug bsngal mthong bas spang bar bya bar thal bar 'gyur ro/ /de lta yin na ni kun 'byung ba la sogs pa mthong bas spang bar bya ba cung zad kyang med par 'gyur ro/ /gzhan 'di yang brjod dgos te/ yang na tshul khrims dang brtul zhugs mchog tu 'dzin pa lam mthong bas spang bar bya ba gzhan ji lta bu zhig yod pas de brjod dgos te/ gang zhig ba lang gi tshul khrims la sogs pas 'dag pa nas bde ba dang/ sdug bsngal rnam par 'das pa yang rjes su 'thob par 'gyur ro zhes bya ba'i bar du lta ba de'i tshul khrims dang brtul zhugs mchog tu 'dzin pa 'di yang rgyu ma yin pa la rgyur yid ches pa yin pas sdug bsngal mthong bas spang bar bya ba'o zhes 'don pas so// // bam po sum cu rtsa dgu pa/ /bye brag tu smra bas lam mthong bas spang bar bya ba la dmigs pa gang yin pa'o zhes bya ba smras te/ tshul khrims dang brtul zhugs mchog tu 'dzin pa gang zhig lam mthong bas spang bar bya ba log par lta ba la sogs pa brgyad la dmigs par byed pa 'di ni lam mthong bas spang bar bya ba yin no/ /slob dpon gyis de yang sdug bsngal la log par zhugs pa yin no zhes bya ba smos te/ lam mthong bas spang bar bya ba log par lta ba la sogs pa phra rgyas brgyad ni tshul khrims dang brtul zhugs mchog tu 'dzin pa'i dmigs pa yin zhing/ de dag kyang zag pa dang bcas pa yin pa'i phyir/ sdug bsngal gyi bden pas bsdus pa yin la/ de yang de la log par rtogs pa yin pas sdug bsngal mthong bas spang bar bya ba kho nar 'gyur ro//

  223. 112a

    snyam du bsams pa yin no/ /yang gang la zhes bya ba rgyas par 'byung ba ni gang zag gang zhig la lam med do snyam du lam la dmigs pa la log par lta ba 'am/ the tshom yod pa'i gang zag de thar pa'i lam med do zhes lta ba 'am/ the tshom za ba na ste/ ci lam 'di yod dam med snyam du the tshom za ba ji ltar log par lta ba des log par lta ba 'dis sam/ the tshom 'dis 'di go snyam du yid ches par 'gyur zhing rtogs par 'gyur te/ log par lta ba dang the tshom kho nas de la 'dag par yid ches pa med do/ /'on te thar pa'i lam gzhan zhes bya ba rgyas par 'byung ba ni/ 'on te grangs can la sogs pas brtags pa'i thar pa'i lam gzhan mchog tu bzung zhing blangs nas/ 'di ni thar pa'i lam yin gyi/ sangs rgyas pa'i ni mdo zhes smra'o zhe na/ de yang grangs can pas brtags pa de kho nas dag par yid ches kyi/ log par lta ba des ni ma yin pa'i phyir/ de'i tshul khrims dang brtul zhugs mchog tu 'dzin pa de yang lam mthong bas spang bar bya ba la dmigs par mi 'grub po/ 'o na ci zhe na/ grangs can pa la sogs pas kun brtags pa'i lam kho na la dmigs pa yin no/ /nyes pa gzhan 'di yang yod pas/ yang gang zhig ces bya ba rgyas par smos te/ de log par lta ba gang zhig kun 'byung ba dang/ 'gog pa mthong bas spang bar bya ba la dmigs pa'i log par lta bas dag par yid ches par 'gyur ba de yang/ ci'i phyir de dag mthong bas spang bar bya ba ma yin/ tshul khrims dang brtul zhugs mchog tu 'dzin pa de ci'i phyir kun 'byung ba dang/ 'gog pa mthong bas spang bar bya ba ma yin zhes bya ba'i tha tshig go / de lta bas na don 'di ni brtag par bya ba yin no zhes bya ba ni/ gang gi phyir de ltar tshul khrims dang brtul zhugs mchog tu 'dzin pa/ sdug bsngal mthong bas spang bar bya ba yin par yang mi srid la/ lam mthong bas spang bar bya ba yin du yang ha cang thal ba la

  224. 112b

    sogs pa'i nyes pa yod pa de'i phyir/ tshul khrims dang brtul zhugs mchog tu 'dzin pa/ sdug bsngal mthong bas spang bar bya ba yin pa dang/ lam mthong bas spang bar bya ba yin no zhes bya ba'i don 'di ni brtag par bya ba yin no/ /slob dpon gyis the tshom skur? ba 'di byas kyi/ rang gi gzhung lugs ni ma bstan to/ /gzhan dag na re rnal 'byor spyod pa'i gzhung lugs las bltas nas de ltar byas so zhes zer ro/ /rnal 'byor spyod pa rnams kyang nyon mongs pa brgya nyi shu rtsa brgyad du brjod de/ ji ltar sdug bsngal mthong bas spang bar bya ba'i phra rgyas 'di dag 'jig tshogs la lta ba dang/ 'thar 'dzin par lta ba dang/ log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa dang/ the tshom dang/ 'dod chags dang/ khong khro ba dang nga rgyal dang ma rig pa zhes bya ba bcu yin pa de bzhin du kun 'byung ba mthong bas spang bar bya ba bcu dang/ 'gog pa mthong bas spang bar bya ba bcu dang/ lam mthong bas spang bar bya ba bcu ste/ 'dod pa na spyod pa mthong bas spang bar bya ba bzhi bcu yin no/ /bsgom pas spang bar bya ba ni 'jig tshogs la lta ba brtags pa ma yin pa dang/ chad par lta ba lhan cig skyes pa dang/ 'dod chags dang/ khong khro ba dang/ nga rgyal dang/ ma rig pa zhes bya ba drug ste/ 'dod pa na spyod pa'i phra rgyas bzhi bcu rtsa drug tu 'gyur ro/ /gzugs na spyod pa bzhi bcu rtsa gcig ste/ khong khro ba ma gtogs pa de dag nyid yin no/ /gzugs na spyod pa dag ji lta bar gzugs med pa na spyod pa rnams kyang de dang 'dra'o/ /de la kha cig lan 'debs par byed pa ni zag pa dang bcas pa la dmigs pa thams cad sdug bsngal la log par zhugs pa'i phyir/ ha cang thal bar 'gyur ro zhes bshad pa gang yin pa 'di la smra bar bya ste/ sdug bsngal la sogs pa'i sgo nas log par zhugs pa'i phyir/ ha cang thal bar mi 'gyur ro/ /zag pa dang bcas pa la dmigs pa

  225. 113a

    rnams sdug bsngal la log par zhugs pa yin mod kyi/ 'on kyang kha cig ni sdug bsngal gyi sgo nas log par zhugs pa yin la/ kha cig ni kun 'byung ba'i sgo nas log par zhugs pa yin no/ /kha cig mi 'gog pa'i sgo nas log par zhugs pa la log par zhugs pa yin la/ kha cig ni lam gyi sgo nas log par zhugs pa la log par zhugs pa yin no/ /de la gang dag sdug bsngal gyi sgo nas sdug bsngal la log par zhugs pa de dag ni sdug bsngal mthong bas spang bar bya ba yin no/ tshul khrims dang brtul zhugs mchog tu 'dzin pa yang rtag pa dang dag tu 'dzin pas sdug bsngal gyi sgo nas sdug bsngal la log par zhugs pa yin te/ de lta bas na sdug bsngal mthong bas spang bar bya ba yin no/ /lam la log par zhugs pa gang zhig gis 'di lta ste/ grangs can pa dang/ gcer bu pa la sogs pas rang gi kun brtags pa'i lam bzung nas/ sangs rgyas pa rnams la thar pa'i lam med do zhes log par lta ba skyed par byed pa'i log par lta ba de la yang tshul khrims dang brtul zhugs mchog tu 'dzin pas mchog tu lta bar byed de/ de dag gi tshul khrims dang brtul zhugs mchog tu 'dzin pa 'di ni/ lam la log par zhugs pa la log par zhugs pa yin pa'i phyir lam mthong bas spang bar bya ba yin no/ /tshul khrims dang brtul zhugs mchog tu 'dzin pa gang zhig kun 'byung ba'i sgo nas log par 'jug par 'gyur ba yang med la/ gang zhig 'gog pa'i sgo nas log par zhugs pa la log par zhugs pa yang med de/ de lta bas na tshul khrims dang brtul zhugs mchog tu 'dzin pa ni sdug bsngal dang/ lam mthong bas spang bar bya ba dag kho na yin no/ /yang ji ltar kun 'byung ba dang/ 'gog pa'i sgo nas log par mi 'jug ce na/ 'di la slob dpon 'dul bzad na re/

  226. 113b

    tshul khrims dang brtul zhugs mchog tu 'dzin pa'i lus ni rgyu ma yin pa la rgyur mngon par zhen pa dang/ lam ma yin pa la lam du mngon par zhen pa yin na/ kun 'byung ba la skur pa 'debs pa'i log par lta ba la 'dag par mngon par zhen pas ni 'di rgyu med pa las skye bar lta bar 'gyur te/ gang la rgyu'i blo med ba'i phyir ro/ /sdug bsngal dang/ kun 'byung ba dag ni rdzas su tha dad pa ma yin pa'i phyir/ des dbang phyug la sogs pa'i phung po yang spangs par 'gyur ro/ /'gog pa la skur pa 'debs pa'i log par ste ba la 'dag par yid ches pas ni 'gog pa'i thab la rtog pa mi srid pa kho na yin no/ /ji lta zhe na/ 'gog pa med do snyam du lta ba'i rjes la/ de'i thabs la rtog pa ni don med par 'gyur ro/ /de ltar na tshul khrims rab brtul zhugs mchog tu 'dzin pa'i lus su mi 'thad do/ /de lta na lam med do snyam du lta ba'i rjes la lam du yongs su rtog pa mi 'thad pa'i phyir/ tshul khrims dang brtul zhugs mchog tu 'dzin pa lam mthong bas spang bar bya ba yang mi 'gyur ro/ /gang la lam la dmigs pa log par lta ba'am/ the tshom thar pa'i lam med do snyam pa'i lta ba 'am/ the tshom za ba yod pa de ji ltar des dag par yid ches par 'gyur zhe na/ 'phags pa'i lam la skur ba 'debs pa'i log par lta ba la 'dag par mngon par zhen pa ni 'thad pa kho? na? ste/ de la rigs par 'dzin pa'i phyir ro/ /des ni gang gis na de yang dag pa'i lam la skur pa 'debs pa'i log pa'i lta ba la rigs pa'i blo skye bar 'gyur ba thar pa'i lam gzhan zhig snying la bzhag pa yin te/ thar pa'i lam gzhan med do zhes bya ba gang yin pa dang/ thar pa'i lam gzhan yid dam 'on te med snyam du the tshom za ba gang yin pa 'di ni rigs pa yin no snyam sems pas so/ /rigs pa'i sgo nas ni 'dag pa'i thabs len par 'thad do/ /des thar pa'i lam gzhan la dmigs pa snying la bzhag pa

  227. 114a

    gang yin pa 'di nyid tshul khrims dang brtul zhugs mchog tu 'dzin pa la ma mthong bas spang par bya ba de'i yul yin te/ rang gi ris tsam la dmigs pa'i phyir ro/ /'on te/ de dang mtshungs par rtag tu rung ba'i phyir 'gog? pa mthong bas spang bar bya bar 'gyur te/ nga ni gang gis na de yang dag pa'i thar pa la skur pa 'debs pa'i log par lta ba la rigs par 'dzin par 'gyur ba thar pa'i gnas gzhan zhig snying la gzhag pa yin no/ /de'i phyir de ni 'dra'o zhe na/ de ni ma yin te/ rtag pa dang zhi bar 'dzin par mtshungs na de la skur ba 'debs pa la 'dag par mngon par zhen pa mi 'thad pa'i phyir ro/ /rdzas dang rdzas ma yin par rtog pa tha dad pa yod na 'ga' zhig thar pa'i thabs chos dang? byed la/ de la ni gdon mi za bar thar pa yod do snyam pa'i nges pa yod do/ gang la gdon mi za bar thar pa yod do snyam pa'i nges pa yod pa de ning la rtag pa dang zhi bar yang 'dzin to/ /de lta ma yin na de don du gnyer ba mi 'thad pa'i phyir ro/ /de la dper na chos 'di pa rnams la mya ngan las 'das pa rdzas dang rdzas ma yin par rtog ba tha dad kyang rtag pa dang/ zhi bar 'dzin par mtshungs pa'i phyir de la skur pa 'debs pa'i lta ba ni skyon kho na yin pa ltar/ gang gis thar pa'i gnas cung zad cig sems la gzhag pa de yang rtag pa dang zhi bar 'dzin par mtshungs pa'i phyir thar pa la skur pa 'debs pa la/ rig pa 'dzin pa mi 'thad du/ /tshul khrims dang brtul zhugs la sogs pa ni 'phags pa'i lam las ngo bo nyid dang/ rnam pa'i sgo nas tha dad pa yin gyi/ rtag par dang zhi bar 'dzin pa la ni tha dad pa med pas mtshungs par rtag tu rung ba med do/ /de'i phyir tshul khrims dang brtul zhugs mchog tu 'dzin pa ni lam mthong pas spang bar bya ba kho na yin pa srid kyi/ 'gog pa mthong bas spang bar bya ba ni ma yin no zhes zer ro/ /'dir chos

  228. 114b

    mngon pa pa rnams tshul khrims dang brtul zhugs mchog tu 'dzin pa rnam pa gnyis su 'dod na tshul khrims dang brtul zhugs mchog tu 'dzin pa ji lta bu zhig ni sdug bsngal mthong bas spang bar bya bar rnam 'jog /ji lta bu zhig nas mthong bas spang bar bya ba rnam par 'jog ste/ gang zhig ba lang gi tshul khrims la sogs pas 'dag par yid ches pa de dag kyang lam ma yin pa la lam du ni lta'o zhe na/ tshul khrims dang brtul zhugs mchog tu 'dzin pa gang zhig tshul khrims dang brtul zhugs la sogs pa sdug bsngal dmigs par ni sdug bsngal mthong pas spang bar bya ba yin la/ gang zhig lam la log par zhugs pa la dmigs pa de ni lam mthong bas spang bar bya ba yin no/ /tshul khrims dang brtul zhugs la sogs pa la dmigs pa gang yin pa de ni lam la log par zhugs pa ma yin zhing/ lam la log par zhugs pa la dmigs pa ji lta ba de ltar gnod par byed pa yang ma yin te/ 'di ltar tshul khrims dang brtul zhugs la sogs pa la dmigs pa ni rags pa dang/ ring du song ba ma yin pa dang/ bsam pa brtan po ma yin pa dang/ 'bad pa chung dus gzhom par bya ba yin la/ lam la log par zhugs pa la dmigs pa nyid de? las bzlog pa yin pas so/ /lta ba gsum las phyin ci log /bzhi tshan zhes bya ba ni phyin ci log dag ni lta ba gsum gyi ngo bo nyid yin no zhes bstan par byed do/ /'jig tshogs la lta ba las ni bdag tu lta ba phyin ci log go zhes bya ba ni bdag gir lta ba ma yin no snyam du bsams pa yin no/ /gzhan dag na re thams cad yin no zhes zer ro zhes bya ba ni 'jig tshogs la lta ba bdag tu lta ba dang/ bdag gir lta ba thams cad bdag tu phyin ci log pa yin no zhes bya pa'i tha tshig go/ bye brag tu smra bas ji ltar bdag gir lta ba phyin ci log yin zhes bya ba smos te/ bdag gir lta ba la phyin ci log ces mi bya'o/ /pha rol pos ji ltar na phyin ci log ma yin zhes bya ba smras pa dang/ bye btag tu smra bas phyin ci log gi mdo las mi 'byung ba'i phyir ro/

  229. 115a

    zhes bya ba smos te/ mdo las bdag med pa la bdag go snyam du phyin ci log pa zhes 'byung gi/ bdag gi snyam du zhes bya bar mi 'byung ba'i phyir ro/ /mdo las de skad du bstan pa yod mod kyi/ de yang bdag tu lta ba las don gzhan du 'gyur ba ni ma yin no/ /ji lta zhe na/ de las ni bdag kho na nye bar len pa'i phung po lnga la dbang byed par lta ba ni bdag gir lta bar 'gyur bar bshad do/ bdag la lta ba 'ba' zhig? tu ma zad kyi/ bdag gir yang lta'o zhes bya ba'i tha tshig go/ bdag tu lta ba 'di nyid sgo gnyis can yin no zhes bya ba ni bdag dang bdag gi sgo can te/ rdzas su ni gcig yin no/ /ngar 'dzin pa dang/ nga yir 'dzin pa'i sgo gnyis dang ldan pa yin no zhes bya ba'i tha tshig go/ 'on te bdag ces bya ba dang por bstan pa 'di las bdag gi zhes bya ba drug par bstan pa lta gzhan zhig yin na ni bdag gis zhes bya ba dang/ bdag gi phyir zhes bya ba 'di yang 'gyur ro/ /lta ba tha dad pa zhes bya ba skabs dang sngar te/ bdag gis zhes bya ba ni gsum par bstan pa'i phyir la/ bdag gi phyir zhes bya ba ni bzhi par bstan pa'i phyir ro/ /de yang 'dod pa ma yin te/ de lta bas na thams cad yin no zhes bya bar 'grub bo/ /ci'i phyir nyon mongs pa gzhan dag phyin ci log ma yin zhes na zhes bya ba la ni 'jig tshogs la lta ba dang mthar 'dzin par lta ba dang/ lta ba mchog tu 'dzin pa dag las gzhan pa chad pa lta ba dang/ log par lta ba dang/ tshul khrims dang brtul zhugs mchog tu 'dzin par lta ba dang/ 'dod chags la sogs pa'o/ /rgyu gsum gyis zhes bya ba ni phyin ci log pa dang/ nges par rtog pa dang/ sgro 'dogs pa dag gis byin ci log rnams rnam par bzhag ste/ gang la rgyu 'di dag ril gyis yod pa de dag ni phyin ci log tu rnam par bzhag go /gang la ril gyis med ba de dag ni phyin ci log ma yin no zhes bshad pa yin no/ /de tsam zhig

  230. 115b

    gis bdag par dmigs pa'i phyir ro zhes bya ba ni gang gi phyir tshul khrims dang brtul zhugs tsam gyis 'dag go snyam du dmigs pa la des par rtog par byed do/ /'di ltar tshul khrims dang brtul zhugs mchog tu 'dzin pa ni gcig tu phyin ci log pa ma yin te/ tshul khrims dang brtul zhugs 'dag pa'i rgyur mi 'gyur ba ni ma yin gyi/ 'ba' zhig gis mi 'gyur bar zad zad do/ /'di'i sgro 'dogs pa'i rnam pa nyid ji lta bu zhe na/ de tsam gyis 'dag pa'i rgyu'i dngos por sgro 'dogs pa'i phyir ro/ /rig? te? nges par rtog par mi byed pa phyin ci log ma yin na mdo las gsung pa gang yin pa de ji lta bu ste/ 'du shes kyang des par rtog par byed pa ma yin la/ sems kyang nges par rtog bar byed pa ni ma yin no/ /phyin ci log bcu gnyis yin no zhes bya ba ni phyin ci log bzhi por re la 'du shes dang sems dang lta ba phyin ci log dag yod pas so/ /ji lta zhe na/ mi rtag pa la rtag go snyam du zhes bya ba nas rgyas par de bzhin du bdag med pa la bdag go snyam pa'i bar zhes bya ba smos te/ sdug bsngal la bde'o snyam du 'du shes dang sems dang lta ba phyin ci log gsum dang/ mi gtsang ba la gtsang ngo snyam du de nyid gsum nas bdag med pa la bdag go snyam du de nyid gsum gyi bar yin no/ /de la brgyad ni mthong ba bsdad bar bya ba yin no zhes bya ba ni mi rtag pa la rtag go snyam du 'du shes dang/ sems dang lta ba phyin ci log gsum dang/ bdag med pa la bdag go snyam yang gsum dang/ sdug bsngal la bde'o snyam du lta ba phyin ci log pa dang/ mi gtsad? ba la gtsad? do snyam du lta ba phyin ci log go/ bzhi ni bsgom pas spang bar bya ba dag yin no/ /gang dag ce na/ gang dag sdug bsngal dang mi gtsang pa la 'du shes dang phyin ci log pa zhes bya ba smas te/ sdug bsngal la bde'o snyam du 'du shes dang sems/ /phyin ci log gnyis dang/ mi gtsang ba la gtsang do snyam du 'du shes dang sems phyin ci log kyang gnyis te bzhi po 'phags pa 'dod chags dang ma bral

  231. 116a

    ba la zhes bya ba ni rgyun tu zhugs pa dang/ lan cig phyir 'ong pa la'o/ /de dag gi phyin ci log dag tu yang ci'i phyir mi 'dod ces bya ba sems can gyi 'du shes kun tu 'byung ba'i phyir dang/ sems can no snyam pa'i sems kun tu 'byung ba'i phyir de dag gi 'du shes su yang ci'i phyir mi 'dod/ sems can la dmigs pa'i 'du shes dang/ sems phyin ci log dang kyang yod par/ ci'i phyir mi 'dod de/ bdag tu phyin ci log pa dag kyang ci ste yod par 'dod par mi byed snyam du bsams ba yin no/ /ci'i phyir zhe na/ bud med dang bdag la sems can du 'du shes pa med par ni 'dod pa'i 'dod chags skye bar rigs pa ma yin no zhes bya ba smas te/ de lta bas na bdag med pa la bdag go snyam du 'du shes dang sems phyin ci log 'di dag kyang sgom pas spang bar bya ba yin no zhes bya bar gyur to/ /rgyas par zhes 'byung ba'i phyir 'di ltar sbyar bar bya ste/ sdug bsngal la bde'o snyam pa dang/ mi gtsang ba la gtsang ngo snyam pa nas bdag med pa la bdag go snyam du 'du shes phyin ci log /sems phyin ci log dang/ lta ba phyin ci log de sprad par byed do zhes bya ba yin no/ /de lta bas na lta bas kun nas bslang ba kho na te/ lta ba dang mtshungs par ldan pa'i 'du shes dang sems kho na phyin ci log yin gyi gzhan ni ma yin te/ lta ba dang mtshungs par mi ldan pa dag ni ma yin no zhes bya ba'i tha tshig go /'di skad du 'du shes dang sems 'khrul pa 'di yang yod mod kyi/ 'di ltar de ni lta bas kun nas bslang ba ma yin pas phyin ci log ma yin no zhes bshad pa yin no/ /ci'i phyir zhe na/ de'i dus su 'khrul ba cam yin pa'i phyir zhes bya ba smos te/ bud med mthong ba'i tshe 'phrul pa tsam yin pa'i phyir ro zhes bya ba'i tha tshig go /de lta bas na 'phags pa rnams kyis ni de'i dus su de ltar mthong ba'i 'khrul pa kho na log pa'i shes pa yin te/ mgal me'i 'khor lo dang/ ri mo'i gnod sbyin la 'khrul

  232. 116b

    pa bzhin no/ /dper na mgal me'i 'khor lo myur du bskor na de'i dus tsam du 'khor lo'o snyam du 'khrul pa skye'i phyis ni ma yin pa dang/ ri mor bris pa'i gnod sbyin mthong nas de'i dus su gnod sbyin no snyam du 'khrul pa skye'i phyis ni ma yin pa dang? tu 'dra'o/ /'phags pa ni 'di la nges par rtog pa yin pa'i phyir bde ba 'am gtsang bar 'khrul pa 'am/ sems can du 'khrul ba'ang rung/ yul tsam par zad kyi/ 'di phyin ci log ni ma yin te/ bcom ldan 'das kyis dge slong dag 'phags pa nyan thos thos pa dang ldan pa la dran pa nyams pa cung zad 'byung mod kyi/ 'on kyang myur ba kho nar mi snang ba dang/ yongs su zad pa dang/ yongs su gtugs par 'gyur ro zhes gsungs pas so/ /gal te 'du shes dang sems 'grub pa de phyin ci log ma yin na phyogs gsum pa 'dzin pa gzhan kha cig gis/ 'o na gnas brtan kun dga' bos zhes bya ba rgyas par smos te/ 'phags pa dag gi dbang phyug gi gnas brtan kun dga' bo la/ 'dod pa'i chags pa'i zil non phyir/ /bdag gi sems ni gdung bar 'gyur/ /go'u tam khyod kyi thugs brtse'i phyir/ /zhi ba mchog ni bshad du gsol zhes smras pa dang/ 'phags pa kun dga' bo'i phyir/ 'du shes phyin ci log pa yis/ khyod kyis sems ni yongs su gdung/ /de phyir 'dod chags ldan pa yi/ /rgyu mtshan sdug pa spang bar gyis zhes smras te/ de ni rgyun du zhugs ba yin la tshigs su bcad pa 'dis ni de la ya phyin ci log yod pa nyid du yongs su bstan pas so/ /de lta bas na zhes bya ba rgyas par 'byung ba ni gang gi phyir sde pa gzhan gyi gzhung lugs kyang bye brag tu smra ba rnams kyis lung dang 'gal bar byas la/ bye brag tu smra ba'i gzhung lugs kyang sde ba gzhan dag gis lung dang 'gal bar byas pa/ de'i phyir slob pas 'du shes dang sems phyin ci log brgyad pa thams cad ma spangs pa kho na'o zhes zer ro/ /mdo dang 'gal ba yang spong bar byed do/ /mdo gang zhig ce na/ bye brag tu smra ba rnams

  233. 117a

    kyis khungs su khyer te/ 'ong ba 'di ltar 'phags pa nyan thos thos pa dang ldan pa zhes bya ba rgyas par spong bar byed do zhes bya ba'i bar gang yin pa 'di ste/ de dag kyang 'phags pa'i bden pa rnams zhes bya ba rgyas par smos te/ 'du shes dang sems phyin ci log brgyad po de dag kyang sdug bsngal la sogs pa 'phags pa'i bden pa rnams yang dag pa ji lta ba bzhin shes pas spong bar 'gyur gyi/ yang dag pa ji lta ba bzhin shes pa de med pa ni ma yin no zhes thabs yang dag par bstan pa'i phyir te/ thabs legs par brjod pa'i phyir mdo sde dang 'gal ba med do zhes zer ro/ /'di ni sdug bsngal 'phags pa'i bden pa'o/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa yin no zhes bshad pa gang yin pa de yang mthong ba'i lam kho na'i dbang du mdzad pa ni ma yin no/ /'o na ci zhe na/ bsgom pa'i lam gyi dbang du mdzad pa yang yin te/ bsgom pa'i lam zag pa med pa ni 'phags pa'i bden pa la dmigs pa'i kho nas so/ /'jug pa'i bye brag las ni zhes bya ba ni rnam pa'i bye brag las zhes bya ba'i tha tshig go /khyad par thob par bya ba ma thob par zhes bya ba la/ khyad par ni ting nge 'dzin de la brten pa'i chos zag pa dang bcas pa dang/ zag pa med pa dag go /de thob par bya ba ni mngon sum du bya ba'o/ /khyad par thob par bya ba de ma thob cing mngon du byas par bdag gis khyad par thob par bya ba de thob po snyam pa ni mngon pa'i nga rgyal yin no/ /yon tan ma yin pa dang ldan pa gang la bdag yon tan dang ldan no snyam pa zhes bya ba ni yon tan dang mi ldan pa la bdag yon tan dang ldan no snyam pa'i nga rgyal log pa'i yul can ni log pa'i nga rgyal lo/ /log pa'i nga rgyal dang mngon pa'i nga rgyal dag la khyad par ci yod ce na/ mngon

  234. 117b

    pa'i nga rgyal ni khyad par thob par bya ba dang 'dra ba'i yon tan thob pa'i bsam pa yin pas gzhi dang bcas pa yin no/ /log pa'i nga rgyal ni yon tan med pa las bdag ni yon tan dang ldan pa yin no snyam pa yin pas gzhi med pa yin no/ /nga rgyal gyi rnam pa zhes bya ba ni nga rgyal gyi rnam pa ste/ bdag dang 'dra'o snyam pa dang/ bdag dman no snyam pa zhes bya ba la yang nga rgyal gyi rnam pa zhes brjod par bya'o/ /lta ba la brten pa'i nga rgyal gsum ste/ so so'i skye bo'i dbang du byas nas lta ba la brten pa zhes brjod de/ sngar ni nga'o snyam du bdag tu lta ba 'byung la/ phyis ni mjug thogs su nga rgyal/ lhag pa'i nga rgyal dang/ nga rgyal dang/ cung zad snyam pa'i nga rgyal 'di dag 'byung ngo/ /'di dag kyang go rim bzhin yin te/ ji lta zhe na/ bdag mchog yin no snyam pa'i nga rgyal gyi rnam pa ni lta ba la brten lhag pa'i nga rgyal yin no/ /bdag dang 'dra'o snyam pa'i nga rgyal gyi rnam pa ni lta ba la brten pa'i nga rgyal yin no/ /bdag dman no snyam pa'i nga rgyal gyi rnam pa ni 'jig tshogs la lta ba brten pa'i cung zad snyam pa'i nga rgyal yin no/ /gnyis pa'i ni 'di las bzlog ste/ go rims bzhin du sbyar te/ bdag pas mchog yod do/ /bdag dang mnyam pa yod do/ /bdag pas dman pa yod do zhes bya ba ni lta ba la brten pa'i cung zad snyam pa'i nga rgyal dang/ nga rgyal dang/ lhag pa'i nga rgyal rnams so/ /gsum pa ni bdag pas mchog med do/ /bdag dang mnyam pa med do/ /bdag pas dman pa med do zhes bya ba ni go rim bzhin du lta ba la brten pa'i nga rgyal dang/ lhag pa'i nga rgyal dang cung zad snyam pa'i nga rgyal rnams yin no/ /rab tu byed pa las bstan pa yongs su bzung ste zhes bya ba ni rab tu byed pa'i rkang pa las bstan pa yin no/ /de yang grang zhig ce na/ sngar bshad ba ste chung ngu bas bdag khyad par du 'phags pa

  235. 118a

    'am/ mnyam pa dang mnyam mo snyam pa la sogs pa bstan pa yin no/ /bdag mchog yin no snyam pa'i nga rgyal gyi rnam pa ni dman pa las bltos na nga rgyal yang yin te/ nga rgyal gyi mtshan nyid ni chung ngu bas bdag khyab par du 'phags pa 'am mnyam pa dang zhes bstan pa'i phyir ro/ /'di mnyam pa la bltos na ni lhag pa'i nga rgyal yang yin te/ lhag pa'i nga rgyal gyi mtshan nyid ni mnyam pa bas bdag khyad par du 'phags so snyam pa zhes bstan pa'i phyir ro/ /'di khyad par du 'phags pa las bltos na ni nga rgyal las kyang nga rgyal yang yin te/ nga rgyal las kyang nga rgyal gyi mtshan nyid ni khyad par du 'phags pa bas kyang bdag khyad par du 'phags so snyam pa zhes bstan pa'i phyir ro/ /thams cad ces bya ba smos pa ni nga'o snyam pa'i nga rgyal yang bsgom pas spang bar bya ba yin gyi/ lhag ma yin pa 'ba' zhig tu ni ma zad do zhes bya ba dang/ lhag ma dag kyang mthong bas spang bar bya ba ma yin gyi/ nga'o snyam pa'i nga rgyal yin pa 'ba' zhig tu ni ma zad do/ /zhes rab tu bstan pa'i phyir ro// gsod sogs kun nas dkris pa'o/ /zhes bya ba la sogs pa zhes bya ba'i sgras ni ma byin par len pa dang/ 'dod pas log par g.yem pa dang/ brdzun du smra ba la sogs pa bsdu'o/ /de ni sgom pas spang bar bya ba yin te/ bsgom pas spang bar bya ba'i chos la dmigs pa'i phyir ro zhes bya ba ni 'di'i dmigs pa ni sgom pas spang bar bya ba'i chos rnams kho na yin pas so/ /'jig tshogs la lta ba la sogs pa ni bsgom pas spang bar bya ba'i chos la dmigs par ni byed mod kyi /bsgom pas spang bar bya ba 'ba' zhig la ni ma yin pas de'i phyir de dag ni bsgom pas spang bar bya ba ma yin no/ /de la don du gnyer ba zhes bya ba ni khams gsum pa'i mi rtag pa nyid la don du gnyer ba'o/ /ci de la yang don du gnyer ba yod dam zhe na/ smras pa

  236. 118b

    yod de/ mdo las ji skad du/ bdag 'di ji srid gson zhing 'dug la sdod cing 'tsho ba de srid du nad dang bcas pa/ 'bras dang bcas pa/ zug rngu dang bcas pa/ rims nad dang bcas pa/ yongs su gdung ba dang bcas pa ste/ 'di ltar bdag 'di chad par gyur cing zhig par gyur la 'gyur bar mi 'gyur na de tsam gyi bdag nyid 'di yang dag par kun nas chad pa yin no snyam du sems so zhes 'byung ba lta bu'o/ /skye ba'i sred pa'i phyogs gzung ngo zhes bya ba ni bdag ni glang po che'i rgyal po sa srung gi bur gyur kyang ci ma rung zhes bya ba lta bu la sogs pa skye ba'i sred pa kun tu mi 'byung ba'o/ /phyogs smos pas ni dbang por gyur cig snyam pa de lta bu la sogs pa de lta bu ni kun tu 'byung ngo zhes bstan pa yin no/ /sogs pa zhes bya ba'i sgras ni lus ngan por gyur cig /bud med du gyur cig snyam pa de lta bu la sogs pa bsdu'o/ /bsgom pas spang bar bya ba ni/ nga rgyal gyi rnam pa rnams kyang yod do zhes bshad la zhes bya ba ni mthong ba dang/ bsgom pas zad par bya ba zhes 'byung ba'i phyir ro/ /'phags pa la rnam sogs nga'o snyam mi 'byung zhes bya ba ni gong du/ mthong ba dang sgom pas zad bya ba/ /bsgom pas spang bar bya ba ni/ /gsod sogs kun nas dkris pa'o/ /de bzhin 'jig sred ces bya ba'i gzhung 'dis bsgom pas spang bar bya ba'i tshad yongs su bcas pa yin no/ /da ni 'phags pa la rnam pa la sogs pa de dag kun tu mi 'byung bar bstan pa'i phyir/ 'phags pa la rnam sogs nga'o snyam mi 'byung zhes bya ba smos so/ /sogs pa smos pas ni 'jig pa'i srid pa'i bar bzung ngo zhes bya ba ni gsod pa la sogs pa'i kun nas dkris pa dang/ 'jigs pa'i sred pa dang/ skye ba'i sred pa'i phyogs bsdu'o zhes bya ba'i tha tshig go /mi 'byung ba ni kun tu mi 'byung ba'o/ /lta bas rgyas par 'gyur phyir ro zhes bya ba ni de dag ni de sngon du 'gro ba nyid kyis rgyas par byas pa'i phyir ro/ /rked pa bcag pa'i phyir ro zhes bya ba ni de rgyas par byed pa med pas rked pa bcag

  237. 119a

    pa'i phyir zhes bya ba'i tha tshig go /gsod ba la sogs pa kun nas dkris pa ni log par lta bas rgyas par 'gyur te/ de la goms pas las dang 'bras bu la skur ba 'debs par byed pa'i phyir ro/ /'gyod pa ni bsgom pas spang bar bya ba yin te/ bsgom pas spang bar bya ba'i chos la dmigs pa yin pa'i phyir ro/ /kun tu 'gro ba dag ces bya ba ni thams cad du 'gro bas kun tu 'gro ba ste/ rigs lnga car la yang dmigs par byed pa zhes bya ba'i tha tshig go /gzhan dag na re 'di dag gi mthus ris gzhan pa'i nyon mongs pa dag kyang skye'o zhes 'chad par 'gyur pas ris lnga car gyi rgyu'i dngos por gnas pa yin no zhes zer ro/ /phra rgyas bcu gcig po zhes rgyas par 'byung ba la/ lta ba bdun ni sdug bsngal mthong bas spang bar bya ba 'jig tshogs la lta ba la sogs pa lnga dang/ kun 'byung mthong bas spang bar bya ba lta ba gnyis po log par lta ba dang/ lta ba mchog tu 'dzin pa dang bdun no/ /the tshom gnyis ni sdug bsngal dang/ kun 'byung mthong bas spang bar bya ba dag go /ma rig pa gnyis ni sdug bsngal dang/ kun 'byung mthong bas spang bar bya ba dag kho na ste/ phyogs gcig gi sgo nas yin gyi/ mdza' dag gi sgo nas ni ma yin no/ /ma rig pa gang dag kun tu 'gro ba de dag dang mtshungs par ldan pa dang/ ma 'dres pa de dag kho na kun tu 'gro ba yin gyi/ 'dod chags la sogs pa dang mtshungs par ldan pa ni ma yin no/ /de ltar na phra rgyas bcu gcig ni kun tu 'gro ba yin te/ phra rgyas dgu ni mdza' dag gi sgo nas yin la/ gnyis ni phyogs gcig gi sgo nas yin pas so/ /ma 'dres zhes bya ba'i don ci zhe na/ 'di skad du 'chad de/ 'grogs pa ni 'dres pa zhes bya'o/ /'dres pa med pas na ma 'dres te/ logs shig tu gyur pa zhes bya ba'i tha tshig go /'di skad du bcom ldan 'das ma 'dres la/ dge slong gi dge 'dun ma 'dres zhes gsungs te/ bcom ldan 'das kyang logs shig la/ dge slong gi dge 'dun

  238. 119b

    yang logs shig go snyam du dgongs pa yin no/ /'dres pa med par spyod pas na ma 'dres pa ste/ phra rgyas gzhan dang lhan cig ma 'byung ba zhes bya ba'i tha tshig go /rang gi khams mdza' dag la dmigs pa'i phyir zhes bya ba ni gang gi phyir 'di dag rang gi khams mdza' dag la dmigs par byed pa de'i phyir kun tu 'gro ba zhes bya'o/ /su zhig 'dod pa'i khams mdza' dag gis zhes bya ba rgyas par 'byung ba ni su zhig 'dod pa'i khams mdza' dag gis 'dag par yid ches par 'gyur ba 'am/ 'dod pa'i khams mdza' dag rgyu ma yin pa la rgyur yid ches par 'gyur zhes bya bar skabs dang sbyar te/ de lta bas na tshul khrims dang brtul zhugs mchog tu 'dzin pa ni kun tu 'gro ba ma yin no snyam bsams pa yin no/ /bye brag tu smra ba rnams kyi yin no rang gi khams bye brag du mas tha dad pas ma lus pa mdza' dag cig car du dmigs so zhes ni mi zer ro/ /'on kyang sdug bsngal mthong bas spang bar bya ba nas bsgom pas spang bar bya ba zhes bya ba'i bar rnam pa lnga po thams cad kyang cig car du dmigs te/ kun tu 'gro ba nyid yin la/ kun zhes bya ba'i sgra 'di ni rnam pa yin pa de blta'o zhes bya ba 'di yin no/ /gang la bdag tu lta ba yod pa zhes bya ba ni nye bar len pa'i phung po lnga dag la'o/ /de la bdag la sred pa yod de/ de dag ni bdag tu mngon par zhen pa'i gzhi yin pa'i phyir ro/ /gang la mchog dang dag par lta ba yod pa ste/ nye bar len pa'i phung po lnga'i mtshan nyid kyi dngos po gang la'o/ /mchog tu lta ba ni lta ba mchog tu 'dzin pa'o/ /dag par lta ba ni tshul khrims dang brtul zhugs mchog tu 'dzin pa'o/ /de la don du gnyer ba ni sred pa'i mtshan nyid do/ /kha cig de la de'i don du gnyer ba yod ces bya ba 'don te/ dngos po de la gang zag de'i don du? gnyen pa yod pa ni de la de'i don du gnyer ba yod ces bya ba'i tha tshig go /des kyang nga rgyal du 'gyur zhes bya ba ni de'i sgo nas khebs par 'gyur zhes bya ba'i tha tshig go /de la yin na zhes bya ba ni sred pa dang/ nga rgyal dag kun tu 'gro ba nyid yin na'o//

  239. 120a

    sred pa dang nga rgyal gyi mtshan nyid 'di gnyi ga mthong bas spang bar bya ba 'jig tshogs la lta ba la sogs pa dang/ bsgom pas spang bar bya ba la dmigs pa'i phyir ci zhig gis spang bar bya ba yin/ gang gis spang bar bya ba ni ci zhig gis spang bar bya ste/ ci mthong bas spang bar bya ba yin nam/ 'on te bsgom pas spang bar bya ba yin zhes bya ba'o/ /gang dag gang zhig mthong bas spang bar bya ba'i dmigs pa can de dag ni mthong bas spang bar bya ba yin la zhes bya ba nges pa 'di yid la gzhag nas 'dri bar byed pa yin no/ /de lta ma yin na 'jig tshogs la lta ba la sogs pa kho na bzhin du 'di gnyi ga mthong bas spang bar bya ba nyid du 'gyur bas 'dir dri ci dgos te/ 'jig tshogs la lta ba la sogs pa ni mthong ba dang sgom pas spang bar bya ba'i dmigs pa can ma yin pa yang ma yin la/ de dag mthong pas spang bar bya ba ma yin pa yang ma yin no/ /'di la slob dpon gyis lan du/ 'dres pa la dmigs pa'i phyir sgom pas spang bar bya ba yin no zhes bya ba smos te/ gal te sred pa dang nga rgyal mthong bas spang bar bya ba la dmigs pa can kho na zhig yin par gyur na ni de dag mthong bas spang bar bya ba yin par 'gyur na de ltar ni ma yin no/ /de bas na 'dren ma la dmigs pa'i phyir bsgom pas spang bar bya ba dag yin te/ lhag ma bsgom pas spang bya yin zhes bya bar mtshan nyid nges pa'i phyir ro/ /yang na zhes bya ba ni yang slob dpon 'di nyid kyis bzlog ste bshad pa yin no/ /mthong bas spang bar bya ba yin no zhes bya ba ni ci zhe na/ de gnyi ga zhes bya ba sbyar ro/ /ci'i phyir zhe na/ lta ba'i 'khor stobs skyed pas bcug pa can nyid yin pa'i phyir zhes bya ba smos te/ lta ba'i stobs bskyed pa ni mthung? ngo?/ /de la lta bas stobs bskyed pas bcug pa'i ngang tshul can yod pas na de gnyis ni lta bas stobs bskyed pa bcug pa can no/ /de'i ngo bo nyid de/ de'i phyir de gnyis ni

  240. 120b

    mthong bas spang bar bya ba yin no/ /de ni bye brag tu smra ba nyon mongs pa 'di gnyis rang gi mtshan nyid pa yin gyi/ spyi pa yin pa ni ma yin te zhes rang gi phyogs 'jog par byed do/ /gang la bdag tu lta ba yod pa de la sred pa dang nga rgyal dag yod mod kyi/ rang gi mtshan nyid pa'i nyon mongs pa yin pa'i phyir thams cad la cig gcar yod pa ni ma yin te/ de dag ni phyogs gcig pa la dmigs pa can yin no/ /de lta bas na kun tu 'gro ba dag ma yin no/ /des na gang dag mthong bas spang bar bya ba la dmigs pa de dag ni mthong bas spang bar bya ba yin la/ lhag ma dag ni bsgom pas spang bar bya ba yin no zhes bya bar grub po/ /nges 'ga' ni skal pa mi mnyam pa'i khams cig la dmigs so/ /res 'ga' ni gnyis ka la dmigs zhes bya'i/ res 'ga' ni khams gsum la dmigs so zhes de skad du ni ma bshad de/ 'dod pa'i khams na gnas pa res 'ga' ni skal ba mi mnyam pa gzugs kyi khams sam/ gzugs med pa'i khams gcig na dmigs so/ /res 'ga' ni gzugs dang gzugs med pa'i khams gnyis la dmigs so/ /bdag dang bdag gir mi 'dzin pa'i phyir zhes bya ba ni gang gi phyir tshangs pa de la bdag nyid dam bdag gi nyid du mi 'dzin pa de'i phyir/ tshangs pa la sems can du lta ba ni 'jig tshogs la lta ba ma yin no/ /gang gi phyir mthar 'dzin par lta ba yang des kun nas bslang ba de'i phyir tshangs pa de la rtag par lta ba yang mthar 'dzin par lta ba ma yin no/ /'o na 'di'i lta ba gang zhig yin zhes bya ba ni tshangs pa la sems can du lta ba dang/ bdag tu lta ba'o/ /'di ni lta ba ma yin gyi 'di ni log pa'i shes pa yin no zhes bya ba ni 'di ni log par dmigs pa'i phyir log pa'i shes pa yin no/ /log par dmigs pa'i shes rab thams cad lta ba yin par ni mi 'dod de/ rang gi lus kho na la 'dag go snyam du phyin

  241. 121a

    ci log gi shes rab ni 'jig tshogs la lta ba yin la des kun nas bslang ba'i rtag par lta ba ni 'dzin par lta ba yin par 'dod kyi/ gzhan dag ni ma yin no/ /gang zhig nga'o snyam du ngar 'dzin pa'i rten du gyur pa'i de go na 'jig tshogs la lta ba yin na/ tshangs pa chen po la sems can du lta ba ni nga'o snyam du bar 'dzin pa'i rten du yang mi 'gyur te/ de'i phyir bdag dang bdag gir mi 'dzin pa'i phyir zhes bshad de/ de dag dang ni lhan cig gang/ 'byung de'ang kun 'gro thob ma gtogs zhes bya ba tshor ba la sogs pa'o/ /thob pa rnams ni 'bras bu mi gcig pa'i phyir de lta ma yin no zhes bya ba ni thob pa rnams dang/ thob pa de dang ldan pa ni 'bras bu rnam par smin pa dang/ rgyu mthun pa gcig ma yin no zhes bshad zin to// de'i phyir kun tu 'gro ba'i chos kyi thob pa dag ni kun tu 'gro ba ma yin par rnam par bzhag go /de nyid kyi phyir zhes bya ba ni gang gi phyir lhan cig 'byung ba dag kyang kun tu 'gro ba yin par rnam par bzhag pa de'i phyir mu bzhir bya'o/ / mu dang po ni ma 'ongs pa'i phra rgyas kun tu 'gro ba rnams so zhes bya ba ni 'di dag ni kun tu 'gro ba'i ngo bo nyid yin pa'i phyir ro/ /kun tu 'gro ba'i rgyus kun tu 'gro ba ni ma yin te/ ma 'ongs pa'i gnas skabs su kun tu 'gro ba'i rgyu rnam par mi bzhag pa'i phyir ro/ /gnyis pa ni 'das pa dang da ltar byung ba'i lhan cig 'byung ba rnams so bya ba ni kun tu 'gro ba dang lhan cig 'byung ba dag 'das pa dang da ltar byung ba yin pa'i phyir kun tu 'gro ba'i rgyu yin no/ /kun tu 'gro ba'i phra rgyas ni ma yin te/ phra rgyas kyi ngo bo nyid ma yin pa'i phyir ro/ /gsum pa dang/ bzhi pa dag ni sbyar bar bya ste/ gsum pa ni 'das pa dang da ltar byung ba'i phra rgyas kun tu 'gro ba rnams so/ /bzhi pa ni rnam pa de dag ma gtogs pa ste/ de dag dang lhan cig 'byung ba ma 'ongs

  242. 121b

    pa rnams dang thob pa la sogs pa'o/ /drug ni zag med spyod yul can zhes bya ba ni drug kho na zhes nges par gzung ba yin te/ 'di ltar 'dod chags yin te spang bya'i phyir/ gnod mi byed phyir zhe sdang min zhes bya ba la sogs pa 'byung ba'i phyir 'dod chags la sogs pa ni zag pa med pa la dmigs pa mi rung bas so/ /de dag dang mtshungs par ldan pa'i ma rig pa zhes bya ba ni log par lta ba dang/ the tshom dag dang mtshungs par ldan pa gang yin pa dang/ ma 'dres pa'i ma rig pa gang yin pa de ni ma rig pa'i phra rgyas te/ gcig go /'gog pa mthong bas spang bar bya ba zag pa med pa la dmigs pa gsum dang/ de bzhin du lam mthong bas spang bar bya ba yang gsum po de dag nyid de drug sa dang sa na yod do/ /de'i spyod yul can gyi yul yin no zhes bya ba ni 'di rnams la spyod yul 'gog pa dang lam de dag yod pas de'i spyod yul can dag ste/ de rnams la go rims bzhin du gsum gyi spyod yul te/ dmigs pa ni rang gi sa pa'i 'gog pa ste/ bdag nyid kyi sa'i 'gog pa yin no/ /lam la chos shes pa'i phyogs dang mthun pa sa drug pa dang/ rjes su shes pa'i phyogs dang mthun pa sa dgu pa ni lam spyod yul can gyi phra rgyas gzhan gsum gyi dmigs pa yin no/ /ji lta zhe na/ 'gog pa la dmigs pa'i phra rgyas de dag ni 'dod pa ma spyod pa nas srid pa'i rtse mo'i bar sa dgu pa yin la/ de rnams las 'dod pa na spyod pa rnams kyi dmigs pa ni 'dod pa na spyod pa'i chos kyi 'gog pa kho na yin zhing/ bsam gtan dang po'i sa pa rnams kyi dmigs pa yang bsam gtan dang po'i sa pa'i chos kyi 'gog pa kho na yin pa de bzhin du srid pa'i rtse mo ba rnams kyi dmigs pa yang srid pa'i rtse mo ba'i chos kyi 'gog pa kho na'i bar du yin no/ /lam ni chos shes pa'i phyogs dang mthun pa mi lcogs pa med pa dang/ bsam gtan khyad par can gyi sa pa dang/ bsam gtan dang po nas bsam

  243. 122a

    gtan bzhi pa'i sa pa'i bar du sa drug pa de thams cad ni 'dod pa na spyod pa'i phra rgyas gsum po de dag gi dmigs pa kho na yin no/ /rjes su shes pa'i phyogs dang mthun pa mi lcogs pa med pa dang/ bsam gtan khyad par can dang/ bsam gtan bzhi dang/ nam mkha' dang/ rnam shes dang/ ci yang med pa'i skye mched kyi sa pa ste/ sa dgu po de thams cad ni bsam gtan dang po'i sa pa'i phra rgyas rnams kyi dmigs pa kho na yin pa nas de bzhin du srid pa'i rtse mo'i sa pa rnams kyi dmigs pa'i bar yin no/ /yang ci'i phyir de dag gi spyod yul can rnams kyi dmigs pa 'gog pa ni rang gi sa pa kho na yin la/ lam ni sa drug pa 'am sa dgu pa yang de rnams kyi dmigs pa yin zhe na/ 'di la gtan tshigs bstan pa'i phyir lam ni phan tshun rgyu yin pas zhes bya ba smos so/ /ji ltar phan tshun gyi rgyu yin zhe na/ chos shes pa'i phyogs dang mthun pa'i lam sa drug pa ni chos shes pa'i phyogs dang mthun pa gzhan dang 'og ma ba 'am/ gong ma pa'am/ mnyam pa 'am/ khyad par can gyi lam rjes su shes pa'i phyogs kyi yang rgyur 'gyur la rjes su shes pa'i phyogs dang mthun pa sa dgu pa de yang de'i rgyu kho na yin par sbyar bar bya ste/ 'di rgyas par ni sa dgu'i lam ni phan tshun du/ mnyam dang khyad par can gyi yin zhes bya ba der bshad zin to/ /de ltar na lam la dmigs pa 'dod pa na spyod pa rnams kyi dmigs pa ni chos shes pa'i phyogs dang mthun pa mi lcogs pa med pa'i sa pa nas bsam gtan bzhi pa'i sa pa'i bar yin la/ rjes su shes pa'i phyogs dang mthun pa'i lam mi lcogs pa med pa'i sa pa nas ci yang med pa'i skye mched kyi sa pa'i bar yang lam la dmigs pa bsam gtan dang po'i sa pa de rnams kyi dmigs pa nyid yin pa nas de bzhin du srid pa'i rtse mo'i sa pa rnams kyi bar gyi dmigs pa yin no// //bam po bzhi bcu pa/ /gal

  244. 122b

    te chos shes pa'i phyogs dang mthun pa thams cad kyang phan tshun gyi rgyu can yin pas lam la dmigs pa 'dod pa na spyod pa log pa'i lta ba la sogs pas gzugs dang gzugs med pa'i gnyen po 'gog pa dang lam zhes bya ba la/ chos shes pa la yang dmigs par byed mgo ci'i phyir log par lta ba la sogs pa de dag nyid rjes su shes pa'i phyogs dang mthun pa'i lam la yang dmigs par mi byed de/ chos shes pa dang rjes su shes pa dag ni phan tshun gyi rgyu can yin pa'i phyir ro zhe na/ gal te chos shes pa dang rjes su shes pa dag kyang zhes bya ba rgyas par smos te/ rjes su shes pa ni 'dod pa'i khams kyi gnyen po ma yin pas de rnams de la dmigs par mi byed do/ /chos shes pa ni 'dod pa'i khams kyi gnyen po yin pas gzugs dang gzugs med pa'i gnyen po yin yang dmigs par byed do/ /'o na ni chos shes pa zhes bya ba rgyas par 'byung ba ni grub pa'i mdza' las/ bsgom pa'i lam la 'gog pa dang/ /lam la chos shes gang yin te/ /khams gsum gyi ni ga chen po yin zhes 'byung ba'i phyir ro/ /chos shes pa ni gzugs dang gzugs med pa'i gnyen po yin no/ /de'i ngo bo nyid de/ de'i phyir gzugs dang gzugs med pa'i sa pa'i log par lta ba la sogs pas dgu pa'i dmigs pa yin par 'gyur ro/ /de mdza' dag kyang gnyen po ma yin la zhes bya ba rgyas par 'byung ba ni chos shes pa de mdza' dag ni gzugs dang gzugs med pa'i khams dag gi gnyen po ma yin no/ /'o na ci zhe na/ cung zad cig yin no/ /ci'i phyir zhe na/ sdug bsngal dang kun 'byung la chos shes pa'i bsgom pa'i lam gyis bsdus pa dag de dag gi gnyen po ma yin pa'i phyir te/ gzugs dang gzugs med pa'i khams dag gi gnyen po ma yin no zhes bya ba'i tha tshig go /de'i phyir chos shes pa de ni gzugs dang gzugs med pa na spyod pa'i log par lta ba la sogs pa'i dmigs pa

  245. 123a

    ma yin no/ /gzhan yang mdza' dag gi yang ma yin te zhes bya ba rgyas par smos te/ chos shes pa de ni gzugs dang gzugs med pa'i khams mdza' dag gi gnyen po ma yin no/ /ci'i phyir zhe na/ bsgom pa'i lam la 'gog pa dang lam la chos shes gar yin te zhes 'byung bas mthong bas spang bar bya ba rnams kyi gnyen po ma yin pa'i phyir ro/ /'dir dang po med pa'i phyir dang dang po rnams kyi ma yin pa'i phyir dmigs pa ma yin no zhes bya ba ni mjug sdud par byed pa yin te/ sdug bsngal dang/ kun 'byung ba dang/ 'gog pa dang/ lam la chos shes pa rnams ni dang po sdug bsngal dang/ kun 'byung la chos shes pa dag gzugs dang gzugs med pa ji skad bshad pa'i gnyen po nyid du med pa'i phyir dang/ chos shes pa de mthong ba dang bsgom pas spang bar bya ba gzugs dang gzugs med pa ma spyad pa rnams kyi dang po mthong bas spang bar bya ba dag gi gnyen po nyid ma yin pa'i phyir chos shes pa ni de'i sa pa ste/ gzugs dang gzugs med pa'i sa pa'i log par lta ba la sogs pa'i dmigs pa ma yin no/ /de ltar na zag pa med pa la dmigs pa khams gsum pa/ bco brgyad ma gtogs pa phra rgyas lhag ma brgyad cu ni zag pa dang bcas pa la dmigs pa yin no zhes bya bar gzhag pa yin no/ /spang bar bya ba ma yin par 'gyur te zhes bya ba ni thob pa bcad pas spang bar bya ba ma yin no zhes bya ba'i tha tshig go /dper na dge ba'i chos la 'dun pa mngon par dang pa'i ngo bo ni yang dag pa'i lta ba yin pas/ thob pa bcad pas spang bar bya ba ma yin pa ltar 'di yang de dang 'dra bar 'gyur bas de'i phyir zag pa med pa la dmigs pa ma yin no/ /gnod mi byed phyir zhe sdang min zhes bya ba ni 'gog pa dang/ lam dag ni kun ? zhar sems kyi dngos po dgu'i mtshan nyid las 'das pa'i phyir/ de la zhe sdang med do/ /yang dag pa'i don du dag pa'i

  246. 123b

    phyir zhes bya ba ni 'gog pa ni nyon mongs pa'i dri ma spangs pa'i phyir yang dag pa'i don du dag pa yin la/ lam yang 'dis don dam par dag par 'gyur pa'i phyir don dam par dag pa yin pas gang zhig de gnyis la dag pa'o snyam du 'dzin pa ni tshul khrims dang brtul zhugs mchog tu 'dzin pa'o zhes bya ba rnam par gzhag tu mi rung ba'i phyir ro/ /de gnyis ni mchog kyang yin te zhes bya ba ni yang dag pa'i don du dag pa'i phyir 'gog pa dang/ lam de dag ni mchog yin no/ /dngos po dman pa la mchog tu 'dzin pa ni lta ba mchog tu 'dzin pa yin par rung na 'gog pa dang/ lam de dag ni de lta bu yang ma yin pas de gnyis la mchog tu 'dzin pa ni ltar mchog tu 'dzin pa ni ma yin no/ /du ni dmigs pa'i sgo nas rgyas par 'gyur/ /du ni mtshungs par ldan pa kho na'i sgo nas rgyas par 'gyur zhes bya ba ni du ni dmigs pa kho na'i sgo nas shes nges par bzung nas dri bar mi byed pa ni 'di ltar gang dag dmigs pa'i sgo nas rgyas par 'gyur ba de dag ni gdon mi za bar mtshungs par ldan pa'i sgo nas kyang rgyas par 'gyur ro/ /gang dag mtshungs par ldan pa kho na'i sgo nas rgyas par 'gyur ba de dag ni dmigs pa'i sgo nas ma yin te/ zag pa med pa dang skal ba mi mnyam pa'i sa la dmigs pa'i phra rgyas dag yin no/ /phra rgyas kyi don ni rjes su mthun pa'i don yin nas de dag pa'i rkyen rnams ni de dag bskyed par bya ba la mthun par mi 'gyur ro/ /de dag ni de rnams kyi rjes su mthun pa ma yin te zhes bya ba ni 'gog pa la sogs pa de dag ni log par lta ba la sogs pa de rnams kyi rjes su mthun pa ma yin no/ /rlung nad can la kha zas rtsub po rgyas par mi 'gyur ba bzhin no zhes bya ba ni dper na rlung nad can la kha zas rtsub bag? rgyas par mi 'gyur ro zhes byas na lus dang mthun par mi 'gyur zhes bya bar go ba dang 'dra'o/ /phyogs ?ma ltar na ni phra rgyas kyi don gnas thod pa'i don yin te/ de dag tu gnas mi thod do zhes 'byung ba'i phyir ro/ /

  247. 124a

    chos gang dang zhes bya ba ni tshor ba la sogs pa dang ngo/ /de yang de gnyis na med ces bya ba ni sdug bsngal de yang gzugs dang gzugs med pa'i khams de gnyis na med do/ /ci'i phyir zhe na/ pha rol po la gnod pa'i rgyu med pa'i phyir/ pha rol po la gnod pa'i rgyu ni gnod sems la sogs pa yin te/ de med pa'i phyir ro/ /lta bar gyur pa rnams kyi nang na 'di mchog yin no zhes bya ba ni lta ba'i rnam pa'i nang na 'di khyad par du 'phags pa yin te/ ha cang kha na ma tho ba dang bcas pa ma yin no zhes bya ba'i tha tshig go /thar pa'i rgyu ni lam yin la chad pa ni rgyu med pa can du 'dod pas 'khrul pa'i phyir chad bar lta ba kha na ma tho ba dang bcas pa yin pas khyad par yod do/ /rang gi rdzas la kun tu rmongs pa'i phyir zhes bya ba ni 'jig tshogs la lta ba ni rang gi rgyud du gtogs pa'i nye bar len pa'i phung po rnams la bdag dang bdag gi nyid du 'dzin pa'i phyir rang gi rdzas kun tu rmongs pa yin la/ mthar 'dzin par lta ba yang de dag nyid la rtag pa dang chad pa'i mthar 'dzin pa'i phyir de kho na dang 'dra'o/ /lta ba de dang ji lta bar de dag dang mtshungs par ldan pa'i ma rig pa yang de dang 'dra'o/ /pha rol po la gnod pa'i rnam par zhugs pas yin pa'i phyir ci zhe na/ 'jig tshogs dang mthar 'dzin par lta ba dag lung du ma bstan pa yin no zhes bya ba skabs dang sbyar te de dag ni pha rol po la gnod pa cung zad kyang mi byed do/ /mtho ris la sred pa dang/ dwa? bo snyam pa'i nga rgyal dag kyang de ltar thar par 'gyur ro zhes bya ba ni mtho ris la sred pa dang/ nga'o snyam pa'i nga rgyal yang sbyin pa la sogs pa dang mi 'gal ba'i phyir dang/ rang gi rdzas la kun tu rmongs pa'i phyir dang/ pha rol po la gnod pa'i rnam par zhugs pa ma yin pa'i phyir lung du ma bstan pa nyid du thal bar 'gyur ro/ /de ltar yang mi 'dod de/ de lta bas na rgyu de dag gis 'di gnyis lung du ma bstan pa nyid ma yin no/ bsam pa 'dis sngon gyi slob dpon gyi gzhung lugs lhan cig skyes

  248. 124b

    pa'i 'jig tshogs la lta ba zhes bya ba la sogs pa nye bar 'god par byed do/ /rnam par brtags pa ni mi dge ba yin no zhes bya ba ni ser skya dang 'ug pa ba la sogs pa bdag tu smra ba rnams kyis rnam par brtags pa gang yin pa de ni lung ma bstan pa ni ma yin no/ /'o na ci zhe na/ lung du bstan pa yin no/ /de dag gi rnam par brtags pa'i mthar 'dzin par lta ba gang yin pa de yang mi dge ba yin te/ ma bshad kyang de sngon du 'gro ba can yin pa'i phyir de dang tshul mtshungs par rtogs pa nyid do/ /lhag ma rnams 'dir mi dge ba zhes bya ba la/ 'dir zhes bya ba ni 'dod pa na spyod pa'i lhag ma nye bar bzung ba'i phyir te/ 'dod pa'i khams na 'jig tshogs la lta ba la sogs pa'i lhag ma nyon mongs pa can rnams ni mi dge ba yin no zhes bya bar nges par 'dzin par byed do/ /du ni mi dge ba'i rtsa ba dag yin du ni ma yin zhes bya ba ni phra rgyas dgu bcu rtsa brgyad po 'di dag las zhes bya bar skabs dang sbyar ro/ /des na 'di skad du/ 'dod na 'dod chags khong khro ba dang rmongs rnams mi dge ba'i rtsa ba yin zhes lan 'debs par byed de/ 'dod pa'i khams na 'dod chags dang? khong khro ba dang gti mug gang dag yin pa de dag ni rnam pa lnga po thams cad kyang mi dge ba'i rtsa ba kho na yin gyi phra rgyas gzhan dag ni ma yin no/ /rmongs zhes bya ba ni gti mug gi rnam grangs te/ 'jig tshogs la lta ba dang/ mthar 'dzin par lta ba dang mtshungs par ldan pa gti mug ma gtogs pa'i rmongs pa thams cad do/ /'di mdo las ma smos par ji ltar de skad ces bya zhe na/ mi dge ba zhes bya ba'i skabs yin pa'i phyir dang/ phyogs gcig bstan pa'i phyir ro/ /de nyid kyi phyir gang zhig mi dge ba yang yin la mi dge ba'i rtsa ba yang yin pa de kho na mi dge ba'i rtsa ba yin par 'dod do zhes bya ba smos so/ /de kho na zhes nges par bzung ba'i phyir log par lta ba la sogs pa phra rgyas lhag ma rnams ni mi dge ba'i rtsa ba dag ma yin no zhes bya bar grub po/ lung ma bstan pa'i rtsa ba gsum zhes bya ba ni phra rgyas dgu bcu rtsa brgyad po 'di dag las lung du ma bstan pa'i rtsa ba ni gsum yin no/

  249. 125a

    zhes bya'o/ /gsum zhes bya ba smos pa ni nyi 'og pa'i gzhung lugs las khyad par du bya ba'i phyir te/ gsum kho na yin gyi bzhi ni ma yin no zhes bstan pa yin no gsum gang zhe na/ de ni sred dang ma rig blo zhes bya ba smos so/ /de zhes bya ba ni lung du ma bstan pa yin par ston to zhes bya ba ni/ lung ma bstan pa'i rtsa ba gsum zhes bya ba'i lung du ma bstan zhes bya ba'i sgra 'di kho nas sred pa dang ma rig pa dang blo dag khyad par du byas so zhes stan par byed do/ /'dir ni blo ni nyon mongs pa'i ngo bo nyid ma yin yang bye brag tu smra ba rnams lung du ma bstan pa'i rtsa ba yin no zhes bya bar 'dod do/ /sred pa gang cung zad lung du ma bstan pa zhes bya ba ni ro myang ba dang mtshungs par ldan pa'i bsam gtan dang gzugs med pa dag skyes pa'i tshe gzhal med khang la sogs pa la ste 'os 'os su sbyar ro/ /ma rig pa gang cung zad gzugs dang gzugs med pa'i khams dag na yod pa dang/ 'dod pa'i khams na yod pa'i 'jig tshogs dang mthar 'dzin par lta ba dang/ mtshungs par ldan pa de dang/ de bzhin du shes rab gang cung zad lung du ma bstan pa tha na rnam par smin pa las skyes pa yang rung ste/ 'dod pa'i khams na yod pa rnam par smin pa las skyes pa dang/ spyod lam pa dang/ bzo'i gnas pa dang/ sprul pa'i sems dang mtshungs par ldan pa dang/ 'jig tshogs dang mthar 'dzin par lta ba dang mtshungs par ldan pa dang/ gzugs dang gzugs med pa'i khams dag na yod pa nyon mongs pa dang mtshungs par ldan pa'i shes rab thams cad dang/ rnam par smin pa la sogs pa dang mtshungs par ldan pa'i shes rab dag ni lung du ma bstan pa yin no/ /rnam pa gnyis nyid du 'jug pa'i phyir zhes bya ba la/ rnam pa gnyis kyi ngo bo ni rnam pa gnyis nyid do/ /rnam pa gnyis su 'jug pas na rnam pa gnyis su 'jug pa'o/ /de'i phyir the tshom ni rtsa ba yin par 'os pa ma yin te/ rnam pa gnyis su 'jug pa'i sgo nas g.yo ba'i phyir ro/ /khengs pa'i mtshan

  250. 125b

    nyid kyis zhes bya ba ni khengs pa'i mtshan nyid nges mthon por 'jug ste/ de'i phyir nga rgyal ni rtsa ba yin par 'os pa ma yin no/ /rtsa ba rnams ni bstan pa dang 'og nas gnas pa dag yin zhes bya ba ni rtsa ba dang chos mi mthun pa'i phyir te/ the tshom ni mi bstan pa'i phyir rtsa ba ma yin la/ nga rgyal ni mthon por 'jug pa'i phyir rtsa ba ma yin no zhes brjod par bya'o/ /lung du ma bstan pa'i sred pa zhes bya ba ni gzugs dang gzugs med pa'i khams dag na yod pa'o/ /lta ba yang de dag yod pa dang 'dod pa'i khams na yod pa 'jig tshogs dang mthar 'dzin pa'i lta ba'i ngo bo nyid dag go /ma rig pa yang 'dod pa'i khams na yod pa de dag dang mtshungs par ldan pa kho na dang gzugs dang gzugs med pa'i khams dag na yod pa thams cad do/ /sred pa dang lta ba dang nga rgyal shas che ba'i bsam gtan pa dag yin zhes bya ba ni gang zhig ro myang pa dang mtshungs par ldan pa'i bsam gtan sgom pa de ni sred pa shas che ba'i bsam gtan pa yin no/ /gang zhig bsam gtan la brtan nas rtag pa la sogs par lta ba skyed par byed pa de ni lta ba shas che ba'i bsam gtan pa yin no// nga rgyal shas che ba'i bsam gtan pa ni gang zhig nges bdag ni bsam gtan bzhi thob pa yin gyi gzhan dag ni de lta ma yin no snyam du rlom pa ste/ de ni nga rgyal shas che ba'i bsam gtan pa yin no/ /de la 'di la sred pa shas che zhing sred pa lhag pa sgom pa'i ngang tshul yod pas na sred pa shas che ba'i bsam gtan pa'o/ /yang na sred pa shas che ba yang yin la bsam gtan pa yang yin pas sred pa shas che ba'i bsam gtan pa ste/ sred pa lhag pa zhes bya ba'i tha tshig go /lta ba shas che ba'i bsam gtan pa dang nga rgyal shas che ba'i bsam gtan pa yang de dang 'dra'o/ /de dag kyang ma rig pa'i dbang gis 'gyur ro zhes bya ba ni bsam gtan gsum po de dag kyang ma rig pa'i dbang gis te/ ma rig pa dang ldan pas de ltar 'gyur ro/ /de'i phyir ma rig pa yang lung du ma bstan pa'i

  251. 126a

    rtsa ba yin no/ /snyoms par 'jug pa la snyoms par zhugs pa rnams la nyon mongs pa'i rnam pa 'di dag kun tu 'byung ba'i skabs ni lung du ma bstan pa'i chos rnams kyi rtsa ba ste rgyu'o/ /lung du ma bstan pa'i skabs kyis glengs pa dang/ mdo las lung du ma bstan pa'i dngos po bcu bzhi gsungs pa zhes bya ba rgyas par smos te/ 'jig rten rtag pa zhig gam 'jig rten mi rtag pa zhig ces bya ba de lta bu la sogs pa yin no/ /ci de dag lung du ma bstan pa'i phyir yin nam zhes bya ba ni ci de dag dge ba yang ma yin la mi dge ba yang ma yin pas lung du ma bstan pa yin pa'i phyir lung du ma bstan pa'i dngos po dag tu ston tam zhes bya ba yin no/ /bzhag par bya ba'i 'dri ba la lung du ma bstan pa zhes bshad do zhes bya ba ni gang zhig bzhag par bya ba nyid kyis lung bstan cing ma bshad pa'i 'dri ba de ni lung du ma bstan pa yin la/ dngos po ni gzhi yin pas lung du ma bstan pa'i dngos po'o/ /de'i zhar la 'dri ba ni rnam pa bzhi ste zhes bya ba 'di rgyas par nye bar 'god de/ 'chi dang skye dang khyad par 'phags/ bdag gzhan la sogs lta bu yin zhes bya ba ni 'chi ba lta bu dang/ skye ba lta bu dang/ khyad par du 'phags pa nyid lta bu dang/ bdag gzhan nyid la sogs pa lta bu'o zhes grangs bzhin du mgo gcig tu lung bstan pa la sogs pa'i dper brjod pa yin no/ /'chi bar 'gyur ro zhes bya ba ni mgo gcig tu lung bstan par bya ba la 'chi ba dper brjod pa yin no/ /nyon mongs pa dang bcas pa rnams ni skye bar 'gyur gyi/ nyon mongs med pa rnams ni ma yin no zhes bya ba ni rnam par phye ste/ lung bstan par bya ba la skye ba dper brjod pa yin no/ /gang la bltos te 'dri zhes bya ba ni dris nas lung bstan par bya ba la khyad par du 'phags pa nyid dper brjod pa yin no/ /ci phung po rnams las sems can gzhan nam zhes

  252. 126b

    bya ba ni bzhag par lung bstan par bya ba la bdag gzhan nyid dper brjod pa yin no/ /ci sems can thams cad 'chi bar 'gyur ram zhes 'dri na 'chi bar 'gyur no zhes mgo gcig tu lung bstan par bya'o zhes bya ba ni ji skad du bcom ldan 'das kyis dge slong dag mi rnams ni tshe thung ba tshe phyi mar 'gro dgos pa yin pas dge ba spyad par bya ste/ skyes pa la ni mi 'chi ba med do zhes gsungs pa lta bu'o/ /ci phung po rnams las sems can gzhan nam gzhan ma yin zhes 'dri na bzhag par bya ste zhes bya ba ni ji skad du/ bcom ldan 'das kyis/ kye gau ta ma ci lags/ des byas shing des myong ngam bram ze 'di ni lung du mi bstan pa yin no/ /gzhan gyis byas shing gzhan gyis myong ngam/ bram ze 'di ni lung du mi bstan pa yin no/ /des byas shing des myong ngam zhes zhus nas yang 'di ni lung du mi bstan pa yin no zhes gsungs la/ gzhan gyis byas shing gzhan gyis myong ngam zhes zhus na yang 'di ni lung du mi bstan pa yin no zhes gsungs na/ gau ta ma khyod kyis bshad pa 'di'i don ji lta bu zhig lags/ bram ze des byas shing des myong ngo zhes bya ba ni rtag par 'gyur ro/ /gzhan gyis byas shing gzhan gyis myong ngo zhes bya ba ni chad par 'gyur ro/ /de bzhin gshegs pa ni 'di gnyis thugs chud nas dbu ma'i lam gyi chos ston par mdzad do zhes gsungs pa lta bu'o/ /gzhan dag na re zhes bya ba ni btsun pa rA ma'o/ /thams cad skye bar mi 'gyur ro zhes bya ba 'di yang mgo gcig tu lung ston pa yin no zhes bya ba ni sems can thams cad 'chi bar 'gyur ro zhes bya ba ni 'ba' zhig mgo gcig tu lung bstan par bya ba yin pa 'ba' zhig tu ni ma zad do/ /slob dpon gyis gang zhig 'dri ba zhes bya ba smos te/ ci gang dag 'chi bar 'gyur ba de dag skye bar 'gyur ram zhes rnam pa de lta bur 'dra ba de la thams cad ni skye bar mi 'gyur ro/ /'o na ci zhe na/ nyon mongs pa dang bcas pa rnams ni skye bar 'gyur gyi nyon mongs pa med pa rnams

  253. 127a

    ni ma yin no zhes bya ba rnam par phye ste/ lung bstan dgos par 'gyur ro/ /de lta bas na thams cad skye bar 'gyur ro zhes bya ba 'di yang mgo gcig tu lung bstan par bya ba yin no zhes smras pa gang yin pa ni mi 'thad kyi bye brag tu smras pas dper brjod pa nyid du rung ngo snyam du bsam pa yin no/ /btsun pa rA ma de nyid kyis mi la yang gnyi ga yod de zhes bya ba smras te/ dman pa nyid dang khyad par du 'phags pa nyid do// 'di gnyis ni bltos pa can du yod pas gnyi gar mgo gcig tu lung bstan par bya ba yin te/ dper na rnam par shes pa rgyu yin nam 'bras bu yin zhes 'dri na rgyu dang 'bras bu la bltos nas rgyu yang yin la 'bras bu yang yin zhes mgo gcig tu lung bstan ces bya ba dang 'dra'o/ /de la ci mi 'di khyad par du 'phags pa yin nam dman pa yin zhes 'dri na gang las bltos te 'dri zhes dris nas lung du bstan par bya ste zhes smras pa gang yin pa de rigs pa ma yin te/ 'di ltar 'dri ba 'di mgo gcig tu lung bstan par bya bas so/ /slob dpon gyis gcig tu 'dri ba la zhes bya ba la sogs pas bye brag tu smra ba'i phyogs gzhung 'dzugs par byed de/ ci 'di khyad par du 'phags pa kho na zhig gam dman pa kho na zhig yin zhes gcig tu 'dri ba la ni dman pa'o zhe'am khyad par du 'phags pa'o zhes gcig tu lung bstan du mi rung bas gang la bltos te 'dri zhes rnam par phye ste/ lung bstan par rigs so/ /de la mi la yang gnyi ga yod de zhes bya ba rgyas par smras pa gang yin pa de rigs pa ma yin no/ /de nyid kyi phung po dag las sems can gzhan nam zhes bya ba thams cad smras so/ /slob dpon gyis gzhag par bya ba'i 'dri ba gang yin pa zhes bya ba smos so/ /bye brag tu smra

  254. 127b

    ba'i lugs kyis rnam pa bzhi'i dper brjod pa 'di ni bshad zin to/ /chos mngon pa pa rnams na re zhes bya ba ni chos mngon pa tshan drug pa tsam 'dod pa rnams so/ /sdug bsngal gdags pa nas lam gdags pa'i bar zhes bya ba ni 'phags pa'i bden pa bzhi gdags pa ste/ mdo las ji skad du 'byung ba lta bu'o/ don dang ldan pa yin pa'i phyir zhes bya ba na don dang yang dag par ldan pa'i phyir zhes bya ba pa'i tha tshig go /g.yon can gyi zhes bya ba ni 'dri ba po g.yon can rnam par tho 'tshams pa'i bsam pa can gyi 'dri ba lung bstan pa yang rnam par phye ste lung bstan par bya ba'i dri ba'i tshig de nyid yin par rig par bya'o/ /btsun pa rA mas gang gi tshe zhes bya ba rgyas par smras te/ gang gi tshe g.yon can dang g.yo med pa de gnyis cung zad kyang mi 'dra'i chos bshad du gsol zhes gsol ba 'debs pa 'ba' zhig tu zad la/ g.yon can dang g.yo med pa de gnyis pa la yang chos ni gzugs la sogs pa rab tu dbye ba dang bcas pa rgyas pa 'di dag yin no zhes bya bar cung zad lung mi ston gyi/ gang dag bshad par bya zhes 'dri ba 'ba' zhig tu zad na de ji ltar na g.yon can g.yo med pa 'di gnyis kyi 'dri ba yin/ ji ltar na chos mngon pa'i lung ston pa yin/ slob dpon gyi gang zhig ces bya ba rgyas par smros te/ gang zhig de mi shes nas/ lam smros shig ces zer na ci de lam ma 'dres pa yin nam/ des gsol ba 'debs pa'i sgo nas dris so snyam du bsam pa yin no/ /ji ltar lam smros shig ces smra pas lam gang zhig yin zhes smras par 'gyur ba de bzhin du chos bshad du gsol zhes smra pas chos gang dag yin zhes smras par 'gyur ro/ /dri ba nyid kyis de lung bstan pa'i phyir zhes bya ba ni chos mang po zhig yod na gang dag smra bar bya zhes dri ba zhes kho nas dri ba de'am chos de rnams lung bstan pa'i phyir te/ chos mang ba nyid du lung bstan pas so/ /ji ltar na dris nas lung bstan pa ma yin zhes bya ba ni dris pas lung bstan pa

  255. 128a

    yin no zhes bya ba'i tha tshig go /de la de gnyis kyang cung zad kyang mi 'dri'i gsol ba 'debs pa 'ba' zhig tu zad la zhes bya ba nas/ ji ltar lung du ston pa yin zhes smras pa gang yin de rigs pa ma yin no/ /slob dpon gyis mdo kho na las zhes bya ba rgyas par smos te/ mdo 'di ni tshig phal ba yin pa las legs par sbyar bar rnam par bzhag nas 'don par byed do/ /ched du bsam par bya ba'i las byas nas ci zhig so sor yang dag par myong bar 'gyur/ ci bde 'am sdug bsngal 'am/ bde ba yang ma yin sdug bsngal yang ma yin pa zhig ces de skad du dris na/ ched du bsam par bya ba ni dge ba la sogs pa tha dad pa'i phyir ched du bsam par bya ba dge ba zag pa dang bcas pa byas pas ni bde ba 'am bde ba yang ma yin sdug bsngal ba ma yin pa so sor yang dag par myong bar 'gyur ro/ /ched du bsam par bya ba'i las mi dge ba byas pas ni sdug bsngal so sor yang dag par myong bar 'gyur ro zhes rnam par phye ste lung du bstan par bya ba yin no/ /gal te 'di skad du bdag rags pa yin par shes so zhes bya ba ni gzugs so/ /srog kyang gzhan la lus kyang gzhan zhig gam zhes bya ba'i bar zhes bya ba rab tu dbye ba rgyas par 'byung ba'i bar du zhes bya ba'i sgras ni de bzhin 'ongs pa shi nas med pa zhig gam/ de bzhin 'ongs pa shi nas yod kyang yod la med kyang med pa zhig gam/ de bzhin 'ongs pa shi nas yod pa yang ma yin med pa yang ma yin pa zhig gam/ lus de nyid srog yin nam/ lus kyang gzhan la srog kyang gzhan zhig ma zhes bya ba thams cad brjod par bya'o/ /de ni nges de dang ldan pa yin zhes bya ba ni gang zag de ni phra rgyas nges bcings so zhes bya bar shes par 'gyur ba kho na'o zhes bya ba'i tha tshig go /rang gi mtshan nyid

  256. 128b

    pa'i nyon mongs pa zhes bya ba la rang gi mtshan nyid ni bde ba myong bar 'gyur ba la sogs pa'i dngos po de la 'dod chags pa ni bde ba myong bar 'gyur ba'i dngos po kho na la dmigs te skye bas rang gi mtshan nyid pa'i nyon mongs pa zhes bya'o/ /bde ba myong bar 'gyur ba'i dngos po dmigs par bya ba des khengs par 'gyur bas nga rgyal yang rang gi mtshan nyid dag gi nyon mongs pa yin no/ /de bzhin du sdug bsngal myong bar 'gyur ba'i dngos po dmigs te khong khro bar 'byung bas/ khong khro ba yang rang gi mtshan nyid dang/ gi nyon mongs pa zhes bya'o/ /nyon mongs pa spyi ba ni lta ba dang the tshom la sogs pa ste/ spyi'i 'am spyir nyon mongs pa yin pas ni nyon mongs pa spyi ba dag go /de dag ni khyad par med par bde ba myong bar 'gyur ba la sogs pa'i dngos po la skye bar 'gyur te/ de'i phyir de dag la dmigs te skyes pa'i nyon mongs pa rnams ni nyon mongs pa sgyi? ba zhes bya'o/ /'das dang nyer gnas zhes bya ba ni 'das pa dang da ltar byung ba'o/ /dngos po gang la 'dod chags dang khong khro ba dang nga rgyal rnams skyes la zhes bya ba rgyas par 'byung ba ni khyad par med par brjod pa'i phyir 'dod chags la sogs pa 'di dag ni rnam par shes pa'i tshogs drug pa yang rung ste/ ci rigs par sdug bsngal mthong bas spang bar bya ba nas bsgom pas spang bar bya ba'i bar dus gsum pa'i dngos po gang la skyes la ma spangs pa'i 'dod chags la sogs pa de dag gi dngos po de dang ldan te/ thag pas glang bu phur pa las btags pa dang 'dra'o/ /de dag ni rang gi mtshan nyid pa'i nyon mongs pa yin pa'i phyir gdon mi za bar gang zag thams cad la thams cad 'byung ba ma yin zhes bya ba ni 'ga' zhig kha cig la 'byung ngo zhes bya ba'i tha tshig go /de'i phyir/ gang la de skyes ma spangs pa'i zhes de dag kyang khyad par du byas pa yin te/ ma spangs pa zhes bya ba'i khyad par smos pa 'di ltar 'dod chags la sogs pa gang dag gis sngon dngos po de dang

  257. 129a

    ldan par gyur pa de dag gal te spangs par gyur nas de dag gis de dang ldan pa ma yin te/ spangs pas yul la rgyas par mi 'gyur ba'i phyir ro/ /yid kyi de dag ma 'ongs pas kun dang zhes bya ba la/ yid kyi zhes bya ba smos pa ni rnam par shes pa'i tshogs lnga pa rnams ni/ gzhan gyi rang dus pa zhes gzhan du rnam par bzhag par bya ba yin pa'i phyir ro/ /'di ni 'dod chags dang khong khro ba khyad par du bya ba yin te/ nga rgyal ni gdon mi za bar yid kyi yin pa'i phyir ro/ /ma 'ongs pa'i de dag gis ni ris lnga pa dus gsum pa thams cad dang yang bdag nyid ji lta ba bzhin ldan pa yin no/ /zag pa dang bcas pa'i dngos po gang zhig rang gi mtshan nyid pa'i nyon mongs pas kyang 'dod chags dang bcas pa ma yin pa dang zhe sdang gis zhe sdang dang bcas pa ma yin pa dang/ nga rgyal gyis nga rgyal dang bcas pa ma yin pa de ni med de/ 'dod chags la sogs pa ma 'ongs pa zag pa dang bcas pa'i dngos po thams cad la bdag nyid ji lta ba bzhin du dmigs pa dag ni dpag tu med pa zhig yod do/ /'dod chags dang khong khro ba ma 'ongs pa gzhan dag gis ni ma 'ongs pa'i dngos po kho na dang ldan no zhes bya ba ni sems dang sems las byung ba thams cad ni dmigs pa la nges pa yin pas chos skye bar 'gyur ba'i chos de dag gis ma 'ongs pa'i dngos po kho na dang ldan te/ rnam par shes pa'i tshogs lnga rnams kyi yul ni da ltar yin pa'i phyir ro/ /'dod chags dang khong khro ba gzhan dag gis zhes smos kyi nga rgyal ma smos pa ni/ mthong spang bya nyid rgyal bcas/ yid rnam shes kyi sa pa yin zhes 'byung bas nga rgyal rnam yid kyi sa yin pa'i phyir ro/ /rnam par shes pa'i tshogs lnga ba dag gis kyang zhes bya ba la/ kyang zhes bya ba'i sgras ni yid kyi sa pa dag 'ba' zhig tu ni ma zad kyi zhes ston par byed do/ /mi skye ba'i chos can de dag gis ni dus gsum pa'i dngos po thams cad dang ldan te mi skye ba'i chos can de dag ni ma 'ongs pa'i dus kho na na rnam par gnas

  258. 129b

    la/ de dag gi dmigs pa dag ni 'pho bar 'gyur ro/ /nyon mongs pa dang ldan pa mi skye ba'i chos can rnams ni lcam pa bzhin du yul mngon par phyogs pa kho nar gnas te/ 'di ltar mi skye ba'i chos rnams ni dmigs pa la dmigs nas skye bar 'gyur ba ma yin pa nyid do/ /de'i phyir kha cig gi dmigs pa ni 'das pa yin no/ /kha cig ni da ltar yin no/ /kha cig ni ma 'ongs pa yin no/ /de dag ni dmigs pa mi skye ba kho nas mi skye ba ma yin no/ /'o na ci zhe na/ rkyen ma tshang ba'i phyir te/ grub pa'i mdza' ni tshogs pa na gnas skabs kyi 'bras bu can yin gyi rdzas ? 'bras bu can ni ma yin no zhes bya ba yin no/ /lhag ma kun gyis kun dang ldan zhes bya ba ni lta ba la sogs pa'i ris du ma dus gsum pa dag gis kyang dus gsum pa'i dngos po rnam pa lnga car dang ldan te yang dag par ldan no zhes bya ba'i tha tshig go /ci'i phyir zhe na/ nyon mongs pa'i spyi ba yin pa'i phyir zhes bya ba smos te/ 'di dag ni nye bar len pa'i phung po lnga car dmigs pa yin pa'i phyir thams cad kun la 'byung ngo/ /ji ltar na 'das pa dang ma 'ongs pa'i dngos po de dang de 'am/ 'das pa dang ma 'ongs pa'i phra rgyas des ldan pa 'am bral ba yin te/ ji ltar na ma spangs pa dang spangs pa'i gnas skabs su rnam par gzhag /'dus byas kyi mtshan nyid dang ldan pa'i phyir zhes bya ba ni 'di ltar 'dus byas kyi mtshan nyid skye ba la sogs pa 'du byed rnams dus su 'pho bar bya ba'i 'jug ste/ de'i phyir de dag rtag pa nyid ma yin par dam 'cha'o/ /dge slong dag gal te 'das pa'i gzugs zhes bya ba'i mdo 'di'i mgo ni 'di skad ces 'byung ba yin te/ gzugs 'das pa dang ma 'ongs pa yang mi rtag na da ltar byung ba lta ci smos/ 'phags pa nyan thos thos pa dang ldan pa de ltar lta ba ni 'das pa'i gzugs la lta bar mi 'gyur/ ma 'ongs pa'i gzugs la mngon par dga' bar mi 'gyur gyi/ da ltar byung ba'i gzugs la yid byung bar bya ba dang

  259. 130a

    'dod chags dang bral bar bya ba dang 'gog par bya ba'i phyir zhugs pa yin no/ /gal te 'das pa'i gzugs shig yod par ma gyur na/ 'phags pa nyan thos thos pa dang ldan pa 'das pa'i gzugs la mi lta bar yang mi 'gyur ba zhig na gang gi phyir 'das pa'i gzugs yod pa de'i phyir 'phags pa nyan thos thos pa dang ldan pa 'das pa'i gzugs mi lta ba yin no/ /gal te ma 'ongs pa'i gzugs shig yod par ma gyur na/ 'phags pa nyan thos thos pa dang ldan pa ma 'ongs pa'i gzugs la mngon par dga' ba med par yang mi 'gyur ba zhig na/ gang gi phyir ma 'ongs pa'i gzugs yod pa de'i phyir 'phags pa nyan thos thos pa dang ldan pa ma 'ongs pa'i gzugs la mngon par dga' ba med pa yin no/ /dge slong dag gal te da ltar byung ba'i gzugs shig yod par ma gyur na zhes bya ba rgyas par gsungs pa yin no/ /'phags pa nyan thos thos pa dang ldan pa 'das pa'i gzugs la mi lta bar yang mi 'gyur ba zhig na zhes bya ba ni yul med pa'i phyir 'phags pa nyan thos la 'dod chags dang bral ba de'i tshe 'das pa'i yul la me lta ba'i slo 'byung bar mi 'gyur ro zhes bya ba'i tha tshig ste/ gang gi tshe 'das pa'i gzugs la lta ba de'i tshe de la chags pa yin no/ /mngon par dga' ba zhes bya ba ni mngon par 'dod pa'o// dge slong dag gal te da ltar byung ba'i gzugs shig yod par ma gyur na/ 'phags pa nyan thos thos pa dang ldan pa da ltar byung ba'i gzugs la yid byung bar bya ba dang/ 'dod chags dang bral bar bya ba dang/ 'gog par bya ba'i phyir zhugs par yang mi 'gyur ba zhig na zhes bya ba 'di ni ma smos te/ gnyi ga la rab tu grub pa'i phyir ro/ /gnyis phyir zhes bya ba ni snga ma ni zhal nas gsungs pa yin no zhes rab tu bstan pa yin no/ /da ni rnam grangs kyi sgo nas yin gyi zhal nas ni ma yin pas khyad par yod do//

  260. 130b

    yid kyi rnam par shes pa 'das pa dang ma 'ongs pa la dmigs pa gang yin pa gnyis la brten par mi 'gyur ro/ /de bas na dmigs pa med pa'i phyir rnam par shes pa nyid du yang mi 'gyur ro zhes bya ba ni rnam par shes par bya ba yod na rnam par shes pa yin pas so/ /'di la sgrub pa ni yid kyi rnam par shes pa ni yod pa la dmigs pa kho na yin te/ dmigs pa'i ngo bo nyid yin pa'i phyir mig gi rnam par shes pa bzhin no/ /'bras phyir zhes bya ba ni dge ba dang mi dge ba'i las 'das pa ni rang gi ngo bor yod pa yin te/ smin pa'i tshe 'bras bu 'byung bar 'gyur ba yin pa'i phyir da ltar gyi bzhin no/ /dngos po gzhan du 'gyur gyi zhes bya ba ni 'das pa dang ma 'ongs pa dang da ltar byung ba'i dngos po gzhan du 'gyur ba yin zhes bya ba'i tha tshig go /rdzas gzhan du 'gyur ba ni ma yin zhes bya ba ni gzugs la sogs pa rang gi mtshan nyid gzhan du 'gyur ba ni ma yin no zhes bya ba'i don te/ ma 'ongs pa da ltar byung pa'i dus su 'gyur ba na ma 'ongs pa'i dngos po 'dor zhing da ltar byung ba'i dngos po ni 'thob bo/ /da ltar byung ba yang 'das pa'i dus su 'gyur ba na da ltar byung ba'i dngos po 'dor zhing 'das pa'i dngos po 'thob bo/ /gser zhes bya ba dang/ 'o ma zhes bya ba'i dpe gnyis ni/ go rim bzhin du dbyibs dang yon tan gzhan nyid du 'gyur bar shes par bya ba'i phyir ro/ mtshan nyid gzhan du gyur pa ni mtshan nyid 'jug pa thob pa la bltos nas tha snyad brjod par byed do/ /de nyid kyi phyir chos dus rnams su 'jug pa na 'das pa'i mtshan nyid dang ldan la/ ma 'ongs pa da ltar byung ba'i mtshan nyid dang ni mi ldan pa ma yin no zhes bya ba rgyas par smras te/ mtshan nyid 'jug pa thob pa ni mtshan nyid dang ldan par rnam par gzhag la de las gzhan dang mi ldan pa ma yin pa ni bral ba ma yin zhes bya ba'i tha tshig go /de nyid kyi phyir dper na skyes bu bud med cig la chags pa lhag

  261. 131a

    ma rnams la 'dod chags dang bral ba ma yin pa bzhin no zhes bya ba dper brjod par byed do/ /de bud med cig la lhag par zhen par gyur na/ bud med lhag ma rnams la 'dod chags kyi thob pa kho na yod kyi kun tu 'byung ba ni ma yin pa lta bu'o/ /gnas skabs gzhan du 'gyur ba pa ni gnas skabs la bltos nas tha snyad brjod par byed do/ /chos de gnas skabs gang na bya ba mi byed pa'i gnas skabs de ni ma 'ongs pa zhes bya ba la/ gang na byed pa de na ni da ltar zhes bya'o// gang na byas nas 'gags pa de na ni 'das pa zhes bya'o/ /de'i phyir gnas skabs dang gnas skabs su phyin nas gnas skabs gzhan gyi sgo nas ma 'ongs pa'i gnas skabs su phyin nas ma 'ongs pa'i bya ba nas 'das pa'i gnas skabs su phyin nas 'das pa zhes bya ba'i bar gzhan dang gzhan zhes ston gyi rdzas gzhan gyi sgo nas ma yin te/ ma 'ongs pa la sogs pa'i gnas skabs su phyin pa la mtshan nyid tha dad pa ni med kyi/ ma 'ongs pa la sogs pa zhes bya ba'i sgrar ston pa 'ba' zhig tu zad do zhes bya ba'i tha tshig go /de nyid kyi phyir dper na ri lu gcig ces bya ba rgyas par dper brjod par? byed do/ /dper na ri lu gcig gcig gi sho mig tu gzhag cing gnas gcig tu gzhag na gcig ces bya la/ de bzhin du brgya'i sho mig tu gzhag na brgya/ stong gi sho mig tu gzhag na stod zhes bya ba bzhin te/ gnas skabs tha dad pa la bltos nas yin gyi/ de'i ngo bo nyid gzhan du 'gyur ba ni ma yin no/ /'o na ci zhe na/ gnas skabs tha dad pa'i bye brag la grags brjod par byed pa'i ming gzhan 'byung bar zad do/ /snga ma dang phyi ma la bltos nas gzhan dang gzhan zhes brjod ces bya ba ni/ snga ma dang phyi ma la bstos nas 'das pa dang/ ma 'ongs pa dang da ltar zhes bya'o zhes bya ba'i tha tshig ste/ snga ma 'das pa dang da ltar kho na la bltos nas ma 'ongs pa

  262. 131b

    zhes bya'o/ /snga ma 'das pa dang/ phyi ma ma 'ongs pa la bltos nas da ltar zhes bya'o/ /phyi ma da ltar dang ma 'ongs pa kho na la bltos nas 'das pa zhes bya'o/ /de bas na gzhan dang gzhan du 'gyur ba pa ni snga ma dang phyi ma la bltos nas tha snyad rjod par byed do/ /de nyid kyi phyir/ dper na bud med gcig la ma zhes bya la/ bu mo zhes kyang bya ba bzhin no zhes bya ba dper brjod par byed de/ dper na bud med gcig gcig la bu mo las bltos nas ni ma zhes kyang bya la/ ma las bltos nas ni bu bo zhes kyang bya ba ltar snga ma dang/ phyi ma la bltos pa yin gyi rdzas gzhan gyi sgo nas ni ma yin no/ /grangs can gyi phyogs la bslan bar bya'o zhes bya ba ni grangs can gyi phyogs dgag pa gang yin pa de nyid de'i phyogs dgag pa yin te/ grangs can gyi phyogs ni sngar bkag zin to snyam du bsam pa yin no/ /gnyis pa bcun pa dbyangs sgrogs kyi'ang dus 'chol bar 'gyur te/ 'das pa'i dus su 'dod pa gang yin pa de da ltar dang ma 'ongs par yang 'gyur ro/ /ji lta zhe na 'das pa ni 'das pa'i mtshan nyid dang ldan pa yin la/ ma 'ongs pa dang da ltar gyi mtshan nyid dag ni mi ldan pa ma yin te/ ldan pa kho na yin no zhes bya ba'i tha tshig go /ma 'ongs pa yang ma 'ongs pa'i mtshan nyid dang ldan la/ 'das pa dang de ltar gyi mtshan nyid dag ni mi ldan pa ma yin no/ /da ltar yang da ltar gyi mtshan nyid dang ldan la/ 'das pa dang mi 'ongs pa'i mtshan nyid dag ni mi ldan ba ma yin no/ /de lta bas na re re zhing mtshan nyid gsum car dang ldan pa'i phyir/ 'das pa dang ma 'ongs pa dang da ltar du 'gyur te/ de bzhin du ma 'ongs pa dang da ltar dag la yang sbyar bar bya'o/ /'dir ci zhig mtshungs zhes bya ba ni/ skyes bu gcig 'ba' zhig dang ldan pa de bzhin du/ chos la mtshan nyid gcig yod kyi mtshan nyid

  263. 132a

    gzhan gnyis med dam ci na/ gang gi phyir de skad du dper brjod par byed/ /de lta bas na mtshungs pa med do/ /bzhi pa'i yang zhes bya ba ni btsun pa sangs rgyas lha'i yang ngo/ /dus gcig la dus gsum car du 'gyur te zhes bya ba ni 'das pa'i dus gcig kho na la snga ma dang phyi ma'i skad cig rnam par bzhag pa yod pas so/ /de la snga ma dang phyi ma'i skad cig pa dag ni 'das pa dang ma 'ongs yin te/ skad cig ma snga ma ni 'das pa yin la dbus kyi skad cig ma ni da ltar byung ba yin/ phyi ma ni ma 'ongs pa yin pas 'das pa'i dus la dus gsum car du 'gyur ro/ /bye brag tu smra bas/ de lta bas na de dag thams cad kyi nang na gsum pa bzang ste zhes bya ba smos so/ /ji ltar bzang zhe na smras pa 'di ltar de'i ni bya ba yis/ dus rnams rnam gzhag /bya ba yang mig la sogs pa'i bya ba ni lta ba la sogs pa yin no/ /gzugs la sogs pa'i yang rang gi dbang po spyod yul nyid yin no// gal te de lta na zhes bya ba rgyas par 'byung ba ni gal te bya bas rnam par bzhag na mig de dang 'dra ba'i bya ba gang zhig yin te/ gang zhig bya ba'i mtshan nyid rang gi las mi byed pa de ni re dang 'dra ba yin la/ de la yang lta ba'i mtshan nyid kyi bya ba med na ji ltar da ltar byung ba yin snyam du bsams pa yin no/ /'bras bu'i 'byin pa dang 'dzin pa yin no zhes bya ba ni mig de ni rang gi rgyu mthun pa'i 'bras bu 'dzin cing 'phen pa yang yin la/ 'bras bu 'byin pa yang ste/ mjug thogs su rgyu mthun pa 'am skyes bu byed pa'i 'bras bu 'byin to/ /lta ba'i bya ba mi byed kyang 'bras bu gzhan byed de/ de la 'bras bu 'byin pa dang/ /'dzin pa yod pa'i phyir de ni da ltar byung ba zhes bya bar rnam par bzhag go/ //bam po bzhi bcu rtsa gcig

  264. 132b

    pa/ /bskal pa mnyam pa'i rgyu la sogs pa 'das pa rnams kyang zhes bya ba la sogs pa zhes bya ba'i sgras ni rnam par smin pa'i rgyu la sogs pa yang bsdu ste/ de dag ni da ltar gyi dad 'das pa dag /gcig ni 'das pas 'byin par 'gyur zhes 'byung bas/ 'bras bu 'byin pa'i sgo nas byed pa yod pa'i phyir/ byed pa yod par thal bar 'gyur ro/ /de'i phyir skal ba mnyam pa'i rgyu la sogs pa de dag kyang da ltar bzhin du bya ba yod pa'i phyir da ltar nyid du thal bar 'gyur bas/ mtshan nyid 'tshol bar 'gyur ro/ /gal te khyod gang dag la 'bras bu 'dzin pa dang 'byin pa gnyi ga yod pa de dag ni da ltar yin gyi/ gang dag la gcig yod pa de dag ni ma yin no zhes smra na/ de'i phyir bya ba phyed du zhes bya ba smos te/ thal bar 'gyur ro zhes bya bar skabs dang sbyar ro/ /bya ba phyed yod par thal bar 'gyur ba ste/ 'das pa de dag phyed da ltar yin no zhes bya bar thal bar 'gyur ro/ /'das pa de dag 'bras bu 'dzin pa'i mtshan nyid kyi bya ba zhig pa'i phyir 'das pa'i mtshan nyid dang yang ldan la/ da ltar gyi 'bras bu 'byin pa'i phyir da ltar gyi mtshan nyid dang yang ldan te/ de nyid mtshan nyid 'chol ba'i nyes pa yin no/ /'das pa la sogs pa'i mtshan nyid du 'dod pa ni/ bya ba zhig pa ni 'das pa yin la bya ba ma thob pa ni ma 'ongs pa yin/ bya ba thob la ma zhig pa ni da ltar yin no zhes bya ba yin pas so/ /bgegs su byed ces bya ba ni bgegs byed pa su yod ces bya ba'i tha tshig go /gzhan dag na re bgegs su byed ces bya ba ni/ 'di la bgegs byed pa su yod ces bya ba ste/ bya ba'i yin no zhes zer ro// gal te rkyen rnams ma tshogs pa yin zhe na/ zhes bya ba ni de la 'di snyam du rgyu dang mtshungs pa de ma thag pa la sogs pa rkyen rnams ma tshogs pa yin te/ de'i phyir dus thams cad du ni bya ba mi byed do snyam du sems na mi rung ste/ rtag tu yod pa nyid du khas

  265. 133a

    blangs pa'i phyir ro/ /rkyen rnams ma tshogs par rtag tu ni mi rung ste/ 'di ltar khyed ni rkyen rnams yod pa nyid du khas len la yod pa rnams ni zhig pa ma yin pa'i phyir ro/ /bya ba 'das pa dang zhes bya ba rgyas par 'byung ba ni grub pa'i mdza' las bya ba zhig pa ni 'das pa yin no zhes bya ba de lta bu la sogs pa 'byung bas bya ba 'das pa zhes bya ba dang ma 'ongs pa dang da ltar byung ba zhes bya ba la/ yang bya ba gzhan zhig yod dam ci na gang gi phyir 'das pa la sogs pa nyid du brjod/ gal te yod na ni thug pa med par thal bar 'gyur ro/ /ji ste med na ni ji ltar 'das pa la sogs pa zhes bya'o/ /'on te 'das pa yang ma yin zhes bya ba rgyas par 'byung ba ni gang zhig 'das pa yang ma yin/ ma 'ongs pa yang ma yin da ltar byung ba yang ma yin pa de ni 'dus ma byas yin pa'i phyir 'dus ma byas yin pas rtag tu yod do zhes bya bar 'gyur te bya ba zhes bya bar skabs dang sbyar ro/ /des na ni ci zhe na/ de'i phyir gang gi tshe chos bya ba mi byed pa de de'i tshe ma 'ongs pa yin no zhes brjod par mi bya ste/ bya ba byed par mi nus pa nyid du gyur pa'i phyir ro/ /gal te chos las bya ba gzhan zhig yin na ni skyon der yang 'gyur ba zhig na zhes bya ba ni gal te chos las bya ba gzhan zhig yin na ni bya ba la yang bya ba gzhan yod ces bya ba'i thal ba 'am/ 'dus ma byas su thal ba'i nyes pa der yang 'gyur ba zhig na/ de ni gzhan yang ma yin pas 'di ni nyes pa med do zhes bya ba yin no/ /de'i bdag nyid kho nar zhes bya ba ni da ltar byung ba'i ngo bo nyid gang yin pa de kho na bzhin du zhes bya ba'i tha tshig go /'di mngon ci zhig ma byung bar gyur ces bya ba ni ma 'ongs pa'i gnas skabs na ste/ gal te bya ba yin no zhe na ni gzhan ma yin pa'i phyir chos nyid med do zhes smras par 'gyur ro/ /phyis ci zhig med ces bya ba ni 'das pa'i gnas skabs na te/ gal te bya ba yin no zhe na ni chos dang bya ba dag

  266. 133b

    ni gzhan ma yin pa'i phyir chos nyid med do zhes smras par 'gyur ro/ /gal te ma byung ba las byung bar mi 'dod na da ltar byung bar 'grub par mi 'gyur ro/ /gal te byung nas kyang yang mi 'byung bar mi 'dod na 'das pa'i dus 'grub par mi 'gyur ro/ /ma 'ongs pa ni gang zhig ma byung ba las re zhig mi 'gyur pa yin no zhes bya bar zhugs kyis go bar 'gyur ro/ /tshig gi don ni de ltar na dus gsum 'grub kyi de lta ma yin na ni 'grub par mi 'gyur ro zhes bya ba yin no/ /skye ba dang 'jig pa dag mi rung ba'i phyir zhes bya ba ni dus thams cad du yod pa'i phyir skye ba dang 'jig pa dag mi rung ngo/ /de lta bas na 'dus byas kyi mtshan nyid dang ldan pa'i phyir/ rtag pa nyid du thal bar mi 'gyur ro zhes bya ba 'di ni/ tshig tsam du zad do/ /tshig gi lugs 'di ni sngon ma byung ba yin no zhes bya ba ni dus thams cad du yang yod la skye ba dang 'jig pa dag dang ldan no zhes bya ba'i tshig gi lugs ni sngon ma thos pa yin no zhes bya ba'i don tam tshig gi lugs 'di ni snga phyi 'gal ba yin no zhes bya ba yin no/ /rang bzhin yang ni rtag tu yod ces bya ba ni gzugs la sogs pa'i rang gi mtshan nyid de dus thams cad na yod do zhes bya bar 'dod do/ /gal te gzugs la sogs pa'i ngo bo nyid dus thams cad du yang yod na des na gzugs la sogs pa'i dngos po rtag par thal bar 'gyur ro zhe na/ de'i phyir smras pa/ dngos po yang ni rtag mi 'dod/ de lta yin na gdon mi za bar rang bzhin de las dngos po gzhan yin no zhe na/ de'i phyir/ rang bzhin las kyang dngos mi gzhan zhes smras so/ /de lta bas na 'di ni 'dod rgyal tsam du zad pa'i phyir/ dbang phyug tha snyad? yin par gsal te rigs pa ni med do/ /sngon byung ba gang yin pa ni 'das pa yin la/ zhes bya ba ni rang gi mtshan nyid du med do zhes ston par byed do/ /rkyen yod na 'byung bar 'gyur pa gang yin pa ni ma 'ongs pa yin no zhes bya ba ni med kyang

  267. 134a

    rgyu yod pa'i sgo nas rnam par 'jog go zhes ston par byed do/ /de ltar byas nas zhes bya ba ni sngon byung ba dang 'byung bar 'gyur ro zhes byas nas yin gyi rdzas su yod pa ni ma yin pa nyid do/ /rgyu la skur ba 'debs par bya ba dgag pa'i phyir 'das pa yod do zhes gsungs so/ /'bras bu la skur pa 'debs par lta ba ba dgag pa'i phyir/ ma 'ongs pa yod do zhes gsungs so/ /'das pa byung par gyur te/ ma 'ongs pa 'byung bar 'gyur ro zhes gsungs so zhes brjod par bya ba las/ yod do zhes gsungs so zhes smos pa ni yod ces bya ba'i sgra tshig gi phrad yin pa'i phyir ro/ /tshig gi phrad ni dus gsum pa'i yul can yin pas byung bar gyur to/ /'byung bar 'gyur ro zhes bya ba'i don la yang yod do/ /dper na smra ba po mar me zhes bya ba rgyas par 'byung ba ni/ dper na smra ba po mar me snga na med pa yod do/ /phyis med pa yod do zhes smra yang rdzas su yod pa ma yin pa lta bu dang/ yang dper na smra ba po mar me de shi ba ni yod mod kyi/ kho bos ni ma bsad do zhes zer yang yod ces bya ba'i sgra sbyar bas shi ba de yod pa ni ma yin pa lta bu'o/ /bye brag tu smra ba'i ltar na 'gag pa yang yod pa ma yin nam zhe na/ yod pa bden mod kyi de ni mar me'i ngo bo nyid 'dzin pa kho nar yod pa ni ma yin no/ /de bzhin du rdzas su yod pa nyid ma yin pa yang 'das pa dang ma 'ongs pa yang yod do zhes gsungs kyi/ de lta ma yin na 'das pa dang ma 'ongs pa mi 'grub pa kho nar 'gyur te/ gal te mtshan nyid de kho na bzhin du yod par gyur na 'das pa dang ma 'ongs pa nyid 'grub par mi 'gyur ro zhes bya ba'i tha tshig go /gal te 'das pa sngon byung ba zhig yin na/ 'o na bcom ldan 'das kyis kun tu rgyu dbyug thogs thor tshugs can rnams la zhes bya ba rgya cher smos te/ 'phags pa'i gleng gzhi yul na lAndar

  268. 134b

    sangs rgyas kyis gsungs pa'i mdo yang dag par ldan pa'i lung las 'phags pa maung+gal gyi bu bsad do zhes gleng ba dang kun tu rgyu dbyug thogs thor tshugs can rnams kyis 'di ltar bsad pa med do zhes smras pa yod do/ /de'i phyir mdo las 'di skad du kun tu rgyu dbyug thogs thor tshugs can mtshams med pa byed pa rnams las 'das pa de ni med do zhes de skad du smra'o zhes bya ba rgyas par 'byung ngo/ /ci kun tu rgyu dbyug thogs thor tshur can de dag mtshams med pa'i las de sngon byung ba nyid du mi 'dod bar gyur tam/ 'di skad du bshad pa yin te/ de dag las de sngon byung ba nyid du ni 'dod par gyur mod kyi 'on kyang de dag las 'das pa de ni med do zhes las de la rdzas su med par log par rtog pa yin no/ /de ltar bcom ldan 'das kyis ni ngo bo nyid gang la de dag log par rtog pa'i las 'das pa de ni yod do zhes rgyas par gsungs te/ de lta bas na 'das pa pa ni rang gi ngo bo yod do zhes zhib tu bshad pa yin no/ /mdo de las ni 'das pa ni sngon byung ba'i las gang yin pa de kho nar zad do zhes bya bar dgongs nas las de yod de zhes gsungs pa ni ma yin no/ /'o na ci zhe na/ rgyu de la nges kun tu drangs pa ste/ sngon byung ba'i las kyis kun tu drangs shing bzhag pa 'bras bu skyed pa'i mthu yod pa las dgongs te gsungs pa yin no/ /dgongs pa 'dis gsungs so zhes bya bar ci mngon zhe na/ de ltar ma yin te rang gi ngo bo kho nar yod na 'das pa 'grub par mi 'gyur ro zhes bya ba smos te/ las de rang gi mtshan nyid du yod cing da ltar byung ba'i mtshan nyid du yod na/ 'das pa zhes bya ba 'grub par mi 'gyur gyi/ da ltar byung ba kho nar 'grub par 'gyur ro snyam du bsam pa yin no/ /rgyud de la nges kun tu ba drangs pa zhes bya ba rgyas par de skad du bshad na ni las 'das pa de yod do zhes bya bar 'grub par 'gyur ro/ /de ni gdon mi za bar de lta bu yin par shes par bya ste zhes bya ba ni ji ltar 'das pa dang ma 'ongs

  269. 135a

    pa rdzas su med do zhes bya ba lta bur ro/ /gal te da ltar gyi dus su zhes bya ba rgyas par 'byung ba ni da ltar gyi ngo bor ma byung ba las byung ba zhes bya ba'i tha tshig go /mi rung ste dus ni dngos po las don gzhan ma yin pa'i phyir ro zhes bya ba ni de ni de lta ma yin te/ da ltar byung ba'i dus ni mig ces bya ba'i dngos po las don gzhan ma yin pa'i phyir ro rdzas gzhan ma yin pa'i phyir ro zhes bya ba'i don te/ da ltar gyi dus gang yin pa de nyid dngos po yin na de ji ltar da ltar de nyid rang gi bdag nyid du ma byung ba las 'byung bar 'gyur te 'di ltar/ de nyid dus dang gtam gzhi dang zhes bshad do/ /'on te mig gi bdag nyid du ma byung ba las 'byung ngo zhe na ni ma 'ongs pa'i mig med do zhes bya ba 'di grub pa yin no/ /dmigs pa tsam zhig yin zhes bya ba la/ tsam zhes bya ba'i sgra ni skyed par byed pa nyid bzlog pa'i phyir te/ chos rnams de'i rnam par skye ba'i dmigs pa ni yin no snyam du bsam pa yin no/ /ma 'ongs pa skal ba stong 'byung bar 'gyur ba zhes bya ba ni ma 'ongs pa nye ba yang skyed par byed pa yin par mi rung na dus shin tu ring mo zhig na 'byung bar 'gyur ba gang yin pa lta bu smos kyang ci dgos te 'bras bu ni dus snga la rgyu ni dus phyi ba yin no zhes bya bar ni rung ba ma yin no/ /mya ngan las 'das pa yang zhes bya ba ni mya ngan las 'das pa ni rnam par shes pa 'gag par byed kyi 'khor ba'i 'jug pa dang 'gal ba'i phyir skyed par byed pa ni ma yin no snyam du bsams pa yin no/ /byung bar gyur pa dang 'byung bar 'gyur ro zhes bya ba ni da ltar gyi gnas skabs su gzugs byung bar gyur pa dang 'byung bar 'gyur ba de ltar dmigs la ni yin no zhes bya ba'i tha tshig go /ji ltar na de la de ltar dmigs kyi yod do zhes bya bar ni ma yin no zhes

  270. 135b

    bya bar shes she na/ de'i phyir 'das pa'i gzugs sam tshor ba dran pa na yod do zhes bya bar ni su yang mi lta'o/ /'o na ci zhe na/ gzugs de tshor ba dang mig gi rnam par shes pas myong ba'i stobs kyis ji ltar mthong ba dang/ ji ltar nyams su myong ba bzhin 'gyur bar gyur to zhes bya bar dran no/ /slob dpon nyid kyis kyang ji ltar zhes bya ba rgyas par gtan tshigs bsdu ba bshad de da ltar gyi gzugs kho na bzhin du byung bar gyur pa dang/ 'byung bar 'gyur ba yang 'dzin to snyam du bsams pa yin no/ /gal te yang de de bzhin du yod do zhe na ni/ zhes bya ba ni da lta ji lta ba bzhin yin na ni de da ltar du 'gyur ro/ /'on te de kho na bzhin du med do zhe na ni med pa yang dmigs pa yin no zhes bya bar grub ste/ da ltar gyi gzugs su med pa'i phyir dang de yang dran pa'i phyir ro/ /ma yin te sil bu la mi 'dzin pa'i phyir ro zhes bya ba ni sil bu la mi 'dzin pa'i phyir de ni rigs pa ma yin te/ /gzugs 'di sngon ni sil bu ma yin la da ni sil bu yin no zhes bya ba de lta bu de la mi 'dzin pa'i phyir ro/ /gal te yang gzugs de kho na yin te zhes bya ba rgyas par 'byung ba ni gal te yang da ltar gyi gnas skabs kyi gzugs gong bur gyur pa de 'das pa dang ma 'ongs pa'i gnas skabs na rdul phra rab tu gyes pa yin te/ de'i phyir da ltar bzhin du mi 'dzin to zhe na/ de lta na ni rdul phra rab rnams de'i so na 'dug pas rtag par 'gyur te/ ma 'ongs pa dang da ltar byung ba dang 'das pa dag kyang de dag nyid de dag yin no/ /de lta yin na ni rdul phra rab rnams bsags pa dang gyes pa tsam kho nar 'gyur gyi cung zad skyes pa yang med la 'gag pa yang med pas ya mtshan can 'tsho byed rnams kyi rtsod pa blangs pa yin no/ /yang de ltar 'dod na dge slong dag mig ni skye ba na yang gang nas kyang mi 'ong la 'gag pa na yang gang du yang bsag par mi 'gyur ro/ /dge slong dag de lta bas na mig ni ma

  271. 136a

    byung ba las 'byung zhing byung nas med par 'gyur ba yin no zhes gsungs pa'i mdo yang bor bar 'gyur ro/ /yang ci ltar na mdo 'di bar zhing 'gal bar byas pa yin zhe na/ 'di ltar mig rang gi ngo bor skye ba na gang nas kyang mi 'ong la zhes gsungs pa'i bka' 'di la yang gnod pa byas pa yin la/ 'gag pa na yang gang du yang bsags par mi 'gyur ro zhes gsungs pa'i bka' 'di la yang gnod pa byas pa yin te/ 'das pa'i dus na de'i rdul phra rab rnams sil bu'i bsags pa nyid du khas blangs pa'i phyir ro/ /rdul phra rab bsags pa ma yin pa rnams kyang zhes bya ba ni tshor ba la sogs pa rdul phra rab kyi bdag nyid ma yin pa rnams kyang ji ltar na sil bu nyid yin/ bsags pa nyid dam sil bu nyid gcig tu 'gyur na/ lus can rnams la 'gyur gyi lus can ma yin pa rnams la ni ma yin no/ /de dag kyang ji ltar byung zhing nyams su myong ba dran de zhes bya ba ni da ltar gyi ngo bo dag kho na dran no/ /gal te yang de dag da ltar ji lta ba de bzhin du yod do zhe na ni rtag par 'gyur ro/ /'on te de'i ngo bor med do zhe na ni med pa yang dmigs pa yin no zhes bya ba grub pa yin no/ /skye mched bcu gsum pa yang dmigs pa yin par 'gyur ro zhes bya ba skye mched bcu gsum pa skong ba ni skye mched bcu gsum pa'o/ /de yang rnam par shes pa'i dmigs par 'gyur te/ med par dmigs pa nyid du 'dod na ni da la dmigs pa'i rnam par shes par yang 'gyur ro/ /bye brag tu smra bas de skad du smras pa dang/ slob dpon gyi 'o na skye mched bcu gsum pa zhes bya ba rgyas par smos so/ /bye brag tu smra bas ming de nyid dmigs pa yin no/ /zhes bya ba smras te/ skye mched bcu gsum pa zhes bya ba'i ming gang yin pa de dmigs pa yin no/ /de lta na ni 'o na ming nyid med do zhes

  272. 136b

    bya bar rtogs par 'gyur gyi brjod par bya ba skye mched bcu gsum pa med pa'i mtshan nyid ni ma yin no/ /gzhan yang gang zhig sgra'i snga na med pa la dmigs pa de'i dmigs pa yang ci zhig yin zhes bya ba'i tshig gi lhag ma yin no/ /de lta bu'i gnas su bye brag tu smra bas sgra kho na yin na zhes bya ba smras te/ dmigs pa zhes bya bar skabs dang sbyar ro/ /slob dpon gyis de lta na ni 'o na zhes bya ba rgyas par smos te gal te gang zhig sgra'i snga na med pa la dmigs pa des sgra kho na la dmigs pa yin gyi snga na med pa la ni ma yin na gang zhig sgra med pa don du gnyer ba de la sgra dbyung dgos pa kho nar 'gyur ro zhes bya ba 'dir yang 'gyur ba yin no/ /gal te ma 'ongs pa'i gnas skabs yin no zhe na ni zhes bya ba ni ji ste des snga na med pa na 'di gang gi yin pa ma 'ongs pa'i gnas skabs de la dmigs te/ de lta bas na gang zhig sgra snga na med pa don du gnyer bar byed pa de la sgra dbyung dgos pa kho nar mi 'gyur ro snyam du sems can de'i phyir/ yod na ji ltar med pa'i blor 'gyur zhes bya ba smos te/ snga na med pa 'di gang gi yin pa'i sgra de yod na ji ltar gang zhig snga na med pa na dmigs pa de la med pa'i blor 'gyur/ gal te da ltar med pa yin no zhe na zhes bya ba ni de la 'di snyam du da ltar med do snyam pa de lta bur de la dmigs pa med pa'i blo 'byung ngo snyam du sems na/ de ni ma yin te gcig pa'i phyir ro/ /ma 'ongs pa gang yin pa de nyid da ltar yin gyi de las gzhan pa ni ma yin pas ji ltar na da ltar gyi de kho na la med pa'i blo 'byung bar 'gyur/ yang na de'i bye brag gang yin pa zhes bya ba ni yang na ma 'ongs pa de'i khyad par phyes da ltar gyi gnas skabs dag na 'byung ba gang yin pa khyad par de med na med do snyam pa'i blo 'byung ba yin na ni de ma byung ba las 'byung bar 'grub ste/ khyad par de sngon ma byung ba las phyes 'byung ba des 'grub ces bya ba yin no//

  273. 137a

    yod pa dang med pa gnyi ga yin no zhes bya ba ni da ltar gyi gnas skabs na ni yod pa yin la 'das pa dang ma 'ongs pa'i gnas skabs dag na ni med pa yin pas gnyi ga rnam par shes pa'i dmigs pa yin no/ / gal te med pa rnam par shes pa'i dmigs pa yin na 'o na byang chub sems dpa' zhes bya ba rgyas par smos te/ byang chub sems dpa' srid pa tha ma pas 'di skad du 'jig rten na med pa gang yin pa de bdag gis shes so zhes bya ba de ni mi srid do zhes gsungs so zhes 'byung ba'i phyir med pa la dmig pa'i rnam par shes pa med do zhes bstan pa yin no/ /slob dpon gyis mdo 'di dgongs pa gzhan yin par bstan pa'i phyir mngon pa'i nga rgyal can gzhan dag ces bya ba rgyas par smos te/ mdo 'di la dgongs pa ni ting nge 'dzin yongs su ma dag pa nga rgyal can gzhan dag sbyor ba'i gnas skabs na snang bas te lha'i mig gi snang ba med bzhin du yod par lha'i bdag ni lha'i mig gi snga ltas snang ba yod pa kho na la yod do zhes bya bar blta'o zhes bya ba 'di yin no/ 'di rtog par yang ga la 'gyur zhes bya ba ni blo thams cad kyi yul yod pa nyid du rnam par bzhag na 'di 'jig rten na med pa gang yin pa de zhes rgyas par gsungs pa gang yin pa de lta bur brtag pa ste dpyod pa dang the tshom du yang ga? la 'gyur blo rnams rnams kyi dmigs pa yod pa dang med pa nyid gcig yin na ni rtog pa 'di srid kyi gzhan du ni ma yin no/ /yang na khyad pa ci zhig yod ces bya ba ni gal te de dag kyang yod pa kho na la yod par mthong gi med pa la ni ma yin gzhan dag las kyang byang chub sems dpa' khyad par ci zhig yod de/ blo rnams kyi dmigs pa yod pa dang med pa nyid gcig yin na ni 'di khyad par yod do/ /de ni gdon mi za bar de lta

  274. 137b

    bur yin par shes par bya ste zhes bya ba ni blo dag med pa la dmigs pa yin pa zhes bya bar ro/ /'dir dper brjod pa ni yod pa la yang yod par shes la med pa la yang med par shes so zhes bya ba 'di yin te/ dngos po yod pa la yang yod pa nyid du shes so/ /khyad par du 'gro'o zhes bya ba ni bye brag? tu shes par 'gyur ba'o/ /med pa la yang med pa nyid du shes pas blo dag med pa la dmigs pa yin no zhes bya bar grub po/ /de lta bas na de yang gtan tshigs su mi rung ngo zhes bya ba ni byang chub sems dpas smras pa zhes smras pa gang yin pa'o/ /de sngon du 'gro'o zhes bya ba ni las sngon du 'gro ba'i sems kyi khyad par las so/ /bdag tu smra ba dgag pa nas zhes bya ba ni bstan bcos kyi mjug nas gnas ma'i bu'i gzhung lugs dgag pa nas so/ /'o na ni skye ba ma byung ba las 'byung ba zhes bya bar 'grub ba yin no zhes bya ba ni skye ba sngon mang pa las da 'byung bas sngon med pa las 'byung bar grub pa yin no/ /skye ba ni skye ba dang ldan pa dang lhan cig tshul 'dra ba'i phyir yang thams cad yod pa kho na yin na zhes bya ba smos te/ gal te rgyu dang 'bras bu ma 'ongs pa na yod pa 'ba' zhig tu ma zad kyi skye ba yang yod do snyam du bsams pa yin no/ /de ni gang la gang zhig nus zhes bya ba ni 'bras bu gang la rgyu gang zhig nus te/ rgyu dang ji skad bshad pa'i skye ba dang 'bras bu ma 'ongs pa yang yod pas so/ /bye brag tu smra bas da ltar du byed pa nus pa yin no zhes smras pa dang slob dpon gyis da ltar du byed pa zhes bya ba 'di ci yin no/ /bya ba rgyas par smras te/ skye ba ni da ltar du byed pa ma yin te de ni yod pa'i phyir de skad du 'dri ba yin no/ /gal te yul gzhan du 'dren pa yin no zhe na zhes bya ba ni gal te da ltar du byed pa rgyus 'bras bu yul gzhan du 'dren pa yin no snyam du sems na 'di la rtag par thal bar 'gyur ro zhes smras te/ 'bras bu zhes bya ba tshig lhag ma yin no/ /yul nas yul gzhan du 'dren pa 'ba' zhig tu zad kyi skye ba ni cung zad kyang med pas rtag par 'gyur ro/ /gzugs can ma yin pa tshor

  275. 138a

    ba la sogs pa la yang yul gzhan du 'dren pa ji lta bu ste/ lus can ma yin pa nyid kyi yul na mi gnas pa'i phyir de mi rung ngo snyam du bsams pa yin no/ /de 'dren pa zhes bya ba gang yin pa de yang ma byung ba las byung ba yin no zhes bya ba ni ma byung ba las byung bar 'grub bo snyam du bsams pa yin no/ /gal te rang gi ngo bo'i khyad par zhig yin no zhe na zhes bya ba ni gal te rgyus 'bras bu 'di'i rang gi ngo bo khyad par du byed de des na 'bras bu'i khyad par yin no snyam du sems na 'dir ma byung ba las 'byung ba grub pa yin no zhes smras te khyad par ma byung ba las 'byung zhing bya bar grub pa yin no/ /yang na dus gsum ste ci zhen thams cad yod ces bya bar skabs dang sbyar ro/ /ji ltar yod pa de bzhin du ni bshad zin to zhes bya ba ni sngon byung ba gang yin pa de ni 'das pa yin no/ /rgyu yod na 'byung bar 'gyur ba gang yin pa de ni ma 'ongs pa yin no zhes bya ste/ de skad du thams cad yod par smra ba ni bstan pa la legs pa yin no/ /ji ltar na des sam der ldan pa yin zhe na zhes bya ba ni ji ltar na 'das pa dang ma 'ongs pa'i nyon mongs pa des sam/ ji ltar na 'das pa dang ma 'ongs pa'i dngos po der ldan pa yin zhes bya ba yin no/ /de las skyes pa de'i rgyu'i phra rgyas yod pa'i phyir nyon mongs pa nges ldan la zhes bya ba ni 'das pa de las skyes ba ni de las skyes pa'o/ /ma 'ongs pa de'i rgyu ni de'i rgyu'o/ /de ni de las skyes pa yang yin la de'i rgyu yang yin pas de las skyes pa de'i rgyu'o/ /phra rgyas ni sa bon no/ /de las skyes pa de'i rgyu'i phra rgyas yod pa'i phyir go rims bzhin du 'das pa dang ma 'ongs pa'i nyon mongs pa des ldan no/ /'di las 'das pa dang ma 'ongs pa'i dngos po de la dmigs pa yod pas na de la dmigs pa'i nyon mongs pa'o/ /de phra rgyas te/ de yod pas go rims bzhin du 'das pa dang ma 'ongs pa'i dngos po dang ldan pa yin no/ /chos

  276. 138b

    nyid ces bya ba ni chos rnams kyi ngo bo nyid do/ /'das pa la sogs pa'i dus mnyam par gzhag pa la de dag gi tha snyad bye brag tu shes par bya ba'i phyir rnam grangs kyang yod ces bya ba la sogs pa smos te go rims kyi tshad yod do/ /gang skyes pa de 'gags shes smras nas dpe bstan pa'i phyir gzugs skye la gzugs 'gag go zhes bya ba smos te/ rdzas gzhan ni ma yin pa'i phyir ro/ /gzhan skye la gzhan 'gag ste skye ba las mngon du phyogs pa'i phyir gzhan ma 'ongs pa skye la 'gag pa la mngon du phyogs pa'i phyir gzhan da ltar gyi 'gag go /dus kyang skye ste/ chos skye ba dus kyis bsdus pa'i phyir ro/ /dus kyi ngo bo nyid yin pa'i phyir ro zhes bya ba'i tha tshig ste/ de dag nyid dus gtam bzhi dang zhes mtshan nyid 'byung ba'i phyir ro/ /dus las kyang chos skye'o/ /ci'i phyir zhe na/ ma 'ongs pa'i dus skad cig ma du ma yin pa'i phyir ro zhes bya ba smos te/ gang gi phyir ma 'ongs pa'i skad cig ma'i tshogs kyi ngo bo du ma zhig las skad cig ma 'ga' zhig skye ba de'i phyir dus las kyang skye'o zhes bya'o/ /zhar la 'ongs pa zhes bya ba ni 'das pa dang ma 'ongs pa dpyad pa ni lhag ma kun gyis kun dang ldan zhes bya ba'i zhar la 'ongs pa yin no/ /kun 'gro lhag ma rnams kyis ldan zhes bya ba ni kun 'byung ba mthong bas spang bar bya ba'i kun tu 'gro ba rnams kyis so/ /de'i yul can dri ma lhag rnams kyis zhes bya ba ni spangs pa'i rnam pa'i yul can gyi phra rgyas rnams kyis shes bya ba'i tha tshig ste/ dper na chen po'i chen po'i rnam pa spangs kyang chen po'i 'bring po la sogs pa phra rgyas lhag ma ma spangs pa rnams kyis ldan pa yin no/ /'di ltar 'di chen po'i chen po'i rnam pa spangs pas dral ba yin yang lhag ma de dag gis ldan pa kho na yin no/ /bsdus te rnam par 'chad par byed do/ /zhes bya ba ni mdor bsdus nas rnam par 'chad par byed do/ /su dag cig ce na bye brag tu smra ba rnams so/ /bcu drug po zhes bya ba ni 'dod pa na spyod pa rnam pa lnga ste/ sdug

  277. 139a

    bsngal dang kun 'byung ba dang/ 'gog pa dang/ lam mthong bas spang bar bya ba bzhi dang/ lnga pa bsgom pas spang bar bya ba dang/ de bzhin du gzugs med pa na spyod pa'i bar du rnam pa lnga ste/ bco lnga dang bcu drug pa zag med pa ste/ chas ni bcu drug go /chos 'di dag kyang gang dag mthong bas spang bar bya ba de dag ni phung po bzhi'i ngo bo nyid yin no/ /gang dag bsgom pas spang bar bya ba de dag ni phung po lnga'i ngo bo nyid yin no/ /ji lta zhe na mthong bas spang bar bya ba'i phra rgyas de dag dang mtshungs par ldan pa'i tshor ba gang yin pa de ni tshor ba'i phung po yin no/ /'du shes gang yin pa de ni 'du shes kyi phung po yin no/ /phra rgyas gang dag yin pa dag dang mtshungs par ldan pa sems las byung ba sems pa la sogs pa gang dag yin pa dang/ tshor ba la sogs pa de dag thams cad kyi ldan pa ma yin pa thob pa dang skye ba dang rga ba dang gnas pa dang mi rtag pa nyid gang dag yin pa de ni 'du byed kyi phung po yin no/ /de dag dang mtshungs par ldan pa yid kyi rnam par shes pa'i gang yin pa de ni rnam par shes pa'i phung po yin te/ de ltar na mthong bas spang bar bya ba ni phung po bzhi'i ngo bo nyid yin no/ /bsgom pas spang bar bya ba ni de las gzhan pa'i zag pa dang bcas pa'i chos rnams yin no/ /ji lta zhe na phyi dang nang gi gzugs zag pa dang bcas pa thams cad ni gzugs kyi phung po yin no/ /zag pa med pa dang mthong bas spang bar bya ba ma gtogs pa'i tshor ba dang 'du shes dang 'du byed dang rnam par shes pa dag ni phung po bzhi ste/ de ltar na bsgom pas spang bar bya ba ni phung po lnga'i ngo bo nyid yin par shes par bya'o/ /sems kyang bcu drug ste de dag nyid de zhes bya ba na 'dod pa na spyod pa'i sems sdug bsngal mthong bas spang bar bya ba nas bsgom pas spang bar bya ba'i

  278. 139b

    zhes bya ba'i bar lnga dang/ de bzhin du gzugs na spyod pa dang gzugs med pa na spyod pa lnga lnga dang zag pa med pa'i sems te sems bcu drug go /de dag ni chos bcu drug la dmigs pa yin par brjod do/ /'di la ni phra rgyas 'di snyed cig ces bya ba ni chos 'di la ni phra rgyas sems de dang mtshungs par ldan pa gang dag yin pa 'di snyed cig dmigs pa 'am mtshungs par ldan pa'i sgo nas rgyas par 'gyur ro zhes bya ba 'di ni brtag par bya'o/ /sdug bsngal rgyu mthong goms pa yis/ spang bya 'dod khams las skyes pa zhes bya ba ni sdug bsngal dang kun 'byung ba mthong ba dang bsgom pas spang bar bya ba 'dod pa na spyod pa dag ces bya ba'i tha tshig go /de ni tshig rnam par sbyar ba'i rnam pa yin no/ /zhes bya ba ni rang gi gsum dang gzugs su gtogs pa gcig dang dri ma med pa ni/ rang gi gsum dang gzugs gtogs gcig /dri med ces bya ba yin no/ /de dag ni rang gi gsum dang gzugs su gtogs pa gcig dang dri ma med pa yang yin la rnam par shes pa yang yin pas/ rang gi gsum dang gzugs gtogs gcig /dri med rnam shes bya bas te/ de dag gi spyod yul lo/ /re zhig sdug bsngal dang kun 'byung zhes bya ba rgyas par 'byung ba ni 'dod pa na spyod pa'i sdug bsngal dang kun 'byung ba mthong bas spang bar bya ba'i phra rgyas go rim bzhin du bcu dang bdun dang de dag dang lhan cig 'byung ba dang de rnams kyi thob pa rjes su 'brang ba dang bcas pa dag dang bsgom pas spang bar bya ba'i phra rgyas bzhi dang de dag dang lhan cig 'byung ba dang de rnams kyis thob pa rjes su 'brang ba dang bcas pa dag dang/ zag pa dang bcas pa'i gzugs thams cad dang/ nyon mongs pa can ma yin pa'i chos gzhan dag ste/ chos 'di dag ni sems lnga'i dmigs pa yin no/ /gang dag gi yin zhe na/ rang gi khams pa gsum ste/ de dag nyid ces bya ba smos te/ 'dod pa na spyod pa sdug bsngal dang/ kun 'byung ba mthong ba dang/

  279. 140a

    bsgom pas spang bar bya ba rnams kyi'o/ /ji lta zhe na re zhig sdug bsngal mthong bas spang par bya ba ni sdug bsngal mthong bas spang bar bya ba kun tu 'gro ba dang kun tu 'gro ba ma yin pa dang mtshungs par ldan pa dang kun 'byung pa mthong bas spang bar bya ba kun tu 'gro ba dang mtshungs par ldan pa dang/ bsgom pas spang bar bya ba dge ba dang 'dod pa'i khams su skyes pa 'jig rten pa'i lam gyi 'dod pa na spyod pa'i chos la dmigs pa'i gnas skabs sam/ gzugs kyi khams su skyes pa 'dod pa'i khams la lta ba'i gnas skabs na gzugs na spyod pa bsgom pas spang bar bya ba gcig kho na dang/ zag pa med pa chos shes pa'i phyogs dang mthun pa ste/ sems lnga'i dmigs pa yin no/ /'dod pa na spyod pa 'gog pa dang lam mthong bas spang bar bya ba'i sems dag gis dmigs pa ni ma yin te/ zag pa med pa la dmigs pa'i sems dag ni 'gog pa dang lam dag la dmigs pa'i phyir zag pa dang bcas pa la dmigs pa dag kyang 'gog pa dang lam mthong bas spang bar bya ba tsam la dmigs pa'i phyir ro/ /sa gong ma'i nyon mongs pa can rnams kyi yang ma yin te/ sa 'og ma la dmigs pa ma yin pa'i phyir ro/ /gzugs med pa na spyod pa ni dge ba'i yang ma yin te/ ring ba nyid bzhis ring ba'i phyir ro/ /de bzhin du kun 'byung ba mthong bas spang bar bya ba yang kun 'byung ba mthong bas spang bar bya ba rnam pa gnyis dang/ sdug bsngal mthong bas spang bar bya ba kun tu 'gro ba dang mtshungs par ldan pa dang/ sgom pas spang bar bya ba dge ba dang/ gzugs na spyod pa sgom pas spang bar bya ba gcig kho na dang zag pa med pa ste/ lnga kho na'i dmigs pa yin no/ /'dir yang bshad pa ni snga ma bzhin du bya'o/ /sgom pas spang bar bya ba dag kyang sdug bsngal dang/ kun 'byung

  280. 140b

    ba mthong bas spang bar bya ba'i sems kun tu 'gro ba dang mtshungs par ldan pa dag dang/ sgom pas spang bar bya ba ci rigs par dge ba dang mi dge ba dang lung du ma bstan pa dang/ gzugs na spyod pa sgom pas spang bar bya ba gcig kho na dang/ zag pa med pa dang lnga kho na'i dmigs pa kho na yin te/ snga ma bzhin du brjod par bya'o/ /gzugs khams las skyes rang gi dang/ /'og gsum gong gcig dri med kyi zhes bya ba ni/ rang gi gsum dang 'og ma'i gsum ni rang gi dang 'og gsum ste/ rang gi dang 'og ma gsum dang gong ma gcig dang/ dri ma med pa zhes tshig rnam par sbyar ro/ /chos rnam pa gsum po de dag nyid gzugs na spyod pa zhes bya ba ni sdug bsngal dang kun 'byung ba mthong ba dang sgom pas spang bar bya ba ste/ de dag gi skabs yin pa'i phyir ro/ /de dag ni sems brgyad kyi dmigs pa yin te rang gi khams pa gsum ste de dag nyid dang zhes bya ba ni sdug bsngal dang kun 'byung ba mthong ba dang/ sgom pas spang bar bya ba ste/ snga ma bzhin du bshad par bya'o// khams 'og ma pa gsum ste/ de dag nyid dang zhes bya ba ni sdug bsngal dang kun 'byung ba mthong bas spang bar bya ba'i sems skal pa mi mnyam pa'i khams kun tu 'gro ba dang mtshungs par ldan pa dag dang/ bsgom pas spang bar bya ba thos pa las byung ba 'am bsam pa las byung ba dang/ gzugs med pa'i gcig ste/ bsgom pas spang bar bya ba nam mkha' mdza' yas skye mched kyi nyer bsdogs kyis bsdus pa kho na dang/ zag pa med pa rjes su shes pa'i phyogs dang mthun pa'i dmigs pa yin no/ /gzugs med las skyes khams gsum gtogs/ /gsum dang zag med spyod yul lo zhes bya ba ni khams gsum du gtogs pa gsum gsum dang/ zag pa med pa'i spyod yul yin te/ de dag nyid ces bya ba ni sdug bsngal dang/

  281. 141a

    kun 'byung ba mthong ba dang bsgom pas spang bar bya ba de dag kho na'i dbang du byas pa yin no/ /rnam pa gsum gsum ste de dag nyid dang zhes bya ba ni 'dod pa dang gzugs na spyod pa sdug bsngal dang kun 'byung ba mthong bas spang bar bya ba skal ba mi mnyam pa'i khams su kun tu 'gro ba dang mtshungs par ldan pa bzhi dang/ bsgom pas spang bar bya ba ci rigs par gnyis dang/ rang gi khams pa gsum ste/ gsum gang zhe na/ ci rigs par kun tu 'gro ba dang/ kun tu 'gro ba ma yin pa dang mtshungs par ldan pa gnyis dang/ bsgom pas spang bar bya ba dang zag pa med pa ste/ sems bcu'i dmigs pa yin no/ /'gog dang lam mthong spang bya kun/ /rang gis glags pa'i spyod yul lo zhes bya ba la kun zhes bya ba smos pa ni khams gsum pa nye bar bsdu ba'i phyir ro/ /rang gis glags pa'i spyod yul yin no zhes 'byung bas shugs kyis na sngar bshad pa rnams kyi spyod yul yang yin no zhes bshad pa yin no/ /rnam pa gcig tu na rang gis bsnan pa ni/ rang gis glags pa ste/ rang gis glags pa rnams kyis spyod yul ni rang gis glags pa'i spyod yul lo zhes bya ba'o/ /des glags pa'i zhes bya ba ni 'dod chags la sogs pa dang mtshungs par ldan pa'i yin gyi log par lta ba la sogs pa dang mtshungs par ldan pa'i ni ma yin te/ de ni rtag tu 'gog pa dang lan la dmigs pa'i phyir ro/ /sngar bshad pa lnga zhes bya ba ni 'dod pa na spyod pa gsum po ris gnyis kyis kun tu 'gro ba dang mtshungs par ldan pa dang/ bsgom pas spang bar bya ba rnams dang/ gzugs na spyod pa bsgom pas spang bar bya ba dang/ zag pa med pa zhes bya ba'o/ /lam mthong bas spang bar bya ba rnams kyang de dang 'dra ste zhes bya ba la ci zhig de dang 'dra zhe

  282. 141b

    na sems drug gi dmigs pa yin zhes bya ba'o/ /sems dgu dang bcu gcig gi dmigs pa yin no zhes bya ba ni gzugs na spyod pa 'gog pa dang lam mthong bas spang bar bya ba dag ni sems dgu'i dmigs pa yin no/ /gzugs med pa na spyod pa dag ni bcu gcig gi dmigs pa yin no/ /ji lta zhe na gzugs na spyod pa 'gog pa dang lam mthong bas spang bar bya ba dag ni 'dod pa'i khams na spyod pa gsum po skal ba mi mnyam pa'i khams kun tu 'gro ba dang mtshungs par ldan pa dang/ bsgom pas spang bar bya ba rnams dang rang gi khams pa gsum ste/ rigs gnyis kyi kun tu 'gro ba dang mtshungs par ldan pa dang/ bsgom pas spang bar bya ba rnams dang/ gzugs med pa na spyod pa bsgom pas spang bar bya ba nam mkha' mdza' yas skye mched kyis bsdus pa dang/ zag pa med pa rjes su shes pa'i phyogs dang mthun pa dang 'gog pa mthong bas spang bar bya ba 'am/ lam mthong bas spang bar bya ba'i sems glags ba de de nyid de so sor sems dgu'i dmigs pa yin no/ /gzugs med pa na spyod pa ni 'gog pa dang lam mthong bas spang bar bya ba'i chos dag kyang so sor sems bcu gcig gi dmigs pa yin te/ 'dod pa dang gzugs na spyod pa drug ste/ skal pa mi mnyam pa'i sems su kun tu 'gro ba dang mtshungs par ldan pa dang/ bsgom pas spang bar bya ba rnams dang/ rang gi khams gsum pa ste/ kun tu 'gro ba dang mtshungs par ldan pa dang/ bsgom pas spang bar bya ba rnams dang/ so sor 'gog pa dang/ lam mthong bas spang bar bya bas glags pa dang/ zag pa med pa rjes su shes pa'i phyogs dang mthun pa ste/ de ltar na bcu gcig gi dmigs pa yin no/ /zag med khams gsum mdza' gsum dang/ zag pa med pa'i spyod yul lo zhes bya ba la zag pa med pa 'gog pa la sogs pa ni ci rigs par khams gsum pa

  283. 142a

    dag na tha ma gsum po 'gog pa dang lam mthong ba dang/ bsgom pas spang bar bya ba'i mtshan nyid gang dag yin pa de dag dang/ zag pa med pa'i spyod yul yin no/ /ji lta zhe na so sor brtags pas 'gog pa dang/ 'phags pa'i lam ngag ni de dag la dmigs pa'i log par lta ba dang/ the tshom dang ma rig pa dang mtshungs par ldan pa rnams dang/ bsgom pas spang bar bya ba dge ba rnams dang/ zag pa med pa ci rigs par chos shes pa dang rjes su shes pa'i phyogs dang mthun pa'i dmigs pa yin no/ /nam mkha' dang so sor brtags pa ma yin pas 'gog pa dag ni bsgom pas spang bar bya ba'i sems nyon mongs pa can ma yin pa kho na'i dmigs pa yin no zhes bya bar rig par bya'o/ /slob dpon yon tan blo gros dang dbyig bshes dag na re nam mkha' dang so sor brtags pa ma yin pas 'gog pa dag bsgom pas spang bar bya ba nyon mongs pa can dang nyon mongs pa ma yin pa'i dmigs pa yin no zhes zer ro/ /de ni rigs pa ma yin te/ 'gog dang lam mthong spang bya ba// log lta the tshom de dag dang/ /ldan dang 'ba' zhig ma rig dang/ /drug ni zag med spyod yul can zhes bya bar nges pa'i phyir ro/ /de bas na bsgom pas spang bar bya ba nyon mongs pa can gyi dmigs pa yin no zhes bya ba ni grub pa'i mdza' ma yin no/ /rnam shes lnga brgyad cu dang ni/ /rnam shes bcu yi spyod yul te zhes bya ba ni sdug bsngal dang/ kun 'byung ba mthong bas bsgom pas spang bar bya ba 'dod pa na spyod pa dag ni lnga'i spyod yul yin no/ /gzugs na spyod pa dag ni brgyad kyi yin no/ /gzugs med pa na spyod pa dag ni bcu'i yin no/ /dri ma med pa dag kyang bcu kho na'i yin no zhes gong du bshad pa'i rjes su 'brang ste/ sbyar par bya'o/ /'dod pa na spyod pas bsgom pas spang ba zhes bya ba ni rnam par shes pa'i tshogs lnga'i bde ba'i dbang po'o/ /gzugs na spyod pa rnam pa lnga

  284. 142b

    dang zhes bya ba ni bsam gtan dang po'i sa pa rnam par shes pa'i tshogs gsum dang/ bsam gtan gsum pa'i sa pa yid kyi sa pa yin te/ mdor bsdus nas ci rigs par sdug bsngal mthong bas spang bar bya ba nas bsgom pas spang bar bya ba'i bar rnam pa lnga'o/ /zag pa med pa ni bsam gtan gsum pa'i sa pa kho na'o/ /'dod pa na spyod pa rnam pa bzhi dang zhes bya ba sdug bsngal dang kun 'byung ba dang lam mthong ba dang/ bsgom pas spang bar bya ba'o/ /bde ba'i dbang po ni sdug bsngal dang kun 'byung ba mthong bas spang bar bya ba dag gi dmigs pa yin te/ 'di ltar rang gi sa pa 'am/ sa gong ma pa'i bde ba'i dbang po ni 'jig tshogs dang log par lta ba la sogs pa'i dmigs pa yin no/ /lam gyis bsdus pa'i bde ba'i dbang po ni lam mthong bas spang bar bya ba log par lta ba la sogs pa dang ldan pa'i dmigs pa yin no/ /rnam par shes pa'i tshogs lnga pa'i bde ba'i dbang po de ni bsgom pas spang bar bya ba 'dod chags la sogs pa dang mtshungs par ldan pa'i dmigs pa yin te/ de ltar na de ni rnam pa bzhi'i dmigs pa yin no/ /'gog pa mthong bas spang bar bya ba'i sems kyi dmigs pa ni ma yin te/ de la log par lta ba la sogs pa ni 'gog pa la dmigs pa'i phyir ro/ /lta ba mchog tu 'dzin pa la sogs pa yang rang gi rigs la dmigs pa'i phyir la de la yang bde ba'i dbang po med pa'i phyir ro/ /gzugs na spyod pa rnam pa lnga dang zhes bya ba ni 'di ltar bsam gtan gsum pas bsdus pa'i bde ba'i dbang po rnam pa lnga yin no/ /lam mthong ba dang bsgom pas spang bar bya ba dang zhes bya ba ni lam gyis bsdus pa'i bde ba'i dbang po ni gzugs med pa na spyod pa'i sems lam mthong bas spang bar bya ba log par lta ba la sogs pa dang mtshungs par ldan pa'i dmigs pa yin no/ /de nyid bsgom pas spang bar bya ba'i sems dge ba'i dmigs pa yang yin no/ /thams cad kyang zag pa med pa'i dmigs

  285. 143a

    pa yin par ni srid do/ /de la ci rigs par zhes bya ba ni gang gi phyir zag pa med pa la phra rgyas dag rgyas par mi 'gyur pa dang/ gang gi phyir kha cig kho na la kha cig rgyas par 'gyur ba de'i phyir ci rigs pa zhes brjod do/ de la zhes bya ba ni rnam par shes pa la'o/ /phra rgyas 'dod pa na spyod pa na rigs bzhi dang zhes bya ba ni 'di lta ste bde ba'i dbang po la dmigs pa/ log par lta ba dang mtshungs par ldan pa la ni sdug bsngal mthong bas spang bar bya ba'i phra rgyas bcu char yang ci rigs par dmigs pa 'am/ mtshungs par ldan pa'i sgo nas rgyas par 'gyur te/ kun 'byung mthong bas spang bar bya ba dag kyang de dang 'dra'o/ /lam mthong bas spang bar bya ba dag kyang bde ba'i dbang po la dmigs pa'i rnam par shes pa de la rgyas par 'gyur te/ lam gyi bde ba'i dngos po la dmigs pa'i rnam par shes pa log par lta ba la sogs pa dang mtshungs par ldan pa la/ log par lta ba la sogs pa ni mtshungs par ldan pa'i sgo nas rgyas par 'gyur ro/ /lta ba mchog tu 'dzin pa la sogs pa yang dmigs pa'i sgo nas rgyas par 'gyur te/ de lta bas na rigs de yang de la rgyas par 'gyur ro/ /bsgom pas spang bar bya ba'i ris kyang de la rgyas par 'gyur te/ 'dod chags la sogs pa ni bde ba'i dbang po las dmigs pa'i rnam par shes pa la dmigs pa dang mtshungs par ldan pa'i phyir ro/ /'gog pa mthong bas spang bar bya ba'i rigs ni de la rgyas par mi 'gyur te/ bde ba'i dbang po la dmigs pa'i rnam par shes pa med pa'i phyir ro/ /gzugs na spyod pa 'dus byas la dmigs pa rnams dang zhes bya ba ni gzugs na spyod pa'i bde ba'i dbang po la dmigs pa ni rnam pa lnga yod do/ /de la rigs bzhi rgyas par 'gyur ba de ni go sla'o// //bam po bzhi bcu rtsa gnyis pa/ /'gog

  286. 143b

    pa mthong bas spang bar bya ba 'dus byas la dmigs pa rnams ji ltar rgyas par 'gyur zhe na/ bsam gtan gsum pa na lta ba mchog tu 'dzin pa la sogs pa bde ba'i dbang po dang mtshungs par ldan la de rnams kyang phan tshun dmigs pa yin te/ de dag ni bde ba'i dbang po la dmigs pa'i rnam par shes pa la mtshungs par ldan pa 'am/ dmigs pa'i sgo nas rgyas par 'gyur ro/ /gzugs med pa na spyod pa'i rigs gnyis dang zhes bya ba ni lam mthong ba dang bsgom pas spang bar bya ba'i rigs dag ste/ log par lta ba la sogs pa lam gyi bde ba'i dbang po la dmigs pa'i rnam par shes pa log par lta ba la sogs pa dang mtshungs par ldan pa'i sgo nas rgyas par 'gyur ro/ /lta ba mchog tu 'dzin pa la sogs pa ni de la dmigs pa'i sgo nas rgyas par 'gyur ro/ /bsgom pas spang bar bya ba'i rigs kyang rgyas par 'gyur te/ bsgom pas spang bar bya ba'i sems dge ba lam la dmigs pa yin la/ de la ni 'dod chags la sogs pa'i rigs rgyas par 'gyur ro/ /gzugs med pa na spyad pa'i phra rgyas kun tu 'gro ba rnams kyang rnam par shes pa de nyid lam la dmigs pa'i rnam par shes pa log par lta ba la sogs pa dang mtshungs par ldan pa la rgyas par 'gyur bar shes par bya'o/ /rnam pa bcu gnyis po de nyid dang zhes bya ba ni 'gog pa mthong bas spang bar bya ba ma gtogs pa 'dod pa na spyod pa rnam pa bzhi dang/ gzugs na spyod pa rnam pa lnga dang/ gzugs med pa na spyod pa rnam pa gnyis te/ lam mthong ba dang/ bsgom pas spang bar bya ba dang/ zag pa med pa ste de ltar na de dag ni phan tshun dmigs pa'i tshul gyis bde ba'i dbang po la dmigs pa'i rnam par shes pa la dmigs pa yin no/ /bde ba'i dbang po la dmigs pa'i rnam par shes pa ni yang gzugs med pa na spyod pa rnam pa gnyis kyi dmigs pa yin no/ /gang gi zhe na sdug bsngal dang kun 'byung ba mthong bas spang bar bya

  287. 144a

    ba'i zhes bya ba smos te/ gzugs med pa na spyod pa sdug bsngal dang kun 'byung mthong bas spang bar bya ba'i bye brag gi rnam pa gnyis yod pa'i dmigs pa ni lam la dmigs pa'i rnam par shes pa gzugs med pa na spyad pa lam mthong bas spang bar bya ba log par lta ba la sogs pa dang mtshungs par ldan pa dang/ gzugs med pa na spyod pa bsgom pas spang bar bya ba dge ba yin te/ de ltar na rnam pa bcu bzhi po 'di ni bde ba'i dbang po la dmigs pa la dmigs pa'i rnam par shes pa yin no/ /de la gzugs med pa na spyod pa sdug bsngal dang kun 'byung ba mthong bas spang bar bya ba dag bskyed nas zhes bya ba ni sngar ni gzugs med pa na spyod pa kun tu 'gro ba dag kho na bde ba'i dbang po la dmigs pa'i rnam par shes pa la rgyas par 'byung ba yin no/ /bde ba'i dbang po la dmigs pa la dmigs pa'i rnam par shes pa la ni gzugs med pa na spyod pa sdug bsngal dang kun 'byung ba mthong bas spang bar bya ba'i rigs thams cad rgyas par 'gyur te/ 'di ltar kun tu 'gro ba dang mtshungs par ldan pa'i sems de la sdug bsngal dang kun 'byung ba mthong bas spang bar bya ba'i phra rgyas rnams ci rigs par mtshungs par ldan pa 'am/ dmigs pa'i sgo nas rgyas par 'gyur ro/ /lhag ma rnams ni snga ma bzhin du sbyar bar bya'o/ /lam 'dis gzhan yang khong du chud par bya'o/ /zhes bya ba ni srol 'dis gzhan yang khong du chud par bya'o/ /ji lta zhe na sdug bsngal gyi dbang po la dmigs pa'i rnam par shes pa la phra rgyas du zhig rgyas par gyur zhes bya ba'i dri ba 'ongs pa la dpyad par bya ste/ sdug bsngal gyi dbang po ni 'dod pa na spyod pa na spyod pa rnam pa gcig ste/ rnam par shes pa'i tshogs lnga pa yin pa'i bsgom pas spang bar bya ba yin no/ /de dag kyang mdor bsdu na rnam par shes pa lnga'i dmigs pa yin te/ 'dod pa na spyod pa

  288. 144b

    rnam pa gsum po sdug bsngal dang kun 'byung ba mthong bas spang bar bya ba kun tu 'gro ba dang/ mtshungs par ldan pa dag dang bsgom pas spang bar bya ba dang/ gzugs na spyod pa bsgom pas spang bar bya ba dang/ zag pa med pa'i dmigs pa yin te/ rnam pa lnga po 'di ni sdug bsngal la dmigs pa'i rnam par shes pa yin no/ /de la ci rigs par 'dod pa na spyod pa'i rigs gsum po sdug bsngal dang/ kun 'byung ba mthong ba dang/ bsgom pas spang bar bya ba rnams la sdug bsngal dang kun 'byung ba mthong bas spang bar bya ba'i rigs dag ni kun tu 'gro ba dang mtshungs par ldan pa'i sems de dang/ bsgom pas spang bar bya ba'i sems la ci rigs par mtshungs par ldan pa 'am/ dmigs pa'i sgo nas rgyas par 'gyur ro/ /bsgom pas spang bar bya ba'i rigs ni bsgom pas spang bar bya ba la rgyas par 'gyur ro/ /gzugs na spyod pa ni bsgom pas spang bar bya ba gcig ste/ bsgom pas spang bar bya ba'i sems la rgyas bar 'gyur ro/ /gzugs na spyod ba kun tu 'gro ba rnams kyang de kho na la rgyas par 'gyur ro zhes bya bar khong du tshud par bya'o/ /sdug bsngal gyi dbang po la dmigs pa la dmigs pa'i rnam par shes pa la phra rgyas du zhig rgyas par 'gyur zhe na/ sdug bsngal gyi dbang po la dmigs pa'i rnam par shes pa lnga po de rnam par shes pa gang gi dmigs pa yin zhe na/ phan tshun dmigs pa'i tshul gyis rnam pa lnga po de nyid kyi dmigs pa yin no/ /yang 'dod pa na spyod pa lam mthong bas spang bar bya ba zag pa med pa la dmigs pa dang/ gzugs na spyod pa kun tu 'gro pa dang mtshungs par ldan pa'i dmigs pa yang yin te/ des ni gzugs na spyod pa bsgom pas spang bar bya ba dge ba sdug bsngal gyi dmigs pa dbang po la dmigs par byed do/ /gzugs med pa na spyod pa nam mkha' mdza' yas skye mched kyi nyer bsdogs kyis bsdus pa yang rigs pa la sogs pa'i

  289. 145a

    rnam par sdug bsngal gyi dbang po la dmigs pa de la dmigs te/ de lta bas na rnam pa brgyad po 'di ni sdug bsngal gyi dbang po la dmigs pa la dmigs pa'i rnam par shes pa yin no/ /de la 'dod pa na spyod pa'i phra rgyas rigs bzhi ste/ sdug bsngal dang kun 'byung ba dang/ lam mthong ba dang/ bsgom pas spang bar bya ba rnams dang/ gzugs ni spyod pa rigs gsum ste/ sdug bsngal dang/ kun 'byung ba mthong ba dang/ bsgom pas spang bar bya ba rnams dang/ gzugs med pa na spyod pa gcig ste/ bsgom pas spang bar bya ba rnams dang/ kun tu 'gro ba rnams rgyas par 'gyur ro zhes bya ba shes par bya'o/ /yang yid bde ba'i dbang po la dmigs pa'i rnam par shes pa la phra rgyas du zhig rgyas par 'gyur zhes bya ba'i dri ba 'ongs ba la dpyad par bya ste/ yid bde ba'i dbang po ni rnam pa bcu gcig ste/ 'dod pa dang gzugs na spyod rnam pa lnga lnga dang/ zag pa med pa'o/ /de dag kyang mdor bsdu na rnam par shes pa rnam pa bcu gsum gyi dmigs pa yin te/ de ni 'dus byas yin pa'i phyir 'dod pa na spyod pa 'dus byas la dmigs pa rnam pa lnga'i dmigs pa yin te/ gzugs na spyod pa yang de dang 'dra'o/ /gzugs med pa na spyod pa gnyis kyi ste/ lam mthong ba dang/ bsgom pas spang bar bya ba dang/ zag pa med pa'i dmigs pa yin te/ rnam pa bcu gsum po 'di ni yid bde ba'i dbang po la dmigs pa'i rnam par shes pa yin no/ /de la ci rigs pa phra rgyas 'dod pa na spyod pa dang/ gzugs na spyod pa la 'dus byas la dmigs pa rigs lnga dang/ gzugs med pa na spyod pa'i rigs gnyis dang/ kun tu 'gro ba dang rgyas par 'gyur ro zhes bya bar shes par bya'o/ /yid bde ba'i dbang po la dmigs pa la dmigs pa'i rnam par shes pa la phra rgyas du zhig rgyas par 'gyur zhe na/ yid bde ba'i dbang po la

  290. 145b

    dmigs pa'i rnam par shes pa rnam pa bcu gsum po de rnam par shes pa gang gi dmigs pa yin zhe na rnam pa bcu gsum po de nyid dang yang gzugs med pa na spyod pa rnam pa gnyis te/ sdug bsngal dang/ kun 'byung ba mthong bas spang bar bya ba'i dmigs pa yin te/ rnam pa bco lnga po 'di ni yid bde ba'i dbang po la dmigs pa la dmigs pa'i rnam par shes pa yin no/ de la phra rgyas gzugs med pa ni spyod pa sdug bsngal dang/ kun 'byung ba mthong bas spang bar bya ba dag bskyed nas 'dod pa na spyod pa dang/ gzugs na spyod pa 'dus byas la dmigs pa rnams dang/ 'gog pa mthong bas spang bar bya ba ma gtogs pa gzugs med pa na spyod pa rigs bzhi rgyas par 'gyur ro zhes bya bar shes par bya ste/ phyogs 'dis gzhan yab khong du chud par bya'o/ /nyon mongs phra rgyas bcas rnam gnyis zhes bya ba ni nyon mongs pa can ni phra rgyas rgyas par 'gyur ba dang/ rgyas epar mi 'gyur ba dag gis phra rgyas dang bcas pa yin no zhes bya ba'i tha tshig go /de dag lhan cig pa'i phyir ro zhes bya ba ni lhan cig tu 'dus pa'i phyir ro/ /nyon mongs pa can ma yin pa ni dpral bar nus pa'i phyir rgyas par 'gyur ba dag kho nas phra rgyas dang bcas pa yin te/ 'di ltar nyon mongs pa ni dmigs pa las/ spang bar bya ba 'dod pa yin zhes 'chad par 'gyur ro/ /ma spangs shing yongs su ma shes pa yin zhes bya ba la ma spangs pa ni de'i thob pa ma bcad pa'i phyir ro/ /yongs su ma shes pa ni de'i gnyen po ma skyes pa'i phyir ro/ /'dod pa'i 'dod chags kyis kun nas dkris pa dang mthun pa zhes bya ba ni 'di dag gis kun nas 'khri bar byed pas na kun nas dkris pa dang mthun pa ste/ khrus dang mthun pa lta bu'o/ /'dod pa'i 'dod chags kyis kun nas dkris pa dang mthun pas 'dod pa'i 'dod chags kyi kun nas dkris pa dang mthun pa'o/ /yang 'dod pa'i 'dod chags nyid kun nas dkris pa yin pas 'dod

  291. 146a

    pa'i 'dod chags kyi kun nas dkris pa ste/ de dang mthun pa ni 'dod pa'i 'dod chags kyi kun nas dkris pa dang mthun pa dag go /de dag kyang gzugs la sogs pa yul rnams yin no/ /snang bar gyur pa yin zhes bya ba ni yul gyi ngo bo nyid du gyur pa yin zhes bya ba'i tha tshig go /de la yang tshul bzhin ma yin pa yid la byed pa yin zhes bya ba ni yul snang bar gyur pa de la yang phyin ci log gi mtshungs pa de ma thag pa'i rkyen dang ldan pa yin zhes bya ba'i don to/ rgyu dang yul dang sbyor ba'i stobs dag yin te zhes bya ba la rgyu'i stobs ni 'dod pa'i 'dod chags skyed par byed pa'i 'dod chags kyi phra rgyas ma spangs zhing yongs su ma shes pa yin no/ /yul gyi stobs ni 'dod pa'i 'dod chags kyi kun nas dkris pa dang mthun pa'i yul yin no/ /sbyor ba'i stobs ni de la yang tshul bzhin ma yin pa yid la byed pa yin no/ /nyon mongs pa gzhan yang de bzhin du skye bar rigs par bya'o zhes bya ba ni khong khro ba'i phra rgyas ma spangs shing yongs su ma shes pa yin khong khro ba'i kun nas dkris pa dang mthun pa'i chos rnams kyang snang bar gyur pa yin/ de la yang tshul bzhin ma yin pa yid la byed pa yin zhes bya ste/ tshul ni de lta bu'o/ /sbyor ba bzhi ste/ de dag nyid do zhes bya ba ni 'dod pa'i sbyor ba dang srid pa'i sbyor ba dang/ lta ba'i sbyor ba dang ma rig pa'i sbyor ba'o/ /gti mug ma gtogs pa'i zhes bya ba ni ma rig pa'i zag pa ni logs shig tu bshad pa'i phyir ro/ /kun nas dkris byas zhes bya ba ni ngo tsha med pa la sogs pa 'chad par 'gyur ba rnams dang bcas pa'o// rdzas bzhi bcu rtsa gcig ste/ phra rgyas sum cu gcig dang zhes bya ba ni lta ba bcu gnyis te/ sdug bsngal mthong bas spang bar bya ba lnga dang/ kun 'byung ba mthong bas spang bar bya ba gnyis dang 'gog pa mthong bas spang bar bya ba yang gnyis kho na dang

  292. 146b

    lam mthong bas spang bar bya ba gsum dang the tshom bzhi dang 'dod chags lnga dang/ de bzhin du khong khro dang nga rgyal lnga dang/ kun nas dkris pa bcu ste/ de ltar na bzhi bcu rtsa gcig yin no/ /phra rgyas kho na zhes bya ba la kho na zhes bya ba smos pa ni kun nas dkris pa bsal ba'i phyir ro/ /phra rgyas nyi shu rtsa drug ces bya ba ni lta ba bcu gnyis the tshom bzhi dang 'dod chags lnga dang nga rgyal lnga'o/ /de na yang rmugs pa dang rgod pa kun nas dkris pa gnyis yod pa yin nam zhes bya ba ni gzugs dang gzugs med pa'i khams te kho na te/ rmugs rgod rgyags pa khams gsum na zhes 'byung ba'i phyir ro/ /ci'i phyir 'dir de ma smos she na kun nas dkris pa de gnyis so/ /rang dbang can ma yin pa'i phyir ro zhes bya ba ji ltar rang dbang can ma yin zhe na/ 'dod chags la sogs pa dang mtshungs par ldan pa'i phyir dang/ phra dog la sogs pa bzhin du ma rig pa tsam dang mtshungs par ldan pa ma yin pa'i phyir te/ 'di gnyis ni 'dod chags la sogs pa dang mtshungs par ldan par 'gyur gyi/ ji ltar phra dog dang ser sna dang 'gyod pa dang khro ba dang 'chab pa rnams ma rig pa tsam dang mtshungs par ldan pa'i phyir rang dbang can yin pa lta bu ni ma yin no/ /de gnyi ga yang zhes bya ba ni gzugs dang gzugs med pa na spyod pa gnyi ga yang zhes bya ba'i tha tshig go /kha nang du bltas te 'jug ces bya ba ni yul gtsor byed pa ma yin pa zhes bya ba'i don to/ /rgyu gang gis srid pa'i 'dod chags zhes bshad pa zhes bya ba ni kha ni nang du bltas phyir der/ /thar pa'i 'du shes bzlog phyir bshad ces bya ba yin te/ des na srid pa'i zag pa zhes bya'o/ /rdzas bco lnga zhes bya ba ni khams gsum char na yang rnam pa lnga lnga yod pa'i phyir ro/ /zag pa zhes bya bar grub bo zhes bya ba ni ma rig pa gong du bshad pa'i zag pa gnyis las dkar pa yin te/ de lta bas na khams gsum char ba yang ma rig pa'i zag pa zhes bya ba de grub bo/ /chu bo sbyor ba yang de bzhin du zhes bya ba ni zag pa dag

  293. 147a

    kho na chu bos sbyor ba yin te/ lta ba logs shig tu bzhag par bya ba 'ba' zhig tu zad do/ /ji lta zhe na bshad par bya ste/ 'dod pa'i zag pa kho na 'dod pa'i chu bo dang/ 'dod pa'i sbyor ba yin la de bzhin du srid pa'i zag pa kho na srid pa'i chu bo dang srid pa'i sbyor ba yin no/ /ma rig pa'i sbyor ba ni snga ma kho na bzhin du khong du chud par bya'o/ /'dir lta ba'i sbyor ba ni bzhi pa yin par bshad de de'i phyir lta ba rnams ma gtogs pa zhes bya ba smos so/ /logs shig tu rnam par bzhag go zhes grag go zhes bya ba la grag ces bya ba'i sgra ni gzhan gyi gzhung lugs ston par byed pa yin te/ dgongs pa ni 'dul ba'i skye bo'i dbang gis lta ba'i sbyor ba logs shig tu bshad do zhes bya bar rung ngo/ /ci'i phyir zag pa dag gi nang du lta ba rnams logs shig tu ma bzhag ce na/ zag par ma yin grogs med rnams/ /zhes bya ba la sogs pa smos te/ lta ba grogs med pa rnams ni 'jog pa'i rjes su mthun pa nyid ma yin te/ 'jog pa'i rjes su mi mthun pa nyid ces bya ba'i tha tshig go /de ni 'di skad du/ gang gi phyir lta ba 'di dag yan gar ba ni 'jog pa'i rjes su mthun pa ma yin gyi grogs dang bcas na 'jog pa'i rjes su mthun pa de'i phyir 'di dag grogs dang bcas pa kho na zag pa rnams kyi nang du zag pa dag tu bshad de/ bsres te bshad pa yin no zhes bya ba'i don to/ /ci'i phyir zhe na/ zag pa rnams kyi nges pa'i tshig ni 'jog par byed pas na zhes 'og nas 'chad ces bya ba smos te/ de'i phyir zag pa dag gi nang du 'jog pa'i don dgos so snyam du bsam pa yin no/ /de ltar na 'dod pa'i chu bo ni rdzas nyi shu dgu ste zhes bya ba ni lta ba bcu gnyis bton pas zag pa bzhin du rdzas bzhi bcu rtsa gcig ni ma yin no/ /'o na ci zhe na rdzas nyi shu dgu yin no/ /ji ltar zhe na 'dod chags dang khong khro ba dang nga rgyal zhes bya ba thams cad brjod do/ /srid pa'i chu bo'i rjes nyi shu rtsa

  294. 147b

    brgyad de zhes bya ba ni srid pa'i zag pa rdzas lnga bcu rtsa gnyis bshad pa de las lta pa nyi shu rtsa bzhi bton na/ rdzas nyi shu rtsa brgyad du 'gyur ro/ /'dod chags dang nga rgyal nyi shu dang zhes bya ba ni khams gnyis pa'i 'dod chags bcu yin la nga rgyal yang bcu yin pas nyi shu'o/ /lta ba'i chu bo ni rdzas sum cu rtsa drug go zhes bya ba ni khams gsum na lta ba bcu gnyis bcu gnyis yod pas so/ /ma rig pa'i chu bo ni rdzas bco lnga ste snga ma bzhin no/ /sbyar ba yang chu bo bzhin du rig par bya'o zhes bya ba ni 'dod pa'i sbyor ba ni rdzas nyi shu rtsa dgu ste/ 'dod chags dang khong khro ba dang/ nga rgyal bco lnga dang the tshom bzhi dang/ kun nas dkris pa bcu'o/ /srid pa'i sbyor ba nyi shu rtsa brgyad de/ 'dod chags dang nga rgyal nyi shu dang the tshom brgyad do/ /lta ba'i sbyor ba ni rdzas sum cu rtsa drug go /ma rig pa'i sbyor ba ni rdzas bco lnga'o/ /ji skad bshad gnyis ma rig bcas zhes bya ba rgyas par 'byung ba ji skad bshad pa gang dag yin zhe na/ sbyor ba zhes bya ba'i dbang du byas pa yin no/ /de'i phyir 'dod pa'i sbyor ba ma rig pa dang bcas pa rdzas sum cu rtsa bzhi kho na 'dod pa'i nye bar len pa yin zhes bshad de/ ma rig pa ni 'dod pa nye bar len pa dang bdag tu smra bar nye bar len pa dag gi nang du bdag nyid ji lta ba bzhin du bsdu bar bya'o/ /lta ba rnam pa gnyis su tha dad par bya ba'i phyir bzhi yin te/ 'dod pa nye bar len pa dang/ lta ba nye bar len pa dang/ tshul khrims dang brtul zhugs nye bar len pa dang/ bdag tu smra ba nye bar len pa zhes bya ba'o/ /lta ba'i sbyor ba las tshul khrims dang brtul zhugs phyung ste zhes bya ba ni lta ba'i sbyor ba khams kyi bye brag gi rdzas sum cu rtsa drug yod pa las tshul khrims dang brtul zhugs mchog tu 'dzin pa drug bton na/ lta ba'i nye bar len pa rdzas sum cu yin no/ /tshul khrims dang brtul zhugs nye bar len pa ni rdzas drug ste/ 'dod pa'i khams na gnyis dang de bzhin du gzugs dang

  295. 148a

    gzugs med pa'i khams na gnyis gnyis yod pas so/ /lam gyi sgrar gyur pa zhes bya ba ni grangs can pa'i rnal 'byor dang shes pa la sogs pas thar pa thob par lta ba'i phyir tshul khrims dang brtul zhugs nye bar len pa ni lam gyi dgrar gyur pa yin no/ /phyogs gnyi ga slu ba'i phyir zhes bya ba rgyas par 'byung ba ni khyim pa dang rab tu 'byung ba'i phyogs slu bar byed pa'i phyir zhes bya ba'i tha tshig go /zas mi za ba la sogs pas zhes bya ba la sogs pa zhes bya ba'i sgras ni chu dang mer 'jug pa dang mi smra ba dang/ dpa' bo byed pa la sogs pa bsdu ba'o/ /zas mi za ba la sogs pa dang/ yul yid du 'ong ba yongs su spang bar ni tshul khrims dang brtul zhugs kyis bsdus pa yin no/ /ma rig pa 'dzin par byed pa min phyir bsres zhes bya ba ni ma rig pa 'ba' zhig gis srid pa nye bar len par mi byed do/ /ci'i phyir zhe na/ mi shes pa'i mtshan nyid kyis mi gsal ba'i phyir zhes bya ba smos te/ 'dres pa ni nyon mongs pa gzhan dang 'brel pa'i stobs kyis nye bar len par byed pa yin no snyam du bsams pa yin no/ /grag go zhes bya ba la grag ces bya ba'i sgra ni gzhan gyi gzhung lugs ston par byed pa yin no/ /de'i phyir rang gi gzhung lugs bcom ldan 'das kyi mdo las ni zhes bya ba rgyas par smos so/ /lta ba'i sbyor ba yang de dang 'dra ba'i bar du gsungs so zhes bya ba ni ji ltar zhe na/ lta ba'i sbyor ba gang zhe na/ zhes bya ba nas rgyas par 'di'i lta ba rnams la lta ba la 'dod chags pa dang lta ba la bdun pa dang lta ba la sred pa dang zhes bya ba ste snga ma bzhin no/ /mdo gzhan dag las 'dun pa'i 'dod chags kyang nye bar len par gsungs te/ ji skad du zhe na/ nye bar len pa gang zhe na/ 'di la 'dun pa'i 'dod chags gang yin pa'o zhes gsungs so/ /'di ni slob dpon gyi gzhung lugs yin te/ 'di skad du 'dir 'dod chags kho na sbyor ba

  296. 148b

    dang/ nye bar len pa yin gyi nyon mongs pa gzhan dag ni ma yin no zhes bshad pa yin no/ /de'i phyir 'dod pa la sogs pa la 'dun pa'i 'dod chags pa gang yin pa ni zhes bya ba smos so/ /gang phyir de dag phra ba dang zhes bya ba rgyas par 'byung ba ni phra mo dag rgyas par 'gyur bas na phra rgyas so zhes bya ba 'di ni nges pa'i tshig gi tshul gyi grub bo/ /rgyu ba phra ba'i phyir zhes bya ba ni 'jug pa phra ba'i phyir zhes bya ba'i tha tshig go /ji ltar 'jug pa phra zhe na/ gzugs can ma yin pa rnams shes par dka' ba'i phyir ro/ /sbyor ba med par te bsgrim mi dgos par bzlog bzhin du yang ste bka' bzhin du yang gang zag la yang dang yang mngon du 'gyur ba'i phyir phra rgyas zhes bya'o/ /'khor bar 'jog par byed pas na zag pa yin pa 'am 'jog pa'i don du 'jig pas na zag pa yin no zhes bya ba ni nges pa'i tshig gi tshul yin no/ /srid pa'i rtse mo nas mnar med pa'i bar du skye mched drug gi rma nas 'dzag pas na zhes bya ba ni rid pa'i rtse mo nas mnar med pa'i bar du skye mched drug gi rma ste/ mig la sogs pa skye mched rma lta bu'i sgo nas 'dzag cing 'bo le 'go bas na zag pa rnams yin no/ /'khyer bar byed pas na chu bo dag yin no/ /'byar bar byed pas na sbyor ba yin no/ /nye bar 'dzin pas na nye bar len pa dag yin no zhes bya ba 'di ni bye brag tu smra ba rnam kyis rab tu bstan pa yin te/ chu bo zhes bya ba'i sgra 'di ni 'khyer ba'i tshul yin te/ 'gro ba gzhan nam yul gzhan du 'khyer bar byed cing 'khrid bar byed pas na chu bo dag yin no/ /'gro ba gzhan nam yul gzhan du sbyor bar byed cing 'byar bar byed pas na sbyor ba dag yin no/ /yang srid pa 'am 'dod pa la sogs par rnam par shes pa nye bar 'dzin par byed cing len par byed pas na/ nye bar len pa dag yin no/ /'di skad du ches legs pa yin no zhes bya ba ni slob dpon gyi ltar na chos legs pa yin no zhes 'chad do//

  297. 149a

    ji lta zhe na smras pa/ phra rgyas 'di dag gi rgyud de rnam par shes pa'i rgyud yul rnams la 'jag par byed cing 'gro bar byed pas na zag pa rnams te khyed pas sgrub pa yin no/ /mngon par 'du bya ba ste de dag nyid med par zhes bya ba ni ? ba de dag nyid med par zhes bya ba'i don to/ /shugs chen po dang ldan pa'i phyir chu bo dag ces bya ba ni chu bo dang chos mthun pa nyid du ston par byed pas te/ chu bo dang 'dra bas na chu bo dag ces bya ba'i phyir ro/ /de'i rjes su byed pa'i byar zhes bya ba ni 'dod chags la sogs pa'i rjes su byed pa'i phyir ro/ /che thang du kun tu mi 'byung ba rnams ni sbyor ba dag ces bya ba ni chu bo dang sbyor ba rnams tha dad du bya bar ston pa yin te/ che thang du kun tu 'byung ba gang dag yin pa de dag ni sbyor ba yin la/ che thang du kun tu mi 'byung ba gang dge yin pa kho na ni chu bo yin no zhes bya'o/ /de dag ji ltar sbyor ba yin zhe na/ sdug bsngal sna tshogs dang sbyor ba'i phyir zhes bya ba smos te/ skye ba la sogs pa'i sdug bsngal sna tshogs dang sbyor ba'i phyir zhes bya ba'i tha tshig go /yang na yang dang yang du rjes su 'brel pa'i sgo nas te/ gang gi phyir rgyud la yang dang yang du sbyor bar byed pa de'i phyir sbyor ba dag ces bya'o/ /'dod pa la sogs pa nye bar len pa'i phyir nye bar len pa rnams yin no zhes bya ba ni gang dag gis 'dod pa la sogs pa nye bar len par byed pa de dag ni 'dod pa la sogs pa de nye bar len pa ste 'dun pa'i 'dod chags kyi bdag nyid dag yin no/ /phra rgyas de dag nyid kun nas dkris pa'i bar gyi dbye bas yang rnam par lngar phye nas bshad de zhes bya ba ni gong du zag pa la sogs pa'i dbye bas phra rgyas rnam pa bzhir bshad pa de dag nyid mdo dang chos mngon pa las kun tu sbyor ba dang 'chid ba dang phra rgyas dang nye ba'i nyon

  298. 149b

    mongs pa dang/ kun nas dkris pa'i dbye bas yang rnam pa lngar phye nas bshad do/ /phra rgyas la ma gtogs pa ngo tsha med pa la sogs pa kun nas dkris pa gzhan dag kyang yod pa ma yin nam/ ji ltar na phra rgyas dag nyid kun nas dkris pa yin no zhes de skad du brjod ce na/ de la ma gtogs pa dag yod pa bden mod kyi tha dad pa ma yin pa dag kyang yod par ni 'dod de 'di ltar nyon mongs pa yang kun nas dkris pa yin te/ mdo las kyang 'dod pa'i 'dod chags kyi kun nas dkris pa sdug bsngal gyi rkyen zhes 'byung ba'i phyir ro zhes bya ba 'chad par 'gyur ro de bzhin du gzhan dang gzhan dag kyang ci rigs par sbyar bar bya'o/ /zhes bya ba ni khong khro ba dang phra dog dang ser sna'i kun tu sbyor ba rnams ni 'dod pa na spyod pa yin no/ /nga rgyal dang ma rig pa dang lta ba dang/ mchog tu 'dzin pa dang/ the tshom gyi kun tu sbyor ba rnams ni khams gsum pa yin no/ /lta ba'i kun tu sbyor ba ni lta ba gsum mo zhes bya ba ni 'jig tshogs dang mthar 'dzin pa dang log par lta ba dag go /mchog tu 'dzin pa'i kun tu sbyor ba ni gnyis zhes bya ba ni lta ba dang tshul khrims dang brtul zhugs mchog tu 'dzin pa dag go /de nyid kyi phyir zhes bya ba ni gang gi phyir de ltar lta ba gsum ni lta ba'i kun tu spyod pa yin la/ lta ba gnyis ni mchog tu 'dzin pa'i kun tu sbyor ba yin pa de nyid kyi phyir ro// lta ba dang mtshungs par ldan pa'i chos rnams la zhes bya bar rgyas par 'byung ba ni dri ba yin te/ lta ba dang mtshungs par ldan pa zhes bya'o ni mchog tu 'dzin pa'i lta ba dang mtshungs par ldan pa tshor ba la sogs pa'o/ /rjes su chags pa'i kun tu sbyor ba te/ 'dod chags kyis ldan zhing lta ba'i kun tu sbyor ba ste/ 'jig tshogs la lta ba la sogs pa'i mtshan nyid kyis ma yin la/ de lta ba'i phra rgyas rgyas par mi 'gyur ba yang ma yin zhing lta ba dang mtshungs par ldan pa'i chos re la lta ba'i phra rgyas rgyas par

  299. 150a

    mi 'gyur ba yang ma yin pa ste/ 'o na ci zhe na/ rgyas par 'gyur ba lta yong ngam/ dgag pa gnyis kyis rnal pa khong du chud par byed do/ /smras pa yod do zhes bya ba rgyas par 'byung ba ni dris pa'i lan 'debs par byed do/ /kun 'byung shes pa skyes la zhes bya ba'i khyad par smos pa ni/ lta ba'i kun tu sbyor ba kun tu 'gro ba spangs par bstan pa'i phyir ro/ /'gag pa shes pa ma skyes pa'i phyir zhes bya ba ni mchog tu 'dzin pa'i lta ba gnyis ma spangs na de dang mtshungs par ldan pa yod par rab tu bstan pa'i phyir ro/ /'gog pa dang lam mthong bas spang bar bya ba nas chos rnams dang ste zhes bya ba'i bar ni tshor ba la sogs pa rnams dang ngo/ /de dag dang ni rjes su chags pa'i kun tu sbyor ba 'gog pa mthong bas spang bar bya ba 'am/ lam mthong bas spang bar bya bas ldan no/ /ji lta bu zhig gis shes na/ de la dmigs pas te/ gang gi phyir 'gog pa dang lam mthong bas spang bar bya ba lta ba mchog tu 'dzin pa dang/ tshul khrims dang brtul zhugs mchog tu 'dzin pa dang/ mtshungs par ldan pa'i chos tshor ba la sogs pa de dag la dmigs te/ 'dod chags skye ba de'i phyir dmigs pa'i sgo nas des ldan pa yin no/ /lta ba'i kun tu sbyor bas ni mi ldan te/ ci'i phyir zhe na smras pa kun tu 'gro ba sdug bsngal dang kun 'byung ba mthong bas spang bar bya ba'i ngo bo nyid ni kun 'byung ba shes pa skyes pas spang ba'i phyir la/ kun tu 'gro ba ma yin pa de la dmigs pa dang mtshungs par ldan pa can lta ba'i kun tu sbyar ba ni ming pa'i phyir ro/ /'gog pa dang lam mthong bas spang bar bya ba lta ba'i kun tu sbyor ba kun tu 'gro ba ma yin pa log par lta ba ngo bo nyid ni yod mod kyi de ni zag pa med pa la dmigs pa'i phyir mchog tu 'dzin pa dang mtshungs par ldan pa'i chos tshor ba la sogs pa la dmigs pa ni ma yin no/ /de lta bas na dmigs pa'i sgo nas

  300. 150b

    lta ba'i kun tu sbyor bas ldan la ma yin no/ /tshogs pa tha dad pa'i phyir de tshor ba la sogs pa de dag dang mtshungs par ldan pa can yang ma yin te/ de lta bas na mtshungs par ldan pa'i sgo nas kyang nges ldan pa ma yin no/ /de dag lta ba'i phra rgyas dag ni rgyas par 'gyur ro/ /de dag kyang ji lta bu zhig ce na/ mchog tu 'dzin pa'i lta ba de dag kho na mtshungs par ldan pa'i sgo nas zhes bya ba smos te/ tshor ba la sogs pa'i chos de dag la lta ba mchog tu 'dzin pa 'am/ tshul khrims dang brtul zhugs mchog tu 'dzin pa ni mtshungs par ldan pa'i sgo nas rgyas par 'gyur te/ rang gi tshogs su byung ba yin pa'i phyir ro/ /de la lta ba'i kun tu sbyor ba ni rgyas par mi 'gyur ro/ /ci'i phyir zhe na/ lta ba'i kun tu sbyor ba zhes ming du btags pa'i phyir te/ lta ba'i phra rgyas zhes smos na ni lta ba lnga char bsdu ba yin no/ /lta ba'i kun tu sbyor ba zhes smos na ni 'jig tshogs dang mthar 'dzin pa dang log par lta ba dag gzung gi mchog tu 'dzin pa'i lta ba dag ni ma yin no zhes bya bar khong du chud par bya'o/ /lta ba gnyis kun tu sbyor ba bzhin na zhes bya ba ni mchog tu 'dzin pa'i lta ba dag go /lta ba gsum yang rdzas bco brgyad ces bya ba ni yin zhes bya ba'i tshig lhag ma yin te/ tshig gi don ni 'jig tshogs dang/ mthar 'dzin pa dang log par lta ba rnams la ni rdzas kyi grangs bco brgyad do zhes bya ba'i tha tshig go /mchog tu 'dzin pa'i lta ba gnyis kyang bco brgyad kho na yin te/ zhes bya ba ni rdzas zhes bya bar skabs dang sbyor ro/ /ji lta zhe na 'dod pa'i khams na 'jig tshogs dang mthar 'dzin pa'i lta ba gnyis yod la/ de dag kyang sdug bsngal mthong bas spang bar bya ba kho na yin par 'dod do/ /log par lta ba ni sdug bsngal mthong bas spang bar bya ba nas lam mthong nas spang bar bya ba'i bar rnam pa bzhi yod de/ de ltar 'dod pa'i khams na drug yod do/ /'dod pa'i khams ji lta bar gzugs dang gzugs mang

  301. 151a

    pa'i khams na yang de dang 'dra bas bco brgyad yin no/ /mchog tu 'dzin pa'i lta ba gnyis kyang rdzas bco brgyad yin te/ ji lta zhe na 'dod pa'i khams na lta ba mchog tu 'dzin pa sdug bsngal mthong bas spang bar bya ba nas lam mthong bas spang bar bya ba nas bya ba'i bar rnam pa bzhi yod do/ /tshul khrims dang brtul zhugs mchog tu 'dzin pa yang sdug bsngal mthong bas spang bar bya ba dang lam mthong bar spang bar bya ba zhes bya ba rnam pa gnyis te/ de ltar 'dod pa'i khams na drug yod do/ /'dod pa'i khams ji lta bar gzugs dang gzugs pa'i khams na yang de dang 'dra ste/ de ltar na rdzas bco brgyud yin no/ /lhag ma rnams ni ma yin pas zhes bya ba ni lta ba rnams so/ /gzung ba dang 'dzin pa tha dad pa'i phyir ro zhes bya ba la gzung ba ni lta ba'i kun tu sbyor ba'o/ /'dzin pa ni mchog tu 'dzin pa'i kun tu sbyor ba'o/ /rgyu de'i phyir te gcig tu mi dge ba'i phyir dang/ rang dbang can yin pa'i mtshan nyid kyi phyir ro/ /de dag la bshad ces bya ba ni phrag dog dang ser sna gnyis/ ngo tsha med pa la sogs pa kun nas dkris pa de dag gi nang nas phyung nas bshad pa'o/ /gang la gcig tu mi dge ba dang rang dbang can 'di gnyis yod pa zhes bya ba ni gang la gcig tu mi dge ba nyid dang/ rang dbang can nyid ces bya ba 'di gnyi ga yod pa de lta bu kun nas dkris pa gzhan ni med do zhes bya bar sbyar to/ /de lta bu'i kun nas dkris pa gzhan ni med do zhes bya ba ni ngo tsha med pa dang/ khrel med pa dag kyang gcig tu mi dge ba yin mod kyi 'dod chags la sogs pa dang mtshungs par ldan pa'i phyir rang dbang can ni ma yin no// 'gyod pa yang ma rig pa tsam dang mtshungs par ldan pa'i phyir rang dbang can ni ma yin mod kyi gcig tu mi dge ba ni ma yin te/ de ni dge ba yang yin to/ /rmongs pa dang rgod pa dang gnyis ngag ni 'dod chags la sogs pa dang/ mtshungs par ldan pa'i phyir rang

  302. 151b

    dbang can ma yin la/ gcig tu mi dge ba yang ma yin te/ de dag ni dge ba dang lung du ma bstan pa yang yin no/ /gang gi bcu yin pa zhes bya ba ni bye brag tu smra ba gang gi ltar na kun nas dkris pa bcu yin pa de'i phyir na khro ba dang 'chab pa dag kyang gcig tu mi dge ba dang rang dbang can zhes bya ba rnam pa gnyi ga yin pas de'i phyir 'di lan ma yin no zhes zer ro/ /'o na de'i lan gang yin zhe na/ 'di la slob dpon 'dul bzang na re phrag dog dang ser sna dag ni yang dang yang du kun tu 'byung ba'i phyir logs shig tu kun tu sbyor ba nyid du bshad do/ /de nyid kyi phyir 'dod pa'i khams su skyes pa rnams la kun tu sbyor ba sum cu rtsa drug yod kyang/ kau shi ka lha dang mi rnams ni phrag dog dang ser sna'i kun tu sbyor ce na yin no zhes gsungs te/ nyon mongs pa 'di gnyis ni bden lhag par 'ching ba yin no/ /zhes zer ro/ /yang na phrag dog dang ser sna dag ni dbang chung bar grags pa dang/ longs spyod chung ba nyid kyi rgyu yin pa'i phyir dang/ thams cad ston pa'i phyir dang/ phyogs gnyis nyon mongs par byed pa yin pa'i phyir logs shig tu bshad do/ /bde 'gror skyes ba 'di shin tu brnyas par 'gyur ba gang yin pa de la rgyu ni phrag dog dang ser sna dag yin te/ 'di ltar dbang chung par grags pa dang longs spyod chung ba ni btson la sogs pa dang 'dra bas so/ /nyon mongs pa ni rnam pa gnyis te/ kun tu gdung ba dang ldan pa dang kun tu dga' ba dang ldan pa yin la/ de dag thams cad 'di gnyis kyi bstan pa yin no/ /khyim pa'i phyogs kyang longs spyod kyi rten can 'di gnyis kyis phyis shin tu nyon mongs par 'gyur la/ rab tu byung ba'i phyogs kyang chos kyi rten can 'di gnyis kyis shin tu nyon mongs par 'gyur ro/ /yang na lha dang lha ma yin gyi phyogs bdud rtsi dang bud med kyi phyir shin tu nyon mongs par byed do/ /de nyid kyi phyir bcom ldan 'das kyis/ kau shi ka lta dang mi rnams ni phrag dog dang ser sna'i kun tu sbyor ba yin no zhes gsung

  303. 152a

    te/ de bas na kun nas dkris pa bcu dag las gnyis kho na kun tu sbyor bar bshad do/ /tha ma'i cha ni 'dod pa'i khams yin la zhes bya ba la/ 'dod pa'i khams ni khams gsum ril las bltos na gcig tu mnyam par ma bzhag pa yin pa'i phyir tha ma ste dman pa yin no/ /gnyis kyis 'dod las mi 'da' la zhes bya ba ni de dag ma spangs na 'dod pa'i khams las mi 'da' ba' i phyir ro/ /sgo ba dang rjes su 'brang ba dang chos mthun pa'i phyir ro zhes bya ba la sgo ba dang chos mthun pa'i ni 'dod pa la 'dun pa dang gnod sems dag yin te/ de gnyis kyis 'dod pa'i khams kyi btson ra nas 'byung du mi ster bas sgo ba lta bu yin no/ /rjes su 'brang ba dang chos mthun pa ni 'jig tshogs la lta ba la sogs pa yin te/ dper na sgo ba bag med par gyur te/ btson ra nas btson shor kyang sgo ba'i rjes su 'brang ba rnams kyis phyir zlog par byed pa ltar gsum po 'di dag gis de dang 'dra'o/ /sems can gyi tha ma zhes bya ba ni rnal 'byor spyod pa rnams na re 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom gyi kun tu sbyor ba rnams kyis ni sems can gyi tha ma so so'i skye bo nyid las mi 'da' o/ /'dod pa la 'dun pa dang/ gnod sems gnyis kyis ni khams kyi tha ma pa 'dod pa'i khams kyi mtshan nyid las mi 'da' o zhes bya bar sbyar bar bya'o/ /sems can gyi nang na tha ma so so'i skye bo dag yin la/ khams kyi nang na tha ma yang 'dod pa'i khams yin te/ de'i phyir 'di dag tha ma'i cha dang mthun pa rnams zhes bya'o zhes zer ro/ kun tu sbyor ba gsum yongs su gtugs te spangs pa'i phyir zhes bya ba ni 'jig tshogs la lta ba dang tshul khrims dang brtul zhugs mchog tu 'dzin pa dang/ the tshom gyi kun tu sbyor ba ma lus par spangs pa'i phyir zhes bya ba'i tha tshig go /nyon mongs

  304. 152b

    pa drug spangs pa yin no zhes bya ba ni lta ba lnga dang/ tshul khrims dang brtul zhugs mchog tu 'dzin pa dang/ the tshom dang gsum kho na gsungs pa'o/ /sus gsungs she na/ bcom ldan 'das kyis te/ 'di ltar mdo las/ btsun pa ji tsam gis na/ rgyun tu zhugs pa lags/ ming chen 'di ltar 'phags pa nyan thos ni 'di ni sdug bsngal 'phags pa'i bden pa'o zhes bya bar yang dag par ji lta ba bzhin du rab tu shes so/ /'di ni sdug bsngal kun 'byung ba'o/ /'di ni sdug bsngal 'gog pa'o// 'di ni sdug bsngal 'gog par 'gro ba'i lam 'phags pa'i bden pa'o zhes bya bar yang dag par ji lta ba bzhin rab tu shes so/ /'di ni kun tu sbyor ba gsum po 'di lta ste 'jig tshogs la lta ba dang tshul khrims dang brtul zhugs mchog tu 'dzin pa dang/ the tshom yang yongs su spangs shing yongs su shes pa yin no/ /des kun tu sbyor ba gsum po de dag spangs pas rgyun tu zhugs pa yin/ rnam par mi ltung ba'i chos can yin/ rdzogs pa'i byang chub tu 'gro ba yin/ re ltar thogs na srid pa lan bdun pa yin te/ lha dang mi dag gi nang du lan bdun du 'khor zhing song nas sdug bsngal gyi mthar byed par 'gyur ro zhes gsungs te/ 'di thams cad brjod par bya dgos so zhes bya ba'i tha tshig go /nyon mongs pa rnams ni rnam pa gsum ste/ zhes bya ba ni 'dir mthong bas spang bar bya ba'i dbang du byas pa yin no/ /'jig tshogs dang mthar 'dzin par lta ba de dag ni rnam pa gcig ste/ sdug bsngal mthong ba tsam gyis spang bar bya ba yin pa'i phyir ro/ /tshul khrims dang brtul zhugs mchog tu 'dzin pa ni rnam pa gnyis so/ /the tshom dang log par lta ba dang lta ba mchog tu 'dzin pa dag ni rnam pa bzhi'o/ /de la rnam pa gcig pa rnams kyi sgo ni 'jig tshogs la lta ba yin te/ de'i phyir 'jig tshogs la lta ba smos pas mthar 'dzin par

  305. 153a

    lta ba yang smos pa yin no/ /rnam pa bzhi pa rnams kyi sgo ni the tshom yin te/ de smos pas log par lta ba dang/ lta ba mchog tu 'dzin pa rnams kyang smos pa yin no/ /tshul khrims dang brtul zhugs mchog tu 'dzin pa ni dngos su smos pa kho nar zad do/ /mthong bas spang bar bya ba 'dod chags la sogs pa gang dag yin pa de dag kyang de dag la dmigs pa yin pa'i phyir bsdus pa kho na yin no zhes brjod par nus so/ /mthar 'dzin par lta ba ni 'jig tshigs la lta bas rab tu bcug ces bya ba ni bdag la rtag pa dang chad pa'i mthar 'dzin pa'i phyir ro/ /lta ba mchog tu 'dzin pa ni tshul khrims dang brtul zhugs mchog tu 'dzin pas rab tu bcug ces byab ni gang gis 'dag par yid ches pa de la mchog tu 'dzin pa'i phyir ro/ / log par lta ba ni the tshom gyis rab tu bcug ste zhes bya ba ni the tshom za ba log par mnyam pa dang bsam pa'i sgo nas log par nges pa'i skye ba'i phyir ro/ /de'i phyir rtsa ba bsdus pas grub pa'i phyir mthar 'dzin pa la sogs pa yang bshad pa'i ngo bo yin par rig par bya'o/ /gzhan dag na re zhes bya ba nis slob dpon 'di nyid do/ /lam nor pa zhes bya ba ni ji lta zhe na/ lam gzhan la brtan pa'i phyir zhes bya ba smos so/ /kun tu sbyor ba tha ma'i cha dang mthun pa zhes smos pa'i phyir shugs kyis na gzhan gyi cha dang mthun pa yang yod do zhes bshad pa yin pas de'i phyir/ gong ma'i cha dang mthun lnga nyid zhes bya ba 'di smos te/ kun tu sbyor ba'i spros pa yin no/ /de dag kun tu sbyor sogs kyi/ /dbye bas yang rnam lngar bshad do/ /zhes bya ba'i 'brel pa 'dis na kun tu sbyor ba bstan pa'i 'og tu 'ching ba bstan pa'i skabs la babs te/ 'chad pa 'dod chags thams cad rang bya ba ni rnam pa dang khams kyi sgo nas thams cad do zhe sdang ci zhe na/ thams cad rnam pa kho na'i sgo nas/

  306. 153b

    gti mug ni rnam pa dang khams kyi sgo nas thams cad do/ /dmigs pa dang mtshungs par ldan pa'i sgo nas zhes bya ba ni ci rigs par rang dang gzhan gyi rgyud la yod pa'i bde ba'i tshor ba la ni 'dod chags rgyas par 'gyur ro/ /dmigs pa dang mtshungs par ldan pa nyid kyi sgo nas sdug bsngal gyi tshor ba la ni zhe sdang rgyas par 'gyur ro/ /de dag nyid kyi sgo nas bde ba yang ma yin sdug bsngal ba yang ma yin pa la ni gti mug rgyas par 'gyur ro/ /'dod chags dang zhe sdang dag kyang bde ba yang ma yin sdug bsngal yang ma yin pa la de kho na bzhin rgyas par 'gyur ba ma yin nam/ ci'i phyir gti mug kho na brjod ce na/ de'i phyir 'dod chags dang zhe sdang dag ni de lta ma yin no zhes bya ba smos te/ 'dod chags dang zhe sdang dag kyang de la rgyas par ni 'gyur mod kyi gti mug ji lta ba de ltar ni ma yin no/ /gti mug ni mi gsal bas bde ba yang ma yin sdug bsngal yang ma yin pa'i tshor ba mi gsal ba dang rjes su mthun pa'i phyir shin tu rgyas par 'gyur ro/ yang na rang gi rgyud la yod pa'i dmigs pa'i sgo nas nges pa yin no zhes bya ba ni rang gi/ rgyud la yod pa'i bde ba la sogs pa nyams su myong ba'i mthus de ltar nges pa yin te/ mtshungs par ldan pa'i sgo nas rang gi rgyud la yod pa'i tshor ba bde ba la ni 'dod chags rgyas par 'gyur la/ sdug bsngal yang ma yin bde ba yang ma yin pa la ni gti mug go/ //bam po bzhi bcu rtsa gsum pa/ /gzhan dag na re 'dod chags dang zhe sdang dag ni de lta ma yin no zhes bya ba ni ji ltar bde ba la 'dod chags rgyas par 'gyur ba ltar zhe sdang ni de lta ma yin no/ /yang ci bde ba la yang zhe sdang rgyas par 'gyur ram zhe na/ dgra bco'i bde ba la dmigs pa'i sgo nas rgyas par 'gyur ro/ /ji ltar sdug bsngal la zhe sdang rgyas

  307. 154a

    par 'gyur ba ltar 'dod chags ni de ltar ma yin no/ /yang ci sdug bsngal la yang 'dod chags rgyas par 'gyur ram zhe na/ dgra bo'i sdug bsngal la dmigs pa'i sgo nas rgyas par 'gyur ro/ /yang na rang gi rgyud la yod pa'i dmigs pa'i sgo nas nges pa yin no/ /zhes bya ba ni rnam pa gcig tu na rang gi rgyud la yod pa'i bde ba la dmigs pa'am/ mtshungs par ldan pa'i sgo nas 'dod chags rgyas par 'gyur gyi gzhan gyi rgyud la yod pa'i dgra bo'i bde ba la ni ma yin no/ /de bzhin du rang gi rgyud la yod pa'i sdug bsngal la dmigs pa 'am/ mtshungs par ldan pa'i sgo nas khong khro rgyas par 'gyur gyi/ gzhan gyi rgyud la yod pa dgra bco'i sdug bsngal la ni ma yin no/ /de ltar na rang gi rgyud la yod pa'i dmigs pa'i sgo nas nges pa yin te/ tshor ba bde ba la ni dmigs pa dang mtshungs par ldan pa dag gi sgo nas 'dod chags rgyas par 'gyur la/ sdug bsngal la ni zhe sdang rgyas par 'gyur ro/ /sems nye bar nyon mongs par byed pa'i phyir ro zhes bya ba ni sems nyon mongs pa can du byed pa'i phyir ro/ /nyon mongs las gzhan nyon mongs can/ /sems byung zhes bya ba ni nyon mongs pa dag las gzhan pa zhes bya ba'i tha tshig go /nye ba'i nyon mongs pa kho na yin zhes bya ba ni 'di dag la nyon mongs pa dang nye ba'i ngo bo 'am/ nyon mongs pa nye bar 'dug pa yod pas nye ba'i nyon mongs pa ste/ de dag kyang sems las byung ba kho na yin gyi sems dang mi ldan pa ni ma yin no/ /de dag kyang gzhi phran tshogs las 'byung ba gang dag yin pa'o zhes bya ba ni gsung rab kyi cha gzhi phran tshegs las 'byung ba gang dag yin pa yin gyis/ sems pa la sogs pa kho na ni ma yin no snyam du bsams pa yin te/ 'di lta ste mi

  308. 154b

    dga' ba dang/ bla la? byed pa dang/ sems zhum pa nyid dang/ rmya ba dang zas kyi drod mi zim pa nyid dang/ tha dad pa nyid kyi 'du shes dang/ yid la mi byed pa dang lus kyi gnas ngan len dang ru gdug dang/ 'phya smod dang/ gnam pa nyid dang/ mi gnas pa nyid dang/ dar bzhin du mi 'dug pa nyid dang/ 'dod pa'i rnam par rtog pa dang/ 'tshe ba'i rnam par rtog pa dang/ nye ba'i rnam par rtog pa dang/ yul gyi rnam par rtog pa dang/ mi 'chi ba'i rnam par rtog pa dang/ brnyas pa dang ldan pa'i rnam par dad pa dang/ rigs snyems pa dang ldan pa'i rnam par rtog pa dang/ mya ngan dang sdug bsngal dang/ yid mi bde ba dang 'khrug pa zhes bya ba dag yin no/ /de la ngo tsha med pa dang khrel med pa dag ni bshad zin to zhes bya ba ni/ ma gus ngo tsha med khrel med/ /kha na ma tho 'jigs mi lta zhes bya ba yin no/ chos dang zang zing dang zhes bya ba rgyas par 'byung ba ni ser sna ni chos dang zang zing dang mkhas pa rab tu sbyin pa dang/ 'gal ba can sems kyi kun tu 'dzin pa ste/ bdag las gzhan du ma 'gro zhig snyam pa'i rnam pa ni ser sna yin no/ /ser sna nyid ser sna yin pa'am/ mer sna can gyi ngo bo ni ser sna'o/ /'gyod pa dang rmugs pa ni bshad zin te zhes bya ba ni ngan pa byas pa'i dngos po ni 'gyod pa'o/ /'dir ni 'gyod pa de la dmigs pa'i chos yin zhes pa dang/ rmugs pa ni lus dang sems las su mi rung ba nyid do zhes bya ba yin no/ /gnyid ni sems mngon par sdud pa'o zhes bya bar de tsam zhig brjod na ni snyoms par 'jug pa la yang thal par 'gyur bas de'i phyir lus yang dag par 'dzin mi nus pa zhes bya bas khyad par du byed de/ de ni nyon mongs pa can kho na yin no/ /de dang 'gyod pa ni nyon mongs pa can kho na kun nas dkris pa yin no zhes bya ba ni nyon mongs pa can gang yin pa de kun nas dkris pa yin gyi/ dge ba'am lung du ma bstan pa gang yin pa de ni

  309. 155a

    kun nas dkris pa ma yin te/ gnyid ni rnam pa gsum du 'dod do/ /'gyod pa yang nyon mongs pa can gang yin pa de kun nas dkris pa yin gyi dge ba ni ma yin te/ de ni dge ba dang mi dge ba yin par 'dod do/ /khro ba ni gnod sems dang rnam par 'tshe ba ma gtogs pa sems can dang sems can ma yin pa la kun nas mnar sems pa gang yin pa'o zhes bya ba ni gnod sems ni kun nas mnar sems kyi khyad par sems can la zhe sdang ba yin te/ sems can 'di rnams bsad dam bcings sam brlag gam 'dis phongs par gyur kyang ci ma rung snyam pa'i rnam par zhugs pa ni gnod sems yin no/ /rnam par 'tshe ba ni sems can la snyogs pa dang/ rdeg pa dang/ skrag par byed pa dang/ bsdigs pa la sogs pa'i las la zhugs pa yin no/ /khro ba ni de gnyis las gzhan pa sems can dang sems can ma yin dag la kun nas mnar sems pa yin te/ 'di lta ste/ dge slong bslab pa 'dod pa'i sems 'khrugs pa 'am tsher ma la sogs pa la 'khrugs pa lta bu'o/ /go rim bzhin du shes pa dang mi shes pa rnams kyi yin no zer ro zhes bya ba ni/ gzhan dag na re rgyal po la sogs pas zhes pas gang zag 'chab pa dang ldan pa rnams kyi 'chab pa ni srid pa'i rgyu mthun pa yin te/ bdag la rnyed pa dang bkur sti med par gyur na mi rung ngo snyam pa'i phyir ro/ /mi shes pa rnams kyi ni ma rig pa'i gyu mthun pa yin te/ las bdag gir bya ba nyid du ma dad pa ni kha na ma tho ba de 'chab cing gtsang mar bya ba'i phyir gzhan la 'chags par mi byed do/ /de lta bas na 'chab pa ni gnyi ga'i rgyu mthun pa yin no zhes zer ro/ /ji ltar na khrel med pa ma rig pa'i rgyu mthun pa yin zhe na/ 'di ltar khrel med kha na mtho 'jig ma lta zhes 'byung

  310. 155b

    ba'i phyir ro/ /the tshom las 'gyod ces bya ba ni nyon mongs pa can gang yin pa de kho na ste/ kun nas dkris pa'i skabs yin pa'i phyir ro/ /gzhan yang nyon mongs dri ma drug ces bya ba ni/ dper na lus la dri ma dag 'byung ba de bzhin du nyon mongs pa dag las kyang sgyu la sogs pa'i dri ma lta bu 'di rnams 'byung ngo/ /gtam rlung bskur ba ni gzhan du bsgyur ba'o/ /rgyags pa ni sngar bshad zin te/ rgyags pa ni/ rang gi chos la chags pa yi/ sems ni yongs su gtugs pa'o/ /zhes bya ba yin no// gang zhig gang mthong bas spang bar bya ba dang mtshungs par ldan pa zhes bya ba ni bden pa gang zhig mthong ba ni gang mthong ba'o/ /de mthong bas spang bar bya ba ni gang mthong bas spang bar bya ba'o/ /de dang mtshungs par ldan pa ni gang mthong bas spang bar bya ba dang mtshungs par ldan pa ste/ de ni de mthong bas spang bar bya ba yin no/ /gang dag cig yin zhe na/ ngo tsha med pa la sogs pa'o/ /de las gzhan pa zhes bya ba ni ngo tsha med pa la sogs pa las gzhan pa phra dog la sogs pa ni sgom pas spang bar bya ba ni yin gyi mthong bas spang bar bya ba ma yin no/ /nye ba'i nyon mongs pa lnga po dag ni rang dbang yin te/ 'dod chags la sogs pa gzhan gyi dbang du gyur pa ma yin no zhes bya ba'i tha tshig go /rmugs pa dang rgod pa dang gnyid rnams ni mi dge ba dang lung du ma bstan pa dag yin no/ /zhes bya ba ni kun nas dkris pa'i skabs yin pa'i phyir grub pas dge ba yang yin no/ /zhes mi brjod do/ /de yan chad ni lung ma bstan zhes bya ba la ci rigs par zhes bya ba ni/ 'dod pa'i khams kyi gong na ji snyed srid pa ste/ de dag kyang g.yo dang rgyu la sogs pa yin no/ bdag nyid log par kun tu ston pas zhes bya ba ni tshangs pa chen po des bdag nyid log par kun tu ston pas tshe dang ldan pa rta thul la 'drid par zhugs te/ tshangs pa chen po 'byung ba chen po 'di dag ma lus par gang duAng 'gags par 'gyur zhes dris pa

  311. 156a

    dang/ ma shes nas gtam rlung bskur te/ bdag ni tshangs pa'o/ /tshangs pa chen po'o/ /dbang phyug go /byed pa po'o/ /sprul pa po'o/ /'byin pa po'o/ /'byin byed do/ /dngos po rnams kyi phar gyur pa yin no zhes sgyur 'drid par brtsams so/ /de'i 'og tu tshangs pa chen po des tshe dang ldan pa rta thul gyi lag nas/ gzung ste phyogs gcig tu 'dug go /phyogs cig tu 'dug nas kyang 'di skad ces/ de bzhin gshegs pa bzhugs bzhin du bdag la 'dri bar sems sam zhes smras so// de lta bas na de'i 'di ni rgyu yin par snang ste/ rang gi 'khor gyis brnyas pa'i ngo tsha bas bdag nyid kyis mi shes pa sped pa na nges de skad du smras pa yin no/ /g.yo ni bshad zin mod kyi zhes bya ba ni g.yo ni de las 'gyod gnyid mi dge rnams bsam gtan dang po dag na med/ /ces bya ba der ni bshad yod kyi zhar la 'das pas yang smos so/ /lnga por te zhes bya ba ni g.yo dang sgyu dang rmugs pa dang rgod pa dang rgyags pa rnams so/ /de dag ni thams cad yid kyi sa pa dag yin no zhes bya ba ni gnyid dang/ nga rgyal dag go /nye ba'i nyon mongs rang dbang yang zhes bya ba ni phrag dog dang ser sna la sogs pa'o/ /nyon mongs pa'i sa mang po dag gi nang du bshad pa gang dag yin pa'o/ zhes pa ni ma dad pa dang le lo dang bag med pa dag kho na yin no/ /gzhan dag ni ma yin te/ rmugs pa dang rgod pa dag ni 'di nyid du sngar smos zin pa'i phyir ro/ /gti mug ni nyon mongs pa zhes smos pas bsdus pa'i phyir ro/ /bde bar dag dang zhes bya ba ni bde ba'i tshor ba'i ngo bo nyid kyi dbang po dag dang zhes bya ba'i tha tshig go /dga' ba dang skyo ba'i rnam par 'jug pa'i phyir zhes bya ba ni 'dod chags ni dga' ba'i rnam par 'jug pa yin la zhe sdang ni skye ba'i rnam par 'jug pa yin pa'i phyir to go rim bzhin no/ /rnam

  312. 156b

    par shes pa drug gi sa pa yin pa'i phyir ro/ /zhes bya ba ni rnam par shes pa lnga pa'i sa pa yin pa'i phyir 'dod chags ni bde ba'i dbang po dang mtshungs par ldan no zhe sdang ni sdug bsngal gyi dbang po dang mtshungs par ldan no/ /yid kyi rnam par shes pa'i sa pa yin pa'i phyir 'dod chags ni yid bde ba'i dbang po dang mtshungs par ldan no/ zhe sdang ni yid mi bde ba'i dbang po dang mtshungs par ldan no/ /bsod nams kyi las can rnams dang sdig pa'i las can rnams kyi dad go rims bzhin no zhes bya ba ni bsod nams kyi las can rnams kyi log par lta ba ni yid mi bde ba dang mtshungs par ldan pa yin te/ bsod nams byed pa'i 'bar ba don med par mthong ba'i phyir ro/ /sdig pa'i las can rnams kyi log par lta ba ni yid bde ba dang mtshungs par ldan pa yin te/ rang gis byas pa'i sdig pa 'bras bu med par mthong ba'i phyir ro/ /lta ba bzhi dang zhes bya ba ni 'jig tshogs la lta ba dang/ mthar 'dzin par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'o/ /ji ltar chad par lta ba yid bde ba dang mtshungs par ldan pa yin zhe na/ de mngon par 'dod pa'i phyir ro/ /btang snyoms kun tu gnas so zhes bya ba ni 'jig pa'i gnas skabs na gzhan pa'i phyir ro/ /sa gang na dbang po ji snyed cig yod pa zhes bya ba ni/ skye ba'i bsam gtan dag na ni/ /yid bde bde dang btang snyoms dang/ btang snyoms yid bde bde ba dang/ /btang snyoms btang snyoms tshor ba yod ces bya ba lta bu khong du chud par bya'o sa gong ma de na yang mig dang rna ba dang lus dang yid kyi rnam par shes pa'i sa pa rnam par shes pa'i tshogs zhi pa rnams ni bsam gtan dang po kho na ni yod de bsam gtan dang po kho na ni bde ba'i dbang po rnam par shes pa'i tshogs gsum

  313. 157a

    ba dang/ yid bde ba'i dbang po yid kyi rnam par shes pa'i tshogs pa dang/ btang snyoms kyi dbang po rnam par shes pa'i tshogs bzhi pa yod do/ /de yan chad ni yid kyi sa pa kho na na yod do/ bsam gtan gnyis pa na ni yid bde ba dang btang snyoms kyi dbang po dag yod do/ /gsum pa na ni bde ba dang btang snyoms kyi dbang po dag yod do/ /bsam gtan bzhi pa dang gzugs med pa dag na ni btang snyoms kyi dbang po kho na yod do/ /de phra rgyas thams cad kyang ji ltar 'os 'os su tshor ba'i dbang po dang mtshungs par ldan pa yin te/ de ni zhi gnas kyi rgyud brlan pa'i phyir dga' ba dang skyo ba rnam par gzhag pa ni med do/ /'gyod pa la sogs pa 'di dag ni skyo ba'i rnam par 'jug pa'i phyir yid bde ba dang mtshungs par mi ldan la/ yid kyi sa pa'i yin pa'i phyir sdug bsngal gyi dbang po dbang po dang yang mtshungs par mi ldan no/ /chags pa'i rgyud las byung bas zhes bya ba ni chags pa'i rgyu can nyid kyis te/ chags pas kun nas bslang ba nyid kyis zhes bya ba'i tha tshig go /bde dag dang rgyags pa zhes bya ba ni bde ba dang/ yid bde ba dag dang ngo/ /bsam gtan gsum pa na ni bde ba dang mtshungs par ldan no zhes bya ba ni rgyags pa yid kyi sa pa yin pa'i phyir ro/ /ma rig pa bzhin du zhes bya ba ni ji ltar ma rig pa nyon mongs pa dang nye ba'i nyon mongs pa gang la yang mtshungs par ldan pa dgag pa med pa ltar btang snyoms kyang de dang 'dra'o/ /ngo tsha med pa dang khrel med pa dag ni mi dge ba'i sa mang po pa yin pa'i phyir te/ mi dge la ni khrel med dang/ ngo bo tsha med pa'o zhes 'byung bas so/ /rmugs pa dang rgod ba ni nyon mongs pa'i sa mang po pa yin pa'i phyir/ rnam par shes pa'i tshogs drug la ni mi dge ba dang nyon mongs pa can dag srid pas de'i phyir de dag ni dbang po lnga chad? dang yang

  314. 157b

    mtshungs par ldan pa srid do/ /ci rmugs pa dang rgod pa dang the tshom khams gsum pa dag gzung ngam/ zhes bya ba ni 'di rnams ni khams gsum pa yin pa'i phyir de dag kho na bkar te 'dri bar byed do/ /mi dge ba'i phung po 'di ni ma 'dres pa zhes bya ba rgyas par 'byung ba ni dge slong dag sgrib pa lnga ni mi dge ba'i phung po yin no zhes smra ba de dag ni yang dag par smra bas smra bar 'gyur ro/ /ci'i phyir zhe na/ dge slong dag 'di ni mi dge ba'i phung po ma 'dres pa yongs su rdzogs pa yin te/ 'di lta ste sgrib pa lnga po zhes bya ba rgyas par gcig tu mi dge bar gsungs pa'i phyir ro/ /'dod na sgrib rnams yod kyi khams gzhan na med do zhes bya ba ni 'grel pa dang mdo'i tshig gcig pa nyid du sbyor ba yin no/ /sgrib rnams zhes bya ba ni bsam gtan dang snyoms par 'jug pa dag gi sgrib pa rnams zhes bya ba'i tha tshig go /mi mthun pa dang/ zas dang bya ba gcig pa'i phyir zhes bya ba ni mi mthun pa dang/ zas dang bya ba gcig pa can nyid kyi phyir zhes bya ba'i tha tshig ste/ ngo bo'i rkyen med kyang ngo bo gtsor bstan pa yin no/ /yang na mi mthun pa dang zas dang bya ba gcig pas na mi mthun dang/ zas dang bya ba gcig pa'i phyir zhes bya ba'o/ /mi mthun pa dang gnyen po dang zhes bya ba ni/ 'dir tshig le'ur byas pa dang mthun par mi mthun pa ni gnyen po yin par 'dod de/ nyon mongs pa dang 'gal ba'i phyogs ni mi mthun pa'i phyir ro/ /chos mngon pa las ni nag po'i phyogs mi mthun pa yin la dkar po'i phyogs ni gnyen po yin no zhes bya bar grags so/ /kha zas kyi drod mi zin pa zhes bya ba ni ma 'ongs par mang du thos pa'i lus shig shig por 'gyur ba gang yin pa'o/ /zas ma yin pa zhes bya ba ni gnyen po'o/ /rmugs pa dang gnyid kyis ni shes rab kyi phung po la ji zhe na/ gnod par byed do zhes bya bar

  315. 158a

    skabs dang sbyar ro/ /rtogs pa 'di la zhes bya ba rgyas par 'byung ba ni go rims gang gi tshul khrims kyi phung po dang/ ting nge 'dzin gyi phung po dang/ shes rab kyi phung po zhes phung po rnams rnam par 'jog pa'i go rims de nyid kyis de dag gi mi mthun par gyur pa'i sgrib pa 'dod pa las 'dun pa dang/ gnod sems dang/ rgod pa dang 'gyod pa dang/ rmugs pa dang/ gnyid dang/ the tshom zhes 'don par 'gyur te/ shes rab kyi phung po pas ting nge 'dzin gyi phung po gong nas 'byung ba'i phyir rgod pa dang 'gyod pa'i sgrib pa lngar smos par 'gyur ba zhig na de lta yang yin te/ de'i phyir 'di ni gtan tshigs su mi rung ngo snyam du bsam pa yin no/ /'di la ni gtan tshigs gang yin snyam nas smras pa de'i phyir grangs bzhin du rmugs pa dang gnyid dang rgod pa dang 'gyod pa'i sgrib pa 'di gnyis kyi ting nge 'dzin dang shes rab kyi phung po la gnod par byed pa yin no/ /ji ltar zhe na smras pa ting nge 'dzin la brtson pa ni rmugs pa dang gnyid kyis 'jigs te ngo bo 'dra ba lta bu yin pa'i phyir ro/ /chos rab tu rnam par 'byed pa la brtson pa yang de dang 'dra'o/ /the tshom ni de la nges na yang chos la nges par rtog pa'i tshe bar chad byed do/ /gzhan dag ni tshig 'di skad du rmugs pa dang gnyid dang rgod pa dang/ 'gyod pa dang/ the tshom zhes bya bar 'don cing 'di skad du yang 'chad de/ rmugs pa dang gnyid ni zhig nas kyi bar du gcod par byed pa yin la rgod pa dang 'gyod pa 'di lhag mthong gi bar du gcod par byed pa yin/ the tshom ni de langs pa la chos nges par rtog pa'i tshe bar chad byed pa yin pas rgod pa dang 'gyod pas 'jigs so zhes bya'o zhe'o/ /gzhan dag ni gzhan du brjod do zhes bya ba ni sngon gyi slob

  316. 158b

    dpon dag go /rgyu bar gyur pas zhes bya ba ni bsod snyoms kyi phyir 'byam pas so/ /mtshan mar bzung ba'i phyir zhes bya ba ni/ bud med kyi gzugs zhes pa 'am/ bud med kyi sgra zhes bya bar bzung ba'i phyir ro/ /gnas par gyur pa nang du yang dag 'jog par 'greng ba 'am/ 'dug pa 'am/ 'chag pa 'am de sngon du 'gro bas te/ yul sdug pa dang mi sdug pa la mtshan mar 'dzin pa sngon du 'gro ba 'am/ yul sdug pa dang mi sdug pa sngon du 'gro ba dag go /go rim bzhin du rmugs pa dang gnyid dang/ rgod pa dang/ 'gyod pa dang/ the tshom ni zhi gnas dang lhag mthong dag la bar chad byed la zhes bya ba ni/ rmugs pa dang gnyid ni zhi gnas kyi bar chad byed de/ rmugs pa dang gnyid dag nye ba'i ngo bo nyid du gnas pa'i phyir ro/ /rgod pa dang 'gyod pa dang the tshom dag ni lhag mthong gi bar chad byed do/ /rgod pa dang 'gyod pa blas dbye ba gcig pa lta bu'i ngo bor byas pa the tshom dang lhan cig zlas dbye ba byas te/ rgod pa dang 'gyod pa dang the tshom ni rgod pa dang 'gyod pa dag dang the tshom dag ces bya ba yin no/ /bskal pa mi mnyam pa'i khams kun tu 'gro ba log par lta ba la sogs pa sdug bsngal dang/ kun 'byung mthong bas spang bar bya ba nyid kyis tha dad pa gnyis su gyur pa rnams gang gi tshe gzugs dang gzugs med pa'i khams la dmigs pa'i gnas skabs na sdug bsngal dang/ kun 'byung ba la rjes su shes pa dang mthun pa'i lam gyis dmigs pa yongs su shes pa de'i tshe ni sngar sdug bsngal la chos shes pa dang kun 'byung ba la chos shes pas ci rigs par spangs zin pa nyid kyi phyir spong bar mi 'gyur te/ de dag ni 'dod pa na spyod pa yin pa'i phyir chos shes pas gzhom par bya ba yin pas so/ /'gog pa dang lam mthong bas spang bar bya ba zag pa dang

  317. 159a

    bcas pa la dmigs pa lta ba mchog tu 'dzin pa la sogs pa yang gang gi tshe dmigs pa sdug bsngal dang kun 'byung ba'i bden pa'i ngo bo nyid sdug bsngal la chos shes pa'i phyogs dang mthun pa 'am/ rjes su shes pa'i phyogs dang mthun pas khams ji lta ba bzhin yongs su shes pa de'i tshe na de dag spong bar mi 'gyur te/ 'gog pa dang lam mthong bas spang bar bya ba yin pa'i phyir ro/ /ji ltar de dag spong zhe na/ zhes bya ba ni dmigs pa yongs su shes pas ni de dag song bar mi rung ngo snyam du bsams par yin no/ /rang gi sa pa la dmigs pa rnams zhes bya ba khyad par smos pa ni skal ba mi mnyam pa'i khams sa kun tu 'gro ba bsal ba'i phyir ro/ /de la dmigs pa yang dag par zad pas zhes bya ba ni 'di dag la dmigs pa skal ba mi mnyam pa'i khams kun tu 'gro ba de dag yod pas na de la dmigs pa ste/ skal ba mi mnyam pa'i khams su 'gro ba rnams so/ /de dag zad cing spangs pas skal ba mi mnyam pa'i khams su 'gro ba de dag kun tu spangs par 'gyur ro/ /dmigs pa spangs pas zhes bya ba ni lta ba mchog tu 'dzin pa la sogs pa'i dmigs pa 'gog pa dang lam mthong bas spang bar bya ba log par bya ba lta ba la sogs pa spangs pas lta ba mchog tu 'dzin pa la sogs pa zag pa dang bcas pa la dmigs pa de dag spangs par 'gyur ro/ /gnyen po skyes pas zad par 'gyur zhes bya ba ni sgom pas spang bar bya ba rnams ni gnyen po skyes pa kho nas zad par 'gyur gyi dmigs pa yongs su shes pas ni ma yin no zhes ston par byed do/ /'og nas bshad par bya'o/ /zhes bya ba ni/ sa dang/ sa nas nyes rnam dgu/ /de bzhin du ni yon tan rnams zhes bya ba 'di nas 'chad par 'gyur ro/ /spong ba gnyen po ni bar chad med pa'i lam mo/ zhes

  318. 159b

    bya ba ni mi mthun pa'i dgra bo'i phyogs ni gnyen po yin pas spong ba gnyen po'o/ /rnam par grol ba'i lam yang gnyen po yin mod kyi spong ba'i ched du ni ma yin pas de'i phyir de skad du smos so/ /yang na 'dis spong bar byed pas spong ba yin la/ 'di ni spong ba yang yin gnyen po yang yin pas spong ba gnyen po ste/ 'di lta ste/ sdug bsngal la chos shes pa'i bzod pa'o/ /gzhi gnyen po ni de yan chad kyi lam gang yin pa zhes bya ba ni bar chad med pa'i lam de yan chad kyi lam gang yin pa de/ de ni de'i thob pa kun tu 'dzin pa'i phyir spangs pa'i gzhi gnyen po yin te/ 'dis kun tu 'dzin pas na gzhi'o/ /de nyid gnyen po yin pas na gzhi gnyen po ste sdug bsngal la chos shes pa'i bzod pa'i gong ma sdug bsngal la chos shes pa'o/ /de'i phyir gang gis de spangs pa'i thob pa zhes bya ba rgyas par smos te/ lam gang gis des thob pa kun tu 'dzin par byed pa yin no/ /khyad par gyi lam dang bar chad med pa'i lam gyis kyang de'i thob pa rgyun mi 'chad pa'i phyir bar chad med pa'i lam gyis spangs pa'i thob pa de kun tu 'dzin pas de yang gzhi gnyen po yin no/ /thag bsring ba'i ngo bo'i gnyen po ni zhes bya ba rgyas par 'byung ba ni gang gi nyon mongs pa'i thob pa thag bsring bar byed pa ni thag bsring ba'i ngo bo'i de nyid gnyen po yin pas na thag bsring ba'i ngo bo'i gnyen po'o/ /yang na thag sring ba'i ngo bo ni thag sring bar 'gyur ba'o/ /de'i gnyen po ni thag sring ba'i ngo bo gnyen po'o/ /rnam par grol ba yan chad kyi lam gang yin pa ste/ zhes bya ba ni rnam par grol ba'i lam sdug bsngal la chos shes pa gang yin pa de yan chad kyi lam sdug bsngal la rjes su shes pa'i bzod pa la sogs pa gang yin pa de ni thag sring ba'i ngo bo gnyen po yin no zhes ston par byed do/ /gzhan

  319. 160a

    dag na re rnam par grol ba'i lam yang yin zhes bya ba ni rnam par grol ba'i lam dang po de yang thag sring ba'i ngo bo gnyen po zhes bya ste/ des kyang nyon mongs pa'i thob pa de thag sring bar byed do zhes zer ro/ /de ltar na rnam par grol ba'i lam ni gzhi gnyen po dang thag sring ba'i ngo bo gnyen po zhes bya ba ming gnyis thob po zhes bshad pa yin no/ /khams de la skyon tu mthong nas rnam par sun 'byin par byed pa'o zhes bya ba ni gang gis khams de mi rtag pa la sogs pa'i rnam par sun 'byin pa'o zhes bya ba'i tha tshig go /de lta na spong ba'i gnyen po la sogs pa sdug bsngal kun 'byung la dmigs pa gang yin pa de yang rnam par sun 'byin pa gnyen po yin no zhes bstan par 'gyur ro/ /yang 'di dag gi go rims 'di ni chos legs par 'gyur ro zhes zer ba ni slob dpon yin to/ them skas kyi tshul la brten pa'i phyir dang mtshan nyid ma 'chol ba'i phyir go rim ches legs pa yin no zhes ston par byed de/ /sdug bsngal dang kun 'byung la dmigs pa sbyor ba'i lam mo/ zhes bya ba ni dro bar gyur pa la sogs pa'i lam kho na yin par gzung gi bar chad med pa'i lam la sogs pa ni ma yin te/ de ni spong ba gnyen po'i chad du rnam par gzhag pa'i phyir ro/ /bar chad med pa'i lam thams cad do zhes bya ba ni dus phyis 'byung ba gang yin pa gzhan yang yin no/ /rnam par grol ba'i lam mo zhes bya ba ni thams cad do zhes bya ba nyid du yang skabs dang sbyar ro/ /khyad par gyi lam ni 'dir 'di gsum la ma gtogs pa gang yin pa de yin par yongs su gzung ngo/ /mtshungs par ldan pa las ni nyon mongs pa rnam par dbye bar mi nus so/ /zhes bya ba ni rang gi tshogs las dgar bar mi nus pa'i phyir ro/ /re zhig

  320. 160b

    ma 'ongs pa ni rnam par phye zin pa yang dngos po de la dmigs nas mi skyo'o/ /zhes bya ba gtan tshigs des na dmigs pa las rnam par dbye bar yang nus grang na/ dngos po gang zhig la dmigs nas skyes pa'i 'das pa go ji ltar nus te/ dmigs par byas pa'i dngos po dmigs pa ma yin par byas pa mi nus so/ /de yang ma nges te zhes bya ba ni dmigs pa yongs su shes pa dang/ de la dmigs pa yang dag par zad dang dmigs pa spangs pas so/ /gnyen po skyes pas zad par 'gyur ro/ zhes rnam pa gzhis nyon mongs pa zad par 'dod de/ de'i phyir dmigs pa yongs su shes pas zhes bya ba ni ma nges pa yin no/ /de lta bas na 'di brjod par bya dgos so zhes bya ba ni 'di la lan gdab dgos so zhes bya ba'i tha tshig go /'di la slob dpon 'dul bzang lan 'debs pa ni nyon mongs pa rnams ni dmigs pa las spangs par bya ba yin te/ dmigs pa yongs su shes pa'i stobs kyi nyon mongs pa rnams spong bar 'gyur bas so/ /phra rgyas kyi dmigs pa ni rnam pa gnyis te/ ldan par 'gyur ba'i dngos po dang ldan par mi 'gyur ba'i dngos po'o/ /de la gang zag gi rgyud la ldan par 'gyur ba'i dngos po'i yul can rnams dang/ de'i yul can ma yin pa'i phra rgyas de dag gis stobs kyis skyed pa rnams kyi thob pa nyon mongs pa ma 'ongs pa dang 'das pa'i rgyu dang 'bras bur gyur pa ni gang zag gi rgyud nyon mongs pa can ma yin pa'i sems la yang rgyun mi 'chad par rab tu 'byung la/ ldan par mi 'gyur ba'i dngos pa'i yul can rnams dang/ de'i yul can ma yin pa de'i yul can gyi nyon mongs pa dag gi rjes la kun tu 'byung ba'i nyon mongs pa rnams kyi thob pa yang de dang 'dra bar rig par bya'o/ /de ni ma 'ongs pa rnams skye ba'i rkyen du 'gyur ba'i phyir rgyur gyur pa yang yin la 'das pa rnams kyi rgyu

  321. 161a

    mthun par 'gyur ba'i phyir 'bras bur gyur pa yang yin no/ /nyon mongs pa rnams ni des kun tu gzung ba'i phyir de yang spong ba gnyen po'i rgyu mthun pa thob pa dang/ phrad par 'gal lo/ /de'i phyir dmigs pa gang zhig gis skyes pa'i nyon mongs pa rnams ni gzhan la dmigs pa'i nyon mongs pa dag kyang rab tu 'byung ba byed la de la dmigs pa spong ba gnyen po'i rgyu mthun pa skyes na nyon mongs pa de dag de la dmigs pa yin yang rgyu des 'bras bu dang bral na de dag gi thob pa bcom pa la spangs pa zhes bya'o/ /de bas na gang gi phyir nyon mongs pa'i yul 'ga' zhig gi dngos po ji lta ba bzhin yongs su ma shes na rgyud la de'i yul can gyi nyon mongs pa'i phyogs? kyis de'i yul can ma yin pa'i nyon mongs pa rnams kyi thob pa ma 'ongs pa dang/ 'das pa'i rgyu dang 'bras bur gyur pa dngos po ji lta ba bzhin ma yin par rab tu 'byung ba de'i phyir dmigs pa las nyon mongs pa spang bar bya ba yin no zhes bya ba 'dod do/ /zhes zer ro/ /de la dmigs pa spang pa la sogs pas kyang nyon mongs pa spang bar 'gyur ro zhes bya bar 'dod pa ma yin nam ci ste dmigs pa yongs su shes pa'i stobs kyis nyon mongs pa rnams spong bar 'gyur zhes bya ba 'di smras zhe na/ bsam pa ni de dag kyang sdug bsngal la sogs pa yongs su shes pa'i stobs kho nas spong bar 'gyur te/ de yod pa'i ngo bo dang ldan pas de yod pa'i ngo bo dang ldan pa'i phyir ro/ /gang dag gnyen po skyes pas spong bar brjod pa sgom pas spang bar bya ba'i nyon mongs pa de dag kyang dmigs pa sdug bsngal gyi bden pa la sogs pa yongs su shes pa kho nas spong bar 'gyur ro zhes bya bar khong du chud par bya'o/ /de la dmigs

  322. 161b

    pa spangs pa la sogs pas kyang nyon mongs pa rnams spangs par 'gyur ro zhes bya ba gang yin pa de ni rnam par bzhag pa tsam du zad do zhes bya ba yin par mngon no/ /rang gi rgyud la yod pa ni thob pa chad pas so zhes bya ba rgyas par 'byung ba ni rang gi rgyud kyi nyon mongs pa ni thob pa dang bral bas spangs par brjod par bya'o/ /gzhan gyi rgyud kyi nyon mongs pa ni thob pa chad pas ma yin te/ rang gi rgyud la de'i thob pa med pa'i phyir ro/ /'o na ci zhe na/ de la dmigs pa'i nyon mongs pa rang gi rgyud la yod pa spangs pas te gzhan gyi rgyud kyi nyon mongs pa la dmigs pa dang rang gi rgyud la yod pa'i thob pa chad pas so zhes bya ba'i don to/ /gzugs dge ba dang mi dge ba dang lung du ma bstan pa thams cad dang nyon mongs pa can ma yin pa zhes bya ba dge ba zag pa dang bcas pa dang/ ma bsgribs la lung du ma bstan gzugs can ma yin pa yang de kho na bzhin du de dag la dmigs pa'i nyon mongs pa rang gi rgyud la yod pa spangs pas spangs par brjod par bya'o/ /'byung dang tshul khrims phyogs dang ni/ dus gnyis ring ba nyid lta bu'o/ /zhes bya ba la lta bu'o/ zhes bya ba ni dper brjod pa ste/ dper na zhes bya ba'i don tu blta bar bya'o/ /mtshan nyid kyis ni mtshan nyid kyis ring ba nyid de/ dper na 'byung ba rnams lta bu ste/ chu'i khams kyang sa'i khams las mtshan nyid tha dad la sa'i khams kyang de las mtshan nyid tha dad pa ni ring ba yin no/ /mi mthun pa nyid kyi ni gnyen pos ring ba nyid de/ dper na 'chal pa'i tshul khrims las tshul khrims lta bu'o/ /yul rnam par chad pas ni yul gyis ring ba nyid de/ dper na shar gyi rgya mtsho las nub kyi rgya mtsho lta bu'o/ /dus kyis ni dus kyis ring ba nyid do/ dper na 'ongs pa dang ma 'ongs pa'i dus gnyis lta bu'o/

  323. 162a

    'das pa dang ma 'ongs pa de ni ring ba zhes bshad do/ /gang nas bshad ce na/ chos mngon pa las te/ 'di skad du chos ring ba dag gang zhe na/ 'das pa dang ma 'ongs pa'i chos rnams so/ /chos nye ba dag dang? zhe na/ da ltar byung ba'i chos rnams dang/ 'dus ma byas so zhes 'byung ngo/ /de ni dus tha dad pa nyid kyis ring pa yin gyi zhes bya ba ni 'das ma thag pa dang skye bar 'gyur ba zhes bya ba skye ba la mngon du phyogs pa'i ma 'ongs pa gang yin pa zhes bya ba'i tha tshig go /yun ring mo zhig ni byung ba dang 'byung ba nyid kyis ni ma yin no/ zhes bya ba ni yun ring mo zhig na byung bar gyur pa nyid kyis 'das pa yang ma yan la/ 'byung ba nyid kyis ma 'ongs pa yang ma yin no zhes bya ba'i tha tshig go /da ltar yang de bzhin du ring bar 'gyur ro/ zhes bya ba ni dus tha dad pa nyid kyis na da lta byung ba'i dus nyid kyis da ltar yang ring bar 'gyur te dper na 'das pa dang ma 'ongs pa'i dus nyid kyis 'das pa dang ma 'ongs pa lta bu'o/ /'o na ni byed pas ring ba yin no zhes bya ba ni byed pa zhig pa ni 'das pa yin la/ byed pa ma thob pa ni ma 'ongs pa yin pas 'das pa dang ma 'ongs pa de ring ba zhes bya'o/ /'dus ma byas ji ltar na nye ba nyid du 'grub ces bya ba ni de la byed pa med pa'i phyir nye ba nyid du mi 'gyur ba zhig na bstan bcos las chos nye ba dag gang zhe na/ da ltar byung ba'i chos rnams dang/ 'dus ma byas so zhes 'byung ba'i phyir der yang 'dod do/ /de thams cad du thob pa'i phyir ro zhes bya ba ni 'dus ma byas so sor brtags pas 'gog pa dang so sor brtags pa ma yin pas 'gog pa de'i thob pa yul thams cad du skye ba'i phyir ro/ /'das pa dang ma 'ongs pa dag la yang

  324. 162b

    thal bar 'gyur ro/ /zhes bya ba ni dge ba la sogs pa 'das pa dang ma 'ongs pa'i thob pa yul thams cad du 'byung bas 'das pa dang ma 'ongs pa nye ba nyid du thal bar 'gyur ro/ /nam mkha' yang ji ltar nye ba yin zhes bya ba ni nam mkha' yang ji ltar nye ba yin te de la ni thob pa med do/ /'das pa dang ma 'ongs pa phan tshun ring ba yin zhes bya ba ni ma 'ongs pa yang 'das pa las ring la 'das pa yang ma 'ongs pa'i las ring ngo zhes bya ba'i tha tshig go /'dus ma byas kyang chod pa med pa'i phyir zhes bya ba ni ji ltar da ltar gyi 'das pa dang ma 'ongs pa ltar gang gis kyang bar du chod pa med de de ltar na nye ba nyid yin no/ /de lta na yang zhes bya ba ni rtog pa de la yang 'das pa dang ma 'ongs pa gang yin pa de da ltar dang nye ba'i phyir ring ba dang nye ba zhes bya ba gnyi gar gyur te/ 'das pa de da ltar gyis bar du chod pa'i phyir ma 'ongs pa las ring ba yang yin la/ da ltar dang bar du mchod pa'i phyir nye ba yang yin zhes bya bar yang 'gyur te/ ma 'ongs pa yang de bzhin du sbyar bar bya'o/ /'di skad du rigs par 'gyur ro zhes bya ba ni slob dpon rang gi gzhung lugs yin te/ ma 'ongs pa ni chos kyi rang gi mtshan nyid las ring ba yin no/ /ci'i phyir zhe na/ ma thob pa'i phyir te/ 'di ltar ma 'ongs pas ni rang gi mtshan nyid ma thob bo/ /yang na 'di ltar de ni rang gi mtshan nyid ma thob cing nye bar mi gnas pa yin no/ /'das pa ni ci zhe na zhig pa'i phyir chos kyi rang gi mtshan nyid las ring ba yin te/ 'di ltar chos kyi rang gi mtshan nyid de 'das pas zhig pa 'am/ 'das pa de chos kyi rang gi mtshan nyid las zhig pas so/ /gnyen po skyes pas zad par 'gyur/ zhes bshad pas de'i phyir ci lam khyad par du 'gro ba'i phyir zhes bya ba 'dri bar byed de/ spangs par yang khyad par du 'gyur

  325. 163a

    ram/ zhes bya ba ni spangs pa khyad par du 'gyur ram zhes bya ba'i tha tshig go /'dir ni gnyen po rnam par grol ba'i lam yin par bsams so/ /zhes bya ba ni de ni bral ba'i thob pa dang lhan cig skyes pa'i phyir ro// bar chad med pa'i lam la ni re zhig bral ba'i thob pa med de/ skye ba la mngon du phyogs pa yin pa'i phyir ro/ /rnam par grol ba'i lam yang bar chad med pa'i lam gnyen po dngos dang lhan cig 'bras bu gcig pa'i phyir gnyen po yin no zhes bya bar rnam par bzhag par mi nus te/ 'di ltar bral ba'i thob pa 'dren par byed pa dang/ rten du gyur pa'i phyir gnyi gas de 'thob bo zhes bshad do/ /'bras bu dag ni dge sbyong gi tshul gyi 'bras bu bzhi'o/ /zhes bya ba la 'bras bu bzhi zhes smos pa ni 'bras bu brgyad cu rtsa dgu yin par go bar 'gyur ba gsal ba'i phyir ram/ skyes bu byed pa'i 'bras bu la sogs pa lnga yin par go bar 'gyur ba bsal ba'i phyir ro/ /'bras bu thob pa yang rnam par grol ba'i lam la rnam par gzhag pa kho nar bzung bar bya ste/ bral ba'i rnyed pa yod pa nyid dang ldan pa'i phyir ro/ /dbang po rnam par 'phel ba ni dbang po 'pho ba'o/ zhes bya ba ni dbang po lhag pa yin par go bar 'gyur ba bsal ba'i phyir don 'di rab tu bstan pa yin to/ /slob dpon 'dul bzang na de dbang po rnam par 'phel ba zhes bya ba ni 'bras bu thob pa zhes smos pa kho nas grub pa'i phyir ro zhes zer ro/ /'di la smras par bya ste/ 'bras bu thob pa kho na dbang po rnam par 'phel ba yin pa bden mod kyi gang la bral ba rnyed par 'gyur ba'i 'bras bu thob pa khyad par can ni rab tu bstan dgos so/ /de lta ma yin na gnyen po skyes pa kho nas de grub pa'i phyir 'bras bu thob pa yang smos par bya mi dgos

  326. 163b

    par 'gyur te zug zug tu brgal mi dgos so/ /kha cig ni dus gnyis kyi bar du 'thob par blta bar bya'o/ /zhes bya ba ni nyon mongs pa kha cig gi bral ba ni dus drug du thob bo/ /bar du zhes bya ba'i sgras ni kha cig gi ni dus lngar ro/ /kha cig gi ni bzhir ro/ /kha cig ni gsum du'o/ /kha cig gi ni gnyis su'o zhes bstan pa yin no/ /yang thob pa'i bral ba'i dbang du byas pa yin pa'i phyir kha cig gi ni dus gcig tu 'thob po zhes ni ma bshad de dbang po rnon pos srid pa'i rtse mo? rnam pa dgu pa'i bral ba dus gcig kho nar 'thob pa srid mod kyi de ni yang 'thob pa ma yin pas mi brjod do/ /de la re zhig dbang po rtul pos bral ba dus drug tu 'thob ste/ sdug bsngal dang kun 'byung dang 'gog pa mthong bas spang bar bya ba khams gsum pa rnams dang/ lam mthong bas spang bar bya ba 'dod pa na spyod pa rnams kyi bral ba ni gnyen po skyes pa'i dus dang rgyun tu zhugs pa'i 'bras bu'i dus dang/ lan cig phyir 'ong ba'i 'bras bu'i dus dang/ phyir mi 'ong ba'i 'bras bu'i dus dang/ dgra bcom pa nyid kyi 'bras bu'i dus dang/ dbang po 'pho ba'i dus zhes bya ba dus drug tu 'thob bo/ /srid pa'i phyir de skad du bshad par zad kyi dbang po rtul po gdon mi za bar dbang po dag 'pho ba ma yin no/ /dbang po rtul po de nyid kyis lam mthong bas spang bar bya ba gzugs dang gzugs med pa na spyod pa rnams kyi bral ba gnyen po skyes pa'i dus zhes bya ba 'am 'bras bu thob pa'i dus zhes bya bar gzung yang rung ste/ lam la rjes su shes pa'i dus na dang po nyid du thob pa dang/ yang lan cig phyir 'ong ba'i dus nas dbang po 'pho ba'i dus zhes bya ba'i bar te dus lngar 'thob po/ /de nyid kyi bsgom pas spang bar bya ba 'dod pa na spyod pa chen po nas 'bring po'i 'bring po'i bar rnam

  327. 164a

    pa lnga'i bral ba yang rgyun du zhugs pa'i 'bras bu ma gtogs pa dus lnga po de dag nyid du 'thob bo/ /de nyid kyis rnam pa drug pa 'bring po'i chung ngu'i bral ba ni gnyis po skyes pa dang 'bras bu thob pa'i dus dag gcig pa'i phyir de'i gang yang rung ba zhig dang phyir mi 'ong pa'i 'bras bu'i dus nas dbang po 'pho ba'i dus zhes bya ba'i bar dus bzhir 'thob bo/ /de nyid kyis rnam pa bdun pa dang brgyad pa chung ngu'i chen po dang chung ngu'i 'bring po thob pa ni gnyen po skyes pa'i dus dang phyir mi 'ong ba'i 'bras bu'i dus nas dbang po 'pho ba'i dus kyi bar du bzhi kho nar 'thob po/ de nyid kyis rnam pa tha ma'i chung ngu'i chung ngu bral ba ni gnyen po skyes pa'i dus zhes bya bar yang rung 'bras bu thob pa'i dus nye ba bya par yang rung ste/ gang yang rung ba zhig dang/ dgra bcom pa nyid kyi 'bras bu thob pa'i dus dang dbang po 'pho ba'i dus zhes bya ba dus gsum du 'thob po/ /de bzhin du dgra bcom pa nyid kyi 'bras bu thob par byed pa des gzugs dang gzugs med pa'i nyon mongs pa bsgom pas spang bar bya ba chen po'i chen po nas chung ngu'i chung ngu'i bar rnam pa dgu spangs pa gang dag yin pa de dag las srid pa'i rtse mo pa'i rnam pa tha ma chung ngu'i chung ngu ma gtogs pa thams cad kyi bral ba yang gnyen po skyes pa'i dus dang/ dgra bcom pa nyid kyi 'bras bu'i dus dang dbang po 'pho pa'i dus zhes bya ba dus gsum kho nar 'thob po/ /gzugs med pa na spyod pa'i rnam pa chung ngu'i chung ngu gang yin pa de'i bral ba ni gnyen po skyes pa dang bral ba nyid kyi 'bras bu thob pa dus gcig pa'i phyir/ nyen po skyes pa'i dus zhes bya bar yang rung dgra bcom pa nyid kyi 'bras bu thob pa'i dus zhes bya bar yang rung ste gang yang rung ba zhig dang dbang po 'pho ba zhes bya ba dus

  328. 164b

    gnyis su 'thob ste re shig de lta bu ni dbang po rtul pos 'thob pa bshad pa yin no/ /dbang po rnon pos ni dbang po 'pho ba'i dus gcig tu bor nas nyon mongs pa kha cig gi ni dus lngar 'thob pa nas dus nyid kyi bar du 'thob po zhes bya bar brjod par bya ste/ de la ni thams cad du dbang po 'pho ba med do/ /des ni nyon mongs pa rnams kyi bral ba dus gcig tu 'thob pa yod de bsgom pas spangs par bya ba srid pa'i rtse mo pa'i rnam pa chung ngu'i chung ngu bral? ba lta bu yin na de ni yang 'thob par mi 'gyur bas mi brjod do/ zhes bya bar lta'o/ /'bras bu la rgyu btegs pa'i phyir ro/ zhes bya ba ni spangs pa'o/ /rgyu ni yongs su shes pa ste/ ye shes kyi ngo bo nyid yin no/ /'bras bu spangs pa de la yongs su shes pa'o zhes rgyu nye bar btags pa yin te/ dper na reg pa'i skye mched drug po sngon mngon par 'dus byas shing ched du bsams pa 'di dag ni sngon gyi las yin par rig par bya'o zhes 'byung ba lta bu'o/ /yang gang nas spangs pa la yongs su shes pa'i sgrar bstan ce na mdo las te/ 'di skad du/ dge slong dag yongs su shes par bya ba'i chos rnams dang/ yongs su shes pa dag dang/ yongs su shes pa dang ldan pa'i gang zag kyang bshad par bya ste/ yongs su shes par bya ba'i chos rnams gang zhe na nye bar len pa'i phung po lnga 'o/ /yongs su shes pa gang zhe na/ 'di la 'dun pa'i 'dod chags spangs pa dang/ 'dun pa'i 'dod chags las yang dag par 'das pa ste/ 'di ni yongs su shes pa zhes bya ba rgyas par gsungs so/ /'dod pa na dang po'i rnam gnyis zad la gcig /ces bya ba ni yongs su shes par rnam par gzhag pa'i gtan tshigs bral ba'i thob pa zag med dang/ srid rtse nyams par byas pa dang/ /rgyu gnyis kun tu bcom pa'i

  329. 165a

    phyir yongs shes zhes bya ba 'di nas 'chad par 'gyur ro/ /tha ma'i cha dang mthun pa spangs pa zhes bya ba ni 'dod pa'i khams kyi zag pa spangs pa zhes bya ba'i tha tshig ste/ 'di nyid de'i ming yin no/ /gzugs kyi zag pa spangs pa zhes bya ba ni gzugs kyi khams kyi zag pa spangs pa zhes bya ba'i don te/ de'i ming ni gzugs kyi khams kyi 'dod chags zad pa'i yongs su shes pa zhes bya'o/ /nga rgyal la sogs pa'i nyon mongs pa dang nye ba'i nyon mongs pa gzugs na spyod pa gzhan dag kyang yod mod kyi 'di'i yongs su shes pa rnam par bzhag pa ni de na 'dod chags gtso bo yin pa'i phyir gong ma'i cha dang 'thun pa'i kun tu sbyor ba'i ni gzugs kyi 'dod chags zad pa'i yongs su shes pa zhes bshad do/ /kun tu sbyor ba thams cad yongs su gtugs pa'i yongs su shes pa'o/ /zhes bya ba 'di ni zag pa thams cad spangs pa'i ming yin no/ /yongs su shes pa ni tha dad par bstan la/ zhes bya ba ni bsgom pas spang bar bya ba gzugs na spyod pa rnams spangs pa ni gzugs kyi 'dod chags zad pa'i yongs su shes pa yin no/ /gzugs med pa rnams kyi ni kun tu sbyor ba thams cad yongs su gtogs pa'i yongs su shes pa yin no/ zhes 'byung ba'i phyir ro/ /mthong bas spang bar bya ba rnams kyi ni ma yin te/ zhes bya ba ni ci'i phyir gzugs dang gzugs med pa na spyod pa'i mthong bas spang bar bya ba rnams kyi yongs su shes pa so sor mi bstan te/ de bzhin du gzugs dang gzugs med pa na spyod pa mthong bas spang bar bya ba rnams spangs pa yang yongs su shes pa gsum yin te zhes 'byung ba'i phyir ro/ /bsgom pas spang bar bya ba rnams kyis nyen po mi 'dra ba'i phyir ro zhes bya ba ni 'di ltar sa dang sa na gzugs na spyod

  330. 165b

    pa'i bsgom pas spang bar bya ba rnam pa dgu'i gnyen po bar chad med pa dang rnam par grol ba'i lam zag pa med pa mi lcogs pa med pa la sogs pa'i sa dang/ zag pa dang bcas pa bsam gtan gnyis pa'i nyer bsdogs kyis bsdus pa nas nam mkha' mdza' yas skye mched kyi nyer bsdogs kyis bsdus pa'i bar rnam pa dgu yod la gzugs med pa na spyod pa rnams kyi gnyen po bar chad med pa'i lam dang/ rnam par grol ba'i lam ni ci rigs par zag pa med pa'i sa 'og ma pa'am/ ci rigs par zag pa dang bcas pa gong ma'i nyer bsdogs kyis bsdus pa dag yod de/ gzhan kho na yin pas gnyen po mi 'dra ba'i phyir 'di dag gis yongs su shes pa tha dad par bstan to/ /mthong bas spang bar bya ba rnams kyi gnyen po ni 'dra ste/ rjes su shes pa'i bzod pa la sogs pa gzugs na spyod pa rnams kyi gnyen po de dag nyid gzugs med pa rnams kyi yang yin pas yongs su shes pa tha dad du rnam par mi bzhag go /tha ma'i cha dang mthun pa spangs pa la la sogs pa yongs su shes pa ste/ zhes bya ba ni tha ma'i cha dang mthun pa spangs pa'i yongs su shes pa dang/ gzugs kyi 'dod chags zad pa'i yongs su shes pa dang/ kun tu sbyor ba thams cad yongs su gtugs pa'i yongs shes pa'o/ /'di dag ni bsgom pa'i lam gyi 'bras bu yin pa'i phyir shes pa'i 'bras bu yin te/ sgom pa'i lam la bzod pa dag ni med do/ /ji ltar yongs su shes pa bzod pa'i 'bras bu yin zhes bya ba ni yongs su shes pa dang shes pa zhes bya ba ni don gcig ste/ shes pa dang yongs su shes pa ni zag pa med pa'i ye shes yin no zhes 'byung ba'i phyir ro// //bam po bzhi bcu rtsa bzhi pa/ /dri med bzod rnams shes pa yin/ zhes 'byung bas bzod pa ni shes pa'i ngo bo

  331. 166a

    nyid yin par yang mi rung na/ de ji ltar yongs su shes pa bzod pa'i 'bras bu yin te/ 'bras bu la rgyu btags pa byas na yang mi rung ngo snyam du bsan pa yin no/ /'dir bzod pa rnams ni shes pa'i 'khor can yin pa'i phyir zhes bya ba smos te/ 'di dag la 'khor shes pa yod pas na shes pa'i 'khor can te/ bzod pa rnams so/ /de'i phyir shes pa'i 'bras bu yang bzod pa rnams kyi 'bras bu zhes bya'o/ /rgyal po'i 'khor la rgyal po nye bar btags pa bzhin te dper na rgyal po'i 'khor la rgyal po nye bar btags pa'i phyir 'khor gyis byas pa la yang rgyal pos byas pas zhes bya ba dang 'dra'o/ /shes pa dang 'bras bu gcig pa'i phyir ro zhes bya ba ni bzod pa dag ni shes pa dang lhan cig 'bras bu gcig pa yin te/ bzod pa dag gi 'bras bu gang yin pa de nyid shes pa rnams kyi yin pas bzod pa'i 'bras bu yang yongs su shes par rung ngo/ /mi lcogs med 'bras thams cad do/ zhes bya ba ni 'di ltar mi lcogs pa'i sa pa'i lam gyis khams gsum pa'i mthong ba dang/ bsgom pas spang bar bya ba'i zag pa rnams spong ba srid de/ zag med mi lcogs med pa yis/ thams cad las ni 'dod chags bral/ zhes 'byung ba'i phyir ro// gzugs dang gzugs med pa na nyon mongs pa spangs pa'i rang bzhin gang dag yin pa'o/ zhes bya ba ni bye brag tu smra ba rnams na re gzugs dang gzugs med pa na spyod pa'i mthong bas spang bar bya ba rnams spangs pa ji skad bshad pa'i yongs su shes pa gsum dang/ bsgom pas spang bar bya ba gzugs na spyod pa rnams spangs pa gzugs kyi 'dod chags zed pa'i yongs su shes pa dang/ gzugs med pa na spyod pa rnams spangs pa kun tu sbyor ba thams cad yongs su gtugs pa'i

  332. 166b

    yongs su shes pa zhes bya ba lnga ste/ bsam gtan gyi dngos gzhi la brten nas gzugs dang gzugs med pa na spyod pa'i nyon mongs pa spong ba srid pa'i phyir ro/ /'dod pa na spyod pa'i nyon mongs pa spangs pa ni bsam gtan gyi dngos gzhi'i 'bras bu ma yin te/ bsam gtan gyi dngos gzhi rnams ni 'dod pa'i khams kyi gnyen po ma yin pa'i phyir ro/ /de lta bas na 'dod chags dang bral ba rnams la bral ba'i thob pa zag pa med pa yod du zin kyang tha ma'i cha dang mthun pa spangs pa'i yongs su shes pa bzhin du 'dod pa na spyod pa mthong bas spang bar bya ba spangs pa ni bsam gtan gyi dngos gzhi'i 'bras bu ma yin no zhes zer ro/ /btsun pa dbyangs sgrogs kyi lugs kyis ni brgyad de/ zhes bya ba ni btsun pa dbyangs sgrogs de na 'dod pa'i 'dod chags dang bral ba'i gang zag gi yang 'dod pa na spyod pa mthong bas spang bar bya ba rnams spangs pa yongs su shes pa gsum gyi ngo bo nyid 'phags pa'i lam gyi 'bras bu yin par 'dod do/ /ci'i phyir zhe na/ bral ba'i thob pa zag pa med pa rnyed pa'i phyir te/ bsam gtan gyi dngos gzhi la brten nas nges pa la 'jug pa na yang mthong bas spang bar bya ba'i zag pa sngon 'jig rten pa'i lam gyis spangs pa rnams kyis bral ba'i thob pa zag pa med pa yang 'thob la de la ni mthong ba'i lam gyis nus pa yod pas gzugs dang gzugs med pa na spyod pa'i mthong bas spang bar bya ba spangs pa bzhin du/ 'dod pa na spyod pa'i mthong bas spang bar bya ba sngon spangs pa'i yongs su shes pa yang dngos gzhi bsam gtan gyi 'bras bu'o zhes bya bar rnam par bzhag go de lta bas na 'dod pa na spyod pa'i mthong bas spang bar bya ba spangs pa'i yongs su shes pa gsum po 'di dag dang sngar bshad pa gzugs dang gzugs med pa'i yongs su shes pa dang bcas pa yongs su shes pa brgyad bsam gtan gyi 'bras bu yin

  333. 167a

    no/ /zhes bya ba ni btsun pa dbyangs sgrogs kyi gzhung lugs yin no/ /tha ma'i cha dang mthun pa spangs pa'i yongs su shes pa ni mi lcogs pa med pa'i 'bras bu kho na yin no/ zhes bya ba ni 'dod pa las 'dod chags ma bral ba ni mi lcogs pa med pa kho nas tha ma'i cha dang mthun pa spong bar byed kyi/ dngos gzhis ni ma yin te/ de na ma thob pa'i phyir ro/ /'dod chags dang bral ba sngon du 'gro ba yang gang gi tshe bsam gtan la brten nas nges pa la 'jug pa des kyang so so'i skye bo'i gnas skabs skabs na 'jig rten pa'i lam gyi sa 'dod pa na spyod pa'i nyon mongs pa thams cad spangs pas de bsam gtan gyi dngos gzhi'i 'bras bu ma yin no/ /sems kyi skad cig ma bcu drug la de'i tha ma'i cha dang mthun pa spangs pa yongs su shes pa bsam gtan gyi dngos gzhi la brten par yang rnam par bzhag mod kyi de'i 'bras bu zhes bya bar rnam par bzhag pa ni ma yin no/ /'o na ci zhe na/ gnas skabs de na tha ma'i cha dang mthun pa spangs pa 'jig rten pa'i lam gyis thob pa'i bral ba'i thob pa zag pa med pa yang 'thob pas de spangs pa'i yongs su shes par rnam par bzhag ste/ de'i tshe ni mthong bas spang bar bya ba snga ma spangs pas sngar mthong ba'i lam gyis spang bar bya ba spangs pa gang yin pa dang/ sngar spangs pa tha ma'i cha dang mthun pa spangs pa bsdoms nas tha ma'i cha dang mthun pa spangs pa'i yongs su shes pa gcig tu rnam bzhag ste/ khams las 'dod chags bral ba dang/ /'bras bu thob phyir de dag bsdoms/ zhes thams cad bsdoms pa'i gtan tshigs yod pa'i phyir ro/ /de lta bas na tha ma'i cha dang mthun pa spangs pa'i yongs su shes pa de ni mi lcogs pa med pa'i 'bras bu kho nar rnam par bzhag gi/ dngos gzhi'i 'bras bu ni ma

  334. 167b

    yin te/ 'di la ni bye brag tu smra ba dang/ btsun pa dbyangs sgrogs kyi gzhung lugs mthun no/ /bsam gtan khyad par can yang bsams bzhin du blta bar bya'o zhes bya ba ni bsam gtan khyad par can gyi zag pa med pas kyang nyon mongs pa spong par 'gyur te/ de lta bas na mi lcogs pa med pa dang/ dngos gzhi'i bsam gtan rnams kho na'i 'bras bu kho na bshad kyi/ bsam gtan khyad par can gyi ni ma yin no/ /de'i phyir bsam gtan khyad par can yang bsam gtan bzhin du blta par bya'o zhes bya ba smos te/ bsam gtan khyad par can ni bsam gtan dang po kho na rtog pa dang bral bras khyad par du 'phags pa'i phyir ro/ /nam mkha' mdza' yas skye mched kyi nyer bsdogs kyi zhes bya ba ni de ni 'jig rten pa yin yang 'phags pa kho na la 'bras bu yongs su shes pa rnam bzhag ste/ bral ba'i thob pa zag pa med pa srid pa'i phyir ro/ /gzugs med dngos gzhi gsum gyi yang zhes bya ba ni zag pa med pa'i'o/ /'jig rten pa'i lam gyi 'bras bu ni gnyis te/ zhes bya ba ni 'phags pa 'jig rten pa'i lam gyis 'dod pa'i khams las 'dod chags dang bral bar byed pa na'o/ /rjes su shes pa'i 'bras bu yang yongs su shes pa gnyis te/ zhes bya ba ni bsgom pa'i lam gyis bsdus pa'i ste/ tha ma gzugs kyi 'dod chags zad pa dang/ kun tu sbyor ba thams cad yongs su gtugs pa'i yongs su shes pa dag go /chos shes pa'i ni gsum yin no/ /zhes bya ba'i bsgom pa'i lam gyi bsdus pa'i ste/ bsgom pa'i lam la 'gog pa 'am/ lam la chos shes gang yin te/ khams gsum gyi ni gnyan po yin zhes 'byung bas so/ /de'i 'bras bu ni tha ma gsum po tha ma'i cha dang mthun pa spangs pa dang gzugs kyi 'dod chags zad pa dang kun tu sbyor ba thams cad yongs su gtugs pa'i yongs su shes pa yin no/ /ci'i phyir zhe na/ khams

  335. 168a

    gsum pa'i bsgom pas spang bar bya ba'i gnyen po yin pa'i phyir ro /zhes bya ba smos so/ /de phyogs mthun gyi drug dang lnga/ zhes bya ba ni chos shes pa dang rjes su shes pa dag gi phyogs dang mthun pa'i ni ci rigs par drug dang lnga yin no/ /phyogs dang mthun pa zhes smos pa ni bzod pa dang shes pa dag bsdu ba yin no/ /chos kyi bzod pa dang shes pa rnams kyis 'bras bu gang dag yin pa kho na'o zhes bya ba ni chos kyi bzod pa rnams dang chos shes pa rnams kyi zhes bya bar tshig bsdu ste/ chos shes pa'i bzod pa rnams kyi 'bras bu ni 'dod pa na spyod pa mthong bas spang bar bya ba spangs pa'i ngo bo nyid kyi yongs su shes pa ji skad bshad pa gsum yin no/ /chos shes pa rnams kyi yang bsgom pa'i lam sdug bsngal dang kun 'byung ba shes pa bsdus pa rnams kyi ni tha ma'i cha dang mthun pa spangs pa'i yongs su shes pa gcig go /'gog pa dang lam shes pas bsdus pa rnams kyi ni tha ma'i cha dang mthun pa spangs pa dang gzugs kyi 'dod chags zad pa dang/ kun tu sbyor ba thams cad yongs su gtugs pa'i yongs su shes pa gsum char yang yin no/ /rjes kyi bzod pa dang shes pa rnams kyi 'bras bu gang dag yin pa kho na'o/ zhes bya ba ni rjes kyi bzod pa rnams dang rjes kyi shes pa rnams kyi ste/ de dag kyang gzugs dang gzugs med pa na/ spyod pa'i mthong bas spang bar bya ba spangs pa'i ngo bo nyid kyi yongs su shes pa ji skad bshad pa gsum dang/ yongs su shes pa tha ma gnyis so/ /ci'i phyir spangs pa re re yongs su shes par rnam par mi gzhag ces bya ba ni ci'i phyir sdug bsngal mthong bas spang bar bya ba spangs pa dang/ kun tu 'byung ba mthong bas spang bar bya ba spangs pa nas rgyas par srid pa'i rtse mo'i rnam pa chung ngu'i chung ngu spangs pa zhes bya ba'i bar du mi gzung bral ba'i thob pa zag med dang zhes

  336. 168b

    bya ba ni bral ba'i thob pa zag pa med pa rnyed pa'i phyir zhes bya ba'i phyir zhes bya ba'i tha tshig go /srid rtse nyams par byas pa dang zhes bya ba ni srid pa'i rtse mo'i phyogs spangs pa'i phyir zhes bya ba'i don to/ /rgyu gnyis kun tu bcom pa'i phyir zhes bya ba ni sdug bsngal dang kun 'byung mthong bas spang bar bya ba'i kun tu 'gro ba gnyis spangs pa'i phyir zhes bya ba'i tha tshig go /de spangs pa'i yongs su shes pa zhes bya ba ni rgyu de dag gis khyad par du 'phags pa'i spangs pa yin te/ de'i phyir yongs su shes pa zhes bya bar rnam par gzhag go /chos dang rjes su shes pa gzhan dag la zhes bya ba ni chos shes pa dang rjes su shes pa kun 'byung ba chos shes pa nas bzung ste zad pa shes pa zhes bya ba'i bar de dag la'o/ /shes pa'i 'bras bu spangs pa ni zhes bya ba ni bsgom pa'i lan la te/ de ni bzod pa'i 'bras bu ma yin pas so/ /khams las 'das pa las zhes bya ba ni khams las 'das pa las kyang zhes bya ba ste/ 'dir kyang zhes bya ba'i sgra mi mngon par byas pa yin pas so/ /de'i phyir 'di skad du bzhi pa zhes 'brel par byed do/ / gang gi tshe khams las yang dag par 'da' ba na'o/ zhes bya ba ni 'dod pa'i khams sam gzugs kyi khams dang gzugs med pa'i khams las yang dag par 'da' ba ste/ de'i tshe yongs su shes pa'i ming 'thob bo/ zhes bya ba'i tshig lhag ma yin no/ ci'i phyir zhe na/ khams mdza' dag las 'dod chags dang bral ba'i phyir zhes bya ba smos te/ khams ril las 'dod chags dang bral ba'i phyir yin gyi nyams par byas pa tsam gyi phyir ni ma yin te/ de'i tshe ni shin tu spangs pa yin no snyam du bsams pa yin no/ /gnyis kun tu sbyor ba dang bral ba zhes bya ba ni dmigs par bya ba dang dmigs par byed pa'i nyon mongs pa'i skad cig kun tu sbyor ba ni/ gnyis kun tu sbyor ba'o/ /de dang bral ba ni gnyis kun tu sbyor ba dang bral ba ste/ chos mngon pa

  337. 169a

    pa rnams kyis rgyu lnga pa smras te/ rgyu 'dis na spangs pa la yongs su shes pa zhes bya'o/ /rnam pa gang zhig spangs la zhes bya ba ni sdug bsngal mthong bas spang bar bya ba nas lam mthong bas spang bar bya ba'i bar dang bsgom pas spang bar bya ba'o/ /gal te spangs pa'i rnam pa de la dmigs pa'i nyon mongs pa mthong bas spang bar bya ba 'am bsgom pas spang bar bya ba gzhan dang bral bar gyur na'o zhes bya ba yin te/ de gzhan dag na re 'di yang spangs pa la yongs su shes pa zhes bya ba'i rgyu lnga pa yin no zhes zer ro/ /de ni gzhan ma yin zhes bya ba rgyas par 'byung ba ni gnyis kun tu sbyor ba dang bral ba nga? ni rgyu gnyi ga yang dag par bcom pa ste/ sdug bsngal mthong bas spang bar bya ba dang/ kun 'byung mthong bas spang bar bya ba'i kun tu 'gro ba'i rgyu yang dag par bcom pa dang/ khams las yang dag par 'das pa las gzhan ma yin no/ /'di ltar sdug bsngal mthong bas spang bar bya ba dag spangs kyang ji srid du de la dmigs pa kun 'byung mthong bas spang bar bya ba'i kun tu 'gro ba'i rgyu spangs par ma gyur pa de srid du rgyu gnyi ga yang dag par bcom pa med la bsgom pas spang bar bya ba dag kyang rnam pa brgyad kyi bar spangs kyang ji srid du rnam pa dgu pa ma spangs pa de srid du khams las yang dag par 'da' ba med pas mi brjod do/ /gcig min zhes bya ba rgyas par 'byung ba las re zhig so so'i skye bo ni mi ldan pa kho na te/ bral ba'i thob pa zag pa med pa med pa'i phyir ro/ /'phags pa mthong ba'i lam la gnas pa yang kun 'byung la chos shes pa'i bzod pa la gnas pa'i bar du zhes bya ba ni bar du zhes bya ba'i sgras ni sdug bsngal la chos shes pa dang rjes su shes pa'i bzod pa dang shes pa dag dang/ kun 'byung

  338. 169b

    ba'i chos shes pa'i bzod pa la gnas pa yang mi ldan pa kho na te/ rgyu gnyi ga ma spangs pa'i phyir ro/ /kun 'byung la chos shes pa ni gcig dang ldan la kun 'byung la rjes su shes pa'i bzod pa la gnas pa yang gcig kho na dang ldan ni zhes bya bar khong du chud par bya'o/ /kun 'byung la rjes su shes pa ni gnyis dang ldan te/ de'i tshe sngar bshad pa'i 'dod pa na spyod pa'i sdug bsngal dang/ kun 'byung ba mthong bas spang bar bya ba spangs pa'i yongs su shes pa dang/ gzugs dang gzugs med pa na spyod pa'i sdug bsngal dang kun 'byung ba mthong bas spang bar bya ba spangs pa'i yongs su shes pa dang ldan pa la/ 'gog pa la chos shes pa'i bzod pa la gnas pa yang gnyis kho na dang ldan no/ /'gog pa la chos shes pa ni gsum dang ldan no/ /zhes bya ba la sogs pa ni sbyar bar bya ste/ mthong ba'i lam la gnas pa lnga'i bar dang ldan gyi drug dang ni ma yin te/ skad cig ma bcu drug pa ni bsgom pa'i lam gyis bsdu ba'i phyir ro/ /lam la rjes su shes pa la gnas pa yongs su shes pa drug dang ldan no zhes bya ba ni sngar bshad pa rnams dang/ gzugs dang gzugs med pa na spyod pa lam mthong bas spang bar bya ba'i spangs pa yongs su shes pa dang ldan no/ /'bras bu bzhi rnam bzhag pa ni/ rgyu lnga dang na srid phyir ro/ /'bras la sngon lam btang ba dang/ gzhan thob pa dang zad bsdoms dang/ /shes pa brgyad tshan thob pa dang/ rnam pa bcu drug thob pa'o/ zhes 'chad par 'gyur ba ma yin nam zhe na/ spangs pa sdom pa yin mod kyi/ yongs su shes pa sdom pa ni ma yin pas 'gal ba med do/ /ji srid du 'dod pa la 'dod chags dang bral ba ma thob pa zhes bya ba la/ ji srid du zhes bya ba'i sgras ni bsgom pas spang bar bya ba'i nyon mongs pa'i rnam pa dang po spangs pa nas

  339. 170a

    rnam pa brgyad spangs pa'i bar la gnas pa yang drug kho na dang ldan no/ zhes bstan pa yin no/ /de las yongs su nyams pa zhes bya ba ni 'dod pa las 'dod chags dang bral ba ni yongs su nyams pas bsdoms pa de dang 'dra bas so/ /sngon nam phyis 'dod pa la 'dod chags dang bral ba thob pa zhes bya ba ni mngon par rtogs pa'i sngon rol lam 'og tu 'am/ ji lta zhe na 'jig rten pa'i lam gyis 'dod pa la 'dod chags dang bral bar byas nas nges pa la zhugs pa ni lam la rjes su shes pa'i tshe tha ma'i cha dang mthun pa spangs pa'i yongs su shes pa gcig dang ldan te/ 'di ltar 'phags pa de ni sems kyi skad cig bcu drug thob na phyir mi 'ong ba yin gyi rgyun tu zhugs pa 'am phyir mi 'ong ba ni ma yin no/ /tha ma'i cha dang mthun pa lnga spangs pas phyir mi 'ong ba yin no/ zhes kyang 'byung ste/ de lta bas na mthong bas spang bar bya ba spangs pa rnams dang/ tha ma'i cha dang mthun pas lnga spangs pa bsdoms pa'i phyir tha ma'i cha dang mthun pa spangs pa'i yongs su shes pa gcig kho na dang ldan la/ mngon par rtogs pa'i 'og tu rim gyis 'dod pa las 'dod chags dang bral ba thob pa yang tha ma'i cha dang mthun pa spangs pa'i yongs su shes pa gcig kho na dang ldan no/ /dgra bcom pa nyid thob pa ni gcig kho na dang ldan te/ de'i tshe yongs su shes pa bsdoms par phyir ro/ /gzugs na spyod pa'i kun nas dkris pas yongs su nyams na yang zhes bya ba'i khyad par smos pa ni 'dod pa na spyod pas yongs su nyams pa yongs su shes pa drug dang ldan pa spangs pa'i phyir dang gzugs med pa na spyod pas yongs su nyams pas yongs su shes pa gnyis dang ldan pa spangs pa'i phyir ro/ /gzugs kyi 'dod chags dang

  340. 170b

    bral ba thob pa ni yongs su shes pa gnyis dang ldan no/ zhes bya ba ni phyir mi 'ong ba gzugs kyi 'dod chags dang bral ba zhes bya ba'i don to/ /khams las 'dod chags dang bral ba yin na ci'i phyir mi sdom zhe na/ 'bras bu thob pa med pa'i phyir te/ khams las 'dod chags dang bral pa dang 'bras bu thob pa rgyu mdza' dag gis yongs su shes pa sdom par 'dod kyi gcig kho nas ni ma yin no/ /gzugs med pa na spyod pa'i kun nas dkris pas yongs su nyams pa yang zhes bya ba ni dgra bcom pa nyid thob pas bsdom pa tha ma'i cha dang mthun pa spangs pa dang/ gzugs kyi 'dod chags zad pa'i yongs su shes pa dag gzugs med pa na spyod pa'i nyon mongs pas dgra bcom pa nyid las yongs su nyams na phyir 'thob pa'i phyir ro/ /gzugs na spyod pa yongs su nyams pa ni gcig dang ldan par 'gyur la/ 'dod pa na spyod pas yongs su nyams na ni drug dang ldan par 'gyur ba de'i gzugs med pa na spyod pa'i kun nas dkris pa zhes smos so/ /phyir mi 'ong ba dang dgra bcom pa dag gis zhes bya ba ni gzugs kyi 'dod chags dang ma bral ba'i phyir phyir mi 'ong ba dang dgra bcom pa dag gi zhes bya bar brjod par 'dod pa yin te/ gzugs kyi 'dod chags dang bral ba'i phyir mi 'ong ba ni yongs su shes pa gnyis dang ldan par 'byung ba'i phyir ro/ /mang du ni ma yin zhes bya ba ni rims kyis rgyun tu zhugs pa bzhin du ches mang ba ni ma yin no snyam du bsams pa yin no/ /sdom zhes bya ba don ci zhe na/ gcig tu rnam par 'jog pa zhes bya ba'i tha tshig go /rgyu gnyis kyis zhes bya ba ni rnam par bshad pa yin no/ /de gnyis yang zhes bya ba ni khams las 'dod chags dang bral ba dang/ 'bras bu thob pa'o/ /gnas skabs de gnyis na zhes bya ba ni gzugs kyi 'dod chags

  341. 171a

    dang ma bral ba'i phyir mi 'ong ba dang/ dgra bcom pa dag nyid kyi gnas skabs dag na'o/ /yongs su shes pa gcig ces bya'o/ zhes bya ba ni gzugs kyi 'dod chags dang ma bral ba'i phyir mi 'ong ba ni tha ma'i cha dang mthun pa spangs pa yongs su shes pa gcig yin la/ dgra bcom pa'i yang kun tu sbyor ba thams cad yongs su gtugs pa'i yongs su shes pa gcig yin no/ /la la gcig gnyis lnga dang drug/ ces bya ba ni rgyas par 'byung ba ni la las gcig 'dor/ la las gnyis/ la las lnga/ la las ni drug 'dor ro/ zhes bya ba'i tha tshig go /'thob pa yang la las ni gcig la las ni gnyis/ la las ni drug go/ la las lnga 'thob po zhes bya ba 'di med do/ /de'i phyir lnga min no/ /zhes bya ba smos te/ mdo'i don gyi tshul? ni 'gas kyang mi 'thob pa kho na'o/ /'grel pa bshad par bya ste/ sems gang yang rung ba zhig gis dgra bcom pa nyid las yongs su nyams na kun tu sbyor ba thams cad yongs su gtugs pa'i shes pa gcig 'dor te/ dgra bcom pa nyid kyi gnas skabs na bsdoms pas/ de gcig du kho na yod pa'i phyir ro/ /de bzhin du gzugs kyi 'dod chags dang ma bral ba'i phyir mi 'ong ba 'dod pa la 'dod chags dang bral ba las yongs su nyams pa'i yang tha ma'i cha dang mthun pa spangs pa'i yongs su shes pa gcig kho na gtong/ tha ma'i cha dang mthun pa spangs pa'i yongs su shes pa dang/ gzugs kyi 'dod chags spangs pa'i yongs su shes pa dang/ gzugs kyi 'dod chags spangs pa'i yongs su shes pa gtong ngo/ /de su zhig yin zhe na/ phyir mi 'ong ba gzugs kyi 'dod chags dang bral ba zhig 'dod pa la 'dod chags dang bral ba yongs su nyams pa zhes bya ba smos so/ /'dod chags dang bral ba sngon du 'gro ba lam la rjes su shes

  342. 171b

    ba la gnas pa ni lnga gtong zhes bya ba ni mngon par rtogs pa'i sems kyi skad cig bcu drug pa la gnas te/ de ni tha ma'i cha dang mthun pa spangs pa'i yongs su shes pa thob na 'jig rten pa'i lam gyis thob pa de'i bral ba zag pa med pa thob pa yongs su shes pa snga ma skad cig ma bco lngas thob pa lnga gtong ngo/ /drug pa gzugs dang gzugs med pa na spyod pa lam mthong bas spang bar bya ba spangs pa'i yongs su shes pa ni mi gtong mod kyi/ 'on kyang khams las 'dod chags dang bral ba dang 'bras ba thob pa'i sgo nas tha ma'i cha dang mthun pa spangs pa'i yongs su shes pa'i nang du bsdoms pa'i phyir med pa'i ngo bo nyid dang 'dra bas de nye bar mi 'god do/ /mthar gyis pa 'dod chags dang bral ba sngon du 'gro ba ma yin pa gang yin pa ni 'dod pa la 'dod chags dang bral bar byed pa'i rgyus drug gtong ste/ khams gsum pa'i mthong bas spang bar bya ba rnams spangs pa'i yongs su shes pa gang dag yin pa'o/ /de bzhin du thob pa yang zhes bya ba ni lnga zhes bya ba ma gtogs pa la las ni gcig 'thob pa nas drug gi bar du 'thob pa yin no/ / gang la la zhig gis sngon med pa thob pa'o zhes bya ba ni mthong ba'i lam la gnas pa gang zhig gi yongs su shes pa dgu las sngon ma thob pa zhig dang por thob pa des ni gcig 'thob po bsgom pa'i lam yang 'dod chags dang bral ba sngon du 'gro pa mthong ba'i lam gyi tha mar tha ma'i cha dang mthun pa spangs pa'i yongs su shes pa gcig 'thob po/ mthar gyis pas kyang 'dod pa las 'dod chags dang bral ba'i lam rnam par grol ba'i lam dgu pa la gcig kho na la 'thob bo/ /dgra bcom pas kyang tha ma gcig thob po/ gzugs med pa'i khams las kyang 'dod chags dang bral ba 'ga' zhig las yongs su nyams pa'o/ zhes bya ba ni gzugs kyi 'dod chags dang bral ba las yongs su nyams pa la yin zhes bya bar ston te/ des ni tha ma'i cha dang mthun pa

  343. 172a

    spangs pa'i yongs su shes pa dang/ gzugs kyi 'dod chags zangs pa'i yongs su shes pa 'thob po/ /kha cig gis ni drug ste/ gang zhig phyir mi 'ong ba'i 'bras bu las yongs su nyams zhes bya ba ni mthar gyis rgyun tu zhugs pa'o/ / 'dod chags dang bral ba sngon du 'gro ba la ni yongs su nyams pa med de/ de'i 'dod chags dang bral ba ni lam gnyis thob pa'i phyir ro/ /de nyid kyi phyir lnga 'thob pa ni 'ga' yang med pa nyid med de/ gal te 'dod chags dang bral ba sngon du 'gro ba zhig yongs su nyams par gyur na/ de kho nas cig car yongs su shes pa lnga 'thob par 'gyur ro// //chos mngon pa'i mdzod kyi 'grel bshad don gsal ba zhes bya ba slob dpon rgyal po'i sras grags pa'i bshes gnyen gyis mdzad pa las phra rgyas bstan pa zhes bya ba mdzod kyi gnas lnga pa'o// //mdzod kyi gnas lnga pa dang drug pa dag gi 'brel ba nye bar bstan pa'i phyir/ ji skad du spangs pa ni zhes bya ba la sogs pa 'di nye bar 'dod de/ ji skad du spangs pa ni yongs su shes pa'i ming 'thob bo zhes bshad pa zhes bya ba ni 'bras bu la rgyu nye bar btags pa'i phyir zhes 'byung pa'i phyir ro/ /spangs pa de yang bshad do zhes bya ba ni bstan pa'o/ /ji skad du zhe na/ bden pa mthong dang bsgom pa las zhes bya ba smos so/ zlas dbye ba gcig dang ldan pa'i ngo bor bstan pa yin te/ bden par rnams mthong ba'i phyir dang/ /bsgom pa'i phyir na bden pa mthong ba dang bsgoms pa las te rgyu las so/ /de dag bcu dang bdun bdun brgyad/ /lta ba gsum gnyis ma gtogs pas/ 'dod na sdug bsngal la sogs pa/ /mthong bas rim bzhin spong bar byed/ ces bya ba dang/ bzhi ni bsgom pas spang bya yin/ zhes bya ba la sogs pas nyon mongs pa rnams mthong bas spang bar bya ba dang/ bsgom pas spang bar bya ba yin

  344. 172b

    no zhes rgyas bar bshad pa bden pa mthong ba'i lam gyis yin la/ bden pa bsgom pa ni bsgom pa'i lam gyis yin pas de'i phyir de ni mthong ba dang bsgom pa'i lam de dag ci zag pa med pa 'am zhes bya ba la sogs pa 'di brjod de/ de lam bstan pa nye bar dgod pa la zhes bya bar sbyar ro/ /khams gsum pa'i gnyen po yin pa'i phyir zhes bya ba ni mthong ba'i lam 'jig rten pa nyid gcig yin na srid pa'i rtse mo'i gnyen por mi 'gyur ro zhes bya ba yin no/ /gzhan yang mthong bas spang bar bya ba rnam pa dgu cig car du spong ba'i phyir bsgom pa'i lam bzhin du 'jig rten pa ni ma yin no/ /'jig rten pa la ni khams gsum pa spang ba dang rnam pa dgu cig car du spong ba de 'dra ba'i mthu med do/ /gal te 'jig rten las 'das pa la rnam pa dgu? cig car du spong ba'i mthu zhig yod na bsgom pas spang bar bya ba rnams kyang 'jig rten las 'das pas cig car spong bar thal bar 'gyur ro zhe na/ 'jig rten las 'das pa kho nas cig car spong ngo zhes bya bar nges par gzung gi /'jig rten las 'das pas cig car du spong ba kho na yin no zhes bya bar ni ma yin pas der thal bar ni mi 'gyur ro/ /bsgom pas spang bar bya ba'i nyon mongs pa rnams ni gzhi dang bcas pa yin pa'i phyir bstan pa yin te/ de'i phyir de dag ni 'jig rten las 'das pas kyang cig car du mi spongs so/ /de lta ma yin na zhes bya ba ni gal te ji ltar mngon par rtogs pa bzhin bstan par bzhed pa ma yin pa zhig tu gyur na/ 'jig rten na rgyu rnams snga bar mthong ba'i phyir rgyu ni sngar bstan te/ kun 'byung ba'i bden pa sngar bstan bar 'gyur ro/ /dper na dran pa nye bar gzhag pa dang/ /bsam gtan la sogs pa lta bu'o/ zhes bya ba ni dran pa nye bar gzhag pa la sogs pa skye ba dang mthun par bstan pa lta bu ste/ lus sran pa nye bar gzhag ba ni ji ltar rigs pa bzhin dmigs? pa'i

  345. 173a

    sgo nas te/ rgyu ba phra ba dang rigs pa'i sgo nas sam/ snga ma dang phyi ma rgyu dang 'bras bur gyur pa'i sgo nas sngar skyes la de'i 'og tu tshor ba dran pa nye bar gzhag pa'o/ /de'i 'og tu sems dran pa nye bar gzhag pa'o/ /de'i 'og tu chos dran pa nye bar gzhag pa'o/ /de ltar na 'di dag ni skye ba dang mthun par bstan pa yin te/ bsam gtan la sogs pa yang de dang 'dra'o/ /sogs pa zhes bya ba'i sgras ni rnam par thar pa dang/ zil gyis gnon pa'i skye mched dang/ zad par gyi skye mched la sogs pa yang skye ba dang mthun par bstan pa yin no/ /kha cig ni rab tu btags pa dang mthun par bstan ces bya ba ni rab tu brtags pa dang mthun par te/ rtogs sla bar bstan ces bya ba'i tha tshig go /dper na yang dag par spong ba rnams lta bu ste zhes bya ba ni dkar po dang nag po'i phyogs dag la so sor skyes pa dang ma skyes pa'i bye brag gi sgo nas bstan pa lta bu ste/ skyes pa ni 'dul ba'i skye bos skyes pa rtogs par sla ba'i ma skyes pa ni ma yin pa 'am/ nag po'i phyogs rtogs par sla bas so// ji ltar zhe na/ sdig pa mi dge ba'i chos skyes pa rnam pa spang ba'i phyir 'dun pa bskyed do/ /brtson 'grus rtsom mo/ /sems rab tu 'dzin to/ /yang dag par rab tu 'jog go /ma skyes pa rnams ma skyes pa'i phyir 'dun pa bskyed do zhes bya ba snga ma bzhin no/ /dge ba'i chos ma skyes pa rnams bskyed pa'i phyir 'dun pa bskyed do zhes bya ba snga ma bzhin no/ /skyes pa rnams gnas par bya ba dang/ mi brjed par bya ba dang goms par bya ba'i phyir 'dun pa skyed do zhes bya ba snga ma bzhin no// gang sngar ni skyes pa rnams spang bar bya ba'i phyir 'dun pa skyed la/ phyis ni ma skyes pa rnams mi skye bar bya ba'i phyir 'dun bskyed pa'i nges pa 'di ni med do/ /'o na ci zhe na sngar yang ma skyes pa rnams mi bskyed pa'i phyir/ 'dun pa skyed la

  346. 173b

    phyis kyang skyes pa rnams spang ba'i phyir 'dun pa skyed de/ dper brjod pa ni 'di yin no/ /dge ba'i phyogs la yang de bzhin du sbyar bar bya'o/ /bden pa rnams ni mngon par rtogs pa dang mthun par bstan pa yin no zhes bya ba ni gzhan du rgyu dang 'bras bu sdug bsngal kun 'byung ba'i bden pa sngar dang phyis bstan pa dag phyis dang sngar bstan par thal bar 'gyur ro zhes ston par byed do/ /gang la chags pa zhes bya ba ni sdug bsngal gyi bden pa la'o/ /gang gis gnod pa byed pa zhes bya ba ni de nyid kyis so/ /gang las thar pa ni sdug bsngal gyi bden pa de kho na las te/ de nyid la dang por te sbyor ba'i gnas skabs su'o/ /gang du zhe na/ rnam par dpyod pa'i gnas skabs na zhes bya ba smos so/ /yongs su rtogs pa'i gnas skabs na te/ nges par 'byed pa'i cha dang mthun pa'i gnas skabs na zhes bya ba'i tha tshig go /nang mthong nas zhes bya ba la sogs pa 'byung ba la nang ni sdug bsngal gyi bden pa'i dpe yin no/ de'i gzhi ni kun 'byung gi bden pa yin no de zad pa ni 'gog pa'i bden pa yin no/ /de'i smon lam gyi bden pa'i dpe yin no/ /bden pa rnams kyi dpe 'di ni mdo las kyang bstan to/ /zhes bya ba ni nad la sogs pa'i mdo las so/ /ji skad du zhe na/ yan lag bzhi dang ldan pa'i sman pa zug rngu 'byin pa ni rgyal po'i 'os yin zhing rgyal po'i spu la 'bab pa yin la rgyal po'i yan lag nyid kyi grangs su yang 'gro'o/ /bzhi po gang dag ce na/ nang la mkhas pa yin/ nad kyi gzhi la mkhas pa yin/ nad spong ba la mkhas pa yin/ nad spangs nang phyir mi skye ba la mkhas pa yin no/ /de bzhin du yan lag bzhi dang ldan pa'i de bzhin gshegs pa dgra bcom pa yang dag par rdzogs pa'i sangs rgyas kyang sman pa zug rngu 'byin pa bla na med pa zhes bya ba'o/ /bzhi po gang dag ce na/ dge slong dag 'di

  347. 174a

    na de bzhin gshegs pa dgra bcom pa yang dag par rdzogs pa'i sangs rgyas kyis ni 'di ni sdug bsngal 'phags pa'i bden pa'o zhes bya ba yang dag pa ji lta bzhin du rab tu mkhyen to/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o zhes bya bar yang dag pa ji lta ba bzhin du rab tu mkhyen to/ /zhes 'byung ba yin no/ /sngar 'phangs pa'i phyir zhes bya ba ni sngon gyi shugs kyis so/ /dkyus bstan pa'i rta thags thogs med par rgyug pa bzhin no zhes bya ba ni/ rta ji ltar dkyus kyis bstan pa la 'gyur ba med par rgyug pa de dang 'dra'o/ /kha cig ni thags thogs med par dkyus snyol ba bzhin no zhes 'dod do/ /rdzas su yang bye brag yod do zhes bya ba la yang zhes bya ba'i sgras ni ming gis sgo nas kyang zhes bstan pa yin no/ /phyin ci ma log pa'i phyir zhes bya ba ni 'di ltar de ni 'phags pa rnams dang/ gzhan dag la yang phyin ci ma log pa ste/ sdug bsngal la sogs pa kho na yin gyi gzhan ni ma yin no/ /'phags pa rnams kyis ni bden pa 'di dag ji lta ba de kho na bzhin du gzigs te/ sdug bsngal gyi bden pa lnga yang sdug bsngal dang/ mi rtag pa dang/ stong pa dang/ bdag med par gzigs la/ de bzhin du lam gyi bden pa la yang lam dang rigs pa dang/ sgrub pa dang/ nges par 'byin pa'i bar du gzigs kyi 'phags pa ma yin pa gzhan dag gis ni de ltar mthong ba ma yin pas de'i phyir 'di dag ni 'phags pa rnams kyi bden pa zhes bya'i/ 'phags pa ma yin pa rnams kyi bden pa zhes bya ba ni ma yin no/ ci'i phyir zhe na/ phyin ci log tu mthong ba'i phyir ro/ /de dag gis ni sdug bsngal gyi

  348. 174b

    bden pa la ni bde'o/ /zhes bya ba la sogs pa'i rnam par mthong la/ kun 'byung ba la ni kun 'byung ba ma yin pa'o zhes bya ba la sogs par mthong ngo/ /'gog pa la ni 'gog pa ma yin no zhes bya ba la sogs par ro/ /lam la ni lam ma yin no zhes bya ba la sogs par mthong ngo/ /de ni gzhan gyi sdug bsngal rig /ces bya ba ni 'di lta ste/ 'gog pa'i bden pa ni yang srid pa med pa'i phyir g.yangs bzhin du byis pa rnams 'jig par byed pas so/ /'phags pas sdug bsngal rig ces bya ba ni nye bar len pa'i phung po lnga'o/ /gnyis na 'phags pa rnams kyi bden pa yin la zhes bya ba sdug bsngal dang kun 'byung ba'i bden pa dag ste/ phyin ci ma log par gzigs pa'i phyir ro/ /gnyis ni 'phags pa yin te/ dge ba'i phyir dang zag pa med pa'i phyir ro/ /'phags pa rnams kyi bden pa yang yin te/ phyin ci ma log par gzigs pa'i phyir ro/ /de ltar na gcig lus par bstan pa'i phyir/ 'phags pa'i bden pa dag ces bya bar 'gyur ro/ /gang gi tshe tshor ba'i phyogs gcig sdug bsngal gyi rang bzhin yin pa zhes bya ba ni tshor ba'i phung po'i phyogs gcig po sdug bsngal dang yid mi bde ba'i ngo bo nyid do/ /ci rigs ma lus sdug bsngal lo/ /zhes bya ba la/ ci rigs pa'i don ni yid du 'ong ba rnams ni 'gyur ba'i sdug bsngal nyid dang/ 'du byed kyi sdug bsngal nyid kyi sdug bsngal ba yin no/ /yid du mi 'ong ba rnams ni sdug bsngal gyi sdug bsngal nyid dang/ 'du byed kyi sdug bsngal nyid kyis so/ /de dag las gzhan pa rnams ni 'du byed kyi sdug bsngal kho nas so zhes bya ba yin no/ /yid du 'thang pas na yid du 'ong ba rnams so/ de dag las gzhan pa rnams zhes bya ba ni yid du 'ong ba dang/ yid du mi 'ong ba dag las gzhan pa rnams so/ /tshor ba gsum dang go rims bzhin te/ zhes bya ba ni tshor ba bden pa ni

  349. 175a

    yid du 'ong ba dag yin no/ /sdug bsngal ba ni yid du mi 'ong ba dag yin no/ /bde ba yang ma yin sdug bsngal ba yang ma yin pa ni yid du 'ong ba yang ma yin yid du mi 'ong ba dag kyang ma yin pa dag yin no/ zhes bya ba'i tha tshig go /de'i dbang gis zhes bya ba ni/ tshor ba'i dbang gis te gzugs dang sgra la sogs pa'i tshor ba'i rang bzhin ma yin pa rnams kyang de dang na thun pa'i phyir/ yid du 'ong ba la sogs pa'i ming thob bo/ /'gyur bas sdug bsngal ba nyid ces bya ba ni/ mi rtag pa nyid kyis 'gyur bas zhes bya ba'i don to/ /ji skad du kyi hud shing rta sna tshogs tshal/ kyi hud mtshe'u dang ngal gyis 'bab/ /kyi hud sdug pa rnams zhes lha/ /smre sngags 'don bzhin sa la lhung/ /zhes 'byung ba lta bu'o/ /sdug bsngal gyi ngo bo kho nas zhes bya ba ni gnod pa'i ngo bo nyid kho nas zhes bya ba'i tha tshig go /sdug bsngal gyi tshor ba ni skye ba na yang sdug bsngal la gnas pa na yang sdug bsngal lo/ /zhes bya ba shugs kyis na 'di 'gyur ba'i bde bar 'gyur ba ma yin nam/ de lta yin na ni mtshan nyid 'tshol? bar 'gyur ro zhe na/ 'di ni 'di'i mtshan nyid ma yin no/ /'o na ci zhe na/ sun 'byung ba'i phyir nye bar bstan par zad do/ /yang na de lta yin du zad de de ni ngo bo gang gis rnam par sun 'byin pa de nyid la bltos nas sdug bsngal kho na yin te/ dper na bde ba'i tshor bar skye ba dang gnas pa na bde ba'i phyir bde ba yin kyang rnam par sun dbyung bar bya ba nyid du bzhed pa'i phyir 'gyur ba'i sdug bsngal ba yin no zhes de ltar rnam par sun 'byin par byed pa dang 'dra'o/ /'du byed kho nas sdug bsngal ba nyid ces bya ba ni 'du byed kho nas te/ skye ba kho nas zhes bya ba'i tha tshig go /gang mi rtag pa de ni sdug bsngal ba yin no/ zhes bya ba ni gang zhig nges par mi gnas pa de ni sdug bsngal ba ste gang zhig skyes shing 'jig pa de sdug bsngal ba'o

  350. 175b

    zhes bya ba'i don to/ /de'i phyir rkyen gyis mngon par 'du byed pa'i phyir zhes bya ba smos te/ gang gi phyir rkyen gyis mngon par 'du byed pa de'i phyir sdug bsngal ba zhes bya ba'o/ /de myong bar 'gyur ba'i 'du byed rnams kyang tshor ba dang 'dra bar brjod do/ zhes bya ba ni bde ba'i tshor ba myong bar 'gyur ba'i 'du byed rnams ni 'gyur bas sdug bsngal ba nyid de/ bde ba'i tshor ba myong bar 'gyur ba'i 'du byed rnams ni skye ba na yang bde gnas pa na yang ba de la/ 'gyur ba na sdug bsngal lo zhes bya ba dang/ sdug bsngal gyi tshor ba myong bar 'gyur ba'i 'du byed rnams ni sdug bsngal gyi rang gi ngo bo nas sdug bsngal ba nyid de/ sdug bsngal gyi tshor ba myong bar 'gyur ba'i 'du byed rnams ni skye ba yang sdug bsngal la/ gnas pa yang sdug bsngal zhes bya ba dang/ bde ba yang ma yin sdug bsngal yang ma yin pa'i tshor ba myong bar 'gyur ba'i 'du byed rnams ni rkyen gyis mngon par 'du byed pa'i phyir 'du byed kho nas sdug bsngal ba nyid de zhes bya ba yin no/ /sdug bsngal nyid de sdug bsngal nyid yin pas zhes bya ba la yin pa'i bar zhes 'byung ba'i phyir 'gyur ba nyid sdug bsngal ba nyid yin pas 'gyur ba'i sdug bsngal nyid yin la/ 'du byed nyid sdug bsngal nyid yin pas 'du byed kyi sdug bsngal nyid do zhes brjod par bya'o/ /rnam grangs 'di ni tshig rnam par sbyar ba kho nas khyad par du gyur par zad kyi don gyis na ma yin pas 'dir don ni de kho na bzung bar bya'o/ /thun mong ma yin pa'i phyir zhes bya ba rgyas par 'byung ba ni 'du byed yid du 'ong ba rnams ni sdug bsngal gyi sdug bsngal nyid dang thun mong ma yin te/ de'i phyir de dag ni thun mong ma yin pas 'gyur ba'i sdug bsngal nyid du bshad do/ /yid du mi 'ong ba rnams ni 'gyur ba'i sdug bsngal nyid dang thun mong ma yin te/ de'i phyir de dag ni thun mong ma yin pas sdug bsngal gyi sdug bsngal nyid du bshad do/ /zhes bya

  351. 176a

    ba yin no/ /yid du 'ong ba la sogs pa 'du byed thams cad ni 'du byed kyi sdug bsngal nyid kyis sdug bsngal ba nyid de/ de ni khyab pa yin pa'i phyir ro/ /gal te thams cad kyang de ltar sdug bsngal ba yin na/ ci'i phyir kun gyis mi mthong zhes na/ de'i phyir smras pa/ de dag kyang 'phags pa rnams kho nas gzigs kyi gzhan dag gi ni ma yin no/ /ji lta zhe na/ 'di'i? smras pa zhes pa 'di thams cad nye bar 'god par byed do/ /de lta na 'o na ni zhes bya ba ni gal te 'du byed kyi sdug bsngal nyid kyis 'du byed thams cad kyang sdug bsngal ba yin na ni/ lam yang 'du byas yin pa'i phyir 'du byed kyi sdug bsngal nyid du thal bar 'gyur te/ rkyen gyis bskyed pa yin pa'i phyir zhes bya ba'i tha tshig go /sdug bsngal zhes bya ba'i mtshan nyid ni mi mthun pa yin pa'i phyir zhes bya ba ni gzhan kho na zhig ci ste brjod/ sngar rkyen gyis mngon par 'dus byas pa'i phyir 'du byed thams cad mi rtag pa yin la/ gang mi rtag pa de ni sdug bsngal ba yin no zhes bshad pas lam yang rkyen gyis mngon par 'dus byas pa'i phyir/ mi rtag pa yin te/ de lta bas na sdug bsngal ba yin no zhes bya bar thal bar 'gyur ro/ /gal te sdug bsngal gyi mtshan nyid mi mthun pa kho na yin par 'dod na ni sngar bshad pa de mtshan nyid ma yin par 'gyur ro/ /ji ste de sdug bsngal gyi mtshan nyid yin na ni/ 'di mtshan nyid ma yin no zhes na de ni nyes pa med do/ /ji lta zhe na/ 'dir dgongs pa'i don ni mi rtag pa gang zhig 'phags pa rnams dang mi mthun pa de sdug bsngal ba yin no zhes bya ba 'di yin no/ /'phags pa rnams dang mi mthun pa yang gang zhig yin zhe na/ zag pa dang bcas pa'i dngos po gang yin pa'o/ /yang ci'i phyir zag pa med pa'i lam yang de kho na dang 'dra bar mi rtag pa yin bzhin du yang 'phags pa rnams dang mi

  352. 176b

    mthun pa ma yin zhe na/ de'i phyir de skye ba ni sdug bsngal thams cad zad pa 'dren pa'i phyir 'phags pa rnams dang mi mthun pa med do zhes bya ba smos so/ /'jig rten na khyad par med par brjod kyang khyad par rtog pa mthong ste/ dper na 'gro bas na ba lang ngo zhes bya ba 'gro bas na ma he yang ba lang 'gyur ba ni ma yin no zhes bya ba lta bu'o/ /don de ltar nges pa yin dang ci'i phyir ba lang yin zhe na/ gang gis 'gro bas so zhes bya bas de bzhin du 'dir yang zag pa dang bcas pa'i dngos po gang yin pa de ni 'phags pa rnams dang mi mthun pa yin no/ /ci'i phyir zhe na/ mi rtag pa'i phyir ro zhes bya ba yin no/ /sdug bsngal du mthong ba gang yin pa de kho na zhes bya ba ni zag pa dang bcas pa'i dngos po de'i 'gog pa la de ltar lta'i lam gyi la ni ma yin no/ zhes bya bar khong du chud par bya'o/ /mon sran sde'u la sogs pa yod bzhin du mon sran gre'u'i phung po zhes ston pa bzhin zhes bya ba ni 'jig rten na mon sran gre'u'i phung po'i nang na mon sran sde'u dang/ sran chung dang/ sran ma la sogs pa yod bzhin du yang nyung ba'i phyir mon sran sde'u la sogs pa la mon sran gre'u'i phung po zhes tha snyad 'dogs pa snang de dang 'dra'o/ /chus gdab pa'i bde ba chung ngus zhes bya ba ni/ de ni bde ba yang yin la chung ngu yang yin pas bde ba chung ngu'o/ /chus gdab pa'i bde ba chung ngu ni chus gdab pa'i bde ba chung ngu ste des so/ /yang smras pa zhes bya ba ni btsun pa gzhon nu len gyis te/ sdug bsngal bdun cu pa las so/ /sdug bsngal gyi ni rgyu phyir dang zhes bya ba ni bde ba ni sdug bsngal gyi rgyu yin te/ sdug bsngal myong bar 'gyur ba'i las dang mtshungs par ldan pa'i phyir ro/ /sdug bsngal mang pos skyed phyir dang/ zhes bya ba ni 'di ltar bde ba ni gzhan la brten pa dang/ zhing la sogs ps byas pa'i sdug bsngal shin tu mang

  353. 177a

    pos bskyed de 'byung bar byed pa yin pas so/ /sdug bsngal yod na bde 'dod phyir/ zhes bya ba ni 'di ltar bkres pa dang skom pa la sogs pas byas pa'i sdug bsngal yod na zas dang skom la sogs pas byas pa'i bde ba 'dod kyi gzhan du ni ma yin no/ /de'i phyir rgyu de dag gis ni bde ba sdug bsngal zhes rtogs so zhes pa'o/ /srid pa thams cad ni bde ba dang bcas te zhes bya ba la ni zhes bya ba'i sgra phyogs snga ma bzlog pa'i phyir ro/ /'du byed kyi sdug bsngal du ngo? gcig pas zhes bya ba ni 'du byed kyi sdug bsngal du rnam pa gcig pas so/ /da ni ji ltar bde ba'i rab bzhin gyi zhes bya ba ni ji ltar sdug bsngal gyi rang bzhin ma yin pa'i tshor ba rnams la sdug bsngal zhes bya ba yin no/ /mi rtag pa'i mtshan nyid kyis mi mthun pa'i phyir ro/ zhes bya ba ni mi rtag pa'i phyir mi mthun la mi mthun pa'i phyir sdug bsngal du lta'o zhes bya ba'i tha tshig go /dper na gzugs dang 'du shes la sogs pa yang zhes bya ba ni/ dper na gzugs dang 'du shes dang 'du byed dang/ rnam par shes pa dag la yang sdug bsngal nyid du lta mod kyi de dag ji ltar sdug bsngal gyi tshor ba bzhin du sdug bsngal ba ni ma yin pas bzhin te/ de ni gnod par byed pa'i ngo bo nyid yin pa'i phyir la de dag gi mtshan nyid ni de ma yin pa'i phyir ro/ /gang zhig zhes bya ba ni btsun pa gzhon nu len to/ /btsun pa gzhon nu len de'i de ni kun 'byung gi rnam pa yin gyi sdug bsngal gyi rnam pa ni ma yin te/ sdug bsngal la rgyur lta ba'i phyir ro/ /gzhan yang gzugs dang gzugs med par skyes pa'i 'phags pa rnams la yang sdug bsngal gyi 'du shes 'jug par 'gyur te/ 'jug par mi 'gyur ba zhig na zhes bya ba'i tha tshig go /phyir mi 'ong ba de dag gi sdug bsngal gyi tshor ba'i rgyu ste/ tshor ba sdug bsngal pa'i rgyu ni

  354. 177b

    ma yin no/ /gang dag cig ce na gzugs dang gzugs med pa na spyod pa'i phung po rnams so/ ci'i phyir rgyu ma yin zhe na/ yang sdug bsngal pa'i gnas su mi 'ong ba'i phyir ro/ /'du byed kyi sdug bsngal nyid kyang ci'i phyir gsungs par gyur ces bya ba ni gal te sdug bsngal gyi rgyu yin pa'i phyir bde pa yang sdug bsngal nyid du lta na mi rtag pa de ni sdug bsngal ba yin no/ zhes 'du byed kyi sdug bsngal du bshad pa gang yin pa de ci dgos te/ sdug bsngal gyi rgyu yin pa kho nas dgos pa de grub pa'i phyir ro/ /sdug bsngal gyi rgyu yin par smra bas gal te zhes bya ba la sogs pa smras te/ gal te gang mi rtag pa de ni sdug bsngal ba yin pas mi rtag pa'i phyir sdug bsngal nyid du lta'i sdug bsngal gyi rgyu yin pa'i phyir ni ma yin no/ /'o na mi rtag pa dang sdug bsngal gyi rnam pa dag la khyad par ci zhig yod/ slob dpon gyis skye zhing 'jig pa'i chos can yin pa'i phyir zhes bya ba la sogs pa rgyas par smos so/ /ji ltar na mi mthun pa'i phyir sdug bsngal yin pa de bzhin du bsten pa'i mi rtag par mthong na mi mthun par 'gyur bas mi rtag pa'i rnam pas sdug bsngal gyi rnam pa 'dren par byed do/ /zhes bya ba smos so/ /de ni 'di skad du gang mi rtag pa de ni sdug bsngal ba yin no zhes bshad pa gang yin pa de ni rnam pa gcig pa'i phyir de skad bshad pa ni ma yin gyi 'on kyang bde ba de mi rtag par mthong na ni mi mthun par 'gyur la mi mthun pa'i phyir sdug bsngal nyid du lta'o zhes bshad pa yin no/ /kha cig na re zhes bya ba ni btsun pa dpal len la sogs pa'o/ /de ni 'di ltar sdug bsngal lo zhes bya ba ni 'dir sdug bsngal gyi mtshan nyid yin no zhes bya ba'i tha tshig go /bde ba'i tshor ba ni sdug bsngal du blta bar bya'o zhes bya ba ni mdo'i tshig gzhan yin no/ /grang ba dang dro ba la

  355. 178a

    sogs pa zhes bya ba'i sgra ni skyur ba dang mngar ba la sogs pa bsdu'o// //bam po bzhi bcu rtsa lnga pa/ /ha chang spyad pa ni ha cang yongs su spyad pa'o/ /dus ma yin par spyad pa ni dper na dgun grang ba spyad pa dang so ka dro ba spyad pa lta bu'o/ /mnyam pas zhes bya ba ni bde ba'i rgyus so/ /spyod lam gyi bye brag la yang de bzhin du brjod par bya'o/ /zhes bya ba ni bde ba'i rgyu nyal ba la sogs par 'dod par gang dag yin pa de dag kho na zhes bya ba nas gsal bar 'gyur bar zad de zhes bya ba'i bar thams cad brjod par bya'o/ /sdug bsngal gyi gnyen po la bde ba'i blo skye ba'i yang phyir ci zhes na bde ba'i tshor ba med do/ zhes bya ba'i skabs dang sbyar ro/ /sdug bsngal gyi bye brag la ci zhe na/ bde ba'i blo skye ba'i phyir de bzhin du bde ba'i tshor ba med do/ zhes bya bar sbyar ro/ /sdug bsngal gyi gnyen po la bde ba'i blo skye ba bstan pa'i phyir ji skad du bskres pa dang zhes bya ba la sogs pa rgyas par smos so/ /sdug bsngal gyi bye brag la bde ba'i blo skyes pa bstan pa'i phyir byis pa rnams ni sdug bsngal gyi bye brag la yang zhes bya ba la sogs pa rgya cher smos so/ /phrag pa nas phrag par khur spong? pa khur rtsa ba rnams khur gyis non te/ sdug bsngal ba kho nar gnas bzhin du bde'o snyam du blo skyed par byed do/ /'di nyid rigs pa yin no zhes zer ba ni slob dpon no/ /'phags pa rnams mi bzhed pa yin te zhes bya ba ni 'dod pa'i bde ba'o/ /mi 'dod pa ni gzhan du yin pa'i phyir ro/ zhes bya ba ni bag med pa'i gnas nyid la sogs pa'i rnam pa gzhan gyis so/ /don de bstan par bya ba'i phyir tshor ba gang zhig ces bya ba la sogs pa rgyas par smos te/ ngag med pa'i gnas zhes bya ba ni bde ba la nyams pa'i rgyu yin pa'i phyir ro/ /mngon par 'du bya ba chen pos bsgrub par bya ba dang rnam par 'gyur ba can

  356. 178b

    ni mjug thogs su sdug bsngal skye ba can dang sdug bsngal yang ma yin bde ba yang ma yin pa skye ba can zhes bya ba'i don 'am yang na ngo bo nyams par gyur pa zhes bya ba yin no/ /mi rtag par zhes bya ba ni rnam par 'jig pa zhes bya ba'i tha tshig go/ rang gi mtshan nyid kyi rnam pas ni ma yin no zhes bya ba ni phan 'dogs par byed pa'i rang gi mtshan nyid kyi rnam pa ste bde ba'i tshor ba ni 'phags pa rnams la yang phan 'dogs par byed pas mi slu ba yin no/ /gal te bde ba'i tshor ba 'di rang gi mtshan nyid kyis te phan 'dogs par byed pa'i bdag nyid kyis mi 'dod pa zhig yin par gyur na bde ba'i tshor ba de la su yang 'dod chags skye bar mi 'gyur ba zhig ste/ sdug bsngal gyi tshor ba bzhin no snyam du bsams pa yin no/ /gang gi phyir 'dod chags dang 'bral ba'i ched du zhes bya ba ni rgyu gang gi phyir 'dod chags dang 'bral bar bya ba'i ched du rnam pa gzhan gyis kyang skyon can du lta bar 'gyur te/ gzhan du na tshogs med pa kho nar 'dod chags med pa 'grub pas 'dod chags dang 'bral bar bya ba'i ched du 'bad pa don med par 'gyur ro/ /bcom ldan 'das kyis gang ci tshor yang rung de ni 'dir sdug bsngal lo/ /zhes kyang gsung na zhes bya ba'i mdo'i tshig 'di ni gnas brtan kun dga' bos bzlas pa yin no/ /des kyang 'di skad du zhus par 'gyur la zhes bya ba ni gnas brtan kun dga' bos gang ci tshor yang rung de ni 'dir sdug bsngal lo zhes bya ba'i tshig 'di rigs pa ma yin pa'i ngo bor mthong na ni de kho na zhus par 'gyur te/ gang ci tshor yang rung de ni 'dir sdug bsngal lo zhes bya ba 'gal pa'i phyir ro/ /gal te tshor ba gsum zhes bya ba 'di rigs pa yin pa'i ngo bor mthong na ni bcom ldan 'das kyis ci las dgongs nas tshor ba gsum zhes bka' stsal zhes zhus par 'gyur te de 'gal ba'i phyir ro/ /bcom ldan 'das kyis

  357. 179a

    kyang 'di skad du tshor ba gsum zhes bya ba 'di ni ngas dgongs nas bshad pa yin no zhes lung bstan par 'gyur gyi/ 'di skad du gang ci tshor yang rung de ni 'dir sdug bsngal lo zhes bya ba 'di ngas 'du byed mi rtag pa nyid dang/ 'du byed rnam par 'gyur ba nyid las dgongs nas gsungs so zhes lung bstan par yang mi 'gyur ba zhig na yang tshor ba gsum smos pa'i phyir de skad kyang bka' ma stsal te/ de lta bas na tshor ba gsum ni rang gi ngo bos yod la/ gang ci tshor yang rung de ni 'dir sdug bsngal lo zhes bya ba 'di ni ngas dgongs nas bshad pa yin no zhes gsungs pa'i phyir gang ci tshor yang rung de ni 'dir sdug bsngal lo zhes bya ba'i tshig 'di ni bcom ldan 'das kyis dgongs pa can du ston par mdzad pa yin te/ 'du byed 'gyur ba nyid las dgongs pa'i phyir ro/ /rnam par 'gyur ba dang/ mi rtag pa'i chos can yin pa'i phyir zhes bya ba ni rnam par 'gyur ba'i chos can yin pa'i phyir dang/ mi rtag pa'i chos can yin pa'i phyir te/ rnam par 'gyur ba ni gzhan du 'gyur ba nyid do/ /'dod pa'i yon tan zhes bya ba 'di ni gzugs dang sgra dang/ dri dang ro dang reg bya yid du 'ong ba rnams kyi ming yin no/ /skye ba yang skye ba yid du 'ong pa'i ming yin te/ skye ba yang de 'dra bar bde ba ni chung la sdug bsngal ni mang ba yin na gcig tu bde bar lta ba ni phyin ci log pa yin no/ /gal te 'jig rten dang mthun par gsungs pa yin no zhe na zhes bya ba ni ji ste 'jig rten gyi tshor ba rtogs pa dang mthun par tshor ba gsum mo zhes gsungs so zhe na/ de ni ma yin te/ tshor ba thams cad sdug bsngal ba nyid ni dgongs nas gsungs so/ /zhes bka' stsal pa'i phyir te/ bcom ldan 'das kyis kun dga' bo gang ci tshor yang rung ste 'di ni sdug bsngal lo zhes bya ba ni/ ngas 'du byed mi rtag pa nyid dang/ 'du byed rnam par

  358. 179b

    'gyur ba nyid las dgongs nas gsungs so zhes dgongs te/ bshad pa yin par bka' stsal pa'i phyir ro/ /de'i phyir 'jig rten dang mthun par tshor ba gsum zhes gsungs pa ni ma yin no/ /'o na ci zhe na/ rang gi mtshan nyid kyi sgo nas nges par 'dzin par mdzad do/ /zhes bya bar bsams pa yin no/ /yang dag pa ji lta ba bzhin zhes gsungs pa'i yang phyir 'jig rten dang mthun par tshor ba gsum mo zhes gsungs pa ni ma yin no/ /ji lta zhe na/ bde ba'i dbang po gang yin pa dang/ / yid bde ba'i dbang po gang yin pa 'di ni bde ba'i tshor ba yin par blta bar bya'o zhes rgyas par gsungs nas zhes bya ba smos te/ sdug bsngal gyi dbang po gang yin pa dang/ yid mi bde ba'i dbang po gang yin pa 'di ni sdug bsngal gyi tshor ba yin no// btang snyoms kyi dbang po gang yin pa 'di ni bde ba yang ma yin sdug bsngal yang ma yin pa'i tshor ba yin no zhes bya ba de lta bu la sogs pa rgyas par gsungs nas so/ /'dir tshor ba gsum yod pa'i khungs ni gang gis dbang po lnga po 'di dag de ltar yang dag pa'i shes rab kyis yang dag pa ji lta ba bzhin du mthong zhing zhes bya ba 'di yin te/ yang dag pa ji lta ba bzhin zhes bya ba ni sgro 'dogs pa med pa dang/ skur pa 'debs pa med pa'i phyir ro/ /'jig rten yang ji ltar na sdug bsngal gyi tshor ba la bde ba dang sdug bsngal dang bde ba yang ma yin sdug bsngal yang ma yin pa rnam pa gsum du rtogs par 'gyur te/ sdug bsngal gyi ngo bo nyid kyis sdug bsngal du rtogs pa kho nar 'gyur ba'i phyir ro/ /gal te chung ngu dang 'bring dang chen po dag la zhes bya ba rgyas par 'byung ba ni ji ste sdug bsngal chung ngu la ni bde ba'i blo 'byung la chen po yin sdug bsngal gyi blo 'byung/ 'bring la ni bde ba gang ma yin sdug bsngal ba yang ma yin pa'i blo 'byung ngo zhe na/ 'di la bde ba la yang rnam pa gsum yod pas zhes bya ba rgyas par smos te/

  359. 180a

    chung dang 'bring dang chen po tha dad pas so/ /sdug bsngal chung ngu la sogs pa la zhes bya ba ni chung ngu dang 'bring la chen po dag la'o/ /bde ba chen po la sogs pa'i blo skye bar 'gyur ro/ /zhes bya ba ni bde ba chen po dang 'bring dang chung ngu'i blo skye bar 'gyur ro zhes bya ba'i tha tshig go /ji lta zhe na sdug bsngal chung ngu la ni bde ba chen po'i blo skye bar 'gyur la/ 'bring la ni bde ba 'bring gi blo skye bar 'gyur la/ chen po la ni bde ba chung ngu'i blo skye bar na? 'gyur ro/ /sdug bsngal chen po la bde ba chung ngu'i blo skye bar ni rigs pa ma yin no/ /ci'i phyir zhe na/ gal te de la bde ba chung ngu'i blo skye bar gyur na sdug bsngal de chen po nyid du yang mi 'gyur ro/ /gal te sdug bsngal chung ngu la bde ba chen po'i blo skye bar gyur na yang sdug bsngal de ji ltar chung ngu nyid yin te/ de ltar gsal bar nyams su myong bas ni chung ngu nyid du rigs pa ma yin no/ /sdug bsngal yang ma yin bde ba yang ma yin pa'i mjug thogs su bde ba nyams su myong ba mthong bas gang gi tshe dri dang ro dang reg bya'i khyad par las skyes pa'i zhes bya ba smos te/ khyed kyi ltar na bde ba yang ma yin sdug bsngal yang ma yin pa ni 'bring yin gyi chung ngu'i rnam pa ma yin pas de'i phyir de'i tshe gang la 'di bde ba'i blor 'gyur ba sdug bsngal chung ngur gyur pa yang gang zhig yin pa brjod dgos so/ /de lta bas na bde ba ni yul gyi stobs kho nas skye'i mtshungs pa de ma thag pa'i rkyen sdug bsngal chung ngu'i stobs sam mtshungs pa de ma thag pa'i rkyen sdug bsngal chen po'i stobs kyis ni ma yin no/ /gzhan yang gal te sdug bsngal chung ngu la bde ba'i blo skye bar sems na/ sdug bsngal chung ngu de ma skyes pa dang 'gag na ste/ ma

  360. 180b

    skyes pa dang 'gag par gyur na sdug bsngal ma lus pa dang bral ba'i phyir bde ba'i blo shin tu ches skye bar yang 'gyur ro/ /'di ltar sdug bsngal ma lus la dang bral ba/ sdug bsngal lhag ma dang bcas par bral na yang bde ba'i blo skye bar 'dod na ma lus par bral na lta mos kyang ci dgos snyam du bsams pa yin no/ /'dod pa'i bde ba mngon sum du gyur pa yang de bzhin du brjod par bya'o/ /zhes bya ba ni dri dang ro dang reg bya'i khyad par las skyes pa'i bde ba bshad pa ltar 'dod pa'i bde ba mngon sum du gyur pa yang de bzhin du brjod par bya ste/ ji ltar zhe na/ 'dod chags kyi sdug bsngal chung ngu la 'dod pa'i bde ba blo skye bar 'gyur na/ 'dod chags kyi sdug bsngal chung ngu de ma skyes pa dang 'gags na 'dod pa'i bde ba skye ba'i blo shin tu ches skye bar yang 'gyur ba zhig na de lta bu yang ma mthong ngo/ /tshor ba chung ngu la ni zhes bya ba la sogs pa rgyas par 'byung ba ni tshor ba chung ngu la zhes bya ba ni sdug bsngal gyi la zhes bya ba'i tha tshig go /nyams su myong ba shas chen por 'dzin ces bya ba ni mngon par 'dzin pa'o/ /'bring la ni mi gsal bar 'dzin ces bya ba ni sdug bsngal 'bring la bde ba yang ma yin sdug bsngal yang ma yin pa'i tshor bar 'dzin ces bya ba gang yin pa 'di yang ji ltar rung zhes bya ba'i tha tshig ste/ sdug bsngal chung ngu la de yang mi gsal bar 'gyur ro snyam du bsams pa yin no/ /bsam gtan gsum na zhes bya ba rgyas par 'byung ba ni mdo las de na bde ba'i tshor ba yod do zhes gsungs pa'i phyir/ bsam gtan gsum po dang po dang gnyis pa dang gsum pa na bde ba yod do zhes 'byung bas sdug bsngal chung ngur yang 'gyur te/ ci'i phyir zhe na/ /byed sdug bsngal chung ngu la bde ba'i blo skye bar 'dod pa'i phyir ro/ /mdo las/ gong na te/ bsam gtan bzhi pa dang gzugs med pa dag na bde ba yang ma yin sdug bsngal

  361. 181a

    ba yang ma yin pa yod do zhes 'byung bas sdug bsngal 'brid du 'ongs 'gyur te/ ci'i phyir zhe na/ de bzhin du sdug bsngal 'bring la bde ba yang? ma yin sdug bsngal yang ma yin pa'i blo skye bar yang 'dod pa'i phyir ro/ /de'i phyir sdug bsngal chung ngu la sogs pa la bde ba la sogs pa'i tshor ba rnam par gzhag du mi rung ste/ bsam gtan 'og ma dag na ni sdug bsngal chung ngu yod la/ gong na ni 'bring yod do zhes bya bar ji ltar rung bar 'gyur/ ming chen gal te gzugs zhes bya ba ni ming chen gal te gzugs gcig tu sdug bsngal ba zhig yin par gyur na ni bde ba yang med/ bde ba dang rjes su 'brel pa yang med/ yid bde ba yang med/ yid bde ba dang rjes su 'brel pa yang med la/ bde ba'i tshor ba yang gzugs la kun tu 'dod chags pa'i rgyur yang mi 'gyur ba zhig na/ gang gi phyir gzugs bde ba yang yod/ bde ba dang rjes su 'brel pa yang yod ces bya ba snga ma bzhin te/ de'i phyir gzugs kyang 'di lta ste/ kun tu 'dod chags pa'i rgyur 'gyur ro zhes 'byung ba yin no/ /bde ba'i rgyu rnam par mi gnas pa'i phyir ro/ zhes bya ba 'di la brjod par bya ste/ gal te bde ba'i rgyu rnam par mi gnas pa'i phyir bde ba med na sdug bsngal gyi yang rnam par mi gnas pa'i phyir sdug bsngal yang med pa yin no/ /gzhan yang bde ba'i rgyu ni rnam par gnas pa kho na yin no/ /ji lta zhe na/ rten gyi khyad par la bltos pa'i zhes bya ba rgyas par smos te/ gal te yul 'ba' zhig rgyu yin na ni rgyu rnam par mi gnas par kho nar yang 'gyur ba zhig na yang yul 'ba' zhig ni rgyu ma yin gyi 'di ltar rgyu ni rten gyi khyad par la bltos pa yin no/ /me de nyid ces bya ba la don lugs te/ dper na me de nyid mngon par 'dod pa'i 'bras can chos pa'i rgyu yin pa'i phyir btso bar bya ba'i 'byung ba'i

  362. 181b

    khyad par 'bras kyi tshogs shas kyi tshos pa la ni zhim par tshos pa'i rgyu yang yin zhing/ de nyid de tshig pa'i rgyu yin pa'i phyir mi zhim par tshos pa'i rgyu yang yin la/ btso bar bya ba'i 'byung ba'i gnas skabs gang dang phrad nas zhim par tshos pa'i rgyu yin pas gyur pa de dang nas phyis rgyu ma yin pa ni ma yin te zhim par tshos pa de lta bu'i zhes bya ba'i tha tshig go /'di ni dngos kyi don bshad pa de'i dpe yin no/ /bsam gtan dang po nas gsum pa'i bar de nyid ni dus ring mo zhig tu yang snyoms par zhugs pa rnams kyi sdug bsngal gyi rgyur mi 'gyur bas so/ /bsam gtan las skyes pa'i bde ba la yang gang gi gnyen po yin zhes bya ba ni/ bsam gtan dag na sdug bsngal med pas so/ /rtsogs pa zhes bya ba'i sgras ni gal te sdug bsngal gyi gnyen po la bde ba'i blo skye bar 'gyur na/ ming chen gal te gzugs gcig tu sdug bsngal ba zhig yin par gyur na ni/ bde ba yang med/ bde ba dang rjes su 'brel pa yang med ces bya ba de lta bu la sogs pa gsungs par yang mi 'gyur ro zhes bya ba 'di yang brjod par bya ba yin no/ /ji srid du lus kyi gnas skabs de lta bu de zhes bya ba ni bde ba skye ba dang mthun pa'o/ /bde ba kho na skye bar 'gyur ro/ /zhes bya ba ni de ni de'i tshor ba kho na skye bar 'gyur ba gyi/ de sdug bsngal gyi tshor ba la bde ba nyid du btags pa ni ma yin no/ /de lta ma yin te/ ji srid du lus kyi gnas skabs de lta bu de med par ma gyur gyi bar du gnas skabs gzhan las skyes pa'i bde ba kho na skye bar mi 'gyur na ni/ de lta ma yin na phyis bde ba'i blo je mang du skye bar 'gyur ro/ /gal te dang po nas zhes bya ba rgyas par 'byung ba ni ji ste/ gal te dang po nas de'i rtsom pa zhig med na zas dang skom la sogs pa'i mjug tu sdug bsngal gyi rgyur ga la 'gyur zhe na/ 'di la lus yongs

  363. 182a

    su 'gyur ba'i khyad par las te zhes smos te/ skom la sogs pa ha cang bsten pas gang gis na bde ba skye ba'i gnas skabs na sdug bsngal mi skye'i mjug tu ni skye bar 'gyur ba de lta bu'i lus yongs su 'gyur ba'i khyad par phyis skye ba 'byung bar 'gyur ro/ /ci dang 'dra zhe na/ chang la sogs pa mngar ba mjug tu skyur por 'gyur pa bzhin no zhes bya ba smos te/ dper na chang dang 'o ma la sogs pa sngar mngar ba'i gnas skabs yin pa las mjug tu mngar ba med pa skyur po/ skyur ba nyid 'byung bar 'gyur ba gang yin pa de 'dra ba'i yongs su 'gyur ba'i khyad par phyis skye bar 'gyur ba lta bu'o/ /yang na dper na chang la sogs pa yongs su 'gyur ba'i khyad par las dang por mngar ba kho nar 'gyur ba 'am/ skyur ba de las de bcos pa'i sman byas pa'i 'gyur ba'i khyad par las mngar par 'gyur zhing yongs su 'gyur ba'i khyad par kho na las/ yang phyis skyur ba nyid du 'gyur ba lta bu ste/ 'dir mngar ba ni bde ba'i dper brjod pa yin no/ /skyur po ni sdug bsngal gyi dper brjod pa yin no/ /kun 'byung gi bden pa gang yin pa de nyid sdug bsngal gyi bden pa yin no/ zhes bya ba de zhes bya ba ni rgyur gyur pa rnams ni kun 'byung gi bden pa yin te zhes 'byung ba'i phyir dang/ mdzad kyi gnas dang po nas sdug bsngal kun 'byung 'jig rten dang zhes 'byung ba'i phyir ro/ /mdo las ni sred pa kho na yin par bshad do/ zhes bya ba ni kun 'byung gi bden pa gang zhe na/ gang 'di dga' ba'i 'dod chags dang lhan cig pa'i sred pa ste/ de dang de la mngon par dga' ba can yin no zhes 'byung ngo/ /bye brag tu smra bas de ni gtso bo yin pa'i phyir zhes bya ba smos te/ gzhan las gzhan yang yin par gsungs

  364. 182b

    pa'i phyir zhes bya ba ni mdo gzhan las las dang ma rig pa la sogs pa gzhan yang yin par gsungs pa'i phyir gzhan dag kyang kun 'byung ba yin no/ /phyi ma'i tshe la zhes bya ba ni tshe phyi ma ste/ 'jig rten pha rol zhes bya ba'i tha tshig go /yang na mdo gzhan las dge slong dag sa bon gyi rnam pa lnga ma grugs/ ma rmas/ ma rul la/ rlung dang nyi mas ma nyams shing grung por gnas la/ sa'i khams dang chu'i khams kyang yod na de lta na sa bon de dag 'phel zhing rgyas pa dang mched par 'gyur ro/ /dge slong dag de ltar na ci nas kyang don 'di khong du chud par bya ba'i phyir dpe 'di bstan pa yin te zhes gsungs so/ /dpe 'di nye bar bkod nas yang dge slong dag sa bon gyi rnam pa lnga zhes bya ba 'di ni nye bar len pa dang bcas pa'i rnam par shes pa'i tshig bla dags yin no/ /sa'i khams zhes bya ba 'di ni rnam par shes pa gnas pa bzhi'i tshig bla dags yin no zhes gsungs te sa bon gyi rgyu yin no/ /rgyu gang yin pa de ni kun 'byung ba yin no/ /rnam par shes pa gnas pa yang rten gyi rgyu yin no/ /de lta bas na zhes bya ba ni gang gi phyir las la sogs pa yang rgyu yin pa nyid du gsungs pa kun 'byung ba'i bden pa nyid du grub pa'i phyir mdo las bstan pa'i dgongs pa can yin no/ dgongs pa las byung ba 'am/ dgongs pa rtsen pa ni dgongs pa can te/ sred pa lhag ma'i gang zag gi dbang du mdzad nas bstan to snyam du bsams pa yin no/ /chos mngon pa las bstan pa ni mtshan nyid ma yin no/ zhes bya ba ni mtshan nyid las byung pa ni mtshan nyid pa ste/ zag pa dang bcas pa'i phung po lnga car kun 'byung ba'i bden pa nyid dang ldan pa'i phyir chos mngon pa las zag pa dang bcas pa'i dngos po thams cad kun 'byung ba'o/ zhes bstan pa ni mtshan nyid pa yin no/ /bye brag tu smra ba de nyid kyis sred pa la sogs pa kun 'byung ba nyid yin pa dgongs pa can yin par brjod par

  365. 183a

    'dod nas gzhan yang zhes bya ba rgyas par smras te/ mngon par 'grub pa'i rgyu bka' stsal pa na ni mdo las kun 'byung gi bden pa sred pa kho na yin par gsungs par skye ba dang mngon par 'grub pa'i rgyu rgyu dang bcas par bka' stsal pa na ni las dang sred pa dang ma rig pa'i bar yin par gsungs te skye ba'i rgyu ni las yin no/ /mngon par 'grub pa'i rgyu ni srid pa dag la sred pa yin no/ /de de dag gi rgyu las dang sred pa de gnyis kyi rgyu ni ma rig pa yin no/ /smras pa/ tshigs su bcad pa las skye ba'i rgyu ni las yin la/ mngon par 'grub pa'i rgyu ni sred pa yin par 'byung ngo/ /zhes bya ba ji ltar shes zhe na/ mdo las/ las ni skye ba'i rgyu yin la sred pa ni mngon par 'grub pa'i rgyu yin zhes 'byung ba'i phyir te/ /mdo las gzhan las 'byung ba'i phyir ro/ /yang na mdo las rgyu dang bcas rkyen dang bcas zhes bya bar 'byung ba ni/ yang na tshigs su bcad pa las/ las dang sred pa dang ma rig pa dag tshe phyi ma la mig la sogs pa'i 'du byed rnams kyi rgyu yin par bstan pa ni mdo 'di las 'byung ba'i rim par te rgyu brgyud pa'i rim pa dang mthun par bstan pa yin no/ /de ni 'di skad du tshigs su bcad pa las byung ba 'di ni las ni skye ba'i rgyu yin la zhes 'byung ba'i mdo 'di dang/ rgyu dang bcas rkyen dang bcas pa'i rim pa 'byung ba'i mdo dang sbyar na 'di lta bu yin no zhes bshad par 'gyur ro/ /ji lta zhe na/ dge slong dag mig ni rgyu dang bcas rkyen dang bcas gzhi dang bcas pa yin no/ /dge slong dag mig gi rgyu ni gang yin/ rkyen ni gang yin/ dge slong dag mig gi rgyu ni las yin no/ /rkyen ni las yin no/ /gzhi ni las yin no/ /dge slong dag las kyang rgyu dang bcas/ rkyen dang bcas/ gzhi dang bcas pa yin no/ /dge slong dag las kyi rgyu ni gang yin/ rkyen ni gang /gzhi

  366. 183b

    ni gang yin zhe na/ dge slong dag las kyi rgyu ni sred ba yin no/ /rkyen ni sred pa yin no/ /gzhi ni sred pa yin no/ /dge slong dag sred pa yang rgyu dang bcas/ rkyen dang bcas/ gzhi dang bcas pa yin no/ /dge slong dag sred pa'i rgyu ni gang yin/ rkyen ni gang yin/ gzhi ni gang yin zhe na/ dge slong dag sred pa'i rgyu ni ma rig pa yin no/ /rkyen ni ma rig pa yin no/ /gzhi ni ma rig pa yin no/ /dge slong dag ma rig pa yang rgyu dang bcas/ rkyen dang bcas/ gzhi dang bcas pa yin no/ /dge slong dag ma rig pa'i rgyu ni gang yin/ rkyen ni gang yin gzhi ni gang yin zhe na/ dge slong dag ma rig pa'i rgyu ni tshul bzhin ma yin pa/ yid la byed pa'o/ /rkyen ni tshul bzhin ma yin pa yid la byed pa'o/ /gzhi ni tshul bzhin ma yin pa yid la byed pa'o zhes 'byung ngo/ /sa bon dang zhing gi dngos por ston par mdzad pas rnam par shes pa la sogs pa yang kun 'byung ba'i bden par gsungs kyi sred pa la sogs pa 'ba' shig tu ni ma zad pas mdo las bstan pa ni dgongs pa can yin te/ de ltar na sdug bsngal thams cad kyang kun 'byung ba'i dngos po mtshan nyid pa yin par bsgrubs pa yin no/ /skye gnas la sogs pa'i rnam pa'i bye brag gis zhes bya ba la sogs pa zhes bya ba'i sgras ni rigs dang pho dang mo la sogs pa'i rnam pa'i bye brag ces bya ba bsdu'o/ /bye brag med par zhes bya ba ni khams dang 'gro dang skye gnas la sogs pa'o/ /de gnyis kyi rgyu ni go rims bzhin du zhes bya ba ni skye ba'i rgyu ni las yin no/ /mngon par 'grub pa'i rgyu ni srid pa yin no/ /dper na sa bon ni zhes bya ba rgyas par 'byung ba ni sA lu'i sa bon ni sA lu'i myu gu skye ba'i rgyu yin no zhes bya ba la sogs pa lta bu'o/ /chu ni bye brag med par ji ltar sA lu'i myu gu skye ba'i rgyu yin pa de bzhin du nas kyi yang yin pas de'i phyir de ni myu gu thams cad skye ba tsam gyi rgyu yin pa lta bu'o/ /sred ba med na skye ba med pa'i phyir zhes bya ba 'di la sgrub pa ni skye ba'i rgyu ni

  367. 184a

    sred pa yin te/ de yod dam med na de yod pa dang med pa'i phyir dper na myu gu'i sa bon lta bu'o/ /rgyud gzhol ba'i yang phyir te zhes bya ba'i di'i don rnam par grol ba'i phyir gang la sred pa dang bcas pa zhes bya ba rgyas par smos te/ gzugs la sogs pa'i yul gang la sems kyi rgyud? sred pa dang bcas pa der sems kyi rgyud yang dang yang du gzhol bar mthong bas/ de lta bas na yang srid pa la yang sems kyi rgyud sred ba dang bcas pa de dang 'dra'o/ /ci'i phyir zhe na/ de la gzhol bas te/ gang la gzhol ba de la ni 'jug par shes so/ /'di la sgrub pa ni yang srid pa la sems kyi rgyu sred pa dang bcas pa 'jug par 'gyur te/ gzhol ba'i phyir gzugs la sogs pa'i yul la gzhol ba yin no/ /'dag pa'i chal sran chung gi phye ma'i lde gu skams pas lus gzung ba bzhin du zhes bya ba la/ 'dag pa'i sran chung gi phye ni khrus kyi chal sran chung gi phye'o/ /de'i lde gu ni 'di la 'dag pa'i chal sran chung gi phye ma'i lde gu skam po yod pas na 'dag pa'i chal sran chung gi phye ma'i lde gu skams pas lus bzung ba'o/ /de dang 'dra bar te/ dper na 'dag pa'i chal sren chung gi phyi ma'i lde bu skams pas lus bzung ba de sred pas lus bzung ngo zhes bstan pa yin no/ /'di ni rigs pa yin no zhes bya ba ni mngon par 'grub pa'i rgyu sred pa yin no/ zhes bya ba'i don 'di la'o/ /bde ba gnyis shes kyang gsungs shes pa 'di ni bden pa'i zhar la smos pa yin no/ /bum chu bzhin zhes bya ba ni 'jig pa gnyis nye bar bstan pa'i phyir dpe gnyis nye bar bkod pa yin te/ 'joms pas 'jig pa ni bum pa la sogs pa'o/ /blos 'jig pa ni chu la sogs pa ste/ chu la sogs pa la ni bcos pas ro la sogs pa bsal bar mi 'thad pa'i phyir ro/ /rnam pa gcig tu na kun rdzob na

  368. 184b

    rnam pa gnyis te/ kun rdzob gzhan la brten pa dang/ rdzas gzhan la brten pa'o/ /de la kun rdzob gzhan la brtan pa gang yin pa de la ni 'jig pa yang srid la gzhan sel ba yang srid do/ /rdzas gzhan la brten pa gang yin pa de la ni gzhan sel ba kho na srid kyi 'jig pa ma yin te/ rdul phra rab rdzas brgyad la shas su dbral bar ni mi nus so/ /kun rdzob du yod de zhes bya ba ni tha snyad du yod pa'o/ /don dam yod ces bya ba ni don dam par yod pa ste/ rang gi mtshan nyid du yod pa zhes bya ba'i tha tshig go /tshor ba yod pa la sogs pa yang de bzhin du blta bar bya'o zhes bya ba ni tshor ba dang/ 'du shes dang/ sems pa la sogs pa yang rdzas su yod pa kho nar lta'o/ /ji lta zhe na/ tshor ba la sogs pa'i chos rnams ni blo gsal na tshor ba'i ngo bo nyid kyis blo 'byung bas tshor ba ni rdzas su yod pa yin te/ 'du shes dang sems pa la sogs pa la yang de bzhin du sbyar bar bya'o/ /bum pa dang chu yod do zhes brjod pa na bden pa kho nar smras pa yin gyi brdzun pa ni ma yin pas zhes bya ba ni kun rdzob kyi bden pa smos pa'i dgongs pa ston par byed de/ sangs rgyas rnams kyis chos bstan pa/ /bden pa gnyis la brten nas te/ /'jig rten kun rdzob bden pa dang/ /dam pa'i don gyi bden pa'o zhes bshad do/ /de bzhin du don dam pa'i bden pa zhes bya ba ni ye shes dam pa'i don yin pas don dam pa'o/ /de ni don dam pa yang yin la de ni bden pa yang yin pas don dam pa'i bden pa'o/ /ji ltar gzhan 'jig rten pas 'dzin pa de ltar ni kun rdzob kyi bden pa yin te/ kun rdzob kyi tha snyad dam shes pa nyon mongs pa can dang/ nyon mongs pa can ma yin pas 'dzin pas na kun rdzob kyi bden pa'o/ /rnal 'byor spyod pa rnams kyi ltar na yod pa rnam pa gsum ste/

  369. 185a

    kun rdzob tu yod pa dang/ don dam par yod pa dang/ rdzas su yod pa'o/ /de la rdzas su ste/ rang gi mtshan nyid du yod pa ni rdzas su yod pa zhes bya'o/ /tshul gnas zhes bya ba rgyas par 'byung ba la tshul khrims te/ de ni 'du 'dzi med pa'i rgyu dang/ rnam par mi g.yeng ba'i rgyu dang/ cho ga phun sum tshogs pa'i rgyu yin no/ /bden pa mthong ba dang mthun pa'i zhes bya ba ni thos pa gang zhig bden pa mthong ba la phan 'dogs pa'i thos pa de 'dzin cing 'don bar byed do/ /don nyan par byed do/ /zhes bya ba ni don mnyan pa'i sgo nas rnam par shes par byed do/ /bsam pa las byung ba ji ltar gnyi ga la dmigs pa yin pa bstan pa'i phyir smras pa/ res 'ga' ni yi ges don 'dren par byed de/ ming 'di'i don ni 'di yin no/ /zhes yi ges bsgrubs pa'i ming gis don 'dren par byed do/ /res 'ga' ni brjod par bya'o don 'di'i yi ge ni 'di'o zhes don gyis yi ge 'dren par byed de/ ming ni 'di'o zhes bya ba'i tha tshig go /yi ge zhes bya ba'i sgra 'di ni ming yin par rab tu sbyar ba yin te/ mdo las kyang don bzang po/ yi ge bzang po zhes 'byung bas so/ /slob dpon gyi rtog pa 'di la ni zhes bya ba rgyas par smos te/ bsams pa las byung ba'i shes rab 'grub par mi 'gyur gyi zhes bya ba ni mtshan nyid thos pa dang bsgoms pa las byung ba'i mtshan nyid dang 'chol bar bshad kyi/ ma 'chol bar ni ma yin pas 'grub par mi 'gyur ro/ /rig pas nges par brtags pa las skyes pa yin no zhes bya ba ni rigs pas nges par brtags shing nges par dpyad pa de las skyes pa yin no/ /'du 'dzi dang mi dge ba'i rnam par rtog pa thag bsrings pa'i phyir zhes bya ba la 'du 'dzi thag bsrings pa ni gang gcig tu gnas pa nyid de/ de lta bas na lus

  370. 185b

    kyi bsrings pa yin no/ /mi dge ba'i rnam par rtag pa thag bsrings pa ni gang nyon mongs pa can gyi rnam par rtog pa spangs pas te/ de lta bas na sems kyis bsrings pa yin no/ /gya nom pa ma yin pa dang/ mang? po ma yin pa rnyed pas yid mi bde ba ni zhes bya ba ni slob dpon gyi gzhung lugs yin te/ yid mi bde ba ni yid mi bde ba nyid de/ /des ma mgu zhing ma rangs pa zhes bya ba'i tha tshig ste/ gya nom pa ma yin pa 'am mang po ma yin pa'i phyir rnyed pa des yid mi bde ba ni chog mi shes pa yin no/ /gya nom pa 'ang rung/ mang po'ang rung ba rnyed pa las 'dod pa ni 'dod chen can yin no/ /'dod pa na spyod pa dag kho na yin no zhes bya ba ni chags pa ni mi dge ba'i rang bzhin yin pa'i phyir ro/ /spong ba dang bsgom pa la dga' ba nyid ni 'gog pa dang/ lam la dga' ba nyid do/ /de ni chog shes pa'i ngo bo nyid ma yin pas/ ji ltar na 'phags pa'i rigs bzhi pa 'di yang ma chags pa'i rang bzhin yin zhe na/ de'i phyir srid pa dang/ 'dod pa'i 'dod chags la rgyab kyis phyogs pa'i phyir ro/ /zhes bya ba smos so/ /srid pa la rgyab kyis phyogs pa'i phyir dang/ 'dod pa'i 'dod chags la rgyab kyis phyogs pa'i phyir te/ rgyab kyis phyogs pa ni ma chags pa yin no/ /rang gi tshul dang/ las kyi mdza' yongs su spangs pa zhes bya ba ni rang gi tshul yongs su spangs pa dang/ rang gi las yongs su spangs pa ste/ de la tshul ni gang gis 'tsho bar byed pa'i 'tsho ba 'am/ zas dang sgom la sogs pa'o/ /las kyi mdza' ni zhing dang bzo la sogs pa'o/ /'byung ba rang? 'jig pa de lta bu'i phyir zhes bya ba la/ de lta bu zhes bya ba'i sgra ni 'byung ba dang 'jig pa'i rnam par ston par byed pa yin te/ de la 'byung ba'i rnam pa la sred pa ni kye ma bdag dbang por gyur kyang ci ma rung 'khor los sgyur bar gyur kyang ci ma rung snyam pa de lta bu la sogs pa yin no//

  371. 186a

    'jig pa la sred pa ni rnam par 'jig pa la sred pa ste/ kye ma bdag shi yang ci ma rung/ med kyang ci ma rung/ ma byung yang ci ma rung snyam pa la sogs pa yin no/ /'jug pa ni gang nas 'jug pa'i mdza' yin no/ / 'dod chags nye ba dang/ shin tu spyad pa zhes bya ba ni gang gi 'dod chags bzhi chung ngus myur du skye ba de ni 'dod chags nye bar spyad pa yin no/ /gang gi 'dod chags che ba de ni 'dod chags shin tu spyad pa yin no/ /sna tshogs mi dmigs pa'i phyir zhes bya ba rlung la kha dog dang dbyibs sna tshogs med pa'i phyir ro/ /kha phyir ma bltas pa'i phyir te/ kha nang du bltas pa'i phyir 'di ni rnam par rtog pa gcod par byed pa yin no zhes bya ba skabs dang sbyar ro/ /de'i yul la nye bar rtog pa'i phyir ro/ /zhes bya ba ni mig gi yul la nye bar rtog pa'i phyir ro zhes bya ba'i tha tshig go /rnam par bsdos pa la sogs pa dmigs pa zhes bya ba la sogs pa zhes bya ba smos pa ni rnam par brnags pa la sogs pa bsdu'o/ /rnam par 'bus gzhigs pa zhes bya ba ni 'bu zhugs pa gang yin pa'o/ /chags pa'i gzhi rnam pa bzhi po 'di thams cad med do zhes bya ba ni kha dog dang/ dbyibs dang/ reg pa dang/ bsnyen bkur gyi bdag nyid do/ /mos pa dang/ nyi tshe yid la byed pa yin pa'i phyir zhes bya ba ni mos pa yid la byed pa'i phyir zhes bya ba'i tha tshig go /'di ni gtso mos pa yid la byed pa yang yin la/ 'di ni nyi tshe ba yang yin te/ khyab pa ma yin no zhes bya ba'i tha tshig go /mi sdug pa ni phung po lnga car la dmigs pa 'am/ sa thams cad la dmigs pa ma yin no/ /'o na ci gzhan phung po'i phyogs gcig la dmigs pa yin te/

  372. 186b

    de'i phyir mi sdug pas nyon mongs pa spong ba ni ma yin gyi rnam par gnon pa'i spong ba ni yin no zhes bya ba'i don to/ /rang gi lus kyi yan lag la sems gtod par byed ces bya ba ni 'dod chags dang bcas pa'i rgyu yongs spong ba'i phyir ro zhig sbyor ba'i gnas skabs nyid na bud med kyi yan lag ni ma yin no/ /rus pa rnam par spyod par byed pa zhes bya ba ni rus pa las sha bsal nas thams cad rus pa'i keng rus su lta ba na ste/ ji skad du/ dge slong slob pa gzhon pa'i rabs/ /sems ma byung ba gang zhig ni/ /gal te 'dod chags 'joms 'dod na/ /des ni dur khrod 'gro bar gyis/ /de nas rnam par sdos pa ltos/ /de nas rnam par rnag pa ltos/ /de nas rnam pa bam rul pa'i/ /rus gong la sogs blta bar gyis/ zhes gsungs pa lta bu'o/ /'di la mi sdug pa la gnas pa'i rnal 'byor spyod pa ni mdor bsdu na rnam pa gsum ste/ las dang po pa dang/ yongs su spyad pa byas pa dang/ yid la byed pa rdzogs pa'o/ /de la sems sdud pa'i rnal 'byor spyod pa'i las dang po pa ni rkang pa'i mthe bo gcig gcig la sems bstad nas rkang pa'i mthe bo myags par lta ba nas de bzhin du bdag gi lus thams cad kyi bar du rus pa'i rkeng rus su mos par byed pa yin no/ /yongs su spyad pa byas pa ni de bzhin du thod pa phyed kyi bar du mos par byed pa yin no/ /yid la byed pa rdzogs pa ni smin ma gnyis kyi bar du sems 'dzin par byed pa'i bar yin no/ /rgyas par ni rus pa rgya mtsho'i bar du ni/ spro zhing sdud pa las dang po/ zhes bya ba la sogs pa rnam pa gsum 'byung ba yin no/ /de ltar byas na mu bzhi pa'i 'dri ba 'byung ba yid la byed pa sbyad ba byas pa dang/ spyad pa ma byas pa dag dang zhes bya ba rgyas par smos so//

  373. 187a

    mu dang po ni yid la byed pa spyad pa byas pa'i mi sdug pa rang gi lus la dmigs pa yin te/ lus chung ba'i phyir dmigs pa yang chung pas chung ba yin gyi yid la byed pa spyad pa byas pa'i phyir dbang chung bas ni ma yin te/ yid la byed pa rdzogs pa'i phyir ro zhes bya ba'i tha tshig go /mu gnyis pa ni yid la byed pa spyad pa ma byas pa'i mi sdug pa rgya mtsho'i mdza' klas pa la dmigs pa yin te/ dbang chung bas chung ba yin gyi dmigs pa chung bas ni ma yin no/ /nyer bsdogs dang/ bsam gtan khyad par can dang bcas pa dang zhes bya ba ni bsam gtan bzhi nyer bsdogs dang bsam gtan khyad par can dang bcas pa dang/ 'dod pa'i khams na yod de/ de ltar na bsam gtan gyi nyer bsdogs bzhi yod pas sa bcu pa yin no/ /de nyid kyi phyir don la dmigs pa zhes bya ba ni kha dog dang dbyibs la dmigs pa'i phyir don la dmigs pa yin gyi/ mig la dmigs pa ni ma yin no snyam du bsams pa yin no/ /ming nyid kyis mi sdug pa'i rnam pa zhes bya ba grub po zhes bya ba ni rnam pa'i don ni bshad mi dgos so snyam du bsams pa yin no/ /dus gang yin pa de'i dus la dmigs so zhes bya ba ni mig gi rnam par shes pa bzhin du 'das pa'i dmigs pa yang 'das pa yin pa nas da ltar byung ba'i dmigs pa yang da ltar byung ba'i bar du yin no/ /rang gi dmigs pa nges pa'i phyir dang/ mos pa yid la byed pa yin pa'i phyir ma dor na ma byas so/ / 'dris pa dang ma 'dris pa yin pa'i phyir zhes bya ba ni thog ma med pa can gyi 'khor ba na 'dris pa'i phyir 'dod chags dang bral bas thob pa yin no/ /ma 'dris pa'i phyir sbyor ba las byung ba yin no/ /shes rab kyi rang bzhin yin pa las

  374. 187b

    de'i stobs bskyed pa'i 'jug pa'i phyir te/ de dag la dran pa de stobs bskyed pas 'jug pa yod pa'o/ /lus dran pa nye bar gzhag pa la sogs pa dran pa'i stobs bskyed pas 'jug pa'i phyir lus la sogs pa'i shes rab la dran pa nye bar gzhag pa zhes bya ba de bzhin du dran pa'i stobs bskyed pas 'jug pa'i phyir dbugs rdub pa dang dbugs 'byung ba'i shes rab la dbugs rdub pa dang dbugs 'byung ba'i dran pa zhes bya'o/ /sa lnga po zhes bya ba ni bsam gtan bzhi po'i nyer bsdogs ma gtogs pa'i nyer bsdogs gsum dang/ bsam gtan khyad par can dang/ 'dod pa'i khams na spyod pas sa lnga na yod do/ /ci'i phyir zhe na/ btang snyoms dang mtshungs par ldan pa'i phyir te/ 'di ltar bsam gtan dang po la sogs pa'i nyer bsdogs na btang snyoms kyi tshor ba yod pas so/ /bsam gtan bzhi pa'i nyer bsdogs na yang btang snyoms yod mod kyi de ni dbugs rdub pa dang dbugs 'byung ba dag gi sa ma yin no/ /yang ci'i phyir btang snyoms kyi dbang po dang mtshungs par ldan pa kho nar nges par gzung zhe na/ de'i phyir rnam par rtog pa dang mthun pa'i phyir zhes bya ba smos so/ /de gnyen po ste/ rnam par rtog pa'i gnyen po dbugs rdub pa dang dbugs 'byung ba dran pa ni bde ba dang sdug bsngal de dag dang mtshungs par mi ldan no/ /bde ba dang yid bde ba dag kyang gtod pa la bar chad byed pa'i phyir te/ gtod par byed pa'i dgrar gyur la/ dbugs rdub pa dang dbugs 'byung ba de yang bstad pas bsgrub par bya ba yin pa'i phyir de dag dang mtshungs par mi ldan no/ /rnam par rtog pa dang mthun pa'i phyir zhes bya ba la sogs pa zhes grag go /zhes bya ba la grag ces bya ba'i sgra ni gzhan gyi gzhung lugs ston par byed pa yin no/ /de'i phyir phyogs gzhan gang dag bsam gtan dngos gzhi dag na zhes bya ba 'di rgyas par 'god do/

  375. 188a

    yan chad zhes bya ba ni bsam gtan bzhi pa nas gzung ste'o/ /'dod pa'i khams kyi rten can yin zhes bya ba ni de na rnam par rtog pa mang ba'i phyir ro/ /sbyor ba las byung ba ni ma 'dris pa'i phyir/ /'dod chags bral bas thob pa ni 'dris pa'i phyir ro/ /chos 'di pa rnams zhes bya ba ni 'di dag la sangs rgyas kyi chos 'di yod pas na chos 'di pa rnams te/ sangs rgyas pa 'di dag kho na'i yin gyi zhes bya ba'i tha tshig go /lung med pa'i phyir zhes bya ba ni phyi rol pa rnams srog 'dzin pa'i lung yod kyi dbugs rdub pa dang dbugs 'byung ba dran pa'i lung ni med do/ /bdag nyid kyi chos zab mo mngon par mi rtog pa'i phyir ro zhes bya ba ni lung med par ro/ /'di ltar phyi rol pa rnams la ni bdag nyid kyi chos zab mo mngon par rtogs pa med de/ 'di'i zab pa nyid ni rgyu drug dang ldan pa'i phyir ro/ /lus dang sems rnal du gzhag ste/ zhes bya ba ni ma chags par byas te zhes bya ba'i tha tshig go /mtho gang dang 'dom gang gi zhes bya ba ni srog chags stobs dang ldan pa dang/ nyam chung ba dang 'brel pa'i phyir ro/ /rlung gi dkyil 'khor zhes bya ba ni 'og tu 'gro ba'o/ /rnam par 'thor byed kyi rlung zhes bya ba ni gyen du'o/ /rlung gi dkyil 'khor dang rnam par 'thor byed kyi rlung gi bar du'o/ /zhes bya ba ni de kho na yid la byed pa yin pa'i phyir rig pa ma yin gyi/ rtog pa 'di ni mos pa yid la byed pa la rung bar 'gyur ro/ /ci 'di dag phan 'dog par byed pa zhig gam zhes bya ba nas dro ba dag cig ces bya ba'i bar 'di ni 'jog pa kho na yin par blta bar bya ste/ lus kyi phyogs la phan 'dogs pa la sogs pa'i khyad par 'jog pa'i sgo nas so/ /de dag la brten pa sems dang sems las byung ba rnams zhes bya ba ni de dag la rag las te 'byung ba rnams zhes bya ba'i tha tshig

  376. 188b

    go /gong nas gong du dge ba'i rtsa ba rnams la zhes bya ba ni dran pa nye bar gzhag pa dang dro bar gyur pa la sogs pa'o/ /mthong ba'i lam la sogs pa la zhes bya ba la sogs pa zhes bya ba'i sgras ni bsgom pa'i lam bsdu'o/ /rnam par dag pa ni zad pa shes pa la sogs pa'o zhes bya ba la sogs pa zhes bya ba'i sgra ni mi skye ba shes pa dang mi slob pa'i lta ba bsdu'o/ /dbugs rdub dbugs 'byung gang las lus zhes bya ba ni dbugs rdub pa dang dbugs 'byung ba dran pa dang 'brel pas dbugs rdub pa dang dbugs 'byung ba'i sa thams cad ston par byed do/ /lus sa gang yin pa zhes bya ba ni 'dod pa na spyod pa nas bsam gtan gsum pa'i sa pa'i bar te/ 'di dag ni de'i sa pa yin gyi gzhan gyi sa pa ni ma yin no/ /lus dang sems khyad par can la brten nas zhes bya ba ni dbugs rdub pa dang/ dbugs dbyung ba dag ni lus khyad par can la brten pa dang/ sems khyad par can la brten nas 'jug pa yin no/ /ci'i phyir zhe na/ gzugs med pa dang nur nur por gyur pa la sogs pa rnams la med pa'i phyir zhes bya ba smos te/ gzugs med par gyur pa rnams la ni lus med pa'i phyir med do/ /nur nur po la sogs par gyur te/ nur nur po dang/ mer mer dang/ nar nar po la sogs par gyur pa rnams la yang lus khyad par can med pa'i phyir med de/ spubs can med pa'i phyir ro zhes bya ba'i don to/ /sems med pa rnams la yang sems med pa'i phyir med do/ /bsam gtan bzhi pa la snyoms par zhugs pa rnams la yang dbugs rdub pa dbugs 'byung ba'i sa pa'i sems med pa'i phyir med do/ /de nyid kyi phyir gal te lus kyang spubs yod pa yin la zhes bya ba byas par smos so/ /dbang po dang tha dad pa'i phyir ro zhes bya ba ni dbang po dang tha dad pa 'jug pa'i phyir ro/ zhes bya ba'i tha tshig go /lus rgyas pas 'grib par 'gyur ba'i phyir rgyas pa las byung ba ma yin no//

  377. 189a

    dbugs rdub pa dang dbugs 'byung ba rnams chad nas yang nying mtshams sbyor ba'i phyir rnam par smin pa las skyes pa ma yin no/ /rnam par smin pa'i gzugs la ni de lta bu med do zhes bya ba ni rnam par smin pa'i bdag nyid kyi gzugs mig la sogs pa la ni yang nying mtshams sbyor ba 'di med kyi/ sems dang sems las byung ba ni yang nying mtshams sbyor ba mi bzlog go /'og ma pa spyod lam pa dang sprul pa'i sems kyis mi rtogs so zhes bya ba ni bsam gtan bzhi par skye ba'i bar yang sa 'og ma ba'i spyod lam dang sprul pa'i sems mngon du byed de/ de'i phyir dgos nas sa 'og ma pa de dag gis mi rtogs so/ /zhes brjod do/ /lhag mthong bsgrub par bya ba'i phyir zhes bya ba ni shes rab bsgrub par bya ba'i phyir zhes bya ba'i don te/ nyon mongs pa rnams ni ye shes kyis gzhom par bya ba yin no zhes 'byung ba'i phyir ting nge 'dzin grub tu zin kyang shes rab med par nyon mongs pa rnams spong bar mi 'gyur ro/ /yang dran pa nye bar gzhag pa bsgoms pa lhag mthong 'grub par 'gyur ro zhes bya ba ga las zhe na/ mdo las te/ dge slong dag bgrod pa gcig pa'i lam ni 'di yin te/ 'di lta ste dran pa nye bar gzhag pa rnams so/ /dge ba'i phung po ma 'dres pa ni 'di yin te/ 'di lta ste/ dran pa nye bar gzhag pa bzhi'o zhes 'byung ba'i phyir ro/ /lus tshor ba zhes bya ba la/ tshor zhes bya ba 'di ni tshor ba'o/ /de dag gi rang gi mtshan nyid ni rang gi ngo bo'o zhes bya ba ni lus rang gi ngo bo ni 'byung ba dang 'byung ba las gyur pa nyid do/ /tshor ba ni nyon mongs pa nyid do/ /sems kyi ni dmigs pa nyid do/ /gsum po de dag las gzhan pa rnams kyi rang gi ngo bo ni bdag nyid ji lta ba bzhin no/ /zag pa dang bcas pa rnams sdug bsngal ba nyid ces bya ba

  378. 189b

    la/ sdug bsngal gyi mtshan nyid ni 'phags pa dang mi mthun pa'o zhes de ni bshad zin to/ /gsum las gzhan pa dag ces bya ba 'di ma 'dres par rnam par bzhag pa las bsams nas de skad du brjod pa yin te/ 'dres par rnam par bzhag na ni lus la sogs pa yang gzung ngo/ /de dag kyang 'dus byas dang 'dus ma byas kyi chos thams cad yin par lta'o/ /rang bzhin gyi dran pa nye bar gzhag pa ni shes rab bo zhes bya ba ni gang gi phyir 'brel ba dang dmigs pa la bltos nas shes rab nyid nye bar gnas pa de'i phyir dran pa nye bar gzhag pa zhes bya'o/ /thos pa la sogs pas byung ba'o zhes bya ba'i khyad par smos pa ni dran pa nye bar gzhag pa rnams sbyor ba las byung ba yin gyi skye bas 'thob pa ni ma yin pas so/ /ci'i phyir shes rab kyi rang bzhin zhes bya/ ci de lta ma yin pa'i dran pa nye bar gzhag pa yang yod dam zhe na/ gzhan ni 'brel dang dmigs pa las zhes pa smos te/ gzhan de dang lhan cig 'byung ba ni tshor ba ba la sogs pa'o/ /'brel pas dran pa nye bar gzhag pa ni 'brel pa'i dran pa nye bar gzhag pa yin te/ rang bzhin gyi dran pa nye bar gzhag pa dang 'brel pa'i phyir ro/ /de dag gi dmigs pa yin pa'i phyir zhes bya ba ni rang bzhin dang 'brel pa'i dran pa nye bar gzhag pa'i dmigs pa yin pa'i phyir dmigs pa'i dran pa nye bar gzhag pa'o/ /kha cig ni de dag gi dmigs pa ni dmigs pa'i dran pa nye bar gzhag pa'o zhes 'don te/ dmigs par bya ba yin pas na dmigs pa ste/ de dag kyang lus dang/ tshor ba dang/ sems dang/ chos rnams so/ /de lta yin na dmigs pa'i dran pa nye bar gzhag pa de ni chos thams cad kyi ngo bo nyid yin te/ bcom ldan 'das kyis kyang dge slong dag

  379. 190a

    chos thams cad ces bya ba ni dran pa nye bar gzhag pa bzhi'i tshig bla dags yin no zhes gsungs so/ /shes rab des de dang ldan pa ste/ shes rab dang ldan pa rjes su lta bar byed do/ /zhes bya ba ni rjes su lta bar byed pas na rjes su lta bar byed pa'o/ /shes rab kyi ngo bo nyid yin na ni 'di ltar tshig rnam par sbyar te/ rjes su lta ba'i gang zag tu byed pas na rjes su lta bar byed pas te rjes su lta bar byed pa ni rjes su lta ba yin no/ /shes rab nges de dang ldan pa ste/ shes rab dang ldan pa rjes su lta bar byed de/ dper na shes rab dang ldan pa'i phyir gang zag shes rab can zhes bya ba de bzhin du rjes su lta ba dang ldan pa'i phyir rjes su lta ba can yin no/ /de ltar shes rab na rjes su lta ba zhes bya bar grub bo/ /de ltar bcom ldan 'das kyis nang gi lus dang/ so so'i nang gi lus la lus kyi rjes su lta ba dang/ lus dang mthun par lta zhing gnas so/ /zhes kyang gsungs te/ de'i phyir yang rjes su lta ba shes rab yin no zhes bya ba mang ngo/ /sgrub par byed de 'di la rjes su lta ba ste/ ji lta zhe na/ lta ba yod pas so/ /rjes su lta ba ni lta ba'i mtshan nyid do/ /de'i phyir rjes su lta ba pa ni gang zag yin te dbyug pa can zhes bya ba lta bu'o/ /de bas na lus la rjes su lta ba ni lus kyi rjes su lta ba'o/ /zhes bdun par tshig bsdu ba yin no/ /gal te 'di la lus la rjes su lta ba'i ngang tshul yod pas lus la rjes su lta ba'o zhes bya bar brjod na/ de lta na yang ngo bo 'di 'grub po zhes bya bar lta'o/ /dran pa shas che ba'i phyir zhes bya ba ni dran pa lhag pa'i phyir zhes bya ba'i tha tshig go /shing gshegs pa khye'us 'dzin pa ltar zhes bya ba ni dper na shing 'chags pa shing mkhan gyis shing gshegs pa khye'u yis 'dzin pa de bzhin du shes rab 'di yang dran pa'i stobs bskyed pas dmigs pa la 'jug go /dran

  380. 190b

    pa'i stobs bskyed pas 'jug pa nyid kyi phyir zhes bya ba la stobs bskyed pa ni stobs sel ba ste/ dran pa'i stobs skyed pa yin no/ /'di la dran pa'i stobs skyed pas 'jug pa yod pas na dran pa'i stobs bskyed pas 'jug pa'i shes rab ste/ de'i ngo bo ni nyid do/ /de'i phyir te/ gal te dran pas dmigs pa 'dzin na de lta na shes rab kyis rab tu shes par 'gyur ro/ /de ltar na bye brag tu smra ba'i don ni dran pas nye bar gzhag pa ni dran pa nye bar gzhag pa'o zhes bya ba yin no/ /'di ltar na rung ste zhes bya rjod pa ni slob dpon te/ 'di ni byed par sgrub pa yin no/ /'dis dran pa nye bar gnas pas na zhes bya ba 'di don rab tu bstan pa tsam du zad do/ /tshig rnam par sbyar ba ni 'di ltar bya ste/ 'dis nye bar 'jog pas na nye bar gzhag pa'o/ /dran pa nye bar 'jog pas na dran pa nye bar gzhag pa'o zhes bya'o/ /ji ltar na 'dis dran pa nye bar 'jog ce na/ ji ltar mthong bas mngon par brjod pa'i phyir ro zhes bya ba smos so/ /'di ltar shes rab kyi don ji ltar mthong ba de kho na bzhin du dran pas mngon par rjod par byed de 'dzin par byed do zhes bya ba'i don to/ /gang la nye bar 'jog ce na/ lus nas chos rnams kyi bar la te/ lus la dran pa nye bar 'jog pa ni lus dran pa nye bar gzhag pa yin pa nas de bzhin du chos rnams la dran pa nye bar 'jog pa ni chos dran pa nye bar gzhag pa'i bar du yin no/ /rang bzhin gyi dran pa nye bar gzhag pa ji lta bar 'brel pa'i dran pa nye bar gzhag pa yang de dang 'dra ste/ ji ltar shes rab kyi lus la sogs pa la dran pa nye par 'jog pa de bzhin du de dang mtshungs par ldan pa dag gis kyang nye bar 'jog par byed do/ /da ni mdo gzhan las gsungs pa'i dran pa nye bar gzhag pa rnams byed par bsgrub pa nyid du mi 'thad par mthong ste/ byed pa gzhan du don brjod par 'dod

  381. 191a

    nas gang las dge slong dag ces bya ba rgya cher smos so/ /ji ltar lus kun 'byung ba dang nus pa dag bshad pa ltar tshor ba la sogs pa la yang de bzhin du brjod par bya'o/ /ji ltar zhe na/ reg pa kun pas ni tshor ba kun 'byung ba yin la/ reg pa 'gags pas ni tshor ba nub pa yin no/ /ming dang gzugs kun 'byung bas ni sems kun 'byung ba yin la/ ming dang gzugs 'gags pas ni sems nub pa yin no/ /yid la byed pa kun 'byung pas ni chos rnams kun 'byung ba yin la/ yid la byed pa 'gags pas ni chos rnams nub pa yin no zhes bya'o/ /mdo de las ni dmigs pa lus dang tshor ba dang sems dang/ chos rnams kho na dran pa nye bar gzhag par gsungs pa yin te/ lus la sogs pa 'di la dran pa nye bar gnas pa'i phyir ro/ /de ltar na bzhir bsgrub par bstan pa yin te/ 'di la dran pa nye bar 'jog pas na dran pa nye bar gzhag pa'o/ /lus nyid dran pa nye bar gzhag pa yin pas nas chos rnams nyid dran pa nye bar gzhag pa'i bar yin pas na chos dran pa nye bar gzhag pa'o zhes bya bar tshig rnam par sbyar ro/ /gal te de las dmigs pa'i dran pa nye bar gzhag pa yin par bzhed par ma gyur na ni bcom ldan 'das kyis 'di skad du/ dge slong dag ji ltar dran pa nye bar gzhag pa rnams kun tu 'byung ba nub pa yin zhe na/ zas kun 'byung bas ni lus kun 'byung ba yin la zas 'gags na ni lus nub pa yin no/ /zhes rgyas par gsungs pa yang mi 'gyur te/ lus la sogs pa dran pa nye bar gzhag pa nyid yin na ni de skad du brjod par rung bar 'gyur ro/ /de lta bas na lus la sogs pa ni dmigs pa'i dran pa nye bar gzhag pa yin no zhes bya bar grub po/ /'di dag gi ming ni dmigs pa ji lta ba bzhin no zhes bya ba ni lus dran pa nye bar gzhag pa la sogs

  382. 191b

    pa'i ming ni dmigs pa la bltos nas lus dran ba nye bar gzhag pa nas chos dran pa nye bar gzhag pa zhes bya ba'i bar du rnam par bzhag go/ //bam po bzhi bcu rtsa drug pa/ /rang dang gzhan dang gnyi ga'i rgyud la dmigs pa'i phyir zhes bya ba ni lus dran pa nye bar gzhag pa la sogs pa 'di dag rang gi rgyud la dmigs pa'i phyir dang/ gzhan gyi rgyud la dmigs pa'i phyir dang/ gnyi ga'i rgyud la dmigs pa'i phyir so so re re zhing rnam pa gsum gsum yin no zhes bya ba ni/ mdo las byung ba'i phyir te ji skad du zhe na/ brtul ba dang shes bzhin dang dran pa dang ldan par gyur na 'jig rten la brnab sems dang yid mi bde ba rnam par spangs te/ nang gi lus la lus kyi rjes su lta zhing gnas zhes bya ba dang/ phyi'i lus la lus kyi rjes su lta zhing gnas so zhes bya ba snga ma bzhin no/ /nang dang phyi'i lus la lus kyi rjes su lta zhing gnas so zhes bya ba snga ma bzhin te/ de ltar na re zhig lus dran pa nye bar gzhag pa rnam pa gsum yin no/ /tshor ba dran pa nye bar gzhag pa la sogs pa la yang nang gi tshor ba la tshor ba'i rjes su lta zhing gnas so zhes bya ba rgyas par rnam pa gsum gsum sbyar bar bya'o/ /sngar rags pa mthong ba'i phyir ro zhes bya ba ni lus ni rnam par shes pa drug gi rnam par shes par bya ba yin pa'i phyir gsum pas de sngar mthong ngo/ /tshor ba ni gnyis pas rgyu ba rags pa'i phyir de'i 'og tu de mthong ngo/ /chos rnams ni rgyu ba phra ba'i phyir rnam par shes pa dka' bas phra ba yin te/ de'i phyir de'i rnam pas ni sems sngar mthong la tha mar ni chos rnams mthong ngo/ /de yang zhes bya ba ni 'dod pa la 'dod chags pa'o/ /de yang sems zhes bya ba ni tshor ba mngon par 'dod pa de'o/ /de yang nyon mongs pa ma spangs pa'i phyir zhes bya ba ni ma zhi ba de yang ngo/ /go rim bzhin du bstan te/ zhes bya ba ni lus dran pa nye bar gzhag pa ni gtsang

  383. 192a

    bar phyin ci log pa'i gnyen por bstan to/ /tshor ba dran pa nye bar gzhag pa ni bde bar phyin ci log pa'i gnyen por te/ gang ci tshor yang de ni 'dir sdug bsngal ba'o/ zhes 'byung bas so/ /sems dran pa nye bar gzhag pa ni rtag par phyin ci log pa'i gnyen por te/ sems ni myur du 'gyur ba'i phyir ro/ /chos dran pa nye bar gzhag pa ni bdag tu phyin ci log pa'i gnyen por bstan to/ /chos rnams ni ril po rnam par dbye ba'i sgo nas rang dbang med pa'i phyir te/ chos rnams zhes bya ba'i tha tshig ni khams tsam du zad de/ bdag dang bral ba'o zhes bya ba yin pas so/ /yang na de ni chos 'di dag ni so so logs shig na gnas pa yin gyi 'di ma bdag ni 'ga' yang med do zhes bstan pa'i phyir ro// bzhi ba ni gnyi ga zhes bya ba chos dran pa nye bar gzhag pa lus dang tshor ba dang sems la ma gtogs pa'i chos la dmigs pa nyid srid pas ma 'dres shing 'dres pa ma yin pa la dmigs pa yang srid la 'dres pa la dmigs pa yang sred do/ /lus la sogs pa gnyis sam gsum 'am bzhi bo spyi la lta na zhes bya ba ni gal te 'dres pa la dmigs pa de lus dang tshor ba dang gnyis la lta na yang chos dran pa nye bar gzhag pa yin la/ ci ste lus nas sems kyi bar la lta na de yang kho na dang 'dra'o/ /'on te lus dang tshor ba dang sems dang chos rnams spyi la lta na de yang chos dran pa nye bar gzhag pa zhes bya'o/ /spyi la dmigs pa la gnas te zhes bya ba ni lus dang tshor ba dang sems dang chos rnams spyir bsdus te'o/ /dro bar gyur ba zhes bya ba ni dro ba'i rnam pa'i dge ba'i rtsa ba'o/ /snga ltas yin pa'i phyir ro zhes bya ba ni dang po'i mtshan ma yin pa'i phyir ram/ dang po'i ngo bo nyid yin pa'i phyir ro/ /rgyun chags pa yin pa'i phyir ro zhes bya ba ni

  384. 192b

    rgyun 'brel pa yin pa'i phyir zhes bya ba'i tha tshig go /'di dag gi bye brag ni 'og nas bshad par bya'o zhes bya ba ni mdzod kyi gnas bdun pa nas/ rdzas su rnam pa bcu drug go zhes bya ba 'di nas so/ /gal te de yang de dang 'dra na go'o na ci'i phyir bstan ce na/ de'i phyir ches mchog tu gyur pa'i phyir ming gzhan du btags so zhes bya ba smos so/ /yang ci'i phyir rtse mo zhes bya zhe na/ dge ba'i rtsa ba g.yo ba'i rtse mo yin pa'i phyir zhes bya ba smos so/ /rtse mo zhes bya ba'i sgra 'di ni rab kyi mdza' ston pa yin te/ 'di ltar 'jig rten na yang 'di dpal gyi rtse mor phyin to zhes zer ro/ /dro bar gyur pa dang/ rtse mo'i mtshan nyid kyi dge ba'i rtsa ba gnyis ni g.yo ba yin te/ yongs su nyams pa srid pa'i phyir ro/ /bzod pa dang 'jig rten pa'i chos kyi mchog gi mtshan nyid gnyis ni mi g.yo ba ste/ bzlog pa yin pa'i phyir ro/ /de la g.yo ba dag las chung ngu gang yin pa de ni dro bar gyur pa yin no/ /chen po gang yin pa de dag ni rtse mo yin no/ /mi g.yo ba dag las kyang chung ngu gang yin pa de ni bzod pa yin no/ /chen po gang yin pa de dag ni 'jig rten pa'i chos kyi mchog yin no/ /de dag las ltung ba 'am 'da' bar 'gyur ba'i phyir ro zhes bya ba la rtse mo dag las ltung ba ni yongs su nyams pa'o/ /'da' ba ni bzod pa mngon du gyur pa ste/ rtse mo dag ni g.yo ba yin pa'i phyir ro/ /'jig rten na yang shing gi rtse mo nas ltung ba 'am mda' ba ste/ gong du phyin par 'gyur bas mthong bas rtse mo dang chos mthun no/ /dang po nyid du bden pa rnams la rnam pa dag 'god pa'o zhes bya ba ni thog mar bden pa rnams la mi rtag pa la sogs pa'i rnam pa dag gtod par byed pa ste/ de dag la dmigs pa rnams 'jug par byed pa'o zhes bya ba'i tha tshig go /gzhan dag gis kyang zhes bya ba ni chos dran pa nye bar gzhag

  385. 193a

    pa ma yin pa dag gis kyang zhes bya ba'i tha tshig go /'phel bar byed pa ni goms par byang bar byed pa'o/ /rnam par 'phel bar byed pa na zhes bya ba rgyas par 'byung ba ni rnam par byed pa'i rnal 'byor pa ni 'phel bar khyad par can du gyur pa rnams mngon sum du byed do/ /sdun thob pa rnams zhes bya ba na ni khyad par can ma yin pa dag ni mngon sum du mi byed do/ /ci'i phyir zhe na/ dga' ba chen po med pa'i phyir te/ dman pa nyid kyis dga' ba med pa'i phyir ro zhes bya ba'i tha tshig go /bden pa la cher bzod pa'i phyir ro zhes bya ba ni dro bar gyur pa'i gnas skabs na ni bden pa la chung ngu bzod cing 'dod do/ /rtse mo'i gnas skabs na ni 'bring du'o/ /de'i rjes la ni bden pa la cher bzod pa'i phyir bzod pa skye'o/ /ji ltar shes zhe na/ de'i phyir/ yongs su mi nyams pa'i sgo nas zhes bya ba smos te/ 'di ltar bzod pa las yongs su nyams bar mi 'gyur gyi/ rtse mo dag las ni yongs su nyams pa zhes bya ba srid pa yod do/ /rnam gnyis de bzhin zhes bya ba ni rtse mo rnams ji skad bshad pa ltar bzod pa chung ngu dang 'bring dag kyang de dang 'dra'o/ /de kho na bzhin du rnam pa gtod pa'i phyir ro zhes bya ba ni chos dran pa nye bar gzhag pa'i bden pa rnams la rnam pa dag gtong pa'i phyir ro zhes bya ba'i don to/ /bzod pa ni thams cad ces bya ba ni bzod pa ni chung ngu dang 'bring dang/ chen po'i bye brag gi tha dad pa thams cad dran pa nye bar gzhag pa kho nas 'phel bar byed kyi lus dran pa nye bar gzhag pa la sogs pa gzhan gyis ni ma yin no/ /ci'i phyir zhe na/ chos kyi mchog dang nye ba'i phyir te/ chos kyi mchog ni mthong lam dang/ nye bar chos dran pa nye bar gzhag pa'i bdag nyid kho na yin no/ /chos kyi mchog dang nye ba'i phyir zhes bya ba ni bzod pa ni rtse mo'i

  386. 193b

    mjug thogs su skye ba'i phyir chos kyi mchog 'dod pa na spyod pa'i sdug bsngal gyi bden pa dmigs pa rnams dang nye bas 'dod na spyod pa'i sdug bsngal gyi bden pa la dmigs pa nyid yin te chos kyi mchog dang nye ba'i phyir de dang 'dra bas so/ /nges pa ma smos pa'i phyir zhes bya ba ni dro bar gyur pa'i dmigs pa ni bzod pa chen po bzhin du so sor nges pa ma smos pa'i phyir bzod pa chen po bzhin nges par gzung ba kho nas dro bar gyur pa la sogs pa de dag ni khams gsum pa'i sdug bsngal la sogs pa dmigs pa nyid du grub bo/ /ji lta zhe na/ 'di la yul 'dod par gtogs pa kho na'i sdug bsngal yod pas de ni 'dod par gtogs pa'i sdug bsngal gyi yul can yin te/ bzod pa chen po yin no// bzod pa chen po kho na'o zhes nges par gzung ba'i phyir dro bar gyur pa la sogs pa gzhan ni khams gsum pa'i sdug bsngal gyi bden pa la dmigs pa yin no zhes bya bar grub po/ /gang gi tshe zhes bya ba rgyas par 'byung ba ni gang gi tshe gzugs dang gzugs med pa'i gnyen po la sogs pa zhes bya ba la sogs pa zhes bya ba'i sgras ni gzugs dang gzugs med pa'i 'gog pa dang/ kun 'byung ba dang/ sdug bsngal rnams dang/ 'dod pa na spyod pa'i gnyen po la sogs pa bsdu'o/ /bden pa'i rnam pa dang dmigs pa re re nas phri nas zhes bya ba ni bden pa'i rnam pa re re dang bden pa'i dmigs pa re re nas phri nas gzugs dang gzugs med pa'i rnam pa 'bri ba nas gzung ste/ 'dod pa na spyod pa'i sdug bsngal kho na la skad cig ma gnyis su yid la byed pa'i bar de thams cad ni bzod pa 'bring yin no/ /ji lta zhe na/ re zhig rjes su shes pa'i phyogs dang mthun pa'i lam la lam dang/ rigs pa dang/ sgrub pa dang/ nges par 'byin pa ste/

  387. 194a

    rnam pa bzhi po 'di dag gis rnam pa gtong par byed do/ /de'i 'og tu gnyis por nas gnyis kyis so/ /de'i 'og tu gcig gis so/ /de nas lam bor nas/ gzugs dang gzugs med pa'i 'gog pa la rang gi rnam pa bzhis rnam pa gtong par byed do/ /de'i 'og tu gsum dang gnyis dang gcig kho nas rnam pa bstad nas 'gog pa'i bden pa de yang bor te kun 'byung ba'i bden pa lnga rang gi rnam pa bzhi dang gsum dang gnyis dang gcig gis rnam pa bstad nas de kho na bzhin du de yang bor te sdug bsngal gyi bden pa la rang gi rnam pa bzhi nas gcig gi bar gyis rnam pa bstad nas bden pa de yang bor te/ 'dod pa na spyod pa'i gnyen po la rang gi rnam pa bzhi dang gsum dang gnyis par gcig gis rnam pa gtong bar byed do/ /de yang bor te 'dod pa na spyod pa'i 'gog pa dang/ kun 'byung ba'i bden pa dag la de kho na bzhin du rang gi rnam pa 'bri ba'i rim pa rnam pa gtong pa dang ngor bar byas nas 'dod pa na spyod pa'i sdug bsngal gyi bden pa la rnam pa bzhis rnam par gtong par byed do/ /de'i 'og tu gsum gyis so/ /de'i 'og tu gnyis kyis rnam pa gtod par byed de/ de ltar na dang po 'bri? ba nas gzung ste/ skad cig ma de thams cad bzod pa 'bring yin no zhes bshad pa yin no/ /de la dmigs pa nyid skad cig ma gsum pa la ni bzod pa chen po yin no/ /de la dmigs pa nyid bzhi pa la ni chos kyi mchog yin no/ /bzod pa chung ngu ni gang sngar rtse mo dag gis mjug thogs 'dod pa na spyod pa'i sdug bsngal gyi bden pa nas lam gyi bden pa'i bar dang/ gzugs dang gzugs med na spyod pa la rang rang gi rnam pa thams cad kyi mi 'bri bar yid la byed pa yin par khong

  388. 194b

    du chud par bya'o/ /de ltar na re zhig kha cig ni dmigs pa 'bri ba rnam pa dbri ba sngon du 'gro ba can yin no zhes zer ro/ /gzhan dag na re dmigs pa rnam pa re re nas phri nas zhes bya ba ni de ltar bden pa'i rnam pa re re nas phri ba dang rnam ba dang dmigs pa re re nas phri nas zhes bya bar ni gzung bar mi bya'o/ /'o na ci zhe na/ gzugs dang gzugs med pa'i gnyen po la sogs pa bden pa re re'i rnam pa gang dag yin pa de dag dmigs pa phri nas zhes bya bar bshad par bya'o/ /bzod pa 'bring ni skad cig ma brgya rtsa dgu yin par brjod na dmigs pa 'bri ba rnam pa 'bri ba sngon du 'gro ba can yin na ni sems kyi skad cig mang por 'phro bar 'gyur ro/ /de yang rigs pa ma yin te/ bden pa dag yod bzhin du rnam pa 'dor par ni rung ba ma yin no/ /gang gi tshe bden pa 'dor bar gyur pa de'i tshe ni rnam pa 'dor ro zhes bya bar rigs so/ /de lta yin na sngar ni bden pa'i dmigs pa 'bri bar byed la phyis ni rnam pa 'bri bar byed de/ yul gyi gzhi bor na de la dmigs pa 'dor bar rigs so/ /sdug bsngal dang kun 'byung ba dang 'gog pa dang lam dag ni mnyam par gzhag pa dang mnyam par ma gzhag pa ste/ brgyad du rnam par bzhag la/ de dag gi rnam pa sum cu rtsa gnyis yin no zhes zer ro/ /da ni rigs pa gzhan 'di nye bar bstan par bya ste/ ji ltar byas bas zhe na/ gang gi tshe 'dod pa na spyod pa'i sdug bsngal la rnam pa bzhis yid la byed pa nas de bzhin du gzugs dang gzugs med pa spyod pa rnams kyi gnyen po la rnam pa bzhis yid la byed pa'i bar 'di ni bzod pa chung ngu yin no/ /gang gi tshe gzugs dang gzugs med pa na spyod pa rnams kyi gnyen po bor te/ 'dod pa na spyod pa sdug bsngal la rnam pa bzhis yid la byed pa nas de bzhin du 'dod pa

  389. 195a

    na spyod pa'i 'du byed rnams kyi gnyen po'i bar la rnam pa bzhis yid la byed pa de nas gzung ste/ bzod pa 'bring brtsams pa yin no/ /de la gzugs dang gzugs med pa na sbyor pa'i gnyen po bor nas sems kyi skad cig ma nyi shu rtsa brgyad yin no/ /'dod pa na spyod pa'i 'du byed kyi gnyen po bor na nyi shu rtsa bzhi'o/ /gzugs dang gzugs med pa na spyod ba'i 'du byed kyi 'gog pa bor na nyi shu'o/ /'dod pa na spyod pa'i 'gog pa bor na bcu drug go /gzugs dang gzugs med pa na spyod pa'i kun 'byung ba bor na bcu gnyis so/ /'dod pa na spyod pa'i kun 'byung ba bor na brgyad do/ /gzugs dang gzugs med pa na spyod pa'i sdug bsngal bor na bzhi ste/ 'dod pa na spyod pa'i sdug bsngal rnam pa bzhis yid la byed pas de dag ni 'di'i rnam pa bzhi yin no/ /rnal 'byor spyod pa de yang rnam pa gnyis te/ lta ba spyad pa dang/ sred pa spyad pa'o/ /lta ba spyad pa yang rnam pa gnyis te/ bdag tu lta ba spyad pa dang bdag gir lta ba spyad pa'o/ /de la bdag tu lta ba spyad pa gang yin pa de ni bdag med pa'i rnam pas nges pa la 'jug go /bdag gis lta ba spyad pa gang yin pa de ni stong pa'i rnam pas so/ /sred pa spyad pa yang rnam pa gnyis te nga'o snyam pa'i nga rgyal gyis nyams pa dang/ le lo lhag pa can no/ /de la nga'o snyam pa'i nga rgyal gyis nyams pa gang yin pa de ni mi rtag pa'i rnam pas nges pa la 'jug go /le lo lhag pa can gang yin pa de ni sdug bsngal gyi rnam pas so// de la rnal 'byor spyod pa bdag tu lta ba spyad pa ni 'dod pa na spyod pa'i sdug bsngal la rnam pa gcig bor nas rnam pa gsum gyis yid la byed do/ /de'i 'og tu stod pa dang bdag med pa'i rnam pa gnyis kyis so/ /de'i 'og tu sdug bsngal

  390. 195b

    la chos shes pa'i bzod pa dang sdug bsngal la chos shes pa dang 'dra bas bdag med pa'i rnam pa gcig bu la lan gnyis su mngon sum du byed de/ de ltar na bzod pa 'bring de ni sems kyi skad cig ma brgya rtsa bcu dgu yin par 'gyur ro/ /bdag gir mos pa yang de dang 'dra ste/ de ni stong pa dang/ bdag med pa'i rnam pa dag gi sa rnam pa bstad nas stong pa nyid kyi rnam pa lan gnyis su mngon du byed de/ de ltar na bzod pa 'bring ni skad cig ma brgya rtsa bcu dgu yin no/ /de bzhin du sred pa spyad pa rnam pa gnyis po nga'o snyam pa'i nga rgyal gyis nyams dang/ le lo lhag pa can yang brjod par bya'o/ /bzod pa chen po ni skad cig ma gcig kho na yin te/ de ni gang zag gis ji ltar spyad pa bzhin du mi rtag pa'i rnam pa 'am/ sdug bsngal gyi rnam pa 'am/ stob? pa'i rnam pa 'am/ bdag med pa'i rnam pa dang mtshungs par ldan pa yin no/ /yang ci'i phyir bden pa'i rnam pa dmigs pa re re nas 'bri bar byed ce na/ khams gsum pa la sun 'byin par byed pa nges dang por ni gnyen po mdza' dag la dmigs so/ /phyis ni 'dod pa'i khams dang por spang bar bya ba dang/ yongs su shes par bya ba yin pa'i phyir 'dod pa na spyod pa'i sdug bsngal kho na la dmigs pa yin no/ /de'i rtsal gyis lam 'dren par byed pa'i phyir ro zhes bya ba ni sngon zag pa med pa med pa'i phyir skal pa mnyam pa'i rgyu med par chos kyi mchog gi rtsal gyis lam gyi bden pa 'dren par byed pa'i phyir chos kyi mchog rnams ni 'jig rten pa kun gyi nang na mchog nyid yin par shes so/ /thams cad phung po lnga 'khor dang bcas te smos pa'i phyir ro zhes bya ba ni dro bar gyur pa la sogs pa mnyam par bzhag pa'i sa pa yin pa'i phyir rnam par rig byed ma yin pa'i phyir rnam par rig byed ma yin pa'i mtshan nyid kyi gzugs kyi phung po yod pas 'khor ba dang

  391. 196a

    bcas te smos pa'i phyir dro bar gyur pa la sogs pa ni phung po lnga yin te/ 'khor dang bcas pa yin par bzung ngo/ /'phags pa la zhes bya ba rgyas par 'byung ba ni 'phags pa la thob pa mngon sum du gyur pas 'bras bu thob pa na/ dro bar gyur pa la sogs pa sbyor bar gyur pa rnams mngon sum du 'gyur du 'ong bas thob pa rnams ni dro bar gyur pa la sogs pas ma bsdus te/ sbyor ba'i 'bras bu thob zin pa'i 'phags pa mngon du byed par ni rigs pa ma yin no/ /bden pa gsum la dmigs pa'i dro bar gyur pa rnam pa gtong pa la zhes bya ba ni sdug bsngal dang/ kun 'byung ba dang/ lam la dmigs pa'i dro bar gyur pa rnam pa gtod pa la/ chos dran pa nye bar gzhag pa da ltar byung ba yin te/ dang po 'bad pas bskyed par bya ba ni rnam pa btod pa la ni spyi la dmigs pa nyid kyis chos dran pa nye bar gzhag pa kho nas gtod par nus pa'i phyir ro/ /so sor nges pa la dmigs pa'i phyir lus dran pa nye bar gzhag pa la sogs pas mi nus so/ /ma 'ongs pa ni bzhi char 'thob po zhes bya ba ni gang gi phyir dran pa nye bar gzhag pas ni lus dang tshor ba la sogs pa sdug bsngal gyi bden pa la sogs pas bsdus pa yang bsdus la/ lus dran pa nye bar gzhag pa la sogs par yang sngar thob pa yin pa de'i phyir bzhi char yang 'thob ste/ thob pa ste pa'i phyir ro/ /'gog pa'i bden pa la dmigs pa la ni de kho na gnyi ga yin no zhes bya ba ni 'gog pa'i bden pa la dmigs pa'i dro bar gyur pa rnam pa gtod pa la ni chos dran pa nye bar bzhag pa da ltar byung ba yin zhing de kho na ma 'ongs pa 'thob kyi/ lus dran pa nye bar gzhag pa la sogs pa ni ma yin te/ 'gog pa'i bden pa la lus la sogs pa med pa'i phyir

  392. 196b

    ro/ /rnam pa dag ni thams cad du 'dra ba yin no zhes bya ba ni bden pa gsum la dmigs pa dang/ 'gog pa la dmigs pa'i dro bar gyur ba'i rnam pa gtod pa la yang rnam pa dag ni 'dra ba kho na 'thob ste/ sdug bsngal gyi bden pa la dmigs pa la yang sdug bsngal gyi bden pa'i rnam pa bzhi kho na 'thob kyi kun 'byung ba'i bden pa la sogs pa'i rnam pa ni ma yin no/ /kun 'byung ba'i bden pa la dmigs pa la yang kun 'byung ba'i bden pa'i rnam pa bzhi kho na 'thob kyi gzhan dag ni ma yin no zhes bya ba la sogs pa yin no/ /bden pa gsum la dmigs pa rnam par 'phel ba la ni lus dran pa nye bar gzhag pa la sogs pa bzhi las gang yang ba zhig da ltar byung ba yin no/ /'gog pa la dmigs pa de kho na la ni tha ma da ltar byung ba yin no/ /gnyi ga la yang ma 'ongs pa ni bzhi car ro/ /rnam pa ni bcu drug po thams cad kyang 'thob bo/ /ci'i phyir zhe na/ rigs rnams thob zin pa'i phyir te/ ci rigs bar bden pa bzhi la dmigs pa lus dran pa nye bar gzhag pa la sogs pa'i rigs rnams theb zin pa'i phyir ro zhes bya ba'i tha tshig go /rtse mo bden pa bzhi la dmigs pa zhes bya ba rgyas par 'byung ba ni rtse mo rnam pa gtod par byed pa la ni thams cad la yang chos dran pa nye bar gzhag pa kho na da ltar byung ba yin te/ lus dran pa nye bar gzhag pa la sogs pas ni rnam pa gtod pa mi nus pa'i phyir ro/ /'gog pa la dmigs pa la dmigs pa 'phel ba yang tha ma chos dran pa nye bar gzhag pa da ltar byung ba yin te/ gzhan dag ni ma yin pa'i phyir ro/ /bden pa gsum la dmigs pa rnam par 'phel ba la ni bzhi las gang yang rung ba zhig da ltar byung ba yin no/ /thams cad du yang ma 'ongs pa ni bzhi car ro/ /de dag gi rigs thob zin pa'i phyir rnam pa yang thams cad do zhes bya bar khong du

  393. 197a

    chud par bya'o/ bzod pa rnams ni thams cad du tha ma yin la zhes bya ba ni rnam par gtod pa dang rnam par 'phel ba yang tha ma chos dran pa nye bar gzhag pa de ltar byung ba yin te/ 'di ltar bzod pa ni thams cad chos kyi 'phel bar byed ces bshad do/ /chos kyi mchog dag ni tha ma yin zhes bya ba ni chos kyi mchog dag mngon sum du byed pa la ni tha ma chos dran pa nye bar gzhag pa da ltar byung ba yin no/ /ma 'ongs pa ni mi skye ba'i chos can kho na bzhi car 'thob po rnam pa bzhi kho na te/ zhes bya ba ni mi rtag pa dang/ sdug bsngal ba dang/ stong pa dang/ bdag med pa'i bdag nyid kyi rnam pa dag go /gzhan med pa'i phyir zhes bya ba ni 'di ltar chos kyi mchog la kun 'byung ba la sogs pa'i rnam pa gzhan ni med/ sdug bsngal tsam la dmigs pa'i phyir ro/ /'o na ji ltar chos kyi mchog gi ngo bo nyid ma yin pa lus dran pa nye bar gzhag pa la sogs pa mngon du ma gyur kyang chos kyi mchog tu 'byung ba'i gnas skabs na/ lus dran pa nye bar gzhag pa la sogs pa ma 'ongs pa thob pa de bzhin du chos kyi mchog gi ngo bo nyid ma yin pa kun 'byung ba la sogs pa'i rnam pa kun tu mi 'byung yang kun 'byung ba la sogs pa'i rnam pa ma 'ongs pa thob par go ci ste mi 'dod ce na/ de'i phyir mthong ba'i lam dang 'dra ba'i phyir zhes bya ba smos te/ sdug bsngal gyi rnam pa bzhi kho na 'thob po/ /ci'i phyir zhe na/ mthong ba'i lam dang 'dra ba'i phyir te/ mthong ba'i lam la ni bden pa gang zhig mthong bar 'gyur ba de'i rnam pa kho na 'thob la/ chos kyi mchog rnams kyang mthong ba'i lam dang 'dra bas so/ /yang nye ba'i phyir 'di dag mthong ba'i lam dang 'dra ba ci zhig yod ce na/ de kho na bzhin du dang por 'dod pa na spyod pa'i sdug bsngal la dmigs pa

  394. 197b

    nyid yin no/ /yang na sa mtshungs pa nyid yin te/ 'di ltar mthong ba'i lam gyi dbang du byas nas/ de ni chos mchog dang sa gcig /sa 'chad par 'gyur ro/ /yang na chos kyi mchog rnams ni so so'i skye bo nyid 'joms par byed pa sdug bsngal la chos shes pa'i bzod pa'i bar chad med pa'i lam lta bur gyur pa yin no/ /de ltar na 'di dag ni mthong ba'i lam dang 'dra ba yin te/ bar chad med pa'i lam rnams ni rnam par grol ba'i lam dang 'dra bas so/ /nges par 'byed pas na zhes bya ba rgyas par 'byung ba la/ ji ltar nges par 'byed pa yin zhe na smras pa/ des the tshom spang ba'i phyir te/ bden pa rnams la 'di ni sdug bsngal? zhes bya ba nas 'di ni lam mo zhes bya ba'i bar du gtan la phab nas rnam par 'byed pa'i phyir nges par 'byed pa ste/ 'phags pa'i lam yin no/ /de'i cha ni mthong ba'i lam gyi phyogs gcig yin te/ de 'dren par byed pa nyid kyis te/ skyed par byed pa nyid kyis phan 'dogs pa'i phyir ro/ /des na nges par 'byed pa'i cha dang mthun pa zhes bya ba yin no/ /mi lcogs med pa dang khyad par bsam gtan pa'o zhes bya ba ni 'di la mi lcogs pa med pa dang khyad par can dang bsam gtan gyi sa dag yod pas na/ mi lcogs pa med pa dang/ khyad par bsam gtan sa pa'o/ /gong na ni med do zhes bya ba ni mthong ba'i lam gyi 'khor yin pa'i phyir gzugs med pa dag na ni nges par 'byed pa'i cha dang mthun pa med de/ mthong ba'i lam gyi sbyor ba med pa'i phyir ro zhes bya ba'i tha tshig go /de med pa ni 'dod pa'i khams la dmigs pa yin pa'i phyir ro zhes bya ba la/ de med pa zhes bya ba ni mthong ba'i lam de med pa'o/ /gang zhe na/ gong na zhes bya ba sbyar te/ gzugs med pa na zhes bya ba'i tha tshig go /ci'i phyir zhe na/ 'dod pa'i khams la dmigs pa yin pa'i phyir te/ 'di ltar gzugs med pa dag ni 'dod pa'i

  395. 198a

    khams la mi dmigs pa yin no/ /smras pa/ mthong ba'i lam 'dod pa'i khams la dmigs pa cir dgos zhe na/ de'i phyir/ de yang sngar yongs su shes par bya zhing spangs par bya ba yin pa'i phyir ro zhes bya ba smos te/ 'dod pa'i khams de'i sdug bsngal gyi ngo bo ni sngar yongs su shes par bya ba yin pa'i phyir ro/ /kun 'byung ba'i ngo bo ni spang bar bya ba yin pa'i phyir ro/ /'di la gtan tshigs ni tshig 'di ltar rnal 'byor pa de ni 'dod pa na spyod pa'i sdug bsngal gyis rnam par gnod par byas pas des na de dang por de las thar pa tshol bar byed do/ /de dag gi rnam par smin pa ni gzugs kyi khams kyi phung po lnga yin no zhes bya ba ni nges par 'byed pa'i cha dang mthun pa de dag ni gzugs na spyod pa yin pa'i phyir gal te rnal 'byor pa de gzugs kyi khams su skye na/ de'i rnam par smin pa der phung po lnga mngon par 'grub par 'gyur ro/ /de dag kyang yid du 'ong ba myong ba 'gyur ba skyed pa'i phyir yongs su rdzogs par byed pa dag kho na yin gyi rigs mthun pa 'phel bar byed pa dag ni ma yin te/ srid pa'i gnyen po yin pa'i phyir te/ mi rtag pa la sogs pa'i rnam pas sun 'byin pas so/ /gnyis ni zhes bya ba ni dro bar gyur pa dang/ rtse mo'i ngo bo nyid dag go/ 'dod rten zhes bya ba ni 'di ltar 'di kho nar bden pa mngon par rtogs kyi/ khams gzhan du ni ma yin pa dang/ gong na mthong lam med/ mi skyo lung las 'di rtsom zhing/ /der mthar phyin ces 'byung phyir ro/ zhes bya ba'i phyir ro/ /gling gsum du zhes bya ba ni byang gi sgra mi snyan ma gtogs par zhes bya bar rnam par bshad par bya ste/ byang gi sgra mi snyan pa rnams ni dbang po rtul ba'i phyir ro/ /lha dag gi nang du mngon sum du byed do zhes bya ba ni 'dod pa spyod pa dag gi nang du'o/ /nges par

  396. 198b

    'byed pa'i cha dang mthun pa bzhi pa ni lha dag gi nang du skyed par yang byed do/ /zhes bya ba ni de dag kho na'i nang du ste gzhan du ni ma yin no/ /nges par 'byed pa'i cha dang mthun pa gsum ni chos kyi mchog dag ma gtogs pa'o/ /tshe 'di nyid la skyes pa dang bud med kyi dbang po gyur na/ skyes pa dang bud med kyis gnyi ga'i rten can 'thob ste/ skyes pa dang bud med rnams kyis gnyi ga'i rten can te skyes pa dang bud med kyis rten can dag 'thob po/ /bud med rnams kyis 'di dag skyed nas tshe gzhan du bud med kyis lus su skyes na bud med kyi rten can dag mngon du byed do/ /tshe gzhan du skyes par skyes na ni skyes pa'i rten can dag mngon du byed de/ de dag thob pa'i bud med rnams tshe gzhan du mo'i lus su mi skye ba ni ma yin no/ /skyes pa rnams kyang de bzhin du mo'i lus su gyur na ni mo'i rten can dag mngon du byed la/ pho'i lus su gyur na ni pho'i rten can dag mngon du byed do/ /chos kyi mchog rnams kyi dbang du byas nas/ chos mchog bud med kyis gnyi ka'i rten can thob pa 'gyur zhes bya ba smos te/ bud med kho nas chos kyi mchog gnyi ga'i rten can thob kyi skyes pas ni ma yin no/ /'di ltar de dag thob nas bud med kyi rten can de'i tshe na yod pa de dag dang ldan pa yin gyi/ tshe gzhan du rjes na ni 'dod pa'i khams su skyes pa'i lus su skyes na yang skyes pa de skyes pa'i rten can dag dang ldan no/ /skyes pas ni skyes pa'i rten can 'ba' zhig thob po/ ci'i phyir zhe na/ bud med nyid ni so sor brtags pa ma yin pas 'gog pa 'thob pa'i phyir ro zhes bya ba smos te/ tshe de nyid la tshe rabs gzhan du yang bud med nyid du 'gyur ba med pa zhes bya ba 'di'i so sor brtags pa ma yin pas 'gog pa 'thob po/ /gang zhig chos kyi mchog dag skyed par byed pa des ni gdon mi za bar 'jug thogs su mthong ba'i lam skyed par

  397. 199a

    byed la/ bden pa mthong pa yang bud med nyid du skye ba med do zhes bya ba ni grub mdza' yin no/ /sa bor nas zhes bya ba rgyas par 'byung ba ni 'phags pa ni nges par 'byed pa'i cha dang mthun pa bsam gtan dang po'i sa pa nas bsam gtan bzhi pa'i sa pa'i bar sa gang dag thob par gyur pa'i bsam gtan dang po nas bsam gtan bzhi pa'i par gyis de dag 'dor ba na bdag nyid ji lta ba bzhin bsam gtan dang po'i sa ba nas bsam gtan bzhi pa'i sa? ba'i bar de dag kyang stong gi /gzhan du ni ma yin te/ so so'i skye bo ltar 'chi ba 'am nyams pas ni ma yin no/ /zhes bya ba'i tha tshig go /sa 'dor ba ni sa 'phos pa'i phyir ro zhes bya ba ni 'dod chags dang bral ba'i sgo nas ni ma yin no zhes bya bar ston to/ /so so'i skye bo ni zhes bya ba ni so so ni sa 'pho yang rung mi 'pho yang rung ste/ nges par 'byed pa'i cha dang mthun pa rnams ris mthun pa btang ba kho nas gtong ngo/ /'di ltar so so skye bo ni sa gang ba'i nges par 'byed pa'i cha dang mthun pa dag thob pa de'i gong du skye ba ni de dag gi sa 'pho ba na 'chi bas 'dor ro/ /'dod chags dang ma bral ba ni sa 'pho ba med par 'chi bas gtong ste 'dod pa'i khams nyid du skye'o/ /'phags pa'i gang zag ni de lta ma yin te/ de'i dge ba'i rtsa ba'i rgyud ni mthong ba'i lam gyis nye bar spel ba'i phyir ro/ /so so'i skye bo kho na de ltar gtong ngo/ /zhes bya ba ji ltar shes zhe na/ bstan bcos las sgo nga dang/ nur nur po la sogs par gyur pa'i so so'i skye bo ni lus dang ldan gyi lus kyi las dang ni ma yin no zhes 'byung pa'i phyir ro/ /slob dpon dbyig ba shes na re ni so so'i skye bo ni sa 'pho yang rung mi 'pho yang rung ste ris mthun pa kho nas gtong ngo zhes bya ba 'di pas smos par bsam gtan

  398. 199b

    mdza' dag gzung ste/ de la gang gi tshe so so'i skye bo tshangs ris pa dag nas shi 'pho te/ tshangs pa'i mdun na 'don dag gi nang du skye ba de'i tshe ris mthun pa btang? pas gtong ngo/ /gang gi tshe bsam gtan dang po nas shi 'phos nas bsam gtan gnyis par skyes pa de'i tshe ni sa bor ba dang ris mthun pa btang ba dag gis 'ong ngo zhes zer ro/ /de ni tshangs pa'i 'jig rten du skyes pa'i so so'i skye bo rnams la nges par byed pa'i cha dang mthun pa med pa'i phyir rigs pa ma yin te/ nges par 'byed pa'i cha dang mthun pa dag ni 'dod pa'i khams su skyed par byed la/ 'dod pa'i khams nas 'chi 'pho ba nyid kyis de dag gi nges par 'byed pa'i cha dang mthun pa btang bas so/ /'di ni slob dpon 'dul bzang gis kyang bstan te/ so so'i skye po yang sa gang ba'i nges par 'byed pa'i cha dang mthun pa thob pa de nas gong du skye ba'i tshe nges par 'byed pa'i cha dang mthun pa dag 'dor ba yin nam zhe na/ de ni med de/ ris mthun pa btang ba kho nas bor pa'i phyir ro/ /'chi ba'i srid pa la gnas pas de dag 'dor bas srid pa bar ma la gnas pa por zin te/ de'i gong du skye ba ni 'dor bar gyur pa gang yin pa de ni med pas 'chi ba kho nas zhes bshad do zhes bya ba yin no/ /so sor thar pa'i sdom pa bzhin du zhes bya ba ni dper na so sor thar pa'i sdom pa btang ba phyis len pa na sngon gyi ma yin pa thob pa dang 'dra'o/ /ci'i phyir zhe na/ ma 'dris pa dang 'bad de bsgrub par bya ba yin pa'i phyir ro zhes bya ba smos te/ ma dris pa'i phyir dang 'bad de bsgrub par bya ba yin pa'i phyir ro/ /gang gi phyir thog ma med pa can gyi 'khor pa na 'dris pa ma yin pa'i phyir 'dod chags dang bral bas 'thob pa ma yin no/ /gang gi phyir 'bad par bsgrub par bya ba yin pa'i phyir sdu na btang ba dag mi 'thob po/ /mtshams ston par byed pa zhig yod na ni zhes bya ba la/ mtshams

  399. 200a

    ni bar mtshams so/ /ston par byed pa ni ston pa po ste/ smon nas shes pa 'thob pa'o/ /de yod na thob ste nyams pa'i gong ma skyed par byed de ma bskyed pa gang yin pa skyed par byed do zhes bya ba'i don to/ /mtshams ston par byed pa med na ni bzhi kho nas skyed par byed de dro bar gyur pa nas brtsams te zhes bya ba'i tha tshig go /rnam par nyams pa dang yongs su nyams pa 'di dag gi zhes bya ba ni/ 'phags pa de dag sa bor nas/ gtong ngo zhes 'byung bas rnam par nyams pa yang bshad la/ dang po gnyis yongs nyams pas kyang/ zhes 'byung bas yongs su nyams pa yang bshad de/ de'i phyir 'di dag gi zhes bya ba ston to/ /nyams pa gnyis zhes bya ba rnam par nyams pa dang/ yongs su nyams pa dag gi spyi'i ngo bo yongs su bzung bas gnyi ga smos pa yin no/ /yongs su nyams pa ni nyes pas byas pa yin gyi zhes bya ba ni nyon mongs pas byas pa yin gyi zhes bya ba'i tha tshig go /rnam par nyams pa ni gdon mi za ba ma yin no zhes bya ba ni de nyes pas byas pas 'ba' zhig tu ma zad kyi yon tan gyis byas pa yang yin no/ /de la yon tan gyis byas pa ni 'di lta ste mthong ba'i lam skyes nas so so'i skye bo nyid rnam pa lta bu'o/ /nyes pas byas pa ni 'di lta ste/ log par lta bas dge ba'i rtsa pa rnam par nyams pa lta bu'o/ /yang na nying mtshams sbyor ba'i sems kyis chos kha cig rnam par nyams pa lta bu'o/ /de lta na yongs su nyams pa gang yin pa de ni rnam par nyams pa yang yin no/ /rnam par nyams pa gang yin pa de ni gdon mi za bar yongs su nyams pa ma yin te/ yongs su nyams pa ni yon tan gyi khyad par dag kho na las yongs su nyams pas so/ /mi skye ba'i chos nyid 'thob ste/ zhes bya ba ni 'gro ba la sogs pa de dag gi so sor brtags pa ma yin pas 'gog pa

  400. 200b

    'thob ste zhes bya ba'i don to/ /de dag ci rigs par te/ zhes bya ba ni mi skye ba'i chos nyid de dag ni ji ltar 'os 'os su bzod pa chung ngu dang chen po'i tshe 'thob po zhes bya bar sbyar ro/ /ji ltar byas pas zhe na/ bzod pa chung ngu'i tshe ni ngan song gi 'gro ba rnams kyi mi skye ba'i chos nyid 'thob po/ /chen po'i tshe ni sgo nga las skye ba dang/ drod gsher las skye pa'i skye gnas dag gi'o/ /chung ngu'i tshe ni 'du shes med pa'i sems can dang/ byang gi sgra mi snyan dang/ tshangs pa chen por skye ba rnams kyi'o/ /chen po'i tshe ni za ma dang ma ning dang mtshan gnyis pa'i lus rnams kyi'o/ /chen po nyid kyi tshe ni srid pa brgyad pa la sogs pa ste/ srid pa brgyad pa la sogs pa dang/ dgu pa la sogs pa dang/ mthong bas spang bar bya ba'i mi skye pa'i chos nyid 'thob po/ /rigs de nyid ces bya ba ni slob dpon gyi gzhung lugs yin te/ bzod pas yongs su bsgos pa nyan thos kyi rigs te/ de ni bzod pas yongs su bsgos pa nyid kyis bzlog tu mi rung ba'i phyir ro snyam du bsams pa'o/ /gzhan gsum yang zhes bya ba ni rang sangs rgyas su ni nyan thos kyi rigs las bzod pa yang bzlog nas 'gyur te/ de dag ni gzhan gyi don du ngan song du mi 'gro ba'i phyir ro snyam du bsams pa yin no/ /ting nge 'dzin mi g.yo ba dang/ gsal ba'i phyir zhes bya ba ni skyon brgyad las grol ba'i phyir ting nge 'dzin mi g.yo ba yin no/ /de nyid kyi phyir ram dbang po rnon po'i phyir gsal zhing sbyangs pa yin no/ /gang dag gi ltar na bse ru lta bu las gzhan pa'i rang sangs rgyas yod par 'dod pa zhes bya ba ni chos mngon pa pa dag gi gzhung lugs kyi bse ru lta bu las gzhan pa'i rang sangs rgyas kyang yod par 'dod pa ste/ nges par 'byed pa'i cha dang mthun pa tsam bskyed ba tshogs zhing spyod pa'i rang sangs rgyas so snyam du bsams pa yin no/ /de dag gi ltar na de'i rigs dro bar gyur pa dang/ rtse mo rnams ni bzlog par dgag pa med de/ bse ru lta bu kho na dmigs

  401. 201a

    kyis bkar ba'i phyir ro/ /myur ba srid pa gsum gyis thar/ ces bya ba ni gang zhig thar pa myur bas 'thob pa de tshe gcig la ni thar pa'i cha dang mthun pa'i dge ba'i rtsa ba skyed par byed do/ /gnyis pa la ni nges par 'byed pa'i cha dang mthun pa rnams so/ /gsum pa la ni 'phags pa'i lam mo/ /gang zhig tshe snga ma la thar pa cha dang mthun pa'i tshogs bsags pa de ni tshe gcig kho na la yang nges par 'byed pa'i cha dang mthun pa rnams dang/ 'phags pa'i lam skyed par byed do zhes bya bar khong du chud par bya'o/ /sa bon 'debs pa dang zhes bya ba la sogs pa 'byung ba ni sa bon 'debs pa lta bu'i thar pa'i cha dang mthun pa skye ba yin no/ /'bru skye ba lta bu ni nges par 'byed pa'i cha dang mthun pa skye ba yin no/ /'bras bu chags pa lta bu ni 'phags pa'i lam yin no/ /chos nyid 'di la zhes bya ba ni gsung rab kyi chos nyid la'o/ /'jug pa dang yongs su smin pa dang rnam par grol bar 'gyur zhes bya bar ni don gyi dngos yin te/ 'jug pa ni thar ba'i cha dang mthun pas so/ / yongs su smin pa ni nges par 'byed pa'i cha dang mthun pa rnams kyis so/ /rnam par grol ba ni 'phags pa'i lam gyis so/ /de'i smon lam gyis yongs su bzung ba'i phyir zhes bya ba ni yid kyi smon lam gyi yongs su bzung ba'i phyir te/ smon lam ni sems pa'i khyad par yin no/ /zas 'ga' tsam byin nas zhes bya ba ni lus kyi las yin no/ /bslab pa 'ga' tsam yang mnos nas zhes bya ba ni ngag gi las yin te/ de dag kyang yid kyi las kyi kun nas bslang bas las gsum gyi rang bzhin yin/ /'di ni chung ngur zin kyang thar pa 'dod pa'i stobs skyed pa las thar pa'i cha dang mthun pa 'phen par 'gyur ro/ /thar pa'i cha ni thar pa'i cha ste thar pa 'thob pa yin no/ /

  402. 201b

    de la phan pa ni thar pa'i cha dang mthun pa zhes bya'o/ /gzhan nas ni ma yin te/ ci rigs par shes rab dang/ skyo ba med pa'i phyir ro zhes bya ba ni re shig sgra mi snyan dag na ni gnyi ga med do/ /ngan song dag na ni skyo ba yod la shes rab med do/ /lha dag gi nang na ni skyo ba med la shes rab yod de/ de'i phyir mi rnams kyi nang kho na dang gling gsum nas 'phen gyi gzhan nas ni ma yin no/ /mngon par rtogs pa'i rim par bshad par brtsams pa zhes bya bar ni/ tshul nas thos dang bsam ldan pa/ /bsgom pa la ni rab tu sbyor/ zhes bya ba nas brtsams te/ nges par 'byed pa'i cha dang mthun pa'i go rims dang/ de'i zhar la thar ba'i cha dang mthun pa nye bar bkod pa yin no/ /chos kyi bzod pa zag pa med/ ces bya ba ni nges par 'byed pa'i cha dang mthun pa rnams kyis kyang chos la bzod pas de'i phyir rgyu mthun pas khyad par du bya ste/ gang gi prgyu mthun pa chos shes pa yin pa de ni chos shes pa'i bzod pa yin no/ /chos shes pa'i phyir bzod pa ni chos shes pa'i bzod pa ste/ me tog dang 'bras bu'i shing bzhin no zhes bya ba ni dper na me tog gi phyed kyi shing la me tog gi shing zhes bya ba dang/ 'bras bu'i phyed kyi shing la 'bras bu'i shing zhes bya ba dang 'dra'o/ /tshig le'ur byas pa las chos kyi bzod pa zhes smos pa'i phyir te/ dper na lhas byin la lha sbyin zhes bya ba dang 'dra'o/ /yang dag pa nyid ni mdo las mya ngan las 'das pa yin par bshad do zhes bya ba ni/ yang dag pa nyid gang zhe na/ gang zhig 'dod chags yongs su gtugs te spangs pa de yin no/ /zhes bya ba rgyas par 'byung ngo/ /de nges pa ni nges pa ste zhes bya ba ni yang dag pa nyid der nges shing gcig tu gyur pa ni nges pa zhes bya ba'o/ /der 'jug pa ni mngon par 'gro ba ste zhes bya ba ni gcig

  403. 202a

    tu gyur pa der 'jug pa ni phyin pa ste/ de ltar na phyin ci ma log par 'jug pa'i phyir nges par 'jug pa zhes bya'o/ /de skyes nas zhes bya ba ni chos shes pa la bzod pa'o/ /mar me dang skye ba bzhin no zhes bya ba ni mar me bzhin dang/ skye ba bzhin no zhes bya ba'i tha tshig ste/ dper na mar me ma 'ongs pa mun pa bsal bar nus pa dang/ skye ba ma 'ongs pa skyed par bya ba skyed par nus pa de bzhin du sdug bsngal la chos la chos shes pa'i bzod pa ma 'ongs pas kyang so so'i skye bo nyid bzlog par nus pa khas len gyi byed pa gzhan nyon mongs pa spong ba ni ma yin no/ /gzhan dag na re 'jig rten pa'i chos kyi mchog rnams kyis bzlog zhes zer ro zhes bya ba ni so so'i skye bo nyid zlog par byed do zhes bya bar skabs dang sbyar ro/ /ma yin te de'i chos yin pa'i phyir ro/ zhes bya ba ni 'jig rten pa'i chos kyi mchog rnams kyi de zlog par byed do zhes bya ba de ni rigs pa ma yin no/ /ci'i phyir zhe na de dag kyang so so'i skye bo'i chos yin na so so'i skye bo'i chos kyi so so'i skye bo'i chos ji ltar bzlog par 'gyur/ de dang 'gal ba'i phyir nyes pa med do zhes bya ba ni chos kyi mchog rnams ni so so'i skye bo nyid dang 'gal ba'i phyir de ni nyes pa med do/ /dper na ci dang 'dra zhe na/ dgra bo'i phrag pa la zhan nas de la 'tshog pa bzhin no zhes bya ba smos te/ dper na 'ga' zhig gi dgra bo'i phrag pa la zhon la dgra bo nyid la 'tshog par byed pa de bzhin du chos kyi mchog rnams kyis kyang dgra bo so so'i skye bo nyid kyis phrag pa la zhon te/ so so'i skye bo nyid de kho na la 'joms par byed do zhes grag go /gzhan dag na re gnyi gas zlog ste/ zhes bya ba ni so so'i skye bo nyid 'jig rten pa'i chos kyi mchog rnams dang

  404. 202b

    bzod pas kyang zlog go zhe'o/ /ji ltar zhe na/ bar chad med pa dang rnam par grol ba'i lam dang chos mthun pa'i phyir ro/ zhes bya ba smos te/ 'jig rten pa'i chos kyi mchog rnams ni bar chad med pa'i lam dang chos mthun pa yin no/ /bzod pa ni rnam par grol ba'i lam dang chos mthun pa yin te/ dper na bar chad med pa'i lam gyis nyon mongs pa spong bar byed pa la rnam par grol ba'i lam gyis spangs pa de bzhin du 'jig rten pa'i chos kyi mchog rnams kyis so so'i skye bo nyid rnam par nyams par byed la bzod pas rnam par nyams pa yin no/ /de ni sdug bsngal la chos shes pa zhes bya'o/ zhes bya ba ni bstan bcos las ming de tha snyad 'dogs so zhes bya ba ston to/ /thams cad du yang zag pa med pa'i skabs yin zhes bya ba ni de'i phyir/ de nas ni de nyid la chos shes zhes bya ba zag pa med pa zhes bya bar mngon no/ /spyi la dmigs pa zhes bya ba ni gzugs dang gzugs med pa na spyod pa'i sdug bsngal la dmigs pa'i phyir ro/ /dang po nyid du chos kyi de kho na nyid shes pa'i phyir zhes bya ba ni sdug bsngal la sogs pa'i chos kyi de kho na nyid shes pa'i phyir zhes bya ba'i tha tshig go /de'i rgyu las byung ba'i phyir zhes bya ba ni de'i rgyu can yin pa'i phyir zhes bya ba'i don to/ /de bzhin du rtogs pa'i phyir ro zhes bya ba ni ji ltar chos shes pas sdug bsngal la sogs pa'i bden pa la sdug bsngal la sogs pa'i rnam par rtogs shing yongs su shes pa kho na bzhin du gzugs dang gzugs med pa na spyod pa'i sdug bsngal la sogs pa yang rtogs pa'i phyir rjes su shes pa yin no/ /de bzhin du zhes bya ba rgyas par 'byung ba ni de bzhin du mjug thogs su skye ba'i rims kyi gzugs dang gzugs med pa spyod pa'i kun 'byung lhag ma la rjes su shes pa'i bzod pa dang

  405. 203a

    zhes bya ba rgyas par sbyar bar bya'o/ /sde pa gzhan zhes bya ba ni 'phags pa chos srung ba'i sde ba la sogs pa'o/ /bye brag med par ni mngon par rtogs pa zhes bya'o zhes bya ba ni/ de ltar bden pa mngon rtogs 'di/ sems bcu drug go /zhes bya ba mthong ba'i mngon par rtogs pa dang/ dmigs pa'i mngon par rtogs pa dang/ bya ba'i mngon par rtogs pa yin te/ de ltar na sems bcu drug ces bya ba ni bye brag med pa yin no// mthong ba'i mngon par rtogs pa zhes bya ba ni mthong ba nyid mngon par rtogs pa yin to/ dmigs pa'i mngon par rtogs pa dang/ bya ba'i mngon par rtogs pa yang de dang 'dra'o/ /mthong ba'i mngon par rtogs pa ni zag pa med pa'i shes rab kyis zhes bya ba ni/ dge slong dag zag pa med pa'i shes rab kyis mthong ba gang yin pa de ni mthong ba'o zhes 'byung bas shes rab nyid mthong ba yin no zhes bya bar rnam par gzhag go /dmigs pa zhes bya ba smos pa ni de dang mtshungs par ldan pa tshor ba la sogs pas kyang mngon par rtogs pa yin no/ /kyang zhes bya ba'i sgras ni shes rab kyis kyang yin te/ 'di ltar sems dang sems las byung ba rnams kyis bden pa dag las dmigs par byed do/ /bya ba ni bden pa gang zhig la bya ba gang yin pa ste/ 'di lta ste sdug bsngal la yongs su shes pa dang/ kun 'byung ba la spang ba dang/ 'gog pa la mngon sum du bya ba dang/ lam la bsgom pa'o/ /de dang ldan pa ma yin pa tshul khrims dang/ skye ba la sogs pas kyang mngon par rtogs pa'o zhes bya ba la/ kyang zhes bya ba'i sgras ni shes rab dang mtshungs par ldan pa dag gis kyang yin te/ bya ba bzhi po ni shes rab dang mtshungs par ldan pa dang/ ldan pa

  406. 203b

    ma yin pa rnams kyis byed pas so/ /skye ba la sogs pa zhes bya ba'i sgras ni mtshan nyid gzhan dang thob pa rnams kyang? bsdu'o/ /sdug bsngal mthong na zhes bya ba rgyas par 'byung ba ni shes rab kyi sdug bsngal mthong na mngon par rtog pa po 'am/ sdug bsngal de'i mngon par rtogs pa ni ji skad bshad pa gsum mo/ /kun 'byung zhes bya ba la sogs pa 'byung ba ni kun 'byung ba dang/ 'gog pa dang/ lam rnams kyi ni bya ba'i mngon par rtogs pa yin te/ spong ba dang/ mngon sum du byed pa dang/ sgom pa'i phyir ro/ /go rims bzhin du kun 'byung ba ni spong ste/ nyon mongs pa'i thob pa chad pa'i phyir ro/ /'gog pa ni mngon sum du byed de/ thob par byed pa'i phyir ro/ /lam ni bsgom ste/ mngon sum du byed pa'i phyir ro// rnam pa tha dad pa'i phyir zhes bya ba ni sdug bsngal la sogs pa 'di dag gi rnam pa ni re re zhing tha dad pa'i phyir te/ de dag gi rnam pa'i tha dad pas kun 'byung ba la sogs pa sdug bsngal gyi rnam par mthong ba ni rung ba ma yin no/ 'on te sde pa gzhan dag chos thams cad kyi spyi'i mtshan nyid stong pa nyid yin zhes te/ bden pa thams cad bdag med pa'i rnam par mthong ngo zhes zer na ni 'o na ni bden pa rnams/ sdug bsngal ba dang/ kun 'byung ba dang/ 'gog pa dang lam zhes bya ba lta bur sdug bsngal la sogs par mthong bar mi 'gyur ro/ /de lta yin na ni thams cad bdag med pa'i rnam par mthong ngo zhes smra ba mdo dang 'gal te/ 'di ltar mdo las ni 'di skad du/ 'phags pa nyan thos zhes bya ba rgyas par 'byung ngo/ /'on te mdo dang 'gal ba med do/ 'di ltar 'phags pa nyan thos sdug bsngal la sdug bsngal du yid la byed pa 'am/ zhes bya ba la sogs pa 'byung ba ni mngon par rtogs pa'i gnas skabs kyis sngon rol sbyor

  407. 204a

    ba'i gnas skabs na yin no/ /de'i phyir thams cad bdag med pa'i rnam par mthong ba'i phyir mngon par rtogs pa ni gcig kho na yin no snyam du sems na/ zag pa med pa'i srid la byed pa dang mtshungs par ldan pa'i chos rnams rnam par 'byed pa gang yin pa zhes 'byung ba'i phyir de yang rung ba ma yin te/ sbyor ba'i gnas skabs na ni zag pa med pa'i yid la byed pa mi srid do/ /gal te 'phags pa nyan thos sdug bsngal la sdug bsngal du yid la byed pa 'am/ zhes bya ba rgyas par 'byung ba gang yin pa de lta bu ni bsgom pa'i lam la yin no zhe na ma yin te/ ji ltar mthong ba bzhin sgom pa'i phyir ro zhes bya ba ni de ni de lta ma yin te/ ji ltar bden pa rnams sngar mthong ba kho na bzhin du phyis de dag sgom ste/ bsgom pa'i lam yin no zhes bya ba'i tha tshig go /lhag ma rnams la dbang thob pa'i phyir zhes bya ba la/ dbang thob pa ni sbyor ba med par kun 'byung ba la sogs par mthong ba mngon sum du 'gyur ba'i mthu 'thob pa ste/ de'i phyir ro/ /bar skabs su ldang ba yod dam med ces dpyad par bya ba yin no zhes bya ba ni lhag ma rnams la dbang thob pa'i phyir bar skabs su ldang bar 'gyur bas nye bar 'gyur ro snyam du bsams pa yin no/ / gnyi ga ltar rnam par dpyad na yang mdo sde mang po dang 'gal te/ de dag dang ji ltar 'gal ba ste lta ba ni lung las mnyan par bya'o/ /gcig mthong na lhag ma rnams bya ba'i mngon par rtogs pa yin no zhes 'byung ba'i phyir ro zhes bya ba ni gang gi phyir 'di skad du sdug bsngal mthong na de'i mngon par rtogs pa ni gsum mo/ /kun 'byung ba la sogs pa ni bya ba'i mngon par rtogs pa yin te/ spong ba dang mngon sum du byed pa dang bsgom pa'i phyir ro zhes 'byung

  408. 204b

    ba de yod pa'i phyir kho bo cag kyang de ltar khas len pas nyes pa med do/ /smras pa/ gal te khas len pas de ltar mngon par rtogs pa yin na mdo las bden pa rnams rim gyis mngon par rtogs par 'byung ba dang 'gal lo zhe na/ de'i phyir mdo las mthong ba'i mngon par rtogs pa'i phyir zhes bya ba rgyas par smos so/ /dpe dang bcas pa'i mdo gsum khungs su yod pa zhes bya ba ni yang dag par ldan pa'i mdo las 'byung ba yin no/ /ji skad du zhe na/ mgon med zas sbyin gyis gsol pa/ btsun pa ci lags 'phags pa'i bden pa bzhi po mthar gyis mngon par rtogs sam/ 'on te mngon par rtogs pa gcig lags/ khyim bdag 'phags pa'i bden pa bzhi ni mthar gyis mngon par rtogs pa gcig pa ni med do/ /khyim bdag gang zhig 'di skad du bdag gis sdug bsngal 'phags pa'i bden pa mngon par ma rtogs par kun 'byung ba 'phags pa'i bden pa mngon par rtogs par bya'o zhes bya ba nas rgyas par sdug bsngal 'gog pa 'phags pa'i bden pa ma rtogs par sdug bsngal 'gog par 'gro ba'i lam 'phags pa'i bden pa mngon par rtogs par bya'o zhes bya ba'i bar du sman de skad du ni ma smra zhig ces brjod par bya'o/ /de ci'i phyir zhe na/ sdug bsngal 'phags pa'i bden pa mngon par ma rtogs par kun 'byung ba 'phags pa'i bden pa mngon par rtog par 'gyur ba gang yin pa de ni gnas med cing go skabs med do zhes bya ba nas 'di ni gnas med cing zhes bya ba'i bar snga ma bzhin no/ /'di ni gnas yod do zhes bya ba'i bar yang snga ma bzhin no/ /khyim bdag dper na gang zhig 'di skad du bdag gis khang la rtseg ma 'am/ khang pa rtseg ma chen po'i rmad la rkang pa ma gzhag par rtsig pa la gzhag par bya'o/ /rtsig pa la ma gzhag par phyam so la gzhag par bya'o

  409. 205a

    phyam so la ma gzhag par g.yogs ma la gzhag par bya'o zhes smra na de skad du ma smra zhig ces brjod par bya'o// //bam po bzhi bcu rtsa bdun pa/ /khang pa rtsig ma 'am zhes bya ba nas gnas med cing go skabs med do zhes bya ba'i bar snga ma bzhin no/ /rmad la rkang pa bzhag nas rtsig pa la rkang pa gzhag go zhes bya ba nas phyam so la rkang pa gzhag nas g.yogs ma la gzhag go /zhes bya ba gang yin pa de ni gnas yod do zhes bya ba'i bar snga ma bzhin no/ /khyim bdag de bzhin du sdug bsngal gyi bden pa ma mthong bar kun 'byung ba'i bden pa mthong bar 'gyur ba gang yin pa de ni gnas med cing zhes bya ba rgyas par 'byung ba'i snga ma bzhin no/ / de nas dge slong gcig gis gsol pa/ btsun pa ci lags/ 'phags pa'i bden pa bzhi po mthar gyis mngon par rtogs sam/ 'on te mngon par rtogs pa gcig lags/ bcom ldan 'das kyis bka' stsal pa/ dge slong bden pa bzhi ni zhes bya ba la sogs pa snga ma bzhin no/ /dge slong dper na gang zhig 'di skad du bdag gis bang rim bzhi yod pa'i them skas la them skas tha ma la ma gzegs par gnyis pa la gzegs par bya'o/ /gnyis pa la ma gzegs par gsum pa la/ gsum pa la ma gzegs par bzhi pa la 'dzegs par bya'o/ /zhes smra na de skad du ma smra zhig ces brjod par bya'o/ /ci'i phyir zhe na/ bang rim bzhi pa'i them skas la bang rim tha ma la ma gzegs par bang rim gnyis pa la 'dzeg pa nas/ de bzhin du gsum pa la ma gzegs par bzhi pa la 'dzegs pa'i bar 'di ni gnas med cing go skabs med do/ /de bzhin du 'di la yang sdug bsngal gyi bden pa ma mthong bar kun 'byung ba'i bden pa mthong bar 'gyur ba

  410. 205b

    gang yin pa 'di ni gnas med do zhes bya ba la sogs pa 'byung ngo/ /de bzhin du 'phags pa kun dga' bos gsol ba/ btsun pa ci lags/ 'phags pa'i bden pa bzhi po mthar gyis mngon par rtogs sam/ 'on te mngon par rtogs pa gcig pa lags zhes bya ba la sogs pa mdo snga ma bzhin no/ /kun dga' bo dper na gang zhig 'di skad du bdag gis rdang bu bzhi pa'i skas la/ rdang bu tha ma la rkang pas ma gzegs par rdang bu gnyis pa la 'dzeg go /zhes bya ba nas de bzhin du bzhi pa la rkang pas ma 'dzegs par khang bzangs kyi thog tu 'dzeg go zhes smra na de skad du ma smra shig ces brjod par bya'o zhes bya ba la sogs pa rgyas par snga ma bzhin no/ /kun dga' bo gang zhig 'di skad du bdag gis sdug bsngal 'phags pa'i bden pa mngon par rtogs par ni zhes bya ba rgyas par 'di ni gnas med de zhes bya ba'i bar snga ma bzhin te/ mdo gsum ni 'di dag yin no/ /gang zhig sdug bsngal la zhes bya ba rgyas par 'byung ba ni ci ste mdo las/ gang zhig sdug bsngal la nem nur med cing the tshom med pa de ni sangs rgyas la yang zhes gsungs pas mngon par rtogs pa gcig go zhes bya bar 'dod na'o/ /ji ltar zhe na/ sangs rgyas ni mi slob pa'i chos rnams yin la/ mi slob pa'i chos de dag kyang lam yin no// de lta bas na sdug bsngal mngon par rtogs pa'i phyir des lam yang mngon par rtogs pa yin te/ 'di ltar sdug bsngal bzhin du sangs rgyas la yang nem nur med cing the tshom med pas so/ /nem nur dang/ the tshom zhes bya ba'i don tha dad pa ma yin no// yang na nem nur ni nges par mi 'dod pa yin no/ /the tshom ni ji skad bshad pa'i mtshan nyid kyi yid gnyis yin no/ /ma yin te/ kun tu mi 'byung ba dang/ gdon mi za bar spong ba las dgongs te/ gsungs pa'i phyir ro zhes bya ba ni kun tu mi 'byung ba dang/

  411. 206a

    gdon mi za bar spong ba las dgongs te gsungs pa'i phyir mdo las mngon par rtogs pa gcig pa'o zhes 'byung ngo/ /zhes zer ba de ni de lta ma yin te/ sdug bsngal mngon par rtogs na yang sangs rgyas kyi yul la the tshom za ba kun tu mi 'byung ba dang gdon mi za bar spong bar 'gyur ro/ /de'i phyir gang zhig sdug bsngal nem nur med cing the tshom med pa de ni sangs rgyas la yang zhes gsungs par dgongs pa yin no// de dag ni sa drug pa'o zhes sngar bshad zin to zhes bya ba ni/ mi lcogs med pa dang khyad par bsam gtan sa pa'o zhes 'byung ba'i phyir ro/ /bar chad bya bar mi nus pa'i phyir zhes bya ba la bar chad bya bar nus pa ni bar chad do/ /bar chad med pas na bar chad med pa'o/ /de dag gi nyon mongs pa'i thob pa rnam par gcod de de dag gi gnas skabs de ni ring ba yin par 'dod do/ /bar chad med pa'i lam zhes bya ba la/ bar chad med pa ni bar chad med pa'i ngo bo 'am bar chad med pa'i lam mo/ /de'i lam ni bar chad med pa'i lam mo/ /rnam par grol ba'i lam zhes bya ba ni rnam par grol ba'i lam ni rnam par grol ba'i lam ste/ nyon mongs pa las rnam par grol ba'i gnas skabs kyi lam mo zhes bya ba'i tha tshig go /gnyis kyis rkun po 'byin pa dang/ sgo gcod pa bzhin no zhes bya ba ni dper na gnyis las gcig gis ni rkun po phyir 'byin par byed la/ gnyis pas ni de nang du mi shor bar bya ba'i phyir sgo gcod pa de bzhin du/ bar chad med pa'i lam gyis ni nyon mongs pa'i chom rkun de'i thob pa gcod pa'i sgo nas 'byin par byed la/ rnam par grol ba'i lam gyis ni bral ba'i thob pa da ltar du byed pa'i sgo nas sgo gcod par byed do/ /gal te zhes bya ba rgyas bar

  412. 206b

    'byung ba na gal te bar chad med pa'i lam gnyis pa sdug bsngal ba la rjes su shes pa'i bzod pa kho na bral ba'i thob pa'i lhan cig skye'i sdug bsngal la chos shes pa ni mi skye ba kho na te/ 'dis bya dgos pa gang yin pa de sdug bsngal la rjes su shes pa'i bzod pa kho nas byed par 'gyur na zhes bsams pa yin no/ /dmigs pa ste kho na la the tshom spangs pa'i shes pa zhes bya ba ni dmigs pa 'dod pa na spyod pa'i sdug bsngal de kho na la the tshom spangs pa'i shes pa skye bar ma 'gyur ro/ /sdug bsngal de la chos shes pa'i bzod pa ni the tshom dang bcas pa kho nar 'jug ste/ the tshom ma spangs pa'i phyir ro/ /sdug bsngal de na rjes su shes pa'i bzod pa the tshom spangs pa yin no/ /zhes bya bar rnam par gzhag pa yang mi nus te de'i yul ma yin pa'i phyir ro/ gal te bzod pa rnams kyis zhes bya ba rgyas bar 'byung ba ni gal te bzod pa rnams kyis nyon mongs pa spang pa'i phyir bstan bcos las kun tu sbyor ba'i rigs dgu ste/ sdug bsngal chos shes pas spang bar bya ba'i kun tu sbyor ba'i ris dang/ kun 'byung ba la chos shes pas spang bar bya ba dang/ 'gog pa la chos shes pas spang bar bya ba dang/ lam la chos shes pas spang bar bya ba dang/ sdug bsngal la rjes su shes pas spang bar bya ba dang/ kun 'byung ba la rjes su shes pas spang bar bya ba dang/ 'gog pa la rjes su shes pas spang bar bya ba dang/ lam la rjes su shes pas spang bar bya ba dang/ bsgom pas spang bar bya ba'i kun tu sbyor ba'i ris so zhes 'byung ba dang/ mdo las/ dge slong dag de ltar na nyon mongs pa rnams ni shes pas gzhom par bya ba yin no/ /sems ni glog lta bu'o zhes 'byung ba gang yin pa de dang yang dag la te/ de las ni bzod par spang bar bya ba'i kun tu sbyor ba'i ris ma bshad do zhe na/ ma yin te/ bzod pa rnams ni zhes bya

  413. 207a

    ba rgyas par smos te/ de ni de lta ma yin no/ /ci'i phyir zhe na/ bzod pa rnams ni shes pa'i 'khor yin pa'i phyir te/ bzod pa rnams ni shes pa'i 'khor yin no/ /de'i phyir bzod pas spang bar bya ba'i kun tu sbyor ba'i ris la shes pas spang bar bya ba zhes brjod de rgyal bos byas so zhes tha snyad 'dogs pa bzhin no/ /dper na rgyal po'i 'khor gyis byas pa'i don 'ga' zhig la rgyal pos byas so zhes tha snyad 'dogs pa de dang 'dra'o/ /bsgom pas spang bya ba'i kun tu sbyor ba'i ris ni shes pas spang bar bya ba kho na yin te/ de la ni bar chad med pa'i lam yang shes pa'i ngo bo nyid yin pas so/ /nyon mongs pa spang bar bya ba la ni bar chad med pa'i lam kho na khyad par du gtogs pa yin no/ /bden pa ma mthong ba mthong ba'i phyir ro zhes bya ba shes pa'i tshe ji ltar bden pa ma mthong ba mthong ba yin zhe na/ de yang bden pa gzhan ma mthong ba'i tshe na yod pas mthong ba'i lam gyi bar na yod pa'i shes pas thong ba'i lam yin te/ brgyud pa la bsams nas des kyang ma mthong ba yin no/ /yang na mthong bas ma mthong ba mthong ba'i phyir skad cig ma bco lnga ni mthong ba'i lam yin te/ ji srid du gang zag 'di'i ma mthong ba 'jug pa de srid du 'di'i skad cig ma rnams mthong ba'i lam yin no/ /'dis sdug bsngal mthong yang 'di la kun 'byung bas mthong ba 'jug pa kho na'o zhes bya ba la sogs pa yin no/ /skad cig ma bcu drug pa ni bsgom pa'i lam kho na yin no zhes bya bar tshig khong nas drang ngo/ /des kyang ma mthong ba mthong ba ma yin nam zhes bya ba ci zhig ma mthong zhe na lam la rjes su shes pa'i bzod pa zhes bya ba smos te/ lam la rjes su shes pa'i bzod pa ni bdag nyid ma gtogs pa lhag ma rjes su shes pa'i phyogs dang mthun pa'i lam la dmigs par byed de/ rang la

  414. 207b

    bdag nyid byed pa ni 'gal ba'i phyir ro/ /de'i phyir lam la rjes su shes pa'i bzod pa ma mthong ba mthong zhes bya'o/ /bden pa'i phyir bsam gyis zhes bya ba rgyas par 'byung ba ni bden pa la mthong ngam ma mthong zhes bsam gyi skad cig ma mthong ngam 'on te ma mthong zhes bya ba ni ma yin no/ /ci'i phyir zhe na/ skad cig ma bco lnga pas rjes su shes pa'i phyogs dang mthun pa'i mtshan nyid kyi bden pas thong ba gang yin pa de kho na bcu drug pas kyang mthong bas bden pa sngon ma mthong ba mthong ba mthong ba med pa'i phyir skad cig ma bcu drug pa mthong ba'i lam zhes bya ba rnam par mi gzhag go /lam la rjes su shes pa'i bzod pa'i mtshan nyid kyi skad cig ma gcig ma mthong bas ni lam gyis bden pa de ma mthong ba ma yin no/ /'jig rten pa'i dpe bstan par smras pa/ dper na nyag ma gcig ma brdas pas te/ zor bas 'bru'i nyag ma gcig ma brdas shing ma bcad pa zhing ma brdas pa ma yin pa bzhin no/ /'o na ci zhe na/ brdas pa kho na yin no zhes bya ba'i tha tshig ste/ 'di ltar bag med par gyur pas zhing la nyag ma gcig cig ma brdas kyang 'di skad du bdag cag gis zhing brdas so zhes zer ba lta bu'o/ /'bras bu yin pa'i phyir dang zhes bya ba rgyas par 'byung ba ni/ 'bras bu yin pa'i phyir zhes bya ba la sogs pa'i gtan tshigs kyis skad cig ma bcu drug pa bsgom pa'i lam kho na yin par sgrub par byed do/ /skad cig ma bcu drug pa ni bsgom pa'i lam yin te/ 'dus byas kyi dge sbyong gi tshul gyi 'bras bu yin pa'i phyir lan cig phyir 'ong ba'i 'bras bu 'am/ dgra bcom pa nyid kyi 'bras bu'i bar lta bu'o/ /de bzhin du shes pa brgyad dang/ rnam pa bcu drug thob pa'i phyir dang/ zhugs pa'i lam rnam par nyams pa'i phyir dang/ rgyun chags pa

  415. 208a

    yin pa'i phyir bsgom pa'i lam kho na yin te/ 'bras bu gzhan bzhin no/ /skad cig ma bcu drug pa la ni sdug bsngal la chos shes pa nas lam la rjes su shes pa'i bar shes pa brgyad kyang 'thob la/ mi rtag pa la sogs pa'i rnam pa bcu drug kyang 'thob bo/ /mthong ba'i lam la ni de kho na bzhin du shes pa brgyad dang/ rnam pa bcu drug 'thob pa med de/ mthong ba la ni bzod pa dang/ shes pa ji ltar skyes pa dang/ ma 'ongs pa thob ces 'byung ba'i phyir de la ni shes pa dang rnam par skal pa mnyam pa kho na 'thob bo/ /lam la rjes su shes pa la ni lam lnga pa ste/ zhugs pa'i lam rnam par nyams pa yin gyi mthong ba'i lam gyis ni lam snga ma rnam par nyams pa ma yin no/ /lam la rjes su shes pa ni rgyun chags pa yin gyi/ mthong ba'i lam la ni bzod pa 'am shes pa'ang rung rgyun chags pa cung zad kyang med de/ de'i phyir lam la rjes su shes pa ni bsgom pa'i lam yin no/ /'dod chags dang bral ba'i phyir rgol bar byed de/ skad cig ma bcu drug pa ni mthong ba'i lam yin te/ gdon mi za bar yongs su mi nyams pa'i phyir sdug bsngal la chos shes pa'i bzod pa la sogs pa bzhin no/ /yang na phyogs snga ma sun 'byin par byed de/ phyogs 'di ni rjes su dpag pas 'ongs pa'i chos kyi rang gi ngo bo las bzlog pas skyon chags pa yin te/ bsgom pa'i lam nyid du bsgrub par bya ba yin na/ yang de'i yongs su mi nyams pa nyid kyi rjes su dpag pas bsal ba yin no zhe na/ de lta bas na rgol ba 'di'i dogs pa bsu bar yongs su mi nyams pa ni zhes bya ba rgyas par smos te/ 'di ltar mthong bas spang bar bya ba'i nyon mongs pa rnams kyi spangs pa lam la rjes su shes pa rten gyis gnyen pos

  416. 208b

    yang dag par 'dzin to/ /gal te yang 'bras bu'i lam skad cig ma bcu drug de las yongs su nyams par 'gyur na ni/ rgyun du zhugs pa'i 'bras bu las yongs su nyams par 'gyur ba zhig na/ rgyun tu zhugs pa'i 'bras bu las ni yongs su nyams pa yang med de de'i phyir de las yongs su nyams par mi 'gyur ro/ /pha rol pos de nyid kyi phyir zhes bya ba smras so/ /de ci zhig ce na/ yongs su mi nyams pa'i gtan tshigs kho na smra ba yin/ kho bo cag kyang don 'di smra na dmigs pa 'dra ba las ci ste 'di lan du rjod par byed ce na/ slob dpon gyis gal te de nyid kyi phyir mthong ba'i lam yin no zhe na zhes bya ba smos te/ gal te gang gi phyir mthong bas spang bar bya ba'i spangs pa'i lam la rjes su shes pas 'dzin pa de nyid kyi phyir mthong ba'i lam yin no snyam du sems na/ ma yin te/ ha cang thal bar 'gyur ba'i phyir ro/ /gal te lam la rjes su shes pas mthong bas spang bar bya ba'i spangs pa yang dag par 'dzin pas de'i phyir mthong ba'i lam du 'gyur na/ de lta yin na ni ha cang thal bar 'gyur te/ 'di ltar lam la rjes su shes pa phan chad kyi bsgom pa'i lam thams cad kyis mthong bas spang bar bya ba'i spangs pa yang dag par 'dzin pas thams cad mthong ba'i lam kho nar 'gyur ba zhig na/ de yang 'dod pa ma yin te/ khyed ni skad cig ma bcu drug kho na mthong ba'i lam yin par 'dod kyi/ rgyun chags pa'i tshul gyis 'byung ba skad cig ma bcu bdun pa dang bco brgyad pa zhes bya ba la sogs pa 'am/ nyi ma gnyis pa 'am/ gsum pa la de dang rigs? mthun pa khyad par gyi lam gyis bsdus pa gang yin pa de ni ma yin te/ de'i phyir yang yongs su nyams pa med do/ /de lta ma yin na gtan tshigs gdon mi za bar yongs su mi nyams pa nyid smras pa gang yin pa de ma nges pa yin no zhes bstan

  417. 209a

    par 'gyur ro/ /de ma nges pa ma yin pa'i phyir de ni phyir bsgrub pa yang ma yin la/ phyogs snga ma sun 'byin pa yang ma yin no zhes bstan to/ /smras pa/ ci'i phyir sdug bsngal la chos shes pa nas lam la chos shes pa'i bar shes pa bdun mthong ba'i lam yin zhe na zhes bya ba ni brgyad pa lam la rjes su shes pa ni ma yin no snyam du bsams pa yin no/ /mthong ba rdzogs pa'i phyir zhes bya ba ni lam la rjes su shes pa'i bzod pa la mthong ba rdzogs pa yin te/ de'i tshe bden pa thams cad mthong ba'i phyir ro/ /sdug bsngal la chos shes pa skyes pa'i tshe na 'dod pa na spyod pa'i sdug bsngal mthong mod kyi re zhig gzugs dang gzugs med pa na spyod pa'i sdug bsngal la sogs pa ni ma mthong ngo/ /de bzhin du lam la chos shes pa skyes pa'i bar du re zhig gzugs dang gzugs med pa'i gnyen po ma mthong bas mthong ba de lhag ma dang bcas pa yin te/ ma rdzogs pa de'i bar ma gyur pa'i phyir te/ mthong ba'i lam gyi bar ma gyur pa'i phyir ram/ bzod de gnyis kyi bar mar gyur pa'i phyir de dag kyang mthong ba'i lam yin no/ /rnal 'byor pa de lta bar bya ba lhag ma la 'dod pa dang bcas pa'i phyir ro snyam du bsams pa yin no/ /sngon gzhan gyi dring gis te gzhan gyi lung gis don gyi rjes su 'brang ba'i phyir te/ sdug bsngal la sogs pa'i bden pa rtogs pa'i phyir ro zhes bya ba'i tha tshig go /sngon zhes bya ba'i khyad par smos pa ni bsgom pa'i tshe ni gzhan gyi lung la mi bltos pas don gyi rjes su 'brang ngo zhes bstan pa yin no/ /chos kyi rjes su 'brang ba yang de dang 'dra ste/ zhes bya ba ni chos dag gis rjes su 'brang bas na chos kyi rjes 'brang ba'o/ /de 'di la yod pas sam 'di chos kyi rjes su 'brang ba'i dang tshul can yin

  418. 209b

    pas na chos kyi rjes su 'brang ba'o/ /sngon bdag nyid kho nas mdo la sogs pa gsung rab kyi yan lag bcu gnyis kyi chos kyi don gyi rjes su 'brang ba'i phyir te/ snga ma bzhin du rnam par bshad do/ /rnam pa lnga'i bar du spangs pa zhi yin na yang zhes bya ba la/ bar du zhes bya ba'i sgras ni gal te rnam pa gcig gam/ gnyis sam/ gsum mam/ bzhi 'am/ lnga spangs pa zhig yin na yang ji ltar 'ching ba mdza' dag dang ldan pa de kho na bzhin du dang po'i 'bras bu la zhugs pa dag ces bya'o gnyis pa la dgu ba tshun chad zad pa yin zhes bya ba la/ gnyis pa la zhes bya ba ni gnyis pa'i phyir zhes bya ba'i tha tshig ste/ dper na pags pa'i phyir gung gsod do zhes bya ba lta bu'o/ /dgu pa tshun chad zad pa yin zhes bya ba ni rnam pa dgu spangs pa man chad de don gyis na rnam pa dgu pa spangs pa ma rtogs pa zhes bshad do/ /gal te gang zag de gnyis kyis rnam pa lnga pa spangs pa de yan chad rnam pa drug gam bdun nam brgyad cig sngon 'jig rten pa'i lam gyis spangs pa yin na ni de gnyis 'bras bu gnyis pa la zhugs pa zhes bya ste/ gnyis pa la zhes 'byung ba'i phyir dang/ zhugs pa dag ces bya ba'i skabs kyang yin pa'i phyir tshig gi don de ltar rnam par bzhag par 'gyur ro/ /yang na gong ma las zhes bya ba ni bsam gtan dang po las 'dod chags dang bral ba las ci yang med pa'i skye mched kyi bar las 'dod chags dang bral ba dag go /dgra bcom pa nyid ni dang po nyid du thob par mi nus zhes bya ba ni phyir mi 'ong ba'i 'bras bu ma thob par dang po kho nar dgra bcom pa nyid thob par ni mi nus so/ /ci'i phyir zhe na/ mthong ba'i lam gyis bsgom pas spang bar bya mi spong ba'i phyir zhes bya ba smos te/ gang gis na mthong ba'i lam gyis ngo bo nyid kyi skad cig ma bco lnga la gnas pa 'bras bu gsum pa la

  419. 210a

    ma zhugs pa'i sngon rol tu dgra bcom pa nyid kyi 'bras bu sngon du bya ba'i phyir zhugs par 'gyur zhing sems bcu drug pa skyes na phyir mi 'ong ba'i sngon rol tu dgra bcom par 'gyur ba/ srid pa'i rtse mo pa'i bsgom pas spang bar bya ba spangs pa ni med do/ /dgra bcom pa nyid ni srid pa'i rtse mo bsgom pas spang bar bya ba spangs pa la rnam par bzhag go /smras pa/ gal te mthong ba'i lam gyis srid pa'i rtse mo pa'i bsgom pas spang bar bya ba rnams spong ba med pa de'i phyir dgra bcom pa 'di thob par mi nus na/ 'o na ni dang po'i so so'i skye bo gnas skabs kho na na bsgom pa'i lam gyis srid pa'i rtse mo las 'dod chags dang bral ba'i phyir de dag la gnas pa dgra bcom pa nyid kyi 'bras bu mngon du bya ba'i phyir zhugs pa yin par 'gyur la/ sems kyi skad cig ma bcu drug pa la ni dang po dgra bcom pa nyid yin no zhe na/ de'i phyir sngar yang srid pa'i rtse mo las 'dod chags dang bral ba mi srid pa'i phyir ro zhes bya ba smos te/ sngon so so'i skye bo'i gnas skabs na ni 'jig rten pa'i lam gyis srid pa'i rtse mo las 'dod chags dang 'bral ba mi srid de/ gong nas med pa'i phyir ro/ /de lta bas na dang po nyid du dgra bcom pa nyid la zhugs pa dang dgra bcom par rnam par ma bzhag go /dad pa dang shes rab lhag pas mos pa dang mthong bas rab tu phye ba'i phyir ro/ /zhes bya ba ni dad pa lhag pas mos pa rab tu phye ba'i phyir dad pas mos pa ste/ dad pa lhag pas smos pa'i phyir ro/ /de la shes rab med pa ni ma yin mod kyi des rab tu ma phye bas de'i ming mi 'grub bo/ /shes rab lhag pas lta bas rab tu phye ba'i phyir mthong bas thob pa ste/ de la dad pa med pa ni ma yin med kyi zhes bya ba snga ma bzhin du brjod par bya'o/ /gzhan dag ni nges

  420. 210b

    pa'i tshig gi tshul dmigs nas rnam par 'chad par byed de/ dad pa'i dbang gis mthong bas spang bar bya ba dag las grol ba na dad pa'i dbang gis grol ba yin no/ /lta ba'i dbang gis 'bras bu thob pas na mthong bas thob pa yin no/ /zhes so rnam lnga'i bar bcom zhes bshad pa de'i phyir/ ci'i phyir zhes bya ba rgyas par 'dri bar byed do/ /'bras bu khyad par can gyi lam mi thob bo zhes bya ba ni bsgom pas spang bar bya ba'i rnam pa dang po la sogs pa'i gnyen po'i lam mi bsgom mo zhes bya ba'i tha tshig go /ji srid du khyad par du bya ba'i phyir 'bras bu gzhan thob par bya ba la mi brtson pa zhes bya ba ni ji srid du nyon mongs pa ma spangs pa spang ba'i phyir 'bras bu gzhan thob par bya ba'i ched du sbyor ba gzhan mi byed pa de srid du zhugs pa zhes mi bya'o/ /shugs kyis na gang gi tshe rab tu sbyor ba de'i tshe ni zhugs pa yin no zhes bshad par 'gyur te/ grub pa'i mdza' las de sngon nyon mongs pa spangs pa'i gnyen po sngar ma thob pa dang/ de'i spangs pa'i zag pa med pa yang skye'o zhes 'byung bas so/ /de bzhin du 'bras bu gzhan la yang sbyor bar bya'o zhes bya ba ni sems kyi skad cig ma bcu drug pa la rgyun tu zhugs pa kho na yin no zhes 'byung bas rgyun tu zhugs pa bshad zin to/ /de'i phyir lan cig phyir 'ong ba'i 'bras bu dang/ phyir ma 'ong ba'i 'bras bu la yang rig par bya ste/ 'jig rten pa'i lam gyis rnam pa drug spangs kyang sems bcu drug pa la lan cig phyir 'ong ba kho na'o zhes bya'i/ phyir mi 'ong ba'i 'bras bu la zhugs pa ni ma yin te/ gang gi phyir 'bras thob 'bras bu khyad par gyi lam thob med pas zhes 'byung ba'i phyir ro/ /de bzhin du 'dod pa 'am yang na gong ma las 'dod chags dang bral ba yang sems bcu drug pa la dgra bcom pa nyid kyi 'bras bu la zhugs pa zhes mi bya ste/ gang gi phyir 'bras thob 'bras bu khyad par gyi zhes bya

  421. 211a

    pa snga ma bzhin no/ /gang zhig bsam gtan gsum pa las 'dod chags dang 'bral la zhes bya ba byas par 'byung ba ni bsam gtan gsum pa las 'dod chags dang bral ba zhig sa 'og ma la brten te/ me lcogs pa med pa dang/ bsam gtan khyad par can nam/ bsam gtan dang po 'am/ gnyis pa la brten te nges par 'jug pa zhes bya ba ni sred pa yod do/ /de ni gdon mi za bar gang las bsam gtan gsum pas bsdus pa'i zag pa med pa'i bde ba'i dbang po thob par 'bras bu khyad par can gyi lam bsam gtan gsum pas bsdus pa mngon du byed do/ /'bras bu khyad par can gyi lam mngon du byed par 'gyur ba gang yin pa de ni srid pa yod de/ 'di ltar na 'dis bsam gtan gsum pa'i sa ba'i nyon mongs pa spangs pas so/ /de'i phyir gdon mi za bar 'bras bu khyad par can gyi lam mngon du byed do zhes bya bar nges par byed pa yin no/ /de lta ma yin na zhes bya ba ni gal te mngon du mi byed na zhes bya ba'i tha tshig go /de'i gong du skyes pa de zhes bya ba ni 'phags pa ste/ bsam gtan gsum pa de'i gong bsam gtan bzhi pa 'am/ gzugs med pa dag tu skyes pa bde ba'i dbang po dang mi ldan par 'gyur ro/ /zag pa dang bcas pa'i bde ba'i dbang po gang yin pa de ne sa 'phos nas btang ngo/ /zag pa med pa gang yin pa de yang gal te mngon sum du ma byas par gyur na bde ba'i dbang po gnyi ga dang yang mi ldan par 'gyur ba zhig na yang bde ba'i dbang po dang ni bsam gtan bzhi pa dang/ gzugs med par skyes pa'i so so'i skye bo mi ldan gyi 'phags pa ni ldan no zhes 'byung ba'i phyir dang/ gang zhig yid bde ba'i dbang po dang ldan pa de ni gdon mi za bar btang snyoms dang/ srog dang/ yid dang/ bde ba dang/ yid bde ba zhes bya ba lnga dang ldan no zhes bya ba

  422. 211b

    la sogs pa 'byung ba'i phyir gong du skyes pa'i 'phags pa yang gdon mi za bar bde ba'i dbang po dang yang ldan par bshad do/ /'dir smras pa/ phyogs 'di ni rnam par bshad pa'i nang du bris pa yod mod kyi/ de ni gzhag pa'i phyogs ma yin par mngon te/ gzhan dag na re ni zhes 'byung ba'i phyir ro/ /bsam gtan bzhi pa thob pa gang zhig sa drug las gang yang rung ba zhig la rten te nges par 'jig pa de ni sems bcu drug pa la phyir mi 'ong ba'i 'bras bu mi lcags pa med pa'i sa pa nas bsam gtan bzhi pa'i bar sa drug pa dang ldan pa yin te/ de ltar 'dod chags dang bral ba'i phyir ro/ /gang zhig bsam gtan gsum pa thob pa don bsam gtan bzhi pa'i sa pa ma gtogs pa sa lnga pa dang ldan no/ /bsam gtan gnyis pa thob la gsum pa thob pa de ni gsum pa dang/ bzhi pa'i sa pa ma gtogs pa bzhi pa dang ldan no/ /'dod chags dang bral bsam gtan dang po thob pa la gnyis pa ma thob pa gang yin pa de ni gal te phyir mi 'ong ba'i 'bras bu thob na de'i phyir mi 'ong ba'i 'bras bu mi lcogs pa med pa dang/ bsam gtan khyad par can dang/ bsam gtan dang po'i sa pa ste/ sa gsum dang ldan no/ /phyir mi 'ong ba thams cad kyi tha shal pa yang gdon mi za bar de ltar phyir mi 'ong ba'i 'bras bu sa gsum pa dang ldan no zhes brjod do/ /de lta bas na slob dpon gyis gzhan gyi phyogs la ltos pas de skad du bshad pas rigs pa yin no/ /re shig phal cher las dang 'dod pa las 'dod chags dang bral ba rnams kyi zhes bya ba ni phal cher las 'dod chags dang bral ba rnams dang/ 'dod pa la 'dod chags bral ba rnams kyi ste/ de la phal cher las 'dod chags dang bral ba ni gang gis sngar rnam pa bdun ma brgyad spangs pa yin no/ /gang gis

  423. 212a

    sngar rnam pa dgu spangs pa de ni 'dod pa las 'dod chags dang bral ba yin no/ /phal cher las 'dod chags dang bral ba rnams kyi gang zag rnam par gzhag pa ni gnyis pa la/ dgu pa tshun chad zad pa yin zhes 'gyur ba'i phyir ro/ /'dod pa las 'dod chags dang bral ba rnams kyi ni/ 'dod pa 'am yang na gong ma las chags bral zhes 'byung ba'i phyir ro/ /ji ltar 'dod pa'i khams kyi zhes bya ba ni/ rnam lnga'i bar bcom gnyis pa la/ /dgu pa tshun chad zad pa yin/ /'dod pa 'am yang na gong ma las/ /chags bral zhes 'byung ba'i 'dod pa'i khams kyi nyon mongs pa rnam pa dgu pa bstan pa bstan pa ltar ro/ /gso las zhes bya ba ni bgo ba las so/ /'di ni dpe'i rnam pa yin no zhes bya ba ni de pa'i tshul yin no// gzhan dag na re dpe'i rnam pa zhes bya ba ni dpe'i rnam pa yin no zhes zer te/ de ltar tshul 'dis sam rnam pa 'dis dpe gzhan yang brjod par bya'o zhes ston par byed do/ /de lta ma yin na 'di ni dpe yin no zhes de skad du brjod par 'gyur ro 'khor ba thog ma med pa zhes bya ba ni 'khor ba thog ma med pa na te/ brgyud pas spel ba ni mngon par spel ba'o/ /de dag la bdag nyid kyis tshad chen po yod pas na chen po'o/ /nyon mongs pa de rnams thob pa gcad pa'i sgo nas rtsa ba nas med par byed pa'i phyir ro/ /thob pa rnams ni rtsa ba dang chos mthun pa yin te/ de las nyon mongs pa rnams rgyun chags pa'i phyir ro/ /sman tri bring thun gcig gis 'byin pa lta bu zhes bya ba ni/ dper na sman tri bring stang la bcal ba'i zho gcig gis rlung las gyur pa dang/ mkhris pa las gyur pa la sogs pa yun ring po nas bsags pa'i skyon rnams sel ba de bzhin du 'phags pa'i lam chung ngus kyang nyon mongs pa rnams de dang 'dra'o/ /yang dper na mar me skad

  424. 212b

    cig ma chung ngus mun pa tshan po 'joms pa ltar nyon mongs pa rnams kyang de dang 'dra'o/ /de mchog tu thogs na srid pa lan bdun zhes bya ba ni de rab tu thogs na srid pa lan bdun du zad kyi phan chad ni ma yin no zhes bya ba'i tha tshig go /de nas der 'gro ba'i phyir ro zhes bya ba ni lam de las mya ngan las 'das par 'gro ba'i phyir ro zhes bya ba'i don te/ 'jig rten na yang rgyun gyi nang nas 'gro ba'i phyir ro/ gal te lam dang po thob pa'i phyir ro zhes na zhes bya ba la/ zag pa med pa'i lam dang po ni mthong ba'i lam yin te/ gal te de thob pa'i phyir ro zhe na/ brgyad pa yang rgyun tu zhugs pa yin par 'gyur te/ rgyun tu zhugs pa'i 'bras bu la zhugs pa yang yin par 'gyur ro zhes bya ba'i tha tshig go /'di ltar dgra bcom pa nas bzung ste/ lugs las bzlog pa'i rims kyis bgrang na dgra bcom pa dang/ dgra bcom pa la zhugs pa la sogs pa skyes bu gang zag brgyad kyi nang na rgyun tu zhugs pa'i 'bras bu la 'jug pa dad pas rjes su 'brang ba dang/ chos kyis rjes su 'brang ba brgyad pa yin te/ nges kyang lam dang po thob pa'i phyir de yang rgyun tu zhugs pa yin par 'gyur ro/ /gal te 'bras bu dang po thob pa'i phyir ro zhe na zhes bya ba 'on te 'bras bu dang po thob pa'i phyir rgyun tu zhugs pa'o zhes bya bar 'dod na ni phal cher las 'dod chags dang bral bar yang yin par 'gyur te/ nyon mongs pa rnam pa drug spangs pa la gnas pa gang zhig skad cig ma bcu drug pa la lan cig phyir 'ong ba yin pa de yang rgyun tu zhugs pa yin par 'gyur te/ des kyang mngon ma thob pa'i 'bras bu thob pa'i phyir ro/ /de bzhin du 'dod pa las 'dod chags dang bral ba yang yin par 'gyur te/ de'i 'bras bu de ni dbang po yin pas so/ /da ni lan

  425. 213a

    brjod par bya ste/ 'bras bu thams cad 'thob pa'i dbang du byas nas 'bras bu dang po 'thob pa'i phyir ro/ /zhes bya ba smos so/ /'bras bu thams cad ces bya ba ni rgyun tu zhugs pa'i 'bras bu la sogs pa bzhi'o/ /'di ni de dag 'thob pa'i ngang tshul can yin pas 'bras bu 'thob pa 'am 'di la 'bras bu thams cad 'thob pa yod pas na 'bras bu thams cad 'thob pa'o/ /de'i dbang du byas nas de la bsams nas/ 'bras bu dang po 'thob pa'i phyir te/ sngon ma thob pa'i 'bras bu 'thob pa'i phyir rgyun tu zhugs pa zhes bya'o/ /ci'i phyir zhes bya ba rgyas par 'byung ba ni/ ci'i phyir de kho na la rgyun tu zhugs pa zhes bya'i/ brgyad pa ni ma yin te/ de yang 'phags pa'i lam gyi rgyun la ni zhugs so zhe na/ zhugs pa dang 'bras bu'i lam thob pa'i phyir ro zhes bya ba rgyas par smos te/ 'di ltar 'bras bu thams cad 'thob pa des ni zhugs pa'i lam skad cig ma bco lnga'i ngo bo nyid kyang thob la/ bsgom pa'i lam skad cig ma bcu drug gi mtshan nyid kyang thob kyi/ brgyad pas ni zhugs pa'i lam kho na zad pas so/ /mthong ba dang bsgom pa'i lam thob pa 'di'i phyir yang ste/ 'di ltar des ni mthong ba'i lam de kho na dang/ bsgom pa'i lam de kho na yang thob kyi brgyad pas ni mthong ba'i lam kho na thob pas so/ /lam la rjes su shes pas rgyun thams cad mngon par rtogs pa'i bag yang phyir te/ 'di ltar 'dis ni lam la rjes su shes pa'i bzod pa'i mtshan nyid kyang mthong bas rgyun thams cad mngon par rtogs pa yin gyi brgyad pas ni ma yin no/ /de lta bas na rgyu de dag gis na 'bras bu thams cad thob pa kho na la rgyun tu zhugs pa zhes bya'i/ brgyad pa la ni ma yin no/ /mchog tu gyur pa'i phyir de skad ces brjod de/ dper na 'jig rten na yang gang zhig mchog tu gsal bar byed pa de la nyi ma zhes bya'i/ srin bu me khyer la ni ma yin

  426. 213b

    pa de dang 'dra'o/ /de las gzhan pa zhes bya ba ni de'i tshe srid pa de las gzhan pa'o/ /gnas bdun la mkhas pa zhes bya ba dang/ 'dab ma bdun pa bya ba bzhin no zhes bya ba ni dper na bdun tshan du mthun pa'i phyir mdo las dge slong gnas bdun la mkhas pa zhes bshad pa lta bu'o/ /ji lta zhe na rgyas par bshad nas bka' stsal pa/ dge slong dag ji ltar na dge slong gnas la mkhas pa yin zhe na/ gzugs yang dag pa ji lta ba bzhin rab tu shes so/ /gzugs kun 'byung ba dang/ gzugs 'gog ba dang/ gzugs 'gog par 'gro ba'i lam dang/ gzugs kyi ro myang ba dang/ gzugs kyi nyes dmigs dang/ nges par 'byung ba yang dag pa ji lta ba bzhin rab tu shes so/ /de bzhin du tshor ba dang/ 'du shes dang/ 'du byed rnams dang/ rnam par shes pa yang dag pa ji lta ba bzhin rab tu shes so zhes bya ba nas rnam par shes pa kun 'byung ba zhes bya ba rgyas par nges par 'byung ba yang dag pa ji lta ba bzhin rab tu shes so zhes bya ba'i bar du 'byung ngo/ /de ltar na tshul 'dis bdun tshan lnga ni sum cu rtsa lnga yin pas sum cu rtsa lnga la mkhas pa yin no/ /lo ma bdun pa zhes bya ba dang yang 'dra ste/ dper na lo ma re re la 'dab ma bdun yod par 'dra ba'i phyir/ 'dab ma brgya phrag du ma zhig yod kyang shing de la lo ma bdun pa zhes bya ba de dang 'dra'o/ /dpe gnyis nye bar bkod pa'i bgos pa ni dpe dang po ni gsung rab la grub pa yin la/ gnyis pa ni 'jig rten na grags pas pos/ gal te bdun tshan mthun pa'i phyir de ltar thogs na srid pa lan bdun pa yin no zhes 'chad na/ 'o na gang mdo las gsungs pa de dang 'gal te/ de'i phyir bshad pa 'di ni ngan to snyam du bsams pa yin no/ /'gro ba gcig tu srid pa brgyad pa mngon par mi 'grub kyi/ 'gro ba gzhan du ni mngon par 'grub par 'gyur bas 'gal ba med do/ /'on te lha rnams dang mi'i nang du lan bdun 'khor zhing song

  427. 214a

    nas sdug bsngal gyi mthar byed do/ /zhes 'byung ba sgra ji bzhin du brtag na ni lha dang mi zhes 'byung ba'i phyir srid pa bar ma yang yod par mi 'gyur ba zhig na/ lha dang mi'i 'gro ba dag tu srid pa bdun mngon par 'grub kyi/ srid pa bar ma rnams ni ma bgrangs so zhes bya bar yang 'dod do/ /gal te srid pa bar ma rnams dang bcas te srid pa bdun du bgrang? bar gyur na ni de'i skye ba bzhi kho nar 'gyur ro/ /de ltar na mi 'dod par 'gyur ba'i tshig 'dis ni bdag nyid kyi rnam par bshad pa 'gro ba gcig tu dgongs pa yin no zhes bya ba de gzhung 'jugs par byed do/ /cig shos kyis de ltar yang srid pa'i rtse mo'i bar du gong du 'pho ba zhes bya ba rgyas par smras te/ gal te 'gro ba gcig tu srid pa brgyad pa mngon par mi 'grub pa'i phyir ro/ zhes rnam par 'chad par byed na/ 'o na ji ltar gong du 'pho ba 'gro ba gcig tu srid pa brgyad mngon par 'grub par 'gyur/ de 'phar phyed 'phar thams cad du/ /'chi 'pho gzhan srid rtse mor 'gro/ zhes 'byung ba'i phyir 'og min gyi bar du gong du 'pho ba la yang srid pa brgyad pa mngon par 'grub pa srid na/ ci'i phyir srid pa'i rtse mo'i bar du zhes bya ba khyad par du smos zhe na/ de yang brjod par bya ba ni yin mod kyi bsam pa ni srid pa'i mchog brjod par 'dod nas srid pa'i rtse mo'i bar du gong du 'pho ba smos pa yin no zhes bya bar mngon no/ /'dod pa'i khams las dgongs te gsungs pa'i phyir nyes pa med do zhes bya ba ni 'gro ba gcig po mi'i 'gro ba 'am lha'i 'gro ba gang yin pa der phrid pa brgyad pa mngon par mi 'grub kyi gzugs dang gzugs med pa'i khams dag tu ni ma yin no/ /de ni 'dod pa'i khams las dgongs te gsungs so zhes bya ba ni 'di la shes par byed pa mdo 'am rig pa ci zhig yod ces

  428. 214b

    bya ba la mdo ni lung ngo/ /rigs pa ni don rjes su dpog pa'o/ /gang gis 'di la shes par byed pa mdo 'am rigs pa ci zhig yod ces gleng ba de nyid kyi yang lha dang mi dag gi nang du so sor zhes bya ba rgyas par smos te/ lha dang mi dag gi nang na so sor lan bdun du 'khor te lha dang mi gnyi ga'i nang du ni ma yin no zhes bya ba la yang shes par byed pa ci zhig yod/ 'di skad du gang zhig mi rnams kyi nang du bden pa mthong ba ni lha rnams kyi nang du lan gsum du 'khor la mi rnams kyi nang du yang lan gsum kho na 'khor nas lha rnams kyi nang du 'ongs te yongs su mya ngan las 'da' o/ /gang zhig lha rnams kyi nang du bden pa mthong ba de yang de kho na na bzhin du mi rnams kyi nang du lan gsum 'khor la/ lha rnams kyi nang du yang lan gsum kho na 'khor nas de nas mi rnams kyi nang du 'ongs te/ yongs su mya ngan las 'da' o zhes smras pa yin no/ /'di skad du lha rnams dang mi rnams kyi nang du lan bdun zhes 'byung ngo zhes bya ba ni spyi'i ngo bor 'byung gi khyad par du byas nas so sor zhes ni mi 'byung ngo zhes bya ba'i tha tshig go /de ltar bye brag tu smra ba'i phyogs the tshom dang bcas pa'i gnas skabs su byas pa dang/ slob dpon gyis gzhung gzugs pa'i phyir mdo srung ba rnams zhes bya ba rgyas par smos te/ 'od srung ba rnams zhes bya ba ni sde pa gzhan dag go /de dag ni 'di skad du lha rnams su lan bdun mi rnams su lan bdun zhes 'don te/ de ltar na so so zhes bya bar don du 'gyur ro/ /de lta bas na 'dis ni de ni 'dod pa'i khams las dgongs te gsungs so zhes bya ba 'di la shes par byed pa mdo 'am rigs ci zhig yod ces bkang smras pa dang/ lha dang mi dag gi nang du so sor lan bdun skye'i/ gnyi ga'i nang du lan bdun ma yin pa nyid do zhes bya ba 'di la yang shes par byed pa ci zhig ces

  429. 215a

    smras pa gnyi ga'i lan yang btab pa yin te/ so sor yin pa'i don smos pa kho nas 'dod pa'i khams la dgongs par yang bstan pa yin te/ gzugs dang gzugs med pa'i khams dag tu lha dang mi rnams kyi nang du lan bdun 'khor bar rung ba ma yin te/ der skyes pa'i phyir mi 'ong ba rnams mi'i nang du mo 'ong ba'i phyir ro/ /rigs pa yang de nyid kyi phyir khong du chud par byed de/ gang du re ltar thogs na srid pa lan bdun par bshad pa'i sa de kho nar srid pa brgyad pa bkag par zad kyi gzhan du ni ma yin no/ /de bas na 'di la yang shes par byed pa ci zhig yod ces 'di la mngon par zhen par mi bya'o/ /de 'dra ste/ zhes bya ba ni gang gis na dus de srid kyis gdon mi za bar rgyud yongs su smin pa'i phyir srid pa brgyad mngon par mi 'grub pa de lta bu yin no/ /sgrul gom pa bdun pas zin pa lta bu zhes bya ba ni dper na sbrul gom pa bdun pa zhes bya ba des zin na gom pa bdun por nas 'chi'i phan chad du yang ma yin la tshun chad du yang ma yin te/ dug gi rims de de lta bu yin pa dang/ rims nyin bzhi pa bzhin te/ dper na rims nyin bzhi pa ni nyi ma bzhi zhing 'debs kyi phan chad kyang ma yin la tshun chad kyang ma yin te/ nad kyi rigs de lta bu yin pa dang 'dra'o/ /tha ma'i cha dang mthun pa gnyis zhes bya ba ni 'dod pa la 'dun pa dang/ gnod sems dag ste/ 'dod pa las 'dod chags dang ma bral ba'i phyir de gnyis yod do/ /gong ma'i cha dang mthun pa lnga zhes bya ba ni gzugs dang gtsugs med pa las skyes pa'i 'dod chags gnyis dang/ rgod pa dang nga rgyal dang/ gti mug go /de'i phyir tshul chad du yang mya ngan las 'das pa mi 'thob la srid pa brgyad pa yang mngon par 'grub par mi 'gyur ro//

  430. 215b

    slob dpon 'dul bzangs na re kun tu sbyor ba bdun lus pa'i phyir ro zhes bya ba de ni gtan tshigs su mi rung ste/ gong ma'i cha dang/ mthun pa rnams ni sa gong ma pa yin pa'i phyir 'dod pa'i khams su skye ba 'grub par byed mi nus so zhes zer ro/ /gtan tshig de smra ba na re yang de dag sa gong ma yin mod kyi de dag gi thob pa'i mthus srid pa de snyed cig mngon par 'grub par 'gyur te/ de dag ni lung du ma bstan pa'i phyir gong mar yang rnam par smin pa'i rgyu nyid du ni rnam par yi gzhag go zhes zer ro/ /bar skabs su zhes bya ba ni bar du ste tshun chad du zhes bya ba'i tha tshig go /chos nyid kyis thob pa zhes bya ba ni mi slob pa'i lam gyi mthus thob pa zhes bya ba'i don te/ yang dge slong gi rtags dang sbyor bar byed pa de ni de'i rang bzhin no/ /log par ltung ba'i chos can ma yin pa zhes bya ba ni med las rgyun tu zhugs pa yin te/ log par ltung ba'i chos can ma yin pa dang/ rdzogs pa'i byang chub tu nges par gzhol ba yin re ltar thogs na srid pa lan bdun pa yin te/ lha rnams dang mi rnams kyi nang du lan bdun 'khor zhing song nas sdug bsngal gyi mthar byed do zhes 'byung ngo/ /ci'i phyir de lta bu yin zhe na/ der 'gro ba'i las mi sogs pa'i phyir zhes bya ba smos te/ log par ltung ba ni ngan song ste/ dmyal ba la sogs pa'o/ /der 'gro bar 'gyur bas na der 'gro ba ste/ der 'gro ba nyid der 'gro ba yin no/ /ci'i zhe na las te/ 'phags pa'i gnas skabs na de mi sogs pa'i phyir dang bsags pa yang rgyud rnam par smin pa dang mi mthun par byas pa'i phyir te/ so so'i skye bo'i gnas skabs na der 'gro ba'i las myong bar 'gyur ba ma nges pa bsags pa yang rgyud rnam par smin pa dang mi mthun par byas pa'i phyir log par ltung ba'i chos can ma yin no

  431. 216a

    zhes bya'o/ /de'i phung po'i rgyud de der 'gro ba'i las bsags pa'i rnam par smin pa dang mi mthun par gnas pa de lta bur yongs su gyur pa yin no/ /yang ci'i phyir phung po'i rgyud de der 'gro ba'i las bsags pa rnam par smin pa dang mi mthun par gnas pa yin zhe na/ de'i phyir dge ba'i rtsa ba stobs dang ldan pas bsgos pa'i phyir zhes bya ba smos te/ 'di ltar phung po'i rgyud de ni dge ba'i rtsa ba stobs dang ldan par mas kyi bsgos shing bsgos pa yin no/ /dge ba'i rtsa ba stobs dang ldan pas kyang ji ltar bsgos zhe na/ sbyor ba dang bsams pa dag pa'i sgo nas zhes bya ba smos te/ sbyor ba dag pa dang/ bsam pa dag pa'i sgo nas so/ /de la sbyor ba dag pa ni 'phags pa dgyes pa'i tshul khrims so/ /bsam pa dag pa ni sangs rgyas la sogs pa la dad pa mi phyed pa'o/ /skad cig kyang skyed par mi 'gyur ro zhes bya ba ni skad cig kyang sems skyed par mi 'gyur na lta ci smos snyam du bsams pa yin no/ /yang na ngan song du nges pa'i las yod na ni gang zag des nges par 'byed pa'i cha dang mthun pa'i mtshan nyid kyi bzod pas yang skyed par mi 'gyur na zag pa med pa'i lam lta ci zhig smos so shes bya ba yin no/ /ji ltar dge ba'i rtsa ba stobs dang ldan pa dgos pa'i mi dge ba bsags pa rnam par smin pa dang mi mthun par 'gyur ba de tshigs su bcad pas bstan pa'i phyir/ mi mkhas pas ni sdig pa chung ngu? byas kyang zhes bya ba thams cad smos so/ /mi mkhas pas ni sdig pa chung ngu byas kyang 'og tu ste ngan song du 'gro'o/ /mkhas pas ni sdig pa chen po byas kyang gnod pa ste/ ngan song rab tu spong bar 'gyur ro/ /don 'di gnyis go rims

  432. 216b

    bzhin du dpe gnyis kyis sgrub par byed de/ lcags kyi gang bu ste thu lum gyi ngo bo chung ngu yang bcos legs ma byas pa'i phyir chu'i gting du 'byung bar 'gyur la/ lcags de nyid gnod du byas na che yang bcos legs byas pa'i yon tan gyis chu'i steng du 'phyo zhing 'bying bar mi 'gyur ro/ /de bzhin du mi mkhas pa ni yon tan rnams kyis snod du ma byas pa'i phyir 'bying bar 'gyur gyi/ mkhas pas ni ma yin te/ yon tan dag gi snod du byas pa'i phyir ro/ /gang phan chad sdug bsngal med pa zhes bya ba ni srid pa gzhan gyis bsdus pa'o/ /sdug bsngal gyi mdza' ni sdug bsngal gyi 'jug ces bya ba'i tha tshig go /gzhan yang 'chi ba'i tshe sdug bsngal gyi mdza' yod mod kyi sdug bsngal de ni nying mtshams sbyor ba dang bcas pa yin pas de'i phyir sdug bsngal gyi nying mtshams mi sbyor bar byed ces bya ba'i tha tshig go /ces bya ba smos so/ /mya ngan las 'das pa ci ltar byed ces bya ba ni rtag pa'i phyir bya bar mi rung ngo snyam du bsams pa yin no/ /de thob pa'i gegs bsal ba'i phyir zhes bya ba ni mya ngan las 'das pa 'thob pa'i 'gags bsal ba'i phyir ro/ /de 'thob pa'i gags ni nyon mongs pa 'am phung po yin no/ /de bsal ba'i phyir mya ngan las 'das pa byed do/ /dper na nam mkha' ni khang pa'i gnas na mi mngon te/ de ni de'i gags yin pas so/ /de bsal ba'i phyir rtag kyang nam mkha' byed do zhes bya ba yin no/ /de'i phyir dper na smra ba po mdun khang rtib la nam mkha' gyis zhes 'dzer ba lta bu yin no zhes bya ba smos so/ /gzhan yang zhes bya ba ni so so'i skye bo rgyud yongs su smin pa'o/ /ma nges pas zhes bya ba ni gal te na 'di nyid dam srid pa bar ma la sogs par yongs su mya ngan las 'das par 'gyur ba de'i phyir ma brjod do/ /tshe gnyis gsum zhes bya ba ni 'di la tshe gnyis sam gsum

  433. 217a

    yod pas na tshe gnyis gsum mo/ /tshigs su bcad pa'i nang du ni gnyis shig smos zhes bya ba ni nyon mongs pa spangs pa dang tshe dag go /ci'i phyir zhe na/ mthar gyis pa'i rgyun tu zhugs pa mthong bas spang bar bya ba rnams spangs nas phyis bsgom pas spang bar bya ba'i nyon mongs pa rnams las rnam pa gcig nas bzhi'i bar spong bar byed na de'i gnyen po ste/ rnam pa gcig dang gnyis dang gsum la sogs pa'i gnyen po'o/ /zag pa med pa'i dbang po 'thob pa ni ma smos kyang 'grub pa'i phyir de tshigs su bcad pa las ma smos so/ /gnyen po med par ni nyon mongs pa'i rnam pa spangs pa med de/ 'phags pa na ni 'jig rten pa'i lam gyis nyon mongs pa'i rnam pa spangs na yang de'i gnyen po zag pa med pa'i dbang po 'thob par 'gyur ro/ /skye ba ni gal te na ches nyung bar yang 'gyur bas shes bya ba ni gal te 'di nyid du 'am srid pa bar ma 'am skyes nas yongs su mya ngan las 'da' bar 'gyur na'o/ /gong ma'i skal pa dang ldan pa'i phyir te/ rgyun tu zhugs pa'i 'bras bu'i gong ma lan cig phyir 'ong ba nyid nas dgra bcom pa nyid kyi bar gyi skal pa dang ldan pa'i phyir ro/ /de'i phyir 'di'i tshe ni/ tshe gnyis gsum du rigs nas rigs zhes nges par bya ba'i phyir smos pa yin no/ /'dir 'di dpyad par bya ste/ gang zhig rnam pa gcig gam gnyis las grol ba de ci zhig yin zhe na/ kha cig na re rigs nas rigs su skye ba yin te/ rnam pa gsum dang bzhi las grol ba smos pa ni/ dper na brjod pa'i phyir ram/ de phan chad du ni ma yin no zhes tshang du bya ba'i phyir ro zhes zer ro// /bam po bzhi bcu rtsa brgyad pa/ /gzhan dag na re rnam pa gcig gam gnyis las grol ba ni tshe lnga 'am drug pa

  434. 217b

    yin te/ rnam pa gsum bzhi las grol ba/ zhes khyad par smos pa'i phyir ro zhes zer te/ 'di ni bshad par byed pa rnams kyis ma dpyad pas 'di dpyad dgos pa yin no/ /ci'i phyir rnam pa lnga spangs pa'i phyir ma yin zhe na zhes bya ba ni ci yin zhe na/ rigs nas rigs su skye bar 'gyur ba zhes bya ba'i skabs yin no/ /de spangs na zhes bya ba rgyas par 'byung ba ni rnam pa lnga spangs na rnam pa drug pa yang gdon mi za bar spong ba'i phyir ro/ /ci'i phyir zhe na/ smras pa/ de'i rnam pa drug pa gcig gis ni lan cig phyir 'ong ba'i 'bras bu la bgegs bya bar mi nus so/ /bar chad gcig pa'i bzhin du zhes bya ba 'di ni bzlog pa'i dpe yin te/ ji ltar bar ched gcig pa'i rnam pa dgu pa gcig gis phyir mi 'ong ba'i 'bras bu la bgegs bya bar nus pa de ltar rgyun tu zhugs pa 'di'i rnam pa drug pas ni lan cig phyir 'ong ba'i 'bras bu la bgegs bya bar mi nus so/ /ci'i phyir zhe na/ khams las mi 'da' ba' i phyir ro zhes bya ba smos so/ /bar chad gcig pa ni 'dod pa'i khams las 'da' bas de'i phyir 'di rnam pa dgu pa gcig gis kyang 'bras bu la bgegs bya bar nus te/ khams las 'da' ba ni dka' ba'i phyir ro/ /lan cig phyir 'ong ba ni khams las mi 'da' bas de'i nyon mongs pa rnam pa drug pa gcig gis 'bras bu la bgegs bya bar mi nus so/ /lha'i ris de 'am gzhan du zhes bya ba ni 'di lta ste/ sum cu rtsa gsum pa dag gi nang du bden pa rnams mthong nas rigs gnyis sam gsum du 'khor te/ sum cu rtsa gsum pa de nyid kyi nang du yongs su mya ngan las 'da' ba 'am gzhan rgyal chen ris bzhi pa 'am/ 'thab bral ba rnams kyi nang du yongs su mya ngan las 'da' ba lta bu ste/ de bzhin du gzhan dag la yang sbyar bar bya'o/ /'dod chags dang zhe sdang gti mug rnams bsrabs pa'i phyir zhes 'byung ba zhes bya ba ni mdo sde las so/ /ji skad du zhe na/ kun tu sbyor ba gsum spangs

  435. 218a

    pa'i phyir dang/ 'dod chags dang zhe sdang dang gti mug rnams bsrabs pa'i phyir lan cig phyir 'ong ba zhes 'byung ba'i phyir ro/ /chung ngu'i rnam pa lus pa'i phyir ro zhes bya ba ni chung ngu'i chen po dang/ chung ngu'i 'bring dang/ chung ngu'i chung ngu zhes bya ba de tsam zhig lus pa'i phyir ro/ /nyes cha bdun nam brgyad zad pa/ zhes bya ba la/ nyes cha ni nyes pa'i cha shas te/ rnam pa bdun dang brgyad kyi mtshan nyid yin no/ /'dir yang dbang po las ni zhes bya ba rgyu gsum pa mdor ma byas pas de kho na bzhin du bshad par bya'o/ /ji ltar na 'di'i zhes bya ba rgyas par 'byung ba ni ji ltar na 'di'i rnam pa dgu pa gcig gis 'bras bu la bgegs bya bar nus kyi/ rigs nas rigs su skye bu'i rnam pa gcig gis ni 'bras bu la bgegs bya bar mi nus zhe na/ smras pa/ khams las 'da' ba' i phyir ro/ /'di ltar 'di ni rnam pa dgu pa spangs na 'dod pa'i khams las yang dag par 'da' bar 'gyur bar der yang mi skye la/ rnam pa dgu pa de yang las dang lhan cig tu der skyes nas myong bar 'gyur ba yin te/ de'i phyir de'i rnam par smin pa dang rgyu mthun pa'i 'bras bu'i sa las 'da' bas 'bras bu la bgegs byed par nus pa yin no/ /gong du las rnams ni gnas skabs gsum du bgegs bya ba'i phyir nye bar gnas so zhes bshad zin to zhes bya ba ni/ bzod dang phyir mi 'ong dgra bcom/ /'thob la las bgegs shin tu byed/ /ces bya ba yin no/ /'dir nyon mongs pa dag dang sbyor ba yin te/ de nyid kyi phyir las rnams ji ltar nyon mongs pa rnams kyang de dang 'dra'o/ /zhes bya ba la sogs pa smos so/ /de'i mya ngan las 'das pa la tshe gcig gis chod pa'i phyir ram zhes bya ba ni rnam pa bdun dang brgyad zad pa'i lan cig phyir 'ong ba'i mya ngan las 'das pa la tshig gi tshod pa'i phyir ram/ 'di'i phyir mi 'ong ba'i 'bras bu la nyon mongs pa'i rnam pa gcig gis

  436. 218b

    chod pas na bar chad gcig pa yin no/ /de srid du rigs su skye ba 'am bar chad gcig pa ma yin zhes bya ba ni mngon 'jig rten pa'i lam gyis rnam pa gsum dang bzhi las grol yang/ re zhig rigs nas rigs su skye ba ma yin la/ rnam pa bdun dang brgyad zad kyang re zhig bar chad gcig pa ma yin te/ de dag gi gnyen po zag pa med pa'i dbang po thob pa med pa'i phyir ro/ /de nyid kyi phyir/ ji srid du 'bras bu khyad par can gyi lam mngon du ma byas pa zhes bya ba smos te/ de dag gi gnyen po 'am de dag gi gong ma'i gnyen po 'bras bu khyad par can mngon du byas na/ de'i tshe zag pa med pa'i dbang po 'thob pa'i phyir rigs nas rigs su skye ba 'am/ bar chad gcig pa yin no zhes shugs kyis bshad par 'gyur ro/ /kun tu sbyor ba tha ma'i cha dang mthun pa lnga zhes bya bar rgyas par 'byung ba ni mdo sde las/ kun tu sbyor ba tha ma'i cha dang mthun pa lnga spangs pa'i phyir phyir mi 'ong ba zhes bya'o zhes 'byung ba ni spangs pa bsdoms pa'i phyir te/ 'jig tshogs la lta ba la sogs pa spangs pa gcig nyid du rnam par bzhag pa'i phyir ro/ /sngon gnyis sam gsum spangs pa yin no zhes bya ba ni gal te re zhig 'dod pa la 'dod chags dang bral ba zhig nges pa la 'jug na sngon 'jig rten pa'i lam gyis 'dod pa'i 'dun pa dang/ gnod sems dang gnyis spangs pa yin te/ 'jig tshogs la lta ba la sogs pa yongs su gtugs te ma spangs pa'i phyir ro/ /'on te mthar gyis pa zhig yin na ni mngon sum spangs pa yin no/ /gang gis zhe na/ mthong ba'i lam gyis te/ 'jig tshogs la lta ba dang tshul khrims dang brtul zhugs mchog tu 'dzin pa dang the tshom mo/ /de lta bas na bsdoms pa lnga spangs pa'i phyir zhes bya ba yin no/ /de ni bar skyes 'du byed dang/ /'du byed med yongs mya ngan 'da' / /zhes bya ba la/ de ni zhes bya ba ni phyir mi 'ong ba'o/ /'du byed par ma do dang/ skyes gnas dang/ 'du byed pa dang/ 'du

  437. 219a

    byed pa med par yongs su mya ngan las 'da' ba yod pas na/ bar skyes 'du byed dang/ 'du byed med yongs su mya ngan 'da' / /zhes bya ba yin no/ /phyir mi 'ong ba de nyid rnam pa lnga yin te zhes bya ba ni bar ma dor yongs su mya ngan las 'da' ba dang/ skyes nas yongs su mya ngan las 'da' ba dang/ mngon par 'du byed pa dang bcas pas yongs su mya ngan las 'da' ba dang/ mngon par 'du byed pa med par yongs su mya ngan las 'da' ba dang/ gong du 'pho ba dang zhes ston par byed pa yin no/ /phung po'i lhag ma dang bcas pa'i yongs su mya ngan las 'da' bas zhes bya ba ni mya ngan las 'da' ba rnam pa gnyis yod pas phung po'i lhag ma dang bcas pa'i mya ngan las 'da' bas yongs su mya ngan las 'da' o zhes khyad par du byed pa yin te/ zag pa thams cad zad par byed do zhes bya ba'i tha tshig go /mngon par brtson pa dang/ lam dang gis 'byung ba nyid kyi phyir ro zhes bya ba la mngon par brtson pa ni brtson 'grus dang ldan pa ste/ brtson 'grus brtsams pa zhes bya ba'i tha tshig go /'di la lam dang gi 'byung ba yod pas na lam dang gi 'byung ba'o/ /ji ltar lam dang gis 'byung ba yin zhe na/ mngon par 'du byed pa med par mngon du 'gyur ba'i phyir ro/ /'di ni mngon par brtson pa yang yin la lam dang gis 'byung ba yang yin pas mngon par brtson pa dang lam dang gis 'byung ba'o/ /de'i ngo bo ste/ de'i phyir skyes pa tsam las mi 'chi bar yongs su mya ngan las 'da' o/ /de yang phung po'i lhag ma med pas so zhes bya ba ni gzhan dag na re bar ma dor yongs su mya ngan las 'da' ba 'ba' zhig dgra bcom pa nyid thob nas tshe yongs su ma rdzogs par phung po'i lhag ma med pa'i mya ngan las 'da' bas yongs su mya ngan las 'da' bar ma zad kyi/ phyas skyes nas yongs su mya ngan

  438. 219b

    las 'da' ba yang de dang 'dra'o zhes zer ro/ /ma yin te tshe 'dor ba la dbang med pa'i phyir ro zhes bya ba ni de yang phung po'i lhag ma med pas so zhes bya ba de ni de lta ma yin no/ /ci'i phyir zhe na/ tshe 'dor ba la dbang med pa'i phyir te/ de ni tshe dor bar bya ba la dbang med pa'i phyir ro/ /yang ci'i phyir 'di de la dbang med ce na/ 'di ltar rab kyi mdza' pa'i bsam gtan bzhi pa thob pa ni tshe 'dor ba la dbang la rab kyi mdza' ba'i bsam gtan de yang gling gsum dag tu mi rnams kyi nang du skyed par byed na de ni gzugs kyi nang du skyes pas so/ /bar ma dor yongs su mya ngan las 'da' ba tshe 'dor ba la dbang ngam ce na/ gang gi phyir 'di go 'di ltar phung po'i lhag ma med pa'i yongs su mya ngan las 'da' bas yongs su mya ngan las 'da' zhe na/ de la yang dbang med mod kyi srid pa bar mar gnas par byed pa la ni skyes nas yongs su mya ngan las 'da' ba' i ci 'dra ba de lta bu'i las ni med do/ /de'i phyir bar ma dor yongs su mya ngan las 'da' ba ni myur du yongs su mya ngan las 'da' la/ skyes nas yongs su mya ngan las 'da' ba ni tshe ji srid par gnas nas yongs su mya ngan las 'da' bas skyes nas yongs su mya ngan las 'da' ba kho na phung po'i lhag ma dang bcas pa'i yongs su mya ngan las 'da' bas yongs su mya ngan las 'da' o zhes bya'o/ /mngon par 'du byed pa dang bcas pas zhes bya ba la sogs pa la grag go zhes bya ba'i sgra ni bye brag tu smra ba'i gzhung lugs brjod par byed pa yin te/ rang gi gzhung lugs ni mdo sde dang mthun par phyis 'chad do/ /sbyor ba ma btang zhes bya ba ni sngon gyi sbyor ba'i 'phen pas sbyor ba ma bor ba zhes bya ba'i tha tshig ste/ mngon par 'du byed pa dang bcas shing 'bad pa dang bcas pa'o/ /mngon par brtson pa dang lam dang gis 'byung ba ma yin pa'i phyir ro zhes bya ba ni rnal 'byor pa de mngon par brtson pa'i phyir dang/ lam

  439. 220a

    dang gi 'byung ba ma yin pa'i phyir te/ de nyid kyi phyir 'di mngon par 'du byed pa dang bcas pas yongs su mya ngan las 'da' bar 'grub bo/ /mngon par 'du byed pa med par zhes bya ba ni snga ma las bzlog pa ste sbyor ba btang ba'i phyir ro/ /mngon par brtson pa dang/ lam dang gi 'byung ba med pa'i phyir ro zhes bya ba ni mngon par brtson pa ste/ brtson 'grus med pa'i phyir dang/ lam dang gi 'byung ba med pa'i phyir ro zhes bya ba'i tha tshig go /de lta bas na de ltar mngon par brtson pa la sogs pa de dag tha dad pa'i phyir yongs su mya ngan las 'da' ba' i khyad par bshad pa yin te/ skyes nas yongs su mya ngan las 'da' ba la ni mngon par brtson pa dang/ lam dang gi 'byung ba gnyi ga yod do/ /mngon par 'du byed pa dang bcas pas yongs su mya ngan las 'da' ba la ni mngon par brtson pa yod kyi 'di la lam dang gi 'byung ba ni med do/ /mngon par 'du byed pa med par yongs su mya ngan las 'da' ba la ni gnyi ga yang med de/ mngon par brtson pa yang med la/ lam dang gis 'byung ba yang med do/ /'dus byas dang 'dus ma byas la dmigs pa'i lam gyis yongs su mya ngan las 'da' ba' i phyir ro zhes bya ba la/ 'du byas dang 'du byed ces bya ba ni don gcig ste/ 'dus ma byas dang 'du byed ma yin pa yang de dang 'dra'o/ /gang zhig 'du byed la dmigs pa ste/ sdug bsngal dang kun 'byung dang lam la dmigs pa'i lam gyis nyon mongs pa rnams spong bar byed pa de ni mngon par 'du byed pa dang bcas pas yongs su mya ngan las 'da' ba yin la/ gang zhig 'du byed ma yin pa la dmigs pa ste/ 'gog pa la dmigs pas spong ba de ni mngon par 'du byed pa med par yongs su mya ngan las 'da' ba yin no zhe'o/ /de ni mi rung ste/ ha cang thal bar

  440. 220b

    'gyur ba'i phyir ro zhes bya ba ni de ni de ltar ma yin no/ /ci'i phyir zhe na/ ha cang thal bar 'gyur ba'i phyir te/ bar ma do dang/ skyes nas yongs su mya ngan las 'da' ba dag kyang 'dus byas dang/ 'dus ma byas la dmigs pa'i lam gyis yongs su mya ngan las 'da' bas so sor mngon par 'du byed pa med pa bcas pa dang/ mngon par 'du byed pa med par yongs su mya ngan las 'da' ba nyid du thal bar 'gyur ro/ /de'i phyir gang zag gnyis kho nar thal bar 'gyur gyi lnga ni ma yin no/ /mngon par 'du byed pa med par yongs su mya ngan las 'da' ba sngar 'byung bas zhes bya ba ni mngon par 'du byed pa med par yongs su mya ngan las 'da' ba 'di mngon par 'du byed pa dang bcas pas yongs su mya ngan las 'da' ba pas sngar 'byung ngo/ /de kho na bzhin du rung ste zhes bya ba rgyas par 'byung ba ni/ gang zag mngon par 'du byed pa med pa dang/ mngon par 'du byed pa dang bcas pas yongs su mya ngan las 'da' ba lam dang gi 'byung ba dang/ dang gi 'byung ba ma yin pa dag gis yongs su mya ngan las 'da' ba dag gi ni go rims bzhin du snga ma ni mngon par 'du byed pa med pas bsgrub bya ma yin pa'i phyir la/ cig shos ni mngon par 'du byed pas mngon par bsgrub par bya ba yin pa'i phyir ro/ /ji ltar na de ltar bsgrub par bya ba nyid yin zhe na/ smras pa/ de dag gi yongs su mya ngan las 'da' ba ni go rims bzhin du 'bad pa med pa dang/ 'bad pas 'thob pa'i sgo nas so/ /yang na lam dang gi 'byung ba dang/ dang gis 'byung ba ma yin pa dag kho na mos pas gang zag dang mi sbyar gyi 'bad pa med pa dang 'bad pas 'thob pa'i sgo nas te/ las lam 'bad pa med par mngon du 'gyur ba dang/ cig shos 'bad pas 'thob pa'i sgo nas lam dang gi 'byung ba ni mngon par 'du byed pa

  441. 221a

    med pa bsgrub par bya ba yin pa'i phyir la/ dang gis 'byung ba ma yin pa ni mngon par 'du byed pas bsgrub par bya ba yin pa'i phyir ro/ /de ltar na mngon par 'du byed par yongs su mya ngan las 'da' ba snga bar rung ngo/ /smras pa/ gal te mngon par 'du byed pa med pas bsgrub par bya ba yin pa'i phyir mngon par 'du byed pa med par yongs su mya ngan las 'da' ba' i lam dang gis 'byung ba yin na/ skyes nas yongs su mya ngan las 'da' ba' i lam yang dang gis 'byung ba yin pas de gnyis la khyad pa ci zhig yod ce na/ de'i phyir smras pa/ skyes nas yongs su mya ngan las 'da' ba ni lam ches dang gis 'byung ba dang ches che ba yin gyi mngon par 'du byed pa med par yongs su mya ngan las 'da' ba ni de ltar rgyu bsags pa'i sgo nas ches che ba ma yin no/ /lam ches che ba nyid kyis zad par byas pa'i phyir phra rgyas ches chung ba yin no/ /gong du 'pho ba zhes bya ba ni 'di la gong du 'pho zhing 'gro ba yod pas na gong du 'pho ba dag gi /bsam gtan spel ba dang/ spel ba ma yin pa'i phyir ro zhes bya ba ni bsam gtan bsres pa dang/ bsres pa ma yin pa'i phyir ro zhes bya ba ni tha tshig ste/ bsam gtan zag pa dang bcas pa dang zag pa med pa dang bsres pa'i phyir ro/ /'dir bsam gtan rnams spel nas bsam gtan gsum las yongs su nyams pa zhes bya ba ni/ dang por bzhi pa spel bar byed ces 'byung bas bsam gtan spel ba ni bsam gtan bzhi pa spel bar sngon du 'gro ba can yin te/ bsam gtan bzhi pa kho nas dang por spel bar nus kyi gzhan gyis ni ma yin no/ /bsam gtan bzhi pa las yongs su mi nyams par bsam gtan dang po la sogs par skye ba med pas de'i phyir bsam gtan gsum

  442. 221b

    las yongs su nyams pa zhes smos so/ /ji ltar yongs su nyams zhe na/ bsam gtan dang po'i ro myangs te zhes bya ba smos so/ /bar du mi 'gro bas zhes bya ba ni par mar mi 'gro bas so/ /phyed du 'phar bas zhes bya ba rgyas par 'byung ba ni gnas gtsang ma rnams su skyes nas/ gnas gzhan 'ga' tsam yang rgal te 'og min du 'jug pa gang yin pa'o zhes tshig de ltar sbyar bar bya'o/ /lta ba'i gnas yin pa'i phyir zhes bya ba ni tshangs pa chen po dang/ dang por skyes pa rnams kyang tshangs pa chen po la sprul pa po yin par mngon pa'i nga rgyal byed ba'i phyir ro/ /gtso bo gcig tu byed pa'i phyir zhes bya ba ci zhe na/ 'phags pa ni tshangs chen dag gi nang du mi skye ste/ 'phags pa der skye na mthu'i sgo nas gnyi ga gtso bo nyid du 'gyur ba zhig na/ de'i bdag po ni 'gran zla med pa'i las kyi 'gyur pas de'i phyir 'gran zla dang bcas par mi 'gyur ro/ /gnas gzhan thams cad du zhes bya ba ni tshangs ris pa dag gi nang nas shi 'phos te tshangs pa'i mdun la sogs pa gya nom snang ba la thugs pa'i bar gnas gzhan bcu bzhir 'phos nas 'og min du 'jug pa yin no/ /gang du skyes pa de'i 'og dang der gtan du mi 'ong ba'i phyir zhes bya ba ni gang du skyes pa 'di lta ste/ bsam gtan dang por skyes nas de'i 'og 'dod pa'i khams su gtan mi 'ong ba'i phyir dang/ de bzhin du gang du skyes pa der yang gtan ma 'ong ba'i phyir te/ bsam gtan dang po der yang gtan mi 'ong ba'i phyir der mi skye bas phyir mi 'ong ba nyid yongs su rdzogs pa yin no/ /'di ni zhi gnas spyad pa yin no zhes bya ba ni srid pa'i rtse mor thug pa gang yin pa de ni ting nge 'dzin la dga' ba yin te/ gzugs med pa dag gi ting nge 'dzin ni rab tu zhi ba yin pas de'i phyir 'di gzugs med pa dag tu 'jug go /snga ma ni lhag mthong spyad pa yin no zhes bya ba ni 'og min gyi mthar thug par bshad pa

  443. 222a

    gang yin pa de ni shes rab la dga' ba yin te/ gnas gtsang ma rnams su 'jug go /bar skabs su yang yongs su mya ngan las 'da' bar zhes bya ba rgyas par 'byung ba ni 'di ni bstan bcos byed pa rnams kyis bris pa yang med la bkag pa yang med do/ /de'i phyir ma bkag pas gong du 'pho ba 'og min gyi mthar thug pa dang/ srid pa'i rtse mo'i mthar thug pa yang 'og min dang srid pa'i rtse mor ma zhugs par bar skabs su mya ngan las 'da' bar rung bar lta ste srid par lta'o zhes bya ba'i tha tshig go /'og min gyi mthar thug pa dang/ srid pa'i rtse mo'i mthar thug pa zhes bshad pa ma yin nam zhe na smras pa/ 'og min dang srid pa'i rtse mo'i mthar thug pa nyid ni phan chad du 'gro ba med pa'i phyir te/ 'og min dang/ srid pa'i rtse mo las gong du 'gror med pa'i phyir ro/ /dper na rgyun tu zhugs pa mchog tu thogs na lan bdun pa nyid bzhin te/ de la srid pa gnyis sam gsum mngon par grub nas/ yongs su mya ngan las 'da' ba mi srid pa ma yin mod kyi de phan chad srid pa brgyad pa mngon par 'grub par mi byed pas mchog tu thogs na lan bdun pa zhes bshad do/ /de yang rnam pa bzhi ste zhes bya ba ni bar ma dor yongs su mya ngan las 'da' ba med pa'i phyir rnam pa lnga ni med do/ /de dag ni phyir mi 'ong ba drug yin no zhes bya ba ni bar ma dor yongs su mya ngan las 'da' ba dang/ skyes nas yongs su mya ngan las 'da' ba dang/ mngon par 'du byed pa dang bcas pas yongs su mya ngan las 'da' ba dang/ mngon par 'du byed pa med pas yongs su mya ngan las 'da' ba dang/ gong du 'pho ba dang/ drug pa gzugs med par nye bar 'gro bar te/ dbye ba rnam pa bzhi ma bgrangs so/ /mthong ba'i chos la yongs su mya ngan las 'da' ba ni tshe 'di la yongs su mya ngan las 'da' ba zhes bya ba'i tha tshig go /gsum po gang dag ce na zhes

  444. 222b

    bya ba rgyas par 'byung ba ni pha rol po phyir mi 'ong ba gsum zhes nges par phye ste/ ma bshad pas khong du ma chud de 'dri ba yin no/ /slob dpon gyis kyang de dag ni don gyi shugs kyis bshad pa yin no zhes bya bar gzigs nas rnam par 'grel par mdzad de/ bar ma do dang skyes nas yongs su mya ngan las 'da' ba dag ni bar ma dor yongs su mya ngan las 'da' ba dang/ skyes nas yongs su mya ngan las 'da' ba zhes bya ba'i tha tshig go /gong du 'pho ba ni gsum pa yin no/ /dpe gsum gyis myur ba dang/ myur ba ma yin pa dang/ yun ring mo zhig na yongs su mya ngan las 'da' ba' i phyir ro/ zhes bya ba ni myur bar yongs su mya ngan las 'da' ba dang/ myur ba ma yin par yongs su mya ngan las 'da' ba dang/ yun ring mo zhig na yongs su mya ngan las 'da' ba dpe gsum dang sbyar bar bya ba yin te/ dper na zhugs chung ngu'i me mngon par 'grub bzhin du 'chi bar 'gyur ba ltar dang po de/ myur bar yongs su mya ngan las 'da' ba gang yin pa de dang 'dra'o/ /dper na lcags kyi thu lum 'am/ thong lcags me ltar du 'bar ba rab tu sreg pa lcags kyi tho bas brgyab pa rnams kyis tsha tsha gyen du yar bzhin du 'chi bar 'gyur ba ltar gnyis pa myur ba ma yin pa yongs su mya ngan las 'da' ba gang yin pa yang de dang 'dra'o/ /dper na lcags kyi thu lum 'am zhes bya ba la sogs pa snga ma bzhin te/ tsha tsha gyen du yar nas sa lam lhung ba kho nar 'chi bar 'gyur ba ltar gsum pa yun ring mo zhig na yongs su mya ngan las 'da' ba gang yin pa yang de dang 'dra ste/ mdo 'di ni gong du bris zin pas yang mi 'dra'o skyes nas dang/ mngon par 'du byed pa dang/ mngon par 'du byed pa med par yongs su mya ngan las 'da' ba' i phyir ro zhes bya ba ni skyes nas yongs su mya ngan las 'da' ba' i phyir dang/ mngon par 'du byed pa dang bcas pa dang/ mngon par 'du byed pa med par yongs su mya ngan las 'da'

  445. 223a

    ba'i phyir rnam pa gsum du phye bas phyir mi 'ong ba dgu yin no zhes bya bar sbyar ro/ /skyes nas yongs su mya ngan las 'da' ba ni skyes pa tsam gyis yongs su mya ngan las 'da' ba gang yin pa ste/ mngon par 'du byed pa 'am/ mngon par 'du byed pa med par yongs su mya ngan las 'da' ba ni ma yin no/ /mngon par 'du byed pa dang bcas pas yongs su mya ngan las 'da' ba ni skyes pa tsam kho nas yongs su mya ngan las 'da' ba ma yin no/ /'o na ci zhe na/ mngon par 'du byed pa dang/ sngon mngon par 'du byed pa ma btang ba'i mthus yongs su mya ngan las 'da' ba yin no/ /'di la ni lam rang gis 'byung ba ni yod mod kyi/ mngon par brtson pas yongs su mya ngan las 'da' la skyes nas yongs su mya ngan las 'da' ba ni mngon par brtson pa med pas khyad par yod do/ /mngon par 'du byed pa med pas yongs su mya ngan las 'da' ba ni sngon gyi mngon par 'du byed pa btang ba ste/ mngon par 'du byed pa med par yongs su mya ngan las 'da' ba yin no/ /de ltar na de dag gi khyad par ni de yin par khong du chud par bya'o/ /ji ltar na mngon par 'du byed pa dang bcas pa dang/ mngon par 'du byed pa med par yongs su mya ngan las 'da' ba dag kyang skyes nas yongs su mya ngan las 'da' ba' i ming thob par 'gyur ba de bzhin du bstan pa'i phyir de dag thams cad kyang skyes nas yongs su mya ngan las 'da' ba' i phyir skyes nas yongs su mya ngan las 'da' ba dag yin no zhes bya ba smos so/ /'phar ba la sogs pa'i bye brag gis so zhes bya ba ni 'phar ba dang/ phyed du 'phar ba dang/ thams cad du 'chi 'pho ba'i bye brag gis so zhes bya ba'i tha tshig go /yang na gsum po thams cad ces bya ba ni par ma do dang/ skyes nas yongs su mya ngan las 'da' ba dang/ gong du 'pho ba rnams myur ba dang/ myur ba ma yin

  446. 223b

    ba dang/ yun ring mo zhig na yongs su mya ngan las 'da' ba' i phyir rnam pa gsum du dbye ste/ bar ma dor yongs su mya ngan las 'da' ba yang la la ni myur bar yongs su mya ngan las 'da' o/ /la la ni myur ba ma yin par yongs su mya ngan las 'da' o/ /la la ni yun ring mo zhig nas yongs su mya ngan las 'da' o/ /skyes nas yongs su mya ngan las 'da' ba dang/ gong du 'pho ba yang de dang 'dra ste/ rnam pa gsum du dbye ba'i phyir yang phyir mi 'ong ba dgu yin no zhes sbyar ba de nyid brjod bar bya'o/ /de dag gis ni khyad par rnams zhes bya ba rgyas par 'byung ba ni gsum po bar ma do dang/ skyes nas yongs su mya ngan las 'da' ba dang/ gong du 'pho ba dang de dag nyid so sor rnam pa gsum du phye bas dgu po de dag gi khyad par ji skad du brjod pa ni las dang/ nyon mongs pa dang/ dbang po'i bye brag las te las dang/ nyon mongs pa dang dbang po'i bye brag tu 'gyur ro/ /ji lta zhe na/ re zhig gsum po ni zhes bya ba rgyas par smos so/ /mngon par 'grub ba ni srid pa bar ma ste/ mngon par 'grub pa myong bar 'gyur ba'i las bsags pa'i phyir bar ma dor yongs su mya ngan las 'da' ba yin no/ /skyes nas myong bar 'gyur ba'i las bsags pa'i phyir skyes nas yongs su mya ngan las 'da' ba yin no/ /lan grangs gzhan la myong bar 'gyur ba'i las bsags pa'i phyir gong du 'pho ba yin te/ re zhig gsum po de dag gi khyad par las kyi bye brag las gyur pa ni de lta bu yin no/ /nyon mongs pa kun tu sbyor ba chung ba dang/ 'bring dang/ chen po'i phyir go rims bzhin du de dag nyid kyi nyon mongs pa'i bye brag las gyur pa yin no/ /dbang po'i chen po dang/ 'bring dang/ chung ngu'i phyir go rims bzhin du de dag nyid kyi khyad par dbang po'i bye brag las gyur pa yin no/ /de nyid kyi phyir de dag so so'i bye brag kyang ci rigs par zhes bya ba ni las la sogs pa'i bye brag de

  447. 224a

    nyid kyi phyir te/ so so tha dad pa dgu po de dag gi khyad par yang zhes bya ba'i tha tshig go /ci rigs par yin gyi go rims bzhin du khong du chud par bya ba ni ma yin no/ /ji lta zhe na gsum tshan dang po gnyis ni zhes bya ba rgyas par smos te/ gsum chan bar ma dor yongs su mya ngan las 'da' ba rnams gang yin pa dang/ skyes nas yongs su mya ngan las 'da' ba rnams gang yin pa'o/ /gsum tshan de gnyis kyi khyad par ni nyon mongs pa dang dbang po'i bye brag las 'gyur te/ nyon mongs pa kun tu spyod pa chung ba dang/ 'bring pa dang/ chen po'i phyir dang/ dbang po chen po dang/ 'bring dang/ chung ngu'i phyir go rims bzhin du khyad par du 'gyur ro/ /las kyi bye brag las ni ma yin te/ 'di ltar sum tshan dang po las mngon par 'grub pa myong bar 'gyur ba yang mtshungs la/ gnyis pa'i las skyes nas myong bar 'gyur yang mtshungs pas so/ /gsum mtshan tha ma ni lan grangs gzhan la myong bar 'gyur ba'i las kyi bye brag las kyang khyad par du blta ste/ 'phar ba la sogs pa'i las lan grangs gzhan la myong bar 'gyur ba ni tha dad pas de'i phyir/ lan grangs gzhan la myong bar 'gyur ba'i las kyi bye brag dang kyang zhes bya ba drangs pa nyon mongs pa dang/ dbang po'i bye brag las khyad par du 'gyur te/ nyon mongs pa kun tu spyod pa chung ngu dang/ 'bring dang/ chen po'i phyir dang/ dbang po chen po dang/ 'bring dang/ chung ngu'i phyir go rim bzhin no zhes bya ba'i tha tshig go /de dag ni nyon mongs pa dang dbang po'i rnam pa dgu'i phyir zhes bya ba ni phyir mi 'ong ba de dag ni nyon mongs pa'i rnam pa dgu'i phyir dang dbang po'i rnam pa dgu'i phyir phyir mi 'ong ba dgu yin no/ /las ma smos pa ni khyab pa ma yin pa'i phyir te/ sum tshan dang po gnyis ni las

  448. 224b

    kyi bye brag las khyad par du gyur pa med do/ /yang ji ltar na nyon mongs pa de dag rnam pa dgu yin zhe na/ 'di la nyon mongs pa chung ngu dang/ 'bring dang/ chen po dang rnam pa gsum ste/ bar ma dor yongs su mya ngan las 'da' ba rnams kyi ni chung ngu yin no/ /skyes nas yongs su mya ngan las 'da' ba rnams kyi ni 'bring yin no/ /gong du 'pho ba rnams kyi ni chen po yin no/ /de yang bar ma dor yongs su mya ngan las 'da' ba dang po ni nyon mongs pa chung ngu'i chung ngu can yin no/ /gnyis pa ni nyon mongs pa chung ngu'i 'bring po can yin no/ /gsum pa ni nyon mongs pa chung ngu'i chen po can yin no/ /skyes nas yongs su mya ngan las 'da' ba rnams la yang dang po ste/ skyes nas yongs su mya ngan las 'da' ba ni nyon mongs pa 'bring po'i chung ngu can yin no/ gnyis pa mngon par 'du byed pa dang bcas pas yongs su mya ngan las 'da' ba ni nyon mongs pa 'bring po'i 'bring po yin no/ /gsum pa mngon par 'du byed pa med par yongs su mya ngan las 'da' ba ni nyon mongs pa 'bring po'i chen po can no gong du 'pho ba rnams la yang 'phar ba ni nyon mongs pa chen po'i chung ngu can no/ /phyed du 'phar ba'i nyon mongs pa chen po'i 'bring po can yin no/ /gnas thams cad du 'chi 'pho ba ni nyon mongs pa chen po'i chen po can yin no/ /ji ltar dbang po'i rnam pa dgu yin zhe na/ de bzhin du dbang po'i yang chen po dang 'bring po dang chung ngu rnams te/ bar ma dor yongs su mya ngan las 'da' ba rnams kyi ni chen po yin no/ /skyes nas yongs su mya ngan las 'da' ba rnams kyi ni 'bring yin no/ /gong du 'pho ba rnams kyi ni chung ngu yin no/ /de la yang bar ma dor yongs su mya ngan las 'da' ba dang po ni dbang po chen po'i chen po can yin no/ /gnyis pa ni dbang po chen po'i 'bring po can yin no/ /gsum pa ni dbang po chen po'i chung ngu can yin no/ /skyes nas yongs

  449. 225a

    su mya ngan las 'da' ba rnams la yang dang po ste/ skyes nas yongs su mya ngan las 'da' ba ni dbang po 'bring po'i chen po can yin no/ /mngon par 'du byed pa dang bcas pa yongs su mya ngan las 'da' ba ni dbang po 'bring po 'bring po can yin no/ /mngon par 'du byed pa med par yongs su mya ngan las 'das pa'i dbang po'i 'bring po'i chung ngu can yin no/ /gong du 'pho ba rnams la yang 'phar ba ni dbang po chung ngu'i chen po can no/ /phyed du 'phar ba ni dbang po chung ngu'i 'bring po can yin no/ /gnas thams cad du 'chi 'pho ba ni dbang po chung ngu'i chung ngu can yin no/ /'o na mdo las skyes bu dam pa'i 'gro ba bdun bstan pa ji lta bu zhe na zhes bya ba ni dge slong dag ngas skyes bu dam pa'i 'gro ba bdun dang/ nye bar len pa med par yongs su mya ngan las 'das pa yang bstan par bya'o zhes 'byung ba yin no/ /mdo de thams cad ni 'gro mdo las zhes bya ba'i phyogs der bris zin pas yang mi bri'o/ /mdo de las ni skyes bu dam pa'i 'gro ba bdun te/ bar ma dor yongs su mya ngan las 'da' ba gsum dang/ skyes nas yongs su mya ngan las 'das pa gsum ste/ 'gro ba drug go /bdun pa ni gong du 'pho ba'i 'gro ba yin no/ /de ma phye bar bstan pa'i phyir zhes bya ba ni gong du 'pho ba de 'phar ba la sogs pa phye ste ma bstan pa'i phyir zhes bya ba'i tha tshig ste/ mdo las bstan pa ni 'dul ba'i bsam pa la bltos pa yin no/ /slob pa'i 'gro ba gzhan dag ni ma yin zhes bya ba ni rgyun tu zhugs pa dang lan cig phyir 'ong ba'i 'gro ba dag ma yin zhes bya ba'i tha tshig ste/ 'gro ba dang/ skye ba dang/ tshe phyi ma zhes bya ba 'di dag ni mdo las rnam grangs su bshad do/ /de dag ces bya ba ni phyir mi 'ong ba dag ste/ srog gcod pa la sogs pa mi byed pa'i phyir las dam pa la 'jug cing mi tshangs par spyod

  450. 225b

    pa la sogs pa mi 'byed pa'i phyir dam pa ma yin pa la mi 'jug ste/ mi tshangs par spyod pa la sogs pa ni mi dge ba'i bsam pa'i sems kyis byed na/ 'dod chags dang bral ba de dag ni mi dge ba spangs pa'i phyir dam pa kho na la 'jug gi dam pa ma yin pa la mi 'jug go /yang phyir 'ong ba med ces bya ba ni 'gro ba gang dag du skyes pa de'i 'og gam der gtan mi 'ong zhes bya ba'i tha tshig go /ji skad du bshad pa 'di gzhan la ni med pas zhes bya bar ni dam pa kho na la 'jug cing dam pa ma yin pa la mi 'jug pas dang/ yang phyir 'ong ba med pa gang yin pa de rgyun tu zhugs pa dang/ lan cig phyir 'ong ba la med pas so/ /gzhan dag la yang zhes bya ba ni rgyun du zhugs pa dang/ lan cig phyir 'ong ba dag la yang zhes bya ba'i don te? rnam drangs pa zhes bya ba ni rnam grangs las byung ba na rnam grangs pa ste/ rnam pa 'ga' zhig gis yin na zhes bya ba'i tha tshig go /ji lta zhe na sdig pa rnam pa lnga gtan mi byed pa'i sdom pa thob pa'i phyir zhes bya ba smos te/ srog gcod pa dang/ ma byin par len pa dang/ 'dod pas log par g.yem pa dang/ brdzun du smra ba dang/ chang 'thung ba'i mtshan nyid kyi sdig pa rnam pa lnga mi byed pas mi byed par sdom pa ni sdom par byed pa ste/ de thob pa'i phyir ro/ /'phags pa ni tshe rabs gzhan na yang sdig pa rnam pa lnga po 'di mi spyod do/ /mi byed pa'i sdom pa zhes smos pa ni yang dag par len pa'i sdom pa ni gdon mi za ba ma yin pa'i phyir ro/ /phal cher zhes bya ba ni mthong bas spangs par bya ba ni mi dge ba thams cad gtan spangs pa'i phyir dang/ ci rigs par bsgom pas spang bar bya ba 'dod pas na spyod pa kha cig spangs pa'i phyir ro/ /gang dag la zhes bya ba rgyas par 'byung ba ni gang dag la rnam grangs med par yod pa ste/ rgyun tu zhugs pa dang/ lan cig phyir 'ong ba ltar rnam pa gzhan gyis skyes

  451. 226a

    bu dam pa nyid yin pa lta bu ni ma yin no/ /'o na ci zhe na/ sdig pa thams cad gtan mi byed pa'i sdom pa thob pa'i phyir dang/ mthong bas spang bar bya ba mi dge ba thams cad spangs pa'i phyir dang/ bsgom pas spang bar bya ba 'dod pa na spyod pa rnam pa dgu po thams cad spangs pa'i phyir mdo 'dir skyes bu dam pa'i 'gro ba bdun zhes gsungs pa ni skyes bu dam pa phyir mi 'ong ba de dag gi skabs yin no/ /de'i phyir gzhan dag kyang rnam grangs pa'i skyes bu dam pa nyid yin pa ni mi dgag go /ci phyir mi 'ong ba tshe yongs su gyur pa la yang bar ma dor yongs su mya ngan las 'das pa zhes bya ba de lta bu la sogs pa'i dbye ba 'di yod dam zhes bya ba phyir mi 'ong ba tshe yongs su gyur pa ni gang zhig tshe dang po la rgyun tu zhugs pa'i 'bras bu 'am/ lan cig phyir 'ong ba'i 'bras bu thob nas tshe gnyis pa la phyir mi 'ong bar gyur pa yin no/ /'dod par zhes bya ba khyad par smos pa ni 'di ltar gzugs kyi khams su tshe yongs su gyur pa ni res 'ga' gzugs med pa dag tu 'jug pas so/ /tshe de nyid la yongs su mya ngan las 'da' ba' i phyir ro zhes bya ba ni 'di 'dod pa'i khams la sdug bsngal mang ba nyid kyis shin tu skyo ba'i phyir ro/ /'o na brgya byin gyis zhes bya ba rgyas par 'byung ba ni brgya byin gyis bdag 'di nas shi 'phos te mi'i nang du skyes nas gal te dgra bcom pa nyid thob ste/ yongs su mya ngan las mi 'da' i/ bdag ni tha mar nyams na lha gang 'og min zhes/ rnam par 'gags pa der ni skye bar 'gyur bar shog ces smras te/ de ni lha dag gi nang kho nar rgyun tu zhugs par gyur nas mi dag gi nang du 'ongs te/ yongs su mya ngan las 'da' o zhes smras pa'i phyir tshe yongs su gyur pa yin par 'gyur ro/ /tha mar ris mthun pa'i mjug tu nyams na

  452. 226b

    te/ dgra bcom pa nyid ma thob par ma thob pa'i yongs su nyams pas nyams na 'og min der ni skye bar 'gyur bar shog /ces don du gnyer bar smras pa'i phyir khams gzhan du 'gro ba yod do/ zhes bstan pa yin no zhes bya bar mngon ni de ji ltar mdo'i don 'dod pa'i khams su tshe gzhan du yongs su gyur pa'i 'phags pa khams gzhan du mi 'gro'o zhes bshad do/ zhes bya bar snang/ khyod brgya byin gyis chos kyi mtshan nyid mngon par mi shes pa'i phyir de skad du smras par zad do/ /de lta bas na nyes pa med do zhes zer nas bcom ldan 'das de skad du gsan pas kyang ci'i phyir khyod de skad du ma smra shig ces de ma bzlog ce na/ de'i phyir yod dag par dga' bar bya ba yin pa'i phyir bcom ldan 'das kyis kyang mi bgag go zhes bya ba smos te/ 'dod pa'i sdug bsngal yongs su spang bar 'dod pas yang dag par 'ga' bar bya ba yin no snyam du bsam pa'o/ /slob dpon 'dul bzangs na re shi 'pho ba rgyu mtshan can gyi skye ba'i sdug bsngal gyis yid byung ba ni yang dag par dga' bar bya ba yin pa'i phyir ro zhes bya ba yin pa'i phyir ro zhes zer ro/ /dbang po rnams ches yongs su smin pa'i phyir zhes bya ba ni shes rab la sogs pa'i dbang po rnams kyi rgyu mthun pa'i 'bras bu khyad par du gyur pa'i phyir zhes bya ba'i tha tshig go /rten khyad par can thob pa'i phyir ro/ /zhes bya ba 'di ltar rten khyad par can ma nyams pa lam mngon du 'gyur ba dang mthun pa thob pa ste/ dbang po rnon po dag yin yang rten mi mthun pas yon tan dag las nyams pa snang ngo/ /de lta bas na tshe rabs gzhan nas yongs su 'dris pas dbang po rnams ches yongs su smin pa'i phyir dbang po 'pho ba med la/ rten khyad par can thob pa'i phyir yongs su nyams pa med de/ tshe rabs gzhan nas yongs su 'dris pa de nyid kyi khams gzhan du 'gro bar yang mi 'gyur ro/ /lam ma 'dris pas mngon sum du mi 'gyur ba'i phyir zhes bya ba ni gang

  453. 227a

    gi phyir lam ma 'dris pas mngon sum du mi 'gyur ba rgyu de'i phyir slob pa 'dod chags dang ma bral ba rgyun tu zhugs pa dang/ lan cig phyir 'ong ba bar ma dor yongs su mya ngan las 'da' bar mi 'gyur ro/ /phra rgyas rnams shin tu chung ba ma yin pa'i phyir ro zhes bya ba ni gang gi phyir de'i phra rgyas rnams shin tu chung ba ma yin pa de'i phyir bar ma dor yongs su mya ngan las 'da' bar mi 'gyur ro/ /zhes bya bar yin te 'di ni slob dpon gyi lan yin no/ /bye brag tu smra ba rnams kyi lan gang yin zhe na/ bye brag tu smra ba rnams na de 'dod pa'i khams las 'da' bar dga' ba'i phyir zhes bya bar smos so/ /ji lta zhe na/ smras pa/ 'dis nyon mongs mi dge ba dang lung ma bstan pa spangs pa ste/ 'dis mi dge ba 'dod pa na spyod pa rnams dang lung du ma bstan pa gzugs dang gzugs med pa na spyod pa rnams spang bar bya dgos so/ /slob pa 'dod chags dang bral bas ni lung du ma bstan pa kho na spang bar zad do/ /dge sbyong gi tshul gyi 'bras bu gnyis sam gsum thob pa zhes bya ba ni dge sbyong gi tshul gyi 'bras bu gnyis sam gsum thob par bya dgos te/ lan cig phyir 'ong bas ni phyir mi 'ong ba'i 'bras bu dang/ dgra bcom pa nyid kyi 'bras bu dang/ dge sbyong gi tshul gyi 'bras bu gnyis thob par bya dgos la/ rgyun tu zhugs pas ni gsum ste/ lan cig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid kyi 'bras bu'o/ /'dod chags dang bral bas ni dgra bcom pa nyid kyi 'bras bu gcig pa kho na thob par bya bar zad do/ /'dod chags dang ma bral bar khams gsum las yang dag par 'da' bar yang bya dgos la/ 'dod chags dang bral ba gzugs kyi 'dod chags dang ma bral ba bar ma dor yongs su mya ngan las 'da' bar 'gyur bas ni khams gnyis las yang dag par

  454. 227b

    'da' bar bya bar zad do/ /spel bar byed ces bya ba ni sre par byed cing 'dren mar byed pas te/ zag pa dang bcas pa'i bsam gtan bzhi pa zag pa med pa dag dang spel bar byed ces bya ba'i tha tshig go /lam sla ba rnams kyi nang na mchog yin pa'i phyir ro/ zhes bya ba la/ lam sla ba ni dngos gzhi'i bsam gtan bzhi yin te/ bsam gtan dag gi lam rnams sla zhes 'byung ba'i phyir ro/ /bsam gtan bzhi pa ni skyon brgyad las grol ba'i phyir de dag gi nang na mchog yin no/ /gang gi tshe zhes bya ba la grag ces bya ba ni/ bye brag du smra ba'i gzhung lugs ston par byed pa yin te/ rang gi gzhung lugs ni 'og nas skad cig ma spel bar ni mi nus te zhes bya ba rgyas par 'byung bas ston to/ /skad cig ma gnyis ni bar chad med pa'i lam lta bu zhes bya ba ni zag pa med pa dang/ zag pa dang bcas pa dag go /gsum pa ni rnam par grol ba'i lam lta bu yin no/ zhes bya ba ni zag pa med pa'o/ /dbang po brtul po rnams ni nyon mongs pas kyang 'jigs pa'i phyir spel bar byed de/ yang zhes bya bar sgras ni gnas gtsang mar skye bar bya ba'i phyir dang/ mthong ba'i chos la bde bar gnas par bya ba'i phyir yang spel bar byed do/ /dbang po rnon po rnams ni gnas gtsang mar skye bar bya ba'i phyir dang/ mthong ba'i chos la bde bar gnas par bya ba kho na'i phyir spel bar byed kyi de dag la yang yongs su nyams pa mi srid pa'i phyir nyon mongs pas 'jigs pa'i phyir ni ma yin no/ /yang ji ltar na nyon mongs pas 'jigs pa yongs su nyams par bya ba'i phyir spel bar byed ce na/ ro myang ba dang mtshungs par ldan pa'i ting nge 'dzin thag srid pa'i sgo nas yongs su mi nyams par bya ba'i phyir ro zhes bya ba smos te 'bras bu las yongs su mi nyams par bya ba'i phyir ro/ /rnam pa lnga yin te zhes bya ba ni chung ngu dang/ 'bring dang/ chen po dang/ shin tu che ba dang/ shin tu

  455. 228a

    ches che ba'o/ /dang po la ni sems gsum zhes bya ba ni gang zag de la nus pa de tsam zhig yod pas te/ de bzhin du 'og ma rnams la yang brjod par bya'o/ /gnyis pa la ni drug go zhes bya ba ni zag pa med pa dang/ zag pa dang bcas pa dang/ zag pa med pa zhes bya ba gsum dang/ yang zag pa med pa dang/ zag pa dang bcas pa dang/ zag pa med pa zhes bya ba gsum ste drug yin no/ /gsum pa la ni dgu'o/ /bzhi pa la ni bcu gnyis so/ /lnga pa la ni bco lnga ste zhes bya ba la/ yang de kho na bzhin du sbyar bar bya'o/ /de dag gi 'bras bu ni grangs bzhin du zhes bya ba ni spel bar bsgom pa de dag dang 'bras bu ni grangs bzhin du gnas gtsang ma lnga yin te/ bsgom pa chung ngu'i 'bras bu mi che ba yin pa nas bsgom pa shin tu ches che ba'i 'bras bu 'og min yin pa'i bar du'o/ /dad pa'i dbang po la sogs pa lhag pa'i phyir zhes bya ba ni btsun pa dpal len gyi gzhung lugs yin te/ bsgom pa dad pa shas che ba'i 'bras bu mi che ba yin pas nas de bzhin du bsgom pa shes rab shes che ba'i 'bras bu 'og min yin pa'i bar du'o/ /phyir mi 'ong ba gang la la zhes bya ba ni dad pas mos pa 'am mthong bas thob pa'o/ /lus kyi mngon sum du byed pa'i phyir zhes bya ba ni sems med pa'i phyir lus kho nas mngon sum du byed do/ /ji ltar lus kho nas yin zhe na/ smras pa/ lus la brten te skye ba'i phyir ro/ /'di lta bu yin par 'gyur te zhes bya ba ni slob dpon rang gi gzhung lugs yin no/ /thob pa dang zhes pas mngon sum du byed pa dag gi zhes bya ba ni ting nge 'dzin gyi dus na de dang mthun pa'i rten gyis thob pa mngon sum du byed pa'i phyir dang langs pa'i dus na de yang so sor yang dag par myong ba'i shes pas mngon sum du byed pa'i phyir ro/ /mngon

  456. 228b

    sum du gyur pa ni mngon du byed pa yin no zhes bya ba ni rnam par shes pa dang bcas pa'i lus zhi ba thob pa'i gnas skabs na mngon du byed par rung? ngo snyam du bsams pa yin no/ /rnam par shes pa dang bcas pa'i lus zhi ba thob pas rnam par shes pa med pa'i lus zhi ba'i gnas skabs na yang de thob par mngon no/ /mdo las slob pa bco brgyad ces gsungs pa der zhes bya ba ni bcom ldan 'das la khyim bdag mgon med zas sbyin gyis zhus pa/ btsun pa yon gnas du zhig mchis lags/ bcom ldan 'das kyis bka' stsal pa/ khyim bdag slob pa bco brgyad dang/ mi slob pa dgu ni yon gnas yin te/ slob pa bco brgyad gang zhe na/ rgyun tu zhugs pa'i 'bras bu mngon du bya ba'i phyir zhugs pa dang/ rgyun tu zhugs pa dang lan cig phyir ba'i 'bras bu mngon sum du bya ba'i phyir zhugs pa dang/ lan cig phyir 'ong ba dang/ phyir mi 'ong ba'i 'bras bu mngon du bya ba'i phyir zhugs pa dang/ phyir mi 'ong ba dang/ dgra bcom pa nyid kyi 'bras bu mngon du bya ba'i phyir zhugs ba dang/ dad pa rjes su 'brangs pa dang/ chos kyi rjes su 'brang ba dang/ dad pas mes? pa dang/ mthong bas thob pa dang/ rigs nas rigs su skye ba dang/ bar chad gcig pa dang/ bar ma dor yongs su mya ngan las 'da' ba dang/ skyes nas yongs su mya ngan las 'da' ba dang/ mngon par 'du byed pa dang bcas pas yongs su mya ngan las 'da' pa dang/ mngon par 'du byed pa med par yongs su mya ngan las 'da' ba dang/ gong du 'pho ba ste/ khyim bdag de dag ni slob pa bco brgyad yin no/ /mi slob pa dgu gang yin zhe na/ yongs su nyams pa'i chos can dang/ 'chi bar sems pa'i chos can dang/ rjes su srungs pa'i chos can dang/ gnas pa la mi g.yo ba dang/ rtog pa'i skal ba can dang/ mi g.yo ba'i chos can dang/ yongs su mi nyams pa'i

  457. 229a

    chos can dang/ shes rab kyis rnam par grol ba dang/ gnyi ga'i cha las rnam par grol ba ste/ khyim bdag de dag ni mi slob pa dgu yin no zhes 'byung ba yin no/ /bslab pa gsum dang de'i 'bras bu zhes bya ba la/ bslab pa gsum ni 'phags pa'i lam gyi rang bzhin yin te/ lhag pa'i tshul khrims dang/ lhag pa'i sems dang/ lhag pa'i shes rab bo/ /de dag gi 'bras bu ni bral ba'o/ /de'i khyad par gyis mos pa rnams rnam par bzhag go /zhes bya ba ni slob pa'i khyad par dang/ de'i 'bras bu'i khyad par gyis zhes bya ba'i tha tshig go /de'i khyad par yang ji lta bu zhig yin zhe na/ slob pa bco brgyad kyi bslab pa dang/ 'bras bu bral ba gzhan dang gzhan me 'dri ba yin no// 'gog pa'i snyoms par 'jug pa ni spong ba'i lam gyi rang bzhin ma yin pa'i phyir slob pa yang ma yin la/ bral ba'i rang bzhin ma yin pa'i phyir slob pa'i 'bras bu yang ma yin te/ de'i phyir de dang ldan pas te/ 'gog pa'i snyoms par 'jug pa dang ldan pas slob pa bco brgyad po de dag ji ltar slob pa'i bye brag tu ma gsungs kyi 'di slob pa ma yin no/ /de la mdo las/ slob pa bco brgyad ces gsungs pa der lus kyis mngon sum du byed pa ci'i phyir ma gsungs zhes gang zer ba de ni de lta bu'i slob par ma gsungs par zad do/ /dbye ba che long yin no zhes bya ba ni gzugs su nye bar 'gro ba'i phyir mi 'ong ba lnga zhes bya ba dang/ gzhan ni gzugs med 'gro rnam bzhi zhes bya ba dang/ gzhan ni 'di la mya ngan 'da' zhes bya ba de lta bu la sogs pa'o// //bam po bzhi bcu rtsa dgu pa/ /zhib tu dbye ba ni zhes bya ba rgyas par 'byung ba ni 'dir slob dpon gyi brtsi ba'i thabs rab

  458. 229b

    tu bstan pa'i phyir dang por bar ma dor yongs su mya ngan las 'da' ba' i dbang po dang sa dang rigs la sogs pa'i khyad par bye brag tu ston par mdzad do/ /ci'i phyir zhe na/ de'i bye brag bgrangs na ji ltar bar ma dor yongs su mya ngan las 'da' ba dbang po la sogs pa'i bye brag gis tha dad pa ltar gong du 'pho ba'i bar du yang de dang 'dra'o zhig bsgre sla bar bya ba'i phyir ro/ /de dag nyid sa'i bye brag gis bzhi'o zhes bya ba la/ de dag nyid ni bar ma dor yongs su mya ngan las 'da' ba rnams so/ /sa dag ni bsam gtan bzhi yin te/ gzugs su nye bar 'gro ba'i phyir mi 'ong ba rnams brjod par bzhed pa'i phyir ro/ /de la bsam gtan dang por bar ma dor yongs su mya ngan las 'da' ba nas bsam gtan bzhi pa'i bar ste bzhi'o/ /yongs su nyams pa'i chos can la sogs pa'i rigs kyi bye brag gis drug go zhes bya ba ni de nyid yongs su nyams pa'i chos can dang/ 'chi bar sems pa'i chos can dang/ rjes su rung ba'i chos can dang/ gnas pa las mi g.yo ba dang/ rtog pa'i skal pa can dang/ mi g.yo ba'i chos can zhes bya ba yin no/ /gnas gzhan gyi bye brag gis bcu drug go zhes bya ba ni tshangs ris la sogs pa 'og min la thug pa dag go /tshangs chen gyi bye brag tu smra ba'i lugs kyis kyang gnas gzhan ma yin la/ nyi 'og pa'i lugs kyis ni gnas gzhan nyid yin mod kyi der 'phags pa mi skye bas mi bgrang ste/ de ltar na gnas gzhan gyi bye brag gi bar ma dor yongs su mya ngan las 'da' ba bcu drug yin no/ /sa dang 'dod chags dang bral ba'i bye brag gis sum cu rtsa drug ste zhes bya ba ni sa'i bye brag dang 'dod chags dang bral ba'i bye brag gis bar ma dor yongs su mya ngan las 'da' ba sum cu rtsa drug go /ji lta zhe na/ gzugs kyi khams

  459. 230a

    kyi 'ching ba mdza' dag dang ldan pa zhes bya ba rgyas par 'byung bas ston par byed de/ gzugs kyi khams kyi bsam gtan dang po'i 'ching ba mdza' dag dang ldan pa dang rnam pa gcig las 'dod chags dang bral ba nas rnam pa brgyad las 'dod chags dang bral ba'i bar dgu'o/ /gnyis pa'i yang 'ching ba mdza' dag dang ldan pa nas rnam pa brgyad las 'dod chags dang bral ba'i bar dgu'o/ /de bzhin du rnam pa dgu dang/ de bzhin du bzhi ba'i dgu ste/ dgu bzhi sum cu rtsa drug yin no/ /bsam gtan bzhi pa'i rnam pa brgyad las 'dod chags dang bral ba'i bar ro zhes bya ba la/ bar zhes bya ba'i sgras ni bsgres pa'i don 'di thob bo/ /bsam gtan bzhi pa'i dgu pa'i rnam pa las 'dod chags dang bral ba zhes ni ma brjod do/ /'di ni gzugs med pa'i bting? ba mdza' dag dang ldan pa yin na/ 'dir ni gzugs med par 'gro ba'i dbang du byed pa ma yin gyi/ srid pa bar ma dang sbyar bas 'dir gzugs su nye bar 'gro ba rnams brjod pa 'dod pa'i phyir ro/ /de lta yin pas/ gnas gzhan dang rigs dang 'dod chags dang bral ba dang dbang po'i bye brag gis zhes bya ba rgyas par smos te/ gnas gzhan rnams dang/ rigs rnams dang/ 'dod chags dang bral ba rnams dang/ dbang po rnams kyi bye brag gis bar ma dor yongs su mya ngan las 'das pa de dag nyis stong lnga brgya dgu bcu rtsa gnyis yin te/ dgu bcu rtsa gnyis so/ /ji ltar byas pas de ltar 'gyur zhe na/ smras pa/ gnas gcig na te/ dper na tshangs ris lta bu yongs su nyams pa'i chos can la sogs pa'i bye brag gis ris drug go /rigs re re la zhes bya ba la zlos pa yin no/ /'ching ba mdza' dag dang ldan bcas rang gi gnas dper na tshangs ris lta bu'i rnam pa brgyad las 'dod chags dang bral ba'i bar

  460. 230b

    gang zag dgu dgu'o/ /rigs drug dang ldan pa'i gang zag dgu dgu smos pa'i phyir dgu drug ni lnga bcu bzhi'o/ /gnas gzhan bcu drug smos pa'i phyir lnga bcu rtsa bzhi phrag bcu drug na brgyad brgyad drug cu rtsa bzhi ste/ rtsa drug rtsa bzhi'o/ /yang dbang po'i bye brag gis gsum du gyur te/ chung ngu dang 'bring dang/ chen po'i bye brag gis so/ /de ltar byas pas so/ /ci zhe na/ nyis stong lnga brgya dgu bcu rtsa gnyis yin no/ /tshul gang gis 'ching ba mdza' dag dang ldan pa nas rnam pa brgyad la 'dod chags dang bral ba'i bar gang zag dgu dgur rnam par bzhag pa'i tshul der bstan pa'i phyir/ bsam gtan 'og ma'i zhes bya ba rgyas par smos te/ bsam gtan 'og ma ste/ dang po nas gsum pa'i bar gyi rnam pa dgu las 'dod chags dang bral ba gang yin pa de ni bsam gtan gong ma ste/ gnyis pa nas bzhi pa'i bar gyi 'ching ba mdza' dag dang ldan pa yin no/ /de ci'i phyir zhe na/ 'dra bar brtsi ba'i phyir zhes bya ba rgyas par smos te/ ci nas kyang bsam gtan bzhin dgu dgur 'gyur bar bya ba'i phyir ro/ /gzhan dus mi 'dra bar brtsi bar 'gyur te/ bsam gtan dang po na 'ching ba mdza' dag dang ldan pa nas rnam pa dgu las 'dod chags dang bral ba'i bar bcur 'gyur ro/ gnyis pa ni rnam pa gcig las 'dod chags dang bral ba nas rnam pa dgu las 'dod chags dang bral ba'i bar dgur 'gyur te/ gsum pa na yang de dang 'dra'o/ /bzhi pa na ni rnam pa gcig las 'dod chags dang bral ba nas rnam pa brgyad las 'dod chags dang bral ba'i bar brgyad du 'gyur te/ rnam pa dgu las 'dod chags dang bral ba ni gzugs med pa'i 'ching ba mdza' dag dang ldan pa yin pa'i phyir ro zhes bshad zin to/ /gong du 'pho ba'i bar du yang de dang 'dra bas zhes bya ba ni skye nas dang/ mngon par 'du byed pa dang bcas pa dang/ mngon par 'du byed pa med pa dang/ gong du 'pho ba rnams kyang gnas gzhan dang/

  461. 231a

    rigs dang/ 'dod chags dang bral ba dang/ dbang po'i bye brag gis de bzhin du so sor nyis stong lnga brgya dgu bcu rtsa gnyis yin te/ thams cad bsdus na phyir mi 'ong ba'i khyad par lnga po dag khri nyis stong dgu brgya rtsa drug bcu yin no/ /gzugs med par 'gro ba skyes nas zhes bya ba la sogs rnam pa bzhi'i khyad par dag dang bcas na ni de'i tshe de dag ma mo zhig tu 'gyur ba lam 'dis khong du chud par 'gyur ba nyid bas bris so/ /srid rtse'i bar cha brgyad zad pa zhes bya ba ni srid pa'i rtse mo'i rnam pa brgyad zad par byed pa nas srid rtse'i bar ma brgyad zad pa ste/ srid pa'i rtse mo'i rnam pa brgyad kyis bar zad par yang byed par yang zhes bya ba'i tha tshig go /phyir mi 'ong ba de bsam gtan dang po'i rnam pa gcig las 'dod chags dang bral ba nas bzung ste/ zhes bya ba ni gang gi phyir 'dod pa las 'dod chags dang bral bas phyir mi 'ong ba rnam par bzhag pa de'i phyir de yan chad ni dgra bcom pa nyid kyi 'bras bu la zhugs pa yin no/ /ji ltar rdo rjes thams cad 'joms pa de bzhin du ting nge 'dzin 'dis kyang phra rgyas thams cad 'joms pas mthu'i sgo nas 'di rdo rje dang 'dra ba na rdo rje lta bu yin no/ /bcom zin pa'i phyir 'dis thams cad 'joms pa ni ma yin zhes bya ba ni khams gsum pa'i mthong bas spang bar bya ba dang/ bsgom pas spang bar bya ba 'dod pas na spyod pa nas srid pa'i rtse mo pa'i rnam pa brgyad kyi bar dag go /gal te thams cad mi 'joms na ci'i phyir phra rgyas thams cad 'joms pa yin zhes bya zhe na/ de'i phyir thams cad 'joms par nus pa yin no zhes bya ba smos te/ srid pa'i dbang du byas nas bshad do snyam du dgongs pa yin no/ /mi lcogs pa med pas 'dus pa zhes bya ba rgyas par 'byung ba ni dgra bcom pa nyid ni sa dgu po mi lcogs pa med pa dang/ bsam gtan khyad

  462. 231b

    par can dang/ bsam gtan bzhi dang/ srid pa'i rtse mo ma gtogs pa gzugs med pa gsum la brten nas 'thob ste/ de'i phyir 'di ltar spros so/ /sdug bsngal dang kun 'byung ba la rjes su shes pa'i rnam pa dag dang mtshungs par ldan pa brgyad ces bya ba ni srid pa'i rtse mo'i sdug bsngal la dmigs pa'i rjes su shes pa'i rnam pa bzhi dang mtshungs par ldan pa bzhi dang/ srid pa'i rtse mo pa'i kun 'byung ba la dmigs pa rjes su shes pa'i rnam pa gzhan bzhi dang mtshungs par ldan pa bzhi ste/ brgyad do/ /'gog pa dang lam la chos shes pa'i rnam pa dag dang mtshungs par ldan pa brgyad ces bya ba la'ang de kho na bzhin du brjod par bya ste/ bsgom pa'i lam la 'gog pa 'am/ lam la chos gang yin te/ khams gsum gyi ni gnyen po yin zhes 'byung ba 'dir de gnyis kho na nye bar dgong kyi sdug bsngal dang kun 'byung ba la chos shes pa dag ni mi bzung ngo/ /de bzhin du srid pa'i rtse mo'i 'gog pa la dmigs pa'i bar du zhes bya ba la/ bar du zhes bya ba'i sgras ni ji ltar bsam gtan dang po'i 'gog pa la dmigs pa'i rnam pa dag dang mtshungs par ldan pa bzhi yin du bsam gtan gnyis pa dang/ gsum pa dang/ bzhi pa dang/ nam mkha' dang/ rnam par shes pa dang/ ci yang med pa'i skye mched dang/ srid pa'i rtse mo'i 'gog pa la dmigs pa dag kyang so sor bzhi bzhi yin par brjod par bya'o/ /lam la rjes su shes pa'i rnam pa dag dang mtshungs par ldan pa bzhi ste zhes bya ba 'di ni so so'i lam la dmigs pa rjes su shes pa'i rnam pa dag dang mtshungs par ldan pa bzhi bzhi zhes ma brjod do/ /bci'i phyir zhe na/ rjes su shes pa'i phyogs dang mtshungs pa zad par la dmigs pa'i phyir ro zhes bya ba smos so/ /rjes su shes pa'i phyogs dang mthun pa'i lam ni gnyen po ngo bor yang khyad par med la lam ni phan tshun gyi rgyu yang yin pas ril kho na la

  463. 232a

    dmigs kyi 'gog pa ni ma yin no/ /de'i phyir lam la rjes su shes pa'i rnam pa dag dang mtshungs par ldan pa ni bzhi kho nar zad do/ /de dag ni shes pa'i rnam pa dag dang dmigs pa'i bye brag gis tha dad pa'i phyir zhes bya ba ni shes pa'i rnam pa'i bye brag dang/ dmigs pa'i bye brag gis tha dad pa'o yang na shes pa rnams dang/ rnam pa rnams dang/ dmigs pa rnams kyi bye brag gis tha dad pa ste/ re shig shes pa'i rnam pa'i bye brag gis tha dad pa ni sdug bsngal dang kun 'byung ba la rjes su shes pa'i rnam pa dag dang zhes bya ba de lta bu la sogs pa 'byung ba'i phyir ro/ /dmigs pa'i bye brag gis tha dad pa yang srid pa'i rtse mo pa'i sdug bsngal dang kun 'byung ba la dmigs pa zhes bya ba de lta bu la sogs pa 'byung ba'i phyir ro/ /lnga bcu rtsa gnyis yin no zhes bya ba ni dang po brgyad tshan gnyis te/ bcu drug dang/ bsam gtan dang po'i 'gog pa la dmigs pa bzhi nas lam la rjes su shes pa'i rnam pa dag dang mtshungs par ldan pa bzhi'i bar bzhi tshan dgu la sum cu rtsa drug ste bcu drug dang sum cu rtsa drug na lnga bcu rtsa gnyis su 'gyur ro/ /mi lcogs pa med pas bsdus pa ji lta bar zhes bya ba rgyas par 'byung ba ni dngos gzhi'i bsam gtan la ma brten cing ma zhugs par skye bas na mi lcogs pa med pas te/ bshad ma thag pa'i rnam pa gang gis mi lcogs pa med pas bsdus pa'i rdo rje lta bu'i ting nge 'dzin lnga bcu rtsa gnyis yin pa'i rnam pa de nyid kyi bsam gtan khyad par can gyi bsdus pa yang lnga bcu rtsa gnyis yin no/ /ji ltar byas pas zhe na/ bsam gtan khyad par can gyis bsdus pa srid pa'i rtse mo ba'i sdug bsngal dang kun 'byung ba la dmigs pa sdug bsngal dang kun 'byung ba la rjes su shes pa'i rnam pa dag dang mtshungs par ldan pa brgyad dang/ 'gog pa dang lam la chos shes pa'i

  464. 232b

    rnam pa dag dang mtshungs par ldan pa brgyad dang/ 'gog pa la rjes su shes pa'i rnam pa dag dang mtshungs par ldan pa bsam gtan dang po'i 'gog pa la dmigs pa bzhi nas de bzhin du srid pa'i rtse mo'i 'gog pa la dmigs pa'i bar du bzhi dang/ lam la rjes su shes pa'i rnam pa dag dang mtshungs par ldan pa bzhi ste/ rjes su shes pa'i phyogs dang mthun pa zad par la dmigs pa'i phyir ro/ /de dag ni shes pa'i rnam pa dang/ dmigs pa'i bye brag gis tha dad pa'i phyir lnga bcu rtsa gnyis yin no bsam gtan khyad par can gyis bsdus pa ji lta ba de bzhin du bsam gtan dang po bsdus pa lnga bcu rtsa gnyis yin pa nas bsam gtan bzhi pas bsdus pa'i bar du lnga bcu rtsa gnyis yin no/ /grangs bzhin du zhes bya ba ni nam mkha' mdza' yas skye mched kyis bsdus pa ni nyi shu rtsa brgyad do/ /rnam shes mdza' yas skye mched kyis bsdus pa ni nyi shu rtsa bzhi'o/ /ci yang skye mched kyis bsdus pa ni nyi shu'o/ /srid pa'i rtse mo na ni 'phags pa'i lam med pas des bsdus pa med pa'i phyir mi bsam mo/ /de na chos shes pa med pa'i phyir zhes bya ba ni chos shes pa ni drug pa yin pa'i phyir de lta bas na 'gog pa dang lam la chos shes pa'i rnam pa dag dang mtshungs par ldan pa brgyad med do/ /rjes su shes pas sa 'og ma'i 'gog pa la dmigs pa med pa'i phyir 'gog pa la rjes su shes pa'i rnam pa dag dang mtshungs par ldan pa bsam gtan bzhi'i 'gog pa la dmigs pa bcu drug kyang med pas nyi shu rtsa brgyad du 'gyur te/ lnga bcu rtsa gnyis las brgyad dang bcu drug de ltar bor ba'i phyir ro/ /ji lta zhe na/ nam mkha' mdza' yas skye mched kyis bsdus pa srid pa'i rtse mo pa'i sdug bsngal dang kun 'byung ba la shes pa'i rnam pa dag dang mtshungs par ldan pa brgyad dang/ 'gog pa la rjes su shes pa'i rnam pa dag dang

  465. 233a

    mtshungs par ldan pa nam mkha' mdza' yas skye mched la sogs pa'i 'gog pa la dmigs pa bcu drug dang/ lam la rjes su shes pa'i rnam pa dag dang mtshungs par ldan pa bzhi ste/ de dag ni shes pa'i rnam pa dang/ dmigs pa'i bye brag gis tha dad pa'i phyir nyi shu rtsa brgyad yin no/ /de bzhin du rnam shes mdza' yas skye mched kyis bsdus pa ni nam mkha' mdza' yas skye mched kyi 'gog pa la dmigs pa bzhi bor nas nyi shu rtsa bzhi yin par sbyar ro/ /ci yang med pa'i skye mched kyis bsdus pa ni rnam shes mdza' yas skye mched kyi 'gog pa la dmigs pa gzhan bzhi yang bor nas nyi shu yin no/ /yang ci'i phyir gzugs med pa rnams rang gi sa dang sa gong ma pa kho na'i 'gog pa la dmigs kyi/ bsam gtan bzhin du sa 'og ma pa ni ma yin zhe na/ sa 'og ma'i sdug bsngal la ma dmigs par de'i 'gog pa la dmigs par mi nus so/ /sdug bsngal yang thams cad zag pa dang bcas pa yin la/ gzugs med dngos gzhi dge thabs kyi/ /spyod yul zag bcas 'og ma min/ zhes bya ba 'di yang nges pa 'di ni rgyun yin no/ /bsam gtan rnams ni kun tu lta ba yin pa'i phyir mi dgag ste/ bsam gtan dge yul yod dgu yin zhes 'chad par 'gyur ro/ /yang ci'i phyir 'gog pa kho na la dmigs kyi sdug bsngal lam kun 'byung ba la ni ma yin zhe na/ srid pa'i rtse mo man chad kyis las 'dod chags dang bral ba'i phyir ro/ /de la ni srid pa'i rtse mo pa'i rnam pa dgu pa rdo rje lta bus gzhom par bya ba kho na la? ?/ /sa 'og ma pa'i gnyan pa la dmigs pa ni yod de zhes bya ba ni shes pa'i dbang du byas pa yin te/ de yang rdo rje'i lta bu'i ting nge 'dzin dang mtshungs par ldan par rig par bya'o/ /gnyen po de ni phan tshun du rgyu yin pa'i phyir ro zhes bya ba ni

  466. 233b

    sa dgu'i lam phan tshun du/ mnyam dang khyad par can dag gi /zhes bya ba'i phyir lam la rjes su shes pa thams cad rjes su shes pa'i phyogs dang mthun pa'i sa dgu pa'i dmigs pa yin no/ /gang dag ces bya ba rgyas par 'byung ba ni chos mngon pa gang dag 'gog pa la rjes su shes pa 'ba' zhig tu ma zad kyi lam la rjes su shes pa yang sa re re'i gnyen po la dmigs pa yin par 'dod pa de dag gi ltar na nyi shu rtsa brgyad lhag par mnan na mi lcogs pa med pas bsdus pa'i rdo rje lta bu ni brgyad cu yin no/ /ji ltar byas pas zhe na/ snga ma ltar na rjes su shes pa'i phyogs dang mthun pa zad par la dmigs pa yin pa'i phyir lam la rjes su shes pa'i rnam pa bzhi dang mtshungs par ldan pa bzhi yin no/ /da ni kha cig gi gzhung lugs kyis sa re re'i gnyen po la dmigs pa yin par yang rnam par 'jog ste/ mi lcogs pa med pas bsdus pas bsam gtan pa'i gnyen po la dmigs pa/ lam la rjes su shes pa'i rnam pa dag dang mtshungs par ldan pa bzhi nas/ de bzhin du ci yang med pa skye mched kyi gnyen po la dmigs pa lam la rjes su shes pa'i rnam pa dag dang ldan pa'i bar du bzhi ste/ de ltar na nyi shu rtsa brgyad lhag ma yin no/ /lnga bcu rtsa gnyis la nyi shu rtsa brgyad kyis lhag par bsnan na brgyad cur 'gyur ro// yang ci'i phyir srid pa'i rtse mo gnyen po la dmigs pa lam la rjes su shes pa'i rnam pa dag dang mtshungs par ldan pa bzhi mi 'grang zhe na/ smras pa/ zag pa med pa'i lam srid pa'i rtse mo'i bsdus pa srid pa'i rtse mo'i gnyen po ni med kyi bsam gtan dang po'i sa pa nas ci yang med pa'i skye mched kyi sa pa'i bar ni yod de/ de lta bas na de dag gi gnyen po la dmigs pa kho na bshad kyi/ srid pa'i rtse mo'i gnyen po la dmigs pa ni ma yin no/ /gzhan dag 'chad pa ni gang dag lam la rjes su shes pa yang sa re re'i gnyen

  467. 234a

    po la dmigs pa yin par 'dod pa ni 'gog pa la rjes su shes pa ji lta ba bzhin du 'dod pa zhes bya bar bsam pa yin no/ /de dag gi ltar na srid pa'i rtse mo pa'i sdug bsngal dang/ kun 'byung ba la rjes su shes pa'i rnam pa dag dang mtshungs par ldan pa brgyad dang/ 'gog pa dang lam la chos shes pa'i rnam pa dag dang mtshungs par ldan pa brgyad dang/ 'gog pa la rjes su shes pa'i rnam pa dag dang mtshungs par ldan pa bsam gtan dang po'i 'gog pa la dmigs pa bzhi nas srid pa'i rtse mo'i 'gog pa la dmigs pa'i bar du bzhi ste sum cu rtsa gnyis dang/ de bzhin du lam la rjes su shes pa'i rnam pa dag? dang mtshungs par ldan pa yang de dang 'dra bar sum cu rtsa gnyis yin pas mi ldogs pa med pas bsdus pa rdo rje lta bu ni brgyad cu yin no zhes zer ro/ /de dag gi ltar rjes su shes pa'i phyogs dang mthun par zad par la dmigs pa'i phyir lam la rjes su shes pa'i rnam pa dag dang mtshungs par ldan pa bzhi po gang dag yin pa dag ni med kyi de dag gi gor srid pa'i rtse mo'i gnyen po la dmigs pa dag yod pas 'dir rdo rje lta bu brgyad cu yin no/ /bsam gtan bzhi pas bsdus pa'i bar du yang de dang 'dra'o/ /ji ltar zhe na/ nyi shu rtsa brgyad lhag par bsnan nas bsam gtan khyad par can gyis bsdus pa'i rdo rje lta bu brgyad cu yin te/ bsam gtan khyad par can gyis bsdus pa ji lta bu de bzhin du/ bsam gtan dang po dang/ gnyis pa dang/ gsum pa dang/ bzhi pas bsdus pa'i rdo rje lta bu yang brgyad cu yin no/ /nam mkha' mdza' yas skye mched la sogs pa dag ni zhes bya ba ni srid pa'i rtse mo ma gtogs pa'i gzugs med pa gsum po dag na ni go rim bzhin du bzhi bcu dang/ sum cu rtsa gnyis dang/ nyi shu rtsa bzhi yin no/ /ji ltar byas pas zhe na/ re shig

  468. 234b

    nam mkha' mdza' yas skye mched kyi rdo rje lta bu'i ting nge 'dzin nyi shu rtsa brgyad la nam mkha' mdza' yas skye mched kyi gnyen po la dmigs pa lam la rjes su shes pa'i rnam pa dag par mtshungs par ldan pa bzhi... nas ci yang med pa'i skye mched kyi gnyen po la dmigs pa'i bar bzhis bstan te/ bcu gnyis kyis bsnan na bzhi bcur 'gyur ro/ /de bzhin du nyi shu rtsa bzhi la ni rnam shes mdza' yas skye mched kyi gnyen po la dmigs pa bzhi dang/ ci yang med pa'i skye mched kyi gnyen po la dmigs pa bzhis bsnan nas sum cu rtsa gnyis su 'gyur ro/ /de bzhin du nyi shu la ni ci yang med pa'i skye mched kyi gnyen po la dmigs pa bzhis bsnan nas nyi shu rtsa bzhir 'gyur ro/ /smras pa/ sa 'og ma'i gnyen po la dmigs pa ni yod de/ de ni phan tshun rgyu yin pa'i phyir ro zhes bshad pa ma yin nam/ yang ci'i phyir nam mkha' mdza' yas skye mched la sogs pa bsdus pa rang gi sa dang sa gong ma'i gnyen po la dmigs pa kho nar bshad kyi/ sa 'og ma'i gnyen po la dmigs pa ni ma yin zhe na/ 'dir smras pa/ khyad par du ma byas par rjes su shes pa'i phyogs dang mthun pa'i lam sa dgu pa ni sa 'og ma'i gnyen po la dmigs pa yin no zhes bshad kyi nam mkha' mdza' yas skye mched la sogs pa bsdus pa sa 'og ma'i gnyen po la dmigs pa ni ma yin no/ /'o na ci zhe na/ rang gi sa dang sa gong ma'i gnyen po kho na la dmigs pa yin no/ /de la rjes su shes pa'i khyad par mod pa'i ngo bor 'og ma la dmigs pa yin gyi/ khyad par gyi ngo bor ni ma yin no/ /rang gi sa dang sa gong ma la dmigs pa ni khyad par gyi ngo bor yang yin no zhes bya ba 'dir ni gzhan gyi gzhung lugs kyis bshad pa yin no/ /snga ma ste de la rjes su shes pa ni rjes su shes pa'i phyogs dang mthun pa thams cad la ci'i ngo bo kho nar dmigs so zhes bya ba de ni

  469. 235a

    bye brag du smra ba rnams kyi gzhag pa'i phyogs yin te/ 'di ltar slob dpon 'dul bzangs gis lam la rjes su shes pa thams cad ni rjes su shes pa'i phyogs dang mthun pas dgu pa'i dmigs pa yin no zhes bshad do/ /gzhan dag ni 'di skad zer te/ srid pa'i rtse mo'i sdug bsngal dang kun 'byung ba la rjes su shes pa'i rnam pa dag dang mtshungs par ldan pa brgyad dang/ 'gog pa la rjes su shes pa'i rnam pa dag dang mtshungs par ldan pa nam mkha' mdza' yas skye mched kyi 'gog pa la dmigs pa bzhi nas srid pa'i rtse mo pa'i 'gog pa la dmigs pa'i bar bzhi ste/ bcu drug dang/ lam la rjes su shes pa'i rnam pa dag dang mtshungs par ldan pa yang nam mkha' mdza' yas skye mched kyi gnyen po la dmigs pa bzhi nas srid pa'i rtse mo'i gnyen po la dmigs pa'i bar bzhi ste/ bcu drug go /de dag gi bcu drug phrag gnyis dang/ sngar bshad pa'i brgyad nas nam mkha' mdza' yas skye mched kyis bsdus pa'i rdo rje lta bu bzhi bcur 'gyur ba yin no/ /rnam shes mdza' yas skye mched kyi bsdus pa ni sum cu rtsa gnyis te/ nam mkha' mdza' yas skye mched kyi 'gog pa dang gnyen po la dmigs pa brgyad dor ro/ /ci yang med pa'i skye mched kyis bsdus pa ni nyi shu rtsa bzhi ste/ rnam shes mdza' yas skye mched kyi 'gog pa dang lam la dmigs pa gzhan brgyad kyang dor ro zhes zer te/ de dag ni srid pa'i rtse mo la yang/ gnyen po'i lam sa 'og ma ba yod do zhes zer ro/ /yang rigs dang dbang po'i bye brag gis ni chos mang ba yin no zhes bya ba ji lta bu yin zhe na/ re zhig thams cad kyi dang por brgyad bshad pa de dag la srid pa'i rtse mo pa'i sdug bsngal la dmigs pa mi rtag pa'i rnam pa dang mtshungs

  470. 235b

    par ldan pa'i rdo rje lta bu gang yin pa de rigs drug gi khyad par rnam pa drug go /de bzhin du sdug bsngal la sogs pa'i rnam pa dang mtshungs par ldan pa gsum yang so sor dbang po chung ngu dang 'bring dang chen po'i bye brag gis tha dad do/ /ji ltar 'di dag gi so sor rigs dang dbang po'i bye brag gis tha dad pa de bzhin du srid pa'i rtse mo pa'i kun 'byung ba la dmigs pa bzhi yang so sor rigs drug gi bye brag gi khyad par rnam pa drug yin la/ dbang po gsum gyi bye brag gi khyad par rnam pa gsum yin no/ /ji ltar brgyad po 'di dag rigs dang/ dbang po'i bye brag gis so sor khyad par rnam pa drug dang/ rnam pa gsum yin pa de bzhin du mi lcogs pa med pas bsdus pa shes pa'i rnam pa dang/ dmigs pa'i bye brag gis tha dad pa dag nas ci yang med pa'i skye mched kyis bsdus pa'i bar thams cad kyang rigs dang/ dbang po'i bye brag gi tha dad par lam 'dis sbyar bar bya'o/ /yang na 'di ltar sbyar bar bya'o/ /phyogs dang po la mi lcogs pa med pas bsdus pa lnga bcu rtsa gnyis yin par rigs dang dbang po'i bye brag gis tha dad par lam 'dis sbyar bar bya'o/ /phyogs dang po la mi lcogs pa med pas bsdus pa lnga bcu rtsa gnyis yin pa ltar ci yang med pa'i skye mched kyis bsdus pa nyi shu yin pa'i bar yang de dang 'dra ste/ spyir bsdus na rdo rje lta bu sum brgya brgyad cu rtsa bzhir 'gyur ro/ /de dag rigs dang dbang po'i bye brag gi drug 'gyur dang/ sum 'gyur du bsgyur na drug stong dgu brgya rtsa bcu gnyis su 'gyur ro/ /phyogs gnyis pa la ni gang la dang po brgyad cu yin pa na ci yang med pa'i skye mched la nyi shu rtsa bzhi yin pa'i bar gcig tu bsdoms na lnga brgya bdun cu rtsa drug du 'gyur ro/ /? ? dbang po'i bye brag gis drug 'gyur dang sum 'gyur du bsgyur na rdo rje lta bu khri sum brgya drug cu rtsa

  471. 236a

    brgyad du 'gyur ro/ /de nyid kyi phyir de ni dang po nyid du zhes bya ba gang gi phyir zhe na/ dang po nyid du zag pa thams cad zad pa'i thob pa dang lhan cig skye ba'i phyir zhes bya ba smos te/ gang gi phyir shes pa de dang po nyid du zad pa thams cad zad pa'i thob pa dang lhan cig skyes pa'i phyir zad pa shes pa zhes bya ste/ bar gyi tshig mi mngon par byas pa'i phyir ram/ nges pa'i tshig gi tshul gyis so/ /dang po nyid du zhes smos pa ni mi skye ba shes pa la khyad par bya ba'i phyir ro/ /thams cad ces smos pa ni rgyun tu zhugs pa la sogs pa'i shes pa las khyad par du byas pa'i phyir te/ sgra 'jug pa ni brdal bltos pas so/ /de nyid kyi phyir zhes bya ba ni de rang gi don yongs su rdzogs pa na gzhan gyi don byed par 'os pa'i phyir te/ gzhan gyi don byed par bshad pa'i phyir zhes bya ba'i tha tshig go /'dod chags dang bcas pa thams cad kyis mchod par 'os pa'i phyir zhes bya ba la/ 'dod chags dang bcas pa ni so so'i skye bo dang slob pa rnams te/ de dag thams cad kyis mchod par 'os pas dgra bcom pa yin no/ /grub po zhes bya ba ci grub ce na/ gang zag sngar bshad pa gzhan bdun ni slob bdag yin no zhes bya ba smos te/ 'bras bu la gnas pa gsum dang/ zhugs pa bzhi bshad pa yin te/ 'di kho na mi slob pa yin no zhes dmigs kyis bsal ba'i phyir 'di las gzhan pa'i 'phags pa rnams ni slob pa yin no zhes bya bar grub po/ /ci'i phyir slob pa yin zhes bya ba ni rgyu gang gis na gang zag bdun po de dag slob pa zhes bya zhe na/ zag pa zad par bya ba'i phyir rtag tu/ slob pa'i ngang tshul can yin pa'i phyir zhes bya ba smos te/ 'di dag slob pa'i ngang tshul can yin pas na slob pa dag go /gang la slob pa'i ngang tshul can yin zhe na/ slob pa gsum

  472. 236b

    pa la'o/ /bslab pa gang yin zhe na/ lhag pa'i tshul khrims dang/ lhag pa'i sems dang/ lhag pa'i shes rab bo/ /de dag gi rang bzhin ci zhe na/ tshul khrims dang/ ting nge 'dzin dang/ shes rab kyi rang bzhin yin no zhes bya ba smos so/ /lhag pa'i tshul khrims la slob pas na lhag pa'i tshul khrims la te/ de bzhin du lhag pa'i shes rab kyi bar la slob pas na lhag pa'i shes rab la slob pa'o/ /bslab pa gsum las tha mi dad pa'i phyir tshul khrims la sogs pa'i rang bzhin nyid bslab pa yin no zhes zer ro/ /so so'i skye bo yang slob pa yin par 'gyur ro zhes bya ba ni so so'i skye bo yang ji skad bshad pa dag la slob pas so?/ /ma yin te bden pa yang dag pa ji lta ba bzhin rab tu mi shes pa'i phyir dang zhes bya ba ni de ni de lta ma yin no/ /ci'i phyir zhe na/ dge slong dag 'phags pa'i shes rab kyis mthong ba gang yin pa de ni zhes 'byung bas sdug bsngal la sogs pa'i bdon pa rnams yang dag pa ji lta ba bzhin rab tu mi shes pa'i phyir te/ khong du ma chud pa'i phyir ro/ /'di ltar mdo las lhag pa'i tshul khrims dang/ lhag pa'i sems kyi bslab pa rgya cher bshad nas lhag pa'i shes rab kyi bslab pa gang yin zhe na/ 'di ni sdug bsngal 'phags pa'i bden pa yin no zhes bya bar yang dag pa ji lta ba bzhin rab tu shes shing/ 'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gyur ba'i lam 'phags pa'i bden pa yin no zhes bya bar yang ji lta ba bzhin shes pa yin no zhes gsungs te/ de ltar bden pa yang dag pa ji lta ba bzhin du mi shes pa'i phyir ro/ /gzhan yang slob pa gtong ba'i phyir te/ so sor thar pa'i sdom pa yongs su gtong pa dang dro bar gyur pa la sogs pa las yongs su nyams pa'i sgo nas tshul khrims la sogs pa gang la bslab pa de la slob pa gtong ba'i phyir ro/ /'phags pa ni chung zad gtong du zin kyang thams cad ma yin

  473. 237a

    te/ 'phags pa ni nam yang bslab pa gsum char med pa yin no/ /'phags pa rang bzhin du gnas pa zhes bya ba ni sems can rnams kyi rang bzhin ni mnyam par ma bzhag pa'i gnas skabs yin te/ de la gnas pa'i 'phags pa bsod snyoms la sogs pa spyod du gshegs pa'i slob pa'i dang tshul can ma yin pas slob pa ma yin par 'gyur ro snyam du bsam pa yin no/ /bsam pa'i sgo nas te zhes bya ba ni 'dun pa'i sgo nas so/ /lam du 'gro ba gnas pa bzhin no zhes bya ba la/ lam du 'gro ba zhes bya ba ni gang zhig lam du zhugs te 'gro ba de ni 'dug tu zin kyang 'gro ba'i bsam pa ma bor ba'i phyir lam du 'gro ba zhes bya ba nyid de de dang 'dra'o/ /thob pa dang rjes su 'brel pa'i phyir te/ 'phags pa ni rang bzhin du gnas kyang tshul khrims dang/ ting nge 'dzin dang shes rab dag gi thob pa dang rjes su 'brel to/ /de lta bas na rang bzhin la gnas kyang slob pa'i ngang tshul can kho na yin no/ /slob pa dang mi slob pa'i bar la yang slob pa'i chos rnams gang zhe na zhes bya ba la sogs pa 'di brjod do/ /slob pa'i chos zag pa med pa 'dus byas kyi ngo bo nyid dag yin te/ mi slob pa'i chos mi slob pa rnams kyang de dang 'dra'o/ /ci'i phyir mya ngan las 'da' ba slob pa ma yin zhes bya ba ni slob pas thob pa gang yin pa snyam du bsam pa yin no/ /mi slob pa dang so so'i skye bo gnyi ga yang de dang ldan pa'i phyir ro/ /zhes bya ba ni so so'i skye bo yang 'jig rten pa'i lam gyis thob pa'i mya ngan las 'das pa dang ldan no/ /zhugs pa dang po zhes bya ba ni mthong pa'i lam la gnas pa'o/ /zhugs pa lhag ma rnams zhes bya ba rgyas par 'byung ba ni zhugs pa lhag ma lan cig phyir 'ong ba dang/ phyir mi 'ong ba dang/ dgra bcom pa nyid la zhugs pa rnams ni 'bras bu la gnas pa gsum las tha mi dad pa'i

  474. 237b

    phyir ro/ /rgyun tu zhugs pa dang/ lan cig phyir 'ong ba dang phyir mi 'ong ba'i 'bras bu la gnas pa dag las tha mi dad pa'i phyir te/ lan cig phyir 'ong ba la zhugs pa la sogs pa ni rgyun tu zhugs pa la sogs pa las tha dad pa ma yin no zhes bya ba'i tha tshig go /mthar gyis 'thob pa'i phyir de skad ces bshad kyi zhes bya ba ni mthar gyis 'bras bu bzhi 'thob pa'i phyir rjes su ni lnga yin te zhes bshad par zad do/ /phal cher dang 'dod pa las 'dod chags dang bral ba dag cig yin na ni zhes bya ba ni phal cher las 'dod chags dang bral ba ni rnam pa drug zad pa'o/ /'dod pa las 'dod chags dang bral ba ni rnam pa dgu zad pa'o/ /mthong ba'i lam la zad pa ste/ mthong ba'i lam gyi gnas skabs na go rims bzhin du lan cig phyir 'ong ba dang/ phyir mi 'ong ba'i 'bras bu zhugs pa dag yin gyi/ rgyun du zhugs pa dang/ lan cig phyir 'ong ba dag ni ma yin no/ /'o na ci zhe na/ de la zhan pa dag yin no/ /de lta yin dang rjes su rgyun tu zhugs pa dang/ lan cig phyir 'ong ba dang/ phyir mi 'ong ba'i 'bras bu la zhugs pa gsum dang/ 'bras bu la gnas pa bzhi ste bdun du 'gyur gyi dgra bcom pa nyid kyi 'bras bu la zhugs pa gcig tu phyir mi 'ong ba'i 'bras bu las tha mi dad do zhes bya bar khong du chud par bya'o/ /bsgom pa'i lam rnam pa gnyis su bshad pa la zhes bya ba ni/ bsgom pa'i lam ni rnam gnyis te/ /mthong ba zhes bya zag pa med ces 'byung ba'i phyir ro/ /de'i nyon mongs pa rgyas par 'gyur ba'i phyir te zhes bya ba ni 'di ltar 'jig rten pa'i lam de la de'i sa pa'i nyon mongs pa dmigs pa'i sgo nas rgyas par 'gyur ro/ /nyon mongs pa gang zhig ces bya ba rgyas par 'byung ba ni/ chos mthun pa dang chos mi mthun pa'i dpe ston par byed pa yin te/ sa gang ba'i lam yin pa de ni sa de'i nyon mongs pa'i gnyen po ma

  475. 238a

    yin te/ de'i nyon mongs pa rgyas par 'gyur ba'i phyir sa de pa'i chos gzhan mnyam par gzhag pa lta bu'o/ /chos mi mthun pa'i ni gong ma'i nyer bsdogs kyi lam lta buAm de'i gnyen po zag pa med pa'i lam lta bu'o/ /'jig rten pa'i lam gyis kyang 'dod chags dang 'bral ba zhes bya ba ni sa gong ma'i nyer bsdogs kyis so/ /'jig rten las 'das pas kyang zhes bya ba ni de'i gnyen po zag pa med pa'i lam rang gi dang sa 'og ma pas so/ /'phags pa 'jig rten pa'i lam gyis 'dod chags dang bral bar zhes bya ba ni dper na rgyun tu zhugs pa zhig nas spyad pa zhig 'jig rten pa'i lam gyis 'dod chags dang bral bar gyur na rnam pa re re? zhing bral ba'i thob pa zag pa dang bcas pa dang/ zag pa med pa dag skye'o/ /bsam gtan la brten te zhes bya ba ni 'di ltar/ mi slob sa dgu la brten te/ slob pa drug la zhes 'byung ba'i phyir slob pa ni sa drug la brten te dbang po rnams 'pho bar byed kyi gzugs med pa la ni ma yin no zhes bya bar nges so/ /de'i phyir smras pa/ bsam gtan la brten te dbang po rnams 'pho bar byed pa gang yin pa de lam lnga ma zad par btang ba'i phyir te/ gzugs med pa'i lam dbang po rtul pos bsdus pa sngar thob pa rnams btang ba'i phyir dang/ 'phel ba 'bras bu khyad par bcas/ /btang ste 'bras bu 'thob par 'gyur zhes 'byung bas 'bras bu'i lam 'ba' zhig thob pa'i phyir te/ phyir mi 'ong ba'i 'bras bu dbang po rnon po'i ngo bo nyid 'ba' zhig thob pa'i phyir/ sa gong ma'i nyon mongs pa'i bral ba ste/ gzugs med pa na spyod pa'i nyon mongs pa ni bral ba dang mi ldan par 'gyur ro/ /nyes pa gzhan 'di yang yod de/ sa gong ma pa'i nyon mongs pa bral ba de btang nas gong ma'i

  476. 238b

    nyon mongs pa de dag dang ldan par yang 'gyur ro/ /srid rtse'i phyed las rnam grol dang/ gong mar skyes pa bzhin mi ldan zhes bya ba ni phyed las rnam par grol ba ni phyed las rnam par grol lo/ /srid pa'i rtse mo'i phyed las rnam par grol ba ni srid rtse'i phyed las rnam grol lo/ gong du skyes pa ni gong du skyes pa'o/ /srid pa'i rtse mo'i phyed las grol ba dang/ gong du skyes pa ni srid pa'i rtse mo'i phyed las grol ba dang/ gong du skyes pa yin no/ /de dang 'dra bas srid rtse'i phyed las rnam grol dang/ gong mar skyes pa bzhin no/ /mi ldan pa ni de dag dang de zhes bya ba tshig lhag ma yin no/ /du zhes bya ba'i sgra ni nyes pa snga ma bsal ba'i phyir ro/ /don de rnam par grol ba'i phyir de la 'jig rten pa'i bral ba'i thob pa med du zin kyang zhes bya ba rgyas par smos te/ gang zag de las 'jig rten pa'i thob pa med du zin kyang nyon mongs pa de dag ldan par mi 'gyur ro/ /dper na srid pa'i rtse mo'i rnam pa phyed las rnam par grol ba zhes bya ba rgyas par 'byung ba ni de lan srid pa'i rtse mo'i rnam pa phyed las bral ba'i thob pa 'jig rten pa med de/ de'i gnyen po 'jig rten pa'i lam med pa'i phyir ro/ /de'i bral ba'i thob pa 'jig rten las 'das pa yang bsam gtan la brten te/ dbang po 'pho bas gtang bar 'gyur mod kyi/ khyed srid pa'i nyon mongs pa'i rnam pa de dag dang ldan par mi 'gyur bas khas len pa ltar 'di yang de dang 'dra'o/ /yang dper na so so'i skye bo bsam gtan dang po yan chad du skyes pa ste/ bsam gtan gnyis pa la sogs par skyes pa bsam gtan dang po'i sa pa de'i bral ba thob pa'i phyir ro/ /'dod pa ni spyod pa'i nyon mongs pa'i bral ba'i thob pa btang ba ste/ sa 'phos pa dang nyams pa yin/ /bsam gtan thob pa'i dge ba stong/ /de bzhin du gzugs med ces bya bar nges pas btang ba yin no/ /de'i phyir 'dod

  477. 239a

    pa na spyod pa'i nyon mongs pa de dag dang ldan par mi 'gyur bar khas len pa ltar gang zag 'di yang de dang 'dra'o/ /so so'i skye bo zhes smos pa ni 'di ltar 'phags pa 'jig rten pa'i lam gyis 'dod pa'i khams kyi gong ma las 'dod chags dang bral bar 'gyur ba la ni nyon mongs pa'i bral ba'i thob pa 'jig rten las 'das pa yang yod do/ /de la 'dod pa na spyod pa'i nyon mongs pa'i bral ba'i thob pa 'jig rten pa gang yin pa de ni bsam gtan dang po yan chad du skyes pas 'pho bas btang bar 'gyur gyi 'jig rten las 'das pa ni ma yin te/ 'phags pa ni 'bras thob sbyangs dang nyams pa yis zhes bya bar gtong bar nges pa'i phyir ro/ /'phags pa ni bsam gtan dang po yan chad du skyes kyang 'jig rten las 'das pa de yod na/ yang de dang ldan pa mi srid kyi so so'i skye bo ni de lta ma yin pas so so'i skye bo smos so/ /de lta bas na btang la nyon mongs mi ldan phyir zhes smos pa gang yin pa 'di ni shes par byed pa ma yin no/ /thams cad las zhes bya ba ni rang gi sa dang sa gong ma dang 'og ma las te/ de ni zag pa med pa'i phyir ro/ /btang snyoms kyi dbang po thun mong yin pa'i phyir zhes bya ba ni bsam gtan bzhi pa la sogs pa'i snyoms par 'jug pa dang/ de'i nyer bsdogs dag btang snyoms kyi dbang po 'dra bas so/ /la la bsam gtan dngos gzhi la 'jug mi nus te zhes bya ba ni dbang po rtul po'o/ /dbang po 'pho ba ni dga' ba'i phyir ro zhes bya ba ni btang snyoms kyi dbang po'i mjug thogs su yid bde ba'i dbang po 'am/ bde ba'i dbang po bskyed dka' ba'i phyir dngos gzhi dang nyer bsdogs dag gi btang snyoms kyi dbang po 'dra bas so/ /ci'i phyir dngos gzhi kho na las rnam par grol ba'i lam tha ma mngon du byed kyi nyer bsdogs las ni ma yin zhe na/ 'dod chags dang bral ba'i sa la gus pa'i

  478. 239b

    phyir ro/ /'dod chags dang bral zin pa'i phyir 'og ma la ni ma yin te/ de'i nyer bsdogs kho nas 'og ma las 'dod chags dang bral bar byas pa'i phyir ro/ /bden pa'i rnam par shes par zhugs pa dag yin no zhes bya ba ni mi rtag pa la sogs pa'i rnam par zhugs pa dag yin no/ /ci rigs par zhes bya ba ni kha cig na re sa 'og ma la rags par lta na gong ma la de las bzlog pa zhi bar blta'o zhes zer ro/ /gzhan dag na re zhi ba la sogs pa'i rnam pa dag la res dga' ni rnam pa dang po cig gi rnam par lta ste/ mdza' dag tu lta bar nges pa ni med do zhes zer ro/ /rags pa zhes bya ba la/ rags pa zhes bya ba ni che long yin no/ /ma zhi ba'i phyir rags pa'o/ /ji ltar sa 'og ma ma zhi ba yin zhe na/ mngon par 'du byed pa shin tu che ba nyid kyis te/ gnas 'og ma 'di yang lam dang bcas te mngon par 'du byed pa chen pos 'bad de bsgrub par bya ba yin/ gnas gong ma 'di yang lam dang bcas te mngon par 'du byed pa chen pos yin pa las/ de gnyis kyi nang na 'di mngon par 'du byed pa shin tu ches che ba yin no// de'i ngo bo ni nyid de de'i phyir ro/ /tha ba ni gzhig par dga' ba yin no/ /smad pa'i tha ba ni ngan pa ste/ tha ba ngan pas na tha ba ngan pa'o/ /ji ltar sa 'og ma gya nom pa ma yin zhe na/ gnas ngan len rab tu mang ba nyid kyis mi mthun par gyur pa'i phyir ro zhes bya ba smos te/ gnas ngan len ni lus dang sems dag las su mi rung ba nyid de/ nyon mongs pa dang mthun pa zhes bya ba'i tha tshig go /'di la gnas ngan len mang po yod pas na gnas ngan len mang po ste/ gnas 'og ma 'di yang lam dang bcas te gnas ngan len mang po yin la/ gnas gong ma 'di yang lam dang bcas te gnas ngan len mang po yin pa las de dag gnyis kyi nang na 'di gnas ngan len shin tu ches mang ngo/ /de'i ngo bo ni nyid do de'i phyir ro/ /rtsig pa las nges par mi 'byung ba bzhin te/

  479. 240a

    dper na rtsig pa de nyid kyis des non pa'i nam mkha' i phyogs kyi rtsig pa de nyid las nges par mi 'byung ba ltar de nyid kyis sa de las nges par mi 'byung ba'i phyir te/ sa de nyid kyis sa de nyid las nges par mi 'byung ba'i phyir ro/ / rtsig pa stug po lta bur zhes bya ba ni rtsig pa stug po'i ngo bor ro/ /de dag las bzlog pa zhes bya ba ni mngon par 'du byed shin tu chung ba nyid kyis phyir dang/ gnas ngan len rab tu nyung ba nyid kyis mi mthun pa med par gyur pa'i phyir dang/ sa de gnyis las nges nges par 'byung ba yin pa'i phyir go rims bzhin du zhi ba dang/ gya nom pa dang/ nges par 'byung ba'i rnam pa can dag yin no/ /zhar la 'ong ba rdzogs so// //dkyus ma kho na brjod par bya ste zhes bya ba ni zad pa shes pa'i rjes la 'byung ba brjod par bya ba yin te/ 'jig rten pa'i bar chad med pa dang rnam par grol ba'i lam gyis mtshan nyid zhar la bstan par zad do/ /gal te mi g.yo zad shes las/ mi skye'i blo gros zhes bya ba ni yang byar med pa nyid du shes pa ste/ de'i tshe de la 'di skye'o/ /yongs su nyams pa srid pa'i phyir zhes bya ba ni nyon mongs pa skye ba'i go skabs yod pas 'di la mi skye ba shes pas mi skye'o/ /ci'i phyir zhe na/ yongs su nyams pa srid pa'i phyir te/ 'di ltar 'di ni yongs su nyams pa srid la gang la mi skye ba shes pa yod pa de la ni yongs su nyams pa med pas so/ /des dge sbyong du 'gyur zhes bya ba ni dge sbyong gi tshul dang ldan pas dge sbyong yin te/ dper na dkar po'i tshul dang ldan pas ras yug dkar po zhes bya ba lta bu'o/ /de'i rgyu mthun pa dang skyes bu byed pa'i 'bras bu yin pa'i phyir zhes bya ba ni ci rigs par rnam par grol ba'i lam dang/ 'dus ma byas rnams kyang dge sbyong gi tshul bar chad med pa'i lam gyi mtshan

  480. 240b

    nyid de'i rgyu mthun pa'i 'bras bu dang skyes bu byed pa'i 'bras bu yin pa'i phyir te/ rnam par grol ba'i lam rnams ni de'i rgyu mthun pa dang/ skyes bu byed pa'i 'bras bu yin no/ /'dus ma byas rnams ni skyes bu byed pa'i 'bras bu kho na yin te/ gang gi stobs kyi gang bskyed de/ skyes bu byed pas skyes pa'i 'bras gang gi stobs kyi gang thob pa/ de ni skyes bu byed pa'i 'bras zhes bya ba'i phyir ro/ /de lta na 'o na ni zhes bya ba rgyas par 'byung ba la/ tshig gi don ni ji ltar so so'i skye bo phA Ni ni'i tshig la kha bskang ba byed pa ltar sangs rgyas thams cad mkhyen pas gang gsungs pa yang kha bskang bar bya dgos par 'gyur ro zhes bya ba'o/ /lam snga ma btang ba dang zhes bya ba rgyas par 'byung ba la/ lam snga ma btang ba ni zhugs pa'i lam btang ba'i phyir ro/ /sngon med pa'i lam thob pa ni 'bras bu'i thob pa'i phyir ro/ /thams cad kyi thob pa gcig rnyed pa'i phyir ro zhes bya ba ni rgyun tu zhugs pa'i 'bras bu 'thob pa'i dus na mthong na spangs pa thams cad kyi thob pa bsgom pa'i lam gyi thob pa bsgom pa'i lam gyis bsdus pa ci rnyed la/ de bzhin du lan cig phyir 'ong ba'i 'bras bu thob pa'i phyir na yang mthong bas spang bar bya ba spangs pa dang/ bsgom pas spangs pa rnam pa drug po thams cad kyi thob pa gcig nyid de/ phyir mi 'ong ba dang/ dgra bcom pa nyid kyi 'bras bu dag la yang de bzhin du sbyar bar bya'o/ /chos dang rjes su shes pa rnam pa bzhi'i zhes bya ba ni bden pa'i bye brag gis chos dang rjes su shes pa rnam pa bzhi po yang de kho na bzhin du rnam pa bzhi bzhi yin pas shes pa brgyad cig car du 'thob bo/ /'jig rten pa'i lam gyis thob pa'i 'bras bu gnyis zhes bya ba ni lan cig phyir 'ong pa'i 'bras bu zhes bya ba dang/

  481. 241a

    phyir mi 'ong ba'i 'bras bu ste/ de dag ni 'jig rten pa'i lam gyis kyang 'thob par srid na/ de ji ltar dge sbyong gi tshul zag pa med pa'i lam gyi mtshan nyid kyi 'bras bur rung/ mthong ba'i lam gyis 'bras bu spangs pa yang zhes bya ba la/ yang zhes bya ba'i sgras ni bsgom pa'i lam gyi 'bras bu yang bzung ste/ spangs pa rnam gnyis po de'i thob pa yang lan cig phyir 'ong ba'i 'bras bur bsdus pa 'am/ phyir mi 'ong ba'i 'bras bur bsdus pa cig rnyed do/ /de lta bas na mthong ba'i lam gyis 'bras bu spangs pa dang ldan pa'i phyir lan cig phyir 'ong ba'i 'bras bu 'dus ma byas ni dge sbyong gi tshul gyi 'bras bu yin no/ /kun tu sbyor ba gsum spangs pa zhes bya ba la// kun tu sbyor ba gsum ni mthong ba'i lam gyis spangs pa yin no/ /tha ma'i cha dang mthun pa sde'i? phyogs gcig po 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom rnams kyang mthong ba'i lam kho nas spangs na/ spangs pa de ci'i phyir lan cig phyir 'ong ba dang/ phyir mi 'ong ba'i 'bras bu nyid dag tu bzhag /de'i phyir spangs pa 'dren mar 'jug pas bcom ldan 'das kyis de skad gsungs so/ zhes bya bar mngon no/ /de'i stobs kyis yongs su nyams pa mi 'chi ba'i phyir zhes bya ba ni/ 'jig rten pa yis chags bral ba'i/ /'phags la bral ba'i thob rnam gnyis zhes bya ba de la bral ba'i thob pa zag pa med pas 'jig rten pa'i lam gyis thob pa'i spangs pa gang yin pa 'dzin par byed do/ /'bras las nyams pa 'chi ba med ces 'byung ba'i phyir thob pa dang ldan pa'i gnas so zhes bya ba'i tha tshig ste/ de med na 'jig rten pa yongs su nyams pa bzhin du 'chi bar 'gyur ro/ /de'i stobs kyis zhes bya ba ni bral ba'i thob pa zag pa med pa'i

  482. 241b

    stobs kyis zhes bya ba'i tha tshig go// //bam po lnga bcu pa/ /zag pa med pa'i thob pa 'jig rten pa'i lam gyis nye bar skyed pa da ltar yod pa dang/ 'phags pa'i lam yan lag brgyad po 'jig rten pa'i stobs kyis thob par bya ba ma 'ongs pa 'dus byas te/ dge sbyong gi tshul gyi 'bras bu yod par rnam par bzhag na yang mi 'gal lo/ /mdo las ni gtso bo yin pa'i phyir dge sbyong gi tshul 'bras bu 'dus ma byas smos te/ der ni 'dus byas kyang 'dod par bya'o/ /nyon mongs pa rnams spong ba'i phyir tshangs pa'i tshul lo zhes bya ba ni 'dis sdig pa mi dge ba'i chos rnam pa du ma spangs pas tshangs pa'o/ /de'i ngo bo ni tshangs pa'i tshul yin te/ zag pa med pa'i lam mo/ /ji ltar tshangs pa'i 'khor lo yin zhe na/ tshangs pa'i 'khor lo ni/ tshangs pas bskor phyir ro zhes bya ba smos te/ gang gi phyir tshangs pas bskor ba de'i phyir tshangs pa'i 'khor lo zhes bya'o/ /tshangs pa'i tshul bla na med pa dang ldan pa'i phyir zhes bya ba ni zag pa med pa'i lam bla na med pa dang ldan pa'i phyir zhes bya ba'i tha tshig gi /dper brjod pa ni/ bcom ldan 'das de ni tshangs pa zhes kyang bya zhes bya ba 'di yin te/ 'di ni 'tsho byed kyis smras pa yin no/ /myur bar 'gro sogs rtsibs sogs phyir zhes bya ba ni myur bar 'gro ba la sogs pa'i phyir dang/ rtsibs la sogs pa'i phyir zhes bya ba'i tha tshig go /myur du 'gro ba'i phyir dang zhes bya ba rgyas par 'byung ba ni 'di ni mthong ba'i lam 'khor lo rin po che dang chos mthun par brjod pa yin te/ ji ltar 'khor lo rin po che myur bu 'gro ba de bzhin du mthong ba'i lam yang sems kyi skad cig bco lngas bden pa mngon par rtogs pa'i phyir myur du 'gro ba yin no/ /'dor ba dang 'jug pa'i phyir zhes bya ba ni ji ltar yul gzhan 'dor zhing yul gzhan du 'jug

  483. 242a

    pa de bzhin du 'dir yang bar chad med pa'i lam ni 'dor la rnam par grol ba'i lam ni mngon du 'gyur ba'i sgo nas 'jug pa 'am bden pa'i dmigs pa gzhan 'dor ba dang 'jug pa'i phyir ro/ /ma rgyal ba rgyal bar byed pa dang rgyal ba rnal du dgod pa'i phyir zhes bya ba ni ji ltar de grong dang grong rdal la sogs pa ma rgyal ba las ni rgyal bar byed rgyal ba dag ni rnal du dgod pa de bzhin du 'di yang bar chad med lam gyi 'jig tshogs la lta ba la sogs pa nyon mongs pa ma rgyal ba rnams las ni de dag gi thob pa gcod pa'i sgo nas rgyal bar byed la/ rnam par grol ba'i lam gyis rgyal ba rnams ni nyon mongs pa'i bral ba'i thob dang lhan cig skyes pa'i sgo nas rnal du 'god do/ /'phar ba dang 'bab pa'i phyir zhes bya ba ni ji ltar de la lar 'phar zhing la lar 'bab pa de bzhin du 'di yang bar chad med lam dang rnam par grol ba'i lam rnams yang mngon du byed pa 'am/ 'dod pa la sogs pa'i sdug bsngal la sogs pa'i dmigs pa'i sgo nas ci rigs par 'phar zhing 'bab ste/ gzugs dang gzugs med pa'i khams la dmigs pa'i phyir ro/ /'dod pa'i khams la dmigs pa'i phyir 'bab po/ /yang dag pa'i lta ba dang zhes bya ba rgyas par 'byung ba ni 'di ni tshul khrims la brten nas ting nge 'dzin thob la ting nge 'dzin pas shes rab yang dag pa ji lta ba bzhin rab tu skye'o/ /de'i phyir yang dag pa'i ngag dang/ las kyi mdza' dang/ 'tsho ba rnams ni lte ba lta bu yin te/ tshul khrims ni gzhir gyur pa yin pas yang dag pa'i lta ba la sogs pa de la rag las te 'jug pa'i phyir ro/ /ting nge 'dzin de mu khyud lta bu yin te/ des gzhan dag nye bar 'dzin pa'i phyir ro/ /yang dag pa'i lta ba la sogs pa ni rtsibs lta bu

  484. 242b

    yin te/ 'khor lo'i rtsibs bzhin du phan tshun du 'jug pa'i phyir ro/ /'di ga las zhes bya ba ni mthong ba'i lam chos kyi 'khor lo yin no zhes bya ba 'di bye brag tu smra ba rnams kyi rang 'ga' zhi yin nam/ 'on te lung las 'byung zhes bya ba yin no de skyes na chos kyi 'khor lo bskor ro zhes bya ba ni mdo las mthong ba'i lam skyes na chos kyi 'khor lo bskor to zhes 'byung ba'i phyir ro/ /ji skad du zhe na/ bcom ldan 'das yul ba ra NA si na drang song lhung ba'i ri dags kyi gnas na bzhugs so// de nas bcom ldan 'das kyis dge slong lnga sde po rnams kyi bka' stsal pa/ dge slong dag sngon ma thob pa'i chos rnams la 'di ni sdug bsngal 'phags pa'i bden pa yin no zhes tshul bzhin du yid la byed pa la mig skyes so/ /shes pa dang/ rig pa dang blo skyes so/ /sngon ma thos pa'i chos rnams la 'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gyur ba'i lam 'phags pa'i bden pa'i zhes bya bar tshul bzhin yid la byed pa la mig skyes so// shes pa dang/ blo skyes so/ /sngon ma thos pa'i chos rnams la sdug bsngal 'phags pa'i bden pa de bdag gis mngon par shes pas yongs su shes par bya'o zhes tshul bzhin du yid la byed pa la mig skyes so zhes bya ba snga ma bzhin no/ /sngon ma thos pa'i chos rnams la sdug bsngal kun 'byung ba 'phags pa'i bden pa de bdag gi mngon par shes pas spang bar shes zhes bya ba snga ma bzhin no/ /sngon ma thob pa'i chos rnams la sdug bsngal 'gog pa 'phags pa'i bden pa de bdag gis mngon par shes pas mngon du bya'o zhes bya ba ni snga ma bzhin no/ /sngon ma thos pa'i chos rnams la sdug bsngal 'gog par 'gyur ba'i lam 'phags pa'i bden pa de bdag gis mngon par shes pas bsgom par bya'o zhes bya ba snga ma bzhin no/ /sngon ma

  485. 243a

    thos pa'i chos rnams la sdug bsngal 'phags pa'i bden pa de bdag gi mngon par shes pa yongs su shes so zhes bya ba snga ma bzhin no/ /sngon ma thos pa'i chos rnams la sdug bsngal kun 'byung ba 'phags pa'i bden pa de bdag gis mngon par shes pas spangs so zhes bya ba snga ma bzhin no/ /sngon ma thos pa'i chos rnams la sdug bsngal 'gog pa 'phags pa'i bden pa de dag gis mngon par shes pas mngon du byas so zhes bya ba ni snga ma bzhin no/ /sngon ma thos pa'i chos rnams la sdug bsngal 'gog par 'gyur ba'i lam 'phags pa'i bden pa bdag gis mngon par shes pas bsgoms so zhes bya ba snga ma bzhin no/ /dge slong dag ji srid du nga la 'phags pa'i bden pa bzhi po dag la ji ltar lan gsum du bzlas te/ rnam pa bcu gnyis pa'i mig ma skyes shing/ shes pa yang med rigs pa yang med/ blo yang med pa de srid du da lha dang bcas/ bdud dang bcas/ tshangs pa dang bcas/ dge sbyong dang bral ze dang bcas/ lha dang mir bcas pa'i skye dgu'i 'jig rten 'di las grol zhing nges par 'byung ste/ mi ldan pas phyin ci log dang bral ba'i sems kyis mang du gnas par ma gyur to/ /de srid du nga bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes par ma gyur to/ /dge slong dag gang nas bzung ste/ 'phags pa'i bden pa bzhi po dag la de ltar lan gsum du bzlas te rnam pa bcu gnyis pa'i mig skyes shing/ shes pa dang/ rigs pa dang blo skyes pa de nas bzung ste/ da lha dang bcas/ bdud dang bcas/ tshangs pa dang bcas/ dge sbyong dang bram zer bcas pa/ lha dang mir bcas pa'i skye dgu'i 'jig rten 'di las grol zhing nges par 'byung ste/ mi ldan pas phyin ci log dang bral ba'i sems

  486. 243b

    kyis mang du gnas par gyur to/ /de nas nga bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes par gyur to/ /chos kyi rnam grangs 'di bshad pa na/ tshe dang ldan pa kun shes kauN+Di n+ya dang/ lha brgyad khri chos rnams la chos kyi mig rdul med cing dri ma dang bral ba skyes so/ /de nas bcom ldan 'das kyis tshe dang ldan pa kun shes kauN+Di n+ya la bka' stsal pa/ kun shes kauN+Di n+ya khyod kyis chos kun shes sam/ bcom ldan 'das bdag gis chos kun 'tshal to// kun shes kauN+Di n+ya khyod kyis chos kun shes sam/ bde bar gshegs pa bdag gis chos kun 'tshal to zhes gsol pa dang/ sa bla ba'i gnod sbyin rnams kyis tshe dang ldan pa kun shes kauN+Di n+ya chos kun shes so zhes sgra 'byin dbyangs sgrogs par byed cing grogs pa dag bcom ldan 'das kyis yul ba ra NA se drang srong lhung ba ri dags kyi gnas 'dir chos kyi 'khor lo chos dang mthun pa dge sbyong dam bram ze 'am/ lha 'am/ bdud dam/ tshangs pa 'am/ sus kyang 'jig rten na skye bo mang po la phan par bya ba'i phyir chos dang mthun par ma bskor bar lan gsum du bzlas te/ rnam pa bcu gnyis pa bskor to zhes bya ba rgyas par 'byung ngo/ /de bas na mdo las de ltar 'phags pa kauN+Di n+ya la mthong ba'i lam skyes pa dang lha rnams kyis bcom ldan 'das kyi chos kyi 'khor lo bskor to zhes smras par 'byung ba'i phyir mthong ba'i lam chos kyi 'khor lo yin no zhes bya bar mngon no?/ /ji ltar na de lan gsum du bzlas pa dang zhes bya ba rgyas par 'byung ba ni/ 'di ni sdug bsngal 'phags pa'i bden pa'o zhes bya ba ni bzlas pa gcig yin no/ /de yongs su shes par bya'o zhes bya ba ni gnyis pa yin no/ /de yongs su shes so zhes bya ba ni gsum pa yin no/ /'di dag ni lan gsum du bzlas pa yin no/ /bzlas par de? la te/ sdug bsngal lo zhes bya ba 'di la mig skyes so/ /shes pa dang/

  487. 244a

    rig pa dang/ blo skyes so zhes bya ba rnam pa bzhi'o/ /yongs su shes par bya'o zhes bya ba 'di la yang rnam pa bzhi'o/ /yongs su shes so zhes bya ba 'di la yang bzhi ste/ 'di dag ni rnam pa bcu gnyis yin no/ /de la zag pa med pa'i shes rab ni don mngon sum gyi phyir mig go /the tshom med pa'i phyir shes pa'o/ /yang dag pa'i don gyi phyir rig pa'o/ /rnam par dag pa'i phyir blo ste/ nges pa'i tshig tu rnam par dag pa'i blo la blo zhes bya ba'i phyir ro/ /yang phyi rol pa dag gi bden pa mthong ba ni ltas ngan pa dang/ the tshom dang/ ma rig pa rnams kyi gnyen po ma yin la zag pa dang bcas pa yang yin par khyad par bya ba'i phyir mig la sogs pa smos so/ /yang lan gsum du bzlas pa dag la dang po mthong ba ni mig go / ji ltar mthong ba la dpyod pa ni shes pa'o/ /ji snyed yod pa la bsten nas rig pa ste/ ji snyed yod pa 'dzin pa'i phyir ro/ /ji lta ba bzhin du yod pa la brten nas blo ste/ yang dag pa ji lta ba bzhin du rab tu rtog pa'i phyir ro/ /yang ma thos pa'i chos dag la rjes su dpog pa'i shes pa dgag pa'i phyir mig ces bya'o/ /mos pa las byung ba'i shes pa dgag pa'i phyir shes pa zhes bya'o/ /mngon pa'i nga rgyal las byung ba'i shes pa dgag pa'i rig pa zhes bya'o/ /zag pa dang bcas pa dgag pa'i phyir blo zhes bya'o/ /bden pa re re la yang de dang 'dra'o zhes bya ba 'di ni sdug bsngal kun 'byung ba 'phags pa'i bden pa'o/ /de spangs so zhes bya ba 'di dag ni lan gsum du bzlas pa yin no/ /bzlas pa re re la mig skyes so/ /shes pa dang rig pa dang/ blo skyes so zhes bya ba 'di dag ni rnam pa bcu gnyis yin te/ 'gog pa dang lam gyi bden pa dag la yang de bzhin du sbyar bar bya'o/ /smras pa gal te bden pa re re la yang de dang 'dra bar lan gsum du bzlas pa dang/ rnam pa bcu gnyis yin

  488. 244b

    na go /lan bcu gnyis su bzlas pa dang rnam pa lnga bcu rtsa brgyad du 'gyur na/ ci'i phyir lan gsum du bzlas te rnam pa gnyis zhes bya ba zhe na/ de'i phyir gsum mtshan dang bcu gnyis su chos mthun pa'i lan gsum du bzlas te rnam pa bcu gnyis zhes bshad ces bya ba smos so/ /gnyis dang/ gnas bdun la mkhas pa bstan pa bzhin no zhes bya ba ni gnas gnyis bstan pa lta bu dang/ gnas bdun la mkhas pa bstan pa lta bu'o/ /dper na mang po zhig bshad pa'i rjes la/ dge slong dag de'i phyir khyed la gnyis shig bstan par byas te legs par rab tu nyon la yid la zungs shig dang bshad do/ /gnyis gang zhe na/ mig dang/ gzugs rnams zhes bya ba nas yid dang chos rnams so zhes bya ba'i bar lta bu ste/ ji ltar 'di la gnyis su chos mthun pa'i phyir gnyis zhes bshad pa de bzhin du sum tshan dang bcu gnyis su chos mthun pa'i lan gsum du bzlas te rnam pa bcu gnyis zhes bshad do/ /yang dper na dge slong gnas bdun la mkhas pa ni gzugs yang dag pa ji lta ba bzhin rab tu shes so/ /gzugs kun 'byung ba dang/ gzugs 'gog pa dang/ gzugs 'gog par 'gyur ba'i lam dang/ gzugs kyi ro myang ba dang/ nges par 'byung ba dang/ nyes dmigs kyang yang dag pa ji lta ba bzhin rab tu shes so/ /gnas bdun la mkhas pa'i dge slong don rnam pa gsum la nye bar rtog pa ni myur ba kho nar chos 'dul ba ni 'di la sdug bsngal gyi mdza' rab tu shes so zhes 'byung ba lta bu ste/ phung po re re la gnas bdun la mkhas par chos mthun pa'i phyir ro/ /de bzhin du 'dir yang gsum tshan dang bcu gnyis su chos mthun pa'i phyir lan gsum du bzlas te/ rnam pa bcu gnyis zhes bshad do/ /bzlas pa 'di dag gis zhes bya ba rgyas par 'byung ba ni mdo las ji skad du bstan pa'i bzlas pa 'di dag gis ni grangs bzhin du mthong ba dang/ bsgom pa dang/

  489. 245a

    mi slob pa'i lam rnams brtan te/ 'di na sdug bsngal 'phags pa'i bden pa'o zhes bya ba nas bzung ste/ 'di ni sdug bsngal 'gog par 'gyur ba'i lam 'phags pa'i bden pa'o zhes bya ba'i bar gyis ni mthong ba'i lam bstan to/ /sdug bsngal 'phags pa'i bden pa de mngon par shes pas yongs su shes par bya'o zhes bya ba nas bzung ste/ sdug bsngal 'gog par 'gyur ba'i lam 'phags pa'i bden pa de mngon par shes pas bsgom par bya'o/ zhes bya ba'i phyir gyis ni bsgom pa'i lam bsten to/ /sdug bsngal 'phags pa'i bden pa de mngon par shes pas yongs su shes so zhes bya ba nas gzung ste/ sdug bsngal 'gog par 'gyur ba'i lam 'phags pa'i bden pa de mngon par shes pas bsgoms so zhes bya bar gyis ni mi slob pa'i lam bstan to/ /'dir slob dpon gyis gal te de lta na zhes bya ba rgyas par smos te/ gal te de ltar 'das pa de dag gi grangs bzhin du mthong ba la sogs pa'i lam bstan na/ 'o na ni mthong ba'i lam kho na la lan gsum du bzlas pa yang ma yin la rnam pa bcu gnyis kyang ma yin no/ /'o na ci zhe na/ lan cig bzlas pa dang rnam pa bzhi yin na/ ji ltar mthong ba'i lam 'di chos kyi 'khor lor rnam par bzhag /bzlas pa ming pas 'khor lo dang chos mthun pa med pa'i phyir 'khor lor mi rung ngo snyam du dgongs pa yin no/ /de lta bas na chos kyi rnam grangs de nyid chos kyi 'khor lo yang yin te/ chos kyi 'khor lo rab tu ston pa'i phyir ro/ /lan gsum du bzlas pa dang rnam pa bcu gnyis kyang yin par rung ste/ de dag gi don rab tu ston pa'i phyir ro/ /lan gsum du bzlas pa'i phyir ro zhes bya ba ni sdug bsngal zhes bya ba'i lam zhes bya ba'i bar ni bzlas

  490. 245b

    pa gcig yin no/ /yongs su shes par bya zhes bya ba nas bsgom par bya zhes bya ba'i bar ni gnyis pa yin no/ /yongs su shes so zhes bya ba nas bsgoms zhes bya ba'i bar ni gsum pa yin no/ /bden pa rnams la rnam pa gsum du byas pa'i phyir ro zhes bya ba ni sdug bsngal lo/ /kun 'byung ba'o/ /'gog pa'o/ /lam ma zhes bya bar bden pa'i rang gi ngo bo la dmigs pa'i rnam pa bzhi'o/ /yongs su shes par bya/ spang bar bya/ mngon sum du bya/ bsgom par bya zhes bya ba yongs su shes pa la sogs pa'i tshul bya ba'i ngo bor dmigs pa'i rnam pa gnyis pa bzhi'o/ /yongs su shes so/ /spangs so/ /mngon sum du byas so/ /bsgoms so zhes bya ba yongs su shes pa la sogs pa'i tshul mthar thug dmigs pa'i rnam pa gsum pa bzhi ste/ rnam pa bcu gnyis su 'gyur ro/ /de bskor ba zhes bya ba ni chos kyi rnam grangs de bskor ba ni gzhan gyi rgyud la go bar byed ba ste/ gdul ba'i skye bo'i rgyud la gtong bar byed pa yin no/ /ji ltar go bar byed ce na/ don shes par byed pa'i phyir ro/ /yang na 'phags pa'i lam thams cad du/ mthong ba dang/ sgom pa dang/ mi slob pa'i lam yang chos kyi 'khor lo yin te/ gdul ba'i skye ba'i rgyud la 'jig pa 'khor lo zhes bya ba'i phyir ro/ /gal te 'phags pa'i lam thams cad chos kyi 'khor lo yin na/ ji ltar 'phags pa kauN+Di n+ya la mthong ba'i lam skyes pa tsam gyis de bskor to zhes smras zhe na de'i phyir smras pa/ de ni gzhan gyi rgyud la te/ 'phags pa kauN+Di n+ya rgyud la mthong ba'i lam ma skyed pa'i phyir bskor bar brtsams pa yin te/ dang por bskor ba yin pas de'i phyir bskor ba zhes bya'o/ /las dang po pa la yang rab tu zhes pa'i sgra yod de/ dper na 'bras can rab tu zos so zhes bya ba lta bu'o/ /gsum pa go ci'i phyir mi thob ces bya'o/ /gal te gzugs

  491. 246a

    kyi khams su skyes pa zhig nges pa las 'jug na sems kyi skad cig ma bcu drug la ci'i phyir mi 'ong ba'i 'bras bu mi thob snyam du bsam pa yin no/ /lan du gong na mthong lam med ces bya ba smos te/ nyan pa med ces bya ba ni gzugs med pa'i khams na yang rung byung gi byang chub ni mi srid pa'i phyir nyan thos kyi byang chub kho na yod par 'gyur grang na/ nyan thos kyi mngon par rtogs pa yang gzhan las mthong bar mi 'gyur ro/ /gzhan yang khams 'og ma la mi dmigs pa'i phyir te/ gzugs med dngos gzhi dge rnams kyi/ /spyod yul zag bcas 'og ma min zhes 'byung la mthong ba'i lam ni khams sum char la dmigs dgos pas de'i phyir de na de med do/ /rtsom pa ni mgo 'dzugs pa ste/ thabs zhes bya ba'i tha tshig go /'di la yongs su nyams pa'i chos kyi rang bzhin yod pas na yongs su nyams pa'i chos can no/ /'chi bar sems pa'i chos can ni bdag nyid 'chi bar sems pa'i chos can no/ /rjes su srung ba'i chos can ni rnam par grol ba de rjes su bsrung nus pa gang yin pa'o/ gnas las mi bskyod pa'i rnam par grol ba gang la gnas pa de las mi g.yo ba'o/ /rtogs pa'i skal ba can ni dbang po pho ba'i skal ba can no/ /mi g.yo ba'i chos can ni 'di la mi g.yo zhing mi 'gyur ba'i chos yod pas na mi g.yo ba'i chos can no/ /de yang rnam pa gnyis te/ rang bzhin gyis dbang po rnon po dang/ dbang po 'phos pas dbang po rnon po'o/ /lnga ni dang bas mos las skyes zhes bya ba ni lnga ni dad pa smos pa las skyes pa kho na yin no zhes nges par bzung ba yin no/ /de dag ni dad pas mos par gyur pa las skyes pa'o zhes bya ba'i tha tshig go /dad pa smos pa sngon du 'gro ba dag yin no zhes bshad pa'i don to/ /drug

  492. 246b

    pa ni gzhan du yang 'gyur ro zhes bshad zin to/ /dus dang sbyor ba zhes bya ba ni yo byad dang/ nang med pa dang/ yul gyi khyad par la sogs pa'i mtshan nyid kyi dus las 'byung bas na dus dang sbyor ba pa'o/ /phangs pa yin zhes bya ba ci zhe na/ sems kyi rnam par grol ba'o/ /ci'i phyir 'phangs zhes na/ rtag tu rjes su bsrung bar bya ba yin pa'i phyir te/ 'jig rten na yang spangs pa ni rtag tu rjes su bsrung bar bya ba yin no zhes bya bar snang ngo/ /mdo las kyang 'di lta ste dper na skyes bu mig gcig yod pa la nye du rnams 'di'i mig gcig ma zhar ba gang yin pa de yang zhar bar gyur na mi rung ngo zhes de'i mig la grang ba dang/ tsha ba dang/ rdol rdul du mi phog par bya ba'i phyir mig ya gcig legs par rab tu rjes su bsrung bar bya'o snyam du sems pa ltar zhes gsungs so/ /de bzhin du dgra bcom pa dus kyi rnam par grol ba'i chos 'di yang rjes su bsrung bar bya ba dang/ brtse bar bya ba dang/ rjes su bzung bar bya ba yin no/ /de'i phyir dus kyi rnam par grol ba'i dgra bcom pa yang de bzhin du ci nas kyang bdag chos 'di las yongs su mi nyams par bya'o zhes legs par rab tu rjes su bsrung bar sems pas de las yongs su nyams par mi 'gyur ro/ /mar gyi bum pa bzhin no zhes bya ba ni dper na mar gyis gang ba'i bum pa la bar gyi tshig gang ba zhes bya ba'i sgra mi mngon par byas pa'i phyir mar gyi bum pa zhes bya ba lta bu 'am/ dper na mar la bltos pa'i bum pa ni mar gyi bum pa ste/ gang du mar lhugs pa yin no/ /bltos pa zhes bya ba'i sgra ma mngon par byas pa'i phyir mar gyi bum pa zhes bya ba de bzhin du 'dir yang bar gyi tshig bltos pa zhes bya ba'i sgra mi mngon par byas pa'i phyir ro/ /'di dag ni dus la bltos pa yang yin la rnam par grol ba yang yin pas dus kyi rnam par grol zhes bshad de/ dus ni yo byad la sogs pa yin

  493. 247a

    par bshad zin to/ /ji ltar g.yo bar mi nus pa'i phyir zhe na/ yongs su mi nyams pa'i sgo nas zhes bya ba smos so/ /yang na dus gzhan gyi bar dang/ gtan du rnam par grol ba'i phyir zhes bya ba ni dus gzhan gyi bar du rnam par grol ba'i phyir dus kyis rnam par grol ba nyid yin la/ gtan du rnam par grol ba'i phyir dus dang mi sbyor bar rnam par grol ba nyid yin no zhes bya ba'i tha tshig go /ji ltar de lta yin zhe na smras pa/ yongs su nyams pa srid pa dang/ mi srid sgo nas te/ yongs su nyams pa srid pa'i sgo nas dus gzhan gyi bar du rnam par grol ba'i phyir dus kyis rnam par grol ba zhes bya la/ yongs su nyams pa mi srid pa'i sgo nas gtan du rnam par grol ba'i phyir dus dang mi sbyor bar rnam par grol ba zhes bya'o/ /de ni mthong thob rgyu las byung zhes bya ba ni gal te de slob par gyur pa las dbang po dag 'pho bar byed na yang mthong bas thob pa nyid du 'gyur la/ 'on te rang bzhin gyis dbang po rnon po zhig yin na yang sems kyi skad cig bcu drug la mthong bas thob pa kho na yin te/ de lta bas na mi g.yo ba'i chos can 'di ni mthong bas sngon du 'gro ba zhes bya'o/ /mi g.yo ba'i chos can dgra bcom pa nyid kyi gnas skabs na dbang po dga' don bar byed pa gang yin pa de ni mthong bas thob pa sngon du 'gro ba yin zhes bya bar khong du chud par bya'o/ /kha cig ni dang po nyid nas 'chi bar sems pa'i chos can gyi rigs can yin zhes bya bar brjod kyi yongs su nyams pa'i chos can yin no zhes ni mi brjod do/ /'di ltar de ni sbyangs pa las gyur ba ma yin pas kha cig ni dang po nas de'i rigs can yin no zhes bstan to/ /yongs su nyams pa'i chos can gyi rigs can zhes bya ba nas mi g.yo ba'i chos can

  494. 247b

    gyi rigs can zhes bya ba'i bar 'di ci zhig yin zhe na/ des ni yongs su nyams pa'i chos can la sogs pa'i rigs ma bstan to/ /de la kha cig ni 'di skad du rigs zhes bya ba ni dge ba'i rtsa bar dag yin te/ 'ga' zhig la yongs su nyams pa'i chos can nam mi g.yo ba'i chos can gyi bar du 'gyur ba gang yin pa de lta bu de dag yod do zhes brjod do/ /gzhan dag na re rigs zhes bya ba ni so so'i skye bo'i gnas skabs nas bzung ste dbang po'i khyad par yin no zhes zer ro/ /mdo sde pa dag na re rigs zhes bya ba ni sems kyi sa bon nus pa yin te so so'i skye bo dang slob pa'i gnas skabs na yang yongs su nyams pa'i chos kyi sa bon rgyu yod na yongs su nyams pa'i chos can gyi rigs can zhes bya la/ de bzhin du mi slob pa'i gnas skabs na yang de'i sa bon 'jug pa rnyed nas yongs su nyams pa'i chos can zhes bya ste/ mi g.yo ba'i chos can gyi bar du yang de dang 'dra'o zhes zer ro/ /de la yongs su nyams pa'i chos can zhes bya ba rgyas par 'byung ba la/ gal te yongs su nyams pa'i chos can ni yongs su nyams par 'gyur ba'i skal ba dang ldan zhes bya ba de tsam kho na zhig brjod kyi/ 'di 'chi bar sems pa la sogs pa'i chos can ni ma yin pa zhes bya ba de ma brjod na/ 'chi bar sems pa'i chos can la sogs pa bzhi po de dag thams cad kyang yongs su nyams par 'gyur ba'i skal ba dang ldan pas yongs su nyams pa'i chos can de dag kho na gang yang rung ba zhig yin par 'gyur gyi/ de dag las gzhan lnga pa ni med do/ de'i phyir lnga pa 'di ni de dag las gzhan pa kho na zhes khyad par du bya ba'i phyir 'chi bar sems pa la sogs pa'i chos can ma yin pa'i zhes smos so/ /'chi bar sems pa'i chos can la sogs pa bzhi ni yongs su nyams pa'i chos can ma yin pa las

  495. 248a

    re re'i khyad par gyi mtshan nyid bstan pa kho nas 'chi bar sems pa'i chos can ni 'chi bar sems par 'gyur ba'i skal ba dang ldan gyi rjes su srung ba'i chos can ma yin pa gang yin pa'o zhes bya ba 'di ni brjod mi dgos par 'gyur te/ rjes su srung ba'i chos can yang de dang 'dra'o/ /yongs su nyams par 'gyur ba'i rkyen stobs dang ldan pa med na zhes bya ba ni gal te yongs su nyams par gyur pa'i rkyen stobs dang ldan par gyur na de yongs su nyams par 'gyur ro snyam du bsam pa yin no/ /rkyen stobs dang ldan pa smos pa 'dis ni sngar bshad pa yongs su nyams pa'i chos can las khyad par du byed de/ yongs su nyams pa'i chos can ni yongs su nyams par 'gyur ba'i rkyen stobs dang mi ldan pas kyang yongs su nyams par 'gyur ro/ /yongs su nyams par 'gyur ba'i rkyen rnams ni mdo las ji skad du 'byung ba ste/ rkyen lnga dang/ rgyu lngas dus kyis rnam par grol ba'i dgra bcom pa yongs su nyams par 'gyur ro/ lnga gang zhen las kyi mdza' la zhugs pa yin/ smra ba la zhugs pa yin/ rtsod pa la zhugs pa'i na/ ming du rgyu ba'i sbyor ba dang ldan pa yin/ nang kyi rnam pa yun ring pos thobs pa yin zhes bya ba yin no/ /rjes su srungs kyang zhes bya ba 'dis ni rjes su bsrung ba'i chos can las khyad par du byed de/ 'di ni rjes su ma bsrung kyang yongs su nyams par mi 'gyur la de ni bsrungs kyang nyams par 'gyur bas 'bras bu de rjes su ma bsrungs kyang 'bras bu de la gnas par 'gyur ba'i skal ba can yin zhing 'bras bu de las nyams par mi 'gyur ba dang/ mngon par brtson pa med na te/ brtson 'grus med pa rtogs pa'i skal ba can thob par 'phel bar yang mi 'gyur ba ste/ shugs kyis na gal te brtson par byed na skal ba can du 'gyur ro zhes bshad pa yin no/ /de ltar na 'di rtogs pa'i skal ba can las kyang bye brag tu byas pa

  496. 248b

    yin te/ de ni mngon par brtson pa med kyang rtogs par 'gyur ba'i skal ba can yin no/ /dang po gnyis zhes bya ba rgyas par 'byung ba la yongs su nyams pa'i chos can ni rgyun tu sbyor ba dang gus par sbyor ba med pa yin no/ /'chi bar sems pa yang rgyun tu sbyor ba med pa yin mod kyi khyad par du gus par sbyor ba med pa yin pas 'di gnyis kyi bye brag yin no/ /dbang po rtul po yin no zhes bya ba ni drug pa las khyad par du byed pa yin no/ /drug pa ni dbang po rnon po yin te/ 'di gnyis dbang pos byas pa'i bye brag yod kyi sbyor bas byas pa ni ma yin no/ /de ltar byas na zhes bya ba rgyas par 'byung ba ni gang gi phyir de ltar nges pa med pa de'i phyir gzugs dang gzugs med pa'i khams dag na yang dgra bcom pa drug yod kyi/ 'dod pa'i khams 'ba' zhig na drug yod pa ni ma yin no snyam du bsams pa yin no/ /gzugs dang gzugs med pa'i khams dag na ni gnas pa las mi g.yo ba dang mi g.yo ba'i chos can dang gnyis zhes bya ba las/ gnas pa las mi bskyod pa ni gnas pa las mi bskyod pa nyid du dad par 'gyur ba yin gyi rtogs pa'i skal ba can nyid du bya bar gus pa ni ma yin pas 'dod pa'i khams kyi gnas pa las mi g.yo ba ni rtogs pa'i skal ba can nyid du 'gyur la/ de gzugs dang gzugs med pa'i khams ngag na ni yongs su nyams pa'i rkyen stobs dang ldan pa med pas de yongs su nyams par yang mi 'gyur la/ dbang po dag 'pho ba yang med pas de ni gnas pa las mi g.yo ba'i rigs kho nar 'dug go /mi g.yo ba'i rnam par grol ba dang ldan pa'i phyir mi g.yo ba'i chos can yang yod pa nyid pas de gnyis kho na yod gyis de las gzhan pa dag ni med do/ /gzugs dang gzugs med pa'i khams de gnyis na yongs su nyams pa dang 'chi bar sems pa dang dbang po 'pho ba med pa'i phyir te/ re zhig de na yongs su nyams pa med pa'i chos can med do/ /rjes su srung ba'i chos can yang yongs

  497. 249a

    nyams pa med pa nyid kyis rjes su bsrung bar bya ba nyid mi 'thad pa'i phyir med do/ /dbang po 'pho ba med pa de nyid kyi phyir rtogs pa'i skal ba can yang med de/ de skad du de dang gong du skyes pa ni/ yongs nyams dbang po 'pho mi bsten zhes 'byung bas so/ /de na ni bdag nyid 'chi bar sems pa yang med la gzhan gyis gsod pa yang med pas 'chi bar sems pa yang med do/ /'chi bar sems pa'i chos can la sogs pa zhes bya ba ni 'chi bar sems pa dang/ rjes su srung ba'i chos can dang/ gnas pa las mi bskyod pa dang/ rtogs pa'i skal ba can dag go /yongs su nyams pa'i chos can ni rang gi rigs las yongs su nyams par mi 'gyur ro zhes bya ba ni rigs de bcos ma ma yin pa'i phyir ro/ /yongs su nyams pa'i chos can la sogs pa lnga zhes bya ba ni 'di ltar 'bras bu ni glo bur ba yin pa'i phyir yongs su nyams pa'i chos can yang 'bras bu las yongs su nyams pa srid do/ /dang po las ni zhes bya ba ni rigs dang 'bras bu las so/ /de yongs su nyams par mi 'gyur zhes bya ba ni dgra bcom pa'o/ /ci'i phyir zhe na/ slob pa dang mi slob pa'i lam dag gis brtan por byas pa'i phyir ro zhes bya ba smos te/ slob pa'i gnas skabs na yod pa'i rigs gang yin pa de ni slob pa'i lam gyis kyang bsgoms la mi slob pa'i gnas skabs na yang bsgoms pas lam de dag gis brtan por byas pa'i phyir dgra bcom pa de de las yongs su nyams par mi 'gyur ro/ /slob pa ji lta bu yin zhe na/ smras pa/ slob pa ni 'jig rten pa dang 'jig rten las 'das pa'i lam dag gis brtan por byas pa'i phyir rigs dang po las yongs su nyams par mi 'gyur te/ de'i bdag nyid kyi rigs dang po gang yin pa de ni sngon 'jig rten pa'i lam gyis kyang bsgoms la phyis slob pa'i lam gyis kyang bsgoms pas de de

  498. 249b

    las yongs su nyams par mi 'gyur ro/ /'dir la lan re gang gi rigs dang po gang yin de las ni yongs su nyams par mi 'gyur te/ slob pa dang mi slob pa'i lam dag gis brtan por byas pa'i phyir ro zhes bshad pa gang yin pa de ni gtan tshigs ma yin te/ 'di ltar 'chi bar sems pa'i chos can sbyangs pa las gyur pa'i rigs gang yin pa de las yongs su nyams par 'gyur ba'i rigs de yang slob pa dang/ mi slob pa'i lam dag gis brtan por byas pa yongs su mi nyams par 'gyur ro// de lta bas na rigs de nyid 'di ltar dang po las ni yongs su nyams par mi 'gyur la sbyangs te thob pa las ni yongs su nyams par 'gyur ba de lta bu yin no/ /gang yang slob pa ni 'jig rten pa dang 'jig rten las 'das pa'i lam dag gis brtan por byas pa'i phyir yongs su nyams par mi 'gyur ro zhes smras pa gang yin pa de yang gtan tshigs ma yin te/ rgyun tu zhugs pa yang yongs su nyams par thal bar 'gyur ba'i phyir te/ rgyun tu zhugs pa'i 'bras bu ni 'jig rten pa'i lam gyis brtan por byas pa ma yin pas 'di la 'bad par bya'o zhes zer ro/ 'dir bdag gis gang gi phyir de skad du bshad pa slob dpon gyis dgongs pa brtan par bya'o/ /ji lta zhe na/ re zhig 'chi bar sems pa'i chos can sbyangs pa las gyur pa'i rigs gang yin pa de las yongs su nyams par 'gyur zhes smras pa gang yin pa na ni rigs pa ma yin te/ 'chi bar sems pa'i chos can gyi rigs gang yin pa ni slob pa'i gnas skabs na yang bsgoms la/ phyis mi slob pa'i gnas skabs na yang bsgoms te brtan por byas pas dgra bcom pa nyid las yongs su nyams par mi 'gyur te/ slob pa'i gnas skabs na las dang por gyur pa'i phyir ro/ /slob dpon 'dul bzang gis kyang slob pa'i gnas skabs na rigs gzhan thob nas dgra bcom pa nyid 'thob pa gang yin pa de

  499. 250a

    yang lam de yongs su mi 'dor te/ sbyangs pa las gyur pa'i rigs kho na la mi gnas pa ni ma yin no zhes bshad do/ /'chi bar sems pa'i chos can gyi rigs mi slob pa'i gnas skabs na 'phral kho na la thob kyi slob pa'i gnas skabs na thob pa ma yin pa gang yin pa de las ni de yongs su nyams pa na yongs su nyams par 'gyur te/ de ni gnas skabs gnyis kyis brtan por ma byas pa'i phyir ro/ /de bas na 'di ni gtan tshigs su mi rung ba nyid do/ /gang yang slob pa ni 'jig rten dang 'jig rten las 'das pa'i lam dag gis brtan por byas pa'i phyir yongs su nyams par mi 'gyur ro zhes smras pa gang yin pa de yang gtan tshigs ma yin te/ rgyun tu zhugs pa yang yongs su nyams par 'gyur ba'i phyir te/ rgyun tu zhugs pa'i 'bras bu ni 'jig rten pa dang 'jig rten las 'das pa'i lam gyis brtan por ma byas pas zhes smras pa gang yin pa de yang khong du ma chud par smras pa yin no/ /gtan tshigs de ni rigs kyi phyir bshad pa yin gyi 'bras bu'i phyir ni ma yin te/ de la ni gang gis na 'bras bu dang po las yongs su nyams par mi 'gyur ba'i gtan tshigs gzhan 'chad par 'gyur ro/ /'bras bu gang zhig cig car du 'jig rten dang 'jig rten las 'das pa'i lam ngag gis 'thob pa ni cung zad kyang med kyi/ rigs ni 'jig rten dang 'jig rten las 'das pa'i lam dag gis brtan par byas pa srid de/ tshe 'di pa'i dro bar gyur pa la sogs pa 'am tshe pha rol po'i spong ba'i lam 'am/ 'jig rten pa 'am/ 'jig rten las 'das pa'i lam gzhan gyis slob pa'i gnas skabs na bsgoms pa'i phyir ro/ /phyi ma spangs pas thob pa gang yin pa de las ni zhes bya ba ni phyis thob pa'i rigs glo bur bu gang yin pa ste/ gnas skabs gnyis su thob pa ma yin pa de las

  500. 250b

    ni yongs su nyams par 'gyur ro/ /rigs bstan nas 'bras bu bstan par bya ste/ gang gis 'bras bu dang po gang yin pa zhes bya ba rgyas par smos so/ /de nyid kyi phyir rgyun tu zhugs pa'i 'bras bu las yongs su nyams pa med do zhes bya ba ni 'di ltar rgyun tu zhugs pa'i 'bras bu ni gal te 'thob na gdon mi za ba dang po yin no/ /lan cig phyir 'ong ba dang/ phyir mi 'ong ba'i 'bras bu dag ni res 'ga' dang po yin te/ gal te phal cher 'dod chags dang bral ba dang/ 'dod las 'dod chags dang bral ba dag yin no/ /res 'ga' ni dang po ma yin te/ gal te mthar gyis pa'i yin na'o/ /de la rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu yang rung 'bras bu dang po gang dang gang yin pa de las ni yongs su nyams par mi 'gyur gyi/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid kyi 'bras buAng rung phyis thob pa gang yin pa de las yongs su nyams par 'gyur ro/ /de ltar byas na zhes bya ba ni gang gis rigs dang 'bras bu dang po gang yin pa de las yongs su nyams par mi 'gyur ro zhes byas na'o/ /go rim bzhin du rnam pa lnga dang drug dang bdun yin zhes bya ba ni rjes su srung ba'i chos can ni rnam pa lnga yin te/ de'i so na gnas bzhin du yongs su mya ngan las 'da' ba dbang po 'pho ba dang/ yongs su nyams nas slob pa nyid du 'gyur ba dang/ yongs su nyams pa dang/ 'chi bar sems pa'i chos can gyi rigs su slar 'ong ba dang/ gnas pa las mi bskyod pa ni rnam pa drug yin te/ lnga po de dag nyid dang/ drug pa rjes su srung ba'i chos can gyi rigs su 'ong ba'o/ /rtog pa'i skal ba can ni rnam pa bdun yin te/ drug po de dag nyid dang/ bdun pa gnas pa las mi bskyod pa'i rigs can du slar 'ong ba'i de slob par gyur na phyis zhes bya

  501. 251a

    ba'i tshig gcig khong nas dbyung ngo/ /gang gi rigs dang po gang yin pa slob pa'i gnas skabs na yod pa de kho na la gnas kyi gzhan la ni ma yin no/ /de lta ma yin na rigs khyad par can rnyed pa'i phyir te/ slob pa'i gnas skabs kyi rigs las khyad par can rnyed pa'i phyir gang zag de 'phel ba kho nar 'gyur gyi yongs su nyams par ni mi 'gyur ro/ /ji ltar byas pas zhe na/ re zhig dper na yongs su nyams pa'i chos can dgra bcom pa nyid kyi gnas na dbang po sbyangs pas rtogs pa'i skal ba can nyid du gyur pa de dgra bcom pa nyid las yongs su nyams te/ slob par gyur pa de'i rigs las kyang yongs su nyams na lugs las bzlog pa gnas pa las mi bskyod pa'i rigs nas 'chi bar sems pa'i chos can gyi rigs kyi bar la mi gnas so/ /de lta ma yin na zhes bya ba ni gal te rigs gzhan la gnas par 'gyur na'o/ /rigs khyad par can rnyed pa'i phyir zhes bya ba ni rigs de ni yongs su nyams pa'i rigs las khyad zhugs pa yin pas so/ /de lta bas na dgra bcom pa nyid las yongs su nyams na dbang po sbyangs pas thob pa las kyang gdon mi za bar yongs su nyams par 'gyur ro/ /ci'i phyir 'bras bu dang po las yongs su nyams pa med ces bya ba ni gang gis 'bras bu dang po gang yin pa de ste/ rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu'o/ /mthong bas spang bar bya ba rnams gzhi med pa'i phyir te/ rten med pa'i phyir ro zhes bya ba'i tha tshig go /de dag ni bdag gi gzhi la 'jug pa yin zhes bya ba rgyas par 'byung ba ni mthong bas spang bar bya ba de dag la brten nas zhugs pa yin no/ /ci'i phyir zhe na/ 'jig tshogs la lta ba'i rtsa ba can yin pa'i phyir ro/ /'di ltar mthong bas spang bar bya ba rnams ni

  502. 251b

    bdag tu lta ba'i dbang gis kun tu 'byung ste/ mdo las kyang/ 'jig rten ni lta ba tha dad par gyur pa gang yin pa de dag ni 'jig tshogs la lta ba'i gzhi can yin te/ 'jigs tshogs la lta ba las kun tu 'byung ba/ 'jig tshogs la lta ba'i las rab tu skye ba yin no zhes gsungs so/ /bdag de yang med do zhes bya ba ni gzhi med pa'i phyir yongs su nyams pa med do/ /bden pa la dmigs pa'i phyir zhes bya ba ni sdug bsngal la sogs pa'i bden pa dag la rtag pa la sogs par 'dzin pa'i phyir ro/ /de lta ma yin pa'i nyon mongs pa gang zhig yin te/ 'dod chags la sogs pa'i bden pa la sogs pa'i dngos po la gtsang ba dang/ bde ba dang/ bdag gi rnam pa dag tu dmigs pa'i phyir phyin ci log tu dmigs pa yin no/ /bdag yang dag pa ma yin pa sgro 'dogs par byed la zhes bya ba ni ji skad du/ dge slong dag gang la la bdag go zhes yang dag par rjes su lta ba na yang dag pa rjes su lta ba ni nye bar len pa'i phung po lnga po 'di kho na la bdag dang bdag gir yang dag pa rjes su lta bar zad do zhes gsungs pa lta bu yin no/ /mthar 'dzin pa la sogs pa yang de'i gzhi la zhugs pa yin pas zhes bya ba ni de las gzhan pa'i mthong bas spang par bya ba rnams kyang bdag gi gzhi'i rjes su zhugs pa yin te bdag rtag go /chad do zhes bya ba 'am/ bdag med do zhes bya ba 'am/ 'di kho na mchog yin no/ /'di ni dag pa yin no/ /ci 'di yod dam med/ ces bya ba de lta bu la sogs pa'i rnam par zhugs pas gzhi med pa deb ces bya ste/ rten dag med ces bya ba'i don te/ bdag la sogs pa ni bdag kyang med do zhes bya ba ni gang gi phyir dngos por brjod pa zhes bya ba'i tha tshig ste/ sogs pa smos pa ni bdag gis bsdu ba 'am/ dbang phyug la sogs pa bsdu ba yin no/ /gzhi yid du 'ong ba dang/ yid du mi 'ong ba'i mtshan

  503. 252a

    nyid so sor nges pa zhes bya ba ni bsgom pas spang bar bya ba 'dod chags kyi gzhi ni skra dang so sdug pa la sogs pa'i mtshan nyid yid du 'ong ba yin no/ /khong khro ba'i ni de dag mi sdug pa yid du mi 'ong ba yin te/ nga rgyal gyi yang yid du mi 'ong ba yin te/ nga rgyal gyi yang yid du 'ong ba yin no/ /ma rig pa'i yang gnyis po de nyid cung zad kun tu rmongs par 'gyur ba yin no/ /mthong bas spang bar bya ba rnams la ni bdag la sogs pa'i mtshan nyid med ces bya ba ni mthong bas spang bar bya ba de la dmigs pa'i 'dod chags la sogs pa la ma gtogs pa rnams la ni bzhi po bdag gi mtshan nyid so sor nges pa cung zad kyang med pas/ de lta bas na gzhi med pa dag ces bya ste/ de lta bas na gzhi so sor nges pa med pa dag ces bya ba'o zhes bya ba'i don to/ /slob dpon gyis gzhan yang zhes bya ba rgyas par smos te/ 'phags pa slob pa nges par mi rtog cing mi sems pa la dran pa nyams pas te/ dran pa nyon mongs pa can dang ldan pas 'dod chags la sogs pa nyon mongs pa rnams skye bar 'gyur gyi nges par rtogs pa la ni ma yin te/ nges par mi rtogs pa 'ga' zhig la dran pa nyams pas thag pa la sbrul gyi 'du shes skye'i nges par rtog pa la ni ma yin pa de dang 'dra'o/ /bdag tu lta ba la sogs pa zhes bya ba la sogs pa bya ba'i sgras ni mthar 'dzin par lta ba la sogs pa ba spu'o/ /yang ci'i phyir nges par mi rtog pa la bdag tu lta ba la sogs pa 'byung bar mi rung zhe na/ kun tu rtog par byed pa yin pa'i phyir te/ gang dag ce na bdag tu lta ba la sogs pa nyon mongs pa rnams so/ /de bas na nyon mongs pa la nges par mi rtog pa'i sgo nas bdag tu lta ba la sogs pa 'byung bar mi rung bas yongs su nyams pa'i rgyu med pa'i phyir mthong bas spong bar

  504. 252b

    bya ba spangs pa yongs su nyams pa med do/ /dgra bcom pa nyid las kyang yongs su nyams pa med do zhes bya ba la/ kyang zhes bya ba'i sgras ni mthong bas spang bar bya ba spangs pas yongs su nyams pa med pa 'ba' zhig tu ma zad kyi/ dgra bcom pa nyid las kyang yongs su nyams pa med do zhes ston par byed do/ /dang po ma yin pa lan cig phyir 'ong ba dang phyir mi 'ong ba'i 'bras bu dag las ni yongs su nyams pa srid de/ de ni 'jig rten pa'i lam gyis thob pa srid pa'i phyir ro snyam du bsams pa yin no/ /de nyid rigs pa yin no zhes bya ba ni slob dpon gzhung 'dzugs pa yin no/ /dge slong dag 'phags pa'i shes rab kyis spangs pa gang yin pa de ni spangs pa yin no zhes bya ba ni 'phags pa'i shes rab kyis spangs pa gang yin pa de kho na spangs pa yin te/ de ni yang mi skye'i 'jig rten pas spangs pa gang yin pa de ni yang skye'o snyam du dgongs pa yin no/ /slob pa la bag yod pa la zhes bya ba rgyas par 'byung ba ni dgra bcom pa nyid las yongs su nyams pa med do/ zhes bya ba'i khungs mdo'i tshig gnyis pa yin te/ 'di'i don ni slob pa la yod par bya ba'i phyir slob pas bag yod par bya'o zhes bag yod pa'i las ston par mdzad pa 'di yin no/ /slob pa la 'phags pa'i shes rab kyis spangs pa yod pa ma yin nam/ ji ltar na de la bag yod par byar yod ce na/ 'di ltar 'dis ni 'bras bu'i khyad par ba yang thob par bya dgos la/ de la spangs pa 'jig rten pa'i lam gyis byas pa yang yod pas so/ /'dir bye brag tu smra ba dag na re mdo las/ kun dga' bo dgra bcom pa la yang rnyed pa dang bkur stis bar chad byed par smin par nga smra'o zhes 'byung ba'i phyir dgra bcom pa la yang yongs su nyams pa yod do zhes zer na de'i phyir kun dga' bo dgra bcom pa la yang zhes bya ba rgyas par mdo 'di las mthong ba'i chos la bde bar gnas pa tsam kho na las yongs su nyams par 'gyur bar gsungs par zad do zhes 'byung ba'i bar 'di smos so// //

  505. 253a

    bam po lnga bcu gcig pa/ /ji lta zhe na/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo dgra bcom pa la yang rnyed pa dang bkur stis bar chad byed pa yin par nga smra'o/ /tshe dang ldan pa kun dga' bos gsol pa/ bcom ldan 'das de ci'i slad du 'di skad ces kun dga' bo dgra bcom pa la yang rnyed pa dang bkur sti bar chad byed pa yin par nga smra'o zhes gsungs/ bcom ldan 'das kyis bka' stsal pa/ kun dga' bo ma thob pa thob par bya ba dang/ ma rtogs pa rtogs par bya ba dang/ mngon sum du ma byas pa mngon sum du bya ba la bar chad byed pa ni ma yin pa nyid do/ /'on kyang 'dis lhag pa'i sems las byung ba mthong ba'i chos la bde bar gnas pa bzhi po thob pa gang dag yin pa de gang yang rung ba zhig las 'di yongs su nyams par 'gyur bar nga smra ste/ de yang 'dres par gnas ba yin no/ /gcig pu ma 'dres pa bag yod pa brtun par gnas pa 'dis sems kyi rnam par grol ba lus kyi mngon du byas pa gang yin pa de las ni rnam grangs gang gis kyang yongs su nyams par 'gyur bar nga mi smra 'o/ /kun dga' bo de lta bas na khyod kyis 'di ltar slob par bya ste/ rnyed pa dang bkur sti gang yin pa de zil gyis gnon par bya'i/ rnyed pa dang bkur sti byung ba la sems kun nas dkris te mi 'dug pa de ltar kun dga' bo khyod kyis bslab par bya'o zhes gsungs pa yin no/ /gal te bye brag tu smra ba na re mi g.yo ba zhes khyad par du byas pa'i phyir rnam par grol ba dus dang sbyor ba la yongs su nyams pa yod do zhes zer na de'i phyir smras pa/ gal te dus dang sbyor ba la yod do zhe na/ kho bo cag kyang de skad du dus dang sbyor ba la spongs su nyams pa yod do zhes zer ro/ /de dpyad par bya ste/ rnam par grol ba dus dang sbyor ba de ni spyad par bya ba yin no/ /ji ltar zhe na/ smras pa ci rnam par grol ba dus dang sbyor ba dgra bcom pa nyid yin

  506. 253b

    nam/ 'on te rnam par grol ba dus dang sbyor ba 'jig rten pa'i bsam gtan dag kho na yin zhes bya ba yin no/ /ci'i phyir de ltar dogs par byed ce na/ bsam gtan dngos gzhi'i ting nge 'dzin zhes bya ba la sogs pa smras te/ bsam gtan nyid ting nge 'dzin yin pas bsam gtan gyi ting nge 'dzin no/ /dngos gzhi smos pa ni lam sla ba rnams kyi mchog yin pa'i phyir ro/ /dus su mngon sum du 'gyur ba'i phyir ro zhes bya ba ni sgra med pa la sogs pa'i dus la lar mngon sum du gyur pa'i phyir te/ dus las byung bas na rnam par grol ba dus dang sbyor ba zhes kyang bya'o/ /yang dang yang du btsal bar bya ba yin pa'i phyir phangs pa zhes bya ba ni nyams shing nyams na 'dod par bya ba yin pa'i phyir te/ don du gnyer bar bya ba'i phyir ro zhes bya ba'i tha tshig go /gzhan dag na re ro myang bar bya ba yin pa'i phyir zhes zer ro zhes bya ba ni btsun pa dga' ldan yin te/ zag pa dang bcas pa nyid kyis ro myang ba dang mtshungs par ldan pa'i bsam gtan dang ldan pa'i phyir 'phangs pa yin no snyam du bsams pa yin no/ /dgra bcom pa nyid kyi rnam par grol ba zhes bya ba rgyas par 'byung ba ni dgra bcom pa nyid rnam par grol ba yin pas na dgra bcom pa nyid kyi rnam par grol ba ste/ thob pa'i tshul gyis rtag tu rjes su 'brel pa'i phyir ro/ /dus dang sbyor ba yin par yang mi rung zhes bya ba 'dis ni rnam par grol ba dus dang sbyor ba las dgra bcom pa nyid kyi rnam par grol ba bzlog ste ston to/ /yang don du gnyer bar bya ba ma yin pa'i phyir phangs pa yang ma yin no zhes bya ba 'dis ni phangs pa las bzlog ste/ dgra bcom pa nyid kyi rnam par grol ba phangs pa ma yin no zhes ston par byed de/ rtag tu rjes su 'brel pa nyid du yod pas don du gnyer bar bya ba ma yin pa'i phyir phangs pa ma yin no zhes bya ba'i tha tshig go /lhag pa'i sems las byung ba dag kho na las zhes bya ba ni lhag pa'i sems la yod pas

  507. 254a

    na lhag pa'i sems las byung ba ste/ mthong ba'i chos la bde bar gnas pa dag yin no/ /ci'i phyir de dag kho na las yongs su nyams par gsungs zhe na/ lhag pa'i sems las byung ba mthong ba'i chos la bde bar gnas pa bzhi po thob pa gang dag yin pa de gang yang rung ba zhig las 'di yongs su nyams par 'gyur bar nga smra'o zhes 'byung ba'i phyir ro/ /gal te rnam par grol ba dus dang sbyor ba'i mtshan nyid kyi dgra bcom pa nyid las yongs su nyams pa zhig srid par gyur na/ de ci'i phyir de dag kho na las yongs su nyams par 'gyur ro zhes gsungs par 'gyur te/ de dag kho na las yongs su nyams par 'gyur ro zhes gsungs par mi 'gyur ro zhes gsung ba'i tha tshig go /dbang nyams pa'i phyir zhes bya ba ni ting nge 'dzin mngon du 'gyur ba'i dbang nyams pa'i phyir ro zhes bya ba'i don to/ /de ni yongs su nyams par mi 'gyur ba'i chos can yin zhes bya ba ni mdo las yongs su nyams par mi 'gyur ba'i chos can mi g.yo ba'i chos can las gzhan yin par 'byung ste/ slob pa bco brgyad rgya cher bshad nas/ bka' stsal pa/ mi slob pa dgu gang zhe na/ yongs su nyams pa'i chos can dang/ yongs su nyams par mi 'gyur ba'i chos can dang/ 'chi bar sems pa'i chos can dang/ rjes su bsrung ba'i chos can dang/ gnas pa las mi bskyod pa dang/ rtogs pa'i skal ba can dang /mi g.yo ba'i chos can dang/ shes rab kyis rnam par grol pa dang/ gnyi ka'i cha las rnam par grol ba ste/ 'di dag ni mi slob pa dgu zhes bya'o zhes gsungs so/ /de la gang zhig mthong ba'i chos la bde bar gnas pa dag las yongs su nyams par 'gyur ba de ni yongs su nyams pa'i chos can yin no/ /gang zhig de dag nyid las yongs su nyams par mi 'gyur ba de ni yongs su nyams par mi 'gyur ba'i chos can yin no/ /de bzhin

  508. 254b

    du 'chi bar sems pa'i chos can la sogs pa yang sbyar bar bya'o/ /ji lta zhe na/ gang zhig ting nge 'dzin nyams pa'i 'jigs pas bdag nyid 'chi bar sems pa'i chos can no/ /gang zhig yon tan gyi khyad par cung zad cig rjes su bsrung ba de ni rjes su bsrung ba'i chos can no/ /gang zhig yon tan gang kho na la gnas pa de las rjes su ma bsrungs kyang mi g.yo ba de ni gnas pa las mi bskyod pa yin no/ /gang zhig gong du rtogs par byed cing yon tan gyi khyad par skyes par byed pa zhes bya ba'i tha tshig ste/ de ni rtogs pa'i skal ba can no/ /gang zhig byung ba dag las yongs su nyams par mi 'gyur ba de ni mi g.yo ba'i chos can no/ /khyad par ci yod ce na zhes bya ba ni yongs su nyams par mi 'gyur ba'i chos can la sogs pa sum char yang yongs su mi nyams pa dang ldan pa'i phyir khyad par ma mthong nas 'dri ba yin no/ /sbyangs pa las gyur pa ma yin zhes bya ba ni rang bzhin gyis dbang po rnon po yin gyi/ dbang po sbyangs pas thob pa ni ma yin no zhes bya ba'i tha tshig go /de las g.yo bar 'gyur ba yin zhes bya ba ni yon tan gyi khyad par de las zhes bya ba'i don to/ /'di ni khyad par yin par mngon no zhes bya ba ni slob dpon rang gi gzhung lugs ston pa yin no/ /gal te bye brag tu smra ba na re tshe dang ldan ba gnag tshogs can dgra bcom pa nyid las yongs su nyams pa ma yin nam zhes de skad du smra bar 'gyur bas de'i lan brtsams par bya ste/ tshe dang ldan pa gnag tshogs can zhes bya ba rgyas par smos so/ /slob par gyur pa zhes bya ba ni re zhig dgra bcom pa ma yin pa'o/ /lus srog la mi lta ba'i rgyus mtshon gyis 'debs par ces bya ba ni mtshon gyis snun par byed pa'o/ /'chi ba'i dus kho nar dgra bcom pa nyid thob pa ni mtshon gyis btab pa'i 'og tu zhes bya ba'i tha tshig ste /

  509. 255a

    mtshon gyis btab pa de nyid kyis yongs su mya ngan las 'das par gyur to/ /bcu las 'phros pa las kyang zhes bya ba ni bcu las 'phros pa zhes bya ba'i mdo las so/ /ci zhig gsungs zhe na/ bskyed par bya ba'i chos ni gcig ste zhes bya ba smos so/ /gang yin zhe na/ sems rnam par grol ba dus dang sbyor bas yid du 'ong ba yin no zhes bya ba smos te/ mthong ba'i chos la bde bar gnas pa'o snyam du dgongs pa yin no/ /mngon sum du bya ba'i chos ni gcig ste/ gang zhe na/ sems rnam par grol ba mi g.yo ba yin no zhes bya ba smos te/ dgra bcom pa nyid do snyam du dgongs pa yin no/ /rnam par grol ba mi g.yo ba'i mtshan nyid kyi dgra bcom pa nyid logs shig tu smos pa'i phyir sems rnam par grol ba yid du 'ong ba ni dgra bcom pa nyid ngo bo nyid ma yin par gsungs so snyam du bsams pa yin no/ /bye brag tu smra ba dag dgra bcom pa rnam pa gnyis yod pa'i phyir logs shig tu smos par bzod do zhes smra bar 'gyur ba'i go skabs mthong nas yang/ gal te ces bya ba rgyas par smos te/ gal te sems rnam par grol ba dus dang sbyar ba pa yid du 'ong ba dgra bcom pa nyid kho na yin par gyur na ci'i phyir mdo gzhan las ma yin gyi/ bcu tshan de kho na las mngon sum du bya ba'i chos ni gcig ste/ sems rnam par grol ba mi g.yo ba'o zhes dgra bcom pa nyid las gnyis su smos par 'gyur/ mi 'gyur ba kho na'o zhes bya ba'i tha tshig ste/ 'di skad du mngon sum du bya ba'i chos ni gcig ste/ sems rnam par grol ba yin no zhes bshad par 'gyur ro/ /gal te khyod dgra bcom pa nyid rnam pa gnyis yod pas de'i phyir gcig ni bskyed par bya ba yin no/ /gnyis pa ni mngon sum bya ba yin no zhes tshig gi bye brag tu bshad pa yin no zhes zer na/ 'dir smras pa/ dgra bcom pa nyid bskyed par bya ba yin par ni gang du

  510. 255b

    ma gsungs so/ /'o na ci zhes mdo de dang de las mngon sum du bya ba yin par gsungs so/ /khas blangs te yang brjod par bya ste/ dbang po rtul pos bsdus pa'i dgra bcom pa nyid skyed par bya ba yin no zhe na/ yang 'dis ci zhig shes par byas shing bstan pa yin/ re zhig gal te bskyed par bya bar nus pa yin no zhes bya ba 'di shes par byas la yin no zhe na ni gzhan dbang po rnon pos bsdus pa'i dgra bcom pa nyid kyang nus so/ /de lta yin na ni mdo las 'di skad du/ bskyed par bya ba'i chos ni gcig ste/ sems rnam par grol ba'o zhes brjod dgos par 'gyur ro/ /'on te skyed par 'os pa yin no zhes na ni gzhan dbang po rnon pos bsdus pa'i dgra bcom pa nyid ches shin tu 'os pa yin no/ /de ni mi g.yo ba'i phyir shin tu bskyed par bya bar 'os su snyam du bsams pa yin no/ /'o na dus kyis rnam par grol ba zhes bya ba rgyas par 'byung ba ni gal te rnam par grol ba dgra bcom pa nyid yin na ni de lta na de dag ldan pa'i phyir dus kyi rnam par grol ba'i dgra bcom pa zhes byar rung ngo snyam du bsam pa yin no/ /ting nge 'dzin mngon sum du 'gyur ba dus la bltos pa yin no zhes bya ba ni 'di ltar 'di'i ting nge 'dzin ni zag pa dang bcas pa 'am zag pa med pa yang rung nad med pa dang/ yul gyi khyad par la sogs pa'i mtshan gyi dus la bltos so/ /chos mngon pa las kyang zhes bya ba rgyas par 'byung ba/ 'dir dper brjod pa ni 'dod pa'i 'dod chags kyi phra rgyas ma spangs zhes bya ba 'di yin no/ /de la yang tshul bzhin ma yin pa'i yid la byed pa zhes bya ba 'di yang dper brjod pa yin no/ /gal te de lta bu ni yongs su tshang ba las skye ba yin no zhe na zhes bya ba ni gal te de lta bu ni nyon mongs pa'i rgyu yongs su tshang ba la skye ba yin no/ /yul gyi stobs kho na las skye ba ni nyon

  511. 256a

    mongs pa'i rgyu yongs su ma tshang ba yin no snyam du sems na/ de ni rigs pa ma yin no/ /ci'i phyir zhe na/ rgyu yongs su ma tshang bar go gang zhig skye zhes bya ba smos te skye ba dang ldan pa gang zhig rgyu yongs su ma tshang bar skye/ rgyu dang rkyen tshogs pa ji snyed cig gi 'bras bu skyed par grags pa de ni de'i phyogs gcig ma tshang na de skyed par mi 'gyur te/ dper na mig dang gzugs la sogs pa dang yid la byed pa tshogs pas mig gi rnam par shes pa skyed par grags pa de ni de las gang yang rung ba zhig ma tshang na de skyed par mi 'gyur ba lta bu'o/ /de lta bas na de ni gyi na'o/ /de lta bu zhes bya ba ni de'i rnam pa 'am de'i ngo bo nyid do/ /'on te ma skyes zhes bya ba ni gnyen po'o/ /de'i sa bon gyi chos nyid ces bya ba ni sa bon gyi ngo bo nyid ces bya ba'i tha tshig ste/ de rtsa nas ma gton cing drung sa ma phyung na ji ltar zag pa zad pa yin/ khyod da lta yin du zad mod ces zer na/ de'i phyir zag pa ma zad na yang ji ltar dgra bcom pa nyid yin zhes bya ba smos so/ /de ltar spyod pa zhes bya ba ni dran pa dang ldan par dpyod pa zhes bya ba'i tha tshig ste/ de ma thag tu dran pa smos pa'i phyir ro/ /de ni slob pa yin no zhes zer ba 'di yongs su spang ba'i phyir yongs su nyams par smra ba de nyid kyis ni de las dgra bcom pa kho na yin par bstan ces bya bar smos so/ /ji ltar bstan pa yin zhe na/ yun ring po nas zhes bya ba rgyas par smos so/ /yongs su mi nyams par smra ba dag 'di skad du/ sems dben pa la gzhol ba yin zhes bya ba nas mya ngan las 'das pa la bab pa zhes bya ba'i bar 'di ni slob pa yin no zhes smra bar 'gyur ba'i go skabs 'di yongs su spang ba'i phyir yang yongs su nyams par smra bas mdo gzhan las de ni dgra bcom pa'i stobs yin par yang gsungs zhes bya ba smos so/ /ji skad du zhe na/ btsun pa dge slong dgra bcom pa zag pa zad pa'i stobs

  512. 256b

    du zhig mchis/ shA ri'i bu dge slong dgra bcom pa'i stobs ni brgyad de/ yun ring po nas sems dben pa la gzhol ba yin zhes bya ba nas/ mya ngan las 'das pa la bab pa yin zhes bya ba'i bar dang/ 'dis ni 'dod pa rnams sol ba'i phung po lta bur mthong ba yin te/ ji ltar 'dod pa rnams shes shing 'dod pa rnams mthong ba 'dis 'dod pa la 'dod pa'i 'dun pa dang/ 'dod pa'i chags pa nas rgyas par 'dod pa la lhag par zhen pa'i bar gang yin pa de la 'di'i sems yongs su gtugs te mi gnas pa de ltar yang 'dis 'dod pa rnams mthong ba yin no zhes rgyas par 'byung ngo/ /gzhan yang sol ba'i phung po lta bu'i mdo de nyid las bsil bar gyur cing bsal bar gyur pa zhes gsungs pa'i phyir dgra bcom pa kho na yin par bstan to/ /de skad du 'byung ba yang yod mod kyi zhes bya ba ni sol ba'i phung po lta bu'i mdo las dgra bcom pa yin par bstan to zhes gang smras pa'o/ /ji srid du spod pa legs par ma rtogs pa zhes bya ba ni bsod snyoms la sogs pa spyod pa'o/ /slob pa'i gnas skabs kyi dbang du mdzad nas de skad gsungs pa'i phyir nyes pa med do zhes bya ba ni brgya la res 'ga' zhig dran pa nyams pa las sdig pa mi dge ba'i rnam par rtog pa dag skye bar 'gyur ro zhes gsungs pa gang yin pa de ni slob pa'i gnas skabs kyi dbang du mdzad nas gsungs kyi dgra bcom pa nyid kyi gnas skabs ni ma yin no/ /yun ring po nas sems dben pa la gzhol ba zhes gsungs pa gang yin pa de ni slob pa la yang srid la dgra bcom pa'i ni phul du phyin pa yin pas khyad par yod do/ /zag pa'i gnas lta bu'i chos thams cad las bsil bar gyur cing bsil bar gyur pa zhes gsungs pa gang yin pa de yang/ slob pa'i gnas skabs kyi dbang du mdzad pa yin te/ zag pa'i gnas lta bu'i chos 'dod pa na spyod pa las bsil bar gyur pa zhes gsungs pa'i

  513. 257a

    phyir ro/ /slob dpon ni dgra bcom pa nyid kyi gnas skabs kyi dbang du mdzad nas de skad du gsungs kyang nyes pa med do snyam du dgongs so/ /sbyor ba mi srid pa'i phyir mthong ba'i lam la ni ma yin no zhes bya ba ni mthong ba'i lam ni skad cig bco lnga yin te/ de la dbang po 'pho bar sbyor ba'i go skabs med do/ /la la ni so so'i skye bo'i gnas skabs na dbang po rnams 'pho'o zhes bya ba ci rigs pa'i rnam pa la sogs pa'i rnam pa dang ldan pa'i lam gyis dbang po rnams 'pho 'am/ 'on te zhi ba la sogs pa'i rnam pa dang ldan pas yin zhe na/ khyad par du ma byas pa'i phyir gnyi gar yang srid do snyam byed de/ 'di ltar don 'di ni slob dpon gyis 'phags pa rnams kyis dbang po zag pa dang bcas pa'i lam gyis 'pho ba med do zhes 'chad par 'gyur bas 'phags pa rnams kyis zhes khyad par du mdzad pa'i phyir ro/ /ci nas kyang bdag gi dbang po dag rnon por 'gyur bar bya'o zhes sbyor bar bsams nas/ 'jig rten pa 'am 'jig rten las 'das pa'i lam goms par byed pa na bar chad med pa dang rnam par grol ba'i lam gyis rims kyis dbang po dag 'pho'o zhes bya bar rig par bya'o/ /la la ni dad pas mos pa'i gnas skabs na'o zhes bya ba 'dir mi slob pa mi smos pa ni slob pa dang so so skye bo'i gnas skabs yin pa'i phyir te/ mi slob pa yang dbang po dag 'pho'o zhes bya bar khong du chud par bya'o/ /ji ltar na mi g.yo ba'i chos can mthong ba'i chos la bde bar gnas pa dag las yongs su nyams par 'gyur zhes bya ba ni 'di dbang po rno pa'i phyir mthong ba'i chos la bde bar gnas pa dag las kyang yongs su nyams pa mi srid na rnam par grol ba mi g.yo ba las lta smos kyang ci dgos te mi srid do snyam nas 'dri ba yin no/ /sangs rgyas la ni nye bar spyad pa la yongs su nyams pa kho na mnga' zhes bya ba ni gdul pa'i

  514. 257b

    don la zhugs pa'i phyir mthong ba'i chos la bde bar gnas pa dag nye bar mi spyod de mngon du mi mdzad do zhes bya ba'i don to/ /de dang ma thob pa las yongs su nyams pa yang yod ces bya ba ni mi g.yo ba'i chos can la ni ji zhig gis gsal bas nye bar spyad pa la yongs su nyams pa de dang/ gang zag khyad par can gyis chos ma thob pa'i phyir ma thob pa las yongs su nyams pa yang yod de/ 'di ltar mi g.yo ba'i chos can yang la las nyan thos chen po 'phags pa shA ri'i bu dang maung+gal la sogs pa'i rab kyi mdza' pa la sogs pa'i chos dang/ rang byung gi chos kyang kha cig ma thob la nyan thos chen pos kyang rang byung gi chos khyad par can kha cig thob pa dang mi ldan no zhes bya ba la sogs pa yin no/ /dgra bcom pa gzhan la zhes bya ba ni yongs su nyams pa'i chos can la sogs pa dbang po rtul po la'o/ /thob pa las yongs su nyams pa yang yod do zhes bya ba la yang zhes bya ba'i sgras ni sngar bshad pa'i yongs su nyams pa yang yod do/ /mi g.yo ba'i chos can nye bar spyad pa las yongs su nyams par 'byung ba'i phyir mdo dang mi 'gal lo zhes bya ba ni/ 'dis mthong ba'i chos la zhes bya ba nas gang yang rung ba zhig las 'di yongs su nyams par 'gyur ba ni nga smra zhes bya ba'i bar 'byung ba gang yin pa'i mdo de dang mi 'gal lo/ /dgra bcom pa drug car gyi rnam par grol ba yang mi g.yo ba yin no zhes bshad pa dang bye brag tu smra ba na re gal te dgra bcom pa thams cad kyi rnam par grol ba zag pa med pa mi g.yo ba nyid yin na/ ci'i phyir dus dang mi sbyor bar rnam par grol ba kho na mi g.yo ba'i chos can du rnam par 'jog la gzhan dag ni ma yin zhes smra bar 'gyur te/ de'i phyir yongs su mi nyams par smra ba na re thams cad kyi rnam par grol ba zag pa med pa

  515. 258a

    ni mi g.yo ba yin la zhes bya ba 'di smos te/ de yang bden na mi g.yo ba'i chos can du ji ltar rnam par bzhag pa ni de bzhin du bshad zin ces bya ba ni mthong ba'i chos la bde bar gnas pa dag las ni la la rnyed pa dang bkur stis dbyen spyo ba'i nyes pas dbang nyams pa'i phyir yongs su nyams par 'gyur te/ dbang po rtul po gang yin pa'o/ /la la yongs su nyams par mi 'gyur te/ dbang po rnon po gang yin pa ste/ de nyid mi g.yo ba'i chos can du bzhag go zhes bya ba yin no/ /gang gi phyir dbang po rtul po mthong ba'i chos la bde bar gnas pa dag las rnyed pa dang bkur stis dbyen spyo ba'i nyes pas yongs su nyams par 'gyur gyi dbang po rnon po ni ma yin pa de'i phyir ji ltar na mi g.yo ba'i chos can mthong ba'i chos la bde bar gnas pa dag las yongs su nyams par 'gyur zhes bya ba 'di ni klan kar mi rung ngo zhes zer ro/ /yang na 'di ni sbyar ba gzhan yin te/ gong du ni mi g.yo ba'i chos can mthong ba'i chos la bde bar gnas pa dag las yongs su nyams pa med do zhes bshad do/ /mdo las ni khyad par du ma smos pas gang la rnam par grol ba mi g.yo ba yod pa de yang mthong ba'i chos la bde bar gnas pa dag las yongs su nyams pa skad du 'byung bas de'i phyir/ thams cad kyi rnam par grol ba zag pa med pa ni mi g.yo ba yin zhes bya ba 'di brjod de/ de kho nas mi g.yo ba'i chos can du rnam par bzhag pa ni ma yin no snyam du bsams pa yin no/ /de nyid kyi phyir mi g.yo ba'i chos can du ji ltar rnam par bzhag pa ni de bzhin du bshad zin pa de'i phyir mdo sde la brten nas ji ltar mi g.yo ba'i chos can mthong ba'i chos bde bar gnas pa dag las yongs su nyams par 'gyur zhes smras pa gang yin pa 'di ni klan kar mi rung ngo zhes zer ro/ /chung ngu zhes bya ba ni zhan pa'o/ /de ltar ma yin na tshangs bar

  516. 258b

    spyad pa yid brtan du mi rung bar 'gyur ro zhes bya ba ni gal te dgra bcom pa nyid las yongs su nyams pa yang skye bar 'gyur na/ tshangs spyod 'di la legs spyad cing/ /lam la'ang legs par bsgoms pa ni/ /ji ltar nang dang bral ba bzhin tshe zad pa las dga' bar 'gyur zhes bya ba yid brtan du rung ba de lta bur mi 'gyur ro/ /bya ba ma yin de mi byed ces bya ba ni mi tshangs par spyod pa la sogs pa'i mtshan nyid do/ /rtsal po che 'greng pa rdeg mi 'cha' ba bzhin no zhes bya ba ni dper na rtsal po che 'greng na mthus bdag nyid bzung ba'i phyir rdeg 'cha' bar mi 'gyur ba de bzhin du 'phags pa 'bras bu las yongs su nyams pa yang 'bras bu ma thob par mi 'chi'o/ /rtsal po tshe zhes smos pa ni rtsal zhan pa ma yin no// gzhan dag na re rtsal po che ni stobs dang ldan pa yin no zhes zer ro/ /ji ltar goms par byas pa yin zhe na/ slob pa dang mi slob pa'i lam dag gis brtan por byas pa'i phyir ro zhes bya ba smos so/ /sbyor ba'i lam ni thams cad du gcig kho na yin no zhes bya ba mi g.yo ba rtogs par bya ba dang/ mthong bas thob par byed pa la'o/ /'phags pa rnams kyi dbang po ni zag pa adang bcas pa'i lam gyis 'pho ba med do zhes bya ba ni 'phags pa'i dbang po 'pho bar brjod par 'dod pa'i phyir ro/ / de lta ma yin na la la ni so so'i skye bo'i gnas skabs na dbang po rnams 'pho'o zhes bya ba de 'gal bar 'gyur ro/ /gzhan du ni ma yin te/ yongs su nyams pa mi srid pa'i phyir ro zhes bya ba ni yongs su nyams pas 'jigs pa'i phyir dbang po 'pho bar 'dod na gzhan 'dod pa ni spyad pa'i lha'i ris drug dang/ gzugs dang gzugs med pa'i khams dag na ni yongs su nyams pa med do/ /'phags pa khams gong mar skyes pa ni dbang po dag kyang mi 'pho la/ ji ltar yang yongs su nyams pas

  517. 259a

    mi 'gyur ro zhes bshad pa yin te/ 'di la gtan tshigs ni dus gzhan gyi bar du yongs su bsgoms pas dbang po rnams ches yongs su smin pa'i phyir dang/ rten khyad par can rnyed pa'i phyir ro zhes bshad pa yin no/ /yang ci'i phyir 'dod pa na spyod pa'i lha dag gi nang na yongs su nyams pa med ce na/ sngon yul shin tu rgya chen po dag las yid byung ste/ des na bden pa rnams mthong bar gyur pa gang dag yin pa de dag nyid la dmigs nas yongs su nyams par 'gyur te/ gdon mi za bar dbang po rnon po dag yin no snyam du bsams pa yin no/ /mi slob sa dgu la brten te/ zhes bya ba ni de'i 'bras bu sa dgus bsdus pa nyid srid pa'i phyir ro/ /'bras bu dang 'bras bu khyad par can zhes bya ba la 'bras bu ni len cig phyir mi 'ong ba'i 'bras bu'o/ /'bras bu khyad par can ni spong ba'i sbyor ba dang/ bar chad med pa dang/ rnam par grol ba dang/ khyad par gyi lam gyi mtshan nyid bsam gtan dang po la sogs pa'o/ /lam gyi 'bras bu kho na 'thob par 'gyur zhes bya ba ni 'dod pa'i khams las 'dod chags dang bral ba tsam gyis bsdus pa'o/ /phyir mi 'ong ba'i 'bras bu gzugs med pas bsdus pa ni med do zhes bya ba 'di mdo las/ tha ma'i cha dang mthun pa lnga spangs pa'i phyir/ phyir mi 'ong ba yin no zhes 'byung ba'i phyir dang/ de na yang mthong ba'i lam med pa'i phyir ro/ /de med pa ni 'dod pa'i khams la mi dmigs pa'i phyir ro zhes de ni bshad zin to/ /mi g.yo ba'i chos can rnam pa gnyis te zhes bya ba ni mdo las 'byung ba'i phyir ro/ /sangs rgyas gnyis ni mi g.yo ba'i bye brag kho na yin zhes bya ba ni mi g.yo ba'i chos can dbang po chung ngu dang/ 'bring dang/ chen po'i bye brag gis rnam pa gsum du dbye ste/ nyan thos kyi mi g.yo ba'i chos can ni dbang po chen po'i chung ngu yin no/

  518. 259b

    rang sangs rgyas ni dbang po chen po'i 'bring yin no/ /yang dag par rdzogs pa'i sangs rgyas ni chen po'i chen po yin no/ /chung ngu'i chung ngu'i la sogs pa dbang po rnam pa dgu'i bye brag gis zhes bya ba ni yongs su nyams pa'i chos can dbang po chung ngu'i chung ngu yin pa nas bcom ldan 'das dbang po chen po'i chen po yin pa'i bar ro/ /bdun yin te zhes bya ba ni/ rang sangs rgyas dang yang dag par rdzogs pa'i sangs rgyas dag ni gnyi ga'i cha las rnam par grol ba kho nas bsdus pa'i phyir ro/ /dang po nyid nas zhes bya ba rgyas par 'byung ba ni dang po so so'i skye bo'i gnas skabs nyid na gzhan gyi dring 'jog pas gzhan las dran pa nye bar gzhag pa la sogs pa'i chos thos nas phyis don rnams la sbyor ba'i phyir te/ bsam pa dang bsgom pa ston pa'i phyir ro zhes bya ba'i tha tshig go /de bzhin du sngon so so'i skye bo'i gnas skabs nyid na shes rab kyis gsung rab yan lag bcu gnyis pa'i chos kyi rjes su 'brang bas bdag nyid kyis byang chub kyi phyogs dang mthun pa la sogs pa'i chos kyi rjes su 'brang zhing don rnams la sbyor pa'i phyir te/ bsam pa dang bsgom pa bsten pa'i phyir ro/ /de ltar na sbyor ba las ni dad pa dang/ chos kyi rjes su 'brang ba dag yin no/ /dad pas mos pa dang shes rab lhag pa'i sgo nas zhes bya ba ni dad pas mos pa lhag pa dang/ shes rab lhag pa'i sgo nas so/ /dad pas smos pa ste/ de lhag pa'i phyir dbang po rtul po nyid yin la shes rab lhag pa'i phyir dbang po rnon po nyid yin no/ /rnam par grol ba las ni zhes bya ba ni nyon mongs pa las rnam par grol ba las so/ /shes rab kyis rnam par grol ba zhes bya ba ni shes rab kyis nyon mongs pa las rnam par grol ba'i phyir ro/ /snyoms par 'jug pa dang rnam par grol ba las ni zhes bya ba ni snyoms par 'jug pa dang rnam par grol ba las so/ /de la dad pa'i rjes su 'brang ba la dbang po'i

  519. 260a

    sgo nas ni zhes bya ba rgyas par 'byung ba la dad pas rjes su 'brang ba 'di dag ji ltar bgrang ba de bzhin du gzhung ji lta ba rab tu bstan par bya ste/ dbang po chung ngu dang/ 'bring dang/ chen po'i phyir dbang po'i sgo nas ni gsum mo 'dir yang 'di ltar khong du chud par bya ste/ dad pas rjes su 'brang ba thams cad dbang po rtul po kho na yin mod kyi/ 'on kyang shin tu rtul pa dang ches shin tu rtul bar gnas pa'i phyir 'di dag la dbang po chung ngu dang/ 'bring dang/ chen po zhes bya ba khyad par rnam pa gsum yod do/ /rigs kyi sgo nas ni lnga'o/ /ji lta zhe na yongs su nyams pa'i chos can gyi rigs nas rtogs pa'i skal ba can gyi rigs zhes bya ba'i bar lnga yin no/ /yang rigs dang dbang po'i bye brag gis bco lngar gyur pa de dag re re zhing lam gyi sgo nas ni bco lnga yin no/ /ji lta zhe na bzod pa brgyad dang shes pa bdun la gnas pa'o zhes bya ba smos te/ mthong ba'i lam la skad cig bco lnga ste/ sdug bsngal la chos shes pa'i bzod pa nas lam la rjes su shes pa'i bzod pa'i bar bzod pa brgyad dang/ sdug bsngal la chos shes pa nas 'gog pa la rjes su shes pa'i phyir shes pa bdun no/ /lam la rjes su shes pa ni bsgom pa'i lam gyis bsdus pa'i phyir ro/ /brgyad dang bdun ni bco lngar 'gyur te/ de lta bu de la gnas pa bco lnga yin no/ /de ltar lam gyi sgo nas rnam pa bco lngar tha dad pa 'di dag yang re re bzhin 'dod chags dang bral ba'i sgo nas ni bdun cu rtsa gsum ste/ ji lta zhe na/ re zhig 'dod pa'i khams na 'ching ba mdza' dag dang ldan pa gcig dang/ 'dod pa las 'dod chags dang bral ba rnam pa gcig las 'dod chags dang bral ba nas rnam pa dgu las 'dod chags dang bral ba'i bar dang/ ci yang med pa'i skye mched las 'dod chags dang bral ba dgu'i bar yin no/ /gong na ni mi srid de/ 'jig rten pa'i lam srid pa'i rtse mo'i gnyen po med pa'i phyir ro/ /de dag ni dgu brgyad ni bdun

  520. 260b

    cu gnyis yin te/ sngar bshad pa 'chid ba mdza' dag dang ldan pas bsnan nas bdun cu rtsa gsum du 'gyur ro/ /yang 'dod chags dang bral ba'i sgo nas bdun cu rtsa gsum du so sor tha dad pa 'di dag re re zhing rten gyi sgo nas ni dgu'o/ /ji lta zhe na/ gling gsum dang/ lha'i rigs drug tu skyes ba'o zhes bya ba smos te/ gling gsum ni byang gi sgra mi snyan ma gtogs pa dag ste/ byang gi sgra mi snyan na ni lam med pa'i phyir ro/ /lha'i rigs drug ni 'dod pa na spyod pa dag ste/ de'i gong na ni mthong ba'i lam med pa'i phyir ro// de rnams su skyes pas na 'di dag re re zhing dgu dgur 'gyur ro/ /dbang po dang rigs dang/ lam dang/ 'dod chags dang bral ba dang/ rten gyi sgo nas bsdoms nas ni zhes bya ba ni mjug sdud par smos pa ste/ 'di nyid gcig go zhes bya ba ni 'brel ba'i nang du bris? par zad do/ /gang zag gzhan dag kyang ci rigs par de bzhin du brtsi bar bya'o zhes bya ba ni chos kyi rjes su 'brang ba la sogs pa ste/ ji ltar dad pas rjes su 'brang ba dbang po dang /rigs dang lam dang 'dod chags dang bral bas dang rten gyi sgo nas brtsis pa de kho na bzhin du rtsi bar bya'o/ /ci rigs bar zhes bya ba ni chos kyi rjes su 'brang ba dang/ mthong bas thob pa dang/ dus dang mi sbyor bar rnam par grol ba rnams la ni rigs kyi khyad par med la/ dad pas mos pa dang/ dus kyis rnam par grol ba dag la ni rigs kyi khyad par yang yod pas ci rigs par zhes smos so/ /de la chos kyi rjes su 'brang ba dbang po'i sgo nas ni gsum mo/ /rigs kyi sgo nas ni gcig kho na te/ khyad par med do/ /lam gyi sgo nas ni bco lnga ste/ bzod pa brgyad dang shes pa bdun la gnas pa'o/ /'dod chags dang bral ba'i sgo nas ni bdun cu rtsa gsum ste/ 'chid ba mdza' dag dang ldan pa dang/ 'dod pa las 'dod chags dang bral ba'i phyir dgu nas/ de bzhin du ci yang med pa'i skye mched las 'dod chags dang bral ba'i phyir gyi bar du'o//

  521. 261a

    rten gyi sgo nas ni dgu ste/ gling gsum dang/ lha'i rig tu skyes pa'o/ /de bzhin du dbang po dang/ rigs dang/ lam dang/ 'dod chags dang bral ba dang/ rten gyi sgo nas bsdoms na ni nyi khri dgu stong lnga brgya drug cu rtsa lngar 'gyur ro/ /de bzhin du dad pas mos pa dbang po'i sgo nas ni gsum mo/ /rigs kyi sgo nas ni so sor lnga'o/ /'dod chags dang bral ba'i sgo nas ni so sor bdun cu rtsa gsum kho na te/ snga ma bzhin no/ /rten gyi sgo nas ni dgu ste/ gling gsum dang/ lha'i rigs drug tu skyes pa'o/ /de bzhin du dbang po dang/ rigs dang/ 'dod chags dang bral ba dang/ rten gyi sgo nas bsdoms na ni dgu stong brgyad brgya lnga bcu rtsa lngar 'gyur ro/ /'dir ni 'bras bu la gnas pa sems bcu drug thob pa 'ba' zhig gi dbang du byas pa yin te/ de'i tshe dbang po rtul po dang/ rnon po dag dad pas mos pa dang/ mthong bas thob pa dag yin pas 'dir de gnyis brjod par 'dod pa'i phyir ro/ /skal ldan khyad par can na re lam gyi sgo nas ni dgu yin te/ bsgom pa'i lam la gnas pa yin no zhes zer ro/ /de ni bsam pa gang gis de skad du smras pa khong du ma chud do/ /gal te 'di skad du lam gyi sgo nas ni sa dang sa na dgur 'gyur ro snyam du sems par 'gyur na ni 'dod chags dang bral ba'i sgo nas ni bdun cu rtsa gsum ste zhes bya ba de dang tha mi dad pa'i phyir de kho na bstan par gyur pas rig pa yin te/ tshad kyang ngo kho nar zad do/ /'on te sgom pa'i lam zag pa med pas dgu pa la gnas pa'i phyir 'di dag dgu nyid du rnam par 'jog na ni/ de lta yin na tshad de/ yang dgur bsgyur ba byas na de dag 'di nyid du 'gyur te/ brgyad khri brgyad stong drug brgya dgu bcu rtsa lngar 'gyur te/ de bzhin du 'og ma yang bshad par bya'o/ /gal te dad pas mos pa rdo rje lta bu'i ting nge 'dzin gyi bar bzung na ni de'i phyir de lta ma yin par brtsi dgos te/ dad pas mos pa dbang po'i sgo

  522. 261b

    nas ni gsum mo/ /rigs kyi sgo nas so sor lnga'o/ /'dod chags dang bral ba'i sgo nas ni bdun cu rtsa gsum gyi thog tu srid pa'i rtse mo'i rnam pa brgyad las 'dod chags dang bral ba'i phyir brgyad kyi bsnan te brgyad cu rtsa gcig go /rten gyi sgo nas ni nyi shu rtsa dgu'o// ji lta zhe na/ 'dod pa'i khams ni skye ba'i gnas dgu dang/ gzugs kyi khams na gnas bcu drug dang/ gzugs med pa bzhi'o/ /de bzhin du dbang po dang/ rigs dang/ 'dod chags dang bral ba dang/ rten gyi sgo nas bsdoms nas ni sum khri lnga stong nyis brgya sum cu rtsa lnga'o/ /mthong bas thos pa la rigs kyi bye brag ni med do/ /dbang po dang/ 'dod chags dang bral ba dang/ rten gyi sgo nas bsdoms na ni stong dgu brgya bdun cu rtsa gcig tu 'gyur ro/ /gal te mthong bas thob pa rdo rje lta bu'i ting nge 'dzin gyi bar gzung na ni 'di ltar brtsi bar bya ste/ dbang po dang/ 'dod chags dang bral ba dang/ rten gyi sgo nas bsdoms na bdun stong bzhi bcu rtsa bdun du 'gyur ro/ /lus kyi mngon du byed pa ni dad pas mos pa dang/ mthong bas thob pa'i nang du 'dus pas mi rtsi'o/ / gal te brtsi na dbang po'i sgo nas ni gsum mo/ /rigs kyi sgo nas ni gal te lus kyis mngon du byed pa de dad pas mos pa yin na lnga'o/ /gal te mthong bas thob pa yin na ni rigs kyi khyad par med do/ /lam ni gnyi ga'i yang dbye ba med do/ /ci yang med pa'i skye mched las 'dod chags dang bral ba'i phyir 'dod chags dang bral ba'i sgo nas kyang khyad par med do/ /gal te srid pa'i rtse mo pa'i 'ching ba mdza' dag dang ldan pa dang/ rnam pa gcig las 'dod chags dang bral ba nas rnam pa brgyad las 'dod chags dang bral ba'i bar zhig yin na ni lam dang 'dod chags dang bral ba'i sgo nas khyad par yod mod kyi lus kyis mngon du byed pa nyid ni lam dang 'dod chags dang bral bas byas pa ma yin pas 'di des byas pa de'i khyad par du ni rnam par mi bzhag go /

  523. 262a

    skal ldan khyad par can na de rten gyi sgo nas ni khyad par rnam pa mang ste/ 'dod pa na spyod pa'i rten can yin pa nas srid pa'i rtse mo'i bar gyi rten can yin pa'i phyir ro zhes zer te/ ji ltar na lus kyis mngon du byed pa nam mkha' mdza' yas skye mched la sogs pa'i rten can yin/ 'di ltar rigs pa snyam byed ste/ rten gyi sgo nas ni 'dod pa'i khams na skye ba'i gnas dgu dang/ gzugs kyi khams na gnas bcu drug ste nyi shu rtsa lnga'o/ /'phags pa ni de dag du 'gog pa'i snyoms par 'jug par skyed do/ /gal te 'dod pa dang gzugs kyi rten can gyi 'gog pa'i snyoms par 'jug pa'i skyed pa dang ldan pa'i phyir mi 'ong ba lus kyi mngon du byed par gyur pa de'i ldan pa tsam dang/ /'brel pa'i phyir phyis kyang lus kyis mngon du byed pa srid pa'i rtse mo'i rten can nyid du 'dod na ni srid pa'i rtse mo'i rten can dang nyi shu rtsa drug yin par khong du chud par bya'o/ /de bzhin du dbang po dang rigs dang rten gyi sgo nas bgrangs te brtsi bar bya ste/ shes rab kyi rnam par grol ba'i bye brag kyang dbang po'i sgo nas ni gsum mo/ /shes rab kyi rnam par grol ba rigs kyi sgo nas ni gal te dus kyi rnam par grol ba zhig yin na lnga'o/ /'on te dus dang mi sbyor ba rnam par grol ba zhig yin na/ khyad par med do/ /gnyi ga'i cha las rnam par grol ba yang de bzhin du sbyar bar bya'o/ /shes rab dang ting nge 'dzin gyi stobs dag gis nyon mongs pa dang rnam par thar pa'i sgrib pa las rnam par grol ba'i phyir ro zhes bya ba ni shes rab kyi stobs kyis nyon mongs pa'i sgrib pa las rnam par grol ba'i phyir dang/ ting nge 'dzin gyi stobs kyi rnam par thar pa'i sgrib pa las rnam par grol ba'i phyir ro/ /rnam par thar pa dag ni gzugs can gzugs rnams la lta ba zhes bya ba brgyad 'chad par 'gyur ro/ /de la nyon mongs pa'i sgrib

  524. 262b

    pa zhes bya ba ni nyon mongs pa nyid sgrib pa yin no/ /rnam par thar pa'i sgrib pa zhes bya ba ni rnam par thar pa rnams kyis sgrib pa yin te/ de yang gang gis rnam par thar pa dag skyed par mi nus pa ste/ lus dang sems las su mi rung ba nyid do/ /'di la gang zhig nyon mongs pa lnga spangs te zhes bya ba ni 'jog? tshogs la lta bu la sogs pa tha ma'i cha dang mthun pa lnga bshad pa yin no/ /mi 'phrogs chos ldan zhes bya ba ni yongs su mi nyams pa'i chos can zhes bya ba'i tha tshig go /'bras bu kho na las so zhes bya ba rgyas par 'byung ba ni dad pas mos pa yin pa'i phyir dbang po'i sgo nas yongs su rdzogs pa nyid ma yin no/ /lus kyis mngon du byed pa ma yin pa'i phyir snyoms par 'jug pa'i sgo nas kyang ma yin no/ /phyir mi 'ong ba yin pa'i phyir 'bras bu'i sgo nas ni yongs su rdzogs pa nyid yod do/ /dbang po kho na las so zhes bya ba ni mthong bas thob pa yin pa'i phyir dbang po'i sgo nas yongs su rdzogs pa nyid yin la/ 'dod chags dang ma bral ba'i phyir 'bras bu'i sgo nas kyang ma yin la snyoms par 'jug pa'i sgo nas kyang ma yin te/ phyir mi 'ong ba'i 'bras bu dang snyoms par 'jug pa dag ma thob pa'i phyir ro/ /de bzhin du gzhan dag la yang ci rigs par sbyar bar bya'o/ /snyoms par 'jug pa kho na dang zhes bya ba ni snyoms par 'jug pa kho na'i sgo nas yongs su rdzogs pa nyid yin gyi/ dbang po dang/ 'bras bu dag gi sgo nas ni ma yin no zhes bya ba de ni med do/ /ci'i phyir zhe na/ phyir mi 'ong pa'i 'bras bu ma thob par 'gog pa'i snyoms par 'jug pa med pas so/ /'bras bu med par snyom par 'jug pa dang/ dbang po las zhes bya ba ni 'gog pa'i snyoms par 'jug pa dang dbang po kho na la yongs su rdzogs pa nyid yin gyi 'bras bu'i sgo nas ni ma yin no zhes bya ba de yang med de/ 'di ltar phyir mi 'ong ba'i 'bras bu ma thob pa la 'gog pa'i snyoms par 'jug pa med pas so/ /dbang po dang snyoms par 'jug pa

  525. 263a

    las so zhes bya ba ni dbang po rno ba'i phyir dang/ 'gog pa'i snyoms par 'jug pa thob pa'i phyir zhes bya ba'i tha tshig go /dbang po kho na las so zhes bya ba ni dus dang mi sbyor bar rnam par grol ba zhes 'byung ba'i phyir 'di dbang po'i sgo nas ni yongs su rdzogs pa nyid yin la/ shes rab kyis rnam par grol ba zhes bya ba 'byung ba'i phyir 'di snyoms par 'jug pa'i sgo nas yongs su rdzogs pa nyid ni ma yin te/ 'gog pa'i snyoms par 'jug pa ma thob pa ni shes rab kyis rnam par grol ba zhes bshad do/ /snyoms par 'jug pa kho na las so zhes bya ba ni dus kyis rnam par grol ba zhes 'byung ba'i phyir 'di dbang po'i sgo nas yongs su rdzogs pa nyid ma yin no/ /gnyis ka'i cha las rnam par grol ba zhes 'byung ba'i phyir 'di snyoms par 'jug pa'i sgo nas yongs su rdzogs pa nyid ni yin te/ 'gog pa'i snyoms par 'jug pa thob pa ni gnyi ga'i cha las rnam par grol ba zhes bshad do/ /dbang po dang snyoms par 'jug pa las so zhes bya ba ci zhe na/ yongs su rdzogs pa nyid yin te/ dus dang mi sbyor bar rnam par grol ba'i phyir dbang po'i sgo nas so/ /gnyi ga'i cha las rnam par grol ba'i phyir snyoms par 'jug pa las so zhes ston par byed do/ /bar chad med pa'i lam ni gang gis sgrib pa rab tu spong ba'o zhes bya ba ni mi spong ba'i lam srid pa'i phyir te/ bar chad med pa'i lam gang zhig gis dbang po 'pho ba la sogs par sgrib pa rab tu mi spong bar byed pa de yod do/ /des spang bar bya ba'i sgrib pa las nges par grol ba dang po nyid du skye ba gang yin pa'o zhes bya ba ni bar chad med pa'i lam gyis spang bar bya ba'i sgrib pa las nges par grol ba gang yin pa'o/ /dang po nyid du zhes bya ba khyad par smos pa ni/ 'di ltar skad cig ma gsum pa la sogs pa la de dang rigs

  526. 263b

    mthun pa'i lam ni khyad par can gyi lam yin par 'dod de/ de nyid kyi phyir khyad par can gyi lam ni de dag las gzhan pa'i lam gang yin pa'o zhes bya ba smos so/ /gzhan yang gal te dang po nyid du zhes bya ba ma brjod kyi rnam par grol ba'i lam ni nges spang bar bya ba'i sgrib pa las nges par grol ba gang yin pa'o zhes bya ba de tsam zhig smos par 'gyur na/ de lta na ni sdug bsngal la chos shes pa phan chad bar chad med pa'i lam la sogs pa thams cad des spang bar bya ba'i sgrib pa las nges par grol bar skye ba yin pas thams cad rnam par grol ba'i lam du 'gyur ba zhig na bar chad med pa'i lam la sogs pa yang rnam par grol ba'i lam nyid du thal bar 'gyur ba'i phyir de yang mi 'dod do/ /de lta bas na bar chad med pa'i lam sdug bsngal la chos shes pa'i bzod pas spang ba'i bya ba'i sgrib pa mthong bas spang bar bya ba'i ris nas/ sgom pas spang bar bya ba'i ris kyi bar gang yin pa spang bar bya ba'i sgrib pa de las nges par grol bas dang po nyid du skye ba gang yin pa de rnam par grol ba'i lam yin gyi gzhan ni nges spang bar bya ba'i sgrib pa las nges par grol ba nyid yin yang ma yin no/ /sbyor ba'i lam la sogs pa gsum po de dag las gzhan pa gang yin pa de ni khyad par can gyi lam ma yin te/ skad cig ma bcu drug pa lam la rjes su shes pa'i mtshan nyid phan chad de dang ris mthun pa skad cig ma bcu bdun la sogs pa zag pa med pa'i skad cig ma gang yin pa de dag ni khyad par can gyi lam gyi ngo bo nyid yin par khong du chud par bya'o/ /gzhan rnam par grol ba'i ye shes kyi rab kyi mdza' pa zad pa shes pa la sogs pa gang yin pa de dang yang de dang 'dra bar brjod par bya ste/ mthong ba'i chos la bde bar gnas par byed pa 'am/ yon tan khyad par can mngon par sgrub par byed pa'i lam gang yin pa de yang khyad par can gyi lam kho

  527. 264a

    na yin no/ /sbyor ba'i las ni gang gi mjug thogs su bar chad med pa'i lam skye ba'o zhes bshad pas de'i phyir sbyor ba'i lam ni 'jig rten pa'i chos kyi mchog yin no zhes bya bar mngon no/ /lugs las bzlog pa bzod pa'i sogs pa'i lam gang yin pa de gang gi nang du 'dus par brjod par bya zhe na smras pa/ sbyor ba'i lam kho na'i nang du 'dus na ni 'di ni sbyor ba'i lam thag ring po yin pas de ni 'jig rten pa'i chos kyi mchog dag dang khyad par de yod do/ /yang na dper brjod pa'i phyir bar chad med pa dang/ nye ba kho na sbyor ba'i lam du bshad do// //bam po lnga bcu gnyis pa/ /de nas der 'gro ba'i phyir 'di ni mya ngan 'das pa'i lam yin no zhes bya ba ni 'jig rten na gang nas 'gro ba de lam yin no zhes grags la 'di nas kyang mya ngan las 'das par 'gro zhing phyin par byed do/ de lta bas na lam yin no zhes ston par byed do 'di las mya ngan las 'das pa tshol ba'i phyir zhes bya ba ni skad kyi byings las lam ni tshol bar byed pa yin no zhes 'byung bas gang gis mya ngan las 'das pa tshol zhing thob par byed pa de ni lam yin no/ /rnam par grol ba dang khyad par can gyi lam dag ji ltar na lam nyid yin zhes bya ba ni de gnyis kyis mya ngan las 'das pa thob par byed pa yin te/ de thob pa la ni sbyor ba dang bar chad med pa'i lam kho na nus pa yod kyi de gnyis ni ma yin no snyam du bsam pa yin no/ /de dang 'dra ba dang ches che ba yin pa'i phyir zhes bya ba ni dmigs pa dang rnam pa dang zag pa med pa nyid du chos mthun pa'i phyir spong ba'i lam dang 'dra ba ma yin la/ rgyu bsags pa'i sgo nas ches che ba dag kyang yin te/ ji ltar bar chad med pa'i lam bden pa bzhi la dmigs shing rnam pa bcu drug dang zag pa med pa yin pa ltar rnam par grol ba dang khyad par can gyi lam dag kyang de dang 'dra la ches che ba nyid kyis de gnyis khyad

  528. 264b

    zhugs pa yang yin no/ /gong nas gong du phyin par byed pa'i phyir 'am phung po'i lhag ma ma lus par 'jug pa'i phyir ro zhes bya ba ni gang gi phyir rnam par grol ba'i lam dang khyad par can gyi lam gong nas gong du phyin par byed pa 'am/ gang gi phyir de gnyis kyis phung po lhag ma med pa'i mya ngan las 'das par 'jug ste/ de de dag skyes nas phung po'i lhag ma med pa'i mya ngan las 'das par 'jug pa de'i phyir 'di gnyis lam nyid yin no zhes bya ba'i tha tshig go /gzhan dag na re 'di skad du gong nas gong du phyin par byed pa'i phyir phung po'i lhag ma ma lus par 'jug pa yin te/ de lta bas na 'di gnyis lam nyid yin no zhes zer ro/ /mya ngan las 'das pa sgrub par byed pa'i phyir zhes bya ba ni 'di ltar 'dis mya ngan las 'das pa sgrub par byed pas zhes bya ba'i tha tshig go /de bzhin du sla ba yang rnam pa gnyis so zhes bya ba ni mngon par shes pa bul ba sla ba'i lam yang yod mngon par shes pa myur ba sla ba'i lam yang yod ces bya ba yin no/ /yan lag gis yongs su zin pa dang/ zhi gnas dang lhag mthong mnyam pa dag gis 'bad mi dgos par dang gis 'byung ba'i phyir ro zhes bya ba'i yan lag dag gis yongs su zin pa dang/ zhi gnas dang lhag mthong dag mnyam pa nyid ni yan lag gis yongs su zin pa dang/ zhi gnas dang lhag mthong mnyam pa nyid de/ de dag gis na 'bad mi dgos par dang gis 'byung ba yin pas de'i phyir lam sla ba yin no/ /gang gi phyir bsam gtan dag ni yan lag gis yongs su zin pa dang/ zhi gnas dang lhag mthong dag mnyam pa yin no de'i phyir 'bad pa mi dgos par dang gis 'byung ba yin pas de'i phyir lam de ni sla ba zhes bya'o/ /yan lag gis yongs su zin pa'i phyir zhes bya ba rgyas par 'byung ba ni mi lcogs pa med pa dang/ bsam gtan khyad par can dang/ gzugs med pa dag ni yan lag gis yongs su ma zin pa'i phyir 'bad nas 'byung ba yin no/ /de dag ci rigs par zhi gnas dang lhag mthong chung ba'i

  529. 265a

    phyir 'bad nas 'byung ba yang yin te/ mi lcogs pa med pa dang/ bsam gtan khyad par can dag ni zhi gnas chung ba'i phyir 'bad nas 'byung ba yin no/ /gzugs med pa dag ni lhag mthong chung ba'i phyir 'bad nas 'byung ba yin no/ /de'i phyir mi lcogs pa med pa la sogs pa de dag ni lam dka' ba yin no/ /mngon par shes pa bul ba zhes bya ba ni 'di la mngon par shes pa bul ba yod pas mngon par shes pa bul ba ste/ shes rab chung ba zhes bya ba'i tha tshig go/ mngon bar shes pa myur ba zhes bya ba ni shes rab rno ba'o/ /yang na mngon par shes pa 'di gang zag dbang po rtul zhing blun pa'i yin pas mngon par shes pa bul ba yin te/ de bzhin du mngon par shes pa gang zag yid rnon pos yin pas mngon par shes pa myur ba'o zhes bya bar sbyar bar bya'o// dran pa nyer gzhag pa bzhi ni lus dang/ tshor ba dang/ sems dang chos dran pa nye bar gzhag pa ji skad du bshad pa dag yin no/ /yang dag par spong ba bzhi ni sdig pa mi dge ba'i chos skyes pa rnams spong ba'i phyir 'dun pa skyed do/ /rtsol ba byed do/ /brtson 'grus rtsom mo/ /sems rab tu 'dzin to/ /yang dag par rab tu 'jog go/ sdig pa mi dge ba'i chos ma skyes pa rnams mi bskyed pa'i phyir 'dun pa skyed do zhes bya ba snga ma yin no/ /dge ba'i chos ma skyed pa'i phyir 'dun pa skyed do zhes bya ba snga ma bzhin no/ /dge ba'i chos skyes pa rnams gnas pa dang/ mi brjod pa dang/ sgom pa yongs su rdzogs par bya ba dang/ phyir zhing goms pa dang/ 'phel zhing rgyas pa dang/ ye shes kyis mngon sum du bya ba'i phyir 'dun pa skyed do zhes bya ba snga ma bzhin no/ /rdzu 'phrul gyi rkang ba bzhi ni 'dun pa'i ting nge 'dzin spong ba'i 'du byed dang ldan pa rdzu 'phrul gyi rkang pa dang/ de bzhin du brtson 'grus dang/ sems dang/ dpyod pa'i ting nge 'dzin spong ba'i 'du byed dang ldan pa rdzu 'phrul gyi rkang pa dag ste/ rdzu 'phrul gyi rkang pa ni rdzu 'phrul gyi rgyu zhes bya ba'i tha tshig go

  530. 265b

    dbang po lnga ni dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po dag go/ stobs lnga ni dad pa dang/ brtson 'grus dang/ dran pa dang/ ting nge 'dzin dang/ shes rab kyi stobs dag go /byang chub kyi yan lag bdun ni dran pa dang/ chos rab tu rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag dag ste/ dran pa nyid yang dag byang chub kyi yan lag yin pas dran pa yang dag byang chub kyi yan lag ste/ btang snyoms nyid yang dag byang chub kyi yan lag yin pas na btang snyoms yang dag byang chub kyi yan lag gi bar du yang de dang 'dra'o/ /'phags pa'i lam yan lag brgyad ni yang dag pa'i lta ba dang/ yang dag ba'i rtogs pa dang/ yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /de gnyis kyis ma rig pa ma lus par spangs pa'i phyir zhes bya ba ni gang gi phyir khams gsum pa'i ma rig pa ma lus par spangs ba de'i phyir de gnyi ga byang chub yin te/ 'dis ni slob pa dang so so'i skye bo rnams kyi shes rab ni byang chub tu rnam par mi bzhag go zhes ston par byed do/ /gzhan yang go rim bzhin du/ rang gi don byas pa dang yang byar med ba nyid yang dag par ji lta ba bzhin du rtogs pa'i phyir te/ zad pa shes par bdag gis sdug bsngal yongs su shes so zhes bya bar yang dag pa ji lta ba bzhin rab tu shes so/ /bdag gis kun 'byung ba spangs so zhes bya ba dang/ bdag gis 'gog pa mngon du byas so/ /bdag gis lam bsgoms so zhes bya bar yang dag pa ji lta ba bzhin du shes so zhes bya bar yang dag pa ji lta ba bzhin rtogs pa'i phyir zad pa shes pa'i de byang chub yin no/ /mi skye ba shes pas kyang bdag gis sdug bsngal yongs su shes te/ yang yongs su shes par byar med

  531. 266a

    do zhes bya bar yang dag pa ji lta ba bzhin du rab tu shes so/ /bdag gis kun 'byung ba spangs te/ yang spang du med zhes bya ba dang/ bdag gis 'gog pa mngon du byas te/ yang mngon du byar med zhes bya ba dang/ bdag gis lam bsgoms te/ yang bsgom du med do zhes bya ba yang dag pa ji lta ba bzhin rab tu shes zhes bya bar yang byar med pa nyid yang dag pa ji lta ba bzhin rtogs pa'i phyir mi skye ba shes pa de yang byang chub yin no/ /bdag gis sdug bsngal yongs su shes so zhes bya ba 'dis ni zad pa shes pa bstan la/ yang shes par byar med do zhes bya ba 'dis ni mi skye ba'i shes pa bstan pas gnyis ka yang gang zag dbang po rnon po'i yin par ston to zhes thams cad sbyar bar bya'o/ /de ltar zad pa shes ba dang/ mi skye ba shes pa byang chub yin no zhes yan lag gi don rab tu bsgrubs nas spyi'i don rab tu bsgrub pa'i phyir/ de dang mthun pa nyid phyir sum cu rtsa bdun de'i phyogs mthun zhes bya ba smos te/ byang chub de dang mthun pa ni de dang mthun pa'o/ /de'i ngo bo ni de dang mthun pa nyid de/ de dang mthun pa nyid de'i phyir byang chub kyi phyogs dang mthun pa'o/ /byang chub kyi phyogs la bzang zhing mthun pas na gsung rab las/ dran pa nye bar gzhag pa la sogs sum cu rtsa bdun byang chub kyi phyogs dang mthun pa yin par 'byung ngo/ /rdzas sum cu zhes bya ba kha cig gi gzhung lugs yin te bye brag tu smra ba rnams kyis ltar na lus dang ngag dag tha dad pa'i phyir tshul khrims kyi yan lag rnams rdzas gnyis yin pas bcu gcig yin no zhes 'chad par 'gyur ba'i phyir ro/ /dran pa nyer gzhag shes rab ste/ zhes bya ba ni dran pa nye bar gzhag pa ni shes rab yin no zhes bya ba'i tha tshig go/ 'dis dran pa nye bar 'jog pa'i phyir te/ 'di ltar mdo las/ lus

  532. 266b

    la lus kyi rjes su lta zhing gnas so zhes bya ba rgyas par 'byung ngo/ /brtson 'grus yang dag 'jog ces bya zhes bya ba ni 'di ltar sdig pa mi dge ba'i chos skyes pa rnams spangs pa'i phyir 'dun pa bskyed do/ /rtsol bar byed do/ /brtson 'grus brtsom mo zhes 'byung ba thams cad sbyar ro/ /rdzu 'phrul rkang pa ting 'dzin to zhes bya ba ni 'di ltar 'dun pa'i ting nge 'dzin spong ba'i 'du byed dang ldan pa rdzu 'phrul gyi rkang pa sgom par byed do zhes 'byung ba thams cad sbyar ro/ /'dir spong ba'i 'du byed ces smos pa ni mdo las brgyad 'byung ba yin no/ /ji ltar zhe na de lta bu'i 'dun pa gang yin pa dang/ rtsol ba gang yin pa dang/ shin tu sbyangs pa gang yin pa dang/ dran pa gang yin pa dang/ shes bzhin gang yin pa dang/ sems 'du byed pa gang yin pa dang/ sems mngon par 'du mi byed ba gang yin pa dang/ btang snyoms gang yin pa de dag ni spong ba'i 'du byed ces bya'o zhes 'byung ngo/ /de'i phyir re zhig dbang po dang zhes rgyas bar 'byung ba ni rang gi ming gis smos pa'i dbang po dang/ stobs kyi ngo bo nyid dang pa dang brtson 'grus dang/ dran pa dang/ ting nge 'dzin dang/ shes rab kyi rdzas lnga gang dag yin pa de dag las dran pa nye bar gzhag pa bzhi po gang dag yin pa de ni shes rab kho na yin la/ byang chub kyi yan lag dag gis nang na chos rnam par 'byed pa yang dag byang chub kyi yan lag gang yin pa dang/ lam dag gi nang na yang dag pa'i lta ba gang yin pa yang rdzas gzhan ma yin no/ /yang dag par spong ba bzhi po gang dag yin pa dang/ byang chub kyi yan lag dag? gi nang na brtson 'grus yang dag byang chub kyi yan lag gang yin pa dang/ lam dag gi nang na yang dag pa'i rtsol ba gang yin pa de ni brtson 'grus kho na yin no/ /rdzu 'phrul gyi rkang pa bzhi po gang dag yin pa dang/ byang chub kyi yan lag gi nang na ting nge 'dzin yang

  533. 267a

    dag byang chub kyi yan lag gang yin pa dang/ lam gyi nang na yang dag pa'i ting nge 'dzin ni ting nge 'dzin kho na yin no/ /gang shes rab kyi dbang po la sogs pa'i ngo bo nyid ma yin pa ci zhig lus zhe na/ byang chub kyi yan lag dag gi nang na dga' ba dang/ shin tu sbyangs pa dang/ btang snyoms yang dag byang chub kyi yan lag rnams dang/ lam gyi yan lag dag gi nang na yang dag pa'i rtog pa dang/ tshul khrims kyi yan lag gsum po yang dag pa'i dag dang yang dag pa'i las kyi mdza' dang/ yang dag pa'i 'tsho ba rnams zhes bya ba dag lus so/ /rdzas bcu po dag yin no zhes bya ba ni dad pa la sogs pa lnga dang/ dga' ba yang dag byang chub kyi yan lag la sogs pa lnga ste/ tshul khrims kyi yan lag gsum ni rnam par rig byed ma yin pa'i ngo bo nyid yin pa'i phyir rdzas gcig tu rnam par bzhag go/ bye brag tu smra ba rnams kyi ltar na lus dang ngag gi las dag tha dad cing rigs mi mthun pa'i phyir rdzas gnyis yin pas rdzas bcu gcig yin no/ /bsam pa'i dbang gis ni phyogs gnyi ga ltar na yang nyes pa med do/ /gal te dngos su tshogs pa de la rdzas ji snyed cig yod pa ril gyis bgrang na ni de dag rdzas bcu ma yin pa nyid de/ mnyam par bzhag pa'i rnam par rig byed ma yin pa'i gzugs rnams rdzas bdun yin pa'i phyir rdzas bcu drug yin no zhes brjod dgos par 'gyur ro/ /gtso bo smos pas dran pa nye bar gzhag pa la sogs pa ni shes rab la sogs pa'i rang bzhin yin no zhes de skad bshad kyi dran pa nye bar gzhag pa dang/ yang dag par rab tu 'jog pa dang rdzu 'phrul gyi rkang ba rnams ni ci rigs par sbyor ba las byung ba'i yon tan thos pa dang bsam pa dang bsgoms pa las byung ba zag pa dang bcas pa dang zag pa med pa thams cad kyang yin no/ /gtso bo zhes bya ba ni de'i

  534. 267b

    stobs kyis gzhan dag la 'jug pa la bya'i de dag med pa ni ma yin te/ dran pa nye bar gzhag pa rnams kyi gtso bo ni shes rab yin pas de'i phyir shes rab smos kyi/ dran pa nye bar gzhag pa shes rab kho na yin par ni ma zad do/ /'o na ci zhe na/ shes rab dang brtson 'grus dang/ ting nge 'dzin dang/ dga' ba dang/ shin tu sbyangs pa dang/ btang snyoms dang/ yang dag pa'i rtogs pa la sogs pa yang yin no/ /sbyor ba las byung ba zhes smos pa ni skyes nas thob pa'i dad pa la sogs pa bsal ba'i phyir ro/ /de bzhin du yang dag par spong ba rnams kyi gtso bo ni brtson 'grus yin la/ rdzu 'phrul gyi rkang pa rnams kyi gtso bo ni ting nge 'dzin yin pas zhes bya ba rgyas par brjod par bya'o/ /rdzu 'phrul gyi rkang pa dag ni ting nge 'dzin yin no zhes bya ba 'di ga las 'byung zhe na/ mdo las te/ dge slong dag dge slong gi 'dun pa'i dbang du byas nas ting nge 'dzin thob ste/ de ni 'di'i 'dun pa'i ting nge 'dzin yin no/ /dge slong dag dge slong gi sems dang/ brtson 'grus dang/ spyod pa'i dbang du byas nas kyang ting nge 'dzin thob ste/ de ni 'di'i dpyod pa'i ting nge 'dzin gyi bar yin no zhes gsungs so/ /de'i lus dang ngag dang yid yang dag par rab tu 'jig pas so zhes bya ba ni rab tu 'jog pa dang/ 'dzin pa dang/ nges par byed pa 'am/ res 'ga' 'dis 'jug par byed pas na rab tu 'jog pa'o/ /de ni yon tan thams cad 'byor pa'i rten yin pa'i phyir ro zhes bya ba ni 'di ltar yon tan thams cad 'byor pa'i mtshan nyid rdzu 'phrul ni ting nge 'dzin de la brten te/ rdzu 'phrul gyi rkang pa dang rten yin pas na rdzu 'phrul gyi rkang pa zhes bya'o/ /gang dag rdzu 'phrul ni ting nge 'dzin kho na yin la 'dun pa la sogs pa 'dun pa dang/ sems dang brtson 'grus dang/ dpyod pa zhes bya ba dag ni rkang pa yin no zhes de skad du zer ba bye brag tu smra ba de dag gi ltar na 'dun pa dang/ sems dag lhag pa'i phyir bcu gcig

  535. 268a

    gi nang du bsnan na byang chub kyi phyogs dang mthun pa bcu gsum du 'gyur ro/ /brtson 'grus dang shes rab dag ni lhag ba ma yin te/ yang dag par spong ba dang/ dran pa nye bar bzhag pa dag gi nang du 'dus pa'i phyir ro/ /mang por 'gyur ba zhes bya ba'i bar rgyas bar gsungs zhes bya ba ni mang por gyur cing gcig tu 'gyur ba dang/ snang bar 'gyur ba dang mi snang bar 'gyur ba shes pa dang mthong bas nyams su myong bar byed de/ lus kyis thogs pa med par rtsig pa la yang thal chung du 'gro'o/ /sa la yang bye'u zul byed de /dper na chu la bya ba bzhin no/ /chu'i rgyun la yang mi 'byid bar 'gro ste/ dper nas la bya ba bzhin no/ /nam mkha' la yang skyil mo krung bcas nas 'dug /dper na 'dab? chags? bya bzhin no/ /nyi ma dang zla ba 'di ltar rdzu 'phrul che? zhing 'di ltar? mthu che ba 'di dag la yang lag bas nyug par byed yongs su nyug bar byed cing tshangs pa'i 'jig rten gyi bar du lus kyis dbang sgyur bar byed de/ 'di na rdzu 'phrul zhes bya'o/ rdzu 'phrul gyi rkang ba dag gang zhi na/ 'dun ba'i ting nge 'dzin dang/ brtson 'grus kyi ting nge 'dzin dang/ sems kyi ting nge 'dzin dang/ dpyod pa'i ting nge 'dzin dang/ 'di dag ni rdzu 'phrul gyi rkang ba zhes bya'o zhes 'byung ba yin no/ /ting nge 'dzin gyi mtshan nyid ni de lta bu yin te/ de bas na rdzu 'phrul ni ting nge 'dzin kho na ma yin no/ /'dir slob dpon 'dul bzang na re de dag la nyes pa 'dir ni 'gyur te/ de dag ni ting nge 'dzin rdzu 'phrul gyi rkang ba dang rdzu 'phrul yang yin no zhes bya bar 'dod de/ /'dun pa la sogs pa smos pa ni ting nge 'dzin bzhi mtshan nyid du shes bar bya ba'i phyir ro/ /ting nge 'dzin la la ni dge ba'i rtsa ba sbyor ba'i gnas skabs na gtso bo yin la/ la la ni dge ba'i rtsa ba grub pa'i gnas skabs na gtso bo yin te/ 'di la snga ma ni rdzu 'phrul gyi rkang pa yin no/ /phyi ma ni rdzu 'phrul zhes bya'o/ /'di las rdzu 'phrul gyi rkang pa'i 'bras bu rdzu

  536. 268b

    'phrul gyi sgrar bshad pas 'di dag la mdo sde dang 'gal ba med de/ yongs su shes pa'i 'bras bu la de'i sgrar brjod pa la sog pa bzhin no zhes zer ro/ /chung ngu dang /chen po dag gis bye brag gis zhes bya ba ni/ dbang po rnams ni chung ngu yin no/ /stobs rnam ni chen po yin no/ /'di dag gi chung ngu dang/ chen po'i bye brag ji lta bu zhe na/ gtan tshigs su rdzi ba dang rdzi ba med pa'i phyir ro zhes bya ba smos te/ de dag gis mi mthun pa'i phyogs su gyur pa ma dad pa dang/ le lo dang/ brjed ngas ba dang/ g.yeng ba dang/ shes bzhin ma yin pa rnams bar bar du kun tu 'byung ba'i phyir dbang po rnams ni rdzib yin no/ /stobs rnams ni de lta ma yin pas yang de dag la stobs zhes bshad do/ /las ni dang po pa dag dang/ nges 'byed cha mthun rnams dang ni zhes bya ba ni 'di dag gnas skabs sngar bshad pa yin no/ /bsgom dang mthong la rab tu phye zhes bya ba ni gnas skabs gnyis yin pas gnas skabs bdun dag tu sde tshan bdun go rims bzhin du rab tu 'byed cing rab tu rnam par 'jog pa 'am/ gtso bor byed pa yin te/ las dang po pa'i gnas skabs su ni dran pa nye bar gzhag pa rnams so/ /dro bar gyur pa'i gnas skabs su ni yang dag par rab tu 'jog pa rnams so/ /rtse mo'i gnas skabs su ni rdzu 'phrul gyi rkang pa rnams so/ /bzod pa'i gnas skabs su ni dbang po rnams so/ /'jig rten pa'i chos kyi mchog gi gnas skabs su ni stobs rnams so/ /bsgom pa'i lam gyi gnas skabs su ni byang chub kyi yan lag rnams so/ /mthong ba'i lam gyi gnas skabs su ni 'phags pa'i lam yan lag brgyad pa'o/ /khyad par thob pa'i rgyus brtson 'grus spal te/ de'i phyir dro bar myur rgyur? pa dag la ni yang dag par rab tu 'jog pa rnams so/ /yongs su nyams par mi 'gyur ba'i dge ba'i rtsa ba la 'jug pa'i phyir rtse mo dag la zhes bya ba ni rtse mo thob pa rtsa mi 'chad ces dbyung bas drtse mo

  537. 269a

    rnams ni yongs su mi nyams pa dang/ mthun pa ngag la 'jug pa yin te/ 'di rnams kyis 'jug pa'i phyir 'jug pa'o/ /yongs su mi nyams pa ni bzod pa dag gi tshe yin te/ de'i gnas skabs kyi ting nge 'dzin rnams 'byor pa'i rten yin pas rtse mo dag la ni rdzu 'phrul gyi rkang pa rnams rnam par bzhag go /yang yongs su nyams par mi 'gyur ba'i sgo nas zhes bya ba rgyas par 'byung ba ni gang gi phyir snga ma gnyis kho na las yongs su nyams pa srid kyi bzod pa dag la ni yongs su nyams pa med pa de'i phyir dad pa la sogs pa dbang po thob pa yin no/ /de bas na bzod pa dag la ni dbang po rnams rnam par bzhag go /nyon mongs pa rnams kyis mi rdzi ba'i phyir ram zhes bya ba ni 'di ltar gnas skabs de na nyon mongs pa kun tu mi 'byung ba'i phyir nyon mongs pa rnams kyis mi rdzi ba yin no/ /'jig rten pa'i chos gzhan dag gis mi rdzi ba'i phyir zhes bya ba ni yang na 'jig rten pa'i chos gzhan dag gis ming? rdzi? ba'i phyir 'jig rten pa'i chos kyi mchog gi gnas skabs su ni dad pa la sogs pa stobs rnams shes bya bar rab tu 'byed do/ /byang chub dang nye ba'i phyir zhes bya ba ni zad pa dang mi skye ba zhes pa dang nye ba'i phyir zhes bya ba'i tha tshig go /zad pa dang mi skye ba shes pa dag ni bsgom pa'i lam la yin gyi mthong ba'i lam la ni ma yin te/ mthong ba'i lam ni de dag dang thag ring ste/ de'i bar du ni sgom pa'i lam gyis chod pa'i phyir ro/ /'gro bas rab tu phye ba'i phyir zhes bya ba ni lam la ni 'jig rten na 'dis 'gro'o zhes 'gro bas rab tu phye ba yin no/ /yang na lam 'gro bas na lam yin te/ de 'jig rten na lam 'di dmar bu can du 'gro zhes zer ba'i phyir ro/ /mthong ba'i lam ni shin tu 'gro bas rab tu phye ba yin gyi bsgom pa'i lam ni ma yin no/ /ji lta zhe na de ni

  538. 269b

    myur bar 'gro ba yin pa'i phyir zhes bya ba smos te/ de dang ldan pa yang des myur du 'gro'i bsgom pa'i lam la ni sa'i dbye bas bsal ba'i phyir yun ring mo zhig tu 'gro'o/ /gzhan dag ces bya ba ni slob dpon yin te/ bdag la sogs pa zhes bsam pa'i phyir ro/ /go rim ma nyams pa kho nar zhes bya ba ni ji ltar bye brag tu smra ba rnams kyis rim pa gzhan du sbyar ba de ltar de bzhin du ma sbyar bar byang chub kyi phyogs dang mthun pa rnams go rim bzhin du rjod de/ byang chub kyi yan lag rnams mthong ba'i lam la 'jog pa'i phyir ro/ /yul rnam pa mang po la zhes bya ba rgyas par 'byung ba ni yul ni gzugs la sogs pa'i bye brag dang sngon po la sogs pa'i bye brag gis rnam pa mang po yin te/ de la g.yeng ba ni rnam par g.yeng ba'o/ /'di dag la yul rnam pa mang po la g.yeng bar 'phro ba'i ngang tshul yod pas na yul rnam pa mang po la g.yeng bar 'phro ba'i blo rnams te/ de dag tshar bcad pa'i phyir dran pa nye bar gzhag pa rnams so zhen pa la brten pa zhes bya ba ni sred pa la brten pa zhes bya ba'i tha tshig go /dran pa'i kun tu rtog pa rnams zhes bya ba ni yul nyams su myong ba dran pa'i kun tu rtog pa rnams zhes bya ba 'am/ 'dod pa'i kun tu rtog pa rnams zhes bya ba'i don to/ /de'i stobs kyis zhes bya ba ni dran pa nye bar gzhag pa'i stobs kyis zhes bya ba'i tha tshig go /dgos pa rnam pa bzhi bsgrub pa'i phyir zhes bya ba la/ gos pa rnam pa bzhi ni sdig pa mi dge ba'i chos skyes pa rnams spang ba dang ma skyes pa rnams mi skyed pa dang/ de bzhin du dge ba ma skyes pa rnams skyed pa dang/ skyes pa rnams gnas par bya ba la sogs pa yin no/ /de'i 'og tu ting nge 'dzin rnam par spyod pa'i phyir zhes bya ba ni de'i 'og tu yang dag par rab tu 'jog pa dag gi rjes la ting nge 'dzin rnam par spyod pa'i phyir rdzu 'phrul gyi

  539. 270a

    rkang pa rnams rab tu 'byed do/ /'jig rten las 'das pa'i chos rnams kyi bdag por gyur pa zhes bya ba ni de 'dren par byed pa yin pa'i phyir de dag gi bdag por gyur par rig par bya'o/ /dbang po de dag nyid gang gi tshe mi mthun pa'i phyogs kun tu spyod pa las nges par rgyal ba ste/ ma dang pha la sogs pa kun tu spyod pa las nges par rgyal bar gyur pa de'i tshe stobs rnams so/ /dbang po'i gnas skabs na ni nyon mongs pa kun tu spyod pa srid de bzod pa'i gnas skabs na ni thag ring ba'i phyir ro/ /mthong ba'i lam la ni byang chub kyi yan lag rnams zhes bya ba ni byang chub ni zag pa med pa'i shes rab yin pa'i phyir ro/ /gnyi ga la ni lam gyi yan lag rnams zhes bya ba ni mthong ba'i lam dang sgom pa'i lam dag la'o/ /ji lta zhe na/ 'di ltar zhes bya ba rgyas par smos te/ bsgom pa'i lam yongs su rdzogs pa ni bsgom pa yongs su rdzogs pa'o// //'phags pa'i lam yan lag brgyad pa gnas skabs der gyur pa na ste der gyur na dran pa nye bar gzhag pa bzhi yongs su rdzogs par 'gyur ba nas byang chub kyi yan lag bdun gyi bar du yongs su rdzogs par 'gyur ro zhes bsgom pa yongs su rdzogs na zhes gsungs pa'i phyir bsgom pa'i lam la yang 'phags pa'i lam yan lag brgyad po yod do zhes bya bar mngon no mthong ba'i lam la ni bsgom pa yongs su rdzogs par mi 'gyur ro/ /'o na ji lta zhe na/ bsgom pa'i lam la rdzogs par 'gyur ro/ /yang gsungs so zhes bya ba ni gnyi ga la lam gyi yan lag dag rnam par bzhag pa zhes bya ba yin no/ /'di ni 'phags pa'i bden pa'i tshig bla dags yin no zhes bya ba ni mthong ba'i lam yin par ston to/ /ji ltar rtogs pa'i lam gyis 'jug ces bya ba nas rgyas par 'di ni 'phags pa'i

  540. 270b

    lam yan lag brgyad kyi tshig bla dags yin no zhes bya ba'i bar 'byung ba ni bsgom pa'i lam yin par ston te/ ji ltar thob pa'i lam gyis byang chub kyis bar du 'jug cing nges par 'byung bas so/ /de ltar mthong ba'i lam la yang lam gyi yan lag rnams rnam par 'jog pas de'i phyir/ gnyi ga la 'phags pa'i lam yan lag brgyad 'dod par bya dgos pas byang chub kyi yan lag rnams ni snga la/ 'phags pa'i lam yan lag brgyad pa ni 'phyi'o zhes bya ba'i go rim grub pa yin no/ /byang chub yan lag lam yan lag /zag pa med ces bya ba ni zag pa med pa kho na yin no zhes nges par gzung ba yin no/ /gzhan rnams gnyis po zhes bya ba ni dran pa nye bar gzhag pa la sogs pa stobs la thug pa rnams so/ /stobs kyis drang dgos pa'i phyir zhes bya ba ni stobs kyis te/ brtson 'grus kyis mngon du bya ba yin pa'i phyir mi lcogs pa med pa na dga' ba med do/ /bde blag tu thob pa ni sems dga' bar 'gyur gyi gzhan ni ma yin no// gzhan yang sa 'og ma'i dogs pa dang bcas pa'i phyir te/ yongs su nyams par dogs pa dang bcas pa de'i phyir de na dga' ba med de/ dogs pa dang bcas na sems dga' bar mi 'gyur ro/ /yang dag pa'i rtog pa ma gtogs pa zhes bya la/ yang dag pa'i rtog pa ni rnam par rtog pa yin pas so/ /byang chub dang ni lam yan lag /ma gtogs 'dod khams srid rtse na zhes bya ba ji ltar na srid pa'i rtse mo na lus dran pa nye bar gzhag pa yod do/ /de na lus ni med do/ /lus dran pa nye bar gzhag pa ni lus la dmigs pa'i shes rab yin na grub pa'i mdza' la/ gzugs med dngos gzhi dge rnams kyi/ spyod yul zag bcas 'og ma min zhes 'byung bas srid pa'i rtse mo ni 'dod pa'i khams dang gzugs kyi khams la

  541. 271a

    dmigs pa yang ma yin no zhe na/ 'di ni rnam par bshad pa byed pa gang gis kyang ma bris te/ de'i phyir 'dir 'di rnam par bzhag par bya'o/ /lus kyi ngo bo nyid gang yin zhe na/ 'byung ba dang 'byung ba las gyur pa nyid yin par bshad de/ lus ni 'byung ba dang las gyur pa yin no zhes bya ba'i tha tshig go /de la gal te shes rab 'byung ba 'ba' zhig la dmigs pa 'am/ 'byung ba las gyur pa 'ba' zhig la dmigs par gyur na yang de ni lus dran pa nye bar gzhag pa kho na yin par 'gyur la/ srid pa'i rtse mo na yang shes rab dge ba zag pa dang bcas pas zag pa med pa'i sdom pa la lam zhes bya ba 'am ci yang med pa'i skye mched ces bya bar dmigs so/ /gzugs med pa'i dngos gzhi dge ba rnams ni zag pa dang bcas pa 'og ma la dmigs par mi 'dod kyi/ zag pa med pa 'og ma la dmigs par mi 'dod pa ni ma yin pas de'i phyir de na lus dran pa nye bar gzhag pa yod par rig par bya'o/ /shes nas dad pa ni bzhi ste/ sangs rgyas dang/ chos dang/ dge 'dun la shes nas dad pa dang/ 'phags pa dgyes pa'i tshul khrims dag go /de la sdug bsngal gyi bden pa la sogs pa ni chos yin pa'i phyir dang/ sangs rgyas dang/ chos dang/ dge 'dun gyi ngo bo nyid ma yin pa'i phyir go rim bzhin du/ chos la shes nas dad pa dang/ 'phags pa dgyes pa'i tshul khrims zag pa med pa rnams 'thob kyi sangs rgyas dang dge 'dun la shes nas dad pa ni ma yin no zhes lam gyi bden pa mngon par rtogs na/ sangs rgyas dang de'i nyan thos kyi dge 'dun la shes nas dad pa 'thob ste/ lam ni sangs rgyas dang dge 'dun gyi ngo bo nyid yin pa'i phyir ro/ /'dir gang la chos su dgongs

  542. 271b

    pa yin zhes bya ba ni chos ni dge ba'i chos zhes bya ba la sogs pa mang ba zhig yod na/ chos la shes nas dad pa 'thob bo zhes bshad pa gang yin pa der 'dir gang la chos su dgongs pa yin zhes bya ba yin no/ /yang na 'di ni sangs rgyas dkon mchog dang dge 'dun dkon mchog ces bya ba yin te/ de lta bas ni 'di yang 'dir chos dkon mchog yin par dgongs par 'gyur te/ dkon mchog gsum gyi ngo bo nyid ni gang zhig gsum la skyabs 'gro de/ sangs rgyas dge 'dun byed pa'i chos/ /mi slob pa dang gnyi ga dang/ /mya ngan 'das la skyabs su 'gro/ /zhes bshad pa 'di yin pas/ de ci mya ngan las 'das pa'i chos yin par dgongs sam snyam nas/ de'i phyir 'dir gang la chos su dgongs pa yin zhes 'dri'o// chos bden gsum dang zhes bya ba rgyas par 'byung ba ni sdug bsngal dang/ kun 'byung ba dang/ 'gog pa'i bden pa dang/ byang chub sems dpa' slob pa'i gnas skabs kyi lam zag pa med pa dang/ rang sangs rgyas kyi lam slob pa dang mi slob pa'i mtshan nyid ni 'dir chos yin par dgongs so/ /de'i phyir bden pa bzhi char yang zhes bya ba rgyas par 'byung ba ni lam gyi bden pa mngon par rtogs na yang byang chub sems dpa' dang rang sangs rgyas kyi lam gyi mtshan nyid kyi chos mngon par rtogs par 'gyur te/ de lta bas na bden pa bzhi char yang mngon par rtogs na chos la shes nas dad pa 'thob po zhes bshad do/ /sangs rgyas dang dge 'dun dag gi lam la ni chos zhes mi brjod de 'di ltar de mngon par rtogs na sangs rgyas dang dge 'dun la shes nas dad pa thob pas so/ /yang ji ltar lam mngon par rtogs na dad pa'i mtshan nyid gsum po sangs rgyas dang/ chos dang dge 'dun la shes nas dad pa rnams cig car du mngon du 'gyur zhe na/ de nyid dad pa'i gzhi bye brag la bltos

  543. 272a

    nas ming gsum thob pas nyes pa med do/ /yang na chos la shes nas dad pa ni da ltar byung ba yin la/ ma 'ongs pa ni gsum car 'thob pas de'i phyir/ lam mngon rtogs na sangs rgyas dang/ /de'i dge 'dun la yang zhes bshad do/ /gal te bzhi las bltos te shes nas dad pa rnam par gzhag na ni chos la shes nas dad pa sngar gdon dgos so zhe na/ de'i phyir 'di dag gi rim pa ni langs nas ji ltar mngon du byed pa de bzhin du bkod zhes bya ba smos so/ /sman pa dang/ sman dang/ nad g.yog lta bur gyur pa'i phyir ro zhes bya ba la/ bcom ldan 'das ni mdo sde las sman pa zug rngu 'byin pa bla na med pa zhes 'byung bas sman pa lta bu yin te/ chos kyi sman ston pa'i phyir ro/ /chos ni sman lta bu yin te/ nyon mongs pa'i nad gso ba'i phyir dang/ mya ngan las 'das pa nad med pa 'thob par byed pa'i phyir ro/ /dge 'dun ni nad g.yog lta bu yin te/ mya ngan las 'das pa nad med pa 'thob par bya ba'i phyir phan tshun grogs pa'i phyir/ sems rab tu dad bas byas pa'i tshul khrims kyang rab tu dad pa yin pas zhes bya ba ni sems rab tu dad pa rnam pa gsum po kye ma bcom ldan 'das ni yang dag par rdzogs pa'i sangs rgyas yin no/ /de'i chos 'dul ba ni legs par gsungs pa yin no/ /de'i nyan thos kyi dge 'dun ni legs par zhugs pa yin no zhes bya ba des byas pa'i tshul khrims kyang rab tu dad pa yin no/ /tshul khrims nyid kyi rab tu dad pa yin pa 'am tshul khrims kyi rab tu dad ba zag pa med pa nyid yin pas tshul khrims rab tu dang ba ste/ tshul khrims rab tu dang ba ni rab tu dang ba gsum gyi tha mar bzhi ba bshad do/ /ci'i phyir zhe na/ smras pa/ 'di ni kye ma bcom ldan 'das ni yang dag par rdzogs pa'i sangs rgyas yin no zhes bya ba rgyas par 'byung ba de ltar rab tu dang bar gyur pa'i sgrub pa

  544. 272b

    yin te/ 'phags pa dgyes pa'i tshul khrims ni sgrub pa yin no zhes bya ba'i tha tshig go /yang na nad med par gyur pa lta bu yin pa'i phyir ro zhes bya ba ci zhe na/ sman pa dang/ sman dang/ nad g.yog dang/ nad med pa'i go rim dang mthun par tshul khrims rab tu dang ba tha mar bshad pa yin no yang na ston par byed pa dang/ lam dang lam grogs dang/ bzhon pa lta bu yin no zhes bya ba ci zhe na/ tha mar bzhi ba bshad do zhes bya ba'i skabs yin no/ /bcom ldan 'das ni ston par byed pa lta bu yin no/ /chos ni lam lta bu yin no/ /dge 'dun ni lam grogs lta bu yin no/ /'phags pa dgyes pa'i tshul khrims dag ni bzhon pa lta bu yin te/ 'phags pa rnams dgyes shing mnyes par 'gyur bas na 'phags pa dgyes pa dag go /yan lag brgyad dang ldan no zhes bya ba ni slob pa ni yan lag brgyad dang ldan no// brgyad gang zhe na slob pa'i yang dag pa'i lta ba nas slob pa'i yang dag pa'i ting nge 'dzin gyi bar ro/ /mi slob pa ni yan lag bcu dang ldan no/ /bcu gang zhe na/ mi slob pa'i yang dag pa'i lta ba nas mi slob pa'i yang dag pa'i ting 'dzin gyi bar dang/ mi slob pa'i yang dag pa'i rnam par grol ba dang/ mi slob pa'i yang dag pa'i shes pa'o/ /rnam par grol ba dang de so so rang gi shes pa dag gi rab tu phye ba yin pas zhes bya ba ni rnam par grol ba ste so so rang gi shes pas de'i so so rang gi shes pa'o/ /rnam par grol ba dang/ de'i so so rang gi shes pa ni rnam par grol ba dang/ de'i so so rang gi shes pa dag go /de dag gis rab tu phye ba yin te/ nyon mongs pa las rnam par grol ba dang/ nyon mongs pa las rnam par grol ba so so rang gi shes pas bdag ni nyon mongs pa dag las rnam par grol lo zhes bya bar rab tu phye zhing rab tu bstan pas zhes bya ba'i tha tshig go /mi slob pa de kho na la de smos pa ste/ rnam par grol ba smos pa dang/ rnam par grol ba'i ye shes smos pa rigs pa dang ldan pa yin gyi slob pa la ni ma yin no/ /smos pa ni rnam par grol ba 'dus byas yin no zhes bya ba ni mos pa dang rnam par

  545. 273a

    grol ba zhes bya ba ni skad kyi dbyings gcig pa'i phyir ro/ /yan lag rnams ni 'dus byas yin pa'i phyir ro zhes bya ba ni ji ltar yang dag pa'i lta ba la sogs pa 'dus byas yin pa de bzhin du smos pa yang 'dus ma byas ni ma yin no/ /skal pa mi mnyam pa'i phyir ro/ /mdo las rnam par grol ba gnyis su gsungs zhes bya ba ni 'dod chags las 'dod chags dang bral ba'i phyir sems rnam par grol la/ ma rig pa las 'dod chags dang bral ba'i phyir shes rab rnam par grol bas sems rnam par grol ba dang/ shes rab rnam par grol ba yin no zhes bya ba'i tha tshig go /de nyid rnam par grol ba'i phung po yin par yang blta'o/ /zhes bya ba ni tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po zhes bya ba 'dir blta bar bya'o/ /gzhan dag na re zhes bya ba ni slob dpon no/ /'o na mdo las zhes bya ba ni stag gi byang chub kyi bu dag bzhi po 'di dag ni yongs su dag pa'i gtso bo yin te/ bzhi gang zhe na/ tshul khrims yongs su dag pa gtso bo dang/ ting nge 'dzin yongs su dag pa gtso bo dang/ lta ba yongs su dag pa gtso bo dang/ rnam par grol ba yongs su dag pa gtso bo'o zhes bya ba rgyas par bshad nas/ stag gi byang chub kyi bu dag rnam par grol ba yongs su dag pa gtso bo gang yin zhe na zhes bya ba nas 'dun pa dang brtson 'grus zhes bya ba'i bar rgyas par gsungs so/ /stag gi byang chub kyi bu dag ces mang po'i tshig smos pa ni de dag mang ba'i phyir ro/ /rnam par grol ba yongs su dag pa'i gtso bo zhes bya ba ni rnam par grol ba yongs su dag pa gtso bo ni rnam par grol ba yongs su dag pa ste de'i ched kyi gtso bo ni brtson 'grus yin pas rnam par grol ba yongs su dag pa'i

  546. 273b

    gtso bo'o/ /de ltar na 'dir rnam par grol ba dang/ yongs su dag pa dang/ gtso bo zhes bya ba dri ba gsum ste/ de la 'di la dge slong 'dod chags las sems 'dod chags dang bral zhing rnam par grol ba yin zhe sdang dang gti mug pas sems 'dod chags dang bral zhing rnam par grol ba yin te zhes bya ba ni rnam par grol ba bshad do/ /'di ltar rnam par grol ba'i phung po yongs su ma rdzogs par byed pa 'am/ yongs su rdzogs pa rjes su 'dzin par byed pa zhes bya bas ni rnam par grol ba yongs su dag pa yongs su rdzogs pa dang rjes su 'dzin pa'i mtshan nyid bshad do/ /'dun pa dang brtson 'grus gang yin pa zhes bya ba rgyas par 'byung bas ni gtso bo bshad de/ gang gi phyir de ltar 'dod chags la sogs pa las rnam par grol zhing spangs pa yin no zhes mdo las rnam par grol ba'i mtshan nyid de lta bu yin par bshad kyi mos pa ni ma yin par bshad pa de'i phyir rnam par grol ba ni mos pa kho na yin par ma zad do/ /'o na ci zhe na/ de kho na shes pas 'dod chags la sogs pa spangs na/ sems dri ma med pa nyid de zag pa med pa'i ngo bo nyid dang don gzhan ma yin par gyur pa mar gyi snying khu dang ba lta bu yin no zhes zer ro/ /de skye ba la gegs byed pa'i phyir ro zhes bya ba ni mi slob pa'i sems de skye ba la gegs byed pa'i phyir nyon mongs pa'i thob pa thob pa ni gegs yin no/ /'o na skye bar 'gyur ba ma yin pa zhes bya ba ni mi slob pa ma 'ongs pa nyid rdo rje lta bu'i mjug thogs su mi 'byung ba gang yin pa'o/ /'jig rten pa zhes bya ba ni mi slob pa kho ni rgyud la 'jig rten pa yod pa gang yin pa'o/ /skye bar nges pa gang yin pa de kho na bshad do zhes bya ba ni bstan bcos las/ ma 'ongs pa skyo ba la mngon du phyogs pa gang yin pa de kho na rnam par grol bar 'gyur ro zhes bshad de/ de rnam

  547. 274a

    par grol ba ni brtag sla ba'i phyir ro snyam du dgongs pa yin no/ /skye ba'i sgrib pa de nyid las so zhes bya ba ni de'i nyon mongs pa'i thob pa de nyid las de 'dir gtan tshigs kyang de skye ba la gegs byed pa'i phyir ro zhes bya ba de kho na brjod par bya'o/ /gal te mi slob pa'i rgyud la yod pa'i 'jig rten pa rnam par grol bar 'gyur ro zhes khas len na slob pa la yang 'jig rten pa skye na ci'i phyir rnam par grol bar 'gyur ro zhes bya bar khas mi len ce na/ de'i phyir de ni de dang mi 'dra'o zhes bya ba la sogs pa smos te/ slob pa'i 'jig rten pa de ni nyon mongs pa'i thob pa dang lhan cig pa yin gyi mi slob pa'i 'jig rten pa de ni de lta ma yin pas mi 'dra'o/ /'gag par 'gyur ba zhes bya ba ni 'gag pa la mngon du phyogs pa'o/ /de'i sgrib pa zhes bya ba ni mi slob pa'i sems kyi sgrib pa'o/ /bstan bcos sam/ 'di nyid las nyon mongs bcom pa 'dus ma byas zhes rnam par grol ba 'dus ma byas su bshad pa gang yin pa dang/ khams gsum po 'byung ba gang dag yin pa de/ gang las 'byung zhe na/ mdo 'am/ bstan bcos las so/ /'dod chags kun zad 'dod chags bral zhes bya ba ni khyad par brjod par bzhed nas 'di skad ces bshad do/ /khyad par brjod par mi bzhed na ni 'dod chags dang bral ba gang yin pa de spangs pa zhes kyang bya la 'gog pa zhes kyang bya ba la sogs pa yin no/ /gzhi zhes bya ba ni zugs la sogs pa zag pa dang bcas pa'o// mu bzhi'o zhes bya ba ni yid 'byung bar 'gyur la 'dod chags dang bral bar mi 'gyur ba yang yod/ 'dod chags dang bral bar 'gyur la yid 'byung bar mi 'gyur ba yang yod/ gnyis kar 'gyur ba yang yod/ gnyi gar mi 'gyur

  548. 274b

    ba yang yod ces bya ba yin no/ /sdug bsngal rgyu bzod shes rnams kyis/ yid 'byung zhes bya ba 'dis ni dngos po'i rgyu las byung ba'i yid 'byung ba ston to/ /gang gis spong 'gyur ba/ kun gyi 'dod chags bral bar 'gyur zhes bya ba 'dis ni spong bar byed pa'i rgyu las byung ba'i 'dod chags dang bral bar ston to/ /de lta na mu bzhi grub ste zhes bya ba ni de ltar yid 'byung ba dang 'dod chags dang bral ba'i rgyu yongs su bcad de/ sbyar na mu bzhi 'grub po snyam du dgongs pa yin no ji lta zhe na/ yid 'byung ba kho na yin zhes bya ba rgyas par smos te/ sdug bsngal dang kun 'byung ba la bzod pa rnams dang/ sdug bsngal ba dang kun 'byung ba la shes pa rnams kyis ni yid 'byung ba kho na yin te/ yid 'byung ba'i dngos po la dmigs pa'i phyir ro sdug bsngal dang kun 'byung ba dag yid 'byung ba'i dngos po'i dmigs pa yin no/ /'dod chags dang bral bar mi 'gyur te/ nyon mongs pa dag mi spong na zhes bya ba'i tshig gis spong bar byed pa med pa'i phyir ro/ /mthong ba'i lam la 'gog pa dang/ lam la bzod pa rnams dang bsgom pa'i lam la 'gog pa dang lam shes pa rnams kyis ni 'dod chags dang bral ba kho na yin te/ nyon mongs pa dag spong na zhes 'byung bas spong bar byed pa yin pa'i phyir ro/ /yid 'byung bar mi 'gyur te/ mchog tu dga' ba'i dngos po la dmigs pa'i phyir ro/ /mya ngan las 'das pa dang lam dag ni mchog tu dga' ba'i dngos po'i dmigs pa yin no/ /snga ma rnams kyis nyon mongs pa dag spong na gnyi ga yin no zhes bya ba ni snga ma sdug bsngal dang kun 'byung ba la bzod pa dang shes pa rnams kyis ni yid 'byung bar yang 'gyur la/ 'dod chags dang bral bar yang 'gyur te/ yid 'byung ba'i dngos po la dmigs pa'i phyir yid 'byung bar 'gyur ro/ /nyon mongs pa dag spong na

  549. 275a

    zhes bya ba'i tshig gis de spong bar byed pa yod pa'i phyir 'dod chags dang bral bar 'gyur ro/ /phyi ma rnams kyis nyon mongs pa dag mi spong na gnyi ga ma yin no zhes bya ba ni phyi ma 'gog pa dang lam la bzod pa dang shes pa rnams kyis ni yid 'byung bar yang mi 'gyur la/ 'dod chags dang bral bar yang mi 'gyur te/ mchog tu dga' ba'i dngos po la dmigs pa'i phyir yid 'byung bar mi 'gyur ro/ /nyon mongs pa dag mi spong na zhes bya ba'i tshig gis spong bar byed pa med pa'i phyir 'dod chags dang bral bar mi 'gyur ro/ /smras pa mu dang po dang/ bzhi pa la nyon mongs pa dag mi spong na zhes bstan pa gang zhig gang dag nyon mongs pa mi spong zhe na/ de la 'dod chags dang bral ba zhig ces bya ba rgyas par smos te/ de la zhes bya ba ni don nye bar dgod pa'i phyir ro/ /'dod pa'i khams nas ci yang med pa'i skye mched kyi bar las kyang rung 'dod chags dang bral ba zhig bden pa rnams lta zhing mngon par rtogs par byed na chos shes pa dang bzod pa rnams dang/ chos la bzod pa rnams kyis nyon mongs pa dag mi spong ste/ 'jig rten pa'i bsgom pa'i lam gyis sngar spangs zin pa'i phyir bral ba'i thob pa zag pa skye ba 'ba' zhig tu zad do/ /rjes su shes pa dang bzod pa dag gis ni gdon mi za bar nyon mongs pa dag spong ste/ 'jig rten pa'i lam gyis srid pa'i rtse mo las 'dod chags dang bral ba med do/ /shes pa rnams kyis ni bsgom pa'i lam la sbyor ba dang/ rnam par grol ba dang/ khyad par can gyi lam rnams dang/ bar chad med pa'i lam yang kha cig gis dbang po 'pho ba la sogs pa'i gnas skabs na nyon mongs pa dag mi spong ngo

  550. 275b

    gang dag cig lus she na/ de dag las gzhan pa'i bar chad med pa'i lam rnams te/ de rnams kyis nyon mongs pa spong ngo zhes bya bar grub po/ /chos mngon pa'i mdzad kyi 'grel bshad slob dpon rgyal po'i sras grags pa'i bshes gnyen gyis mdzad pa don gsal zhes bya ba las gang zag dang lam bstan pa zhes bya ba ste mdzod kyi gnas drug pa'o// /bam po lnga bcu gsum pa/ /mdzod kyi gnas drug pa'i 'og tu bdun pa nye bar dgod par 'brel pa bstan pa'i phyir/ bzod pa rnams zhes kyang 'byung/ shes pa rnams zhes kyang 'byung zhes bya ba rgyas par smos te/ 'jig rten pa'i chos mchog las/ chos kyi bzod pa zag pa med ces bya ba nas gzung ste/ bzod pa brgyad bshad do/ /'dod sdug bsngal la de nas ni/ de nyid la chos shes de bzhin zhes bya ba der shes pa bshad do/ /gal te min zad pa shes sam mi slob lta zhes bya ba der yang dag pa'i lta ba bshad do/ /de nyid rnam grol gnyis byang chub ji skad bshad shes pa zhes bya bar yang dag pa'i shes pa bshad do/ /yang na drug pa'i mjug 'di nyid nas/ sdug bsngal rgyu bzod shes rnams kyis/ /yid 'byung gang gis spong 'gyur ba/ /kun gyis 'dod chags bral bar 'gyur/ /zhes 'byung bas 'di thams cad bshad do/ /yang na bstan bcos dang 'brel pa'i phyir 'di nye bar 'god de/ bstan bcos las ni bzod pa rnams shes kyang 'byung/ shes pa rnams zhes kyang 'byung/ yang dag pa'i lta ba zhes kyang 'byung/ yang dag pa'i shes pa zhes kyang 'byung la/ 'di ni der mdor bsdu ba tsam yin pas de'i phyir ci bzod pa dag yin la shes pa ma yin nam zhes bya ba rgyas par 'dri'o/ /dri med bzod rnams shes pa min zhes bya ba bzod pa dri ma med pa dag kho na shes pa ma yin no zhes

  551. 276a

    nges par bzung ba'i phyir bzod pa zag pa dang bcas pa rnams ni shes pa yin no zhes bshad por 'gyur te/ de ni kun rdzob shes pa yin par 'dod do/ /nges spang bar bya ba zhes bya ba ni bzod pa spang bar bya ba ba'i phra rgyas the tshom ma spangs pa'i phyir te/ skabs la bab pa'i phyir gnas skabs de dag tu phra rgyas rnams spong gi spangs pa ni ma yin no/ /shes pa ni nges pa yin par 'dod kyis ma nges pa ni ma yin pas bzod pa rnams shes pa ma yin te/ bzod pa rnams ni bzod pa'i ngo bor skye'i nges pa'i ngo bo ma yin pas shes pa ma yin no zhes brjod do/ /phra rgyas the tshom ma spangs pa'i phyir ro zhes bya ba de tsam zhig brjod par bya ba yin nam/ ci'i phyir nges spang bar bya ba'i zhes khyad par smos zhe na/ skad cig ma gnyis pa la bzod pa dang po spang bar bya ba'i phra rgyas the tshom spang bar 'gyur bar bzod pa dang po kho na shes pa ma yin no zhes bya bar go bar 'gyur gyi bzod pa gzhan dag ni ma yin pas de'i phyir de spang bar bya ba'i zhes khyad par smos so/ /yang dag par rtog pa'i bdag nyid can yin pa'i phyir zhes bya ba ni nye bar rtog pa'i ngo bo nyid yin pa'i phyir ro zhes bya ba'i tha tshig go /yang dag par rtogs pa med pa dang yongs su tshol ba'i bsam pa can ma yin pa'i phyir zhes bya ba ni 'di la yang dag par rig pa med pas na yang dag par rtog pa med pa'o/ /yongs su tshol bar sems shing 'dod pa ni yongs su tshol ba'i bsam pa'o/ /'di la yongs su tshol ba'i bsam pa med pas yongs su tshol ba'i bsam pa can ma yin no// de ni yang dag par rtog pa med pa yang yin la/ yongs su tshol ba'i bsam pa can ma yin pa yang yin pas yang dag par rtog pa med pa dang/ yongs su tshol ba'i bsam pa can ma yin pa ste/ de'i phyir zad pa shes pa dang mi skye ba shes pa lta ba yin no zhes bya ba'i

  552. 276b

    tha tshig go /'di ji srid du bya ba ma byas pa de srid du sdug bsngal la sogs pa'i bden pa dag la nye bar rtog cing bsam pa dag pa nas mi rtag pa la sogs pa'i rnam pa ji skad bshad pa dag gis yongs su tshol bar byed do/ /bya ba byas nas ni de dag gis sdug bsngal la sogs pa 'phags pa'i bden pa ji ltar mthong pa dag kho na la bdag gis sdug bsngal yongs su shes te/ yang shes par byar med do zhes bya ba la sogs par so sor rtog pa tsam du zad de/ de lta bas na de dag ni lta ba'i ngo bo nyid ma yin no/ /de las gzhan 'phags blo gnyi ga zhes bya ba ni sdug bsngal la chos shes pa nas lam la rjes su shes pa'i bar gyis shes rab de ni nye bar rtog par zhugs pa yang yin la/ de'i yul can gyi the tshom spangs pa yin no/ /gzhan zhes bya ba ni 'jig rten pa ste/ de ni thams cad shes pa yin no zhes nges par gzung bas shes pa ma yin pa'i shes rab gang yin pa de med do zhes bya ba'i tha tshig go /shes rab de yang gang zhe na/ rnam par shes pa'i tshogs lta las byung ba dge ba dang/ mi dge ba dang/ lung du ma bstan pa dang/ yid las byung ba lta ba'i ngo bo nyid ma yin pa nyon mongs pa dang mtshungs par ldan pa dang/ ma bsgribs la lung du ma bstan pa'o/ /lta ba'i ngo bo nyid gang yin pa dang/ yid las byung ba dge ba gang yin pa de ci zhig yin zhe na/ drug ni lta ba 'ang yin zhes bya ba smos te/ 'jig rten pa'i shes rab rnam pa de drug ni lta ba yin gyi drug kho na zhes nges par gzung ba'i phyir gzhan ni lta ba ma yin no/ /gzhan yang gang zhe na/ sngar bshad pa 'jig rten pa gang yin pa'o/ /'di dang gzhan dag kyang shes pa ni yin no zhes bya ba ni lta ba'i ngo bo nyid kyi shes rab rnam pa drug po 'di dang/ de las gzhan pa sngar bshad pa rnams kyang shes pa zhes ni bya'o/ /gang gi phyir drug po 'di dag shes pa zhes kyang bya la/ lta ba zhes kyang bya ba de nyid kyi phyir drug ni lta ba'ang yin zhes yang zhes bya ba'i sgra 'don to/ /shes pa bcus zhes bya ba gang dag gis

  553. 277a

    zhe na/ chos dang rjes dang kun rdzob dang/ gzhan gyi sems dang sdug bsngal dang/ kun 'byung ba dang/ 'gog pa dang/ lam dang zad dang/ mi skye shes pa dag gis so/ /shes pa bcu kho nar bshad pa 'di ni nges par gzung bar bya ba'i don yin te/ 'chi 'pho ba dang skye ba dang/ gang zag dang 'khor shes pa la sogs pa ni 'di dag kho na'i nang du 'dus pa'i phyir ro/ /mdor bsdus na ni gnyis te/ shes pa zag bcas zag pa med ces bya ba yin no/ /phal cher zhes bya ba khyad par smos pa ni kun rdzob kyi shes pa phal cher bum pa dang snam bu la sogs pa kun rdzob tu yod pa'i dngos po la dmigs kyi res 'ga' ni rang dang spyi'i mtshan nyid kyang 'dzin to/ /kun rdzob kyi zhes bya ba ni kun rdzob la 'byung ba'o/ /zag pa med pa yang mdor bsdu na chos shes pa dang/ rjes su shes pa zhes bya ba rnam pa gnyis te/ sdug bsngal shes pa la sogs pa ni 'di dag kho na'i nang du 'dus pa'i phyir ro/ /dmigs pa ni ci rigs par zhes bya ba ni gang gis dmigs pa gang yin pa de ni de yin te/ mig gi rnam par shes pa'i dmigs pa ni smra ba yin no/ /de dag la dmigs pa'i phyir ro zhes bya ba ni sdug bsngal la sogs pa la dmigs pa'i phyir ro zhes bya ba'i tha tshig go /rnam bzhi de dag ni zhes bya ba ni chos dang rjes su shes pa gnyis po lta ba'i rang bzhin ma yin pa sdug bsngal la sogs pa la dmigs pa'i bye brag gis rnam pa bzhi po de dag kho na zad pa shes pa dang/ mi skye ba shes pa zhes bya'o/ /de gnyis dang po skyes pa ni zad pa shes pa dang mi skye ba shes pa de gnyis dang po skyes pa ni sdug bsngal rgyu rjes shes pa yin te/ gdon mi za bar sdug bsngal dang kun 'byung ba la dmigs pa dag yin no zhes bya ba'i don te/ ci'i phyir zhe na/ srid pa'i rtse mo pa'i phung po la sdug bsngal 'am kun 'byung ba la rjes su shes pa'i rnam par dmigs pa'i phyir ro zhes bya ba smos te 'di ltar zad

  554. 277b

    pa dang mi skye ba shes pa dang po skyes pa de dag ni gdon mi za bar srid pa'i rtse mo pa'i phung po rnams la mi rtag pa la sogs pa'i sdug bsngal gyi rnam pa dang/ rgyu la sogs pa'i kun 'byung ba'i rnam par dmigs so/ /dang por skyes pa ma yin pa de dag ni bden pa gzhan la dmigs pa dag kyang yin zhes bya bar shugs kyis bshad par 'gyur ro/ /rdo rje lta bu'i ting nge 'dzin gyis mjug thogs su zad pa shes pa 'byung la/ de'i rjes la mi skye ba shes pa 'byung ba de'i phyir ci rdo rje lta bu'i ting nge 'dzin kyang de gnyis dang dmigs pa gcig pa zhig yin nam zhes 'dri ste kyang zhes bya ba'i sgra'i don ni ji ltar zad pa dang/ mi skye ba shes pa dmigs pa gcig yin pa ltar ci rdo rje lta bu'i ting nge 'dzin kyang de gnyis dang dmigs pa gcig pa zhig yin nam zhes bya ba yin no/ /de gnyis dang zhes bya ba ni dang po skyes pa ngag dang zhes bya ba'i don to/ /gal te sdug bsngal dang kun 'byung pa la dmigs na ni yin no zhes bya ba ci zhe na/ de gnyis dang dmigs pa gcig pa yin no zhes bya bar sbyar ro/ /'on te 'gog pa dang lam la dmigs pa zhig yin na ni dmigs pa gcig ma yin te/ de gnyis ni nges par srid pa'i rtse mo pa'i phung po la/ dmigs pa'i phyir ro/ /dper na dug mangs phog ste/ shi ba'i dug yan lag thams cad la khyab nas shi ba'i tshe rma'i phyogs kho nar gnas kyis gzhan du ma yin pa de bzhin du rnal 'byor pa 'di'i shes pa de dag kyang spang bar bya ba srid pa rtse mo pa'i mtshan nyid kho na la gnas so/ /bzhi las pha rol sems rig pa zhes bya ba ni chos shes pa la sogs pa bzhi kho na las yin te/ de dag gi bsdus pa'i phyir ro/ /sdug bsngal shes pa la sogs pa las ni ma yin te/ gzhan gyi rnam pa can yin pa'i phyir ro/ /gzhan gyi sems shes pa zag pa med pa ni lam shes pa yin pa'i phyir lam gyi rnam pa can kho na yin no/ /zag pa dang bcas pa gang yin pa de ni 'dod

  555. 278a

    chags dang bcas pa dang/ 'dod chags dang bral ba zhes bya bar 'jig rten pa'i rnam pa can yin no/ /dad pas mos pa dang dus kyis rnam par grol pa'i lam gyis zhes bya ba ni grangs bzhin -du dad pas mos pa'i lam gyis mthong bas thob pa'i lam mi shes la/ dus kyis rnam par grol ba'i lam gyis dus dang mi sbyor bar rnam par grol ba'i lam mi shes so/ /'og mas gong ma zhes bya ba ni phyir mi 'ong ba'i lam gyis dgra bcom pa'i lam mi shes la dgra bcom pa'i lam gyis rang sangs rgyas kyis lam mi shes so zhes bya ba la sogs pa'o/ /de gnyis ni 'dod pa'i khams dang khams gong ma'i gnyen po la dmigs pa'i phyir ro zhes bya ba ni chos shes pa'i phyogs dang mthun pa dang/ rjes su shes pa'i phyogs dang mthun pa de gnyis la chos shes ba'i phyogs dang mthun pa ni 'dod pa'i khams kyi gnyen po la dmigs so/ /rjes su shes pa'i phyogs dang mthun pa ni khams gong ma'i gnyen po la dmigs so zhes bya bar nges so/ /mthong ba'i lam la pha rol gyi sems shes pa med do zhes bya ba ni mthong ba'i lam yun thung ba'i phyir ro/ /sdug bsngal la chos shes pa'i bzod pa dang chos shes pa'o zhes bya ba ni srid pa'i phyir te de skad bshad de/ res 'ga' ni sbyor ba'i dbang gis sdug bsngal la rjes su shes pa'i bzod pa dang sdug bsngal rjes su shes pa yang shes par srid do/ /brgyad pa kun 'byung ba la rjes su shes pa dang zhes bya ba ni chos la shes pa dang bzod pa'i phyogs dang mthun pa gnyis shes nas rjes su shes pa'i phyogs dang mthun pa'i sems shes par bya'o zhes sbyor bar byas nas brgyad pa kun 'byung ba la rjes su shes pa shes par nus so/ /sbyor ba chung ba'i phyir ro zhes bya ba ni sbyor ba chung ba'i phyir zhes bya ba'i tha tshig ste/ nyan thos kyi gzhan gyi sems shes pa rjes su shes pa'i phyogs dang

  556. 278b

    mthun pa la dmigs pa de ni sbyor ba chen pos bsgrub par bya ba yin te/ de'i phyir de ji srid de la sbyor ba rtsom pa de srid kyis des sems bcu drug rjes su 'thob par 'gyur bas de'i phyir bar skabs su ni mi shes so/ /dang po dang gnyis pa dang bco lnga pa rnams zhes bya ba de gsum kho na shes so/ /ji lta zhe na/ sdug bsngal la chos shes pa'i bzod pa dang sdug bsngal la chos shes pa'i shes nas sbyor ba gzhan byas te de skad cig ma bco lnga pa lam la rjes su shes pa'i bzod pa shes so/ /ji ltar na zag pa med pa'i shes pas de ltar shes zhes bya ba ni zag pa med pa rnams ni sdug bsngal la sogs pa'i rnam pa can yin pa'i phyir la/ 'di ni bdag gi sdug bsngal yongs su shes so zhes bya ba la sogs pa'i rnam pa can yin pa'i phyir kun rdzob la sogs pa rnam pa can yin pas de'i phyir 'dri'o/ /bstan chos las de'i bye brag gi de gnyis kyi bye brag bstan to zhes bya ba ni de'i rjes la thob pa kun rdzob kyi shes pa gnyis po de'i bye brag gis te/ bdag gi sdug bsngal yongs su shes so zhes bya ba nas/ lam bsgoms so zhes bya bar shes pa'i bar dang/ bdag gis sdug bsngal yongs su shes te yang yongs su shes par byad med do zhes bya ba nas bdag gi lam bsgom ste yang bsgom du med do zhes bya bar shes pa'i bar de lta bu'i ngo bos zad pa dang mi skye ba zag pa med pa de gnyis kyi bye brag bstan cing shes par byas so/ /de nyid kyi phyir de'i rgyu las byung ba ni de rgyur byas pa dang de sngon du btang ba zhes bya ba'i tha tshig ste/ rgyu mthun pas rnam par mi rtog pa de gnyis kyis khyad par rjes su dpag go snyam du bsam pa yin no/ /zag pa med pas kyang de ltar shes te zhes bya ba ni gzhan dag na re rnam pa bcu drug la ma gtogs pa'i zag pa med pa'i rnam pa yod de/ des de ltar shes so zer ro/ /gal te bstan bcos las de'i rgyu las byung ba'i shes pa dang mthong ba zhes 'byung bas zad pa dang mi skye ba shes pa zad pa med pa ni sdug bsngal yongs su shes so zhes bya ba la sogs pa kun

  557. 279a

    rdzob kyi shes pa'i 'bras bu can yin par brjed na/ zad dang mi skye'i blo lta min zhes lta ba ma yin par 'byung ba gang yin pa de rang 'gal lo zhe na de'i phyir mthong ba smos pa ni bshad pa 'phags pa'i phyir zhes bya ba smos so/ /bstan bcos las shes pa dang/ mthong ba zhes smos pa gang yin pa de ni bshad pa 'phangs pa las gyur te/ sdug bsngal shes pa la sogs pa la shes pa dang mthong ba dang/ rig pa dang/ blo dang/ rtogs pa zhes 'byung bas tshig de 'phangs pa'i phyir 'di nye bar gnas pa yin pas de 'don pa rnams kyi tshig tu zad kyi zad pa dang mi skye ba shes pa de dag lta ba'i ngo bo nyid ni ma yin te/ lta ba ma yin pa'i ngo bo nyid dag go zhes pa'i tshig go /yang na mngon sum du 'jug pa'i phyir ro zhes bya ba ni shes pa 'di gnyis la mngon sum du 'jug pa yod pas 'di ni mngon sum du 'jug pa'o/ /de'i phyir 'di gnyis la mthong ba zhes smos te/ shes pa 'di gnyis ni rjes su dpag pa las byung ba lta bu 'am/ lung las byung ba lta bur lkog tu 'jug pa ni ma yin no/ /mthong ba yang mngon sum du 'jug pa yin par 'dod de/ dper na mig gi rnam par shes pa lta bu'o/ /de dang chos mthun par shes pa 'di gnyis kyang mthong ba zhes bshad do/ /de nyid kyi phyir zhes bya ba ni mngon sum du 'jug pa de nyid kyi phyir bstan bcos las re zhig shes pa gang yin pa de ni mthong ba yang yin no/ /mthong ba yin la shes pa ma yin pa yang yod do/ /mngon par rtogs pa'i khongs su gtogs pa bzod pa brgyad lta bu'o zhes byung ngo/ /de'i phyir 'di skad du 'di gnyis ni mthong ba nyid yin par 'dod kyi lta ba ma yin no zhes bshad par 'gyur ro de la zhes bya ba ni shes pa bcu po dag la kun rdzob shes pa ni kun rdzob shes pa kho na ste/ rang gi ngo bos bsdus pa yin no/ /gcig po gzhan gyi sems shes pa'i cha phyogs gcig kyang yin te/ zag pa dang bcas pa dang/ zag

  558. 279b

    pa med pa de'i zag pa dang bcas pa'i cha kho na kun rdzob shes pa yin gyi/ zag pa med pa ni ma yin no/ /chos shes pa ni shes par cu dag gi nang na shes pa cig yin te/ chos shes pa kho na yin no/ /sdug bsngal dang kun 'byung ba dang 'gog pa dang lam dang/ gzhan gyi sems dang/ zag pa dang mi skye ba shes pa bdun gyi cha yang yin no/ /ji lta zhe na/ sdug bsngal shes pa ni chos dang rjes su shes pa'i ngo bo nyid yin te/ de'i cha chas shes pa gang yin pa de chos shes pa yin no/ /de bzhin du kun 'byung ba shes pa nas mi skye ba shes pa'i bar chos dang rjes su shes pa'i ngo bo nyid kyi cha chos shes pa de chos shes pa yin gyi rjes su shes pa'i cha ni ma yin no/ /gzhan gyi sems shes pa'i chos dang rjes su dang kun rdzob shes pa'i ngo bo nyid kyis yang chos shes pa yin no// rjes su shes pa yang de dang 'dra ste/ rjes su shes pa gcig kho na yin la/ bdun gyi cha yang yin te/ sdug bsngal shes pa la sogs pa de dag nyid kyi cha rjes su shes pa gang yin pa de ni rjes su shes pa yin no zhes bya bar sbyar ro/ /sdug bsngal shes pa ni shes pa bcu'i nang nas shes pa gcig yin te/ sdug bsngal shes pa de 'di yin no/ /chos dang rjes dang zad pa dang mi skye ba shes pa bzhi'i cha yang yin te/ chos shes pa la sogs pa bzhi po de dag ni bden pa bzhi la dmigs pa yin te/ de dag gi cha sdug bsngal la dmigs pa gang yin pa de sdug bsngal shes pa yin gyi cha gzhan ni ma yin no/ /kun 'byung ba dang 'gog pa shes pa yang de dang 'dra bar sbyar bar bya ste/ so sor shes pa gcig yin te/ kun 'byung ba shes pa dang 'gog pa shes pa yin la/ bzhi'i cha yang yin te/ chos dang rjes dang zad pa dang mi skye ba shes pa rnams kyi cha kun 'byung ba ma dmigs pa 'am/ 'gog pa la dmigs pa'i cha gang yin pa de ni kun 'byung ba shes pa dang/ 'gog pa shes pa yin no/ /lam shes pa ni shes pa bcu'i

  559. 280a

    nang na shes pa cig yin te/ lam shes pa de nyid yin no/ /chos dang rjes dang/ zad pa dang/ mi skye ba dang/ gzhan gyi sems shes pa dang/ lnga'i cha yang yin te/ lnga po 'di dag ni lam shes pa dang/ lam shes pa ma yin pa'i ngo bo nyid yin te/ de dag gi cha lam shes pa gang yin pa de ni lam shes pa yin gyi gzhan ni ma yin no/ /pha rol gyi sems shes pa ni shes pa bcu'i nang na shes pa gcig yin te/ pha rol gyi sems shes pa de nyid yin no// chos dang/ rjes dang/ lam dang/ kun rdzob shes pa gzhi'i cha yang yin te/ shes pa bzhi po 'di dag ni gzhan gyi sems shes pa dang/ gzhan gyi sems shes pa ma yin pa'i ngo bo nyid yin te/ de dag gi cha gzhan gyi sems shes pa gang yin pa de ni gzhan gyi sems shes pa yin gyi gzhan ni ma yin no/ /zad pa shes pa ni shes pa bcu'i nang na shes pa gcig yin te/ zad pa shes pa de nyid yin pas rang gi ngo bos bsdus pa yin no/ /chos dang rjes/ dang sdug bsngal dang kun 'byung ba dang 'gog pa dang lam shes pa drug gi cha yang yin te/ zad pa shes pa ni bdag gi sdug bsngal yongs su shes so zhes bya ba la sogs pa'i rnam pa can gyi shes pa'i rgyu mthun pa can yin no/ /de la 'dod pa na spyod pa'i sdug bsngal la sogs pa la dmigs pa gang yin pa de ni chos shes pa'i nang du 'dus so/ /gzugs dang gzugs med pa nas spyod pa'i sdug bsngal la sogs pa la dmigs pa gang yin pa de ni rjes su shes pa'i nang du 'dus so/ /sdug bsngal la sogs pa so so la dmigs pa gang yin pa de ni sdug bsngal shes pa nas lam shes pa'i bar yin no/ /de lta bas na 'dir de dag gi cha de lta bu'i mtshan nyid gang yin pa de ni zad pa shes pa yin gyi gzhan ni ma yin pas drug gi cha yang yin zhes bya'o/ /mi

  560. 280b

    skye ba shes pa yang de dang 'dra bar shes pa bcu'i nang na shes pa gcig yin te/ mi skye ba shes pa de nyid yin no/ /drug gi cha yang yin te/ chos dang rjes dang sdug bsngal dang kun 'byung ba dang 'gog pa dang lam shes pa dag gi cha bdag gi sdug bsngal yongs su shes pa byar med do zhes bya ba la sogs pa'i rnam pa can 'dod pa dang/ gzugs dang gzugs med pa ni spyod pa'i sdug bsngal la sogs pa la dmigs pa gang yin pa de ni mi skye ba shes pa yin gyi/ cha gzhan ni ma yin pas drug gi cha yang yin zhes bya'o/ /rnam pa rnam pa spyod yul dang zhes bya ba ni rnam pa dang/ spyod yul ni rnam pa spyod yul lo/ /rnam pa dang rnam pa dang spyod yul ni rnam pa rnam pa spyod yul te de'i phyir ro/ /rang bzhin las ni kun rdzob shes pa ste zhes bya ba ni rang bzhin las te/ ngo bo nyid kyi kun rdzob kyi shes pa yin no/ /yang na kun rdzob la shes pa ste/ ci'i phyir zhe na/ don dam pa mi shes pa'i phyir ro/ /chos shes pa ni 'dod pa'i khams kyi gnyen po yin la rjes su shes pa ni khams gong ma'i gnyen po yin te/ 'di ltar bstan bcos las chos shes pa gang zhe na/ 'dod pa dang ldan pa'i 'du byed rnams shes pa zag pa med pa gang yin pa dang/ 'dod pa dang ldan pa'i 'du byed rnams kyi rgyu shes pa zag pa med pa gang yin pa dang/ 'dod pa dang ldan pa'i 'du byed rnams 'gog pa shes pa zag pa med pa gang yin pa dang/ 'dod pa dang ldan pa'i 'du byed rnams spong bar 'gyur ba'i lam shes pa zag pa med pa gang yin pa 'di ni chos shes pa zhes bya'o/ /gzhan yang chos shes pa dang/ chos shes pa'i sa shes pa zag pa med pa gang yin pa de ni chos shes pa zhes bya'o/ /rjes su shes pa gang zhe na/ gzugs dang gzugs med pa dang ldan pa'i 'du byed rnams shes pa zag pa med pa gang yin pa dang/ gzugs dang gzugs med pa dang ldan pa'i 'du byed rnams

  561. 281a

    kyi rgyu shes pa zag pa med pa gang yin pa dang/ gzugs dang gzugs med pa dang ldan pa'i 'du byed rnams 'gog pa shes pa zag pa med pa gang yin pa dang/ gzugs dang gzugs med pa dang ldan pa'i 'du byed rnams spong bar 'gyur ba'i lam shes pa zag pa med pa gang yin pa 'di ni rjes su shes pa zhes bya'o/ /gzhan yang rjes su shes pa dang/ rjes su shes pa'i sa shes pa zag pa med pa gang yin pa 'di ni rjes su shes pa zhes bya'o zhes bya ba la sogs pa bshad do/ /rnam pa las ni sdug bsngal dang kun 'byung ba shes pa dag ces bya ba ni rnam pa kho na las yin gyi de gnyis nye bar len pa'i phung po lnga'i mtshan nyid du khyad par med pa'i phyir dmigs pa las ni ma yin te/ 'di ltar bstan bcos las sdug bsngal shes pa gang zhe na/ nye bar len pa'i phung po lnga la mi rtag pa dang/ sdug bsngal ba dang/ stong pa dang bdag med par yid la byed pa'i shes pa zag pa med pa gang yin pa'o/ kun 'byung ba shes pa gang zhe na/ zag pa dang bcas pa'i rgyu la rgyu dang/ kun 'byung ba dang/ rab tu skye ba dang/ rkyen nyid du yid la byed pa'i shes pa zag pa med pa gang yin pa ste/ 'di ni kun 'byung ba shes pa zhes bya'o zhes bshad do/ /rnam pa dang dmigs pa las ni 'gog pa dang lam shes pa dag ces bya ba ni 'gog pa dang/ lam shes pa dag ni rnam pa dang dmigs pa las rnam par bzhag ste/ 'di ltar bstan bcos las/ 'gog pa shes pa gang zhe na/ 'gog pa la 'gog pa dang/ zhi ba dang/ gya nom pa dang/ nges par 'byung ba'i yid la byed pa'i shes pa zag pa med pa gang yin pa ste/ 'di ni 'gog pa shes pa zhes bya'o/ /lam shes pa gang zhe na/ lam la lam dang/ rigs pa dang sgrub pa dang/ nges par 'byin par yid la byed pa'i shes pa zag pa med pa gang yin pa ste/ 'di ni lam shes pa zhes bya'o zhes bshad do/ /dang po nyid

  562. 281b

    du zhes bya ba smos pa ni mi skye ba shes pa las khyad par du bya ba'i phyir te/ de yang bya ba byas pa'i rgyud la ni skye'o/ /zag pa med pa'i shes pa thams cad kyi rgyu can yin pa'i phyir ro zhes bya ba ni shes pa bcu sngar bskyed pa'i dbang du byas te mi skye ba shes pa ni skal pa mnyam pa'i rgyus zag pa med pa thams cad kyi rgyu can yin no/ /zad pa shes pa ni zag pa med pa thams cad kyi rgyu can ma yin te/ mi skye ba shes pa khyad par du 'phags pa'i phyir rgyu ma yin no/ /thams cad kyi gnyen po thams cad yin pa'i phyir zhes bya ba ni 'dod pa'i khams mthong ba dang sgom pas spang bar byas pas bsdus pa rnam pa lnga po thams cad kyi gnyen po chos shes pa mthong ba dang bsgom pa'i lam gyis bsdus pa 'phags pa'i bden pa bzhi la dmigs pa thams cad yin pas chos shes pa 'dod pa'i khams kho na'i gnyen po yin no zhes bshad mod kyi/ 'on kyang chos shes pa gzugs dang gzugs med pa'i khams dag gis gnyen po yang yod pas srid do/ /de gang zhe na/ 'gog pa dang/ lam la chos shes pa mang ba yin pa ste 'gog pa dang lam dag ni khams su gtogs pa ma yin pas de dag ni 'og ma yang dman par rnam par mi gzhag go /sdug bsngal dang kun 'byung ba'i bden pa dag ni sa 'og ma dman pa yin pas de dag la dmigs pa'i chos shes pa ni gzugs dang gzugs med pa'i khams kyi gnyen po ma yin no zhes bya bar khong du chud par bya'o/ /bsgom pa'i lam la zhes bya ba smos pa ni gzugs dang gzugs med pa na spyod pa'i mthong bas spang bar bya ba rnams kyi ni rjes su shes pa'i bzod pas gzhom par bya ba yin no/ /'o na rjes su shes pa 'gog pa dang lam la dmigs pa bsgom pa'i lam gyi sdud pa ci'i phyir khams gsum gyi gnyen po ma yin zhe na/ 'dod pa'i khams la rgyal zin pa'i phyir te/ chos shes pa kho nas 'dod pa'i khams las

  563. 282a

    sngar rgyal bar gyur nas de'i 'og tu rjes su shes pa skye bas de'i phyir 'dod pa'i khams las rgyal zin pas de ni 'dod pa'i khams kyi gnyen po ma yin gyi/ chos shes pa ni gzugs dang gzugs med pa'i khams dag las ma rgyal ba'i phyir gnyen po yin par rung ngo/ /rjes su shes pa ni rnam pa thams cad du zhes bya ba ni bsgom pa'i lam gyi bsdus pa yang zhes bya ba yin no/ /de dag ni 'og nas zhes bya ba ni mi rtag pa la sogs pa'i rnam pa de dag ni 'og nas bshad par bya'o rnam pa bcu drug ces bya ba ni dro bar gyur pa la sogs pa na'o/ /rang dang spyi'i mtshan nyid la sogs pa 'dzin pa'i phyir ro zhes bya ba ni rang mtshan nyid dang spyi'i mtshan nyid 'dzin pa'i phyir ro/ /sogs pa zhes bya ba'i sgras ni zo zhig /'dug cig sod zhig ces bya ba la sogs pa bsdu ste/ 'di dag ni rang gi mtshan nyid kyi rnam pa yang ma yin la/ spyi'i mtshan nyid kyi rnam pa yang ma yin no/ /'o na ci zhe na/ de lta bu rnam pa dag kho na yin no/ /gnyi ga yang zhes bya ba ni zag pa dang bcas pa dang zag pa med pa'o/ /'o na zhes bya ba rgyas par 'byung ba ni 'dod chags dang sems gcig par 'dzin to snyam du bsam pa yin te/ mdo las 'di skad du 'dod chags dang bcas pa'i sems la 'dod chags dang bcas pa'i sems so zhes bya ba yang dag pa ji lta ba bzhin rab tu shes so/ /'dod chags dang bral ba'i sems la 'dod chags dang bral ba'i sems zhes bya ba yang dag pa ji lta ba bzhin rab tu shes so/ /'dod chags dang bcas pa dang 'dod chags dang bral ba ji lta ba bzhin du zhe sdang dang bcas pa dang zhe sdang dang bral ba dang/ gti mug dang bcas pa dang/ gti mug dang bral ba dang/ kun tu bsdus pa dang/ rnam par g.yeng ba dang/ zhum pa dang/ rab tu bzung ba dang/ chung ngu dang chen por gyur pa dang/ nye bar ma zhi ba dang/ nye bar zhi ba dang/ rgod pa dang/ rgod pa ma yin pa dang/ mnyam par ma gzhag pa dang/

  564. 282b

    mnyam par gzhag pa dang/ ma bsgom pa dang/ bsgoms pa dang/ rnam par ma grol ba dang/ rnam par grol ba'o zhes bya bar yang dag par ji lta ba bzhin rab tu shes so zhes 'byung ngo/ /gos dang dri ma cig car mi 'dzin pa bzhin no zhes bya ba ni ji ltar gos dang dri ma dag cig car mi 'dzin pa de 'dra'o/ /ji lta zhe na/ gang gi tshe rnam par shes pa gos so snyam du yongs su gcod pa'i rnam pa can du skye ba de'i tshe dri ma mi 'dzin la/ gang gi tshe rnam par shes pa dri ma'o snyam du yongs su gcod pa'i rnam pa can du skye ba de'i tshe gos mi 'dzin to/ /'dres pa'i 'dod chags dang bcas pa nyid dang ldan pa'i 'dod chags dang bcas pa nyid do zhes bya ba la 'dres pa'i 'dod chags dang bcas pa nyid ni 'dod chags dang mtshungs par ldan pa'i phyir ro// ldan pa'i 'dod chags dang bcas pa nyid ni kha cig na re 'dod chags kyi thob pa dang 'brel ba'i phyir ro zhes zer ro/ /gzhan dag na re 'dod chags rgyas par 'gyur ba'i dmigs pa yin pa'i phyir zhes zer ro/ /gnyis kyis zhes bya ba ni 'dres pa'i 'dod chags dang bcas pa nyid dang ldan pa'i 'dod chags dang bcas pa nyid kyis zhes bya ba'i tha tshig go /de las gzhan pa zag pa dang bcas zhes bya ba ni nyon mongs pa can dang/ lung du ma bstan pa dang/ 'jig rten pa'i dge ba gang yin pa de ni ldan pa'i 'dod chags dang bcas pas 'dod chags dang bcas pa yin te/ de ltar na 'di gnyi ga yang 'dod chags dang bcas pa kho nar bshad pa yin no/ /smras pa ci'i phyir la la'i gzhung lugs kyis 'dod chags kyi gnyen po ni 'dod chags dang bral ba yin no zhes zer na/ 'di ltar de dag na reg la te 'dod chags dang mtshungs par mi ldan pa 'dod chags dang bral ba yin na ni nyon mongs pa gzhan dang mtshungs par ldan pa ste/ zhe sdang la sogs pa dang mtshungs par ldan pa yang 'dod chags dang bral ba yin par 'gyur ba zhig na/

  565. 283a

    'dod chags dang mtshungs par mi ldan pa de yang 'dod chags dang bral ba yin te/ mdo las zhe sdang la sogs pa dang mtshungs par ldan pa la 'dod chags dang bral ba zhes mi bshad do/ /zhe sdang dang bcas pa dang/ gti mug dang bcas pa zhes bya ba la sogs pa 'byung ba'i phyir ro/ /gang dag gi ltar na 'dod chags kyi gnyen po ni 'dod chags dang bral ba yin no zhes bya ba de dag gi ltar na ni 'di nyes pa med de/ 'dod chags kyi gnyen po ni zhe sdang la sogs pa dang mtshungs par ldan pa ma yin no zhes zer ro/ /gzhan dag na re zhes bya ba ni chos mngon pa pa dag go /de lta na ni 'o na zhes bya ba rgyas par 'byung ba ni gal te 'dod chags dang mtshungs par ldan pa'i sems ni 'dod chags dang bcas pa yin la/ 'dod chags kyi gnyen po ni 'dod chags dang bral ba yin na de'i gnyen po ma yin par 'dod chags dang bcas pa'i sems kyis gnyen po ma yin pa'i sems nyon mongs pa can ma yin pa ma bsgribs la lung du ma bstan pa ni 'dod chags dang mtshungs par mi ldan pa'i phyir 'dod chags dang bcas pa yang ma yin la/ 'dod chags kyi gnyen po ma yin pa'i phyir 'dod chags dang bral ba ma yin no/ /de lta bu la sogs pa zhes bya ba'i sgras ni zhe sdang dang bcas pa dang/ gti mug dang bcas pa zhes bya ba yang 'dra bar thal bar 'gyur bar sbyar bar bya'o/ /ji ltar zhe na/ kha cig na re mdo 'dir ni zhe sdang dang mtshungs par ldan pa'i sems ni zhe sdang dang bcas pa yin la/ zhe sdang gi gnyen po ni zhe sdang dang bral bar bshad pa yin te/ gal te zhe sdang dang mtshungs par mi ldan pa zhe sdang dang bral ba yin na ni nyon mongs pa gzhan dang mtshungs par ldan pa yang yin par 'gyur ro zhes zer ro/ /gzhan dag na ro re de lta na ni 'o na de'i

  566. 283b

    gnyen po ma yin pa'i sems nyon mongs pa can yin pa zhe sdang dang bcas pa ma yin la/ zhe sdang dang bral ba yang ma yin zhes bya ba dang/ de bzhin du gti mug dang bcas pa'i sems kyang brjod par bya'o/ /de lta bas na 'dir 'dod chags dang ldan pas kyang 'dod chags dang bcas pa'i sems su 'dod par bya'o/ /kyang zhes bya ba'i sgras ni 'dod chags dang mtshungs par ldan pas kyang zhes bya ba yin no/ /gti mug dang bcas pa dang/ gti mug dang bral ba'i bar du yang de dang 'dra bar shes par bya'o zhes bya ba ni de lta bas na mdo 'dir zhe sdang dang ldan pas kyang zhe sdang dang bcas pa dang/ gti mug dang ldan pas kyang gti mug dang bcas par 'dod par bya'o zhes bya ba yin no/ /dmigs pa la mngon par sdud pa'i phyir zhes bya ba ni dge ba'i sems ni rnam par g.yengs pa dang mtshungs par mi ldan te/ de lta bas na de'i dmigs pa la de mngon par bsdus pas kun tu bsdus pa yin no/ /nyon mongs pa can gyi gnyid dang mtshungs par ldan pa'i phyir zhes bya ba ni gnyid ni rnam pa gnyis te/ nyon mongs pa can dang/ nyon mongs pa can ma yin pa'o/ /sems de nyid nyon mongs pa can gyi gnyid dang mtshungs par ldan pa'i phyir bsdus pa yang yin la/ nyon mongs pa can yin pa'i phyir rnam par g.yeng ba yang yin par 'gyur bar 'chol ba'i skyon du 'gyur ro/ /bstan bcos dang 'gal bar yang 'gyur ro zhes bya ba ji lta zhe na/ sems kun tu bsdus pa yang dag pa ji lta bzhin rab tu shes so// zhes rgyas par ji skad du 'grel pa'i nang du bris pa lta bu yin no/ /de dag las re zhig rjes su shes pa ni kun tu bsdus pa'i sems la dmigs pa ma yin te/ 'dod pa'i khams las yan chad na gnyid med pa'i phyir dang/ rjes su

  567. 284a

    shes pa yang 'dod pa'i khams la mi dmigs pa'i phyir ro/ /las la shes pa yang kun tu bsdus pa la dmigs par mi srid do/ /lam shes pa ni lam la dmigs pa yin la lam gyis bsdus pa'i sems kyang gnyid dang mtshungs par mi ldan pas so/ /des na 'di skad du de shes pa ni gnyis te/ chos shes pa dang kun rdzob shes pa'o zhes brjod dgos par 'gyur ro/ /gang dag ni de kun tu bsdus pa'i shes pa ni dmigs pa la mngon par bsdus pa'i phyir dge ba yin no zhes zer ba de dag gi ltar na nyes pa 'di gnyis su mi 'gyur te/ de ni nyon mongs pa can gyi gnyid dang mtshungs par mi ldan pas bsdus pa yang yin la/ rnam par g.yeng ba yang yin par mi 'gyur ro/ bstan bcos dang 'gal ba yang med de/ kun tu bsdus pa'i sems dge ba ni khams gsum gyis bsdus pa dang ma bsdus pa yin pas de shes pa'i shes pa ni zhi zhes bya ba 'grub ste/ gzugs dang gzugs med pa'i sems dge ba la dmigs pa zag pa med pa'i shes pa ni rjes su shes pa yin la/ lam gyis bsdus pa'i sems dge ba la dmigs pa ni lam shes pa yang yin no/ /rnam par byang ba chung ngu dag gis bsten pa'i phyir zhes bya ba ni dge ba chung ngu dag gis bsten pa'i phyir zhes bya ba'i tha tshig go /de las bzlog pa yin pa'i phyir zhes bya ba ni rnam par byang ba chen po dag gis bsten pa'i phyir zhes bya ba'i don to/ /rtsa ba dang rin dang zhes bya ba rgyas par 'byung ba ni rtsa ba la sogs pa stobs la thug pa rnams re re zhing chung ba dang che ba nyid yin te/ rtsa ba nyung ba dang mang ba'i phyir go rim bzhin du chung ngu dang chen por gyur pa yin par rig par bya'o/ /ji lta zhe na/ smras pa nyon mongs pa can ni mi dge ba'i

  568. 284b

    rtsa ba gnyis pa gti mug dang chags pa dang zhe sdang dag las gang yang rung ba zhig gis rtsa ba dang bcas pa yin te/ tshogs pa gcig la de gnyis 'du ba med pa'i phyir ro/ /dge ba ni dge ba'i rtsa ba gsum po ma chags pa dang/ zhe sdang med pa dang gti mug med pa dag gis te/ 'di rnams ni med na mi 'byung ba'i phyir ro/ /de dang 'dra ba ma 'ongs pa thob pa med pa'i phyir zhes bya ba ni lugs kyi dge ba'i rtsa ba'i chos 'dus byas dag thob par 'gyur ro zhes bya ba yin pas nyon mongs pa can dang 'dra ba ma 'ongs pa thob cing rnyed pa ni med pa'i phyir ro/ /phung po gsum gyi rjes su 'brang ba dang bcas pa yin no zhes bya ba ni tshor ba dang/ 'du shes dang/ 'du byed kyi phung po rnams so/ /rnam par shes pa'i phung pos ma yin te/ tshogs pa gcig la rnam par shes pa nyid med pa dang/ bdag nyid kyi bdag nyid la byed pa yang 'gal ba'i phyir ro/ /dge ba ni de dang 'dra ba ma 'ongs pa thob pa yod pa'i phyir 'khor ba mang ba yin la/ phung po bzhi po la tshor ba la sogs pa gsum po de dag gzugs kyi phung po bsam gtan dang zag pa mod pa'i sdom pas bsdus pa/ sems kyis rjes su 'brang bas ci rigs par rjes su 'brang ba dang bcas pa yin no/ /yang nyon mongs pa can ni stobs chung pa yin no zhes bya ba dge ba yang log par lta ba'i skad cig ma gcig gis dge ba'i phung po lnga 'jom pa'i phyir/ stobs chung ba ma yin nam/ de ni bstan du 'chad pa ma yin te/ yang mtshams sbyor ba'i phyir ro/ /sdug bsngal la chos shes pa'i bzod pas ni phra rgyas bcu po gtan du gcod do/ /de'i phyir yang zhes bya ba la/ yang zhes bya ba'i sgras ni sngar bshad pa'i phyir yang zhes bya ba yin no/ /de'i gnyen po yin pa'i phyir zhes bya ba ni rgod pa'i gnyen po yin pa'i phyir ro zhes bya ba'i tha tshig go /rnam par ma zhi ba dang/ rnam par zhi ba yang de dang 'dra'o zhes bya ba ni rnam par ma zhi ba ni rgod pa dang mtshungs par

  569. 285a

    ldan pa'i phyir nyon mongs pa can yin la/ rnam par zhi ba ni de'i gnyen po yin pa'i phyir dge ba yin no/ /yang na de ni nyon mongs pa dang mtshungs par ldan pa dang mtshungs par mi ldan pa'i sgo nas nye bar ma zhi ba dang nye bar zhi ba yin no/ mnyam par bzhag pa ni de'i gnyen po yin pa'i phyir dge ba yin no zhes bya ba ni rnam par g.yeng ba'i gnyen po yin pa'i phyir ro/ /'thob pa dang bsten pa'i bsgom pa dag gis zhes bya ba ni sngon ma thob pa la 'thob pa ni 'thob pa'o/ /mngon du byed pa ni bsten pa'o/ /de dag nyid sgom pa yin te/ bsgoms pa ni de dag gis ma bsgoms pa'i phyir ro/ /nyon mongs pa can ni dge ba bzhin du ma 'ongs pa 'thob pa yang med la/ dman pa'i phyir bsten par 'os pa yang ma yin te/ 'thob dang bsten ces bya ba ni dge ba 'dus byas 'thob pa'o zhes 'byung ngo/ /de gnyis kyis zhes bya ba ni 'thob pa dang/ bsten pa'i bsgoms pa ngag gi zhes bya ba'i tha tshig go /rang bzhin dang rgyud rnam par grol ba dag gis rnam par ma grol ba'i phyir zhes bya ba ni nyon mongs pa dag dang mtshungs par ldan pa'i phyir dang rang bzhin rnam par grol bas kyang rnam par grol ba ma yin la/ nyon mongs pa zad pa'i rgyud la mi skye ba'i phyir rgyud rnam par grol bas kyang rnam par grol ba ma yin no/ /rnam par grol ba ni nyon mongs pa dang mtshungs par mi ldan pa'i phyir dang/ nyon mongs pa zad pa'i rgyud la skye ba'i phyir dge ba yin no/ /rmugs pa dang gnyid dang lhan cig par gyur ces bya ba ni rmugs pa dang gnyid dang mtshungs par ldan pa'o/ /lhag mthong dang mtshungs par mi ldan pa zhes bya ba ni nang du kun tu 'gog pa dang lhan cig par gyur ces bya ba de kho na ston par byed pa yin no/ /rnam par 'phros pa zhes bya ba ni rjes g.yengs pa zhes bya ba de de'i bshad pa yin no/ /nyon mongs pa can gyi gnyid dang lhan cig par gyur ba rnam par

  570. 285b

    g.yengs pa nyid du dam ma bcas pa'i phyir ro zhes bya ba ci'i phyir 'di la rnam par g.yengs pa yin par dam mi 'cha'/ ci nyon mongs pa can gyi sems gnyid dang lhan cig par gyur pa la rnam par g.yengs pa nyid med pas dam pa mi 'cha''am 'on te 'di la rnam par g.yengs pa nyid yod med kyi kun tu bsdus pa nyid du rnam par bzhag pa'i phyir dam mi 'cha' zhe na/ gnyi gar yang 'chad de kha cig na re nyon mongs pa can gnyid dang lhan cig par gyur pa las gzhan pa'i nyon mongs pa can gang yin pa de ni rnam par g.yengs pa yin la/ gnyid dang lhan cig par gyur pa ni nyon mongs pa can dang nyon mongs pa can ma yin par khyad par mang par kun tu bsdus pa yin par dam 'cha'o zhes zer ro/ /gzhan dag na re gnyid dang mtshungs par ldan pa gang yin pa de ni kun tu bsdus pa kho na yin gyi rnam par g.yengs pa ni ma yin te rnam par g.yengs pa ni yul rnams la rnam par 'phros pa gang yin pa de kho na yin/ de'i phyir 'dir gnyid dang mtshungs par ldan pa'i sems la dam mi 'cha'o zhes zer ro/ /bstan bcos dang 'gal ba ni bla'i zhes bya ba ni bstan bcos chos mngon pa sangs rgyas kyis gsungs pa ma yin no snyam du bsam pa yin no/ /mtshan nyid sa kyang tha mi dad par bshad pa'i phyir zhes bya ba ni de dag thams cad nyon mongs pa can du bshad pas rnam par g.yengs pa la sogs pa nas rnam par ma grol ba la thug pa 'di dag gi gnyid nyon mongs pa can nyid du khyad par med de/ nyon mongs pa can nyid ni nyon mongs pa'i sa mang po dag dang mtshungs par ldan pa'i phyir ro/ /kun tu bsdus pa dang/ rab tu bzung ba la sogs pa'i mtshan nyid kyang tha mi dad par bshad pa'i phyir don gyi khyad par yang ma bshad pa yin no zhes bya bar sbyar ro/ /sogs pa zhes bya ba'i sgras ni chen po dang/ rgod pa ma yin pa dang/ rnam

  571. 286a

    par zhi ba dang/ mnyam par bzhag pa dang/ bsgoms pa dang/ rnam par grol ba rnams bsdus te/ 'di dag ni dge ba nyid du khyad par med do/ /dge ba nyid gang yin zhe na/ dge ba'i sa mang po pa dag dang mtshungs par ldan pa'i phyir ro/ ma bshad pa ma yin pa nyid de zhes bya ba la/ nyid ces bya ba ni tshig gi phrad do/ /ma bshad pa ma yin zhes dgag pa gnyis smos pa ni bshad pa kha na zhes bya ba'i tha tshig go /ci zhig bshad ce na/ tshig rnams kyi don gyi khyad par ro/ /ji ltar zhe na/ smras pa/ rnam par g.yengs pa la sogs pa nyon mongs pa can du mtshungs shing nyon mongs pa can nyid du 'dra yang 'di ltar sems nyon mongs pa can 'di ni rnam par g.yengs pa dang ldan pa'i phyir rnam par g.yengs pa nyid yin no/ /nyon mongs pa can gyi le lo dang ldan pa'i phyir zhum pa yin no/ /rgod pa dang ldan pa'i phyir rgod pa yin zhes bya ba de lta bu la sogs pa nyes pa'i khyad par bstan pas de dag gi nyes pa'i khyad par yang dag par bstan pa'i phyir don gyi khyad par bshad pa kho na yin no/ /de bzhin du kun tu btus pa la sogs pa dge ba'i yang 'di ltar sems dge ba 'di ni kun tu bsdus pa yin no/ /rab tu bzung ba yin no zhes bya ba rgyas par yon tan gyi khyad par yang dag par bstan pas don gyi khyad par bshad pa kho na yin no/ /mdo dang 'gal ba ma spangs pa'i phyir zhes bya ba ni mdo las ni kun tu bsdus pa ni rmugs pa dang/ gnyid dang lhan cig par gyur pa yin no zhes 'byung ste/ rmugs pa dang ldan pas nyon mongs pa can gyi gnyid dang mtshungs par ldan pa gang yin pa de ni kun tu bsdus pa yin gyi dge ba ni ma yin te/ rmugs pa ni nyon mongs pa'i sa mang po ba yin pa'i phyir ro/ /gal te mdo las zhes bya ba rgyas par 'byung ba ni gal te mdo las

  572. 286b

    khyed kyi lugs ltar bcom ldan 'das kyis zhum pa nyid rgod pa yin par dgongs par gyur na ni/ zhum pa dang rgod pa dag tha dad par gsungs pa nyid du mi 'gyur ro/ /ji lta zhe na/ smras pa/ gang gi tshe sems zhum par te le lo dang mtshungs par ldan pa dang/ zhum par dogs pa ste 'di ni zhum par 'gyur ro zhes bya bar dogs pa ni zhum par dogs pa'o/ /de'i tshe shin tu sbyangs pa dang/ ting nge 'dzin dang/ btang snyoms yang dag byang chub kyi yin lag rnams bsgom pa'i dus ma yin no zhes bya ba nges pa 'dir mi 'gyur gyi 'di skad du de'i tshe chos rab tu rnam par 'byed pa dang/ brtson 'grus dang/ dga' ba yang dag byang chub kyi yan lag rnams bsgom pa'i dus kyang ma yin no zhes brjod dgos par 'gyur ro/ /ci'i phyir zhe na/ sems zhum pa de nyid rgod pa yin pa'i phyir ro/ /de bzhin du sems rgod pa dang rgod par dogs pa de'i tshe chos rab tu rnam par 'byed pa dang/ brtson 'grus dang/ dga' ba yang dag byang chub kyi yan lag rnams sgom pa'i dus ma yin no zhes bya ba'i nges pa 'dir mi 'gyur gyi/ 'di skad du de'i tshe shin tu sbyangs pa dang/ ting nge 'dzin dang/ btang snyoms yang dag byang chub kyi yan lag rnams bsgom pa'i dus kyang ma yin no zhes brjod dgos par 'gyur ro/ /ci'i phyir zhe na/ sems rgod pa de nyid zhum pa yin pa'i phyir ro/ /yang bye brag med par gang gi tshe zhum pa dang zhum par dgos pa 'am/ rgod pa dang rgod par dogs pa de'i tshe shin tu sbyangs pa dang/ ting nge 'dzin dang/ btang snyoms dang/ tshes rab tu rnam par 'byed pa dang/ dga' ba yang dag byang chub kyi yan lag rnams bsgom pa'i dus ma yin no zhes brjod dgos par 'gyur ro/ /dran pa yang dag byang chub kyi yan lag ma smos pa ni dran pa ni kun tu 'gro ba'i yin pa'i phyir bsam gnyis ka la ma bshad kyang grub pa'i phyir

  573. 287a

    te/ mdo las dran pa ni kun tu song ba yin no zhes nga smra'o zhes 'byung ba'i phyir ro/ /yang ji ltar na bye brag tu smra ba zhum pa gang yin pa de nyid rgod pa yin no zhes bya bar 'dod par mngon zhe na/ sems zhum pa ni le lo dang mtshungs par ldan pa'i phyir nyon mongs pa can yin no/ /sems rgod pa ni rgod pa dang mtshungs par ldan pa'i phyir nyon mongs pa can yin no zhes 'byung ba'i phyir ro/ /ci 'di la byang chub kyi yan lag rnams so sor bsgom 'am zhes bya ba ni gal te res 'ga' shin tu sbyangs pa la sogs pa bsgom pa kho na yin la/ chos rab tu rnam par 'byed pa la sogs pa bsgom pa ma yin pa 'am/ res 'gad chos rab tu rnam par 'byed pa la sogs pa bsgom pa kho na yin gyi shin tu sbyangs pa la sogs pa bsgom pa ma yin na so sor bsgom pa yin no/ /'di dag yid la byed pa bsgom pa yin par 'dod kyi mngon sum du 'gyur ba ma yin no zhes bya ba la/ yid la byed pa ni dmigs par byed pa ste/ sems zhum pa'i tshe shin tu sbyangs pa la sogs pa la dmigs par bya zhing bstad par bya ba'i dus ma yin la/ sems rgod pa'i tshe chos rab tu rnam par 'byed pa la sogs pa la dmigs par bya ba'i dus ma yin no zhes bya ba'i don yin gyi/ de'i tshe shin tu sbyangs pa la sogs pa mngon du mi bya'i chos rab tu rnam par 'byed pa la sogs pa ni mngon du bya'o zhes bya ba 'am/ chos rab tu rnam par 'byed pa la sogs pa mngon du bya'i shin tu sbyangs pa la sogs pa ni ma yin no zhes bya ba lta bur mngon sum du 'gyur ba'i bsgom pa yin par ni mi 'dod do/ /'di las le lo lhag pa'i sems zhes bya ba rgyas par 'byung ba ni gang le lo lhag

  574. 287b

    cing shas che la rgod pa ni bag la zha bar 'jug pa de ni zhum pa yin la/ gang la rgod pa lhag pa le lo ni bag la zha bar 'dug pa de ni rgod pa yin pas 'di gnyis la bye brag yod pa'i phyir mdo las so sor smos pa dang 'gal ba med do// //bam po lnga bcu bzhi pa/ /de gnyis kyang tshogs pa gcig la lhan cig pa yin pa'i phyir sems de nyid zhum pa yin yang de nyid rgod pa yang yin no zhes smra'o zhes bya ba ni zhum pa ni le lo dang mtshungs par ldan pa'i phyir nyon mongs pa can yin no/ /rgod pa ni rgod pa dang mtshungs par ldan pa'i phyir nyon mongs pa can yin no/ /slob dpon gyi bsam pa can zhes bya ba nas mdo'i dgongs pa ni le lo lhag pa'i sems ni zhum pa zhes bshad la/ rgod pa lhag pa ni rgod pa zhes bshad ces bya ba 'di ma yin no zhes bya ba'i bar smos te/ 'di ltar gang gi tshe sems zhum pa dang zhum par dogs pa zhes bya ba rgyas par gsungs kyi/ 'di skad du lo lo lhag pa zhe 'am/ rgod pa lhag pa zhes khyad par du ni ma mdzad do/ /'dod chags dang ldan pa'i sems thams cad 'dod chags dang bcas pa yin no zhes gang bshad pa zhes bya ba ji skad du bshad ce na/ de la 'dod chags dang mtshungs par ldan pa'i sems ni gnyis kyi 'dod chags dang bcas pa yin no/ /de las gzhan pa zag pa dang bcas pa ni ldan pa'i 'dod chags dang bcas pas 'dod chags dang bcas pa yin no zhes 'byung ba'i phyir dang/ de lta bas na 'dir 'dod chags dang ldan pas? gang 'dod chags dang bcas pa'i sems su brjod par bya ste zhes 'byung ba'i phyir ro/ /slob pa'i sems zag pa med pa yang 'dod chags dang bcas par 'gyur ro zhes bya ba ni slob pa'i rgyud la 'dod chags kyi lhag ma dang bcas pa'i

  575. 288a

    phyir ro/ /gal te 'dod chags kyi dmigs pa yin no zhe na zhes bya ba ni 'dod chags kyi dmigs pa gang yin pa ste 'dod chags dang ldan pas 'dod chags dang bcas pa yin par 'dod na ni dgra bcom pa'i sems zag pa dang bcas pa yang gzhan gyi 'dod chags kyi dmigs pa yin pa'i phyir 'dod chags dang ldan pas na gzhan gyi sems rig pa 'am/ gzhan gyi sems shes pas 'dod chags dang bcas pas zhes bya bar gzung bar 'gyur ro/ /'on te de la 'dod chags kyis mi dmigs so zhes bya bar 'dod na de'i phyir/ yang na de ci ltar zag pa dang bcas pa yin zhes bya ba smos so/ /gal te nyon mongs pa spyi ba'i dmigs pa yin pa'i phyir ro zhe na zhes bya ba ni 'on te nyon mongs pa spyi pa lta bu dang/ the tshom dang/ ma rig pa rnams kyi dmigs pa yin pas de'i phyir zag pa dang bcas pa'o zhes bya bar 'dod na de lta na yang dgra bcom pa'i sems zag pa dang bcas pa gti mug gi dmigs pa yin pa'i phyir gti mug dang bcas par gzung bar 'gyur te/ gti mug kyang nyon mongs pa spyi pa yin la dgra bcom pa nyid kyi sems kyang gzhan gti mug gi dmigs par 'gyur bas so/ /gzhan gyi sems shes pa ni thob pa la dmigs pa yang ma yin zhes bya ba ni gang gi phyir gzhan skyems? shes pa sems dang sems las byung ba la dmigs pa yin par 'dod pa de'i phyir 'dod chags kyi thob pa dang bcas pa nyid kyi 'dod chags dang ldan pa'i phyir 'dod chags dang bcas pa'o zhes bya bar yang mi dmigs so/ /sems de la dmigs pa'i 'dod chags la dmigs pa can yang ma yin no zhes bya ba la/ de la zhes bya ba ni pha rol pa'i sems gzhan gyi sems shes pas

  576. 288b

    gzung bar bya ba gang yin pa de ni de la zhes bya ba'i sgrar brjod do/ /sems de la dmigs pa ni sems de la dmigs pa'i 'dod chags so/ /gzhan gyi sems shes pa 'di la dmigs pa sems de la dmigs pa'i 'dod pas na de ni sems de la dmigs pa'i 'dod chags la dmigs pa can no/ /'di ltar gzhan gyi sems shes pa ni 'dod chags de lta bu la dmigs pa yang ma yin te/ shin tu bskal pa'i phyir ro/ /gzhan gyi sems shes pa ni rdzas re re zhing yul yin pas gzhan gyi sems shes pa na sems de'i dmigs pa ni mi 'dzin te/ de'i rnam pa dang dmigs pa la mi ltos pa yin te zhes 'byung ba'i phyir dang/ sems 'di chags pa yin no zhes bya bar shes kyi zhes 'byung ba'i phyir ro// de'i phyir 'dod chags dang ldan pas 'dod chags dang bcas pa'i sems ma yin no/ /'dod chags dang mtshungs par mi ldan pa'i sems zhes bya ba ni 'dod chags kyi thob pa yod du zin kyang zhes bya bar bsam pa yin no/ /'dod pa'i srid pa dang gzugs kyi srid pa dang/ gzugs med pa'i srid par phyir mi ldog pa'i chos can yin zhes bya ba ni khams gsum pa'i 'dod chags dang bral bar bstan pa'i phyir ro snyam du bsam pa yin no/ /der ni de'i thob pa dang bral ba las dgongs te gsungs pa yin no zhes bya ba ni 'dod chags la sogs pa'i thob pa'i bral ba las dgongs te gsungs pa yin gyi/ ma ldan pa tsam ni ma yin no zhes ston par byed do/ /bshad pa ma yin nam zhes bya ba rgyas par 'byung ba gang du bshad ce na/ kha cig na re mdo 'dir ni zhes bya ba nas/ gal te 'dod chags dang mtshungs par mi ldan pa 'dod chags dang bral ba yin na ni nyon mongs pa gzhan dang mtshungs par ldan pa yang yin par 'gyur ro zhes zer ba der ro/ /nyon mongs pa gzhan dang mtshung

  577. 289a

    par ldan pa yang 'dod chags dang mtshungs par mi ldan pa'i phyir 'dod chags dang bral ba yin no snyam pa'i dgongs pa 'dis so/ /gal te de lta na zhe sdang dang bcas pa dang/ gti mug dang bcas pa zhes bya ba la sogs par brjod par mi bya bar 'gyur ro zhe na/ de'i phyir de ni 'dod chags dang bral ba zhes bya bar mi bzung ngo zhes bya ba la sogs pa smos te/ zhe sdang la sogs pa dang mtshungs par ldan pa'i sems de ni 'dod chags dang bral ba yin yang 'dod chags dang bral bar mi bzung ngo/ /'o na ci zhe na/ zhe sdang dang bcas pa dang/ gti mug dang bcas pa zhes bya ba de lta bu la sogs par bzung ste/ zhe sdang la sogs pa dang mtshungs par ldan pa nyid kyi khyad par du byas pa nyid do/ /'dir sogs pa zhes bya ba'i sgras ni kun tu bsdus pa dang rnam par g.yengs pa zhes bya ba la sogs pa mdo las bshad pa'i tshig rnams bsdu'o/ /de lta ma yin na zhes bya ba rgyas par 'byung ba ni gal te gzugs la sogs pa'i dngos po che ge mo zhig la chags so zhes bya bar shes par gyur na ni/ de la gzugs la dmigs par yang 'gyur te/ de lta yin na ni gzugs la dmigs pa'i phyir de gzhan gyi sems shes pa yin par yang mi 'gyur ro/ /de la dmigs pa'i pha rol gyi sems 'dzin pa na rang gi ngo bo 'dzin par 'gyur ro zhes bya ba ni pha rol gyi sems dmigs pa dang bcas pa 'dzin par 'dod na gzhan gyi sems shes pas rang gi bdag nyid 'dzin par 'gyur te/ 'di ltar gzhan gyi sems rig pas gang zhig gis sems 'dzin par byed pa de yang gzhan gyi sems rig pa de'i sems la dmigs par 'gyur ba gang yin pa de ni srid pa yod do/ /de'i phyir gzhan gyi sems shes pas dmigs pa rang

  578. 289b

    nyid yongs su shes pa'i phyir gzhan gyi sems rig pa 'dis rang gi sems kho na la dmigs par 'gyur pa zhig na sems des de nyid 'dzin pa gang yin pa de ni rigs pa ma yin te/ bdag nyid la byed pa 'gal ba'i phyir ro/ /gzhan gyi sems shes pa thams cad ces bya ba rgyas par 'byung ba ni 'di la yul sems dang sems las byung ba rnams dang/ rdzas kyi rang gi mtshan nyid dang/ da ltar byung ba rnams dang/ pha rol gyi rgyud dang/ 'dod pa dang/ gzugs dang ldan pa yin pa rnams zhes bsdu ba'i tshig rnam par sbyar te/ sems dang sems las byung ba zhes smos pa ni gzugs la sogs pa las khyad par du bya ba'i phyir ro/ /rdzas zhes smos pa ni kun rdzob tu yod pa bsal ba'i phyir ro/ /rang gi mtshan nyid ces smos pa ni spyi'i mtshan nyid bzlog pa'i phyir ro/ da ltar byung ba zhes smos pa ni 'das pa dang ma 'ongs pa las dgar ba'i phyir ro/ /pha rol gyi rgyud ces smos pa ni rang gi rgyud gsal pa'i phyir ro/ /'dod pa dang gzugs dang ldan pa dang/ ldan pa ma yin pa zhes smos pa ni gzugs med pa dang ldan pa dgag pa'i phyir ro/ /mthong ba'i lam bkag pa zhes bya ba ni mthong ba'i lam la gnas pa na gzhan gyi sems pa mngon du mi byed pas de'i phyir mthong ba'i lam gyi bsdus pa med do/ /mthong ba'i lam ni sems dang sems las byung ba rnam par chad pa la dmigs pa ma yin no/ /bsgom pa'i lam la dmigs pa zhes bya ba ni sgom pa'i lam gyis bsdus pa yin no zhes bya ba ni tha tshig go/ stong pa nyid dang mtshan ma med pa dang mi ldan pa zhes bya ba ni stong pa nyid kyi ting nge 'dzin dang/ mtshan ma med pa'i ting nge 'dzin dang mi ldan ba ste/ stong pa nyid kyi ting nge 'dzin ni sdug bsngal shes pa dang mtshungs par ldan la/ mtshan ma med pa'i ting nge 'dzin ni 'gog pa shes pa dang mtshungs par ldan pa yin na gzhan gyi sems shes pa ni rnam pa dang dmigs pa tha dad

  579. 290a

    pa'i phyir sdug bsngal shes pa 'am 'gog pa shes pa ma yin pas de gnyis dang mi ldan pa zhes bya'o/ /shugs kyis na smon pa med pa'i ting nge 'dzin dang mtshungs par ldan pa ni srid do zhes bshad par 'gyur ro/ /zad pa dang mi skye ba shes pas mi bsdus pa zhes bya ba ni zad pa shes pa dang mi skye ba shes pas ma bsdus pa ste/ zad pa dang skye ba shes pa'i ngo bo nyid ma yin na zhes bya ba'i don to/ /ci'i phyir zhe na/ gzhan gyi sems shes pa ni rdzas kyi rang gi mtshan nyid la dmigs pa dang kun tu rtog pa dang/ yongs su tshol pa'i bsam pa can yin na/ zad pa shes pa dang mi skye ba shes pa ni de lta bu ma yin pas de gnyis kyis ma bsdus so/ /bar chad med pa'i lam bkag pa zhes bya ba ni de'i spong ba'i lam yin la/ gzhan gyi sems shes pa ni rnam par grol ba dang khyad par gyi lam yin pas so/ /dam pa dag yin yang kun rdzob la brten pa'i phyir ro zhes bya ba ni don dam pa'i rgyu mtshan can yin pa 'am/ don dam pas brtsen pa'i phyir/ don dam pa dag go /de gnyis kun rdzob la brten pa'i phyir te/ gang gi phyir 'di dag kun rdzob la brten pa de'i phyir stong pa dang bdag med pa'i rnam pa can dag med do/ /ji ltar 'di dag kun rdzob la brten ce na/ bdag gi skye ba zad do/ / 'di las srid pa gzhan mi shes so zhes bya ba yin te gang mi bzhin no/ /'di dag zag pa med pa yin ji ltar de lta bu'i rnam pa can dag yin zhe na/ de dag gi stobs kyis rjes su tha snyad 'dogs pa'i sgo nas te/ shes pa gzhan gyis zhes bya ba'i tshig lhag ma yin no/ /gang gi phyir de dag gi rjes las skyes pa kun rdzob kyi shes pa de dag de lta bu'i rnam pa can du 'jug pa de'i phyir de dag gi rgyu mthun pas de gnyis kun rdzob la brten pa zhes bya'i de gnyis dngos su kun rdzob la brten

  580. 290b

    pa ni ma yin no snyam du bsams pa yin no/ /gang gi phyir de ltar rgyu mthun pas de gnyis bdag tu lta ba la bden pa kho nar 'jug pa'i phyir stong pa dang bdag med pa'i rnam pa ma gtogs pa rnam pa bcu bzhi dang mtshungs par ldan pa dag yin no/ /mi ldan pa'i sems kyis zhes bya ba ni zag pa med pas so/ /rig pas bskyed pa'i sgo nas shes par 'gyur ro zhes bya ba ni phyin ci ma log par shes par 'gyur ro zhes bya ba'i tha tshig go /'di ni gnas yod do// 'di ni gzhi yod do zhes bya ba ni 'di gnyis kyang zag pa med pa'i rnam pa yin te/ 'di ni gnas yod do zhes bya ba ni 'di ni mtshan nyid yod do zhes bya ba'i don to/ /'di ni gzhi yod do zhes bya ba ni 'di'i rgyu yod do zhes bya ba'i tha tshig go /'di'i don ni 'di ma yin zhes bya ba rgyas par 'byung ba ni dag gam tshig gnyis pa 'di yin te/ gal te 'di ni gnas yod do/ /'di ni gzhi yod do zhes bya ba mi rtag la sogs par shes par 'gyur ba gang yin pa 'di ni srid do/ /'di ni rigs so zhes bya ba yin no zhes bya ba 'dod na de ni gzhan nas mi 'byung ba'i phyir mi rung ste/ tshig gzhan nas tshig de gnyis mi 'byung ba'i phyir ro/ /mthong bas spang bar bya ba zhes bya ba ni mthong bas spang bar bya ba'i rnam pa'o/ /rigs pa ma yin pas bskyed pa'i sgo nas shes par 'gyur ro zhes ston to/ /bdag dang bdag gi ba zhes bya ba ni 'jig tshogs la lta ba dang mtshungs par ldan pa'i sems kyis so/ /chad pa dang rtag pa zhes bya ba ni mthar 'dzin pa'i lta bas so/ /rgyu med pa dang byed pa med pa dang skur pa 'debs pa zhes bya ba ni log par lta bas so/ /mchog dang gtso bo dang khyad par du 'phags pa dang dam pa zhes bya ba ni lta ba mchog tu 'dzin pas so/ /dag pa dang grol ba dang nges par 'byin pa zhes bya ba ni tshul khrims dang brtul zhugs

  581. 291a

    mchog tu 'dzin pas so/ /nem nur dang yid gnyis dang the tshom zhes bya ba ni the tshom tsam gyis so/ /chags ba zhes bya ba ni 'dod chags kyis so/ /sdang ba zhes bya ba ni zhe sdang gis so/ /rlom pa zhes bya ba ni de rgyal gyis so/ /rmongs pa zhes bya ba ni gti mug gis so/ /der yang 'di skad du 'byung bar 'gyur ba zhig na de skad kyang mi 'byung ste/ de'i phyir de'i don ni 'di ma yin no zhes bya bar shes so/ /rdzas su bdun yin zhes bya ba ni kha cig gi gzhung lugs kyis rdzas su sdug bsngal gyi rnam pa bzhi dang kun 'byung ba la sogs pa rnam pa re re te bdun yin no/ /rgyu'i rnam pa gang yin pa de ni kun 'byung ba dang/ rab tu skye ba dang/ rkyen kyang yin pas rnam grangs tsam du zad kyi khyad par ni med de dper na dbang po dang brgya byin dang khyer 'jig ces bya ba dang 'dra'o/ /de bzhin du 'gog pa nyid zhi ba dang gya nom pa dang nges par 'byung ba yin pas rnam pa gcig yin la/ lam nyid kyang rigs pa dang/ sgrub pa dang/ nges par 'byin pa yin pas rnam pa gcig yin no zhes zer te/ des na 'di skad du rnal 'byor pas sdug bsngal gyi rnam pa ni bzhir mngon du byed la rgyu la sogs pa'i rnam pa ni gcig tu mngon du byed do zhes bshad par 'gyur ro/ /bye brag tu smra ba rnams ni rdzas su rnam pa bcu drug go zhes brjod de sdug bsngal gyi rnam pa bzhin du kun 'byung ba la sogs pa'i rnam pa thams cad kyang so sor mngon du bya dgos pa'i phyir rnam pa rnams ni shes rab kyi ngo bo nyid yin pas so zhes zer ro/ /rkyen la rag las pa'i phyir zhes bya ba rgyas par 'byung pa ni mi rtag pa'i rkyen la rag las pa'i phyir nges pa ma yin te/ rkyen la rag las te skye ba'i phyir ro zhes bya ba'i tha tshig go /gnod pa'i bdag nyid yin pa'i

  582. 291b

    phyir zhe na bya ba ni gnod par byed pa'i bdag nyid yin pa'i phyir ro zhes bya ba'i don to/ /mi mthun pa'i phyogs kyis zhes bya ba ni gnyen pos zhes bya ba'i tha tshig ste/ 'gal ba'i phyogs ni mi mthun pa'i phyogs yin pas so/ /sa bon gyi chos kyi tshul gyi rgyu'o zhes bya ba ni thag ring po'i gnas skabs kyi rgyu ston par byed de/ dang po'i sa bon lta bu'o/ tshul zhes bya ba'i sgras ni 'dir lugs kyi don yin no/ /'byung ba'i tshul gyis kun 'byung ba'o zhes bya ba ni skad cig ma gang gi mjug thogs su skye bar 'gyur ba thag nye ba'i gnas skabs kyi rgyu ston par byed de/ 'di las kun 'byung ba'i phyir ro/ /'brel pa'i tshul gyis rab tu skye ba'o zhes bya ba ni/ rgyun gyis tshul gyis rgyun mi 'chad par ston par byed de sa bon dang myur gu dang sdong bu la sogs pa dang 'dra'o/ /mngon par sgrub pa'i don gyis na rkyen zhes bya ba ni rgyu la sogs pa mang po zhig las skye bar ston par byed de/ dper na 'jim gong dang thal zhar la sogs pa mang po zhig las bum pa 'grub pa de dang 'dra'o/ /me gsum zhi ba'i phyir zhes bya ba ni 'dod chags dang zhe sdang dang gti mug gi mi? zhi ba'i phyir zhes bya ba'i don to/ /'tshe ba med pa'i phyir zhes bya ba ni sdug bsngal med pa'i phyir zhes bya ba'i don to/ /skyon thams cad dang bral ba'i phyir zhes bya ba ni sdug bsngal gyi rgyu thams cad dang bral ba'i phyir ro/ /bgrod pa'i don gyis zhes bya ba ni mya ngan las 'das par ro/ /rig pa dang ldan pa'i phyir zhes bya ba ni 'thad pa dang ldan pa'i phyir ram thabs dang ldan pa'i phyir ro/ /yang dag par bsgrub pa'i don gyis sgrub pa'o zhes bya ba ni 'dis mya ngan las 'das pa bsgrub pas na sgrub pa'o/ /nges par 'byin par byed pa'o zhes bya ba ni gtan du nges par 'byin par byed pas na nges par 'byin par byed pa'o/ /gtan du pa ma yin

  583. 292a

    pa'i phyir mi rtag pa'o zhes bya ba sngar ni snga na med pas mi rtag par bshad la da ni zhig nas med pas mi rtag par bshad la da ni zhig nas med pas mi rtag pa'o zhes ston to/ /khur lta bur gyur pa'i phyir zhes bya ba ni khur bu lta bu dub pa'i phyir zhes bya ba'i don te/ sdug bsngal gyi gang zag de 'tshir zhing gnod par byed do zhes bya ba'i tha tshig go 'dod dgur byed pa med pa'i phyir zhes bya ba ni 'di la 'dod dgur byed pa'i dang tshul yod pas na 'dod dgur byed pa'o/ /'dod dgur byed pa ma yin pas na 'dod dgur byed pa med pa ste/ de'i phyir bdag med pa yin no/ don 'di ni mdo las kyang gsungs te/ dge slong dag gal te gzugs bdag yin par gyur na gzugs bdag nyid la gnod pa byed par mi 'gyur gyi nges pa'i tshig las bdag ni 'dod dgur byed pa yin no zhes smos pa'i phyir gzugs la 'di ltar ni gyur cig /'di ltar ni ma gyur cig ces bya ba bzhin du yang 'gyur ba zhig na zhes 'byung ba yin no/ /'ong ba'i tshul gyis rgyu'o zhes bya ba ni 'di las 'ong bas na rgyu ste 'di las skye bas na zhes bya ba'i tha tshig go /'byung ba'i tshul gyis zhes bya ba ni ma 'ongs pa'i dus nas 'byung bas na zhes bya ba'i tha tshig go /'phel ba'i tshul gyis zhes bya ba ni rgyun chags pa'i tshul gyis so/ /so sor 'brang ba'i don gyis zhes bya ba ni bskyed par bya ba la gtso bo yin no snyam du bsams pa yin no/ /'brel ba med pas 'brel pa zhig pa'i phyir zhes bya ba ni sdug bsngal snga ma zhig pas phyi ma'i 'brel pa zhig pa ni 'gog pa yin no zhes bya ba'i tha tshig go /'dus byas kyi mtshan nyid gsum dang bral ba'i phyir zhes bya ba ni skye ba dang 'jig pa dang gnas

  584. 292b

    pa las gzhan du 'gyur ba nyid dang bral ba'i phyir ro/ /yid brten pa'i mchog yin pa'i phyir zhes bya ba ni sdug bsngal thams cad rgyun chad pas mchog tu bde ba'i phyir/ mya ngan las 'das pa'i grong dang mi 'gal ba'i don gyis sgrub pa'o zhes bya ba ni 'di ltar 'di ni mya ngan las 'das pa'i grong dang mi 'gal zhing sdu bar mi byed do/ /'o na ci zhe na sgrub par byed pa kho na ste/ de'i phyir 'dis sgrub par byed pas na sgrub pa'o/ /'dun pa'i rtsa ba can zhes bya ba 'dun pa'i rgyu can zhes bya ba'i tha tshig ste/ 'dir 'dun pa ni srid pa'i rnam grangs yin no/ /'dus pa las kun 'byung ba zhes bya ba ni 'dus pa las yang dag par bsgrub pa'o/ /'dun pa'i rigs can zhes bya ba ni 'dun pa'i rkyen can zhes bya ba'i tha tshig go /rab tu skye ba zhes bya ba'i sgra tha mar gdon pa 'ba' zhig tu zad do zhes bya ba ni chos mngon pa pa rnams kyis zhes bya ba'i tshig gcig khong dus 'byung ste/ mdo'i rjes su 'breng bar bya'o snyam du bsams pa yin no/ /rgyu kun tu 'byung ba dang rkyen dang rab tu skye zhes bya ba'i tha tshig gam 'dun pa 'di dag la khyad par ci zhig yod par 'gyur pa'o snyam pa ni bye brag med par lus la 'dun pa yin no zhes bya ba ni rdzas gcig dmigs kyis ma bkar bar nye bar len pa'i phung po lnga po spyi la khyad par med par nga'o snyam du 'dzin pa 'am rnam pa gzhan gyis khyad par du byas pa ltar byung ba'i lus kyi dngos po la dmigs pa 'am dus gsum pa'i lus la dmigs pa'i sgo nas lus don du gnyer ba ni lus 'dun pa ste dang po yin no gyur cig snyam pa ni bye brag med par zhes bya ba ni yang srid pa tsam don du gnyer gyi khyad par gyi ngo bo don du gnyer ba ni ma yin pa ste gnyis pa yin no/ /'di lta bur gyur cig snyam pa zhes bya ba ni rnam pa

  585. 293a

    'di lta bur gyur cig snyam pa ni bye brag tu yang srid pa la 'dun pa ste gsum pa yin no/ /bzhi pa ni nying mtshams sbyor ba 'ching ba la 'dun pa yin no zhes bya ba ni nying mtshams sbyor ba nyid 'ching ba yin pas na nying mtshams sbyor ba'i 'ching ba ste/ bzhi ba ni de la dun cing don du gnyer ba yin no/ /spang na las mngon par 'du byed pa la 'dun pa yin no zhes bya ba ni bzhi pa zhes bya ba'i skabs yin te/ yang las mngon par 'du byed pa de la 'dun pa yin no/ /ji ltar de la 'dun ce na sbyin pa 'di lta bu dang 'di lta bur sbyin no snyam pa yin no/ /yang ji ltar ni dun pa de dag rtsa ba la sogs pa'i sgrar brjod ce na/ de bstan pa'i phyir de la dang po ni zhes bya ba rgyas par smos te/ rgyu dang po 'am dang po'i rgyu yin pas na dang po'i rgyas te/ de'i phyir 'dun pa'i rtsa ba can yin te/ rtsa ba'i sgra ni rgyu'i don yin no/ /'bras bu'i sa bon gzhan no zhes no zhes bya ba ni dper na 'bras bu'i dang po'i rgyu ste thag ring ba'i rgyu sa bon yin pa de dang 'dra bar 'dun pa dang po 'di yang sdug bsngal gyi dang po'i rgyu yin no/ /des de yang dag par 'grub pa'i phyir zhes bya ba ni 'dun pa gnyis pa des skad cig ma rgyud pas yang srid pa yang dag par 'grub pa'i phyir 'bras bu'i myu gu la sogs pa skye ba bzhin te/ dper na myu gu la sogs pa skye ba brgyud bas 'bras bu kun 'byung ba de dang 'dra'o/ /'dun pa gsum pa 'di lta bur gyur cig snyam pa ni de dang 'dra ba'i sdug bsngal gyi rkyen yin pa'i bya ba ni yang srid pa'i 'dun pa ci 'dra ba de dang 'dra ba'i sdug bsngal gyi rkyen du gyur te/ de la khyad par gyi ngo bo yod pa'i phyir 'bras bu khyad par gyi ngo bo can kho na skye po snyam du bsams pa yin no/ /'bras bu'i zhing dang/ chu dang lung la sogs pa bzhin no zhes bya ba la sogs pa bzhin no zhes bya ba la/ lung ni pa lang gi lci ba skam pa'o/ /sogs pa zhes bya ba'i sgras ni

  586. 293b

    rlung 'ang nyi ma la sogs pa bsdus te/ des kyang 'bras bu phun sum tshogs par 'gyur bas so/ /nus pa ni bsil ba'i nus pa dang dro ba'i nus pa nyid do/ /smin pa ni dro ba zhu ba dang bsil ba zhu ba nyid do/ /mthu ni nus pa'i khyad par yin te/ dper na 'bras bur 'dra ba las ba dzi bu ra'i khu ba ni mkhris pa skyed la/ skyu ru ra'i khu ba ni zhi bar byed pa lta bu'o/ /de kho na las de skye? ba'i phyir zhes bya ba ni nying mtshams sbyor ba 'ching ba la 'dun pa de kho na las yang srid pa'i mtshan nyid de skye zhing 'byung ba'i phyir 'bras bu tha ma de rtog bzhin no/ /dper na tha ma me tog las 'bras bu rab tu skye ba de dang 'dra ste/ 'dir 'dun pa bzhi pa ni yang srid pa'i mngon sum gyi rgyu yin no/ /snga ma gsum ni brgyud pa'i rgyu yin no/ /yang na zhes bya ba rgyas par 'byung ba ni sred pa rnam par dpyad pa rnams kyi 'dun pa bzhi ni go rim bzhin du sde tshan gnyis dang bzhi tshan gnyis yin te/ 'dun pa dang po rnam pa lnga yin la/ gnyis pa yang rnam pa lnga yin no/ /gsum pa ni rnam pa bzhi yin la/ bzhi pa yang rnam pa bzhi yin no/ /ji lta zhe na dge slong dag nga'o snyam pa yod cing bdag tu lta ba yod na nga 'di lta bu'o snyam 'byung ste zhes bya ba ni nga ni 'dri ba'o snyam pa 'byung ba ste/ de dang ldan pas sred pa skyed par byed do zhes bya ba'i don to/ /nga ni 'di 'dra'o snyam pa zhes bya ba ni sngon ji lta ba kho na yin gyi gzhan du ma yin no zhes bya ba'i tha tshig go/ ba de lta ma yin no snyam pa zhes bya ba ni kha dog dang stobs dang spobs pa la sogs pa rnam pa gzhan du mthong ba phyir ro/ /nga bzang ngo snyam pa dang/ bzlog pa dang ngan no snyam pa 'byung bar 'gyur te/ bdag la 'dun pa rnam pa lnga po 'di ni khyad par med pa nyid dang po yin no/ /de la 'byung bar 'gyur ro snyam pa 'byung bar 'gyur zhes bya ba ni rtag pa'i ngo bor ro/ /'byung bar mi 'gyur ro snyam pa zhes bya ba ni chad pa'i ngo bor ro/ /'di lta bur 'byung bar 'gyur ro snyam pa zhes bya ba ni rgyas par bshad pa snga ma dang 'dra ste/ yang srid

  587. 294a

    pa la 'dun pa rnam pa lnga po 'di khyad par gnyid pa yin no/ /de la gyur cig snyam par 'byung bar 'gyur zhing de la 'di lta bur gyur cig snyam pa dang/ de lta ma yin par gyur cig snyam pa 'byung bar 'gyur ba yang srid pa la 'dun pa rnam pa bzhi 'di khyad par med pa gsum pa yin no/ /gyur kyang ci ma rung snyam pa dang/ 'di lta bur gyur kyang ci ma rung snyam pa dang/ de 'dra bar gyur kyang ci ma rung snyam pa dang/ de lta ma yin par gyur kyang ci ma rung snyam pa 'byung bar 'gyur ba nying mtshams sbyor ba'i chad? ba la 'dun pa rnam pa bzhi po 'di ni bzhi pa yin no/ /de la dang po ni sdug bsngal gyi dang po'i rgyu yin pa'i phyir rtsa ba'i rgyu yin zhes bya ba rgyas par snga ma bzhin du sbyar bar bya'o/ /so sor nges pa'i phyir bsgrub pa ste zhes bya ba ni nges par bsgrub cing sgrub par byed pa ni sgrub pa'o/ /yang ji ltar so sor nges par yin par yin zhe na/ de nyid kyis der 'gro ba'i phyir te/ ji skad du bya ba rgyas par 'byung ba lta bu yin no/ /rtag pa dang bde ba dang bdag gi dang bdag tu lta ba spyad pa rnams kyi zhes bya ba ni 'di dag la rtag pa dang/ bde ba dang/ bdag gi dang/ bdag go zhes bya bar lta ba spyad pa yin pas na gang zag 'di dag ni rtag pa dang bde ba dang/ bdag gi dang/ bdag tu lta ba spyad pa yin te de dag gi gnyen po go rim bzhin du mi rtag pa la sogs pa'i rnam pa yin no/ /rgyu med do zhes rgyu med par lta ba spyad pa rnams kyi gnyen por rgyu'i rnam pa'o/ /rgyu dbang phyug gam/ gtso bo 'am/ dus shes bya ba gcig pu yin no zhes rgyu gcig phur lta ba spyad pa rnams kyi gnyen por rgyud na ni kun 'byung ba yin gyi gcig bu ma yin no zhes 'byung ba'i rnam pa'o/ /dngos po ni 'gyur ba yin no zhes 'gyur bar lta ba spyad pa rnams kyi gnyen por dang po 'byung ba 'di yin gyi snga nas gnas pa las 'gyur ba ni ma yin no zhes rab tu skye ba'i rnam pa'o/ /'jig rten 'di ni blo sngar btang ste byas pa yin no zhes blo sngar btang bar

  588. 294b

    lta ba rnams gyi gnyen por rkyen gyi rnam pa ste/ 'gro ba 'di ni dbang phyug gis byas pa ma yin no/ /'o na ci zhe na/ rkyen ces bya ba'i sgras ni zlog pa'i don yin pas de dang de la brten nas ni 'di 'byung ngo zhes bya ba yin no/ /de lta bas na 'gro ba ni rkyen du mas bskyed pa yin no zhes bstan par 'gyur ro/ /'di ltar rigs par 'gyur ro zhes bya ba ni mdo sde ba'i gzhung lugs yin no/ /rnam pa ni dmigs pa 'dzin pa'i bye brag yin no zhes bya ba ni nges pa'i tshul ston par byed de de lta yin na shes rab kyang rnam pa dang bcas par 'gyur ro zhes bya ba grub po/ /dge ba la sogs pa'i bye brag ces bya ba la sogs pa zhes bya ba'i sgras ni mi dge ba dang lung du ma bstan pa dang /sa dang rten bsdu'o/ /tshigs su bcad pa'i dang po ni yod pa'i phyir zhes bya ba ni 'di'i dang po yin pa'i bstan bcos kyis ni ma yin zhes ston to/ /bstan bcos las ni chos shes pa dang por 'byung ngo/ /drug na chos bya ba ni 'dod pa na spyod pa'i sdug bsngal la sogs pa la dmigs pa'i phyir ro/ /gzugs med pa gsum na yod do zhes bya ba ni rjes su shes pa bsgom pa'i lam gyi bsdus pa kho na'o/ /de bzhin drug ces bya ba ni sdug bsngal shes pa la sogs rjes su shes pa'i ngo bo nyid srid pa'i phyir ro/ /gzugs dang gzugs med pa'i khams dag tu ni mngon sum du mi byed do zhes bya ba ni gzugs med pa rnams 'dod pa na spyod pa'i sdug bsngal la sogs pa la mi dmigs pa'i phyir ro zhig chos shes pa gzugs med pa'i khams su mngon sum du mi byed par ni rigs na/ gzugs kyi khams su go ci'i phyir mngon sum du mi byed ce na/ kha cig na re chos shes pa ni lhur 'dod pa'i khams rnam par sun 'byin pa yin na gzugs kyi khams su skyes pa la ni chos shes pa 'dod pa'i khams rnam par sun

  589. 295a

    'byin pa mi 'byung ste/ 'dod chags dang bral ba dang sa 'phos pas de yongs su btang ba'i phyir ro/ /'dod pa'i khams su skyes pa ni de'i 'dod chags dang bral yang 'dod pa'i khams kyi phung po'i lhag ma lus pa'i phyir te mngon sum du byed do de'i phyir chos shes pa gzugs kyi khams su mngon sum du mi byed do zhes zer ro/ /slob dpon 'dul bzang na re chos shes pa 'dod pa'i khams kho nar mngon sum du byed kyi de la snyoms par 'jug pa dang ldang ba'i sems rnam kho na yod pa'i phyir gzugs dang gzugs med pa'i khams dag tu ma yin no/ /yang na rjes su 'brel ba'i rten med pa'i phyir te 'chal pa'i tshul khrims kun nas slong bar byed pa'i nyon mongs pa'i 'thob pa'i mi mthun pa'i phyogs yin pa'i phyir chos shes pa'i rjes su 'breng ba'i tshul khrims kyi rten 'dod pa na spyod pa'i 'byung ba dag kho na yin na/ de dag kyang 'dre? na med pas chos shes pa ni 'dod pa'i khams kyi rten can kho na yin zhes zer ro/ /'gog pa shes pa ni gcig ste/ chos dran pa nye bar gzhag ba yin zhes bya ba ni chos dran pa nye bar gzhag pa bstan pa las chos ni lus dang tshor ba dang sems dag las gzhan pa yin zhes bshad pas so/ /gzhan pa'i shes pa rnams ni dran pa nye bar gzhag pa bzhi can yin no zhes bya ba ni chos dang rjes dang kun rdzob dang/ sdug bsngal dang/ kun 'byung shes pa dang/ lam dang/ zad pa dang mi skye ba shes pa rnams la ni dran pa nye bar gzhag pa bzhi'i ngo bo nyid yod de/ sdug bsngal shes pa spang res 'ga' ni lus la dmigs la/ res 'ga' ni chos kyi bar la dmigs so/ /kun 'byung shes pa yang de dang 'dra'o/ /lam shes pa yang gal te zag pa med pa med pa'i sdom pa la dmigs na de lus dran pa nye bar gzhag pa pa yin no/ /rjes su shes pa ma gtogs so zhes bya ba ni chos shes pa gal te zag pa med pa'i shes pa la dmigs

  590. 295b

    bar byed na/ chos shes pa'i phyogs dang mthun pa kho na dmigs par byed la/ de bzhin du rjes su shes pa'i phyogs dang mthun pa kho na la dmigs par byad do zhes bya bar nges te/ de la chos shes pa la lam shes par gyur pa'i dmigs pas ni chos shes pa bzhin dang sdug bsngal shes pa la sogs pa mi skye ba shes pa la thug pa'i bar yin pa srid la/ sdug bsngal dang kun 'byung ba shes par gyur pa'i dmigs pa ni kun rdzob shes pa yin par srid la/ gzhan gyi sems shes par gyur pa'i dmigs pa ni gzhan gyi sems shes pa yin par srid pas/ de'i dmigs pa shes pa dgu yin no/ /de bzhin du rjes su shes pa la yang sbyar bar bya'o/ /lam shes pa'i dmigs pa yang dgu kho na yin te/ kun rdzob shes pa ma gtogs so zhes bya ba ni lam shes pa ni zag pa med pa'i lam la dmigs par nges pa'i phyir kun rdzob shes pa mi dmigs so/ /gnyis te kun rdzob dang gzhan gyi sems shes pa yin no zhes bya ba ni sdug bsngal dang kun 'byung ba'i bden pa'i khongs su gtogs pa dag go /gzhan gyi sems shes pa zag pa med pa gang yin pa de'i dmigs pa ni shes pa dgu yin la/ zag pa dang bcas pa gang yin pa de'i dmigs pa ni kun rdzob shes pa dang/ gzhan gyi sems shes pa yin pa srid do zad pa shes pa dang mi skye ba shes pa dag ni sdug bsngal dang kun 'byung ba shes pa la sogs pa'i ngo bo nyid yin pas de dag gis dmigs pa ni shes pa bcu char ba yang yin no/ /mtshungs par ldan pa dang ldan pa ma yin pa'i bye brag gis zhes bya ba la mtshungs par ldan pa ni sems dang sems las byung ba rnams so/ /ldan pa ma yin pa ni thob pa la sogs pa'o/ /dge ba dang lung du ma bstan pa'i bye brag gis zhes bya ba la/ dge ba ni so sor brtags pas 'gog pa yin te/ mchog tu bde ba'i phyir ro/ /lung du ma bstan pa

  591. 296a

    ni nam mkha' dang/ so sor brtags pa ma yin pas 'gog pa dag go/ 'dod pa na spyod pa dang/ zag pa med pa dang bzhi zhes bya ba ni mtshungs par ldan pa dang ldan pa ma yin pa'i bye brag gis so/ /gzugs dang gzugs med pa na spyod pa dang zag pa med pa dang drug ces bya ba ni so sor mtshungs pa dang ldan pa ma yin pa'i bye brag gis te/ 'dod pa dang gzugs dang gzugs med na spyod pa rnams kyang bye brag de nyid kyis drug yin no/ /gnyis te zag pa med pa dag yin no zhes bya ba ni de nyid kyis so/ /'dod pa dang gzugs na spyod pa dang zag pa med pa mtshungs par ldan pa rnams yin no zhes bya ba ni gzugs med pa na spyod pa sems dang sems las byung ba rnams dang ldan pa ma yin pa dang/ 'dus ma byas thams cad ni gzhan gyi sems shes ba'i yul ma yin pa'i phyir ro/ /'dus ma byas pa lung du bstan pa'i ma gtogs so zhes bya ba ni zad pa dang mi skye ba shes pa dag ni bden pa bzhi la dmigs pa'i phyir la/ 'dus ma byas lung du ma bstan pa ni bden pa bzhi la ma gtogs pa'i phyir ro/ /shes pa gcig gis chos thams cad shes par 'gyur ba yang ngam zhe na/ med do zhes bya ba ji ltar shes zhe na/ mdo las te/ kye gau ta ma bdag cag 'dun khong 'dir 'dus te mchis pa rnams 'di lta bu'i bka' mchis de thor bu gleng langs te/ dge spyod gau ta ma 'di skad du dge spyod dam bram ze yang rung gang thams cad shes shing thams cad mthong bar 'gyur ba de ni 'ga' yang med do zhes grag go zhes mchin kyi gtam 'di med? dam?/ bka' stsal pa/ kye ngas de skad du smras par ni dran mod kyi 'on kyang dge sbyong ngam bram ze yang rung cig car thams cad shes pa 'am mthong ba de ni 'ga' yang med do zhes bya ba yin no zhes 'byung ngo/ /yul dang yul can tha dad pa'i phyir zhes bya ba rgyas par 'byung ba

  592. 296b

    ni yul dang yul can tha dad pa'i phyir te/ gang gi phyir bdag nyid las byed pa 'gal bas yul can gang yin pa de nyid de'i yul ma yin te/ ral gri'i so de nyid kyis mo gcod pa de'i phyir kun rdzo? bo shes pa des rang gi ngo bo mi 'dzin to/ /dmigs pa gcig pa'i phyir nges lhan cig 'byung ba'i sems las byung ba rnams kyang mi 'dzin to/ /kun rdzob shes pa 'di'i dmigs pa gang yin pa de nyid mtshungs par ldan pa rnams kyi yin no/ /gal te mtshungs par ldan pa de dag 'dzin par 'gyur na ni kun rdzob shes pa dang dmigs pa gcig pa'i phyir rang gi ngo bo la dmigs par 'gyur ba zhig na de yang rigs pa ma yin te/ de lta bas na des de dag mi 'dzin to/ /ha cang nye ba'i phyir lhan cig 'byung ba ldan pa ma yin pa de dag kyang mi 'dzin te/ mig gi mig sman dang mig sman gyi thur ma mi mthong ba bzhin no/ /de yang zhes bya ba ni kun rdzob shes pa'o/ /de ni sa rnam par chad pa la sogs pa'i phyir zhes bya ba ni 'di ltar kun rdzob shes pa gzugs na spyod pa bsgoms pa las byung pa ni 'dod pa'i khams sam/ bsam gtan dang po nas srid pa'i rtse mo'i bar sa rnam par chad pa kho na la dmigs so/ /ci'i phyir zhe na/ bar chad med pa dang/ rnam par grol ba'i lam rnams go rim bzhin du sa 'og ma dang gong ma la dmigs ba'i phyir te/ gong mi bzhin du/ zhi sogs rags sogs rnam pa ni/ gong dang 'og ma'i spyod yul can zhes 'byung bas so/ /gal te des sa thams cad la dmigs par gyur na ni thams cad las/ cig car 'dod chags dang bral bar 'gyur ro// sbyor ba dang khyad par gyi lam dag gi dmigs pa yang ci rigs par sa 'ga' zhig kho na yin no/ /ji lta zhe na/ nges par 'byed pa'i cha dang mthun pa'i sbyor pa'i lam gyis bsdus pa gang gis dmigs pa 'dod pa'i khams yin pa med pa

  593. 297a

    de'i khams gzhan dag ma yin no/ /gang gi dmigs pa gzhan dag yin pa de'i 'dod pa'i khams ma yin no/ /mi sdug pa dang/ tshad med pa dang/ zil gyis gnon pa'i skye mched la sogs pa dang/ rnam par sun 'byin pa dang/ khyad par can gyi lam gyis bsdus pa'i dmigs pa ni 'dod pa'i khams kho na yin gyi khams gzhan dag zag med skad cig dang po la/ chags can shes pa gcig dang ldan zhes bya ba ni 'di ltar bzod pa yang shes pa ma yin la/ zag pa med pa'i shes pa gzhan dang yang mi ldan pas so/ /chags can zhes smos pa ni 'di ltar 'dod chags dang bral ba ni gzhan gyi sems shes pa dang yang ldan par 'gyur ro/ /gnyis pa la gsum zhes bya ba ni sdug bsngal la chos shes pa de nyid chos shes pa zhes kyang bya la/ sdug bsngal shes pa zhes kyang bya bas ming tha dad pa'i sgo nas gnyis su nye bar gdags na chos shes pa dang/ sdug bsngal shes pa dang/ kun rdzob shes pa de gsum ldan no/ /bzhi la zhes bya ba ni sdug bsngal la rjes su shes pa'i skad cig dang/ kun 'byung dang/ 'gog pa dang/ lam la chos shes pa'i skad cig ma dag la ste/ bzod pa dag la ni snga ma kho na bzhin du ldan pa'i phyir ro/ /sdug bsngal la rjes su shes pa'i skad cig ma la ni rjes su shes pa kho na 'phel gyi chos shes pa ni ma yin te/ de dang ni snga nas ldan pa'i phyir ro/ /kun 'byung ba la chos shes pa'i skad cig ma la ni kun 'byung ba shes pa kho na 'phel gyi/ chos dang rjes su shes pa dag ni ma yin te/ de dang ni snga nas ldan pa'i phyir ro/ /kun 'byung ba la chos shes pa'i skad cig ma la ni kun 'byung bar shes pa kho na 'phel gyi chos dang rjes su shes

  594. 297b

    pa dag ni ma yin te/ de dag dang ni snga nas ldan pa'i phyir ro/ /de bzhin du 'gog pa dang lam la chos shes pa'i skad cig ma dag la ni 'gog pa dang lam shes pa dag kho na 'phel lo zhes brjod par bya'o/ /'dod chags dang bral ba zhig yin na ni thams cad du gzhan gyi sems shes pa lhag par ldan zhes bya ba ni sdug bsngal la chos shes pa'i bzod pa nas lam la chos shes pa'i skad cig ma'i bar la gzhan gyi sems shes pa dang ji skad bshad pa'i shes pa de dag dang yang ldan no zhes bya ba rig par bya'o/ /lam la rjes su shes pa la ni 'dod chags dang bral ba zhig yin na bdun po de dag dang ldan no/ /'dod chags dang bral ba zhig yin na ni brgyad de/ de dag dang gzhan gyi sems shes pa dang ldan no/ /zad pa dang mi skye ba shes pa dag dang ni dgra bcom pa kho na dang ldan no zhes bya bar rtogs par blang ba'i phyir mdor ma byas so zhes bya bar khong du chud par bya'o/ /shes pa ji ltar skyes pa rnams/ ma 'ongs pa 'thob ces bya ba ni 'dir rnyed pa'i 'thob pa dang/ bsten pa'i 'thob pa dang/ 'thob pa rnam pa gnyis kyi dbang du byas pa yin te/ rnyed pa'i 'thob pa ni thob pa'i sgo nas so/ /bsten pa'i 'thob pa ni mngon sum du gyur pa'i sgo nas so/ /ji ltar skyes pa rnams 'thob ces bya ba ni gang dang gang skyes pa de dag 'thob pa zhes bya ba'i tha tshig go /dper na sdug bsngal la chos shes pa'i bzod pa skyes na de dang 'dra ba'i bzod pa ma 'ongs pa kho na 'thob po/ /de'i rnam pa bzhi zhes bya ba ni skal pa 'dra ba'i phyir bzod pa'i rnam pa ste/ mi rtag pa la sogs pa'i rnam pa bzhi yin gyi gzhan ni ma yin no/ de bzhin du sdug bsngal la chos shes pa skyes na de nyid ma 'ongs pa 'thob cing de'i rnam pa bzhi kho na 'thob ste/ de bzhin du sdug bsngal la rjes su shes pa'i bzod pa la sogs pa la yang sbyar bar bya'o/ /shes pa dang rnam pa 'dra ba kho na 'thob ce na zhes bya ba ni ci'i

  595. 298a

    phyir mthong ba'i lam kho na la shes pa 'dra ba 'thob kyi bsgom pa'i lam la ni ma yin zhes bya ba yin no/ /bzod pa rnams yongs su ma dris pa ni bsgom pa'i lam la de dag med pa'i phyir ro/ /yang na de dag kyang 'dra ba 'thob pa'i phyir dri ba bya dgos te/ sdug bsngal la bzod pa skyes na kun 'byung ba la sogs pa'i bzod pa'i rnam pa 'thob pa ni ma yin no/ dper brjod pa tsam gyi don du zad pas shes pa yongs su dris kyi bzod pa ni yongs su ma dris so/ /rigs rnams ma thob pa'i phyir zhes bya ba ni skal pa mnyam pa'i rgyu rnams ma thob pa'i phyir ro zhes bya ba'i tha tshig go /ji lta zhe na/ sdug bsngal la chos shes pa'i bzod pa skyes na de'i rigs dang de'i rnam pa bzhi'i rigs rnams 'thob par 'gyur gyi/ sdug bsngal la chos shes pa la sogs pa'i ma yin no/ /yang mi rtag pa la sogs pa'i rnam pa dag las rnam pa re re zhig mngon sum du gyur na/ ci'i phyir rnam pa lhag ma rnams kyi rigs 'thob/ gang gi na de dag kyang 'thob par 'gyur zhe na/ dmigs pa mtshungs pa nyid kyis 'dra ba'i phyir thams cad kyi rigs 'thob po/ /de bzhin du sdug bsngal la chos shes pa skyes pa nas/ /lam la rjes su shes pa'i bzod pa skyes pa'i bar la de dag dang de dag gi rnam pa'i rigs rnams 'thob par 'gyur bas de dag kho na 'thob par 'gyur gyi gzhan ma yin no/ /bsgom pa'i lam la ni shes pa 'dra ba dang/ mi 'dra ba dang/ de dag gi rnam pa thams cad mngon sum du 'gyur ba'i phyir thams cad kyi rgyu thob par 'gyur bas de las khyad par du 'phags pa'i shes pa'i rnam pa ma 'ongs pa 'thob par 'gyur ro/ /rjes gsum la ni kun rdzob kyang zhes bya ba ni sngon ma thob pa'o/ /chos shes pa la ni ma yin te/ bden pa zad par mngon par ma rtogs pa'i phyir ro zhes bya

  596. 298b

    ba ni de'i tshe gzugs dang gzugs med pa na spyod pa'i sdug bsngal yongs su shes pa dang/ kun 'byung ba spangs pa dang/ de'i bzlog pa mngon du byas pa ma yin no/ /lam gyi bden pa ni sngon 'jig rten pa'i lam gyis mngon par ma rtogs pa'i phyir zhes bya ba ni thog ma med pa can gyi 'khor ba na sngon 'jig rten pa'i lam gyis sdug bsngal dang/ kun 'byung ba dang/ 'gog pa mngon par rtogs kyi/ kun rdzob shes pas ni nam yang lam la lam la sogs pa'i rnam par mngon par ma rtogs so/ /de lta bas na gsum las bden pa re re mngon par rtogs pa'i rjes la 'thob par 'gyur gyi/ lam la rjes su shes pa la ni ma yin no/ /lam ni zad par bsgom par mi nus zhes bya ba ni mngon sum du bya bar zhes bya ba'i tha tshig go /de'i tshe kun 'byung ba yang thams cad spangs pa ma yin pas zhes bya ba ni 'gog pa dang/ lam mthong ba dang bsgoms pas spangs par bya'o/ /sdug bsngal ni khams gsum pa thams cad yongs su shes te/ de ni yongs su shes par bya ba yin pa'i phyir ro/ /de'i phyir kun 'byung ba 'ba' zhig la rgol lo/ /de'i bden pa mthong bas spang bar bya ba zhes bya ba ni kun 'byung ba'i bden pa mthong bas spang bar bya ba zhes bya ba'i don to/ /rigs mang ba'i phyir zhes bya ba la rigs ni lus kyi rgyun gyi nus pa'i khyad par yin no/ /'di la rigs pa dag mang po zhig yod pas lam rigs mang po can yin te/ nyan thos kyi rigs dang/ rang sangs rgyas kyi rigs dang/ de bzhin du sangs rgyas kyi rigs so/ /nyan thos kyi rigs kyang chung ngu dang chen po'i bye brag gis phan tshun tha dad ste/ de dag las mthong bas spang bar bya ba'i gnyen po 'ga' zhig kho na bsgom zhing mngon sum du byed par zad kyi lam zad par bsgom par mi nus so/ /mthong ba'i lam gyis 'khor yin pa'i phyir zhes bya ba ni kun rdzob shes pa ni mthong ba'i lam

  597. 299a

    gyi 'khor yin pas de'i phyir mthong ba'i lam la bden pa gsum gyi rjes kho na la 'thob kyi lam gyi rjes la ni ma yin te/ de ni bsgom pa'i lam yin pa'i phyir ro/ /bsgrub par bya ba yin pa'i phyir shes par byed pa ma yin no zhes bya ba ni mthong ba'i lam ste/ 'khor kho na yin gyi bsgom pa'i lam gyi 'khor yang yin pa ma yin no zhes bya ba 'di ni bsgrub dgos so/ /kho bo ni de bsgom pa'i lam gyi 'khor yang yin no zhes zer ro/ /ches khyad par du 'phags pa bden pa la dmigs pa zhes bya ba ni mthong ba'i gnas skabs las sngon 'jig rten pa yod pa gang yin pa de bas 'jig rten pa 'di ches khyad par du 'phags so snyam du bsams pa yin no/ /de mngon sum du 'gyur bar nus pa'i rten rnyed pa gang yin pa de nyid ces bya ba ni kun rdzob shes pa ste/ mngon sum du 'gyur bar nus pa'i rten rnyed pa gang yin pa 'di rnyed pa yin gyi don gzhan du 'gyur ba ni med do zhes bya ba yin no/ /rigs rnyed na rigs las byung ba yang rnyed pa yin no zhes bya ba la/ rigs ni de bskyed par nus pa'i rgyu yin no/ /de las 'byung ba ni rigs las byung ba ni kun rdzob shes pa yin te/ 'di skad du de mngon sum du 'gyur bar nus pa'i rten rnyed na rten des bskyed par bya ba de yang rnyed pa yin no zhes bshad par 'gyur ro/ /yang ci'i phyir bye brag tu smra ba rnams de ltar mi 'dod ce na/ de ni mthong ba'i lam gyis thob par bya ba yin no/ /ji ltar de bsgom pa'i lam la mngon sum du 'gyur te/ mthong ba'i lam la ni de skye ba'i go skabs med pas mi skye ba'i chos can yin no zhes brjod do/ /de bzhin du mthong ba'i lam bsam gtan bzhi pa'i sa pa yin no zhes bya ba rgyas par 'byung ba ni gal te bsam gtan dang po'i sa pa zhig yin na/ bsam gtan dang po'i sa pa dang/ mi lcogs pa

  598. 299b

    med pa'i sa pa dang/ 'dod pa na spyod pa dang sa gsum pa 'thob po/ gal te bsam gtan khyad par gyis pa zhig yin na bsam gtan khyad par can gyi sa pa dang/ sngar bshad pa bsam gtan dang po la sogs pa'i sa pa dang/ sa bzhi pa thob po/ de bzhin du gal te bsam gtan gnyis pa'i sa pa yin na/ bsam gtan gnyis pa'i sa pa nas 'dod pa na spyod pa'i bar sa lnga pa thob po/ /gal te bsam gtan gsum pa'i sa pa zhig yin na/ bsam gtan gsum pa nas 'dod pa na spyod pa'i bar sa drug pa thob po/ /gal te bsam gtan bzhi pa'i sa pa zhig yin na/ bsam gtan bzhi pa'i sa pa nas 'dod pa na spyod pa'i bar sa bdun pa 'thob po/ /gcig grangs bcad pas lhag ma ni dran pa nye bar gzhag pa bzhi car yin no zhes bya bar grub po zhes bya ba ni 'gog pa'i ni tha ma kho na yin la tha ma kho na yang 'gog pa'i yin no zhes gnyi ga nges par bzung ba'i phyir lhag ma ni dran pa nye bar gzhag pa bzhi'i ngo bo nyid yin no zhes bya bar grub par 'gyur ro/ /sdug bsngal ni lus la sogs pa'i ngo bo nyid yin pa'i phyir sdug bsngal mngon par rtogs pa na thob pa'i kun rdzob shes pa gang yin pa de ni dran pa nye bar gzhag pa bzhi car yin te/ de bzhin du kun 'byung ba la yang brjod par bya'o/ /bden pa de'i rnam pa can kho na yin no zhes bya ba ni sdug bsngal mngon par rtogs pa na thob pa'i kun rdzob shes pa gang yin pa de ni so sor mi rtag pa dang sdug bsngal ba dang/ stong pa dang bdag med pa'i rnam pa can yin te/ de bzhin du kun 'byung ba dang/ 'gog pa la yang brjod par bya'o// 'di'i dmigs pa yang bden pa de nyid yin no zhes bya ba ni 'di ltar rnam pa de ni de la dmigs pa'i phyir ro/ /sbyor ba las byung ba yin zhes bya ba ni des na skye bas 'thob pa ma yin no/ /phung po bzhi dang lnga'i rang bzhin len no zhes bya ba ni 'dod pa na spyod/

  599. 300a

    pa la rjes su 'brang ba'i gzugs med pa'i phyir phung po bzhi'i rang bzhin yin to/ tshor ba dang/ 'du shes dang/ 'du byed dang/ rnam par shes pa'i phung po'i ngo bo nyid yin no zhes bya ba'i tha tshig go /sa gong ma pa ni phung po lnga'o rang bzhin te/ bsam gtan gyi sdom pa'i mtshan nyid kyi gzugs kyi phung po yod pa'i phyir ro/ /shes pa gnyis da ltar du byung ba yin zhes bya ba ni rjes su shes pa dang lam shes pa ste/ lam la rjes su shes pa ni de gnyis ka'i ngo bo nyid yin pa'i phyir ro/ /ma 'ongs pa drug ces bya ba ni chos shes pa la sogs pa'o/ /kun rdzob shes pa ni mi thob ste/ sngon rnyed zin pa ni mi 'thob po zhes 'chad par 'gyur ro/ /gzhan gyi sems shes pa yang mi 'thob ste/ 'dod chags dang ma bral pa'i phyir ro/ /de'i gong ma chags bcas kyi/ /bsgom pa'i lam la bdun 'thob po zhes bya ba ni rnam pa gcig spangs pa nas rnam pa brgyad spangs pa'i bar te/ ji srid du 'dod chags dang bral ba ma yin zhing/ ji srid du rnam pa dgu pa spangs pa yin pa'i bar skabs 'dir sbyor ba dang bar chad med pa dang rnam par grol ba dang khyad par can gyi lam 'thob pa na shes pa bdun 'thob pa ste/ gzhan gyi sems shes pa ma gtogs pa chos shes pa la sogs pa 'thob po/ /gal te bsgom pa'i lam 'jig rten pa bzhi pa la sogs pa'i rnam pa can zhig yin na ni kun rdzob shes pa da ltar 'byung ba yin no/ /shes bzhin las bya ba ni sdug bsngal dang kun 'byung ba dang 'gog pa dang lam la chos shes pa gang yang rung ba zhig go /'dod pa'i khams kyi gnyen po ma yin pa'i phyir rjes su shes pa rnams ni ma yin no// //bam po lnga bcu lnga pa/ /mngon par shes pa lnga zhes bya ba ni zag pa zad pa'i mngon par shes pa ma

  600. 300b

    gtogs so/ /rjes su shes pa bzhi zhes bya ba ni sdug bsngal dang/ kun 'byung ba dang 'gog pa dang/ lam la rjes su shes pa'o/ /chos shes pa gnyis zhes bya ba ni 'gog pa dang/ lam la dmigs pa dag ste/ khams gsum gyi gnyan pa nyid du rung ba'i phyir ro/ /kun rdzob shes pa mi 'thob ste/ srid pa'i rtse mo'i gnyen po ma yin pa'i phyir ro zhes bya ba ni sa bdun las 'dod chags dang bral ba ni 'jig rten las 'das pas 'thob kyang kun rdzob shes pa mi 'thob ste/ nyon mongs pa'i rnam pa de'i gnyen po ni 'jig rten las 'das pa 'ba' zhig tu ma zad kyi kun rdzob shes pa yang yin pas des na de lta bu'i kun rdzob shes pa yang mi 'thob po/ /mi g.yo bar byed pa na ni kun rdzob shes pa gnyen po'i ngo bo de lta bu med pas de'i phyir de ni mi 'thob po/ /der ni zad pa shes pa bdun pa yin zhes bya ba ni bar chad med pa'i lam la gnas pa'i phyir de na zad pa shes pa 'thob kyi/ mi skye ba shes pa ni ma yin te/ bar chad med pa'i lam la gnas pa ni mi g.yo ba'i chos can ma yin no// mi g.yo ba'i chos can gyis ni mi skye ba shes pa yang 'thob po/ /srid pa'i rtse mo las 'dod chags dang bral ba'i rnam par grol ba'i lam brgyad la yang shes pa bdun kho na 'thob ces bya ba ni gzhan gyi sems shes pa ji ltar 'thob ce na/ gzhan gyi sems shes pa ni bar chad med pa'i lam la bkag gi /rnam par grol ba'i lam la ni ma yin pas/ de'i phyir rnam pa gcig spangs pa nas rnam pa brgyad spangs pa'i bar la 'phags pa'i gang zag de lam de las langs nas mngon sum du byed par 'gyur ba gzhan gyi sems shes pa snga ma bas khyad par du 'phags pa'i gzhan gyi sems shes pa 'thob ste/ rgyud kyi khyad par gyi sgo nas gzhan gyi sems shes pa khyad par du 'dod do/ /'dod chags dang bcas pa dang/ 'dod chags dang bral ba

  601. 301a

    gnyi gas rnam par grol ba'i lam la 'thob po zhes bya ba yin no/ /sbyor ba'i lam la ni de gnyis kyis zhes bya ba ni 'dod chags dang bcas pa dang 'dod chags dang bral pa de gnyis kyis kun rdzob shes pa yang 'thob po rnam par grol ba'i lam la ci'i phyir rtsod ce na/ kha cig na re mthong ba'i lam dang 'dra ba'i phyir de na mngon par rtogs pa'i rjes las byung ba dang 'dra bar de 'thob po zhes zer ro/ /gzhan dag na re mngon par rtogs pa yang med la/ mthong ba'i lam dang 'dra ba yang ma yin no zer te/ de ltar rtsod do/ /drug 'thob ste snga ma bzhin no zhes bya ba ni chos dang rjes dang sdug bsngal dang/ kun 'byung ba dang/ 'gog pa dang/ lam shes pa rnams so/ /kun rdzob shes pa ni ma yin te/ mthong ba'i lam dang 'dra ba'i phyir ro zhes bya ba 'dir mthong ba'i lam dang ci zhig 'dra zhe na/ 'bras bu 'thob pa ste/ ji ltar mthong ba'i lam gyis rgyun tu zhugs pa'i 'bras bu 'am/ lan cig phyir 'ong ba 'am/ phyir mi 'ong ba'i 'bras bu 'thob pa de bzhin du 'dis kyang bar chad med pa'i lam gyis slob pa'i dbang po sbyor ba ni rgyun tu zhugs pa'i 'bras bu la sogs pa dbang po rnon pos bsdus pa 'dus byas dag 'thob la/ mthong ba'i lam la yang bar chad med pa'i lam gyi gnas skabs na kun rdzob shes pa mi thob pa ltar 'dir yang de dang 'dra'o/ /de lta bas na mthong pa'i lam dang 'dra ba'i phyir bar chad med pa'i lam la kun rdzob shes pa mi 'thob po/ /de bzhin du drug 'thob po zhes bya ba ni chos dang rjes su sdug bsngal dang/ kun 'byung ba dang 'gog pa dang/ lam shes pa rnams so/ /'di yang srid pa'i rtse mo'i gnyen po ma yin pa'i phyir kun rdzob shes pa yang mi 'thob po/ /bar chad med pa'i lam thams cad la bkag pa'i phyir gzhan gyi sems shes pa yang

  602. 301b

    ma yin no/ /lhag ma gang zhig yin zhes bya ba rgyas par 'byung ba ji ltar 'dod pa las 'dod chags dang bral ba'i rnam par grol ba'i lam dgu pa lhag ma yin zhe na/ de'i gong ma chags bcas kyi/ /bsgom pa'i lam la bdun 'thob po zhes 'byung ba'i phyir ro/ /sa bdun las 'dod chags dang bral ba dang/ mngon par shes pa dang/ spel mar bsgom pa dag gi rnam par grol ba'i lam rnams kyang lhag ma yin te/ sa bdun las rgyal mngon shes dang/ /mi g.yo thob dang spel bsgoms pa'i/ /bar chad med pa'i lam dag dang zhes 'byung ba'i phyir ro/ /de bzhin du gang zhig mi g.yo ba nyid du 'pho ba de'i rnam par grol ba'i las tha ma la yang bcu thob po zhes 'byung ba'i phyir rnam par grol ba'i lam brgyad kyang lhag ma yin no/ /'dod chags dang bral ba'i phyir mi 'ong ba'i sbyor ba dang khyad par can gyi lam thams cad kyang lhag ma yin te/ de dag gi thog ma ma smos pa'i phyir ro/ /slob pa'i ni de lta bu yin no zhes bya ba ni bshad pa'i lhag ma la brgyad 'thob ces gang bstan pa yin no/ /yang de ltar khyad par du ni ma byas na/ ji ltar khyad par rtogs par 'gyur zhe na/ mi slob pa ni gdon mi za bar shes pa dgu 'am bcu 'thob pa dang ldan pa'i phyir ro/ /de nyid kyi phyir mi slob pa ni mngon par shes pa la sogs pa zhes bya ba la sogs pa smos te/ sogs pa zhes bya ba'i sgras ni spel mar bsgom pa dang/ bsam gtan la sogs pa bsdu'o/ /mngon par shes pa mngon par sgrub pa dang/ spel mar bsgom pa'i sbyor ba dang/ rnam par grol ba dang/ khyad par can gyi lam gang yin pa de dag la gal te dus kyis rnam par grol ba zhig yin na ni mi skye ba shes pa ma gtogs pa shes pa dgu 'thob po/ /gal te mi g.yo ba'i chos can zhig yin na

  603. 302a

    ni de nyid bsnan te bcu 'thob po/ /brgyad dam dgu thob po zhes bya ba ni dus kyi rnam par grol bas ni brgyad 'thob la/ mi g.yo ba'i chos can gyis ni gzhan gyi sems shes pa ma gtogs pa dgu 'thob ste/ de ni bar chad med pa'i lam dag la bkag pa'i phyir ro/ /mngon par shes pa'i rnam par grol pa'i lam gnyis zhes bya ba ni lha'i rna ba dang lha'i mig gi mngon par shes pa'i rnam par grol ba'i lam dag ste/ mig dang rna ba'i mngon shes ni/ lung du ma bstan ces 'byung ba'i phyir de dag gi rnam par grol ba'i lam dag kyang lung du ma bstan pa yin la/ chos lung du bstan pa la ni ma 'ongs pa 'thob pa med do/ /so so'i skye bo ni 'dod pa dang/ bsam gtan gsum las 'dod chags dang bral ba zhes bya ba ni bsam gtan bzhi pa ma smos pa ni 'di ltar bsam gtan bzhi pa las 'dod chags dang bral ba'i rnam par grol ba'i lam tha ma gang yin pa de la ni nam mkha' mdza' yas skye mched kyi dngos gzhi 'thob la/ gzhan gyi sems shes pa gzugs med pa'i khams kyis bsdus pa yang med de/ gzugs la brten nas bsgrub par bya ba yin pa'i phyir ro/ /sbyor ba rnams dang mngon par shes pa gsum gyi rnam par grol ba'i lam rnams dang/ tshad med pa la sogs pa'i yon tan mngon par sgrub pa rnams zhes bya ba ni sbyor lam rnam mngon par shes pa gsum gyi rnam par grol ba'i lam rnams dang/ tshad med pa la sogs pa'i yon tan mngon par sgrub pa rnams shes tshig rnam par sbyor ro/ / sogs pa zhes bya ba'i sgras ni/ rnam par thar pa dang/ zil gyi gnon pa'i skye mched la sogs pa'i yon tan bsdus te/ tshad med pa la sogs pa'i yon tan mngon par sgrub pa zhes bya ba yin no/ /bsam gtan gyis smos pa ni nyer bsdogs

  604. 302b

    bsal ba'i phyir te/ de la gzhan gyi sems shes pa med do/ /mngon par shes pa gsum ni rdzu 'phrul gyi yul shes pa'i mngon par shes pa dang/ sngon gyi gnas rjes su dran pa'i mngon par shes pa dang sems kyi rnam grangs shes pa mngon par shes pa'o// 'dod pa dang bsam gtan gsum las 'dod chags dang bral ba'i rnam par grol ba'i lam tha ma de dag dang bsam gtan gyi sa pa dag gi sbyor ba'i lam dag dang/ bsam gtan gyi sa pa kho na'i mngon par shes pa gsum gyi rnam par grol ba'i lam dang tshad med pa dang/ rnam par thar pa dang/ zil gyis gnon pa'i skye mched dang/ zad par gyi skye mched la sogs pa'i yon tan mngon par sgrub pa rnams kyi sbyor ba dang/ rnam par grol ba dang/ khyad par can gyi lam de dag la de dag gi bsdus pa gang yin pa'i kun rdzob shes pa ma 'ongs pa 'thob po/ /dro bar gyur pa la sogs pa nges par 'byed pa'i cha dang mthun pa dag ma gtogs pa pha rol gyi sems shes pa khyad par can yon tan gyi khyad par thob pa mngon sum du byed par 'gyur pa gang yin pa ste kho na yang 'thob po// nges par 'byed pa'i cha dang mthun pa de dag la ni gzhan gyi sems shes pa mi 'thob po/ ci'i phyir zhe na/ mthong ba'i lam gyi 'khor yin pa'i phyir ro zhes bya ba smos te/ ji ltar mthong ba'i lam la gzhan gyi sems shes pa mi 'thob pa de bzhin du/ de'i 'khor la yang mi 'thob po snyam du bsams pa yin no/ /mngon med pa'i lam 'thob pa gzhan la zhes rgyas par 'byung ba ni so so'i skye bo kho na'i mngon med pa'i lam 'thob pa gzhan la ste/ 'dod pa dang bsam gtan gsum las 'dod chags dang bral ba'i rnam par grol ba'i lam tha ma rnams ma gtogs pa sbyor ba dang/ bar chad med pa dang/ khyad par can gyi lam 'thob pa gang yin pa sngon med pa'i lam 'thob pa de la ni kun rdzob shes pa kho na ma 'ongs pa 'thob kyi gzhan gyi sems shes pa ma

  605. 303a

    yin no/ /de bzhin du mngon par shes pa gsum dang/ tshad med pa la sogs pa'i yon tan mngon par sgrub pa dag gi bar chad med pa'i lam 'thob pa gang yin pa sngon pa'i lam 'thob pa de la yang kun rdzob shes pa de la yang kun rdzob shes pa kho na ma 'ongs pa 'thob kyi/ gzhan gyi sems shes pa ni ma yin te/ de ni gnyen po ma yin pa'i phyir ro/ /yang lam gang la zhes bya ba ni 'jig rten pa 'am 'jig rten las 'das pa la'o/ /lam sa gang yin pa zhes bya ba ni mi lcogs pa med pa la sogs pa zag pa bcas pa dang zag pa med pa'o/ /dang po nyid dus gang 'thob pa zhes bya ba ni 'dod chags dang bral ba'i sgo nas bsam gtan dang po nas srid pa'i rtse mo'i bar te/ sa de pa zhes bya ba'i tha tshig go / ji lta zhe na/ gal te mi lcogs pa med pa'i sa la brten te/ 'jig rten pa'i lam gyis 'dod pa las 'dod chags dang bral nas bsam gtan dang po 'thob na rnam par grol ba'i lam dgu pa la kun rdzob shes pa nyer bsdogs kyi ngo bo nyid mi lcogs pa med pa'i sa pa dang/ dngos gzhi'i ngo bo nyid bsam gtan dang po'i sa pa 'thob pa/ de bzhin du bsam gtan gnyis pa'i nyer bsdogs la brten te bsam gtan dang po las 'dod chags dang bral nas/ bsam gtan gnyis pa 'thob na yang de kho na bzhin du kun rdzob shes pa bsam gtan gnyis pa'i nyer bsdogs kyis bsdus pa dang bsam gtan gnyis pa'i dngos gzhis bsdus pa 'thob po/ /de bzhin du 'du shes med 'du shes med min skye mched kyi nyer bsdogs la brten te/ ci yang med pa'i skye mched las 'dod chags dang bral nas srid pa'i rtse mo 'thob na zhes bya ba'i bar rgyas par sbyar par bya'o/ /gang gi tshe mi lcogs pa med pa'i sa zag pa med pa la bsten te 'dod pa las 'dod chags dang

  606. 303b

    bral nas bsam gtan dang po 'thob pa de'i tshe yang de kho na bzhin du kun rdzob shes pa de 'thob po/ /gang gi tshe bsam gtan dang po'i dngos gzhi'i sa la brten te bsam gtan dang po las 'dod chags dang bral nas zag pa med pa'i bsam gtan dang po 'thob pa de'i tshe yang kun rdzob shes pa bsam gtan gnyis pa'i nyer bsdogs kyis bsdus pa bsam gtan dang po'i gnyen por gyur pa nas/ brgyad pa'i gnyen por gyur pa'i bar 'thob ste/ sa de ni de'i tshe dang por 'thob po/ /rnam par grol ba'i lam dgu pa la ni kun rdzob shes pa ma 'ongs pa bsam gtan gnyis pa'i dngos gzhi bsdus pa yang 'thob po/ /de bzhin du zag pa med pa'i bsam gtan khyad par can gyi sa pa la brten pa nas ci yang med pa'i skye mched zag pa med pa la brten te/ kun rdzob shes pa ma 'thob pa'i par sbyar bar bya'o/ /gang las chags bral bya phyir zhes bya ba ni sa gang las 'dod chags dang bral bar bya ba'i phyir ro/ /gang 'thob pa zhes bya ba ni sa gang zhig thob pa ni gang 'thob pa ste/ de gnyis kar yang zag pa med pa'i shes pa'i de'i 'og ma yang 'thob po/ /ji lta zhe na/ 'grel pa las/ sa gang las 'dod chags dang bral bar bya ba la yang zhes bya ba smos te/ yang zhes bya ba'i sgras ni sa gang yin pa 'ba' zhig tu ma zad kyi zhes bya ba yin no/ /sbyor ba'i lam? la sogs pa zhes bya ba la sogs ba zhes bya ba'i sgras ni bar chad med pa dang/ rnam par grol ba dang/ khyad par can gyi lam bsdu'o/ /lam yang rnam pa gnyis yin zhes bya ba ni 'jig rten pa dang 'jig rten las 'das pa'o/ /'dod chags dang bral bas sa gang zhig thob pa zhes bya ba ni sa gong ma pa ste/ de'i sa pa dang sa 'og ma pa'i zag pa med pa'i shes pa rnams thob par 'gyur ro/ /'di lta ste/ zag pa med pa'i bsam gtan gnyis pa la brten nas bsam gtan gsum pa las 'dod chags dang

  607. 304a

    bral par byed na lam sa gang ba yin pa ste/ bsam gtan gnyis pa'i sa pa yin pa de'i sa pa'i zag pa med pa'i shes pa yang 'thob la/ rnam par grol ba'i lam dgu pa las sa gang las 'dod chags dang bral bar byed pa ste/ sa gsum las 'dod chags dang bral bar byed pa de'i sa pa bsam gtan gsum pa'i sa pa'i zag pa med pa'i shes pa gang 'thob po/ /sa 'og ma pa bsam gtan dang po'i sa pa dang/ bsam gtan khyad par can gyi sa pa dang/ mi lcogs pa med pa'i sa pa'i zag pa med pa'i shes pa yang 'thob ste/ sa 'og ma yang de'i sbyor ba'i lam la sogs pa yin pa sdig pas/ de lta bu 'thob par 'gyur ro/ /'on te bsam gtan gsum pa'i nyer bsdogs la brten te bsam gtan gnyis pa las 'dod chags dang bral bar byed na/ de na bar chad med pa'i lam dang/ rnam par grol ba'i lam brgyad la nye bar bsdogs te zag pa dang bcas pa yin pas de'i sa pa'i zag pa med pa'i shes pa mi 'thob ste/ de med pa'i phyir ro/ /sa 'og ma pa'i shes pa bsam gtan gnyis pa'i sa pa dang/ bsam gtan dang po'i sa pa dang/ mi lcogs pa med pa'i sa de lta bu ni 'thob po/ /de bzhin gzhan la yang sbyar bar bya ste/ 'di ni phyogs yin no/ /zad pa shes la zag bcas kyang zhes bya ba la/ kyang zhes bya ba'i sgras ni zag pa med pa yang zhes bya ba yin te/ dgra bcom par gyur nas yon tan zag pa dang bcas pa gang dag mngon sum du byed pa de dag gnas skabs de na/ thob par 'gyur ro tshad med pa dang rnam par thar pa la sogs pa zhes bya ba'i sgras ni zil gyis gnon pa'i skye mched dang/ zad par gyi skye mched la sogs pa bsdu'o/ /sprog ma thag ba bcad de dbugs phyin pa lta bu dang chos mthun par zhes bya

  608. 304b

    ba ni sprog ma gang zhig thag pas gzhungs te bcings pa thag pa bcad nas sprog ma dbugs phyin pa lta bu zhes bya ste/ dbugs phyin pa lta bu dang 'dra ba'i sgras brjod pa'i phyir ro/ /sprog ma thag pa bcad de dbugs sbyin pa lta bu de dang chos mthun par te/ ji ltar sprog ma de thag pas gzhungs te bcings pa las thag pa bcad de dbugs phyin pa lta bu de bzhin du rdo rje lta bu'i ting nge 'dzin gyis nyon mongs pa'i thob pa bcad de/ mi slob pa'i rgyud la mi sdug pa la sogs pa'i yon tan ji skad bshad pa rnams 'byung ba na dbugs phyin pa lta bu yin no/ /dbugs phyin pa ni srog chags kyi chos yin pa'i phyir lta bu zhes bya bar smos so/ /ci'i phyir zhe na/ rang gi sems la rgyal srid chen po nyid thob na zhes bya ba smos te/ rgyal po thams cad pas lhag pa'i rgyal po ni rgyal srid chen po'i/ de'i ngo bo ni rgyal srid chen po nyid do/ nyon mongs pa'i gzhan gyi dbang dang bral ba'i phyir rang gi sems la rgyal srid chen po nyid de/ rang gi sems la dbang ba zhes bya ba'i tha tshig go /de thob pa'i dgra bcom pa la chos dge ba thams cad skyed pa lta bu'i thob pa dag gis bstsu? pa'i phyir yon tan de dag thob par 'gyur te/ dper na rgyal po yang rgyal po 'ga' zhig gis rgyal srid chen po thob na yul gyi mi rnams gos la sogs pa'i skyes kyis bsu ba de dang 'dra'o/ /de bzhin du nyon mongs pa'i thob pa bcad na rang gi thob pa rnyed pa'i phyir yon tan rnam dbugs phyin pa bzhin du de dag ches sbyangs pa'i thob pa skye'o zhes bya ba'i tha tshig ste/ 'dod pa'i khams su dgra bcom pa nyid thob na ni ci rigs par mi sdug pa la sogs pa thos pa dang bsams pa dang bsgoms pa las byung ba khams gsum pa 'thob po/ /gzugs dang gzugs med pa'i khams dag tu dgra bcom pa thob na ni go rim bzhin du khams gnyis pa dang/ khams gsum pa thob ste/

  609. 305a

    de bzhin du sa'i sgo nas kyang rtogs par bya'o/ /'du shes med 'du shes med min skye mched du skyes pa zhig gis dgra bcom pa nyid thob na ni de'i sa pa kho na'i yon tan 'thob po zhes bya bar khong du chud par bya'o/ /gang ji snyed pa zhes bya ba rgyas par 'byung ba la slob dpon ni 'khor ba na 'dris pa gang rnam par nyams pa las yang rnyed cing mngon sum du byed pa de yang ma 'ongs pa mi 'thob ste/ 'khor ba na thob pa btang ba'i phyir ro// 'di ni bsam gtan dang tshad med pa la sogs pa 'khor ba na 'dris pa ma yin pa khyad par can gang zag pa med pa dang mthun pa gang yin pa de mngon sum du gyur na/ de dang mthun pa kho na ma 'ongs pa 'thob po zhes ston to/ /slob dpon 'dul bzang yang don de nyid 'chad de mngon rnyed zin pa ni mi 'thob bo/ /gang rnam par nyams pa las kyang rnyed pa de yang ma 'thob ste/ shugs kyis na gang sngon ma rnyed pa de ni 'bad nas mngon du byed pa'i phyir 'thob po/ /lan rgyun ma bcad pa ni 'bad nas mngon du byed pas/ des 'phags pa yang stobs dang ldan pa'i phyir ma 'ongs pa 'thob po/ /sngon rgyun bcad pa ni thob pa rgyun bcad pa'i phyir 'bad pa med par mngon sum du 'gyur te/ bya ba byas pa dang 'bras bu phyur? zin pa'i phyir shugs nyams pas de mngon du gyur na ma 'ongs pa 'thob pa med kyi/ ma 'ongs pa gang zhig 'bad nas bskyed pa de ni 'thob po snyam du bsams pa yin no/ /de lta yin na re zhig kun rdzob shes pa ni zhes bya ba la sogs pa rgyas par 'byung ba gang yin pa de ni 'phags pa'i rgyud la mnga' ba kho na yin par bzung ste/ 'khor ba na 'dris pa ma yin pa'i phyir ro/ /'dir slob dpon dbyig bshes kyis bris pa na/ 'di la bye brag tu smra ba rnams na re 'di ni de lta ma yin no/ /

  610. 305b

    ci'i phyir zhe na/ 'di ltar btang ba'i phyir 'di 'di ni ma thob pa yin te/ de lta bas na thob pa btang ba yang phyis rnyed ni thob par 'gyur pa kho na'o zhes zer zhes grags te/ de ji ltar na mngon med pa yin/ ji tsam du mngon rnyed pa zhes bya ba de lta bu ni 'jig rten na sngon med par grags pa ma yin no zhes so/ /gzhan dag na re 'di ni tshe gcig gi dbang du byas nas bshad pa yin gyi/ tshe rabs gzhan du ni ma yin te/ tshe 'di kho na la rnam par nyams pa'i las yang rnyed pa gang yin pa de ni mi 'thob ste/ thob par btang pa'i phyir ro/ /tshe rabs gzhan la rnyed pa gang yin pa de ni 'thob ste/ rnyed pa brjed pa'i phyir ro zhes zer ro/ /'thob pa ni rnam pa bzhi zhes bya ba la/ rnyed pa nyid 'thob pa yin pas na/ rnyed pa 'thob pa ste/ ma 'ongs pa rnyed pa nyid 'thob pa yin no/ /zhes bya ba'i tha tshig go /de bzhin du bsten pa nyid dang/ gnyen po nyid dang thag bsring ba nyid 'thob pa yin pas zhes brjod par bya'o/ /bsten pa ni ci zhig yin zhe na/ brten pa ni yang dang yang du mngon sum du byed pa'o/ /gnyen po ni lam yin te/ ji skad du mdo las lus bsgoms pa/ sems bsgoms pa zhes 'byung ba lta ste lus dang sems kyi gnyen po bsgoms pa zhes bya ba'i tha tshig go /lus kyi gnyen po ni bsam gtan bzhi pa las 'dod chags dang bral bar byed pa'i lam gang yin pa ste/ 'di ltar lus bsgoms pa dang/ sems bsgoms pa dang/ tshul khrims bsgoms pa ni dge slong zhes bya'o/ /ji ltar lus bsgoms pa yin zhe na/ lus la 'dod chags dang bral ba/ sgom pa dang bral ba/ dga' ba dang bral ba/ 'chums pa dang bral ba'o zhes 'byung ngo/ /yang na lus las gzugs kyi 'dod chags dang zad par byed pa'i lam gang yin pa de yin te/ des 'dod chags dang bral bar 'gyur ro

  611. 306a

    zhes 'byung ngo/ /thag bsring ba ni nyon mongs pa'i thob pa gcod pa'o/ /ma 'ongs pa rnams kyi ni gcig go zhes bya ba ni rnyed pa 'thob pa'o/ /da ltar byung ba rnams kyi ni gnyi ga'o zhes bya ba ni rnyed pa dang brten pa thob pa dag go/ de ltar na zhes bya ba rgyas par 'byung ba ni gang gi phyir zag pa dang bcas pa dang/ zag pa med pa rnams kyi khyad par med par rnyed pa dang bsten pa thob pa dag ni dge ba 'dus byas rnams kyi yin zhes bshad la nyon mongs pa can dang nyon mongs pa can ma yin pa khyad par med par gnyen po dang thag bsring ba 'thob pa dag ni zag pa dang bcas pa'i chos rnams kyi yin zhes bshad pa de'i phyir 'di ltar dge ba zag pa dang bcas par 'thob par 'dod pa gang dag yin pa'i 'thob pa bzhi yin te/ dge ba yin pa'i phyir rnyed pa dang bsten pa 'thob pa dag yin la zag pa dang bcas pa dag yin pa'i phyir gnyen po dang thag sring bar thob pa dag yin no/ /'o na 'dus byas kyi dge ba zag pa dang bcas pa ma yin pa zag pa med pa gang dag yin pa dang/ nyon mongs pa can lung du ma bstan pa gang dag yin pa de dag gi thob pa du zhe na/ zag pa med pa rnams kyi gnyis yin zhes bya ba smos te rnyed pa dang/ bsten pa 'thob pa dag yin no/ /nyon mongs pa can lung du ma bstan pa rnams kyi ci zhe na/ 'thob pa gnyis yin te gnyen po dang/ thag sring ba 'thob pa dag go /snga ma ni dbang po rnams kyi yin zhes bya ba ni mig la sogs pa'i ni sdoms pa 'thob pa yin no zhes bya ba'i tha tshig go /phyi ma'i lus kyi yin zhes bya ba ni rnam par 'jig pa 'thob pa'o/ /yang thob pa de gnyis go rim bzhin du lung gis bstan pa'i phyir dbang po drug po 'di dag ces bya ba rgyas par smos te/ dbang po sdoms pa de ni dran pa dang

  612. 306b

    shes bzhin gyi ngo bo nyid yin par bshad la/ rnam par 'jog pa yang lus la dmigs pa'i nyon mongs pa thag sring ba yin no/ /de gnyis zhes bya ba rgyas par 'byung ba ni sdom pa dang rnam par 'jigs pa thob pa dag ni go rim bzhin du gnyen pa dang/ thag sring ba 'thob pa'i khongs su yang 'dus la/ gnyi ga yang gnyi ga'i khongs su 'dus so zhes byas kyang 'gal ba med de/ /gang zag thams cad kyis 'thob pa spyir bshad kyis zhes bya ba ni zad pa shes la zag bcas kyang zhes 'byung ba'i phyir nyan thos dang rang sangs rgyas dang/ yang dag par rdzogs pa'i sangs rgyas rnams kyis zad pa shes pa'i skad cig ma las yon tan thob par bshad pa yin no/ /stobs bcu zhes bya ba rgyas par 'byung ba la/ bye brag tu smra ba rnams ni stobs la sogs pa thugs rje chen po la thug pa 'di dag ma 'dres pa bco brgyad du rnam par 'jog go /kha cig ni stobs la sogs pa ma gtogs pa ma 'dres pa bco brgyad gzhan brjod de/ 'di lta ste/ de bzhin gshegs pa la 'khrul pa mi mnga' / ca co mi mnga' / 'char ba mi mnga' / 'du shes tha dad pa mi mnga' / thugs lung du ma bstan pa mi mnga' / so sor ma brtags pa'i btang snyoms mi mnga' 'das pa la ye shes gzigs pa thogs pa mi mnga' / ma 'ongs pa la ye shes gzigs pa thogs pa mi mnga' / da ltar byung ba la ye shes gzigs pa thogs pa mi mnga' / sku'i 'phrin las thams cad ye shes kyi rjes su 'brang ba yin/ gsung gi ?? las thams cad ye shes kyi rjes su 'brang ba yin/ thugs kyi 'phrin las thams cad ye shes kyi rjes su 'brang ba yin te/ 'dun pa nyams pa mi mnga' / brtson 'grus nyams pa mi mnga' / dran pa nyams pa mi mnga' / ting nge 'dzin nyams pa mi

  613. 307a

    mnga' / /rnam par grol ba nyams pa mi mnga' / rnam par grol ba'i ye shes gzigs pa nyams pa mi mnga' zhes bya ba yin no/ /de la ca co zhes bya ba ni bab col du smra ba'o/ /'phyar ba ni rtse bar sems pa'o/ /'du shes sna tshogs ni 'dod chags dang zhe sdang dang gti mug gi sgo nas bde ba dang/ sdug bsngal dang/ sdug bsngal yang ma yin/ bde ba yang ma yin pa'i yul dag la 'du shes tha dad pa nyid do/ /lhag ma ni go sla'o/ /stobs bcu ni gnas dang gnas ma yin par mkhyen pa'i stobs dang/ lam dang rnam par smin pa mkhyen pa'i stobs dang/ bsam gtan dang rnam par thar pa dang/ ting nge 'dzin snyoms par 'jug pa mkhyen pa'i stobs dang/ dbang po mchog dang mchog ma yin pa mkhyen pa'i stobs dang mos pa sna tshogs mkhyen pa'i stobs dang/ khams sna tshogs mkhyen pa'i stobs dang/ thams cad du 'gro ba'i lam mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho ba dang skye ba mkhyen pa'i stobs dang/ zag pa zad pa mkhyen pa'i stobs so/ /mdo las 'byung ba ni/ tshe dang ldan pa de bzhin gshegs pa'i stobs ni bcu ste/ bcu gang zhe na/ tshe dang ldan pa 'di la de bzhin gshegs pa ni gnas la yang gnas su yang ji lta ba bzhin rab tu mkhyen/ gnas ma yin pa yang gnas ma yin par yang dag pa ji lta ba bzhin rab tu mkhyen to/ /tshe dang ldan pa 'di ni de bzhin gshegs pa'i stobs dang po yin te/ stobs de dang ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog gi gnas rlabs po che zhal gyis 'che zhing tshangs pa'i 'khor lo skor bar mdzad/ 'khor gyi nang du seng ge'i sgra sgrogs par mdzad do/ /tshe dang ldan pa gzhan yang de bzhin gshegs pa ni las

  614. 307b

    kyi chos yang dag par blangs pa 'das pa dang/ ma 'ongs pa dang/ da ltar byung ba rnams la gnas dang/ rgyu dang/ gzhi dang/ rnam par smin par yang dag pa ji lta ba bzhin du rab tu mkhyen to/ /tshe dang ldan pa de bzhin gshegs pas gong ma ltar rnam par smin pa'i bar du yang dag pa ji lta ba bzhin rab tu mkhyen pa gang yin pa 'di ni de bzhin gshegs pa'i stobs gnyis pa yin te/ stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni bsam gtan dang/ rnam par thar pa dang/ ting nge 'dzin dang/ snyoms par 'jug pa rnams kyi kun nas nyon mongs pa dang/ rnam par byad ba dang/ rnam par dag pa yang dag pa ji lta ba bzhin rab tu mkhyen to/ /tshe dang ldan pa de bzhin gshegs pa zhes bya ba snga ma bzhin no/ /'di ni de bzhin gshegs pa'i stobs gsum pa yin te/ stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni sems can gzhan rnams dang/ gang zag gzhan rnams kyi dbang po mchog dang mchog ma yin pa yang dag pa ji lta ba bzhin rab tu mkhyen to/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs bzhi pa yin te/ stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni sems can rnams kyi khams sna tshogs dang/ khams du ma yang dag pa ji lta ba bzhin rab tu mkhyen to/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs lnga pa yin te/ stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni 'jig rten gyi mos pa sna tshogs dang/ mos pa du ma yang dag pa ji lta ba bzhin rab tu mkhyen to/ /tshe dang ldan pa de bzhin gshegs pas zhes

  615. 308a

    bya ba snga ma bzhin no/ /'di ni de bzhin gshegs pa'i stobs drug pa yin te/ stobs de dang zhes bya ba snga ma yin no/ /tshe dang ldan pa gzhan yang de bzhin gshegs pa ni thams cad du 'gro ba'i lam yang dag pa ji lta ba bzhin rab tu mkhyen to/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs bdun pa yin te/ stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni sngon gyi gnas rnam pa du ma rjes su dgongs te/ 'di lta ste tshe gcig kyang dgongs/ gnyis dang/ gsum dang/ bzhi dang/ lnga dang/ drug dang/ bdun dang/ brgyad dang/ dgu dang/ bcu dang/ nyi shu nas 'jig pa dang chags pa'i bskal ba du ma'i bar du yang rjes su dgongs te/ gang du bdag ming ni 'di zhes bya ba/ rig ni 'di lta bu rus ni 'di lta bu kha zas ni 'di lta bu za ma/ bde ba dang/ sdug bsngal ni 'di lta bu zhig nyams su myong/ tshe ni 'di tsam thub/ yun ni 'di srid gcig gnas gnas/ tshe'i mdza' ni 'di srid cig yin par gyur pa na sems ni de dag byung ngo/ /bdag gnas de nas shi 'phos nas ni che ge mo zhig tu skyes so/ /de nas kyang shi 'phos nas 'dir skyes so zhes sngon gyi gnas rnam pa du ma rnam pa dang bcas/ yul phyogs dang bcas/ gleng gzhi dang bcas par rgyes su dgongs so/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs brgyad pa yin te/ stobs de dang zhes bya ba snga ma bzhin no/ /tshe dang ldan pa gzhan yang de bzhin gshegs pa ni lha'i spyan rnam par dag pa mi'i las 'das pa sems can 'chi 'pho ba dang/ skye ba dang/ kha dog bzang po dang/ kha dog ngan pa dang/ dman pa dang/ gya nom pa rnams kyang gzigs la sems can las ji lta ba bzhin du nye bar 'gro ba bde 'gro

  616. 308b

    la sogs par 'gro ba yang yang dag pa ji lta ba bzhin rab tu mkhyen te/ sems can 'di dag ni lus kyi nyes par spyod pa dang ldan pa/ ngag dang yid kyi nyes par spyod pa dang ldan pa/ 'phags pa rnams la skur pa 'debs pa/ log par lta ba'i las kyi chos yang dag par blangs pa'i phyir rgyu de dang rkyen des lus zhig ste/ shi ba'i 'og tu ngan 'gro log par ltung ba sems can dmyal ba dag gi nang du skye bar 'gyur ro/ /sems can 'di dag ni lus kyi legs par spyod pa dang ldan pa/ dag dang yid kyi legs par spyod pa dang ldan pa/ 'phags pa rnams la skur ba mi 'debs pa/ yang dag pa'i lta ba can te/ yang dag pa'i lta ba'i las kyi chos yang dag par blangs pa'i phyir rgyu de dang rkyen des lus zhig nas bde 'gro mtho ris su lha dag gi nang du skye bar 'gyur ro zhes bya bar yang dag pa ji lta ba bzhin du rab tu mkhyen to/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs dgu pa ste/ stobs de dang zhes bya ba snga ma bzhin no/ /tshe dang ldan ba gzhan yang de bzhin gshegs pa ni zag pa rnams zad pa'i phyir mthong ba'i chos kho na la zag pa med pa'i sems rnam par grol ba dang/ shes rab rnam par grol ba rang gi mngon par shes pas mngon sum du byas nas rdzogs par byas te/ bdag gi zag pa zad do/ /tshangs par spyod pa bsten to/ /bya ba byas so/ /'di las srid pa gzhan mi shes so zhes bya ba gsung ngo/ /tshe dang ldan pa de bzhin gshegs pas zhes bya ba snga ma bzhin no/ /'di ni de bzhin gshegs pa'i stobs bcu pa yin te/ stobs de dang zhes bya ba snga ma bzhin du 'byung ngo/ /gnas dang gnas min shes pa bcu zhes bya ba la gnas pa dang/ gnas ma yin pa ni gnas dang gnas ni ma yin te/ de mkhyen pa nyid stobs yin no/ /de ni shes pa bcu yin

  617. 309a

    te/ shes pa bcu'i ngo bo nyid do zhes bya ba'i don to/ /ji lta zhe na/ gnas dang gnas ma yin pa ni mdor bsdu na 'dus byas dang 'dus ma byas so/ /de yang 'dod pa dang gzugs dang gzugs med pa na spyod pa dang/ zag pa med pa rnams mtshungs par ldan pa dang/ ldan pa ma yin pa'i bye brag gis rnam pa brgyad du dbye'o/ /de bzhin du 'dus ma byas kyang dge ba dang lung du ma bstan pa'i bye brag gis rnam pa gnyis su dbye'o/ /de la kun rdzob shes pa'i yul ni chos bcu car yin te/ de chos bcu car la 'jug go zhes bya ba'i tha tshig go /chos shes pa ni lnga ste/ 'dod pa na spyod pa dang zag pa med pa dang gzhi dang 'dus ma byas dge ba'o/ /rjes su shes pa ni bdun te/ gzugs dang gzugs med pa na spyod pa dang/ zag pa med pa drug dang/ 'dus ma byas dge ba'o/ /sdug bsngal dang/ kun 'byung ba shes pa dag gis ni drug ste/ 'dod pa dang gzugs dang gzugs med pa na spyod pa rnams so/ /'gog pa shes pa'i gcig ste/ 'dus ma byas dge ba kho na'o/ /lam shes pa'i ni gnyis te/ zag pa med pa dag go /gzhan gyi sems shes pa'i ni gsum ste/ 'dod pa dang gzugs na spyod pa dang/ zag pa med par mtshungs par ldan pa dag go /zag pa dang mi skye ba shes pa dag gi yul ni chos dgu yin te/ 'dus ma byas lung du ma bstan pa ma gtogs so/ /de ltar byas na gnas dang gnas ma yin pa ma mkhyen pa'i stobs ni shes pa bcu yin no/ /yang ji ltar na chos bcu la gnas dang gnas ma yin pa zhes bya zhe na/ srid pa ni gnas so/ /mi srid pa ni gnas ma yin pa'o/ /yang na bud med sangs rgyas nyid byed par 'gyur ba gang yin pa 'di ni gnas ma yin zhing go skabs med do/ /skyes pa med par 'gyur ba gang yin pa 'di ni gnas yin no/ /bud med tshangs

  618. 309b

    pa nyid byed par 'gyur ba gang yin pa 'di ni gnas ma yin zhing go skabs med do/ /skyes pa byed par 'gyur ba gang yin pa 'di ni gnas yin no zhes bya ba dang/ de bzhin du sdug bsngal 'gog pa 'di ni gnas yin no zhes bya ba de lta bu la sogs pa'i rnam par zhugs pa ni gnas dang gnas ma yin pa mkhyen pa'i stobs yin par khong du chud par bya'o/ /las 'bras la brgyad ces bya ba ni las zag pa dang bcas pa dang/ de'i rnam par smin pa ni sdug bsngal dang kun 'byung ba'i bden pas bsdus pa'i phyir 'gog pa dang lam shes pa dag ni ma yin no/ /de'i phyir de las gzhan pa de dag la dmigs pa'i shes pa brgyad srid do/ /bsam gtan sogs dbang po mos dang zhes bya ba rgyas par 'byung ba ni 'di dag la bsam gtan la sogs pa yod pas na bsam gtan la sogs pa ste/ bsam gtan dang rnam par thar pa dang/ ting nge 'dzin dang/ snyoms par 'jug pa'o/ bsam gtan ni bzhi'o/ /rnam par thar pa ni brgyad do/ /ting nge 'dzin ni stong pa nyid la sogs pa gsum mo/ /snyoms par 'jug pa ni 'du shes med pa'i snyoms par 'jug pa dang 'gog pa'i snyoms par 'jug pa dang gnyis dang/ mthar gyis gnas pa'i snyoms par 'jug pa dgu'o/ /dbang po ni dbang po rnams so/ /mos pa ni sems las byung ba'o/ /bsam gtan la sogs pa dang/ dbang po rnams dang/ mos pa dag ces zlas dbye ba yin te/ de dag la ni 'gog pa shes pa ma gtogs pa shes pa dgu'o/ /ji lta zhe na/ bsam gtan la sogs pa ni zag pa dang bcas pa dang zag pa med pa dang/ mtshungs par ldan pa dang ldan pa ma yin pa'i bye brag gis de dag la dmigs pa'i shes pa dgu srid do/ /de dag 'dus byas yin pa'i phyir 'gog pa shes pa ni ma yin no/ /dad pa la sogs pa'i dbang po dag la yang dbang po chung

  619. 310a

    ngu dang/ 'bring dang chen po'i bye brag gis gtso bo dang gtso bo ma yin pa mkhyen pa gang yin pa de ni mchog dang mchog ma yin pa mkhyen pa'i stobs yin la/ zag pa dang bcas pa dang zag pa med pa'i bye brag gis tha dad pa de dag la yang 'gog pa shes pa ma gtogs pa shes pa dgu srid do/ /mos pa sna tshogs pa de dag ni zag pa dang bcas pa dang/ zag pa med pa dang khams gsum pa yin pas de dag la dmigs pa'i phyir de kho na bzhin du 'gog pa shes pa ma gtogs pa shes pa dgu srid de/ khams sna tshogs mkhyen pa'i stobs kyang de dang 'dra'o/ /de la khams ni slob dpon 'dul bzang na re/ sngon goms pa'i bag chags kyi sa yang dag par grub pa'i bsam pa la bya'o zhes zer ro/ /de yang sems dang sems las byung ba khyad par can de dang de dag yin te/ de bzhin du zag pa dang bcas pa dang/ zag pa med pa'i bye brag gis tha dad pa rnams la 'gag pa shes pa ma gtogs pa shes pa dgu yin no/ /zhes snga ma bzhin du sbyar bar bya'o/ /lam dag la zhes bya ba rgyas par 'byung ba la/ 'dir lam ni dmyal ba la sogs par 'gro ba mang po zhig yod de/ dmyal bar 'gro ba'i lam nas ltar 'gro ba dang 'gog par 'gro ba'i bar yin no/ /de la dmyal bar 'gro ba'i lam gang yin pa de ni rgyu yin te/ de dag gis bsgrub pa'i phyir ro/ /lam ni bsgrub pa yin par rung ste/ des bral ba sgrub par byed na 'gog pa go ji lta zhe na/ de yang sgrub pa yin te/ der bsgrub pa'i phyir ro/ /yang na bsgrub pa yi 'bras bu yin pa'i phyir bsgrub pa zhes bya'o/ /gal te lam 'bras bu dang bcas par bzung na ni zhes bya ba smos so/ /thams cad du 'gro ba'i lam ni 'dir rgyu yin

  620. 310b

    par 'dod de/ 'di ltar thams cad du 'gro ba'i lam mkhyen pa'i stobs shes 'byung ngo/ /'jig tshogs 'byung ba dang bral bar 'gro ba zhes bya ba'i tha tshig ste/ de la 'jig tshogs nye bar len pa'i phung po lnga'o/ /'byung ba ni 'di kun 'byung ba yin par 'dod de/ de ltar na sdug bsngal gyi phung po chen po 'ba' zhig kun 'byung bar 'gyur ro zhes 'byung ngo/ /'bral ba ni 'jig tshogs 'gog pa yin no/ /'di la de thams cad du 'gro ba'i ngang tshul yod pas na thams cad du 'gro ba'o/ /'di ni thams cad du 'gro ba yang yin la lam yang yin pas thams cad du 'gro ba'i lam ste/ de mkhyen pa'o/ /de nyid stobs yin pas thams cad du 'gro ba'i lam mkhyen pa'i stobs te/ de ni shes pa bcu yin par sbyar bar bya'o/ /gal te zag pa zad pa shes pa 'gog pa shes pa kho na yin na zhes bya ba ni zag pa rnams zad cing 'gags par shes pa ste/ zag pa med pa'i 'gog pa la dmigs pa'i shes pa zhes bya'o/ /de lta yin na shes pa drug yin te/ 'gog pa shes pa'i rigs kho na chos shes pa la sogs pa'i bye brag gis tha dad par byas pa'i phyir ro/ /'on te zad pa shes pa zag pa zad pa'i rgyud la zhes bya ba na zag pa zad pa na shes pa gang yin pa de ni zag pa zad pa'i shes pa'o zhes bya ba'i don te/ zag pa zad pa'i rgyud la ni shes pa thams cad 'byung bas shes pa bcu yin no/ /gzhan du sangs rgyas mi 'byung ba'i phyir ro zhes bya ba ni 'dzam bu'i gling las gzhan du sangs rgyas mi 'byung ba'i phyir ro/ /stobs bcu ni 'dzam bu'i gling gi skyes pa'i stobs can yin te/ sangs rgyas la brten nas skye ba'i phyir ro snyam du bsams pa yin no/ /shes pa rnam pa bcu po de nyid gzhan gyi ni stobs zhes mi bya'o zhes bya ba ni gzhan la ni de yod mod kyi thogs pa yod pa'i

  621. 311a

    phyir ro/ /stobs ma yin gyi/ gang thogs pa med pa de stobs ma 'dres pa yin snyam du bsams pa yin no/ /rab tu 'byung bar 'dod pa ni mi phyir btang ba zhes bya ba rgyas par 'byung ba ni/ rab tu 'byung bar 'dod pa ni rab tu 'byung bar 'dod pa'o/ /rab tu 'byung bar 'dod pa'i mi de slar btang ba ni rab tu 'byung bar 'dod pa'i mi phyir btang ba'o/ /'di ni ji ltar gzhan gyi shes pa thogs par 'gyur pa'i dper brjod pa yin te/ 'phags pa shA ri'i bus rab tu 'byung bar 'dod pa'i mi zhig thar pa'i cha dang mthun pa'i dge ba'i rtsa ba rnam par bltas na/ ma mthong nas slar btang ste rab tu ma phyung ngo zhes bya ba'i tha tshig go /bcom ldan 'das kyis ni gzigs nas rab tu phyung ngo/ /de'i dbang du byas nas dge slong rnams kyis zhus pa dang/ bcom ldan 'das kyis bka' stsal pa/ 'di nyid kyis gang dgra bcom pa nyid 'thob pa'i las de byas te/ las rnams ni sa'i khams la rnam par mi smin/ chu'i khams la ma yin/ me'i khams la ma yin/ rlung gi khams la ma yin gyi/ zin pa'i phung po dang/ khams dang/ skye mched de dag kho na la/ zhes bya ba rgyas par gsungs so/ /yang 'di skad du/ 'byung khung rdo'i gsab gseb na/ /bag la zhi ba'i gser bzhin du/ /ngas ni 'di yi thar pa yi/ /sa bon bzhin du phra ba mthong zhes bya ba gsungs so zhes grag go /skye ba la sogs pa'i mdza' ma shes zhes bya ba'i sgras ni 'chi 'pho ba'i mdza' ma shes pa bsdu'o/ /sred med kyi bu'i stobs zhes bya ba la/ sred med ces bya ba 'di ni stobs kyi ming yin no/ /gang la stobs de yod pa de yang sred med kyi bu zhes bya bas te/ stobs mchog dang tshan po che bzhin no/ /btsun pa zhes bya ba ni

  622. 311b

    dpes ston pa'i gnas brtan yin no/ /de lta ma yin na zhes bya ba ni sku'i stobs thugs kyi stobs bzhin du mi 'dod na ye shes kyi stobs mdza' yas pa/ zad par mi 'gyur te/ bcom ldan 'das bzod pa'i ngang tshul can du mi 'gyur ro zhes bya ba'i tha tshig go /gzhan dag tshigs na zhes bshad par rus pa'i tshigs kyi khyad par nye bar dgong ba'i phyir/ klu mdung pa zhes bya bar rgyas par smras te/ sangs rgyas rnams kyi tshigs ni klu mdud pa lta bu yin no/ /klu mdud pa ni klu sbrel ba yin no/ /rab sangs rgyas rnams kyi tshig ni lu gu brgyud lta bu yin no/ /'khor lo sgyur ba rnams kyi tshigs ni gzer bus btab pa lta bu yin no/ /glang chen sogs /bdun cus klags pa'i stobs yin no zhes bya ba ni glang po che la sogs pa ste/ glang po dang/ spos kyi glang po tshe dang tshan po che dang/ rab gnon dang/ yan lag mchog dang/ stobs mchog dang/ sred med kyi bu dang bdun yin no/ /de'i stobs bcur bsgres pa ste/ ji lta zhe na/ smas pa glang po che phal pa bcu'i stobs gang yin pa de ni spos kyi glang po che gcig gi stobs yin no/ /de bzhin du spos kyi glang po che bcu'i stobs gang yin pa de ni chen po che gcig gi stobs yin pa nas/ de bzhin du stobs mchog bcu'i stobs gang yin pa de ni sred med kyi bu gcig gi stobs yin te/ 'di ni gong du bcur bsgre ba'i lugs yin no// gong du bcu 'gyur du bskyed pa ni sred med kyi bu'i stobs kyi phyir yin zhes bya ba ni dang por de kho na bzhin du bsdoms la stobs mchog la sogs pa bcu'i stobs gang yin pa de ni sred med kyi bu'i stobs phyed yin no/ /de gnyis su bsgyur ba ni sred med kyi bu'i stobs yin na/ /slob dpon ni ji ltar chas che ba de ltar rung ngo zhes phyogs snga ma nyid gzhung 'dzugs te/ gtan tshigs ni de ltar ma yin na/ mkhyen pa'i stobs mdza' yas pa bzod par mi 'gyur ro zhes bya ba de nyid yin no/ /gzhan du na lhas byin gyis bsad pa'i

  623. 312a

    glang po che zhabs kyi mthe bos ra ba dang 'obs bdun 'dor bar yang mi 'gyur ro/ /'byung ba chen po'i khyad par kho na yin zhes bya ba ni stobs 'di ni 'byung ba chen po'i khyad par kho na yin gyi/ 'byung ba las gyur pa ni ma yin no zhes ston par byed do/ /bdun las don gzhan du gyur pa rgyur byas pa'i gzugs yin zhes bya ba ni gzhan dag na re stobs shes bya ba ni rgyur byas pa'i gzugs 'jam pa nyid la sogs pa sngar bshad pa dag las don gzhan du gyur pa kho na yin no zhes zer ro// //bam po lnga bcu drug pa/ /mdo las ji skad 'byung ba bzhin no zhes bya ba ni shA ri'i bu bzhi po 'di dag ni de bzhin gshegs pa'i mi 'jigs pa yin te/ mi 'jigs pa de dag dang ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog gi gnas rlabs po che'i zhal gyis 'che zhing tshangs pa'i 'khor lo bskor bar mdzad/ 'khor gyi nang du seng ge'i sgra yang dag par sgrogs par mdzad do/ /bzhi gang zhe na/ kye ma nga mngon par rdzogs par sangs rgyas pa la 'di na chos 'di dag mngon par rdzogs par sangs ma rgyas so zhes nga la dge sbyong ngam bram ze gang yang rung 'ga' yang chos dang mthun pas rgol zhing gleng bar byed pa'i rgyu mtshan yang dag par rjes su ma mthong ngo/ /de ltar ngas rgyu mtshan yang dag par rjes su ma mthong bas bde ba thob pa dang 'jigs pa med par gyur cig /mi 'jigs pa thob par gnas te/ khyu mchog gi gnas rlabs po che zhal gyis 'ches zhing/ tshangs pa'i 'khor lo bskor/ 'khor gyi nang du seng ge'i sgra yang dag par sgrogs pa 'di ni mi 'jigs pa dang po yin no/ /kye ma nga zag pa zad pa la 'di na zag pa 'di dag ma spangs so zhes nga la zhes snga ma bzhin no/ /'khor gyi nang du seng+ge'i sgra

  624. 312b

    sgrogs shes bya ba'i bar du snga ma bzhin te/ 'di ni mi 'jigs pa gnyis pa yin no/ /'di na ngas nyan thos rnams la bar du gcod pa'i chos su gsungs pa gang dag yin pa de dag brten na bar du gcod par mi 'gyur ro zhes nga la zhes bya ba snga ma bzhin te/ 'di ni mi 'jigs pa gsum pa yin no/ /'di na ngas nyan thos rnams la nges par 'byin pa'i lam du gsungs nges par 'byin pa sdug bsngal yang dag par zad par byed pa'i ched du nges par 'byung ba la sdug bsngal gyi mthar byed pa'i ched du nges pa 'byung ba ma yin no zhes nga la zhes bya ba snga ma bzhin te/ 'di ni mi 'jigs pa bzhi pa yin no zhes 'byung ngo/ /gnas dang gnas ma yin pa mkhyen pa'i stobs ji lta bar zhes bya ba rgyas par 'byung ba ni gnas dang gnas ma yin pa mkhyen pa'i stobs bcu dang sa thams cad kyis bsdus pa ji lta bar kye ma nga mngon par rdzogs par sangs rgyas par gyur pa la zhes bya ba'i mi 'jigs pa yang de dang 'dra'o/ /de kho na bzhin du chos rnams rnam pa bcur phye nas sbyar bar bya'o/ /zag pa zad pa mkhyen pa'i shes pa drug gam bcu dang sa bcu gcig gis bsdus pa ji lta bar kye ma nga zag pa zad par gyur pa la zhes bya ba'i mi 'jigs pa 'di yang de dang 'dra ste/ der yang kho na bzhin du chos rnams rnam pa bcur phye nas shes pa drug gam bcur sbyar bar bya'o/ /las bdag gir bya ba mkhyen pa'i stobs 'gog pa dang ni shes pa ma gtogs pa shes pa brgyad dang/ sa thams cad kyis bsdus pa ji lta bar ngas gang dag nyan thos rnams la bar du gcod pa'i chos su gsungs pa la zhes bya ba rgyas par gsungs pa mi 'jigs pa gsum pa yang de dang 'dra'o/ /'dir yang de kho na bzhin du chos rnams phye nas sdug bsngal dang kun 'byung ba'i bden pas bsdus pa kho na bar du gcod pa yin gyi/ 'gog pa dang lam gyis bden pas

  625. 313a

    bsdus pa ni ma yin pas/ shes pa brgyad de zhes sbyar bar bya'o/ /kun tu 'gro ba'i lam mkhyen pa'i stobs shes pa bcu 'am dgu dang/ sa thams cad kyis bsdus pa ji lta bar ngas nyan thos rnams kyi nges par 'byung ba'i lam du gsungs pa la zhes bya ba'i mi 'jigs pa 'di yang de dang 'dra'o/ /'di yang zag pa dang bcas pa dang zag pa med pa'i lam 'bras bu dang bcas pa gzung na ni shes pa bcu/ de 'bras bu med pa gzung na ni dgu'o zhes bya bar sbyar ro/ /mi 'jigs pa ni mi skrag pa yin la 'di dag gis kyang mi skrag par 'gyur ro zhes bya ba ni bye brag tu smra ba ni shes pa rnams mi 'jig pa yin no zhes zer ro/ /slob dpon ni shes pas byas pa ni mi 'jigs pa yin par rung gi shes nyid ni ma yin no zhes 'chad do/ /yang na mi 'jigs pa ni mi skrag pa yin la zhes bya ba 'di thams cad slob dpon gyi tshig kho na yin te/ 'di ltar de ni 'jigs pa'i gnyen po sems las byung ba'i chos yin la 'jigs pa yang sems las byung ba'i chos yin no/ /shes pa rgyur gyur pa 'di dag gis kyang mi skrag par 'gyur bas de ji ltar shes pa nyid mi 'jigs pa yin te/ shes byas pa ni mi 'jigs pa yin par rung gis shes pa nyid ni ma yin no zhe'o/ /mdo las ji skad 'byung ba bzhin no zhes bya ba ni dge slong dag dran pa nye bar gzhag pa gsum po 'di dag ni gang dag 'phags pa sten par byed pa ste/ 'phags pas de dag bsten na 'khor la rjes su ston pa 'os so/ /gsum gang zhe na/ dge slong dag 'di na ston pa thugs brtse ba thugs rje can/ don bzhed pa phan par bzhed pa thugs rje ste/ nyan thos rnams la 'di ni khyed la phan par byed pa/ 'di ni khyad la bde bar byed pa/ 'di ni khyed la phan pa dang bde bar byed pa'o zhes chos ston par mdzad

  626. 313b

    cing/ nyan thos de dag de la nyan par byed/ rna ba gtong par byed kun shes pa'i sems nye bar 'jog par byed/ chos kyi rjes su mthun pa'i chos sgrub par byed/ ston pa'i bstan pa las mi 'gal bar byed na/ des de bzhin gshegs pa kun tu dgyes par yang mi 'gyur gyi/ yid bde ba yang ma yin thugs ya ya bar yang mi 'gyur gyi/ de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag 'phags pa bsten par byed pa ste/ 'phags pas de dag bston na tshogs la rjes su ston par 'os pa'i dran pa nye bar gzhag pa dang po yin no/ /gzhan yang dge slong dag 'di na ston pa thugs brtse ba zhes bya ba snga ma bzhin no/ /nyan thos dag de la nyan par mi byed/ rna ba gtong bar mi byed/ kun shes pa'i sems nye bar 'jog par mi byed/ chos kyi rjes su mthun pa'i chos sgrub par mi byed/ ston pa'i bstan pa las 'gal bar byed na/ des de bzhin gshegs pa kun nas mnar sems su yang mi 'gyur/ mi bzad pa yang ma yin/ 'tshig pa yang mi mnga' thugs ma rangs pa yang mi mnga' i/ de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag 'phags pas ston par byed pa ste/ 'phags pas de dag bstan na tshogs la rjes su ston par 'os pa'i dran pa nye bar gzhag pa gnyis pa yin no/ /gzhan yang dge slong dag 'di na ston pa thugs brtse ba zhes bya ba snga ma bzhin no/ /nyan thos kha cig ni de la nyan par byed pa nas/ ston pa'i bstan pa las nas/ ston pa'i bstan pa las mi 'gal ba'i bar du byed la/ kha cig ni nyan par mi byed pa nas ston pa'i bstan pa las 'gal ba'i bar du byed na ngas de bzhin gshegs pa kun tu dgyes par yang mi 'gyur ro/ /yid bde ba yang ma yin/ thugs ya ya bor yang mi 'gyur la/ kun nas mnar sems su yang mi 'gyur/ mi bzod pa yang ma yin/ 'tshig pa yang mi mnga' /

  627. 314a

    thugs ma rangs pa yang mi mnga' / de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag 'phags pa sten par byed pa ste/ 'phags pas de dag bsten na tshogs la rjes su ston par 'os pa'i dran pa nye bar gzhag pa gsum yin no zhes 'byung ngo/ /dran pa shes rab ces bya ba ni gnyi ga'i ngo bo nyid yin par ston te/ dran pa dang shes bzhin du zhes 'byung ba'i phyir ro/ /gang gi tshe nyan thos kyang zhes bya ba rgyas par 'byung ba ni/ gang gi tshe nyan thos nyon mongs pa spangs pa yang slob ma gus par nyan pa dang/ gus par mi nyan pa dang/ gnyi ga dag la kun tu dga' ba ste/ rjes su chags pa 'am/ kun nas mnar sems te zhe sdang mi 'byung na/ ci'i phyir 'di dag sangs rgyas kyi chos ma 'dres pa thun mong ma yin pa rnams shes bya zhe na/ bag chags dang bcas par spangs pa'i phyir ro zhes bya ba smos te/ kun tu dga' ba la sogs pa bag chags dang bcas te spangs pa'i phyir ro/ /bag chags shes bya ba 'di ci zhe na/ nyan thos rnams gang zhig gis sngon nyon mongs pa gang zhig pa de'i des byas pa'i lus dang ngag gi g.yo bar 'gyur ba'i rgyu nus pa'i khyad par sems la yod pa ni bag chags shes bya'o/ /btsun pa go cha mdza' yas na re bag chags ni lung du ma bstan pa'i sems kyi khyad par yin no zhes zer ro/ /slob dpon gyis yang na zhes bya ba rgyas par smos te/ nyan thos rnams gang gi yin pa nyan thos rnams sangs rgyas bcom ldan 'das kyi yin gyi nyan thos kyi ma yin no/ /de ci'i phyir zhe na/ nyan thos thams cad ni sangs rgyas kyi phyir rab tu byung ba yin no/ /gus par nyan pa dang gus par mi nyan pa dang gnyis po de dag la te/ nyan thos de dag gus par nyan pa dang/ gus par mi nyan pa

  628. 314b

    dang/ gnyi ga dag la nyan thos dang ldan pa de kho na la de mi 'byung ba ste/ kun tu dga' ba dang/ kun nas mnar sems mi 'byung ba ya mtshan rmad du byung bar rnam par gzhag gi gzhan nyan thos la ni ma yin no zhes bya ba'i tha tshig go /de lta ma yin na zhes bya ba rgyas par 'byung ba ni gal te/ kun rdzob shes pa'i ngo bo nyid ma yin gyi snying rje bzhin du zhe sdang med pa'i ngo bo nyid yin par gyur na ni sems can la dmigs par yang 'grub par mi 'gyur te/ khams gsum pa'i sems can la dmigs par 'grub par mi 'gyur ro zhes bya ba'i tha tshig go /dper na snying rje ni khams gsum pa la dmigs pa ma yin no/ /'o na ci zhe na/ sems can sdug bsngal ba la dmigs pa'i 'dod pa na spyod pa'i sems can la dmigs pa yin te/ 'di yang de dang 'dra bar 'gyur ro snyam du bsam pa yin no/ /snying rje bzhin du sdug bsngal gsum gyi rnam pa can du yang 'grub par mi 'gyur ro zhes bya bar sbyar ro/ /ji ltar snying rje sdug bsngal gyi sdug bsngal kho na'i rnam pa can yin gyi sdug bsngal gsum gyi rnam pa can ma yin te/ sdug bsngal gyi sdug bsngal dang/ 'gyur ba'i sdug bsngal dang/ 'du byed kyi sdug bsngal gyi rnam pa can de lta bur mi 'gyur ba zhig na/ sdug bsngal gsum gyi rnam pa can du yang 'dod de/ de'i phyir kun rdzob shes pa'i ngo bo nyid yin no/ /chen po'i sgrar brjod pa nyid kyi rgyu bstan pa'i phyir 'di ci'i phyir zhes bya ba la sogs pa smos so/ /bsod nams dang ye shes kyi tshogs chen pos yang dag par 'grub pa'i phyir ro zhes bya ba ni/ bsod nams kyi tshogs chen pos yang dag par 'grub pa'i phyir dang/ ye shes kyi tshogs chen po yang dag par 'grub pa'i phyir ro zhes bya ba'i tha tshig go /de la bsod nams kyi tshogs chen po ni pha rol

  629. 315a

    tu phyin pa gsum po sbyin pa dang/ tshul khrims dang/ bzod pa'i pha rol tu phyin pa'o/ /ye shes kyi tshogs chen po ni shes rab kyi pha rol tu phyin pa'o/ /brtson 'grus dang bsam gtan gyi pha rol tu phyin pa dag ni gnyi gar gtogs pa'i phyir rnam pa gnyis yin te/ brtson 'grus med par sbyin pa sbyin pa dang/ tshul khrims yang dag par len pa dang/ bzod pa bsgom pa yang med pas brtson 'grus ni bsod nams kyi tshogs chen po dang cha mthun pa ma yin no/ /de bzhin du brtson 'grus med par shes rab mi 'byung bas ye shes kyi tshogs chen po dang cha mthun pa yin no/ /de bzhin du bsam gtan yang byams pa la sogs pa tshad med pa rnam pa bzhi bsgom pa'i phyogs dang mthun pa ni bsod nams kyi tshogs chen po dang cha mthun pa yin no/ /dran pa nye bar gzhag pa la sogs pa byang chub kyi phyogs dang mthun pa'i chos sum cu rtsa bdun bsgom pa'i phyogs dang mthun pa'i bsam gtan ni ye shes kyi tshogs chen po dang cha mthun pa yin no/ /de ltar bsod nams dang ye shes kyi tshogs chen po dag gis yang dag par 'grub cing 'grub pa'i phyir ro/ /thugs rje 'di che bas na thugs rje chen po'o/ /rnam pa ni sdug bsngal gsum la rtogs pa'i phyir ro zhes bya ba ni 'di ltar sdug bsngal gsum char la yang dmigs kyi/ snying rje bzhin du sdug bsngal gyi sdug bsngal kho na la dmigs pa ni ma yin no/ /dmigs pa ni khams gsum pa'i sems can la dmigs pa'i phyir ro zhes bya ba ni 'di ltar khams gsum du skyes pa'i sems can rnams la dmigs kyi/ snying rje bzhin du 'dod pa'i khams su skyes pa kho na la dmigs pa ni ma yin te/ spyod yul 'dod pa'i sems can yin

  630. 315b

    zhes 'byung ba'i phyir ro/ /mnyam pa nyid ni sems can thams cad la 'dra bar 'jug pa'i phyir zhes bya ba ni 'di ltar khams gsum du gtogs pa'i sems can thams cad la 'du byed kyi sdug bsngal gyi rnam par 'dra bar 'jug ste/ de'i phyir yang thugs rje chen po zhes bya'o/ /de bas ches che ba med pa'i phyir ro/ /zhes bya ba ni shes rab kyi ngo bo nyid yin pas shin tu rno ba'i phyir te/ ji ltar des thugs rje che ba ltar snying rje ni de lta ma yin no/ /tha dad du bya ba ni khyad par ro zhe sdang med pa dang gti mug med pa'i ngo bo nyid yin pa'i phyir ro zhes bya ba ni go rim bzhin du snying rje ni zhe sdang med pa'i ngo bo nyid yin pa'i phyir la/ thugs rje chen po ni gti mug med pa'i ngo bo nyid yin pa'i phyir ro zhes bya ba ni tha tshig go sdug bsngal gcig dang gsum gyi rnam pa can yin pa'i phyir ro zhes bya ba ni snying rje ni sdug bsngal gcig gi rnam pa can yin pa'i phyir la/ thugs rje chen po ni sdug bsngal gsum gyi rnam pa can yin pa'i phyir te/ 'og ma thams cad la yang grangs bzhin du sbyar bar bya'o/ /bsam gtan bzhi dang bsam gtan bzhi pa'i sa pa yin pa'i phyir ro zhes bya ba'i snying rje ni bsam gtan bzhi pa'i sa pa yin no/ /mi lcogs pa med pa dang/ bsam gtan khyad par can dag ni bsam gtan dang po smos pas bsdus pa'i phyir sa drug pa zhes ni ma bshad do/ /thugs rje chen po ni bsam gtan bzhi pa'i sa pa kho na yin te ting nge 'dzin thams cad las su rung ba nyid kyis de kho nas de skyed par nus pa'i phyir ro/ /nyan thos la sogs pa dang/ sangs rgyas kyi rgyud las skyes pa yin pa'i phyir ro zhes bya ba la sogs pa zhes bya ba'i sgras ni rang sangs rgyas dang so so'i skye bo rnams bsdus so/ /'dod pa'i khams dang srid pa'i rtse mo las 'dod chags dang bral bas thob pa'i phyir ro zhes bya ba ni snying rje ni 'dod

  631. 316a

    pa las 'dod chags dang bral bas 'thob la/ thugs rje chen po ni srid pa'i rtse mo las 'dod chags dang bral bas 'thob bo/ /yongs su mi skyob pa dang yongs su skyob ces bya ba ni snying rje ni nyan thos la sogs par snying rje bar byed pa 'ba' zhig tu zad pas yid la nyam nga ba 'ba' zhig tu zad kyi zhes bya ba'i tha tshig ste/ 'khor ba'i 'jig pa las ni yongs su mi skyob bo/ /thugs rje chen po ni bcom ldan 'das thugs rje bar mdzad pa ni 'khor ba'i 'jigs pa chen po las yongs su skyob bo/ /mi 'dra ba dang 'dra bar thugs rje mdzad pa'i phyir ro zhes bya ba ni snying rjes ni sdug bsngal ba kho na la snying rje bar byed do/ /thugs rje chen pos ni sems can thams cad la 'dra bar thugs rje bar mdzad pa'i phyir ro/ /sngon gyi bsod nams dang ye shes kyi tshogs kyi yang dag par 'grub pa zhes bya ba ni tshe rabs snga ma dag gis bsod nams kyi tshogs dang/ ye shes kyi tshogs sngar bshad pas yang dag par 'grub po/ /chos kyi sku yongs su 'grub ces bya ba la/ chos kyi sku ni zag pa med pa'i chos kyi rgyun gyi tshogs sam gnas yongs su gyur pa yin no/ /don spyod pa zhes bya ba la/ don ni 'jig rten gyi mtho ris dang byang grol mdzad pa'o/ /de sgrub pa ni don spyod pa ste/ sangs rgyas thams cad kyi gzhan gyi don mdzad pa'i rgyu thugs rje chen po ni 'dra'o/ /dus ji lta ba bzhin du zhes bya ba ni thams cad la sbyar ro/ /ji lta zhe na/ yun shin tu ring ba dang thung ngur 'tshe ba'i phyir zhes bya ba smos te/ dus ji lta ba bzhin du skye dgu rnams kyi tshe ring ba'i tshe ni sangs rgyas bcom ldan 'das sku tshe ring bar 'byung thung ba'i tshe ni thung bar ro/ /de bzhin du ci rigs par 'jig rten gyis rgyal rigs bkur ba'i tshe ni rgyal rigs su 'byung la/ bram ze bkur ba'i tshe ni bram zer ro/ /dus ji lta ba bzhin du 'od srungs la sogs pa'i

  632. 316b

    rigs dang yang 'byung ngo/ /gau ta ma la sogs pa'i rigs su yang 'byung ngo de bzhin du 'jig rten pa'i bong tshod chung ba'i tshe ni sku bong tshod chung la/ bong tshod che ba'i tshe ni sku bong tshod che ba'o/ /rgyu phun sum tshogs pa ni bsod nams dang ye shes kyi tshogs kyi mtshan nyid do/ /'bras bu phun sum tshogs pa ni chos kyi sku'i mtshan nyid do/ /phan 'dogs pa phun sum tshogs pa ni 'gro ba'i don spyod pa'i mtshan nyid do/ /bsod nams dang ye shes kyi tshogs thams cad la goms pa zhes bya ba la/ bsod nams ni pha rol tu phyin pa lnga'i ngo bo nyid do/ /ye shes ni shes rab kyi pha rol tu phyin pa'i ngo bo nyid dag ste/ bsod nams dang ye shes de dag thams cad kyi tshogs so/ /de goms pa ni yang dang yang du sbyor ba'o/ /yun ring po nas goms pa zhes bya ba ni bskal ba grangs med pa gsum du'o/ /bar chad med pa'i goms pa zhes bya ba ni bar chad dang bcas pa ma yin par ro/ /gus par byas te goms par zhes bya ba ni gus pa drag pos so/ /'bras bu phun sum tshogs pa yang rnam pa bzhi ste zhes bya ba ni chos kyi sku yongs su grub pas/ ye shes pa la sogs pa phun sum tshogs pa bzhir 'gyur bas de dag kyang 'bras bu phun sum tshogs pa bzhir 'gyur bas de dag kyang 'bras bu phun sum tshogs pa zhes bya bar rnam par bzhag go/ /ye shes phun sum tshogs pa yang rnam pa bzhi ste zhes 'chad par 'gyur la/ de bzhin du spangs pa phun sum tshogs pa dang/ mthu phun sum tshogs pa dang/ gzugs kyi sku phun sum tshogs pa yang rnam pa bzhi ste zhes 'chad par 'gyur bas 'di dag ni de'i tshe nyid la 'chad par 'gyur ro/ /phan 'dogs pa phun sum tshogs pa yang rnam pa bzhi ste/ ji lta zhe na/ ngan song gsum dang 'khor ba'i sdug bsngal las gtan du thar par mdzad pa phun sum tshogs pa'o zhes bya ba ni dmyal ba la sogs pa ngan song gsum dang 'khor ba ste/ de dag gi sdug bsngal las gtan du thar par mdzad pa de nyid phun sum tshogs pa yin no/ /yang na theg pa gsum dang bde 'gro la

  633. 317a

    'god par mdzad pa phun sum tshogs pa'o zhes bya ba ni nyan thos kyi thog pa la sogs pa theg pa gsum dang bde 'gro la 'god pa'o/ /'di nyid phun sum tshogs pa rnam pa bzhi de yin no/ /ma bstan par mkhyen pa zhes bya ba ni bdag nyid kyis mngon par rdzogs par byang chub pa'i don gyis so/ /thams cad mkhyen pa zhes bya ba ni rang dang spyi'i mtshan nyid ma lus par thugs su chud pa'i don gyis so/ /rnam pa thams cad mkhyen pa zhes bya ba ni rnam pa kun mkhyen pa'i don gyis so/ /ma 'bad par mkhyen pa zhes bya ba ni bzhes pa tsam gyis thugs su chud pa'i don gyis so/ /nyon mongs pa thams cad spangs zhes bya ba ni mthong ba dang bsgom pas spang bar bya ba'i nyon mongs pa khams gsum pa chad pa'i phyir ro/ /gtan du spangs pa zhes bya ba ni yongs su mi nyams pa'i sgo nas so/ /bag chags dang bcas te spangs pa zhes bya ba ni rjes su 'brel pa med pa'i phyir ro/ /ting nge 'dzin dang snyoms par 'jug pa'i sgrib pa thams cad spangs pa'o zhes bya ba ni gnyi ga'i che las rnam par grol ba'i phyir ro/ /phyi'i yul sprul pa dang yongs su bsgyur ba dang/ byin gyis rlob pa'i mnga' phun sum tshogs pa zhes bya ba de la sprul pa ni phyi'i yul sngon med pa 'byin pa'o/ /yongs su bsgyur ba ni rdo la sogs pa gser la sogs pa'i dngos por mdzad pa'o/ /byin gyis rlob pa ni yun ring du gnas pa mdzad pa'o/ /sku tshe gtong ba dang byin gyis rlob pa'i mnga' phun sum tshogs pa ni sku tshe gtong ba dang byin gyis rlob par mdzad pa mnga' phun sum tshogs pas so// bsgribs pa dang zhes bya ba rgyas par 'byung ba ni bsgribs pa la gshegs pa dang/ nam mkha' la gshegs pa dang/ shin tu ring ba la myur du gshegs pa'o/ /chung ngur mang po 'jug par mdzad pa ni khyon chung ngu'i nang du glang po che la sogs pa mang

  634. 317b

    po 'jug par mdzad pa ste/ bsgrib pa dang/ nam mkha' dang shin tu ring ba la myur bar gshegs pa dang/ chung ngur mang por 'jug par mdzad pa ste/ de dag la mnga' phun sum tshogs par zhes bya bar sbyar ro/ /ya mtshan gyi chos nar ma rang bzhin gyis 'byung ba rnam pa sna tshogs rnam pa du ma de dag phun sum tshogs pa zhes bya bar sbyar ro/ /sangs rgyas bcom ldan 'das de dag gshegs pa ni mthon dman mnyam par 'gyur te/ mtho ba gang yin pa de ni dma' bar 'gyur la/ dma' ba gang yin pa de ni mthon por 'gyur ro/ /long ba rnams kyis ni mig 'thob po/ /'on pa rnams kyis ni rna ba 'thob po/ /smyon pa rnams kyis ni dran pa 'thob po/ /zhes bya ba gang yin pa 'di ni chos nyid yin te/ thams cad mdo las ji skad 'byung ba bzhin khong du chud par bya'o// mtshan phun sum tshogs pa zhes bya ba ni skyes bu chen po'i mtshan mdzod spu dang/ gtsug tor la sogs pa sum cu rtsa gnyis phun sum tshogs pa'o/ /dpe byad bzang po phun sum tshogs pa zhes bya ba ni sor mo? zlum pa dang/ sen mo zangs kyi mdog lta bu la sogs pa dpe byad bzang po brgyad cu phun sum tshogs pa'o/ /stobs phun sum tshogs pa ni sred med kyi bu'i stobs so/ /'di'i sku gdung rdo rje lta bur sra bas na sku gdung rdo rje lta bu sra ba'o/ /sku gdung rdo rje ltar sra ba'i ngo bo ste/ de phun sum tshogs pas na sku gdung rdo rje ltar sra ba nyid phun sum tshogs pa'o/ /de ltar na de dag ni sangs rgyas rnams kyis che ba'i bdag nyid kun nas mdor bsdus pa yin te/ skyes bu dam pa rab tu dad ba skyed pa gang su yang rung sangs rgyas bcom ldan 'das la bstod pa dang/ bstod par 'gyur ba de dag thams cad ni phun sum tshogs pa dam pa gsum po de kho nas so/ /'di la bskal pa grangs med pa du ma yod pas na sku tshe bskal pa grangs med pa du ma ste/ sangs rgyas bcom ldan 'das rnams gal te de byin gyis brlob par mdzad

  635. 318a

    na/ de lta na de dag gi che ba'i bdag nyid de mdza' dag mkhyen pa dang brjod par spyod do de'i rab tu dbye ba mdza' yas pas shin tu mang ba'i phyir ro snyam du dgongs pa yin no/ /re zhig de ltar na zhes bya ba rgyas par 'byung ba ni yon tan rnams dang ye shes rnams/ mthu dang phan 'dogs pa zhes zlas dbye ba yin no/ /mdza' yas pa yang yin la smad du byung ba yang yin pas zhes gzhi mthun par bsdu ba yin no/ /de dag nyid rin po che chen po ste/ de bzhin gshegs pa rnams ni de dag gi 'byung gnas yin no/ /'on kyang byis pa so so'i skye bo rang gi yon tan dbul bas rjes su dpog par gyur pas mos pa bcom zhing dga' ba bcom par gyur pa rnams ni sangs rgyas la gus pa'i bar du mi byed do/ /dad par mi byed do zhes bya ba'i tha tshig go /dad pa tsam gyis zhes bya ba ni mi rtogs par zhes bya ba'i tha tshig go /rnam par smin par ma nges pa zhes bya ba ni rnam par smin par nges pa rnams las ni rgal bar mi 'gyur ro snyam du bsams pa yin no/ /lha dag gi nang na yod pas na lha'i yin no/ /'bras bu med pa ma yin pa dang/ yid du 'ong ba dang/ mchog tu gyur pa dang/ myur ba dang mdza' bzang po'i phyir ro zhes bya ba la/ 'bras bu med pa ma yin pa ni 'bras bu byin par nges par gnas pa'i phyir ro// 'bras bu yid du 'ong ba ni 'bras bu lha'i yul yin pa'i phyir ro/ /'bras bu mchog du gyur pa ni 'bras bu mang ba'i phyir ro/ /'bras bu myur ba ni 'bras bu mthong ba'i chos la sogs pa la myong bar 'gyur ba'i phyir ro/ /'bras bu mdza' bzad ba ni 'bras bu mya ngan las 'das pa yin pa'i phyir yin te/ de bzhin gshegs pa ni de dag mnga' ba'i phyir bsod nams kyi zhing bla na med pa zhes bya'o bya ba zhes bya ba ni mchod pa la sogs pa phan pa'o/ /ci rigs par zhes bya ba ni ji srid

  636. 318b

    par te/ sangs rgyas bcom ldan 'das rnams kyi yon tan nyon mongs pa med pa dang/ smon nas shes pa la sogs pa kha cig ni nyan thos dang thun mong yin no/ /mngon par shes pa dang/ bsam gtan dang gzugs med pa la sogs pa kha cig ni so so'i skye bo dang thun mong yin no/ /sogs pa zhes bya ba'i sgras ni stong pa nyid dang mtshan ma med pa dang smon pa med pa la sogs pa bsdu'o/ /'ga' yang de la dmigs nas 'dod chags sam zhe sdang ngam nga rgyal skye bar mi 'gyur ba zhes bya ba ni des bdag nyid mthong ba la sogs pa yongs su spong ba'i phyir te/ ji lta ji ltar ting nge 'dzin las ma langs pa des bdag mthong nas 'di'i 'dod chags skye bar ma gyur cig /'di'i zhe sdang dang 'di'i nga rgyal dang/ 'di'i bag med par gyur cig ces bya bar mngon par rtogs par gyur pa de lta de ltar ting nge 'dzin de las langs nas kyang rjes su mthun par byed do/ /'di ni gzhan gyi sems srung ba'i thabs kyi khyad par yin gyi/ nyon mongs pa med pa'i ting nge 'dzin de skyes pa kho na'i mthus gzhan dag gi nyon mongs pa skye bar mi 'gyur ba ni ma yin no zhes bya ba'i don du bzung ngo/ /nyon mongs par mi byed pas na zhes bya ba ni nyon mongs par byed par mi 'gyur bas zhes bya ba'i tha tshig go /bsam gtan bzhi pa ni lam sla ba rnams kyi mchog yin pa'i phyir ro/ nyon mongs pa med pa ni de'i sa pa kho na yin gyi/ sa gzhan pa ni ma yin/ yongs su spang bar mi nus so zhes bya ba ni yongs su nyams pa srid pa'i phyir ro/ /nyon mongs pa bzhi dang bcas pa ni 'dod chags la sogs pa bsgom pas spang bar bya ba dag yin no/ /nyon mongs pa bzhi med pa ni kun tu 'gro ba mthong bas spang bar bya ba dag yin te/ kun tu 'gro ba ni rang gi mdza' dag la dmigs pa'i phyir gzhan? gyi rgyud la dmigs pa yang yod pas yongs su spang bar mi nus so//

  637. 319a

    de'i dmigs pa thams cad do zhes bya ba ni thams cad la dmigs pas dmigs pa thams cad do/ /yang na 'di'i dmigs pa thams cad yin pas dmigs pa thams cad de nyon mongs pa med pa bzhin du nyon mongs pa tsam la dmigs pa ni ma yin no/ /'o na ci zhe na/ gzugs la sogs pa la dmigs pa yang yin no zhes bya ba'i tha tshig go /bye brag tu smra ba rnams na re zhes smos pa ni gzhan dag gi gzhung lugs ltar na gzugs med pa yang mkhyen to zhes ston to/ /sangs rgyas rnams kyi yul du ma gyur pa ni med do snyam du bsam pa yin no/ /smon nas shes pas gzugs med pa rnams mngon sum du ni mi shes so/ /ci'i phyir zhe na/ 'di ltar smon nas shes pa ni bsam gtan bzhi pa'i sa pa yin te/ rang dang 'og sa'i yul can yin zhes 'chad par 'gyur la/ sngon nas shes pa yang mngon par shes pa dang 'dra ba yin pas so/ /rgyu mthun pa dang spyod pa'i bye brag las zhes bya ba de la rgyu mthun pa ni dman zhing dman pa yin no/ /spyod pa ni gzugs med pa'i snyoms par 'jug pa la gnas pa yin no/ /de ltar na 'bras bu rgyu rjes su dpag la/ rgyus kyang 'bras bu rjes su dpag go zhes bstan pa yin te/ de nas shi 'phos pa rnams dang/ de'i snyoms par 'jug pa thob pa rnams kyi de gnyi ga 'dir mngon sum pa yin no/ /'dir dpe ni zhing pa lta bu'o zhes bya ba ni dper na zhing pas 'bras bus sa bon dang sa bon gyis 'bras bu rtogs pa lta bu 'am/ dper na zhing pas zhing 'di lta bu las ni 'bru 'di lta bur 'gyur ro zhes bya bar shes pa 'am/ 'bru mthong nas 'di'i zhing ni 'di 'dra'o zhes rjes su dpag par byed pa de bzhin du sems can lus zhi ba mthong nas 'di ni gzugs med pa nas shi 'phos pa'o zhes bya ba dang/ gzugs med pa dag tu skye bar 'gyur ro zhes bya bar rjes su

  638. 319b

    dpog go /smon pa sngar btang ba zhes bya ba ni gtong ba sngar btang ba ste/ smon cing gtad nas zhes bya ba'i tha tshig go /ting nge 'dzin de'i yul du ji tsam zhig gyur pa zhes bya ba ni nyan thos kyi yul du yang ji tsam zhig gyur pa de tsam shes la/ rang sangs rgyas kyi bar du yang rang gi yul du ji tsam zhig gyur pa zhes bya ba la sogs pa yin no/ /chos so so yang dag par rig pa ni 'dir bstan pa'i chos yin no/ /chos zhes bya ba'i sgra ni don du ma ste/ 'di lta ste/ dge slong dag khyed la chos bshad par bya ste/ thog mar dge ba/ bar du dge ba/ tha mar dge ba/ don bzang po tshig 'bru bzang po ma 'dres pa/ yongs su dag pa/ yongs su byang ba/ tshangs par spyod pa rab tu bshad do zhes bya ba der ni bshad pa'i chos yin no/ /chos gang zhe na/ 'phags pa'i lam yan lag brgyad pa'o zhes bya ba der ni sgrub pa'i chos yin no/ /chos la stobs su 'gro'o zhes bya ba der ni 'bras bu'i chos mya ngan las 'das pa zhes bya ba sogs pa yin no/ /thogs pa med pa zhes bya ba ni bzlog par mi nus pa'o/ /de bzhin zhes bya ba'i sgras ni mi g.yo ba'i chos can gyi yin pa dang/ mi'i rten can nyid yin no zhes bya ba'i don 'di gnyis kho na dang sbyar te/ dmigs la sogs pa ni logs shig smos pa'i phyir ro/ /rigs pa dang/ thags thogs med par mngon par brjod pa nyid ces bya ba la rigs pa ni don dang 'brel pa'o/ /thags thogs med pa ni thogs pa med pa'o/ /rigs pa dang thags thogs med par mngon par brjod pa ni rigs pa dang/ thags thogs med par mngon par brjod pa'o/ /de'i ngo bo ste/ rigs pa dang/ thags thogs med par mngon par brjod pa nyid de la'o/ /ting nge 'dzin la dbang ba ni ting nge 'dzin la dbang ba'o/ /ting nge 'dzin la dbang ba gsal bar bya zhing mi brjod par bya ba ni ting nge

  639. 320a

    'dzin la dbang ba gsal bar bya'o/ /spobs pa so so yang dag par rig pa ni de la thogs pa med par shes pa yin pas khyad par yod do/ /ji ltar spobs pa so so yang dag par rig pa ni shes pa dgu'i rang bzhin yin zhe na/ dag la dmigs pa gang yin pa de ni sdug bsngal dang/ kun 'byung ba dang/ chos dang rjes dang zad pa dang/ mi skye ba dang/ kun rdzob shes pa'i rang bzhin yin la/ lam la dmigs pa gang yin pa de ni lam dang/ chos dang rjes dang zad pa dang/ mi skye ba dang/ kun rdzob pa dang/ gzhan gyi sems shes pa'i rang bzhin yin pas mdor bsdu na zhes bya ba dgu'i rang bzhin te/ 'gog pa shes pa ma gtogs so/ /gal te don chos thams cad yin na ni shes pa bcu yin no zhes bya ba ni ci rigs par shes pa bcu'i dmigs par mi 'gyur ba'i chos gang yin pa de ni med do/ /gal te don mya ngan las 'das pa yin na ni shes pa drug ste zhes bya ba ni 'gog pa shes pa la sogs pa lnga'i rang bzhin yin pa'i phyir ro/ /ming gi tshogs la sogs pa dang/ dag la dmigs pa'i phyir ro zhes bya ba ni sdug bsngal shes pa la sogs pa zag pa med pa ni sdug bsngal gyi phyogs gcig gam/ kun 'byung ba'i phyogs gcig la rang gi mtshan nyid kyi rnam par mi dmigs so/ /'o na ci zhe na/ nye bar len pa'i phung po lnga la spyi'i mtshan nyid du dmigs te/ de'i phyir kun rdzob shes pa'i rang bzhin dag yin no/ /yan chad na ming gi tshogs med pa'i phyir ro zhes bya ba'i gzugs med pa'i khams na chos so so yang dag par rig pa med do zhes ston par byed de/ gang na ming gi tshogs yod pa de nyid na tshig dang yi ge'i tshogs kyang yod do zhes bya bar

  640. 320b

    tshul 'dra bas ming gi tshogs med par brjod pas tshig dang yi ge'i tshogs kyang med par grub pa yin no/ /yan chad na rtog pa med pa'i phyir ro zhes bya ba ni bsam gtan gnyis pa la sogs pa na te/ mdo las/ brtags shing dpyad nas tshig tu smra'o zhes 'byung ba'i phyir ro/ /so so yang dag par rig pa 'di dag ni snyoms par zhugs pa na yang ming dang don la sogs pa la dmigs pa nyid yin la/ langs na yang de'i rjes la thob pa'i shes pa thogs pa med pas ming dang don la sogs pa la dmigs pa nyid yin no/ /smra ba ni de'i rjes las thog pa kho na yin no/ /pho dang mo la sogs pa'i tshig bla dags zhes bya ba'i sgras ni dus dang byed pa po la sogs pa bsdu'o/ /tshig bla dags ni rnam grangs yin no/ /yang na de'i dbang du byas pa'i tshig ni tshig bla dags so/ /da la thags thogs med par zhes bya ba ni tshig bla dags de la 'am/ tshig dang yi ge'i tshogs de la'o/ /de nyid kyis 'di dag gi go rim grub pa yin no zhes bya ba ni gang gi phyir tshig dang yi ge'i rjes su 'brengs nas don rtogs pa dang/ de'i gcig dang/ gnyis dang/ mang po dang/ mo dang/ pho la sogs pa'i bla dags dang/ de la thags thogs med par der phyir go rims grub pa yin no/ /de'i phyir gzugs zhes bya ba de lta bu la sogs pa yin no zhes bya ba la sogs pa zhes bya ba'i sgras ni rnam par shes par na rnam par shes pa'o/ /stsogs pas na sems so zhes 'byung ba la sogs pa'i nges pa'i tshig bsdu'o/ /lan dang lan spobs pas na spobs pa yin no zhes bya ba ni brtsad pa'i tshul gyis so/ /go rim bzhin du zhes bya ba ni chos so so yang dag par rig pa'i sngon gyi sbyor ba ni rtsis yin no/ /don so so yang dag par rig pa'i ni sangs rgyas kyi bka' yin no/ /nges pa'i tshig so so yang dag par rig pa'i ni sgra rig pa yin no/ /spobs pa so so yang dag par rig pa'i gtan tshigs yin no/ /bye brag tu smra ba rnams na re sangs rgyas kyi bka' kho na yin no zhes brjod do/ /de ni rnam drug ces bya ba ni bsam

  641. 321a

    gtan bzhi pa la la ni nyon mongs pa med pa'i bdag nyid yin la/ la la ni smon nas shes pa'i bdag nyid yin no/ /la la ni so so yang dag par rig pa gsum gyi bdag nyid yin no/ /la la ni de dag la ma gtogs rab kyi mdza' pa 'ba' zhig yin no/ /so so yang dag par rig pa gsum zhes bya ba ni de na rtog pa med pa'i phyir nges pa'i tshig so so yang dag par rig pa ma gtogs te/ de ni rtog pa dang dpyod pa dang bcas pas slong bar byed do/ /'o na ji ltar khyad par med pa drug po de dag rab mdza' pas zhes de skad du bshad ce na/ de'i phyir nges pa'i tshig so so yang dag par rig pa ni de'i stobs kyis 'thob pa yin gyi/ de bsam gtan bzhi pa'i sa pa ni ma yin no/ /zhes bya ba smos so/ /'o na ci zhe na/ 'dod pa'i khams dang bsam gtan dang po'i sa pa zhes bya ba'i tha tshig go /sa thams cad kyis mthun par byas pa zhes bya ba ni sa kun gyis mthun par byas pa zhes bya ba'i don to/ /'di la mthar rab tu phyin pa yod pa'i phyir rab kyi mdza' pa'o/ /mu bzhi pa bzhin no zhes bya ba ni dper na mu bzhi pa ni dri ma rnam pa bzhi yin pa de dang 'dra'o/ /rdzu 'phrul gyi yul zhes bya ba rgyas par 'byung ba la/ mngon par shes pa drug ni rdzu 'phrul gyi yul shes pa mngon du bya ba dang/ lha'i rna ba dang/ sems kyi rnam grangs dang/ sngon gyi gnas dang/ 'chi 'pho dang skye ba dang/ zag pa zad pa shes pa mngon du bya ba'i mngon par shes pa'o/ /'dir mdo ni 'di ni dge slong rdzu 'phrul gyi yul rnam pa du ma nyams su myong bar byed de/ gcig tu gyur nas mang por 'gyur/ mang por gyur nas gcig tu 'gyur zhes bya ba nas 'di ni rdzu 'phrul gyi yul shes pa mngon du bya ba'i mngon par shes pa zhes bya'o zhes bya ba'i bar 'byung ba yin te/ gzhung rgyas par ni rdzu 'phrul rkang pa ting nge 'dzin ces bya ba der bris par blta bar bya'o/ /de bzhin du 'di na dge slong lha'i rna ba rnam par dag pa'i mi las 'das pas mi dang mi ma yin pa'i sgra thag ring po na

  642. 321b

    yod pa gang dag yin pa 'am/ thag nye ba na yod pa gang dag yin pa yang rung gnyi ga thos te/ 'di ni lha'i rna ba shes pa mngon du bya ba'i mngon par shes pa shes bya'o/ /'di na dge slong lha'i mig rnam par dag pa mi'i las 'das pas sems can rnams mthong ste zhes bya ba nas 'di ni lha'i mig shes pa mngon du bya ba'i mngon par shes pa zhes bya ba'i bar gzhung mdo mang po las 'byung ba bzhin no/ /'di ni dge slong sngon gyi gnas rnam pa du ma rjes su dran te zhes bya ba nas 'di ni sngon gyi gnas rjes su dran pa mngon du bya ba'i mngon par shes pa zhes bya'o zhes bya ba'i bar dang/ 'di ni dge slong sems can gzhan dang gang zag gzhan dag gi yid kyi rtog pa dang dpyod pa yid kyis yang dag par ji lta ba bzhin rab tu shes te/ 'dod chags dang bcas pa'i sems la 'dod chags dang bcas pa'i sems so shes bya bar yang dag par ji lta ba bzhin rab tu shes so/ /'dod chags dang bral ba'i sems la 'dod chags dang bral ba'i sems so zhes bya bar yang dag par ji lta ba bzhin rab tu shes so zhe sdang dang bcas pa dang zhe sdang dang bral ba dang/ gti mug dang bcas pa dang gti mug dang bral ba dang/ rnam par g.yengs pa dang/ kun tu bsdus pa dang/ zhum pa dang/ rab tu 'dzin pa dang/ rgod pa dang/ rgod pa ma yin pa dang/ rnam par ma zhi ba dang/ rnam par zhi ba dang/ mnyam par bzhag pa dang/ mnyam par gzhag pa ma yin pa dang/ ma bsgoms pa dang/ bsgoms pa dang/ sems rnam par ma grol ba la sems rnam par ma grol ba'o zhes bya bar yang dag pa ji lta ba bzhin rab tu shes so/ /sems rnam par grol ba la sems rnam par grol ba'o zhes bya ba yang dag pa ji lta ba bzhin rab tu shes te/ 'di ni sems kyi rnam grangs shes pa mngon du bya ba'i mngon par shes pa zhes pa zhes bya'o/ /'di ni dge slong 'di ni sdug bsngal 'phags pa'i bden pa'o zhes bya ba yang dag pa ji lta ba bzhin rab tu shes so/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par

  643. 322a

    'gyur ba'i lam 'phags pa'i bden pa'o zhes bya bar yang dag par ji lta ba bzhin rab tu shes so/ /de ltar shes shing de ltar mthong ba de 'dod pa'i zag pa las sems rnam par grol bar 'gyur/ srid pa'i zag pa dang/ ma rig pa'i zag pa las sems rnam par grol bar 'gyur ro/ /rnam par grol na rnam par grol lo zhes bya bar ye shes mthong bar 'gyur zhing/ bdag gi zag pa zad do zhes bya ba nas/ 'di las srid pa gzhan mi shes so zhes bya ba'i bar du yang dag pa ji lta ba bzhin rab tu shes te/ 'di ni zag pa zad pa shes pa mngon du bya ba'i mngon par shes pa zhes bya'o zhes bya ba gzhung mdo mang po las 'byung ba bzhin no/ /rdzu 'phrul ni ting nge 'dzin to/ /de'i yul ni sprul pa dang/ 'gro ba ste/ rdzu 'phrul gyi yul shes pa'o/ /de mngon du bya ba ni mngon sum du 'gyur ba yin pas rdzu 'phrul gyi yul shes pa mngon du bya ba'i mngon par shes pa'o/ /lha'i rna ba de las byung ba'i shes pa ste/ de mngon du bya ba ni lha'i rna ba shes pa mngon du bya ba'i 'o/ /sems kyi rnam grangs ni khyad par te/ chags pa dang/ sdang ba dang/ rmongs pa zhes bya ba 'am/ yang na rnam grangs ni go rims yin te/ res 'ga' ni chags so res dga' ni sdang ngo/ /rmongs so zhes bya ba lta bu'o/ /de shes pa ste/ de mngon du bya ba'i 'o/ /sngon gyi gnas de rjes su dran pa ste/ de shes pa de mngon du bya ba'i 'o/ /'chi 'pho ba dang skye ba ni 'chi 'pho dang skye ba dag go /de dag shes pa ste de mngon du bya ba'i 'o/ /zag pa rnams zad pa de shes pa ste/ de mngon du bya ba'i mngon par shes pa zhes re re la sbyar bar bya'o/ /de dge sbyong gi tshul gyi 'bras bu bzhin du zhes bya ba ni dper na dge sbyong gi tshul gyi 'bras bu 'dus byas rnam par grol ba'i lam gyis rang bzhin yin pa dang 'dra'o/ /sems la shes pa lnga yin no zhes bya ba la sems la zhes bya ba ni sems kyi rnam grangs mngon

  644. 322b

    par shes pa'o/ /de ni shes pa lnga'i ngo bo nyid yin no zhes bya ba'i tha tshig ste/ gzhan gyi sems shes pa zag pa med pa ni chos dang/ rjes dang lam dang/ gzhan gyi sems shes pa nyid srid pa'i phyir la/ zag pa dang bcas pa ni kun rdzob dang gzhan gyi sems shes pa nyid srid pa'i phyir ro/ stobs bzhin no zhes bya ba ni zag pa zad pa'i stobs shes pa ji lta ba bzhin no/ /gal te zag pa zad pa shes pa zag pa zad pa la dmigs pa yin na ni shes pa drug yin te/ 'gog pa shes pa ni chos dang rjes dang zad pa dang mi skye ba shes pa zhes bya ba'i phyir la/ kun rdzob shes pa yang 'gog pa la dmigs pa nyid srid pa'i phyir ro/ /gal te zag pa zad pa'i shes pa gang yin pa ste/ zag pa zad pa'i rgyud la yod pa'i shes pa gang yin pa de yin na ni shes pa bcu ste zag pa zad pa'i rgyud la shes pa bcu char yod pa'i phyir ro/ /de bzhin du gal te zag pa zad pa la dmigs par gyur pa mngon par shes pa gang yin pa de zag pa zad pa shes pa mngon sum du bya ba'i mngon par shes pa yin na ni shes pa drug yin te/ de dang 'dra'o/ /gal te zag pa zad pa'i mngon par shes pa gang yin pa de yin na ni shes pa bcu ste/ de dang 'dra'o 'di ni thams cad pa yin par yang shes par bya'o zhes bya ba ni stobs bzhin no zhes smos pa 'di kho nas kyang don 'dir 'gyur la gang gang gi phyir lnga kho na bsam gtan bzhi dag na'o zhes nges par gzung ba de'i phyir yang mngon par shes pa drug pa 'di ni sa thams cad pa yin zhes bya bar mngon no/ /re shig gsum ni med de zhes bya ba ni rdzu 'phrul dang lha'i rna ba dang/ mig gi mngon par shes pa dag go /ci'i phyir zhe na/ gzugs la dmigs pa yin pa'i phyir te/ gzugs med pa rnams ni gzugs kyi 'du shes bshig pa'i phyir gzugs la mi dmigs so/ /gzugs la stegs bcas nas mngon

  645. 323a

    par bsgrub par bya ba yin pa'i phyir ro zhes bya ba ni gzugs kyi sgo nas bsgrub par bya ba yin pa'i phyir ro/ /gzugs la dmigs pa'i lam gyis bsgrub par bya ba yin pa'i phyir ro zhes bya ba'i tha tshig ste/ gzugs 'di 'di 'dra bas ni sems 'di 'dra bar 'gyur ro zhes bya ba yin na gzugs med pa rnams ni gzugs la mi dmigs so/ /sngon gyi gnas rjes su dran pa yang med de/ mthar gyis sngon gyi gnas gzhan rjes su dran pas mngon par 'grub pa'i phyir ro/ /'di ltar mdza' gyis bdag nyid kyis gnas gzhan dag rjes su dran pas sgrub par byed na/ gzugs med dngos gzhi dge rnams kyi/ spyod yul zag bcas 'og ma min zhes 'chad par 'gyur bas gzugs med pa rnams kyang 'dod pa na spyod pa'i chos la mi dmigs la/ bdag nyid kyi gnas gzhan 'dod pa na spyod pa de dag kyang mngon par bsgrub pa'i dus na de'i dmigs pa yin pas de'i phyir de'i sa pa med do/ /gnas dang rus la sogs pa la dmigs pa'i phyir zhes bya ba ni de nas shi 'phos nas kyang che ge mo zhig tu skyes so zhes bya ba lta bu ste/ 'di ltar mdo las/ gang du bdag ming 'di zhes bya rigs ni 'di lta bu/ rus ni 'di lta bu kha zas ni 'di lta bu za za/ bde ba dang sdug bsngal ni 'di lta bu zhig nyams su myong/ tshe ni 'di tsam zhig thub/ yun ni 'di srid cig gnas gnas/ tshe'i mdza' ni 'di srid cig yin par gyur na/ sems can ni de dag byung ngo/ /bdag gnas de nas shi 'phos nas ni che ge mo zhig tu skyes so/ /de nas kyang shi 'phos nas ni 'dir skyes so zhes sngon gyi gnas rnam pa du ma rnam pa dang bcas/ yul phyogs dang bcas/ gleng gzhi dang bcas par rjes su dran no zhes gsungs na/ gzugs med pa rnams ni rus la

  646. 323b

    sogs pa la dmigs pa dang sa 'og ma la dmigs pa ma yin pas 'di'i phyir yang gzugs med pa'i sa pa ma yin no/ /ji ltar gzhan gyi sems shes pa gzugs la stegs bcas nas mngon par bsgrub par bya ba yin zhe na/ de'i phyir gzhan gyi sems shes par 'dod pa ni/ zhes bya ba rgyas par smos so/ /gtong ces bya ba ni gtong par byed pa'o/ /mtshan ma bzung nas zhes bya ba ni sems kyi rnam pa yongs su bcad nas zhes bya ba'i tha tshig go /de'i lugs las bzlog ste zhes bya ba ni sems de'i lugs las bzlog pa ste/ 'gags? ma thag pa'i gnas skabs gzhan rnams yid la byed do/ /thod rgal du yang dran no zhes bya ba tshe gcig gam gnyis thod rgal nas kyang dran no/ /gnas gtsang ma rnams ji ltar dran zhe na zhes bya ba ni gal te sngon nyams su myong ba kho na dran no/ /gnas gtsang ma rnams 'dir 'ong ba ni med de phyir mi 'ong ba yin pa'i phyir ro/ /des na 'dir de dag nyams su myong ba med do/ /der yang ma yin te so so'i skye bo rnams der mi skye ba'i phyir ro/ /thos pas nyams su myong ba'i phyir ro zhes bya ba ni des gnas gtsang ma pa'i lha rnams ni 'di lta bu yin no zhes thos pas so/ /nyams su myong ba rnam gnyis te/ mthong bas nyams su myong ba dang/ thos pas nyams su myong ba'o/ /pha rol po'i rgyud la brten nas skyed do zhes bya ba ni sngon gyi gnas rjes su dran pa shes pa bsam gtan gyis bsdus pa yin pas des gzugs med pa na spyod pa'i sems mi 'dzin na ni ji ltar pha rol po'i rgyud la brten nas skyed ce na/ pha rol po'i yid kyi rnam par shes pa 'gags ma thag pa'i mtshan ma bzung nas zhes bya ba rgyas par sbyar ro/ /gzhan dag ces bya ba ni gang dag gzugs med pa nas shi 'phos pa ma yin pa de dag sngon gyi gnas rjes su dran pa shes pa ni rang gi rgyud la brten nas skyed de sla ba'i phyir ro/ /rdzu 'phrul la sogs pa'i zhes bya ba ni rdzu 'phrul dang/ /lha'i rna ba dang/ lha'i mig

  647. 324a

    gi mngon par shes pa gsum po dag gi ste/ go rims bzhin du rdzu 'phrul gyi sbyor ba ni yang ba yid la byed pa yin no/ /lha'i rna ba'i sbyor ba ni sgra yid la byed pa yin no/ /lha'i mig gi ni snang ba yid la byed pa yin no/ /'di dag ji ltar 'thob ce na zhes bya ba ni thob pa'i dbang du byas nas 'dri ba ste/ mngon sum du 'gyur ba ni 'dris pa dang ma 'dris pa gnyis ka yang sbyor ba kho nas yin no/ /ma 'dris pa rnams ni sbyor bas zhes bya ba ni bye brag can te sdun ma bskyed pa thams cad do thams cad kyang sbyor bas bskyed pa yin no zhes bya ba ni 'dod chags dang bral bas 'thob pa gang dag yin pa dang/ sbyor bas 'thob pa gang dag yin pa de dag thams cad kyang ngo/ /sgra ma gtogs so zhes bya ba ni sgra ni rgyun chad pa'i phyir sprul par mi byed de/ 'dod par gtogs pa'i sprul pa ni phyi'i skye mched bzhi zhes 'chad par 'gyur ro/ /'o na ji lta zhe na zhes bya ba rgyas par 'byung ba ni gal te mig gi mngon par shes pa'i dmigs pa gzugs kyi skye mched yin no/ /'o na ji ltar shi 'phos pa dang skye ba shes pas sems can 'di dag ni lus kyi nyes par spyod pa dang ldan no zhes bya ba de lta bur shes te/ mig gi rnam par shes pas ni ngag dang yid kyi las dang ldan par mi 'dzin no/ /sogs pa zhes bya ba'i sgras ni log par lta bar sdu'o/ /de ni des mi shes so zhes bya ba ni ngag dang yid kyi las dang ldan pa la sogs pa de ni mig gi rnam par shes pa des mi shes so/ /'o na gang gis shes she na/ de las gzhan pa mngon par shes pa'i 'khor du gyur pa'i shes pa zhes bya ba smos te/ de ni yid kyi yin no zhes bya ba'i tha tshig go /lhag ma zhes bya ba ni sngon gyi gnas dang zag pa zad pa'i mngon par shes pa dag pa ni dran pa nye bar gzhag pa bzhi

  648. 324b

    car gyi rang bzhin dag yin no/ /ji ltar zag pa zad pa'i mngon par shes pa dran pa nye bar bzhag pa bzhi'i rang bzhin yin zhe na/ shes pa bcu'i ngo bo nyid yin pa'i phyir ro/ /shes pa drug gi ngo bo nyid yin na yang lus dang tshor ba dang sems dran pa nye bar gzhag pa ma 'ongs pa dag 'thob po/ /'o na ji ltar de dag bsam gtan bzhi pa'i sa par 'grub ces bya ba ni mig gi shes pa dang/ rna ba'i shes pa dang bsam gtan gnyis pa la sogs pa'i sa pa ni med de/ mig dang rna ba'i shes pa dang mtshungs par mi ldan pa'i phyir ro/ /de dag kyang gnyis pa la sogs pa dang/ med pa'i phyir te/ gnyis pa stsogs na lus mig dang/ rna ba'i rnam shes rnam rig slong/ /gang yin de ni dang por gtogs zhes 'chad par 'gyur ro// rten gyi dbang gis zhes bya ba rgyas par 'byung ba ni rten mig dang rna ba'i dbang gis de dag gi shes pa dag kyang bsam gtan bzhi pa'i sa pa nyid yin te/ mig dang rna ba dag ni bsam gtan bzhi pa'i sa par bzhag go /de ni gtso bo 'am phal che ba bstan pa yin no zhes bya ba ni gtso bor gyur pas na gtso bo ste/ phal che ba yang de dang 'dra'o/ /mngon par shes pa dge ba ni gtso bor gyur pas de'i phyir de la bltos nas mngon par shes pa ni shes rab dge ba'o zhes ston par mdzad do// yang na mngon par shes pa phal cher dge ba yin pas de'i phyir de skad du bstan te/ mon sran rde'u la sogs pa yod bzhin du yang mon sran gre'u'i phung po zhes tha snyad 'dogs pa bzhin no/ /sngon mdza' sogs/ ma rig pa ni bzlog phyir ro zhes bya ba nas go rims bzhin du zhes bya ba'i bar 'byung ba ni re zhig skal ldan khyad par can la sogs pa na re sngon gyi gnas rjes su dran pas ni sngon gyi mdza' la kun tu rmongs pa zlog par byed do/ /'chi 'pho dang skye ba'i mngon par shes

  649. 325a

    pas ni par la kun tu rmongs par zlog par byed do/ /zag pa zad pa'i mngon par shes pas ni 'di las srid pa gzhan mi shes so zhes phyi ma'i mdza' la kun tu rmongs pa sel bar byed do zhes zer te/ 'chad par byed pa de dag gi bsam pa ni dus kyi rim pa ni/ 'das pa dang/ da ltar byung ba dang ma 'ongs pa'i dus shes bya ba yin pas de lta bas na don gyi tshul ni de lta bu yin no snyam pa yin no/ /slob dpon 'dul bzang na re/ sngon mdza' sogs ma rig pa ni zlog phyir ro zhes bya ba sngon gyi gnas mngon par shes pas ni sngon gyi mdza' la ni kun tu rmongs pa zlog par byed do/ /'chi 'pho dang skye ba'i mngon par shes pas ni phyi ma'i mdza' la kun tu rmongs pa bzlog par byed do// // bam po lnga bcu bdun pa/ /zag pa zad pa'i mngon par shes pas ni bar la kun tu rmongs pa bzlog par byed do/ /de'i phyir gsum kho na rigs pa nyid yin te/ snga mas ni bdag dang gzhan gyi rgyud pa mthong nas kun tu skyo ba skye ba'i phyir ro/ / bar mas ni gzhan kho na'i ste/ de ltar kun tu skyo na gsum pas yang dag pa'i don rtogs pa'i phyir ro zhes zer ro/ /'dir gang yin par khong du chud par bya zhe na/ slob dpon 'dul bzang gis bshad pa kho na rigs pa pa'i ngo bo yin par lta bar bya'o/ /slob dpon gyi dgongs pa yang de lta bu nyid yin par mngon te/ 'di ltar sngon gyi gnas dang/ 'chi 'pho dang skye ba dang/ zag pa zad pa shes pa mngon tu bya ba rnams ni mi slob pa'i rig pa gsum zhes bya'o zhes bshad nas 'di dag gis ni go rims bzhin du sngon gyi mdza' dang/ phyi ma'i mdza' dang bar la kun tu rmongs pa zlog par byed do zhes bshad do/ /mngon par shes pa gsum kho na rig pa gsum yin no zhes bya ba ci mngon zhe na/ 'di ltar mdo nyid las 'di skad du mi slob

  650. 325b

    pa'i sngon gyi gnas rjes su dran pa shes pa mngon du byed pa'i rig pa dang mi slob pa'i 'chi 'pho dang skye ba shes pa mngon du bya ba rig pa dang/ mi slob pa'i zag pa zad pa shes pa mngon du byed pa'i rig pa zhes 'byung bas rig pa gsum du rnam par bzhag pa'i phyir la/ 'di skad du sde snod gsum pa yin/ rig pa gsum yin zhes kyang 'byung bas so/ /mi slob pa'i rig pa yin no zhes bya ba ni/ zag pa med pa'i phyir ro snyam du bsams pa yin no/ /de gnyis ni zhes bya ba ni sngon gyi gnas dang/ 'chi 'pho dang skye ba'i mngon par shes pa dag ni zag pa dang bcas pa'i phyir slob pa yang ma yin la mi slob pa yang ma yin no/ /go rims bzhin du cho 'phrul la gsum yin te zhes bya ba ni rdzu 'phrul gyi yul gyi mngon par shes pa ni rdzu 'phrul gyi cho 'phrul yin no sems kyi rnam grangs kyi mngon par shes pa ni kun rdzob pa'i cho 'phrul te/ khyod kyi sems ni 'di 'dra'o zhes bya ba yin no/ /zag pa zad pa'i mngon par shes pa ni rjes su bstan pa'i cho 'phrul te/ yang dag pa ji lta ba bzhin ston pa zhes bya ba'i tha tshig go zhes 'gras pa dad bar mar gnas pa rnams kyi zhes bya ba ni nges pa'i tshig gi tshul la brten nas bshad pa yin no/ /mi 'khrul pa'i phyir zhes bya ba ni nyon mongs pa zag pa zad pa med na mi 'byung ba'i phyir ro/ /'byor bar byed ces bya ba'i tha tshig go /thag ring po la nye bar mos nas zhes bya ba ni mos pa sgrub pa ni mos pa las byung ba ste/ thag ring po gang yin pa de nye bar mos shing nges myur du 'gro ba'i phyir mos pa las byung ba zhes bya'o/ /phyi'i skye mched bzhi zhes bya ba ni nang gi skye mched ni sprul par mi byed do/ /de sprul na sngon med pa'i sems can 'byung bar thal bar 'gyur ba'i phyir ro/ /bdag dang gzhan gyi lus dang 'brel pa'o zhes bya ba ni bdag nyid seng ger bsgyur ba 'am glang po cher bsgyur ba gang yin pa de ni bdag gi lus dang 'brel

  651. 326a

    pa yin no/ /bdag nyid las phyi rol tu seng ge 'am glang po cher sprul pa gang yin pa de ni gzhan gyi lus dang 'brel pa yin no/ /de kho na bzhin du rnam pa gnyis yin zhes bya ba ni bdag dang gzhan gyi lus dang 'brel pa'o/ /gzugs kyi khams na yang de dang 'dra bas zhes bya ba ni ji ltar 'dod pa'i khams su skyes pa sprul pa 'dod pa na spyod pa dang/ gzugs na spyod pa dang/ gzugs med pa na spyod pa dang rnam pa gnyis sprul par byed la/ de yang bdag gi lus dang 'brel pa dang/ gzhan gyi lus dang 'brel pa dang rnam pa gnyis yin pas rnam pa bzhi yin pa de bzhin du/ gzugs kyi khams su skyes pa yang rnam pa bzhi sprul par byed pas mdor bsdu na sprul pa ni rnam pa brgyad yin no/ /gos dang rgyan bzhin du mi ldan no zhes bya ba ni dper na gos dang rgyan rang gi lus 'brel pa dag yin kyang sems can du mi 'grang ba'i phyir ram/ dbang po rten dang ma 'brel pa'i phyir dang mi ldan pa de dang 'dra'o/ /skye mched gnyis zhes bya ba ni gzugs dang reg bya'i skye mched de/ /dri dang ro'i skye mched ni ma yin te/ mi ldan pa'i phyir ro snyam du bsams pa yin no/ /sgra'i skye mched kyang ma yin te 'chad pa'i phyir ro/ /gzhan dag na re bsnun pa las 'byung ba'i phyir ro zhes zer te/ glo bur pa yin pa'i phyir ro snyam du bsam pa yin no/ /bsam gtan gnyis pa'i 'bras bu ni gsum ste zhes bya ba ni sa 'og ma pa de gnyis dang rang gi sa pa'o/ /bzhi dang lngar sbyar bar bya'o zhes bya ba ni bsam gtan gsum pa'i sa pa ni bzhi ste/ sa 'og ma pa gsum dang rang gi sa pa'o/ /bsam gtan bzhi pa'i sa pa ni lnga ste/ sa 'og ma pa bzhi dang rang gi sa pa'o zhes bya ba yin no/ /bsam gtan gnyis pa la sogs pa'i 'bras bu zhes bya ba rgyas par 'byung ba'i sprul pa pos

  652. 326b

    sprul pa bsam gtan gnyis pa la sogs pa'i 'bras bu sprul pa gang yin pa de ni bsam gtan dang po'i sa pa'i sprul pa de'i 'bras bu ste/ bsam gtan dang po'i 'bras bu las khyad par du 'phags te/ sprul pa bsam gtan gnyis pa'i 'bras bu de ni bsam gtan gnyis pa'i sa par 'gro'o/ /bsam gtan dang po'i 'bras bu ni der mi 'gro'o/ /'o na ci zhe na/ bsam gtan dang po sa pa kho nar 'gro bas/ 'gro ba'i bye brag gi sgo nas khyad par yod do/ /de bzhin du bsam gtan gsum pa la sogs pa'i 'bras bu la yang sbyar bar bya'o/ /rnyed pa ni bsam gtan bzhin no zhes bya ba ni sprul pa'i sems dpa' rnams kyang bsam gtan gyi dngos gzhi dag bzhin du 'dod chags dang bral ba'i sgo nas rnyed do/ /sprul pa'i sems ni bsam gtan dag pa pa'i mjug thogs su skye zhes bya ba ni sprul pa'i sems mngon sum du gyur pa na/ dang po gang yin pa de ni dag pa pa las skye'o/ /sprul pa'i sems kyi mjug thogs su zhes bya ba ni gnyis pa la sogs pa'i rgyus kyi tshe'o/ /sprul pa'i sems las kyang bsam gtan dag pa pa zhes bya ba ni sprul pa'i sems las langs pa'i tshe'o/ /sprul pa'i sems zhes bya ba ni rgyun gyi tshe'o/ /ting nge 'dzin gyi 'bras bu la gnas pa pa zhes bya ba ni sprul pa'i sems la gnas pa'o/ /sa gong ma pa zhes bya ba ni bsam gtan gnyis pa la sogs pa'i sa pa ste/ bsam gtan dang po'i sa pas smrar 'jug go /yan chad bsam gtan gnyis pa la sogs pa na ni rnam par rig byed kun nas slong bar byed pa rtog pa dang dpyod pa dang bcas pa'i sems med pa'i phyir ro/ /bde ltar brtags shing dpyad nas tshig tu smra'o zhes 'byung bas so/ /sprul pa'i sems med pa'i phyir sprul pa med na zhes bya ba ni rgyu mtshan med na rgyu mtshan med na las byung ba yang med pas yod pa ma

  653. 327a

    yin na/ ji ltar sprul pa 'di smar 'jug snyam du bsams pa yin/ byin gyis brlabs nas gzhan 'jug phyir zhes bya ba ni sprul pa po gnas par 'dod pas sprul pa'i sems kyis sprul pa sprul nas/ de yang 'di gnas par gyur cig ces byin gyis brlabs nas de'i 'og tu gzhan rnam par rig byed kun nas slong bar byed pa rtog pa dang bcas pa'i sems kyis smrar 'jug go /sngon gyi bsam pa'i rgyun rjes su 'brang ba'i phyir te/ des sngar sprul pa sprul par bya'o/ /des byin gyis brlab par bya'o/ /de smrar gzhug go snyam du sems la rnam par gzhag pas so/ /gnas skabs gnyis la byin gyi rlabs srid pa'i phyir ci gson po kho na la byin gyis rlabs yod dam zhes 'dri'o/ /'phags pa 'od srung chen po'i byin gyi rlabs kyis zhes bya ba ni 'phags pa 'od srungs chen po'i mas zhes bya ba'i tha tshig go /skye ba las skye rnam gsum mo zhes bya ba ni lha la sogs pa res 'ga' ni gzhan dag la phan gdags pa'i phyir sprul par byed la/ res dga' ni rnam par 'tshe pa'i phyir zhes bya ba la sogs pa yin no/ /de dag gis byas pa zhes bya ba rgyas par 'byung ba ni lha la sogs pas byas pa'i sprul pa bdag dang gzhan dang 'brel pa ni skye mched dgu pa yin no/ /ci'i phyir zhe na/ sgra med pa'i gzugs can gyi skye mched yin pa'i phyir te/ 'di ltar de la sgra med pa'i mig la sogs pa'i skye mched dang/ gzugs la sogs pa'i skye mched yod pas so/ /sgra ni rgyun med pa'i phyir sprul par mi byed do/ /sems med pa yin pa'i phyir yid dang chos kyi skye mched dag kyang sprul par mi byed do/ /sprul pa sems med do zhes bya ba ci mngon zhe na/ bstan bcos las te/ 'di skad du sprul pa de 'byung ba chen po bzhi las gyur pa zhes brjod par bya 'am/ 'byung ba chen po

  654. 327b

    bzhi las gyur pa ma yin pa zhes brjod par bya/ smras pa 'byung ba chen po bzhi las gyur pa'o zhes brjod par bya'o/ /rgyur byas pa'i gzugs can nam/ rgyu byas pa'i gzugs can ma yin pa zhes brjod par bya/ smras pa rgyur byas pa'i gzugs can no zhes brjod par bya ste/ sems med pa zhes kyang brjod par bya'o/ /gang gi sems kyi dbang gis 'jug ces brjod par bya/ smras pa/ sprul pa po'i sems kyi dbang gi 'jug go zhes brjod par bya'o zhes 'byung ngo/ /gal te skye mched dgu pa sprul par byed na dbang po sprul pa'i phyir ji lta sngon med pa'i sems can 'byung bar mi 'gyur te/ dbang po rnams ni sems can du ston pa yin no zhe na/ de'i phyir dbang po dang tha mi dad pa'i phyir ro zhes bya ba smos te/ 'di gang gi phyir mig la sogs pa'i dbang po lnga rang dang gzhan gyi lus dang 'brel pa'i sprul pa gzugs dang dri dang/ ro dang reg bya'i ngo bo nyid dang tha mi dad par gnas pa de'i phyir skye mched the'u pa zhes bya ba'i dbang po ni sprul par mi byed de/ 'di ni grub pa'i mdza' yin no/ /rang dang gzhan gyi lus dang ma 'brel pa sprul par byed pa gang yin pa de ni skye mched bzhi pa kho na yin no/ /dper na nga las nu dang srid pa bar ma rnams kyi lta bu'o zhes bya ba 'di gnyis ni las las skyes pa'i rdzu 'phrul gyi dper brjod pa yin no/ /de dag ci lha'i kho na yin nam zhes bya ba ni lha zhes bya ba sgra 'di dngos zhig yin nam/ 'on te nye bar btags pa zhes yin snyam du bsams pa ste/ gal te de dag lha la yod pas na lha'i 'o zhes bya ba'i don du bzung na ni sgra 'di dngos yin par 'gyur ro/ /'on te lha'i dang 'dra bas lha'i 'o zhes bya ba ni nye bar btags pa yin no/ /byang chub sems dpa' dang/ 'khor lo bsgyur pa dang khyim bdag rin po che rnams kyi lta bur zhes bya ba ni nye bar btags pa nyid kyi dpe yin par ston to/ /rnam par shes pa dang bcas pa yin pa'i phyir zhes

  655. 328a

    bya ba ni gzugs nyams su myong ba'i sgo nas bsgrubs pa'i phyir rtag tu rnam par shes pa dang bcas pas brten pa mtshungs pa kho na yin no/ /zhar ba dang nong ba med pa'i phyir zhes bya ba la zhar ba ni gtan ma tshang pa'o/ /nong pa ni yo ba'o/ /thams cad mi mthong ba zhes bya ba ni don gyis na 'di skad du lha'i mig gis ni rgyab logs su yang mthong lam du yang mthong gi /lha'i mig ma yin pas ni de lta ma yin no zhes bshad pa yin no/ /lha'i rna ba la sogs pa bzhi yang zhes bya ba la sogs pa zhes bya ba'i sgras ni lha'i mig dang/ sngon gyi gnas rjes su dran pa dang/ gzhan gyi sems shes pa bsdus te/ lha'i rna ba la sogs pa bzhi po 'di yang skye bas 'thob pa yod do/ /gang dag gis lha'i mig skye bas 'thob pa yin zhe na/ 'dod pa na spyod pa'i lha rnams dang/ klu rnams dang/ gzugs med pa na spyod pa'i rnams kyi ni ma yin te/ de na gzugs med pa'i phyir ro/ /rdzu 'phrul gyi 'gro ba dang/ sprul pa yang med do/ /lha'i rna ba dang mig kyang med do/ /rang dang gzhan gyi rgyud du yongs su spyod pa med pa'i phyir gzhan gyi sems shes pa yang med do/ /'dod pa dang gzugs na spyod pa'i sems can lta bur sngon gyi gnas rjes su dran pa yang med de/ de lta bu'i lus yang dag par mi 'gyur ba'i phyir ro/ /yang na 'dod pa dang gzugs na spyod pa'i sems can lta bur mngon par shes pa thams cad kyang med de/ de lta bu'i lus yang dag par mi 'grub pa'i phyir ro/ /ji ltar bsgoms pa'i 'bras bu dge ba kho na yin pa lta bu ni ma yin no zhes bya ba ni bzlog pa'i dpe'o/ /'gro ba gzhan na gnas pas ni rtag tu shes so zhes bya ba ni lha la sogs pa'i 'gro ba na gnas pas ni gzhan gyi sems shes pa dang sngon gyi gnas rjes su dran pa dag gis de rtag tu shes te/

  656. 328b

    sdug bsngal gyi tshor bas ma nyen pa'i phyir/ mi la skye bas thob pa med ces bya ba ni mi rnams kyi rdzu 'phrul la sogs pa ji skad bshad pa de ni 'dod chags dang bral bas thob pa dang/ rtog ge dang rig pa dang/ sman gyi las kyi byas pa ni yod kyi skyes nas thob pa ni med do/ /'o na rang bzhin gyi tshe rabs dran pa gang yin pa ji lta bu zhes bya ba ni tshe rabs dran pa nyid ni sngon gyi gnas rjes su dran par 'gyur la/ de yang skyes nas 'byung bas ji ltar 'di skyes nas thob pa ma yin snyam du bsams pa yin no/ /de dag gis ni las kyi khyad par las skyes pa yin zhes smos pa ni byang chub sems dpa' de dag gi ni las kyi khyad par gyis grub pa yin no/ /skyes nas thob pa zhes bya ba ni gang thams cad kyi skyes pa'i dus nyid na rang bzhin gyis 'thob pa yin/ gyi dper na bya rnams nam mkha' la 'gro ba lta bu skyes pa'i dus kyi 'og tu yang gang yang rung ba'i ni ma yin pa nyid do/ /de lta bas na de dag gi de ni las kyi khyad par las skyes pa yin no/ /ji lta zhe na/ rnam pa gsum ste zhes bya ba rgyas par smos te/ bsgoms pa'i 'bras bu ni ji skad du bshad pa lta bu yin no/ /skye bas thob pa ni lha la sogs pa'i yin no/ /las las skyes pa ni dper na byang chub sems dpa' i de dag gi lta bu yin no/ /chos mngon pa'i 'grel bshad slob dpon rgyal po sras grags pa'i bshes gnyen gyis mdzad pa don gsal ba zhes bya ba las ye shes bstan pa zhes bya ba ste mdzod kyi gnas bdun pa'o// //bdun pa'i 'og tu mdzod kyi gnas brgyad pa nye bar dgod bpa'i 'brel pa bstan pa'i phyir shes pa'i skabs kyi zhes bya ba rgyas par smos te/ shes pa'i skabs shes pa bcu'i skabs kyi shes pa'i rang bzhin shes pa'i ngo bo nyid smon nas shes pa dang/ so so yang dag par rig pa'i shes pa la sogs pa bshad zin to/ /rang bzhin

  657. 329a

    gzhan ting nge 'dzin la sogs pa brjod par bya'o/ /yon tan thams cad kyi rten yin pa'i phyir zhes bya ba ni gzugs med pa dag kyang yon tan gyi rten yin par ni 'dod mod kyi/ yon tan thams cad kyi rten ni ma yin no/ /bsam gtan rnams ni yon tan rnams ni rnam pa gnyis so zhes bya ba ni rgyu'i bsam gtan dang 'bras bu'i bsam gtan rnams so/ /zhes bya ba'i tha tshig go /dge ba rtse gcig pa zhes bya ba ni sems dge ba rnams kyi rtse gcig pa ni dge ba rtse gcig ba'o/ /bye brag med pa zhes bya ba ni bsam gtan thams cad kyi mtshan nyid kyang 'di yin no/ /de'i phyir ting nge 'dzin gyi rang bzhin yin pa'i phyir ro zhes bya ba smos te/ bsam gtan rnams ni zhes bya ba tshig lhag ma yin no/ /yang na bye brag med pa zhes bya ba ni ting nge 'dzin tsam smos pa yin no/ /dbye na ni rjes 'brang bcas na phung po lnga zhes bya ba yin te/ 'dir gzugs kyi phung po ni rnam par rig byed ma yin pa'i gzugs so/ /dmigs pa gcig pa nyid do zhes bya ba ni sems rnams kyi dmigs pa gcig pa nyid do/ /yang sems la sems las byung ba thams cad kyang dmigs pa gcig pa nyid yin na/ ci'i phyir sems rnams kyi dmigs pa gcig pa nyid ces bya'i/ sems dang sems las byung ba rnams kyi zhes ni mi bya zhe na gtso bo yin pa'i phyir ro/ /sems dmigs pa gcig pa dag kho na ting nge 'dzin yin zhes bya ba ni gnas skabs kyi khyad par yin pa'i phyir sems kyi yon tan dang ngo bo bzhin no/ /bye brag tu smra ba na re sems rnams kho na ting nge 'dzin ma yin gyi/ gang gis de dag rtse gcig cing mnyam par bzhag par byed pa'i chas te ting nge 'dzin yin te/ dper na bye brag pa'i lugs kyi dkar po'i yon tan dang ldan pa'i phyir ras yug dkar po yin la/ yon tan de nyid 'di la?

  658. 329b

    yod pas na dkar po can zhes bya ba de dang 'dra'o zhes zer ro/ /skad cig ma yin pa'i phyir sems rtse gcig pa ni ma yin nam/ ci na 'di skad du gang gi de dag rtse gcig par byed pa'i chos de ting nge 'dzin yin zhes brjod gal te gnyis pa de las rnam par mi g.yeng ba yin no zhe na zhes bya ba ni gal te 'di snyam du sems gnyis pa ting nge 'dzin de'i sgo nas dmigs pa de las rnam par mi g.yeng ba yin no snyam du sems na/ mtshungs par ldan pa la ting nge 'dzin don med pa yin no/ /sems dang po ting nge 'dzin dang mtshungs par ldan pa gang yin pa'i mtshungs par ldan pa de la ting nge 'dzin don med pa yin te/ ting nge 'dzin gyis de la bya ba mi byed kyi/ gnyis pa la bya ba byed pa'i phyir ro/ /gzhan yang rgyu gang kho na las ting nge 'dzin rtse gcig pa nyid kyi mtshan nyid du 'dod pa'i rgyu de kho na las sems rnams kyi dmigs pa gcig pa nyid du yang ci'i phyir mi 'dod/ ting nge 'dzin don gzhan du gyur pas ci zhig bya snyam du bsams pa yin no/ /ma yin te/ ting nge 'dzin stobs chung ba'i phyir ro zhes bya ba ni ting nge 'dzin sa mang po ba yod pa'i phyir sems thams cad rtse gcig pa nyid du ni thal bar mi 'gyur te/ sems gang zhig ting nge 'dzin stobs chung ba de dang mtshungs par ldan pa de ni rtse gcig pa ma yin la sems gang zhig stobs can dang mtshungs par ldan pa de ni rtse gcig pa yin pas ting nge 'dzin sa mang po pa nyid yang sems thams cad rtse gcig pa nyid du thal bar mi 'gyur ro/ /sems rtse gcig pa dag kho na zhes bya ba rgyas par 'byung ba ni sems rtse gcig pa dag kho na ting nge 'dzin yin gyi/ don gzhan du gyur pa ni ma yin no// 'di ltar mdo las/ lhag pa'i sems kyis bslab pa zhes bya ba ni lhag pa'i sems kyi bslab pa gang zhe na/ bsam gtan bzhi'o zhes bya ba thams cad dang/ de bzhin du sems yongs su dag pa'i gtso bo ni bsam gtan bzhi kho na yin no zhes bshad de/

  659. 330a

    mdo 'di ni/ rdzu 'phrul rkang pa ting nge 'dzin ces bya ba der bris so/ /ji ltar lhag pa'i tshul khrims kyi bslab pa tshul khrims kho na yin gyi de las gzhan pa ma yin la/ lhag pa'i shes rab kyis bslab pa yang shes rab kho na yin gyi/ de las gzhan pa ma yin pa de bzhin du lhag pa'i sems kyi bslab pa yang sems kho na yin gyi de las gzhan pa ni ma yin pas sems las ma gtogs pa'i ting nge 'dzin med do zhes bya ba'i tha tshig ste/ lhag pa'i sems kyi bslab pa ni ting nge 'dzin yin par 'dod do/ /yang ji ltar mdo de nyid las tshul khrims su dag pa'i gtso bo dang/ lta ba yongs su dag pa'i gtso bo dang/ rnam par grol ba yongs su dag pa'i gtso bo zhes bshad pa'i tshul khrims yongs su dag pa ni tshul khrims las/ gzhan pa ma yin la/ de bzhin du lta ba yongs su dag pa dang/ rnam par grol ba yongs su dag pa yang de dag las gzhan pa ma yin pa de kho na dang 'dra bas sems yongs su dag pa yang sems las gzhan pa ma yin te/ sems yongs su dag pa ni bsam gtan bzhi'i mtshan nyid kyi ting nge 'dzin yin pa'o/ /de lta na ni 'o na zhes bya ba ni gal te bsam gtan rnams ting nge 'dzin gyi rang bzhin yin na/ ting nge 'dzin thams cad bsam gtan du thal bar 'gyur ro/ /ting nge 'dzin dge ba dang nyon mongs pa can dang lung du ma bstan pa rnams kyang bsam gtan du thal bar 'gyur te/ ting nge 'dzin ni sa mang po pa yin pa'i phyir ro/ /ma yin te/ phul du phyin pa dang ldan pa la zhes bya ba rgyas par 'byung ba ni de ni de lta ma yin te/ ting nge 'dzin phul du phyin pa dang ldan pa la bsam gtan gyi ming du btags pa'i phyir nyi ma bzhin no/ /dper na gang zhig phul du phyin par snang bar byed pa de kho na nyid ma

  660. 330b

    yin gyi/ srin bu me khyer la sogs pa ma yin pa de dang 'dra'o/ /de ni zhes bya ba rgyas par 'byung ba ni yan lag dang ldan pa'i ting nge 'dzin de ni zhi gnas dang lhag mthong rta gnya' sprel bas shing rta 'dren pa dang 'dra bas zung du 'brel par dang gis 'byung ba'o/ de'i phyir mdo las mthong ba'i chos la bde bar gnas pa zhes bshad do/ /lam sla ba zhes bya ba ni yan lag dang ldan pa'i ting nge 'dzin nyid lam sla ba zhes bshad do zhes bya ba sbyar te/ sla ba'i phyir des ni shin tu yang sems par byed do/ /nyon mongs pa can ji ltar bsam gtan yin zhe na zhes bya ba ni gal te dge ba'i yan lag dang ldan pa'i ting nge 'dzin bsam gtan yin na/ nyon mongs pa can ro myong ba dang mtshungs par ldan pa ji ltar bsam gtan nyid du bshad ces bya ba tshig lhag ma yin no/ /bsam gtan ni rnam pa gsum ste ro myang ba dang mtshungs par ldan pa dang/ dag pa pa dang/ zag pa med pa'o zhes 'byung ba'i phyir ro/ /log par nges par sems pa'i phyir ro zhes bya ba ni log par nges par rtogs pa'i phyir ro zhes bya ba'i tha tshig go /ha cang thal bar 'gyur ro zhes bya ba ni 'dod pa'i 'dod chags kyis kun nas dkris pa'i sems kyis kyang log par nges par sems pa'i phyir der thal bar 'gyur ro zhe na/ ma yin te de dang mthun pa kho na la zhes bya ba rgyas par smos so/ /de ni de ltar thal bar 'gyur ba ma yin te/ de dang mthun pa mtshan gcig mtshan nyid mang po mi mthun pa med pa'i nyon mongs pa can la bsam gtan zhes ming du btags te sa bon rul ba bzhin no/ /dper na rde la sogs pa sa bon ma yin pa kha cig ni de'i rig dang mtshan nyid shin tu mi 'dra ba'i phyir sa bon rul pa zhes mi bya'o/ /'o na ci zhe na/ sa bon gyi rigs nyid nyams pa gang yin pa de kho na la sa bon rul pa'o zhes ming du 'dogs pa de dang 'dra'o/ /bsam gtan mi dge ba dag kyang gsungs so zhes bya ba ni 'dod pa'i 'dod chags

  661. 331a

    kyis kun nas dkris pa de 'dod pa'i 'dod chags kyis kun nas dkris pa nang du byas nas sems par byed/ rab tu sems par byed do zhes rgyas par 'byung ba yin te/ 'dis ni 'dod pa'i 'dod chags la sogs pas kun nas dkris pa yang bsam gtan nyid yin pas nyes pa med do zhes ston par byed do/ /du ba dang me bzhin no zhes bya ba ni dper na 'di na du ba yod pas zhes bya ba smos pas me yang smras pa yin te/ me med na du ba mi 'byung bas lhan cig spyod pa'i phyir ro/ /med na me 'byung ba 'di nyid kyis du ba gtso bo yin/ gang na du ba yod pa de na me yod pa de na du ba yod pa ni ma yin te/ 'di ltar lcags bzhu ba dang ma dag? me la sogs pa la me kho na 'dzin gyi du ba ni ma yin no/ /de lta bas na du ba ni gtso bo yin pa'i phyir sngar smos te/ nor lha dang/ srid sgrub bzhin no/ /de lta ma yin na ni me zhes bya ba'i sgrar sngar smos par 'gyur ro/ /yang lhan cig spyod pa ji lta bu rtogs pa med par ni dga' ba dang bde ba dang ldan pa'i dpyod pa med do zhes bya ba smos te/ ji ltar bsam gtan khyad par can gyi dpyod pa dga' ba dang bde ba dang ldan pa mi yin pas rtog pa med pa ltar dpyod pa 'di ni de lta bu ma yin no/ /de bas na dpyod dang/ dga' dang bde dang ldan pa zhes dga' ba dang bde ba dang bcas par ston pas dpyod pa 'di khyad du byas pa yin te/ bsam gtan dang po ni dga' ba dang bde ba dang ldan pa'i dpyod pa dang dga' ba dang bde ba dang mtshungs par ldan pa zhes bya ba'i tha tshig go / gal te rtog pa dang dga' ba dang bde ba dang ldan pa'o zhes mdor byas na nyes pa ci yod ce na/? de ltar bya bar ni mi nus te yan lag lnga lnga spangs pa yi zhes 'chad par 'gyur ba bsam gtan gnyis pa ni rtog pa spangs

  662. 331b

    ba'o zhes byas na bsam gtan khyad par can yang bsam gtan gnyis par 'gyur ro/ /gzhan yang bsam gtan dang po yan lag bzhi par bstan pa'i mjug nas go rims 'di skad du/ rtog pa dang bcas dpyod pa dang bcas dben pa las skyes pa'i dga' ba dang bde ba can bsam gtan dang po rdzogs par byas te gnas so zhes bshad de/ de la bsam gtan dang po la dpyod pa dang dga' ba dang bde ba dang ting nge 'dzin dag yod pas yan lag de bzhi dang thams cad kyi dang por bshad rtog pa dang yan lag lnga pa zhes bya ba'o/ /gnyis pa yang rtog pa med cing dpyod pa med la ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so zhes 'byung ste/ yan lag bzhi po 'di dag las yan lag dang po dpyod pa'i mtshan nyid spangs pa yin no/ /gsum po yang 'di skad du/ dga' ba las 'dod chags dang bral nas btang snyoms su gnas shing zhes bya ba nas rgyas par bde bar gnas so zhes brjod pa bsam gtan gsum pa rdzogs par byas te gnas so zhes bya ba'i bar 'byung ba yin te/ yan lag gzhan dga' ba'i mtshan nyid kyang spangs pa yin no/ /bzhi pa yang 'di skad du/ bde ba dang spangs shing zhes bya ba nas rgyas par/ sdug bsngal yang ma yin pa yang ma yin pa btang snyoms dang? dran pa yongs su dag pa can bsam gtan bzhi pa rdzogs par byas te gnas so zhes bya ba'i bar 'byung ba yin te/ yan lag bde ba yang spangs pa de la ting nge 'dzin 'ba' zhig lus so/ /de'i phyir 'di skad du dpyod dang dga' dang bde ba dang ldan zhes mdor byas so/ /de dag gi yang skye ba rnams ni bshad zin to zhes bya ba ni gzugs med khams na gnas med de skye ba las ni rnam pa bzhi zhes 'byung ba'i phyir ro/ /rjes su 'breng ba'i gzugs med pa'i phyir ro zhes bya ba ni bsam gtan dang zag pa med

  663. 332a

    pa'i sdom pa med pa'i phyir ro zhes bya ba'i tha tshig go /dben pa zhes bya ba ni 'dis rnam par 'byed par byed pas dben pa'o/ /lam gang gis zhes bya ba ni bar chad med pa'i lam gyis so/ /yang na rnam par gol ga'i? lon gyis kyang yin te/ de dang 'bras bu gcig pa'i phyir ro/ /'dod chags dang bral bar 'gyur pa'i phyir ro zhes bya ba ni des 'dod chags dang bral bar 'gyur ba'i phyir ro zhes bya ba'i don to/ /gzugs kyi 'du shes bshig ces bya zhes bya ba ni 'di la gzugs kyi 'du shes bshig pa yod pas na gzugs kyi 'du shes bshig pa'o/ /'di dag la gzugs kyi 'du shes bshig pa zhes bya bas na gzugs kyi 'du shes gshig ces bya'o/ /re zhig 'di ni bsgrub par bya ba yin no zhes zer ba ni sde ba gzhan dag go /gal te yod na zhes zer ba ni bye brag tu smra ba'o/ /cung zad ser ba bzhin no zhes bya ba ni ji ltar chad chung tsam ser ba la cung zad ser ba zhes bya ba de bzhin du gzugs cung zad cig yod pa la gzugs med pa zhes bya'o/ /de dag med na de lus dang ngag med na ji ltar de dag gi sdom pa ste lus dang ngag gi sdom pa dag tu 'gyur/ gzugs med pa na spyod pa'i 'byung ba med par ni gzugs med pa na spyod pa'i 'byung ba las gyur pa mi rung ngo/ /gal te zag pa med pa'i sdom pa bzhin no zhes bya ba de la 'di snyam du ji ltar zag pa med pa'i 'byung ba dag med bzhin du zag pa med pa'i sdom pa 'byung ba las gyur pa'i gzugs yod pa de bzhin du gzugs med pa na spyod pa'i 'byung ba dag kyang med mod kyi/ 'on kyang gzugs med pa na spyod pa'i sdom pa 'byung ba las gyur pa'i gzugs yod do snyam du sems na/ de ni ma yin te zag pa dang bcas pa'i 'byung ba yod pa'i phyir ro/ /zag

  664. 332b

    pa dang bcas pa'i 'byung ba dag yod pas de dag gzugs med pa rnams na yod cing/ zag pa med pa'i 'byung ba dag ni med de/ de'i phyir zag pa med pa'i sdom pa ni gang du skyes pa de na yod pa'i zag pa dang bcas pa dag rgyur byas nas skyes pas mi 'dra ba'i phyir rtog pa 'di ni rung ba ma yin no/ /snyoms par 'jug pa la yang de dgag pa bshad do zhes bya ba ni skye ba'i gzugs bkag pa 'di nyid kyis snyoms par 'jug pa la yang gzugs bkag par bshad pa yin pas 'di la 'bad pa bzhin mi bya'o/ /ji lta zhe na gal te lus dang ngag gi sdom pa tsam zhig go zhe na/ de dag med na ji ltar de dag gi sdom par 'gyur/ 'byung ba med par ni 'byung ba las gyur pa mi rung ngo/ /gal te zag pa med pa'i sdom pa bzhin no zhe na ma yin te zag pa dang bcas pa'i 'byung ba yod pa'i phyir ro zhes bya ba yin no/ /gzhan dag na re rnam pa thams cad du gzugs kyi 'du shes las yang dag par 'das nas zhes 'byung bas snyoms par 'jug pa la yang dgag par bshad pa yin no zhes zer ro/ /de ltar na gzugs med pa'i snyoms par 'jug pa la yang gzugs med pa la gzugs med par skye ba dag la yang med do zhes bshad pa yin no/ /gal te bang? tshod chung ba'i phyir ro zhe na ni zhes bya ba ni 'on te rdul phra rab tsam gyi gzugs shig yod pa de'i phyir de dag la gzugs chung zad gcig yod do zhes bya bar 'dod na ni phra pa'i phyir chu'i skye bo gzugs ltar mi snang ba dag la yang thal bar 'gyur te/ gzugs med par thal bar 'gyur zhes bya ba'i don to/ /gal te dad pa'i phyir zhe na zhes bya ba ni de la 'di snyam du gzugs dang ba'i phyir gzugs med pa dag yin no snyam du sems na/ srid pa bar ma dang/ gzugs na spyod pa dag la yang thar bar 'gyur te/ gzugs med pa srid pa bar ma dang gzugs na spyod pa dag ni dang ba'i phyir rdo rje ri la yang thogs

  665. 333a

    pa med par 'gro bas de dag la yang thal bar 'gyur ro/ /snyoms par 'jug pa bzhin du skye ba khyad par du 'phags pa'i phyir ro zhes bya ba ni ji ltar nam mkha' mdza' yas la sogs pa'i snyoms par 'jug pa dag ches shin tu khyad par du 'phags pa de bzhin du de dag gi skye ba'i khyad par yang dad ba dang ches dang ba dang ches shin tu dang ba'o zhes khas blang dgos so/ /de'i phyir snyoms par 'jug pa bzhin du skye ba ches shin tu dang bas zhes bya bar khyad par du 'phags pa'i phyir de kho gzugs med pa kho na bar 'gyur ro/ /gal te yang gzugs med par skye ba'i gzugs ni dang ba'i phyir sa 'og ma pa'i dbang pos mi 'dzin pas gzugs med pa rnams zhes bya'o zhe na/ bsam gtan du skye ba'i gzugs kyang zhes bya ba rgyas par smos so/ /'di ltar sbyar te/ bsam gtan du skye ba'i gzugs/ bsam gtan gnyis pa'i sa pa yang sa 'og ma pa'i dbang po ste/ bsam gtan dang po'i sa pa'i dbang pos mi zin la/ de bzhin du sa gong ma pa ches shin tu dang ba'i phyir bsam gtan bzhi pa'i sa pa'i gzugs kyang bsam gtan gsum pa'i sa pa'i bar gyi dbang pos mi zin to/ /de ltar na bsam gtan du skye ba'i gzugs kyang sa 'og ma pa'i dbang pos mi zin pa'i phyir gzugs med pa dang khyad par ci zhig yod na 'di ltar ches shin tu gsal ba'i tshul 'dra yang de dag kho na gzugs med par 'dod kyi gzugs na spyod pa rnams ni ma yin te/ de lta bas na de na gzugs med do/ /'on te khams gnyis kyi ming ni don du mthun pa yin te/ 'dod pa'i yon tan gyis rab tu che ba ni 'dod pa'i khams yin la/ gzugs kyis rab tu phye ba ni gzugs kyi khams yin gyi/ gzugs

  666. 333b

    med pa'i khams kyi ming ni don du mthun pa yin no/ /'o na ci zhe na/ 'dod rgyal ba yin no zhe na/ khams gnyis kyi ming ni don dang mthun pa yin gyi/ gzugs med pa'i khams kyi ni ma yin no zhes bya ba de la rig pa ci zhig yod de/ de ltar rigs pas gzugs med pa'i khams na gzugs med do zhes bkag nas lung smos te dogs pa zlog par byed do/ /de la gzugs rab tu grub par bya ba'i phyir gal te tshe dang drod gnyis zhes bya ba rgyas par smos te/ gal te gzugs med pa dag na gzugs yod pa nyid grub bo zhe na zhes bya ba'i tshig 'di ni re re la sbyar bar bya'o/ /ji lta zhe na/ gal te tshe dang drod gnyis 'dres par gsungs pa'i phyir/ gzugs yod pa nyid du grub bo zhe na zhes bya ba ste/ de la 'di snyam du mdo las tshe dang ldan pa gsus po che tshe gang yin pa dang drod gang yin pa'i chos 'di dag ni 'dres pa ste ma 'dres pa ma yin no zhes rgyas par 'byung bas de'i phyir de na tshe yod na drod kyang yod par 'gyur la drod ni gzugs yin no zhes bya bar grub po? snyam du sems na'o/ /gal te 'dam bu'i shog gnyis bzhin du mang dang gzugs dag phan tshun rten te zhes gsungs pa'i phyir gzugs yod pa nyid du 'grub bo zhe na zhes bya ba ste/ mdo las tshe dang ldan pa shA ri'i bu dper na 'dam bu'i shog gnyis gnam du bsgreng ste phan tshun rten cing 'dug pa de la 'ga' zhig gi gcig por na gcig chos 'gyel bar 'gyur la cig shos bor na yang cig shos 'gyel par 'gyur ro/ /tshe dang ldan pa shA ri'i bu de bzhin du ming dang gzugs kyang phan tshun rten cing gnas shes bya ba rgyas par 'byung ba yin no/ /gal te rnam par shes pa'i rkyen gyis ming dang gzugs zhes gsungs pa'i phyir de lta bas na gzugs med pa dag na gzugs yod pa nyid du

  667. 334a

    'grub po zhe na zhes bya ba ste/ rten cing 'brel par 'byung ba'i mdo las/ nyin mtshan sum sbyor ba'i mtshan nyid kyi skabs su rnam par shes pa'i rkyen gyis ming dang gzugs zhes gsung pa'i phyir de lta bas gzugs med pa dag na gzugs yod zhes bya bar 'grub po zhe na zhes bya ba yin no/ /gzugs nas 'du byed kyi bar las zhes bya ba rgyas par 'byung ba ni gal te mdo las dge slong dag rnam par shes pa gzugs su nye bar 'gro ba/ gzugs la dmigs pa/ gzugs la brten pa gnas so/ /dge slong dag gang la la zhig 'di skad du bdag ni gzugs dang tshor ba nas 'du byed kyi bar dag las gzhan du rnam par shes pa 'gro ba'am 'ong bar smra'o zhes zer na de'i dag de ni de'i tshig tsam du zad do zhes gsungs te/ lung 'di dang sbyar na yang gzugs med pa dag na gzugs yod do zhes bya bar 'grub bo zhes de snyam du sems na ma yin te/ dpyad par bya ba yin pa'i phyir ro/ /'on te thams cad las zhes bya ba ni 'dod pa dang/ gzugs dang gzugs med pa na spyod pa las so/ /'dir dgongs pa'i don ni 'di yin te/ 'dod pa na spyod pa'i tshe kho na kho na las dgongs nas de skad du gsungs pa yin te/ 'di ltar tshe dang drod dang rnam shes kyis/ gang tshe lus 'di 'dor byed cing/ bor nas de tshe nyal ba ni/ ji ltar shing la sems med bzhin zhes 'byung ngo/ /gzugs med pa'i khams na ni lus kyang med na lus 'jig pa lta ga la zhig yod/ gzugs kyi khams na ni lus yod mod kyi lus 'jig par mngon pa ni med do/ /gang yang ming dang gzugs dag phan tshun brten pa nyid du gsungs pa de yang 'dod pa dang/ gzugs na spyod pa kho na las dgongs de gsungs so zhes bya bar mngon te/ gnyi ga yod na phan tshun rten pa nyid srid pas

  668. 334b

    so/ /gang yang rnam par shes pa'i rkyen gyis ming dang gzugs zhes bya ba ni 'di la rkyen rnam par shes pa'i rkyen gyi ming dang gzugs so zhes de skad du drug pa'i don du 'bru mang po bar tshig bsdu ba yin no/ /'dir ci rnam par shes pa 'dod pa na spyod pa'i 'du byed kyi rkyen can nas/ gzugs med pa na spyod pa'i 'du byed kyi rkyen gyi bar thams cad ming dang gzugs kyi rkyen yin nam/ 'on te ming dang gzugs thams cad rnam par shes pa'i rkyen can yin zhe na/ rnam par shes pa'i rkyen gyis ming dang gzugs shes bya ba 'di la bdag ni ming dang gzugs thams cad kyi rkyen rnam par shes pa yin no zhes bya bar nges par gzung gi rnam par shes pa thams cad ming dang gzugs kyi rkyen yin no zhes bya bar ni nges par mi bzung ngo zhes zer te/ rnam par shes pa cung zad gcig ni ming kho na'i rkyen yin te/ gzugs med pa na spyod pa'i 'du byed kyi rkyen can gang yin pa'o/ /cung zad cig ni ming dang gzugs kyi rkyen yin te/ 'dod pa dang/ gzugs na spyod pa'i 'du byed kyi rkyen can gang yin pa'o/ /des na 'di skad du ming dang gzugs 'di'i rkyen ni rnam par shes pa kho na yin gyi/ ming dang gzugs 'di 'dus pa kho na'i rkyen ni ma yin no zhes bshad pa yin no/ /srid pa'i phyir de skad du bshad pa zad do/ /'di ltar brdzus te skye ba rnams ni rnam par shes pa'i rkyen gyis skye mched drug kho na yin gyi/ ming dang gzugs ni ma yin no/ skye mched drug ma grub pa'i gnas skabs kyi phung po lnga la ni ming dang gzugs shes bya'o/ /don 'di nyid mdo las kyang ston te/ kun dga' bo gal te rnam par shes pa ma'i mngal du zhugs par ma gyur na 'on kyang ming dang gzugs de nur nur po nyid du brgyal bar 'gyur ram/ btsun pa ma lags so/ /kun dga' bo gal te rnam par shes pa zhugs nas myur ba kho nar 'dor bar byed na 'on kyang ming dang gzugs de 'di lta bu nyid du mngon par 'gyur

  669. 335a

    ram/ btsun pa ma lags so/ /kun dga' bo gang gi tshe byis pa 'am gzhon nu 'am/ gzhan du ma'i rnam par shes pa chags cing zhig la med par gyur na/ 'on kyang ming dang gzugs te 'phel zhing rgyas par 'gyur ram/ btsun pa ma lags so/ /de lta bas na khyod kyi rnam grangs 'dis kyang 'di ltar rig par byas te/ ming dang gzugs kyang rnam par shes pa'i rkyen can yin la/ rnam par shes pa gang yin pa yang ming dang gzugs kyi rkyen can yin no zhes bya ba rgyas par gsungs so/ /'dir ci gzugs la sogs pa de dag thams cad med na de bkag gam zhes bya ba ni 'ong ba dang 'gro ba bkag pa'o/ /de la 'jig rten snga ma nas srid pa bar ma'i rgyun gyi 'dir skye ba ni 'ong ba'o/ /srid la bar ma'i rgyun gyis yang 'jig rten 'di nas 'jig rten pha rol tu skye ba ni 'gro ba'o/ /'on te gzugs la sogs pa'i nang nas gang yang rung ba 'ga' zhig kyang zhes bya ba 'di dpyad par bya dgos so/ /bdag ni thams cad med na de bkag pa yin no zhes zer ro/ /gal te bye brag med par gsungs pa'i phyir dpyad par mi bya'o zhes bya ba ni gal te 'di snyam du mdo'i tshig /tshe dang ldan pa gsum po che tshe gang yin pa dang drod gang yin pa zhes bya ba nas/ rgyas par rnam par shes pa gzugs su nye bar 'gro ba gnas so zhes bya ba'i bar 'di ni khyad par med par gsungs pa yin te/ mdo'i tshig 'di dang sbyar na 'dod pa dang gzugs na spyod pa'i tshe las dgongs te gsungs sam zhes bya ba nas de dag thams cad med na de bkag gam zhes bya ba'i bar lta bur bye brag tu ni ma phye'o snyam du sems na/ 'dir smras pa ha cang thal bar 'gyur te/ bye brag med par gsungs pa'i phyir tshe med par phyi'i dro ba yang yod par mi 'gyur te/ 'di skad du tshe dang ldan pa gsum po che tshe gang yin pa dang/ nang gi dro ba gang yin pa zhes bya ba la sogs pa lta bur khyad par du

  670. 335b

    ma byas so/ /phyi'i gzugs shing dang rtsig pa la sogs pa sems can du bgrang ba ma yin par yang rnam par shes pa la brten pa nyid du 'gyur te/ khyad par med par 'byung ba'i phyir ro/ /rnam par shes pa gnas pa bzhi bzhin du zhes bya ba rgyas par 'byung ba ni ji ltar khyod kyi ltar na rnam par shes pa gnas pa bzhi khyad par med par gsungs pa'i phyir gzugs med pa'i khams na gzugs yod pa nyid bzhin du zas bzhi gsungs pa'i phyir gzugs dang gzugs med pa'i khams dag na yang kham du byed pa'i zas yod pas thal bar 'gyur ro/ /mdo las ni 'di skad du zas bzhi ni sems can byung ba rnams gnas par byed pa dang srid pa tshol ba rnams la phan 'dogs par byed pa yin no/ /bzhi gang zhe na/ khams gyi zas dag pa dang phra ba dang/ gnyis pa reg pa'i zas dang/ gsum pa yid la sems pa'i zas dang/ bzhi pa rnam par shes pa'i zas so zhes 'byung ba ste/ de ltar sems can rnams gnas par bya ba'i phyir zas bzhi khyad par med par gsungs kyi 'dod pa na spyod pa rnams zhes bye brag tu ni ma mdzad pa'i phyir khyod kyi ltar na gzugs dang gzugs med pa'i khams dag na yang kham gyi zas yod par thal bar 'gyur/ /gal te kham du byed pa'i zas za ba'i lha rnams las 'das zhes bya ba rgyas par 'byung ba ni de la sde pa gzhan dag 'di snyam du phyir bstan pa la dmigs kyi bstsal ba yod de/ 'char byed la sogs pa'i mdo las/ lus zhig nas kham du byed pa'i lha rnams las 'das te/ lha yid kyi lus can 'ga' zhig du skye'o zhes kham du byed pa'i zas za ba'i lha rnams las 'das te zhes gsungs pa'i phyir dang dga' ba'i zas shes gsungs pa'i phyir zhes bya ba ni dge slong dag 'jig rten 'jigs pa'i dus gang yin pa de yod de/ 'jig rten 'jig pa na sems

  671. 336a

    can phal cher 'od gsal ba'i lha'i ris su skye bar gyur zhing de dag gzugs bzang po yod las byung ba dbang po ma tshang ba med cing ngan pa ma yin pa/ yan lag dang nying lag thams cad dang ldan pa/ kha dog bzang po brtan pa rang gi 'od can nam mkha' la 'gro pa/ dga' ba za zhing dga' ba'i zas can/ tshe ring ba dus ring por gnas par 'gyur ro zhes bya ba de lta bu la sogs pa mdo dag las gsungs pa'i phyir kham du byed pa'i zas yod par thal bar mi 'gyur ro snyam du sems na/ gal te de lta na gzugs med pa dag na yang gzugs yod par thal bar mi 'gyur ro/ /ci'i phyir zhe na/ dmigs kyis bsal ba'i phyir ro/ /ji lta zhe na/ gzugs med pa rnams ni gzugs rnams las nges par 'byung ba yin no zhes bya ba ni mdo'i tshig dmigs kyis bsal ba cig yin no/ /gzugs med pa'i rnam par thar pa bzhi pa gang dag gzugs rnams las 'das nas zhes bya ba ni gnyis pa yin no/ /gzugs can ma yin pa'i sems can dag yod ces bya ba ni gsum pa yin no/ /rnam pa thams cad du gzugs kyi 'du shes rnams las yang dag par 'das nas zhes bya ba ni bzhi pa yin no/ /gzugs shig yod na zhes bya ba ni gal te gzugs med pa'i snyoms par 'jug pa dang/ skye ba dag la gzugs shig yod par gyur na/ gzugs yod phan chad rang gi gzugs gdon mi za bar 'du shes par byed par 'gyur bas rnam pa thams cad du gzugs kyi 'du shes rnams las yang dag par 'das nas zhes 'byung ba smos par mi 'gyur bar zhig na smos te de'i phyir yang de na gzugs med do/ /gal te sa 'og ma pa'i gzugs rags pa zhes bya ba rgyas par 'byung ba ni gal te 'di snyam du gzugs med pa'i rnam par thar pa gang dag

  672. 336b

    ces bya ba rgyas par 'byung ba ni sa 'og ma pa'i gzugs rags pa las dgongs te/ gsungs pa yin no snyam du sems na/ 'di la bdag kham gyi zas la yang mtshungs so zhes zer ro/ /ji lta zhe na/ kham du byed pa'i zas za ba'i lha rnams las 'das te zhes bya ba ni sa 'og ma pa'i kham gyi zas rags pa las dgongs te gsungs pa yin gyi/ gzugs na spyod pa'i kham gyi zas phra ba las dgongs pa ni ma yin no/ /gal te yang sa 'og ma pa'i gzugs rags pa las nges par 'byung ba'i phyir gzugs med pa dag ces bya ba na ni bsam gtan rnams kyang sa 'og ma pa las nges par 'byung ba yin pa'i phyir gzugs med par thal bar 'gyur ro/ /ji lta zhe na/ bsam gtan dang po ni 'dod pa na spyod pa'i gzugs rags pa las nges par 'byung ba yin la/ de bzhin du bsam gtan bzhi pa'i bar du gong du gzugs rags pa las nges par 'byung ba yin pas gzugs med par thal bar 'gyur ro/ /tshor ba la sogs pa la kyang nges par 'byung ba yin par ci'i phyir ma bshad ces bya ba ni gal te rang gi sa pa'i gzugs yod pa bzhin du yang sa 'og ma pa'i gzugs rags pa las nges par 'byung ba'i phyir gzugs med pa dag ces bya na ni rang gi sa pa'i tshor ba yod bzhin du yang gzugs med pa rnams ni tshor ba la sogs pa las nges par 'byung ba yin pa'i phyir tshor ba med pa'o zhes kyang ci'i phyir ma bshad/ sogs pa zhes bya ba'i sgras ni rang gi sa pa'i rnam par shes pa yod bzhin du rnam par shes pa med pa'o zhes bya ba'i bar du ci'i phyir ma bshad ces bya ba yin no/ /ci'i phyir zhe na/ sa 'og ma pa'i tshor ba la sogs pa las nges par 'byung ba'i phyir te/ sa 'og ma pa'i tshor ba la sogs pa rags pa las nges 'byung ba'i phyir ro zhes bya ba'i tha tshig go /gzugs kyi rnam pa zad pa las 'das pa zhes bya ba ni gzugs med pa dag ni snyoms par 'jug

  673. 337a

    pa dang/ skye ba la gzugs kyi rnam pa gang ci yang rung rags pa 'am/ phra ba 'am/ nang gi 'am phyi'i yang rung ste de thams cad las 'das pa yin no/ /tshor ba la sogs pa'i rnam pa las ni ma yin te/ gzugs med pa dag ni snyoms par 'jug pa dang/ skye ba la tshor ba thams cad las 'das pa ma yin te/ bde ba yang ma yin sdug bsngal yang ma yin pa'i tshor ba yod pa'i phyir ro/ /stsogs pa zhes bya ba'i sgras ni rnam par shes pa'i bar brjod par bya'o/ /de'i phyir gzugs rnams la nges par 'byung zhes gsungs kyi tshor ba la sogs pa las nges par 'byung ba zhes ni mi gsungs so/ /de lta bas na kho bo cag de skad du smra ba la ni sa 'og ma pa'i tshor ba la sogs pa las nges par 'byung ba'i phyir tshor ba la sogs pa las kyang nges par 'byung ba yin par ci'i phyir ma bshad tsam bya ba'i thal ba 'dir mi 'gyur ro/ /smras pa gal te gzugs med pa rnams gzugs rnams la nge par 'byung ba yin na/ 'on mdo las nga ni srid pas srid pa las 'byung bar mi smra'o zhes gsungs pa gang yin pa de ji ltar na gzugs med pa'i srid pas gzugs kyi srid pa las nges par 'byung zhe na/ srid pas srid pa la nges par mi 'byung bar gsungs par ni de nyid kyis de las nges par mi 'byung ba'i phyir de skad du bshad par zad do/ /thams cad dang gtan du nges par 'byung ba ma yin pa'i phyir te/ thams cad las nges par 'byung ba ma yin pa ni gzugs kyi srid pas 'dod pa'i srid pa las nges par 'byung mod kyi/ nges gzugs med pa'i srid pa las kyang nges par 'byung ba ni ma yin no/ /des 'dod pa'i srid pa las gtan du nges par 'byung ba yang ma yin te yang 'od pa'i phyir ro/ /de bzhin du gzugs med pa'i srid pas kyang

  674. 337b

    gzugs kyi srid pa las nges par 'byung gi 'dod pa'i srid pa las ni ma yin pa gzugs med pa'i srid pas gzugs kyi srid pa las gtan du nges par 'byung ba yang ma yin no/ /ji ltar gnas pa ni sngar bshad zin te zhes bya ba ni/ der ni ris dang srog pa ? sems kyi rgyud ni brten pa yin zhes bya ba sogs pa yin no/ /gsum bo zhes bya ba ni gzugs med pa zhes bya bar sbyar ba'i phyir pho'i rtags kyis bstan pa yin no/ /de ltar sbyor phyir zhes bya ba ni sbyor ba'i dus na nam mkha' la rtsogs par 'gyur gyi gzhan gyi gzhan na ni ci rigs par chos gzhan dag la yang dmigs so zhes sten to/ /dman phyir 'du shes med/ 'du shes med pa'ang ma yin pa'o zhes bya ba ni ci'i phyir gzugs med pa bzhi pa 'du shes can zhes kyang mi bya ba 'du shes pa zhes kyang mi bya zhe na dman pa'i phyir te/ dman phyir zhes bya ba ni rgyu gang gis gzugs med pa bzhi pa de 'du shes med 'du shes med min skye mched ces bya ba'i rgyu de nyid brjod pa ma yin no/ /ming don dang mthun par btags pa'i phyir 'di'i sbyor ba yang de ltar yin par brjod pa yin no/ /de nyid kyi gal te de la yang 'di ltar sbyor mod kyi zhes bya ba la sogs pa smos so/ /'du shes ni 'bras so zhes bya ba ni 'bras dang 'dra bas na 'bras te zug rdu'i bar du yang de dang 'dra'o/ /'du shes med pa ni kun tu rmongs pa'o zhes bya ba ni 'du shes med pa yang kun tu rmongs pa'i rgyu yin no/ /zhes bya bar shes te 'du shes kun tu chad pa'i phyir ro snyam du bsams pa yin no/ /'di ni zhi ba zhes bya ba gang yin zhe na/ 'di lta ste 'du shes med 'du shes med min skye mched ces bya ba smos te/ 'du shes dman pa la mngon par dga' o// //bam po lnga bcu brgyad pa/ /'dir ci'i phyir de dag gis de dag gi de la de ltar 'dzin ces dri bar bya ste/ de dag gi zhes bya ba ni de la snyoms par 'jug pa dag gis so/ /de la zhes bya ba'i 'du shes

  675. 338a

    med 'du shes med min skye mched la'o/ /de ltar 'dzin ces bya ba ni 'du shes med du shes med min zhes 'dzin ces bya ba'i tha tshig go/ /de bas na de skad du yongs su 'dri bas brgal bas ni 'du shes med 'du shes med min skye mched ces bya'o zhes bya ba 'di gdon mi za bar brjod dgos pas de nyid bshad do/ /snyoms par 'jug pa'i dngos gzhi'i rdzas zhes bya ba ni de dag gi yan lag gi yan lag ni nye bar mi dgod do snyam du bsam pa yin no/ ji ltar bdun ni rnam pa gsum yin zhe na/ ro myang ba dang mtshungs par ldan pa rnams dang dag pa pa rnams dang/ zag pa med pa rnams so zhes bya ba smos so/ /zag pa med pa ni med do zhes bya ba ni 'du shes dman pa'i phyir ro/ /ro myang ba byed pa gang yin pa de las ni langs pa yin no zhes bya ba dag pa pa las so/ /gang gis ro myang bar byed pa de la ni snyoms par zhugs pa yin no zhes bya ba ni ro myang ba dang mtshungs bar ldan pa la'o/ /yan lag bzhi ba'i dmag yan lag las ngon gzhan du gyur pa ma yin pas ji lta bar yan lag lnga pa'i bsam gtan yang de dang 'dra ste/ don gzhan ma yin no zhes rang gi gzhung lugs ston par byed do/ /dag pa la sogs zhes bya ba ni sngar bshad pa dga' ba dang bde ba dang/ sems rtse gcig pa nyid dang nang rab tu dang ba ste gnyis pa ni yan lag bzhi pa yin no/ /gsum pa la lnga btang snyoms dang zhes bya ba ni 'di 'du byed kyi btang snyoms yin par bzung ste/ dga' ba la rtsol ba med pa'i mtshan nyid gang yin pa'o/ /dran pa ni btang snyoms kyi rgyu mtshan mi brjed ma yin no/ /shes bzhin ni drag pa mi brjod pa yin no/ bzhi pa la btang snyoms yongs su dag pa zhes bya ba ni btang snyoms kyi yongs su dag pa ni btang snyoms

  676. 338b

    yongs su dag pa ste/ sa 'og ma'i skyon dang bral ba'i phyir ro/ /skyon ni brgyad 'chad par 'gyur ro/ /dran pa yongs su dag pa yang de dang 'dra'o/ /bsam gtan dang po pa zhes bya ba ni bsam gtan dang po na yod pa'o/ /de nyid kyi phyir smras pa zhes bya ba ni gang gi phyir gnyis pa la sogs pa na nad rab tu dang ba la sogs pa 'phel bas so/ /ji lta zhe na/ mu bzhi ste/ bsam gtan dang po na yong la gnyis pa na ma yin pa yang yod/ gnyis pa na yod la dang po na ma yin ba yang yod/ gnyi ga na yod pa yod/ gnyis ga nam yin pa yang yod do/ /de bzhin du bsam gtan gyi yan lag thams cad phan tshun sbyar bar bya'o zhes bya ba ji lta zhe na/ yan lag gang dag bsam gtan dang po na yod pa de dag gsum pa na yang yod dam zhe na mu bzhi ste/ mu dang po ni rtog pa dang dpyod pa dang dga' ba dang bde ba dag go /gnyis pa ni btang snyoms dang dran pa dang shes bzhin dang bde ba dag go /gsum pa ni ting nge 'dzin to/ /mu bzhi pa ni bshad pa la ma gtogs pa'i chos rnams so/ /yan lag gang dag bsam gtan dang po na yod pa de dag bzhi pa na yang yod dam zhe na/ mu bzhi ste/ mu dang po ni rtog pa dang dpyod pa dang/ dga' ba dang/ bde ba dag go /gnyis pa ni bde ba yang ma yin/ sdug bsngal ba yang ma yin pa'i chor? ba dang/ btang snyoms yongs su dag pa dang/ dran pa yongs su dag pa'o/ /gsum pa na ting nge 'dzin te/ bzhi pa ni bshad pa la ma gtogs pa'i chos rnams so/ /yan lag gang dag bsam gtan gnyis pa na yod pa dag gsum pa na yang yod dam zhe na/ mu bzhi ste/ mu dang po ni rtog pa dang dpyod pa dang dga' ba dang bde ba dag go/ gnyis pa ni bde ba yang ma yin sdug bsngal yang ma yin pa'i tshor ba dang btang snyoms yongs su dag pa dang/ dran pa yongs su dag pa'o/ /gsum pa ni ting nge 'dzin to/ bzhi pa ni bshad pa la ma gtogs pa'i chos rnams so/ /yan

  677. 339a

    lag gang dag bsam gtan gnyis pa na yod pa de dag gsum pa na yang yod dam zhe na mu bzhi ste/ mu dang po ni nang rab tu dang ba dang/ dga' ba dang/ bde ba dag go/ gnyis pa ni btang snyoms dang dran pa dang shes bzhin dang bde ba dag go /gsum pa ni ting nge 'dzin to/ /bzhi pa ni bshad pa la ma gtogs pa'i chos rnams so/ /yan lag gang dag bsam gtan gnyis pa na yod pa de dag bzhi pa na yang yod dam zhe na/ mu bzhi ste/ mu dang po ni rab tu dang ba dang/ dga' ba dang bde ba dag go /gnyis pa ni ting nge 'dzin ma gtogs pa de'i yan lag rnams so/ /gsum pa ni ting nge 'dzin to/ /bzhi pa ni bshad pa la ma gtogs pa'i chos rnams so/ /yan lag gang dag bsam gtan gsum pa na yod pa de dag bzhi pa na mu bzhi ste/ mu dang po ni ting nge 'dzin ma gtogs pa de'i yan lag rnams so/ /gnyis pa ni ting nge 'dzin ma gtogs pa de'i yan lag rnams so/ /gsum pa ni ting nge 'dzin to/ /bzhi pa ni bshad pa la ma gtogs pa'i chos rnams te/ 'di ni de dag las gcig dbri? ba zhes bya ba yin no/ /ci'i phyir bsam gtan gsum pa na yod pa'i bde ba rdzas gzhan du brjod ce na zhes pa ji skad du brjod ce na/ de dag ni bsam gtan gyi yan lag bco brgyad yin te zhes rgyas par bshad nas/ yang ming gi sgo nas ni de lta'o/ /rdzas su bcu gcig rdzas su ni de dag bcu gcig yin te/ bsam gtan dang po'i sa pa ni lnga'o/ /gnyis pa la ni nang rab tu dang ba lhag go /gsum pa la ni btang snyoms dang/ dran pa dang/ shes bzhin dang/ bde ba rnams so zhes smos pa'i phyir ro/ /bde ba'i dbang po dang mi ldan pa'i phyir te zhes bya ba ni bde ba'i dbang po mi srid pa'i phyir ro/ /bsam gtan gsum car na yang sems las 'byung ba'i bde ba'i dbang po med pa kho na'o/ /'o na ci zhe na/ lus kyi bde

  678. 339b

    pa kho na yan lag tu rnam par gzhag ste/ mnyam bar gzhag pa'i gnas kyi bar skabs su kun tu 'byung ba'i phyir ro/ /'di ni da thos ston pa rnams kyi phyogs yin no zhes grag ste/ de dag gi ltar na bde ba'i dbang pos gnyis pa 'dod pa dang bsam gtan dang po'i sa pa kho nar ma zad do/ /'o na ci zhe na/ bde ba'i dbang po ni 'dod pa na spyod pa nas bsam gtan gsum pa'i sa pa'i bar sa bzhi pa yang yin no/ /de nyid kyi phyir bye brag tu bshad pa las/ mdo sde pa'i btsun pas chos mngon pa ba rnams kyi ltar na za? chun rgyun mo lta bur mig gi rnam par shes pa la sogs pa 'og nas gong du 'dren to zhes bshad de/ de'i 'dod pa ni mig gi rnam par shes pa la sogs pa bsam gtan gnyis pa la sogs pa'i sa yang yod do zhes bya ba 'di yin no/ /tshig de ni 'ga' zhig gis sgo btags pa yin zhes bya ba ni sems las byung ba gang yin bar ro/ /bde ba lus kyis myong la zhes rang gi sgras gsungs pa'i phyir zhes bya ba ni bsam gtan gsum pa bstan pa las 'di skad du dga' ba las 'dod chags dang bral nas/ btang snyoms dang dran pa dang shes bzhin du gnas shing bde ba lus kyi myong la gang 'phags pa rnams kyi btang snyoms dang dran pa dang shes bzhin dang ldan zhing bde ba la gnas so zhes brjod pa bsam gtan gsum pa rdzogs par byas te gnas so/ /zhes bshad do/ /gal te sems las byung ba yin par gyur na de ji ltar de lus kyis myong bar 'gyur/ yid kyi lus kyis zhes bya ba ni yid kyi tshogs kyis so/ /de skad du bshad ngo yon tan ci zhig yod ces bya ba ni bde ba yod kyi myong la zhe 'am bde ba myong la/ zhes de skad du brjod par bya bar 'gyur ro snyam du bsams pa yin no/ /bsam gtan bzhi pa la shin tu sbyangs pa mang bzhin du bde ba ma smos pa'i yang phyir ro zhes bya ba ni bsam gtan bzhi pa la shin tu sbyangs pa'i bde ba mang ba yin zhing ches phal che ba yin te/ bsam gtan gzhan dag pas bsam gtan bzhi pa ches shin tu sbyangs pa'i phyir ro/ /de mang bzhin

  679. 340a

    du yang bde ba ma smos te/ bsam gtan bzhi pa la bde ba ma brjod do/ /bde ba de ma brjod pa'i phyir bsam gtan gsum pa la tshor ba'i bde ba kho na yod do zhes bya bar shes kyi bzhi pa la ni tshor ba'i bde ba yod pa ma yin pas de la ma brjod do snyam du bsams pa yin no/ /gal te bde ba'i tshor ba dang mthun ba'i shin tu sbyangs pa bde ba yin no zhen zhes bya ba ni gal te bsam gtan dang po dang gnyis pa dag la ni bde ba'i tshor pa dang mthun pa'i shin tu sbyangs pa yod pas de dag gis ni bde ba zhes bshad do/ /bsam gtan bzhi ba'i shin tu sbyangs pa ni bde ba'i tshor ba dang mthun pa ma yin pas ma bshad do snyam du sems na/ gal te de lta na gsum pa na yod pa'i shin tu sbyangs pa bde bar ma gsungs pa yang ci'i phyir bsam gtan gsum pa'i shin tu sbyangs pa yang bde ba'i tshor ba dang mthun pa yin no ci'i phyir de shin tu sbyangs pa'i bde ba ma bshad khyod kyis ni de la tshor ba'i bde ba'i kho na rnam par gzhag gi shin tu sbyangs pa'i bde ba ni ma yin te/ bde ba gnyis mi smos pa'i phyir ro/ /gal te btang snyoms kyis bcom pa'i phyir ro zhes bya ba ni gal te bsam gtan gsum pa'i btang snyoms ni las su rung ba'i mtshan nyid yin te/ nges shin tu sbyangs pa bcom pas ma brjod do zhes bya bar 'dod na/ btang snyoms kho nas de 'phel pa'i phyir ro zhe de ni de lta ma yin te/ btang snyoms kho nas bsam gtan gsum pa'i shin tu sbyangs pa'i bde ba 'phel ba'i phyir ro/ /gnod par byed pa'i rgyu nyid kyi 'phel bar rung ba ma yin na/ ji ltar btang snyoms kho nas de 'phel zhen de'i phyir snga ma gnyis pas de khyad par du 'phags pas zhes bya ba smos te/ snga ma bsam gtan dang po dang gnyis pa'i shin tu sbyangs pa dag pas

  680. 340b

    bsam gtan gsum pa'i shin tu sbyangs pa khyad par du 'phags pa yin te/ bsam gtan snga ma dag pas gsum pa khyad du 'phags pa'i phyir ro/ /gang gi tshe zhes bya ba rgyas par 'byung ba ni gang gi tshe 'phags pa nyan thos rab tu dben pa las skyes pa'i bde ba lus kyi mngon sum du byas nas rdzogs par byas te gnas pa de'i tshe 'di'i chos lnga ni spong bar 'gyur la chos lnga po nang rab tu dang pa dang/ dga' ba dang shin tu sbyangs ba dang/ bde ba dang ting nge 'dzin ni bsgom pa yongs su rdzogs par 'gyur ro zhes 'byung ngo/ /shin tu sbyangs pa dang bde ba dag gzhan pa yin pa nyid yin na ji ltar 'di dag lnga nyid du 'gyur/ don gzhan nyid yin na ni bsam gtan gsum car na yang bde ba lus kyi kho na yin no zhes bya ba grub ba yin no/ /gal te snyoms par zhugs pa la ji ltar lus kyi rnam par shes pa 'byung zhe na/ 'dir smras pa ting nge 'dzin gyis khyad par las skyes pa shin tu sbyangs pa zhes bya ba shin tu sbyangs pa zhes brjod pa dang bde ba myong bar 'gyur ba bde pa'i tshor ba dang mthun pa'i rlung gis lus la rgyas pa'i phyir te/ lus la khyab pa'i phyir ro/ /ci zhe na/ lus kyi rnam par shes pa 'byung ba kho na'o/ /gal te phyi rol tu rnam par g.yeng ba'i phyir ting nge 'dzin nyams par 'gyur ro zhe na zhes bya ba ni gal te lus kyi rnam par shes pa skyes pas phyi rol tu rnam par g.yengs pa'i phyir te/ phyi'i yul la rnam par g.yengs pa'i phyir ting nge 'dzin nyams par 'gyur ro snyam du sems na/ ma yin te/ ting nge 'dzin las skyes pa zhes bya ba rgyas par smos te/ de ni de ltar mi 'gyur ro/ /ci'i phyir zhe na/ ting nge 'dzin las skyes pa lus kyi nang du byung ba ste/ phyi rol tu byung ba ma yin pa zhes bya ba'i tha tshig go /lus kyi bde ba lus kyi rnam par shes pa dang mtshungs par ldan pa'i tshor ba bde ba ni ting nge 'dzin dang mthun pa'i phyir ting nge 'dzin nyam par mi 'gyur ro zhes bya ba'i tha tshig go /ma yin te/

  681. 341a

    de nyid kyi phyir ro zhes bya ba ni de nyid kyi phyir lus kyi rnam par shes pa skyes pa'i tshe ldang bar mi 'gyur te/ ting nge 'dzin dang mthun pa'i phyir ro zhes bya ba'i tha tshig go/ de mngon du gyur ma thag tu ting nge 'dzin nye bar gnas so snyam du bsam pa yin no/ /'dod pa na spyod pa'i lus kyi rnam par shes pas gzugs na spyod pa'i reg bya mi 'dzin pa'i phyir lus kyi rnam par shes pa de ni gzugs na spyod pa kho na yin gyi 'dod pa na spyod pa ni ma yin no/ /de nyid kyi phyir de dang mtshungs par ldan pa'i bde ba ni bsam gtan gyi yan lag tu mi 'grub bo zhe na/ shin tu sbyangs pa'i rnam par shes pa skye ba'i phyir ro zhes bya ba ni ting nge 'dzin gyi stobs bskyed pa'i sgo nas 'dod pa na spyod pa'i lus kyi dbang pos gzugs na dpyod pa 'dzin te mnyam par gzhag pa'i lus kyi dbang po gang yin pa de ni sa gong ma pa'i lus kyi rnam par shes pa'i rten tu 'gyur ba'i gnas skabs der gyur pa yin no/ /zag pa med pa'i dag tu yang 'gyur ro zhes bya ba ni shin tu sbyangs pa'i mtshan nyid kyi reg bya dang de la dmigs pa lus kyi rnam par shes pa ste/ reg bya dang lus kyi rnam par shes pa de dag zag pa med par yang 'gyur ro/ /ci'i phyir zhe na/ yan lag cung zad cig ni zag pa dang bcas pa cung zad cig ni zag pa med pa yin na ni mi rung bas zhes bya ba smos te/ gal te de snyam du sems na/ lus kyi shin tu sbyangs pa yang dag byang chub kyi yan lag tu gsungs pas 'dod pa'i phyir zhes bya ba smos te/ lus shin tu sbyangs pa yang dag byang chub kyi yan lag mngon par shes pa dang/ rdzogs par byang chub dang mya ngan las 'da' bar 'gyur ba gang yin pa dang/ sems shin tu sbyangs pa yang dag byang chub kyi yan lag mngon par shes pa dang rdzogs par byang chub pa dang mya ngan las 'da' bar 'gyur ba gang yin pa zhes 'byung ba'i phyir ro/ /byang chub kyi yan lag

  682. 341b

    nyid du 'byung ba'i phyir reg bya dang lus kyi rnam par shes pa dang zag pa med par 'dod do/ /gal te byang chub kyi yan lag dang mthun pa'i phyir ro zhe na zhes bya ba ni ji ste/ de skad du gang gi phyir lus kyi shin tu sbyangs pa byang chub kyi yan lag dang mthun pa de'i phyir byang chub kyi yan lag ces nye bar 'dogs kyi de byang chub kyi yan lag ni ma yin no zhes lan 'debs par byed na/ zag pa med pa nyid kyang de dang 'dra ste/ reg bya dang lus kyi rnam par shes pa de dag mi zag pa med pa dang mthun pa'i phyir zag pa med pa zhes nye bar 'dogs kyi/ zag pa med pa nyid ni ma yin pas de ltar na 'di dag zag pa med pa nyid yin no/ /gal te zag pa dang bcas pa'i chos zhes bya ba rgyas par 'byung ba ni gal te zag pa dang bcas pa'i chos rnams gang zhe na/ mig ji snyed pa dang/ gzugs rnams ji snyed pa dang/ mig gi rnam par shes pa ji snyed pa dang/ lus ji snyed pa dang/ reg bya rnams ji snyed pa dang/ lus kyi rnam par shes pa rnams ji snyed pa'o zhes byung ba'i mdo 'di dang 'gal lo zhes de snyam du sems na ma yin te/ reg bya dang lus kyi rnam par shes pa gzhan las dgongs te gsungs pa'i phyir shin tu sbyangs pa de la ma gtogs pa'i reg bya rnams dang/ lus kyi rnam par shes pa de la ma gtogs pa'i lus kyi rnam par shes pa rnams las dgongs te gsungs pa'i phyir ro/ /gal te zag pa med pa la zhes bya ba rgyas par 'byung ba ni zag pa med pa la te/ zag pa med pa rnam par bzhag pa la yan lag chung zad cig ni zag pa dang bcas pa cung zad cig ni zag pa med par 'gyur ba ma yin nam zhes bya ba ni gal te reg bya dang lus kyi rnam par shes pa ni zag pa dang bcas pa yin pa'i phyir la/ /de dag las gzhan pa ni zag pa med pa yin pa'i phyir nyes pa der 'gyur ro snyam du sems na/ 'dir cig car ma yin pa'i phyir nyes pa ci zhig yod ces bya ba smos te

  683. 342a

    gang gi tshe zag pa med pa'i yan lag kun tu 'byung ba de'i tshe zag pa dang bcas pa kun tu mi 'byung la/ gang gi tshe zag pa dang bcas pa kun tu 'byung ba de ni nyes pa med do/ /gal te bde ba dang dga' ba phrad pa med pa'i phyir te/ lus kyi bde ba dang sems kyi dga' ba phrad pa med cing cig car ma yin pa'i phyir bsam gtan dang po yan lag lnga par mi 'gyur ro zhe na zhes bya ba ni gal te de snyam du sems na de ni nyes pa med do/ /ci'i phyir zhe na/ srid pa'i phyir bstan pas rtog pa dang dpyod pa bzhin no/ /ji ltar bsam gtan dang po rtog pa dang bcas dpyod pa dang bcas zhes bya ba rtog pa dang bcas dpyod pa dag rnam grangs kyis 'byung ba ltar bde ba dang dga' ba dag kyang de dang 'dra ste/ srid pa'i phyir bstan pas de ni nyes pa med do/ /gal te bsgrub par bya ba yin no zhe na zhes bya ba ni rtog pa pa dang dpyod pa dag rnam grangs kyis 'byung ngo zhes bya ba bsgrub par bya ba yin no zhe na smras pa sgrub pa yin no/ /ji lta zhe na rtog pa dang dpyod pa dag 'gal ba'i phyir zhes bya ba smos te/ gang gi tshe sems rtsing ba de'i tshe zhib pa nyid dang de'i tshe rtsing ba nyid med pas 'gal ba'i phyir rtog pa dang dpyod pa dag cig car ma yin no/ /nyes pa smos pa'i phyir zhes smos pa ni rtsing ba dang zhib pa nyid sa dang rnam pa'i bye brag gi bltos pa can yin na ni srid pa'i rtse mo'i bar la rtog pa dang dpyod pa dag yod par 'gyur ro zhes bya ba la sogs pa yin no/ /kha cig ni nyes pa ma smos pa'i phyir zhes 'don te/ phrad pa med pa la nyes pa 'ga' yang ma smos so zhes bya ba'i tha tshig go /yan lag gnyis dang gsum dang bzhi bor nas zhes bya ba ni yan lag gnyis por nas bsam gtan gnyis pa rnam par bzhag ste/ de na rtog pa dang dpyod pa dag med pa'i phyir ro/ /yan

  684. 342b

    lag gsum bor nas bsam gtan gsum pa rnam par bzhag ste/ de na dga' ba yang med pas so/ /yan lag bzhi por nas bsam gtan bzhi pa rnam par bzhag ste/ de na bde ba yang med do/ /'du shes la sogs pa ni yan lag nyid du bshad pa ma yin no zhes bya ba ni 'du shes la sogs pa ni bsam gtan gzhan dag la bor ba med pas so/ /yang na ci'i phyir lnga kho na yan lag nyid yin zhes bya ba ni gal te don 'di yin par mi dgongs na'o/ /gal te phan pa'i phyir lnga kho na yan lag nyid yin no zhe na/ de ni ma yin te rtog pa dang/ dpyod pa gnyis pas dran pa dang shes rab dag ches phan pa'i phyir ro/ /ji ltar dran pa dang shes rab dag phan par 'dod pa de ltar rtog pa dang dpyod pa dag ni ches phan pa ma yin te/ dran pa nye bar gnas pa dang yang dag par ji lta ba bzhin rab tu shes pa la zhum pa dang rgod pa la sogs pa med pa'i phyir ro/ /de lta bas na 'di ni dpyad par bya ba yin no zhes bya ba 'di ni rnal 'byor spyod pa'i sa mthong bas dpyad pa dang bya ba yin no zhes slob dpon gyis der lta bas lungs 'byin pa yin no/ /de la bsdus pa'i don ni 'di yin par blta ste/ chos gzhan dag yod bzhin du ci'i dbang du byas nas rtog pa la sogs pa kho na yan lag nyid du rnam par bzhag ce na de tsam gyi gnyen po dang/ phan yon dang de gnyi ga'i rten gyi yan lag yongs su rdzogs pa'i phyir ro/ /gzugs med pa dag la ni yan lag rnam par bzhag pa med de zhi gnas su ro gcig pa nyid kyi phyir ro/ /'di skad du gnyen po'i yan lag gi phyir dang phan yon gyi yan lag gi phyir dang/ de gnyi ga'i rten gyi yan lag gi phyir zhes bshad pa yin te/ re shig bsam gtan dang po la gnyen po'i yan lag ni rtog pa dang yin te/ de dag gi 'dod pa'i gnod sems dang rnam par 'tshe ba spangs pa'i phyir ro/ /phan yon gyi yan lag ni dga' ba dang bde ba

  685. 343a

    yin te/ rtog pa dang dpyod pa dag gis mi mthun pa'i phyogs spangs nas de las dben pa las skyes pa'i dga' ba dang bde ba dang bde ba 'thob pa'i phyir ro/ /de gnyi ga'i rten gyi yan lag ni sems rtse gcig pa nyid yin te/ rten gyi stobs kyis rtog pa la sogs pa 'jug pa'i phyir ro/ /de bzhin du bsam gtan gnyis pa la gnyen po'i yan lag ni nang rab tu dang ba yin te/ nges rtog pa dang spyod pa spong pa'i phyir ro/ /dga' ba dang bde ba dang/ sems rtse gcig pa nyid ni yan lag lhag ma dag yin te/ snga ma bzhin no/ /bsam gtan gsum pa la gnyen po'i yan lag ni btang snyoms dang dran pa dang/ shes bzhin yin te de dag gis dga' ba spong ba'i phyir ro/ /bde ba dang sems rtse gcig pa nyid ni go rims bzhin du yan lag lhag ma dag yin te/ snga ma bzhin no/ /bsam gtan bzhi pa la gnyen po'i yan lag ni btang snyoms yongs su dag pa dang/ dran pa yongs su dag pa yin te/ de dag gi bsam gtan dag na bde ba spong ba'i phyir ro/ /phan yon gyi yan lag ni bde ba yang ma yin sdug bsngal yang ma yin pa'i tshor ba yin no/ /de gnyi ga'i rten gyi yan lag ni sems rtse gcig pa nyid yin no rab tu dang pa dang pa yin zhes bya ba ni dang ba nyid rab tu dang ba yin pas rab tu dang ba dang ba yin no/ /rdzas gzhan med na ji ltar sems las byung ba nyid du 'grub ces bya ba ni rtog pa la sogs pa'o/ /skal ldan khyad par can na re sems la sna tshogs pa yod? pa'i phyir sems kyi gnas skabs kyi bye brag kyang sems las byung ba yin te/ yid kyi brjod pa tshor ba'i gnas skabs ni rtog pa'o/ /yid kyi rjod pa so sor rtog pa pa'i gnas skabs ni dpyod pa'o/ /sems kyi gnas skabs dag kun nas slong bar byed pa ni rtog pa'o/ /de las gzhan pa'i gnas skabs ni dpyod pa'o zhes zer ro/ /sems kyi gnas skabs rnam par ma g.yengs pa ni ting nge 'dzin to/

  686. 343b

    sems kyi gnas skabs rab tu zhi bar 'byung ba ni nang rab tu dang ba'o/ /bsam gtan dag na yod pa'i bde ba yin par mi rung ba nyid kyi zhes bya ba ni bde ba'i tshor ba'i ngo bo nyid du 'dra na yid kyi yin yang ci'i phyir yid bde ba la bde ba zhes mi brjod ce na/ rgyu yod de dga' ba 'di ni nye bar ma zhi ba yin pas nges ni sems mnyam par bzhag pa de yang g.yengs pa lta bu dang khengs pa lta bu dang/ dga' ba dang bcas pa dang/ gang mo dang bcas pa dang/ 'byar ba lta bur rnam par 'jog ste/ gang gi tshe nye bar zhi bar gyur pa de'i tshe sa gzhan thob na de'i rigs can nyid kyi tshor ba la bde ba zhes bya'o/ /nyon mongs pa las dben pa ma yin pa'i phyir ro zhes bya ba ni de'i sa pa'i nyon mongs pa rnams las ma grol ba'i phyir ro zhes bya ba'i tha tshig go/ nyon mongs pas rnyogs pa'i phyir ro zhes bya ba ni nyon mongs pa rnams kyi bar du ma ngang ba'i phyir ro zhes bya ba'i tha tshig go /nyon mongs pa can gyi bde bas kun tu rmongs par byas pa'i phyir ro zhes bya ba ni nyon mongs pa can gyi bde bas bslang ba'i phyir dran pa ngang shes bzhin med do/ /nyon mongs pa dri ma can du byas pa'i phyir ro zhes bya ba ni de'i sa pa'i nyon mongs pa rnams kyis dri ma can du byas pa'i phyir btang snyoms dang dran pa yongs su dag pa pa med do/ /de gnyis ni dge ba'i sa ma yin pa'i phyir ro zhes bya ba ni shin tu sbyangs pa dang btang snyoms dag ni dge ba'i sa mang po pa las byung ste/ dad dang bag yod shin tu sbyangs/ btang snyoms ngo tsha shes khrel yod/ rtsa ba gnyis rnams mi 'tshe dang? brtson 'grus rtag tu dge las 'byung zhes 'byung ba'i phyir ro/ /yang ci'i phyogs snga ma ltar na bsam gtan nyon mongs pa can dag la yang de dag yod dam zhe na smras pa med do/ /ci'i phyir de skad du ma bshad ce na ma bshad bzhin du grub pa'i phyir ro/ /gzhan dag na re dge ba'i sa mang po pa shin tu sbyangs pa dang btang snyoms dag ma smos pa'i phyir de dag yod pa kho na'o zhes zer ro/ /dbugs

  687. 344a

    dag ces bya ba dbugs 'byung ba dang/ dbugs rdub pa dag ste gnyis nyid du rab tu bstan pa'i phyir 'dir gnyis kyi tshig tu bstan to/ /gzhan dag ni re rtog pa dang dpyod pa dang dga' ba dang bde ba dag gi g.yo bar mi 'gyur ba'i phyir zhes bya ba ni ji ltar bsam gtan snga ma gsum rtog pa la sogs pas g.yo bar byed de/ bsam gtan dang po ni rtog pa dang dpyod pa dag gis g.yo la/ gnyis pa ni dga' bas/ gsum pa ni bde bas g.yo ba de ltar bzhi pa ni skyon brgyad dang/ bral ba'i phyir ro de dag gis mi g.yo ste/ mdo las/ dper na rlung med pa'i mar me rlung gis mi g.yo ba de dang 'dra'o zhes gsungs so zhes zer ro/ /dang por gtogs zhes bya ba ni bsam gtan dang pos bsdus pa yin no/ /sprul pa'i sems bzhin du zhes bya ba ni sa de pa'i sprul pa sprul par 'dod pa'i sprul pa po gang dag yin pa pos 'og ma'i sprul pa'i sems mngon sum du byed pa de dang 'dra'o/ /dman pa'i phyir dge ba yang ma yin no zhes bya ba ni bsam gtan dang po'i sa pa'i dge ba de ni bsam gtan gnyis pa'i sa pa bas dman zhing tha chad yin pas de'i phyir mngon sum du mi byed do/ /dgos pa'i phyir de dag bsam gtan dang po'i sa pa mngon sum du byed kyi gus pas ni ma yin no/ /dge ba de ni rnam par smin pa dang bcas pa yin na de dag ni de'i rnam par smin pa don du gnyer ba ma yin pas dge ba'i sems mngon du bya ba la 'bad par mi byed do/ /'dod chags bral/ skye ba las zhes bya ba ni 'dod chags dang bral bas so/ /skye bas zhe 'am/ zhes bya ba'i sgra mi mngon par bstan pa yin te/ de dang mi ldan pa ni sa 'og ma las 'dod chags dang bral bas bsam gtan nam gzugs med pa dag pa pa 'thob ste/ 'dod pa las 'dod chags dang bral bas ni nges par 'byed pa'i cha dang mthun pa ma gtogs pa dag pa pa dang po rnam pa gsum 'thob pa/ de bzhin du ci yang med pa'i skye mched las 'dod chags dang bral bas

  688. 344b

    ni srid pa'i rtse mo 'thob pa'i bar du'o/ /srid pa'i rtse mo ma gtogs pa zhes bya ba ni de ni sa 'og ma las 'dod chags dang bral ba kho nas 'thob po/ /sa 'og mar skye ba las zhes bya ba ni gong nas sa 'og mar skye ba na de 'thob po/ sbyor ba las kyang nges par 'byed pa'i cha dang mthun pa'i zhes bya ba ni de'i 'thob pa de ni 'dod chags dang bral ba dang skye bas byas pa ma yin no/ /yongs su nyams pa las kyang nyams pa'i cha dang mthun pa zhes bya ba ni/ gnas pa'i cha dang mthun pa las yongs su nyams na nyams pa'i cha dang mthun pa 'thob po de nyid kyi phyir zhes bya ba ni gang gi phyir yongs su nyams pa'i kyang nyams pa'i cha dang mthun pa 'thob pa'i phyir ro/ /de bzhin du yongs su nyams pa dang/ skye bas 'thob pa dang 'dor bar 'gyur ba yang sbyar bar bya'o/ /ji lta zhe na/ dag pa pa yongs su nyams pas 'thob la yongs su nyams pas 'dor ba yod dam zhe na yod do/ /dag pa pa skye bas 'thob la skye bas 'dor ba yod dam zhe na/ smras pa yod do/ /ji lta zhe na/ bsam gtan dang po nyams pa'i cha dang mthun pa'o zhes pa smos te/ bsam gtan dang po ni tshangs pa'i 'jig rten sa gsum gyi khyad par can te/ tshangs pa'i 'jig rten skye ba na zhes 'byung ba'i phyir ro/ /tshangs pa'i 'jig rten las 'dod chags dang bral bas 'dor zhes bya ba ni 'di ltar bsam gtan dang po las 'dod chags dang bral bas nyams pa'i cha dang mthun pa'i bsam gtan nyon mongs pa dang/ mthun pa'i phyir de'i sa pa'i nyon mongs pa bzhin du 'dor te/ de'i phyir tshangs pa'i 'jig rten las 'dod chags dang bral bas 'dor ro zhes bya'o/ /re zhig dri ba dang po'i lan ni de lta bu yin no/ /tshangs pa'i 'jig rten las 'dod chags dang bral ba las yongs su nyams pa las 'thob ces bya ba ni gal te tshangs pa'i 'jig rten las 'dod chags dang bral ba las yongs su nyams pas yongs su nyams na yang sa de pa'i nyon mongs pa bzhin du yongs su nyams pa'i cha dang mthun pa de 'thob po//

  689. 345a

    'dod pa las 'dod chags dang bral ba las yongs su nyams pa las 'dor ro zhes bya ba ni gang gi tshe 'dod pa las 'dod chags dang bral ba las yongs su nyams pa de'i tshe dag pa pa 'dor ro/ /gong nas tshangs pa'i 'jig rten du skye ba na 'thob ces bya ba ni bsam gtan gnyis pa la sogs pa nas tshangs pa'i 'jig rten du skye ba na de'i sa pa'i nyon mongs pa bzhin du nyams pa'i cha dang mthun par 'thob bo/ /de nas 'dod pa'i khams su skye ba na 'dor ro zhes bya ba ni tshangs pa'i 'jig rten de nas 'dod pa'i khams su skye ba na 'dor ro/ /dbang po 'pho ba las kyang slob dang mi slob slob pa zhes bya ba ni dad pas mos pa mthong bas thob pa nyid du gyur na slob pa 'thob las dus kyi rnam par grol ba yang mi g.yo ba rtogs na mi slob pa 'thob po// mthar gyis pa mi 'thob pa'i phyir gdon mi za ba ma yin te zhes bya ba ni gal te mthar gyis pa zhig mi lcogs pa med pa la brten nas nges pa la 'jug pa la ni mi 'thob po/ /rang gi sa pa'i dag pa pa dang/ zag pa med pa dag ces bya ba ni langs pa'i tshe dang rgyun gyi tshe'o/ /bsam gtan gnyis pa dang gsum pa'i sa pa'i zhes bya ba ni spel ma dang spel ma ma yin pa lugs bzhin snyoms par 'jug pa dang/ thong rgal du snyoms par 'jug pa na'o/ /rang gi sa pa'i dag pa pa dang/ zag pa med pa zhes bya ba ni snga ma bzhin no/ /rnam shes mdza' yas skye mched kyi sa pa'i yang de kho na bzhin te/ lus sa dang mi mthun par snyoms par 'jug pa na'o/ /srid pa'i rtse mo'i dag pa pa kho na te/ zag pa med pa med pa'i phyir ro/ /zhes bya ba ni zhan pa'i phyir zag pa med do zhes bshad do/ lugs dang mthun par snyoms par 'jug pa las langs pa'i tshe de 'byung ngo/ /bsam gtan gsum pa dang bzhi pa dang/ dang po'i sa pa'i zhes bya ba ni spel ma dang/ spel ma ma yin pa lugs dang mthun pa dang lugs dang mi

  690. 345b

    mthun pa dang thod rgal du snyoms par 'jug pa'i dus dag na'o/ /nam mkha' mdza' yas skye mched dang bsam gtan bzhi pa'i sa pa bzhi zhes bya ba ni dus de dag nyid du'o/ /gsum po zhes bya ba ni zag pa med pa med pa'i phyir ro/ /de bzhin du bsam gtan dang gzugs med pa gzhan gyi mjug thogs su yang rdzas bcu sbyar bar bya'o zhes bya ba'i ni/ 'di lta ste/ bsam gtan gsum pa'i mjug thogs su bcug ste/ rang gi sa pa dag pa pa dang zag pa med pa dang gnyis dang bsam gtan bzhi pa dang nam mkha' mdza' yas skye mched kyi sa pa bzhi dang/ de bzhin du bsam gtan dang po dang gnyis pa'i sa pa bzhi'o/ /bsam gtan bzhi pa'i mjug thogs su bcu ste/ rang gi sa pa dag pa pa dang zag pa med pa dang gnyis dang/ nam mkha' dang rnam par shes pa mdza' yas skye mched kyi sa pa bzhi dang/ bsam gtan gnyis pa dang gsum pa'i sa pa lbzhi'o/ /nam mkha' mdza' yas skye mched kyi mjug thogs su bcu ste/ rang gi sa pa gnyis dang/ rnam shes dang ci yang med pa'i skye mched kyi sa pa dang/ bsam gtan gsum pa dang bzhi pa'i sa pa bzhi 'byung bas de ltar na bcur 'gyur ro/ /rjes su shes pa'i mjug thogs su zhes bya ba rgyas par 'byung ba ni bsam gtan rnams ni sa gong ma la dmigs pa'i phyir thal bar 'gyur ba yod pas 'di bye brag tu bshad do/ /de'i rten dang dmigs pa 'og ma yin pa'i phyir ro zhes bya ba ni 'di ltar chos shes pa de'i rten ni 'og ma yin te/ 'dod pa'i khams kyi rten can yin la dmigs pa dang 'og ma yin te/ 'dod pa'i sdug bsngal la sogs pa dmigs so/ /de'i rten dang dmigs pa 'og ma yin pa'i phyir chos shes pa'i mjug thogs su gzugs med pa dag la snyoms par mi 'jug go /lhag ma ni zag pa med pa las ji lta ba bzhin no zhes bya ba ni lhag ma ji ltar zag pa med pa las rang gi sa pa'i dag pa pa dang zag pa med pa dag dang sa gong ma dang

  691. 346a

    sa 'og ma pa gsum pa'i bar 'byung ba bzhin no/ /bsams nas zhes bya ba rgyas par 'byung ba ni/ gal te 'ga' zhig 'di snyam du bdag gis nam phyed dam/ zla ba shar ba 'am zla ba nub pa'i tshe sad par bya'o snyam du blo bskyed nas nyal? na rgyun sngon gyi bsam pa'i rjes su 'jug pa'i phyir dus de kho nar sad par 'gyur ro/ /ji ltar de ltar bsams nas nyal ba de 'dod pa'i dus su sad par 'gyur ba ltar 'di yang de dang 'dra'o/ /rnam pa thams cad du mi skye'o zhes bya ba ni rang gi sa pa yang mi skye la sa 'og ma pa yang mi skye'o zhes bya ba'i tha tshig go /snyoms par 'jug pa'i dus kyi phyir de skad du bshad kyi zhes bya ba ni dag pa dang nyon mongs pa can gyi mjug thogs su rang gi sa pa'i nyon mongs pa can kho na skye'i gzhan gyi sa pa ni ma yin no zhes bya ba yin no/ /ji skad du zhe na/ dag pa las de bzhin rang gi sa pa'i nyon mongs kyang/ nyon mongs can las rang dag dang/ nyon mongs zhes de skad du'o/ /shi 'pho ba'i tshe ni 'chi ba'i srid pa na'o/ /skye bas thob pa'i dag pa ba'i zhes bya ba rgyas par 'byung ba ni skye ba'i bsam gtan dag na skye bas thob pa'i dge ba mnyam par gzhag pa ma yin pa gang yin pa de yang bsam gtan dag pa pa zhes bya bas de'i phyir shi 'pho ba'i tshe zhes bya ba 'di rgyas par smos so/ /ci'i phyir zhe na/ 'chi ba'i srid pa ni mnyam par bzhag pa ma yin pa'i phyir te/ de'i tshe snyoms par 'jug pa'i bsam gtan dag pa pa med pas so/ /de'i phyir sa thams cad pa'i nyon mongs pa skye'o zhes bya ba smos te/ nying mtshams sbyor ba'i sems nyon mongs pa can mnyam par bzhag pa ma yin pa rang gi sa pa dang sa gong ma pa dang 'og ma pa skye'o zhes bya ba'i tha tshig go /sa 'og ma pa ni ma yin no zhes bya ba ni nyon mongs pa can yod na der skye ba mi srid pa'i phyir ro/ /khyad par gyi cha dang mthun pa ma

  692. 346b

    gtogs so zhes bya ba ni gong nas med pa'i phyir ro/ /zag pa med pa ni de las skye'o zhes bya ba ni nges par 'byed pa'i cha dang mthun pa las so/ /nyams pa dang gnas pa'i cha dang mthun pa dag go zhes bya ba ni nyams pa'i cha dang mthun pa ni rgyun gyi dus su'o/ /gnas pa'i cha dang mthun pa ni khyad par du 'gro ba'i dus su'o/ /nyams pa'i cha dang mthun pa ma gtogs so zhes bya ba ni khyad par gyi cha dang mthun pa las rnam par nyams pa gnas pa'i cha dang mthun pa yongs su ma btang na de nyid skye bar rung ba'i phyir ro// de gcig po skye'o zhes bya ba ni nges par 'byed pa'i cha dang mthun pa de nyid rgyun gyi tshul gyis so/ /'brel pa dang zhes bya bas ni go rim bzhin du'o zhes bya ba ni lugs dang mthun pa'i go rim bzhin dang lugs dang mi mthun pa'i go rim bzhin du'o/ / 'byed de zhes bya ba ni byed pa 'am 'jog pa zhes bya ba'i tha tshig go /ci'i phyir zhe na/ dman pa'i phyir ro/ /srid rtser 'phags pa ci yang med ces bya ba la/ 'phags pa pa ni zag pa med pa ste/ srid pa'i rtse mor skyes pa ni zag pa med pa'i ci yang med pa'i skye mched mngon sum du byas shing mngon sum du gyur pa las zag pa spong bar 'gyur ro/ /ni zhes bya ba'i sgra ni dmigs kyis bsal ba'i don ston par byed do/ /rang gi med pa'i phyir zhes bya ba ni srid pa'i rtse mo pa'i zag pa med pa'i lam med pa'i phyir ro zhes bya ba'i tha tshig go /de yang nye ba'i phyir ro zhes bya ba ni ci yang med pa'i skye mched zag pa med pa de nye ba'i phyir te thag nye ba'i phyir ro/ /sa rnams ni srid pas yongs su bcad pa'i phyir zhes bya ba ni sa gang gi sred pa gang yin pa de na de kho na la rgyas par 'gyur ba'i phyir des sa de yongs su bcad pa yin no/ /de lta ma yin na de gong ma nyid du yang 'grub par mi 'gyur ba kho na ste/ sa gcig pa'i gnas gzhan bzhin no/ /de nyid kyi phyir gnas gzhan gsum gsum pa rnams dang/ brgyad po dag lhag 'og tu 'dug

  693. 347a

    kyang sa gcig pa nyid du 'gyur ste/ srid pa'i 'chol bar 'gro ba dang ldan pa'i phyir ro/ /dge ba nyid du thal bar 'gyur ba'i phyir zag pa med pa la yang ma yin no zhes bya ba ni de don gnyer ba ni dge ba'i chos la bdun pa yin pas so/ /gzugs med dngos gzhi dge rnams kyis spyod yul zag bcas 'og ma yin zhes bya ba la gzugs med ces smos pa ni bsam gtan bstsal ba'i phyir te/ bsam gtan dag ni kun tu lta ba yin pa'i phyir dngos gzhi yang zag pa dang bcas pa'i dngos po 'og ma la dmigs par 'gyur ro/ /dngos gzhi zhes smos pa ni nyer bsdogs rtsol ba'i phyir te/ gzugs med pa'i nyer bsdogs dag ni sa 'og ma pa zag pa dang bcas pa la dmigs so/ /dge ba zhes smos pa ni ro myang ba dang mtshungs par ldan pa bstsal ba'i phyir dang/ gnyi ga dge bsdu ba'i phyir ro/ /gal te gzugs med pa zhes bya ba de kho na zhig brjod na ni gzugs med pa'i dngos gzhir ro myang ba dang mtshungs par ldan pa dag kyang dpyod yul zag pa med pa 'og ma can yin no zhes bya bar srid par 'gyur bas 'di skad du gzugs med pa zag pa dang bcas pa dag ces 'dzin par 'gyur ro/ /zag bcas zhes smos pa ni zag pa med pa bzlog pa'i phyir ro/ /chos 'og ma zag pa med pa dag ni gzugs med pa'i dngos gzhi dge ba rnams kyi dmigs par 'gyur ro/ /'og ma zhes smos pa ni gong ma las khyad par du bya ba'i phyir te/ zag pa dang bcas pas gong ma pa ni dmigs par srid pa'i phyir ro/ /dmigs pa zag pa med pa ni zhes bya ba smos nas/ rjes su shes pa'i phyogs dang mthun pa yin zhes bya ba ston te/ rjes su shes pa'i phyogs dang mthun pa zhes bya ba la/ phyogs dang mthun pa zhes smos pas ni sdug bsngal la sogs pa la rjes su shes pa'i bzod pa dag dang de dag dang lhan cig 'byung ba rnams gzung ngo/ /thams cad ces bya

  694. 347b

    ba ni dbang po dang rigs la sogs pa'i bye brag gis tha dad pa sa dgu pa ril bzung ngo/ /chos shes pa'i phyogs dang mthun pa yang ma yin te/ 'dod pa'i sdug bsngal la sogs pa la dmigs pa nyid kyis thag ring ba'i phyir ro/ /sa 'og ma pa'i 'gog pa yang ma yin no zhes bya ba ni 'di ni gong du sa 'og ma pa la 'dzin par thal bar 'gyur ro zhes rnam par bshad zin to/ /zag pa med pas nyon mongs pa rnams spong ngo zhes bya ba ni bsam gtan dang gzugs med pa rnams la zag pa med pa gang zhig srid pa des nyon mongs pa rnams ci rigs par spong ngo/ /zag pa med pa gang zhig zhe na/ dngos gzhis te/ nyer bsdogs ni nyer bsdogs pas kyang zhes dmigs kyis bsal ba'i ngo bor 'chad par 'gyur ro/ /dag pa pas kyang mi spong na zhes bya ba ni nyon mongs pa rnams mi spong na zhes bya ba'i dbang du byas pa yin no/ /nyon mongs can gyis lta smos kyang ci dgos zhes bya ba ni nyon mongs pa can gyi nyon mongs pa spong ba mi srid pa kho na'o snyam du bsams pa yin no/ /ci'i phyir dag pa pas nyon mongs pa dag mi spong zhe na/ 'dod chags dang bral ba'i phyir 'og ma pa la yang ma yin zhes bya ba rgyas par smos te/ sa 'og ma las 'dod chags dang bral ba'i phyir dag pa pas kyang sa 'og ma pa'i nyon mongs rnams mi spyod na nyon mongs pa can gyis lta smos kyang ci dgos/ de nyid de'i gnyen po ma yin pa nyid kyi phyir rang gi sa na yod pa yang ma yin no zhes bya ba ni bsam gtan dang po nas 'du shes med 'du shes med min skye mched kyi bar de nyid de'i gnyen po ma yin pa'i phyir ro/ /de'i gnyen po ma yin pa ni de'i gnyen po ma yin pa'o/ /de'i ngo bo ni nyid de/ de'i gnyen po ma yin pa nyid kyi phyir ro rang gi sa na yod pa'i nyon mongs pa rnams spong bar mi 'gyur te/ srid pas srid pa las nges par 'byung ba ni ma yin no/ /ches khyad par du 'phags pa'i phyir gong ma yang ma yin no/ /zhes bya ba ni sa gong ma pa'i

  695. 348a

    nyon mongs pa rnams ni sa 'og ma pa'i dag pa bas mi spong ste/ nyon mongs pa rnams ches khyad par du 'phags pa'i phyir ro/ /dman pa las brten nas khyad par can rnams spang bar ni rung ba ma yin te/ de'i dag pa bas kyang nyon mongs pa rnams mi spong na nyon mongs pa can gyis lta smos kyang ci dgos zhes bya ba 'di grub pa yin no/ /dag pa pas kyang zhes bya ba la kyang zhes bya ba'i sgras ni zag pa med pas kyang zhes bya ba yin te/ srid pa'i sgo nas de skad du bshad pa yin no/ /de nyid kyi phyir sa 'og ma pa'i gnyen po yin pa'i phyir ro zhes bya ba smos te/ 'dod pa na dpyod pa'i nyon mongs pa rnams ni bsam gtan dang po'i nyer bsdogs kyi spong la/ bsam gtan dang po'i sa pa rnams ni bsam gtan gnyis pa'i nyer bsdogs kyis spong ba nas de bzhin du ci yang med pa'i skye mched rnams ni 'du shes med 'du shes med min skye mched kyi nyer bsdogs kyis spong ba'i bar du'o/ /gang gis de las 'jug pa zhes bya ba ni nyer bsdogs gang gi bsam gtan dang gzugs med pa'i dngos gzhi de dag la 'jug pa'o/ /ci de dag kyang rnam pa gsum yin la zhes bya ba ni ro myang ba dang mtshungs par ldan pa la sogs pa'i bye brag gis so/ /de dag la tshor ba de dang 'dra bar yod dam zhes bya bar ni ci bsam gtan dang po dang/ gnyis pa na ni dga' ba yod la/ gsum pa la ni bde ba/ bzhi pa la ni btang snyoms zhes bshad pa ltar nyer bsdogs dag la yang de dang 'dra 'am zhes bya ba yin no/ /btang snyoms kyi dbang po dang mtshungs par ldan pa dag kyang yin te 'bad de drang bar bya ba yin pa'i phyir zhes bya ba ni mngon par 'du bya ba med par 'byung ba'i lam ni dga' ba dang bde ba dang bde ba dag kyang mtshungs par ldan pa yin na/ nyer bsdogs de dag ni 'bad de drang dgos pas mngon par 'du bya ba dang bcas pa 'byung ba yin te/ de'i phyir btang snyoms kyi dbang po dang mtshungs

  696. 348b

    par ldan pa yin no/ /yang sa 'og ma las yid byung ba dang ma bral ba'i phyir dga' ba dang bde ba dag dang mi ldan te/ de'i phyir yang btang snyoms kyi dbang po dang mtshungs par ldan no/ /'dod chags dang bral ba'i phyir ro myang ba dang mtshungs par ldan pa ma yin no/ /gal te ro myang ba dang mtshungs par ldan par gyur na/ 'dod chags dang bral ba'i lam yin par mi 'gyur te/ srid pa dang mtshungs par ldan pa'i lam gyis ni nyon mongs pa spong bar mi 'gyur ro/ /yang na 'di ltar sbyar te/ 'bad de drang bar bya ba yin pa'i phyir btang snyoms kyi dbang po dang mtshungs par ldan pa dag kyang yin la/ sa 'og ma las yid byung ba dang ma bral ba'i phyir dang/ 'dod chags dang bral ba'i lam yin pa'i phyir zhes bya bar rgyu gnyis kyis ro myang ba dang mtshungs par ldan pa ma yin no zhes bya ba yin no/ /lhag ma ni snga ma bzhin du brjod do/ /nyer bsdogs kyi sems kyis nying mtshams sbyor ba nyon mongs pa can yin mod kyi zhes bya ba ni bsam gtan dang gzugs med pa brgyad char na yang gang gi nyer bsdogs gang yin pa de'i nyer bsdogs kyi sems nyon mongs pa can mnyam par gzhag pa ma yin pa des nying mtshams sbyor ro zhes bya ba 'di ni grub pa'i mdza' yin no/ /de'i phyir 'di skad du nyer bsdogs kyi sems kyi nying mtshams sbyor ba nyon mongs pa can yin mod kyi zhes bya ba rgyas par smos so/ /mi lcogs pa med pa ro myang ba dang mtshungs par ldan par yang 'dod do zhes bya ba ni mi lcogs pa med pa ni bsal ba'i phyir ji ltar de zag pa med pa yang srid pa de bzhin du ro myang ba dang mtshungs par ldan pa yang yin no snyam du bsams pa'o/ /slob dpon 'dul bzang na re dngos gzhi la snyogs pa'i phyir ro myang ba'i snyoms par 'jug pa yod pa'i phyir ro zhes zer ro/ /bsam gtan gyi khyad par yin pa'i phyir ro zhes bya ba ni bsam gtan dang po'i dngos gzhi de nyid rtog pa dang bral bas khyad par du 'phags par gyur pa la bsam gtan khyad par can zhes bya'o zhes

  697. 349a

    bya ba'i tha tshig go /khyad par med pa'i phyir zhes bya ba ni ji ltar bsam gtan dang po la khyad par yod de/ la lar ni rtog pa dang dpyod pa dag /la lar ni dpyod pa kho na yin pa ltar gnyis pa la sogs pa la ni de lta ma yin pas de'i phyir bsam gtan gnyis pa la sogs pa la bsam gtan khyad par can rnam par mi bzhag go /de nyid kyi phyir lam dka' ba yin no zhes bya ba ni mngon par 'du bya ba dang bcas pas drang ba yin pa de nyid kyi phyir ro/ /rtog pa tsam zhig bkag pa'i phyir zhes bya ba ni rtog med bsam gtan khyad par can zhes smos pa'i phyir ro/ /de la dmigs pa'i ting nge 'dzin ni mtshan ma med pa'i ting nge 'dzin yin te zhes bya ba ni mtshan ma med pa la byung bas na mtshan ma med pa'o/ /rnam pa bcu yin no zhes bya ba ni mi rtag pa dang sdug bsngal gyi rnam pa gnyis dang kun 'byung gi rnam pa bzhi dang/ lam gyi rnam pa bzhi ste/ de dag ni rnam pa bcu yin no/ /mi rtag pa dang/ sdug bsngal ba dang/ de'i rgyu dag gis yid 'byung ba'i phyir zhes bya ba ni mi rtag pa dang sdug bsngal ba dang de'i? rgyu ste/ sdug bsngal de'i rgyu kun 'byung bas ba'i? byung ba'i phyir ro/ /ci zhe na smon pa med pa yin te/ 'khor bas ma byas pa yin zhes bya ba'i tha tshig go /lam yang gdon mi za bar gzings lta bur dor bar bya ba yin pa nyid kyi phyir de gzings zhes bya ba ni gzings so// 'di la de dang 'dra ba yod pas na lam ni gzings lta bu'o/ /de'i ngo bo ni nyid de/ lam ni gzings lta bu'i phyir gdon mi za bar dor bar bya ba nyid yin no/ /de lta bas na smon pa med pa yin no zhes bya ba'i dbang du byas pa ste/ dper na gzings la bsten nas chu'o brgal ba ni de gdon mi za bar dor bar bya ba yin pa'i phyir gzings la 'chel te mi 'dug pa de bzhin du lam la brten nas rgal ba yang de gdon mi za bar dor bar bya ba yin pa'i phyir lam la 'chel te mi 'dug go /de'i rnam pa can zhes bya ba ni de dag

  698. 349b

    gi rnam pa bcu po ji skad du bshad pa can no/ /de las 'da' bar mngon du phyogs pa'i phyir ro zhes bya ba ni lam de las 'da' bar mngon tu phyogs pa'i phyir te/ 'di ni de gdon mi za bar spang bar bya ba nyid du ston to/ /mi rtag pa dang sdug bsngal ba dang de'i rgyu las 'das bar mngon du phyogs pa zhes bya ba de ni ma bshad kyang khong du chud pa nyid do/ /stong pa dang bdag med pa dag gis ni yid mi 'byung ngo zhes bya ba ni stong pa dang bdag med pa'i rnam pa dag gis ni rnal 'byor pa'i yid 'byung bar mi 'gyur ro/ /sdug bsngal gyi bden pa la stong pa dang bdag med pa'i rnam pa dag tu dmigs mod kyi de dag gis sdug bsngal de las yid 'byung ba ni ma yin no/ /de ci'i phyir zhe na mya ngan las 'das pa dang 'dra ba'i phyir te/ stong pa dang bdag med pa dag na chos thams cad kyi mtshan nyid yin pas mya ngan las 'das pa yang stong pa dang bdag med pa'i mtshan nyid yin no/ de dag gis mya ngan las 'das pa de las yid 'byung ba yang ma yin no/ /de lta bas na smon pa med pa'i ting nge 'dzin 'di dag gi rnam pa can ma yin no/ /'jig rten pa rnams ni sa bcu gcig na yod do zhes bya ba ni 'dod pa'i khams dang mi lcogs pa med pa dang bsam gtan khyad par can dang bsam gtan dang gzugs med pa dag na'o/ /gang na lam yod pa na yod do zhes bya ba ni 'dod pa'i khams dang srid pa'i rtse mo dang bsam gtan gnyis pa la sogs pa'i nyer bsdogs ma gtogs pa'i sa rnams na'o/ /thar pa'i sgo yin pa'i phyir zhes bya ba ni sgo'i don ni sgo mo'i don to zhes ston to/ /stong pa nyid la sogs pa la dmigs pa'i phyir de skad ces bya'o zhes bya ba ni stong pa nyid dang smon pa med pa dang/ mtshan ma med pa la dmigs pa'i phyir stong pa nyid stong pa nyid dang smon pa med pa smon pa med pa dang/ mtshan ma med pa mtshan ma med pa zhes bya'o/ /stong pa dang mi rtag par zhes bya bar ni grangs bzhin du stong pa nyid

  699. 350a

    stong pa nyid ni mi slob pa'i stong pa nyid kyi ting nge 'dzin la 'di ni bdag gi ma yin no zhes stong pa nyid kyi rnam par dmigs kyi bdag med pa'i rnam par ni ma yin no/ /smras pa 'dir stong pa nyid stong pa nyid kyi ting nge 'dzin ni stong pa'i rnam pa kho na yin gyi/ stong pa nyid ltar bdag med pa'i rnam pa yang yin pa ni ma yin pa de ci'i phyir zhe na 'dir smras pa stong pa nyid kyi rnam par zhugs pa'i stong pa nyid kyi rjes la bskyed par bya ba yin pa'i phyir ro/ /smras pa ci'i phyir stong pa nyid kyi rnam par zhugs pa'i stong pa nyid kyi rjes la skye'i/ bdag med pa'i rnam par zhugs pa'i stong pa nyid kyi rjes las ma yin zhe na/ 'dir smras pa de skye ba dang mthun pa'i phyir te stong pa nyid kyi rnam pa can gyi stong pa nyid kyi ting nge 'dzin de kho na stong pa nyid kyi ting nge 'dzin de skye ba dang mthun par gnas kyi bdag med pa'i rnam pa ni ma yin no/ /ji ltar stong par mthong ba de bzhin du bdag med par mthong ba ni skyo bar byed pa ma yin te/ srid pa dag la bdag med par mthong bzhin du yang stong par ma mthong ba'i phyir 'khor ba la mngon par dga' ba yod de/ dper na lam du zhugs pa ni 'gron po ngo mi shes pa mthong bas kyang dga' ba la gcig pu ni des stong pa'i phyir mi dga' ba de dang 'dra'o// //bam po lnga bcu dgu pa/ /mi rtag pa'i rnam par dmigs so zhes bya ba ni rnam pa bcu'i nang nas so/ /sdug bsngal bar yang ma yin la zhes bya bar rgyas par 'byung ba ni zag pa med pa ni de'i mtshan nyid ma yin pa'i phyir sdug bsngal du mi dmigs te/ 'phags pa dang mi mthun pa nyid kyis sdug bsngal du 'dod do// zag pa med pa ni de'i mtshan nyid ma yin pa nyid kyi phyir rgyu dang kun 'byung ba dang/ rab tu skye ba dang rkyen gyi rnam pa dag tu yang ma yin te/ zag pa med pa ni kun mi 'byung ba la sogs pa'i mtshan nyid yin pa'i phyir ro zhes bya ba'i tha tshig go /lam gyi rnam

  700. 350b

    pa rnams su yang ma yin te/ /sun dbyung bar bya ba'i yin pa'i phyir ro zhes bya ba ni mi slob pa'i ting nge 'dzin de ni sun dbyung bar bya ba yin na/ lam gyi rnam pa dag kyang sun 'byin pa'i ngo bo ma yin pas de'i phyir ting nge 'dzin de la lam gyi rnam pa dag tu mi dmigs so// 'gog pa'i rnam pa dag tu mi dmigs so/ /'gog pa'i rnam pa dag tu ni 'brel ba med pa nyid pas de dag tu ni mi bsam mo/ /lhag ma ni mi rtag pa'i rnam pa kho nar ro/ /ma brtags zad pa la zhes bya ba ni so sor ma brtags pas 'gog pa la zhes bya ba'i tha tshig ste/ mi slob pa'i mtshan ma med pa'i ting nge 'dzin gyi so sor ma btags pas 'gog pa la 'di ni zhi ba'i zhes gyi bar dmigs so/ /de'i so sor ma brtags pas 'gog pa ji lta bu zhe na mi slob pa'i mtshan ma med pa'i ting nge 'dzin las langs pa la de'i rjes la zag pa dang bcas pa'i skad cig ma dang zag pa med pa gzhan 'da' ba gang dag yin pa ste/ gal te de dag 'byung bar ma gyur na mi slob pa'i mtshan ma med pa'i skad cig ma rnams 'byung bar 'gyur ro/ /zag pa dang bcas pa dang/ zag pa med pa gzhan de dag skye ba'i dus na mi slob pa'i mtshan ma med pa'i skad cig ma de dag rkyen ma chad pas so sor ma brtags pas 'gog par 'gyur te/ so sor ma brtags pas 'gog pa de la zhi pa'i rnam par dmigs so/ /zag pa med pa la so sor brtags pas 'gog pa med pa'i phyir so sor brtags pas 'gog pa la mi dmigs so/ /ci'i phyir zag pa med pa la so sor brtags pas 'gog pa med ce na/ mi mthun pa med pa'i phyir te gang zhig 'phags pa rnams dang mi mthun pa de ni ldan pa bral bar bya ba'i phyir de dag sgrim mo/ /bral ba yang so sor brtags pas 'gog pa yin te/ de'i phyir zag pa med pa la so sor brtags pas 'gog pa med do/ /gzhan yang mi slob pa'i mtshan ma med pa'i ting nge 'dzin la so sor brtags pas 'gog

  701. 351a

    ba med pa'i phyir dang so sor ma brtags pas 'gog pa yang de'i phyir rgol bar 'gyur ba'i phyir de la dga' ba kho nas de rnam par sun 'byin par 'dod pa na/ de'i so sor ma brtags pas 'gog pa kho na la dmigs te 'jig rten na yang dgra dang bsdongs nas bsang par bya ba gsod pa snang ngo/ /'gog pa dang gya nom pa dang/ nges par 'byung ba'i rnam par ni ma yin te zhes bya ba ni 'di ltar mi rtag pa nyid kyi 'gog pa dang thun mongs yin te/ de'i ngo bo ni nyid de/ mi rtag pa nyid kyi 'gog pa dang thun mong yin pa nyid de/ de'i phyir so sor ma brtags pas 'gog pa 'di la 'gog pa'i rnam par dmigs so/ /de lta ma yin na de la zhi ba'i rnam par khyad par du 'phags par dmigs par mi 'gyur ro/ /'gog pa'i rnam pas na mi rtag pa nyid kyi 'gog pa kho nas so sor ma brtags pas 'gog pa ste sun phyung ba nyid du 'gyur la/ de sun phyung na yang mi slob pa'i mtshan ma med pa'i ting nge 'dzin sun phyung bar ma gyur to snyam du bsams pa yin no/ /so sor ma brtags pas 'gog pa ni lung du ma bstan pa yin pa'i phyir gya nom pa'i rnam par yang ma yin te/ gya nom pa ni dge ba yin gyi lung du ma bstan pa ni ma yin pas de'i phyir gya nom pa'i rnam par mi dmigs so/ /so sor ma brtags pas 'gog pa ni bral ba ma yin pa'i phyir nges par byung ba'i rnam par mi dmigs te/ kun nas nyon mongs pa dang bral pa ni kun nas nyon mongs pa las nges par 'byung ba yin par 'dod do/ /de lta bas na so sor ma brtags pas 'gog pas 'khor ba las nges par byung ba ma yin te/ 'di ltar chos dge ba dang mi dge pa kha cig gi so sor ma brtags pas 'gog pa yod bzhin du de dag gi thob pa ma chad pa'i phyir de dag dang ldan pa kho na yin no/ /'phags pa'i lam

  702. 351b

    la sdang ba'i phyir zhes bya ba ji ltar sdang zhe na/ stong pa nyid la sogs pa'i rnam pas de la rgyab kyis phyogs pa'i phyir ro/ /mi g.yo la zhes bya ba ni mi g.yo ba'i chos can te/ dbang po rno ba'i phyir de skyed pa'i mthu yid kyi dgra bcom pa gzhan la ni ma yin no/ /de dag gi mthong ba'i chos la bde bar gnas par 'gyur ba'i phyir kun tu chags pa'i gnas su 'gyur ba mi slob pa'i stong pa nyid la sogs pa'i ting nge 'dzin dag la rgyab kyis phyogs par bya ba'i phyir ting nge 'dzin gzhan dag la snyoms par 'jug go rgya cher 'byung zhes bya ba ni mdo las/ ting nge 'dzin bsgom pa kun tu bsten goms par byas lan mang du byas na mthong ba'i chos la bde bar gnas par 'gyur ba yang yod ces bya ba nas ting nge 'dzin bsgom pa kun tu bsten goms par byas lan mang du byas na zag pa zad par 'gyur ba yang yod ces bya ba'i bar 'byung ba yin no/ /de la kun tu bsten pa ni bsten pa bsgoms pas so/ /goms par byas pa ni mi mthun pa spangs pas so/ /lan mang du byas pa ni mi mthun pa bsring bas so/ /de dang po yin pa'i phyir gzhan dang gzhan dag kyang yin par shes par bya'o zhes bya ba ni dper brjod pa'i ngo bo nyid yin pa'i phyir ro/ /tshe phyi ma la bde bar gnas par 'gyur ba ni nges pa med ces bya ba'o?/ /tshe phyi ma ni ma 'ongs pa'i skye ba'o/ /de bde bar gnas pa ste/ 'di ni de'i ched du gdon mi za bar ma yin no/ /ci'i phyir zhe na smras pa/ bsam gtan dang po las nyams pa rnams dang/ gnyis pa la sogs par skyes pa rnams dang/ yongs su mya ngan las 'das pa rnams la tshe phyi ma la bde bar gnas pa med pa'i phyir ro/ /shes pa mthong bar 'gyur ba zhes bya ba ni shes par 'gyur ba dang/ mthong bar 'gyur ba zhes bya ba'i tha tshig bsdu'o/ /de la

  703. 352a

    shes pa ni yid kyi rnam par shes pa dang mtshungs par ldan pa'i shes rab ste/ sems can 'di dag ni lus kyi nyes par spyod pa dang ldan pa'o zhes bya ba de lta bu la sogs par rnam par rtog pa'o/ /mthong ba ni mig gi rnam par shes pa dang mtshungs par ldan pa'i shes rab rtog pa med pa'o/ /smras pa lha'i mig gi mngon par shes pa ni shes pa mthong bar 'gyur ba yin no zhes bshad pa lha'i mig gi mngon par shes pa ni ting nge 'dzin bsgom pa ma yin no zhe na/ 'dir smras pa 'di ni 'bras bu la rgyu btags pa yin te/ ting nge 'dzin bsgom pa gang gi 'bras bu lha'i mig gi mngon par shes pa yin pa'i 'bras bu de la shes pa mthong bar 'gyur ba'i ting nge 'dzin bsgom pa yin no zhes rgyu nye bar brtags so/ /gang dag gi phyogs rnam grol lam blo rnam pa drug ces bya ba 'di yin pa de dag gi ltar na ni mngon par shes pa drug yid kyi rnam par grol ba'i lam bsam gtan gyis bsdus pa kho na yin pas ni klan kar mi rung ba nyid de/ rnam par grol ba'i lam de dag ni mnyam par gzhag pa yin pa'i phyir ro/ /chos mngon pa'i mdzod sems pa rnams kyi ltar na ni phyogs gong ma kho na ltar khong du chud par bya ste/ lha'i mig dang rna ba'i rnam par shes pa dag mngon par shes pa nyid du 'dod pa'i phyir ro/ /khams gsum pa dang zag pa med pa zhes bya ba la/ khams gsum pa ni mi sdug pa dang dbugs rdub pa dang/ 'byung pa dran pa dang/ nyon mongs pa med pa dang/ smon nas shes pa dang/ so sor yang dag par rig pa dang/ mngon par shes pa dang/ rnam par thar pa dang/ zil gyis gnon pa'i skye mched la sogs pa'o/ /zag pa med pa ni rnam par thar pa'i sgo dang thod rgal gyi snyoms par 'jug pa dang/ zag pa zad pa'i mngon par shes pa la sogs pa ste/ 'dir ni ting nge 'dzin dang mtshungs par ldan pa'i phyir sbyor ba las byung ba'i

  704. 352b

    yon tan rnams la ting nge 'dzin bsgom pa'o zhes bya bar nye bar brtags pa yin no/ /shes rab rab tu rnam par dbye bar 'gyur ba zhes bya ba ni shes rab kyi khyad par phul tu phyin par 'gyur ba'o/ /bcom ldan 'das kyi chos ston pa 'di ni bdag nyid la nye bar gtong pa yin te zhes bya ba la rang la nye bar gtong pa ni bdag nyid la nye bar gtong pa'o/ /bdag nyid kyi dbang du mdzad de bshad ces bya ba'i tha tshig ste/ byang chub sems dpa' las kyi mdza' la gzigs pa'i ched du phyir byung ste/ shing dzam+bu'i drung du bsam gtan dang po bskyed do/ /byang chub kyi shing drung du ni thun dang po la lha'i bu'i bdud bcom nas lha'i spyan bskyed de/ lha'i spyan des 'chi 'pho ba dang skye ba'i gnas nyam nga bas sems can rnams la gzigs nas de dag yongs su bskyab pa'i phyir gung thun la bsam gtan dang/ rnam par thar pa dang snyoms par 'jug pa rnams mngon sum du mdzad de/ 'di'i sbyor ba las byung ba'i yon tan de dag ni shes rab rab tu rnon por byed par 'gyur pa yin no/ /de'i 'og tu thun gsum pa la bsam gtan bzhi pa la brten te/ nges par zhugs pa nas rdo rje lta bu'i ting nge 'dzin gyis kun tu sbyor ba thams cad spangs pa'i bar du mdzad do/ /gang gi phyir de ltar chos ston pa bdag nyid la nye bar gtong pa yin pa de'i phyir bsam gtan tha ma bzhi pa kho na'i rdo rje lta bu'i ting nge 'dzin gang yin pa zhes bya ba'o/ /sems can tshad med pa la dmigs pa'i phyir ro/ /zhes bya ba 'di ni tshad med pa'i 'du shes su bya ba'i byed rgyu yin no/ /grangs bzhin no zhes bya ba ni gnod sems mang ba rnams kyi ni de spang ba'i phyir byams pa'o/ /rnam par 'tshe ba mang ba rnams kyi ni de spang pa'i phyir snying rje'o/ /mi dga' ba mang ba rnam kyi ni de spang ba'i phyir dga' ba'o/ /'dod pa'i 'dod chags dang gnod sems mang ba rnams kyi de dag spang pa'i phyir btang snyoms so/ /'dod pa'i 'dod chags kyi gnyen po nyid du khyad par ci zhig yod ce na zhes bya ba ni 'dod pa'i

  705. 353a

    'dod chags mang ba rnams kyi phyir sems pa yin no/ /pha dang ma dang/ /bu dang nye du'o 'dod chags kyi gnyen po ni zhes bya ba ni mi 'brel ba med pa dag la ji lta ba de bzhin du de dag la btang snyoms su byed do snyam du bsams pa yin no/ /de ni chags pas drangs pa yin pa'i phyir ro zhes bya ba ni gang gi phyir gnod sems chags pas drangs pa yin pa de'i phyir chags pa'i gnyen po'i ngo bo nyid ston to snyam du bsams pa bzhin no/ /'di ni gnyi ga'i rang bzhin yin na rung ngo zhes bya ba ni ma chags pa'i rang bzhin dang zhe sdang med pa'i rang bzhin yin na rung ngo zhes bya ba'i tha tshig ste/ ci'i phyir zhe na/ 'dod chags dang zhe sdang dag gi gnyen po yin pa'i phyir ro/ /'dir chos gcig la gnyi ga'i rang bzhin yin no zhes bya bar mi bzung ngo/ /'o na ci zhe na/ ma chags pa dang/ zhe sdang med pa dag la btang snyoms kyi sgra 'jug pa yin no/ /kye ma sems can rnams bde bar gyur cig ces bya ba ni shog cig snyam du bsams pa yin no/ /kye ma sems can rnams ni sdug bsngal lo zhes bya ba ni sdug bsngal las grol par gyur cig snyam du bsams pa yin te/ de skad du 'chad par 'gyur ro/ /bar mar gnas pa yin pa'i phyir ro zhes bya ba ni phyogs su ma lhung ba nyid kyis rjes su chags pa yang med zhe 'gras pa yang med ces bya ba'i tha tshig go /de dang mi ldan pa rnams la zhes bya ba rgyas par 'byung ba ni bde ba dang mi ldan pa rnams bde ba yod par mos pa'i phyir ji ltar na phyin ci log pa nyid du mi 'gyur zhe na/ gyur cig snyam du sems pa'i phyir ro zhes bya ba'i bde bar gyur cig snyam du sems pa'i phyir phyin ci log ma yin no zhes bya bar skabs dang sbyar ro/ /yang na bsam pa phyin ci ma log pa'i phyir zhes bya ba la/ bsam pa ni dge ba'i chos te/ sems can rnams bde bar gyur cig snyam pa'i sems dang sems las byung ba 'khor dang bcas pa de dag yin te/ bsam pa de phyin ci ma log pa'i phyir phyin ci log

  706. 353b

    nyid ma yin no/ /ji ltar bsam pa phyin ci log nyid ma yin zhe na/ mos par 'du shes pa'i phyir ro zhes bya ba smos te/ mos pa'i 'du shes pa ni mos par 'du shes pa'o/ /de lta bas na ji ltar mos pa de kho na ltar 'du shes te/ 'di ni mos pa yid la byed pa yin no zhes bya bar yongs su gcod do/ /gal te mi dge ba nyid yin no zhe na zhes bya ba ni phyin ci log tu 'dzin pas so/ /ma yin te/ dge ba'i rtsa ba yin pa'i phyir ro zhes bya ba ni de ni de lta ma yin no/ /de ci'i phyir zhe na/ dge ba'i rtsa ba yin pa'i phyir ro/ /yang ji ltar dge ba yin zhe na/ gnod sems la sogs pa'i gnyen po yin pas zhes bya ba smos te/ byams pa ni gnod sems med pa'i rang bzhin yin pas gnod sems kyi gnyen po'o/ /snying rje ni sdug bsngal sel ba'i rnam pa yin pas sdug bsngal nye bar bsgrub pa rnam par 'tshe ba'i gnyen po yin no/ /dga' ba ni yid bde ba'i ngo bo yin pa'i phyir mi dga' pa'i gnyen po'o/ /btang snyoms ni bar mar gnas pa'i phyir 'dod pa'i 'dod chags dang gnod sems dag gi gnyen po yin pas so/ /de la dmigs pa'i zhes bya ba ni 'dod pa na spyod pa'i sems can la dmigs pa rnams kyi zhes bya ba'i don to/ /de ni snod kyis snod na gnas pa bstan pa yin no zhes bya ba ni snod kyis snod can sems can gyi/ 'jig rten bstan to zhes bya ba'i tha tshig go /mnyam par gzhag pa dang mnyam par bzhag pa ma yin pa dang/ dngos gzhi dang sbyor ba'i smos pa'i phyir ro zhes bya ba ni ci rigs par gsum char yang sa drug dang lnga ma dang bcu pa nyid yin pa dag gi rgyu brjod pa yin te/ de las mnyam par gzhag pa ma yin pa ni 'dod pa'i khams dang sbyor ba ni nyer bsdogs dag yin par ci rigs par sbyar ro/ /sa drug par rnam par gzhag pa la ni nyer bsdogs mi lcogs pa med pa yang yin par 'dod do/ /gsal ba nyid kyis

  707. 354a

    dngos gzhi dang 'dra pa'i phyir ro/ /sa snga ma rnam par bzhag pa la ni dngos gzhi dag kho na bzung ste/ bsam gtan khyad par can ni dngos gzhi'i bsam gtan dang po'i khyad par yin pa'i phyir ro/ /sa bcu pa rnam par bzhag pa la ni mnyam par bzhag pa ma yin pa 'dod pa'i khams kyang yin par 'dod pa'i khams kyang yin par 'dod la/ sbyor ba 'gyur pa nyer bsdogs rnams kyang yin par bzung na dngos gzhi dag lta smos kyang ci dgos/ bsam gtan dngos gzhi'i sa pa yin pa'i phyir ro zhes bya ba ni dngos gzhi ni bsam gtan dag pa pa'i sa pa yin zhes bya ba'i tha tshig ste/ bsam gtan dag pa pa dag gis ni nyon mongs pa mi spong ngo zhes sngar bshad zin to/ /mos pa yid la byed pa'i phyir de dag gi nyon mongs pa rnams mi spong ste/ de kho na nyid yid la byed pas ni nyon mongs pa spong na/ sems can la dmigs pa yin pa'i phyir de dag gis mi spong ste/ chos kyi spyi'i mtshan nyid yid la byed pas nyon mongs pa spong ngo zhes bya ba ni grub pa'i mdza' yin no/ /'o na ji lta bu zhe na/ de dag gi sbyor bas zhes bya ba rgyas par smos te/ byams pa la sogs pa'i sbyor bas gnod sems la sogs pa rnam par gnon pa'i phyir ro/ /de dag gi gnyen po nyid du bshad do zhes bya ba ni gnod sems la sogs pa'i gnyen po nyid du bshad de de dag ni rnam par gnon pa'i spong ba yin no zhes bya ba'i tha tshig go /spangs pa thag sring bar byed pa'i phyir zhes bya ba la/ 'di ltar bar chad med pa'i lam 'jig rten pa 'am 'jig rten las 'das pa'i gnod sems la sogs pa nyon mongs pa rnams de dag gis thag srid bar byed de/ de'i phyir de dag gi gnyen po nyid du bshad do/ /ji lta zhe na/ ston par byed de/ byams pa sogs pa gsum po 'dod pa'i khams kyi sa pa dang mi lcogs pa med pa'i sa rnams ni

  708. 354b

    dngos gzhi'i tshad med pa dang 'dra ba dag yod do/ /sbyor ba dang dmigs pa dang rnam pa dang ngo bo nyid 'dra ba'i phyir dngos gzhi dag dang 'dra ba yin no tshad med pa gsum po de dag gis nyon mongs pa de rnams rnam par mnan nas spong ba'i lam bar chad med pa'i lam rnams kyis rab tu spong bar byed do/ /rkyen stobs dang ldan pa rnyed kyang zhes bya ba ni gnod sems la sogs pa'i rkyen stobs dang ldan pa rnyed du zin kyang nyon mongs pa de dag gis mngon du 'gyur ba'i sgo nas mi brdzi ba yin/ chen po la zhes bya ba ni mdza' bo'i phyogs la te/ mdza' bo'i mchog la ni byams par bya sla bas so/ /rgyas par byed do zhes bya ba ni khyab par byed do/ /sngon gyi bsod nams dang bsod nams ma yin pa'i 'bras bu snang ba'i sgo nas zhes bya ba'i sngon bsod nams kyi 'bras bu snang pa'i sgo nas gang zag dge ba'i rtsa ba kun tu chags pa la yang 'dis ni gang gis ni 'di'i gzugs la sogs pa phun sum tshogs par gyur pa'i bsod nams shig byas par gyur to zhes yon tan bzung bar nus la/ rang sangs rgyas la yang 'dis ni gang gis na 'di la 'di lta bu'i gzugs la sogs pa med pa'i bsod nams ma yin pa zhig gdon mi za bar byas par gyur to zhes skyon bzung bar nus so/ /sdug bsngal las thar kyang ci ma rung snyam du mos shing snying rje la sbyor bar byed do/ /mngon par dga' bar gyur kyang ci ma rung snyam du mos shing dga' ba la sbyor bar byed do/ /dga' ba dang mi ldan no zhes bya ba ni gsum pa dang bzhi pa dag na yid bde ba med pa'i phyir ro/ /rnam par thar pa brgyad ces bya ba ni mdo las ji skad 'byung ba bzhin no/ /ji skad du zhe na/ rnam par thar pa ni rnam pa brgyad do/ /brgyad gang zhe na gzugs can gzugs rnams la lta ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la

  709. 355a

    lta ba 'di ni rnam par thar pa gnyis pa'o/ /sdug pa'i rnam par thar pa lus kyis mngon sum du byas te rdzogs par byas nas gnas pa 'di ni rnam par thar pa gsum pa'o/ /rnam pa thams cad du gzugs kyi 'du shes rnams las yang dag par 'das nas thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha' mdza' yas so snyam ste/ nam mkha' mdza' yas skye mched rdzogs par byed de/ gnas pa 'di ni rnam par thar pa bzhi pa ste/ 'di lta ste nam mkha' mdza' yas skye mched du nye bar 'gro ba'i lha rnams lta bu'o/ /gzhan yang rnam pa thams cad du nam mkha' mdza' yas skye mched las yang dag par 'das te rnam par shes pa mdza' yas so snyam nas rnam shes mdza' yas skye mched rdzogs par byas te gnas pa 'di ni rnam par thar pa lnga pa ste/ 'di lta ste rnam shes mdza' yas skye mched du nye bar 'gro ba'i lha rnams lta bu'o/ /gzhan yang rnam pa thams cad du rnam shes mdza' yas skye mched las yang dag par 'das te/ ci yang med do snyam nas ci yang med pa'i skye mched rdzogs par byas te gnas pa 'di ni rnam par thar pa drug pa ste/ 'di lta ste/ ci yang med pa'i skye mched du nye bar 'gro ba'i lha rnams lta bu'o/ /gzhan yang rnam pa thams cad du ci yang med pa'i skye mched las yang dag par 'das nas/ 'du shes med 'du shes med min skye mched rdzogs par byas te gnas pa 'di ni rnam par thar pa bdun pa ste/ 'di lta ste 'du shes med 'du shes med min skye mched du nye bar 'gro ba'i lha rnams lta bu'o/ /rnam pa thams cad du 'du shes med 'du shes med min skye mched las yang dag par 'das te tshor ba dang 'du shes 'gog pa lus kyis mngon sum du byas

  710. 355b

    nas rdzogs par byas te gnas pa 'di ni rnam par thar pa brgyad pa'o zhes 'byung ngo/ /gzugs can gzugs rnams la lta ba zhes bya ba ni bdag nyid kyi gzugs rnams la rnam par ma bshig par phyi rol gyi gzugs rnams la yang lta ba yin no/ /rnam par bsngos? pa la sogs par dmigs pa'i phyir tshul ni mi sdug pa bzhin rig par bya'o zhes bya ba ni 'dod chags lhag pa'i kha dog gi 'dod chags la sogs pa'i gnyen po las brtsam ste ci rigs par mi sdug ma chags sa bcu dang/ /dmigs pa 'dod snang mi skyed dag zhes bya ba rgyas par sbyar bar bya'o/ /grangs bzhin no zhes bya ba ni 'dod pa na spyod pa'i kha dog gi 'dod chags kyi gnyen por ni bsam gtan dang po'i sa pa'i rnam par thar pa yin la/ bsam gtan dang po'i sa pa'i kha dog gi 'dod chags kyi gnyen po yang bsam gtan gnyis pa'i sa pa'i rnam par thar pa yin te/ 'di gnyis kyang thag sring ba'i gnyen po yin par rig par bya'o/ /smras pa bsam gtan gnyis pa la sogs pa ni kha dog gi 'dod chags med do zhes bya par ji ltar shes she na/ mig gi rnam par shes pa med pa'i phyir ro/ /gang zhig yul gang las 'dod chags dang bral ba de ni nges par de 'dzin par byed pa'i rnam pa? pa las kyang 'dod chags dang bral ba yin la/ bsam gtan gnyis pa la sogs pa na mig gi rnam par shes pa la sogs pa med pa de'i phyir de dag ni kha dog gi 'dod chags dang bral ba'o zhes bya ba grub po/ /gzugs med mnyam gzhag dge rnams so zhes bya pa ni dag pa pa dang/ zag pa med pa'i gzhan na yang mnyam par ma gzhag pa yod do zhes bya ba ni gzugs med dag gi rnam par smin pa'i sems dang sems las byung ba rnams las bsams pas? brjod pa

  711. 356a

    yin no/ /phyogs snga ma la ni gzugs med pa mnyam par ma gzhag pa zhes bya ba 'chi ba'i srid pa'i gnas skabs kho na'i? yin par ston te/ nyer ba sogs kyi rnam par grol ba'i lam dag kyang rnam par thar pa zhes bya ba'i ming 'thob po zhes bya ba la kyang zhes bya ba'i sgras ni dngos gzhi dag lta smos kyang ci dgos zhes bya ba'i don te/ bar chad med pa'i lam rnams ni ma yin te zhes bya ba rgyas par 'byung ba ni gang gi phyir sa 'og ma pa la rgyab kyis phyogs la rnam par thar pa dag ces bya ba de'i phyir bar chad med pa'i lam rnams ni 'og ma la dmigs pas rnam par thar pa zhes bya ba'i ming mi 'thob kyi/ rnam par grol ba'i lam dag ni gong ma la dmigs pa'i phyir ming 'thob po/ /'gog pa'i snyoms par zhes bya ba ni brgyad pa'o zhes bya ba'i tshig lhag ma yin no/ /'du shes dang tshor ba la rgyab kyis phyogs pa'i phyir zhes bya ba ni 'du shes la rgyab kyis phyogs pa'i phyir tshor ba la rgyab kyis phyogs pa'i phyir rnam par thar pa'o/ /yang na 'du shes thams cad la rgyab kyis phyogs pa'i phyir rnam par thar pa'o/ /snyoms par 'jug pa'i sgrib pa las rnam par thar pa'i phyir rnam par thar pa'o zhes bya ba'i tha tshig go /de la snyoms par 'jug pa'i sgrib pa ni sgrib pa pa gang zhig yod na sems las su mi rung bas khams gsum pa'i 'dod chags dang bral ba dag gis kyang bsam gtan dang po'i dngos gzhi ya skyed bar byed pa yin no/ /ci rigs par zhes bya ba ni gnyis kyi dmigs pa ni rnam par bsngos pa la sogs pa'i gzugs yid du mi 'ong ba'o/ /gsum pa'i dmigs pa ni yid du 'ong ba'o/ /de'i rgyu dang 'gog pa dag ces bya ba ni sdug bsngal

  712. 356b

    de'i kun 'byung ba dang 'gog pa dag go /rjes su shes pa'i phyogs dang mthun pa'i lam thams cad ces bya ba ni gong ma dang/ 'og ma dang/ rang gi sa pa zhes bya ba'i tha tshig go /so sor ma btags pas 'gog pa yang yin no zhes bya ba ni so sor ma brtags pas 'gog pa yang gzugs med pa'i rnam par thar pa rnams kyi dmigs pa yin no zhes brjod par bya ste/ gang dag gzugs can min de dag /spyod yul gong dang rang gi sa'i/ /sdug bsngal stsogs dar rjes shes phyogs zhes bya ba 'dir ma smos pa'i phyir ro/ /smras pa so sor ma brtags pas 'gog pa zhig de dag gi dmigs pa yin zhe na/ 'di smras pa/ mi slob pa'i mtshan ma med pa'i ting nge 'dzin gyi so sor ma brtags pa 'gog pa la dmigs te/ gzugs med pa'i rnam par thar pa de dag ni mtshan ma med pa mtshan ma med pa'i ting nge 'dzin gyi ngo bo nyid yin pa srid do/ /de dag kyang nyer bsdogs bdun ma gtogs pas gzhan bcu gcig po 'dod pa'i khams dang/ mi lcogs pa med pa dang/ bsam gtan khyad par can dang/ /bsam gtan dang gzugs med pa dag ni brgyad na yod do/ /bstan bcos ni kha bskang ba dang bcas pa yin pas bstan bcos kyis mtshan nyid bstan pa yin no/ /nam mkha' yang gcig gi yin no/ /nam mkha' yang gcig gi yin no zhes bya ba brjod par bya ste/ nam mkha' mdza' yas skye mched kyi dmigs pa yin no/ /bsam gtan gnyis pa'i sa pa'i kha dog gi 'dod chags med pa'i phyir zhes bya ba ni spang bar bya ba bsam gtan gnyis pa'i sa pa'i kha dog gi 'dod chags med pa'i phyir zhes bya ba'i don ton to/ /de med pa mig gi rnam par shes pa med pa'i phyir ro/ /bde pa'i snying pos bskyed pa'i phyir ro zhes bya ba la/ bde ba'i snying po ni bde ba thams cad kyi gong na 'dug pa'o zhes bya ba'i tha tshig go /des skyed pa'i phyir te/ g.yo bar byas pa'i phyir bsam gtan gsum pa la rnam par thar pa rnam par

  713. 357a

    mi bzhag go /gal te bsam gtan gsum pa'i sa pa'i kha dog gi 'dod chags med na/ ci'i phyir sdug pa'i rnam par thar pa skyed par byed ce na de'i phyir ma sdug pas rgyud zhum pa rab tu dga' bar bya ba 'am/ /rtag pa'i phyir te zhes bya ba smos so/ /rnam par thar pa la sogs pa zhes bya ba la stsogs pa zhes bya ba'i sgras ni zil gyis gnon pa'i skye mched la sogs pa nye bar bsdu'o/ /'phags pa'i rdzu 'phrul ci zhe na/ mngon par bsgrub pa'i tshad du zhes bya bar skabs dang sbyar ro/ /nyon mongs pa thag bsrid ba'i phyir zhes bya ba ni rnam par thar pa la sogs pa thag bsring ba'i gnyen po yin pa'i phyir ro/ /snyoms par 'jug pa la dbang bar bya ba'i phyir zhes bya ba ni snyoms par 'jug pa la dbang ba nyid de yang nyon mongs pa med pa la sogs pa'i yon tan mngon par bsgrub pa'i ched yin no/ /de yang gang gis dngos po yongs su bsgyur ba dang byin gyis rlob pa dang tshe gtong ba la sogs pa byed pa'o zhes bya ba ni de la dngos po yongs su bsgyur ba ni dngos po gang zhig la ji ltar mos pa de kho na bzhin du der 'gyur ba ste/ ji ltar gser la sar bya ba de ltar mos pa'i phyir ro/ /byin gyis rlob pa ni dngos po bstan pa la dus 'di srid du gnas par gyur cig snyam pa ste/ tshe gtong ba yang de dang 'dra'o/ /stsogs pa zhes bya ba'i sgras ni ri rab rdul phra rab kyi nang du 'dzud pa zhes bya ba de lta bu la sogs pa ste gzhan yang mdo sde las blta bar bya'o/ /ci'i phyir gsum pa dang brgyad pa dag kho na mngon sum du bya bar bshad la gzhan dag ni ma yin zhes bya ba la/ ji ltar gsum pa mngon sum du bya bar bshad ce na/ sdug pa'i rnam par thar pa lus kyis mngon sum du byas nas rdzogs par byas te gnas pa zhes 'byung ngo/ /brgyad pa yang 'du shes dang tshor ba 'gog

  714. 357b

    pa lus kyis mngon sum du byas te gnas pa zhes 'byung bas so/ /de la mngon sum du byas nas zhes bya ba ni mngon sum du byas te/ zhes bya ba'i tha tshig go/ rdzogs par byas te gnas pa zhes bya ba ni ting nge 'dzin de dag la snyoms par zhugs te gnas pa zhes bya ba'i don to zhe na 'dir smras pa/ rnam par thar pa dang po dang gnyis pa bas rnam par thar pa gsum pa gnas gyur ba'i sgo nas gzugs can gyi rnam par thar pa'i sgrib pa mdza' dag spangs pas gtso bo yin pa'i phyir gsum pa mngon sum du bya bar bshad do/ /de bzhin du brgyad pa yang gnas gyur pa'i sgo nas gzugs med pa'i rnam par thar pa'i sgrib pa mdza' dag spangs pa'i phyir gtso bo yin pas mngon du bya bar bshad do/ /khams dang sa'i mdza' na gnas pa'i phyir ngo zhes bya ba ni bsam gtan bzhi pa ni gzugs kyi khams dang sa'i mdza' na gnas pa yin la srid pa'i rtse mo yang gzugs med pa'i khams dang sa'i mdza' na gnas pa yin no/ /de bzhin du chen po rnams dang zhes bya ba ni nang gzugs su 'du shes bas phyi rol gyi gzugs chen po kha dog bzang po dang kha dog ngan pa rnams la lta zhing zhes bya ba nas rgyas par 'di ni zil gyis gnon pa'i skye mched gnyis pa'o zhes bya ba'i bar 'byung ba'o/ /de kho na bzhin du nang gzugs med par 'du shes pa zhes bya ba ji lta bu zhe na/ nang gzugs med par 'du shes par phyi rol gyi gzugs chung ngu la dog bzang po dang kha dog ngan pa rnams zhes bya ba nas 'di ni zil gyis gnon pa'i skye mched gsum pa'o zhes bya ba'i bar snga ma bzhin no/ /de bzhin du nang gzugs med par 'du shes pas phyi rol gyi gzugs chen po kha dog bzang po dang kha dog ngan pa rnams la lta zhing zhes bya ba nas 'di ni zil gyis gnon pa'i skye mched bzhi pa'i zhes bya ba'i bar snga ma bzhin te/ de ltar bzhi po de dag dang/ gzugs med par 'du shes pa kho na sngon

  715. 358a

    po dang ser po dang dmar po dang dkar po rnams la lta ste zhes bya ba'o/ /ji lta bu zhe na/ nang gzugs med par 'du shes pas phyi rol gyi gzugs sngon po/ /kha dog sngon po sngon po lta bur ston pa 'od sngon por 'byung ba/ dper na zar ma'i me tog gam/ yul bA ra na sa'i ras phun sum tshogs ba sngon po kha dog sngon po sngon po lta bur ston ba/ 'od sngon por 'byung ba lta bu rnams la lta zhing gzugs de dag zil gyis mnan nas shes zil gyis mnan nas mthong ste/ de lta bur 'du shes par gyur pa 'di ni zil gyis gnon pa'i skye mched lnga pa'o/ /nang gzugs med par 'du shes pas phyi rol gyi gzugs ser po kha dog ser po ser po lta bur ston pa/ 'od zer po 'byung ba dper na dong ka'i me tog gam yul bA ra na se'i? ras phun sum tshogs pa ser po kha dog ser po ser po lta bur ston pa 'od ser po 'byung ba lta bu rnam lta lta zhing zhes bya ba nas rgyas par 'di ni zil gyis gnon pa'i skye mched drug pa'o zhes bya ba'i bar dang/ nang gzugs med par 'du shes pas phyi rol gyi gzugs dmar po kha dog dmar po dmar po lta bur ston pa 'od dmar po 'byung ba dper na band+hu dza ba ka'i me tog gam/ yul bA ra Na sa'i ras phun sum tshogs pa dmar po kha dog dmar po dmar po lta bur ston pa 'di dmar po 'byung ba rnams la lta zhing zhes bya ba nas rgyas par 'di ni zil gyis gnon pa'i skye mched bdun pa yin no zhes bya ba'i bar dang/ nang gzugs med par 'du shes pas phyi rol gyi gzugs dkar po kha dog dkar po lta bur ston pa 'od dkar po 'byung ba dper na skar ma pa ba sangs sam/ yul bA ra na sa'i ras phun sum tshogs pa dkar po kha dog dkar po dkar po lta bur ston pa/ 'od dkar po 'byung ba rnams la lta zhing zhes bya

  716. 358b

    ba nas rgyas par 'di ni zil gyis gnon pa'i skye mched brgyad pa'o/ /zhes bya ba'i bar 'byung ste/ snga ma bzhi dang 'di bzhin brgyad du 'gyur ro/ /gnyis ni rnam thar dang po bzhin zhes bya ba ni ji ltar rnam par thar pa dang po gzugs rnams la lta ba zhes bya ba bdag la yod pa'i gzugs la lta zhing phyi rol gyi gzugs la lta ba ltar zil gyis gnon pa'i skye mched dang po dag kyang de dang 'dra'o/ /de gnyis las gcig ni bdag yod pa'i gzugs la lta zhing phyir rol na yod pa'i gzugs la lta ste 'di skad du na gzugs su 'du shes pas phyi rol gyi gzugs chung ngu zhes bya ba rgyas par 'byung ngo/ /gnyis pa yang de kho na dang 'dra ste/ khyad par ni phyi rol gyi gzugs chen po rnams la lta ba zhes bya ba 'di yod do/ /gzhan yang ji ltar rnam par thar pa dang po bsam gtan dang po'i sa pa dang/ 'dod pa ni spyod pa'i kha dog gi 'dod chags kyi gnyen po dang/ 'dod pa na spyod pa'i gzugs kyi skye mched la dmigs pa yin pa ltar zil gyis gnon pa'i skye mched 'di dag kyang de dang 'dra bar rig par bya'o/ gnyis ni gnyis pa bzhin no zhes bya ba ni ji ltar rnam par thar pa gnyis pa'i mtshan nyid nang gzugs med par 'du shes pas phyi rol gyi gzugs rnams la lta zhes bya ba de lta bu yin pa ltar zil gyis gnon pa'i skye mched gsum pa dang bzhi pa dag kyang mtshan nyid de dang 'dra ste/ de dag kyang 'di skad du 'byung ste/ gsum pa ni nang gzugs med par 'du shes pas phyi rol gyi gzugs chung ngu kha dog bzang po dang kha dog ngan pa rnams la lta zhes 'byung ngo/ /bzhi pa ni nang gzugs med par yang 'du shes pas phyi rol gyi gzugs chen po kha dog bzang po dang kha dog ngan pa rnams la lta zhing zhes 'byung ngo/ gzhan yang ji ltar rnam par thar pa gnyis pa bsam gtan gnyis pa'i sa pa dang bsam gtan dang po'i sa pa'i kha dog gi 'dod

  717. 359a

    chags kyi gnyen po dang gzugs na spyod pa'i gzugs la dmigs pa yin pa ltar zil gyis gnon pa'i skye mched gsum pa dang bzhi pa yang de dang 'dra'o/ /gzhan sdug ba'i rnam par thar pa bzhin zhes bya ba ni ji ltar sdug pa'i rnam par thar pa bsam gtan bzhi pa'i sa pa dang/ gzugs na spyod pa'i gzugs kyi skye mched yid du 'ong ba la dmigs pa yin pa ltar sngon po dang dmar po dang ser po dang dkar po zil gyis gnon pa'i skye mched dag kyang de dang 'dra ste/ 'di ni kha dog bzhi can rnam par phye nas bzung ba 'ba' zhig tu zad do/ /sdug pa'i rnam par thar pa'i ngo bo nyid ma chags pa yin pa ltar 'di dag gi yang de dang 'dra'o/ /ji ltar sdug ba'i rnam par thar pa 'di 'khor dang bcas par bzung bas phung po lnga'i rang bzhin yin pa ltar 'di dag kyang de dang 'dra bar khong du chud par bya'o/ /de dag gis ni rgyab kyis phyogs pas tsam du zad pa zhes bya ba ni dmigs pa zil gyis gnon pa ma yin no/ /ji lta na zil gyis gnon pa'i skye mched dag gis dmigs pa zil gyi gnon ce na/ de'i phyir ji ltar 'dod pa bzhin du mos pa'i phyir zhes bya ba smos te/ de dag gi sngon po dang ser po la sogs par mos pa'i phyir te/ skad cig la sngon po zhes bya ba la sogs ba lta bu 'am rnam par sdos pa la sogs pa yid du mi 'ong ba yid du 'ong bar mos pa'i phyir ro/ /nyon mongs pa mi skye ba'i phyir ro zhes bya ba ni kun nas nyon mongs pa'i dbang po la sdug par dmigs kyang nyon mongs pa mi skye ba'i phyir zil gyis gnon pa'i skye mched de dag gi dmigs pa zil gyis gnon pa yin no/ /bar chad med par bde bar rgyas par byed pa'i phyir zhes bya ba ni bar chad med par zad par sa la sogs par rgyas shing khyab par byed pas de'i phyir zad par gyi skye

  718. 359b

    mched rnams zhes bya'o/ /'dod pa na 'dod pa'i gzugs kyi skye mched yin no zhes bya ba ni/ 'jig rten gyi ni tha snyad du/ /kha dog dbyibs la sa zhes brjod/ /chu me yang do rlung tshogs khams/ /nyid yin de dang 'dra ba'ang yin/ /zhes 'byung ba'i phyir ro/ /kha cig na re rlung gi ni rig bya'i skye mched yin no zhes zer ro zhes bya ba ni gang dag rlung la gzugs kyi skye mched yin par mi 'dod pa de dag na re zad par rlung gi dmigs pa ni reg bya'i skye mched yin no zhes zer/ rnam par thar pa 'jug pa las byung ba can yin zhes bya ba ni 'jug pa las byung ba can yin pa 'am 'jug pa las byung ba yin no/ /gong nas gong du khyad par du 'phags pa'i phyir ro zhes bya ba ni 'di ltar rnam par thar pa dag pas gong ma zil gyis gnon pa'i skye mched khyad par du 'phags pa zil gyis gnon pa'i skye mched dag pas gong ma zad pa'i skye mched khyad par du 'phags te/ 'di skad du rnam par thar pa dag bskyed nas zil gyis gnon pa'i skye mched rnams skyed par byed la/ zil gyis gnon pa'i skye mched dag bskyed nas zad par gyi skye mched rnams skyed par byed do zhes bshad pa yin no/ /'gog pa las gzhan pa'i rnam par thar pa zhes bya ba ni de ni gcig tu 'phags pa'i rgyud la yod pa'i phyir ro/ /'dris pa dang ma 'dris pa'i phyir ro zhes bya ba ni 'dod chags dang bral bas thob pa ni 'dris pa dag yin no/ /sbyor ba las byung ba ni ma 'dris pa dag yin no/ /lhag ma zhes bya ba rgyas par 'byung ba la lhag ma gang zhig yin zhe na/ rnam par thar pa dang po gsum dang/ zil gyis gnon pa'i skye mched brgyad dang/ zad par gyi skye mched brgyad de/ de dag ni mi'i rten can kho na yin no/ /ci'i phyir zhe na/ yul gi mthus skyed pa'i phyir te/ lha la sogs pa gzhan ni lung med pa'i phyir ro/ /ji

  719. 360a

    ltar na gzugs dang gzugs med pa'i khams dag tu gzugs med pa dang bsam gtan gyi khyad par skye zhe na zhes bya ba ni gzugs med pa'i khams sam/ gzugs kyi khams su ste sa gang du skyes pa de'i gong ma bsam gtan dang gzugs med pa gang yin pa de ni de bas khyad par du 'phags pas gzugs med pa dang bsam gtan gyi khyad par ro/ /gzugs med pa dang bsam gtan gyi khyad par de lung med par ji ltar skyed de/ lhag ma ni mi'i rten can kho na yin te/ lung gi mthus skyed pa'i phyir ro zhes bshad pas de'i phyir 'brel pas nges na ji ltar na gzugs dang gzugs med pa'i khams dag tu zhes bya ba rgyas par 'dri'o/ /rgyu'i stobs kyis ni nye ba dang yang du goms pa las so/ zhes bya ba ni nye ba las dang/ yang dang yang du goms pa las so/ /ji lta zhe na/ 'ga' zhig gzugs med pa'i snyoms par 'jug pa la mnyam par gzhag nas de las yongs su nyams te rjes kho na la gzugs kyi khams su skye na gzugs med pa'i snyoms par 'jug pa'i mtshan nyid kyi skal pa mnyam pa'i rgyu stobs dang ldan pa'i phyir de la gzugs kyi khams su gzugs med pa'i snyoms par 'jug pa skye'o/ /yang dang yang du goms pa las kyang 'ga' zhig gzugs med pa'i snyoms par 'jug pa la yang dang yang du mnyam par bzhag nas de las yongs su nyams te/ gzugs kyi khams su skye na de'i gzugs med pa'i snyoms par 'jug pa'i mtshan nyid kyi skal ba mnyam pa'i rgyu stobs dang ldan pa'i phyir gzugs kyi khams su gzugs med pa'i snyoms par 'jug pa skye'o/ /de bzhin du rnam shes mdza' yas skye mched las yongs

  720. 360b

    su nyams te/ nam mkha' mdza' yas skye mched du skyes pa la yang de kho na bzhin du de'i snyoms par 'jug pa skye ste/ de'i gong du skyes pa la yang de dang 'dra'o/ /las kyi stobs kyis ni gzugs kyi khams skyes pa la lan grangs gzhan la myong bar 'gyur ba'i las kyi rnam par smin pa nye bar gnas pa'i phyir de las 'dod chags dang bral ba dang mthun pa'i rgyud gnas te/ 'og ma las 'dod chags dang ma bral bas ni gong ma gzugs med pa'i khams su skye bar mi nus so/ /de bzhin du gzugs med pa dag tu yang nam mkha' mdza' yas skye mched du skyes pa la las kyi stobs kyis ni sa gong ma pa rnams shes mdza' yas skye mched kyis pa'i las lan grangs gzhan la myong bar 'gyur ba'i rnam par smin pa nye bar gnas pa'i phyir de las 'dod chags dang bral ba dang mthun pa'i rgyu gnas te/ 'og ma las 'dod chags dang bral bas ni gong du skye bar mi nus so/ /rgyu dang las kyi stobs de dag gis bsam gtan dang po la sogs par bsam gtan gnyis pa la sogs par ji ltar skyes zhe na rgyu'i stobs kyis ni nye ba dang yang dang yang du goms pa las so/ /lam gyi stobs kyis ni sa gong ma'i zhes bya ba rgyas par sbyar bar bya'o/ /chos nyid kyi kyang zhes bya ba la/ chos nyid ces bya ba 'di ci zhe na/ mdo sde pa kha cig na re chos 'jug pa shes chen po 'di dag nyid sngon gyi bsam gtan gyi bag chags kyi dbang gis de skyed pa'i lung med par bsam gtan skye ba dang mthun pa ni chos nyid de/ rang bzhin dang ngo bo nyid yin no zhes bya ba'i tha tshig go zhes zer ro/ /bye brag tu smra ba kha cig na re yang/ gzhan las de'i lung ma mnos par tshe rabs snga ma'i skal ba mnyam pa'i rgyu las rgyu mthun pa'i 'bras bu bsam gtan skye ba ni chos

  721. 361a

    nyid yin no zhes zer ro/ /dge ba'i chos rnams kyi 'jug pa shas che ba nyid kyi phyir zhes bya ba ni 'jig pa'i dus de na dge ba'i las kyi lam rnams kyi zhes bya ba'i tha tshig ste/ 'jug pa ni chos de dag nyid kyi byed pa gang yin pa'o/ /'di dag la 'jug pa shas che zhing mchog tu gyur pa yod pas na 'jug pa shas che ba dag go /de'i ngo bo ni nyid de'i phyir ro/ /'di skad du dge ba de dag bdag nyid mchog tu gyur pa thob pa'i phyir ste/ de skye ba dang mthun pa'i bdag nyid du reng pa'i phyir gzhan las lung mnos pa med par sngon gyi bsam gtan gyi bag chags yod na bsam gtan skye'o zhes bshad pa yin no/ /chos rnams kyi rnam pa 'di lta bu zhes bya ba ni zag pa dang bcas pa dang/ zag pa med pa'i chos rnams kyi rnam pa khams dang/ sa dang/ dmigs pa dang/ rnam pa la sogs pa ste ci rigs pa zhes bya ba'i tha tshig go /de 'dzin byed pa smra byed dang/ sgrub par byed pa kho na yin zhes bya ba ni lung dang rtogs pa'i bdag nyid kyi dam pa'i chos de sta grangs bzhin du/ lung ni smra bar byed pa gang dag yin pa de dag de 'dzin par byed pa yin la/ rtogs pa ni sgrub par byed pa gang dag yin pa de dag de 'dzin par byed pa yin no/ /rtogs pa ni de lta bu yin gyi zhes bya ba ni lo stong du gnas so zhes bya ba'o/ /lung ni yun ring du gnas so zhes bya ni lo stong gi 'og tu yang zhes bya ba'i tha tshig ste/ phyogs 'di dag nyid rigs par lta'o/ /gang yin pa'i zhes bya ba rgyas par 'byung ba ni ci chos mngon pa'i mdzod kyi mtshan nyid 'di las chos mngon pa ye shes la 'jug pa la sogs pa'i mtshan nyid du bshad dam zhe na/ de'i phyir bdag gi mngon pa'i chos 'di phal cher ni/ kha che bye brag smra ba'i tshul grub bshad ces bya ba 'di rgyas par smos te/ kha

  722. 361b

    che'i yul na 'khod pas na kha che'o/ /bye brag tu bshad pas sten pas na bye brag tu smra ba'o zhes de ni rnam par bshad zin to/ /kha che yin la bye brag tu smra ba ma yin pa yang yod de/ 'dul ba shes pa la sogs pa dang/ mdo sde pa btsun pa la sogs gang dag yin pa'o/ /bye brag tu smra ba yin la kha che ma yin pa yang yod nyid 'og pa'i bye brag tu smra ba'i gang dag yin pa'o/ /de bas na khyad par gnyi ga smos te/ bdag gis ni 'dir de dag gi lugs kyis grub pa'i chos mngon par gang yin pa de phal cher bshad do/ /shugs kyis na gzhan gyi lugs kyis grub pa yang bstan to zhes bshad pa yin no/ /kha che bye brag tu smra ba'i lugs sam/ gzhan gyi lugs kyang rung/ tshig 'di la nyes par zin pa gang yin pa de ni bdag gi nyes te bdag gi skyon yin no/ /ci'i phyir zhe na/ dam chos tshul la tshad ma thub rnams yin zhes bya ba smos te/ rtogs pa dang lung gi mtshan nyid kyi dam pa'i chos kyi tshul la te brjod pa la tshad ma ni thub pa sangs rgyas bcom ldan 'das rnams dang/ sangs rgyas kyi sras 'phags pa shA ri'i bu la sogs pa yin te/ chos thams cad rnam pa thams cad du rtog par bya ba la thugs btsugs pa dag ces bya ba'i tha tshig go /ston pa 'jig rten mig ni zum gyur cing zhes bya ba ni 'jig rten gyi khams kyi mig tu gyur pa lam dang lam ma yin pa yang dag par ston par byed pa bcom ldan 'das yongs su mya ngan las 'das shing te/ 'dis ni 'jig rten long bar gyur pa nyid ston to/ /dbang gyur skye bo phal cher zad pa na zhes bya ba la/ dbang du gyur pa ni mngon sum du mthong ba ste/ bcom ldan 'das kyis dbang du gyur pa'i skye bo bcom ldan 'das ni lam dang lam ma yin pa mkhyen pa yin no zhes bya bar de kho na nyid rtogs pa gogs su gyur pa gang yin pa de zad cing yongs su mya ngan las 'das

  723. 362a

    pa na ma rig pa'i mun pas de kho na nyid ma mthong ba rang dgar gyur pa bcos su mi btub pa rang gi lta bas rtog ge ngan par zhugs pa khyed cag gis bcom ldan 'das kyis bstan pa tshig dang don gyi sgo nas dkrugs so/ /rang byung rang byung bstan pa gces 'dzin rnams/ /mchog tu zhing gshegs 'gro mgon med pa na zhes bya ba'i tshigs su bcad pa gnyis pa 'di ni sngar bshad pa'i tshigs su bcad pa'i don gyi gtan tshigs kyi ngo bo nye bar bkod pa yin te/ sangs rgyas dang sangs rgyas kyi sras rnams yongs su mya ngan las 'das te/ 'gro ba mgon med pa na bstan pa nub par byed pa'i rgyu lta ba la sogs pa skyon gyi dri ma rang nyams su gyur pas dga' mgur rang dgar deng sang 'jig rten 'di na spyod do/ /de bas na de lta/ lkog mar srog phyin 'dra ste srog lkog mar phyin pa dang 'dra bar zhes bya ba'i tha tshig go de yang rig la skyon rnams kyang stobs dang ldan pa'i dus su rig nas/ thar pa 'dod pa dag gis bag yod kyis zhes bya ba yin no/ /chos mngon pa mdzod kyi 'grel bshad don gsal ba zhes bya ba slob dpon rgyal po'i sras grags pa'i bshes gnyen gyis mdzad pa las snyoms par 'jug pa bstan pa zhes bya ba ste mdzod kyi gnas brgyad pa'o// //bam po drug cu pa/ /yang ci 'di las gzhan la thar pa yod dam zhes bya ba ni thar pa 'dod pa dag gis bag yod kyis zhes 'byung bas don gyis na slob dpon gyis 'di kho na thar pa'i thabs yin gyis 'di las thar pa'i thabs gzhan med de/ de lta bas na thar pa 'dod pa rnams kyis 'di la bag yod par bya'o zhes bshad pas/ gleng ba pos yang 'di ci las zhes bya ba rgyas par 'dri ba la med do zhes bya ba smras so/ /ci'i phyir zhe na/ bdag tu lta ba'i phyin ci log la zhen pa nyid kyi phyir zhes bya ba smos te/ mu stegs can rnams ni bdag

  724. 362b

    tu lta ba'i phyin ci log la zhen pa yin pas bdag tu lta ba phyin ci log la zhen pa'o/ /de'i ngo bo ni nyid de de'i phyir gzhan la thar pa med do/ /don 'di ni bstod pa byed pas kyang bshad de/ yid la nga ru 'dzin dang bcas na skye rgyun zhi mi 'gyur/ /bdag tu lta ba yod na snying las ngar 'dzin mi g.yo lags/ /gang phyir 'gro la bdag med smra ba'i ston pa gzhan med pa/ /de'i phyir khyod kyi lugs las nyer zhi byed pa'i lam gzhan med ces bya ba yin no/ /'di la sgrub pa ni ser skya dang 'ug pa ba la sogs pa pa ni thar pa med do/ bdag tu lta ba phyin ci log la zhen pa'i phyir de kho na nyid ma mthong ba'i skyes bu bzhin no/ /nyon mongs pa rnams bdag tu 'dzin pa las rab tu skye ba yin no zhes bya ba ni ji skad du 'jig rten 'di na dge sbyong dang bram ze kha cig gi lta ba tha dad par gyur pa gang dag yin pa de dag ni 'jig tshogs la lta ba'i rtsa ba can yin no zhes rgyas par 'byung ba lta bu ste/ bdag tu lta ba yod na bdag la chags pa la sogs pa nyon mongs pa rnams rab tu 'byung la/ bdag tu mngon par brjod pa 'di ni phung po'i rgyud kho na la 'jug gi zhes bya ba la/ bdag tu mngon par brjod pa ni bdag tu dogs pa zhes bya ba'i tha tshig go /brjod par bya ba gzhan la ni ma yin no zhes bya ba ni phung po'i rgyud las gzhan pa brtags pa la ni zhes bya ba'i don to/ /ci'i phyir de ltar yin zhe na/ mngon sum dang rjes su dpag pa med pa'i phyir zhes bya ba smos te/ mngon sum dang rjes su dpag pa med pa'i phyir med pa nyid do snyam du bsams pa yin no/ /lung ni rjes su dpag pa'i nang du 'dus pa'i phyir logs shig tu ma brjod do/ /de dag ni bar chad byed pa med na mngon sum du dmigs pa yin te zhes bya ba la/ bar chad byed pa med na zhes bya ba ni dmigs pa'i bgegs pa ha cang nye ba dang ha cang ring ba la sogs pa med na'o/ /

  725. 363a

    mngon sum bya ba ni dmigs pa'i khyad par yin te/ mngon sum nyid du dmigs pa zhes bya ba'i tha tshig go /yang na dmigs pa ni mngon sum gyi tshad ma yin te 'dis dmigs par byed pas na dmigs pa'o/ /yul drug ces bya ba ni gzugs dang sgra dang dri dang ro dang reg bya'i skye mched rnams dang chos kyi skye mched tshor ba la sogs pa'i mtshan nyid dang rnal 'byor pa'i yul lung dang rnam par rtog pa las 'das pa'o/ /yid ces bya ba ci zhe na/ mngon sum du dmigs pa yin te/ 'gags ma thag pa'i yid ni mjug thogs su byung ba'i yid kyi rnam par shes pas chags pa 'am sdang ba 'am/ bde ba dang mtshungs par ldan pa 'am sdug bsngal dang mtshungs par ldan pa zhes bya ba de lta bu la sogs pa rnam par shes so/ /gzhan dag na re rang rig pas dmigs so zhes zer ro/ /mngon sum rnam pa gnyis po 'di ni gzung ba'i rnam pa dang 'dzin pa'i rnam pa yin no/ /yang na rjes su dpag pas zhes bya ba rgyas par 'byung ba ni gang du mngon sum ni 'jug pa der ni rjes su dpag pas dmigs pa yin no/ /dper na dbang po lnga lta bu'o zhes bya ba ni mig gi dbang po la sogs pa lta bu'o/ /rgyu zhing dang chu la sogs pa yod kyang rgyu gzhan sa bon gyi mtshan nyid med na 'bras bu med par mthong la sa bon de yod na ni yang myur gu yod par mthong ngo/ /dper na myu gu lta bu'o zhes bya ba ni dpe nye bar bkod pa yin no/ /de ltar dpe nye bar bkod nas dngos bstan pa'i phyir yul snang bar gyur pa dang rgyu yid la byed pa yod kyang zhes bya ba rgyas par smos te/ yul gzugs la sogs pa mngon sum du gyur pa dang de skyed pa dang yid la byed pa yod du zin kyang yul 'dzin pa mig gi rnam par shes pa la sogs pa med pa mthong la yang yod par mthong ngo/ /gang dag gi zhe na/

  726. 363b

    grangs bzhin du ston te/ long ba dang 'on pa la sogs pa'i ni med do/ /ma long ba dang ma 'on pa la sogs pa ni yod do/ /stsogs pa zhes bya ba'i sgras ni sna'i dbang po la sogs pa nyams pa'i bsdu'o de'i phyir de la yang rgya gzhan ma 'ongs pa'i ngo bo ci zhig grangs bzhin du med pa dang yod pa kho nar nges so/ /de yang ci zhig yin zhe na/ smras pa ltos par bya ba'i rgyu gzhan gang yin pa de ni dbang po ste mig la sogs pa nyams pa yin no snyam du bsams pa yin no/ /'di la sgrub pa ni rnam par shes pa lnga'i tshogs skyed par byed par 'dod pa yul dang yid la byed pa'i mtshan nyid kyi dngos po 'di ni rgyu gzhan dang lhan cig rang gi 'bras bu skyed par byed pa yin te/ res 'ga' kho na rang gi 'bras bu skyed par byed pa'i phyir ro/ / gang zhig res 'ga' kho na rang gi 'bras bu skyed par byed pa de ni rgyu gzhan dang lhan cig rang gi 'bras bu skyed par byed pa yin no/ /dper na myu gu skyed par byed pa zhing dang chu dang sa bon gyi mtshan nyid rgyu gzhan dang lhan cig rang gi 'bras bu myu gu skyed par byed pa res 'ga' kho na rang gi 'bras bu skyed par byed pa lta bu ste/ sa bon yod pa'i gnas skabs na myu gu skyed par byed pa'i phyir dang/ sa bon med pa'i gnas skabs na rang gi 'bras bu skyed par mi byed pa'i phyir ro/ /yul dang yid la byed pa'i mtshan nyid kyi dngos po de yang de dang 'dra ste/ de ni ma long ba dang ma 'on pa'i gnas skabs na ni rang gi 'bras bu rnam par shes pa lnga'i tshogs kyi mtshan nyid skyed par byed pa yin la/ long ba dang 'on pa'i gnas skabs na ni skyed par byed pa ma yin no/ /de lta bas na 'di ni rgyu gzhan dang lhan cig 'bras bu skyed par byed pa yin no/ /da ni dbang po yin no zhes bya ba ji ltar na de dbang po yin no zhes bya ba yongs su gcod de/ 'di la rgyu gzhan zhig yod do zhes bya ba de kho na tsam zhig tu yongs su gcod kyi de dbang po yin no zhes bya bar ni ma yin no

  727. 364a

    zhe na 'di ni drang song chen po'i smon nas shes pa'i yongs su bcad pa'i phyir dang/ mig gi rnam par shes pa la sogs pa yod pa nyid do zhes bya ba la/ thams cad rtsod pa med pa'i phyir grub pa kho na yin no/ /bdag ni de ltar yod pa ma yin pas bdag med do zhes bya ba ni mjug sdud pa yin no/ /sgrub pa ni don gyis na 'di skad du bdag ni med de/ tshad mas mi dmigs pa'i phyir gtan med pa lta bu'o zhes bshad pa yin no/ /gal te rjes su dpag pa yod de/ de'i phyir gtan tshigs ma grub pa yin no zhe na ma yin te/ de brjod dgos pa'i phyir ro/ /gal te yod na de smos shig /tshig tsam gyis ni gtan tshigs 'di ma grub pa yin no zhes bzlog tu mi rung ngo/ /'o na gnas ma'i bu rnams zhes bya ba rgyas par 'byung ba gnas ma'i bu ni 'phags pa mang pos bkur ba'i sde pa dag ste/ 'dis ni bdag tu lta ba phyin ci log la zhen pa nyid kyi mtshan nyid kyi gtan tshigs ma nges so zhes ston par byed do/ gnas ma'i bu rnams ni sangs rgyas pa yin pa'i phyir thar pa mi 'dod pa ma yin no/ /yang na bdag med do zhes bya ba 'dis phyogs 'di skyon dang bcas pa yin no zhes phyogs snga ma 'gal bar ston te/ gnas ma'i bu'i sde dag rang gi phyogs yin pas so/ /'di ni re zhig dpyad par bya ba yin te zhes bya ba ni de'i sde'i gang zag btags par yod pa yin pas nyes pa med do snyam du bsams pa'o/ /rdzas su zhes bya ba ni ci zhig btags par zhes bya ba 'di yang ci zhig yin zhes glengs pa dang/ slob dpon gyis gal te gzugs la sogs pa bzhin du dngos po gzhan yin no zhe na ni rdzas su yod pa yin no zhes bya ba smos te/ gal te ji ltar gzugs la sogs pa las dngos po tha dad pa ltar 'dod na ni

  728. 364b

    gzugs ni sgra las mtshan nyid tha dad pa yin no zhes bya ba la sogs pa lta bur gang zag rdzas su yod do zhes khas blangs pa yin no/ /gal te 'o ma la sogs pa bzhin du spyi yin no zhe na zhes bya ba ni gal te ji ltar 'o ma dang khyim dang/ dmag la sogs gzugs dang dri dang ro dang reg bya dag dang/ rtswa dang shing dang so phag dang/ glang po che dang/ rta dang shing rta la sogs pa de dag las dngos po gzhan par mi 'dod kyi de dag nyid kyi spyi tsam du zad do zhes bya ba de ltar 'dod na ni/ gang zag brtags par yod do zhes khas blangs pa yin te/ gzugs la sogs pa dang/ rtswa la sogs pa dang/ glang po che la sogs pa las gzhan pa 'o ma dang/ khyim dang dmag ces bya ba'i dngos po ni ci yang med do/ /de las cir 'gyur zhes bya ba ni de las nyes pa cir 'gyur zhes bya ba'i tha tshig go /re shig ste rdzas su yod na zhes bya ba ni phyogs snga ma la brten na'o/ /gang zag de rang bzhin tha dad pa'i phyir te mtshan nyid tha dad pa'i phung po rnams las gzhan no zhes brjod par bya'i phung po'i spyi tsam ni ma yin no/ /phan tshun gyi phung po bzhin zhes bya ba ni ji ltar mtshan nyid tha dad pa'i phyir gzugs kyi phung po las tshor ba'i phung po gzhan yin pa ltar phung po dag las gang zag kyang de dang 'dra bar 'gyur te/ gang zag kyang gzugs kyi phung po la sogs pa'i mtshan nyid ma yin pa'i phyir ro/ /'di'i rgyu yang brjod dgos so zhes bya ba ni gal te 'dus byas yin no snyam du bsam pa yin no/ /'on te 'dus ma byas yin na ni de'i phyir mu stegs can gyi lta bar yang thal bar 'gyur zhes bya ba ni 'dus ma byas yin pa de'i phyir gnas ma'i bu rnams mu stegs can gyi lta bar thal bar 'gyur ro/ /dgos pa med pa nyid du yang 'gyur ro zhes bya ba ni mkha' la char nyis ci zhig bya/ /de gnyis

  729. 365a

    'bras bu pags la yod/ /gal te pags 'dra de mi rtag /gal te mkha' 'dra 'bras bu med snyam du bsam pa yin no/ /long ba lta bu'i chog don mi gsal ba 'di zhes bya ba 'di long ba lta bu'o/ /de ci'i phyir zhe na/ 'di ltar mi gsal ba ste/ don mi mngon pa zhes bya ba'i tha tshig go /phung po rnams la dmigs nas zhes bya ba ni gzung nas shes don te/ ji ltar dper na gzugs la sogs pa gzung nas 'o ma 'dogs kyi gzugs la sogs pa la ma gtogs pa'i 'o ma med pa ltar gang zag kyang de dang 'dra bas gang zag btags pa'i yod par 'gyur ro zhes bya ba'i tha tshig go /phung po rnams la brten nas zhes bya ba ni gal te phung po rnams la brten nas te gnas nas so// skyon de nyid du 'gyur ro zhes bya ba ni phung po de dag nyid la gang zag 'dogs par 'gyur ro/ /zhes bya ba'i tha tshig go /yang na gang zag 'dogs pa'i rkyen ni phung po dag yin gyi gang zag ni ma yin no/ /gang zag ni de kho na bzhin du btags pa'i yod pa yin pas skyon de nyid du 'gyur ro/ /ji ltar bud shing rgyur byas nas me 'dogs pa bzhin no zhes bya ba la/ gnas ma'i bu rnams kyi bsam pa ni gang zag rdzas su yod la gzhan ma yin pa yang ma yin te/ rang gi nye bar len pa rgyur nas gdags par bya ba yin pa'i phyir ro/ /dngos po gzhan yang ma yin gzhan ma yin pa ma yin pa gang zhig rang gi nye bar len pa rgyur byas nas 'dogs pa de ni rdzas su yod de/ dper na me lta bu'o snyam pa yin no// de nyid kyi phyir gal te gzhan yin na ni zhes bya ba rgyas par smras te/ 'jig rten dang 'gal ba dang/ rang gi grub pa'i mdza' dang 'gal bar ston par byed do/ /rtag par thal bar 'gyur ro zhes bya ba ni 'dus ma byas lta bur ro/ /chad par thal bar

  730. 365b

    'gyur ro/ zhes bya ba ni phung po bzhin du'o/ /re shig 'jig rten na ni shing la sogs pa me 'bar ba la bud shing zhes bya ba rgyas par 'byung ba 'dis ni dpe ma grub pa nyid du ston te/ me dang bud shing dag ni gzhan nyid du 'dod do/ /des de tshig pa dang sreg par byed ces bya ba ni me des bud shing de tshig par byed sreg par byed ces bya ba'i tha tshig ste/ de gzhob tu 'byin cing thal bar rlag go /rgyud 'gyur bar byed pa'i phyir ro zhes bya ba ni thal bar rlog go zhes bya ba'i tha tshig go /gzhan dag na re tshig pa dang sreg par byed pa zhes bya ba ni rnam grangs dag yin no zhes zer ro/ /brgyad pa yin no zhes bya ba ni bud shing dang me de gnyi ga 'byung ba chen po bzhi dang rgyur byas pa'i gzugs bzhi po gzugs nas reg bya'i bar zhes bya ba rdzas brgyad pa yin te/ grub pa'i mdza' las kyang 'dod na dbang po med pa yi/ sgra med rdul phran rdzas brgyad yod do zhes bya ba'i phyir ro/ /dus tha dad pa'i phyir zhes bya ba ni bud shing ni snga la me ni phyi'o/ /dus tha dad pa dag kyang gzhan pa nyid du mthong ste sa bon dang myu gu dag lta bu'o/ /mi rtag par yang 'gyur ro zhes bya ba ni skye ba dang ldan pa gzugs la sogs pa mi rtag pa nyid du mthong ba'i phyir ro/ /'on te shing la sogs pa 'bar ba nyid de nyid la zhes bya ba ni de gnyi ga'i mtshan nyid kyi spyi la'o/ /de gnyis kyang mtshan nyid tha dad pa'i phyir gzhan nyid yin par grub po zhes bya ba ni me dang bud shing mtshan nyid de lta bu de gnyis kyang mtshan nyid tha dad pa'i gzhan nyid yin par grub ste/ sa'i khams la sogs pa'i mtshan nyid gzhan yin pa'i phyir ro/ /mtshan nyid tha dad pa rnams ni gzhan nyid yin par mthong ste/ gzugs dang tshor ba la sogs pa lta bu'o/ /rgyur byas pa'i don yang brjod dgos te zhes bya ba ni gzhan yin pa'i phyir ro snyam du bsams pa yin no/ /de ni de'i rgyu yang ma yin la zhes

  731. 366a

    bya ba ni 'byung ba gsum gyi mtshan nyid kyi bud shing de ni dro ba'i mtshan nyid kyi me de'i rgyur rung ba ma yin te/ lhan cig skyes pa'i phyir ba lang gi rwa g.yas g.yon bzhin no/ /de gdags pa'i rgyu yang ma yin gdags pa'i'o/ /gal te rgyur byas pa'i don rten gyi don dam zhes bya ba ni bud shing rgyur byas nas zhes bya ba bud shing la brten nas zhes bya ba'i tha tshig go/ lhan cig 'byung ba'i don bud shing dang lhan cig 'byung ba nyid du gzugs nas zhes bya ba'i don to/ /rten nam zhes lhan 'byung ba dag yin par 'gyur zhes bya ba ni rten du gyur pa dang lhan cig 'byung bar 'gyur ro zhes bya ba'i tha tshig ste/ gnas ma'i bu nyid du gsal bar dam 'cha' ba yin no/ /de med na zhes bya ba ni phyung po med na'o/ /'byung ba gzhan gyi rang bzhin yin pa'i phyir ro zhes bya ba ni sa'i khams la sogs pa'i rang bzhin yin pa'i phyir ro/ /gzhan pa de yang zhes bya ba ni dra ba nyid dang ldan pa 'ba' zhig dro bar ma zad kyi gzhan me 'bar ba dang 'brel ba'i sa la sogs pa de yang dro bar 'grub bo/ /de'i phyir ji ltar de gzhan nyid yin na nyes pa med pa ltar 'di yang de dang 'dra'o/ /des na brjod par bya ba ma yin no zhes bya ba'i phyogs de med par 'gyur ro/ /shing la sogs pa zhes bya ba ni shing dang rtswa dang ba lang gi lce ba la sogs pa'o/ /brjod par bya ba ma yin pa zhes bya ba ni gang zag go /brjod par mi bya bar 'gyur te zhes bya ba ni shes bya ni rnam pa lnga ste zhes bya bar ro/ /'o na ji skad du brjod par zhe na/ de ni 'das pa la sogs pa las lnga pa yang ma yin la lnga pa ma yin par brjod par bya'o zhes bya ba smos so/ /gzugs kyang zhes bya ba rgyas par 'byung ba ni gzugs kyang mig la sogs pa yod na de dmigs pa'i phyir mig la sogs pa rgyur byas nas gzugs 'dogs so zhes btags pa yin par brjod par bya'o/ /dmigs par byed na zhes bya ba ni nye

  732. 366b

    bar mtshon par byed na te/ de'i nye bar len pa yin pa'i phyir ro/ /gzugs rnams zhes kyang brjod par mi bya gzugs rnams ma yin no zhes kyang brjod par mi bya'o zhes bya ba ni de'i mtshan nyid ma yin pa'i phyir dang brjod par bya ba ma yin pa'i phyir te/ chos kyi bar du yin par brjod par mi bya ba yang de dang 'dra'o/ /'o ma 'am chu dmigs par byed na zhes bya ba ni dper brjod pa gnyis so/ /de lta bas na de ni 'di skad du gal te mig gi rnam par shes par bya ba'i gzugs rnams la brten nas 'o ma dmigs par byed na ni 'o ma mig gi rnam par shes par bya ba yin no zhes brjod par bya ba la/ gzugs rnams zhes kyang brjod par mi bya/ gzugs rnams ma yin zhes kyang mi bya'o zhes bya ba thams cad brjod par bya'o/ /de bzhin du gal te mig gis rnam par shes par bya ba'i gzugs rnams la brten nas chu dmigs par byed na ni chu mig gis rnam par shes par bya ba yin no zhes brjod par bya ba/ gzugs rnams shes kyang brjod par mi bya/ gzugs rnams ma yin zhes kyang brjod par mi bya'o/ zhes bya ba 'di thams cad kyang brjod par bya'o/ /'o ma dang chu gnyis bzhi nyid du thal bar 'gyur du 'ong bas so zhes bya ba ni gal te gzugs rnams shes bya ba nas reg bya rnams shes bya ba'i bar du brjod na ni 'o ma dang chu bzhi tshan du thal bar 'gyur te 'o ma dang chu rnam pa bzhi bar 'gyur ro zhes bya ba'i tha tshig go /sgra ni glo bur ba yin pas 'dir ma gtogs so/ /de'i phyir ji ltar gzugs la sogs pa 'dus pa'i spyi kho na la 'o ma 'am chu zhes 'dogs pa de bzhin du phung po rnams kyi spyi kho na la gang zag 'dogs so zhes bya bar grub bo/ /gzugs rnams gang zag dmigs pa'i dru zhig yin nam zhes bya ba dang/ gzugs rnams dmigs na gang zag dmigs zhes bya ba 'di gnyis la khyad par ci zhig yod ce na/

  733. 367a

    phyogs snga ma la ni gzugs rnams dru nyid dbang du byas pa yin no/ /gnyis pa la ni dru nyid ma yin no/ /'o na ci zhe na/ gzugs rnams rgyur byas nas gang zag dmigs so zhes bya ba yin no/ /de la gal te gzugs rnams rgyu nyid yin par 'dod la gang zag de yang phung po de dag las gzhan du brjod par mi bya'o zhe na 'o na ni khyed la gzugs kyang zhes bya ba rgyas par 'byung ba 'di lta bur thal bar 'gyur te/ ji ltar khyed kyis gzugs rnams gang zag dmigs pa'i rgyu yin la de yang de dag las gzhan du brjod par mi bya ba ltar/ snang ba dang mig dang yid la byed pa dag kyang gzugs dmigs pa'i rgyu yin la/ de yang snang ba la sogs pa de dag la gzhan du brjod par mi bya'o/ /de dag ni de dmigs pa'i rgyu yin pa'i phyir ro zhes bya ba ni snang ba la sogs pa de dag ni gzugs dmigs pa'i rgyu yin pa'i phyir ro/ /gang zag gzugs pas rang bzhin tha mi dad par 'gyur te/ dmigs pa de kho na dmigs par bya ba yin pa'i phyir gzugs bzhin/ /gzugs kho na la de 'dogs par zhes bya ba ni gang zag de 'dogs par te 'gyur na zhes bya bar sbyar ro/ /ci'i phyir zhe na/ rgyu de nyid kyi phyir ro/ /'di ni gzugs so zhes bya ba rgyas par 'byung ba ni dmigs pa gcig pa nyid yin na gzugs dang gang zag dag yongs su gcod par mi 'gyur ro/ /'on te 'di ni gzugs so/ /'di ni gang zag go zhes bya ba de ltar yongs su mi gcod na ni ji ltar gnyi ga dam 'cha' gzugs kho na dam bca' dgos par 'gyur te/ de dmigs pa yod pa'i phyir ro/ /de bzhin du chos kyi bar dag la kyang brjod par bya'o/ /zhes bya ba ji ltar zhe na/ gang yang rna bas rnam par shes par bya ba'i sgra rnams la brten nas gang zag dmigs par byed ces smras pa'i tshig de'i don ci zhig yin zhe na/ ci re zhig sgra rnams gang zag

  734. 367b

    dmigs pa'i rgyu zhig yin nam/ 'on te sgra rnams dmigs na gang zag dmigs na gang zag dmigs so zhes bya ba yin/ gal te sgra rnams gang zag dmigs pa'i rgyu yin la/ de yang de dag las gzhan du brjod par mi bya'o zhe na ni/ de ltar na ni 'o na sgra yang rna ba dang yid la byed pa la sogs pa las gzhan du brjod par mi bya ste/ de dag ni de mi dmigs pa'i rgyu yin pa'i phyir ro/ /'on te sgra rnams dmigs na gang zag dmigs so zhe na ni/ ci dmigs pa de kho nas dmigs sam/ /'on te gzhan gyis gal te de kho nas so zhe na ni gang zag sgra las rang bzhin tha mi dad pa 'am/ dam sgra kho na la de 'dogs par 'gyur na/ 'di ni sgra'o/ /'di ni gang zag go zhes bya ba 'di yang ji ltar yongs su gcod/ 'on te ltar yongs su mi gcod na ni gzugs kyang yod do/ /gang zag yod zhes bya ba 'di yang ji ltar dam bca' ste/ dmigs pa'i dbang gis de yod par dam bca' bar zad do/ /phyogs 'dis chos kyi bar dag las kyang sbyar bar bya'o/ /sngon po las ser po lta bu zhes bya ba ni gang gi tshe yongs su gcod pas sngon pa dmigs pa de'i tshe ser po mi dmigs so/ /phyis dmigs pa ni dmigs pa gzhan po de yang sngon po las gzhan yin no zhes bya bar grags so/ /de lta na gang zag kyang dmigs pa gzhan gyi dmigs pas gzugs las gzhan par 'gyur ro/ /de bzhin du skad cig ma las skad cig ma gzhan gzhan yin pa bzhin no zhes dper brjod par bya'o/ /de bzhin du chos kyi bar dag las kyang brjod par bya'o zhes bya ba ji lta zhe na/ 'on te gzhan gyis so zhe na ni dus tha dad par dmigs pa'i phyir gzhan yin par 'gyur te/ dper na rnga bo che'i sgra las rdza rnga'i sgra dang/ skad cig ma las skad cig ma gzhan bzhin te/ ji skad du gong du sngon po las ser po lta bu

  735. 368a

    dang/ skad cig ma las skad cig ma gzhan bzhin no zhes bshad pa lta bu'o/ /'on te gzhan gyis so zhe na ni zhes bya ba nas rgyas par chos kyi bar dag las kyang brjod par bya bas ni yul mtshan nyid tha dad pa dang mtshan nyid tha dad pa ma yin pa dus tha dad par dmigs pas gzhan pa nyid du bstan pa kho na yin no/ /'on te gzugs dang gang zag bzhin du zhes bya ba rgyas par 'byung ba ni gal te ji ltar gzugs dang gang zag dag gzhan dang gzhan ma yin par brjod par bya ba ma yin pa de bzhin du/ de dag dmigs pa dag kyang gzhan dang gzhan ma yin par brjod par bya ba ma yin no zhes de skad du smra na/ 'o na ni des na 'dus byas kyang brjod par bya ba ma yin par 'gyur te/ de dag dmigs pa 'dus byas de yang brjod par bya ba ma yin pas grub pa'i mdza' nyams pa yin no/ /grub pa'i mdza' gang zag kho na brjod par bya ba ma yin no zhes bya ba gang yin pa 'di nyams par 'gyur te/ 'dus byas kyang brjod par bya ba ma yin pa'i phyir ro/ /gal te yang 'di yod la zhes bya ba rgyas par 'byung ba ni gal te 'di gzugs rnams sam ma yin no zhes brjod par bya ba ma yin na/ 'o na ci'i phyir bcom ldan 'das kyis gzugs bdag ma yin pa nas rnam par shes pa bdag ma yin zhes bya ba'i bar 'di gsungs te/ de skad du gsungs pas gang zag ni brjod par bya ba kho na yin gyi brjod par bya ba ma yin pa ni ma yin no zhes bstan pa yin no/ /sgra la sogs pa bzhin du zhes bya ba ni gang zag ni gzugs kyi rnam par shes pas mi dmigs te/ de'i dmigs pa'i rkyen du ma gyur pa'i phyir sgra bzhin no/ /sogs pa zhes bya ba'i sgras ni 'dir dri bzhin no/ /ro bzhin no zhes bya ba la sogs par sbyar te/ de bzhin du 'di rna ba'i rnam par shes pa la sogs pa mi dmigs pa nyid du

  736. 368b

    brjod par bya ste/ 'di ni phyogs yin no/ /nye bar dgod pa 'dis ni dam bcas pa chos can gyi khyad par las bzlog pa'i skyon brjod do zhes bya bar khong du chud par bya'o/ /gnyis la brten nas zhes bya ba ni gnyis la brten nas zhes gsungs kyi gsum la brten nas skye'o zhes ni ma gsungs pas 'dis ni mdo dang 'gal ba yin no/ /dge slong mig gi rnam par shes pa skyed pa rgyu ni mig yin no zhes bya ba rgyas par 'byung ba la nye bar rkyen ni rgyu yin no/ /ring ba ni rkyen kho na yin no/ /gzhan dag na re skyed par byed pa ni rgyu'o/ /rkyen ni dmigs pa tsam du zad do zhes zer ro/ /gzhan dag na re 'di gnyis ni rnam grangs yin no zhes zer ro/ /gang zag gzugs las gzhan yin zhes bya ba'i phyogs su thal bar 'gyur te rna ba'i rnam par shes pas rnam par shes par bya ba yin pa'i phyir sgra bzhin no/ /de bzhin du gang zag sgra las gzhan yin zhes bya ba'i phyogs su thal bar 'gyur te/ mig gi rnam par shes pa'i yul yin pa'i phyir gzugs bzhin no/ /de bzhin du gzhan dag las kyang sbyar bar bya'o zhes bya ba ni gang zag gzugs dang sgra dag las gzhan yin no zhes bya ba'i phyogs su thal bar 'gyur te/ sna'i rnam par shes pas rnam par shes par bya ba yin pa'i phyir de bzhin no zhes bya ba ste/ 'di ni sbyar ba'i phyir phyogs yin no/ /rang rang gi spyod yul dang yul nyams su myong ba yin gyi zhes 'byung ba'i phyir gang zag nyams su myong ba'i ma yin no zhes bshad pa yin no/ /yid kyi dbang po ni 'di dag gi rten yin no zhes bya ba 'di ni zhar la bshad par zad kyi/ 'di dper brjod pa ni ma yin no/ /de lta mod kyi yid ni dbang po 'di dag gi rten yin no zhes bya ba ni de la ltos pa'i dbang po rnams rnam par

  737. 369a

    shes pa skye pa'i rgyu yin no zhes bya ba'i tha tshig go /yang na gang zag yul ma yin par 'gyur ro zhes bya ba ni gal te mdo sde tshad mar bya na'o/ /des na cir 'gyur zhe na/ gal te yul ma yin no zhe na zhes bya ba smos te/ gal te gang gi yul yang ma yin na 'o na ni rnam par shes par bya ba ma yin par 'gyur ro/ /de'i phyir zhes bya ba ni rnam pa lnga ste zhes bya ba rang gi grub pa'i mdza' dang 'gal bar 'gyur ro/ /gal te de ltar mdo las gzhan gyis gzhan gyi spyod yul dang yul nyams su myong ba ni ma yin no zhes 'byung ba'i phyir mig la sogs pa lnga'i tshad mar bya na rang gi yul 'khrul pa med do/ /rang gi yul la 'khrul pa med na yang gang zag mig gi rnam par shes pa la sogs pas rnam par shes par bya ba ma yin no/ /de ltar na ni yid kyi dbang po yang 'khrul pa med par 'gyur te/ mdo las dpal po drug po 'di dag ni spyod yul tha dad pa can yin zhing zhes bya ba rgyas par 'byung ba'i phyir ro/ 'ga' zhig gis srog chags drug po khyi dang bya dang wa dang chu srin byis pa gsod dang sprul dang spre'u rnams sprel nas bar du mdud pa bor te/ bor ba de dag grong dang/ nam mkha' dang/ dur khrod dang/ chu'i nang dang/ grog mkhar dang/ nags tshal gyi nang 'dod pa'i phyir rang rang gi spyod yul 'dod pa de bzhin du dbang po drug po 'di dag kyang rang rang gi spyod yul 'dod pa yin no zhes de ltar 'dir dpe tsam du bya'o/ /gal te mdo'i tshig yod bzhin du yang yid kyi dbang po 'khrul pa yin na ni/ de lta na mig la sogs pa'i dbang po rnams kyang 'khrul par 'gyur ro/ /'khrul na ni gang zag mig gi rnam par shes pa la sogs pas rnam par shes par bya ba'i yin par 'gyur ro zhes na/ 'dir de ni

  738. 369b

    dbang po kho na la dbang po yin par ma gsungs kyi zhes bya ba rgyas par smos te/ srog chags drug pa lta bu'i mdo de las ni/ mig la sogs pa'i dbang po kho na la dbang po yin par ma gsungs so/ /ci'i phyir zhe na/ mig la sogs pa dbang po lnga la mthong ba la sogs par 'dod par mi srid pa'i phyir ro/ /'di ltar 'di dag la mthong ba dang thos pa la sogs par 'dod pa mi srid de/ gzugs kyi ngo bo nyid yin pa'i phyir ro/ /de dag gi rnam par shes pa zhes mig gi rnam par shes pa la yang mthong ba la sogs par 'dod pa mi srid pa'i phyir ro/ /ci'i phyir 'di dag la mthong ba dang thos pa la sogs pa 'dod pa mi srid ce na ni/ rnam par rtog pa med pa'i phyir ro/ /de dag gi dbang gis drangs pa yid kyi rnam par shes pa ni dbang po yin par gsungs te/ dbang po dang 'dra ba'i phyir ro/ /de ni de dag gi dbang gis drangs pa yin no zhes bya bar ji ltar shes she na/ gal te mig gi sgo dang/ rna ba la sogs pa'i sgo nas mig gi rnam par shes pa la sogs pa skyes par ma gyur na gzhan du na ji ltar na yid kyi rnam par shes pa rnam par rtog pa can de skye bar 'gyur/ de'i phyir de dag gi dbang gi drangs pa yin no zhes bya bar shes pas yid kyi rnam par shes pa mig gi dbang po la sogs pa lta bu de rang rang gi spyod yul dang yul nyams su myong zhing gzugs la sogs pa 'dod pa'i yin no/ /yid kyi dbang 'ba' zhig gis drangs pa'i yid kyi rnam par shes pa gang yin pa zhes bya ba rgyas par 'byung ba ni/ yid kyi dbang gi drangs pa yin pa de ni de las gzhan pa mig la sogs pa'i yul la mi 'dod pa nyid/ 'o na ci zhe na/ rang gi yul chos kyi skye mched kho na la dmigs te/ de'i phyir gal te de lta na yid

  739. 370a

    kyi dbang po yang 'khrul pa med par 'gyur te zhes smras pa gang yin pa de nyes pa med do/ /gang zag ni ma yin pas zhes bya ba ci zhe na/ mngon par shes par bya ba dang yongs su shes par bya ba'o/ /de lta bas na gang zag 'di rnam par shes par bya ba ma yin no/ /don gyis na 'di mngon par shes par bya ba dang/ yongs su shes par bya ba ma yin zhes bshad kyi/ don gyis rnam par shes par bya ba ma yin no zhes ni ma bshad pa yin nam zhe na/ de'i phyir shes rab dang rnam par shes pa gnyis ni yul 'dra ba'i phyir ro zhes bya ba smos so/ /mig la sogs pa ni rnam par shes par bya ba yang yin gyi/ mngon par shes par bya ba 'ba' zhig tu ni ma zad do/ /bdag med pas zhes bya ba ni mig gis te/ mig gi rnam par shes par zhes bya ba'i don to/ /nges pa'i don gyi mdo la brten par gsungs zhes bya ba ni dge slong dag bzhi po 'di dag ni rten pa yin no/ /bzhi gang zhe na/ chos la rton gyi gang zag la ma yin pa dang/ don la rton gyi tshig 'bru la ma yin pa dang/ nges pa'i don gyi mdo la rton gyi drang ba'i don la ma yin pa dang/ ye shes la rton gyi rnam par shes pa la ma yin pa'o zhes 'byung ba yin no/ /brtags pa la lhung bar zad ces bya ba na gang kho na la tha snyad gdags pa'i don du bdag go zhes gdags par bya ba de kho na la bdag tu mngon par zhen par zad do/ /'dir dper brjod pa ni/ 'di la bdag gam sems can med ces bya ba 'di dang/ gang zag dmigs pa ma yin no zhes bya ba yin no/ /de yang 'ga' yang mi dmigs so zhes bya ba 'di yang dper brjod pa yin no te/ gang zhig stong pa nyid goms par byed pa'i rnal 'byor pa yang med do/ /bdag tu lta ba dang zhes bya ba nas srog tu lta bar 'gyur zhes bya ba'i bar nyes dmigs dang po'o/ /mu stegs can rnams dang khyad par med

  740. 370b

    par 'gyur zhes bya ba ni gnyis pa'o/ /lam gol par zhugs par 'gyur zhes bya ba ni gsum pa'o/ /'di'i sems stong pa nyid la mi 'jug cing zhes bya ba nas rnam par grol bar mi 'gyur zhes bya ba'i bar ni bzhi pa'o/ /'di'i 'phags pa'i chos rnams rnam par bya bar mi 'gyur ro zhes bya ba ni lnga pa'o/ /'o na ni de dag gi ston pa yang sangs rgyas ma yin zhes bya ba ni de dag la sangs rgyas kyi bka' tshad ma ma yin pas so snyam du bsam pa'o/ /'di ni sangs rgyas kyi bka' ma yin no zhes bya ba 'di 'ba' zhig gis mdo sde rnams sgro btags so snyam du bsams pa yin no/ /sde pa gzhan thams cad las zhes bya ba ni de gos dmar ba'i sde pa la sogs pa las so/ /mdo dang mi 'gal ba ni mdo sde dang 'gal ba med pa'o/ / chos nyid dang yang mi 'gal ba ni rten cing 'brel par 'byung ba'i chos nyid dang ngo/ /chos thams cad ni bdag med pa'o zhes bya ba ni de dag ni bdag gi ngo bo nyid kyang ma yin la/ de dag la yang bdag med pas chos thams cad ni bdag med pa'o/ /gnyis la brten nas zhes bya ba ni mig dang gzugs rnams nas/ /yid dang chos rnams kyi bar la'o/ /bdag med pa ni phung po dang/ skye mched dang/ khams rnams yin no zhes smras na/ re zhig sngar gzugs rnams shes kyang brjod par mi bya/ gzugs rnams ma yin zhes kyang brjod par mi bya'o zhes smras pa gang yin pa de ni brtsal te/ bdag gzhan yin pa'i phyir de ni bor bar 'gyur ro/ /de lta bas na bdag tu 'dzin pa thams cad ni bdag med pa kho na la yin no zhes bya ba ni de las gzhan med pas so/ /gal te de lta na zhes bya ba rgyas par 'byung ba ni gal te rjes su dran pa na nye bar len pa'i phung po lnga po 'di dag kho na rjes su dran par gyur tam rjes su dran/ nam rjes su dran par 'gyur gyi gang na mi yin nam/ ci'i phyir bdag ni

  741. 371a

    'das pa'i dus na gzugs 'di lta bu dang ldan par gyur to zhes gsungs te/ bdag ces gsungs pa'i phyir gang zag la bya bar ston to/ /gang dag de ltar rnam pa du mas rjes su dran pa de dag de ltar rjes su dran no zhes bya bar tshig khong nas drang ngo/ /'di la ni ma bton pa kho na skabs yin no zhes bya ba ni bdag med ces 'don pa yin na 'jig tshogs la lta ba yongs su 'dzin par 'gyur ro zhes bya ba'i tha tshig go /'jig tshogs la lta ba'i mu ni nyi shu 'byung ste/ bdag gzugs yin no zhes yang dag par rjes su lta ba dang/ bdag gzugs dang ldan pa dang/ gzugs bdag gi yin pa dang/ gzugs la bdag gnas pa zhes bya ba nas de bzhin du rnam par shes pa'i bar du brjod par bya'o/ /phung po dang rgyun la sogs pa bzhin no zhes bya ba ni phung po bzhin rgyun bzhin no/ /sogs pa zhes bya ba'i sgras ni btung ba la sogs pa'i bsdu'o/ /skad cig ma cig la mang po rnams 'dus pa ni phung po'o/ /skad cig ma mang po la 'dus pa ni rgyun no/ /phung po'i dpe ni chos mang po dag la gang zag 'dogs par ston te/ /rgyun ni dpe ni gzugs dang tshor ba la sogs pa'i phung po de dag gi rgyun mang po nyid na gang yod na gang zag 'dogs par ston to/ /'di ji ltar khong du chud ces bya ba ni sangs rgyas zhes bya ba'i rgyud la gang du bzhed par gtad pa tsam gyi phyin ci ma log pa'i mkhyen pa skye ba gang yin pa'i mthu 'di yin gyi/ gang zag la ni ma yin no zhes bya ba'o/ /smras pa 'das pa la sogs pa gsungs pa'i phyir te/ rdzogs sangs rgyas 'das gang dag dang zhes bya ba rgyas par brjod nas/ de lta bas na phung po'i rgyun kho na la sangs rgyas zhes bya ba'i gang zag la ni ma yin no zhes mjug bsdu'o/ /dge slong dag khyed la khur yang bstan to zhes bya ba rgyas par 'byung ba ni dge slong dag la khyed la

  742. 371b

    khur len pa dang khur 'dor ba dang khur khyer ba yang bstan gyi de'i phyir legs par rab tu nyon la yid la zung zhig dang bshad do/ /khur gang zhe na nye bar len pa'i phung po lnga'o/ /khur len pa gang zhe na/ yang srid pa pa'i 'dod chags dang ldan pa der mngon par dga' ba'o/ /khur 'dor ba gang zhe na/ yang srid pa pa'i sred pa 'gal ba'i 'dod chags dang ldan pa de dang der mngon par dga' ba de nyid ma lus pa spangs pa dang/ so sor nges par 'byung ba dang/ bya bar gyur pa dang/ zad pa dang/ 'gog pa dang/ nye bar zhi ba dang/ nub pa gang yin pa'o/ /khur khyer ba gang zhe na gang zag yin no zhes brjod par bya ste/ tshe dang ldan pa de ming ni 'di zhes bya/ rigs ni 'di zhes bya/ rus ni 'di zhes bya ba/ zas ni 'di lta bu zhig za za/ bde ba dang sdug bsngal ni 'di lta bu zhig myong/ tshe ni 'di tsam zhig thub/ yun ni 'di srid gcig gnas/ tshe'i mdza' ni 'di tsam zhig go zhes bya ba gang yin pa'o/ /khur khyer ba ste dper brjod pa ni 'di yin no/ /de nyid kyi phyir khur nyid khur khyer ba yin par ni rigs pa ma yin te zhes bya ba smos/ ji skad du bshad pa'i mtshan nyid can gyi phung po len pa yang phung pos ma bsdus par thal bar yang 'gyur ro zhes bya ba ni gang zag bzhin du phung po ma bsdus par thal bar 'gyur ba zhig na/ de ltar yang mi 'dod de/ de lta bas na phung po len pa bzhin gang zag phung po dag las don gzhan du 'gyur ba ma yin no/ /khur khyer ba ni bcom ldan 'das kyis ci nas kyang zhes bya ba thams cad rgyas par brjod nas/ gzhan du shes par mi 'gyur bar zhes bya bar brjod par bya'o/ /gal te gang zag rdzas su yod par 'gyur na/ mdo sde las khur khyer ba gang zhe na/ gang zag yin no zhes brjod par bya ste zhes bya ba de kho na tsam zhig gsungs par 'gyur gyis yang tshe dang ldan pa ming 'di zhes bya ba nas rgyas par tshe'i mdza' ni 'di tsam zhig go zhes bya ba'i rnam par ma phye bar 'gyur ro//

  743. 372a

    yang khyad par du mdzad pa ni gang zag btags par yod pa yin no zhes shes par bya ba'i phyir ro snyam du dgongs pa yin te/ ci nas kyang de nyid btags pa'i yod pa yin par shes par bya'i/ gang zag rdzas su yod pa la rtag pa dang brjod par bya ba ma yin no zhes gzhan du ni shes par ma byed cig ces bya ba yin no/ /phung po snga ma rnams zhes bya ba rgyas par 'byung ba de la phung po gang dag gnod pa byed cing sdug bsngal gyi gyur pa de dag ni khur zhes bshad do/ /phyi ma gnod par 'gyur ba gang dag yin pa de dag ni khur khyer ba zhes bshad do/ /sems can skye ba la zhes bya ba ni skye ba la mdzes par byed pa'i phyir ro/ /gang zag bden pa rnams kyi khongs su ma gtogs pa'i phyir ro zhes bya ba ni ji ltar kun brtags pa'i gang zag ni sdug bsngal la sogs pa'i khongs su ma btogs so/ /gang zag ni sdug bsngal nas lam gyi bar ma yin no/ /de'i gang zag la skur pa 'debs pa'i log par lta ba'i 'di ni bden pa mthong bas spang bar bya ba yang ma yin te/ bden pa gang log par zhugs pa de ni bden pa de mthong bas spong bar 'gyur ro/ /de bzhin du gang zag sdug bsngal dang kun 'byung ba'i khongs su ma gtogs pa'i phyir bsgom pa spang bar bya ba yang ma yin te/ bsgom pas spang bar bya ba'i nyon mongs pa ni bsgom pas spang bar bya ba'i sdug bsngal dang kun 'byung ba'i dngos po kho na la dmigs so/ /de lta na ni bsgom pas spang bar bya ba ma yin pa nyid du thal bar 'gyur te/ gang zag de nyid kyi khongs su ma gtogs pas de'i phyir de spang bar bya ba ma yin par 'gyur ro// yang na lta ba ni nam yang bsgom pas spang bar bya ba ma yin pas de bsgom pas de spang bar bya ba ma yin no/ /til gcig dang/ 'bras thug po che gcig ces bya ba lta bu dang/ phung po gcig dang/ tshig gcig ces bya ba bzhin no zhes bya ba ni ji ltar

  744. 372b

    rdzas brgyad yin yang til gcig dang/ 'bras thug? po gcig ces bya ba dang/ de bzhin du phung po gcig dang tshig ces bya ba ltar gang zag cig ces bya ba yang de dang 'dra'o/ /skye ba dang ldan pa nyid du khas blangs pa'i phyir ro zhes bya ba ni skye'o zhes smras pas de skye ba dang ldan pa nyid du khas blangs pa yin te/ de'i phyir khyed kyis 'dus byas yin no zhes brjod dgos so/ /phung po gzhan len pa'i phyir zhes bya ba ni de 'dus byas nyid du mi 'gyur ro snyam du bsam pa yin no/ /dper na rig pa blangs pa'i phyir mchod sbyin pa skyes so zhes bya ba 'di 'byung ba'i don du skyes pa ma yin pa de dang 'dra ste/ thams cad sbyar bar bya'o/ /chos su brdar? btags pa ma gtogs pa zhes bya ba ni rten cing 'brel par 'byung ba'i mtshan nyid la ma gtogs pa ste/ de yang 'di lta ste/ 'di yod pas na zhes bya ba la sogs pa yin no/ /byed pa po ni ma dmigs so zhes bya ba rgyas par 'byung ba ni las kyi byed pa po mi dmigs so/ /de yang ci 'dra ba zhig ce na smras pa/ gang zhig tshe 'di'i phung po rnams 'dor zhing gtong la tshe phyi ma'i phung po gzhan dag nying mtshams sbyor zhing nye bar len par byed rdzas su yod par gnas pa'o dbo las skyes len ces mi smra'o zhes bya ba ni gal te ngas 'di skad du 'di len to smras na/ tshig de khyod la legs par 'gyur ram/ btsun pa ma lags so/ /de lta bas na phung po rnams len par byed pa dang 'dor bar byed pa ni 'ga' yang med do zhes 'byung ba yin no/ /de yang de dang 'dra la zhes bya ba ni skad cig re re la sdun med pa kho na las skye ba kho na'o zhes bya ba'i tha tshig ste/ gal te gang zag yin no zhes bya ba ni de ma grub po zhes bya ba la sogs pa nye bar dgod par ni dpe ma grub pa nyid du ston to/ /lus dang rigs pa dang rtags bzhin du zhes bya ba la/ rigs pa dang rtags ni rigs pa dang rtags so/ /lus dang rigs pa dang rtags ni lus

  745. 373a

    dang rigs pa dang rtags dag go /de dag dang 'dra bar ste/ lus dang rigs pa dang rtags bzhin du phung po dang gang zag dag gzhan nyid du 'gyur ro/ /ji ltar blang bar bya ba'i rigs pa dang/ rtags las lus gzhan nyid yin pa de bzhin du blang bar bya ba phung po las kyang gang zag gzhan nyid yin no snyam du bsams pa yin no/ /rga ba dang na ba yang lus gzhan kho na yin no zhes bya ba ni gnas skabs rnams skad cig re re la gzhan nyid yin par bsam ste/ de la rga ba skyes so/ /na ba skyes so zhes gang smras pa'i dpe ma grub po zhes ston par byed do/ /'on te yang lus gnas pa la gnas skabs gzhan log na gnas skabs gzhan 'byung ngo snyam du sems na grangs can pa'i 'gyur bar smra ba de ni mdzod kyi gnas gong mar bkag zin to/ /ji skad du zhe na/ gnas pa gang la chos gzhan gyi khyad par du yongs su brtag par bya ba'i chos can de nyid yod pa ma yin te/ de nyid 'di yin/ de lta yang ma yin no zhes bya ba'i tshig gi rigs pa ni sdun ma byung ba zhes bya ba'o/ /'byung ba dag ni bzhi yin/ gzugs ni gcig yin zhes bya ba ni gzugs gang zhe na/ 'byung ba chen po bzhi dag dang zhes bya ba la sogs pa yin no/ /smra pa ni phyogs la yod pa yin no zhes bya ba ni smra ba 'di phyogs 'ga' zhig la yod do zhes bya ba'i tha tshig go /'byung ba tsam gyi phyogs la'o zhes bya ba ni gnas brtan sangs rgyas lha'i phyogs la yod kyi/ kho bo cag gi phyogs la ma yin no zhes bya ba'i don to de lta na yang zhes bya ba ni 'byung ba tsam gyi phyogs la 'byung ba dag las gzugs gzhan ma yin pa de bzhin du/ phung po dag las gang zag gzhan ma yin no zhes khas blangs pa yin pas rang gi grub pa'i mdza' yongs su bor bar 'gyur ro snyam du bsam pa yin no/ /ci'i phyir

  746. 373b

    bcom ldan 'das kyis srog de nyid lus yin pa 'am gzhan yin no zhes lung ma bstan ces bya ba la/ de la de dag gi bsam pa ni gal te phung po dag kho na la gang zag nye bar 'dogs na/ ci'i phyir lus kho na srog yin no zhes ma bshad snyam pa 'di nyid do/ /snga ma dag kho nas zhes bya ba ni gnas brtan klu sde la sogs pas so/ /smra ba nang ba zhes bya ba ni gcor? ba'o/ /pha rol pos gal te gang zag brjod par bya ba ma yin na/ ci'i phyir bcom ldan 'das kyis kyang med pa kho na'o zhes ma gsungs zhes bya ba smos so/ /de'i de bstan pa yang mi bzod do zhes bya ba ni bdag med pa bstan du mi rung ngo zhes bya ba'i don to/ /snga nas kun tu rmongs pa zhes bya ba ni 'jig tshogs lta ba dang ldan pa'i rmongs pas so/ /phyir zhing ched rgyas par 'gyur zhes bya ba ni chad par lta dang ldan pa'i lta ba gzhan skyes par 'gyur ro snyam du bsam pa yin no/ /de nyid kyi phyir bdag gis bdag sngon yod par 'gyur ba las da ni bdag gi de yang med do zhes bya ba smos so/ /'dir smras pa zhes bya ba ni btsun pa gzhon nu len gyis so lta ba'i mche bas rmas pa dang zhes bya ba ni lta ba nyid mche ba yin te/ sangs rgyas bcom ldan 'das rnams ni/ des rmas pa la bltos nas gnyen po chos bdag med pa yang ston pa mdzad do/ /las rnams 'jig pa la bltos nas te byas pa chud za ba la bltos nas gang zag yod pa nyid lta bur ston rnams gzhan du yang ston pa mdzad do/ /stag mos phrug gu khyer ba ltar zhes bya ba ni ji ltar stag mos 'di'i lus mche bas rmas par 'gyur na mi rung ngo snyam nas sos ha cang bag med par bzung ste yang phrug gu mi khyer mi khrid la 'di sa 'di la lhung ste smad par gyur tu 'pho'o? snyam nas sos ha cang lhad lhod du bzung ste/ yang de mi khyed kyi ran par bzung ste khyer ba lta bur zhes bya ba'i tha tshig go /gzhan dag ni khrid

  747. 374a

    pa zhes 'don te gnas gzhan na khrid cing spog par zhes pa zhes bya ba'i don to/ /de bzhin du don ston pa la rgyu bstan pa'i phyir bdag yod nyid du zhes bya ba la sogs pa rgyas par smos te/ gal te bdag yod pa nyid du zhugs par gyur na gdul ba'i skye bo de 'jig tshogs la lta ba'i mtshan nyid kyi lta ba'i mche bas zhes smos par 'gyur ro/ /kun rdzob rtogs par ma gyur nas zhes bya ba ni chos kyi brda mi shes pa ste/ las kyi 'bras bu med snyam nas dge ba'i chos stag gi phrug gu lta bu nyams par 'gyur ro/ /brtags pa ste/ la la gang zag kun rdzob du bong ba yang med do snyam du 'dzin par 'gyur bas de'i phyir med do zhes kyang ma gsungs so/ /yod na ci'i phyir yod gsungs zhes bya ba ni gal te gang zag yang dag pa'i don du yod na/ bcom ldan 'das ci'i phyir gang zag yod do zhes mi gsung/ gzugs yod do zhes smras pa la ni nyes par mi 'gyur te/ de yod pa'i phyir ro/ /gcer bu pa'i nyan thos kyis bye'u bzung ba bzhin no zhes bya ba ni gcer bu pa'i nyan thos shig gi bye'u gson po zhig bzung nas bcom ldan 'das la bye'u 'di gson nam mi gson zhes dris so/ /de'i bsam pa ni 'di yin te/ gal te dge sbyong gau ta ma gson no zhes gsung na ni des der bcir nas bsad de ston par byed do/ /gal te bcom ldan 'das kyis 'di skad du shi'o zhes gsung na ni des de gson po kho nar ston par byed de/ de ni ji ltar na 'jig rten gyis thams cad mkhyen pa ma yin par shes par 'gyur snyam du mngon par zhen to/ /bcom ldan 'das kyis ni de'i bsam pa mkhyen nas lung ma bstan gyi/ 'di gson nam mi gson pa ni khyod kyis sems kyi kho na las so zhes bya ba kho na gsungs pa de dang 'dra bas

  748. 374b

    'di yang lung ma bstan to/ /bzhi tshan 'di ni don mthun no zhes bya ba ni 'jig rten rtag go /'jig rten mi rtag go zhes bya ba'i bzhi tshan 'di dang/ 'jig rten mdza' dang ldan no/ /'jig rten mdza' dang mi ldan no zhes bya ba'i bzhi tshan 'di don gcig go gal te de lta na ji ltar lung ma bstan pa'i dngos po bcu bzhir 'gyur te/ 'jig rten rtag go zhes bya ba ni bzhi tshan gcig go /mdza' dang ldan no zhes bya ba ni bzhi tshan gnyis pa'o/ /de bzhin 'ongs pa shi nas yod ces bya ba ni bzhi tshan gsum pa'o/ /srog te lus te yin pa dang/ srog kyang gzhan no zhes bya ba ni gnyis tshan no/ /bzhi tshan gsum dang/ gnyis tshan gcig na lung du ma bstan pa'i dngos po bcu bzhi'o zhes na/ rnam grangs kyi ngo bo nyid du rnam par gzhag pa la yang bcu bzhi nyid srid pas nyes pa med do/ /de nyid rnam grangs gzhan gyis 'dri 'am zhes bya ba 'di mdza' dang lta ba zhes zhus pa gang yin pa'o/ /ji lta zhe na ci lags/ 'jig rten thams cad lam 'di nges par 'byung ngam zhes bya ba 'di ni mdza' dang ldan pa zhes bya ba dang rtag pa zhes bya ba zhus pa yin no/ /'on te 'jig rten phyogs gcig lags shes bya ba 'dis ni mdza' dang ldan pa yang yin la mdza' dang mi ldan pa yang yin zhes bya ba dang/ rtag pa yang yin mi rtag pa yang yin zhes bya ba dang po yin no/ /gang zag gson po ni yod do zhes bya ba ni gang zag de nyid dang gzhan nyid du brjod par bya ba ma yin par brjod pa 'di ni lung ston pa 'di ni lus ston pa nyams su bsam pa yin no/ /rtag pa'i nyes par thal bar 'gyur ba'i phyir ro zhes bya ba ni gnas ma'i bu'i tshig go /'o na ci'i phyir 'di lung ston ces bya bar rgyas par 'byung ba ni slob dpon gyi tshig go /gzigs sam ma gzigs zhes bya ba 'di yang brjod par mi bya ba yin na zhes bya ba ni ma gzigs so/ /mi gzigs so zhes brjod par mi bya ba yin na zhes bya ba'i tha tshig go /rim gyi rim gyi ma brjod par

  749. 375a

    gyis shig ces bya ba ni bcom ldan 'das thams cad mkhyen pa yin nam ma yin zhes mi brjod pa'o/ /rim gyis rim gyis zhes smos pa ni shAkya bu'i mtshungs pa dag rab tu 'khrugs pa yongs su spang ba'i phyir ro/ /bden par dang gnas zhes bya ba ni brtan pa'i ngo bor zhes bya ba'i tha tshig go /lta ba'i gnas su gsungs so zhes bya ba ni log par lta ba'i gnas su gsungs so snyam pa yin no/ /slob dpon gyi yod do snyam pa yang lta ba'i gnas su gsungs zhes bya ba smos te/ 'jig tshogs la lta ba'i gnas su zhes bya ba'i don to/ /phyogs 'di ni lan btab zin zhes bya ba ji skad du zhe na yin te/ bkag pa'i phyir ro/ /bcom ldan 'das kyis don dam pa stong pa nyid kyi mdo kho na las zhes bya ba nas rgyas par 'di dag ni dpe ngan pa yin no zhes bya ba'i bar yin no/ /gzhan dag na re rgyur byas nas zhes bya ba 'di ci zhes bya ba nas bzung ste zhes rnam par 'chad do/ /rang gi gzhung lugs kyis ji ltar 'khor ba de bzhin du bstan pa'i phyir/ ji ltar me skad cig ma yin no yang zhes bya ba rgyas par smos so/ /me ni skad cig ma yin par grags la/ de yang yul gzhan du 'byung ba'i rgyun gyis 'gro ba de bzhin du sred pa nye bar len pa can sems can zhes bya ba phung po'i tshigs 'di la sred pa nye bar len pa yod pa sred pa nye bar len pa can te/ skad cig ma yin yang 'khor ro/ /mig bzang zhes bya ba'i ston pa zhes bya ba ni nyi ma bdun 'char ba'i mdo las/ bcom ldan 'das 'di yang drang srong mig bzang zhes bya bar gyur to zhes 'byung ngo/ /phung rnams gzhan yin pa'i phyir ro zhes bya ba ni skad cig ma nyid ma yin na gzhan yin pa'i phyir ro snyam du bsams pa'o/ /rgyud gcig pa nyid du ston par mdzad pa yin zhes bya ba ni gang gi phyir mig bzang sangs rgyas kyi rgyu kho na yin par 'gyur ba de'i phyir de nyid nga yin no zhes tha mi dad par nye bar

  750. 375b

    btags so// //bam po drug cu gcig pa ste tha ma'o/ /dper na sngon mthong ba'i me gang yin pa de srid cing 'ongs so zhes bya ba de lta bu ste/ rgyud kyi 'jug pa de nyid yin no zhes bya ba de dang 'dra'o de ni de dag gi 'jig tshogs la lta ba yin no zhes bya ba ni de ni de bzhin gshegs pa de dag gi bdag dang bdag gi rnam pa can gyi 'jig tshogs la lta bar 'gyur ro/ /bdag dang bdag gir chags pa 'ching ba shin tu dam pos gugs pa zhes bya ba ni bdag tu lta ba dang bdag gir lta ba yod na bdag tu chags pa dang bdag gis chags par 'gyur ro/ /de'i phyir 'jig tshogs ni 'ching ba yin pas 'ching ba dam po can rnams la thar pa thag ring bar 'gyur te/ med pa kho nar 'gyur ro snyam du bsam pa yin no/ /kha cig ni gang zag tu 'dzin ces bya ba ni gnas ma'i bu rnams so/ /kha cig ni thams cad med pa nyid du 'dzin pa gang yin pa zhes bya ba ni bu ma sems par byed pa rnams so snyam du bsam pa'o/ /dran pa'i yul la 'du shes pa'i rgyu las byung ba'i sems kyi khyad par las so zhes bya ba la/ dran pa'i yul ni nyams su myong ba'i don to/ /'di la de la 'du shes pa'i rgyu yod pas na dran pa'i yul la 'du shes pa'i rgyu las byung ba'i sems kyi khyad par te/ sems 'ga' kho na zhig yin gyi thams cad ni ma yin no zhes bya ba'i tha tshig go /de las dran pa'am ngo shes par 'gyur ro/ /de ltar gnyis ka khyad par du byas pa dang sems kyi khyad par ji lta bu las zhes 'dri ba la/ de la gtad pa dang zhes bya ba rgyas par smos so/ /dran par bya ba de la gtad pa ni de la gtad pa'o/ /gang la de dang 'dra ba dang 'brel pa can gyi 'du shes la sogs pa dang ldan pa gang dag yin pa de dag yod pa ni de pa gtad pa dang 'dra ba dang 'brel pa can gyi 'du shes la sogs pa dang ldan pa'i sems kyi khyad par ro/ /sogs pa zhes bya ba smos pas ni smos pas bzas pa dag goms pa sogs

  751. 376a

    pa bsdu'o/ /'di dag la rten gyi khyad par dang/ mya ngan dang/ rnam par g.yengs pa la sogs pa yod pas rten gyi khyad par dang/ mya ngan dang/ rnam par g.yengs pa la sogs pa'o/ /de dag gi mthu ma nyams pa'i sems kyi khyad par de nyid 'dis bstan pa yin no/ /sems kyi khyad par de lta bu de las dran pa 'am ngo shes par 'gyur ro/ /de lta bas na 'di skad du bshad pa yin te/ de la gtad pa dang ldan pa las ni gal te de la gtod par byed na'o/ /'dra ba'i 'du shes la sogs pa dang ldan pa las ni gang la 'dra ba las kyang dran par 'byung ba'o/ /'brel pa can gyi 'du shes la sogs pa dang ldan pa las ni gang la 'dra ba med kyang du ba la sogs pa mthong ba las dran par 'gyur pa'o/ /smon pas bzas pa dang/ goms pa la sogs dang ldan pa las ni gang la dus 'di'i tshe dran par bya'o snyam pa 'am/ 'di de dran par bya ba la sogs pa'o/ /rten gyi khyad par la sogs pas mthu ma nyams pa can las zhes bya ba ni rten gyi khyad par nad kyi mtshan nyid dang mya ngan dang bya ba gzhan la rnam par g.yengs pas so/ /sogs pa zhes bya ba'i sgras ni las dang rig sngags la sogs pas zin pa bsdu'o/ /de lta bu yin yang zhes bya ba rgyas par 'byung ba ni de la gtad pa zhes bya ba nas 'du shes pa la sogs pa ldan pa dang mthu ma nyams pa can yin yang ngo zhes bya ba'i tha tshig go /de'i rgyu las byung ba ma yin pa zhes bya ba ni dran pa'i yul la 'du shes pa'i rgyu las byung ba ma yin pa zhes bya ba'i don to/ /skyed par zhes bya ba ni skyed par ro/ /gzhan lta bus zhes bya ba ni de la gtad pa zhes bya ba nas 'du shes la sogs pa dang ldan pa dang mthu ma nyams pa can ma yin pas so/ /ma yin te 'brel pa med pa'i phyir ro zhes bya ba ni lhas byin dang mchod sbyin gyi sems kyi dag rgyu dang 'bras bu'i dngos

  752. 376b

    por zhen pa'i tha tshig go /ji ltar rgyu gcig la yod pa'i sems dag rgyu dang 'bras bur gyur pa'i phyir 'brel pa ltar lhas byin gyi sems dag ni de ltar 'brel pa ma yin pas 'dis ni dpe dang dngos po dag mi 'dra ba dang nyid du ston to/ /de la gal te pha rol po 'di skad du lhas byin gyi nyams su myong ba'i sems kyis don nyams su myong ba ni de'i dran pa'i sems kyis mi dran te/ gzhan yin pa'i phyir mchod sbyin gyi sems bzhin no zhes bsgrub par smra bar byed na/ de'i sgrub pa'i gtan tshigs ni rang la ma nges pa'i phyir dang/ phyogs snga ma mngon sum dang gol bar phyogs skyon dang bcas pa'i phyir ro/ /'on te lhan byin gyi nyams su myong ba'i sems dang/ rjes su dran pa'i sems dag gzhan pa nyid du dam 'cha' ba las sun 'byin pa 'di rjod na ni de sun 'byin pa ma yin te/ mthong bas gnod pa sun 'byin pa mi mthong? pa'i phyir ro/ /khyod kyi grub pa'i mdza' las kyang lhas byin gyi nyams su myong ba'i sems kyi nyams su myong ba'i don ni de'i dran par 'byung ngo/ /sems gzhan gyis mthong la sems gzhan gyi dran no zhes kyang mi zer ro zhes bya ba ni gzhan gyi na zhig gi dran pa ni ma yin no snyam du bsams pa yin no/ /mthong ba'i sems las dran pa'i sems gzhan skye'o zhes bya ba'i rgyu yod pa'i phyir te/ rgyu sa bon yod pa las myu gu bzhin no zhes bya ba'i tha tshig go /dran pa kho na las ngo shes pa yang yin no zhes bya ba ni dran pa yod na ngo shes te bdag gis mthong ba gang yin pa de nyid 'di yin no zhes bya bar dran pa'i phyir ro/ /'o na gang nag pas dran no zhes bya ba ni gal te sems kyi khyad par kho nas dran na/ 'o na gang nag pas dran no zhes bya ba ji lta bu yin zhes bya ba'i tshig kho na nas drang ngo/ /de yang de zhes bya ba rgyas par 'byung ba ni nag pa zhes bya ba 'du byed kyi tshogs kyi rgyun de yang ba zhes bya ba de yul gzhan du dang 'gyur pa

  753. 377a

    'byung ba ste/ yul gzhan du 'byung ba dang 'gyur ba 'byung ba la rgyu'i dngos por yid la bsams nas ci zhe na/ rje bo zhes brjod par zad kyi gang zag ni ma yin te/ tha snyad 'di ni rgyu dang 'bras bu'i dngos po la ltos pa yin gyi gang zag la ltos pa ni ma yin no snyam du bsams pa yin no/ /de nyid kyi phyir cig pu ni 'ga' yang med ces bya ba rgyas par smos so/ /de bzhin du su zhig gis rnam par shes zhes bya ba la sogs pa rgyas par 'byung ba ni bdag med na su zhig gi de ltar rnam par shes/ rnam par shes zhes bya ba'i don 'di ci yin/ rnam par shes pas yul 'dzin pa'o/ /ci de 'dzin pa rnam par shes pa las gzhan zhig yin nam/ 'o na ni rnam par shes par byed do/ /gang gis de byed pa de ni bshad zin te/ rnam par shes pa'i rgyu ni dbang po dang don dang yid la byed pa dag dang sems kyi khyad par yin no zhes brjod par bya ste/ dbang po la sogs pa rgyu gzhan dang ldan pa'i phyir ro/ /de nyid kyi phyir ci rigs par dbang po dang don dang yid la byed pa dag yin no zhes bya ba'i 'di ni khyad par yin no zhes bya ba smos so/ /'o na gang nag pas rnam par shes so zhes bya ba ji lta bu zhes na/ nag pa zhes pa'i rgyud de las de skye bar mthong nas smra bar zad do/ /bdag med na rnam par shes pa ni 'di su'i yin/ drug pa 'di'i don ji lta bu yin/ rje bo'i don yin no/ /dper na gang gi rje bo gang lta bu yin zhes bya ba nas rgyas par rnam par shes pa gsung sbyar bar bya ba na 'di ltar 'di'i rje bo btsal/ rnam par shes par bya ba'i don la'o/ /ci'i phyir sbyar bar bya rnam par shes par bya ba'i phyir ro/ /kye ma de nyid de'i don du sbyar ro zhes bya ba ni bsod nams kyi skyed pa rnams kyi legs par smras so/ /ji ltar sbyar bar bya/ bskyed pa'i sgo nas sam/ 'on te mdag pa'i sgo nas/ rnam par shes pa la 'gro ba mi rung bas bskyed pa'i

  754. 377b

    sgo nas so/ /de lta bas na ni rgyu kho na rje bo yin la/ 'bras bu kho na bran yin par 'gyur te zhes bya ba'i bar dang rgyas par de ni rnam par shes pa'i rgyu gang yin pa de kho na'i yin no/ /gang yang nag pas zhes bya ba zhes bya ba'i bar dang/ rgyas par de lta bas na de la yang rgyu'i dngos po ma gtogs pa rje bo'i dngos po med do zhes bya ba'i bar yin no/ /sogs pa zhes bya ba'i sgras ni su zhig gis tshor/ su'i tshor ba yin/ su zhig gis 'du shes/ su'i 'du shes yin zhes bya ba la sogs pa la bsdu ste/ 'di ni phyogs yin no/ /gang yang bya ba ni byed pa po la bltos pa'i phyir te zhes zer ba ni/ brda sprod pa pa'o/ /de yang dgos so zhes bya ba ni rnam par shes pa po yang dgos te/ gang zag go snyam du bsam pa yin no/ /'gro'o 'gro ba'o zhes brjod pa bzhin no zhes bya ba ni dper na me'i 'gro'o/ /sgra 'gro'o zhes 'gro ba pa'i sgrar brjod pa pa 'am/ dper na me'i 'gro ba'o/ /sgra'i 'gro ba'o zhes bya ba ltar lhas byin gyi 'gro ba'o/ /lhas byin gyi 'gro ba'o zhes bya ba yang de dang 'dra ste/ dpe 'dis na lhas byin gyi rnam par shes so zhes bya ba 'grub bo/ /'dra bar bdag nyid thob pa'i phyir zhes bya ba ni rgyu dang 'dra bar 'bras bu'i bdag nyid thob pa'i phyir ro/ /cung zad kyang mi byed mod kyi zhes bya ba ni yongs su g.yo ba mi byed mod kyi zhes bya ba'i don te/ de'i rnam pa nyid do zhes bya ba ni sngon po la sogs pa yul gyi rnam pa nyid do zhes bya ba'i tha tshig go /rnam par shes pa'i rgyur gyur pa'i phyir zhes bya ba ni rnam par shes pa yang rnam par shes pa gzhan gyi rgyu yin te/ de'i phyir rnam par shes pa gzhan skyed par byed pa la rnam par shes so zhes bya'o/ /rgyu la byed pa po'i sgrar bstan pa'i phyir zhes bya ba ni rgyu ni byed pa por gyur pa'i phyir dper na dril bu ni sgrogs pa'i rgyu yin pas dril bus sgrogs so zhes bya ba de dang

  755. 378a

    'dra'o/ /gcig kho na yin pa'i phyir sgron ma zhes bya ba ni me lce rnams kyi rgyun la nye bar 'dogs par byed la de yul gzhan dag tu 'byung ba ste/ sgron ma rgyun gyi ngo bo de yul gzhan du byung ba la yul de dang der 'gro'o zhes bya'o/ /de bzhin du gcig kho na yin pa'i phyir sems rnams kyi rgyud la rnam par shes pa nye bar 'dogs par byed la/ rnam par shes pa rgyun gyi ngo bo de yul gzhan dag la skye ba la rnam par shes so zhes bya ste/ rnam par shes pa rgyun gyis skye bas rnam par shes so snyam du bsam pa yin no/ /yang na ji ltar gzugs 'gyur ro zhes bya ba la sogs pa rgyas par 'gyur ba ni ji ltar 'gyur ba po gzugs las 'gyur ba dang/ gnas pa po las gnas pa don gzhan ma yin pa ltar rnam par shes pa la yang de dang 'dra bar 'gyur te/ bya ba logs shig ma mi dmigs pa'i phyir rnam par shes pa po'i rnam par shes pa las bya ba don gzhan ma yin pa nyid do/ /yang na bye brag tu smra ba'i gzhung lugs kyi rjes su 'brangs pas sun dbyung ba yin no/ /bdag las ma yin na zhes bya ba ni gal te rnam par shes pa bdag las mi skye na/ rnam par shes pa'i mtshan nyid kyi rgyu la khyad par med pa'i phyir rnam par shes pa de dang 'dra ba kho nar skyed par 'gyur ro/ /gal te bdag las skye na ni de'i bsam pa'i khyad par las rnam par shes pa khyad par can skye'o snyam du bsam pa yin no/ /rim pa nges par skye bar mi 'gyur zhes bya ba ni ci'i phyir rim pa dang nges par skye bar mi 'gyur rim pa ma nges par ni mi skye ste/ ba lang gi blo'i mjug thogs su bud med kyi blo dang/ bud med kyi blo las ma he'i blo skye na ci'i phyir myu gu dang sdong bu dang 'dab ma la sogs pa bzhin du mjug thogs su ba lang gi sems kho na skye bar mi 'gyur/ myu gu las sdong bu kho na skye bar

  756. 378b

    'gyur gyi 'dab ma la sogs pa ma yin pa dang/ sdong bu las 'dab ma kho na skye bar 'gyur gyi me tog la sogs pa 'am/ myu gu la sogs pa ma yin pa dang/ 'dra bar ro/ /bsam gtan rdzogs pas mnyam par gzhag pa rnams la zhes bya ba ni bsam gtan rdzogs shing mthar phyin pas mnyam par gzhag pa rnams la lus dang sems 'dra ba skye na'o/ /bdag nyid ces bya ba ni gzhan gyi ma brtsal bar snyam du bsams pa yin no/ /de ltar na 'dis ni ci'i phyir rtag tu de 'dra ba kho nar skye bar mi 'gyur zhes dris pa gang yin pa de'i lan btab pa yin no/ /rim pa nges par skye bar mi 'gyur zhes dris pa gang yin pa de bstan pa'i phyir/ sems rnams kyi rim pa yang nges pa kho na ste zhes bya ba ste/ 'di ni 'dod pa kho na'o// rigs kyi bye brag las shes bya ba ni sgoms pa'i bye brag las so/ /bud med kyi sems kyi mjug thogs su zhes bya ba rgyas par 'gyur ba ni bud med kyi sems te bud med la dmigs pa'i sems kyi mjug thogs su'o/ /bud med kyi de'i lus ni de'i lus so/ /gal te bram ze 'am gzhan yang rung dge ba zhig la de'i lus sun 'byin par byed pa'i sems sam/ de'i khyo 'am bu la sogs pa'i sems skyes pa ste de'i khyo dang bu la sogs pa'o/ /sogs pa zhes bya ba'i sgras ni bu mo la sogs pa bsdu'o/ /de dag la dmigs pa'i sems ni khyo dang bu la dmigs pa'i sems te/ gal te de 'am gzhan zhig gi bud med kyi sems de'i mjug thogs su skyes par 'gyur la yang phyis dus gzhan rgyud yongs su gyur pa las bud med kyi sems skye na bud med kyi sems phyis skyes pa de ni de'i lus sun 'byin pa'i sems bskyed pa ste/ bud med kyi lus 'byin pa'i sems skyes pa la nus pa 'am/ de'i khyo 'am bu la sogs pa'i sems skyed pa la nus pa yin no/ /ci'i phyir

  757. 379a

    zhe na/ de'i rig can yin pa nyid kyi phyir ro zhes bya ba smos te/ 'di la de'i lus sun 'byin pa'i sems sam/ de'i khyo 'am bu la sogs pa'i rigs yod pas na de'i rigs can gyi sems so/ /de'i ngo bo ni nyid do/ /de'i phyir te de dang rigs 'thun pa'i phyir ro snyam du bsam pas yin no gzhan du na ni zhes bya ba ni de'i rigs can ma yin pa'o/ /yang bud med kyi sems las rnam grangs kyis zhes bya ba rgyas par 'byung ba ni ci char ma yin par rnam grangs kyi bud med kyi sems las de'i lus sun 'byin pa'i sems kyang skye la de las de'i khyo'i sems dang/ de las de'i bu'i sems dang/ de nyid las de'i bu mo'i sems dang/ de nyid las yang yongs su gyur pas dang po'i sems skyes par gyur na bud med kyi sems de las mjug thogs su skyes pa'i sems kyi nang nas bskyed par bya ba'i sems rgyun gyis ches mang ba dang nus pa'i sgo nas ches gsal ba dang/ ches nye ba gang yin pa'i sems de kho na skye bar 'gyur ro/ /de'i dgos pa stobs dang ldan pa'i phyir ro zhes bya ni ches mang ba 'am/ ches gsal ba 'am/ ches nye ba de'i dgos pa stobs dang ldan pa'i phyir ro/ /de'i 'dus pa'i lung dang zhes bya ba rgyas par 'byung ba de'i dus na nye bar gnas pa ni de'i? dus pa ste/ lus kyi rkyen gyi khyad par dang/ phyi rol gyi rkyen gyis khyad par ro/ /ma gtogs pa ni med na zhes bya ba'i tha tshig ste/ gang la lus sam phyi rol gyi rkyen nye bar gnas pa de nyid skye bar 'gyur bas so/ /bsgos pa de nyid ches stobs dang ldan zhes bya ba ni ches mang ba dang/ ches gsal ba dang/ ches nye bar dgos par bshad pa gang yin pa de nyid stobs dang ldan pa yin na ci'i phyir rtag tu 'bras bu mi 'byin/ sems de mi 'byung ba ni ma yin no zhes gzhan gyis brgal? ba dang/ bshad pa gnas pa gzhan du 'gyur ba nyid ni 'dus byas kyi

  758. 379b

    mtshan nyid yin pa'i phyir 'di'i mtshan nyid gnas pa las gzhan du 'gyur ba nyid yin pas na gnas pa las gzhan du 'gyur ba'i mtshan nyid de'i phyir ro/ /'dus byas kyi mtshan nyid gzhan du 'gyur ba de yang bsgos pa gzhan gyi 'bras bu skye ba ste/ bsgom pa gzhan gyi 'bras bu sems gzhan skye ba'i rjes la mthun pa'i phyir rtag tu de nyid 'bras bu mi 'byin to zhes bya bar sbyar ro/ /'di skad du zhes bya ba ni gnas brtan sgra gcan zin gyis so/ /rnam pa thams cad ces bya ba 'di rnam pa kun te/ rma bya'i mdongs 'di'i kha dog dang dgod pa la sogs pa'i rnam pa ji snyed pa de dag gi /'dis na kha dog ni 'di lta bu'o/ /dgod pa ni 'dra ba'o/ /'di ltar ni tshor ro zhes bya ba 'di lta bu la sogs pa'i rnam pa 'di ni rgyu yin no/ /'di ni rgyu ma yin no zhes bya bar shes bya ba min te/ thams cad mkhyen pa ma yin pa yin pa nyan thos dang rang sangs rgyas la sogs pas shes par mi nus so/ /de shes kun mkhyen stobs yin no zhes bya ba ni gang gis de'i rgyu shes par byed pa de ni thams cad mkhyen pa'i stobs yin no snyam du bsams pa yin no/ /gzugs can ma yin pa'i sems kyi bye brag rnams lta smos kyang ci dgos zhes bya ba ni gzugs kyi rgyu yang rnam pa thams cad shes par mi nus na/ gzugs can ma yin pa rnams kyis lta smos kyang ci dgos zhes bya ba'i tha tshig go /mu stegs can gang la la zhes bya ba ni bye brag pa'o/ /gal te yid dang phrad pa'i bye brag la ltos pa'i phyir ro zhes na zhes bya ba ni gal te sems skye ba ni bdag las rab tu skye bar 'dra mod kyi/ bdag res 'ga' yid dang 'brel pa'i bye brag las skye bas de'i phyir sems rtag tu de dang 'dra ba kho nar yang skye bar mi 'gyur la myu gu dang sdong bu dang 'dab ma la sogs pa bzhin du rim pa nges par yang skye bar mi 'gyur ro zhes bya bar 'dod na ni ma yin te/ 'brel pa gzhan

  759. 380a

    ma yin pa'i phyir ro zhes bya ba ni de ni de lta ma yin no/ /ci'i phyir zhe na/ bdag dang yid de dag las 'brel ba gzhan du ma grub pa'i phyir te/ kho bo cag la ni 'brel pa zhes bya ba'i dngos po grub pa ci yang med do/ /'brel pa can dag ces bya ba rgyas par 'byung ba ni 'brel pa khas blangs kyang 'brel pa can 'jig rten na grags pa shing ngam gzhan gang yang rung ba dag ni yongs su chad pa'i phyir te/ yul yongs su chad par mthong ba'i phyir zhes bya ba'i tha tshig go /mtshan nyid rnam par bshad pa'i phyir zhes bya ba ni bye brag pa'i rgyud las/ phrad pa'i mtshan nyid bstan pa'i phyir ro/ /des na ci zhe na/ bdag yongs su chad par thal bar 'gyur te/ gang na bdag yod pa de na yid med pa gang na yid yod pa de na bdag med pas yul yongs su chad pa nyid du thal bar 'gyur ro// bdag yid dang phrad pa zhes bya ba 'dis ni rjes su dpag pa dang/ lung gi phyogs pa 'di chos can gyi khyad par las bzlog par gyur pa bstan pa yin te/ chos can ni bdag go /de'i khyad par ni thams cad na yod pa nyid do/ /de las bzlog pa ni thams cad na med pa nyid do/ /de'i phyir yid 'phos pa las bdag 'pho bar thal bar 'gyur zhes bya ba ni/ phrad pa ni ma phrad ba sngon du 'gro ba'i phrad pa yin no zhes bya ba'i mtshan nyid de'i phyir te/ yid 'phros pa las te/ yid lus kyi phyogs gang dang gang du 'pho ba de dang de nas bdag 'pho zhing 'dor ro zhes bya bar thal bar 'gyur te/ dper na skyes bu sa'i phyogs gang dang gang du 'pho ba de dang de nas nyi ma 'phos pa lta bu'o/ /de lta yin na yang 'di ni bya ba med pa nyid la gnod par 'gyur bas de nyid dam bcas pa'i nyes pa yin no/ /nyams par zhes bya ba ni bdag ces bya ba dang thal bar 'gyur ro zhes bya ba sbyar ro/ /gang dang gang du yid 'pho ba de dang der bdag 'jig pas de nyid 'dir dam bcas pa'i nyes pa yin te/ bdag mi rtag par 'gyur pa'i phyir ro/ /gal te phyogs gcig

  760. 380b

    phrad do zhes na zhes bya ba ni yid bdag gi phyogs gcig dang phrad pa 'am/ bdag gi phyogs gcig yid dang phrad pa ste/ gal te lus kyi phyogs gang na yid gnas par gyur pa de na yod pa'i bdag gi phyogs dang ni yid mi phrad kyi/ phyogs gzhan dang ni glo nas phrad do/ /de lta bas na phrad pa ni ma phrad pa sngon du 'gro ba nyid yin yang bdag gi phyogs ma phrad pa kho na dang yid dang phrad do zhes bya bar 'dod na/ de ni ma yin te/ phyogs de nyid kyi yin pa nyid du mi rung ba'i phyir ro/ /bdag la ni phyogs gzhan yang yod pa ma yin la/ bdag gi phyogs kyang rung ba ma yin no/ /phrad pa yod? du chug na yang zhes bya ba rgyas par 'byung ba ni phrad pa khas blangs su zin kyang/ 'on kyang 'gyur ba med pa'i phyir yid rtag tu khyad par med pa la ji ltar phrad pa khyad par du 'gyur te/ ji ltar phrad pa khyad par can du 'gyur na 'di ltar de skad bshad/ gal te blo'i khyad par bltos pa yin no zhe na/ ji ltar blo'i khyad par yin zhes de nyid la klan ka tshol bar byed do zhes bya ba ni/ bdag rtag tu khyad par med pa yin na ci'i phyir de 'dra ba kho nar mi skye/ rgyu'i khyad par las ni 'bras bu'i khyad par du 'dod de dung dang rdza rnga ba Ta ha la sogs pa'i sgra bzhin no/ /gal te 'du byed kyi khyad par la bltos pa'i bdag dang yid phrad pa las so zhe na zhes bya ba ni gal te bdag dang yid ni rtag tu khyad par med mod kyi bdag dang yid sbyor ba 'du byed kyi khyad par la blo'i khyad par du 'gyur bar 'dod na'o/ /'di skad du dgos pa'i khyad par gyi mtshan nyid kyis 'du byed kyi khyad par las bdag dang yid sbyor pa'i khyad par du 'gyur la de'i khyad par las blo'i khyad par du 'gyur ro zhes smras pa yin no/ /'dir 'du byed kyi khyad pa la bltos pa'i sems kho na las zhes bya ba rgyas par smos te/ 'di la slob dpon gyi dgongs pa ni kho bo'i ltar na sems kyang yod na/ dgongs pa'i khyad par gyi mtshan

  761. 381a

    nyid kyi 'du byed kyi khyad par gang kho bo cag bag chags dang sa bon zhes bya bar rnam par 'jog pa de yang yod pa nyid las rtsad par byed kyi/ dngos po gzhan yin nam ma yin zhes bya ba rtsam zhig khyad par yod do/ /de lta bas na 'du byed kyi khyad par la bltos pa'i sems kho na las blo'i khyad par du 'gyur ba na/ bdag gam de dang phrad par rtag pas ci zhig bya snyam pa 'di yin no/ /bdag gi nus pa ni chung zad kyang mi dmigs te zhes bya ba rgyas par 'byung ba ni sman pa ngan g.yo can 'ga' zhig gis nad pa 'ga' zhig sman byin nas bsam pa/ sman 'di ni rnyed sla ba yin te/ de 'khor dang bcas pas kyang shes so/ /sman 'dis kyang nang ba 'di'i nang zhi bar ni 'gyur ro/ /de lta bas bdag khyad par du bsad nas gzhan yang 'di byed par 'gyur ro/ /de nas bdag gi nor rnyed par mi 'gyur ro snyam du bsam nas phu swAhA phu swAhA/ zhes sngags kyis btab nas sngags 'dis ni sman 'di 'grub bo zhes skye bo la bstan na/ de la ji ltar sman gyi don 'grub par bya ba la sman pa ngan pa g.yo can gyi phu swAhA zhes pa rnams kyi nus pa med kyi/ sman gyi nus pa yin pa de bzhin du blo'i khyad par skye bar bya ba la bdag gi nus pa med kyi sems kho na'i nus pa yin no/ /gal te bdag yod na de nyid srid do zhe na ni zhes bya ba ni gal te bdag yod na 'du byed dang sems de gnyis srid pas de'i phyir bdag yod do zhes bya bar 'dod na/ 'dir smras pa'i tshig tsam du zad kyi 'di la rigs pa ni 'ga' yang med do/ /gal te de ni rten yin no zhe na zhes bya ba ni gal te de ni de gnyis kyi rten yin no zhes bya bar 'dod na'o/ /dper na gang gi rten gang yin pa de lta bu zhes bya ba ni rten gyi ngo bo'i dper brjod pa tshol ba'o/ /'di brten gyi don du mi rigs pa de brten pa'i phyir de dag kyang

  762. 381b

    zhes bya ba rgyas par smos te 'du byed dang sems de dag kyang ri mo dang rgya shug la sogs pa ltar de dper na rtsig pa la ri mo dang gzhong bu las rgya shug brten pa ltar ro/ /sogs pa zhes bya ba'i sgras ni snod la zas zhes bya ba nas sogs pa bsdu sto/ 'du byed dang sems de dag ni rten bdag de la lta ba ma yin la/ de yang rtsig pa dang gzhod bu la sogs pa la ltar rten du rigs pa ma yin te/ bdag de yang rtsig pa lta bu dang gzhod bur rten du rigs pa ma yin no/ /sogs ba zhes bya ba'i sgras ni snod la sogs pa bsdu'o/ /ci'i phyir zhe na/ thogs pa dang tha dad pa nyid kyi nyes par 'gyur pa'i phyir ro zhes bya ba smos te/ thogs pa nyid kyi nyes par 'gyur ba'i phyir dang tha dad pa nyid kyi nyes par 'gyur ba'i phyir ro/ /thogs pa dang bcas pa nyid du thal bar 'gyur ba'i phyir dang/ yul tha dad ba nyid du thal bar 'gyur ba'i phyir zhes bya ba'i tha tshig ste ji ltar ri mo dang rgya shug dag dang/ rtsig pa dang gzhong bu dag la rten pa dang rten gyi ngo bo yin la thogs pa nyid dang tha dad pa nyid du mthong ba ltar de dag kyang de dang 'dra bar 'gyur ba zhig na de ltar yang mi 'dod de de'i phyir ni bdag gi rten ma yin no/ /dper na dri la sogs pa las sa gzhan ma yin pa ltar blo la sogs pa las kyang bdag ma yin no/ /skyes bu dam pa su zhig dri la sogs pa las sa gzhan yin par nges par 'dzin par byed de/ sa gang zhig yin na zhes smras na 'di ltar gzugs dang dri la sogs pa las gzhan pa'o zhes bya ba lta bur gzugs dang dri dang ro dang reg bya dag khas gzhan par ni bstan par mi nus so/ /gal te dri la sogs pa las sa gzhan ma yin pa'i dri la sogs pa zhes bya ba'i tha snyad 'di 'di ji ltar 'dogs te/ nag pa'i la ba zhes gzhan gyi gzhan tha snyad 'dog par ni mthong ngo zhes na/ 'dir sa'i dri la sogs pa zhes bya ba'i tha snyad ni zhes bya ba rgyas par smos so/

  763. 382a

    khyad par du bya ba'i phyir zhes bya ba ni chu la sogs pa khyad par du bya ba'i phyir zhes bya ba'i tha tshig go /ji lta zhe na/ ci nas de dag nyid ces bya ba rgyas par 'byung bas ston par byed do/ /nyid ces bya ba ni de dag la ma gtogs pa sa'i rdzas bzlog pa'i phyir te/ ci nas kyang dri la sogs pa de dag nyid de zhes bya ba/ sa zhes bya bar shes par 'gyur ba de ltar khyad par du bya ba'i phyir tha snyad 'dogs so zhes bya bar sbyar ro gzhan ni ma yin no zhes bya bar ni ci nas kyang sa zhes bya ba las gzhan pa'i chu zhes bya ba la sogs par shes par mi 'gyur bar zhes bya ba'i don to/ /shing gi gzugs kyi lus bzhin no zhes bya ba ni 'ji pa las byas pa la sogs pa gzhan dag las khyad par du bya ba'i phyir shing gi gzugs kyi lus shes tha snyad 'dogs la shing gi gzugs kyi lus gzhan yang ma yin pa ltar 'dir yang de bzhin du tha snyad 'dogs par 'gyur pas dri la sogs pa las sa gzhan pa yang ma yin no/ /'du byed kyi khyad par la bltos pa yin du zin kyang bdag dang yid phrad pa'o/ /gang zhig stobs che ba zhes bya ba ni 'du byed kyi khyad par te/ des 'du byed kyi khyad par gzhan dag la bgegs byed do/ /stobs che ba nyid ci'i phyir 'bras bu mi 'byin te zhes bya ba ni slob dpon gyi tshig yin no/ /de nyid kyis yang bshad pa 'di'i tshul te 'du byed kyi tshul 'jigs pa 'am/ gegs byed pa gang yin pa de ni sa bon gyi bdag nyid kyis bsgos pa'i yin na ni bdag tu rtogs pa ni don med cing dgos pa med pa yin te/ 'du byed kyi don du der brtag grang na 'du byed de'i bya ba gang yin pa de ni bsgos pa kho nas byed do/ /dran pa la sogs par zhes bya bar rgyas par 'byung ba ni gal te dran pa dang 'du byed dang 'dod pa dang zhe

  764. 382b

    sdang la sogs pa ni yon tan gyi dngos po yin pa'i phyir la rdzas la brten pa'i yon tan ni yon tan dang ldan pa ma yin no zhes de skad du mtshan nyid bstan pa'i phyir yon tan gyis rdzas de yang gdon mi za bar rdzas la brten pa yin pa'i phyir ro/ /gzhan ni mngon sum pa ma yin pa nyid la sogs pa'i rgyus na de dag gi brten sa la sogs pa'i gzhan par yang rung ba ma yin no/ de bas na 'di dag gi rten gang yin pa de ni bdag yin pas de lta bas na bdag ni yod do zhes bya bar 'dod na ma yin pa ste ma grub pa'i phyir ro/ /de ni de lta ma yin no/ /ci'i phyir zhe na/ dran pa la sogs pa ni yon tan gyi dngos po nyid du ma grub pa'i phyir ro/ /yod pa thams cad rdzas yin zhes bya ba ni mtshan nyid kyi sgo nas yod pa gang yin pa de ni rdzas yin no/ /dge spyod gi tshul gyi 'bras bu ni rdzas drug go zhes bya ba ni gzugs kyi phung po la sogs pa lnga ni dge sbyong gi tshul gyi 'bras bu 'dus byas yin la/ drug pa ni 'dus ma byas yin pas rdzas drug yin no/ /de dag rdzas la rten pa nyid la yang ma grub pa ste zhes bya ba ni dran pa la sogs pa'o/ /rten gyi don ni rtags zin to zhes bya ba ni dper na gang gi rten gang lta bu de dag kyang ri mo dang rgya shug la sogs pa lta bur brten pa ma yin la zhes bya ba rgyas par ro/ /rnam de dag ces bya ba ni dkar sham la sogs pa'i rnam pa dag go /'di ni phung po rnams las zhes bya ba ni bdag tu 'dzin pa'o/ /bdag du 'dzin pa ni ma yin no zhes bya ba ni bdag go snyams de lta bu'i rnam pa can gyi shes pa ni ma yin no zhes bya ba'i tha tshig go /'di ni de nyid 'ongs pa yin no zhes bya ba ni drug pa 'di'i ngan ji lta bu yin/ rje ba'i don yin na/ /dper na gang gi rje bo gang lta bu yin/ dper na ba'i nag pa lta bu yin no/ /'di ji ltar de'i rje bo yin/ de rmo ba dang bzho ba la sogs

  765. 383a

    pa la sbyar ba de la rag lus pa yin no/ /ngar 'dzin pa gang du sbyar bar bya ba ni 'di ltar 'di'i rje bo btsal/ bdag tu 'dzin par bya ba'i don la'o/ /ci'i phyir sbyar bar bya/ bdag tu 'dzin par bya ba'i phyir ro/ /kye ma de nyid de'i don du sbyar ro zhes bya ba ni bsod nams kyis bskyed pa rnams kyis legs par smras so/ /ji ltar sbyar bar bya/ ci skyed pa'i sgo nas sam/ 'on te mdag pa'i sgo nas/ bdag tu 'dzin pa las 'gro ba mi rung bas bskyed par bya ba'i sgo nas so/ /de lta na ni rgyu kho na rje bo yin la/ 'bras bu kho na bran yin par 'gyur te/ 'di ltar rgyu ni 'bras bu la dbang byed la 'bras bus kyang de dang ldan pa rgyu yin pas de ni bdag tu 'dzin pa'i rgyu gang yin pa de kho na'i yin no zhes bya ba yin no/ /shing ljon pa'i me tog chags so zhes bya ba ni dub pa'i mdza' gang la shing ljon pa yan lag gcan du mi 'dod cing 'byung ba chen po rigs mi mthun pa bzhis btsams pa yin par mi 'dod pa de la dpe yin no/ /gang la shing ljon pa yan lag can yod pa de la ni dpe gnyis pa nags tshal 'bras bu chags so zhes bya ba yin te/ nags tshal zhes bya ba ni chung zad kyang med do/ /ji ltar nags tshal gang la 'bras bu byung ba de 'bras bu chags so zhes bya ba de bzhin du skye mched drug gi mtshan nyid kyi rten gang la bde ba 'am sdug bsngal byung ba de la bde ba 'am sdug bsngal ba zhes bya'o/ /de ltar ni bshad zin to zhes bya ba ni/ de gyur pa las 'gyur ba'i phyir/ rten ni mig la sogs pa yin zhes skye mched drug ji ltar brten pa ji ltar ni bshad zin to/ /'on te phung po lnga zhes bya ba ni khyod dper byed na zhes bya bar skabs dang sbyar ro/ /de nyid byed pa po yin te zhes bya ba ni phung po lnga'i mtshan nyid de nyid byed

  766. 383b

    pa bo yin gyi bdag ni ma yin pas kho bo cag gis phyogs grub bo/ /de la yang rang dbang med par brtan pa'i phyir las 'di rnam pa gsum ste zhes bya ba rgyas par smos so/ /lus ni sems gzhan gyi dbang gis 'jug ste lus kyi las ni sems kyi rab tu bcugs pa'i phyir ro/ /sems kyang lus la rang gi rgyu'i dbang gis 'jug ste/ yid la byed pa la sogs pa'i gzhan gyi dbang yin pa'i phyir ro/ /de yang de dang 'dra ste sems kyi rgyu de yang rang gi rgyu'i gzhan gyi dbang gi 'jug pas lus sam sems sam sems kyi rgyu 'am gzhan yang rung gang la yang rang dbang med kyi/ bzhi yis sems dang sems byung rnams/ /gsum gyis snyoms par 'jug pa gnyis/ /gzhan dag gnyis las skye bar 'gyur zhes 'byung bas dngos po thams cad ni rkyen gyi gzhan gyi dbang gi 'jug go /bdag kyang bltos pa med pa ni blo'i khyad par skye ba'i rgyu ma yin pas rgyu nyid du khas mi len pa'i phyir rang dbang can du mi 'grub bo/ /de lta bas na de lta bu'i mtshan nyid ces bya ba ni byed pa po rang dbang can no/ /'o na byed pa po ji ltar lta bu zhe na/ gang zhig gang gi rgyu'i gtso bo yin pa de ni de'i byed pa po zhes bya ba smos te/ gtsor de la brten nas skye ba'i phyir ro/ de ni de lta bur yang byed pa por mi rung ngo zhes bya ba ni rgyu'i gtso bo'i ngo bo yang mi rung ngo zhes bya ba'i tha tshig go /de rgyu ma yin pa nyid du bstan pa'i phyir dran pa las ni 'dun pa skye'o zhes bya ba rgyas par smos te/ dang por dran par bya ba'i don la dran par skye'o/ / dran pa las ni 'dun pa skye ste byed par 'dod pa'o/ /'dun pa las ni rtog pa ste/ rnal 'byor spyod pa'i lugs kyis ni 'du byed kyi mtshan nyid sems pa'i khyad par ram/ shes rab kyi khyad par yin no/ /bye brag tu smra ba'i lugs kyis ni

  767. 384a

    rnam par rtog pa'i mtshan nyid kyi nges par rtog pa'o/ /rnam par rtog pa las rab tu 'bad pa ste/ brtson 'grus so/ /rab tu 'bad pa las rlung ngo/ /de nas rlung las ni las de lung gzhan du 'byung ba'i mtshan nyid 'byung na/ 'di la bdag ci zhig byed/ rnam par shes pa la nus pa bkag pa'i phyir ro zhes bya ba ni dmigs pa gang yin pa de nyid rnam par shes pa yin na 'du byed kyi khyad par la bltos pa'i sems kho na las yin par zad kyi bdag gi nus pa ni chung zad kyang mi dmigs te/ sman gyi 'bras bu grub pa la sman pa ngan g.yo can gyis phu swAhA zhes smras pa dag bzhin no zhes rnam par shes pa la ni bdag gis nus pa bkag go /ji ltar yin pa de ltar ni bshad zin to zhes bya ba ni/ der 'gyur ba las 'gyur ba'i phyir/ rten ni mig la sogs pa yin zhes bya ba'o/ /de la brten pa zhes bya ba ni bdag la brten pa'o/ /tshig gi lugs 'di ni lan btab zin to zhes bya ba ni gang gi rten gang lta bu/ de dag kyang ri mo dang rgya shug la sogs pa lta bur brten pa ma yin la/ de yang rtsig pa dang gzhod bu la sogs pa ltar brten du rigs pa ma yin te/ thogs pa dang tha dad pa nyid kyi nyes par 'gyur ba'i phyir ro/ /gal te de ni de lta bur rten ma yin no// 'o na ji lta bu zhe na zhes bya ba rgyas par 'byung ba yin no/ /des skyed pas so zhes bya ba ni sa bon des de'i nus pa skyes pas so zhes bya ba'i tha tshig go /ji skad du bshad pa lta bu'o zhes bya ba lta bu ni gnas brtan sgra gcan zin gyis so/ /nye ba gang dang goms gang dang zhes bya ba rgyas par 'byung ba ni rgyud gcig la las bzhi po lci ba dang nye ba dang goms pa dang sngon byas pa yod pa'i bzhi po de dag ni de dag gi nad na las lci ba snga ma yin pas de ni gsum pas sngar smin to/ /nye ba dang

  768. 384b

    goms pa dang sngar byas pa rnams kyi nang na yang nye ba snga ma yin pas de ni gnyis pas sngar smin to/ /goms pa dang sngar byas pa dag la yang goms pa snga ma yin pas gcig pas sngar smin to/ /de dag med na tshe snga ma la byas pa lan? blangs? gzhan la myong pa smin par 'gyur ro/ /nyon mongs can ma yin pa rnams kyi zhes bya ba ni dge ba dang ma sgribs la lung du ma bstan pa rnams kyi 'o/ /rnam par 'dul ba'i khyad par las skyes pa zhes bya ba ni sa dang chu dang 'brel pa las 'bras bu'i rnam par 'gyur ba phra mo ni rnam par 'dul ba'o/ /de'i khyad par ni de nyid khyad par can yin no te/ de las rnam par 'gyur ba'i khyad par skye ba'o/ /de las 'bras bu gzhan skye'o/ /rnam par 'gyur ba'i khyad par ji lta bu zhig las yin pa bstan pa'i phyir de las 'byung ba'i rnam pa myu gu 'grub par byed pa yod pa gang yin pa de ni de'i sa bon zhes bya ba smos te/ myu gu de'i sa bon yin no/ /'byung ba'i rnam pa gzhan ni ma yin te/ sngon gyi sa bon gyi gnas skabs kyi 'byung ba'i rnam pa ni ma yin no zhes bya ba'i tha tshig go 'gyur ba'i ming gis zhes bya ba ni ji ltar 'bras can 'tshod do phye 'thag go zhes 'byung bar 'gyur ba'i ming gi tha snyad 'dogs pa de bzhin du/ rgyun snga ma sa bon gyi gnas skabs ma rul ba la yang 'byung bar 'gyur ba'i ming gis sa bon zhes bya'o/ /'dra ba'i phyir zhes bya ba ni rgyun snga ma de yang 'byung ba rnam par 'gyur ba'i khyad par rnam pa 'dul ba'i khyad par las skyes pa dang 'dra ba'i phyir sa bon zhes bya'o/ /de bzhin du 'di la yang zhes bya ba rgyas par 'byung ba ni gal te dam pa'i chos mnyan pa dang tshul bzhin yid la byed pa'i rkyen gyi khyad par las skyes pa dge ba zag pa dang bcas pa'i sems kyi 'gyur ba skye ba 'am dam pa ma yin pa'i chos nyan pa dang tshul bzhin ma yin pa yid la byed pa'i rkyen gyi khyad par las skyes pa mi dge ba'i sems

  769. 385a

    kyi 'gyur ba skye na/ de las rnam par gzhan skye yi/ gzhan du ni ma yin pas de ni mtshungs so/ /ji ltar 'bras bu kho na las 'bras bu gzhan mi 'gyur gi /'o na ci zhe na 'gyur pa'i khyad par las yin pa de bzhin du rnam par smin pa kho na las rnam par smin pa gzhan mi 'byung ngo/ /'o na ci zhe na sems kyi 'gyur ba'i khyad par las 'byung bas de ni mtshungs so/ /'bras bu'i nang ge sar dmar po zhes bya ba ni 'bras bu'i nang du gang na bi dzA pu ri'i bu ba sgyur? po yod pa'i ge sar ro/ /de las ni de gzhan mi skye ba zhes bya ba ni ge sar dmar po de las ni yang ge sar dmar po de mi skye'o/ /'o na ci zhe na ge sar phal pa dmar po ma yin pa kho na skye'o zhes bya ba'i tha tshig go/ 'di ni 'dir dpe brjod pa yin te ji ltar rgya skyegs? kyis kha dog bsgyur ba'i ma tu lung+ga'i me tog dang 'bras bu can gyi ge sar dmar po gzhan mi 'byung ba de bzhin du las las skyes pa'i rnam par smin pa las yang rnam par smin pa gzhan mi skye'o/ /'dir smras pa/ sems 'di sa pon mdza' yas pa dang lhan cig rgyun gyi 'byung/ /sa bon de ni rang rkyen byung na sems la rgyas par 'gyur/ de rgyas rims kyi 'jug pa rnyed na dus su 'bras bu 'grub/ /ma tu lung+ga'i me tog bskus tshon de yi ge sar bzhin no/ /yang smras pa/ ji ltar ras bal sa bon dang/ ma tu lung+ga'i me tog la rgya skyegs? bskus na de zhig kyang/ bsgos pa'i rgyang kyi rim pa yis/ /ras pa la dang ni ge sar la/ /dmar po 'byung bar 'gyur ba ltar/ /las rnams zhig na'ang bskos pa ni/ /de nyid de yi 'bras bu skyed/ /las dang zhes bya ba thams cad 'byung ba la/ de'i bsgos zhes bya ba na las kyi bsgos pa'o/ /bsgom pa de'i mjug pa snying pa ni de'i snyed pa ste de dang 'jug pa'i skyed pa las 'bras bu bya ba 'di bzhin no/ /sangs rgyas las gzhan pa nyan thos la sogs

  770. 385b

    pas dga' ma gur rnams thams cad de'i rnam pa kun nges par gdon mi za bar rab tu mi shes so/ /don gyi ni sangs rgyas kho nas de thams cad rnams thams cad rab tu mkhyen to zhes bya ba shad pa yin no/ /de ltar zhes bya ba rgyas par 'byung ba ni skabs rdzogs pa'i don tam gong du rab tu bstan pa'i don to/ /sangs rgyas rnams kyi gsung rab kyi chos nyid gtan tshigs kyi lam legs par gsungs pas dag pa kha na ma tho ba med pa 'di mthong nas te mthong bar gyur nas so// mu stegs dag ni yang dag pa ji lta ba bzhin mthong ba med pas long ba dag go/ lta ngan ni lta ba smad pa ste g.yo ba'o/ /'di dag la lta ba ngan pa sna tshogs g.yo ba yod pas na lta ba ngan pa sna tshogs g.yo ba can dag ste/ mtho ris dang bya? dgrol? gyi lam la ma zhugs pa dang logs pa la zhugs pa rnams so zhes bya ba'i tha tshig go/ mu stegs ser skye ba dang 'ug pa la sogs pa de lta bu de dag gi gzhung lugs sam/ lta ba spangs shing por te 'khor ba nas mya ngan las 'das par 'gro'o zhes bya ba'i tshig khong nas drang ngo/ /sems can de dag gang zhe na/ 'phags pa nyan thos shes rab kyi mig dang ldan pa rnams so/ /yang na gsung rab kyi chos nyid kho na la 'gro ste sgrub bo zhes bya ba'i tha tshig go /gsung rab kyi chos nyid ni 'dir bdag med pa 'am/ sangs rgyas kyi rjes su bstan pa'o/ /gzhan dag ni re gsung rab ni mdo sde la sogs pa gsung rab kyi yan lag bcu gcig su btags pa'o/ /de'i chos nyid ni rigs pa dang ldan pa'i phyir legs par gsungs pa nyid dang mya ngan las 'das pa brjod pa'i phyir mya ngan las 'das pa la gzhol ba nyid yin te/ ji skad du chos 'di dag thams cad mya ngan las 'das pa la gzhol ba/ mya ngan las 'das pa la bab pa/ mya ngan las 'das pa la phab ste/ mngon par brjod pa mya

  771. 386a

    ngan las 'das pa kho na mngon par brjod pa'o zhes gsungs pa lta bu'o zhes zer ro/ /bdag med par 'du shes pa ni mya ngan las 'das pa zhi ba'i 'du shes su gnas te/ bdag chad pa zhes bya ba dang 'bral ba'i phyir ro/ /de ltar na long ba ma yin pa rnams 'gro'o/ /long ba rnams ni ma yin no/ /long ba rnams ni bdag med pa ma mthong bas 'khor ba'i rgya mtshor 'khyams pa nyid do/ /de bstan pa'i phyir/ de bzhin gshegs pa la sogs pa'i smos so/ /de bzhin gshegs pa nyid nyi ma ste/ de bzhin gshegs pa ni chos zab mo mngon par rab tu stan pa'i phyir nyi ma lta bu yin no/ /de'i gsung dag ste de dag nyid 'od yin no/ /de dag gi snang ba dang ldan pas de bzhin gshegs pa nyi ma'i gsung 'od kyi snang ldan zhes bya'o/ /mya ngan las 'das pa nyid grong yin pas mya ngan 'das grong ngo/ /de'i lam gcig pa zhes bya ba ni mya ngan las 'das pa'i grong gi lam gcig pu ste/ lam gzhan ma yin no zhes bya ba'i tha tshig go/ 'phags pa stong phag gis bgrod pas na 'phags pa stong gi bgrod pa'o/ /'di zhes bya ba ni bdag med pa 'di'o phye yang zhes bya ba ni bdag med pa mya ngan las 'das pa'i grong gi lam gcig pu de bzhin sh+ye? po nyi ma'i gsung gi 'od zer gyi snang ba dang ldan pa 'di'i rnam par phye yang mu stegs can nam gnas ma'i bu yang rung ste/ shes rab kyi mig gsal ba med pa'i phyir ram/ mig ma rig pa'i rab rib kyi sbubs kyis khebs pa'i phyir dman pa'i mig gis mi mthong ngon/ /'dir lam gyi yon tan na ni gsum ste 'di lta ste/ 'dod pa'i yul du phyin par byed pa'i phyir bgrod pa gcig pa nyid dang/ gang gis na bag tsha ba med par 'gro ba dang bcas nyid du/ sdong du ma dang tsher

  772. 386b

    ma la sogs pa rnal ba'i phyir gang gis na bde blag tu 'gro ba bgrod cing rjes su bgrod pa'o/ /bdag med pa'i lam 'di yang de dang chos mthun par lta bar bya'o/ /rgyu bzhi ni lam mi mthong ste/ mun pa mun nag dang bcas pa nyid dang/ nyi mas snang bar byas kyang ma bgrod pa nyid dang/ mi mang po bgrod kyang bsgribs pa nyid dang/ phye yang lta ba po'i mig dman pa nyid do/ /de dag las 'dir lam 'di mi mthong ba'i rgyur ni lta ba po'i nyes pa kho nas lam ma mthong gi lam gyi nyes pas ni ma yin no zhes bya ba gcig kho na bshad de/ 'dir mig dman pa nges 'di mi mthong zhes bya bar khong du chud par bya'o/ /de ltar 'di ni phyogs tsam ces bya ba thams cad 'byung bas/ de ltar zhes bya ba ni ji skad du bshad pa ltar ro/ /phyogs nyid phyogs tsam ste tsam zhes bya ba ni nyid ces bya ba'i don to/ /yang na 'di la phyogs tsam yod pas na phyogs cam? ste/ chos mngon pa'i bstan bcas chen po las nyung du 'di bdag gi bstan to zhes bya ba tshig lhag ma yin no/ /su dag la zhe na shin tu mkhas pa rnams la zhes bya ba ste dam pa rnams la zhes bya ba'i don to/ /ji lta bur zhe na rang gi mthu yis rna 'phel ba'i dug la rma'i? phyogs bzhin du zhes bya ba smos te/ ji ltar 'ga' zhig gis dug ni rang gi mthus rma'i phyogs khyab nas yan lag dang nying lag thams cad kyi nang du 'phel bar 'gyur ro snyam du bsam nas ji ltar na 'di 'phel bar 'gyur snyam ste/ de'i rma 'byin pa de bzhin du mkhas pa rnams ni rang gi mthus 'phel ba'i phyir dug dang 'dra ba yin no/ /de bas? ni shin tu mkhas pa mgo smos pas go ba shes rab can de dag la bdag gi ji ltar na gzhung nyung ngus chos mngon pa'i bstan bcos chen po kha che'i bye brag tu smra ba'i lugs grub pa don gyi sgo nas rtogs par 'gyur snyam ste/ 'di bstan to/ /gzhan dag na re 'di ni phyogs tsam zhig ces bya ba 'di ni bdag med par dgag pa 'di kho na'i dbang du byas nas bshad pa yin te bdag gi mngon

  773. 387a

    pa'i chos 'di phal cher ni/ kha che bye brag smra ba'i tshul grub bshad/ ces bya ba 'di nyid kyi don de bshad zin pa de'i phyir ro zhes zer ro/ /mdzod kyi gnas brgyad pa dang 'brel pa gang zag rnam par gtan la 'bebs pa 'di yang rdzogs so// //chos mngon sna tshogs don gyi za ma tog/ chos mngon mdzod 'di rnam par phye ba yi/ /dge ba bdag gis thob pa gang yin des/ /'jig rten kun gyi bde ba 'byung gyur cig /bstan bcos pad+ma chos mngon mtsho las skyes pa gtsang/ /bdud rtsi'i ro rmad byung ba sred sel gnas gyur pa/ /bdag gi bshad tshig nyi zer dag gi gsal byas 'di/ /skye bo mkhas pa'i bung ba rnams kyi bsten par shog /gang gi bstan bcos thams cad rtogs gyur nas/ /mkhas pa'i grags thob grags pa'i bshes gnyen des/ /rnam par bshad pa gzhan la ma mgu nas/ / rnam par bshad pa 'di ni byas pa yin/ /de yis rnam par bshad pa 'di/ /dpal dang tshig gi bdag po ste/ /dam pa'i don lung don gnyer ba/ /lha sku lha dang 'dra phyir byas/ /chos mngon pa'i mdzod kyi 'grel bshad don gsal ba zhes bya ba slob dpon rgyal po'i sras grags pa'i bshes gnyen gyis mdzad pa rdzogs so// //rgya gar gyi mkhan po bi shud+ha sid+ha dang/ zhu chen gyi lo tsa ba bande dpal rtsegs kyis bsgyur cing zhus te gtan la phab pa// //'di la shlo ka ni khri brgyad stong yod do// //bam po ni drug cur byas so// mang+galaM// //